Text

ff. 1a–283a · 565 folio sides

  1. 1a

    lhan cig skyes pa'i glu bzhugs/

  2. 1b

    rgya gar skad du/ sa hA dza gI ti/ bod skad du/ lhan cig skyes pa'i glu/ bla ma dam pa la phyag 'tshal lo/ / stong pa'i nags las me tog rab rgyas pa/ /me tog gcig la kha dog sna tshogs te/ /dpe med me tog skyes na phyogs las rgyal/ /rin thang med pa'i me tog long zhig dang/ /de la rtsa ba med cing yal 'dab med/ /grogs dag ser kha bzang po'i phyogs rgyal ltos/ /dpe med me tog skyes na phyogs las rgyal/ /rin thang med pa'i me tog long zhig dang/ /ge sar blangs

  3. 2a

    pas sgyu 'phrul mkhan po yin/ /rdo rje dbang phyug chos kyi dbyings la mchod/ /dpe med me tog skyes na phyogs las rgyal/ /rin thang med pa'i me tog long zhig dang/ /mchog dang dga' bral rnam par brtags te zung/ /bla ma dam pa'i zhabs la gus pas mchod/ /dpe med me tog skyes na phyogs las rgyal/ /rin thang med pa'i me tog long zhig dang/ /rnal 'byor gyi dbang phyug shAn+ta de bas mdzad pa rdzogs so// //bla ma d+hi ri sh+rI dz+nyA na'i zhabs dang/ lo tsA ba rma ban

  4. 2b

    chos 'bar gyis bsgyur pa'o// //rgya gar skad du/ tat+twaM swa b+hA ba driSh+Ti gI ti ka do ha nA ma/ bod skad du/ rang bzhin gyi do ha mdzod kyi glu'i lta ba zhes bya ba/ dpal he ru ka la phyag 'tshal lo/ /gnyis med bdud rtsi kun 'dus grub thob kyi/ /dri med dgongs pa lta spyod la sogs ni/ /nyams len thabs de kun la phan pa'i phyir/ /bde gshegs rnams la phyag 'tshal bshad par bya/ /dngos po yang ni ma yin zhing/ /dngos med la ni ma skyes pa'i/ /'di lta bu yi rang bzhin ni/ /su zhig gis ni rtogs par 'gyur/ /lU yi pa ni smra bar byed/ /'di lta bu ni ngo mtshar che/ /khams gsum gnas su longs spyod kyang/ /de nyid gnas ni rtogs pa med/ /de yi kha dog rigs dang ni/ /dbyibs kyang bdag gis rtogs pa med/ /de lta bu yi rang bzhin ni/ /dngos por ma grub ji ltar

  5. 3a

    bstan/ /lU yi pa ni smra bar byed/ /'di lta bu ni ngo mtshar che/ /khams gsum gnas su longs spyod kyang/ /de nyid gnas ni rtogs pa med// bdag gis gzhan la ji ltar dri/ /chu gting zla ba gzugs brnyan ni/ /don dam sgyu mar rtogs pa med/ /lU yi pa ni smra bar byed/ /'di lta bu ni ngo mtshar che/ /khaMs gsum gnas su longs spyod kyang/ /de nyid gnas ni rtogs pa med/ /lU yi pa ni smra bar byed/ /bdag gis gzhan la ji ltar dri/ /de yi rang bzhin rtogs pa med// rang bzhin gyi do ha mdzod kyi glu'i lta ba zhes bya ba/ slob dpon lU yi pas mdzad pa rdzogsho?// //rgya gar skad du/ bi kalpa pa ri ha ra sti ka nA ma/ bod skad du/ rnam rtog spang ba'i glu zhes bya ba/ dpal he ru ka la phyag 'tshal lo/ /b+ho la gsang ba'i rdo rje la/ /'dus pa sems kyi rang bzhin ni/ /thig le gsang

  6. 3b

    ba'i rtsa la breng/ /kak+ko la yi kha sbyor la/ /kye'o ro ro? ni 'bar bar byed/ /kri pi ta yi sgra sgrogs pas/ /rtsa drug 'khor lo hUM gis bcing/ /sku gsung d+hU tIr bdag med rtogs/ /rang byung me tog ldan pa yi/ /ga bur po la bsres byas nas/ /ka ru ka'i bdud rtsi 'thung bar gyis/ /ka li dzer skal bar ldan/ /rnal 'byor tshogs su bsre bar bya/ /du d+hur skal bar mi ldan te/ spongs shig rnal 'byor dam tshig go /bzhi mnyam gla rtsi lus byugs nas/ /rtog pa rnams ni spang bar bya/ /dpa' bo dpa' mo'i tshogs dag tu/ /he ru ka yi nga rgyal ldan/ /sha wang zhing chen khur byas nas/ /ma la rigs skyes bram ze la/ /kun tu phrad pa'i rnal 'byor pa/ /rtog pa mi bya lus la gnas/ /kye 'o skal ldan mchod par gyis/ /li la bdag med seng ge yis/ /stong nyid don ni rtogs par 'gyur/ /rnam rtog spang phyir rnal 'byor kye// bdag ni gan rkyal nyal byas nas/ /lag pa bsnol nas brang la sbyar/ /rang rig nam mkha' i phyogs su gtad/ /li la skyes te gnyis med rtogs/ /rtog med rnal 'byor grub pa thob/ /li la pa yis rtogs nas grol/ /rnam rtog spang ba'i glu zhes bya ba/ slob dpon li la pas mdzad pa rdzogs ho// //rgya gar skad du/ karma tsaN+Da li ka do ha gI ti nA ma/ bod skad du/

  7. 4a

    las kyi gtum mo'i do ha mdzod kyi glu zhes bya pa/ don thams cad grub ma la phyag 'tshal lo/ /nang nas gtum mo'i me sbar bas/ /dbus nas bdud rtsi 'bab par byed/ /rang 'byung sdong bu skyes pa yi/ /rtse mo'i ril phyin te gnas/ /mgon po'i bdud rtsi 'bab par byed/ /'khor ba'i sdug bsngal yun ring bcom/ /gshin rjer 'gro ba'i 'jigs pa spangs/ /sangs rgyas yon tan phreng ba 'byung/ /bde ba chen po rgyas pa yis/ /thams cad kyis ni khyab par 'gyur/ /'khor ba'i sdug bsngal yun ring bcom/ /gshin rjer 'gro ba'i 'jigs pa spangs/ /rdo rjes bkos shing bgos pa la/ /nyi zla gnyis ni bsres byas nas/ / nam mkha' i dbyings su thim par 'gyur/ /bde ba chen po'i grong du phyin/ /kun dbus sangs rgyas yon tan gyis/ /rin chen 'byung ba'i gnas su brtol/ /'khor ba'i sdug bsngal yun ring bcom/ /gshin rjer 'gro pa'i 'jigs pa spangs/ /'byung rgyu'i rlung ni bkag pa yis/ /rin chen gsal ba'i gnas su phyin/ /rtags shing rtags shing dpyad ba yis/ /bi rU bdag gis 'grub par 'gyur/ /'khor ba'i sdug bsngal yun ring bcom/ /gshin rjer 'gro ba'i 'jigs pa spangs/ /las kyi gtum mo'i he ha mdzod kyi glu zhes bya ba/ slob dpon bi rU pas mdzad pa rdzog sho// //rgya gar skad du/

  8. 4b

    b+ha? bA na driSh+Ti tsArya pa la do ta gI ti ka nA ma/ bod skad du/ lta bsgom spyod pa 'bras bu'i do ha glu zhes bya ba/ 'phags pa 'jam dpal la phyag 'tshal lo/ /dngos po sna tshogs rang gi sems nyid yin/ /'khor 'das thams cad rnal 'byor dbyer med pa/ /sangs rgyas sems can gnyis su med pa ste/ /dper na chu dang de yi rlabs bzhin no/ /dngos dang dngos ma ni sngar? sa pa'i sems nyid 'di/ /rtogs pa'i rnal 'byor skad cig gcig la ni/ /sgron me chung du zhig gis mun pa ltar/ /'khor ba'i dug lnga rang bzhin rab rib sel/ /zung 'jug bya brgya blo 'das chen po ni/ /bde gsal mi rtog nam mkha' lta bu ste/ /khyab cing rgya chen snying rje chen po'i do/ /snang yang rang bzhin med pa chu zla bzhin/ /gsal yang tha snyad mdza' dbus kun dang bral/ /gang gis ma gos dri med re dogs bral/ /lkugs pa'i rmi lam bzhin du smra mi shes/ /tshad med bde chen rang bzhin ye shes ni/ /nyi zla'i 'od bzhin phyogs dang bral ba med/ /kye 'o rnal 'byor rang 'byung ngo mtshar che/ /gnyug ma ma bcos sems ni chos sku ste/ /bcos pa'i sems kyis rnal 'byor thob mi 'gyur/ /de phyir bde ba'i phyogs su yin par mthong/ /rang bzhin grub pa'i lam thob rnal 'byor bde/ /rnam rtog bral bas zhe 'dod 'byung mi srid/ /rta mgrin grub thob bdag nyid sar tas smras/ /kye 'o rnal 'byor lta ba'i nyams lan gyis/ /de yi rang bzhin gang zhig sgom 'dod na/ /rang lus ri bo 'di ni gnas kyi mchog /sems nyid dus kyi rnal 'byor bsgrub pa po/ /dbang po rnams bcings mtshams bcad bde bar 'gyur/ /g.yeng ba rnams kyang ched du spang mi bya/ /tug phrad sems su shes na yi dam lha/ /shes ba ma bkug rtog par rims kyis spangs/ /sems la rnam rtog byung na rnal 'byor pas/ /ras bal 'dab ma bzhin du glod la zhog bya ba spongs la rang sems rang gis ltos/ /zhe 'dod byung na bdud du shes par gyis/ /rnam rtog rnams kyi rtsa ba sems yin te/ /de med phyir na rnam rtog yod min/ /dran pa pa dran med bsgom pa'i rnal 'byor

  9. 5a

    te/ /sems 'di rtag par ma grub rang la thim/ /bsgom 'dod med pas sangs rgyas 'bras bu thob/ /rnal 'byor bu chung lta bur rtog pa med/ /ldum ra'i bung pa'i me tog ro myong ltar/ /nags nas nags su 'khyam pa seng ge bzhin/ /kun tu rgyu ba sna tshogs rlung ltar ni/ /sems nyid bag dang ldan pa spyod pa'i mchog /rang bzhin mi dgag spyon pa lta bur spyad/ /rgyab tu mi chags mdun du zhen pa med/ /mdor na lta sgom spyod pa nyams len la/ /ji ltar phan pa'i spyod pas rnal 'byor spyod/ /sna tshogs snang ba sems kyi ngo bo 'di/ /thug phrad tsam gyis ma grub phyag rgya che/ /snang la mi snang 'bras bu sangs rgyas 'byung/ /de la sems ma? dngos grub dam pa yin/ /phyi nang thams cad lhan cig skyes pa 'di/ /rnam rtog chu ba'i rgyun gyi rnal 'byor 'dra/ /de yang sems las gzhan na btsal du med/ /yid la mi bzhag phyag rgya chen po'i lam/ /'bras bu ma re rtogs na phyag rgya tshe/ /ma rtogs rtags pa nam mkha' i sprin dang 'dra/ /rtogs na da nyid rang bzhin steng pa yin/ /lta spyod 'bras bu dbyer med lhan cig skyes/ /rang bzhin gnyis med rtags na 'bras bu'i mchog /lta spyod sgom pa 'bras bu do ha'i glu zhes bya pa/ slob dpon sa ra ha pas mdzad brdzog ste// //rgya gar skad du/ taN+Dwi? do ha gI ti ka nA ma/ bod skad du/ de ha mdzod kyi de nyid kyi zhes bya ba/ 'jam pa'i rdo rje la phyag 'tshal lo/ /brtags na bdag gzhan dngos po med/ /byis pa lkug pa'i rmi lam 'dra/ /de nyid rtogs pa shin tu dka' / /byis ba rgyan po rtse ba 'dra/ /tha ka na ni smra bar byed/ /de nyid tshig gis brjod pa dka' / /snang stong rtog pa ma sel bar/ /thar pa thob par ga la 'gyur/ /lus ngag yid gsum dbyings su ni/ /de nyid mnyam par ma shes na/ /de nyid rtogs par shin tu dka' / /byis pa rgyan po rtse ba 'dra/ /dngos po tshig gis brjod pa dka' / /chos rnams tshig tu smra ba yang/ /? tsam gyis ni 'grub pa ma ci/ /sems kyi de nyid ma rtogs par/ /thams

  10. 5b

    cad gcig par rtogs pa med/ /don dam rtogs pa shin tu dka' / /byis pa rgyan po rtse ba 'dra/ /tha ka na ni smra bar byed/ /do ha mdzod kyi de nyid kyi glu zhes bya ba/ slob dpon ka na rig nas brgyud pa/ tha ka nas mdzad pa rdzogs sho// //rgya gar skad du/ tsarya do ha gI hi ga nA ma/ bod skad du/ spyod pa'i ngo ha mdzod kyi glu zhes bya ba/ dpal he ru ka la phyag 'tshal lo/ /ldong ros kyis ni thig le byas/ /ka tsa ri ni bstan par bya/ /kye ma rtsed? mos bdud bzhi bcom/ /gzi brjid ldan pa'i rnal 'byor pa/ /smra bar byed pa'i khyab 'jug gam/ /drag po tshangs pa bsrung mi nus/ /kye ma gal te smra pa na/ /'chi bdag gis ni za bar 'gyur/ /ma rungs mkha' 'gro'i tshogs kyis bsrungs/ /kye ma rmongs pa'i mkha' 'gro ma/ /glags so tshal bsam bas ci zhig bya/ /kye'o byol song mkha' gro mo/ /glags tshol bsam pas ci zhig bya// kye'o 'bar ba'i mer? ma dug/ gzi brjid ldan pa'i rnal 'byor la/ /smra bar byed pa khyab 'jug gam/ /drag po tshangs pa bsrung mi nus/ /ji ltar sbu gri ral gri'i so/ /de bzhin la ba pa yi zhabs/ /dam tshig spyod pa ngo mtshar tsha/ /gzi brdzid ldan pa'i rnal 'byor pa/ /smra bar byed pa khyab 'jug gam/ /drag po tshangs pa bsrung mi nus/ /spyod pa'i do ha mdod kyi glu zhes bya ba/ slob dpon kaM? pa la nas brgyud pa/ slob dpon kaM ka nas gsungs pa rdzogs sho// //rgya gar skad du /sa ha dzA ananda gI ti ka driSh+Ti nA ma/ bod skad du/ lhan cig skyes dga' i de ha mdzod kyi glu'i lta ba zhes bya ba/ dpal he ru ka la phyag 'tshal lo/ /gnyis sbyor dug po drang la stabs/ /b+ha d+he pa ni gnyid du log /ji ltar kun la mkhas pa yis /dug po de ni ji ltar khyer/ /tshem bu thob par gyur pa na/ /chags sdang gti mug gnas su dag/ tshem bu 'di la dbye ba'am/ /rin gyi grangs kyis chod pa med/ /da ni bdag gi tshem bu 'di/ /nam mkha' dang ni mnyam par 'gyur/ /tshem bu thab par 'gyur pa na/ /chags sdang gti mug gnas su dag/ b+ha d+he tshom bu tshol? du phyin/ /thams cad du ni btsal bas na/ /bdag nyid kyang ni dmigs med 'gyur/ /tshem?

  11. 6a

    bu thob par 'gyur ba na/ /chags sdang gti mug gnas su dag/ lhan cig skyes dga' i doha? mdzod kyi glu'i lta ba zhes pa/ slob dpon b+ha d+hes mdzad pa rdzogs sho// //rgya gar skad du/ su ga ta dri'Sh+Ta gI ti ka nA ma/ bod skad du /bde gshegs kyi lta ba'i glu zhes bya ba/ dkon mchog gsum la phyag 'tshal lo/ /sangs rgyas chos dang dge 'dun la/ /thams cad du ni bdag phyag 'tshal/ /skye 'gag sdug bsngal sgrol phyir mdzad/ /d+ha ma pa ni smra par byed/ /kha de gshegs spyi bor bkur ba yis/ /bdag nyid don dam de nyid rtogs/ tshangs pa'i gnas bzhi lha gang du/ /'di du bdag ni rab tu 'byung/ /chos rnams thams cad khongs su chud/ /d+ha ma pa ni smra bar byed/ /bde gshegs spyi bor bkur ba yis/ /bdag gis don dam de nyid rtogs/ /ri rab dang ni rtsa yi tshegs?/ /ji ltar srang la gzhal lam ci/ /de bzhin phyi rol thams cad kyis/ /lta ba 'di dang mnyam mam ci/ /d+ha ma pa ni smra ba? byed/ /bde gshegs spyi bor bkur bar yis/ /bdag gis don dam de nyid rtogs/ /nor bu rin chen bor nas ni/ /su dag 'tshing pu len par byed/ /sangs rgyas chos dang dge 'dun ni//brtags na bden gnyis yin par smra?/ /d+ha ma pa ni skye bar byed/ /bde gshegs spyi bor bkur pa yis/ /bdag gis don dam de nyid rtogs/ /bde gshegs kyi lta pa'i glu zhes bya ba/ slob dpon d+ha ma pas mdzad pa rdzogs to// // rgya gar skad du/ pA yu ta twaM do ha kI ti ka nA ma/ bod skad du/ rlung gi de nyid kyi do hwa'i glu zhes bya ba/ gnyis med bde chen la phyag 'tshal lo/ /brtan g.yo rlung gi gzhal yas khang/ /sems kyi rdo rje gdan du bzhugs/ /stong pa nyid ni zab mo la/ / kye 'o lhan cig skyes pa yi/ /dga' mo bdag gi dbang du gsol/ /srid pa 'di ni rab g.yos na/ /slar yang ji ltar phrad par 'gyur/ /skye bo lhan cig skyes pa yi/ /mdzes ma bdag gi dbang du gsol/ /khyed ni bzhugs na bdag gis ni/ /ji

  12. 6b

    star bdag gis gzhan la btsal/ /gru ni 'bying bar 'gyur ba la/ /yongs su drang bar 'dod pa la/ /kye 'o lhan cig skyes pa yi/ /dga' mo bdag gi dbang du gsol/ /srid pa 'di ni rab g.yos na/ /slar yang ji ltar phrad par 'gyur/ /khyed kyi slad du bdag gis ni/ /rigs lnga'i grong ni bsad byas kyang/ khyod kyi zhal ni bdag gis ni/ /skad cig gcig kyang ma mthong ngo/ /kye'o lhan cig skyes pa yi/ /dga' mo bdag gi dbang du gsol/ /srid pa 'di ni rab g.yos na/ /slar yang ji ltar phrad par 'gyur/ /kye'o lhan cig skyes pa yi/ /mdzes ma bdag gi dpang du gsol khyed kyi slad du bdag gis ni/ /phyag rgya dgos te cung tsam yang/ /rigs bram ze'i bsam pa med/ /kye 'o? lhan cig skyes pa yang/ /rigs bram ze'i bsam pa med/ /kye 'o? lhan cig skyes pa na/ /slar yang ji ltar phrad par 'gyur/ /rgya mtsho'i nang du rdzings bcas pa/ /thod pa can ni ka? ? las/ /ma his gdams ngag thob par 'gyur/ /srid pa'i bcings pa yongs su bcad/ /kye'o lhan cig skyes pa yi/ /mdzes ma bdag gi dbang du gsol/ /rlung gi de nyid kyi do ha'i glu zhes bya ba/ slob dpon nag po nas brgyud pa/ /slob dpon ma hi pas mdzad pa rdzogs to// // rgya gar skad du/ b+ha si ti til ka do ha gI ti ka nA ma/ bod skad du/ dbyid kyi thig le do ha mdzod kyi glu zhes bya ba /dpal he ru ka la phyag 'tshal lo/ /se b+hu sku gsum la sogs kyi/ /sos ka'i me tog mthong pa yi/ /gzhon nu bdag ni myos par 'gyur/ /he ru ka la chags pa yis/ /sos ka'i dang po dang po 'dir/ /khyod kyis bdag ni srung bar mdzod/ /gdung bas 'gum bar ma mdzad cig /me tog aM? d+ha ka ru Na/ dri bsung ldan pas dgyes par 'gyur/ /sha ris pa ni brdungs pas brdungs/ /me mar khur nas tsaN+Da li /re mo bdag la 'bab bo zhes/ /kan pa ni gshegs par re// so ka'i dang po dbying dus la/ /khyod kyis bdag ni bsrung ba mdzod/ /gdung pas 'gum par ma mdzad cig/ phyogs bcur bltas na bdag gis ni/ /khyod las gzhan ni mthod ba med/ /gdung ba'i me yis bdag gis ni/ /bdag gi lus kyang bsam pa med/ /rnal 'byor ma brgyad las bzhi/

  13. 7a

    ni/ /bdag cag gsol ba btab pa yis/ /bcom ldan 'das ni bzhengs par mdzod/ /dpyid kyi thig le do ha mdzod kyi glu zhes bya ba/ slob dpon nag po gnas brgyud pa/ slob dpon sa ra has mdzad pa rdzogs to// //rgya gar skad du/ badzra tsa tur gI ti ka nA ma/ bod skad du/ rdo rje bzhi'i glu zhes bya ba/ dpal sangs rgyas la phyag 'tshal lo/ /mi mthun sems ni khyod ma bsgom/ /de nyid de bzhin nyid ma 'dzin/ /'bras bu re ba bsgom ma byed/ /mi dmigs phyag rgya chen po bsgoms/ /gal te mnol la gnas med na/ /de ni dpal gyi theg chen min/ /'bras bu re ba bsgom ma byed/ /mi dmigs phyag rgya chen po sgoms/ /phung po khams te phyag rgya che/ /dam tshig 'khor lo de rang bzhin/ /'bras bu re ba bsgom ma byed/ /mi dmigs phyag rgya chen po sgoms/ /gnyis med yon tan rgyal 'di yin/ /gnyis med yon tan rnal 'byor gsung/ / 'bras bu re bsgom ma byed/ /mi dmigs phyag rgya chen po sgoms/ /sha ri'i yul du sku 'khrungs pa/ /a ba d+hU tI gnyis med rdo rjes mdzad pa/ /a ma ra sing+gi glu rdzogs to// //gang yang mi skye mi 'gag dngos po bcings pa med/ /khams gsum grol med 'khrul ba rnams la snang/ /rtsa ba sems nyid sna tshogs 'khrul pa'i rang bzhin ni/ /thog med 'khrul pa'i rang bzhin gzhigs na rnyed mi 'gyur/ /dngos rnams gdong nas skye med mthong ba gang zhig yin/ /su zhig skye bar 'gyur dang 'gag dang bcing ba sems/ / rtsa ba sems nyid sna tshogs 'khrul pa'i rang bzhin ni/ /thog med 'khrul pa'i rang bzhin gzhigs na rnyed mi 'gyur/ /sems ni nam mkha' dri med dang 'dra slob dpon gsung/ /srid pa gsum po de 'dra ba yi rang bzhin yin/ /rtsa ba sems nyid sna tshogs 'khrul pa'i rang bzhin ni/ /thog med 'khrul pa'i rang bzhin gshigs na rnyed mi 'gyur/ /rang bzhin mi rtog rang rig nyams su myong bas 'grub /rang bzhin 'od gsal 'khrul pas ci phyir rmongs par 'gyur/ /rtsa ba sems nyid sna tshogs 'khrul pa'i rang bzhin ni/ /thog med 'khrul pa'i rang

  14. 7b

    /bor sbyor ba'i mda'/ /nga yis lhan skyes mda''phangs brgyab/ /'ben med cig kyang phog pa med/ /de rnams nas ni tshor ba med/ /de yis 'di yin gnyis med song/ /da yis lhan skyes mda''phangs rgyab/ /'ben med cig kyang phog pa med/ /gla ster 'gron? bu nyi shu med/ /de 'dra'i/ bol po bi ru byed/ /nga yis lhan skyes mnga' 'phangs rgyab/ /'ben med cig kyang phog pa med?/ /bi ru byed pa'i rdo rje'i glu rdzogs sho// //sangs rgyas la phyag 'tshal lo/ /rdul chen dkyil 'khor bum pa rdo rje sogs/ /grol bar mi lha? phung po 'grangs pa'i ? pas/ /kan pas brjod de 'bras su zhig byed/ /thams cad brdzun pas bslu ba yin par 'dod/ /ka na ba'i glu rdzogs to// //sangs rgyas la phyag 'tshal lo/ /bye bram zer la can skyes bu saM g+ha ba/ /sangs rgyas ye shes dag la mos par gyis/ de 'dra'i skyes bu'i sems ni dga' ba yin/ /brtan g.yo thams cad dri med rin po che/ /mi gnas rang bzhin bud ba khyod ni bsgoms/ /yang dag bla ma'i man ngag nan tan gyis /de 'dra'i skyes bu'i sems ni dga' ba yin/ /brtan g.yo thams cad dri med rin po che/ /mi gnas rang bzhin bung ba ma skyes pa/ /rmi lam bud med de bzhin med pa ste/ /de 'dra'i skyes bu'i sems ni dga' ba yin/ /brtan g.yo thams cad dri med rin po che/ /mi gnas rang bzhin bung ba de shes na/ /tshe 'di nyid la sangs rgyas dngos grub 'grub/ /de 'dra'i skyes bu'i sems ni dga' ba yin/ /brtan g.yo thams cad dri med rin po che/ ? gnas pa yi don thugs su chud pa/ bla ma rje btsun d+hiSh+Ti dz+nyA na'i zhal snga nas/ rdo rje'i glu zhes bya ba rdzogs so// //sangs rgyas la phyag 'tshal lo/ / ji ltar bltas pa de ltar mthong ba med/ /brdzun pa med pa'i slu ba 'ba' zhig ste/ /bsam mi khyab cing grub smra he ru ba/ /skyob pa'i sems kyis rang bzhin gzugs mi shes/ /ji ltar de ltar glo bur gdal bzhag /'dod pa'i mdung gis rang la ci te zug/ bsam mi khyab cing

  15. 8a

    bzhin gzhigs na rnyed mi 'gyur/ /bla ma me tri'i glu rdzogs sho// //sangs rgyas la phyag 'tshal lo/ /zab mo zab mo 'jig rten kun smra yang/ /ma skyes pa la dga' ba dga' ba 'ga' zhig 'dug /kye sems kyi zab mo shes par dka' bas na/ /lhan cig skyes pa gzhigs na med pa yin// mi gnas sems ni mi dmigs pa la bzhag /rnal 'byor me yis dngos po thams cad bsreg /kye? sems kyi zab mo shes par dka' bsan/ /lhan cig skyes pa gzhigs na med pa yin/ /rnal 'byor 'dod pa bla mas bstan du med/ /bla ma'i byin rlabs gong na med pa len// kye sems kyi zab mo shes par dka' bas na/ /lhan cig skyes pa gzhigs na med pa yin/ /dpal gyi bde ba chen po tshol 'dod ni/ /dbus mtshol 'dod mig med khrod par ltung/ /kye sems kyi zab mo rtogs par dka' bas na/ /lhan cig skyes pa gzhigs na med pa yin/ /sa ra ha'i glu rdzogs ho?// //sangs rgyas la phyag 'tshal lo/ /stong pa dang ni snying rje'i rang bzhin 'dres/ /stong nyid dbyer med rgyun mi 'chad par yod/ /bdag gis stong pa'i rnal 'byor ma de mthong/ /nam mkha' bzhes shing bzhes shing 'thung zhing 'dug /nam mkha' nam mkhar sbyor ba de ma mthong/ /'khor bas bcings pa'i sa la de mi gnas/ /bdag gis stong pa'i rnal 'byor ma de mthong/ /nam mkha' bzhos shing bzhos shing 'thung zhing 'dug /de 'dra'i rnal 'byor rtsa ba'i khyim las g.yo/ /snying rje'i ro chen dri ma med pa yin/ /bdag gis stong pa'i rnal 'byor ma de mthong/ /nam mkha' bzhos shing bzhos shing 'thung zhing 'dug /sa ra has brjod gang gzhan ci phyir byed/ /nyin dang mtshan du nam mkha' 'byo phyir 'gro/ /bdag gis stong pa'i rnal 'byor ma de mthong/ /nam mkha' bzhos shing bzhos shing 'thung zhing 'dug /sa ra ha'i glu rdzogs sho// //sangs rgyas la phyag 'tshal lo/ /rdo rje rnal 'byor mda''dzin de/ /chos rnams mtshon par rab shes nas/ /da yis lhan skyes mda''phangs rgyab/ /'ben med cig kyang phog pa med/ /lhan cig skyes pa'i gtam gson cig/ thams cad dngos

  16. 8b

    grub smra he ru pa/ /skyob pa'i sems kyis rang bzhin gzugs mi shes/ /lhan cig sems te mkha' lus bde snying lus/ gnyis med gnyis yin stong dang snying rje'i sems/ /bsam gyi mi khyab grub smra he ru pa/ /skyob pa'i sems kyis rang bzhin gzugs mi shes/ /de ni mi skye mi 'gag rkyen med/ /rang bzhin rtogs na rtsa ba'i sems shes yin/ /bsam gyis mi khyab grub smra he ru pa/ /skyob pa'i sems kyis rang bzhin gzugs mi shes/ /bla ma d+hiSh+Tri? dzA na'i zhal snga nas kyi klu rdzogs// //sangs rgyas la phyag 'tshal lo/ /kye ma khams gsum sems can rnams/ /rnam rtog sgrog gis dam bcings te/ /'khor ba'i mya ngan snam bu ru/ /phyogs bcu kun tu rnam par 'khyams/ /e ma lam gyi khams gsum bde bar gshegs/ /gdod ma nyid nas grol ba che/ /rnam dag zhing ni bde ba can/ /sangs rgyas rol mo rab tu ston/ /kye ma rnam rtag sdug bsngal lam/ /phyin pa'i dus med smon pa bzhin/ /bde bral 'dod pa sdug bsngal nyid/ mnyam nyid don la rab tu gol/ /e ma'o lam med lam gyi mchog /lhun rdzogs nam mkha' i bya bzhin du/ /de dogs med la phyag rgya che/ /skyon yon dbang gis bslad du med/ /kye mo'i bskal pa grangs med gsum/ /de nyid btsal bas mi rnyed/ /rmongs pa nam mkha' i mdza' cho la bzhin/ /sangs rgyas zhes bya rnyed mi srid/ /e ma'o skad cig gcig nyid la/ /ma dral 'bras bu rang la rnyed/ /rang rig ye shes stobs po che/ /'jig rten dbang sgyur kun gyi rje/ /rdzogs sho// /mkha' la ba 'jo 'jo byed bla ma ste/ /'thung ba'i be'u ni rang gi sems nyid yin/ /mkha' la rgyun mi 'chad 'jog na pa/ /rnal 'byor sdom pa'i tshogs la mchod pa 'bul/ /ba 'jo snod gsol ga re mA ma kA/ ba 'dzi? snod ni dri med lhan cig skyes/ /mkha' la rgyun mi 'chang 'jo ka na pa/ /rnal 'byor sdom pa'i tshogs la mchod pa 'bul/ /mkha' la bzhos shing gzhos shing snod bkang bzhag /bzung bar mi nus 'di ltar glang po lnga/ /mkha' la rgyun mi 'chang 'jog na pa/ /rnal

  17. 9a

    'byor sdom pa'i tshogs la mchod pa 'bul/ /mkha' la ba 'jo 'jo 'dzo byed 'dir ma mthong/ /ji ltar nang du chus gang ka li pa/ /mkha' la rgyun mi 'chad 'jog na pa/ /rnal 'byor sdom pa'i tshogs la mchod par 'bul/ /kar+Na ri'i glu rdzogs sto// // sangs rgyas la phyag 'tshal lo/ /me tog gcig rgyas kha dog sna tshogs pa/ /stong pa'i ljon shing dag las shin tu rgyas/ /btsan pa dpe med me tog rab rgyas pa/ /rin thang med pa'i me tog 'di snoms shig/ de shing rtsa ba yal ga lo ma med/ /ltos dang zla nyal 'gro ni bzang po'i dus/ /btsan po dpe med me tog rab rgyas pa/ /rin thang med pa'i me tog 'di snoms shig /ge sar gcod mkhas sgyu ma'i mkhan po yin/ /chos dbyings rdo rje dbang phyug mchod pa 'bul/ /btsan po dpe med me tog rab rgyas pa/ /rin thang med pa'i me tog 'di snoms shig/ mchog dga' dang ni dga' bral gzhig nas longs/ /yang dag bla ma'i zhabs btud nan tan gyis/ /btsan po dpe med me tog rab rgyas pa/ /rin thang med pa'i me tog 'di snoms shig /ma ti tsi tra'i glu rdzogs sho// // sangs rgyas la phyag 'tshal lo/ /'das dang ma 'ongs da ltar gyi/ /dge dang mi dga' i las rnams la/ /dga' dang mi dga' khyod ma byed/ /rang dga' ye shes seng ge bzhin/ /chos nyid zab mo rnal 'byor yul/ /sgom dang mi sgom byang chub sems/ /ldan dang mi ldan khyod ma byed/ /rang dga' ye shes seng ge bzhin/ /sangs rgyas dang ni sems can kyi/ /spyod pa'i lam ni 'di yin zhes/ /mthun dang mi mthun khyod ma byed/ /rang dga' ye shes seng ge bzhin/ /bde dang sdug bsngal 'bras bu'i chos/ /'khor dang mya ngan 'das pa la/ /re dang dogs pa khyod ma byed/ /rang dga' ye shes seng ge bzhin/ /glu rdzogs sto// //bdag ni 'dug ste shi dang ma'i med/ /bdag gi yid la don cig 'jug pa med/ /kan ral gris zhags pa rab bcad pas/ /da lta re ba med dpe?

  18. 9b

    da smra/ /gru gnyis sna la rkang pa rab bzhag nas/ /lus 'gyel gyur te sems la sdug bsngal skye/ /ka na'i ral gris zhags pa rab bcad pas/ /da lta re pa med dpe? da smra/ /mi gang rtsa ba khron pas bskor gyur kyang/ /shing gcig la ni 'bras bu gnyis mi 'byung// ka na'i ral gris zhags pa rab bcad pas/ /de lta re pa med de pa da smra/ /mig sman ril bu bcud len dang dngos grub/ /de rnams la ni bdag ni le lor gyur/ /ka na'i ral gris zhags pa rab bcad pas/ /da lta re ba med de pa da smra /rdzogs sho// // sangs rgyas la phyag 'tshal lo/ /kye yul rnams thams cad lta 'dod na/ /ri bo chen po'i kha nas ltos/ /chos rnams thams cad skye 'gag med pa'i yul/ /rang sems rig na ri rab rtse/ /chu rnams thams cad 'thung 'dod na/ /rgya mtsho chen po'i chu la 'thung skye med byang chub sems kyi chu/ /mdza' dbus med pa'i rgya mtsho che/ /brtan g.yo thams cad bsreg 'dod na/ /'jig pa'i dus kyi me chen spor/ /rnam rtog brtan g.yo thams cad de/ /lhun grub ye shes sems kyi me/ /'jigs med bde ba'i gnas 'dod na/ / dgon pa chen po'i gnas su 'dug /'khong ba rnam dag bde? ba'i gnas/ /byang chub sems ni dgon pa che/ /yA tsarya dpa' bo rnam par snang mdzad kyi glu rdzogs sho// //sangs rgyas la phyag 'tshal lo/ /rang bzhin bdag med ma de ni/ /bdag gi me ring byed pa yin/ /chags pa med pa de yis ni/ /nyon mongs zhi bar byed pa yin/ /skye dang 'chi ba srid pa yin/ /'khrul pa rnams ni spong pa yin/ /bde ba chen po ster byed pa'i/ /len gyi 'khrul pa ma yin no/ /nges na kha dog dbyibs med de/ /tshad kyang yod pa ma mthong ngo/ /'dod pa med pa de yis ni/ /nga rgyal skye ba mi 'dod do/ /gang tshe bdag med ma de ni/ /bdag gi snying la zhugs pa na/ /bdag dang gzhan rnams ma lus pa'i/ /dbye ba yod par ma mthong ngo/ /'gro ba med cing 'od ba med/ /gang yang

  19. 10a

    gnas pa ma yin te/ /nam mkha' yin ni ngo bo ltar/ /yongs su gsal bar snang ba yin/ /thub pa chen po'i rnal 'byor pa/ ma lus pa dang ral pa ni/ /de ni me li bdag med mar/ /de ltar bdag nyid smra ba yin/ /nA ro paN+Di ta'i glu rdzogs sho// //sangs rgyas la phyag 'tshal lo/ /sems can nyon mongs gdung bas sa steng bskor pa'i lha/ /de lta na yang bde chen chung ma'i lus mi 'dor/ /kye kye dpe med chung ma la ni rab tu chags/ /bskal pa dpag med mi 'bral gtso bo'i 'jig rten lha/ /shin tu ngo mtshar bdud kyi chung ma de mi len/ /gzhan las khyad 'phags gzugs mchog mnga' ba'i lha/ /kye kye dpe med chung ma la ni rab tu chags/ /bskal pa dpag med mi 'bral gtso bo 'jig rten lha/ /'gro ba brgya phrag mang po nad kyis thebs la bskor/ /de dag bde ster lha ni khams gsum me long yin/ /kye kye dpe med chung ma la ni rab tu chags/ /bskal pa dpag med mi 'bral gtso bo'i 'jig rten lha/ /mnyam med mnyam pa'i bde gsol ma ti ro ha na/ /rgyal ba'i yon tan mang ldan karSha pa na'i lha/ /kye kye dpe med chud ma la ni rab tu chags/ /bskal pa dpag med mi 'bral gtso bo'i 'jig rten lha/ /lU yi pa'i glu rdzogs sho// //sangs rgyas la phyag tshal lo/ /sgyu ma'i nags tshal mang po de dang der/ /ri dags bsad phyir blon po Dom+b+hi 'gro /log 'gro ri dags gar 'gro nga yis mthong/ /Dom+bi mda' rnon bkang nas nang du zhugs/ /mnga' lnga yod de lnga gshar gyis bton/ /Dom+b+hi gzhu bkad bzung nas rnam par 'dug/ log lta'i ri dags gang 'gro nga yis mthong/ /Dom+bi mda' rnon bkang nas nang du zhugs/ /gzhu med rgyud med sgyud med mde'u med/ /Dom+bi the tshom med de nges par bsad/ /log lta'i ri dags gang 'gro nga yis mthong/ /Dom+bi mnga' rnon bkang nas nang du zhugs/ /rgyal ba rigs lnga dbu rgyan byas nas su/ /ri dags gsad pa slar la sogs par bya/ /log lta'i ri

  20. 10b

    dags gar 'gro nga yis mthong/ /Dom+bi mda' non bkang nas nang du zhugs/ /Dom+bi'i glu rdzogs sho// //sangs rgyas la phyag 'tshal lo/ /ngan pa ngan pa 'jig rten kun smra yang/ /gces pa'i yon tan dri med zab mo yod/ /utpal chu nang btus nas chus mi reg/ de 'dra'i mang po'i sgyu mkhan bi rU pa/ /tshong 'dus dang ni grong dang chu 'gram ni/ /gang du phyin nas lus 'gyel de mi shes/ /utpal chu nang btus nas chus mi reg /de 'dra'i mang po'i sgyu mkhan bi rU pa/ /'jig rten ngan par smra ba de brdzun yin/ /khros pa gang gA bab pa rgyun las bzlog/ utpal chu nang btus nas chus mi reg /de 'dra'i mang po'i sgyu mkhan bi rU pa/ /nyi ma gte mang bcug nas chang ni 'thungs/ /anda 'jigs byas b+he me'i sar bshig /utpal chu nang btus nas chus mi reg /de 'dra'i mang po'i sgyu mkhan bi rU pa/ bi rU pa'i glu rdzogs sto// // sangs rgyas la phyag 'tshal lo/ /bltos dang skye ba gnas pa med pa na/ /de tshe lhan cig skyes dang khyad par med/ /de nyid rang bzhin shin tu go gyur nas/ /de nyid mi mthun pa de rnam par smros/ /'di ltar khams gsum bde bar gshegs pa lta?/ /de yi tshe na gang gis bcings par sems/ /de nyid rang bzhin shin tu go gyur nas/ /ji ltar mi mthun pa de rnam par smros/ /'di kun rtsa ba'i rang bzhin ma rnyed stor/ /de yi tshe na nam mkha' i rang bzhin mi 'chi 'am/ /de nyid rang bzhin shin tu go gyur nas/ /de nyid mi mthun pa de rnam par smros/ /rmongs par ma byed gnyis med mdud pa yis/ /cis te stong pa'i khu tshung? brdzun gyis bcings/ /de nyid rang bzhin shin tu go gyur nas/ /ji ltar mi mthun pa de rnam par smos/ /la pa pa'i glu rdzogs sho// //ji ltar til la til mar khyab pa bzhin/ /de bzhin khams gsum 'jam dpal sku yis gang/ /de shes lhan grub rnal 'byor bsgom pa yis/ /bde chen dam pa chos kyi glu 'di long/ /bde gshegs kun gyi btsun mo ming med ma/ /sna tshogs gzugs can snying rje can de dang/ /lhan cig 'grogs na sdug bsngal thams cad sel/ /bde chen dam pa tshe sa kyi

  21. 11a

    glu 'di long/ /nam mkha' nam mkha' i mtshan nyid ci 'dra bar/ /sems kyi chos nyid de 'dra bla ma gsung/ /bla med don de mi shes bsgom mi nus/ /bde pa chen po chos kyi glu 'di long/ /nyi ma me shel ras bal 'dus ji bzhin/ /lung dang man ngag de bzhin brtan pa las/ /rang rig ye shes me ni 'bar bar 'gyur/ /bde chen dam pa chos kyi glu 'di long/ /glegs bam chos dang med/ /'phags pa'i nor chen rang gi sems la chongs/ /bde chen med/ /'phags pa'i nor chen rang gi sems la chongs/ /bde chen dam pa chos kyi glu 'di long/ /bde dang sdug bsngal gnas skabs thams cad du/ /yid bzhin nor 'dra'i de nyid byang chub sems/ /'jam dpal kun 'dul nyin mtshan nan tan byos/ /bde chen dam pa chos kyi glu 'di long/ /ma hA su kha ta'i glu rdzogs sho// // Fdpal sangs rgyas la phyag 'tshal lo/ /shin tu ngo mtshar bdag gi gtam/ /glang chen btsongs nas gnyid log ltar/ /gang zhig nor yod mel tshe byed/ /kun khyab dpa' bo pra sar/ chos dang chos min gtam mi 'dra/ /rang byung rang bzhin g.yo ba med/ /glang chen btsongs nas gnyid log ltar/ /gang zhig nor yod me la tshe byed/ /kun khyab dpa' bo bra sa ra/ /rnal 'byor me tri'i dbye shes pas/ /thogs med dus bsags skyon kun bral/ /gang zhig nor yod mel tshe byed/ /kun khyab dpa' bo pra sa ra/ /rnal 'byor pra sa ra'i glu rdzogs sho// // stong pa la gnas snying rje'i bdag nyid can/ /zhing na bzhugs pa'i thabs dang shes rab tshogs/ /gzugs brnyan lta bur shes par bya/ /snying rje ro yis tha dad brtsod pa spangs/ /der ni kun rdzob yul gyi sha rnams bza' / /shin tu rnam dag stong pa'i chang ni btung/ /skye 'gro skal ldan rnams la don 'di bstan/ /skal med rnams la shin tu gsang bar bya/ /rnam thar byung pas phyi nang brlan byas la/ /yul gyi longs spyod la ni ci bder spyad/ /phan tshun 'gro dang 'ong ba'i chos rnams la/ /dag dang ma ngag yid lam bya'o/ /byang chub sems kyi phreng bas

  22. 11b

    rnam rgyan la/ /gsang pa'i dkyil 'khor nang du 'jug bya ste/ /thabs dang shes rab sbyor brgyun mi 'chang/ /lhan cig skyes pa'i g.yung mo mi spang ngo/ /klu sgrub kyi glu rdzogs sto// //sangs rgyas la phyag 'tshal lo/ /rnam rtog 'jig pa'i tshom rkun 'jigs shes na/ /tshul khrims nor can bsrung phyir mel tshe gyis/ /kye snyoms las ma byed sems kyi mel tshe gyis/ /gti mug gnyid kyis 'khor ba'i mtshan mo ring/ /kye snyoms las ma byed sems kyi mel tshe gyis/ /gnyid log na ni khyim dang chom rkun 'gro /khyod kyis tshul khrims nor chen 'phrog par 'gyur// tshul khrims nor de med na ting 'dzin med/ /de med na ni nyi ma 'char ba med/ /de nyid nyi ma bsgom pas mel tshe gyis/ /skad cig gcig kyang nor chung gzhan ma byed/ /de yi dus na de nyid nyi ma 'char/ /'di ltar de tshe 'khor ba'i nam langs 'gyur/ /kye snyoms las ma byed sems kyi mel tshe gyis/ /dI pi ka ra sh+rI dz+nyA na'i chos kyi glu rdzogs sho// //*/ /do ha spyod pa'i glu'i lta ba zhes bya ba bzhugs so/ /*/ /rgya gar skad du /tsarya diShI? do ha kI tika nA ma/ bod skad du/ do ha spyod pa'i klu'i lta ba zhes bya ba/ rdo rje rnal 'byor ma la phyag 'tshal lo/ /rma bya'i gdugs sgreng 'dzin byed cing/ /cha byang sna tshogs 'dzin byed pa'i/ rnal 'byor pa ni smyon pa 'dra/ /nga rgyal can la rgyal ba'i lam/ /med ces lU yi smra bar byed/ /lus kyi tshem bu bsrungs pas grub/ /dbang bskur mang po blang bya ste/ /don med par ni slu bar byed/ /dbang bskur rtogs par ma gyur na/ /dus kyi dbang du 'gro ba yin/ /nga rgyal can la rgyal ba'i lam/ /med ces lku yI smra bar byed/ /lus kyi chem bu bsrungs pas brub/ /gnyid dang chad drang rtsod pa dang/ /sbyor bas rnal 'byor ji ltar grub/ /bzlog ? srid pa'i zhags pas bcings/ /nga rgyal can la rgyal pa'i lam/ /med ces lU yi smra bar byed/ /lus kyi tshim?/ bu bsrungs pas grub tshong 'dus kham phor gser skyogs ltar/ /gal te de ltar byas ba na/ /sangs rgyas rnams dang phrad par 'gyur/ /nga rgyal can la rgyal pa'i lam/ /med ces ? yi smra bar byed/ /lus kyi tshem bu bsrungs pas grub/ /do ha spyod pa'i glu'i lta ba zhes bya ba/ slob dpon lU yI pa nas brgyud

  23. 12a

    pa/ slob dpon kir pas mdzad pa rdzogs sho// //rgya gar skad du/ shU n+ya tA driShI nA ma/ bod skad du/ stong pa nyid kyi lta ba zhes bya ba/ spyan ras gzigs dbang phyug la phyag 'tshal lo/ /sems kyi rtog rtse chos nyid ni/ /sa bon nam mkha' i dbyings su smos/ /bdag med gzhon nu'i mgul nas ?/ /gnyid sad byed pa nyid du gnas/ /spongs shig dor shig bdag rmongS so/ /kye'o bcings pa ma lus pa/ /sha ba ri bde chen bor rol/ /stong pa'i btsun mo 'khyud byas te/ /kye'o lus ngag sems smin te/ /thams cad du ni brtags pa yis/ /sha ba ri ni myos par 'gyur/ /dga' pa'i rnam pa thams cad du/ /sha ba ri ni gnyid log nas/ /gnyid ni nam mkha' i dbyings log /kye'o bdag gi da nyid ni/ /sa bon nam mkhar mnyam par smos/ /'bras bu nam mkhar skar chen shar/ /spongs shig dor shig bdag rmongs so/ /srid pas bcings pa'i glang chen bsang/ /? lnga yi gtor ma byas/ /bdag gi sdug bsngal thams cad spangs/ /spongs shig dor shig bdag rmongs so/ /nyin mtshan rtag tu gnyid med par/ /rang gi sems la byar byas/ /de nas skyes pa bud med ni/ /gcig tu dben par song steg nas/ /gtso bo 'jig rten mgon dang smra/ /spongs shig dor shig bdag rmongs so/ /stong pa'i bcun mo 'khyud? byas te/ /sha ba rin bde ba chen por gnas/ /stong pa nyid kyi lta ba zhes bya ba/ slob dpon sha pa ri pas gsungs brdzogs sho// rgya gar skad du/ su kha du ? a d+hya pa rirya g+hA driSh+Ti nA ma?/ 'od skad du/ bde sdug gnyis bral gyi lta bzhes bya ba/ yum shes rab kyi pha rol tu phyin ma la phyag 'tshal lo/ /sgom las 'das pa sgrub rgyu med/ /mkhan po rnams kyi bdag nyid can/ /grub thob rnams kyi bla ma la/ /phyag 'tshal gnyis bral lta ba bshad/ /rang bzhin sgom rgyu med pa'i phyir/ /rnal 'byor sgom las 'das pa yin/ /dngos dang dngos min gnyis dang bral de phyir kun rdzob grub pa med/ /dngos po sgom med dngos med yin/ /rang bzhin dbyer med rgyu las 'das/ nam yang rang bzhin ? te/ zung 'jug dga' ba gnyis su med/ /dran pa dang bral dran med de/ /rnal 'byor pa yi 'khrul pa yin/ /shes rab thabs kyi zung 'jug la/ /rnal 'byor gzhan gyi dgongs pa

  24. 12b

    ni/ dang po thabs ni bsgom pa'i phyir/ /mi rtog shes rab skad cig la/ /ma grub thabs kyang 'grub mi 'gyur/ /mthong min de ni bsgom pa min/ /gang zhig thabs ni sgom byed na/ /bla ma'i gdams ngag ldan pa yis/ /yang dag phyag rgya thabs nyid kyis/ /phra zhing rang bzhin rab rgyud/ /ye shes kun gyi bdud rtsi 'bab/ mtshon pa'i 'od gsal skad cig la/ /blo ldan brtan pa'i sems kyis bsgom/ /brtags pas ma grub rtogs bral yin/ /dper na 'gron po yul 'gro bzhin/ /chos sku'i mtshan mar sems gtad pas/ /rim gyis sleb pas de nyid min/ /sngar bzhin mtshan ma med 'gyur bas/ /rnam rtog dang bral bde chen 'grub/ /sna tshogs pa yis rig pa rnams/ /rang rig gzhan gyis rig mi 'gyur/ /de rtogs nyin mtshan bde chen mnyam/ /gnyis dang gnyis med spangs gyur pa'i/ /gang la mi gnas rnal 'byor de/ /shes rab pha rol phyin pa rtogs/ /de rtogs bdag med lta ba yin/ /rnal 'byor bde sdug gnyis dang bral/ /gnyis bral rnal 'byor shAM ti pa/ /rtogs pas phyag rgya chen po thob /bde sdug gnyis bral gyi lta ba zhes bya ba/ slob dpon shAM ti pas mdzad ba rdzogs sho// //rgya gar skad du/ a saM band+ha driSh+Ti nA ma/ bod skad du/ 'brel med kyi lta bzhes bya ba/ 'brel med rgyun chad ye shes lha la phyag 'tshal lo/ /'jig dang rten pa'i tha snyad la/ /re zhig brten na 'jig rgyu med/ /'jig dang rten gyis ci zhig bya/ /de phyir 'jig rten pa yis ni/ rnam par bzhag pa yod min la/ /'jal byed tshad mar shes par bya/ /khyab bya dang ni khyab byed kyi/ dbye ba'i dpe yi dbang du ni/ /nyi ma khyab bya zhes bya ste/ /'od zer khyab byar shes par bya/ /dper na 'o mar 'dres pa yis/ /mar ni dang por yod min te/ /khyab bya khyab byed thad min la/ /de dag 'brel ba yod min no/ me gi rgyu ni gang yin la/ /de la 'bras bu ji ltar 'byung/ me yi mtshan nyid sreg byed/ /de nyid khyab byed ces bya ste/ /khyab byar du ba yin par mthong/ /pa ni sangs rgyas khyab byed de/ /bu ni dam chos khyab byar gsungs/ /dper na bum pa'i me de ni/ /nang gsal phyir ni gsal mi byed/ /de bzhin sangs rgyas gsal byed me/ chos ni ji ltar gsal bar byed/ /dang po chos min sangs rgyas min/ /skye min la

  25. 13a

    ni ji ltar 'brel/ /rgyu rnams 'dra ba'i 'bras bu 'byung/ /gsungs pa rgyu med 'bras bu med/ /khyab bya khyab byed ji ltar bsgrub/ /g.yo dang mi g.yo rnams kyis ni/ /rten 'jigs 'byung ba rnams kyi ste/ /'byung bzhi mdza' dag rang mi sgrub/ /shing ni khyab bya yal ga dang/ /rtsa ba khyab bya ji ltar yod/ /bdag dang bdag gi rtog pa yis/ /ming dang ming can 'phros pas 'byung/ /dang po ming can ming zhe na/ /de ltar gang zhig ldog pa ni/ /khyab bya de bzhin ldog pa'o/ /rten cing 'brel pas 'byung ba ste/ /rten cing 'brel bar 'gag par byed/ /cig la yang dag 'byung ba ni/ /byis pa rnams kyis smra bzhin byed/ /khyab bya ldog na 'gal ba med/ /de ltar de ni 'jig rten gyi/ /'jal byed tshad mar shes par bya/ /ji ltar ri bong? rwa co ni/ /brtags bzhin yod pa ma yin te/ /de bzhin du ni chos rnams la/ /gang zhig rtogs bzhin yod pa min/ /ba yi ra co ji ltar ni/ /shar dang nub ni de bzhin du/ /phrad par shes par mi 'gyur te/ /dpe ni de bzhin lta drug pa/ /phyi nang mu stegs rtags can dang/ /nang pa sangs rgyas nyan thos dang/ /a ti dang ni gcer bu dang/ /grub mdza' khyab 'jug tshangs skud can/ /phyi nang gnyis ni sgrub min pa/ /rnams la 'brel pa yod min la/ /sangs rgyas dgongs pa de yin te/ /de dang mi ldan gang zag ni/ /'jig rten 'das zhes mi bya'o/ /de yi dbang du byas nas ni/ /brtags pas khyab bya gang zag ni/ /bdag gzhan gang zag yod min no/ /bya ba mtho ris ngan song dang/ /khyab bya sems nyid gnyis su mthong/ /'jig rten 'jig rten 'das pa bzhin/ /bdag gir 'dzin pas 'khor ba ste/ /de nyid bral zhing bde gshegs te/ /chags pa zhe sdang rmongs pa dang/ /bral zhing rgyun chad mya ngan 'das/ /de ltar

  26. 13b

    rtogs pas sangs rgyas te/ /gsungs pa de ni mi rigs so/ /'khor ba de ni mya ngan min/ /mya ngan 'das la mya ngan med/ /rig pa dang ni ma rig pa'o/ /gnas skabs rtog pa bcing bar byed/ /mi rtog bkrol bas gsungs pa ste/ /rtog pa rnams la khyad par med/ /yong 'gro dag ni byang chub la/ /nye ring tha snyad yod pa min/ /nyon mongs mun pa byang 'gyur la/ /mthong min de la yod min no/ /sangs rgyas kyis ni lung las gsungs/ /mdza' dbus med pa'i rgya mtsho ni/ /ji ltar yi dags skams par mthong/ /de bzhin ma rig mun pa yis/ /tshig pa rnams kyis sangs rgyas ni/ /yod pa min la mthong pa min/ /rdzogs chen po'i lung las ni/ /chos nyid bzhi 'am ma bcos pa/ /khyab byed de la 'byung ba yi/ /'gro thug? khyab byar gsungs pa'o/ /cung zad dge ba'i chos rnams la/ /sangs rgyas mi sgrub ci zhig byed/ /dper na dbus long skyes bu la/ /'bar ba'i rin chen lag mthil bzhag /mthong min de yis ci zhig bya/ /nang pa mu stegs dbang du ni/ /rang rig 'od gsal khyab byed de/ /rnam par rig pa khyab bya sems/ /dper na chu dang bsres pa yi/ /'o ma snod ni gcig pa ste/ /ji ltar chu ni lus byas nas/ /ngang pas 'o ma 'thung bar byed/ /de bzhin nyon mongs 'dres pa ni/ /ye shes snod ni gcig pa ste/ /de bzhin rnal 'byor rig pa 'thung/ /ma rig pa ni lus par byed/ /nang pa mu stegs rnams kyis ni/ /lta ba de ni gsungs pa'o/ /de la lan gyi dbang du ni/ /sangs rgyas lung las 'di ltar gsungs/ /byed po med la las kyang med/ /de dag med la khyab bya med/ /gsum med 'brel pa ji ltar bsgrub/ /phyi ni bden pa gal te yod/ /nang ni bden par rang bzhin no/ /gang zhig rtog pa phyi don la/ /de med gang zhig yod pa min/ /rang dang gzhan gyi rig pa min//

  27. 14a

    de phyir khams gsum 'brel pa med/ /de phyir rig pa dngos po la/ /mtshan nyid yod pa ma yin no/ /dngos po rig min dngos min bzhin/ /skye min de ni bdag med pa/ /bdag med pa ni skye mi len/ /de ni kun rdzo pa mi rigs te/ /gal te rigs na don dam med/ /re zhig rgyu med skye ba med/ /'bras bu med la skye ba med/ /bdag la mi skye gzhan la min/ /gnyis la min phyir kun rdzob min/ /rang rig bde gsal khyab byed dang/ /rnam rig tsam du khams gsum dang/ /sems kyi 'dod pa khyab bya yi/ /dbang du bshad pa byas nas ni/ /nyan thos rnams kyi dbang du ni/ /kun bzhi rnam shes khyab byed la/ /nyon mongs brgyad khri bzhi stong dang/ /rtogs pa rnams ni khyab bya'o/ /dper na nam mkha' khyab byed de/ /nyi ma dang ni zla ba dang/ /sprin dang glog dang chu sogs dang/ /khyab bya mi 'gag yon tan bcu/ /de ltar dpe rnams gnyis yin te/ /tha snyad 'jal byed tshad mar shes/ /de la don dam 'jal byed kyi/ /tshad ma'i dbang du byas nas ni/ /gong ma'i dpe don rnam gnyis ni/ /kaM pa lo yi dgongs pa ni/ /phyi sgrub lus las gsungs pa bzhin/ /sangs rgyas dang ni sgrub rnams kyis/ /nyams rang rig pa gsal bar gsungs/ /de las lung gi dbang du ni/ /chos kyi bdag ni yod min la/ /khams gsum thams cad stong pa ste/ /'dus byas thams cad rtag min gsungs/ /de rnams sems nyid rtog pa ste/ /rtog pa de nyid 'khor ba yin/ /gang zhig rtog med grol ba'o/ /chags pa zhe sdang nga rgyal dang/ /gzhan yang byis pa rnams kyis ni/ /'khor ba mya ngan 'das pas/ /chos rnams ji ltar gsungs pa ste/ /sems kyis rtogs par shes par bya/ /bzang dang ngan pa'i rtog pa la/ /khyad ni yod pa ma yin no/ /dper na shing chen ma la ni/ /khyad ni

  28. 14b

    yod pa ma yin la/ /gang la reg pa tshig par byed/ /tsan dan ga bur la sogs kyi/ /'bar ba'i me yis de bzhin tshig/ /de phyir cung zad rtog pa ni/ /lta shes rnal 'byor pa yis spang/ /rigs pas brtags pas ma grub ste/ /dbang po'i yul la chags pa med/ /phyi nang sems la yong pa min/ /gzhan la gnas min bdag la min/ /dper na ma rtogs pa yis ni/ /ji ltar thog ni sprin las 'byung/ /de bzhin zhe sdang nga rgya la dang/ /nyon mongs la sogs sems las byung/ /bdag gi bdag nyid stong pa ste/ /dbang po rnams la rten yang med/ /de med sems ni yod min la/ /bems po 'brel pa ji ltar bsgrub/ /khyab bya dang ni khyab byed kyi/ /'brel pa ha cang ches pa ste/ /skad cig gcig kyang bsgrub pa med/ /nyams kyi dbang du byas nas ni/ /byams dang snying rje mdor bstan nas/ /ma grub pa yi sgo nas bshad/ /skad cig ma ni dang po la/ /zhe sdang skyes pa'i dus su ni/ /byams pa'i ming yang yod min la/ /byams pa skyes pa'i dus su ni/ /zhe sdang mun pa yod min no/ /de la rtog pa gsum yin te/ /de rnams sems las 'byung bar shes/ /sems nyid de ni don dam du/ /lung las gsungs bzhin yod min no/ /rigs kyi bu 'am rigs kyi bu mo/ /sems nyid sgyu ma rmi lam 'dra/ /de yi don ni 'di lta ste/ /dper na gcig dang du ma ni/ /sems nyid rang bzhin chos rnams mthong/ /de dag sems nyid sprul pa ste/ /sems nyid med la spros pa med/ /dper na skar ma'i yon tan ni/ /snam bu yong la yon tan yong/ /de nyid med la yon tan med/ /gcig dang du ma rigs med la/ /snam bu don yod min no/ /de ltar dpe yi dbang du ni/ /sems nyid med la byams pa dang/ /snying rje btang snyoms dga' sogs ni/ /de dag yod pa ma yin no/ /de la rigs pa'i dbang du ni/ /rgyun

  29. 15a

    gcig gam tha dang dam/ /rgyun ni gcig pa yin na ni/ /thog mar zhe sdang skyes pa na/ /byams pa phyi nas skye mi rigs/ /'on te byams pa sngon las ni/ /zhe sdang phyi nas skyes pa 'am/ /yang na de gsum dus mnyam yin/ /yang na las kyi 'bras bu yin/ /mi rtag rnams la 'brel par 'byung/ /dper na ras bal sa bon la/ /ras bal ji ltar dmar po 'byung/ /de bzhin skad cig gcig las ni/ /'byung ba'i phung po rnams las kyang/ /gzhan dag rnams la las kyis 'brel/ /ji ltar rigs pa yod pa yis/ /de bzhin rang re rang 'dus la/ /'brel pa yod par rig pa'o/ /byams pa'i dus su byams pa ste/ /rang 'dus 'byung ba zhe sdang la/ /ha cang skyon ni mi rigs so/ / lha sbyin byas pa'i las la ni/ /mchod sbyin la ni 'brel pa med/ /de bzhin zhe sdang byams pa la/ /'brel pa yod pa ma yin no/ /de ltar dgos pa mi rigs so/ /mi rigs pa ni ji ltar na/ /lha sbyin mchod sbyin rigs la ni/ / phan tshun 'brel pa med pa'i phyir/ /dper na ki pe'i? bar dag dang/ /nas dang 'bras kyi so pa bzhin/ /de bzhin skyes pa'i phung po bzhin/ /gzhan dag phung pos 'brel pa med/ /de bzhin zhe sdang byams pa la/ /'brel pa yod par mi rigs so/ / gal te sems nyid rgyun gcig na/ /'brel pa yod na rigs so zhes/ /dper na tsha grang bzhin du ni/ /phan tshun spangs pa'i 'gal ba yin/ /snga ma byams pa zhe sdang ni/ /rgyun ni gal te gsungs par rigs/ /grang pa yis na rig pa las/ /tsha ba'i ? pa 'byung bar 'gyur/ /de yi rgyu ni gzhan zer na/ /skad cig dang po'i gnas ni bsgrub/ /lus dang sems drag ma gtogs pa/ /gzhan yang gang zhig yod min la/ /rgyu zhes gang la dgag du med/ /gal te dus mnyam smras pas ni/ /de ni

  30. 15b

    ? bar med pa 'chig /'gro la sems rgyud gnyis mi 'chang/ /de nyid nyams dang lung las gsal/ /de yi rigs pa 'di lta ste/ /phung po khams dang skye mched dag /brtan dang khyab dang g.yo ba yi/ /de rnams spangs pa'i gzhan ma ni/ /bdag dang skyes bu phung po sogs/ /mu stegs rnams kyis smras pa ni/ /sems ni spangs pa gzhan med de/ /de rnams sna tshogs mi rtag pa/ /gzhan rnams smras pas rtag pa'o/ /cha skyes pa la byams pa dang/ /snying rje la sogs rgyun chad pas/ thog ma tha ma mi dmigs so/ /gal te rtag na 'di skyon te/ /sa bon myu gu dus gcig du/ /de phyir don dam 'jal byed kyi/ /tshang ma'i dbang du byas nas ni/ /'jig rten khyab bya khyab byed dang/ /dpe don rgyu dang 'bras bu dang/ /'brel pa la sogs skad cig kyang/ /ma grub par ni gsungs pa'o/ /ma grub pa yi rigs pa ni/ /dang po me dang du ba ni/ /gnyis kyi 'brel pa ma grub ste/ /sreg byed gsal pa'i mtshan nyid ni/ /du ba mun pa mi rigs/ /rigs nas gsal ba med pa yi/ /me la skyon ni 'gel bar byed/ /gang nyid pa me yin na/ /mi rigs pa yi gsal bskyon/ /bud rgyu med la me med pa'i/ /me ni shing la mi gnas so/ /de phyir 'brel pa yod min no/ /yang na bdag nyid gcig pa dang/ /de las byung ba'i 'brel pa ste/ /de dag yod pa ma yin no/ /bdag nyid gcig pa'i 'brel yod na/ /phan tshun dag la ba'i skyon yin no/ /mes ni gsal bar byed pa bzhin/ /du bde bzhin thal ba'i skyon/ /de las 'byung ba'i 'brel yod na/ /mes ni sreg par byed pa la/ / du bas de bzhin bseg par thal/ /du ba nag pa de bzhin du/ /me yang nag par thal pa'i skyon/ /de phyir 'brel pa yod min la/ /dper na snam bu snal ma la/ /ji ltar 'brel pa yong min la/ /snam bu min la snal ma min/ /snal ma yin la snam bu

  31. 16a

    min/ /snam bu yin na thag pa min/ /thag pas ji ltar snam bu'o/ /de dag phan tshun 'gal ba yin/ /chos dang sangs rgyas 'brel pa med/ /dang por chos min sangs rgyas min/ /sangs rgyas yin na chos min no/ /bskur pa min la ma skyes so/ /ma skyes pa la 'brel ba med/ /de bzhin pha dang bu la ni/ /lung dang rigs bzhin bshad par bya/ /rlung gi shugs can 'khor lo la/ /shar nub ji ltar 'grub pa med/ /pha dang bul 'brel pa yang// de bzhin yod pa ma yin no/ /gal te kun rdzob bden pa la/ /'di lta'i skyon ni yod min no/ /de la bdag ni kaM pa la'i/ /med pa'i rigs pa 'di yin no/ /yod pa skye min yod pa'i phyir/ /dper na yod pa'i bum pa la/ /skyes bu'i rtsol bas skye mi nus/ /med pa de bzhin skye min te/ /rgyu dang 'bras bu med pa'i phyir/ /dper na me long sbu bzhin no/ /de bzhin yod dang med pa yi/ /rang las ma yin gzhan las min/ /sa skyes rang bzhin bdag nyid med/ /pha dang bu yang ji ltar 'grub/ /de dag grub pa med pa ni/ /pha dang bu yi tha snyad med/ /de yi tha snyad dbang du ni/ /dang po bu ni ma grub pa'i/ /pha yi tha snyad ji ltar 'byung/ /bu ni ma grub dus su ni/ /dus kyi mtshan nyid ma grub po/ /de phyir pa yi tha snyad dang/ /bu yi 'brel pa ga la yod/ /gal te gzhan dag dgongs pa ni/ /rigs pas brtags na ma grub bzhin/ /yod med 'brel pa yod par 'dod/ /de la bdag gi dgongs pa ni/ /de la bdag nyid gcig pa 'am/ /de las 'byung ba'i 'brel pa yod/ /bdag nyid gcig pa'i 'brel pa med/ /pha yi ngo bo ma grub phyir/ /de las 'byung ba'i 'brel pa ni/ /dper na mar ni 'o ma las/ /ji ltar 'byung yang shes par bya/ /khyod kyi 'du byas gang smras pa/ /skye 'jig gnas so rim pa las/ /'on te so sor

  32. 16b

    gnas pa'o/ /de las skyes pa'i gnas su ni/ /'jig dang gnas pa yod min no/ /de dag med pa'i skye ba med/ /'brel pa ji ltar grub pa'o/ /gal te gnas pa'i rang bzhin ni/ /so sor gnas pa'i mtshan nyid ni/ /'brel pa ji ltar 'grub pa'o/ /dngos po gnyis ni ma grub na/ /pha zhes bdag su ga la rung/ /skad cig dang po pa yis ni/ /nus pa dngos med de las ni/ /de nyid la ni bu zhes ni/ /tha snyad mi 'grub zhe na ni/ /de phyir gnyis ni ma grub na/ /de dag nyid kyis 'grub pa med/ /rgyu lta pha zhes ma grub kyang/ /'bras bu bu ni grub po zhes/ /med pa yod par thal ba'i skyon/ /don byed tshad ma yod pa'i skyon/ /de phyir khyab bya khyab byed dang/ /'di yi skabs su grub pa med/ /de dag ji ltar ma grub pa/ /'brel pa de ni grub min no/ /skad cig de bzhin grub pa med/ /dper na myu gu sa bon bzhin/ /myu gu med pa'i skyon la ni/ /gang la bltos nas sa bon bzhag /myu gu la bltos smra zhe na/ /myu gu 'byung ba'i dus su ni/ /sa bon de ni grub pa med/ /sa bon 'byung ba stobs med pa'i/ /nus pa 'bras bu skogs pa'o/ /de phyir sa bon ma grub ste/ /med pa de ni ji ltar 'brel/ /yod pa de ni 'brel lo zhes/ /yod pa de ni ther zug bstan/ /dngos po can la 'bras bu med/ /khyab bya khyab byad ji ltar grub/ /ma grub pa ni dngos med de/ /kha dog dbyibs ni yod min no/ /de dag med pa de ltar gyis/ /dus kyi skad cig ma grub bo/ /'das pa'i dus na ma 'ongs pa/ /ma grub bdag ni ma yin no/ /dpe dang de bzhin don la ni/ /khyab byed bdag gi gang zag gi /brtag pa de ni byed pa po/ /khyab bya mtho ris ngan song la/ /bdag nyid gcig pa'i 'brel pa 'am/ /de las 'byung pa'i 'brel pa yod/ /de las 'byung ba'i 'brel yod na/ /rtag pa byed pa'i ming can rnams/ /mtho ris ngan song bden pa min/ /rtag pa byed par thal ba'i skyon/ /gal

  33. 17a

    te ci phyir zhe na ni/ bdag nyid sa ni gcig pa'i phyir/ /dper na snam bu bum pas ni/ /mi rtag par ni bshad pa bzhin/ /dbang po'i don ni dngos po ste/ /bum pa'i gzugs ni yod par mthong/ /med pa'i gzugS ni mthong min te/ /de phyir gzugs mthong bum pa bzhin/ /de ltar smas pa mi rigs pa/ /bum pa dang ni dbang po dang/ /gcig gam 'on te mi gcig pa/ /gal te de nyid mi gcig na/ /dbang po de ni 'brel med la/ /bum pa de ni mthong min la/ /gal te de dag gcig pa ste/ /dbang po med la bum pa ma ni/ /bdag nyid gcig pa'i 'bral pa med/ /gal te dbang po med la ni/ /bum pa de ni yod ce na/ /de la de dag gcig pa med/ /mi gcig pa ni 'brel med do/ / de las 'byung ba'i 'brel zhe na/ /rtag par bdag nyid byed par/ /mtho ris ngan song 'byung bar thal// /mtho ris ngan song de dag kyang/ /rtag par byed pa po las ni/ /'byung bar thal ba'i skyon yin no/ /gal te 'brel pa med na yang/ /rtag pa gcig pu yin zhe na/ don 'di sems can rnams kyis ni/ /gzhan don byed dam mi byed do/ /de ltar mi byed ce na ni/ /rdo dang khyad par med par thal/ /gal te don ni byed do zhes/ /rim gyis byed dam gcig car byed/ /de ni rim gyis byed ce na/ /rtag par nyams par thal ba'i skyon/ /cig car byed do zhe na ni/ /bdag cig skyes pa'i dus su na/ /'gro drug thams cad skyes par thal/ /de bzhin rga shi skye 'gag sogs/ /ci rigs rnams dang 'brel par bya/ /de sra? mu stegs rnams kyis ni/ /bdag med 'brel med lta ba 'dri/ /thams cad mkhyen pa rigs kyi bu/ /phung po 'brel med bstan pa ste/ /phung po 'di la bdag med na/ /ji ltar 'gro 'od rgod pa dang/ /du dang rol mo khro ba sogs/ /

  34. 17b

    de ? bdag cag rnams la ni/ /rnam rtogs 'byung ste sgrol bar 'dod/ /phung por bdag ni yod min la/ /theg pa chen po'i rigs can ni/ /bdag med 'brel ba ji ltar rigs/ /bdag ni phung po 'di la ni/ /mu stegs yod pa ma yin no/ /yod pa dang ni med pa dang/ /de dge gnyis ni smra mi bya/ /bdag nyid yod par smra ba yi/ /med par de ni mi rigs so/ /gal te yod na 'di rnams la/ /gnas pa ji ltar mi mthong ngo/ /skra dang pags pa sen mo dang/ /mgo dang sha dang rus pa la/ rkang dang chi la dang chu ba dang/ /mkhris pa dang ni rgyu ma las/ /lag pa rkang pa la sogs la/ /phyi nang rnam pa gnyis su ni/ /lta zhing bdag med mi mthong ngo/ /de la mu stegs 'dri ba ni/ /bdag med mi gzugs ji ltar 'brel/ /theg pa chen po'i rigs can ni/ /'brel med de la 'di ltar smra/ /sha yi mig ni ha rdang mes/ /ye shes mig gis ma mthong/ /kha dog dbyings dang gnas 'brel pa'i/ /de na ji ltar mthong pa'i rigs/ /de la mu stegs 'dri ba ni/ /'o na de ni med do zhes/ /theg pa chen po'i rigs can smra/ /med pa'i tshig ni smra ba yis/ /yod pa de ni mi rigs so/ /slar yang 'di ltar med nani/ /tshang ma 'di rnams ji ltar mthong/ /sa dang me dang chu dang rlung/ /de rnams la brten? rol mo'i tshogs/ /de phyr me ni mi rigs so/ /yod pa de yang ma grub po/ /de la mu stegs 'di ltar smra/ /'o na de rten gang yin na/ /theg pa chen po'i rigs can no/ /bdag med 'brel med ji ltar smra/ /rten ni gang yang yod min no/ /mu stegs rgol ba 'di skad smra/ /ji lam stong pa'i nam mkha' la/ /theg pa chen po 'di skad smra/ /rtags can de ni de bzhin smra/ /mu stegs pa ni 'di skad smra/ /'o na dngos po can rnams ma/ /du dang rgod pa

  35. 18a

    rol mo'i tshogs/ /ji ltar shes par bya'o zhes/ /theg pa chen po 'di skad smra/ /sgyu ma dang ni rmi lam dang/ /cho 'phrul gzhan du shes par bya/ /mu stegs pa ni mi skad smra/ /sgyu ma lta bu'i rmi lam dang// theg pa chen po 'di skad smra/ /rgyu ma nam mkha' lta bu la/ /rmi lam de ni 'dzin byed pa/ /cho 'phrul de ni brdzun pa'o/ /yul dang yul can 'dus byas te/ /brjod bya'i yul ni ma grub bo/ /rtags can ji ltar phyag gis sogs/ / slar yang kun rdzob mthong ba ri/ /don ni dam pa de bzhin no/ /kun rdzob ming can 'di lta ste/ /'di na bdag dang gzhan dag dang/ /sems dang skyes bu phung po dang/ /chor ba dang ni byed pa po/ /nor dang bu dang lang tsho sogs/ /de dag don dam 'brel pa med/ /gang la bdag med gzhan med la/ /sems med skyes bu yod min la/ /byed po med la chor ba med/ /nor dang lang chos dregs pa sogs/ /don ni dam par shes par bya/ /de dag rnams la 'brel ba dang/ /don ni yod pa ma yin te/ /kun rdzob la ni brten byas nas/ /nyon mongs pa yis dbang thob pas/ /'khor ba du ni grangs med 'khyams// /sdug bsngal nyon mongs thob pa yis/ /'gro ba'i lam ni shes min la/ / 'jig rten pa bzhin 'khor bar 'khor/ /dper na nyin mtshan nyi zla bzhin/ /don ni dam par byang chub sems/ /rten med pa la rang bzhin med/ /thams cad stong pa la gnas med/ /spros pa rnams kyi 'brel pa ste/ /don dam byang chub tshad nyid la/ /'jam pa ma yin mkhregs pa min/ /dro ba ma yin gsil ba min/ /rigs bya rigs min 'dzin pa med/ /phra dang rags pa ma yin te/ /byang chub sems kyi mtshan nyid do/ /mu stegs mthong min sgom las 'das/

  36. 18b

    dngos med mthong min bsgom med pa'i/ /gsal dang mi gsal nyid dang bral/ /'brel med de ni byang chub sems/ /thams cad rgya mtsho'i chu bur 'dra/ /snying po med la sku ba bzhin/ /rtag min bdag med sgyu ma ltar/ /ri dags smig rgyu lta bu la/ /rdzas bus pa bzhin du ni/ /tshe 'phrul rnams kyis bkang pa la/ /dbus su 'khor lo stong grub min/ /de ltar don dam kun rdzob ni/ /de dag ji ltar 'brel pa grub/ /sems rtog rmi lam lta bu la/ /sems ni yod min nam mkha' ltar/ /re zhig sems nyid ji ltar 'brel/ /slob dpon kaM ba la'i 'brel med kyi lta ba 'di/ /rnal 'byor rtogs tshad kyi lta ba rdzogs so// //bla ma ratna pha las rang 'gyur du bsgyur ba'o// //*/ rgya gar skad du/ a sa shAnda? sarga driSh+Ti rA ma/ bod skad du/ zhen med kyi lta ba zhes bya ba/ yum phag mo la phyag 'tshal lo/ /srid pa gsum gyi dgyus sa 'di/ /dpa' bo bdag gis dkyus sar thungs/ /bde gshegs lnga yi rta la zhon/ /rta ba bdag 'dra'i dpa' po ni/ / 'jig rten na ni yod ma yin/ /rgyugs pas dug gsum rta rgod btul/ /lha chen bzhi yi sga yis gtad/ /shes rab thabs kyis srab du bcug /rta ba bdag 'dra'i dpa' bo ni/ /'jig rten na ni yod ma yin/ /rgyugs pas dug gsum rta rgod bdul/ /nyon mongs bcu yi ba sos gcig byin/ /lta bug dbus kyi bres su bcug /rgyugs pas dug gsum rta rgod btul/ /rta ba bdag 'dra'i dpa' bo ni/ /'jig rten na ni yod ma yin/ /bla ma lung gi ral gri thogs/ /tshangs pa'i gan drug sted du 'gro/ /rta pa bdag 'dra'i dpa' bo ni/ /'jig rten na ni yod ma yin/ /brgyugs pas dug gsum rta rgod btul/ /phyogs bcu dag tu rgyugs pas kyang/ /de yi rta rjes mngon pa med/ /rta pa bdag 'dra'i dpa' bo ni/ /'jig rten na ni

  37. 19a

    yod ma yin/ /rgyugs pas dug gsum rta rgod thul/ /slob dpon kaM pa las mdzad pa/ /zhen med kyi lta ba zhes bya ba rdzogs sho// //rgya gar skad du/ shU n+ya tA ka tu Na drishti nA ma/ bod skad du/ stong nyid snying rje'i lta pa zhes bya ba/ 'phags pa 'jam dpal gzhon nur gyur pa la phyag 'tshal lo/ /mi gtsang ba yi sred pa dang/ /'jig rten pa yi spyod pa dang/ /rnam pas dpyad cing bltas pas na/ /dngos po stong pa nyid du snang/ /kye ma snying rje Da ma ru/ /sgra sgrogs pa ni ngo mtshar ?/ /Arya de ba dmigs med pa'i/ / rgyal po'i srid la doms pa med/ /gang du yid dang rlung dag dang/ /dbang po gnas pa yod min na/ /bdag ni gang du 'gro ba dang/ /gang du gnas pa ma shes so/ /kye ma snying rje Da ma ru/ /sgra sgrogs pa ni ngo mtshar che/ /Arya de ba dmigs med pa'i/ /rgyal po'i srid la doms pa med/ /zla ba las ni zla ba yi/ /'od zer yongs su gsal bar 'byung/ /lhan cig skyes pa'i rang bzhin ni/ /de nyid du ni 'jug par 'gyur/ /kye ma snying rje Da ma ru/ /sgra sgrogs pa ni ngo mtshar che/ /Arya de ba dmigs med pa'i/ /rgyal po'i srid la doms pa med// A rya de ba thams cad sbyang/ /sbyad pas rang bzhin dmigs med 'gyur/ /kye ma snying rje Da ma ru/ /sgra sgrogs pa ni ngo mtshar che/ /A rya de ba dmigs med pa'i/ /rgyal po'i srid la ngoms pa med/ /stong nyid snying rje'i lta ba zhes bya ba/ slob dpon Arya de ba nas brgyud pa/ slob dpon tsa ta bas mdzad pa rdzogs ho// //rgya gar skad du/ tsat+ti ratna drishTi nA ma/ bod skad du/ sems nyid rin chen gyi lta bzhes bya ba/ dpal he ru ka la phyag 'tshal lo/ /bdag nyid bde gshegs khyab 'jug dang ni lha chen tshangs pa rnams/ /a ti gcer bu nyi ma dang ni grub mdza' i ngo bo dag /bdag ni dpa' bo chen po 'jig rten gsum na gcig bu yin/ /'jig rten pa ni rmongs pas mi rtogs gti mug dra bas bcings/ /bdag ni dpa' bo 'jig rten gsum na gcig bu yin/ /srid pa bdag ste srid bar rol pa bdag gi ngo bo nyid

  38. 19b

    gar byed mnyam nyid klong du 'gran zla med pa'i rnal 'byor gnas/ /bdag ni dpa' bo chen po 'jig rten gsum na gcig pu yin/ /'jig rten pa ni rmongs pas mi shes gti mug dra bas bcings/ /skyes pa bud med dag tu snang yang bdag gi rnam 'phrul yin/ /srid pa chags pa 'jig pa de yang bdag gi rnam 'phrul yin/ /bdag ni dpa' bo 'jig rten gsum na gcig pu yin/ /'jig rten pa rnams rmongs pas mi shes gti mug dra bas bcings/ /bla ma slob ma bdag nyid bshad par byed pa bdag nyid/ /dpe don bdag nyid sdug bsngal skyob par byed pa bdag nyid yin/ /bdag ni dpa' bo chen po 'jig rten gsum na gcig pu yin/ /'jig rten rnams ni rmongs pas mi shes gti mug dra bas bcings/ /kha dog du mar snang ba de yang bdag gi ngo bo yin/ /kan smra bar byed pa gcdig kyang du ma'i ngo bo yin/ /bdag ni dpa' bo chen po 'jig rten gsum na gcig bu yin/ /'jig rten rnams ni rmongs pas mi shes gti mug dra bas bcings/ /bdag ni dpa' bo chen po 'jig rten gsum na gcig bu yin/ /sems nyid rin chen gyi lta ba zhes bya ba/ slob dpon ka na pa nas rgyud pa/ slob dpon d+he ta nas mdzad pa rdzogs sto// //*//rgya gar skad du/ tat+twa aSh+Ta ka drishTi nA ma/ bo d skad du/ de nyid brgyad kyi lta ba zhes bya ba/ 'jam dpal gzhon nur gyur pa la phyag 'tshal lo/ /'khor 'das dngos po'i rtag pa 'di/ /grub pa med chu zla bzhin// kun rdzob tha snyad brten byas nas/ /de nyid brgyad kyi lta ba 'chang/ /dri bcas sems ni 'khor ba ste/ /tha snyad dang bral mya ngan 'das/ /dper na sprin med nam mkha' ni/ /gang la mi gnas phyag rgya che/ /in+d+ra bo d+hi smra bar byed/ /'khor pa mya ngan 'das pa dang/ /bod dang sdug bsngal gang zhig kyang/ /sems kyi rtog pas sreg par byed/ /dper na ga bur me bzhin no/ /de phyir rnal 'byor rtog pa ni/ /chung yang kun tu sba bar bya/ /sems dang sems nyid dngos po'o/ /dngos po thams cad mi gnas pa/ /dper na dri za'i grong khyer bzhin/ /mi gnas mi

  39. 20a

    'das 'khrul snang yin/ /in+d+ra bo d+his? gnyis med smras/ /de ni dbus ma'i de nyid de/ /bdag med chos kyang rang bzhin la/ /thog mdza' i rang bzhin de nyid do/ /bde gshegs lta ba de nyid do/ /stong nyid don yang shes par bya/ /dngos med dran med blo 'das smra/ /dper na nyi ma zla ba dang/ /nam mkha' skar ma'i 'khro lo dang/ /sa dang chu dang rgya mtsho dang/ /phyogs dang mtshams dang de yin la/ /ri rab la sogs 'khrul snang yin/ /in+d+ra bo d+hi smra bar byed/ /de rnams gang yang grub pa med/ /gnyis med don la nyams len gyis/ /de nyid brgyad kyi lta ba zhes bya ba/ slob dpon in+d+ra bo d+hi sa mdzad pa rdzogs sto// //rgya gar skad du/ cit+ta kalpa pa ri ha ri drishti nA ma/ bod skad du/ /bod skad du/ sems nyid kyi rtog pa 'joms pa'i lta ba zhes bya ba/ gshin rje gshed la phyag 'tshal lo/ /mar sar mgo bo bcad pa yis/ /sta re'i so ni 'chag par byed/ /spal pas glang po med par 'gyur/ /kye ma shing thun dgod par byed/ /kyi mdo mtshar me go kye/ /sems la the tshom ma byed cig/ mtshar na a ba d+hA tI ba/ /sems la rtog pa ma byed cig /kho yis ma bshad 'di ma go /nam mkha' las ni me tog 'byung/ /kye ma ngo mtshar me go kye/ /sems la the tshom ma byed cig/ mtshar na a ba b+hU ? ba/ /sems kyi the tshom ci zhig bya/ /kye ma mo gshan bu skyes na/ /khri yang gar ni byed par 'gyur/ /ras bal dkon par thob 'gyur bas/ /nam mkha' i gos can du bar byed/ /kye ma ngo mtar me go kye/ /sems kyi the tshom ci zhig bya/ /mcher na a ba d+hU tI ba/ /sems la the tshom ma byed cig /kye ma glang chen khril 'dug /sbrang bu gnyis kyis 'degs par byed// dmus long lam ston ngo mtshar che/ /lkugs pas gtam ni smra bar byed/ /kye ma ngo mtshar me go kye/ /sems la the tshom ma byed cig /mtshar na a ba d+hu tI pa/ /sems kyi the tshom ci zhig bya/ /kye ma spre'u ltogs pa ni/ /? kham gyis za bar byed/ /kye ma

  40. 20b

    sems kyi nyams myong ni/ sus kyang brjod par nus pa yin/ /kye ma ngo mtshar me go kye/ /sems la the tsom ma byed cig/ mtshar na a ba d+hU tI pa/ /sems kyi the tshom ci zhig bya/ /sems nyid rtog pa 'joms par byed pa zhes bya ba/ kaM ka la dang/ me kha la nas brgyud pa slob dpon lakshmI yis gsungs pa rdzogs sho// //rgya gar skad du/ sho ka b+hi no d+ha drishti nA ma/ bod skad du/ mya ngan gyi lta ba zhes bya ba/ bla ma rnams la phyag 'tshal lo/ /bdag gi phung po ngan pa 'di/ /bla ma haM dang bral 'gyur bas/ /snang ba rnams ni nub par 'gyur/ /bla ma dam pa'i mya ngan gyis/ /ma hi la dag mya ngan gnas/ /bla ma ye shes mig med pas/ /phyogs mtshams gang yang mthong ba med/ /bla ma dam pa'i mya ngan gyis/ /ma Ni b+ha dra bdag ni du/ /snying rje rje chung gdugs dkar phub/ /rnal 'byor rgyal po mdzes pa'i bdag/ sdig can gang gis spyan drangs nas/ /ma Ni b+ha dra re ma dga' / /grub thob brgyad cu rtsa bzhi yis/ /nam mkha' i dbyings su dkyil 'khor bzhangs/ /de dbus bla ma nor bu bzhugs/ /sems kyis gdud pas bdag lus bsregs/ /d+ha ma d+hU ma re ma dga' / /skad cig gcig la kA ma ru/ /blo ma longs spyod thim par mthong/ /sna tshogs skad cig gcig la ni/ /rnam par dngos med mthong 'gyur bas/ /bla ma gshegs pas te ma dga' / /nor dang lang tsho thams cad spangs pa srid la chags pa'i nga rgyal bcom/ /nor bu bzang po ma hi la/ /d+ha ma d+hU ma bdag cag gi /dpal ldan bla ma med 'gyur bas/ /phyogs mtshams thams cad mun pas khebs/ /kye ma gnyis med Da ma ru/ /nam mkha' i dbyings su gdud byas nas/ /gdud bas rnal 'byor bdag cag gis/ /bla ma'i gdud thal lus la byugs/ /de nyid spyi bor bsgom byas nas/ /snying rjes b+ha hu ri bdag gis bsad/ /bdud kyis khyer ba'i b+ha ri khyod/ /bla ma'i sku dgra khyod yin no/ /bdag cag khyod kyi mun las bsgribs/ /bdag cag rnams kyis mdun ma byas/ /dug po gyon zhing sgra rnams breD?

  41. 21a

    dbyug pa dang ni thod pa thogs/ /mya ngan lus rnams ked rus 'byung/ /kye ma 'byor mi rtag to/ bdag cag rnams kyis b+ha hu ri bcom/ /de b+hi b+han+tu ko ti nas/ /sri mi la'i gnas chen phyed dang gsum/ /bla ma nag po'i lta ba yis/ /rnal 'byor dag po ma hi las/ /mkha' 'gro drug cu rtsa bzhi skrag?/ sro ma? li bshags b+ha hu ti bsad/ /kye ma bla ma'i sku dag bskal/ /bdag cag mkha' spyod gnas su 'gro/ /mya ngan gyi lta ba zhes bya ba/ slob dpon ma hil nas brgyud pa/ d+he'u ris mdzad pa rdzogs sho// //rgya gar skad du/ tsit+ta mA tra drISh+Ti nA ma/ bod skad du/ sems tsam gyi lta ba zhes byaba/ dpal dgyes pa'i rdo rje la phyag 'tshal lo/ /nam mkha' zhes bya'i gru la ni/ /lus ngag yid gsum dkrugs shing byas/ /bla ma'i man ngag gsung shing btsugs/ /sems kyi brtan pas gru mnan zhing/ /pha rol sgrol bar byas pa las/ /'di las thabs gzhan rnal 'byor la/ /yod ba dag ni ma yin no/ /'di las rnam rtog yod min la/ /dkrugs shing dag kyang yod ma yin/ /rlung gnyis kyis ni ded nas 'gro /thabs kyis de ru rtol te gnas/ /gru 'di myur bar ma bskyod na/ /bar nas choms po'i 'jigs pa che/ /rgya mtsho'i chu rlabs g.yos pa yis/ /srid gsum g.yang sar rnal 'byor lhung/ /sems kyi gru 'di brtan gzung ba/ /pha rol dag tu sgrol ba bya/ /'di las thabs gzhan rnal 'byor la/ /yod pa dag ni ma yin no/ /ma rtogs pa ni thams cad kyis/ /bye brag tu ni smra bar byed/ /rtags shing lta drug thams cad kyang/ /kru 'di gcig tu 'dus par 'gyur/ /sems kyi gru 'di brtan gzung la/ /pha rol dag tu bgrod par bya/ /'di las thabs gzhan rnal 'byor pa/ /yod pa dag ni ma yin no/ /mdza' gcig nas ni dngos byas nas/ /gru 'di gyen la bgrod par bya/ /sa ra ha ni sma bar byed/ /sems ni stong nyid gnas su thim/ /sems kyi gru 'di brtan bzung la//

  42. 21b

    pha rol dag tu mgrod par bya/ /'di las thabs gzhan rnal 'byor pa/ /yod pa dag ni ma yin no/ /sems tsam gyi lta ba zhes bya ba/ slob dpon sa ra ha nas brgyud pa/ slob dpon mi tri pas gsungs pa rdzogs ho// //rgya gar skad du/ kA ru Na ka pA la tsarya(rgyud 'grel): drishti nA ma/ bod skad du/ snying rje spyod pa thod pa'i lta ba zhes bya ba/ dpal bde mchog la phyag 'tshal lo/ /nam mkhar gser gyi yu ba can/ /gdugs steng mgo la 'dzin nas gnas/ /rdo rje mkha' 'gro gshegs par mdzod/ /d+ha ri mkha' 'gro ma yi sras/ /ci phyir zhe na de yi ni/ /drin gyi rnal 'byor bsam pa grub/ /stong nyid kham phor lag tu thogs/ /thabs kyi khu bas bkang byas nas/ /sangs rgyas zhing du phyin te gnas/ /srid gsum bcing ba'i brtsad nas bcad/ /mkha' 'gro ma brgyad rtag tu bsungs/ /sgo bcu dag ni rgya yis btab/ /d+ha ri ka ni smra bar byed/ /kun la khyab kyang gcig gis ni/ /de yi mtshan nyid rtog med na/ /bdag gis ji ltar bstan par byas/ /d+ha ri mkha' 'gro ma yi sras/ /ci phyir zhe na de yi ni/ /bsam pa yid bzhin 'grub par 'gyur/ /snying rje thod pa spyod pa'i lta ba zhes bya ba/ slob dpon d+ha ri ka ba nas brgyud pa/ slob dpon sa ra b+ha khas mdzad pa rdzogs sho// //rgya gar skad du/ a sam+b+hand+ha driSh+Ti nA ma/ bod skad du/ 'bral med kyi lta ba zhes bya ba/ bla ma rnams la phyag 'tshal lo// nor dang lang tsho rigs kyis dregs/ /bdag nyid 'jig par 'gyur ba'i dus/ /de dag gcig kyang snang ba med/ /khyod dang nga zhes bya ba ni/ /phrad par 'gyur ba ga la yod/ /rgya mtsho'i nang du gru zhig pa/ /slar yang 'du bar 'gyur ram ci/ /pha dang ma dang bu che rnams/ /gar la blta phyir 'dus pa 'dra/ /gar mkhan song nas ltad mo gyes/ /khyod dang nga zhes bya ba ni/ /phrad par 'gyur ba ga la yod/ /rgya mtsho'i nang du gru zhig pa/ /slar yang 'du bar 'gyur ram ci/ /tshong 'dus dag gam srang ngag gam/ /ri'am thad?

  43. 22a

    ngam chu 'gram du/ /lus ngag gang gi sar 'jig pa/ /bdag gis de ni ma shes so/ /khyod dang nga? zhes bya ba ni/ /phrad par 'gyur ba ga la yod/ /rgya mtsho'i nang du gru zhig pa/ /slar yang 'du bar 'gyur dam? ci/ /ka na pa ni smra bar byed/ /bdag pos? 'di las rtogs pa med/ /'gro 'ong byas pas bdag nyid bcom/ /khyod dang nga zhes bya ba ni/ /phrad bar 'gyur ba ga la yod/ /rgya mtsho'i nang du gru zhig pa/ /slar yang 'du bar 'gyur ram ci/ /slob dpon nag po pas mdzad pa/ 'brel med kyi lta ba zhes bya ba rdzogs sho// rgya gar skad du/ ta thA ga tA drishti nA ma/ bod skad du/ de bzhin nyid kyi lta ba zhes bya ba/ de bzhin gshegs pa rnams la phyag 'tshal lo/ /de bzhin nyid kyi shing dung la/ /rtsa ba yal ga dmigs pa med/ /ma tog 'bras bu rtag tu 'byin/ /kye ma shing 'di ngo mtshar ltos/ /sa bon myu gu med pa yi/ /'bras bu dpag tu med pa 'byung/ /de yi rang bzhin ji lta bu/ /nam mkha' chan bar bcug nas ni/ /khu tshu da dag gis gcog pa bzhin/ /shing de gcog pa de dang 'dra/ /rtsa ba dag kyang yod 'gyur la/ /yal ga dag kyang yod pa yi/ /shing gis nam mkha' khyab par snang/ /kye ma ltos dang shing 'di la/ /nam mkha' khyab pa ngo mtshar che/ /kye ma shing 'di ngo mtshar ltos/ /sa bon myu gu med pa yi/ /'bras bu dpag tu med pa 'byung/ /de bzhin nyid kyi shing 'di yi/ /mtshan nyid khyod kyis rtogs pa med/ /bdag gis bstan par rtogs par 'gyur/ /d+ha ri pa ni smra bar byed/ /'di la le lo byas pa yi/ /mdza' ru phyin par ma gyur pas/ /bar du phud bar ma byed cig /kye ma shing 'di ngo mtshar ltos/ /sa bon myu gu med pa yi/ /'bras bu dpag tu med par 'byung/ /de bzhin nyid kyi lta ba zhes bya ba/ slob dpon d+ha ri ka pas mdzad pa rdzogs sho// //thig le bcu drug gi nyams len zhes bya ba bzhugs/ /*/ /rgya gar skad du/ Sho Da ? bind+hu b+ha bA na nA ma/ bod skad du/ thig le bcu drug gi nyams len nas bya ba/

  44. 22b

    yum bdag med ma la phyag 'tshal lo/ /rang lus khong stong bsam byas nas/ /mtshan med a ba d+hu tI la/ /'khor lo bzhi ni bsam par bya/ /yi ge drug cu rtsa bzhi ni/ /sprul ba'i 'khor lor byin gyis brlabs/ /bde gshegs lnga dang lha mo rnams/ /'dab brgyad pad+ma dgod par bya khams dang phung po dag pa'i phyir/ /dbyangs can bcu drug longs spyod bsgom/ /de rnams nyid 'gyur spyi bo ru/ /bdag nyid bsrung ba'i man ngag go /bcu drug thig le rab tu 'bar/ /rtsa brgyad thig le rgyu ba yin/ /bzhi po zhu ste rol pa gnyis/ /gnyis kyi phyed ni bdag med ma// bcu drug phyed phyed grangs yin no/ /ka nas brtsams nas ma yi bar/ /reg byed nyi shu rtsa lnga yin/ /ya nas brtsams nas ha yi bar/ /mi rigs ming can brgyad yin no/ /bsdus pa A phreng kA phreng gnyis/ /sprul pa'i 'khor lor bsam par bya/ /nyi ma'i 'od kyis dros tsam na/ /khang g? bsreg cing zhu bar bsam/ /chos kyi rim pa'i rjes 'brangs nas/ /ri bong can gyis rgyas par 'gyur/ /mkha' 'gro longs spyod bdag thim nas/ /dga' ba'i bdag nyid skad cig la/ /dpa' rgyal snying rje chen po skye/ /yang dag zung 'jug grub pa yis/ /sgrib pa thams cad dag pa 'gyur/ /skye 'gag med pa'i rnal 'byor ni/ /kaM ka li bdag grub pa thob/ /kye 'o ma yengs rnal 'byor pa/ /rang gi sems la nyams len gyis/ /slob dpon kaM ka li pas mdzad pa/ /'khor lo bzhi'i nyams kyi zhal gdams rdzogs sho// // rgya gar skad du/ bAhya an+ta bod+hi tsit+ta band+ha nA ma/ bod skad du/ phyi nang byang chub sems bcing pa'i man ngag ces bya ba/ byang chub sems dpa' la phyag 'tshal lo/ /don dam kun rdzob byang chub sems/ /lhan cig skyes te mun bas bsgribs/ /kun tu skye ba'i nyams len ni/ /bdag gis 'di ru bshad par bya/ /spyi bo'i gtsug nas bo la'i bar/ /sna tshogs rtsa ni bsgom par bya/ /de nas bde chen 'khor lo ru/ /sgo nga'i khog pa lta bu yi/ /byang chub sems la sems gtad nas/ /bo la'i rtsa la rgyal po tsam/ /gsal la sran rdog tsam du bsgom//

  45. 23a

    bde chen sgo nga'i rtse la ni/ /byang chub sems ni 'jig par bya/ /lte ba'i bar du rnal 'byor kye/ /gnyis med bdud rtsis bkang byas nas/ /shes pa bde ba'i mchog tu 'gyur/ /sgom pa'i spyod yul phar mi spro/ /sems ni tshur la bkug mi bya/ /dper na sprul gyi mdud pa bzhin/ /sems ni rang grol gnas pa ste/ /dngos po'i bya ba bral 'gyur ba/ /rnal 'byor yid kyi zhen pa mchod/ /mi nA bdag gis rtogs pas grol/ /byang chub kyi sems bcing ba'i man ngag ces bya ba/ slob dpon mi na bas mdzad pa rdzogs sho// // rgya gar skad du/ bA yu tA twaM swa b+ha bA no ba de sha nA ma/ bod skad du/ rlung gi de nyid bsgom pa'i man ngag ces bya ba/ bla ma rnams la phyag 'tshal lo/ /g+ho ra kha ni ba lang bsrung/ /brdzi ba lang 'che bar byed/ /'tsho bar byed cing gnyid med 'gyur/ /nyi ma dang ni zla ba gnyis/ /ro gcig par ni 'dres bar 'gyur/ /g+ho ra kha ni sgra gcan gyis/ /nyi ma zes pa ngo mtshar che/ /gal te rgyab kyi sgal tshigs su/ /drag tu bcings pas rnal 'byor pas/ /skad cig tsam gyis khams su grub/ /nyi ma dang ni zla ba gnyis/ /ro gcig par ni 'dres bar 'gyur/ /g+ho ra kha ni sgra gcan gyis/ /nyi ma zos pa ngo mtshar che/ /shing bu gting du nub pa dang/ /pha bod gyen du 'byung bar 'gyur/ /dga' bas bdag ni bskubs so zhes/ /g+ho ra kha ni smra bar byed/ /nyi ma dang ni zla ba gnyis/ /ro gcig par ni 'dres par 'gyur/ /g+ho ra kha ni sgra gcan gyis/ /nyi ma zos pa ngo mtshar che/ /nor bu thams cad rdo rjes 'bigs/ /g+ho ra kha yi rnal 'byor ni/ /bla ma'i drin gyis grub pa yin/ /nyi ma dang ni zla ba gnyis/ /ro gcig par ni 'dres par 'gyur/ /g+ho ra kha ni sgra gcan gyis/ /nyi ma zos pa ngo mtshar che// rlung gi de nyid bsgom pa'i man ngag ces bya ba/ slob dpon g+ho ra khas mdzad pa rdzogs ho// //rgya gar skad du/ bA yu tat+twaM b+ha ba nA ma/ bod skad du/ rlung gi de nyid bsgom pa'i man ngag ces bya ba/ bla ma rnams la phyag 'tshal lo/ /dur khrod ma ni lhan skyes rtog pa

  46. 23b

    med/ /phra zhing mi dmigs rang bzhin yid 'ong ba/ /pad+ma'i dbus 'gyur sna tshogs rol mdzad de/ /dus kyi stobs kyi dpa' bo gnyis med pa/ /nam mkhar khyab cing thim par dmigs pa med/ /mnyam pa'i bde rtogs skad cig gcig la ni/ /khams gsum g.yo zhing bde lta rtogs pa ste/ /bla ma'i bka' yis gang yang lhan skyes so/ /bla mas ma rtogs lhan skyes gzhan du min/ /yon tan rnams la nga rgyal ma byed kye/ /lhan cig skyes pa'i gnyid log myos 'gyur ba/ /dam tshig glang chen lta bur spyod/ /dbang po sgo dgu'i sngags kyi lam bkag pas/ /brtan pa'i bum pas de ni mya ngan 'das/ /pad+ma'i ge sar rlung gi 'byung 'jug 'di/ /brtan par bcings na mgon po 'chags par 'gyur/ /rlung nyid thim pas mi 'gyur kha dog med/ /'brel mer dran sems nyid ni stong pa la/ /sgom dang sgom rgyu bsgom bya de la med/ /g.yo ba'i sems nyid ting nge 'dzin gyis ni/ /sems kyi rgyal po brten med mkha' la ldid/ /mnyam par non cig lus kyi 'khrul 'khor bya/ /sems nyid bde chen bkram pas mya ngan 'das/ /gti mug zhags pa bcad cing gzhan dag spongs/ /skad cig gcig la 'khor ba'i chags pa bral/ /de nyid bcings pas bya ba bral 'gyur ba/ /'gro ba drug du yang dag skye mi len/ gang zhig rtsa sgor ma yengs gnas pa des/ /drag po'i rkun mas de la 'jigs pa med/ /gang zhig brdzun pa rku brdzun ni mya ngan med/ /sngags nyid rang gi lus la gnas pa ste/ /bde ba thams cad rnal 'byor dran par gyis/ /bde ba rtogs pas rnal 'byor skyes 'gyur ba/ /khyim gyi bdag mo rang lus tshim gnas la/ /rlung gi sems nyid pad+ma'i chu dang 'dra/ /'byung ba rnams ni de yis myong 'gyur pas/ /de phyir g.yo ba'i sems la rnal 'byor pa'i/ /sgo dgu bkag nas nan tan gyis/ /rnal 'byor gyi ni gti mug bcad byas la/ /gnas kyi yon tan rtogs par chags med 'gyur/ /sprin ltar mi 'phrul rang bzhin kun brtags kyi/ /gti mug gnas kyi gti mug bsregs byas nas/ /lhan cig skyes

  47. 24a

    pa'i gnas la rnal 'byor thim/ /thams cad nub pas steng 'og lam 'gags pas/ /gnas kyi nyams kyis 'khor ba mya ngan 'das/ /de ni rnal 'byor bla ma'i drin gyis rtogs/ /nyin mtshan bla ma spyi bor bsgom byas nas/ /lhan cig skyes ? nyid du gnas 'gyur ba/ /yang nas yang du nam mkha' i bdud rtsi rdzub?/ /rjes 'brang bkur sti dri med sku thob pas/ /ka ba gcig la gzhal yas sgo dgu ste/ /lam gyi rgyu lus bdag gis gcig tu rtogs/ /de yis bdud bzhi bar gcod sel bar 'gyur/ /de phyir dge sbyin khrims sogs dgos mi 'gyur/ /dge sbyong chos smras lha nyid bsgom pa de/ /chos kyi ri ni sus kyang rtogs pa med/ /sku gsum brtan par 'dod na rnal 'byor kye/ /phyi nang byang chub sems kyi rlung nyid sgoms/ dug lnga'i yan lag bcad bas myur du ni/ /byang chub sems kyi lam la legs par 'jug/ rnal 'byor bstan pa thob ste skye mi 'gyur/ /rlung gi de nyid bsgom pa'i man ngag ces bya ba/ slob dpon tsor gyis mdzad pa rdzogs sho// //rgya gar skod du/ /badzra DA ki ni ni sh+yan+nA kra ma/ bod skad du/ rdo rje mkha' 'gro'i rdzogs pa'i rim pa/ rdo rje phag mo la phyag 'tshal lo/ /rdo rje mkha' 'gro gzhu ru thogs/ /dngos po thams cad 'ben du btsugs /gnyis su med pa'i mnga' yis brgyab/ /sgom dang sgom rgyu dmigs pa med/ /bsnun pas skye ba dmigs ma gyur/ /bdag gzhan gnyis kyi mdza' yang bcad/ /gnyis su med pa'i mda' yis brgyal sgom dang sgom rgyu gnyis ka med/ /stong pa'i gzhu ni bkang byas nas/ /shog med mnga' ni rdeg par byed/ /bsad dang bsang bya gnyis ka med/ /gnyis su med pa'i mda' yis brgyag /sgom dang sgom rgyu gnyis ka med/ /nam mkha' i cho 'phrul chen po yis/ /chos nyid thams cad bsdus byas nas/ /gnyis su med pa'i mda' yis brgyab/ /sgom dang skom rgyu gnyis ka med/ /bi rlus 'di ltar 'khor byas nas/ /gcig nas nyi shu'i bar du ni/ /dngos po cing yang zhugs pa med/ /yi ge stong pa gsos su byin/ /gnyis su med pa'i mda' yis brgyag /sgom dang sgom rgyu

  48. 24b

    gnyis ka med/ /rdo rje mkha' 'gro'i rdzogs pa'i rim pa zhes bya ba/ slob dpon pi rU pa nas brgyud pa/ slob dpon b+hi na pas mdzad pa rdzogs sho// ///rgya gar skad du/ tsa tu rlog b+ha bA na nA ma/ bod skad du/ rnal 'byor bzhi'i nyams len gyi thabs zhes bya ba/ dpal rdo rje sems dpa' la phyag 'tshal lo/ /sems dang sems nyid rgyu med de/ /bsgrub bya sgrub byed thig le'i ngo/ /'bras bu ma grub mya ngan 'das/ /dpal ldan dpa' bo yi ge med/ /lte bar gsang ba'i ge lar la/ a li kA li la brt+tn nas/ /rnal 'byor bzhi yi nyams len bshad/ lte ba ye shes 'khor lo ru/ /rtsa ni brgyad kyi thog btab nas/ /A 'phreng kA phrer mnyam bsams nas/ /mkha' 'gro brgyad kyis me lce sbar/ /byang chub sems kyi rang bzhin ni/ /nam mkha' i dbyings kyi 'od las ni/ /gnyis med zung 'jug 'jig byas pas/ /dpa' bo rnams kyi ? nas rgyu /de 'gag rnal 'byor mtshan ma med/ /brtan pa'i rnal 'byor grub 'gyur ba/ /sangs rgyas rnams kyis lam thob/ /A li kA li'i rnal 'byor ro/ /a ho bzlas pa'i rnal 'byor ba/ /dngos dang dngos med bral 'gyur bas/ /phyi nang dug gi rnam pa sal/ rnal 'byor 'di ni brtan grub na/ /zla ba drug nas 'grub 'gyur ba'i/ /rdo rje sems dpa' dang mnyam mo/ /de ni rig pa'i rnal 'byor ro/ /sems nyid gnas su pad+ma ni/ /mnyam pa nyid ni dmar por bsam/ /pad 'dab bzhi la thig le ni/ /dbus su rgyu med thig le yin/ /de dag rnams kyi kha rog ri/ /shar du dmar dang byang du ser/ /nub tu dkar dang lho ru gnag /sna tshogs 'od gsal dbus su 'gro/ /sngar bshad sngags dang bcas pa ni/ /bsgom na rnal 'byor dbang phyug de/ /skad cig gcig la rdzogs sangs rgyas/ /de ni mnyam nyid rnal 'byor ro/ /mi skyod chu dang rnam snang dang/ /phyi nang bdud rtsis yi ni/ ? pa'i thabs kyis rnal 'byor kye/ tan+ti bdag gis grub pa thog/ /rnal 'byor bzhi'i nyams len ces bya ba/ slob dpon tan+ti pas mdzad pa rdzogs sho// //rgya gar skad du pradz+nyo pA ya bi ni sh? ba sa mud yaM nA ma/ bod skad du/ thabs dang shes rab gtan ula dab

  49. 25a

    pa'i bsdus pa zhes bya ba/ dpal he ru ka la phyag 'tshal lo/ /gang zhig sprin ltar rtog pa sel cing rang bzhin dri ma med/ /nang pa rnams kyi gzhan dang mi mnyam gnyis med chos sku de/ /gzugs ldan sna tshogs longs sku rang bzhin rnamS kyi rgyur gyur pa/ /thabs dang shes rab gnyis med sprul sku de la phyag 'tshal nas/ /lham mkhan rigs 'dzin bdag gzhan don du rnam par bsdu byas nas/ /ma rtogs sems can rnams la phan phyir ma lus de nyid ni/ /bdag gis bshad bya blo ldan rnams kyis gus pas mnyan par gyis/ /dngos po'i rtog pa la brten nas/ /dngos med bdag med yang dag 'byung/ /gnyi ga rtog par mnyam mod kyi/ /byis pa rnams la drang phyir gsungs/ /de la nyon mongs thams cad de/ /skye 'jig sdug bsngal de las 'byung/ /bdag gzhan gnyis kyi 'dzin pa yis/ /thar pa thob par mi 'gyur pas/ /de phyir dngos po spang bya zhing/ /dngos med la yang brten mi bya/ /rnal 'byor dngos po la brten na/ /'khor ba nyid las gzhan du min/ /phan tshun 'brel phyir de dag ma ni/ /de min bdag gzhan grub pa med/ dper na nam mkha' i me tog bzhin/ /de phyir dngos dang dngos med ni/ /brdun pa'i cho 'phrul spang bar bya/ /rang bzhin ma grub dri ma med/ /de phyir pha rol phyin mar grags/ /khyab byed snying rje dbyer med de/ /rnal 'byor pa yi thabs yin/ /chu dang 'o ma 'dres pa ltar/ /thabs dang shes rab gnyis med pa/ /'dzin? bya 'dzin byed thog mdza' med/ /dri med dngos po'i mtshan ma bral/ /gnyis dang gnyis min zhi ba'i bdag/ de rnams la gnas bde pa'i mchog/ /rang rig ye shes chos kyi dbyings/ /zhi du la pha rol phyin ma yin/ /theg pa gsum dang sku gsum ldan/ /sngags ni 'bum sde grangs las 'das/ /dkyil 'khor rgyal mchog phyag rgya dang/ /'jig rten 'das dang 'jig rten rnams/ /lha dang lha min brgya byin dang/ /mi dang yi dags dud 'gro sogs/ /dper na chu yi brlabs bzhin te/ /de las byung zhing thim par 'gyur//

  50. 25b

    de phyir thabs dang shes rab kyis/ /gnyis med don ni bsgom par bya/ /mi mnyam pa yi sngags nyid kyis/ /stong nyid bsgom par mi bya zhing/ /de bzhin dngos po bsgom mi bya/ /de dag gnyis kyi 'dzin pa ni/ /mya ngan 'das kyang 'khor ba yin/ /de ni mi rtag spang byas pas /dmigs med stong nyid 'grub 'gyur ro/ /brjod bral nam mkha' i snying rje ste/ /de nyid yid bzhin nor bu ltar/ /'gro ba'i don ni byams pa yin/ /nam mkha' kun la khyab pa bzhin/ /gnyis med sems ni dga' ba yin/ /dngos dang dngos med gnyis dag la/ /bsgom pa'i btang snyoms de nyid ni// dngos med don dam bsgom par bya/ /bya ba dang ni byed pa po/ /bsgom dang bsgom rgyu gnyis ka med/ /sbyin dang sbyin bya gnyis ma grub/ /'dzin bya dang ni 'dzin pa po/ /brtags pas nyon mongs dngos po med/ /de nyid ldan pa'i rnal 'byor pa/ /byang chub sems ni grub 'gyur ro// chags pas bsgribs pas 'khor ba yin/ /sprin med na mkha' lta bu ni/ /rtog pa dang bral mya ngan 'das/ /de phyir sems ni brtan byas nas/ /blo dang ldan pas bsgom par bya/ /bla ma'i zhal gyi pad+ma las thob gdams ngag bris/ /bdag nyid grub pa gang zhig dge ba'i 'bras bu des// 'gro drug nyon mongs 'dam las brgal phyir dri med pa/ /byang chub sems la gnas shing grub pa thob par shog /thabs dang shes gtan la phab pa'i dngos grub bsdus pa zhes bya ba/ slob dpon tsam ris gsungs pa rdzogs ho// //rgya gar skad du/ swab+hA ba a sid+d+hi nA ma u pa de sha/ bod skad du/ rang bzhin grub pa med pa'i gzhi'i man ngag ces bya ba/ rje btsun sgrol ma la phyag 'tshal lo /e ma ji ltar mkhas pa yi/ /lha khang 'di ni bzhengs par bya/ /ka ba gcig la sgo dgu pa'i/ /shing mkhan gang gis khang par byas/ /ji ltar nam zhig lha khang der/ /'jig par 'gyur ba mi shes na/ /lha khang nang nas phug ron ni/ /gnas ni gang du tshol bar byed/ /ji ltar nam zhig lha khang der/ /'jig par 'gyur ba ma shes na/ /gang gis g.yogs shing zhal zhal byas/ /sgo rab

  51. 26a

    bsdams pa de ltar na/ /ka ba srin gyis dros pa na/ /ji ltar nam zhig lha khang der/ /'jig par 'gyur ba ma shes so/ /gang gis g.yogs shing zhal zhal byas/ /lha khang nang nas phug ron ni/ /gnas ni gang du tshol bar byed/ /mar ngang sbrang rtsi'i bras? byin yang/ /rigs ? gyi ni spyod pa 'dra/ /de bzhin rdo rje 'gro bar byed/ /ji ltar nam zhig lha khang der/ /'jig par 'gyur ba ma shes so/ /lha khang nang de'i phug ron ni/ /gnas ni gang du tshol bar byed/ /sna tshogs mdog can phug ron ni/ /lha khang bum pa spangs nas ni// dpa' po'i sgo nas smra bar byed/ /ji ltar nam zhig lha khang der/ /'jig par 'gyur pa ma shes so/ /lha khang nang nas phug ron ni/ /gnas ni gang du tshol bar byed/ /lha khang bum pa spangs nas na?/ /dpa' bo'i sgo nas smra bar byed/ /sems kyi rnam 'phrul yin no zhes/ /'phags pa klu sgrub smra bar byed/ /rang bzhin grub pa med pa'i gzhi'i man ngag ces bya ba/ slob dpon klu sgrub kyis mdzad pa rdzogs sho// //rgya gar skad du/ sha ? a k+Sha ra b+haTTa? sya sa dzwa tai ya b+ha ba na/ bod skad du/ rje btsun yi ge brgya pa'i sems dpa' gsum gyi bsgom/ pa'i thabs/ /bla ma rje btsun rnams la phyag 'tshal lo/ /dus gsum rgyal ba rnams kyi lam/ /dge ba gsum gyi bdag nyid can/ /sku gsung thugs la phyag 'tshal te/ /blong man dang ldan sgrub brtson zhing/ /bla ma'i gdams ngag dang bral la/ /phan phyir sgrub thabs/ gsum bsres tsam/ /oM shI badzra he ru ka sa ma ya ma nu pA la ya/ he ru ka twe no batiSh?/ Di Dho me b+ha ba/ su to Sh+yo me b+ha ba/ a nurak+to me? b+ha ba/ su po Sh+yo me b+ha ba/ sarba sid+d+hi ma pra yats+tsha/ sarba karma su tsam me/ tsit+taM sh+re ya(rgyud 'grel): ku ru hUM ha ha ha ha ho:b+ha ga wAn/ badzra nA me muny+tsa/ he ru ka badzrI b+ha ba ma hA sa ya satwa a hUM phaT/ /de la bsgom pa'i man dag ni/ /rang snying dbus gur phra ba yi/ /hUM gi dkyil du mthe bo tshad/ /TaM yig dkar 'od lta bu ni/ /de yi spyi bor gnas par bsam/ /hUM las byung ba'i 'od zer ni/ /ting 'dzin sems dpa' i

  52. 26b

    snying gi yi/ /kha sbyor nam mkha' i dbus su ni/ /'od kyi dkyil 'khor bsgom par bya/ /oM dang hUM gi sbyor pa las/ /pad+ma rdo rje rnam par bsgom/ /oM ni du pa'i mdog lta bu/ /dam tshig sems dpa' shes par bya/ /de gnyis nye bar sbyor pa las/ /a ni ye shes sems dpa' bsgom/ dang bzhin 'od gsal stong pa nyid/ /thig le'i ngo bo yi ge med/ /gnyis dang gnyis min zhe ba nyid/ /nam mkha' lta bur dri ma med/ /'di lta bu ni mgrin par bsgom/ /gnyis kyang 'od zer gcig la spro/ /du ba me khyer mar me'i nad/ /mkha' snang dang ni smig rgyu'o/ /kha dog lnga ba'i 'od zer ni/ /dbang po'i ? 'dra'i ngo bo nyid/ /rnam snang rdo rje nyi ma dang/ /pad+ma gar dbang rdo rje rgyal/ /rdor sems drug pa he ru ka /mgrin par bsdus te rnam par gnas/ /de ltar bla med rgyud rnams la/ /bsnyen pa'i sems dpa' gsum gyis ni/ /bsgrub pa'i gdam// dag zhal gyi lung/ /rim pa ji bzhin bshad byas nas/ /da ni rnal 'byor rgyud bzhin du/ /bsgrub pa'i zhal gdams bshad par bya/ /rnal 'byor rgyud du dpang thob pa'i/ /shes rab ldan pa'i rnal 'byor pas/ /bde par stan la 'dug byas la/ /oM A(rgyud 'grel): hUM gis sems dpa' ni/ /gsum gyi don la 'di ltar brtsam/ /thog mar rdo rje skyil krung bcas/ /ting 'dzin rgyal bcas sna rtser lta/ /oM A:hUM ni brjod byas pas/ /gnas gsum du ni rnam par bsam/ /de nas so so'i kha dog gi /'od zer lcags kyu lta bu ni/ /spros pas sangs rgyas sras bcas rnams/ /mdun gyi nam mkhar sbyar drang zhir/ /de la lnga 'am bdun pas mchod/ /gsum la skyabs 'gro la sogs bya/ /de nas sprin bral nam mkha' la/ /gnas pa'i skar ma lta bu ni/ /yig rgya'i sngags ni 'di yin to/ /oM sh+rI badzra la sogs ba/ de nas 'di lta'i sngags brjod bya/ //oM dad swa b+ha bshud+d+ha:/ /sarba d+harma swa b+ha ba/ /shud+d+ho hi nas brjod byas pas/ /skar ma ltar gsal dag par bsam/ /oM dad tsit+ta pra ti be/ /d+hAM? dang ka ro mi brjod pas so// de la nam mkhar hUM pas ni/ /sna tshogs pad+ma bas

  53. 27a

    par bya/ /de nas yi ge oM gyis ni/ nam mkhar zla ba'i dkyil 'khor bsam/ /de yi steng du A brjod pas/ /rang nyid skar ma ltar gsal pa/ /zla pa'i steng du rnam par bsam/ /de rjes aM? dang bo d+hi tsit/ /ta dang utpa ta A min brjod de rang nyid yi ge A/ /byang chub sems ni bskyed par bya/ /de yi rang bzhin gsal ba yi/ /byang chub kyi naM sems yin pas/ /'gro ba rnams la khyab byed cing/ /gsal bar byed pa'i bdag nyid bsam/ de rjes gsum pa yi ge ni/ ha zhes brjod pas skye po yi/ /tshangs pa'i bu gar hUM bsams la/ /de las byung ba'i rdo rje ni/ /rtse lnga pa ni rnam bsams te/ /brten byed sngags 'di brjod par bya/ /oM dang tiSh+Ta? badzra hUM/ /de zhu ba las rdo rje sems/ /bdag nyid 'di yi rigs can ni/ /yin par yang ni rab bsams te/ /zhal gcig phyag gnyis sku mdog dkar/ /phyag gnyis rdo rje dril bu 'dzin/ de la shI ni dpal gyi don/ /de ni rdo rje sems dpar brjod/ /de ltar oM gyi yi ge yis/ /dam tshig sems dpa' rnam par bstan/ /yang na 'di ltar shes par bya/ /oM ni zla ba'i de steng du/ /hUM las rdo rje rtse lnga pa// de yi dbus kyi rtse mo la/ /dbyangs yig dang po las byung pa'i/ /rdo rje sems dpa' sku mdog dkar/ /zhal phyag la sogs snga ma bzhin/ /de ni oM ste dam tshig sems/ /thog mar dge ba bkra shis pa'o/ /da ni ting nge 'dzin sems dpa' ni/ /sgom pa rnam par brtsam par bya/ /oM dang ya ta ta ta thA/ /ga ta ta ? haM zhes pa/ /brjod pas mdun du hUM sngon bsam/ /de byung 'khor lo bcu drug rtsibs/ /de yi dbus 'byung rdo rje ni/ /rgyab ma? de dbus paM las kyang/ /sna tshogs pad+ma 'dab brgyad pa/ /de yi ge sar steng du ni/ /hUM 'byung rdo rje sems// dpa' bsam/ /de nas shar gyi 'dab ma la/ /tshangs yig dang po bris pa yi/ /mA me muny+dza'i sngags brjod pas/ /rang gi sa bon las byung ba'i/ /mi skyed mgon po bsam par bya/ /rang gi sa bon las byung ba'i/ /rin chen 'byung ldan g.yas 'dab la/ /oM dang badzra satwa

  54. 27b

    te/ no pa tiShtha brjod pas so/ /oM dad dri Dho me b+ha ba/ /brjod pas rgyab dkyil pad 'dab la/ /sa bon las byung 'od dpag med/ /g.yon gyi pad+ma'i 'dab ? la/ /oM dang su to? Sh+yo me b+ha pa/ /brjod pas don grub sa bon las/ /me yi phyogs ki 'dab ma la/ /rnam snang yi ge dang bcas pa'i/ /a nu rak+to me b+ha ba/ /brjod pas rang gi sa bon las/ /rdo rje sems ma sku mdog dkar/ zhal gcig phyag gnyis g.yon du gzigs/ /phyag gnyis dgu? brten gtso dang mtshungs/ /g.yas pa'i phyag na rdo rje 'bar/ /bden bral oM dang su poSh+yo/ /me b+ha ba brjod rigs can ma/ /sa bon las byung sku mdog ser/ /phyag g.yon sngar bzhin g.yas ?/ /rin chen 'dzin cing g.yon du gzigs/ /rlung oM sarba sid+d+hommi?/ /pra yats+tshe brjod chos ma dmar/ /g.yas pad g.yon pa snga ma bzhin/ /g.yon du gzigs te dbang ldan du/ /rig byed tshig gi dang ba dang/ /sarba karma su tsam/ /tsit+ta? sh+re ya(rgyud 'grel): ku ru brjod/ /sa? bon las byung las ma ni/ /ljang ser sna tshogs rdo rje ?/ /phyag g.yon mthun la g.yon du gzigs/ /yUm? bzhi'i dbu rgyan rigs kyi bdag/ de rjes 'khor lo'i rtsibs la ni/ /dbang ldan las brtsams g.yon skor du/ /rdo rje sems dpa' la sogs pa/ /sems dpa' bcu drug ris bzhin bskyed/ /hUM ha ha ha ha swob+ha?/ /ga bAn badzra satwa ni/ /kun la khyab par byed pa'i tshig /ma ni 'dren ba'i don yin te/ /me ni bdag tu rnam par bshad/ /muny+tsa 'dzin par brjod cig pa'o/ /de phyir bdag ni zung la drongs/ /khyad par byung ba rdo rje sems/ /sku mdog ljang gu g.yon du gzigs/ /g.yas pa rdo rje rtse lnga pa/ /g.yon pa dril bu dkur brten te/ /pad+ma'i gdan la brten pa'o/ /badzrI las rdo rje rgyal po ser/ /phyag g.yas rdo rje g.yon lcags kyu/ kha cig g.yas pa lcags kyu ste/ /phyag g.yon dkur ni brten pa 'chang/ /sa byung chags pa sku mdog dmar/ /g.yas ? g.yon ni gzhu 'dzin pa'o/ /stwaM las legs pa ma rgad mdog /skyabs sbyin g.yas la g.yon dkur brten/ /lha 'byung rdo rje rin chen ser/ /dpang

  55. 28a

    bskur phreng ba gnyis kyis 'dzin/ /ga las rdo rje nyi ma dmar/ /snying gar phyag gnyis nyi mar 'dzin/ /ban las rgyal mtshan nam mkha' i mdog/ yid bzhin nor bu'i rgyal mtshan ni/ /phyag gnyis kyis ni 'dzin pa'o/ /ma byung bzhungs? sund+da? ri// mdog can rgyal mtshan so yis ni/ /phreng bas mtshan pa 'dzin pa'o/ /hA las ches ni dkar dmar mdog/ g.yon gyi pad sdong g.yas kyis 'byed/ /sa 'byung rnon po gur gum mdog/ phyag g.yon po ti g.yas ral gri/ /ma lus byung ba'i rdo rje rgyu/ /sku mdog ser la chos 'chad rgya/ /ya las rdo rje 'od mdog dmar/ /g.yon du g.yas pas lce 'dzin pa/ /sa las rdo rje las ljang ser/ /phyag gnyis rdo rje rtse gsum pa/ /gang stabs kyis ni spyi bor 'dzin/ /twa las bsrung ba sku mdog ser/ /gnyis kyis rdo rje go cha 'dzin/ /twa byung rdo rje gnod sbyin nag/ phyag gnyis kyis ni zhal phyogs su/ /mche 'dzin bdud rnams 'jigs byed rgya/ /a las rdo rje khu tshur dkar/ /rdo rje 'ching byed gnyis kyis 'dzin/ /de ni hUM gi rang bzhin can/ /ting 'dzin sems dpa' shes par bya/ /a ni ye shes sems dpa' ste/ /de yi sbyor ba bshad par bya/ /phyag rgya snga ma la gnas nas/ /rdo rje lcags kyu'i phyag rgya las/ /'od zer spro ba'i sbyor ba yis/ /oM sh+rI badzra satwa dang/ /sa ma yo haM zhes brjod pas/ /dam tshig sems dpa' bdag nyid bsam// sa ma ya stwaM zhes brjod pas/ /rang mdun nam mkhar zla dkyil la/ /gnas pa'i ye shes sems dpa' dgug /yang ni sa ma ya staM zhes/ /ting nge 'dzin dang ye shes 'phreng/ /de yang mdun gyi nam mkha' la/ /zla steng a ni dkar po yi/ /ngo bor zhugs pa'i ye shes sems/ /bkug ste gtso bo'i thugs kar bstim/ /yang na phyag rgya snga ma yis/ /'di lta'i rdo rje sems dpa' dgug/ a ni zla ba'i dkyil 'khor te/ /hUM ni rdo rje rtse lnga pa/ /de yi dbus kyi rtse mo la/ /oM ni ye shes sems dpa' ste/ /de nyid rdo rje sems dpas par bshad/ /rtse

  56. 28b

    mo bzhi la rigs bzhi ste/ /mtshams bzhir lha mo rnam pa bzhi/ /'od kyi tshul du rnam par gnas/ /de nas zla ba rdo rje la/ /rdo rje hUM ni oM la ste/ /de la rtse bzhi'i 'od dbus la/ /mtshams kyang dbus la thim pa dang/ /de ni ting 'dzin sems dpa' la/ /thim par gyur par rnam pas bya/ /de ni dam tshig sems dpa' la/ /de yang gnyis med don du bshad/ /de rjes yi ge hUM gyur pas/ /rdo rje lce ni rdo rje yi/ /'od zer spro bar rnam bsam bya/ /de yis phyi nang dag byas nas/ /bdag nyid la ni dbang bskur te/ /de rjes bzlas pa ci nus bya/ /bzlas pa'i rig pa 'di lnga ste/ /oM sh+rI badzra satwa sa ma ya ma nu pa la ya/ badzra satwa twe no pa tiSh+Tha/ dri Dho mi b+ha ba/ su to Sh+yo me b+ha ba/ a nu rak+te me b+ha ba/ su po Sh+yo me b+ha ba/ sarba sid+d+hiM? me pra yats+tsha/ sarba karma su tsa me/ tsit+ti sh+re ye:ku ru hUM/ ha ha ha ha ho:b+ha ga bAn/ badzra satwa mA me muny+tsa/ badzrA b+ha ba/ ma hA sa ma ya satwa a:// //nges ni dam tshig bsrung bar gsungs/ /yi ge brgya pa btus pa yis/ /sgo nas sems dpa' gsum gyi don/ /sgrub thabs dge pa gsum ldan pa/ /rnal 'byor rgyud dang mthun par bstan/ /da ni bya ba'i rgyud gsungs pa'i/ /sems dpa' gsum gyi sbyor ba brtsam/ /thog mar rnal 'byor dbang phyug gis/ /phung po lnga yi nga rgyal bya/ /de rjes sngags ni 'di ltar brjod/ /oM ma Ni d+ha? ri badzri Ni/ ma hA pra ti sa re/ rak+Sha rak+Sha hUM hUM phaT phaT swA hA// // lus kyi dkyil 'khor bsgom byas la/ /de rjes byams sogs dran byas nas/ /mdun du lam skyes gru bzhi ste/ /de dbus sna tshogs pad+ma bsam/ /de steng oM las byung pa yi/ /zla ba'i dkyil 'khor rnam par bsam/ /utpal phyag rgyas bkug pa yi/ /utpal rigs brgya bsam par bya/ /phyag rgya de ni dam tshig gi /sems dpar yang ni rnam par bshad/ /de rjes ye shes sems dpa' ni/ /sngags 'di yis ni dgug par bya/ /oM e hye hi b+ha ga ba ti/ pra sA d+hi ci d+ha yaM ku ru a/ pu dzaM? grah+NaM/ a na sana? hi to b+ha ba/ 'di brjod aM ku'i

  57. 29a

    phyag rgya yis/ /ye shes sems dpa' spyan drang bya/ /nga ni ting 'dzin sems dpa' yi/ /sbyor pa 'di ltar shes par bya/ /oM b+ha ga ba ti sa ma ye shwa ri sarba bud+d+ha ma te/ ta re a tiSh+Tha nAny+tsa me ku ru swAhA/ /taM yig hUM gis brkyang pa las// byung ba'i sgrol ma ljang gu ni/ /zhal gsum phyag drug spyan gsum ste/ /mi bskyod pa yid bu rgyan can/ /rgyan rnams kyis ni legs par spras/ /g.yas zhal dkar la g.yon zhal gnag/ g.yas gsum phyag mtshan rim par ni/ /mi 'jigs sbyin dang mda' dang ni/ /rdo rje rtse lnga rnam par 'dzin/ /g.yon gsum rim bzhin sdigs mdzub dang/ /gzhu dang utpal shes par bya/ /sna tshogs pad+ma'i steng du ni/ /pad+ma'i steg rgya'i bzhugs stabs kyis/ /mkha' lding lnga la brten pa'o/ /dbus kyi mkha' lding dkar po ste/ /lag pa gnyis kyis dum pa 'dzin/ /g.yas su nag dang ser po ste/ /g.yon pa ljang dang dam? po yang/ /rim pa bzhin du shes par bya/ /de ? ting 'dzin sems dpar bshad/ /rang lus la ni rnam dag don/ /yi ge gsum gyis byin gyis brlabs/ /oM dkar spyi po'i gtsug tu ste/ /mgrin par A:yig dmar po bsam/ /hUM nag snying ga'i pad+ma ru/ /de ltar rang lus rnam bsam bya/ /sa bon rnams la legs bskor pa'i/ /yi ge brgya pa bzlas par bya/ /oM b+ha ga ba ti tA re/ sa ma ya ma nu pA la ya/ tA ra ka twe no pa tiSh+Tha/ dri Dto me b+ha pa/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ su po Sh+yo me b+ha ba / sarba sid+d+hi me pra yats+tsha / sarba karma su tsa mo? / tsit+taM shi ya:ku ru hUM/ ha ha ha ha ho(rgyud 'grel): b+ha ga pa tI badzra tA re mA me mu ? tA ra/ b+ha ga ba ti many+dzu? sa ma ya sa twa a :// // 'di ltar mi skyo'i par du bzla/ /smon lam rgya chen btab byas la/ /oM gats+tsha twaM bud+d+ha bi Sha yaM bun ra ga ma na yats+tsha/ dza:hUM baM ho:zhes bya ba'i don ni oM khyed ni sangs rgyas gnas su gshegs/ /slar yang 'byon par mdzad du gsol zhes pa'o/ /hUM gis dgug cing dza?

  58. 29b

    gis gshegs/ /bgyis bcings shing ho:sa dgyes pa'o// //de ltar bya ba'i rgyud la ni/ /brten pa'i sems dpa' gsum don bshad/ /nga ni rgyu yi theg pa las/ /grags pa'i sems dpa' i don bshad bya// //yang na gcig kyang ldan pas kyang/ /'jig rten chos la blo ldog ste/ /rnam par dben pa'i sa phyogs su/ /bde bar stan la 'dug nas su/ /'di ltar bsgrub pa'i sbyor ba tsam/ /dang por maN+Dal la sogs bsham/ /sems bskyed sngon du song pa yis/ /dkon mchog gsum la skyabs su 'gro/ skyabs kyi dam pa bla med pa'i/ /dkon mchog gsum la skyabs su mchi/ /zhes brjod lus yid sbyor ldan bya/ /nges ni byang chub sems dpa' yi/ /dge bsnyen du ni mi 'gyur te/ /de rjes byang chub sems bskyed de/ /bdag dang tha mi dad pa yi/ /byams dang snying rje dga' ba dang/ /btang snyoms kyang ni bsgom par bya/ /de yi rjes la bla ma la/ /dad pa bskyed de dang pa bsgom/ /de ltar byas bas 'bras bu ni/ /'khor ba las ni grol 'gyur te/ /bar chang rnams kyang mi 'byung ngo?/ /gdams ngag don ni rnam pa gnyis/ /bsgom dang de bzhin bzlas pa'o// // sgom don dang po mal nas langs byas te/ /de rjes dkon mchog gsum ni rjes dran bya/ /de nas bdag nyid thog mar khrus byas te/ /rang gi lag mthil g.yon par oM las ni/ /zla ba'i dkyil 'khor de yi steng du h+rI:/ /de las byung ba 'o ma'i mdog can gyi/ /bdud rtsi'i chu bsam oM h+rI:swAhA yi/ /byin gyis brlab bya chu dang rang nyid la/ /dbang bskur tshul du sngags 'di brjod par bya/ /oM sarba ta thA ga ta/ a b+hi She ka sa ma ya sh+rI ye hUM/ /zhes bya ba'i sngags brjod rang nyid spyi bor gtor/ /bsgrub pa'i gnas la sogs la gtor bar bya/ /de rjes yi ge gsum gnas ni gsum du dgong/ /spyi bor tshangs pa'i yi ge dkar po ste/ /mgrin par ye shes yi ge A(rgyud 'grel): dmar bsam/ /khro yig sngon po snying ga'i dbus su dgod/ /de ni sems dpa' rnam pa gsum du bshad/ /de yi man ngag khro yi?

  59. 30a

    pad+ma ste/ /a ni zla ba rig byed dang po'i tshig/ bcom ldan shAkya thub pa yin zhes bsam/ /de ni gnas gsum bsrung zhing dag pa'o/ /de rjes shar gyi phyogs su kha bltas la/ /gser sogs snod du chu ni gtsang ma ltam/ /shar gyi phyogs su nam mkhar hUM yig bsam/ /de gyur las byung pad+ma'i ge sar la/ /a las zla ba de yi rigs skyes mtshon/ /de steng rnam snang yig gyur nyi dkyil 'khor/ /'od kyi dkyil 'khor lta bur rnam par bsam/ /zla dbus bcom ldan shAkya thub chos 'chad rgya/ /nyi 'od thub dang gnyis su med par bsam/ /de yi rjes la gsang sngags 'di brjod de/ /oM na mo ta thA ga ta sya phaT phaT/ mriShaM an N+Na pa ni/ pra yats+tsha me swA hA/ /me tog re blangs sngags re brjod byas pas/ /sngar bshams chu la nyi shu rtsa gcig dor/ /yang na rig pa de nyid brjod byas la/ /snga ma'i me tog re re blangs nas kyang/ /maN+Dal la sogS sa phyogs gtsang mar ni/ /bcom ldan shAkya thub la dbul bar bya/ /de rjes dpal ldan yi ge brgya pa ni/ /mi skyo'i yid kyis ci nus bzlas par bya/ /oM b+ha ga bA ti mu na ye sa ma ya ma nu pA la ya/ shAkya mu ni twe no pa tiSh+Tha/ dri Dho me b+ha ba/ su toSh+yo me b+ha ba/ su po Sh+yo me b+ha ba/ a nu rak+to me b+ha ba/ sarba sid+d+himma? pra yats+tsha/ sarba karma su ci me/ tsit+taM sh+re ye:ku ru hUM/ ha ha ha ha ho(rgyud 'grel): b+ha ga bAn shAkya mu ne mA me muny+tsa/ bud+d+ha b+ha ga bAn/ mahA sa ma ya satwa A:// // de ni thog mar gti mug yi ge la/ /bar du sgra gcan tha mar dbyangs yig las/ /yi ge a ste sems dpa' gsum du grags/ /de rjes dge ba'i rtsa ba bsngo byas te/ /dza:hUM baM ho:sa gshegs su gsol bar bya/ /rig gnas lnga la mkhas pa rnams kyis kyang// spyad par rtogs dka' rdo rje 'chang gi dngos/ /rtsa ba'i grub chen lU yi nas brgyud pa/ /gdams pa phyi nang gsang ba'i sems dpa' gsum/ /sgrub thabs slob ma mchog gi gsol btab ngor/ /bla ma'i gdams pa bum rgyun legs 'thungs pa/ /brtson shugs

  60. 30b

    'bar ba'i snying rjes sna drangs te/ /nyams chung bzung phyir rin chen phreng bar bsdebs/ /ji srid thub pa'i bstan pa gnas bar du/ /mdza' kho ba phyogs su dar cing rgyas gyur cig/ rje btsun gyi yi ge brgya pa'i sems dpa' gsum gyi sgom pa'i thabs/ /slob dpon nA ro pas mdzad pa rdzogs sho// //rgya gar skad du/ ratna mA la nA ma/ bod skad du/ rin chen phreng ba zhes bya ba/ dpal he ru ka la phyag 'tshal lo/ /mgon po kun gyi bdag nyid ni/ /dngos po'i rang bzhin ma grub pa'i/ /bla ma rjes la phyag 'tshal nas/ /rin chen phreng ba bshad par bya/ /sgom dang sgom rgyu rnal 'byor gyi/ /rtog pa de ni bden pa min/ /bden gnyis grub pa med pa'i phyir/ /sgom la brten par mi bya'o/ /chos kyi dbyings dang de bzhin nyid/ /gang yang rang bzhin rtogs pa de/ /zhi ba dang rig gnyis su med/ /bla ma dam pa'i dgongs pa'o/ /mtshan nyid med pa'i shes rab ni/ /phyag rgya bla ma'i gdams ngag bcas/ /phra zhing rang rgyud ye shes kyi/ /ma rdzogs pa yi skad cig la/ /yang dag grub par mi 'gyur ro/ /bla ma gnyis pa'i dgongs pa'o/ /rnam par rtog pa bden pa min/ /rtog med rjes su 'brel pa yi/ /rim gyis rnam rtog rnams dang bral/ /? gu'i sprul 'dzin te/ /rnal 'byor rtog med bde ba che/ /bla ma gsum pa'i dgongs pa'o/ /ma rig pa yi snang ba 'di/ /rang rig ye shes rtogs 'gyur na/ /rmi lam nyin mo'i snang ba rnams/ /mnyam pa nyid du don rtogs pas/ /tshor ba tshor byed gnyis su med/ /gnyis dang gnyis min spangs pa yi/ /gang la mi gnas rnal de/ /shes rab pha rol phyin ma yin/ /bla ma bzhi pa'i dgongs pa'o/ /bdag nyid shi li'i dgongs pa ni/ /dmigs med snying rje'i rnal 'byor pa/ /gnyis 'dzin gnyis med don rtogs can/ /zab mo'i chos nyid la gnas pas/ /rdo rje sems dpa' i gnas thob 'gyur/ /rtog pa dang dral dri ma med/ /rnal 'byor rol pa'i lta spyod ni/ /chos rnams rang bzhin rtogs gyur na/ /bde dang sdug bsngal gnyis

  61. 31a

    med rtogs/ /de ltar rtogs pas rang grol 'gyur/ /rin chen phreng bzhes bya ba/ slob dpon si la ya lis mdzad pa rdzogs sho// //rgya gar skad du/ ku ru Na a b+heSh+ThA na b+ha ba rna nA ma/ bod skad du/ snying rje sgom pa'i byin brlabs zhes bya ba/ bla ma dam pa rnams la phyag 'tshal lo/ /bla ma'i byin brlabs thob gyur pas/ /skad cig gcig la mnyam par rtogs/ /rgyud sde rnams la mi gsal bas/ /snying rje sgom pa'i nyams len bshad/ /rnal 'byor de nyid dran byas nas/ /mtshan bcas mtshan med rang bzhin gyi/ /snying ga'i dbus su thig le ni/ /mun pa'i rab rib bsal gyur pa/ /zla rtse'i steng du bsam par bya/ /rang bzhin bdag po rol mdzad pa/ /drag po'i gzi brjid phreng bar brgyan/ /he ru ka dpal mgon po che/ /bdud bzhi las ni rnam par rgyal/ /lhan cig skyes pa'i dur khrod gnas/ /bde ba chen po dga' ba'i mchog/ ro myangs longs sku byang sems ldan/ /yi ge rgyu med yang dag gsungs/ /lha sgom phreng sngags mtshams gcod dang/ /sbyin bsreg klog sogs dgos ba med/ /rtog pa rnams ni sdang byas nas/ /'jigs med snying rje bskyed byas la/ /slob ma dang ni bdag nyid kyi/ /snying gar bsgoms pas ye shes ni/ /thams cad mkhyed dang mnyam par 'gyur/ /de nyid rtogs pas yang dag phrad/ /rdzu 'phrul bzhi dang sa bcu thob/ /nam mkhar spyod mi snang 'grub/ skye ba dran zhing rang sems rtogs/ /'das dang ma 'ongs da ltar ni/ /rang rig gzhan rig thams cad kyi/ /mgal me'i 'khor lo bskor ba ltar/ /sna tshogs sems kyi rang bzhin gyi/ /nyams skyes rnal 'byor grub pa thob/ /snying rje sgom pa'i man ngag ces bya ba/ slob dpon te lo pas mdzad pa rdzogs ho?// //rgya gar skad du/ ma hA yA na a ba ta ri nA ma/ bod skad du/ theg pa chen po'i gnas lugs gtan la 'bebs pa zhes bya ba/

  62. 31b

    dpal he ru ka la phyag 'tshal lo/ /theg pa chen po'i bdag nyid ni/ /bde chen rgya mtsho'i bdud rtsi yis/ /mdza' dbus mnyam pa'i tshad nang sel/ /dga' ba che la phyag 'tshal lo/ /theg pa rnams kyi mchog gyur pa/ /shes dang shes bya'i ye shes ni/ /gzhan la phan phyir rang la ni/ /bdag gis gtan la dbab par bya/ /'dzin dang 'dzin bya'i rig pa ni/ /so so'i las dang rnam par ldan/ /dngos po gzugs can 'ching ba'i rgyu/ /phyi dang nang gi gzugs med pas/ /de nyid ma grub gnyis med/ /gang zhig 'dzin pa gzugS yin te/ /'dzin pa med pas de nyid do/ /de ni dam pa'i ye shes te/ /lhun grub kha dog dbyibs dang bral/ /mkhas pa rnams kyis rang rig rtogs/ /gang zhig rig pa stong pa de/ /stong pa min la rig pa min/ /'di dag thams cad rang 'gag go /bden gnyis bral pa'i rnal 'byor gyis/ /stong nyid rig pa'i lta ba 'di/ /snying rje chen po'i shes rab po/ /rdzogs pa'i rim dang lha sgrub sogs/ /rgyud rnams kun las gsungs pas kyang/ /de nyid don dam ye shes min/ /don dam ye shes stobs kyis ni/ /rdzogs pa'i lha ni grub bar 'gyur/ /de phyir bdag ni rngo khand+his?/ /blo dman rnams kyi yul min ba/ /don dam kun rdzob gnyis med bshad/ /theg pa chen po'i gnas lugs gtan la 'bebs pa zhes bya ba/ /slob dpon chen po rdo khand+his mdzad pa rdzogs sho?// // rgya gar skad du/ tsit+tasya saM pra d+ha ya byA pa? naM nA ma/ bod skad du/ sems la gros 'debs zhes bya ba/ yum rdo rje phag mo la phyag 'tshal lo/ /dpa' bo dpa' mo 'byung po rnams kyis bskor byas pa'i/ /dpal chen he ru ka yi zhabs la phyag 'tshal nas/ /khams gsum sems can rnams kyi sgrib pa bsal pa'i phyir/ /bdag gzhan rnams kyi don du sems la phan pa'i gros 'debs bya/ /'dod pa pad+ma'i chu ltar rig nas sems nyid kyi/ /bla med lta bsgom 'bras bu khyod kyis dran par gyis/ /de yis dpal ldan zhal

  63. 32a

    mthong gnyis med don rtogs te/ /de phyir nyams len brtson pas phyag rgya chen po thob pa'i phyir/ /sna tshogs gzugs sgra sogs la ma chags ma zhen na/ /'khor bar mi gnas rgyu med mya ngan 'das pa thob/ /pad+ma bzhi mdzas mngon sum mig gi dbang po dang/ /sgra brnyan rna ba nyams shing sems nyid rmongs 'gyur pas/ /kye ma zhe sdang phrag dog dug ni ci phyir 'dzin/ /skra dkar gnyer ma la sogs khyod kyis mthong gyur kyang/ /yongs su 'chol ba'i zhen pas nyes pa skyon gyis bcings/ /rab 'bring tha ma'i spyod lam 'dod chags zhe sdang gis/ /mkhas btsun mngon pa'i nga rgyal 'khor ba'i gnas su 'khyam?/ /yi dags lnga min dud 'gro la sogs sdug bsngal mang/ /de phyir phrag dog spangs la rang nyid dmigs par gyis/ /lha dang klu dang mi rnams bde bar grangs mang thob gyur kyang/ /sems kyi rgyal po 'dod pas mi doms ngo mtshar che/ /gnyen bral sdug bsngal mchi ma rgya mtsho bas kyang lhag /dur khrod gnas kyi keng rus bsags pa ri dang mnyam/ /'dod pa'i rma phyung 'khrugs pa'i khrag ni mtsho dang 'dra/ /kye ma sems kye rgyal po'i rnal 'byor ci phyir srid mi spong/ /mi lus 'dod bya khom ldan yang dag thob byas nas/ /dngos po rnams ni chu bur lta bur brtags byas la/ /khyod kyis bdag gzhan rnams la ji srid phan par gyis/ /'khor ba'i 'dam la bying 'gyur thar pa shin tu dka' / /dmyal ba'i sdug bsngal du 'bod tsha grang sreg cing bcir/ /sred pas phrag dog yi dags bkres skom skye 'gyur la/ /snying rje'i gnas thob dud 'gro phan tshun zhe sdang che/ /lha yang gnas nas lhung 'gyur mi rnams sdug bsngal mang/ /de ltar 'gro pa'i sdug bsngal khyod kyis dran byos la/ /don dam kun rdzob tha snyad sna tshogs spang bar gyis/ /longs spyod sprin chung? glog ltar rnam par g.yo bar 'gyur/ /tshe ni rlung gis bskyod pa'i pad+ma'i chu ltar 'jig/ lang tshe rnams ni mi rtag de ltar bltas byas nas

  64. 32b

    mkhas pa rnams ni myur du nags su 'gro bar gyis/ /'khor ba'i 'dod pa'i gnyen bshes chags pas phrag dog skye/ /mthar yang gshin rje'i gnas 'gro rgyal ba thob mi 'gyur/ /khyod kyis de ltar shes na thar pa'i lam thob po/ /mi lus dam pa yang dang yang du thob pa dka' / /dper na rgya mtsho'i chu rlabs rlangs snang zla ba'i gzugs brnyan dang/ /rmi lam mig 'phrul 'khrul snang sna tshogs bsgom byed na/ /'khor ba'i zhags pas bcings grol rgya la bya bzhin no/ /de phyir sems nyid ma chags ma zhen nyams len gyis/ /'khrul zad gang zhig rnal 'byor bde ba thob pa des/ /sems gsal yal ga brgya yi sangs rgyas 'bras bu thob/ /sems kyi gros 'debs zhes bya ba/ slob dpon a dzo kyis mdzad pa rdzogs sho// //rgya gar skad du/ s+tha na marga pha la ma hA mu dra b+ha bAn nA ma/ bod skad du/ gzhi lam 'bras bu sgom pa'i phyag rgya chen po'i nyams len zhes bya ba / dpal he ru ka la phyag 'tshal lo/ /gzhi lam 'bras bu gsum gyi ni/ /rtsa gsum rgyud pa'i bla ma dang/ /yig 'bru gsum gyi nyams len ni/ /nyam chung nyon cig bshad par bya/ /lte ba sprul pa'i 'khor lo nas/ /sna bug gnyis dang tshangs pa'i bar/ /rtsa gsum la ni sems gtad bya/ /g.yon gyi dkar dang g.yas rtsa dmar/ /dbus kyi mi bskyod mthing ga la/ /g.yas par hUM dang g.yon par oM/ /tshangs pa bu gar a yig bsam/ /'od gsal mthing ga dkar dang dmar/ /khams gsum sprul pa'i 'od kyis khyab/ /gdul bya brtul nas slar yang thim/ /yi ge gsum gyi zla mtshes la/ /stong pa'i thig le steng du ni/ /rgyud pa'i bla ma 'od gsal ni/ /de steng 'di ltar bsgom par bya/ /g.yon gyi sna bug yi ge la/ /yid ches nyams myong bla ma ni/ /skar ma lta bu'i 'od gsal bsgom/ /'bras bu mngon sum bla ma ste/ /hUM yig zla tshes steng du ste/ /brtan par bsam gtan bsgom par bya/ /rlung gsum 'gag ste gdon gsum sel/ /dug gsum rnam

  65. 33a

    rtog bral 'gyur ba/ /rgyu 'bras chos kyi rtog pa spangs/ /lus kyi dgon pa brtan 'gyur bas/ /bdag gzhan gnyis med don rtogs te/ /dur khrod kyi ni 'jigs pa spangs/ /ha ri tsan dra nam mkha' i dbyings/ /dri za'i grong khyer longs spyod byed/ /gzhi lam 'bras bu bla ma bsgom pa'i phyag rgya chen po'i nyams len zhes bya ba/ slob dpon paM ka las mdzad pa rdzogs sho// //rgya gar skad du/ nA da bindu dwa re yo gi ni tsarya nA ma/ bod skad du/ rtsa rlung gi sgo nas rnal 'byor gyi spyod pa zhes bya ba/ yum bdag med ma la phyag 'tshal lo/ /bdag ni mdog sdug 'phyon ma min/ /dbyibs legs 'byon ma'ang ma yin te/ /dgyes rdor spyod pa'i dge sbyong gis/ /de ni bdag gi bdag par 'gyur/ /bdag ni mtshams su 'phung bar 'gyur/ /b+harb+ha? pa yis mtshams su bcom// de ni bdag gis ji ltar bya/ /phyogs bzhir bltas na thar pa med/ /thams cad bltas pas nam mkha' i dbyings/ /bdag ni mtshams su phung bar 'gyur/ /b+hand+ha pa yis mtshams su bcom/ /da ni stong pa'i de nyid rtogs/ /smros dang sems khyod ci rtogs na/ /de dor gzhan cig 'gro bar byed/ /bdag ni mtshams su phung bar 'gyur/ /b+hand+ha pa yis mtshams su bcom /da ni dur khrod dgon pa ru/ /de ru bdag ni gnas par byed/ /ri sbyong ba yi gnas dag tu/ /skye rga'i rgyun ni bcad nas gnas/ /bdag ni mtshams su 'phung bar 'gyur/ /b+hand+ha pa yis mtshams su bcom/ /b+hand+ha mkhas pa chen po des/ /sna tshogs sems ni gar byed pa/ /de yi rang bzhin dbang du 'dus/ /bdag ni mtshams su 'phung bar 'gyur/ /b+hand+ha pa yis mtshams su bcom/ /rtsa rlung gi sgo nas rnal 'byor gyi spyod pa zhes bya ba/ slob dpon DoM bi bas mdzad pa rdzogs sho// //rgya gar skad du/ ak+Sha ra dwi pa u pa de sha nA ma/ bod skad du/ yi ge gnyis pa'i man ngag ces bya ba/ bla ma rje btsun rnams la phyag 'tshal lo/ /rig byed dang ni brtun shing

  66. 33b

    yin/ dzE dang mu sel brtun brdungs yin/ /sa ma b+he dang brtun du byas/ /a thar shil mas phyag rdar byas/ /kye 'o bdag gi brtun 'di ni/ /bla ma dam pa'i bka' dang brdungs/ /bla ma dam pa'i man ngag dang/ /drangs shing rkang pas brdeg par byed/ /dngos po'i rang bzhin spyod pa na/ /lta ba drug ni sangs rgyas pa'i/ /lam 'di bdag gis dang du blangs/ /kye ma rtse gcig sems kyis brdungs/ /'di ltar 'bras bu nag po las/ /bsod nams brdeg pa gnyi ka yi/ /bsnun pas snyigs ma zad 'gyur te/ /rang sems stong pha nyid du lus/ /kye 'o bdag gi brtun brdungs yin/ /nyi zla gnyis ni 'gram shing byas/ /rkang pa'i rtun nad bdag gis gnas/ /'di ni lkug pa'i rmi lam 'dra/ /ji ltar gang la smra bar byed/ /kye'o bdag gi brtun shing ni/ /nam mkha' i he dang hUM sgra sgrogs/ /srid pa'i nges pa gnyis spangs te/ /nyin mtshan skad cig re re la/ brtun dang mnyam pa nyid du gnas/ /yi ge gnyis pa'i man ngag ces bya ba/ /slob dpon DeM bis mdzad pa rdzogs sho// //rgya gar skad du / a nu yo ga ta twa b+ha pa na aSh+Na de sha yi nA ma/ bod skad du/ de nyid bde ba sgom pa'i rjes su 'brang ba'i rnal 'byor sgom pa'i man dag ces bya ba/ /rdzogs pa'i rnal 'byor ma la phyag 'tshal lo/ /gang zhig snying gar kha sbyor pad+ma'i dbus su ni/ /sems nyid phra zhing rab gsal khyab pa nyams dang ldan/ /khams gsum thams cad nye bar gnyis med thob 'gyur ba/ /mnyam zhing gnyis med chos kyi dbyings la phyag 'tshal lo /g.yo 'gyur dbang po'i rta rgod nang du thim pa de/ /rgyal ba rnams kyi ye shes yang dag snod du ni/ /mkhas pas gnyis med thob 'gyur myur ma'i don rtogs pas/ dpal ldan dri med nam mkha' ltar ni lta ba grub/ /sangs rgyas rjes dran rnal 'byor chos kyi dbyings la ni/ /chos dang chos nyid bsgoms pas chos sku'i rang bzhin thob/ /de nyid dran tshor rig pa med 'gyur ye shes mthong/ /shin tu bsgoms pa'i dgos pa 'od gsal yid

  67. 34a

    gnyis med/ /yi ge med pa'i thig le snying gar gnas pa ni/ /sgom par byed pa'i rnal 'byor ye shes rab tu skye/ /de las rdo rje mkha' 'gro snying rjer ldan pa thams cad gnas/ /sangs rgyas rnams dang byang chub sems dpa' khams su bcas/ /de nyid rang bzhin mchod pas mchod 'os rnams las mchod pa thob/ /gang zhig rnal 'byor sgom byed sangs rgyas rnams kyis mchod/ /mchod sgom byed pa de ni 'bras bu sangs rgyas gsungs/ /rdo rje rnal 'byor nang gi bdag nyid gnyis sbyor bas/ /de phyir rdo rje'i mchod pas mkhas pa rnams kyis mchod/ /ye shes lnga 'phros sangs rgyas 'grub 'gyur the tshom med/ /gang zhig rnal 'byor lta ba sprul pa'i 'khor lo la/ /bandu ka yi 'bras ltar pad drug ge ser dbus/ /a Ni su tri pre bu// ka rigs drug 'gag phyir bsgom/ /dbus su khong stong yig 'bru drug po rim gyis ni/ /ka la thim pas sems nyid 'gag ste skye ba med/ /sgrib bya sgrib byed rang sems dri med dmigs pa med/ /rgyud rnams 'dul phyir gsungs te rnal 'byor don dam min/ /sangs rgyas thams cad 'grub 'gyur rang bzhin mchod pa che/ /gnas tshan nyi shu rang gnas sa lam rim pa thob/ /de phyir de nyid gzhan du mi tshol rang la gnas/ /rnal 'byor de nyid ma rtogs 'khyams nas ci zhig bya/ /gal te de nyid rtogs na ? zhig bya// skal bzang bdag nyid rang la grub cing de nyid thob/ /gang zhig gang gis sbyor bas brtul zhugs can gyis ni/ /gnyis med bsam gtan la ni smyon pa bzhin tu spyod/ /nam mkha' gos can yang na rnal 'byor de min pa/ /lus la yi dam lha gnas rang bzhin de nyid sgom/ /zla ba drug tu dag bsdams mkha' 'gro rnams dang phrad/ /ye shes 'od 'phros rnal 'byor sangs rgyas rnams dang mnyam/ /sgyu ma mkhan ltar 'dul mchog 'gro ba'i don mdzad do/ /de nyid bde bsgom pa'i rjes su 'brang ba'i rnal 'byor sgom pa'i gdams ngag

  68. 34b

    ces bya ba/ slob dpon ku ku ri pas mdzad pa rdzogs sho// //rgya gar skad du/ sra ba pa rits+tsha da na nA ma// bod skad du/ 'dzag pa gcod pa'i man ngag ces bya ba/ /yum don grub ma la phyag 'tshal lo/ /rkyen dang rgya mtsho rgyas pa dang/ /grang ba spyod lam nyes pa ste/ /kha zas byin brlabs dam tshig gis/ /grang ba 'dzag pa chu rgyun bzlog/ rdo rje'i rked par ngar dkar bsgril/ /dar gyi skud pas dam par bcing/ /g.yas g.yon ra dag rab tu sprugs/ /bsam gtan lte bar gtad par gyis/ /rnam snang sgo ru sku yig sgom/ /rgyun gcod sngags ni zhal nas longs/ /zla ba rgyas na rgya mtsho lung/ /kha brag brgyad la chu rgyun 'dzag/ gaM gA'i rgyun bzlog rnal 'byor kye/ /mi ltung tshe ring bde ba thob/ /rdo rje'i spyi bor drag ser bsgom/ /h+rIM twIM hUM gis thig le 'dra/ /steng rlung bcings nas bzhag pa ltar/ /g.yas skor g.yon skor rtsa la gram/ /rgya mtsho grang ba me yis bsre/ /bcud len sman gyi sbyor ba byas/ /a ru gser mdog 'o mar bskol/ /tsha ba gsum dang cong zhi bsre/ /bcud can zas dang sbyar la bza' / /na pa'i sa ru mu sdug dang/ /bem brtol brgya dang rtsa brgyad brgyab/ /mar skol ras bal me rtsa gdab/ /grang 'don pags pa rked la dkri/ /lha srung log na gdon gyis rkyen/ /rgya mtsho ma thub 'dzag pa la/ /rang 'byung me tog gu gul nag/ yungs kar thal ba mi klad bsre/ /ha bu'i sngags bzlas rdo rje byug /dog pa nag bos bcing bar bya/ /drag po'i spyod lam bzlas byas nas/ /bub pa'i rlung bcir hUM phaT 'dren/ /rnal 'byor kha zas nyams na ni/ /se'u'i shun pags 'o mar skol/ /khar btab 'thungs 'gag par 'gyur/ /dam tshig nyams nas rgyu ba la/ /mchod dang gtor ma byin brlabs zhu/ /gzhan du thams cad rnal 'byor la/ /yod pa dag ni ma yin no/ /'dzag pa gcod pa'i man ngag ces bya ba/ slob dpon ku ku ri pas mdzad pa rdzogs sho// //rgya gar skad du/ ti thi?

