Text

ff. 1a–276a · 551 folio sides

  1. 1a

    lhan cig skyes grub bzhugs/ /

  2. 1b

    rgya gar skad du/ mahA dza sid+d+hi/ bod skad du/ lhan cig skyes grub/ sangs rgyas la phyag 'tshal lo/ /dpal ldan rol pa lha mo tsha/ /de bzhin dpa' po rdo rje dpal/ /dam tshig ces bya rdo rje dpal/ /de bzhin pad+ma rdo rje dpal/ /dpal ldan lhan cig skyes rdo rje/ /rdo rje dang ldan bram ze mo/ /de bzhin grub pa'i rdo rje dpal/ /dpal ldan gshin rje'i rgyal po 'dis/ /dpal ldan 'khor lo mngon brjod pa/ /bla ma dge slong gnyid log pa/ /de bzhin gzhan

  3. 2a

    yang gang zhig lha/ /dpal ldan kun 'gro mgon po dang/ /de bzhin dpal ldan thugs rdo rje/ /dpal ldan rol pa'i lha mo sogs/ /yang dang yang du kun la 'dud/ /de rnams zhabs la phyag byas nas/ /gzhung lugs mdza' ni brjod par bya/ /kun 'gro'i lhan cig skyes zhi ba/ /rtag tu 'byung zhing rang la gnas/ /dus kun tu ni mi zad pa// rtogs pas brtags pa spangs pa nyid/ /rang dang phyi rol nang na gnas/ /phyi dang nang las ma skyes pa/ /zung 'jug

  4. 2b

    tshig gi don de ni/ /rgyu dang mi rgyu gnas pa las/ /dus kun tu ni yang dag gnas/ /gzhung las ma gtogs rnyed mi 'gyur/ /gang dang mtshungs pa skyes pa ni/ /des na lhan cig skyes par brjod/ /lhan cig skyes pa rtog pa med/ /mi rtog las skyes lhan cig skyes/ /sangs rgyas rnams la lhan cig skyes/ /rdzogs pa'i byang chub ster mdzad pa/ /rtogs las phyi rol lhan cig skyes/ /blang bya dor bya spangs pa nyid/ / gang rung ji lta de lta bur/ /da ni 'bad pa med pas 'thob/ /the tshom med cing rtog med pa/ /mngon sum du ni rnyed par 'gyur/ /nyin mtshan bskal pa de bzhin lo/ /bskal pa bye ba brgya dag gam/ /rgyun mi 'chad pa'i dus kun tu/ /lhan cig skyes pa thob par 'gyur/ /rtog

  5. 3a

    dang bral zhing mngon sum pa/ /rgyal bas yid kyi nang nas gsungs/ /rtag dang chad dang bral ba nyid/ /mtshan dang mtshan gzhi spangs pa nyid/ /gzhan yang snying rje mngon brjod pa/ /lhan cig skyes par yongs brjod bya/ /lhan cig skyes 'di dngos rnams kyi/ /rgyu dag tu ni yongs su brjod/ /la la bdag ni lhan cig skyes/ /kha cig rmongs pas dbang phyug ste/ /bdag bcas ma yin bdag med pa/ /rtog pa gnyis ni spangs pa nyid/ /de ni zung 'jug go 'phang du/ /rgyal bas lhan cig skyes par gsungs/ /de nyid srog chags rnams kyi srog /de nyid mchog tu mi 'gyur ba/ /de nyid kun la khyab pa yi/ /lus kun la ni rnam par gnas/ /bud med byis pa ba lang rdzi/ /kla klo dang ni rigs ngan dang/ /chu yi nang gnas sems can dang/ /lha dang gnod sbyin klung? bcas pa'i/ /de rnams lhan

  6. 3b

    cig skyes mi shes/ /'gro ba'i grong khyer dag tu 'khyam/ /sangs rgyas bdag nyid lus la ni/ /dngos grub bde pa mi nus shing/ /bdag nyid 'phrog pa'i tshom rkun te/ /de yi sdig pa ma byas sam bdag nyid 'di dag gzhan pa la/ /gzhan dag tu ni rtog par byed/ /bdag nyid 'phrog pa'i chom rkun te/ /de yis sdig pa ma byas sam/ /bdag nyid nges par sangs rgyas kun/ /mdza' bo thams cad nyid kyang ngo/ /rang gi lhag pa'i lhar sbyor bas/ /de phyir bdag nyid bsgrubs par bya/ /lus gnas lus las ma skyes pa/ /rtog pa gnyis ni sbyangs pa ste/ /khyab bya khyab byed tshul gyis ni/ / dngos po kun la yang dag gnas/ /lha dang lha min klur bcas dang/ /thub pa rnams dang drang srong dang/ /bdag tu 'dzin pa'i mthar gnas pa/ /glen pa rmongs pas mi shes so/ /mchog gi go 'phangs mi shes phyir/ /rmongs pa thams cad nyon mongs 'gyur/ /bskal pa gsum du ngal byas nas/ /bdag nyid gcig pu 'dul ba'o/ /rnam pa kun tu 'di dag min/ /nyan thos pa yi byang chub 'dod/ /dbu ma'i 'dod lugs gzhung gi tshul/ /de ni rtsod pa kun la mos/ /bskal pa'i yal gar ngal byas kyang/ /de yis kun nas mi shes so/ /theg chen shin tu yangs pa las/ /rgyal ba mchog gis sngon

  7. 4a

    gsungs pa/ /'di ltar gcig pu nyid kyis ni/ /yang dag rdzogs pa'i byang chub mchog/ phyag na rdo rje'i rim las 'ongs/ /rna ba nas ni rna bar rnyed/ /gang la byang chub gzhung gnas pa/ /bla ma de yis 'gro ba sgrol bsgom bya sgom byed 'brel pa 'am/ /yang dag yang du brtags pa ni/ /rtog pa bsgom pa'i bdag nyid kyis/ /dngos grub don du sgrub pa'i thabs/ /de kun rtag tu rnal 'byor pas/ /dor ba nyid du yongs su rtags/ /de bzhin du yang/ ji srid ji srid rnam rtog pa /de srid thams cad kun nas rdzun/ /gang zhig de nyid ma brtags pa/ /de bzhin yang dag bde bden pa/ /rten 'brel las skyes skad cig ma/ /kha cig dngos grub dbang gnyis skyes/ /byis pa yun ring rgan sogs kyis/ /'bad pa yis ni thob mi 'gyur/ /rgyu dang bcas pa'i skad cig ma/ /'khrul dang rnam par 'khrul 'dra ma/ /kha cig longs spyod rdzogs pa'i gzhung/ /de ni lhan cig skyes brjod min/ /lta ba'i dbus su 'khor lo mchog /de dbus gzi brjid gzugs can ni/ /sgrub pa po yis rtag bsgoms pa/ /de ni lhan cig skyes brjod min/ /sbyi bor gnas pa'i 'khor lo che/ /de la reg dang bde ba 'bab/ /bya ba'i rab tu sbyor bas 'thob/ /de ni lhan cig skyes brjod min/ /srog gi rlung ni 'gog pa ru// 'bad pa yis ni gang zhig byed/ /sna yis rtse mor rab bzhug bya/ /de 'gogs pa yis gang thob pa/ /de ni lhan cig skyes brjod min/ /thur sel rlung ni 'gogs pa yis/ /lus ni gdung ba byas nas su/ yang nas yang du goms par byed/ /

  8. 4b

    de ni lhan cig skyes brjod min/ /mnyam gnas chen brjod brgyad rnams kyis/ /gang zhig rlung ni 'gog pa ru/ /'bad pa yis ni gang zhig byed/ /de ni lhan cig skyes brjod min/ /sa la sogs pa gzung ba yis/ /sgrub po gang zhig thams cad 'dod/ shin tu 'bad pas sgrub byed pa/ /de ni lhan cig skyes brjod min/ /'phra mo'i thig le rnal 'byor ni/ /kha cig sgrub pos bsgrubs par byed/ /bsam gtan bsam bya gang yod pa/ /de ni lhan cig skyes brjod min/ /b+ha ga nang gnas thig le ni/ /kha cig sgrub pos sgrub par byed/ /de ni rtogs bcas go 'phang ste/ /de ni lhan cig skyes brjod min/ /snying ga'i dbus su bsam gtan ni/ /yid? 'dod rnams kyi sgom par byed/ /de ni rtogs bcas go 'phang ste/ /de ni lhan cig skyes brjod min/ /lug dang ser skya dag dang ni/ /de dbus la gnas yid bzang ma/ /de 'gogs pa yis gang thob pa/ /de ni lhan cig skyes brjod min/ /dga' dang khro ba'i dbang gis shes/ /rtse gcig ces ni mtshan par ni/ /byis pas ye shes su ni brtags/ /de ni lhan cig skyes brjod min/ /kun du'i gnas su 'khyil ba la// rlung 'gog pa yis 'bar ba yis/ /zlum pa 'am ni rgyas par ni/ /de ni lhan cig skyes brjod min/ /'dar dang brgyal dang de bzhin gnyid/ /'byed dang 'dzums pa la sogs dang/ /'phar dang sgra dang mi bzad che/ /de ni lhan cig skyes brjod min/ /bum pa bzhin du khong stong du/ /de ltar gang zhig rtog par byed/ /yang na stong par smra ba'i blo/ /de ni lhan cig skyes brjod min/ /dngos po gang zhig de dag kun/ /rtog pa'i ye shes la skyes brjod/ /bsgoms pa'i stobs kyis sems kyis ni/ /de yis thams cad rdzogs par 'gyur/ / thub pas sngon du gang gsungs pa/ /spral dang ral gri'i khur dang ni/ /'od gsal thal ba'i byug pa dang/ /mchod phyir thog ni dkar po dang/ /spyi blugs dpung mgo thogs pa ste/ /de ltar sna tshogs rnam pa ni/ /bsgom pa'i stobs kyis mthong bar 'gyur

  9. 5a

    'di ni bden min mthong ba ste/ /lhan cig skyes pa mthong ba med/ /de bzhin du yang/ gang zhig mthong ba de bden min/ /gang du mthong ba de bzhin te/ /dngos pos rtog pa long ba nyid/ /rab rib gnod pa la sogs bzhin/ /skye 'gro thams cad bden pa'i tshul/ /gzung dang 'dzin pa spangs pa nyid/ /lhan cig skyes bya'i go 'phangs nas/ /gang gis mthong ba de yis mthong/ /dngos dang dngos min go 'phang gnas/ /rtogs dang brtags pa min las grol/ /gsal bar ma byas kun las 'das/ /lhan cig skyes pa mngon du brjod/ /byis pa'i brjod pa dag dang bral/ /brjod ba rjod byed spangs pa nyid/ /lhan cig skyes pa de lta bur/ /bla ma mchog gi sngon du gsungs/ /dpal ldan rol pa'i lha mo'i drin gyis ni/ /de bzhin dpal ldan bla ma dag dang ni/ /dpal ldan bde ba chen po'i rdo rje yis/ /lan cig gis ni bde ba chen pos mkhyen/ /the tshom med cing rtog pa med/ /rang rang ngo bo ston pa'o/ /bdag gis yang dag nyams su myong/ /mun pa la ni sgron ma bzhin/ /zab 'am ni 'khrig pa na/ /gnas skabs kun la thams cad du/ /gsang ba med cig 'jigs pa spangs/ /ye shes chen po rang gis rigs/ /gang zhig de la rjes dran par/ /yang dang yang du dran byed pa/ /de ni dngos grub rgyas 'gyur te/ /srid pa'i mtsho las sangs rgyas bzhin/ /bdag nyid kyis ni dran don du/ /bdag gis de ni bsngags pa yin/ /gang zhig snying rjes bcings pa yi/ /bdag la bzod mdzod sems can che/ /gang zhig cung zad 'di brjod pas/ /de yis bsod nams gang 'gyur ba/ /bsod nams de yis sems can rnams/ /lhan cig skyes grub thob par shog/ //lhan cig skyes grub rdzogs so// //rgya gar gyi mkhan po chen po zla ba mgon dang/ bod kyi lots+tsha ba shes rab grags kyis bsgyur pa'o// //*/ /lhan cig skyes grub kyi gzhung 'brel ces bya ba lha lcam dpal mos mdzad pa bzhugs so/ /*/ /rgya gar skad du/ sa ha dza sid+d+hi pat+ta? tinA ma/ bod skad du/ lhan cig skyes

  10. 5b

    grub kyi gzhung 'grel zhes bya ba/ byang chub sems dpa' phyag na rdo rje la phyag 'tshal lo/ /dri med chos 'byung gtsang ba'i gnas mchog nyams dga' bar/ /phung po la sogs bdud rnam bzhi po mi 'jug phyir/ /tshad med bzhi yi sgo glegs legs par gtams mdzad nas/ /'dren pa gang zhugs de rnams la ni bdag phyag 'tshal/ /skyes mchog de rnams zhabs la phyag byas nas/ /'gro bas lhan cig skyes rtogs med pa'i phyir/ /dri med lhan cig skyes pa'i gzhung 'grel 'di/ /'gro la phan phyir dpal mo bdag gis bri/ /ci'i phyir zhe na/ lhan cig skyes pa'i rang bzhin las kha phyir phyogs par gyur pa'i dbang gis 'dzam bu'i gling pa'i skye bo rnams sdig pa'i las la gzhol bar 'gyur te/ de yang dgongs ba lung ston pa zhes bya ba'i rnal 'byor chen po'i rgyud las ji skad du/ de nas bcom ldan 'das kyis gsang ba pa'i bdag po byang chub sems dpa' phyag na rdo rje la bka' stsal pa/ gsang pa'i bdag po don rgyas tshul/ /tshul chen 'di ni rnyed gyur nas/ /ji bzhin don rnyed ma bzung bas/ /de phyir lam ngan ngag tu ltung/ /rtag par mngon pa'i nga rgyal la/ /rab tu dga' dang ldan pa yis/ /rnal 'byor pa rnams bdag ces smra/ /chos ni g.yo yis byed gyur la/ /des ni 'dus pa mi shes par/ /dam tshig la sogs spyod byed pa/ /gsang ba gsungs par mi byed cing/ /thams cad du ni rab tu ston/ /mngon sum sangs rgyas dang 'dra ba'i/ /slob dpon la smod bkur mi byed/ /skad cig tsam gyi khong khro zhing/ /de bzhin skad cig gis rjes chags// ma dang sring mo bu mo sogs/ /bgrod min la ni 'khrig spyod cing/ /pha dang ma gsod de bzhin du/ /srog chags gzhan yang mang du gsod/ /de bzhin brdzun gyi tshig smra zhing/ /khyad par du yang rku bar byed/ /gzhan gyi chung ma'i thad 'gro zhing/ /ngas smad gzhan yang byed par 'gyur// de nyid ye shes rang 'byung ba'i/ /dam tshig rnams ni des mi shes/ /nyes pa cung zad tsam la yang/ mngon spyod drag po byed 'gyur la/ /rnal 'byor rab sbyor sman pa yis/ /sngags pa rnams ni grub mi 'gyur/ /rtag par phyi yi bstan bcos dga' / /de phyr sbyor la mkhas pa

  11. 6a

    dang/ /rang gi dam tshig spangs nas ni/ /lcags kyu med pa'i glang chen bzhin/ /'dod dgu dag tu 'khyam par byed/ /sngags dang phyag rgya'i sbyor ba yis/ /'tsho ba dag kyang sgrub par byed/ /gang du rnyed pa thob par 'gyur/ /gsang sngags tshul chen 'chad par 'gyur/ zhes gsungs pa de bas na bdag gis lhan cig skyes pa'i tshul zab mo nyan thos dang/ rang rgyal ba dang/ phyi rol ba'i thub pa rnams dang/ /rtag pa dang chad par lta ba pa rnams kyis rtogs par dka' ba dang/ /dus gsum gyi de bzhin gshegs pa rnams kyis rgyas btab pa/ /bla ma yongs su bsten rnams la/ rna ba nas rna bar 'pho bar 'gyur ba gang yin pa de legs par bstan par bya'o/ /de yang re zhig brjod par bya ba'i lhan cig skyes pa'i de'i rjod par byed pa'i gzhung gi tshogs ni/ dang po kho nar dpal ldan rol pa'i lha mo zhes pa nas/ yang dang yang du kun la 'dud/ ces pa'i bar gyis ni lhan cig skyes pa'i man ngag dpal u rgyan gyi gnas nas/ byang chub sems dpa' phyag na rdo rje'i sprul pa las/ bla ma gcig nas gcig tu brgyud pa'i lo rgyus dang/ lhan cig skyes pa 'di nyid kyis/ ma rig pa'i nyon mongs pa mthar byed pas gshin rje yin pa dang/ sa'i bdag po dbang po'i blos/ rgyal srid yongs su spangs nas rab tu byung ste/ dur khrod bsten pa la sogs pa'i gleng gzhi ston cing/ bla ma gong ma rnams la phyag 'tshal ba ston par byed do/ /de rnams zhabs la zhes pa nas brjod par bya zhes pa'i rkad pa gnyis kyis/ lhan cig skyes pa'i rtsom pa ston par byed do/ /kun 'gro lhan cig skyes zhi ba zhes pa nas/ gzhung las ma gtogs rnyed mi 'gyur/ zhes pa'i bar gyis ni/ lhan cig skyes pa'i rang bzhin rgyu ba dang/ mi rgyu ba'i dngos po mdza' dag la khyab pa yin yang bla ma'i zhal las ma gtogs pa mi rnyed par ston par byed do/ /gang dang mtshungs par skyes pas na/ zhes pa nas/ de ni 'bad pa med par thob ces bya ba'i bar gyis ni/ bla ma'i zhal las rnyed pa'i rjes la 'bang pa med pa'i tshul gyi ting nge 'dzin gyi ro nyams su myong ba dang lhan cig skyes pa'i des tshig

  12. 6b

    ston par byed do/ /the tsom med cing rtog pa med gzhes pa nas/ lhan cig skyes pa thob par 'gyur/ zhes pa'i bar gyi ni / lhan cig skyes pa nyams su myong nas za ba dang 'chag pa la sogs pa'i dus su yang mi 'bral bar ston par byed do/ /rtogs dang bral zhing mngon sum ba/ zhes pa nas/ lhan cig skyes par des brjod bya/ zhes pa'i bar gyis rtog pa med pa'i lhan cig skyes pas bskul ba'i dbang gis snying rje cha bcu drug pa zla ba yar gyi ngo bzhin pa'i chos can/ sems can dang chos dang dmigs pa med pa la sogs pa la lhan cig skyes pa yin par ston par byed do lhan cig skyes 'di dngos rnams kyi zhes pa nas/ 'gro ba'i grong khyer ngag tu 'khyam pa zhes pa'i bar gyis ni/ lhan cig skyes pa 'di nyid bde sdug thams cad kyi gzhi yin pa dang /lta ba dang grub pa'i mdza' 'dzin pa thams cad kyi rtsod pa'i gzhir gyur pa dang/ 'gro ba gang gis lhan cig skyes pa ma shes pa de dag sdug bsngal gyi phung po las mi grol bar ston par byed do/ /sangs rgyas bdag nyid lus la ni/ zhes ba nas/ de yis sdig pa ma byas sam/ zhes pa'i bar gyis ni/ gang zhig lhan cig skyes pa'i rang bzhin la/ de'i rang bzhin du ma rtogs pa'i skyes bu de rnams sdig can yin par ston par byed do/ /bdag nyid nges par sangs rgyas kun /zhes pa nas /dngos po kun la yang dag gnas/ zhes pa'i bar gyis ni /'gro ba thams cad sangs rgyas la sogs pa'i rang bzhin yin par ston te/ 'di ltar lhan cig skyes pas dngos po thams cad la khyab pa yin pa'i phyir ro zhes bya bar ston par byed do/ /lha dang lha min klur bcas nas/ zhes pa nas/ glen pa rmongs pas mi shes so/ /zhes pa'i bar gyis ni/ bdag tu lta ba can gyi lha tshangs pa la sogs pa dang/ drang srong rgyas pa la sogs pa rnams kyis lhan cig skyes pa shes par mi 'gyur ro zhes ston par mi byed do/ /mchog gi go 'phangs mi shes phyir/ zhes pa nas/ de yis kun nas mi shes so/ /zhes pa'i bar gyis ni/ lhan cig skyes pa mi shes pas grub pa'i mdza' du ma 'dzin cing rtsod pa ston par byed do/ /theg chen shin tu

  13. 7a

    yangs pa ?/ zhes pa nas/ bla ma de yis 'bro ba sgrol/ zhes pa'i bar gyis ni/ gsang ba'i theg pa nyid du bstan pa'i lhan cig skyes pa bla ma gcig nas gcig tu 'ongs pa'i ston pa gang yin pa'i bla ma des nyon mongs pa rtsad nad gcod pa ston par byed do/ /bsgom bya sgom byed 'brel pa'am/ zhes pa nas/ dor ba nyid du yongs su brtags /zhes pa'i bar gyis ni/ slob bzhin pa'i rnal 'byor pa rnams la gdams pa ston par byed do/ /de bzhin du yang zhes pa nas de yis thams cad rdzogs par 'gyur/ zhes pa'i par gyis ni/ rtog pa'i ting nge 'dzin ma lus par ston par byed cing/ zhi la lhan cig skyes pa ma yin par ston par byed do/ /thub pas sngon du gang gsungs pa/ zhes pa nas/ gang zhig mthong bas de bden min/ zhes pa'i bar gyis ni/ ji ltar brtags pa de ltar rtog pa'i rnal 'byor blo'i yul du 'byung bar ston par byed do/ /gang ma mthong ba bden te/ zhes pa nas/ bla ma mchog gis sngon gsungs pa /zhes pa'i bar gyis lhan cig skyes pa'i rang gi ngo bo rgyas par ston par byed do/ /dpal ldan rol pa'i lha mo'i drin gyis ni /zhes pa nas/ lhan cig gis ni bde ba chen po mkhyen zhes pa'i bar gyis ni/ bla ma gong ma las brgyud pa'i dbang gis sa'i bdag po dbang po'i blos kyang lcam dpal mo las rtogs shing khong du chud pa ston par byed do/ /the tsom med gzhan pa'i rnal 'byor pa rnams kyis kyang/ lhan cig skyes pa pa nas/ srid pa'i mtsho las sangs rgyas bzhin/ zhes pa'i bar gyis ni /bdag dbang po'i blo yis ji ltar spyad bltar/ bdag las gzhan pa'i rnal 'byor pa rnams kyis kyang/ lhan cig skyes pa la de ltar 'jug par byed na yang /srid pa'i gzeb las grol bar 'gyur ro/ zhes ston par byed do/ /bdag nyid kyis ni dran don du/ zhes pa nas/ bdag la bzod mdzod sems can che/ zhes pa'i bar gyis ni/ bdag gi gzhung brtsams pa la rang nyid nga rgyal med pa'i tshul dang bzod pa gsol ba ston par byed do/ /gang zhig cung

  14. 7b

    zad 'di brjod pas/ zhes pa nas/ lhan cig skyes grub thob par shog/ ces bya ba'i bar gyis ni dge ba'i rtsa ba bsngo ba ston par byed do/ /de ltar don mdor bsdus nas/ da ni yan lag gi don 'grol bar bya'o/ /de la dpal ldan rol pa'i lha mo che/ zhes bya ba la sogs pa smos pa ste/ de la bdag dang gzhan gyi don byed nus pa gang la yod pa de ni sh+rI ste dpal yin la/ des 'gro ba'i don du rol pa mdzad cing lus dag gi spyod brlabs po che'i rol pa mdzad ces bya ba'i don to/ /lha mo zhes bya ba ni lus la skyes pa'i bde ba la longs spyod cing bde bde dang ldan pa la lha zhes dgongs so/ /de yang dpal u rgyan gyi yul na/ rin po ches brgyan pa zhes bya ba'i nags tshal dgon pa zhig na/ gsang ba'i bdag po'i sprul par gyur pa/ drang srong 'gro ba dbugs 'byin pa zhes bya ba skal pa dang ldan pa rnams lhan cig skyes pa'i rin po che'i man ngag gi rgyud bstan par bya ba'i ched du bzhugs par gyur to/ /dus de nas yul de'i rgyal po mthong na dga' zhes bya ba la/ bu mo rol pa mo zhes bya ba mdzes ma/ blta na sdug pa /skyes bu thams cad kyi yid 'phrog pa cig bcas? so/ /bu mo de chung du nas sangs rgyas kyi sgra dang/ chos dang dge 'dun la dang cing /lus dang ngag dang yid khyad par du dul ba dang ldan no/ /de cher skyes nam g.yog mo bu mo lnga brgya dang lhan cig tu/ rin po ches brgyan ba'i nags tshal dgon pa ltar dong dong ba las/ dgon pa der phyin pa na/ dgon pa de na drang srong mdog gnag pa/ skra kham par 'dug pa/ rtswa dang shing shun lus la gyon pa 'dug pa mthong ba las/ bu mo lnga brgya po skrag par gyur nas /e ma gnod sbyin e ma gnod sbyin zhes bya ba'i sgra so so nas bton to/ /gzhon nu ma? rol pa mos drang srong de mthong ma thag tu/ yid dga' ba dang bde ba skyes par gyur nas /bu mo lnga brgya po la smras pa /bu mo rnams ma 'jigs shig dang/ 'di ni drang srong yin te/ gnod sbyin ma yin par nges so/ /de ci'i phyir zhe na /kho mos mthong ma thag kho mos yid dga' ba dang bde ba

  15. 8a

    skyes pa las na/ 'di ni gdon mi za bar gnod sbyin ma lags kyis/ kho mo cag rjes su 'dzin pa'i byang chub sems dpa' zhig lags so/ /de ci'i slad du zhe na/ gzhan yang yul khams 'di ni dpal o Ti ya ni zhes bya ba byang chub sems dpa' chen po phyag na rdo rjes byin gyis brlabs pa'i gnas yin no/ /zhes grags pas/ gnod sbyin mi ma lags pa 'dir gnas par mi 'gyur ro zhes bsgo ba dang/ bu mo lnga brgya po yang yid brtan zhing skrag pa med par gyur to/ /de nas gzhon nu ma rol pa mos g.yog bu mo lnga brgya dang bcas pas/ drang srong la maN+Dal byas te gus pa dang bcas nas phyag byas/ mgrin gcig tu 'di skad ces gsol to/ /drang srong chen po kho mo cag la bskyabs su gsol/ /kho mo cag la rjes su gzung du gsol/ /kho mo cag gi bdag tu lta ba'i mdud pa gcad du gsol/ /kho mo cag gi mi rig pa'i ling tog bsal du gsol/ zhes pa dang/ bu mo de dag la drang srong gis smras pa/ kye gzhon nu ma rnams kho bo ni yang dag pa'i gnod sbyin no/ /kho bo 'khor ba'i nyon mongs pa gcod pa'i gnod sbyin no/ /kho bo ni 'gro ba rnams kyi bdag tu lta ba'i srog dang phral nas bdag med pa'i gnas su 'khrid par byed pa'i gnod sbyin no zhes bsgrags te/ bu mo rol pa mo'i spyi bor lag pa g.yas pa bzhag nas /bu mo dran par gyur tam/ dran par gyur tam zhes brjod pas /bu mo des sngon gyi skye ba dran te/ sngon gyi dge ba'i bshes gnyan gsang ba'i dkyil 'khor du mngon par dbang bskur bar byed pa/ byang chub sems dpa' phyag na rdo rje'i sprul pa yin par dran par gyur te/ lan brgya stong du mar g.yas phyogs nas bskor ba byas nas zhabs la yang dang yang tu gtugs so/ /bu mo lnga brgya po yang bu mo rol pa mo'i rjes su slob par byed do/ /de nas drang srong gis smras ba /rol pa mo bu mo khyod kyis skye ba snga mar yid la byas shing gzung ba'i lhan cig skyes pa'i ting nge 'dzin sangs rgyas thams cad kyi yul la

  16. 8b

    'jug pa/ bsam du med pa/ thogs pa med pa/ nam mkha' mdzod kyi gter zhes bya ba yid la gyis shig/ de bzhin gshegs pa thams cad kyi sku dang gsung dang/ thugs dang/ ye shes kyi dam tshig bsrung bar gyis shig /bu mo gzhan yang re ba med pa'i bsam pa rgya chen po skyed cig ces bsgo nas de nyid du drang srong de mi snang bar gyur to/ /de nas bu mo rol pa mos nam mkha' mdzes kyi gter zhes bya ba nas /seng ge rnam par bsgyings pa zhes bya ba la sogs pa'i ting nge 'dzin gyi sgo mdza' yas pa skad cig de nyid la thob nas/ de bzhin gshegs pa thams cad kyi sku dang/ gsung dang /thugs dang ye shes kyi dam tshig bsrung zhing/ bu mo lnga brgya dang bcas pa u rgyan gyi yul byang chub sems dpa' phyag na rdo rjes byin gyis brlabs pa'i gnas na rnal 'byor gyi spyod pa mdzad cing/ skal pa dang ldan pa rnams lhan cig skyes pa'i ting nge 'dzin /sangs rgyas thams cad kyi yul la 'jug pa bsam du med pa/ thogs pa med pa/ nam mkha' mdzod kyi gter/ de bzhin gshegs pa thams cad kyi sku dang gsung dang/ thugs ye shes kyi dam tshig dang ldan pa'i don 'di ston cing bzhugs te/ de'i tshul ni de 'dra'o// //de bzhin dpa' bo rdo rje dpal zhes bya ba ni/ de nas dus phyi ma zhig na /u rgyan gyi gnas de nyid du rgyal po chen po dpa' bo rdo rje zhes bya ba /rgyal srid kyi 'byor pa phun sum tshogs pa dang ldan pa /dkon mchog gsum la mi phyed ma'i dang pa dang ldan pa zhig byung bar gyur to/ /rgyal po bsnyen gnas kyi sdom pa la gnas shing sbyin pa rgya che ba yang gtong ngo/ /dus der rnal 'byor ma rl pa mo/ bu mo rnal 'byor ma lnga brgya dang bcas pa gdol pa mo'i cha byang du byas nas/ rgyal po'i drung du rgyal po de la phyag rgya chen po'i dngos grub kyi skal pa dang ldan par gzigs nas / de la ting nge 'dzin 'di bstan pa'i ched du rgyal po'i drung du gdol pa mo rnal 'byor ma rnams kyi sdug bsngal ba'i tshig dang ldan pas /slong ba'i tshul du byas so/ /rgyal pos kyang gos dang kha zas mang po byin pa las da dung mdun na

  17. 9a

    'khod do/ gdol pa mo de dag 'khod pan snga na med pa'i dri bsung bzang pos rgyal po de'i pho brang gang bar gyur to/ /rgyal pos 'khor mi rnams la smras pa/ /kho bo'i pho brang 'khor gyi sngon med pa'i dri 'di gang las byung/ me tog gam/ spos sam/ ci bsgos zhes btsal du bcug pa las ma rnyed do/ /skabs der gdol pa mo rnams langs te/ 'gro bar chas pa las dri med par gyur te/ rgyal pos bsam pa gor ma chag par dri 'di ni gdol pa mo rnams las byung ba/ 'di rnams ni gdol pa mo ma lags kyi u rgyan gyi gnas 'di na rnal 'byor ma rol pa mo/ rnal 'byor ma lnga brgya dang bcas nas 'gro ba'i don la spyod pa mdzad ces grags pa 'di rnams rnal 'byor ma yin no zhes rtogs te mchod pa'i yo byad bshams pa las /rnal 'byor ma rnams kyis mngon du ma byed ces pa'i brdas go bar byas nas mtshan mo tshogs kyi mchod pa gyis shig/ kho mo cag 'od do zhes brda' mdzad nas de nas mi snang bar gyur to/ /de nas rgyal po mchog tu dga' bskyes nas/ tshogs kyi mchod pa chen po bshams nas 'dug pa las /rnal 'byor ma rnams byon nas rgyal po'i tshogs kyi mchod pa la longs spyod nas/ rgyal pos kyang rgyal srid kyi 'byor ba rtswa dang 'dra bar bltos pa med pa'i tshul gyis rnal 'byor ma rnams la phul ba dang/ rnal 'byor ma rnams kyis smras pa/ khyod nyid kyis rgyal srid kyi 'byor ba zung zhig/ rgyal pos gsol pa/ rgyal srid kyi 'byor bas kho bo 'ching ba'i rgyur mi 'gyur ba lags sam/ rnal 'byor ma rnams kyis smras pa/ seng ge rnam par bsgyings ba zhes bya ba'i ting nge 'dzin la mnyam par bzhag nas/ gang gis kyang 'ching ba med de/ /bde bar gshegs pa rnams kyis khyim la gnas pa dang rab tu byung ba ste/ byang chub sems dpa' i spyod pa rnam pa gnyis so zhes gsungs pa'i phyir ro/ /rgyal pas smras pa/ seng ge rnam par bsgyings pa zhes bya ba'i ting nge 'dzin gang lags shing ci 'dra ba bdag la bstan du gsol/ /rnal 'byor ma rnams kyis mgrin gcig tu rgyal po la 'di skad ces smras so/ /sa'i bdag po 'di lta ste/ dper na ri dags kyi rgyal po seng ge ni/ rang las gzhan pa'i ri dags kyi 'jigs

  18. 9b

    ba 'am/ bag che ba'am/ spu zing zhes byed pa 'am/ dogs pa tsam yang med kyis/ gzhan du na rang gi kha zas tsam yid la byed do/ /sa'i bdag po de bzhin du/ ting nge 'dzin gang la gnas na rnam par rtog pa dang mtshan ma'i 'du shes thams cad zil gyis mnan cing dogs pa med par gnas la/ gzhan du na dngos por lta ba rnams bdag med pa la 'dzud pa tsam cig yid la byed do/ /sa'i bdag po de ni seng ge rnam par bsgyings pa zhes bya ba'i ting nge 'dzin yin no/ /sa yi bdag po gnod sems spang bya ste/ /mkha' la bya bzhin gang lam thogs par/ /thogs med ting 'dzin 'di la rab gnas na/ /sangs rgyas bye ba phrag brgya khyong mthong 'gyur/ zhes gsungs nas/ rnal 'byor ma de dag mi snang bar gyur to/ /de nas rgyal po des kyang skad cig de la lhan cig skyes pa'i ting nge 'dzin sangs rgyas thams cad kyi yul la 'jug pa/ bsam du med pa/ thogs pa med pa/ rnam mkha' mdzod kyi gter zhes bya ba ji lta ba bzhin du rtogs shing khong du chung de/ kha na mtho ba med pa'i rgyal srid kyis 'gro ba skyong zhing/ /rnal 'byor gyi spyod pa byed pa skal pa ldan pa rnams la ting nge 'dzin 'gi de bzhin gshegs pa thams cad kyi sku dang/ gsungs dang/ thugs dang/ ye shes kyi dam tshig dang ldan par ston te/ rnal 'byor pa de'i tshul ni de 'dra'o// //dam tshig ces bya rdo rje dpal/ zhes bya ba ni rgyal po dpa' bo rdo rje de nyid kyi bram ze mdun na 'don/ dam tshig rdo rje zhes bya ba tshig bden par smra zhing/ dam bcas pa'i dam tshig las 'da' bar mi byed pa/ bla ma la sri zhu byed pa/ chos dang 'thun pa'i smrang 'don gyi/ phur bu pa dang ni 'jig rten pa'i smrang 'don par mi byed pa cig gnas te/ des gnyug mar chos dang mthun pa'i spyod pa 'ba' zhig gis gnas shing/ rgyal po mnyes par byed cing rgyal po'i bka' las nam yang 'da' bar mi byed pa zhig gnas pa las/ de las rgyal pos bka' stsal pa/ mdun na 'don shes par gyis shig/ khyod kyis dam tshig la gnas pa legs so/ /bden par smra ba legs kyis da dung dam tshig la gnas bar gyis shig dang/ dam tshig gis ni 'gro ba rnams kyi yid du 'ong ba dang/ kun

  19. 10a

    gyis bkur bar yang 'gyur ro/ /mdun na 'don gyis yang gsol pa/ lha lags dam tshig ces bgyi ba bden par smra ba lags sam/ bka' stsal pa/ mdun na 'don dam tshig 'di ni bden par smra zhing dam bcas pa ltar byed pa'o/ /gsol ba/ lha lags bden par smra bas 'jig rten 'di yi bya ba yongs su rdzogs pa bden par smra ba'i dam tshig lags na /bla ma dang sangs rgyas dang byang chub sems dpa' dang phrad par 'gyur zhing mi 'bral bar 'gyur pa'i dam tshig gang yin pa de de bstan na/ khyod yid ches par mi 'gyur la/ de'i dbang gis mdun na 'don khyod mnar med par song na mi legs so/ /gsol pa/ sa'i bdag po yid mi ches pa ma mchis so/ /bka' stsal pa/ dus gsum gyi de bzhin gshegs pa thams cad kyi sku dang /gsungs dang/ thugs dang/ ye shes mi zad ba zhes bya ba'i dam tshig la gnas par byas na/ bla ma dang sangs rgyas la sogs pa dang mi 'bral bar 'gyur ro/ /gzhan yang sangs rgyas kyi zhing khams yon tan rin po che bsam gyis mi khyab pa yang mthong bar 'gyur ro/ /gsol pa/ dam tshig de ma 'tshal lo/ /bka' stsal pa/ mdun na 'don thog mar je rang gi sems la so sor rtogs la/ de'i rjes la sems de yang bsam gyis mi khyab pa'i dbyings la zhog cig dang/ des na dam tshig thams cad yongs su rdzogs shing /sangs rgyas thams cad dang phrad par 'gyur ro/ /zhes gsungs nas cang mi gsung bar gyur to/ /mdun na 'don gyis kyang dam tshig de yid la byas pa tsam gyis/ sangs rgyas kyi zhing khams yon tan rin po che bsam gyis mi khyab pa rnams mthong bar gyur te/ mdun na 'don dam tshig rdo rje zhes bya ba'i rnal 'byor ba de'i tshul ni de 'dra'o// //de bzhin pad+ma'i rdo rje dpal zhes bya ba ni/ dpal u rgyan gyi yul de nyid na zhing pa pad+ma'i rdo rje zhes bya ba/ snga nas bdag dang bdag gir 'dzin pa shas chung ba gtsang ba dang/ mi gtsang ba'i

  20. 10b

    rnam par rtog pa dang dman pa zhig gnas pa las /de dus gzhan zhig na sA lu'i zhing rmed pa las /zhing gi las kyis sun pa gyur cing skyo ba shas cher skyes nas/ des bsams pa u rgyan gyi gnas 'di ni rnal 'byor pas gang zhes grags na/ kho bo yang rnal 'byor cig las yang dag pa'i lam btsal la /rnal 'byor gyi spyod pa spyad par bya'o/ zhes dam bcas pa las/ de'i lhag pa'i bsam pa rgya chen po de rnal 'byor pa mdun na 'don gyis mkhyen cing skal pa dang ldan par gzigs nas/ zhing pa pad+ma'i rdo rje ga na ba der byon nas/ zhing pa pad+ma'i rdo rjes mthong nas/ rab tu dga' ba thob nas/ rkang pa la spyi bos gtugs te/ 'di skad ces smras te/ kye skyes bu chen po khyod ni rnal 'byor pa 'ga' zhig lags grang na/ kho bo la rnal 'byor gyi spyod pa bstan du gsol/ zhes smras pa dang/ mdun na 'don gyis smras pa/ rigs kyi bu rnal 'byor pa thams cad kyi spyod pa rlabs po che/ sangs rgyas thams cad kyi yul la 'jug pa/ rnal 'byor rtog pa'i rlung tshub kyis mi bsgul ba'i spyod pa la spyad par gyis dang/ rnal 'byor pa mthar phyin par 'gyur ro/ zhes bsgo nas/ /rang gi rnal 'byor gyi gnas su song bar gyur to/ /zhing pa pad+ma'i rdo rjes rnal 'byor pa thams cad kyi spyod pa rlabs po che/ sangs rgyas kyi yul la 'jug pa/ rnam par rtog pa'i rlung gis mi bsgyel ba legs par rtogs shing/ dpal u rgyan gyi gnas de nyid kyang/ skad cig de nyid la rin po che sna tshogs pas brgyan par mthong zhing sngags kyi tshul gyis spyad pa spyod pa'i rnal 'byor pa dang rnal 'byor ma grub brnyed pa 'ba' zhig gis yongs su gang ba mthong ste/ rnal 'byor pa pad+ma'i rdo rje'i tshul ni de 'dra'o/ /dpal ldan lhan cig skyes rdo rje zhes bya ba ni/ dpal u rgyan gyi gnas de nyid na chang 'tshong ma lhan cig skyes pa'i rdo rje zhes pa gnas pa las/ chang tshod ma des bsam pa/ e ma'o kho ma ni rtag par 'jig rten thams cad kyi bya ba 'chor bar byed pa'i chang 'di la spyod cing/ gzhan la 'tshong ba ni cha ma yin gyis/ ma la da ni lhan cig skyes pa'i chang zhes bya ba/ dus gsum gyi sangs rgyas thams

  21. 11a

    cad kyi gsol ba zhig yod kyang zer la/ de da ltar dpal u rgyan gyi gnas 'di na bzhugs pa'i rnal 'byor pa rnams kyis spyod ces grags pas/ kho mos kyang rnal 'byor pa 'ga' zhig la chang de btsal la longs spyad cing/ gzhan dag la yang bstan par bya'o/ zhes sems la dran zhing/ tshig tu yang brjod nas de kun tu 'gro zhing kho mo la lhan cig skyes pa'i chang gis ro bstan du gsol zhes dus rtag bar brjod pa las/ de'i sems rgya chen po de dag rnal 'byor pa pad+ma'i rdo rjes mkhyen cing phyag rgya chen po'i 'bras bu mngon du byed par gzigs nas/ chang 'tshong ma gal ba dar byon nas/ phyag brkyang ba tsam gyis chad 'tshong ma de rab tu dga' nas/ rnal 'byor pa pad+ma'i rdo rje'i zhabs la mgo bos gtugs nas 'di skad ces gsol to/ /skyes bu chen po kho mo la lhan cig skyes pa'i btung ba bstan du gsol zhes zhus pa dang/ rnal 'byor pa pad+ma'i rdo rjes 'di skad ces gsungs so/ /rigs kyi bu sus kyang ma byas pa'i chang/ /de bzhin gshegs pa rnams kyis gsol pa zad pa med pa/ ma rig pa'i gnyid sangs par byed pa/ 'khor ba'i 'brog dgon par dal ba las dbugs 'don par byed pa 'thungs shig/ de ni 'di lta ste/ sangs rgyas thams cad kyi yul la 'jug pa mi zad pa'i zam tog ces bya ba yang yin la/ bsam gyis mi khyab pa'i yul zhes bya ba yang yin te/ rigs kyi bu ting nge 'dzin de la mnyam par zhog dang/ gdong lhan cig skyes pa'i chang sangs rgyas rnams kyis gsol pa/ 'gro ba kun la 'gyed nus pa khyod kyis myong zhing sgom pa las sel bar 'gyur ro zhes sgo nas rnal 'byor gyi gnas su gshegs so/ /chang 'tshong ma des kyang ting nge 'dzin de la bzhag pa cam gyis lhan cig skyes pa'i btung ba zad pa med pa'i gter zhes bya ba nyams su myong ste/ rnal 'byor ma lhan cig skyes pa'i rdo rje'i tshul ni de 'dra'o// //de bzhin dga' ba'i rdo rje dpal zhes bya ba ni/ dpal u rgyan gyi gnas de nyid na/ tha ga ba

  22. 11b

    dga' ba'i rdo rje zhes bya ba rnal 'byor pa gang dag mthong ba de dag la dga' ba'i sems bskyed pa cig gnas pa las/ tha ga ba zla bo dag la rnal 'byor gyi spyod pa spyad pa'i sngags pa 'ba' zhig brjod cing/ bdag nyid kyang 'di ltar sems te/ ma la bdag ni dkyil 'khor gyi 'khor lo mngon du 'gro bas bla ma dam pa dag las mngon par dbang bskur ba thob ste/ mtshan ma med pa'i gnas la gnas shing rnal 'byor pa de dag dang 'grogs te/ de dag gi zhabs la bsnyen bkur byed na ci ma rung zhes yid la rtag tu byed pa las/ thag pa des de ma thag tu bya ba lhag ma dag yongs su spangs te bla ma dam pa dag las yon su rnyed/ yongs su rnyed nas/ mtshan ma med pa'i gnas pa nam zhig 'god par 'gyur ba'i bla ma de 'dra ba tshol tshol ba las/ rnal 'byor ma lhan cig skyes pa'i rdo rje zhes bya ba/ bla ma dam pa rnams bsnyen bsnyen pa cig/ da ltar chang 'tshong pa'i grod na rnal 'byor gyi spyod pa mdzed zhes thos nas/ rnal 'byor pa des thag pa de'i sems kyi rgyun rjes su rtogs te/ 'di skad ces/ kye tha ga pa khyod kyis bsam pa rgya chen po de mchog tu legs so/ /myur ba myur bar dkyil 'khor gyi 'khor lo dam par zhugs shig dang/ skyes bu chen po khyod kyis bsam pa rgya chen po kho bos myud du bskang do zhes smras pa dang/ tha ga pa rab tu dga' nas zhabs la spyi bos gtugs te/ dkyil 'khor sngon du 'gro bas mngon par dbang bskur ba blangs pa/ thag pa de la mtshan ma med pa'i gnas la gnas pa/ sangs rgyas thams cad kyi yul la/ 'jug pa/ yang dag pa thob cing rnal 'byor pa gzhan dag la yang bsnyen bkur cing/ thag pa'i tshul spyod cing/ /rnal 'byor gyi spyod pa byed de/ rnal 'byor dga' ba'i rdo rje'i tshul ni de 'dra'o// //rdo rje dang ldan bram ze mo zhes bya ba ni/ dpal u rgyan gyi gnas de nyid na/ bram ze mo rdo rje zhes bya ba khrus dang gtsang sgra mthar phyin pa/ khrus dang gtsang sgra de tsam gyis dag pa dang grol bar 'dzin pa zhig gnas pa las de dus gzhan zhig na/ 'jug dogs na khrus byed cing/ de'i mthar rang gi sdug pa'i lha la mchod pa byed cing gnas pa las rnal 'byor pa dga' ba'i rdo rje zhes bya ba des bram ?

  23. 12a

    mo de'i snga phyi'i lo rgyas/ tha ga pa gcig nas gcig tu brgyud pa la thos te/ bram ze mo de rjes su gzung bar bzhed de/ bram ze mo de'i 'jug dogs su tha ga pa de song ba dang/ bram ze mo de yang de na khrus byed pa dang phrad de/ bram ze mo de la 'di skad ces smra so/ /ci bram ze mo khyod de ltar khrus byas pas phyi'i dri ma 'ba' zhig dag par lta ba 'am/ 'on te nang yang dag par blta/ bram ze mos smras pa/ gnyis ka dag par blta ste legs ldan chen po tshangs pas kyang de skad ces bstan te/ /rnal 'byor pa dga' ba'i rdo rjes smras pa/ bram ze mo khyod kyis phyi'i dri ma dag pa la ni kho bo mi 'gegs kyi/ gal te khyod kyi phyi'i khrus kyi nang gi bdag nyid can yang dag par 'dod pa lta na ni kho bo dag par mi 'dod de/ de yang ji skad du /gal te khrus gyis dag lta na/ nya pa rnams kyang don byas shing/ /nyin dang mtshan du gnas pa mi/ /nya pa la sogs smos ci dgos/ zhes gsungs la/ gzhan yang sA lu'i sa bon las ni sA lu nyid 'byung gi /khre rgod ni ma yin no/ /bram ? mo de bzhin du nyon mongs pa'i gzhi las nyon mongs pa nyid skye'i/ /rnam par byang ba ni ma yin no/ /khram ze ? smras pa/ 'o na gang gis nang gi bdag nyid dag par 'gyur pa'i khrus de/ kho mo la bstan du gsol /rnal 'byor pas smras pa/ gang lus dang dag gi 'bad pa med pa'i khrus kyis dag par gyis shig dang/ khyod kyi phyi nang ma lus par dag par 'gyur ro/ /smras pa skyes bu chen po de lta bu'i khrus de kho mos mi 'tshal gyis/ legs par bstan du gsol zhes smras nas/ snyim pa me tog gis bkang ste/ /rang nyid kyi stod g.yogs dang bcas pa phul lo/ /rnal 'byor pas smras pa/ bram ze mo na mkha' yongs su dag pa'i dbyings nas sprin dag byung nas de nyid du thim pa'am/ chu klung yongs su dangs pa las nya dag byung ba ji lta ba bzhin du bram ze mo mo khyod kyi sems la lta bar gyis dang/ gdong sangs rgyas thams cad kyi yul la 'jug pa'i ye shes kyi chu zhes bya bas bdag tu lta ba'i dri ma ma lus par 'dag par 'gyur ro zhes bsgo nas/ ?