  69. 35a

    ka tsaN+Da li ka nA ma/ bod skad du/ mu stegs kyi gtum mo zhes bya ba/ byang chub sems dpa' thal skud can la phyag 'tshal lo/ /bud med gnas ni dbu rgyan mA/ /rigs ni gtum mo'i rigs gyur pa/ /srid pa gsum yang sreg par byed/ me lces nam mkhar khyab par byed/ /a tsan dpal ni gar byed 'gyur/ /nam mkhar rde? chungs la rje chung brdung/ /rdo rje me yis rgya mtsho skems/ /nyi zla gnyis kyang skyabs su bzhugs/ /gar byed dpal gyi a tsen thod pa can/ /nam mkhar rde chung sa la rde ? brdung lha dang lha min mi rnams dang/ /dbang phyug u ma la sogs pa/ /thams cad ye shes me yis bsregs/ /gar byed dpal gyi a rtsen thod pa can/ /nam mkhar rje chung sa la rde chung brdung/ /rnal 'byor ma ni khrid byas nas/ /mgon po'i gnas su 'jug par byed// 'di lta'i dkyil 'khor glu ru blangs/ /gar byed dpal ni a con thod pa can/ /nam mkhar rje chung sa la rje chung brdub/ /mu stegs kyi gtum mo zhes bya ba/ slob dpon a tsin+tas mdzad pa rdzogs sho// //rgya gar skad du /d+ha turb+ha d+ha nA ma/ bod skad du gser 'gyur gyi rtsi zhes bya ba/ /yum rdo rje phag mo la phyag 'tshal lo/ /sbyin pa'i pha rol rdzogs pa'i phyir/ /gser 'gyur rtsi yi gdams pa ni/ /nyams su len pa'i gang zag la/ /tshogs ni bsag phyir bshad par bya/ /bal po se'u sman tsha? dang/ /sa'ur bsreg se? sa/ /chad skyur ngang ni sbyar bar bya/ /zangs kyi snod du zhag gsum bzhag /de nas bdun gsum nyi shu gcig/ zhal gyi gdams pa'i sman rtsi yis/ /srab mo'i lcags rnams zangs su 'gyur/ /dngul chu dang ni khams dang/ /sems rtsi dang ni lci ba ni// lde gur byas nas de yi dbus/ /zangs mar bzhag na dngul du 'gyur/ /rta mig dang ni lug ru dang/ /ru sbal shun lbags shi lar bcas/ /bzhus pa'i gser la dngul btab nas/ /de rnams bsdus pa'i cha brgyad kyis/ /bzhus pa'i zha nye btab byas nas/ /zla ba

  70. 35b

    ltar ni dngul 'gyur ro/ /dngul dang 'khar ba mnyam byas nas/ /zha nye'i tshad du bsre bar bya/ /phyi lta'i snod kyi nang du ni/ /zhu bas thams cad dngul du 'gyur/ /sha chen srad ni brgyad dang ni/ /zha nye dkar po de dang mnyam/ /sa dzI srang gnyis sman tsha dang/ /dug bsar? gcig dang dngul chu mnyam/ /gangs can sman ni khu ba yis/ /snga ma'i sman rnams mnye bar bya/ /thams cad rwa dkar nang du bcug/ yang na rdza sa'i snod du ni/ /kha sbyor byas nas bsreg par bya/ /sman thal bar du bzhag nas bton/ /dngul ni zla ltar grub par 'gyur/ skyes pa tsam gyis sha'u yi/ /bu ri sha na blang byas nas/ /nyi ma zhu nas btab par bya/ /de ni bzhi 'gyur phye yis ni/ /zha nye dkar po'i zhun mar la/ /btab nas chu skams dngul du 'gyur/ /sman tshad dang ni tshal dang/ /ya bak+Shar sa dzi ka/ rtsi dkar sman ni khu ba dang/ /dug dang ha nu ma sha ti'i/ /chu ni ma he'i zho dang sbyar/ /zhag gsum zha nye'i nang du bzhag /du ba mi 'byung thabs kyis bsreg/ dngul 'gyur 'phongs pa'i sdug bsngal sel/ /dngul 'gyur sbyor ba bshad byas nas/ /gser 'gyur bdud rtsi bshad par bya/ /gangs can ri po rnams la ni/ /ru tat+ti? zhes sman mchog grags/ /lo mas sa phyogs zil ni bral/ /gser gyi mdog can khu ba 'dzag /zha nye dkar po dngul chu ldan/ /thal sbyor zhal gyi gdams pa yis/ /reg pas dngul zangs? gser du 'gyur/ /dang po me yis dngul chu yi/ /mi 'tshor pa yi sbyor pa bya/ /de nas sman gyi rtsi shes nas/ /rnal 'byor gser 'gyur 'grub 'gyur ro/ /mi dang lhan cig ma gnas na/ /gser 'gyur 'grub par mi 'gyur ro/ /de'i phyir kha sbyor 'khor lo yis/ /ci nas dngul chu bcing bar bya/ /da bcings gang yang gser du 'gyur/ /zos pas thams cad rdo rje'i sku ru 'gyur/ /gser 'gyur rtsi'i gdams pa/ /slob dpon na lis mdzad pa rdzogs sto// //rgya gar skad du/ tsit+ta tse? til sha pa no pa yi/ bod skad du/ sems dang sems nyid 'dul ba'i

  71. 36a

    thabs zhes bya ba/ dpal he ru ka la phyag 'tshal lo/ /sbu mdog sna tshogs te/ /rkang pas rdeg cing phyogs bzhir 'gro/ brdas nas nam mkhar bsad par byas/ /rang gi sha yis rang lus la/ /rnam pa kun tu dgra ru song/ /b+hu su ku yi rngon pa yis/ /skad cig gcig kyang gtong ba med/ /ri dags mo ni pho la smra/ /nags su gnas na bde bar 'dug /de nas byung? nas gsod par phyed/ /rang gi sha yis rang lus la/ /rnam pa kun tu dgra ru song/ /b+hu su ku yi rngon pa yis/ /skad cig gcig kyang gtong ba med/ /pho ni mo la 'di skad smra/ /su la bdag gis gnod ma byas/ /ci yang bdag gis zos pa med/ /su la'ang gnod pa ma byas na/ /ci yi phyir na sod cig smra/ /rang gi sha yis rang lus la/ /rnam pa kun tu dgra ru song/ /b+hu su sku yi rngon pa yis/ /skad cig gcig kyang gtong ba med/ /rtswa dang chu la mi gnod pa'i/ /gang du gnas kyang ltogs pa med/ /rtag tu btsal yang ma rnyed pa'i/ /ri dags pho mo 'di gnyis ni/ /bdag gis rnyed par ma gyur to/ /rang gi sha yis rang lus la// rnam pa kun tu dgra ru song/ /b+hu su sku yi rngon pa yis/ /skad cig gcig kyang gtong ba med/ /rgyug cing 'gro ba'i ri dags ni/ /de yis rjes ni rnyed pa med/ /brngas pas nam mkha' i dbyings su gtor/ /b+hu su sku yi rngon pa yis/ /skad cig gcig kyang gtong ba med/ /sems dang sems nyid 'dul ba'i man ngag ces bya ba/ slob dpon shAn+ta de ba nas brgyud pa/ slob dpon me ko las gsungs pa rdzogs sho// //rgya gar skad du/ sarba de ba d+ha ni sa paM kra ma marga nA ma/ bod skad du/ lha kun gyi rdzogs pa'i lam zhes bya ba// mkha' 'gro rnams la phyag 'tshal lo/ /mi snyan dgra sogs spangs pa yi/ /dben zhing gsang ba'i sa phyogs sam/ /yid dang mthun pa'i dgon pa ru/ /rim pa 'di bzhin bsgom par bya/ /shing gcig byang

  72. 36b

    chub sems yin te/ /a ba d+hU tI'i chu 'gram la/ /lte ba'i gtum mo dur khrod de/ /ri thod snying ga'i pad+ma la/ /dgon pa rnam snang gnas yin te/ /nags tshal pad+ma'i gsang ba ru/ /b+hi Da dang ni rdo rje chu/ /byang chub sems dang bzhi mnyam dang/ /rin chen 'byung ldan 'od dpag med/ /thig le'i gnas ni drug la bsgom/ /rnal 'byor pa yi sgrub sa bstan/ /de nas lus kyi maN+Dal ni/ /rang bzhin dri ma med pa'i rtsa/ /lhan cig skyes pa'i nyams dang ldan/ /zlum po nam mkha' lta bu ste/ /mthe bong tshad ni bde chen la/ /oM mam haM gnyis gang rung bsgom/ /me long lta bu'i ye shes kyis/ /maN+Dal byin gyis brlabs byas nas/ /mnyam pa nyid kyi ye shes ni/ /rnal 'byor snying ga'i sgra gcan gyi/ /steng du hUM ni dud ka bsam/ /mi bskyod pa yi rgya mtsho la// oM ni skar ma lta bu ste/ /so sor rtog pa'i ye shes ni/ /mgrin pa'i 'khor lor bsam par bya/ /byang chub sems dang rak+ta dang/ /mi bskyod chu yi thig le'o/ /de ltar byin brlabs rtsa bsgoms nas/ /bsod nams chogs ni bsags pa'i phyir/ /mtshan med rtsa dang 'khor lo bzhi/ /phyag rgya ba ni yi rgyas btab nas/ /thig le bzhi la nyams len bya/ /tshad med bzhi yi nyams skye'o/ /de ltar rnal 'byor bzhi bsgoms nas/ /rdzogs pa'i hUM bsam bgegs bskrod/ /snying ga'i khong stong dbus su ni/ /paM las pad+ma raM nyi ma/ /hUM las 'bar ba'i rdo rje 'phro/ /phyi dang nang bgegs mtshams bcad do/ /de nas rnal 'byor snying nyid ni/ /skyil krung bcas zhing lus nyid bsrang/ /mig gi dbang po sna rtser gtad/ /dngos po thams cad rjes dran nas/ /dri ma med pa'i nam mkha' la/ /skar ma lta bu'i sems nyid kyis/ /phra rab tsam gyi bdag gzhan sgom/ /stong nyid lta ba brtan byas nas/ rdzogs pa'i dbang gi rim pa bstan/ /rdo rje dril bu'i sbyor ba yis/ /dkan gyis phyogs su 'gyur lha mo/ /bde pa chen po'i zla rgyun ni/ /'bab bsam dbang bskur lus tshim mo/ /de nas dpa' ?

  73. 37a

    dpa' mo yis/ /gang yang dpal ldan 'dus pa'i sku/ /dri med me long gzugs brnyan dang/ /nam mkha' i skyes bu lta bu ni/ /rang bzhin kha dog dbyibs dang bral/ /ye shes lnga yi rang bzhin ni/ /nam mkha' i dbyings su bsgom par bya/ /de ltar rdzogs pa'i rim pa ni/ /skal ldan rnams kyi don phyir brtsams/ /de yis dge ba gang theb pa/ /'gro ba byang chub thob phyir bsngo/ /lha kun gyi rdzogs pa'i rim pa/ g+ha d+ha ris mdzad pa rdzogs sho// //rgya gar skad du/ so ma sUr? band+ha no pA ya nA ma/ bod skad du/ nyi zla bcing ba'i thabs zhes bya ba/ yum don yod grub ma la phyag 'tshal lo/ /dge 'dun rnams kyis yon tan brjod mi shes pa yi/ /gaN+Di'i sgra brdungs skyon smras phyi rol ngag tu bskrad/ /chu yi steng gshegs me tog len cing chu yi gting mi 'bying?/ /ngo mtshar phul du byung ba'i bi dU pa zhes grags/ /tshong 'dus srang 'dus 'khyam zhing zas kyi lhag ma ?/ /yud tsam khros pas gang gA'i chu rgyun gyen la zlog /chu yi steng gshegs me tog len cing chu yi gting mi 'bying/ /yon tan phul du byung ba'i birpa? pa zhes grags/ /chang tshong dag la khro bar mi byed nyi ma ni/ /khyod kyis khang par gta' mar bzhag ces smras te 'dug /chu yi steng gshegs me tog len cing chu yi gting mi 'bying/ /ngo mtshar phul du byung ba'i birba pa zhes grags/ /mu stegs rten la spyan zur gzigs pas li kaM bkas/ /de mthong khyab 'jug lha yi rten te and+ha 'dar// nyi ma gta' mar bcug nas chang 'thungs bi rU pa/ /'jig rten rnams ni phyugs 'dra bi rU pa zhes brjod/ /lhan cig skyes pa'i sems nyid phra zhing dri ma med/ /chu yi steng gshegs me tog len cing chu yi gting mi 'bying/ /ngo mtshar phul du byung ba'i birU pa zhes grags// nyi zla bcings pa'i thabs zhes bya ba /slob dpon birU pa nas brgyud pa/ ka ma ris mdzad pa rdzogs sho// //rgya gar skad du/ hUM kar tsit+ta bindu b+ha pa na kra ma/ bod skad du/ sems kyi thig le hUM nyid bsgom pa'i rim pa zhes bya ba/ dpal he ru ka la phyag

  74. 37b

    'tshal lo/ /rdo rje nyi zla'i steng du ni/ /de steng rin chen 'od byed pas/ /na? pad+ma'i kha ni dbye bar byed/ /mdzes ma lha mdzes btsun mo kyi/ /pad+ma'i chas ni btang ba yis/ /gzhan na yon tan ci zhig yod/ /sems kyi bung ? sar la/ /khu ba dag ni 'thung bar byed/ /gzugs ni skams nas 'phur te 'gro /mi rgod lnga dang mo tshogs bzhi/ /de lnga mnan te thog tu gnas/ /dga' ba'i gzhu ni bkang byas nas/ /mda' ni bde ba chen por brgyab/ /sems kyi bung ba ge sar la/ /khu ba dag ni 'thung bar byed/ /gzugs skams gyur nas 'phur te 'gro/ pung ba mo la 'di skad smra/ /smras kyang go bar mi byed dam/ /'di 'thungs rtag tu 'di ru gnas/ /bde ba chen po'i khu ba 'di/ /'thung zhing sgra skad sgrags par byed/ /bde dang sdug bsngal grong khyer gnyis/ /mtshams na bdud rtsi'i rdzing bu gnas/ /de ru chu 'thung mi byed pa'i/ /yon tan med pa'i bung ba khyod/ /sems kyi bung ba ge sar ni/ /khu ba dag ni 'thung par byed/ /gzugs skams gyur nas 'phur te 'gro/ /stong nyid zhags pa chen po yis/ /sems kyi rgyal po bcing bar bya/ /bde gshegs lnga ni sdom byas nas// gcig tu mgol bkur byas te/ /bde bas gar ni byed par 'gyur/ /sems nyid kyi thig le'i hUM nyid bsgom pa'i rim pa zhes bya ba /slob dpon dzA land+ha ris mdzad pa rdzogs sho// //rgya gar skad du/ a tsin+ta b+ha ba ti pa ri b+ha ba na nA ma/ bod skad du/ bsam gyis mi khyab bsgom pa zhes bya ba/ byang chub sems dpa' rnams la phyag 'tshal lo/ /bla ma rnams la phyag 'tshal lo/ /dgongs pa mdor bsdus rnal 'byor gyi/ /tshang med bzhi yi nyams len ni/ /bsam gyis mi khyab bshad par bya/ /rgyu 'bras stong pa'i rang bzhin la// dngos med gzugs dang gnyis med smra/ /dmigs med 'bras bu 'bad med 'gyur/ /dper na 'brug med char bzhin no/ /de phyir rang bzhin bdag med kyi/ /brtul zhugs skal ldan rnal 'byor pas/ /snang zhing srid pa sna tshogs 'di/ /dngos po stong pa bdag med de/ /ngo bo nyid kyis rnam

  75. 38a

    bar dag/ de lta bu yi snying rje la/ /sangs rgyas sems can gnyis su med/ /mi sgom mi rtog rang bzhin gsal/ /mdza' dbus bral ba dbus pa'i don/ /de lta'i sems kyi rang bzhin sgom/ /ma rtogs pa yi sems can la/ /dang 'don snying rje sgom par bya// bdag gi mdun du gang zhig kyang/ /mnyam par bzhag ste mnyam par sgom/ /de la rnam pa thams cad kyis/ /gnyis med don ni 'grub 'gyur ro/ /dgon pa'i snyan brgyud gdams ngag ni/ /sangs rgyas thams cad 'dus pa'i sku/ /kun gyi sems nyid hUM yig dkar// bdag dang gzhan gyi snying gar bsgom/ /nyi ma'i gdan steng thig ler bsgom/ /de nyid kyis ni 'phro 'du la/ /nyon mongs thams cad sbyang par bsam/ /de ni gnyis med don yin te/ /lha yi de nyid rang bzhin med/ /de ltar snying rje sgom byas nas/ /bsam mi khyab pa'i byams pa ni/ phan phyir 'di ltar bsam par bya/ /rnal 'byor bdag nyid snying ga ru/ /pad+ma 'dab brgyad sran ma'i tshad/ /de nas 'od gsal dkar dmar te/ /bar du me lha'i aM? yig ni/ /dngos po'i rnal 'byor gang yang med/ /de las ci yang bsam mi/ bya ba/ /gang zhig sgom ba'i rnal 'byor de/ /gnyis med ye shes 'gug 'gyur ro/ /gsal rig med pa chos kyi sku/ /de ltar phra ba'i rnal 'byor pas/ /mngon shes shar te gnyis med rtags/ /dga' pa'i rang bzhin 'byung 'gyur la/ /btang snyoms 'bras bu thob pa'o/ kha cig lha mo bzhi bskoms nas/ /kha cig ngag gi don la brten/ /gnyis med sgom pa mi shes so/ /zhal nas zhal du brgyud pa yi/ /zhal gdams gzhan la phan phyir ni/ /rA hu las ni bshad par byas/ /chad med bzhi bsam gyis mi khyab bsgom pa zhes bya ba/ slob dpon rA hu las mdzad pa rdzogs to// //rgya gar skad du/ hUM ka ra tsit+ta bindu b+ha ba na kla nA ma / bod skad du /hUM yig sems nyid thig le sgom pa'i rim pa zhes bya ba/ yum rdo rje phag mo la phyag 'tshal lo/ /g.yas dang g.yon dang dbus ma yi/ /gyen thur gnas pa'i

  76. 38b

    rtsa drug la/ /de rnams la ni sman drug 'bab/ /dri dang zla ba sman gnyis ni/ /gyen thur gnyis kyi dbye ba yis/ /ra sa nA nas yang dag rgyu/ /chu dang nyi ma kun 'dar ma/ /gyen thur gnyis kyi dbye ba yis/ /snga ma bzhin du yang dag rgyu/ /dbus ma a ba d+hu tI la/ /dbugs dang sgra gcan mi rgyu ba/ /mi dang chu khams mgrin pa yi/ /dus gsum gnas pa'i phag mo mchod/ /nyi zla'i shukra rak+ta yi/ /thig le 'dzin byed sgra gcan dang/ /sems nyid thig le ji ltar dag /thig le de ni gang la gnas/ /'khor lo bzhi yi dbus su ni/ kha sbyor pad+ma'i 'dab brgyad la/ /de'i dbus nyi zla kha sbyor la/ /nA da binU? rnam par brgyan/ /gnas pa phra zhing yungs kar tshad/ /yi ge hUM nyid sgom par bya/ /de las 'od 'phros thig le bzhi/ /pad 'dab bzhi la 'phro bar bsam /shar gyi thig ler mkha' gro me? mi bskyod chu yi rang bzhin no/ /nub phyogs la ma'i thig le ni/ /gsal ba'i dri ni rnam snang ngo/ /khaN+Da ro ha byang phyogs te/ /byang chub sems kyi thig ler 'phro/ /lho yi phyogs su rU pa ni/ /thig le dmar po bsgom par bya/ /gnas bzhi'i 'khor lo dag pa yi// skye gnas bzhi ni dag par byas/ /de ltar 'phros pa'i 'od zer gyis/ /'gro drug sems can dag par bsam/ /slar yang thig le thim pa yi/ /sbyor pa 'di ltar shes par bya/ /thig le bzhi ni hUM thim pa'i/ /hUM ni zla tshes bsdu bar bya/ /zla tshes nam mkha' i thig le bsdu/ /nam mkha' i thig le khang stong la/ /nyi zla'i kha sbyor thig le ni/ /gsal zhing kha dog sbyibs dang bral/ /rnal 'byor pa yis bsgom par bya/ /hUM yig sems nyid thig le bsgom pa'i rim pa zhes bya ba/ slob dpon nag po ba nas brgyud pa'i/ /slob dpon d+harmA pas mdzad pa rdzogs sho// //rgya gar skad du/ pra kri ti sid+d+hi nA ma// bod skad du /rang bzhin grub ba zhes bya ba / dpal he ru ka la phyag 'tshal lo/ /mdor bsdus pa yi rim pa 'od/ /byang chub sems kyi rang bzhin te/ /lus la gnas

  77. 39a

    pa'i blo ldan rnams/ /rjes su dran zhing nyams su blangs/ /yab yum sbyor ba'i nga rgyal bya/ /gang zhig rgyud de'i rdzogs pa'i rim/ /de phyir bdag nyid yi dam gyi/ /nga rgyal dang ni bral mi bya/ /yum ni rigs kyi lha mo ste/ /dpal ldan yab ni dag pa'o/ /de dag gnyis kyi longs spyod ni/ /'od 'phags thim pa bde gshegs so/ /zhe sdang rdo rje mi bskyod pa/ /gti mug dra ba rnam snang ngo/ /nga rgyal rin chen 'byung ldan no/ /phrag dog don yod grub pa'o/ /gzhan yang thabs dang shes rab kyi/ /lus la gnas pa 'di dag go /sa yi khams ni sangs rgyas spyan/ /chu khams mA ma kI zhes bya/ /gos dkar mo ni me khams he/ /sgrol ma rlung khams ngo bo nyid/ /nam mkha' rdo rje dbang phyug ma/ /sa yi snying bo mig dag la/ /phyag na rdo rje rna ba la/ /sna la nam mkha' i snying po ste/ lce ni spyan ras gzigs dbang po/ /lus la sgrib pa rnam sel te/ /yid la kun tu bzang po'o/ /byang chub sems las 'di rnams 'byung/ /de phyir bdag ni chos dbyings so/ /sa dang me dang rlung khams sogs/ /brjod bya tsam du rnam par sprul// rang bzhin dri ma dag pa yi/ /de nas sngags gsum brjod byas nas/ /rang lus khong stong bsam byas nas/ /de dbus b+hUM las gzhan yas khang/ /sor bzhi tsam gyis rnam par bskyed/ /oM A(rgyud 'grel): hUM brjod yi dam lha/ /rnal 'byor dag gi sgo lnga nas/ /gzhal yas dbus su spyan drangs bya/ /de nyid thig le zhu byas nas/ /lam du rgyu zhing chos 'byung dbus/ /zil pa lta bu'i thig le la// bde gshegs dgug gzhug gnyis med bsam/ /de nas byang chub sems nyid ni/ /pad+ma'i dbyibs ldan bsam byas nas/ /de la bdag nyid sems gtong ngo/ /rang bzhin grub pa'i thabs zhes bya ba/ slob dpon rdo ka ris mdzad pa rdzogs sho// //rgya gar skad du/ sa ha dza an+ta yi nA ma/ bod skad du/ lhan cig skyes pa'i gdams pa zhes bya ba/ byang chub sems dpa' rnams la phyag 'tshal lo//

  78. 39b

    snying ga'i kha sbyor dbus su ni/ /gnyis med thig ge yungs kar tshad/ /de yang 'o ma'i rgya mtsho ltar/ /rim gyis rgyas pa bsam par bya/ /bdag dang gzhan gyi lus nyid ni/ /dri med bdud rtsi'i zho ltar gang/ /rlung nad sel cing sems nyid bcing/ /me d+hi bdag ni smra bar byed// dngos por sems btang dngos med rtogs/ /kye 'o ma yengs rang sems bzung/ /rnal 'byor grub rtags dngos med ba/ /phan tshun gnyis kyi 'brel pa gcad/ /dngos dang dngos med rang bzhin la/ /mdza' gnyis mi gnas lhan skyes grub/ /dngos po thams cad skye med// sgrib bas bdag gis ma rtogs/ /snang ba thams cad sems pho bo/ /sems nyid ma grub sems nyid de/ /bdag nyid snying rje kun tu khyab/ /nam mkhar lta bur 'gyur ba med/ /gnyis la mi gnas sems nyid yin/ /me d+hi bdag ni smra bar byed/ /rang rig ma bcos bya ba ?/ 'dzin med dran med sems nyid/ /chad par mi 'gyur rang rig rtogs/ /brtog par mi 'gyur sgro 'dogs bcad/ /stong pa'i rang bzhin rtag chad med/ /me d+hi bdag ni smra bar byed/ /lta ba sgom med 'bras bu med/ /snang la rang bzhin dngos po med/ /rnam tog sbrul gyi mdud pa ltar/ /rang grol zung 'jug tha snyad med/ /de ltar sgoms pas stong nyid rtogs/ /me d+hi bdag ni smra bar byed/ /lhan skyes zung 'jug stong nyid ni/ /rnal 'byor bdag gis rtogs pa'o/ /lhan skyes thung 'jug gi gdams pa/ slob dpon me d+hi nis mdzad pa rdzogs sho// //rgya gar skad du / a nut+ta ra sarba shud+d+he kra mi nA ma/ bod skad du / bla med sbyor ba'i rim pa zhes bya ba/ dpal he ru ka la phyag 'tshal lo/ /ji ltar pad+ma 'dam las skyes/ /de bzhin ma rig mun pa las/ /gnyis med rig pa skye 'gyur pa'i/ /rang rig de la phyag 'tshal nas/ /bla med sbyor ba'i rim pa yi/ /dri med dam chos bshad par bya/ /stong dang shin tu stong pa ste/ /stong pa chen po gsum pa yin/ /bzhi pa rgyu 'bras thams cad do/ /thabs shes yang dag sbyor pa yis/ /rdzogs rims yang

  79. 40a

    dag nye bar 'gyur/ /rdzogs pa nye bar mthong ba yis/ /thams cad stong pa'i 'od gsal yin/ /rang rig gsum gyi rnal 'byor gyis/ /rgyu gsum rnam par dag par 'gyur/ /stong nyid don ni rtogs pa yin/ /bla na med pa'i gnas thob 'gyur/ /'od gsal stong pa shes rab dang/ /sems nyid gzhan gyi rjes su 'brang/ /de la bdag gis 'di ltar ni/ /yang dag 'phros pas bshad par bya/ /rnam par chags shing shin tu chags/ /chags pa chen po de bzhin no/ /gti mug la sogs dug gsum gyis/ /brtan dang g.yo pa'i sems nyid 'di/ /'das dang ma 'ongs da ltar gsum/ /zhi dang chags dang rtogs par ldan/ /phyi rol ji ltar nang na gnas/ /'das dang ma 'ongs da ltar ba/ /'das pa'i 'das par bdag gnas so/ /sred pa che dang shin tu sred/ /dkros dang skor pa kun tu ldan/ /tshor ba nyal ba'i tshor pa dang/ /shin tu tshor ba'i skad cig gcig /so sor rtog dang snying rje ldan/ /ngo mtshar ldan pa'i rnal 'byor la/ /nyams dang phrag dog rnam par bsags/ /de ltar sum cu rtsa gsum gyis// rang rig ye shes rnam par 'gribs/ /rnal 'byor pa yi nyams len la/ /nam mkha' bde chen pad+ma'i dbus/ /zla ba'i gdan la haM? yig gnas/ /kun rdzob gsal zhing dri ma med/ /'byung 'jug rlung 'dzin ye shes yin/ /zla tshes dmar po shes rab ste/ /dbyangs yig dang po thig ler ldan/ /rlung ni 'dzin phyir bsgom par bya/ /de ni 'od gsal skar chen ltar/ /sems nyid stong pa'i thabs yin no/ /gzugs dang bral zhing kha dog med/ /zhi ba'i rnam pa bzung 'jug bral/ /brtan dang g.yo ba'i tha snyad med/ /de ltar bla ma'i drin gyis ni/ /'das dang ma 'ongs da ltar ba/ /rdo rje'i bzlas pa'i ting 'dzin gyis/ /ci yang mthong 'gyur the tshom med/ /ji ltar bud shing skam po la/ /mi rgyu gnas kyang 'bar ba med/ /de bzhin brda dang rtsol med la/ /byams sems gnas kyang grub pa med//

  80. 40b

    de phyir nga rgyal la sogs spang/ /brtson 'grus bskyed la bla ma bkur/ /dbang bskur thob nas nyams len gyis/ /rnal 'byor dang po'i sbyor pa yis/ /sa ni brgyad po thob par 'gyur/ /'od gsal gsum ldan rdzogs pa yi/ /yongs su rdzogs pa'i sa thob po// dbang bskur thob kyang skur pa 'debs pa dang/ /brtson 'grus chung la log lta 'dzin pa dang/ /bla ma'i skyon brjod yon tan brjod mi 'gyur/ /rgyal ba'i lam ni de yis thob mi 'gyur/ /bkur bsti med cing de nyid thob tu re/ /tshig ni 'jam ste khro tshul bstan nas 'gro/ /mi tshogs mang po gnas pa'i sa ru ni/ /bla ma mthong yang phyag sogs mi byed de/ /snod dang mi ldan gdams ngag mi sbyin no/ /yon tan bzang thob brtson 'grus ldan pa ni/ /bla ma 'khor la sogs pa bkur bsti ldan pa la/ /sangs rgyas rnams dang mnyam pa'i dka' bar 'dzin/ /rgyal bas gsungs pa'i chos la sred pa che/ /rgyud rten rgyud mangs rdo rje sems dpa' ni/ /byang chub sems dpa' i lam du 'gyur ba de/ /dge ba'i rtsa ba gang thob rgyur 'gyur ba/ /'gro ba drug la bsngo zhing bkra shis shog /bla med sbyor ba'i rim pa zhes bya ba/ slob dpon bAd+ha? dzas mdzad pa rdzogs sho// //rgya gar skad du /A li kA li man tra dz+nyA na nA ma/ bod skad du/ a phreng ka phreng gi sngags kyi rim pa zhes bya ba/ dpal he ru ka la phyag 'tshal lo/ /dbyangs dang gsal byed bzhi bcu rtsa dgu yi/ /bdag gzhan sku yi rig pa'i sgra don ni/ /brdzi la sogs grangs kyang de don rtogs pa med/ /de phyir gsal don bdag gis bshad par bya/ /sgra yi gnas ni brgyad yin te/ /rkan dang lce dang so rnams te/ /spyi bo mgrin pa mchu dang ni/ /khang ba sna la rnam par gnas/ /de yi dang po a phreng ni/ thun phyed bcu drug la sogs ldan/ /shes rab me long ye shes te/ /blo dang ldan pas shes par bya/ /de yi thog ma bcu bzhi pa/ /dbyangs can sgra gsal yi ge'o/ /de dag rnams kyi dang po ni/ /bcu ni mnyam pa'i

  81. 41a

    ye shes so/ /skabs 'byung lnga ni thung ba ste/ /gzhan rnams ring bar shes par bya/ /dbyangs rnams kyi ni thog ma gnyis/ /spangs te bcu bzhi'i ming can no/ /e i o aau bzhi dag ni/ /don dam kun rdzob bral yig go /a ni stong pa'i thig le'o// zla ba nyi ma gtum mo'o/ /thig le gnyis ldan a yig ni/ /drag po'i sgra ni dbye bar byed/ /ri rI li lI 'byung ba bzhi/ /dbye bas sred byed yi ge'o/ /thung ba'i mig 'dzum skad cig gcig /mig 'dzum ring ba skad cig gnyis/ /skad cig gsum pa 'bod yig yin/ /skad cig phyed pa gsal byed/ /rnal 'byor g.yon gyi phyogs su ni/ /dbyangs can bcu drug shes rab bo/ /de rnams sgra gnas 'di yin te/ /a ku ha yig thig le gnyis la ltung/ /a ni khong gi yi ge'o/ /i tsu ya sha rkan la gnas/ /li tu las so 'byung ngo/ /ri Tu ra Sha spyi bor grags/ /aM ni 'od gsal sna ldan te/ /lte bar gnas te gyen la rgyu/ /e e mgrin pa o aau mchu/ /de yi thog mar chos dbyings so/ /de ltar a phreng bshad byas nas/ /a ka tsa Ta ta pa yang sha ste/ /rtsa pa'i sgras ni de rnams so// ka las brtsams te ha yi mthar/ /g.yas phyogs gsal byed shes par bya/ /ka phreng lnga tshan lnga po ste/ /bzhi yi sgra yi rig pa'o/ /sha Sha sa ha bcas pa ni/ /thog mar gnyis gnyis grangs min no/ /lhag ma gsum gsum sgra yin te/ /lnga tshan lnga ni sna las 'byung/ /mdza' la gnas pa'i 'byung ba bzhi/ /rnal 'byor kun rdzob 'dod pas bcad/ /mtshan lnga pa'i nam mkha' la/ /sha Sha sa ha drod can gnas/ /k+Sha ni kA li ma mo 'dus/ /de ni 'khor lo'i rnal 'byor ro/ /bskyed pa'i rim pa'i dbye ba yis/ /rgyu yi yig? ge bshad par bya/ /ka nas brtsams nas ha yi par/ /stir re yi gdan yin no/ /ya ra la ba ma yis brgyan/ /mkha' 'gro rnams kyi bskyed thabs so/ /ki ni thod pa kha TwA gi /tsha ni keng rus gdugs yin te/ /nga tshan lnga ni nyi ma yin/ /sha Sha dur khrod shes par bya//

  82. 41b

    sa bon yi ge bshad byas nas/ /kA li rnal 'byor ngo sprod bstan/ /ka chan ya dang bcas pa ni/ /zla gam sngon po nang nub la/ /phu phu sa dang gzhan la chags/ /ji ltar ri mo bri dang mthong/ /shar gyi yi ge rlung yin no/ /tsa tshan ra dang sha dang bcas// gru gsum dmar dang nyi ma phyed/ /zhe sdang dus su sprul yang bri/ /lho phyogs drag po'i gnas yin no/ /Ta cha? na b+ha dang bcas pa ni/ /zlum la dkar te snga dro'i dus/ /ka li dzan dang 'bug ka ni/ /gti mug bya yi ri mo can/ /nub kyi phyogs su mo gdon no/ /ta tshan k+Sha dang Na bcas pa/ /gru bzhi ljang ser nam phyed ni/ /sa dang rlung gi khams yin no/ /phrag dog dmar po rgyas pa'i dus/ /rmi lam rta dang stag mthong ba/ /rgyal pos bdag gdon gyi ngo/ /byang gi phyogs su 'dzin par bya/ /ba tshan sngon po chu klung ste/ /gru gsum zla gam dbyibs dang ldan/ /nang nub dus su khams lci ba/ /rigs pas rnal 'byor brtag par bya/ /de bzhin 'byung chung nyi shu lnga'i/ /gdams pa zhal nas blang bar bya/ /dri med shes rab brgyan pa yi/ /thabs dang ldan pa'i sbyor ba ni/ /tha snyad mun par bsal ba'i/ /de dag sems nyid stong pa bdag/ tha snyad la bkod dge ba nges/ /'gro drug sdug bsngal zang phyir bsngo/ /A li kA li'i rnal 'byor zhes bya ba/ /slob dpon g+hand+hAs mdzad pa rdzogs sho// //rgya gar skad du/ kA li marga b+ha ba na nA ma/ bod skad du/ ka phreng sgom pa'i lam zhes bya ba/ dpal he ru ka la phyag 'tshal lo/ /don dam kun rdzob rab gsal ba'i/ /a sogs bzhi bcu rtsa dgu yi/ /rang byung yi ge rnams kyi ni/ /dkyil 'khor 'khor lo'i sgom lam bshad/ /bdag gi gnas bzhi rtsa lnga dang/ /sum mdo rlung lha 'khor lo nas/ /lte bar 'bar ba'i gtum mo la /snying gar sbar pa'i 'khor lo yin/ /steng du brtan pa'i 'khor lo gnas/ /spyi bor chu klung ljang gu ste/ /de rnams la ni rim pa bzhin/ /ka phreng yi ge lnga la dgod/ /thog

  83. 42a

    mar chags pa'i 'dab ma la/ /shar du kaM dang lho ru khaM/ /nub tu gi ste byang du g+haM?/ /dbus kyi nam mkhar daM zhes bsgom/ /rim bzhin sngo dang dmar dang dkar/ /ser dang sngo ba bsam par bya/ /chags pa skyes te chags pa na/ /chags pa'i nad rnams sel bar byed/ /kaM gi rlung ni me la phog /gtum mo 'od zer rjes dran nas/ /chu skams brtol rlangs pa 'byung/ /de nas lte ba nas hig hUM bgrang/ /bde chen haM la sems gtad nas/ /bdud rtsi rgyun ni 'bab por bsam/ /lte ba'i rdzing bu bkang byas nas/ /spyi bo'i tshang bug sgra skad 'byung/ /bde chen khong stong bsam byas nas/ /lte dbus khong stong sems gtang bya/ /rnal 'byor sdig pa dag par 'gyur/ /rnal 'byor d+ha ma d+hu ma yis/ /de ltar sbyang ba'i 'pho ba smras/ /yul nas yul du 'bo byed na// rnal 'byor bdag gis mdun du ni/ /bdud rtsi lnga yi maN+Dal bya/ /tsa na ka yi 'bras bu sto?/ /thod pa nag por bzhag par bya/ /kun d+ha lta bu'i hUM nyid bri/ /de bzhin rang gi snying ga ru/ /zla tshes steng du hUM nyid bsgom/ /sems nyid rtogs nas rnal 'byor pas/ /thod pa'i dbus su sems gtad na/ /grub pa'i rtags 'byung rnal 'byor bde/ /sems la sems nyid thim par bya/ /de nas me khyer ro langs la/ /de yi snying gar hUM bsam bya/ /ro langs grub rtags byung ba yiS?/ /rigs bzang gzhon nu'i rol ni/ /kha sbyor de nyid hUM nyid bsgom// rnal 'byor grong nas grong du 'pho/ /rnal 'byor btsan thabs 'pho ba la/ /seng ge rnam rgyal me tog 'dzin/ /phyag rgya bcas la tshangs pa phye/ /sems nyid ri rab rtse mo'i steng/ /pad 'dab brgyad pa'i ge sar la/ /hUM las sems nyid gtang par bya/ /dpal ldan nag po'i 'pho? pa 'di/ /d+ha ma d+hu ma bdag gis smras/ /rnal 'byor gang zhig 'grub 'gyur na/ /nam mkhar thim 'gyur the tshom med/ /ka phreng bsgom pa'i lam zhes bya ba/ slob dpon d+ha ma d+hu mas mdzad pa rdzogs sho// //rgya gar skad du/ sam+bar tsakre shwa ra

  84. 42b

    A li kA li mahA yo ga b+ha ban nA ma/ bod skad du /a phreng ka phreng bde mchog 'khor lo'i rnal 'byor chen po bsgom pa zhes bya ba/ dpal he ru ka la phyag 'tshal lo/ /'khor ba'i thog mdza' i tshad nad ni/ /bde ba chen po'i bdag nyid kyi/ /rgya mtsho lta bu'i bdud rtsis sel// dga' chen de la phyag 'tshal lo/ /dpal ldan phag mo'i snying po yis/ /bde chen dkyil 'khor shin tu mdzes/ /dpa' po dpa' mo nyi shu bzhis/ /sa mu dra yi lus nyid la/ /go cha drug gi rkyas btab la/ /yi ge bdun pa'i rna rgyan can/ /dpal ldan phreng pa'i sngags kyis ni/ /mgo phreng bzhi bcu rtsa dgus brgyan/ /glang po che yi g.yang gzhi ni/ /sangs rgyas kun gyi mkha' 'gro 'dzin/ /rnal 'byor ma yi rig pa ni/ /rnal 'byor rgya mtshos rked rgyan byas/ /thong phreng ye shes lnga yin te/ /bde gshegs lnga yis spyi bor brgyan// sA gar bdag dang gang byed do/ /tshangs spyod rtag tu bsrung byas nas/ /rnal 'byor chen po gnyis med bsam/ /rkang pa brgyad pa'i sngags mched bya/ /bdag nyid rnal 'byor sa ga ra/ /du khrod brgyad du gnas byed kyang/ /'jigs pa rnams dang bral ba yin/ /de phyir rna pa 'byor dbang phyug rnams/ /bde mchog 'khor lor rtag tu mchod/ /kye bo rigs lnga'i spyod pa 'di/ /rnal 'byor pa yis rtag tu rtogs/ /rtog pa med pa'i sems kyis ni/ /'dod yon lnga ni spyod par gyis/ /rgyan drug gis ni brgyan pa'i sku/ /seng ge bzhin du rtag? tu spyod/ /a phreng ka phreng rnal 'byor che/ /mdun du bsam zhing gnyis med skye/ /rnal 'byor chen po bsre byas nas/ /bdag gi lte ba'i khung bu la/ /zla ba'i thig le rgyas par bsam/ /yang dag pa yi yi ge ni/ /bdud rtsi'i rgya mtsho'i dbus bsams nas// dbang bzhi zhing gnyis med 'grub/ /bsam gtan bsam med 'grub rgyu med/ /bsam med bsams na grub pa thob/ /sA ga ra bdag smra par byed/ /grub pa'i rtags ni glang chen phul/ /rnal 'byor chen po gnyis med do/ /ma phreng ka phreng bde mchog 'khor lo'i rnal

  85. 43a

    'byor chen po bsgom pa zhes bya ba/ slob dpon sA ga ras mdzad pa rdzogs sho// //rgya gar skad du/ /bA yu s+tha na ro ga pa rig dz+nyA na nA ma/ bod skad du/ rlung dang nad kyi brtag pa zhes bya ba/ dpal he ru ka la phyag 'tshal lo/ /dge dang mi dge'i chags pas 'khor pa'i gzhi/ /de dag chags bral rnal 'byor mya ngan 'das/ /me rlung chags pa'i gnas su gnas 'gyur ba/ /rlung gi chu gnas g.yo ba'i sems nyid dag/ de yis rnam rtog gang yang rim gyis 'gags/ /dper na chu dang nam mkha' i skyes bu bzhin/ /me rlung nag pos snang ba 'dod gyur pas/ /dkar po'i shel ltar la sogs ye shes 'grub/ /dang po'i yan lag mgo ni gti mug gnas/ /sngar ltar sgoms pas de nyid ye shes yin/ /dbang po lnga la nyi zla'i mig gnyis chags/ /lus kyi yan lag lta ba'i ye shes ni/ /chags pa'i 'khor lor srog gi rtsa gnas so/ /de la zla grangs rtsa ni bcu gnyis la/ /lus kyi tshad ni 'dom gang gu bzhi yin/ /'dzam bu'i gling bzhi gling phran brgyad dag byung/ /nyi zla'i sgo nas rlung ni yang dag 'byung/ /lho byang gnyis dag nyi zla'i lam yin te// dbyar zla 'bring po byang gi bar du dgu /dgun zla 'bring po lho ru shes par bya/ /ston dpyid gnyis kyi 'bring po nyin mtshan mnyam// //da i rnal 'byor rlung gi grangs la ni/ /skad cig thang cig yud tsam gcig yin te/ /thun brgyad thun phyed sum brgya drug cu bzhag /lo gcig hUM nyid thig ler shes par bya/ /nyi zla gnyis kyi sgo nas rlung lnga ni/ /rang nas mi rgyu gzhan nas rgyu ba nges/ /dpal ldan rnal 'byor rlung log na bar 'gyur/ /de la rlung gi ming dang gnas rnams ni/ /brtan g.yo bar gnas khris rgyas bde gshegs rlung/ /rim par gti mug chu klung mgo la rgyu/ /bad kan skyes pas rnal 'byor lha gnas mnyam/ /g.yo bo'i rlung ni gzhan gyi rtsal rgyu/ /mdung par chags na drod nyams dran pa ste/ /chu rlung bar na me rlung gnas pa de/ /rtsub pa'i rlung

  86. 43b

    'dzin dal dub byas pa'i tshe/ /drag po'i zhe sdang mthar yang snying rlung ldang/ /'dus pa'i gnas su dug gsum rlung 'dus pa/ /'dus pa'i nad kyis sems kyi dbang po 'khrul/ /bde gshegs gnas su mi rgyu gzhan rgyu na/ /rnal 'byor las kyi nang du shes par kyis sman dang sman pa rang gi lus la gnas pa la/ /lus kyi dkyil 'khor brgyad kyis thig le las/ /sor ni bcu gnyis bcu gnyis steng du ni/ /bzhi bzhi gnad 'dzin brgyad la sems gtang bya/ /bung ba'i rlung 'dzin 'khrul 'khor nad 'don bya/ /dbus mar mchung rlung ni rtsa bzhi ru/ /bzung bas rnal 'byor mngon rtogs 'di ltar 'char/ /sa yi rlung gis lus lci sems mi gsal/ /mi rtag chu brgal zla ba mthong ba dang/ /chu mig la sogs rtags ni sna tshogs 'byung/ /rnal 'byor sha rgyas ldan pa shin tu dka' / /thang la 'gro bar 'gyur na blo snying brdung/ /rlung gi rlung ni zin pa'i sngon rtags ni/ /grang ba skye zhing lus khol thig le 'dzag /pho ban zhing g.yang za yan lag 'khums/ /me rlung zin pa'i rtags ni mkhris pa rgyas/ /sems nyams drod skyes ro stod lci zhing na/ /rmi ltas mi mthong snang ba dmar po mthong/ /'chi rlung g.yang za 'gro 'dod sems mi dga' / /mi rtags 'bur dang lhung dang 'phrang mi thar/ /bde gshegs rlung 'dzin sems bde gnyid med gnas/ /gsus pa'i gegs sel rims bzhin 'di ltar bya/ /dmigs pas me spangs khebs bsreg par bya/ /chu mig brgyad la rnal 'byor rlangs pa 'thul/ /chu 'brug sa sbyang rlung gi phyag dar bya/ /tho rangs mi bskyod grangs nas btung bar bya/ /rlung la me sgoms ha ma rgyud dmar chen dril/ /bel rtol brgyab pas ba spu'i bu ga che/ /'khor lo bsgom zhing grang ba sel bar byed/ /dbus mar ma chud chu rlung gzhan zhugs na/ /bad gnan bas bu ga gnyis dag byed/ /lus bca' chu 'brub rlangs pa 'thul bar bsam/ /me rlung gnyis

  87. 44a

    kis 'byung bar sems gtad do/ /khris pa ldang na gangs kyi chu 'brub bya/ /bdud rtsis lus gang gangs nas du ba 'thul/ /spyi bor bla ma'i bdud rtsi lus la byug /rlung gi rlung ni 'dzin pa'i rnal 'byor pa/ /byang chub sems kyi ting nge 'dzin la bslab/ /gzhan yang nang rtags nas 'don zhal las shes/ /rlung gnas nad kyi brtag pa zhes bya ba/ slob dpon a dzo kis mdzad pa rdzogs sho/ //rgya gar skad du/ tsit+ta ta two po da? shaM nA ma/ bod skad du/ sems nyid kyi de nyid bcing bzhes bya ba thams cad mkhyen pa la phyag 'tshal lo/ /de nyid kyis ni bcings pa la/ /de nyid kyis ni grol bar byed/ /bla ma'i bka' yis thams cad rtogs/ /g.yon nas 'gro pa'i lce sbyar ni/ /de bzhin g.yas 'gro shes par bya/ /ko d+ha li ni smra bar byed/ /de tsam gyis ni bya ba grub/ / grub/ /'khor pas ba ni de nyid tsam du rtogs/ /bshad dang dkyil 'khor ci zhig bya/ /gang gis bcings pa ma rtogs sam/ /g.yon nas 'gro ba'i lce sbyang ni/ /de gnyis g.yas 'gro shes par byed/ /ko d+ha li ni smra par byed/ /de tsam gyis ni bya ba grub// rtsa ? sgyur nas yal ga dag /btsal ba nges ni ci zhig bya/ /bla ma dam pa'i gdams ngag gis/ /'jig rten ? yang gsal par byas/ /g.yon nas 'gro ba'i lce sbyang yang/ /de nyid g.yas 'gro shes par byed/ /de tsam gyis ni bya ba grub/ /chos nyid ji ltar snang ba yang/ /de yi rang bzhin rang la bzhag /g.yon nas 'gro ba'i lce sbyang yang/ /de nyid g.yas 'gro shes par byed/ /ko d+ha li ni smra bar byed/ de tsam gyis ni bya ba grub/ /sems nyid kyi de nyid bcing ba zhes bya ba/ slob dpon ko d+ha yis mdzod pa rdzogs sho/ rgya gar skad du / tsaN+Da li ka bindu phra spha ra Na nA ma/ bod skad du/ gtum mo'i thig le bkram pa zhes bya ba/ yum gtum mo la phyag 'tshal lo/ /lus ni gru bzhi 'dom gang tshad/ /'khor lo bzhi ni rang bzhin gnas/ /rlung ni gnyis te 'khor lo drug/ /rlung gi de nyid yang

  88. 44b

    dag ni/ /brtan dang g.yo bo'i rtsol ba dgag/ rlung gi de nyid bsgoms nas ni/ /me chu sa yi de nyid shes/ /rtsa gsum gru gsum rang bzhin te/ /phyi rol ma yin nang yin no/ /srog gi rtsa nas yab kyi ngos/ /sor bzhi gnas su de gnas te/ /thig le dang ldan yi ge oM// lta ba ye shes 'khor lo yin/ /sprul ba'i gnas su bsgom bya ste/ /de steng sor ni bcu gnyis la/ /chos kyi rang bzhin brgyad du ni/ /rigs bzhi yum bzhi sa bon gyi/ /rlung dang me dang chu ru gnas/ /de steng longs spyod bcu drug ni/ /me long ye shes yi ge i/ /gsal la shel ltar bsgom par bya/ /bde chen 'khor lo'i gnas su ni/ /a phreng gnyis ldan yi ge haM/ /de ltar shes pa'i lus gnas ni/ /bde ba chen po'i yul zhes bya/ /lte pa'i raM yig yi rlung gis/ /ye shes me nyid 'bar bar 'gyur/ /g.yo pa'i ye shes rlung yin te/ /brtan pa'i mtshan nyid ye shes me/ /aM bcas dbus su 'bar na ni/ /sdug bsngal dug lnga'i nang rnams dag /bdag nyid stong pa'i mnyam nyid lha/ /log min rgyu nas 'khrul 'khor bya/ /bde chen gnas nas chos dbyings 'bar/ /sems kyi bde ba cher skyes na/ /gzhu rgod then nas 'phen par 'gyur/ / thig le 'ther nas bkram par bya/ /sems nyid snying gar bstims nas bsgom/ /gtum mo thig le bkram pa zhes bya ba / / slob dpon lu rtsi kis mdzad pa rdzogs sto// rgya gar skad du / sha rI ra Na ri ka bindu sA mA tA i nA ma / bod skad du lus kyis rtsa thig le mnyam pa nyid kyi man ngag ces bya ba/ dpal dgyes pa'i rdo rje la phyag 'tshal lo/ /ji srid ? sdong bu rnams/ /brkos pas de ni ma byas na/ /de srid phag rgod gsod pa yi/ /mda' ba de ni tsha ste yin/ /gnad du bsnun pas phag rgod pas de/ /rdzing bu skams par ma gyur pas/ /de gong du ni brlag par byas/ /dpag ched phyed dang bzhi pa yin? /gru bzhi

  89. 45a

    pa yi rdzing bu la/ /nang du zhugs pa byas nas ni/ /zas ni don du gnyer par byed/ /shin tu bkang bar byas nas ni/ /gnad du bsnun nas phag rgod bsad/ /rdzing bu skams par ma gyur par/ /de gong du ni brlag par byas/ /lte ba'i dkyil 'khor gzhu ru byas/ /rtsa gnyis de ni rgyud du sbrengs/ /bla ma'i man ngag mda' ru byas/ /shin tu bkang par byas nas ni/ /gnad du bsnun nas phag rgod bsad/ /rdzing bu bskams par ma gyur par/ /de gong du ni brlag par byas/ /mtsho la phag rgod ji ltar 'thung/ /'phrang la snying ni gzugs byas nas/ /gnad du bsnun nas phag rgod bsad/ /ji srid rdzing bu ma skams par/ /de gong du ni brlag par byas/ /lus kyi rtsa thig mnyam pa nyid kyi man ngag ces bya ba/ slob dpon ni ku nis mdzad pa rdzogs sho// //rgya gar skad du/ tsa turbud+d+hab+ha ba b+hya ba sha ni kra maM nA ma/ bod skad du / 'byung ba bzhi'i srid pa'i cha lugs zhes bya ba/ thugs rje chen po la phyag 'tshal lo/ /ri rab zur na brgyad pa dang/ /rol pa'i mtsho ni bdun pa dang/ /tshangs pa brgya byin nyi ma dang/ /zla ba dang ni lha chen dang/ /mthu chen 'di dag rtag min na/ /bdag gis ji ltar brtan pa thob/ /bdag ni brtags na ji ltar yin/ /bdag gi ma ni gang du song/ /pha yang gang du song bar 'gyur/ /'di lta bu yi 'jig rten ni/ /bltas pas 'jig rten rmi lam 'dra/ /stobs ldan gyur na sus kyang bkur/ /stobs nyams gyur na smra mi byed/ /de bas tshem bu'i gos gyon la/ /bsod snyoms kyis ni 'tsho ba de/ /yul dang grong khyer so ma ru/ /yang yang sbrang pa mkhas pa yin/ /'di lta bu yi spyod pa yis/ /'jig rten kun la rgyal ba thob/ /skal ldan dag ni tsa ? pa tri smra/ /'byung ba bzhi srid pa'i cha lugs zhes bya ba/ slob dpon tsa ra pa tris mdzad pa rdzogs sho// //

  90. 45b

    rgya gar skad du/ At+ma pa rag dz+nyA na driSh+Ti u pa de sha nA ma/ bod skad du/ rang rig ye shes kyi lta ba'i nyams len zhes bya ba/ yum bdag med ma la phyag 'tshal lo/ /rang rig ye shes las yin na/ /byed pa po med las med do/ /de dag med na bya ba med/ gsum ni ji ltar gnyis med do/ /gal te phyi ni bden pa yin/ /tha snyad 'brel phyir nang du brjod/ /gal te kun rdzob rang rig yin/ /rig pas rig pa rig pa med/ /rnal 'byor bdag nyid rig na ni/ /'khor ba'i sdug bsngal 'joms par byed/ tha snyad 'di yis dngos po rnams/ /rang bzhin ma grub dri ma med/ /dngos po rnams ni ma grub pas/ /gzhan dag dag la grub? rgyu med/ /de phyir bdag ni rten med pa/ /gal te sgra don rtogs bya yin/ /rang bzhin don la sgra don med// dngos po ma grub rnal 'byor pa/ /da bdag 'di ni gzhan ma bral/ /gnyis bral ma rig mun pa med/ /de med dri med ye shes te/ /'di ltar rnal 'byor rig pa yis/ /'khor ba'i 'ching ba grol par byed/ /gan rgyal nyal ba rnal 'byor gyis// lus kyi rnam gzhag dran par gyis/ /mig bgrang rnam par shes pa 'bul/ /nam mkha' i phyogs su bltas byas pas/ /mthong rgyu yid la 'dzin rgyu med/ /phyogs kyi rtog pa bral ba yin/ /dbang po nub 'gyur gnyis med 'grub/ /rang rig ye shes kyi nyams len zhes bya ba/ slob dpon tsampa? kas mdzad pa rdzogs sho// //rgya gar skad du/ tsa bu ra muk+ti ka ra NaM u pa yaM nA ma/ bod skad du/ 'jigs pa brgyad rmongs par byed pa'i thabs zhes bya ba/ dpal he ru ka la phyag 'tshal lo/ /sprul stag tshom rkun mdal dang ma yis ni/ /'jigs bas mi 'jigs klu sgrub gdams pa thob/ /skar mkhan pi kha na ni 'jigs med de/ /'on kyang rnal 'byor nyams kyi nus pa bri/ /sems nyid 'dul zhing bdud 'joms rnal 'byor la/ /las ni ma rtogs rkyen gyi

  91. 46a

    bar chod 'byung/ /de phyir dang po rnal 'byor sgrub pa pos/ /'jigs skyob dran zhing bla ma spyi bor bsgom/ /sbyor ba bcas pa'i snying po la sogs bzla/ /oM ste a rjes la ni bzhi pas sbyar/ /ka phreng gnyis pa las 'byung gsum pa ste// A phreng gsum pa rnal 'byor 'brel par mdzod/ /baM gyis bcings te d+ha ni rjes su bri/ /skan gyis dang po dbyangs can lnga pas bcings/ /la dang i 'byor sha za'i skad yin no/ /dbyangs can bcu gsum yi ge tsa yig ni/ /'brel nas mthar yang 'byung chen gnyis pa bri/ /byis 'byung seng ge'i nang du stag ltar spyod/ /byA b+ha'i sgra sgrogs stag gi 'jigs pa med/ /kaM d+hA bzla zhing mda' yis 'jigs pa bral/ /sab pa snal chen rnams kyis 'jigs pa sel/ /mu khaM kha bcings band+ha swAhA bri// // 'gro ba'i don du rnal 'byor sems bskyed nas/ /bzlas bya nyon mongs bral zhing thar pa thob/ /a khu nag po'i khrag gis mig sman dang/ /sor bzhi'i shang bu blangs nas rnam par 'phyang/ /zla brgyad ro yis yan lag brgyad blangs nas/ /zla ba'i zhag la mchod dang gtor ma byas/ /zla zin dus su mi snang sgrub bzlas bya/ /tshe na'i sbyor bas mgo ni mthong min no/ /mi mthong mi snang sbyor ba 'di yin no/ /oM ka li ka li mahA ka li/ maM sa shod+ha ni bo d+ha ni/ /sman ? na b+ha si ni d+ha byi dang/ ma maM pa sh+yan+ta ma chu? sha/ a dang ha ha hI:hUM swA hA mthar/ /brgyad dang bcu bzhi nag po'i tshes la ni/ /gos dmar gtsor? bu dur khrod mtshan mo ni/ /khri bzlas rok+ta'i gtor mas mi snang 'grub/ /da ni rnal 'byor yang snying sbyor ba ni/ /snying po 'di lta ste gzhan yang zhal las blang/ /oM ru d+ha ki rA ti/ ki ri ki ri/ mi ri mi ri/ ru drA? a me la/ k+Shu pa k+Shu pa swAhA// //'di ni brgyad brgya rnal 'byor bzlas byas nas/ /lam du 'gro ba'i dus su sbyor ba bya/ /sbral stag chom rkun mda' bcing bshad byas nas/ /sreg byed me'i nus pa'i rten

  92. 46b

    'brel bshad/ /chu bal btang ba sbal tshil 'dzam b+hir chu/ /zhib du btags nas rkang pa lag pa bsku/ /'di ltar snying po nye snying bshad byas nas/ /shar ba'i mar gyis gtor nas bsreg mi nus/ /sid+d+hwi? nA gArdzu na ba dang ni/ /agni? mo ha ri ha ra sgra dang/ de rjes te ta da ka ran+ta? bri/ /ni pa ri b+ha na te mi nus med/ /oM sid+d+hi ni gArdzu na pa ste /pa yi ra gsum mthar sngags rdzogs par bzla/ /lan gsum gcod cing yungs kar mar khu gtor/ /lcags bsregs ma ru zhugs kyang bsreg mi nus/ /nus pa mtha? phyin sngags sbyor gnyis pa ni/ /na mo la b+hi shwa mi tra ya te/ /hU ta b+ha ha ha staM staM b+ha ya mi/ /ci li swAhA me nus med par gyis/ /de ltar byang sems ldan pa'i rnal 'byor gyis/ /rim bzhin bsgrubs na 'grub 'gyur the tshom med/ /'jigs pa brgyad rmongs par byed pa'i thabs zhes bya ba/ slob dpon b+ha kha nas mdzad pa rdzogs sho// //rgya gar skad du / bi Sha an+ta ra bA hya ni bri ti pha b+ha nakra maM?/ bod skad du / phyi nang gi dug sel gyi rim pa zhes bya ba/ dpal he ru ka la phyag 'tshal lo/ /yid dang mthun pa'i sgrub gnas su/ /phyi nang dug ni sel ba yi/ /gsang ba'i rnal 'byor bsgrub pa'i thabs/ /tai lo bdag gis bshad par bya/ /rnal 'byor bskyed pa'i rim par ldan/ /ru tsog sbrul la sogs pa yi/ /dug chen 'dzoms pa'i oM A(rgyud 'grel): hUM/ /lan gsum brjod cing 'di ltar bsam/ /rtse mor bcu gnyis tshad du ni/ /spyi bo tshangs pa'i bu gal? /dbus su oM bsam bdud rtsi 'bab/ /sbyor ba de yi rnal 'byor ni/ /skad cig gcig la mdangs ldan no/ /de ni phyi yi dug sel to// // nang zhi 'di ltar bsgom par bya/ /rdo rje chen po'i snying ga'i dbus/ /sku mdog dkar po bsil ba'i 'od/ /chos gnyis zla bar sprin chen po/ /bsgoms shing 'phros 'gyur rnam par bsdu/ /yang dang yang du bsam byas pas/ /nang gi nad med kun tu bzang//

  93. 47a

    ri rgyal dang mnyam dug yod kyang/ /skad cig gcig la sel zhing 'dren/ /skabs las byung ba'i dug sel ni/ /'dab brgyad pad+ma na sa ru/ /zla dkar gsal zhing dri ma med/ /ye shes lnga ldan bdud rtsi ni/ /a yig de dbus bsam par bya/ dug lnga gag lhog rkyen gyi nang/ /spre'u khyim bya'i gzugs can rnams/ /de dag phyung zhing nam mkhar thim/ /bdag gi sku gsung thugs rdo rje/ /'dod pa'i khams dang gzugs khams dang/ /gzugs med khams dang dngos med pas/ /de phyir rang bzhin nam mkha' ste/ /des ni stong pa rten yod pa/ /rnal 'byor mi rtog sems gtang ngo/ /phyi nang nang sel gyi gdams pa/ /slob dpon tai los mdzad pa rdzogs sho// //rgya gar skad du/ d+ha naM d+ha ta tra ya mu khA a g+haM maM nA ma/ bod skad du /g.yung drung 'khyil pa gsum gyi zhal gdams kyi nyams len zhes bya ba/ yum rnal 'byor ma la phyag 'tshal lo/ /bla ma'i zhal gdams thob byas nas/ /g.yung drung gsum gyi gdams pa ni/ /stong nyid don ni rtogs pa'i phyir/ /kaM ka me kha la bshad bya// rang gi lus ni khong stong la/ /spyi bor brtsams nas lte pa'i bar/ /rtsa gsum ser dang dkar dmar ro/ /de rnams nang ni khong stong ste/ /g.yas kyi rtsa la khab rtse tshang/ /rang bzhin gsal la bsam par bya/ /g.yon par zla ba'i thig le ste/ /dbus kyi rtsa ni khong stong ngo/ /de la sems gtad phyi nang stong/ /shes pa rgod na g.yas g.yon gyi/ /thig le gnyis la sems gtad la/ /de nas dbu bcad d+hU tI'i steng/ /h+rI:las g.yung drung 'khyil ba ni/ /me yi mdog can rnam bsam bya/ /g.yung drung 'khyil pa'i grur? bzhi la/ /oM dang A:dang hUM dang phaT/ /g.yas phyogs ra sa'i steng du ni/ /a las zla ba'i g.yung drung 'khyil/ /byang chub sems kyi chu rlung bkag /g.yon pa la la na'i steng du ni/ /oM las g.yung drung 'khyil pa dmar/ /bsam pas me yi rlung 'gag go/

  94. 47b

    dza nas rlung gi 'khor lo nas/ /rlung ni langs te mgrin par slob/ /dbus su bde gshegs rlung rgyu bas/ /sor ni bcu gnyis rtsa 'thon nas/ /g.yas g.yon chu rlung me rlung ni/ /nyi zla'i rtsa nas 'byung byas nas/ /lha mo gnyis dag zhal du rdub/ /slar yang nyis kyis phu byas pas/ /rtsa dag gnyis kyis rtsa bug brtol/ /rnam par rgyu ste g.yung drung 'phog /dbus kyi sems bskor byas nas su/ /gnyis ni g.yas skor g.yon skor ro/ /slar yang rlung gi phu byas nas/ /g.yung drung gnyis la thim byas nas/ /dbus kyi 'khyil pa thim par bsam/ /ye shes me spar rang lus ni/ /mgrin pa'i gnas nas rkang mthil bar/ /rim gyis zhu ste chos dbyings su/ /mnyam nyid thig ler sems gtong ngo/ /brtags pas ma grub dngos med yin/ /dmigs pa'i mtshan nyid thams cad bral/ de? ltar ma bsgoms ci byas kyang/ /lhan skyes ma rtogs 'khor bar 'khyams/ /thig le de las blangs byas nas/ /bdag nyid dbu bcad sum du bskyed de nas lte bar h+rIM:yig bsam /sum mdo rlung ldang gyen la rgyu/ /h+ri ni thig la gsum du zhu i ni rlung gi thig le ste/ /ha ste byang chub thog le'o/ /rak+ta'i thig le raM yig ste/ /mdor ni rim par sngo dkar dmar/ /ma shar rlung gis gyen la 'dod/ /dbu bcad rtsa sgrubs rgyu ne ni/ /steng du sor bzhi 'thon par bsam /g.yen? pa g.yon bskor g.yas pa g.yas/ /dbus kyi thig le 'bar zhing thim/ /lha mo gnyis kyis phus btab pas/ /g.yas g.yon thig le dbus la thim/ /de nyid mar la rdzub byas pas/ /snying ga'i hUM la thim par bsam/ /de ni gsal la dri ma med/ /gnyis med thig le rang rig ste// bde dang sdug bsngal thams cad bral/ /'khor ba snang ba rang rig stong/ /kye'o rnal 'byor bsgoms nas ni/ /gnyis med ye shes thob par 'gyur/ /g.yung drung 'khyil pa gsum gyi zhal gdams ni/ /yum ki? ka la me ka las gsungs pa rdzogs sho//

  95. 48a

    rgya gar skad du/ sa ha dza? a nan+ta swa b+hA ba na nA ma/ bod skad du/ lhan cig skyes pa'i rang bzhin zhes bya ba/ rdo rje mkha' gro ma la phyag 'tshal lo/ /'khor lo rna rgyan mgul rgyan gdu bu dang/ /ska rags khyod la bzang zhing rab tu mdzes po la kak+ko la myos ngo mtshar che/ /skad cig gcig la he ru ka dpal dgyes/ /kye 'o rtsa lag 'di la bdag yid dga' / /lus ngag sems kyi ro ni gcig byas nas/ /nam mkhar bsdus nas rnal 'byor spas par 'gyur/ /rnal 'byor ma skye 'di la bdag yid dga' / /'jigs byed dus mtshan zhabs kyi 'og du mnan/ /nam mkha' i mthar thug he dang hUM sgra spro/ /phyogs bcur chang gis myos pa yis/ /kye 'o dpal ldan rnal 'byor ma/ /kye ma dpa' po rnal 'byor med/ /stong pa dang ni snying rje'i rang bzhin la// dngos dang dngos med gnyis ka med/ /kye 'o rnal 'byor ma dang yum lnga'i grong/ /A li dang ni kA li nyi ma rnams/ /med pa rmongs pa rnams kyang gti mug che/ /A li rnams dang kA li nyi zla dag /med la shes min phyugs 'dra the tshom med/ /dpa' bo rnal 'byor ma rnams sbyor ba yis/ /srid pa'i 'ching ba gcod pa ngo mtshar che/ /kye 'o rtsa lag 'di la bdag yid dga' / /lus ngag sems kyi ro ni gcig byas nas/ /nam mkha' i khams su bsdus nas spas par 'gyur/ /rnal 'byor ma kye 'di la bdag sems dga' / /tshad med gnas bzhi'i dbus su ni/ /bdag gis cir yang dngos po brjod du med/ /dpa' bo rnal 'byor dbang phyug ngo mtshar che/ /ji ltar chu gting chu zla dang 'dres ltar/ /rnal 'byor ma kye 'di la bdag sems dga' / /sha rlon dam tshig rdzas 'di ngo mtshar che/ /go ku la sogs dam tshig la chags pas/ /de yis bdag med ma ni gar mdzad do/ /kye 'o bde gshegs rnam snang phyag rgya can/ /rnal 'byor ma kye 'di la bdag sems dga' / /lhan cig skyes pa'i rang bzhin zhes bya ba /

  96. 48b

    slob dpon kaM thA ris mdzad pa rdzogs sho// //rgya gar skad du / a ti yo ga b+ha ba na nA ma/ bod skad du /a ti rnal 'byor gyi sgom pa'i thabs shes bya ba / 'phags pa 'jam dpal la phyag 'tshal lo/ /dur khrod brgyad la 'jigs byed brgyad/ /dus mdza' i me 'bar khams gsum bsreg /tshangs pa'i sgo nas du ba 'thul/ /rgya mtsho skams shing pad+ma 'bar/ /rdo rje ze 'bru'i dbus su ni/ /nyi ma'i gdan steng gnas pa de/ /nam mkha' i 'od chen hUM nyid sgrogs/ /mdzes pa'i sems nyid rgyu ba yin/ /rus sbal 'then cing sgra skad 'byung/ /ri bong can gyis mdud pa bkrol/ /nyams myong dpa' bo rang rig rgyal/ /lhan cig skyes pa'i 'jigs pa'i bdag /mgon po nyid ni bsam bar gyis/ /de nyid snying rje'i dkyil 'khor 'phro/ /de nyid dur khrod me yin te/ /de nyid smra dang zla rgyun 'dzag /skye rga shi dang khams gsum gnas/ /rang nyid dran te de nyid mthong/ /'di ni gnyis med dbyibs dang bral/ /dngos po'i cho 'phrul brdzun pa ste/ /sems nyid 'khrul bsam rtogs so/ /a ti'i rnal 'byor rig pa med/ /ji ltar bzhag pa de ltar yin/ /gnyis med sems la rtag lta dang/ /chad par 'gyur pa'ang ma yin no/ /de phyir nyi zla'i dbus su ni/ /phra ba'i hUM nyid bsgom par gyis/ /a ti rnal 'byor gyi bsgom pa'i man ngag ces bya ba/ slob dpon klu'i byang chub kyis mdzad pa rdzogs sho// //rgya gar skad du/ bA yu bo d+hi tsit+ta sra ba na b+ha ba na u pa yaM nA ma/ bod skad du/ byang chub sems kyi rlung rgyu ba'i gdams ngag bsgom pa zhes bya ba/ dpal he ru ka la phyag 'tshal lo/ /? khong stong bsam byas nas/ /lte ba'i dkyil du rlung nyid ni/ /phra la sngo ba yungs kar tshad/ /rnal 'byor de la sems gtad bya/ /rnal 'byor pa yi sems nyid skye/ /de nyid khong stong nam mkha' ru/ /nam mkha' i sprin ltar thim par bsam/ /rnal 'byor pho rlung 'khrog

  97. 49a

    tsam na/ /'di ltar me rlung bdud rtsi 'bab/ /sum mdo rgyab kyi rgal tshigs la/ /rlung gi dkyil 'khor sngon po bsam/ /lte bar me dang snying gar chu/ /mgrin pa'i sa las rlangs pa thon/ /gnyis med d+hu tI me yis khengs/ /me mda' chu shing me tog las/ /rgyas shing sems kyi bung ba ni/ /go sar bdud rtsi 'dzib par bsam/ /rlung gis me sbar chu khol bas/ /drod skyes nam mkha' i bdud rtsi 'bab/ /khong stong bdud rtsis khengs par bsam/ /lus la bde ba chen po skye/ /'byung ba yas mar rim gyis thim/ rlung gi gzhu dang sems kyi mda'/ /spyi bor bde chen haM las ni/ /sa nas nam mkha' i dbyings kyi bar/ /'ja' tshon mdog ltar sems gtang bya/ /phyi nang byang chub rang la shar/ /gnyis med ye shes rang bzhin skye/ /su ta li bdag bsam mi khyab/ / gcig la sna tshogs ri bo can/ /'khor ba'i sdug bsngal skye 'gag med/ /bla ma drin gyis sgrub pa thob/ /byang chub sems kyi rlung rgyu ba'i man ngag bsgom pa zhes bya ba/ slob dpon ta lis mdzad pa rdzogs so/ // rgya gar skad du/ tsarya driSh+Ti a nutpan+na tAta bta ba na nDa ma/ bod skad du / lta spyod skye med kyi bsgom pa zhes bya ba / bla ma rnams la phyag 'tshal lo/ /sems nyid stong pa skye med yin/ /de nyid ma bcos chos nyid de/ /de yang dbyer med lta ba rtogs// sgom las ma 'das pa na ?/ /? med rnal 'byor rang sar spyod/ /phyogs bcu bar med 'bras bu yin/ /de la mi re chags pa spyad/ /rang bzhin nyams skyes ngo mtshar che/ /pa na ha ni smra bar byed/ /gnyis med ye shes rtogs pa yin/ /bde chen 'dul? rtsi bdag gis 'thungs/ /kuny+tsa'i? phreng bas mgul ba brgyan/ /la ma'i sham thabs brtan par chings/ /myos pas nags kyi gseb du 'khyam/ /bdag nyid pa na ha ngo mtshar mthong/ /pu rim lar bdag po lnga/ /gcig dang mi 'brel ngo mtshar ?/ /

  98. 49b

    mya ngan 'des pa'i gnas su ni/ /me tog ldum ra rgyas par byed/ /de ni ge sar 'jib par byed/ /bdag nyid bo la kak+ko la'i/ /rnal 'byor rgyal po grub pa thob/ /lta spyod skye med kyi sgom pa zhes bya ba/ slob dpon pa na ha sa mdzad pa rdzogs sho// // rgya gar skad du/ a yu pa ri rak+Sha nA ma/ bod skad du/ che bsgrub pa'i gdams ngag ces bya ba/ byang chub sems dpa' rnams la phyag 'tshal lo/ /bla ma rnams la phyag 'tshal nas/ /bcud len zhal gyi gdams pa yis /lus ngag rtag tu bsrung bar bya/ /de med sgrub bya grub min pas /des na thams cad 'bad pa yis/ /don ni thams cad sgrub pa'i phyir/ /skabs 'byung tshe bsgrub 'di ru bshad/ /mar dang sprang rtsi 'o ma mnyam/ /snum pa'i snod la sbyar byas nas/ /nas kyi spang mar zhag gcig bzhag /de nas ston nas nye bar bza' / /so dang sen mo ? drug gis /rjes 'gyur lo ni stong thub ste/ /rtags ni mig rno stobs ldan no/ /nyer shing rtsa ba blang byas nas/ /grib skams zhib du btags par bya/ /'o ma la? no dang sbyar byas nas/ /zho ni langs nas dkrog par bya/ /mar sar blangs nas tho rangs bza' / /zhag ni bdun nas rtags 'byung ste/ /bdun gnyis gyur nas nyi 'od ldan/ /bdun gsum nyi shu rtsa gcig nas/ /'bras bu nang sel lus yang ngo/ /lo drug tu ni bza' btung gis /rnam rtog bral zhing tshe 'grub po/ /tho ? su bri srang phyed ni/ /yungs kar mar khus btul nas bza' / /shu ba'i nad sel tshe 'grub 'gyur/ /sprin nag zho gnyis sprul dmigs pa'i/ /khu bas mnyes nas gang bar bya/ /zhi rjes drug cu'i 'bras chan btang/ /'o ma btung zhing tsha sngo spang/ /lo gcig sbyor pa 'grub par 'gyur/ /'bring g+ha ra dza'i phye la ni/ /mang dang sprang gi rtsi sbyar nas/ /lto steng dag la bza' bar bya/ /sgyur rtsab bcud can la ? btang/ /zla ba drug tu bos 'gyur na/ /

  99. 50a

    nad rnams sel cing nyis brgya thub/ /'bras bu gsum dang lcags phye dang/ /de bzhin 'bring ga ra dza dang/ /ru rta dang ni cha mnyam ste/ /'bring g+ha'i khu bas lde gur sngar/ /grib skams phye ma bza' bar bya/ /reg pa dang ni sngo skyur spang/ /lo gnyis kyis ni 'grub 'gyur ro/ /lcags kyi lhung bzed mar gyis bkang/ /lha shing rtsa ba'i shun lpags ni/ /zhib btags sbyar la lo gcig bzhag /gza' skar bzang po'i dus su bton/ /yi dam lha yi bsnyan pa bskyal/ /ra yi 'o ma btung bar bya/ /zla ba gsum na gnyer ma dangs?/ /zla ba drug nas rlung shugs ldan/ /lo gcig sbyor bas tshe 'grub bo/ /'bras bu gsum dang 'bring lha'i phye/ /mar dang sbrang rtsi sbyar la bza' / /sman nyid zhu ba'i dus su ni /'o ma 'bras bskol bza' bar bya/ /mig rno nad med sum brgya thub/ /tho rangs a ru gnyis dag dang/ /nyi ma phyed la ba ru ste/ /zhag dus skya ru bzhi dag bza' / /drug cu'i 'bras dang 'o ma yi/ /rnal 'byor kha zas ci nus btang/ /skra dkar gnyer ma nad med pas/ /'dod pa'i dbang phyug nang med ldan/ /bya? khyung? lta bur mig rno 'gyur/ /'bras bu gsum gyi lde gu ni/ /lcags kyi snod la bskus byas la/ /nyin mtshan gnyis ni khrus byas nas/ /mar dang sprang rtsi sbyar la bza' / /lo gcig sbyor bas sum brgya thub/ /nang byang so dang sen mo brje/ /? lta bu'i skad ldan 'gyur/ /de phyir bdag nyid ko kil grags/ /tshe bsgrub pa'i gdams ngag ces bya ba/ slob dpon ko ki las mdzad pa rdzogs so// //rgya gar skad du/ bi Sha mi bar+NaM b+ha ba na ni kra ma nA ma /bod skad du/ dug sel sgom pa'i rim pa zhes bya ba/ byang chub sems dpa' rnams la phyag 'tshal lo/ /phyi dang nang gi dug bzhis rtsa ba ni/ /sems can rnams kyi srog gcod 'khyams pa'i rgyu/ /de rnams sel

  100. 50b

    thabs zhal nas zhal brgyud pa/ /a raM bdag gis bsgom lugs bshad/ /thog mar nang gi dug sel bzhi rnams la/ /zhe sdang gnyen po bdag gzhan grub med la/ /chags pa'i gnyen po mi gtsang rang lus sman/ /nga rgyal gnyen po 'di dag mi rtag pa/ /phrag dog 'dus pa'i nad ni spang byas nas/ /gti mug gnyen po bla ma lha nyid dang/ /rnal 'byor tshad med bzhi ni bsgom par bya/ /de yis bdag gzhan nad sel nad med 'grub/ /phyi ltar tshad med 'bras bu rang snying dbus/ tha? yig dkar po pa tshan lnga pas brgyan/ /ye shes bya khyung? phyag rdor snying por ldan/ /bdud kyi gdan la haM sa'i bya khyung ste/ /hUM 'byung sna tshogs gser gyi gshog pa can/ /dbu skra bcas pa'i khyung zhal dmar po ste/ /rwa gnyis nyi zla'i thig le dag gis brgyan/ /pus mo ser la brang? dang lte ba dkar/ /'jigs byed klu rgyal rnams kyis brgyan pa bsgom/ /zhal nas haM sa'i bdud rtsi dkar ser 'dzag /ha phus zhal nas dug gi rlangs pa 'thul/ /de ltar bsgoms shing sngags kyi glu nyid blang/ oM a ra had Ta g+ha'i dza'i/ g+ho sa'i phyig? ka ra'i/ b+hi sun sa'i/ ? hi b+hi tu ka pa laM/ tig khu phi sa na'i/ b+his b+hi Na NaM/ ne sa su ma sa Ne/ a b+ha ru ha b+hu Nu/ b+han+ti b+hu ye sa la ye/ b+ha bi se na/ ki d+hi ta thi/ e larwa bti? la Da Na/ a tha ka'i/ tsande tsand+h+dE? bti? sa Ne/ u pa ri d+ha hi/ a tha ka'i ka ra/ h+riM dzraM b+h+raMhma ts+tsho/ h+riM dzIM yaM/ ya sa pa yi NaM me/ dzAM g+ha li/ phi sa kha ni/ b+ha saM pi waM mi/ le pa NaM/ ma dzAM NaM ka ro yi/ dzhwa? phe khaM/ b+hi se Na pa Na ba b+ha'i/ ti naM b+he la/ e a i/ hi hi/ ri ri/ sid+d+ha dzaM ga li/ ra'i? rak+Shi dza yis swAhA// //dug gis zin pa 'am sprul gyis rmug pa la/ /rna bar glu len chu bzlas byin pa yis/ /skad cig gcig la dug nad sel bar 'gyur/ /da ni bskyed rim rdzogs rim 'di ltar bsgom/ /bde chen nam

  101. 51a

    mkhar saM ste haM yig gis/ /zla ba'i thig le dkar la gangs ltar bsal/ /nam mkha' i dbyangs nas bdud rtsi'i 'od zer ni/ /dkar ser 'dzags te khong stong lus stong dag /rkang la zhugs pa'i phyi nang dug rnams ni/ /rdzogs pa'i rim pas sel 'gyur the tshom med/ /zla ches dkar po thig les brgyan pa ni/ /sems nyid bdud rtsi'i dbus su dkar mar ltar/ /snying ga'i kha sbyor? pad dbus sbyor byed na/ /de yis phyi nang dug sel byang chub sgrub/ /phyi yi dug rnams sel pa'i sman sbyor ni// mtshan mo'i sman ni srang gcig 'o mar bskol/ /dug sen rnams la btang bas dug 'dren no/ /mtshan mo ma dang sprul dmig thang bskol te/ /lo dug sbyor du ka rnams ni sel 'gyur/ /rig pa 'dis ni ras la lan bdun bzlas/ /dug can nad pa de yis bkab? byas nas/ /de nas chu yi snod la rkang lag bcug /sngags 'di bzlas shing brab cing gdab/ /oM na ma sha pa raM na/ sha ba ri ku ma ra ka naM/ khu khur/ sa ra sar/ pa tra pra b+hi shud+d+ha/ b+ha raM swahA/ /de ltar bzlas shing byang chub sems bsgom mo/ /gdams ngag 'di bstan dge pa'i rtsab 'dis//gang thob de yis 'gro drug sems can thams cad kyi/ /nyon mongs sgrib bdag cing byang chub sems/ /dri med mkha' ltar phyag rgya chen po thob par shog /dug sel bsgom pa'i rim pa zhes bya ba/ slob dpon a raM gis mdzad pa rdzogs sho?// //rgya gar skad du / a dwa ya ni ri ka b+ha ba na kra maM/ bod skad du/ gnyis med kyi rtsa bsgom pa'i rim pa/ gnyis med bde chen la phyag 'tshal lo/ /mnyam pa nyid kyi glong? dkyil du/ /myos par dbyings su rin chen stor kye ma rigs nyams ngo mtshar che/ /mnyam nyid gnas su gnyis med 'gyur/ /bdag gis de ni ma rtogs pas/ /ni la band+has mtshams su 'joms/ /bdag gis de ni ma rtogs pas/ /dge sbyong gis ni mtshams su 'joms/ /gnyis md sems ni gnyis med

  102. 51b

    gyur/ /mkha' yi bdag nyid mgul nas 'khyud/ /bdag gzhan rje ba'i khyad par byas/ /gnyen 'dun thams cad brlag par bya/ /da ni bdag gis ma rtogs pas/ /ni la khatsb+has? mtshams su 'joms/ /de ni bdag gis ma rtogs pas/ /dge sbyod gis ni mtshams su 'dzoms/ /gzhon nu lo ni bcu gnyis ma/ /ci yang bdag gis rtogs pa med/ /rnal 'byor kun gyi byed gnas pas/ /'phyon ma dang ni 'dra bar byas/ /de ni bdag gis ma rtogs pas/ /ni la khandas? mtshams su 'joms/ /dung dang gser dang dngul dag kyang// gcig kyang bdag la dgos pa med/ /bdag nyid 'thad pa'i grogs dang 'grogs/ /he ru ka la 'khyud pa yis/ /bdag gi rgyal srid ngo mtshar che/ /nam mkha' i deng tsor? chags pa la/ /sus kyang ma mthong ngo mtshar che/ /rnal 'byor ma brgyad dga' zhing 'khyud// he ru ka dang 'khyud nas gnas/ /gnyis med kyi rtsa bsgom pa zhes bya ba/ slob dpon nag po nas rgyud pa/ slob dpon ni la khand+has mdzad pa rdzogs sho?// //rgya gar skad du / suk+Sha? yo gi nA ma/ bod skad du/ pra ba'i rnal 'byor zhes bya ba/ dpal gshin rje gshed la phyag 'tshal lo/ /khyim du khyim bdag rnal 'byor pa/ /gsang 'khyud gnyis med bsgom par bya/ /'jigs pa can gyi rnam rtog 'di/ /khyod kyis 'di kun sba bar gyis/ /tshad kyang gzung du med pa la/ /de yi rigs kyang rtogs pa med// sa mu dra yi dge spyod ni/ /sa gsum grags pas khyab par 'gyur/ /bdag nyid myos pa'i cha lugs kyis/ /dug lnga khrus shing dag par 'gyur/ /'jigs pa can gyi rnam rtog 'di/ /nang du mnan nas bsad par gyis/ /rigs kyi nga rgyal spang byas nas/ /dge sbyong bdag gis smras pa yin/ /dbang po sna tshogs mthong 'gyur kyang/ /dus kyi pho nyas dran pa yis/ /ci phyir bdag nyid 'gro 'od byed/ /mdza' gnyis bral na don rnams grub/ /'dzigs pa can gyi rnam rtog 'di/ /sems 'di mnan nas spang bar gyis/ /rnal 'byor

  103. 52a

    rnam rtog gcod pa yis/ /su mu dra dag dngos med 'gyur/ /phro ba'i rnal 'byor bsgom pa yis so/ /bdag nyid gnyis med grub pa thob/ /phra ba'i rnal 'byor gyi nyams len zhes bya ba/ slob dpon sa mu dres mdzad pa rdzogs sho// // rgya gar skad du/ bA ? an+ta ra a mri ta ka lnga nA ma/ bod skad du/ phyi nang bdud rtsi'i bcud len zhes bya ba/ rdo rje rnal 'byor ma la phyag 'tshal lo/ /rgyun chad bdud rtsis gsang ba bcud len gyis/ /nyams len thabs dang de yi sman sbyor dang/ /nyams su blangs na tshe rang grub pa thob/ /de phyir bdag nyid bya ra'i nyams len bshad/ /rnal 'byor phyi yi nyams len byed na ni/ /bdud rtsi lnga yis rang lus dag par byas/ /rnam snang mi bskyod rin chen 'byung ldan la/ 'od dpag med dang don yod grub pa rnams/ /rang gi lus gnas nyams len shes pa med/ /mA ma kI yi ? btus nyams len bshad/ /rnam snang blangs la rdo rje'i chu yis dkrug /bcir nas snod kyi nang du thun phyed bzhag /byin brlabs mchod bya rlung med sa ru brdung/ /rlung nad can la bu ram sbyar bar bya/ /bad kan can la tsha ba gsum dang sbyar/ /dri med rnam snod btsir nas grib skam bya/ /zhib par btags nas mar dang sbrang rtsi sbyar/ /mi bskyod pa yis sbrus nas bza' btung bya/ /sha dang 'o ma za zhing chang rnams spang/ /rnam snang nyams len bdag nyid b+hya ris smras/ /mi skyod skol nas mar dang kha ra sbyar/ /grangs par byas nas rnal 'byor btung bar bya/ /chang dang bud med spangs nas zla drug grub/ /mi skyod bcud len b+hya ris smra bar byed/ /rin chen 'byung ldan g+hand+hi dngul chu dang/ /ra yi 'o ma sprad dang b+hi ta sta/ /zhib par btags nas ka ra la sogs sbyar/ /mar khu bton nas rnal 'byor lus la byugs/ /sman rnams gtong dus khengs pa'i dus su btang/ /gzhan dang mi 'dra b+ha ri stobs skyes/ /dbyar zla gsum la don yod grub pa yi/ /a rur dang ? tsha sbyar la bza' //

  104. 52b

    ston gsum ga ra a ru ra sbyar nas/ /rnal 'byor pa ni lto stong dag la ?/ /dgun gsum 'bras bu gsum dang sbyar la bza' / /dpyid gsum mar sbrang 'bras bu gsum sbyar bza' / /don yon grub pa'i rnal 'byor bcud len pas/ /nad rnams sel cing don rnams grub par byed/ /shing mngar sbrang mar 'od dpag med pa 'bras bu gsum/ /gcod zhe dang sbyar zos na nad rnams sel/ /cis kyang rnal 'byor bla ma'i zhal la ltos/ /'od dpag med kyi bcud len b+hya ris smas/ /zla ba drug nas rnal 'byor ru rta skol la btang/ /dkar gsum mngar gsum rten dbang chu skol btang/ /mdor na ci dgos kha zas rim gyis spangs/ /brag la sbyar nas b+hya ris brtan par bya/ /kha zas rgyun chad bshad nas gsang bshad par bya/ /snying ga'i dbus nas yi dam lha nyid ni// rdo rje phag mo zhal gcig phyag gnyis ldan/ /sems dpa' i skyel krung bdud rtsi bum pa 'dzin/ /ngag du hUM brjod snying ga gyen la bzlogs/ /yum gyi 'od kyis dkar nag mtshams su bcad/ /oM A:hUM brjod zhal nas bdud rtsi 'dzags/ /dkar nag bcad pa'i mtshams nas 'bab pa yin/ /rang lus khong stong zho ltar gang bar bsam/ /de ni ting 'dzin sems dpa' bdag gis smras/ /mdun gyi mkha' pa ye shes sems dpa' ste/ /yid kyis dran nas de yi 'od kyis ni/ /rang gi smin mtshams yan chad thod pa can// ye shes sems dpas oM A:hUM brjod pas/ /thed pa'i bdud rtsi 'dzags te rtsa spubs zhugs/ /bum pa'i 'og tu ra 'bar bdud rtsi bluys/ /de nas 'dres pas lus na bdud rtsis gang/ /gnyis med de yi stobs kyis chu ser sogs/ /gsang ba'i gnas nas mar la 'dzags par bsam/ /de nas ma shar yang la bdud rtsis rang lus gang/ /slar yang rnal 'byor thod pa'i bcad 'phro las/ /bdud rtsi sor gcig lung nas gang bltar bsam mo/ /gal te rnal 'byor rlung khams skyes na ni/ /snying ga'i bum pa mar gyis

  105. 53a

    gang bar bsam/ /mkhris pas skya rims tshad nad 'bab nad la/ /ga bur chu bzhin nang lus bsil bar bsam/ /rnal 'byor gra? ba'i nad ni na gyur na/ /drod sman rnams kyis stobs ni bsgom par bya/ /sgoms kyang skyon h+riM yig blo ldan bzla/ /b+hya ri bdag gis gsang ba'i bcud len smras/ /brtan pa'i sems kyis rnal 'byor nyid kyis bsgrubs/ /nyams su myong ba'i yon tan nad rnams sel/ /zla drug shes rab blo 'phel rang bzhin skye/ /slob dpon b+hya ris gsungs pa'i phyi nang gi bcud len gyi gdams pa rdzogs sho?// //rgya gar gyi paN+Di ta ratna pa las rang 'gyur du mdzad nas/ bshad rgyud kyi gdams pa bar ma chad par gsungs pa'o// //phyag rgya chen po brda'i brgyud pa'i glu zhes bya ba bzhugs/ /rgya gar skad du/ mahA mu dra bri gI ti/ bod skad du / phyag rgya chen po brda'i brgyud pa/ bla ma yi dam mkha' 'gro dang/ /skyabs gnas rnams la phyag 'tshal lo/ /gyad kyi lus la dngul gyi ya lnga gyon pa kun gyis blta bar mdzes/ /ta la'i mgo bcad rtsa ba de la myu gu skye mi 'gyur/ /ro ni sa yi 'og nas kaM ka'i skad kyis 'byin par nus/ /gang ga sgrol ba'i rgyal pa 'di la gces spras bya bar rigs/ /skyes bu seng ge'i gsob mthong ba ni skal bar ldan/ /ging pa rang gis byed pa dar gyi srin bu snying re rje/ /ji ltar bros kyang grib ma 'di la gzugs kyis thar pa med/ /spu gri'i so la chags pa'i sbrang rtsi lngags na phung bar nges/ /rdo yi mi 'di srin mo'i gling du skral kyang mi dga' med/ /gnyen po phyir 'phel 'dab chags skye ga go cha bzang/ /rin chen gter gyi thang kar nyal ba'i dbul mo snying re rje/ /shing rta brel ba'i rgyu ni 'khor lo'i sgrom du chud pas lan/ /rgyal po'i rjes gnang thob pa'i mi de gshed ma la mi 'jigs/ /rnga yab lag na thogs bzhin 'ja' tri dug sprang phyir

  106. 53b

    mi skrod/ /'brug gi sgra med rma bya'i mngal du sgo nga chags mi 'gyur/ /ma ga d+ha ru dngul chu 'thungs pa des ni gang ga brgal/ /li khri kha ru chud pa'i gsil pa thams cad mtshal du 'bab/ /gzeb nas thon nas gshed ma'i lag du 'gro bar ma byed cig/ lho ru rkun mo'i snying sha zol drang srong rgyal mtshan phyi ru phud/ /ro la gser gyi phreng ba btags pa de'i gan du 'gro bar mi bya'o/ /sman mchog bsil mngar mi btsong mi na lus kyis btung bar bya/ /glang po rgyu shwe lcags kyus phrogs pa 'di ni ngo mtshar che ba yin// gdan sar bton pa'i rgyal bu'i lag nas tshangs pa'i skud pa da long zhig /dmus long mig gis do lo ci 'dra'i lan ni thebs par mi 'gyur ro/ /dgos 'dod sna tshogs 'byung ba'i nor bu'i nus pa su la blangs pa yin/ /skom pa'i phyir ni lan tshwa'i chu rgod ? thub ba'i mi de ltas ngan yin/ /dug las skyes pa'i srin bu 'di yis da khos man ngag bstan nas yong/ /mu da ag la btab pa'i gzugs de g+hand+ha log tu shes par byos/ /ku ru kul+la'i gnas su sgrol mas gsungs so// // sgyu rtsal lus la med pa'i mi yis gyad kyi spyod pa dor ba rung/ /dri ma can gyi lus kyis tshangs pa'i sgo lnga nam yang mthong mi 'gyur/ /chu srin kha ru gru chud ded dpon 'di yi spyod pa da ltos dang/ /mu tig phreng ba pad+ma'i skud pas zla ba'i dbus su skyu bar bya/ / shul dkar u shugs la tshogs 'gron pa'i don ni nyi ma rgas pas shor/ /de mthong bdud ni mig phyis phyogs bzhir gad mo rtag skad 'tsher/ /mkha' la 'phur ba'i nus pa bangs pa'i dus der skams/ /mkhregs lam thur gzhol grud de shing rta brel ba gang gi stobs las byung/ /dug sprul ske bcad nus pa med pa rnal 'byor pa yis gzigs/ /rnyog ma'i chu la bzhin gyi dkyil 'khor 'char bar rab tu dka' / /rkang pa chag pa'i sma dkris mgo la 'ching ba'i mi de 'ja' tri yin/ /rdzab las

  107. 54a

    rkang pa bkrus nas 'do li'i steng du 'dzegs pa bzang/ /rus sbal khog pa pha lam rdzas kyi rdo rjes bcag pa ngo mtshar che/ /ma gi ta yod sa la brang 'gros blta bar mi nus so/ /rgya mtsho chen po'i chu ni ro dang lhan cig 'grogs pa min/ /nagS la me mched phyogs bzhi'i rlung ni grogs su 'gyur/ /rgyal po'i btsun mo lha sras la ni skyo bar 'gyur ma yin/ /ka ma ru ru smyon pa'i chu la su yis 'thung bar nus/ /so ma btang ba'i rdza ni chu la skol bar mi bya'o/ /stag ni ri mo yod pa lan te rtag tu dgra dang 'grogs/ /b+hand+ha med par gser 'gyur rtsi mchog rang dgar shes pa min/ /chung dus mi 'dzin bco lnga'i zla ba rgyas pa 'di la sgra gcan dbang/ /bu shi'i ma bu mthong ba'i 'gro ba bzang mo mya ngan re ma/ /zhing bas chu lung rten la sa bon skyon med gdab par bya/ /dar mchog dug la blud pa'i ral gri 'di la brdeg sa yod/ /smyon pa'i shul du 'brangs na snying gar ye ge sna tshogs 'char/ /mi 'gyur mkha' la lding ba'i bya g+h+ri 'di la gdams pa yod/ /byang phyogs kha ba can du phyin na 'gro la phan par 'gyur/ /dpal 'bras dpung rang 'byung gi rtsar 'jam dpal gyis gsungs pa'o// //yi ge'i phreng ba nyi zla'i bar du dpa' bo'i spyan gyis blta bar gyis/ /rma bya'i mdongs kyi kha dog nam bris 'di yi mkhan po su zhig yin// khab len rdo yi phyogs der lcags bran rgyug ste de la rig byed med/ /glang po'i mgo la rwa med chag gis dogs pa'i sdug bsngal skye mi 'gyur/ /rgyal po'i gzeb du chud pa'i mi de thar ram sde mig yid la bgyis/ /ging ba'i las byas sgyu ma'i dge slong la ni ltung bas gos mi 'gyur/ /wa dang glang po bud ba sha za seng ge smyon pa'i spyod 'gros ltos/ /skyon gyis mgos dngul chu ta rus mthung bar byed/ /gcig cig gcig la gcig pa nyid du shes par gyis/ /gzan du pha lam sgrug pa'i byed gA yin su

  108. 54b

    yis? mthong bar 'gyur/ /mtshan ldan lus la sgyu rtsal ma sbyangs gyad du 'gyur ma yin/ /lnga ti'i dral drungs yun ring na chu nyid drag par 'gyur/ /dang la ? gris lce chod de rus khyod kyi kha nas rig byed thon/ /'khri shing lo 'bras smin cing lci bas rgyas su ma 'jug cig/ rtsal gsum lus la rdzogs pa'i seng ge 'di la yang cung zad med/ /dgun 'brum tshal nas gram pa snyag po'i spre'u snying re rje/ /chu nang rdo bor cha? na de dus zla ba gud du song ba med/ /dur ba gzeb kyi ri bong 'di yi spyod 'gros blta bar bya/ /rdo yi mi la ngan du smras dang bsngags pa khyad par yod dam ci/ /lha rdzas shel la me chu gnyis ka 'byung ba ngo mtshar che/ /gal nang zas la rgyug pa'i sems can de ni snying rje'i yul/ /gyad kyis khrid kyang 'khor lo dang bral shing rtas lam mi chod/ /rkang la khong dril bud pa'i mi de blo sems bde/ /las su 'phangs pas zil gyis mi skyug go la phyir mi 'bod/ /dal ba'i dbang med rdza mkhan 'khor po srub thad chod na bde/ /skyon gyis ma gos utpal chu nang skyes pa rang sar shog /gshed mas gzung ba'i ltas ngan mi de rgyab du mig mi blta/ /dud 'gro'i rgyal po'i gtsug gi nor bu'i thog ma gnas 'ongs/ /ri bo bya rkang du spyan ras gzigs kyis gsungs pa'o// //tsandan chus bkrus lus kyi sprin med mkha' la gza' bral nyi ma ltos/ /srin mo'i phang du bu shor nye zho med par log pa'i mi de gang/ /nam zhig byi ba'i dug ngang ma bral thar pa thob mi 'gyur/ /lag pa re rer me long gnyis phyar byad de gang la lta ba yin/ /stod la mnan pa'i seng ge'i gam du spos kyi glang po ga chad du/ /mchil lham steng du rkang bzhag sa stengs thams cad de dus ko bas g.yogs/ /'khor los sgyur rgyal gang du gshegs pa'i lam du rin chen gzhan rnams 'brang/ /pa ta ming gis bslus te bsngo ba nyan dus de dus de cha gces pa dor//

  109. 55a

    bu ram tshal mthong rkang la khong bsgril grol ba'i glang po sdong pa min/ /'dzam bu chu po'i gser la mu tig gis sbras btsun mos btsongs na rin thang che/ /rlan can shing la rtso? bas srub pa'i mi de blun po yin/ /bye phrug lus la khrab chags de dus rma bya'i gnod yun ran/ /'gro bar 'khar gzhod nang gi rus spal tshi chad 'gyur/ /gcig la gcig rten bya/ shog pa med kyang gser sprul mkha' la 'phung/ /shis ? yon rgya mtsho'i phyir mi 'byung// b+ha yi drung du myu gu sa bon bcad kyi rjes la bzang bar 'gyur/ /dmus long lag na me long phyar pa 'di la btsun mo bltas kyi dga' / /snum gyis rtsos pa'i ras la tshon gyi rtsi ni chags mi 'gyur/ /ti tsha byugs pa'i rdza ni so btang da ni bskol bas chog /mkhas pa yis ni stag gi chang mthong de nas 'byol/ /rtsi mchog gser 'gyur brlabs pa'i drin can brjed par bya ba min/ /tshes gcig zla ba mi chung bco lnga'i dus na skyes pa med/ /bus pa g.yang khang song ba ma yi spyod 'gros ltos/ /mig 'di mgo la dges pas phyung gi bza' bar mi bya'o/ /sha chags mi phyung dus su gser gyi ral gri da byung cig /rngo yi mi la 'dran dus de tshe snying la yi ge sna tshogs 'jug /gar mkhan spyod pa 'di yis man ngag thams cad bstan nas song/ /byang phyogs bar ta ni ru phyin na 'grol phan par 'gyur/ /'byung po'i grong khyer tri stag tshang du/ phyag na rdo rjes gsungs pa'o// //gyad dang bsgrags pa'i mi de shul du rtso ra'i yang bral/ /ma tshig rdza la la cha mi 'go tsandan ma la sro bar bya/ /rtsa ba bral ba'i sdong po lo 'dab rgyas kyang don la skam po yin/ /gser gyi rtsa'u mkha' la phyar ba 'di la glang po smyon pa 'bros/ /til mar rtse la dngul chu'i rgyun 'dzag 'di la seng ge bltas kyis dga' / /ging bsrog la mkhas pa'i sgyu ma'i skyes bu sdig mi sog/

  110. 55b

    dur khrod nang du lce spyad ra dang brang pa phyir mi ldog/ /sgeg mo rgyan gyis spras pa me long lta ba rab tu brtson/ /rdo yi mi la su nye kho yi dgra bo gang yin khyod kyis smros/ /pad+ma lag sar lag du thogs la dus mdza' i nam mkha' ltos/ /ka la ping+ga'i skra gdangs gter gyi steng du sgrogs na snyan/ /wa chu ma zad par du chu thags 'khor lo 'di la gdad dbang med/ /gling gcig dag tu 'khor los sgyur rgyal gnyis su tshogs ba min/ /mkha' la nyi ma shar dus mun pa gung du yib bam ci/ /rin chen dngul gyi me long g.ya' ma dag par ci ru rung/ /ma ga d+ha ru btsos pa'i ras ni kha dog gzhan pas gsal/ /rgyal po'i gam nas gshed ma'i phyogs su 'gro ba ltas ngan yin/ /mo gsham bu yi mdza' sde gang yin de yi bud med su/ /gzo yi sngon du thog mar zhun sbyongs gtong ba'i gser mkhan thabs la mkhas/ /mngal du mtshas? pa'i glang po che ba drug pa rgum 'brum mi 'dod la/ /rgyal po blta zhing pa rtse ba'i sems kyis spyan nas mchi ma yang yang 'dzag /dus mdza' i nam mkha' 'di la shar lho phyogs mtshams gang gis shes par 'gyur/ /yin par shes pa'i blo yis mon mo'i dug gi nus pa med par byed/ /zla ba bco lnga ma rgyas par du rus sbal la skyes sgo nga smin mi 'gyur/ /rkun po mdzod khad? nang du rgyal po'i nyul mos bzung ba de ci sems/ /mig gi dbang po btsum nas mthong byed snying gi dbus su sad nas lta/ /brag la byung pa'i seng ge'i skad kyis chos rnams ma lus bstan nas song/ /rtsi mchog gser 'gyur shes pa'i mi de rlom sems khong du da chud cig /lang tad rtse ru gshin rje gshed kyis gsungs pa'o/ /gyad? kyi rgyu rtsal 'di la dri ma'i zas gnod mkhas pas spang par bya/ /chu bo bzhi 'bab rgya mtsho phyir mi ldud pa ngo mtshar che ba yin/ /skyed du 'dzom pa'i glang po seng ge'i 'o ma 'thungs pas su yis thub par 'gyur/ /rlan bral rus sbal rgya mtsho mthod ? de

  111. 56a

    dus gzhan mi dran/ /sgyu ma'i skyes bu'i sbyin gtong las byung 'bras bu gang du smin par 'gyur/ /ma drug bu'i phyogs der tshangs dbang khyab 'dug rnams kyi cod pan 'dud/ /seng ge'i gi dbus na yi ge a yod pa de ltos dang kye/ /'ja' tri rin chen mchan du bcug nas tshes bzang drag por 'jog /dug sbrul spang du byung tshe do gal yod par spang par bya/ /me long g.ya' dag gzugs brnyan 'char gyis rgyab du min/ /ka ta ri las thar nas dod du zhugs pa'i mi de shin tu blun/ / rgya las grol nas 'dab chags rma bya rjes su zlog mi 'gyur/ /yan lag nang du bskums pa'i phyi ru dgra dang bral ba'i rus spal thabs la mkhas/ /rtsi mchog spri yang 'thungs pa'i sprul sha zos na bcud du 'gyur/ /rgya mtsho'i gling du ma phyin nor bu la ni blun pos cing mi mthong/ /bsang pas khrag don? chu yi nang 'dug sha yi phyir mi 'brang/ /khab du byon pa'i btsun mos sngar gyi spyod pa dor bar bya/ /bu ram chu yis ras kyi dri ma rnams ni gting nas 'don par byed/ /gangs kyi ri yi snum ma zos na'o ma mar du 'gyur/ / stag 'di ded pas mi zin bsngad kyi steng nas dgug par bya/ /prarti? ka na gser 'gyur rtsi yi lo ma me ru 'bud/ /chu snod 'bum du zla ba 'bum char de dus zla ba gcig las med/ /byis pa ma mthong tshe pang du rgyug pas a lu bor/ /yibs med pa'i gser lar yod ka 'ji'i? rdol snong/ /srin mo'i ral gri kyang kyis thogs pa de la pha rol 'jigs/ /nam mkha' gos su rgyan na snying gi dkyil du nyi ma 'char/ /rta mchog thur du rgyug pa skyes bu 'di yis gdams ngag bstan nas song/ /mdzes sdug rma bya'i thul pa phud na de yis thar pa thob par 'gyur/ bya rgod phung po'i ri la kha sarbA Ni sa gsungs so// //gyad kyis ma rgyugs? phra mo'i bang la rgyal po bltas kyi dga' / /tshos ma yis ni skyon med ras la kha dog tha dad ci 'dod shes/ /nyi ma mun par mthong ba'i

  112. 56b

    mi de'i mig? de cis lan da 'og khyod kyis smros/ /phru gu ma dran sbrang rtsi mthong ba'i don la gnyid mi 'ong/ /khyu mchog 'og tu zhon nas seng ge'i 'o ma da 'thung zhig /mdzes mas g.yos pa'i zas la dug mthong bzhin du ma 'thung dang/ /bus pa dang ni rgan po? nang zla ba 'di la so sor mthong bar 'gyur/ /nam mkhas btson du bzung ba'i skyes bu 'di la gud na bros sa med/ /skad gsang mthon po'i sgra yis ye shes 'char dus khyod kyis dris/ /shel sgong g.ya' dag gang gi steng du bzhag pa de yi mdog du 'gyur/ /'dul spyod mkhan gyi gan du bu ra mtshal nas bros pa'i glang po 'ja' twi yin/ /sprul gyi tshad mthong len mkhan tsandan la ni ser sna skye mi 'gyur/ /rgyal po'i bka' rtags gnang pa'i mi de su la'ang du mi 'jigs/ /bud ba'i sgra la phag rgod nyan pa 'di ni phyag rgya che/ /rgyal mtshan rtsa mo'i nor bu 'di la mchod dang dgos 'dod 'byung bar 'gyur/ /phabs kyis gang la reg pa'i chan ni rlum du 'gyur bar the tshom med/ /btsun mo'i 'dza' sder gyur pa ma gsangs bshed ma'i lag du 'gro /dpag chen skyes bus gnam du mnga' 'phangs 'di ni su yi mgo la phog /rin po ches spras btsun mo'i skul rgyan gyi spud pa gnad mi 'gyur/ /sprin med mkha' la shar ba'i gza' skor phyogs der rgyal mo gar khyod kyis phyor/ / spre'u'i sder mo ? pa'i ru sbal lan tshwa'i chu la lto 'gal med/ /'tshal med sa la rtsol pa'i las rnams sdong lnga pa yin te gsar med phyir/ /smyug ma'i rtse la 'bras bu chags tshe nges ni rtsa brlag par gdon ma za/ /sgra rnams snying gi dbus na nyan ? phag rgod 'di yi sbyong 'phros khyod kyis ltos/ /rkyal ma 'byongs pa'i skyes bus rgya mtsho'i nang du 'gro bar mi bya'o/ /sa le sbram ni mtshur gyis gos tshe sngar gyi kha dog 'dor bar byed/ /seng ge blung bus chos rnams ma lus bstan nas song ba ngo mtshar?

  113. 57a

    tshe?/ /mun pa'i rum? du me long la byed kyi gzugs brnyan 'char mi 'gyur/ /klu sgrub kyi phug par sgrib pa rnam par sel bas gsungs pa'o// //skom pas chu dang mgul ba skams pa'i glang po chu dang phrad pas gzhan mi sems/ /til mar gyis bskus skra la me shor de dus sgeg mo bya gzhan dor/ /lus la lcags dbyug bsnun kyang rdo yi mi la mi dga' i rtog pa skye mi 'gyur/ /mnyan pa dgras des rtsad po'i 'gram du gru dang phrad pa de ci sems// seng ge'i 'o ma rin chen snod las phal gyis thub mi 'gyur/ /thabs 'khyar mi de gang du blo ldan gyis zin de dus sems ngal sos/ /sgeg mo yid 'phrog rmi lam bud med gang nas 'ongs nas gang du song/ /lan tshwa chu la thim pas gzugs med ro yi dngos po stor mi 'gyur/ /sgo nga'i nad nas byung ba'i bye phrug mkha' la blta ba de ci sems/ /gling bzhi'i bya ba byas kyang nyi zla gnyis la skyo ngas dar cig med/ /rin chen bai DUrya dang 'ching bu khyod kyis brje bar ma byed cig /rma bya btsan dug za ba bya gzhan rnams kyi thun mongs ma yin no/ /ru spal rlan la skyes kyang rgya mtsho mthong na de dus rab tu dga' / /bor ba'i phyi sgrogs? la ni lto 'gro chags pa'i blo mi skye/ /thabs la mkhas pa'i ded dpon rgya mtsho'i lam srang mkha' la 'tshol bar byed/ /lus la rmo? ba yod pa'i ri dags gcig pur sdod la ltos/ /dgun 'brum chang gis gzi tshe btsun mo'i drung mi 'gro/ /mtshur gyis spangs pa'i ras ni kha dog bsgyur bar shes/ /'o ma'i chu rgyun 'di la su 'thung mi de skal bar ldan par shes/ /sgor skyes tshad du bskyur nas phrug gu mi gso 'dab chags khu byug drung/ /don gnyis mi byed gser 'gyur rtsi 'di shes pa'i dgos pa de dus stor/ /lang tsho bcu drug lon pa'i bu mo de yis bde ba smra ma shes/ /dug sprul wag dang glang po'i spyod 'gros khyod gyis

  114. 57b

    da ltos shig /chu yis chu ded bsdad dbang med de de la dal bar gang gis mthong/ /smyon pa'i lag nas ral gri 'brel ba'i mi de dpa' bo yin/ /seng ge'i gsob mthong tshe na de dus snying la yi ge sna tshogs 'char/ /gri skor mkhan po de yis da res man ngag thams cad bstan nas song/ /dpal gyi ri la yi ge bsubs nas thabs des bden pa mthong bar 'gyur/ /o Dyan? tshan rdo li'i gling du dpal rang byung gi rgyal mos gsungs pa'o// //bil ba'i gang bu de ni gyang kyis brdabs na 'jig par gdon mi za/ /pha bang dred dang sha dag byed ba'i dgos pa gang yin khyod kyis smos/ /gang char 'thungs pa'i glang po smyon pa rang sar bzhag na bsrun/ /sman pa'i dag la mi nyan nang pa gang gis gso bar nus ma yin/ /seng ge'i 'o ma 'thungs chen chu la? 'byar rtsi byugs na bcud du 'gyur/ /dug tshor zas la skyes bu chags pa'i blo ni skye mi 'gyur/ /lce sbyang mig la nyin mtshan med de de yis dor bya spangs pa yin/ /nom pa lus la med pa'i skyes bu gcer bu pa la dgra mi 'ong/ /dur khrod dbus kyi rdo yi mi de sha za'i yang bral nas 'dug/ chu shing snying po rnyed pa'i mi de skyes bu su yis mthong bar 'gyur/ /gter mdzod dbyig gis khengs tsho de dus ded dpon blo sems bde bar snang/ /dbul pos nor bu rgyal po'i phyag du phul ba'i 'di ni ngo mtshar che// skyes bu rtsol ba med pa'i pi wang la ni sgra skad 'byung mi 'gyur/ /rdzings la gnas pa'i bya rog 'di la 'phur sa gud na med/ /mgo la mig phyung snying gi dkyil du sbas na phyi rol yi ger 'gyur/ /sems can rus sbal mig 'di btsum na gsal bas dbye bar 'phangs pa yin/ /sgyu ma'i gter mdzod 'di la mkhan po chags pa'i blo ni skye mi 'gyur/ /gser 'gyur rtsi yi rig byed 'di ni kun la mi ston mkhan po'i snying la sped/ /chu 'khyags khyad rom du gyur zhu tshe chu rang yin tog bar gyis/ /

  115. 58a

    mkha' la 'chang ba'i 'ja' yin ma? po su yin 'di yi kha dog su yis bris/ /chu la chu bzhag gnyis su mi snang gang gis 'byed par nus pa mkhas/ /mkha' lding 'dab gshog rgyas pa'i ro de su yis 'phur bar nas/ /gang che gzings kyi thag pa brtul tshe de tshe ded dpon dgra gnyen gnyis dang bral/ /'khor lo'i rgyug phyogs grib ma'i mtshams las 'da' mi 'gyur/ /mun rum nang du me bus 'od ni thog mar rang la 'char bar 'gyur/ /sgom du seng ge'i snyed khrag 'thungs pa'i mi de su yi rig rgyud yin/ /jag rtsed mkhan po de yi man ngag thams cad bstan nas song/ /gru gnyis sna la rtog pa bzhag pa'i mi de 'gyel bar 'gyur/ /lho phyogs ka ma ru ru lha mo mi ri tses gsungs pa'o// // gser gling yid la bcangs pa'i ded dpon rda? rdo'i khrod du gdod mi 'gyur/ /rdo yi shul du 'brang ba'i khyi yi spyod 'gros 'di la khyod kyis yang yang ltos/ /tshong khang du tshogs 'gron po thad kar mi 'grogs rang rang gud du 'gro /nor bu'i phung po mthong tshe rus spal la ni gces par 'dzin pa'i blo mi skye/ /klu mchog rnams kyi mgo bo ji snyed glang gzer skye ba'i rten/ /nang gi 'du ba gang yin drang srong gis ni phyi nas shes/ /rgyal po'i dkor mdzod brkus pa mi smra 'chab pas kha chags? bsdams?/ /rnal chu mthong tshe thag pa sprul du 'dzin pa'i 'khrul pa ldog /sbrang rtsi'i ro mchog myong ba'i rnga mo rtsa yi zhen pa bral/ /sa yi 'og tu rno yi dar blud spu gri sba bar phangs pa yin/ /nyi zla gza' skar rnams ni rgya mtsho dang ba'i dang du 'chad/ /khri snyan lpags pa gyon pa'i mi des bgegs rnams bran du khol bar 'gyur/ /phyogs bzhir co do bshed mas zin pa'i mi de de dus gang la chags/ /skyes bu 'dza' bos bslus pa'i mi de khong du yid ches 'jig /shing gi skyes

  116. 58b

    bus glang po'i mgo bcad de yi sdig pa gang du smin/ /mdongs rgyas pa yi rma bya dregs pas myos pa 'di ni ting 'dzin bzang/ /rgyal sras 'khrungs pa'i btsun mo la ni de dus lha rnams re ba che/ /na ga ra yi yi ge chu la bris pa su yis lhogs par 'gyur/ /lhung bzeng khengs na rigs ngan bzhag la nga ni seng ge'i bu dang sbrag /ci yang mi dgos shing skogs gar gyi sdom gyi spyad 'gros khyod kyis ltos/ /gser 'gyur rtsi shes dbul bar gnas pa'i mi de su yi rigs brgyud yin/ /ru sbal spu yi kha dog ci 'dra da res khyod kyis mo gsham bu la dris/ /me long nang gi byang de gzugs brnyan yin gyis rtog pa bral/ /gser 'di bzang po yin min ra 'di ka 'jigs gsal bar 'dug /gang la brgyab pa mi sdug chod pa lha dbang lag gi sta ri rno/ /mchil lham lag na thogs na dus der lham gyi dgos pa ster/ dra ba dbang po'i gzhu yis chos rnams ma lus bstan nas song/ /mu tig phreng ba lto ru zo zhig 'di yis don gnyis 'grub par 'gyur/ /sing+ga la'i tshal du kun tu bzang pos gsungs pa'o// //byang gyi dpral ba'i nor bu ma mthong gzo rig mkhan pos bstan dus rnyed/ /chu bya'i phru gu 'di la sgo nga'i nang du rgya mtsho'i snang ba 'char bar 'gyur tsandan me yis tshig pa'i rma la sman du de nyid bzang ba yin/ /shing rnams thams cad grib ma'i ngo bor gcig pas 'di la tha dad med/ /spos kyi glang po ste ka zos pa seng ge'i gdong du blta/ /'dab bzang rgyal po'i mchu la rtsi yod chu bo'i nang gi 'o ma 'du/ /bsad cing rtse ba'i mi de nor la chags pa'i blo mi skye/ /sngags kyis zin pa'i ha la sman rnams kun gyi mchog du 'gyur/ /rdo yi mi yi rig byed 'di la ltos dang ngo mtshar che ba yin/ /dug mda' snying la phog pa'i mi de su

  117. 59a

    yis sos par 'gyur/ /sen mo'i bar du seng ldeng tsher ma zug pa'i mi de ting 'dzin bzang/ /mi ro mkha' la lta ba'i snying la ci sems khyod kyis da smros dang/ /skom du smyon chu 'thungs pa 'di yis rgyal po'i 'khor mi 'ong/ /nam mkha' i nu ma la ni 'dod pa de bzhos shig /nor bu rin chen gang nas rnyed pa'i dus der dbul dang bral/ /gcig tu gyur pas ri rab drung du bla bya'i mdongs mi gsal/ /skyes bu bshed mas btang ba'i blo sems 'di la blta bar bya// dud 'gro'i khong du gser 'gyur rtsi zos rtswa gzhan dag dang khyad par med/ /do thag thams cad cer gyi phur pa 'di yis bzung ba yin/ /stobs ldan ded dpon gyis ni glang po'i rgyab du nga khol cig /srin po'i kha nas rlung gis bskyod pa'i me ni rdo rje'i gdan la 'bar bar byed/ /'di yis gdol pa'i grong rnams tshig par 'gyur bar gdon mi za/ /rnam pa du mar gyur kyang gar mkhan lus su gcig pa yin/ /gril nas lam du dum pa dngul chu'i thigs pas khengs pa'i tshe/ /de dus 'khor lo'i steng du dpa' bo rnams ni gzi ru chug /rgya mtsho rba rlabs 'khrugs dus thabs ldan rus sbal gting du 'bros/ /glang po'i mgul gyi dril bu 'di yis man ngag thams cad bstan nas song/ /sman gyi nags der drang srong gis ni dor bya rnyed mi 'gyur/ /dur khrod u tsa lar badzra bA ra his gsungs pa'o// //gter gyi nang du gter chud de dus mkha' la 'ja' tshon sna tshogs 'char/ /mthong dus de tshe khyod kyis khong du gzhu yi srad bu da phung cig /rang gis bcag pa'i gser la ka 'ji'i dgos pa mi bdog go /mthong snang dgra ru rad pa gter bsrungs? mkhan po mel ce rab tu brtson/ /rgyal pos mtshor ba la dur ba bseb du bdud rtsi'i bum pa rang gis btung/ /sbrang rgod lto ru zos nas 'bras bu med par 'dod pa de ni shin tu blun/ /rdzings la gnas

  118. 59b

    pa'i ded dpon 'dod rlung byung ba de dus rgyal mtshan 'phyar/ /bu ram shun pa 'di la yang yang bshus na mngar ba'i snying po rnyed mi 'gyur/ /rmi lam du ni gter gyi bum pa rnyed pa de la sad nas blun po du/ /gzan la bcum pa rgya khra 'di yis man dag thams cad bstan nas song/ /gter mdzod rnyed pa'i mi des mdza' bo shi ba'i mya ngan dus deng brjed/ /sha chags mis deng skyal shes skyes bu ga gA'i phyogs su 'bros/ /rus sbal rgyab kyi ri mo sus bris 'di yi mkhan po gang yin lo/ /ded dpon kha la mi nyan blo chung skal med nor bu rba? dor len/ /nya btang ba yi skyar mod? dus mkha' la dgra yi 'jigs pa bral/ /rig byed gnod par mthong ba'i skal med 'og rang sar zhog /khab len rdo 'di nam zhig btsun mo'i dgra ru ldang bas sa yi 'og tu sbos/ /gnang du mtshon ? dus der ri dags khyu nas bgar/ /nor bu gling las rdo bcil bas mi rnyed a rangs rin po che/ /mkha' la rgyu skar gang yin lta na seng ge'i g.yang gzhi gon/ /gser 'gyur rtsi po ston pa'i drin can gang gis mnyes par byed par nus/ /thabs gzhan ma mchis rdza chag dum bur bza' btung slong na dgyes/ /chu ye ro rnams rgya mtsho chen po der ni tha dad med de gcig /ro la mtshon gyis bsnun kyang de la ma dga' i rtog pa med/ /g.yul don ma sprod chen glang po'i mchu la ral gri? ? ri brag bar du sdod pa'i gcan zan seng ge 'di la gdams pa yod/ /zo chu 'khor lo 'di yis man ngag thams cad dus der bstan/ /srin mo'i sog pa mgul du thogs nam mkha' la 'phir? bar 'gyur/ /rdo rje gdan du mi g.ye pas gsungs pa'o// // bde bar gshegs pa lung gi brgyud pa /yi dam gyi lhas bstan pa/ /'dzam bu'i gling du sngan chad ma grags pa'o/ /sangs rgyas gnyis pa ltar grags pa/ /bla ma rgya gar nag gu'i zhal snga nas/ bod kyi bande zha ma lo tsA bas byin brlabs kyi gnas mchog ding

  119. 60a

    ? bsgyur te/ /bla ma byang chub sems dpa' kun dga' la gtad pa rdzogs sho// //rgya gar skad du/ mahA mu dra u ba badzra gu hya gI ta/ bod skad du/ phyag rgya chen po'i man ngag rdo rje gsang ba'i glu/ /bcom ldan 'das ma shes rab kyi pha rol tu phyin pa la phyag 'tshal lo/ /kye 'o rgyal po'i rigs brgyud bu yis 'dzin 'gyur gyis/ /gser 'gyur rtsi yi rigs byed mtshang gis rtogs/ /rgya mtsho'i lam rgyus rig ldan ded dpon mkhas/ /khri snyan mig gis nor bu? nus pa lta/ /ril bu grub pas bram ze'i bya ba rdzogs/ /gangs la bab pa'i chul dri ma med/ /mu tra las bton gzugs rnams tha mi dang/ /gser la dngul gyi ra med sa le sbram/ /mkhan gzos ma byas bse ru bshags pa'i gzugs/ /rdzings? kyi thag pa lu gu brgyud du sbrel/ /ma ga d+ha pa skor mdzod bu la 'bogs/ /mnga' bdag tshig la btsun mo zur mi g.yo/ /mtshang shes dka' pha ma yin sgyu ma'i 'phrul/ /sbrang rgod 'thungs pa'i nus pas yun mi thogs/ /ka 'dzim dgos rang gis bsags pa'i gser/ /dmus long mig phyed yul rnams rang ngos zin/ /rin chen gser gyi skud pa khab shul 'grim/ /gling las skyol ba'i ded dpon the tshom bral/ /drang srong gi ni gso rig mtshang rnams go /zla ba mthong ba'i ri bong snyems las grol/ /lam nor ngo shes de dus gnyid du ldog /ga bur nus pa tshad pa'i steng du rgyug /nor bu lus la btags na bdu ba 'byang/ /lto 'gros dri tshor ma gi ta la 'bros/ /phyugs bdag mthong bas u ma cod pan bkrol/ /rma bya'i phrug gu dang po'i tshang mi 'dod/ /ded dpon gling lon nor la zhe mi gdung/ /mdza' bo'i brtse gdung grogs kyis bslus tshe zhig /ngal bar mi 'dug gser mtshon rnyed pa'i mi/ /ded dpon rgan po'i gling don gzhan gyi phyed/ /zur ma mig nas gton pa'i nyag thag gnyen

  120. 60b

    rba las 'byol ba'i gru pa yan lag 'brel/ /nor bu'i 'od la rlung gis gnod mi 'gyur/ /nags la gnas pa'i glang po rang dbang thob/ /'chi ba'i dus der rgyal srid cung zhig bya/ /gdan sar phyung ba'i lha sras rgyal srid thob/ /dri ma dag pa'i gser bum gdan? mdzes/ /khong gzer bral ba'i ded dpon la ltos dang/ /gar chang 'thungs ba'i gyad kyi ya nga stor/ /rlom sems mi skye rgyal ngo shes pa'i mi/ /dad pa rkyen gyis skul ba bu shi'i ma/ /khri mon nang du gser sgrog ci zhig bya/ / brdzings kyi steng du ded dpon mig pas gces/ /gling las blangs pa'i nor bu gces spras tho/ /brdzings kyi gzo tshar ded dpon shol mi thebs/ /tsha grang gnyis ka sel ba seng ge'i spu/ /bza' btung mi dran dgun chu 'thungs ba'i sprul/ /so btang bum par gser gyi snod kyang btub/ /ri brag par gyi seng ge zla mi snyag /khyu mchog thong mkhan zhing gi mdza' mi mthong/ /gcig pur gnas pa'i bse ru sdug bsngal bral/ /drang srong rgyal mtshan ma gon bsrung sdom med/ /'gro bar ma chad gling las bod mi 'gyur/ /snyod ba brtse ba'i spre'u snying re rje/ /'dab gshog rgyal pa'i bru gu nang nas 'phur/ /skyug nad can des zas kyi 'khri ba chod/ /rab tu byung tsho bya ba dman pa 'dor/ /ri dags nad pa khyu nas 'gar na bde/ /rigs ngan bu mos 'jol sgeg spangs nas 'dug /dur bsrungs mi la 'dza' bos ci zhig bya/ /rab zhug ma bcas dpa' bos g.yul mi ldogs/ /ljon shing grib la dub pa'i sems ngal sos/ /rgyan gyis spras pa'i btsun mos gzhan yid 'phrog /'dod dgu'i 'byung gnas rin chen gter gyi sgrom/ /thabs la? mi re dzA la 'bar ba'i nad/ /dpon la mi brten rig byed tshar pa'i mi/ /rang gi mtheb mdzub gzhan gyi lag pa min/ /gar yang bde ba lang tsho rgyas pa'i lus/ /mthong bas chog pa rtsi mchog gser 'gyur gzo/ /

  121. 61a

    khyim la mi dga' bu mo'i blo mi 'phrogs/ /o rgyan? dur khrod srin mo khros pa'i sa/ /thub pa'i bzhugs sa mi nub rdo rje'i gdan/ /dgos pa'i rkyen tshogs ka lingka yi gnas/ /rgya mtsho'i pas mthar sprul gyi dug mi 'byung/ rin chen rdzong la 'jigs pa'i yang bral/ /g.yo sgyu spangs pa ma ga d+ha pa'i mi/ /smra bar mi phod btsun mo snol gyi mtshang/ /gdeng la dar thogs gcan zan seng ge'i bu/ /mthur gzhol lam du shing rta 'gro bar brtson/ /mil tse'i bar med bu gcig pa yi ma/ /rgya mtsho'i lam rgyags deng dpon nyams la dris/ /gso ras char bsrungs gling lon khom par gces/ /gzings kyi cha rkyen ded dpon kho tshags byed/ /yul gyi 'khri ba nyag thag bcad dus zhig /'dod pa'i rlung byung ded dpon blo sems bde/ gling don ma grub ded dpon phyir mi ldog /'gyur ba med pa rgyal pos gsungs pa'i tshig /sprang tshang 'bebs dus yid la go cha byed/ /gar chang blud pa'i glang po 'cham pa'i rtags/ /mig gser mthong pa'i las mis bde sdug spangs/ /dar gyi srin 'bu kha chu zags pas phung/ /de ni gzhan gyis ma lan rang la skyes/ /tshang la nyes sgyon yod pa ma yin no/ /ma rig stobs kyis kha chu mang du skyug /rang nyid phung bar bas kyis gzhan du min// lcags bsregs gzhi me tshogs rgyus ma bskyed/ /'byar rtsi ngo shes chad du brtse ba glen/ /smig rgyu chung 'thong ri dags snying re rje/ /thig le ma yal rgya khol dal mi 'gyur/ /ber ka gnyis phog mi de ci ru rung/ /gter gyi bdag po mi re rigs ngan bu?/ /dud pas mi 'jigs rtsi med sbrang ma'i tshang/ /'chi bdag kha ru ma chud skye 'gro grang/ /lus la 'byung bam 'khyugs rnga yi mi/ /ming nas bos pas shi ba ldog gam ci/ /mthong snang dgra ru red pa dug sprul mig /khyod la shing los gnang pa skyal

  122. 61b

    ba med/ /brag ca'i sgra la bus pa snyan sdug rtsis/ /rmi lam gter rnyed sad tshe mya ngan byed/ /gyod khengs longs pa'i sbyang khu rang la rmug /'phags pa'i rigs can dgra la bu ru blta/ /gnod pa bskyal dus slar la gces par 'dzin/ /phan lan ma brtags skye 'gro rnams kyis med/ /khyi khros rdol 'cha' ba snying rje'i yul/ /rtswa me dum? du bsad dus du ba 'chang/ /mthong snang log pa'i yi dags bde ba stor/ /lus la rang dbang ma thong sdug bsngal brten/ /tshe mdza' i rings pas 'phung ba dmyal ba'i lus/ /'di la bde ba'i bar mtshams 'dug gam ci/ /sa bon ma rul n+ya grol lo 'bras rgyu/ /ded dpon snying khrag 'thungs pa skal bar ldan/ /thigs pa bsags pa'i rgya mtsho ngo mtshar che/ /nam mkha' mthong bas dbyibs kyi phyogs 'dzin zhig /yud tsam 'thud pas bskal pa 'dzad par ltos/ /rgyus skud lam sna khrid pa phag rgod spu/ /khri snyan lpags pa ma gon drang srong min/ /gru pa yan lag brel pa rang gi ched/ /'dab bshog rgyas tshe tshad na 'dug kyang mkha' / /yid bzhin nor bu'i dgos pa gang yin ltos/ /me tog las byung gang bu dus su smin/ /bum pa bzang po dgos 'dod 'byung ba'i snod/ /mar gyi rgyu ni 'o ma yin par nges/ /rnyed par mi 'gyur ser po dor ba'i gser/ /nyi ma'i zer gyis mun pa'i gya rum 'joms/ /gser du snang ba'i dngul chu gzhan du min/ /chu la chu bzhag tha dad mi snang ngo/ /mar la mar bzhag de bzhin nyid du bas/ /mdza' then nar gnyis su gang gis byed/ /rgya mtsho'i rlangs pa sprin gyi ngo bor gcig /mkha' la lcags dbyug shul la khyad par med/ /rtsi len pa yi sbrang ma la ltos dang/ /glang po'i rgyab khal grog ma'i lto ru mdzad/ /rgyal po'i sku la dri mas gang tshe 'gos/ /phra rab rdul gyi nus pa ngo mtshar che/ /mkhas pa'i gang ni

  123. 62a

    rim pa bzhin du tshar/ /thabs ldan zhing pa rags sna mchu ? bsring/ /khyod kyi yung ba 'gags pa phyir sol cig /'dus pa'i kham shing 'bras bu la ltos dang/ /tsandan sdong po sprul gyi skyabs gnas sa/ /chu thigs rgya mchor bor ba skams mi 'gyur/ /rgyan rnams 'byung ba zhun sbyongs tshar ba'i gser/ /bu tshis mi dran rgya mtsho'i gru zhig mi/ /sgra mi snyan pa nor la zhe mi gdung/ /gling don mi gnyen ded dpon ci ru rung/ /su zhig bde 'dod rgyab kyi khung tshe bor/ / dmus long phye ba'i mi la drin gzo rig /rba 'khor phyogs nas bzlog pa'i ded dpon bkur/ /mun rum nang du mkha' la zla ba gces/ /'dam nas 'don pa'i mi la su zhig rgol/ /gling bran ded dpon spyi bor long zhig dang/ /shar nas na bun utpal chu la med/ /thad kar mi gnas mkha' la shar ba'i 'ja'/ /rdzeng gi chu ni phig par gyur tshe 'dzad/ /chu ni thur gzhol gyen la bzlog mi 'gyur/ /'gro don mi mdzad thub pa ni phyir 'da' / /smig rgyu'i klung la chu yi 'du shes dor/ /bden ba ma yin rmi lam gter rnyed dus/ /'phrul gyi bu mo 'di la ma chags shig /mtshar can bshed mas zin pa'i sems de ltos/ /gser dang gres ma sgrog gi ngo bor mnyam/ /ma zos bu ram mthor bas mdar mi 'gyur/ /ma sgrogs zho yi dang nas mar mi rnyed/ /ma 'thungs ga bur tshad pa sel lam ci/ /mchog gi nor bu sba bar bya ba min/ /rdub po'i lag tu sta re'i nus pa stor/ /phol 'bras rma la dgos par mthong ba su/ /chu shing snying po rnyed pa'i mi de gang/ /gser med pa yi las ka dgos pa med/ /mthong bzhin du ni dong du 'gro mi rigs/ /dug chu 'thung 'phro mchad bde mi 'gyur/ /ha la song ba'i sman mar ci ru rung/ /dus de nyid du sbrang chang 'thungs pas gzi/ /'gro dus phung po rnyi yi gzan len byas/ /rmongs pa

  124. 62b

    srin mos cod pan bcings la dga' / /mchil pas zin pas nya yi bde ba stor/ /'chi 'dod nad la drang srong dag mi nyan/ /de ni gnod pa'i kha zas brtan la dga' / /phan pa'i sman la gces pa'i 'du shes bor/ /'du ba bskyed pa'i spyod lam ched du byed/ /sman la nus pa med ces rmongs pa smra/ /mi grub khas blangs rgyal po'i bka' chad gnas/ /bshal rjes mi bsrung rang la gnod par bas/ /nor bu'i nus pa thal bas byibs che stor/ /seng ge'i 'o ma rdza yi nang du min/ /tshad med du ba'i bus pa sha re chad/ /bskyen 'phro bcad par mi rigs pan pa'i sman/ /stong log mi bya rin chen gling gi mi/ /'gal du mi rung 'khor los sgyur rgyal gnya'/ /mtshur med gser gyi dngul chu lcags mi 'gyur/ /rang nyams ma lon gyad la bsngo mi rigs/ /'bras bu smin pas snyug ma'i rtsa ba brlag /phyugs bdag ling ga mchod pa'i dri mas khyad/ /'khrul pa'i rgyal po 'bangs kyi g.yog du rgas/ /ngo mtshar che ba gser mchog gser 'gyur rtsi/ /mdongs la lta ba'i rma bya dgu? nas 'chi/ /dug gi chu ni btung bar bya ba min/ /bram ze chang gi gzi bcos byas dus lad/ /mig gi rin la ci btub soms dang kye/ /rgyus med tshor ldo lus la bar kA phog /gzo yi rig byed tshong la gzhug pa min/ /stag gi ri mo bkra bas gyod la gtugs/ /lus la rlung mkhris phyi nas zhugs pa min/ /rtsal gsum rdzogs pas 'phung ba seng ge'i lus/ /dom gyi sdug bsngal sbrang rtsi rnyed dus blang/ /tshod dus dbus su don stor don mi 'grub/ /bse ru 'tshol ba'i mi de sdug bsngal che/ /dgos pas na ba'i khor na dug yod min/ /klu mchog mgo bo de nyid sdug bsngal brten/ /dri za'i bu ni rgyud mangs skra yis bcings/ /sprad ma'i tshang ni rtsi mangs sogs pas phung/ /thar lam 'dod pas khyi yi snying phyung cig /lcags kyu dang bral glang po bde bar

  125. 63a

    gnas/ /rgyal po'i zhabs tog bsngo bgrangs byas che yal/ /bya yi phrug gu'i gcas 'dzin dags pa dang/ /dngul chu snod du chags? par gyur ta re/ /srin du me khyer dregs pas rgyal rin med/ /na tsho'i phrug gu smra ma shes pas 'tshengs/ /sbrang tshang mthong ba'i don mig mkha' la blta/ /de dus zim bu ma myong sdug bsngal rgyu/ /kha brag lam du rgyas med mi de 'tshom/ /chu klung mu ran sdong gru nyal ba'i spas/ /sbrang rtsi myos pas rnga mong gyod la gtugs/ / bag mas ltad mo ma mthong tshong dus dbus/ /sos bzhin bsten na sman mchog dug du 'gyur/ /don gcig mi 'grub gnyis 'dzin can gyi blo/ /khyim las ma 'phags ded dpon gling mi lon/ /brtag pa'i 'tshang med nor bu dbyig la brdar/ /stod la mnan pa'i sbre'u rkang lag brel/ /nang ngos ma zin bcos ka khro log bsgyur/ /ded dpon mdzod mthong khyim bdag rdang de ldang/ /seng ge'i mgo bo mthur gyi phyir mi 'brang/ /mkha' lding bshog rdzogs tshang la mig mi blta/ /zla bo mthong dus bse ru gung du gag /grong las 'grims pa'i lce sbyang lus sems bde/ /dgra yi sdug bsngal bral ba gcer bu'i lus/ /'gag gi rig byed ba so'i gzo la gnod/ /ma he'i sgyid 'khyol 'gro lam thur gzhol? bde/ /mkhas pas mi chun blun pos sbyangs pa'i glang/ /lto ru dug zos zhu rjes bde mi 'gyur/ /rmongs ba'i dag la nyan pas 'tshengs pa gang/ /thar nas btson rar snyeg pa snying rje'i yul/ /lu gu brgyud kyi khong sgril gcad par dka' // lha yi zhe sdang skyes rtsub 'gyur tshal/ /dge slong 'dugs btsun mo'i khrod ma yin/ /zhags pas thebs dus spre'u nags dang bral/ /sun bzhin dang du len pa sde pa'i dpon/ /gser mgar 'gul du rang gi rgyan ma thogs/ /bran mos rnyed kyang ?

  126. 63b

    bu rje bos 'khyer/ /na so rgas pa'i ded dpon gling mi lon/ /bu yis brdungs kyang tsha bo gces par 'dzin/ /dur khrod nang du seng ge'i rtsal mi 'byongs/ /wa dom spyod pas sder chags zil mi non?/ /grum pa dang 'grogs snying stobs nyams ? nas/ /byi mos mig 'brongs pha yi yul mi zin/ /gangs dang bral bas khyi yis mche ba gnyer/ /khra yis ded pa'i skyar mo nya yis lan/ /dri ma mi chags lhung bzed stong pa'i snod/ /'khor lo'i sgrom gyis shing rta dal mi ster/ /rgyal po dmangs spyod su yi mig star mdzos/ /rtsi la chags pa'i sgrang ma dung pas 'tshal/ /pad+ma'i steng na 'phrul gyi bum pa mdzas/ /rdul gyis ma gos g.ya' med dngos pa ni/ /skyon dang bral ba'i 'od zer ra ba can/ /lung thag ma btags nyi zla'i rgyan gyis smras/ /rnyed par dka' phyir btsong par phangs pa yin/ /pad+ma'i wa ba thur la kha mi 'bye/ /tsandan chu ni skyon bral snod du blug /dngul gzhong ma phyis rgyal po'i gsang mi 'dren/ /mkhar ma'i sbyang du so ba blug mi bya/ /chu bo bzhi 'bab rgya mtsho ngoms mi 'gyur/ /ded dpon rnyed dus gling don bsgrub par bya/ /bzhi mdo'i tshong 'di gzings kyi 'gros la gnod/ /tshes gsum zla ba rgas pa'i dus la bsnyen/ /chu gang 'khor mas ded dpon don thabs bcog /khri mon kha ru lta yi sras mo phyur/ / gling la rtog pa'i tshong pa'i blo mi brten/ /dug sbrul gtsug gi nor bu blang mi bya/ /gyang phrug rtsal sbyong sems de dor cig dang/ /btsun mo'i bsrungs mtshon ma la btsal ba min/ /thar pa 'dod na 'tshal gyi thig le bsrubs/ /'dam yod chu la rnyog pas dangs mi 'gyur/ /khyi rgod mthong dus mi skrog rang bcom skyud/ /dri ba'i grong khyer lta bar bya ba min/ /grog ma'i spyod pa bor na nges par bde/ /til gyi me tog mi btog bcad par phangs/ /shing lo'i steng na dur bsrungs yan lag dal/ /

  127. 64a

    bud med khyim gyis sun pa de la ltos/ /stobs kyis 'khrul pa'i 'khor lo'i gsheg pa bral/ /rtsi yis zin pa'i lcags 'di gsar du 'gyur/ /gser ? sa bon yongs su bsdom bya/ /nam pa'i dang la shar b+ho phyogs mtshams med/ /dar gyi chos kyis shel sgong kha dog bsgyur/ /mdog dbyibs tha dang sprin gyi yal sa mkha' / /mo gsham bu yi bag ma ngas ma mthong/ /karSha ba Nis dung gi kha dog mtshon/ /nam mkha' bskyod par byed pa'i ma ma su/ /'jig chags bskal pas nam mkha' i g.yo mi 'gyur/ /dkar nag mtshon gyis mkha' la gos pa min /nam gi cha nas nam mkha' yod pa min/ /nam mkha' gang nas blangs pa khyod kyis smros/ /'ja' yi kha dog rgyang nas 'od du gsal/ /gang du phyin nas btsal bas ma rnyed do/ /yod med gnyis su smra ba gang gis nus/ /lcags kyi tho ba gang gis phig pa yin/ /dra ba dbang po'i gzhu 'di mkha' la yal/ sngal ba'i spu yi la ba su la yod/ /grag ca'i sgra 'di gang gi kha nas brjod// chu zla tshol ba'i spre'u snying re rje/ /rku ba'i nang 'di ci yis brus pa yin/ /mkha' la 'ja' shar chos rnams bstan nas song/ /nam mkha' 'phel du ma song ltos dang kye/ /e ma nub par kyang ni gyur ma yin/ /chags pa'i rten sa gang la byas par 'gyur// 'di yi rgyu rkyen ci la byas pa yin/ /phan tshun tha dad med par ngo mtshar che/ /kye 'o sgyu ma'i skyes bu'i 'du shes stor/ /don byed mi nus rmi lam nor gyi bseb/ /rdo yi mi rig byed gang du song/ /glang po'i mgo la rwa med chag dog bral/ /chu shing snying po phyi nang gnyis kar med/ /dug sprul ma bltas sgo nga blang mi rung/ /drang srong nad kyi grogs dang gnyen po soms/ /ded dpon bu ni yab la gling rgyus 'di/ /gru chen la gnod dgra rnams phyi ru sel/ /dgos pa'i rkyen dang mi 'bral cher drims/ /nya

  128. 64b

    sprul ? ni nor nyen che bas brtag /'gro mgon gyis kyang nam mkha' i mu ma gzigs/ /dmyal ba'i lus la tsha grang go skabs med/ /kha dog bsgyur zin mtshur du sbrangs na ldang/ /gso ras thal khung 'jug pa dri ma med/ /'khri shing la 'bras smin par gyur che bsog /gal nang zas len de dus nyid du 'phung/ /tshong khang nang gi mgron po snga rim 'gyes/ /srin gyi kha chus rang nyid 'ching bar 'gyur/ /rtswa yi sgron me mched par rab tu rkyen/ /rgya mtsho sgrol ba'i gru la zag lhan gces/ /dregs pas myos par mi 'gyur nad pa'i lus/ /rang srog ster ba'i drang srong lan lon cig /phan pa'i sman mar 'bor bar bya ba min/ /rgya mtsho'i spu ba yal ba'i rjes mi blta/ /gdan sa ma spangs rgyal pos chos mi 'grus/ /khyim dor nags su 'dug pa'i mi de bde/ /dom gyi snying khrag ma 'thung kha la ltos/ /me tog rtsi yis sgrang ma dal mi ster/ /bu ram mur pa'i lkug ma kha rog 'dug /gling la dbang ba'i rgyal po bu dang 'grogs/ /'khor los btsal ba'i lam la zhugs par bya/ /khang bzang rin chen spang du mi rung ngo/ /dri ma can gyi zas skom mi brten cing/ /khyim bdag dpa' bo phyi ru mi skrad dro/ /tshe 'di'i che thabs bshig pa dur bsrungs mi/ /gdol pa'i mgul du rin chen rgyan mi 'dogs/ /yab kyi spyod lam snyag pa ded dpon bu/ /smyon pa'i spyod pa gzags btang bral nas 'dug /lkug ma'i gsang tshig kha ru mi 'don no/ /nye ba dgrar gyur blo gros dri yul zhig / gzugs kyi rtsol sgrub mi byed long ba'i grogs/ /phyag dar khrod pa thong gshol nyo mi 'gyur/ /nang pa chu skyug gang ga la mi blto/ / gser gyi 'gar ba bya ba gzhan mi bsgrub/ /dar chen dar zab phag rdzi gon mi 'gyur/ /tshong spyod mi nus smyug ma mkhan gyi khyim/ /smra mkhas thabs ldan ne tsho khyu nas 'byol/ /'phyengs pa'i glang po bur shing bres mi snyag /gser sgrog bcug kyang

  129. 65a

    'cham 'gros byed mi nus/ /ded dpon bu ni bre srang la mi blta/ /gling don khar ton shi yang khyim mi 'dug /chos ? 'dus chen? yang gzings la snyag /'dod pa'i rlung ni re gsor dag gis 'gugs/ /ji srid nor bu ma lon phyir mi 'byung/ /brag las skyes pa'i chu bya mtsho la snyag /nags kyi byi phra dgun gyi rtsam sogs/ /gdon gyis brlabs tshe don de lam du stor/ /nyal rnong ba'i skyar mo dgra la 'byol/ /gcig tu mi gnas stag mo grus ma'i tshang/ /'gron po lam zhugs gser? rgyal phyir mi 'khur/ /gtso ba'i gsang gros khrom du brjod mi 'gyur/ /sgrag par mi byed ? mdzod brkus pa'i mi/ /bram ze'i rig byed bu las gzhan du min/ /yon dor? mi ster rtsi mchog gser 'gyur thabs/ /mtshan dpes rab spras 'khor los sgyur rgyal lus/ /tshangs pa'i dbyangs la yan lag drug cur ldan/ /thub pa'i thugs ni yon tan kun gyi mdzod/ /nor bu rin chen dgos 'dod 'byung ba'i rten/ /rgyal po'i shul sna gser gyi 'khor los 'dren/ /gin dza'i me tog rlung gis bskyod par sla/ /dus su smin ba'i pad+ma kha dog gsal/ /'byung ba'i dgra rnams bcom pa rdo rje'i sku/ /grangs par rkyen pa bus ba chung ba'i lto/ /rgas dang bral ba dngul chu 'thungs pa'i lus/ /sman mchog gsil mngar thun la che mi dgos/ /ci smras don du 'gyur ba drang srong tshig /gling las glangs pa'i me tog dgos med min/ /dge slong tshig la gtam gyi don mi 'byung/ /sman gyi gnas su dug gi skye drungs 'gags/ /'phrul gyi me long phyi nang gnyis kar gsal/ /mang du brtsegs kyang gzugs brnyan 'grib mi 'gyur/ /phug pa yod bzhin zang thal yul mi 'gag /sgyu rtsal 'byongs pa'i gyad ni phyi phyar rem/ /smig rgyu'i mtshang shes chu yi 'du shes zhig /shing lam yod tshen du ba 'byung/ /kha rlangs sgron mer gyur pa

  130. 65b

    me khyer yin/ /ri brag par na smig rgyu yod ma yin/ /nya rgyas zla ba nyi ma'i 'od dang bral/ /reg bya gzugs kyis stong pa khol ma'i nang/ /snga ltas shar ba'i bu mo btsun mo 'gyur/ /bi rtsi 'thungs pa'i mig la mtshan mo med/ /lha khang sgo phye de dus sku gzugs mthong/ /phyugs rdzi'i lag brda gang+gA'i phyogs su byed/ /sbrang rtsis gsings pa'i tshang 'thungs lus po sbrid/ /bshor la bsigs pa'i sbo ga gting mi 'dzul/ /'chod rdo btags pa'i gzings la g.yo ldeg med/ /dngul gyi me long phyis na gsal bar 'gyur/ /zhal ta tshud pa'i mi de sngar spyod 'dor/ /phyogs mtshams kun tu 'phur kyang nyal sa tshang/ /thob? khengs dus de tshe sbyang thag 'dren/ /sha chags mis zin de yi shes pa ltos/ /'phrin yig legs par mthong dus sems ngal sos/ /mi 'gyur mkha' la ldeng ba'i gshog pa brel/ /dregs par gzo ba'i bzhin de khong du chud/ /byang chub shing du thub pa'i spyod lam bde/ /zhus la bab pa'i gser 'gang yengs dang bral/ /g.yul du dul ba'i glang po ltos dang kye/ /'ba' yis non pa'i ri bong can mi mthong/ /khog rtses bkab pa'i me yi dud pa subs/ /sbra gzo tshar dus mkhan po yang yang lta/ /brti ka na grogs po mdza' dus 'bral/ /sman gyi tshong pa'i 'gro phyogs ltos shig dang/ / rgun 'brum thal ma mi sbud phyogs bzhir brdal/ /bya ba zin pa'i rdza spyad phyi chis min/ /skyed med nad pa sman gzhan bsten par rigs/ /mkhas pa glang po drag dal gnyis su sbyong/ /bus pa mi sad zhun mar sbyin mi bya/ /phag gi lce yi kha mngar spangs nas bdug /bram ze skud pa 'khal ba ltos shig dang/ /rba klong 'khrug dus thabs ldan 'phyong rdo 'dogs/ /su zhig bde 'dod sbrang ma'i spyod pa bor/ /rgyal khrims chos tshe blon po'i rtsol ba zhig /nor bu non pa'i ded dpon sems las

  131. 66a

    bral/ /rgyal po'i bu mo gzhan gyi rgyan mi lta/ /sdong dum ma bsal shing rta 'gror mi btub/ /sman gyi lo 'bras drang srong bu la ston/ /btso ma'i 'od la gser mkhan mdog mi 'don/ /spu gri til la dang blung mig mi 'dod/ / bu yis srid zin rgyal po'i bya ba rdzogs/ /dug tshor mi de lhag ma za mi 'gyur/ /bram ze'i rig byed slob dus bya gzhan 'dod/ /brtsa med bsrub ma bskor bar mi bya'o/ /rgyal po 'chi dus khrims yig la ma blta/ /nor pa'i lam du 'dab par mi rigs so/ /nag tshur mi dgos 'dzam bu chu bo'i gser/ /pad+ma 'dam gyi skyon dang bral nas 'dug /dgra med rang dbang thob pa seng ge'i ba/ /gnya' shing bkrol ba'i ma he gar dgar 'gro /ram zhugs pa'i gser ni gu lang ma/ /tshar ma phyin pa'i shul de gru ba min/ /cor sgo byed pa'i mi de srog mi 'dod/ /she sgo zho yis 'grangs pa la ltos shig /gso ras lnga pas bsdams pa grags pas 'chings/ /sgra nyan pa'i phag rgod gdams pa ston/ /ngan smras stong tshig khyad med rdo yi mi/ /smig rgyu'i klung na chu thigs yod ma yin/ /skye dang 'ching mo gsham bus ma byas/ /mdog dbyibs tha dang chu bran rgya mtshor grol/ /nam mkha' la ni dbus dang mu ma mchis/ /ro gnyis mthong ba'i ka ka mkha' la lding/ /stobs ldan seng ge srog gi mel tshe stor/ /kye 'o smyon pa'i sos skos soms dang kye/ /lce sbyang mig 'di ngo mtshar che ba yin/ /ma la ya na tsandan me ru 'bud/ /seng ge gangs dang bral bar mi bya'o/ /sman pa'i rgyal po gso rig lung dang 'grogs/ /mkhan pos legs gsungs dge slong gis mi gtong/ /dpa' bo g.yul du 'jug tshe go mi 'bud/ /'gro ba bzang mos nye ba so sor 'dzin/ /g.yeng ba med pa dur khrod dbus kyi mi/ /dur khrod mi yis lus ngag tha mal spangs?/ /lto rgyab shugs las

  132. 66b

    'byung bdur khrod mi/ /dur khrod mi la khram kha mchu me/ /dgos ? mdun du bsgrub ? dur khrod mi/ /glang po'i 'bras bram pa'i bseb ma yin/ /me chu'i dgral tshod yod byar mi rung/ /zhing pas sa yi mdog la lung rigs sbyor/ /rgyal po'i zhabs nas bteg tshe bka' la 'dogs/ /kye'o stag tshang yod pa'i sar mi 'gro /rgyal po'i bka' btags thob dus dgra dang bral/ /na tsha med pa'i dus de bde bar gnas/ /bzang ngan gnyis la zas kyis mchun med/ /mya ngan gdungs pas shi ba'i bu de mthong/ /brdzun spangs drang srong dag gi phrin las grub/ /gyad la ral gri btags te rgyal po mnyes/ /nags kyi sgrang ma 'gi hang dri la snom/ /ma gi ta la bsil drod nus pa tshang/ /rtse sbyong mthungs pas lus kyi zo mdog bde/ / til chang ltor grong rig pa ngan gyis khyogs/ /yid bzhin nor bu kun gyis lta bar mdzes/ /rgyal po la ni su zhig rgol bar nus/ /bu gcig pa la ma srid gdung sems ldan/ /zhus tshe 'gron la bos pa gang mi 'ong/ /bar du 'ong dus bu la a ma dag nam mkha' dangs pa'i dang la dri ma med/ /tshegs med gnad khros rig byed gser 'gyur rtsi/ /glang po ma mthong phag pa'i lus dbyibs ltos/ /dman pa'i las la mi zhugs rgyal po'i lugs/ /pe da'i 'bras bu sa bon dus su 'grub/ /rma bya'i mdongs la 'bri mkhan yod ma yin/ /thub dbang lag gi rdo rje bskyod mi nus/ /'dam nas bton pa'i utpal ltos dang kye/ /bde ba dang ldan ser skyar gnyid log dus/ /rang kha thon pa 'dzam bu chu bo'i gser/ /khyag rum rang bzhin chu yi ngo bo yin/ /sbal pa'i spu yi la ba gsar rnying bral/ /'dam gyi rkyen gyis pad+ma kha dog drungs/ /thabs kyis chun tshe de dus dgra de shes/ /rgyal mo ka ra'i gzugs la tha dad med/ /chu nyid rgya mtsho rgya mtsho'i dang nyid chu/ /rtsi yis

  133. 67a

    zin pa'i mi de ri bo 'gul/ /rba rlabs che 'bring rtsang po'i dbyings la thim/ /mun pa dag par byed pa mar me'i 'od/ /zhag mig pa la nyi ma mun par sros/ /smad 'tshong bu de su yi rigs rgyud yin/ /dur khrod lce spyang tshang la mngon zhen med/ /gdon gyis brlabs pa'i gtam de sna tshogs smra/ /byis pa'i rang bzhin gcig tu 'dug mi 'gyur/ /nags kyi ri dags shing 'bru'i phyogs ris spangs/ /lha rdzas rin chen nus pa su yis byin/ /nor bu rin chen thog mar gang nas 'ongs/ /yid bzhin nor bus dgos 'dod ster ma myong/ /mchog gi nor bu'i rin thang smos kyang kye/ /nor bu'i bdag po dbul ba'i sdug bsngal bral/ /phyag rgya chen po'i man ngag /rdo rje gsang ba'i mgur zhes bya ba/ rnal 'byor gyi dbang phyug dpal sa ra ha'i zhal nas gsungs pa rdzogs sho// //rgya gar gyi mkhan po ka ma la shI la dang/ bod kyi bande lo tsA ba zha ma ston pa seng ge rgyal pos bsgyur cing zhus te gtan la phab pa'o// //rgya gar skad du / sh+rI badzra DA ki ni gI twa ya nA ma/ bod skad du/ dpal rdo rje mkha' 'gro ma'i mgur zhes bya ba/ bcom ldan 'das dpal 'khor lo sdom pa la phyag 'tshal lo/ /dur khrod chen po ha ha sgrogs pa zhes bya ba na/ /las kyi mkha' 'gro ma rnams kyis/ rgyal bu dung phud 'dzin zhes bya ba/ skye ba bdun pa cig la tshe'i bar gcod byas nas/ de'i sha khrag la tshogs kyi 'khor ? byas te/ ye shes kyi mkha' 'gro ma rnams spyan drangs pas/ de'i dus su ye shes kyi mkha' 'gro ma dbyings kyi gtso mo nyi shu rtsa gcig gis/ snying gtam gros su btab cing rtogs pa mgur du gzhengs pa las/ dang la mkha' 'gro ma tam? mgur ? pa/ /hUM

  134. 67b

    nags kyi glang po yan 'dod na/ /'ching pa'i sgrogs las bros byas te/ /lcags kyu 'dzin pa dgra ru lta/ /'bras chang rol ma chags par/ /rin chen rgyan rnams bor bar bya/ /glu len sgra la yid mi gtad/ /dpung gi ru dpon mi bya ba? rgyal po'i zhon pa spang bar bya/ /mchu la ral gri mi skyon bar/ /pho brang nang nas byol byas te/ /nags kyi mdza' la 'bros par bya gsungs// //mkha' 'gro ma nor bu'i mdangs kyis mgur bzhengs pa/ / hUM 'du ba pa/ so ba'i drang srong la/ /nad kyi gnyen po dri bar bya/ /ded dpon nor bu len pa la/ /gling don sgrub pa'i zhu ba 'bul/ /dkor mdzod 'dzin pa'i rgyal po la/ /yid dang mthun pa'i nor bu nyo/ /skya ba 'dzin pa'i rig byed la/ /chu bo sgrol ba'i grogs su btsal/ /bsam 'phel yid bzhin nor bu la/ /dgos 'dod 'byung ba'i gsol ba gdab gsung ngo// //mkha' 'gro ma rgyan gyi rgyal mos mgur bzhengs pa/ /hUM rgyal po'i bka' 'og chud pa'i mis/ / zhing sa bshin la so nam bya/ /ded dpon snying khrag 'thungs nas ni/ /so btang rdza la las rnams bcol/ /gangs kyi zhun chu khol ma btung/ /nyi zla'i thig le zed byas te/ /chang 'thungs pa yi sems de ltos/ /rab gnas tshar pa'i gzugs brnyan brtan/ /de nas lha khang sgo phye ste/ /nyin mtshan rab tu blta bar bya gsung/ /mkha' 'gro ma b+hi na sas mgur bzhengs pa/ hUM gling bran nor bu mi btsong bar/ /spal pa'i kha la phrin las bcol/ /rkun mo'i snying sha zos nas kyang/ / mi yi bu mo mi brnyad? par/ /nam mkha' i 'o ma skyugs nas ni/ /dpag bsam ljon shing bskyed pa gces/ /so mtshams mkhar gyi rtse la nyal/ /mel 'tshe byed pa'i gcan zan gso gsung/ /mkha' 'gro ma dpal gyi bzang mos mgur bzhengs pa//

  135. 68a

    hUM lcags rnams gser du bsgyur ba'i phyir/ /rin chen rnam lnga lugs su blugs/ /'byung ba lnga ni dbugs su gzhug /nam mkha' i 'ja' tshon bzung bar bya/ /'khor los sgyur rgyal spyan drangs la/ /spyan gzigs dgyes pa'i rol mo dbul/ /dbu la nor bu thod du bcing/ /yi ge gsum gyis gtan la dbab/ /nam mkha' i sprin tshogs rab bsdus te/ /'byung ba'i tsha grang 'thab pa'i sgras/ /sbrang char dal bu phab nas kyang/ /bcud kyi lo tog rgyas par bya gsung/ /mkha' 'gro ma ti ma las mgur bzhengs pa/ /hUM dri za bu mo gzung bya ste/ /rin chen sna lnga'i rgyan btags la/ /ljon shing rmang nas sgul pa yis/ /gangs dkar rtse nas 'ju bar byed/ /chu bo gyen la ldog pa yis/ /nam mkha' i bu mo 'gu bar byed/ /chu bran rgya mtshor slebs pa yis/ /rlangs pa mkha' la phur bar byed/ /kha dog du ma'i lho sprin gyis/ /nam mkha' i dang du yal bar 'gyur/ /zhes gsungs so/ /mkha' 'gro ma bde ba'i rdo rjes mgur bzhengs pa/ hUM mkha' la 'ja' tsho na gsal la stong/ /chos gcig zla ba skyed du 'phel/ /dge mas rmi lam smra ma shes/ /bu ram gzugs ni ro gcig nyid/ /gzhon nu'i bde ba po ma shes/ /shel gyi kha dog gdan gyis bsgyur/ /nyi ma'i 'od kyis skar tshogs 'gribs/ /kyi ser rlung gis bar snang dangs/ /pad+ma 'dam gyi nang na gsal/ /rgya mtsho'i gnyer ma ngo mtshar che gsung/ /mkha' 'gro ma ye shes rdo rjes mgur bzhengs pa/ hUM nam mkha' i mtshon pa ci la btags/ /bu shi'i a ma semS las bral/ /bya ba zin pa'i skyes bu dang/ /bram ze skud pa mkha' la ltos/ /'dzam bu'i gser dang bse ru ltar/ /mdangs ldan me tog ji bzhin nam/ /rgya mtsho'i dbyings dang 'dra ba'i don/ /dpal gyi be'u mdzes par mdzod gsung/ /mkha' gro ma bde

  136. 68b

    ba'i mdangs kyis mgur bzhengs pa/ hUM ri rab chen po'i rtser phyin te/ /ri bran ma lus blta bar bya/ /gi ling sgrog du bcug pa la/ /phyogs mtshams kun tu rgyug par bya/ /bung bas rtsi bcud kun sdud de/ /ro rnams gcig tu sre bar byed/ /dwa phrug ma dang phrad pa yis/ /the tshom dri ma sel bar byed/ /skyes bus nam mkha' i dbyings mthong bas/ /phyogs su 'dzin pa 'jig par 'gyur/ /yid bzhin nor bu'i gter thob pas/ /rmongs pa'i dbul ba sel bar byed/ ces gsungs so/ /mkha' 'gro ma phra min stag gdong mas mgur bzhengs pa/ /hUM lhangs kyis 'bod pa de ci sems/ /gcer gyis bltas pa gang la yengs/ /nam mkha' ji ltar gsal bar 'gyur/ /mar me 'di yi rtog pa gang/ /chu bur zhig pa'i rjes mi rnyed/ /rmi lam rtog pa bsad bas stong/ /lder rtse'i sgo nga gang la chags/ /bu shi'i a ma'i gces 'dzin su/ /chu bo'i bro blag ro drug gang/ /lkug mes smras pa'i tshig de ci zhes gsung ngo/ /mkha' 'gro ma dpal gyi bzang mos mgur bzhengs pa/ hUM kyi ser rlung gi pha yul gang/ /lag bskor mig gis ma lus bcom/ /bu chung 'di yis gces 'dzin bor/ /shing gi skyes bu ngal dub spangs/ /gling las nor bu len ma shes/ /gsil ba'i sman ni za bzhin sun/ /gdon gyis brlabs pas dbang med smyo/ /glang po chu la dor mi blta/ /seng ge'i bu ni 'jigs dang bral zhes gsung ngo/ /mkha' 'gro ma nor bu'i mig gis mgur bzhengs pa/ hUM gyad kyi nor bu su la blangs/ /sa bon bzhin du myu gu 'khrungs/ /ljon shing 'bras bu rim gyis smon/ /pa la kA la lo 'bras med/ / zhel gyi sgron me rang gsal nyid/ /dmus long rgyal pos mtshan dpe mthong/ /nam mkha' srid gsum dbang du bsdus/ /rin chen gling nas rdo spangs/ /zhes gsung ngo/ /mkha' 'gro ma sprin gyi shugs can gyis mgur bzhengs pa/ hUM nam mkha' 'byung

  137. 69a

    bzhi ma bzung ste/ /'byung bzhis nam mkha' 'da' ma nus/ /sna tshogs gzugs brnyan gser yin te/ /nyi ma'i 'od la mun pa med/ /'o mas chu dang mar ma phye/ /'jig chags bskal pa drug cu yis/ /nam mkha' la ni gnod ma skyal/ /'khor los sgyur rgyal sems dpa' che/ /sems can kun la nye ring med/ /rdo yis gzugs skus bsdigs mdzub phyar/ /khyod dang ? ru 'byed ma shes/ /me shel grang mo me nyid yin gsung ngo/ /mkha' 'gro ma thong phreng rtsal gyis mgur bzhengs pa/ hUM dangs pa'i chu la rlung gis bskyod/ /chab rom gzugs kyi rnam par shar/ /nam mkha' i phyogs 'dzin lung bas byas/ /gzugs med gzugs kyi ngo bor snang/ /nyi ma'i 'od la sprin gyis bsgribs/ /srid gsum mun rum chen por 'gyur/ /chu ba rnyogs pas gzugs brnyan subs/ /mig gis mig nyid ma mthong bar/ /klu rgyal gtsug gi nor bu bzhin/ /rang gi srog ni rang gis bcad/ /ces gsung ngo/ /mkha' 'gro ma dpal gyi rdo rjes mgur bzhengs pa/ hUM grib mas gzugs nyid mi gtong na/ /dug zos zhu rjes ci ru 'gyur/ /byi la'i dug ni dran pas gung/ /nam mkha' btsad bzhag dus su smin/ /sa bon 'phel stobs rab tu che/ /smin pas 'phung ba smyug ma'i 'bru/ /bsags pas bcing ba bud pa'i rtse// yod pas sbyangs pa dmangs pa'i nor/ /rang gis bslus pa srin gyi kha/ /rang la smin ma sdig pA du zheS gsung ngo/ mkha' 'gro ma tshogs kyi rje mos mgur bzhengs pa/ glang ni zla bo rnyed pas nyes/ /mgo to ma bde ba sdug bsngal yin/ glang po gser gyi sgrog la dga' / /dmyal ba'i lus la bde ba med/ /yi dags bkres shing skom pas gdungs/ /khra yis ded pa'i byi'u dang/ /ma he'i rdzi'u sems khral che/ /bu shi'i mya ngan yid la bcags/ /rang sogs dor pa'i dpa' bo blun//