  24. 12b

    gi gnas su dengs te/ bram ze mo nges kyang sangs rgyas thams cad kyi yul la 'jug pa'i ye shes kyi tshul ji lta ba bzhin du rtogs te/ bdag tu lta ba'i dri ma can gyi bram ze gzhan rnams kyang 'dren cing gnas te/ bram ze mo de'i tshul ni de 'dra'o// //de bzhin grub pa'i rdo rje dpal zhes bya ba ni/ dpal u rgyan gyi gnas de nyid na/ 'dreg mkhan grub pa'i rdo rje zhes bya ba gnas pa las/ de dman pa'i lus kyis yid byung nas/ bram ze mo rdo rje zhes bya ba'i rnal 'byor ma zhig yod pa thos nas/ de'i drung du phyin pa dang/ rnal 'byor ma des kyang de'i bsam pa rtogs nas de la gso spyod gi sdom pa byin te/ mthar gyis bcom ldan 'das sangs rgyas thams cad mnyam par 'dus pa zhes bya ba'i dkyil 'khor du bkod cing /rtogs pa'i rnal 'byor la mthar phyin par gyur te /de'i sems kyi mos ba dang lhag pa'i bsam pa rgya chen po rnal 'byor ma des mkhyen nas/ 'dreg mkhan de la sangs rgyas thams cad kyi yul la 'jug pa nas/ nam mkha' mdzod kyi gter zhes bya ba skad cig tsam gyis bstan pa dang/ 'drag mkhan des kyang skad cig de nyid la ting nge 'dzin de ? byas btsam gyis lha'i mig la sogs pa mngon par shes pa dang yang ldan la/ rnal 'byor gyi spyod pa 'gro ba gzhan gyi don mdzad cing gnas te/ rnal 'byor pa grub pa'i rdo rje'i tshul ni de 'dra'o/ /dpal ldan gshin ? rgyal po 'di zhes bya ba ni kha do du brjod pa'i lhan cig skyes ba'i ting nge 'dzin/ sangs rgyas thams cad kyi yul l a' jug pa/ bsam du med pa/ thogs pa med pa/ nam mkha' mdzod kyi gter zhes bya ba tha snyad sna tshogs pas mtshon pa 'di nyid de /ting nge 'dzin 'di nyid kyis khams gsum pa thams cad kyi bdag tu rtog pa'i bgegs mthar byed pa'i phyir ro/ /de bas na gshin rje ste/ gang la gshin rje'i dang tshul yod pa de ni gshin rje zhes bya zhing/ des bdag cag rnams kyi dpal du byed pas/ dpal gshin rje'i rgyal po zhes bya'o/ /'di zhes bya ba ni byed pa'i sgra ru sbyar te/ 'di ltar dpal ldan 'khor lo'i mngon brjod pas/ zhes bya bas/ /

  25. 13a

    srid pa'i 'khor lo gang zhig dpal gyi 'byor pa phun sum tshogs par mngon par bstod cing ston pa ste/ 'khor lo'i ni las su bya ba'i tshig go/ de bas na dpal ldan 'khor lo'i mngon brjod pa zhes bya'o/ /bla ma dge slong gnyid log pa/ zhes bya ba ni/ sa'i bdag po dbang po'i blo rgyal srid kyi 'byor bas /rab tu g.yengs par gyur pa las/ dpal mo bdag gis rgyal srid kyi 'byor pa spong ba la bkod de/ shAkya'i dge slong gyis zhes bsgos nas/ des kyang rgyal srid kyi 'byor pa mchil ma'i thal ba ltar bor nas/ dge 'dun gyi gtsug lag khang du dge slong gi dngos por gyur nas /chos gos ngur smrig yang dag par blangs te/ mkhan po dang slob dpon gyi rjes su yang dag par slob pa las/ da dung slob dpon dang mdun na 'don la sogs pas bsnyen bkur zhing rjes su 'brangs pa las/ de'i dge ba'i phyogs kyi bgegs su gyur to/ /dus de na kho mo dpal gyi ri zhes bya ba la gnas pa dang/ dpal mos ltos shig sa bdag ltos/ /mi dbang sa bdag ming po ltos/ /da dung rgyal srid 'byor ba yis/ /mi dbang rnal 'byor gegs byed do/ zhes nam mkha' la sgyur? grags par gyur to/ /de ma thag tu kho mos dpal u rgyan gyi gnas/ mi dbang dge slong ga la ba der phyin no/ /gzhan gyis rig par yongs ma gyur/ /bo? mo'i rkang par de btung nas/ /a ho lak+Sh+mi ma zhes kyang brjod/ /dga' ba'i mdangs kyis mi tog gtor/ /de la kho mos 'di skad ces/ /kye dbang po blo khyod rgyal po 'byor bas/ 'khor ba'i g.yangs chen por khrid pa'i gnas yongs su dor la/ dge slong gi dngos po zung cig ces bsgo ba yin no/ ci ga nga dung dge slong du gyur kyang 'dor bar mi byed dam zhes smras so/ /dge slong des kho mo la 'di skad ces/ kye sring mo bdag gis ni rgyal srid 'chil ma'i thal ba ltar bor

  26. 13b

    lags kyis kyang/ skye ba'i tshogs chen po 'di dag ni da ltar na bdag gi slang bzhin 'brang ba lags na/ de bdag gis ji ltar bsgrub par bgyi ba gsungs shig ces zer ba las/ kho mos de la dur khrod du song la de nyid yid la byos shig ces bsgo ba na/ dge slong gis bdag gi dag gi rjes su zhugs te mtshan phyed na langs te/ mkhan po dang dge 'dun la sogs pas dur khrod du gnas pa'i bgegs byed pa'i 'jigs pa dang ldan pas mkhan po dang slob dpon la sogs pa gnyid kyis yongs su non pa gang na ba ngar song ste/ /de dag gis mi tshor ba'i tshul du rkang pa la gtugs nas/ gtsug lag khang la bltos pa med par dur khrod du song ste /de nyid yid la byed cing gnas pa na/ rgyal po'i btsun mo'i chogs sngags 'chang ma rnams kyis dge slong de'i sems kyis lhag pa'i bsam pa brtan nam mi brtan zhes co 'dri bar bsams pa las/ dge slong de sangs rgyas thams cad kyi yul la 'jug pa'i ting nge 'dzin yid la byed la/ byed pa'i stobs kyis sngags 'chang ma rnams kyis mthong bar ma gyur cing/ dge slong de'i lab? tsam cig snang ba la 'di skad ces brjod de/ e ma shAkya'i dge slong dag ni g.yo che ste/ la ba ltar lus bsgyur ba yin grang/ la ba 'di nyid bza' 'o zhes/ lab dum bur byas te khar so sor bcug pa las/ sngags 'chang ma de rnams ma lus pa lug lta bur gyur te/ yul bar nas rgyal po'i thad du ltags te/ 'di skad ces kyi rgyal po bdag cag rnams dge slong dur khrod pas 'di ltar bgyis te/ e ma kyi hud rgyal pos skyab du gsol zhes brjod do/ /rgyal pos btsun mo rnams mthong bsam ngan gyis gdud nas dge slong ga la ba der khrid de zhabs la gtugs nas/ 'di skad ces 'phags pa'i rnal 'byor la co dri ba bzod par gsol zhes smras pa dang/ dge slong gis rgyal po de la 'di skad ces/ kye rgyal po'i btsun mo 'di dag gis kho bo'i la bzos pa phyir byin

  27. 14a

    cig ces smras pa dang/ de dag gis la ba'i dum bu rnams phyir skyugs te/ sngon ji lta ba bzhin sgrubs nas phul ba tsam gyis kyang lug lta bu'i dngos po las slar log par gyur te/ dge slong rnal 'byor pa de la gzhan dag tu la ba pa la ba pa zhes kyang grags te/ ting nge 'dzin de'i byin gyis rlabs ni de dang 'dra'o// //de bzhin gzhan yang gang zhig lnga zhes bya ba ni/ gong du brjod pa'i rnal 'byor pa rnams la/ rang las byung ba'i bde ba dang ldan pas lha yin la/ de las gzhan pa'i lha'i rnal 'byor pa gzhan yang yod de/ dpal ldan kun 'gro'i mgon po dang/ zhes bya ba ni/ dpal u rgyan gyi gnas 'di nyid na/ dpal kun 'gro'i mgon po zhes bya ba'i rnal 'byor pa zhig dpal u rgyan gyi gnas kun tu 'gro zhing/ de kho na nyid chol tshol ba dang/ rnal 'byor pa grub pa'i rdo rje zhes bya ba'i drung du phyin te/ lo du ma bsnyen bkur nas/ de kho na nyid stsal du gsol shes gsol ba dang/ rnal 'byor pa des 'di skad ces/ rigs kyi du dus gsum gyi de bzhin gshegs pa thams cad kyi sku gsung thugs ye shes kyis de kho na nyid ni 'bad pa dang/ yi ge dang brda' dang/ brjod pa dang/ sgra'i yul ma yin te/ de khona nyid ni sangs rgyas thams cad kyi yul la 'jug pa zhes bya ba yin pas/ 'bad pa dang /yi ge dang /brdar dang /sgra brjod pa dang sgras rnyed par mi 'gyur ro/ /zhes brjod ma thag tu ting nge 'dzin de nyid mngon par gsal bar gyur te/ rnal 'byor pa kun 'gro mgon po'i tshul de 'dra'o// //de bzhin dpal ldan thugs rdo rje zhes bya ba ni/ dpal u rgyan gyi yul 'di nyid/ /rnal 'byor pa thugs rdo rje zhes bya ba bdag dang 'gro ba thams cad kyi sems kyi rgyun la kun tu spyod cing sems kyi rang bzhin tshol te/ rnal 'byor pa dag gi drung du 'gro zhing sems kyi rang bzhin ci 'dra ba'i man ngag zhu ba dang/ des rnal 'byor ba kun 'gro mgon po zhes bya ba/ 'gro ba rnams kyi sems kyi rgyun la mkhas pa zhig yod ces thos te/ de ga na ba der song

  28. 14b

    nas rnal 'byor pa de la ji lta ba'i bsnyen bkur phul nas sems kyi rang bzhin dris pa dang/ rnal 'byor pa kun 'gro mgon pos 'di skad ces rigs kyi bu dper na nam mkha' ni kha dob ma yin/ dbyibs ma yin/ tshad ma yin/ bstan du med pa/ rdzas su grub pa med pa'o /rigs kyi du de bzhin du 'gro ba rnams kyi sems kyi rgyun gyi rang bzhin yang/ nam mkha' ltar kha dog ma yin/ dbyibs ma yin/ tshad ma yin/ bstan du med pa/ rdzas su grub pa med pa'o zhes brjod pa tsam gyis /rnal 'byor pa de sangs rgyas thams cad kyi yul la 'jug pa zhes bya ba yang shes khong du chung la/ 'gro ba rnamS/ kyi semS kyi rang bzhin yang ji lta ba bzhin du shes par gyur te/ rnal 'byor pa thugs kyi rdo rje de'i tshul ni de 'dra'o// //de ltar kho mos kyang lhan cig skyes pa'i ting nge 'dzin sangs rgyas thams cad kyi yul la 'jug pa /bsam du med pa/ thogs pa med pa/ nam mkha' mdzad kyi gter zhes bya ba/ 'gro ba thams cad kyi rgyun rtogs par byed pa 'di tshol ba las/ rnal 'byor pa thugs kyi rdo rje zhes bya ba zhig ting nge 'dzin 'di'i rang bzhin la mkhas zhes bya ba thos nas/ de'i drung du phyin te kho mos lo du mar mchog gi rnal 'byor pa de'i zhabs la bsnyen bkur te/ de'i mthar ting nge 'dzin de gnang nas kho mos dpal gyi ril yid la byas pa las mngon du gyur pa yin zhing/ sa'i bdag po dbang po'i blo la rnam grangs du mas bstan cing khong du chung bar bya ste/ rgyal srid kyi 'byor pa dang bral nas /dur khrod du bsten pa las mngon du gyur pa yin no/ de ltar brjod pa'i rim pas lhan cig skyes pa'i ting nge 'dzin 'di ni rnyed par dka' la/ nyan thos dang rang sangs rgyas dang/ byis pa phal pa rnams kyis rnyed par rab tu dka' zhing/ bla ma legs par bsten pa skal pa dang ldan pa rnams kyi spyod yul yin zhes dgongs so/ /dpal ldan rol pa'i lha mo sogs/ /yang dang yang du kun la 'dud/ /ces bya ba ni/ sa'i bdag po dbang bo'i blos lhan cig skyes pa'i gzhung gi dum bu lnga bcu rtsa brgyad po 'di rtsom par 'dod pas/ bar du bgegs mi 'jug par bya ba'i phyir dang/ tshogs bsags pa'i

  29. 15a

    phyir sngon gyi bla ma dpal u rgyan gyi gnas na bzhugs pa'i rnal 'byor chen po rnams la gus pa'i tshul gyis mchod par brjod pa yin no/ /de rnams zhabs la phyag byas nas/ /gzhung lugs mdza' ni brjod par bya/ /zhes bya ba ni/ /bla ma rnal 'byor chen po de rnam la phyag byas nas /lhan cig skyes pa'i man ngag bla ma dam pa rnams kyi zhal las phyung ba rnyed par dka' ba'i tshul bdag gis gsal bar bya zhes bya ba'i don to/ /kun 'gro lhan cig skyes zhi ba/ zhes bya ba ni/ lhan cig skyes pa gang yin pa de 'gro ba kun la khyab par gnas par ston te/ /'di ltar re zhig lhan cig skyes pa'i rang bzhin gang zhig ma shes pa de ni sdug bsngal dang mtshungs par lhan cig ste/ de bas sa ha ji? zhes bya la/ de yang 'di skad du /'bum phrag lnga pa'i kye'i rdo rje'i rgyud las/ lus can thams cad sdug bsngal lo/ /ha zhes smre sngags 'don zhing 'byung/ /rga shi'i rang bzhin lus can rnams/ /de ltar sdug bsngal dang mtshungs skye/ /yang lus can thams cad skye ba na /ha zhes srog rlung phyir 'byung la/ /rga shing yi dbang gis 'byung? /de phyir rga shi med la 'bad/ /yang khu ba'i khams ni ji snyed pa/ /de snyed ha zhes dbugs kyis na/ /dbang po'i lam nas 'dzag par byed/ /gang des skye dang 'chib gnas/ /yang/ lus can 'di dag thams cad ni/ /nga zhes nga rgyal gyis bcings te/ /rigs su bzung bas 'phung grol byed/ /de bas bdag 'dzin rnam spang bya/ /zhes gsungs la/ gzhan yang sdug bsngal gyi phung po de dag las go bzlog ste/ gzod ma nas lhan cig skyes ba'i chos rnams kyi de bzhin nyid gang yin pa de la skyes bu gang zhig gnas pa de lta na ni/ zhi ba'i bdag nyid du lhan cig gnas pa yin te/ yang ji skad du/ 'bum phrag lnga pa'i kye'i rdo rje'i de nyid las/ /thams cad gzod nas bdag nyid gnas/ /ha zhes rol cing dod pas gnas/ /dra shi med par de gnas shing/ /lhan cig

  30. 15b

    skyes pas rnam par rol/ /yang lus can 'di dag thams cad ni/ /'di nyid kyis ni dbubs 'byin cing/ /dngos med gzhi las skyes par byed/ /de 'di lhan cig skyes ba yin/ /yang/ 'gro kun gzod ma nyid nas stong/ /rgyu rkyen gang gis stong ma byas/ /'di las skye rga yod ma yin/ /lhan cig skyes par de ltar brjod/ /ces gsungs so/ /de bas na lhan cig skyes pa zhes bya ba'i sgra'i don ni de ltar rtogs par bya ba'i don to/ /rtag tu 'byung zhing rang la gnas/ zhes bya ba ni/ gong du brjod pa'i rim pa da ltar lus can kun la gnaS so zhes pa'i don to/ /dus kun tu ni mi zad pa zhes bya ba ni/ /de ltar gong du brjod pa'i bde ba dang sdug bsngal gyi bdag nyid/ gnas skabs rnam pa gnyis po zad cing de nges pa yin la/ de la cig shes sangs rgyas thams cad kyi yul la 'jug pa zhes bya ba'i rang bzhin ni/ /rtog pas brtags pa spangs pa nyid ces smos te/ sangs rgyas thams cad kyi yul la 'jug pa gang yin pa de ni rtog pa'i rnal 'byor gyis rnyed par mi 'gyur ro zhes bya ba'i don to/ /rang dang phyi rol nang na gnas zhes bya ba ni/ ma brtags pa'i de kho na nyid rgyu ba dang mi rgyu ba'i dngos po thams cad kyis rang bzhin la gnas zhes dgongs so/ /phyi dang nang las ma skyes ba zhes bya ba ni/ de ltar rgyu ba dang me rgyu ba mdza' dag la gnas kyang/ bskyed bya dang skyed byed kyi tshul du gnas pa ma yin no zhes bya ba'i don to/ /zung 'jug tshig gi don du ni/ / rgyu dang mi rgyu'i gnas pa la/ /dus kun tu ni yang dag gnas/ zhes bya ba ni/ lhan cig skyes pa zhes bya ba de yod pa'am/ med pa 'am/ gnyis ka las 'das pa zhe 'am/ rtag pa 'am/ mi rtag pa 'am/ bde ba 'am/ sdug bsngal ba 'am/ bdag gam/ bdag med pa 'am/ nyin mo zha'am/ mtshan mo zhe 'am/ 'khor ba zha 'am/ mya ngan las 'das pa zhes gang gis brjod pa'i mdza' dang bral ba'i mtshan nyid de/ de bas rgyu ba dang mi rgyu ba thams cad dus chad ba med par gnas zhes dgongs so/ /de ltar na 'gro ba rnams de kho na nyid de dang ldan bas

  31. 16a

    bla mas bsgo ba ci zhig bya zhe na/ gzhung las ma gtogs rnyed mi 'gyur/ zhes smos te/ dper na bud med dbul mo zhig la lto ba na bu gling bzhi la dbang byed pa yod kyang/ rang nyid slong ba 'ba' zhig yid la byed pa ltar /so so'i skye bo gang yin pa de dag kyang de dang 'dra ba de bas na/ kye sems can rnams bla ma'i yon tan rin po che gter yang dag par bsten cig ces bya ba'i don to/ /gang dang mtshungs par skye ba'o/ /des na lhan cig skyes par brjod/ ces bya ba'i lhan cig skyes ba'i de kho na/ gang zhig rgyu ba dang mi rgyu ba'i dngos po rnams dang lhan cig tu gnas pa de bas de skad ces bya'o/ /rtog pa'i bdag nyid can gyis lhan cig skyes pa phyin ci ma log pa'i de bzhin nyid la reg pa med pas /lhan cig skyes pa rtog pa med/ /mi rtog las skyes lhan cig skyes zhes bya'o/ /sangs rgyas rnams la lhan cig skyes/ /rdzogs pa'i byang chub ster mdzad pa/ zhes bya ba ni/ gang zhig ji ltar gnas pa de ltar gnas pa'i tshul du gnas pas/ bde bar gshegs pa rnams kyis kyang yang dag par rdzogs pa'i byang chub bsnyes so zhes bya'o/ /sems kyi bcos pa kho nar bdud du bstan cing/ 'bang pas lhan cig skyes pa thob pa med do zhes bstan par bya ba'i ched du/ rtog las phyi rol lhan cig skyes/ /blang bya dor bya spangs pa nyid/ /gang du ji lta bur/ /de ni 'bad pa med pas thob ces bya ba smos te/ ting nge 'dzin 'di la ni gnas kyi nges pa 'am/ re ba 'am/ dogs pa 'am/ 'dug stangs sam/ zas kyi bye brag gam/ phyag rgya bcing ba 'am/ me thab bam/ gza' dang chos grangs la sogs pas rnam par dben pa yin te/ de lta bu dag ni brtags pa'i rnal 'byor zhes bya'o// brtags pa ma yin pa dang/ brtags pas ma brtags pa 'thob pa ni 'gal ba yin no/ /gzhan yang ji skad du/ ji srid yid kyi rnam g.yo ba/ /de srid bdud kyi spyod yul yin/ zhes bya ba la sogs pa rgya cher gsungs so/ /the tshom ? cing rtog med pa/ /mngon sum du ni rnyed

  32. 16b

    par 'gyur zhes bya ba ni gong du brjod pa'i lhan cig skyes pa'i the tshom dang rtog pa'i dra ba thams cad gcod pa bla ma dam pa las mngon sum du rtogs te legs par nyams su myong ba de lta bu ni/ nyin mtshan bskal pa de bzhin lo/ /bskal pa bye ba brgya dag gam/ /rgyun mi 'chang par dus kun tu/ /lhan cig skyes pa thob par 'gyur/ zhes bya ba smos te/ tshig 'di'i don ni gang yang sangs rgyas thams cad kyi yul la 'jug pa bsam gyis mi khyab pa'i dbyings de la gnas pa na/ de bzhin gshegs pa thams cad kyi sku dang/ gsung dang thugs ye shes kyi gsang ba'i dam tshig ces bya ba dri ma med pa'i chu bo'i rgyun ltar 'bab pa yin la/ chu rgyun de yang bdag nyid 'dod na ni/ nyin mtshan gyi grangs sam /zla ba'i grangs sam/ lo'i grangs sam/ bskal pa bye ba bsam gyis mi khyab pa'i grangs su yang dus kun tu rgyun mi 'chad par gnas pa yin zhing/ nyams su myong ba yin no/ /gang yang chu rgyun de ni bsam gyis mi khyab pa'i dbyings dang/ stong pa nyid du dus kyi mdza' med ces bya bar gsungs pa/ 'og min gyi gnas dpal rnam par snang mdzad kyi zhing khams ye shes gang chen mtsho zhes bya ba nas rab tu 'bab ste/ srid pa gsum na gnas pa'i sems can nyi ma'i zer rab tu tsha bas 'khri shing dang gel pa la sogs pa bsregs pa ltar gnas pa rnams la/ gnyis su med pa'i ye shes kyi myu gu skyed par byed pa yang yin no/ /gzhan yang dri ma med pa'i ye shes kyi chu rgyun 'di kho na/ rnal 'byor chen po'i rgyud thabs kyi bdag nyid dang/ shes rab kyi bdag nyid kyi rgyud du thabs sam man ngag dam pa zhes bstan la/ theg pa gzhan dag gam /bya ba 'am/ rnal 'byor gyi rgyud la sogs pa las khyad par 'phags par ston to/ /rtog pa bral zhing mngon sum pa? /rgyal pa yid kyis nang nas gsungs zhes bya ba ni/ lhan cig skyes pa ma bcos pa gang yin pa de/ rnal 'byor pa'i mngon gyi rgyud la sogs pa las khyad par 'phags par ston to/ /rtog pa'i brtson 'grus kyis phrad de/ rnam par shes pa'i thugs kyi rdo rje dngos kyi rang bzhin du

  33. 17a

    gnas zhes rdo rje 'chang rnams kyis gsungs so/ /rtag dang chang dang bral pa nyid ces bya ba ni rtag chad du lta ba spangs pa'o/ /mtshon par byed pa dang mtshan gzhi rtag pa spangs pas na/ mtshan dang mtshan gzhi spangs pa nyid ces bya'o/ /gzhan yang snying rje'i mngon brjod pa zhes bya ba yang/ snying rje ni rnam pa gsum ste/ sems can la dmigs pa'i zhes bya ba dkar po chos gcig nas lnga'i bar dang/ chos la dmigs pa zhes bya ba drug nas bcu'i bar dang/ dmigs pa med pa zhes bya ba bcu gcig nas bco lnga'i bar yin la/ de lta bu'i snying rje nang gi bdag nyid can dag la snying rje zhes bya ba brjod par bya'o/ /de nyid bskul zhing 'dzag pa med pa'i byed pa po dmigs pa med pa'i shes rab kyi pha rol tu phyin pa'o/ /lhan cig skyes par yongs brjod bya/ zhes bya ba ni/ de ltar skul bar byed pas bskul bar bya ba/ bskul ba'i bde ba chen po gang yin pa de lhan cig skyes chen po yin zhes dgongs so/ /lhan cig skyes 'di dngos rnams kyi/ /rgyu dag tu ni yongs su brjod /ces bya ba ni/ lhan cig skyes pa 'di nyid yongs su shes pa de lta na ni byed ba dang grol ba'i gzhi yin la/ yongs su ma shes pas sdug bsngal gyi phung po chen po yongs su bskyed pa 'am/ yang na/ sangs rgyas rang sangs rgyas rnams dang/ /nyan thos rnams kyis khyod bsten na/ /thar pa'i lam ni gcig nyid khyod/ /gzhan dag med ces bya bar des/ zhes bya ba'i don to/ /la las bdag ni lhan cig skyes/ /kha cig rmongs pas dbang phyug ste/ zhes pa ni/ byis pa'i skye bo kha cig bdag rtag pa la lhan cig skyes pa zhes zer ro/ /kha cig phya ? dbang phyug ces bya ba legs pa dang nyes pa sprad pa'i 'bras bu ma yin pa phyA 'am/ /dbang phyug de dag legs par mchod na bdag 'dod pa ster ro/ zhes de la lhan cig skyes par rtog go/ 'o na gang yin snyam ba las/ bdag bcas ma yin bdag med pa/ /rtog pa gnyis ni spangs pa nyid/ ces bya ba smos te/ lhan cig skyes

  34. 17b

    pa ni chos dang gang zag gi bdag nyid las kyang stong pa ste/ de bas na rtog pa gnyis spangs pa'i bdag med pa kho na la brjod par bya'o/ /gang la gnyis kyi 'du shes med pa de la/ zung 'jug gi go 'phang ste/ de zhes bya ba lhan cig skyes pa de zhes sbyor ro/ /rgyal bas lhan cig skyes par gsungs zhes bya ba ni/ gzhan yang gnyis kyi 'du shes spangs pa'i zung 'jug la gnas pa lhan cig skyes par gsungs so/ /sus zhe na/ rgyal bas zhes bya ba smos so/ /de nyid srog chags rnams kyi srog ces bya ba ni/ gang zhig yongs su shes na de ni skye bo thams cad kyi srog chen po yang yin no/ /de nyid zang ba med cing mi 'gyur bas/ de nyid mchog tu mi 'gyur ba zhes bya'o/ /de nyid kun la khyab pa'o/ /lus kun la ni rnam par gnas zhes bya ba ni gong du brjod pa'i snying rje rnam pa gsum ste/ de yang lhan cig skyes pa yin te/ de bas 'gro ba kun la khyab cing lus thams cad la dbyer med par gnas zhes bya ba'i don to/ /bud med ni mi mo'o/ /byis pa ni don la shed ma bye ba'o/ /ba lang rji ni ba lang skyod do/ /kla klo ni gang la chos med pa ?/ /rigs ngan ni gdol pa'o/ /chu yi nang gnas sems can dang/ zhes bya ba ni /chu'i skye bo ste chu mi la sogs pa'o/ /lha ni rgyal po chen po bzhi la sogs pa'o/ /gnod sbyin ni 'gro ba'i mdangs 'phrog pa la sogs pa'o/ /klu ni dga' bo la sogs pa ste/ /de dag gi tshogs la bcas pa zhes bya'o/ /da rnams ldan cig skyes mi shes zhes bya ba ni/ 'gro ba de rnams kyis lhan cig skyes pa gang zhig ma shes pas srid pa gsum gyi 'gro ba'i grong khyer dag tu 'khyam pa yang yin no/ /sangs rgyas bdag nyid lus la ni/ zhes bya ba ni/ lus can thams cad kyi phung po dang/ khams dang/ skye mchod rnams bzod ma nas sangs rgyas kyi rang bzhin yin no/ /de bas de'i phyir dngos grub bde ba mi nus shing/ zhes bya ba ste/ sangs rgyas kyi rang bzhin du lta zhing rtog par mi byed pa'i phyir/ bdag nyid 'phrog pa'i chom rkun te zhes smos te /rang gis dang 'joms pa'i phyir ro/ /de yis sdig pa ma byas sam /zhes pa ni/ gang zhig gang gi rang bzhin la/ /de dang de yi rang bzhin du/ /ma byas de phyir sdig can no/ /bdag nyid

  35. 18a

    'di dag gzhan pa las /zhes pa ni/ lus can rnams kyi stong par gzhan pa la/ gzhan dag tu ni rtog par byed ces bya ste /bdag med pa la bdag tu rtog pa'i phyir na'o/ /de'i phyir na yang bdag nyid 'phros pa'i chom rkun te /de'i sdig pa ma byas sam/ zhes bya ste/ gong ma bzhin du sbyor ro/ /'o na ci zhe na/ bdag nyid nges par sangs rgyas kun/ zhes bya ba smos te/ kye sems can rnams ma rtogs pa'i phyir/ sems can zhes pa'i ming yin la/ rtog pas sangs rgyas zhes bya ba yin zhes bya ba'i don to/ /mdza' bo thams cad nyid kyang ngo/ /zhes bya ba ni/ bdag nyid sangs rgyas kun gyi rang bzhin gang yin pa de ni/ mdza' bo dang/ grogs dang/ pha ma dang/ rtsa lag la sogs pa yang yin zhes pa'i don to/ /rang gi lhag pa'i sbyor ba yis zhes pa ni 'dod pa'i lhar sbyor bas so/ /de phyir bdag nyid bsgrubs par bya/ zhes pa ni bdag nyid lhan cig skyes pa'i sangs rgyas yin/ de bas na sangs rgyas lhan cig skyes par shes par gyis shig ces pa'i don to/ /lus gnas lus ma lus ma skyes pa zhes pa ni/ lhan cig skyes pa mi rtog pa gang yin pa de lus la gnas kyang lus kyi rgyu'i tshul du skyed pa ni med do/ /rtog pa gnyis ni zhes ni/ gzung ba dang/ 'dzin pa dang/ yod pa dang med pa 'am/ rtag pa dang chad par rtog pa yin la lhan cig skyes pa la de mi mnga' bas spangs pa'o/ /khyab bya khyab byed tshul gyis ni/ dngos po kun la yang dag gnas zhes bya ba ni/ rgyu ba dang mi rgyu ba'i dngos bo khyab par bya ba lhan cig skyes pa'i ngo bos khyab nas gnas zhes bya ba'i don to/ /lha dang lha min klur bcas dang/ thub pa rnams dang drang srong dang/ zhes pa ni/ lha ni sngon du bstan pa'o/ /lha ma yin ni chang la mi dga' ba 'am /kun nas stobs dang ldan pa'o/ /klu ni dga' bo la sogs pa ste/ sngon du bstan to// thub pa ni me spyin la sogs pa'o/ /drang srong ni rgyas pa la sogs pa'o/ /bdag tu 'dzin pa mthar gnas pa/ /zhes bya ba/ bdag med pa la bdag tu lta ba'i phyir/ glen pa rmongs pa yin la/ de bas na lhan cig skyes pa mi shes so/ /mchog gi go 'phang mi shes phyir/ /rmongs

  36. 18b

    pa thams cad nyon mongs 'gyur/ zhes bya ba ni/ lhan cig skyes ba'i mchog gi gnas ma shes pas 'khor bar nyon mongs shing sdug bsngal lo zhes bya ba'i don to/ /bskal pa gsum du ngal byas nas zhes bya ba ni/ bskal pa chen po grangs med pa gsum du/ sa dma' ba' i tshul khrims su khas len cing lha dang mi'i 'byor pa'i stegs tsam tshol zhing/ dag pa dang grol bar 'dzin pa yin te/ 'di ltar bdag nyid gcig bu 'dul ba po zhes bya ba/ sems bskyed ba dman pas ji srid 'tsho'i bar du zhes dam bca' ba'i phyir dang/ bdag nyid gcig bu dul zhing zhi ba'i bsam pa dang ldan pa'i phyir dang/ rnam pa kun tu 'di dag min na 'ang zhes bya ba/ bdag nyid gcig bu zhi zhing dul ba las/ gzhan du 'gro ba gzhan ni rnam pa kun tu zhi zhing dul ba la mi brtson pa ste/ bdag nyid 'ba' zhig 'jug pa bzhi dang 'bras bu bzhi tsam zhig gis chog par 'dzin pa ni/ nyan thos pa'i byang chub 'dod ces bya ba yin no/ /de bas kyang lhan cig skyes pa mi shes zhes bya ba'i don to/ /dbu ma'i 'dod lugs gzhung gi tshul/ /de ni rtsod pa kun la mos/ zhes bya ba ni/ rtog ge ba gang zhig dbum pa khas len cing dam bca' ba dang/ rtags kyi rjes su 'gro ba dang/ ldog pa tsam gyis gzhan dag sun 'don cing/ bdag rang gi gzhung yang chos thams cad dbus dang mdza' dmigs su med do zhes dam bca' ba dang/ gtan tshigs la sogs pa tsam gyis sgrub ste/ gang yang tshig tsam gyi chos thams cad stong par brjod pa rtog ge pa brtsod pa la mos pa zhes bya ba yin la/ skyes bu de dag gis chos thams cad bdag yod pa 'am/ med par dam bca' ba la sogs pa'i sbyor bas/ bskal pa'i yal kar te/ bskal pa grangs med par brtsod kyang ngal ba don med pa yin pas/ lhan cig skyes pa'i rang bzhin de yis kun nas mi shes so zhes bya ba'i don to/ /'di lta ste dper na skyes bu 'ga' zhig gla rtsi'i dri nyams su mi myong bas/ gla rtsi'i yon tan skyes du gzhan dag la ston pa dang/ mtshungs pa ni dbu ma'i gzhur yin te/ gang yang rdo rje 'chang gis gsungs pa'i chos thams cad stong

  37. 19a

    pa dang/ zhi ba dang bdag med pa nyid nyams su myong zhing/ gzhan la yang tshig gis mtshon par byed cing ston par byed pa dag gi rnal 'byor pa ni kho bo 'gog par mi byed do/ /theg chen shin tu yangs pa la/ zhes bya ba ni/ sangs rgyas thams cad kyi sku dang/ gsung dang thugs kyi gsang bston par byed pa rnal 'byor chen po'i rgyud do/ /rgyal ba mchog ces pa ni/ rdo rje 'chang rnams so/ /sngon gsungs pa zhes pa ni lhan cig skyes pa'o/ /'di ltar gcig pu nyid kyis zhes pa ni/ sangs rgyas thams cad kyi yul la 'jug pa rtog pa'i dri mas dben pa'i ting nge 'dzin 'di gcig bu nyid kyis so/ /yang dag rdzogs pa'i byang chub mchog/ phyag na rdo rje'i rim pas 'ongs zhes pa ni/ gsang ba'i bdag po'i sprul pa las brgyud de/ gong du brtan pa nyid do/ /rna ba nas ni rna bar rnyed ces pa ni/ bla ma gcig nas gcig tu rna ba nas rna bar brgyud pa yin zhing/ gzhung gi tshogs nas mi rnyed ces bya ba'i don to/ /gang la byang chub gzhung gnas pa/ /bla ma de yis 'gro ba sgrol/ zhes bya ba/ gang yang sangs rgyas thams cad kyi yul la 'jug pa nam mkha' mdzod kyi gter gyi ting nge 'dzin gyi gzhung gang la gnas pa'i bla ma chen po des/ skye bo skal pa dang ldan pa rnams grol bar nus kyi /gzhan du tshig tsam dang kun tu brtags pas mi grol zhes bya ba'i don to/ /bsgom bya bsgom byed 'brel ba 'am zhes bya ba ni/ lhan cig skyes pa bsgom par 'dod pa rnams kyis kyang/ bsgom par bya zhe 'am bsgom pa po zhes ni nam du yang brtag par mi bya'o zhes pa'i don to/ /yang dang yang du brtags pa ni/ zhes pa ni/ gdan dang sa bon dang mtshan ma la sogs pa 'am/ rtsa 'am/ thig le 'am/ rlung gi gong bu 'am /sgra 'am/ zla ba'i dum bu 'am/ lte bar me'i gzugs la sogs ? yang dang yang du mi brtag par bya'o zhes pa'i don to/ /ci'i phyir mi brtag snyam pa las/ /rtog pa bsgom pa'i bdag nyid kyis/ /dngos grub don tu sgrub pa'i thabs shes bya ba smos te/ rdo rje 'chang chen po'i gnas kyi dngos grub 'dod pa gang dag yin pa de dag gis kun brtags pa'i

  38. 19b

    rnal 'byor gyis rdo rje 'chang gi gnas la reg pa med de brtags pa yin pa'i phyir ro/ /gang yang gnas de ni ma brtags pa/ 'dus ma byas pa/ rgyu rkyen gyi ma bskyed pa/ /rdo rje ltar gzhig tu med pa'i phyir ro/ /de bas na de'i phyir/ de kun rtag tu rnal 'byor ?/ /dor ba nyid du yongs su brtags/ zhes bya ba smos so /brtags pa'i bdag nyid kyi ting nge 'dzin gang dag yin pa de dag yongs su spangs zhes bya'o/ /de bzhin du yang zhes pa ni mdor bsdus pa'i tshul lo/ /ji srid ji srid rnam rtog pa/ /de srid thams cad kun nas brdzun zhes bya ba ni/ mdor na ji srid du rnam par rtog pa yin pa de srid du brdzun pa dang/ slu ba'i chos can yin pas spang zhes pa'o/ /mi 'gyur ba'i chos can gang yin zhe na/ gang zhig de nyid ma brtags pa/ /de bzhin yang dag de bden pa zhes bya ba smos te/ gang zhig ste/ ting nge 'dzin gang zhig ma brtags pa dang/ ma bcos pa dang/ btsal ba thams cad dang bral ba de ni/ bden pa dang/ rtag pa dang/ brtan pa dang/ gzhig tu med pa'o zhes bya ba'i don to/ /yang ji skad du/ gang dag stong nyid mi shes pa/ /de dag mya ngan 'das mi shes/ /de phyir dngos dang dngos med par /'jigs pas stong nyid shes par bya zhes gsungs pa dang/ gzhan yang/ ma bcos lam la gnas na ni/ /thams cad byas kyang grol 'gyur zhing zhes bya ba la sogs pa rgya cher gsungs so/ /de bas na de'i phyir sems kyi kun tu rtog pa kho na bdud yin la/ de dang bral bas sangs rgyas su shes par bya'o/ /rten 'brel las skyes skad cing ma zhes bya ba ni/ byis pa gang dag skyes pa dang mi mo las byung ba nyid dngos grub tu 'dod de/ de ni kha cig dngos grub dbang gnyis skyes zhes bya ba yin te/ thugs rje chen po mnga' ba'i sangs rgyas rnams kyis ma 'ongs pa'i dus kyi skye bo 'dul par dka' ba 'dod chags kyi dbang du gyur pa rnams la/ dpe'i ye shes dang mtshon par byed pa dang brid par gsungs pa kho na mchog dang/ dam pa dang/ gtso bo dang/ khyad par 'phags par 'dzin par byed de/ de ni gnas phyi ma phyi ma'i dbang gis spangs par bya'o gsungs so/ /gang yang de de'i ye shes de yang gsang sngags

  39. 20a

    kyi sgo nas spyod pa spyod pa las kyi dang por gtogs pa rnams kyis dpe'i ye shes brtan par ma gyur gyi bar du/ bla ma dam pa rnams kyi zhal las rtogs par bya zhing/ sbyang bar yang mi bya la/ gang zhig mongs su shes pa'i rjes la spang bar bya zhes gsungS so/ /gzhan yang 'di na gang dag lam 'di la smod cing bkur pa dag kyang phyi ma'i dus su 'byung bar gsungs la/ de dag la 'ji skad du/ tsakra sam b+ha ra'i rgyud las gdams ba bstan te/ zab mo'i chos 'di ston pa la/ /gal te mos par ma gyur kyang/ smad pa dag tu mi bya ste/ chos nyid bsam mi khyab dran bya/ zhes pa gsungs so/ /de bsan mtshon pa'i ye shes bya ba yin gyi /de dngos grub tu mi lta zhing mchog tu mi bzung ngo/ /byis pa yun ring rgan sogs kyis/ /'bad pa yis ni thob mi 'gyur zhes bya ba la lhan cig skyes pa de nyid las gzhan pa/ sprod pa las byung ba/ khams thams cad zad par byed pa/ mchog gi dngos grub kyi don du bskal ba dpag tu med pa'i yun du/ byis pa dang rgan po kha cig gis bsgrubs kyang bsgrub par mi 'gyur te/ 'bad par byas kyang 'grub par mi 'gyur zhes pa'i don to/ /rgyu dang bcas pa'i skad cig ma zhes brtags pa'i rnal 'byor thams cad kyi rgyal rag lus pas skad cig pa ste/ mi brtan zhes bya'o/ /'khrul dang rnam par 'khrul 'dra ba/ /kha cig longs spyod rdzogs pa'i gzhung zhes bya ba 'di ni theg pa chen po la kha cig chos thams cad sgyu ma dang/ rmi lam dang/ mig yor zhes zer yang/ rmi lam dang mig yor nyid kyang ji lta ba bzhin rtogs pa med na/ chos thams cad sems tsam mo zhes sems nyid bzung ba dang 'dzin pas kun nas stong pa nyid ces tshig tu brjod la/ kun tu rtog ba ni med do/ /kha cig chos thams cad sems tsam ste/ gzung ba dang 'dzin pas stong pa'i sems ston ka'i nyi ma phyed pa'i na nam mkha' dri ma med pa lta bu kho na bsgrub par bya bar 'dod de/ de ltar brjod pa'i rim pa de ni/ lhan cig skyes par de

  40. 20b

    mi brjod ces bya ste/ rnam par shes pa'i chos nyid 'das/ ye shes gnyis med tshul 'chang ba/ zhes gsungs pa'i phyir ro/ /lte ba'i dbus su 'khor lo mchog/ de dbus gzi brjid gzugs can ni/ /sgrub pa po yis rtag bsgoms ba/ /zhes bya ba ni/ byis pa dag sprul pa'i 'khor lo zhes bya bar/ nyi ma dang zla ba kun tu kha sbyar ba'i dbus su A li dang kA lis kun nas bskor ba'i dbus su/ me yi gzugs can gyi shes rab bsam pa las/ dkar po 'dzags ba las shes rab tu 'dod de/ de yang rtog pas brtags pa'i phyir/ lhan cig skyes par der mi brjod ces bya'o/ /spyi bor gnas pa'i 'khor lo che/ zhes bya ba'i bde ba chen po'i 'khor lo'o/ /de la reg dang bde ba 'bab ces bya ba ni/ bde ba chen po'i 'khor lo la gnas pa'i byang chub sems dngos grub du zer ba sna 'od kyis rab tu gang ba'i rtsa nyaM thur du ltas pa lta bu tsanda li'i ming can gyi mes reg pa ni bde ba 'byung ste/ de yang bya ba'i rab tu sbyor bas thob ces bya ba smos te/ kha mig la sogs pa ka ra na'i bcing ba'i sbyor bas rlung dang me spar la/ des 'jigs par byed ces bya/ de yang 'jig rten pa'i spyod pa nyid yin pas/ lhan cig skyes bar dmi brjod des bya ste brjod dra stan cig skyes pa yin zhes gsungs pa'i phyir ro/ /srog go rlung ni 'gog pa yis/ /sna yi rtse mor rab zhugs bya zhes gsungs pa ni/ rlung gi rgyun rim gyis bgrang ba la sogs pa sngon du 'gro bas/ kun rdzob kyi sna rtser rlung gi gong bu'i tshul du 'jug par byed pas/ de 'gog pa yis gang thob pa ces bya ba/ de ltar rlung zhugs pa na dus cung zad tsam gsal zhing gnas pa la/ byis pa shes rab chung ba can rnams dngos grub tu 'dod de/ des ni phyis yang slar zhing 'byung ba'i phyir/ lhan cig skyes par der mi brjod/ ces smos pa ste/ gang yang gnas min lhan cig skyes/ zhes gsungs pa'i phyir ro/ /thur sel rlung ni 'gog pa yis/ /lus ni brtags dar byas pa yis/ /yang nas yang du goms par byed/ ces bya bas/ de las srog gi rlung dang thur sel dang/ /me dang mnyam du gnas pa dang/ /gyen du rgyu dang khyab byed dang/ /rgyu dang

  41. 21a

    rnam par rgyu ba dang/ yang dag rgyu dang rab rgyu dang/ /nges par rgyu ba zhes bya ste/ /rlung ni rnam pa bcu du 'dod/ ces gsungs la/ de yang thur du sal ba zhes bya ba'i rlung ni 'doms na gnas la/ de ni bcom ldan 'das rin chen 'byung ldan gyi ngo bo yin te? gang yang rlung de'i rgyu ba drag shul gyi sbyor bas/ 'gegs par byed cing lus sdug bsngal bar byed pa/ yang nas yang goms par byed de/ de yang dus ma yin par tshe'i dus byed par 'gyur bas/ lhan cig skyes par de mi brjod/ ces bya ba smos te/ thog mar dge ba ma yin pa'i phyir ro/ /mnyam gnas ched brjod rgyas rnams kyi/ /gang zhig rlung ni 'gog pa ru/ /'bad pa yis ni gang byed pa/ zhes bya ba ni yang/ srog dang thur sel gyen rgyu dang/ /khyab byed mnyam gnas zhes bshad pa dang/ rlung dang du sbral rtsangs pa dang/ lha sbyin dang ni gzhu las rgyal zhes pa rnams te/ rlung bcu po rnams 'bad pas 'gog par byed? kyang/ /mtshan ma la gnas pa yin pa'i phyir/ lhan cig skyes par de mi brjod/? ces smos pa yin no/ /sal sogs pa bzung ba yis /zhes bya ba ni/ sna sgro g.yas sa la sogs pa dbyug tshod ldar rgyu la/ de lnga las kyang sa la sogs pa gang yang dung ba'i dbyug tshod gcig 'gag pa tsam gyis/ sgrub po gang zhig thams cad 'dod ces bya ba ste/ de gzung bas spyod pa grol ba'i 'bras bur 'dod/ de bas shin tu 'bad par sgrub byed pa/ zhes bya ba sbyod pa dang grol bar 'dod pas 'bad par sgrub par byed do/ /de yang 'jig rten pa'i spyod pa yin pas/ lhan cig skyes par der mi brjod ces bya ba yin no/ /phra mo'i thig le rnal 'byor ni zhes bya ba ni/ byang chub kyi sems babs? par bya ba'i phyir du yar 'gro ba skyon gyi rang bzhin dang/ mar 'ong ba yon tan gyi rang bzhin dag phra ba'i phra bar lte ba dang/ gzhan yang snying ga la sogs par pad+ma'i 'dab mkha dog lnga dang ldan pa'i thig le la dmigs pa/ kha cig sgrub pas sgrub par byed ces pa ste/ de dang 'dra ba'i ting nge 'dzin la gnas pas/ lhan cig skyes

  42. 21b

    pa mthong ba med de/ de ci'i phyir zhe na/ bsam gtan bsam byar gang yod pa zhes bya ba/ gang du bsgom pa po dang bsgom par bya ba'i 'brel pa'i dra ba ma chad pa de srid du mtshan ma la gnas pa ste/ lhan cig skyes pa ni mtshan ma'i khams la mi gnas pa'i phyir/ lhan cig skyes par de mi brjod ces bya ba smos so/ /b+ha ga nang gnas thig le ni zhes bya ba ni/ a ba d+hu tI zhes bya ba'i rtsa'i rtse mor byang chub kyi sems kyi thig le rgya shug gi tshig gu tsam bsam pas lus sim pa la sogs pa dang/ kha cig sgrub pos sgrub byed de/ de ni rtog bcas go 'phang ste zhes bya ba de yang/ rtog pa'i gnas la brten cing gnas pa yin pas/ lhan cig skyes pa der mi brjod/ ces smos pa yin no/ /snying ga'i dbus su bsam btan ni/ yid 'dod rnams kyis goms par byed ces bya ba la/ 'di ni sgrub pa po kha cig bdag gi snying gar 'byung ba bzhi'i rang bzhin pad+ma dmar po 'dab ma bzhi pa la nyi ma dang zla ba'i bar du chud pa'i thig le kha sbyar la pad+ma'i rtsa ba'i skud pa 'drab? de mo sgra zhes bya bar grags pa phyed dang bdun skor du bsdams te/ rtse mo steng du phyung nas/ de nas zla ba'i bu gar zhugs te/ rjes su 'gro ba dang 'ong bar gyur pas brjod cing spro bar bya ba dang/ srog dang rtsol ba bsdams te sngags slar bsdu ba dang/ yi ge gsum gyis skyes? gzhug cing dbyung bar bya ba ni/ steng du 'gro ba'i rlung yi ge gsum dang ldan pa'i sgras 'byung zhing gzhug par bya ba'i gzhi la yang bcug la/ mnas par bya ba'i gzhi la rlung phra mo'i thig le dkar po'i dbus su 'jug pa'i de nyid ngal zhing dal bas gzhan du mi gtor zhing /oM A(rgyud 'grel): hUM zhes rtag par zlos par byed do/ /de ltar na de dag kyang de ni rtog bcas go 'phang ste/ zhes bya ba smos te/ gang la rtog pa dang brtag par bya ba'i gzhi dang ldan pa'i phyir/ lhan cig skyes par de mi brjod/ ces smos pa min no/ /lug dang ser skya dag tu ni zhes bya ba ni g.yas pa g.yon pa'o/ /de dbus la gnas yid bzang ma zhes bya ba ni/ a ba d+hu tI ste g.yas g.yon gnyis kyi dbus na gnas pa me'i ri mo can gyi rtsa'o/ /de 'gog

  43. 22a

    kha yis gang thob pa zhes pa ni/ de gsum na rgyu ba'i khams rnams 'gag pa las byung ba'i bde ba tsam la mchog gi gnas su blta ste/ gang bde ba de ni rtog pas mtshams sbyar ba yin pas/ lhan cig skyes par de mi brjod ces pa yin no/ /dga' ba dang khro bo'i dbang gis sems/ /rtse gcig ces su mtshan par ni zhes bya ba ni byis pa'i rnal 'byor pa la la dag 'di skad ces/ kye rigs kyi du dag shes par gyis shig/ gang du chags pa'i sems skyes pa der ni/ 'dod chags rdo rje shes par byas la/ gzhan yang gang du zhe sdang bar gyur ba der zhe sdang rdo rje zhes bya bar sems rtse gcig par gnas par bya'o/ /zhes brjod cing de lta bu'i sems kyi gnas skabs la /byis pa rnams kyis lhan cig skyes ba'i ye shes su rtog par byed de/ de rnams kyis lhan cig skyes pa'i rang bzhin log par rtogs par byed pa de bas na/ lhan cig skyes par de mi brjod/ ces pa yin no/ /kun tu gnas su 'khyil pa la zhes bya ba ni/ gnaS ldan gang zhig gi rtsa phrad nas/ g.ya' zhing bde bar gyur pa'o/ /rlung 'gog pa yis zhes pa ni/ rtsa de dag phrad pa'i sbyor ba ste/ rlung 'gog par byed pa'o/ /'bar ba zhes pa ni sbyor ba de dag ma lus pas kyang me yi tshul gyi drod skyed par byed la /drod kyi dbang gis lus can rnams kyi khu ba 'byung bar byed do/ /gzhan yang de'i sbyod ba ni 'di lta ste/ zum pa 'am ni rgyas pa ste zhes bya ba ni/ gser gling zhes bya ba'i gnas kyi sgo 'byed pa dang/ gcad pa'i sbyor bas kyang rtsa gang zhig phrad par byed de/ gang yang sbyor ba de dag thams cad ni 'jig rten pa'i sbyod pa nyid yin pas/ lhan cig skyes par de mi brjod ces bya ba smos so/ /'dar dang brgyal dang de bzhin gnyid ces bya ba ni/ yi dags la sogs pa 'debs par byed pa'i sbyor bas/ kha cig 'dar zhing sprugs par byed pa dang/ kha cig brgyal bar 'gyur ba dang/ kha cig bdag la ni rnal 'byor ma rnams dang mkha' 'gro ma'i tshogs rnams kyis byin gyis brlabs shing/ /chos kyang 'chod la 'gro ba gzhan gyis rtogs par ma gyur pa'i zab mo'i ting 'dzin yang ston

  44. 22b

    to zhes brjod pa dang/ kha cig rdo rje'i glu lha'i skad ltar 'gro ba'i yid 'phrog pa len cing /rdo rje'i glu de nyid don dang ldan par 'khor gyi tshogs la ston pa dang/ kha cig 'byed dang 'dzums pa la sogs dang zhes bya ba ni/ kho bo ni mig 'dzums pas lha la sogs pa'i tshogs mthong ngo zhes zer ba dang/ kha cig nam mkha' lta bar byed cing/ kho bos tshangs pa dang sred med kyi bu la sogs pa mthong ngo zhes zer ba dang/ kha cig lus la sogs pa las 'phang par ston pa dang/ kha cig las sgra skad drag po srog chags rnams skrag par byed pa 'gyur pa dang/ kha cig rang gi lus mi bzad pa chen po ste/ mi sdug pa'i cha byang du ston pa dag yod de/ gang de dag thams cad ni sha za dang grong gi lha mo la sogs pas byin gyis brlabs pa yin pas/ sangs rgyas rnams kyi lhan cig skyes par mi 'gyur te/ de bas lhan cig skyes pr de mi brjod ces bya ba smos so/ /bum pa bzhin di zhes bya ba ni/ skyes dul la ni bdag gi lus bus pa ltar nang stong la phyi'i sha'i dra bas g.yogs pa ltar lta ba dang/ la las bde ba chen po'i rang bzhin gyis lus sun 'don te 'di skad ces/ gsod ldong ngal skyen phol mig ldan/ /rgyun lam dgu nas rtag tu ni/ /mi gtsang rab tu 'jig par byed/ /gal te bdag gi khyod mthong na/ /dbyar dus phyi sas bslad pa bzhin/ /thag ting rnam par 'dod bar bgyid ces brjod cing/ mi gtsang ba'i rang bzhin du rtog ste/ /gang yang des ni gsang sngags kyi theg pa'i rim pa spangs pa yin no/ /yang na stong par smra ba'i blo zhes bya ba ni/ rgyu dang 'bras bu la skur pa 'debs pa 'am/ nyams su myong ba'i dngos po la sogs pa 'di 'gog ste/ de ni chad par smra ba yin pas/ lhan cig skyes par de mi brjod ces smos so/ /dngos po gang zhig de dag kun ces bya ba ni/ gong du brjod pa'i rtog pa'i rnal 'byor rnams so/ /rtog pa'i ye shes las skyes brjod ces bya ba ni/ rtog pa'i rang bzhin yin zhes bya ba'i don to/ /bsgom pa'i stobs kyi sems kyis ni/ 'di yis thams cad rdzogs par 'gyur zhes bya ba/ gang zhig rtog pa'i rnal 'byor pa de thams cad ji ltar rtogs par mthongs bar 'gyur te/ ji skad du sa bon gang dang gang las ni/ 'bras bu te/

  45. 23a

    dang de 'dra 'byung/ zhes pa dang/ gzhan yang 'dod dang mya ngan blo dang mtshungs zhes bya ba la sogs pa rgya cher brjod la/ kun rdzob kyi dngos po thams cad de dang de'i rnam parp mi slu zhes bya ba'i don to/ /thub pas sngon du gang gsungs pa zhes pa nas/ spyi blugs dpung mgor thogs pa ste zhes bya ba yan chad ni rtogs par sla ste/ grags pa nyid yin pas 'dir gzhung mangs baS ? bsam bkrol lo/ /de ltar sna tshogs rnam par ni/ /bsgom pa'i stobs kyis mthong bar 'gyur zhes bya ba ni/ rtog pa'i rnal 'byor ba gang dag goms pas de dag mngon du gyur pa'i dpe rgyas par bstan pa yin no/ /'dir ni bden min mthong bas na/ zhes bya ba ni/ sangs rgyas thams cad kyi yul 'jug? pa rnam pa'i lam zhes bya ba mthong ba med la/ bden pa ma yin pa'i brtags pa'i yul rnams mthong bas/ lhan cig skyes pa mthong ba med ces pa'i don de yin no/ /de bzhin du yang zhes pa ni/ gzhan yang zhes bya ba'i don to/ /don gzhan yang 'di lta ste zhes bya ba'i don to/ /gang zhig mthong ba de bden min zhes pa/ bdag las gzhan pa'i dngos po gnag zhig phywa? 'am dbang phyug gam byed pa po la sogs par lta ba dang/ rtog pa rnams ni bden pa ma yin te/ bdag las gzhan pa'i dngos po yod pa ma yin no/ /gang du mthong ba de bzhin te'ang zhes bya ba ni mthong ba med pa'i tshul du gang mthong ba/ mthong ba zhes su tha snyad gdags so// de las gzhan du dngos por rtog pa ste/ bdag dang bdag gi zhes bya ba la sogs par gang rtog na/ de ni kho na lta ba'i skabs la dmus long chen po zhes bya ba'i don to/ /ci'i phyir na/ rab rib la sogs gnod pa bzhin zhes bya ba smos te/ dper na mig ser la sogs pa dgra la gnod pa'i nad kyis skyes bu 'ga' zhig bzung na/ dngos po thams cad ser por mthong ba 'am/ nam mka' la skra shad 'jings pa la sogs par mthong ba ltar/ dngos por rtog pa rnams kyang de ltar blta bar bya'o/ /skye 'gro thams cad bden pa'i tshul

  46. 23b

    zhes bya ba ni/ lhan cig skyes pa'i tshul dang rang bzhin du gnas pa'i don to/ /gzung dang 'dzin pa spangs pa nyid/ /lhan cig skyes bya'i go 'phang gnas/ /gang gis mthong ba de yis mthong zhes bya ba ni/ 'di ltar gnas pa 'di dag gzod ma nas rang bzhin gyis rnam par dag pa/ skye ba dang gnas pa dang dben par skyes bu gang gis mthong ba 'am/ rig pa des lhan cig skyes pa mthong ba'o zhes bya ba'i don te/ dngos dang dngos med go 'phang gnas zhes bya ba ni/ 'di ni dngos po ste dor ba yin la/ 'di ni dngos po med pa sde/ blang bar bya'o zhes bya ba'i 'du shes thams cad dang bral ba'i gnas la gnas pa'o zhes bya ba'i don to/ /gzhan yang rtog dang brtags pa min las grol zhes bya ste/ mi rtag pa'i dbyings chen po la gnas pa'i phyir ro/ /lhan cig skyes pa'i rang bzhin ni/ /dngos po kun la rang bzhin du yong de/ 'on kyang ? ba dang shing dag la me gnas kyang ma gtsugs na mngon du mi 'gyur ba ltar/ lhan cig skyes pa yang gsal ba ma byas zhes bya ba de ltar gnas kyang/ skye bo kun gyis mthong ba'i skl ba las 'das zhes bya ba'i don to/ /de ltar brjod pa'i rim pas lhan cig skyes kyang/ rdo dang shing dag gtsubs pa la bltos nas gdod me 'byung ba ltar/ bla ma rje btsun gyi zhal las rtog par bya zhes bya ste/ lhan cig skyes par sngon du brjod par bya ba la/ lhan cig skyes pa'i rang bzhin sngon du bstan pa rnams rje btsun gyi zhal snga nas rtogs par bya ba'i don to/ /byis pa'i brjod pa dag dang bral/ brjod bya rjod byed spangs pa nyid/ /lhan cig skyes pa de lta bur/ bla ma mchog gis sngon du gsung zhes bya ba ni/ bla ma rnams kyis ci zhig ston zhe na/ byis pa rnams kyis kun nas brtags pa'i rig ngo bo dang bral ba/ brjod bya dang rjod byed kyi kun tu stong pa kho na bstan par bya ba yin la/ sngon rabs kyi bla ma rje btsun rnams kyis kyang/ de kho na dang du bzhes pa yin no zhes bya ba'o/ /de la slob ma rnams kyis kyang ji lta ba'i tshul bslab par bya zhes bya ba'i don to/ /de yang ji skad du btsal bas rnyed pa ma yin la/ /ma btsal bas kyang rnyed mi 'gyur/ /chu zla bzhin

  47. 24a

    du rtogs dka' ba/ de 'di lhan cig skyes par brjod/ /ces gsungs pa'i tshul du bslab par bya'o// //dpal ldan rol pa'i lha mo'i brin gyis ni/ /de bzhin dpal ldan bla ma dag dang ni/ /zhes bya ba ni gong du bstan pa'i? bla ma gcig nas gcig tu brgyud rtogs par byas zhes bya ba yin la/ bdag dbang po'i blo sa'i bdag po dpal bde ba chen po'i rdo rje zhes bya bas kyang/ srid mo rnal 'byor gyi dbang phyug ma dpal mo yongs su mnyes pa las/ lhag cig skyes pa rin po che'i man dag zhal nas 'phros btsas? gyis so/ /lan cig gis ni bde ba chen po mkhyen zhes bya ba rje btsun mas gsungs btsam gyis rtogs shing/ khong du rlung pa zhes bya ba'i don to/ /the tshom med cing rtog pa med/ /rang rang ngo bo ston pa po/ /bdag gis yang dag nyams su myong zhes pa ni/ dbang po'i blo bdag gis lhan cig skyes pa'i rang bzhin/ /dngos po thams cad kyi ngo bo ston par byed pa nyams su myong ba ni/ dper na mun pa la ni sgron ma bzhin shes bya ba ste/ mun dum sgrag tu gyur pa la/ zas kyi bya ba ? bde ba ma yin pa la sgron mas gsal bar byas pas bde zhing tsham pa ltar/ bdag bde ba chen po'i rang bzhin gyis chim zhes bya'o/ /za ba 'am ni 'khrig na yang/ /gnas skabs kun la thams cad du gsang ba med cing 'jogs pa spangs zhes bya ba ni/ ting nge 'dzin chen po 'dal gnas pa rnams ni bza' ba dang 'khrig pa dang/ btsun mo'i 'khor gyi nang du/ rgyal po'i pho brang 'khor na 'dug kyang/ /kun nas 'ching ba med de/ gzhan yang ting nge 'dzin 'di la gnas pa'i rnal 'byor pa la ni rgyal po dang/ chom po la sogs pas gtso ba'i 'jigs pa las bsrung ba dang/ gsang ba dang/ sba ba mi dgos te/ bdag nyid kun gyi mnga' bdag chen po yin pa'i phyir ro/ /ye shes chen po rang gis rig ces bya ba ni/ rang la yod pa'i ye shes chen po rang gis rig ste/ sangs rgyas thams

  48. 24b

    cad kyi ye shes rgya mtsho yang yin zhes bya ba'i don to/ /gang zhig 'di la rjes dran par/ /yang dang yang du dran byed pa/ de ni dngos grub rgyas 'gyur te/ srid pa'i mtsho las sangs rgyas bzhin/ zhes bya ba ni/ lhan cig skyes ba'i gnas 'di la dran ci mos pa byed pas kyang/ mchog gi go 'phang thob par 'gyur na/ tshul bzhin yid la byed pa rnams lta smos kyang ci dgos zhes bya'o/ /bdag nyid kyis ni dran don du/ /bdag gis 'di ni brjod pa yin zhes bya ba ni/ lhan cig skyes pa'i de kho na nyid 'di gzhan la bstan kyang rtogs pa'i skal pa med de/ /de bas na bdag nyid dbang po'i blos slar zhing dran pa'i don du brtsams la/ gzhan dag skal pa dang ldan pa rnams kyang bkag pa ni med do zhes bya ba'i don to/ /gang zhig snying rjes bcings pa'i zhes bya ba ni/ bla ma rje btsun gong na bzhugs pa rnams kyis gzhung gi skyon gyi dri ma bcom? pa dang/ gsal bar gsol zhes bya ba'i don to/ /bdag la bzod mdzod sems dpa' che zhes bya ba ni gal te gzhung gi don la 'khrul pa na yang /dam tshig dam pas bdag la mi gus par mi mdzad pa'i rogs zhes bya ba'i don to/ /gang zhig cung zad 'di brjod pas zhes bya ba ni/ /lhan cig skyes ba'i gzhung gi tshogs cung zad brjod pas zhes bya'o/ /de yis bsod nams gang gyur ba zhes bya ba ni/ /lhan cig skyes pa'i gzhung brtsams pa'i bsod nams zhes sbyar ro/ /bsod nams des zhes bya ba ni/ de las byung bas zhes bya ba'o/ /sems cad rnams zhes bya ba ni/ nam mkha' i mthas khyab pa'i sems can rnams so/ /lhan cig skyes grub thob par shog ces bya ba ni/ bsod nams de yis shugs kyis ni/ /nam mkha' i mdza' ji tsam du khyab pa de tsam du 'gyur ba med pa'i lhan cig skyes pa phyin ci ma log pa nam mkha' mdzod kyi gter izhes bya ba thob par shog ces bya ba'i don to// //lhan? cig skyes pa grub pa yi/ /gzhung 'grel brtsams pa'i dge tshogs kyis/ /skye bo dpal mo bdag bzhin du/ /lhan cig skyes pa gnas par shog/ dpal u rgyan gyi yul du sku 'khrungs pa'i rgyal po in+d+ra b+hu ti zhes bya bas mdzad pa'i lhan cig skyes pa grub pa'i

  49. 25a

    gzhung 'grel lha lcam rje btsun dpal mos mdzad pa rdzogs so// //rgya gar gyi mkhan po chen po ma nA b+hi ha la la dang/ bod kyi'o ts+tsha ba dge slong pradz+nya kI rtis legs par mnyan nas bsgyur pa lags so// // dpal de kho na nyid grub pa slob dpon nyer li pas mdzad pa bzhugs/ / */ /rgya gar skad du/ sh+rI tat+twA sid+d+hi/ bod skad du/ dpal de kho na nyid grub pa dpal rdo rje sems dpa' la phyag 'tshal lo/ /sangs rgyas byang chub rdo rje ni/ /tshe 'dis 'grub kyi gzhan du min/ /lus dang ngag yid ? gnas pas/ /med par 'grub par mi 'gyur ro/ /'dod pa'i longs spyod rgyun mi 'chad/ /med na de yang 'grub mi 'gyur/ /de yang ji ltar 'dod pa bsten/ /gnyis med ye shes dag pa las/ /de ltar min na log par ltung/ /de nas sdug bsngal brgyud par 'byung/ /de phyir sngags kyis byin brlabs pa'i/ /mkhas pa dag pas sngon 'gro spyad/ /ji ltar chu yi thegs pa ni/ /rgya mtshor babs na lan tshwar 'gyur/ /lan tshwa'i ma'i mtshor zhugs nas/ /de nyid slar yang bdud mir 'gyur/ /ji ltar dug sprul de nyid shes/ /nus pa 'phrog bar byed nus med/ /de nyid rgyud gzhan dag la ni/ /lnga po'i gnas skabs las mi 'da' / /gzhan yang 'dod pa zil non na/ /'dod pa nyid ni sman yin no/ /ji ltar dug gis gdungs pa la/ /dug nyid sman du che ba yin/ /ji ltar me yis tshig ? me/ /tsher mas zug la tsher ma nyid/ /de bzhin nyon mongs kyis nyen na// nyon mongs nyid ni bdud rtsir che /dper na dug gi de nyid shes/ /dug zos kyang ni gnod mi 'gyur/ /de bzhin yul gyi de nyid shes/ /'dod pa spyad pas gnod pa med/ /ji ltar 'dam gyi pad+ma ni/ /'dam la gnas kyang des mi gos/ /de nyid rigs pas rtag tu ni/ /'dod pha rol pas spyad par bya/ /de phyir kun nas dogs med par/ /khyad par du ni longs spyod 'gyur/ /'dod pa lnga la brten byas na/ /dngos grub myur du nges thob 'gyur/ /dka' thung brtul zhugs smyung ba yis/ /khams rnams skams par 'gyur ba yin/ /skams pas sdug bsngal 'gyur ba ste/ sdug

  50. 25b

    bsngal gyis ni sems g.yengs 'gyur/ /g.yengs pas byang chub gzhan du 'gyur/ /de phyir dngos grub mchog gnyer na/ /dka' thub brtul zhugs spyad mi bya/ /ji ltar bde bas de bzhin gnos/ /bde ba spangs na dngos grub med/ /de bas yid 'ong gnas su ni/ /nyams dga' i bu mo bcu gnyis ma/ /yid 'ong mig gi dkyus ring ma/ /gzugs dang lang chos rnam par mdzes/ /brtan zhing mi g.yo dam tshig can/ /'dam las skyes ba'i dri 'bab ma/ /chags pa chen po'i yos rol pa/ /mchog tu mkhas shing sgeg pa dang/ /nyams dang ldan pa'i rnal 'byor pas rang nyid 'khor lo'i dbus su gnas/ /dam tshig can ni rgyud dag pa'i/ /nang du nyin mtshan 'du bar bya/ /sdu? ldang 'dar zhing tsher 'dar la/ 'dzum dang dgod dang rab tu dgod/ /myos ba dang ni bcas pa yi/ /'bebs pa rnam pa bdun du bshad /de ngas dang myos dang 'gyur ba dang// rol dang yung dang shin tu 'phel/ rkang pa 'dor dang lag pa brgyud/ /? rgya mtshen ma lta stangs dang/ /sngags dang ? dang drag bo sogs/ /ki li ki li phreng sogs byed/ /dol ba dpa' bo rnam par nyed/ sa bskyongs ca co'i bye brag ldan/ /brgyal ba rab zhi du bas rtogs/ /byams shing dga' rgya mtsho ni/ /bde ba'i rtags las skyes ba'i 'od/ /ngo bo nyid kyis gsal ba'i yid/ /gnyi sa med rnam par gsal ba yi/ /rdzu 'phrul mngon shes dag dang ldan/ /de ltar bden don rab zhi ba'i/ /bye brag bcu gnyis dag gis mdzes/ /e yi cha byad bzang po gang/ dbus su bi gyis rnam par brgyan/ /bde bkun gyis gnas yin te/ /sangs rgyas rin chen za ma tog/ der ni dga' ba skye 'gyur te/ /skad cig nges bas phye ba ni/ /dga' ba'i brangs kyi rim pa yis/ /de dgos sor gsal bar byas/ /stong nyid gsum gyi nyams sbyar bas/ /thams cad stong nyid rab tu gsal/ /de nyid gsal bas dag ba ni/ /mchog gi go 'phang de gsal 'gyur/ /de phyir mi g.yo phra ba'i yid/ /ldan pa'i rnal 'byor bas mtshon bya/ /ji srid gsal bar ma gyur pa/ /de srid bsgom pa la 'jug bya/ /rab tu gsal ba thob nas ni/ /rang dga' i gzugs su

  51. 26a

    skye bar 'gyur/ /der ni skad skad cig ma bzhi dang/ /de bzhin du ni dga' ba bzhi/ /de la sna tshogs skad cig dang/ /rnam par smin pa rnam par nyed?/ /mtshan nyid med par brjod pa yi/ /bye brag mkhas pas shes par bya/ /sna tshogs du ma'i rnam pa can// 'khyud dang 'o byed la sogs pa'o/ /rnam smin de las gyur pa ste/ /bdag gi bde ba la spyod mdzes/ /rnam nyed spyod pa'i bdag nyid de/ /bdag gi bde ba la spyod mdzes/ /de dag las gzhan mchan nyid bral/ /dga' ba dang po mchog dga' dang/ /dga' bral la sogs lhan cig skyes/ /dga' ba'i bde ba cung zad bde/ /mchog tu dga' bde bas lhag/ dga' bral chags pa bral ba ste/ /lhan cig skyes pa de dag spangs/ /brgyal dang phyi mo phyed tsam dang/ /phyi mo zhes bya skad cig gsum/ /dam pa'i bde ba rnam par rol/ /dbye bas lhan cig skyes pa shes/ /brgyal ba kun nas ye shes med/ /cung zad shes pa phyi mo'i phyed/ /rnam pa kun gyi mchog ldan pa'i/ /ye shes phyi mo nyid du 'gyur/ /de phyir de nyid ye shes ni/ /gnyis med ye shes rab tu gsal/ /de la chags dang chags bral med/ /gnyi ga ma yin stong nyid min/ /kun min thams cad min pa min/ /yang na thams cad rnam par thin/ /ji ltar char gyi rgyun sna tshogs/ /de gzugs du ma gzhan yin kyang/ /snod gcig tu ni zhugs pa na/ /zhu nas ro gcig nyid du 'gyur/ /de bzhin ye shes bde chen po/ /rnam par ngo bo nyid kyis gsal/ /gnyis med rnam pa'i rnal 'byor gyis/ /chos kun rnam par bcom pas na/ /ye shes rgyun 'bab gtong pa'i blo/ /ma pas pas de lta bu nyid mtshon/ /mi g.yo sgrib bral phra ba yi/ /thig le'i gzugs can rtogs pa med/ /thog mdza' med pa'i de nyid ni/ /ma byung ma byas mchog yin no/ /skye bo'i chos rnams thams cad kyi/ /gzhi ni de nyid nyid yin no/ /sangs rgyas byang chub sems dpa' dang/ /rnal 'byor ba yis de nyid la/ /mthong ba de nyid ma mthong ba/ /de la phyi rol ci zhig bsam/ /de phyir 'khrul pa'i mchod pa

  52. 26b

    sogs/ /phyi rol pa yis ci byar yod/ /thams cad spangs nas de nyid bsgom/ /thams cad 'di las 'grub par 'gyur/ /A lakI li mnyam sbyor las/ /gang tshe nor bur chud pa na/ /man nag gis ni rlung bzung ste/ /de tshe ye shes mthong bas 'grub/ /bskal pa mdza' yas par du ni/ /der ni 'dod pa yang dag gnas/ /'od gsal pa yi gnas thob nas /sems can kun gyi phyag byas pa'i/ /tha ma la snang ba'i rnal 'byor gyis/ /bzhi pa'i de nyid la brten bya/ /sngon du goms byed rnal 'byor pas/ /des ni myur du 'grub par 'gyur/ /rgyu la 'bras bu'i rgyas gdang? cing/ /'bras bu la yang rgyas rgyas gdab/ /rgyu 'bras gcig tu rgyas btab pas/ /phyag rgya chen po skye bar 'gyur/ /mtshan mo snang ba'i cha ste gsal ba'i nyi ma'i 'od zer snang ba 'gyed pa snang ba 'ched pa yin/ /mtshamms ni snang pa thob pa rang gi rang bzhin rnams kyis lan gcig min par 'gro/ /mtshan min nyin par min pa mtshams min gang zhig rang bzhin rnams dang rnam bral ba/ /de ni byang chub yin par bla ma mcho bshad rnal 'byor ba nyid yul/ /ji ltar phyi rol de bzhin nag /ji ltar nang bzhin phyi rol te/ /gnyis med pa'i rnal 'byor 'dis/ /sgrub pa ru ni rigs pa yin/ /slob dpon chen po ke ra li pas mdzad pa de kho na nyid grub pa rdzogs so// //rgya gar skad du/ do ha ko Sha nA ma tsarya gI ti/ bod skad du/ do ha mdzod ces bya ba spyod pa'i glu/ 'phags pa 'jam dpal la phyag 'tshal lo/ /bdud kyi stobs rab tu 'joms pa la phyag 'tshal lo/ /ji ltar rlung gis brgyab pas mi g.yo ba'i/ /chu la g.yo bas dpa' rlabs rnams su snang/ /de ltar rgyal pos mda' bsnun snang ba yang/ /gcig nyid na yang rnam ba sna tshogs byed/ /ji ltar rmongs pas bzlog nas bltas pa yi/ /mar me gcig las gnyis su snang bar 'gyur/ /de ltar blta bya lta byed gnyis med la/ /kye ma blo ni gnyis kyi dngos pos snang/ /khyim du mar me mang po sbor gyur kyang/ mig med pa la mun par snang bzhin du/ /lhan cig skyes pas thams cad khyab

  53. 27a

    byas pas/ /nye yang rmongs bdag la shin tu ring/ /chu bo sna tshogs pa yang rgya mtshor gcig nyid dang/ /brdzun pa du mdag kyang bden pa gcig gis 'joms/ /nyi ma gcig dang snang bar gyur pa yis/ /mun pa du ma dag kyang 'joms par byed/ /ji ltar chu 'dzin gyis ni rgya mtsho las/ /chu blangs nas nis gzhi gang byas kyang/ /de nyid ma nyams nam mkha' dag dang mnyam/ /'phel ba med cing 'grib pa dag kyang med/ /rgyal ba phum sum tshogs pas yongs gang ba/ /lhan cig skyes pa gcig gi rang bzhin nyid/ /de la 'gro ba skye zhing 'gag pa ste/ /de la dngos dang dngos po med pa med/ /dam pa'i bde ba spangs nas gzhan du 'gro/ /rkyen las skyes pa'i bde la de bar byed/ /rang gi khang bcug sbyar rtsi nye ba ni/ /bzung bar mi byed shin tu de? dbang 'gyur/ /byol song dag gi sdug bsngal mi byed par/ /mkhas pa rnams kyis de'i sdug bsngal byed?/ /cig shos nam mkha' i bdud rtsi 'dud bar byed/ /gzhan ni phul rnams dag la'ang rnam par chags/ /bshang ba'i ? du ? chags pa ni/ /tsan dan dag la phri ngan dag tu soms/ /ji ltar mya ngan 'das pa spangs nas ni/ /srid pa'i 'byung gnas ma thub po dag la chags par byed/ /ba lang ? rjes ? yis gang byas kyang/ /ji ltar de yang skams par 'gyur ba bzhin/ /phun tshogs ma yin phun tshogs brtan pa'i sems/ /yang ni phun sum tshogs bskal par 'gyur/ /ji ltar rgya mtsho ba tshwa can gyi chu/ /chu 'dzin kha yis blangs na mngar bar 'gyur/ /brtan pa'i sems kyis gzhan gyi don byed pa/ /yul 'dzin dug kyang bdud rtsir 'gyur ba bzhin/ /brjod du med na sdug bsngal ma yin te/ /bsgom du med na de nyid bde ba yin// ji ltar 'brug gi sgra yis dang ? na yang/ /char pa bangs pas lo tog smin par byed/ /dang po tha ma de bzhin gzhan na med/ /thog ma tha ma bar du gnas pa med/ /kun tu rtog pa rmongs pa'i yid can la/ /stong pa dang ni snying rje brjod pas so/ /ji ltar me tog nang nas

  54. 27b

    sbrang rtsi ni/ /bung ba nyid kyis shes par 'gyur pa yin/ /srid dang mya ngan 'das pa mi phyed do/ /rmongs pa dag gis ji ltar yongs su shes/ /ji ltar me long ngos kyi bzhin kyi gzugs/ /rmongs pa mi shes pa yis bltas pa ltar/ /de ltar bden pa spangs pa'i sems 'di ni/ /mi bden pa la mang du brten par byed/ /me tog dri ni gzugs su med na yang/ /mngon sum kun tu khyab par byed pa ltar/ /de bzhin gzugs med pa yi rang bzhin gyis/ /dkyil 'khor 'khor lo dag kyang bshad par bya/ /rlung gis chu la zhugs shing dkrugs pa yis/ /'jam pa'ii chu yang rdo yi gzugs ltar 'gro/ /rtog pas dkrugs pa rmongs pa gzugs med la/ /shin tu sra zhing mkhregs pa nyid du 'gyur/ /sems gang dri ma med pa'i rang bzhin la/ /srid dang myang 'das 'dam gyis ma gos so/ /'dam du bcug na mchog gi rin po che/ /de yi 'od kyang gsal ba ma yin no/ /gti mug bsal bas ye shes mi gsal te/ /gti mug gsal bas sdug bsngal bsal ba bzhin/ /ji ltar sa bon las ni myu gu 'byung/ /myu gu'i rgyu las yan lag 'byung ba'o/ /gcig dang du mas sems la dpyad pa yis/ /gsal ba spangs nas srid pa dag tu 'gro/ /mthong ba bzhin du dong du 'gro ba la/ /de las snying rje ba ni ci zhig yong/ /kha sbyor bde ba yongs su chags nas ni/ /'di nyid don dam yin zhes rmongs pa smra/ /gang zhig khyim nas byung nas sgo drung du/ /kA ma rU pa'i gtam ni 'dri bar byed/ /rlung gi rgyu la stong pa'i khyim du ni/ /rnam pa du ma'i tshul gyis bcos ma bas/ /nam mkha' las babs nyes dang bcas pa yi/ /gdung bas brgyal bar gyur pa'i rnal 'byor pa'o/ /ji ltar bram ze mar dang 'bras kyis su/ /'bar ba'i me la sbyin bsreg byed pa ni/ /nam mkha' bcud kyi rdzas kyis bskyed pa ste/ /'di de nyid du zhen par shes pa nyid/ /kha cig tshangs pa'i gnas su 'od spar nas/ /lce yis kun du ru yis lce chung bskyod/ /'ching bar byed pa shin tu dkrugs byed de/ /nga rgyal dbang gis rnal 'byor pa zhes zer/ /rang rig de nyid rig pa gzhan la ston/ /gang gis bcingS

  55. 28a

    pa de nyid grol zhes zer/ /kha dog dbye bas 'ching bu mar gad zer/ /rmongs pas rin chen brtags pa ma shes pas/ /de ni ra gan gser gyi blo yis len/ /nyams myong khyer nas don dam sgrub par byed/ /rmi lam bde la rjes su chags par byed/ /phung po mi rtag bde brtag ces zer/ /e baM yi ger rang gis go bar byed/ /skad cig dbye bas phyag rgya bzhi bkod cing/ /nyams su myong bas lhan cig skyes pa zer/ /gzugs brnyan zhen pas me long lta bzhin no/ /ji ltar ma rtogs mig rgyu'i chu la ni/ /'khrul pa'i dbang gis ri dags rgyug par byed/ /rmongs pas skom pa mi ngoms 'ching bar 'gyur/ /don dam zer zhing de ba len par byed/ /kun rdzob bden pa dran pa med pa ste/ /sems gang sems ni med par 'gyur ba'o/ /de ni yongs su dag par mchog gi mchog/ mchog gi dam pa grogs dag shes par gyis/ /sems ni dran med ting nge 'dzin du sbyor/ /nyon mongs yongs su dag pa de nyid do/ /ji ltar 'dam skyes 'dam gyis mi tshugs bzhin/ /srid 'gyung nyes pas rgyal chos mi gos so/ /de yang thams cad sgyur mar nges par blta bya ste/ /'jig rten 'das dang skad cig len dang btang snyoms byed/ /brtan pa'i blo can de ni gti mug 'ching bar 'gyur/ /rang 'byung bsam gyis mi khyab rang bzhin grub pa yin/ /snang 'di gsal ba dang po nyid nas ma skyes te/ /gzugs can ma yin gzugs kyis rang bzhin rnam par spangs/ /de nyid rgyun tu gnas shing bsam gtan gcig pu byed/ /yid la mi byed dri med bsam gtan sems ma yin/ /blo dang sems dang sems kyi snang ba de bdag nyid/ /'jig rten gang gang gzhan du snang ba de bdag nyid/ /sna tshogs ma lus mthong ba mthong bya de bdag nyid/ /chags sdang gti mug byang chub sems kyang bdag nyid do/ /gti mug mun par sgron me sbar/ /ji srid blo yi dbye bas phye/ /de srid sems kyi dri ma spangs/ /ma zhen rang bzhin gang zhig bsam/ /dgag pa med de sgrub pa med/ 'dzin pa med de bsam mi khyab/ /blo yi dbye bas rmongs rnams bcings/ /dbyer med lhan cig skyes rnams dag/ gcig dang du mas rnam brtags gcig nyid min/ /shes pa

  56. 28b

    tsam gyis 'gro ba rnam par grol/ /gsal ba gang zhig shes pa bsgom pa bstan/ /mi g.yo ba yi sems ni bdag gis de ru gzung/ /dga' bas rgyas pa'i yul thob pas/ /mthong ba'i sems ni rnam par rgyas/ /de yis de ru dgod pa yin/ /yul la bros kyang tha dad min/ /dga' bas bde ba'i myu gu dang/ /mchog gi 'dab ma skyes pa ste/ /ji srid phyogs bcur mi 'phro ba/ /spros med bde ba 'bras bu nyid/ /gang gis gang du de la de dag med/ /de yis de ru de la dgos pa byas/ /rjes su chags pa dang ni ma chags pa'i/ /gzugs nyid kyang ni stong pa nyid yin no/ /srid pa'i 'dam zhen phag lta bu/ /dri mes sems byung skyon ci yod/ /gang yang gang gis ma gos pa/ /de yang de yis ci phyir 'ching/ /rnal 'byor gyi dbang phyug dpal sa ra ha'i zhal snga nas mdzad pa do ha mdzod ces bya ba spyod pa'i glu rdzogs so// //rgya gar skad du /do ha ko Sha u pa de sha gI ta nA ma/ bod skad du/ mi zad pa'i gnyer mdzod? man ngag gi glu zhes bya ba/ ? dpal gzhon nur gyur pa la phyag 'tshal lo/ /e ma mkha' 'gro gsang ba'i skad/ /skye bo srid pa'i 'khri shing lta bus dkris pa rnams/ /bdag tu 'dzin pas mya ngan thang la rab tu skams/ /rgyal bu gzhon nu srid med pa dang bral ba bzhin/ /bde ba'i go skabs med pas sems la zug rdur gyur/ /dpyad pas ma 'ongs de bzhin nyid kyi ye shes ni/ /byas pa rnams dang bral zhing bsam pa'i las min zhes/ /rang nyid shes pa'i mda' bsnun gyis ni de smras pa/ /mkhas pa snying la dug gis khyab par 'gyur/ /sems nyid rnal ma'i don ni kun gyis rtogs dka' o/ /mdza' yis mgos dri ma med pa'i snying po ni/ /rang bzhin gdod nas dag pas kun gyi dpyad bya min/ /gal te dpyad na dug sbrul bcos pa kho nar zad/ /blo is gzhag pa'i chos 'di thams cad rang gis stong/ /rkyen dang bral phyir brtags pa thams cad yod ma yin/ /rang bzhin gnas su grol ba'i de bzhin nyid shes na/ mthong thos la sogs med cing de yi rang bzhin bral/ /dngos po rtog pa phyugs dang 'dra bar brjod/ /dngos med rtog pa de bas shin tu blu na

  57. 29a

    'gyur zhes/ /mar me 'bar dang bsad pa'i dpe yis brjod pa dag/ gnyis med rang bzhin phyag rgya chen por gnas/ /dngos por skye ba dngos po med par rang zhi zhing/ /de yi phyogs dang bral ba mkhas pa de nyid kyis/ /blun po rnams kyi blo la rang gis dbyad bya na// skad cig grol bde la chos kyi sku zhes bya/ /grol ba de las gzhan pa bde chen sa med ces/ /byis pa rnams kyis smras kyang smig rgyu'i chu dang mtshungs/ /sa dang lam dang sangs rgyas thams cad ro gcig pa'i/ /gnyug ma'i ye shes 'di nyid yin gyi yid la dris/ /de ltar rtog pa'i ni de la ni 'ching pa med/ /rdul ma spangs shing rdul gyis cung zad gos pa med/ /nyon mongs gnyen po gnyis su med pa ga la yod/ /de la rtsol ba'i skyes bu de ni 'khor bar 'ching/ /sa dang chu dang me dang rlung dang nam mkha' rnams/ /lhan cig skyes pa'i ro gcig las ni gzhan yod min/ /srid dang mya ngan 'das pa gnyis su mi rtog pa/ /'di ni chos kyi dbyings kyi gnas lugs yin par bshad e ma mkha' 'gro gsang ba'i skad/ /kye ma rang la rang gis de nyid mtshon te ltos/ /ma yengs pa yi sems kyis lta dang bral gyur na// yengs pa'i sems kyis de nyid rtogs mi 'gyur/ /dngos po'i chang tshing gseb tu de nyid nor bu stor/ /'dod pa'i dngos po la yang khyod kyis chags ma byed/ /'di ni bde chen sems mchog gzir ba'i nad rab ste/ /gal te chags par bya ba'i yul la yid chags na// dri ma med pa'i sems la 'dod pa'i mtshon gyis btab/ /kye ma rgyu dang 'bras bu gnyis su ma lta zhig/ dngos por skye ba'i rgyu dang 'bras bu yod min te/ /re dang dogs pa'i sems kyis rnal 'byor sems myos na/ /lhan cig skyes pa'ii ye shes gnas der 'ching par 'gyur kye ma rang bzhin bral ba'i de nyid bsgom du yod ma zer/ /gal te bsgom par bya dang sgom byed gnyis rtogs na/ /gnyis su 'dzin pa'i yid kyis byang chub sems spangs te/ /skyes bu de yis rang gis rang la sdig pa byas/ /bla ma'i zhal gyi bdud rtsi'i thigs pa ji snyed pa//

  58. 29b

    nges shes sngon 'gro ba yis rab tu blang bar bya/ /thabs la mkhas pas dus su ma bsten na/ long bas rgyal po'i bang mdzod brkus pa 'dra bar 'gyur/ /kye ma rin chen dbang dang bral ba'i skyes bu ni/ /gdol pa dman pa zhig gis rgyal por re ba bzhin/ /rig pa 'dzin pa'i rgyud rnams der bslus pas/ /mkha' 'gro'i chad pa dang bcas rdo rje'i dmyal bar ltung/ /kye ma dge ba'i bshes gnyen mchog gi don blangs nas/ /dam par mi 'dzin dman pa'i sems kyis yongs spong dang/ /skye bo rab rib gzeb kyis khengs par gyur pa na/ /bskal pa chen por rang la sdug bsngal byas par zad/ /kye ma bstan pa'i sa la phyin nas dam tshig mi ldan na/ /rgyal pos chad pa gcod pa'i mi ni bzung ba ltar/ /rnam smin lcags kyus srog gi rlung bzung nas/ /khro chu khol mkhas blugs bzod par dka' / /kye ma gnas lugs rtogs nas dman pa'i spyod pa nyid byed na/ /rgyal po khri las babs nas phyag dar byed pa bzhin/ /zad mi shes pa'i bde ba chen po nyid spangs nas/ /'khor ba'i bde la rag pas reg pa nyid kyis 'ching/ /spros pa rnams dang bral ba'i rang gi sems mthong nas/ /spros pa rnams la ched du byed pa'i rnal 'byor ni/ /nor bu rin chen rnyed nas 'ching bu tshol ba bzhin/ /'bad pa byas kyang snying po'i sa ni nam yang min/ /e ma mkha' 'gro gsang ba'i skad/ /byang chub sems zin pa dang byang chub sems rtogs pas/ /'bad pa dang bcas 'bab pa bral ba'i ye shes ni/ /dam pa rnams kyi zhal gyi bdud rtsi las ni byung/ /nyi ma zla ba gnyis kyi dbus su gsal bar byed/ /tshang dang ldan pa'i skyes bu'i sna rtse las ni byung/ /mtshan dang ldan pa'i phyag rgya las ni de sems gcig/ gzugs sogs dngos po'i chos rnams de yis mdog sgyur ba'i/ /bzhi pa dang bcas man dag gis ni shes par bya/ /'od gsal ba yi chos nyid de ni rab mthong nas/ /bla ma'i dus thabs bsten pa de ni cher rtogs pa/ /shes rab pha rol phyin pa dang ni

  59. 30a

    mdo gzhan las rnyed dang/ /kun la sbyar pa'i sems ni bsgom par bya/ /phyi dang nang du blta ba med pa'i sems/ /de ni gang gis mi bsam gang la yang ni sems ma yin/ /rang bzhin gnas la rdo rje rtsed mor glu blangs pa/ /bde chen gza' gtad bral ba chu bo lta bu bsgom/ /'dus pa'i tshogs su spros pa kun gyis g.yengs pa'i sems/ /'pho dang 'jug pa med par rang bzhin brtan pa nyid/ /sems kyi snying po rang dga' bar ni legs btang ste/ /smyon pa lta bu'i sems ni bya ba dang bral ba/ /mdza' yis ma gos ye shes de ni bsgom par bya/ /sgom dang bsgom bya med pa'i sems ni rang bzhin bral/ /re dogs med pa'i sems ni dmyal bar song srid na yang sdug bsngal med/ /srid dang 'bras bu mchog la gnas kyang lhag pa yod min pas/ /bde dang sdug bsngal gnyis kyis phan dang gnod spangs nas/ bzang dang sman pa'i spyod pas 'phel 'grib med/ /rtogs pa'i ye shes gnyis bral 'di las ma gtogs pa/ /sangs rgyas che bar 'dod na rmongs par shes par bya/ /bya ba med pa'i yid kyis gang yang ma btsal na/ /yon tan btsal mi dgos shing de yi mi mthun bral/ /rgyu dang bstan bcos kun las rnyed min pas/ /zhe 'dod med pa'i sems la rgyu yi dri ma bral/ /gang duAng ma blta ye shes chen po nyid myong ba/ /'khor ba'i dug rnams zhi bar nus pa'i rnal 'byor pa/ /dge slong gzhu 'dra rkyal srid kun la dbang ? byed/ /mig ni mi 'dzums bsgom du med pa'i rnal 'byor pa/ /dben pa'i gnas dang gnas mal med pa'i gnas nyid du/ /chags dang sdang pa spangs pa'i dri ma med pa'i yid/ /don dam sems kyi ngo bo de ni bsgom par bya/ /e ma mkha' 'gro gsang ba'i skad/ /dkyil 'khor ba dang sbyin bsregs las stong zhing/ /sngags dang phyag rgya rab gnas la sogs rnam bral ba/ /rgyud dang bstan bcos kun gyi de nyid bsgrub par mi nus pa'i/ /rdo rje ye shes 'di ni rang bzhin gnas na mdzes/ /gcig gis go bar nus par rin chen brda yi mchog/ sbrul gyi gzeb? ltar gzhan la mdzes pa yod ma yin/ /snying pos snying po

  60. 30b

    mtshon pa bla ma mchog dag la/ /rtogs pa gzhan la mtshon te de nyid rang la mtshon/ /nam mkha' nor bu nyi ma lta bu'i mthu mnga' ba/ /thig le gsum dang yid dran pa dang dran med dang/ /sbyor ba'i sgra sogs gang la'ang spyad par nus rung ba'i/ /gser 'gyur ci ltar chos rnams thams cad ro mnyam 'gyur/ /lam sbyang ba la gnyug ma'i ye shes gcig pu gcig/ lam nyid brnga ston pa ni bla ma mchog dag gis/ /gzugs sgra dri ro reg dang chos la bstan par bya/ /chos rnams thams cad rkyen med par ni skye ma yin/ /ma skyes pa la mkhas pa'i skal ldan de dag gis/ skyes pa thams cad la ni shugs kyis mkhas par 'gyur/ /tha mi dad pa'i ye shes kho na gcig du nyid/ /rang bzhin gzhan pa'i sems kyis rang la bya bar 'gyur/ /bdag dang gzhan du snang ba'i rang bzhin gcig shes shing/ de nyid kho na ma yengs pa yis yongs bzung ste/ /de nyid sems kyi zug rdu yin phyir btang nas kyang/ /gang la zhen pa med pas bde ba len par byed/ /sems la gnod pa'i las ni thams cad kyis stong zhing/ /rnyed dang len pa'i bya ba gang gis gos pa med/ /rtsol dang bral zhing gnas skabs glo bur rkyen med par// snang ba sna tshogs phyag rgya 'di ni gzigs mor che/ /thams cad thams cad thabs su nyer mthong nas/ /bla mar gyur pa'i chos ni yod ma yin/ /bar snang mdzub mos mtshon pas bar snang mthong ba med/ /bla mas mtshon pa'i bla ma de yang de bzhin no/ /brtul zhugs spyod pa'i rnal 'byor pa ni grong khyer sems/ /rkyal po'i pho brang spyod cing bu mo dang rtse yang/ /sgyur ba mngar zos ba yis skyur ba mthong ba bzhin// /yul rnams thams cad de bzhin nyid du rig/ tshogs kyi 'khor lo nye bar brgyan pa'i gnas nyid du/ /kun tu ru yi skabs su bde ba che mthong nas/ /brda dang dam tshig ldan pa'i rnal 'byor rnams kyis ni/ /srid dang zhi ba nyid legs phyag rgya chen por gnas/ /e ma mkha' 'gro gsang ba'i skad/ /ye shes skyes pa'i rnal 'byor gang la dogs med pas/ /dbang phyug rtags dang ldan par mthar skyes btsal bar bya/ /dman pa'i

  61. 31a

    grong khyer zhugs nas gang dang 'thun pa la/ /chung du chung dus brid cing chen po de la sbyin/ /de yis bsnyen bkur byas pa'i rdzas ni ji snyed pa/ /bdag gir med pa'i sems kyis de la gtad par bya/ /kun tu 'khyam zhing mtshan ma rab tu brtag bya ste/ /riD dang kha dog mtshan ldan la sogs rim shes bya/ /rang gi bu mo sring mo ma dang tsha mo dang/ /g.yung mo tshos ma slad 'tshong gso ras kyis 'tsho ba/ /sngo bsangs dkar sham dmar ser smug nag ma/ /rme ba can la rgyud sbyangs bslab pa'i phyag rgya ni/ /bcu drug lo lon rab tu mdzes shing skra ser li/ /utpal yi dris khyab nu ma sra mkhregs rked pa phra/ /smad kyi zheng rgyas b+ha ga rub cing chags pa'i mdangs/ /rkyang ma dang bcas gsang thub gus pas rab tu gzhol/ /dad pa rab tu brtan zhing rtog pa chung gyur pa/ /rtags gsum ldan pa'i phyag rgya dbang gis smin par bya/ /yon tan bzung nas rang gis rig pa'i ye shes sbyin/ /skabs su ro snyoms gnyug ma'i phyag rgya bzung/ /btsun mo'i shukra gug pa'i phyag rgya chen po ni/ /dus kyis bsdu ba byas nas rtog med mkha' la bstim/ /res 'ga' tshong dus dbus nas ji ltar 'dug/ don gyis don la bltas nas don nyid gar dgar gtang/ /res 'ga' dur khrod zhugs nas sgron ma dag la spyod/ /nyam da med pa'i sems kyis yi dags gnas su nyal/ /rdol pa rnams dang 'grogs te ro yi 'khor lo drang/ /'di bya med pa'i spyod pa tshad du gzung mi bya/ /glu gar gling bu rtsed 'jo rol mo'i tshogs su 'jug/ he ru ka yi gar dang drug las skyes sogs glus/ /sems la gzed bstod cung zad skyo bar mi bya'o/ /rgyab tu la ba bgo zhing yan lag zang mas spras/ /'khor lo ldan pa'i thor tshugs spyi gtsug dag tu bzung/ /rus pa'i dum bus yan lag kun la brgyan byas na// glang chen stag gi lpags pas stong dang smad dkris te/ /kha TwAM dril bur ldan pa lag tu thogs par bya/ /gsang chen smyon pa'i spyod pa lhug par byas nas ni/ /bya med mi bya med pa'i spyod pa rang shugs kyis/ /glang chen mtsho ru zhugs 'dra rtag tu smon? sems kyis/ /dman pa'i chos rnams

  62. 31b

    spyad na grol bar mda' bsnun 'dra/ /e ma mkha' 'gro gsar pa'i skad/ /sna tshogs chos rnams thams cad don gcig par/ /rtogs par byed pa bla ma nyid yin te/ /dang pa'i mchu dang mtshungs pa'i rje btsun mchog de ni/ /gus pa'i sems kyis gtsang ma'i spyi bor blangs bar bya/ /gcig tu sems ni mtshon byed bla ma ste/ mtshon par byed pa'i gzhi ni slob ma'i snying nyid do/ /de rtogs pa yi gdug pa thams cad skad cig la/ /'joms par byed pa'i dpa' bo de ni drin can pas/ /don la bltas nas byas pa drin du gzo bya'i phyir/ /sman pa'i rgyal po de ni rtag tu gzung ba'i phyir/ / 'khor ba'i rgya mtsho zab cing rgya che las/ /sgrol ba'i gru mchog de ni gzhan med de/ /dam pa'i gru la brten nas bde chen rnyed gyur pa'i/ /stobs chen mnyam pa de ni g.yo med kun gyis bkur/ /ye shes nyi ma lta bu'i 'od zer dag pa yis/ /ma rig rig par byed pa'i ye shes mchog de ni/ /gser 'gyur rtsi ltar chos rnams thams cad bde bar bsgyur mdzad pa/ /thabs la mkhas pa'i 'khor los sgyur rgyal rtag tu bsten/ /chu bo lta bu'i sems kyis gnyis lta zil gnon cing/ /gang ma spangs pa'i gos pa med pa'i ye shes ldan/ /blo ma bcos pa blo yi rnam pa gnas gyur pa/ /bla ma dam pa'i zhal gyi bdud rtsi las ni byung/ /sems dang sems las byung zhes tha snyad pa rnams kyis/ /brtags pa 'di ni rnal 'byor pa yi grogs rnams su/ /'gyur bar byed pa bla ma'i zhabs kyi padmo ste/ /thams cad dge ba'i bshes su gyur pa de las byung/ /rgyud rnams kun tu spas shing tha snyad kyis dben pa/ /sangs rgyas rnams kyi gsang ba sus kyang shes mi 'gyur/ /man ngag mig gis mthong zhing dbang po'i ros khyab pa/ /rgyu dang 'bras bur btags kyang ngo bo de dbyer med/ /smon lam snying rje'i stobs kyis gzugs sku rnam gnyis 'byung/ /bum pa bzang dang dpag bsam shing dang nor bu ltar/ /gang gis bzung ba med pa'i sku ni rab tu 'dzem/ /gdul bya sna tshogs pa la sna tshogs gzugs shar bas/ /de dag thams cad bsam mi khyab kyi sprul pa ste/ /bsam du med pa'i ye shes rang byung de ni gad bsgos pa/ /de ni 'bras bu ma lus bsgom

  63. 32a

    par gyur pa yis/ /theg pa chen po bla med snying po'i lam de ni/ /'bras bu lam du khyer nas gdong nas 'bras bur gnas/ /gzhan don phun tshogs pa ni 'bras bu'i mchog yin te/ /sbyangs pa'i gtso bor gyur pa tshogs pa las ni byung/ /grol ba chen po las sbyangs re ba med pa'i sems/ /rgyun mi 'chad pa'i mthu las nges par rnyed par 'gyur/ /skyes bu rin chen gang la lha rdzas 'di skyes pa/ /gdug pa thams cad skad cig gcig la nyer zhi thim/ /seng ge glang chen stag dang dreng dang dos/ /gcan zan khro bo dug sbrul me dang g.yang sa dang// rgyal po'i chad pa du gdeng thog dang lce 'bab pa/ /thams cad ngo bo de nyid yin phyir gnod pa med/ /rnam rtog dgra chen tshoms pas dgra rnams thams cad choms/ /bdag lta'i gdug pa thul bas gdug pa thams cad thul/ /de phyir sems kyi nor bu'i don dam par byas/ /e ma mkha' 'gro gsad ba'i skad/ /sku dang gsung dang thugs kyi gsang ba gang rig pa/ /skyes bu de la gdug pa'i lkug pa yod ma yin/ /las rnams gang la dge dang sdig pa gnyis rtog pa/ /gang zhig rtsom pa 'di ni gdug pa'i sbyor bar bshad/ /gang zag gang gis spyad pa de ni rang gis rang bcings pa'o/ /mos pa rgyun chags pa yin dkyil 'khor bar ltung/ /rtog gis dgos pa med cing sA? mas chog par zad/ /gang la dmigs kyang dmigs pa de yis thar pa sgrig/ bzang bar brtags kyang de yi nad kyis dman par ltung/ /dman pa'i las la ? pas rnam smin rgyun ming 'chang/ /brtags pa med pa'i sems ni nam mkha' lta bur gnas/ /nam mkha' gnas pa med pa de nyid tha snyad? bral/ /bral pa'i sems la brtags dang dbyad pa mi dgos kyis/ /rang bzhin gzhag pa ji lta bu nyid de lta nyid/ /'bras bu thogs pa med pa gdod nas rang la gnas/ /de phyir re dang dogs pa'i gnyen pos 'ching mi dgos/ /brda dang tha snyad brtags pa kun dang de bzhin te/ /yang dag ma yin yin pa mkhas pa kun gyi yul/ /rgyu dang 'bras bu dbyer med 'di ni snying po'i sems/ /de sbyor ba yi 'bang pa kun la

  64. 32b

    bcas mi dgos/ /dam pa bsten nas nyan dang thos pa lhur len dang/ /yon tan dpal las 'byung zhes byin brlabs nod pa dang/ /ting 'dzin blor gzhag nas ni sbyor dang bsgom pa dang/ /phan nges sngon du song nas brtul zhugs gang spyod pa/ /de dag log spyod bcos ma tsam la spyod pa yin/ /snying po'i sems ni skyon dang yon tan rnams dang bral/ /don de nyid la bya ba gang yang mi dgos kyis/ /bya ba btang pa'i sems ni bde ba che mchog nyid/ /lnga rig pa la sogs pa zhe 'dod gdon gyis zin/ /dngos por 'dzin pa'i dug gis rang gi sems la khyab/ / zhabs kyi rdul la reg na ye shes rig par 'gyur/ /sna tshogs dngos po'i chos la stong pa'i mnga' 'phen dang/ /stong pa'i thabs kyis myong bar 'gyur byed dang/ /shes rab shes pas snang ba gzhal byar mthong ba de/ /shes rab de ni bla med slob dpon dag las byung/ /nyon mongs thams cad thabs kyi mchog tu sgyur byed dang/ /rtog pa'i zug rdu gang gis sgyur byed mi nus pa/ /'di ni man ngag snying po las ni nges 'byung ste/ /de yang rje btsun mthu las nges par rnyed pa 'byung/ /de phyir brgyud par ldan pa'i byin brlabs gang ldan pa/ /dus thabs bstan pas mkhas pas rtags tu brtanpar bya/ /e ma mkha' 'gro gsang ba'i skad/ /thabs dang shes rab rang bzhin nyid rtogs na/ /'od gsal las ni lhan cig skyes pa rnyed par 'gyur/ /zla ba rgyas 'dra ba ni goms pa las 'byung ste/ /gsal bar byed pa sA lu nyi zla'i 'od ltar spyod// dngos grub kun gyi rtsa ba rdo rje slob dpon te/ /legs par sbyangs pa'i rgyu nyid 'bras bu kun gyi lus/ /bde bar gshegs pa'i bka' dang 'thun par bya ba'i phyir/ /byang chub sems dpa' bde pa'i mgon pos legs gsungs pa/ /chos dang longs spyod rdzogs dang sprul pa'i sku/ /ngo bo nyid kyi swa? ni rgyu 'bras rab shes bya/ /sgo skur gnyis kyis stong pa gnyis med chos yin te/ /ngo bo nyid kyi bde ba de nyid longs spyod che/ /sna tshogs pa yi 'gro ba thams cad sprul pa yang/ /dbyer med ye shes ngo bo nyid ni kun gyi bdag /skye bar byed dang

  65. 33a

    bya ba'i rang bzhin mi dmigs kyang/ /goms pa'i mthu yis dogs pa thams cad zil mnan nas/ /'bras bu nyid ni rang dang gzhan gyi phun tshogs yin/ /phyi rol spangs pa'i sems ni nang du 'jog pa can/ /snying po'i las spyod rnams kyis 'di nyid bsam pa'i rigs/ /spros dang spun pa phyir bsal nas/ gnyug ma'i dbang po las skyes shing/ /don gyi snying po bla na med/ rtogs pa bcu yis la gnas/ /rnal 'byor ye shes gang 'dod la/ /rim dang cig car gyis 'jug pa'i/ /ye shes mchog gi go 'phangs rnams/ /rtog pas phyag rgya che thob shog/ rnal 'byor gyi dbang phyag chen pos dad? chen po'i zhal snga nas mdzad pa'i mi zad pa'i gter mdzod man ngag gi glu zhes bya ba/ de kho na nyid rnal du mtshon pa don dam pa'i yi ge rdzogs so// // do ta mchod? me? bya ba sbyong pa'i blu'i 'grel pa'i don gyi sgron ma zhes byang bzhugs/ /*/ /rgya gar skad du/ de ha ko Sha nA ma ts'yarya gI tAM artha pradI pa nA ma TIkA/ bod skad du/ do ha mdzod ces bya ba spyod pa'i glu'i 'brel pa don gyi sngon ma zhes bya ba 'phags pa 'jam dpal gzhon nur gyur pa la phyag 'tshal lo/ /rtog med spros bral bde ba chen po'i dbyings/ /yid la mi byed phyag rgya chen po'i dang/ /rkyen bral rnam gsum sku gsum lhun grub pa'i/ /don ston bla ma gong ma rnams la 'dung/ /don dam spros bral sku bzhis dud bzhi 'joms/ /thig le gsum gyis sku gsum do sprad pa'i/ /dran med gnyis kyis bden gnyis gtan la 'bebs/ /zab me'i don ston do ha'i don 'grel 'di/ /rkyen gsum bral ba'i bla mgong ma dang/ brgyud pa dang ldan snying po'i don rtogs la/ /bdag gis gdams pa 'di brtsam mi rigs te/ /bdag 'dra blo dman skye po'i don du rtsom/ /gzhan rnams rtsa ba'i rjes la 'grel pas 'chad/ /bdag lugs gdams ngag rjes la rtsa bas 'ching/ /bka' rgyud lung rnams bris pas rdzogs med pas/ /lung dang mi 'gal bla ma'i gdams ngag bri// //rgyal ba'i

  66. 33b

    mchod gnas bram ze chen po de/ /snod dang ldan pas mkha' 'gros byin gyis brlabs/ /spyod pa mdzad pas brda' don thugs su chud/ /mtshan nyid rtogs pas mnga' mkhan mo dang 'grogs/ /don la ma dgongs rgyal pos bka' bkyon mdzad/ /tshig don bzhi bcu'i lan ma gur bzhes pa'i/ /chos sku gtsor ston rA dza'i do ha las/ /mtshon byed dpe yis mtshon bya sku bzhi ston/ /bsdus pa'i don ni nyi shu rtsa gsum gyis/ /gzhung gi don rnams mdor bsdus gsal bar byed/ /gzhung gi tshad ni tshigs bcad bzhi bcu yin/ /tshigs rkang bzhi bzhis 'bru don gsal bar byed/ /de la re zhig rgyal po'i don du mgur du bzhes pa'i tshigs su bcad pa bzhi bcu pa 'di la don rnam pa gnyis te/ dang po bram ze chen po'i thugs dam la phyag 'tshal ba dang/ de'i gzhung rnams gsal bar bstan pa'o/ /de yang bram ze chen po'i thugs dam ni bdud bzhi 'joms pa'i sku bzhi yin te/ de la bdud bzhi ni phung po'i bdud dang/ nyon mongs pa'i bdud dang/ 'chi bdag gi bdud dang/ lha'i bu'i bdud do/ /de la phung po'i bdud ni/ pha ma gnyis kyi thig le dkar dmar las/ rnam par shes pa a'i tshul du zhugs nas/ phung po'i grub pa ni phung po zhes bya la/ phung po des sdug bsngal gyi rnam pa mang po nyams su myong ba ni bdud ces bya'o/ /sdug bsngal gyi dbang du phung po gyur pas stobs che ba'o/ /de 'joms par byed pa ni/ pha ma gnyis kyi thig le dkar dmar gnyis kyi rkyen gyis bskyed pa yin la/ de la rnam shes ar zhugs pa mi ma skye ba med pa las rkyen snang gi phung por grub kyang/ phung po nyid med bzhin du sprul pas/ sgyu ma yin pa'i phyir sgyu ma de la rlom sems dang bral ba'o/ /gang rlom sems dang bral ba ni don gyi lus 'gyur ba med cing rnam par rtog pa med pa dran pa med pa'i dbyings yin te/ de nyid ni sprul pa'i sku'o/ /sprul sku la bde ba dang sdug bsngal la sogs pa cir yang snang yang/ nam mkha' i sprin pa bzhin du yal te 'gro ba'i phyir phung po'i bdud bcom pa'o/ /nyon mongs pa'i bdud ni phung po la brten nas

  67. 34a

    dbang po lnga chags /dbang po lngas ni phyi nang gi yul la bzung nas nyon mongs pa skye ba'i bdud yin la/ /nyon mongs pa'i dbang du gyur nas de la spyod pa ni stobs che pa'o/ /de 'joms pa ni nyon mongs nyid dran pas chags sdang skyes pa yin la dran pa nyid dran med las skyes pas/ dran ma dran gnyis nyon mongs pa'i rtsa ba yin pas/ de'i phyir dran ma dran gnyis 'joms pa ni rkyen las skyes la/ don med kyang bltos pa'i chos yin te/ de gnyis gsum mtshan pa'i dus su ci yang mi skye ba'i don gyi ngag brjod pa dang bral pas/ chag dang tha snyad las 'das pas /skye ba med pa'i dbyings yin te/ de thams cad la khyab cing longs spyod pa'i phyir longs spyod rdzogs pa'i sku ste/ longs sku la nyon mongs pa ci skyes kyang longs spyod pa yin te/ nyon mongs pa'i 'dam gyis skye min las ma gos pas/ pad+ma 'dam las skyes kyang 'dam gyi nyes pa'i skyon gyis ma gos pa dang 'dra ba'i phyir nyon mongs pa'i bdud bcom pa'i/ /phung po la brnyen pa'i dran pa 'di 'chi ba'i bdag po yin te/ dran pa 'dis phung po mi 'dra ba du ma btsal nas/ skye rga na 'chi'i sdug bsngal las mi thar? pas bdud yin la dus rtag tu skye shi'i dbang du byung pas stobs che ba'o/ /de 'joms pa ni phung po rkyen las skyes pa la dran rig glo bur brten pa ni gzhi med pa la brten pa ste/ phung po rkyen gyis skyes pas 'jig/ dran pa glo bur pa yin pas yal 'gro ste/ don gyi yid thos bsam bsgom gsum dang bral ba'i dbyings blo las 'das pa ste/ /blo las 'das pa'i dbyings su blos byas pa sna tshogs yal te/ dper na rgya mtsho'i nang du kha ba babs pa ltar rang bzhin med par shes nas/ spros pa dang bral bar gnas pa ni chos sku'o/ /chos kyi sku rtogs pas ni 'chi bdag gi bdud bcom mo/ /lha'i bu'i bdud ni/ rtsa dang nda? da thig le stong pa nyid kyi zhi gnas bsgoms pas zag pa dang bcas pa'i bde ba skyes pa ni lha yin la/ de nyid stsol sgrub dang bcas nas dran