  138. 69b

    mi ? bo'i sos skos soms dang kyi/ /gsung ngo/ /mkha' 'gro ma dkar mos mgur gzhengs pa/ hUM gdan sar bton pa'i rgyal bu yis/ /grogs po mi gnyis khrid byas te/ /'dab ma bzhi pa'i lde mig gis/ /khor yug sdom pa'i lcags phye la/ /nyin mtshan gnyis kyi sbyor ba yis/ /res ches sbyang khung bshig nas ni/ /rgyal po'i dkor mdzod kha phye la/ /yid bzhin nor bu blta bar bya/ /lcags kyu 'dzin pa'i skyes bu yis/ /nor bu rin chen blangs nas kyang/ /mchan khung gnyis su sba bar bya/ /khrus byas rgyal mtshan rtsel phyar/ /dgos 'dod 'byung phyir gsol ba gdab/ ces gsung ngo/ /mkha' 'gro ma nyi zla'i mig can gyis mgur bzhengs pa/ hUM mkha' la nyi zla shar ba yis/ /mun pa ma spangs? snang par 'gyur/ /gser 'gyur rtsi yi mkhan po 'am/ /g.ya' dang bral ba'i me long bzhin/ /sgron ma thogs pas mun pa bral/ /chu yi gzugs brnyan ? pas stong/ /ka la ku tra? ming yin te/ /nam mkha' mthong bas ji ltar rigs/ / tshad pas gdungs pas chab rom zhu/ /na bun kyi ser rlung gis phyags zhes gsung ngo/ /mkha' 'gro ma mig ngan mas mgur bzhengs pa/ /hUM me long zad nas gzugs brnyan 'gags/ /mtsho la dang zhig 'gro lam stongs/ /gnyid sad skyes bus yul ma mthong/ /skar tshogs nyi ma'i zer gyis non/ /mkha' la gzugs shar khol ma'i nang/ /khong du chad 'thungs nyam dbral/ /mchu rlung gis srid gsum stongs zhes gsung ngo/ /mkha' 'gro ma bud ba'i mchu can gyis mgur bzhengs pa/ hUM nags kyi glang po smo? bas 'tshengs/ /ri dags dman mas g.yeng ba spangs/ /dur bsrungs mi la so nam med/ /ne tsho smra ma shes pas 'tshengs/ /mi gtsang khrod nas utpal 'khrungs/ /sha pa'i ? ni bog na bde/ /khur po med na 'jigs dang

  139. 70a

    bral/ /nor med mi yis mel tshe spangs/ /nags kyi me ni rlung gis spor/ /lus ngag bkol pas 'tsho ba rnyed ces gsung ngo/ /mkha' 'gro ma nam mkha' dbang phyug mas mgur bzhengs pa/ mkha' la 'gyur bzhi'i nyi ring med/ /rmi lam nor la zhen chags med/ /btso ma'i gser la dri ma med/ /glang po rwa med chag dogs med/ /gling lon ded dpon 'dod sems med/ /me dpung dkyil na srog chags med/ /mo gsham bu la yang rtsal med/ /spal? pa'i kha la smra brjod med/ /me long nang na gzugs brnyan med/ /mkha' la bya 'phur rten sa med ces gsungs so/ /mkha' 'gro ma brda'i mgur chung/ /gsang mdzod 'phrul gyi rgya/ /khyad par du gyur pa'i rgyud la/ zham lo tsa bas bsgyur ba'o/ /rdzogs sho// // rgya gar skad du/ badzra DA ki ni gI ta nA ma/ bod skad du/ mkha' 'gro ma'i brda'i mgur zhes bya ba/ rje btsun ma sgrol ma la phyag 'tshal lo/ /rdo rje mkha' 'gro mas rtogs pa'i lta ba'i brda' bstan pa/ gser gyi ral gri til ngar ldan pa da phyung la/ /bung bas me tog rtsi bcud ma lus myang bar gyis/ /chu ban sna tshogs rgya mtshor gcig go lan tshwa'i ro/ /me long bzhin ni byad yin gung du ma sems cig /chu yi zla ba 'di la byis pa ltad mo byed/ /bu ram gzugs 'di tha dad snang yang mngar ba'i ro/ /nam mkha' gzugs su mthong ba'i byis pa snying re rje/ /ri bo rlung gis bskyod du med pa shin tu gces?/ /ta la'i sdong po bregs na mgo rtsa gnyis ka skam/ /nam mkha' i kha dog rkyen gyis 'gyur ba ngo mtshar che/ /'dab chags mkha' la gnas kyang grib ma sa la rgyu/ /shel gyi skang bu'i mar me 'de? la dri ma med/ /rmi lam sang pa'i skyes bu 'di ni blo sems bde/ /gzings la gnas pa'i bya rog gang bder 'gro par gyis/ /khang stong nang gi khyi rkun 'di

  140. 70b

    ni ltad mor che/ /shel la tshon gyis bskus kyang gting nas 'gyur ba med/ /rang gis gser la ka 'jis brdar mi dgos/ /ded dpon lam rgyus can dang 'grogs na nor bu lon/ /drang srong nags la chung pa 'di ni ngo mtshar che/ /ku sha rlung gis rgul ba'i rtsa ba e re 'khrul/ /gded med gyad kyi spyod pa byed pa snying re rje/ /sman dug 'dres pa 'di yis gnyis ka'i nus pa nyams/ /glang po'i gzugs brnyan 'di la khal gyi nus pa med/ /rin chen snod du bzhag nas 'tsho ba grong du slang ngo/ /nam mkha' gos su gyon nas 'byung ba gnas su thim/ /khur bar chu blugs skyes bu de yis smra ma shes/ /rgyal po'i rjes gnang thob pa gshed ma la mi 'jigs/ /ral gri'i 'khor los mtshon cha gang yin btub par byed/ /'dab ma gnyis dang ldan pa'i sems can mkha' la 'gro /a ma mthong ba'i byis pas gzhan gyis 'khrid du med/ /sa bon rgyu 'bras gnyis kyi nus pa mkha' la skams/ /nyi ma mkha' la shar ba'i rgyu skar zil gyis gnon/ /snying phyung de nas yan lag g.yob par ga la nus/ /mtho yor mi ru shes pas de tshe 'jigs dang bral/ /sbrul nag mtshon gyis zin na dug gi gnod pa bral/ /rtsi yi rgyal pos 'bru rnams bcud du sgyur bar byed/ /rgyal bu pha dgos bzang po 'di la rtsol ba med// dbul po rin chen gling du sna tshogs thabs kyis zhugs/ /'thor rlung chen pos stong gsum 'jig rten g.yeng bar byed/ /dus mdza' i me yis srid gsum bsreg par the tshom med/ /bskal ba'i chu yis snod bcud ma lus gzhi nas 'khru zhes gsung ngo// //blta ba'i brda rdo rje mkha' 'gro ma'i mgur/ /bam po dang po/ /sangs rgyas mkha' gros ting 'dzin nyams kyi brda bstan pa/ drod bsher ldan pa de tshes bon gdab pa'i dus/ /sa bon bskyed

  141. 71a

    med btag pas myu gu bskyed du sla/ /gyen thur lam la chu bo 'bab par 'gyur/ /nags tshal khrod du shing rta 'dren pa'i skyes bu blun/ /rin chen sna bdun ldan na 'khor los sgyur rgyal rgyu/ /so ma btang ba'i rdza ni chu la reg pas 'jig /seng ge'i 'o ma snod ngan nang du blug mi bya/ /dbul po'i lus 'di dal bar mi bzhag cis kyang bskol/ /sna tshogs rgyu las sgra snyan 'byung ba ngo mtshar che/ /zhun sbyong legs pa'i rin chen 'di ni bskol na bde/ /so mtshams bsrung ba'i skyes bu 'di la dngul chu blud/ /nad kyis gdungs par gyur na thur ma gtad par bya/ /nor bu rin chen rgyal mtshan rtse la phyar nas kyang/ /mchod pa byas na dgos 'dod sna tshogs 'byung bar 'gyur/ /a ma srin mos khyer ba 'di ni dran gyis la/ /skyes bu stobs dang ldan pas seng ge'i gsob gon nas/ /nyi zla'i steng du dpa' bo'i gdong la blta bar bya/ /rgyal po'i rkun mo gang yin de ni brtsad bcad nas/ /gyad kyi nor bu 'di ni thabs kyis btsal bar bya/ /glang chen smyon pa mi rtse yan du bcug pas bsrun/ chu yi rnyog ma ma brgul bzhag pas rim gyis dangs/ /bya ba zin pa'i skyes bu 'di ni blo sems bde/ /lan tshwa'i rdog po 'di la chu yi thigs pa gzan/ /chab rom nyi mas gdungs pa 'di ni chu ru 'gro /dug la sngags kyis btab pa 'di ni sman gyi mchog /spu ba chu yin 'di la tha dad yod ma yin/ /sprin rnams gtor ba'i rlung po 'di la nan tan bskyed/ /gsal bya gsal byed med pa'i sgron me bde ba che// chu bo che dang rtag tu 'grogs pa shin tu gces/ /'gro ba bzang mo'i mya ngan 'di ni yid la zhog /nam mkha' yid can 'di ni shar gyi phyogs su 'gro zhes bsgom pa'i brda/ /mkha' 'gro ma'i mgur bam po gnyis pa'o// //

  142. 71b

    ta'i kyi sgron me bum pa'i nang du sba bar bya/ /tshes gcig zla ba 'di ni bskyed du rim gyis 'phel/ /'gro ba bzang po rang gi phru gu gso ba mkhas/ /'dab chags sgo nga'i ched du gab pa 'di la ltos/ /chu lud 'jom pa'i 'bras bu myur du smin/ /'tsho byed mkhas pa sman gyi nus pa sna tshogs brten/ /nags kyi me la rkyen rnams sna tshogs grogs su 'ong/ /gzhon nu ma yi bde ba khyod kyis sna nus sam/ /nam mkha' i ri mo 'di la gces par ma 'dzin cig /kyi ser 'di yis chu yi sdub dbyings su 'das// nam mkha' i sgon me dus rnams kun tu sbar bar bya/ /dngul gyi me long 'di ni yengs pa med par phyi/ /ri rab mthon po'i rtse la phyin pa 'di ci sems/ /bud rtsis myos pa 'di yis ci smras smyon pa'i tshig /nad rnams 'byin pa'i sman mchog kran du gyur ba yod/ /pad+ma'i rtsi bcud 'thungs pa'i bung ba phyir mi lta/ /shel gyi mchod rten ma mthong bar du blta ba gces/ /sgron me lag na thogs pa'i skyes bu snang lam bde/ /khong du seng ge'i snying gis rtag tu rgyal bar 'gyur/ /gser 'gyur rtsa yis dngos po bzang ngan med par 'joms/ /chu bo chen po zhon nas nam mkha' i bya lam snyag /chu bo'i rgyun chad de dus rang thag 'khor mi nus/ /'khor lo'i srub thag chad pa'i rdza mkhan blo sems bde/ /sprin gyis nam mkha' i ngang las byung zhing de ru dangs/ / bltas kyi bltas kyi nam mkha' 'di ni mthong ba 'gags/ /nyams kyi brda mkha' 'gro ma'i mgur/ bam po gsum pa// //skyes bu nad kyis zin pa'i blo sems dran gyis la/ /dur khrod wa mo 'di yi spyod 'gros blta bar bya/ /nags tshal khrod na ri dags dman ma gnas pa ltos/ /rgyal po'i btsun mo 'di ni lu la'ang 'jigs pa med/ /rdo yi mi la 'drin par nus pa ngo mtshar che/ /nags na gnas pa'i spri'u 'di yi spyod ba 'am/ /yang na rgyal bu gzhon nu 'di la blta bar bya/ /

  143. 72a

    mkha' la rgyu ba'i bya bran 'di 'dra ci yi phyir/ /'bru yi mdzod du bkres pas nyen pa snying re rje/ phye ma leb kyi spyod pa 'di 'dra su yis phod/ /dong gi btson 'di thar dam yid la bya bar rigs/ sdug bsngal rgyan du mthor ba'i glang po sgrog la dga' / /'tsho yi nang nas smig rgyu snyag pa'i ri dags snying re rje/ /rin chen gling nas stong ldab byed pa'i ded dpon blun/ /nam mkha' i rlung dang 'grogs pa phyogs bzhir kun tu rgyug /glang chen shugs kyis rag ma tshongs la khyi sha zo/ /smyon pa'i rjes 'brengs nas nam mkhas sman mcho ster/ /nags la gnas pa'i ri dags 'di ni yan par khye/ /'dab chags mkha' la rgyu ba 'di yi rkang rjes stes so/ /ral gri lag ni thogs pa'i mi de gang phrad gsod/ ? kyi spyod pa 'di la sems can ? khyi phag gnyis kyis bram ze'i gsar tshig rlung la bskur/ /mi mgo skam po la ni shing gi skyes bu dga' / gi ling sgrog dang bral nas kun tu rgyug par rigs/ /kha ba'i nus pa mtsho la gnas par mi 'gyur ro/ /shing lo rlung gis khyer ba 'di yis rtsad mchod/ /nyi zla bur gyur na skar ma'i tshogs dang 'grogs/ gru pa 'di yis kya ba'i nyar bya bar rigs/ /dug 'di rma bya'i zas yin gzhan rnams 'phur? bar byed/ /'dab gshog med par mkha' la 'gro ba dor bar bya/ /spyod pa'i brda mkha' 'gro ma'i mgur/ bam po bzhi pa// /shel sgong yongs su dag na 'od zer nang nas 'char/ /nam mkha' i gter la sbyod pa'i skyes bu dbul dang bram/ /snying gi dbus su pad+ma'i ge sar smin par bla/ /drod tshad ldan pa'i 'o ma rtsol bas mar du 'gyur/ /stong pa'i snod 'di nam chag tshen nam mkha' 'dres/ /'ja' tshon dus kyi mkha' la yal ba rnyed mi 'gyur/ /nam mkha' i cho 'phrul sna tshogs 'di 'dra

  144. 72b

    ngo mtshar che/ /'khor los sgyur rgyal sna tshogs gnas nas bsdu ba mdzad/ /rgun 'brum 'bras bu bsgul bas mi smin gzhag na smin/ /nor bu yon tan sus byin 'di yi bsam pa ci/ /nyi zla mkha' la 'char ba 'di la rnam rtog med/ /stong pa'i cho 'phrul 'di yis lo tog 'bras bu smin/ /nam mkha' i dbyings 'di sna tshogs ston pa gang gi rkyen/ /chu snod du ma'i zla ba'i gzugs brnyan shes par gyis/ /'bras bu'i brda mkha' 'gro ma'i mgur/ bam po lnga pa// // mkha' 'gro ma'i brda bam po lnga pa zhes bya ba/ gsang mdzod na shog dril bu gnas pa las/ dbyings kyi gtso mo rnams kyis bka' bgros nas/ rje dam pa rgya gar la gnang/ slad kyis ding ri bla 'khor du zham lo tsA bas bsgyur nas/ bla ma byang chub sems dpa' kun dga' la gtad pa yin no/ /khyad par gyi brgyud pa chen po brgyad las/ brda skor rnam pa bzhi rdzogs sho// //thugs gsang ba'i do ha zhes bya ba bzhugs so// /* /rgya gar skad du/ tsit+ta gu hya do ha nA ma/ bod skad du/ thugs kyi gsang ba glur blangs pa zhes bya ba/ 'jam dpal gzhon nur gyur pa la phyag 'tshal lo/ bram ze chen po sa ra has thugs kyi rtogs pa mgur du bzhengs pa/ kye 'o 'khor 'das kun gyi rtsa ba sems kyi rang bzhin te/ /rtogs nas sgom du med kyi ma bcos lhug par zhog /rang la bzhag nas gzhan la 'tshol ba a re 'khrul/ /'di yin 'di min med do thams cad gnyug ma'i dang zhes gsungs so/ /klu sgrub kyis gsungs pa/ rtogs nas gang gis 'ching bar nus pa khyod kyis smros/ /'ching ba gang yin de ni ye nas grol ba nyid/ /gang la bcings dang 'ching bar bya ba ma grub na/ /nags la gnas pa'i glang po gang bder rgyug du chug gsung/ /pradz+nyA pha las smras pa/ rtogs dang

  145. 73a

    ma rtogs gnyis kyi bar na su 'dug pa/ /de ni nga yin gzhan du ci yang yong ma yin/ /de la gang mthong de ni bde chen rang byung ste/ /thams cad thams cad de nyid yin par shes par bya/ gsung ngo/ /zhi ba 'chos gsungs pa/ mnyam nyid dbyings las mi g.yo cho 'phrul sna tshogs ston/ /chu bran sna tshogs rgya mtshor gcig go lan tshwa'i ro/ /du ma ro gcig 'di la tha dad yod ma yin/ /thams cad thams cad gcug ma'i ro yis khyab na bde gsung ngo// blo gros brtan pas gsungs pa/ gza' rgyal mkha' la shar bas rgyu skar zil non ltar/ /gnyis med ye shes chen pos rtog tshogs nyams par byas/ /'dis ni 'khor pa'i sa bon ma lus bcom brin gyis/ /da ni mya ngan 'das pa gzhan du mchol cig gsungs /dag gi dbang phyug gis gsungs pa/ snang srid chos dbyings pho brang na/ /rig pa'i ye shes lham me ba/ /bde gsal stong pa'i gnang la bzhugs/ /'dod yon sna tshogs mchod pa 'bul/ /dgag sgrub med par rol du gsol zhes gsung ngo/ /rdo rje dril bu pas gsungs pa/ sems kyi de nyid mthong 'dod cing/ /bdag gzhan 'dod pa bsgrub 'dod pas/ /spyi bo'i nor bu mchod par bya/ /dngos grub thams cad de las 'byung gsung/ sha ka ras gsungs pa/ dri med shel sgong ngag pa gcig /tshon gyi rkyen gyis sna tshogs 'char/ /bar snang khams su 'jog shes na/ /gtan gyi bde bde las 'byung gsung ngo/ /shAn+ti bas gsungs pa/ gnas na zhog la 'gron thong/ /gnyer ka ma byed phan du chug /ched du gad 'dzin 'khrul pa yin/ /gzings la 'phur ba'i bya rog lhos gsung ngo/ /barbi? pas gsungs pa/ gang gang mthong ba de de nyid/ /dran pa'i rtsi dang ma bral bar/ /ci rigs par ni nyams su long/ /gser

  146. 73b

    'gyur rtsi yi mkhan po ltos gsung/ /ye shes zhabs kyis gsungs pa/ /snying chung skyes bus yan lag g.yob par mi nus bzhin/ /sems nyid rtsa ba bral na rtog pas bcing du med/ /dug gi sngags can dug nyid sman du 'gyur ba bzhin// thabs dang ldan pas nyon? mongs nyid ni byang chub rgyu gsung ngo/ /shAn+ta de bas gsungs pa/ 'khor 'das gnyis kyi rtsa ba la/ /byang sems rnam gnyis sdong po rgyu/ /'di phyi gnyis kyi me tog shar/ /bdag gzhan gnyis kyi 'bras bu smin gsung ngo/ /ye shes snying pos gsungs pa/ shing gi snying po bral pa bzhin/ /sems kyi de nyid btsal gyi stor/ /sgyu mkhan ri mo dzo? bzhin du/ /sna tshogs snang la nges bzung med gsung ngo/ /ni ru pas gsungs pa/ mar me rang gsal gcig pur zhog /chu dang rlangs na tha dad min/ /bya yi rjes la btsal mi dgos/ /gnyid sad skyes bu blo sems bde gsung ngo/ /rtog ce pas gsungs pa/ gang la nges shes skyes pas rtsa ba zin/ /de las lhag pa'i ngo sprod gzhan yod min/ /snang dang srid pa'i tshes rnams thams cad la/ /bla mar ma gyur pa ni yod ma yin gsung ngo/ /nag po zhabs kyis gsungs pa/ me tog sna tshogs du ma'i ro/ /bung bas gcig tu sdud pa ltar/ /chos rnams sna tshogs du ma'i ro/ /rtogs dang ldan pas gcig tu bsdus/ /ro ni skye ba med pa'i ro/ /myong ni ngos gzung med par myong gsung ngo/ /nA ga b+hu su kas gsungs pa/ myong ba med pa'i nyams myong la/ /blo dang bral bas nyams blangs/ /rtogs su med par gtan la phab/ /thob du med par mngon du 'gyur gsungs so /lU yI bas gsungs pa/ /gnyug ma'i shes pa 'gyur med mngon du gyur nas kyang/ /rtsol bas sangs rgyas logs su tshol ba ral ba ste/ /glang po rnyed nas glong bo'i rjes tshal ji bzhin no/ /da ni sangs rgyas med par shes pas 'dod

  147. 74a

    blo bral gsung ngo/ /kraSh+Ni pas gsungs pa/ /ngos bzung med par ngo sprad pas/ /stong nyid dang du nyams su myong/ /dran pa'i mel tshe? srung mkhas pas/ /'khrul pa'i rkun mos glags ma rnyed /rgyun chad med par nyams blangs pas/ /'du 'bral med par mngon du gyur gsung ngo/ /in+d+ra po d+hi sa gsungs pa/ skyes bu gnyid log 'khrul pas non gyur kyang/ /gnyid sad dus na 'khrul pa yul na med/ /de bzhin ma rtogs 'khor bar sdug bsngal kyang/ /rtogs dang ldan la 'khor ba'i yul sa med gsung ngo/ /ratna kIrtis? gsungs pa/ nyi ma'i 'od zer kun nas rgyas pa'i dra bcan/ /mun pa'i tshogs rnams 'joms mdzad ngo mtshar che/ /rtogs ldan bla ma thugs rje'i 'od zer dra ba can/ /gdul bya'i blo yi mun sel 'di na ngo tshar che gsung ngo/ /kau ka tas gsungs pa/ dbang bzhis smin pa'i bu la nyams kyi gdams pa yong/ /thos bas sgro 'dogs chod la tshig gi gdams pa yod/ /bla mas thugs la btags la gnad kyi gdams pa yod/ /'khrul pa gong du bshig la 'tshang gi gdams pa yong gsung ngo/ /sa ha dzas gsungs pa/ bu nyon khyod kyis nam mkha' i dkyil du ltos/ /lho sprin mi gda' 'di ni nam mkha' i cho 'phrul yin/ /'ja' tshon 'di la bden par ma 'dzin par// chu bo chen po'i rgyun la zhon la shar du rgyug gsung ngo/ /glang chen gos kyis gsungs pa/ rtsi yi rgyal pos 'bru rnams bcud du 'gyur pa bzhin/ /nyams myong rtsi yis snang srid bde ba chen por 'bar/ /gang gang mthong pa de skye med spros dang bral// 'di la ngos 'dzin med pas stong pa btsal? mi dgos gsung ngo/ /b+ha su d+ha ris gsungs pa/ 'gro ba thams cad bde bar gshegs/ /snang ba thams cad chos kyi sku/ /'dod yon thams cad sems kyi rgyan/ /rtog tshogs thams cad ye

  148. 74b

    shes che zhes? gsung ngo/ /he ru ka pas gsungs pa/ lus la ye shes chen po gnas/ /bla ma'i kha las gsal bar rtogs/ /gzhan gyis brjod min gzug? ma'i don/ /'di ni ma bcos rang 'byung ba'o gsung ngo/ /ka na ko tis gsungs pa/ srid pa'i me yis dngos po thams cad bsreg pa ltar/ /rtogs pa'i me yis bdag tu 'dzin pa bsregs nas kyang/ /'khor ba'i bud shing ma lus gtan nas 'joms par byed/ /de nas 'gro ba'i don du ci bder gshegs pa yin gsung ngo/ /nyi ma'i rtsal kyis gsungs pa/ sna tshogs sems kyi tsho 'phrul te/ /sems ni 'di zhes mtshon du med/ /de phyir 'khor 'das rtsa ba bral/ /de nyid chos skur shes par gyis gsung ngo/ /rin chen rdo rjes gsungs pa/ nges shes las ni don mthong 'gyur/ /mos gus las ni byin brlabs 'byung/ /brtson 'grus kyis ni dgos pa 'grub gsung ngo/ /twe'u tra pas gsungs pa / rig pa khong nas ma sod na/ /'di zhes bstan pas rtogs mi 'gyur/ /mi gnad can gyi snang ba bzhin/ thog mar rang rgyud gsal bar bya gsung ngo/ /yan lag med pa'i rdo rjes gsungs pa/ mthong ba mngon du ma gyur na/ /mig gi dbang pos yul mthong bzhin/ /'dod pa'i 'bras bu mi 'byung pas/ /gomS par bya ba shin tu gces gsung ngo/ /jeb? ri pas gsungs pa/ sku gsum phyi rol yul na med/ /rig pa'i ye shes dangs pa las/ /gzugs brnyan cam du cang nas 'char/ /rnam par rtog pas rnyog mi bya gsung ngo/ /gu d+ha? ri pas gsungs pa/ snang srid ye gol chos kyi dbyings/ /phyag rgya chen po spangs thob med/ /nam mkha' i bya yis gar ma phyin/ /byis pa'i rtsol ba sha? thang chang ces gsung ngo/ /la ba'i na? bza' can? gyis gsungs pa/ gang duAng ma mthong long ba'i mig /ci yang mi sems gnyi mug dang/

  149. 75a

    gang du ma phyin 'phye bo'i bgros/ /ci yang ma thob dbul mo'i gter gsung ngo/ /DoM b+hi he ru kas gsungs pa/ srid zhi mnyam nyid spros bral la /rtsal sgrub byed pa sha thang chad/ /yul sems gnyis med zang thal la/ /tha dang 'dzin pa nyon re mongs/ /bdag gzhan gnyis med chos sku la/ /bzang ngan 'dzin pa snying re rje gsung ngo/ /nyi ma sbas pas gsungs pa/ /yul la bltas pas skye ba med/ /sems la bltas pas spros dang bral// gnyis med don 'di blo las 'das/ /ngas ni ci yang ma she so gsung ngo/ /gu Na tis gsungs pa/ ma skyes mi g.yo nam mkha' i dang/ /gzugs brnyan sna tshogs cho 'phrul te/ /snyems med rig pa rang sar zhog /chos kyis bcings pa snying rdo rje gsung ngo/ /pad+ma'i rdo rjes gsungs pa/ /bya ba thams cad yongs btang ste/ /sems kyi glang po rang sar zhog /gnyis med ye shes btsal du med/ /thams cad thams cad de de nyid gsung ngo/ /tai lo pas gsungs pa/ kun gzhi zang thal zhabs phyung la/ /bdag tu 'dzin pa dbyings su sgyur/ /yid kyi rnam shes stod la non/ /sgo lnga rang grol lhug par zhog gsung ngo/ /shes rab 'byung gnas kyis gsungs pa/ spros dang bral la rtog pas 'ching mi nus/ /sgyu mar mthong la yul gyis 'ching mi nus/ /zhe 'dod bral la spyod pas 'ching mi nus/ /sangs rgyas 'dod la 'khor bas 'ching mi nas gsung ngo/ /dz+nyA na sh+rIs gsungs pa/ rtsa ba bral ba'i sdong bu bzhin/ /nga yi sems nyid nam mkhar stor/ 'khrul snang ji ltar dgyes dgyes mdzod/ /drin nam mkha' i rnal 'byor yin gsung ngo/ /bar he tas gsungs pa/ /ki ka mkha' la lding po bzhin/ /'khor 'dis ro mnyam dbyings su grol/ /de dang dogs pa kun bral te/ /bde ba chen po nam mkha' i ngang gsung ngo//

  150. 75b

    kA ma sh+ris gsungs pa/ lus med? lum kyi nang na gnas/ /rten med mkha' la bya bzhin rgyu /dmigs med smra bsam yul las 'das/ /'gyur med rang byung ye shes chi gsung ngo/ /mi thub zla bas gsungs la/ sgron mes zla ba chol ba bzhin// rtog pa de nyid ma rtog pa/ /nam mkhas nam mkha' chol ba bzhin/ /mi rtog pa nyid glo las 'das gsung ngo/ /dzrA land+ha ras gsungs pa/ ye shes med na mthong ba tshe/ /rtog pa med na gsal ba che/ /zhen pa med na bde ba cha /gang duAng mi gnas pa che gsung ngo/ /me tri ka mA las gsungs pa/ sems nyid gzhi stong rtsa ba bral/ /las kyis 'ching bar mi nus te/ /dngos por zhen pas de ltar min/ /de ltar rtag tu rang sems ltos gsung ngo/ /pad+ma badzras gsungs pa/ nam mkha' i dbyings kyi b+ha ga ru// rig pa'i rdo rje gsor nas kyang/ /gnyis med dang du sbyar byas nas/ /bde chen lhan cig skyes pa 'char gsung ngo/ /klu'i byang chub kyis gsungs pa/ mkha' la rlung 'phyo srab kyis zung/ /khang stong khyi yi spyod pa ltos/ /nam mkha' i a ma sus mthong ba bu ni pang du rgyug par nges gsungs ngo/ /'jam dpal bshes gnyen gyis gsungs pa/ rin chen gling du byin na dbul dang bral/ /bla ma'i bka' drin thob na 'khrul ba zhig /sems kyi de nyid mthong na 'khor ba med/ /byang sems nang du 'byongs na 'gro don 'byung gsungs ngo/ /rA dzA ha tis gsungs pa / rtogs na gzhan don mi byed pa/ /de ni sa yi gter bsrungs bzhin/ /'di na tshogs pa'i rnal 'byor pa/ /thugs rjes sems can mi 'dzin nam gsung ngo/ /bzang po dpal gyis gsungs pa /bdag dang sems can dbyer med kyang/ /'gro ba las kyis sdug bsngal bas/ /rgyun chad med pa'i thugs rjes yis/ /'gro ba'i don la rol du gsol gsung ngo/ /li'i bzang pos gsungs pa/ rang la yod kyang ngo ma shes/ /dbul mo

  151. 76a

    gter gyis bslus pa bzhin/ /de nyid ma mthong sems can la/ /thugs rjes sgrod me gdag du gsol gsung ngo/ /rnal 'byor mi 'du te mas gsungs la/ chab dang chab ro mtha? dang min/ /snang dang stong pa dbyer ma phyed// mkha' dang rgyud la bye brag med/ /sems dang sems byung de bzhin no gsung ngo/ /shing lo mas gsungs pa/ brag ca'i sgra 'di su yis smras/ /me long gzugs brnyan su yis bris/ /rmi lam ltar mo gang du gyes/ /gang na'ang med do sems kyi dang gsung ngo/ /dur khrod mas gsungs pa/ kun bzhi dag pa chos dbyings yin/ /yin ngos shes pa ye shes yin/ /bdag 'dzin zhig na rtsa bral yin/ /sgo lnga rang grol lam khyer yin gsung ngo/ /gcer bu mas gsungs pa/ rang grol blo dang bral ba la/ /mi bcos sgo gsum lhug par zhog /mi zhen dgag sgrub med par zhog /mi g.yo mnyam nyid chen por bzhag gsung ngo/ /ro langs mas gsungs pa/ /ma yengs sgom du med pa la/ /nyams su len na mkhas pa yin/ /sna tshogs rjes med chen po ru/ /lam du khyer na grol ba yin gsungs/ /mahA sid+d+his gsungs pa/ ma bsgom ma bsgom blo ma bsgom/ /blo bsgom rtog pa'i 'khrul 'khor yin/ /rtog pas 'khor bar 'ching ba ste/ /blo dang bral la bsgom du med gsung ngo/ /dri med mas gsungs pa/ sems nyid ye stong ye bral la/ /skye med bsgoms pas ci zhig bya/ /sems byung rang shar rang grol lo/ /rtog pa spangs pas ci zhig bya gsung ngo/ /blo gros dbyangs mas gsungs pa/ nam mkha' i ye shes kun la khyab/ /ye grol chen mo mchog gi lam/ /mi g.yo mi 'gyur bsam las 'das/ /rtog med rang rig ye shes chi gsung ngo/ /bdag med mas gsungs pa/ nam mkha' nam mkha' mnyam nyid che/ /nyi ma nyi ma ye ?

  152. 76b

    chu bo chu bo rgyun chang med/ /'ja' tshon rang grol bde ba che gsung ngo/ /gsal byed mas gsungs pa/ go ru med pa'i don rtogs na/ /brjod du med pa'i gleng gzhi 'byung/ /bsam du med pa'i don bsgoms na/ /thog du med pa'i 'bras bu 'byung gsung ngo/ /bye ma lung pas gsungs pa/ gnyis med bde chen don gyi mchog /rang la yod pas gzhan du tshol/ /mi shes rtsol bas sgra phyir 'brangs/ /'khrul pa'i sems can snying re rje gsung ngo/ /rdo rje gcig mas gsungs pa/ stong nyid nam mkha' i glegs bam la/ /rang rig ye shes yi ger bris/ /sna tshogs thabs kyi gdams pa bkod/ /rgyun chad med pa'i bstan pa sgrogs gsung ngo/ /sngo sangs mas gsungs pa/ mi 'gyur nam mkha' i rdo rje la/ /g.yo 'gul 'byung ba'i tshe 'phrul shar/ /sna tshogs skye 'gro'i bya ba byas/ /rang grol nam mkha' i dbyings su yal gsungs ngo/ /gri skor mas gsungs pa/ ming dang bral ba'i ming mang pos/ /der 'dzin zhig pa'i blo bral po/ /yongs su grol ba'i byar med po/ /ye yin chen por rtogs par gyis gsung ngo/ /lam skyes mas gsungs pa/ dmigs bya dmigs byad mdza' spangs te/ /ting 'dzin rten dang bral ba la/ /chu bo chen po'i rgyun bzhin du/ /ma yengs nyams su blang bar bya gsung ngo/ /bshes gnyen mas gsungs pa/ nam mkha' i bya lam rjes med bzhin/ /rnal 'byor spyod pa rjes med yin/ /rang rgyud 'dzin pa med gyur na/ /mi dge bcus kyang 'ching mi nus gsung ngo/ /ro zan mas gsungs pa/ gser 'gyur rtsi dang phrad pa bzhin/ /snang srid bde stong ngor shar bas/ /dngos por 'dzin pa kun las grol/ /snang srid spros bral ye shes che gsung ngo/ /padmo sh+ris gsungs pa/ gnyug ma lhan cig skyes pa de/ /bsam bsgom blo yis ma bcos na/ /chos sku gzhan nas btsal mi dgos/ /rang chas

  153. 77a

    yin no lhug par zhog gsung ngo/ /pad+ma'i rgyal mos gsungs pa/ rang rig ye shes 'di rnyed na/ /bskal pa'i mun pa sgron me bzhin/ /las kyi 'khrul pa gtan nas bcom/ /skyes bu gnyid sad ji bzhin no gsung ngo// mkha' 'gro ma dkar mos gsungs pa/ las zin skyes bu de ci sems/ /bram ze skud pa mkha' la ltos/ /nam mkha' gang gis za bar nus/ /khyod dang nga la tha dad med gsung ngo/ /lha sras dpal gzher gyis gsungs pa/ stong nyid snying rje'i snying po can/ /bde bar gshegs pa'i shul yin te/ /gol sa med par gsungs pas na/ /thabs dang shes rab ldan par bya/ /gsung ngo/ /rdo rje bde bas gsungs pa/ mi g.yo bsam gtan rgya chen po/ /g.yo 'gul sna tshogs kun gyi gzhi// g.yo dang mi g.yo dbyer med pas/ /bsgom dang mi bsgom 'di la med gsung ngo/ /ye shes zhabs kyis gsungs pa/ gang du chos rnams ma mthong ba/ /de yis chos kun mthong ba ste/ /mthong bya mthong byed kun las 'das/ /rang rig ye shes chen po yin gsung ngo/ /g+ha g+ha dpal gyis gsungs pa/ gang du mthong tshor myong ba kun/ /de de'i ngo bos stod shes na/ /'dod yon sems kyi rgyan yin te/ /'ching bar mi 'gyur grol bar 'gyur gsung ngo/ /las kyi 'byung gnas kyis gsungs pa/ sems kyi ye shes gang mthong ba/ /chos kyi de nyid rtogs 'gyur te/ /chos rtogs pas ni bde ba thob gsung ngo/ /rgyan gyi rgyal mos gsungs pa/ dbyibs dang bral ba'i mdog med po/ /ming dang bral ba'i don med do/ /sna tshogs rig pa'i bsam med po/ /spangs pa med pa'i thob med po gsung ngo/ /mkha' 'gro ma la bcan gyis gsungs pa/ dmigs med ye shes chen po 'di/ /tshig gis mtshon par mi nus te/ /bla ma'i dus thams brten pa las/ /gzhan gyis rtogs pa ma yin no//

  154. 77b

    gsung ngo/ /thig le dag pa'i phreng ba zhes bya ba/ grub thob pho mo brgyad cu'i rtogs pa brjod pa/ mkha' 'gro mas yi ger btab ste/ gsang mdzod na gnas pa las/ dbyings kyi gtso mo rnams kyis bka' bgros nas/ rje dam pa rgya gar la gnang ba/ zha ma lo tsA bas legs par bsgyur ba'o// //rdzogs sho// //bla ma dam pa rnams la phyag 'tshal lo/ /rgyal sras mi yi seng ge yis/ /mkha' 'gro ma yi gsang tshig brtol/ /grub thob nyams gyi rtogs pa rnams/ /bka' rgya bkrol te gtang rgya byas/ /Arya de bas thugs kyi rtogs pa mgur du bzhengs pa/ kye 'o phung po lha yi ngo bor gnas/ /bum pa'i dbang bskur rang la rdzogs/ /sgra stong brag ca lta bur rtogs/ /gsang pa'i dbang la bltos mi dgos/ /nyams myong bde chen khong nas sang/ /shes rab ye shes dbang dang ldan/ /chos rnams nam mkha' lta bur rtogs/ /bzhi pa'i dbang gis don dang ldan gsung ngo/ /nA gU rdzu nas gsungs pa/ kye 'o rtsa ba bral ba'i sems nyid 'di/ chos rnams kun gyi rtsab yin/ /de las 'khor 'das sdong po gyes/ /bde sdug gnyis kyi lo 'dab rgyas/ /sna tshogs las kyi 'bras bu smin gsung ngo/ /mar pas gsungs pa/ kye ha sna tshogs snang la ngos bzung med/ /'di zhes mtshon pa'i tshig dang bral/ /mi g.yo mi sems sems chen po/ /bla dags tsam du brjod par zad/ /'di la don du bzung du med gsung ngo/ /rdo rje dril bu pas gsungs pa/ kye 'o dbang ldan pad+ma'i dbus na bde ba'i ye shes gnas/ /thabs kyi sbyor bas spros bral lhan cig skyes pa 'char/ /bde gshegs thugs kyi gdams pas nam mkha' i khams dang mnyam/ /'di ni gsang sngags thabs kyi gnad do ngo mtshar che gsung ngo/ /lU yi pas smras pa/ phung po'i dbus na gnyug ma'i ye shes me

  155. 78a

    gcig po/ /srog dang rtsol bas bskyod na bde ba'i ye shes 'bar/ /bdag 'dzin sreg pa'i me 'di rlung gis sbar bar bya/ /bde chen mchog 'di nam mkha' i khams su mi shong ngo gsung ngo/ /shAn+ta de bas gsungs pa/ kye'o sems ni ye shes chen po ste/ /'di las gud na sangs rgyas med/ /sems kyi de nyid shes gyur na/ /'khor ba rang grol mya ngan 'das gsung ngo/ /b+hi sa pas gsungs pa/ kye 'o 'gro ba sna tshogs las kyis bcings/ /las kyi de nyid shes gyur na/ /bcings pa med de grol ba med/ /sgyu mkhan ri mo ji bzhin gsung ngo/ /g.yog po ljon pa can gyis gsungs pa/ kye 'o he ru ka dpal rdo rje'i sku/ /rnal 'byor ma ni las kyi yum/ /sna tshogs snang ba mchog gi zhing/ /'gro ba lha dang lha mo ste/ /'di ni 'khor ba'i ming yang med gsung ngo/ /a ba d+hU tI pas gsungs pa/ bshis kyi stong nyid 'o ma'i mtsho/ /thabs kyis rol pa srub ma'i shing/ /dang rtson she mas rtsel byas nas/ /sku gsum mar gyi gong bu 'grel gsung ngo/ /dur khrod dbang phyug gis smras pa/ mthong du med do sems kyi don/ /bsam du med do gnyug ma'i ngang/ /dgag sgrub med pa smyon pa'i lus/ /btsal du med pa gyad kyi nor gsung ngo/ /ye shes skyong gis smras pa/ kye 'o snang stong dbyer med lhan cig skyes/ /rig stong dbyer med lhan cig skyes/ /gnyis med ye shes lhan cig skyes/ /rgyu 'bras dbyer med lhan cig skyes/ /'di la tha dad? pas ma mthong gsung ngo/ /li la'i zhabs kyis gsungs pa/ sna tshogs snang ba rang gi sems/ /sems ni sems kyi rang bzhin bral/ /thig le chen po chos kyi sku/ /'di las mi spro gzhi la bzhag gsung ngo/ /nyi ma sbas pas gsungs pa/ lus la ye shes chen por gnas/ /bde ba drod kyis sbar pas bya//

  156. 78b

    las kyi rtsi bur sreg par byed/ /bla ma'i bka' las shes par bya gsung ngo/ /sa 'dzin zhabs kyis gsungs pa/ lus kyi 'khor lo bzhi 'khor bas /srid rtsa'i sdong po gcod par byed/ /rtsa yi rgyal po spangs pa yis/ /thar pa'i srog shing 'dzugs par byed/ /bde chen nam mkha' i pa bzhes pas/ /lhan cig skyes pa ston par byed gsung ngo/ /pa ni sas smas pa /nyi zla stong la mnan pa yis/ /las kyi phreng thag gcod par byed/ /spu gri glang la bskor ba yis/ /bya bran nam mkha' i dbyings su skrod/ /bya ba zin pa'i skyes bu de/ /a ma'i pang du rgyug par byed/ gsung ngo/ /phyogs kyi glang pos smras pa/ rig pa'i sgron me spar pa yis/ /log rtog mun pa rab bsal te/ /gzhan gyi sde pa kun bcom nas/ /rang gi mtshan nyid mtshan du med gsung ngo/ /dpa' bo dril bu'i zhabs kyis smras pa/ dga' pa'i ye shes spar ba yis/ /gnyug ma'i lhan cig skyes pa rtogs/ /'khor 'das gnyis po gzhi las grol/ /gsang sngags thabs kyis khyad par 'phags gsung ngo/ /li la'i bzang pos smras pa/ lkug pa'i kha dang rus sbal mig /gzhon nu ma ya bde pa'am/ /khur bar chu blugs ji bzhin du/ /mtshon du 'dug pa dangs? ma mthong gsung ngo/ /nA ga po d+his gsungs pa/ gnyis med spros bral nam mkha' i ngang/ /ming med ye shes bde chen po/ /bsam mer brjod pa'i mdza' las 'das/ /'gyur med chos sku ngo mtshar che/ /gsung ngo/ /tog rtse pas gsungs pa/ ltos shig nam mkha' i dkyil du ltos/ /ma mthong ba ni de mthong yin/ /sdod cig rgya mtsho'i gting du sdod/ /mi g.yo ba ni dgongs pa yin/ /zung cig bar snang rlung po zung/ /ngos bzung med na stong pa yin gsung ngo/ /nag po zhabs kyis gsungs pa/ lam gyi de nyid mthong goms na/ /'chi ba'i 'od

  157. 79a

    gsal gdon mi za/ /las kyi 'phen pa nam mkha' khyer/ /dus der chos nyid ma bu phrar gsung ngo/ /b+hi na zhabs kyis smras pa /snang stong thabs dang shes rab la/ /bla ma'i ngo sprod brda yis rol/ /rig pa'i ye shes khong nas sad/ /bde chen ldan cig skyes pa rtogs gsung ngo/ /pad+ma'i myu gus smras pa/ sna tshogs snang ba las kyi phyag rgya ste/ /der 'dzin stong pa chos kyi phyag rgya yin/ /gnyis med dang las mi 'da' dam tshig ste /der 'dzin blo dang bral na phyag rgya che gsung ngo/ /mtsho skyes rdo rjes smras pa/ lte ba mkha' dbyings gru gsum du/ /rig pa'i lha mo'i skur gsal te/ /'od zer spro bsdus 'gro don byed/ /sku gsum gzhan nas btsal mi dgos gsung ngo/ /gu d+ha ri pas gsungs pa/ ye shes rdo rjes nam mkha' i mdog /sna tshogs 'byung ba'i cho 'phrul ston/ /dmigs pa med par kun la khyab/ /'du 'bral med par rang la rdzogs/ /ma rtsal lhun gyis grub pa'i don gsungs so/ /tai lo pas gsungs pa/ kye'o stos shag yul la ltos/ /snang ba sna tshogs rig pa'i rtsal/ /'dod yon sna tshogs sems kyi rgyan/ /bde sdug sna tshogs gnyug ma'i rtsal/ /gar yang ma phyin nam mkha' i bya/ /snang ba sna tshogs gzigs mor che gsung ngo/ /nA ro pas gsungs pa/ spyi gtsug pad+ma'i gdan steng su/ /mtshan ldan bla ma'i spyan snga ru/ /rtsa dar dkar gyi lam la 'gro shes na/ /mtshams med lnga po byed kyang grol/ /gsang sngags thabs kyi khyad par yin gsung ngo/ /kriSh+Na pas smras pa/ rtse gsum gsal pa'i me long la/ /sems kyi rgyal po blta shes na/ /'khrul pa'i yul gyis mi phrogs te/ /gnyug ma'i rdzong la nges par gnas gsung ngo/ /b+ha du las smras pa /ka ra yul la bcings pa yis/ /rtog pa'i 'gyu ba gcod par byed//

  158. 79b

    lta stangs snga phyi rjes pa yis/ /bying rgod thun skyon sel par byed/ /gnyen po'i rtsol pa bshig pa yis/ /gnyug ma rang la 'khor bar byed gsung ngo/ /Dom+bi he ru kas smras pa/ las kyi phyag rgya las byung pa'i/ /dga' bzhi'i ye shes phyag rgya che// snang ba zag med spros dang bral/ /gnyug ma don gyi ye shes mthong gsung ngo/ /ka na pas smras pa/ sems nyid spros dang bral pa nam mkha' i dang/ /rgya mtsho shel dang me tog bzhin/ /sang? de rjen ne sa le ba/ /dran du med cing yongs su med/ /ci rigs tsam du goms par 'gyis/ /gsung ngo/ /band+ha badzras smras pa/ gnyis md ye shes chen po 'di/ /bstan du yod de mtshon du med/ /goms su yod de bsgom du med/ /myong du yod de brjod du med/ gsung ngo/ /kam+ba las smras pa/ snang pa'i ngo bo stong pa'i ror/ /spong cig yul la yengs pa'i tshe/ /bde ba'i ngo bo gsal ba'i ror/ /sdor cig sems la bltas pa'i tshe/ /rtogs pa'i ngo bor nyams kyi ror/ /spor? cig chags sdang skyes pa'i tshe/ /gsung ngo/ /pradz+nyA pa las smras pa/ sna tshogs sna tshogs de de nyid/ /dgag pa med cing bsgrub pa med/ /dran pa'i rtsi dang ma bral bar/ /spang blang med par rol du gsol gsung ngo/ /dpa' bo rdo rjes smras pa/ sems kyi thig le yi ge'i dbyibs/ /rlung gis bskyod de mkha' la 'phur// las kyi sgo bzhi 'gags nas kyang/ /bde chen gnas su 'pho bar byed/ gsung ngo/ /shI btas smras pa/ dug sprul bsad la glang chen gtsong/ /bya ni mkha' la sbar bar bya/ /btsun mo lha sras yul phyung la/ /rgyal po bcom na nges par grol gsung ngo/ /gnyis med spas pas smras pa/ yon tan thams cad 'byung ba'i gnas/ /spyi bo'i bla ma legs mchod na/ /'dod pa thams cad 'byung ba'i gnas/ /bya ba mang pos ci zhig bya gsung ngo/ /in+d+ra bo d+his smras pa/ sna tshogs yul gyi

  159. 80a

    snang ba 'di/ /rig pa ye shes rgyan yin pas/ /mi spang de bzhin nyid du rol/ /'ching bar mi 'gyur grol ba'i lam gsung ngo/ /ka pa tsa ris smras pa/ chu bo spu bsu chud pa bzhin/ /sna tshogs de bzhin nyid du 'dus/ /rgya mtsho lan tshwa'i ro bzhin du/ /du ma ro gcig bde bar 'bar/ /nags kyi me la rlung bzhin du/ /rkyen ngan sna tshogs lam gyi grogs gsung ngo/ /ku la ma ris smras pa/ gzhi ma bcos chos dbyibs pho bring du/ /lam rig pa'i ye shes lham me ba/ /de bde gsal stong pa'i ngang gyis rdeg/ don chos sku gnyis med kyi ngang du grol gsung ngo/ /ratna bo d+his smras pa/ ma bcos rnal ma'i shes pa de/ /mi bsgom de bzhin nyid du bzhag /bcos pa thams cad blo yin te// blo las grol na thar pa'i lam gsung ngo/ /pad+ma badzras smras pa/ gang gis sems kyi don mthong na/ /rtsa ba bral ba'i sdong bu bzhin/ /sna tshogs snang bas 'ching mi nus/ /sems kyi de nyid yin phyir ro/ /gsung ngo/ /ram pha las smras pa/ gang du rtogs pa blo yin la/ /gang du bsgoms pa rtog pa ste/ /gang du spyod kyang bcos ma nyid/ /ji ltar bsgrubs kyang 'dod pa'i lam/ /'di kun gyis pa'i rtsed mo yin/ /mkhas pa rnams la ci yang med/ gsung ngo// klu'i byang chub kyis smras pa/ yi ge gsum gyi sbyor ba yis/ /rlung gi de nyid shes gyur na/ /sems kyi de nyid rtogs par 'gyur/ /sems rtogs? pas ni bde ba che/ /gsung/ /karma badzras smras pa/ 'khrul pa'i rtsa ba mchog ? sems kyi 'khrul 'khor mi 'jig ste/ /bcos ma'i theg pa snying re rje/ /rtsa ba bral ba'i don mthong na/ /las kyi 'khrul 'khor gzhi la 'jig /gsung ngo/ /zla ba gras pas smras pa/ yod dam med pa'i mdza' spangs te//

  160. 80b

    dbus kyi don la mi gnas par/ /bsgom du med pa'i ngang la zhog /thob du med pa'i 'bras bu 'byung gsung ngo/ /sa da pas smras pa/ lhan cig skyes pa'i ye shes 'di/ /khyod kyis smos dang ji ltar yin/ /ma myong shes na myong ba'i mchog/ mi btsal de bzhin nyid du bzhag gsung ngo/ /su ka ra sid+d+his smras pa/ gang la zhen pa'i blo de thong/ /rtog pa gnyis ni mtshungs par sgrob/ /rtog dang bral na bsgom du med/ /bsam du med pa ji ltar dran gsung ngo/ /ye shes rdo rjes smras pa/ kun bzhi dag pa'i dbyings nas rig pa'i nyi ma shar/ /rgya mtsho nor bu'i gling nas yid bzhin nor bu lon/ /'gro ba'i ma rig ling tog shes rab thur mas phye/ /'khor pa'i chu bo bzhi las thabs ldan bla mas bsgral gsung ngo// mtsho skyes rdo rjes smras pa/ dpe yi ye shes mtshon du mang/ /don gyi ye shes bsgom du med/ /thabs kyi man ngag smra du med/ /bla ma'i drin lan 'khor thabs med/ /gsung ngo/ /ri tri tas gsungs pa/ mtshon gyi 'khor los phyogs rnams kun gyi dngos po gtsad?/ /thos pa'i 'khor los log rtog blo yi spros pa gcod/ /nyams kyi 'khor los gzung 'dzin 'khrul pa'i snang ba gcod/ /rtogs pa'i 'khor los 'khor 'das gnyis kyi re dogs gcod gsung ngo// grub thob lnga bcu'i rtogs pa brjod pa/ thig le 'od kyi phreng ba zhes bya ba/ mkha' 'gro ma'i gsang mdzod nas phyung ste/ rje dam pa rgya gar rin po che la gnang ba/ zha ma lo tsA bas bsgyur ba'o/ /rdzogs sho// // phyag rgya chen po rin chen brda' man ngag ces bya ba bzhugs so/ /*/ /rgya gar skad du/ mahA mu drA ratnA b+hi gI ta u pa de sha nA ma/ bod skad du/ phyag rgya chen po rin po che brdo'i man ngag ces bya ba/ dpal 'khor lo bde mchog la phyag

  161. 81a

    'tshal lo/ /u rgyan tshan do'i gling du/ mkha' 'gro ma dpal gyi yon tan gyis rtogs pa'i brda brjod par/ u duM ba ra'i ge sar chu 'dam las mi 'khrung/ /skyug nang can de zas kyi zhen pa bral nas 'dug /gaM gA las thar mi de sems ngal skam las so/ /bshes med dgras gtser ba de phyogs bzhir mgon skyabs tshol/ /sku ya'i 'bras bu 'di ni 'phel stobs rab tu che gsung ngo/ /shar phyogs bde ldan gyi phug par mkha' 'gro ma rdo rje nyi ma'i mig gis rtogs ba'i brda brjod pa/ 'gro ba chu la gru dang rdzings kyis sgrol/ /'khor lo pa brgyan pa'i shing rta sa lam gcod/ /so btang bum pas chu nang skol ma 'jigs/ /dang po'i skas sdang yang thog steng du bskyal/ /zhun thar 'byongs pa'i dang gyis sha rus bcad gsung ngo/ /klu sgrubs sbyor gyi phur par/ mkha' 'gro ma gser gyi bum 'dzin mas rtogs pa'i brda brjod pa/ nam mkha' dang ni stong gsum dbyer ma byed/ /gshog gcig bya yis mkha' la 'phur ma nus/ /mgo dang sug pe lus po go gcig 'gyur/ /rdo yo gzugs 'dra'i khyag pa'i ngo bo chu/ /me long dang na gzugs brnyan tha dad med ces gsung ngo/ /'od ma'i tshal bya ka lan d+ha ka gnas pa'i sar/ /mkha' 'gro ma kaM ka khrag ldag mas rtogs pa'i brda brjod pa/ /chang gis drod par rtol bas sngar snang 'jig /'khor los sgyur rgyal bya ba gzhan mi byed/ /dbul mo gtong ngo shes tshe sngar spyod 'chor/ /gling don grub pa'i ded dpon bde bar gnas gsung ngo/ /grong khyer chen po rdo 'jog tu mkha' 'gro ma shA na glog gi gzhag pa can gyis rtogs pa'i brda brjod pa/ sna tshogs phyag rgya thal mo rang yin med/ /tshi? lus rkang mar sha rus khrag la brten/ /nyi ma'i 'od kyis skar ma'i 'od zer bcom/ /chu 'dzin nang du me shel nus pa brlag gsung ngo/ /dur khrod chen po u tsa

  162. 81b

    sa'i? lhong/ /mkha' 'gro ma sha za dung 'bud mas rtogs pa'i brda brjod pa/ sprin lding ba la brten nas yod ma yin/ /mkha' la byung pa'i rlung ni ngo pos stong/ /brag ca'i skad 'di gzhan gyi sgra la brten/ /smyon pa'i sems ni gzugs gtad bral bshug? gsung ngo/ /re me ri 'bar ba'i khar mkha' 'gro ma glog gi ral pa can gyis rtogs pa'i brda brjod pa/ rtog bral bu chung gser bor bod ba len/ /dus la bab pa'i myu gus sa sran 'bigs/ /mtshon gyi dri mchu yis dag tshe gsal// bsam pas 'grub pa 'khor los sgyur ba'i lus gsung ngo/ /rgyal po'i khab seng skya'i byang du /mkha' 'gro ma'i rgya mtsho mdangs len mas tegs? pa'i brnga brjod pa/ mchil lham gyis ni rkang pa'i mi mthun skye ba/ /ri gzar sbab ni m sded drag tu 'phar/ /gi gA 'chu klung bar mchams med par 'brel/ /lce? spyang mig la mun pas sgrib? mi nus gsung ngo/ /rdo rje gdan gyi byang chub chen po'i rdzir/ /mkha' 'gro ma bde ldan mas rtogs pa'i brda brjod pa/ mgo gnyis spyi mas cig gis dug zos 'chi/ /rma can gcig gis sbal pa'i tshang rnams 'drul/ /mig skyon ma byad zla ba gnyis su snang/ /grib ma dgra ru mthong bas skyabs gnas rnyed mi 'gyur gsung ngo/ mtsho kun d+ha le dud skyong gi gnas su/ /mkha' 'gro ma rma ba'i mdongs can gyis stogs pa'i brda brjod pa/ /? mo nya med bya gzhan gyis mi 'tshe/ /dug ga nus pa sngags kyis zin dus stong/ /rma bya sman por 'jol sgeg rang la blta/ /mgo bcad ta la'i shul der myu gu stongs gsung ngo/ /byang chub shing gi rtsar mkha' 'gro ma dga' ldan gser gyi 'od can mos rtogs pa'i brnga brjod pa/ tol mar nang nas bton pa'i so ras me yi rgyu/ /sgyu ma'i bu yis rgyal po'i gdung me sabs/ /ri dags lte ba'i dri ni rgyu nyid dra/ /mdza' bos bsdus? che grogs la yid ches stor

  163. 82a

    gsung ngo/ /phyag rgya chen po brda'i man dag las/ /rgyan rnam par bkod pa'i dum bu/ /mkha' 'gro ma mdangs ldan gser gyi ral pa can gyis bsdus so/ /dpal ldan gru 'dzin gyi ri bo la/ mkha' 'gro ma 'khor lo gdong gis rtogs pa'i brda brjod pa/ drang srong gdan du ku sha bzang bas rtswa gzhan spang/ /zhing pa sa bon nam zin dus su sems ngal so/ /rlung gis ma bskyod mar me rang khang gsal/ /yid gcugs bu dang bral na gzhan mi dran gsung ngo/ dpal ldan nor bu'i gling du/ mkha' 'gro ma nyi ma'i 'od zer gyis rtogs pa'i brda brjod pa/ /skye bo blo chung don de rang gi sa/ /dam dum bcings pa'i khong 'khril grol na bde/ /dngul dkar me long 'phrul gyi gdan la 'phyi/ /'phong gi slob? dpon gam nas rgyad du bsring gsung ngo/ /lho phyogs a su ra'i phug par/ /mkha' 'gro ma nor bu'i spyan ldan mas rtogs pa'i brnga brjod pa/ khar gzhong nang gi rus sbal nyi ma'i 'od la dga' / /gser la byas pa'i rgyan ni gser nyid yin/ 'ben la mnga' brdeg dpag chen gzhan mi dran/ /bu dam gzugs rnams ro la tha mi dad gsung ngo/ /nags tshal dra ba can gyi mthongs su mkha' 'gro ma ba ti ro zan mas rtogs pa'i brda brjod pa/ chu shel zla ba yang ngo cig la 'phel mkha' la 'ja' yi kha dog ngo bos dben/ /gzhon nu'i bded sus kyang brjod ma shes/ /til mar gyis slung ral gris bcang tshad 'gyel/ /grong khyer ser skya'i ljongs su mkha' 'gro ma bur sna khyung gshog can gyis rtogs pa'i brda brjod pa/ khur bar chu blugs khor gi gtam rnams 'gags/ /sgyu ma'i ltad mo yang dag ma yin no/ /dbul mo gter dang phrang che sngar rtog bral/ /lan tshwa'i rdog po chu bo nyid la thim gsung ngo/ /dur khrod bsil ba'i tshal du mkha' 'gro ma nyi ma'i

  164. 82b

    phreng bas rtogs pa'i brda brjod pa/ wa yi skad la seng ge sdang skrag skyes/ /btsun mo rin chen bran mo la mi 'jigs/ /dgra ru bu langs mdza' bo su la bya/ /lkug ma'i rmi lam khar mi 'don par 'dug gsung ngo/ /lho phyogs dpal gyi ri la mkha' 'gro ma gtsug na mu tig 'chang gis rtogs pa'i brda brjod pa/ /bag ma dang ni smyon pa'i spyod pa 'jol/ /rgya mtshoi chu la nya ni rang byon tshud/ /rgya skyegs ri lame shor rlung rnams grogs/ /chu rkyan 'babs na ni ro gcig go gsung ngo/ /ma kA d+ha rgyal po'i khab du mkha' 'gro ma bdud rtsi bum 'dzin mas rtogs pa'i brdo brjod pa/ lce sbyad ro la chags pa'i blo na skye mi 'gyur/ /dgos pa'i dus las khra yi rtsal ni gzhan du min/ /wa yi 'gro 'dug dur khrod nad du gzhol ba yin/ /bu chung dang ni me long seng ge ltos/ /gsung ngo/ /shar phyogs 'bri ka la shi la'i gtsug lag du /mkha' 'gro mtshe ldan rgyan mas rtogs pa'i brda brjod pa/ chu tshad dus su lag ko ras zin//nyi ma'i snying po mun pas gos ma yin/ /lag pa chad pa'i bzo mkhan bya ba gdug /dkar nag yi ges mkha' la gos pa min gsung ngo/ /klu gtsug na rin chen gyi yul du/ /mkha' 'gro ma seng ge'i gdong can mas rtogs pa'i brda brjod pa/ sgo nga mkha' la skyes pa'i chang yang de nyid do/ /khug rta'i sgum bus la rnams kyang min/ /nam mkha' i kha dog ma 'gags rnam par dag /nu bun sa la langs nas mkha' la thim gsung ngo/ /shing 'dzam bu brik+Sha'i grib ma la mkha' 'gro ma 'byung gnas rin chen mas rtogs pa'i brnga brjod pa/ chu bo sna tshogs rgya mtshor tha dad min/ /ma dros chu ni gting nas g.yo 'bul bral/ /chu dang zla ba'i rang bzhin so sor steng ngo/ /rlan dang rba rlabs rgya mtsho las ma 'das/ gsung ngo/ /phyag rgya rin po che brnga'i man dag las/

  165. 83a

    'od zer dra ba'i dum bu mkha' 'gro ma dpal ldan dbang gi rgyal mos bsdus pa ste gnyis pa'o// //bde ldan rin chen gling du mkha' 'gro ma zla ba'i 'od zer gyis rtogs pa'i brda brjod pa/ rmu rgod dul ba'i spyod pa gzhan pas g.yung/ /'bru yi chang rgod bram ze'i btung ba min/ /lcags kyus zin pa'i glang po rang dbang med/ /g.ya' ma phyis pa'i me las bzhin mi 'dod/ /rgyud med gzhu la su yis mda' srid nas gsung ngo/ /thad bzang gser gyi bya skyibs can du/ /mkha' 'gro ma rgya mtsho mig gis rtogs pa'i brda brjod pa/ tshol zangs nang du sbrang rtsi'i g.yos mi bya/ /smin pa'i sa bon ser dang ldan la gdag /bud med snol 'tshang khyod la smra mi phod/ /rdzas ma tshogs pa'i srub mas me mi thon/ /til sbyang zhabs med nang du til mi ldugs gsung ngo/ /nub phyogs pA kA'i tshal du mkha' 'gro ma bi za gzugs 'phrog mas rtogs pa'i brda brjod pa/ /dug sprul mar blo ldan skye bo 'dzur/ /rin chen gling 'dod deng dpon gzhan gyis min/ /da 'og sman pa la snyan nad pa rang bzo spang/ /lo stong mun pa sgron me gzhon nus sel/ /mkhas pa'i dus spal tshed ma'i khrod rnams spong/ /gsung ngo/ /grong khyer skyid pa'i 'byung gnas su mkha' 'gro ma kI rti thog mdza' can gyis rtogs pa'i brda brjod pa/ stobs ldan kyang spyod 'phye bos byar mi rung/ /chu dran rnams ni rgya mtsho'i nang du 'bab/ rdon pa gling bu ri dags ngos der 'bung/ /me shel 'od ni ras kyi bal la tsha/ /zangs kyi mdog ni gser 'gyur rtsi yis 'gyur/ /gsung ngo/ /dur khrod so sa'i gling du mkha' 'gro ma bde ba'i 'od can gyis rtogs pa'i brda brjod pa/ /zlum ril me tog ljon shing grib las skyes/ khab len rdo yis lcags rnams dbang du sdud/ /tshod pa rang gi rigs

  166. 83b

    la 'jug par 'gyur/ /spre'u'i rten ni 'bras bu can gyi nags/ /gru btsas len pa rgya mtsho sgrol la brtson gsung ngo/ /shing tsi tra ba la'i grib ma la mkha' 'gro ma blo gros gser gyi gdub can gyis rtogs pa'i brda brjod pa/ /chu mthong rus spal skam la bdod mi rigs/ /dug mnga' rmil le lo byas pas 'phung/ /phag gis gtsang tsog med par kha ru bcug /dur khrod nang du lce spyad rol brel/ /ri yi sul la seng ge 'jigs pa med gsung ngo/ /rgyal bu rgyal byed kyi tshal du mkha' 'grom bde ba bzang mos rtogs pa'i brda brjod pa/ bung ba rtsi 'jib utpal mdog mi nyams/ /char ni rdo sol mi yi grogs yin no/ /mun pa'i dmag rum nyi zla'i 'od kyis sel/ /'bru rnams skye ba tsha sgo med pa'i zhing/ /'khor lo med pa'i shing rtas 'gro ma shes/ gsung ngo/ /phyag rgya chen po brda'i man ngag las/ ye shes rnam par gzigs pa'i dum bu/ mkha' 'gro ma su ka pha las bsdus pa ste gsum pa'o// //ri bo bya rkang gi steng du mkha' 'gro ma bum pa'i lto can byis rtogs pa'i brda brjod pa/ rigs ngan bu mo rgyal po'i khab du min/ /sprang ma ga bur la 'byol ngan skyugs dri la 'du/ /bram ze gso sbyong dus su bya gzhan dor/ sgeg mo rgyan gyis spras tshe rab tu dga' / / tsan dan dri la lto 'gro mchog tu gdung gsung/ /rgyal po'i khab yangs pa can du mkha' 'gro ma gtsug na nor bus rtogs pa'i brda brjod pa/ mi gtsang lud ni 'bras kyi zhing la phan/ nad gzir skyes bu g.yo med sman pa bsten/ /rigs ldan ded dpon 'khor la bu bzhin brtse/ /chu phran gling la nor bu yod ma yin/ /sbrang ma rtsi yi nus pa grogs kyis 'gyur/ gsung/ /d+harma g+ha na ra dza chos kyi mdzod du mkha' 'gro ma 'bar ma dpal gyi phreng mas rtogs pa'i brda brjod pa/ 'dzam bu'i gser

  167. 84a

    la 'gar bas 'dod dgu bsgyur/ /phye le ba nya dang bung ba lcags kyus phung/ /gso bya'i dus der nad pas le lo spang/ /ma yis bu la brtse ba'i sems mi gtong/ /rin chen gling du khrid pa'i ded dpon nam nyes par bya gsung ngo/ klu'i rgyal po e na la'i gnas su mkha' 'gro ma khyung gi gdod pa can gyis rtogs pa'i brda brjod pa/ dug sbrul che ba gdags pa'i rgyan ma yin/ /bde dang bral ba btson rar chung pa'i mi/ /ha la'i me tog 'char ba'i dor ma 'thu/ /bang mdzod rku ba'i mi de bag yod ldan/ /btud pas gdungs pa'i mi de smig rgyu snyug? gsung/ /phyag rgya rin po che brda'i man ngag las/ sems rnam par dag pa'i dum bu/ /mkha' 'gro ma khyung gdong mas bsdus pa ste bzhi pa'o// // bya rgod phung po ra ri la mkha' 'gro ma gser bya rgyal mos rtogs pa'i brnga' brjod pa/ /'dam gyi skyong gis pad+ma la mi gos/ /gshog ru rgyas tshe bye phrug tshad nas 'phur/ /tsan dan mthong ba'i sprul gyis le lo bor/ /'dod pa'i gnas der zo chu chu rgyun bsring/ /? chim mas zin pas nya yi bde ba stor gsung/ /'gyur po'i grong khyer bi ma la kar mkha' 'gro ma rdo rje 'dam skyes mas rtogs pa'i rda brjod pa /zhing la chu lud rim gyis bsten/ /pha laM gyis ni mi phigS med/ 'byor lam reg utpal 'dab/ /rgya mtsho'i chul rigs phyed med/ /mun pas ma zin nyi ma'i 'od gsung/ shar phyogs zangs kyi dung rgyad kyi nang du/ /mkha' 'gro ma dpal ldan 'jigs med mas rtogs pa'i brda brjod pa/ nags la brten bca' drang srong rgyab du shing la gon/ /gangs la gnas pa yi seng ge yang bral nas 'dug /khyung phrug gshog ru rgyas tshe rten med mkha' la lding/ /sa 'dzin myu gus 'bras bu rang chas 'grub/ /gdol pa'i bu de 'tshod yang rang

  168. 84b

    mthong zhig gsung/ shar phyogs ka ma ru 'phags pa rang 'byung gi mar? mkha' 'gro ma 'khor lo shugs 'chang mas rtogs pa'i brda brjod pa/ bram ze'i skud pa thog mar bsgrims nas glod/ /gso ras mkhan mos zla ba bcings nas glong/ zhun la bab pa'i gser mkhar yangs dang bral/ /gdan gyi steng du rgyal pos bag gzhi phab/ /dmus long mig phye snang ba gzigs mor tshe gsung ngo/ /mchod rten dpal dbyangs kyi rtsar mkha' 'gro ma gtum mo gser mig mas rtogs pa'i brda brjod pa/ rmi lam sdug bsngal sad pa'i dus der dag /mang po'i khrod der mi ngo shes pa nyung/ /rgyu yis ma skyes nam mkha' gdod nas dag /til mar ngar btags dar gyung snum gyis 'phyi/ /mda' ru ltor bros sa bzhag ser du mthong gsung/ /byang phyogs 'dam bu'i khrod du bde ldan 'od kyi gnas su/ /mkha' 'gro ma nyi ma'i gshog pa can gyis rtogs pa'i brda brjod pa/ bram ze'i rig byed gsang tshig bu la ston/ /rgyal po'i pho brang rigs ngan gyis na mthong/ /srang ga'i kham por bya ba zin nas 'dug /dug gsum dag na dmus lang bris mkhan med/ /nor bu'i brtag pa blun pos shes pa min gsung ngo/ /rdzing bu pad+ma'i mdangs can gyi 'gram du mkha' 'gro ma rdo rje bu snyems mas rtogs pa'i brda brjod pa /ra med gser la rtog pas bzo mi nus/ /rin chen gling na gram gseg gyo dum med/ /dus kyi rkyen gyis pad+ma rgyas par 'gyur/ /tshangs pa'i lus na ma bkrus dri ma dag gsung ngo/ /da ni ko sha'i gling du mkha' 'gro ma rin chen thod 'dzin? mas rtogs pa'i brda brjod pa/ dgra med mi la su skyel bya mi dgos/ /ka la bka' i gshog ru sgo dar rgyas/ /pad+ma'i kha ni nyi ma'i zer gyis 'byed/ /chu dang rlan ni gnyis su mi nang ngo gsung ngo/ /seng g+ha la'i cha la du mkha'

  169. 85a

    'gro ma nyi ma'i zhags pa can gyis rtogs pa'i brda brjod pa/ rmi lam ltad mo su yis byas pa yin/ /bram chab med pa'i phu mo brjed ngas che/ /skyed bsrungs la brtson 'bras bu mi len blun/ /nam mkha' i tshu ni smin pa'i dgun 'brum 'bar gsung/ dur khrod chen po sgra sgrogs su mkha' 'gro ma rdo rje dung can mas rtogs pa'i brda brjod pa/ lha khang nang du dmus lod ltad mo nub/ /ji srid shing yod bar du de srid me/ /sos ka'o? chab rom gzhi la sdod mi srid/ /sgyu ma'i mkhan po 'phrul la rtog pa bral/ /ni dbu'i yon tan sus kyang byin pa med/ /bskal pa ma zhig nyi zla'i 'od mi 'gag /khod sran ma byang gyad la rgyu rtsal med/ /rgya mtshod pa'i chu thigs skam mi 'gyur gsung dpal sh+rI na len+d+ra'i gtsug lag khang du mkha' 'gro ma rin chen 'od gsal mas rtogs pa'i brnga brjod pa/ smyon pa'i mig gis nya dang stong mi mthong/ /rlan med sbyin la 'byar pa'i nus pa med/ /skyes bu med pa'i lcags kyus glang mi zin/ /thod le kor phyis nam mkha' mtshon mi nus gsung ngo/ /phyag rgya chen po brda'i man ngag las/ dpal gyi thugs rnam par bkod pa'i dum bu/ mkha' 'gro ma rin chen gcig mas bsdus pa ste/ lnga ba'o// // rgya mtsho gser gyi gling du mkha' 'gro ma rdo rje bu gcig mas rtogs pa'i brda brjod pa/ shing rta dang ni 'khor lo 'bral mi bya/ /dug sprul dgra ru sgo nga ldan par 'gyur/ /'jam bu chu bo'i gser ni dngul gyis sdang/ /glang po dul tshe snying la yi ge 'jug gsung/ /nub phyogs bi ra'i tshal du mkha' 'gro ma sha za dpal 'dzin mas rtogs pa'i brnga brjod pa/ ge sar steng du 'dab ma gdan du gding/ /thar pa 'dod pas bya ba 'jug mig la blta/ /stobs dang ldan pas gser 'gyur rtsi

  170. 85b

    mchog ni/ /dzwi ring banda'i drin las rab tu rnyed gsung ngo/ /dur khrod rab dga' i nang du mkha' 'gro ma nor bu'i 'od can gyis rtogs pa'i brda brjod pa/ grang ba'i nad la ga bur bsten mi bya/ /tshangs pa'i yi ge smra ru ma gtub po/ /gi paM zad pa'i glang po sgra? ?/ /dngul chu'i nus pa lha dbang mig la phan gsung/ /shar phyogs kha sarba paNi'i gtsug lag khang du/ mkha' 'gro ma bu ta ngo zan mas rtogs pa'i brda brjod pa/ sprul sngags shes pa'i nad la dug mi tshugs/ /'chi ba'i dus der rgyal srid ci zhig bya/ /sna khrid med pa'i long pa gang du 'gro /phag gis glang po mtshon te ma mtshon gsung ngo/ /dur khrod ma hA kA la'i dbus su/ mkha' 'gro ma dpal gyi phreng ba can gyis rtogs pa'i brda brjod pa/ rmi lam ltad mo rang gi sems la byas/ /me ni spra pa dag la rab tu 'bar/ /yi ge gcig gis rig byed kun la 'jug /rig byed kun gyis yi ge gcig ma shes gsung ngo/ /bA ra Na sir mkha' 'gro ma dpal ldan dung 'bud mas rtogs pa'i brda brjod pa/ sngo gzhan dang ni gser 'gyur rtsi mi 'dra/ /nya rgyas zla bas shel la chu rgyun 'dzag /spu ba'i chu rgyun rgya mtshor rang la thim/ /mkhas pa ba lang skyong ba drag shul 'dir gsung ngo/ /chu mig mnga' chu khron pa skyes pa'i rtsar mkha' 'gro ma 'bar ma gser dril can gyis rtogs pa'i brda brjod pa/ ri brag pas mdza' dben pa'i gnas ma yin/ /rgyal po pho brang tshong 'dus rab tu 'gol/ /byed na me long rgyab du blta mi bya/ /snab che byi ba'i yi ge snying gis klag gsung ngo/ /glang po ljongs kyi grong khyer du mkha' 'gro ma khrag sna rgyal mos rtogs pa'i brda brjod pa/ nam mkha' i yid can mkha' las 'phags ma nus/ /drang srong rgyal mtshan thar pa'i lam ma yin/ dkyil 'khor gyis kyang mya ngan las mi 'da' / /'bras bu mchog ni smyon pa'i sems las

  171. 86a

    btsal gsung ngo/ /byang phyogs sman gyi na gsu mkha' 'gro ma gtsug na rgyan grol mas rtogs pa'i brda brjod pa/ phag rgod mgo bo rdog pas mnan pa'i mi/ /skyes bu de yis gdams ngag thams cad bstan// ded dpon bu yis nam mkha' i yi ge klags/ /grogs dag 'di yi zhabs la 'dud par rigs gsung/ dpal 'bras spungs su mkha' 'gro ma dpal ldan gru 'dzin mas rtogs pa'i brda brjod pa/ /rdza yi 'khor lo srub thag ma then par/ / nor bu rin chen 'di la mchod par bya/ /glang po smon pa 'tshong pa'i mi de mkhas/ /gter mthong nas ni 'byol bar mai bya'o gsung/ /mchod rten rnam dag gi rtsar/ /dpal rang byung gi rgyal mos rtogs pa'i brda brjod pa/ /kye 'o bu rnams seng ge'i 'o ma 'thung/ /phan pa'i sman mar phyi ru ma skyug cig /snying gi dbus su nyi ma shar nas su/ /mun pa'i tshogs rnams rab tu 'joms par 'gyur gsung ngo/ /phyag rgya chen po brda'i man dag las/ /las rnam par grol ba'i dum bu /mkha' 'gro ma dpal ldan pad+ma'i spyan gyis bsdus pa ste/ dum bu drug pa'o// //le phran lnga bcu rtsa lnga pa/ /phyag rgya chen po rin po che brda'i man ngag /rje dam pa la mkha' 'gro mis gtad de/ zha ma lo tsA bas bsgyur ba'o/ /rdzogs ho// shub+haM //rgya gar skad du/ DA ki ni badzra gu hya gI ti nA ma/ bod skad du/ mkha' 'gro ma rdo rje gsang ba'i glu zhes bya ba/ bcom ldan 'das dpal lha mo bdag med ma la phyag 'tshal lo/ /u dum+ba ra'i utpal rgyun du 'khrungs pa dkon/ /g.yul ngo mi ldogs gyang kyi dgos pa stor/ /nor bu'i gling nas stong 'dab byed nus sam/ /'khor lo'i rtsibs la zhon pa'i skyes bu brel/ /chu bo chen po'i rgyun

  172. 86b

    'di bcad mi nus/ /lcags kyi pha bong gyen la 'dril bar dka' / /nyi zla'i 'khor lo rlung gis bzlog mi nus/ /mig ser nad kyis btab na dud yang ser/ /byang blta'i phug par nyi zla'i 'od mi 'char/ /skyes bu rang srog dor ba'i dpa' bo blun/ /dug 'di srog gi bdud yin mngar yang dor/ /rba la 'byol ba'i mnyen ba bya bta' bskyed/ /nad la phan pa'i sman ni kha yang bza' / /puN+Da? ri ka'i sa bon ma mthod ngam/ /lha sras bzod pa chen kun gyis 'khur/ /tshod dus 'gron po 'brel med tshogs kyi 'gyes/ /sbrang ma rtsi bcud mang bas sdug bsngal bskyed/ /? nam mkha' lan byed pa'i skyes bu blun/ /sgyu ma'i yul la mkhan po chags mi skye/ /brag cha'i sgra 'di stong smrar? smra mi byed/ /rmi lam bde sdug 'di ni sang pas stong/ /phyag rgya chen po brda'i mgun las/ brul tsho dang po'o?// //ya ma mthong ba'i bu chung gzhan la yid mi 'chor/ /skyes bu skrom gyis gdung pa kha zas gzhan mi 'dod/ /mkha' la 'brug sgra bsgrags pas dus kyi yid ches byas/ /khyim bdag khe mthong las la ngal pa med/ /nad kyis nyen pa'i mi ni dpyad la dga' / /ded dpon nor bu 'dod phyir rtsol ba byed/ /nye zho med pa'i tshang tshol khug rta sgrim/ /drang srong rigs ldan ya nga'i kha zas spong/ /dor sdebs mthun pa'i glang po rol du bde/ /dge slong gzhon nu'i bsam pa dran gyis la/ /til dang ldan pa'i gri thogs kun tu rgyu /mar me'i 'od la btsal thabs legs su gyis/ /gdan ser bton pa'i rgyal bu 'di la ltos/ /bung bas rtsi bcung ma las ro gcig bsdud/ /gyad ni dpung bzhir bcas te dgra dpung 'joms/ /rgol pa'i mi ldog stobs ldan ci'i phyir/ /gsang tshig mi sgrub blun po gros mi dbang/ /bka' bzhin mi bsgrub rgyal pos gshed ma spong/ /srog gol dgra la bzod par mi rung bsre/

  173. 87a

    rig byed mkhan po'i rgyud ni shi yang slob/ /khrims la gnas pa'i rgyal po sems rgya bskyed/ /phyag rgya chen po brda'i mgur las/ brul tsho gnyis pa'o// //yid bzhin nor bu khur du khur nas kyang/ /stobs dang ldan pa'i glang po zhon byas te/ /bdud rtsi gangs kyi zhun ma btung bar ba/ /chu bo sgrol ba'i gru la zag lhan gdab/ /sgo lnga mdangs dang ldan pa'i gzugs brnyan ltos/ /srog dang bral ba'i skyes bu de ci sems// mkhan bzos ma byas bse du'i gzugs la blta/ /btso bsreg ma byas sa bon myu gu'i rgyu/ /bram ze skud pa mkhal ba'i drung du sdong/ /na bun 'thibs so 'di ni rlung gis gtor/ /glang chen smon pa 'di ni lcags su gzhug /bud bas me tog rtsi thob phyir mi blta/ /mkha' la 'ja' tshon skyon bral rang sar yal/ /'grul pos chu sgrol gru yi gces 'dzin zhig /mthong byed mig dang bral bas yul rnams 'gags/ /rgyal po'i bka' la brnyas mchad pa'i gnas/ /mthon po'i rtse ni lhung ba'i gnas yin gtsobs?/ /'dab gshog ya 'gal gyis ni 'phur mi nus/ /nam mkha' i cho 'phrul skye 'gro'i dpal du shar/ /mkha' las char rgyun bab pas rtsi thog 'khrungs/ /deng dpon rgan po'i gling don gzhan gyi phyed// phyag rgya chen po brda'i mgur las/ brul tsho gsum pa'o// //sdig mas tshig tu smras pa med/ /chu shel zla ba su yis byas/ /nam mkha' i cho 'phrul sna tshogs ngo mtshar che/ /nam mkha' i dbyibs dang kha dog su yis mthong/ / par snang dangs pa'i nus pa gang gi mthu/ /na bun 'di la ngos bzung 'dug gam ci/ /rna dbang sgra la zin pa'i ri dags blun/ /dbang po yul gyis non pa'i ri dags ltos/ /gnyen po 'phrig dang ldan pa'i sha ba ltos/ /chu yi zla ba ma rgul gzhag

  174. 87b

    na drungs/ /til gyi mar me gsal mdangs ngar dang ldan/ /rmi lam bde ba'i mnyams ni sad pas stong/ /rgyal pos sa srungs ral gris rgol ba 'joms/ /khro bo'i gzugs brnyan 'di yis byis pa bsdigs/ /gnam lcags thog gi shugs la sra snyi med/ /chu yi zla ba 'di la yid mi gtang/ /'ja' tshon ngo bos stong pas spang blang med/ /na bun mkha' la yal pa'i byung sa ltos/ /dngos med mun pa khyab pa'i nam mkha' las/ /sna tshogs mdangs dang ldan pa'i lho sprin 'thibs// char rgyun du mas 'gro ba'i lo tog rgyas/ /phyag rgya chen po brda'i mgur las/ /brul tsho bzhi pa'o// //myu gu mgo rtsa gnyis su gyes kyang gcig gi stobs/ /chu nang zla ba cha med nam mkha' i cho 'phrul yin/ /ga bur nus pa 'di yis sman dug byas pa med/ /chab rom snang yang chu las gung na grub pa med/ /na bun 'di yi rang bzhin cha med gzung bas stong/ /me long nang du gzugs med rkyen shar snang ba tsam/ /mog sham bu yi pha ma khyod kyis mthong dam ci/ /skad cig 'di la dus gsum khong nas dag pa yin/ /li tsa byi yis smras pa khyod kyis ji ltar go /a lu ngo shes byis pa de dus brid du med/ /'a rtsi ba la'i mtshang rtogs nas ni 'jigs mi dgos/ /nor bu lag du lon pa'i deng dpon dbul dang bral/ /shel gyi rang bzhin mi 'gyur tshon gyis bcos su med/ /nam mkha' ma grub phyir na sprin gyis gang la sgrib/ /gser la gzugs brnyan du ma byas kyang gser nyid yin/ /grib ma gzugs las byung bar shes pas ? blang med/ /drang srong rnams kyi rig pas sman dug dbyer ma phyed/ /dbul mo gter dang phrad tshe bcol ba'i las mi byed/ /nam mkha' nam mkha' bstan pas nam mkha' phyi nang 'dres/ /spang blang med pa'i nam mkha' la ni 'byung bzhi shar//

  175. 88a

    'byung bzhi'i rtsal du 'gro ba gso bskyed byas/ /phyag rgya chen po brda'i mgur las/ /la bzla ba'i brul cho ste lnga pa'o// //zhing pa brtson 'grus ldan pa la/ /lus ngag las la dug pa med/ /mtshan dpes brgyan pa 'khor los sgyur/ /gdan sar gdon pa'i bya ba gces/ /lha yi bu mo yid 'ong ma/ /sgyu ma cim du brtse bar bya/ /mdud rtse lta? la dang blud de/ /nam mkha' i dbug par bya// them skas gdang bu bzhi la dbab/ /gzhin dus byis pa zas kyis skol/ /gangs kyi thogs pa mi spo bar/ /dpyad thag 'dren po'i thag pa bzung/ /rlung gis mkha' la spar nas kyang/ /chu gram yur ba bzung por bya/ chab rom smin pa rdo ye mi/ /skye dang 'chi bas bslu mi shes/ /des ni mchog gi nor bu'i gter/ /rma bya'i zas ni btsan dug nyid/ /me yis tshig la mo nyid sman/ /'dod can rnams kyi don du ni/ /thabs kyi khyad par gzhan las 'phags/ /phyag rgya chen po brda'i mgur las/ rtsa ba'i de nyid bstan pa ste/ brul? tshe drug pa'o// //rnam par shes par mkha' i gzugs/ /srid dang zhi ba'i byed pas so/ /srid pas gzugs su bzung bas 'ching/ /zhibs der 'dzin spros dang bral/ /srid pas dbus su bcug pa yis/ /lhan cig skyes pa 'dzin par byed/ /rtsa gsum 'khor lo bzhi sogs kyi/ /lus rnams kun la khyab par gnas/ /'gyur dang 'jug dang gnas dang gsum/ /yi ge gsum gyi sbyor ba yis/ /dgu brgya bcu gcig grangs them nas/ /rtog pa rlung gis za bar byed/ /mi rtog lnga po shar ba yis/ /las kyi rmad rdo lnga po btsam/ /'od gsal ba yi don mthong nas/ /bar do'i grong khyer/

  176. 88b

    'joms par byed/ /phyag rgya chen pa brda'i mgur las/ rlung gi de nyid bshad pa ste/ brul tsho bdun pa'o// //phyag rgya chen po brda'i man ngag las/ /mkha' 'gro ma rdo rje gsang ba'i mgur/ /brul tsho bdun du bstan pa'o// //mkha' 'gro ma'i gsang mdzod na gnas pa las/ /dbyings kyi gtso mo rnams kyis bka' bgros nas/ /ka ma la shI la la gtad/ zha ma lo tsA ba ston pa seng ge rgyal pos bsgyur ba'o// rdzogs ho// // dpal he ru ka la phyag 'tshal lo/ /mkha' 'gro byin brlabs rtogs pa'i brda/ /til ni sgron mes gsal bar byed/ /sngags kyis btab pa'i sman bzhin du/ /rma bya'i zas ni gzhan gyis min/ /tsan dan ri dags lte ba'i dri/ /chu yi rlabs ni rgya mtsho nyid/ /gsal ba'i rang bzhin ras dkar 'dra/ /ri bo bskyod par mi nus pas/ /gangs ri chu las gzhan me de/ /dri dang skrog skya tha dang min/ /nyi zla'i yon tan gsal ba yin/ /bya yi rjes ni tshol byed/ /nam mkha' rtog ge'i spyod yul min/ /maN+Dal phyogs cha rab? tu snyoms/ /ro langs bya sar dkon de bzhin/ /dpe med ngo mtshar nor bu shel/ /zhes rngon pa chen po sa ra has/ ka ma la shI la la lta ba'i brda bstan pa'o// // dpal he ru ka la phyag 'tshal lo/ /mkha' 'gros byin brlabs bsgom pa'i brda/ /tshang tshid nags kyi dur khrod du/ /bdag med ma dang phrad byas la/ /nyi shar pa yi bsam pa yis/ /las drin pa yi skyes bu bzhin/ /skye bo'i nor bu mchod nas kyang/ /khang pa stong pa'i khyi bzhin du/ /sman pa'i don stong nam mkhar khyed/ /chu po chen po rgyun 'bab bzhin/ / drang srong ku sha'i stong du bzhal /mar me rlung dang bral ba bzhin/ /dngul dkar me long phyi bar bya/ /yid 'ong bral ba'i ma

  177. 89a

    bzhin du/ /rus sbal 'khar gzhod nyi ma la/ /rtsal ldan 'phod sleb brtson pa ste/ /mda' mkhan yid ni gcig tu gtong/ /gdams pa'i gtsor ni nges par grol/ /gser las byas pa'i rgyan bzhin du/ /bu ram rol myang bar bya/ zhes rngon pa chen pos/ ka ma la shI la la bsgom pa'i brda bstan pa'o// //dpal he ru ka la phyag 'tshal lo/ /mkha' 'gro byin brlabs sbyod pa'i brda/ /bag ma 'am skyon pa'i tshul bzung ste/ /glang po btsongs la phag rgod bsang/ /nya ni rgya mtshor yangs pa che/ /nags rnams me yis rab tu bsreg /res 'ga' mgyogs pa'i rta la zhon/ /gri gug rnon po'i mtshon gyis ni/ /lce spyad dur khrod rnam par rol/ /spyan gzigs zas la rtag tu spyad/ / khra yi rtsal ni nges par drag /wa ni dur khrod rnam par rol/ /chang 'thungs pa yis yul mthong 'dra/ /me tog sgyu ma bud ba ste /bu chung se ge me long 'dra/ /stag ni 'jigs pa med par rgyu/ /sgron me rtag tu thogs byas te/ /glang po zhon la kun tu rgyug/ zhes rngon pa chen pos / ka ma la shI la la spyod pa'i brda bstan pa'o// //dpal he ru ka la phyag 'tshal lo/ /mkha' 'gro byin brlabs 'bras bu'i brda/ /gser padmo'i dkyil nas 'khrungs/ /shel gyi 'od zer nang nas bshad/ /rma bya'i ri mo su yis bris/ /'ja' tshon nam mkha' i cho 'phrul yin/ /rtog med re ba nor bu bskad/ /'dab gshog med par 'phur mi nus/ /gtsug stan me ni rtsol bas 'byin/ /shing ni rang gis rang la bsreg /gser gyi kha dog 'tshur gyis 'don/ /dgra med mi ni zon dang bral/ /gnyid sang skyes bu de ci sems/ /byis pa a lus 'brid pa ltos/ /nam mkha' nam mkha' nam mkha' i dang/ /chu bran rgya mtsho'i dbyings su 'dres/ /nam mkha' i cho 'phrul ngo mtshar che/ /chu zla du ma yod ma yin/ zhes rngon pa bas/ ka ma shI la

  178. 89b

    'bras bu'i brda bstan pa'o// //dpal he ru ka la phyag 'tshal lo/ /mkha' 'gros byin brlabs yam gyi brda/ /sdom ni tshad las mi 'da' bar/ /ri bong 'di yi spyod 'gros ltos/ /khra yi rtsal yangs pa med/ /rtag tu 'khor lo'i rtse la zhon/ /rdza mkhan bu la yangs pa med/ /ral gri til ngar ldan pa gces/ /me la rlung gis bskyod pa yis/ /tshang tshing nags kyi dur khrod bsreg /bram ze skud pa 'khal la ltos/ /bya ba zin pa'i skyes bu mchog /snying phyud de ni mi ro yin/ /mar me rlung gis ma bskyod par/ /'khor lo'i srub thag bcad par bya/ /sprin med mkha' la nyi shar bzhin/ /lho sprin rlung gis brda bar bya/ /'ja' tshon 'di yis byis pa bslus/ /so mtshams mkhar gyi bdag po ltos/ /rin chen gter gyi me la/ tshe gyis/ /nam mkhas nam mkha' 'grol bar nges/ /zhes sngon pa chen pos ka ma la shI la lam gyi brda bstan pa'o// //dpal he ru ka la phyag 'tshal lo/ /mkha' 'gros byin brlabs nyams kyi brda/ /dkar po'i zla ba rim pa ste/ /'ja' tshon nam mkha' nyid la mdzes/ /gzhon nus smras pa ci ste go /chus bkang nas ni smrar mi btub/ /khug rna dang pa'i rnam pa bzhin/ /dbul mo gter ldan ngo mtshar che/ /lan tshwa chu bo nyid la thim/ /bya ni mkha' las 'da' mi nus/ /dgras bslus gnyen la'ang yid mi gtong/ /ral gri dar ldan ngo mtshar che/ /rgyal po'i btsun mo 'jigs mi byed/ /wa yis seng ge skrag pa min/ /bya ni mkha' la rtsol bsgrub med/ /mkha' dang cho 'phrul tha dad min/ /nam mkha' gang gis za bar nus/ /chu ni ma rnyogs bzhag na dangs/ /'di nyid yin dang ma yin zhes/ /sus byas su yis go ba su/ /zhes rngon ba ba chen pos/ ka ma la shI la nyams kyi brda bstan pa'o// //dpal he ru ka la phyag 'tshal lo/ /mkha' 'gros byin

  179. 90a

    brlabs gnad kyi brda/ /seng ge glang chen phag rgod bsad/ /rtsa ba bral ba'i sdong po bzhin/ /nags kyi ri dags gal la tshud/ /gzings kyi bya rog gar bder mthong/ /dangs pa'i chur ni gzugs brnyan bzhin/ mkha' la mtshon gyis bkur mi nus/ /ri bo rlung gis bsgul ba min/ /rgya mtsho chen po gting mi g.yo/ /snying phyung de ni skal bar ldan/ /seng ge'i gsob la byis pa 'jigs/ /bung ba'i spyod pa yid kyis ltos/ /bu shi'i mya ngan sems la zhog/ sgron me lag tu thogs pa'i mi/ /kun gyi sna la 'gro bar gyis/ /de nas nam mkha' i phyi nang 'dre/ zhes gsungs te / rngon pa ba chen pos/ ka ma la shI la gnad kyi gdams pa bstan pa'o/ /rdzogs sho// //rgya gar skad du/ tsadte gu hya gam+b+hi rA tha gI ta nA ma/ bod skad du/ sems kyi gsang ba zab don brda'i glur blangs pa zhes bya ba/ sha ba ri dbang phyug la phyag 'tshal lo/ /kye 'o chu dang 'o ma so sor nam mkha' i mthongs su bsres pa rtog med dang pa'i mchu des bsdus nas song/ /'dab chags 'ug pa'i mig gis sna tshogs mun pa'i khrod na snang ba so sor mthong ba phyi rol min/ /'dab chags ne cos nyi ma'i 'od la rtsi shing nags khrod mthong la dga' zhing rtse la lhag par chags/ /rma bya dug gi lo ma zos pas spu sdug lhag bar mdzes pa'i kha dog mdongs ni su yis bris/ /sgeg mo gzhan gyi dri ma dag pa'i mdong can me long blta la rab tu brtson pa shes par gyis/ /srin po'i gling las thar ba'i ded dpon dri za'i grong mthong de la gnas bcas don chen 'grub pa mtshar/ /drang srong chu yi zla ba blta zhing nyi zla'i phreng ba 'gred la brtson pa gtsang sbra lhag par che/ /rgyal bos dgra thabs kyis ni bkug ste/ bcings nas bsad pas srid dang bcas pa thob ste g.yon can min/ /ging ba srog gcod mkhas pa nyin bzhin srog gcod

  180. 90b

    de la sdig pas mi gos gshin rje gshed/ /rdzi bo thabs mkhas lcags kyus stobs ldan glang po'i kha lo ji ltar 'dod bzhin sgyur ba phyi rol min/ /mig 'phrul mkhan pos nyi zla brkus te mun khung nang du spas bas ? skar thams cad dbang du 'dus/ /tshangs pa'i ril ba chus bkang mi 'dzag dag byed rgyud du 'chang ba shes na rten 'brel che ba yin/ /dpyid dus me tog mgul chad lhung ba shing thog ro ldan 'gyur bar re ba'i ? de 'dza'? yin/ /rdza sob btang snod der chu blugs mi 'dzag yin pas me nang bcug la ti tsha mkhas bar bya/ /khug rta skom yangs nang 'bab pa'i chu ni mi mthung nam mkha' i chang rgyun 'dzed par shes par bya/ /lkugs par sdod pa'i mi des khab len rdo yis lcags phye bsdus bas rgya mtshor zla ba gza' yis gzung/ /dus mdza' i mdud rtser 'bab ba'i tshangs pa'i dngul chu de la gzugs mdzes brten pa'i rgyal po lhag par dga' / /zo chun 'khor los khron pa'i chu rnams gyen du drangs pas mchog gi lo tog smin pa e ma'o/ / zab mo brda'i glu gsang ba'i bdud rtsi zhes bya ba rdzogs sho// //sha ba re dbang phyug gis dam pa la gsungs pa/ dam pa'i zhal snga nas zha ma lo tsA bas gtan la phab ste/ dpal ding ri mkhan pa'i khrod du bsgyur ba'o// // bla ma rnams la phyag 'tshal lo/ /slob dpon klu sgrub kyi zhal nas/ gang gis ma rtogs pa yis rtogs pa'i spyod pa mi bya ste/ /byas na rgyal po'i khrims la dmangs kyis gnod pa byas pa bzhin/ /rtogs pa rnams kyis ma rtogs pa yi spyod pa mi bya ste/ /byas na glang chen dag ni 'dam du byed ba 'dra gsung ngo/ /slob dpon sa ra ha'i zhal nas/ /kye'o grogs dag lhan cig skyes pa ste/ /gzhan nas rnyed min zhal la dris/ /don dam gzhan gyi ngo bo de rtogs na/ /yid ni gar 'ching rlung yang

  181. 91a

    chad pa med gsung ngo/ /slob dpon tog tse pa'i zhal nas/ tha mal shes pa snying gi dbus su sad/ /tshogs drug dag na bde chen rgyun mi 'chad/ /brtags pa thams cad don med g.yeng ba'i rgyu/ /rgom du med pas gnyug ma'i ? la zhag gsung ngo/ /slob dpon sa man ta badzra'i zhal nas/ phyag rgya chen po rang la lhun gyis grub pa ste/ mi bsam mi rig 'bad pa med pa rang gis zhog /chad pa med sngon du nyams myong rang gis rig /rtag par ? 'gyur mngon zhen med par ? du 'jug gsung ngo/ /slob dpon ka na pa'i zhal nas/ shing rta'i 'khor lo gcig dang mi ldan 'gro bar mi nus bzhin/ /sbyin sogs 'bad pa byas kyang bla ma'i man ngag med na dngos grub dam pa med/ /bya rgod rtsal rdzogs 'dab mar bcad pa dag ni mkha' la spyod cing rgyug/ skal bzang rnal 'byor dam pa rnams ni dbang dang byin brlabs dam pa'i 'og tu chud cing bde gsung ngo/ /kampa la'i zhal nas/ zab cing rgya che rgya mtsho nor bus gang ba la/ /klu yi rgyal po rnams kye mnga' mdzod ngo mtshar che/ snang grags thams cad ye nas chos sku yin pa la/ /rtogs dang nyams smyong ldan pas mnga' mdzod ngo mtshar che gsung ngo/ /slob dpon lU yI ba'i zhal nas/ /khyi rgod rab tu mi srun sna la sbrang rtsi byugs na phyogs rnams kun tu za bar byed/ /blo dman skal ba dman pa'i gang zag rnams la dbang dang gdams dag byin pas rang rgyud bsreg /glang chen dpa' la brtan pa'i sna la ras gri bskur bas dgra dpung 'joms/ /skal bzang blo ldan skye med rtogs pa rnams kyis thug phrad dag gi rnam rtog 'joms gsung ngo/ /slob dpon te lo pa'i zhal nas/ ri rab gser gyi ngos la bya gnas pa/ /bya ya rang bzhin bor nas gser du snang/ /mkhas pa gang gis skyes ba med rtogs na/ /dngos po'i rang bzhin por nas bde ba che gsung ngo/ /te lo

  182. 91b

    pa'i zhal nas/ bdag nyid gdod ma nyid nas sangs rgyas yin pa la/ /ma rtogs dbang gis sangs rgyas nyid du ma mthong ngo/ /gnyis med gang gis rtogs pa de ni phyag rgya che/ /rtogs pa'i yul na mthong ba med cing rtogs pa med gsung ngo// slob dpon shes rab bzang po'i zhal nas/ byis pa chung du gsol nas gyad kyi stobs dang ldan pa bzhin/ /blo chung rnams kyang bla ma'i gdam ngag dag gis bde pos theg? pa che/ /rlung mkhris pad kan 'dus pa'i nang rnams sman gyis sel ba ltar/ /nga dang bdag tu 'dzin pa'i nad rnams bla ma'i gdams ngag dag gis skad cig nyid la bsreg gsung ngo/ /slob dpon nA ro pa'i zhal nas/ 'khor los sgyur rgyal dpung gi tshogs rnams kyis/ /gling? rnams kun la dbang sbyar bzhin// lhan cig skyes pa'i ro rnyed pas/ /'khor bdag la dbang sgyur ngo mtshar che gsung ngo/ /slob dpon Dom+bi ba chung pa'i zhal nas/ gser 'gyur rtsi yi nus pa yis/ /lcags rnams gser du 'gyur ba bzhin/ /rin chen dbang gi nus pa yis/ /nyon mongs ye shes gnyis med 'gyur zhes gsung ngo/ /slob dpon dza ba ri pa'i zhal nas/ skye med rtogs kyang nyams myong bral/ /de yang srin mo'i lag tu bu khyer 'dra/ /nyams su myong yang gnas lugs ma rtogs na/ /de yang glang chen lcags kyus phrogs pa 'dra zhes gsung ngo/ /slob dpon ba su d+ha ra'i zhal nas/ gang gis ma rtogs par du ro? 'di 'bras chan dag dang khyad par che/ /de bzhin ma rtogs par du sangs rgyas sems can khyad par btags/ /rtogs pa'i dus na 'khor bdag kyang sangs rgyas che/ /de phyir rtogs dang ma rtogs dag kyang dbye par dka' bas khyad med do zhes gsung ngo/ /slob dpon phyogs kyi glang po'i zhal nas/ bya ba gtong ba man ngag yin/ /zhe 'dod med na rtogs pa yin/ /bsgrub bya med na spyod pa yin/ /

  183. 92a

    smra brjod med na nyams myong yin/ /blang dor med na 'bras bu yin/ gsung ngo/ /slob dpon Dompi he ru ka'i zhal nas/ rtogs pa yid bzhin nor bu la/ /nyams su myong bas mdog phyung la/ /spyod pa'i nus pas dgos 'dod 'byung/ /ro snyoms ldan pa rnams kyis 'grub gsung ngo/ /slob dpon a ba d+hU tI'i zhal nas/ /thabs dang shes rab an+dza la/ /bla ma'i chu bo'i rgyun gyis rab tu brgyal/ /lhan cig skyes pa'i dpag bsam shing dag la/ / 'bras bu lhun grub rang la rdzogs par 'byung gsung ngo/ /slob dpon dA ri ka pa'i zhal nas/ /rang la bde chen yod kyang ma rtogs 'khrul pas bsgribs/ /bde chen gsal bar 'dod na tshogs gnyis bsag par bya/ /tshogs gnyis ma bsags bskal pa brgya ru 'bad byas kyang/ /don med don dang mi ldan bde chen rtogs mi 'gyur zhes gsung ngo/ /slob dpon nag po zhabs kyi zhal nas/ /dus gsum sangs rgyas ngo bo gcig /de yi rang bzhin byang chub sems/ /rtogs par 'dod na ji bzhin zhog /goms par byas na mngon du 'gyur zhes gsung ngo/ /slob dpon gcer bu ltung bzed kyi zhal nas/ bla ma dag las dang por rang gi sems rtogs bya/ /de nas chos rnams kun dang tha dad med byas la/ gnyis med goms phyir dur khrod gnas su 'dug nas ni/ /mnyam par bzhag nas smyon pa'i brtul zhugs dag gis spyad ces gsung ngo/ /slob dpon ro langs bde'i zhal nas/ /rta dang glang po rgya mtsho 'dra na rab tu bde/ /spre'u chu yi ri mo 'dran spro bar 'gyur/ /chu bo nyi ma sman dang 'dra na dbyer mi phyed/ /gcu gcig pud mig dang 'khor lo lta bur 'bras bu thob gsung ngo/ /slob dpon ram pha la'i zhal nas/ sangs rgyas kun gyi sdom pa'i mchog /rang gis rtogs par gnas pas na/ /gnyug ma'i sems kyis rtogs pa gang/ /sangs rgyas tham

  184. 92b

    cad des mthong yin zhes gsung ngo/ /slob dpon ku ku ri pa'i zhal nas/ dbyer med sa la gnas na kun kyang bskal pa bzang/ /rgya mtsho'i gting du phyin na dbul dang bral?/ /ral gri lag tu thogs na longs spyod che/ /phyogs med sa la phyin na gnyen dang phrad ces gsung ngo/ /slob dpon spyod pa mthu stobs can gyi zhal nas/ rnal 'byor rnams la gang snang thams cad gdams pa ste/ /mthong las de yi skye med rtogs pas slob dpon mchog/ byas pa kun gyi skye med rtogs phyir thabs yin te/ /dga' dang mi dga' bral na skyes bu de la gnyis med 'byung zhes gsung ngo/ /slob dpon ku mA ra tri ta'i zhal nas/ gang gis bla ma'i gdams pa la/ /dbang blangs lhan cig skyes pa yi/ /ro yis kun la khyab byas te/ /skye med rgyas 'debs rdo rje 'dzin// byin brlabs shar bas dbyer med rdzogs sangs rgyas zhes gsung ngo/ /slob dpon b+ha ti pa'i zhal nas/ chos rnams kun kyang rang gi sems dang gnyis med sbyor/ /rtogs pa'i nyams myong des don gdams pa'i don bral na/ /nor bu 'ching bu ngag la bde chen min/ /chos de rnams dang ldan na re dogs med par rang sar zhog gsung ngo/ /slob dpon lus med rdo rje'i zhal nas/ sems ma gdungs na bde ba che/ /zhe 'dod med na ro snyoms yin/ /'bad dang bral na bsgom pa'i mchog/ gnyis snang bral na rdzogs sangs rgyas zhes gsung ngo/ /rgyal po in+d+ra bo d+hi'i zhal nas/ dus kyi sna rtse bdag byin brlabs dang ma ldan na/ /phyi dang nang du spyod pa byas kyang sangs mi rgya/ /bde ba rang chas snang ba dag dang khyad par med/ /zhen ba btang bas nyams su myong ba mchog thob 'gyur zhes gsung ngo/ /slob dpon pad+ma badzra'i zhal nas/ gar yang ma bltas dbus su ltos/ /mchog dang bral na dga' ba che/ /sngags rig bsang ba ltos spyod na/ /rnal 'byor rtags kyis bsgyur bar bya zhes gsungs so/ /lta lcam

  185. 93a

    lakshmi ka ra'i zhal nas/ dbang bo blo ldan rtogs pa bskyed/ /gnyis pa nags su sna rtse bsgom/ /nyams su myong ba skyes pa na/ /? pa'i khyad par rtogs par bya/ /zhes gsung ngo/ /slob dpon padmo zhabs kyi zhal nas/ gang gang lhan cig skyes pa de/ /glang po che yi mig bzhin du/ /gzer rim? skyes na zug rdur? 'gyur/ /glod ni zhen med bsam gnyan mchog gsung ngo/ /slob dpon snying po zhabs kyi zhal nas/ chu rgyun gnas pa'i nyams bstan nas/ /spyod pa'i gnas kyis 'gro bar bya/ /bla ma dam pa'i gdams dag gis/ /chags sdang rtog pa zhi bar bya gsung ngo/ /slob dpon rdo rje zhabs kyi zhal nas/ bde'i bde 'o gnas med bde/ /'dod pa med pa'i rang bzhin bde/ /brtags pa thams cad der shes bde/ /bsgrubs pa med pa'i sangs rgyas bde zhes gsung ngo/ /slob dpon dril bu zhabs kyi zhal nas/ ral ra sa d+hU tI gsum/ /bdag byin brlabs phyir bcing bar bya/ /bla ma sems dang snang ba gsum/ /rtogs pa bskyed phyir mkhas pas brten gsung ngo/ /slob dpon mdung can lkug pa'i zhal nas/ dgag bsgrub bral ba'i sku bzhi dbyer mi phyed/ /gza' gtad med ba'i chos rnams rtsa ba gcig /ma yengs pa yi sangs rgyas kun gyi lam/ /phyogs cha med na rnal 'byor kun gyi mchog ces gsung ngo/ /slob dpon ku ti b+hi ra pa'i zhal nas/ sangs rgyas mchod sogs rnams la don mi 'byung/ /'dod dang rtsol ba yod na sangs mi rgya/ /byin brlabs bla ma'i dag gis nyams myong 'phel/ /bla ma'i man dag cha las gzhan gyis min zhes gsung ngo/ /slob dpon mi pham ral pa can gyi zhal nas/ rje btsun dam pa bsten na de nyid 'thob/ /nags tshal mthongs su bsgoms na dben pa 'thob/ /chos rnams sems su rtogs na mi mthun med/ /nam mkha' i 'o ma 'thungs na tshim par 'gyur zhes gsung ngo

  186. 93b

    slob dpon zhi ba'i dbang phyug gi zhal nas/ bde ba stong ba mdza' dang bral rtogs na/ /dpag bsam shing la brten pas nyes bral te/ /mtsho las skyes bus rgyal bas 'gro shes na/ /bram ze pha dang ma las bu skye 'gyur zhes gsung ngo/ /rnal 'byor ma d+harma'i zhal nas/ go cha chen po gon nas kyang/ /nor bu lta bu'i snying stobs kyis/ /rang gi sems la chu btang ste/ /mi ro'i khog par nges zhugs nas/ /skye ba bdun pa'i sha zos na/ /nam mkha' la ni bya bzhin zhes gsung ngo/ /slob dpon mai tri pa'i zhal nas/ /bde dang stong pa dbyer med snying ka pad+ma dag la rdzogs/ /skye med yid la byed pa bsam gyis mi khyab bde ba chen po'i sems/ /snang grags thams cad ro mnyam gsum du rnal 'byor pa yis spyad/ /rjes su bdag gis byin brlabs shar bas dbyer med rdzogs sangs rgyas gsung ngo/ /rnal 'byor ma g+ha g+ha'i zhal nas/ yul la ma blta sems la ? ma blta zhig /zhe 'dod ma byed bya ba ma byed cig /dogs pa ma 'cha nyams pa ma byed par/ /gnyug ma'i shes pa gang dga' nyid du thong zhes gsung ngo/ /sbu su ku'i zhal nas/ bya ba 'khor ba'i sdug bsngal nyid du zad/ /bya ba btang ba'i rnal 'byor sems rtogs byed/ /gang du 'ang mi gnas rtag chad mdza' las 'das/ /bsgom du med pas bsam gyis mi khyab nyid ces gsung ngo// rnal 'byor ma kaM ka ra'i zhal nas/ gnyis med shes pa chu la chu bzhag 'dra/ /rang bzhin ma slad glang po lta bur zhog /nyams myong spre'u gang ltar byung yang rung/ /rtogs pa'i nam mkha' ji ltar khyab par bya zhes gsung ngo/ /dpal o Di ya nar tshogs 'khor byas pa'i dus su/ rnal 'byor pa grub pa thob pa bzhi bcus rdo rje'i mgur bzhengs pa / nyams kyi man ngag /thig le gser gyi phreng ba zhes bya ba rdzogs sho// //*/ /mkha' 'gro ma'i 'byam glu ring mo zhes bya ba gnyis bzhugs so

  187. 94a

    na mo ratna gu ru/ dur khrod chen po'i bsil ba'i tshal du/ mkha' 'gro ma bde ba'i ro zan mas/ dbyings kyi gtso mo rnams la tshogs kyi 'khor lo bskor nas/ rjes la kun tshang 'phra men gyi snod bkang ba drangs te/ rtogs par brjod pa mgur re zhus pas/ dang po la mkha' 'gro ma nyi zla gser gyi thor cog can gyis rtogs pa brjod de mgur bzhengs pa/ kye 'o ma bcos rnal 'byor shes pa la/ /des shes skyes na sangs rgyas yin/ /dkar dmar yul gyi snang ba 'di/ /brda du gon bla ma yin gsung ngo/ /mkha' 'gro ma ral pa'i thor cog can gyis rtogs par brjod pa/ kye 'o gnyis su med na 'ching grol med/ /ngos zung med na sgrib pa med/ /rang bzhin med na chags sdang med/ /bran du med na yongs su med gsung ngo/ /mkha' 'gro ma rlung gi bshog pa can gyis rtogs pa brjod pa/ kye 'o chos rnams gzhi med rmi lam 'dra/ /snang par rkyen skyes gzugs brnyan 'dra/ /rang 'byung rang zhi spu ba 'dra/ /rtsa bral chen po nam mkha' 'dra zhes gsung ngo/ /mkha' 'gro ma nyi zla'i thod phreng can gyis rtogs pa brjod pa/ kye 'o de nyid nyams su myong ba'i skyes bu gang/ /bde chen nam mkha' i khams su mi shong ngo/ /'di la mtshon du 'dug gam khyod kyis smros/ /nga yis ci yang mthong ba med par mthong gsung ngo/ /mkha' 'gro ma la ba'i gos can gyis rtogs pa brjod pa/ /kye'o pad+ma'i ge sar snying gi dbus su sad/ /gsal ba'i me tog 'dam gyi dri ma bral/ /dri dang kha dog ldan pa gang gis rkyen/ /'di la dgags dang sgrubs pa yod dam ci gsung ngo/ /mkha' 'gro ma me kha las rtogs pa brjod pa/ /kye 'o nam mkha' las byung cho 'phrul ni/ /nam mkha' nyid kyi byas pa'i phyir/ /nam mkha' i dang du rang byung ste/ /'di la skyon du ma 'dzin cig gsung ngo/ /mkha' 'gro ma ye shes rdo rjes rtogs pa brjod pa/ /kye 'o bla ma'i drin gyis bde chen mchog rnyed nas/ /thabs gzhan rtan pa rmongs pa shes par bya/ /'di las

  188. 94b

    gud du gyur pa'i bde lam zhig /gzhan nas rnyed par sus kyang nus pa med gsung ngo/ /mkha' 'gro ma ye shes rdo rjes rtogs pa brjod pa/ /kye 'o sna tshogs snang ba'i cho 'phrul 'di/ /dran pa'i gzugs brnyan yin shes shing/ /dran pa rang ngos stong shes na/ / dbyings kyi bde ba btsal mi dgos/ /mkha' 'gro ma srid pa'i rgyal mos rtogs pa brjod pa/ /kye 'o rang rig rgyal po 'di mthong na/ /thams cad thams cad thar pa'i lam/ /rang rig nyid ni ma rtogs na/ /grol ba nam yang yod ma yin gsung ngo/ /mkha' gro ma pad+ma zhabs kyis rtogs pa'i brda brjod pa/ /kye 'o yod med mdza' dang bral pa la/ /gang gis brtags dbyad bya bar nus/ /dran med blo dang bral ba la/ /gang gis bsam zhing bsgom par nus zhes gsung ngo/ /mkha' 'gro ma rgyal ba'i blo gros kyis rtogs pa brjod pa/ / kye 'o stong nyid rig pa'i rtsal dang ldan/ /skye med skye ba'i cho 'phrul ston/ /dgag sgrub med do rang sar grol/ /'di la bya rgyu ngas ma rnyed gsung ngo/ /mkha' 'gro ma seng ge'i gdong pa can gyis rtogs pa brjod pa/ /kye'o yod do byas na ngos bzung med/ /med do byas na sna tshogs 'char/ /yod med mkha' las 'das pa las/ /'di zhes nga yis mtshon mi nus gsung/ /mkha' 'gro ma gzi brjid kyi rgyal mos rtogs pa brjod pa/ /dran du med nam yengs shig /yengs pas 'khor ba rmi lam 'dra/ /rtogs pa skyes bu gnyis sad 'dra/ /ngas ni 'khor ba ma mthong ngo/ /mkha' 'gro ma dpal gyi bzang mos rtogs pa brjod pa/ /kye'o snang srid 'di ni phyag rgya che/ /'dod yon 'di ni dangs pa'i sa/ /gnyug ma'i don la 'du 'bral med/ /bde chen thang la rgyug tu gsol gsung ngo/ / mkha' 'gro ma dpal gyi 'od zer gyis rtogs pa brjod pa/ /kye 'o mnyug ma don gyis gter mdzod na/ /dgos 'dod sems nyid nor bu yod/ /lde mig bla ma dam pa 'dzin/ /rjes su 'jug pa spro lags sam gsung ngo/ /mkha' 'gro ma bzang mos rtogs pa brjod pa//

  189. 95a

    ltos shig rang gi sems la ltos/ /bltas pas ma rnyed rtsa ba stor/ /yal ga ji ltar dgyeS dgyes mdzod/ /nga ni rtogs pa rang grol yid gsung ngo/ /mkha' 'gro ma rdo rje bde mas rtogs pa brjod pa/ /'gre rnams las kyis 'khrul gyur kyang/ /bde ba rang las gzhan med de/ /bskyar de rang gi don de ltos/ /yid ni las las thar bar 'gyur zhes gsung ngo/ /bdag nyid chen po nyi ma'i dbang phyug gis rtogs pa brjod pa/ /nyi ma stong gi gzi brjid kyis/ /snang srid gsal zhing bsreg pa ltar/ /gnyis med ye shes chen po yis/ /chos rnams gsal zhing 'joms par byed gsung ngo/ /mkha' 'gro ma lha dpal gyi ye shes kyis rtogs pa brjod pa/ /kye 'o nga ni mi skye mi 'jig ste/ /'gyur med ye shes rdo rje yin/ /nga las byung ba'i chos rnams kun/ /nga yi ngo bor mnyam du grol gsung ngo/ /mkha' 'gro ma stag gi gdong pa can gyis rtogs pa brjod pa/ /kye 'o mi skye mi 'gag bsam las 'das/ /'di zhes mtshon pa'i tshig dang bral/ /ye grol chen po mchog gi lam/ /bsam du med do rang sar zhog gsung ngo/ /mkha' 'gro ma zhi ba bzang mos rtogs pa brjod pa/ /kye 'o sems kyi de nyid smra ru med/ /gshis kyi de nyid bsam du med/ /chos kyi de nyid ngos bzung med/ /lam gyi de nyid bsgom du med gsung ngo// mkha' 'gro ma g+ha g+ha dpal gyis rtogs pa brjod pa/ /kye 'o bu khyod ci sems de la ltos/ /spros dang bral ba mthong du med/ /bsam du med pa su zhig bsgom/ /'di lam brtsol gzhi la zhog gsung ngo/ /mkha' 'gro ma ye shes dbang phyug gis rtogs pa brjod pa// gang gis de nyid ma mthong na/ /lus ngag dge ba'i las spyad kyang/ /bde chen mchog dang mi phrad de/ /gnas skabs tsam gyis bde bar gsung ngo/ /mkha' 'gro ma bde ba'i rdo rjes rtogs par brjod pa/ /kye 'o gang gis mthong dang thos pa dang/ /dran dang tsher ba'i

  190. 95b

    bye brag kun/ /yid kyi ye shes dangs pa la/ /gzugs brnyan tsam du shar ba las/ /gzhi la ma grub ngo bos stong gsung ngo/ /mkha' 'gro ma lha nyi ma'i rta can gyis rtogs pa brjod pa/ /gang gis ma mthong de mthong na/ /yid ni rang grol ches kyi sku/ /rlung gi rta pho shul du lus/ /sems kyi mi po mkha' la 'gro gsung ngo/ /mkha' 'gro ma pad+ma'i myu gus rtogs pa brjod pa/ /'gro ba yid kyi phreng bas bcings/ /yid bsad phreng thag bcad pa yis/ /dug sbrul mtshon gyis gtses pa bzhin/ /'di yis phan gnod byas pa med gsung ngo/ /mkha' 'gro ma dbyings kyi rgyal mos rtogs pa brjod pa/ /kye 'o nam mkha' yongs su dangs mtshon gyis bsgyur du med/ /rtogs dang ldan pa'i skyes bu las kyis bcing du med/ /gdeng med gyad kyis sbyod pa byed pa 'di/ /seng ge'i lpags pa wa yis gon pa 'dra gsung ngo/ /mkha' 'gro ma zla ba'i gdong can gyis rtogs pa brjod pa/ /kye 'o ye shes chen po mchog gi lam/ /ma bgrod de bzhin nyid kyis/ /ma bsgrubs lhun gyis grub pa'i don/ /e ma rnal 'byor skal bar bzang gsung ngo/ /mkha' 'gro ma 'bad ma glog gi phred ba can gyis rtogs pa brjod pa/ /ltas kyis ma mthong nga'i? mig /bsam gyis ma dran nga yi sems/ /smras kyis ma brjod nga yi lce/ /'bgrod kyang ma phyin nga'i lam gsung ngo/ /mkha' 'gro ma shel gyi thor tshugs can gyi mngon par rtogs pa/ /mi sgom rnal ma'i shes pa la/ /dran pas bzung dang ma bzung med/ /mi spyod sgo gsum lhug pa la/ /ched dang dgag dang sgrub pa med gsung ngo/ /mkha' 'gro ma nyi ma'i rgyal ma so rtogs pa brjod pa/ /kye 'o rang byung bde chen ye shes 'di/ /ma rtogs smra bar mi nus te/ /rtogs nas brjod du ga la yod/ /myong ba smrar med lkug pa'i kha gsung ngo/ /mkha' 'gro ma seng ge'i mdangs can gyis rtogs pa brjod pa/ /kho la ma blta nga la ltos/ /da ni ye shes chen po yin/ /kho na nga? yi sprul pa yin/ /gnyis med ye shes blo

  191. 96a

    las 'das gsung ngo/ /mkha' 'gro ma khrag gi gdong pa can gyis rtogs par brjod pa/ /kye 'o dran dang ma dran so mtshams su/ /yid kyi shes pa bsam las 'dis/ /bla ma'i zhal las shes par gyis/ /gzhan gyis rtogs par 'gyur ma yin gsung ngo/ /mkha' 'gro ma dpal gyi sgron mes rtogs pa brjod pa/ /kye 'o gang phyir yid kyi ye shes 'dis/ /khyod kyis bltas pas ji ltar mthong/ /brtags pas rtogs par mi 'gyur te/ /mi rtsal de bzhin nyid du bzhag gsung ngo// mkha' 'gro ma snang gsal gyi rgyal mos rtogs par brjod pa/ /'gro ba las kyis 'jur bus bcings/ /bram ze skud pa 'khal pa bzhin/ /yid kyis 'jur bu glod par bya/ /las la grol na 'ching ba med gsung ngo/ /ye shes kyi mkha' 'gro ma sum cu rtsa lnga'i rtogs par brjod pa/ /mkha' 'gro ma'i gsang mdzod na gnas pa las/ dbyings kyis bka' bgros nas/ rje dam pa rgya gar la snang ba'o/ /zha ma lo tsA bas bsgyur ba'o/ /rdzogs sho// //rgya gar skad du/ DA ki ni ta la gI ti na nA ma/ bod skad du/ mkha' 'gro ma'i 'jam glu zhes bya ba/ bcom ldan 'das bdag med ma la phyag 'tshal lo/ /u rgyan gyi gnas mkha' 'gro ma'i gling/ /dur khrod chen po rgyu skar dpal gyi rol par/ mkha' 'gro ma su ka ma hA sid+d+his tshogs 'khor mdzad pa'i dus su/ /rnal 'byor pa ka ma la sh+ris/ rang gi de kho na nyid kyi ye shes gnyug ma'i don de rtogs shing khor du chung pa la gdengs thob cing /nyams kyi rtsal phyogs med du shar ba'i stobs kyis/ /gnyis med kyi ye shes/ chen po de/ /mtshon tshig gi rta la bskyon te / tshogs kyi thal du mgur bzhengs pa las/ ye shes dang las grub pa'i mkha' 'gro ma rnams dgyes te/ mdun gyi nam mkha' la sprin gyi phung po bzhin gtibs nas/ rnal 'byor pa la snying gtam gsang

  192. 96b

    chib? tu sbran te/ mgur bzhengs pa / kye 'o stobs ldan rigs kyi bu/ /yang dag don grub rdo rje'i rtsal/ /sbyangs pa'i las sad skal ba can/ /yon tan dbang phyug gter gyi bdag /dngos grub gnyis kyis brgyan pa'i lus/ /mi yi khyu mchog chogs kyi rje/ /khyod rgyu'i chos nyid rkyen gyis gsol/ /sbyangs pa'i las 'phro dum bur 'thung/ /yon tan yid bzhin nor bu brnyes/ /'od gsal chen po'i mdongs la gnas/ /sgyu ma tsam du 'gro don mdzad/ /dpe med nam mkha' i rnal 'byor pa// khyod la bskul ba mi 'tshal gyis/ /'on kyang ded kyi glu la nyon/ /spyir skye 'gro'i sems can las kyis 'khrul/ /sdug bsngal gyi gnas na longs spyod byed/ /'di ma bzod brtsebs sha la bab/ /nga khyod kyi thugs rjes mi dgongs na/ /'gro drug gi ba ma ji ltar byed/ /khyod phan sems bskyed cig rnal 'byor pa/ /lar rig pa'i khye chung yengs la dga' / /'khrul pa'i snang ba bltad mo che/ /gzung 'dzin rkun mo mgo lo rgod/ /yid gnyis kyi shes pa tsam tsam mang/ /gnyen po'i mel tse snying rus chung/ /shes bzhin gyi dran pa sgo cha lhod/ /sems nyid kyi nor bu 'chong nyen yod/ /khyod yul la ma yengs rnal 'byor pa/ /gzhi 'gyur med nam mkha' i btsun mo la/ /nyon mongs dug lnga'i khong sran zhugs/ /gzung 'dzin gyi 'god po spun dgu gnod/ /bzang ngan rkyen rtog gi 'khrul phyir 'breng/ /chags sdang gi spyod lam ma legs pas/ /gzung 'dzin gyi nad ro gting nas ldang/ /rang lus kyi bde ba stor nas 'dug /'khrul pa'i sems can snying re rje/ /khyod 'gro don gyis shig rnal 'byor pa/ /lar yid kyi ye shes co lu chung/ /sgo lnga'i rdzun la nyan nyan nas/ /rigs drug g.yang la skyur nyen gda' / /khyod gnyis 'dzin shig cig rnal 'byor ba/ /'gyu byed kyi dran rtog blo rgod po/ /kun gzhi dbyings kyi pho brang du/ /

  193. 97a

    ma bcos car nyal mi byed par/ /'dod yon sgyu ma'i slu brid la/ /jug lnga'i grogs dang 'grogs nas rtse/ /yul chags sdang gnyis la yengs pa yis/ /ngan 'gro yi g.yang du ltung nyen yod/ /dbang po sgo lnga'i sgo sdoms la/ /yid kyi khye chung btson du zung/ /bde gsal stong pa'i mal du bsnyol?/ /khyed yengs su 'gro'o rnal 'byor pa/ /skye rga na 'chi chu bo la/ /rkyal med kyi blun po rtse la dga' / /dal 'byor gyi gru bo yod bzhin du/ /rje bla ma'i mnyan pa mi bsten par/ las mi dge'i rba la stom rtsol byed/ /sdug bsngal gyi rbal gnyen pos byol/ /zhen chags kyi 'dam la ma lus par/ /thar pa'i skam sar ci snyogs gyis/ /khyod zhen 'dod thod cig rnal 'byor pa/ /'dod pa dug gi sdong po la/ /spang blang gnyis kyi yal ga gyis/ /zhen pa'i lo mdab? phyogs bcur rgyas/ /rtsol sgrub kyi me tog mkha' la 'phur/ /sdug bsngal gyi 'bras bu thur la brul/ /snying med kyi spre'u bsgrubs kyi za/ /'khor ba'i nags su 'chi nyen yod /sna tshogs zhen med kyi skyes bu yis/ gdang 'gyur ba med pa'i mtshon thogs te/ /'dod pa'i sdong po rmad? nas bsgyel/ /dug lnga'i 'bras bu sngo bskams khyer/ /dug 'chi byed kyi nus pa zad par gyis/ /khyod zhe 'dod spongs shig rnal 'byor pa/ /ri dags dgra yis phung ba de/ / snyan grags tshang du bsgrubs pas lan/ /stod smad brag ca lta bu la/ /phyogs 'dzin ma byed rnal 'byor pa/ /glang chen lcags skyus zin pa de/ /rgun chang ro la chags bas lan/ /'dod yon lan tshwa'i chu rgod la/ /zhen pa ma che rnal 'byor pa/ /rma bya gung nas shi ba de/ /sbu thog rgyan du mthong bas lan/ /'byung bzhi mi gtsang phung po la/ /rang mthong ma che rnal 'byor pa/ /sbrang ma 'dam du chud pa de/ /bsung can dri la chags pas lan/ /nye du gnas skabs 'brel pa las/ /brtse gdung ma

  194. 97b

    byed rnal 'byor pa/ /phye leb me yis tshig pa de/ /zhun mar mdangs la chags pas lan/ /sgyu ma lta bu'i yul snang la/ /der 'dzin ma byed rnal 'byor pa/ /mdab chags snyil zin pa de/ /'dod yon zas phyir 'brangs pas lan/ /zhen pa lcags kyu'i kha zas la/ /ltogs 'dod ma byed rnal 'byor pa/ /kun gzhi dag pa'i me long la/ /tshogs drug rig pa'i phyi bdar byas/ /yul drug gsal ba'i gzugs brnyan shar/ /ma rtogs byis pas dngos por gzung/ /chags sdang gnyis kyi bde sdug myong/ /kun gzhi ma bcos chos kyi dbyings/ /tshogs drug ma 'gags der 'dzin med/ /yul drug gsal la ngo bos stong/ /dngos 'dzin byis pa ga chad du/ /mkhas pa rang snang deng 'dzin bral/ /khyod der 'dzin shig cig rnal 'byor pa/ gzhi ngos zung med pa'i nam mkha' la/ /nyon mongs dug lnga'i lho sprin 'thibs/ /bdag tu 'dzin pa'i 'brug sgra bsgrags/ /sna tshogs las kyi char rgyun phab/ /zhen chags 'khor ba'i mdam? rdzab g.yos/ /'gro drug sdug bsngal gyi rtsi thog rgyas/ /lhag mthong rig pa'i nyi ma yis/ /dbyings kyi nyi ma gsal btab ste/ /mnyam rjes dran pa'i kyi ser gyis /dran rtog gi lho sprin dbyings su bdas/ /bdag 'dzin gyi 'brug sgra rang sar yal/ /las kyi char rgyun rtsa ba bral/ /zhen 'dzin gyi 'dam rdzab nyi mas bskams/ /rigs drug gis sa bon skam la yar/ /sdug bsngal gyi lo tog sngo bskams khyed/ /khyed the tshom ma byed rnal 'byor pa/ /mtshan ldan gyi rgyal bu blon pos rkus/ /bshes med kyi yul du sbrang dring 'khyams/ /lhang dang h+ral h+ral gyi 'tsho ba brten// rang gzhan gnyis kas ngo ma shes/ /mtshan mkhan gyi bram zis rigs brgyud rtogs/ /blo gros blon po'i bu la dris/ /gnas lugs rig pa'i rje la gtad/ /tshogs gnyis dag pa'i khru nas bton/ /gdams pa yid bzhin nor bus brgyan/ /

  195. 98a

    rtogs pa rin chen gyi khri la bzhag /dus gsum sangs rgyas kyi rgyal sa bzung/ /khyod bla ma brten cig rnal 'byor pa/ /rten med yid kyi ri dags de/ /las dbang par do'i thang la 'khyams/ /zhen chags smig rgyu'i chul gdungs ris drug 'khor ba'i mdza' la shi/ ri klungs sha khrag rjes kyis bkang/ /brten med kyi rig pa mkha' la chings/ /tshogs drug gi rkyen kha ma 'dri ma bar/ /'od gsal chen po'i thang la rgyug /'dod yon smig rgyu'i chu bo la/ /der 'dzin gyi zhen ba ma byed par/ /zhen 'dod kyi gdung ba nang du chod/ /rigS drug gi rkyen kha ma 'grim par/ /mnyam med chen po'i dbyings su nyol/ /yid bsam du med pa'i gnyug ma la/ /dran pa yengs med kyi mda' mkhan gyis/ /ma bcos gnyug ma'i ngo bor bsrad// re dogs gnyis kyi mgo rtsa bregs/ /dga' bzhi'i dbyas su dril nas kyang/ /lhan cig skyes pa'i mde 'u bcug /thabs shes rab gnyis kyi ltong gtod de/ /skad cig bzhi yi sgro bskyon nas/ /bdag tu 'dzin pa'i phyogs su 'phangs/ /gti mug phag rgod snying la gzer/ /gzung 'dzin gnyis kyi srog rtsa bcad/ /'khor ba'i gnas su nga? mi rgyug /khyod btsan sa zung cig rnal 'byor pa/ /yul rang snang zhen med du shar ba'i tshe/ /'dod yon lam gyi gros su 'gro/ pad+ma'i kha dog 'dam na gsal/ /nyams rig gang dgang skyongs shig rnal 'byor pa/ /chos bden med khong du chud pa'i tshe/ /srog rtsol zung 'jug chen po'i yin/ /glang po'i gser sgrog glod na bde/ /'bad rtsol zhog cig rnal 'byor pa/ /mnyam nyid rig pa'i rta pho de/ /gzung 'dzin gyi sgrog tu ma chud par/ /bdag gzhan du 'dzin pa'i srab kha glod/ /phyogs med kyi thang la gang bder rgyugs/ /nyams shugs byung du rdol ba'i smyon pa de/ /gnyen pos lcags su ma gzhug par/ /tshul 'chos kyi khyim nas sgor phyung la/ /gar bde'i gnas su yan du chug /

  196. 98b

    rtogs pa nam mkha' i khyud chen de/ /grub mdza' i gzan la ma chags shing/ /'khrul pa'i g.yang la ma bred par/ /phyogs med kyi mdza' la lding? du chug /'bras bu yid bzhin nor bu de/ /de dgos kyi dri ma ma chags shing/ /yid smon gyi gling la ma lus par// dgos 'dod kyi gsol ba re ma la thob/ /'gyur med kyi btsan sa zin nas kyang/ /thugs rje'i 'od zer phyogs med gyis/ /'gro drug gi pha ma byed pa ru/ /sngon dam bcas go cha gon pa de/ /da dus la bab po sa mA yA/ /zhes gsungs te/ bskul ba chen po'i sgras/ /bskal pa'i 'brug bzhin du bsgrags te/ /nam gyi mdza' dang mnyam du mi snang bar dngos so/ /mkha' 'gro ma'i 'byam glu ring mo zhes bya ba rdzogs sho// //khyad par gyi brgyud pa brgyad las/ /don skor rnam pa bzhi 'byam glu dang bcas pa'o/ /'di bris dge ba'i rtsa ba yis /rnam mkhyen go 'phang thob par shog/ / */ /phyag rgya chen po rin po che dbang gi 'khor lo zhes bya ba dur khrod rgyu skad dpal gyi rol pas bstan pa bzhugs so// // rgya gar skad du /mahA mu drA ratna gI ta tsakra nA ma/ bod skad du/ phyag rgya chen po rin po che dbang gi 'khor lo zhes bya ba/ bcom ldan 'das bdag med ma la phyag 'tshal lo/ /gser la ra med dka' 'ji'i rdol rtogs par 'gyur/ /'dra men? rnams ni tshong 'dus dag tu rgyug par 'gyur/ /gser zol skor zhing 'khor nas gnas po'i lag tu 'babs pa yin/ /'phra men ma ni ma bsten 'gyur te rten 'brel thams cad su yis bsgrigs/ /ded dpon mkhas pa grong dang gling phran tshong spangs rin chen gling nas nor bu len/ /phyi bdar byas tsha rgyal mtshan rtse la mchod pas dgos 'dod 'byung/ /rin chen gsum ngo shes pa'i ded dpon 'dzam bu'i gling na dkon/ /srang la zhal che bcol bas che chung med par gcod de brtsod dang bral/ /'gron po lam

  197. 99a

    zhugs par gyi grong dang grong khyer mi sul bgod nas don 'grub pa/ /gi ling rta pho mgyogs kyang lcag gis brabs na de bas mgyogs par 'gyur/ /ltas ngan chen po byed pa'i mi de su yi rigs brgyud yin/ /dmigs med tshogs sogs byed pa rgya mtsho chen po mkhas/ /bya yi tshogs la mda''phangs gang la phog pa de dag 'gum/ /ri mtsho tsan dan gsum gyis bya glang sprul gsum skyabs 'og bcug pa shes lags sam/ /ras yug dkar por tshur nas bton nas tshos ma'i lag tu btang bas gang 'dod 'byung/ /mdzub bsgreng srin 'theb mdzub 'theb nang du 'dzub mo bcug cing mkha' la bsgreng ba'i don ldan brdar shes bar chad med/ /bung ba khri snyan phyi ba gsum gyis shes rab gsum li? sbyor ba ngo mtshar che/ / 'du ba gso byed sman pa'i rgyal po mnyes pa yis/ /rin chen bdun sbyor po gtsug bshad btang nas na?/ /sha rus khrag sogs smin cing lus kyi 'byung ba rtas par byed/ /tshangs pa chen po'i gsung dbyangs khyod kyis snyan par gyis/ /seng ge'i 'o ma btsun mos bzhos pa'i bcud mchog ngo mtshar can/ /'di ni gang gis 'thungs dang lce la reg pa tsam gyis ni/ /rtsa gral rlung zin thig le gros pa'i nus mthu 'byung/ /u ma de pa len pa'i glu de mchog tu mnyan pa yin pas gson/ /snang pa thob nas dben ba'i sa phyogs der ni rang gi gnas btsal la/ /rgyan gyis sgras shing mdzes ldan bdag med yum gyi zhabs la 'dud/ /gtan gyi bde ba blangs pa nam mkha' rdo rje grong du gzhug /srid pa'i rgyal mo len pa'i glu la yid gtang bya bar rigs/ /rang 'byung shel gyi mchod rten skyon bral yengs? dag pa la/ /snang srid gsal byed 'phrul gyi me long phyis te blta bar bya/ /mo gsham bu yis bden pa mthong ba'i don de gang yin khyod kyis smos/ /khyab 'jug chen po rang gis blangs pa'i blu pa yid brtan byed/ /? khang dag na dri mas dri

  198. 99b

    ma ma lus dag par byed/ /med bzhin snang ba mkha' la bris pa'i 'ja' ltar gzugs sku rnam gnyis gang zhig yon/ /sbrang rgor zos? pa'i rtsa la byan brlabs rgyas par byed/ /skyug nad can dang rma dkris gnyis la chags pa'i zhen pa cang g+ga''am/ /dri dang sgog pa dbyer ma phyed par snang ba gzugs brnyan 'di 'dra rtogs lags sam/ /chu zla bzhin du snang la rang bzhin med pa mig gi rnam shes nyams su myong bas gzigs/ /'byung ba 'khrugs pa'i nad la sman pa rnams kyis drod tshad 'dzin/ /bshal rjes mi bsrung rtag tu bsrung ba ma lags sam/ /gnam lcags sa la babs na gang la babs pa'i yul de 'jig par byed/ /mkha' la 'brug gi sgra? bsgrags dbyar dbun shan 'dad de yis phyed par 'gyur/ /sprul pa'i dge slong mkhas pa 'gro 'chag nyal du ston kyang skyo dub med/ /gser gyi ril brten pa'i bya? yang de yi mdog tu 'gyur/ /snang? yang de gzhin skyid pa'i sgyu ma mkhan dang rtag tu 'grogs/ /zhing po'i lo rtog rten 'brel rab tu 'dzom pas 'bras bu ston rnams sdud/ /mchod sdong nyi zla nor bus rtog pa med bzhin 'gro ba'i don la brtson/ /so btang? bum par chu bskyed mi 'chag snod kyi bya ba byed/ /ka la bi ka'i sgra bzhin tshangs pa'i gsung gis bag chags sgrib pa 'dag? /rlung gi ta la dun pa'i srab kyis mkha' la btags la dbul mo'i khyim du gzhug /lo zla 'das pa'i ma bu phrad bzhin des pa'i shes pa skye/ /nya dang chu las 'byung ba gos su gon pas zhen pa cang gda' 'am/ /me long shel bzhin khong ras gsal stong byas pa med pa lta pa mchog /dangs ma'i chu la bzhin gyi dkyil 'khor gsal dangs phyed par snang/ /'gron po lam zhugs nye ring med par phyin nas 'dod pa'i mi dang phrad/ /rgyal po'i khrims la 'bangs kyis dam tshig ces par bsrungs pa legs/ /rma bya'i zas su btsan dug zos pas stobs su 'gyur ba ngo mtshar che/ /rin chen

  199. 100a

    gser de sa la gnas kyang 'od zer mkha' la 'char/ /bag ma bung ba seng ge smyon pa bzhi po spyod pa 'dzol/ /rlung dang yi ge rnam shes gsum po 'grogs la tshangs pa'i mthong lam snyogs/ /sa 'gus mchod spod btsugs pa'i sa der klu yi 'jigs pa mi bdog go /rin po che la rtogs med kyang gsol ba btab na dgos 'dod 'byung/ /mkha' la sprin tshogs 'dus nas char gyis 'gro don mdzad/ /rgyal gu rgyal sar bzhag nas 'bangs rnams kun gyis khur bar byed/ /mkha' la nyi ma shar ba'i mun pa'i tshogs la gdang ? med mod kyis/ /nyi zla ngos bzung chu bo gyen la zlog pa grangs pas gangs dkar rtse nas zhu ba ngo mtshar che/ /ma gad+ha? ru rdo rje'i gdan du bsdang pa'i rgyal ba sprul pa'i ? de su yin lo/ /drang srong rnams ni kham gyis zas lam brten bsam gtan thun gyis 'tsho/ /rdo rje gdan la dbang po bstan pas nam mkha' i bsgrub bya med par rtogs/ /myong zhing smra ma nus pa'i bcu drug lon pa'i bde ba su la bslangs/ /mkha' la shar ba'i rgyu skad rnams kyis nam zla dus bzhi'i drod chad 'dzin/ /bzhin gyi dri ma sel ba'i me long 'di la sgeg mos gces par 'dzin/ /rgyal po'i khang bzang dag na btsun mo 'dod yon rtag tu spyod byang de la zhen po med/ /gang gis 'joms par mi nus pha lam rdzas kyi rdo rje yin/ /drang srong rnams kyis tshe yi rig 'dzin grub pa gang gi stobs las byung/ /brtsog pa'i chos zang snying po por nas rin chen snod mdzes tshol ba thabs la mkhas/ /rdo yi skyes bu srin me'i gling la nyam dmig? gang mi rtog /nam mkha' i mdzod la longs spyod nus na dbul pa'i sdug bsngal bral/ /dmyal ba la sogs rigs drug dag la bde gshegs sku gdung 'brul/ /dug la sngags kyis thebs pas 'du ba'i nad rnams thams cad 'joms/ /mkha' la nyi ma shar ba skor ma la sogs

  200. 100b

    snang gzhan zil gyis mnan pas nam mkha' i dkyil ltar mthong/ /ka ra na bcings chu yi 'gro 'ong chad nas gzhon nu me long blta zhing nam mkha' i dkyil ? 'dug /rab rib mig ser sol bas dung la ser por mthong ba'i 'khrul pa dus der zhig /gshed mas khrid pa'i mi de ? nas dpa' 'dzangs de yi lag tu cang 'gro 'am/ /nam mkha' dag pa'i 'khor ba mya ngan 'das pa'i gzugs su bris pa gang na med/ /nam zhig mu ge'i dus su bu sha zos kyang de la chags pa cang skye 'am/ /bla ma'i dus thabs brten pas yin min rten 'brel thams cad rtogs/ /rdo yi mi la sdom pa dam tshig phog kyang bsrung dang nyams pa'i rig byed med/ /rtog bral ro de gang la mi 'jigs nus mthu su yis byin pa yin/ /dangs pa'i mkha' la gza' dang rgyu skar byung shes drang srong mkhas pa yin// ri dags drang srong lta bu gcig pur 'dug pa'i mi nges bden pa myur du thob/ /'byung ba gyes bas dngul chu mkha' la 'phur bar gang nas 'ongs/ /rnyog ma'i dri ma can gyi chu la nor bu bcug pa'i stobs kyis dangs par 'gyur/ /bde gshegs bems po ltar snang sman dang sman chu stegs dang zab pa de mchod kyis/ /rtog med 'byung bas 'gro drug 'dod pa dus su bskod pa ngo mtshar che/ /rin chen gling du phyin nas sa rngo btsal med ci snyed thams cad rin po che/ /mkha' la sprin gyis 'khrigs na nyi ma'i 'od zer snang ba min/ /gang gdugs lam de gsal na chu de 'dod pa'i gnas su 'gro /kha brag lam na 'dug pa'i mi de grogs kyi rkyen gyis gar 'gro'i cha yang med/ /nor bu rin chen len pa'i tshong pa sgugs la de dang sbrag /rdo yi mi la rmi lam ci zhig dris kyang lan de 'ong des med/ /na tsha sdug bsngal che dus rtsa ba de rang yin te thabs gzhan med/ /snang ba'i gzugs rnams bsdigs su byung yang de nyid snying rje'i yul te logs na med/ /gshog gnyis rgyas pa'i rnal des nam mkha' gar byas rkyen gnyis dbang du bsdus/

  201. 101a

    gangs dkar rtsel nyam pa med pa'i seng ge rtsal gsum rdzogs/ /sgo gnyis khyim spangs bsam gtan thun gyi zla brten nam mkha' mdzod du byas/ /lce dang 'theb mo gnyis ka brags la seng ge bu dang sbrag /nam zhig 'brug la zhon nas 'jig rten gsal bar byed/ /lam tshwa'i rgya mtshor chu rnams ro gcig tha dad med/ /rgya mtsho dangs pa'i nang na gza' skar gzugs brnyan snang ba su yis bzhag /byang lta'i phug pas nyi ma ma mthong gang gis lan/ /dgos 'dod 'byung ba'i nor bu'i nus pa su la blangs zhes gsungs so/ /mchog gi brgyud pa las byung ba zab mo'i don to/ /bcom ldan 'das bdag med ma'i brda/ /rin po che dbang gi 'khor lo gsal ba zhes bya ba/ /dur khrod rgyu skar dpal gyi rol par gsungS pa rdzogs sho/ /dbang gtso bor bstan pa'o/ /rnal 'byor pa thams cad kyi de kho na nyid snang ba zhes bya ba grub pa rnams kyi rdo rje'i glu bzhugs so/ /rgya gar skad du/ yo ga sarbatat+tA?/ u mu tri A lo ka nA ma bi ka la badzra bI? ta/ bod skad du/ rnal 'byor pa thams cad kyi de kho na nyid snang ba zhes bya ba grub pa rnams kyi rdo rje'i mgur/ /bla ma dam pa rnams la phyag 'tshal lo/ /rgyu sems can las 'bras bu sangs rgyas thob par byed pa'i lam tshogs gnyis las phyir gyur pa med la/ bsod nams tshogs kyi mthar thug ni chos kyi 'khor lo'o/ /de bskor pa'i gnas ni skye bos bgrod ba'i dka' pa'i sa phyogs /'byung bo ro langs rgyu ba'i srang/ 'jig rten gyi mi ma yin rgyu ba'i sa/ mthong ba tsam gyis bdud pa/ sdu ldang zhing srin po kyi g.ya' ba las kyi mkha' 'gro ma'i gnas/ dur khrod chen po brgyad du rtogs pa mthar phyin pa'i rnal 'byor pa rnams dang /chos nyid skye ba med pa la blo 'byongs pa'i rnal 'byor pa rnams rab tu tshogs nas/ rang rang gi rgyad? la don dam

  202. 101b

    pa'i bden pa 'jug pa'i yul nges pa'i shes pa gang la skyes pa dang/ gnyug ma don gyi lhan cig skyes pa rang la gnas pa'i ye shes do gang la sprad pa dang/ rtogs pa gang gi sgo nas shar ba de tshogs kyi mchod ba byin gyis brlob pa la nyams myong gi mgur bzhes pa/ gnas de dang de na gnas pa'i mkha' 'gro ma su ka ta bskal pa bzang mo la sogs pa rnams kyis/ mi bsnyel ba'i gzungs kyis phyi rabs kyi don du yi ge ris su dkar shog la btab pa 'di rnams so/ /dka' thub mthar phyin pa lU yI pa'i zhal snga nas/ tshe 'di'i che thabs 'khor ba'i rgyu/ /bya ba ma mang thar lam 'gag /'dod pa'i blo bral bya ba'i yul/ /sa phyogs de na byang chub nye/ zhes gsungs ngo/ /bde ba'i mdangs ldan ma/ /sh+rI su ka'o zhal snga nas/ 'jig rten bya ba bdud kyi yul/ /tshe 'di'i blo log 'phags pa'i lam/ 'dod pa'i dug sprul gtsos pa yis/ /rjes ni sdug bsngal nyid du 'gyur zhes so/ /nor bu gling pa la li ta badzra'i zhal snga nas/ ting 'dzin shes rab dri ma sel/ /rang rig ye shes 'od gsal sku/ / bde pa thob byed dbang gi lam/ /mngon du gyur tshe rtog pa grol zhes gsung ngo/ /'dod chags lam du slar pa mo tsan+d+ra bi ma la'i zhal snga nas/ shes rab rno par ting 'dzin gyis/ /ma mthong 'khor ba'i sgrog mi chod/ /rin chen dbang gi nus pa yis// zag pa bde chen nyid du 'gyur zhes gsung ngo/ /nus pa'i mthar thug birya pa'i zhal snga nas / 'dam bral pad+ma skam pa bzhin/ /dug lnga med na ye shes 'gag /'dod yon lam khyer s lam 'dums/ /spangs nas grol 'dod dman pa'i lam zhes gsung ngo /zang zing gi sbyin bdag mo ru ru su ka'i zhal snga nas/ drang srong shes rab mig can gyis/ /nad gzhi lus kyi zungs su bsgyur/ /de bzhin thabs dang ldan pa yis/ /dug lngas ye shes bskyed par byed/ /ces gsung ngo/ /'gro ba'i mgon po

  203. 102a

    klu sgrub kyi zhal snga nas/ /rmi lam rang bzhin med pa bzhin/ /chos rnams rang gi ngo bos stong/ /'khor ba dang ni mya ngan 'das/ /don la grub pa ma yin no zhes gsung ngo/ /so sor rtog pa'i ye shes thugs su chud pa'i dz+nyA na d+ha ra'i zhal snga nas/ ngo bos stong pa snang ba'i mtshang/ /gang la rang bzhin med pa yi/ /brjod du med pa'i bdag nyid/ /zung 'jug ma mthong grol mi nus zhes gsungs ngo/ /rnal 'byor gyi dbang phyug sa ra ha'i? zhal snga nas/ snga nas ma dran rdo rje'i gdan/ / smra bar ma nus yid 'pham sa/ /'od gsal 'gro 'ong med pa'i bdag /gnyis snang grol ba phyag rgya che zhes gsung ngo/ /rdo rje bzlas pa'i rnal 'byor ma a nu ki ra'i zhal snga nas/ dangs ma snang stong rkyen dang bral/ /tsho bas drug yul du ma bcad pa'i// 'gro 'ang med pa gnyug ma'i dang/ /dran brjed mtshams su sems ngal sos zhes gsung ngo/ /ri khrod dbang phyug sa ra ha'i zhal snga nas/ 'khrul pa rkyen snang glo bur ba/ /dus gsum skye 'jig gis stong pa/ /gzhi lam grub do mtshar yul/ /de mthong ba ni grol ba'i yul zhes gsung ngo/ /skyabs kyi sbyin bdag mo su ka b+ha 'u yi zhal snga nas/ /dran rig rnam par rtog pa ni/ /ma rig pa yi stobs las 'byung/ /sna tshogs med shar ngo bos stong/ /rtsa bral nam mkha' i rjes thob can zhes gsung ngo// mi las 'das pa Arya de ba'i zhal snga nas/ /'od gsal gdod nas dag ba'i dang/ /mdza' bzhi las ni rnam grol ba'i/ /rang gnas rtsa ba 'dus ma byas/ /spros bral 'di ni gzigs mor che zhes gsung ngo/ /dran pa cig pa'i rnal 'byor ma b+ha su ri ka'i zhal snga nas/ kun la khyab pa 'od gsal dang/ /'gro 'od med pa'i bdag nyid can/ /spros bral dus rnams thams cad pa/ /chos sku 'gro ba mi 'dor ro zhes gsung ngo/ /smra ba'i seng ge ka la a le ba'i zhal snga nas/ grub mdza' i lta ba ming du

  204. 102b

    brjod/ /ming rnams rnam par rtog pa ste/ /de nyid stong pa chos kyi sku/ /ming las grol ba phyag rgya che zhes gsung ngo/ /rtse gcig gis rnal 'byor ma ka ri d+ha ri ma'i zhal snga nas/ /bde gshegs btsun mo ming med ma/ /nam mkha' i 'o ma rab 'thungs nas/ / smra bsam blo yi yul las 'das/ /gnyis snang za zhing nam mkha' 'jo/ /de mthor bas ni grol bar 'gyur zhes gsung ngo/ /blo gros mi zad pa shAta de ba'i zhal snga nas/ /tshe 'di'i blo log thar pa'i lam/ /snang phyir ma 'brer 'khrul ba grol/ / dus gsum chag chog gnad kyi mtshang/ /dri med rang snang phyag rgya che zhes gsung ngo/ /chos kyi sbyin bdag mo a nu ta ri'i zhal snga nas/ go cha 'jig rten pa yi sgrong/ /ma grol 'phags lam zin mi 'gyur/ /de srid bde ba dang mi 'phrad/ /rang snang dag tshe zhing khams 'char zhes gsung ngo/ /brtul zhugs thar phyin Dom+bi? pa'i zhal snga nas/ /dmigs pas ched du ma gzung ba'i/ /shes pa yul las ma 'phros pa/ /bde gsal mi rtog dri ma med/ /dangs ma yid 'bral phyag rgya che zhes gsung ngo/ /'dod pa la blo log pa rnal 'byor ma dz+nyA na bi ma la'i zhal snga nas/ /sgom blo'i 'dun pa dri ma ste/ /rig pa so la bzhag pa yi/ /ma byas shes pa skyon las grol/ /'dzin rtog dmigs pa'i steng du ni/ /spros bral 'char bar mi 'gyur zhes gsung ngo/ /shes rab spyan ldan ka ma la'i zhal snga nas/ /dngos don rang rig ye shes kyi/ /lhan cig skyes pa'i nyams myong ni/ /tshig gi spyod yul ma yin te/ /brda yis mtshan pa seng ge'i gsung ngo/ /bdag med kyi sgra sgrogs? sam? pad+ma d+ha nu'i zhal snga nas/ gnyug ma ngo bo nyid kyis gshis/ / blo yi yul na gnas pa min/ /mtshon du long la ngos bzung bral/ /yang dag bla ma'i brda las rig ces gsung ngo/ /'khrul pa'i sgrog khrol ba b+hin pa'i zhal snga nas/ ji ltar chu zla'i dkyil 'khor bzhin/ /snang ba'i rang mtshang ngo bos stong/ /dngos por 'dzin

  205. 103a

    pa 'khrul pa ste/ /der 'dzin grol bas phyag rgya che zhes gsung ngo/ /sdom pa'i tshul khrims can me kha la'i zhal snga nas/ ji ltar dri za'i grong khyer bzhin/ /chos rnams rang bzhin rtags na dben/ /bden zad rdzun zad yi ge zad/ /tshig gi lam chang blo las 'das zhes gsungs ngo/ /sbas pa'i rnal 'byor go rak+Sha'i zhal snga nas/ /rtogs pa yid bzhin nor bu la/ /goms 'dris byis ba dang byas pa yis/ /brtan pa thob pa mdog phyin te/ /de tshe dgos 'dod sngon du 'gyur zhes gsung ngo/ /'khor pa'i yid phyung pa mo kum las su rya'i zhal snga nas/ rang snang sbrin rum ma dangs na/ /dpal gyi be'u'i 'od mi gsal/ /rnam rtog rgyab du ma bsrings na/ /ye shes nye ru mi 'dod do zhes gsung ngo/ /rlung la dbang phyug pa tso bo ri ka'i zhal snga nas/ zung 'jug gnas pa'i yi ge ni/ /'gros kyi rnam shes pa ge sel/ /nyams myong gsal bas bdag 'dzin zhig /'di yis nyams kyis 'phen len 'jig ces gsung ngo/ /dpal mi'i seng ge'i spyod pa can a nu ka ri'i zhal snga nas/ /bde chen chos dang sprul pa yi/ /'khor lo gsum gyi lte ba la/ /gnas pa'i yi ge bde gshegs kyi/ /ma lus kun gyi sku gsung thugs zhes gsung ngo/ /brda la rang ngo mthong pa na du ba'i zhal snga nas / snying gi dbus su ngo sgrad pa'o/ /bla mas bsten pa mchog gi don/ /lhun phrub rang po shes pa ni/ /gnad de nges pa'i shes pas mthong zhes gsung ngo/ /dge ba'i chos sdud tshul khrims can b+ha tsa la'i zhal snga nas/ gzhi rdzogs rang 'byung ye shes su/ tshom mi rkyen la rag mi las/ /rang rig 'od gsal dngos po'i gshis/ /rten 'brel gang gis thabs kyis rig ces gsung ngo/ /lung rig gter gyi dbang phyug ti ba'i zhal snga nas/ bla ma'i gsung gis mdongs pa gsal/ /de mthong ming gi sde

  206. 103b

    snod la/ bltas che gdams bar ma gyur pa'i/ /yi ge gcig kyang bor du med ces gsung ngo/ /gsal ba'i mdangs ldan ma kar ma li ka'i zhal snga nas/ nam mkha' dbyings kyi glegs bam la/ /dkar dmar sna tshogs yi ge rnams/ /rnam rtog 'khrul pa blo yi chos/ /don la glegs bam yi ges stong zhes gsung ngo/ /bde ba lam khyer thabs la byed pa dan ti ba'i zhal snga nas/ nang gros phyi yi rkyen zhu bas/ /rtsol ba ma byas dang gis su/ /khams 'dus rang la gnas pa yis/ /ye shes shar bas las las grol zhes gsung ngo/ /bde ba lam du slong ban ka ra'i zhal sngo nas/ /rmi lam dbang gi sgo nga ru/ /grol lam bskyed rdzogs 'dab bshog rgyas/ /mos gus dad pas sbubs phye bas/ /ma rig 'khrul pa'i rgya las grol zhes gsung ngo/ /rtogs pa byin brlabs las shar ba tsa ra'i zhal snga nas/ mchog gi nor bu rin po che/ /snying la bcangs pa'i brtse gdung gis/ /dpal gyi gter mdzad yongs su 'gengs/ /grogs dag nor bu'i gces 'dzin gyis zhes gsung ngo/ /sems can gyi don byed tshul can b+hi ka la'i zhal snga nas/ ded dpon med par rgya mtsho yi/ /mchog gi gling don mi 'grub bzhin/ /yon tan du mas rab brgyan kyang/ /bla ma med par srid mthar min zhes gsung ngo/ /rtogs pa shing gzo la shar ga ba ga ba'i zhal snga nas/ dngos rnams sgyu ma'i rang bzhin te/ /bden med ltos dang 'khrul pa 'jig /'khor ba'i mtshang mthong rang bzhin med/ /spang bya ma rnyed gnyen po stor zhes gsung ngo/ /bya ba nan tan gyi ye shes khong du chud pa mo rdzu nu ta ri'i zhal snga nas/ /'khor ba ma grub gzhi yis stong/ /myang 'das ma grub blo yis stong/ /sa lam ma grub bden pas stong/ /'bras bu ma grub yul gyis stong zhes gsung ngo/ /re dogs kyi dri ma bral pa ka na ba'i zhal snga nas/ /gzhi med rtsa ba bral ba

  207. 104a

    yis/ chos rnams 'dod nas stong pa las/ /'khor ba gang yin myang 'das ci/ /'bras bu ma mthong nyams len grol zhes gsung ngo/ /sems la dmigs pa'i rnal 'byor ma gad ro'i zhal snga nas/ ji ltar chu shing sdod po la/ /nam zhig snying po yod gyur tshe/ /de yi dus su gsal ba las/ /'bras bu gzhan du mthong pa min zhes gsung ngo/ /ye shes kyi spyan dang ldan pa ka na da'i zhal snga nas/ phyi rol sa yi byin brlabs min/ /nang du rig pa dangs las 'byung/ /'dzin ba chad pas nyams myong 'bar/ /rig pa dangs pa'i stobs las ni/ /sgyu rtsal sna tshogs 'char bar 'gyur zhes gsung ngo/ /sdug bsngal dang du len pa'i bzod pa dang ldan pa badzra sid+d+ha'i? zhal snga nas/ /man shel ma dag phyi rol rkyan/ /mi 'jug g.ya' dag ngos der ni/ /sna tshogs dar gyi kha dog len/ /sems pa'i las kyang de bzhin no zhes gsung ngo/ /de kho na nyid snang ba rdo rje'i mgur las/ /ma rig pa sgo nga'i sbubs rnam par phye ba zhes bya ba'i le'u ste dang po'o// // yi ge lam du 'khyer pa ta ka na'i zhal snga nas/ mdza' bzhi las ni grol ba yi/ /sangs rgyas skye 'gag dri ma bral/ /rnam par rtog med bde gsal dang/ /gnyis snang bral ba phyag rgya che/ /zhes gsung ngo/ /rtog pa rang grol gyi rnal 'byor ma hu lu ka'i zhal snga nas/ gang gis ma bcos ma bslad pa/ /dbyer med dbyings su gcig pa yi/ /chos kyi sku yis kun la khyab/ /rnam rtog gis bcings mngon mi 'gyur zhes gsung ngo/ /bden pa gzigs pa tai lo pa'i zhal snga nas/ dran rtog tha mal shes pa ni// 'ching ba mdza' dag nyon mongs 'gyur/ /dran rig ldang rlung bde ba bcad/ /de tshe shes pa yul mi bso zhes gsung ngo/ /chu bo rgyun gyi rnal 'byor pa ma ti la'i zhal snga nas/ lha yi lus kyis tha mal gyi/ /rtog pa yang ni bden par byed/ /rlung gi ngag la bde ba yis//

  208. 104b

    yid kyi tha mal rtog pa spong zhes gsung ngo/ /bla ma'i byin brlabs zhugs pa nA ro pa'i zhal snga nas/ dpal ldan yon tan kun gyi gzhi/ /'di med par ni rnyed mi 'gyur/ /mos gus med par byin brlabs la/ /'jug pa'i yul med smin mi 'gyur zhes gsung ngo// gnod pa byed pa la ji mi snyam pa'i bzod pa dang ldan pa karma ka ri'i zhal snga nas/ rang gi don du chos kyi sku/ /gzhan gyi don du gzugs sku gnyis/ /bla ma'i dus thabs brten las byung/ /'di med mchog gi dngos grub stor zhes gsung ngo/ /nus pa la thugs rjes brgyan pa sa la'i pa'i zhal snga nas/ byams pa snying rje byang chub sems/ /'di med byang chub mchog gi lam/ /nam du yang ni phrang mi 'gyur/ /grogs dag gces pa dor mi bya zhes gsung ngo/ /bde ba'i gos kyis dros pa ta dza a ling gi zhal snga nas/ /phan bde'i sa bon bskrun pa'i gzhi/ /byams pa'i sa bon snying rje'i chu/ /bangs pa'i ser la byang sems kyi/ /myu gu skye 'gyur gzhan du min zhes gsung ngo/ /spros bral sgra 'gros la shar ba tsa ta la'i zhal snga nas / rno la dang? chags drag po'i mig /gsal dangs phyar bas bying rmugs sel/ /rtog pa chod rjes chos nyid kyis/ /rang ngo rjes kyi shes pa zin zhes gsung ngo/ /tshe 'di'i so chos zhig pa a nu si ra ra'i zhal snga nas/ res gsor brje ba dum bu'i bgros/ /lta stangs 'jog 'dor rnam gnyis kyis/ /rjes pas nang phrang ngos bzung bral/ /des gnyug ma yi rang ngo mthong zhes gsung ngo/ /dpa' gdeng lam du khyer ba b+hi te'i zhal snga nas/ lhan cig skyes pa seng ge'i gsang/ /smra bsam blo yi yul ma yin/ /ma skyes mi 'gag 'od gsal dang/ rang rig spros bral phyag rgya che zhes gsung ngo/ /zab mo'i chos la bzod pa ru ba ta'i zhal snga nas/ gnyug ma rang la gnas pa yi/ /ye shes khu ba 'thungs pa'i ros/ /myos pa kyang kyi spyod lam 'dzin/ /gdeng ldan 'khor ba'i g.ya' dang bral

  209. 105a

    shes gsungs so/ /mi'i khyu mchog ta kho na ti pa'i zhal snga nas/ sna tshogs rkyen las shar ba yi/ /snang ba'i chos rnams stong pa las/ /ma 'das rang gi ngo bos dben/ /gnyis med de ni phyag rgya che zhes gsung ngo/ /gtsang rmed rab ? gi spyod pa can big ma'i zhal snga nas/ /dngos po sna tshogs sems nyid do/ /snang ba las ni gzhan 'gyur pa'i/ /phyi rol don ni yod ma yin/ /chu bo'i mthong snang de yis shes zhes gsung ngo/ /bdag nyid chen po a lu ka'i zhal snga nas/ gdol pa'i lag na mtshon thogs bzhin/ /tsandA? la yi rtog pa 'joms/ /bde gsal pheng gis bzung pa yis/ /dri med dangs ma sems la 'phel zhes gsung ngo/ /khong? gi sgra sgrogs ma b+hi tu ra'i zhal snga nas/ bung ba'i sgra skad phed gi dbyangs/ /dpal gyi be'u'i nang na sgrogs/ / 'di yis bzung 'dzin rtog pa 'jom/ /sems pa'i 'od zer yid pham byed ces gsung ngo/ /lta stangs lam du khyer ba la bya de ba'i zhal snga nas/ /srid gsum mi g.yo ye shes kyi/ /skye ba'i zhing ni bcing ba'i bdan/ /phra rags gcod pa kar na/ / dpal gyis rdo rje'i mig las 'khrungs zhes gsung ngo/ /cho ga'i brtson 'grus can su ka ma li'i zhal snga nas/ g.yas su mnyam par bzhag nas ni/ /de yi thugs rjes g.yon du bzung/ /mdun du rnam par lta pa ni/ /rdo rje lta bu'i ting nge 'dzin ces gsung ngo/ /mi rtog pa'i mdangs der ldan pa ratna a ling gi zhal snga nas/ thabs kyis ma chun shes rab kyis/ /lam mi 'dod de shes rab kyis/ /ma zin thabs kyang de bzhin no/ /gnyis 'joms mkha' ldid gshog pa 'dra zhes gsung do/ /sbyangs pa'i las ? pa'i zhal snga nas/ thabs kyi gzhu la shes rab mnga' / /ma bral dad pas bskul pa yi/ /bsod nams ye shes tshogs bsags pas/ /dam pa gnyis ni thob par byed ces gsung ngo/ /'gyu ba bstod la gnon pa kaM pa la'i zhal snga nas/ rig pa sor