  68. 34b

    pa bsgom dgos te/ dran pa ni bsam pa/ bsam pa ni rnam par rtog pa/ /rnam par rtog pa ni 'khor ba yin pas bdud ces bya'o/ /zag bcas kyi bde pa la re pa byas nas/ zag med kyi sku thob po snyam pa'i dbang du gyur pas stobs zhes bya ba'o/ /de 'joms pa ni mtshan ma dang bcas pa'i bde ba ni lus dang dran pa gnyis 'dus pa las bde ba skyes pa yin la/ lus med na bde ba skye ba'i gnas med la/ dran pa med na lus la sgom mkhan mi 'ong bas/ de'i phyir lus dang sems gnyis kyi bde ba ni glo bur brkyen las skyes pa rgyu nyi tshe ba gzhas nyi cho ga dus nyi tshe ba yin pas/ lus zhig pa'i dus su lus la brten pa'i bde ba yang 'jig pa'o/ /thag pa med pa'i bde ba ni sku gsum gyi ngo bo tha mi dad pa/ rang bzhin gyis rnam par dag pa/ spros pa'i mthar brgyad dang bral ba'i dbyings de la/ rgyu dang 'bras bu yang ma grub la/ 'khor bar dogs pa dang mya ngan las 'das pa la yang re ba med pa ste/ de ni 'dam gyis ma gos shing rgyas pa/ don gyi lus ngag yid gsum dbyer med cing tha mi dad pa/ ngo bo nyid kyi sku yin te de la rlom sems kyi yul du ma gyur pa'i phyir/ lha'i bu'i bdud bcom pa'i de'i phyir bram ze chen po'i thugs dam/ bdud kyi stobs rab tu 'joms pa la phyag 'tshal lo/ /gzhung gi don gsal bar bstan pa la dpe nyi shu rtsa gsum ste/ 'gal ba'i dpe bcu gsum ma 'gal ba'i dpe bdun 'gal mi 'gal 'dren ma'i dpe gnyis tha ma rgyal po la lan btab pa dang nyi shu rtsa gsum las/ dang po 'gal ba'i dpe/ rgyal pos g.yo ba med pa'i don ma rtogs pas/ g.yo 'gul can gyi dpe chu dang rlabs kyis bstan par bya ste/ de yang mi g.yo ba'i don ni/ dran pa med pa la dran rig gis g.yo mi nus te/ dran pa'i bsam bsgom la sogs pas yid lam byas pa'i dbyings la g.yo 'gul med do/ /skye ba med pa'i dbyings la skye rgan 'chis g.yo mi rgyus? te/ skye ba sna tshogs kyang skye med las skyes shing skye med la thim pa'o/ /blo las 'das pa'i dbyings la klos byas pa sna tshogs

  69. 35a

    kyis g.yo mi nus te/ thos bsam bsgom gsum yang blo las 'das pa'i dbyings su rim pa'o/ /de ltar na mi g.yo ba rnam pa gsum ni/ rgya mtsho'i gting lta bu'i rdo rje lta bu'i ting nge 'dzin/ yid la g.yo ba rnam pa gsum ni/ rlung lta bu sgyu ma lta bu'i ting nge 'dzin/ /rgya mtsho'i kha lta bu yin te/ de'i phyir ji ltar rlung gis brgyab pas mi g.yo pa'o/ /gal te lus ngag yid gsum gyi bsam bsgom gyis phan btags pa 'am/ gnod pa skyes pa cig byung yang/ chos su las byung zhing chos skur rim pa yin te/ dper ni chu la rlung gis brgyab pas chu'i kha g.yos nas dpa' rlabs sum byung yang/ gting la g.yo 'gul med de/ de bzhin du dran pa rlabs dang 'dra ba 'di/ dran med kyi kha na pIr zhing g.yo ste/ dran med kyi gting skye med blo 'das yin te/ de gnyis la g.yo 'gul med pa'o/ /de'i phyir dran pa'i rlabs ni 'khor pa rnam par gsum yin te/ de la zhen du med de/ chu'i rlabs tsam du shes par bya'o/ /de yang chu lta bu ni dran pa la/ rlabs lta bu'i rkyen gyis snang ba sna tshogs so/ /de ltar rtogs tsam yid la ma byas pa phyag rgya chen po'i don las/ longs sprul rnam pa gnyis cha rlabs tsam du shar ba'i phyir/ chu las g.yo brlabs rnam su 'gyur/ /de ltar na don gcig las rtogs ma? rtogs kyis bye brag du mar snang ba shar ba ste/ chos sku gcig pu las sems can gyi rnam rtog gis sku gsum dang bzhi lam sku lnga la sogs par bzung ste/ dbyings rnams par dag pa rkyen gang gis kyang ma bslad pa de'i bye brag go/ dper nas ha lta bu la/ rgyal pos gnas skabs kyis bram ze dang/ paN+Di ta dang/ rnal 'byor pa dang/ rigs ngan la sogs pa so sor mthong yang gcig las ma 'das pas/ de ltar rgyal po mda' bstan snang ba yang/ dpe de bzhin du yid la ma byas pa'i dbyings las 'khor 'das gnyis ka shar ba'o/ /'o na 'khor ba yang yid la ma byas pa las shar bas/ yid la ma byas pa nyid kyang 'khor bar mi cha 'am zhen de ni mchi ste/ dper na nam mkha' las sprin shar ba'i

  70. 35b

    dus su/ nam mkha' i nyid kyang sprin par song ba ma yin te/ de las shar cing der nub pa'o/ /de bzhin du 'khor ba 'di thams cad kyang dran pa yin pa/ dran pa nyid dran med las shar cing dran med du nub pa'o/ /de'i phyir gcig nyid na yang rnam pa sna tshogs byed/ /da ni sems dang sems las byung ba gnyis med ma rtogs pas lta ba log par go ba'i dpe mar me gcig las gnyis su mthong ba lta bur ston te/ de yang yang dag pa'i lta ba ni/ blo'i yul las 'das pa sems dang sems las byung ba mi rgyu ba yin la/ de ltar ma rtogs pa'i gang zag gis dran pa dang rig pa la mngon par zhen nas/ dran rig la dran rig gis brtags pas de'i mtshan nyid stong pa tsam la lta ba cher te/ de ni blun po zhes bya la/ /blun po zhes bya ba ni don ma yin pa la yin par mthong/ /yin pa lam yin par mthong pas bzlog pa'i bsgom pa ste/ de'i dpe ni mig legs par mi lta bar/ mig gi la phugs mnan nas lta ba'i phyir/ ji ltar rmongs pas bzlog nas bltas pa yis/ /dper na mig bzlog nas bltas pa'i phyir/ mar me'i dngos po gcig la mig gi rkyan gyis mar me gnyis su mthong ba bzhin du/ yang dag pa'i lta ba blo'i yul las 'das pa las bzlog nas/ dran rig rnam rtog gi lta ba la sangs rgyas kyi dgongs pa yin zer te/ snang stong gnyis ka glo bur ba yin pas bcos ma'o/ /ma bcos pa'i gang zag gis mar me la gnyis su mi mthong ba dang 'dra bar/ blo 'das kyi don rtogs pas snang ba yang glo bur ba ste/ rkyen las skyes pa'i phyir ro/ /stong pa yang glo bur ba ste/ byas pa'i stong pa nyid 'jig pa'i phyir ro/ /des na snang stong gnyis ka blo las 'das pa'i dbyings las ma 'das pa la rtog pas gnyis su bzung bas/ mar me gcig nyid gnyis su snang bar 'gyur/ /de'i phyir lta bar bya ba'i yul dang/ lta bar byed pa'i shes pa gnyis ka glo bur ba yin pas/ don dam pa'i chos sku de la dran ma dren gnyis med 'khor 'das gnyis med sangs rgyas dang sems

  71. 36a

    can gnyis med pas/ de ltar blta bya lta byed gnyis med la/ ma rtogs pa'i gang zag gis zag bcas kyi phung po lnga dang/ zag med kyi phung po lnga dang/ dran ma dran dang 'khor 'das gnyis dang dge sdig gnyis la sogs pa blos so sor 'byed pas/ kye ma blo ni gnyis kyi dngos por snang/ /da ni lhan cig skyes pas 'khor 'das thams cad la khyab kyang de nyid ma rtogs pas/ dmus long la mar me'i 'od kyis khyab kyang 'od ma mthong ba'i dpes bstan te/ de yang phyi'i khyim 'dod pa'i yon tan la yongs pa'i dus su/ dran pa med pa ye shes kyi mar mes khyab ste/ brgyud pa dang mi ldan pas ma rtogs/ nang gi khyim ni phung po lta ste/ phung po lnga'i pha rol na rnam par rtog pa gang yang med pa'i ye shes mar me dang 'dra ba de yang ma rtogs/ /gsang ba'i khyim dran med kyi dbyings la skye med kyi mar me 'od kyi rgyas btab pa de yang ma rtogs pas/ khyim du mar me mang po spar gyur kyang/ dper na mar mes me 'gal bar byed pa dang 'dra bar/ brgyud pa dang ldan pa'i dran pa med pas ye shes kyi mig gis dran pa'i mun na gnyon mongs pa thams cad sel bar byed pa yin la/ brgyud pa med pa'i dran rig la mngon par zhen pa rnams la/ dran med ye shes kyi mig med pas/ dran pa 'ba' zhig la gnas te 'khor ba'i mun pa la bsangs pa'i dus med pa'o/ /dper na long ba la mar me'i 'od kyis khyab kyang long bar ma mthong pas/ mun nag la sangs pa'i dus med pa bzhin no/ /de'i phyir mig med pa la mun par gnas pa bzhin/ de bzhin du snang ba'i lhan cig skyes pa sprul pa'i sku dang/ stong pa'i lhan cig skyes pa longs spyod rdzogs pa'i sku dang/ skye ba med pa'i lhan cig skyes pa chos kyi sku dang/ sku rnam pa gsum po nges 'khor ba dang mya ngan las 'das pa thams cad la khyab pas/ lhan cig skyes pas thams cad khyab byas pa'i/ sku gsum po de dag bral ma myong bar dus rtag tu rang dang 'grogs te/ dper na sbrang rtsi dang sbrang rtsi'i ro bzhin du 'grogs pa la/

  72. 36b

    dran pa nyid dran med kyis rgyas btab nas shin tu nye bar ma rtogs pas/ /nye yang rmongs pa dag la shin tu ring/ /da ni mi 'gal ba kun rdzob kyi bden pa du ma dag kyang/ don dam pa'i bden pa gcig gis 'joms pa chu bo dang mun pa'i dpes bstan te/ chu bo gaM 'a dang/ ya mun dang/ /si ta na ra la sogs pa'i chu bo thams cad byung yang rgya mtsho las byung/ thim yang rgya mtshor thim/ dpe de bzhin du 'khor ba'i chos dang mya ngan las 'das pa'i chos thams cad byung yang blo las 'das pa las byung/ thim yang blo las 'das pa'i dbyings su thim pa'o/ /de yang chu thams cad ro gcig pa dang 'dra bar/ 'khor 'das kyi chos thams cad du mar snang yang blos ma reg pa'i dbyings su ro gcig pas/ chu bo sna tshogs pa yang rgya mtshor gcig nyid dang/ dran pa gzung ba'i 'khor lo yin te/ bskyed rim rdzogs rim thams cad dran pas byas pas 'jig pa'i chos can du ma dag kyang/ don dam pa'i mi slu ba'i dbyings/ yid lam byas shing blos ma reg pa de/ smrar ma btub bsam du yang ma btub pa des/ mi bden pa'i dran pa'am/ rig pa'am/ blos byas pa thams cad 'joms pa ste/ dper na rdzun po che gcig gis rdzun mang po byas kyang/ rgyud yod pa gcig gis rangs pa mi bden par tshor bas/ brdzun pa du ma dag kyang bden pa gcig gis 'joms/ 'joms lugs ji ltar gyis 'joms na/ bla ma dam pa'i gdams ngag nyi ma lta bu'i rang bzhin gyis rnam par dag pa spros pa thams cad dang bral ba des ni/ rkyen rnam pa gsum gyis ma bslad pa de ni/ nyi am ltar gsal ba thams cad la khyab pa yin pas/ nyi ma gcig dang snang bar gyur pa yin/ rtsa dang chung dang tig le la sogs pa thams cad mun pa lta bu yin te/ thams cad blos byas pa yin pas don dam pa blo'i spyod yul las 'das pa mi mthong ste/ don dam pa de mthong bar byed pa ni/ bla ma dam pa'i gdams dag rkyen gsum dang bral ba des/ sku gsum mthong nas dri ma gnyis dag par byed cing/ dran pa thams

  73. 37a

    cad dra med du 'joms par byed pas/ mun pa du ma dag kyang 'joms par byed/ //da ni mi 'gal ba'i dpe 'phel 'grib med pa rgya mtsho lta bu bstan te/ de la rgya mtsho las rlungs byung/ rlangs pa sprin du song/ sprin las char pa babs lo tog rgyas par byed/ /dpe de bzhin du rgya mtsho lta bu'i chos sku las/ rlangs pa lta bu'i longs su shar sprin pa lta bu'i sprul sku las char pa lta bu'i sprul pa sna tshogs 'char bas/ ji ltar chu 'dzin gyis ni rgya mtsho las/ char pa de yang snod kyi khyad par gyis kha ba dang mngar ba dang sgyur ba'i khyad par gyis 'gro ste/ char pa langs de ltar byas so snyam pa'i bsam pa med do/ /dpe de bzhin du chos sku blo las 'das pa las longs sku skye ba med pa dang/ sprul sku dran pa med pa gnyis shar te/ chos su las longs sprul gnyis shar ba'i bsam pa med pa dang/ 'di ni 'khor ba'o/ /'di ni mya ngan las 'das pa la sogs med pa dang rang rang gi rnam rtog gi khyad par gyis so sor bzung ba'o/ /dper na char pas sa ga ? thams cad thangs nas rtsi shing dang nags tshal skyed pa dang/ nges sems can gyi don byed do/ /dpe de bzhin du bla ma'i gdams ngag gis dran med 'char ba'i rlan dang 'dra ba des nyon mongs pa'i tha ba thams cad skye med du bdas nas/ blo 'das kyi dbyangs las sems can gyi don du sprul pa mi 'dra ba du ma dag kyang 'char te/ sprul ba de rnams la sems kyi rtogs pa'i khyad par gyis/ ji ltar yang 'byung du rung ba'i phyir/ chu blangs nas ni sa gzhi gang byas kyang/ dper na char ba de rgya mtsho las byung yang rgya mtsho de nyid du ma song bas rgya mtsho la gnod pa med/ de bzhin du dran med kyi dbyings las dran pa du mar shar yang/ dran med de la nyams pa med de/ dran pa de byung yang dran med la thol gyis byung/ gnas kyang dran pa'i mtshan nyid yid la ma byas pas dran med du gnas thim yang dran med kyi dang du thim pas/ dran med de nyid nam mkha' dang 'dra ste/ dus rtag tu dran med rgyun mi 'chad

  74. 37b

    par gnas pas/ de nyid ma nyams nam mkha' dag dang mnyam/ de phyir chos sku blo las 'das pa de la tshogs gnyis kyis phan ma nus te/ /blo las 'das pa la tshogs gnyis bsags rgyu med pas so/ /mi dge ba'i tshogs kyis sgrib mi nus te/ blo 'das la sgrib rgyu med pas so/ /chos sku las sku gnyis byung yang/ chos sku la zad pa med cing 'phel ba med do/ /de yang ma zad mi zad zad pa med pa'i dbyings yin pas/ 'phel ba med cing 'grib pa dag kyang med/ //da ni rgyal ba'i yon tan mtshan bzang po dang dpe byang bzad pos brgyan pa yang lhan cig skyes pa'i rang bzhin yin par bstan te/ de la rgyal ba'i yon tan ni gnyis te/ 'jig rten pa'i rgyal ba'i yon tan dang 'jig rten las 'das pa'i rgyal ba'i yon tan no/ /'jig rten pa'i rgyal ba'i yon tan ni/ /mtshan bzang po sum cu rtsa gnyis sam/ dang? byad bzang po brgyad cu 'am/ mi 'jigs pa bzhi 'am/ 'od 'dom gang ba la sogs pa de 'jig rten las 'das pa'i phun sum tshogs pa ma yin te/ de dag thams cad glo bur ba yin pa'i phyir/ rgyal ba'i phun sum tshogs pa yongs gang ba'i/ 'jig rten las 'das pa'i rgyal ba'i yon tan ni/ don gyi lhan cig skyes pa yin te/ de yang dran pa dran med las byung /der gnas der thim pa ni lhan cig skyes pa'i stong pa'o/ /dran med las byung der gnas der thim pas stong pa'i lhan cig skyes pa ni skye ba med pa/ skye med blo las 'das pa las byung yang/ der gnas thim pas skye ba med pa'i lhan cig skyes pa ni blo'i yul las 'das pa'o/ /blo las 'das pa de las sems can gyi mos pa tha dad kyis/ gzugs sku gnyis kyi snang ba shar du rung ste/ ci yang shar du rung ba nyid kho na 'jig rten las 'das pa'i rgyal ba'i yon tan yin pas/ lhan cig skyes pa gcig gi rang bzhin nyid/ lhan cig skyes pa'i rang bzhin des brtan pa dang g.yo ba'i 'gro ba thams cad la yang khyab cing de'i dang du 'gags pa ste/ dran pa gran med las skyes shing der 'gags pas/ de las 'gro

  75. 38a

    ba skye zhing 'gags pa ste/ 'on lhan cig skyes pa de dran pa'i snang ba dang dran med kyi stong pa gnyis la zer ram zhe na/ de ni ma yin te/ dran pa dang dngos po'i chos dkyil 'khor bsgom pa la sogs pa de yang ma yin/ dngos po med pa'i chos dran med kyi zhi gnas bsgom pa de yang ma yin par/ /dran ma dran gnyis kas ma gos pa'i/ /skye med de lhan cig skyes pa yin pas de la dngos dang dngos po med pa'am med// //da ni 'gal ba'i dpe rkyen las skyes pa'i bde ba la re ba med pa'i skyes bu grag gis sbrang rtsi 'thung pa'i dpe ston te/ de yang rkyen gyis ma bskyed pa'i bde ba ni/ /skye med kyi ngo bo bsam du ma btub pa'i dbyings blo las 'das pa don dam pa de sangs rgyas kyi dgongs pa yin te/ de ni zag pa med pa'i bde ba yin te/ 'khor 'das gnyis ka'i 'dam gyis ma gos pa/ de ma rtogs pa rnams kyis spangs nas/ zhag pa dang bcas pa'i bde ba las kyi phyag rgya la zhen nas/ 'dod pa'i khams su 'gro/ dam tshig phyag rgya bde ba lha dang lha mo'i dkyil 'khor la zhen pas gzugs khams su 'gro/ chos kyi phyag rgya stong pa nyid kyi zhi gnas lan don par zhen pas gzugs med pa'i khams su 'gro bas/ dam pa'i bde ba spangs nas gzhan du 'gro/ shes rab ma la brten pa'i bde ba de yang rkyen las skyes pa yin thig le nA da sgom pa yang rkyen las skyes pa'i bde ba yin/ lha dang lha mo'i dkyil 'khor bsgom pa de yang rkyes las pa'i bde ba yin/ de rnams la re ba byed na khams gsum pas mi thar zhing grol ba mi thob par/ mtho ris lha'i go 'phang thob pas/ rkyen las skyes pa'i bde ba la re ba byed/ don dam pa'i bde ba ni ma rtogs/ rkyen gyis bskyed pa'i bde ba la lhan cig skyes pa'i bde ba yin zer ba'i dpe ni/ brag mthon po cig la bung tshad yod pa la/ /de'i steng na glang po che gnyis 'thab 'og na mtsho chen po yod pa de'i bar na 'jag ma'i phung po cig la skyes bu sbrang rtsi 'dod pa cig gis lag pa 'jus nas sprang

  76. 38b

    rtsi 'thungs ste/ byi ba dkar nag gnyis kyis 'jag ma bcad pas/ kho steng du bros ni glang po che'i bar du chi/ 'og tu bros na mtshor 'gro bas shin tu sdug bsngal lo/ /dpe de bzhin du sangs rgyas kyi dgongs pa'i sku gsum gyi re rang la yod pa ni ma go/ rkyen las skyes pa'i bde ba logs na yod pa la re ba byed pa de ni sbrang tsi brag la yod pa lta bu/ 'jag ma phung pa ni se yin la/ byi ba gnyis ni nyin mtshan gyis tshe rku bar byed pa/ glang po che gnyis ni gzugs khams dang gzugs med pa'i khams gnyis/ 'og gi mtsho ni 'dod pa'i khams te/ gar bros kyang khams gsum las mi thar ba'i phyir/ rang gi khar bcug sbrang rtsi nye ba ni dus rtag tu rang dang 'grogs pa'i sku gsum po chu bo'i rgyun dang 'dra ba de la ngoms par mi 'thung bar/ blos byas pa'i chos rkyen skyes smig rgyu'i chu la re ba byas shing brtags kyang shin tu ring bar 'gyur bas/ 'thung bar mi byed shin tu ring bar 'gyur// //da ni 'gal ba'i dpe don la mkhas pa rnams yul la ma chags la/ mi mkhas pa rnams chags ba'i dpe ston te/ de yang dper na byol song rnams khal dang khur la sdug bsngal du mi mthong bar/ kha zas zhang tsam la bde bar mthong/ de bzhin du so so'i skye bo rnams 'dod chags dang she sdang dang gti mug la sogs pa nyon mongs pa la bde bar mthong bas longs spyod/ /dge ba'i las ka 'am dam pa'i chos la sdug bsngal du mthong nas 'bad nas 'byol ba'am/ dran med skye med blo 'das kyi don dam pa ma nor ba yin pa la de la byol nas dran rig 'khor ba'i rgyu sdug bsngal gyi phung po la sdug bsngal du mi byed par bde bar mthong bas/ byol song dag gis sdug bsngal mi byed pa/ brgyud pa'i gdams dag dang ldan pas/ dran med skye mdo la mkhas pa'i gang zag gis/ rtsa rlung gi sgom dang thig le dang bskyed rim la sogs pa thams cad sems kyi sdug bsngal du mthong ba'i phyir/ mkhas pa rnams kyis de ni sdug bsngal byed/ don rtogs

  77. 39a

    ba'i mkhas pa des ni/ sangs rgyas kyi dgongs pa blo'i yul las 'das pa da zlas su ma btub/ brjod du ma btub med gdags su ma btub pa/ yid la ma byas pa'i bsam gtan rgyun mi 'chad pa'i rang bzhin/ skye sha'i mdza' las 'das pa/ rtag tshad kyi mdza' las 'das pa/ nam mkha' lta bu de dang mi 'bral bas/ cig shos nam mkha' bdud rtsi 'thung bar byed/ de ltar ma rtogs pa phyi'i yul 'dod yon lnga la dran pa rig pa chags/ nang gi yul rtsa dang rlung dang stong pa nyid dkyi zhi gnas la chags/ /gsad pa'i yul dran med skye med blo las 'das pa la chags/ chags rgyuAm zhen rgyu thams cad don dam pa'i bden pa dang las tha dad par tshol ba yin te/ de yis mi grol bas/ gzhan ni yul rnams dag la rnam par chags// //da ni de ltar chags pa thams cad mya ngan las 'das pa sdangs nas 'khor ba'i bde ba la mos pa'i dpe bshad pa'i srin bu lta bu ston te/ dper na mi gtsang ba'i srin du de mi gtsang ba'i dri mi zhim pa la chags/ de bzhin du 'khor ba'i sems can rnams 'dod yon lnga la chags/ ma rtogs pa'i gang zag rnams mtshan ma dang bcas pa'i bde ba la chags pas/ bshad pa'i srin bu dri la chags pa ni/ de yang mi gtsang ba'i srin bu de tsan dan ga pur gla rtsi'i dri tshang ba tsam gyis mi gtsang bar 'dzin cing 'ching bar byed/ /de bzhin du mtshan ma can la brten pa'i rnal 'byor rnams mtshan ma med pa'i don la log par blta zhing 'gyal te 'gro bas/ tsan don dag la dri dan dag tu sems/ mtshan ma med pa'i don blo las 'das pa de rtogs nas/ blos byas pa'i 'khor ba mya ngan gyi phung po de spangs nas/ don dam pa'i mya ngan las 'das pa gsum thob pa yin la/ ma rtogs pa'i chos rnams byas pa'i chos la don dam par 'dzin pas/ de ltar mya ngan las 'das pa spangs nas ni/ don rig gi nyams su myong snang stong gi bde ba la mngon par zhen pas khams gsum du 'khor nas dran pa las sdug bsngal du srid nas/ 'khor

  78. 39b

    ba 'byung ba'i rgyu dang/ 'khor ba gnas pa'i rten du 'gyur te/ 'khor ba las bral ba'i dus med pas/ srid pa'i 'byung gnas thug pos chags par byed// //da ni 'gal ba'i dpe phun sum tshogs pa yang dag pa ma yin pas /skams pa la ba lang gi rkang des gyi chu lta bus bstan pa ni/ dper na rgya mtsho ma mthong ba'i gang zag gis/ ba lang gi rkang rjes kyi chu la/ rgya mtsho yin snyam nas/ rin po che btsal yang mi rnyed/ dpe de bzhin du rtags dang mtshan ma dang nyams su myong ba'i bde ba de yang dag pa yin snyam nas don dam pa mi rnyed pas/ ba lang rkang rjes su chu yis gang byas skyang/ dper na ba lang rkang rjes kyi chu nas brgya rin po che cig rnyed kyang chung bas stor te 'gro bas/ de bzhin du zlos byas pa'i chos la thun mong gi dngos grub byung yang yal te 'gro ste mi rtag pa'i phyir/ ji ltar de yang skal pa 'gyur ba bzhin du/ sangs rgyas kyi mtshan brjod po sum cu rtsa gnyis sam/ dpe byad bzang po brgyad cuAm/ yon tan du ma snang yang blo bur ba yin pas yal te 'gro/ /dper na rmi lam gyid nas skabs na/ lha'i gzhal yang khang la sogs par phyin pa mi ste/ gnyid sad pa'i dus su me bden pas mi brtan te yal te 'gro ba'i phyir/ phun tshogs ma yin phun tshogs brtan pa'i sems/ brtan pa'i sems ni tshas sku 'gyur ba med cing rnam par rtog pa med pa rkyen gsum gyis ma bslang pa de/ phun sum tshogs pa brtan pa'i sems yin la/ de ma rtogs pas sngags dang phyag rgya'i nus pa la phun sum tshogs pa yin zer te/ de yang glo bur ba yin pa'i phyir/ yang ni phun sum tshogs pa skams par 'gyur// //da ni mi 'gal ba'i dpe mi 'gyur ba'i don rtogs nas/ /yul sna tshogs la spyad kyang skyon du mi 'gyur ba'i dpe bsnyen te/ mi 'gyur ba'i don dran pa med pa sprul pa'i sku dang/ skye ba med pa longs spyod rdzogs pa'i sku dang/ blo las 'das pa chos kyi sku gsum rtogs na/ phyis 'khor bar mi skye ste/ dper na rgya mtsho la ba tshwa can gyi chu

  79. 40a

    la spyad du mi btub pas /rtsi shing dang nags tshal la sogs pa mi skye/ de bzhin du blo 'das la blos dpyad du ming chung/ blos dpyad rgyu med pas 'khor bar mi skye bas/ ji ltar rgya mtsho ba tshwa can gyi chu/ 'on ba tshwa can gyi chu de dpyad du ye mi btub bam zhe na/ de ma yin te/ rgya mtsho las rlangs byung de sprin du song/ sprin las char pa babs pas/ la rtog thams cad smin par byed do/ /de yang snod kyi khyad par khyis nya phyis kyis khar song bas mu tig tu 'gro/ pad+ma'i khar song bas dngul chur 'gro/ de bzhin du dran med las dran pa'i sprul pa byung bas/ ma rtogs pa rnams la 'khor ba'i 'bras bu smin par byed/ brgyud pa dang ldan pa rnams la sku gsum du sprin par byed pas/ nya phyis sam pad+ma'i mu tig gam dngul chu bzhin du snod dang ldan pa dang mi ldan pa bye brag gis 'khor 'das gnyis byed pas/ chu 'tshin kha yis blangs pas mngar bar 'gyur/ dran med skye med blo 'das gsum las cir yang shar ba ni sprul pa sna tshogs te/ sprul pa la mngon par zhen pa'i mi brtan pa'o/ /sprul pa'i 'char sa? blo'i yul legs ? pa de ni blos bsgyur du mi btub ste/ de nyid kho na don dam pa'i sems rang bzhin gyis rnam par dag pa/ de las sems can gyi don ci yang 'byung du rung ste/ dpag pa'i gyi shing bal bum pa bzang po lta bu yin pas/ bstan pa'i sems kyis gzhan ? ? pa/ skye ba med pa'i don rtogs na phyi nang gi yul thams cad kyi skyes gnas thims dang gsum rtogs pas/ nyon mongs pa dug dang 'dra ba de yang/ ye shes kyi bdud rtsir 'gyur du btub ste/ dper na snying rlung can la btsan dus btang bas snying du dngos po bzhin du mngon du na snying rlung gis dran pa med pa bzhin du/ sangs rgyas kyi dgongs pa dran pa med pa'o/ /de las dran pa sna tshogs skyes pa yang/ dngos por bzung na dug tu 'gyur la/ dran pa de nyid kyi mtshan nyid shes na dran rig la spyad kyang rang bzhin med par rtogs

  80. 40b

    pas/ yul gyi dug kyang 'dud rtsir 'gyur ba yin// //da ni mi 'gal ba'i dpe brjod du med pa'i don rtogs nas/ brjod du med pa'i sgras sngags dang/ don 'byung ba dpe 'brug gi sgra lta bu bstan pa ni/ yid lam byas pa'i dbyings la brjod du med kyang/ dper na gzhon nu ma'i bde ba la bzlas su mang pa'o/ /brjod du 'am rig rgyu ni dran pa yin te/ /ji srid dran pa dang bcas pa de srid du/ sdug bsngal gyi bden pa'o/ /dran pa med pa kun 'byung gi bden pa'o/ /skye ba med pa lam gyi bden pa/ blo'i yul las 'das pa 'gog pa'i bden pa/ bden pa gsum la brjod du med pa'i phyir/ brjod du med na sdug bsngal ma yin te/ brjod du med pas bsgom du yang med de/ bsgom pa ni bsam pa yin la/ bsam pa ni rnam par rtog pa/ rnam par rtog pa ni 'khor ba yin pas/ don dam pa blo'i yul las 'das pa de las blos bsgom pa 'am/ ngag gis kyang brjod du med pa'o/ /de ni 'dam gyis mgos pa'i bde ba chen po yin la/ blos byas rgyu gcig byung na byas pa'i phyir sdug bsngal gyi rgyu yin pas/ bsgom du med na de nyid bde ba yin/ blo chung ba'i gang zag la bsgom du med dub yas pa'i sgra de la sdangs te/ skrag kyang de'i don rtogs na 'khor ba las thar pa'i don 'byung ste/ dper na glog dang 'brug drag pos blo chung ba rnams sngar yang/ lo tog smin pa'i don byed pa ltar/ ji ltar spri gyi sgra yis sdangs na yang/ 'brug dang glog byung ba ni char ba'i sngar rtags yin te/ char ? pas me rtog dang shing tog thams cad smin par byed pa bzhin du/ brod du med pa'i don de la las sems can gyi don shugs kyi dran pa dran med du smin par byed/ dran med kye med du smin par byed/ skye med blo 'das su smin par byed pas/ blo 'das rtogs na 'khor ba dang mya ngan las 'das par smin par byed pas/ char ba bab pa so tog smin par byed// //da ni mi 'gal ba'i dpe dus gsum tha mi dad pa la/ snang stong gnyis su med par bstan pa ni/ dang po dran pa'i ngus su bla ma mi dran/ tha ma dran pa'i dus su bar mi dran/ /de'i phyir dran

  81. 41a

    pa la gnas med de/ gnas med pa de kho na nyid don dam pa'i gnas yin te/ dran med kyi dbyings 'ga' zhid las dran pa 'di thog mar yang skyes/ bar du yang gnas/ tha mar yang thim pas/ rtogs pa'i rnal 'byor pa la dran pa 'di dus rnam pa gsum du dran med du gnas pas/ thog ma tha ma bar du gnas pa ste/ de ltar rtogs pa la 'das pa dang ma 'ongs pa dang/ da ltar byung nga gsum mi dmigs te/ blo las 'das pa'i dbyings la de gsum tha dad med pa'i phyir/ dang po tha ma de bzhin gzhan na med/ de ltar ma rtogs pas/ snang bar rtogs stong par rtogs te snang stong gnyis su 'dzin pa ni yang dag pa ma yin te/ gnyis ka blo bur ba yin pa'i phyir ro/ /glo bur ba la lta ba lta byed pa ni rmongs pa yin pa'i phyir/ kun tu rtogs pa rmongs pa'i yid can la/ snang stong gnyis rang gang zhe na/ stong pa ni bcos ma'i stong pa dang/ ma bcos pa'i stong pa'o/ /bcos pa ni stong par bsgom pa'o/ /ma bcos pa'i stong pa ni dran med rtogs pa tsam mo/ /bcos ma'i stong pa ni byas pa'i phyir 'jig rten glo bur ba'o/ /ma bcos pa'i stong pa'i dran med tsam la zer ba de yang/ nyams su myong ba'i phyir 'jig ba'o/ /snang ba ni tha mal ba'i snang ba dang/ grub mthas blo bsgyur ba'i snang ba'o/ /tha mal gyi snang ba ni dngos por 'dzin pa 'di yin te/ dngos por snang ba 'di ma brtags na nyams dga' ba tsam du snang la/ brtags na sgyu ma tsam mig yor rmi lam yin no/ /grub mthas blo bsgyur gyi snang ba ni/ snying rje rnam pa gsum ste/ sems can la dmigs pa'i snying rje yang byas pa'i phyir 'jigs/ chos la dmigs pa'i snying rje yang dmigs pa'i phyir 'jigs/ dmigs pa med pa'i snying rje ni/ dmigs rgyu med pa la snying rje rgyu med pas rang bzhin ma grub/ de'i phyir snang stong gnyis la rig rgyu 'am brjod rgyu byung bas don dam pa ma yin pa'i phyir/ stong pa dang ni snying rje brjod pas so/ /da ni mi 'gal ba'i dpe 'khor 'das tha mi dad pa mkhas pas shes/ rmongs

  82. 41b

    bas mi shes pa'i dpe lo tog dang bung ba dang sbal pas bstan par bya ste/ dper na mtsho las skyes pa'i me tog gi nang na sbrang rtsi yod pa bya dang dang pa'i nya dang sbal pa la sogs pas rtsa na yod kyang mi shes/ de bzhin du dran pa'i bskyed rim dang/ rdzogs rims dang/ rtsa nA da thig le la sogs pa'i nyams myong la mngon par zhen pas dran pas ma gos pa'i dran med kyi nang skye ba med pa dang blo las 'das pa'i sbrang rtsi yod pa de/ dran rig la zhen pa des mi shes pas/ ji ltar me tog nang gnas sbrang rtsi ni/ dper na bud pa thag ring ba las 'ongs pas/ mtsho la ma thogs/ lo 'dab la ma thogs par sbrang rtsi 'thungs nas 'gro/ de bzhin du mkhas pa dran pa'i rnam rtog la ma zhen pas/ dran med skye med blo las 'das pa gsum shes pa'i phyir/ bung pa nyid kyis shes par gyur pa yin/ dran med skye med blo 'das kyi don shes na/ 'khor 'das gnyis tha mi dang de/ 'dod khams gnyis dang/ gzugs khams dang/ gzugs med pa'i khams gsum ni 'khor ba gsum yin la/ phung po lhag bcas dang lhag med dang/ mi gnas pa gsum ni mya ngan las 'das pa gsum yin te/ de gnyis ka blo las 'das pa'i dbyings la mi dmigs shing/ mi dmigs pa nyid kyi rom stong bar rang bzhin du gnas pas/ srid dang mya ngan 'das pa mi phyed ro/ /de lta bu'i don dran rig la mngon par zhen pa'i/ dran med la rmongs pas sku gsum gyi don mi shes pa'i phyir/ rmongs pa dag gis ji ltar yong su shes// //da ni 'gal ba'i dpe bstan pa spangs nas mi bden pa la chags pa'i dpe/ gzugs brnyan lta bu ston te/ dper na bu chung gis me long la bltas pas/ rang gi gzugs brnyan mthog nas de la 'dzin bu 'gro/ de bzhin du ma rtogs pa rnams dran rig gi mtshan bcas kyi bde ba la don du zhen nas gnas pa ni/ gzugs bzang yang mi zin pa dang 'dra bas/ ji ltar me long ngos kyi bzhin gyi gzugs/ /dper na ri bong rnams kyis gcan zan gyi rgyal po seng ge khron

  83. 42a

    pa'i khar khrid nas/ kho'i gzugs brnyan khron pa'i khar shar du bcug pas/ kho zhe sdang gis khros pas mchongs pa bzhin du/ ma rtogs pas dran pa'i gzugs brnyan lha dang lha mo'i ngal la chags pas/ de rang gis 'ching ba'i phyir/ rmongs pa mi shes pa yis bltas pa ltar/ /don dam pa'i bden pa snying po'i don blo'i yul las 'das pa/ 'khor 'das gnyis kyi 'dam gyis ma gos pa de/ dran pa la mngon par zhen pas spang pa'i phyir/ de ltar bden pa spangs pa'i sems de ni/ mtshan ma dang bcas pa'i bde ba dang/ las kyi phyag rgya'i bde ba dang/ chos kyi phyag rgya'i stong ba nyid kyi zhi gnas dang/ dam tshig gi phyag rgya lha'i dkyil 'khor la mngon par zhen pa rnams de la brten te/ de yo byad pa'i bsam gtan/ 'jig pa'i chos can mi bden pa yin te/ don ma rtogs pa rnams de la brten pas mi bden pa la mang du rten par byed/ da ni mi 'gal pa'i dpe sku gsum 'khor lo rtogs ma bsam gtan rgyan mi 'chad pa'i dpe bstan te/ de yang dper na me tog tsam pa ka la phar brgyab lta bu na yod kyang /dri la tshur ngos lta bur rdol nas 'ong/ dpe de bzhin du yang dag pa'i lta bsgom du med pa de dran pa dang rig pa'i phar brgyab na yod kyang/ rtog pa'i dus su dran pa dang rig pa'i mdun du yang khyab la/ dran rig rang la yang khyab pa'o/ /khyad pa'i don de la bsgom du yang med la brjod du yang med/ de'i phyir blta ru med pa ni yang dag lta ba'o/ /yang na dran pa dang rig pa ni me tog lta bu/ dri lta bu ni dran med de/ dran med la gzugs med pas/ dngos po dang mtshan ma'i la la thogs ? med par gar yang khyab pas/ me tog dri ni gzung du med na yang/ me tog dril gzugs med kyang/ mngon sum dang 'dra bar kun tu khyab/ dpe de bzhin du yid la ma byas pa gang yang khyab pa de/ bla mas mngon sum du brda dang thabs kyis bstan du btub ste/ dran pa dang dbang po'i mngon sum du bstan du btub/ dran mang? yid kyi mngon sum

  84. 42b

    du bstan du btug skye med rang rig pa'i mngon sum du bstan du btub/ blo las 'das pa rnal 'byor gyi mngon sum du bstan tu btub/ de na dran med skye med blo las 'das pa gsum po des dngos po mtshan ma'i chos thams cad la khyab pas/ mngon du kun tu / khyab par byed pa ltar/ de yang dran med sprul pa'i sku dang/ skye med longs spyod rdzogs pa'i sku dang/ blo las 'das pa chos kyi sku dang/ /de gsum tha mi dad pa ngo bo nyid kyi sku dang/ bzhi ni rang bzhin gyis rnam par dag pa/ dngos po dang mtshan ma med pa gzugs dang gzugs kyi rang bzhin med pa/ de la mtshan nyid bzhi dang ldan pa yin te/ sprul sku dran med ni kun la khyab pa/ longs sku skye med ni gzugs can ma yin pa/ chos sku blo 'das ni 'gro 'od med pa tha mi dad pa/ ngo bo nyid kyi sku ni dus thams cad yin pas/ de bzhin nyid kyang yin la/ de bzhin nyid de la ni gzugs dang gzugs kyi rang bzhin med pa'i phyir/ de bzhin gzugs med pa'i rang bzhin gyis/ mtshan ma las 'das pa'i de bzhin nyid de la ni/ 'khor ba'i dkyil 'khor dang/ mya ngan las 'das pa'i dkyil 'khor mdza' dag shar du rung ste/ gdul bya'i bsam pa ni phyi nang gi dkyil 'khor thams cad yid la ma byas pa'i dbyings las shar cing dbyings su nub la/ dbyings de la ni dri ma gnyis kyis ma gos la/ 'khor 'das gnyis kyis ma gos paS dkyil 'khor lo dag kyang shes par bya// // da ni 'gal ba'i dpe dran pa la dngos por zhen pas/ rnam par rtog pa sra zhing mkhregs par gyur pas chab rom lta bu bstan te/ dran pa 'gyur ba can 'dis dran med kyi dbyings dkrugs pas/ rnam par rtog pa cher 'gro/ dper na dgun gyi lhags pas chu la bkrugs pas phyag? ? du 'gro ste/ de bzhin du rtog med la rtog pa zhugs pas/ 'khor ba brtas su 'gro ba'i phyir/ rlung gi chu la zhugs shing dkrugs pa yis/ de yang chu la lhags pa ma zhugs na/ 'jam zhing zug rdu med pa la/ rkyen lhags pa zhugs pas khyag rum rngo ba bzhin

  85. 43a

    du 'gro ste/ de bzhin du dran med la dran pa'i rnam rtog ma zhugs na/ nyon mongs pa'i zug rdu med la/ mtshan ma'i rtog pa med bas 'jam la/ dran med las dran pa shar/ de dngos po ther zug tu bzung bas nyon mongs pa je che je che la/ rnam par rtog pa bshig pas mi shigs par 'gro bas 'jam pa'i chu yang rdo yi gzugs ltar 'gro/ de yang dran pa nyid dang po dran med las skyes/ bar du yang dran med du gnas/ tha ma yang dran med du thim par shes na/ dran pa ci skyes thams cad mtsho'i nang du khab babs pa lta bu yin pa/ ma rtogs pa rnams kyis dran pa dang rgyud pa rtag pa ther zug par bzung bas/ gangs kyi thog tu kha ba babs pa dang 'dra ste/ rnam par rtog pa rje che je cher 'gro pas/ ma rtogs pa'i gang zag gi dran pas dran med dkrugs pas 'khor ba'i rgyu 'ba' zhig sogs pas/ rtog pas dkrugs pas rmongs pa gzugs med las/ de yang rtsa nA da thig le gtum mo stong pa nyid kyi zhi gnas la sogs pa bsgoms pa yang don ma rtogs na rnam par rtogs pa mang du bsams pas/ rtog pa mi shigs par 'gro ba'i phyir/ shin tu sra zhing 'khregs pa nyid du 'gyur/ /da ni mi 'gal pa dran med skye med blo las 'das pa la skyon gyis ma gos pa'i dpe/ rin po che la 'dam gyis ma gos pa lta bu ston te/ dper na nam mkha' la sprin dang 'ja' tshon byung ste/ nam mkha' la gnod pa med/ me long la gzugs brnyan shar te me long la gnod pa med/ de bzhin du sems nyid dangs ma dran med las/ dran pa blo gur du byung ba de/ byung yang dran med las byung/ gnas kyang der gnas/ thim yang der thim pas/ thug phrad kyi rnal 'byor yin pas/ dran pa rjes med yin pa'i phyir/ dran pas byas pa'i dge ba dang mi dge ba dang/ phyi ma gnyis kyis yid la ma byas pa la phan gnod med pa de'i phyir/ sems gang dri ma med pa'i rang bzhin la/ khams gsum dang mya ngan las 'das pa gsum ni 'khor 'das gnyis la/ 'khor 'das gnyis su 'dzin pa rang rnam par rtog pa dran pa yin la/ dran pa de nyid dri ma gnyis kyi 'dam du chud de/ 'khor ba gsum ni nyon mongs pa'i

  86. 43b

    dri ma mya ngan las 'das pa gsum ni shes bya'i dri ma'o/ /de'i phyir yid lam byas pa'i dbyings dri ma med pa de la/ 'khor 'das gnyis su gdags rgyu yang med pas/ 'dam gang gis kyang ma gos pa'i phyir/ srid dang mya ngan 'das pa'i 'dam kyis mi gos so/ /dper na rin po che 'dam rdzab tu bcug kyang/ rin po che'i yon tan la 'dam gyis gos pa med/ de bzhin du dran med rtogs pa'i rnal 'byor de/ dran pa'i 'dam du bcug kyang/ dran pa'i skyon gyis cung zhig kyang gos pa med/ utpal 'dam nas skyes kyang/ nyes pas ma gos pa dang 'dra ba'i phyir/ 'dam du bcug na mchog gi rin po che/ dper na nor bu rin po che 'dam rdzab tu bcug pas/ rin po che'i 'od mi gsal/ yon tan la gsal mi gsal med de/ de bzhin du don med kyang dran pa'i 'dam rdzab tu bcug nas/ dran pa la zhen pas mi togs/ dran med rang la gnas gsal mi gsal gyi tha snyad med/ rtag mi rtag gi tha snyad med de/ rin po che'i 'dam rdzab bkrus nas rin po cher shes pa dang 'dra bar/ dran pa'i 'dam rdzab bla ma dam pa'i gdams ngag gis/ glo bur bar do bstan nas/ dran med kyi dbyings su bkrus nas sku gsum mthong la/ dran pa'i 'dam rdzab ma bkrus na mi mthong bas/ de'i 'od kyang gsal ba ma yin no/ /da ni 'gal pa'i dpe kun gzhi sa bon las/ 'khor 'das gnyis su smin pa'i dpe/ sa bon gang yin pa las myu gu 'byung ba ston te/ de yang lus kyis rnam par shes pa dbang po sgo lnga la thim/ dbang po yid kyi rnam par shes pa la thim/ yid nyon mongs pa la thim/ nyon mongs pa kun gzhi la thim nas/ byas pa'i stong pa stong sad de bsgom pa de ni gti mug yin te/ des don dam pa'i ye shes blo las 'das pa de mi gsal ba'i phyir/ gti mug gsal ba ye shes mi gsal te/ kha cig gis oM A(rgyud 'grel): hUM gcig la gcig thim nas/ thig le lta bu 'am thig le nyid kyang sgom par sgom pa de ye shes yin zer te/ de ni yid kyis bcos pa'i phyir gti mug yin la/ yang dbang gsum pa'i nyams myong la don gyi ye shes yin zer ba'am/ phra mo

  87. 44a

    dang sbom po dang bcos pa'i stong pa gang sgom yang/ kun gzhi rnam par shes pas khyab pas gti mug yin la/ des khams gsum las mi grol bas sdug bsngal sna tshogs su smin pas/ gti mug bsal bas sdug bsngal gsal ba yin dper na sa bon gyi rgyu rtsa ba 'am 'bras bu la sogs pa ma btab na mi skye la/ btab pas gang 'dod pa skye/ de bzhin du dang po rgyu ma rig pa de las kun gzhi rnam shes de la dran pa rang rig pa byung bas/ de ltar sa bon las ni myu gu 'byung /sa bon gyi rgyu de ma spyad na yal ga dang lo 'dab la sogs pa rgyas par 'gro/ de bzhin du kun gzhi rtsa ba mchod na/ 'khor ba'i bde sdug gi yal ga sna tshogs 'byung ba/ myu gu'i rgyu las yal ka 'byung ba'o/ /da ni 'gal ba dran med skye med blo 'das rtogs kyang/ snang ba dran pa la mngon par zhen pa'i dpe ni/ mthong yang dong du 'chod pa lta bu ni/ chos nyid rnam ma gnyug ma lhan cig skyes pa'i ye shes sems nyid kyi dangs ma de la gtan tshigs sam /rigs pa'i sgo nas gtan la dbab tu mi gtub ste/ de yang gcig dang du ma dang bral ba'i phyir yang rang bzhin med/ zhen pa la sogs pa brjod kyang /don dam par rang bzhin med pa de ma rtogs pa'i phyir/ gcig dang du mas sems la dpyad pa yis/ don dam pa'i sangs rgyas kyi dgongs pa bran pa med cing yid la byar med pa'i dang du/ dge ba thams cad 'dus pas dge 'dun dkon mcho dang/ skye ba med cing 'gag pa med pa'i dang las/ chos kyi sgo mo brgyad khri bzhi stong shar du rung bas chos dkon mchog blo las 'das shing gsam du med pa'i dang du/ rnam par rtog pa thams cad sangs shing de kho na nyid kyi don rgyas shing 'byung bas/ sangs rgyas dkon mchog dang gsum ni/ rang la gsal zhing nye ba yin pa la/ de ltar ma rtogs pas dran rig gi sgom pa la/ dkon mchog gsum nye bas ni 'khor ba gsum /las thar ba med pas /gsal

  88. 44b

    pa spangs nas srid ba dag tu 'gro/ de yang dran pa la gnyis gnyis te/ dge ba'i las ka byas na mtho ris gnas gsum thob la/ mi dge ba bcu spyad na ngan song gnas gsum du 'gro bas/ cha yod nyes kyang mi dge ba la spyod pa dang 'dra bar/ bla ma dam pas yid la ma byas pa'i bstan nas yid la byed pa'i chos la 'bad pa ni/ dper na me'i dong mthong ba bzhin du/ me dod du mchod ba dang 'dra bas/ mthong bzhin du ni dang du 'gro ba las/ de lta bu'i gang zag de las snying rje ba'i gnas med de/ snying rje byas nas chos la bcug kyang/ mi dge ba la 'bad du 'gro/ rkyen bral gsum gyi don bstan kyang/ rkyen gsum gyi steng du 'gro bas /de las snying rje ba ni ci zhig yod// //da ni rmongs pa las kyi phyag rgya la chags pa'i dpe ni/ skyes bu g.yem pas ka ma rU pa'i gtam 'dri ba lta bu ni/ spyi bo bde ba chen po'i 'khor lo ni/ yi ge ha? dkar po mgo zur du bstan pa zhig gnas /mgrin pa longs spyod kyi 'khor lo ni/ yi ge e ser po gyen la lta ba zhig gnas/ snying ga chos kyi 'khor lo ni yi ge hUM sngon po mgo thur la bstan pa zhig gnas/ lte ba sprul ba'i 'khor lo ni/ yi ge a dmar po mgo gyen la lta ba zhig gnas /de ltar na 'khor lo bzhi la/ spyi bo dang mgrin pa kha sbyor snying ga dang lte ba gnyis kha sbyor du byas te/ thig le dkar po ba thag tsam cig gis 'khor lo bzhi rim gyis gang nas/ de'i bde ba la bsgoms nas chags pa 'am/ las kyi phyag rgya'i shes rab ma dang kha sbyor du byas nas/ lus lha'i 'du shes sems chos kyi 'du shes /dag sngags kyi 'du shes byas te/ byang sems dbab pa dang/ gzung ba dang/ bzlog pa dang/ gnas su bskyab pa'i bde ba la chags pas/ kha sbyong bde la yongs su chags nas ni/ bde ba de ni don dam pa ma yin zhing zag pa dang bcas pa yin te/ ci'i phyir zhe na/ rgyu nyi tshe ba/ gnas nyi tshe ba/ dus nyi tshe ba yin te/ de yang rgyu mchil ma dang/ snabs la sogs pa la mi skye ba'i phyir/ gnas rdo rje pad+ma ma

  89. 45a

    yin pa/ gzhan nas mi skye ba'i phyir dang/ dus rdo rje dang pad+ma 'dzoms pa'i dus ma yin pa gzhan du mi skye bas/ byas pa'i chos can 'gyur ba can glo bur ba yin te/ de'i phyir don dam pa ma yin pa la/ don dam par rmongs pa rnams 'dzin pa'i phyir/ 'di nyid don dam yin zhes rmongs pa smra/ don dam pa zhes bya ba ni dus gsum du bral du med pa'i yid la mi byed pa'i dbyings te/ de'i ngang la dran pa'i sprul ba shar nas /dran pa'i 'khor lo bzhi sgom pa dang/ dran pa'i rdo rje pad+ma las 'du 'phro las mngon du zhen nas thar pa thob tu de ba ni/ dper na khyim na rang la yod? pa'i ka ca gzhag nas/ sgo na med pa tshol pa 'dra bas/ gang zhig khyim nas byung nas sgo drung du/ las kyi phyag rgya'i kha sbyor gyi bde ba la chags ba ni/ dper na skyes du shin tu g.yem pa cig gis /grogs mo ni ma rnyed/ sgor song grogs po kun la g.yim? pa'i gtam byas pas bde ba skyes nas/ de la 'dod chags kyi re? ba byed pa bzhin du/ mtshan bcas kyi bde bas dam pa'i bde ba ni ma rnyed par/ byas pa'i chos la mngon par 'bad pas/ khams gsum las mi thar te kA ma 'dod pa'i khams dang/ ru ba gzugs dang/ a ru ba gzugs med pa'i khams yin pa'i phyir/ kA ma ru pa'i gtam ni 'dri bar byed// //da ni rmongs pa rlung la chags pa'i dpe ni/ gdud bas rgyal bar byed pa lta bus bstan te/ de yang rlung gis rnal 'byor bas steng rlung bsdams/ 'og rlung gyen la then nas lus sbyang ba lta bu stong sang de bar 'bad pas bsgoms te /stong pa de'i khyim du bde ba bsgoms pas /rlung gi rgyu la stong pa'i khyim du ni /bde ba'i bsgom lugs ni rtsa la la nA da dang/ ra sa nA'i rlung gnyis bsdams nas/ dbus kyi a ba d+hu ting rlung phra mo kha btsam pa dmar po cig bcug nas/ des spyi bo nas byang chub sems dkar po phab