  210. 105b

    bzhag rgyal ba 'dzin/ /dar med rlung gis 'pho rgod 'dul/ /shes pa gzengs smad rma bya'i mig /don gyi gnad rig der 'dzin pas/ /dam pa gnyis ni thob par byed ces gsung ngo/ /nga rgyal lam du slong ba mo ku ma si ta mo'i zhal snga nas/ mdun du zug pas rtsa ba zin/ /blug pa'i lta stangs rkyen mi g.yo/ /mthong mthod rma byas gzhan snang 'gags/ /shes pa chog tshugs mi rdog lam zhes gsung ngo/ /bsod nams kyi tshogs lam du khyer ba'i DA? kis ma'i zhal snga nas/ dus med zhabs la bsnyen bkur ba'i/ /rnam par smin pa skar mnga' bzhin/ /ma rig mun sel sprin bral lam/ /der ni dpal gyi be'u mthong zhes gsung ngo/ /sbyor ba'i brtson 'grus dang ldan pa b+ha ri d+ha ra'i zhal snga nas/ mchog gi nor bu rin po che/ /yid la dran pa tsam gyis kyang// 'khor ba'i rgyun chags rab bcom nas/ /bla med byang chub thob par byed ces gsung ngo/ /'khrul pa rkyen thog tu grol ba b+ha do de ba'i zhal snga nas/ rtog pa thug phrad yul mi dmigs/ /shes pa soms 'gul pa sel/ /rig pa yul rjes mi 'brang ba'o/ /tsheg? chod ye shes skye ba'i rten zhes gsung/ /me long lta bu'i ye shes khang du chud pa mo su ri saM g+ha pa'i zhal snga nas/ dran snang tshig chod so ma'i rtsal/ /'khrul pa'i snang ba thug phrang sel/ /dmigs med rten bral 'dzin pa'i rten/ /rig pa song? bzhag rgyal ba 'dzin ces gsung ngo/ /'dod pa'i blo log tanda pa'i zhal snga nas/ bsgrub pa 'dod blo mi zhuD pa'i/ /dmigs med 'khor gsum dag pa'i lam/ /'bras bu re ltos bdud kyi yul/ /mchog don spu ris med pas 'grub ces gsung ngo/ /sgyu lus kyi rnal 'byor ma kun d+ha la'i zhal snga nas/ 'khrul 'khor las dang shing gi mi/ /bya pa rnams las 'dod pa med/ /de bzhin 'dod pa'i blo bral pa/ /'dzin med skyes pa 'phags pa'i lam zhes gsung ngo/ /nam mkha' lam du khyer ba ku ku ri pa'i zhal snga nas/ nam mkha' i bdud rtsi byung ba yis/ /

  211. 106a

    grub mdza' i 'dod pa ji snyed tshim/ /ma bcos rnal ma'i steng du ni/ /rig pa mdung tshugs 'dzin rtog grol zhes gsung ngo/ /yongs su mthar phyin pa'i brtson 'grus can badzra bim la'i zhal snga nas/ shes pa tha mal yul mi dmigs/ /gnyug ma'i ngo bo 'dzin rtog mer/ /zhen men rang grol ngo bo gshis/ /rnal 'byor ma yi gzigs mo sa zhes gsung ngo/ /rnal 'byor bsu ka d+ha nu'i zhal snga nas/ 'gron bu'i spyan gyis dri med 'dzin/ /snang ba bcud la bor ba yis/ /rang nyid nyams myong 'gyur med gsal/ /ngo bo mthong tshe rang snang grol zhes gsung ngo/ /'od gsal rang ngo phrad pa d+harma b+ha dra'i zhal snga nas/ sems nyid 'od gsal dngos po'i don/ /rang bzhin ngo bos sangs rgyas rgyu/ /dmigs med gdod nas dag pa yi// ye shes de mthong ma rig sel zhes gsung ngo/ /du ma ro gcig gi rnal 'byor pa b+ha ta li'i zhal snga nas/ ngo bo spros bral dri ma med/ /'gro ba kun la rang bzhin gnas/ /shel sgong 'dam gyis gos pa bzhin/ /glo bur 'khrul pa'i rtogs pas 'gribs zhes gsung ngo/ /mnyam gzhag dangs pa ma ti ba'i zhal snga nas/ snying gi dbus su dran pa'i gling/ /pha wang mig gis rab tu 'dzin/ /yul snang mi dmigs phra rags 'gags/ /ma bcos rang lugs spros bral lam zhes gsung ngo/ /yon tan mngon par grub pa'i bsam gtan dang ldan pa ma a re ta la'i zhal snga nas/ ka ra na bcings lcags sgrog gis/ /srid pa gsum po g.yo mi 'gyur/ /rgyal po btson du gzung ba yis/ /'bangs rnams 'phra bar mi nus so zhes gsung ngo/ /yul snang sgyu mar ngos zin pa a b+hi ta'i zhal snga nas/ rus sbal mig gis rnam rtog bcad/ /de dus chos rnams nam mkha' i ngang/ /rjes thob yul snang rang bzhin med/ /bden med mthong bas 'khrul pa grol zhes gsung ngo/ /ting 'dzin zas kyis 'tsho ba'i rnal 'byor

  212. 106b

    ma tsan+d+ra bi ma la'i zhal snga nas/ gyen gyi lta stangs tshangs pa'i gsang/ /dbang po rang snang phyag rgya che/ /chos nyid ngo bo thabs kyis zin/ /spros bral 'char ba yi ge'i gnad ces gsung ngo/ /gzhan don la bsnyel ba mi mnga' ba sa ha la'i zhal snga nas/ /pha dang ma ru ma gyur pa'i/ /srid pa gsum na sems can med/ /bde med 'khor par gnas pa la/ /snying rje mi skye smyon pa yin zhes gsung ngo/ /sgrub pa lhur 'dzin mo ru rus ka'i zhal snga nas/ spros bral 'chang ba gsang gi gnang/ / 'phags lam gzhung ni byang chub sems/ /gzhan don lhur blangs rang don rdzogs/ /'di la dngos grub nye bar gnas zhes gsung ngo/ /rtsa rlung las su rung ba ni la pa'i zhal snga nas/ dran rtog 'od gsal la bcings pas/ /rang rig ye shes lnga yi mdangs/ /sa chu me rlung nam mkha' yi/ /snang ba rgyu lam 'bras bu'i rtags zhes gsung ngo/ /mi g.yo pa'i bsam gtan dz+nyA na d+ha ra'i zhal snga nas/ dangs ma'i 'od zer du bar snang/ /smig rgyu ltar snang bde pa'i 'od/ /gsal ba srin bu me khyer 'od/ /mi rtog 'od zer mkha' ltar snang zhes gsung ngo/ /de kho na nyid rab tu snang ba rdo rje'i mgur las gser gyi nyi ma rnam par snang ba zhes bya ba'i le'u ste gnyis pa'o// //dbang phyug dam pa'i mnga' bdag in+d+ra po d+hi'i zhal snga nas/ 'dod chags kyis ni bde ba 'dzin/ /zhe sdang gis ni gsal ba spor/ /gti mug gis ni mi rtog 'bebs/ /nga rgyal phrag dog yon tan rgyu zhes gsung ngo/ /lha'i rgyal po de bar mi'i zhal snga nas/ grong khyer rnams kyi mi gtsang lung/ /zhing la 'bru rnams bskyed par byed/ /de bzhin rnal 'byor rgyud la ni/ /nyon mongs kyis ni ye shes 'phel/ /snang ba rang grol de ltos dang zhes gsung ngo/ /gsang sbyod mthar phyin me go ba'i zhal snga nas/ /mchog gi dngos grub sbas pa'i

  213. 107a

    lam/ ma gsang bgegs chen skye bar 'gyur/ /gang 'dir mngon sum med pa'i gzugs/ /rtogs pa gong du 'phel bar 'gyur zhes gsung ngo/ /nyin mtshams med pa lce sbyar gi spyod pa can a nu sh+rI'i zhal snga nas// lha yi thig le ma bstan par/ /phyag rgya'i 'od zer phyir mi spro/ /rigs ngan gdol ba'i spyod lam gyis/ /bdud rtsi 'thungs na bcud du 'gyur zhes gsung ngo/ /na phal rtogs pa shar ba ko ta ri tog tse ba'i zhal snga nas/ rtog pa spang bar mi bya'o/ /mi mthun lam du bslang ba yis/ /'gal ba'i rgyan rnams grogs su 'char/ /thabs 'dis gnyen po'i bya ba stor zhes gsung ngo/ /e baM gi glu len pa de ba su ka'i zhal snga nas/ ji ltar nags la mched pa'i me/ /rlung gis rab tu sber ba ltar/ /brtan pa thob pa'i rnal 'byor la/ /de tshe rkyen ngan grogs su 'gyur zhes gsung ngo/ /sems can don byed kyi bsam gtan dang ldan pa d+ha ra ni'i zhal snga nas/ yid kyi yul du gyur pa yi/ /blo snang ri mo subs pa'i rjes/ /dran pas ma gos spu ris gral/ /dangs ma'i ye shes 'char ba'i sa zhes gsung ngo/ /dus skad cig mas 'das pa rtogs pa shar ba dza land+ha ra'i zhal snga nas/ mi rtog spros bral 'dus ma byas/ /rang bzhin med pas skye 'gag bral/ /gnyis snang grol ba'i de nyid ni/ /gnyug ma lhan cig skyes pa'i dang? zhes gsung ngo/ /dga' ba'i mdangs ldan ma pi ka su ri'i zhal snga nas/ ma bcos shes rab 'byung ba'i sa/ /gnyis snang rkyen dang bral ba'i dbus/ /mtshan ma rang sar grol ba de?/ /bran pa rjed mtshams su ma bu phrad ces gsung/ /bya ba'i rnal 'byor par ? pa'i zhal snga nas/ dngos rnams sgyu ma'i rang bzhin te/ /phug khrus tshe 'di'i mngon zhen bzlog/ bden 'dzin grol ba 'khrul lam chad/ /nges ni ye shes 'bar bar byed ces gsung ngo/ /phrag dog lam du slong ba mo dza ki ri'i zhal snga nas/

  214. 107b

    ngal pa don med tshe 'di'i ched/ /rtsol sgrub tshi chad sdug bsngal rgyu/ /don dam spyod lam ma spangs pa'i/ /'khrul pa ldog par mi 'gyur ro zhes gsung ngo/ /'ching ba las grol ba d+harmA pa'i zhal snga nas/ chos rnams ngo bo gzhi rtsa bral/ /gnyug ma ? rtog pa yi/ /'dam gyis ma gos dangs pa'i dang/ /gnas lugs snang stong rkyen dang bral zhes gsung ngo/ /thos pa shes rab can dzo ki a ling gi zhal snga nas/ sna tshogs rang bzhin med pa'i gshis/ /der ni gzhi lam 'bras gsum mnyam/ / snang ba med pa'i chos nyid ni/ /de ni snang ba rang gis bstan ces gsung ngo/ /thugs rje'i rgyan dang ldan pa gser gling pa'i zhal snga nas/ 'dod pa'i 'bras bu ster ba yi/ /yid bzhin nor 'dra byang chub sems/ /sangs rgyas ma bcos lhun grub sku/ /'gro ba kun la rang bzhin gnas zhes gsung ngo/ /mnyam pa nyid kyi ye shes khong du chud pa pad+ma bi ma la'i zhal snga nas/ rtogs pa'i bum pa bzang po nas/ /ched 'dzin rtsol pa ma byas pa'i/ /chos kyi sku dang gzugs sku gnyis/ /rang gzhan don du dang gis 'byung zhes gsung ngo/ /dran pa so la 'jog pa d+hoka ri pa'i zhal snga nas/ rkyen phyir mi 'brang tshangs pa'i spyan/ /dran pa sor bzhag der 'dzin bral/ /yengs pa'i shes pas yul mi 'dzin/ /ka ra na bcings pa'i ba'i stan gsung ngo/ /'od gsal gyi rnal 'byor ma karma sid+d+hi'i zhal snga nas / 'jig rten gsum bdag gyen la blta/ /rdo rje gtsug tor spros bral dang/ /dri ma med pa'i phyag rgya che/ /dbang po rang snang de ltos dang zhas gsung ngo/ /rgyud rnam pa bzhi yis grol bas ga dza'i zhal snga nas/ thos pas grol ba tshig gi gnang/ /mthong pas tshog pa don gyi gnad/ /'dra men ma zhugs sing ge'i gsang/ /ru dra'i sel med smin rjes grol zhes gsung ngo/ /bsam pa'i shes pa can sa li ta su ka'i zhal snga nas/ snang la rang bzhin med pa'i sgra/ /snying la

  215. 108a

    zhen pa 'khrul pa 'jig /sgyu ma'i mtshang rig bden 'dzin bral/ /gser lar med 'dod dgur bsgyur zhes gsung ngo/ /grub chen brgyad ldan me di na'i zhal snga nas/ byas pa don med sdug bsngal gyi/ /khung bor bde 'dod thar pa'i lam/ /sgrub pa nan tan dngos grub rgyu/ /yun du bsrings na mngon du 'gyur zhes gsung ngo/ /ngag rnam par dben pa'i rnal 'byor ma a nu ki ri'i zhal snga nas/ rtsol sgrub mi chad 'bras bu stor/ /chu la thug srub thon mi bya/ /gser mtshon mthong pa'i sa la ni/ /ngal dub spangs na mngon du 'gyur zhes gsung ngo/ /rtogs pa'i ye shes dbang nyams las shar ba g+ha d+ha pa'i zhal snga nas/ ma bcos zla ba ches pa'i spyan/ /rnam pa'i lta stangs spros dang bral/ /'jam pa'i rlung bzung gnyug ma'i dang// ye shes rgyud la 'chang bar byed ces gsung ngo/ /bde chen zung 'jug gi rnal 'byor ma su ni d+ha di'i zhal snga nas/ zhun thang 'byongs pas 'phro rgod 'dul/ /nges ni dangs gsal dri med 'dzin/ /phra rags mi mthong zla tshes mig /yul snang ma gzigs 'dzin rtog bral zhes gsung ngo/ /bden pa gzigs pa a dzu ba'i zhal snga nas/ bla mas ngo sprad gnyug ma'i don/ /rgyud la 'jug pa byin brlabs mthu/ /rtogs na yon tan kun gyi gzhi/ /'di yis sa lam 'khor los stung zhes gsung ngo/ /bsgom pa'i shes rab sh+rI a pa ka'i zhal snga nas/ khyung ni ma yi me drod kyis/ /shin tu sgo nga rgyas par byed/ /dbugs kyang rgya las grol la khang/ /bya phrug nam 'phang gcod par 'gyur/ zhes gsung ngo/ /rtog pa mkha' 'gro brda las byung ba ka ba la'i zhal snga nas/ ji ltar dra ba dbang po'i gzhu/ /mkha' la shar ba 'byung pa'i dangs/ /snang la rang bzhin med pa'i bdag /'di yis chos rnams rang mchan bsten ces gsung ngo/ /sems la dbang thob pa'i rnal 'byor ma b+hi nu ka ri'i zhal snga nas/ sna tshogs snang ba dngos po'i chos/ /rang rig ngo bo rnam par

  216. 108b

    dben/ /ji ltar chu nang zla ba bzhin/ /khong du chud pas 'khrul pa 'jig ces gsung ngo/ /lta stangs lam du 'khyer ba kun d+ha ri'i zhal snga nas/ rno ngar chags pa khyab 'jug mig /rkyen la gzigs pa gnyis snang 'joms/ /yul snang ma mthong nam mkha' dbyings/ /der 'dzin grol bas spros dang bral zhes gsung ngo/ /snang ba sgyu mar 'byongs pa legs smin ka ra'i zhal snga nas/ ku ma ri yi rnam pa la/ /ma gnyis mtshungs par bsnol mang blta/ /steng dang 'og gi rnam pa ni/ /de dus gang yang mthang mi 'gyur zhes gsung ngo/ /thos pas mdza' chod pa k+Sha na'i zhal snga nas/ nges pa'i don mthong sgro 'dogs chod/ /mos gus phyin ci ma log pa'i/ /blo la khams rnams dang gis 'du/ /gcig la yon tan kun mdza' yas/ zhes gsung ngo/ / rang gi skyon bcud pa la mkhas pa mo su ka b+hi ru'i zhal snga nas/ thos dang sgom dang bsam pa'i mdza' / /rig pa bsnyems dang bral bas 'bad/ /de la rgyu ni yid ches te/ /rtsa ba mes gus mchog las byung zhes gsung ngo/ /rang gnas kyi ye shes ngos zin pa ku li ba'i zhal snga nas/ sor bzhag dus gsum chig chod kyi/ /snang phyir mi 'brang dus gsum grol/ /rnal ma'i rang khang spros bral 'dzin/ /ma bcos pa ni chos kyi sku zhes gsung ngo/ /ched du mi 'dzin smyon lta bu'i rnal 'byor ma dz+nyA na b+hi nu'i zhal snga nas/ rma bya rgya ru chud pa bzhin/ /rig pa sol bzhag pa yis/ /bde ba bsal ba sgrog tu 'jug /rnam rtog rlung gis bskyong mi 'gyur zhes gsung ngo/ /rtogs pa'i ye shes dbang nyams la shar pa dza ya na ti'i zhal snga nas/ ma yengs rig pa dran pa'i rtsis/ /spyod 'gros bzhi la bzung pa yis/ /bden bzang? ba don gyi gsang/ /mthong bas 'khrul pa yul la 'jig ces gsung ngo/ /ka ki dung 'bung ma a u da ra'i zhal snga nas/ mchog don dran pa la ma chags/ /yengs pa'i sems la de nyid stong//

  217. 109a

    gang la rang bzhin med pa yi/ /mtshang brjed 'khrul pa'i dri ma 'go /zhes gsung ngo/ /rtogs pa glegs bam bltas pa la shar ba rtsa ba ri'i zhal snga nas/ yi ge bzhi yi bka' rgyud khrol/ /thub pa'i spyod lam rnam gsum gyis// bde gshegs lung gi brgyud pa zin/ /gnad rig gsang pa'i gter mdzod rtol zhes gsung ngo/ /sems 'jug par byed pa la mkhas pa mo ku la tsanda'i zhal snga nas/ bdag med don mthong yul nges der/ /chos rnams ma lus zad pa'i sa/ / rig byed 'dzin pa bram ze'i bu/ /gsang tshig pha yi gsung las rnyed ces gsung ngo/ /phra rags gcad pas tsam pa ka'i zhal snga nas/ rtsa dang rlung ngang rig byed gsum/ /shes pa lung khyer spros bral gyis/ /steng du bcings pa gsang gi gsang/ / gshig rjes bde gsal mi rtog 'char zhes gsung ngo/ /snying rje'i mdangs ldan ma sh+rI sid+d+ha'i zhal snga nas / bde dang stong pa gsal ba'i nyams/ /rtogs pa'i g.yo 'gul las grol ba/ /rig pa tshig tshugs lam khyer gyi/ /lta stangs dor shul spros bral dang/ zhes gsung ngo/ /'gro rnams gzigs pa'i ri'i zhal snga nas/ gnyis med gnyis su snang ba yi/ /blo de 'khrul pa'i snang ba ste/ /'di yis srid pa'i nyid mtshams sbyor/ /snang pa rang grol de ltos dang zhes gsung ngo/ /zung 'jug gi rnal 'byor ma d+ha ri su ka'i zhal snga nas/ ma dag dri ma can gyi blo/ /nya byis 'od kyi snang ba la/ /dngul 'dzin shes pa skyes pa'i tshe/ /nya phyis dbul gyis stong par byos zhes gsung ngo/ /de kho na nyid rab tu snang ba rdo rje'i mgur las/ ye shes kyi mdangs rnam par dangs pa zhes bya ba'i le'u ste gsum pa'o// //spu ris yid la mi byed gtum ma la'i zhal snga nas/ yul gyis ma bslad so ma'i dang/ /mdzod sbu'i bar na dbang po dangs/ /snang ba rang grol yi ge mig /'di yis yid la byed pa 'jig/

  218. 109b

    ces gsung ngo/ /myur du mngon par rdzogs par byang chub pa'i thabs la mkhas pa me ti ta'i zhal snga nas/ yul gyi gsal cha ma 'gags la/ /shes pa der 'dzin bral ba can/ /rtog pa'i 'phan la rnam grol ba/ /smin ma'i mtshams na rab tu gnas zhes gsung ngo/ /snang ba dpe char shar ba me kha la'i zhal snga nas/ lam la gang phan rten 'brel 'gros/ /'di la gdams ngag yul gyis ston/ /tshogs drug dpe char shar ba yi/ /rtogs pa'i rkyen bskul snang bas byed ces gsung ngo/ /chos kyi dbyings kyi ye shes thugs su chud pa mo b+hi ma la si ti'i zhal snga nas/ lam gyi grogs su 'gyur ba ni/ /gcig tu nges pa ma yin te/ /rtogs pa'i rten du gang gyur pa/ /de ni las kyi phyag rgya yin zhes gsung ngo/ /dmigs med nyams su myong ba ka li ba'i zhal snga nas/ mnyam bzhag mi bskyar gshig rjes blta/ /dmigs bral shes pa 'dzin las grol/ /de tshe dus kyi rjes mi 'brang/ /rnam rtog chos nyid dang du grol zhes gsung ngo/ /gti mug lam slongs pa mo b+ha la ta'i zhal snga nas/ bying rgod bya ras ma slebs pa'i/ / gsal dangs phyed pa'i 'phro la gshig /rjes srong pa ni bsgom gyi gnang/ /'di yis phra rags dri ma sems zhes gsung ngo/ /brda la go ba longs pa ka na pa'i zhal snga nas/ rtsa ba rang ngo brda yis rtogs/ /nges pa bla ma'i gsung las skyes/ /don mthong bas ni sgro 'dogs tshod/ /mkha' 'gro mthu yis bar tshong sel zhes gsung ngo/ /rang gi tshig rgyun tu byed pa'i smon lam la gnas pa mo lo ha ri su ka'i zhal snga nas/ yang dag don la yi ge med/ /smra bsam brjod pa'i yul las 'das/ /bla ma'i brda thabs che ba yis/ /rtags pa'i 'char sgo 'byed par 'gyur zhes gsung ngo/ /rtogs pa gru gzo las bkan ti ba'i zhal snga nas/ dmigs pa ma bcas blo rten zhig /mtshan ma rang grol sgom dang bral/ /'dzin med spros bral rnam rtog nub/ /nyams len grol bas grol ba thob ces gsung ngo//

  219. 110a

    sems rnam par dben pa'i rnal 'byor ma sh+ri ma nu da'i zhal snga nas/ blo rtog ma zhugs tha mal gyi/ /shes pa de nyid gnyug ma yi/ /rang? kha bcas bslad dang bral ba/ /khang? ma du mdo sgom dang bral gsung ngo// rang rig blo rten dang bral ba dbu pa ri'i zhal snga nas/ chos rnams gzhi yis stong ba'i sar/ /shes pa yul med blo rten shig /dbyings der rtogs pa'i rtsa ba bral/ /yid la mi byed blo las 'das/ zhes gsung ngo/ /gnyis med ye shes kyi rnal 'byor ma ki? karha ri'i zhal snga nas/ thog ma tha ma dbus mi dmigs/ /rig pa mkha' lding rten mi tshol/ /rtsa bral nam mkha' i rjes thob can/ /bsam med nyams myong dmigs dang bral/ zhes gsung ngo/ /rnam rtog gzhi med du mthong ba u ti pa'i zhal snga nas/ chos rnams gzhi med skye 'gag grol/ /rtog bral blo yis ma gos pa/ /dri med mtshan ma rang sar dengs/ /rig pa gcer pu de ltos dang zhes gsung ngo/ /sems kyi don dang rjes su 'brel bar byed pa'i ye shes kyi mdzod 'dzin ma sh+ri? si mu pa'i zhal snga nas/ rig pa bsgrims nas glod pa yi/ /dang der phra rags rtog pa yal/ /spu ris med pa dran med dbyings/ /dri med ye shes 'char ba'i sa zhes gsung ngo/ /gnyug ma srangs su chud pa kaM pa la'i zhal snga nas/ yul gyi gsal chim 'gags pa'i/ /shes pa der 'dzin bral pa'i gnas/ /rtog pa'i yal sa sna yi rtse/ /ma yengs srangs der ye shes 'char zhes gsung ngo/ /smon lam la gnas pa mo na du ti'i zhal snga nas/ ma skyes pa la 'chi ba med/ /chos rnams rang gi ngo bos dben/ /ma? dran pa la rjed pa med/ /blo yi mdza' grol yid byed bral zhes gsung ngo/ /ngo sprad gnad la phog pa d+ha ka ri'i zhal? snga nas/ yid la mi byed gnyug ma'i lam/ /spu ris ma dmigs rtog pa char/ /blo rten dri me srid la dag /rnam rtog chos nyid dang du grol zhes gsung ngo//

  220. 110b

    chos brgyad dang bral ba mo sh+rI? d+ha na'i zhal snga nas/ sna tshogs yul snang gzhi med du/ /phug khrus 'khrul pa yul las ldog/ yengs med nam mkha' mdung thugs? kyi/ /srangs der rtog pa skye lam chad gsung ngo/ /rtog pa'i dri ma dag pa sa ba ka ra pa'i zhal snga nas/ rtog pa grol ba'i rjes thob ni/ /yid kyi spu ris ngos bzung bral/ /dmigs med ngang der blo mdza' grol/ /gnyug ma ngos bzung med par sangs zhes gsung ngo/ /'khrul pa'i sgrog grol ba mo su ka si ti'i zhal snga nas/ tshogs drug yul du ma spyad pa'i/ /dran med mya ngan 'das ba'i lam/ /rnam par mi rtog chos kyi dbyings/ /yid dang bral bas phyag rgya che zhes gsung ngo/ /chags sdang grol ba sarba b+ha ka la'i zhal snga nas/ bzung 'dzin lam gyis pon gyi/ /de nyid skye ba med pa'i dang// chos rnams rtsa bral gzhi yis stong/ /gnyis snang grol bas 'khor 'das med/ ces gsung ngo/ /sangs rgyas zhing yongs su dag par byed pa'i smon lam la gnas pa mo badzra ha lu'i zhal snga nas/ rig ba bsgrims nas glod pa yis/ /dang der yin 'pham sems dal sos/ /rtog pa chos nyid dang du brol/ /de yis ye shes lnga rdzogs byed ces gsung ngo/ /gdams pa lha ya gsan pa kaM pa la'i zhal snga nas/ rnam par rtog pa'i rang bzhin ni/ /ngo bo chos sgur grol gyur kyang/ /skye bos mthong bar mi 'gyur ro/ /rang gsal thabs kyis chod pa? ni/ /bla ma dus thabs brten pas rig ces gsung ngo/ /rtog bral ro'i spyod pa can pu tra la'i zhal snga nas/ 'jig rten bde sdug skyes pa'i rgyu/ /de ni las yin sems la bsags/ /de yi ngo bo yid kyis las/ rig pa sems nyid gdong nas dag /ces gsung ngo/ /las kyi sa bon bsregs ba su ka to'i zhal lnga nas /yengs na gnas pa'i bar du ni/ /rig pa so zin dran pa 'khyim/ /ngo bo 'dzin rtog las grol ba/ /blo yi snang ba gzhi rtsa bral gsung ngo/ /

  221. 111a

    ha ha ha'i gang rgyangs? can a ha ri'i zhal snga nas/ 'khor ba spangs pa'i pha rol na/ /mya ngan 'das pa yod ma yin/ /'khor ba rang bzhin med pa yi/ /mtshang de mya ngan 'das pa'o zhes gsung ngo/ /'gro ba thugs rjes 'dzin pa nA ga po d+hi'i zhal snga nas/ ngo bo ci yang snang ba ste/ /rang bzhin cing yang ma yin/ /mtshan nyid gzhi rtsa bral ba can/ /skye med ngo bo nyid ltos dang zhes gsung ngo/ /las dang 'jug pa'i stobs dang ldan pa mo shI si ti'i zhal snga nas/ dran nas brjod pa'i mtshams de na/ /blo dang bral ba'i ye shes gnas/ /rkyen bral dbus na rab tu 'ging/ /de mthong na ni grol bar 'gyur zhes gsung ngo/ /bden 'dzin mi rten ma dbang na'i zhal snga nas/ yul snang dkar dmar sna tshogs la/ /rkyen gyur pha rol na/ /don de yod pa ma yin no/ /zhes gsung ngo/ /blo'i mdza' grol ba ra ha ma'i zhal snga nas/ ma skyes dngos gzhi rtsa ba bral/ /gzhi med blo 'das de kho na/ /dran med dbyings na gnas pa ni/ /dangs ma rkyen gyis bslang mi bya zhes gsung ngo/ / nyon mongs pa mi sdung par byed pa'i stobs dang ldan pa mo ta di la'i zhal snga nas/ tshogs drug ji ltar shar gyur kyang/ /bden 'dzin bcad pas bag chags zhi/ /'khrul pa'i rgyu grol las mi sogs/ /'khor ba rang sar grol bar 'gyur zhes gsung ngo/ / dpa' bo rdo rje a ka ra'i zhal snga nas/ 'khor bar skye ba'i rgyu de las/ /de ni nyon mongs pas bskyed de/ /nyon mongs yid yin gzhi rtsa bral/ /de mthong srid pa'i 'khor lo 'jig /ces gsung ngo/ /rdzu 'phrul gyi 'od nang ldan pa mo sh+rI pa ra na'i zhal sa? nas/

  222. 111b

    skye med dang la sna tshogs shar/ /shar ba de nyid skye med las/ /ma 'das chu dang 'khyab pa bzhin/ /dbyer med rtogs na phyag rgya che zhes gsung ngo/ /snang ba'i rang mtshan gzigs pa la lan ta'i zhal snga nas /gzugs ni gzugs kyis stong pa ste/ /rang bzhin med pa'i chos rnams la/ /'khor ba dang ni mya ngan 'das/ /rmi lam du yang ma mthong ngo/ /zhes gsung ngo/ /mi rtog pa'i ye shes dang ldan pa mo ta pa sa ri'i zhal snga nas/ ma dang sring mo'i pu mo yi/ /tha dad sgo nas bos pa'i ming/ /'gro ba bzang mo'i ngo bo was/ /ma gyur pa 'di ngo mtshar yul zhes gsung ngo/ /rtsol ba dang bral pa sa mu dra'i zhal snga nas/ mthun 'jug bkrol ba'i rjes de la/ /snang pa rtsa bral mtshan ma grol/ /'dzin med rang gi blo rten zhig /ma byas shes pa de ltos shig ces gsung ngo/ /bdud dang gzhan smra bar byed pas mi tshungs pa'i stobs dang ldan pa mo/ /bi ma si ta'i zhal snga nas/ 'jig rten sna tshogs las las byung/ /sna tshogs rang gi ngo bos stong/ /rgya mtsho nang gi gza' skar bzhin/ /bden par 'dzin pa 'khrul pa'i blo/ /zhes gsung chos rnams rang bzhin med par shes pa bya tri pa'i zhal snga nas/ nyams su myong bas ngos bzung bral/ /sems nyid rtsa bral deng ngos zin/ /sna tshogs snang la rang bzhin med/ /chos rnams gzhi med der ngos zin/ zhes gsung ngo/ /rnam par rtog pa 'bigS ba'i ye shes dang ldan pa mo rat na sid+d+hi'i zhal snga nas / gzugs ni dri za'i grong khyer 'dra/ /sgra rnams brag ca'i rnam pa can/ /yid ni rmi lam 'phar ma bzhin/ /rang bzhin gang yang ma mthong ngo zhes gsung ngo/ /thabs las mi mnga' ba'i ye shes can dz+nya na ki'i zhal snga nas/ dmigs pas bzung ba yid kyi las/ /gshig pas dangs ma gsal bar 'gyur/ /dper na 'phrul gyi me long bzhin/ /blo 'dzin dri ma brten mi bya zhes gsung ngo/ /shes rab pha rol phyin pa la rang bzhin gyis goms pa'i rnal 'byor ma ?

  223. 112a

    pa sa ri'i zhal snga nas/ lhan cig skyes pa'i ye shes ni/ /gang gi rgyud la skyes pa'i tshe/ /nyams su myong pa brjod mi nus/ /brda yis mtshon pa thabs kyi gnad ces gsung ngo/ /ye shes kyi mdzod 'dzin ma si ra nu si'i zhal snga nas/ rig pa bsgrims nas glong pa yis/ /ngang der phra rags rtog pa yal/ /spu? ris med pa dran med dbyings/ /dri med ye shes 'bar ba'i sa zhes gsung ngo/ /dpal gyi mdzod 'dzin ma ra si ni'i zhal snga nas/ gnyug ma rgyud la skyes pa yis/ shes pa 'di 'dra brjod mi shes/ /chos rnams ngo bos dben pa yis/ /gshis de blo yi yul ma yin zhes gsung ngo/ /de kho na nyid rab tu snang ba rdo rje'i mgur las/ gzhug ma rang gi ngo bo gzigs pa zhes bya ba'i le'u ste/ bzhi pa'o// // 'jig rten gyi bya ba btang zhing rgyal rigs dman pa'i sa bzung ba dA ri ka'i zhal snga nas/ 'di ltar 'di la sems gnas pa/ /de ni mnyam par bzhag pa'o/ /blo ldan dpa' bos 'dus byas dang/ /'dus ma byas kyi gnad la blta zhes gsung ngo// thugs rje'i dpal ldan li ta pu ki'i zhal snga nas/ kye ma mtshan ma'i 'du shes ni /gshig nas mtshan med la gnas na/ /de yis chos rnams ma lus pa /stong pa rab tu shes par 'gyur zhes gsung ngo/ /'jig rten gyi bya ba gnas su btang ba u na la na'i zhal snga nas/ gdong nas ma skyes rang gi sems/ /'od gsal ba yi rang bzhin can/ /kye ma don dam byang chub sems/ /nam mkha' dang mtshungs 'dus ma byas zhes gsung ngo/ /bde ba'i 'byung gnas ma sh+ri la li ta'i zhal snga nas/ sgyu ma'i rta dang glang po ltar/ /snang ba'i dus na ngo pos stong/ /kye ma rnam rtog gis btags pa'i/ /zhen yul de nyid gzhi yis stong zhes gsung ngo/ /sgrol ma'i byin brlabs zhugs pa kaM pa la'i zhal snga nas/ dang po shes bya rnam rtog tu/ /ma shes

  224. 112b

    'khor ba stongs mi 'gyur/ /ngo bo gzhi med rtsa ba bral/ /'di la rang bzhin yod ma yin zhes gsung ngo/ /dad pa'i stobs ma su ka ratna'i zhal snga nas/ chu shing gi ni snying po bzhin/ /chos rnams snying po med pa can/ /bdag med rtogs pa don gyi mchog/ de mthong srid pa srul por byed ces gsung ngo/ /brda la shes rab kyi mig byed pa ka na ye na ba'i zhal snga nas /kye ma rang bzhin ma bcos pa'i/ /shes pa rang skya mi 'gyur ro/ /ma byas shes pa so ma ni/ /gnyen po ma bral lhug par gnas zhes gsung ngo// rgya mtsho'i mdangs len ma dz+nyA na sid+d+hi'i zhal snga nas /shes pa rten med bdag po bral/ /gcer pu blo yis ma gos pa/ /shes pa rang kha skye 'gag grol/ /rtog pa ma gos dri ma med ces gsung ngo/ /rtogs pa phyag rgya ma la shar ba a nanha'i? zhal snga nas/ chos rnams rang bzhin dngos med la/ /don de byis pas mi shes pas/ /rang bzhin skye ba med pa'i bdag /bla ma'i gsung las nges mthong 'gyur zhes gsung ngo/ /dpal gyi 'od zer 'jam pa la'i zhal snga nas / skye med mtshan ma'i dngos po yis/ /'du shes rnam par grol 'gyur na/ /phyi dang nang gi skye mched la/ /kun tu sbyor par mi 'gyur ro/ /zhes gsung ngo/ /dbang la rtogs pa shar ba u ti ku pa ti'i zhal snga nas/ gzugs dang tshor ba 'du shes dang/ /'du byed rnam par shes pa ni/ /rang gi ngo bos rnam par dben/ /gzhi med rtsa bral de ltos dang/ /bden pa rang 'dzin gzhi la 'jig ces gsung ngo/ /shes rab 'byung gnas ma sh+rI du ka ri'i zhal snga nas/ glo bur rkyen las skyes pa yi/ /dran rig rtog pa bden pa stong/ /'gro 'ong med pa'i 'od gsal la/ /'di la 'khor 'das yong re kan zhes gsung ngo/ /bdag med pas byin gyis brlabs pa sa go la pa'i zhal snga nas /dpal ldan thugs kyi dkyil 'khor gyi/ /ye shes me long de ltos dang/ /'das dang ma 'ongs de ltar gyi/ /chos rnams stong par?

  225. 113a

    gsal bar 'gyur zhes gsung ngo/ /bde ba'i stobs dang ldan ma sing+ga srid da'i zhal snga nas/ kye ma yongs su skyo ba'i yid/ /ma skyes bla med mchog gi lam/ /rnyed par gyur pa ma yin pas/ /'khor pa las ni yid dbyung bya/ zhes gsung ngo/ /kha sarpa Ni pa bskor ba byas pas dbugs phyin pa na ri ba'i zhal snga nas/ bla ma'i brda las des snyed pas/ /des ni chos rnams stong par rig /byis bas med pa'i chos la rtog /des ni las las grol mi 'gyur/ zhes gsung ngo/ / 'gro ba'i dug sel ma d+harma la ge'o zhal snga nas/ dngos po yi ni mtshad rig pas/ /dngos med yongs su shes par 'gyur/ /chos rnams sgyu ma'i rang bzhin las/ /ma 'das bden par 'dzin pas 'khrul zhes gsung ngo/ /'od gsal nang phrad pa tsan+ti ba'i zhal snga nas/ 'od gsal 'gro 'ong med pa yi/ /bsam med bsgom dang bral ba ni/ /gnyug ma srang su chud pa las/ /'char 'gyur gzhan gyi sbyod yul min zhes gsung ngo/ /nor bu spyan ldan ma b+ha ra a ra li'i zhal snga nas/ sna rtser yid bcings gnas kyi gsang/ /ma yengs mi rtog skye ba'i sa/ /ka ran yis bde rlung bzung/ /bde chen thig le gnas par byed/ /ces gsung ngo/ /zag med bde ba la rgyal ba sh+rIk+Shu ti'i zhal snga nas/ bskal pa gang+gA'i bye snyed du/ gser gyis rgyal ba'i mchod pa gub/ bla ma'i ba spu khung gcig la/ /sku mnyed song ba khyad par 'phags zhes gsung ngo/ /thugs rje'i 'od zer can su ka d+ha na'i zhal snga nas/ bsod nams til dang ri rab khyad/ /su zhig thar pa'i grong mchog 'dod/ /bla ma gtsug tu bkur bar bya/ / 'di brjed mchog gi dngos grub yal zhes gsung ngo/ /ma rig sgo nga'i dbugs 'byed pa'i a li ba'i zhal snga nas/ snang ba gzugs kyi ngo bos stong/ /chos rnams sgyu mar blo thag bcad/ /bden 'dzin rgyud la brten mi bya/ /grub mdza' i blta ba 'dod pa spang/ /

  226. 113b

    zhes gsung ngo/ /brtson 'grus kyi stobs ldan ma ri d+ha ru'i zhal snga nas/ gang la mngon par zhen pa yi/ /blo de thod cig bdud yin no/ /gnyis snang shes pa grol gyur na/ /'khrul chos nyid dang du dangs zhes gsung ngo/ /brda? las don mthong bas 'khrul pa'i sgrog gcad pa su ta la li pa'i zhal snga nas/ nyon mongs gnyen por ma song ba'i/ /chos kyis sangs lam rnyed ma yin/ /kye ma rgyud dang ma 'brel pa'i/ /blta sgom ming yin ci cir rung zhes gsung ngo/ /bsod nams kyi rgyan ldan su ri ka ri'i zhal snga nas/ ma bcos rnal ma'i thig le ni/ /snying la brten nas 'khrul pa 'jig /shes pa rkyen gyis mi bslad do/ /yul gyi rjes su 'brangs gyur na/ /khro bo'i rig pa rten par byed ces gsung ngo/ /dur khrod kyi keng rus mthong ba la rtogs pa shar ba kum+ba ri ba'i zhal snga nas/ ji ltar lha dbang brgya byin gyi/ /ming de gang la 'ongs btsal kyang/ /phyogs rnams kun nas mi rnyed ltar/ /lus la bdag kyang de bzhin no zhes gsung ngo/ /zab mo dpal gyi 'od ldan ma'i zhal snga nas/ rmi lam du yang yod pa ru/ /ma mthong btsal pas ma rnyed pa/ /byang chub lam yin brtag par rigs/ /bdag med sgoms dang rnal 'byor pa zhes gsung/ /lus la bdag kyang de bzhin no zhes gsung ngo/ /zab mo dpal gyi 'od ldan ma'i zhal snga nas/ /rmi lam du yang yod pa ru/ /ma/ dang/ stong nyid rig pa'i rang bzhin du/ /'dug pa nus pa'i rtsal yin te/ /me long lta bu'i ye shes zhes gsung ngo/ /thar pa'i lam ston ma dz+nyA na badzra'i zhal snga nas/ me long lta bu'i ye shes zung/ /rig dang stong pa gnyis med las/ /ma 'das pa nyid ye shes yin/ /gsal ba so sor rtog pa la/ /rtsal ni bya ba grub pa'o zhes gsung ngo/ /rtsa rlung las su rung ba baM pa i pa'i zhal snga nas/ chos rnams rang bzhin ngo bos stong/ /gang gis rmi lam lta bur shes/ /de la 'ching ba mdza' dag bla la/ /skye dang 'chi

  227. 114a

    ba mi mthong ngo zhes bsung ngo/ /rtogs pa'i dpal dang ldan pa ma pa su d+hi re'i zhal snga nas/ stong pa dag kyang ma mthong ba'i/ /mig des dngos po'i gnas thabs mthong/ /'khrul snang dag pa'i dus der ni/ /sku gsum zhing khams 'char bar 'gyur zhes gsung ngo/ /gnas ngan len dang bral ba ke du a la pa'i zhal snga nas/ ji ltar deng dpon rgya mtsho las/ /ma phyin gling don mi 'grub ltar/ /'khor ba'i blo sna ma log par/ /thang pa'i lam rnyed ma yin zhes gsung ngo/ legs pa'i 'byung nas ma su ka ku la'i zhal snga nas/ byis pa tshe 'di mig bltas nas/ /'jig rten che thabs bsgrub pa ni/ /phyi ma rnam smin sogs pa'i rgyu/ /rang mgo rang gis 'tshogs par bas zhes gsung ngo/ /rtog pa khyad par 'phags pa ka na pa'i zhal snga nas/ chos rnams dngos po med pa yi/ /ngo bo nyid kyi ye shes ni/ /gdod ma nas ni rang bzhin gyis/ /rnam par dag pa'i rang bzhin can zhes gsung ngo/ /dpa' mo blo gros bzang mo b+ha ga d+ha ra'i zhal snga nas/ ma skyes ma 'gags yi ge med/ /mtshan ma med cing mtshan nyid med/ /rjes su mi mthong mi dmigs pa/ /yang dag rdzogs pa'i byang chub mthong zhes gsung ngo/ /gsag spyang sngon du song pa'i rten las 'phro can tsa du ra ki pa'i zhal snga nas/ snang stong skye ba med pa yis/ /rkyen dang bral ba'i shes pa ni/ /blos ma byas kyi rang kha ste/ /ma bcos rnal ma spros dang bral zhes gsung ngo/ /pad+ma 'od ldan ma su d+ha ra'i zhal snga nas/ 'di la b+ha ga dang chad la sogs/ /grub mdza' i lta bas reg mi nus/ /blo 'das sma bar ma yul ma yin/ /yi ges stong pas ming las grol zhes gsung ngo/ /mthong lam ye shes rgyud la shar ba'i man pa'i zhal snga nas/ chos rnams dngos po med pa las/ /byung ba ngo mtshar rmad kyi chos/ /ltos dang skal ldan rigs kyi bu/ /mthong na mchog gi

  228. 114b

    skal bar ldan zhes gsung ngo/ /bde ba'i 'od 'joms sh+rI sa pa ri'i zhal snga nas/ nges par yang dag brtan gyur pa/ 'di ni lam gyi dam pa ste/ /spangs pa mthar thug sangs rgyas kyi/ /ye shes bla med yongs rdzogs byed ces gsung ngo/ /ma dang pa snang bsgyur nus pa kan pa'i zhal snga nas /skye bo 'khru pa'i ngo gang la/ /'khor ba rang rgyud pa ru snang/ /de ni 'phags pa'i snang ba la/ /sgyu ma tsam du rab tu gzigs zhes gsung ngo/ /bzang mo dge ba'i 'od ldan su ka d+ha ri'i zhal snga nas/ rnal 'byor ba yi snang ba la/ /bden brdzun gnyis snang grol ba yis/ /'khor ba mthong bar mi 'gyur te/ gzod nas zhi zhing dag ba'i dbyings zhes gsung ngo/ /gnyid kyi sgrib pa dag pa o da rtsing ba'i zhal snga nas/ mkha' la zla ba chu nang du/ /nam du yang ni 'phos pa med/ /chu zla rang gi ngo bos stod/ /chos rnams dar shes 'khrul pa 'jig ces gsung ngo/ /rid pa'i rgyal mo a su d+ha la'i zhal snga nas/ yod pa dang ni med pa yi/ /blo 'dzin de ni dri ma ste/ /rnal 'byor mdza' gnyis rnam spangs la/ dbus la gnas par mi bya'o zhes gsung ngo/ /de kho na nyid rab tu snang ba rdo rje'i mgur las/ snying gi me long rnam par dag pa zhes bya ba'i le'u ste/ lnga pa'o// //drod kyi ye shes thob pa po d+hi bi ba'i zhal snga nas/ skye bo 'khrul pa ma khebs pas/ /gzung 'dzin gnyis su lta ba'o/ /sems byung de yi khams kyis ni/ /mtshan nyid bzung bas log rtog khegs zhes gsung ngo/ /shes rab kyi stobs ldan ma d+hi ra d+ha la'i zhal snga nas/ rtog pas bzung bas skyem med? kyi ? dbye dbang po rnam lnga shar/ /de yis yul la zhugs gyur pas/ /dug lnga skyes nas las bsags pas/ /srid pa'i 'khor lo grub par byas zhes gsung ngo/ /'jigs pa lnga dang bral ba seng ge ba'i zhal snga nas/ ji ltar mun pa'i rgya ? ni/ /skad

  229. 115a

    byed nyi mas gsal ba ltar/ /spros med lhan cig skyes pa yis/ /dang der chos rnams dag par 'gyur zhes gsung ngo/ /byin brlabs kyi dpal ldan ma su ka ta'i zhal snga nas/ chu 'dzin dag ni nam mkha' la/ /dangs tshe gud na yib min ltar/ /mtshan ma rang sar grol ba yi/ /dbyings na 'khor ba yod ma yin zhes gsung ngo/ /gnyis 'dzin mdud pa khrol ba ki la la ki'i zhal snga nas/ bdag tu 'dzin pa 'khor ba'i rgyu/ /bdag 'dzin nyon mongs zhing yin te/ /bdag 'dzin las kyi sa bon no/ /bdag tu 'dzin pa 'khrul pa'i lam zhes gsung ngo/ /dpa' mo shes rab bzang mo dz+nyA na li ta ri'i zhal snga nas/ bdag 'dzin rtog pa'i gzhi yin te/ /bdag 'dzin rnam rtog ma mo yin/ /bdag 'dzin bag chags snod yin phyir// ma spangs mya ngan 'das mi thob ces gsung ngo/ /'khor ba'i bde ba la snying rje'i gnas su gzigs pa tsand+ha la pa'i zhal snga nas/ 'di ltar chos rnams thams cad kyi/ /rang bzhin mnyam pa nyid yin te/ /sgyu ma lta bur shes par bya/ /rmi lam smig rgyu brag ca dngos zhes gsung ngo/ /gyad kyi stobs ldan ma d+ha ra ma ha'i zhal snga nas/ mig yod sprul pa chu zla dang/ /chos rnams gzugs brnyan las ma 'das/ /nam mkha' lta bur shes gyur na/ /dus gsum mi dmigs spros bral 'char zhes gsung ngo/ /mkha' 'gro'i byin brlabs zhugs pa dza la si pa'i zhal snga nas/ 'dzin bral rig pa nyams las grol/ /phyag rgya chen po blo bral la/ /brtags na 'khrul la bsams na ldang/ /bsgoms na 'chal la btsal na 'jig gsung ngo/ /bkra shis dpal 'dzin ma bim la si ti'i zhal spa nas/ dpyad na stong la reg pa 'gag /snang dang stong pa'i rkyen dang bral/ /brjod du med pa'i chag tu brjod/ /chos rnams ming med yi ge bral/ /tshig gi lam las 'das bcan zhes gsung ngo/ /nor bu'i 'od ldan ma su ka d+ha ri'i zhal snga nas/ mtshan ma

  230. 115b

    rang zhi skye 'gag bral/ /mtshan nyid med pa'i mtshan nyid can/ /bsam yid bral ba de ltos dang/ /'di ni ngo mtshar gzigs mor che/ /zhes gsung ngo/ /rtogs pa'i mthar phyin karma badzra'i zhal snga nas/ blos byas bsam gtan gzugs brnyan te/ /rtog pa nyid 'bru 'khrul pa'i mthar/ /bsgoms na yod lam bsgoms med/ /de ni rkyen la rag lus so zhes gsung ngo/ /pad+ma'i mdangs ldan ma b+ha su ka ri'i zhal snga nas/ don gyi lhan cig skyes pa yi/ /phyogs su gang zhen nye mi nus/ /rang bzhin gnyug ma'i bsam gtan ni/ /rang la babs pas rgyun mi 'chad ces gsung ngo/ /gnyis snang gi dri ma dag pa pad+ma badzra'i zhal snga nas/ 'khor ba thog ma med pa ru/ /yang nas yang du 'khyam pa'i rgyu/ /byis pas rtog pa don du bzung/ /des ni srid pa dri ba btags zhes gsung ngo// bde ba'i rgyan dang ldan pa mo dz+nyA nas ga'i zhal snga nas/ chos rnams rang bzhin spros dang bral/ /gang yang yod pa ma yin te/ /smig rgyu chu yis dben pa bzhin/ /chos rnams der shes grol bar 'gyur zhes gsung ngo/ /yi ge bdun pas nyon mongs kyi dug thon pa a nanda badzra'i zhal snga nas/ rlung sems 'od gsal bcings pas/ gnyug ma srangs su chud par byed/ /rig pa yul gyi rjes mi 'brang/ /phyi rol chags zhen bzlog par 'gyur zhes gsung ngo/ /bzang mo dang pa'i stobs can ma su ni bi ka'i zhal snga nas/ rig dbye 'phur dum bu'i gnad/ /lta stangs 'jog 'dor res gsor gyis/ /mi rtog ldengs ka bslad nas ni/ /tha mal mngon zhen ldog par byed ces gsung ngo/ /bla ma'i brda las don gyi dngo shes pa bsu d+ha ri'i zhal snga nas/ kye ma mthong bar dka' ba'i chos/ /phra zhing zhi ba'i bdag nyid can/ /chos rnams dmigs su med pa la/ /yi ger 'jug pa nus ma yin zhes gsung ngo/ /rdzu 'phrul dpal ldan ma su ka ra ki'i zhal snga nas/ yid la byed pa dang bral ba/ /der 'dzin rtog med bdu shes

  231. 116a

    grol/ /bdag ces bya ba gang yang btsal/ /ngo bo stong bas yi rnyed do zhes gsung ngo/ /rtog pa rkyen thog tu khel pa pradz+nyA pha la'i zhal snga nas/ dngos 'dzin grol na bde ba che/ /thabs kyis mchog tu gyur pa'i sman/ /'khor bo'i nad rnams 'joms par byed/ /'di las lhag pa'i sems yod min zhes gsung ngo/ /ye shes kyi 'khyung gnas ma sh+rI a li ti'i zhal snga nas/ ji srid gces 'dzin ma zhig par/ /'ching ba'i rgyu dang bral ba min/ /bdag tu 'dzin pa grol ba dang/ / srid pa'i 'khor lo 'jig par 'gyur zhes gsung ngo/ /'bras bu rang chas su gzigs pa tsarya ba'i zhal snga nas/ skye ba'i chos rnams ma lus pa/ /kun gyi rang bzhin 'gro 'od med/ /rtog med spros bral yang dag mdza' / /'dus ma byas shing lhun gyis grub zhes gsung ngo/ /tshul khrims kyi rgyan dang ldan ma si g+haM d+ha'i zhal snga nas/ tshig gis gtan la mi 'bebs te/ /bla ma'i brda las nges mthong bya/ /nyams su myong la ngos bzung bral/ /'di ni rnal 'byor ma yi yul zhes gsung ngo/ /rtsa ba'i don dbang bzhi las rnyed pa a ba d+hu tI'i zhal snga nas/ mi mthun lam du bslar ba yis/ /'gal ba'i rkyen rnams grogs su 'gyur/ /'dis ni sna tshogs lam du slongs/ /bgegs sol snang ba rang sar grol zhes gsung ngo/ /zla ba'i 'od zer ma g+ha ma li ti'i zhal snga nas/ nam mkha' mdud tshugs bsam gtan mkhar/ /rig pa sor bzhag gnad kyi mtshang/ /bde gsal rgyun mi 'chad par byed/ /yul la yengs par mi bya'o zhes gsung ngo/ /rten 'brel gyi 'gros la byang ba kriSh+Na ba'i zhal snga nas/ kye ma ngo bo nyid kyis zab/ /gzugs kyi rang bzhin de ltos dang/ /stong pa'i mtshan nyid gsal 'gyur gyis/ /gzugs kyi mtshang mthong de nyid shes zhes gsung ngo/ /lha'i rgyan ldan pa ra pa ki ri'i zhal snga nas/ de rig mya ngan 'das rtogs ?

  232. 116b

    dngos po med la dngos po ru/ /'dzin pa'i dmigs pa can rnams la/ /thar pa nam yang yod ma yin zhes gsung ngo/ /spros bral gyi ye shes ngos zin pa ko sha pa'i zhal snga nas/ chos rnams thams cad ngo bos stong/ /bden zad brdzun zad yi ge zad/ /don zad nam mkha' i rang bzhin can/ /bsam tu ma btub bsgom las grol zhes gsung ngo/ /dpal gyi 'od 'dzin mar ta na li ti'i zhal snga nas/ rtog bral yul gyi rjes mi 'brang/ /snang ba had pos der 'dzin grol/ /sor bzhag tshogs drug lhug pa'i dang/ /bsgom blo 'dun pa dri ma yin zhes gsung ngo/ /mos gus kyi rgyud smin pa Arya siM ga'i zhal snga nas/ chos rnams ma lus rnam kun ni/ /rjod byed tshig dang brjod bya'i don/ /rnam pa gnyis kyis stong gyur pas/ /gzhi rtsa med pa'i bdag nyid can/ /zhes gsung ngo/ /bzod pa'i stobs ldan ma na ta ra'i zhal snga nas/ tshogs drug yul gyi snang ba ni/ /sna tshogs rkyen gyi snang ba ste/ /rkyen snang sgyu ma las ma 'das/ /rang bzhin med de ngo mtshar yul zhes gsung ngo/ / dngos rnams bden med du gzigs par ta na badzra'i zhal snga nas/ ji srid 'bras bu 'dod pa'i blo/ /ma grol mya ngan las mi 'da' / /gang gis mthar thug ngos zin pa'i/ /blo de nyid ni rnam rtog go zhes gsung ngo/ /dpal gyi 'od zer sh+rad+d+ha na'i zhal snga nas/ mchog tu 'dzin pa'i dri ma ste/ /lam gyi bdud du shes par bya/ /re ba med pa'i snying dkyil na/ /bla med nor bu rin chen gnas zhes gsung ngo/ /gnyen po'i 'phrang chod pa dza ra na'i zhal snga nas/ dpa' bo blo gros ldan pa yis// chos kyi rang bzhin zhi ba ru/ /shes tshe ring du mi thogs par/ /srid pa'i 'khor lo 'jig par byed ces gsung ngo/ /bde ba'i mdangs ldan ma sh+rI ka su ta'i zhal snga nas/ 'das dang ma 'ongs da ltar gyi/ /thub pa'i gsung gi sde snod rnams/ /rnam

  233. 117a

    grangs tha dad don gcig par/ /bla ma'i brda las rab tu bslang zhes gsung ngo/ /go yul rjes la khel pa ra tri ta'i zhal snga nas/ yid lam byas dangs ma'i dang/ /gang yang ma skyes gnyug ma'i gshis/ /ma bcos rnal ma chos kyi sku/ /bdag med gnyis bsdus chos kyis stong/ zhes bsung ngo/ /byin brlabs kyi 'byung gnas ma su ri su ka'i zhal snga nas/ mtshang? mthong ched 'dzin blo mi 'char/ /chos rnams bden pa zad pa ru/ /mthong ba'i dus der bden pa grol/ /des ni srid pa h+rul por byed ces gsung ngo/ /re dogs shigs pa tsan dra go mi'i zhal snga nas/ gzugs ni gzugs kyis steng pa ste/ /chu shing bzhin du snying po med/ /khams rnams rang gi ngo bos dben/ /chu yi spu ba lta bu'o zhes gsung ngo/ /bde ba'i stobs ldan ma b+ha ra'i zhal snga nas/ smig rgyu bzhin du skye mched rnams/ /rang bzhin ma grub ngo bos stong/ /snang ba rang sar grol ba'i mtshang/ /de nyid ltos dang rnal 'byor pa zhes gsung ngo/ /'bras bu la sgrub blo bral ba a shog ra'i zhal snga nas/ rtog pa btsal bas mi rtog pa/ /nam du yang ni mi rnyed/ /chol ba'i dus nyid rtog pa las/ /ma 'das dran pa'i spu ris so zhes gsung ngo/ /dpal gyi 'od ldan ma su ka to'i zhal snga nas/ kye ma rtog pa'i rang bzhin ni/ /rang bzhin ngo bos stong gyur ba/ /de tshe rtog pa sa spangs bar/ rang bzhin gyis ni grol bar 'gyur zhes gsung ngo/ /sh+ri tsan+d+ra pa'i zhal snga nas/ mi rtog 'dod pa'i blo de nyid/ /ngo bo rtog pa'i bdag nyid de/ /rtog dang mi rtog gnyis med pa/ /de ni rtsa ba'i don yin no zhes gsung ngo/ /rnal 'byor pa thams cad kyi de kho na nyid rab tu snang ba grub pa thob pa rnams kyi rdo rje'i mgur las/ dpal gyi 'od zer rnam par shar ba zhes bya ba'i le'u ste/ drug pa'o// //nyams myong tshogs drug gis bskor ba b+hu ta'i zhal snga nas/ phyag rgya che

  234. 117b

    la bsgom du med/ /blo yi mdun pa mi brten te/ /bsgom pa bdag po la btod cig ces gsung ngo/ /bde ba'i 'od zer can sing+ga la'i zhal snga nas/ mi bsgom shes pa de ltos dang/ /skye 'gag 'phel 'grib med pa yi/ /ma byas pa ye shes pa ni// de mtshar ltad mo'i yul yin no zhes gsung ngo/ /rig pa dangs pa la rten 'brel gyi gnas gzigs pa dzai ta ri'i zhal snga nas/ ji ltar rgyal po rigs ran gyi/ /spyod pa byas na gya ba bzhin/ /sgrub pa po ni don med pa'i/ /sbyor ba gzhi dang bcas la spang zhes gsung ngo/ /rtogs pa'i 'byung gnas ma ma d+ha ro ha'i zhal snga nas/ zil dngar bcud len sman gyi mchog /skyugs na nad du 'gyur ba bzhin/ /sgom nyams mu tshor smras pa na/ /yongs su yal bar 'gyur ba yin zhes gsung ngo/ /bying rmugs rno ngar gyis bsal ba b+hi ta ka ma'i zhal snga nas/ snang ba stong pa'i ngo bo ru/ /grol par mthong ba'i mig de ni/ /dri ma med pa'i ngo bo'i rtsal/ /de ni rtog pa'i gdeng yin no zhes gsung ngo/ /dbang phyug gi stobs dang ldan ma bu ga d+ha la'i zhal snga nas/ stong pa'i rang bzhin 'gag med du/ /'char ba gang gis shes 'gyur ba/ /blo ldan de ni skal ba bzang/ /las grol med na thar bar byed ces gsung ngo/ /stong nyid rang gi ngo bo rjes la zin pa ratna dza la'i zhal snga nas/ skyes la ma 'gags gsal ba yi/ /shes pa skad cig dang po la/ /yul dang sgo nga phrad pa bzhin/ /de nyid rtags pas rang bzhin med ces gsung ngo/ /bde ba'i dangs ma a dzu li'i zhal snga nas/ stong pa nyid kyi yongs su 'dzin/ /rig pa spros bral 'dus byas min/ /rtog med sems kyi ngo bo la/ /'khor dang mya ngan 'das ma grub ces gsung ngo/ /lta ba ming las grol bas grub mdza' i 'dod pa zhig pa b+ha tra pa'i zhal snga nas/ sna rtser yid bcings 'gyur ba dangs/ /yul snang ma mthong der 'dzin bral/ /dus gsum yid la ma byas ba'i/ /de tshe dan pa'i ri mo

  235. 118a

    'jig ces gsung ngo/ /bde ba'i mdangs ldan ma si ri d+hi na'i zhal snga nas/ shes pa mdung tshugs spros pa zhi/ /de yis rtogs pa'i 'gro 'ong chad/ /'di ltar dbang po rang snang gi /yul na bsam med bsgom dang bral gsung ngo/ / rlung sems lta stangs kyis 'ching ba kun tu ru'i zhal snga nas/ thar lam dgra med mi 'od bas/ /bsgrub pa rkyen khar gtang mi bya/ /las mdza' ma log rab tu gces/ /grogs ni chags sdang skye ba'i rgyu zhes gsung ngo/ /thugs rjes dpal gyi sgron ma su ka pa'i zhal snga nas/ ri dags sman ma ji bzhin du/ /u pa gcig pur gnas par bya/ /skye bo'i dbus su rtogs pa 'grib/ /mchog gi don gnyer bas mthar song zhes gsung ngo/ /gnyen po stobs su gyur pas nyon mongs pa la btsan chod kyi thog rdzis byed pa dzaM bu ta'i zhal snga nas/ kye ma 'jig rten tsha thabs ni/ /thar lam sgrub pa'i mi mthun phyogs/ /klu mchog rnams kyi mgo bo ni/ /de snyed sdug bsngal rten yin bzhin zhes gsung ngo/ /stobs ldan rgyal mo sUryA kha d+ha'i zhal snga nas/ dngos po'i zhen chags 'khor ba'i rgyu/ /zhen med mya ngan 'das pa'i lam/ /'dod pa'i blo yis thar pa 'dor/ /'dod pa dang bral bde ba'i mchog/ ces gsung ngo/ /nyon mongs par rang sar grol bas 'khrul pa'i sgrog chod pa dzi na mi tra'i zhal snga nas/ phra rags chod pa seng ge'i mig /'di yi nang na mi rtog pa'i/ /rang rig ye shes dri med gnas/ /mig ni gzum par mi bya'o/ zhes gsung ngo/ /byin brlabs kyi 'od zer can b+ha nu d+ha ri'i zhal snga nas/ dri med dngos 'dzin bcings pa'i gnang/ /rlung sems 'od gsal la 'jug pa/ /bde chen rgyal po mchog gi lam/ /'di ni thabs kyi rgyal mo yin zhes gsung ngo/ /yul snang brda ru shar bas don gyi gnad rig pa so na sh+rI'i zhal snga nas/ nges pa'i shes pa ma skyes par/ /bden pa mthong bar mi 'gyur te/ /bsnyems sal

  236. 118b

    dbu 'phrig dag pa'i dbyig /mchog tu gces pa'i gter yin no/ /zhes gsung ngo/ /dbyings kyi gtso mo dz+nyA na ro ha'i zhal snga nas/ rnal 'byor des shes gces 'dzin bya/ /som nyi bdud kyi byin brlabs so/ /the tshom gyis ni dngos grub 'dor/ /yid ches yon tan kun gyi gzhi/ zhes gsung ngo/ /rig pa so la bzhag pas bde gsal rgyun mi mchad pa dza ba ri pa'i zhal snga nas/ ka ra na bcings yon tan gyis/ /rig pa srungs su chud pa yis/ /yul gyi gsal cha ma 'gags pa/ /der 'dzin shes pa grol bar byed ces gsung/ /dpal mo pad+ma kha d+ha'i zhal snga nas/ des ni phra rags rtogs pa spong/ /bde rlung rig pa thogs babs su/ /'dzin par byed pa'i gnang 'di la/ /lta stangs so ma brdze ba gces gsung ngo/ /spros bral ye shes tshogs bsags pa las byung bash+rI sa ga ra'i zhal snga nas/ rtog pa bsal nas mi rtog pa/ /rgyud la 'gal na 'khrul pa ste/ /rtog pa med na ye shes la/ /skye ba'i thabs med ye shes 'gag /ces gsung ngo/ /bzang mo nor bu'i 'od ldan ma b+hi ga si'i zhal lnga nas/ rtog pa gang skye mi dmigs ?/ spyad pas shes rab bsu 'gyur/ /thabs des rnam par rtog pa'i rtsal/ /ye shes chen por 'char bar byed/ ces gsung ngo/ /ngo sprod cig car phog pas phyir mi ldog pa'i sa de nyid du thob pa sU rya sh+rI dz+nyA na'i zhal snga nas/ snying rje'i mda' med stong pa'i gzhus/ /rgyud la myong ba mi skye ste/ /thabs dang bral ba'i shes rab ni/ /go ba'i yul du ltung bar 'gyur/ zhes gsung ngo/ /dpal gyi 'byung gnas sa la dza d+ha ra'i zhal snga nas/ gzhu med snying rje'i mnga' yis kyang/ /don byed nus pa ma yin te/ /shes rab dang bral thabs kyis ni/ /lag tu lon pa ma yin no zhes gsung ngo/ /shes pa bden med du slongs pas 'khrul pa'i rkyen las grol ba/ sh+rI ta ri'i zhal snga nas/ thub pa'i spyan gyis rlung sems bcings/ /snang ba ma dmigs der 'dzin grol/ /de tshe shing?

  237. 119a

    yul mi phrogs/ /dus gsum tshig chod? 'gro 'od med ces gsung ngo/ /bde chen rgyal mo su la kha d+ha'i zhal snga nas/ mi g.yo rtse gcig dang ba'i dang/ /rtog pa rang grol chos kyi sku/ /rig pa gcer bu sgribs g.yogs bral// shes pa rang lugs phyag rgya che zhes gsung ngo/ /'khor gsum yongs su dag pa'i rtsis 'bras bu la 'dod blo bral ba g+hu d+he ri pa'i zhal snga nas/ sku bzhi thob tu mi ster ba'i/ /bgegs de 'dod pa'i blo yin no/ /'di yod sgribs pa mi 'dag pas/ /zhing khamS gsal bar mi 'gyur ro zhes gsung ngo/ /dpal gyi sgron me su ka tsand+ha'i zhal snga nas/ 'dod pa'i blo bral bde chen gyis/ /dus nges sdug bsngal bral bar byed/ /'dod pa'i blo rnams log pa yis/ /zag pa 'dam rdzab skam par 'gyur zhes gsung ngo/ /nges pa'i shes pas the tshom gyi dri ma sel ba sh+rI pa ra na'i zhal snga nas/ kun la khyab pa chos kyi sku/ /rang bzhin ma skyes ma 'gags pa'i/ /spros dang bral ba'i mtshan nyid de/ /ye shes dang gnas su rgyun chad med ces gsung ngo/ /bde ba'i 'od 'dzin ma b+ha nu ro ha'i zhal snga mas / nam mkha' i dang can gdod nas dag/ mdza' bzhi las ni rnam par grol/ /'das dang ma 'ongs de ltar gyi/ /dus kyis ma bsdus phyag rgya che zhes gsung ngo/ /nyon mongs pa rang thog tu grol bas gnyen po'i byar zhig pa sa re d+hi pa'i zhal snga nas/ /shes pa rang can de ltos dang/ /nam mkha' i dbyings kyi dbus gnas par/ rig pa dri med lam gyi mchog /thig le grol na rnam par mthong zhes gsung ngo/ /bde ba'i sgron ma la d+ha li'i zhal snga nas/ sems la ye shes skye 'gyur ba// rig pa drung? ? khro bo'i spyan ni/ /sor bzhag rnam rtog rlung mi bskyod/ /rten 'brel gyis ni yang dag 'grub ces gsung ngo/ /nyams myong snang ba las grol bas sgom thun 'jog zhig pa nA ga badzra'i zhal snga nas/ bla ma'i byin brlabs ma zhugs pa'i/ /rgyud la

  238. 119b

    rtogs pa 'char ba min/ /nges pa'i shes pa ma skyes par/ /de nyid zab mo'i don mi mthong zhes gsung ngo/ /'bar ba'i gtso mo a ma ka pa li'i zhal snga nas/ gnyug ma ra su ma chud pa'i/ /rten 'brel che ba bla ma'i brda/ /'di la nges pa stong ba na/ / mtshon byed yi ge nang du 'gyur zhes gsung ngo/ /dus gsum skye 'gag gis stong pa'i rig pas rnam rtog rang sar dengs pa pad+ma badzra'i zhal snga nas/ bden par mthong 'khrul pa'i blo/ /yang dag bden pa de shig cig /'di yis blo mdza' i lta ba grol/ /des ni gnyis snang mi gnas so/ /zhes gsung ngo/ /legs pa'i dpa' mo si ri ti ra'i zhal snga nas/ rten 'brel rtsa ba byin pa yis/ /'khor ba'i sa bon mi gnas te/ /ma rig pa nas rga shi'i bar/ /rten cing 'brel pas 'khor ba steng zhes gsung ngo/ /spros bral gyi don bral bas bzung bas rjes la yul rjes mi 'brel ba badzra dz+nyA na'i zhal snga nas/ tha mal rnam rtog nub pa yi/ /rten la thabs kyi lam mi dgos/ /'khrul pa dag pa'i shes pa la/ /'di la lta ba dgos pa min zhes gsung ngo/ /dpal gyi rgyal po su ka ra li'i zhal snga nas/ rtog pa'i spu ris spangs pa yis/ /shes pa la ni bsgom mi dgos/ /rang snang grol bar gyur pa la/ /sgrub pa nyams su blang mi dgos zhes gsung ngo/ /yul snang sgyu mar ngos zin pas shes? pa la dang 'dzin zhig pa bi ma la gNi? zhal snga nas/ tshogs drug yul lam 'phros pa/ /dus gsum reng sar grol bar 'gyur/ /bde chen go 'phang mchog 'dod pas/ /rtse gcig gtan las 'da' mi bya zhes gsung ngo/ /rdzu 'phrul gyi 'od zer can pad+ma wa ti'i zhal snga nas/ yengs na de nyid mthong mi 'gyur/ /ma yengs pa ni thabs kyi gnang/ /bde gsal stong pa'i rang bzhin can/ /'di yis rab tu rtsed par byed ces gsung ngo/ /brda don khong du chud pas 'khrul pa yul tho tu tshed pa gi rti dz+nyA na'i zhal snga nas/ lo lo'i 'khrul snang gol?

  239. 120a

    khyer dang/ /'dres pa 'dis ni thar pa'i lam/ /dus gsum na yang rnyed pa med/ /brtags na 'khrul pa gzhi yod min/ zhes gsung ngo/ /dpal gyi bde ster ma sa ri d+ha ri'i zhal snga nas/ 'di ni rang snang glo bur ba/ /rtsa bral rang bzhin med pa yi /mtshar de ltos dang rnal 'byor pa/ /de mthong 'khrul pa 'jig par 'gyur zhes gsung ngo/ /rnal 'byor pa thams cad kyi de kho na nyid rab tu snang ba rdo rje'i mgur las/ mi zad pa'i rin po che'i gter mdzod rnam par rdol ba zhes bya ba'i le'u ste bdun pa'o// //mi mthun pa lam du blang bas 'gal rkyen grogs su shar ba sh+rI badzwa ba lo'i zhal snga nas/ 'khor ba pa la bde ba med/ /chu yi gnyer ma ji bzhin du/ /sdug bsngal cig phyir cig gis slab// tshe 'di ci byas sdug bsngal rgyu zhes gsung ngo/ /bde ba'i ros myos ma b+hu ga la ma'i zhal snga nas/ lta ru med pa de mthong na/ /bzung du med pa'i don zin te/ /des ni rtsol ba'i nang las grol/ /bde chen rgya ba thob par byed ces gsung ngo/ /rtog pa snga phyis long ma brtags pas ma bsgoms pas shes pa spros bral du gyur pa dz+nyA na tsa kra'i zhal snga nas/ rtogs na yon tan ma rtogs skyon/ /gang gis gos par mi 'gyur ba'i/ /rang 'byung ye shes 'dus ma byas/ /gnyis med shes bya dngos po'i gshis zhes gsung ngo/ /nyon mongs pa'i skyon gyis ma gos pa b+ha nu ta ri'i zhal snga nas/ rtog pa 'dzin pa'i nyer len byed/ /des ni srid pa'i 'khor lor bcug /chos rnams thams cad stong pa ru/ /ma rig pa yis bdag tu bzung zhes gsung ngo// don gyi gnad rig pas 'dzin rtog grol ba pradz+nyA tsaNdra'i zhal snga nas/ gnyug ma don gyi lhan cig skyes/ /ma bcos rnal ma rang kha la/ /dran pa'i spu ris brten mi bya/ /blo dpyang zhugs na rtog pa'i gzhi zhes gsung ngo/ /'khrul pa'i sgros las grol ba mo su

  240. 120b

    ka le'i zhal snga nas/ las dang nyon mongs bag chags kyis/ /rten de grub pa ma yin te/ /'khor ba bzhi med rang grol la/ /mya ngan 'das pa ji ltar bsgrub ces gsung ngo/ /'khrul pa'i sgrog chad pa las ye shes shar ba sh+rI ratna ma ti'i zhal snga nas/ chos rnams gzhi med rang gi ngo bos stong/ /don dam kun rdzob gang gis gnyis su phye /'khor 'das rmi lam nyid du 'ang med gyur na/ /grub mdza' zhig pa'i lta ba ji ltar smra zhes gsung ngo/ /brda'i go ba longs pa mor li d+ha ri'i zhal snga nas/ spros pa med cing skye ba med// rnam par mi rtog ma bcos pa/ /snying rje chen po'i rang bzhin te/ /lhan cig skyes pa'i ngo bor rtogs zhes gsung ngo/ /snang ba'i mtshang mthong bas shes pa rkyen dang bral ba ka mo do'i zhal snga nas/ sna tshogs snang ba'i bzung 'dzin te/ /ma bcos ltan cig skyes pa yi/ /ngo bo bas? ni ma 'das te/ /chos kyi dbyings kyi rang bzhin can zhes gsung ngo/ /bzang mo don gyi dpal 'dzin ma g+ha dzu d+ha ri'i zhal snga nas/ rags pa'i dngos por snang ba kun/ /stong pa nyid kyi rang ba zhin te/ /cer cer snang ba'i dus nyid du// phyag rgya chen po mthong nas yod ces gsung ngo/ /gnyug ma'i rang ngo mthong bas rtog pas bcing du med pa rA dza me tog ha li'i zhal snga nas/ dang po 'di ltar snang ba kun/ /phyag rgya chen po'i ngo bo ste/ /rang bzhin med pa'i bdag nyid can/ /chu zla'i dkyil 'khor ji bzhin no zhes gsung ngo/ /zag med bde ba'i dangs ldan ma ru ka li'i zhal snga nas/ mtshon byed dpe yi lhan skyes kyis/ /mtshon bya don gyi lhan skyes rtogs/ /des ni 'gro 'od med pa'i bdag /sems nyid gnyug ma'i rang bzhin no zhes gsung ngo/ /zag med kyi shes pa yul kyis ma phrogs pa sh+rI dz+nyA na'i zhal snga nas/ snang ba'i bla mas dngos rnams gdams par bstan/ /sngar 'dris mi de mthong bas ngo shes bzhin/ /bla ma'i ngo spros gnad la zug pa yis/ /chos rnams rang bzhin skye ba med par rig ces gsung ngo//

  241. 121a

    rang rig 'od gsal gyi mdangs can ma gang ga le'i zhal snga nas/ dbang po drug gi spyod yul du/ /gang gang snang ba'i dngos po la/ /rang bzhin bden pas dben pa'i phyir/ /stong nyid ci phyir mi gzigs shes gsung ngo/ /tshe 'di'i zhen pa log pa tsan+d+ra sing nga'i zhal snga nas/ bla ma'i byin brlabs zhugs pa'i mthus/ /a'e? baM snying gi dkyil du zhu/ /de yis snang ba'i dngos po 'di/ /rtog pa skye med dang du 'jug ces gsung ngo/ /dpa' mo ye shes kyi mdangs 'phrog ma b+ha ga d+ha ra'i zhal snga nas/ tshogs drug yul snang sgyu ma la/ /ngos zin 'khrul pa yul la ldog /gzhi med rang gis stong pa'i mtshang/ /mthong bas bag chags gnas su 'joms zhes gsung ngo/ /rang gi bde sdug khyad du bsad nas gzhan don 'dzin pa pradz+nyA pa pa'i zhal snga nas/ rjes la gnyen po bya ra gshig /bde ba'i rol chags pa na /sgom pa nyams kyi 'ching ba ste/ /lha ni bdud du babs par 'gyur zhes gsung ngo/ /bzang mo dpal gyi 'od zer can ? ro ha'i zhal snga nas/ re ba dang ni dgoS pa yi/ /mtshan ma'i chos la rtog pa ni/ /nyams su ma myong skyon yin pas/ /gnyis med rtsi yis zin par bya/ /rang snang rang sar grol bar bya zhes gsung ngo/ /snang ba'i mtshang gis gnyug ma'i ngo bo mthong ba de ba sh+rI sU rya'ai? zhal snga nas/ gang zag lam pa'i rgyud la ni/ /re dogs gnyis su byung gyur na/ lta ba ma rtogs skyon yin pas/ /'khor ba dang ni mya ngan 'das/ /rang gi sems su blo thag bcang ces gsung ngo/ /dpa' mo lha'i sgrol ma b+ha ga dzu lu'i zhal snga nas/ blang bya dor bya gnyis byung na/ /spyod pa goms par ma byas pa'i/ /ro ma snyoms pa'i skyon yin pas/ /rin chen sems las phyir gyur pa'i/ /'khor 'das med par shes par bya zhes gsung ngo/ /shes pa rkyen dang bral bas rtog pas mi 'ching ba da na sh+rI rA dza'i zhal snga nas/ 'phags lam 'grong pa'i dus der ni/ /bsgom bya sgom byed gnyis byung na/ /nas?

  242. 121b

    lugs dza? yas ma zin pa'i/ /rkyen gyi dri ma 'thas pa yin/ /sems ngo skye med shes par bya zhes gsung ngo/ /spros brol gyi rgyan dang ldan pa b+ha ba de pa'i zhal snga nas/ mchog gi 'bras bu re gyur na/ /ma rtogs skyon gyis gol ba min/ /kye ma gang la re ba de'i/ / ma spangs dri ma mi 'dag pas/ /re ba med pa bde ba'i mchog ces gsung ngo/ /phrin las kyis gdul bya'i re ba bsgong pa badzra ra? smi'i zhal snga nas/ snang ba la na chigs gyur na/ /lam khyer ma shes skyon yin pas/ /bden brdzun dngos po'i chos la blta/ /gang la mngon par zhen pa ni/ /'ching ba'i rgyu de por de sgrim zhes gsung ngo/ /phyir mi ldog pa'i phyag rgya can ratna kha d+ha'i zhal snga nas/ lam du mthong ba'i rtogs rnams la/ /bdag brod re bas sngon bsu nas/ /dmigs me rtsi yis ma zin pa'i/ /blo bral ma dag skyon yin pas/ /shes pa'i thug thag bcad par bya zhes gsung ngo/ /thos pa'i mdza' tshig gi thog tu chang pa tsan+d+ra h+ri da'i zhal snga nas/ 'khor ba sdug bsngal du mthong bas/ /dogs pas skyon gol ba de/ /yul ma 'byongs pa'i skyon yin pas/ /mkhas pas dogs pa spangs pa na/ /bde ba'i tshang du chud pa yin zhes gsung ngo/ /'khrul pa chos nyid du shar ba mo ha ra d+ha na'i zhal snga nas / brtsol ba med pa'i brtson 'grus kyis/ /ngos bzung bral ba'i nyams myong bskyang/ /bying rgod la sogs byung gyur kyang/ /de yi skyon ngo shes byas la/ /kho na nyid la glong la gzhag /ces gsung ngo/ /don gyi gnad rigs pas bsam pa'i mdza' chod pa badzra d+hi li bi'i zhal snga nas / kye ma kye ma tha mal gyi/ /ma bcos shes pa ngos bzung dang/ /rang gi rang bzhin nyid la blta/ /'di yi dus su? rang snang ge? /chos la rtags dbyang spang bar bya zhes gsung ngo/ /'dod pa'i blo log mar sa b+hi'i zhal snga nas/ cir snang ngo pos rang grol bas/ /nyon mongs bag chags kyis mi 'go /chos dang sems su ro mnyam pas/ /sna tshogs gzugs med rtsa bral du/ /?

  243. 122a

    bas smon pa lta bu'o zhes gsung ngo/ /byin brlabs kyi nyams 'bar bas bsgom thog babs su 'char bar smi sUrya'i zhal snga nas / thams cad sgyu ma las ma 'das/ /rang bzhin med pa'i mtshang go pas/ /nang gi phyi rol byin brlabs nas/ /mtsho la 'khyag dar zhig pa bzhin/ /snang ba rang sar grol bar 'gyur zhes gsung ngo/ /rig pa snyems las grol ba mo/ /b+ha ga da nu'i zhal snga nas/ 'khor 'das ro gcig rtogs pa las/ /des ni gnyis 'dzin shes pa grol/ /'bad rtsol med par gdul bya yi/ /don 'byung yid bzhin nor bu ltar/ /'bras bu rang la rnyed par 'gyur zhes gsung ngo/ /tshe 'di'i rtsis bshig pas ci byas chos su song bar ta na pa li pa'i zhal snga nas / gzhi la gnas pa'i 'bras bu ni/ /e ma rang 'byung bsam mi khyab/ /rang sems skye med ngo shes pas/ /sku gnyis bsgrub pa'i 'dun ma grol/ /thob bya'i 'bras bu phyi nang med ces gsung ngo/ /nyon mongs pa rang thog tu brnyil ba mo ra b+hi na da'i zhal snga nas / 'di ni gzugs can ma yin pas/ /dus gsum 'gyur ba med par gnas/ /'khor ba dang ni myang 'das kyi/ /chos rnams phyag rgya chen po las/ /ma 'das kun la khyab pa'i bdag ces gsung ngo/ /lta stangs kyi gzengs smad pas 'jam rlung thog babs su zin pa gi rti si pa'i zhal snga nas / gdod nas stong zhing bdag med pa/ rin chen sems ni phyag rgya che/ /rgyu las ma byung skye 'jig med/ /ma skyes ngo bo de mthong bas/ /'khor ba'i thog mdza' chod par 'gyur zhes gsung ngo/ /dus gsum rang sar grol ba me b+ha ga ta'i zhal snga nas/ sems nyid do gsal ngo pos dben// sangs rgyas dang ni sems can gyi/ /khyad par yod pa ma yin te/ /mar me dang ni 'od bzhin no/ /'di shes 'khor 'das 'dzin? rtog bral/ zhes gsung ngo/ /rtog pa byin brlabs las 'khrungs pa tsan+d+ra pradz+nyA'i zhal snga nas/ yid la mi byed don 'di la/ /

  244. 122b

    skye dang 'gag dang 'gro 'ong med/ /rang snang ba ni rang gi sems /tha dad par ni mi rtog go /gnyis 'dzin bral na phyag rgya che zhes gsung ngo/ /rtog pa las grol ba ra b+hi na'i zhal snga nas/ stong pa nyid la bden pa yi/ /blor 'jog bdag 'dzin mdud par 'gyur// byed mkhan ngos zin 'khrul pa 'jig /de ni gnad kyi gdams pa yin zhes gsung ngo/ /ngo sprod kyi gnad la nges pa'i shes pa skyed pa ratna bo d+ha'i zhal snga nas / rtogs pa'i don la mchog 'dzin spang/ /'dag par dka' ba'i dri ma ni/ /ngo bo mthong ba'i rang nyid de/ mdza' dang bral ba lta ba yin zhes gsung ngo/ /dbang gi nyams kyi gzi ba mo b+ha tsa la'i zhal snga nas / glo bur rkyen las skyes pa yi/ /dran rig rnam par rtog pa ni/ /de nyid ngo bo gzhi med de/ /rang bzhin ma skyes pa yi gzhi/ /de mthong 'khrul pa'i snang ba 'jig ces gsung ngo/ /'od gsal gyi rang ngo mkha' 'gro ma'i brda las phrad pa kand+ha ri'i zhal snga nas / rnam par rtog ba chos nyid du/ /ma shes dbyings kyi ye shes ni/ /mtsha? ma mthong bas ngos mi zin/ /e ma de nyid ltos dang kye zhes gsung ngo/ /mi rtag pa'i gnyid logs? sing+ga d+ha na'i zhal snga nas/ de nyid ngo bo 'dus ma byas/ /'gro 'ong med pa'i bdag nyid can/ /sgros pa nyer zhi 'od gsal dang/ /gnod nas dag pa de ltos dang zhes gsung ngo/ /gnyis snang gi shes pa grol ba bIrya dza la'i zhal snga nas / ma skyes mi skye skye ba med/ /stong nyid las byung skye ba med/ /skya med skye ba'i ngo bos stong/ /rgyu rkyen byed pa po ma grub ces gsung ngo/ /bde ba'i ro myos pa mo g+ha dzu li'i zhal snga nas / skye med dbyings las shar ba yi/ /chos rnams skye ba med pa'i bdag /rang bzhin las ni ma 'das te/ /dngos rnams skye ba med pa'o zhes gsung ngo/ /dge ba'i dpal 'dzin bi la ta'i zhal snga nas/ bya ba btang ba'i skyes bu bde/ /'jig rten pa la sdug bsngal du/ /ma song ba yi dngos po gang/ /de ni 'phags pas gzigs mi 'gyur zhes gsung ngo//

  245. 123a

    rnal 'byor pa rnams kyi de kho na nyid rab tu snang ba grub pa rnams kyi rdo rje'i mgur las dpal gyi be'u'i bcud rnam par 'thigs pa zhes bya ba'i le'u ste brgyad pa'o// //snang rgyud la nges shes skyes pa sardza na'i zhal snga nas/ las kyi phyag rgya mtshon byed de/ /chos kyi phyag rgya sgom pa'i lam/ /phyag rgya chen po 'bras bu ste/ /dam tshig phyag rgya phrin las so zhes gsung ngo/ /seng ge'i rtsal dang ldan pa sid+d+ha na'i zhal snga nas / mtshon byed med na don mi mthong// bsgom bya med na lam dang bral/ /'bras bu med na bsgrubs nas ci/ /phrin las med na dgos pa stor zhes gsung ngo/ /don rgyud la sgro 'dogs chod pa de ba sha ri'i zhal snga nas/ bde ba nyams myong dga' ba ste/ /'dzin grol nyams myong mchog tu dga' / /bde stong dbye ru med pa ni/ /lhan cig skye ba'i dga' pa'o/ /nyams las grol na dga' bral lo zhes gsung ngo/ /bde ba'i 'od zer can bi ma la d+ha'i zhal snga nas/ myong bas lus sems rnal du gsol/ /zhen med nyams myong 'dzin pa grol// spros bral stong pa bde ba'i nyams/ /shes pa der 'dzin bral ba can zhes gsung ngo/ /byin brlabs kyi brgyad pas bar chod sel pa sh+rI sa ra ba'i zhal snga nas / rang gnas rtsa ba 'dus ma byas/ /skad cig ma yi mtshang gis rig /to la skyes shes pa snga phyi bral/ /der ni gnyis snang mdud pa grol zhes gsung ngo/ /bzang mo nor bu'i 'od ldan ma d+ha na la'i zhal sngo nas / dran rig rnam par rtog pa ni/ /dmigs pa med par ma chod na/ /bag chags gnas pa'i rten mi 'jig /mtshan ma rang grol de ltos shig gsung ngo/ /blo rten ma bcas pas mtshan ma rang sar grol ba ga dzu d+ha ra'i zhal snga nas/ nye bar len pa'i phung po lnga/ /sgyu ma lta bur mtshan nyid med/ /gang la rang bzhin med pa ni/ /mtshan nyid med pa'i mtshan nyid gcig ces gsung ngo/ /rdzu 'phrul gyi 'od

  246. 123b

    zer can ratni ta'i zhal snga nas/ chos rnams sgyu ma'i ngo bo la/ /rang bzhin yid la ma yin kyang/ /lam du 'khrul pa ma bsal na/ /sgyu mar mthong pa grol ba min/ /sgyu mas sgyu ma 'ching bar 'gyur zhes gsung ngo/ /dus gsum ma dmigs pas rtog ba chang ? tha rind+ha pa'i zhal snga nas/ chun rjes bshig po shes rab lam/ /chos nyid spros bral 'char ba'i sa/ /rig bsgrim slod thabs kyi mtshang/ /ma rig bsgom gyis gnod mi rtogs zhes gsung ngo/ /dpal gyi bde ster ma su ka ri'i zhal snga nas/ ma chun gnad du chung mi 'gyur/ /ma shigs rjes kyi ngos mi zin/ /ma bsgrims log shes cher mi chod/ /ma slong sbros bral 'char pa'i lam zhes gsung ngo/ /rtsa ba gzhi med mthong bas gnyis 'dzin grol bag gad+ha? ri'i zhal snga nas/ chos rnams ming du shes par gyis// de yis bden par 'dzin pa grol/ /gnas lugs gzhi med mthong bar gyis/ /'di yis brag pa'i brug? rdu grol zhes gsung ngo/ /dpal gyi sgron ma ka na li'i zhal snga nas/ 'khor ba'i rang mtshan mthong bar gyis/ /de yi myang 'das 'dod pa grol/ /dran rig ye shes ngo bo mthong/ /'di yis sangs rgyas bsgrub blo 'jig ces gsung ngo/ /'dod pa yid la zhig pas zag med kyi bde ba 'bar ba sh+rI sUrya'i zhal snga nas / ji ltar til gyi 'bru gu la/ /mar gyis khyab par gnas mod kyang/ /skam la ma btsun khu ba med// til gyi mar gyis don mi nus zhes gsung ngo/ /bum 'dzin ma d+ha na ru'i zhal snga nas / rigS drug 'khor ba'i sems can la/ /bde gshegs snying po yod gyur kyang/ /ma bsgrubs grol ba thob mi 'gyur zhes gsung ngo/ /rnam rtog gzhi med du mthong bas/ /gnyen po'i ? las grol ba su ga de pa'i zhal snga nas/ rig pa mdung khyer sgom gyi gnad/ /ma bsgoms shes pa gnyug ma'i dang/ /bsgoms dang ma bsgoms gnyis med pas/ /shes pa zung 'jug ngo mtshar che zhes gsung ngo/ /bde ba'i mdangs ldan ma b+ha a ra d+h+ra'i? zhal snga

  247. 124a

    nas/ shes pa mdza' bral lta ba'i gnang/ /tha mal shes pa blo rtog bral/ /ma bcos pa ni chos kyi sku/ /bsgrub blo zhig pa ngo mtshar che zhes gsung ngo/ /lam la gang phan grogs su ston shes pas snang ba dpe char shar ba b+ha na sUrya'i zhal snga nas /ji ltar sol ba'i sdong po? la/ /lo 'bras me tog mi 'byung ltar/ /de bzhin dang pa med pa la/ /yon tan nor bu 'byung mi 'gyur zhes gsung ngo/ /ye shes spyan ldan ras ma d+ha na'i zhal snga nas /mngal du 'phyes pa'i glang po yis/ /'dam bu'i tshal du mi rtol ltar/ /rang bzhin brtson 'grus mi ldan pas/ /thar pa'i grong khyer phyin mi 'gyur zhes gsung ngo/ /seng ge'i lta stangs la rig pa dangs pa da ra ca'i zhal snga nas/ ji ltar rmi lam sgyu ma bzhin/ /kun rdzob snang ba'i rang bzhin stong/ /dri za'i grong khyer ji bzhin du/ /skye dang gnas pa de bzhin no zhes gsung ngo/ /lta'i mnga' 'phrog ma man? la'i zhal snga nas / 'di dag yang dag ma yin pas/ /khams gsum ngo bos rnam par dben/ /chos rnams don du ma grub pas/ /rang bzhin dag pa ngo mtshar che zhes gsung ngo/ /dran pa'i rtsal ngo bo skyes pa tsaN+Da li'i zhal snga nas/ chos rnams rang bzhin rnam par dag /rgyu med 'khor ba mthong mi 'gyur/ /ma mthong mya ngan 'das pa'i gnad/ /de rtogs nas ni grol ba thob/ /e ma mkha' 'gro gsang ba'i gnad ces gsung ngo/ /'bar ba'i gtso mo b+ha? nu ti ri'i? zhal snga nas / blo yi mdza' bral gnyug ma'i dang/ /sgom dang bsgom bya las grol te/ /phyag rgya che la sgom du med/ /ma byas shes pa rang dang chas/ /rig pa rten med nam mkha' 'dra zhes gsung ngo/ /shes pa yul la ma 'bros pas rtog pa chad pa a su ra d+ha'i zhal snga nas/ rtogs pa mthar phyin 'bras bu'i sa/ /re dogs gol ba dbyangs su dag /don rtogs rnal 'byor nyam ? bral/ /'khor ba rang grol ngo mtshar che/ zhes gsung ngo/ /ye shes kyi spyan ldan ma b+ha nu ha ri'i zhal snga

  248. 124b

    nas/ bden gnyis ngo bo tha mi dad/ /snang stong gnyis med zung du 'jug / snang stong grol ba'i rnal 'byor pa/ /'khor 'das med pa ngo mtshar che zhes gsung ngo/ /rtsa ba'i gnad kyis rang ngo brda las phrad pa g+ha tsa li pa'i zhal snga nas / nges pa'i shes pa skyes pa la/ /the tshom som nyi yid gnyis bral/ /ye shes rgyun chad med pa la/ /skad cig ma yi chos mi gnas zhes gsung ngo/ /dpal gyi 'od 'jo ma su ka d+ha na'i zhal snga nas/ bar do med pa'i chos nyid la/ /'gro dang 'ong ba'i chos mi gnas/ blo dang bral ba'i ye shes la/ /'khrul pa'i dri ma rnam par dag ces gsung ngo/ /shes pas so la bzhag pas 'khrul pa'i snang ba la sgrog chad pa tsand+he pa'i zhal snga nas/ rtsi yis zin pa'i lcags bzhin du/ /ngo bo gser du 'gyur ba bzhin/ /bde gsal mi rtogs zin pas/ /dran rig ye shes nyid du 'gyur zhes gsung ngo/ /dbyings kyi gtso mo b+ha ta ha'i zhal snga nas/ /gang tshe gnad kyi ngo bor rig /de dus ma rig mun pa dangs/ /gang du 'khrul pa'i snang ba dag /de ni sku gsum zhing zhes shes gsung ngo/ /A li kA li'i gnad kyis bka' rgyud kyi don grol ba sho sa ri pa'i zhal snga nas/ gang la gter gyi khron yong na/ /de la chags pa'i blo 'byung gis/ /gter med pa la chags blo med/ /so bya nags kyi khrod ma? snyag ces gsung ngo/ /rdzu 'phrul rgyan dang ldan pa'i than mo'i zhal snga nas/ rtsi med sprar ma bde bar gnas/ /nya btang skyar mo sams ngal sos/ /chog med blo ni dbul po yin zhes gsung ngo/ /dka' thub kyi srangs tshar pas 'phags pa'i brgyud pa zin pa ratna de ba'i zhal snga nas/ rgyu yi rnal 'byor rkyen las byol// lam pa'i rnal 'byor rkyen dang bral/ /'bras bu'i rnal 'byor rkyen thog 'bab/ /rtogs pa'i rkyen du gang ma song zhes gsung ngo/ /thugs rje'i 'od ldan ma su ri d+ha na'i zhal snga nas/ rgya mtsho nad gi sems can la/ /chu srin zas su ma gyur gang/ /de bzhin brtan pa thob pa pa/

  249. 125a

    gro gsum gyur gang yang med/ /ces gsung ngo/ /'khrul pa ngos zin pas tshogs drug rtog pa'i rkyen bskul du shar ba a mo g+ha tsanda'i zhal snga nas/ lta med lta dang bral ba la/ /lta ba 'di yin ji ltar sku/ /gzhon nu ma yi bde ba bzhin// nyams myong brjod par nus ma yin zhes gsung ngo/ /bde ba'i stobs ldan ma sa na la'i zhal snga nas / gang gis khur bar chu blugs na/ /smra brjod nus pa ma yin no/ /don gyi rtsi 'thungs rnal 'byor pas/ /phyag rgya chen po brjod mi shes zhes gsung ngo/ /gnad kyi rang mtshang go bas rig pa'i rtsal 'byongs pa su ka dz+nyA na'i zhal snga nas/ chu rnams thams cad rgya mtsho ru/ /lan tshwa'i ro ru gcig pa ltar/ /gdams pa'i gnad kyi ngo sprod du/ /chos rnams don gcig go par 'gyur zhes gsung ngo/ /sems la dbang thob par ru d+ha ra'i? zhal snga nas/ mig seng? gyis ni gzir pa yi/ /sa gzhi gser du mthong ba bzhin/ /de ltar don gyi rtsi mthungs pas/ /cir snang gdams par mthong bar 'gyur zhes gsung ngo/ /ye shes gshig rjes la ngos zin pa bi ma de pa'i zhal snga nas skyes bu bdud kyis khyer ba ni/ /de tshe bdag bstod gzhan la smod/ /rmongs pa'i grub mdza' mngon zhen can/ /'di ni lta ba'i bdud yin no/ /zhes gsung ngo/ /dpa' mo khyung bya'i ldem ru can pa li nga'i zhal snga nas/ mkhas pas khas len spang bar bya// thos pas rang rgyud dul ba ni/ /'di yi yon tan dgos pa stor/ /rig byed mthar phyin zhi zhing dul zhes gsung ngo/ /sna rtsed yid bcings par 'gyur ba srad su chud par ? tsan+d+ra'i zhal snga nas/ ji ltar yol bas bcang ba'i rgyab/ /bum pa la sogs ni mngon bzhin/ /de ltar 'dod pa'i mig btsum pas/ /zag pa phyi ru mthong mi 'gyur zhes gsung ngo/ /yid 'phrog rma bya'i lde ru can b+ha ga su na'i zhal snga nas / gang du gnyis 'dzin grol ba'i tshe/ /de dus 'khrul pa rang sar dag /chos nyid snang bshad ba la/ /bden pa

  250. 125b

    mthong zhes rab tu brjod ces gsung ngo/ /ngo sprod gnad la phog pa'i phyag rgya chen po thog babs su shar ba mo dzir de ba'i zhal snga nas/ blo mdza' ma mthong lta ba ni/ /shes bya mu las grol bas zhig / snang stong rkyen dang bral ba las/ /skye ba med pa'i phyag rgya bcings zhes gsung ngo/ /bde ldan ma dung gi thor cog can ba ta mi'i zhal snga nas/ 'dzin blo thong la rtog pa chod/ /chos rnams gzhi ru mnyam pa la/ /brgyad dang bral ba rnal 'byor yin/ /ye shes sku ni las las grol zhes gsung ngo/ /ngo sprod gcig gi thog tu chos rnams kun gyi don rig pa g+ha dzu de ba'i zhal snga nas/ ji ltar dbang po dangs pa'i mig /long na gzugs rnams mi mthong bzhin/ /de ltar 'dod pa'i blo med na/ /sgrib pas mthong bar mi 'gyur ro zhes gsung ngo/ /gtum mo 'brug gi glag pa can bi ta la'i zhal snga nas/ gang zhig gzugs med bar du ni/ /de la grib ma 'ong ba bzhin/ /de ltar 'dod pa'i blo yong phyir/ /sgrib pa spongs par 'gyur ma yin/ /grogs dag 'dod pa'i blo dang bral zhes gsung ngo/ /nyams kyi man ngag mar me cig nas cig tu spal ba'i lugs/ /de kho na nyid rnal du mtshon pa la/ /bdud rtsi'i chang rnam par phab pa zhes bya ba'i le'u ste dgu pa'o// //rgyal sras mi'i seng ge rje? dam pa rgya gar rin po che'i zhal snga nas/ rang 'gyur du mdzad pa / phyag rgya chen po dum bu khrigs/ /tshig tu nyung la don du 'gril/ /nyams myong skyes pa rdo rje'i mgur/ /ma rig mun sel sgron mo 'di/ /skal ldan mig gi dbang po yis/ /lta bas mi ngoms blos mi 'khyud/ /sgro 'dogs glags pa tsam gyis chod/ /a ma do re mtshar rdzogs sho// // sems can thams cad kyi don du gyur cig/ /phyag rgya chen po gser phreng zhes bya ba bzhugs so/ /*/ /rgya gar skad du / mahA mu dra ka na ka mA le nA ma / bod skad du/ phyag rgya chen po gser phreng zhes bya ba/ bla ma dam pa rnams la

  251. 126a

    phyag 'tshal lo/ /ljon shing me tog 'dab rgyas 'bras bu mngar mang zhing/ /chos ldan rgyal pos stong gsum zhing dul rgyan gyis mdzes/ nam mkha' i nyi zla'i gar dang rgyu skar gar dang bcas/ /klu rgyal spyi bo nor bu rin chen rgyan gyis brgyan// mdzes ldan yid 'phrog skyes bu mu tig pra yis spras?/ /mtshan ldan sangs rgyas lha mi 'khor gyi tshogs na gsal/ /nor bu rin chen yon tan mang ldan yang/ /ded dpon dang bral rgya mtshor bgrod mi nus/ /thos mang sde snod yon tan kun ldan yang/ /byin brlabs dang bral skye med don mi rtogs/ /dbyar gyi dus na sngo rnams skye 'gyur kyang/ /zhing lam btab lo tog 'byung min ltar/ /'gro drug sems can sangs rgyas rang bzhin yang/ /ma bsgoms rnam grol ye shes don mi mthong/ /mig yong the tshom lam gyi 'drul chad de/ /'dod pa'i yul du phyin par 'gyur min ltar/ /yid ches ma gyur the tshom blo can gyis/ /bde chen byang chub go 'phang rnyed mi 'gyur/ /bsgom dang mi bsgom rtog pa blo yi yul/ /bsgom min snyam bral yengs su med pa'i sa/ /yid la mi byed phyag rgya chen po'i lam/ /kye 'o bya bral skye med blo las 'das/ /gsal stong 'od rig chos nyid ye shes sgron/ /bde stong zag med bde chen rgyal po la/ /snang stong rtog med chos nyid spyan pa yis/ /e ma ngo mtshar chos nyid bden pa mthong/ /sgyu ma 'od gsal chos sku 'od drang zhing/ /sgyu lus 'od gsal chos sku'i snang ba bzung/ /gnyis med lhan skyes chos nyid ? phrad kyis/ /kye ma bla ma sangs rgyas e sangs rgyas// //nA ga sa ra parya pa/ /sa wa sa ra ka ma ya/ /shI ti b+hu su b+hi ba pa/ /de ki u na min pa/ /bu dbri? tsa tra b+ha tra pa/ /Arya me ka ka ru pa/ /ra bi di ko kobd+ho li/ /b+ha ga bi ra ni lo pa'i/ /kaM ka ko ki a na ta/ /tsan+d+ra sarba ko ta li/ /b+ha de ka na kaM b+ha li/ /DoM b+hi he ru dA ri ka/ kaSh+Ni nA ga pra b+hA ka /ku ku

  252. 126b

    tsa nu g+haN+Da pa// //gang gis mi rtogs rtog pa'i spyod pa mi bya ste/ /byas na rgyal po'i khrims la dmangs kyis gnod pa bzhin/ /rtogs pa rnams kyis ma rtogs spyod pa mi bya ste/ /byas na glang chen brtan pa 'dam du tshud pa bzhin/ /kye'o grogs dag lhan cig skyes pa de/ /gzhan nas mi rnyed bla ma'i zhal la dris/ /don dam zhal gyi ngo bo de rtogs na/ /yid ni 'chi med rlung yang chad pa med/ /chos nyid 'od gsal bde chen gyi/ /zag med mya ngan 'das kyi sku/ /gang gis ma rtogs rtogs med lam/ /bstan par mi nus snying po'i mchog /bdag lus rgyal ba'i dkyil 'khor la/ /thar lam srog gcod phyi nang gi /rdul med rdul tshon la sogs kyi/ /dkyil 'khor 'bad rtsol ci yang med/ /bde stong gnyis med nyams myong bla ma yi/ /byin brlabs sgron me? chos nyid rang byung la/ /ma rtogs mi rtogs bsgom du med pa la/ /'di dang 'di zhes smrar med lkugs par spyod/ /gang nas ma 'ongs gang yang ni/ /mi 'gro skye med gnyug ma'i lam/ /chos nyid byang chub tshes sku yi/ /nyi ma ma rig mun dang bral/ /dus sbal lta bur 'khor ba yi/ /skyon gyis ma gos gdod nas dag /sgron ma mun bral bla ma yi/ /drin gyis ye shes nyi ma bde/ /ma blta bltas pas mthong ba med/ /ma rtog rtog dpyod yul min gyis/ /ma sems bsam du ci yang med/ /ma re re dogs yul las 'das/ /bltas pas mthong ba'i yul mi phyin/ /bsgom pa bla ma'i byin brlabs kyis/ /chos nyid don mthong ci yang ni/ /mi sems ngos bzung med par grol/ /bya ba btang ba'i skyes bu la/ /bya bral byar med bzung 'dzin med/ /re dogs dang bral nyams len la/ /mi rtog bsgom du ci yang med/ /e ma ngo mtshar chos nyid bden pa mthong/ /e ma byin brlabs nyams myong sgron ma 'bar/ /e ma bla ma'i dad gus yengs pa med/ /e ma 'bras bu rang gsol byin brlabs gsal/ /rang rig gdon

  253. 127a

    ma ma skyes pa/ /stong pa ma bcos lhun gyis grub/ /sems nyid rang rig rang gsal gyi/ /nor bu gsal dangs go mi 'gags/ /bsgom dang mi bsgom rtog bcas kyis/ /rang bzhin 'od gsal rnyed mi 'gyur/ /bsgom med yengs su med pa la/ /ma bcos yengs med lhug pa nyid/ /rang rig lhan cig skyes pa yi/ /chos nyid bde chen smrar med la/ /bdag gzhan bde sdug blo las 'das/ /chos nyid bden mthong chos sku'i klong/ /rang rig rang gis rtogs pa la/ / chu khams gser dang nam mkha' bzhin/ /sangs rgyas sems can 'khor 'das dag /sbang blar tha dad ci yang med/ /dug gsum rang grol ches kyi sgron ma yi/ /rtsa rlung bde stong gnyis med la/ /tha ma la rnam rtog dngos por 'dzin pa ye/ /chags sdang mdud pa rang sar bzung 'dzin grol/ /ye shes lus can chos nyid gsal dangs la/ /mdza' bral brten med dmigs su mang pa'i phyir/ /'khrul dang ma 'khrul 'khrul gzhi 'khrul pa yi/ /rtsa ba skye med bya bral dang du chad/ /'ja' tshon lta bu sgyu ma'i sku/ / dam tshig phyag rgya zhen med kyi/ /dbang po rang snang thug phrad kyis/ /chos nyid bden pa mthong pa yin/ /zag med bde chen ches nyid nyi ma yi/ /las kyi phyag rgya chos nyid ye shes sgron/ /skye med byang chub kun rtog bral pa yi/ /'khor ba'i sdug bsngal bde chen klong du sad/ /bdag lus rgyal pa'i dkyil 'khor gyi/ /dpa' po mkha' 'gro chos kyis ni/ /phyag rgya rtsa rlung byang chub sems/ /gnyug ma dmigs su ci yang med/ /sems nyid bde stong chos nyid kyi/ /don rtogs phyag rgya chen po'i lam/ /dmigs bya dmigs byed dmigs med la/ /cing? yang bsam du med pa nyid/ /bdag med seng ge'i sgra sgrogs kyis/ /steng nyid ting 'dzin sgron ma yis/ /bde sdug rtag chad la sogs kyi/ /sgrib pa ma lus sel bar byed/ /dge dang mi dge'i las rnams ni/ /'dzin med

  254. 127b

    gnyug ma'i ngang du yal/ /chos nyid bde ba chen po'i sku/ /rang rig gnyis med ngang du 'phrod/ /pi waM sgra bzhin dam tshig gi /sgron ma bral na bde med phyir/ /dam tshig nyi ma ye shes kyi/ /nyi ma chos nyid nyi ma mthong/ /dbang bzhi bsgrod pas lam bzhi mthong sku bzhi phyag rgya bzhi du grol/ /thabs ldan zung 'jug rdo rje'i sku/ /bdag lus rgyal ba'i ngang du rdzogs/ /bag chags ye shes rang grol la/ /rtag chad spang blang sgro skur ci yang med/ /gdod nas dag pa chos nyid gnyug ma la/ /sgrib byed bying rgod re dogs ci yang med/ /bsam gyis mi khyab rang rig 'od gsal la/ /dran pas gzung dang bzung 'dzin ci yang med/ /nyon mongs rang dangs rnam rtog chos sku la/ /dus gsum sangs rgyas btsal du ci yang med/ /gser 'gyur rtsi ltar khams gsum nyid/ /bde chen chos nyid rol gang ba/ /don dam 'khor ba kun thob? dag /mdza' bral chos nyid dbu ma'i lam/ /gtsang dang mi gtsang rtog pa yi/ /sle sha bzung 'dzin 'khor ba'i chos/ /'khrul pas bde chen mthong pa med/ /ma mthong rnal 'byor de mi rnyed/ /tha mal shes pa snying gi dbus su sang?/ /tshogs drug dag na bde brgyan mi 'chad/ /brtags pa thams cad don med sdug bsngal rgyu/ /bsgom du med pas gnyug ma'i dang la zhog /phyag rgya chen po rang la lhun gyis grub pa ste/ /mi bsam mi rig 'bad pa med pa'i ngang la zhog /char? pa ? sngon du nyams myong rang gis myong/ /rtag par mi 'gyur mngon zhen med pa zung du 'jug /shing rta'i 'khor lo gnyis dang mi ldan gang yang 'gro ba mi nus ltar/ /sbyin sogs 'bad pa byas kyang bla ma mi ldan dngos grub dam pa min / bya rgod? rtsal rdzogs 'dab mar bcas pa dag gis nam mkha' gcod cing rgyu/ /skal bzang rnams ni dbang dang byin brlabs gdams pa khong du chod pas bde/ /rgya mtsho zab cing rgya che dag gi nang na nor bus gang ba la/ /klu yi rgyal po rnams kyis mnga' ? gang?

  255. 128a

    yin de ni ngo mtshar che/ /snang grags thams cad ye nas chos sku 'gyur med yin pa la/ /rtogs dang nyams myong ldan pa'i rnal 'byor rnams kyis longs spyod ngo mtshar che/ /gser 'gyur rtsi yi nus pa yis/ /lcags rnams gser du bsgyur ba ltar/ /rin chen dbang gi nus pa yis/ /nyon mongs ye shes gnyis med bskyur/ /rtogs pa yid bzhin nor bu la/ /nyams su myong ba'i mdog phyung bas/ /spyod pa'i nus pas dgos 'dod 'byung/ ro snyoms ldan brtsams kyis 'grub/ /rang la bde chen yod kyang ma rtogs 'khrul pas bsgribs/ /de bsal 'dod pas bsod nams ye shes tshogs bsag bya/ /tshogs gnyis ma bsags bskol pa brgya ru 'bad byas kyang/ /bla ma mi ldan bde ba chen po rtogs mi 'gyur/ /dus gsum sangs rgyas ngo bo gcig /de yi rang bzhin rang gis sems/ /rtogs par 'dod na ji bzhin zhog /goms par byas na mngon sum 'gyur/ /bla ma ngag las dang po rang gi sems rtogs bya/ /de nas chos rnams kun dang tha dad med byas la/ /gnyis med rtogs shing dur khrod gnas su 'dug nas ni/ /nyams rtogs smyon pa'i brtul zhugs ngang gis spyad/ /rta dang glang po rgya mtsho 'dran mnyam nyid bde/ /spre'u chu yi ri mo bris pa 'dra na spros par 'gyur/ /chu bo nyi ma sman dang 'dran? dbyer mi phyed/ /gtsug phud dmigs dang 'khor los sgyur rgyal lta bu 'thob/ /sa la gnas pa kun kyang bskal pa bzang/ /rgya mtsho'i gting du phyin na dbul dang bral/ /ral gri lag na thogs na longs spyod che/ /phyogs med sa la phyin na gnyen dang phrad/ /sems ma gdungs na lta ba che/ /zhan pa med na ro snyoms yin/ /'bad pa brab na bsgom pa'i mchog /gnyis snang bral na rdzogs sangs rgyas/ /la la ra sa d+h+ru tI gsum/ /rang byin rlob cing bcing bar bya/ /bla ma sems

  256. 128b

    dang snang ba gsum/ /rtogs pa bskyed phyir bsten par bya/ /phyag rgya chen po gser phreng las/ /tshogs 'khor dang po byin brlabs shugs byung gi le'u ste dang po'o// //lU yI dza lan b+hi rba pa/ ka ma in+d+ra kha ra b+ha/ /paM ku na tha g+ho ra kha/ / to ka b+he Ni bi na si/ /g+hu na an dzo kaM tha ri/ /d+ha bu ta ba po te le/ /o tra sa ka na tri yi/ /kaM ka sa na ga na si/ /tsa ba su ku si ya? li/ /su ta d+harma gu ru na/ /ra hu ku su ku ma dri/ /la kha d+ha kha pa ra bu/ /d+ho pi Da Ne ra ba/ /tsa ma d+ha kha snying po ba/ /khyi rgod mi srun sna la sbrang rtsi bskus na phyogs rnams kun tu za bar byed/ /blo dman skal pa med pa'i gang zag dag la gdams pa byin na rang rgyud sreg /glang chen brtan pa dpa' ba' i sna la ral gri skur na dgra dpung thams cad 'joms/ /skal bzang blo ldan skye med rtogs pa'i snang ba thug phrad dag gis rnam rtog 'joms/ /skye med rtogs kyang nyams su myong bral na/ /de yang srin po'i lag na bu khyer 'dra/ /nyams su myong yang gnas lugs ma rtogs na/ /glang chen sna la lcags kyu brgyab pa 'dra/ /sangs rgyas mchod sogs rnams la don mi 'byung/ /'dod dang rtsol ba yod na sangs mi rgyas/ /byin brlabs bla ma'i ngang gis nyams myong 'phel/ blo yi cha la yin gyis don ma yin/ /gang yang ma lta dbus su ltos/ /mchog dang dga' bral bde ba che/ /sngags rigs gsang pa smyon spyod nas/ /rnal 'byor rtags kyis bsgyur bar bya/ /dus kyi sna rtse bdag byin brlabs ldan na/ /phyi dang nang gi spyod pa dag gis sangs mi rgya/ /bde ba rab rgyas snang ba dag dang khyad med na/ /zhen pa btang bas nyams myong mchog thob 'gyur/ /rje btsun dam pa bsten na de nyid mthong/ /nags tshal mthongs su bsgoms na dben pa 'thob/ /chos rnams sems su rtogs na mi mthun med/ /nam mkha' i 'o ma 'thungs na tshim par 'gyur/ /bde dang stong pa mdza' bral nyid rtogs na/ /dpag bsam shing rten pa yis

  257. 129a

    mnyen byas te/ /mtsho las skyes bu rgyal bas 'gro shes na/ /bram ze pha dang ma las bu skye 'gyur/ /'dod chags zhe sdang gti mug gis/ /bzung 'dzin chags sdang rang sang chad/ /rmi lam sgyu 'dra zhen med kyis// nyams myong gsal snang go ma 'gags/ /gsal lo gsal lo bde chen gyi/ /bla ma byang chub lam mkhan gsal/ /gnyis med chos nyid gsal dangs kyi/ /nyams myong gnyug mi'i dang du gsal/ /bde'o bla ma bde chen bde/ /bde bar mi 'dzin cir yang mi rtog bde/ /bzung 'dzin dang grol 'dzin pa rang dangs bde/ /bya bral skyes bu byar med blo 'das bde/ /stong ngo stong ngo tha mal lus/ /sgyu lus zhen med dbyings su stong/ /zung 'jug skye med dang du stong/ /rang rig lhan skyes sku ru stong// rig go rig go rang gi sems/ /cing yang mi 'dzin rtog med rig /gar yang ma spyod smra med rig /rtog spyod yul las 'das par rig /mi rtog rtog med rtog spyod yul las 'das/ /mi sems bsam med bsam du rtsi yang med/ /rtan dang brtan med 'gro 'ong gnas dang bral/ /'khor 'das bde sdug bde chen klong du sad/ /ma bcas yongs med rang bzhin lhug pa la/ /sems byung rgyun chad 'od gsal 'gro 'od bral/ /snang ba smrar med slob dpon yongs su med/ /chos nyid dang gsal rig pa chos sbyang 'phrod/ /sems nyid ma mthong ci yang med/ /da ltar ltar med bstan du med/ /ma yengs ma yengs med yongs su med/ /bsgom med bsgom du med pa yin/ /bral lo bral lo 'khor 'das bral/ /bde chen chos nyid klong du bral/ /rig pa smrar med dang du bril// bsgom pa zhen med dbyings su bral/ /bya ba byar med skam sar gnas/ /e ma chos nyid chos nyid mthong/ /kye ma sangs rgyas kyi sangs rgyas/ /kye'o byang chub go 'phang thog /e ma ngo mtshar 'chi rgyu med/ /snang srid mi bden gdong nas brdzun/ /dgra thun ye shes 'khrul

  258. 129b

    snang yin/ /byas pa thams cad don med sdug bsngal dang/ /chags sdang bral na sangs rgyas yin/ /byas pa thams cad don med sdug bsngal rgyu/ /byar med bde'o rnal 'byor rtsol med bde/ /cil bsams kyang dgos 'dod mi 'byung bas/ /bsam du med pa gnyug ma'i dang la bde/ /sems nyid bde chen thig le'i sku/ /bde stong dbyer med sems kyi rgyun/ /nam mkha' lta bur brjod med kyis/ /chos nyid bltar med bstan du med/ /e ma ngo mtshar bla ma'i sku/ /stong nyid spros bral rtog med dang/ /snang stong dbyer med stong pa'i dbyings/ /chos sku skye med rgyun du ldan/ /snang sems sangs rgyas sems can dag /nyi ma dang ni 'od? bzhin du/ /spangs thob las grol zhe 'dod med/ /gang la med pa de sangs rgyas/ /shes bya snang ba rang bzhin bral/ /shes pa gsal la rtog med de/ /sems nyid bde chen zag med la/ /yengs med bsgom du ci yang med/ /sems nyid bla ma sangs rgyas sku/ /snang sems 'dus byas dge ba'i gzhi/ /chos sku ngan song ting 'dzin lam/ /nga rgyal gnyis med byang sems ldan/ /chos nyid ma bcos 'khor ba yi/ /thog mdza' re dogs mnyam dang bral/ /bsgom bya sgom byed blang dor spangs/ /'bras bu rang gsal rang gi mchog /rang rig lhan cig skyes kyi sku/ /ngo bo rig pa rang gsal gyi/ /'gro drug sangs rgyas snying po la/ /dam tshig rtog med rgyan dang ldan// snang sems chos nyid chos kyi ni/ /sku can mnyam bral rtog med kyi/ /dag pa'i sgyu lus byang chub lam/ /zung 'jug skye med bde 'gro'i rgyan/ /snang sems rang rig bde chen spros dang bral/ /sgyu ma rtsa rlung rlung sems brjod du med/ /rmi lam 'od gsal bde chen zung 'jug la// sku gzhi ye shes gsal snang go ma 'gags/ /bltar med ba lta ru med pa yi/ /rang sems rnam dag bla mar snang/ /snang ba stong pa bde chen sku/ /bde stong dbyer med byin brlabs rgyan/ /sems nyid ltar med blo 'das gyi/ /rtsa ni gsal stong mkha' 'gro'i gsang/ /snang

  259. 130a

    ba stong nyid bde chen sku/ /snang stong dbyer med mkha' 'gro'i rgyan/ /bya bral rtogs med rlung sems kyi/ /snang ba stod pa spros dang bral/ /stong nyid bde chen brjod du med/ /bde stong mdza' bral rlung gi rgyan/ /rang sems bde chen byang chub sems/ /zag med bde chen chos kyi sku/ /snang ba 'od gsal stong pa'i klong/ /bde stong ye shes byang chub rgyan/ /snang ba rmi lam bden pas stong/ /gzung 'dzin chags sdang 'khrul snang yul/ /btags ba chu shing snying po med/ /zhen med gang snang lam gyi rgyan/ /gang nas ma 'ongs gar yang ni/ /mi 'gro mi rtog sems nyid la/ /bltar med bstan du med pa yi/ /chos nyid ngo bo mthong gi rgyan/ /'khor bsdug bsngal bde med kyang/ /bla ma'i byin brlabs ngo sprod lam/ /bying rgong bsgom pa nyams kyi dgra/ rang rig 'od gsal mthong gi rgyan/ /nyams myong bya bral blo 'das kyi/ /bsgom pa dmigs brtags bzung 'dzin bral/ /cir yang rtog med lhun grub la/ /re dogs dgag bsgrub rang grol rgyan/ /ye shes lus can stong pa nyid/ /snying rje rgyan ldan zung 'jug lam/ /stong nyid snying rje dbyer med phyir/ /bde chen phyag rgya chen po'i sku/ /bde'o shugs byung zhen med kyi/ /blo 'das nyams myong gnyug? ma'i klong/ /bsgom med yongs su med pa yi/ /chos nyid ye shes rgyan ldan bde/ /gang yang mi rtog cing mi sems/ / gang? yang mi 'dzin rtog dpyod bral/ /byar med rig pa dang gsal ba/ /bcas bcos mi bya rang grol rgyan/ /bde'o ci bder rtog med nyams/ /stong ngo chos nyid blo 'das dang/ /spyod ro snyoms shugs byung lam/ /grol lo re dogs rang grol rgyan/ /cir yang mdo snang srid yul/ /gar yang stong ngos 'dzin sems/ /rtog dpyod med do 'khor 'das lam/ /mi bsgom mi dpyad gnyug ma'i rgyan/ /chu rgyun gnas pa'i nyams bstan na/ /spyod pa bags kyis 'gro bar bya/ /bla ma dam pa'i gdams dag gis/ /chags sdang

  260. 130b

    rtog pa zhi bar byed/ /phyag rgya chen po gser phred las/ /tshegs 'khor gnyis pa bsgom don nyams kyi le'u ste gnyis pa'o// //ti lo na do b+ha su tra/ /gos can d+hA ta'i ram ya/ /spyod pa ra tri mai tri pa/ /b+ho ta legs sbyin pad+ma zhabs/ /badzra d+harma phro? gi ni/ /kah+na me kha mahA la/ /ra ri raM ka ka so ri/ /'bar ba tsandi si ru pa/ /dz+nyA na badzra me lha pa/ /DoM pi b+ha ta ri bo ?/ /ka ma kri ta pra dz+nyA ru/ /badzra ka na na ma se/ /ho ra si ti ka ro? na/ /b+hu ti ta mo ta 'bras na// // ri rab gser gyi ngos la bya gnas pa/ /bya yi rang bzhin bor nas gser du snang/ /mkhas pa dag gis skye ba med rtogs ni/ /dngos po'i rang bzhin 'tshams bde ba che/ /bdag nyi gdod ma nyid nas sangs rgyas yin pa la/ /rnam rtog dbang gis sangs rgyas nyid ni ngas ma mthong/ /rtogs pa'i dus na mthong ba med de thos pa med/ /gnyis med gang gis rtogs pa de ni rgyag rgya che/ /byis pa chung ngu ma yis gsos pas stobs dang ldan pa bzhin/ /blo chung dag kyang bla ma'i gdams par rim gyis theg pa che/ /rlung mkhris bad kan 'dus pa'i nad kun sman gyi nus pas sel ba ltar/ /nga dang bdag tu 'dzin pa'i nad rab thams cad bla ma'i gdams pas sreg /long ba'i tshogs kun mig ldan gyi/ /skyes bus 'khrid par byed pa ltar/ /ye shes lam stong bla ma yi/ /spyan pas byang chub 'khrid par byed/ /'khor los sgyur rgyal dbung gi tshogs/ /gling rnams kun la dbang byed bzhin/ /lhan cig skyes pa'i ro rnyed nas/ /'khor ba dbang bskyur bde ba che/ /rigs ldan rigs mchog rigs kyi dbang/ /bla ma mkha' 'gro chos nyid grogs/ /lha? spyod bsgom don lhan cig skyes/ /dpe don ye shes bden pa mthong/ /las can rnal 'byor dbang gi lam/ /sku gsum chos nyid 'od gsal che/ /sems nyid gsal dngos sgyu ma'i sku/ /rnam grol phyag rgya zung du 'jug /'gro drug skyes pa sdom gsum rkyan/ /lha sgom snod?

  261. 131a

    ba zhen med skas/ /rang lus bde chen ngo bor rig /dgag sgrub spang blang nyams dang bral/ /de dogs dang gsal bla ma'i drin/ /bdag ma rtogs pa'i gong nas 'bras chan dag dang ro 'di khyad bar che/ /rtogs nas mngar ba'i 'bras chan dag rul ba yi ro 'di khyad par med/ /de bzhin ma rtogs dus na 'khor ba dag dang sangs rgyas tha dad brtags/ /rtogs pa'i dus na 'khor bdag ni ye nas sangs rgyas chen po'i sku/ /bya ba btang na man ngag yin/ /zhe 'dod med na rtogs pa yin/ /bde ba dngos med bsgom pa yin/ /bsgrub bya med na spyod pa yin/ /thabs dang shes rab ya dzan lta/ /bla ma chu yi rgyun gyis rab tu khyab/ /lhan cig skyes pa'i dpag bsam shing dag pa/ /'bras bu lhun grub dang la rab tu rdzogs/ /sangs rgyas kun gyi sdom pa'i mchog /rang yid rtog la mi gnas pas/ /gnyug ma'i sems kyis gang rtogs pa/ /sangs rgyas thams cad des mthong yin/ /rnal 'byor pa yis gang thos thams cad dam pa ste/ /mthong ba de yis skye med rtogs phyir slob dpon mchog/ byas pa kun gyis gnyis med gsal phyir thabs yin te/ /dge sdig 'bras bu skyes bu de la gnyis mi 'gyur/ /gang las bla ma dam pa las/ /dbang las lhan cig skyes pa yi/ /ro yis kun la khyab pa ste/ /skye med rgyas thebs rdo rje 'dzin/ /bde dang stong pa dbyer med snying ga pad+ma dag la rdzogs/ /skye med yid la byed pa bsam gyis mi khyab bde chen sems/ /snang grags thams cad ngo snyoms rnam gsum rnal 'byor rnams kyis spyod/ /rje btsun dag gi byin brlabs shar bas dbyer med rdzogs sangs rgyas/ / chos rnams kun dang rang gi sems rnams du mar spyod/ /rtogs pa thams cad nyams myong gdams pa don bral na/ /nor bu 'ching bu dag la rang bzhin du bde na/ /chos rnams de dang ldan na re dogs med pas rang bde zhig /dang po blo ldan rtogs pa bskyed/ /gnyis

  262. 131b

    pa nags su sna rtse bsgoms/ /nyams su myong ba skyes pa na/ /spyod pas khyad par 'gro bar bya/ /gang gang lhan cig skyes pa de/ /glang po che yi mig bzhin du/ /gzer re bskyed nas zug rdu 'byung/ /glod na zhen med bsam gtan mchog /bde'o bde'o gnas med bde// 'dod pa med pa'i rang bzhin bde/ /brtags pa thams cad der shes bde/ /bsgrub pa med pa'i sangs rgyas bde/ /go cha chen po bgos nas kyang/ /nor bu lta bu'i snying stobs kyis/ /rang gi sems la grub gtad na/ /mi ro'i khog bar bde chen zhugs/ /gang gis gang du gang las nis/ /rtog cing dpyod pa'i blo las ni/ /dngos 'dzin gdon gyis dbang song phyir/ /cir yang mi 'dzin blo gros mchog /snang ba chos nyid nyi ma la/ /bzung 'dzin khri mon smag du tshud/ /sems nyid rang gsal chos sku nyid/ /ma rig mun pa'i dra bas bstums/ /gnyis med bde chen bla ma'i drin/ /shugs byung zhen dral nyams kyi klong/ /rang grol rang bzhin spyod pa'i 'gros/ /re dogs las grol chos kyi sku/ /skye med kun rtogs spangs pa yis/ /byang chub las chen rtog dang bral/ /me rtog 'dzin med blo las 'das/ /gang du btsal yang rtog med dang/ /rang bzhin dri med thabs dang shes rab kyi/ /rang bzhin sems gang las ni sangs rgyas kyi/ /yon tan rin chen rin thang med kyi mdzod/ /dam chos nyi ma bla ma'i drin gyis bltos/ /'khrul bcas bdan las 'des pa yi/ /nyon mongs 'ching ba gcod mdzad kyi/ /chos nyid bden pa mnga' brnyes pa'i/ /bshes gnyen skye med 'od gsal mthong/ /shes rab mig bral dngos po yi/ /gdon 'dzoms bdag gzhan gang chen sku/ /cir yang rtog med bya bral kyi/ nyams myong ye shes sgron ma gsal/ /gang gis dngos rang dngos med du/ /'dzin te mar me lta bu du/ /blo yi yul min spang ka'i phyir/ /blo 'das bas bcos rgya mdud zhig /thabs bral shes rab sgron ma nyid/ /nam mkha' me tog shes rab lam/ /de ?

  263. 132a

    ru ltar don med kyi/ /spung bya mdza' 'dzin blo dang bral/ /gang gis gnyis med don rtogs na/ /chos nyid ma mthong chos sku yi/ /chos nyid nyi ma yongs su med/ /de nyid phyag du chen po yin/ /shes dang shes bya las grol gyi// 'khor 'das stong nyid 'od gsal ba/ /bltar med bstan du med pa yi/ /blo 'das shes rab sgron ma nyid/ /snying rje rgyun ldan gru rdzings kyi/ /'gro rnams 'khor ba bzod med kyi/ /sdug bsngal mtsho tshan po las/ /ma lus sgrol mdzad thabs kyi skas// snang sems gnyis mod thabs dang ni/ /shes rab dbyer med byang chub lam/ /chu dang 'o ma lta bu ru/ /ro mnyam nyams myong dbyer mi byed/ /yod med bzung 'dzin mtshan nyid dang/ /mtshon bya dang bzhin dri legs so/ /gnyis med ye shes chos nyid sgron// dus gsum sangs rgyas kun gyi gsang/ /'gro rnams bde sdug skyon yon gzhi/ /nam mkha' la ni sprin bzhin du/ /ma lus sems can thams cad la/ /yid bzhin nor bu lta bur gnas/ /dgag sgrub ri dogs las grol? gyi/ /nyams myong bltar med bstan du med/ /yang dag don gyi de nyid la/ /yang dag don mthong rnam par grol/ /ris drug sdug bsngal sems kyi ni/ /snang ba nyams myong bde chen la/ /snang b mthun snang med pa ru/ /bla ma'i drin mthong rnal byor grol/ /don chen nyi ma byang chub kyi// chos nyid ye shes spyan pa yi/ /nyams myong sgron la thams cad kyi/ /bde chen smrar med don mthong bde/ /kun rtog 'ching ba gcod mdzad kyi/ /bla ma'i drin thob zhen med nyams/ /gang gis bya ra ma byed bar/ /gnas pas 'khor bar bde mi rnyed/ /sgra don 'brel med thos nas ni/ /shes rab yul las 'das pa'i phyir/ /bla ma'i drin gyis sems dang ni/ /nor bu rin chen yon tan ldan/ /dad gus yengs med dam tshig gi /sgron ma bdag lus rgyal ba'i mdzod/ /bde chen yon tan 'byung gi gnas/ /bltar med don mthong

  264. 132b

    ngo mtshar che/ /gang nas ma 'ong gang yang ni/ /'gro 'ongs las grol gnyug ma yi/ /nyams myong smrang med gnyug ma yi/ /nyams myong smra med yengs su med/ /bsgom pa 'bral med blo las 'das/ /chos nyid 'od gsal dag pa'i sems/ /byang chub gsal snang chos kyi dbyings/ /bde chen ye shes spu can gyi/ /sems kyi nor bu dri med rnyed/ /ma blta bde chen mthong du med/ /ma rtogs nyams myong blo las 'das/ /ma sems rtog pa chos nyid klong/ /cir yang bya bral yengs su med/ /di ring mchog la gnas pa'i nyams myong rin po che/ /brtags pa ma yin gnyug ma yengs su med pa'i dang/ /yengs med gzugs kyis bdag 'dzin dngos po 'joms mdzad pa'i/ /gnas lugs dge sdig spang blang ci yang bsam du med/ /dmigs med yid la mi byed dran pa yi/ /kun rtog 'ching ba gcod mdzad ye shes sgron/ /rgyu ba chos nyid chos sku'i glong du chad/ /ma bsgoms dmus long mthong ba'i yul min phyir/ /bsgom pa bdud rtsi'i ro tshor bla ma'i drin/ /byin brlabs brgyud pa gnyug ma'i nyams myong la/ /bde ba'i ngo ? ngos bzung ci yang med/ /'khor ba dang ni mya ngan 'das/ /rtog med rtog dpyod yul las 'das/ /bsgom dang bsgom ba cir yang med/ /mi 'dzin 'dzin rtog 'khrul pa spangs/ /chos kyi spyan can chos kyi ni// glu can chos kyi sgron ma yis/ /tshogs gnyis chos kyi rnga bo che/ /byang chub lam chen chos kyi dung/ /bdag med 'od gsal sgra sgrogs dus/ /nor bu rin chen 'dod 'jo'i ba/ /'chi med bdud rtsi bcud kyi len/ /ljon shing me tog 'bras ldan gyi// rgya mtshor ri rab bum ba bzang/ /nam mkha' nyi zla glu gar brtso/ /mngon sum dang ni rjes dpag gis/ /brtags pa don shes don mthong gi /yid ches nges dang bcas pa yi/ /sngar 'dris ma bung? ma tshig 'jal/ /chos dang chos min mnyam nyid las/ /

  265. 133a

    tha dad 'gro rnams brdzun blo yis/ /thar pa'i srog gcod tshe 'di yi/ /rnam rtog thar med chu srin kha/ /snying rje dang ni stong pa nyid/ /ya bral tha dad don mi mthong/ /stong dang snying rje 'byer med lam/ /'khor ba mya ngan 'das mi gnas/ /zhen pa'i blo can rtag ba yi/ /yul gyi rgya mdud su mi 'dod/ /'dod yon lhan cig skyes pa yi/ /bde ba'i ros gang skye med lam/ /rang bzhin dge ba'i sems nyid ni/ /gnyug ma'i bde chen mngon sum gyi/ /lhan skyes ngo tshor brjod med na/ /rtags kyis de nyid don mi rnyed/ /bde chen 'khor 'das rtog pa yi/ /blo can rmongs rnams 'ching ba'i phyir/ /gang dang gang du bltas gyur kyang/ /de nyid blo yi yul las 'das/ /rang rig bde chen mtshon du med pa'i lam/ /lhan cig skyes pa'i yid can gnyug ma'i ro/ /bla ma'i drin rtogs skye med bsgom pa yi/ /nyams las don mthong skye med ngo mtshar che/ /'gro rnams 'ching byed las la ni/ /rnam grol don shes rang rig gi /sems rtogs mya ngan 'das kyi mchog /de nyid spros pa'i yul dang bral/ /sems nyid nor bu rin chen mdzod/ /'khor 'das srid zhi mya ngan 'das/ /dge sdig sa pon bag chags rtsa/ /thar lam byang chub rnyed kyi sku/ /rang sems chos nyid nam mkha' yi/ /grong du grol na 'gro rnams kun// rnam dag ye shes nyi ma ste/ /rnam grol byang chub gzhan dga' med/ /'gro rnams bde chen ros? gang yang/ /thabs bral de nyid don mi mthong/ /thabs ldan bya bral skyes bu la/ /'chi med 'gro 'ong yul las 'das/ /gang gang 'dzin de dngos po yi/ /gdon gyi dbang gyur rmongs rnams la/ /'ching las thar lam med pa'i phyir/ /thar pa'i lam ston 'dzin med ltos/ /rlung gi rta zhon rtog bcas yid kyi bu/ /bzung 'dzin sgrang ma 'dod yon rjes su snyeg /gang snyegs bde med 'khor ba'i 'khrul

  266. 133b

    bcad de/ /ye shes byang chub rtsa rlung chas nyid zung/ /gang gang rigs 'dzin rtog pa yi/ /dbang song 'dod yon ltad mo nyid/ /bdag gzhan ltos med mthong ba las/ /rang rgyud ma mthong 'dod mi tshim/ /dngos med dngos dang bral ba yi/ /chos rnams dngos dang dngos min phyir/ /gang dang gang du 'dzin de nyid/ /blo yi yul yin 'dzin rtog phyir/ /stong dang stong nyid 'bras bu rung/ /dngos por 'dzin pa'i gdon chen gyis/ /gzhan dbang bran ltar ma bkol na/ /gang la gnas pa de mi mthong ngo/ /mos pa'i blo ldan gus pa'i blo gros mchog /las kyi mtshams sbyor bag chags rtsa ba can/ /yid kyi lus can chos nyid don mthong gi /gzhan don nor bu dpag bsam shing ltar mthong/ /ting 'dzin bying rgod las grol rtog pa yi/ /rlung gi mi bskyod rtog med chos kyi ni// sku can bla ma chos nyid sku yi/ /ri bo nyis ma rig mun bral mdzod/ /'gro la brtse ba'i blo can thugs rje yi/ /rgya mtsho mi g.yo dpal ldan rdo rje 'dzin/ /thugs rje'i mnga' bdag thugs kyi dkor mdzad nas/ /ye shes sgron ma byang chub pa lam mkhan mdzod// me tog 'bras ldan 'gyur med dpag bsam shing/ /'chi med bdud rtsi'i ros gang ku sA li/ /bdag med bde chen spros bral rtsed mo yi/ /'gyur med don ston dngos po'i gdon 'joms mdzod/ /skye med 'od gsal stong nyid 'od 'phro yi/ /nor bu rin chen yon tan kun ldan gyis/ /dpal ldan dpal gyi 'byung gnas A tsIrya/ /gnyis med spros bral stong nyid sgra sgrogs mdzad/ /bde chen bde ba'i 'byung gnas sangs rgyas kun gyis gsang/ /mi 'jigs seng ge 'jigs bral ma hA paN+Di ta/ /bum pa me tog bcud ldan sgrang rtsi len bzhin du/ /rang bzhin rtog med blo 'das sgron ma'i don ston mdzod/ /bsod nams mchog gis brkyan pa yi/ /nam mkha' i yon tan mi zad gter/ /sangs rgyas ye shes d+harma bzhi/ /d+hU taM byang chub chos thob mdzod/ /sgyu? med sgro

  267. 134a

    ldan nam mkha' lta bu yi/ /chos rnams stong nyid 'od gsal 'dus ma byas/ /mdza' bral bdag med spros bral chos sku yi/ /tshogs ldan nyi mas ye shes don rtogs shog /rang bzhin lhan skyes 'gro rnams lhan skyes 'gro rnams lhan cig skyes kyi sku/ /chos rnams rnam dag mya ngan 'das kyi dbyings/ /rnam rtog dang bral tshogs gnyis lhun grub sangs rgyas spyan/ /tshogs rje tshogs kyi bdag po chos nyid don mthong shog /sangs rgyas kun sdom bcom ldan mkha' 'gro ma yi sdom// bde ba'i 'byung gnas bde chen nyi ma bde ba kun gyi dpal/ /bla ma'i gsang mdzod gdams dag snying po don gyi gsang ldan mdzod/ /bde chen bdag med bde chen po'i tshogs dang ldan gyur cig /srid dang zhi ba rnam dag ni/ /ro mnyam dkyil 'khor ldan gyi gtso/ /tshogs kyi 'khor lo tshogs kyi mchog /tshogs rje tshogs bdag dpal ldan shog /gnyis med 'dzin dang bral ba yi/ /chos rnams dngos med stong pa nyid/ /chos nyid 'od gsal tshogs kyi ni/ /'khor lo byang chub don mthong shog/ bsgom bya sgom byed dmigs pa yi/ /kun rtog 'ching ba gcod mdzad kyi/ /tshogs kyi 'khor lo tshogs kyi ni/ /byams mgon rgyun dang ldan par shog /zhi ba'i blo gros bdag med mya ngan 'das kyi dbyings/ /ji srid bde chen byang chub mchog gi sems/ /snying rje'i rgyun ldan gsang sngags snying po don gyi bcud/ /sgyu ma byang chub lam chen sangs rgyas byang chub 'od/ /dngos dang dngos med brtan g.yo gnyis dang gnyis 'dzin gyi/ /lam stong khyab bdag bcom ldan mi yi seng+ge ni/ /sangs rgyas grong khyer tshogs kyi 'khor lo'i grong mchog tu/ /byang chub sgron ma ye shes sgron ma'i 'od ldan zhing/ /sems can rnam dag gdong nas sangs rgyas rang bzhin yang/ /ris drug rmongs rnams ma rig mun pa'i sprin tshogs kyis/ /yang dag lam bral bde gshegs nyi ma

  268. 134b

    nub rnams la/ /tshogs kyi 'khor lo ye shes 'od 'bar me bo che/ /chos rnams rang bzhin spros bral mya ngan las 'das pa'i/ /chos nyid bde chen byang chub lam gyi rtsa ba can/ /gnyis med 'od gsal ma nyams zag med myang 'das kyi/ /bde spyod 'gro mgon thugs kyis 'dzin par shog /ma rig mun gsal ye shes nyi ma'i byang chub 'od/ /dpal ldan chos kyi byang chub chos kyi sgron ma yi/ /ye shes byang chub bshas gnyen At+ma ta kri ni/ /chos kyi blo gros chos nyid gzungs kyis 'dzin par shog/ dge ba'i blo can yon tan kun gyi gnyen gcig po/ /thugs rje'i rtsa brtan mi yi seng ge byams pa yi/ /ljon shing bshes gnyen nor bu rin po che/ /mi zad gter chen grib la skyod par shog /dpal ldan 'jig rten srid gsum yon tan kun gyi gtso/ /mi mchog rgyal po lha dang lha min kun gyi ni/ /gtsug gi nor bu yon tan kun ldan dam pa'i rje/ /zhing skyes nor bu rin chen rgyan dang ldan par shog /rnam rtog las grol bcom ldan lhun grub chos kyi ni/ /sman pa nyon mongs zug rdu 'byin mdzad 'gro ba yi// mgon gyur rje btsun las can las las grub pa yi/ /las kyi nyon mongs zug rdu mi zad dbyung du gsol/ /bde gshegs nyi ma chos nyid chos kyi spyan can gyis/ /zla ba'i 'od zer dri med shel gong dangs gsal gyi/ /bla ma'i bdud rtsi'i chu rgyun 'chi med sgron ma yis/ /sngags skyes 'khor ba'i dri ma ma lus dag par mdzod/ /dpa' khyod thugs rjes 'gro ba'i sdug bsngal ma lus sel mdzad sgron pa'i pha/ /dpal ldan dri med thabs dang shes rab bdag gzhan phan pa'i rgyud gyur pa/ /rgyud ldan bla ma mtshungs med dpa' bo yon tan kun gyi gter gyur pa/ /srid mtsho las sgrol 'khor ba'i 'khor lo rgyun gcod pa chen rol mdzad pa/ /dpal ldan rgyal ba'i tshogs kyi mchod pa chos kyi spyan dang ldan pa'i bu/ /tshogs rje tshogs kyi mchod pa srid

  269. 135a

    mtsho ma lus skems byed bu/ /bde gshegs mchod pa dpag bsam shing chen yon tan kun gyi rgyan lta bu/ /mkha' 'gro'i gsang tshig sangs rgyas skye med tshogs kyi 'khor lo'i bu/ /ma ma ma gcig bcom ldan yum gyur tshogs kyi 'khor lo bde chen ma/ /gnyis med byang chub lam mkhan tshogs 'khor bdag med chos kyi spyan can ma/ /gang zhig gang gi drin gyis bdag blo'i padmo kha 'byod nyi ma'i 'od/ /mthong thos dran gyi sgron ma ma rig mun sel ye shes byang chub sgron/ /rnal 'byor nyams myong mkhas pa rtogs tshang spel legs mu tig rin chen phreng/ /'gro drug nor bu rin chen yon tan med kyi dus/ /bde gshegs chos kyi spyan mnga' sangs rgyas sras po yon tan rin chen gdung rgyud ldan/ /yid la mi byed phyag rgya chen po byang chub lam gyis bag chags rtsa ba 'chang/ /chos nyid chos kyi don ldan chos mchog lam chen yid 'od gser gyi phreng bar ldan/ /gnyis med ye shes las byung khyab bdag 'gro mgon nor bu rin chen chos kyi mdzod/ /don yod lugs gzigs sde snod rnam grol don mthong rnam dag thugs de'i dgongs pa nyid/ /gang gi drin gyis ma mthong mthong phyir mthong pa'i lam ltar bde chen don mthong zhing/ /the tshom blo bral yid ches sgron ma byang chub gsal dangs dri med rtog dang bral/ /gnyug ma'i nyams myong zhen med chos nyid 'od gsal nyi mas ma rig mun pa sangs/ /'dir 'phrad smon lam mtshams sbyor bag chags kyi rtsa bcan/ /bsam pa'i sdong po rnams mdzes bsgrub pa'i me tog 'bras ldan gyi/ /byang chub ljon shing las 'bras yid ches bsil grib la/ /sngar 'dris mi dang phrad bzhin smon lam ma pu cis mi 'jal/ /phyag rgya chen po gser 'phreng las/ /tshogs 'khor gsum pa gnyis med yid ches rang gsal gyi

  270. 135b

    le'u ste gsum pa'o// //phyag rgya chen po rdo rje'i glu /rin po che gser phreng zhes bya ba/ /grub pa thob pa'i rnal 'byor pa dang/ /paN+Di ta mang pos gsungs pa rnams/ /rje btsun mnga' bdag mai tri pas/ /gzhung gcig tu bsdebs pa'i gdams pa rdzogs ho// //paN+Di ta de nyid dang/ /lotsA ba mar pa chos kyi blo gros kyis bsgyur ba'o// //rgya gar skad du/ pradz+nyA le kha nA ma/ bod skad du/ /shes rab kyi phrin yig ces bya ba/ /shes rab kyi pha rol tu phyin pa la phyag 'tshal lo/ /rje btsun spyan ras gzigs dbang phyug dang/ /lha mo sgrol ma la phyag 'tshal lo/ /de nyid gsum gyi rin chen rnam par dag gyur pa/ /gsang las shin tu gsang gyur mkha' dang mtshungs par snang/ /lha mo kun 'gro bde ba mchog gi sa gzhir gyur/ /shes rab don dam gyur pa khyod la phyag 'tshal lo/ /sangs rgyas go 'phang grub don thob pa'i rgyur gyur cing/ /yid bzhin nor dang bum pa bzang po ltar snang ba/ /de nyid shin tu gsang ba'i phra ni yig mnyan 'os ?/ /de nyid don gyi go 'phang bshad sbyar spring bar bya/ /de nas sgrub po la phan phyir/ /shes rab phrin yig par? rdo rjes/ /gsang las shin tu gsang gyur pa/ /de kho na nyid rab gsal bya/ /sa ste dag pa kun grol ba/ /nam mkha' lta bur skye ba med/ /rang rig tsam gyis shes bya dang/ /mchog tu dga' ba byed pa mo/ /mtshan ma med cing snang ba med/ /dngos dang dngos med rnam par spangs/ /chos dbyings rang bzhin zhes bya ba/ /mchog tu dri ma med pa'i gnas/ /mtshan min thams cad yang dag spangs/ /mtshan nyid thams cad yang dag rdzogs/ / bdag med dri ma med pa'i gzhi/ /rdo rje gsum byung dri ma med/ /'dod pa'i don gyi gnas gyur pa/ /yid bzhin nor bu bzhin du 'byung/ /lha yi dpag bsam shing lta bu/ /mchod pa mchog gi gnas gyur pa/ /de na gnas pa'i lha mo des/ /shes rab lha

  271. 136a

    mo bla na med/ /rdor gsum mi byed sbyor ba yis/ /de kho na nyid pad+mar ldan/ /nang gi gnas kyi rang bzhin gyis/ /mchog tu dga' ba byed ma la/ /dngos dang dngos med rang bzhin gyis/ /'bad de yang dag mkhyen bar gsol/ /rba rlabs med cing snang ba med/ /rang gi lus la gnas gyur kyang/ /'bar ba chen mo de srid kyi/ /dus gsum bdag gis ma shes so/ /mchog tu dga' ba'i gzugs can ma/ /rang bzhin med bas mdzes pa ste/ /skye ba med pas kun rtogs pas/ /thams cad du ni khyab byed ma/ /'dod pa yon tan bzang sngar ldan/ /lus dang lus la kun tu gnas/ /dmyal ba la sogs thams cad la/ /gsang ba'i spyod pas rol pa ste/ /mdog dang yan lag rnam par spangs/ /gsang las shin tu gsang gyur 'di/ /dpal ldan bde chen zhal snga yi/ /bka' drin gyis ni bdag gis rtogs/ /dri ma med cing khyab pa mo/ /rang rig mtshan nyid gcig bu ste/ /skye ba med la rtogs bya'i phyir/ /ji bzhin du ni rnam par gnas/ /dngos dang dngos med mchog 'dzin pa/ /zad par bya phyir ji bzhin gnas/ /bla ma'i zhal snga'i bka' drin gyis/ /dge ma de bzhin shes nas ni/ /yang dag gus dang bcas pa yis/ /nus pa ji bzhin sgom pa'ang byas/ /de ltar na yang da? bar du/ /gcig tu mi 'gro ci yi phyir/ /yang na bdag la skal med dam/ /ji ste bdag gi sems rgyud la/ /yang dag pa yi sbyor ba yis/ /ji skad gsungs bzhin mi gnas sam/ /rang gi rang bzhin gyis dag pa/ /mngon par byang chub byas pa mo// phung lnga rdo rje gsum sogs la/ /ji bzhin yang dag gnas pa yi/ /slob dpon dpal ldan zhal snga nas/ /snying rjer zhugs pa'i thugs kyis ni/ /'bde de bzhin rtogs bya'i phyir/ /yang dag ji bzhin bdag la gsungs/ /dpal ldan bde chen mgon

  272. 136b

    po yis/ /khyod kyi dngos la bdag blo bskyed/ /bka' lung stsal cing gnas pas na/ /de la 'dir ni the tshom med/ /de nyid gsal bar shes nas su/ /nyin dang mtshan du bsgom byas kyang/ /gang phyir bden par gsal ba ru/ /mi snang bas de stong dam ci/ /yid bzhin nor bu mkha' mtshungs pas/ /rdzogs sangs rgyas kyis gsungs so lo/ /de ltar gsungs pa'i tshig de dag /bden pa dang ni mi bden yin/ /mkha' mtshungs gang yin bden pa ste/ /gang zhig shes nas bsgom gyur kyang// gang dngos gsal bar mi ston pas/ /yid bzhin nor mtshungs brdzun pa yin/ /bdag gis khyod ni don dam gyis/ /kun tu 'char bar shes pa ste/ /de ltar na yang mi dmigs pas/ /sgyu mtshogs kyis gzugs 'dzin yin/ /rdzogs sangs rgyas kyis don dam du/ /nges par skyon dang yon tan dag /grogs 'dus pa las ji bzhin 'gyur/ /gsungs pa'i dag de bzhin 'gyur/ /gsungs pa'i dag de bden pa ste/ /shes rab bden par smra ba khyod/ /gang gis rtogs pa'i rang bzhin yang/ /bdag med bzhi yang 'das pa yis// de dang mtshungs par de gnas so/ /bzang mo dri ma me 'bar ma/ /'on kyang gang gis bdag shes nas/ /yun rings dus su rnam dpyad kyang/ mi dmigs pa de gang du yib/ /mchog tu dga' bar byed pa'i gzugs/ /mngon par byang chub byed pa'o/ /ye shes sgron ma'i snang ba ni/ /phyogs bcur gsal bar bteg nas su/ /dri dang phreng sogs na bza' dang/ /bza' bca' ston mo de bzhin gzhan/ /gnyis su med pa'i sbyor ba yis/ /rgyun mi 'chad par rtag tu ni/ /bdag gi shes rab bsten gyur kyang// skad cig kyang ni 'gyur ba med/ /mngon rtogs dri med 'jug pa po/ /de bzhin nyid shes dgra pa yis/ /khyod kyi dam tshig spyod pa ni/ /byang chub lam ni ston pa po/ /rgyud las ji skad 'byung ba bzhin/ /rgyun tu bar chad med par ni/ /'dod yon

  273. 137a

    lnga po bsten pa yis/ /bdag gis byis pa nas bzung ste/ /shin tu bdag nyid rig pa yis/ /bsten pa dang ni bsgoms gyur pas/ /dge ba yi ni sa gzhi khyod/ /bdag la ci phyir yid mi rton/ /sems gnyis ldan pa'i bud med la/ /su zhig yid ni rton byed ces/ /yang dag mgon pos gsungs pa gang/ /de ni bden par nye bar gnas/ /sgyu ma dag ni thams cad las/ /bud med sgyu ma khyad par 'phags/ /rnam pa du mas phan btags pas// gang gis rnam kun bsten byas shing/ /khams gsum ma lus par bltas kyang/ /mi snang gcig pu gang na gnas/ /khyod kyis gnad ni dran med par/ /byis pa gang gis khyod bsgoms na/ /de rnams don med 'phung 'gyur zhing/ /byang chub rgyur khyod gnas pa min/ /gnad ni legs par shes ldan pa/ /gang gis khyod ni bsgoms gyur na/ /byang chub snying po'i bar du yang/ /de rnams sangs rgyas bya phyir gnas/ /bzang mo khyod dngos shes gyur nas/ /gang gis ma bsgoms de la yang/ /grogs mos lag pa bsdams te song/ /rigs ngan dang ni mthong pa'ang rung/ /gnad shes ni na mdzer gyur nas/ /bzang mo nang duAng snang byed cing/ /lan 'ga' ang mdzad pa'i do med cing/ /mo rabs rnams kyi rang bzhin ni/ / mtshang brtol na ni nges pa ru/ /skye bo de yi gdong gi ni/ /pad+ma lta zhing dbang du 'gyur/ /chos 'brang can gyi skye bo yang/ /'jug pa lam ni 'di nyid/ /chig tsam chad pa byas na yang/ /'chi ba na yang 'gyur ba med/ /gnyi ga dag pa'i rigs las byung// chos 'brang can du skyes pa yin/ /bya ba dang ni bya min dang/ /snod dang snod min 'dir khyad med/ /khyed la bdag gis rnam kun tu/ /mchod byas lan 'ga' ang mi lta bas/ /shes rab khyod kyi rigs spyod yul/ /da ltar bdag gis khong du

  274. 137b

    chud/ bud med rnams kyi rang bzhin ni/ /shin tu 'phyar la g.yo ba yin/ /mchu rkan la sogs skam pa ste/ /'tshang 'bru mang pos ci zhig bya/ /khyod ni nyin dang mtshan dag dang/ /skad cig gcig kyang ma g.yengs par/ /bsgom na skad cig nyid kyis ni/ /bla na med pa'i gnas thob byed/ /gang gis nye bar bsgoms pa yis/ /sangs rgyas go 'phang rgyu yin pa'i/ /khyod kyi spyod pa 'di lta bu/ /ji skad gsungs bzhin sngar ma shes/ /mang po ? ba ci zhig dgos/ /yid brtan rung pa 'ga' yang med/ 'gyod dang gnyid dang rmugs pa yis/ /rmongs pas khyod na mi shes na/ /khyod kyi rang gi rang bzhin gang/ /gsal ba ru ni de smros shing /rdor gsum sa bon las byung bas/ /gsum gyis? bskyed par the tshom med/ /'dod chags zhe sdang sogs dri mas/ /sems can thams cad rmongs pas na/ /bye ba du ma'i nang nas kyang/ /gang gis khyod shes su yang med/ /med du smra ba ci zhig dgos/ /smad 'tshong g.yon can gyis bskor bzhin/ /don dam du ni grub med pas/ /sgyu ma mchog gi gzugs 'dzin ma/ /bskal pa bye ba grangs med par/ /rmongs pas khyod ni ma shes te/ /bza' dang btung sogs chags pa yis/ /srid pa'i btson rang lhung bar 'gyur/ /de la shin tu chags pa yis/ /'byor ster khyod ni brjed par 'gyur/ /phyag rgya'i chags la 'jug pa yis/ /rgyal 'gyur rdo rje can mchog ma/ /bla ma'i zhabs kyi bka' drin las/ /bzang mo khyod kyi rang bzhin no/ /ji ltar yang dag gnas pa bzhin/ /thams cad bdag gis shes par 'gyur/ /khyod kyi rang bzhin ma lus pa/ /thams cad bdag gis shes pas na/ /rmi lam na yang bslu mi nus/ /de bas bdag la blo gtod cig /khyod kyi lam ni gcig pu nyid/ /mkhas pas chog bzhin sbyangs te/ /gang bzhugs sangs rgyas nyid 'brang par/ /rgyal ba rnams kyis yang dag bstan/ /zab mo de yang

  275. 138a

    bdag gis ni/ /ji srid sgyang ba ma byas pa/ /de srid khyod kyi lus reg las/ /byung ba'i bde ba rnyed ma yin/ /gti mug 'obs kyis 'khrigs pa dang/ /zhe sdang gi ni sdong dum ldang/ /'dod chags chor ma nyam da bas/ byang chub lam ni bgrod par dka' / /phung po'i shing ni thog mdza' med/ /'dod yon yal ga gyen 'grengs pas/ /nam mkha' i mthongs ni g.yogs pas na/ /lam de dam por bkag ste gnas/ /phung po nyon mongs de bzhin du/ /'chi bdag lha bdud tshom po pa/ /sdang pa mang pos bskor nas su/ /rnam rtog chen po las byung ba'i/ /srid pa'i rtsa dang lcug ma dang/ /rdo rgyal la sogs ldan pa'i nags/ /shin tu rgya chen brgal dka' bar/ /phung po'i shing rta brten nas su/ /gti mug 'obs ni brgal dkar gnas/ /kun rtog rtswa dang ldum sogs pa'i/ /skyibs su 'bad de? yib par byed/ /lha bdud la sogs tshom po pa/ /de lta bu yi phyogs na gnas/ /yang dag lam zhugs 'gron po dag /sems kyi nor bu 'phrog pa yis/ / rab tu sdang bas 'joms par byed/ /dkon mchog gsum gyi mdzod po che/ /yon tan nor gyis yongs bkang ba/ /byang chub lam la gnas pa yi/ /mel? tshe ba yis de mthong nas/ /ye shes rdo rje sta re ni/ /so ni rnon por bdar pa yis/ /byang chub kyi ni lam 'gog pa'i/ /phung po shing ni kun bcad nas/ /cho ga bzhin du gtubs nas su/ /yid kyi shing de las byung ba'i/ /nyon mongs sdom dum tsher mar bcas/ /bdag med me la bsreg par bya/ /nga rgyal rdo yi tshogs de ni/ /shes rab rdo rjes phye mar bya/ /gti mug 'o bas ni 'khrigs pa dag /byang sems rgyun mi 'chad pas dgang/ /yang dag lam zhugs 'gron po la/ /'tshe byed 'dul bar dka' ba yi/ /'chi bdag bdud sogs chom po pa/ /bcom pas de dang de 'bros 'gyur/ /

  276. 138b

    byang chub lam ni yangs pa na/ /byang chub 'gegs bya'i phyir gnas pa/ /phyogs bcur gnas pa'i sdang ba rnams/ /thabs kyi lus ni dri med pas/ /shes rab ral gri rnon po yis/ /'bad pas de dag bcom nas su/ /lam bzang de? ru zhugs nas ni/ / thams cad der ni ci dgar 'gro /byang chub lam ni sbyangs pa yis/ /kun tu shin tu dri med pas/ /rmad byung bsam gyis mi khyab pa'i/ /grogs mo khyod ni sbyangs pas na/ /rang bzhin dri med dag cing zhi/ /rang rig bdag med mnyam pa nyid/ /'dod pa'i don gyi 'bras ster ba/ /go 'phang bla med thob par 'gyur/ /khyod kyi rang bzhin ro myangs na/ /'di ni 'di 'dra zhes bya ba/ /sangs rgyas kyis kyang brjod mi nas/ /rang rig skye ba med pa nyid/ /sangs rgyas kun gyis phyag byas pa/ /dbang po las 'das gang yin 'thob/ /mchog tu dga' pa las byung dag /shin tu rnyed dka' go 'phang ni/ /bsam gyis mi khyab bla na med/ /mya ngan 'das gnas zhes bya ba/ /mngon par byang chub byed pa'o/ /bla ma'i zhal snga'i bka' drin ni/ /nyin dang mtshan du bsgom pa yi// chos cig gis ni thob par 'gyur/ /shin tu gus pas bsgom pa las/ /gzhan du de ni thob pa min/ /de ni rang bzhin dag pa ste/ /dus kun du ni 'dus ma byas/ /rtag dang chad pa rnam par spangs/ /thabs dang shes rab dri ma med/ /skye ba med par rtogs pa yis/ /sems can kun la yang dag gnas/ /sangs rgyas byang chub bsam mi khyab/ /bla na med par de shes bya/ /sangs rgyas kun gyi gnas de ni/ /sangs rgyas nyid ni thob byed pa'o/ /de ltar sems dang sems byung gi /don gyi rang bzhin rtogs nas ni/ /rdo rje dri med gsum sbyor ba/ /ji ste shes nas rnam bsgoms na/ /ye shes rdo rje rab sbyor gyis/ /des ni grogs mo 'grub par 'gyur/ /dngos dang dngos med las 'das pas/ /nam mkha' lta bur khyab pa ste/ /dri med zhi ba thabs bcas par/ /brten

  277. 139a

    par bya zhes 'dren pas brjod/ /thabs dang bral na khyod kyi min/ /thabs kyang khyod dang bral na min/ /de gnyis phan tshun bral ba yis/ /'grub pa nam yang yod ma yin/ /thabs dang yang dag ldan pa ru/ /mdza' mo khyod ni ji bzhin 'gyur/ /bdag gi kun tu shes zin na/ /de las gzhan pa ci smrar yod/ /bla ma'i zhal snga'i bka' drin ni/ /bdag gi byang chub snying po'i bar/ /sangs rgyas nyid du brtan bgyid na/ /de bas bdag la drin gyis g.yogs/ /dpal ldan bde chen zhal snga nas/ /bdag ni sangs rgyas nyid bya'i rgyu/ /thabs dang yang dag ldan pa yi/ /blo gros chen mo khyod la ni/ /pad+ma rdo rjes nges par ni/ /sangs rgyas kyis zhes ji skad du/ /springs pa de bzhin grogs mo mchog /thabs dang bcas par bya dgos par/ /dpal ldan bde chen rdo rje can/ /de skad phrin brdzangs de bzhin du/ /bdag ni sangs rgyas rgyu nyid du/ /khyod kyis de ltar myur du gyis/ /bdag la ji bzhin gsal po ru/ /phrin las skad cig myur du skur/ /khyod kyis spangs pa'am brjed dam? pa/ /bdag gi tshe 'di gnas mi byed/ /bying? dang rgod pa spangs nas su/ /dus kun nyin dang mtshan du ni/ /rgyun du bar chad med pa ru/ /skad cig skad cig khyod dran pas/ /dngos grub don kun bdag la byin/ /gal te de ltar ma gyur na/ /de tshe bdag ni rgya phag pas/ /ji ltar byed pa ltos shig dang/ /ji bzhin rgyud kyi de nyid kyi/ /thag pa yis ni bcings nas su/ /yang dag pa yi khyim du ni/ /dge mas kun nas bcug nas ni/ /skye pa med par rtogs pa yi /sems dang sems byung rang bzhin gyis/ /'bad de? bsrung ba byas nas su/ /de nyid sangs rgyas sa mchog du/ /thabs kyi lcags sgrog gis bcings te/ /ye shes rdo rje'i gzer btab la/ /bdag med ? bzhag nas ni/ /de nas bdag gis bsgrub par bya

  278. 139b

    de ltar khyod la spring bya ba/ /ji ltar gyur pa bdag gis springs/ /'dzem dang ngo dga' spangs nas su/ /bzang mo la ni kun bzlas kyis/ /gal te byams par mi byed na/ /de tshe ci zhig smra ru yod/ /'on te min na than 'di dag /rdo rje 'dzin ma'i snying la zhog /khyod kyi lam ngang sbyang ba yi/ /bye brag dag kyang pas shes la/ /rigs dang gzugs kyi rang bzhin dang/ /bdag gi khyod kyi kun 'byung dang/ /don dam gnas kyang shes pas na/ /de bas bdag la blo gtod cig /bla ma'i zhal snga'i bka' drin gyis/ /thabs kyi mchog dang bcas pa ru/ /shes bya thag pa rab sra bas/ /de dang de ru rgyug byed pa/ /bdag gis bzung ste bcings dzin? pas/ /da ni 'bros sa ga la yod/ /de bas lha mo bdag dga' bas/ /dbang gyur dam tshig la mnos la/ / dpal ldan bde chen zhal snga'i bka' / /yon tan rgya mtshos bskyang bar gyis/ /khyod kyi rang bzhin bzung med cing/ /rmad byung ji bzhin rig nas ni/ /dpal ldan bde chen spyod pa ni/ /bka' yis de bzhin 'jug par bya/ /rdo rje gsang ba'i tshig ldan pa/ / shes rab phrin yig mnyam med pa/ /dpal ldan bde chen zhal snga yi/ /bka' drin gyis ni bdag gis byas/ /shes rab ri bo srungs shing gis/ /shes bya'i 'o mtsho bsrubs las byung/ /ye shes bdud rtsi rang byung ba/ /mngon sum sangs rgyas byed pa po/ shes rab phrin yig la 'bad de?/ /skyes bu gang gis de rig nas/ /'bad de rnam par bsgoms pas na/ /de ni rdo rje 'dzin dngos 'gyur/ /shes rab kyi phrin yig slob dpon chen por bla rdo rjes mdzad pa rdzogs sho// // paN+Di? chen po shAn+tNa? b+ha dra dang/ bod kyi lo tsA ba 'gol lhas btsas kis bsgyur cir zhus te gtan la phab pa'o// //rnal 'byor pa'i rtog pa'i bgegs sel ba zhes bya ba / rje btsun bla ma rnams dang dpal rdo rje sems dpa' la phyag 'tshal lo/ /ci phyir zhen?

  279. 140a

    gang gis gang la gang ltar bsgom/ /rtags dang yon tan par chad bgegs skyon bsal/ /de dag shes nas goms pas byang chub 'thob/ /ma thos mi shes mi 'grub yang na 'byangs/ /dang po ci phyir bsgom pa bzung 'dzin gnyis/ /ma spangs ji bzhin ma bsgoms rnal 'byor pas/ /phyag 'tshal mchod bshags sbyin pa mang byas kyang/ /bsod nams 'phel yang ye shes rdzogs mi 'gyur/ /gnyis pa gang gis rnal 'byor dang ldan pa/ /theb mang btsun zhing dam tshig sdom gnas shing/ /mchod dang sbyin mos byang chub sems ldan pa/ /de ni theg chen gsang ba'i snod yin sgom/ /gsum pa gang la zhen rang gi sems/ /ji bzhin ma bcos yi nas rnam dag cing/ /spros bral yod med rtag chad mdza' spangs pa/ /de la g.yeng pa med par rtag tu gnas/ /bzhi pa gang ltar sgom pa bsgom bya dang/ /sgom pa gnyis med rang gi ngo bo la/ /ci yang med la cir yang snang gsal bar/ /bying rmugs spros pa'i rtog pa med par bsgom/ /lnga pa de rtags rnal 'byor brtson ldan pa/ /dang po gnyid dang 'dod sred chung bar 'gyur/ /de nas rim gyis rmi lam 'dod la sogs/ /rtog pa ji bzhin tshe 'phrul gzugs kyang ston/ /drug pa de yi yon tan bsam brjod pa/ /mngon sum tshe ring nang rnams gso ba dang/ /bgegs sel la sogs yon tan mang po 'byung/ /de bzhin rim gyis byang chub lam la 'jug /bdun pa bar chad bgegs ni rnal 'byor pa/ /gnas spangs gnas 'chol gzhan du 'gro 'dod na/ /gnod sbyin gzhan dang gzhan du 'gro 'dod de/ /rnal 'byor sems la zhugs nas gnas gzhan 'phen/ /gal te rnal 'byor bsgom zhing gnas bzung bas/ /smra bcad par skabs nang du gzhan 'jug dang/ /phyir byung

  280. 140b

    khengs grags 'dod skom zas nor tshol/ /yi dags 'dod sred can gdon de sems zhugs/ /gal te rnal 'byor sems 'khrugs 'thab 'dod cing/ /'khor la gshe dang gzhan la spyo byed na/ /'byung po'i bdag po ya ba shon pa/ /sgrub pa de yi snying la zhugs pa yin/ /gal te rnal 'byor 'phres shing nyal la dga' / /zas skom sred cing bzlas la mi brtson na/ /lto 'phye nyal brtson snyoms byed ces bya ba/ /rnal'byor sems la zhugs nas gnas par byed/ /gal te rnal 'byor rang gi longs spyod rkyen/ /yo byang srung zhing so? 'dzugs srungs ma sgo/ /gsog phyir 'dod tshol gzhan du gtong 'dod na/ /gnod sbyin nor bsrungs zhes bya sems la zhugs/ /gal te rnal 'byor pa ma spun tshogs la/ /chags nas smon lam rim 'gros srung byed na/ /lhan cig skyes pa'i bag chags ma byang bas/ /nyon mongs ma spangs byang chub ring bar 'gyur/ /gal te rnal 'byor gza' skar 'jug phod dang/ /dus dang lo zla bzang ngan rtsi byed na/ /dbyer med mnyam pa nyid dang 'gal bas na/ /byang chub thob par rab tu dka' bar 'gyur/ /gal te rnal 'byor thos mang rtogs che zhing/ /bsgom brtson bsnyems pas bdag bstod gzhan smod na/ /nyon mongs ma spangs nga rgyal 'phel 'gyur bas/ /phyir yang lhung zhing byang chub ring bar 'gyur/ /gal de rnal 'byor bdag la gzhan dag gis/ /sngon dang da ltar ma 'ongs gnod byed ces/ /zhe sdang skyes nas rig sngags gsod gtong na/ /zhe sdang dbang gis byang chub ring bar 'gyur/ /gal te bdag la gzhan gyis mchod bkur zhing/ /bsngags pa mang brjod bstod la sems dga' na/ /'gro'i phyogs char gyur te chags sems kyis/ /byang chub lam la 'dis gyang ring bar 'gyur/ /gal te rnal 'byor 'khor mang 'du long dag /rgyal po lta bur mang por brten na ni/ /khyed

  281. 141a

    grags yin pas bsgom pa g.yeng ba'i rgyu/ /byang chub lam las shin tu ring bar 'gyur/ /brgyad pa skyon gsal thabs ni rnal 'byor pa/ /sems la bar chad mtshan ma de byung na/ /'di ltar bsams nas mtshan rtog gsal bar bya/ /chos su ci snang sems las gzhan med cing/ /sems kyi rang bzhin chos nyid ngo bo la/ /bzang ngan spong len 'dod sred byams sdang sogs/ /rtog dang rtog pa'i dbang gis bgegs byung na/ /sems la bltas na gang yang mi snang bas/ /snang med sems rtog mtshan ma ga la yod/ /bdag rtog mtshan mar sems la bzung nyes pas/ /rtog pa thams cad spangs shing rtog med gnas/ /rtog pa med pa la yang gnas pa med/ /de ltar ring du gnas na rtog bgegs ni/ /myur bar zhi gnas ji bzhin bsgom pa las/ /bar chad sems kyi rtog pa 'byung mi 'gyur/ /byang chub 'bras bu myur du thob par 'gyur/ /rnal 'byor pa'i rtog pa'i bgegs sel ba zhes bya ba/ dngos grub mnyes pa'i slob dpon mkhas pa chen po/ /sangs rgyas gsang ba'i zhal snga nas mdzad pa rdzogs so// //dpal 'khor lo sdom pa la phyag 'tshal lo/ /byis pa'i rjes su byis pa 'breng/ /byis pas byis pa 'jig 'gyur bas/ 'dir byis pa grol bar bya ba'i phyir/ /zhes pa 'chad par bsams so/ /byis 'ching lam du dkyer ba bshad/ /de la 'dul ba don yod par grub pa zhes bya ba rnal 'byor pa chen po'i rgyud las/ gang gi rmongs pa 'ching 'gyur zhing/ /du 'bod mthar ni des 'gyur ba/ /de nyid kyis ni grol 'gyur zhing/ /shes rab stobs kyis bde ba thob/ /ces gsungs pa'i don mkhas pas mngon du bsten par bya ste/ /gang de la mchog du rsdoms par bya ba yin pas/ /thog mar rgyud brtag par bya'o

  282. 141b

    de la cha mnyam pa ni 'dod chags la sogs pa'i nyon mongs pa yun ring por skye par mi 'byung yang dngos po des de la 'dod chags la sogs pa mi 'byung ba ma yin no/ /nyon mongs pa chung ba ni 'dod chags la sogs pa'i dngos po chen po dang/ / mang po dang lhag pa dang phrad cing mngon du gyur pa la ni nyon mongs pa bul bar skye la/ /'bring dang chung du la ni shin tu cha phra ba'o/ /gang zag 'dod chags spyad pa ni chags pa'i dngos po chung du dang/ /ngan pa la yang chags pa chen por 'gyur na/ /de las ldog pa la lta ci smos te/ yun ring du chags pa'o/ /dbang po mnyen pa dang/ de bzhin du 'jam pa dang /mi blang ba dang/ lus ngag gis gzhan la tho 'tsham pa ma yin pa dang/ dbral bar dka' ba dang/ dman pa la mos pa dang/ sgro ring ba dang/ de la 'du ba dang/ yid mi bde ba mang ba dang/ /kun dga' ba mang ba dang/ khro gnyer med pa dang/ mdog gsal ba dang/ 'dzum pa sngon du gtong ba dang/ sha rtsi dmar zhing 'gro ba ma gyogs pa dang /'khun ngur smra zhing mi brtan pa'i bsam pa sna tshogs rgyu ba'o/ /zhe sdang dang ldan pa'i gang zag ni sha rtsi nag cing stobs che ba / drang por 'gro zhing brlang por smra ba/ thams cad mnar sems dang ldan pa/ /zhe sdang ba'i dngos po chung du la khong khro ba kun nas dkris pa stag po dang mang po skyed par byed na/ 'bring dang chen po la lta smos ci dgos te / yun ring du gnas par byed do/ /dbang po mi gnyen mi 'jam/ gzhan la tho 'tsham / dbral bar sla/ yid 'byung ba sla/ mu cor smra/ spyi brtol che/ mi mos pa med/ las kyi mdza' dam brtan/ brtul zhugs dam brtan/ /yid? mi bde ba mang/ 'khrug pa mang/ bzlog dka' / gnod bzhin du gnas/ khrod nyer dang ldan/ gzhin gyi mdog mi gsal ba'o/ /gti mug dang ldan pa'i gang zag ni rmongs par 'gyur ba'i dngos po

  283. 142a

    chung du la yang gti mug gis kun nas dkris pa stug po dang/ mang po skyed par byed na gzhan lta ci smos te/ yun ring du gnas par byed do/ /dbang po ngal ba dang / blun pa dang/ zhan pa dang/ lus kyi las kyi mdza' lhod pa dang ngag gi las kyi mdza' lhod pa dang/ nyes pas sems dpa' dang/ nyes par sna/ nyes par byas pa'i las byed/ le lo tsha/ sgrub mi phod/ smra ba zhan/ yid mi 'jug /brjod pas shes bzhin du mi skyed/ log par 'dzin/ dbral ba dka' / yid 'byung bar dka' / /dman pa la mos/ glen dig slugs/ lag pas brda byed/ legs par gsungs pa dang/ nyes par bshad pa'i chos rnams kyis don kun shes par mi nus/ rkyen kyis srogs /gzhan gyis phrogs/ gzhan gyi dring la 'jog /sha mdog nges pa med/ dal bar rgyu ba'o/ /gang zag nga rgyal dang ldan pa ni/ khengs par gyur pa'i dngos po chung du la yang nga rgyal gyi rgyu kun nas dkris pa stug po dang/ mang po skye bar byed na/ 'bring dang chen po la lta ci smos te/ /yun ring du gnas par byed do/ /dbang po rkod pa dang/ dbang po 'dam bu ltar mtho/ khengs lus cher brgyan pa la sbyor pa'o rjes su brtson/ /brtsan? ngag tu smra zhing mi 'dud/ pham nye du bla ma lta bu dag la dus gsum du rkyen du 'bab pa'i mchod pa mi byed/ lus mi 'dud/ gsod por smra ba dang/ phyag 'tshal mngon du ldang thal mo sbyar zhing 'dud par byed pa'i ngang tshul can ma yin pa dang/ /bdag nyid kun tu 'dzin/ bdag bstod gzhan la smod/ rnyed pa dang /bkur bsti 'dod/ grags pa 'dod/ tham thom gyi snod gyur/ dbral cing yid 'byung ba dka' / rgya chen po la mi mos/ snying rje chung/ bdag dang sems can dang/ srog dang gso ba dang gang zag tu lta ba shas che/ khro gtum che 'khrug pa dang ldan pa

  284. 142b

    yin te/ de lta bu dang mthun pa'i ni nga rgyal gyi rtags so/ /phrag dog dang ldan pa'i gang zag ni sha mdog sngo nag pa/ 'dus pa'i yul med par rgyu pa/ gzhan la gnod par smra zhing/ nges pa med pa'i bsam pa sna tshogs rgyu pa'o/ /zhes gsungs pa 'di dag nges par slob dpon gyis brtags la gdams par bya'o/ /de yang gsungs pa/ sreg bcad bdar ba'i gser bzhin du/ /yongs su brtags te nga yi dka' / /blang bar bya yis gus phyir min/ /zhes gsungs pas/ dngos su sgrol ba la bsam gyi mi khyab par 'dod pa dang/ rgyu ma dag pa la bsam gyis mi khyab par 'dod pa dang/ phyogs tsam la bsam gyis mi khyab par 'dod pa dang/ rab tu thal ba bsam gyis mi khyab par 'dod pa ste/ 'di dag ni rmongs pa rnams kyi ngan rtags yin te/ mkhas pas kun tu spangs par bya ba yin no/ /blang bar bya ba ni mchog tu gsang ba bsam gyis mi khyab pa ste/ de yang gsang ba bsam gyis mi khub pa dang/ bzod pa bsam gyis mi khyab pa dang/ thabs bsam gyis mi khyab pa dang/ 'pho ba bsam gyis mi khyab pa dang/ 'bras bu bsam gyis mi khyab pa dang drug go /gsang ba bsam gyis mi khyab pa ni bla ma'i gdams pa'o/ /bzod pa bsam gyis ma khyab pa ni/ dug lnga spas pa'i lam du khyer ba'o/ /gsang ba bsam gyis mi khyab pa la sogs pa kha tsag kyang dug lngar 'dus mos kyi dgongs pa can yin no/ /dug lnga lam du ji ltar 'khyer na/ gcig gi stong nyid gang yin la/ de ni kun gyi stong nyid yin/ zhes gsungs pas 'dod chags kyi stong nyid ji lta ba bzhin du zhe sdang la sogs pa'o/ /de la phyi nang gi gzugs la sogs pa yid du 'ong ba cig la chags pa skyes pa de yang kha dog la sogs par ma grub pas na brtag pa'i mthal bsal pa'o/ /rlung rjes su dpag pa las shes pa de bzhin du/ shes rig ma 'gags pa'i sgo nas chad pa ma yin no/ /de

  285. 143a

    gnyis kyi bar de gnyis ka'i bdag nyid can gyi dngos po yang yod pa ma yin te/ de bas na bzhi pa ni rjes thob kyi shes pas dpag par bya ba'i de nyid dus su spros pa ci yang yod pa ma yin no/ /de la 'dod chags ma spangs rnam par dag pa'o/ zhe sdang la sogs pa la smras te/ de ni phan tshun spangs te 'gal ba ma yin no/ /chos kyi dbyings rtogs pas ma lus pa'i yul dug med par byas so/ /zhes gsungs ngo/ /sngar smos pa ltar stong pa nyid ni kun tu sbyar bar bya la/ /dug lnga'i btsal thabs ni zhe sdang btsal ba bzhin du kun tu blta bar bya'o/ /de la nang bar ldang ba'i dus su di ring ni bdag gi zhe sdang gi dngos po bdag gi skyes pa 'am/ phas rgol ba'am/ gzhan dag phan tshun 'thab pa 'am/ zhe sdang skyes pa gang yang rung ste/ de dag mchog gi dngos grub 'thob par byed pa'i yan lag yin pas zhe sdang ci byung tshor bar shog bar smon lam btab la nam tshor ba'i dus su zhe sdang de nyid bsam gyis mi khyab par bya'o/ /gal te de'i nyin par zhe sdang ma byung na sngar dag nyid zhe sdang skyes pa 'am/ phan tshun sdang ba dang/ gzhan gyi phan tshun zhe sdang skyes pa la dran pa bskyed la de nyid rang bzhin med par bya'o/ /de ltar nang gcig bzhin du smon lam btab la bya'o/ /de ltar byas pas zhe sdang gi dug gi mi tshug par bya'o/ /zhe sdang skyes so cog lam du shes tsam na/ /dug gzhan la yang de bzhin du shes par bya ste/ zhe sdang yid kyi gang zag gi zhe sdang yid dam du byas pas de las su rung ba dang/ 'dod chags la sogs pa la sla bar 'ong pa de bzhin du gang gi zheng che ba de thog mar yi dam du bya'o/ /de nas gzhan la sbyar ba ni snga ma bzhin no/ /cha mnyam pa dang/ nyon mongs pa chung bas kyang thog mar gang yang rung ba cig yi dam du byas la/ de las su rung ba dang rim gyi spo bar bya'o/ /de ci'i phyir zhe na/ las dang po'i gang zag gi

  286. 143b

    gcig la mchog tu ma gdis na/ dug lnga mad du 'byung bas yid gtong snying mi 'dod de/ gzhug lhod pa skye bar 'gyur ro/ /de dag ni sngon du bstan par mi bya ste/ nam sgom pa'i dus su gzod gar la de gdams pa zhes pa sngon du bstan pa'i don de ni de nyid yi dam du gdams pa'o/ /dug ldas 'jigs pa brtul nas mi 'jigs pa la zhug pa 'di ni mchog tu gsang ba'o/ /snod shin tu bzang ba la gdams par bya'i/ /snod ngan tshig tsam la brtan nas bag med du spyod pa la ni ma yin no/ /thams cad bsam gyis mi khyab pa ni/ gtor ma dang ni bzlas pa dang/ /dkyil 'khor me dang chu'i yi las/ /phyag rgya gdugs sogs mchod pa dang/ /phyag dang bskor ba bya ba dang/ /lug ma'am? bris pa la sogs dang/ /gsung rab bri sogs rtsom pa dang// thams cad dus su rnal 'byor pas/ /thams cad rang bzhin rtog med bya/ /gnyid ni bag med mi log ste/ /ji ltar pad+ma kha zum pa/ /grib mas non pas zum pa ste/ /grib sel stobs kyis rgyas pa ltar/ /gsal pa 'das nas ma rig pa/ /sa 'thug gyur pa'i stobs kyis te/ /dbugs dag me long dkyil 'dus ltar/ /rim gyis bsdus te ma rig pa/ /shes rab kyis ni sbyar byas nas/ /cig shos la ni nges 'dus pa/ /ma goms pa las yid mi 'byung/ /goms pas yid gnyis med pa ni// rab tu 'bad pa'i sems goms yin/ /gsang ba 'dus pa las/ /'pho ba'i dus su bas mi khyab/ /las kyi shugs kyis 'pho ba dang/ /rnal 'byor lceb pa'i man ngag go /bsgom bya smig rgyu la sogs la/ /mthong 'og de nyid gnas pa dang/ /rang bzhin gyis sgrub rdo rje'i lus/ /bdun gyi 'pho ba spangs nas su/ /srid mi 'jug ste mdza' gnyis spang/ /sbyor sems sngon du btang ba yis/ /mthong nas ldang 'gyur mi 'jug byed/ /'da' bar mi 'gyur mchog grub pa'o/ /rkang pa dang ni kha dang le/ /

  287. 144a

    snying kha spyi gtsug mig rnams te/ /rlung ni gang nas 'pho 'gyur ba/ /rim pa bzhin du skye zhing 'thob/ /dmyal ba yi dags byol song dang/ /mi dang lha dang ye shes so/ /de nas sgo gzhan dgag byas la/ /mi gnas rlung ni phul bar bya/ /bla ba'i zhal la gnas pa'o/ /de bzhin lceb pa 'ang zhal la gnas/ /rnal 'byor mi shes gong zag gis /mi dang lha yi skye ba ru/ /blang ba'i sems ni rtse gcig bya/ /rdo rje mkha' 'gro'i nang nas kyang/ /'chi ka'i sems ni gtso yin pas/ gang ltar bsams pa de ltar 'gyur/ zhes gsungs so/ /'o na sdig pa can yang de ltar 'gyur ram zhe na/ mi 'gyur te/ sdig che las kyis bskal nas ni/ /man ngag 'dod dang mi 'phreng/ /gal te phrad kyang glad gzer dang/ /smyo 'bog sogs pas mi dran no/ /'o na tshogs bsags pa la 'da' ka'i sems med kyang bde 'gro ru skye bo zhe na/ /tshogs dum bsags kyang 'chi kar sems ngan skyes na rgyal po ma skyes dgra lta bu'o/ /de bas na 'da' ka ma'i bsam kyis mi khyab pa la/ /shin tu 'bad par bya'o/ /'bras bu bsam gyi khyab pa ni/ sku yang ye shes te/ gser ni mi gtsang nang du bcug gyur kyang/ /'bar ba'i rang bzhin nam yang mi 'bri ltar/ /des pa gang zhig 'jig rten chos spyad kyang/ /bsam pa'i rang bzhin nam yang de mi spong/ /zhes gsungs pas gzugs skus 'gro ba'i don byed ba na yang 'jig rten gyi bya ba ngan pa dang bral ba'o/ /de ltar rgyu dang 'bras bu thams cad du gnyis su med pa kho na yin zhing/ dug lnga shin tu btsal par bya ba yin kyang/ thog ma med pa'i dus nas phyin ci log la goms pa'i dbang gis shes rab dang bral nas log pa'i shes rab rgyu bas dben pa ru gnas te/ mi rtog pa'i nus pa rnyed nas tshogs kyi bseb du phyin kyang zhe sdang la sogs pa gang byung yang

  288. 144b

    dran pa dang mi 'bral zhing gzhan gyi dbang du mi 'gro na dus la bab pa'o/ /yang na kun tu rgyu nyid bya ste /gnas gcig tu yun ring du gnas par mi bya ste/ mi dang khyi 'dra bas khyi yang rang gi gnas na stobs che la/ yul gzhan du dul bar 'gyur ro// de bzhin du mi yang rang gi gnas na nyon mongs pa dul bar dka' ste/ yul gzhan du nyon mongs pa thul bar smra bas kun tu rgyu'i tshul la gnas par bya'o/ /gang zhig bdag gis byas bsod kyis/ /kun kyang 'tsho ba med par shog /gang gi lam nas 'gro ba yis/ /sangs rgyas nyid du grub par shog /dug lnga sbas pa'i lam mchog tu gsang ba bsam gyis mi khyab pa zhes bya ba/ slob dpon 'phags pa lhas mdzad pa rdzogs so// //rgya gar skad du/ yo ga lak+Sha Na sa tya/ bod skad du/ rnal 'byor gyi mtshan nyid bden pa/ rje btsun ma sgrol ma la phyag 'tshal lo/ /phyogs bcu dus kun gyi sangs rgyas dang/ /chos dang dge 'dun tshogs bcas la/ /thal sbyar gus pas phyag 'tshal nas/ /rnal 'byor bsgom pa'i man ngag 'di// rin chen sna tshogs tshogs pa ltar/ /rnal 'byor pa rnams sgrol ba'i phyir/ /mdor sdus nas ni bshad par bya/ /nam gyi cha smad gnyid las sad/ /bdag ma gtogs pa'i sems can la/ /thog ma nyid du snying rje sgom/ /de nas bdag nyid la ltas nas// ding gi nyin zhag 'di la ni/ /slong po'i sems can dag la ni/ /ci srid 'ongs kyang ser sna yi/ /dri mas mi gos nyid du bya/ /gal te bslab pa las 'gal ba'i/ /yid la rgyu ba phra mo yang/ /bsam pa nyid du mi bya na/ /ngag dang lus kyi sgros ci dgos/ /bdag la de? ring khro ba dang/ /brdeg pa la sogs 'byung bar shog /des kyang 'khrug par mi bya yi/ /le lo byung na shes bzhin gyis/ /mgo la me 'bar bzhin du dor/ /bdag gi 'gre 'am nyal 'dug rung/ /spyod lam ji ltar gnas 'dug kyang/ /yid ni lha'i nga rgyal dang

  289. 145a

    skad cig tsam yang mi 'bral bar/ /rang nyid yin par rtag tu bsam/ /'khor ba mya ngan 'das pa yi/ /shes dang shes bya bdag gis ni/ /di ring nyid nas bdag gis brtag /bstod dang smad pa grags ma grags gzhan dag ji ltar zer yang ni/ /de nyid brag ca lta bur dang/ /'on pa lta bu bdag gis bya/ /chags pa'i gzugs sgra dri ro reg /'dod yon lnga la gang du yang/ /rnam shes 'phro ba'i yul byung yang/ /dag du ma thon bar du bzlog /gzugs su snang rnams sku nyid yin/ /sgra rnams gsung du bdag nyid brtag /sems can byang chub rgyu yin phyir/ /de yi shes pa ye shes yin/ /sems can ji ltar mthong gyur kyang/ /de dag nyid la blo phyag bya/ /'di dag nyid la brten nas bdag/ sangs rgyas nyid du 'grub pas na/ /dge ba'i bshes gnyen dam pa yin/ /mang po tshogs par gyur pa na/ /ro dang dud khrod 'du shes skyed/ /grong du 'jug par byed pa na/ /btson ra khri mon 'du shes bskyed/ /rgyal po'i pho brang 'gro ba na/ /ngan 'gro nad dang 'ching ba dang/ /g.yangs sa chen po'i 'du shes skyed/ /gal te bud med tshogs mthong na/ /mi gtsang rdzas ni sum cu dang/ /'khor ba'i lam 'dren yin par bsam/ /nye du pha ma bu tsha rnams/ /de la chags spangs btang snyoms sam/ dgra rnams mthong na 'di dag gi /bzod rdzogs byang chub yin par bsam/ /bdag gi longs spyod rdzas la yang/ /'dir ni brtsod ba'i rgyu dang ni/ /phyi mar ngan 'gror khrid par bsam/ /bdag la bstod pa brjod na yang/ /'di ni nga rgyal 'phel byed pas/ /ngan 'gror khrid par byed pa yin/ /gal te smod pa byung na yang/ /'di la bzod bsgom byang chub yang/ /mtshan ma rdzogs par rab tu bsam/ /gnas la zhen pa byung gyur na/ /rmi lam grong khyer ji bzhin du/ /rnal 'byor pa yis rab tu

  290. 145b

    sgom/ /bdag gis deng gis nyin zhag la/ /ngag las bzlas brjod kha don bya/ /klag sogs bslab las mi 'gal bar/ /di ring bdag gis smra bar bya/ /lus kyi g.yo ba thams cad kyang/ /mchod dang skor ba la sogs pa/ /ral so don yod nyid du bya/ rnam rtog gnyen por ma sdams na/ tshig du brjod pas ci zhig 'grub/ /de bas rnam pa thams cad du/ /gnyen po'i dpung tshogs bskyed nas ni/ /nyon mongs rnams ni dpyis phyin bya/ /bza' btung zhim po za ba'i tshe/ /rol zhen pa spang bya zhing/ / mi gtsang rgyu las byung ba dang/ /tha mar mi gtsang 'gyur bar bsam/ /reg bya 'jam po tshor ba'i tshe/ /reg bya ji bzhin yin par bsam/ /'dir mang smos pa ci zhig dgos/ /gang du nyon mongs 'phel ba yi/ /khyim pa'ang rab tu byung yang rung/ / de dag rab tu spang bya zhing/ /nyon mongs rnam par mi 'phel ba'i/ /sgrub pa'i grogs mchog gang yang rung/ /do dag brten pa mig ltar bya/ /bdag ni di ring nas brtsams te/ /byang chub snying por mchis bar du/ /rtag tu rab tu byung ba dang/ / tshangs par spyod pa nyid du bya/ /nyin mtshan dus las ma yol bar/ /thun mtshams gsum du bsgom par bya/ /srog dang rtsol ba bkag pa dang/ /rlung med pa yi mar me ltar/ /rtag tu spros bral bsgom par bya/ /de nas ldang tshe nga rgyal gyis/ /mtshan dang dpe byad skur ldan pa'i/ /lha yi nga rgyal brtan por bsam/ /mtshan mo'i thun la bab pa'i tsho/ /bde gshegs ji ltar gzims pa ltar/ /'jig rten rtogs spangs bdag nyid nyal/ /mdor na chos rnams thams cad kun/ /rmi lam lta bur brtag par bya/ / rnal 'byor bsgom rnams gtsor bya'i/ /lus dag dge ba btsor mi bya/ /chos spyod rnam bcu la sogs la/ /nyon mongs pas ni ma yengs par/ /bsgrims nas bdag gis 'bad pas bsgrub/ /rtag tu 'chi bsam ma chags slos/ /dngos po ci la'ang ma chags par/

  291. 146a

    spyod lam ji ltar gnas kyang bsgom/ /bsod nams sems can kun la bsngo/ /byang chub bzang po bdag gis ni/ /rnal 'byor bsgom pa brtsams pa yi/ /dge ba zla zer dri med des/ /bdag dang 'gro ba ma lus pas/ / dpal ldan rdo rje 'chang 'grub shog /rnal 'byor gyis mtshan nyid bden pa/ /mkhas pa chen po dpal byang chub bzang po'i zhal snga nas mdzad pa rdzogs so// //rgya gar skad du/ pradz+nyA tatshha gi b+ho shi pA ri ka thA nA ma/ bod skad du/ shes rab brtsam pa dus kyis gtam zhes bya ba/ byang chub sems dpa' sa'i snying po la phyag 'tshal lo/ /bde chen 'khor lo zag med spros pa rgyas pa'i sku dang chos/ tshogs pa'i zhing dang dngos grub rtsa ba rnams la phyag 'tshal te/ /gal te brtson 'grus pha rol phyin pa'i dus min gyi/ /yin pa'i rtags dang ldan dus dag tu bzod med brtsams/ /slob dpon slob ma tshol ba dang/ /rin chen rnyed par sgrub pa dang/ /slob ma don drin slar ldon dang/ /dbang skur med par slar 'dod dang/ / re ba'i gos kyis 'gro ba dang/ /lci ba'i zas kyis 'tsho ba dang/ /mi byed rnyed sogs rtsod pa dang/ /drag pos gzhan zil gnon 'dod dang/ /sku gzugs brtsod pas 'jig pa dang/ /mig can 'gran zlas brtsod gyur dang/ /dge slong gnas la brtsod pa dang/ /grub mdza' skur bas sun 'byin dang/ /'gro rnams spyod pa lta ba dang/ /mkha' 'gro 'bras bur 'pho ba dang/ /rin chen grags pa 'das pa dang/ /mi rnams g.yo sgyus 'tsho ba dang/ /shing rnams g.yab mos g.yob pa dang/ /ri rnams cho nges 'debs pa dang/ /chu rnams me yi 'od 'byin dang/ /skal ba can ma grags min brjod/ /rtsod rtags nyi shu rdzogs pa yis/ /bram ze mo yi mar me 'dra/ /kye lha dang drang srong 'tsho ba'i dus 'das bsam/ /snying rjes dman pa rjes 'dzin

  292. 146b

    zla 'byung dus/ /skyabs su 'gro ba dam pa'i rten 'brel na/ /'chi ba'i dus tshe sdug bsngal sogs 'byung 'gyur/ /kye skye ba bzang thob skyes ngan bud med kyis/ /lus dang ngag yid sdom pa mchog gsum la/ /brtse ldan dmigs med 'brel pa mi gnas pa/ /dam par 'gyur tshul bral na nges par 'ching/ /kye dngos grub nye bar rnyed pa ma btsal na/ /rang gi bde chen 'bad pas rtogs mi 'gyur/ /'od gsal ma rnyed nyon mongs lam mi 'gyur/ /ngag dang mi ldan chos nyid rgyas gdab bral/ /dben pa bral bas nges 'byin rnyed mi 'gyur/ /brtul zhugs brtun te ma byas gsal mi rnyed/ /sems kyi mel tshe bral bas mchog thob min/ /dbang po ma g.yeng skye ba rnal 'byor rnams/ /'dod pas ma g.yeng bya ba la mi 'jug /man ngag 'gro lam g.yeng gnyid ma ldog/ dam pa'i brgyud bam bskam 'bras ma gcad/ /kye ma rtag tu phyi nang mnyam par blta/ /dus ni yun thung 'di la ma rdzogs na/ /dus su 'gyur ba'i dus rab rnyed mi 'gyur/ /de bas brtson 'grus dus la bab kyis byos/ /rtogs pa'i sangs rgyas bram ze ste// 'dod la rab chags b+ha b+hi ti/ /ngoms med nyams bral le lo sha /da ni dus 'das nyi ma 'dra/ /bdag gis gdams pa 'di bris pas/ /rim gyis lam la rtsol 'gyur shog /shes rab brtsam pa dus kyi gtam zhes bya ba/ pang+ga la'i mkhas pa dpal nges par sbyangs pa dpal ldan gnyis su med pa'i rdo rjes bram ze b+ha lo la gdams pa rdzogs so// // */ /rgya gar skad du/ sa mA d+hi saM b+ha ra pa ri brta/ bod skad du/ ting nge 'dzin gyi tshogs kyi le'u/ 'jig rten mgon po la phyag 'tshal lo/ /dang po snying rje'i stobs las byung/ /rdzogs pa'i byang chub sems brtan bya/ /srid pa'i longs spyod bde ma chags/ /yongs su 'dzin la rgyab kyis phyogs/ /dad sogs nor ni phun sum tshogs/ /bla ma sangs rgyas dang mnyam gus/ /nges

  293. 147a

    bstan dam tshig spyod pa ni/ /yongs su bskyad la rab tu brtson/ /bum pa gsang ba'i dbang skur ba/ /bla ma'i drin gyis yongs su thob/ /lus ngag sems ni rnam dag pa'i/ /bsgrub pa po de dngos grub snod/ /ting 'dzin yan lag las byung ba'i/ /tshogs ni yongs su rdzogs pa las/ /myur du dngos grub thob 'gyur ba/ /de ltar gsang sngags tshul gnas yin/ /ting 'dzin yan lag nyams gyur cing/ /de yi mi mthun phyogs gnas na/ /skyib bye ba stong gis kyang// ting 'dzin rab tu grub mi 'gyur/ /ting nge 'dzin ni rab grub phyir/ /gsang sngags spyod gnas rnal 'byor pas/ /de las gzhan pa'i sems spangs te/ /g.yengs med brtson bas 'bad par bya/ /ting nge 'dzin gyi yan lag dang/ /mi mthun phyogs gang des bya'i phyir/ /ting 'dzin yan lag mi mthun phyogs/ /de ni mdor bsdus nas bshad bya/ /tshul khrims phun sum tshogs pa dang/ /longs spyod rnams la bltos med nyid/ /bzod ldan dam bca' brtan pa dang/ /skye bo 'du 'dzi rnam par spong/ /lus dang ngag yid las rnams la/ /shes bzhin dang ni ldan pa dad/ /sangs rgyas skur 'dogs dran pa yi/ /lus kyi rjes dran yang dag ldan/ /dus bar du ni gang bya ba'i/ /rjes dran de la brtan pa dang/ /sgrib pa lnga ni spang ba dang/ /zas kyi tshod rig spyod lam dan/ /'jig rten chos ni thams cad la/ /rtag tu sems ni btad snyoms dang/ /yo byad bsnyungs? 'di yan lag ste/ /go bzlog ba ni mi mthun phyogs/ /ting nge 'dzin tshogs le'u bkod ba'i bsod nams nges/ /'gro bas ting 'dzin rdo rje lta bu thob par shog /ting nge 'dzin gyi tshogs kyi le'u/ slob dpon mkhas pa chen po dpal mar me mdzad ye shes kyi zhal snga nas mdzad pa rdzogs so// //rgya gar gyi mkhan po de nyid dang/

  294. 147b

    zhu? chen gyi lo tsA ba dge slong shAkya blo gros kyis bsgyur cing zhus te gtan la phab ba'o// //*/ /rgya gar skad du/ lo ka a ti ta sapta ka bi d+hi/ bod skad du/ 'jig rten las 'das pa'i yan lag bdud pa'i cho ga /sangs rgyas dang byang chub sems dpa' thams cad la phyag 'tshal lo/ /dpal rdo rje sems dpa' la phyag 'tshal lo/ /phyag gnas phyag byed phyag rnams ni/ /gang tshe tha dad mi dmigs pa/ /de 'dir sngags pa'i phyag yin te/ /rdo rje phyag ces brjod pa yin// mchod gnas mchod byed pa rnams/ /gang tshe sna tshogs mi dmigs pa/ /de che mchod pa chen po ste/ /rdo rje mchod ba zhes brjod/ /bshags bya ? chags byed bshags pa rnams/ /gad ? rnal 'byor pas ma mthong/ /rang bzhir dag par yang dag mthong/ /de 'dir bshags pa'i mchog yin no/ /rjes yi rang bya thams cad dang/ /bdag dang rjes su yi rang ba/ /rnal 'byor ba yis mnyam par mthong/ /rjes su yi rang dam pa yin/ /sgyu mas sprul pa'i sangs rgyas la/ /sgyu? las sdul pa'i lus can phyir/ /brag ca lta bu'i chos rnams ni/ /bstan par yang dag skul 'debs pa/ /sprul ba dag dang mtshungs bar ni/ /thal mo sbyar nas skul byed cing/ /rdo rje rnal 'byor mnyam par mthong/ /bskul bar byed pa'i mchog tu 'dod/ /mya ngan 'das bzhed sangs rgyas rnams/ /'khor bar sprul ba bzhin du ni/ /sems can sprul pa'i don gyi phyir/ /bzhugs par gsol 'debs de nyid rigs/ /'jig rten 'das pa nyid kyi phyir/ /de 'dir gsol 'debs mchog tu 'dod/ /dmigs pa can du 'jug pa nyid/ /thams cad 'jig rten pa nyid yin/ /rdzogs pa'i byang chub mi 'dra la/ /de nyid rig ba sa rmi 'drar rig /rmi 'dra'i srid par gnas pa yin/ /sems can rnams la phan btags pas/ /chos dbyings bzhin du dpag med par/ /dge ba

  295. 148a

    thams cad yongs bsdos na/ /de 'dir bsngo ba dam pa ste/ /sangs rgyas kun gyis rab tu bsngags/ /'jig rten las 'das pa'i yan lag bdun pa'i tshog slob dpon mkhas pa chen po dpal mar me mdzad ye shes gyis/ / dpal bsam yas lhun gyis grub pa'i gtsug lag khang chen por mdzad pa rdzogs so// //paN+Di ta de nyid dang lo tsA ba shAkya blo gros kyis bsgyur ro// //rgya gar skad du/ su ga ta shA sa na ratna b+hi hir dra nA ma/ bod skad du/ bde bar gshegs pa'i bstan pa rin po che'i gru bo zhes bya ba/ bcom ldan 'das 'jig rten dbang phyug la phyag 'tshal lo/ /brtse ldan rtag bcas lung gi phyug /smra mkhas skyo ba med yid thul/ /sbyangs sdom dbang po rab zhi ba'i/ /bla ma la btud nges bstan bshad/ /shin tu rnyed dka' i dal ba sbrin 'dra las 'bras rjes 'brel sdug bsngal can/ /gnas la rab dang 'gro la brtse dang chos rab rnam byed brtson 'grus dang/ /gus bas mchog gsol cho ga bzang ldan mnyam par 'jog brtson legs bsdor bcas/ /bsam bya rnal 'byor mchog spyod srid zhi'i rgya mtsho sgrol ba'i gru/ /rus sbal gyis ni gnya' shing dang/ /yungs 'bru khab kyi bu gar dang/ /rtsig ngos la ni sran 'bras ltar/ /dal ba shin tu rnyed kar gsungs/ /gang phyir lus can kun gyi las/ /rgyun ltar thur tu ltung phyir dang/ /der yang mi dge 'bel phyir dang/ /min yang legs sbyang bya dka' i phyir/ /rten 'di thob dka' de bzhin du/ /ji tsam rnyed dka' de tsam gyis/ /snying po med pa'i lus 'di las/ /snying po dam pa btsal bar bya/ /de phyir bdag la legs 'dod bas/ /skyes bu'i don bsgrub bya ba'i phyir/ /rgya mtshor byed bas rnyed pa yi/ /gru bo lta bur lus 'di spyad/ /srog 'di 'dus byas yin phyir dang/ /mi gdod phyir dang rkyen mang phyir/ /de bzhin snying po

  296. 148b

    med pa'i phyir/ /'chi bdag gis bdag myur ? nges/ /lus dang longs spyod sdug pa yi/ /mdza' rnams rjes 'brang mi 'gyur zhing/ /mgon med gcig bu gyi nar ni/ /'jig rten pha rol 'dod bar byed/ /re zhig tshe rabs 'ga' lta zhig/ nyon mongs mi 'gyur gdeng thob pa'ang/ /bdag la yong yi mi snang na/ /ci phyir bdag yid bde bar 'dug /de bas 'bad pa thams cad kyis/ /tshe 'di'i dgos pa khyad bsad cing/ /mgo la me shor bsgrim pa bzhin/ /mkhas pa slad ma'i don bsgrub bya/ /mthong dang rma mthong myong ba yi/ /rnam smin rgyu mthun dbang gi las/ /mngar skyur kha la rang rgyu bzhin/ /slu med las 'bras 'brel bar 'dod/ /mkha' ltar 'gag med sems nyid la/ /sna tshogs bag chags sprin tshogs 'khrigs/ / ? 'gyur char gyi rgyun 'bab pas/ /rjes myong lo tog smin par byed/ /chos kun rten cing 'bral 'byung zhing/ /rten med da yi rten yin te/ /brten pa'i rgyu 'bras gshis yin phyir/ /dkar gnas las 'bras 'brel pa nyid/ /slu med so sor des phyir dang/ chung las che nyid 'byung phyir dang/ /sngon byung da dung myong 'gyur phyir/ /blo ldan blang dor 'bad par rigs/ /de ltar las de dang de'i?/ /'bras bu sdug bsngal bsam yas kyis/ /skye dgu kun tu gdud ba yang/ /me lce yis ni so mal bzhin// de ni 'du byed 'gyur ba dang/ /sdug bsngal gyi yang sdug bsngal sogs/ /skye rgan dang rgud dang 'chi/ /phrad bral bsrung dka' tshol la sogs/ /ji ltar bkra shis rna nag dang/ /dri ma? zhim dang mi gtsang bzhin/ /sdug bsngal nye bar len pa la/ /lhan skyes rtag tu 'brel ba yin/ /rmongs rnams sdug bsngal gyis skras bzhin/ /de yi rgyu la dga' mgur spyod/ /mi gang nang la dug bzhin du/ /shes pas gnyis spong de mkhas pa/ /bskal med rnyed dka' i dal ba legs rnyed brag dum u dum wa ra bzhin

  297. 149a

    gang thob srog 'di 'ang rtag tu mi rung ri gzar khrod kyi klung rgyun 'dra/ /lus can rnams kyi dkar gnag las kyang sa bon dang ni lo tog mtshungs/ /'di dag tu ni sdug bsngal gdung pa'ang me 'bos 'bar ba'i me lte bzhin/ /zhes bya ba ni bsam par bya ba'i gnas bzhi'i chos mdor bsdu ba'o// /skyabs gsum thar pa las 'bras la /rab dang mngon 'dod yid ches dang/ /rnyog med yid gzhungs rnam par nges/ /gus sbyor the tshom med par rgyu /yon tan shes pa nyid dang de/ /cig shos skyon mthong yid 'byung bcas/ /rtags myong khong du chud gyur la/ /rten nas dad pa thob par 'gyur/ /bya ba kun sngon 'gro phyir dang/ /byed pa yi ni rgyu nyid phyir/ /sa bon tshig las myu gu bzhin/ /chos kun spro ba med la min/ /'di na gang la rab dang yod/ /de yis dngos gang bsgrub dka' ba/ /de yang gzhan gyis bya sla bas/ /rab tu sla bas 'grub bar 'gyur/ /sems can chos dang chos nyid la/ /brtse rtogs mtshan ma med snying rje/ /mi bzod mngon du byed rtog med/ /don shes dri ma zad sbyor rgyu/ /gnyen tshogs sdug bsngal mthong dran dang/ /gang zag chos bdag med nyid dang/ /rigs lud man ngag gi phye bas/ /mthong phyir gzhan zhugs brtse ba skye/ sku gnyis lhun gyis 'grub pa'i rgyu/ /rin chen sems kyi rgyu phyir dang/ /ji ltar khab la khab len bzhin/ /'gro ba bsdud par byed phyir te/ /de bzhin de yi khyad par gyis/ /rgyal sras mdzad pa khyad par phyir/ /sman shing ljon pa lta bu yi/ /phun tshogs snying rje bskyed par byos/ sgyu mas sprul pa'i grong khyer du/ /skyes bu de dag dga' dang gdung/ /yul dus rnam kun shin tu ba/ /snang mtshungs don ma grub rtogs shes/ /ma 'gags mu mthar thug min dang/ /skye ba med las

  298. 149b

    skye phyir ni/ /snang 'gyur gang skyes skye med dang/ /rten 'brel rtsa ba zang phyir stod/ /de la gang snang la sogs phyir/ /'khor ba'o de nyid de che der/ /spyad na mkha' ltar dben pa ni/ /rang bzhin mya ngan 'das par brjod/ /de ni mi rtogs rtogs dka' zhing/ rtogs na nges par grol 'gyur phyir/ /rab zab zab cing ngo mtshar phyir/ /mkhas pas 'dzin pa rnam par gzhig /'bras bu bzang rnams mthong nyid dang/ /'grub pa 'bad ba la reg phyir/ /rgyun 'brel goms pas don thob shes// bsam brtson phyir mi ldog brtson 'grus/ /gzhan skyon 'di yi yon tan rig /gnyid sogs snyoms bral zhum med dang/ /thabs sbyangs snying brtan brtul phod dpa' / /skal ldan spro ba rnam par 'phel/ /rlung mang rnam g.yo mi 'byung bzhin/ /brtson bral legs spyad ga la yod/ /spro ldan skad cig nyid la yang/ /ri rab thal bar brlag sems bskyed/ /kye ma ho gzhan du yid brtan med/ /nying mtshams tshe na long med de/ /gson tsho 'ang? bsil khang mar me bzhin/ /ci phyir bdag blo dal bar gnas/ / bdag nyid padmo dmar gsal rab dga' 'dri med dad pa'i nyi zer 'bar pas rnam phye ba /mdza' yas 'gro la brtse ba'i chab brlan rjes chags utpal mig gi rdzi rab dkrugs nas ni/ /sna tshogs snang sems shes bya'i dkyil 'khor rten cing 'brel 'byung rang bzhin stong pa nyid rig dang/ /srid pa'i dgra tshogs skyon mang gis skrag phang du sbral? 'od brtson pa bzhin du brtson par bya/ /zhes bya ba ni bsgrub par bya ba'i gnas bzhi'i chos mdor bsdu ba'o// //srid zhi'i skyon yon dran byas nas/ /bdag dang gzhan gyi don bsgrub phyir/ /yid bzhin nor la gyi dor bzhin/ /de nas dngos grub mchog gsol bya/ /gang phyir bskal pa brgya phrag du/ /'bad kyang phyogs tsam mi rnyed pa/ /gang gi drin gyis bde chen nyid/ /skad cig nyid la thob byed phyir/ /rgyun gyi rnal 'byor

  299. 150a

    cho ga yis/ /ji bzhin mngon du byas nas su/ /re ba nyid dang gdung ba dang/ /gus pas rten gnyid gsol ba btab/ /gang tshe lhar bcas bla ma yi/ /byin brlabs snying la gang babs pa/ /de tshe shel ltar dang ba yi/ /sems thob spro bas non par 'gyur/ /rnam dag gsum gyis bsgyur byas nas/ /'od gsal gyis ni dri mer bya/ /zung du 'jug pas ye shes te/ /dbang gyur sbyor? bas phrin las bsgrub/ /lha dang sngags dang ting 'dzin nyid/ /snang grags dran pa nyid med nyid/ /sna tshogs bral ba kun snang zhing/ /gang snang gzhan gyi dbang can no/ /'di dag lus ngag yid rim bzhin/ /khri ma 'khru bar byed phyir dang/ /mchog byed ro gcig byed pa'i phyir ro/ /don bsgrub byed phyir rnam par bzhag /bdag nyid rtogs par byed phyir dang/ / rtogs pas grol phyir grol ba nyid/ /gzhan don rnam par 'phrul pa'i phyir/ /lam 'di theg gzhan las khyad 'phags/ /rnal 'byor chen po rang gi sems/ /dri med rab dang sim byed phyir/ /mkha' dang zla 'od bden mthong zhing/ /mi rtog 'od gsal bde chen brjod/ /sgyu ma nyid dang de snang dang/ /de bdag ji bzhin chos rnams kun/ /sems yin de nyid 'od gsal phyir/ /blo mchog rnam par mi rtog go /rang bzhin kun tu ma 'gags shing/ /rnam pa sna tshogs rang snang ba/ /kun khyab rnyog pa med mtshan nyid/ bskal bzang 'od gsal ting 'dzin bshad/ /mchog mthong phyir dang rdul med dang/ /dngos bral dngos la mngon chub phyir/ /chags bral zag pa med rab zhi/ /sim gyur bde ba chen por 'dod/ /de ltar 'di skyes dge ba yang/ /mtshan ma med nyid rgya che nyid/ /stong nyid snying rjer bcas sems kyis/ /mchog spyod sku gnyis legs bsngo bya/ /rmi lam yul gyi 'du byed bzhin/ /gang phyir gang du gang gis gang/ /ji ltar bsgrub pa mi dmigs phyir/ /dge ba mtshan ma med par gsungs/ /dmigs

  300. 150b

    med dmigs par rab gsal ba/ /ngo bo ngo bo med rjes 'brel/ /rnam lnga yan lag snang ba'i gzhi/ /rgyal sras rnams kyi tshogs rab yin/ /gang zhig chos shes gang zag shes/ /shes rab thabs bcas chags bral chags/ /mi gnas mya ngan 'das bsngo ba/ bdag nyid chen po'i ngo mtshar rmad/ /gang snying cod pan chu skyes dmar rgyas lha mchog gis mtshan rdzogs sangs stong ldan mgon pos brgyan/ /phyi nang gsang bdag dri med ye shes lhan cig skyes rol 'od kyi sbyor bas rnam par brtsen/ /sprin khral mkha' dang zla rgyas zer ltar dag cing rab gsal bde chen yid rab sim pa dang/ /gang skyes dge tshogs rin chen mnga' de'ang brtse ba'i gzhus bskyod 'gro la yongs su 'phen de dpa' bo/ /zhes bya ba ni rnal 'byor du bya ba'i gnas bzhi'i chos mdor bsdu ba'o// // srid mtsho rab gnas nyon mongs chu srin kha gdangs gnas/ /sdug bsngal brlabs 'khrug gting mdza' med mngon 'jigs pa dang/ /zhi ba 'ching bu'i mtsho chen dkar 'khyil gnyis ka las/ /sgrol byed bstan pa rin chen gru mchog bzang 'di yin/ / legs sbyar bdag blo rab dang dga' i ba dang/ /snying brtses yid gzhungs 'bang byas dge ba 'dis/ /'gro rnams sngon gyi rgyal bas ma bsgral ba/ /de dag legs sgrol ded dpon mchog bdag gyur/ /bde bar gshegs pa'i bstan pa rin po che'i bru bo zhes bya ba grub pa brnyes pa'i paN+Di ta chen po a ji ta mi tra guptas mdzad pa rdzogs so// //paN+Di ta dza ga ta mi ananda dang bud+d+ha sh+rI dz+nyA na dang lo tsA ba byams pa dpal gyis bsgyur ba'o// //*/ /rgya gar skad du/ sh+rI band+ha bi mu ka ta shAstra/ bod skad du/ dpal 'ching ba rnam grol gyi bstan bcos/ /bcom ldan 'das 'jig rten dbang phyug la phyag 'tshal lo/ /gang zhig ma rtogs rtogs dkar rtogs na de nyid dus/ /'ching ba mi bzang shin tu grol dka' grol 'gyur ba/ /bdag dang gzhan

  301. 151a

    don phun tshogs rdzogs pa'i sangs rgyas lam/ /ngo mtshar de ni 'gro ba bsgral phyir bdag gis bshad/ /gyad kyi dor bu la sogs bzhin/ /snying po de ni gzhan min gnas/ /gang phyir thams cad rang gi rang/ /'ching dang grol bar 'gyur ba'i phyir/ /'di na 'ching ba gang yang med/ /'ching ba gang yin de grol ba'o/ /de ni stong dang rten 'brel 'jug /de phyir 'phongs pas mi rtogs so/ /dman dang log pa'i bshes gnyen gyis/ /zin gyur bsod nams brtson 'grus zhan/ / sbyangs stobs blo gros chung ba yi/ /skye bo rnams kyis rtogs dka' o/ /rtogs ldan snying brtse man ngag mkhas/ /bshes gnyen dam pa btsal bar bya/ /da ni sogs lus longs spyod sogs/ /rnam kun dri med gus pas bsten/ /ji srid bdag sems brtan gyur pa/ /de srid lus dang grib ma bzhin/ /de yi rjes su bstan pa ni/ /rten 'brel stong nyid bdud rtsi'i chu/ /skom pas gdungs la chu bsil bzhin/ /dga' 'gu mi bzad dang bas btung/ /lam gzhan phun tshogs nges 'byung min/ /de shes ? dang shes rab yin/ /de ni chos sgo kun gyi sgo/ /rtogs dka' rtogs byed dam pa'i lam/ /ji ltar rten 'brel tsam nyid phyir/ /de ni ji ltar stong ma yin/ /gang phyir stong pa nyid yin na/ /de ni mkha' ltar 'gag med phyir/ /ci phyir rten cing 'brel mi 'gyur// de phyir de gnyis gnyis ma yin/ /de la rten 'brel ji lta bu/ /de yi steng nyid gang zhe na/ /nyon cig 'di ltar snang ba'i dngos/ /dbang po'i gzhu ltar rab gsol ba/ /sna tshogs bde dang sdug bsngal sogs/ /'di dag rang 'byung rgyu med min/ /rgyu gzhan ma yin ma nges min/ /mngar sgyur kha la rang rgyu yin/ /sems nyid rten cing 'brel bar 'byung/ /ji ltar mkha' la sbrin bzhin no/ /kye ma srid pa'i nags tshal du/ /sdug bsngal 'bras cher lhags shing/ /nyes par spyad pa'i yal gcan/ /

  302. 151b

    'dzin pa'i me tog rab gsal ba'o/ /de rgyu chags sdang tshul min sdong/ /bdag tu lta ba'i rtse brtan te/ /mi shes bag chags bcas drong gsher/ /sa chen 'byung ba las bskyed pa'o/ /mkha' la snod kyi 'jig rten ltar/ /e ma'o rten med rten gyur pa// rten 'brel brten pa rnams kyi mchog /re zhig rten ni ma grub na/ /brten pa ji ltar rnam gzhag rung/ /bdag med de lta bden min na/ /des bskyed chags sogs las rnams sogs/ /gang du ji ltar nges par bya/ /de ma grub na sdug bsngal gang// dmyong nyid kyang su zhig brjod/ /ji ltar sdod pa'i rtsa phyung na/ /bcad pa'i bya ba grub pa ltar/ /gzhir gyur bdag rtogs rnams bzlog pas/ /mkhas pa de bzhin srid pa zhig /bsregs bcad brdar bas gser sogs bzhin/ /'di ltar bdag dang gzhan pa zhes/ /bya ba ji ltar rten dang gnas/ /ngo bo mtshan nyid brtag bar byos/ /de la lus ngag rlung dang yid/ /phyi nang bar sogs 'di dag mi /nam yang rten byed gnas gyur pa/ /sus kyang nges par mi nus so/ /gang phyir bdag de snang rung na/ / dmigs gyur dmigs pa med pa'i phyir/ /mi snang sems dang sems min smos/ /sems ni rang bzhin stong bdag nyid/ /sems min mi rtag rten 'brel bdag /rnam par dpyad na spros med do/ /rtag pa bya ba 'gal ba'i phyir/ /gdan? ci 'dra bdag bstan byos/ /mdor na 'dir mang smra mi bya/ /bdag de rang gi sgo gsum las/ /gzhan na 'dir gnod ci zhig byas/ /mtshon gyis rma ltar nyes pa yang/ /byis pa rnams kyi rang brtags dang/ /log sred skye bo'i brtsod bar zod/ /gzhan min bdag rnam dpyad na/ /ji ltar gang zhig bdag tu 'gyur/ /de min de rten de gnas gang/ /gang yang 'di dag de rten dang/ /de gnas phyogs kyang rnam dpyad kyis/ /tshul 'das bdag dngos bdag mtshan nyid/ /sgyu ltar legs grub bstan pa yin/ /ltos shig tshul

  303. 152a

    'di chu shing 'dra/ dag ni drag ca mkha' 'dra yid/ /rdul tsam dmigs pa yod min na/ /'di la ji ltar bdag tu brtag/ phyi ni phyi rol nang yang gzhan/ /des na bar yang de bdag min/ /gang yang de ni dkar sogs dang/ /ring dang thung dang sbom dang phra/ /'thugs dang srab ces bya la sogs/ /mtshan nyid nges par nas ma yin/ /ci ste shing la 'khril shing bzhin/ /de ni kun gzhi 'am bag chags la/ /brten de mi mngon gnas she na/ /snang dang mi snang rnam dpyad dang/ /de nyid sems dang sems min zhes/ /sngar bzhin brtag pa mtshungs par 'gyur/ /'on te sems ni gang yin pa/ /de nyid bdag ces bya zhe na/ /sems ni dmigs med 'od gsal phyir/ /da ni bdag de bdag med 'gyur/ /e ma'o shin tu rtogs dka' i gnas/ /e ma'o e ma shin tu rmad/ /e ma'o mkhas pas shes par rung/ /e ma'o shes bral shes pa'i dbyings/ /de ltar 'gro ba 'di na bdag /med kyang nga dang nga yi zhes/ /gzung dang 'dzin pas brlabs pa yi/ /skye bo smyos pa 'di dag tsa/ /'on kyang 'jig rten log pas mig /bsgribs nas bzung dang 'dzin pa ni/ /ji ltar snang ba ji bzhin gzhag /snang la snang ltar rab chags srid/ /sdug bsngal 'khor los sgyur ba'i rgyu/ /bdag cag de las 'da' min nam/ /gal te bdag nyid ma grub kyang/ /de 'dzin nyid bden zhe na/ /'di nyid e ma'o 'gro kun gyi/ /log par 'ching ba mi zad pas/ /mgo la me shor bsgrim pa bzhin/ /rings par myur du ldog par bya/ /grogs dag 'di ltar mngon sum du/ /yang dag rigs pa'i mig nyid kyis/ /bdag de ma grub des na 'dir/ /gzhan zhes bya ba'ang yod min na/ /yu bu thams cad nga snyam dang/ /da'o mnyam dang gzhan mnyam dang/ /gzhan gyi'o zhes log rtog pa/ /'di dag ji ltar gang du dogs/ /dper na smi lam bu zhi ba

  304. 152b

    ? nyid med na de shi yang/ /bden par yod pa ma yin pa/ /de bzhin yu bu'i 'dzin pa yang/ /e ma'o shin tu ngo mtshar gnas/ /gang zhig gcig nyid rtogs pa yis/ /thams cad rnam par grol 'gyur ba/ /'di la the tshom su zhig skrag /'khor dang mya ngan 'das pa'i chos/ /phung po khams dang skye mched sogs/ /theg gsum theg gsum nges 'byung lam/ /ma lus bdag min bdag gis min/ /bdag med stong pa'i mtshan nyid de/ /med phyir med la med nyid du/ /tshul bzhin nges par byas pa la/ / kye ma khyod la skyon ci yod/ /gang gang bdag dang bdag gi zhes/ /'dzin pa'i 'ching ba thams cad kyang/ /phyi min nang min bar yang min/ /de bzhin lus dag yod ma yin/ /de dag las min der gnas min/ /de bzhin chags dang sdang sogs kyi/ / ma lus yid la byed pa yang/ /dpyad na re zhig gang la gang/ /gang du gang gis chags pa dang/ /sdang bar 'gyur ba'ang gal yod/ /gzugs sdug sgra snyan dri zhim dang/ /ro mngar reg 'jam yid bde'i rkyen/ /'di dag gang gis de shes la// ci zhig phan brtags 'brel pa yod/ /de shes pas kyang de dag la/ /chags dang rab tu chags 'gyur gang/ /de ni phyi nang bar dag dang/ /lus sogs dngos po gang zhig yin/ /de min de las de brten dang/ /skyes dang gnas dang 'gag 'gyur ba/ /sgyu ma yi ni rta glang ltar/ /don du grub pa yong ma yin/ /gang gis bdag la brnyas sogs dang/ /smad sogs brdeg sogs byas pa'i rgyu/ /sdang dang rab sdang sems 'byung ba/ /'di 'ang sngar bzhin bdag sems dang/ /? yang pha rol de yi sems/ /mkha' 'dra mtshan ma med pa yin/ /de bzhin gzhan de'i dag nyid dang/ /lus ni dri sgra shing lta bu/ /yin na sgyu mas sgyu ma yi/ /rgyal ltar des 'dir bdag gnod gang/ /bdag gi ? de bzhin dag dang lus/ /de?

  305. 153a

    ltar lus can thams cad kyi'ang/ /mtshungs phyir 'di dag skye ba dang/ /gnas dang 'gag 'gyur mi dmigs so/ /gang phyir phan tshun 'brel med phyir/ /dpyad na thams cad spros med phyir/ /yul dus rnam kun dri med phyir/ /mkha' la 'phur ba'i bya rjes bzhin/ /de ltar stong pa'i spyod yul 'dir/ /rmi lam dgra dang 'tha' bzhin du/ /gang la gang zhig ji ltar chags/ /de bzhin sdang ba 'ang gang du dogs/ /pha dang ma dang chung ma bu/ /gnyen dang bshes pa de bzhin sgra/ /sgyu ma ji bzhin de bzhin pas/ /'dzin pa thams cad gzhig par bya/ /de nyid kyis na chags sogs kyis/ /las byed de yang ji lta bu/ /yang yang shes rab brtan po yis/ /mkhas pas sngar bzhin rtag par byos/ /de phyir bde dang sdug bsngal yang/ /bem pos rnam par myong min la/ /rig la dngos po yod min te/ /thog med dus nas log sbyangs pa/ /'khrul pas 'dzin pa nyi tshe ba/ /de yang dngos po med pa nyid/ /de ltar med la med nyid du/ /blo bzang rnams kyis goms byas na/ /brnyos pas gnyen la dgra bzhin du/ /mi bzad 'ching bas bcings pa de/ /sbrul mdud rang gis grol ba bzhin/ /nges par rnam par grol bar 'gyur/ /rnam grol rnam grol las byung ba'i/ /'bras bu lhun gyi grub pa gang/ /don gnyis phun tshogs ngo mtshar ba/ /de ni bum pa bzang po bzhin// //dpal 'ching ba rnam grol gyi bstan bcos/ /rgya gar gyi slob dpon chen po grub pa brnyes pa'i dpal ni ska lang+gas mdzad pa rdzogs so// //rnal 'byor gyi dbang phyug chen po sh+rI dza ga ta mi twA nAn+ta'i zhal snga nas/ kha? che'i paN+Di ta chen po bud+d+ha sh+rI b+ha dras gtan la phab nas/ bod kyi lo chung gnubs tshul khrims shes rab kyis bsgyur ba'o// //rgya gar skad du/ bi shud+d+ha darsha na tsarya u ba de sha rnA? ma/

  306. 153b

    bod skad du/ lta spyod rnam dag gi man ngag ces bya ba/ /bcom ldan 'das shAkya seng ge la phyag 'tshal lo/ /rmi lam lta bur phyi rol min/ /sgyu ma lta bur bden don med/ /nam mkha' lta bur mtshan nyid bral/ /chos kun rang bzhin 'od gsal ba'o// 'gro 'ong gnas med byang chub sems/ /rgya chen sems can don la mkhas/ /tshogs gnyis dbyer med lam gyi mchog /stong nyid snying rje'i snying po sgom/ /lta sbyong rnam dag gi man ngag ces bya ba/ ba che'i rigs kyi paN+Di ta chen po dpal chos kyi rje shAkya sh+rI b+ha dra'i zhal snga nas mdzad pa rdzogs so// /mkhas pa chen po de nyid kyi spyan sngar lo tsA ba byams pa'i dpal gyi khro phu bzang lung du bsgyur ba'o// // */ /rgya gar skad du/ tsit+ta ratna bi sho d+hA nAM marga laM/ bod skad du/ sems rin po che sbyar ba'i lam 'bras/ rje btsun mi pham mgon po la phyag 'tshal lo/ /rnyed dka' i dal 'byor myur du 'jig /las dang de 'bras sdug bsngal yin/ /de spong shes rab snying rje bsgom/ /skyes gsum lam gyis/ don gsum 'thob/ /dam pa gsum gyis bsod nams bsags/ /rgya chen thabs kyis yang dag spel/ /shes rab zab mos rnam dag bya/ /zung 'jug bsngo bas rgyas gdab po/ /kha che'i rigs las bal yul du sku 'khrungs pa'i paN+Di ta chen po dpal lnga rig pa'i mchog bud+d+ha sh+rI dz+nyA na'i zhal snga nas gsungs pa/ sems rin po che sbrang ba'i lam 'bras zhes bya ba rdzogs so// //mkhas pa chen po de nyid kyi spyan sngar lo tsA ba byams pa'i dpal gyis bal yul yaM 'gal gyi gtsug lag khang du bsgyur pa'o// //rgya gar skad du/ band+ha bi muk+to pa de sha nA ma/ bod skad du/ 'ching ba rnam grol gyi man ngag ces bya ba/ 'phags pa spyan ras gzigs dbang phyug la phyag 'tshal lo/ /kye 'o gang gis 'ching bar byed pa'i rgyu/ /de nyid grol bar

  307. 154a

    byed pa'i lam/ /'di na 'ching ba gang yang med/ /'ching ba gang yin pas grol pa'o/ /'dod chags bde ba chen por dag /zhe sdang 'od gsal me lce 'bar/ /gti mug rnam par mi tog nyid/ /dug gsum sku gsum lhun gyis grub/ 'ching ba rnam grel gyi man ngag ces bya ba rnal 'byor gyi dbang phyug sh+rI dza ga ta mi twa ananda'i zhal snga nas gsungs pa rdzogs so// //rnal 'byor gyi dbang phyug de nyid kyi sngar lo tsA ba byams pa'i dpal gyis bal yul bu lang gser khang du bsgyur pa'o// //rgya gar skad du/ /sid+d+his? ? ni rnal ta sad ? rnal/ bod skad du/ grub pa dam pa'i lam nges pa/ bcom ldan 'das 'jig rten dbang phyug la phyag 'tshal lo/ /kha sad+d+ha? Ni 'jig rten dpal/ thugs rje chen po ston pa'i mthus/ /gdul dpa' i rang sems 'dul ba la/ /snying po bla med rnam gsum thob/ /kyi ma'o 'dzam gling skye bo nyon/ /'gro pa'i gshes gnyen 'di skad smra/ /gang zhig 'ching bar byed pa'i rgyu/ /de nyid grol bar byed pa'i lam// sdug bsngal rgya mtsho sgol ba'i gru/ /thub pa'i bstan pa rin po che/ /de yi ngo bo lam dang thabs/ /bshes gnyan kun dga' i gdams pa yin/ /e ma'o/ /mi lus rin chen rnyed par dka' / /rnyed dka' i ngal 'byor sprin ltar g.yo/ /'khor ba thams cad sdug bsngal te/ /rang sems mya ngan 'das pa yin/ /rgya mtshor bying pas rnyed pa'i gru/ /chu rgyun drag po'i dpa' 'dang ni/ /dus can sprul gyi tshang bzhin dang/ /ston gyi nam mkha' i ba'i gung bzhin no/ /longs spyod ci 'dra khyim gyi sgra/ /bshes pa'i ci 'dra tshor? khang mi/ /rang lus ci 'dra sprul gyi lpags/ /tshe srog ci 'dra ri gzar chu/ /kye mdo mi rtag srin po yi/ /khang chud ma gyur de srid par/ /grogs dag srid pa ru bzlog la/ sgrim par gyis shig bzhin bzang dag /sgyu ma'i grong khyer yangs pa na/ /rmi lam skyes

  308. 154b

    bu longs spyod pa/ /sems nyid brten cing 'brel par 'byung/ /snang sems de ltar shes par bya/ /ltos shig lus ni chu shing 'dra/ /dag ni brag cha mkha' 'dra yid/ /rdul tsam dmigs pa yod min na/ /bu dag gang la su zhig 'ching/ /yu bu thams cad nga snyam dang/ /nga'o snyam dang gzhan snyam dang/ /gzhan gyi'o zhes log rtog pa/ /'di dag ji ltar gang du dogs/ /ji ltar rmi lam bu shi ba/ /bu nyid med na de shi yang/ /bden par yod pa ma yin pa/ /de bzhin yu bu'i 'dzin pa yang/ /chos kun rmi lam 'dra ba'i phyir/ /zas gos nor dang grogs bshes dgra /sna tshogs snang ba 'di dag kun/ /sgyu ma yi ni rta glang bzhin/ /gang shar sor bzhag dran pa yin/ /dran pa rang grol bral ba ste/ /bral ba ro mnyam lhun gyis grub/ /snying po'i gsel lam rnam pa gsum/ a'i thi/ mi tra dzo kis mdzad pa paN+Di ta de nyid dang lo tsA ba byams pa'i dpal gyis bsgyur pa'o// //*/ /rgya gar skad du/ swa citsDa yo gi gaN+DA? ka to ba de she/ bod skad du /rnal 'byor pa rang gi sems mdud pa 'grol ba'i man ngag/ bcom ldan 'das 'phags pa spyan ras gzigs dbang phyug la phyag 'tshal lo/ /e ma'o/ gdod nas ma skyes pa/ /'khor dang 'das pa'i byed rgyu can/ /gzhan min rang gi snying dbus gnas/ /bla ma'i zhal las shes par 'gyur/ /kye 'o gzhin bzang ngal nyon/ /gang gis 'ching par byed pa'i rgyu/ /de nyid grol par byed pa'i lam/ /'di na 'ching ba gang yang med/ /rmi lam grong khyer yangs pa na/ /sgyu ma'i skyes bu long spyod pa/ /longs spyod dus na thongs? spyod med/ /snang sems de ltar shes par bya/ /sna tshogs snar pa rang gi sems/ /de ni sprul pa'i tshogs 'dus bzhin/ /rang sems dbang po'i gzhu 'dra ba/ /gnyug ma 'od gsal lhun gyi grub/ /gang shar thams cad de yin te/ /de ni gang duAng ma shar ba'o/ /de phyir gang

  309. 155a

    skyes de ma skyes/ /ma skyes pa nyid skye ba'i tshul/ /me long gzugs dang po waM sgra/ /dge slong sprul pa rdzu 'phrul bzhin/ /yod dang med dang skye 'gag dang/ /'gro 'od? ngo mtshan nyid rtogs par gyis/ /skyes yi ni rta glung ltar// snang brten cing 'brel yang 'phyung?/ /de nyid ston gyi mkha' bzhin du/ /'od gsal chos gsum sbyar bar bya/ /e ma'o/ rnal 'byor rgyal po che/ /e ma'o ma bcings ma grol ba'o/ /e ? ma spangs lhun gyis grub/ /e? ma'o e ma'o bde ba che/ /ma rtog 'gro la rang dbang du/ /snying rje chen po'i dbang gis ni/ /dmigs med rnam kun yongs rdzogs pa'i/ /bsod nams ye shes phun tshogs 'gyur/ /rang gi sems kyi mdud pa 'grol pa'i gdams pa rdzogs so// // bla ma ma tri e nan+ta zhes bya ba spas pa'i sangs rgyas de nyid bod yul kha ba can gyi mthil bkra shis kyi tshong dus chen po 'gung mo rin po che'i gling du byon pa'i tshe/ /mdo sngags kyi bdag po chen po/ /rgya/ 'brel la/ lo/ dro/ gshen drug gis zhus pa'i don du gsungs pa/ /phyag rgya chen po tshig chod kyi do ha/ /gnubs lo ? bas bsgyur pa'o// //rgya gar skad du/ sh+rI sapta ? ga mA rag bi ni shtsa ya/ bod skad du/ dpal rnal 'byor bdun gyi lam rnam par nges pa/ bcom ldan 'das 'jig rten dbang phyug la phyag 'tshal lo/ /'jig rten mgon la phyag 'tshal te/ /de yi zhal gyi bka' drin gyis/ /bdul dka' i rang sems 'dul ba la/ /snying po'i man ngag rnam bdun thob/ /kye'o gzhin bzang de la nyon/ /thog med 'khor ba'i 'khor lo 'dir/ /khyed cag gang gi 'khor gyur pa/ /e ma'o de nyid de'i rgyu/ /gdod nas rnam grol rang gi sems/ /gang phyir thams cad rang gi dang/ /'ching dang grol bar 'gyur ba'i phyir/ /'di na 'ching ba gang yang med/ /'ching ba gang yin de grol ba'o/ /grol ba'i

  310. 155b

    lam ni mkhas par rig /kye kye i ma'o e ma'o/ /sdug bsngal rgya mtsho sgrol ba'i gru/ /rgyal ba'i bstan pa rin po che/ /'di yi ngo bo byang chub sems/ /de yi ngo bo stong pa nyid/ /de dbyer med pa lam yin no/ /'grub pa tshad med thams kyi bdag /bskul ba bsgyur ba spro ba ?/ /dran dang bral ba lhun gyis grub/ /gnyug ma 'od gsal byang chub sems/ /mi rtag sdug bsngal bdag med kyi/ /srid la chags med bskul par bya/ /phyi nad gsang ba'i rnam dag gis/ /snang sems ye shes bsgyur bar bya// rten 'brel sbyor nyid snying rje yis/ /'khor 'das 'gro ba'i don rab spro/ /gang shar sor bzhag dran pa yin/ /dran pa rang grol bral ba ste/ /bral ba ro mnyam lhun gyis grub/ /gang shad ngo bo ma bcos pa/ /gnyug ma'i de nyid yul dbang gis/ /sna tshogs 'grub? tha stong pa ni/ /sems nyid zab mo'i 'od gsal yin/ /'od gsal gang yin te yi ro/ /brtse chen rab 'byams byang chub sems/ /de yi 'bras bu rdzogs sangs rgyas/ /dpal ldan 'jig rten dbang phyug zhab?/ /bla ma'i mthu yis 'dzam gling gi/ mig byin grogs po'i ming can la/ /ngal so'i man ngag rnam pa bdun/ /dpal rnal 'byor rnam pa bdun gyi lam rnam par nges pa/ /rnal 'byor dbang phyug chen po sh+rI dza ga ta mi tra a na n+ta'i? thugs kyi 'khor lo dam pa/ /bkra shis kyi tshong dus chen po dpal mgur mo rin po che'i gling du/ dge pa'i bshes gnyen chen po/ /rgya/ 'bre/ lam/ lo/ dro/ gshen/ drug gi don du mdzad pa'i bstan bcos/ de kho na nyid rnal du mtshon pa'i man ngag rdzogs so// //mi tra dzo kis mdzad pa de nyid dang khro phub yis bsgyur pa'o// //rgya gar skad du/ /sa mA d+he a b+hi Sha ka/ bod skad du/ ting nge 'dzin gyi dbang bskur ba/ dpal ldan 'jig rten dbang phyug 'khor los sgyur? ba la phyag 'tshal lo/ /gad zhig dpal ldan bdud bzhi'i dgra bcom byang chub mchod/

  311. 156a

    dbang nyid brnyes nas/ thugs rjes mi bsnyal lus can gzhan yang zhi ba bla med lam bzang du/ /smin mdzad dbang stsol sa gsum bdag po spyan ras gzigs dbang la btud de/ /skal ldan ting 'dzin ye shes sems spyod rnam ngag dbang bskur cho ga bshad// //yid 'ong gnas su bde ba yi/ /rkyen tshogs dam tshig kun ldan pas/ /snying rje chen po mdun bzhag la/ /gus pas sngon du gsol ba gdab/ /'dom gang srid 'phags nam mkhar ni/ /thub pa chen po 'khor los sgyur/ /bde chen yum dang lhan cig skyes/ /dpag med sras bcas bsgom par bya/ /sna tshogs dngos kun mchod pa'i sprin/ /kun tu bzang spyod ji bzhin du/ /mchod byas sdig pa bsal nas su/ /rnam dag dbang bskur de rjes nod/ /lha dang bdag gnas rnam gsum du/ /rdo rje 'bru gsum mngon bsams la/ /dad dang thugs rje dam mchog gis/ /kha dog rim gsum 'od gzer dbyung/ /sku mchog snying po oM las 'od zer dkar po dang/ /gsung rgyun dri med A(rgyud 'grel): las de bzhin dmar ba'i 'od/ /rnam dag thugs bdag hUM las rnam 'phros rab sngo ser/ /bdag lus ngag yid gnas gsum la reg dri gsum sel/ /de rjes bdud rtsi dkar dmar sngo/ /dag byed rnam gsum man ngag bzhin/ /de 'og ye shes rnam gsum bag/ mthar ni gnyis med zhi ba'o/ /shin tu gsang ba bde pa che/ /thig le gsum rgyun sbyor ba ni/ /de rjes blo gros chen pos bsgom/ /dbang bskur nas ni gshegs par rol/ /ting nge 'dzin gyis dbang bskur rdzogs so/ // paN+Di tu de nyid dang/ gdubs lo ? bas bsgyur ba'o// //rgya gar skad du/ b+ha ra wa sha mA na/ bod skad du/ pha rol dbang du bya ba/ /'phags pa thugs rje chen po dang ldan pa la phyag 'tshal lo/ /shin tu snying

  312. 156b

    rjes non pa'i yid/ /lus can mya ngan 'das pa la/ /bsam pa thag pas 'gron gnyer ba/ /de yis pha rol bsdu pa bshad/ /nam langs mun pas slebs pa dang/ /gnyis du nye dang sad pa'i dus/ /dga' dang gdung ba bskyes pa nas/ /de yi cha ga spyan ras gzigs/ /bdag gis lus gang lta yin te/ /dag ni yi ge bzhi nyid do/ /rnam par rtog dang mi rtog sems/ /snying rje ? dang stong pa nyid/ /mig gnyis nyi zla 'bar ba dang/ /lce steng a ka'i phreng pas brgyan/ /lte ba me thab 'khyil pa'i dbus/ /dpal ldan 'dod pa'i lha mo yi/ /mi gang dbang du bya ba de'i/ /smin phrag snying? dang lte ba'i dbus/ /dga' dang dad dang gdung ba nyin/ /thig le padmo a yi gzugs/ /byams pa yi ge a yi rgyan/ /bdag gi sprul pa las skyes ngag/ rab tu mi bzod snying rje can dga' pa'i blta bas rnam par bzhu/ /btang snyoms tshad mod blo gros che/ /yi ge lnga brjod padmo ba byed/ /oM ? h+rI(rgyud 'grel): dzaM hUM(rgyud 'grel): 'bum phrag lnga rab ma yongs dang/ lhag bsam bar chad spangs bsnyen bsgrub// bde gshegs ring bsrel? sku khrus sogs/ /brtse ldan rnams kyis sngags chung bcas/ /me tog dmar pos gdod bkrus la/ /lce dkyil sgrang rtsi ldan bsngags brjod/ /oM A(rgyud 'grel): h+rI(rgyud 'grel): lo ga nA thA ma hA ka ru Ni ka ho sa ma haM/ che ge mo'i tsit+ta mahA tsa la tsel pra tsal pra tsa la dza:dza:dza:blo gros bzang po snying rjes myos gyur pa/ /skye bo 'di dag thabs gang 'phrin las kyis/ /bde bar rung na bdag cing gyur sla'o zhes/ /nyin mtshan rtag tu yid byed mi 'bral na/ /rnal 'byor rgyal po rtags pa 'dis?/ /zhag gsum drug ? dgu nyid na/ /lcags kyus bzhus pa'i yal ga ltar/ /gdon mi za bar de dbang 'gyur/ /pha rol dbang du bya ba gtsubs lo tsA bas bsgyur pa'o// //bkra shis bde legs dang ldan par gyur ci//

  313. 157a

    rin po che khong? ye'i? dbang gi man ngag gi rim pa shes bya ba dbang po'i? slobs? 'gyur po'i dbang pos mdzad pa bzhugs/ /*/ /rgya gar skad du/ ratna tsakra a b+hiShe ka u ba de sha kra ma/ bod skad du/ rin po che 'khor lo'i dbang gi man ngag gi rim pa/ dpal kun tu bzang po la phyag 'tshal lo/ /rnal 'byor dbang phyug bde chen po/ /dkyil 'khor sgyu ma la gnas shing/ /dang po gnyis gsum bzhi pa yi/ /man ngag rdzogs la phyag 'tshal 'dud/ /mthong ba'i chos la sa rab non/ /dbang dang man ngag 'brel bcas pa'i/ /rgyud rnams kun la rab 'jug pa/ /in+d+ra b+hu ti bdag gi bshad/ /thabs dang shes rab la sogs rgyud/ /phyi nang sbas dang mthar thug pa'i/ /dbang gi rim pa ngo bo ru/ /rdo rje bdag pos yang dag bshad/ /de bas rgyud kun dbang yin pas/ /man ngag can gyis shes par bya/ /rgyud kyi tshig la rab goms shing/ /smra pa'i tshig la ma rmongs kyang/ /dbang dang man ngag ma thob pa/ /de dag ngal ba don med yin/ /dbang dang man ngag 'dod pa yis/ /rang srog lus dang rdzas rnams kyis/ /bla ma slob dpon mnyes byas la/ /thabs la mkhas pas 'dod pa blang/ /man ngag thob pa'i skyes bus kyang/ /srog lus btang bar phangs pa ltar/ /man ngag dam pa de bas phangs/ /de bas btsal thabs mkhas par bya/ /bla ma'i drin lan mi shes shing/ /man ngag phyal bar sbal ba dang/ /thos nas mi mos mi bsgom na/ /mthong ba'i chos la dmyal tshogs 'tsheng/ /bla ma'i drin lan mi brjed cing/ /man ngag btsal ba'i thabs mkhas pa/ /mos shing bsam gtan mchog gzhol ba/ /rgyal sras kun gyi nang ? mchog /dbang bsgyur rim pa yang dag pa'i/ /gnas dang dus dang slob dpon dang/ /slob ma dang ni gleng gzhi dang/ /dkyil 'khor dag dang der 'jug rim/ /dbang bskur rim dang rnam grangs pa/ /bskur ba'i gnas dang thabs dag dang/ /sgrib byar?

  314. 157b

    tshar? dang? non dang/ /de 'brel man ngag rim pa dang/ /rtags dag dang ni brda dang dang/ /rdzas dag dang yang dgos pa'i don/ /nus pa'i tshad dang 'bras bu ste/ /rnam pa nyi shus mngon par brjod/ /de dag kun gyi mtshan nyid dang/ /bum pa'i dbang dang gsang ba'i dbang/ /gsum pa shes rab ye shes dbang/ /de ltar de bzhin yang bzhas? bshad/ /rgyud rnams kun gyi tshig don rnams/ /ma lus 'dir ni 'dus pa yin/ /dang por bum dbang gleng gzhi nas/ /yang dag brtsams te bdag gis bshad/ /kye 'o shAkya seng+ge la/ bltam tshe klu rgyal dga' sogs pas/ /bum pa'i chu yis khrus byas dang/ /mngon par rdzogs par byang chub tshe/ /sa yi lha mos bum pa yang/ /bkra shis brjod nas phyag tu phul/ /'khor los sgyur? rgyal rgyud 'byung ba/ /spyi bor dbang bskur gleng gzhi yin/ 1 / gnas ni ri sogs yul khams dang/ /sgrub khang gnas dang maN+Dal sa/ /bkra shis yid dga' rjes mthun par/ /so so rgyud las gsungs pa yin/ /dus ni bla mas gnang ba yin/ /slob ma dad pa yong pa dang/ /dam chos 'byung dang sgrub pa dang/ /dgos pa/ phun sum tshogs pa ste/ /rnam pa bzhir ni brjod pa yin/ /slob dpon yon tan kun ldan zhing/ /dbang dang dam tshig ldan pa dang/ /rkyen thub sa bon gzi brjid che/ /snying rjer ldan zhing slob la brtson/ /rigs can kun gyis bskur ba'i sa/ /dbang mchog bskur par gsungs pa yin/ 4 /slob ma ngang? par ldan pa dang/ /slob dang sgrub la dga' ba dang/ /rtsa ba'i sngags zlos byed pa dang/ /sngags rgyud dag la dga' sems dang/ /gzhan yang tshe phyi don 'don dang/ /gzhan yang glegs bam mchod rten sogs/ /zhal spros rigs pa ci dang ni?/ /gzhan yang che 'phos ched du ste/ /rnam pa 'di dag rgyal pas gsungs/ 5 /de de la yang gleng gzhi dag /rgyud rnams kun las rgyas par bstan/ 6 /dkyil 'khor slob ma rab 'bring mdza' / /ting 'dzin me tog rdul tshon rim /gzhan yang lugs 'bung gzo bris dang/

  315. 158a

    glegs bam mchod rten bla ma sogs/ /de kun spyan sngar bum dbang ni/ /bskur du rung bar bde gshegs gsungs/ /de dag so so'i cho ga'i rim/ /so so'i rgyud las gsal bar bya/ /rdul tshon la sogs byed pa'i tshe/ /sa ni dag par bya ba dang/ /bgegs gsal ba dang gzung ba dang/ /bum pa'i sta gon bya ba dang/ /lha dang slob ma yo byad rnams/ /ji ltar sta gon bya ba dang/ /sngon du bsnyan pa'i rim pa dang/ /thig gdab pa yi cho ga dang/ /tshon rtsi dag ni dkye? ba dang/ /rgyan rnams bkod de mchod pa dang/ /ye shes dbab dang mchod sogs dang/ /ji ltar grags pa'i chogs bya/ /gang zag dang pos rang gis bri/ /gnyis pa gsum pas phab ste bri/ /bzhi pas yid kyi bya ba yin/ /lugs ma la sogs de bzhin no/ /yang na slob ma'i snod dang sbyar/ /yang na? mos pa'i dbang du gsungs/ /der 'jug pa'i rim pa ni/ /ku sha so shing kud pa dang/ /dag pa'i chus reg gtsang byas pa'i/ /thun mong sdom gnas sems bskyed pa/ /sgor bkug me tog sbyin bya zhing/ /gdong g.yogs gsol btab spro bskyed de/ /kun byed chu yis gsal dag bya/ /snying la rdo rjer der gzhan bsgom/ /yol bas nang du drangs nas su/ /bskor ba phyag 'tshal gsol ba gdab/ /mna'i dam tshig chog sbyin/ /thun mong bsrungs pa'i dam tshig dpog /phyi yi dbab pa'i dam tshig gis/ /phyi rol rdo rje 'dzin pa dbab/ /phyi'i me tog phreng dor ro/ /phyi'i rang gi lha yang sbyin/ /lhung ba'i mtshan ma shes bya bsgom/ /sha mig dag 'gyur snga ltas su/ /ci mthong dri ba'i cho ga bya/ /de nas sha'i mig phye ste// gzugs par na dkyil 'khor bstan par bya/ /de kun rgyud nas rgyas par gsungs/ /dkyil 'khor mthong pa'i 'og tu ni/ /dbang gi maN+Dal gnas su bzhag/ mgo la me tog phreng btags pa/ /lha yi dbang ste dang por bshad/ /chu dang dbu rgyan rgyan rdo rje dang/ /dril bu

  316. 158b

    ming dang rnam pa lnga/ /slob ma rig pa'i dbang zhes bya/ /de nas seng ge'i khri steng du/ /rig byed slob dpon dbang sbyar bya/ /gong ma bstan par bya ba'i phyir/ /rdo rje dril bu brtul zhugs gnyis/ /phyag rgya dam tshig gsum pa yin/ /dbugs dbyung ba dang lung bstan pa/ /phyir mi ldog sogs rim pa yin/ /de kun bum pa'i dbang yin te/ /der yang bum khrus byed phyir ro/ 9 /gzhan yang dbang gi rnam grangs ni/ /so so'i rgyed kyi rjes 'brangs te/ /ji skad gsungs pa de shes bya/ /bum pa'i dbang la rnam gsum ste/ phyi dang nang dang sbas pa'o/ /phyi la thun mong khyad par te/ /thun mong phyi pa'i rgyud dang mtshungs/ /de mtshungs bum pa'i bcud nang du/ /mi 'chi bcu phyed dag dang ni/ /btung pa snum pos gang byas pa/ /khyad par bum pa zhes gsungs so/ /nang gi slob dpon bla ma'i sku/ /bum pa'i nang nas 'bab pa'i chus/ /slob ma'i spyir blugs sems bskul byed/ /sbas pa'i bum pa bde chen gnas/ /stong phrag bdun cu'i rtsa lam nas/ /thugs ka'i ye shes sems dpa' la/ /lha yi chu yis khrus byas pa/ /spas pa'i thabs kyi bum pa'o/ /phyag rgya ma yi bum pa nas/ /sems kyi chu dang mtshal chen sems/ /thabs kyi gsang ba'i nor bu la/ /dag pa'i chu yis khrus byed pa/ /spas pa'i shes rab bum par bshad/ /de nas bum pa'i dbang la yang/ /dbang rnam bzhir ni nges gsungs te/ bum pa'i bum pa thun mong ste/ /gsang dbang khyad par bum pa'o/ /shes rab ye shes sbas pa gnyis/ /de ltar rnam gsum bum pa yang/ /yod med mdza' las yang dag grol/ /bum pa'i dbang ni bzhi pa yin/ /de'i gnas spyi bor bum brtan bya// phyi yi spyi bor chu yis khrus/ /nang gi spyi bor tshangs pa'i sgor/ /sems 'bebs sbas pa sems phyir 'bebs/ /dbang bskur pa'i thabs mchog ni/ /slob mas bsgoms nas bzed pa'i tshu ba/ /mnyes pa'i bla mas sbyin par mtshungs/ /bsam mthun par

  317. 159a

    thabs dam pa'o/ 12 /phyi nang sbas pa'i bum pa yis/ /srog gcod brku dang log par g.yem/ /lus kyi nyes gsum byad pas na/ /lus kyi dri ma dag par bshad/ /nyon mongs sgrib dang shes bya'i sgrib/ /sa bcu dag gis byad bar gsungs/ 13 /dkyil 'khor mthong bas tshogs kyi lam/ /phreng bas mos sbyod sbyor lam dag /chu dang dbu rgyan sa dang po/ /mthong lam rnam par dag pa gsungs/ /rdo rje dril dang bdag po yis/ /sa gnyis pa nas brgyad pa'i par/ /bsgom lam rnam par dag par bshad/ /brtan par byed pas 'bras bu lam/ /sa bcu dag par rgyal bas gsungs/ /de ltar dbang thob slob ma la/ /bla mas man ngag drin sbyin bya/ /dkyil 'khor bri ba la sogs pa'i/ /slob dpon spyi yi las dag dang/ /bskyed ba'i rim pa'i man ngag dang/ /zhi sogs bya ba'i las dag dang/ /thun mong sgrub sogs man ngag sbyin/ /thun mong bum sogs phyi rgyud sbyin/ /khyad par nang gi de bzhin no/ /nang gi bum pa'i dbang rdzogs na/ /bden pa gnyis kyi man ngag bstan// sbas pa'i bum pa'i dbang thob nas/ /sbas pa'i kun rdzob spyod gsum bstan/ /mdor na ji bzhin skra dang ni/ /dgongs ma yin dang bkri don dang/ /tshig gi don dang yan lag don/ /tshogs la bshad rim gnas par bshad/ /dngos grub myur ba'i rtags dang ni/ /so shing dor dang rmi lam dang/ /ci mthong dri dang me tog dor/ /dbab pa dag las shes par bya/ /phyi yi sbas pa'i dag ? dang/ /snga bsdus phyag rgya de la bstan/ /'dri bas dge slong gsang phyir bstan/ /dbang rdzas dag gi khyad par ni/ /mgo lam dogs pa'i me tog phreng/ /spyi bor dag pa'i chu yin no/ /de yang bum pa'i bye brag las/ /rin chen dang ni thod sogs phreng/ /mgol bcings pa'i dbu rgyan yin/ /dpral par rigs dang rjes mthag pa'i/ /rtags gyi rdo rje de sbyin bya/ /dri pu la

  318. 159b

    mthar? kar sbyin/ /ming la dbang rdzas dag pa'i mtshan/ /dam tshig rdor dril lag tu sbyin/ /gsor gsil sgra dang bcas pa'i/ /phyag rgya'i bdag po'i phyag rgyas bsgom/ /dbugs dbyung ba dang yon tan brjod/ /lung bstan pa la chos gos dbyibs phyir mi ldog la de nyid bstan/ /gzhan yang zhar la 'ongs pa'i rdzas/ /gcod pan me lung dud dang ni/ /gser byas thur ma la sogs pa'i/ /so so'i rgyud kyi rjes 'brangs te/ /ji ltar 'byung ba de bzhin bya/ /de las gzhan pa'i thun mong dang// rin chen bdun dang nye ba'i bdun/ /bkra shis brgyad dang nyer brgyad sogs/ /bya ba'i rgyud dang gnyis ka dang/ /rnal 'yor rgyud las gang bstan pa/ /rnal 'byor bla ma'i gnas skabs su/ /rdzogs par yod ces rgyal bas gsungs/ /dbang bskur bla ma'i dgongs pa yang/ /spyi dang khyad par shes bya ste/ /mkha' dang mnyam pa'i ye shes las/ /snying rje slob ma la bskyid/ /bu yi 'du shes nyer bzhags nas/ /byams sems dga' sems btang snyoms sems/ /rtse gcig spyi yi dgongs rgyud yin// khyad par so so'i dgongs pa ste/ me tog lha dang bcas pa de/ /slob ma de la thim par bsam/ /rgyud rnams so so'i rjes mthun pa'i/ /lha dang lha mo ji lta bas/ /bdud rtsi'i bum pas dbang bskur ba/ /chu yi dgongs pa'o ye shes lnga'i/ /rtags su sku lnga rdzogs byas pa/ /dbu rgyan hUM las rdo rje bskyed/ /de 'og rgyud lnga byang bya ste/ /ye shes lngar grub rdo rje'o/ /shes rab dbyangs kyis dag sgrib sbyangs/ /dril bu'i ming gi bdag po yi/ /dngos grub rjes su 'dzin par bshad/ yang na phreng ba'i yid dam rgyal pa'i dbang// chu khams mi skyong rnam par dag /dbu rgyan rin chen mnyam nyid de/ /rdo rje kun rtog 'od dpag med/ /dril bu bya sgrub gdon mi za/ /ming ni chos dbyings snang mdzad sku/ /rdo rje brtul zhugs sems dag byed/ /dril bu dag ni rnam dag ste/ /phyag rgya dam tshig lus dag pa'i//

  319. 160a

    yang na rdo rje thabs kyi ngo bo ste/ /dril bu de bzhin shes rab sbyangs/ /gnyis med phyag rgya dam tshig 'dod/ /gzengs bstod pas ni lung bstan no/ /ji skad bsgo pa bka' yin no/ /yon tan brjod pas dbugs phyung bas/ /de kho na nyid kyis phyir mi ldog /gzhan yang rgyud kyi rjes 'brengs te/ /ji lta'i dgongs rgyud de dang des/ /slob ma rnams ni yongs smin bya/ lus pa'i tshad ni rnam pa lnga/ /dri ma 'khrud dang sgrib byang dang/ /las byed pa dang 'bras bu la/ /mngon du phyogs dang bdud bzhi ni/ 'joms pa'i nus pas brjod pa ste/ /phrang bsam dag dri ma dang/ /mos pa'i spyod pas sgrib? pa 'khru/ /'dod lha mnyes pa'i las yin te/ /'bras bu mthong pa'i lam la phyogs/ /yi dam dngos grub nye ba yin/ /bzung 'dzin phung pos bdud rnams bcom/ /chu dang dbu rgyan gyi nus pa/ /'khor 'das dri ma rnam gnyis 'khru/ /sa ni dang po'i sgrib pa dag /las ni rdo rje rin chen gyis/ /rigs kyi nga rgyal byed pa yin/ /'bras bu bsgom lam phyogs pa dang/ /rdo rje dang ni rin chen gyi// thun mong dngos grub 'grub pa yin/ /nyon mongs pa yi bdud rnams bcom/ /rdo rje dril bu bdag po yis/ /g.yeng ba lnga yi dri ma 'khru/ /sa gnyis pa nas brgyad pa yi/ /bar gyi sgrib pa sbyangs pa yin/ /pad+ma las dang sangs rgyas kyi/ /rigs kyi nga rgyal las byed yin/ /'bras bu mthar phyin la phyogs shing/ /gsum po'i mthun mong grub pa yin/ /'chi bdag bdud bcom tshe la dbang/ /brtan byed dbang gi rim pa yis/ /g.yeng ba phra mo'i dri ma 'khru/ /sa bcu'i sgrib pa dag par byed/ /las ni brtan par byed pa ste/ /brtul zhugs kyis ni ma tog brtan/ /chu dang dbu brgyan dam tshig gis/ /bum par brtan par bka' stsal gyis/ /rdo rje dril bu lung bstan gyis/ /dbugs phyung pas ni bdag po'o/ /yang na kun gyis thams cad do/ /sangs rgyas sa la

  320. 160b

    mngon phyogs dang/ /dngos grub brtan byed 'bras bu'o/ /lha yi bdud gcod bum pa yin/ /'bras bu bzhi ni me tog la'o/ /rgyu mthun chu dang dbu rgyan gyis/ /rdo rje dril bu rnam smin yin/ /skyes bu byed pa med gis te/ /brtan pa dri med 'bras bu ste// yang na 'bras bzhi brtan byed pa'o/ /rgyud las gsungs pa'i yon tan ni/ /bsam yas ji snyed bstan pa kun/ /dbang gi 'bras rab yin par gsungs/ /'bras bu yong dang rgyu 'byung ste/ /dbang thob rgyu ni yon yin te/ /ji ltar rgyud las gsungs pa yin/ las kyi dang por dbang bya ba/ /dang po'i dbang du gsungs pa yin/ /gnyis pa gsang ba bshad bya ste/ /kye'o ston pa rdo rje 'dzin/ /'dod chags chen po'i ting 'dzin gyis/ /'khor rnams bsdu pa rnams mdzad nas/ /yul gyi gsang ba'i dkyil 'khor du/ /gsang ba byang chub sems rab bskur/ /de ltar dpal 'dus la sogs pa'i/ /rgyud rgyal kun la grags pa rnams/ /gleng gzhi zhes su rnam par bshad/ /gnas ni bud med dkyil yin te/ /lhan cig skyes dang zhing skyes dang// sngags skyes pa zhes grags ba la/ /smre sha can dang mthu chen dang/ /gang mkhan btso glag mkhan la sogs/ /so so'i rgyud las grags pa yi/ /ji ltar rigs kyi rjes mthun pa'i/ /shes rgyud sbyangs shing yon tan ldan/ /byin gyis brlabs pa'i gnas bya ste/ /sangs rgyas gtso bo'i yum du bzung/ /bum pa'i dbang rnams rdzogs pa dang/ /rag ta 'bab pa'i dus dang ni/ /bla ma yum gyis gnad ba ni/ /gnyis pa'i dus su rnam par brtag /slob dpon rnam pa gsum du shes/ /dang po thabs mchog yab kyis te/ /gnyis pa gsang ba'i gsungs ma la'o/ /gsum pa gnyis su med pas bya'o/ /slob ma bum dbang rdzogs pa dang/ /snying po bzlas pas byed pa dang/ /brtul zhugs dam tshig 'dod pas bya'o/ /dkyil 'khor lus su

  321. 161a

    gsungs pa dang/ /dkyil 'khor b+ha gar bstan pa'o/ /de yang lus kyi dkyil 'khor dang/ /lha yi mtshan nyid shes bya ste/ /lus ni 'od ma gang thu bzhi pa'o/ /yang na gru bzhi 'byung ba bzhi/ /sted 'og g.yas g.yon sgo bzhi'o/ /tshon sna kha dog sna lnga'o/ /yang na bdud rtsi rnam pa lnga/ /rtsa ni thig ge rang bzhin te/ /ka ba brgyad ni rkang brgyad do/ /yan lag rta babs mtshan nyid de/ /so sen? ba spu twar? brgyad/ /snying ni dbus kyi lte ba ste/ /rgyud gang dang ni rjes mthun sbyar/ /lha yi phung po lnga gtso bo/ /'byung ba lha mor shes par bya/ /khams dang skye mched mang po kun/ /sems dpa' sems mar rab tu grags/ /bud med dkyil 'khor du gsungs te/ /b+ha ga gzhal yas brtsegs par bstan/ /de la bzung ba'i tshe go dang/ /sbyang dang brtan dang byin brlabs dang/ /rgyan dang ldan zhing bdugs pas bdug /phyi nang khrus byas lha rnams dbab/ /tshogs kyi 'khor los mchod byas la/ /lta ru nye bar brtag par bya/ /de la char yang drang bar bya'o/ /de la 'jug pa'i rim pa yang/ /bum ba'i bya ba yang bya ste/ /yol bas bar du bcad nas ni/ /gsol gdab de yi ngo yang dag pa/ /me tog byin te drangs nas su/ /dkyil 'khor bskor nas phyag gsum btsal/ /nang gi dam tshig brtul zhugs sbyin/ /de bzhin dbeb pa yang byas nas/ /me tog dor te mthong ba dra/ /lha dang chos kyi tshig phye ste/ /lus kyi dkyil 'khor rdzogs par bstan/ /legs par mthong ba'i 'og tu ni/ mdun na gnas pa de nyid la/ /gsang ba'i dbang gis sbyor byas te/ /dam tshig 'khor lo drug rim gyis// khu ba phyung ste dbang bskur bya/ /dkar dmar sgal? ba phred ba'i dbang/ /shukra? zhes te chu yi dbang/ /tshangs sgor mi bskyod ? rgyan dbang/ /lce yi rdo rje de rdo rje/ /rdor bum hUM sgra dril bu'i dbang/ /a 'o su kha ming gi dbang/ /dam tshig lces len brtul zhugs dbang

  322. 161b

    blta bar mi bya lung bstan dbang/ /longs spyod rtsal sbyar phyir mi ldog /bde bas bde thob dbugs dbyung ba'o/ /'di kun gsang bar bstan pas ne/ /gsang ba'i dbang zhes bstan pa yin/ /gsang ba la yang gsum du ste/ /phyi dang nang dang sbas pa'o// ga bur tsan dan bcu phyed bcas/ /sbom po dang ni dbang mo'i rtses/ /slob ma'i kha ru dbab pa'i phyi'o/ /slob ma'i dus nyid mnan byas te/ /kha yi thad kar gnyis sbyar nas/ /ra ga a ta ra 'bab pa/ /be'u 'drar rdo rje bzhi ba'i thabs/ /bung 'drar pad+ma ltes len pa/ /shes rab nang gi gsang ba'i dbang/ /slob ma rang gi lte ba can/ /rdo rje pad+ma 'dus pas gsungs/ /rdul dang mun pa snying stobs te/ /'og sgo'i kha ru rab 'bab pa/ /sbas pa'i gsang ba'i dbang du gsungs/ /gsang ba'i dbang la yang bzhi ste/ /rdo rje dang ni pad+ma nas/ /dri med chu 'bab bum pa'i dbang/ /yang na gong gi rim de nyid/ /zla ba nyi ma lce la reg /de ni gsang ba gnyis la ste/ /bde chen lam sbyangs gsum pa'o/ /thabs dang shes rab gnyis med pa/ /ye shes chen po bzhi pa'o/ /de nas ngag gi lam yin te/ /lce yi pad+ma zhes bya ba/ /phyi dang nang dang sbas pa'i lce'o/ /byi yi pad+ma dag gi lam/ /nang du tsit+tad de shes bya/ /sbas pa lte ba'i pad+ma la'o/ /thabs ni gtso gzungs slob mar bcas/ /lus ngag sems la dri med cing/ / don mi phyed mthun pa yin/ /dag gi sgrib pa de byang nas/ /ngag ni shin tu sbyangs pa ste/ /sangs rgyas sa ni dang po non/ bde? yi man ngag gsang ba'o/ /dgongs pa'i don dang des don dang /ji bzhin med dang spas pa yi/ /don rnams nges par bstan par bya/ / slob ma bkri ba'i don bstan bya/ /de ni ma hA ye ga yin/ /thabs dang shes rab rtags sbyar/ /nang gi sbas pa'i dag brda dang/ /sbyor ba yi ni brda rnams dang/ /rim gyis mkha' 'gro'i brda skad stan/ /sbom pos khro mo mnan pa ni/ /lag brda 'dri na shes par bya

  323. 162a

    rdzas ni zla ba nyi ma dang/ /bcu phyed rdzas kyi rnam pa yis/ /longs spyod bya yi dor mi bya'o/ /ji snyed sangs rgyas thams cad kun/ /gtso bzungs zhal du thim pa las /sku yis dbus su thim pa dang/ /bde ba'i 'bru tshogs gsal ba'i rgyun/ /rdo rje'i lam nas padmor 'khyil /shu kra rak+ta 'dres pa ni/ /yab yum bde ba'i dang du gsal/ /ji ltar chu la chu bzhag ltar/ /thim pas sems gyur dgongs pa'i don/ /nus pa'i tshad kyang de bzhin du/ /ji snyed dag gi dri ma 'khru/ / bud+d+ha'i sar sgrib shin tu dag shes rab thabs kyi nga rgyal byed/ /chos kun ro gcig shes par nus/ /sangs rgyas sa ni mngon du thob/ /thabs kyi phyag rgyas phung po 'joms/ /nyon mongs shes rab ma yin te/ /'chi bdag gnyis su med pa yis/ /sems 'phros pas ni lta yi bdud/ /'joms pa gsang ba'i nus pa'i tshang/ /thabs ni skyes bu byed pa'i 'bras/ /shes rab dri med 'bras bur bshad/ rgyu mthun khu ba'i ro bo yin/ /lces len rnam par smin par gsungs/ /yab yum mnyes par mchod bya ba/ /dbang thob pa yi rgyu yin no/ de nas gsum pa bshad bya ste/ /kye'o dpal ldan 'dus sogs las/ /sngags kyi spyad pa spyod pa'i che/ /'khor gyi byang chub sems dpa' rnams /sngags dang dus dang rgyal ba las /bslang ste sbas pa'i don bstan pa/ /de lta bu yi gler gzhi'o/ /lus kyi ngo bo dgom pa las/ /byang chub sems kyi gnas bcas pa/ /bde ba'i stan yang gnas su bshad/ /dus ni dbang gnyis rdzogs pa dang/ /bla mas gnang dang rig mar ldan/ /de yi slob dpon phyi dang nang/ /phyi yi bla ma'o nang rig ma/ /slob ma dbang gnyis rdzogs pa dang/ /sgab? pa'i don la yid mos dang/ /nye ba'i snying po zlos pas bya'o/ /gnyis pa gsum pa bzhi pa la/ /glegs bam la sogs bya ba min/ /tshe 'phos pa'ang de bzhin min/ /sems kyi dkyil 'khor dkyil 'khor mchog /de la bzung pa

  324. 162b

    gnang ba yin/ /rig ma bzung dang sta gon dang/ /sbyang dang sems bskyed byin brlabs dang/ /dbang bskur bla mas bya ba yin/ /lo grangs bcu gnyis bcu brug dang/ /nyi shu nyi shu lnga lon pa/ /lhan cig skyes pa'i bu mo dang/ /srid mo grogs mo ma yin te// de sems sbyang ba mchog yin no/ /yang na lha yi lung bstan pa'i/ /zhing skyes ma ni rung ba yin/ /sngags skyes bzlas dang sgom ldan pa'i/ /rnal 'byor ma ni so so med/ /dkyil 'khor lhar bcas sngon dang 'dra/ /sbas pa'i dkyil 'khor bzhi po la/ / rtsa yi 'dab ma gnas nas su/ /pad+ma'i snang 'dra'i yi ge rnams/ /rgyud las gsungs pa brtag par bya/ /g.yas dang g.yon dang dbu ma yi/ /rtsa gsum mtshan nyid shes bya ste/ /dkyil 'khor sbyor ba mchog yin no/ /me tog bkram pa'i maN+Dal du// ga bur la sogs dris byugs te/ /chos gos rgyan chas ldan par bya/ /de la tshogs kyi ston mo dbul/ /chang yang drang ba byas nas ni/ /rang yang mos pa'i lha ru bsgom/ /'khor lo bzhi yang de dang 'dra/ /rdo rje padmo rnam gnyis kyang/ /rgyud las byung bci bzhin du/ /bla mas byin brlabs tshul bzhin bya/ /'jug pa'i tshul ni dben pa ru/ /yol bas bar du bcad nas ni/ /'jug par gsol ba gdab par bya/ /de yang bkab nas drab bar bya/ /brtul zhugs sdom pa byin pa dang/ /ye shes dbab pa de byas te/ /bud med rnams ni kun la yang/ /rab tu dga' ba'i sems bskyed de/ /bskor ba lan gsum byas nas ni/ /yid kyi me tog gtor nas kyang/ /mos pas phyag kyang btsal bar bya/ /shes rab spyan dang sangs rgyas spyan/ /phye ste mchan dad dpe byad ni/ /mar me'i 'od la bston par bya/ /lus kyi dkyil 'khor dang por bstan/ /de nas sems kyi dkyil 'khor ni/ /'khor lo rnam bzhi legs par bstan/ /dkyil 'khor mthong ba'i 'og tu ni/ /dbang gi rim pa brtsam par bya/ /chags pa'i

  325. 163a

    glu dang dga' ba'i gar/ /rol pa'i brda rnams mtshon bar bya/ /chags pa'i mtshan nyid phreng pa'i dbang/ /chu 'byung mtshan khrus chu yi dbang/ /bag tsum skra bzung dbu rgyan dbang/ /pad+mar rdor bcug rdo rje'i dbang/ /de gnyis bskyod pa dril bu'i dbang/ /dam tshig ha skad ming gi dbang/ /de dag brtan pa sar 'byung ba/ /bltas pas dga' ba rdo rje yi/ /brtul zhugs dbang du de brjod do/ /bgad pa dril bu'i brtul zhugs so/ /'khyud pa dam tshig phyag rgya yin/ /kha phrad pa ni dbugs phyung ba/ /ku tsha gnyem lung bstan yin/ /pad+mar btsum byas phyir mi ldog /de yang gsum pa la yang gsum/ /phyi dang nang dang sbas pa'o/ /shes rab ye shes dbang zhes bya/ /rig ma gtang ba'i rim ba ni/ /phyi rol shes rab ye shes yin/ / shes rab la brten bde ba yi/ /ye shes skye phyir de skad do/ /shes rab rang sems ye shes las/ /bde ba 'gog pa bde chen po 'am/ /shes rab 'khor lo'i rtsa lam du/ /bde ba'i ye shes 'bab bas na/ /bde ba myong ba nang gi bshad/ / dmigs su med pa'i shes rab las/ /skad cig ye shes byung nas ni/ /sems dang lus kyi bde thob pa/ /sbas pa shes rab ye shes so/ /'di la yang ni dbang bzhi tshang/ /lha sbyin brda phrad la sogs pa/ /bum pa'i dbang du 'dod pa yin/ /bad dang rdo rje phrad sogs pa/ /gsum pa gsang ba'i dbang yin no/ /zhu ste bde ba babs pa ni/ /gsum pa yi ni gsum pa yi/ /dga' byed bde byed bzhi par 'dod/ /de ni gsum pa'i rnam grangs yin/ /bskur ba'i gnas ni snying la ste/ /sems kyis len par byed pas so/ /bud med sgyu ma la brten te/ /bde de dang po sems kyis myong/ /de 'og lus kyis myong ba yin/ /skal ba med pa'i sems can la/ /rtsa 'gog pas na cha shas myong/ /des mtshon bde ba rnyed pa dang/ /thun dang zhag dang lo yi

  326. 163b

    bar/ ji srid bskal ba'i bar du ni/ /sangs rgyas bde chen thob par 'gyur/ /bde gshegs yon tan bsam yas thob/ /thabs kyi dam pa mchog yin no/ /sems kyi sgrib pa kun byang ste/ /thams cad kun mkhyen ye shes ldan/ /sangs rgyas sa gnyis nan pa ste/ /rdo rje 'dzin pa'i sa zhes zer/ /de dang 'brel pa'i man ngag ni/ /sems kyi rang bzhin 'od gsal ba/ /sems kyi rig pas brtan gyur na/ /bzung 'dzin gnyis kyi lam 'gog pas/ /las kyi mdud pa grol bar 'gyur/ /byang chub sems kyi 'od zer gyis/ /bsod nams rlung las bskyod pa na/ /ye shes chen po 'bar byas te/ /bde chen gnas nas zhu nas su/ /'khor lo bzhi la 'bab pa na/ /dga' ba rnam bzhi rim par bskyed/ /til gyi 'bru bzhin bdes gang ba/ /bde ba chen po'i sku zhes bya/ /de yi las kun byed pa ni/ /rtsa ba lnga dang yan lag lnga'i/ /rlung bcu'i rtsol bas byed pa yin/ /de lta'i tshul du bstan pa ni/ /steng gi sgo la brten pa yi/ /man ngag rim pa de la bstan/ /yang na de la brten pa ni/ /dang por rlung gi de nyid bslab/ /de nas rlung dang 'dres pa yi/ /sngags kyi de nyid bslab par bya/ /rlung dang sngags ni rab sbyor bas/ /dbugs kyi 'byung 'jug mtshan nyid can/ /rdo rje'i bzlas pa bslab par bya/ /de yi sems kyis dmigs pa dang/ /sgyu ma lta bu'i ting 'dzin nas/ /'od gsal ba yi gnas thob nas/ /gnyis med ye shes thob 'gyur ba'i/ /steng gi man ngag bslab par bya/ /'og gi sgo la brten pa ni/ /rdo rje pad+mar sbyor ba las/ /bskyod pa'i rlung gis drod bskul bas/ /sra ma ka ni bde bskyod de/ / shukra su ka'i rang bzhin can/ /'khor lo bzhi la brgyud nas kyang/ /bde bskyod gnas su sbrul 'khyud de/ /gsang ba'i padmor ma spros par/ /til 'bru lta bur gang ba ni/ /bde ba ji srid bskal pa'i bar/ /rab tu dga' ba'i bde bas myong/ /ye shes chen pos gnas pa'i

  327. 164a

    tshe/ sangs rgyas sems can thams cad dang/ /mtshan mar btags pa thams cad kun/ /bde chen nyid las gzhan ma yin/ /bde chen nyid las gzhan pa'i chos/ /sangs rgyas nyid kyis ma brnyes ?/ rang sems las su rung ba'i rtags// byi yi yul la snang ba ni/ /dang por smig rgyu lta bu dang/ /gnyis pa ? ba lta bu dang/ /gsum pa glog gi rnam pa dang/ /bzhi pa mar me lta bu dang/ /lnga pa nam mkha' dra ba'o/ /rlung dang rtsa dang 'khor lo dang/ /skad cig dga' bzhi'i rnam pa kun/ /ngag brda ji ltar grags pas brjod/ /sbom po phra mo mnyam sbyar ba/ /dbang gsum thob pa'i lag brda yin/ /gsum pa yi ni rdzas dag ni/ /rang dang rig tu bcas pa yi/ /dri chen chu dang rak+ta dang/ /ga bur mang sai? shes sogs rdzas/ /'jigs pa med par bza' bar bya/ /bud med rnams ni spyad bar bya/ /de yi ? chugs lta sgra ni mnyan/ /dri dag kyang ni bsnam par bya/ /gsang ba'i pad+mar tsum pa bya/ /glang po'i lag pas g.yan pa blang/ /dung gi phur pas gdab pa dang/ /'da' 'da' ya bcu bzung bar bya/ /mdor ? la snang ba'i rdzas/ /de kun dgongs pa bstan pa yang/ /sprul pa chos dang longs spyod dang/ /bde ba chen po'i 'khor lo bzhi/ /mgrin dang gsang ba'i 'khor lo gnyis/ /sbas pa yin te rnam pa dug /lte ba snying ? dang ni/ /spyi bo dag la rim pa ste/ /sbam pa mgrin pa gsang bar gnam/ /drug cu rtsa bzhi brgyad dang ni/ /bcu drug gsum cu rtsa gnyis ni/ rtsa yi grangs te 'dab ma yin/ /ka nas brtsams nas sa yi bar/ /g.yas dang g.yon du mnyam sbyar ba/ /drug? cu rtsa bzhi sprul pa'o/ /ka sogs dang po chos sku brgyad/ /longs spyod a li bcu drug yin/ /bde chen a li mnyam sbyar gnyis/ /a dang hUM dang o dang taM/ /sprul chos longs spyod bde chen dbus/ /'khor lo chags pa dmar po ste/ /yig 'bru dkar po sems rang bzhin/ /sprul dang longs

  328. 164b

    spyod shes rab la/ /chos dang bde chen thabs su bshad/ /kA li thabs la A li ni/ /shes rab de phyir 'khor lo bzhi/ /shes rab thabs kyi sbyor ba dang/ /thabs la thabs kyi sbyor ba dang/ /shes rab shes rab sbyor ba dang/ /thabs la shes rab sbyor ba ste/ /rnam pa bzhi ni gsungs pa yin/ /thabs dang shes rab gnyis med pa/ /sbas pa'i 'khor lo rnam pa gnyis/ /mgrin 'og dkyil 'khor lha grangs bzhin/ /tsit+ta ti la ka de bzhin/ /pad+ma drug la de ltar gnas/ /lha re'i byang chub sems su bshad/ /gsang ba bde skyong sbabs su ni/ /sangs rgyas rin chen gab rtse la/ /dbus su mi shigs yi ge ha/ /re'u mig lnga bcu'i yi ge ni/ /kA li rnams la A lis bskor/ /'byung bzhi'i yi ge grwa na gnas/ /bde bskyed pa yi yi ger bshad/ /rlung dkyil gzhu 'dra gsang bar gnas/ /de steng me ni gru gsum pa/ /rlung gis me bskyed lte dbus langs/ /sprul pa'i yi ge bsregs nas su/ /chos kyi yi ge yang bsregs nas/ /longs spyod lan gsum bskor byas te/ /gling bu smin phrag g.yas phyung nas/ /bde chen 'khor lor phyin nas bzhu/ /bdud rtsi 'grog ste sngar lam du/ /longs spyod chos dang sprul pa yi/ /'og rnams la brtan yig rnams gsos/ /spu yi nyag mkhri yi che/ /lte ba'i dbus nas 'gro dang 'ong/ /mgrin pa'i 'khor lor song nas su/ /lha rnams kun gyi sems bzhu nas/ /bde skyod gnas su phyin pa dang/ /A li kA li la thim ste/ /kA li 'byung ba'i yi ge la/ /'byung ba lha la thim pa dang/ /ma spros bar du bde chen sku/ /pad+mar spros nas longs spyod sku/ phyogs bcur spros pas sprul sku yin/ /slar 'dus chos kyi sku ru gsal/ /de ni gsum pa'i dgongs pa'i don/ /nus pa'i tshad kyang de bzhin te/ /des ni sems kyi dri ma 'khyu?/ /rdo rje 'dzin pa'i sgrib bdag/ phyag rgya bstan pa'i las dang ni/ /bde skyed

  329. 165a

    thob par nus pa yin/ /'bras bu rdo rje 'dzin pa ste/ /rang gi rig pas rig pa 'dzin/ /bde chen nyon mongs bdud bcom ste/ /longs spyod gnas su phung po'i bdud/ /d+harma tsakrar lha bdud bcom/ /sprul par 'chi bdag bdud bcom ste/ /dga' bzhis bdud bzhi rnam par 'joms/ /dam tshig 'khor lor phung po 'joms/ /pad+mar rdor bcug nyon mongs 'joms/ /rdo rje pang bskyod lha bdud 'joms/ /bde ba 'babs pas 'che bdag 'joms/ /bde chen rnam smin 'bras bu ste/ /longs spyod rgyu mthun 'bras bur bshad/ /dri med 'bras bu chos su ste/ /skyes bu byed pa sprul pa'o/ /yang sprul rgyu mthun 'bras bu ste/ /chos kyi 'khor lo rnam par smin/ /longs spyod skyes bu byed pa yin/ /bde chen 'khor lo dri med pa'o/ /yang dam tshig 'khor lo rgyu mthun pa/ /rdo rje pad sbyor skyes bu byed/ /bde ba babs pas rnam smin yin/ /chag dang bral ba dri ma med/ /'bras bu rnam pa bzhi ru gsungs/ /bla ma rig ma mnyes ma ni/ /de ni dbang thob rgyur bshad do// yang/ 'bras bu dga' ba bzhi skyed byed/ /lha sbyin brda phrad bum pa'i dbang/ /de yi 'bras bu dga' ba bskyed/ /bag tsum skra bzung dbu rgyan dbang/ /de yi 'bras bu rab dga' skyed/ /pad+mar rdor bcug rdo rje'i dbang/ /de yi 'bras bu mchog dga' bskyed/ /rdo rje pad bskyod dril bu'i dbang/ /de 'bras lhan cig dga' ba skyed/ /dam tshig ha skad ming gi dbang/ /bde ba chen po skyed par byed/ /ngo bo 'bras bu dbyer med do/ /shes rab la ni brten nas su/ /gnyis med ye shes bskyed pas na/ /shes rab ye shes dbang zhes grags/ /rim pa tha ma bshad bya ste/ /kye 'o dpal ldan 'dus sogs par/ /'khor gyi byang chub sems dpa' yis/ /gsang ba'i yi ge mthong ba yi/ /skal pa bdag gcig med ces dus/ /ston pas

  330. 165b

    yi ge rnam dag ces/ /yi ge las dben mtshan nyid gsungs/ /bzhi pa'i gleng bzhir shes par bya/ /sangs rgyas rnams kyi ye shes ni/ /bde bar gshegs pa'i thugs la gnas/ /chos kun sems la gnas bcas te/ /sems ni ye nas rnam par dag bde phyir chos kun rnam par dag /de ni gnas gyi bla mar gsungs/ /dus gsum gcig ste/ byang med cing/ /gang du dus gsum dbyer med pa/ /de ni blang dor med pa'i dus/ /mchog ni bla mod? de rang gsungs/ /slob dpon ma mthong sems nyid mthong/ /rang sems bla mar snang ba'i phyir/ /kun gyi slob dpon skal pa bzang/ /gnyis med slob dpon dam pa'o/ /'gro kun dbyings las skyes pas na/ /rdo rje sems dpa' i spun yin te/ /bsam gyis mi khyab yul slob pa/ /rgyal ba'i sras kyi dam par bshad/ /sangs rgyas kun gyi byang chub sems/ /bla na med par thugs chud pa/ /gnyis su med pa'i ye shes gang/ /de ni dkyil 'khor snying por gsungs/ /'di yi gzhung thos mig phye ba/ /dkyil 'khor mthong ba don rtogs yin/ /rtogs nas goms byed 'jug pa ste/ /mngon du gyur pa dngos grub yin/ /gnyis med ye shes dbang 'gyur bas/ /mya ngan 'das dang 'khor ba la/ /ji ltar 'dod par dbang sgyur pas/ /rig pa rang dbang mchog tu bshad/ /'di dbang thob pa'i rnal 'byor ni/ /bsgyur ba'i dbang ? thogs pa med/ /ji snyed theg pa rab 'byams gyis/ /dbang bskur rnam grangs ji snyed kun/ /gsang ba'i dbang du gsungs pa ste/ /yang dag pa yi grangs las 'das/ /mnyam pa ye shes chen po nyid/ /gcig dang du ma las grol phyir/ /gnas dang gnas ? dmigs dbye med/ /sgo gsum dbye ba du la tsam med/ /gnyis med ye shes chen po las/ /sgyu 'phrul dra ba mi 'gog phyir/ /thabs dang thabs byung thabs bsam yas/ /thabs kyi nang na mchog tu gsungs/ /rang rig ye shes rgyal ba nyid/ /khams gsum

  331. 166a

    'khor ba nyid yin phyir/ /'di la sgrib dang mi sgrib ces/ /mnyam pa'i rgyal pos yongs ma gsungs/ /sgrib pa nyid ni byang chub la/ /'khor ba nyid ni mya ngan 'das/ /dbye ba med pa'i sa mchog gis/ /sa yi khyad par zil gyi gnon/ /thams cad sa nyid ye shes dang/ /brjod pa'i tha snyad yul las 'das/ /rang bzhin gyis ni 'od gsal zhing/ /rdzogs pa chen po'i mthar thug pa/ /man dag kun gyi mchog gi mchog/ de bsgrub thabs su gsungs par zad/ /dpar na glang po rnyed gyur na/ /glad po'i rjes ni mi btsal ltar/ /rang rig ye shes mngon sum na/ /mtshan ma'i rtags ni 'khrul pa'i gzhi/ /yang dag don ni brda las 'das/ /mtshon par bya ba'i yul min yang/ /mdzub mos zla ba bstan pa ltar/ /brda yi sgo nas 'jug pa yin/ /snang dang srid pa ji snyed pa/ /sku gsung thugs kyi rdzas yin pas/ /lhag par sbad bar blang dang bral/ /ye shes rjes kun las grol bshad/ /rang gi don la mngon sum na/ /rang rig kho na tsam du zad/ /rang rig de yang 'di snyam zhes/ /brjod pa'i tha snyad rnams dang bral/ /'di ni dgongs pa'i mchog tu gsungs/ /rig pa rang dbang gyur pa ni/ /srid pa gsum na 'gran zla med/ /'og ma rnams kyi gnyen por che/ /nus pa mang po'i bye brag ldan/ /rgyu dang 'bras bu dbyer med pas/ /rgyu 'bras tha snyad yongs kyis bral/ /rgyu yi nang na 'ang mchog yin te/ /'bras bu'i nang na'ang dam mchog go/ /dbang gsum bye brag las grol phyir/ /bzhi pa'i dbang zhes grags pa ste/ /rgyal ba rnams kyi thugs kyi gsang/ /thams cad mkhyen par 'di brjod do/ /'on kyang kun mkhyen ma thob par/ /de nyid nye bar mngon mi 'gyur/ /'on kyang 'di yi dbye ba yis/ /de nyid thob bya'i gnas su 'gyur/ /de bas rim pa mchog yin pas/ /sgrub pa rnams

  332. 166b

    kyis nan can bya'o/ /slob dpon rnams ni ma mnyes shing/ /dbang rnams rim gyis ma bgrod par/ /sngags spyod sgrub pa rtsom byed na/ /de 'bras med cing ngan song ltud/ /dbang rnams bgrod pa ma byas par/ /thugs thub mchod sems kyis ni/ /gang dag man dag rim bstan na/ /'phud byed gnyis ka dmyal bar ltung/ /de yi sngags kyi dam tshig ces/ /smra? byed lce la zhing rmo zhing/ /mnar med gnas su nye bar 'khor/ /dbang ma bgrod pa'i gang zag dag /gal te 'dri bas dge slong yang/ /gtam gyi rigs tsam yang mi brjod/ /de brjod nyes pa'ang brjod me lang/ /rim pa rdzogs shing snod can la/ /'dri zhing gleng slong byed pa na/ /de la de don ma bstan na/ /de yang nyes pa'i gnas su 'gyur/ /gang zhig dbang gi rim pa ni/ /bla ma gzhan las rdzogs blangs la// man ngag gi ni rim pa ni/ /bla ma gzhan las glang du rung/ /dbang dang man ngag ma bgrod par/ /glegs bam la brten shes rab kyis/ /gang zhig man ngag rim rnyed na/ /de ni sngon sbyangs 'phro can no/ /des kyang bla ma dag pa la/ /dbang gi rim pa bgrod par gces/ rnam smin shes rab sbyangs pa'i mthus/ /lus ngag rtog pa sbyangs pa dang/ /rin chen 'khor lo'i man ngag 'di/ /dbang ma bgrod la bstan gyur na/ /bdag kyang phung la gzhan yang brlag /de bas gzhan du bstan mi bya/ /bdag gis brtsams pa'i man dag 'di/ /rim pa tshul bzhin bres pa yis/ /'gro kun gsang snod ldan te/ /tshe 'di nyid la byang chub shog /rin chen 'khor lo'i dbang gi man ngag gi rim pa/ slob dpon in+d+ra b+hu ti'i zhal snga nas mdzad pa rdzogs so// // rgya gar skad du/ a b+hi She ka ni ru ga ti/ bod skad du/ dbang bskur ba'i rim par bstan pa/ bdud kyi stobs rab tu 'joms pa la phyag 'tshal lo/ /'jam dpal gzhon nur gyur pa la phyag 'tshal lo/ /sku gnyis kyis gnas khyab pa po/ /bde ba chen

  333. 167a

    po chos kyi sku/ /rtag pa rdo rje 'chang btud de/ /dbang gi don ni nges brjod bya/ /de ltar nyid du yod pa yi/ /mnyam 'jug phyag rgya rgya chen bde/ /de ni bsgrub bya yin sems pa/ /dbang gi rjes thogs grol 'gyur bas/ /de ni rigs pa ma yin no/ /mnyam 'jug rgya chen gzhan bltos pa/ /rang dbang grub pa ji ltar 'gyur/ /nyams bcas ji ltar bsgrub byar 'gyur/ /rigs 'gyur btang ste nyams pa'i phyir/ /de bas bsgrub bya zag med pa/ /nyams pa med pa bla med pa/ /bde ba dri med nam mkha' 'dra/ /'gro ba'i don ni mdzad spyod pa'o/ /de nyid skyob pa rnams kyi sku/ /chos kyi sku zhes dran par bya/ /de la brtan nas sku ni yang/ /longs spyod sprul pa'i mtshan nyid do/ /de la brtan rnams bsgrub bya ste/ /theg pa chen po bla med pas/ /bdag gzhan don dag bsgrub bya'i phyir/ /gzhan du de yang dgos pa med/ /de bsgoms pas bsgrub bya ba yi/ /sku ni pha rol phyin theg bar/ /rab gsal ro gcig bsam mi khyab/ /chos shes bya ba 'dir thub chen/ /shes rab pha rol phyin pa'i lam/ /bsgom pa nyid kyi stobs kyis kyang/ /sbyin sogs las kyis thob bya ba/ /de gtsor gyur pa'i gnyis pa'o/ /'dir yang sku gsum bsgrub bya nyid/ /pha rol phyin pa'i rim bzhin du/ /sbyin dang tshul khrims bzod brtson 'grus/ /bsam gtan shes rab sogs ming gis/ /rnal 'byor rgyud duAng bsgrub bya ste/ /lha yi rnam pa'i phyag rgya yis/ /gtso bo dang ni dkyil 'khor ba/ /spro ba dang ni bsdus pas so/ /la lar bde chen bsam mi khyab/ /bsgom pa nyid kyis stobs kyis kyang/ /bsgrub bya sku gnyis brten gyur pa mdor na lhan cig skyes grags pa'o/ /chos rnams dag ni thams cad kyang/ /de nyid las byung bsgom pa dang/ /lus la sogs pa'i las rnams kyang/ /de yi rang bzhin nyid brtags nas/ /rnam pa gnyis par bgrang bya ba/ /rgyu ni bsod nams tshogs nyid

  334. 167b

    kyis/ lhan cig skyes grags rnal 'byor zhes /bsgrub bya de bzhin sku gnyis po 'ang/ /de phyir rgyud rnams thams cad du/ /phyag rgya nyid kyi brda dang ni/ /ngo bo nyid kyis mtshon bya ba/ /dbang skur bas ni chos sku'o/ /gtso bo de nyid gcig bu zhig /mtshon par bya ba 'ga' yi rig /'di ni de nyid thabs bcas pas/ /mtshon par bya ba gzhan dag 'dod/ /phyag rgya yis ni sku gsum mo/ /rnam par phye nas mchon bya ba/ /shes rab ye shes dbang bskur zhes/ /mkhas pa rnams ni smra bar byed/ /de la phyogs dang po'i dgongs pa ni 'di yin te/ /bde ba chen po'i rang bzhin bsam gyis mi khyab pa/ longs spyod rdzogs pa dang sbrul ba'i sku yi rten du gyur ba/ yid bzhin nor bu ltar 'gro ba ma lus pa'i don mdzad pa/ /kun nas nyon mongs pa'i bag chags kyi sa bon sdangs pa/ shin tu rnam par dag pa'i sangs rgyas kyi yon tan gyi sa bon gyi gnas/ kun bzhi gnas gyur pa'i mtshan nyid can chos kyi sku zhes bya ba/ 'bras bu'i gtso bo shin tu rnam par dag pa chos kyi dbyings kyi ngo bo ni bsgom pas bsgrub par bya bar rnal 'byor gyi rgyud las bstan te/ de mi shes pas ni bsgom par mi nus pa'i phyir dang/ da ltar ni de la dmigs pa'i ye shes med pa'i phyir dang/ de thob par byed pa'i phyed du bsgom pa don med par thal bar 'gyur ba'i phyir dang/ 'jig rten las 'das pa'i lam la rag lus pa yin pas/ /de la mngon du phyogs pa ma yin te/ thob par rigs pa ma yin no/ /de lta bas na de ston par byed pa de bzhin gshegs pa thams cad kyis byin gyis brlabs pa'i phyag rgya'i mtshan nyid kyi rnam par mi rtogs pa bde ba chen po tsam rab tu snang ba nyid kyis de kho na nyid dang cha 'dra bas/ de nyid ni 'di yin no zhes dus phyis de bzhin du mos pa'i stobs dag/ rgyud las gsungs pa'i mtshan nyid dang/ ldan pa'i phyag rgya dang yang dag par sbyor bas/ bla ma'i man ngag nyid kyis byang chub

  335. 168a

    sems nor bu'i nang du gnas pa dang/ phyir shor ba gnyis kyi bar na gang dmigs pa de/ gzhan dmigs pa thams cad dang 'gal bar gyur pa gnyis su med par snang ba bde ba chen po'i ye shes kyi snang ba can de ni dper gyur pa yin par blta bar bya'o/ /de nyams su myong bas 'dra bar gyur pa nges par bya ba yin pas/ dpes bstan par bya ba yang don dam pa'i ye shes so/ /dpe 'dis? legs par mtshon par bya ba nyid/ /thar pa 'dod pa don dam pa'i ye shes la mos pa rnams la/ /dpe 'dis nye bar bstan par bya ba nyid yin no/ /der dam pa'i ye shes bla ma'i man ngag nyid kyis nges par byas nas/ bskyed pa'i rim pa dang rdzogs pa'i rim pas lha'i rnal 'byor dang lhan cig skyes pa'i rnal 'byor dang/ nam mkha' i rdo rje bsgoms pas des mtshan pa'i de kho na nyid mchog tu gus pas rgyun mi 'chad par dam tshig dang ldan pas bsgom par bya'o/ /bsgom pa de yongs su rdzogs pa na lha la sogs pa bsgoms pa'i stobs dang/ dam tshig gis bye ba'i bdag nyid kyis bde ba nyid du 'jug pas myur du sku gsum thob par 'gyur ro/ /de bas na shes rab ye shes kyi dbang bskur ba'i dus su gtso bo chos kyi sku gcig bu nyid sku gnyis kyi rten du gyur pa kho na mtshon par bya ba yin no zhes phyogs dang po smra bar byed par sems so/ /yang phyogs gnyis pa'i bsam pa ni 'di yin te/ bde ba chen po zag pa med pa nyams par mi 'gyur ba bsgrub par bya ba yin na yang/ de lta na yang de ni sgrub pa med par bsgrub par mi nus so/ /de lta bas na de bzhin du de'i sgrub pa yang shes par bya'o/ /de'i sgrub par byed pa ni 'jig rten dang 'jig rten las 'das pa'i tshogs dang/ mthong ba dang/ sgom pa'i lam gyi ngo bo de yin no/ /dam tshig ji lta ba dang mngon par rtogs pa ji lta ba

  336. 168b

    bzhin du/ /de bzhin gshegs pa thams cad lha la sogs pa'i rnam par rnal 'byor gyi rgyud las rgyas btab la de nyid kyang shes rab ye shes kyi dbang bskur ba de kho na nyid kyi mtshan nyid can gyi ye shes bskyed pa la rgyu nyid yin pas brtson pa nas bzung nas/ ji ltar 'byung ba bzhin du/ yang dag par mtshon par bya ba yin no/ /de la re zhig mdor bsdu na/ dpal gsang ba 'dus pa la sogs pa'i rgyud las gsungs pa'i mtshan nyid dang ldan pa'i sgrub pa pos 'dod par bya ba'i phyag rgya gang gis gzugs la sogs pa gang mthong ba dang/ nu ma sra ba la sogs pa la reg pa dang/ chags pa dang bcas pa'i tshig thos pa dang/ ma mchu'i ro myang ba dang/ lus su gtogs pa'i ri dags kyi lte ba'i dril snom pa dang/ de rnams sgyu ma lta bu'i nyid du nges par spyod pa de dang lhan cig skyes pa'i dga' ba de nyid rnam par snang mdzad la sogs pa'i de bzhin gshegs pa dang/ gzugs rdo rje la sogs pa'i rdo rje'i bdag po'i ngo bo nyid ni tshogs kyi lam gyis bsdus pa'i rtsom pa nyid yin par mtshon par bya'o/ /gang phyag rgya de nyid la dam du 'khyud pa dang du len pa'i nu ma la sogs pa srab yang yin pa ni/ sa'i ngo bo nyid reg pa'i ye shes kyi yul du gyur pa ste/ rang gi snang ba tsam nyid yin pas phyi rol na don mi dmigs pa'i phyir sems gzhan du 'jug par mi 'gyur ro/ /de lta bu'i rnam pa'i shes pa dang lhan cig skyes pa'i dga' ba gang yin pa de ni rnam par snang mdzad dang/ sangs rgyas spyan dang gti mug dang longs spyod du rnam par bzhag pa'i gti mug dga' ma dang/ gti mug rdo rje ste thabs rnam par bzhag pa bsnyen pa'i mtshan nyid can gyi yan lag dang po ste/ nges par 'byed pa'i cha dang mthun pa yis bsdus pa de'i rjes thogs la mtshon par bya ba yin no/ /de yang bsgrub bya bsgrub pa'i sbyor ba ni/ /gang yin bsnyen pa yin par 'dod ces

  337. 169a

    gsungs pas so/ /'di dang phyis 'byung ba dag la rnam par snang mdzad la sogs pa'i de bzhin gshegs pa thams cad bsdus pa dang/ sangs rgyas spyan la sogs pa'i lha mo rnams dang/ gti mug rdo rje la sogs ba'i byang chub sems dpa' rnams dang/ gti mug dga' ma la sogs pa'i lha mo rnams shes pa dang/ ldan pa'i bla ma dang slob? bdag gis man ngag ji lta ba bzhin du spro ba dang bsdu pa la sogs pa bya ba yon tan?/ /de nas chos kyi dbyings ri? phyag rgya de nyid kyi pad+ma'i lus dang ngag dang yid stong pa nyid kyi gru gsum pa nang stong pa nyid dang/ gong ma gong ma'i sa rnam par dag pa'i mtshan nyid yin pa'i phyir steng yangs pa dang/ dmigs par grub pa de chos kyi dbyings ? tu rnam par dag pa'i ngo bo// dbyer med pa'i yang dag ba'i ye shes kyi ngo bo nyid yin pa'i phyir/ /dbyug pa ltar sra zhing mkhrang? ba nyid kyis nam mkha' dang mtshungs pa'i stong pa nyid la dmigs pa yin pas/ kha gyen du ltas pa'i rdo rje dang gnyis su med par byed pa ni ma mthong ba'i chos kyi dbyings mthong pa yin la/ zag pa med pa'i lam gyi ngo bo ste/ /chos kyi dbyings kun tu 'gro ba rab tu rtogs pa'i mtshan nyid can? yin no/ /de ni phyag rgya las shes par bya'o/ /de las gang gis rdo rje dang pad+ma dag gnyis su med par byed pa'i ye shes gang yin pa de dag bye zhing bral ba'i bdag nyid la/ rgyab? kyis phyogs pa gang dmigs par gyur pa de chu'i khams kyi ngo bo nyid/ gang de dang lhan cig skyes pa'i dga' ba gang yin pa de ni bcom ldan 'das mi bskyod pa dang/ zhe sdang dang bdag med ma dang/ longs spyod du rnam par bzhag pas /zhe sdang dga' ma dang/ zhe sdang rdo rje'o/ /thabs rnam par bzhag pa'i yan lag gnyis pa nye bar bsgrub pa ste/ rjes thogs su mtshon par bya ba'o/ /de yang rdo rje pad+ma

  338. 169b

    mnyam sbyor ba/ nye ba'i bsnyen pa yin pa par 'dod ces gsungs pas so/ /chos kyi dbyings kyi phyag rgya de nyid kyi yangs pa'i pad+ma chos kyi dbyings kyi ngo bo'i nad du 'jug cing 'byung pa dang ldan pa'i rdo rje/ yang dag pa'i ye shes kyi ngo bos yang dang yang du gcig tu der zhen pas gang rnams thams cad du mngon sum du mang du byed pa'i mtshon nyid ni zag pa med pa'i sgom pa'i lam gyi ngo bo'o/ /de ni phyag rgya las rig par bya'o// //de la gang pad+ma'i nang du btsud pa la zhen pa'i shes pa dang/ gang de'i dmigs par gyur pa btsubs pa'i dbang gi dro ba nyid ni me'i khams kyi ngo bo ste/ de dang lhan cig skyes pa'i dga' ba gang yin pa de ni/ bcom ldan 'das snang ba mdza' yas dang 'dod chags kyi gos dkar mo dang/ longs spyod du rnam par bzhag pa 'd+d chags dga' ba dang/ 'dod chags rdo rje ste thabs rnam par bzhag pa las bsgrub pa zhes bya ba yan lag gsum pa rjes thogs su mtshon par bya ba'o/ /de yang sgrub pa bskyod pa yin par bshad/ /hUM phaT dang ni ldan pa'o// zhes gsungs pas so/ /de nyid kyi gnas skabs su de bzhin gshegs pa thams cad dang de'i shes rab kyi ngo bo thabs dang/ shes rab dag shin tu chags par gyur pas bskyod pa mngon par sbyar bar bya ba dang mngon par sbyor bar byed pa'i mngon pa'i nga rgyal gyis rtsed mos bde ba'i tshor ba gang gis sems myos shing dga' bar gyur pa gang yin pa de ni/ bcom ldan 'das rin chen 'byung ldan dang/ nga rgyal dar drangs pa ste/ khyad par gyi lam gyis bsdus pa phyag rgya las rig par bya'o/ /de nyid sems las byung pa nyid yin pa'i phyir dang/ 'dod chags yin par 'dra ba dang/ 'dod chags rdo rje nyid kyi khongs su gtogs pa yin pas nges? na bsgrub pa'i yan lag logs shig pa med/ /de'i rjes la shes rab dang thabs gnyis su med par snang ba shin tu bsgomS

  339. 170a

    pa las byung ba'i mchog tu dga' ba ro mnyam par gyur pa na/ gti mug zhes sdang 'dod chags kyi rgyu ba rnams rnam par dag pa'i chos kyi dbyings la dmigs nas/ rtsed mo mchog gi bya ba'i ye shes kyis bsgrub bya la mngon du phyogs pa'i las kyi mtshan nyid mthar phyin pa'i lam gyis bsdus pa gang yin pa de phyag rgya las rig par bya'o/ /de nyid du gang rdo rje nor bu'i rtsa ba'i nang du byang chub kyi sems bde ba chen po dang lhan cig skye ba na bskul bar byed pa de ni rlung gi khams so/ /byang chub kyi sems g.yo ba'i rig pa la dmigs pa'i ye shes gang yin pa rtsed mo'i bstan bcos ma lus pa las bstan pa'i bya ba 'jug pa'i skabs med pa'i yang dag pa'i ye shes kyi bdag nyid kyi rdo rje nyid bsgrub bya la mngon par phyogs pa'i las kyi rab tu rtogs par bya ba skul bar byed pa rjes thogs nyid du 'bras bu mngon par bsgrub par byed pa gang/ 'dod chags dang zhe sdang dang gti mug la sogs pa rnams ro mnyam pa'i ngo bo'i tshor ba/ nang gi dge pa nyams su myong ba'i mtshan nyid can/ mchog tu dga' ba'i ngor nyid gang yin pa de dang lhan cig skyes pa'i dga' bde/ ci rigs par bcom ldan 'das don yod grub pa dang /phrag dog dang 'dod pa dang dam tshig sgrol ma dang/ longs spyod du rnam par bzhag pa/ dam tshig rdo rje dang rdo rje dpa' ma ste/ thabs rnam par bzhag pa las/ 'dod chags dang zhe sdang dang gti mug rab tu rgyu bzhi ba nyid dang/ bde ba shin tu 'jug pa dang ldan pa nyid dang/ nges par 'bras bu dang ldan par gyur par sgrub pa chen po zhes bya ba ste/ yan lag bzhi pa de'i rjes thogs su mtshon par bya ba yin no/ /de yang dang bde ngo bo nyid dang bzhi/ bsgrub pa chen po zhes bya'o/ /zhes gsungs so/ /yang de nyid shes rab kyi dbang bskur ba'i skabs su longs spyod bzhi rnam par bzhag pa la/ mnyam par bzhag pa'i yid

  340. 170b

    kyis 'dod chags dang zhe sdang dang gti mug la sogs pa rnams kyis mngon du rgyu 'jug pa rnams ro gcig par gyur pa/ de'i ngar chags kyi mtshan nyid can rnams ci rigs pa'i khongs su de dag rnam par dag pa'i mtshan nyid can re ni zad pa shes pa'i ye shes te/ nyon mongs pa dang/ shes bya'i sgrib pa ma lus pa zad pa'i mtshan nyid can de dang de'i phyag rgya ni gshin rje mthar byed dang shes rab mthar byed dang pad+ma ma mthar byed dang/ bgegs mthar byed kyi gzugs 'dir mtshan par bya'o/ /de la gti mug zad pa shes pa ni gshin rje mthar byed/ zhe sdang zad pa zhes bya ba ni shes rab mthar byed/ 'dod chags zad ye shes pa ni pad+ma mthar byed dang sgrib pa thams cad zad pa shes pa ni bgegs mthar byed/ chos kyi sku 'bras bu thob pa'i bgegs bskrod par byed pa'i phyir ro/ /de yang gti mug gti mug longs spyod pas/ /gti mug zad pas gshin rje gshed ces bya ba nas brtsams nas/ sgrib pa thams cad zad? ces pa bgegs mthar byed ces pa dran par bya zhes pas so/ /de lta bas na gti mug dang zhe sdang 'dod chags la sogs pa rnams dang/ de dag gi bag chags kyi gnyen por gyur pa rnams ni/ tshogs dang mthong ba dang /bsgom pa'i lam gyis bsdus pa rnams te/ mos pas spyod pa dang /lhag pa'i bsam pa dag pa dang/ rnam par smin pa dang/ sgrib pa thams cad spangs pa'i ser gtogs pa rnams so/ /chos kyis dbyings shin tu rnam par dag pa dang/ de'i ye shes thob pa'i rgyu mtshan rnams/ dpal gsang pa 'dus bal sogs pa ni/ bsnyen pa dang/ nye ba'i bsnyen pa dang/ sgrub pa dang/ sgrub pa chen po'i mtshan nyid can rnams kyis/ shes rab kyi dbang bskur par ci rigs par 'khyud pa dang /rab tu 'byed pa dang/ rnam par spyod pa dang/ ye shes 'chad ba'i phyag rgyas/ de bzhin gshegs pa thams cad rgyas btab pa'i bde ba chen por ro gcig pa'i rdo rje 'chang chen po'i

  341. 171a

    dper gyur pa dang/ dpes bstan par bya ba mtshon nas / thob par bya ba'i rgyur gyur pa rnams de'i rgyu nyid du bsgrub pa bzhi po rnams yang dag par mtshon par byed pa yin par rig par bya'o/ /de'i rjes la nyon mongs pa dang shes bya'i sgrib pa rnam par dag pas las thams cad rnam par dag pa yin la/ las rnam par dag pas rnam par dag pa'i 'bras bu thob pa yin no/ /de yang nyon mongs rdo rje dag gyur pas/ /las rnams rnam par dag par 'gyur/ /las rnams rnam par dag gyur pas/ /las skyes 'bras buAng rnam par dag ces gsungs pas so/ /de lta bas na chos kyi sku'i mtshan nyid can kyi bsgrub bya/ sgrib pa dang bral ba zag pa med pa/ mi nyams pa/ bde ba chen po'i rang bzhin gnyis su med pa'i chos kyi dbyings rnam par dag pa dang/ de'i ye shes kyi ngo bo me long lta bu dang/ mnyam pa nyid dang/ so sor rtog pa'i ye shes kyi bdag nyid can/ longs spyod rdzogs pa'i sku'i rten dang/ bya ba bsgrub pa'i ye shes kyi bdag nyid can sprul pa'i sku rab tu bskyed pa ni sangs rgyas thams cad kyi bsgrub par bya'o/ /de'i sgrub pa'i thabs ni gsang sngags kyi tshul 'dir dpe phyag rgya las mtshon par bya ba yin no/ /de lta bas na sgrub pa'i thabs kyi mtshan nyid kyi rjes thogs su yan lag mchog dang sbyar ba las rdo rje nor bu'i rtse mor chud pa'i byang chub kyi sems man ngag gis pad+ma'i snying por rdo rje nor bus mnan pa 'am/ rlung las rgyal bar bya ba goms pa 'am/ phaT la sogs pa'i sngags kyis nus pa ji lta ba bzhin du bzung nas/ de dang lhan cig skyes pa'i rgyun ma 'chad pa/ brjod pa med pa / dbang po'i 'jug pa thams cad chub ba/ /bde ba chen po tsam rab tu snang ba'i chos kyi dbyings rnam par dag pa dang/ de'i ye shes kyi ngo bo chos kyi sku mtshon par byed pa/ gnyis su med pa

  342. 171b

    rtogs pa med pa bde ba tsam rab tu snang ba nyid kyis/ /de bzhin gshegs pa thams cad kyi gsungs gcig gis bsgrub par bya ba'i rdo rje 'chang chen po'i dpe lta bur de ltar brdar brtags nas dpe dang dpes bstan par bya ba bye brag med par mos par byas nas/ de lta bu'i ngo bo nyid du de ni 'di yin no/ /zhes mnyam par bzhag pa'i sems kyi 'dir yang dag par mtshon par bya'o/ /legs par mtshon zhing bstan par byas mngon par rtogs pa ji lta ba bzhin du lha'i rnam pa'i rnal 'byor gyis dam tshig ji lta bar snying gar zla ba dang yi ge hUM la sogs pa dang/ lhan cig skyes pa'i rnal 'byor dang/ nam mkha' i rdo rje bsgom pa la gus pa dang/ rgyun ? 'chad par dus ring por rang gi dam tshig la spyod cing man ngag ji lta ba bzhin du bsgom par bya ba yin te/ ji ltar shin tu myur zhing shin tu myur ba thob pa de ltar bsgom par bya'o zhes bya ba ni/ phyogs gnyis pa smra pa'i bsam pa yin no/ /phyogs gsum pa nyid kyi bsam pa ni 'di yin te/ sgrub pa dang bcas kyang rung/ sgrub pa dang ma bcas pa yin yin kyang rung/ chos kyi sku tsam la mtshon par byed pa ni ma yin no/ /de tsam zhig ? theg pa chen po'i bsgrub bya ma yin pa nyid de/ de tsam zhig la ni gzhan gyi don la sbyor ba med pa'i phyir ro/ /'o na ji lta bu zhe na/ gzhan yang sku gnyis po ye shes bzhis bsdus pa nyid kyang bsgrub bya yin no/ /de ltar yang pha rol tu phyin pa'i theg pa las chos kyi dbyings rnam par dag pa dang/ de'i khongs su gtogs pa'i chos kyi dbyings kyi ye shes chos kyi sku zhes bya ba ni/ gtsor bsgrub par bya ba yin la/ de la brten pa rnam pa thams cad dang don thams cad kyi gzugs brnyan gyi ngo bo me long lta bu'i ye shes dang/ sangs rgyas thams cad nang mnyam pa nyid du rtogs pa'i mnyam pa nyid kyi ye shes dang/ rnam pa thams cad? du don rtogs

  343. 172a

    pa'i don thams cad de bzhin du yongs su gcod pa'i so sor rtog pa'i ye shes dang/ ye shes gsum po 'di dag gi ngo bo longs spyod rdzogs pa'i sku zhes bya ba ni 'bras bu gzhan yin no/ /de bzhin du rnam pa thams cad du 'gro ba'i don gyi bya ba mdzad pa'i mtshan nyid can bya ba nan tan gyi ye shes kyi ngo bo sprul pa'i sku zhes bya ba yang 'bras bu yin no/ /de bzhin du gsang sngags kyi theg par yang brda ji lta ba dang/ rgyu ji lta ba bzhin du chos kyi dbyings shin tu rnam par dag pa'i ngo bo rdo rje 'chang gi rang bzhin dang/ shin tu rnam par dag pa de'i ye shes kyi ngo bo mi bskyod pa'i ngo bo chos kyi sku zhes bya ba ni/ gtsor bsgrub par bya ba yin no/ /de bzhin du sna tshogs kyi rnam pa thams cad snang bas me long lta bu'i ye shes kyi ngo bo rnam par snang mdzad kyi rang bzhin dang /sangs rgyas thams cad dang /mnyam pa nyid du rtogs pa'i ngo bo rin chen 'byung ldan gyi ngo bo dang/ nyams su myong ba'i don gyi rnam pa thams cad yongs su gcod pa'i bdag nyid can so sor rtog pa'i ngo bo nyid ni snang ba mdza' yas kyi bdag nyid/ longs spyod rdzogs pa'i sku zhes bya ba 'bras bu gnyis las chos kyi sku la brten pa yin no/ /de bzhin du sna tshogs la khyab pa'i 'gro ba'i don gyi bya ba mdzad pa'i mtshan nyid can/ bya ba nan tan gyi ye shes kyi ngo bo nyid ni don yod grub pa'i rang bzhin te/ sprul pa'i sku zhes bya ba 'bras bu bsgrub par bya ba gzhan yin no/ /de ltar 'dir yang sku gsum po'i ngo bo nyid sgrub par bya ba yin pas/ bsgrub bya ji lta ba de lta bu'i de bzhin gshegs pa thams cad kyi brdar byas pa'i phyag rgyas brda ji lta ba bzhin du mtshon par bya ba yin no/ /ji ltar mtshon zhe na/ de lta bas na shes rab kyi dbang bskur gyi dus su rdo rje nor bu'i rtse mor phyin pa'i byang chub sems yul de nyid du man ngag ji lta ba nyid dang/

  344. 172b

    phyogs gnyis pa nas bstan pa'i rigs pas bstan par byas pa'i byang chub kyi sems de dang lhan cig skyes par gyur pa gang yin pa/ rang dang gzhan gyi snang ba'i bye brag dang bral ba /mchog tu bde ba chen po tsam rab tu snang ba dang/ gnyis su med pa/ bya ba thams cad nub par gyur pa dag gi rnam par rtog pa las shin tu 'das pa'i ngo bo/ rang rig pa der gtang pa mthar phyin pa/ nam mkha' dri ma med pa lta bu'i yid mchog tu gyur pa'i bde ba nyams su myong bar gyur pa de ni chos sku'i mtshan nyid do/ /de yang ji srid rnal 'byor byang chub sems/ /gtong bar byed pa ma yin pa/ /de srid kun dga' las byung ba de/ /ci yang rgyun mi 'chad pa 'thob/ ces gsungs so/ /gang rdo rje'i nang g.yo bar gyur pa'i byang chub kyi sems/ reg pa las byung pa'i yul nges pa med na yang/ dmigs pa'i dbang gis yul so sor nges pa lta bur/ /kha phyir bltas pa'i bde ba'i rnam pa byang chub kyi sems la longs spyod pa'i ye shes ni nyams su myong ba dang ldan pas/ de ni longs spyod pa'i ye shes ni nyams su myong ba dang ldan pas/ de ni long spyod rdzogs pa'i sku'i mtshan nyid do/ /gang yang shes rab kyi pad+ma'i nang du spros pa'i byang chub kyi sems de longs spyod du byas pas /de yongs su mnyes par gyur pa na/ rdo rje nor bus nyams su myong ba de ni sprul pa'i sku'i mtshan nyid do/ /de ltar na sku gsum brda ji lta ba bzhin du phyag rgya las mngon par mtshon pa brtan par byas la man ngag ji lta ba dang/ mngon par rtogs pa ji lta bar lha'i rnam pa'i phyag rgya dang/ sngags kyi rnam pa'i dmigs pa'i phyag rgya dang/ rtsa ba'i lhan cig skyes pa'i rnal 'byor dang/ gnyis pa de'i rjes thogs las byung ba'i rnam pas dam tshig dang ldan par bsgoms pas bde bar myur du sku gsum thob par 'gyur ro/ /zhes bya ba ni/ phyogs gsum pa smra bar byed pa'i bsam pa yin no/ /rnal 'byor pa'i rgyud dgyes pa'i rdo rje la sogs pa nyid du yang/ shes

  345. 173a

    rab kyi dbang bskur ba'i skabs su sku gsum po nyid bsgrub bya yin par mtshon par bya ba rigs pa yin no/ /kha cig ni gtsor bde ba chen po'i rnam pa lhan cig skyes pa'i ngo bo chos kyi sku tsam mtshon par bya ba yin no/ /zhes zer ro// de nyid rnam pa sna tshogs pa la sogs pa'i sgrub pa dang bcas pas/ sgrub pa dang bcas bar mtshon par bya ba yin no/ /zhes gzhan dag zer ro/ /brda ji lta ba bzhin du/ de bzhin gshegs pa thams cad kyis btags pa'i phyag rgya'i ? kho na nyid kyi rjes su 'brangs nas/ sku gnyis po chos dang longs spyod rdzogs pa zhes bya ba nyid mtshon par bya ba yin no/ /zhes gzhan dag zer ro/ /de lta bas na gang nam mkha' dri ma med pa ltar/ /snang ba med pa bde ba chen po tsam rab tu snang ba/ nyams su myong ba'i mchog de ni/ rnal 'byor ma'i 'khor lo'i ngo bo chos kyi sku'i mtshan nyid yin no/ /gang yang kunda dang zla ba ltar dkar ba de dang lhan cig skyes pa'i byang chub kyi sems nyams su myong ba de ni longs spyod rdzogs pa'i sku dpal he ru ka'i ngo bor mtshon par bya'o/ /de yang kun rdzob dung dang zla ba 'dra/ /sgrib bral bde ba'i ngo bo nyid/ /bcom ldan zhu ba'i rnam par gyur/ /de bde chags can ma ru 'dod/ ces pas so/ /de lta bu ni mchog dang dga' bral gyi bar du mtshon par bya bar gsungs pa'i rigs pa zhes pa'i bsam pa yin no/ /de yang smras pa/ mchog? dang dgang bral dbus ngag tu/ /mtshon zhing ltos la brtan par gyis/ zhes pa dang/ dga' bral dang por mtshon par bya ba/ /de ni dga' ba gsum bral nyid/ ces gsungs/ gal te bde ba chen po bsgrub par bya ba ma yin te/ ma zhing? nyid kyi phyir dang/ bsgrub bya nyid ma yin par dgyes pa'i rdo rje'i rgyud de nyid du bkag pa'i phyir te/ ji skad du/ de bas bde ba de nyid min/ /gang phyir 'byung ba che bde ba/ /zhes gsungs ba dang/ pha rol tu phyin pa'i theg pa

  346. 173b

    shes rab kyi pha rol tu phyin pa la sogs pa las kyang gnyis su med pa nyid bsgrub bya nyid du gsungs pa'i phyir theg pa'i khyad par la yang de kho na nyid kyi khyad par ni yod pa ma yin te/ de kho na nyid ma yin par thal bar 'gyur pa'i phyir ro/ /ci ste thabs tha dad ba las 'bras bu tha dad par ji lta bar mi 'gyur/ /rgyu'i tha dad las 'bras bu'i tha dad mthong phyir sa lu'i myu gu dang nas kyi myu gu dag bzhin no/ /gzhan du na skyed par byed pa med pa nyid 'gyur ro zhe na/ de ni ma yin te/ snga na med pa bskyed pa 'am/ 'gyur ba byed pa'i 'bras bu ni rgya'i tha dad pa las 'bras bu tha dad pa 'byung bar 'gyur gyi/ thob par bya ba ma yin no/ /de 'thob par byed pa tsam gyis thabs pa tha dad yod kyi/ rang gi ngo bo ni ma yin no/ /theg pa chen po'i 'dir rtogs pa ro gcig pa nam mkha' dri ma med pa lta bu chos kyi sku'i ngo bo 'dus ma byas pa'i bsgrub par bya ba'i gtso bo thob par bya ba la ni tha dad pa yod pa ma yin no/ /de lta bas na de ni bsgrub bya ma yin pa'i phyir/ shes rab ye shes kyi dbang bskur ba'i dus su mtshon par bya ba ma yin no/ /mchog dang dga' ba dang dga' bral dag gi dbus su yang mtshon bar bya ba ma yin te/ de'i dus na bde ba'i rnam pa shin tu lhag par gyur pa nyid kyi phyir/ shin tu mya ngan las 'das par rab tu gsal zhing /ro gcig pa bya ba byas pa nyid kyi mchan nyid can/ de'i dus na nyams su myong ba med pa'i phyir ro/ /de lta bas na dga' ba cig car sangs rgyas kyi sgrib pa dang bral ba shin tu rab tu zhi pa'i bde ba chen po lta zhig/ byang chub sems dpa' i sa brgyad pa nyid la yang shin tu bde ba chen po nyid du bstan te/ de yang de las rab zhi mi g.yo mchog /dbang gyur mi mnyam mnyam pa nyid/ /rnam par mi rtog bde ba ni/ /byang chub sems dpa' thos par 'gyur/ zhes gsungs pas so/ /gang yang dgyes pa'i rdo rje nyid las kyang/ /bde ba bsgrub bya nyid du bkag pa

  347. 174a

    de yang mi rigs te/ der ni zag pa med pa nam mkha' lta bu'i bde ba bsgrub bya ma yin par bkag pa med do/ /'on kyang dper bstan pa'i? bde ba ? dang bcas pa/ nyams pa dang bcas pa/ bsgrub bya nyid du sems par ? zhig 'gyur ro snyam du dgongs nas bkag pa yin no/ /gang yang dga' bral mthar ni gnas pa la zhes bya pa'i tshig gis de nyid du bya pa byas pa/ mchog tu mya ngan las 'das pa'i mtshan nyid can mtshon par bya ba yin gyi/ bde ba chen po ni ma yin no/ /zhes gang smras pa de yang rigs pa ma yin te/ dga' bral mthar ni zhes bya ba der yang 'bru mang po'i bsdu ba yin no/ /gang yang lhan cig skyes dga' i mjug nyid do/ /zhes bstan pa der yang/ mjug nyid ni lhag ma gsum po nyid de/ rigs pa ma yin pa'i phyir ro/ /de nyid ni bsgom par bya ba yin no/ /zhes rtogs par bya'o/ /gzhan yang dga' bral gyi mthar rab tu zhi ba ro gcig pa gnyis su med pa 'dod chags dang/ 'dod chags dang bral ba ma yin pa nyid ni bsgrub par bya ba yin no/ /zhes 'dod na yang/ de lta bu ni mi srid/ gang gi phyir de'i gnas skabs na gnyis su med pa'i ye shes nyams su myong ba med pa de/ thabs dang shes rab dag gi yul rnam pa sna tshogs snang ba'i phyir ro/ /brjod pa med pa yang ma yin te/ nyams su myong pa'i don du ma la rab tu rtogs pa'i phyir ro/ /'dod chags dang 'dod chags dang bral ba spangs pa yang ma yin te/ lus zhungs? zad par gyur pa la 'dod chags dang bral ba srid la/ lus thungs 'phel bar gyur pa la yang 'dod chags skye bar gyur ba srid pa'i phyir ro/ /de 'dod chags bral ba yang ma yin te/ yang 'jug par mos pa srid pa'i phyir ro/ /mig la sogs pa btsums pa'i 'bang pa nyid gyis rnam par rtog pa spong bar gyur zhing/ bye brag tu snang ba nub bar gyur na/

  348. 174b

    phyag rgya'i dgos ba 'bras bu med par 'gyur te/ gzhan du yang de grub pa'i phyir ro/ /shes rab kyi chu skyes dang sbyor ba med na/ mchog tu mya ngan las 'das pa'i bya ba byas pa nyid 'grub par mi 'gyur ro zhe na/ ma yin te/ zas dang sku mnye dang/ khrus la sogs pas kyang de lta bu'i byas pa skyed par 'gyur te/ mang du smra ci dgos/ smras pa/ rnal 'byor ma rgyud bsgrub bya 'di/ lhan cig skyes grangs bde ba che/ /mchog gi mdza' dang dga' bral gyi/ /dang por 'bad bas mtshon par bya/ zhes bya ba yin no/ /gal te dpal gsang ba 'dus pa la sogs pa rnal 'byor gyi rgyud dang/ dgyes pa rdo rje la sogs pa rnal 'byor ma'i rgyad rnams su dbang bskur ba rnam pa du zhig tu 'dod ce na/ de la kha cig ni dpal gsang ba 'dus par ni dbang bskur ba rnam pa gsum du 'dod de/ dbang bskur ba ni rnam pa gsum/ rgyud 'di ru ni bstan pa yin/ zhes bya ba'i tshig dang lus dang ngag dang yid dag par byed pa'i phyir te/ lus dang ngag yid dbye ba yis/ gsang ba 'dus par dbang bskur pa/ /mgon pos gsum du yang dag bstan/ /bzhi pa zhes bya mi 'dod do/ /zhes zer ro/ /gal te de lta na/ de ltar de bzhin bzhi pa yang zhes bya ba'i tshig de ji ltar drang zhe na/ brjod par bya ste/ 'dis ni dbang gi don rjod par byed pa ma yin te/ 'o na ci zhe na/ rgyud kyi don skyong bar byed pa yin te/ de yang rgyud las/ bsnyen pa'i sgrub pa dang po ste/ gnyis pa nye bar sgrub pa yin/ sgrub pa yi ni gsum pa ste/ /sgrub pa chen po bzhi pa'o/ /zhes gsungs pa'i phyir ro/ /de'i don ni 'di yin te/ shes rab ye shes gang yin pa de nyid bzhi pa dang sgrub pa chen po zhes bya ba'i don te/ de nyid kyis rdo rje 'chang chen po'i go 'phang thob pa'i phyir/ /da lta ni de'i go 'phang mtshon par byed pa de nyid shes rab ye shes la bzhi bar bya zhing/ bzhi pa zhes bya ba'i sgras brjod par bya ste/

  349. 175a

    sgrub pa chen po zhes bya ba'i don to/ /dbang bskur ba la de mngon par rjod par byed pa dgos pa ci zhig yong? ce na/ shes rab dang 'brel pa'i dbang bskur ba'i dgos pa brjod par bya ba yin no snyam du sems pa'o/ /blo gros bzang ba gzhan dag ni/ /gzhan du brjod par mi byed de/ /bum pa'i dbang ni dang po ste/ /gsang ba zhes bya gnyis par brjod/ /shes rab ye shes gsum po'o/ /zhes bya ba'i tshig gis rgyud gzhan du rab tu grags pa'i phreng ba dang/ chu dang cod pan la// sogs pa'i dbang bskur ba mi 'grub par thal bar 'gyur te/ khyad par can du bstan pa'i tshig gis spyi la gnod pa'i phyir ro/ /de'i phyir bcom ldan 'das kyis gsungs pa gang yin pa las gzhan pa/ rgyud gzhan dag tu rab tu grags pa'i bskur ba'i khyad par la bzhi bar gsungs te/ rgyud gzhan gyi gang yin pa de ltar rgyud 'dir yang rig par bya ste bye brag med pa ni yang 'dir brjod par bya mi dgos so snyam du dgongs pa'o/ /gzhan dag ni dbang bskur ba bzhi pa tha dad par 'dod de/ de yang 'di ltar gang shes rab ye shes kyi dus na bde ba chen po gnyis su med pa nyams su myong ba de nyid ji lta ba de lta bur/ mtshon par bya ba dang/ mtshon bar byed pa'i ngo bo man ngag ji lta ba bzhin du bla ma'i tshig gis rab tu bsgrubs pa na/ nges par skye pa'i yul du gyur pa ni dbang bskur ba bzhi par 'gyur ro/ /sems nyid nges pa dang ma nges pa'i ngo bo rnam pa gnyis kyis dbang bskur ba yang rnam pa gnyis su 'dod de de yang cho ga ji skad gsungs pa'i dbang bskur byin nas/ slob ma'i yid kyi mos pa yongs brtags la/ /rgya che pa dang zab mor mos pa la/ /dbang bskur rin chen tshig gi sbyin par bya/ zhes gsungs pa'i phyir ro/ /gal te de lta yin na/ bum pa dang gsang ba dag la yang tshig gis sgrub pa dang ldan par gyur pas/ dbang bskur de dag gi khyad par gzhan du 'gyur ro zhe na/

  350. 175b

    yin te/ de dag ni dang po nyid nas nges pa yin te/ nges pa dang ma nges pa'i ngo bo nyid kyi dbye ba med pa'i phyir dang/ dbang bskur pa'i khyad par gzhan ngag kyang rgyud las gsungs pa med pa'i phyir dang/ yang dag dang ston pa yang med pa'i phyir ro/ /snyam du sems so/ /dgyes pa'i rdo rje la sogs pa rnal 'byor ma'i rgyud nyid du yang slob dpon kha cig dbang bskur pa rnam pa gsum nyid du 'dod de/ de ltar de bzhin bzhi pa yang gsum pa las gzhan pa de kho na nyid bsdus pa la sogs par gsungs pa'i phreng ba dang/ chu la sogs pa'i dbang bskur pa gzhan nges bsdus pa yin par ston to/ /rdo rje la rigs kyi le'u las 'dod pa'i dbang bskur ba rnam pa bzhi yang/ shes rab ye shes kyi dbang bskur ba nyid la sbyor bar byed de/ gang shes rab dang lhan cig chags pa dang/ dgod pa la sogs pa de bzhin gshegs pa la sogs pa thams cad la mchod pa'i ngo bo slob dpon gyi las kyi mtshan nyid yin pa'i phyir/ /slob dpon gyi dbang bskur ba'o/ /shes rab gang la chags pa dang bcas pas pad+ma 'byed cing mthong ba de ni /gsang ba la brten pa yin pa'i phyir/ gsang ba'i dbang bskur shes rab gang gi yan lag kun mthong ba ni/ de shes rab la brten pa yin pa'i phyir/ /shes rab kyi dbang bskur pa'o/ /gang gnyis ka'i bya ba las byang ba de kho na'i mchog yang dag par mtshon pa gnyis su med pa'i ye shes de ni bzhi pa yin no/ /snyam du sems te/ de yang dgod pa'i dag pa slob dpon te/ de bzhin mthong pa gsang ba nyid/ yan lag kun thob shes rab ste/ de bzhin gnyis kyis btsal ba'o/ /zhes gsungs pa'i phyir ro/ /gzhan dag ni dbang bskur ba bzhi pa gzhan du 'dod de / dgyes pa'i rdo rje'i le'u dang po las thams cad bzhi nyid du 'dod pa'i phyir/ /gtso bor bstan pa ni gang na yang med pas mos pa yang dgos pa med do/ /de lta bas na sems kyi dbang bskur pa

  351. 176a

    nyid rnam pa gnyis su dbye bar byas pa la dbang bskur ba bzhi par 'dir lta bar bya'o/ /de lta na yang shes rab kyi yan lag dang 'dus par gyur pa la/ nor bu'i rtse mor phyin pa'i byang chub sems dang lhan cig skyes pa'i bde ba chen po'i 'jug pa thams cad la gnod pa / yul yod pa ma yin yang/ /dmigs pa'i dbang gis yul so sor nges par 'jug ba lta bu /don dam pa'i lhan cig skyes pa'i dpe'i ngo bo gang nyams su myong ba de man ngag nyid deng?/ goms par bya ba'i 'khrul 'khor dgug pa la sogs pa dang/ rlung gi sa bon nus pa ji lta ba bzhin du brtan par byas nas mtshon par bya'o/ /'di brtan par byas la/ yan lag dang nyid lag dang thams cad spros par bya'o/ /yan lag dang nyid lag thams cad la khyab nas goms pa'i dbang gis 'di rim gyis brtan pa dang/ g.yo ba'i dngos po ma lus pa thams cad la khyab par byas te/ mnyam par bzhag pa'i sems kyis de dag de'i rang bzhin du bya'o/ /sna tshogs 'di dag de'i rang bzhin du byas pas kyang/ de las gzhan pa'i dngos po snang ba dang /dga' ba yin pas lhan cig skyes pa'i bde ba chen po/ /de bla ma'i man ngag nyid kyi yang dang yang du brtan par bya'o zhes bya ba grub pa'i mdza' yin no/ /de la shes rab kyi yan lag dang 'dus pa'i lhan cig cig skyes pa'i bde ba chen po gang brtan par byas pa'i mtshan nyid can de ni shes rab kyi yan lag la brten pa'i sems nyid yin pa'i phyir/ shes rab dang ye shes kyi dbang bskur ba zhes bya'o/ /gang yang brtan par byas pa'i lhan cig skyes pa'i bde pa chen po nus pa ji lta ba bzhin mnyam par bzhag pa'i sems kyis/ yan lag dang nying? lag thams cad khyab pa dang/ sna tshogs la khyab pas sna tshogs de'i rang bzhin du byed pa de ni shes rab ye shes dad 'dra bar gnyis su med pa/ brjod pa med pa'i bde ba chen po tsam snang ba

  352. 176b

    nyid de yang sems nyid kyi dbang bskur ba ste/ de ltar de bzhin bzhi pa yang zhes bya ba bstan pa yin no/ /snyam du sems so/ /lhan cig skyes pa'i bde ba chen po'i rnal 'byor 'di ji lta bar gang yang 'di'i dam tshig gyur? de lta bu nyid du goms par bya'o/ /de thams cad lhan cig skyes pa grub par dgyes pa'i rdo rje las gtus nas kho bos bstan pas 'dir rgyas par ma byas so/ /'di dag thams cad ni mnyam par bzhag pa'i slob dpon gyis slob ma la shes rab ye shes kyi dbang bskur ba'i dus su de lta bu'i gnas skabs kyi brdas nye bar thob par byas ste/ ye shes 'di ni shin tu phra/ zhes bya ba la sogs pa'i tshigs su bcad pa brjod nas/ de kho na nyid bsgrub par bya'o zhes bya ba ni gzhung lugs so/ /shes rab ye shes dbang bskur gyi/ /mtshon bya mtshon byed dbye ba ni/ /brjod bya gsum las 'dir dpyod la/ /mkhas pas rig pa de blang bya/ /dbang bskur rnam par bzhag pa 'di/ /re zhig dpal ldan 'dus par gsal/ /phyag rgya de nyid rjes 'brangs nas/ /rgyud gzhan rjes su 'brang bar gyis/ /dpal ldan 'dus pa 'am dgyes rdo rjer/ /dbang bskur ji ltar de ltar 'dir/ /bzhi pa'i dbye ba gang brjod pa/ /mkhas pas rigs pa de bzung bya/ /rgyud gnyis rjes su 'brangs nas ni/ /rgyud de dag gi brda yis kyang/ /rnal 'byor ma dang rnal 'byor gyi/ /rgyud kun brjod pa shes par bya/ /lung dang rigs pa las 'das pa'i/ /bzhi pa nyid kyi dbye ba rnams/ /bdag gis gzhung mdas 'jigs pas ni/ /sun 'don pa ni gding? ma bris/ /de dang de yi phyogs de nyid/ /lhag par mthong bas de brtags nas/ /lung dang rigs pa dang ldan pa'i/ /sun 'don pa ni sbyin par gyis/ /dbang bskur mchog ni de nyid 'di/ /brjod pas bdag gis dge bsags gang/ /dpal ldan rin chen 'byung gnas gzhing/ /'gro ni ma lus 'jug par shog /dbang bskur ba'i nges par bstan pa/ slob?