  90. 45b

    nas/ nyams myong gi bde ba skye ba ni/ thabs rnam pa mang po'i sgo nas bcos ma yin pa/ bcos ma ni 'dus byas yin pas mi grol te de'i phyir/ rnam pa du yi? tshul gyis bcos ma bas/ yang na lus nam mkha' ltar stong bar bsgoms nas/ sems thig le dkar po byang chub sems kyi rang bzhin bsgoms nas/ zag pa dang bcas pa'i bde ba skyes pa'i de la don dam par 'dzin pa ni sgom pa nyes pa yin pa'i phyir/ nam mkha' las bab nyes pa dang bcas pa'i/ zag pa dang bcas pa'i bde ba la gdung ba bskyed nas re ba byas te/ 'bad nas bsgoms pas 'khor ba las /rgyal bar gyur par 'dod pa rnal 'byor pa ni bcos ma yin pa'i phyir/ gdung pas rgyal bar gyur pa'i rnal 'byor pa'o/ /da ni 'dres pa'i dpe 'gal ba re ba dang bcas ba'i dpe bram ze'i sbyin sreg dang mi 'gal ba don gyi sbyin sreg bstan te/ dper na bram ze sbyin sreg byed pa'i rdzas? ni/ mang dang 'bras dang til sreg pa'o/ /mi 'gal ba'i spyin sreg ni/ skye ba med pa'i thab lung du dran pa'i til dang/ stong pa'i mar dang snang ba'i 'bras la sogs pa sreg pa'i phyir/ ji ltar bram ze mar dang 'bras kyis su/ /de yang bram zes dkyil 'khor gyi dbus su shing bcer nas me sbar te/ rdzas gong ma bsregs nas sdig pa bsregs par 'dod pa ni/ phyi'i sbyin sreg yin la lte bar gtum mo'i rang bzhin sbar nas/ rnam par rtog pa sreg par 'dod pa ni nang gi sbyin sreg go /snying gar lhu'i dkyil 'khor bsgoms nas/ kha hom khung du byas lag pa gnyis dgang gzar blugs gzar du byas te/ kha zas sreg rdzas su byas nas/ snying gar yi dam gyi lha mnyes par sems pa ni gsang ba'i sbyin sreg go/ blo las 'das pa'i thab khung du blos byas pa sna tshogs sreg rdzas su dbul ba ni/ de kho na nyid kyi sbyin sreg yin pa'i phyir ro/ /'bar ba'i me la sbyin sreg byed pa ni/ /de yang bram ze'i bsam pa ni bdag ny+d kyang nam mkha' stong bar bsgom/ rdzas rnams kyang stong par bsgoms nas/

  91. 46a

    sbyin sreg byas bas/ nam mkha' lta bu'i stong pa nyid kyi lha de/ sreg rdzas kyi bcud kyis mnyes nas grol ba thob zer/ don gyi dbang du byas na/ nam mkha' ni stong pa yin la rdzas kyi bcud ni snang ba yin te/ gnyis ka bsam du med pa'i dbyings su skyed cin thim par byed pas/ nam mkha' i bcud kyi rdzas ni skyed bar byed pa ste/ bcos ma'i sbyin sreg dang/ byas pa'i stong pa nyid kyis ni 'khor ba nyid du zhen par byed pa yin la/ don gyi sbyin sreg rtogs na/ chos nyid kyi dbyings dang bral du med par zhen pas/ 'di nyid du zhen par shes pa yin// // da ni bcos ma'i rnal 'byor bzhad gang tu bstan te/ de la spyi bor he ru ka yab yum sbyor ba byas pa las/ lte ba nas gtum mo sbar nas byang chub sems phab ste/ tshangs pa'i bug na mar zhugs pa las/ bde ba skyes pa la don dam pa yin zer ba ni bcos ma yin pa'i phyir/ kha cig tshangs pa'i gnas su 'od spar nas/ de'i dus su rang gi lce rkan la brud pas g.ya' ba 'am za ba'i bde ba cig 'byung ste/ de yang don dam pa'i yin zer bas/ lce ni kun tu ru'i lce cung bskyod /de lta bu'i bde ba de ni zag pa dang bcas pa'i bde ba bcos ma yin pas 'khor ba gsum du 'ching pas/ don ma yin pa la don du bzung pas/ don gyi sems skrag bar byed pas/ 'chi bar byed shin tu dkrug byed de/ dbang gi rten 'brel las byung ba'i bde ba nyams su myong ba de la/ nga rgyal dbang gis don dam pa yin zer te/ de ni bcos ma'i rnal 'byor ba yin pas /nga rgyal dbang gis rnal 'byor ba zhes zer// //da ni 'gal ba nyams myong gzhan la ston pa/ mching bu dang mrgad kyi dpes bsten par bya ste/ dran pa rig pas bsgoms pa'i thig le dang/ gtum mo dang lha dang lha mo'i dal la sogs pa'i nyams su myong ba'i bde ba de la/ rang gis don dam par byas nas/ rang gi nyams myong de rigs pa dang sbyar nas/ gzhan la yang ston pas/ rang rig de nyid rig pa gzhan la ltos/ dran pa'i bsam bsgom la sogs pa la ji tsam cig byang 'bad nas grol zer te /de ni rang gis

  92. 46b

    rang bcings pa yin te/ dper na dar gyi srin bu rang gi kha chus bcings pa bzhin no/ /des ni 'ching pa'i rgyal grol ba'i rgyu 'dod pa ni/ mi mkhas pa'i gang zag yin te dper na mi khong nad can la bu ram dang bca' lga btang bas phan/ phyis mi ? khyer ba la yang bu ram dang bcas pa'i bca' lga thod dang phan gyis zer ba lta bu'o/ /de'i phyir gang gis bcings pa de nyid grol zhes zer/ dper na rin po che mrgad tshol ba la/ nor bu 'ching bu btsal nas 'dra bar mthong ste/ de ni kha dog dang dbyibs 'dra yang yon tan mi 'dra ba'o// de bzhin du sems nyid kyi dangs ma dran med skye med blo 'das gsum ni /rin po cha mrgad lta bu dang sems las gyur pa'i dran pa dang rig pa 'ching bu lta bu gnyis te/ 'dra 'dra 'dra ste yon tan mi 'dra ba'i phyir/ kha dog dbyebs 'tshang? bu mrgad zer/ /rmongs pas rin po che ngo ma shes pas/ 'ching bul rin po che byas bas /rin ma khugs pa dang 'dra bar/ mgo ba rnams kyis sems nyid dangs ma yid la byar ma btub pa rnam par mi rtog pa'i dbyings dang/ sems las byung ba'i dran rig rtog pa'i rgyu gnyis ngo ma shes pas/ rmongs pas rin chen brtag pa ma shes pas /da ni nyams myong la don dam du 'dzin pa'i dper gan lta bu ston te/ dper na nor ngo ma shes pas ra gan la gser du byed/ gser la ra gan du mthong ba bzhin du chos nyid ma bcos pa blos ma reg pa de la don ma rtogs bas/ don du mi 'dzin drang ba'i rnam rtog gi chos spros pa dang byas ba'i chos la don dam par 'dzin pas/ de ni ra gan gser gyi blo yis len/ /de yang dran pa'i chos snad stong dang/ rig stong dang/ rtsa rlung dang/ thig le gnyis shor gnyis mnyam gyi/ nyams su myong ba'i bde ba la don dam pa zer zhing de la rtsol sgrub drag tu byed pas/ nyams myong khyer nas don dam sgrub par byed/ nyams myong bag chags dad bcas pa de ni/ 'jig pa'i chos can yin te/ dper na rmi lam gyi dus su skyes pa la chags pa'i bdu shes

  93. 47a

    kyi pha dang ma dang legs pa dang nyes bslob ste/ gnyid sad pa'i dus su gang yang mi bden/ de bzhin du las kyi phyag rgya'i bde ba dang/ rtsa dang gtum mo la sogs pa'i bde ba la chags kyang/ bcos ma yin pas 'jig pa'i phyir/ rmi lam bde la rjes su chags par byed/ yid la byas pa'i chos thams cad rmi lam dang 'dra bar ni ma rtogs pas/ dran rigs gso bde bzag pa dang bcas pa la mngon par zhen nas/ phung po zhig pa'i dus su sems bde ba dang 'grogs zer te/ de ni phung po mi rtag pa la brten pa rtag pa mi srid de/ chos can dbang che ba'i phyir/ phung po mi rtag bde brtag ces zer/ //da ni 'dres pa'i dpe 'gal ba'i dpe/ e baM? la chags pa me long gi gzugs brnyan lta bu dang/ mi 'gal ba don gyi e baM don gyi phyag rgya bzhis bstan par bya ste/ de yang shes rab ma'i mkha' chos kyi 'byung gnas /e gru gsum du yod pa de la/ thabs kyi rdo rje baM gi tshul du gnas te sbyor ba byas pas/ bde ba dang stong ba'i ngos zin te/ de yang bde ba'i gnas su mi snang ba la/ de'i mtshan nyid yid la ma byas pa'i stong pas rgyas btab ste / snang stong dbyer med pa ni zung 'jug rab tu mi gnas pa ste/ de ltar go ba ni lta ba'o/ /de la bde ba la stong bas rgyas btab par go ba ni bsgom pa'o/ /de'i dus su snang ba thams cad rig par grol/ rig pa la stong pas rgyas btab par go bar byed pa ni spyod pa'o/ /de ltar bsgoms pas sku gsum gyi rang bzhin thob par byed pa ni 'bras bu ste/ de ni 'gal ba dpe'i e baM mo/ /mi 'gal ba don gyi e baM ni/ e rkyen rnam pa gsum dang bral ba'i dbyingS rang bzhin gyis rnam par dag pa de la/ baM? rkyen gyis snang ba gsum glo bur du shar ba'o/ /yang na e dran pa med pa'i dbyings las/ baM dran pa sprul pa tsam du shar te/ brjod bya yi ge'i tshogs mang po byung yang/ dran dang ma dren pa gnyis kyi rang bzhin pa? skyes

  94. 47b

    pa tsam na/ de bzhin nyid kyi don skye med go ba yin te/ e baM yi ges rang nyid go bar byed/ ma rtogs pa'i gang zag gis dbang gsum pa'i nyams su myong ba la/ kha phyi bltas skad cig bzhi ngos bzung/ kha nang du bltas pas dga' ba bzhi ngos gzung ste/ de'i dus su dga' ba dang po ni las kyi phyag rgya mchog dga' i nyams myong skyes pa ni chos kyi phyag rgya/ lhan cig skyes pa'i dga' ba'i dus su/ phyag rgya chen por 'dod pa ni dpe'o/ /don gyi dbang du byas na/ dran pa'i thabs dang/ ma dran pa'i shes rab ma gnyis/ bla ma dam pas brdas bstan pa'i dus su sbyor ba byas pa las/ don gyi skad cig ma bzhi dang/ don gyi dga' ba bzhi dang/ don gyi phyag rgya bzhi skyes pa ste/ gang yang rung bcig dran pa'i dus su/ skad cig ma gcig la rnam pa sna tshogs kyi sprul ba byung bas/ rnam pa sna tshogs kyi skad cig ma dang de la dga' dang mi dga' ba gnyis skyes pas dga' ba dang po'o/ /dran pa de snang ba sna tshogs las mi 'da' bas las kyi phyag rgya'o/ /dran pa de glo bur bar rtogs pas /skyes gnas sa thims gsum dran med kyi dbyings yin par shes pa ni/ dran pa dran med du smin pa'i skad cig ma'o/ /dran med yid la ma byas pa'i gong na gzhan med bas mchog dga' o/ /yid la ma byas pa'i dbyings las chos kyi phung po brgyad khri khri bzhi stong 'byung du rung bas chos kyi phyag rgya'o/ dran ma dran gnyis ka skye med kyi dbyings la thim nas de gnyis kyi mtshan nyid med pa ni/ mtshan nyid bral ba'i skad cig ma'o/ /dran ma dran gnyis skye med kyi dang du lhan cig skyes pas/ lhan cig skyes pa'i dga' ba'o/ /skye med kyi ngo bo dran ma dran gnyis mi skye ba las mi 'da' bas dam tshig gi phyag rgya'o/ /dran pa dran med skye med dang gsum ka blo 'das kyi dbyings su med pas rnam par med pa'i skad cig ma/ de nyid la rlom sems dang bral bas dga' bral gyi dga' ba'o/ /blo las 'das pa'i dbyings kyis thams cad

  95. 48a

    la khyab pas/ phyag rgya chen po yin pa'i phyir/ skad cig dbye bas phyag rgya bzhi bkod cing/ brgyud pa dang mi ldan pa'i gang zag gis/ las kyi phyag rgya'i bde ba 'am/ rtsa rlung gis bde ba nyams su myong la/ don gyi lhan cig skyes pa yin zer te/ nyams myong ni dran pa yin la/ dran pa ni sprul pa yin te sprul pa nyid 'jig pa'o/ /de'i phyir nyams myong gi lhan cig skyes pa ni/ don dam pa ma yin no/ de'i phyir/ nyams su myong ba lhan cig skyes pa zer/ don dam ni bla mas brda dang thabs du mas bstan du yod la/ ngos gzung dang bral ba'i dbyings rkyen gsum dang bral ba dri ma med pa me long lta bu yin la/ nyams su myong ba ni rkyen gyis snang ba dri ma dang bcas pa/ mi long gi gzugs brnyan lta bu yin te/ dper na khron pa'i nang du zla ba'i gzugs brnyan shar ba la spre'u yis khar sdir du mthong nas blangs pas ma lon pa bzhin du/ dran pa'i gzugs brnyan dran med kyi dad du shar ba la/ 'bad rtsol byas kyang don med pas/ gzugs brnyan zhen pas me long lnga ba bzhin/ /nga ni 'gal ba'i dang kun rdzob kyi bden pa la don dam pa'i sgrub pa'i dpe/ smig rgyu'i chu lta bus bstan pa ni/ dper na dbyid kyi smig rgyu la/ ri dags skom gyis gdungs pa'i sems can rnams/ chu yin snyam nas bsnyegs pas mi slebs /de bzhin du chos nyid snying po'i don/ rkyen gyis ma bslad pa ngo ma shes pas/ rkyen gyis snang ba'i dran pa la mngon par zhen nas/ bcos ma'i bde ba la sangs rgyas kyi dgongs pa yin snyam nas zhen cing chags nas/ ji ltar ma rtogs smig rgyu'i chu la ni/ ri dags la sogs pa chu ma yin pa la yin snyam par 'khrul/ de bzhin du dran pa'i bde ba ni don dam pa ma yin pa la don dam par gzung bas 'khrul te/ ma rtogs pa rnams dran pas 'brul ba'i dbang du gyur pas /'khrul pa'i dbang gis

  96. 48b

    ri dags rgyug par byed/ dran rig gi bde ba la mngon par zhen pa rnams ni don dam pa la rmongs pa yin la/ don dam pa blo'i yul las 'das pa ni/ dran rig gi gdung ba byas kyang thob par mi 'gyur bar/ 'khor ba gsum du 'ching bar 'gyur bas/ rmongs bas skom la mi ngoms 'ching bar 'gyur/ zag pa dang bcas pa'i bde ba la don dam pa zer zhing/ 'bad pa byas kyang yal te 'gro ba'i phyir/ don dam zer zhing gang zhig bde ba len /de yan chod kyis log par rtogs pa sun dbyung ba bstan nas/ /da ni rang gzhung sgrub par byed pa dam bca' i sgo nas bstan te/ de yang dang po lta ba 'gyur ba med ba'i sgo nas/ dran ma dran skye med blo las 'das pa bzhi ston pa ni bden pa gnyis te/ de la kun rdzob kyi bden pa dang/ don dam pa'i bden pa gnyis te/ kun rdzob kyi bden pa la yang gnyis te/ log pa'i kun rdzob dang yang dag pa'i kun rdzob gnyis so/ /log pa'i kun rdzob la yang 'khrul pa dang ma 'khrul pa'i shes pa'o/ /'khrul pa ni 'di ltar snang ba thams cad do/ /'khrul par 'dzin pa'i shes pa ni dran pa dang rig pa ste/ de gnyis sangs rgyas kyi dgongs pa/ ma 'khrul ba las log cing 'jig ba'i chos can yin pa'i phyir/ /log pa'i kun rdzob bo/ /yang dag pa'i kun rdzob ni dran pa rig pa des/ brda dang thabs kyis bstan nas/ ngos bstan du yod la ngos gzung rgyu dang bral ba'o/ /dran pa med pa'i dbyings sprul pa sku'i ngo bo/ de yin te/ de la ci'i phyir yang dag pa'i kun rdzob ces bya zhe na /sku'i ngos nas ni yang dag pa yin la/ sprul pa'i sgo nas ni kun rdzob po/ /yang ngos gzung bral bas ni yang dag pa yin la/ ngos bstan du yod pas kun rdzob yin pa'i phyir/ kun rdzob bden pa dran pa med pa ste/ don dam pa'i bden pa ni dran pa'i sems dang/ dran pa med pa'i sems gnyis ka skye ba med pa'i dbyings su med par gyur tsam na /'gyur ba med cing rnam par rtog pa med pa/ skye ba med cing 'gag pa med pa/ dpa' bar 'gro ba'i ting nge 'dzin/ longs

  97. 49a

    spyod rdzogs pa'i sku'i ngo bo yin pas sems gang sems ni med par gyur ba'o/ /dran med sprul ba'i sku dang/ skye med longs spyod rdzogs pa'i sku gnyis ka/ blo las 'das pa chos kyi sku'i dang du thim par gyur tsam na/ chos nyid rkyen gyis ma bslad pa de'i gong na gzhan med pas/ de ni yongs su gyur pa mchog gi mchog de ltar sku gsum po yang rkyen gyis tha dad du snang yang ngo bo tha dad med de/ dper na bum pa nang gi nam mkha' dang/ snyim pa'i nam mkha' dang nam mkha' rang dang gsum rkyen gyis tha dad kyang/ bum pa dang snyim pa'i rkyen zhig tsam na/ nam mkha' de gsum tha dad med do/ /de bzhin du snang ba'i rkyen gyis sprul sku dang/ stong pa'i rkyen gyis longs sku dang skye ba med pa'i rkyen gyis chos sku dang gsum las/ rkyen gsum gyis ma slad pa'i dus su tha dad cing so so ma yin tha mi dad do/ /tha dad med pa'i dbyings de la 'dam gang gis kyang ma gos te/ de ltar rtogs tsam na 'dam gyis ma gos pa'i bde ba chen po'i sku yin te/ de las 'phro dang ldan pa'i grogs ? bsten pas/ mchog gi dam pa grogs dag shes par gyis// //da ni dran med ting nge 'dzin du// rtogs nas /'dam gyis ma gos pa'i dpe'i sgo nas sgom pa zhen pa med pa ston te/ de yang dran pa'i sems de ni gla bur ba rkyen las skyes pa/ chu nang gi ? ma lta bu 'am/ med bzhin du snang pas rmi lam lta bu snang /yang rang bzhin med pas sgyu ma lta bu'i ting nge 'dzin yin te/ de gang las sprul na dran pa med pa'i dbyings las sprul pa yin te/ sprul yang dran med las sprul la /thim yang dran med du thim nas/ dran pa sna tshogs rtsed mo tsam du shes shing/ dran pa'i chos rnams dran med kyis zil gyis gon na/ bas/ dran med seng ge rnam par rtse ba'i ting nge 'dzin dang/ dran ma dran gnyis ka skye med kyi dbyings su 'byor tsam na/ dran pa 'khor ba'i chos dang /dran med mya ngan las 'das pa'i chos gnyis ka bcom nas /skye med dpa' bo dang 'dra bas/ skye med dpa' bar 'gro ba'i ting

  98. 49b

    nge 'dzin dang/ dran ma dran skye med gsum ga'i tha snyad kyang ma grub par blo las 'das pa'i dbyings su thim nas /blo dang rig par gzhig par mi nus pa ni /blo las 'das pa rdo rje lta bu'i ting nge 'dzin te/ de ltar na ting nge 'dzin bzhi rtogs pas dran pa dran med du 'byor/ dran med skye med du 'byor/ skye med blo 'das su 'byor te /sems ni dran med ting nge 'dzin du 'byor/ de ltar yid la byas pa'i chos thams cad/ yid la ma byas pa'i dbyings su 'byor par shes tsam na /nyon mongs pa'i dri ma 'dod chags zhe sdang la sogs pa thams cad kyang/ yid lam byas pa'i dbyings su dag nas/ ngan song rnam pa gsum gyi rgyu zad de/ sdug bsngal dang bral pa'o/ /shes bya'i dri ma lha dang lha mo'i dkyil 'khor ram/ rtsa rlung gi bde ba 'am/ stong nyid kyi zhi gnas la mdon par zhen pa/ thams cad kyang yid la ma byas pa'i dbyings su dag nas /mtho ris lha dang lha mi'i rgyu yang zad nas /'gro ba ris drug gi gnas su skye ba mi len cing /mchog gi mya ngan las 'das pa thob pa'i phyir/ nyon mongs yongs su dag pas de nyid do/ /de ltar yid la ma byas ba'i dbyings la dri ma gnyis skyes kyang/ chu dang chu bur ram/ brag gam brag cha 'am/ nam mkha' dang sprin pa lta bur shes nas/ dbyings la shar cing dbyings su nub par rtogs te/ de tsam na nyon mongs pa la gnas kyang/ nyon mongs pas ma gos te/ dper na utpal 'dam nas skyes kyang 'dam gyi skyon gyis ma gos pa'i phyir/ ji ltar 'dam skyes 'dam gyis mi tshugs bzhin/ /dpe de bzhin du yid la ma byas pa'i dbyings rtogs tsam na/ 'khor ba rnam pa gsum gyi nyes pa dang /mya ngan las ? rgyal ba'i chos gang gis kyang/ dbyings rnam par dag pa la gos pa med de/ yid la ma byas pa la 'khor 'das gnyis ka ma grub pa'i phyir/ srid 'byung nyes pa rgyal chos mi gos so// //da ni dran pa sgyu mar shes pas mi g.yo

  99. 50a

    ba bsam gyis mi khyab pa'i sgo nas/ spyod pa nges pa med pa bstan pa ni/ de yang 'khor ba'i chos dang/ mya ngan las 'das pa'i chos dang/ dran pa'i chos dang/ dran pa med pa'i chos dang/ 'dus byas kyi chos dang/ 'dus ma byas kyi chos thams cad ni /sgyu ma tsam du grags par zad kyi/ don dam par gang yang ma grub pas/ gang yang mi len mi 'dor ba'i tshul gyis gnas par bya ste/ snang grags kyi chos thams cad ni yid la byas pa yin la/ yid la byas pa ni dran pa ste/ dran pa de nyid kho na sprul pa sna tshogs te /sprul pa la ci yang 'byung ba'i phyir nges pa med par blta bar bya'o/ /de'i phyir de yang thams cad sgyu mar nges par blta bya ste/ sprul pa nges med du shar ba'i gzhi ni/ yid la ma byas pa'i dbyings yin te/ yid la ma byas pa ni/ rkyen gsum gyis ma bslad pa'o/ /rkyen gsum dang bral ba ni sku gsum ste/ rkyen gsum po de ni 'jig rten las 'das pa/ dran pa rig pa las 'das pa /'dam gang gis kyang ma gos pa/ de bla ma dam pas brda dang thabs khyad par can la brtan nas/ skad cig ma gcig la rtogs su btub la/ rtogs pa'i don des 'khor 'das kyi chos thams cad mi len mi 'dor bar btang snyoms su byed pas / 'jig rten 'das pa skad cig len dang btang snyoms byed/ bla mas bstan pa'i sku gsum de ni/ 'gyur ba med cing rnam par rtog pa med pa yin te/ de ni tshig dang tha snyad kyis brjod du yang med la/ blo dang rig pas mi shigs shing/ 'dod chags dang zhe sdang dang gti mug la sogs pa nyon mongs pas 'ching ba med cing/ blos byas pa'i chos kyis g.yo 'gul med pa'i phyir/ brten po'i blo can de ni gti mug 'ching bar 'gyur/ /sku gsum po de ni logs nas btsal ba ma yin zhing/ rgyu las bskyed pa ma yin te /bsam bsgom tha snyad dang bral ba'i/ rang 'byung gi ye shes bsam gyis mi khyab pa de rang bzhin du/ rang la

  100. 50b

    gnas shing lhun gyis grub par bla ma dam pas/ brda dang thabs du ma'i sgo nas bstan pa'i phyir/ rang 'byung bsam gyis mi khyab rang bzhin grub pa yin// //da ni dran pa yid la byas pa don dam pa ma yin pa'i sgo nas/ kun rdzob yin par bstan te/ kun rdzob thams cad kyang skye ba med pa'i rang bzhin du gnas par bstan pa ni /dran pa rig rig po nyams su myong pa 'di dang po nas yod pa ma yin te/ rkyen gyis glo bur du snang zhing /glo bur du rkyen gyis 'jig pa'o/ /chos nyid rkyen gyis ma bskyed pa ni/ skye ma myong 'gag ma myong/ rig ma myong ba'i rang bzhin la/ snang ba 'di shar yang dper na me long gi gzugs brnyan tsam du snang ste/ me long la gzugs brnyan shar ro ba'i rtog pa med pa'i phyir ro/ /me long lta bu ni skye med kyi dbyings yin la/ gzugs brnyan du snang ba ni sprul pa tsam ste/ sprul pa nyid rkyen snang glo bur ba yin te/ skye med dbyings la sprul pa dang/ glo bur ba tsam du yang ma grub cing ma skyes pa'i phyir ro/ /snang ba 'di gsal ba dang po nyid nas ma skyes te/ skye med kyi dbyings nyid brjod du ma btub pas /blo las 'das te blo las 'das pa nyid phyag rgya chen po'o/ /de la mtshan nyid bzhi dang ldan te kun la khyab pa/ gzugs can ma yin pa 'gro 'od med pa/ dus thams cad pa ste/ kun la khyab pa kun gyi dngos bzhi pa yin te/ 'khor ba dang mya ngan las 'das pa dang/ rgyu dang 'bras bu dang snang ba dang stong pa la sogs pa thams cad la khyab pa'o/ /gzugs can ma yin pa ni /rten cing 'brel pa 'am/ rkyen gyis bskyed nas phung po dang khams la sogs pa'i/ chos thams cad snang yang ngos gzung dang bral ba ste /rang bzhin gyis ma skyes pa'o/ /'gro 'od med pa ni/ skye 'gag med pas/ chos nyid la thams cad kyis khyab pa ste /res 'ga' ba ma yin zhing thams cad de kho na nyid kyi rang bzhin nyid do/ /dus thams cad pa

  101. 51a

    ni mahA mu dra de ri bong gi rwa 'am/ mo gsham gyi bu ltar chad pa 'am med pa ma yin te/ stong pa nyid dang snying rje dbyer med par/ mahA mu dra de dus thams cad du gnas pa'o/ /de'i phyir gzugs can ma yin gzugs kyi rang bzhin rnam par spangs/ mahA mu dra de dus rgyun du sa ma ti bzhi'i tshul du gnas nas /bsgom du ni med la yengs su med par/ rgyun mi 'chad par bsam gtan byed pas/ de nyid rgyun tu gnas shing bsam gtan gcig po byed/ bsgom du yod cing yid la byas pa'i bsam gtan ni dri ma dang bcas pa yin la/ don dam pa'i sems ma yin te/ bsgom du med cing yid la byar med pa ni dri ma med pa'i bsam gtan yin te/ de nyid don dam pa'i sems yin pa'i phyir/ yid la mi byed dri med bsam gtan sems ma yin/ da ni sems dang sems las byung ba dang/ nyon mongs pa rnams rtogs pa'i rnal 'byor pa la/ tha mi dang pa'i sgo nas thams cad mahA mu dra'i bdag nyid du bstan pa ni/ blo'i chos yid la byas pa rnams kyang log pa ma yin te/ blo dang sems ni dran pa med pa'i dbyings las blo bur du shar nas/ rkyen gyi stobs kyis dkar ba dang dmar ba la sogs par snang yang/ dran med kyi dbyings su thim pa'i phyir/ blo dang sems dang sems kyi snang ba de bdag nyid / lo ka'i khams dang lo ka las 'das pa'i mya ngan las 'dus pa gsum yang/ don rtogs na sku rnam pa gsum las dbyer mi phyed/ sku gsum gyi rang bzhin yang ngo bo nyid kyi skur dbyer mi phyed/ ngo bo nyid kyi sku la ni bsam brjod dang smra brjod bsgom pa las 'das te/ de nyid kyis snang pa dang stong ba dang/ zag bcas dang zag med thams cad la khyab cing mahA mu dra de'i rang bzhin du gnas pas/ 'jig rten gang gang gzhan du snang ba de bdag nyid/ snang ba dang stong pa la lta ba byed pa'i sna tshogs 'khor ba'i chos dang/ mya ngan las 'das pa'i chos ma lus pa mthong ba ni yul/ mthong bya'i yul can la

  102. 51b

    sogs pa thams cad la chos nyid skye ba med pa'i bdag nyid kyis khyab pas/ sna tshogs ma lus mthong ba mthong bya de bdag nyid/ bu lta bu'i snying du sdug pa la sogs pa'i 'dod chags/ dgra lta bu'i snying du ma sdug pa la sogs pa'i zhe sdang/ de gnyis dang bral ba gti mug ste/ de gsum ga chos nyid skye ba med pa'i dang du ma chud pa med cing/ sems nyid nam mkha' lta bu yang mahA mu dra'i bdag nyid yin pas chags sdang gti mug byang chub sems kyang bdag nyid do/ /da ni kun gzhi rnam par shes pa dran pa sgren mar khyer ba bstan pa ste/ de yang dran pas snang bar bsgoms pa'i yid la byas pa'i stong pa de ni gti mug yin la/ des sangs rgyas kyi dgongs pa yin la ma byas pa /blo dang rig pa mi rgyu ba de mi mthong bas /mun pa dang 'dra ba/ /'o na ji ltar bya zhe na /dran pa ni sgron ma tsam du shes par bya ste/ bla ma'i brda dang thabs du ma dran pa la brten nas sku gsum bstan du btub pa'o/ /dper na mun nag tu 'dod pa'i ka cha tshol ba la /mar me'i 'od la brten nas ka cha btsal du btub pa bzhin no/ /yang na rang gi snying kha'i pad+ma kha phye nas/ thig le shin tu phra ba ? bsgoms nas/ de rtog pa med par bsgoms pas/ sangs rgyas kyi dgongs pa yin zer te/ de ni me long gi gzugs brnyan tsam du shes par bya/ de'i pha rol na dran med la mnyam pa nyid du shes par bya/ de gnyis ka ma skyes mi 'gag pa'i phyir/ so sor rtogs pa dang/ bya btsal thams cad dang bral ba bya ba nan tan kyi ye shes dang/ rig pa 'am rtog dpyod dang bral ba chos kyi dbyings kyi ye shes su rtogs par byed pa ni/ sgron ma tsam yin pa'i phyir /gti mug mun pa sgron med spar/ /dran pa sgron mar ma shes pas/ /rang rgyud du bzung nas 'di ni 'khor ba'o/ /'di ni mya ngan las 'das pa'o la sogs pa'i bzang rtog dang ngan rtog du byed pas ni/ 'khor ba gsum du 'ching la/ 'khor ba las blo'i dbye ba bsam gyis mi khyab pas ji srid blo yi dbye bas phye/

  103. 52a

    rtogs pa'i rnal 'byor pa la 'di ni bsgom pa'o/ /'di ni mi bsgom pa la sogs pa'i blo'i dbye ba bsam gyis mi khyab par skyes kyang/ bla ma dam pa'i gdams ngag gis/ sprul pa tsam du shes nas sprul pa nyid glo bur pa yin la/ blo bur ba dbyings su dus rtag tu yal bar shes na /dri ma gnyis kyis kyang ma gos pas/ de srid sems kyi dri ma spangs/ sprul pa yal ba'i dbyings de ni/ dran pa rig pa ma slebs shing 'khor 'das kyi 'dam gyis ma gos pa/ thos bsam bsgrom? gsum las 'das pa/ de la blo dang rig pas zhen du med pa'i phyir/ ma zhen rang bzhin gang gis bsam// //da ni rtogs na dgag bsgrub med par bstan pa ni/ dran pa rkyen las skyes pa 'di dgag mi dgos te/ nam mkha' i sbrin bzhin yal te 'gro ba'o/ /dran med bsgrub mi dgos te/ rang bzhin gyis 'char ba'o/ /de'i phyir sems can ma bkag la/ bud+d+ha ma bsgrubs pas/ dgag pa med cing bsgrubs pa med/ dran dang mi dran pa gnyis ka skye med du dag tsam na/ skye ba med pa nyid ngos gzung dang bral ba'o/ /sems can sdang bar bya ba 'am / mya ngan las 'das pa blang bar bya ba'i bsam pa med pa'o/ /bsam brjod las 'das pa de nyid bsam gyis mi khyab pa'i dbyings/ bde ba chen po 'dam gang gis kyang ma gos pa yin pas/ 'dzin pa med de bsam mi khyab/ /de ltar ma rtogs pa'i rmongs pa rnams kyis/ 'di ni 'khor ba 'di ni mya ngan las 'das pa'o/ /'di ni mnyam par bzhag pa'o zhes pa la sogs pa gnyis 'dzin gyi shes pa mang po la chags pas ni/ 'khor ba rnam pa gsum du 'ching bas/ blo yi dbye bas rmongs rnams bcings/ /don rtogs pa yi rnal 'byor gyis na/ 'khor ba dang mya ngan las 'das pa dbyer med du rtogs/ 'dus byas dang 'dus ma byas kyi chos dbyer med du rtogs/ zhi gnas dang lhag mthong gi shes pa la

  104. 52b

    sogs pa'i gnyis 'dzin gyi shes pa thams cad snang ba'i lhan cig skyes par dag tsam na/ rgyu dag pa zhes bya/ rgyu thams cad stong pa'i lhan cig skyes par dag tsam na/ lam dag pa zhes bya/ rgyu lam gnyis ka ma skyes pa'i dbyings su dag tsam na 'bras bu dag pa zhes bya/ rgyu lam 'bras bu gsum ka blos ma reg par rtogs tsam na/ thams cad dbyer med du dag pas/ dbyer med lhan cig skyes rnam dag// //da ni rtogs pas bsgom du med pa sems grol par bstan pa ni/ dbu ma dad tshad ma'i gcig dang du bral la sogs pa'i gtan tshigs kyis stong par brtags pa'i/ chos nyid stong pa de yang dag pa'i blo las 'das pa de min pas/ gcig dang du mas rnam brtags gcig nyid min/ 'o na chos nyid kyi don ji ltar shes par bya na/ dran pas mtshon nas dran med shes/ dran med shes pas dran pa glo bur par rtogs dran pa glo bur bar rtogs pas /dran pa bzhi dang rtsa ba bral bar shes /dran med kyi mtshan nyid skye med du shes/ skye med kyi ngo bo las 'das par shes / de ltar rtogs tsam na dran med skye med blo las 'das pa gsum sku gsum du shes nas/ de gsum gyi dang du rtogs pa'i rnal 'byor pa grol ba yin te/ de yang dran pa dran med stong pa nyid du grol lo dran med mtshan ma med pa skye med du grol/ skye med smon pa med pa blo 'das su grol bas/ shes pa tsam gyis 'gro ba rnam par grol/ sku gsum po de nyid la rkyen gang gis kyang ma gos shing bsgom du med pa ste/ bsgom pa gsal na ni rtog pa gsal ba yin la/ mi gsal na bsgoms pa la don med pa'i phyir/ don dam pa de bsgom du mi btub la/ rgyun mi 'chad par chu bo rgyun gyi rnal 'byor tu dus rtag tu gnas pas/ gsal ba gang zhig shes pas bsgom pa bstan/ sems las byung ba'i dran pa sna tshogs ni/ g.yo 'gul can yin la/ sems nyid kyi dangs ma dran med skye med blo 'das ni/ mi g.yo ba rdo rje

  105. 53a

    lta bu'i ting nge 'dzin yin te/ de'i dang du sems las byung ba'i dran pa rig pa g.yo 'gul can 'di /rang bzhin gyis thim par shes tsam na/ dran pa dran med du bzung/ dran med skye med du bzung/ skye ba med pa blo 'das su bzung ba yin pas mi g.yo ba'i sems ni bdag nyid de ru gzung do// //da ni bde ba chen po thob pas yul gyis mi gnod par bstan pa ni / dran med skye med blo 'das gsum la/ 'khor 'das kyi 'dam gyis ma gas pas/ sdug bsngal dang bral ba'i dga' ba yin la sku gsum po de 'khor ba rnam pa gsum las rgyal ba'i yul yin pas/ dga' bas rgyas pa'i yul thob pas / chos nyid skye ba med pa 'gag pa med pa de/ bla ma dam pas brda dang thabs du mas bstan nas rtogs pa khong du chud pa de ni/ khams gsum sku gsum dus gsum rnams mnyam pa nyid du rgyas par byed pas/ mthong bas sems ni rnam par rgyas/ /bla mas brda dang thabs kyis sangs rgyas kyi dgongs pa bstan pas/ ji lta ba bzhin du sku gsum gyi don mthong bas/ de las sems can gyi don gang la gang 'dod pa'i 'bras bu 'byung ba'i dgongs pa byed pa yin pas/ de yis de ru dgos pa yin/ rtog pa med par sems can gyi don byed par rtogs pa'i dus su/ dran pa 'di sna tshogs su 'phro yang/ sprul pa sna tshogs su gang la gang mos 'byung ba'i phyir/ dran med las shar cing dran med kyi ngang la gnas nas/ dran med kyi dbyings su thim pa yin pas/ dran pa dang dran med gnyis tha mi dad pa ma yin te / dper nas la spyad bya mi 'dra ba byas pa dang/ lha dang lha mo'i gzugs brnyan mang po byas ba dang yul 'khor la sogs pa ji tsam byas kyang sa las ma g.yos pa bzhin du/ dran pa la gzugs sgra dri ro reg bya la sogs pa cir snang yang dran pa las ma 'das/ dran pa nyid skye sa dang gnas sa dang thim sa gsum dran med las ma 'das pas/ yul la bros kyang

  106. 53b

    tha dad min/ da ni bde ba chen po'i chos sku spros pa med pa las/ gzugs sku gnyis spros kyang/ 'bras bu gcig par bstan pa ni/ 'khor 'das kyi 'dam gyis ma gos pa'i blo las 'das pa de las /sems can gyi don 'byung du rung ba ni/ myu gu'i rgyu yin pa'i phyir/ dga' ba bde ba'i myu gu dang/ sems can gyi don byed pa'i gzugs sku gnyis kyi nad na yang/ longs sku skye ba med pa las skye ba'i cho 'phrul 'byung ba'i phyir /sprul sku la bltos pa'i longs sku de mchog yin la/ sprul sku gang la gang 'dul du snang ba ni /chos sku longs sku'i 'dab ma tsam yin pa'i phyir/ mchog gi 'dab ma skyes pa ste /longs sku dang sprul sku gnyis/ sems can gyi don du sna tshogs su 'phro la /chos sku las 'das pa la sems can gyi don byed pa dang mi byed pa mi mnga' zhing/ gang du yang mi 'phro ba'i phyir/ ji srid phyogs bcur mi 'phro ba'o/ /spros pa dang bcas pa'i bde ba ni / zag pa dang bcas pa'i 'bras bu yin la/ chos sku spros pa dang bral ba ni/ 'dam gyis mgos par re dogs dang bral ba'i 'bras bu dang/ zag pa med pa'i 'bras bu yin pas /spros pa med pa'i 'bras bu nyid do// //da ni don dam par sems can dang sangs rgyas bya ba gang yang ma grub par bstan pa ni/ mi dge ba'i las gang gis sems can du lhung ba 'am/ gang sems can du lhung pa'am/ gang yang sems can du ltung ba don dam pa la med do// dge ba gang gis sangs rgyas pa'aM?/ gang ma ? gang yang sangs rgyas pa don dam pa la med pas/ gang gis gang du gang la de dag med/ 'o na sangs rgyas kyi dgongs pa rtogs pa la dgos pa med do zhes na/ don dam par sangs rgyas dang sems can gnyis ka med par rtogs pas/ re dogs med pa'i dbyings des sems can thams cad smin cing grol bar byed pa'i dgongs par byed pas/ de yis de ru de la dgos pa byas/ sems can gyi don bya'o ? semS ni/ bag chags dang bcas pa'i sems yin la/ sems can gyi don mi byed pa ni bag chags

  107. 54a

    med pa'i dran pa yin te/ de gnyis ka skye med dbyings la gang yang mi len mi 'dor pa ni /mnyam pa nyid kyi ngang la gnas pa yin pas/ rjes su chags pa dang ni ma chags pa'i/ snang ba sna tshogs ni glo bur ba yin pa'i phyir rang bzhin gyis stong pas snang ? yang stong pa yin la stong pa nyid las kyang sems can gyi don du sprul pa du ma 'byung bas /stong pa nyid kyang snang ba yin te/ de gnyis ka bsam du med pa'i ngang du dbyer mi phyed pas/ gzugs nyid dang ni stong pa nyid yin no// // da ni tha ma rgyal pos srid pa'i sar ha pa khyod la blang dor gang yang med pas phag dang 'dra byas pa ni /dang po khyod bram ze yin pas/ de nas rab tu byung ba /de nas gtsang btsog med zer bas/ khyod srid pa gsum las mi thar par 'khor bar zhen te /khyod dang phag pa la khyad par med do zhes gsungs pas ni /srid pa'i 'dam zhen phag lta bu/ de'i lan du ngas chos nyid kyi don rtogs pa la/ nyon mongs pa'i dri ma dang shes bya'i dri ma gnyis kyis ma gos pas /gtsang bar 'dzin pa dang mi gtsang bar 'dzin ba med de/ skyon gang gis kyang ma gos pa'i phyir/ dri med sems gyur skyon ci yod /ci'i phyir skyon med na /'dod yon lngas kyang don la gos pa med pa'i phyir/ gang yang gang gis ma gos pa/ chos nyid skyon gyis ma bslad pa de la/ nyon mongs pa lngas kyang bcings pa med pas /de yang de yis ci phyir 'ching/ de ltar dpe nyi shu rtsa gsum gyis gzhung gi don rnams ma lus par bstan nas/ da ni mtshan gyi don bstan par bya ste/ gnyug ma rnal ma lhan cig skyes pa dang ma bral ba'i dbyings su/ dus gsum dang khams gsum thams cad 'byor cing/ dus gsum gyi bde bar gshegs pa'i dgongs pa thugs su chud pa'i phyir /rnal 'byor gyi don dam pa blo las 'das pa'i dbyings su mnga' brnyes shing / khams gsum sku gsum du bsgyur bar mdzad cing/ mahA

  108. 54b

    mu dra'i don khong du chud pas/ dbang phyug chen po / chos thams cad gnyis su med par ston pa dang/ bde ba chen por ston pa dang/ bri ba dang bral bar ston pa dang /bri ba dang gang ba med par ston par mdzad pas dpal sar ha'o/ /de lta bu'i don rnams sangs rgyas nas da lta'i bar du brgyud pa rgyun ma chad par ma 'ongs pa'i don du gdams ngag tu mdzad pas zhal snga nas mdzad pa/ gang mdzad na gnyis snang ma lus pa bcom nas /gnyis snang la bka' bskyon pa dang/ mi bslu ba'i chos nyid bri ba dang gang ba med pa mgur du bzhes pa de/ rgya rim pa bdun gyis btab nas shin tu rub pa'i don/ spros bcas dang spros med shin tu spros med gsum las/ 'di ni shin tu spros med du mdzad pa dang/ dran pa'i yid thams cad dran med kyi ngang du yid 'phrog par byed pas/ do ha mdzod ces bya ba spyod pa'i glu/ chos nyid kyi don brda dang thabs ma lus pa'i sgo nas gtan la phab pa rdzogs so/ /zhes bya ba'i tha tshig go /dus gsum bde gshegs dgongs pa blo yi spyod yul ma yin yang/ /mnyam pa nyid kyi thugs rjes sems can kun la khyab par mdzad/ /de dogs med pa'i sku gsum lhun grub 'khor ba rang bzhin dag /'bad rtsol bral ba'i rtogs par rang rgyud grol ba snying po'i don/ /dran pa'i rjes su 'brang pa'i spyod yul ma yin don dang ring/ /rang bzhin gnas lugs don la sems can sangs rgyas ma grub pa/ /ri khrod byams mgon badzra pA Ni'i thugs las bdag gis rnyed/ /skye med bde chen smyon pa'i dag la bden par gang 'dzin pa/ /tshig dang don la 'brel med brda don cung zhig brtsams pa 'dis/ /khams gsum ma lus dra ba'i 'od 'bar sku gsum thob par shog /do ha mdzod ces bya ba'i/ spyod pa'i glu'i 'grel ba/ don gyi sgron ma zhes bya ba/ rnal 'byor gyi dbang phyug chen po/ /skye med bde chen

  109. 55a

    gyi zhal snga nas mdzad pa/ rang 'gyur du bsgyur nas gtan la phab brdzogs so// // */ /ka kha'i do ha zhes bya ba bzhugs so// */ /rgya gar skad du/ ka kha sya do hA nA ma/ bod skad du /ka kha'i do hA zhes bya ba/ bcom ldan 'das dpal he ru ka la phyag 'tshal lo/ /ka ni yum gyi pad+ma'i nang du gnas pa 'di yin te/ /lus rnams bcings shing bcings shing bdud rtsi 'dzag /mgu la nas 'khyud ba'i ? b+hi gzhon nu ma /ga pur 'dzag cing 'di ni dbyid ka'i yal ga yin/ /kha ni nam mkha' gnas par dpal ba'i stong ba ste/ /dge dang mi dges ma gos bcer bu la/ /za zhing 'thung yang mya ngan 'das la gnas/ /rnal 'byor gces bu bzung nas shin tu dga' / /nam mkha' dag ni khyab cing brtan par gyur pa'o/ /ga ni nam mkha' 'jo zhing 'jo zhing 'thung par byed/ /gaM gA ya mu na ni gnyis ni legs par chings/ /srid la rang bzhin brten te 'gro 'od 'chang par 'gyur/ /g+ha ni dril bu'i sgra yis dpal ldan he ru ka ni mnyes/ /bdag med ma yis mgul nas yang dang yang du 'khyud/ /rnal 'byor ma yis rlung? rnams yang nas yang du 'pho/ /khyim bdag mo ni gnyug ma'i yid kyi dang la 'pho/ /da ni gnyug ma'i rang bzhin gyis ni stong/ /gnyug ma'i khyim bdag mo la dge dang mi dge mi 'phro zhing/ /rgyun tu rnal 'byor pa ni bde bar byed nus na/ /nub mo'i mun pa chang nas 'od gsal stong par 'gyur/ /tsa ni dga' ba bzhi ni 'di dang yang dag ldan/ /kye 'o mdza' bzhi dang ni bral ba'i sems bzung zhing/ /skad cig bzhi ni yang dag bla ma'i gsung las go bar gyis/ /thig le bzhi ni rmongs pa'i bag chags kyis ni mi shes so/ /tsha ni dbang po spongs la dag pa'i rang bzhin gyis/ /'dod yon dang ni dngos dang dngos med spongs/ /cal col gtam rnams dor cig

  110. 55b

    'di rnams gyis/ /ro 'di thod la nam mkha' la ni longs spyod gyis/ /dza ni skye dang rga dang 'chi ba med pa'i nam mkha' yin/ /gang dang gang du bltas kyang de dang de ru nam mkha' o/ /ji ltar gnas pa de ltar de ni de nyid do/ /ji ltar mthong ba de ltar de ni don dam mo/ /dzha ni me tog mang po'i sa bon ji ltar bsten pa rang/ /de ltar sna tshogs kyis ni phung po 'grub pa yin/ /sna yis sprad rtsi dang ni mar gnyis 'thung nus na/ /yun ring dus dag 'tsho ba la ni the tshom med/ /Ta ni kye 'o yang dag bla ma'i gsung gi thig le phab/ /sa gzhi 'bul bas nam mkha' las ni thig le 'dzag /lam log cal col ma byed kye'o rnal 'byor pa/ /khyod kyis cal col gyis ni lhan skyes mi rtogs so/ /Tha Tha'i sgras ni sngags rnams brjod pa dang/ /Tha yi yi ge blangs nas gnas thob 'gyur/ /tshul bzhin ? na ting nge 'dzin ni 'pho bar 'gyur/ /yang dag bla mas nam mkha' go bas byang chub yin/ /Da ni sngags rnams brjod cing Do b+hi long/ /gtum mos sregs shing chu rnams 'dzag par 'gyur/ /DA ma ru ni a na ha yi skad du grag /DA ma ru de bzung bas rnal 'byor ma sgra yin/ DA ni ril ba pho bas rnam pa gcig tu khyab par gyur/ sems ni 'pho bas lhan cig skyes pa'i mchog tu 'gyur/ /dbang po lnga yang 'pho zhing lhan skyes der zhugs so/ /gab pa'i khyim bdag mo ni dngos po cir mi mthong/ /Na ni gnyug ma'i rang bzhin rang bzhin gyis ni stong/ /gnyug ma'i yid ni go na dge dang mi dge mi 'gos shing/ /gnyug mi 'khyim bdag mo ni lhan cig skyes pas bdas par 'gyur/ /rgyun tu bsten na skye shi dang ni 'ching bar 'gyur ba med/ /ta ni sku gsum gzhung gsum rten nas shes par gyis/ /yi ge gsum yi sa ra ha yi tshig la brten te bsgoms/ /sems ni mnyam pa nyid kyi bsam gtan gyis/ /de nyid blta zhing bshad pas ci zhig bya/ /tha na nam mkha' i zla ba can ni bstan par gyis/ /gnas rnams por na legs pa'i lus su ji ltar 'gyur//

  111. 60a

    gnas su brtan par byas na rlung ni skems par 'gyur/ /brtan por grongs na tshe 'di 'phrel bar 'gyur/ /da ni sa ra ha'i tshig gis thams cad bsregs dang 'chi med 'gyur/ /'o ma gnyis kyis bde mchog de la khrus gyis shig/ thig le gnyis ni shes na dag pa'i rang bzhin yin/ /sdug bsngal gdug pa can ni dngos dang dngos med med/ /d+ha ni d+ha yi rang bzhin khru bshal byed cing gnas/ /bkru ba shal byed kyang mi mthong nang du zhugs nas song/ /khrus mkhan mi ni sa ra ha yi tshig gis long/ /g.yo sgyu'i? sbyor ba nam mkha' i rang bzhin du ni gyis/ /na ni sna tshogs tshul gyis legs par gcig tu 'pho/ /'jig rten pa rnams ma gos pas na sna tshogs smra/ /gang phyir 'jigs pa med pa de phyir shog ma 'jal/ /srid min mya ngan 'das min gzhan yang med pa yin/ /pa ni bdud rtsi lnga ni sna ru blug par bya/ /pad+ma rdo rje sbyar zhing sbyar zhing mnyam nyid 'grub/ /me tog pad+ma'i rdo rje gdan ni mchod par gyis/ /pad+ma'i de nyid mi shes bde chen rgyal po min/ /pa ni spro zhing bsdu ba'i sems 'di nam mkha' lta bu yin/ /spro ba mi mthong yang ni nam mkha' lta bur 'dod/ /phaT kyi sgra dang hUM gis sgra ni ji ltar 'phro/ /'di ltar dpag bsam ljon shing bzhin du 'phro/ /ba ni nags kyi tshangs pa'i me tog kha zlum bye pa'i ljid rnams 'dzin/ theg cing yid 'od 'dod pa'i 'bras bu dpyid ka'i yal ga bzhin/ /dbang du bsdu zhing legs par gar na nan tan byed/ /'gro 'dug byed pa'i rnal 'byor ma ni rang gi lus la bslangs/ /b+ha ni b+ha ga nyid ni b+ha ga'i dang bzhin stong pan gnas/ /de ni dge dang mi dge med par mda' snun pa yis smras/ /bla ma'i gsung gis 'dod yon lnga la zo/ /'khrul par ma byed sems nyid 'di ni nam mkha' yin/ /ma ni nan tan gyis ni yang dang yang du chad 'jag cing/ /dpal ldan bla ma bsten pas rtsa bgo par ?

  112. 60b

    gal te rtsa pa'i sems dang blo gnyis gcig tu byed nus na/ /sems ni shi zhing chad par gyur pas rang bzhin gcig yin no/ /ya ni gang tshe nA dra dang ni thig le 'dir smras na/ /rnal 'byor ma ye sgra yis de tshe lhan cig skyes pa rtogs/ /ji ltar rang dgar gnas pa de bzhin du ni brten/ /skye shi gnyis kyi 'jigs pa med pa thob par 'gyur/ /da ni nyi ma zla ba'i thig la nam mkha' bzhin du ? ba med/ /nyi mas gad na bde ba chen po'i tshul ni shin tu mdzes/ /da sa nA ni thig le thig le phob/ /nyin dang mtshan du gnyug ma'i yid kyi dang du song/ /la ni kye'o rlung gi khyim bdag mo khyim bdag long/ /nA ra thig le long zhig chos ni zag med nyid yin no/ /la la nA dang ra sa a ba d+hu ti'i rtsa nang nas/ /thig le 'dzag pa de nyid shin tu ngo mtshar phyir ni 'thung/ /wa ni chu yi mchog ni rol pas 'thung zhig kye/ /rdo rje rnal 'byor ma ni rol pas 'phro/ /gang tshe dpal mo rnal 'byor mo ni lhan cig skyes pas mnyes/ /de yi tshe na DA ma ru ni a na ha yi skad du grag /sha ni rang bzhin gyis ni lhun grub a na ha yi sgras/ /thig le 'dzag pa gang zhig rnal 'byor ma yi mgon/ /sa ra ha yi tshig gis gsil pa'i sgrar ni bya/ /nam mkha' 'jo zhing 'jo zhing thig le phob la 'thung/ /'di? gang tshe lhan cig skyes pa'i mchog gis mnyes/ /de tshe dang dang gzhan gyi bag chags 'gags/ /mnyam dang mi mnyam rnal 'byor ma 'di grub par the tsom med/ /kye'o mda' snun da ni 'di la the tshom med ces smra/ /sa ni dngos po 'di kun dngos po med par mnyam/ /stong pa snying rje 'khrul pas ma spang cig /lhan cig skyes pa'i dga' bas rtag tu mnyes/ /lhan skyes mchog 'di gang gis kyang ni 'ching mi nus/ /ha ni kye'o bzhad pa'am skye ba sna tshogs kyi ni tshim/ /kye'o rmongs pa 'phrog cing bkang yang dga' ba med/ /gang tshe lus la dbang phyug mdog med chings shig dang/ /rol pas de tshe bla med legs par

  113. 57a

    'grub bar 'gyur/ /k+Sha ni yul du ltung na byang chub sems ni chung zos 'gyur/ /k+Sha k+Sha'i sgras ni rgya mtsho dag kyang skems nus na/ /'di ni rtsub mo'i bdar bzhin ting 'dzin rnon pos dga' bar 'gyur/ /kye'o gcer bur thams cad slu bar nges par the tshom med/ /ka kha'i do ha zhes bya ba/ rnal 'byor gyi dbang phyug chen po dpal bram dre chen po sA ra ha'i zhal snga nas gsungs pa rdzogs so// //yul gos lar sku 'khrungs pa'i bla ma rnal 'byor ba chen po bai ro tsa na badzra'i zhal zhal snga nas rang 'gyur du gsungs pa'o// //rgya gar skad du/ ka kha ha la do ha ti pa na/ bod skad du/ ka kha'i do ha'i bshad pa bris pa/ dpal he ru ka la phyag 'tshal lo/ /ka ni yum gyi pad+ma'i nang na gnas pa 'di yin te zhos pa la/ ka te ka ma lan pad+ma ste yum gyi'o/ /de na gnas pa'i ka yig ni ka ku yi sha na rdo rje ste rdo rje dang pad+ma mnyam par sbyor ba'o/ /ka ka ni kA ya na lus te/ thabs dang shes rab kyi lus so/ /bsdums pa ni 'khyud pa la sogs pa'o/ /bdud rtsi 'dzag ces pa de'i stobs kyis ri bong can 'dzag pa'o gang gi zhe na/ Do bi nI gzhon nu ma ste g.yung mo'o /de yang g.yung mo ni phyi ltar na lha mo'o/ /nang ltar na gsung mo ni shes rab kyi cha'o/ /'khyud pa ni thabs dang shes rab gnyis su med pa'o/ /ka ni ka pu ra nag pur te byan chub kyi sems dga' ba bzhi'i rang bzhin la bya/ 'jig pa ni rgyun tu dga' ba bzhi'i bde ba dang mi 'bral ba'o/ /de'i dus su dpyid kyi yan lag ni dper na dpyid kyi dus su ljon shing la yal ga dang/ lo ma dang me tog rgyas pas sems can rnams dga' bskyed pa ltar/ 'dir rnal 'byor pa'i rgyud la dga' ba bzhi'i mthar lhan cig skyes ba'i dga' ba skyes pa'i dus su de kho na nyid

  114. 57b

    kyi don rtogs pas bde ba chen po'i 'od gsal pa'i don mngon du byas pa'o /ka'i don to/ /kha ni kha sa ma ste nam mkha' o/ /nam mkha' ni stong pa nyid kyi rang bzhin no stong pa de gang na gnas she na/ dpral ba ste bde ba chen po'i 'khor lo la gnas zhes pa'i don to/ /kha ni kha ma ste gcer bu'o/ /gcer bu ni gcer bu pa ste/ dper na phyi rol pa'i gcer bu pa'i dka' thub pa la gos dang nor la sogs pa ci yang med pa bzhin du/ 'dir yang kha dog dang dbyibs dang lus dang yan lag dang/ cha dang bral bas gcer bu ste/ lhan cig skyes pa'i sems la bya'o/ /de lta bu'i gcer bu'i don te rtogs par gyur na/ /kha ni khA hi pa ste za ba'o/ /rnal 'byor pas za ba dang 'thung ba dang/ 'dod pa'i yon tan la longs spyod kyang/ de la gnod par mi 'gyur te/ mi gnas pa'i mya ngan las 'das pa'i don mngon du byas pa'o/ /kha ni kha ma na ste gcer bu'o/ /de lta bu'i gcer bu'i rnal 'byor gang gis rtogs nus na dga' ba dang bde ba dang tshim par 'gyur gyis/ gzhan gyis ni ma yin no zhes pa'i don to/ /kha'i don to/ /ga ni ga ga na te na mkha' o /nam mkha' ni stong pa nyid kyi rang bzhin te/ des na nam mkha' ltar thams cad khyab pa'o/ /de lta bu'i nam mkha' i don rtogs na brtan por 'gyur ba ste/ rang gi sems la rkyen gzhan gyis gnod par mi 'gyur ba'o/ /ga ni ga man te nam mkha' o/ /nam mkha' lta bu'i stong pa nyid kyi don te/ 'jo zhing 'jo zhing de yang dang yang goms par byas nas chos thams cad sdong pa nyid kyi rang bzhin du rtogs par 'gyur te/ de lta bu'i don rtogs na skom pas gdungs pa chu 'thung pa bzhin du/ rnal 'byor pa doms shing tshim par 'gyur ro/ /ga ni gam gA ste dper na gam gA dang ya mu na gnyis gcig tu 'dres pa bzhin du/ 'dir sems can gyi rgyud la mi bskyod pa dang snang ba mdza' yas rgyu ba bkag ste/ med

  115. 58a

    par byas nas lus la thim nus na rgas pa la sogs par mi 'gyur ba'o/ /yang na byang chub kyi sems so sor 'dzag pa de gnyis bkag nas/ rtsa la sogs par 'grem pa nus na mi 'gyur zhes pa'o/ /yang na gam gla ni thabs ya mu na ni shes rab ba/ /de gnyis bcings pa ni gnyis med du byed nus na phyag rgya chen po mngon du byed do zhes bya ba'i don to/ /ga ni ga ma te 'gro ba'o/ /a ga ma na ste mi 'gro bar 'ong ba ste/ de ltar phyag rgya chen po'i don de rtogs na srid pa ste / 'dod yon lnga la brten nas 'gro 'od 'chad par 'gyur te/ skye ba dang 'chi ba la sogs pa nyams bar byas ba'o/ /ga'i don to/ g+ha ni g+haN+Da na dril bu ste/ dril bu ni shes rab kyi rang bzhin stong pa nyid do/ /dpal ldan he ru ka ni phyi ltar he ru ka'o/ /nang ltar na he ru ka ste rang gi sems kyi rang bzhin no/ /mnyes zhes pa ni de stong pa nyid kyis mnyes shing tshim par 'gyur gyis / gzhan gyis ni ma yin pas na stong pa nyid kho na bsgom par bya'o zhes pa'i don to/ /g+ha ni g+ha na ha na ste yang nas yang du'o/ /bdag med dam ni phyi ltar na lha mo bdag med mas mgul nas 'khyud pa bzhin du'o/ /nang ltar na bdag med ma ni stong pa snying rje dbyer med pa'i don to/ /don de 'khyud pa ste yang nas yang du bsgoms na phyag rgya chen po thob par 'gyur de zhes bya ba'i don to/ /de ltar rtogs tsam na g+ha ni g+ha na g+ha na ha na yang dang yang ngo/ /yang nas yang du goms par byas na rnal 'byor pa'i rlung dang yid gnyis 'pho zhes pa a ba d+hu ting chud par 'gyur ba'o/ g+ha ni g+ha ri na khyim bdag mo ste khyim thab dang 'dra ba'i rlung yang yid gnyis kar yang mi rgyu zhing gnyug ma'i yid de lhan cig skyes ba'i rang bzhin du 'gyur ba'o/ /g+ha'i don to/ /da ni Na ya ste gnyug ma'o/ /gnyug ma'i sems kyi rang bzhin ni rang rig gis stong par rtogs

  116. 58b

    pa ste blos stong par byas pa ma yin zhes pa'i don to/ /Na ni Na ya ste gzhung ma'o/ /gnyug ma'i khyim thab mo lhan cig skyes pa'i yid de 'byongs par byas ba'i tshe na/ dge ba dang mi dge ba'i skyon la sogs pas mi gos pa ste gnod par mi nus pa'o/ /Na ni Ni ran tar ste rgyun du'o/ /de yang rnal 'byor pas rgyun du lhan cig skyes pa'i dang du byed nus na/ bde ba ste rnam par rtog pa dang sbros pa thams cad zhi bar 'gyur ro zhes pa'o/ /de'i tshe na Na ni Na si sta bub mo'o/ /nub mo'i mun pa ni gti mug gi sdug bsngal lo/ /so so'i skye bo'i snang ba de med pas na chad pa ste/ sdug bsngal te sdug bsngal gyi snang ba 'di 'gags nas rnal 'byor pa'i snang ba 'od gsal stong pa nyid kyi rang bzhin du 'gyur ro/ /de'i don to/ /ca ni ca u tha ste bzhi'o/ /de gang gis yin na dga' ba bzhi ste/ dga' ba dang mchog dga' dang/ dga' bral dang/ lhan cig skyes pa'i dga' ba'o/ /de yang lhan cig skyes pa'i dga' ba ni mchog dang/ dga' bral gyi dbus su shes par bya'o/ /tsa ni tsa u tha ste bzhi'o/ /de yang mdza' bzhi la bya ste/ rtag pa dang chad pa dang/ dngos dang dngos med kyi mdza' o/ /de dang bral ba'i sems lhan cig skyes pa'i rang bzhin yin pas na/ zung cig ces pa blad bar gyis shig pa'o/ /tsa ni tsa u ste bzhi'o/ /de yang skad cig ma bzhi ste/ rnam pa sna tshogs dang rnam par smin pa dang/ rnam par nyed pa dang/ mtshan nyid dang bral ba'o mtshan nyid dang bral ba'i skad cig ma de bla ma'i gsung las go bar gyis zhes pa ste/ yang dag pa'i bla ma'i gsung las shes par bya'o zhes pa'i don to/ /tsa ni tsa u sta bzhi'o/ /de yang thig le bzhi ste/ thig le bzhi ni gnyis bzung/ gnyis nyams kyi dbus su rtogs par bya ste/ rmongs pa rnams kyis gzung 'dzin gyis ni mi shes so/ /tsa'i don to/ /tsha ni tsha Ta ste thong zhes pa'o/ /ci btang zhen dbang po lnga yul la

  117. 59a

    zhen ba'o/ /'o na gang zhe na/ ngag pa'i rang bzhin zhes pas bla ma'i gdams dag gis thams cad dag par gyis shig pa'o/ /tsha ni tsha Da ste spongs shig pa'o/ /gang yan na 'dod yon lnga la zhen pa dang/ dngos dang dngos med du zhen pa thams cad spongs shig pa'o/ /tsha ni tsha Da hUM ste dor cig pa'o/ /gang dor na cal col te/ 'jig rten pa'i rnam par bzhag pa dang/ grub mdza' ngan pa dang bshad pa thams cad do/ /tsha ni tsha Da ste thong zhig pa'o/ /gang btar? na ra sa nA ste zhe na pa 'am/ chags pa thams cad thon la lhan cig skye ba'i sems nam mkha' lta bu'i rang bzhin du gnas par gyis bya bar dgongs so/ /tsha'i don to/ /dza ni dza ri ste rgas pa med pa a ma ri ste/ 'chi ba med pa'i sems de nam mkha' dang 'dra bas de rtogs na gang gis kyang gnod par mi 'gyur ba'o/ /dza ni dzda dzda ste gang nas gang du'o/ /gang nas gang du ste/ gang nas gang du bltas kyang de dang de ru nam mkha' ste/ thams cad du nam mkha' lta bu stong pa nyid kyi rang bzhin du mthong bas de la glo bur ba'i rtog pa ni gang yang med do/ /dza ni dzi seng ste gang dang gang ngo/ /gang dang du bsams kyang de kho na nyid las gzhan med pas na de nyid do zhes pa'o/ /dza ni dzo ste gang snang ba'o/ / gzugs la sogs pa gang snang bde thams cad don dam pa ste /stong pa nyid do/ /dza'i don to/ /dzha ni Na ste Na ba hu li mang po ste/ de 'di ku su ma ste me tog mang po bsten na yid dga' ba dang chi ba bzhin du/ 'di rang byung gi me tog ste/ de rtag tu brten na phan yon ni dzha se ba dzha na grub pa ste/ sna tshogs kyi tshul du phung po rgas pa dang/ rgud pa dang/ skra dkar dang/ gnyer ma la sogs pa ni 'byung zhing grub par 'gyur ro/ /dzha na Na se ste sna'o/ /snas sbrang rtsi dang mar 'thung

  118. 59b

    nus na/ dzha ni Na hi na med pa ste 'khrul pa med pas yun ring por 'tsho bar 'gyur ro zhes bya'o/ /yang na sna ni gsang ba'i sna rtse ste/ gsang ba'i sna rtser byang chub kyi sems rnam pa gnyis dbab pa dang/ bzlog pa dang/ rgong pa dang/ 'grems par nus na yun ring por 'tsho ba la the tshom med ces bya'o/ /dzha'i don to/ /nya ni nga dang mtshungs so/ /Ta ni Ta la ste phob cig pa'o/ /gang dbab na thig le ste ri bong can no/ /gang gis dbab na bla ma dam pa'i gdams dag gis dbab ste/ de ltar na/ lhan cig skyes pa rtogs par 'gyur ro zhes bya ba'i don to/ /yang na yang nam mkha' la ste spyi bo bde ba chen po'i ham las 'jig skye mched do/ /de bsdus? zhing bskyod na thig le 'dzag go /de yang nam mkha' la ste spyi bo bde ba chen po'i ham las 'jig par 'gyur la/ de star gyur na stong pa nyid don dam pa rtogs par 'gyur pa zhes pa'o/ /Ta ni Ta la ma la na cal bol? te nam mkha' lta bu'i don rtogs pa'i tshe na/ /cal col te rnam par rtog pa bsgom pa la sogs pa thams cad ma byed cig /kye rnal 'byor pa zhes bos pa'o/ /ci'i phyir zhe na /Ta niTa ma la ni cal col te/ sems dang sems las byung ba'i rnam par rtog pa bsgoms kyang byang chub thob par mi 'gyur ba'i phyir ro/ /zhes bya ba'i don to/ /Ta'i don to/ /tha ni tha tha ste slab pa'i skad kyis sngags brjod pas lhan cig skyes pa rtogs par bya'o/ /phyi rol gyi sngags bzla ba ni ma yin to/ /Tha ni Tha Tha ste srub pa rang srub pa'i sbyor ba las byung ba'i lhan cig skyes pa'i dga' ba mchog tu blang bar bya ste/ des yang dag pa'i gnas phyag rgya chen po thob par 'gyur ba'o/ /mchog tu gang gi sgo nas blang zhe na/ Tha ste Tha Na ni tshul bzhin no/ /tshul bzhin du nyams su len shes pa ting nge 'dzin 'phro bar 'gyur pa'o/ /tshul bzhin ni bla na mar pa'i gdams dag go/ /'phro ba ni spros pa dang bral

  119. 60a

    ba'i ting nge 'dzin rtogs par 'gyur ba'o/ /Tha ni Tha ste nam mkha' lta bu'i zlum pa'o/ /de yang lhan cig skyes pa'i rang bzhin stong pa nyid nam mkha' lta bu yang dag pa'i bla ma'i gdams dag gis shes par bya ba ste/ de ltar na byang chub ste mi gnas pa'i mya ngan las 'das pa thob ces pa'i don to/ /tha'i don to/ /DA ni Do b+ha ni g.yung mo'o/ /g.yud mo blangs nas sngags brjod pa/ /g.yud mo dang thabs dang shes rab gnyis snyoms par zhugs pa'i nyams dang ldan pa'i sngags de mchog tu bsngags pa'i don to/ /ji ltar bsregs na gtum mos phung po dang khams skye mched sreg pa'i/ /bsregs nas yang cha rnams 'jig ces pa ste/ haM las byang chub kyi sems 'jigs shing slar gsos pa'o/ /Da ni DA ma ru ste shes rab kyi rang bzhin no/ /shes rab ni mi shigs pa ste i dang ti phrad pas stong pa nyid kyi sgra grag pa'o/ /Da ni DA ma ru ste shes rab pa'o/ /stong pa nyid shes rab kyi rang bzhin rnal 'byor ma'o/ /sgra grag pa ni stong pa nyid mtshon pa'o/ /Da'i don to/ /Dha ni Dha la yi ste pho ba'o/ /gang pho na ri la ba pho ba ste/ lus dang ngag dang yid ril ba dang 'dra ba phab ste/ de gsum zhu zhing dbyer med par gyur pa'o/ /Dha ni Dha li ya ste pho ba'o/ /gang pho zhe na/ rnam par rtog pa dang bcas pa'i sems de pho ba ste/ lhan cig skyes pa'i sems kyi rang bzhin dang tha mi dad par 'dres nas gcig tu gyur pa'o/ /Dha ni Dha li ya ste pho ba'o/ /dbang po lnga dang yul lnga pho ba ste/ gang du pho zhe na/ rgya mtsho dang 'dra ba'i lhan cig skyes pa'i sems der zhugs shing dbyer mi phyed par 'gyur ba'o/ /Dha ni Dha Dha ste ga pa 'am sbas pa'o/ /gang sbas na khrim bdag mo ste lhan cig skyes pa'i sems so/ /de sems can thams cad kyi rgyud la gnas kyang rnam par rtog pas bkab pas/ de'i rang bzhin

  120. 60b

    cung zad kyang mi mthong bas sbas pa'o/ /gal te bla ma dam pa'i gdams dag gis sems dang sems las byung ba'i rtog pa dang lhan cig skyes pa'i yid gnyis dbyer med par nyams su myong na mthong ba'o/ /Dha'i don to/ /Na ni Na ya 'am Ni dza ste gnyug ma'i sems so/ /gnyug ma'i yid de ni gdod ma nas rgyu dang rkyen gyis ma bskyed ma bcos pa rnam par rtog pa rang bzhin gyis 'od gsal ba'o/ /de lta bu'i sems kyi rang bzhin ngo bo nyid kyis stong pa ste/ /gzhan pos stong par byas pa ni ma yin zhes bya ba'i don to/ /Na ni Ni ya ma na ste gnyug ma'i yod do/ /gnyug ma'i rang bzhin rtogs pa'i tshe na/ dge ba dang mi dge ba la sogs pa gang yang med pa ste/ rnam par rtog pa med pas na mi gos pa'o/ Da ni Na ya g+ha ri ste gnyug ma'i khyim thab mo ni lhan cig skyes pas bsrangs zhes pa mnyes par 'gyur gyi/ rnam par rtog pa'i bsgoms pas dga' zhing mnyes par mi 'gyur zhes bya'o/ /lhan cig skyes pa yang Na ste/ Ni bar ste rgyun du de'i rang bzhin du gnas na skye ba dang/ rgas pa dang/ 'chi ba la sogs pa med par 'gyur te/ 'khor bar ni rnam par 'ching ba yin pa'i phyir ro zhes dgongs so/ /Na'i don to/ /ta ni ta tra ya ste sku gsum mo/ /de gang yin na sku dang gsung dang thugs kyi rang bzhin dkyil 'khor ro/ /gzhung gsum ni sku dang gsung dang thugs dang mdza' o/ /mdza' gsum la brten te dbyer med par shes par bya'o/ /ta ni tra ste yi ge gsum mo/ /yi ge gsum ni rdo rje gsum dbyer mi phyed pa'i bdag nyid de sa ra ha'i tshig ste/ sa ra ha'i gdams ngag gis bsgom par bya'o zhes pa'o/ /ta ni tu sla te mnyam pa'o/ /gang mnyam na sems mnyam pa ste/ 'khor ba dang mya ngan las 'das pa'i sems gnyis dbyer ming phyed pa'i bsam gtan gyis mnyam par gyis shig pa'i don to/ /ta ni tatdwa ste de kho na nyid do/ /de nyid

  121. 61a

    blta'i zhes pa de kho na nyid kyi don 'di kho na la blta bar bya'o/ /gzhan bshad pas ci zhig bya ste/ de kho na nyid rtogs par mi 'gyur zhes bya ba'i don to/ /ta'i don to/ /tha ni tha thi ra ste brtan pa'o/ /gang brtan par bya zhe na/ nam mkha' i zla ba zhes gsungs te/ nam mkha' dang 'dra ba'i bde ba chen po'i 'khor lo'i ham la gnas pa'i byang chub brtan bar bya ba'o /phyi ltar nam mkha' zla ba ste stong pa'i snying rje'o/ /tha ni tha na ste gnas so/ /byang chub kyi sems gnas pa de por nas dga' bral la sogs par gyur nas legs pa'i lus su ji ltar 'gyur te/ phung po dang dngos grub dang rdzu 'phrul la sogs pa gang las 'grub ste/ mi 'grub ces bya ba'i don to/ /tha ni thir ste brtan pa'o/ /gang brtan par bya zhe na/ byang chub kyi sems kyi sems de gnas brtan par bya ste/ de ltar byed nus na/ rlung gis skems par 'gyur zhes te/ skam pa'i rlung a ba d+hu tir chud par 'gyur ba'o/ /tha ni thir ste brtan pa'o/ /brtan par gtad pa ni ting nge 'dzin gyis thig le la brten te/ dga' ba bzhi'i don brtan por byed nus na tshe la sogs pa 'phel bar 'gyur ba'o/ /tha'i don te/ /da ni da ha ste sregs shig pa'o/ /gang sreg na phung po dang khams dang skye mched la sogs pa thams cad gtum mos sregs shig ces pa ste/ de yang sar ha'i gdams ngag gis sregs shig ces pa'o/ /'chi med 'gyur zhes pa ni de ltar sreg nus na/ rgyas pa dang 'chi ba la sogs pa thams cad nyams par byed pa'o/ /da ni du li ste ru sbal lo/ /phyi ltar na rang rang gi lha la 'o ma la sogs pa dkar gsum mngar gsum dang bdud rtsi la sogs pas khrus byed pa bzhin du/ 'dir rnal 'byor pas rus sbal gyi 'o ma ni mi srid cing med pa ltar stong pa nyid kyi 'o mas/ bde mchog ste thabs dang shes rab kyi rang

  122. 61b

    bzhin la khrus byas pa ni gnyi med du byas ba'o/ /da ni du yi ste gnyis so/ /gang zhe na thig le gnyis te/ thig le gnyis ni thabs dang shes rab kyi rang bzhin ne/ /gal te dbyer med par shes nus na/ dga' ba'i rang bzhin du gyur na 'khor ba dang mya ngan las 'das pa tha mi dad par 'gyur ba'o/ /de ltar gyur na da ni du/ kha ste/ sdug bsngal gdug pa can no/ /gdug pa can ni dngos po med pa'i rnam par rtog pa'o/ /de'i tshe ni dngos po dang dngos po med par rtog pa ci yang med pa'o/ /de'i don to/ /d+ha ni d+ha DoM b+hi ni khrus mkhan ma'o/ /khrus mkhan mo ni 'jig rten pa'i gos la sogs pa thams cad bkrus nas dag par byed cing gnas pa bzhin du/ khrus mkhan mo lta bu'i lhan cig skyes pa'i ye shes des rnam par rtog pa thams cad dag par byed pa'o /d+ha ni d+ha band+ha ni ste khrus byed pa ste/ khrus byed kyang mi mthong ba ni/ /lhan cig skyes pa'i yid khrus mkhan mo lta bu de sems can thams cad kyi rgyud la yod de/ de'i rang bzhin rtogs na sems can gyi rgyud la yod pa'i sdig sgrib dang rnam par rtog pa thams cad dag par byed pa'o/ /mi mthong zhes pa dag par byed kyang 'od pa dang/ 'gro ba dang/ gnas pa mi mthong ste/ sems can de nyid rang bzhin med pa'i phyir ro/ /d+ha ni d+ha DoM ste khrus mkhan ma'o/ /de ji ltar nyams su blangs zhe na/ sa ra ha'i tshigs gis shes gsungs te/ bla ma dam pa'i gdams dag gis shes par bya'o zhes bya ba 'i don to/ /d+ha ni d+hu ta ste g.yo skyu'o?// g.yo sgyu ni sdig pa dang rnam par rtog pa dang nyon mongs pa la spyod pa'o/ /de lta bu'i sems de nam mkha' ste phyag rgya chen po'i rang bzhin du shes par bya'o/ /zhes pa'o/ /d+ha'i don to/ /na ni na na ste sna tshogs so/ /sems nyid gcig bu?

  123. 62a

    sna tshogs kyi tshul du 'phro ba ste/ 'khor ba dang mya ngan las 'das pa'o/ /de sems gcig pu las 'phro bas gang la bla ma dam pa'i gdams dag gis khyab na rnam par rtog pa thams cad zad par 'gyur pa'o/ / na ni na bu tshe ste mi go ba'o/ /gang mgon thig le 'jig pa ste gnyug ma'i yid do/ /de mgo bas 'jig rten pa rnams du mar 'dod pa'o/ /na'i don go na ci'i ngo bor yang ma grub pa ste/ don dam pa la gcig dang du ma gang yang mi snang ba'o/ /na ni nas ste med par byed pa'o/ /gang med par byed na 'jigs pa med par byed pa ste/ gang gis med par byed ce na/ sho gam 'jal zhes gsungs te/ dper na mgron po lam ring por 'gro ba'i dus na/ rgyal po dang kun ma la sogs pa med par bya ba'i phyir sho bam? gzhal nas bde bar 'gro ba bzhin du/ 'dir rnal 'byor la yang phung po yod na nang dang sdug bsngal dang nyon mongs pa dang 'khor ba'i 'jigs pa yod de/ /de las thar par bya ba'i phyir/ /na 'gog pa'i tshig ste skye ba med pa'i don de bsgoms na / bdud bzhi bcom pa ste phung po mi len te/ bde bar byang chub chen po mngon du byed do zhes bya ba'i don to/ /na ni na mu ste med pa'o/ /gang med na gong ma'i don de rtogs na 'khor ba dang mya ngan las 'das pa 'ang med/ de las ma gtogs pa'i chos gang yang med pa ste/ chos thams cad rang bzhin med pa yin pa'i phyir ro zhes dgongs so/ /na'i don to/ /pa ni pany+tsa ste lnga'o/ /de yang bdud rtsi rnam pa lnga'o/ /gal te bdud rtsi rnam pa lnga rnas 'thung nus na / rgas pa dang rgung pa la sogs pa nyams par byed pa'o /yang na rang gi lus la bdud rtsi rnam pa lnga 'jig pa ste/ ting nge 'dzin gyi stobs kyis las de nyid la thim nus na/ zag pa med pa'i bde ba rgyud la skye bar 'gyur

  124. 62b

    'des pa'o/ /pa ni pa u ma ste pad+ma'o/ /pad+ma dang rdo rje mnyam par sbyar babs thams cad dang dus mnyam pa'i ro 'grub par 'gyur ba'o/ /yang na thabs dang shes rab mnyam par sbyor bas shes na byang chub chen po 'grub par 'gyur ro zhes bya ba'i don to/ /ba ni pa u ma ste pad+ma'o/ /pad+ma'i me tog gi rdo rje gdan ni mchod par gyis zhes gsungs te/ rdo rje gdan ni thabs kyi rang bzhin rdo rje sems dpa' / /rdo rje sems dpa' de pad+ma stong pa nyid kyi me tog gis mchod pa byas na mnyes bar 'gyur ba'o/ /de ltar thabs shes rab gnyis su med par rtogs na phyag rgya chen po'i dngos grub thob ces bya ba'i don to/ /pa ni bu u ma ste pad+ma'o/ /pad+ma'i don mi shes pas bde chen rgyal po ga la rtogs te mi rtogs so/ /gal te pad+ma'i don shes na phyag rgya chen po'i go 'phang mngon du byed do zhes bya ba'i don to/ /pa'i don to/ /pha ni phar sde spro ba dang bsdu ba'o/ /gang spro zhing bsdu zhe na/ lha dang lha mo'i dkyil 'khor spro zhing yang dang yang du de nyid la bsdu ba'o/ /yang na bde ba chen po thams cad du spros nas stong pa nyid kyi rang bzhin du sdud pa'o/ /pha ni pha ran ta ste/ yid kyang mi mthong ba'o/ /ci'i phyir mi mthong zhe na/ /don dam pa stong pa nyid kyi rang bzhin nam mkha' lta bu yin pa'i phyir/ dbang po dang dmigs pa'i spyod yul med bas na mi mthong ba ste/ pa ni phaT kar ste phaT kyi yi ge dang hUM gi yi ge'o/ /ji ltar 'phro na stong pa nyid kyi dang du 'phro ba ste/ 'phro yang stong pa nyid la 'phro/ /stod kyang stong pa nyid la sdud pa'o/ /pha ni pha ri ste spro ba'o/ /ci spro zha na/ ji ltar dpag bsam gyi shing gi sdong po las sems can gyi don 'byung ba de/ rang bzhin lhun gyis grub pa'i tshul du 'byung gi /dmigs pa dang bcas pa ni ma yin no/ /pha'i don to/ /ba ni ba na ste nags so/ /dper na nags kyi nang gu tshangs

  125. 63a

    pa'i me tog las / dpyid kyi dus su lo 'dab la sogs pa rgyas pas skye bo rnams dga' ba dang bde ba skyed pa ltar/ /rang gi lus phung po khams dang skye mched nags dang 'dra ba'i nang du/ thabs dang shes rab kyi thig la'i rnam pa me tog lta bu bsgoms na de las dga' ba bzhi la sogs pa skye bar 'gyur ba'o/ /bye ba'i ljing ni yon tan dpag tu med pa yod pa'o/ /ba ni ji ste rdo rje'o/ /de lta bu'i rdo rje ye shes bzung nas bsgoms na 'dod pa'i 'bras bu ste/ byang chub kyi lam du 'gyur ro/ /dpyid kyi dus su ljon? shing las yal ga dang lo ma skye ba bzhin du/ rnal 'byor pa'i rgyud la dga' ba dang bde ba skyed par byed pa'o/ /ba ni ba sa ste dbang du byed pa'o/ /gang dbang du byed na/ tshe la dbang ba la sogs pa dbang bcu'i don dbang du byas nas dga' ba'i rang bzhin gyis gar byed pa'o/ /ba ni bi ha ra na te ste 'chag pa'i/ /su 'chag ce na rnal 'byor pa ste/ rnal 'byor pas rnal 'byor ma stong pa nyid kyi rang bzhin lus la bzung na 'chag pa ste/ /stong pa nyid kyi dang la rol pa'o/ /ba'i don to/ /b+ha ni b+ha ga ste btsun mo'i pad+ma'o/ /b+ha ga'i rang bzhin ni stong pa nyid kyi rnam par gnas so/ /de lta bu'i stong pa nyid kyi don bsgoms shing ces pa ste/ de bsgoms shes na b+ha ga'i don rtogs pa'o/ /b+ha ni b+ha na yi ste smra ba'o/ /sus smra zhe na/ sa ra has smras pa'o/ /ji ltar smras she a/ b+ha ga stong pa nyid kyi don rtogs na dge dang mi dge ba la sogs pa'i dri mas gos par mi 'gyur ba'o zhes smras pa'o/ /b+ha ni b+ha nyu ste longs spyod pa'o/ /gang la longs spyod cen/ 'dod pa'i yon tan lnga la longs spyod pa ste / de yang bla mas bstan pa bzhin du longs spyod kyis zhes pa ste/ 'dod pa'i yon tan lnga la ma chags ma zhen par longs spyad par bya'o zhes dgongs

  126. 63b

    pa'o/ /b+ha ni b+ha ti ste 'khrul ba'o/ /de mi byed ces gsungs te/ rang gi sems nyid stong pa nyid nam mkha' lta bu'i yid la 'khrul par ma byed ces pa ste/ tha snyad la sogs bsam bslad par bya'o zhes pa'i don to/ /b+ha'i don to/ /ma ni ma ya ste chang ngo// chang ni byang chub kyi sems te/ ji ltar glang po che'i dbang po sgo dgu nas chang 'dzag cing smyo ba'i dus na ci 'ang yid la mi 'od ba bzhin du/ rnal 'byor pas bla ma'i gdams dag gis byang chub kyi sems phab cing lus la 'grems nus na/ nyon mongs pa zad cing bde ba chen bo'i rang bzhin du gyur nas nang dang sdug bsngal la sogs pa med cing phyi dang nang gi dngos po gang yang yid la mi byed do/ /ma ni mu la ste rtsa ba'o/ /ci'i rtsa ba yin zhe na/ chos thams cad kyi gnyi ma 'am rtsa ba lta bu lhan cig skyes pa'i yid kyi rang bzhin te/ dpal ldan bla ma dam pa mnyes par byas pa las rtogs par bya ste/ gzhan pos ni rtogs par mi 'gyur ro zhes bya ba'i don to/ /ma ni mu la ste rtsa ba'o/ /ci'i rtsa ba yin zhe na/ blo dang sems kyi rtsa ba ste/ gal te bla dang sems gnyis dbyer med par gcig tu byed nus na/ de la rnal 'byor ba zhes bya'o/ /zhes pa'o/ /gang zhing sems kyi rnam par rtog pa thams cad zhi bas na shi ba'o/ /de'i tshe cir 'gyur zhe na/ /rang dang gzhan du 'dzin pa'i rnam par rtogs pa thams cad tshong nas gcig tu gyur pa'o/ /ma'i don to/ /ya ni ya bde ste gang che'i/ /gang gi tshe dang thig le 'dir 'dres nas gcig tu gyur pa'o/ /de'i tshe na yo nI ste rnal 'byor ma'o/ /rnal 'byor ma ni lhan cig skyes pa'i ye shes so/ /lhan cig skyes pa'i ye shes kyi don mngon du rtogs pas na sga'o/ /ya ni ye seng ste ji ltar ro/ /gang dang gang ji ltar bsams kyang de kho na nyid de/ de'i phyir rol tu gyur pa ni gang yang med do/ /zhes dgongs pa'o/ /de'i tshe na ya ni ya ma ste pa'o/ /skye ba dang 'chi ba la sogs pa'i/

  127. 64a

    'jigs pa thams cad kyang med do zhes dgongs so/ /ya'i don to/ /ra ni ra ba'i ste nyi ma'o/ /sha si ni zla ba byang chub kyi sems rnam pa gnyis so/ /gang gi tshe nyi ma dang zla ba gnyis 'dres shing gcig tu gyur na/ lhan cig skyes pa'i don rtogs par 'gyur bas na/ de'i tshe nam mkha' bzhin du shi ba med ces pa ste/ skye shi med pa phyag rgya chen po 'thob par 'gyur pa'o/ /ra ni ra bi ste nyi ma'o/ /nyi ma dang zla ba gnyis ro mnyam par 'gyur bas na bde ba skye la/ de las rnam par mi rtog pa'i ye shes skye'o/ /shin tu mdzes pa ni ji lta ba'i don rtogs pos/ /ra na ra sa nA te sna bug g.yas pa'i rtsa gsal byed kyi rnam par dag pa/ nyi ma byang chub kyi sems dpar po thabs kyi rang bzhin srog gi rlung rgyu ba ste ro ma'o/ /la la na ste sna bug g.yon pa'i rtsa dbyangs yig gi rnam par dag pa/ zla ba byang chub kyi sems dkar po shes rab kyi rang bzhin srog gi rgyu ba ste brkyang ma'o/ /srog gi rlung dang byang chub kyi sems dkar dmar gyen du drangs te bde ba chen po'i 'khor lor slongs pa'i tshe na/ ri bong can dang 'dres nas slar 'dzags? pas ba spu'i bu ga tshun cad lus thams cad rgyas shing gang bar byed pa'o/ /de ltar bde ba chen po skyes pa'i tshe na/ ra ni rA tri na mtshan mo ste/ bde ba la brten nas rnam par mi rtog pa'i ye shes gnyug ma'i don rgyud la rang bzhin gyis skye bas na/ nyin dang mtshan du gnyug ma'i yid ces pa ste/ gnyug ma'i yid gcig pu la sems gtod cig dang/ phyag rgya chen po'i don mngon du byed par 'gyur ro zhes bya ba'i don to/ /ra'i don to/ /la ni le hUM ste kye long zhig pa'o/ /gang blang zhe na/ rlung khyim bdag mo dang 'dra ba de long zhes pa'o/ /gang du zhe na/ khyim du long zhes smros te/ khyim ni lus so lus kyi sgo dgu las rgyu ba'i rlung?

  128. 64b

    dang yid mnyam par 'gag par bya ste/ de'i tshe na rlung a ba b+hU tir chud par 'gyur ba'o/ /la ni le hUM ste long cig pa'o/ /gang blang zhe na/ nA da dang thig le gnyis te/ de gnyis dbyer mi phyed par haM la thim pa'i tshe na/ chos nyid kyi don rtogs par 'gyur zhes pa'o/ /la ni la la nA ste rtsa g.yon pa'o/ /ra sa nA ni rtsa g.yas pa'o/ /a ba d+hu ti ni rtsa dbus ma'o/ /'gro ba'i lus rtsa dpag tu med pa'i bshad kyang gtso bo ni de gsum mo/ /rlung gnyis po de a ba d+hu tir 'jug nus na cir 'gyur zhe na/ la ni lam b+hi ste 'bab pa'o/ /gang 'thab na thig le ste ri bong can 'bab pa'o/ /de 'thung zhig pa ni byang chub kyi sems 'thung zhig pa ste/ de 'thung shes na dga' ba dang bde ba rgyud la skye ba'o/ /de yang rtsed mo'i tshul du 'thung zhes pa ste/ rtsed mo ni byang chub kyi sems dbab pa dang/ bzlog pa dang/ dgod pa dang/ 'grems pa bya'o/ /la'i don to/ /wa ni wa ra ste mchog go /mchog gang yin chad ste byang chub kyi sems so/ /de rol pas de dga' ba dang bde bas 'thung shes na/ lhan cig skyes pa rtogs par 'gyur ro zhes pa'o/ /yang na rol pas te thabs shes rab rol pas so/ /wa ni badzra ni ste rdo rje rnal 'byor ma'o/ /rdo rje rnal 'byor ma ni stong pa dang snying rje'i bdag nyid do/ /de 'phro ba ni lus ngag yid gsum dbyer mi byed par gnas pa'o/ /wa ni bi ra ste rtogs par dka' ba'i rnal 'byor ma ste rang gi sems so/ /gang gi tshe na lhan cig skyes pa'i dga' bas rnal 'byor ma de bde ba dang tshim par byed nus na de'i tshe de kho na nyid kyi don mngon sum du 'gyur ba'o/ /wa ni wa ba ji ste grag pa'o/ /ci grag ce na DA ma ru ste mi shig pa'i sgra grag pa'o/ /mi shigs pa ni thabs dang shes rab gcig tu 'dres te dbyer mi phyed pa'o/ /wa'i don to/ /sha ni sha ya ste rang rig pa'o/ /rang rig pa ni gang gis kyang mi shigs pa'o/ /

  129. 65a

    sha ni sha sha ha ra na thig ste/ byang chub kyi sems dkar po'o/ /de 'dzag pa ni thabs shes rab snyoms par 'jug pa'i tshe na /rnal 'byor ma'i mgon te lhan cig skyes pa rtogs par 'gyur pa'o/ /shi? ni shi ta ka ra lte bsil bar byed pa'o/ /bsil ba ni dper na sos ka'i dus na nyin mtshan gyi nang nas sems can bkres pa dang/ skom pa tsha bas gdungs pa ltar 'khor ba'i sems can gyi sdug bsngal yang de dang 'dra bas/ de zhi bar bya ba ni byang chub kyi sems phab pas zhi bar bya ste/ byang chub kyi sems phab pas dga' ba bzhi'i mthar lhan cig skyes pa'i don rtogs pa'i dus na/ nad dang sdug bsngal dang rnam par rtog pa thams cad zhi bar 'gyur bas so/ /sha ni sha sha d+ha ra ste ri bad? can no/ /de 'thung ba ci nam mkha' zhes gsungs te/ nam mkha' de spyi bo las byang chub kyi sems phab ste/ lus dang ngag dang yid bde ba nyams su myong ba'o/ /'jo ba ni 'jo bar byed pa ste gtum mo la sogs pas so/ /yang na nam mkha' stong pa nyid kyi rang bzhin no/ /'thung pa ni yang dang yang du goms par bya ba'o/ /sha'i don to/ /Sha ni sa ha dza ste/ lhan cig skyes pa'o/ /gang gi tshe lhan cig skyes pa'i mchog gis mnyes pa ste /sems tshim par nus na/ Sha ni Sha pa ra a pa ra ste/ rang dang gzhan du 'dzin pa'i rnam par rtog pa'i bag chags 'gag par 'gyur ro zhes pa'o/ /Sha ni sa ma ste mnyam pa'o/ /a sa ma ste mi mnyam pa'o/ /rnal 'byor ma la mnyam pa dang mi mnyam pa'i rnam par rtog pa med cing/ byang chub chen po 'grub pa la the tshom med de/ /Sha ni sa ra ha ste mnga' bsnun no/ / mnga' bsnun gyis ci smras she na/ kye 'ong zhes da pos nas lhan cig skyes pa'i don rtogs na/ phyag rgya chen po'i dngos grub thob pa la the tshom med do zhes smras so/ /Sha'i don to/ /sa ni sa ya ste ma lus pa'o/ /ma lus pa ni dngos po 'di kun zhes pa ste/

  130. 65b

    gzung ba dang 'dzin pa thams cad lung rigs man ngag gis dpyad na chos nyid kyi ngo bor mnyam pa'o/ /sa ni su n+ya ste stong pa nyid do/ /chos thams cad stong pa nyid dang snying rje dbyer mi phyed pa'i don to/ /'khrul pa log par rtogs pas tha dad du mi bya ste/ de ltar na 'ching bar 'gyur ro zhes bya ba'i don to/ /sa ni sa ha dza ste lhan cig skye ba'o/ /lhan cig skye ba'i dga' bas ma lus pa thams cad lhan cig skyes pa'i rang bzhin du byed pa'o/ /sa ni sa ha dza ste lhan cig skyes pa'o/ /lhan cig skyes pa'i mchog 'di nyams su myong ba'i tshe na/ rnal 'byor pha gang gis kyang 'ching mi nus pa zhes pa ste/ rnam par rtog pas 'ching ba yin pa las/ de med pas 'ching par mi 'gyur ro/ /sa'i don to/ /ha ni hA sa ste rgod pa'o/ /ci la rgod ces na / gang gi tshe de kho na nyid kyi don rtogs pa'i tshe na / rang gi sems la dga' ba dang bde ba skye zhing chim? par 'gyur bas so /ha ni ha ri ya ste 'phrog pa'o/ /ci 'phrog ce na/ rnam par rtog pa ste rnam par rtog pa sems las byung zhing sems kyi rang bzhin du sdud do/ /spro bsdu byas nas bkang yang dga' ba med de/ de stod pa nyid kyi rang bzhin yin pas bde sdug gi zhen pa med pa'o/ /ha ri ni 'phrog pa'o/ /ci 'phrog ce na/ sdig pa thams cad 'phrog pa'o/ /ha ni ha ra ha ra ste dbang phyug chen po'o/ /dbang phyug chen po ni lhan cig skyes pa'i sems so/ /de lta bu'i sems ni kha dog dbyibs dang cha shas dang bral pa'o/ /de rang gi lus la chings shig pa ste/ rang gi sems dang gnyis su med par gyur na yon tan ci yod ce na /ha ni ha le ste bkur ro? dang rtsed mo'o/ /dka' spyod la sogs pa tshogs mi dgos pas na ku re dang rtsed mo tsam gyi sgo nas bla na med pa'i go 'phang legs par 'grub par 'gyur ba ste /phyag rgya chen po'i dngos grub thob par 'gyur ba'o/ /ta'i don to/ /k+Sha ni k+Sha le ste yul lo/ /yul ni pad+ma la sogs pa'o/ /sgo dgu las byang sems lhung na chud zos pa ste/ ye shes la sogs pa mi skye ba'i phyir ro/ /k+Sha ni k+Sha k+Sha ste zad pa'o/ /

  131. 66a

    gang zad par byed na/ 'khor ba'i rgya mtsho 'am rnam par rtog pa thams cad do/ /gang gis zhe na/ k+Sha k+Sha'i sgra byed nus te ye she stod pa nyid des zad par byed nus kyi/ dngos po'i rtog pas ni slar 'phel bar 'gyur gyi zad pa'am skems par mi nus zhes dgongs pa'o/ /k+Sha ni k+Sha ra sa na ste bdar rtsub mo'o/ /dper na bye ma reg chod la gang bdar yang gcod par byed pa de bzhin du bla ma'i gdams ngag dbud? rtsub mo dang 'dra ba'i ting nge 'dzin la dga' bar gyis shig dang/ rnam par rtog pa thams cad zad par byas nas byang chub chen po mngon du byed do zhes bya ba'i don to/ /k+Sha ni k+Sha man na gcer bu ste lhan cig skyes pa'i sems de rtog pa dang/ sdig sgrib dang/ kha dog dang dbyibs dang/ yan lag dang/ cha dang bral bas na gcer bu'o/ /de lta bu'i gcer bu des 'khor ba dang 'khrul pa thams cad bslus pa ste/ bslus pa ni de rnams kyi skyon gyis ma gos shing phyag rgya chen po'i dngos grub 'thob pa'o/ /rnal 'byor gyi dbang phyug thams cad kyi gtsug gi nor bu lta bu dpal sa ra has mdzad pa'i ka kha'i do ha'i bshad pa bris pa 'di/ rgya gar lho phyogs yul ko sA lar sku 'khrungs pa'i rnal 'byor gyi dbang phyug chen po sh+rI bai ro tsa na badzra'i zhal snga nas rab 'gyur du mdzad pa'o// //samA patA/ */ /sku gsungs thugs 'chi med rdo rje'i mdzod kyi glu rnal 'byor gyi dbang phyug chen po sar ha'i zhabs kyis mdzad pa bzhugs/ /*/ /rgya gar skad du/ kA ya ko la? ma rid+ha badzra gI? tI/ bod skad du /sku'i mdzod 'chi med rdo rje'i glu /'jam dpal gzhon nur gyur pa la phyag 'tshal lo/ /kye'o bdag dang byed par 'dzin pa ral pa can/ /bram ze gcer bu sang ga pa dang ni/ /kho na nyid gzhi 'dod pa'i rgyad pan pa/ /thams cad mkhyen zhes zer nas rang ma rig/ des ni bslu bar 'ong ste thar lam ring/ /bye brag pa dang mdo sde sngags pa dang/ /rnal 'byor pa dang dbum la sogs te/ /gcig la gcig skyon 'gel zhing rtsod par byed/ /snang stong mkha' mnyam de nyid mi shes pa/ /lhan cig skyes

  132. 66b

    la rgyab kyis phyogs par 'gyur/ /sku gsung thugs gsal mar mer mar nag bzhin/ /kho na nyid lhan rang snang mar me lta bur gsal/ /rang rig gsal bas 'gro ba kun la khyab/ /dbyer med tshul gyis ma skyes pa'i rang bzhin yin/ /bdag tu 'dzin pa'i sems kyis dran pa sna tshogs rgyu/ /ngo bo nyid la snang tshul cir yang 'char/ /mun pa lta bu'i bag la kun gnas kyang/ /de nyid rnyed pa'i rnal 'byor sgron me 'bar/ /snying po'i don ni rtog ge'i yul las 'das/ /mngon du mi gsal dran pa'i mthu yis bsgribs/ /rtog med nges shes dran med bde ba'i lam/ /ci phyir bgrod med 'bras bu blo las 'das par snang/ /lhan cig skyes pa thugs kyi gter mdzod nas/ /dag dang ma dag 'khor 'das gzugs su snang/ /snang yang skye ba med pa'i dang du gcig/ de nyid mi g.yo tha snyad rang bzhin med/ /phyag rgya chen por 'gyur med bde chen dang/ /rgyu la mi bltos 'bras bu blo las 'das/ /phyag rgya chen po rdzogs pa'i 'bras bu yin/ /tha snyad lam gyi don la mtshon te sbyor/ /brjod bya brjod byed med pa snying po'i don/ /kun gyi brjod bya dran med rig pa'i dbyings/ /mos pa'i shes pas rtogs pa tha dad kyang/ /dran med 'di la la brdzun pa yod re skan/ /lam gyi rtsol bas 'bras bu so so yang/ /dran pa 'di la bden pa yod re skan/ /btang snyoms dbang gis re 'jog tha dad kyang/ /skye med 'di la gnyis yod re skan/ yid la bya dang mi bya snyad 'dogs kyang/ /blo 'das 'di la btsal du yod re skan/ /snang ba'i rkyen gyis dran pa skye 'gyur yang/ /stong pa'i dran med rkyen las 'da' ba med/ /rtog med don la bya bral blta ru med/ /rang la gzhug nas tshol ba e re 'khrul/ /kye'o rdo rje lta bur rtogs dka' kho na nyid/ /ma shes rtsol bas sgra phyir 'brang sems kyis/ /bya ba med pa'i don dang phrad par dka' / /bya ba'i rang bzhin mi bya shes gyur na/ /rgyal ba'i dgongs pa nyag gcig yul las 'das/ /sku ni mi 'gyur chos nyid khong stong lags/ /lus

  133. 67a

    la mi gnas bya dang byed pa bral/ /lam bslad lam gyis 'bras bu mthong mi 'gyur/ /skye med dang la mi 'byed rgyal ba'i thugs/ /dran med dang la mnyam gzhag bde ba che/ /bde chen mi rtog rgyun tu rang la gnas/ /yid la mi byed snang ba rang sar dag/ rkyen ni dran pa ma 'gags ye shes gsal/ /rtsa ba gcig rgyas skyon med pad+ma bzhin/ /'gro ba kun la lhan cig skyes bzhin gnas/ /gzhan yod log mthong stobs kyis bslad mod kyang/ /ji bzhin thog ma'i pad+ma me tog bzhin/ legs mthong stobs kyi phyag rgya che mi g.yo gzung dang 'dzin pa'i rnyog mas bslad gyur kyang/ /dus gsum 'gyur med rtsa ba bdag nyid che/ /rnam shes rlung dang 'og sgo sngags la sogs/ /ye nas spyod bral rang gzhan btang bzhag bral/ /'khor bar mi sems mya ngan 'das mi bltos/ /dus gsum srid gsum sku gsung thugs la 'dus/ /gang la ma 'bad blang dor lta ba med/ /mdza' dbus mi 'byed dbu ma drang po'i lam/ /bcas bcos bral na thugs kyi lam mchog ste/ /bgrod 'jug rims sogs pha rol phyin pa'i lam/ /nye lam bzhag nas ring du 'khor ba'i rgyu/ /lhan cig skyes la gnyen po 'gran zla bral/ /kho na nyid la sku bzhi ye shes lnga/ /nyon mongs la sogs tshogs pas 'khor ba'i lam/ /yul du gang skyes mi spyad yul med mthong/ /ngo bo nyid la dga' dang mi dga' med/ /'dzin rtog gnyis bcas ma bcos chos kyi sku/ /dbang po rang yan ma zin stong par gnas/ /smar med nyams su myong ba rgyun mi 'chad/ /rang gi rgyud la sbyar te shes par bya/ /dri ma med pa'i don la phyag rgya che/ /rgya mtshon mkha' lta bu'i nyams myong 'byung/ /dbang po yul bral ltung ba'i g.yangs med/ /dran pas zin pas khyod nyid chags pa ste/ /rang btad bzhag pas spros pa bslar la ldog 'char nub med na rnam rtog mun pa nub/ /chos nyid ro mnyam bung ba'i me tog mtshungs/ /skyon dang yon tan dbyer med nyid du mtshungs/ /ngo mtshar che ste nyams myong smrar ma btub/ /bden

  134. 67b

    pa dbyer med ji ltar chu bzhag bzhin/ /lhan cig skyes dang rnal 'byor de mi 'bral/ /dngos cig bsam pa du mar dran mthong yang/ /dran med gcig yin du ma nyid du yin/ /gang zhig lhan cig skyes dga' bde chen stong/ /rnal 'byor spyod pa blo las 'das par spyod/ chags lam gnyug ma'i don la sbyor 'dod na/ /nang dang phyi rol ma dmigs bdag gzhan min/ /de nyid don shes rang bzhin grol bar bstan/ /sku gsum chos skud dbye ba med mod kyang/ /nyams su blangs na 'bras bu so sor 'gyur/ /kye'o dbyer med rtogs na lta ngan myur du 'joms/ /skye med stong pa dbyer med thug phrad do/ /yin par shes na nags 'dab rten dang bral/ /thug phrad ma shes mtshan ma'i snying rje ni/ /'khor ba'i gnas su ci spyad zag pa'i rgyu/ /stong dang snying rje dbyer med skye ba med/ /gang zhig 'khor dang myang 'das re dogs dral/ /lus sems ma rnyed dran med rang gar gzhag/ de nyid blo yis ma rnyed rang byung yin/ /mnyam gzhag rjes thob zhi gnas mtshan nyid de/ don dam ma yin blo yis bsgom du med/ /lus ngag sems kyis gzugs sogs rtsol med gsal/ /sna rtse la sogs dbyibs dang nam mkha' dang/ /rtsa la reg? par ma spyad gnyug mar gnas/ /snang ba thams cad bde ba yid ma byed/ /dran pa snang tsam sgyu mar shes tsam gsal/ /zla ba'i gzugs brnyan cha med gzung bas stong/ /btsal kyang med la bltas kyang mthong ba med/ /sgyu mar snang ba'i dran pa de dran te/ /dran pa med las cor yang mthong ba med/ /dran par snang yang de la 'dzin pa med/ /dran pas reg kyi de reg gi bsam bral bas/ /bsam du med pas bral bas skye ba med/ /dran pa skyes kyang yul la mi spyod par/ /cir yang ma grub stong pa'i rang sor gzhag/ ji ltar byas kyang phyag rgya rgyun mi 'chad/ yan lag bzhi ldan phyag rgya chen po bzhi/ skye med don rtogs pa yi yan lag dang/ /bden gnyis tha mi dad kyi yan lag dang/ /snang skye med thug phrad nyid du rtogs/ /dran pa? gzung du med pa'i yan lag