  353. 177a

    dpon mkhas pa chen po rin chen 'byung gnas zhi bas mdzad pa rdzogs so// //rgya gar kyi mkhan po chen po shAM ti d+ha dra dang/ lo tsA ba tshul khrims rgyal bas bsgyur cing zhus te gtan la phab pa'o// // dbang gi don nges par bsdod pa zhes bya ba bzhugs /rgya gar skad du/ She ka artha ni ruk+ti nA ma/ bod skad du/ dbang gi don nges par brjod pa zhes bya ba/ bcom ldan 'das dpal rdo rje sems dpa' la phyag 'tshal lo/ /chos sku bde ba chen po ni// sku gnyis po la khyab gnas pa/ /rdo rje 'dzin rtag la phyag 'tshal/ /dbang gi don ni nges par bshad/ /rgyas bshad bde ba bsgrub bya ni/ /da ltar nyid gyur yin par/ /sems pa de ni mi rigs te/ /dbang gi de ma thag grol phyir/ /gtso min gzhan las rgyas bshad ni /ji ltar rang gi myong bar 'gyur/ /ji ltar bsgrub bya 'jig bcas pas/ /grol ba'ang rnam par 'jig par rigs/ /de phyir zag med bsgrub bya ni/ /'jig med bla na med pa ste/ /'gro ba'i don bya nus ldan pa/ /bde ba nam mkha' lta bu'o/ /skyob pa'i sku ni de nyid de/ /chos kyi sku zhes bshad pa yin/ /de la yang ni gnas pa'i sku/ /longs spyod sprul ba'i mtshan nyid can/ /thag chen bla na med par ni/ /gnyis po 'ang mkhas pa'i bsgrub bya ste/ /gzhan ni de yi sbyor min pas/ /rang dang gzhan don bsgrub phyir ro/ /pha rol phyin pa'i theg par yang/ /bsgrub bya sku der bsgoms pa yis/ /ro gcig gsal ba bsam mi khyab/ /'di ni thub chen chos sku'i mtshan/ /shes rab pha rol phyin pa yi/ /lam de bsgoms pa'i stobs las kyang/ /gtso bo de ni thob par 'gyur/ /sbyin sogs las las gnyis po ste/ /bsgrub bya sku gsum po 'dir ni/ /pha rol phyin rim de lta bur/ /sbyin pa tshul khrims bzod brtson 'grus/ /bsam gtan shes rab

  354. 177b

    sogs pas so/ /rnal 'byor rgyud du bsgrub bya ste/ /lha yi phyag rgya'i dngos po ste/ /gtso bo dang ni dkyil 'khor ba/ /spro dang bsdu ba mis kyang ngo/ /gang zhig la lar bde chen po/ /bsam ? khyab kun stobs las kyang/ /bsgrub bya gnyis dang gnas kyi sku/ rang bzhin zhes bya ba rab bsdus te/ /chos rnams nyes? so ni thams cad kyi/ /de nyid las byung bsgom par bya/ /lus la sogs pa'i las rnams kyang/ /de yi ngo bor brtags na'o/ /rnam pa gnyis su bshad pa ni/ /bsod nams tshogs kyi rgyu yis te/ rang bzhin zhes bya'i rnal 'byor ched/ /bsgrub bya gnyis po'ang de bzhin no/ /de phyir rgyud rnams thams cad du/ /phyag rgya mo yi rda yis ni/ /dbang bskur dang las chos sku yi/ /rang bzhin du yang mtshan pa tsam/ /gtso bo de nyid gcig pur mtshon/ /kha cig gzhan gyis de ltar rig /de nyid sgrub thabs dang bcas bar/ /'dir mtshon? mo zhes gzhan rnams gnas/ /phyag rgya yis ni sku gsum mo/ /rab tu phye ba 'dir rab mtshon/ /'di ltar shes rab dbang bskur la/ /mkhas rnams gzhan dag de ltar smra/ /de la phyogs dang po'i bsam pa ni 'di ste/ /bde ba chen po'i dngos po bsam gyis mi khyab pa longs spyod rdzogs pa dang sprul pa dag gi gnas su gyur pa yid bzhin gyi nor bu lta bur/ /'gro ba ma lus pa'i don gyi bya ba mdzad cing/ kun nas nyon mongs pa'i bag chags kyi sa bon zad par bton pa/ /sangs rgyas thams cad kyi yon tan shin tu rnam par dag pa'i bag chags kyi gzhi ma kun gzhi rnam par shes pa yongs su gyur ba'i mtshan nyid 'bras bu'i gtso bo chos kyi sku zhes bya ba shin tu rnam par dag pa'i chos kyi dbyings kyi rang bzhin ni rnal 'byor gyi rgyud kyi bsgom pas bsgrub par bya ba yin gyi/ mi shes par ni bsgom par bya ba ma yin te/ 'dir de dmigs pa'i shes pa med pa'i phyir ro/ /de thob na ni bsgom pa don med do//

  355. 178a

    gtso bo 'jig rten las 'das pa'i lam de'i dngos po nye bar ma gyur na gtso bo ma yin pa'i dngos po der rig pa ma yin no/ /de'i phyir na de bzhin gshegs pa thams cad kyis byin gyis brlabs pa'i phyag rgyas mtshon par bya ba'i rnam par rtog pa med pa'i bde ba chen po tsam so sor snang ba de kho na nyid dang mthun par snang ba de nyid/ dus phyis de kho na nyid du rnam par grol ba bsgom par bya'o/ /rgyud las ji skad gsungs pa'i phyag rgya mor yang dag par sbyar bar/ bla ma'i man ngag las byang chub kyi sems nor bu'i dkyil na gnas pa'i phyi rol tu ma song pa'i bar ma don gnas pa la nye bar dmigs pa na/ dmigs pa gzhan thams cad dang rab tu 'gal par gyur pa'i gnyis su med par snang ba bde ba chen po'i dngos po'i ye shes ni de'i dper gyur par bltas te bsgom par bya'o/ /de'i rnam pa dang mthun pa la brtags pa las dpe dang ldan pa'i don dam pa'i ye shes kyang dpe 'dis shin tu thar pa'i don dam pa'i ye shes 'dod pa rnams la shin tu nye bar mtshon par byed par 'gyur ro/ /de bas na 'dir bla ma rnams kyi man ngag las don dam pa'i ye shes de nges par shes par gyur na/ nam mkha' rdo rje bsgom pa de nyid dang bskyed pa dang rdzogs pa'i rim pa'i lha'i rnal 'byor dang bcas pa'i sbyor ba'ang mtshan pa yin la/ /de gus pa dang bcas pas rgyud ma chad par dam tshig dang ldan par bsgom par bya'o/ /de yongs su rdzogs par bsgom pa'am/ lha'i dngos por dang por bsgom pa'i stobs dang/ dam tshig chen po ltar blangs pa'i stobs las shin tu myur par rab chu? bde ba dang/ sku gsum po thob par 'gyur ro/ /shes rab ye shes kyi dbang bskur ba'i dus su gtso bo'i phyir na chos kyi sku/ sku gnyis po'i rten de nyid mtshon pa yid do zhes phyogs dang po'i bsam pa yin no/ /

  356. 178b

    phyogs gnyis pa'i dgongs pa yang 'di yin te/ gang gi tshe yang bde ba chen po zag pa med pa ni bdag gis kyang bsgrub bya ba yin mos kyi/ /de bas kyang de'i bsgrub ba'i thabs las ma rtog pa gzhan gyi bsgrub par mi nus pa des na/ bsgrub pa'i thabs kyang mtshon ba yin par shes par bya'o/ /de la de bsgrub thabs ni 'jig rten dang 'jig rten las 'das pa'i tshogs mthong bar bya ba'i phyir na lam gyi rang bzhin sgom pa'o/ /de yang rnal 'byor gyi rgyud du dam tshig ji lta ba bzhin du lha'i dngos po de bzhin gshegs pa thams cad kyi ye shes kyi phyag rgyas btab pa'i ye shes so/ /de yang shes rab ye shes kyi dbang bskur bas mtshon pa'i de kho na nyid kyi ye shes kyi mtshan ma/ bskyed pa'i rim pa la brtson par byed ba'i dus na/ skyed pa'i rim pa yang de bzhin du mtshon par bya ba yin no zhes so/ /de la cho ga ni dpal gsang ba 'dus pa la sogs pa de snyed du rab tu bsdus pa'i rgyud las gsungs pa'i mtshan nyid can bsgrub pa po la spro ba dang ldan pa'i phyag rgya ma'i gang gzugs la sogs pa mthong bar bya ba dang/ num? sra ba la sogs pa las reg par bya ba dang/ rjes su chags pa dang bcas pa dang dud mo ba rnabs thos par bya ba dang/ ma mchu'i ro myang bar bya ba dang/ lus po la ri dags kyi lte bas byugs pa'i dri ma mnam zhing/ de rnams kyi dngos po yang sgyu ma lta bur yang dag par khong du chud par byas la/ de dang lhan cig skyes pa'i dga' ba gang yin pa de rnam par snang mdzad la sogs pa'i de bzhin gshegs pa rnams dang/ gzugs rdo rje ma la sogs pa'i rang bzhin tshogs kyi lam gyi ngo bor yang dag par bzung ste/ yang dag par brtsams pa nyid las mtshon par bya'o/ /phyag rgya gang yin pa de nyid kyi lus po sdams pas blangs ba'i nu ma la sogs pa'i sra ba rnams ni sa'i rang bzhin reg bya shes ba'i dmigs byar gyur ba rang

  357. 179a

    snang btsam po des phyi rol gyi don kyi rjes su dmigs pa las gzhan du cung zad kyang brtag par mi bya'o/ /de lta bu'i chog dang ye shes su bcas par skyes pa'i dga' ba de ni bcom ldan 'das rnam par snang mdzad gti mug longs spyod par gnas pa dang/ gti mug dga' ma ste gti mug rdo rjer gnas so/ /thabs kyi gnas skabs su gnas pa las bsnyen pa'i mtshan nyid yan lag dang po ste/ nges par rig par byed pa'i char yang dag par blangs pa de'i de ma thag par yang dag par mtshon pa'o/ /de skad du gsungs pa/ bsgrub bya bsgrub par rab sbyong ba/ /gang yin pa 'di bsnyen par gsungs zhes so/ /'dir phyis bya ba ni rnam par snang mdzad la sogs ba de bzhin gshegs pa thams cad yang dag par bsdus par gyur pa rnams dang/ /gti mug rdo rje la sogs pa rnams dang/ byang chub sems dpa' rnams dang/ gti mug dga' ma la sogs pa rnams kyi spro ba dang/ bsdu ba la sogs pa rnams bla ma dang slob ma mkhas ba dag gi ji lta ba'i man ngag gis bya ba yin no/ /de nyid kyis na? chos kyi dbyings kyi phyag rgya de nyid kyi pad+ma ni/ sku dang gsung dang thugs dang stong pa nyid kyi nang zur gsum pa dang/ nam mkha' i ngo bo can dang/ steng nas steng du rnam par rgyas pa ni/ sa rnams rnam par dag pa'i dmigs pa bya bar gyur pa shin tu rnam par dag pa chos kyi dbyings kyi rang bzhin dbyer med pa yang dag pa'i ye shes kyi rang gi ngo bo la/ rdo rje dbyug pa sra zhing mkhregs pa'i ngo bo nam mkha' dang mnyam pa'i stong pa nyid kyi dmigs pa dang ldan pa kha gyen du bltas pas chos kyi dbyings gnyis su med cing/ zag pa med pa mthong ba'i lam gyi ngo bo thams cad du chos kyi dbyings so sor rig pa'i mtshan nyid ma mthong bar ma mthong bar byed pa'o/ /de ni phyag rgyal shes par 'gyur ro/ /de la rdo rje dang pad+ma gnyis su med bar byed ba'i ye

  358. 179b

    shes gang yin pa de dang de yis gnyis su dbye ba'i sbyor ba'i bdag nyid dang bral mod kyang/ gtso bo gang yin pa de dmigs par byed par gyur pa chu'i khams kyi rang bzhin gshed bu gang yin pa de dang lhan cig tu skyes pa'i dga' ba de mi bcom ldan ? mi spyod pa dang/ mA ma kI zhe sdang la sbyong par gnas pa ste/ zhe sdang dga' ma dang zhe sdang rdo rje'o/ /thabs kyi gnas skabs las yan lag gnyis pa ste/ nye bar bsgrub pa de ma thag par mtshon pa'o/ /de skad du yang gsungs pa/ rdo rje pad+ma mnyam sbyar ba/ /nye bar bsgrub pa yin pad 'dod ces so/ /chos kyi dbyings kyi phyag rgya de nyid kyi pad+ma rnam par rgyas pa chos kyi dbyings kyi gzugs de'i nang du gzhugs pa dang/ byung bar ldan pa yang dag pa'i ye shes kyi rang bzhin gyi rdo rjes yang nas yang du gcig tu zhen par byas pas nga? ngos bo thams cad so sor rtog pa'i mtshan nyid zag pa med pa bsgom pa'i lam gyi rang bzhin mtshon par byed pa de mang du bya'o/ /de ni phyag rgyas rig par byed pa ste/ der yang pad+ma gang yin pa'i nang du dul ba'i mthus byung ba'i ye shes dang/ de'i dmigs par bya bar gyur pa drul pa'i dbang gis dro ba gang yin pa de ni me'i rang bzhin gyi phyir na de dang lhan cig skyes pa'i dga' ba de ni bcom ldan 'das 'od dpag tu med pa dang gos dkar mo ste/ chags pa la long spyod par gnas pa 'dod chags dga' ma dang/ 'dod chags rdo rje'o/ /de ni thabs kyi gnas skabs las bsgrub pa zhes bya ba'i yan lag gsum pa'i de ma thag par mtshon pa'i/ /de skad du yang gsungs pa/ hUM phaT yi ger ldan bya ste/ /bskyod pa bsgrub par gsungs pa yin zhes so/ /de nyid kyi gnas skabs na de bzhin gshegs pa thams cad dang/ de rnams kyi shes rab kyi rang bzhin dag shes rab dang thabs su shin tu zhen pa las skyes ba'i mngon du sbyar ba bya ba la mngon du sbyor ba byas pa'i bde ba dang bde ba mtshul

  359. 180a

    par so sor rig pa'i mngon pa'i nga rgyal gyi sems de la bsnyems pa dang spro ba de ni bcom ldan 'das gtso bo rin po che ste/ nga rgyal dang/ chang gi ngo bo dang/ bar chad med pa'i lam gyi ngo bo bzung ba ste/ phyag rgyas rig par byed pa'o/ /de ni chags pa'i sems kyi ngo bo'i thun mong ba 'dod chags rdo rje nyid kyi khongs su gtogs pa yin gyi/ /'di yan lag tha dad pa ni ma yin no/ /de'i rjes su shes rab dang thabs dag gi gnyis su med pa so sor snang ba shin tu bsgoms pa las byung ba'i mchog tu dam par dga' bar gti mug dang/ zhe sdang dang/ 'dod chags kyi tshul rnams ro mnyam par gyur ba shin tu rnam par dag pa chos kyi dbyings la dmigs ba mchog tu dga' par brtun pa'i ye shes bsgrub byar mngon du phyogs pa'i lam brtul bas mtshon pa ste/ /mthar phyin pa'i lam gang yin pa bzung ngo/ /de ni phyag rgyas rig par byed do/ /de la nor bu'i rtsa bug gang yin pa ni byang chub kyi sems bde ba chen po dang bcas pa 'chug cing g.yo ba rlung gi? khams byang chub kyi sems kyi rig byar? dmigs pa'i ye shes gang yin pa ni bde bar byed pa'i bstan bcos kun nas smras pa'i bya ba rnams mi 'jug pa'i rdo rje nyid kyi yang dag pa'i ye shes kyi bdag nyid bsgrub bya mngon du gyur pa la las kyi rkyen rnams 'chug pa med cing bar chad med pa nyid kyi 'bras bu mngon du byas pa gang yin pa ste/ de ni gti mug dang/ zhe sdang dang/ 'dod chags la sogs pa rnams ro mnyam pa'i rang bzhin rig par byed pa po rtse mo'i bu ga'i dkyil du reg bya nyams su myong ba'i mtshan nyid mchog tu dga' ba'i rang gi ngo bo lhan cig skyes pa'i bde ba gang yin pa'o/ /de ni ji lta ba bzhin du sbyar ba'i bcom ldan 'das te/ bcom ldan 'das don yod grub pa phrag dog du 'dod pa dam sig la longs spyod par gnas pa'i dam

  360. 180b

    tshig rdo rje dang/ rdo rje dga' ma'o/ /thabs kyi gnas skabs las 'dod chags dang zhe sdang dang gti mug gi rgyu rnams zhi bar gyur pas bde ba'i sbyor ba shin tu rgyas pa'i 'bras bu la 'bras bu gzhan du longs spyod pa med do/ /de ni bsgrub pa chen po zhes bya ba gzhan yan lag bzhi pa'i mtshan nyid de/ de skad du yang gsungs pa/ rang gi bde bar rang bzhin bzhi/ /bsgrub pa chen por bshad pa yin zhes so/ /longs spyod pa bzhi pa'i gnas skabs de nyid kyi shes rab ye shes kyi dus 'dir yid mnyam par bzhag pas/ gti mug dang zhe sdang dang 'dod chags la sogs pa rnams la rab tu spyod par 'jug pa rnams dang ro gcig tu gyur pa'o/ /de rnams kyi bag chags kyi mtshan nyid rnams kyi tham tham rnam par dag pa'i mtshan nyid ji lta ba bzhin du sbyor ro/ /de rnams zad pa'i ye shes ni nyon mongs pa dang shes bya'i sgribs la sogs pa'i mtshan nyid kun de'i ngo bor son pa'o/ /rgyud las gsungs pa'i phyag rgya nges gshin rje mthar 'byin dang/ shes rab mthar 'byin dang pad+ma mthar 'byin dang/ bgegs mthar 'byin rnams kyi gzugs su yang 'dir mtshon pa yin te/ de la gti mug zad pa'i ye shes ni/ gshin rje mthar 'byin no/ /zhe sdang zad pa'i ye shes ni shes rab mthar 'byin pa'o/ /'dod chags zad pa'i ye shes ni pad+ma mthar 'byin no/ /sgrib pa thams cad zad pa'i ye shes ni bgegs mthar 'byin te/ chos kyi sku thob pa ni bgegs kyi rgyun rnams bskrad pas na'o/ /de skad du yang gsungs pa/ gti mug gti mug longs spyod pas/ /gshin rje mthar phyin gti mug zad/ /ces pa nas brtsams nas sgrub pa kun zad ye shes ni/ /bgegs mthar 'byin par 'dir bshad do/ /zhes pa ji snyed pa'o/ /de snyed kyis ni gti mug dang zhes dang dang 'dod chags la sogs pa rnams dang/ de'i bag chags rnams kyi gnyen po'i phyogs su gyur ba'i tshogs

  361. 181a

    kyi lam dang/ mthong ba dang bsgom pa'i lam gyis yang dag par bsdus pa'i mos pa spyod pa dang/ bsam pa kun tu dag pa dang/ rnam par smin pa dang/ sgrib pa thams cad dang rnam par bral ba'i sar 'gro ba rnams dang des? song ba rnams dpal gsang? ba 'dus pa la sogs par bstan pa dang/ nye ba'i bsnyen? pa dang/ sgrub pa dang/ sgrub pa chen po'i mtshan nyid rnams mi shin tu rnam par dag pa'i ye shes thob pa'i rtags sam rgyu ste/ shes rab kyi dbang bskur ba'i rim pa dang/ ji lta ba bzhin du sbyor ro/ /rtsom pa dang/ so sor rig pa tsam dang/ rnam par dpyod pa dang/ ye shes skye ba ni bde ba chen po ro gcig pa rdo rje 'dzin pa chen po'i dper gyur pa ste/ dpe dang ldan pa yang dag par thob par byed cing mtshon par byed pa'i rgyu mtshan du gyur pa de bzhin gshegs pa thams cad kyis phyag rgyas btab pa'o/ /de'i rgyu sgrub thabs rnam pa bzhi po des 'dir yang dag par mtshon par byed pa ni phyag rgyas rig par byed pa'o/ /de'i rjes la las thams cad rnam par dag pas nyon mongs pa dang/ shes bya'i sgrib pa rnam par dag pa chen por 'gyur de/ las rnam par dag pas 'bras bu rnam par dag pa thob pa yin pas na'o/ /de skad du yang gsungs pa/ las rnams thams cad rnam dag na/ /nyon mongs rdo rje'i sgrib pa'ang?/ /las rnams thams cad rnam dag pa'i/ /las las 'bras bu dag pa skye zhes so/ /'dis na bsgrub bya chos kyi sku'i mtshan nyid ni sgrub pa med cing zad pa dang 'jig pa med pa/ gnyis su med pa'i bde ba chen po shin tu rnam par dag pa chos kyi dbyings kyi ye shes kyi rang bzhin ni/ /me long lta bu dang mnyam pa nyid dang/ so sor rtog pa dang/ /bya ba nan tan kyi ye shes kyi bdag nyid can longs spyod rdzogs pa dang/ sprul pa'i? sku'i rgyu? bsgrub bya de dang sangs rgyas thams cad

  362. 181b

    kyi thabs su bcas pa sngags kyi theg pa 'dir phyag rgya'i dpe las mtshon pa yin no/ /'dis na sgrub thabs kyi mtshan nyid kyi de ma thag par yan lag mchog dang ldan pa'i phyag rgya dang 'dus nas/ rdo rje nor bu'i rtse mor byang chub kyi sems byin pa na man ngag ji lta bas pad+ma la nor bu'i thor tas? mnan nas rlung gis rnam par rgyal ba la goms par bya zhing/ yi ge phaT la sogs pa'i sngags kyis yang dag par bzung bar bya'o/ /de'i lhan cig skyes pa'i dga' ba de ni rnam par mi chod cing brjod du ? par dbang bo'i? tshogs rnams so sor thim par gyur pa bde ba chen po 'ba' zhig tsam du snang bar shin tu rnam par dag pa chos kyi dbyings kyi ye shes kyi rang bzhin chos kyi sku nye bar mtshon par byed pa ste/ gnyis su med cing brjod pa las 'das pa tsam gyi ngo par snang bar de bzhin gshegs pa thams cad kyis? gsung gcig tu zhi ba de gsungs pa'i phyir na/ de thob par bya ba'i rdo rje 'dzin pa'i dper gyur pa ni/ dpe de dang dpe dang ldan pa dag mi phyed pa mos bas de kho na nyid kyi rang bzhin du de nyid 'dir mnyam par gzhag pa'i sems kyis 'di la yang dag par mtshon par bya'o/ /yang dgu? par mtshon pa brtan par byas nas mngon par rtogs pa'i rim pa ji lta ba dang/ dam tshig ji lta bar lha'i dngos po'i rnal 'byor byas la snying gar zla ba dang yi ge hUM la sogs pa la lhan cig skyes pa'i rnal 'byor nam mkha' rdo rjer gus mas rgyun ma chad par ? ring por bsgom par bya zhing/ dam tshig gi sbyod pa dang ldan par man ngag ji lta ba bzhin du bsgom par bya'o/ /ji lta ba bzhin du de bsgoms na shin tu bde ba der rab tu myur bar 'thob pa yin no/ /de ltar phyogs gnyis pa'i smras pa yin no/ /phyogs gsum pa'i dgongs pa ni 'di yin te/ sgrub pa'i thabs dang bcas pa ma yin pa chos kyi sku tsam dang/ sgrub pa'i thabs dang bcas pa tsam ni mtshon par bya ba ma yin no/ /de kho na tsam zhig ni theg pa

  363. 182a

    chen po 'dir bsgrub par bya ba ma yin pa'i phyir ro/ /de ci'i phyir zhe na/ de tsam gyis ni sems can gyi don sbyor ba med pas na'o/ /de lta bas na gzhan sku gnyis po yang ye shes yang dag par bsdus zhing bsgrub pa dbye ba yin te/ 'di lta pha rol tu phyin pa'i theg par yang chos kyi dbyings rnam par dag pa der gyur pa'i nang du chos kyi sku'i ye shes chos kyi sku zhes bya ba bsgrub par bya ba'i gtso bo'o/ /der gnas pa na dngos po thams cad dang/ don thams cad kyi rang bzhin gzugs brnyan lta bur gsal ba'i me long lta bu'i ye shes dang/ sangs rgyas thams cad mnyam par mngon du rtogs pa'i mnyam pa nyid kyi ye shes dang/ don gyi rnam pa thams cad kyi dngos po thams cad ji lta ba de kho na bzhin du yongs su bcad pa'i thugs su chud pa ni so sor rtog pa'i ye shes te/ ye shes gsum po'i rang bzhin de rnams ni longs spyod rdzogs pa'i sku zhes bya ba 'bras bu gzhan du gyur pa'o/ /de bzhin du 'gro ba'i don gyi dngos po thams cad mdzad pa'i mtshan nyid can bya ba nan tan gyi ye shes ni 'bras bu sprul ba'i sku zhes bya bar 'dod pas so/ /de nas sngags kyi theg par yang lugs ji lta bar rgyud rnams ji lta ba bzhin du shin tu rnam par dag pa chos kyi dbyings kyi ngo bo rdo rje 'dzin pa'i rang bzhin te/ rnam par snang mdzad kyi ngo bo'o/ /sangs rgyas thams cad mnyam pa nyid du rtogs pa'i rang bzhin ni mnyam nyid kyi ye shes kyi rang gi ngo bo ste/ rin po che 'byung ldan gyi rang bzhin no/ /don thams cad kyi dngos po kun gyi rjes su rtog cing yongs su gcod pa'i mtshan nyid ni so sor rtog pa'i ye shes kyi rang bzhin te/ 'od dpag tu med pa rang gi ngo bo'o/ /de rnams ni bsgrub par bya ba'i 'bras bu gnyis pa ste/ longs spyod rdzogs pa'i sku zhes bya'o/ /de bzhin du 'gro ba'i don rnam pa sna tshogs par mdzad pa'i mtshan nyid cad bya ba nan tan

  364. 182b

    gyi ye shes kyi rang bzhin ni don yod grub pa'i rang bzhin te/ bsgrub par bya ba'i 'bras bu gzhan ma sprul pa'i sku zhes bya ba'o/ /de ltar na sku gsum car yang bsgrub par bya ba yin no/ /de nyid kyis na bsgrub par bya ba gang yin pa de ni de bzhin gshegs pa thams cad dang mnyam pa'i phyag rgyas brda ji lta ba bzhin du mtshan par bya ba yin no/ /'dis na shes rab kyi dbang bskur ba'i dus su rdo rje nor bu'i rtse mor phyin pa'i byang chub kyi sems kyi gnas de nyid la phyogs gnyis par smras pa'i tshul gyis man ngag ji lta pa bzhin du byang chub kyi sems la brtan par byas pas/ de'i lhan cig byung ba ni bdag dang gzhan du dbye bar snang ba dang bral ba gang yin pa de/ bde ba chen po mchog tu dga' ba tsam gnyis su med par snang ba rnam par g.yeng pa'i tshogs thams cad so sor thim pa dag gi rnam par rtog pa la sogs pa mnan pa'i rang bzhin so so rang rig pa gcig pur gnas shing gzhi dang bral ba/ bde ba nam mkha' dang mnyam ba rang rig pa tsam du rjes su rtogs pa bya'o/ /de ni chos kyis sku'i mtshan nyid mtshom pa'o/ /de ltar yang gsungs pa/ rnal 'byor pa ni ji srid du/ /byang chub sems gtong mi byed na/ /dga' ba las skyes brjod med bde/ /de srid rnam par mi gcod thog ces so/ /byang chub kyi sems rdo rje'i thor to nas thon kar yang dag par byung ste/ gnas med par gnas pa yang yul rab tu nye ba lta bu la dmigs pa'i dbang gis kha phyir ltas pa'i byang chub kyi sems bde ba'i dngos por longs spyod pa'i ye shes rang rig ba de ni longs spyod rdzogs pa'i sku'i mtshan nyid mtshon pa'o/ /shes rab kyi padmo gang yin pa'i ma? dang byang chub kyi sems longs spyod pa'i ngo bo de rdo rje nor bu las phyir bltas nas thog ma 'phros pa'i yongs su dga' ba rang rig pa de ni sprul pa'i sku'i mtshan nyid do/ /de nyid kyis na sku gsum po rnams dus ji lta bar phyag rgyas man ngag ji lta ba bzhin du mngon du

  365. 183a

    brtan par mtshon par bya zhing ji lta ba bzhin du mngon par rtogs par bya'o/ /de ni ? dngos po'i phyag rgya dang/ sngags kyi dngos po'i phyag rgya rnal 'byor chen po'i rtsa ba ste /de sngon du byas la de nas phyis ni gnyis par gyur pa'i dngos po dam tshig dang bcas par bsgoms na/ shin tu myur bar sku rnams myur du rab tu thob par 'gyur ro/ /phyogs gsum pa ni de ltar smra bar sems te/ kye'i rdo rje la sogs pa'i rnal 'byor mo'i rgyud rnams su sku gsum po'i bdag nyid bsgrub bar bya ba de lta bu de nyid shes rab ye shes kyi dbang dus su mtshon par bya bar rigs so zhes so/ /bde ba chen po'i dngos po lhan cig skyes pa'i rang bzhin gtso bo chos kyi sku tsam mtshon pa yin na zhes pa ni gcig go/ de nyid dang rnam pa sna tshogs pa la sogs pa'i sgrub thabs kyang ngo zhes pa ni gzhan no/ /dam tshig ji lta ba bzhin du de bzhin gshegs pa thams cad kyi phyag rgya de lta bu'i rjes su 'brangs pas chos dang longs spyod rdzogs pa'i sku dang/ sprul pa'i sku dang gnyis po de dag nyid mtshon par byed do/ /zhes pa ni gzhan te/ 'di ltar snang ba med pa nam mkha' dang mnyam pa bde ba chen po rang rig pa bde bar snang ba de ni rnal 'byor ma'i 'khor lo'i rang bzhin can chos kyi sku'i rab tu mtshon pa ste/ gang yang kunda dang/ dung lta bu'i byang chub kyi sems kyi rang rig pa da ni dpal he ru ka longs spyod rdzogs pa'i sku'i rang rig pa'o/ /de ltar gsungs pa/ kun rdzob dung dang kunda 'dra/ /rnam dpyad bde ba'i rang bzhin can/ /khu ba'i dngos 'gyur bcom ldan 'das/ /de bde 'dod ldan mar ni bshad/ ces pa na/ de nyid mchog tu dga' pa dang bral ba'i dga' ba'i dbus su mtshon pa yin zhes mkhas pa rig pa dang ldan pa rnams de skad du brjod par sems so/ /gang gi tshe?

  366. 183b

    gsungs pa/ mchog dang bral ba'i dbus ngag tu/ /brtan par byas te mtshon bya brtag/ dga' ba gsum po rnam spangs pa/ /bral ba'i dang po mtshon par bya/ zhes so/ 'o na ni bsgrub par bya ba bde ba chen po zhi ba ma yin pa bsgrub par bya ba'i don gyis na 'dir kye'i rdo rje'i rgyud sman par byas pa yin te/ ji ltar zhe na/ de gsungs pa/ bde ba 'byung ba chen po gang/ /gang phyir bde ba de nyid min/ zhes gsungs pas na 'o/ /gzhan yang pha rol tu phyin pa'i theg pa shes rab kyi pha rol tu phyin pa la sogs pa rnams su yang gnyis su med pa tsam de nyid bsgrub par bya ba yin par gsungs pas/ der yang theg pa'i dbye ba las de kho na nyid ni dbye ba med de/ de de kho na nyid ma yin par 'gyur ba'i phyir na yang ngo/ /'o na thabs kyi dbye ba ni yong la 'bras bu'i dbye ba med pa de ji lta bu zhig yin/ tshul ni rgyu tha dad pa las 'bras bu ba dang par mthong ste/ dper na sa lu'i myu gu dang/ nas kyi myu gu lta bu'o/ /gzhan du na ni skyed par byed pa ma yin par gol bar 'gyur ro zhe na/ de na ma yin te/ bsgyur ba dang byed rgyu dag ni dbye bas tha dad par 'gyur ba yin gyi/ thob bya thob byed la ni de lta bu med do/ /de bas de'i thob bya tsam gyi thabs kyi dbye bas rang gi ngo bo de tha dad pa ma yin no/ /de bas na theg pa chen po'i de dag tu gsal bar ro gcig pa nam mkha' dang mnyam pa chos kyi dbyings kyi rang bzhin 'dus ma byas pa bsgrub par bya ba'i gtso bo 'di la dbye ba med do/ /'di nyid kyis na bsgrub par bya ba de lta bu ni shes rab ye shes kyi dbang gi dus su mtshon par bya ba ma yin zhing/ mchog dang bral ba'i dbus gang yin par yang de mtshon pa ma yin te/ der ni bde ba'i dngos po shin tu rags pa'i phyir na/ shin tu mya ngan las 'das pa'i ro rab tu gsal ba tsam bya ba byas par 'gyur ba'i mtshan nyid de ni de'i tshe so sor rig pa ma

  367. 184a

    yin no/ /de'i phyir na bral ba'i dga' ba'i tha ma 'dod chags dang bral ba dag zad pas bya ba byas pa ste/ dam tshig gi phyag rgya dang yang dag par ldan pas rnam par rtog pa thams cad yang dag par bcom par bya ba byas pa'i mtshan nyid 'dis ni mchog tu mya ngan las 'das par rab tu gsal btsam ro gcig pa de yang dag par mtshon du rung ngo/ /de ltar rgyud las kyang gsungs pa/ bral ba'i tha mar gnas pa na zhes pa ste/ de ltar slob dpon kha cig 'dod do/ /de ni 'dir gzhan ni rigs pa ma yin par 'dod de/ 'di ltar gsal zhing ro gcig pa'i bde ba chen po nyid ni theg pa chen po thams cad du yang bsgrub par bya ba yin te/ rab tu gsal ba bzhin du bde ba chen po yang sgrib pa med ba'i sems kyi rang bzhin yin pa'i phyir ro/ /'di ltar gang dang gang gi rang bzhin dbye bar mi nus pa de ni rang bzhin te/ dper na rab tu gsal ba'i mtshan nyid can gyi sems kyi rab tu gsal ba'i dngos po bzhi'o/ /dper na dbye ba med pa'i rang bzhin zag pa med pa'i sems kyi bde ba'i dngos po ni rang bzhin kho na'o/ /rtags de tsam gyi phyir na rang bzhin nyid du gnas pa yin no/ /gang gi tshe de der gnas par mi 'gyur na ni/ gzhan po yang gnas par mi 'gyur te/ rtags la khyad bar med pa'i phyir ro/ / 'o na dbye ba med do zhes pa ni ma grub ste/ sngon po'i dngos po bzhin du bde ba'i dngos po la yang gcig dang du ma'i rnam par sbyar bas phyed pa'i phyir ro/ /de 'di lta ste ji ltar sngon po'i dngos po yul gyi rnam pa rgya cher yongs su chad pa 'dis na/ rgya cher tha dad bar gyur pa de bzhin du/ bde ba'i dngos po yang ste/ snga dro nyoms? gdungs pa gang zhig bsil ba'i chur zhugs pa de bzhin du bde bar nye bar dmigs pa lta bu'o zhe na/ de ni rigs pa ma yin te/ der ni rang gi reg bya la rag pa'i shes pa

  368. 184b

    yul rgya rnam chad par dmigs pa rab tu gsal ba 'dis bde ba la phan gdags pa'i dngos po tsam gyi mtshan nyid kyi phyir dang/ de la gcig dang du ma'i rnam par rtog pa'i sbyor ba dang bral ba'i phyir ro/ /de'i phyir na rab tu gsal ba'i dngos po rang bzhin yin pa de bzhin du/ bde ba'i dngos po yang zag pa med pa'i sems kyi rang bzhin yin zhing der de la gzhig pa'i dngos po med dog sems de dngos po med pa nyid du ni bsgrub par bya ba ma yin te/ sems dngos po med pa na ni/ rang rig pa med pas de gnas pa med pa'i phyir na/ tshad ma med par 'gyur pa'i phyir dang/ gzhan gyi don gyi dngos po la nus pa med par 'gyur ba'i phyir dang/ lung dang yang 'gal bar 'gyur ba'i phyir ro/ /bde ba chen po'i dngos po rab tu zhi bar ni rang bzhin ma yin no/ /zhes zer ba la de bde ba mi shigs pa ni nyon mongs pa dang nye ba'i nyon mongs pa thams cad kyi bag chags rnams thogs pa dang chags pa med pa'i ngo bo nyid yin pas na'o/ /pha rol tu phyin pa'i theg par yang gsal ba ro gcig pa bskul par bya ba chos kyi sku'o zhes bya ba de ni bde ba'i dngos po spangs pa ma yin no/ /de lta mod kyang gdul bya 'dod chags dang bral ba rnams la gang dang gang na bde ba dang der nyon mongs pas 'gags par 'gyur ba dang/ 'jigs pa skye bar 'gyur ba 'dis na? bcom ldan 'das kyis mchog tu bde ba'i ngo bo de dag la yang dag par spas nas rab tu gsal ba'i ro gcig pa nyid tsam gyi shes rab kyi pha rol tu phyin pa zhes bya ba bsgrub bya chos kyi sku'o? zhes bstan pa yin par blta'o/ /theg pa chen po sngags su ni 'dod chags chen pos 'jig rten pa rnams rab tu 'dul bar gzigs nas gnyis med pa rab tu gsal ba tsam ro gcig par rab tu gsal zhing nam mkha' dang mnyam pa gzhan du gsal pa ming pa'i bde ba chen po'i ngo bo nyid ni bsgrub par bya'o zhes

  369. 185a

    dag par rab tu gsal bar mdzad pa 'dis na 'gal ba ma yin no/ /'on kyang pha rol tu phyin pa'i theg par yang shin tu sgrib pa med cing rab tu zhi ba chen po sangs rgyas kyi bde ba chen po lta zhog gi /byang chub sems dpa' i sa brgyad pa nyid na yang shin tu bde ba chen po dang ldan par gsungs so/ /de ltar yang gsungs pa/ rab tu zhi bar mthar mi g.yo/ /mi mnyam mnyam par dbang sgyur ba/ /rtog med bde ba de yi phyir/ /byang chub sems dpa' shin tu rtogs/ zhes so/ /gang dag kyang kye'i rdo rje nyid du bde ba'i bsgrub par bya ba smod cing skur ba gtab po zhes smra ba de yang rigs pa ma yin te/ der ni zag pa med pa'i bde ba chen po nam mkha' dang mnyam pa'i bsgrub par bya ba ni der sun dbyung ba ma yin gyi 'on kyang de'i dpe'i bde bzag pa dang bcas pa 'jig pa can de bsgrub par bya ba yin par gang zhig 'dod par 'gyur na 'di gsal zhing spang bar brtag par bya ba yin pas so/ /de dag kyang rgya cher ni kye'i rdo rje'i le'u brgyad pa'i 'grel ba mu tig phreng ba zhes bya bar bdag gi bla ma dam pas gsungs pas na bdag ni 'dir rgya cher mi 'god do/ /gang dag yang bral mthar gnas zhes pa/ bral ba'i mdza' ma na gnas pa gnas pa ji srid pa nyid kyis ni/ mchog tu mya ngan las 'das pa bya ba byas pa'i rang bzhin de bde ba chen pos mtshon pa ma yin no zhes smra pa de yang rigs pa ma yin te/ bral mthar gnas shes pa ni 'bru mang po par brjod pa yin te/ gang yang de rang bzhin dga' ba tha ma'o zhes brjod pa de yang/ tha ma ni gsum po yongs kyi tha mar ni rigs pa ma byin pa'i phyir na bsgom par bya ba de nyid yin par khong du chud par bya'o/ /'dis ni bral ba'i tha mar nam mkha' dang mnyam pa gsal ba gnyis su med pa brjod pa las 'das pa 'dun pa med pa/ /'dod chags dang 'dod chags dang

  370. 185b

    bral ba rnam par spangs pa mtshon pa yin no zhes brjod pa de ni yang dag par rtogs pa ma yin no/ /'di ltar gang de'i gnas skabs na gnyis su med pa'i ye shes su rig pa med de/ shes rab dang thabs dag gi yul rnam pa sna tshogs par so sor snang bas na'o/ brjod pa las 'das pa yang ma yin te/ phyi dang nang dag gi don du ma rnams la rnam par rtogs pas na'o/ /'dod chags dang 'dod chags dang bral ba rnam par spangs pa yang ma yin te/ byang chub kyi sems kyi khams dang mi ldan na 'dod chags dang bral par 'byung ba'i phyir dang/ khams de dang ldan na ni/ /yang thogs pa med par 'byung ba'i phyir ro/ /de 'dun pa med pa yang ma yin te/ de nyid kyi bde ba yang nas yang du mngon du 'dod pas na'o/ /de lta ma yin te/ sems nyid kyis sems la nang du de ltar rtogs par byed do zhe na/ 'o na mi gzum pa la sogs pa 'dis rab tu 'bad pa las rnam par rtog pa yongs su bcom pas phye bas so sor snang ba dang bral bar gyur pas phyag rgya la nye bar sbyor ba 'bras bu med par 'gyur te/ de bzhin nyid kyis grub pas na'o/ /shes rab kyi pad+ma la bltos na mchog tu mya ngan las 'das pa'i rang bzhin bya ba byas pa de skye bar mi 'gyur bas na de la ni bltos par bya ba yin no zhes zer ba na/ 'o na kha zas khyad par can dang/ yan lag byug pa khyad par can gyi byug pa la sogs pas kyang de ltar bu'i bya ba byas pa de bskyed pas chog par 'gyur ro/ /'dir de de tsam zhig smras pas chos de rgyas par ni ma yin no/ /gsungs pa/ rang bzhin zhes bya'i bde chen po/ /mchog gi tha mar mtshon par 'gyur/ /bral ba'i thog mar rab 'bad pas/ /rnal 'byor ma rgyud la de bsgrub ces so/ /'o na dpal gsang ba 'dus pa la sogs pa rnal 'byor gyi rgyud rnams dang/ kye'i rdo rje la sogs pa rnal 'byor ma'i rgyud rnams su dbang bskur ba rnam pa du tsam zhig mngon du 'dod ce na/ de la kha cig ni dpal gsang ba 'dus

  371. 186a

    pa 'dir ni dbang bskur ba rnam pa gsum du dbye bar smra ste/ rgyud 'dir gsum du rab tu brtag ces gsungs pas na/ sku gsung thugs kyi dbang bskur bar bshad pa yin no/ /de la smras pa/ /sku gsung thugs kyi dbye ba yis// dpal ldan 'das par gsum du yang/ /mgon pos dbang bskur rab brjod kyi/ /bzhi pa zhes bya mi 'dod do/ /zhes pas so/ /'on de yang de bzhin bzhi pa'i zhes gsungs pa 'di ji ltar sems she na/ /smras pa/ 'di yis dbang bskur ba yin par brjod med? kyi/ 'o na mod kyang rgyud kyi rgyan du mngon par brjod par bya ste/ de ltar yang rgyud las gsungs pa/ bsnyen pa sgrub pa dang po ste/ gnyis pa nye bar sgrub pa po/ /gsum pa yang ni sgrub pa ste/ /sgrub pa chen po bzhi pa zhes pa'o/ /de la 'di'i don ni shes rab ye shes gang yin pa de nyid bzhi pa sgrub pa chen po zhes pa'i don to/ /de nyid kyis rdo rje 'dzin pa chen po'i go 'phang thob pa yin te/ 'dir de'i go 'phang ni mtshon par byed pa yin bas na'o/ /de nyid kyis no shes rab ye shes de nyid bzhi pa'i sgrar bshad pa ni sgrub pa chen po yi zhes pa'i don te/ /dbang bskur bar bshad pa 'di'i nye bar sbyar ba ni ji ltar 'dir cha rkyen gyis dbang bskur bar nye bar brjod pa'o zhes sems so/ /gzhan rab tu blo dang ldan pa dag ni gzhan du sems te/ bum pa'i dbang ni dang po ste/ gnyis pa gsang pa'i dbang du gsungs/ /gsum pa shes rab ye shes so/ /zhes gsungs pas na bzhi pa zhes pa ni/ rgyud gzhan du grub pa'i phreng ba dang chu dang dbu rgyan la sogs pa'i dbang bskur ba mi 'byung ba rnams la shes par bya ste/ khyad par can rnams gsungs pa'i thun mong pa rnams por bar 'gyur ba'i phyir na/ de'i don du bcom ldan 'das kyis gsum po las gzhan pa rgyud gzhan las rab tu grags pa'i thun mong gi dbang bskur ba rnams ba mar de bzhin bzhi pa'i zhes

  372. 186b

    gsungs pa yin no/ /nges na rgyud gzhan rnams su gsungs pa de bzhin du rgyud 'di nyid du yang rig par bya ste/ de'i khyad par rnams 'dir ma gsungs pa yang mthun zhes par dgongs so/ /gzhan rnams ni dbang bskur ba bzhi pa 'di so so ba nyid du sems te/ 'di ltar de nyid ni shes rab ye shes kyi dbang bskur pa'i dus su bde ba chen po gnyis su med pa nyams su myong pa'i de nyid mtshon bya mtshon byed kyi ngo bos bla ma'i man ngag ji lta bas khong du chud par bya ba'i yul nges pa rtogs pa 'gro ba ni dbang bskur ba bzhi pa yin pas na/ sems nyid nges pa dang ma nges pa'i rang bzhin nges dbang bskur pa rnams pa gnyis su sems so/ /de skad du yang gsungs pa/ slob ma grol bar yid kyis rtogs bya na/ /cho ga'i rim pa ji bzhin dbang bskur sbyin/ /zab/ dang rgya che'i theg par grol byed pa/ /dbang bskur rin chen tshig nyid sbyin par bya zhes pas so/ /'o na bum pa dang gsang ba'i dbang bskur ba gang yin pa dag kyang tshig gis khong du chud par byed pas na/ ? de nyid kyang dbang bskur ba gzhan du 'gyur ro zhe na ma yin te de dag ni sngon du nges par byas pa'i phyir dang/ nges pa yang ma nges pa'i rang bzhin yin na ni nges pa dang ma nges pa zhes dbye bar mi 'gyur bas so/ /gzhan yang dbang bskur pa bzhan dag gis tha mar ni chig gi dbang ngo zhes rgyud las smras pa med pa'i phyir dang/ gtan la 'bebs pa'i dngos po yang med pa'i phyir na zhes sems so/ /rnal 'byor ma'i rgyud kye'i rdo rje la sogs par yang slob dpon kha cig dbang bskur ba rnam pa gsum nyid du sems te/ bzhi pa de yang de bzhin no zhes pa ni/ gsum pa las gzhan pa de kho na nyid bsdus pa la sogs par gsungs pa'i phreng ba dang chu la sogs pa'i dbang bskur ba rnams te/ de yang yang dag par bsdus par brjod pa yin no zhes zer ro/ /kha cig ni dbang bskur ba'i tsha ga rnam pa bzhi

  373. 187a

    bo de nyid ni/ rdo rje rigs su brjod par shin tu 'dod par sbyar te/ gang shes rab lhan cig tu dga' ba dang rgod pa la brtson pa ni/ de bzhin gshegs pa la sogs pa thams cad mchod pa'i rang bzhin te/ slob dpon gyi lam kyi mtshan nyid kyi phyir na slob dpon gyi dbang ngo/ /shes rab la dga' ba dang bcas par de'i pad+ma la lta ba gang yin pa de ni gsang ba'i gnas yin pa'i phyir na gsang ba'i dbang ngo/ /shes rab kyi yan lag phan du thob pa dang bcas pa gang yin pa ni shes rab kyi gnas yin pa'i phyir na shes rab ye shes kyi dbang ngo/ /gang yang gnyis po dang ldan par byas pa'i las las byung ba de kho na nyid kyi mchog gnyis su med pa'i ye shes nye par mtshon pa de bzhi pa yin no zhes par sems so/ /de ltar gsungs pa/ rgod pa dag pa slob dpon te/ lta ba de bzhin gsang pa'o/ /lag pa'i bcang ba shes rab ste/ /gnyis gnyis sbyar ldan de yang ngo/ /zhes pa'o/ /gzhan dag ni dbang bskur ba bzhi pa ni dbang so so bra yin par sems te/ kye'i rdo rje'i le'u dang por thams cad pa nyid brjod pa'i phyir dang/ bde ba'i 'byung gnas ma yin par 'dod pa ni gang yang ma sbyar pas so /de'i phyir na sems kyi dbang bskur ba de nyid la rnam pa gnyis phye ba ni 'dir dbang bzhi par blta bar bya ste/ 'di ltar shes rab kyi yan lag dang yang dag par 'dus pa na/ /nor bu'i rtse mor byang chub kyi sems bde ba chen po lhan cig skyes pa dbang po'i 'jug pa thams cad dang ? ba bstan du med pa yin mod kyang thun mang ma yin pa'i gnas su 'jug pa lta bur gnas pa de la dmigs pa'i dbang gis lhan cig skyes pa don dam pa'i bde ba'i dpe'i rang bzhin/ dpe'i lhan cig skyes pa nyams su myong pa gang yin pa de man ngag ji lta bar goms?

  374. 187b

    pa las 'khrul 'khor gyi dgag pa la sogs pa dang/ rlung gi rnam par rgyal ba rnams kyis ji ltar nus pas bstan par bya ste/ mtshon par bya'o/ /dbugs rdub pa'i rim pa goms pas 'di bstan par bya ste/ yan lag so so thams cad ma slar bzlog na yan lag so so thams cad la slar log ste/ khyab par gyur nas brtan pa dang g.yo ba'i dngos po thams cad la yang khyab par 'gyur ro/ /de'i rang gi ngo bo de nyid la sems kyis mnyam par bzhag cing de'i ngo bos byas pa'i sna tshags? pa 'di las gzhan du 'gal ba'i rang bzhin du snang ba 'di de nyid dang bcas pa bde ba chen por bla ma'i man ngag gis yang dang yang du mched pa brtsams zhing goms par bya'i zhes pa ni grub pa'i mdza' o/ /de la shes rab kyi yan lag dang yang dag par 'dus pa na/ lhan cig skyes pa'i bde ba chen po la bstan par byas pa'i mtshan nyid gang yin pa de shes rab kyi yan lag tu gnas pa'i phyir na/ de ni shes rab ye shes kyi dbang ngo zhes bshad do/ /yang gang zhig bstan par byas pa'i lhan cig skyes pa'i bde ba chen po mnyam par bzhag pa'i yid kyis ji ltar nus par yan lag thams cad la so sor khyab par bzhog ste/ rnam pa sna tshogs rnams kyang de'i ngo bor byed pa de ni shes rab ye shes ltar gnyis su med cing brjod pa las 'das pa bde ba chen po tsam du snang ba 'dis na 'di yang sems kyi dbang bskur ba nyi dang/ /bzhi pa de yang de bzhin no zhes pa 'di yis ston cing rig par byed zhes par sems so/ /'di ltar blta bar bya ba gang yin pa de ni bde ba chen po'i rang bzhin gyi rnal 'byor du blta bar bya ba gang yin pa'i dam tshig ste/ 'di ji lta ba bzhin bsgom par bya ba yin no/ /de thams cad ni sgrub pa'i thabs dang bcas par kye'i rdo rje las gsungs pa bzhin du bdag gi bla ma

  375. 188a

    mchog gis gsal por bkod cing gsungs pas 'dir ni rgyas par mi byed do/ /'di thams cad ni shin tu mnyam par bzhag pa'i bla mas slob ma la shes rab dang ye shes kyi dbang bskur ba'i dus kyi gnas skabs na de lta bur brda des rab tu yang dag par dmigs te/ de skad du ye shes chen po phra mo ni zhes pa la sogs pa'i tshigs su bcad pa gsungs pas/ de kho na nyid du rab tu rtogs par bya ba yin no zhes par dgongs so/ /shes rab ye shes dbang bskur pa'i/ mtshon bya mtshon byed dbye ba ni/ /gsum brjod nges par 'di rtogs la/ /mkhas pa rnams kyis rigs pa zung/ /dpal ldan 'dus par yongs gsal ba/ /de snyed gnas pa 'di rnams ni/ /de nyid phyag rgya'i rjes 'brang phyir/ /rgyud gzhan du yang rjes 'brangs pa'o/ /dpal ldan 'dus dang kye'i rdo rjer/ /bzhi pa phye bar brjod pa dang/ /de bzhin 'dir ni dbang bskur nyid/ /mkhas pa rnams kyis rigs pas long/ /rgyud gnyis po yi rjes 'brangs nas/ /rgyud kyi dam tshig di yis kyang/ /rnal 'byor rnal 'byor ma rgyud du/ /gsungs pa thams cad shes par bya'o/ /bzhi pa'i dbye ba gang yin pa/ /lung dang rigs pa phyi rol rnams/ /rgya ches pa yis bdag 'jigs nas/ /de ? gzhan ste 'dod ma bris/ gnas rnams de dang de rnams la/ /mkhas pas der ni rab bltas nas/ /lung dang rigs pa ldan pa yis/ /de la sun ni dbyung par bya'o/ /de nyid 'dir ni mngon par brjod pa dang/ dbang bskur mchog gi bsod nams gang thob pa// de yis rgyal ba bzang po dpal sbas dang/ /'gro 'di ma lus rgyal ba nyid gyur cig /mkhas pa du ma'i dbang bskur nges brjod 'di/ /skye bo dbang bskur phyin ci log zhen pa/ /de bzlog don du bdag gis 'di bsgrub pa'i/ /dge bas de dag?

  376. 188b

    yang dag dbang thob shog /dbang gi don nges par brjod pa zhes bya ba slob dpon rgyal ba bzang po dpal sbas pa zhes bya bas mdzad pa rdzogs so// //ra lag rgyad gi gtsug lag khang du rgyu gar gyi mkhan po a ba d+hU tI pa'i zhal snga nas dang/ bod gyi lo tsA ba dge slong shAkya brtson 'grus kyis bsgyur zhing zhus te gtan la phab pa'o// // */ /rdo rje theg pa'i rtsa ba'i ltung pa bsdus pa dang/ ltung pa sbom po dang/ rdo rje theg pa'i ltung ba'i snye ma zhes bya ba dang da yang spom po'i ltung ba brgyad dang bcas pa bzhugs/ / */ /rgya gar skad du/ badzra yA na mU la pa ti saM gra ha/ bod skad du/ rdo rje theg la rtse ba'i ltung ba bsdus pa/ thugs rje chen po la phyag 'tshal lo/ /sangs rgyas kun dang bla ma yi/ /zhabs kyi pad+mar rab btud/ /rtsa ba'i ltung ba bcu bzhi ni/ /rgyud las gsungs pa bshad par bya/ /gang phyir rdo rje 'dzin pa yis/ /dngos grub slob dpon rjes 'brang gsungs/ /de bas de la bsnyad pa ni/ /rtsa ba'i ltung pa dang por bshad/ /bde gshegs bka' las 'das pa ni/ /ltung ba gnyis pa yin par gsungs/ /khros bas rdo rje spun gyi ni/ /nyes pa brjod pa gsum pa yin/ /sems can rnams la byams pa spong/ /bzhi pa yin par rgyal pas gsungs su?// chos kyi rtsa ba byang chub sems/ /de spong ba ni lnga pa yin/ /rang dam gzhan gyi grub pa'i mdza' / /chos la smod pa drug pa yin/ /yongs su ma smin sems can la/ /gsang ba sgrog pa bdun pa yin/ /phung po sangs rgyas lnga bdag nyid/ /smod par byed pa brgyad pa yin/ /rang bzhin dag pa'i chos rnams la/ /som nyi za ba dgu ba yin/ /gdug la rtag tu byams ldan pa/ /byed pa de ni bcu bar 'dod/ /chad sogs ma yin chos? rnams la/ /brtags pa las ni bcu gcig pa/ /sems can dang

  377. 189a

    dang ldan pa yi/ /sems sun 'byin pa bcu gnyis pa/ /dam tshig ji bzhin rnyed pa dang /mi bsten pa de bcu gsum pa/ /shes rab rang bzhin bud med la/ /smod par byed pa bcu bzhi pa/ /'di dag rnam par spangs pa yi/ /sngags pas dngos grub nye bar 'thob/ /gzhan du dam tshig las nyams na/ /nyams pas bdud kyi bzung 'gyur te/ /de nas sdug bsngal myong 'gyur zhing/ /thur du bltas te dmyal bar 'gro/ /de bas nga rgyal bcom nas ni/ /rang gi 'khrul pa shes byas la/ /ci 'byor pa yis bla ma la/ /thub pa'i spyan sngar mchod byas nas/ /gsum la skyabs 'gro nas brtsams te/ /byang chub sems sogs sdom bdag /gal te bdag la phan 'dod na/ /sngags pas 'bad de blang bar bya/ /rdo rje theg? pa'i rtsa ba'i ltung ba bsdus pa slob dpon chen po rta dbyangs kyis mdzad pa rdzogs so// //rgya gar skad du/ s+thU la pat ti/ bod skad du/ ltung ba sbom po/ thugs rje chen po la phyag 'tshal lo/ rdo rje sems dang bla ma yin/ /zhabs kyi pad+mar rab bdud de/ /rnal 'byor sdom par gang gsungs pa'i/ /ltung ba sgom po bshad par bya/ /rnal 'byor gang zhig rig ma ni/ /dam tshig med pa'ang stobs kyis spyod/ /de la 'phya bar byed pa yang// de yi ltung ba dang por gsungs/ /rgyud las me gsungs rim nyid kyis/ /gang zhig bdud rtsi bsten pa yang/ /de la ngan 'gror ltung ba yi/ /ltung ba gnyis par 'gyur ba yin/ /rmongs pa gang zhig tshogs 'khor lo/ /rtsod par sangs rgyas kyis gsungs pa'i/ /dam tshig la ni ? gang byed/ /de la gsum par 'gyur ba yin/ /gsang pa'i chos ni gang gsungs pa/ /blo ngan gsang bar mi byed na/ /rmongs pa'i rnal 'byor pa de la/ /sbom po'i ltung ba bzhi par 'gyur/ /dad ldan chos la 'dri ba

  378. 189b

    na/ chos nyid gzhan du ston pa ni/ /de la sbom por bshad pa yi/ /ltung ba lnga par rgyal bas gsungs/ /nyan thos theg pa can dag dang/ /zhag bdun du ni lhan cig gnas/ /sbom por grags pa de la ni/ /drug pa rab tu 'gyur ba yid/ /yang dag de nyid nga rgyal byed/ /gang zhig de nyid nga rgyal byed/ /rmongs pa'i sems ldan de la ni/ /sgom po zhes bya bdun pa yin/ /gang zhig snod min sems can la /phyi yis chos mos de la yang/ /gsang pa'i chos ni yang dag ston/ /de la sbom po brgyad par 'gyur/ blo ldan byang chub sems dpa' yis/ /'di dag spang bar bya ba ste/ /gal te byung na cho ga bzhin no/ /bshags na dmyal bar mi 'gro'o/ /thabs ni 'di dag nyid kyis ni/ /bsnyen par bshags par mi byed na/ /bla mas slob min de bzhin du/ /rdo rje'i spun gyi tshogs kyis kyang/ /ltung ba bsdus pa byas pa las/ /bdag gis bsod nams gang thob pa/ /'gro kun ltung bas mi gos shing/ /dam tshig snod du 'gyur bar shog /ltung ba sbom por bsdus pa/ /slob dpon rta dbyangs kyis mdzad pa rdzogs so// // */ /rgyud gzhan las gsungs pa'i ltung ba'i mtshan nyid gzhan bshad pa yang brjod par bya ste/ rang lha blang dor ltung ba mig /de nyid dus 'das ri bong can/ /lha gzhan dga' ba yon tan no/ /rig byed dngos la zhen pa yin/ /ma rdzogs rdzogs byed mnga' yin no/ /'jig rten chos phyir dbang po yin/ /khyad du gsod pa yang ni ri/ /gong med tshul ston bkra shis so/ / phrin las ma rdzogs gza' zhes grags/ /don med gnas pa phyogs yin no/ /brtse ba gtong ba ? po ste/ /dman pa'i spyod pa nyi ma'o/ /zang zing rtogs pa yan lag go /yongs su mi 'dzin sa zhes grags/ /rang spyod 'dor pa chos zhes grags/ /ltung ba bco lnga pa rdzogs so// //bla ma rnams la phyag 'tshal lo/ /dam pa nyer bsten cig

  379. 190a

    shos min/ /snod dang ldan pa rnam par brtag /'dod phyir gzhan la gnod pa spong/ /dkon mchog la sogs nor la min/ /gzhan don skad cig yal mi dor/ /byang chub min par dge mi 'jug /rnam shes 'pho pa'i de nyid mkhas/ /gzhan du yan lag nyes pa'o/ /yan lag gi nyes pa bdun pa rdzogs so// //rgya gar skad du/ badzra yA na s+thU la pa ti/ bod skad du/ rdo rje theg pa'i sbom po'i ltung pa/ dpal rdo rje sems dpa' la phyag 'tshal lo/ /bla ma'i zhabs kyi pad+ma la/ /kun nas dang bas phyag 'tshal te/ /sbom po'i ltung ba rnam pa brgyad/ /rgyud du gsungs pa bri bar bya/ /shes rab stobs kyis len pa dang/ /de yi bdud rtsi stobs kyis len/ /snod min la ni mi gsang dang/ /tshogs kyi nang du brtsod pa dang/ /dang ldan pa gzhan chos ston dang/ /nyan thos nang du zhag bdun gnas/ /brdzun gyis rnal 'byor nga rgyal byed/ /dad pa med la chos ston pa/ /'di rnams sbom po'i ltung ba brgyad/ /rtsa ltung sbom po'i rim pa dag /cho ga yis ni shes bya zhing/ /nyams par gyur na bshags par bya/ /rdo rje theg pa'i sbom po'i ltung ba/ /slob dpon klu sgrub kyi zhal snga nas mdzad pa rdzogs so// //rgya gar gyi mkhan po pad+ma ka ra ba rma? dang/ zhus chen gyi lo tsA ba dge slong rin chen bzang pos bsgyur cing zhus te gtan la phab pa'o/ /slad kyis/ rgya gar gyi mkhan pa bla ma rje btsun paN+Ti ta chen po ma Ni ka sh+rI dz+nyA na'i zhal ? nas dang/ chag lo tsA ba shAkya'i dge slong chos rje dpal gyis zhus te ngag bar bgyis so// //rgya gar skad du/ badzra lA na mU lang? ti/ bod skad du/ rdo rje theg pa'i rtsa ba'i ltung ba/ 'jam dpal gzhon nur gyur pa la phyag 'tshal lo/ /kun nas dang bas bla ma yi/ /zhabs gyi pad+ma la btud de//

  380. 190b

    rtsa ba'i ltung ba bcu bzhi ni/ /rgyud las gsungs pa bshad par bya/ /gang phyir rdo rje 'dzin pa yis/ /dngos grub slob dpon rjes 'brangs gsungs/ /de bas de la brnyas pa ni/ /rtsa ba'i ltung ba dang por bshad/ /bde gshegs bka' las 'das pa ni/ /ltung ba gnyis pa yin par bshad/ /rdo rje spun la khros pas ni/ /nyes pa brjod pa gsum pa yin/ /sems can rnams la byams pa spong/ /bzhi pa yin par rgyal bar gsungs/ /chos kyi rtsa ba byang chub sems/ /de spong ba ni lnga ba yin/ /rang ngam? gzhan gyi grub pa'i mdza' / /chos la smod pa drug pa yin/ /yongs su ma smin sems can la/ /gsang ba sgrog pa bdun pa yin/ /phung po sangs rgyas lnga bdag nyid/ /de la smod byed brgyad pa yin/ /rang bzhin dag pa'i chos rnams la/ /som nyid za ba dgu pa yin/ /gdug la brtag tu byams ldan par/ /byed pa de ni bcu par 'dod/ /ming sogs bral ba'i chos rnams la/ /der rtog pa ni bcu gcig pa/ /sems can dad dang ldan pa yi/ /sems sun 'byin pa bcu gnyis pa/ /dam tshig las ni ji bzhin rnye/ /mi brten pa de bcu gsum pa/ /shes rab rang bzhin bud med la/ /smad par byed pa bcu bzhi pa/ /sngags pas 'di dag spangs na ni/ /dngos grub nges par 'thob par 'gyur/ /gzhan du dam tshig las nyams na/ /nyams pas bdud kyis bzung bar 'gyur/ /de nas sdug bsngal myong 'gyur zhing/ /thur du bltas te dmyal bar 'gro /de bas nga rgyal bcom nas ni/ /bdag nyid ma 'khrul shes par bya/ /mnyam par bzhag pas bla ma la/ /ci 'byor pa yis mchod par bya/ /gsum la skyabs su 'gro nas brtsams te/ /byang chub sems sogs sdom pa ni/ /gal te bdag la phan 'dod na/ /sngags pas 'bad de bzung bar bya/ /rdo rje theg pa'i rtsa ba'i ltung ba rdzogs so// //

  381. 191a

    yan lag dam tshig ces bya ba/ /dam tshig dang ni mi ldan pa'i/ /rig ma bsten par dga' ba dang/ /tshogs kyi 'khor lor brtsod pa dang/ /gsang ba'i chos ni ston pa dang/ /sems can dad dang ldan pa la/ / dam chos gzhan du ston pa dang/ /nyan thos ngag tu rlom byed pa'i/ /nang du zhag bdun gnas pa dang/ /sbyor ba nges par ma byas par/ /skal min gsang ba ston pa dang/ /gang zhig phyag rgya mi mkhas la /lus kyi phyag rgya ston pa dang// bsnyen sogs dag par ma byas par/ /dkyil 'khor las la 'jug pa dang/ /sdom pa gnyis kyi bcas pa la/ /dgos pa med par 'da' ba ni/ /kha na ma tho bcas 'gyur te/ /sngags pa de yi dam tshig zad/ /zad pas 'grub par mi 'gyur zhing/ /bdud dang sdug bsngal mang du 'phel/ /nyin dang mtshan mo lan gsum du/ /nyin re zhing ni bzla bar bya/ /yan lag gi dam tshig ces bya brdzogs so// //rgya gar skad du/ badzra yA na pat+ti many+dza ri nA ma/ bod skad du/ rdo rje theg pa'i ltung ba'i snye ma zhes bya ba/ bcom ldan 'das dpal rdo rje sems dpa' la phyag 'tshal lo/ /rdo rje sems dpa' i sdom pa 'dzin pa la/ /ltung ba'i sde mtshan rnam pa gnyis te/ /rtsa ba'i ltung ba bshad pa dang/ sgom pa'i ltung bar bshad pa'o/ /de la bla ma la ma gus pa dang / bde bar gshegs pa'i bka' las 'das pa dang / zhe sngar gis rdo rje spun la skyon 'bru ba dang / byams pa gtong ba dang/ byang chub kyi sems gtong ba dang / theg pa gsum la smod pa dang/ yongs su ma smin pa la gsang ba sgrogs pa dang/ de bzhin gshegs pa'i bdag nyid phung po lnga la smod pa dang / chos thams cad rang bzhin med par rnam par dag pa la the tshom za ba dang/ gdugs pa

  382. 191b

    la byams pa dad ldan pa dang/ thog ma dang/ tha ma dang/ dbus kyi chos thams cad stong pa la thog ma dang tha ma dang dbus su rtog pa dang/ dang ldan gyi sems sun 'byin pa dang/ ji ltar rnyed pa'i dam tshig mi bsten pa dang/ bud med la smod pa ste rtsa ba'i ltung ba bcu bzhi'o/ /de la stobs kyi rnal 'byor ma len pa dang/ stobs kyis de'i byang chub kyi sems len pa dang/ gsang ba mi sbed pa dang/ dam tshig la brtsod pa dang/ dad pa dang ldan pa la phyin ci log gi chos ston pa dang/ nyan thos kyi theg pa pa dang lhan cig zhag bdun du gnas pa dang /rnal 'byor mi shes par rnal 'byor par mngon pa'i nga rgyal byed pa dang/ mi dad pa la chos ston pa ste/ sbom po'i ltung ba brgyad do/ // rdo rje sems dpa' i bslab pa la gnas pas rnam pa thams cad du yongs su spang bar bya'o/ /rdo rje theg pa'i ltung ba'i snye ma zhes bya ba mkhas pa chen po a b+hyA ka ra guptas mdzad pa rdzogs so// //ma ga d+ha'i mkhas pa chen po de nyid dang / mang du thos pa'i dge slong bsod snyoms pa sangs rgyas grags pas/ na len+d+rar bsgyur cing zhus te gtan la phab pa'o// // */ /rgya gar skad du/ badzra A na mU la bat+ti prit+ti/ bod skad du/ rdo rje theg pa'i rtsa ba'i ltung ba bcu bzhi pa'i 'grel pa/ 'phags pa 'jam dpal gzhon nur gyur pa la phyag 'tshal lo/ /nyan thos kyi lus dag gtso bor gyur pa'i spang bya bdun gyi mtshan nyid dang / byang chub sems dpa' i snying rje gtso bor gyur pa'i spang bya bcu'i mtshan nyid dang/ gsang sngags rnal 'byor chen po'i thabs dang shes rab zung du 'jug pa gtso bor gyur pa'i spang bya bcu bzhi'i mtshan nyid de/ de la gnyis ni gzhung gzhan rnams las gsal bas 'dir ma bshad do//

  383. 192a

    gsang sngags rnal 'byor chen po'i rnam par thar pa la bltos te bstan pa la/ /spyir thob par bya ba dang /mngon par rtogs pa'i bye brag dang/ bsrung pa'i tshul lo/ /de la gnyis ni rtsa ba'i rgyud dang/ bshad pa'i rgyud ngag las gsal bas 'dir logs shig du ma brjod do/ /bsrung ba'i tshul la gnyis te/ dam tshig dang sdom pa'o/ /de nyid ni dam bca' ba'i yul dang/ spong pa'i bye brag gis te/ 'di skad du/ sdom pa sangs rgyas thams cad de/ e waM la ni rab tu bzhugs/ /rgyu yis yul las mi 'da' bas/ /dam tshig ces ni bshad pa yin zhes gsungs so/ /de bas na dbang bzhi'i bya brag gis dam tshig kyang bzhi ste/ sgra ji bzhin pa dang sgra ji bzhin pa ma yin pa dung dgongs pa can dang/ mthar thug pa'i bye brag gis so/ /de dag kyang mdor bsdu na rigs kyi dam tshig dang / rtsa ba dang/ knyes pa spom po'o/ /rigs kyi la gnyis te / spyi dang/ khyad par ro/ /rtsa ba la gsum ste/ dbang gsum gyi dbye bas so/ /sbom po la gsum ste/ lus la sogs pa'i bye brag gis so de la sdom pa'i tshul khrims la sogs pa'i sdom pa gsum la gnas na sangs rgyas nyid dam rdo rje 'chang chen po 'thob bo zhes 'byung la/ de yang rdo rje rtse mo'i mngon par rtogs pa'i skabs nas ji skad du/ byang chub sems 'dzin gyur nas ni/ /lta gzhan la ni mi mos pas/ /dkon mchog gsum la dang pa dang/ /de la gzhol zhing 'bab pa yis/ /gsod dang rkun dang 'khrig pa dang/ / brdzun dang chang ni rnam par spang/ /khyim? pa'i tshul du gnas pas kyang/ /rig sngags rgyal po rtag tu bsgrub/ /gal te der ni rab byung na/ /sdom pa gsum la gnas par 'gyur/ /so sor thar dang byang chub sems/ /rig 'dzin rang gi

  384. 192b

    sdom pa'o zhes gsungs pas/ /de'i don la 'jug par bya ste / 'dir de dag dang mi 'gal ba ni ye shes kyi bye brag gis te/ rang bzhin pa'i chos bzhi mi spyad cing/ /bcas pa la de bzhin nyid kyi can gyis shes pas spyod cing/ /don chen po yod pa'i phyir dang/ /shin tu spros pa med pa'i spyod pa la ni dngos po la 'gal ba med pas nyes byas la sogs par mi bzhag go /de ltar rtsa ba'i dam tshig bstan pa la spyir btang ba ni gang la gnod pa dang/ gang gi bar du gcod pa dang/ gang dri ma can du byas pa ste dge ba'i rtsa ba gsum dang / dngos grub gnyis dang/ rang gi rgyud dang / go rim bzhin no/ /de la dngos bzhi ni gnyi ga'i bar du gcod cing ngan song gsum du ltung bar byed do/ /? ni gnyi ga'i bar du gcod cing ngan song gsum du ltung yang / sdug bsngal drag po la sogs pa ma yin pa dang / 'bring gis ni gnyi ga'i bar du gcod kyang ngan song du ltur ba'i rgyu de khyad par du mi byed pa dang/ chung dus ni 'jig rten pa'i dngos grub kyi bar du gcod do/ /yang sbyir 'gro ba ni nyon mongs pa drug pa dang / nye ba'i nyon mongs pa dang 'brel pa'o/ /yang gnyis te/ lhan cig skyes pa dang/ kun tu brtags pa'o/ /yang bdun te/ sbyor ba dang/ dngos bzhi dang/ nyes byas dang/ nyes pa med pa dang/ phyogs dang mthun pa dang / bslab par bya ba dang / dri ma las ldang pa'o/ /ldang pa la bdun te / dbang dang / tshogs dang/ bsnyen bsgrub dang / tshogs pa'i mthu dang / bzlas pa dang/ sems sun 'byin pa dang/ tha mal ba la bshags pa'o/ /da ni gzhud la 'jug par bya ste / slob dpon la ni brnyas pa dang zhes smos pa la gang las dbang bskur mchog thob pa med pa dang / slob dpon gyis de nyid bstan pa dang

  385. 193a

    der 'du shes pa dang/ /nyon mongs pa dang 'brel pa'i sems dang/ lus ngag yid kyi sbyor ba byas pa dang/ go pa 'am khyad par can gyis nyon mongs bskyed pa dang/ rang bzhin du gnas pa dang/ dbang dang ldan pa dang/ rmi lam yin pa dang / yan lag brgyad kyis ni dngos bzhi yin la/ sbyor ba ni ji srid ma rdzogs pa de srid do/ /gzhan mched? ba la yan lag gtso bo yod pa ni nyes pa chen pa'i/ /'bring dang chung du yod pa la ni nyes pa 'bring dang chung du'o/ /gsum po lta bu'i gnas skabs su ni nyes pa med do/ /gnyis dang shan 'dra ba ni phyogs dang mthun pa'o/ /slob dpon thams cad la rdo rje sems dpar blta'o/ /zhes pa ni bslab par bya pa'o/ /rtsa ba ni dbang gis ldang ngo/ /tshogs dang bsnyen bsgrub ma gtogs pa bzhis ni 'dra ba las ldang ngo/ /gong ma gnyis kyis ni 'bring las ldang ngo/ /tha ma gnyis kyis ni chung du las ldang ngo/ /de bzhin du gzhan rnams la yang ci rigs par shes par bya'o/ /bde gshegs bka' las 'das pa dang zhes smos pa las/ 'dir ni bde bar gshegs pa'i bka' dang/ rdo rje 'chang gi bka' thams cad kyang gdul bya'i ched du yin la/ de yang 'gro ba'i don tu ste/ de bas na gang zag bdag grol ba'i dbang du byas pas thams cad kyang der 'dus so/ /rdo rje 'chang gi bka' yang bzhi ste/ las kyi bye brag thams cad bde bar gshegs pa'i bka' dang/ bsrung bar bya ba dang/ bsgrub pa'i thabs dang/ 'bras bu'o/ /de las 'das pa ni gnyis te/ log par spyod pa dang/ log par ston pa'o/ /de dag kyang dgag sgrub kyi bye brag gis rnam pa bzhi'o/ /de la yan lag ni thun mong ba gsum dang/ nyon mongs pa'i sems dang ldan pa dang/ yul khyad par can dang/ der 'du shes pa dang/ log par spyod pa'i sbyor ba byas pa dang/ nges pa

  386. 193b

    skyes pa ste brgyad kyis dngos bzhi'o/ /ston pa'i phyogs la tha ma'i gor go bar gyur pa gzhug go /ldang ba ni tshogs pa'i mthu man chad bzhis dngos gzhi las ldang ngo/ /shes rab gsum dang/ nyon mongs pa'i sems dang/ yul de gong ma lta bu yin pa dang/ der 'du shes pa dang sbyor ba byas pa dang/ go ba'am nyon mongs pa khyad par can bskyed pa dang/ dgongs pa ma yin pa ste dgus dngos gzhir 'gyur ro/ /de ni tshogs kyi 'khor los ldang ngo/ /gzhan ni snga ma bzhin no/ /chom kun gyi gnas kyi grogs stobs can lta bur rdo rje spun kun la lta'o/ /zhes pa ni bslab par bya ba'o/ /byams pa chen po spong ba dang zhes pa la sems can shin tu sdug bsngal dang ldan pa la btang snyoms dang ldan pa dang/ /der 'du shes pa dang/ bgrod du rung ba na yod par mthong pa 'am ma thos pa dang/ nyon mongs pa'i sems dang/ /thun mongs pa gsum dang/ bdag la mthu yod pa dang/ dgongs pa ma yin pa dang/ bde ba'i sbyor ba 'dor ba ste bcus dngos gzhir 'gyur ro/ /tshogs pa'i mthu man chad bzhis de las ldang ngo/ /sems can thams cad la pha ma la sogs pa dang/ bdag nyid kyi bar du 'du shes bskyed par bya'o zhes pa ni bslab par bya ba'o/ /byang chub sems ni 'dor ba dang zhes pa ni dngos por 'dzin pa dang zhen pa ste/ spong ba'i gdams ngag mi tshol ba dang/ gnyen po mi bsten pa dang/ yang dang yang du 'dor ba dang/ de'i dbang gi nyes pa la sbyor ba'o/ /yan lag gi grangs ni snga ma bzhin no/ /bde ba'i sbyor ba dor ba zhes pa ni/ sdug bsngal dang bral ba'i spyod pa 'dor ba zhes bzhag /ldang ba ni snga ma bzhin no/ /ma rgal ba bsgral bar bya'o zhes bya ba la sogs pa ni bslab par bya ba'o/ /lha'i bdag nyid phung po smod zhes pa ni/ ltar mi sgom pa dang/ 'bral bar 'dod pa dang/ de las gzhan du bsgom

  387. 194a

    pa'o/ /yan lag ni thun mong ba bzhi dang / yul de dang de lta bu yin pa dang/ der 'du shes pa dang/ gong ma gsum gang yang rung ba ste/ bdun gyis dngos bzhi'o/ /ldang ba ni bsnyen grub kyis so/ /lus la mtshan dang dpe byad la sogs pa bsam par bya'o/ /zhes bya ba ni bslab par bya ba'o/ /theg pa gsum la smod pa dang zhes bya ba dang/ gnyi ga dang /rnal 'byor gyi rgyud dang /gsang ba'i theg pa gsum po rnal 'byor ma dang/ thabs dang zung du 'jug pa'o/ /smod pa ni gzhung bzhin ma smos pa'o/ /thun mong bzhi dang / yul khyad par can dang/ der 'du shes pa dang/ mi mthun pa'i sbyor ba byas pa dang/ yang dag pa'i sbyor ba log pa ste brgyad kyis dngos gzhi'o/ /tshogs pa'i mthu man chad bzhis ldang ngo/ /med na mi 'byung 'byung ba'i lam gsum du shes par bya'o/ /zhes pa ni bslab par bya'o/ /yang dag chos la yid gnyis za zhes pa la bsrung pa dang/ sgrub pa dang/ thob pa don dam pa'i rang bzhin la yid gnyis za ba ste/ thun mongs pa bzhi dang/ don dam pa dag pa dang 'brel ba dang /der 'du shes pa dang/ med dam snyam pa'i blo gnyis dang / 'di lam dad pa dang gtang snyoms su dor ba ste dgus dngos gzhi'o/ /ldang ba ni snga ma bzhin no/ /chos thams cad la tshul gcig kho nas shes par bya'o zhes bya ba ni slab par bya ba'o/ /chos la gnyis su 'byed pa zhes pa ni chos rnal 'byor chen po la sogs pa'i grub pa'i mdza' las grags pa'i skyed pa dang rdzogs pa'i cha shin tu phra ba phyi rol pa'i grub pa'i mthar 'chad cing 'dzin pa 'am/ sangs rgyas pa'i grub pa'i mdza' la bzang ngan 'byed pa 'am ston pa ste/ thun mong pa bzhi dang/ yul khyad par can dang /der 'du shes pa dang/ mi mthun pa'i sbyor ba byas pa dang/ gzhan gyis go ba dang/ dgongs pa ma yin pa ste

  388. 194b

    dgus dngos gzhir 'gyur ro/ /tshogs pa'i mthu man chad bzhis ldang ngo/ /lam la bye brag med par bslab par bya zhing bden par smra bar bya ba'o/ /gdug la byams dang chags bral dang zhes pa la/ 'dir sangs rgyas kyi bstan pa 'jig par byed pa dang sun 'byin pa ste/ stobs dang ldan pa dang/ bcos bcom pa'o/ /de dag chos dang zang zing gi 'brel pa dang bral bar bya ba ste/ gi? las gzhan du byed pa ni nyes pa'o/ /thun mong pa bzhi dang/ yul khyad par can dang de ltar 'du shes pa dang/ sbyor ba byas pa dang/ dgongs pa ma yin pa dang/ gzhan gyis go ba ste dgus dngos gzhi'o/ /ldang ba ni snga ma bzhin no/ /rdo rje slob dpon smod pa dang/ /dkon mchog gsum la gnod byed pa / 'bad pas bsad par bya ba yin zhes pa ni bslab par bya pa'o// chags bral ba ni snying rje dang bral ba'o/ /skal min gsang ba ston pa dang zhes 'byung ba la thun mong pa bzhi dang /rung bar ma byas pa'i yul dang/ der 'du shes pa dang/ ngag gi sbyor ba byas pa dang/ dbang dang 'brel zhing zab pa dang/ rgya che ba brjod pa dang/ dgongs pa ma yin pa dang/ go ba ste bcas dngos gzhi'o/ /ldang ba ni snga ma bzhin no/ /'di na gsang ba'i snod dkon par blta'o zhes pa ni bslab par bya ba'o/ /dang ldan sems ni sun 'byin dang zhes 'byung ba la thun mong ba bzhi dang/ yul rung bar gyur ba dang/ der 'du shes pa dang / dgongs pa ma yin pa dang/ ngag gi sbyor ba byas pa dang/ ngag gi sbyor ba byas pa dang/ go ba ste dgus dngos gzhi'o/ /ldang ba ni snga ma bzhin no/ /chos kyi sbyin pas sems can thams cad tshim par bya'o zhes bya ba ni bslab par bya ba'o/ /dam tshig las ni ji bzhin rnyed mi bsten zhes bya ba ni thun mong bzhi dang/ rdzas khyad par can dang / der 'du shes pa dang /tshogs kyi 'khor lo'i dus dang / dgongs pa ma yin pa dang /gzhan gyis go ba ste dgus dngos bzhi'o/ /ldang?

  389. 195a

    pa ni tshogs kyi 'khor los so/ /spyod pa thams cad dang mthun par bya'o zhes pa ni bslab par bya pa'o/ /shes rab rang bzhin can smod pa zhes bya ba ni dam tshig dus su rung ba gzungs su byas pa 'am yon tan dang ldan pa'o// smod pa ni skyon brjod pa'o/ /thun mongs pa bzhi dang/ yul khyad par can dang/ der 'du shes pa dang / sbyor ba byas pa dang/ gang yang rung bas go bar byas pa dang /dgongs pa ma yin pa ste dgus dngos gzhi'o/ /ldang ba ni bsnyen sgrub la sogs pas so/ /shes rab kyi pha rol tu phyin par dmigs par bya'o zhes pa ni bslab par bya ba'o/ /de dag kyang bsdu na gsum du 'du ste/ byang chub sems 'dod bde gshegs bka' 'das dang/ /byams spong? theg gsum smod dang chos yid gnyis thugs kye'o/ /slob dpon brnyas dang lha nyid phung po smod/ /dam tshig ma sten shes rab smod pa rnams/ /sku'i 'o? mi bsngags brjod dang dang ldan sems sun 'byin/ /gdug la chags bral chos gnyis gsang ba ston/ /gsung gi'o/ /gzhan yang rtsa ba'i dngos gzhi'i yan lag mtshang ba las/ sbom po la sogs pa gsum gyi bye brag gis rnam pa du mar 'gyur ba bstan pa las/ /'dir de dang mi 'dra pa'i nyes pa sbom por bstan par bya? ste/ /dam tshig dang ni mi ldan pa'i/ /rig ma bsten par dga' ba dang/ /zhes 'byung ba la thun mong ba bzhi dang/ /yul dam tshig med pa dang/ der 'du shes pa dang/ sbyor ba byas pa dang/ nyams su myong ba ste brgyad kyis dngos gzhir 'gyur ro// ldang ba ni gnyen sgrub man chad kyis so/ /ma'i 'du shes bskyed par bya'o zhes pa ni bslab par bya ba'o/ /tshogs kyi 'khor lor brtsod pa dang zhes pa ni thun mong ba bzhi dang / bla ma 'am rdo rje spun gyi tshogs pa dang / sgrub pa 'am/ dam tshig

  390. 195b

    gi dkyil 'khor phyi nang du zhugs pa'i dus dang/ der 'du shes pa dang/ dag gi sbyor ba byas pa dang/ dgongs pa ma yin pa ste bcus dngos gzhir 'gyur ro/ /ldang ba ni rigs kyis so/ /bag yod par bya zhes pa ni bslab par bya pa'o/ /sems can dad dang ldan pa la/ dam chos gzhan du ston pa dang/ zhes bya ba la thun mong ba bzhi dang/ sems can snod du gyur pa dang/ der 'du shes pa dang/ gzhan ston pa'i dag gis sbyor ba byas pa dang/ go ba dang/ dgongs pa ma yin pa ste/ dgus dngos gzhir 'gyur ro/ /ldang ba ni bzlas pa la sogs pas so/ /bden par smra bar bya'o zhes pa ni bslab par bya ba'o/ /nyan thos dag tu rlom byed pa'i/ /nang du zhag bdun gnas pa dang/ /zhes pa la 'dir skur? ba 'dengs pa dang/ mi mos pa yin par bzung ngo/ /zhag bdun nam drug tu 'gron par du gnas shing rang gi spyad pa mi byed pa na lung dang yul chos nyid yin pa'i phyir ro/ /de las 'das pa ni dus kyi sgrub par tshad pa'i phyir ro/ /kha cig ni yon tan bdun dang ldan pa'i lha'i rnal 'byor can zhag gcig kyang gnas par mi bya'o zhes 'chad do/ /de yang 'di lta ste/ dkyil 'khor tshogs dad sbyin bsreg dang/ /mchod dang gtor ma go rim dang/ /de nyid dang ni bdun du bstan/ /zhes 'gyur ba'i rnal 'byor pa'o// 'dir yang thun mong pa bzhi dang/ yul khyad par can dang/ der 'du shes pa dang/ zhag bdun bzlas pa dang/ dgongs pa ma yin pa ste brgyad kyis dngos bzhir 'gyur ro/ /ldang ba ni tshogs kyi 'khor los so/ /gcig pur gnas par/ / bya'o zhes pa ni bslab par bya ba'o/ /sbyor pa don par ma byas pa'i/ /skal min gsang ba sgrog pa dang zhes pa ni dam tshig thob kyang phun sum tshogs pa ma yin pa dang/ de dang mi ldan pa la bya'o/ /thun mong ba bzhi dang/ yul khyad par can

  391. 196a

    dang/ der 'du shes pa dang / dbang dang 'brel pa'i gsang pa dang/ dag gi sbyor ba byas pa dang/? go ba dang dgongs pa ma yin pa ste bcus 'gyur ro/ /ldang ba ni bzlas pa la sogs pas so/ /brgyad brtags par bya'o/ /zhes pa ni slab par bya'o/ /gang zhig phyag rgya mi ma las pas/ /lus kyi phyag rgya ston pa dang zhes pa la/ /thun mong pa bzhi dang / deng 'du shes pa dang/ dgongs pa ma yin pa dang/ mthong ba ste/ brgyad kyi dngos gzhir 'gyur ro/ /ldang ba ni gnyen sgrub kyis so/ /shin tu sba bar bya'o zhes pa ni bslab par bya ba'o/ /bsnyen sogs dag par ma byas par/ /dkyil 'khor las la 'jug pa dang zhes pa la/ thun mong pa bzhi dang/ dag par ma byas pa dang/ der 'du shes pa dang/ dgongs pa ma yin pa dang/ sbyor ba dang zhugs pa ste / dgus dngos gzhir 'gyur ro/ /ldang ba ni bsnyen sgrub kyis so/ /mtshan ma thob nas 'jug par bya'o zhes pa ni bslab par bya ba'o/ /sdom pa gnyis kyi bcas pa las /dgos pa med par 'da' ba dang/ zhes pa la thun mong pa bzhi dang/ ltung ba'i yul yin pa dang /der 'du shes pa dang /dgongs pa ma yin pa dang/ sbyor ba dang/ de dag las 'das pa ste dgus dngos gzhir 'gyur ro/ /ldang ba ni bzlas pa la sogs pas so/ /sdom pa gsum la gnas par bya'o// //bla ma lnga bcu pa'i nyes pa ni ci rigs par bcu bzhi pa'i nang du 'dus par rig par bya'o// // slob dpon chen po dpal lak+Sh+nI? ka ra'i zhal nas mdzad pa / rtsa ba'i ltung ba bcu bzhi pa'i 'grel pa rdzogs so// //rdo rje theg pa'i rtsa ba'i ltung ba'i rgya cher 'grel bzhugs /slob dpon chen po snying po zhal kyis mdzad/ /

  392. 196b

    rgya gar skad du/ badzra yA na mu la pa tiTThi? ka / bod skad du/ rdo rje theg pa'i rtsa ba'i ltung ba'i rgya cher 'grel pa / 'jam dpal gzhon nur gyur pa la phyag 'tshal lo/ /byang chub sems dpa' sku gsum sprul/ /sku rnams 'dul? ba'i rgyal po dang/ 'phags dang zab pa'i don ston dang / rna brgyud thob pa'i slob dpon ni/ /bcu gnyis tshogs la bdag phyag 'tshal/ /rin chen lta bu'i rgyud chen las/ /gzhi me lta bur bzhag nas ni/ /rgyud rnams kun las btus nas kyang/ /bsgrub pa'i don du bshad par bya/ /de la dam tshig nyams dang ma nyams dang/ bskang pa'i cho ga gsum du bstan/ /rdo rje slob dpon dam tshig ni/ /nyams pa'i dag 'bring gsum dang dgu / ngan sems bcas nas slob dpon la/ /tshig rtsub mtshon phyung brgyab nas ni/ /yun ring mthol bshags mi byed pa/ /nyams pa che ste 'bring gi ni/ /mtshon phyung la sogs brgyab nas su/ /cung zhig mthol bshags mi byed pa/ /'bring yin tha ma nyams pa ni/ / ngan sems sgo nas bshags nas su/ /mthol bshags mi byed zla ba'i bar/ /tha ma yin te gsum ga la/ /sems dang dngos dang sogs pa la/ /bzlog nas ches cher 'khrul pa dang/ /go mnyam pa ni mtsho skyes gsung/ /yang na dgu yi rab kyi rab/ /bsam pa gong rdzogs slob dpon grongs/ /lo ru bshags pa mi byed pa/ /'bring ni gong bzhin rdzogs nas su/ /lo phyed bshags pa mi byed pa/ /tha ma zla bar mi bshags pa'o/ /slob dpon ma grongs gsum pa rdzogs/ /lo ru mi bshags 'bring gi bab/ /'bring gi lo phyed tha ma ni/ /zla ba gcig gi tha ma'i bar/ /gnyis po rdzogs nas lo dus su/ /'bring ni lo phyed du ni bstan/ /tha ma zla gcig gnas pa'o/ /slob dpon gnyis su bstan pa la/ /rdo rje

  393. 197a

    slob dang slob dpon tsam/ /lus ngag yid gsum byin brlab pa'i/ /rdo rje slob dpon de la ni/ /thams cad brtsi bar bya ba yin/ /bstan bcos slob dpon dgu yin ni/ /tha ma tsam mam yang na ni/ /yan lag mgo mnyam tsam du dpyad/ /rdo rje slob dpon gsum du ste/ /rtsa ba dang ni yan lag gnyis/ /dgu ga brtsi par bya ba yin/ /phyag rgya drug pa man chad do/ /las kyi slob dpon gsum pa yin/ /rtsa ba man ngag gnyis po yang/ /rtsa ba man ngag bstan pa ni/ /man ngag pas ni rtsa ba che/ /man ngag gis ni man ngag che ba dang/ /rtsa ba chung na go mnyam mo/ /man ngag gis ni man ngag shin tu che/ /gong ma de las bzlog ste bstan/ /lung ston pa yi slob dpon ni/ /phyag rgya nyid dang go mnyam mo/ /slob dpon gyi rtsa ba'i dam tshig go /sbun gyi dam tshig nyams pa la/ /rab 'bring bsdus rgyas dgu dang gsum/ /rab kyi yang rab nyams pa ni/ /bsam ngan mtshon dbyug bsnun nas su/ /shi nas lo ru mi bshags pa/ /yang rab yin te rab kyi 'bring/ /lo phyed du ni shes par bya/ /rab kyi tha ma zla ba gsum/ /'bring gi rab ni dam tshig ni/ /zla ba gcig tu shes par bya/ /'bring? gi 'bring ni zla ba phyed/ /'bring gi tha ma zhag gcig go /tha ma'i dam tshig nyams pa ni/ / tshig rtsub smras nas zla gcig tu/ /mthol bshags mi byed tha ma'i rab/ /'bring ni zla phyed shes par bya/ /tha ma zhag gcig yan chad do/ /gsum du phye ste bstan pa ni/ /mtshon dbyug la sogs brgyab nas su/ /shi nas cung zhig mi bshags pa/ /de ni rab yin 'bring gi ni/ /mtshon phyung brgyab nas ma shi bar/ /tha ma tshig rtsub smras nas ni/ /zhag dus mthol bshags mi byed pa/ /rdo rje spun gyi dam tshig nyams pa'i tshad do// //

  394. 197b

    bde gshegs bka' las 'das pa yi/ /dam tshig nyams pa'i tshang bstan pa/ /dam tshig sa ya 'bum sde yang/ /bde gshegs bka' ru 'dus pa yin/ /'di ni khyab che khyad par ni/ /rdo rje slob dpon byed pas su/ /slob dang 'gro ba'i don du yang/ /cho ga tshul bzhin ma gyur pa/ /lo ru byed na rab kyi rab zla dgur byed na 'bring yin no/ /zla drug tha mar shes par bya/ /'bring gi rab ni zla ba gsum/ /'bring gi 'bring ni zla gcig go /'bring gi tha ma zla phyed do/ /tha ma'i rab ni zhag gcig go /khengs grags 'dod pa'i dbang gyur nas/ /cho ga thams cad 'khrul pa 'am/ /'bring ni cho ga phyed 'khrul pa/ /tha ma cho ga gcig 'khrul pa /de rnams rgyu yi rim pa yang/ /'khrul pa'i cho ga rgyun byed la/ /shin tu che bar gyur pa yin/ /bshags pa yun ring mi byed pa/ /bshags la brtson na de la smad/ /'khrul pa'i cho ga rgyun tu ni/ /mi byed gcig gnyis de la smad/ /che chung yod na de las bstong/ /de ltar rab 'bring dgu? gsum ni/ mkhas pas brtags nas shes par bya/ /yang na sgrub dang slob dpon gnyis ka yang/ /bde gshegs bka' 'di khyab che bas/ /dod mo dbang bskur byas nas su/ /dbang dang dam tshig mi shes dang/ /snod min bstan par mi bya la/ /dbang la sogs pa ston pa dang/ /yi dam lha ni brjed nas su/ /slar yang len par mi byed dang/ /thun mtshams bsgom par mi byed dang/ /zas dang gtor ma'i rnal 'byor dang/ /phyi nang sbyin bsreg rnal 'byor dang/ /snying po sngags dang phyag rgya dang/ /mchod pa'i dus kyis 'khor lo sogs/ /yi dam lha dang slob dpon gyis/ /mdun du dam bca' byas nas ni/ /spangs dang ma bshags brjod pa rnams/ /rdo rje dril bu phreng ba

  395. 198a

    gsum/ /ming bcang rab gnas ma byas dang/ /rgyu dang tshad sogs 'khrul pa dang/ /'tshong dang 'go dang gte 'dzug dang/ /rab gnas byas ? shes par bya/ /ma byas pa la chung du 'ong/ /po ti glegs bam la sogs dang/ /kha DwAM la sogs phyag mtshan rnams/ /gong bzhin rab gnas byas pa dang/ /ma byas pa ni che chung ngo/ /khyad par sgrub ba po yin ni/ /rdor dril la sogs thams cad kun/ /gtso bo la sogs mtshong? byas la/ /chos mthun yid 'ong gzung bar bya/ /so sor thar dang byang chub sems/ /rig 'dzin nang gi sdom pa gsum/ /gnyis ni rig 'dzin rten yang yin/ /yang na rig 'dzin nang du 'dus/ /mi dge la sogs bcu po yang/ /gsum du 'dus te khyad par ni/ /spang ba dang ni mi spang dang/ /dngos dang bsam pa dus dang ni/ /gnas skabs dang ni rnal 'byor gyi/ /blo yi khyad par rim pa yis/ /shes par de ni ma byas na/ /byas na yang ni ltung bar 'gyur/ /ma byas na yang ltung bar 'gyur/ /de bas slob dpon la gus bas/ /man ngag gis ni shes par bya/ /chos spyod la sogs bcu po yang/ /man ngag bsgom pa ma shes na/ /mdor na bka' yi chos rnams kun/ /thams cad chos tshul bzhin shes bya/ /de ltar mi shes dam tshig nyams/ /sku dang me tog dman pa dang/ /slob dpon la sogs grib ma la/ /'gom dang rdzi bar byed pa dang/ /dbang dang rdzi bar mi byed kyi/ /bar gyi dam tshig de dag kun/ /lo dus len la chen por 'gyur/ /lo phyed lon na 'bring du 'gyur/ /tha ma zla gcig shes par bya/ /bde gshegs bka' yis dam tshig go /sems can rnams la byams pa yi/ /sems spangs pas ni dam tshig nyams/ /de yi rab 'bring bstan pa ni/ /zhing dag pa yi gang zag

  396. 198b

    la/ khros dang byams sems spangs nas ni/ /mtshon dbyug la sogs bsnun nas ni/ /lo ru bshags pa mi byed pa/ /rab kyi rab yin 'bring gi ni/ /de phyed du ni shes par bya/ /tha ma yin ni zla gcig go /zhing ma dag pa'i gang zag la/ /gong bzhin byas nas lo ru ni/ /mi bshags pa ni 'bring gi rab/ /'bring gi lo phyed tha ma ni/ /zla ba gcig tu shes par bya/ /sems can la sogs gzhan po la/ /gong bzhin byas na lo ru ni/ /mi bshags pa ni tha ma'i rab/ /'bring ni lo phyed tha ma gcig /zhing dag pa yi gang zag la/ /nyin gcig mang por rdung byed la/ /rab kyi yin te 'bring gi ni/ /ma dag pa yi gang zag la/ /tha ma sems can phal pa la/ /mang po rnams ni brdung byed pa/ /de las mang nyung 'khrul pa dang// sems dang dngos dang sogs pa rnams/ /slob dpon zhal nas shes par bya/ /dag dang ma dag gang zag dang/ /sems can gzhan la sogs pa la/ /lus ngag yid gsum gdungs nas ni/ /'chil thug pa'i sems can la/ /nyin ? mtshan ni dus drug tu/ /sbyin pa rnam bzhis mi skyong na/ /dam tshig nyams te gong ma bzhin/ /slob dpon zhal nas shes par bya/ /byams sems spangs pa'i dam tshig go /chos kyi rtsa ba byang chub sems /de spong dam tshig nyams pa ni// dam tshig rab 'bring tshad bstan pa/ /sngags kyi rnal 'byor sems ba skyed nas/ /slar log nyan thos sems bskyed la/ /zhugs nas lo ru gnas pa yin/ /bshags pa mi byed rab yin no/ /'bring gi lo phyed tha ma ni/ /zla ba gcig tu shes par bya/ /zla phyed zhag bdun zhag gcig ni/ /tha ma yi ni rab 'bring gsum/ /gong ma de ni 'bring gi yin/ /rab ni mu stegs sems su ni/ /zhugs nas lo gcig lo phyed dag /zla gcig tha ma'i rab yin no/ /sems spangs pa yi dam tshig go /

  397. 199a

    rang dang gzhan gyis grub pa'i mdza' / /chos la smos pa'i dam tshig gi /rab 'bring gi ni tshad bstan? ?/ /chos skal? smon nas? lo du ni//mi bshags pa ni rab yin no/ /'bring ni lo phyed tha ma ni/ /zla ba gcig tu shes par bya/ /rgyun tu smod cing mi bshags pa/ /lo dang lo phyed zla ba dang/ /rab kyi rab 'bring gsum yin no/ /gong ma 'brel yin tha ma ni/ /zla phyed zhag gcig zhag bdun ni/ /tha ma yin ni rab 'bring gsum/ /chos la smod pa'i dam tshig go/ /yongs su ma smin sems can la/ /gsang ba sgrog 'di dam tshig ni/ /rab 'bring gi ni tshad bstan pa/ /ma smin pa la gnyis yod de/ /dbang bskur de ni ma byas dang/ /glen pa lkug pa gyur pa gnyis/ /de lta bu yi gdan ga la/ /man ngag gsang ba bstan nas kyang/ /lo yi dus su mi bshags pa/ /'bring gi rab yin 'bring gi lo/ /phyed 'bring yin te tha ma ni/ /zla ba gcig tu shes par bya/ /de 'dra'i gang zag mang po la/ /yang nas yang du sgrog pa ni/ /lo gcig lo phyed zla phyed ni/ /rab kyi rab 'bring gsum yin no/ /mi zab chos su gyur pa yi/ /lo gcig tu ni gnas pa dang/ /tha ma'i rab yin tha ma yi/ /lo phye zla gcig gnyis po yin/ /yang na zab pa'i don rnams la/ /zla phyed zhag bdun zhag cing? ni/ tha ma yi ni rab 'bring gsum/ /yang na de gsum 'khrul ka yi/ /slob dpon mkhas pa'i shes par bya/ /gsang ba sgrogs pa'i dam tshig go /phung po sangs rgyas mnga' bdag la/ /brnyas par byed pa'i dam tshig ni/ /rab 'bring tha ma'i tshad bstan pa/ /phung po lha yi nga rgyal du/ /ma shes shes nas spangs pa ni/ /bshags pa mi byed lor lon pa/ /'bring gi rab yin 'bring gi ni/ /lo phyed tha ma zla ba gcig /zla phyed zhag bdun zhag gcig ni/ /mdza' ma'i rab 'bring gsum

  398. 199b

    yin no/ /ma shes steng du yang nas yang/ /smod par byed cing gdung ba ni/ /lo gcig lo phyed zla gcig ni/ /rab kyi 'bring yin gsum yin no/ /phung po brnyas byed dam tshig go /rang bzhin dag pa'i chos rnams la/ /som nyi zla ba'i dam tshig ni// rtsa ba rlung gi man ngag la/ /lan cig dka' ba la sogs kyi/ /zab mo'i don la lo dus su/ /the tshom za zhing mi bshags pa/ /rab kyi rab yin 'bring gi ni/ /tha ma zla ba lo gcig go /lhan cig bka' bca' ma gtogs pa'i/ /lhag ma rnams la the tshom ni/ /lo dus zla ba 'bring gi rab/ /lhag ma gnyis po gong bzhin bya/ /sgyu ma lta bu'i ting 'dzin las/ /lha yis rnal 'byor gnyis dang ni/ /mi shes phyi nang thun mong gsum/ /yang na gong ma gnyis po yi/ /zla phyed zhag bdun zhag gcig ni/ tha yi rab 'bring gsum yin no/ /som nyi za pa'i dam tshig go /gdug la rtag tu byams ldan par/ /byed pa'i dam tshig nyams pa ni/ /gdugs ces bya ba'i slob dpon ni/ /rdo rje spun dang rnal 'byor gyi/ /dgrar gyur bstan pa 'jig pa dang/ / de la sogs pa byed pa rnams/ /gdug pa zhes ni bya ba yin/ /de lta bu yi gdug pa ni/ /mthol bshags mi byed lo ru ni/ /gnas pas rab kyi rab yin no/ /lhag ma gnyis po gong bzhin no/ /slob dpon ma gtogs rdo rje spun/ /'bring gi rab 'bring gsum yin no/ /gnyis po ma gtogs lhag ma ni/ /tha ma'i rab 'bring gsum yin no/ /yang na de rnams gsum ga la/ /zhag grangs brtsis ni gong bzhin no/ /gdug la byams pa'i dam tshig go /ming sogs bral ba'i chos rnams la// rtogs par byed pa'i dam tshig ni/ /chos rnams spros dang bral ba la/ lo gcig rtog par 'dzin pa dang/ /gzhan yang de la sbyor byed pa'i/ /bshags par mi byed pa yi mi/ /lhag ma gnyis ni gong bzhin no/ /gzhan la mi sbyor rang tsam ni/ /lo nas zla

  399. 200a

    bar 'bring gi ni/ /rab 'bring du ni shes par bya/ /dngos por ma bzung tshol 'dod pa/ de bzhin lo nas zla ba'i bar/ /tha ma'i rab 'bring gsum yin no/ /rtog 'dzin byed pa'i dam tshig go /sems can dad dang ldan pa yi/ /sems sun 'byin pa'i dam tshig ni/ /dad dang ldan pa'i gang zag rnams/ /zab mo'i chos las bzlog nas ni/ /mu stegs chos la sbyor byas pa/ /lo nas zla ba'i bar tu ni/ /rab kyi rab 'bring gsum yin no/ /zab mo'i don lam bzlog nas ni/ /nyan thos sheg par sbyor byed pa/ /'bring rab gsum yin no bzhin tshad/ /zab mo'i don las bzlog nas ni/ /pha rol phyin par sbyor byed pa/ /tha ma'i rab 'bring gsum yin no/ /yang na pha rol theg pa bzlog nas ni/ /mu stegs theg par sbyor byed pa/ /'bring yin nyan thos bzlog byed pa/ /tha ma yin ta gsang sngags ni/ /rab yin yang na mang po rnams/ /bzlog byed pa ni rab yin te/ /nyung du 'bring yin tha ma ni/ /sems sun 'byin pa'i dam tshig go/ dam tshig rnams la ji bzhin snyed/ /mi bsten dam tshig nyams pa'i tshad/ /rtsa ba dang ni yan lag gi /dam tshig nyin mtshan mi bsngo dang/ /spyod pa la sogs lnga po lnga/ /dang du blangs nas mi bsten pa/ /lo nas zla ba'i bar du ni/ /mi bshags rab kyi gsum yin no/ /rtse ba dang du mi len par/ /'jog par 'bring gi gsum yin no/ /yan lag mi len tha ma gsum/ /yang na zla phyed zhag bdun du/ /zhag gcig pa ni 'bring gi gsum/ /nyin mtshan gcig la tha ma'i gsum// mi bsten pa yis dam tshig go /bud med shes rab rang bzhin can/ /smod par byed pa'i dam tshig ni/ /dper na ba lang ko ba las/ /sgras mtshon par du slob pa bzhin/ /bud med shes rab sgyu ma can/ /las kyi phyag rgya mtshan ldan la/ /brten

  400. 200b

    nas de las lobs gyur na/ /yid kyi lha mo la brten na/ /de nas gtum mo nyid la brten/ /de nas shes rab dga' ma la/ /lhan cig dga' pa'i bar du ni/ /brten nas shes rab rim par bskyed/ /de nas phyag rgya'i dngos grub 'thob/ /de ltar bud med shes rab la/ /smod cing spong bar byed pa ni/ /lo dus lon na rab kyi rab/ /phyed dang zla? gcig gnyis su bstan/ /de lta'i shes rab rang bzhin la/ /rnal 'byor lam pa smod na ni/ /'bring gi gsum dang bstan pa yin/ /mtshan dang mi ldan thams cad le/ /rgyun tu smod cing mi bshags pa/ /lo dus lon na tha ma'i rab/ /phyed dang zla gcig gnyis su bstan/ /shes rab smod pa'i dam tshig go /rtsa ba'i dam tshig rab 'bring gi nyams pa'i tshad bstan pa'o/ /yan lag dam tshig bstan pa ni/ /rnal 'byor sngags pas sngags pa ni/ /nan gyis len pa gsum du bstan/ /gzhan gyi bud med len pa dang/ /rang gi rnal 'byor ma gnyis la/ /chags pa'i don du 'jug pa dang/ /byin gyis brlab par mi byed par/ /tha mal spyod pas 'jug pa dang/ /rtags dang mi ldan 'jug pa ni/ /rnal 'byor chags pa'i lam pas ni/ /dang po chags pa 'dul ba dang/ /zab mo'i don la 'jug bya'i phyir/ /shin tu chags pa cher ldan la/ /bde gshegs rgyal bas bstan pa yin/ /rnal 'byor grol pa'i lam pa la/ /gong ma de bzhin ma bstan te/ /las dang rnal 'byor dus su ni/ /yid kyi lta mo gzugs mdzes ma/ /tshogs kyi 'khor lo 'am spyod dus su/ /mos pas de bsam dam tshig yin/ /rtags ldan brtan pa thob nas ni/ /mchog gi dngos grub myur 'dod pas/ /rnal 'byor ma yis lung bstan nas/ /mi de lta la sogs pa yis/ /zhag gcig zla gcig zhag drug tu/ /bsnyen pas mchog ni thob par 'gyur/ /chags med rnal 'byor mos pa yi/ /skad cig shes/

  401. 201a

    rab la brten nas/ /phyag rgya'i dngos grub thob par 'gyur/ /de don bya ba'i rim pa ni/ /sa la gnas pa'i mkha' 'gro ma/ /kho na nyid la brten pa yin/ /de ltar mi shes 'khrul par spyod/ /rgyun tu spyod? cing lo dus su// mi bshags de ni me yin no/ /de bas nyung bar gyur pa ni/ /'bring nyid du ni shes par bya/ /thabs gcig spyod pa tha ma yin/ /man gyis len pa'i dam tshig go /ma gsungs pa yi rig ma la/ /sngags pas bdud rtsi thog byed ni/ /bla ma rdo rje slob dpon gyis/ /man ngag rna par ma brgyud par/ /nan gyis brtags nas tshul 'chos pa/ /rgyun tu byed cing lo dus su/ /mi bshags pa ni rab yin no/ /de bas nyung ba 'bring yin te/ /gcig tsam byed pa tha ma yin/ /ma thob pa yi dam tshig /tshogs kyi 'khor lo'i dam tshig go /bstan la thab mo brtsod byed pa/ /dbang skur man ngag zab mo dang/ /slob dpon gcig par ma gyur la/ /mi zang tshogs la bshad pa yin/ /dus su brtsod nas mtshon dbyugs ni/ /'das nas cung zhig mi bshags pa/ /rab kyi yin te 'bring gi ni/ /mtshon dbyug 'dres nas yun thung ba/ /tha ma tshig rtsub shin tu thub/ /shi bar gyur na slob dpon gyis/ /'bring po man chad brtsi bar bya/ /tshogs kyi dam tshig nyams pa'o// gsang chos yan lag shes gyur kyang/ /gzhan la mi ston shis ngan ni/ /snod du gyur pa'i gang zag la/ /man ngag shes bzhin mi ston na/ /snod gyur mang la mi ston rab/ /nyung la mi ston tha ma gcig /yang na dus kyi gsum po ni// gong ma bzhin du shes par bya/ /lung mi ston pa'i dam tshig /dad pa'i sems can chos kyis rgyu/ /gzhan gyi gdams byed byang chub sems/ /theg chen snod du gyur pa la/ /gus pas chos ni dri byed pa/ /lan mi 'debs te yi ge'i gdam//

  402. 201b

    byed ba rab yin 'bring gi ni/ /lung ma bstan pa'i gtam byed cing/ /tha ma nyan thos kyi ni gtam/ /dus gsum gong bzhin shes par bya/ /log par ston pa'i dam tshig go /nyan thos nang du zhag bdun 'dug /theg pa chen po'i chos la ni/ thos par gyur nas skur pa yi/ /nang du zhag bdun 'dug nas ni/ /spangs nas spong byed lo dus su/ /mi bshags pa ni rab yin no/ /zhag gsum du ni gcig ni tha/ /de gnyis su ni gang bzhin/ /yang na rigs 'drang? gyur pa la/ / gnyis po man chang brtsi bar bya/ /zhag bdun nyal pa'i dam tshig go? /rnal 'byor ye shes mi shes par/ /da ni sngags pa yin zhes zer/ /rnal 'byor med pa'i ting 'dzin gyis/ /tshig tsam 'ga' yi nga rgyal gyis/ /sngags pas khas 'chos yang gsu yang/ /lo dus mi bshags rab yin no/ /de pas nyung ltar shin tu nyung/ /gnyis po yin par shes par bya/ /mi shes pa yi dam tshig go /snod min pa yi sems can la/ /phyi yi chos bshad yin pa la/ /gsang ba'i chos rnams 'chad pa ni/ /phyi tsam bstan pa'i gang zag la/ /gsang ba'i man ngag ston pa ni/ /yang yang ston dang mang la ston/ /lo dus ma bshags rab yin no/ /gnyis po gong bzhin shes par bya/ /dam tshig de rnams kun la yang// dus dang bsam pa dngos po kun/ /che chung byung bar gyur pa dang/ /mnyam par gyur dang mched rnams/ /mkhas pas brtags nas cho ga ni/ /che chung stong dang smod par bya/ /de ltar ma shes gsum dang dgu /mu de bzung nas lhag kyang bzang/ / de rnams ni dam tshig nyams pa'i chad bstan pa'o// //ma nyams pa'i tshad bstan pa ni/ /gong ma de rnams ma byung dang/ /yang na slob dpon dkon mchog dang/ /rdo rje spun dang sdug pa yi/ /sems can rnams kyi don du ni

  403. 202a

    rab tu ma gyur 'bring gi ni/ /de dag man chod byung nas yang/ /nyams par mi 'gyur bde gshegs gsung/ /lus la phan par gyur nas kyang/ /ting 'dzin grogs su gyur pa ni/ /nyes par mi 'gyur bde gshegs gsung/ /sems can 'dul bar gyur pa dang/ /sems can drang pa'i don du yang/ /nyams par mi 'gyur bde gshegs gsung/ /de rnams shes rab zab mo dang/ /slob dpon zhal gyi man ngag la/ /brten nas gnang? bkag rim pa ni/ /mkhas pa rnams kyis shes par bya/ /dam tshig ma nyams pa'i tshad bstan pa'o// //da ni dam tshig nyams pa bskang ba'i cho ga bstan te/ /cho ga yang ni dgu ru shes par bya/ /rab kyis lo gcig la bsgoms la// tshogs 'khor bcu gnyis phrag bzhi dang/ /sbyin sreg bdun brgya nyi shu dang/ /gtor ma bdun brgya nyi shu dang/ /de dus rdo rje slob dpon dang/ /rdo rje mched kyang spyan drangs la/ /rdo rje slob dpon bkrongs gyur na/ /gzugs bya yang na mchil lham gos/ /de rten yang na ming gi yi ges bskyed/ /'od zer 'phros nas slob dpon gyis/ /rnam shes bkugs nas de la gzung/ /yi dam lha 'am mi bskyod pa'i/ /gzugs su bltas la de la ni/ /skyed rim thun re byed pa dang// bzlas brjod 'bum phrag gsum gyis ni/ /yi ge 'khor lo'i 'od zer gyis/ /bdag dang slob dpon gnyis ka yi/ /lus ngag yid kyi sgrib pa sbyang/ /sbyin sreg gis kyang de bzhin sbyang/ /tshogs kyi 'khor lo'i mchod pa yis/ / 'khor lo 'du 'phro sbyang ba bya/ /'khor lo 'du 'phros mchod pa'o/ /gtor ma dang pos sbyang mchod dang/ /bar mas bkrung zhing sbol ba dang/ /tha mas gnod pa mi byed cing/ /bshags pa rgyan bya 'dus pas kyi?// /dge rtse la sogs

  404. 202b

    gzhan yang bya/ /de ltar byas na slob dpon la/ /slar yang sdom pa gsum blangs la/ /dkyil 'khor 'jug cing dbang bskur blang/ /slob dpon med 'gyur rdo rje spun/ /mkhas pa nyid la blang bar bya/ /de med yi dam lha la blang/ /de ltar byas na? dag 'gyur te/ /dngos grub kyang ni thob par 'gyur/ /'bring dang tha ma gnyis po yang/ /phyed phyed 'dres phyed shes par bya/ /'bring gi rab ni zla a gcig /lta bsgoms sbyin sreg sum cu dang/ /gtor ma sum cu phrag gnyis dang// tshogs 'khor gsum dang bzlas brjod ni/ /sum khri bshags pa thun mtshams su/ /'bring gi 'bring ni nyi shu ru/ /tshogs gnyis bzlas brjod nyi khri bya/ /'bring gi tha ma bcu ru sbyin sreg bya/ /gtor ma bcu dang bzlas brjod khri/ /de dag cho ga byed pa yang/ /slob dpon la sogs ma tshogs kyang/ /rnal 'byor gnyis kyis por len bya/ /tha ma'i rab 'bring zhag bdun du/ /sbyin sreg gtor ma bdun dang bzlas brjod stong/ /tshogs 'khor gcig dang bshags pa mthun// tha ma'i 'bring ni zhag gsum du/ /sbyin sreg gtor ma gsum dang mchod pa brtsam/ /bzlas brjod lnga brgya bshags pa bya/ /tha ma'i tha ma zhag gcig tu/ /gtor ma sbyin sreg re re dang/ /bzlas brjod brgya dang bshags pa bya/ /de ltar byas pas dag par 'gyur/ /tshogs kyi 'khor lo ma 'byor pas/ /sbyin sreg gcig phul bskang ba yin/ /rab kyi gsum gyi sbyin sreg ni/ /sum khri khri nyi khri ru bya/ /'bring gi gsum gyi sbyin sreg ni/ /lnga stong stong dang lnga brgya bya/ /tha ma gsum gyi sbyin bsreg ni/ /brgya dang lnga bcu nyi shu lnga/ /de ltar byas pas dag par 'gyur/ /sbyin sreg ma byas rnal 'byor pas /bzlas brjod kyis ni bya bar gsungs/ gsum gyi rab 'bring gsum gsum ste/ /bye ba bdud 'bum sum 'bum dang/ /'bum dang bdun

  405. 203a

    khri sum khri dang/ /khri dang bdun stong sum stong dang/ /stong dang bdun brgya sum brgya dang/ /de ltar byas pas dag par 'gyur/ /de ltar mi 'grub rnal 'byor pas/ /gtor ma chen po'i cho gas kyang/ /sbyin sreg bzhin du bstan nas su/ /nyams pa dag ste skongs par 'gyur/ /sbyin sreg bzlas brjod gtor ma las/ /byung ba'i dngos grub gsum gyis ni/ /dam tshig nyams par skongs par 'gyur/ /thun mongs dngos grub grub nas kyang// brgyud pas mchog kyang 'grub par gsungs/ /bsgom pa las byung dngos grub kyi/ /dam tshig nyams pa skongs gyur na/ /dngos grub gnyis ka thob par 'gyur/ /lhag ma rnams kyi cho ga ni/ /slob dpon rab gsum phar bor nas/ / 'bring gi gsum gyi rab tu bstan/ /tha ma gsum gyi 'bring du bstan/ /tha ma rab kyi sbyin sreg gcig /'bring gi gtor ma 'am bzlas brjod bya/ /tha mas bla ma'i mchod pa bya/ /bla ma'i mchod pa'i man ngag kyang/ /maN+Dal gsum mas /cig byas la/ /maN+Dal mthar phyin mdzes pa la/ /me tog mdzes ldan mchod pa bsag /lus tshags bgos pas pus btsugs nas/ /bdun dang bcu dang bcu gnyis dang/ /bya ba cho ga gzhan dang mthun/ /khyad par bdag gi sdig pa ni/ 'od zer dra bas bsdus nas ni/ /phyung nas gdan gyi pad stengs su/ /bla ma yi dam dkon mchog dang/ /bdag gi 'od zer 'khrul 'khor dang/ /sdig pa spyod zhing bshags pa bya/ /yang na sgyu ma lta bu'i sems/ /de bzhin byas pas dag par 'gyur/ /yan lag cho ga bstan pa ni/ /rtsa ba'i tha ma gsum po dang/ /go rim bzhin du shes par bya/ /khyad par cho ga stan pa ni/ /rdo rje spun ni bkug gyur nas/ /sgrib spyod lha ru bskyed pa la/ /mchod pa la sogs gong bzhin no//

  406. 203b

    de bzhin 'gyur na 'ang gong bzhin/ /bde bshegs bka' 'das dus su na/ /gong du nyams pa de lan/ /sbyang pa la sogs tu? ba dang/ /rigs kyi lha ? phyag mtshan nam/ /A li kA li phreng pa ni/ /bstims nas gong bzhin shes par bya/ /sems can byams sems dam tshig la/ /gang du spabs pa de bkug nas/ /dngos dang bsam pa gnyis kas su/ /sbyang ba la sogs gong bzhin bya/ /byang sems spang ? yang/ /phyi nang yang mi gnyis su bstan/ /phyi ni gong bzhin nang gi ni/ /'phab ra ka tar ma zin pa'o/ /de yi sbyang ba la sogs kun/ /snying ga gong 'og la bstims nas/ /rang gi po ti kho na la/ /gzhan gyis po ti'am dngos de nyid/ /bsams dang dngos la sogs pa ni/ /gong ma bzhin du shes par bya/ /de 'og slar yang smin par bya// yang na yi dam lha sogs la/ /gong bzhin khyad par dag gis spyad/ /phung po lha ru bsam nas ni/ /nang mchod nang gi sbyin sreg ni/ /bsam te sbyad pa'i cho ga bya/ /rang bzhin chos kyi gnas de ru/ /the tshom za ba'i de nyid la/ /rang bzhin de nyid bsams nas su/ /de nyid lha 'am thig le 'am/ /yig 'bru gtum mo la sogs la/ /rtsad mchod la sogs gong bzhin? bya/ /sems can gdugs pa sbyangs pa dang/ /bla ma spun la mchod par bya/ /stong pa'i don la mos pa dang/ /bla ma yi ni dbu steng du/ chos sku'i rtags dang gtsug tor la/ /khyad par mchod par bya ba'o/ /sems can dad ldan bkug nas ni/ /sbyang ba la sogs byas nas kyang/ /dkyil 'khor sgrub cing dbang bskur dang/ /man ngag zab mo'i don bstan pa/ /lhang dmigs mchod pa la sogs bya/ /dam tshig thams cad dran nas kyang/ /thams cad ltar dmigs khyad par ni/ /spyad par bya ba la sogs la/ /rigs lnga yab yum bsams nas ni/ /mchod cing sbyang bar bya ba yin/ /shes rab thams cad bkug nas ni/ /sbyang ?

  407. 204a

    byas la lha mor dmigs/ /mchod pa sna tshogs khyad par bsam/ /bdag po dang bcas gzugs? pa la/ /sbyar? pa la sogs ? bzhin bya/ /? bzhin pa bzlog /mal ba la sogs pa byin brlab la/ /lha yi rnal 'byor bltas nas ni/ /phan tshun mchod pas tshim par bya/ /tha mal lce 'di sbyangs nas su/ /rdo rje lce ru? byin brlabs la/ /gang bshad legs bab nas pa ni/ /sbyang dang lha bsam la sogs bya/ /khyad par rdo rje 'od zer las/ / bzlas shing mchod? pas tshim par bya/ /bstan bya nyid kyang bkug nas ni/ /gse zhing sbyar pa'i cho ga bya/ /rnal 'byor spun rnams bkug nas ni/ /sbyang ba la sogs gong bzhin no/ /snod ldan sems can bkub nas ni/ /sbyang ba la sogs bya ba dang/ gsang ba dngos dang bsam pa yis/ /bstan la sogs pa bya ba'o/ /dang ldan kun la gong bzhin no/ /sbyang ba la sogs dngos dang bsam/ /gnyis ka'i thabs gyis bstan pa yin/ /nyan thos la sogs spyod pa dang/ /bdag nyid sbyang par bya ba'o/ /rnal 'byor lha la nan tan bya'o/ /nga rgyal la sogs spyad pa'o/ /de ltar cho ga byas nas ni/ /dam tshig nyams pa bskongs nas kyang/ /dngos grub rnam gnyis thob par gsungs/ /las dang po yi gang zag la/ /rtog pa sna tshogs dkur gyur pas/ /rig 'dzin sa ni ma thob par/ /dam tshig nyams pa 'byung 'gyur pas/ /bskang pa'i cho ga ma byas na/ /ngan song gsum dang rdo rje yi/ /dmyal ba dag tu ltung bar 'gyur/ /bskal pa grangs med gnas nas ni/ /de nas bskal bar tsha grang myong/ /de nas byol song yi dags su/ /yun ring gnas nas brgya lam na/ /sems can glan lkugs la sogs su/ /yun ring gnas nas tha mar ni/ /sngon gyi dge ba'i sa bon gyis/ /bde gshegs thugs rjes phrad pa dang

  408. 204b

    de ru dam tshig nyams gyur na/ /slar yang thun la ltung bar 'gyur /ma nyams gyen du 'gro bar 'gyur/ /da bas nan tan cher bskyed cing/ /dam tshigs la 'bum sde ni/ /lung rgyud kun la'ang gsal bas na/ /shes rab can gyis blang par bya'o/ /'di ni blangs na dod du gsungs/ /theg pa chen po smod pa dang/ /khyad par gsang sngags smod pa ni/ /bskal pa mthal yi bar du yang/ /lce la phur bus 'debs shing khro chu ldung/ /de bas gsang sngags 'di la smad par mi bya'o/ /rgyud rnams kun dang mi 'gal tsam du ni/ /dper na sa gzhi lta bu'i dam tshig 'di/ /sgrub dang slob dpon rnams la bstan pas su/ /myu gu lta bu'i sangs rgyas grub par shog /rin chen phug gi yang gter du/ /snying pos dam tshig nyams pa la/ /bskang pa'i cho ga mi shes pas/ /mkha' 'gro ma yi nad kyis btab/ /de la slob dpon chen pos su/ /rdo rje'i stong glu'i gshags pa yis/ /mkha' 'gro ma la bshags nas kyang/ /mkha' 'gro ma yi rgyud kun tu// cho ga zab mo sbas pa la/ /yang nas yang du gsol btab pas /mkha' 'gro ma yis chos bstan te/ /de ni slob dpon chen po yis/ /bdag gi rna bar brgyud pa 'di/ /phyi nas rnal 'byor don chen du/ /bdag gis rim par bkod pa yang/ bde gshegs mkha' 'gros bzod par bzhes/ /slob dpon chen po snying po zhabs kyis mdzad pa/ slob dpon b+ha? bi pa'i gdams ngag mngon par bkod pa rdzogs so// // */ /rdo rje theg pa'i rtsa pa'i ? bi? rgya cher 'grel pa bzhugs / mkhas pa chen po dpal mar me mdzad kyis mdzad/ / */ /rgya gar skad du / ? la pa ti DI? ka / bod skad du/ rtsa ba'i ltung ba'i rgya cher 'grel pa/ 'phags ma sgrol ma la phyag 'tshal lo/ /ltung ba

  409. 205a

    bcu bzhi po ni dkyus su bsdebs pa bdun te/ /bdun po de dag la ltung ba'i ngo bo bdun dang/ rgyu bdun dang/ dngos po bcu bzhi zung bral na bcu bzhi po tshan tshan gsum mo/ /de la ltung ba dang po dang gnyis pa'i ngo po dang rgyud gcig ste/ bla ma la brnyas pa nyid bde bar gshegs pa'i bka' las 'das pa ste/ de yang/ bla ma dang ni rdo rje 'dzin/ /tha dad par ni mi brtag go /zhes gsungs pa'i phyir ro/ /des na rdo rje 'dzin pa dang/ /bla ma tha mi dad pa'i phyir ltung ba gnyis ngo bo dang rgyu gcig go /brnyas pa'i yul bla ma de yang thun mong gi lam 'khor ba yid la byas pa 'di las blo log pa byas pa shes shing byas pa gzo ba la brten nas byams pa dang snying rje brtan par byas pa de gnyis kyi stobs las byung ba'i byang chub kyi sems brtan par byas 'jug pa'i sdom pa dang ldan pas mi mthun pa'i phyogs/ /snying rje med cing khro la gdug /khebs? shing chags la ma bsdams dang/ /spyoms dang bcas par mi bya'o/ /zhes gsungs pas thun mong gi lam gyi mi mthun pa de rnams las log nas/ thun mong ma yin pa'i mtshan nyid dbang bzhi'i sgo nas lta ba dang/ spyod pa dang/ sgom ba gsum gyi man ngag dang ldan pa de yang dang yang du/ goms par byas pas yon tan dang/ brtan zhing dul la blo gros ldan/ /bzod ldan drang la g.yo sgyu med/ /sngags dang rgyud gyi sbyor pa shes/ /snying rje ldan zhing bstan bcos mkhas?/ /de nyid bcu ni yongs su shes/ /dkyil 'khor 'dri ba'i las la mkhas/ /sngags bshad pa yi spyod pa shes/ /rab tu zhi dang dbang po dul zhes bya bas de ltar yon tan bcu bzhi dang ldan pa lta ba rnam gnyis grub par gnas pa'i don dang/ /nges par grub pa'i thabs lnga dang//

  410. 205b

    spyod pa rnam pa gnyis dang/ dbang rnam pa bzhi'i man ngag dang ldang pa'i grub pa'i tshig gi nyams dang ldan pa'i bla ma zhes bya ba ste/ /de lta bu'i bla ma dam pa nye bar bsten pa'i sgo nas/ slob ma de rdzogs pa'i byang chub sems brtan par bya ba dang/ /'jug sems kyi sdom pa dang ldan par bya ste/ 'og nas mnyam par bzhag pas bla ma la/ /ci 'byor pa yis mchod byas la/ /gsum la skyabs 'gro nas brtsams te/ /byang chub sems sogs sdom pa ni/ /gal te bdag la phan 'dod na/ /sngags pas 'bad de bzung bar bya/ /zhes gsungs pas / bla ma des dang po 'khor ba'i nyes dmigs yid la bya ba dang / skyabs su 'gro ba dang byams pa dang snying rje'i sgo nas byang chub tu sems brtan par byas 'jug sems kyi sdom pa dang ldan pa la dbang bzhi snod du bsgrubs nas lta spyod sgom pa gsum gyi man ngag dang ldan par bsgrub pa de'i phyir ro/ /de nas sngags sogs sbyin pa yis/ /dam chos snod du byas nas so zhes gsungs pa'i phyir ro/ /de bla ma la rag las pas/ dngos grub slob dpon rjes 'brang zhes/ /rdo rje 'dzin pa nyid gsungs par/ /shes nas dngos po thams cad kyis/ /bla ma yongs su mnyes par bya zhes bya ba de lta bu'i bla ma des dus rtag tu phun sum tshogs pa mdza' dag gi 'byung gnas/ /'khor ba'i rgya mtsho nas 'byin byed dngos grub thams cad kyi ngag las sa yin pas de'i phyir / gdan bstan pa dang ldang ba dang/ /don gyi bya ba sogs bsnyen bskur zhes pa dang / bla ma las ni dngos grub dang /mtho ris dang ni thang pa thob ces pa nas mdun du dul bas 'dug par bya zhes bya ba'i bar du bya ba mdza' dag dran pa dang shes bzhin gyis ma yengs par bya ba'i tshul gyis bla ma bsten par bya'o/ /de lta bu'i bla ma la brnyas na sangs rgyas thams cad

  411. 206a

    la brnyas pa ste/ de 'dra'i mgon la bsam bcas pas/ /slob mar gyur nas brnyas na ni/ /sangs rgyas thams cad brnyas nas ni/ /des ni rtag tu sdug bsngal 'thob ces pa nas der ni gnas pa yang dag bshad ces bya ba'i bar dang/ /de bas 'bad pa thams cad kyis/ /rdo rje slob dpon blo gros che/ /dge pa yongs su mi spyoms pa/ /nam yang smad par mi bya'o/ /zhes pa de ni rtsa ba'i ltung ba kun gyi ngo bo nyid do/ /sbyor ba la sogs pa ni phal cher bla ma gser gling pa la sogs pa'i bshad pa las shes par bya'o/ /ltung ba de gnyis kyis rgyu ni bla ma grub pa thob pa'i tshig gi nyams dang bral ba rnams dang phrad pa'i dbang gis lam gyi snod du ma bsgrubs par dbang la sogs pa byas kyang/ /rtsa ba ma brtan pa'i dbang gis nges par 'dren ma nus zhing/ nges pa med pa'i phyir bla ma gtso bor mi byed/ /de'i phyir slob dpon brnyas pa la sogs pa thams cad 'byung ste/ de ni log par bstan cing sgrubs pa zhes bya ste/ sngon du 'gro ba'i sbyang ba gang yang med par dbang dang bskyed rdzogs kyi man ngag bsten du zin kyang rtsa ba med pa'i dbang gis myur du 'jig la nges par chung ngo/ /de bas na de gnyis ni bka' 'das dang gnyis kyi rgyu yin pas na/ dz+nyA na sid+d+hi las/ rang nyid kyis lam ma mthong bas/ /ji lta bzhin du gzhan dag 'dren/ /long ba gnyis ni 'grogs gyur na/ /gnyis ka lhung bar the tshom med ces? pa dang/ yang sdig pa can gyi lam de yis/ /bgrod pa nyams pa thob par 'gyur zhes pas bla ma dam pa la brten par bya'o/ /spyan? la nyes pa brjod pa dang / byams pa spong pa gnyis ltung ba'i ngo bo gcig la de 'byung pa'i rgyu yang gcig ste/ de'i rgyu ni sngon? du ? mi ? gi lam sbyangs snying rje

  412. 206b

    ma sbyangs pas sems can la phan 'dogs pa dang gces par 'dzin pa'i glo? med la / /de'i dbang gis gnod cing smod pa la sogs pa'i rkyen phra mo mi bzod de/ /de'i phyir spun la nyes pa brjod cing sems can la byams pa spong ba des de gnyis ngo bo gcig ste gzhan la gnod par 'drangs so/ /byang chub sems spong dang grub pa'i mdza' smod pa gnyis rgyu dang ngo bo gcig ste/ rgyu ni byams pa dang snying rje'i stobs kyi byang chub kyi sems brtan par ma byas par blangs su zin yang mi brtan te/ / de yang thams cad la ni lhag pa'i gnas/ /gang du thams cad 'jig pa ste/ /bskal pa bye ba stong du yang/ /yang dag skyed pa'i dge ba che/ /byang chub sems ni bskyed pa yi/ /bsod nams tshogs ni gsags pas so/ /bskal pa bye bas 'byung ba ni skad cig nyid la rnam par 'jig /de bas don de bsrungs pa ni/ /de bzhin gshegs pas rab tu gsungs zhes 'byung bas/ /byang chub sems de spangs ba dang/ /spangs pa'i tshad dang/ de'i nyes pa'o/ /spangs pa ni gsum ste/ bla ma la brten nas dang/ spun la brten nas dang/ sems can la brten nas spong pa'o/ /tshad ni rten gsum po de la brten nas nyon mongs pa'i bsam pas g.yo sgyu la sogs pas nyid tshan cha ci rigs par 'das pa'o/ /dge pa'i rtsa ba rtsed nas 'byin pa ni nyes pa'o/ gzhan gyi byang chub kyi sems kyi bar chang byas na yang nyes pa che bar shes par bya'o/ /de la rang gi theg pa ni theg pa chen po gnyis so/ /gzhan ni nyan thos kyi'o/ /smod pa ni gong ma ltar mi sbyong zhing smod pa ste /rang mig nas shing gzhan mi 'dzud pa'o/ /gsang ba sgrogs pa dang phung bo smod pa gnyis rgyu dang ngo bo gcig ste/ rim gyis ma sbyangs pa'i phyir snod du ma gyur pa la gsang ba'i don grub par gnas pa'i don lta ba rnam pa gnyis la sogs pa bstan pas / phung po lha yi bdag nyid la sogs

  413. 207a

    pa skyed pa'i go rim spong pas rgyu dang ngo bo gcig go /de yang lha yi gzugs ni bsgoms pa la/ /sems kyi brtson pa dag la ni/ /glegs bam tsam yang bstan pa ni/ /sbyin par mi bya shes bya ste/ /rdo rje ye shes rab spong pas/ /rmongs pa dmyal bar 'gro bar 'gyur/ /de yi dmyal ba'i rgyur gyur pas/ /mi de 'ang dmyal bar 'gro bar 'gyur/ /de dang bdag gzhan 'phung ba ni/ /'byung bar nges par bsrungs par bya zhes so/ /chos la yid gnyis za ba dang// sdug la byams sems gnyis rgyu dang ngo bo gcig ste/ /de yang sems can thams cad rang bzhin dag pa 'od gsal dang zung 'jug gi rang bzhin du gcig pa la/ de gnyis la the tshom za ste/ 'khor ba dang zhi ba'i phyag rgya chen po zung du ma rtogs pa'i dbang gis gdugs pa can de gnod cing dmod pa la sogs pa byang chub kyi rkyen du byung ba la rdeg pa la sogs pa drag shul gyi sbyor bas phan pa ma yin par bsgrubs pas rgyu dang ngo bo gcig go /ming sogs bral ba'i chos la der rtog pa dang/ /dang ldan sems sun 'byin pa rgyu dang ngo bo gcig ste/ ming la sogs pa bral ba ni grub pa'i gnas pa'i don nam mkha' lta bu'i rang bzhin 'od gsal ba la dngos po dang mtshan mar brtags pa'i rgyus de la dad pa'i sems can dbang po rab dang ldan pa rnams sun 'byin te / ma zhugs pa la mi 'jug la zhugs pa bzlog cing brtan par mi byed pas so/ /dam tshig mi bsten pa dang shes rab smod pa gnyis kyang / bdud rtsi lnga la sogs pa'i dam tshig mi sten pa ni shes rab smod pa'i rgyu yin te/ de la spong pa nyid de spong ba'i rgyu'o/ /des na dang por bla ma grub pa thob pa'i tshig gi nyams dang ldan pa brtags la legs par blang gi gzhan du ni ma yin no/ /des na /bla ma dang ni slob ma dag /mtshungs par dam tshig nyams gyur pas//

  414. 207b

    dpa' pos dang por slob dpon dang/ /slob ma'i 'brel pa brtags par bya zhes pas so/ /de ltar ltung ba de rnams las 'das pa na nyes pa bstan pa ni slob dpon la smod pa de zhes pa ni mtshon pa'i don te/ /ltung ba gzhan la nyes pa 'dra par? shes par bya ba'i lci yang ni yod de / de'i nyes pa ni yams dang zhes bya ba'i tshigs su bcang pa gcig go /rgyal po me dang zhes pa'i tshigs su bcad pa gcig go /de'i phyir na ma yang chigs su bcad pa gsum mo/ /gal te bsam pa'i sgo nas nyams na bla ma'i spyan sngar maN+Dal la sogs pas mchod la nyes pa ming gis bshags te phyis bsdam zhing bla ma la sangs rgyas kyi blo nyis 'gyur du bslab ste /de'i phan yon bstan pa'i phyir bla ma la ni zhes pa'i tshigs su bcad pa gcig go /de bzhin du ltung ba lhag ma rnams kyang bsam pa'i bye brag gis bskad par bya'o/ /des na /dang por bla ma legs par brtag cing legs par bsten la de nas snod du sgrub par gsol ba gdab/ /nges kyang rjes su brtse ba'i sgo nas snod du bsgrubs te/ dang po 'khor ba'i nyes dmigs dang /lha dang bla ma la brten du gzhugs so/ /de nas thun mong ba'i skyabs 'gro la brten la/ so sor thar pa'i sdom pa brtan du gzhug /de nas khyad par gyi skyabs 'gro la brten nas byang chub kyi sems brtan du gzhug /de nas 'jug pa'i sdom pa lags par byin la dbang bzhi'i sgo nas lta spyod sgom gsum gyi rtogs pa sgrub bo/ /de nas rtogs pa dang mthun pa'i lam la sbyar te/ de yang dang po bskyed pa'i rim pa dang sbyar te/ de yang bskyed pa'i rim pa'i dus su bla ma dang lha tha mi dad pa la tshogs bsags pas ltung ba dang po brgyu spangs/ /go rim de rnams dbang po rab kyi chos thams cad zung 'jug tu rtogs pa sgrub pa'i thabs su shes par bya'o/ /'bring dang tha mas tha ma la pa'i rtog pa bzlog pa'i thabs su

  415. 208a

    shes par bya pa'i phyir byin ci ma log pas ltung ba gnyis pa dang bdun pa dang brgya ? dang drug pa dang bcu gnyis pa'i ? snying rje byang chub kyi sems dang ldan pa dang thun mong ma/ yin pa'i lam rnal 'byor dang bdag dang gnas bsrung pas ltung ba gsum pa dang bzhi pa dang lnga pa dang dgu pa dang bcu pa'i rgyu spangs/ de nas rdzogs pa'i ? la brten nas chos thams cad 'od gsal du rtogs pa bsgrubs nas bdud rtsi lnga la sogs pa'i dam tshig brten pas bcu gsum pa dang bcu bzhi pa dang bcu gcig pa'i rgyu spangs / yang na lha la gsang ba dang shes rab dang bzhi pa spangs pas bcu bzhi pa dang bcu gsum pa'i rgyu spangs?/ de ltar na bcu bzhi po rnams mnyam gzhag gi las kyi rim pa la 'dus pas rjes kyis kyang de'i bdag nyid du bya dgos pa'i nges pa bskyed cing brtan par bya'o/ /dngos bzhi'i dbang du byas nas ltung ba re re la ltung pa'i ngos 'dzin dang/ rkyen gang gis byung ba dang / nyes pa dang /tshul ji ltar mi 'byin pa'i thabs so/ /bde gshegs bka' ni 'khor ba'i nyes pa nas byas shes dang/ byas gzo dang / byams dang snying rje dang 'jug pa'i sdom pa'i bar du bar? brten par bya ba dang/ khyad par can dbang rnams pa bzhis snod du bspungs nas lta ba la sogs pa'i man ngag ni bde gshegs kyi bka' o/ /'das pa ni ma gus pa dang /bag med pa dang / mi shes pa dang / nyon mongs pa mang pa'i dbang gis so/ /nges na bla ma'i spyan sngar dam bcas pa brtan par mi byed par nyin mtshan gyi cha 'das pa ni ltung ba'o/ /rkyen ni ma dang po la sogs pa bzhi'o/ /nyes pa ni sngar yams dang zhes pa'i tshigs su bcad pa bzhi ste/ bla ma'i skabs su bka' las 'das pa dang shes rab smod pa zhes re re la sbyar/ /mi 'gyur? pa'i thabs ni bla mas bstan

  416. 208b

    pa'i lam dran pa dang shes bzhin gyis mar me dang chu'i rgyun ltar yid la bya'o/ /spun ni sbyor ba gcig pa dang de las gzhan pa dang sems can mdza' dag go /nyes la brjod pa'i yul la brda phrad cing nyin mtshan gyi sum cha 'das na ltung ba'o/ /rkyen ni yul gsum po gang yang dung bas sems dang mthun par ma byas pa dang/ mi byed pa'i dbang gis zhe sdang dang phrag dog gam nyon mongs pa gang yang dung ba dang mtshungs par khro ba'o/ /mi 'byin pa'i thabs ni khro ba'i rkyen nye bar gnas pa'i tshe byas pa shes pa la sogs pa byams pa yid la bya ba dang/ yang na chos thams cad skye med du yid la bya pa'o /byams pa ni byas pa shes pa'i sgo nas sems can thams cad la phan par 'dod pa'o/ /spong ba ni phan pa ma yin par bsgrubs pas nyin mtshan gyi cha 'das na ltung ba'o/ /rkyen ni gong ma ltar yul gsum la brten nas bdag gi bsam pa dang mthun par mi byed pa dang/ /ma byas pa'i dbang gis phan pa ma yin pa sgrub cing spong pa'o/ /mi 'byung pa'i thabs ni rkyen nye bar gnas pa'i dus su de la ched du gtang pa'i tshul gyis byams pa yid la bya ba 'am zung du 'jug pa shes par bya'o/ /byang chub kyi sems ni sems can gyi don du rdo rje 'chang 'dod pa'o/ /de spong ba ni yul gyi dbang gis gsum ste/ /bla ma dang rdo rje spun dang sems can la g.yo sgyu spyad pas yon tan thob par bya snyam? pa dang/ don dor bar nyin mtshan gyi cha 'das pa'o/ rkyen ni snga ma ltar ro/ /mi 'byin pa'i thabs ni mi mthun pa'i rkyen nye bar gnas pa'i dus su phan yon dang nyes dmigs shes pas byang chub kyi sems bsgom par bya'o/ /yang na skye ba med pa yid la bya'o/ /rang gi grub pa'i mdza' ni theg pa chen po rnam pa gnyis so/ /gzhan gyi ni nyan thos dang bse ru'o/ /he badzra 'dus pa'i le'u ltar rim

  417. 209a

    gyis mi sbyong bar smod pas nyin mtshan 'das pa'o/ /rkyen ni bla ma dam tshig nyams dang bral ba rnams dang/ phrad pas lam rim gyis spyod pa rnams la smod cing khro ba'o/ /mi 'byin pa'i thabs ni blo rim gyis brlabs pas theg pa gcig tu shes par bya'o/ /yongs su ma smin pa ni lam rim gyis ma sbyangs pa'o/ /gsang ba ni grub pa gnas pa'i don nam mkha' dang 'dra bar lta ba gnyis so/ /sgrogs pa ni lus dag gi sbyor bas nyin mtshan 'das na'o/ /rkyen ni ma sbyangs pa dang phrad pa'i dbang gis so/ /mi 'byin pa'i thabs ni yul de lta bu dang brad pa na blo'i bye brag gris nas de dang mthun par bya'o/ /phung po smod pa ni bskyed pa'i go rim mdza' dag bzung ngo/ /smod pa ni de bsgom par nyin mtshan 'das na'o// rkyen ni zab mo ston pa'i lung dang yongs su 'dzin pa ngan pa las so/ /mi 'byin pa'i thabs ni lha sgom pa'o/ /rang gzhin dag pa ni lta ba gnyis so/ /som nyi za ba ni de gnyis kyi rtogs pa ma skyes pa'o/ /de'i bdag nyid du rtogs pa med par nyin mtshan 'das na'o/ /rkyen bla ma dam pa dang bral bas dngos por lta ba'i dbang gis so/ /mi 'byin pa'i thabs ni bla ma dam pa'i dag la brten nas lta ba goms par bya'o/ /gdag pa can ni mi dang mi ma yin pa rnams so/ /bdag la gnod pa'i dbang gis zhe sdang gis bslad nas phan pa ma yin pa drag po byed pas nyin mtshan 'das na'o/ /rkyen ni nyes par byas pa'i dbang gis so/ /mi 'byin pa'i habs ni bzod pa bsgom pa ste bdud phyir bzlog pa'i lung las shes par bya'o/ /ming sogs bral ba'i chos ni 'od gsal ba dang zung du 'jug pa'o/ /de rtog pa ni de gnyis kyi rang bzhin dang mi mthun par gzhan bu ? pas nyin mtshan 'das pa'o/ /rkyen ni dge pa'i gshes gnyen dang ma ? pa'o/ /mi 'byin pa'i thabs ni

  418. 209b

    de'i gdams pa las so/ /dang ldan ni lam rim gyis ma sbyangs kyang grub par gnas pa'i don la 'dod pa'o/ /sun ba byin pa ni ma bstan pa dang log par bstan pas so/ /rkyen ni mos pa'i gang zag dang phrad pas so/ /mi 'byin pa'i thabs ni rtog pa dang sbyar te chos bstan pa'o/ /dam tshig ni bza' ba'i dam tshig bdud rtsi lnga la sogs pa'o/ /mi ston pa ni mi gtsang ba'i blos dor te dus 'das pa'o/ /rkyen ni rdzas nye bar gnas pa'o/ /mi 'byin pa'i thabs ni mi rtog pa'i sems kyis so/ /nyes pa 'di rnams lci yang yod kyang gnod pa ni 'dra'o/ /ci'i phyir zhe na rtsa ba'i ltung ba yin pas so/ /sngags pas 'di dag spangs nas ni/ /dngos grub nges par thob par 'gyur zhes bya ba ni spang bya spangs pa'i yon tan no/ /gzhan du dam tshig las nyams na/ /nyams pas bdud kyis bzung bar 'gyur/ /de nas sdug bsngal myong 'gyur zhing/ /thur du ltas te dmyal bar 'gro zhes bya ba ni nyams pa'i nyes pa mdor bsdus pa'o/ /de bas nga rgyal bcom nas ni/ /bdag nyid ma 'khrul shes par bya/ /zhes pa ni bag bya ba la bslab pa'o/ /dbang bskur nas ltung ba bcu bzhi pa dang bla ma lnga bcu gang 'dod pa'i sgrub thabs dag ni don rgyas par ston pa yin pas nges par nan tan gyis bslabs te gzhan du na bla ma'i nyes pa'o/ /de ltar bcu bzhi po bsdun gsum ste/ /thun mong gi byang chub kyi sems mi nyams par byed pa dang/ khyad par gyi byang chub kyi sems mi nyams par byed pa dang/ de gnyis ka mi nyams par byed pa'o/ /ltung ba dang po dang gnyis pa ni/ gnyis ka ma nyams par byed pa'o/ /spun la dang byams srod dang/ byang chub sems 'dor dang/ grub pa'i mdza' smod pa dang/ gdugs pa byams pa spong ba ste/ lnga po de dag ni thun mong gi sems mi nyams par byed pa ste/ de bsan 'bad pas bsrung ngo

  419. 210a

    gsang bsgrogs pa dang/ phung po smod pa dang/ dag pa'i chos la yid gnyis dang/ ming sogs bral la ded rtog dang/ sems sun 'byin pa dang/ dam tshig mi bsten pa dang/ shes rab smod pa de rnams spangs pas khyad par gyi byang chub kyi sems mi nyams par byed pa'o/ /yang de ni lta spyod bsgom gsum gyi rang bzhin yang yin te/ chos la yid gnyis dang/ ming sogs bral la der rtog spangs pas lta ba rnams nyid rtogs pa'o// dang po dang gnyis pa dang gsum pa dang bzhi pa dang lnga pa dang drug pa dang bdun pa dang brgyad pa bcu pa'i dgu spangs pas bsgom pa'i man ngag dang/ sems sun 'byin pa dang/ dam tshig mi sten pa dang/ shes rab smod pa gsum gyi dgu spangs shing sbyangs pas spyod pa'o/ /de gsum ma spangs par bsgoms pas bka' 'das dang/ bla ma brnyas pa ma spangs pa yin no/ /debas na bcu dang lnga bcu pa nan tan yang dang yang du bya ste dngos grub thams cad kyi rtsa ba yin pa'i phyir ro/ /nyams na nyes pa thams cad kyang 'byung ngo/ /de lta ma yin par sngags tshig tsam gyis man ngag bstan nas/ bla mar khas 'che ba ltung ba'i snang du bsgrubs na ni dge ba'i rgyu byas pa bas/ /mi dge ba'i bdag po'i rkyen zhes bya/ sdig pa'i grogs po dang bdud sdig can dang/ slu bar byed pa zhes bya ste skyon mang du mi brjod do/ /da lta bu'i bla ma dang slob ma de yang dag par rdzogs pa'i sangs rgyas kyi chos kyi phung po rnams brnyed pa dang bskur sti'i rgyur bsgrubs pas ngan song sgrub ba'i thabs dang rkyen des dug dang bdud rtsi 'dres pa dang 'dra'o/ /de bas na bla ma dam pa bsten pa gces par rdo rje 'char chen pos gsungs so/ /dam pa'i grogs dang bla ma dang/ /ma brang srid par 'khyams pa las/ phan phyir bla ma'i lung bzhin du/

  420. 210b

    bris pas de dag la phan shog / 'di mthong tsam gyis skye bo rnams chos la nan tan bya ba'i rgyar/ gyur nas bla ma gtsor byed cing/ bsgrub la nan tan byed pa'i rgyar/ /skal ngan skye bo rnams dang brad pa na/ /rang skyon dbang gis smod par byed mod kyi/ /drang srong chen po'i lung ni su zhig spong/ /de phyir de dag la 'ang snod ma gyur/ /gsang ba bla na med pa yi/ /rdo rje theg pa'i sgong zhugs pa'i/ /rnal 'byor pa rnams slab pa'i phyir/ /gsal byed man ngag bkod pa'o/ /gsang sngags rdo rje theg pa'i rnal 'byor pa rnams kyi bslab pa gsal bar byed pa'i man ngag ces bya ba/ /slob dpon rgyal ba'i lhas mdzod pa'i rtsa ba'i ltung ba'i 'grel pa/ /mkhas pa chen po dI pa ka ra sh+rI dz+nyA na'i zhal snga nas gsungs pa rdzogs sho// // paN+Di ta de nyid dang/ lo tsA ba dge slong tshul khrims rgyal bas bsgyur ba'o// //*/ /rdo rje theg pa'i rtsa ba'i ltung ba'i rgya cher bshad pa 'jam dpal grags pas mdzad pa bzhugs so/ /*/ /rgya gar skad du/ badzra yA na mU la pa ti TI kA/ bod skad du/ rdo rje theg pa'i rtsa ba'i ltung ba'i rgya cher bshad pa/ 'jam dpal gzhon nur gyur pa la phyag 'tshal lo/ /rtag nas dus gsum bde gshegs mnyam nyid sku/ /kha sbyar bde chen longs spyod yongs rdzogs dpal/ /bdud bzhi las rgyal 'gro kun re 'dod skod/ /thugs rje bdag nyid 'jam mgon phyag 'tshal te/ 'dir ni mi mkhas gsang sngags don la mngon rmongs pa'i/ /dbang bskur dam tshig med de zhal gyi bdud rtsi bral/ /bdud kyi mngon bslus rang nyid phung pa kho nar zad/ /snying rje'i gso thabs bdud rtsi 'di ni bshad par bya/ /lam mchog rnams kyi gzhir 'gyur dam tshig 'di/ /theg mchog rgyud kun las ni rab bstan pa/ /slob dpon gzhan dag gzhan du 'chad de 'di'i don/ /