  135. 68a

    dang/ /stong pa rkyen dang dran med blo las 'das/ /dngos po dgag bsgrubs med pa'i yan lag go/ de nyid gzhir ldan 'dod pas dben pa dang/ rtog pa dang bcas dpyod par bcas pa dang/ /dga' dang bde dang dben par gnas la sogs/ /tha snyad de nyid mtshon pa'i yul du gsungs/ /gzhir ldan rab 'bring tha mar gsungs pa yang/ /dman pa'i don du mkhas pas rab tu bshad/ /phyag rgya chen po gang la gnas mi byed/ /blang dor bral ba'i don du de bzhin bshad/ /gtsang rmer mi 'byed gang yang dngos grub dpag tu med/ /lhan cig skyes dang yul la gtum mo spar la sogs/ /dam tshig bdag gi kho na nyid dang rnal 'byor bsgoms/ /dngos po thams cad mnyam nyid chen po la/ /rtog pa spang zhing mi rtog bsgom pa ci zhig 'gyur/ /bla ma la gus gsang ba'i 'dul sdom de ru rdzogs/ /phyi nang gsang ba'i dbang bskur so so'i mtshan nyid dang/ /bum pa gsang ba shes rab ye shes dang/ /ngo bo nges tshig dbye ba la sogs kun/ /thun mong mthu skyes phyag rgya che la reg mi nus/ /kye'o phyag rgya che la 'bras bu'i bdag nyid sku gsung thugs ldan pas/ /'bras bu de yang snying po'i don la 'thad kyi drang dang nges pa'i don la min/ /lam dang 'bras bu'i snying po thams cad bcud 'dus dang/ /theg chen bla na med pa'i dngos dang theg pa dag gi khyad par dang/ /kun gyi snying por gyur nas gsang ba bla na med/ /phyag rgya chen po nges pa'i mtshan nyid ni/ /dran dang dran med gnyis su med pas skye med de/ /blo las 'das shing nam mkha' lta bur cir mi gnas/ /las kyi phyag rgya dpe dang chos kyi phyag rgya'i lam/ /phyag rgya chen po 'bras bu dam tshig phyag rgya gzhan don te/ /chos kyi phyag rgya man chad bsten pas mthar mi 'gro/ /re dogs mthar lhung 'du 'dzi bya ba'i skyon du 'gyur/ /kho na nyid la gnyen po dbyer med rang sor bzhag/ /rnam rtog ji snyed shar yang lhug pa nyid la shar//

  136. 68b

    dran pa rang sar grol nas dran mad lhung pa nyid/ /gang yang longs spyod snang bar shes shing dran med gsos/ /rang bzhin nyams rnyed skye med dag tu ldan/ /kun la khyab cing 'bab chu lta bur gnas/ /mar me ltar gsal rang rig byang chub sems/ /'gog pa med bzhin dran rig rang gis stong/ /yang dag kho na nyid ni gang zhe na/ gzhan yod na kun gyis mthong bar rigs/ /rang la yod kyang lkog gyur bla ma'i zhal/ /sems nyid sangs rgyas kho na nyid yin te/ /dran pas bslad cing de nyid gzhan du brtags/ /sangs rgyas yin phyir yon tan gang zhe na/ yon tan ras dang dkar po lta bu ste/ /kho na nyid kyi yon tan phyag rgya che/ /ngo bo yon tan so so tha dad min/ /phyag rgya che dang bzhi pa la sogs 'og ma kun/ /yon tan so so ma yin tha dad min/ /dran med yon tan rgya mtsho ma 'gul bar/ /dran par mi 'gyur chu yi rba rlabs med/ /skye med yon tan mi 'gyur brag dang 'dra/ /brag ca grag tsam rjes su 'brang ba med/ /blo las 'das shing yul du ma gyur pa/ /phyag rgya chen po'i yon tan nam mkha' 'dras dran pa sems can sems las byung ba yin/ /de phyir stong pa gzhan nas btsal mi dgos/ /bzhi ru snang yang gcig gi yon tan ni/ /phyag rgya bzhi ru snang ba ci phyir mtshon/ /gong gi khyad par dag gi bzhi ru byung/ /phyag rgyu chen po gsum du rtogs mi byed/ /gang la mi gnas phyag rgya chen por spyod/ /me tog sbrang rtsi sbrang mas 'thung dang 'dra/ /so sor rtog pa'i ye shes thabs yin te/ /ro dang phrad nas ro la zhen pa med/ /de ltar kun gyis shes par 'gyur ma yin/ /snying po'i don gyi 'gro drug khyab med kyang/ /'gro ba dran pas bcings te pra tra'i srin/ /sems las dran pa byung phyir 'khrul pa'i rgyu/ /yid la mi byed shes na sangs rgyas nyid/ /'khrul pa de la thabs dang shes rab med/ /kye'o dbyer med shes na thabs mchog de kho na/ /sangs rgyas sems can chos rnams thams cad kun/ /rang gi

  137. 69a

    sems nyid dag dang lhan cig skyes/ /yid la mi byed yid la skyes tsam na/ /dran pa'i snang ba nub ste bden brdzun med/ /de phyir de nyid kho na'i yul ma yin/ /dper na mig gi yul du sgra mi snang/ /rnam par mi rtog dran pa'i yul ma yin// stong pa'i rkyen gyis dran pa bsal tsam na/ /dran pa'i snang ba nub nas mthong ba med/ /ye shes 'on long lkugs par mi 'gyur ram/ /ma dran pa la 'on long lkugs rgyu med/ /bems po la sogs tha snyad kun dang bral/ /snang ba nub ces bya ba'i tha snyad ni// dran pa phyags te dran med gsos su spungs/ /de nyid skye med blo las 'das pa ni/ /dran pa me dang skye med ye shes mes/ /gzung 'dzin bsregs sbyangs blo las 'das phul bas/ /smon lam dbang gis skye ba phyis mi brgyud/ /de phyir phyag rgya chen po sngon song la/ /su la mi brten gang la dag ma lus/ /bcu la zhugs dang tshogs dang zas 'gyed byed/ /rig byed grong khyer krog pa dag dang mtshungs/ /phyag rgya chen po dang las gzhan med phyir/ /mchod rdzas dran pa 'gron dang mchod gnas rang shes pas/ /mchod pa rang gi dran pa med la mchod/ /blo las 'das kyi skye med tshogs la rol/ /phyag rgya chen po gzhan la mi bltos phyir/ /bsgom bya rang la bsgom byed rang gi sems/ /blo 'das rang la dmigs pa nyid dang bral/ /de nyid 'bras bu yin phyir gzhan la rag ma lus/ /bsgom bsgrub sngags bzlas rang gi sems yin te/ /yi dam lha yang rang gi sems yin pas/ /de phyir mkha' 'gro lung ston la sogs rang gi sems/ /sems ni dran pa cir yang snang bar ston/ /ma dran pa ste thams cad dmigs su med/ /phyag rgya chen po rang las gzhan med phyir/ /sangs rgyas chos dang dge 'dun la sogs te/ /pha ma dkon mchog rang bzhin byang chub sems/ /mchod dang bsnyen bkur byas na dran pa'i rgyu/ /tha dad med na skye med rang sar grol/ /blo las

  138. 69b

    'das la bya dang mi bya med/ /sangs rgyas sems can mtshon tshul so so yang/ /lhan cig dag tu skyes te rig ma rig/ gang zhig snang yang dran par mi rtogs na/ /sems can nyid ni 'bras bu skye ba med/ /gang zhig mi snang dran par rtog ce na/ /sems can nyid ni 'bras bu skye ba med/ /gang zhig mi snang rten pa rtog ge pa/ /sangs rgyas nyid kyang khams gsum 'khor ba'i rgyu/ /gang zhig dran med yid la 'chad byed na/ /sems can snang yang sangs rgyas dag dang mtshungs/ gang zhig dran pa sangs rgyas rtogs 'dod na// sangs rgyas snang yang sems can khyad par med/ /des na snang brtags gnyis la brtag du med de por/ /bor yang rang las gzhan med 'gro rgyun 'chad/ /rang las yod snyam rtog ge dran pas bslad/ /snang ba bsal la mi rtog mi zhen sems/ /de phyir yod dang med pa'i rtog pa gnyis bral te/ /gnyug mar gnas na gang ltar byas kyang bde/ /dran ba 'od gsal 'dzin pa'i snying po can/ /zhen pa gnyis dang bral te rang bzhin gnyug mar bzhag/ des na phyag rgya chen po zung du rab 'jug ste/ /dran pa dran med skye med zung du 'jug/ dran med mi rtog pa yi rang bzhin dang/ rten 'brel glo bur skye ba'i dran pa gnyis/ /skye ba med pa'i dang du ro gcig phyir/ /des na skye dang skye ba blo las 'das/ /'od gsal stong dang zung du 'jug la sogs/ /ma bcos ma byas skye med rang sar grol/ /de la sku gsum chos sku longs sku dang/ /sna tshogs snang ba sprul sku zhes su bshad/ /gnyug ma ngo bo nyid kyi sku yin te/ /snying rje stong dang dbyer med skye ba med/ /las kyi phyag rgya la brten nyams myong ni/ /bcos ma yin phyir rkyen gyis stobs las byung/ /gzhan la bltos phyir kho na nyid ma yin/ /chos kyi phyag rgya bcos ma ma yin kyang/ /nyams su myong bas ma grub nyid mi mthong/ /phyag rgya chen po nyams su myong 'gyur na/ /dran pa sna tshogs skye ba med par shes/ /dngos por snang ba ngo bo nyid kyis stong/ /sems can skye ba med dang dbyer med don/ /snying

  139. 70a

    rje thabs kyis mtshon bya dpe yis bstan/ /sna tshogs snang yang blo 'das yul mi g.yo/ /bdag nyid rnal 'byor de nyid rtag tu blta/ /spyod lam thams cad phyag rgya che la gnas/ /dngos po'i gnas lugs skye med dang la gzhag/ rlung gi rkyen bcas rgya mtsho dangs pa la/ /rba rlab chu la gnyer ma glo bur skye/ /de nyid rgya mtsho dag dang dbyer med do/ /dran pas rkyen byas rtog pa glo bur skye/ /de nyid sngar gyi dran pa med dang ni/ /skye med blo 'das dag gi ngo mtshar mtshungs/ /de ltar phyag rgya che la skyes pa sngar med bzhin/ /phyis kyang rkyen gyis stobs kyis skyes srid kyang/ /skye ba med pa de dang dbyer med do/ /gzugs can ma yin kun la khyab pa dang/ /mi 'gyur ba dang dus rnams thams cad pa'o/ /nam mkha' lta bur skye 'gag med pa dang/ /thag pa de nyid sprul gyis stong pa dang/ /chos sku longs sku sprul sku dbyer med de/ ngo bo nyid ni blo yi yul las 'das/ /phyag rgya chen po skad cig mngon sangs rgyas/ /de nyid sems can don du gzugs skur byung/ /rgyu 'thun 'bras bu rnam smin 'bras bu dang/ /dri ma med pa'i 'bras bu gzhan don byed/ /go 'phang khyad par brjod las 'das par bshad/ /kye'o ma bcos phyag rgya bde ba che/ /dran med klong du rang shar ba/ /skye med nam mkha' lta bur khyab/ /blo las 'das pa'i dang la gnas/ /snang ba spros bral bde ba che/ /dran med cir yang mi rtog pa/ /dran pa sna tshogs sems su gsal/ /brtags shing btsal na dmigs su med/ /skye ba med pa 'dzin dang bral/ /'dzin dang bral phyir rgyu ba med/ /dran pa sgyu ma rang rig tsam/ /sgyu med thar med dran med gsal/ /skye med don dam kun gsal bas/ /thams cad blo las 'das par snang/ /khams gsum blo 'das ye shes nyid/ /lhan cig skyes pa de kho na/ /dran pa'i rtsa ba ma lus thag bcad de/ /dran med skye ba med pa'i dbyings la dgod/ /de nyid ma bcos blo yi yul las 'das/ /dran rig sems kyi rang 'bar nyid du gsal/ /gsal bas rnam rtog 'khor

  140. 70b

    ba'i grogs su 'gyur/ /thar pa'i lam ni kho na nyid shes nas/ /rang 'byung ji bzhin bsam bral dang la gnas/ /dran pa rang gsal dngos por grub pa med/ /bcos med dgongs pa skye med bde chen 'di/ /mngon sum snang bas ngos gzung gang yang med/ /dran med yul du cir yang mthong ba med/ /rten dang bral bas slob pa gang yang med/ /gang la yid la byar med phyag rgya che/ /mtshan ma'i dran rig sna tshogs ji snyed pa/ /de nyid phyag rgya che la dbye ba med/ /rtog dang mi rtog gnyi gso so min/ /rtag chad mdza' la mi gnas skyon dang bral/ /rang gi de nyid rtogs na gzhan las min/ /rten 'brel mya ngan 'das lam bstan pa dang/ /skye ba med par rtogs na phyag rgya che/ /de nyid mi shes las kyi phyag rgya dang/ /dam tshig chos la sogs pa rtsol 'dod pa/ /de nyid mtshon pa'i dpe tsam don mi nus/ /gzung 'dzin bral ba'i phyag rgya che brten pa/ /shes pa rang lugs so ma nyid la 'byung/ /'dod med rang gzhag gnyug ma'i ngo bor gnas/ /tha mal snang ba'i shes pa 'di nyid blo/ /yin min dran pa'i sems la rang gzhag yin/ /yid ches rin chen gdams ngag yid bzhin gter/ /yid la bya dang mi bya med par rang bzhin bzhag/ rang rig phyag rgya chen po nyid yin pas/ /phyag rgya chen po nyid la nyid kyis bstan dran pa sna tshogs don la sems ma 'jug/ phyi nang bral bas rtsod med phyag rgya dang/ phyag rgya chen po srog ldan 'dod pa med/ /'dod pa byung na de yang dran pa'i rgyu/ /rang sems phyag rgya chen po la/ /dran pa ma dran tha dad skye ba med/ /'khrul dang ma 'khrul blo yi yul las 'das/ /dran pa'i zhen rtog brtas pas 'khor ba'i rgyu/ /'od gsal phyag rgya chen po gnyug ma'i ngo bo nyid/ /gang yang 'gyur med byang chub sems su gcig/ kho na nyid la gzung 'dzin ngo bo bral/ /snang ba don ldan ye shes nyid du mthong/ /bsam pas brtags pas dran pa'i tshogs su rgyus/ /snang ba skye ba log pa'i stobs kyis mthong/ /dran pa dran med dang

  141. 71a

    la shes 'jug pa/ /lus ngag yid kyis 'bad kyang dran rgyu med/ /gnyis su med na 'khor ba'i rang bzhin med/ /dran pa sna tshogs 'gyur ba'i rang bzhin 'di/ /sna rtse'i phyag rgya dag la ye nas med/ /des na phyag rgya chen po bsam med blang dor gzhag/ kye'o phyi nang zab dang mi zab bskyed rims dang/ /yongs grub ngo bo nyid dang dbugs dbyung dang/ /rgyas gdab las dang chos kyi phyag rgya ni/ /rnal 'byor yongs su rdzogs pa'i rim pa ste/ /phyag rgya chen po ngo bo nyid kyi rim/ /dam tshig phyag rgya yongS su grub pa'i rim/ /kun brtags yongs su grub pa'i rgya/ /las kyi phyag rgya dbang gi ngo bo dang/ /dga' ba bzhi ldan thabs kyi rang bzhin can/ /chos kyi phyag rgya sna tshogs snang ba ste/ /dga' ba bzhi'i lhan cig skyes pa nyid/ /phyag rgya chen po skye ba med pa la/ gzung 'dzin dran bral ngo bo blo las 'das/ /dri ma med pa'i 'bras bu mngon sangs rgyas/ /dam tshig phyag rgya mtshan ma'i rnal 'byor te/ /'bras bu lha yi dkyil 'khor 'gro ba'i don/ /rje bcun pha ma thabs dang shes rab mtshon/ /dga' ba bzhi ldan dam tshig phyag rgya che/ /de ltar thabs kyi sbyor ba kun 'dul yang/ /zab mo chos kyi phyag rgyas gtan la dbab/ /sems nyid phyag rgya chen po rang la bstan/ /dga' bas gzung ba'i dran pa gad ba dang/ /mchog dags 'dzin pa'i dran phyed btang ba dang/ /lhan cig skyes dags dran pa dkar bas dang/ /dga' bral snang ba skye med dran pa gsal/ /de bzhin zab mo'i chos kyi phyag rgya bstan/ /dga' bzhi ye shes gang du skyes pa dang/ /tha mi dad cing yongs su thim par gnas/ /rtogs pa'i nyams myong dag la gnas pa dang/ /yid la ma dran rtog pa tha mi dang/ /dpe dang lam ste tha snyad 'dul bar bstan/ /sems nyid phyag rgya chen po 'chad ba ni/ /skye med skye ba'i cho 'phrul cir yang 'char/ /blo las 'das pas ma skyes ngo bor bstan/ /ma skyes pa dang skyes pa'i dngos po gnyis/ /tha dad med de

  142. 71b

    gnyug ma'i ngo bor bzhag/ dran pa sna tshogs gang la rgyu ba 'di/ /dran med 'jug pas rtog pa mi 'gag pa/ /shes paS rang lugs gzhag na gnas par 'gyur/ /snang dang stong dang gnyis 'dzin skye ba'i rgyu/ /tha mi dad par gon bde ba che/ /nyams myong shar pas mi mthun 'dzin pa bral/ /dran pa med de 'di 'dra'i yul med pa/ /dran pa med dang snang stong tha mi dad/ /ma skyes mtshan ma med pa'i rnal 'byor la/ /mnyam gzhag rjes thob med de rgyun gyi rnal 'byor la/ /snang dang skye ba dran pa gang skyes kyang/ /de nyid stong pa dran pa med gnas pas/ /dran pa yid la byir med snang stong dbyer mi phyed/ /de nyid thug phrad skye med nyams myong la/ /snang ba'i ngo bo stong pa bde chen shar/ /chab rom chur bzhu btung du btub bzhin do/ /gang snang skye med bde ba chen por tshor/ /btang snyoms dran pa med de rtog pa ma bkag kyang// blo las 'das pas rmongs pa bsgoms dang bral/ /'di la gnas na bde chen nyams 'byung ste/ /dang por snang ba stong par myong ba'i nyams myong 'byung/ /chab rom snang yang chu ngo shes bzhin du/ /dran pa'i snang ba ma 'gags par/ /stong pa bde dang tha mi dad par 'byung// chab rol? chu ? bzhu ba'i gnas skabs bzhin/ /dran pa dran med skye ba med la thim/ /thams cad tha mi dad pas bde ba chen por gcig/ /de nyid chab rom chu ru bzhu ba bzhin/ /thams cad rang bzhin thug phrad shes gyur na/ bcing dkrol dag gis ma gzung dran pa'i rjes ma 'brang 'dud bus bcings pa bzhin du sems mi bsgri/ /'jur bu klod na grol zhing sems nyid gang dgar btang/ /gzings la 'phur ba'i bya rog bzhin/ /de nyid shes na snang ba longs spyod yin/ /lcags kyus btab pas glang chen thul ba bzhin/ /bya bral bzhag pas glang chen lom? pa bzhin/ /dran pa dran med ngo shes gnod pa med/ /snang dang stong ba shes pas rtog dang bral/ /skye bar gnas pas dbyer med dran mi rgyu/ /de nyid khyab bdag dgra rkun ngo shes bzhin/ /snang ba stong par thim pas lan tshwa chur thim bzhin/ /dran pa dran med thim pa

  143. 72a

    de kho na/ skye ba rnam pa gnyis la skye rgyun med/ /thug phrad skye med ye shes shar bas na/ /dran pa blo yi yul med phyogs med ye shes 'char/ /spra ba me mched rab 'bar me bzhin du/ /nyams myong smrar ma btub pa gzhon nu'i bde ba bzhin/ /sna tshogs snang yang dran par mi 'gyur ba/ /dal ba'i bab chus rba rlabs mi 'gyur bas/ /rang gi ngo bo gsal bas mar me dran/ /de ltar phyag rgya chen po mkha' la gnas bzhin du/ /rtogs pa'i spyod pas blang dor mi byed pa/ /srog chags pa ta ri bzhin zhen chags med/ /blo 'das 'bras bu 'dod la med grub pa/ /sman mchog nang na pre ta ji bzhin nyid/ /kye'o de ltar mkhas pa thabs zin dag gis ni/ /dran pa med la skye med rgyas btab ste/ /dran pa med pas dran med rgya yis btab/ /snang bas stong pa la rgyas gdab/ /stongs pas snang ba la rgyas gdab/ /dran dang snang ba bde ba'i ror shar na/ /stong dang dran med rgya yi thebs pa yin/ /snang dang dran pa stong pa'i rgya dang ni/ /dran med gnas pa dag gi rgyas gdab na/ /snang dang dran pa bde ba'i ror shar nas/ /mtshan ma'i bsgom pas ma dpyad mtshan ma'i blo las 'das/ /dran dang snang ba dag la skye med rgyas gdab pa/ /skye med dag la blo 'das rgya yis thebs/ /dran pas dran med bde ba'i rgyas thebs pas/ /stong par ma song chad pa'i mthar ma lhung/ /gnas pa skye ba dag la rgyas thebs pas/ /dngos por ma song rtag pa'i mthar ma lhung/ /thams cad blo las 'das shing skye ba med/ /thams cad bde ba chen po'i rgyu dang ldan/ /de ltar shes pas btang snyoms mthar ma ltung/ /dran pa 'khor ba'i dngos po dang/ /dran pa bde pa'i rtog pa la/ /btang snyoms lam du khyer bar byed pa dang/ /rigs pas gzhigs nas stong pa btang snyoms dang/ /gzung 'dzin bral ba'i rang rig btang snyoms pas/ /bden pa gnyis bral gnyis med btang snyoms bsgoms/ /gang du ma dran bsam gtan btang

  144. 72b

    snyoms mchog/ lung du ma bstan btang snyoms sgom ma yin/ /shes pa sor gzhag dran med nyams 'tsho ba/ /dran pa'i mtshan ma dran med lam du khyer/ /bde ba lam khyer blo 'das ma dmigs pa/ /gnyis la mi rtog bde ba rgyun mi 'chad/ /kye'o nyams dang bral bas gzung 'dzin gnyis las grol/ /de nyid phyag rgya chen po'i don mthong 'gyur/ /'bras bu mthar thug rin chen gter chen la/ /phyag rgya che la gnas 'dod gang/ /dri med 'bras bu rtogs par shog /sa ra ha'i zhal snga nas gsungs pa/ /sku'i mdzod 'chi med rdo rje'i glu zhes bya ba rdzogs so// //rgya gar skad du/ bA ka ko Sha sh+rI raM pa ra badzra tse ta/ bod skad du/ gsung gi mdzod 'jam dbyangs rdo rje'i glu/ /'jam dpal gzhon nur gyur pa la phyag 'tshal lo/ /kye'o ting 'dzin rtse gcig ro snyoms khyad par can/ /dngos dang dngos med yig rtogs 'khor rgyu btang bar bya/ /snang dang stong pa zung du 'jug pa dbyer med de kho na/ /chos kyi dbyings kyi rang bzhin thams cad 'byung zhing thim par gnas/ /bdag dang gzhan don gnyis med dran med gsal ba'i dang/ /phyag rgya chen po'i rnam grangs dpag med brjod las 'das/ /dngos dang dngos med yongs su btang na 'khor 'das med/ /rdzing bu bla gab med na phyogs bzhir 'khor lo yangs/ /byis pa ma shes rten 'brel 'khor bar 'jug pa'i rgyu/ /shes rab zhan pas dngos 'dzin bdag gzhan don mi 'grub/ /mar me spar yang dmun long dag la snang mi srid/ /bdag gzhan don 'dod dngos 'dzin rang gis rang la 'dzin// rtog pa yin phyir btang mi btang la brtag par bya/ /snang med rang rig rtog pa'i tha snyad kun dang bral/ /thabs dang bral phyir dag don mi 'grub mchan mar 'gyur/ /dbyer med don la gnas pas de nyid ston pa dang/ /chos kyi dbyings la 'jug pa'i mtshan nyid bstan pa'o/ /bla ma la bstan lung 'brel gdams ngag rjes su ston/ /lung dang rigs pas rang gi mtshan nyid rtogs 'dod pa/ /bla ma la bsten gdams ngag ldan pa

  145. 73a

    dag las rnyed/ /bsnyen bkur byas na bde ba mchog thob 'gyur/ /dri ma dang bral bya phyir bla ma'i zhabs la 'dud/ /mchod na byin brlabs chen po 'byung bar rgyal bas bshad/ /kye 'o grong khyer tsam o sham ku su na mkhar song bzhin du/ /thar pas 'bad na rgyal ba'i sa la gdon mi za/ /brjod bya rjod byed dbang bskur byin brlabs skye zhing 'phel ba'i gnas/ /sngon du slob mas bya dang slob dpon bya ba'i rim pa dang/ /rjes su slob mas bya dang zab mo dbang bskur ba/ /phyag rgya mchod dang bstod pa dag gis gsol ba gdab/ /snyan pa'i tshig gis gsol gdab rig pa rtsal dbang dang/ /phyag rgyal brten gsang ba'i dbang bskur sdom sbyin dang/ /gnang ba sbyin dang rjes su spro ba brtan pa ste/ /slob mas rdzas dbul zab mo'i dbang bskur dam bca' dang/ /bskyed pa'i rim pa la sogs bstan pa ni/ /ngo bo nyid kyi rim pa bstan pa dang/ /nyams myong bsgom par bya ba'i brjod bya la sogs kun/ /gang la mi gnas bya sar ko ne gang la rten mi 'cha'/ /'dod pa med pa'i bde ba dag la mi gnas te// ya zung med phyir gang la rten dang rten byed bral/ /gnyis med rnal 'byor rang la 'char ba'i nyams myong bde/ /bdag tu rtog pa'i dngos po btang na nam mkha' i mdza' ltar yangs/ /mya ngan 'das pa'i grong khyer dag tu 'jug 'dod na/ /tshogs drug thug phrad char ba rgyun gyi rnal 'byor che/ /snang ba stong pa skye med thug phrad rkyen la rag ma lus/ /gnyis med goms pas lam myur zung du 'jug mi ldog/ sems can sangs rgyas rang bzhin yin par shes na rtsol ba med/ /gong gi ro snyoms spyod pa dag la brten nas 'bras bu thob/ /spyod pa byas na 'gro ba 'khor ba dag las thar par the tshom med/ /bdud dang mi mthun phyos las rnam par rgyal bar 'gyur/ /mtshan ma'i rnal 'byor mi bya btang snyoms rnal 'byor min/ /mkhas pa'i ye shes myur du thob cing sgrib pa zad/ /mtshan ma'i spyod pas drang

  146. 73b

    don mkhas kyang rmongs rnams 'ching/ /ro snyoms phyag rgya chen po la brten nam mkhar 'gro/ gnyis med spyod lam rgyun du brten na tshe 'dir thob/ /snang ba sgyu ma'i yul la mi gnas rtog yul med/ /'jig rten chos brgyad 'ching bar mi nub btul zhugs mchog/ snying rje thabs zin spyod pa chags med mkha' ltar yangs/ /phyag rgya chen po yan lag bzhi ldan thabs kyi mchog/ bzhir ldan phyag rgya gcig gi cho 'phrul gcig gi dang/ /gnyis med dang la phyag rgya chen po glod de bzhag/ byang chub sems ldan btang gzhag med na glang chen 'dra/ /rtog pa'i ngo bos sab mo rta ltar snang 'dod na/ /rtog med ? de rnal 'byor bya/ /sku bzhi mthar phyin 'bras bu bde ba chen po'i dang/ /skye bar snang ba lam gyis lus rnams ni/ /sku gsum mthur ldan rtog pa rnam par bral/ /shes dang shes bya rang rgyud dag pa'i yul/ /dngos po'i rang bzhin skye ba'i rkyen snang yang/ /ma skyes pa'i yul las 'da' mi myong/ /dngos po dngos med btang snyoms la sogs kun/ /'byed pa med de dran med skye med yul/ /phyag rgya che la rtag tu mtshan nyid bral/ /phung po dag pas gsang pa'i yul las 'das/ /dga' ba bzhi yi mtshan nyid phyag rgya'i yul/ /rang rgyud ma yin shes rab thabs dang bral/ /sna rtse la sogs de nyid ma zin na/ /de nyid dag la sbyor yang don dam min/ /rang rig rdo rje gnas te sems dpa' i rnal 'byor ni/ /thams cad mkhyen pa ngo bo 'di 'drar med/ /rgya mtsho'i rba rlabs bral ba'i ngo bor mtshungs/ /grag tsam nyid na gang du 'ang sleb pa med/ /dam tshig bsgrub dang 'bras bu rnam sbyar ba/ /mtshon bya mtshon byed tshig gi tha snyad lam/ /dam tshig nyams na thabs sogs nyams gang na/ /blo las 'das pa'i yul du slob pa med/ /brtul zhugs spyod pas phyi dang nang 'gyur ba// kho na nyid dang ldan na khyad par can/ /de nyid mi ldan du da 'gro dag dang mtshungs/ /de nyid sbas pas ye shes skyes bsgomS pa/ /thabs bral dam tshig 'gal yang nyes pa med/ /'di dang pha rol grangs la mi bstod par/ /da lta nyid du mngon gyur phyag rgya che/ /de nyid spangs

  147. 74a

    na nam yang phrad mi 'gyur/ /phyag rgya chen po skad cig thos pas kyang/ /smod dang ldan mi ldan la mi ltos par/ bstan pa tsam gyis rtse gcig 'di yis thob/ /gang zhig dran pa dag la ma yengs pa'i/ /lhan cig skyes don bsgom dang ldan pas thob/ de nyid rang yin gzhan gyi chos mi tshol/ /dur khrod wa sogs tshol phyir 'brangs te 'phung/ /kye'o bram ze rigs dan khyim 'dres 'tshol slong bzhin/ /bzang ngan 'dres pa gcig la gcig gnod de/ /mtshan ma'i rnal 'byor mtshan mar reg/ mtshan ma med la bltas pa nam yang med/ /mtshan ma dus dang grangs la bltos par 'gyur/ /bskyed dang rdzogs pa'i rim pa khyad par bsam mi bya/ /gnyis med 'dus pa rnal 'byor mchog ldan gang/ /gang yang ma shes dran med yengs pa'i yul/ /bran? pa'i gyur sbangs de la goms par bya/ /thun mong ma yin gsang sngags khyad par can/ /thog ma nyid nas bden pa'i ngo bor gnas/ /dngos grub bsdus pas lhan cig skyes la thug/ de nyid khyad par rang rig yul las 'das/ /de nyid bde ba'i gnas dang dngos po stong/ /chos rnams dag pas rang bzhin bde ba'i don/ /gang la mi gnas blo yi yul las 'das/ /yul med gnas med rten dang bral bas stong/ /e baM dngos grub ngo bo nyid kyi rgyu/ /rdo rje 'chang dang rang rig bla ma'i bka' / /'dus pa'i rgyud du dri med phyag rgya che/ /kun rdzob las kyi phyag rgya la sogs kun/ /'khor los sbyang rgyal dmangs kyi 'khor dang mtshungs/ /rdzogs pa phyag rgya nyi zla'i skar phran bzhin/ /dga' bral dga' ba mchog tu dga' la sogs/ /lhan cig skyes dga' 'khor lo'i rtsa ba nyid/ /dri ma med par dag byed de yi dgongs par gsal/ /de nyid ldan pas rtag tu ye shes myong/ /dbyer med thugs kyi stong nyid go 'phangs yangs/ /lus ngag thabs ldan thabs la brten bsgom pa/ /dran pa skyed byed rgyu rkyen 'bras bu smin/ /las can drang phyir grol ba'i thabs su sbyor//

  148. 74b

    las kyi phyag rgya nyams myong brod pa skyed/ /de nyid ldan goms nyams myong grol ba'i lam/ /pad+ma rdo rjer sbyor ba mthong 'dod dang/ /chags can lam gyis de nyid grol mi 'gyur/ /gzhan yang las kyi phyag rgya nyams myong dag bsten la/ /tha mal lus la phyag rgya chen po sbar/ /phyag rgya chen po kun tu khyab pa'i dpe/ /rin po che dang nam mkha' lta bur mtshungs/ /phung po lnga sogs gsang ba mchog tu 'gyur/ /'jig rten 'jig rten 'das pa lhan cig gnas/ /kho na nyid ni bla ma'i bka' drin gyis/ /mtshon cing bsgrub mi dgos par rang la rnyed/ /phyag rgya chen po mchog nyid dri ma bral/ /go 'phang thob par bya phyir spyad par bya/ /rtag chad gnyis med mnyam sbyar gcig nyid bzhag/ lung dang man ngag dag gis rig pas shes par bya/ /kho na nyid ni bsgrub na gdon mi za/ /phyag rgya chen po gsal te shes sgom na/ /kho na nyid ni rtogs par the tsom med/ /de nyid shes na goms pa'i stobs kyis spyod/ /de nyid ma shes steng sgo 'og sgo dang/ /rig ma la rten gsum po gtsor byed dang/ /chu bya la sogs nya dang du da 'gror mtshungs/ /rang rig rgyud la tha snyad 'jal byed dang/ /phyi nang gzhig nas rang bzhin med 'dod na/ /'jig rten ca co yin mod khyad med mtshungs/ /bden dang rten 'brel sgo nas thar 'dod dang/ /dbang po bsubs pas thar lam 'dren 'dod dang/ /byis pa chang pa stong pas 'drid dga' ste/ /des na bya ba byed 'dod thar med brdzun gyis bslus/ /grangs can rigs sogs gcer du bye brag 'dod/ /byed dang rgyur lta la sogs byin 'khyam/ /kye'o des na 'khor ba ji ltar btang bar 'gyur/ /rgyu rkyen med pas rtags yul ma yin pa'i/ /sems kyi de nyid phyag rgya che la gnas/ /de nyid stobs kyis mtshan ma dang bral zhing/ /tshe gcig phyag rgya chen po thob par 'gyur/ /kye 'o ngo mtshar gsang ba'i spyod yul 'di/ /sman pa'i rgyal po rtog las skye med 'char/ /ye shes lnga sogs mtshan nyid rang la ldan/ /dang po las can rigs kyis kho na mthod/ /mtshan

  149. 75a

    ma la bsten dran pas g.yeng ba'i rgyu/ /kho na nyid la phyi rol ma dmigs na/ /mtshan mo'i spyod yul dran med dang la thim/ /mtshan ma'i rnal 'byor khams gsum 'khor pa'i lam/ /mtshan ma'i dngos po bag med sa bon bcas/ /dran med rnal 'byor nam mkha' i dkyil dang mtshungs/ /so sor med na ngo bo ma skyes phyir/ /skye bo gzhan gyi blo yi spyod yul min/ /de nyid lta la mkhas bas spyad byar 'byung/ /dran pa rnam rtog gzugs su gnas pa dang/ /dran med khams gsum dag pa'i gnas su spangs// de nyid ma skyes dngos grub kun gyi gnas/ /phyi dang nang rol ma dmigs thams cad 'grub/ /kye'o phyag rgya chen po yon tan mchog ldan gang/ /bla ma mnyes par bya phyir dngos grub kun gyi gzhi/ /bla ma dkon mchog mi spang yon tan 'byung/ /gang zhig dang pa'i sems ldan brgya lam na/ /rnal 'byor gzungs kyi gzhung 'di rtogS par shog/ gsung gi mdzod 'jam dbyangs rdo rje'i glu sar has gsungs pa rdzogs so// // thugs skye med rdo rje'i gus ra has mdzad pa bzhugs so// // */ /rgya gar skad du/ tsit+ta ko'a a badzra tse ta/ bod skad du /thugs kyi mdzod skye med rdo rje'i glu /'jam dpal gzhon nur gyur pa la phyag 'tshal lo/ /kye'o lhan cig skyes pa'i ye shes ni/ /rang gis nyams su myong ba de kho na/ /rig dang ma rig rang rig gsal ba de kho na/ /mar me mun bsal rang gis rang gsal rang la sang/ /'dam gyi pad+ma 'dam la ma zhen kha dog legs/ /gzung 'dzin dri ma ma spangs snying po bsal/ /nags khrod gnas pa'i ri dags gcig pur rgyu/ /rgyu la ma zhen 'bras bu de kho na/ /snang dang mi snang yul med gsal/ /dngos stong ma dran dran med brjod pa med/ /lhan cig skyes pa rnams gsum nyams su bde/ /zhen pa med phyir rtog ge'i yul las 'das/ /sna

  150. 75b

    tshogs dran phyir rjes su 'brang ba med/ /gsal dang mnyam pa'i ye shes snying po nyid/ /mun sel nyi ma sgron me'i kha dog ltar/ /rang rig rang la 'bar na 'dzin rtog zad/ /sgrub pa zad phyir dran med yengs pa med/ /gnyis dang yod dang med dang tha snyad ma skyed cig phyag rgya chen po bsam med blo las 'das/ /rang rig rdo rje 'dzin pa rnal 'byor pa/ /'da' dka' lhan cig skyes pa'i mar me ni/ /thabs dang shes rab zung du 'jug pa'i don/ /skye med stong pa 'od gsal stong par ris dang bral/ /khyad par can gyi ye shes kho na nyid/ /gnyis la mi bltos bde ba rgyun mi 'chang/ /rang 'byung rtog med bag chags brtsad nas gcod/ /sems can sangs rgyas khyad par bsam yas kyang/ /spyod lam dag na rgyun gyi rnal 'byor che/ /dran pa'i rang bzhin bsam gyis mi khyab kyang/ /gdod nas dag pas dran med dbyings la thim/ /rang don skye med gnyis bral rtogs pa'i don/ /'bras bu dag pas blo 'das yul med bral/ /rtog pa'i thabs rgyun rang bzhin kun la khyab/ /thabs kyi 'gro don snying rje bsam yas kyang/ /ye shes rang bzhin skye 'gag med par rtogs/ /thabs kyi bde ba skyes kyang de med ma zin 'ching/ /grol ba'i ye shes rang la lhan cig 'byung/ /bsgom bya bsgom byed dmigs pa'i blo las 'das/ /sangs rgyas sems can bsam gyis mi khyab pa/ /skye med rtogs pa'i yul na blor mi snang/ /de nyid sad pas bde bstong pas mtshon/ /bsgom bya'i ngo bo snang ba'i rkyen las byung/ mi rtog rtogs pas kun rdzob tha snyad 'grub/ /gnyis su med pa'i snang pa rkyen med la/ /rang bzhin dag pa skye ba'i rnam 'phrul shar/ /bral dang ma bral mi rtog blo las 'das/ /gnyis med rtogs byar skye med yul du 'gyur/ /stong par ? bas de nyid rtogs mi 'gyur/ /blo las 'das pas mon bsam yul ma yin/ /mdza' gsum rtag 'dod dag gis rnyed par dka' / /dga' bzhi dag la dmigs kyang de nyid dka' / /tshogs drug rang chas ye shes mchog ldan pas/ /gnyis med bcud

  151. 76a

    kyi snang par ngal 'char/ /kye'o phyag rgya chen po rtogs bral kun gyi gzhi/ /dngos grub 'byung pas ngo mtshar rmad du che/ /gnyis med bag chags sad nas rang rig bral/ /gzung 'dzin bral ba'i phyag rgya chen po ni/ /mtshan nyid bstan pas nyan thos la sogs skrag/ rtse gcig bltas na yon tan mthar thug ldan/ /rtse gcig byas kyang cung zad bsgom du med/ /rnam rtog dang 'bar dran med gsos su zhi/ /dran pa med snang me long gzugs brnyan 'dra/ /tha snyad bral bas skye med blo 'das lam/ /mtshan ma'i dran pa dri med bag chags bstan/ /thog mdza' bral zhing snga phyi'i dus mi dmigs/ kye'o de phyir dngos med ye shes rtogs pa'i lam/ /ji ltar bag chags bral ba'i tshul zhen/ /gnyis su ma gzung gdod mdza' bral bas zhi/ /bag chags bral bas phyogs med rgyu ba stong/ /zung du 'jug pa sangs rgyas ngo bo nyid/ /shes rab rnam gsum yul dang thabs su gsungs/ /dpe dang bral bas mtshon pa'i yul las 'das/ /skye ba 'di la dam pa'i snying po min/ /thabs kyi sbyor bas tshogs drug rang sar zhi/ /phung ba lnga sogs yon tan dag pa'i zhing/ /kun mkhyen gnyis med snang yul zhen dang bral/ /don dam smra med kun rdzob rtog rtse tsam/ /mya ngan 'das lam 'khor ba'i snang ba nyid/ /bla ma dam pa'i dgongs pa thug phrad du/ /rnyed nas 'khor ba'i lam las grol bar 'gyur/ /rnal 'byor dgongs pa'i nyams rnyed rdzogs sangs rgyas ma nor lam du lhan cig kho na yi/ /kye'o gnyis med don du gsang sngags brda yis bkrol/ /yon tan mi zad rgya mtsho nor bu mtshungs/ /thabs mchog zin na bcu bzhi sa la gnas/ /gang du gnas kyang ye shes dang las rnyed/ /gter rnyed bdag gzhan gnyis ka'i don la rmongs/ /snying gi ga'u pad+ma me tog dkyil/ /thabs dang ldan pa sbyor bde nas 'gyed/ /'khor lo'i phyogs kyi rtsa gnas gang du yang/ /'dod dang bral bas chags med nam mkha' la/ /gyen thur 'dren dang 'khor lo bskor dang yang/ /thabs kyi 'dren tshul don gyi

  152. 76b

    gting mi rnyed/ /gzungs dang 'phangs dang sbyar dang sbar ba yang/ /blun po dbugs mi bde dang khyad med mtshungs/ /rtogs par 'dod pas de nyid rtag tu blta/ /gus dang dang bas bla ma dkon mchog brten/ /gsang pa'i yon tan bla ma mchog las byung/ /don ldan mtshan nyid nyon mongs g.yul las rgyal/ /gsang ba'i don nyid don dang rab ldan pa'i/ /bla ma slob dpon lung dang rab lnga nas/ /mi gnyis sgo nas 'gro ba grol 'gyur shog/ //thugs kyi mdzad skye med rdo rje'i glu snying po gsang ba'i don/ /dpal sa ra ha pa'i zhal nas gsungs pa rdzogs so// // */ /sku gsung thugs yid la mi byed pa zhen bya ba sa ra has mdzad pa bzhugs so// // */ /rgya gar skad du /kA ya kAka? tsit+ta a man si ka ra nA ma/ bod skad du/ sku gsung thugs yid la mi byed pa zhes bya ba/ mtshan ma rab tu mi gnas pa la phyag 'tshal lo/ /rdo rje 'dzin pa la phyag 'tshal lo/ /gang zhig sku yi khyad par bdud bzhi dang tu 'joms mdzad cing/ /rnal 'byor rnam par grol bas mdzad pa gang gis ni/ 'dod pa'i don ni yang dag sbyin par gang 'gyur ba/ /'gro la byams pa'i cha lugs mchog gi don sngon pa/ /don dam rab tu mi gnas dgongs pa rgyal ba'i thugs/ /gang gis sems la 'di kun bsam du med do kye/ /khyod ni phrin las yan lag mang po ston mdzad cing/ /dgyes shing nam mkha' i khams kun thams cad 'gengs par byed/ /gsung mchog yan lag drug cus sgra skad sna tshogs sgrogs/ /thugs kyi khyad par dgongs pa dbyings las mi bskyod kyang/ /thams cad tshim zhid mgu nas rab tu ston par byed/ byams dang snying rje gdugs kyi dkyil 'khor gsal bar snyon? /mahA de ba u ma de ba rab tu 'joms par byed/ /phyogs bcu dus gsum sangs rgyas kun gyi bdag nyid de/ /thar ba'i sgo ni rnal 'byor rnams kyi lam 'di nyid/ /gang yang gtso mchog ldan pa'i sbyor bdag gis rab tu mi dbye bar/ /rnal 'byor chen po tha mi dad pa yin

  153. 77a

    gang gis de ni mi shes pa'i/ /di ma'i tshul gyis gang yang mthong ba med/ /gang gis de kun 'chad bar byed pa de yis ni/ /gzi mdangs gnyis las brten te las kun ston par byed/ /bdag med ro gcig khyab par byed pa'i gzugs ldan ni// 'din mi gnas kun kyang 'gro bar byed/ /sngags dang mdo sde kun gyi rgyal por dbang bskur bas/ /'di dag kun gyi rtsa ba yid la mi byed par/ /khyed kyis gcig dang gnyis la ma sems kyi/ /kun rdzob dran pa'i cho 'phrul sna tshogs par ston pa/ /don dam mi dmiD pa yi dbyings su ro gcig nyid/ /dug lnga la sogs nad kyis nyen pa'i mun pa sel/ /thog ma'i mdza' dang tha ma'i dngos gzhi ma mthong bar/ /'dus ma byas la yid kyi dmigs su med do kyi/ /gzung 'dzin gnyis kyi bar na ming dang bral 'dug pa/ /yan lag log na gcig gi ngo bo nyid/ /shes par bya dang bya'o cog gi tha snyad kun/ /'di las gzhan du lta ba mtshan mas myong bar 'gyur/ /sgra gcan zin gyis zla ba zlos pa ji bzhin te/ /ma mthong pa nyid byis dang bar nas shor bar 'gyur/ /yengs dang gnas pa'i bar na ngo bo 'di zhes med/ /rgyu med rkyen bral skye ba med pa gnyis par na/ /log par lta ba'i tshogs kyis 'di la gzhol du ? wang gur gum tsan dan thig le bris pa bzhin/ /zla ba bzang po rgya skar 'od kyis 'gebs pa nyid/ /snying po'i 'od kyis yan lag zil gyis gnon par 'gyur/ /'di nas 'di ru zad ces 'di byung brtags dka' nyid/ /gang gis nam mkha' dag la longs spyod pa'i/ /'dod pa'i yon tan 'di la 'phel 'grib med par 'byung/ /gang zhig nor bu dri ma med pa 'chang ba yi/ /sems kyi yon tan gter chen 'di las 'byung 'gyur te/ /mthong ba med pa'i tshul gyis rtag tu blta ba nyid/ /chos nyid mtshon pa'i ngo bo 'di zhes 'das 'gyur ba/ /blo mchog rnams kyis kyang ni phibs par nus ma yin/ /gnyis med tshul gyis de bzhin gshegs gang nyid/ /'di nas song ba gang?