  421. 211a

    bdag gis bla ma la rnyed theg mchog spyod pa nyon/ /de la gsang sngags kyi tshul sbyong pa rnams kyis/ /skye ba med pa rnams kyi rgyud khong du chud par bya ste/ 'gro ba thams cad snying rjes bsgral ba'i sems sngon du btang ba/ /thig le chen po yongs su rdzogs par 'dod pas/ /mtshan nyid dang ldan pa'i slob dpon ting nge 'dzin gyi dkyil 'khor mngon sum du snang ba 'am/ gzhon nu ma la phab ste dkyil 'khor 'dri ba 'am/ yang na de nyid bcu dang ldan pas/ mngon du bris pas bum pa'i dbang dang/ gsang ba'i dbang dang/ shes rab ye shes kyi dbang dang/ yongs su rdzogs pa'i chog dang ldan pa'i slob ma la slob dpon gyis rtsa ba'i dam tshig pham pa dang/ /ltung ba dang lci ba dang sbom po dang/ yan lag dang/ nyes byas dang/ phra mo dang/ nyes pa med pa dang/ dam tshig gi tshogs rnams dbog par bya'o/ /de nas bskyed pa'i rim pa dang/ rdzogs pa'i tshul gyis bsgrubs na tshe gcig la sogs pas mchog gi dngos grub dang/ thun mong gi dngos grub rnams zhar la rgyas par 'gyur ro/ /de nas lhun gyis grub pa'i don thob nas/ dmigs pa med pa'i snying rje chen pos rtog pa med par sems can gyi don byed pa ni gsang sngags kyi tshul lo// // gzhan dag rdo rje rtse mo'i rgyud la sogs pa bya ba spyod pa gtso bor gyur pa las kyang/ gnyis su med pa'i don khod du chud cing/ dam tshig can gyi skye bos brtags pa'i lha dang/ ye shes kyi lha dang dbang po'i sgo mnyam par sbyar nas/ dka' thub dang/ dka' spyad dang/ khrus la sogs pa'i las dang bya ba gtsor mi 'dzin par 'grub par gsungs te/ de skad du yang khrus dang gtsang sbra 'dir mi dgos/ /dka' thub dka' spyad 'dir mi dgos/ /sangs rgyas rnams dang sems

  422. 211b

    dpa' che/ /rtag tu sbyor bas 'grub par 'gyur zhes 'byung ba dang/ gzhan yang thig le nyams gnas kyi rgyud las/ /bde ba chen po'i rang gnas na/ /dam tshig med cing sdom pa'ang med/ /bya dang byed pa rtsom pa med/ /nam mkha' lta bur 'grub par 'gyur zhes 'byung ba dang/ /byang chub kyis sems 'byung ba'i rgyud las/ /byang chub sems la mnyam gnas na/ /dam tshig sdom pa nyams ma yin zhes 'byung ba dang/ /thugs gsang ba'i rgyud las kyang/ /sgros med thig le'i dang gnas na/ /bya ba ma yin spyad kyang 'grub zhes 'byung ba dang/ /rtog pa yongs su zad pa'i rgyud las kyang/ /dam tshig la sogs brtags pas 'ching/ /sgyu ma'i sbyer shes stong pas 'grub zhes 'byung ba dang// mkha' 'gro ma gsang ba mdzod las kyang/ /'di star snang ba'i dngos po rnams/ /sgyu ma lha dang lha mor gnas/ /bsdam bya med cing sdom byed med/ /rtsa dang rlung dang thig le med/ /sbyong pa nyid kyis 'grub par 'gyur zhes 'byung ba dang/ /gzhan yang rnal 'byor dang rnal 'byor ma'i rgyud thams cad las kyang/ /bde ba chen po'i don rtogs na/ /bsnyung bar gnas pa la sogs pa/ /dman pa'i spyod pa bshad pas na /zab mo'i ngon rdo rje theg pa rnams kyis ni/ /rang bzhin gyis gnas pa'i lha'i sbyor pas/ /rtag par thig le chen po mnyam pa nyid la gnas na/ dngos grub kyi mchog sku gsung ye shes lnga la sogs pa thob par 'gyur ro/ /gzhan dag bya ba dang spyod pa'i rgyud rdo rje theg pa ma yin nam/ de dag las na las dang bya bas 'grub par bshad na/ /gzhan yang theg pa chen po'i mdo sde rnams las kyang/ /sbyin pa la sogs pa bsod nams kyi tshogs kyis thams cad mkhyen pa rgyu'i gtso bo zhes gsungs pa dang 'gal lo zhe na/ de dag ni bcom ldan

  423. 212a

    'das kyis dgongs bshad pa yin no/ /bus pa blo dman pa dang/ spros bcas la dga' ba dang/ /shin tu zab mo'i don la 'jigs pa rnams nye bar gzung ba'i phyir gsungs pa yin no/ /de skad du yang gsang sngags kyis don la de khon nyid la 'jug pa las/ /stong nyid lta bas grol 'gyur te/ bsgom pa lhag ma de don yin/ /lus ngag yid kyi spyod pa kun/ /theg pa dman la bstan pa yin zhes 'byung ba dang/ /slob dpon klu sgrub kyi zhal snga nas kyang/ / de nyid tshol la thog mar ni/ /thams cad yod ces smra bar bya/ /don rnams rtogs shing chags med la/ /phyis ni rnam par dbyen don nyid/ ces bshad pas so/ /gzhan du 'jam dpal sgyu 'phrul dra ba las kyang/ /las na rdo rjer ? sems can rnams kyi blo'i khyad par dang/ rigs kyi bye brag gis theg pa'i khyad par rnams bstan te/ la la la phyi rol pa'i tshul lo/ /la la la nyan thos kyi theg pa'o/ /la la la rang sangs rgyas kyi theg pa dang/ gzhan yang pha rol tu phyin pa'i theg pa dang/ rig pa 'dzin pa'i rgyud dpag tu med pa bstan kyang/ /theg le chen po yi ge med pa brda dang bral bas gnyis su med pas sangs rgyas par rig par bya'o zhes gsungs pa gsal bar byas pas rig par bya'o/ /gzhan yang rdo rje rtse mo la sogs pa'i khungs dang/ rdo rje gtsug tor las kyang/ de kho na la mnyam gnas na/ /dam tshig med cing sdar spyad med/ /rdo rje dril bu gzung mi dgos/ /de nyid bcu bral 'grub par 'gyur zhes 'byung ba dang/ shes rab kyi pha rol tu phyin pa las kyang/ rab 'byor byang chub sems dpa' rnams kyi sbyin pa la sogs pa rnams ni spros pa dang bcas pa ste/ /mtshan mar rig par bya'o/ /don dam par ni chos kyi dbyings rgyal ba rnams kyi yum mo zhes bya ba la sogs bstan to/ /gzhan yang rdo rje 'dzin pa'i/ /

  424. 212b

    dam tshig dang spyod pas thob pa ma yin te/ yang dag po'i lta ba dang bral bas/ /rig byed gsang cig gi cho ga bzhin no/ /de'i phyir na stong pa nyid kyi don rtogs na lus dag gi spyod pa dang dam tshig la sogs pa theg pa 'og ma'i tshul yin te/ rnal 'byor chen po'i rgyud las ni/ dam tshig dang bya spyod la sogs pa mi dgos te/ de ltar rtog pa ni zab mo'i don khong du ma chung pa yin no zhes slob dpon gzhan dag zer ro/ /de yan chos nges don no// // phyogs gzhan dag la yang dbang bskur ba'i chog dang/ dkyil 'khor gyi las dang/ dam tshig gi sbyor ba la gnas na/ /lta ba gtso bor gyur pa ma yin te thun mong dang mchog gi dngos grub rten cing 'brel ba'i dngos pos kyang 'byung bar 'gyur ro/ /de dag kyang ci'i phyir zhe na/ lung dang rig pa dag ste/ rdo rje sa 'og gi rgyud las/ dkyil 'khor rdzas kyi sbyor ldan zhing/ /sbyin sreg las kyi de nyid shes/ /dam tshig sdom pa'i rgyud ldan na/ /mtshan mar bltas kyang grol bar 'gyur zhes 'byung ba'i phyir dang/ gzhan yang sku 'khros ba'i rgyud las/ las kyi sbyor ba rab shes shing/ /gsang sngags sbyor ba'i tshul bdun ldan/ /sbros bcas spyod pa rab mkhas na/ /spros pa nyid kyis grol bar 'gyur zhes 'byung ba'i phyir dang/ gzhan yang cig tu spros pa'i rgyud las/ mnyam ldan de nyid bcu shes na/ dngos por zhen pas 'gegs mi 'gyur/ zhes 'byung ba dang/ gzhan yang dam tshig rtog pa'i rgyal po'i rgyud las/ /sbyor la gnas pa cho ga'i mchog/ gsang sngags chog sbyor bas 'grub zhes 'byung ba dang/ de nyid bsdus pa chen po'i rgyud las/ gsang sngags spyod pas grol 'gyur te/ /rdo rje 'dzin pa gsang ba'i mchog /zhes 'byung ba'i phyir dang/ thugs khros pa'i rgyud las/ thung? du 'bel/

  425. 213a

    pa spyod pa'i mchog/ spyod pa'i gzhis ni rdo rje 'dzin zhes 'byung ba dang/ 'phrin las rdzogs pa'i rgyud las/ /rdo rje pad+mar rab sbyar nas/ /bde ba chen po chos kyi sku/ /zhes 'byung ba'i phyir ro/ /slob dpon klu sgrub kyi don de yang de nyid las/ /rnam par dben don mi shes par/ /thos pa tsam la 'jug byed cing/ /gang dag bsod nams mi byed pa/ /skyes bu tha shal de dag brlab?/ /'bras bur bcas pa'i las rnams dang/ /'gro bdag kyang yang dag brjod/ / de'i rang bzhin yongs shes na/ /skye ba med par bstan pa yin/ zhes bshad pa de yang/ /bdag tu lta ba la sogs pa dgag pa las kun rdzob bsod nams kyi cho gas gyis 'grub par gsal bar gsungs na/ gang dag khyed kyi gzhung la ni/ brlag par 'gyur par gsal bar gsungs te/ gzhan yang sangs rgyas ni chos can sgyu ma'i mtshan nyid 'dus byas yin te/ rten cing 'brel bar 'byung ba'i phyir/ sa bon las myu gu 'byung pa bzhin no/ /zhes lta ba gtso bor mi 'dzin par dam tshig la sogs pa'i spyod pas 'grub po zhes slob dpon kha cig 'dod do/ /de dag gi gzhung la brjod par bya ste/ re zhig phyogs snga ma ltar na/ don dam pa'i lta ba gtso che ste/ dam tshig la sogs pa'i spyod pa khyad du gsod pa'i tshul 'di? rigs pa ma yin te/ /bcom ldan 'das kyis sngags kyi rgyud sde mdza' dag dang/ theg pa chen po mdo sde rnams las/ lto ba dang spyod pa cha mnyam pa las 'grub par gsungs te/ gsang ba mchog gi rgyud las/ sbros pa'i don ni rab rtogs pa/ /theg pa mchog la mngon dad cing/ /snying rjes gzhan gyis don la mos/ /bdud rtsi lnga ni rab spyod cing/ /snang srid sgyu ma sbyor shes pas/ /lha yi sbyor ba de nyid kyis/ /bsgrub pas dngos grub mchog tu 'gyur/ /las kyi dngos

  426. 213b

    grub sbyong shes pas zhes 'byung ba'i phyir ro/ /gzhan yang rdo rje pad+ma snyoms par 'jug pa'i rgyud las/ gsang ba'i bdag po gsang sngags kyi sbyor bas/ gnyis su med par sbyor ba'i thabs rten cing 'brel par 'byung bo'i tshogs dngos grub bsgrubs na 'grub par 'gyur te/ gsang ba'i bdag po dper na skyes bu'i rtsol ba dang/ rtsub shing dang rtsub bstan dang/ lag pa dang/ rtsa rnams 'dus pa las me 'byung ba bzhin du gsang sngags kyi sbyor ba yang stong ny+d kyi don dang/ rten cing 'brel bar 'byung ba'i tshe ba dang/ dbang dang dam tshig thob bas 'grub par 'gyur gyi/ gzhan du na ltung bar 'gyur ro zhes 'byung ba dang/ dur khrod gsang ba'i rgyud las/ 'jam dpal gsang sngags la mngon par dad pa'i rnal 'byor pas/ dur khrod dam chu 'gram du dgos pa med pa'i sems kyis bskyed pa'i rim pa dang/ rdzogs pa'i rim pa'i sbyor bas grub pa dang/ sgrub pa chen po la gnas te/ zla ba drug tu rig pa'i rtul shugs spyad na/ /rdo rje 'dzin pa sa bcu gsum bsgod par 'gyur ro zhes bshad pa dang/ dam tshig bkod ba'i rgyud las/ rdo rje 'dzin pa'i tshogs rab tu nyon cig /phyi rabs kyi rnal 'byor pas/ byang chub kyi sems snying rje chen po dang/ phyin ci ma log pa'i dam tshig yongs su 'dzin pa dang/ dogs pa med cing the tshom dang bral ba dang/ rang gi lus la chags pa med cing sems can gyi don la dga' ba dang/ gsang sngags kyi las kyi chog shes pa dang/ de dag kyang chos dbyings las ma g.yos na sangs rgyas kyis yongs su 'dzin par 'gyur ro zhes 'byung ba dang/ de'i phyag? na sgyu ma mkhan gyis ji ltar rdzas dang sngags kyi ? bzang la sogs pa bzhin du 'di ltar yang chog 'dus pas 'grub par 'gyur te/ ji ltar du dper na sgyu ma mkhan po 'gas/ /sgyu mthar bar bya phyir brtson/ /gang phyir de ni mngon shes pas/ /sgyu ma la

  427. 214a

    ni de mi chags/ de bzhin srid gsum sgyu ma ltar/ /rdzogs pa'i byang chub mkhas pas mkhyen zhes gsungs te/ de'i phyir kun rdzob dang don dam pa la gnas nas/ de bzhin gshegs pa rnams kyang 'gro ba'i don la 'jug ste/ rnal 'byor pa rnams kyang tshul de las nyams pas 'grub pa ma yin no/ /rdo rje thod pa'i rgyud las kyang/ mkha' 'gro ma rnams rab tu nyon cig /'od gsal ba la snyoms par zhugs nas/ spros bcas kyi spyod pa yongs su rdzogs na zhing las skyes pa dang/ sngags las skyes pa la sogs pas dngos grub thams cad byin cig /ces 'byung ba dang/ rgyan dam pa'i rgyud las kyang/ /kun rdzob spros bcas yongs rdzogs shing/ /spros med mtshan ma med bltas na/ /tshe gcig dngos grub mchog tu 'byung zhes 'byung ba dang/ gzhan yang dpal gsang ba 'dus pa chen po las/ sgros bcas spyod pa la gnas shing/ /spros med mtshan ma med gnas te/ /rdo rje glu yis yongs bskul nas/ lha mo'i tshogs dang mnyam du rol zhes 'byung ba dang/ thig le gcig pa'i rgyud las/ dpa' bos rnal 'byor yongs byas te/ /bsgrubs kyang dngos grub ma thob ste/ mtshan ma med pas lha bsad de/ /bden pa gnyis kyis 'grub par 'gyur zhes 'byung ba dang/ las rgya mtsho'i rgyud las spros bcas la ni brten nas kyang/ /spros pa med pa rab tu skyo/ /mtshan ma gzugs kyi sku nyid kyang/ /'gro ba'i don la rtag tu 'jug zhes 'byung ba dang/ gzhung 'bum pa las kyang/ snying rjes mya ngan 'das mi gnas/ shes rab kyis ni 'khor ba min/ /mdza' gnyis rnam par dor nas kyang/ /rteg pa mdo pas 'gro don spyod/ zhes 'byung ba dang/ gsang ba shin tu mtho ba'i rgyud las/ dngos por lta ba rab sprangs te/ sgyu

  428. 214b

    ma lta bur sbyor shes pas/ /sngags pas yid bzhin nor bu ltar/ /sems can don la mnyam med byos/ /ces 'byung ba dang/ bshad pa'i rgyud rdo je 'phreng ba las? kyang/ gsungs sngags lha yi tshul gyis ni/ /dngos grub thams cad bsgrubs pas 'grub/ /chos kyi sku la rab gnas te/ /sprul sku phyogs bcu'i 'gro don byed/ /de ltar phyi rabs rnal 'byor bas/ /tshul de nyid kyis 'grub par 'gyur/ zhes 'byung ba'i phyir ro/ /de ltar na phyogs gnyis ka 'gog pa'i lung/ bcom ldan 'das nyid kyi rgyud de dag dang/ gzhan yang theg pa chen po'i mdo dang/ bya ba dang spyod pa'i rgyud mdza' dag dang/ rnal 'byor dang rnal 'byor ma'i rgyud rnams las/ /gzhung 'di nyid shin tu gsal bar bstan pa'i phyir/ re zhig phyogs dang po ltar na/ dam tshig la sogs pa'i sbor? ba khyad du bsad de/ lta ba gtso bor byas nas/ /rdo rje 'dzin pa'i sa thob par 'gyur ro/ /zhes bya ba'i lung 'di phyogs gnyis pa'i lung dang/ gzhung gzhan dag gis kyang bsal ba yin te/ 'di ni ha cang thal par 'gyur ba'i phyir ro/ /ci/ rdo rje rtse mo la sogs pa'i khungs ma brjod dam zhe na/ rdo rje rtse mo la sogs pa'i khungs de nyid las kyang/ lta ba dang spyod pa cha mnyam par ston te/ sangs rgyas rnams dang sems dpa' che/ bdag tu lta bas 'grub par 'gyur zhes 'byung ba nyid kyi phyir ro/ /gzhan yang de nyid las/ rang gi lha yi sbyor ba yis/ /bdag dang gzhan la mchod par bya/ /dam tshig sdom la gnas pa yis/ /gsang sngags rgyal po 'grub par 'gyur zhes 'byung ba'i phyir ro/ /khrus dang gtsang sgra 'dir ma dgos zhes bya ba sems brtan par gyur nas/ nyan thos la sogs pa'i lus dag gtso bor gyur pa dgag pa yin pa'i phyir dgongs te bshad pa'o/ /gzhan yang rgyud gzhan dag gi khungs rnams kyang bden pa gnyis kyi tshul gyis/ lta ba dang spyod pa cha

  429. 215a

    mnyam par gzhung 'di nyid las gsal lo/ /'dir ni gzhung mdas kyis dogs pas bdag gis ma spros so/ /bcom ldan 'das kyis ni sems can gdul ba'i don du tshul sna tshogs kyis bshad pas/ phyogs re re tsam la rtog pa ni rmongs pa'o/ /de'i phyir na las dang po pa dang/ spros bcas la dga' ba'i phyir spros pa shas cher brtan to/ /sems brtan pa dang mtshan ma med pa la dga' ba'i dbang du byas te spros pa med pa'i don shas cher bstan to// de'i phyir dgongs ba'i don rig par bya'o/ /las dang po bas ni dam tshig la sogs pa gtsor bzung ngo zhes bya ba'i gzhung ngo/ /phyogs gnyis la ltar na lta ba khyad du gsad cing spyod la lhur len pa yang/ phyogs snga ma'i lung dang gzhung gzhan gyis bkag pa ste/ de nyid kyi dbang du mdzad nas/ stong nyid lta bas grol 'gyur te zhes bya la sogs pas sngar bshad zin to/ /des na phyogs de gnyis ka'i gzhung gis kyang/ phan tshun dgag par nus pa ma yin te/ de nyid la lta ba dang spyod pa cha mnyam pas 'grub par gsal bar gsungs te/ 'on kyang skyes bu'i 'dod pas zhugs pa'i phyir 'di tsam gyis ni bden pa gnyis la 'jug pa dgag ba dag la 'gyur t+te/ thabs dang shes rab kyi rgyud la mkhas ba'i rnal 'byor pa rnams dga' ba bskyed par yang mi 'gyur te/ phyogs de dag la bden pa gnyis la ji ltar 'jug pa dang/ de dag phan tshun rim pa dang rim pa ma yin bar sbyar ba rgyas par ni bdag gis ma spros so/ /de ltar na phyogs gnyis ga bkag nas/ gsang sngags kyi tshul gyis ni lta ba dang spyod pa cha mnyam pas 'grub po zhes bya ba ni gzhung ngo/ /nga ni gzhung dbu ma ba gsal bar bya ba'i phyir/ gzhung gi don la 'jug par bya ste/ rdo rje theg pa'i rtsa ba'i

  430. 215b

    ltung ba zhes pa ni/ thabs dang shes rab kyi bdag nyid kyis/ gzung ba dang 'dzin pa'i dngos po yongs su bcom ste/ chos kyi sku skye ba med pa'i dang du lta ba dang spyod pa phyin ci ma log par zhon te 'gro zhes bya ba'i don to/ /rtsa ba ni bcu bzhi pa ste/ de? chad nas ma gsos na rdo rje dmyal bar ltung zhes bya ba'i don to/ /yang na rdo rje theg pa ni 'bras bu lam du zhugs pa'i mtshan nyid de/ so so'i skye bo mtshan ny+d dang ldan pas/ sku gsung thugs kyi nga rgyal byas te/ sangs rgyas kyi mdzad pa mthar 'byin ba'i phyir/ /des 'gro bas na theg pa ste/ thabs dang shes rab kyi rtsa ba yongs su nyams na/ mi 'dod pa'i 'bras bu thob pa ni ltung ba zhes bya'o/ /dper na 'jig rten na rtsa ba chad na/ yal ga dang me tog dang 'bras bu med do zhes bya ba lta bu'o/ /'di ni re zhig bsdus pa'i don to/ /nga ni yan lag gi don brjod par bya ste/ de yang ya rabs kyi tshul dang bstun bar bya ba'i phyir/ kun nas dang bas bla ma yi/ /zhabs kyi pad+ma rab btud de zhes smos te/ bstan chos rtsom pa pos/ lus dag yid gsum shin tu dang bas/ bdag gi bla ma gsum dang rdo rje 'dzin pa tha dang du mi rtog ste/ gus pa'i tshul gyis zhabs dang gdan dang pad+mar bcas par btud de phyag 'tshal ba'i don to/ /gzhung yongs su rdzogs par bya ba'i phyir/ rtsa ba'i ltung ba bcu bzhi ni/ /rgyud las 'byung ba bshad bar bya/ zhes smos te/ rtsa ba ni rgyu'i don te/ de chad na 'bras bur ltu ba'i mtshan nyid do/ /bcu bzhi ni gsal ba'i dbye bas te gzhung gi tshogs so/ /yang na rtsa ba ni yan lag brgyad dang nyi shu rtsa brgyad dang/ gsang ba chen po'i rgyud las/ 'bum sde bzhugs pa'i gzhir gyur pas na rtsa ba'o/ /de las nyams na ni ltung ba'o/ /de'i phyir thabs la brten pa kho na'o/ /rgyud ni rgyun te/ rgyu'i rgyud dang/ 'bras bu'i rgyud dang/ thabs

  431. 216a

    kyis rgyud do/ /de la rigs kyi dbye bas ni rgyu'i rgyud do/ /de la rigs kyi dbye ba las 'bras bur gyur pa rdo rje 'chang chen po'i dbye bas ni 'bras bu'i rgyud do/ /rgyu las 'bras bu grub par bya ba'i phyir sngags dang phyag rgya dang/ dkyil 'khor la sogs ba'i rkyen gyis 'tshogs pa ni thabs kyi rgyud do/ /rnal 'byor gtso bor gyur pa'i rgyud yin pas na/ rnal 'byor gyi rgyud de/ de ston par byed pa yin pas tshig gi gzhung la yang de skad ces bya'o/ /de yang shes rab thabs kyi snyoms 'jug pa/ /rnal 'byor ces ni bya bar bshad/ /gang zhig dngos med shes rab ste/ thabs ni dngos po'i mtshan nyid do/ /rgyud ni rgyun zhes bya bar grags/ /rgyun de rnam pa gsum 'gyur te/ gzhi dang de bzhin rang bzhin dang/ /mi 'phrogs pa yis rab phye ba/ bzhi dang rang bzhin rgyu yin te/ /de bzhin mi 'phrogs 'bras bu'o/ /gzhi ni thabs zhes bya ba ste/ /rang bzhin rgyu'i rgyu du bshad/ /gsum gyis rgyud kyi don bsdus so/ /zhes bshad pa yin no/ /las ni kun la khyab ste mang po'i don du sbyar ro/ / de yang rtsa ba'i rgyud gsang ba 'dus pa dang/ snying po'i rgyud 'jam dpal gzhin rje nag po la sogs te/ rnal 'byor dang rnal 'byor ma'i rgyud rnams las 'gyur ba bshad par bya zhes dam bcas pa'i don to// //da ni gzhung gi tshogs bcu bzhi bshad par bya ste/ dngos grub kyi rtsa bar gyur pa'i bla ma la sogs pa dngos grub kyi bzhir gyur pas thog mar brjod par bya ste/ de'i phyir/ gang phyir rdo rje 'dzin pa yis/ /dngos grub slob dpon rjes 'brangs gsungs/ /de bas de la brnyas pa ni/ rtsa ba'i ltung ba dang por bshad/ zhes smos te/ thun mong dam chog gi dngos grub slob dpon las thob par gsungs te/ gal te de las dam tshig nyams na rtsa ba'i ltung bar 'gyur ro/ /thun mong gi dngos grub ni dmigs rnon dang rkang mgyogs la sogs

  432. 216b

    pa ste/ dngos grub chen po brgyad rnams so/ /mchog gi dngos grub ni sangs rgyas kyis bcu gsum pa sogs pa'o/ /de thob par byed pa ni/ slob dpon la rag las te/ gsal ba'i dbye bas rnam pa gsum ste/ dbang bskur ba dang man ngag ster ba dang rgyud bshad ba'o/ /dbang gi dbye ba'i tshul gyis ni bum pa dang gsang ba dang/ shes rab ye shes dang/ bzhi pa'i 'bras bu'i rtag dang rnam pa bzhi'o/ /gang gi phyir na rdo rje ni pa yis dam tshig dkod pa'i rgyal po'i rgyud las/ /snying rje ldan zhing rab tu dul?/ /dpa' brtan rtul shugs rab tu tshe/ /gtor phod bla ma la gus pa/ /mtshan nyid ldan pa'i slob ma la/ /slob dpon de nyid bcu shes pas/ /dbang ni gsum gyis rdzogs byas te/ /man ngag dam pa'i snod yin no/ /gsang sngags rgyud kun de nas spyin/ /las kyi sbyor pa sbyin par bya/ /gal te gcig la gsum rdzogs pa/ /de nyid shin tu lci ba ste/ /gnyis la sogs te gcig mthar thug /'di ni dam tshig sbyor ba'o/ /zhes 'byung ba'i phyir/ /mtshan nyid dang ldan pa'i slob ma la/ /slob dpon gcig gis dbang bskur ba dang/ man ngag byin pa dang/ rgyud bshad pa dang/ gsum gcig la ldan pa dang/ gnyis gcig la ldan pa dang/ gsum bye brag tu gnas pa'o/ /gsum gcig la ldan pa la bdun gyi sbyor ba dang/ ldan pas ltung bar 'gyur te// nyon mongs pas kun nas bslang ba'i bsam bas/ de la der shes pa dang/ lus ngag gi sbyor ba dang/ mtshon cha la sogs pas 'cho ba? phrogs pa dang/ yongs su shes shing 'gyod pa med pa dang/ rjes su yi rang ba dang bdag nyid ma 'khrul ba'o/ /phyis chang/ du bshags na ltung ba 'ba' zhig par? 'gyur ro/ /'tsho ba dang ma phral na ltung bar mi 'gyur te sbom po'o/ /de nyid dus 'das na lci ba'o/ /yan lag dang mi ldan pas dngos gzhi rdzogs na nyes byas so/ /gal te sbyor ba de dag tshang bas 'tsho ba phral na

  433. 217a

    tshad las 'das pa ste pham pa'o/ /ltung ba dang pham pa la khyad par ci yod ce na/ pham pa ni sbyor ba rdzogs nas ma bshags pa'o/ /ltung ba ni 'tsho ba dang phral nas bshags pa'i tshad 'og nas 'byung ba byas pa'o/ 'o na ci'i phyir ltung ba ces bya zhe na/ rdo rje dmyal ba ma yin pa myong zhes bya ba'i don to/ /gal te bskang ba'i tshad ni sbyin bsreg 'bum phrag bdun no/ /rig pa ni bye ba phrag lnga'o/ /dbang bskur ba'i cho ga rdzogs pas kyang ngo/ /gtor ma ni bye ba phrag gcig go/ dkyil 'khor gyi cho go? 'bum phrag gnyis so/ /de lta bu yongs su rdzogs pa ni bskang pa'i cho ga'o/ /yan lag gi gtso bo byung pa ma bshags na dus gsum ldan du 'das na lci ba ste/ gnyis ldan gyi cha bzhi pas bshags so/ /gal te sbyor ba longs su ma rdzogs na/ cho ga'i khyad par yang de bzhin no/ /gcig la gnyis ldan na cha gnyis pa'i bskang ba'i cho ga'i rgyu'o/ /bye brag du gnas pa la ni cha gcig pa'i bskang pa'i tshad do/ /bye brag du gnas pa gcig ma bskang bar lo gsum du gnas pa na/ gsum ldan gcig gi tshang kyis bshags so/ /gcig la gnyis ldan pa lo gsum gyi bar du gnas na/ gsum ldan gyi bskang tshang phyed dang gnyis/ /dus de nyid de'i tshe na bskang ba'i cho ga rgyu'o/ /yan lag phrag mo gcig bshags tshang ni cha gcig pa'i mchod pa dang/ maN+Dal sngon du 'gro ba'o/ /gzhan blos zhib tu dbye bar bya'o/ /chog zhib mo'i tshul gyis ni 'gom par bya ba dang/ brdzi bar bya ba ma yin pa la ni sbyin bsreg gcig gis so/ /ngag gi nyes pa re re la ni gtor ma bcu'o/ /yid kyis nyes byas la bsam gtan gyi sbyor ba lnga'o/ /gzhan du slob dpon klu sgrub kyi zhal snga nas/ lus ngag yid kyi nyes byas la/ lus kyi dkyil 'khor mchod rten las/ /ngag gi yi ge brgya pa'o//

  434. 217b

    yid kyis sgyu? ma'i den shes shing/ /gzhan la sbyin sreg ngag tu bshad/ /kun gyi kha bskong gtor ma shis/ /zhes bshad pa dang/ gzhan yang dam tshig bkod pa'i rgyud las/ /phyag na rdo rje legs par nyon/ /dam tshig las kyi cho ga bshad/ /gal te rtsa ba'i slob dpon las/ dam tshig rdzogs par nyams 'gyur na/ /de la bskang pa'i cho ga bshad/ /yongs su bskang ba'i chog bya/ /rnal 'byor bskang ba ma byas na/ /rdo rje dmyal bar grags pa yi/ /sdug bsngal mi zad myong bar 'gyur// yan lag nyes pa lo lnga'i bar/ /ma bshags dmyal ba chu du'i tshad/ /de ni des par 'tshed par 'gyur/ /gzhan yang sdug bsngal 'di dag ste/ /shin tu grang bsgribs yi dags dang/ /byol song gnas su skye bar 'gyur/ /de dag bshags pa'i cho ga ni/ /gtor ma sbyin sreg dkyil 'khor dang/ /rig pa bskang ba'i cho ga bya/ zhes 'byung ba'i phyir dang/ las kyi sbyor ba rnams nges pa kho nar bya zhes dgongs so/ /gzhan du sdug bsngal chen po myong bar 'gyur ro/ /skye pa med par rtogs pa dang/ gzhan gyi don mthong pa dang/ /bar chad du 'gro ba dang/ gnang pa thob pa dang/ na ba la sogs pa la nyes pa med do/ /gzhan dag ci'i phyir nyan thos bzhin du pham par gzhag /gzhan yang gsang sngags thabs che bas bskang thabs la mkhas na/ pham par gzhag par mi rigs so zhen 'dir log sred? can tshul bzhin du zhugs nas sbyor ba rdzogs kyang bshegs pa'i tshul du gnas par mi byed pa dang/ phyi rol gyi chos la zhugs nas zab mo'i don la rgyab kyis phyogs pa'o/ /gzhan du tshad bshang pa'o/ /zhes bya bas gyang gzhung gi don bshad pa dang/ /gzhan yang slob dpon gzhan dang tshul gzhan gyis don de nyid rgyas par bshad de/ /de yang rdo rje thig le 'byung ba'i rgyud las/ dngos grub 'dod pa'i don du ni/ /rtag tu

  435. 218a

    slob dpon bston par bya/ /des na 'dod pa'i 'bras bu ster/ /de las nyams na sdug bsngal 'thob/ /de phyir bskang ba'i cho ga ni/ /nyams pa'i tshad dang sbyar ba ste/ /bla ma las ni rgyur shes bya /ltung ba'i mtshan nyid shes pa ste lus kyis ma spyad chud pa ste/ /zin dang ma zin 'bring du bshad/ /zin cing ma bshags chen po yin/ /dge gi sbyor ba'i rnam pa yang/ /ma brtags 'khrul na chud pa ste/ /brtags dbyad nyos pas 'bring du bshad/ /tshad 'das chen po'i sbyor pa'o/ /rnal 'byor sems kyi mtshan nyid ni/ /shin tu lci pa'i rim pa yin/ /gnod sems gsum gyis brtag bar bya/ /de dag bskad ba'i rim pa 'di dag ste/ /lus las nyams pa chung du las/ /lus nyid sgyu me? tshul gnas bya/ /gnang ba thob pas khrag phyung la/ mkhas pas maN+Dal bdun byas te/ /bla ma nyid la phul te bshags/ /'brid dang chen po'i tshul gyis ni/ /yang na sbyin bsreg lnga lngas bskyed/ /gzhan du 'khor lo bzhi'i tshul/ /chu tshod nas brtsis? rab bsgoms na/ /de ni bskang pa'i mchog yin no/ /dag gi brdzun par shes pa yis/ /smre bshags bzlas pa'i 'phreng bas ni/ /tshad 'das gsum po ma lus spyad/ /yid kyi sgyu ma lta bu'i tshul/ /bdud rtsid bab cid dri ma bkru/ /'di dag rdo rje 'dzin pas nyon/ /zhes bya ba la sogs pa rgya cher 'byung ba la 'di dag bskang pa'i tshad yin te/ dbang gi dbye bas ni bshad pa'i rgyud rdo rje 'phreng ba las/ /bum pa'i dbang ni dang po las/ /gnyis pa gsang ba'i dbang du brjod/ /gsum pa shes rab ye shes te/ /bzhi pa de bzhin 'bras bu'o// de bskur bla ma nyams gyur na/ /phyir la dbang bskur cho ga dang/ /gnang ba thob pas dri ma 'dag /ces 'byung bas bshad pa'o/ /gzhan yang 'jam dpal sgyu 'phrul dra ba'i rgyud las/ /dbang bskur sogs thob slob dpon la/ /rmongs par gyur

  436. 218b

    pa'i slob ma yis/ /sbyor ba'i dngos bzhi rab rdzogs pas/ /rtsa ba yan lag nyams gyur na/ /blo ngan slob mas bshags par bya/ /gal te ma bshags dus 'das na/ /phyi yi rgya mtsho chen po yi/ /chu de skra yis gtor nus pa/ /de yi tshad du sdug bsngal myong/ /rdo rje dmyal bar grags pa yin/ /rdo rje 'dzin pa rab tu nyon/ /bskang pa'i cho ga bshad par bya/ /gcig la slob dpon gsum rdzogs la/ /sbyor ba bdun dang ldan pas ni/ /rtsa ba'i ltung ba byung 'gyur na/ /sdug bsngal bskyed ba'i rtsa ba yin/ /rang gi bsam pa rdzogs byas kyang/ /slob dpon gnang bar ma gyur na/ /dang po sdug bsngal dka' spyad de/ /de nas bdog pa thams cad dbul/ /rjes su gnang ba bsgrub par bya/ /dbang bskur cho ga lan bdun bya/ /chogs kyi 'khor lo nyi shu gcig /sbyin bsreg gis ni 'bum phrag bdun/ /gsang sngags bye ba lnga yis so/ /me tog tshom bu 'bum grags gnyis/ /srog chags bye ba che bskyabs na/ /'di ni bshags pa dam pa'o/ /'jig rten chos brgyad mi chags shing/ /drang srong spyod pa yang dag bya/ /yang na lus las khrag phyung ste/ /brgya rtsa brgyad kyi dkyil 'khor ni/ /byas te bla mar dbul bar bya/ /yang na gnang ba thob pa yis/ /bsam gtan gyis ni zla ba bdun/ /rdo rje 'dzin pa rab tu nyon/ /gzhan yang las kyi cho ga ni// slob dpon bye brag gnas gyur na/ /blo ldan mkhas par rab dbyad de rtsa ba yan lag dam tshig las/ /nyams par gyur pa'i bshags ched kyang/ /de bzhin gnyis ldan gsum ldan te/ /mkhas pas rab tu bshags par bya/ /kha na ma tho phra mo la/ /yang na sku gzugs mdun tu ste/ /yid kyis gshags pa mchog yin no/ /rdo rje 'dzin pa rab tu nyon /slob dpen la ni dus gsum du/ /gsong pos bya pa thams cad dri/ /lus ngag sbyod pa rab bsdams te/ /ha cang nyi min ring ba'ang?

  437. 219a

    min/ rtag tu bral ba ma yin no/ /dus gsum du ni me tog dbul/ /blo ldan nang nub phyag bya ste/ /zas la sogs pas dang por mchod/ /gal te dus 'das ring 'gyur na/ /de la rtag tu mngon par phyogs// de spun grogs dang bla ma la/ /rtag tu de dang 'dra bar mchod/ /'di yi rigs ni rtag tu gzung/ /lha ma dang stan ni spyi bor blab/ /thugs kar pho brang bca' ba ste/ /rtag tu de bsam gzhan du min/ /de'i bka' las 'da' o mi bya// sems dpa' chen po gzhan yang nyon/ /gal te dran pa nyams gyur cing/ /chang la sogs pas myos gyur te/ /sems ni gnyid kyis non 'gyur na/ /de dag byung yang nyams mi 'gyur/ /dran pa rnyed de bshags par bya/ zhes bya ba la sogs pa ste/ /rgyud sna tshogs nas bstan pa dang/ /spyan ras gzigs dbang phyug snying gur gcig pa'i rgyud las/ /pad+ma'i 'phreng bas legs dag pa'i/ /gdams ngag sems kyi rgyud dag pa/ /ster byed slob mas mi smod do/ /slob dpon las ni dngos grub thob/ /gal te de la brnyas byed na/ /bskal pa bye ba brgya dag tu/ /dam chos mid yang mi thos na/ /gsang sngags byang chub smos ci dgos/ zhes 'byung ba'i phyir dang/ /gzhan yang rgyud sna tshogs las/ /slob dpon smad par mi bya ste/ /'di ni sangs rgyas kun dang 'dra/ /sangs rgyas tshul mtshungs bla ma yin/ /slob dpon la ni gang smod pa/ /des ni sangs rgyas kun smad pas/ /rtag tu sdug bsngal thob par 'gyur/ /rims dang dug dang dbyig dug dang// mkha' 'gro rnams kyis gtses pa dang/ /gdon dang log 'dren gtum po yis/ /bsad nas sems can dmyal bar ltung/ /de bas nan tan thams cad kyis/ /rdo rje slob dpon blo gros che/ /dge ba rab tu mi sbyoms pa/ /nam yang smad par mi bya'o

  438. 219b

    bla ma la ni gus bcas yon/ /rjes mthun khyod kyi sbyin par bya/ /des ni rims sogs gnod pa rnams/ /phyir zhing 'byung bar mi 'gyur ro/ /rtag tu rang gi dam tshig srungs/ /rtag tu de bzhin gshegs pa mchod/ /rtag tu bla ma la yang dbul/ /'di ni sangs rgyas kun dang 'dra/ /de byin sangs rgyas thams cad la/ /rtag tu byin pa nyid du 'gyur/ /de byin bsod nams tshogs yin te/ /tshogs las dngos grub mchog tu 'gyur/ zhes 'byung bas/ mkhas pas blos phye ste/ dam tshig gzung bar bya'o/ gzhan yang de'i phyir/ gsang sngags kyi chos ni thabs gtso bor gyur pas na/ /kun rdzogs kyi bden pa shas che ste/ /rten cing 'brel par 'byung pa'o/ /'on kyang 'di ni zung du 'jug pas 'grub ste/ mdza' gnyis su smra pa ni spang par bya'o/ /de ltar yang nor bu snying po gsang ba'i rgyad las / slob dpon las ni dngos grub 'thob/ /rig ma las ni rtul zhugs te/ /bu mo sdug? gu rgyun tu bsten/ /dam tshig las ni nyams mi bya/ /gsang sngags sbyor bas 'grub par 'gyur/ /'on kyang de la chags min te/ thig le chen po de las min/ /rtag pa ma yin chad pa min/ /yod min shes brjod yul las 'das/ /spros pa'i mtshan ma rnams spangs shing/ /lus med kha dog dbyibs med cing/ /bde ba chen po'i dang gnas na/ /nam mkha' bzhin du rtogs pa med/ /rtsa dang dbugs dang thig le med/ /sngags dang phyag rgya bya brtsal med/ /mchog gi bde ba chen po ster/ /'on kyang kun rdzob tshul gnas te/ /bskyed rdzogs gnyis kyi tshul gyis 'grub/ /mkhas pas tshul gnyis spang mi bya/ /shing rta yi ni 'khor lo bzhin/ zhes gsungs pas na/ tshul de lta bus 'grub cing mdza' gzhan du smra ba bkag pa yin no/ /de'i phyir 'di'i don ni slob dpon la dbang thob cing/ /dam tshig phog na gnyis rdzogs dang gsum rdzogs kyi tshul gyis/ /mchog dang

  439. 220a

    thun mong gi dngos ? bsgrub par bya'o/ /gal te tshul de lta bu la rtsa pa dang yan lag gi dam tshig dngos gzhi dang sbyor rdzogs te/ nyams par? gyur kyang slob dpon snang bar gyur na bskang pa'i tshad do/ /snang bar ma gyur cing dus pas 'das na tshad las 'das pa'o/ /bshags kyang ltung ba'i 'bras bu myong la pham par gyur pa la ni log sred can ma bshags pa ste/ de'i rnam smin rdo rje dmyal ba myong ba yin no/ /byang chub kyi sems la bcu drug gi rgya cher bshad pa las ni/ /snying rje dang ldan pa'i rnal 'byor pas rdzu 'phrul la sogs pas gang zag de lta bu yang sbyor bas bskang pa'i tshad dang ldan pa ni zhes gsungs so/ /de nas yi ge'i don bshad par bya ste/ gang zhes bya ba ni bod pa'i chag ste/ dang po'o/ /phyir zhes bya ba ni ched kyi don to/ /rdo rje ni thams dang shes rab ste/ /de 'dzin pas na rdo rje 'dzin pa'o/ /dngos grub don ni bshad zin to/ /gong du bstan pa'i dngos grub de bla ma la rag las pa'i phyir rjes su 'brang zhes bshad do/ /de phyir de la brnyas pas ltung bar 'gyur ro// ltung ba dang po'i bshad pa'o// //da ni ltung ba gnyis pa'i mtshan nyid bshad par bya ste/ bder gshegs bka' las 'das pa ni/ /ltung ba gnyis pa yin par bshad/ ces bya ba smos pa yin te/ bde bar gshegs pa zhes bya ba ni rdo rje 'chang chen po'o/ /de yang gsang sngags kyi tshul gyis ni sngar spyed pa la sogs pa med pas dgag pa med par lam dang 'jug pa bde bas 'bras bu sangs rgyas kyi sar gshegs zhes bya ba'i don te/ /de yang gang zhe na rdo rje 'dzin pa dang/ de'i ye shes kyi cha'o/ /de yang gsang ba yongs su rdzogs pa zhes bya ba'i rgyud las/ sdom pa'i tshul khrims sngar bshad med/ /thabs dang shes rab mnyam sbyor bas/ /gsang sngags tshul nyid bde bas 'grub/ /'bras bu rdo rje 'dzin

  440. 220b

    pa ste/ 'di ni gzhan don lhun gyis grub/ ces 'byung ba'i phyir ro/ /de bas na de'i bka' las 'das pa ni ltung ba ste/ bde bar gshegs pa'i bka' ni dgongs pa sna tshogs pa ste/ drang ba'i don dang/ des pa'i don dang/ dgongs te bshad pa dang/ dgongs pa ma yin pa bshad pa dang/ don du bshad pa dang/ don bcus te bshad pa dang/ spyi'i don du bshad pa dang/ yan lag gi don du bshad pa dang/ slob ma la bshad pa dang/ tshogs la bshad pa dang/ gsang sngags kyi tshul gyis sgra ji bzhin du bshad pa dang/ sgra ji bzhin ma yin par bshad pa ste /gdul bya'i snod kyi rim pas ko ta khyal sogs pa brda'i don sna tshogs kyis bshad pa dang/ de'i phyir na gsang sngags kyi tshul ni shin tu thab? ste/ de'i phyir sgra'i don la 'jug cing yang dag pa'i don la rmongs pas/ /gzhan gyi sgra'i rjes su 'brangs nas bka' log par spyad pas de'i phyir bka' las 'das pa'o /de ltar yang theg pa bla na med pa'i rgyud las/ rdo rje 'dzin pa rab tu nyon/ /'di ltar sangs rgyas bstan pa la/ /theg chen chos la rab zhugs kyang/ /de don gsal bar mi shes pas/ sngags kyi tshul ni rtogs dka' ste/ /brda dang dgongs pas bshad pa dang/ /ji bzhin sgra min drang po'i don/ /dngos po'i don la mi dpyod par// sgra dang tshig gi rjes su 'brang/ /phyi rol bstan chos la dga' zhing/ /tshig gi bdud rtsi rgyab kyis phyogs/ /de la dngos grub mi 'byung ste/ /rdo rje 'dzin pa spong bar 'gyur zhes 'byung ba dang/ /rdo rje gyur pa rab tu gnas pa zhes bya ba'i rgyud las/ yang dag don la mi chags par/ /log pa'i don la mngon dga' bas/ /bder gshegs bka' las 'das pa yin/ /sa gzhi lcags bzhin mnar med skye/ zhes pa dang/ rdo rje 'khor lo'i rgyud las kyang/ /gang zhig gang la mngon zhen pa

  441. 221a

    de la bde ba'i don mi gnas/ /de phyir gzugs la zhen mi bya/ /'dod chags zhe sdang lam dag gi /tshig gi don la chags mi bya/ /chags na bder gshegs bka' las 'das/ zhes 'byung ba dang/ rtog pa zhi ba'i rgyud las stong pa nyid du mi lta zhing/ /mtshan ma dag du blta mi bya /zab pa'i sgra la mi zhen cing/ /rtsa dang dbugs kyi sgor bzlog kyang/ /dngos po yin te zhen mi bya/ /gang zhig mngon par zhen pa dang/ /bder gshegs bka' las 'das pa'o/ /zhes 'byung bo dang/ gzhan yang rin po che phung po'i mdo las/ /shA re'i bu don la rton la tshig la ma rton cig /ye shes la rton la rnam par shes pa la mi rton cig /nges pa'i don la rton la drang ba'i don lam rton cig /chos la rton la gang zag la ma rton cig/ ces 'byung ba dang/ gzhan yang/ dge slong dag gam mkhas rnams kyis/ /bsregs bcad 'dar bas gser bzhin du/ /yongs su brtags nas nga yi bka' / /blang par bya yi gus phyir min/ /ces 'byung ba dang/ gzhan yang byams ma'i bu gang po 'jig rten pa dag gi sgra'i don la mngon par zhen pas phal cher ngan song gsum du skye ste/ de dag thams cad kyang phal cher bde bar gshegs pa'i bka' las byung ba'i don byang chub du sems bskyed pa dang/ sems can gyi don bya ba dang/ bsdu ba'i dngos po bzhis bsdu bar bya ba dang/ sbyin pa la sogs pa'i pha rol tu phyin pa rnam par spangs pa dang/ sa dang lam dang rnam par spong zhing byang chub kyi spyod pa por nas/ log pa'i don la mngon par zhen pa yod de/ de'i rgyus ngan song du skye ste/ de bka' las mi 'byung ba'i chos rnams spyad pa'i nyes pa'o/ /zhes 'byung ba'i phyir ro/ /bdag cag la sogs pa rnal 'byor gyi lam la dad pa rnams kyang theg pa chen po'i don la rnam par phye ste yang dag pa'i/

  442. 221b

    don la 'jug par bya'o/ /de gang zhig bka' i don la rmongs pas/ /dgongs te bstan pa la mngon par 'chel nas/ spyad par bya ba ma yin pa'i spyod pa la mngon par zhen na/ de nyid kyi bka' las 'das pas/ de'i phyir bla ma dam pa nye bar bsten ?/ rgyud kyi don shes par bya ste/ spyad par bya ba dang spyad par bya ba ma yin par shes par bya'o/ /'dod chags zhe sdang lam du khyer ba ni gdul bya drang ba'i don to/ /gzhan du stong pa nyid la goms pas nyon mongs pa'i mdza' shes pas dug sngags kyis btul ba bzhin no/ /'di ni bstan pa thob pa rnams kyi'o/ /de skad du thabs chen rnams dang ldan pa la/ /nyon mongs byang chub yan lag 'gyur/ /'khor ba zhi ba'i bdag nyid la/ /sngags kyis bsad pa'i dug bzhin no/ /zhes bshad pas so/ gzhan yang don de nyid la dgongs nas/ bdud rtsi 'byung pa'i rgyud las/ ji ltar mar dang ka ra dang/ sbrang rtsi 'o ma la sogs pa/ 'thungs te zhu na sman du 'gyur/ /ma zhu dug du 'gro zhes bya/ /de bzhin gsang sngags theg chen 'di// mkhas pa rnams kyi sman yin te/ brda dang don la rab rmongs pa'i/ /byis pas 'dod pas sgra don 'brangs/ /tshul bzhin ma yin log spyad pas/ /dug gis 'chi dang ltung bar 'gyur/ /kha cig dug gi dbang gis 'tsho/ /kha cig dug gi rkyen gyis ? chi/ /nga yi bstan pa'i snyigs ma la/ tshong 'dus kyi ni 'o ma bzhin/ /bslad nas thur du ltung bar byed/ /zhes bya bas rgyas par bshad de/ /de bas na don de la dgongs nas/ kun tu kha sbyor gyi rgyud las kyang bshad de/ de bas na gang gi phyir de sgra com? la mngon par zhugs pa ni/ /phal cher nyon mongs pas zil gyis non pas lam du gyur pa lta ga la yod/ /dus shes pa med par ston pa de dag phal cher ltung bar 'gyur te/ ji ltar lam du 'gyur ba yang 'og nas bstan par bya'o/

  443. 222a

    skabs kha cig du ni? 'dod chags can gzung ba'i skabs su ? nges bshad de/ /gzhan gyis mi 'dul pa'i phyir ro/ /gzhan yang rdo rje gcod pa las/ /gang? ? gzugs su mthong/ /zhes bya ba la sogs pa dang/ gzhan du rgyud la sogs pas dgongs pa sna tshogs kyis bshad pa dang/ bde bar gshegs pa'i bka' mdza' dag gi don dgongs pa rtogs par byas la bya ba dang bya ba ma yin pa la 'jug par bya'o/ /gzhan du sgra tsam la gzhol bar bya ba dang/ 'dod pas zhugs pa dang/ /gang zag tsam gyi rjes su 'brang bas 'khrul par spyad pas bka' las 'das pas ltung bar 'gyur te/ phyi rol mu stegs pa bzhin du sangs rgyas kyi bka' yang dag par spangs shing 'das pa'o/ /de phyir bder gshegs zab mo'i chos rnams spangs/ /phyi rol bstan chos dag la dga' / /dam tshig bslab pa khyad du gsod/ /de phyir bka' las 'das pa'o/ /zhes 'byung ba dang/ bcom ldan 'das kyis dgongs pa sna tshogs kyi don ma shes shing/ phyi rol gyi bstan chos la zhugs pa 'am/ ma zhugs kyang dam tshig dang bslab pa khyad du gsod na bka' la ma gus pa ste/ dam tshig rnams mi 'dzin pa'i phyir bka' las 'das pa'o/ /rgyud gzhan las/ de'i bka' las 'das pa ni/ /ltung ba mig du brjod pa yin/ /zhes bstan pa ltar na yang/ slob dpon gyi bka' las mi 'da' bar bshad pa ste/ ltung ba dang po'i bshad pa dang/ shan 'phra ba phyogs su bsdu'o/ /'di'i dgongs pa ni slob dpon dang/ rdo rje 'dzin pa tha dang med pas drug pa'i sgra gzhi gcig par sdus pa yin no/ /'di yang bdun gyi sbyor ba dang ldan par ltung bar 'gyur te/ bde bar gshegs pa dang slob dpon gyi bka' la nyon mongs pa'i bsam pa dang/ de la

  444. 222b

    der shes pa dang/ lus ngag gi sbyor ba bstan pa dang/ rang nyid snang bar ma gyur pa dang/ shes shing 'gyod pa med pa dang/ rjes su yi rang ba dang/ ma 'khrul ba'o/ /'di la pham pa ? bshags na ltung ba'o/ /yan lag gi gtso bo chad ni sbom po'o/ /yan lag drug med pa nyes byas so/ /sbyor ba'i grogs tsam ni phra mo'o/ /bshags pa dus 'das na lci ba'o/ /khyud par gyi dgag pa yod pa na nyes pa med do/ /shan? 'dra ba ni phyogs su bsdu'o /bshags pa'i tshad ni yul dang bsam pa dang/ rkyen gyis so/ /ltung? pa byung ste? lo gsum du 'das na dbang rdzogs pas so/ /gzhan du ni dbang gi rim pas na smad do/ /lci ba ni tshogs kyi 'khor los so/ /sbom po ni tshogs pa'i nang du tshogs kyi mchod pas so/ /nyes byas ni maN+Dal sngon du 'gro bas so/ /phra mo ni smra bshags so/ /gzhan yang bder gshegs bka' las 'das pa la/ yid ni lha'i rnal 'byor gyis/ /phra ma'i thig le bsgoms pas 'dag? /mi rtog pa yis thams cad sreg /sems sun phyung ste bsdams la bslab/ /gang gis sngags bzlas sgya? mar shes/ /lus kyis mchod pa'i tshul du sbyar/ /de ltar nyes pa'i bye brag rnams/ /zhing dang bsam pa'i khyad par rnams/ /dus dang nus pa'i bye brag gis/ /mkhas pas blo yis phye nas ni/ /dri ma bdag par bshad pa yin/ /zhes gsungs pa dang/ gzhan yang/ gang dang gang la khyad par du dgag pa yod pa ni zhing dang/ bsam pa dang/ sbyor ba dang/ rkyen dang/ dus dang/ gnang ba dang/ de dag rnams la bshags chad dang/ ldang tshad kyang shes par bya'o/ /gang la khyad par gyi dgag pa med pa ni/ /ltung ba 'di thams cad kyang phyogs su bsdu par shes par bya'o/ /gzhi gcig la ltung ba du 'byung ba dang/ ltung ba gcig la gzhi du yod pa shes par bya'o/ /de yang phyogs tsam gcig brjod na/ /dam

  445. 223a

    pa dang pa'i rgyud las/ dpal ldan bla ma'i thugs sun byung/ /ltung ba de ni bong can/ /da yi bka' las 'das pa na/ /ltung ba mig tu brjod pa yin/ /bla ma'i de nyid shes rab ma/ /ltung ba yan lag la sogs kyi// de ni yon tan zhes su brjod/ /de nyid rdo rje spun du gyur/ /ltung ba de ni rig byed yin/ /de yi grub pa'i mdza' smod pa/ /ltung ba mda' zhes bya bar grags/ /zhes bya ba la sogs pa rgyud de nyid las phye ba dang/ gzhan yang rnal 'byor gyi rgyud las mang du phye bas de dag blos phye ste shes par bya'o/ /'dir? ni ma spros so/ /ltung ba gnyis pa'i don bshad zin to// //da ni rtung ba gsum pa'i mtshan nyid bshad par bya ste/ rdo rje spun la khros pas ni/ /nyes pa brjod pa gsum pa yin zhes bya bas bshad de/ /rdo rje spun gyi ni gsang ba 'dus pa la sogs pa'i dkyil 'khor gcig gi nang du zhugs pa'o/ /rdo rje theg pa la zhugs pa la zhugs pa thams cad kyang nye ba'i spun? no/ /bstan pa gcig la gnas pa thams cad kyang mdzod pa'i spun no/ /rnam pa gsum mo/ /gzhan du na sems can thams cad kyang rdo rje sems dpa' i rang bzhin yin pas/ rdo rje spun no/ /bum pa dang/ gsang ba dang/ shes rab ye shes dang mtshon byed bzhi pa/ slob dpon gcig dang rig ma gcig las thob pa ni khyad par gyi rdo rje spun no/ /bye brag du thob pa ni bye brag gi rdo rje spun no/ /de rnams las ltung ba'i lci yang yang de bzhin no/ /de ltar slob dpon sangs rgyas ye shes zhabs kyi rim pa rnam par bzhag pa las/ /bstan pa gcig dang rdo rje theg pa la zhugs pa thams cad rdo rje'i spun du brjod/ /kun kyang ye shes ldan pas na/ /rdo rje sems dpa' i rdo rje sbun/ /dkyil 'khor gcig dang slob dpon gcig /dbang bzhi dag gi bye brag gis/ /nye dang bye brag khyad par ro//

  446. 223b

    zhes bshad/ /de'i ldang? tshad kyang ka ma la zhabs kyis bshad pa/ theg mchog rdo rje spun rnams kyis/ /nyes pa byung na rgyur shes bya/ /de las ldang par 'dod rnams kyis/ /lus dag yid gsum la gsum ste/ /lus kyi nyes pa dang po yis/ /tshe gcig tu ni spyod pa bya/ /gnyis pa nyes ba'i chad kyis ni/ /spyod pa dag tu sbyong pa yin/ /gsum pa maN+Dal phyag sogs so/ /gzhan du sku gzugs yid kyis bsdam/ /ngag gi 'dus pa bshags pa dang/ /de bzhin sngags dang dag gis bshags// yid kyis tshogs dang skye ba med/ /rig pa'i rtul zhugs zla ba drug/ ma gnyis chung mthol? pa sde/ /bar ma man chad lkog gyur yin/ /yang na gang zag yul dang dus/ /rkyen gyi bye brag shes pas spyad/ /ces 'byung ste/ 'di ni don gzhan la dgongs pa med pas blang bar bya'o/ /yang na ltung ba dang po'i bshad pa'i gsum ldan gyi cha gcig nas brtsis pas rnam par phye pa 'di'i bskad tshad yin no/ /'di yang bdun dang ldan pa'i sbyor bas ltung bar 'gyur te/ rdo rje spun yin zhing nyon mongs pas bslang ba dang/ der 'du shes pa dang/ sbyor ba gnyis pa bstan pa dang/ rang dus 'das pa dang/ yid la mi gcags pa dang/ yi rang ba dang/ ma 'khrul ba'o/ /'di'i pham pa'i phyogs dang mthun pa'o/ /don 'di skad bstan te/ rdo rje theg pa la dam tshig gi dbye ba la gnyis te/ rtsa ba dang yan lag /rnam par phye ba ni de'i yan lag gi bye brag go /de skad du yang slob dpon mtsho skyes kyis rnam par bsdus pa las/ /dngos grub thams cad gzhir gyur pa/ /rtsa ba dang ni yan lag go /rtsa ba dus 'das 'pham pa 'dra/ /tshad ldan ltung bar bshad pa yin/ /yan lag rtsa ba dus 'das pa/ /lci ba zhes ni bshad pa ste/ /sbyor ba ma rdzogs sbom po'i?/ /yan lag rdzogs pa sbom po'o/ /yan lag phra ba nyes byas so/ /'phra mo'i phra ba dkyil 'khor

  447. 224a

    gcig/ nyes pa med pa gnang la sogs/ /zhes bshad pa'i phyir/ rigs gnyis su shes par bya'o/ /yang de nyid las/ bshags chad bstan pa/ /pham pa rdzu 'phrul sogs kyis 'dul/ /ltung ba dbang gi rim pas so// lci pa tshogs kyi 'khor lo ste/ /sbom po tshogs pa'i nang du mchod/ /yan lag tshogs la bshags pa ste/ nyes byas phra mo dkyil 'khor sogs/ /nyes pa med pa mkhas pas brtag /nyes pa chung du phra mo yang/ /gong zhing mdud par 'dzin na lci/ /gong bzhin dngos po lci 'gyur yang/ /mi 'jigs ster zhing gsong bor smra/ /de sogs mgo bshad pa yang/ /phyir zhing sdom ba dga' ba ni/ /nyes pa che yang yang bar bshad/ /bshags kyang mdud par 'dzin byed na/ nyes pa chung yang lci bar bshad/ /khyab du bsad ma bshags na/ /nyes pa chung yang lci bar bshad/ /rtag tu mdzem? zhing 'jigs 'gyur na/ /nyon mongs zil non nyes 'byung yang/ /nyes pa che bar mi 'gyur ro/ /de bas grogs la sogs pa brtag /ces 'byung bas rnam par phye ste bshad pa'o/ /phal cher ltung ba dang po las shes par bya'o/ /shan? 'dra ba ni phyogs su bsdu'o/ /dam pa rnams kyi nyes pa mi 'byung ba la 'bad par bya'o /gyur yang dus ma yol par ched du bshags par bya'o/ /bya ba dang bya ba ma yin pa yang shes pas brtag par bya'o/ /gzhan du na ltung ba rnam par bzhag pa'i rgyud las/ /dkyil 'khor thar pa'i grong mchog 'dir/ /zhugs pa dang ni dbang bskur bas/ /phyir ldog pa ni yod ma yin/ /'dir zhugs ? rnams skad cig kyang/ /'bral med 'og min gnas su 'gro/ nyams nas 'bral par gyur pa na/ /thur du bltas nas dmyal bar 'gro/ zhes bshad pas shes par bya'o/ /de'i phyir rdo rje spun la 'khros pa ni/ sems khod nas 'khrug cing//

  448. 224b

    mnar sems dgu dang ldan pa'o/ /'dir lus ngag gtso bo ma yin pas phal cher ltung ba'i sems la bzhag pa'o/ /nyes pa ni 'dod pa ma yin par ltung ba'o/ /ltung ba gsum pa'i bshad pa'o// //da ni ltung ba bzhi pa'i mtshan nyid bshad par bya ste/ sems can rnams la byams sems spong/ bzhi pa yin par rgyal bar gsungs zhes bya bas bshad de/ 'dir sems can ni khams gsum pa ste/ rang gi de nyid ma rtogs pas 'khrul pa'i dbang gis sdug bsngal ba'o/ /theg pa chen pos snying rje dang byams pa dang skad cig dang bral par mi bya ste/ gzhan gyi don du zhugs pas bu gcig pa la sdug pa'i ma bzhin no/ /de bas na gzhan gyi don mthong na bdag nyid kyi lus dang srog la ma chags pa ste/ gzhan dun theg pa chen po rnam par spangs pa'o/ /de yang yul rnam pa gsum la khyab par mi rtog par snyoms par rgyu snying rje'i stobs kyi don la 'jug pa ste/ de bas na sangs rgyas kyi byang chub 'dod pas ci'i phyir byams pa dang/ snying rje don du mi gnyer/ /byol sor gi skyes pa'i ri dags khri snyan sa le yang rtag tu sems can la bu gcig pa bzhin du sems dpa' i snying rje dang ldan na theg pa chen po ba rnams kyis lta ci smos/ de'i phyir bcom ldan 'das kyis gsungs pa/ sangs rgyas byang chub 'dod pa yis/ /rtsa ba chad pa'i zhe sdang ni/ /skad cig tsam yang bsten mi bya/ /sems 'khrug pa la thar lam med/ zhes bstan to/ gzhan yang byang chub tu sems bskyed pa rnams kyis ni/ 'dod chags kyi phung? po ? tsam ni zla'i? de sdang? skad cig ni de lta ma yin no/ /de'i phyir sems bskyed pas ni gzhan don phyi ? yang dag rdzogs pa'i byang chub 'dod/ ces bstan pa gzhan gyi don ni byams pa dang snying rjes rjes su gzung gi zhe sdang gis gzhan don byed pa ma yin no/ /gzhan yang

  449. 225a

    theg pa chen po'i mdo dang rgyud mdza' dag las/ zhe sdang spang zhing byams pa dang snying rje bsten par gsungs pa shes par bya'o/ /'dir yang sbyor ba bdun dang ldan pas nyes pa ci byung pa 'ang gong du bstan pa las shes par bya'o/ /'dir mnar sems dgu dang ldan pa ni ltung pa'o/ /sems khong nas 'khrug pa ni sbom po'o/ /dus 'das su mdud par 'dzin pa ni lci pa'o/ /sbyor ba tsam nyes byas so/ /lus ngag gi nyes pa ni phra mo'o/ /gzhan la sbyor ba'i dngos gzhi skyes pa ma bshags par mi snang bar gyur pa dang/ rang la de lta bu gzhan chos bzhin du bshags pa las/ /rang dang gzhan dri ma las ldang bar mi byed par snang bar ma gyur na pham pa'i phyogs su bsdus pa'o/ /bshad pa'i tshad ni zhing bla ma dang rdo rje spun la gang gi nyes pa bshags pa'o/ /sems can thams cad la yang zhing dang bsam pa dang sbyor ba'i nyes pa dang/ sbyar te/ des tshangs pa sbyin pa dang/ rgyun de las log ba dang/ sems sun byung? ba ste/ sdom pa dang/ tshogs pa la tshogs dang maN+Dal dang ngag gi sbyor ba dang/ nor la sogs pas rjes su dga' bar bya ba dang/ yul de nyid la bshags pa dang/ srog chags gzhan tshe bskyab pa la sogs pas nyes pa la 'jigs shing bar shags par bya'o/ /phyogs su bsdu ba ni khams gsum gyi sems can thams cad la tshad med bzhi bsgom pa'o/ /khyad par du ni phul? nye ba rnams la'o/ /slob dpon klu sgrub kyis bshad pa/ /theg pa che la zhugs pa yin/ /sems can rnams la bu bzhin byams/ snying rjes gzhan don rang smog sbyin/ /nyan thos rnams kyang gnod las log/ snod du ma gyur log sred can/ /nam yang dor bar mi bya'o/ /nyes pa byung na bshags par bya/ /snying rje byams pas zhugs gyur na/ sngar byas nyes pa de

  450. 225b

    yis ldang/ /bshags kyang phyir zhing mi sdom na/ /bshags pas dri ma ldang ba med/ ces bya bas bshad pa'o/ /de bas na dam pa rnams kyis bshags te bsdam par bya'o zhes bshad do/ /de bas na sems can rnams shes pa ni mang ba'i tshig go/ byams pa'i sems spong ba ni mnar sems kyi zhe sdang ngo/ /de sems la skyed pa ni ltung ba'o/ /yid ches par bya ba'i phyir rgyal bas gsungs pa'o/ /ltung ba bzhi pa'i bshad pa'o// //da ni ltung ba lnga pa'i mtshan nyid bshad par bya ste/ chos kyi rtsa ba byang chub sems/ /de spong ba ni lnga pa yin zhes smos te/ 'dir 'bru mang po par sbyar te/ bi bag sha ste/ skyes pa lta bu'i don to/ /de ltar yang/ rang bzhin gzhi mthun byang chub sems/ /sgra gcig gis ni dngos rnams brjod// kun rdzob la sogs dbye ba yis/ /sems? pa'i sgra bzhin no/ /zhes 'byung ste/ sen ta pa'i gnas skabs kyis/ rta dang chu dang ral gri dang lan tsha'o/ /'dir yang don dam pa dang/ kun rdzob kyi dbye bas so/ /'dir don dam pa'i byang chub kyi sems spong ba ni rang bzhin kyi sems can thams cad la ye shes gnas pas rtogs par spong ba'o/ /de'i phyir rgyu dang mi rgyu'i dngos po kun/ /khyab bdag rdo rje sems dpa' yis/ /? nas dag pa'i ye shes gnas/ /thabs gzhan sangs rgyas mi rnyed do/ /zhes bshad pa dang/ ji ltar mar la mar bzhag bzhin/ /ji ltar rtsal? chu bzhag bzhin/ /rang gi ye shes de rtogs bya/ zhes bya bas kyang bshad la/ rang gi ye shes gang yin pa/ /de rtogs de ni 'dir phyag yin/ zhes 'byung bas/ sems can thams cad kyi rgyud la/ byang chub kyi snying po sangs rgyas kyi ye shes gnas pas/ de rtogs na sems can thams cad mya ngan las 'das par 'gyur ro/ zhes bshad pa dang/ gzhan yang 'di ni theg pa chen po'i mdo snga dang rgyud mdza' dag nas gsal bar bstan?

  451. 226a

    pas/ de'i phyir yul stong pa nyid dang/ yul can rang bzhin gyis 'od gsal ba gnyis tha dang pa med pa ni byang chub kyi sems te/ de ni sangs rgyas kyi yon tan thams cad kyi rtsa ba yin pas de la ma mos shing spong ba chos kyi rtsa ba spong ba'o/ /de ma rtogs na thar pa dang thams cad mkhyen pa mi thob ste/ de'i phyir nyan thos kyis kyang chos kyi dbyings kyi bye brag rtogs pa'o/ /de skad du slob dpon klu sgrub gyis/ /skye med rtogs pas mya ngan 'das/ /nyan thos gang zag bdag med pas/ /chos dbyings bye brag rtogs pas thar/ /mkhas pas rang sems dag la brtag /rang sangs rgyas kyis bye brag cha/ /dngos kun skye med thams cad mkhyen/ ces bshad pas khong du chud par bya'o/ /de bas na de rtogs par bya ste/ bye brag gi rgyud las/ byang chub nam mkha' i mtshan nyid de/ /kun tu rtog pa thams cad spangs/ /gang zhig de rtogs 'dod pa ste/ /byang chub sems dpa' zhes bya'o/ /zhes bshad pa'o/ /de bas de la smon pa dang/ /'bad rtsol gyis 'jug pa dang/ lam du bstan pa la 'bad par bya ste/ gzhan du na de spong pa'o/ /de'i phyir/ byang chub sems la 'jug pa dang/ /gang zhig rtogs par 'dod pa de/ /sgrib pa thams cad sel byed cing/ /bdud rnams shin tu skrag byed de/ /ji ltar sgron ma skyes ma thog/ mun pa lo stong sel ba bzhin/ /de bzhin seng ge phru gus kyang/ /shin tu rgas pa'i gcan zan 'jigs/ /zhes bshad pas de ni chos thams cad kyi rtsa pa'o/ /de spong pa'i ltung pa'o/ /sgra'i don gyi kun rdzob de lta bu'i byang chub kyi sems la bya ste/ de ni byang chub kyi ched du dam tshig ma dang/ lag gi 'du byed kyi dor bar mi bya ste/ sems ma brtag pas kyang lces blang bar bya'o/ /zhes bshad pas so/ /gzhan yang gsang ba'i dbang gis dus su goms pas sangs rgyas kyi ye shes 'dra ba bab ste sbyin par bya'o/ /gzhan du spangs

  452. 226b

    na ltung pa'o/ /gzhan du shes rab ye shes dang/ /dam tshig ma las rnal 'byor gom par byed pas/ /mi spang bar thabs dang shes rab kyi rgyud las bstan pa'o/ /sbyor ba dus dngos gzhir 'gyur ba yang shes par bya'o/ /dbye ba'i gzhi yang de nyid do// sun phyung la rim pa bzhin/ /rjes su 'jug pa la bslab par bya'o/ /dbang gi rim pa de nyid kyis bskang bar bya'o/ /gzhan du na chu tshong gsum dang/ lnga dang/ dgu dang/ bcu bdun dang nyi shu rtsa brgyad dang/ sum cu rtsa lnga dang/ bzhi bcu rtsa bdun dang/ lnga bcu rtsa lnga dang/ drug cu rtsa gnyis kyi skyed/ /de dam tshig gi rig ma la sogs pa la bde ba chen po dang/ dga' ba bzhi yis dkyil 'khor ba mnyes par byas pas ldang ba'o/ /de'i phyir in+d+ra b+hu tis bshad pa/ gang zhig don dam kun rdzob kyi/ /byang chub sems las nyams gyur na/ /don dam don dam nyid kyis te/ kun rdzob lces blang ga la nyams/ /de nyid las ni bslab par bya/ /shu kra dor na rtsa ba nyams/ /chu tshod nas brtsis dga' ba bzhi/ /goms pas bris ? las ldang/ /de phyir dam tshig rig ma dang/ /rnal 'byor tshad ldan med pas ni/ /nam yang 'jug par mi bya'o/ /gzhan du ltung ba'i rtsa ba ste/ /rdo rje 'dzin pa spangs nas ltung/ /zhes bshad pa'i phyir ro/ /de bas na brtan pa thab pas 'bad par bya ? gzhan yang skye bo 'dod chags can don du/ /'di yi byed pa rdo rje 'dzin/ zhes bshad pa dang/ shes rab kyi rgyud las kyang/ /ji ltar me yis tshig pa las/ me de nyid las bsro par bya/ /de bzhin rna pab? chu song ba/ /chu de nyid kyis slar dpung bya/ /'dod chags ldan pa'i gang zag kyang/ /'dod chags nyid kyis gdul bar bya/ /zhes bshad pa yang brtan pa yang brtan pa dang ldan pa la lam du 'gyur bar shes par bya'o/ /de lta ma yin par 'dod chags kyi rjes su 'brangs te sgra tsam gyi phyogs su gzhol ba

  453. 227a

    la ltung ba dang spob po la sogs par 'gyur pas tshogs pa la bshags la don ma yin par mi 'jug par bsdams la/ rjes su bskad zhib don tu bslab par bya'o/ /zhes bshad pa ste lnga pa yin pas lnga pa ste/ ltung pa lnga pa'i bshad pa'o// //da ni ltung ba drug pa'i mtshan nyid bshad par 'dod nas/ rang dam gzhan gyi grub pa'i mdza' / /chos la smod pa drug pa yin/ /zhes smas te rang ni bdag med par smra ba dang/ gzhan ni phyi rol pa'o/ /de la smad par mi bya'o/ /gzhan dag ni theg pa chen po'i ming dang rgyud la bya ste/ mu stegs sun dbyung pa'o zhes zer te/ de yang gzhan de la 'jug pa bzlog pa'i phyir bshad pa ste/ nyon mongs pas kun nas bslang ste smad pa ma yin te/ bye brag gi rgyud las/ rnam par snang mdzad ring pa'i rgyu/ /mu stegs can la smod mi bya/ zhes bshad pa dang/ de bzhin du grub pa'i mdza' yis blo skyod phyir/ /phyi rol pa yang lam chol zhugs/ /de phyir de la/ snang mi bya/ /lam zhugs nyan thos smos ci dgos/ zhes bshad pas so/ /de'i phyir sems can bsam pa tha dad pas/ /mya ngan 'das par drang ba'i phyir/ byin gyis brlabs dang mngon sum pas/ /'di dang phyi rol bstan pa yin/ /de phyir smad par mi bya ste/ /phal cher thar lam 'dod pas/ /zhes bshad de/ de'i phyir lha sa sbyin yang yang dag pas lha sbyin ma yin la/ mu stegs cen gyi grub pa'i mdza' la yang smad par mi bya'o/ /zhes 'byung ba ste/ theg pa chen po la gzung ba dang/ lta ba ngan pa la dang pa sun 'byung ba dang/ gdul bya'i bsam pas smad pa la nyes pa med do/ /bsod nams kyang mang du 'phel lo/ /de'i phyir rgyud la smad na ltung ba'o/ /theg pa chen po'i mdo sde la smad na sbom po'o/ /nyan thos kyi sa la nyes

  454. 227b

    byas so/ /phyi rol pa yang 'phra mo'i nyes byas so/ /sbyor ba du rang ldan pas dngos gzhir 'gyur bas ltung ba dang/ na smad pas re re la yang yul dang bsam pas na smad pas bshags pa'i dus ye lo pa lcib la sogs pa'i nyes bya ba dang/ nyes pa med pa shes par bya'o/ /de bsan lam tshol ba la zhugs pa dang/ lam la zhugs pa dang/ lam chen po la bzhugs pa dang/ lam ches che ba'i lam bla na med pa la zhugs pa'i snod kyi rim pas lam la ma zhugs pa gzhugs pa dang/ phyi rol pa la bdag med par bstan pa dang/ nyan thos la sogs pa la khyad par gyi lam bstan pa'i phyir ro/ /lam med grub pa'i mdza' la dgong/ /phyi rol pa la bdag med bstan/ /nyan thos la sogs rim pas drang/ rnams sna tshogs thabs kyis gdul/ zhes bshad pa dang/ dgyes pa'i rdo rje las kyang/ dang po'i bye brag smra ba ste zhes bya ba nas kun gyi tha mar theg pa'i mchog /ces bya bar bshad do/ /de'i dbang du mdzad nas/ mtshan yang dag par brjod pa las bya ba grub pa'i ye shes la bstod pa las/ /theg pa sna tshogs thabs tshul rigs/ /'gro pa'i don la rtogs pa po/ /theg pa gsum kyi nges 'byung la/ /theg pa gcig gi 'bras bur gnas/ /nyon mongs khams rnams dag pa'i bdag /las kyi khams rnams zad byed pa/ ces bshad pas thabs sna tshogs kyis gdul bya gdul par bya'o/ /de bas na dgongs pa sna tshogs shes pas skabs kha cig tu theg pa gsum la zhugs pa'o/ /zhugs pa ni 'og ma spong bcug la gong ma la dgod pa'o// de'i dbang du mdzad nas/ dmyal bar 'gro ba byang chub la/ /rtag tu gegs byed ma yin te/ /rang sangs rgyas kyis rnams dang/ /nyan thos ma yis gegs byed zhes bshad pa dang/ de bzhin du 'jig rten pa'i dbang du mdzad nas/ bden par smra bya ?

  455. 228a

    bya/ slob na chung yang sbyin par bya/ /snyan par smra bya khro mi bya/ /rnam pa 'di gsum gnas kyis ni/ /lha yi nang du skye bar 'gyur zhes bya ba dang/ 'jig rten pa yis yang dag lta/ /chen po su la yong byung pa/ /de ni tshe rabs steng du yang/ /ngan 'gror 'gro bar mi 'gyur ro/ /zhes bya bas bshad do/ /de bas na dgongs pas rig par bya'o/ /de'i phyir bskang pa yang phal cher yul dang bsam pa dang/ /dus la sogs pa shes par bya ste/ de nyid las bzlog ste /dgongs pa sna tshogs pa'i don dang/ yang dag pa'i don shes pa la gzhug cing phyis bsdams te/ tshogs pa'i nang ? bshags pas dri ma las sdang ngo/ /gzhan du na phyis sdom pa dang dam pa gcig la bshags pas ldang ste / de'i phyir blos phye bas shes bar bya ste/ ltung ba drug pa'i bshad pa'o// //da ni ltung ba bdun pa'i mtshan nyid bshad par 'tshod pas/ /yongs su ma smin sems can la/ /gser ba sgrogs pa bdun pa yin/ zhes bshad de/ de yang snod ma smin pa dang/ tshogs smin par ma byas pa dang/ cho ga rdzogs pas smin par ma byas pa dang/ /zab pas 'jigs pas ma smin pa dang/ nyams pas ma smin pa'o/ /de la rang bzhin gyis log sred? can/ snod kha sdub pa thabs sna tshogs kyis btul yang snod du ma gyur pa yod de/ skur zhing smod par byas pas bstan par bya ba ma yin pa'o/ /gzhan du na snod du ma gyur pa med de/ /'dus pa las rigs ngan sme sha can la sogs/ /gsod pa don du nyer ba rnams/ /theg mchog 'di las 'grub par 'gyur/ zhes bshad pa dang/ gzhan yang mtshams med lnga po byed pa dang/ /gsod la sogs pa'i mi dge sogs/ /dbang ma bskur pa'i mi rnams kyang/ /nag pos bka' stsal bzhin du 'grubs ces 'byung ba'i phyir/ sbyor ba phul du gyur pa'i tshig /byang chub kyi sems

  456. 228b

    dang ldan pa la snod du rung bar bshad kyi/ thams cad du cho ga med pas ni 'grub pa ma yin no/ /slob dpon dang slob ma rkyen ma tshang bas/ snod du rung yang dbang ma thob pa'i gang zag kyang ngo/ /bum pa'i dbang tsam thob pa la gsang ba la sogs pa ma thob pa yang ngo/ /dbang rdzogs kyang spyod pa dang rig pa'i brtul zhugs dang/ lam rnam pa bzhi'i tshul dang zab mo'i don la 'jig pa yang snod du ma gyur pa'o/ /thob kyang ltung ba la sogs pa byung ste/ nyams kyang rkyen ma tshang ba dang/ ma gus pas dri ma las mi ldang pa yang ma smin par shes par bya'o/ /de lta bu la snyigs ma lnga'i dus kyi rdo rje slob dpon gyis 'dod pa dang 'jig rten gyi chos brgyad kyis bsam pas mi 'dul zhing ma gus pa la bskur pas ltung bar 'gyur la smin par byas kyang/ /dri ma ma dag pa la ston pa ni ltung ba ste/ snying rje zhugs na sbom po'o/ /tshul ma yin par bstan te lus dag gis brdam byas na nyes byas so/ /'og ma'i cho ga byas pa la gong ma ston na lci ba'o/ /ma rtogs pa phra mo'i nyes byas so/ /zhing dang bsam pas lci yang dang/ sbyor ba dus dngos gzhir 'gyur ba yang shes par bya'o/ /zab pa ma yin pa bstan pa'i dus su /zab mo'i don ston pa dang/ tshogs kyi 'khor lo'i nang du 'dus pa dang/ nyes byas bshags pa'i dus su 'dus pa dang/ sba bar bya ba brda dang phyag rgya gcig tsam mthong bas bshags pa'i tshad kyang dus yol ba dang ma yol bas de nyid dbang rnam gsum nyid dang/ tshogs kyi 'khor lo dang/ dpa' po'i ston mo dang/ tshogs kyi mchod pas 'dus pa la bshags pa dang/ chad pa'i las dang/ maN+Dal sngon du 'gro bas dri ma las ldang bar bya'o/ /'di ni slob dpon gyi nyes pa'o/ /de yang slob dpon ku ku ri pas bshad pa/ snod min pa la gsang mi bsgrags/ /smin dang ma smin rim pa

  457. 229a

    rnams/ /gud mo'i rtse mo brdar sbyor sogs/ mkhas pas rtogs par mi byed na/ /gal te 'dod pa'i bsam pas zhugs/ /de ni shin tu lci ba ste/ /snying rje can la shin tu yang/ /snyoms las la sogs nyes pa chung/ rkun thabs slob ma'i nyes pa'o/ /dbang bskur tshogs 'khor la sogs dang/ maN+Dal ngag gi bshags pas bsdams/ /gzhan du skyes bu tha shal brlag /ces bshad pas rgya cher shes par bya'o/ /shan 'dra ba phyogs su bsdu bar bya'o/ /phal cher yul dang dngos po dang /dus dang sbyor ba dang/ bsam pa dang/ gang zag dang/ gzhan gyi don la sogs spyad de dri ma las ldang bar bya'o/ /slob dpon gyi nyes pa ni ltung ba dang po dang sbyar te/ bshags par bya'o/ /gzhan du na yongs su smin par ma byas shing/ bla ma la sogs mchod mi byed/ zab mo'i don la zhugs gyur kyang/ /nyan la sogs te phyag brgya 'ching/ /ji ltar sa bon tshig pa las/ /myu gu 'bras bu mi 'byung bzhin zhes bya bas gsal bar bstan te/ de'i phyir slob dpon dang slob ma yongs su smin na 'bras bu chen por 'gyur ro/ /zhes bstan pa'o/ /de bas na 'dod pa la sogs pa zab mo'i don bstan na ltung ba'o/ /zhes bshad pa ste/ ltung ba bdun pa'i bshad pa'o// // da ni ltung ba brgyad pa'i mtshan nyid brjod par bya ste/ phung po sangs rgyas mnga' bdag nyid/ /de la smod byed brgyad pa yin zhes bya bas bshad de?/ phung po ni gzugs la sogs pa lnga'o/ /sangs rgyas ni de dag gi rang bzhin dang/ byin gyis brlabs pa ste/ rang bzhin gyi ni gzod ma nas ma skyes pa'o/ /gzod ma nas rang bzhin gyis 'od gsal ba ni/ /shes pa dang shes bya tha dad du med pa'i phyir 'di ni sems can thams cad kyi rgyud la rang bzhin gyis rnam par mi rtog pa'i ye shes rnam pa lnga gnas

  458. 229b

    te/ glo bur gyi dri ma mthong bas spang par bya ba dang/ bsgom pas spang par bya bas ma thob pa thob par bya ba ni ma yin te/ gzhan du na thog ma med pa'i dus nas ma rig pa'i bag chags kyi yongs su dkrugs pa'i phyir/ shin tu bag chags kyi mthu brtas pas/ ma rig pa'i thibs pos non pa'i phyir tshe gcig la sogs te/ bskal pa grangs med pa gsum gyis rnam pa thams cad mkhyen par ga la 'gyur/ de'i phyir sems can thams cad kyi rgyud la rang bzhin gyi 'od gsal ba'i rnam par mi rtog pa'i ye shes gnas te/ de'i nus pa'i khyad par dang/ yon tan gyi khyad par las gnyis su med pa'i khyad par dang/ yul dang yul can du snang ba ste/ de'i phyir dpal gsang ba 'dus pa la sogs pa rnal 'byor dang rnal 'byor ma'i rgyud mdza' dag las lus kyi dkyil 'khor bkod pa snang ba ste/ /don de nyid la dgongs pa'i phyir ro/ /de skad du yang phung po sangs rgyas lnga bdag nyid/ /spyan la sogs pa chen po bzhi/ /sgrol ma la sogs de bzhin no/ /yul dang yul can rang snang pa'i/ /khams dang skye mched mang po ni/ sa snying la sogs byang chub sems/ /gzugs kyi phung po bgegs mthar byed/ /lus kyi dkyil 'khor rnam par snang/ zhes bshad de/ gzhan yang gzugs ni rnam par snang mdzad de/ /tshor ba rin chen 'byung ldan yin/ /'du shes snang ba mdza' yas so/ /'du byed don yong? grub pa yin/ /rnam par shes pa mi bskyod pa/ zhes bya ba la sogs pa thabs dang shes rab kyi rgyud mang po las gsal bar bstan te/ bdag dang gzhan rdo rje theg pa'i rnal 'byor pa rnams la 'di ni bsgrub pa'i phyir/ / rgyud de dag kyi dgongs pa dag gis 'dir ma spros so/ /rgyud de dag las rkyang lta'i grangs tha dad par snang ste/ de dag gdul ba'i bsam pa dang/ rten cing 'brel bar 'byung ba'i nus pa dang/ dbang po'i bye brag gis gsungs kyi/ rnam par dag pa lus kyi dkyil

  459. 230a

    'khor bkod pa/ /phung po las tha dad par brjod pa ni ma yin no/ /de'i phyir de'i rang bzhin de yin phyir/ /de'i nus pa de la gnas/ /de phyir sems can sangs rgyas te/ /thabs kyis 'khrul pa bzlog pa'i phyir/ /de phyir sangs rgyas tha dad snang/ lus la dkyil 'khor rnam par dgod/ ces bshad pa'i phyir ro/ /byin gyis brlabs pa'i tshul gyis kyang rnam par rtogs pa'i bag chags zad par bya ba'i phyir dang/ bsod nams kyi tshogs yongs su rdzogs par bya ba'i phyir dang/ las dang po pa'i gang zag rnal 'byor pa'i sems goms par bya ba'i phyir/ /dbang dang dam tshig sngon du 'gro bas/ /yan lag bdun pas sems rgyud sbyangs te/ /stong pa nyid las lha'i gzugs su rnam par ldang zhing/ /ye shes kyi dkyil 'khor dang/ gnyis su med pas phra mo dang thig le dang rtsa'i 'khor lo rnam par bsgoms te/ cho ga thams cad rdzogs par bya'o/ /rang bzhin du gnas pa'i don dang/ /byin gyis brlabs pa'i lus kyi dkyil 'khor la/ /thun bzhi'i rim pas tshogs kyis mchod/ /dka' thub la sogs rnam spangs te/ skad cig sangs rgyas bral med 'grub/ /ces bshad pa'i phyir ro/ /de bas na de la brnyas pa ni ltung ba ste/ de yang gsad pa dang sbyugs pa dang/ bcing ba dang/ tha snyad du sems pa dang/ bsnyung par gnas pa dang/ dka' thub dang dka' spyod dang/ sngar spyad dang/ lus dran pa nye bar bzhag pas mi gtsang ba'i rdzas sum cu rtsa gnyis su sun 'byin par byed pa la/ yan lag la sogs pa ma rungs par byed cing/ gsob nyid dang/ gsog nyid dang/ snying po med pa nyid dang/ zhes rnam par brnyas shing/ smod par byed de/ de ni ltung pa'o/ /de yang yan lag dus dngos gzhir 'gyur ba dang/ ltung ba dang yan lag gi nyes pa yang shes par bya'o/ /tshogs kyi 'khor lo dang tshogs kyi mchod pa dang/ tshogs la bshags pa ste/ rang bzhin

  460. 230b

    dang byin gyis brlabs pa'i dkyil 'khor bsgom zhing/ phyis skad cig kyang mi 'jug pa la bslab par bya'o/ /ltung ba brgyad pa'i bshad pa'o// //da ni ltung ba dgu pa'i mtshan nyid bshad par 'dod nas/ rang bzhin dag pa'i chos rnams la/ som nyi za ba dgu pa yin/ zhes bshad do/ /rang bzhin gyis dag pa ni bdag med pa rnam par dben pa'o/ /de'i phyir de ni rang bzhin gyi rnam par dben pa'o/ /gzhan phyi dang dbang phyug dang byed pa po dang bdag tu 'dod pa ste/ de dag gzhan yang phyi rol gyi dngos po don du 'dod cing bsags pa dang 'dus pa'i dngos po dang/ shes pa yang dus gsum rdzas su smra ba dang/ gzhan yang nang gi shes byed ni don du yod la/ shes bya gnyis med pa la don lta bur snang ba'o/ /zhes 'dod pa la sogs pa'i grub pa'i mdza' la rnam par rtog cing/ /ci rang bzhin rnam par dag pa'i chos su smra ba ni/ de bzhin gshegs pa'i bka' 'am/ bdud kyi tshig ces rtog ste/ yang dag pa'i don la the tsom za zhing/ phyi rol pa la sogs pa grub pa'i mdza' sna tshogs su rtog cing the tshom za ba'o/ /gzhan dag rjod byed kyi chos/ rgyud dang shes rab kyi pha rol tu phyin pa'i mdo rnams la smod pa'o/ /de yang tha dad par brjod pa ma yin te/ gzhi gcig tu brjod pa'o/ /de'i phyir de la the tshom za ba ni ltung ba'o/ /sbyor ba du dang ldan pas dngos gzhir 'gyur pa yang shes par bya'o/ /ltung ba dang yan lag gi nyes pa yang zhing dang bsam pa dang dus dang sbyor ba'i bye brag gis shes par bya'o/ /dri ma las ldang ba ni/ tshogs pa la bshags la phyis bsdams te skye ba med pa la 'jug par bya'o/ /gzhan gdul ba'i bsam pa dang/ dngos po gtan la 'bebs pa dang/ /bcom ldan 'das kyi dgongs pa 'grel pa'i dus su nyes pa med do/ /gzhi mthun pa ni phyogs su bsdu'o/ /ltung pa dgu pa'i bshad pa'o// //

  461. 231a

    da ni ltung ba bcu pa'i mtshan nyid bshad par 'dod nas/ /gdug la rtag tu byams sems ldan/ /byed pa de ni bcu par 'dod/ ces bya bas bshad de/ de yang gdug pa mi bdung dang mu stegs dang/ phyir rgol ba dregs pa can dang logs sreng can la sogs pa ste/ yang dag pa'i bkas mi 'dul ba dang/ byang chub kyi sems dang snying rje dang bral ba'i gang zag la/ /snying rjes rdzu 'phrul gyis 'dul ba dang thabs gzhan gyis mi 'dul pa la/ snying rjes bsgral ba la sogs pas 'di dang phyi ma'i don chen po thob par mi byed pa dang/ bla ma dang dkon mchog dang sems can phal po che la gnod pa'i gang zag la dga' bar byed pa'o/ /de la snying rjes bsdu pa'i dngos po bzhi dang/ thabs mkhas pa'i sbyin? pa sna tshogs gyis? 'dul ba dang/ rdzu 'phrul dang drag shul gyi spyod pas mi 'dul na ltung pa'o/ /de'i phyir bde mchog 'khor lo las/ shin tu khro zhing gtum pa la/ /zhi bas pan par mi 'gyur te/ /shes rab thabs kyi sbyor ba yis/ /khro bor de bzhin gshegs kun mdzad ces bshad pa dang/ gzhan yang/ snying rje chen po'i stobs kyis ni/ /gdug pa yal bar mi 'dor? te/ rdzu 'phrul bsgral? la sogs pas gdul/ gzhan du bla ma dkon mchog spangs/ zhes 'byung bas bshad pa'o/ /sbyar ba du dang ldan pas dngos gzhir 'gyur ba yang shes par bya'o/ /dri ma las ldang ba dang /tshogs la bshags pa ste/ phrin las rnam pa bzhis de bzhin gshegs pa'i phrin las mdzad pa'o/ /shan 'dra ba ni phyogs su bsdu pa'o/ /ltung ba bcu pa'i rnam par bshad pa'o// //da ni ltung ba bcu gcig pa'i mtshan nyid bshad par 'dod nas/ ming sogs bral ba'i chos rnams la/ /der rtog pa ni bcu gcig pa zhes bshad pa ste/ ming sogs bral ba'i chos rnams ni/ /rjod par byed pa'i tha snyad las 'das

  462. 231b

    pa ste/ mi rtog pa'i ye shes kyi yul zhes brjod kyi yul las 'das pa'o/ /de yang lung dang rigs pas grub ste/ lung ni theg pa chen po'i rgyud dang mdo mdza' dag las grub pa'o/ /de skad du yang/ dngos rnams bdag dang gzhan las min/ /gnyis ka las te med mi skye/ /skye 'gag spros bral rnam par stong/ /yod med shes brjod yul las 'das/ /gcig dang du ma'i mdza' shes shing/ /skad cig ma shas brtags pas dben/ /gzugs dang stong pa tha dad min/ /kun nas nyon mongs rnam par byar/ / 'dod chags nyan mongs bdag lta dang/ /skye med thams cad mkhyen pa yang/ /rang bzhin gcig ste tha dad med/ /'di dag dam pa'i don tu'o/ /zhes 'byung ba dang/ gzhan yang shes rab kyi pha rol tu phyin pa las/ chos thams cad ? la lta bu sgyu ma lta bu'o/ /mya ngan las 'das pa'i chos thams cad kyang rmi lam lta bu sgyu ma lta bu/ mya ngan las 'das pa las ches lhag pa'i chos cig yod na yang rmi lam lta bu sgyu ma lta bu'o/ /rigs pa ni phyi dang nang gi dngos po ni/ /dam pa'i don du rang bzhin med/ bdag las ma skyes gzhan las min/ gnyi ga las te rgyu med min/ /gzugs brnyan la sogs bzhin du brtag /bdag la sogs pas rnam par dben /gang gis shes pa yod min te/ /rtag chad mdza' dang rnam par gral /gzhan du lung dang rigs pas gnod ces gshad pa dang/ slob dpon 'phags pa ltas bshad pa/ ji srid yod par rtog pa na/ /de yang sgyu ma'i mtshan nyid min/ /ji srid med par rtog pa na/ /de yang sgyu ma'i mtshan nyid min/ /ji srid dbus mar rtog pa na/ /de yang sgyu ma'i mtshan nyid min/ /de kun rang bzhin med do zhes/ /theg pa che rnams smra byed kyang/ bdag byin brlabs las phyi rol phyogs zhes bshad pas/ /ming dang brda la sogs pa dang bral pa'i chos lung dang rigs pas yang dag par bsgrub te?/

  463. 232a

    rigs pa ni rgya cher slob dpon glu sgrub kyi zhal snga nas/ dbu ma rigs pa'i tshogs las rgya char gtan la phab pas/ /de yang 'dir bdag gis spros ? don med pa'i phyir ma spros so/ /de'i rtag pa dang chad pa'i mthar rtog na ni ltung pa'o/ /yan lag dus dngos gzhir 'gyur ba yang shes par bya'o/ /ldang pa ni tshogs pa la bshags te/ de nyid las log ste/ goms par byed pa'o/ /ltung ba bcu gcig pa'i bshad pa'o// /? ni ltung ba bcu gnyis pa'i mtshan nyid bshad par 'dod nas/ sems can dang dang ldan pa yi/ /sems sun 'byin pa bcu gnyis pa zhes bshad de/ theg pa la gsang du zhugs pa'i las dang po pa la sogs pa la/ mi dad cing mgus pa'i rnal 'byor pa lus ngag gis bag med par spyod cing/ de'i rgyus gzhan ma dad cing/ rdo rje theg pa la smod cing ma zhugs pa rnams mi 'jug cing/ zhugs pa rnams zlog par byed na ltung bar 'gyur te/ /yan lag du dngos gzhir 'gyur ba yang shes par bya'o/ /yan lag gnyis byas la sogs pa lci yang gi bye brag gis dri ma las ldang ba yang/ tshogs pa bshags pa dang / maN+Dal sngon du 'gro bas dam pa gcig la bshags pa dang/ 'phra mo ni sems kyi bsdams te/ de nyid la sogs pa rjes su gzung ba'o/ /phul? dang dus dang bsam pa dang /rkyen gyi bye brag gis nyes ba lci yang dang nyes med pa yang shes par bya'o/ /ltung ba bcu gnyis pa'i bshad pa'o// //da ni ltung ba bcu gsum pa'i mtshan nyid bshad par 'dod nas/ dam tshig la ni ji bzhin rnyed/ /mi rten pa na bcu gsum pa zhes bya bas bshad de/ dam tshig ni 'dir bshad pa dang/ 'chad par 'gyur ba la bya ste/ de khyad du gsod cing ma gus pa dang/ nyon mongs pas zil gyis non pas nyes byung yang/ dri ma las ldang bar mi byed pa dang/ mi shes pa yang

  464. 232b

    ltung ba 'byung ba'i rgyu ste/ de bas na skyes bu blun po smin par byas pa rnams kyang phal cher ltung ba'i gzhi yin pas / de dag ni dri ma las ldang ba dka' ba ste/ de dag rang gis ldang ba'i nus pa chung ba'i phyir phal cher gzhan la brten pa dang dpa' bo'i ston mo la sogs pas ldang bar shes par bya'o/ /skyes bu shes rab can rnams kyi dri ma las ldang pa ni shin tu yang pas de dag kyang sgyu ma lta bu'i don la mkhas pa dag gi 'dag par 'gyur te/ de yang smras pa/ mkhas pas dri ma las ldang ba/ /bshags dang bral dang dkru ba dang/ /dbyung dang bsreg dang dmigs pas stong/ /dbang dang tshogs la sogs pa dang/ /tshogs pa 'dus pa dang dam pa gcig /dkyil 'khor la sogs mdun du byas/ /dkyil 'khor sbyin bsreg mchod rten dang/ gtor ma la sogs dri ma ldang/ /blun pos lci ba dri ma la/ /lhag pa'i shes pa min par rtogs/ /zhes bya ba la sogs pas bshad pa dang/ gzhan yang de lta bu'i dbang du byas nas/ mkhas pas sdig pa bshags pa dang ldang ba yang/ mkhas pas sdig pa byas pa rnam smin 'phral la sbyar/ /mi mkhas sdig pa byas pas de nyid thung du 'gro /lcags kyi gong bu chung yang chu yi gting du 'gro /de nyid snod du byas na tshe yang kha na 'phyo/ /zhes bshad pas kyang tshul de nyid bstan to/ /gzhan dag las/ mkhas pas sdig pa byas pa rnams/ bka' sogs bslus te shin tu lci/ /blun pos sdig pa lci ba min/ /rang bzhin blun pa nyid kyis so/ /zhes bya ba yang mkhas pas bka' bslus pa dang/ khyad du bsad pas lci bar shes par bya'o/ /de'i phyir don du mi gnyer ba ni ltung pa'o/ /gzhan yang sku gsung thugs kyi dam tshig thun bzhi'i rim pas / sku'i dam tshig ni lha'i rnam par bsgoms pa dang/ gsung gi dam tshig ni sngags kyi grangs dang / thugs kyi dam tshig ni bden pa gnyis kyi tshul gyis/ me rtog pa dang gzhan yang rtsa'i

  465. 233a

    'khrul 'khor mi bsgom pa'o/ /gzhan yang 'dod chags la sogs pa nyon mongs pa lnga'i rang bzhin shes par byas te/ mi sbyang ba dang/ rnam par snang mdzad dang/ dri chu la sogs pa bdud rtsi rnam pa lnga'i rang bzhin shes par byas te/ sbar sdud la sogs pa sbyangs nas mi bstan par 'dor ba dang/ gzhan yang byang chub kyi sems rtsa sum cu rtsa gnyis nas/ chu ser la sogs pa'i byang chub kyi sems rnams bsten par mi byed cing 'dor ba dang/ gzhan yang yan lag gi dam tshig mang du bshad pa rnams bstan par mi byed pa dang/ rtog pa dang bral zhing mnyam pa nyid kyi don rtogs te/ blang ba dang dor ba med pa'i dam tshig la mi gnas pa'o/ /de dag las 'da' bar byed pa ni ltung ba'o/ /yan lag dus dngos gzhir 'gyur ba yang shes par bya'o/ /sdar ba ni bshad zin pa dang 'chad par 'gyur ba rnams kyi dam tshig nyams par 'gyur pa dang/ ldang pa yang de nyid las shes par bya'o/ /yul dang bsam pa dang dus dang rkyan? gyi bye brag gis nyes pa dang nyes pa med pa yang shes par bya'o/ /ltung ba bcu gsum pa'i bshad pa'o// //de ni ltung ba bcu bzhi pa'i mtshan nyid bshad par bya ste/ shes rab rang bzhin bud med la/ /smos par byed pa bcu bzhi pa/ zhes bya ba smos ste/ shes rab kyi rang bzhin ni sangs rgyas kyi yul shes rab kyi pha rol tu phyin ma ste/ /de yang gsang ba dang shes rab ye shes kyi dbang gis dus su bzung ba dang/ rig pa'i brtul zhugs nye bar bsten pa la bya ste/ de dag kyang khyad par dang bye brag gi dbye ba yang shes par bya'o/ /yan lag dus dngos bzhir 'gyur ba dang/ yul dang bsam pa dang dus dang rkyen gyi bye brag gis nyes pa dang lci yang dang nyes pa med pa la sogs pa yang shes par bya'o/ /ldang ba ni tshogs kyi 'khor lo la sogs pas so/ /?

  466. 233b

    'dra ba ni bud med thams cad de phyogs su bsdu pa'o/ /bshags pa'i tshad kyang yan lag gi nyes pa'i tshang ngo/ /ltung ba bcu bzhi pa'i bshad pa'o/ /de dag nye bar bsdus te bshad pa/ /sngags pas de dag spangs na ni/ /dngos grub myur du 'thob? par 'gyur// gzhan du dam tshig nyams pas na/ nyams pas bdud kyis bzung bar 'gyur/ /de nas sdugs sngal myong 'gyur zhing/ /thur du bltas te dmyal par 'gro/ /de bas nga rgyal bcom nas ni/ /bdag nyid dang ldan gus pa dang/ /ma 'khrul bas ni gzung bar bya/ /gal te nyams na bla ma la/ /phul la sogs pas dri ma 'dag /bdag nyid gzhan la phan 'dod pas/ /bla ma dkon mchog mchod byas shing/ gsum la skyabs 'gro nas brtsams te/ /bsod nams tshogs ni nyer bsags nas/ /byang chub sems la sogs pa yis/ /sdom pa thams cad gzung bar bya zhes pa la sogs pas bshad de/ /de dag kyang tshig gnyis kyis phan yon bstan pa dang tshig bshad gcig gi sa dam tshig las nyams pa'i nyes dmigs bstan pa dang /tshig bshad phyed kyis bdag nyid gus pa dang ldan pas ma 'khrul pas dam tshig gzung bar bya'o/ /zhes bstan pa'o/ /tshig rkang gnyis kyis ni dri ma las ldang bar bstan to/ /tshigs su bcad pa phyed dang gnyis kyis ni bla ma dang dkon mchog mchod cing tshogs de nye bar gzung zhing/ dam tshig dang sdom pa gzung bar bstan to/ /'di dag ni bsdus pa'i don no// //yan lag gi don yang/ thabs dang shes rab dang/ /de kho na nyid bcu dang/ rgyu dang 'bras du dang/ thabs kyi de kho na nyid do/ /tshul bdun dang/ bskyed rdzogs gnyis dang/ bsnyen bsgrub kyi bye brag gis bdag dang/ gzhan gyi don bya bar 'dod pa ni sngags pa ste/ de lta bus dam tshig gi dri ma spangs pa ni snod du gyur pa ste/ mchog dang thun mong gi dngos grub thob par 'gyur ba'o/ /gzhan

  467. 234a

    du dam tshig las nyams na ni/ /tshe 'di la yang bdud kyis gzung ste/ sdug bsngal myong bar 'gyur la/ phyi ma la yang rdo rje dmyal ba la sogs par skye bar 'gyur ro/ /de dag la sogs pa'i tshad ni gong du bstan pas 'dir ma bstan to/ /de bas na bdag nyid ma 'khrul bar rtag tu dam tshig rnams rjes su gzung bar bya'o/ /gal te nyams na yang bla ma la phul pa dang bshags pa'i tshad rnams kyis dri ma las ldang bar bya'o/ /bdag nyid la phan par 'dod pas/ dkon mchog gsum la sogs pa la/ /skyabs su 'gro ba nas brtsams te / bsod nams kyi tshogs nye bar bsag par bya'o/ /byang chub sems kyi sdom pa la sogs te sdom pa thams cad gzung bar bya'o/ /rdo rje theg pa'i rtsa ba'i ltung ba bcu bzhi pa'i rgya cher bshad pa'i nye bar bsdus pa'i bshad pa'o// //da ni yan lag gi nyes pa bshad par 'dod nas/ /he ru ka dang slod? dpon la phyag 'tshal lo/ /zhes pa ni mchod par brjod pa sngon du 'gro bas/ rnam par thar pa'i sgo gsum dang ldan pa'i rgyu dang lam dang 'bras bu rnam par dag pa'i he ru ka dang bla ma tha mi dang la phyag 'tshal ba'i don to/ /rab tu bde ba 'phrog par byed/ /yan lag gnyis pa bdag gis bshad/ ces bya ba ni/ rab tu bde ba 'phrog par byed pa ni gzhi dam tshig las bde ba thams cad skyed pa'o/ /yan lag nyes pa de yis bshad/ ces pa ni yan lag gi dngos gzhi ma rdzogs pa'o/ /yan lag gi gtso bo tsam yod pa ni sbom po'o/ /bshags pa dus 'das pa ni lci ba'o/ /gzhan du ni nyes pa dang phra mo'o/ /nyes pa med pa yang shes par bya'o/ /de dag bye brag du phye bas na/ nga yis bshad pa'o/ /de nyid bshad par 'dod nas/ dam tshig dang mi ldan pa'i/ /rig ma bsten par dga' ba dang zhes bya ba smos te/ dam tshig dang mi ldan pa

  468. 234b

    ni dbang ma thob pa dang /? pa bdag nyid lam dang pa dang/ sku gsung thugs kyi rig ma'i lo grangs dang mtshan nyid dang mi ldan pa'o/ /ldan yang chags pas nye bar bsten zhing mya ngan las 'das pa la mi dga' ba la sogs sten par byed na yan lag gi nyes pa'o/ /dri ma las ldang ba ni tshogs la bshags pa ste/ /dam tshig dang ldan pa la rjes su bslab pa'o/ /shan 'dra ba ni phyogs su bsdu pa'o/ /yan lag gi nyes pa dang po bshad pa'o// // gnyis pa bshad par 'dod nas/ tshogs kyi 'khor lor brtsod pa ni/ /yan lag nyes pa gnyis par bshad/ ces pa ni/ tshogs kyi 'khor lo dang/ dpa' bo'i ston mo dang/ tshogs kyi nang du rtsod pa ste/ stan de nyid la zhi ba ni yan lag gi nyes pa'o/ /dus las 'das pa ni sdom po'o/ /gzhan du nyes byas dang phra mo'o/ /ldang ba ni de nyid la bshags shing nyes pa'i rim pas tshogs kyi 'khor lo la sogs kyi dri ma las ldang ngo/ /shan 'dra ba ni phyogs su bsdu pa'o/ /zhing dang bsam pa'i khyad par las kyang shes par bya'o/ /nyes pa med pa yang shes par bya'o/ /yan lag gi nyes pa gnyis pa'i bshad pa'o// //yan lag gi nyes pa gsum pa bshad par 'dod nas/ /ma gsungs pa yi rig ma las/ /sngags pas bdud rtsi thob byed pa/ /yan lag nyes pa gsum pa yin/ /zhes bya bas bshad de/ ma gsungs la ni rmod pa'o/ /de las bdud rtsi lnga 'thob par byed pa ni yan lag gi nyes pa'o/ /bshags pa tshang las 'das pa lci ba'o/ /nyes pa phra mo dang nyes pa med pa yang shes bar bya'o/ /ldang ba ni tshogs pa la bshags te/ /dam tshig dang ldan pa'i bdud rtsi bsten par bya'o/ /gsungs pa'i rjes su 'jug par bya'o/ /yan lag gi nyes pa gsum pa'i bshad pa'o/ /da ni yan lag gi nyes pa bzhi pa bshad par bya ste/

  469. 235a

    gsang chos yan lag shes gyur yang/ /gzhan la mi ston shes rab ngan/ /yan lag nyes pa bzhi pa yin/ zhes bya ba smos te/ 'dod pa'i bsam pas gsang pa'i chos shes kyang/ gzhan la ston par mi byed na/ yan lag gi nyes pa sbom po'o/ /bshags pa dus 'das pa ni lci ba'o/ /nyes pa dang phra mo dang nyes pa med pa yang shes par bya'o/ /ldang ba ni dam pa gcig la bshags te cig la phan 'dogs pa la bya'o/ /yan lag gi nyes pa bzhi pa'i bshad pa'o// /da ni yan lag gi nyes pa lnga pa bshad par 'dod nas/ dang pas sems can chos kyi rgyu/ /gzhan gyi gtam byed byang chub sems/ /yan lag nyes pa lnga pa yin/ zhes bya ba smos te/ dad pa dang ldan pa'i sems can chos kyi rgyu /byang chub kyi sems la sogs pa'i gtam 'drin/ chags pa'i dbang gyis bre mo'i gtam la sbyor par byed na yan lag gi nyes pa sbom po'o/ /bshags pa dus 'das pa ni lci pa'o/ /nyes pa dang phra mo dang nyes pa med pa yang shes par bya'o/ /ldang pa ni maN+Dal cig sngon du 'gro bas dam gcig la bshags par bya'o/ /bsdam zhing rjes su gzung bar bya'o/ /yan lag gi nyes pa lnga pa'i bshad pa'o// //da ni yan lag gi nyes pa drug pa bshad par 'dod nas/ nyan thos nang du zhag bdun 'das/ yan lag nyes pa drug pa yin/ zhes bya ba smos te/ nyan thos ni gang zag la bdag med pa tsam rtogs shing/ lus dag gi bslab pa las gnas nas rang gi don gyi mya ngan las 'das pa don du gnyer zhing/ / zab mo'i don gyi 'jigs pa ni nyan thos so/ /de'i nang du zhag bdun 'das te rang gi spyod pa mi byed na yan lag gi nyes pa spom po'o/ /bshags pa dus 'das pa lci ba'o/ /nyes pa phra mo dang nyes pa med pa yang shes par bya'o/ /dri ma las ldang ba ni

  470. 235b

    tshogs pa las bshags te/ rjes su bslab pa'o/ /yul dang bsam pa dang dus 'das phra mo dang nyes byas dang/ nyes pa med pa yang shes par bya'o/ /yan lag gi nyes pa drug pa'i bshad pa'o// //da ni yan lag gi nyes pa bdun pa bshad par 'dod nas/ rnal 'byor ye shes mi shes par/ /da ni sngags pa yin zer ba/ /yan lag nyes pa bdun pa yin/ zhes smos te/ rnal 'byor ye shes ni gsang sngags kyi de kho na nyid mi shes pa ste/ sgra tsam la mngon par zhen pas ni sngags pa'o zhes mngon pa'i nga rgyal gyis rlom sems pa ni yan lag gi nyes pa sbom po'o/ /bshegs pa dus 'das pa ni lci ba'o/ /nyes pa phra me dang nyes pa med pa yang shes par bya'o/ /ldang ba ni maN+Dal? cig tsam sngon du 'gro bas dam pa gcig gi mdun du bshags par bya ba dang / phyis bsdam zhing yang dag pa'i don la 'jug par bya'o/ /yan lag gi nyes pa bdun pa'i bshad pa'o// //da ni yan lag gi nyes pa brgyad pa bshad par 'dod nas/ snod min sems can thams cad la/ /phyi yi chos 'chang byed pa las/ /gsang ba'i chos rnams 'chad pa ni/ /yan lag nyes pa brgyad pa yin zhes bya ba smos te/ 'di yang rkyen du mi 'tshams pa'i gang zag la/ dus ma yin par 'dod pa'i bsam pas bshad na/ yan lag gi nyes pa sbom po'o/ /bshags pa dus las 'das na lci pa'o/ /nyes pa phra mo dang nyes pa med pa yang shes par bya'o/ /yul dang bsam pa dang dus dang/ rkyen gyi dbang las nyes pa lci yang dang/ nyes pa med pa yang shes par bya'o/ /dri ma las ldang ba ni tshogs pas ldang ba'o/ /'di dag thams cad shan 'dra ba ni phyogs su bsdu pa'o/ /khyad par gyi dgag pa med pa ni ltung ba bdun pa'i bshad pa las shes par bya'o/ /'di rnam yan lag nyes pa ste bskal pa mang por

  471. 236a

    dmyal bar skye/ zhes bya ba smos te yan lag gi nyes pa gcig po gsum ma bshags par dus 'das na bskal pa mang por dmyal bar 'gro'o/ /de'i phyir 'jigs pa dang bcas pa ste/ mi nyams par bya zhing/ nyams na yang 'byor pa ci yod pas dri ma las ldang bar bya'o/ /yan lag gi nyes pa brgyad pa'i bshad pa'o/ /rgyud gzhan las ltung pa'i mtshan nyid gzhan bshad pa yang brjod par bya ste/ rang lha blang dor ltung ba mig /de nyid dus 'das ri bong can/ /lha gzhan dga' ba yon tan no/ /rig byed dngos la zhen pa yin/ /ma rdzogs rdzogs byed mda' yin no/ /'jig rten chos phyir dbang po'o/ /khyad du gsod pa yang ni ri/ /gong min tshul ston bkra shis so/ /'phrin las ma rtogs gza' zhes grags/ /don med gnas pa phyogs yin no/ /brtse ba gtong ba drag po ste/ /dman pa'i spyod pa nyi ma'o/ /zang zing rtog pa yan leg go /yongs su mi 'dzin sa zhes bya/ /rang spyod dor ba chos zhes bya ba smos te/ de dag kyang yan lag du dang ldan pas nyes par 'gyur pa yang gong du bstan pa las shes par bya'o/ /de dag kyang rim pa bzhin du bshad par bya ste/ mig ni gnyis so/ /rang lha dor ba ni yi dam spong ba'o/ /de lam gus pa la sogs pa gnyis su brtags ste bla dor ni ltung ba'o/ /thams cad mnyam pa nyid du rtogs pa dang/ /yang na rtog ge pa rnams kyis rang gi 'dod pa'i lha la dkyil 'khor gyi bdag po la sogs pa bzhugs pa snang ste / gzhan yang mkha' 'gro ma sgyu ma bde ba mchog gyi rgyud la dgongs nas/ de bzhin gshegs pa thams cad lus la bsdus nas/ byin gyis brlabs na khyad par du 'grub par 'gyur zhes bshad pas phyogs 'di lta bus kyang 'grub par 'gyur ro/ /gzhan yang dkyil 'khor gyi gtso bo 'pho ba la sogs pa yang tshul de nyid

  472. 236b

    kyis shes par bya'o/ /dbang dang mi ldan pa la ldang ba'i dus na me tog bab pa dang/ bla ma'i rjes su mos pa dang/ thabs khyad par can thob pa dang/ las gzhon dang 'brel ba'i dus rnams su nyes pa med do/ /thams cad du mnyam pa nyid rtogs mnyes pa med do/ /gzhan du nyes pa dang bcas pa'o/ /ri bong can ni zla ba ste/ gcig ces bya'o/ /de nyid dus 'das pa ni nyin dang mtshan mo 'das pa ste/ lha la lus dang ngag dang yid kyis mchod pa dang yon tan gzung ba la sogs pa ma byas pa'o/ /le lo dang brjod pa la sogs pas/ lan gnyis gnyis kyis bskang pa'o/ /bla ma'i bya ba dang na ba la nyes pa med do/ /yon tan ni gsum mo/ /lha gzhan ni mu stegs kyi lha rten la sogs pa'o/ /mchod cing phyag byed pa'o/ /bla ma la sogs pa bdun du byas nas gzhan 'dul ba dang/ srogs la bab pa dang/ chad pa la sogs pa 'gal bar 'gyur na nyes pa med do/ /rig byed ni bzhi'o/ /dngos la zhen pa ni sgyu ma lta bur mi shes par dngos po thing? zug du dkyil 'khor la sogs pa sgom pa'o/ /dmigs pa 'dzin pa dang/ brtas par byed pa la nyes pa med do/ /mda' ni lnga'o/ /ma rdzogs pa ni bdag smin par ma byas pa'o/ /rdzogs par ni gzhan smin par byed pa'o/ /rang rdzogs nas gzhan rdzogs par byed pa la nyes pa med do/ /dbang po ni drug ste/ 'jig rten chos ni tshe 'di tsam gyi don du zab mo la zhugs te phyi ma la sogs pa gzhan gyi don du byang chub 'dod pa'o/ /gtsor byas pa las zhar la rgyas pa la nyes pa med do/ /ri ni bdun no/ /khyad du gsod pa ni bslab pa 'og ma dang nyes byas la sogs pa'i dam tshig mi srung pa'o/ /gong ma dang 'gal ba dang / yar ldan pa dang/ na ba la nyes pa med do/ /bkra shis ni brgyad do / /gong min tshul ston pa ni gzhan dad par byas nas/ rnyed pa la sogs pa don du gnyer ba ste/ shes bzhin ? yon tan dang ldan par bstan pa'o//

  473. 237a

    'khrul pa dang gdul bya mthong ba dang/ ma rtogs pa la nyes pa med do/ /gza' ni dgu'o/ /phrin las ma rtogs pa ni zhib? la sogs pa sbran? du snyen pa ma byas par sbyor ba byas pas las gang yang mi 'grub pas/ skur ba dang the tshom skye ba ste nyes par 'gyur ro/ /'phral du spyad par 'os pa la mthus bstangs pa la nyes pa med pa'o/ /phyogs ? zhes pa ni bcu'o/ /don med gnas pa ni smin par byas nas rkyen drag po med par snyom las dang bcas par dus 'da' bar byed pas nyes pa dang bcas pa'o/ /'dul pa dang gzhan dang 'gal ba na nyes pa med pa'o/ /drag po ni bcu gcig pa'o/ /rtse ba gtong pa ni don mthong ba yal bar 'dod ba ste/ nyes pa dang bcas pa'o/ /bdag gis mi nus pa dang/ gzhan yod pa la nyes pa med do/ /nyi ma ni bcu gnyis zhes bya ba ste/ dman pa'i spyod pa ni rnal 'byor chen po'i dam tshig blangs nas gong ma la sgrag nas nyan thos la sogs pa'i spyod pa byed pa'o/ /gzhan 'dul ba dang/ kha na ma tho ba spang ba'i phyir dang / dus shes pas spyad pa la nyes pa med do/ /yan lag ni yid de bcu gsum mo/ /zang zing rtog pa ni 'jig rten chos la chags na bka' dang 'gal bas gzhan gyi ngor 'jug pa'o/ gdul ba'i thabs dang/ don chen por 'gyur na nyes pa med do/ /sa ni bcu bzhi pa'o/ /yongs su mi 'dzin pa ni sjom pa zhig pa rnams so/ /de yal bar 'dor ba ni nyes par 'gyur ro/ /rang nyes pa khas len pa dang/ gzhan kyis 'dul ba dang/ 'du shes pa la nyes pa med pa'o/ /tshes zhes bya ba ni bco lnga pa'o/ /rang spyod 'dor ba ni rang gi spyod pa mi byed pa'o/ spyod pa de yang rnam pa bzhi ste las dang po pas kun tu bzang po'i spyod pa bya bar gsungs te/ rgyud gzhan las kun tu bzang po'i spyod pa gnas skabs gzhan du yang bstan te/ dgongs pa gzhan no/ /cung zad bstan pa thob? nas rig pa'i ?

  474. 237b

    zhugs kyi spyod pa ste/ sngags spyod kyis zla drug la sogs par bya bar bshad do/ /brtan pa thob pa rnams kyis mgon po kun tu spyod pa la gnas par bya'o/ /zhes bshad pa'i rgyud chen po las bshad do/ /de nas mnyam gzhag gi spyod pa chen po rang bzhin gyis rtog pa dang bral ba gnyis kyi rnam par bral ba ste / de la ni blang ba dang dor? ba'i shes pa las 'das pa'o/ /zhes bshad pa ste/ snod kyi rim pas rgyud sna tshogs la spyod pa'i tshul dpag tu med pa bstan te/ de'i phyir na de rnams kyi dgongs pa dang/ snod kyi rim pas rdo rje slob dpon gyis spyod pa'i tshul yang mdza' yas ba de dag gi rim pa dang sbyar te/ sman dang sman pa dang/ nad pa dang nad kyi bye drag gi tshul gyis shes par bya'o/ /zhes gsungs pas shes par bya'o/ /'dir rnal 'byor gyi lam rnam pa gnyis su shes par bya ste/ rnal 'byor la brten pa dang thabs kyi dam tshig la brten pa'o/ /kha cig dam tshig la brten nas rnal 'byor gyi grol ba yang yod/ kha cig la rnal 'byor la brten nas dam tshig gi grol ba yang yod kha cig 'di la dngos grub thob pa yang yod/ /kha cig bar ma dor thob pa yang yod/ kha cig skyes nas thob pa yang yod/ kha cig ni lan grangs gzhan la thob pa yang yod de/ de dag kyang rnal 'byor chen po'i tshul du spyod pa rnams so/ /de bas na las dang po pa'i rnal 'byor pas kun tu bzang po'i spyod pa kha na ma thob dang bral bas gnas par bya ste/ de yang rnal 'byor gyi rgyud cho ga zhib mo ba rdo rje rtse mo la sogs pa dang yang 'gal bar mi byed pa ste/ brtan pa ma thob pa nyams par 'gyur ba dang/ kha na mtho bas ma dang par 'gyur ba dang/ mtshan ma'i g.yeng ba sna tshogs su 'gyur bas sdom pa gsum la gnas par bya'o/ /thabs dang shes rab kyi rgyud byi? rnal 'byor pas sdom pa gsum ldan la gnas pas kyang rang rang gi cho ga las nyams pa ni las dang

  475. 238a

    po pas kyang mi bya'o/ /gzhan du ni khyim pa'i tshul gyis kyang sdom pa rang rang dang mthun pa la gnas par bya'o/ /dge slong rdo rje 'dzin pa ni thams cad kyi nang na mchog ste/ de skad du yang /tshogs? kyi 'khor lo'i ? rdo rje slob dpon mkhas shing nus pa dang ldan yang/ dge slong rdo rje 'dzin pa slob dpon du mchog go /de med kyang dge tshul gyis bya'o/ /de dag kyang med na khyim pa'i rdo rje slob dpon gyis bya'o/ /zhes bshad pa'i phyir ro/ /de'i phyir byang chub sems 'dzin gyur nas ni/ lha gzhan la ni mi mos pas/ dkon mchog gsum la dad pa dang/ de la gzhol zhing 'bad pa yis/ /gsod dang rku dang 'khrig pa dang/ /rdzun dang chang ni rnam par spangs/ /khyim pa'i tshul du gnas nas ni/ /gsar? sngags? rgyal po rnam par bsgrub/ /gal te de ni rab byung na/ /sdom pa gsum la gnas par bya/ /so sor bar dang/ byang chub sems/ rig 'dzin rang gi sdom pa'o/ /zhes bshad pa'o/ /gzhan yang khyim pa'am rab tu byung yang rung/ brtan pa ma thob par du ni// kha na ma tho rdul med par/ /bdud rtsi lnga la rtag tu spyad/ /khrus dang sdom pa sngar spyad med/ /dka' thub kyis kyang mi gdung bar/ /'dod pa thams cad spyad par bya/ /ci bde bar ni gnas nas bsgrub/ /'jig rten ma dad smod 'gyur bas/ de dag nyid kyi nyams 'gyur bas/ bskal pa brgyar yang mi 'grub bo/ /rang gi spyod pa ma yin pa/ bslab pa kun dang grong khyer skad/ /de las nyams par mi bya'o/ /zhes bshad pa'i phyir/ las dang po pas rang gi spyod pa'i tshul las ma nyams par sdom pa thams cad la gnas par bya'o/ /de'i phyir sdom pa gsum la gnas pa ni /rnal 'byor chen po'i don la 'jug pa thams cad kyis gnas par bya ste/ khyim pa la sogs pas kyang rang dang mthun pa'i sdom pa gsum la gnas par bya'o/ /de dag las

  476. 238b

    dri ma las ldang ba yang bye brag du ldang ba 'am/ tshul gcig la ldang ba las mkhas pas tshul gcig pa'i tshul du ldang bar bya'o/ /de dag las phan tshun 'gal pa yang dus dang gang zag? gi nus pa dang bsam pas mi 'gal par shes par bya ste/ yul dang rkyen dang gdul bya dag shes par bya'o/ /de'i phyir/ chags bcas nor bu 'das pa dang/ rin thang tshang ba thob blo ldan/ /shes bzhin mi gzhan bsang ba dang/ mi chos bla ma ra rgyal byed/ khu ba 'byin la sogs pa rnams/ /chos 'dul 'dir ni rtsa ba chad/ /bdag stong gzhan la smod sogs kyi/ /pha ma 'dra'i nyes pa byas pa rnams/ /tshul bzhin gnas pas rab tu bsten/ /bla ma la sogs gnod byed bsad/ /dge mthong dbang sogs brtul shugs dus/ /gzhan gyi bur med spyad par bya/ /sems can don mthong chos rnams brdzun/ /'phags nor ser sna can nor phrogs/ /chos 'dul ba las rtsa ba 'chad/ /gzhan du sems dge thabs chen ldan/ /brtan pa ma thob par du yang/ /sdom gsum ldan pas 'jug mi bya/ bde ba 'dzin nus pa yin par/ /gzhan yang 'jug pa ma yin no/ /de stsogs bye brag tshul gnas kun/ /mkhas pas rang gis phye la dpyod/ /bstan la gnod pa 'jig pa rnams/ /dang po 'jig rten gnod sogs spang zhes bshad pa ste/ de bas na brtan pa thob pa dang/ gzhan gyi don khyad par du nus pa dang/ dgon pa chen po dang/ du khrod la gnas pa dang / dgongs pa mdza' dag gi don shes pas dus la mkhas par byas te/ /bag yangs su gnas par bya pa dang/ spyod pa khyad par can la 'jug par bya'o/ /de'i phyir dang po bdud rtsi bsams te bza' / /yang na dri bsad rims kyis bslab/ /gzhan du 'bar 'bud bdud rtsi mthong/ /rtog dang bral ba mchog yin no/ /thams cad mkhas 'dra bdud rtsi yin/ /nyon mongs rigs shes mkhas

  477. 239a

    pas so/ /bsad dang gso bar nus pa dang/ /'gugs dang mi snang sped shes pas/ /sngags kyi rtul zhugs spyad pa'o/ /zhes bya ba la sogs pas spyad par bya ba'i rim pa yang las dang po pas sdom pa gsum la gnas par bya'o/ /de'i phyir/ cho ga zhib mo'i tshul 'di dag kyang rang gi tshul 'di dang 'gal ba ma yin par spyad par bya'o/ /zhes gsungs pa'i phyir ? zhig bshad par bya'o/ /gzhan dag phyi rol gyi tshul ni 'dir brtag pa ma yin no zhes smra ba de dag la bshad zin pas ma spros so/ /de'i phyir gcad zhing gos kyang gcad bar bya/ /gtsang ma'i grogs dang lhan cig tu/ rdo rje sdom pa dam pa yi/ /bslab pa'i tshig ni yang dag blangs/ /dkon mchog bzhi yi sbyor ba dang/ phyag rgya de la gzhol bar bya/ /sangs rgyas chos dang dge 'dun dang/ /slob dpon dang ni pha ma'o/ /nyin re zhing ni ci nus par/ /khrus bzhi rab tu sbyor bar bya/ /rnal 'byor ji ltar 'khrub dag /go rim bzhin du bshad par bya/ /sdom pa gsum la gnas pa ni/ /dang po'i ? bshad pa yin/ /gnyis pa yi ni khrus bshad pa/ bshags dang gsol ba la sogs pa'o/ /phyag brgyad grol ba gsum pa'o/ /bzhi pa chu ste tha pa'o/ /khrus kyi cho ga 'di rnams kyis/ /mkhas pa rnams kyis de bzhin bkru ? gos gsum ? kyang brje bar bya/ /dang po'i gos su bshad pa ni/ /sdom pa gsum la gnas pa dang/ bsgrub pa'i cho ga ngag pa'o/ /gnyis pa khrel yod ngo tsha shes/ /gsum pa thub pa'i gos rnams so/ /gos gsum du ni yongs su bsgrags/ /thams cad bza' dang 'dod? pa ni/ /kha na ma tho gang med pa/ /sha chang sgog pa la sogs pa/ /mi bza' rnam par spang bar bya/ /dri mi zhim dang mi gtsang ba'i/ /bza' dang btung ba rnams kyang spang/ /gzhan la gnod dang ldan pa dag /sems kyis kyang ni mi bya'o/ /g.yem pa

  478. 239b

    kun gyi sbyor ba yang/ /mi sdug bsgoms la spang par bya/ /bsod nams byed la rtag tu brtson/ /theg pa chen po'i don sems pa/ /byang chub sems dpa' i tshul rgya che/ /shes rab pha rol phyin la mkhas/ /klog cing rnam par sems pa dang/ /yang dang yang du gsol ba 'debs/ /dgra dang thun dang tha ma la/ /sems snyoms mi 'jigs rab tu sbyin/ /zhe sdang 'joms? pa bsgom pa ni/ /khyams shing dga' la des pa can/ /chos dang gang zag bdag med ba/ /'dus byas rnams kyang 'khrul pa tsam/ /mngon sum blo can brtan pa ni/ /bdus byas kun gyis mi rmongs so/ /srog la bab par gyur na yang/ /byang chub sems ni mi btang zhib/ /rdo rje dril bu phyag rgya yang/ nam yang btang bar mi bya'o/ /byang chub sems gang de rdo rje/ /shes rab dril bu zhes bshad do/ /slob dpon smad par mi bya ste/ /bla ma sangs rgyas kun dang 'dra/ /sbyor ba lhod par ma gyur pas/ /go cha rab tu brtan par gyis/ /pha rol phyin drug spyod pa yang/ /rim pa bzhin du slob par byed/ /sems can kun gyi don dang ldan/ /byang chub sems dpa' i tshul spyod pa/ /kha na ma tho rdul tsam yang/ /srog la yang ni mi? blta bar/ /rab tu byung dang khyim pa yi/ /'du 'dzi dag kyang rnam par spang/ /bu dang chung ma dag la yang/ /srid pa'i bcings pa dag las grol/ /brkam dang chags dang gdug pa med/ /rmongs pa dang ni le lo med/ /bag yod spyod cing brtson 'grus che/ /rnal 'byor bsgrub pa bsgrub par bya/ /lta ba kun las rnam par grol/ /yang dag nyid kyi lam bsgom pa/ /dgongs pa'i tshig la rab tu mkhas/ /don shes don ni rtogs par 'gyur/ /tshul dang tshul min cho ga shes/ /de nyid rnal 'byor rab tu mkhas/ /sems can kun la rab tu byams/ /byang chub spyod pa'i don sems pa/ /'di 'dra'i tshul ni bzang po la/ /de lta bu'i bsgrub pa yis/ /grol pa dang ni dngos grub 'thob//

  479. 240a

    dngos grub thams cad dogs pa med/ /phyogs dang dgos dang las rnam spa/ /'phags pa thams cad rnam par spang/ /lha rnams ? med par mi bzhin/ /rnam par yang ni spang par bya/ /nyi ma re re rab bsdams shing/ /bsrung pa'i cho ga byas pa las/ bgegs ni med kyi ma 'jigs shig/ sems ni rab tu 'dul dka' 'di/ /bgegs ni cung zad med snyam pas/ /sems ni dag? pa nyid du 'gyur/ /rang gi sems ni bdud ces gsung rang gi sems ni bgegs yin no/ /rnam par rtog pa thams cad spang/ /rnam par rtog las bgegs kun 'byung/ /gdul dka' i sems ni rab brlung? nas/ /'dod pa lnga ni spar bar bya/ /sngon gyi rjes su dran nas brtsams/ /rdo rje sems dpa' bsgom par bya/ /'jig rten na ni gang zag bzhi/ /bskal ba brgyar ni brtson byas kyang/ /cho ga bzhin du kun spyad kyang/ /de dag 'grub par yod mi 'gyur/ /byang chub sems ni ma bskyed dang/ /the tshom yod pa nyid dang ni/ /gang zhig bka' stsal? mi byed dang/ /ma dad pas ni mi 'grub po/ /pha? dang mar ni shes pa dang/ /tshangs dang dge sbyong 'bad pa dang/ /gtsang zhing zhi bdul ba dang/ /bsdams shing thar pa la sems pa/ /rgyal srid mtho ris longs spyod dang 'dod pa'i yon tan brtson phyir min/ /gzhan du sems can thams cad phyir/ /rdzogs pa'i byang chub bsngo byas pa/ /de bzhin kha zas chod shes shing/ /mtshan mo mi nyal ba la dga' / /'dod chags zhe sdang la sogs 'byung/ /rnam par rtog pa mi sems shing/ /sems ni rab tu dga' gyur nas/ /mi g.yo bar ni sems par bya/ /legs bshad shin tu rnam phye ba'i/ /chos kyi don la mngon par dga' / /sems can gnod la sogs pa'i rgyu/ /drag shul spyod pa'i

  480. 240b

    las mi byed/ /sems can gdugs pa la sogs pa'i/ /nyes pa dag kyang rab tu bzod/ /rig sngags mtshon dang de bzhin mtshan/ /lha yi bcings pa rnams dang ni/ /dman ma dag dang lha yi grib/ /lha yi mtshan ma la sogs kun/ /bza' ba dag ni sna tshogs pa/ /mtshan ma'i mtshan nyid byas pa rnams/ /mi 'gong zhing ni mi bza' ste/ /nam yang brdzi bar mi bya'o/ /dkon mchog gsum gyi dkor rnams la/ /nam yang spyad par mi bya'o/ /zhes bya ba la sogs pa rgya cher bshad do// lus dang ngag dang spyod pa bstan pa dang rang gi tshul dang 'gal bar mi gyur pa rnams spyad par bya'o/ /de dag las/ dra? mi zhim dang bcas pa yang/ 'dod pa lnga ni spang bar bya/ zhes bya ba la sogs pa rang gi tshul ci rigs par shes par bya'o/ /de dag la sogs pa yang tshul ji ltar spyad pa la sogs pa rdo rje 'phreng ba las bshad pa'i dgongs pa la mkhas pas spyad par bya'o/ /de bas na brtan pa ma thob pa'i dbang du byas nas slob dpon ye shes zhabs kyis gzhan yang rgyud gzhung 'jug gi rnal 'byor pas/ /rnal 'byor bzhi yi cho ga dang/ /snang srid sgyu ma'i sbyor ba yis/ /'gro 'chag nyal rang 'dug pa rnams/ /sku gsung thugs kyi mdzad pa'o/ /byed dang smra dang bskyod pa rnams/ /b+hag las ni g.yeng mi bya/ /zas ni bdud rtsir rab dmigs la/ /tha dad med pa'i dkyil 'khor du/ /phyi yi sbyin bsreg tshul du ni/ /rtag tu tshogs kyi mchod pa bya/ /'gro ba rang bzhin dag pa yis/ /dbang bskur ba yi tshogs ni/ /phyi yi chus kyang bkru bar bya/ /nyal ba shes rab snying rjes nyal/ /ldang na dpal ldan klu yis bskul/ /thams cad rang bzhin dag pa yis/ /dag pa'i lha dang gnas su snang/ /sems nyid cing yang snang pa'i phyir/ /bde sdug rnam par brol ba'o/ /zhes bshad pa'i tshul gyis na/ brtan pa ma

  481. 241a

    thob pa las dang po pa'i spyod pa rnams kyi spyad pa bstan par shes par bya'o// //de bas na las dang po pa sdom pa la mi gnas shing rang gi spyod pa'i tshul cho ga bzhib mo 'dor ba dang/ gong ma'i spyod pa khyad par can la 'jug pa ni bya dgos pa'i spyod pa ma byas pa dang/ re zhig bya ba ma yin pa'i spyod pa byas pa'i phyir ltung bar 'gyur ro// //sdom pa gsum la gnas shing rang gi spyod pa tshul bzhid byed pas gong ma'i spyod pa shes par bya ba la nyes pa med do/ /bslab par bya ba yin pas de bas na thos pa btsal zhing bsam par bya'o/ /de nas cung zad brtan pa thob nas gsang sngags kyi spyod pa la 'jug par bya ste/ rig ma mtshan dang ldan pa cha lnga dang ldan par byin gyis brlabs te/ yongs su smin pa dang bde ba chen pos de kho na nyid brtan par bya ba zla ba drug la sogs par dgon pa chen por bdud rtsi rnam par lnga la sogs par spyad cing/ /rang gi de kho nas ril bu la sogs pa khar bcug la bsgrub par bya'o/ /de dag kyang rtog pa dang bral bas spyad par bya'o/ /de'i phyir bdud rtsi la sogs pa ni rtog pa med pas bsgrub par bya ba dang/ rang bzhin gyi nus pa dang ldan pas grub pa'i phyir rjes su bsngags pa'i phyir rtag tu spyad par bya'o/ /gzhan yang bsams te bza' ba dang/ thog ma nas bslab par bya'o/ /de'i phyir na rtog ge ba rnams kyi rtog pa bsal ba'i phyir sgyu 'phrul dra ba las gsungs pa/ /gshad gci khrag dang ga bur rnams/ /sha chen dag kyang sbyin sreg bya/ /ci ste ye shes sems dpa' i zhal/ /mi gtsang ba yis bkang na'o/ /ji ltar sdig pa skye mi 'gyur/ /gal te sdig gyur 'bras bu gang/ /sems can mi shes pas rmongs nas/ /thabs dang shes rab rnams spangs shing/ /gyi

  482. 241b

    rol dngos la mngon zhen pa/ /rnam rtog dri bas blun byas gang/ /de dag gis ni dge sdig gi /phung po gnyis su rnam par brtags/ /chos 'dir rang bzhin gyis dag ste/ /skye ba med cing gnas med kyang/ /sems can gnod pa sel ba'i phyir/ /sangs rgyas rnams kyis thabs kyi bstan/ /dam pa'i don du dge spangs na/ /bsod nams med pa ci zhig smos/ /dper na chu klung chus gang la/ /pha rol 'gro ba'i sems can dag/ rtswa dang shing la sogs bsdus te/ /chu la rkyal ba'i gzings byas nas/ / de la 'jus? te legs brgal nas/ /bor te bde bar 'gro ba ltar/ /de bzhin 'khor ba pha rol gyi/ /chos kyi lam ni skyed byas nas/ /chos dang chos min rnam spangs la/ /byang chub bde ba 'thob pa bzhin/ /de bzhin rnam rtog dra spongs la/ /shin tu zab mo'i chos spel te/ /de bzhin gshegs pas gsungs lam la/ /sngags rig rnams rtogs ma byed cig /rnam rtog rmongs pa chen po ste/ /'khor ba'i rgya mtshor ltung byed pas/ /nam mkha' lta bu dri med pa'i/ /rnam par mi rtag ting 'dzin gnas// dbang po gnyis ni mnyam sbyar te/ /lus dang ngag dang sems bsdus na/ /nga'o snyam nas gzi bskyed gzugs/ /rnam pa kun gyi rnam brgyan nas/ /rnal 'byor ldan la tshe 'di la/ /ye shes rdzogs pa nyid du 'gyur/ /las las byung bar bstan pa yis/ /skyes pa bud med gzugs med? la/ /brnyad pa nyid du mi bya 'di/ /rdo rje lus can dam tshig yin/ /ngan rtog bzang rtog dra ba yis/ /sems kyi sems can rnams la ni/ /sna tshogs gtum pas sun mi dbyung/ /rdo rje sems ldan dam tshig yin/ /srid pas skye rtsub phra ma yis/ /tshig dag rnam par mi smra zhing/ /nyan ni bde bar 'dod pa yis/ /rdo rje dag can dam tshig yin/ /rnam par snang mdzad cher 'khrugs mchog /sha yi khams la gnas pa yin/ /rkang la ma 'khrugs rgyal po ste//

  483. 242a

    khrag la rin chen? 'byung? ba'i gtso/ /sems can rnams kyi rus dud? pa'o/ /? tshig rnams pa phral bas thus? pa'i skyes mchog don yod grub/ /dam tshig shes pa rnams la ni/ /gsang chen nga yis bstan pa 'od/ /blo ldan rdo rje sems kyis ni/ /rtag tu bsten cing bsgom par bya/ /'dod chags ? sdur de bzhin rmongs/ /srid dang 'du byed rnams 'brel ba'i ? 'di rnam pa lnga po 'di/ /thub pa skyes mchog rnams kyis gsungs/ /bshad cig khu ba de mchil khrag /'dzag pa 'byung ba bzhis bsdus pa/ /bsgom pa'i blo gros rdzogs pa yis/ /dam tshig rtag par bya ba ste/ /rtag tu bza' zhing sbyin par bya/ /zhes bshad pos 'di'i don la/ mkhas pas rtog pa med pas 'grub par 'gyur ro/ /de bas gsang sngags kyi rtul shugs kyi skabs su khyad par du spyad par bya'o/ /rang gi rigs las byung ba'i bu mo smin par byas la spyad par bya ste/ /kha na ma thob pa dang bral bas chog bzang po dang ldan pa bsten par bya ba'i phyir/ /de nyid las/ de nas bu mo mig yangs mo/ /lo ni bcu drug lon pa la/ /gzugs dang mdangs dang lar tshor ldan/ /gser gyi rna cha g.yo bag can/ /gcig cig legs par btsal nas su/ /lha mo byi bong? lags byas te/ /rigs lnga yi ni mtshon cha can/ /las kyis rjes su bsgom byas nas/ /bzhag ste sprad pa'i sbyor ba yis/ /pad+ma la ni rdo rje gzhug /sprad pa dang ni 'khyud pa yis/ /rdo rje dang ni pad+ma bskur/ /gang gyi tshul du bsgyur ba dang// de bzhin spra dang bsdu ba yis/ /zhes bya ba la sogs pas bstan pa dang/ gzhon yang thabs dang shes rab kyi rgyud mang po las/ dgongs pa can gyi tshig bstan pa rnams/ don gzhan la dgongs pa rnams gdul bya khyad par du gyur ba'i

  484. 242b

    phyir bsam pa la dgongs ba dang/ /brtan pa thob pa'i gang zag gi dbang du mdzad pa'i phyir gzhan du ltung bar 'gyur ro/ /lam 'di lta bu la brten pa dang brtan pa ma yin pa yang/ /rnal 'byo pa'i nus pas 'gugs pa dang/ mi snang par byed pa la sogs pas bya ba bar gsungs kyi/ /gzhan du na snyigs ma lnga'i dus su gang zag ngan song du gzhal zhing 'dod pa dang ldan pas thabs shes rab kyi rgyud la brten nas dus dang snod du ma gyur pa yang/ 'dod chags la sogs pa'i bsam pas sgra ji bzhin du sbyar bas phal cher ngan song du skye ste/ rdo rje theg pa spong bar 'gyur ro zhes gsungs pa'i phyir/ dgongs pa'i don la mkhas par bya'o// //brten pa ched thob rnams kyis ni// mgon po kun tu sbyong ba ste/ /rtog pa dang bral brtan thob pas/ /thams cad bza' zhing thams cad byed/ /'di yis mi bya gang yang med/ /cung zad mi smra gang yang med/ /rtag tu mnyam par bzhag pa ste/ /mdze ma dang 'jigs pa yod pa min/ /dogs pa med pa'i sems kyis su/ /sngags pa seng ge bzhin du rgyu/ /srog dang rtsol ba bsngam pa med/ /nyon mongs dug sogs rang bzhin dag /lam dang gnyen po spang bya med/ /mgo skyes gyen 'greng ras dang bral/ /thal bas byugs nas thod pas brgyan/ /thig le bkod nas kha TI 'dzin/ /la lar smra bar mi byed cing/ /drag tu rgyug cing grong khyer rgya/ /rgyal mtshan ldan mthong chad 'gugs shing/ /khrag dang khu pa de bzhin te/ /dge slong la sogs phyag mi byed/ /lha rten phyag byas 'gas par 'gyur/ /ril bu mi snang rgyal po'i khyim/ /yul gyis bskyod pa ma yin te/ /'jig rten chos la chags sdang med/ /sangs rgyas la sogs phyag mi byed/ /glang chen nyos dang seng ge zhon/ /nags dang ri khrod bsod snyoms

  485. 243a

    'jug /dur khrod tshod khang srang du rgyu/ /'byung po bzhin du gnas pa mchog /'di ni kun tu spyod pa'o zhes bya ba la sogs pas bshad de/ de'i phyir 'di ni brtan pa thob pa rnams kyi'o/ /gzhan du thog ma nas 'jug pa de dag phal cher nyams te ltung bar 'gyur ro/ /de bas na rim pas 'jug pa rnams ltung bar mi 'gyur bar shes par bya'o/ /bskyod pa'i rim pa dang/ rdzogs pa'i rim pa la rim pa bzhin du 'jug pa'i rnal 'byor pas kyang spyod pa'i tshul de bzhin du gnas par bya ste/ de'i phyir/ bskyed pa'i rim la legs gnas te/ /rdzogs pa'i rim pa 'dod rnams la/ /thabs ni rdzogs pa'i sangs rgyas kyis/ /skas kyis rim pa bzhin du gsungs zhes bshad pa 'di yang legs par bshad par 'gyur ro// //de nas mnyam par bzhag pa'i spyod pa chen po rang bzhin gyi rtog pa dang bral ba mi rtog pa'i ye shes la 'jug pa la gnas par bya ste/ de'i phyir 'di'i spyod pas gnas pas/ /spros bcas med cing mnyam bzhag med/ /bya dang byed dang rtsol las 'das/ /dag dang ma dag dngos po rnams/ /sgyu ma bzhin du dngos med par/ /brtags pas dben pas blang dor med/ /'dod chags la sogs mi spong ste/ /gzhan gyis sangs rgyas sgrub mi byed/ /yod med rtag chad mdza' las 'das/ /kha dog dbyibs med lus dag med srog rtsol rim dang cig car spong/ /yi ge mtshan ma phyag rgya med/ /phyogs bcu gang la'ang gnas mi byed/ /gzung 'dzin rnam rtog yul las 'das/ /dam tshig sdam pa dkyil 'khor med/ /de nyid bcul rnam mi rtog /bsgom bya bsgom byed bsgom pa med/ /sangs rgyas sems can bdag rtsol bral/ /rgyu 'bras lam la sogs pa spong/ /rgyu dang mi rgyu'i dngos rnams la/ /nam mkha' bzhin du rtag mi byed/ /mchod rten

  486. 243b

    glegs bam la sogs spong/ /bdud dang dngos grub gnyis su med/ /rang rig shes brjod yul las 'das/ /sgra dang brda dang dbang po yis/ /'di la bstan bya rdul yang med/ /rtog ge'i spyod las 'das pa ste/ /dam pa'i rjes 'brangs rang gis rig/ mthong ba med pa'i dam pa mthong/ /rjes su shes pa sgra ma bzhin/ /rab mdza' i shes pa rtog gom pas/ /rtog ming gzhan don nor bu bzhin/ /sku gsum ye shes lnga la sogs/ /thub pa'i yon tan dpag bsam shing/ /ston dus skad cig gis rdzogs ltar/ /de phyir de la gsang ba 'dus/ /bzhi pa'i dbang gis rab tu rgyun?/ /de nyid dpal mchog dang po'i ste/ /rdo rje sems dpa' mthar phyin lam/ zhes bshad pa'i phyir 'di ni mthar phyin pa'i spyod pa ste/ mnyam par bzhag pa'i spyod mtshan pa'o// //dus shes pa'i spyod pa las 'gal bar spyod pa rnams kyi ni bdud kyi las su rig par bya'o/ /bla ma'i bka' dang don chen po mthong ba dang/ gang zag la sogs pa'i dus shes pa dang/ srog gi bar chad du 'gyur pa la nyes pa med do/ /ltung ba de dag la nyes pa tshe 'bring gi rim pas/ /dbang dang tshogs la bshags pa dang/ /dkyil 'khor ston du 'gro bas dam pa gcig la bshags pa'o/ /phyis bsdam par bya ba la brlab? par bya'o/ /ltung ba bco lnga pa'i rnam par bshad pa'o// //da ni yan lag gnyis pa bshad par bya ste/ /de'i phyir/ dam pa nyer bsten cig shos min/ /snod dang ldan pa rnam par brtag/ /'dod phyir gzhan la gnod pa spang/ /dkon mchog la sogs nor la min// gzhan don skad cig yal mi dor/ /byang chub min par dge mi 'jug /rnam shes 'pho ba de nyid mkhas/ /gzhan du yan lag nyes pa'o/ /de nas sdug bsngal chen po 'thob/ /zhes bshad pa ste/ 'di dag gi spyi'i mtshan nyid gong du bstan pa las shes

  487. 244a

    par bya'o/ /dam pa nye bar bsten pa ni bla ma dam pa ste/ /de yang sgyu 'phrul dra ba las/ /slob dpon med par gyur na ni/ /dngos grub thob par mi 'gyur bas/ /slob dpon mtshan nyid bshad par bya/ /ye shes snying po khyod nyon cig /brtan zhing dul la blo gros ldan/ /bzod ldan drang zhing g.yo sgyu med/ /gsang sngags rgyud kyi sbyor shes pas/ /dkyil 'khor bra ba'i las bya'o/ /de nyid bcu ni yongs shes shing/ /sems can kun la mi 'jigs sbyin/ /theg pa mchog la rtag dga' bas/ /de ni slob dpon yin par gsungs/ /shes bshad pa dam pa ma yin pa/ bsten na yan lag gi nyes pa'o/ /cig shos min pa ni dam pa ma yin pa ste/ /de nyid las phyi rol bstan bcos yongs shes shing/ /nyan thos rnams kyi lam bsgrod kyang/ /gsang ba de nyid bsdu ba dang/ /theg pa chen po mi shes pa/ /snying rje yod pa ma yin dang/ /dad med brtson 'grus mi ldan pa/ /rtag tu dan pa'i tshul spyod dang/ /bstan chos rnams la smod pa yin/ /zhes bshad pas so// de bas na bla ma gzhan gyi don byed pa mchog go /bdag gi don can nyon mongs pas zil gyis non pa ni mchog ma yin pa'o/ /zhes bshad pas/ de bsten pa de ni yan lag gnyis pa'o// //snang dang ldan pa ni yang slob ma ste/ /de nyid las/ dge ba bsgom la dga' ba dang/ /rtag tu bla ma la gus dang/ /rgyun tu lha rnams mchod byed pa/ /yon tan ldan pa slob ma yin/ /slob dpon ci 'drar blta zhe na/ /bla ma sangs rgyas kun dang mnyam/ /de nyid rtag tu rdo rje 'chang/ /zhes bya ba la sogs pa de nyid rgyas par shes par bya'o/ /de bas na snod min bsten pa ni yan lag gi nyes pa'o/ /rin chen can ni smin par byas pa'o/ /'dod phyir gzhan la gnod pa spang zhes bshad de/ /'dod pa ni nyon mongs pas kun nas bslang pa ste/ des mi

  488. 244b

    bzad pa dang/ sha dang pags pa dang rus pa'i phyir yongs su smin par byas pas de dag spyad na yang yan lag gi nyes pa'o/ /mi nan ni ltung ba'i phyogs su bsdu bar bya'o/ /de ni dri ma las ldang ba yang de nyid kyi phyogs su bsdu'o/ /dkon mchog la sogs nor la ma ni zhes bshad pa ste/ dkon mchog gsum dang/ grogs khyad par can rdo rje sdus na la sogs pa'i dkor la ma byin par mthu dang 'dab bus spyad na ltung ba la sogs par 'gyur te/ /de yang zhing khyad pa can gyi nor bdun ri ba phul te/ de nas dpa' bo'i ston mo byas la/ /'dus pa la bshags te bsdam par bya'o/ /tha na gdug spos kyang mnam par mi bya'o/ /zhes bshad pas so/ rim pas na smad pa'o/ /tha mal pa dus shes pas so/ /ser sna can la mthu la sogs pas phrogs te don dang bcas pas spyad par bya'o zhes bshad pas de'i phyir rim pa shes par bya'o/ /gzhan don skad cig yal mi dor zhes bya ba ni gong du bshad zin to/ /byang chub med par dge mi 'jug /ces bshad pas ni/ smin par byas pas tha na lus ngag gi dge ba phra mo gcig kyang/ /dang po byang chub du sems bskyed pa dang/ tha mar yongs su bsngo ba'o/ /bsngo ba yang 'khor gsum yongs su dag pa'o/ /de'i phyir sgyu ma'i blo can gyis bya bar gsungs te/ /'phags pa dkon mchog 'byung gnas las/ byang chub sems dpa' blo gros rab tu zhi ba byang chub kyi ched spyod pas chos thams cad ngo bo nyid med par khong du chud par bya ste/ sbyin pa yang ngo bo nyid med par khong du chud par bya'o/ /len pa yang ngo bo nyid med par khong du chud par bya'o/ /yon gnas kyang ngo bo nyid med par khong du chud par bya'o/ /bsngo ba yang ngo bo nyid med par khong du chud par bya'o/ /gang yang bsngo bar byed pa de yang ngo bo nyid med par khong du chud par bya'o/ /gang du bsngo bar byed pa de yang ngo bo nyid med par khong du chud par bya'o/ /de ci'i phyir

  489. 245a

    zhe na/ sbyin ga ni spyid pa'i ngo bo nyid kyi stong ngo/ /de bzhin du len pa po dang yon gnas dang sbyin pa'i 'bras bu dang/ yongs su bsngo ba dang/ gang byang chub kyi ngo bo nyid kyis stong pa dang sbyar par bya ste/ /de ltar na stong pa nyid la mos pa de ni bsam pa tshad med pa'i sgo nas sbyin pa'i pha rol tu phyin pa yongs su dag par 'gyur te/ /sbyin pa de ni sbyin ga'i pha rol tu phyin pa zhes bya ba'i ming yang 'thob ste/ zhes bya ba la sogs pas bshad pa ste/ de yang sbyor ba sgyu ma lta bu la gnas la/ /de'i dngos gzhi mi dmigs pas rnam par stong pa ? rgyu ma las kyang 'das pa'o/ /rjes las thob pa'i shes pas smon lam rgya chen po tshad gzung du med par bsngo bar bya'o/ /zhes bshad pas dad pa med pa la dngos grub 'byung bar mi 'gyur/ /de'i phyir gzhan du nyes par 'gyur ro/ /rnam shes 'pho ba ni rnal 'byor pa 'chi bshes rab kyi pha rol tu phyin pa'o/ /'chi ba'i tshe na bden pa gnyis kyi tshul gyis sgyu ma'i blo dang ldan pas chags sdang la sogs pa med pas dkyil 'khor gsal bar byas la/ dri ma las ldang ba sngon du 'gro bas/ /sdog 'phrog pa'i rim pas dkyil 'khor gyi 'khor lo bsdus te/ /rang gi ye shes dang mi gnyis par byas te/ 'od zer gyis khams gsum dag par byas la dkyil 'khor la bltas te/ /thabs dang shes rab kyi dbus su rang gi yi ger bsdus la/ /rang gi de nyid kyi thugs kar 'od zer dang bcas pas 'jug par bya'o/ /gzhan dun nyes pa dang bcas pa'o/ /de dag kyang tshogs pa la bshags te bsdam par bya'o/ /gzhan yang lta ba dang spyod pa des par gnas pa la the tsho skye ba dang/ theg gsum gyis gdul bya'i rim pa dang/ sbyar nas mi 'dul bar gcig tu sbyor ba dang/ /de kho na nyid bcu la mi gnas par dkyil 'khor dang slong ma smin par byed

  490. 245b

    pa dang/ bdud brtag pa'i thabs la mkhas par mi byed pa dang rtsa ba dang yan lag gi sdom pa zhig gam ma zhig pa bsam par bya ba dus 'das pa dang/ /phra mo'i nyes byas kyang khyad du bsad nas ma bshags par dus 'das na dug chung yang rmal mched pa bzhin du dus 'das pas gzhi de nyid las 'phel ba yang tshad de nyid du 'phel bas/ /de bas de dag kyang yan lag gi nyes pa'o/ /bla ma'i bka' dang bya ba byung ba dang/ na ba dang bar chad dang bcas pa dang/ don chen po mthong ba la nyes pa med do/ /dri ma las ldang ba yang gong du bstan to/ /ltung ba'i rigs de dag kyang/ yul dang bsam pa dang/ rkyen gyi dbang dang sbyor ba'i bye brag gis lci yang la sogs pa gzhag ste yul las ni yul nye bar gnas pa dang/ zhing gi bye brag go /des rtogs shing khong du chud pa dang/ /skyo zhing mi 'dod pa dang/ bdag gis kyang shes pa'o/ /dus dang bsam pa las ched du bsams pa dang/ /rang bzhin du gnas pa'o/ /rkyen gyis ni nad dang 'jigs pa la sogs pa'i bar chad med pa dang/ 'gro ba gzhan la sogs pa'i dgos pa ma mthong ba'o/ /sbyor bas ni lus kyis bya ba dang/ dag gis sbyor ba'o/ /de dag gis ni dngos gzhir 'gyur ro/ /gzhan du ci rigs pa'i nyes pa'o/ /nyes pa de dag kun gyi thun mongs du dbang dang ldan pa kun la shes par bya'o/ /de dag las dri ma las ldang ba yang sbyor ba chung ba dang/ de nyid kyis nyes par 'gyur ba dang/ rang nyid kyis ldang bar nus pa dang/ rkyen ma tshang ba dang/ dur khrod la sogs pa ni bdag nyid cho ga dang ldan pas byin gyis brlabs kyis ldang bar bya ste/ de'i phyir smras pa cho ga rdzogs pas rnam par sbyang/ /yon tan phyogs kyis rnam par 'phel/ /mig gis rnam par brgyan byas la/ /thabs chen mtshan gyi tshad du mdzes/ /de dkyil ri bong brgyad pa'i

  491. 246a

    bzhi/ dang po'i lnga pas mdzes pas 'dzag /tshes la ri bong can gyis brgyan/ /sgra yig de nyid thig les mdzes/ /bcu drug phyed pa brgyad kyi 'og /dbang po'i phyogs kyis rnam par 'phel/ /rig byed lnga pas thabs kyis mdzes/ /yang na steng 'og dbang po yin/ /bcu drug byed byed thig le dbri/ /thig le las kyang rnam par 'das/ /thig le rnam par rdzogs par ldan/ /sgra yig dang po yon tan ldan/ /srog dang rtsol ba rnams bsdams nas/ rims bzhin tsaN+Da li 'bar bas/ /mkhas pas rim bzhin rnam par spyad/ /zhes bya ba 'di dag gis kyang dri ma las sdang bar bshad pa'o/ /da ni ltung ba la sogs pa thams cad kyang chu chod nas brtsis nas rim pas dri ma las ldang ngo/ /gzhan du na yan lag gi nyes pas sdug bsngal 'thob bo zhes bshad pa'o/ /yan lag gi nyes pa'i rnam par bshad pa'o// //de nas de'i 'bras bu'i thabs dang shes rab kyi rgyud mang po nas 'byung ba bshad par bya ste/ de'i phyir/ dang ldan the tshom dman mi mos/ /tshul bzhin cho ga ldan pa ni/ /mngon sum rdo rje sems dpa' ste/ /mchog dang thun mong rgyas par 'gyur/ /zhes bshad pa ste/ dang ldan zhes pas dang pa dang ldan pa dngos grub kyi snod du bzhag pas/ kun gyi thun mong ma yin pa'i phyir ro/ /dad pa med pa la dngos grub 'byung bar mi 'gyur te/ de'i phyir dang pa dang ldan pa'i gang zag la rang bzhin gyis dngos grub 'grub/ /ji ltar dang ba'i snod du yang/ /rtog med zla ba'i gzugs brnyan 'char/ /dad pa dkar po'i bzhi rten yin/ /dad pa med pa'i mi rnams la/ /dkar po'i lo dog mi skye ste/ /sa bon me yis tshig pa la/ /myu gu sngon po mi 'byung bzhin/ zhes bshad pas/ snying rje dang shes rab dang brtson 'grus kyis grogs byas

  492. 246b

    pa'i gzhan gyi don gnyer bar 'dod pa'i rnal 'byor pas bsten par bya'o zhes bshad par bya'o/ /the tshom yod pa ni yid gnyis za ba'o/ /de yang thabs shes rab kyi rgyud mang po las grub pa'i mdza' sna tshogs su brtags pa/ /'di rag 'gal pa mi srid pas don dang bcas pa dang don med par 'gyur ro/ /zhes rtog pa de dag kyang/ don de dag khong du chud pa ste/ thabs dang shes rab kyi rgyud de dag ji ltar dpag bsam gyi shing dang 'dra? bris/ /des kyang skyes du mang po'i 'dod pa cha shas kyi bye brag gis kyang bsgrub bar nus te/ dngos po mdza' dag gis grub pa ni ma yin no/ /spros pa bral ba gnyis su med pa'i ye shes kyi ngo bo la rtog pa med pa'i tshul du gus pa dang bcas pa'i grub pa'i mdza' de dag kun gyis rtog pa med pa'i tshul du 'gal bar gal 'gyur/ /de'i phyir rtags kyi cha'i nus par byin gyis brlabs pa'i rten cing 'brel bar 'byung ba re re la 'jug pas bslu ba med pa'i don dang yang 'phrad par 'gyur ro/ /de'i phyir bshad pa'i rgyud chen po las/ nam mkha' i snying po khyod nyon cig /gnyis med ye shes don ldan pa'i/ /de dang 'dra ba'i rgyud kun la/ /yid bzhin nor bu dpag bsam shing/ /bum pa bzang po 'dra bar ni/ /gus pas tshul bzhin gnas pa la/ /gcig gyur thabs kyi bye phrag gis/ /nus pa bsam gyis mi khyab ste/ /de lta de ltar de bzhin bsgrub/ /cho ga nyams pas 'grub pa'ang min zhes bshad pa 'di ni/ tshul de dag las tha dad pa'i sgo nas 'bras bu dang ldan pa yang mngon sum du 'grub pa'i phyir ro/ /de'i phyir smras pa/ lha dang drang sred bden pa'i dag /gang la sbyor ba'i nus pa yang/ /slu bar byed pa ma mthong na/ /ye shes chags pa mi mnga' ba'i/ /smon lam snying rjes gzhan don 'jug /thams cad mkhyen pas smos ci dgos/ zhes bshad pas de la brtag par mi bya'o/ /'on kyang

  493. 247a

    skyes bu dam pa nye bar brten pa dang bral bas 'dod pa dang bral bas 'dod pa dang/ phrag dog dang/ nga rgyal gyis non pas zhugs pa rnams ni rtags 'khrul pas don dang phrang bar byed pa ma yin no/ /de'i phyir slob dpon las ni dngos grub 'thob zhes bya ba la sogs pas rgya cher bshad do/ /gzhan yang de lta bu'i dbang du mdzad nas/ lung ma rtogs par rtog ge yi/ /chos rnams rnam par gnas ma yin/ /drang srong rnams kyi shes pa yang/ /g.yang lung ni sngon tu btang/ /long pa'i rkang pas tshod dpags shing/ /nyam pa'i g.yang sar rgyag byed ltar/ /rjes su dpag la gtsor 'dzin pa/ /rnam par ltang bar dka' ma yin/ /zhes bshad pas de ni 'gal bar 'gyur ro/ /dman pa la ni mos pa ni nyan thos dang rang sangs rgyas la smod pa dang bral ba'o/ /gzhan yang skyes bu tshe 'di'i 'bras bu 'dod pa la phyi ma'i tshe la 'byung bar mi 'gyur ro/ /skyes bu phyi ma la 'dod pa 'di la yang rgyas par 'gyur ro/ /mchog 'dod pa la thun mong yang rgyas par 'gyur ro/ /thun mong la mos pa la mchog dang de nyid kyang thob par mi 'gyur ro/ /dngos grub rab dang 'bring dang tha ma yang rim pas thob par 'gyur ro/ /de phyir/ drug cu pa'i rtsol ba yis/ /sa lu'i 'bras dang phrad ma yin/ /dman la mos pa'i sbyor ba yis/ /mchog rnams thob par ga la 'gyur/ zhes bshad pas so/ /tshul bzhin cho ga ldan pa ni/ zhes bshad pa yang/ tshul bzhin cho ga dang ldan pa ni/ thabs dang shes rab kyi rgyud las/ gang yang rung ba'i grub pa'i mdza' i cho ga dang ldan pa'o/ /de'i phyir rgyud mang ba dang grub pa'i mdza' i tshul thams cad du bdag gis bshad pa ste/ kun gyi thun mong ma yin pa'i phyir ro/ /de bas na dgongs pa'i don la mkhas pas brtags par mi bya'o/ /mngon sum rdo rje sems

  494. 247b

    dpa' de ni dam tshig dang ldan pa dang/ /spyod pa la gnas pa rkyen gzhan gyis 'gal bar mi 'gyur ba'i phyi rol mchog dang thun mong rgyas par 'gyur/ /zhes bshad pas/ /'bras bu rgyas pa na bstan te/ thun mong brgyad la sogs pa dang/ rdo rje 'dzin pa'i sa thob pa'o/ /de'i phyir bshad pa dang/ rtog pa thams cad shes rab tu shes pas/ dngos po sgyu 'dra bsdam bya sdom byed med/ /rang bzhin gnas dang gzhan gyi nas pa bskyed/ /ngo bo nyid dang sdom bya sdom byed dang/ /rtsa ba yan lag de bzhin yan lag go /rdo rje sems sogs bder gshegs ma lus kyang/ /de la 'da' bar spyod pa me yin no/ /mi 'dod dngos po thams cad sreg par byed/ /sdug bsngal sna tshogs rnams kyi gzhi ni gzhi rtsa ste/ /bder gshegs kun gyis bu bzhin rab dgongs nas/ /sku gsum ye shes chu yi zla ba bzhin/ /nad med nor dang rkang 'gro mang po 'phel/ /'bad pa med par 'dod pa 'grub par 'gyur/ /rgyal po la sogs gsong por smra byed cing/ /skye bo mang pos rtag tu dgur bar 'gyur/ /'khor dang longs spyod mang pos rnam par mdzes/ /rims dang gdon la sogs pa'i gnod pa rnams/ /bla ma mkha' 'gro dam tshig rjes dran pas/ /de dag las kyang myur du thar par 'gyur/ /rin thad med pa'i rin chen rnams kyang 'gal gdon dang mkha' 'gro rnams kyis 'bar bar mthong/ /rdo rje 'chang ba mang po rjes su 'brang/ /byang chub sems dpa' mang pos spun bzhin dgongs/ /sngags dang zhing las skyes pa'i mkha' gros kyang/ /rgyang nas gzigs shing dngos grub ster bar byed/ /'jig rten skyong ba rnams kyis rtag tu skyob/ /gdug pa can rnams mthong nas dga' bar byed/ /'bad pa med par gsungs pa'i las rnams 'grub/ /bskal pa mang por sdom la gnas pa bas/ /skad cig gnas pas

  495. 248a

    'bras bu rdzogs par byed/ /ldog pa med pa'i byang chub sems gzung nas/ /thabs kyis bsod nams tshogs ni rab rdzogs byed/ /bde ba'i dag can de ni lung bstan te/ /brtags pa rnams log bden pa'i don mthong nas/ /sa nas sar? 'bar mi mthun phyogs spangs te/ /sgyu ma lta bus rtog med mnyam par gnas/ /kha sbyor bde chen mtshan gyis rnam brgyan pa/ /stobs dang mi 'jigs phyogs kyi chos rnams dang/ /pha rol phyin pas dang dbang bcu sogs/ /dag pa'i zhing du rtag par tshogs chen bskor/ /'dul ba'i don du sna ba 'gags pa mos/ /legs par mtshan yong rgyan gyis gang yang nas/ /dud las yol med dung ba'i chu dres bzhin/ /'bad rtse mo rtog med pa'i bzhin nor bu ltar/ /smon lam grub pas thugs rje 'gag pa min/ /longs spyod chen pos mnyam pa nyid la gnas/ /'dod pa'i yon tan sgrub pas 'gag pa med/ /sdom ldan rnams la mngon sum gnas shes bshad/ /zhes bshad pa yang thabs dang shes rab kyi rgyud mang po las/ /'bras Ta? mar du bshad pos bdag gis mdor bsdus te bshad pa'o/ bskal pa mang por tshogs bsags nas/ /rin chen snod du bdud rtse 'dzag /rtag tu brtson par mi byed par /ci phyir 'dod pa'i dug gis myos/ /zhes bshad pas kyang de na de nyid 'grub par bstan te/ bskal pa mang po nas rgyud shin tu sbyangs pa dang/ tshogs bsags pa dang/ smon lam las grub pas rin po che'i snod lta bur gyur ba'i nang du bdud rtsi 'thung bar mi byed pa'i 'dod pa'i theg pas bcings nas/ nyon mongs pa'i dug gis myos par byed ces bshad/ /de'i phyir lam 'di lta bu ni shin tu thob par dka' ba'i lam na/ /rtag par bsten par bya ba dang/ theg pa chen po shes rab kyi pha

  496. 248b

    rol tu phyin pa thob pa rnams kyang phyir mi ldog par bshad do/ /de nyid kyang thob par dka' ba yang/ /sangs rgyas rnams la bkur sti byas/ /de las dge ba'i rtsa ba bskrun/ /dge ba'i bshes kyis mgon byas pa/ /'di mnyam pa yi snod yin no/ /zhes bshad do/ /de bas na gus pa dang bcas pas thob par dka' ba'i lam 'di rtag par bsten par bya'o/ /thabs dang shes rab kyi rgyud mang po las/ 'byung ba'i sdom pa'i 'bras bu rnam par bshad pa mdor bsdus pa'o// // de bas na rtsod pa'i dus kyi gang zag nyon mongs pas rgyud 'khrugs pas/ sdom pa dang/ dam tshig la gnas pa dka' ba ste/ /de'i dus su sdom pa dang/ dam tshig la gnas te mnyam par bzhag nas skad cig ci ma bsgoms pas kyang dus gzhan du bskal par gnas pa bas don chen por 'gyur zhes bshad do/ /de yang brtsod pa'i dus kyi gang zag gi mtshan nyid bcom ldan 'das kyis dam pa dang po'i rgyud las bka' stsal te/ /rtsod pa'i dus kyi 'dzam bu gling gi mi rnams ni// lhag par yang sdig ba'i las la gzhol zhing/ ? zhing shes rab zhan te/ /rdo rje slob dpon gang yin pa/ /dge ba'i rtsa ba la log par gzhol ba dang/ /dge slong rnams kyang mi dge ba bcu byed pa la gzhol ba dang/ khyim pa rnams kyang dkon mchog gsum gyi yo byad la yongs spyad par 'gyur ba dang/ /mkhas pa rnams kyang ma thos pa'i rgyud 'chad cing/ mngon pa'i nga rgyal gyis rgyud kyi 'grel pa byas nas/ /don phyin ci log tu bstan pas/ /dmyal bar gzhol bar 'gyur ba dang/ /grong mi rmongs pa rnams kyang log par dad pas/ thams cad mkhyen pa'i rgyal mtshan rnams sun phyung nas/ khyim pa la bsten bkur byed par 'gyur pa dang/ spob pa rnams kyang zhe sdang gi blos slob dpon gyi skyon rtog pa dang/

  497. 249a

    longs spyod la chags nas slob dpon dam pa ma yin pa la yang bstod cing mchod par 'gyur la/ /bla ma'i bsnyen bkur sangs rgyas kyis gsungs pa/ rnams ni byed par mi 'gyur zhing/ 'chad pa po rnams ni mi dge ba bcu la 'jug par 'gyur zhing/ /bsgrub pa po rnams kyang bza' btung la chags par byed pa dang/ bud med rnams kyang 'dod pa la shin tu chags zhes gsungs so/ /gzhan yang mngon pa'i bstan chos las/ bstan pa ni srol gong ma bzhin zhes bshad do/ /de'i phyir rnal 'byor pas 'bad par bya ba'o zhes rjes su gdams pa'o// //sna tshogs rgyud dang theg chen mdo/ /dam pa kun gyi dgongs pa dang/ gzhan sogs gzhung lugs mang po las// zhal dang 'dra ba'i bshad pa 'di/ /rgya cher 'brel ba'i dri ma med/ /lam gyi sbron ma zhes bya ba'i/ /bla ma brgyud dang lhan cig skyes/ /dang dang snying rje gtsor byas pas/ /sna tshogs rgyud dang slob dpon gyi dgongs pa sna tshogs brtags pa las/ /ngal las dge ba gang 'thob des/ /'das sogs bla ma rdo rje spun/ /dam tshig ma lus nyams pa gang/ /bla ma 'jam bcas mdun byas te/ /bdag sogs dam tshig dag gyur cig/ thams cad dngos grub snod gyur la/ /thun mong mchog gis rnam brgyun te/ /'gro kun rdo rje 'dzin gyur cig/ rdo rje theg pa'i rtsa ba'i ltung pa'i rgya cher 'grel pa lam gyi sgron ma zhes bya ba de la phan par byed pa'i yan lag dang bcas pa/ /slob dpon 'jam dpal grags pas mdzad pa rdzogs so// // myang ro stag tshal du dI paM ka ra bod du byon tsan bsgyur/ pu ri sha'i grong khyer du A tsarya u pa d+ha sh+rI badzra shI la dang/ lo tsA ba dge slong brtson 'grus seng ges legs par mnos te gus par bsgyur ba'o/ /bal po'i khyim dud ma'i lo/ /rin chen grags

  498. 249b

    pa bdag gis 'ongs/ /'grel dpe rnying pa la yang btugs/ /shin tu yang ni dag par gyis// //*/ /rgya gar skad du/ badzra satwa sA d+ha naM nA ma/ bod skad du/ rdo rje sems dpa' i sgrub thabs zhes bya ba/ dpal rdo rje sems dpa' la phyag 'tshal lo/ /thog mar bdag nyid stan bde ba la 'dug ste/ skyil mo krung gis gnas la/ sems can thams cad 'khor ba'i sdug bsngal las bsgral te/ sangs rgyas dang byang chub sems dpa' i sa la dgod par bya'o/ /zhes pa'i sems bskyed pa sngon du song ba'i rjes la/ /de nas rang tha mal par gnas pa'i spyi bo'i steng du baM las pad+ma dkar po/ /de'i steng du a las zla ba'i dkyil 'khor gang ba/ /de'i steng du hUM dkar po yongs su gyur pa las dpal rdo rje sems dpa' sku mdog dkar po/ 'od zer kha dog lnga 'phro ba/ rin po che'i rgyan sna tshogs kyis brgyan pa/ mtshan bzang po sum cu rtsa gnyis dang/ dpe byang bzang po brgyad cus mdzos pa/ phyag g.yas pa rdo rje thugs kar 'dzin pa/ g.yon pas dril bu rked par 'dzin pa/ sku rol pas bzhugs pa/ zhabs g.yas pa cung zad brkyang ba'i 'theb chen gyis bdag gis tshangs bug la reg par bsams la/ de'i thugs kar zla ba'i steng du hUM la yi ge brgya bas bskor nas yod par bsams la/ de las 'od 'phros pas 'og min na bzhubs pa'i de bzhin gshegs pa'i thugs ka nas bdud rtsi'i chu rgyun 'o ma lta bu drangs nas/ rdo rje sems dpa' i thugs kar zhugs nas zhabs kyi 'theb chen gyi sna ba tol nas bdag gi tshangs pa'i bu ga nas zhugs pas lus thams cad 'chi med kyis bdud rtsis gang bar bsams te/ des bdag gi chi rabs thog ma med pa nas bsags pa'i mtshams med pa lnga la sogs pa byas pa'i sdig pa thams cad dud khu lta bu rkang 'thil nas 'thon par

  499. 250a

    bsams te/ lus shel dag pa ltar phyi nang sal le bar bsam mo/ /de nas dngos sam yid kyis mchod pa dbul bar bya'o/ /de nas rig sngags brgya po ji lta ba bzhin ngag par brjod do/ /de nas dpal rdo rje sems dpa' i zhal nas rigs kyi bu khyod kyi sdig pa thams cad dag go zhes gsung par bsams la de nyid du thim par bsam mo/ /bdag nyid nus ldan kun gyis mchog tu gyur par shes par bya'o/ /lam thams cad kyi dag byed kyi thabs dpal rdo rje sems dpa' i yi ge brgya pa'i sgrub thabs/ bla ma mngon shes can rdo rje gdan pas mdzad pa rdzogs so// //yul dbus kyi dpe ji lta ba bzhin lo tsA ba shAkya'i dge slong nyi ma rgyal mtshan dpal bzang pos gtsug lag khang chen po dpal thar pa gling du gus pas bsgyur ba'o// //*/ /dpal gsang ba thams cad kyi phyi'i cho ga'i snying po brgyan zhes bya ba slob dpon 'jam dpal grags pas mdzad// rgya gar skad du/ sh+rI sarba gu hya bi d+hi garb+ha a lang+ga ra nA ma/ bod skad du/ dpal gsang ba thams cad kyi spyi'i cho ga'i snying po rgyan zhes bya ba/ dpal rdo rje sems dpa' la phyag 'tshal lo/ /dus gsum rgyal ba mchog rnams kyi/ /ye shes blo gros chen po'i sku/ /sems can kun la phan skyed pa/ /'jam pa'i mgon la phyag 'tshal te/ /theg mchog gsang ba thams cad kyi/ /cho ga'i snying po rgyan gyur ba/ /dang po'i las can rjes gzung phyir/ /rnal 'byor chen po'i tshul 'di bshad/ /rtsa ba bzhi dang dag pa dang/ /tshogs dang yan lag kun bsdus pa/ /rdo rje ye shes 'thab byed pa/ /lam gyi 'khor lor shes par bya/ /blo ldan thar pa'i bdag nyid de sems/ /bzod ldan dul ba'i slob ma yis/ /grub pa'i rtsa

  500. 250b

    ba mchog gcig pu/ /bla ma bsten bya dang por brtag/ snying rje med cing khro la gdug /khengs shing chags lam bsdams dang/ /bcom dang bcas pa nyid dang ni/ /brkam bcas slob ma dge las bzlog /ral gri til dang snag tsha dang/ /khyim gyi las la mngon brtson zhing/ /rang gi don sems rnyed pa 'dod/ /bla ma brnyes byed sems can la/ /nyer 'tshe 'gro la ngan pa sbyor/ /sngags dang phyag rgya'i chog yis/ /rtag tu 'tsho ba sgrub byed cing/ /'jig rten chos phyir dge la 'jug/ chad dang smad 'tshong la gdungs shing/ /de nyid gnyis po mi shes par/ /rtag tu slob dpon nyid du sems/ /tshangs spyod brtan par ma gyur pa/ /na chung bde la mngon par zhe na/ /de nyid bcu la mi gnas bar/ /dkyil 'khor las la 'jug byed cing/ dbul ba'i slob ma la sdang zhing/ /dam chos dman la sbyor ba dang/ /rtag tu rnyed pa don gter bas/ /skal min gsang ba la 'god dang/ /sdom pa gsum po mi 'dzin cing/ /rtsa ba'i ltung ba nyer gnas pa/ /chos la ser sna kun spyod cing/ /dam tshig las la sbyor byed pa'i/ /slob dpon rib mas spang bar bya/ /de bsten dmyal sogs 'bras la sbyor/ /brtan zhing dul la blo gros ldan/ /bzod ldan drang la g.yo sgyu med/ /sngags dang rgyud kyi sbyor bshes/ /snying rjer ldan nang bstan bcos mkhas// de nyid bcu ni yongs shes shing/ /dkyil 'khor 'bri ba'i las la byang/ /dran gsal brtson 'grus dang ldan zhing/ /thig le che la brtag tu dga' / /blo sbyangs rig pa lnga 'dzin cing/ /sngags bshad sbyor ba gnas mkhas dang/ /de nyid lung thob rim brgyud ldan/ /'gro ba'i thar pa la sems shing/ /kun tu dge la 'god pa'o/ /tshor sogs bya ba rnams dor nas/ /sdom gsum dge la 'jug pa dang/ /de nyid sgom la tshangs spyad sgrub/ /skal dang skal min sems can la/ /tshul dang tshul min cho ga shes

  501. 251a

    ser sna rnam spang dman mi mos/ /rnyed sogs chos la mi lta zhing/ /bla ma lha la rab dang mchod/ /dman sogs sems can sun mi 'byin/ /zhu ma med khengs sems rnams spangs pa/ /slob dpon mchog tu shes par bya/ rtsod pa'i dus ni 'di nyid na/ /rnam rgyas nyon mongs dbang gis ni/ /slob dpon skyon dang yon tan 'dres/ /dge la rnam brten yon tan dag/ shas cher gyur pa rnam par gzung/ /'gro mgon bla ma bstan par bya/ /bla ma gnas pa'i mdun dge du// gcer bu dang ni dbugs sgrogs dang/ /chags pa'i las dang tsug tsug dang/ /snabs dang lud pa mdun 'dor dang/ /g.yan pa 'phrug dang g.yal chen dang/ /drag tu langs 'dug rdul sbrug dang/ /chigs nyed pa dang rkang rkyong dang/ /gdings drag 'dings gzhan rdags dang/ /'grong dang don med 'chag la sogs/ /bag med lus ni ma bsdams pa /rnam pa kun tu mi bya'o/ /'phya dang lta brgang byed pa dang/ /ma 'brel smra dang 'gram chal dang/ /brdzun dang brnyas te zlos pa dang// phra ma dang nir chod dang/ /mi gzhan zher 'debs la sogs pa/ /byed pa dag gi ma sdams pa'i/ /sgra yi skyon rnams spang bar bya/ /srog dang lus dang longs spyod dang/ /de'i don dang grags pa la/ /ltos med ngan du sems pa dang/ /mi sdug par blta brnyas pa dang/ /de yi skyon rtog gus mi byed/ /rtag tu bral bar sems pa dang/ /de yi tshig la bdud skyed byed/ /rtag tu bslu ba'i sems ldan zhing/ /g.yo sgyus kun tu spyod pa dang/ /khong khro skad cig gis chags byed/ /tshul min las kyi bsam pa kun/ /bag med sems ni ma bsdams pa/ /g.yeng ba chen por gyur pa ste/ /nam du yang ni mi bya'o/ /bla ma la ni bka' blang zhing/ /gus pas 'dud pa'i sems bya ste/ mnyan na bde ba'i ngag dag gi /brtul zhugs can gyis

  502. 251b

    don rnams gsol/ /ston pa mchod dang rang rnal 'byor/ /bza' btung bshad gci 'dor ba dang/ /mtshams nang 'gro dang gnyug ma'i las/ /bya ba me tog gzhan rnams dri/ /slob ma rgyal mtshan dang ldan pas/ /bla ma khyim pa'i rtags 'dzin na/ /khrus dang spang pa'i nyes pa dang/ /chos las ma tog phyag mi bya/ /dman pa'i las dang phyag byas na/ /'jig rten smad pas nyams byas shing/ /sangs rgyas chos dang dge 'dun la/ /smad pa'i las ni byas par 'gyur/ /de nyid bcu ni shes gyur pa'i/ /brtul zhugs 'dzin pa yon gnas su/ /dbang bskur rab gnas sbyin sreg dang/ /tshogs kyi 'khor lo sogs dpon du/ /gos dkar can ni mi dga' 'o/ /brtul zhugs 'dzin pa rmongs gyur na/ /yon tan dus lam me gtogs par/ /las kyi rdo rje 'am 'khor du min/ /de ltar de dag ma byas kyang/ /bla ma la brnyas mi 'gyur te/ /rdzas dang bkur 'os kun gyis mchod/ /de yis grags pa bsgrag bya zhing/ /lus srog longs spyod kun bsrung zhing/ /lus srog longs spyod kun gyis bsten/ /mngon sum du 'am lkog tu yang/ /dge ba bsgo ba'i bka' las ni/ /nam du yang ni 'da' mi bya/ /de la sems kyi mngon phyogs shing/ /kun tu de yi sems bsrung ngo/ /longs spyod rnams las dang por te/ /nyin re 'am zla ba lo la sogs /dus 'das bla ma ma bsten par/ /grub par 'dod pa'i sgrub pa ni/ /smig rgyu'i chu la 'thung 'dod cing/ /phub ma brdungs las 'bras 'dod dang/ /rgya mtsho'i chu la mar bzhin no/ /byas par nges par bsten dgos na// rgyal mtshan dge 'dun la phul te/ /khyim pa'i cha lugs gnas byas nas/ /'bad ? bla ma mnyes par bya/ /de yi mtshan nas mi brjod cing/ /grib ma 'ang 'gom par mi bya la/ /phyag rgya mthong bar gyur pa na/ /khengs pa'i lta bas lta mi bya/ /brnab

  503. 252a

    sems kun tu spang ba dang/ /thal sbyar zhes dang bcas pas/ /tshig brjod kun tu bda' bar bya/ /don rnams thams cad sgrub pa dang/ /'jig rten spyod dang mi mthun pa'i/ /las la slob dpon gnas na yang/ / bdag nyid 'khrul zhes bsam pa'am/ /bsam mi khyab dran gus ldan pas/ /rtag tu de dang 'bral mi bya/ /na ba la sogs bsgrub dka' dang/ /mi dge la sbyor tshig dag la/ /bdag par gsol te btang snyoms bzhag /de ltar bya dang bya min pa/ /thams cad du ni brtags byas nas/ /nyes ba kun dang bral bar sbyang/ /rtsa ba'i cho ga'i rnam par bye ba ste dang po'o// //dngos grub thams cad 'byung ba'i gnas/ /lnga bcu rtsa gnyis sbyor ba las/ /grub pa pas? ni gzung bar bya/ /de la rdo rje slob dpon sogs/ /dor ba'i kha na ma tho ba/ /lce dang yang dang dag pa dang/ /cha 'dra ba ni shes par bya/ /yul bsam sbyor ba'i bya brag dang/ /dus dang nyes pa lan grangs dang/ /zla ba dang ni bkra shis nyid/ /de ni rim par rnam phye ba/ /dbang sogs slob dpon rim par gnas/ /bla med rgyud sogs de bzhin te/ dbang sogs spyan ni des par gzung/ /sbyor dang sdong bs dor ba yis/ /yon tan sdug bsngal zhing khyad dang/ /mnar sems tshul mindor ba las/ /sdom gsum mi yi 'gro ba dang/ /gcig gnyis gsum gyi mthar thug par/ /don dam lhag bsam thig le'i gzugs/ /rnal 'byor chen po sogs rim ltar/ /thams cad nyams kyang ma rdzogs par/ /dbang bzhi po ni 'dzin pa yi// snod ni rab tu brtags par bya/ /gang zag chos la bdag med dang/ /rnam rig shes pa'i rang bzhin las/ /rim par gyur te rang bzhin dang/ /rkyen dang dregs pa'i bdag nyid dang/ /rtag la sogs pa'i rang bzhin rim/ /dad sogs chen po chung du'i mdza'

  504. 252b

    bsrung dang bsten pa bza' ba shes/ /gnyis gsum? rig pa'i brtul thugs ldan/ /yul gyi sbyor ba la brten nas/ /mnar sems chags rmongs che sogs rim/ /mnar sems 'khrug dang mdud par 'dzin/ /bskam dang chags dang 'dod par dga' / skur 'debs log rtog rmongs pa rnams/ /gsum gnyis gcig gi lus ngag yid/ /sbyor pa'i nyes pa rab rdzogs byed/ /gcig gnyis gsum gyi lor gnas las/ /dus kyi che sogs rnam par bzhag/ rnam dag thos bsam bsgom pa'i dus/ /srog dang lus dang longs spyod dang/ /ltud dang spom lci nyes byas ri mo/ /srog sogs nyes pa'i khyad par shes/ /byang chub srog dang lus kyi rim/ /yul gsum bral dang bla med sogs/ /dor dang sbyugs dang ngan du brjod/ /zab dang dbang sogs cho ba'i mdza' i/ /gsang dang ma rungs ngan du sems/ /phyal cher mi bden snyam dang bden/ /'phel dang dga' dang btang snyoms dang/ /yul las rim par zlog pa dang/ /ldog dang mi 'jug ma dad dang/ /yul dang bral dang srog sogs rim/ /gcig gnyis gsum las nges par skyes/ /de ltar lag pa mda' dang mig nges par sbyor ba sogs 'byung shes/ /lha yi tshul sogs thams cad la 'ang/ /sbyor ba rnams ni brteg par bya/ /na dang dbang nyams bya ba dang/ /gzhan gyi don dang don chen dang// skye med brtan pa dgos ldan dang/ /nus pa rnyed dad gnas pa dang/ /bka' bsgo ba dang bar chad dang/ /nyes pa med par shes par bya/ /ji srid ltung ba ma spyad cing/ /gong ma'i yon tan mngon ma gyur/ /bslab dang 'gal ba'i las mi spyad/ /dam tshig rtog las ma grol ba/ /de srid sbyor ba nges par gnas/ /sgra sogs nyan dang 'chad pa dang/ /nyan thos sogs bka' rang rgyal sogs/ /dri chen sogs te nyan thos sogs/ /ma gus byol song gzhan gyi lus/ /thabs kyi lam dang dregs par ldan

  505. 253a

    kun rdzob brjod bcas dad brtan dang/ /bgrang 'phreng sogs dang bud med rnams/ /yul gyis 'dra bar shes par bya/ /slob dpon dang ni slob ma dag/ 'khon 'dzin gus pa rnam par bral/ /sdom gsum 'dzin pa'i blo med cing/ /dgongs pa'i don shes mi byed cing/ /shar gnyen don la skyo sems dang/ /chags dang 'dod pas bstod las bzlog/ 'dod don gnyer dang mchod yul du/ /dad pas 'du shes mi 'jugu cing/ /bdag med gus pa rnam spangs dang/ mel tshe 'dul bar mi sems te/ /dman la gus pa'i blo bskyed cing/ /'dod phyir gzhan sems bsrung blo med/ /mdan? bsrung ba'i blo bskyed dang/ /phyag rgya mi mthun log blor byed/ /bsams pas thams cad 'drar shes bya/ /srog sogs 'tshe las ma bzlog dang/ /bsam bzhin du ni ma bshags dang/ /sbyor ba log par byed pa dang/ /tho brtsams pa dang chags sbyor dang/ /cung zad ba dang tshul min zhes/ /lam dang rgyan po 'gyed sogs sar/ /chad dang cung zad ngal la sogs/ /the tshom za zhes mngon brjod dang/ /dan du smra las zlog mi byed/ /dngos po bden zhes mngon brjod bya/ /grogs dang kha zas bag yangs dang/ /drag po'i sbyor bam spas pa/ /mtshan ma 'gom dang ming brjod dang/ /bud med phan tshun mi smra ba/ /rig ma la khengs sems dman pas/ /gtam gyi sbyor ba ma byas pa/ /nyes pa dag ni 'dra bar 'gyur/ /chung du'i nyes pa yun ring po/ /che dang kun la 'dra ba yin/ /de ltar nyes pa'i rnam pa kun/ /'phel dang ltung sogs rab rdzogs pas/ /lo gcig dang ni thun mtshams las 'gyur bar rnal 'byor pas shes bya/ /nyin mtshan kun tu rab bsgrims nas/ /nyes pa'i gnas ni shes par bya/ /gal te ltung sogs byung gyur na/ /yi ger brgyas ni byin gyis brlab/ /ji srid dus las ma 'das par/ /dag pa'i las la nyer

  506. 253b

    gnas bya/ /'gyod bcas nyer ba 'phel mi 'gyur/ /gnyen po'i dge las ma g.yos na/ /sman pa'i gnas ni bsgrubs pa min/ /mchog gi sems ni sngon 'gro bas/ /rang gis lam ni nges par gzung/ /lam bral mnar med sogs 'gro bas/ /sngags pa rtag tu bag med par/ /nyes pa btang snyoms mi bzhag cing/ /bag yod pas ni kun tu bsgrub/ /bla ma dang ni grogs po dang/ /tshangs par mtshungs par spyod rnams dang/ /kun tu lta bas dam tshig gzung/ /slob dpon la sogs dam tshig la// 'tshe ba phrogs la sogs pa yis/ /yan lag gtso bo byung gyur na/ /lhag par nyes pa 'phel 'gyur bas/ /dngos de byin gyis brlabs nas ni/ /'bad bas myur du spyad par bya/ /sgom sogs phra ba'i phra ba mthar/ /nyes pa rtag tu bsam par bya/ /sgra tsam la ni rab gzhol ba'i/ /sngags pa mnar med sogs 'gro bas/ /ra ni sngags pa zhes sgrogs shing/ /gsang ba'i lam la brten nas kyang/ /tshul khrims yal bar dor mi bya/ /dkar po'i gos la rab gnas te/ /ngo tsha rnam par dor nas su/ /log par g.yem la mngon par zhe na/ /du 'bod sems can dmyal bar ltung/ /yul min pa la drag shul dang/ /'dod pa yis ni ma byin len/ /gzhan dang byang chub don med par/ /rdzun dang phra mtshig rtsub par/ /smyo sogs glu dang bre mo'i gtam/ /sems can rnams la rab sdang dang/ /gzhan gyi rdzas la bdag gi ri? sems /skur 'debs lam la log 'dzin pa/ /mnar med sogs par ltung ba'i rgyu/ /sngags pas rtag tu spang bar bya/ /nus pa brtan pa mthob cing/ /'du ba'i dzas las ma gtogs pa/ /chang gis bag med byed pa dang/ /rang nyid shi dang smad pa dang/ /bdag la ma byin ma blangs par/ /snod du ltung las ma gtogs par/ /sha za kha na mthong 'gyur/ /bstan pa'i don las ma gtogs par/ /rigs brgyud rab tu

  507. 254a

    'phel 'dod dang/ /na chung bde la brkam pa yis/ /sngags pa rtag tu nyams par 'gyur/ /sems brtan tshul la bshad mthong nas/ /nga ni sngags pa mchog zhes te/ /dge slong la sogs phyag mi byed/ /brtul zhugs 'dzin pa'i phyag la sogs/ /rmongs pa gang zhig dang du len/ /rung smrig gos la sogs pa rnams/ /mal stan la sogs longs spyod du/ /byas na sngags sogs 'grub mi 'gyur/ /dge slong gsang ba 'dzin 'gyur cing/ /khan mi tho rnam spangs pa/ /'jig rten gsum gyis phyag rgya'i 'os/ /theg gsum thos pa 'dzin pa dang/ /sdom pa gsum la rab gnas shing/ /rnam kun nyes pa las zlog dang/ /thams cad mkhyen pa'i rgyal mtshan ldan/ /thub pas rgan po nyid gsungs pa/ /kun gyi nang na dge slong mchog /gang gis chos gos mthong ba na/ /bdud la sogs pa rnam skrag pas/ /de ni ston pa'i bdag nyid 'gyur/ /nga ni dge slong zhes brjod cing/ /theg pa gsum po mthos dang/ /lus ngag sdod pa ma sdams par/ /rgyan po pa bzhin gnas byed cing/ /bud med bsten pa'i lam dga' bas/ /sngags pa zhes ni rlom byed pa'i/ /brtul zhugs 'dzin pa'i 'jig rten na/ /ngan skyugs ka shigs g.yogs 'dra/ /rang gi bslad pa yi 'dzin par/ /gsang ba thos la sngon brten nas/ /lung bod? bzhin du mngon spyod pa/ /dge slong rnams dang gnas gcig tu/ /longs spyod dam pa rnams dang ni/ /bya ba gcig la dbang ba min/ /gal te de dang lhan cig na/ /dpa' bo bsgrub las nyams par byed/ /mgon po'i mtshan ma rnam spangs te/ /gal te khyim pa'i rtags 'dzin na/ /des ni de lta'i nyes mi skyed/ /lan mang nyes par gyur na yang/ /gnyen po'i stobs ni dor mi bya/ /rnam pa kun tu rab bsdams te/ /rnal 'byor la ni

  508. 254b

    brtson par bya/ /sems can kun la phan bsams shing/ /rang gi dam tshig gzung ba dang/ /mchod pa'i las la mngon brtson bya/ /ma dad pa ni spang bya zhing/ /dam tshig bzhi la rim gyis 'jug/ zas la sogs la bltos med par/ /chos kyi sbyin sogs nges par bya/ /sems can gnod pa la sogs pa/ /sdom gsum 'dzin pas rab tu spang/ /dngos sam yang na brgyud nas kyang/ /'gro la gnod pa yongs spangs te/ /rigs brgyud dam bca' brtan 'dzin pa/ /so sor thar pa in zhes bya/ /sems can don du dge songs dang/ /sangs rgyas 'bras la nyer sems shing/ /rjes gzung bya ba gang byed pa/ /byang chub sems dpa' i tshul khrims shes/ /sku dang gsung thugs phrin las kyis/ /'gro ba tshar bcad rjes 'dzin par/ /mkhas pas dam bca' brtan blangs te/ /bdud 'jom rig 'dzin sdom par 'dod/ /sdom gsum dge la rnam brten nas/ /sngags dang phyag rgya'i sbyor ba yis/ /'cho ba sgrub ba'i las mi spyad/ /rtag tu glo bur 'gron mchod de// sangs rgyas chos dang dge 'dun dang/ /gsang sngags rig ba'i tshogs rnams la/ /rtag tu mchod ba'i las bya zhing/ /shes rab pha rol phyin la sogs/ /theg pa chen po klag pa dang/ /de don bsam par bya ba ste/ /dam tshig can dang bla ma dang/ /lha rnams mchod cing sdang mi bya/ /yi ge 'dri mchod sbyin pa dang/ /klog dang nyan dang 'chad la sogs/ /dge ba'i las la mngon brtson pas/ /nyi ma don med mi bya zhing/ /glegs bam la sogs gsang ba'i tshogs/ /dam tshig med la ma sbyid te// sngags rgyud gus pas rab tu gsang/ /mtshon cha til dang tshong la sogs/ /mkhas pas rtag tu spang bar bya/ /rgyan po 'gyed dang lta ba dang/ /smad 'tshong ma dang chang la gdud/ /'jig rten smad pa'i las dang ni/ /gzhan sems mi bder 'gyur

  509. 255a

    za yi/ /lus dang ngag gi spyod pa kun/ /rab tu bsgrims te spang bar bya/ /'du 'dzi'i nang du gsang ba yi/ /chos dang ma rdzogs sems can dang/ /rdo rje'i tshig la rtsod pa dag/ sngags pa dam tshig nyams byed bas// 'bed kun tu mi bya'o/ /bzhad gad gtam gyi sbyor ba las/ /rang gi dpal nyams byed pa yi/ /tshig dag sngags pas brjod mi bya/ /dpal nyams brnyes pas ngan song ltung/ /mi snang mkha' la 'gro sogs kyi/ /dngos grub don du mi sems shing/ dbang po'i sgo ni rab sdams te/ /de bzhin kha zas tshod shes pas/ /shes bzhin du ni gnas pa ste/ /mtshan mo mi nyal mngon brtson pas/ /rnal 'byor gsum la gnas par bya/ /dus kyis mchod pa dang ldan zhing/ /chogs kyi mchod la rtag 'jug bya/ /rtag tu bla ma brten bya zhing/ /lo yi mtshon mtshams thams cad du/ /dbang bskur ba ni yang dag blang/ /maN+Dal mchod rten bskor ba'i las/ /sbyin bsreg dang ni rab gnas dang/ /'byung po che dang dman pa yi/ /gtor ma'i las la brtson byas na/ /tshe dang bsod nams 'phel 'gyur bas/ /byang chub kyi ni rgyu nyid phyir/ /'bad de de yi las bya'o/ /bsod nams tshogs kyi rgyu yin te/ /dus bzhir dge slong chos ston gsol/ /byis pa rnams la kha zas dang/ /dman pa slong la khro med cing/ /snying rjes non pa'i sems kyis ni/ /zas la sogs pa cha bgos te/ /kun la snyoms par sbyin par bya/ /so sor thar sogs sdom bcas pa'i/ /nyes pa shin tubra mo la// dpa' bos khyad du bsad min te/ /gru dang skas la 'dzeg bzhin gnas/ /chos la ser sna mi spyod cing/ /chos min pas ni brid mi bya/ /sngags pas nga rgyal cher bskyed/ /khengs pa med pa'i sems kyis su/ /kun la bran bzhin gnas byas nas//

  510. 255b

    mtshe ba med par bsgrub par bya/ /ril bu la sogs dam tshig dang/ /rdo rje phreng sogs yo byad rnams/ /gsang ba'i rdzas su rnam brtags te/ /nam du yang ni 'bral mi bya/ /tshul ldan thar ba'i bdag nyid sems/ /'jig rten na ni rnyed dka' bas// sngags pas rtag tu gus byas te/ /phyag la sogs pas mngon mchod bya/ /sdom gsum cho ga mi ldan par/ /sngags pa'i bdag nyid mi 'gyur te/ /dang po so sor thar pa yi/ /sdom pa legs par ma gzung bar/ /gsang sogs tshulu la gnas byed pa/ /thab las 'bras bskyed bzhin no/ /rtsa ba rnyed par mi 'gyur bas/ /dang po skyabs 'gro nas brtsams te/ /sdom gsum chog rab tu brtag /de ltar sngags pa tshul ldan pas/ /dngos grub la ni dogs med de/ /ston pa sangs rgyas sogs bstod cing/ /lha sogs 'jig rten kun gyis bkur/ /gzhi rnam par dbye ba ste/ gnyis pa'o// //nyon mongs pas ni zil non cing/ /gal te dam tshig las 'das na/ /sdug bsngal mang po skye 'gyur te/ /de bas dag pa'i las rnams spyad/ /ltung sogs nyes pa'i rim pa las/ /dang por bdag sems sun phyung ste/ /yul mdun snyan gsan phab nas kyang/ /gsum bslad gsum gyi sbyor ba las/ /sdom gsum 'gal ba bshags pa dang/ /bde gshegs kun gyi snying pos bya/ /dpral ba snying gar phyag rgya sngags/ /sdig pa thams cad rnam dag byed/ /phyi nang lha dbang bdud rtsis bkru/ /hUM yaM yi ge gsum gyis bsdu/ /lte bar gru gsum pa? yis bsreg/ dmigs pas stong pa mi dmigs gsum/ /rang gi cho ga bzhi yis dbang/ /tshogs ni 'du ba'i dkyil 'khor la/ /mkhyen par gsol te gnang bar nod/ /rten la smra bshags bzlas par ldan/ /zhing khams kha dge lnga ldan pa/ /cho ga bzhin du dbul

  511. 256a

    bar bya/ /che dang tse ti'i sbyor pa yis/ /sdig pa kun las rnam grol zhir/ /dus min 'chi ba 'ang bslus par 'gyur/ /de bas mchod rten las rnams bya/ /til la sdig pa'i gzugs dmigs te/ /me yi las kyis rnam par sbyang/ /nyes pa'i rim pa shes byas nas/ /gtor mas dag pa nyid du bya/ /ji skad bshad pa'i dam tshig rnams/ /gang du nyams par gyur pa des/ /rang gi lta yi snying po'i sngags/ /'bum phrag tsam du bzlas brjod bya/ yang na kha dog dbyibs med cing/ /rigs dang mtshan ma mi dmigs shing/ /rnam thar chags sogs las grol pa/ /zab mo'i bsam gtan nyid dmigs bya/ /yang na bshad sogs rgyar tshud cing/ /rang gi las kyis 'chi 'gyur dang/ rkyen zad pa yi sems can rnams/ /dag pa'i don phyir srog bskyab bya/ /gzhan yang mdo sogs gsang ba'i bka' / /ma lus pa ni klag pa dang/ /mchod cing rab tu gnas byas na/ /sdig pa kun dang bral bar 'gyur/ /me dang chu dang sbrul gdug dang/ /seng ge stag dang chom rkun dang/ /glang chen smyo dang sha za dang/ /bkren dang rgyal po'i chad pa dang/ /nang dang spa bkod zhum pa dang/ /'dod bral grags pa ma yin dang/ /skal ngan rab tu 'jig byed cing/ /bgegs med 'tshe ba med pa dang/ /sangs rgyas kun kyis rab dgongs shing/ /rdo rje 'dzin rnams bsrung ba dang/ /zhi sogs mi snad la sogs dang/ /rdo rje ye shes 'thob byed cing/ /skye po kun gyis bkur 'gyur ba/ /de lta'i yon tan 'thob byed pa'i/ bla ma la ni bkur sti dang/ /rnyed pa dang ni rim gro dang/ /gus pa chen pos rab bsten nas/ /sdig kun rnam dag bdag nyid 'gyur/ /dpa' bos don yod rdo rje can/ /bsnyen sogs rim pa sngon 'gro bas/ /chog rab tu rdzogs byas

  512. 256b

    nas/ dkyil 'khor bzhengs te bdag 'jug go /yang na chu yi nang zhugs dang/ /yang na mig btsum gyur pa 'am/ /yang na sku gzugs la bltas te/ /rgyal ba'i tshogs la rnam gtad nas/ /stong phrag lngar ni sangs rgyas kyi/ /snying po rab tu bzla bar bya// dkar po'i brgyad dang bco lnga la/ /dag pa'i bdag nyid byas nas kyang/ /rgya chen mchod pa sngon 'gro bas/ /bzlas brjod bstan pa byas nas ni/ /sdig pa thams cad rnam dag par/ /rgyal ba dam pas gsungs pas na/ /the tshom dang ni bral 'gyur bas/ /sngags pas rtag tu spyad par bya/ /mtshan mo mi nyal rnal 'byor gyis/ /mkha' la rgyal ba'i tshogs dmigs te/ /phung po gsum pa'i mdo sde dag /gal te cho ga bzhin spyad na/ /kha na ma tho sbom po yang/ /zla ba gsum gyis rnam dag par/ /thub pas gsungs par shes byas te/ /dad pa yis ni kun tu spyad/ /sangs rgyas kun gyi sku gcig po/ /pad dkar zla ba'i dbus gnas shing/ /rdo rje dril bu rgyan spras pa'i/ /rdo rje sems dpa' legs dmigs shing/ /yi ge brgya pa chog bzhin/ /nyi shu rtsa ni re re bzlas/ /ltung sogs byin gyis brlabs gyur pa/ /'phel ba ru ni mi 'gyur zhes/ /grub pa mchog rnams kyis bshad pas/ /thun mtshams su mi spyad par bya/ /'bum phrag tu ni bzlas gyur na/ /rnam par dag pa'i bdag nyid 'gyur/ /rang gi lha yi rnal 'byor gyis/ /dag pa'i bla ma brtan byas te/ /sku ngar gsung thugs rgyal ba yi/ /rdo rje bzlas pa nyer gnas na/ /rnam dag lam gyi rang bzhin 'gyur/ /sems ngal sogs nas rang gi lus/ /bdag po'i rang bzhin gnas byas te/ /'khor lo drug gam bzhi gnyis gcig /char bya rkyang ba'i gnas nyid las/ /bde sogs rnam par yang dag gnas/ /dag pa la dmigs dag par 'gyur/ /rdo rje 'khor lo rin chen dang/ /ral gri 'phra ba'i bdag nyid bsam//

  513. 257a

    sems brtan tshul la gnas byas na/ /sdug bsngal bskyed rtsa kun las grol/ /mdor na lus rog spyod pa kun/ /rab tu bsgrims dang ldan pa yi/ /gnyen po'i sdom pa la sems shing/ /mchod sogs rnal 'byor tshul ldan na/ /nyes pa kun dang rnam bral zhing/ /dpa' pos lam ni rdzogs par byed/ /rtag tu bag med par gnas na/ /nyes pa chung du phra mo yang/ /sbrul gyi mche pas btab bzhin du/ /lus ngag sems ni nyams par byed/ /de yi dbang gis sdug bsngal dang/ /'tshe ba dag ni 'byung 'gyur zhing/ /lam las nyams pa nyid du 'gyur/ /de bas na rdo rje slob dpon nas brtsams te rims kyis lce'i? rnams shes par bya zhing dri ma las ldang bar bya'o/ /las kyi dkyil 'khor gcig tu zhugs pa la sogs pa'i nyes pa phra ba'i phra ba rnams kyang rnal 'byor pas yal bar dor bar mi bya'o/ /gzhan du drang srong chen po b+hi sha mi tra dang/ /rig sngags 'chang gi slob dpon gzhon nu'i sde dang/ /rgyal ba'i zhabs dang/ rin chen ldan dang/ bram ze bzang po'i bshes gnyen la sogs pa rnams chos thams cad rang bzhin gyis rnam par dag pa ni log par rtog pa dgag pa las blang par bya ba ma yin te/ /sangs rgyas ni bsod nams kyis nye bar bsgrubs pas so/ /lam bskyed pa'i rim pas tha mal pa'i dngos po spangs te/ gzugs kyi skus sems can rnams kyi don byed pa ni/ yang dag par rdzogs pa'i sangs rgyas nyid du 'gyur bas lha'i rnam pa dang spyod pa phyin ci ma log par bsgrub par bya'o/ /zhes zer ba dang/ gzhan yang bram ze stong nyid blo dang/ kha che'i mkhan po rab snang byed dang/ A nanda badzra dang /dge snyen sid+d+hi kar dang/ mkhas pa chen po dpal gyi seng ge dang/ snang mdzad rdo rje dang/ dge slong theg dpal dang/ legs sbyin bzang po dang/ dpal sham thabs

  514. 257b

    sngon po can dang/ /dge slong ma dga' mo la sogs pa rnams bskyed pa'i rim pa dang/ /spyod pa'i tshul gsungs pa ni chad par smra ba dgag pa dang/ rten 'brel gyis rten 'brel gyi 'bras bu grub pa dang/ /zab mo'i don gyis 'jig pa'i 'jig rten pa rnams re zhig gzung ba'i thabs su gsungs pa las yang dag par rdzogs pa'i sangs rgyas nyid ni gnyis su med pa'i ye shes bsam gyis mi khyab pa ste de ni mi mthun pa'i rgyu las skyes pa ma yin pas 'dir stong pa nyid mtshan ma mthong pa bsam gyis mi khyab cing spros pa rnam par chad pa ni rnal 'byor pas mi bsam pa'i tshul gyis bsten nas 'bras bu'i mchog dang ldan no/ /zhes zer pa ni re zhig phyogs tsam mtshon pas zhugs pa ste/ yang dag par rdzogs pa'i sangs rgyas kyi lam nges par rnyed pa ma yin pas de'i phyogs su rnam par lta pa dang bral bas gnas par bya ste/ lta ba'i tshul spros pa dang bral ba rtogs pa dang/ rdzogs pa'i rim pa'i ting 'dzin la rim gyis 'jug pa dang /dam tshig rnams nye bar bsten pa dang/ rim gyis 'jug pas spyod pa'i tshul shes pa rnams ni theg pa mchog la nges pa skyes pa ste /rdo rje 'dzin pa'i lam gyis de nyid mngon du rtogs nas 'dod pa'i don dang ldan par 'gyur bas/ /lam gyi rim pa dang sbyar te chu la gnyis dang ldan pa 'di nye bar gzung bar bya'o/ /rdo rje theg pa la rab tu zhugs te dngos po la mngon par zhen pa dang/ rten cing 'brel bar 'byung ba'i lam khyad du bsad nas dge ba la mi sbyor bar gnas pa dang/ dus dang dgos pa la sogs pa la mi? bltos par rang bzhin dang bcas pa las 'da' bar byed pa dang/ gzhan ma dad pa bzlog par mi nus pas yul gyi spyod pa dang 'gal bar byed pa dang rang dbang med pa dang/ don chen po gtso bor byas pa las ma rtogs par rang gi rnal 'byor

  515. 258a

    dang spyod pa'i tshul 'dor ba ni tshul ma yin pas gnas te/ de de bzhin gshegs pa'i bka' las 'das shing ltung ba dang lhan cig pa zhes bya bar 'gyur bas/ 'bras bu las nyams pa'i bdag nyid yin te 'bad pa'i dam tshig las ma nyams pa'i tshul gsum gyis 'gro bar bya'o/ /dag pa'i cho ga rnam par phye ba ste gsum pa'o// //sdig pa thams cad rnam dag cing/ /rgya cher 'bras la nyer sbyor ba/ /rnal 'byor spyod pa'i cho ga rim dag /nya sogs brgyad la rab tu spyad/ /grags sogs bsam pa dor nas su/ /dben pa 'am sum rim khang pa ru/ /bgeg bsal shis pa rab brdzod nas/ /'byor pa thams cad yongs su brtag /de nas las kyi rdo rje yis// pa yi rnam lngas legs byugs te/ /dam tshig che dang ldan byas nas/ /shing shun la sogs dri bzang dang/ /tsan dan sogs pas chag chag gdab/ sa ni le tser? byas nas kyang/ /kha dog sna tshogs pa yis ras/ /pad+ma'i ri mo dang ldan pa/ /thams cad kyi ni gdan du sbyin/ /dbus su dpal ldan na ra li/ /lags pa ma nyams pa'i gdan/ /shar dang me la khyi yi ste/ /lho ru rta nyid dpa' pos gsungs/ /nub du glang chen ldags pa ste/ /byang du ba lang nyid yin no/ /sad na thams cad mi yi bsngags/ /de lta bu yi stan dang ni/ /shing dang nya phyis dag dang ni/ /nar ke las yi snod/ /mi yi thod pa dag bsham mo/ /thun mong snod ni thod pa ste/ /yang na thams cad la yang shing/ /rgyan dang cha lugs 'chang ba yi/ /dbyug sngon po ni sgo la dgod// phyi dang nang dang thams cad du/ /las kun byed pa thab sbyor te/ /rnal 'byor ma yi cho ga la/ /sgron ma la sogs nye bar dgod/ /dri yi chus ni khrus bya ste/ /las kyi rdo rjes yongs bskul nas/ /rim gyi sgo drung 'ongs

  516. 258b

    nas kyang/ /rnal 'byor ma dang bdag thong sogs/ /dbyug sngon po la gsol btab nas/ /'du ba'i khang par legs 'ongs te/ /slob dpon la ni phyag byas pa/ /bsgo ba thos nas gral la 'khod/ /dpa' bo dpal mo rnams rdzogs nas/ /re re yi yang mdun nyid du/ /dkyil 'khor rdzogs par dbul par bya/ /de nas las kyi rdo rje yis/ /rab dang bas ni phyag byas nas/ /kun nas gsol pa gdab par bya/ /sems can don du sems dge pas/ /rnal 'byor rnal 'byor ma rnams kun/ /tshul bzhin chog ldan pa yis/ /rnal 'byor la ni nyer gnas mdzod/ /de rdzas rdo rje slob dpon gyis/ /chags dang de bzhin sdang ba dang/ /khengs pa med pa'i sems kyis su/ /mgon po rdzogs sangs rgyas kun dang/ /rnal 'byor ma rnams rab mnyes kyis/ /kun la dga' dang ldan par mdzod/ /de ltar rjes su gnang thob nas/ /dam tshig thams cad dran byas te/ /yi ge brgya pa mngon brjod cing/ /rnam kun dag pa'i bdag nyid bya/ /dpa' pos bsrung pas brtan byas te/ /rang gi cho ga yongs rdzogs par/ /g.yeng ba med pa'i sems kyis su/ /de nas rab tu bzlas byas te/ /lha rnams cho ga bzhin du mchod/ /de ltar bya ba brtan byas nas/ /tshogs kyi longs spyod thams cad ni/ /las kyi rdo rjes 'dus byas te/ /'bar 'bud sogs kyis byin gyis brlab / phung du 'ong ba legs dmigs te/ /bla ma mchog rnams rab tu mchod/ /de nas dkyil 'khor dbang po sogs/ re re nas ni mchod par bya /bla med rgyud kun las byung ba'i/ /rigs ni sum cu rtsa drug lha/ /bdag po'i ming ni mngon pas te/ / 'khor dang bcas shes brjod nas mchod/ /'jig rten gsum na rab gnas pa'i/ /sngon du grub pa thams cad la/ /me tog ro yi mthar thug pa/ /shis pa'i don du mchod par bya/ /de nas zhing skyong la sogs pa'i/ /chen po rab tu mchod byas la//

  517. 259a

    rnal 'byor rnal 'byor ma rnams ni/ /dang por me tog sngon 'gro bas/ /mngon mchod de nas gzugs la sogs/ /rang rang gi ni sngags brjod nas/ /go rim bzhin du dbul bar bya/ /dur khrod rgyan dang ldan pa yis/ brda skad ces ni mngon brjod do/ /dpa' mo rnams kyis longs spyod phyir/ /skyes pa'i thod pa cha gcig par/ /ma da na ni rab tu brtag /dpa' bo rnams kyis longs spyod phyir/ /g.yas pa rtse gsum phyag rgya yis/ /sha chen po ni legs gzung ste/ /g.yas g.yon steng 'og tu byas nas /tshig 'dis dam tshig rab tu brtag /gzigs shig mdzes pa dam pa'i chos/ /'di la the tshom mi bya ste/ /bram ze khyi dang rdol pa rnams/ /rang bzhin gcig tu rtogs la zo/ /sku gsung thugs kyi yi ge las/ /so so ru ni mngon brjod nas/ /a la la ho mthar swAhA/ /dpa' po bsam gtan brtan 'dzin cing/ /pad+ma'i skor ba sngon 'gro bas/ /g.yas g.yon steng 'og byas nas ni/ /tshig 'di yis ni blang bar bya/ / 'dod chags dri ma bral ba yis/ /rin thang med pa legs 'ongs chos/ /gzungs dang 'dzin pa rnams spangs pa/ /de kho na la phyag 'tshal lo/ /'bru gsum po ni mngon brjod cing/ /gtso bos snang ba byin nas ni/ /dpa' bo rnal 'byor ma rnams kyi/ /rang gi longs spyod gang yin pa/ /so sor rab tu spyad byas nas/ /de nas kun la thun mong ngo/ /chad ni dpa' mos ma sbyang bar/ /dpa' po la ni skal med de/ /shal de bzhin dpa' bos so/ /go rim bzhin du spyad bya zhing/ /ro yi longs spyod mthar phyin nas/ /chags bral 'jig rten chos dor te/ /'dod pa'i bstan bcos las byung ltar/ /gnyis ka'i longs spyod la rab gnas/ /phan tshun dam tshig gtam smra zhing/ /dga' ba'i sems kyis 'ongs pa dang/ /dor na rtsa ba

  518. 259b

    nyams 'gyur bas/ /'bad pas dam tshig legs dran bya/ /longs spyod gsum po nyid med par/ /tshogs kyi bya bar 'gyur ma yin/ /bla mas rjes su gnang min par/ /glu dang gar sogs mi bya'o/ /ji ltar mchod dang longs spyod dag /tshim pa ru ni ma byas par/ /bre mo'i gtam dang 'du 'dzi'i sems/ /rnam pa kun tu mi bya ste/ /byas na dmyal sogs 'bras thob 'gyur/ /mchod tshe bshud dang du 'bod de/ /sred pas yi dags nges par 'gyur/ /rang gi gsan gtan bral gyur na/ / dud 'gro'i gnas su ltung phyi dang/ /bsam pa rab tu brtan pa yis/ /sku gsung thugs kyi rdo rje dang/ /sa gsum po ni rab tu mchod/ /ji srid gtor ma ma btang bar/ /'khor lo'i phyi rol 'gro mi? bya/ /gang du dpa' bo rnal 'byor ma/ / byas la/ /'dod pa'i las ni rab tu bsgo/ /yi ge brgya pas brtan byas/ /rab tu dang ba'i sems kyis ni/ /'dod pa'i yon tan thams cad ni /legs par gsol ba gdab par bya/ /bzod par gsol ba sngon 'gro bas/ /thams cad kyang ni gshegs su gsol/ /bsod nams yongs su bsngos byas te/ /dga' bas rab tu gnas par bya/ /tshogs kyi cho ga'i rnam par phye ba ste bzhi pa'o// //dkyil 'khor gyi ni las rnams la/ /sa gzhi bgegs bral yid 'ong bar// khru gang tshad du sa bcad de/ /'thas shing srog chags med par bya/ /dag byed lnga ni legs bskol bas/ /snyoms par byugs te rab tu mnye/ /sor ni nyi shu bzhi ldan par/ /dkar dang ser dang de bzhin dmar/ /sngo dang ljang khu rdul med pa/ /nyer byug

  519. 260a

    de la rin chen nam/ /'bru mar me tog skyon bral bas/ /ri dang gling dang nyi zlar bcas/ /zhing ni rab tu dag byas nas/ /'khor lo rin chen rta glang po/ /dmag mi khyim kyi bdag po dang/ /bud med rin chen rang gi lus/ rang gi yon tan kun ldan par/ /rnam bkod mgon po la rab dbul/ /dag pa'i sa la bdag gnyis dang/ /rin chen bdun ni bkod pa 'am/ /dag pa'i zhig ni bco lnga dang/ /lus ngag yid dang 'dod pa'i tshogs/ /lnga ni rab tu dbul ba dang/ /rdo rje pad+ma rA ga dang/ /mrgad dang ni karke ta/ /chu shel sbug dang baiDUrya/ /dbang sngon po dang ldan par dbul/ /dung dang dung chen pad+ma dang/ /pad+ma che dang bum pa dang/ /gter dang 'dod pa'i ba nyid dang/ /dpag bsam shing chen rab rgyas pa/ /dpa' bos mgon po la rab dbul/ /ri dang nyi zla gling bzhi po/ /badzra re ge hUM brjod nas/ /dag pa'i sems kyis dbul bar bya/ /sman dang rin chen ma gtogs par/ /lan mang du ni dgod mi bya/ /mu yi sngags ni sngon brjod pas/ /gtsang ma'i gnas su dor bar bya/ /dpa' mo mchog gi sems dmigs nas/ /rang gi lha yi bsam gtan gyis/ /sa ni skyon dang bral gyur pa/ /bskos te rab tu sbyar bar bya/ /rin chen dri yis chur bcas pas/ /gong bu dag ni sngon byams nas/ /sngags 'dis byin gyi brlabs par bya/ /na mo b+ha ga ba te bai ro tsa na pra b+hA rA dzA ya/ ta thA ga tA ya/ arha te/ saM myak? saM bud+d+ha ya / tadya thA/ oM sAk+Sh+me sUk+Sh+me saM me saM ma/ shAn+te dAnde/ a sa mA ro pa/ a nA lam+be / tar ma be ya sho pa ti ma hA te dza ni dA ku le/ nirba Na sarba ta thA ga ta h+ri da ya/ a d+hiSh+Thi na/ a d+haSh+Thi te swAhA/ nyi shu rtsa gcig mngon brjod pas/ /sku yi de nyid rab dran bya/ /de nas dum bu ci rigs par/ /chos gang rgyu 'byung sogs

  520. 260b

    brjod nas/ /rgyar ni rab tu gdab par bya/ /de nas mgon po rnam snang dpal/ /gang chen mtshor ni legs dmigs nas/ /mchod de me tog rab tu dor/ /'gro ba gzung phyir gsol btab nas/ /rgya cher yongs su bsngo bar bya/ /chos gang rgyud 'byung la sogs pa/ /thams cad du ni bsngags par bya/ /des ni 'gro ba'i 'tsho byed cing/ /sdig kun rnam dag byed pa dang/ /las dang yang dag grub ster ba'i/ /las la dga' dang ldan pa yis/ /sngags pas rtag tu 'bad par bya/ /gang du yid 'jug bgegs spangs pa/ /dkar zhing snum pa'i sa gzhi la/ /bslang dang mchod pa sogs byas te/ /zlum po khru gang tshad byas la/ /sor ni bcu gnyis rab tu bsko/ /sor gnyis skyed de bzhi yis yang/ /legs byas shin tu dkar par byug/ / phyi nas pad+ma'i phreng byas te/ /dbus su pang dbus pad dkar nyid/ /steng du rdo rje 'am pad dkar phreng/ /yid du 'ong ba bri bar bya/ /sgo dang rta babs dang ldan par/ /re gas yongs su bskor bar bya/ /ku shas g.yas skor nyid byas nas/ /tsanda sgron shing n+ya gra d+ha/ thang shing la sogs 'o ma can/ /thab kyi dbyibs bzhin cung zad dma'/ /yam shing sor ni bcu gnyis la/ /lo ma me tog dang ldan zhing/ /tsan dan dkar po'i chus btags te/ /dkar po'i snod du legs par bzhag /mchod yon zhal ? la sogs dang/ /til dang yung kar 'bras chen zho/ /zan dang 'o ma ku sha dang/ /dur ba 'bras dang nas dang gro /so ba dang ni ma sha sogs/ /dngul sogs snod du legs par bzhag /bram ze 'am dge 'dun khyim las kyes/ /me ni rlung yab kyis sbar zhing/ /rig byed yi ge sngon 'gro bas/ /dzwa la dzwa la hUM zhes brjod/ /thab ni khang pa nyid byas nas/ /de dbus raM las bskyed pa yi/ /las kyi lha ni bsam par bya/ /mdog dkar zhal gcig phyag bzhi pa/ /pad dkar rab tu rgyas pa dang/ chu

  521. 261a

    shel phreng ba legs 'dzin cing/ /spyi blugs dang ni dung bsnams te/ /ra skyes pad dkar gdan la bzhugs/ /gos dkar shel sogs rgyan dkar dang/ /gos dkar zhi pas gzigs pa'o/ /legs dmigs sngags 'dis spyan drang bya/ /oM tshur sbyon tshur sbyon 'byung po che/ /lha yi drang srong bram ze mchog /bsregs blugs zhal zas pa zhes slad du/ /chen po 'bar ba'i gdan la bzhugs/ /badzra d+ha ra Adz+nyA pa ya ti swAhA/ /las kyi chu yis bsangs nas kyang/ /dgug sogs las kyi ro mnyam bya/ /sku yis de nyid sngon 'gro bas/ /mchod yon zhal gsil la sogs kun/ /swA hA dang/ ni rab ldan pas/ ma lus pa ni dbul bar bya/ /thab 'dra'i gdan la legs gnas te/ /byang gi phyogs su mngon phyogs pas/ /lag gnyis rdo rje khu tshur gyis/ /gzar bu legs par gzung nas su/ /zhi ba'i sems ni sngon 'gro bas/ /yam shing mar nas brtsams nas kyang/ /rdzas rnams thams cad rab tu dbul/ /oM agna ye swAhA/ til ni grangs mthar tshang bar bya/ /dad pas me ni 'bar byas nas/ /de nas rang gi lha rnams ni/ /rang rang gi ni cho ga ltar/ /bskyed dang spyan drang sogs spyad nas/ /mchod de yam shing mar la sogs/ / snying po zhi ba'i las rab bskul/ /dgang blugs bdun ni kun tu dbul/ /me yi lha la las kyi sngags/ /oM sarba pA ba daM ha na badzra ya/ sarba pA paM shAn+tiM ku ru swAhA/ /lha ni gshegs gsol la sogs pa/ /spyad byas me'i lha rab mchod las dang dngos grub rnam bslangs nas/ /gshegs su gsol byas rab tu bsdu/ /yang na dpal ldan rdo rje sems/ /sangs rgyas kun gyi sku gcig pu/ /pad dkar zla ba'i dkyil 'khor la/ /rdo rje skyil krung gis gnas te/ /sku ni drang

  522. 261b

    po'i bdag nyid la/ /sum cu rtsa gnyis mtshan mnga' zhing/ /dpe byad bzang po brgyad cur ldan/ /dung dang kun da zla 'dra dang/ /dang po rdo rje dril 'dzin zhing/ /cod pan sogs pas rnam par mdzes/ /'od dkar zla ba la brten cing/ /sems can rnams la rab rtse'i bdag /bskyed de spyan drang mchod sogs bya/ /yi ge drug ni mngon brjod nas/ /mgon po'i las la de nas bskul/ /mthar ni las rnams thams cad spyad/ /yi ge brgya ni rab brjod nas/ /don rnams gsol zhing nye bar spyad/ /de ltar sngags dang mchod pa rnams/ /zung du ma thim pa nyid gces/ /gzer bu la sogs mi 'byor na/ /g.yas pa'i mthe bos mdza' mnan te/ /g.yon gyi sor mo lnga gzhibs nas/ /mchod sbyin rab spyad de nas ni/ /ci bde bar yang gsungs pa nyid/ /yang na thab khung la sogs pa/ /bri ba la sogs bde bar spyad/ /mar dang til dang yams shing rnams/ /med par sbyin bsreg las rnams ni/ /zhi sogs dag pa nyid mi 'gyur/ /de bas mkhas pas tshul shes pas/ cho ga thams cad spyad par rigs/ /thams cad du ni sems dge bas/ /spyod bcu rab gnas bdag nyid bya/ /sems dge rab tu bsgrubs pa yis/ /las rnams thams cad don chen du/ /'gyur bar gsungs pa shes byas na/ /byang chub sems ni sngon 'gro bas/ /nyin dang mtshan mo nam du yang/ /dus 'das don med mi bya ste/ /sbyang dang tshogs ni 'phel bar bya/ /sa gzhi yid 'ong bdag can bu/ /sems dge me tog sil mas bkang/ /gdan la sogs pas rab brgyan to?/ /sku gzugs gsung rab mchod rten dang/ /rdo rje dril bu rig la sogs/ /yid du 'ong ba legs par dgong/ /de la phyag sogs gus byas te/ /mchod yon zhal gsal me tog sogs/ /mar me dri dang bza' ba dang/ /sgra dang gar dang glu dbyangs rnams/ /rgya cher

  523. 262a

    rab tu dbul bar bya/ /de ltar dge ba rnams brten nas/ /yang dag yid du 'ong ba rnams/ /'byor ram yang na sbrul pa yis/ /nam mkha' gang bar byas nas kyang/ /yon tan ldan pa thams cad du/ /tshad med sems kyis dbul bar bya/ /de ltar dge la rnam brten nas/ /dpag med 'gro ba'i don gyi phyir/ /chad med bsam gyis mi khyab pa'i/ /'bras bu yongs su bsngo bar bya/ /sbyin pa dang ni yon gnas dang/ /bdag dang rdzas dang 'bras bu dang/ /rang dam gzhan nam gnyi ga 'am/ /sgyu med par yang skye min pas/ /rang bzhin gyi ni mi dmigs shing/ /snang ba med pa'i bdag nyid la/ /sems ni brtan par rab tu bzhag/ de las langs nas sems dpa' mchog gos pa med cing dri ma bral/ /'khor ba dag pa'i chos brjod bya/ /de ltar gnas pa'i mi mchog ste/ /tshangs dang dbang phyug dbang po dang/ /khyab 'jug dang ni gzhon nu dang/ /dga' byed nor sbyin la sogs pa/ /dregs pa chen po dang ldan pa'i 'jig rten skyong ba thams cad kyang/ /brtse dang ldan pas bspung ba dang/ /don grub rtag tu phyi bzhin 'brang/ /man ngag shin tu rnyed dka' bas/ /de yi lag na nye bar gnas/ /sa steng grags pa dang ldan zhing/ /dgos pa thams cad yid bzhin du/ /skye bo mang pos rab tu sgrug /dbul ba dang ni sdug bsngal dang/ /nad? dang bkren pa nyer zad byed/ /dag byed sgrub pa'i pho nya dag /'bad pa med par mdun du gnas/ /de yi spyod pa mi nyams shing/ /rnam gsum grol ba'i bdag nyid 'gyur/ /de ni skye bos mthong gyur na/ /sdig pa thams cad rab zhi zhing/ /thar pa'i lam la 'jug par 'gyur/ /las kun 'bras bu dang ldan zhing/ /mtho ris mi yul sa 'og tu/ /spyod cing sems can rjes 'dzin bde/ /?

  524. 262b

    gsum sa la rdo rje 'dzin/ /rgyal mchog de ni chags shing gnas/ /'khor ba'i rgya mtsho srid pa'i rba rlabs drags po dang ldan zhing/ /nyon mongs sbrul dang chu srin sogs ni gdug pa'i mtshe bar ldan/ /tshe ni mi rtag dbang med rnam rtog rlung gis g.yos mthong nas/ /dpal 'byung 'chi med dam pa'i chos la 'bad pas nyer gnas gyis/ /dri med lung las bshad mthong mgon pos rjes bzung bas/ /kun bzang spyod la snang ba rab skyes dga' dang ldan/ /log par ltung la nyer phyogs 'gro la rnam brtse bas/ /snying po rgyan gyur cho ga rgyud kun tshul 'di byas/ /dad pas nyer bsgrubs skyon bral dge ba rnams rgyas pas/ /'gro bas lam rtogs dri med 'bras la nyer gnas shog /dad pas spyod pa'i tshul byas la/ / don dang sgra yig 'khrul gyur pa/ /bla ma mkha' i 'gro grub kun gyis/ /nyer brtser bdag la bzod par mdzod/ /gsang ba thams cad kyi spyi'i cho ga snying po rgyan ces bya ba/ /slob dpon 'jam dpal grags pas mdzad pa rdzogs so// / bal po'i mkhan po ka na ka sh+rI dang/ lo tsA ba chos kyi shes rab kyis bsgyur ba'o/ /slad kyis rgya gar gyi paN+Di ta ha sye badzra dang/ lo tsA ba dge slong nyi ma rdo rjes bsgyur? cing zhus te gtan la phab pa'o// // tshogs kyi 'khor lo'i cho ga zhes bya 'jigs med 'byung gnas sbas pas mdzad pa bzhugs/ /rgya gar skad du/ gaN tsakra bi d+hi nA ma/ bod skad du/ tshogs kyi 'khor lo'i cho ga zhes bya ba/ dpal rdo rje sems dpa' la phyag 'tshal lo/ /yang dag bde bas ma lus gang/ /dngos grub ster mdzad brtse ba can/ /rnam grol chos sku'i bdag nyid de/ /rdo rje sems dpa' la phyag 'tshal/ /dpal ldan gsang ba'i rgyud las ni/ /gsung sogs shin tu spas pa nyid/ /gsal bar mdor ba

  525. 263a

    mdzes par ni/ /tshogs kyi 'khor lo'i cho ga bshad/ /sngags pas khyad par mtshan mo'i dus/ /zhag re'ang ni ji snyed par/ /zla re dang ni lo re la/ /'khor lo las 'das nyams par 'gyur/ /nye bar 'tshe med dur khrod mgon/ /rdzing bu'i 'gram dang skyed mos tshal/ mtsho dogs chu klung ri sul dang/ rang gi khyim sogs 'bras bur bcas/ /yang dag brgyad po thob gyur pa/ dpal ldan chog shes snying rje ldan/ /'jig rten chos la mi chags shing/ /sring dang sgyu sogs rnam par spangs/ /snyan par smra zhing 'dzum pa'i bzhin/ /bzod can brtan la brtson 'brus ldan/ /tshogs kyi 'khor lo'i dbang phyug tu/ /dpal ldan rdo rje sems dpa' gsungs/ /'khor lo ba yang de nyid kyi/ /slob ma sred sogs rnam par spangs// dbang bskur thob cing blo ldan bzod/ /brtson dang dran pa la sogs ldan/ dam tshig spyang bya spyod pa rnams/ rgan pa'i rim pa bzhin du 'dod/ /dbang ma thob pas mi rigs par/ /sgrub pos 'khor lor? bya'o/ /me tog bdug sogs mang me ldan/ /sna tshogs ston mo btung bas brgyan/ /mal stan yon tan bcas pa yis/ /'phags pa'i skye bo ci sogs pa'o/ /de nas tshogs kyi dbang phyug gdan/ / rol ma stag pags dur khrod ras/ /rgyan ni rang gi rigs las so/ /phyi rol dam pa'i phyag rgyas 'khyud/ /rang gi slob mas yongs su bskor/ /des kyang rang rig dag la 'khyud/ /ci nus bsam gtan dag gis bya/ /bla ma'i cho ga shes shing dran/ /brtson 'grus bzod dang ldan pa dang/ /bla ma la gus blo mthun pa/ /las kyi rdo rjer dngar? ba sngags/ /dbang bskur yang ni gdung can dang/ /thob dang sgyu can dag dang ni/ /dbang ma thob par 'khor lo gang/ /ring po

  526. 263b

    nas kyang bstan mi bya/ /bla mas bde chen bsgom byas nas/ /'byung po kun la gtor ma sbyin/ /stobs la sogs pas sbyang byas la/ /me tog gis ni rang lus mchod/ /snod ni re re kun la sbyin /bla ma la ni snod? gnyis dbul/ /de bzhin bza' btung nyis 'gyur ro/ /de nas rang zhal he? khung du/ /rnam rig pa li'i mchod yon bya/ /lag pa dgang gzar blugs gzar gyis/ /yid kyis me lha stobs sogs bsregs/ /nang gi bdag nyid sbyin sreg gis?/ /rang 'dod lha ni tshim bar bya/ /glu sogs kyis ni mnyes bya zhing/ /yang dang yang du brda tshig swa?/ /bdud rtsi lnga dang sgron ma lnga/ /rig ma mig bzangs brgyad la ni/ /cho ga bzhin du rten zhes bya?/ /ko la la sogs ci shas bya/ /he ru ka yi gzugs kyis? gar// dran pa brjed med rnal 'byor bya/ /sgom la chags pa'i sems kyis na?/ /rtag tu sems kyis goms par bya/ /rdo rje chos dang sangs rgyas kyi/ /rnal 'byor pha dang ma tshogs kun/ /glu dang gar la goms bya zhing/ /mchog tu glu dang gar bya'o/ 'di nyid tshogs kyi bsrung ba ste/ /bdag nyid kyis kyang de bzhin bsrung/ /'di yis 'jig rten dbang du byed/ /sngags kyi bzlas pa 'di nyid yin/ /rgyun tu glu ni len pa dang/ /gang du rtag tu gar byed pa/ /tshogs kyi dbang phyug mdun bya'o/ / de nas dri ni mtshon par bya/ /sgog pa'i dri ni dang po ste/ /bya rgod spos ni gnyis pa yin/ /de nas ga bur tsan dan dri/ /glu dbyangs su ni mtshon bya ba/ /sgra ni dang ba bung ba'i sgra/ dri yi mthar ni thos pa dang/ /lce sbyang dag gi sgra yang ni/ /phyi rol bskyed mos tshal du mtshon/ /gang gi bdag gis mi rnyed pa 'am/ /snod ma yin pas 'jigs pa gang/ /bdud rtsi lnga dang sha lnga sogs/ /bsam gtan kyis ni yongs su brtag /'khor lo'i dbang phyug byin brlabs pa/ /snod skyon rjes su gzung bar bya/ /bdud dang

  527. 264a

    bcas pas snod de ni/ /ha cang myur min bul ba min/ /bgegs sogs brnyas pa spang pa'i phyir/ /pad+ma'i phyag rgyas smra bar bya/ /? bsgra med cing ma yengs pas/ /cung zad 'thungs nas legs bkang ste/ phyag 'tshal pa yis khyad par gyis/ /gong gi phyag rgyas dbul par bya/ /sgrub pa po yis yang dang yang/ /de dag kun la phyag bya'o/ /snod na si la bzhag pa 'am/ /gzhan la byin par gyur pa na/ /lag nas sa bon chad pas bcad/ /rang gis thams cad mi btung ngo/ /bza' dang btung ba rang gis ni/ /shin tu ltogs kyang blang mi bya/ /rtsod pa la sogs byang byed pa/ /de nas de ni gdon par bya/ /gal te gdon par mi nus na/ /de tshe sdig pa la brtags pas/ rang nyid gzhan du 'gro ba 'am/ /mi smra ba la brten par bya/ /las kyi rdo rjes btung sogs la/ /rang gis blangs kyang nyes pa med/ /spyod lam shugs kyis phyir 'gro na/ /de ni dgag par mi bya'o/ /mngon pa'i nga rgyal zhe sdang gis gzhan snod dam pa ma yin pa'i/ /tshig gis smad dang rtsod pa'i gtam/ /mi dga' ba yang spang bar bya/ /bkag pa rnams ni spyod gyur na/ /rtsa ba'i ltung dang sbom po ni/ /myur du gso ba'i cho ga bya/ /de ni sdang ba'i cho gar grags/ /rdo rje slob dpon tshim gyur pas/ /bar du gtor ma sbyin par bya/ /glu gar la sogs rgyun du ni/ /de yis bka' yis gnang bar bya/ /tshogs kyi 'dus pas byas pa ni/ /lag pa rkang sogs bag ldan bya/ /shin tu bag med rgyu yi phyir/ /btung ba mang po spyad mi bya/ /ma dag gis ni g.yengs par 'gyur/ /g.yengs pas rnal 'byor 'khrugs 'gyur zhing/ /rnal 'byor nyams pas dngos grub med/ /bdud kyi las ni bzlog par dka' / /gang yang sems ni bsrung nus pas/ /rang ngam gzhan yang

  528. 264b

    mchod par bya/ /gzugs sogs sna tshogs dag pa yis/ /de yis 'dir ni dngos grub 'gyur/ /skad cig tsam yang gzhan gzugs kyis/ /ma rig gdug can gyi ni sems/ /'grub 'dod dngos grub don gnyer bas/ /'bad pas mkhas pa gnas min bya/ ji snyed lus kyi g.yo 'gul dang/ /ngag gi brjod pa ji snyed pa/ /de snyed pa/ /de snyed sngags dang phyag rgya ste/ /he ru ka dpal go 'phangs gnas/ /gang gi dug gi dum bu yis/ /skye bo rnams ni 'chi 'gyur ba/ /dug gi de nyid shes pa yis/ /dug gis dug ni 'joms par byed/ /kha cig brel bar gzhan yod pas/ /yun ring 'dug par mi nus na/ /de yis phyag 'tshal mkhyen gsol na/ /bzod gsol nas ni 'gro bar bya/ /'di dang gzhan gyi rgyud gsungs pa'i/ /bya ba rnams ni brda la bya/ /gang phyir myur du byas pa yis/ rnal 'byor pa'i dga' nyams byed/ /de ltar cho gas 'khor lo cher/ /rang gi slob ma dbang bskur phyir/ /bsgom pa la sogs stobs nyid kyis/ /tshe 'di nyid la dngos grub ster/ /bsgom pa la sogs de bzhin 'dir/ /yang ni bka' gsal byed pas kyang/ /gal te ltung ba med gyur na/ /skye ba bcu drug dag la 'grub/ /bla mas tha ma'i gtor ma sbyin/ /de bzhin phyi rol lhag gtor nas/ /sgrub pa po yis phyag 'tshal zhing/ /smon lam dag ni gdang par bya/ /ma lus rtogs pa las 'das pa// srid zhi mnyam sbyor rtag mi 'gyur/ /dpe med bde ba'i ros dgyes pa'i/ /rnal 'byor tshogs la phyag 'tshal lo/ /rdo rje yan lag ma sbyar bas/ /gting gtog phung po yongs bcom 'gyur/ /bdag gi dge bas 'di yis ni/ /thabs 'di myur ba nyid ston shog/ dngos po kun gyis phyag byas nas/ /dpal ldan tshogs kyi 'khor lo yi/ /rim pa 'di ni bsdus nas kyang/ /ci bde bas na gnas par bya/ /'di ni bla ma'i rim thob pa'i/ /bdag nyid dran par bya ba'i phyir/ /cho ga cung bzad brjod pa la/ /

  529. 265a

    mkhas pa rnams ni bzod par mdzod/ /dngos grub kun gyis gter gyur yon tan sngon 'gro tshogs 'khor gyi/ /cho ga gsal por bris pa'i bsod nams dri med gang theb des/ /myur du dpal ldan rdo rje 'chang yul skal bzang la chags shing/ sring pa las grol zhi ba'i phyag rgya chen po thob par shog /mahA paN+Di ta a b+hya ka ra guptas mdzad pa'i tshogs kyi 'khor lo'i cho ga rdzogs ho// //mahA paN+Di ta sh+rI ratna rak+Shi ta'i zhal snga nas// /rgya gar skad du/ ga Na tsakra de d+hi/ bod skad du/ tshogs kyi 'khor lo'i cho ga /'phags pa spyan ras gzigs dbang phyug la phyag 'tshal lo/ /tshogs rnams bsag par bya ba dad// bgegs rnams zhi bar bya ba'i phyir/ gsod nams mthar thug tshogs 'khor lo/ /lung dang man ngag ji bzhin bri/ /de la re zhig dang po gzhung dang mthun pa'i tshogs kyi khang pa tsan dan la sogs pa dri zhim pas bskor ba yid ? pa'o gnas su las thams cad pa'i skyes bu lha'i nga rgyal dang ldan pas chag chag bdab pa dang/ /maN+Dal bya ba dang me tog dgram pa dang/ /mchod pa bsham pa dang/ /phyogs skyong gi gtor ma rgya chen po la sogs pa bsham/ /de nas slob dpon spyan drangs la gnas ji ltar rigs pa dang bcas par bzhugs su gsol nas/ /las thams cad pa'i bum pa brgyan chas dang ldan pa byin gyis brlab pa'o/ /mchod pa'i bum pa yang ci rigs par bsham/ de nas rnal 'byor pa 'du bar 'os pa kun bkug la de dag gis gsol ba bdab pa?/ /khro po sngon po mdzes pa ste/ /khyod ni bzang po yid du 'od/ /nor rin chen gces bcings pa'i/ /dbyug pa phyag na bsnams pa ste/ /bdag ni 'khor ba las sgral phyir//

  530. 265b

    dpa' bos gnang gis btang du gsol/ /rnal 'byor ma yi tshogs dbus su/ /bzang po'i sgo 'di phye ste thong/ /zhes gsol ba btab nas nang du bkug ste/ /las kyi bum pa'i chus gtor zhing skyong chu blung ngo/ /de nas gral rim pa bzhin du bkod la rdo rje slob dpon la me tog phul gsol ba gdab/ /rnal 'byor pa kun la yang me tog gtor la bskul bar bya'o/ /de nas slob dpon gyis lhag pa'i lhar bsgoms la mos pa tsam gyis lce lag byin gyis brlab po/ /rdo rje dang dril bu yang hUM gis byin gyis brlabs la mngon par brtogs pa brjod/ /hUM thog ma med pa'i sems dpa' ni/ /rdo rje sems dpa' de bzhin gshegs/ /kun tu bzang po kun bdag nyid/ /rdo rje bsnyems pa bdag po'i gtso/ /oM ma hwa badzra hUM/ dril bu yang/ a(rgyud 'grel): sred pa rang bzhin gyis dag phyir/ /ngo bo nyid kyis gdod nas dag /rang bzhin dag pa'i sems dpa' yis/ /srid pa dam pa mchog tu byed/ /oM badzra g+haN+Da a/ de nas mchod pa'i khyad par thams cad 'bru gsum gyis byin gyis brlab po/ de nas snying ga'i sa bon gyis 'od zer gyi bla ma dang bcas pa'i lha rnams nam mkha' la bltas la/ yon chab dang/ zhal pas le dang/ /zhabs bkru dbul zhing/ me tog nas sgra snyan gyi bar du rim pas mchod do/ /de nas de kho na 'am gzhung gang yin pas bstod pa bya/ /yan lag bdun pa mdo rgyas gang yang rung bya'o/ /yi ge brgya bas bzod gsol byas gshegs su gsol lo/ /de nas shu n+yA ta'i sngags kyis stong pa nyid du bsgoms la/ /yi ge hUM gi snang ba las rab dang dra ba dang sa gzhing bsgoms la/ /de nas 'byung ba rim rtsegs ri rab rin po che'i rang bzhin bsgoms la de'i steng du sna tshogs pad+ma'i lte ba la sna tshogs rdo rje bsams te/ de'i lte ba la b+h+ruM las gzhal yas khang gdan dang bcas par bskyed nas/ der gang

  531. 266a

    yin pa'i lha'i dkyil 'khor bskyed la ye shes kyi lha spyan drangs te mchod nas dbyer med par bstim mo/ /de nas chang la bsrung ba dang byin gyis brlab pa gzhung bzhin byas te/ /yi ga ha dmar pos kha dog sbyangs la/ he dkar pos dri dan gsal te h+rI(rgyud 'grel): mthing kha nus pa bcom nas bdud rtsi'i rang bzhin du gyur par bsams la/ /de nyid kyi 'od zer gyis ye shes kyi bdud rtsi bkug ste bstim mo/ /de nas rtsa ba'i dkyil 'khor gyi lha la so so'i ming nas brjod cing mchod de/ /de nas bdud rtsi dang bcas pa'i srin lag gis maN+Dal gru gsum bris la der bdud rtsi btor bas zla ba'i gdan phyogs mtshams su gyur par bsam mo/ /der ye shes 'khor lo mos pa tsam gyis bsams la bdud rtsis mchod de /de nas bdag nyid la mchod de 'di ltar 'theb srin gyis lce rtsa dang sme ma'i dbus dang spyi bor gtor ro/ /de nas de dag mi dmigs par bsams la gtso bo'i dkyil 'khor la yon chab la sogs pa'i khyad par gyis mchod de bstod pa byas la gshegs su gsol lo/ /de nas zhing skyong rnams la gtor ma rgya chen po btang ste yi ge 'bru gsum gyis sbyang btang sbar ba dang/ /rtogs par byas la/ maN+Dal thig bzhi btab pa'i le'u tshe dgu bar byas te dbus ma la ye shes kyi 'khor lon bsam/ /phyogs 'tshams la zhing skyong brgya dam mo sum cu gnyis dang bcas pa spyan drangs la mchod do/ /oM shing gcig dang ni dur khrod dang/ ri bo dang ni ri su la phug /grong dang bzhi mang? nyid dang ni/ khyad par du na khang stong dang// rigs su ngan khyim dang thang dang? ni/ /khyad par du ni chu la gnas/ /nag po drag po drag chen po/ /lha spyir mnyam du bsten pa dang/ /nag po gtsigs dang mi sdug pa/ /dga' las 'das pa'i log 'dren rnams/ /rgan byed mo dang drag mo dang/ /mi sdug//

  532. 266b

    ma dang u ma dang/ /rgyal ma rnam par rgyal ba ma/ /mi thub gzhan gyi mi thub ma/ /nag mo bzang mo nag chen mo/ /nag skom? ma rnal 'byor ma/ /dbang mo dang ni zla ba mo/ /rab tu sdang dang 'phyang ba mo/ /'phrog phyed ma dang dmar ser ma// 'jigs byed grong nas rnal 'byor ma/ drag mo gzugs dang gzugs chen mo/ /mche ba gtsigs dang thod chen ma/ /thod 'phre 'phreng can kha TwAM ma/ /sprul chen ral gri dgra sta? can/ /rdo rje'i bzhin gzhu can ma/ /da bzhin gshegs pa mkha' chen po/ /las kun rjes su sgrub byed ma/ /de bzhin rdo rje dbang phyug gtso/ /de bzhin gshegs pa'i sku chen de/ /rdul med rnal 'byor 'byin pa'o/ /rdo rje dbang mo bka' 'di yis/ /thams cad ma lus 'dir 'dus shig /oM kak+ka d+hA na ba b+han d+ha na/ khakh+kha d+han/ sarba duSh+TaM ha na ha na/ /g+ha ta ya g+hA ta ya/ a mu ka hUM dzwa(rgyud 'grel): zhes pas bkug la pad+ma'i gdan la gnas par bsams la/ mchod pa lngar byin gyis brlabs la de nyid dbul te /so so'i lce hUM las rdo rjer byin gyis brlabs pa'i rdo rje'i spu gu'i 'od kyis bdud rtsi mchod par bsams la chos bshad de/ /chos rnams gzugs brnyan lta bu ste zhes bya ba la sogs pa brjod do/ /de nas spron lam gdab ste/ /sems can thams cad sdig med cing/ semS can thams cad bde gyur cig /gang gis lam nas 'gro ba yis/ /sangs rgyas nyid dang phrad par shog /ma sgral ba rnams bsgral bar bya/ /ma grol ba rnams bdag gis dgrol/ /de ltar nyid du rjes brtse bas/ /rnal 'byor bstan bcos gnas la dogs ces pas bsngo ba byas la gshegs su mi gsol lo/ /de nas rnal 'byor pa pho mo kun lha'i dkyil 'khor du bltas la dang por dris mchod/ /de nas me tog dang bdug pa dang mar mes tshul bzhin du mchod/ de nas bdud rtsi'i

  533. 267a

    dang bcas pa'i chang gis mchod de/ /de nas lag pa g.yas par chang gzung la g.yon pa rtse gsum par byas te chig 'dis chang sbyin te/ ltos shig mdzes pa dam tshig chos/ /de la the tshom yod ma yin// bram ze khyi dang gdol ba gsum/ /rang bzhin gcig tu rtogs pas bza' / /zhes brjod la drang ngo/ /len pa pos brjod pa/ /'dod chags dri ma dang bral ba'i/ /rin thang med las legs 'ongs chos/ /gzung dang 'dzin med rnam par spangs/ /de kho na nyid la bdag phyag 'tshal zhes brjod pa pad+mas bskor ba dang bcas pas bla'o?/ /de nas 'og ma rnams phrang pa la 'di skad brjod de/ /sbyor ba'i dngos grub don du ni/ /spyod kun de nyid de bzhin du/ /rnal 'byor pa yis kun tu sbyang/ /ji ltar bde ba spyad par bya zhes brjod la drang ngo/ /de'i 'og tu sha dang mngal sogs pas mchod do/ /de nas bshos so sor drangs la/ de dag kun gyi bud bsdus la slob dpon la dbul/ slob dpon gyi phung cha gnyis su mgos la/ /cha gcig byin gyis brlabs g.yon phyogs su bzhag ste dkyil 'khor gyi lha la dbul/ /cha gcig g.yas su bzhag la byin gyis brlabs te phyogs skyong gi gtor mar dbul te/ oM a kA ro mu khaM zhes pa'i sngags kyis mchod la de nas ci bder rol zhing spyod do/ /skabs der bkra shis kyi glu blang ngo/ /de nas dkyil 'khor gyi lha dang phyogs skyod la gnang ba nod pa dang bzod gsal byas la gshegs gsol lo/ /de nas ye shes kyis lha la yi ge brgyabs? bzong gsol byas la badzra mu(rgyud 'grel): zhes pas gshegs su gsol/ /dam tshig gi lha la oM At+ma tiSh+Tha d+hU zhes brjod la bdag gi snying gar bsdu'o/ /oM sarba duSh+Tha? grihma gats+tsha hUM zhes pas phyi rim gyi lha gshegs su gsol lo//

  534. 467b

    de nas lhag ma bsdus te khyim gyi lhag ma ni khyim de nyid kyi mi ma yin pa la bsngo'o/ /rnal 'byor ba rnams kyi lhag ma ni phyi rol gyi sha za la sogs pa'i mi ma yin pa rnams la sbyin de phyi'i sgor bskyol/ /lhag ma de lta bu bza' ba'i skal ba med pa la yang slob dpon gyi kha nas bdud brtsi byin no/ /de nas yon bdag la bkra shis dang smon lam gdab po/ /de nas gtor skyel log pa dang tshogs kyis khang pa'i sgong me long dang bu ? dkol dang/ chu chan gyi zho dang/ ? gyis mch+do go/ de nas nang du phyin la rnal 'byor pa pho mo rnams la yang de ltar mchod par bya'o/ /ma 'ongs skye bo gang dag tshogs rnams bsag par 'dod pa dang/ /bslab pa'i lam la ris par zhugs pa'i sgrub pa po/ /dag gi dri med lung dang bla ma'i mdams dag ltar/ /ma nor bzung ste bdag dang gzhan la phan pa'i phyir du dris pa yin/ /tshogs kyi 'khor lo'i mchod pa'i cho ga slob dpon nag po pas mdzad pa rdzogs so/ //rgya gar gyi mkhan po kri d+hA pa de nyid dang/ bod kyi lo tsA ba 'gos lhas bcas kyis bsgyur cing zhus te gtan la bab pa'o// //*/ /rgya gar skad du/ ga Na tsakra bid+hi/ bod skad du/ tshogs kyi 'khor lo'i cho ga/ dpal rdo rje sems dpa' la phyag 'tshal lo/ /shin tu dad pa chen po yis/ /rdo rje 'dzin la phyag 'tshal nas/ /mdor bsdus tshogs kyi 'khor lo ni/ /yang dag par ni brtsams par bya/ /dngos rub thams cad 'grub byed pao/ /rtag tu bya 'am zla bar ni/ /yang na lo rin ni bya/ /longs sbyong mchog dang ldan pas ni/ /tshogs kyi 'khor lo mchod par bya/ /rang gi slob ma dag dang ldan/ /de yang dam tshig sdom la gnas/ /yon tan rnams kyis brgyan pa dang/ /sna tshogs pad+ma'i steng du ni/ /bde ba chen po dang ldan nas/ /de ltar dam

  535. 268a

    tshig dbus gnas la/ /rang gi ting 'dzin rdzogs byas nas/ /dang po 'byung po'i gtor ma gtang/ /de nas rim bzhin bzhugs su gsol/ /de yang shes rab dang ldan par/ /med na ting nge 'dzin gyis bsam/ /me tog spos dang mar me dang/ /dri chab phreng dang na bza' dang/ /ji ltar 'dod pa bzhin du ni/ /gza' ba btung ba lha bshos rnams/ /de dag gis ni mchod par bya/ /de ltar phyi yi mchod byas nas/ /nang gi mchod pa dag ni bya/ /pad+ma lta bur rang gi kha/ /haM? khung nyid du bsam byas la/ /dgang bzang bkang ba blugs par bya/ /lag pa blugs gzar dag gi kyang/ mchod rdzas yang dag dbul bar bya/ /de ltar haM gyis mchod byas nas/ /rang gi dka' ba'i rtsed mo yis// yi dam lha ni myos? par bya/ /tshogs kyis mchod la dam tshig spyod/ /sems ni brtan par shes rab spyod/ /btud pa'i snod ni mang gyur na/ /kun la re re sbyin par bya/ /bla ma la ni nges par gnyis/ /yang dag par ni dbul bar bya/ /gza' ba gang zhes bla ma pa'o/ /bla ma la dang brtson 'grus ldan/ /sems bzang bzod dang ldan pa yis/ /las rnams kun ni bya ba yin/ /sngags pa rang gis byin rlabs nas/ /gzhan dag la ni sbyin par bya/ /de yis pad+ma phyag rgya yis/ /gus par byas te blang bar bya/ /ma dad pas ni bang mi bya/ /sgom yab kun ni btang mi bya/ /bkres skom yod kyang rang gi ni/ /blang bar ni mi bya'o/ /bdud rtsi bzhin du btung bar bya/ /sa la bong bar mi bya zhing// slar ni skyogs ni sbyin par bya/ /gnang ba byin nas sa la gzhag /btang ba gzhan la sbyin mi bya/ /sa la 'jog pa chang bas bcad/ /rtsod byed slob don la smod dang/ /nga rgyal dang ni ldan pa ni/ /tshogs kyi nang du bzhag mi bya/

  536. 268b

    bla ma dag gi bza' bdud la/ /gnang med len par byed gyur pa/ /chad pas bcad dam yang na dbyung/ /de nyid mi nyan par 'gyur na/ /rang gi gnas nas gzhan du 'gro/ /yang na nyal la 'dug par bya/ /gang zhig dngos grub 'dod pa las// 'thab mo pa sogs sems kyis kyang/ /ngos pa ru ni bsam mi bya/ /byas gyur phyis ni mi bya ba'i/ /sdom pa yang dag par ni blang/ /ra ni ro bar gyur na ni/ /nan tan gyis ni lus ngag bsngam/ /las kyi rdo rje dag gis ni/ /rang gis blangs te bza' bar bya/ /de nas skyon ni med par bstan/ /gar la sogs pa'i rol mo rnams/ /gnang ba med par mi bya'o/ /gang la gnang ba byin pas yis/ /tshogs kyis dkyil 'khor dbus su ni/ /de yi skad cig nyid la bya/ /de ltar gang gis ma byas las/ de bzhin gshegs pa'i bka' cag go /phyi rol tu ni 'byung ba'i tshe/ /lus ngag yid gsum bsdam byas te/ /bla ma la ni phyag byas la/ /phyi rol tu ni 'byung bar bya/ /spyod yul du ni bab? gyur na/ /sdug bsngal gyis ni bzung mi bya// bya ba thams cad bsngal la ni/ /dga' ba dang ni bcas par bya/ /sems kyi dran pa med gyur na/ /lha yi ting 'dzin dang mi ldan/ /ting nge 'dzin dang mi ldan na/ /lha yi dngos grub thob mi 'gyur/ /ting nge 'dzin la yangs gyur na/ /skyon de grong ma nyid dang mtshungs/ /rtse gcig sdems? kyis dngos grub 'thob/ /der? 'dug par mi nus na/ /phyag byas la ni 'gro bar bya/ /lhag ma thams cad bsdus nas ni/ /phyi rol tu ni gtor ma gtang/ /rdzogs nas mgu ba la sogs sbyin// phyag gi byas la ni bzang por gsol/ /tshigs? bcad? khong lo'i cho ga byang? 'bras/ /dge ba'i rtsa ba bdag gis gar thob pa/ /khams gsum sems can rnams ni yang dag par/ /dngos grub chen po yang dag thob gyur cig/ /paN+Di ta bzang po

  537. 269a

    sbyin pas tshogs kyi 'khor lo mdzad pa rdzogs so// //rgya gar gyi mkhan po shAkya sh+rI b+hu drA dang/ bod kyi lo tsA ba dge slong kun dga' rgyal mtshan dpal bzang pos 'gyur ba'o// // tshogs kyi 'khor lo'i cho ga yid bzhin nor bu zhes bya bzhugs/ slob dpon rdo rje he ru kas mdzad pa/ /rgya gar skad du/ ga Na tsakra bi d+hi tsin+ta ma Ni nA ma/ bod skad du/ tshogs kyi 'khor lo'i cho ga yid bzhin nor bu zhes bya ba/ / 'phags ma sgrol ma la phyag 'tshal lo/ /mchog dang thun mong kun gyi gzhi/ /lam dang dngos grub mthar phyin pa/ /rgyud las gsungs pa'i cho ga bzhin/ /der 'dir bsdus te brjod par bya/ /dam tshig nyams pa'i skyon sel cing// mi mthun phyogs rnams 'joms byed pa/ /'dod pa'i don kun sgrub pa nyid/ /lhag pa'i lha yang tshim par 'gyur/ /phyag rgya chen po'i dngos grub ni/ /myur du lung bstan thob par byed/ /tshogs kyi 'khor lo'i cho ga yi/ /rim 'dis 'dod pa'i 'bras bu 'byin/ /ji ltar yang dag sbyor ba las/ /rab tu bshad kyis lha mo nyon/ /'dod pa'i don kun grub byed cing/ /dge ba'i tshogs la 'dud pa gang/ /zos pas dngos grub 'gyur ba nyid/ /de bzhin rdo rje phreng ba las/ de nas gzhan yang bshad kyis nyon/ /tshogs kyi 'khor lo'i rim pa 'dis/ /gang zhig mchod pa bzhin du spyad/ /rang bzhin dngos grub nye ba nyid/ /'dir ni mgon dang dus dang ni/ /gnas dang rdzas dang bya ba'o/ /mchog tu gyur pa'i cho ga 'dis/ /gang zhig dngos grub mngon du 'gyur/ /de la tshogs gyi 'khor lo'i sgra/ /don ni dgos pa'i sgo nas te/ /mgron gyi rang bzhin bshad par bya/ /dpal ldan rdo rje 'phreng ba las/ /rnal 'byor chen po'i ting nge 'dzin/ /mnyam zhing gcig tu gyur

  538. 269b

    byas nas/ /brda dang phyag rgya'i sbyor ba shes/ /dam tshig ldan pa 'jug pa'o/ /de la mang du 'dus pa tshogs/ /'khor lo lha yi rim pa nyid/ /thun mong dus su bshad pa nyid/ /khyad par 'di yis shes par bya/ /thams cad du ni dam tshig cig rtog pa thams cad yongs su spangs/ /bla ma la gus ting 'dzin gnas/ /sbyin sogs yon tan rgyan spras pa'i/ /thabs 'dir tshogs kyi 'khor lo la/ /bgegs med par ni rab tu 'jug /gzhan du skyon dang bcas par 'gyur/ /thabs dang shes rab phan tshun du/ /yid 'phrog bya dang bya min mkhas/ /lo ni nyi shu lnga lon pas/ /lhag pa yongs su spang bar bya/ /yongs shes thabs ni thams cad la/ /shes rab gcig gis bya ba min/ /'dir ni sgrub pa gcig pa yi/ /bla mas slob ma rjes su gzung/ /ji skad sdom pa 'byung ba las/ /gang zhig dkyil 'khor dge bar 'gyur/ /slob dpon sngon du phyogs byas nas/ /slob dpon yon tan ma bsdams na/ /'jig rten pa yis dpyas par 'gyur ro/ /slob dpon med par gyur pa na/ /gzhan yang bla ma mtshan nyid ldan/ /'khor lo'i dbang phyug byas pa nyid/ /gus pa gcig pa'i tshul gyis spyad/ /de yang rdo rje phreng ba las/ /zhi sogs pa'i phrin las dang/ /sngags kyi sbyor ba'i cho ga shes/ /bya ba nyi shu'i dbye bas ni/ /bla ma'i cho ga bya ba nyid/ sbyin dang tshul khrims bzod pa dang/ /brtson 'grus bsam gtan pha rol 'gro /nyin mtshan rtag par dge la spro/ /shes rab rno zhing bzo gnas mkhas/ /gnyis med yon tan gyis lci ba/ /'di ni dpal ldan bla ma'o/ /nang du gsang ba 'dus la sogs phyi ru nyan thos spyod pa can/ /man ngag rim pa'i khyad par gyis/ /ji ltar rigs pa'i spyod pa la/ /slob ma rje 'dzin ston pa dngos/ /de bzhin dkyil 'khor la sogs dang/ /mdo dang las kyi tshogs rnams dang/ /don dam pa yi bya ba mkhas/ /snang ba gsum

  539. 270a

    la sogs pa la/ /rang gis goms 'gyur gzhan la ston/ /rnal 'byor rim pa'i slob dpon te/ /yid 'phrog bsdud pas slob dpon no/ /de nyid bcu ni yongs su shes/ /dkyil 'khor 'dri ba'i las la mkhas/ /slob ma rjes 'dzin nus pa dang/ /gsang ba'i dbang gi mthar son pa/ /shes rab snying rje mtshungs par ldan/ /rgyud kyi rim pa'i sbyor ba mkhas/ /zab mo'i spyod pa rab ldan pa/ /'di ni rdo rje sems dpa' dngos/ /ji skad phyag na rdo rje yis/ /'khor lo sdom pa 'grel pa las/ /thun mong bsod nams bsag pa'i rgyu/ /ye shes dngos grub bsgrub pa'i thabs/ /dge bsnyen pha ma la sogs pa/ /slob dpon dag la rab tu phyogs/ /gsang sngags theg pa'i cho ga 'dir/ /slob dpon rnam pa gsum yin la/ /khyim pa dge tshul dge slong ste/ /tha ma 'bring dang mchog yin no/ /sbyin bdag blo gros mi 'phel phyir/ /thun mong spang bya'i slob dpon ni/ /snying rje med cing khro ba dang/ /khengs shing chags la mi brtan pa/ /bslab pas ma bsdams 'dod pa che/ /rang la bstod la mi bya'o// khyad par khyim pa'i slob dpon ni/ /bud med bcas shing dkor zas dang/ /zhing las g.yo ga dang tshod pa dang/ /rmongs pa rnyed phyir cho smra ba/ /'di ni tshogs kyi slob dpon min/ /'dir ni tshul khrims yon tan ldan/ /rnal 'byor dkyil 'khor la sogs pa la yon bdag zil gnon bkur ba'i gnas/ /'di nyid 'khor lo'i dbang phyug 'gyur/ /'dis ni dkyil 'khor gtso bo dag /ma byas yon bdag bsod nams nyams/ /dkyil 'khor 'khor lo 'di nyid du/ /dam tshig sdom pa ma gcig na/ /'khor lo'i dbang phyug ? yis ni/ /rnal 'byor bsdu bar mi bya'o/ /gzhan gyi rgyud kyi bslab byar mngon/ /gnas khang gzhan du mchod par ba'o/ /'di nyid lung dang bcas pa'i phyir/ /bya ba don dang bcas par 'gyur/ /kha cig rnal 'byor rnal 'byed ma/ /bsgom

  540. 270b

    rim gzhan du gyur pa na/ /rnal 'byor lhag pa'i lha la mchod/ /de yi rjes rim pa 'dis/ /skad cig byed pa'i rnal 'byor gyis/ /bsgrub pa de yis lha mchod pa/ /'di nyid yang dag mtshan nyid yin/ /tha dad so so'i rgyud dag gis/ /bslab pas grel par 'dod pa la/ /pa/? yi rim pa so so yi/ /phan tshun dam tshig sbyor mi shes/ /'khor lo'i cho ga nyams pa nyid/ /de rnams mgron gyi rnam bzhag go /de nas lha yi brgyal gyis/ /gong du gsungs pa'i rnal 'byor la/ /maN+Dal sngon du 'gro ba yis/ /sngags gyis mchod par gsol ba gdab/ /rnal 'byor kun spyod la sogs pa'i/ /'khor lo sdom pa'i rgyud kyis ni/ /nag po'i phyogs dad dkar phyogs kyi/ /bcu pa la ni de rab mchod/ /yi dags zla phyed bcu bzhi dang/ /de bzhin du ni brgyad pa la/ /dpal ldan dgyes mdzad rdo rje mchod/ /dus kyi 'khor lo nya gnyis la/ /gsang pa 'dus pa zla re bzhin/ /lnga brgyad bcu dang bcu bzhi dang/ /de bzhin bco lnga nag phyogs la 'ang/ /lnga ste dus ni bcu du 'gyur/ /de dag dus kyi khyad par/ /'dir ni rtag tu phun tshogS snam/ ji ltar 'dod cing ji ltar nus/ /grub par nus na nyin re'am/ /lo zla kun tu bya ba'o/ /gnas ni dben par gsad pa yi/ /'khor lo rab tu bskor bar bya/ /phyag rgya chen po thig le las/ /thams cad 'jigs pa spangs pa yi/ /skye bos dben zhing yang 'phrog ba/ /grod dam ldum ra zhags tshil dang/ /dur khrod ri yi phug tu'o/ /dang po yid 'jug byi dor bya/ /dkyil 'khor rnam par me tog dgram/ /rdo rje phreng pa'i rgyud las ni/ /me tog sna tshogs bkram pa yi/ /gzhal yas khang gis rnam par smras/ /de dag gnas kyi rnam bzhag go /gang zhig dam tshig med par ni/ /bu la sogs pa'ang mi gzhug go /ji skad sdom pa 'byung ba las/ /yongs su grub pa'i gnas dag dang/ /gdan la 'jug par bya ba ni? dgon dang gzhon pa'i dbye bas dor

  541. 271a

    slob dpon rjes su 'jug par bya/ /snod dang mi ldan nga rgyal che/ /bla ma'i skyon rtog shes rgyud rtsub/ /gong ma'i dbang gis ma smin pa/ /rang gi bu dang chung ma dang/ /de bzhin bran dang bran mong bcas/ /dngos grub 'dod phyir sgrub pa pos/ /dam tshig 'di dag gzhug mi bya/ /de ltar 'di dag gzhug pa na/ /rmongs dang dngos grub ring bar 'gyur/ /dam tshig dral gyur sdug bsngal zhing/ /de bzhin lus ngag yid kyis myong/ /gnas nas 'thon dang phun tshogs nyams/ /sna tshogs sdug bsngal myong ba nyid/ /sgrub pos 'di bzhin mchod pa'i yul/ /pha rol rnal 'byor dngos grub nyams/ /dam tshig med pa'i 'khor lo ni/ /nam yang bskor bar mi bya'o/ /mchod yul rnam par bzhag pa ni// tshul dang mthun pa'i gnas dag tu/ /snyan gsan phab pa'i rnal 'byor pa/ /slob dpon rjes su 'jug par bya'o/ /phyi ru rnal 'byor khrus byas nas/ /sgo dag skyong ba'i slob dpon la/ /tshig bcad 'di yis 'jug par bya/ /khro bo sngon po mdzes pa ste/ /khyed na dam tshig yid du 'ong/ /nor bu rin chen spras pa yi/ /dbyug pa phyag na bsnams pa nyid/ /bdag ni 'khor ba las bsgral phyir/ /rnal 'byor tshogs kyi dbus dag tu/ /bzang po'i sgo ni phye nas su/ /dpa' bos gnang gis gtang du gsol/ /nang du stan la rgan rim gyis/ /dkyil 'khor 'khor lo'i rim pa 'am/ /yang na gral gyi rim pa'o/ /de nas slob dpon yon bdag gis/ /ri rab steng du skad cig la/ /gnas pa'i gzhal yas khang dkyil du// lhag pa'i lha yi gzugs su blta/ /dam tshig sems dpa' i rang bzhin la/ /ye shes sems dpa' gzhug par bya/ /a rg+ha dang ni zhal gsil dang/ /bsang chu sngon du 'gro ba yis/ /me tog phreng ba spos la sogs/ /thun ming gi ni mchod pa dbul//

  542. 271b

    yon gyi bdag pos bstod pa bya/ /dpal ldan rdo rje mkha' 'gro ni/ /mkha' 'gro ma yi 'khor los sgyur/ /ye shes lnga dang sku gsum nyid/ /'gro ba skyob la phyag 'tshal bstod/ /ji snyed rdo rje mkha' 'gro ma/ /kun tu rtog pa 'ching gcod cing/ /'jig rten bya ba rab 'jug ma/ /de snyed rnams la phyag 'tshal lo/ /yod med rtog pa las grol zhing/ /'khor 'das rnam pa gnyis med pa/ /dpe med bde bas gang gyur pa'i/ /'khor lo'i dpa' bo la sogs bstod/ /'dis ni mngon par brkyang phyag 'tshal lo/ /slob dpon rgyud kyi dbye bas der/ /ting nge 'dzin gyis rim pas ni/ /rang gi lha yi gzugs su 'gyur/ /ji lta'i rdzogs pa'i rim pa sgom/ /yon bdag yi dam gzhan yin na/ /ston la rang gi yi dam ste/ /rjes la skad cig nyid la ni/ /yon bdag 'dod lha'i rnal 'byor bsgom/ /rgyud las gsungs pa'i mtshan nyid can/ /las kyi rdo rje'i bya ba ni/ /ji skad bde mchog 'byung ba las/ /gtsang zhing zhi la blo gros ldan/ /rmongs dang ser sna rnam par spangs/ /thams cad dang ni mthun par lta/ /las kyi rdo rjer der rtog go/ de bzhin rdo rje phreng ba las/ /khyod ni rang 'byung rdo rje sems/ /mtshungs med las kyi rdo rje nyid/ /de nas sna tshogs gron? mo dang/ /sha dang chang ni mnyam por sbyor/ /longs spyod yid 'phrog bde ba can/ /dpal ldan rdo rje sems dpa' mnyes a smra dang ni sa ni sa/ /mi dmin re ke la sogs/ /'bras bu rnam pa sna tshogs pa/ /tshogs kyi dkyil du dbul ba ni/ /yang dag sbyor ba'i rgyud las gsungs/ /'phags pa phyag na rdo rjes gsungs/ /ji ltar tshogs pa'i rnal 'byor la/ /bdud rtsi ril bu chu yis bsang/ /sngon du gtor ma sbyin par bya/ /phyag rgya chen po'i thig le las/ /thog mar gtong ma chen po ni/ /sna tshogs pa yi bza' ba dang/ /btung pa dang ni ldan pa nyid/ /thog ma par dang tha ma ni/ lhag pa lha yi rnal 'byor gyis/ /gtor

  543. 272a

    ma dbul bar bya ba ni/ /mdun du dri bzang sogs pas byug /dri yi thig les dkyil 'khor la/ /rang gi lha yi 'khor lo ni/ /cho ga bzhan du bskyed la mchod/ dam tshig sems dpa' mkha' nyid las/ /ye shes sems dpa' dgug par bya/ /de yi rtsibs bcur khro bo bcu/ /bsrung ba'i 'khor lo'i lte ba la/ /sgrub pa po yi lha nyid de/ /bsrung ba'i 'khor lo'i phyi rol tu/ /'khor dang bcas pa'i phyogs skyong dang/ /zhing skyong dur khrod la sogs pa/ /ji ltar mngon rtogs sngags kyis su/ /skad cig gis ni rang gi lha/ /dkyil 'khor 'khor lo'i gzugs su blta/ /yum dang bcas pa nyid du bsgom/ /dam tshig lin? gzhug par bya/ /ji ltar cho ga la sogs pa/ /gtor ma bdud rtsir byin brlabs te/ /rang rang sngags kyis dbul bar bya/ /khyad par so so'i mngon rtogs ni/ /gzhung mang 'jigs pas ma dris shing/ /yongs su grags pa cung zad bkod/ /de nas g.yon pa'i ming med dang/ /rgan po'i sor mo gnyis sbyar nas/ /shes rab khu ba byin gyis brlag /de yi mdun du chos 'byung bri/ /shes rab thabs kyi khu bas gtor/ /lhag pa lha yi dkyil 'khor ni/ /gzugs brnyan bzhin du gsal bar blta/ /bsrung bas byin gyis brlab pa'i gnas/ /ting 'dzin byed pa rgyun mi bcad/ /de nas las kyi rdo rje yis/ /slob dpon la ni snod gnyis dbul/ /gzhan pa rnams la re re'o/ /mchod rdzas bla ma nyis 'gyur ro/ /de nas gzhan rnams mnyam por shes/ /'ga' zhig tshim par ma gyur na 'ang/ /rang gis blang par mi bya ste/ /las kyi rdo rje las blangs na/ ltung ba nyid du mi 'gyur ro/ /gang zhig lag nas lhung ba dag /dngos po gzhan gyi dga' bar bya/ /'dren pas ha cang gang ba min/ /len pa ha cang stongs pa min/ /phan tshun gcig la gcig min bzhin/ /'dod ces dag gis smra pa min/ /yang/

  544. 272b

    'dren pas pad skor phyag rgya ste/ /g.yon pas steng du bskyod par bya/ /len pas kyang ni de bzhin no/ /phyag 'tshal nas ni dbul bya zhing/ /'dren pas de bzhin shes par bya/ /g.yas pa'i lha srung? btsugs te/ /thog mar thabs dang shes rab la/ /gzigs shig mdzes pa dam pa'i chos/ /'di la the tshom bya mi rung/ /bram ze khyi dang gdol pa yang/ /rang bzhin gcig tu dgongs te rol/ /tshigs bcad 'dis ni sbyin par bya'o/ /yang ni len pa po yis ni/ /bde gshegs chos la rin thang med/ /'dod chags la sogs dri ma bral/ /gzung 'dzin rnam par spangs pa yis/ /de kho na nyid la skyabs su mchi'o/ /tshigs bcad 'dis ni len par bya'o/ /bla ma'i bka' drin gnang ba yi/ /snod ni sa la bzhag mi bya/ /gnang ba thob gyur bzhag par bya'o/ /de las gzhan du chad par 'gyur/ /slob dpon rjes gnang ma byin par/ /rnal 'byor bza' tung? bon gzhan min/ /slob dpon thog mar rang gi ni/ /phyag rgya mchod la de nas rol/ /btung ba dga' ba skyed pa tsam/ /de bas lhag dang chad pa min/ /bde ba skyed phyir btung ba ste// myos pa'i phyir ni ma yin no/ /rnal 'byor lha yi nga rgyal ni/ /dus rnams kun tu bya ba nyid/ /rdo rje phreng ba'i rgyud las ni/ /tshogs kyi 'khor lor 'dus pa na/ /gtam gyi rnyed pa la sogs pa/ /de bzhin g.yeng pa spang bar bya/ /mchil ma 'dod la sogs pa ? smad ? 'thog dang rgod pa dang/ /rkang lag brkyang bar mi bya'o/ /yang yang ldang dang 'dug pa dang/ /mgrin pa bsgyur sogs rtag tu spang/ /gang zhig dgos pa'i dbye ba la/ /brda skad phyag rgya bgo bar bya/ /'dus pa'i dkyil 'khor dbang phyus/ /gnang ba khyon par ma gyur par/ /gzhan du glu dang gang dang ni/ /de bzhin rol mo 'khrol la sogs/ /zab mo'i skad sogs 'dri ba min/ /gnang ba thob nas ci bder 'gyur/ /gang zhig bza' dang btung ba la/ /thing bdud rtsir sbyar byas la/ /de nas rang gi lte bar ni/ /gang

  545. 273a

    zhig dgos pa'i dbye ba yis/ /lha yi 'khor lo gnas par bsam/ /rang gis lag pa g.yas dang g.yon/ /blugs gzang dag dag? zad rang gzugs nyid/ /lte ba'i lha la mchod pa'i tshul/ /long spyod chogs kyis mchod par bya/ /de bzhin gzugs la sogs pa'i yul/ /mig la sogs pa'i dbang po nyid/ /ji ltar lha yi gzugs kyis ni/ /rnam par dag pa'i ro gcig pa'i phan tshul shes pa nyid kyis/ /de yang rdo rje phreng ba las/ /lte ba pad+ma'i dbus su ni/ /dpa' bo dbang phyug dran pa nyid// gang zhig phan tshun gcig la gcig /rnam par dag par mi shes na/ /de la 'khor lo'i 'bras bu med/ /thams cad dngos grub 'bras nyams 'gyur/ /gang da? rim pa 'di yis na/ /phyi dang nang gis bdag nyid kun/ /ro gcig par ni spyad byas nas/ /de ni 'grub par 'gyur ba nyid/ /yang dag tshogs 'khor 'bras bu 'byin/ /myos byed bde ba bskyed pa'i tshe/ /glu dang gar ni byed 'dod na/ /gnang ba thob nas rdo rje gi?/ /glu gar rnal 'byor pa yis bya/ /de yang brtag gnyis rgyal pa las/ /glu ni rnam dag sngags gnas// gar ni sgom pa byed ba nyid/ /de yis phyir ni glu dang gar/ /rnal 'byor pa yis rgyun tu bya/ /dga' ba rdo rje bsdams pa yis/ /rkang pa rdo rje rtse gcig dang/ /rnal 'byor mnyam par bzhag pa yis/ /bde ba bskyed phyir ga ri nyid/ /thar pa'i rgyud ni brjod par bya'o rgyud las gsungs pa'i rim pa ste/ /gzhan du du gnang ba ma yin no/ /de bzhin rdo rje 'bring ba las/ /dga' ba bskyed nas gnang ba yis/ /glud pa gar ni bya ba nyid/ /gang zhig rdo rje bsdams la sogs/ /de bzhin lha ni mnyes pa nyid/ /rgyud las gsung ba rdo rje'i blu/ ko la e reSh+Thi a d+ho lA sum? ni re kak+ko la/ /g+ha na kri bi Ta ho badzra i/ /ka ru Ne ki a i na ro lA/ /ta hi baM la kha dzThA? i/ g+ha DheM ma a ni pidz+nyA a a i/ /ha le kA leny+dzA ra pa Ni a i/ mdu dur Shidzdza a i/ /tsa u sa ma kats+tsha ri sihwa? / /b+hU ra lA i A i/ /A

  546. 273b

    a inTTa r+Na ?Tu li a ta hi b+haM ru kha pi a i/ /pra k+Sha Na khe Ta ka ranTa shud+d+ha a shud+d+ha na ma Ni a i/ /ni rang su a ka tsdza DA wi/ /ta hi dzaM sa wi a NI a i/ ma la a dza kun+tu ru pa TU i Dim+bi ma ta ti ni bidzdza a i/ /grub thob bla mas gsungs pa'i dbyangs /stong pa snying rje dbyer med par/ /don stan rdo rje'i glu nyid do/ /gzhan du rtog pas phan tshun du/ /sprel? ba ba rdo rje'i glu ma yin/ /rdo rje rkang pa'i gar? la sogs/ /gzhan du rags phyir 'dir ma spros/ /'dir ni chog ji bzhin du/ /glu gar la sogs rim pa ni/ /byin gyis brlab par 'gyur ba nyid/ /de la thun mong byin brlabs rtags/ /de yang brtag gnyis rgyal po las/ /gsungs par mi bzhin shes byas te/ /'khor lo'i dbang phyug mdun du ni/ /gang zhig gus pas glu dang gar/ /byas pas dri yi mtshan nyid ni/ /thog mar sgog pa'i dri nyid de/ /de nas yang ni bya rgod dri/ /gsung? ma la ya yi dri/ /byin brlabs glu yi mtshan nyid do/ /dang pa'i dang ni bung ba'i sgra/ /thos pas glu yi khyad par nyid/ /pa lang tshe yi sgra nyid ni/ /phyi rol nye ba'i mtshan nyid/ /khyad par byin gyis brlabs pa'i rtags/ /de yang rdo rje phreng ba las/ /gal te thun mong rnal 'byor ma/ /'dus pa'i tshogs su 'ongs pa na/ /g.yon pa'i ts+tsho mo'i brda yis ni/ /bde ba'i phyag rgya bya ba nyid/ /de la sgrub pa po yis ni/ /gtam 'dri rnam rtog byar mi rung/ /cung zad 'dri bar 'dod pa yang/ /gang zhig rdo rje slob dpon nam/ /yang na las kyi rdo rje yis/ /brda dang phyag rgya 'dri bar 'gyur/ /sna tshogs gzugs kyi rnal 'byor ma/ /yang dang ? tu 'gro zhing 'od/ /de la the tshom za ba dang/ /ya mtshan 'jigs par byed don sogs/ /sgrub pa po yis mi bya ste/ /byas nas dngos grub nyams pa nyid/ /de nas dkyil 'khor sdud pa na/ /lhag ma'i gtor ma sbyin par bya/ /de yang

  547. 274a

    phreng ba las/ /lhag ma'i gtor ma'i sbyor ba yis/ /dngos grub rnal 'byor chen por 'gyur/ /oM k+Shi u ts+tshi Sh+Te k+She tra pA lA ya swAhA/ /sngags 'dis brjod cing kha prus gdab/ /yang ni slob dpon sngon 'gro bas/ /gang zhig ma mthong gyur pa na/ /rtags kyi sbyor ba'i mtshan nyid ni/ /rnal 'byor gyis ni shes par bya/ /gang zhig byad zlum kha dog dmar/ /gzhan bzang sman ma ring ba ni/ /'od dpag med kyi rigs shes bya/ /de la rus sbal phyag rgya bstan/ /cung zad spom zhing dmigs dkyus ring/ /dkar ser mdog can yid 'phrog ma/ /sna tshogs gos ni 'dzin pa ste/ /ri mo gsum 'greng dpral bar mtshan/ /gang du gnas pa'i sa dag tu/ /grong ba'i shi sogs gtam smra ba/ /'di nyid rin 'byung rnal 'byor ma/ /dpal ldan mkha' 'gro zhes byar blta/ /rtse gsum pa yi phyag rgya bstan/ /g.yon brkyang pa yi gar stabs kyis/ /de yi mdun du blta bar bya'o/ /lag tu g.yon pas byin nas ni/ /phyag rgya rab tu ston par byed/ /kha dog gnag cing gos nag 'dzin// sgra li dpral ba gzhu yi dbyibs/ /mtshan ma'i rnam par rtog par ston/ /sems 'gro ba yi mar rab grags/ /g.yon bskum dge ba'i gar kyis ni/ /phyag rgya rab tu bstan par bya/ /mi bskyod pa yi rigs su shes/ /g.yon pa'i stangs kyis lan yang 'debs/ /lus sgom gsus pa cung zad 'phyang/ /mig yangs rdzi ma thang ba la/ /byin ba sgom zhing mdzes pa ni sa 'og grus pa shes ba ste/ /rnam snang rigs su shes pas na/ /de la dung gi phyag brgya star mig skam pa spu thams cad langs/ /lus skem lag ba ring ba la/ /mkha' 'gro zhes sgra rab tu sgrogs/ /'di nyid don grub rigs su shes/ /de la rab blta mdza' ma bskor/ /lag pa g.yon gyi dbye ba yis/ /ba dan phyag rgya bstan par bya/ /ji ltar 'di dag la mkhas pas/ /rab tu 'bad pas shes par bya//

  548. 274b

    dri ba 'am phyag rgya byed pa na/ /de yi don gyis mchod par brjod/ /gang zhig 'di rnams thams cad la/ /dpa' bo brkyang ba'i bya ba ni/ /dpa' bo'i ston mo zhes su brjod/ /tshogs kyi dbang phyug de lta min/ /de bzhin dpa' mo brkyang pa la/ /dpa' mo'i dbang phyug ston mo nyid/ /de ltar 'khor lo'i dbang phyug la/ /shes rab thabs dang bcas pa nyid/ /gzhan yang gang zhig stobs dang ni/ myos byed khu ba rkyang bas ni/ /'phags pa phyag na rdo rje'i zhabs/ /stobs dang myos byed khu bar ni/ /mi ldan yon tan bsod nams nyams/ /gtso bo tshogs kyi dbang phyug gi/ khyad par shes rab g.yon du bzhag /'dir ni ji ltar 'byor ba dang/ /ji ltar nus pa'i rim pa yis/ /lha yi bdag nyid dkyil 'khor sogs/ /rnam par dag pa'i tshogs mchod/ /thams cad rang gi rnal 'byor gyis/ /'dir ni dge bar 'dod pas na/ /rnam dag lha yi rnal 'byor gyis/ /slob mas tshogs kyi rnal 'byor goms/ /nang gi dbang phyug gyur pa ste/ /rgyan par shin tu goms pas na/ /gang tshe cho ga 'di yis ni/ /rim pa 'di ni rnam par sbyang/ /de tshe rtag tu goms pas na/ /spros bcas spros med rnam par bzhag /de nas sgrub pa po yis ni/ /zhal gsal phyag phyis go la dbul/ /yon tan sogs pas mnyas par bya/ /rang gi lha yi 'khor lo nyid/ /dang po thar bar 'gyur ba ste/ /de nas bsod nams bsngo bar bya/ /bzod par gsol la tshogs kyi ni/ /'khor lo gshegs par bya ba nyid/ /bdag nyid dbang phyug gyur pas na/ /gzhan la phyag ni bya mi dgos/ /cho ga'i rim pa 'di yis ni/ /ji ltar rigs par 'bad gyur na/ /de yi bsod nams mdza' ma ni/ /tshad bzung nus pa ma yin no/ /de ltar phyag na rdo rje yis/ /gsungs pa'i rjes su 'brangs par 'gyur/ /tshogs gyi 'khor lo cho ga yid bzhin nor bu zhes bya ba/ paN+Di ta ratna rak+Shi tas mdzad pa

  549. 275a

    rdzogs so// //rgya gar shar phyogs kyi paN+Di ta ratna rak+Shi ta pa'i zhal snga nas dang/ bod kyi lotsA ba shAkya'i dge slong rdo rje 'dzin pa grub pa dpal bzang pos bsgyur ba'o// // rgya gar skad du/ /ga Na tsa kra bid+hi brA ka sa nA ma/ bod skad du/ tshogs kyi 'khor lo'i cho ga rim par phye ba zhes bya ba/ /rje btsun mi 'phags ma sgrol ma la phyag 'tshal lo/ /dpal ldan bde chen rgyal po yis/ /rdo rje sems phyag 'tshal nas/ /dngos grub dgos pa kun bsgrub pa'i/ /tshogs kyi 'khor lo'i rim bshad bya/ /de la tshogs kyi 'khor lo brgya rtsa'am 'bum pa sogs pa byed par 'dod pas 'byor pa dang bstun pa'i mi pa ni gsum ste/ /rgyal po lta bu'i dang/ dmangs lta bu'i dang/ /rnal 'byor pa'i rim pa lta bus bya ba'o/ /dang po ni 'byor pa dang ldan pas rgyud gang dang rtog bsre mthun pa'i rnal 'byor pho mo lha grangs dang mnyam pa rang gi slob dpon sngon du 'gro ba'i blo can rnams kyis de'i cho ga dang/ brda dang phyag rgya la sogs pa tha ma snyoms 'jug gi bar du bya ba na gcig ste/ /rim par phye ba dang po'o/ /gnyis pa ni ji ltar tshogs pa'i 'byor pa dang/ /ji ltar rigs pa'i rnal 'byor pho mo rnams rdo rje slob dpon sngon du 'gro bar bya ste/ cho ga ni rgyud kyi dbye ba las shes te/ /de lta bu'i bya ba gcig tu 'dod de rim par phye ba gnyis pa'o/ /gsum pa ni 'byor pa dang ldan pas rgyud du ma'i rnal 'byor pa rang gi rig byed la mkhas pa'i tshogs la/ /spro ba dang bsdu ba'i rim pas bya ste/ /de ltar rnal 'byor pa'i grangs ji snyed pa de snyed tshogs kyi 'khor lo'i dbye ba shes par bya ste/ /'di rim par phye ba gsum pa'o/ /de thams cad la gnas dang rdzas dang/ rnal 'byor pa dang/ cho ga dang/ yon bdag la

  550. 275b

    bar chad med par bya'o/ /grangs du ma byas par 'dod pas tshul 'dis ni yongs su shes par bya'o/ /tshogs kyi 'khor lo'i cho ga rim par phye ba zhes bya ba/ /A tsArya he ru ka badzra yis mdzad pa rdzogs so// //paN+DI ha ratna rak+Shi ta'i zhal lnga nas lo tsA ba grub pa dpal bzang pos sgyur ba'o// //*/ /rgya gar skad du/ kA ya bA ka tsit+ta/ su pra tiSh+Tha nA ma/ bod skad du/ sku dang gsung dang thugs rab tu gnas pa zhes bya ba/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa la phyag 'tshal lo/ /sku gsung thugs rten bla ma la/ /gus pas phyag 'tshal rten gsum la/ /rgyud dang bla ma'i gsungs brten nas/ /sgrib sbyong rab gnas bri bar bya/ /slob dpon de nyid bcu shas shing mtshan nyid kun dang yang dag ldan/ /phyag rgya sngags dang cho ga shes/ /las rnams kun la mkhas pa ste/ /dam sdom byang chub sems 'byongs pas/ /bsnyen pa rnam gsum rdzogs byas la/ /de dang 'dra ba'i grogs bcas kyis/ /dus zla gza' skar tshes grangs ni/ /nyi ma'i khyim ni bcu gnyis te/ /dgun dpyid ra 'bring ro hi ta'i/ /dus su nyi ma log nas ni/ /byang 'gro zla drug nyin mo 'phel/ /de drug zhi ba rab gnas shis/ /dbyar sten ra 'bring zla drug lhor/ /nag 'phel dra nyi der mi btsam/ /phur blu? lag dang pha ba sangs/ /zla ba bzang ldan gza' ste shes/ /nyi spen dmag dpon nor 'joms dang/ /chu smad snar ma gro bzhin dang/ /lag dang snron snubs rgyal chu stong/ /khrums smad skye dgu 'phel ba dang/ /rab tu gnas pa'i mchog tu byed/ /yid 'dod dngos grub mi bzhi ste/ /snrubs? dang gra bzhin de bzhin te/ /lag gis skal bzangs snang mas rgyal/ /mgo yis nye bar zhi bar byed/ /chu ton gyi ni bu dag gson/ /khrums smad rtag par dngos grub ster/ /rgyal gyis tshe ring bstan par 'gyur//

  551. 276a

    snron gyis mchog tu bde bar byed/ /lha mtshams kyis ni mchog steng 'gyur/ /gza' dang skar ma de dag kyang/ /dar rgud mi rigs las dang sbyar/ /tshes gcig gsum lnga drug bdun bcu/ /drug po nor 'dzoms spang gzhan shis/ /gza' skar tshes grangs mthun 'dzom na/ /mar gyi do la'ang bya bar shis/ /gnam stong bcu bzhi kun tu spang/ /zla ba bza' dang skar ma dang/ /nyi ma sdus 'dzoms skad cig la/ /ji skad gsungs pa bzhin byas na/ /bsam pa thams cad yongs rdzogs shing/ /rab tu gnas pa mchog 'gyur te/ /'khor los sgyur rgyal dbang phyug ni/ /thob 'gyur 'di la the tshom med/ /slob dpon mtshan ma thob pa na/ /gza' dang rgyu skar rtsi mi dgos/ /bgegs dang leg par 'dren pa'ang med/ /bza' rnams thams cad rjes mthun zhing/ /bgegs dang rgyu skar lha rnams nyid/ /de drug bka' sgrub kun gnas shing/ /gzugs brnyan mchod rten la sogs kyis/ /dos grub dag ni ster bar mdzad/ /yid kyis cung zad gang bsams pa/ /skye dang skye bar 'grub par 'gyur/ /yang thog mchod rten la sogs gnas/ /khyim dang lha yi gnas rnams su/ /sangs rgyas la sogs rab gnas bya/ /brdungs lugs 'khur bris sogs rten ni/ /rang rang mtshan nyid ldan pa ste/ /zhi khrol sogs rang tshul mthun// tshad kyis tshad la phab cing bzang/ /de 'dra rab tu gnas par 'gyur/ /bzlog pa skyon 'gyur da phyir gza'/ /rab gnas dgos dang mi dgos gnyis dam pa'i don du dpyad pa na/ /gang zhig gang gis gang du rlabs/ /gdod ma nas zhi skye med la/ /ji 'dra ji ltar rab tu gnas/ /chos rnams thams cad 'od gsal du/ /rtogs dang ldan pa'i mchod gnas la/ /rab tu gnas pa mi dgos te/ /yang na stong nyid ma rtogs kyang/ /mchod rten glegs bam sku gzugs sogs/ /sangs rgyas rnam 'phrul

  552. 276b

    byin brlabs las/ /byung ba min na mi 'byung bar/ /rtogs te shin tu dang ldan na/ /rab tu gnas pa mi dgos so/ /dang po'i las can ma 'byongs la/ /'jig rten tha snyad kun rdzog tu/ /'gro bas de nyid mi shes la/ /ston pas rab tu gnas pa bshad dbye ba sgra don skyon yon las/ /bya ba'i thabs dang rnam pa drug/ /don dam spros med rab gnas dang/ /kun rdzob sku gsung thugs gsum ste/ /yon tan 'phrin las zhog la 'byung/ /dam tshig sems dpa' sbyangs skyed la/ /ye shes sems dpa' yun ring du/ /gnas pa'i phyir na rab tu gnas gang du sku gzugs rdzogs pa la/ /byin ma brlabs par rang gnas na/ /de la ? ye? shes 'gyur zhing/ /de srid mchod par de mi 'os/ /dper na skyes bu la la zhig /rim pa'i mtshan nyid spangs pa na/ /'jig rten kun gyi mchod mi byed/ /de bzhin byin ma brlabs sku la/ /gang zhig phyag 'tshal mchod byed pa/ /dam tshig bral zhing sngags dman te/ /sbyin reg thal ba 'bras med mtshungs/ /'jam dpal rtsa ba'i rgyud chen las/ /skye ba tshul khrims 'chal 'di la// ba'i 'gro ma tho ri sod min la/ /bde ba mchog tuAng mi 'gyur na/ /rgyal bas gsungs pa'i sngags rnams ni/ /'grub par 'gyur ba smos ci dgos/ /ta la'i mgo bcad sngo min ltar/ /de bzhin sngags sgrub rmongs pa dang/ /tshul khrims nyams shing sdig las byed/ /rtag tu bud med chags pa la/ /'di ni rab tu bstan ma yin/ /mi dge bshes gnyen bsten pas ni/ /sngags kyi rgyal po ga la 'grub/ /yon tan yang ni tsa rgyud las/ /'jig rten sngags rnams ji snyed dang/ /de slob bse ru byang chub sems/ /bdag nyid chen pos gsungs pa yin/ /cho ga gzhung dang mthun par ni/ /rab tu gnas pa byas nas kyang/ /ri mo 'di ni mdun gzhag na/ /sngags rnams ma lus 'grub par 'gyur/ /de bzhin mchod dang phyag 'tshal dang//

  553. 277a

    mthong dang reg pa cam gyis kyang/ /sdig pa'i rlog pa kun las grol/ /ras ris la sogs mthu chen la/ /don du gnyer dang bskul bas ni/ /myur du skye ba don yod thog /rjes su yi rang de bzhin no/ /rten 'di mthod pa'i skye bo yi bsod nams theb pa don yod pa/ /bskal pa bye ba rnams su yang/ /brjod par yang ni mi nus so/ /las ni yon bdag bsod nams spel /sngags pas dge ba rnyed par byed/ /de bzhin slob dpon sngags gnas pas/ /chos ldan mchod pa byed pa gang/ /de yis skye bar mchod par 'gyur/ /bya thabs chog dag pas bya/ /chog dman gnas bkra mi shis /'dir sdug pha rol 'jigs pa che/ /dngos grub 'dod pas cho gar 'bang/ /cho ga'i tshul legs bsod nams ni/ /mthong dang mi mthong rnams su skye/ /sku gzugs sngags kyi mtshan nyid kyis /rten la byin brlabs 'jug par 'gyur/ /gang zag blo rigs tha dad pas/ /yon mchod 'byor chog tshogs pa yis/ /rab gnas rgyas pa sbros bcas bya/ /'bring pos cho ga cha tsam dang/ bsdus pa ting 'dzin thun gcig la/ /rdul tshon la sogs mi dgos bya/ /rgyas pa mtshan ldan bla ma la /slob mas lan gsum gsol btab nas/ /bka' bsgo slob mas rdzas ba sogs te/ /yid 'ongs gnas su bsnyen gsum bskyal/ / sa yi chag gzhung bzhin bya/ /lha bum sbyin sregs yi lha/ /sta gon spyi dang mthun par bya/ /'di skrabs? slob ma sta gon ni/ /gang byed gzhung dang mthun gnas yin/ /de yang sngags grogs slob dpon 'dra/ /yon bdag sta gon gnas pa ni/ / rgyas pa bkra shis cho ga 'di/ /brtsams nas yongs su rdzogs kyi bar/ /yon mchod la sogs ma rnams kun/ /lus dag yid spyod bzang ltas bya/ /ba'i phyogs kun thag ring spang/ /bzang ngan gang byung mi rabs bdun/ /'byung bas ngan

  554. 277b

    na 'bang sogs bzlog /nang par dkyil 'khor rdzas chang bsham/ /shar lhor rab gnas dbang stegs ni/ /dbangs khru rgya ni sten dang sbyar/ /ba yis lngas byugs pad 'khor ser/ /nyi nub dpon slob khrus byas brgyan/ /bgegs bskrad chang lhag bskang byas te/ /bum pa'i bsnyen bsgrub gzhung ltar bya/ /de yang bsung pa'i 'khor lo nas/ /mchod bstod bsgom bzlas par du ni/ /mtshan ma byung gi bar du bya/ /de rjes rang 'jug dbang yang blang/ /de rjes snyan gsan gsol ba gdab/ / phyir phyin gtor ma rgya chen gtang/ /bgegs la bka' bsgo bden bdar bya/ /nang zhugs nye regs 'thor ba thung byas/ /sngon du yon bdag dbang rgyas bskur/ /de nas rab gnas sta gon te/ /rten gsar rnams ni der drangs la/ /dkyil 'khor mkhar gdegs bdag khror bsgyur/ /bgegs la bka' bsgo stang stabs bya/ /khro bo'i bstod bzlas ra dra sogs/ /bsrung 'khor rgyas par bsgom par bya/ /gong nas rten gsar bzhugs pa na/ /na bza' car g.yog zhal phyir bstan/ /dkyil 'khor bris nas ta gon te/ /ma bris rab gnas dbang nus med/ /slob dpon brtan ma thob nus med/ /dkyil 'khor bris chog dgos med 'gyur/ /nges na rgyud dang bla ma ni/ /dam pa'i snyan brgyud gdams ngag dgos /sta gon bgegs ni bskrad pa'i gnang/ /dngos gzhi byin brlabs sbar ba'i gnang/ /rjes ni bstan pa dar rgyas gsum/ /sta gon nub mo phyag rgya dgrol/ /dkyil 'khor shar sogs ku sha'i steng/ /seng ge'i nyal stabs chos nyid nyal/ /skya rang shar dus chos nyid las/ langs te khrus byas brgyan lhar bskyed/ /rten gsar tha mal dri sbyang phyir/ /shing bu gru gsum me spar la/ /kham phor steng du bag zan gyi/ /kod pu gsum la mar me spar/ /'bras kyi chang bu gsum la ni/ /rdo rje gtsug tor gnod sbyin gyis/ /

  555. 278a

    sku la phyi bkru lan gsum bya/ /'bras med bag phyes? bya bar los?/ /sngags gnyis zlos shing yongs su kar brag/ /mi gtsab dor bsam sla ngar blugs/ /de rjes chu med de ltar bya /? na g.yon steng ngo chu me ? dang/ zho ? bsres dang yungs kar la/ /oM sarba pA paM? da ha na badzrA ya swAhA/ /zhes zlas med bsregs bzhi mdor dor/ /bdag chal sug pa nye shing pa/ /shu ti sran phye ba yi lnga/ /til mar gyis na sngags bcas bkru/ /bag chags sbyang phyir chu brgyad khrus/ /rdul g.yang me long bstan byas te/ /chab gtsang chur cang sman chab dang/ /sbru cha ba 'o ma 'bru sna lnga/ /rin chen mchod yon khrus byas la/ /shing pa la ras kyis sku phyis la/ /dbang stegs steng du bzhugs gsol la// mar dang dra? lnga ga pur dad/ /tsan dan dza ti gur gam dang/ /gla rtsi byugs te stong par sbyang/ /stong pa'i sngags gsum rim bzhin brjod/ /de nas lhar bskyed dngos de 'am/ /dkyil 'khor gang bris yi dam lha/ /gtso 'khor bcas pa 'am gtso rkyang ni/ /mngon par byang chub lngas bskyed la/ /rab gnas dbang bskur mnga' gsol gsum/ /rab gnas ye shes sems dpa' yi/ /spyan drangs chos brgyad gnyan gsan dbang/ /spyan drangs bzhugs gsol khus? mchod yon/ /phyag 'tshal sum bsres sku gsung thugs/ /byin gyi brlabs pa'i bar du bya/ /de la mchod pa'i rim pa ni/ /rin chen maN+Dal thun mong lnga/ /rgyan dang gzhal yas gdugs rgyal mtshan/ /ba dan? 'ang? na dang blar dang/ /me tog phreng ba rol mos bskor// na bza' nam mkha' mdzod zhal zas/ /gling bzhi'i maN+Dal 'bul bar bya/ /rang rang sngags dang rten 'brel gyis/ /snying po brgya dang rtsa brgyad bzlas/ /de nas rdo rje sems dpa' yi/ /yi ge brgya pa brgya rtsa brgyad/ /bzlas pas brtan par byed

  556. 278b

    ba yin/ /da dag spyi yi rab gnas te/ /khyad par sku gsung thugs rnams la/ /rang rang cho ga gzhung bsrang la/ /mchod rten la sogs thugs rten la/ /khyad par chos bzhi byin gyis brlabs/ /rdo ring them skas chu srin gyi/ /rgyal mtshan la sogS dbul ba'o/ /byin brlabs sa gzhi chos kyi dbyings/ /seng khrim 'jigs bzhir byin brlabs/ /rmad ni dge bcu khri 'phang ni/ /dang po dran pa nyer gzhag bzhi/ /gnyis pa yang dag spong ba bzhi /gsum pa rdzu 'phrul rkang pa bzhi/ /bzhi pa snang ba'i dbang po lnga/ /bum rten stobs lngar byin gyis brlabs/ /bum pa byang chub yan lag bdun/ /kha bsgyer 'phags lam yan lag brgyad/ /de dag rgyu chos byin brlab ste/ /'bras bu'i chos su 'di ltar bslab/ /srog shing mkhyen bcu ? legs ni// ye shes bzhi dang rnam thar bzhi/ /'khor lo bcu gsum sa bcu dang/ /dran pa nyer gzhag gsum du brlab/ /char khebs gzugs? ni ? rje'i skyabs/ /tog? ni chos dbyings ngo bo nyid/ /phyi ni sku gsum nang gzhal yas/ /rdo ring rin chen them skad dang/ /chu srin rgyal mtshan dang dbyangs dang/ /rin chen phreng pa nyi zla dbul/ /bya ru thabs dang shes rab ?/ /gdan ? dbul ba rgyas pa yin/ /mchod rten sku bsdus rab gnas bya/ /? gnas legs par bya/ /sku gzugs khyad par chos brgyad de/ /spyan? ? bu skra sbrul skya'i bzhar/ /longs sku'i dung gi so mang bshad/ /shangs dbyes sku thog tshems rtsa bru?/ /ljags bzhar snyas skabs bru zhing gsal/ /na bza' sprul pa'i sku la ni/ /smad gsum chu tshags par 'khar sil / /longs sku zhi? la dar gi ste/ /khro ba stag lpags dang ston gyi/ /stong g.yogs rgyan ni sbrul ? sogs/ /sbrul sku rgyan med longs zhi la/ /bris 'god 'bul bsam ? chogs dbul/ /dngos su dbul du yod na rab/ /gsung rab zhal bsro'i khyab

  557. 279a

    par dgu/ /don gsung skye 'gag med par brlab/ /tshig gsung yig 'gru gsung rab ni/ /yan lag tshad med bzhi bcur brlab/ /khri dbul glegs thag dbul/ /na bza' zhal khab rgya rim bdun/ /pha rol phyin ba yum chen mo/ /mdo sde 'dul ba byang chub che/ /rgyud sde rdo rje chos sogs te/ /chog yid dam la sogs pa/ /ngo shes bye brag mi shes sbyi/ /yang na bden gnyis yi ger bsam/ /dri lta yis ni de nas byug /sa bon lnga'i gtor bya'i? don// skye med rtogs pa gsal ba yis/ /chos sku la ni chos sku thim/ /gnyis su med bsam me tog dbul/ /thugs kyis mchod pa dri yis byug /de nas sbyir ni dbang bcu gcig /bum pa dbu rgyan tsed pan dang/ /phyag rgya ming dbang las bzhi'i dbang/ /chos kyis rgyal po gsang ba'i dbang/ /thabs shes gdugs dang phreng dbang bskur/ /rjes la mnga' gsol rten kun la/ /rdzas brgyad sna bdun dbul ba dang/ /bkra shis byin cher gsol ba ni/ /'brang rgyas la sogs bkra shis rdzas/ /mang la 'jig rten dge ba dang/ /mdzad pa bcu gnyis dkon mchog gsum/ /rigs lnga la sogs mang po ni/ /klag dang gyed pas zhal bsro bya/ /gong du cod pan dbang bskur 'am/ /yang na sngags 'dis bcings byas te/ / oM hUM a badzri khaM/ sku yis su ma 'gyur khril ni/ /mdun du ma nub mi yor bzhugs/ /de ltar ma byas skyon med 'byung/ /de nas slob dpon yon bdag gnyis/ /me tog gtor te gdan khri nas/ /gzung la gzhugs pa ? lan gsum gsol// de nas mtshan brgya rtsa brgyad sogs/ /bstod pa rgyas bsdus skabs dang sbyar/ /de yi yon tan la dad pas/ /me tog smos dang de bzhin dri/ /mar me lha bshos na bza' sogs/ /sngags ldan rgyas bsdus skabs dang sbyar/ /de nas yon

  558. 279b

    bdag 'dun bzhag la/ /me tog dri yis mnga' gsol ba/ /rten 'brel snying po zlos bzhin du/ /lha la 'bul bzhin byas la/ /gzeng bstod mchod pa'i rjes gnang sbyin/ /gsang ba'i bdag po bcom ldan 'das/ /phyag na rdo rje 'khor bcas la/ gtor ma phul la gsol ba gdab/ /spyi yi chos skyong phyogs skyod bcu/ /rnam sras mgon po bzhi bdag la/ /gtor sbyin phrin las bka' bsgo bya/ /phyi rjes gzo bo grogs byed sogs/ /'di skad brjod de mchod par bya/ /kye gson dga' bas 'di nyid du/ /ji ltar gsungs pa'i mchod pa rnams/ /bdag la mthun pa'i nus pa med/ /de phyir khyed ni bzod par gsol/ /de dag gang dag brtul zhugs can/ /dge slong dge bsnyen dge bsnyen ma/ /mchog tu gus pas mchod byas la/ /ji ltar 'os pa'i yon yang 'bul/ /rab tu byung ba'i gnas brtan dang/ /khyim pa'i gtso bo la sogs la/ /gnyer gtad bka' bsgo 'di skad brjod/ /snyigs ma lnga'i dus 'di yi mchog gi sku dang mnyam pa yi/ /sprul pa'i sku ni 'di yin gyis/ /khyod kyis ma nyams srung mchod kyis/ /sngags kyi bza' bca' yon bdag la/ /skabs 'dir sbyin te 'di skad brjod/ /sngags kyis gtsang sbra'i bza' bca' dag /gzugs brnyan bdag po khyod la sbyin/ / bde gshegs lhag ma 'di dag ni/ /zos na sdig pa byang bar 'gyur/ /gal te lhag nyid dge 'dod na/ /bla ma gus pas dge bya zhing/ /de ltar rnam pa thams cad du/ /bla ma yang dag mnyes byas te/ //yon gyi dam pa dbul ba ni/ /rta dang glang po shing rta nor/ /longs spyod yo byad dbul 'di brjod/ /bla ma yongs su mnyes pa yis/ /las dang dngos grub thams cad 'thob/ /de bas dngos po thams cad kyis bla ma mnyes par byed par shog /de nas

  559. 280a

    mtshan mo gtang rag ste/ /mnyen dang rigs rgyud 'khor rnams kyis /bzang ba'i glu gar rol mo ste/ /dung la sogs pa'i rol mo dbul/ /lho phyogs rgyas pa'i thab byas la /'o ma can gyi bud shing brtsig/ 'bru dang mngar gsum mar 'o mas/ dang po mjug tu me lta mchod/ /bar du dkyil 'khor rab gnas lha/ /stong dam lnga brgya sogs sngags 'dis/ /oM badzra A u She puShtsir? ku ru swAhA/ sdig zhi tshe dpal rgyas par 'phel/ /gtad ngag lhag chad bskang pa yi/ /mchod bstod gzod gsel skabs sbyang bya/ /rten gsang ye shes mi gshegs te/ /tsA ru'i ston mo rgyas par bya/ /dkyil 'khor lha gshegs dam tshig sdu/ /rdul tshon a kAr sngags bsdus te/ /chu sogs dor la ba'i lngas byug /de nas 'gro rnams dang bya'i phyir/ /shing rta khri sogs mtho bar bteg /mchod pha rol mo dang bcas pas/ /grong khyer rnams su bskor bar bya/ /spros mi dga' la bsdus pa ni/ /bsnyen pas cho ga sta gon dang/ /dkyil 'khor bri? sgrub rten gsar la/ /bgegs bskrad yi ge brgyas brtan par/ /gong bzhin spyan dbye la sogs pa/ /nub gcig la ni kun rdzogs bya/ /mnga' gsol rgyas par ma grub kyang/ /'di la nyes par mi 'gyur ro/ /shin tu bsdus pa'i rab gnas ni/ /brtan pa thob pa'i slob dpon gyis/ /gza' skar tshes grangs mi brtsi ste/ /rdul tshon mi rten thun gcig la/ /dkyil 'khor bsgoms te brgya rtsa bsnyen/ /bgegs bskrad bkru sogs gong ltar bya/ /bskyed de spyan drang sku gsung thugs/ /byin gyis brlab dang dbang bskur ba/ /snying ga'i sa bon 'od kyis ni/ /'og min rigs lnga'i thugs ka nas/ /bkra shis lha mo 'bum rol bcas/ /dbang bskur rigs bdag rgyas btab bsam/ /rten 'brel snying po

  560. 280b

    brgya rtsa res/ /di dab me tog gtor byugs te/ /rang rang lha la chos skur? thim/ /bsams la rdo rje mchod bstod bya/ /rjes sogs spyi dang mthun par bya/ /lha khang rab gnas 'dir ma bshad/ /da ni phyag mtshan byin dbab? ste/ /swa b+hA'i sngags kyi stong dang las/ /dkar rigS lha khang mchod rten gnas/ /khang khyim bruM las 'khor rnam snang/ /gsung riD dmar dang po ti cod/ /gaN+Di cha lang dril bu sogs/ /dzri las pad+ma snang mdza' yas/ /nag sngo rdo phur 'phreng thugs/ /hUM rdo rje las mo bskyod skyed/ /ser po bar mdzod yon tan rigs/ /aM las rin chen rin 'byung bskyed/ /las rigs ljang gu rgya gram gri/ //bi las ral gris don yod grug/ chos skyod rnams la rang rang gis/ /'jig rten 'bag la rig gsum gyis/ /rigs kyi 'bag la rang rang ltas/ /dom? shes kun de 'drer 'am/ /rigs bstun gong gis shes par bya/ /srogs chags gtso bo'i sprul skus bya/ /bsrung 'khor kun dga' ? bkad sa/ /gzhal yas khang dam a mo li/ /chu mig khron sogs mI ma kI/ /bzang shing ra dang ldum ra sogs/ /shing gi lha mo 'od 'chang mas/ /phyugs lhas pa r+Na sha pa ri/ 'bru dang bad mdzod 'dzam+b+ha la/ /yon bdag dkyil 'khor mthong ba lta/ /ma mthong na ni sprul skus bya/ /bla ma'i sku 'bag thugs dam ste /mi shes rang gi yi dam las/ /sngags la ma zhag sprul pa'i sku/ /kun la dgug gzhug gong bzhin bya /phrin las rgyas pa'i cho ga ste/ /rab gnas rim gsum 'khor bcas 'di/ /bdag gis rang bzor ma bya ste? /gtso tshor klu sgrub lugs gtsor bzhag /rdo rje 'chang nas gnyis brgyud pa'i/ /lung dang dra ba'i na ro dang/ /byang chub sems las thob pa yi/ /sgeg pa rdo ska ldan mchog de gsum snyan nas snyan brgyud pa'o/ /man ngag bla ma mnyes pas thob/ /rgyud dang bstan bcos legs brten nas/ /rang nyid dran pa gso ba dang/ /gzhan yang bdag 'dra gti mug la/ /phan phyir gzhan gyis bskul nas bri/ /ma rtogs nongs pa gzod par gsel

  561. 281a

    brtsams pa'i dge ba bcu zad des/ /se naM bde chen sku thob shog /sku dang gsung dang thugs rab tu gnas pa zhes bya ba/ dpal mar me mdzad ye shes gyis mdzad pa rdzogs so// //rgya gar gyi mkhan po dI baM ka ra dang/ lo tsA brgya brtson ser gis bri ka ma la shI lar bsgyur cing zhus te gtan la phab pa'o/ /rgya gar skad du /kA ma shAsta nA ma/ bod skad du/ 'dod pa'i bstan bcos zhes bya ba/ thams cad mkhyen pa la phyag 'tshal lo/ /gsal dang yan lag bde stangs dang/ /rigs dang rjes dang sngags rnams ?// sngags pas shes na 'jig rten 'dir/ /bde ba'i mchog ni bsgrub par bya /bde ba'i khyad par bskyed pa'i phyir/ /drang srong swar ya nas gsungs/ /'dod pa'i bstan bcos 'bum snga las/ /klu sgrub kyis ni stong phrag gcig/ bsdus te de las bdag gis kyang/ /bde ba bsgrub phyir 'di gsung ngo/ /'bad pas rol byed ma rnams kyi/ /mkhas pas bde ba bskyed par bya/ /yang na shes pa tsam gyis ni/ /rol byed ma yi rigs shes 'gyur/ /'dod pa sten pa'i dus su ni/ /bung med rnams ni mgu bar 'gyur/ /bud med rigs ni rnam bzhi ste/ /skyes pa rnamS kyang de bzhin no/ /pad+ma can dang dud can ma/ /glang chen ma dang sna tshogs ma/ /ri pong dang mi byu mchog dang/ /rta dang de bzhin rgo ba dang/ /pad+ma'i gdong can skal bzangs ma/ /'dod pa'i gzugs can gud med mchog/ /khams gsum kun tu grags pa yi/ /pad+ma can gyi mtshan nyid do/ par? gdong pa ring zhing gzugs bzang ma/ /sku ldan kun gyi yid du 'od/ /dang pa'i 'gros can blo bzang? ma/ /'di ni dung can ma zhes bya 'tsho zhing cung zad mche ba can/ /yan lag ma nyams mdzes ldan mchog /mdog ldan skal bzang gsang ba thug /da ni glang chen ma ru grags/ /sgyud ? dbyangs can yan lag gnag/ sna tshogs gzugs can snyan par smra/ /byams ldan sems ni ma bkrugs mchog/ de ni sna tshogs ma zhes bya/ /pags pa stong zhing 'jam pa dang/ /gser gyi me tog dang mtshungs rtags/ /yan lag bkla zhing kha dog gnag gang gi

  562. 281b

    rtags ni de ri bor/ /gdong pa ring zhing skad bzang mchog /rol byed ma rnams mgu bar byed/ /pags pa dmar ldan rtsed mo mdzes/ /de yis rtags ldan khyu mchog yin/ /shin tu ring zhing sbom po ni/ /dpag med ston ster pa'o/ /mgrin sngon dang ni mtshungs pa ste/ /'bras can ltar ni bshad pa yin/ /thung zhing sbom pa glang nya yin/ /brtan zhing rol byed ma yid 'ong/ /rtagS kyi tha snyad de yis ni/ /ri dags rgo ba zhes su brjod/ /'dod pa'i bstan bcos mdza' dag las/ rtags kyi mtshan nyid 'de bzhi bstan/ /lhan cig skyes pa bad kan can/ /ring brlung can mkhris pa can/ /rked bzlu ? zhing bzang mo ste/ /pad+ma'i 'dab ma dang mtshungs mig/ yongs su rdzogs shing 'dod pa rdzogs/ /skye gnas mdzes pa lhan cig skyes/ /bud med mdog dkar pad+ma can/ /yid 'byung las 'byung ring bar bshad/ /tsho zhing gsang la rgyas pa ni/ /grang ba'i reg ldan bad kan can/ /mgo yin rgyas bzang mo ste kha'i 'gram gnyis shin tu dog /skra li mgo bo lhag par che/ gang gi mtshan ma de rlung can/ /spal pa'i rgyab 'dra mgrin pa sra/ /dro ba'i rig pa yang dag ldan/ /mdog ser zla mtshan myur ba ni/ /mtshan ma de yod mkhris pa can/ /dus kyi sor ni ri bong ste/ /de bzhin rgu ba khyu mchog bcad/ /rta ni la ye? zla ba'i tshad/ /bzang po'i tshad kyi rgo ba'o/ /rigs pa'i sbyor ba 'di yis ni/ /mkhas pa rnams kyi shes par bya/ /bud med dag gi rigs dag dang/ /mtshan pas the tshom med par shes/ /pad+ma can ni nor sbyin mo/ /dang ma dri za mo ru bshad/ /glang chen sha za ma yin te/ /tshogs ma ni srin mong bshad/ /ri bong pad+ma can gyi bdag khyu mchog dung ma de? bzhin te/ /rta ni glang chen ma'i bdag /sna tshogs ma ni rgo ba'o/ /nor sbyin mo ni nor gyis mgu/ /dri zhim spos sogs dri za mo/ /bza' dang bcas pas sha za mgu/ /dpa' ba gnyis kyi srin mo mgu/ /rigs ma mthun pa mthun bya'i phyir/ /rdzas kyi sbyor ba bshad par bya/ /lan brgyab krus pa'i mar gyis ni/ /rtags ni 'bad pas bsku bar bya/ /me la cung zad bsros gyur na/ /'dod pa'i dus su sbom par 'gyur /rtsa ba bcu pa'i bcud kyis len/ /bzhos thog 'o ma bsres te btung/ /'dod pa'i nus pa med pa rnams/ /bzlog dka' i 'dod pa skye bar 'gyur/ /sbal pi/

  563. 282a

    yan lag lnga blangs nas/ /chu skyes dmar po'i ze 'bru bsres/ /phye ma b+ha ga'i nang du ni/ /zhag gsum bcug pas chung bar 'gyur/ /gang du zla ba gnas par ni/ /der ni 'dod pa rtag tu gnas/ /gcig tu gyur pas mnyam pa'i bde/ /long spyod grol bar mkhas pas bskyed yul dang rigs kyi bye brag ni/ /shes nas las kyi tshogs rnam sbyar/ /so dang sen mo gnas rnams ni/ /tshes kyi sbyor bas shes par bya/ /tshes gcig la ni spyi bo ste/ /gnyis pa la ni rna par bshad/ /gsum pa la ni sna ru ste/ /de bzhin bzhi pa gdong yin te/ /lnga pa la ni mgrin par gnas drag pa la ni dpung par/ /bdun pa la ni snying gar gnas/ /brgyad pa de bzhin lte bar bstan/ /dgu pa lte bar blta bar bya/ /bcu pa ka rags 'khor par gnas/ /btsug pa ni gsang bar brtag/ bcu gnyis pa ni brla dag gnas/ /bcu gsum pa ni bus mo ste/ /bcu bzhi pa ni byin pa gnyis /phan steng pa ni rkang po? la du'o/ /yang de'i zla ba gnas la ni/ /rim bzhin bu ni zlog par bya/ /'phel dang 'grib pa'i tshul du ma/ /mkhas pas shes nas spel bar bya/ /smin drug dang ni smal? po mgo/ /khra dang ? chung de bzhin te/ /bre dang yul dag chos la ni/ /mkhas pas rtag bu spang par bya/ /dus min pa ni mi brtsam ste/ /rol byed ma dang phrad mi bya/ /gal te chags pas 'jug gyur na/ /the tshom med par 'chi bar 'gyur/ /mnye pa'i bde ba dus su ni/ /rol mo sna tshogs bstan par bya/ /bud med mchog rnams mig pa'i phyir/ /dang po'i zhun pa'i sten par bya/ /so dang sems gdang pa ni/ /bde pa'i dus su bsten par bya/ par? bas myol ba'i dus su ni/ /sen mo la sogs khyad par gdab/ /nyi ma zla ba 'pho dus dang/ /zla ba zhag gi mtshams de bzhin/ /'chings? 'dod pa spyad mi bya/ /bud med zla mtshan dus su ni/ /sa bon lon pas spang bar sngags/ /skal ldan ma yi b+ha ga las/ /mkhas pas me tog blang byas nas/ bzhos thog 'o mar bsres byas nas/ /bud med mo gsham rnams la ni/ /byin pas bu bzang skye bar 'gyur/ /gzhan gyis mi thub dkar po'i rtsa/ skur pa dkar pos dkri bar bya/ /bud med rked par bcing byas na/ /bde bar bu ni btsa' bar 'gyur/ /'dod pa'i bstan chos rgyas pa las/ /bcing ?

  564. 282b

    bzhi po bshad par bya/ pad+ma'i bcing thabs gnyis log dang/ /kha rlab bsdams dang ni reg pa'o/ /b+ha ga la ni'o byas nas/ /skye gnas lag pas brtse bar bya/ /'bad pas lingka bcug byas nas/ /dal pas rgyab pa brtsam par bya/ /rkang pa byin pas gnas byas nas/ /mgul nas rtag tu 'khyung par bya/ /sen mo yan lag 'bri byas nas/ /myur ba'i brgyab pa brtsam par bya/ /'di ni pad+ma'i bcing thabs te/ /pad+ma can dang lhan cig rtsam/ /'di ni yul can dgyes pas/ /lhan cig skyes pa'i yon tan ster/ /rkang pa gnyi gi mnan byas nas/ /rkang pa gcig khyad par du/ /'bad pas rtag tu chad byas na/ 'jam pa'i brgyab par du ma par bya/ /byin pa gis ni phye bas na/ /rang gi byin pa'i nang du 'jug /de nas phrag par dgal bar bya/ /slar yang mgul nas bzung bar bya/ /rtags ni 'bad? pas ? byas nas/ /yang dang yang du brgyab par bya/ /rang gi yon tan 'byung 'gyur na/ /'o mas lan gsuM ? byas nas/ /de bzhin b+ha ga bkru ba byas/ /dung can ma yi nu ma bzung/ /snga ma'i 'dug stangs slob bcings nas/ /bsrub bcing sngags 'di brjod par bya/ /oM ca la tsa la swAhA/ /stong bzlas pas ni dngos grub ste/ /lton slabs rnams skye bar 'gyur/ /da ni gnyid log 'dug stangs te/ /dud can ma dang lhan cig bshag/ brlag nyis kyi ni brla bsdams te/ /nu ma lag pas bzung bar bya/ /byin khung dri mos phye byas nas/ /'bad pas rtags ni 'jug par bya/ /de ni glong po dag gi na/ /rol byed ma yi byin pa phye/ /ma mchu tsum pe byas nas su/ /de'i 'og tu brgyab par bya/ /'di ni bsdams pa'i? 'dug stangs ? glang ? ma la sbyang byas nas/ /lton? rgyun rnams ster bar 'gyur/ /yan lag bar chun 'khyad byas nas/ /rol byed ma yin ? drog 'jig /rang gi brla stengs bzhag byas nas/ /rtags ni 'bad pas 'jug par bya/ sa la bsdad par byas nas ni/ /de 'og mgrin pa g.yas pas 'byung/ lag pa ? yon ? ngo bos bzung/ /yang dang yang du brgyas par bya/ /sna tshogs ma dang lhan cig ?/ deg pa'i dug stangs tsog bur bshad/ /sna tshogs ma ni tshum pa nas/ /mgrin par 'khyud pas ston ster/ /de dang chang ni btung bar bya/ /bcud kyis len kyang khyad par du/ /? yang du ngal so zhing/ /so rtsi ? kyang

  565. 283a

    bza' bar bya/ /tshig ni snyan par smra bar bya/ /'bad pas rigs kyi sgra ni brjod/ /dus shes pa yi mkhas pas ni/ /sna tshogs gos ni bgo par bya/ /pad+ma'i dri can pad+ma'i/ /dung ma mar gyi dri yis brtag/ glang chen ma ni rtul dris so/ /'o ma'i dri yis sna tshogs brtag /nu ma btsir par bya ba dang/ /mkhas pas mang du btsum pa na/ /mgrin par la byur? cing ma mchu myang/ /de ltar las rnams byas nas ni// de nas glu dang gar rnams kyis/ /rol byed ma rnams mgu bar bya/ /'dod chags khyad par sbyar ba yis/ /'khor pa'i sdug bsngal skye mi 'gyur/ /'dod ldan gang zag rnams kyis ni/ /sar sna zhe sdang spang par bya/ /dul zhing ngo tsha shes pa dang/ /rol byed ma yi rtse ezla rnams/ /'bad de kun tu gsang bar bya/ /'jam pas 'dul te drag pos min/ /slob dpon klu sgrub kyis mdzad pa'i/ /'dod pa'i bstan 'chos rgyas pa las/ /bsdus te gzugs bzang bdag gis ni/ /'gro la phan phyir snying por bsdus/ /'dod pa'i bstan bcos mdor bsdus pa/ /slob dpon gzugs bzang gis mdzad pa rdzogs so// // bkra shis//