  154. 77b

    yang med par shes pa de/ /'di ni mi gnas gang na 'ang gnas pa med/ /yul med 'di la rtag tu lta ba dang bral nyid/ /'di nas gang du 'gro ba'i phyogs mtshams de kun na/ /'jigs par byed pa'i sgra yis ma khyer bar/ /ci bde ba dang lhan cig dag tu byos/ /kye'o grogs dag 'di la sems gnyis yod de med kyi brtag pa kun/ /rnam rtog rlung gis bskyod de smyon pa'i tshig tu 'gyur/ /spro bar gyur nas rgya mtshor ltung ba nyid/ /tshangs pa rdul dang mtshan ma'i yun pa dag dang ma bral ba/ /de nyid gnyis bral rtogs par 'dod pa gang// rgya mtshos dang gshag mar nor bu 'gyur mthong nyid/ /brtul zhugs mya ngan 'da' ba' i spyod pa gang byed pa/ /'di ni mi shes de 'drang ston par byed/ /bden pa gnyis bral sgro skur med pa'i gnyug ma gang/ /gang du mthong ba med pa de yin te/ nges par grub cing 'di la rang bzhin med par 'gyur/ /gang gis ma mthong ba las de ni rgyal bar 'gyur/ /theg pa gsum gyis mya ngan 'das ston pa/ /'di ru ma shes de nyid mthong ba med/ /rnam grol lam ston bye brag gang duAng phye ba med pa de/ /byis pa rnams kyis shes par 'gyur ma yin gang zhig 'di 'dod chags dang bral bar rtogs pa de/ /sdug bsngal gsum 'am brgyad la sogs pa kun spangs nyid/ /bden pa gnyis las mi 'da' thabs tshul sna tshogs kyis/ /'gro ba'i don mdzad 'od zer g.yas g.yon rab tu 'gyed/ /bu ma'i la kha sbub ma dag pa nyid dag ston pa/ /tshang tshing 'brel pa'i yul drug la sogs rab tu 'joms/ /thams cad mkhyen ldan sus kyang mthong ba med pa de/ /grags pa la sogs kun gyis bstod dang bskyod pa med/ /kye 'o 'di ltar gnas na kun gyis shes 'gyur te/ /thog mdza' med nas srid pa'i rgya mtsho g.yengs 'gyur pa/ /sdug bsngal nyid kyi rtsa ba 'di ru byas/ /'di la shes dang nyon mongs la sogs pa'i/ /dri mas ma gos 'dam gyi pad+ma bzhin/ /kha dog ma 'dres yul la so sor snang/ /sgyu mar rtogs tsam gar mkhan mig 'phrul

  155. 78a

    bzhin/ /'du byed sna tshogs gang la bsags pa de/ /glo bur rten 'brel dag las goms pa'i stobs/ 'di goms gang yang shes par mi 'gyur te/ /ma goms pas na thams cad shes par 'gyur/ /'dres pa'i chos ni gang yang gnas par mi byed do/ /skugsungs thugs dang phyag rgyal sogs rim pa kun/ /'di la skad cig tsam du rtogs par ma byed cig/ 'jig rten bstan bcos ngag dang glegs bam gyis/ /gsung gi bdag nyid brjod par bya ba min/ /nyi ma zla ba gnyis su gnas gyur pa/ /de dang gcig tu 'dres par gyur nas ni/ /gang gis gang spyod de yis rab tu brgyan/ /skye ba med pa'i rnam par nges brjod pa'i/ /dbus su brjod pas mdza' rnams rab tu spangs/ ji ltar bstan pas go bar mi 'gyur ba'i 'jig rten khams su gtan 'byams rigs chad de/ /bag chags las kyis mnar ba ma tshor bas/ chos nyid dri ma med pa'i don mi mthong/ /gang yang 'di dang bral ba med pa de/ /dran 'dzin lus las myur du skad cig grol/ /rdo rje'i sems ni yongs su brtag dka' ba/ /sems la sems su ma mthong ro bsnyams nas/ /phyi nang bsam gtan rtse mos btags pas stong/ /rnal ma'i don la gnas pa'i rnal 'byor ni/ ye shes shes rab gsang ba'i dbyangs la rdzogs/ /rang gis ma mthong mtshan nyid kun ldan zhes ni bsngags pa yongS? 'gyur ba'i/ dran med mnyamm pa'i dbyings la skur gsal mos pa med par spyod/ thugs rjes mi gzigs sku gsung thugs kyis mgos pa/ gnyis su ma mthong gsum gyi dri ma bral/ /sna tshogs par snang gang la ngos gzung med pa ste/ lus ngan yid gsum 'bad pa'i rtsol bas gdungs par ma byed cig ngas ni rdo rje'i gru dang long gtam rgyob gsod dang/ 'gro ba kun gyis shes pa dag dang gar? bder spyod/ ma bsgrim mi blta mi spyod 'di dang 'bral ma myong/ ye nas ma bcos thams cad 'byung 'jug go 'phang/ /kye'o sna tshogs

  156. 78b

    gang yang rung ba 'di la bsam pa'i sems bral bas/ /yid kyi rtog pa sna tshogs 'di ni dran pa'i sems yin te/ /gang yang gzugs dang rtsa ba med pa dag las skyes pa yin/ /tha mal shes pa ma bzung bde chen rgyal po nyid/ /mtshan nyid cir yang ma mthong phyogs cha kun dang bral/ /'khrul pas brtags pa'i bsam brjod 'di ni glo bur te/ /blo las byung phyir blo yi bsgom du gal yod/ /gang la yan lag med pa de nyid kun gyi khyim du ltung bar 'gyur/ /go ba'i tshe na ci yang med pa ste/ /dngos kun ci yang gsal pa mthong ba med/ /gang la mya ngan 'das dang srid pa kha sbyar ba/ /gnyis su snang ba khyod la brten dang 'byung bar 'gyur ba yin/ /rgyal ba la sogs kun tu sprul ba sna tshogs ston mdzad pa/ /dag pa'i rigs rnams kun la khyod kyis spyod/ /mi bsam thugs rje rang 'thung? sprul pa ni/ /nor bu rin chen lta bur 'phel 'grib med par 'byung/ /dngos po med pas nams kyang rtogs min pas/ /btang gzhag med cing rang bzhin rnam par grol/ /'dzin med yid la bya med rnal 'byor bsam gtan nyid/ /gang la mi bsgom btsal ba med pa de/ /bsam du med pas yid la mi byad ro snyoms kye/ /ye shes mkha' 'dra bsam bral ma bcos snying po'i don/ /'di la blo yis bsam zhing brjod du med do kye/ /ye btang rang yan tshogs drug lhug pa'i spyod pa 'di/ /tshogs drug rjes su sbyor ba'i mkhas pas btang gzhag med kho na nyid kyi rnal 'byor lhag pa'i bsam bral bas/ /de bzhin nyid la mi gnas gang la rang bzhin med par grol/ /'od gsal rdzogs dang thim dang 'gags par 'gyur ba gang/ /ji ltar bsgoms dang chags par 'gyur ba mtshan ma ste/ /phung po khams dang skye mched yan lag thams cad kun/ /gcig gi dbyings na mi mngon phra ba'i tshul du gnas/ /rgya mtsho'i dbyings nas nor bu rin chen rnyed 'gyur ba/ /chu srin dung dang gdug pa can gyis mthong mi 'gyur/ /phrag dog srid pa'i nyon mongs la sogs pa'i/ /mtshan ma'i dbyings

  157. 79a

    nas yongs bzung med par mthong/ /gsum la sogs pa'i sgo nas 'jug par byed pa ni/ /rnam rig bden pa gnyis kyi sgo nas rtsol bar byed/ /ji ltar snang bzhin 'jig rten tha smad lam/ /rnam thar sgo gsum bslad pa rnam pa gsum/ /mtshan ma'i yid la byed pa'i rnal 'byor te/ /rnal 'byor chen po 'di la gnas mi byed/ gang zhig shel sgong dag pa lta bur ni/ /dri ma gnyis gral srid dang 'das grol te/ /rin po che ltar dgos 'dod thams cad 'byung/ yongs su zad pa zad phyir mtshan nyid med/ dngos med bden pa gnyis bral gcig gi dngos po stong/ /mtshan ma thams cad ye nas med pa'i phyir/ /mthong thos la sogs mdza' yi rtog pa med/ /med la med par 'dzin pa tha snyad de/ /'di ni tshor bar nus pa ma yin no/ /'di ni rtsa ba kun gyi rjes su rtog par ma byed cig /'di la gang tshe rtog par byed pa dang/ /bskal par bgrang kyang de nyid rnyed pa min/ /mgal me rtsub shing lta bur me mched 'bar ba bzhin/ 'di kun mched nas thams cad sreg par byed/ /kye'o grogs dag rgya mtsho nor bu lta bu'i sems ni 'di nyid yin te/ /kye/ /ma he'i rwa ru seng ge'i 'o ma gang slugs pa/ /nor bu rin chen 'bar ba de yis thob par 'gyur/ /nyon mongs pa rnams nyi mas rab tu skams pa'i 'od zer ba'i/ /ngan 'gro la sogs log par lta bas 'jigs pa med pa de/ gang dag rnyed pa de dag gzhal gyis mi lang ngo/ /ji ltar chos kyi dbyings su snang ba de srid du/ zag pa med gang thams cad de yis spyad pa yin/ /dug sprul phag rgod glang chen seng ges zos pa bzhin/ /de bzhin srid dang mya ngan 'das pa khyur mid brdas/ /bskal pa brjod du med pa brgya stong du ma ru/ /nyon mongs la sogs bsags pa'i sa bon ni/ /sems gcig snang par 'gyur pas 'bras bu gcig tu log par 'gyur/ /sgron me khang bur nor bu gnas gyur pa'i/ /'od kyis thams cad

  158. 79b

    zil gyis mnan par 'gyur/ /dman pa'i lta spyod nyan thos la sogs pa'i/ /sems de yang dag blangs nas 'jug par 'gyur/ /'di la gang na byang chub sems dpar gyur pa de/ /rdzogs pa'i sangs rgyas dka' bar 'gyur ba ma yin no/ /sems kyi skad cig 'di la mdza' yas mu med de/ /yan lag thams cad skad cig 'di la log par 'gyur/ /chos rnams thams cad kho na nyid la rdzogs par 'gyur ba yi/ /gzhan med gang zhig gang nas 'ongs par 'gyur ba ma yin no/ /zla ba'i snying po mun pa'i g.yul las rgyal bar gyur pa gang/ /'jig rten rmi lam lta bu 'di la yang dag rnyed par 'gyur/ /brdzun pa gang yin 'di la yang dag sus mthong ba/ /bltar med de la gzugs su mthong bar ga la 'gyur/ don dam par ni gang yang yod par 'gyur ba ma yin na/ /pha rol gzhan du mthong nas 'gro ba 'dod pa'i gang zag de/ /'di las gzhan du 'gro ba'i khyad par bse dri can bzhin no/ /'di ni pha rol rtol bas gang du ma bor bar/ /gcig kyang phyin pa med par 'dis rtol lo/ /kye 'o gang 'di tha snyad lam 'dis btsal ma yin/ thar pa rtag tu byi la lta bu'i mchongs pas nags su ltung bar 'gyur/ /gal te stag dang wa mo lta bu'i stobs ni go bzlog na/ /de nyid yod pas de la ci zhig phan par mi 'gyur ro/ /de nyid shes na mi bsam mi rtog par/ /gzugs mthong cir yang snang ba'i yul ni de du stong par 'gyur/ /'di la yengs nas de la gnas par 'gyur ba ma tshor ro/ /dran dang shes bzhin gnyis ni bar gyis de la gang yang ma mthong ste/ /chos kun stor na 'di yi khong na gnas par 'gyur ba yin/ /'di la dngos po med cing bsam du med pa de/ /khyod kyis rtsa mchog can du gnyis ka med par byos/ kye'o sangs rgyas kun gyi yan lag bzhi pa 'di kun gsum du ston par ni/ /khyed kyis yang nas yang du bsams bas mthong pa gang yang med mod kye/ /'khor ba'i ngan pas rten 'brel dag las 'byung ba ni/ /sna tshogs par snang rang

  159. 80a

    gi ngo bo ma skyes phyir/ /mi 'gyur bde ba chen po'i rang bzhin dag dang lhan cig skyes/ /sems kyi don dang de bzhin gshegs pa thams cad kyi/ /rang bzhin rnam par dag pa'i yon tan nyid/ /chos rnams thams cad gnyis su gdong nas ma byung ste/ /gnyis dang gcig gi dran pas du ma dag dang 'bral bar 'gyur/ /gang yang brjod par bya yi dngos po gang zhig rang gis stong pa ste/ /blo las 'das phyir mtshan ma rab tu 'joms/ /de med pa de gang yin gang nas gnas par mi 'gyur ro/ /rgyun mi 'chad pa'i bsam gtan gang tshe thob par 'gyur pa la/ /bral bas 'di las gzhan du song bas ma mthong ngo/ /gsang sngags 'di kun rtsa pa de las bskyed par ni/ /de med pa las 'byung bar 'gyur ba gang yang yod pa ma yin kye/ /su zhig 'di la rtog par byed pa'i blon po de/ /bskal pa brgyar yang mchog gi don mi mthong/ /gang zhig yid la byed pa'i mtshan mas brgyal ba kun/ /btang gzhag bral dang thob par mi 'gyur rgyal srid bzhin/ cung zad drod thob byang chub sems dpa' dag/ gang du g.yos pa med pa mtshor ro/ rnam par rtog can lam du zhugs pa'i phyir/ /byang chub sems kyi thig le rlung la gang bskyon pa/ /sa bon nges ni 'khor ba 'di ru zags par 'gyur/ /yang dag pa yi de nyid thob par mi 'gyur zhing/ /chang tshing dra ba'i gseb du 'dral bar 'gyur/ shes rab mig gis log par tshar bcad na/ gzhan gyi log par lta ba rang gi de ru gral/ /dka' thub la sogs gzhan du 'bad pa med/ /bdag med par ni rang byung gang yang rnam pa sna tshogs nyid/ /rgyu rkyen/ la sogs 'brel ba 'di ru stong par byos/ rnal 'byor 'di la bdag gi gnas su 'dug pa ma mthong ngo/ sa dang pha rol phyin pa'i long pa gang 'chal 'dis/ /srid pa'i dra ba/ bur na rgya mtshod mchod par byed/ /de la gru med rgya mtsho'i thabs su zags par 'gyur/

  160. 80b

    thog mdza' med pa'i phyag rgya chen po 'di/ /srid dang mya ngan 'das grol nyon mongs rgya skems par 'gyur/ /de la sems rgyan 'chad do snyam du sems shing stong par yid la ma byed cig/ /gang la don gyi brtul zhugs chen po 'di nyid ma thob par/ /brtul zhugs spyod pa'i dbang gis de la ma reg kye/ /byin gyis rlabs dang brlab bya med pas ngo mtshar che ba nyid/ /gnyis med sgro skur bral ba 'di las gnas pa gang rten dang bral pa'i tshul gyis gnas par 'gyur/ /'gro ba kun gyis de ltar shes par 'gyur gang ni/ /srid dang mya ngan 'das pa kun gyi don shes 'gyur/ /srid dang mya ngan 'das pa'i chos rnams rang gi sems yin par/ /gzhan du blta ba med par thag chod bsam med blo 'das nyid/ /de la bsgoms ang ma bsgoms rnam par rtog pa dang/ /mtshan ma dgag dang spang par bya ba mi dgos te/ de la ci bya gang yang ma byas de nyid gsal bar 'gyur/ /ji ltar rnam rtog ma bkag ma spangs par/ /gzhan du ma mthong de nyid gsal 'gyur na/ /de ni gang la gnas kyang gzhan du mthong bar 'gyur ba ma yin no/ /ma bsgoms ched du ma byas 'bral ba med pa'i dang bzhin te/ /dus rnams kun tu 'di don shes pa'i mtshan ma 'di la rtog par ma byed cig/ rang la lhan cig gsal ba'i snang srid 'di la rtog med cing/ /de las gzhan du rtog pa'i blo can 'dis ni rgya mtsho nang gi nor bu rnyed mi 'gyur/ /gang nas byung zhing gang du gnas pa'i 'dzin pa 'di ni skye ba med 'gyur na/ /rgyun tu 'gag pa med pas gzung 'dzin de ma skyes pas ye shes nyid/ /ngo bo de la dri ma ma spangs de nyid ma bsgoms par/ /nags khrod dag na gnas pa'i glang po yan par khyab?/ /mtshan ma'i yul gyi rnam g.yeng rtog pa bsam gyis mi khyab pas/ /gnod cing de la g.yeng bar mi 'gyur te/ /mtshon cha bral ba'i chom rkun dag gis bsad bcad ma yin no/ /mtshan ma de nyid snying po med 'gyur ba/ /sgyu ma'i dpe brgyad lta bur rang bzhin med par byos/ /gang mthong sems

  161. 81a

    yin de la dngos po med 'gyur bas/ /dran med blo la mi gnas chos rnams thams cad ni/ /de las byung zhing de ru snang nas de nyid las 'gyur bas/ /'di la gzhan du g.yo ba gang yang med pa nyid/ de la de nyid tsam du mkhyen gyis yid la ma myed? kye/ /kye'o grogs dag blo la ci skyes sems de ni/ /dus rnams kun tu gsal ba ma yin no/ de la gsal rgyu ci yang med pa ste/ /brtsad pa kun dang bral bar ni/ rang gnas pas ni grol bar 'gyur/ /ji ltar tshul 'chos byas pa'i sangs rgyas 'di kun ni/ /dge slong ma yin rgya mtsho'i nang du ltung/ 'di nyid las ni gzhan dag tu/ /gcig kyang lta bar mi byed pa/ des ni thams cad mthong ba'i dge slong yin/ gang zhig brdzun la goms pa'i gnas brtan des/ /srid pa nyam thag 'di las 'byung bar nus ma yin// gang gis srid pa'i chu bo 'di brdzun par/ shes pa de ni gnas brtan mchog thob 'gyur/ rnal 'byor de yi spyod yul ni/ /lha dang sngags dang phyag rgya'i yan lag kun/ /'di kun shes na dbab du yod pa ma yin no/ /de nyid shes pa de la de kun mthong ba med// de ltar 'de las ma gtogs pa'i/ 'du shes yul gzhan dag las ni/ /skye bar 'gyur ba yod ma yin/ /yul can gang gi phyogs dag tu/ /gnyis su mthong ba med par 'gyur ba de/ /rnam pa sna tshogs de nyid grol pa yin/ /gang zhig phyogs su lta bar gyur pa de/ /mtshan ma'i dran rig phra rabs goms pa yin/ gang zhig 'di las goms 'gyur bas/ /spyod pa ji ltar byas pa kun/ don dang ldan par 'gyur ba ma yin te/ /nyam thag mtshan mas myur du 'ching bar 'gyur/ /gang zhig 'di dang phyogs su ni// gtad la gom su yod pa yin/ /bsam med yid la goms su med/ kye'o grogs dag rig pa'i ye shes gnyis su med pa ni/ /ye shes bla na med pa'i dbang bskur chen po ste/ /rdzogs ldan dpal ldan? bla ma dag gis ni/ /bskur du med pa'i tshul gyis thob

  162. 81b

    bar byed pa ni/ /mchog gi rnal 'byor rnams kyi dbang bskur te/ /thob bya med pa'i tshul du thams cad rdzogs de nyid ma shes log sred can gyi dbang rnams ni/ /mtshan ma'i rtog pa dag gis gzungs du thags par 'gyur/ /'di la nyon mongs shes bya'i sgrib pa las bsags kun/ /shes rab ting 'dzin mi dgos rnam par grol bar 'gyur/ /khro gnyer med pas zug rdu thams cad 'joms par ni/ /ma skyes pa yi tshul gyis 'dzin par mi byed do/ /snang ba 'gag pa 'di la gsal ba'i rtog pas yid la ma byed cig/ phyin ci log dang rnam par rtog pa thams cad ni/ /nyon mongs lnga yi gnas su thams cad thags? par 'gyur ba yin/ gzhan dag 'di nyid shes pas 'khor ba'i dra ba dag gis stong pa nyid/ /u dum pa ra lta bur dkon 'gyur ba'i/ /rmongs pa'i mun sel snying po gsang ba'i don/ sus kyang shes par med par kun la gsal 'gyur ba/ /snying gar gnas pa'i don la dri ma med 'gyur te brtul zhugs spyod bas gang de mthong ba ma yin no/ /'di rnams rdzogs la sbyor bar nus pa de/ /yan lag thim nas spyod pa nyid du gnas/ /kye grogs dag kyang dang rdza rigs ji bzhin du/ /gang gis khengs par myur du thob par 'gyur/ /rim par sbyang ba gang yang yod pa ma yin no/ /chos rnams thams cad stong pa nyid du ro gcig dang/ /khyod kyis rdzogs par 'gyur bas thob pa ma yin no/ gang tshe 'di la rtsa ba med par rtog pa ni/ da lta nyid du gnyis med nges par 'gyur ba yin/ /ji ltar sin bu spyod bas bcings par gang 'gyur ba/ 'di rnams ral chags pas 'chid par 'gyur ba ste/ /chang tshing 'di la za bar nus pa gang gis ni/ /'khor lo thams cad rgyun tu bskor bar 'gyur ba yin/ /sangs rgyas rnams kyi sku gsung thugs gsal ba// 'di kun gang gis yid lam byas par/ /ston pa'i bla ma rdo rje 'dzin la 'dud/ /sku gsung thugs yid la mi byed pa'i phyag rgya chen po zhes bya ba/ sangs rgyas gnyis pa ltar grags pa/ /rnal 'byor gyi dbang phyug chen po dpal sa ra ha pa'i zhal snga nas gsungs pa

  163. 82a

    rdzogs so// //bla ma nag pos rang 'gyur du gnang ba'o// //gu ya sa ma pa ta smi si// */ /do ha mdzod ces bya ba phyag rgya chen po'i man ngag dpal ri ? zhabs kyis mdzad pa bzhugs// * / /rgya gar skad du/ /ngo ha ko Sha nA ma ma hA mu dra u pa de sha/ bod skad du/ do ha mdzod ces bya ba phyag rgya chen po'i man ngag/ dpal rdo rje rnal 'byor ma la phyag 'tshal lo/ /lhan cig skyes ba'i ye shes chos kyi sku bde ba chen po la phyag 'tshal lo/ /ji ltar dngos dang dngos med snang stong dang/ /rgyu dang mi rgyu g.yo dang mi g.yo ba/ /thams cad ma lus nam mkha' i rang bzhin las/ /dus rnams kun tu nam yang g.yo ba med/ /nam mkha' nam mkha' zhes ni rab brjod kyang/ /nam mkha' i ngo bo cir yang grub pa med/ /yod dang med dang yod min med min dang/ /de las gzhan du 'ang mtshan pa'i yul las 'das /de ltar nam mkha' sems dang chos nyid la/ /tha dad cung zad yod pa ma yin te/ /tha dang ming ni glo bur btags pa tsam/ /de la don med brdzun gyi tshig tu zad/ /chos rnams thams cad rang gi sems yin te/ sems las ma gtogs chos gzhan rdul tsam med/ /gang gis gdod nas sems med rtogs pa yis/ /dus gsum rgyal ba'i dgongs pa dam pa rnyed/ /chos kyi za ma tog ces yongs su gdags/ /de yang log pa'i chos gzhan ma yin te/ /gzod nas lhan cig skyes pa'i rang bzhin no/ de yi de nyid bstan du yod min te/ /brjod du med pas sus kyang go ba med/ /gal te bdag po yod na nor yod de/ /ye nas bdag med de la ci zhig yod/ /sems yod gyur na chos kun yod rigs te/ /sems med pa la chos zhig su yis rtogs/ /sems dang chos su snang ba thams cad ni/ /btsal na mi rnyed tshol mkhan gong nas med/ /med pa dus gsum ma skyes mi 'gag pas/ /de nyid gzhan du 'gyur ba med pa ni/ /rang bzhin bde ba chen po'i gnas lugs yin/ /de

  164. 82b

    phyir snang ba thams cad chos kyi sku/ /'gro pa sems can rnams ni sangs rgyas nyid/ /'du byed las kun ye nas chos kyi dbyings btags pa'i chos rnams ri bong dwa dang 'dra/ /kye ma nyi ma sprin bral 'od zer kun khyab kyang/ /mig med rnams la mun pa rnams su snang// lhan cig skyes pas kun la khyab gyur kyang/ /rmongs pa dag la de nyid shin tu ring/ /'gro ba rnams kyis sems med ma rtogs pas/ /btags pa'i sems kyis sems nyid rab tu bcings/ /ji ltar gdon gyis brlams pa'i smyon pa dag/ dbang med don med sdug bsngal byed pa ltar/ /dngos 'dzin rnam tog gdon chen zin pa yi/ /skye bo don med sdug bsngal 'ba' zhig byed/ /kha cig blo yi dbye bas rmongs rnams bcings/ /bdag po khyim du bzhag nas gzhan du tshol/ /kha cig gzugs brnyan dag la don du 'dzin/ /kha cig rtsA? ba bor nas lo 'dab 'breg/ ji ltar byas kyang bslus pa ma tshor ro/ /kye'o bus pa rnams kyis de nyid ma rig kyang/ /de nyid dang las g.yos med nga yis rtogs/ /nga yis nga yir thog mdza' shes gyur pas/ /nga yis nga mthong dang nyid gcig pur lus/ /gcig? po nyid la bltas pas gcig ma mthong/ /mthong bya mthong byed bral bas brjod du med/ /brjod du med pa su yis go bar 'gyur/ /gnyug ma'i yid la gang tshe sbyang gyur pa/ /de tshe ri khrod nga yi rtogs par 'jug/ seng ge'i 'o ma snod ngan phal par min/ /ji ltar nags na seng ge'i nga ro yis/ /ri dags phra mo thams cad skrag gyur kyang/ /seng phrug rnams ni dga' bas rgyug pa ltar/ /gdod nas ma skyes bde chen 'di bstan pas/ /rmongs pa log rtog can rnams skrag gyur kyang/ /skal ldan rab tu dga' bas spu zing byed/ /kye'o ma yengs sems kyis rang gis rang la stos/ /rang gi de nyid rang gis rtogs gyur na/ /yangs pa'i sems kyang phyag rgya chen por 'char/ /mtshan ma rang grol bde ba chen po'i dang/ /rmi lam dag gi bde dang sdug bsngal kun/ /sad pa'i dus na rang bzhin med pa'i phyir/ /re dang dogs

  165. 83a

    ba'i bsam pas kun bslangs nas/ /dgag dang sgrub pa'i bsam pa su zhig byed/ /'khor dang mya ngan 'das pa'i chos rnams kun/ /de nyid mthong bas rang bzhin med pa'i phyir/ /re dang dogs pa'i blo na zad gyur pas/ /spang dang blang ba'i 'bad rtsol ci byar yong/ /snang grags thams cad sgya me smig rgyu dang/ /gzugs rnyan dang mtshungs dngos po mtshan ma med/ /sgyu mar snang mkhang sems nyid nam mkha' i ste/ /mdza' bral dbus med sus kyang shes mi 'gyur/ /gam gA la sogs chu klung sna tshogs pa/ /ba tsho can gyi rgya mtshor ro gcig ltar/ /btags pa'i sems dang sems byung sna tshogs kun/ /chos kyi dbyings su ro gcig shes par byos/ /gang zhig nam mkha' i khams ni yongs btsal kyang/ /mdza' dang dbus med mthong ba yongs su 'gag/ de bzhin sems dar chos ni yongs btsal bas/ /snying po rdul tsam rnyed par ma gyur te yongs su chos ba'i sems kyang mi dmigs pas/ /ci yang ma mthong ba nyid de mthong yin/ /ji ltar gzings la 'phur ba'i bya rog ni/ /phyogs rnams bskor zhing slar yang de ru 'bab/ /'dod pa'i sems kyis bstan pa'i rjes bcad kyang/ /dang po'i sems nyid gnyug ma nyid du 'bab/ /rkyen gyis mi 'gul re ba'i yi chang pa/ /dogs pa'i lkugs sa zhig pas rdo rje sems/ /rtsa ba chod pa'i sems nyid nam mkha' 'dra/ /sgom du med pas yid la mi bya ste// tha mal shes pa rang lugs gnyug ma la/ /bcos ma'i dmigs pa ngag gis ma bslad de/ /rang bzhin dag pa'i sems la bcos mi dgos/ /ma bzung ma btang rang dga' nyid du zhog/ gal te ma rtogs blo la sgom rgyu med/ /rtogs pa can la bsgom bya sgom byed med/ /ji ltar nam mkhas nam mkha' dmigs su med/ /de ltar stod pas stod pa sgom du med/ /gnyis med shes pas chu dang 'o ma ltar/ /sna tshogs ro gcig bde chen rgyun chad med/ /'di ltar dus gsum rnam pa thams cad du/ /yid la bya ba med cing ma bral gnyug

  166. 83b

    ma'i dang/ /de nyid skyong la sgom zhes tha snyad gdags/ /rlung ni mi bzung yid ni mi bcings bar/ /ma bcos shes pa bu chung lta bur zhog/ dran tog byung na de nyid rang la ltos/ /chu dang rlabs gnyis tha dang ma rtogs cig/ yid la mi byed phyag rgya chen po la/ /sgom rgyu rdul tsam med pas mi sgom ste/ /sgom med don dang 'bral med sgom pa'i mchog/ gnyis med lhan skyes bde ba chen po'i ro/ /ji ltar chu la chu gzhag ro gcig ltar/ /ji bzhin dang du de bzhin gnas pa'i tshe/ /dmigs 'dzin zhen pa'i yid ni rab tu zhi/ /kye'o/ /gnyis med gnyug ma'i rnal 'byor gang de la/ /spang dang blang ba'i dngos po ci zhig yod/ /ngas ni chos kun ma btang bas/ /bu khyod 'di gyis bya ba mi smra'o/ /ji ltar nor bu de dngos med pa ltar/ /rnal 'byor spyod pa de dngos med pa ste/ /'du byed sna tshogs cal col bar smras kyang/ /rnal 'byor blo ni gcig las mi 'da' o/ /gcig nyid na ni gcig kyang yod min pas/ /rnam pa sna tshogs rtsa ba bral gyur te/ /smyon pa bzhin du rtsis med yan pa la/ /byar med spyod pa bu chung bzhin du gnas/ /e ma srid pa'i 'dam skyes pad+ma lta bu'i sems/ /nyes pa gang gis gang la gos pa med/ /za zhing 'thung la gnyis sprod bde ba dang/ /gal te lus sems rab tu gdungs gyur dang/ /rnam pa sna tshogs gang la spyod gyur pa/ /gang gis ma bcings ma grol gos pa med/ /rtogs pa'i rang spyod rtsis med dang de nas/ /rmongs pa'i 'gro ba nyam thag mngon gyur tshe/ /mi bzod snying rje'i shugs kyis mchi ma 'byung/ /bdag gzhan bzlog nas phan pa nyid la 'jug/ don la brtags na dmigs pa gsum bral bas/ /yang dag ma yin rmi lam sgyu 'dra ste/ /chags thogs bral bas dga' zhing skye med pa/ /skyu ma mkhas pa sgyu ma'i don byed mtshungs/ /gdod nas ngag pa nam mkha' i rang bzhin la/ /spangs dang thob pa'i dngos po 'ga' yang med/ /yid la byar med phyag rgya chen po ni/ /'bras bu gang du 'ang re ba ma byed cig/ re ba'i sems ni gdod nas ma skyes pas/ /spangs dang

  167. 84a

    thob pa'i dngos po ci zhig yod/ gal te gang gis thob pa'i dngos yod na/ /bstan pa'i phyag rgya rnam bzhis ci zhig byed/ /ji ltar ri dgas 'khrul pas gdungs pa yis/ /smig rgyu'i chu la rab tu rgyug pa ltar/ /rmongs pa gang zhig 'dod pas rab gdungs bas/ /ji ltar 'bad kyang slar ni ring par 'gyur/ /ye nas ma skyes rang bzhin rnam dag pas/ /de las khyad par cung zad yod min te/ /btags pa'i yid ni dbyings su dag gyur pa/ /de la rdo rje 'chang zhes btags pa tsam/ ji ltar e tha? bskam po'i smig rgyu dag/ chur snang chu ni gnyis su med pa ltar/ /gzod nas dag pa btags pa'i yid sangs pa/ /de la rtag chad gnyis su brjod du med/ /yid bzhin nor bu dpag bsam shing bzhin du/ /smon lam dbang gis re ba yongs skor ba/ /de yang 'jig rten tha snyad kun rdzob ste/ //dam pa'i don du 'ga' yang yong ma yin/ /de ha mdzod ces bya ba phyag rgya chen po'i man ngag dpal ri khrod pa chen po sa ra ta'i zhal snga nas mdzad pa rdzogs so// //rgya gar gyi mkhan po sh+rI bai ro tsan rak+Shi tas rang 'gyur du mdzad pa'o// / */ /ngo ha ma'o gyi snying po don kyi klu'i 'grel ba bzhugs so/ */ /rgya gar skad du/ rdo ha koSha h+ri da ya artha gI ta TI kA nA ma/ bod skad du /do ha mdzod kyi snying po don gyi glu'i 'grel pa zhes bya ba/ 'jam dpal gzhon nur gyur pa la phyag 'tshal lo/ /spul pa'i byang chub sems dpa' rin chen blo gros dang/ /dpal ldan rnal 'byor dbang phyug chen po mnga' bsnun gyi/ /ji bzhin dgongs pa lon pa dpal ldan sar ba'i/ /zhabs kyi rdul la sgo gsum dang bas phyag 'tshal 'dud/ /snying po'i don ni blo yi yul du ma gyur pas/ /bdag 'dras tshig tu brjod kyang don dang shin tu ring/ /chig dang don gyi 'brel ba med de'o na yang/ dran rig sgron me 'di la brten ba'i don 'grel 'di/ mu stegs sa la sogs gzhan gyi gzhung la mi smod de/ /rtogs na de dag snying po'i don las ma g.yos

  168. 84b

    pas/ 'on te log par rtogs pas grol bar mi 'gyur te/ /don la dgos pa med pas zhib tu ma gsungs so/ /gzhan gyi gzhung gi rtsa ba'i rjes la 'grel bas bshad/ /bdag 'dra'i lugs kyis bshad pa'i rjes la rtsa ba bri/ /de yang sde snod rnams kyi lung tshig mi 'dren la// sngags dang rgyud rnams lung chig bris pas rdzogs pa med/ /dpal ldan ri khrod zhabs kyi thugs dgongs 'ba' zhig la/ /bsten nas gsung gi bdud rtsi'i thigs pa'i brjed byang 'di/ bdag dang bdag 'dra mos pa rnams kyi don du ni/ /don gyi gdam dag 'ba' zhig bsdus nas bri bar bya// //de la re zhig do ha ko Sha grI ti 'di la don rnams pa gnyis so/ /snying po'i don sa rtogs pa la brgal? ba dang/ rtogs pa gsal bar byed pa'o/ /ma rtogs pa la brgal ba ni/ phyi rol mu stegs pa dang/ nang pa sangs rgyas pa la'o/ /de yang mu stegs bdag tu lta ba la/ rtag pa dang bde ba dang/ khyab pa dang/ gcig bu dang bzhi khas len te/ mi gsal ba'i mtshan ma dang/ gsal ba'i mtshan ma zhal bzhi pa la bzhed re/ /de las 'gro ba'i don du rigs rnam pa bzhir gzigs nas/ ston pa rnam pa bzhir sprul pa/ tshangs pa dang/ dbang phyug chen po dang/ khyab 'jug dang/ drag po 'jigs byed dang bzhi'o/ /de yang ma 'ongs pa'i dus na/ bram ze'i rigs dang/ rje rigs dang/ rgyal rigs dang/ dmangs rigs rnams kyi don du'o/ /de la bdag rtag pa ni/ tshangs pa'i zhal nas gsungs/ bdag bde ba ni dbang phyug chen po yab yum gyi zhal nas gsungs/ bdag kun la khyab pa ni khyab 'jug gi zhal nas gsungs/ bdag gcig pu ni drag po'i 'jigs byed kyi zhal nas gsungs/ de la tshangs ba'i zhal bzhi nas bram ze'i don du rig byed bzhi gsungs kyang don dam pa'i lta ba ma rtog pas/ de nyid mi shes bram ze ni/ des brjod kyi rig byed dang/ mchod sbyin gyi rig byed dang/ snyan ? kyi rig byed dang/ srid srungs kyi rig byed bzhi po tshul tsam bsgoms pas ma rtogs pas/ gyi na rig byed bzhi dag 'don/ lus dag par byed pas/ dag dag par bye

  169. 85a

    pa chu/ sems dag par byed pa rtsA? ku sha/ rang bzhin dag par byed pa'i skud pa'i spyod pas ma rtogs pas/ sa chu ku shi'i dag byed dang/ sbyin sreg phyi nang gi srog dang ma bral yang phung po me la sreg/ don dam pa'i 'bras bu ma rtogs pa'i phyir na/ khyim na gnas shing me la sreg/ tshe 'di la ni tsha ba'i sdug bsngal la sogs pa'i don med/ phyi ma'i tshe la ni grol bar mi nus pas/ don med sbyin sreg byed pa ni/ yang dag pa'i lta ba ni ma rtogs/ sgrib pa 'ba' zhig dang la gnod pas/ du bas mi la gnod pa bas/ da ni dbang phyug chen bo'i zhal nas gsungs pa rje'u rigs kyi chos/ legs ldan dang/ dbyu gu pa dang/ tha dad pa dang/ dang pa'i spyod pa dag la brgal ba/ nyi ma dang/ zla ba la phyi rol gyi dbyug gu la brtsis nas sam/ pho smos kyi bde ba la brten nas legs pas grol bas mthong bas/ dbyu gu dbug gsum legs ldan gzugs/ de yang bdag la yab yum gnyis su bsgoms pa 'am/ pho smos dang ba ltar 'grogs pa 'am/ rlung dang pa ltar shes nas grol par 'dod pas/ tha dad pa dang dad pa'i bstan pa dag/ pho smos kyi bde ba 'am/ dbyu gu rlung rgyu ba'i bde ba myong na dkar po'i chos sam nag po'i chos la khyad med pas/ chos dang chos min mi shes par mnyam zhing/ don dam pa'i bde ba ma yin pa la don dam pa yin snyam pas/ 'gro ba rnams ni brdzun pa nyid du gol/ da ni khyab 'jug gi zhal nas gsungs pa rgyal rigs kyi chos/ brtan pa dang g.yo ba la khyab pa'i e ri la brgal ba/ de kho na nyid ni ma rtogs pa'i lci ba 'am/ mi rus kyi thal bas lus la/ e ri thal bas lum la byug gas su/ khyab 'jug mgo bo la yod par bsams la spyod pa byed pas/ mgo la ral pa'i khur bu khur bar byed/ bsgoms pa ni snying gar mar me lta bu nang gi phyogs bzhi'i mar me phyi'i khyim/ khyim du mar me btad nas gnas zur bzhir bud med bzhi gzhag la rang

  170. 85b

    dbus su mtshan ma 'greng bas mtshams su 'dug nas dril bu dkrol/ man ngag ni snying kha'i mar me rlung gis til gyis bskul ba'i dus su/ skyil dkrung bcas nas mig btsum ste/ rnying dang 'dra ba'i slob ma la snying khar rna ba gtod pa'i dus su haM gu'i sgras/ rna bar shub shub skye bo slu bar byed/ gang slu ba zhen thabs med pa mo red mo 'am/ go pa med pa skra med pa yin pa yin pas/ khyo med skra med 'di 'dra gzhan la ston/ snying gar a haM gi sgra thos pa tsam dris pa la/ dbang theb po zer? nas yon 'dod/ dbang rnams bskur zhing bla ma'i yon rnams len/ dag po 'jigs byed kyi zhal nas gsungs pa/ dmangs rigs grangs can la brgal ba/ 'dod pa la yongs pa'i skye bo rnams ni sen mo bcad cing byi dor byas so/ /da ni 'dod pa spangs pa'i ched du sen mo ring zhing lus la dri mas g.yogs/ dge sbyong ni ngo tsha shes pas chos gis? dang skra spu gris bzhed la/ nga ni ngo tsha don dam par med pas/ gos dang bral zhing skra ni 'bal bar byed/ lta ba ni ston ka'i nam mkha' la bltas pas yid chags/ rang la rang gi gnod pa skyel ba de lam yin pas/ nam mkha' i yid can gnod byed lam gyi gzugs bdag dang 'gro ba'i ched du sdug bsngal du byas na thar pa thob zer bas/ thar pa'i ched du bdag nyid 'gro byed slu/ rgol ba'i rnams ni go bla'o/ /de nyid ma rtogs pa'i nang pa sangs rgyas pa la brgal ba/ de yang 'khor ba dang/ mya ngan las pa'i 'dam gyis ma gos pa'i don dam pa'i bden pa ni ngo ma shes pas/ theg pa thun mong pa tsam gyis pha rol tu phyin pa drug la spyod kyang mi grol bas/ bde ba'i de nyid dang ni bral gyur zhing/ de yang sems kyi dka' thub kyi man ngag ni ma rtogs so/ /lus kyi dka' thub 'ba' zhig gis mi grol bas/ lus kyi dka' thub 'ba' zhig tsam ldan pas/ de yang theg pa gsum/ gnas pa ni bzhi/ sbyor ba ni dgu kho na'o/ /de rnams kyi don lta ba dang/ spyod

  171. 86a

    pa dang/ bsgom pa dang/ bsam gtan gyi dri ma ni gzhan na gsal pas 'dir ma bris so/ /de la nyan thos tha ma 'bring rang gsum ni dge tshul dge slong gnas brtan zhes bya'o/ /chogs la spyod pa dang bse? ru lta bu'i rang rgyal ba ni/ dande? rnams ni de ltar rab byung nas/ theg pa chen po'i tha ma mdo sde pa ni/ /kha cig mdo sde 'chad par byed cing 'dug/ /'bring po sems tsam rnam bcas dang rnam med ni/ sems kyi nyams myong las ma bral bas/ la la ro gcig sems kyi tshul 'dzin mthong/ /rab dbu ma ni chos thams cad sgyu ma dang gnyis su med par smra ba dang/ rnam grangs ma yin pa chos thams cad rab tu mi gnas pa rgyu mtshan nyid theg pa yin pas kha cig theg chen 'di la sgyu byed cing/ /de la lung dang bstan bcos dang/ tshad mas shes bya gtan la phab pa la/ bskal pa du ma'i bar du gzhung la zhugs pa'i phyir na/ de ni gzhung lugs chad ma'i bstan bcos yin/ de la 'bras bu rdo rje theg pa ni/ 'khor lo sdom pa 'am/ dgyes pa'i rdo rje la sogs pa bskyed ba'i rim pa bsgoms pas/ gzhan yang dkyil 'khor 'khor lo ma lus bsgom/ de yang dbang bzhi pa la brten nas 'khor lo bzhi pa la thig le bzhi pa'i man ngag rdzogs pa'i rim pa 'chad pas na kha cig bzhi po'i don 'chad pa la zhugs/ de yang stong pa nyid kyi zhi gnas mthong bas/ la la nam mkha' i khams la rtogs par snang/ la la ni sna tshogs dang/ stong pa nyid ni dbyer med pa cig la lta ba byas pas/ gzhan dag stong pa nyid lta bar byed pa ste/ la la na re snang ba ni bems po ma yin la/ shes pa ni rig pa ma yin pas lta'i dkyil 'khor dang shes pa la 'brel pa med do zhes/ phal cher mi mthun phyogs la zhugs pa yin/ de ci'i phyir zhe na/ chos thams cad kyi lhan cig skyes pa rnam pa gsum ngo ma shes pas na/ gzhan gang gis kyang mi grol bas?/ lhan cig skyes bral gzhan dang

  172. 86b

    gis /de yang zhi gnas phyogs gcig pas thar ba mi thob pas/ mya ngan 'das gang bsgom byed pa/ 'di ni zhi gnas so/ /'di ni lhag mthong ngo/ 'di ni mnyam gzhag go/ 'di ni rjes thob bo zhes bya ba la sogs pa'i rlom sems kyis don dam pa la mi reg pas/ de dag 'gas kyang don dam ni/ don dam pa ni blos reg tu mi gtub pas/ brjod pa bral ba de'i phyir na ming gdags su ma btub pa de shes bya'i yul ma yin pas/ cig shos 'grub par mi 'gyur ro/ /cig shos ni blos mi deg la/ zhi gnas la sogs pa ni blo mos pa yod pas/ gang zhig la mos par gyur pa des/ mos pa'i phyir na yang dag pa ma yin pas/ sangs rgyas kyi dgongs pa mi 'thob pas/ bsam gtan pas thar pa thob bam ci/ yang dag pa'i lta ba rtogs na/ mchod pa'i rnam pa 'am 'od gsal ba 'am/ stong pa 'am/ mi rtog pa mi dgos pas na/ mar me ci dgos lha bshos de ci dgos/ yang dag pa'i ji lta ba bzhin du rtogs na/ phyi'i sngags ni khro bo'i sngags dang/ nang gi sngags ni rlung rgyu ba la sems 'dzin pa dang/ gsang ba'i sngags yid skyeb pa mi dgos pas/ de la ci byas gsang sngags brten pas ci zhig dgos/ phyi rol pa bzhin du 'bab chu'i stegs la brten pa 'am/ nags su 'gro nas dka' thub bya ba mi dgos pa bzhin du/ nang gi 'khor lo'i rim pa nas byang chub sems dpa' sems dbab pa dang/ 'khor lo yi rims pas stegs bya ba dang/ byang chub kyi sems de nyid gyen la bzlog nas 'gro ba dang/ de la brjod du med pa'i dka' thub mi dgos pas/ 'bab stegs 'gro dang dka' thub ci dgos te phyi rol pa bzhin du khrus byas pa 'am/ sngags pa bzhin du mi gtsang ba la gtsang bar bsgoms pas thar pa mi thob pas/ chu la zhugs pas thar pa thob bam ci thabs dang/ snang? ba dang/ dran pa dang/ bad pa dang/ gsal ba dang/ bral ba'i stong pa

  173. 87a

    nyid kyi zhi gnas 'ba' zhig la zhugs pa de/ don ma yin pas snying rje dang bral stong pa nyid zhugs gang/ des phyag rgya chen po'i lam thun mong ma yin pa mi mthong bas/ das ni lam mchog rnyed pa ma yin no/ /yang na thabs kyi rnam grangs du ma yod kyang/ blo'i pha rol tu phyin pa 'am/ shes rab kyi pha rol tu phyin pa ma rtogs na/ bsgom pa ni tshu rol yin pas/ 'on te snying rje 'ba' zhig bsgoms na yang/ bsgom pa ni yid la byas pas khams gsum las mi thar pas/ 'khor ba 'dir gnas thang pa thob mi 'gyur/ de yan cad du gzhan gyi gzhung bstan zin to// //da ni rang gi gzhung gsal bar bstan par bya ste/ de la lta ba la sogs pa nas 'bras bu re dogs pas mjug bsdus la dpe sum cu rtsa ldas rtsa ba'i dpes bsdu bar bya'o/ /sum cu rtsa lnga de dag ni/ snying po'i don yid la ma byas pa lta bar 'gyur ba med pa lag mthil du gnas pa'i dpe dang/ spyod pa 'khrul dang ma 'khrul dbyer med pa la chu la chu gzhag pa'i dpe dang/ bsgom pa zhen pa la brgal nas rang gzhung bstan pa ni sgyu 'phrul dra ba pad du 'khyud pa'i dpe dang/ 'bras bu mtshon du med pa nam mkha' i dpe dang/ sems nyid yi dam gyi lhar shes na yid bzhin gyi nor bu'i dpe dang/ de'i yon tan sbyod ba bzhin nam mkha' i dpe dang/ rgyun mi 'chad pa'i bsam gtan rtogs na snyim pa chus bkang ba'i dpe dang/ so ma dang btang lhug pa ni rnga mo'i dpe dang/ rlung gi rnal 'byor la brgal nas rang gi gzhung bstan pa ni shing gi rnal 'byor gyi dpe dang/ de dogs med pa bu chung gi dpe dang/ rang gi nyams su myong yang gzhan la bstan du med pa gzhon nu ma'i bde ba'i dpe dang/ yul gyi 'dam gyis ma gos pa utpa la'i dpe dang/ nyon mongs pas mi gnod pa dug can sngags can gyi dpe dang/ mnyam gzhag dang rjes thob dbyer med pa glang chen lo ma pa'i dpe dang/ chos sku las ma g.yos pa gzings la 'phur ba'i bya dog gi dpe dang/ yul gnyis

  174. 87b

    kyi skyon gyis 'ching ba ni thag pa la sprul du mthong pa'i dpe dang/ 'dod? pa'i yon tan lngas 'ching ba ni nya dang phye leb glang chen bud ba ? dags kyi dpe dang/ chos nyid rtogs na 'dod yon spyod kyang mi gnod pa chu dang rlabs kyi dpe dang/ rnam rtog glo bur ba chos sku la nub pa nyi rdul gyi dpe dang/ du ma ro gcig ni chul chu gzhag pa'i dpe dang/ thug phred kyi rnal 'byor ni nags la mched pa'i me lce'i dpe dang/ gang la zhen pa 'gal ba ni til gyi shan pa'i dpe dang/ dbang po'i mngon sum dang rnal 'byor gyi mngon sum 'dra la mi 'dra ba ni phag dang glang po'i dpe dang/ rig pa med kyang 'gro don byed pa yid bzhin nor bu? pa dang/ snod brtag pa 'am dran du ma btub ka la ku ti'i dpe dang/ chos nyid kyi ro ma ster ba ni lan tshwa chul thim pa'i dpe dang/ sems dang sems las byung ba dbyer med pa ni chu nang gi mar ma'i dpe dang/ sna tshogs chos sku las ma g.yos pas rgyal po la sgyu mi? bstan pa'i dpe dang/ rig pa zas su zos pa chung mas khyo zes pa'i dpe dang/ 'khor ba dang mya ngan las 'das pa lhan cig skyes pa'i sdom pa me shel gyi dpe dang/ chos sku ? reg reg 'dra ste mi reg pa ni gdol ba'i rigs byed kyi dpe dang/ longs sku ma rtogs kun tu rul 'tshol na smig rgyu'i chu'i dpe dang/ bzhi pa'i man ngag rtags na zla ba'i nor bu'i dpe dang/ sprul sku rtogs nas sems yan par glang po che skyong pa'i dpe dang/ ngo bo dbyer med par rtogs na tshul chu bur gyi dpe'o// //dpe de rnams gsal bar bya ba ni/ dang po kho na dus gsum gyi bde bar gshegs pa'i dgongs pa lta ba rtogs bya ma yin pa rtogs dgos te/ de yang 'khor ba dang mya ngan las 'das pa la sogs pa'i chos ji snyed pa gcig gnyis su med par shes dgos so/ /'di la brjod bya mang po yod de bla ma'i zhal las shes par bya'o/ /de la rnal 'byor tha ma dang 'bring dang rab kyi dbang du byas na tha ma snar stong dbyer med lta ba/ bde stong dbyer med bsgom pa/ sku gsum dbyer me? 'bras bu'o

  175. 88a

    rnal 'byor 'brid po na re/ rnal 'byor tha ma ni rnam par rtog pa 'ba' zhig la ming du brtags pa'o/ /rnam rtog de yang dran pa tsam yin pas me long lta bu'i ye shes dang/ man ngag gis dran med myong ba mnyam pa nyid kyi ye shes dang/ skye med ngos bstan pas so sor rtog pa'i ye shes dang bya ba rtsal dang bral ba rtogs pas bya ba nan tan gyi ye shes dang/ bsam du med pa shin du rnam par dag pas chos kyi dbyings shin tu rnam par dag pa'i dbyings de dag man ngag gis nyams myong bas rnal 'byor 'bring po zhes bya'o/ /rnal 'byor rab na de/ rnal 'byor 'bring pos ye shes su ming du brtags pa ni sphu? ma lta bu dran pa dang yid la ma byas pa dbyer mi phyed pa zung 'jug rab tu mi gnas pa tsam yin gyis/ gang dran pa med cing yid la bya ba med pa de stong nyid rab tu mi gnas pa dang/ skye ba med ched dgag tu med pa de btang snyoms rab tu mi gnas pa dang/ gang gis blos mi rig pa bsam du med pas rgyun chad rab tu mi gnas pa'o/ /de yang rab tu mi gnas pa de dag yid la mi byed pa dang dbyer mi phyed pas/ gang yang gnyis po'i sbyor ba'i nus pa des 'khor ba rnam pa gsum dang mya ngan las 'das pa gsum ni sems dang ye shes kyi sprul pa'o/ /sems dang ye shes gang yin pa de ni dngos po med pa'o/ /dngos po med pas ni dngos po med pa la gnas par mi bya ste/ chos nyid skye bo med pa de ni sems las byung ba dran pa 'di la gnas par mi bya la/ sems nyid dran med shes bya yin pas gnas par mi byed pas 'khor bar mi gnas mya ngan 'das mi gnas/ skye ba med pa de yang dran pa dang dran med la brten nas rtogs par 'gyur gyi/ dper na bud shing ma zad kyi bar du me gnas par 'gyur gyi/ bud shing zad pa dang me la gnas med pa bzhin du/ dran dang dran med ma zad bar du skye ba med pa zhes gnas par 'gyur gyi/ de gnyis rmi lam gyi

  176. 88b

    sgyu ma lta bur shes pas/ skye ba med pa de dmigs su med pa'i phyir long ba lta bu yin pas brjod du med pa/ kye lags gang smras brdzun pas long ba ngo bor la/ sems la snang ba ni rkyen bag chags la dag lus/ sems la stong pa ni ltos pa'i chos la dag lus sems skye ba med pa de gnyis la dag lus pas/ snang ba dang/ stong pa dang/ skye ba med pa/ gang la zhen pa yod pa de yang mthong/ bzhis bsdus kyi chos thams cad yid lam byas pa thug phrang du rtog pas/ rtogs par gyur na de yin te/ yid la ma byas pa bla ma dam pas brda dang thabs kyis bstan yang rtags de ma yin/ dper na bram ze ma yin pa bos shig byas pas/ gzhan ni ngos bzung ba med pa de bzhin du/ des gzhan zhig ni shes par bya ba'i yul ma yin pas/ de las gzhan zhi gsum kyang shes mi 'gyur/ de yang thos pa'i shes rab dang/ bsam pa'i shes rab dang/ bsgom pa'i shes rab sku gsum shes pas/ klog pa de yin 'dzin dang bsgom pa de yin te/ de nyid thog ma med pa nas 'gyur ba med pa/ srid pa chags pa dang de'i bstan bcos kyang de las gzhan ma yin pas/ bstan bcos snying las 'chad pa 'ang de yin no/ /bla ma dam pas brda dang thabs kyi sgo nas yid la mi byed pa'i lta ba ma mtshon na/ gzhan rnam rtog yid la byas pas lta ba 'gyur ba med pa ni ma rtogs pas de mi mtshon pa'i lta ba yod min te/ 'o na yid la byas pa'i lta ba de rtogs su rung ba yin na shes bya yin la/ ma rtogs na nyon mongs pa yin no/ /de bas na brgyud pa'i bla ma dang dngos kyi bla mas brda dang thabs khyad par can gyis bstan du yod pas/ 'on kyang gcig tu bla ma'i zhal la ltos pa yin/ brgyud pa'i bla mas brdas bstan la/ /dngos kyi bla mas ni thabs kyis rtogs pa/ snying gi dkyil 'khor la gnas pas/ brgyud pa'i bla mas smras pa dngos kyi bla ma'i gang gi snying zhugs pa/ dpe ci dang 'dra zhe na/ yid bzhin no

  177. 89a

    bu 'am/ nor lha bsgrubs pa'i skyes bu'i lag pa'i mthil nas ci bsam pa 'grub pa de bzhin du/ lta bar 'gyur ba med pa rtogs na zang ba med cing 'phel ba med pas/ lag pa'i mthil du gnas pa'i gter mthong 'dra /da ni lta ba rtogs pa'i rnal 'byor gyi spyod ba/ chu la chu gzhag gi dpes bstan par bya'o /de yang 'khrul pa dang ma 'khrul pa gnyis su snang yang/ gnyug ma'i ngang du gnyis su med do/ byis pa so so'i skye bo la gzhug ma rnal ma lhan cig skyes pa yod ba de ma mtshon pa'i dus su yid lam byas ba rtogs na/ gzhug ma'i rang bzhin byis pas ma mtshon par/ gnyug ma ma bcos par rang bzhin gyis rnam par dag pa'i dbyings de nyid brda yis ma mtshon par sgra dang tha snying kyis mtshon pa tsam 'khrul bas/ 'di gtsang 'di mi gtsang 'di dge mi dge la sogs pa bslabs shing bcos pas bus pa bslus pa na/ 'khrul pas bus pa bslus zhes mnga' snun smra/ don dam pa'i lhan cig skyes pa de bsgom du yang med la/ de las khyad par 'phags pa yang med pas/ bsam gtan med cing rab tu byung ba'ang med/ 'o na yul dang yul gyi dga' pa spangs dgos sam zhen ma yin gyi ? dren pa'i khyim na gnas shing dran med kyis chung ma shes rab ma rnam pa gsum dang bral bar/ khyim na gnas shing chung ma dag dang lhan cig tu /'o na phyi'i yul ni 'dod yon lnga/ nang gi yul ni dran bas mi 'ching dam zer pa la rtogs na grol bas/ gang zhig yul gyi dga' bas bcings pas mi grol na/ de nyid yid la byas nas ? pa byas pas/ mnga' bsnun ngas ni de nyid shes pa yin zhes smra /gal te rgyun mi 'chad pa'i bsam gtan bzhi rtogs na/ yid la byas pa'i bsam gtan bya mi dgos pas gal te mngon du gyur na bsam gtan ci/ yang na rgyun mi 'chad pa'i bsam gtan bla ma dam pas bstan bas ma rtogs na/ yid

  178. 89b

    la byas pa yal bas?/ gal te lkog tu gyur na mun pa 'jal/ de la chos thams cad kyi skye sa dang gnas pa dang/ 'gags sa ni don gyi lhan cig skyes pa'i rang bzhin rtogs na/ lhan cig skyes pa'i rang bzhin de nyid ni/ lhan cig skyes pa'i rang bzhin dran pa dang bcas pa zhig yin nam/ dran pa med pa zhig yin nam zhe na ma yin gyi dngos dang dngos po med pa ma yin te rgyu na mi 'chad pa'i bsam gtan sems ma lus pa yong pa ngo ma shes pas/ mnga' bsnan 'o dod rtag tu 'bod par byed/ sems can thams cad kyis ma rig la nges skye rga na 'ching 'gyur bas gang zhig blangs nas skye shi'i gnas gyur ba/ ma rig pa de nyid chos nyid kyi dbyings su yal ba'i dus su ma rig pa de nyid chos kyi sku yin pas glos ma rig pas don dam pa yin pas/ de nyid blangs nas bde chen mchog sgrub byed ces/ de yang 'dam gyis mgos pa bde ba chen po de nyid brda'i skad du skad sprul sku'i gsang ba longs sku'i/ mthon po chos sku/ ma rtogs pas skad gsangs mthon bos mnga' bsnan smra byed klad?/ khams gsum gyi sems can rnams kyis rang la yang pa ngo ma shes bas/ byol song 'jig rten mi go ji ltar bya bo zhing rtogs na bsam du yod dam zhe na/ bsgom pa dang bsam pa dang/ dran pa ni rnam par rtog pa yin pas/ don dam pa na bsam bsgom las 'das pas/ blos ma reg pa'i dbyings de /bsam gtan dral bas ci zhig bsam du yong 'on bsam du ma btub pa na/ slob dpon dang sleb bu bshad pa'i 'brel pa yod dang zhe na/ blo'i yul du ma gyur pas tshig gis brjod par mi nus pas/ brjod du med gang ji ltar bshad du yong/ bshad par byed na dran dgos te/ dran pa'i rnam par rtog pa ni 'khor ba yin la de nyid yal bar mi shes pas/ srid ba'i phyag rgyas 'gro ba ma lus bslus/ dran pa ni rang bzhin gyis yal gnyug ma ni shes bya ba ma yin pas/ rang bzhin

  179. 90a

    gnyug ma sus kyang blangs pa med/ gnyug ma rnal ma lhan cig skyes pa la/ rgyud gsum 'am lnga med/ phyi nang gsang ba'i sngags med de la brten nas bsgom bya bsgom byed med pas rgyud med sngags med bsam bya bsam gtan med// bsgom pa bsam pa dran pa yid la byed/ /de kun rang yid 'khrul par byed pa'i rgyu/ /shes dang shes bya la sogs pa'i dri ma rang bzhin gyis dag la/ byas pa'i bsam gtan gyis bsang? du mi btub pas/ rang bzhin dag pa'i sems la bsam gtan dag gis mi bslad de/ dbang gi nyams su myong ba'i bde bas lus dang sems dang snang ba'i bde ba myong bar 'gyur yang glo bur ba yin pas bdag nyid bde la gnas shing gdud bar ma byed cog/ de la ma 'khrul pa tshangs pa dgu'i man ngag bstan par bya'o// de dag gang zhe na/ tshogs kyi 'khor lo dang/ las kyi phyag rgya dang /chos kyi phyag rgya dang/ phyag rgya chen po dang/ don dam tshig gi phyag rgya dang/ don gyi lus dang/ don gyi ngag dang/ don gyi yid dang/ de dag dbyer med pa'o/ /de la tshogs kyi 'khor lo la/ byi dang nad dang gsang pa'o/ /phyi ni rnal 'byor pho mo yab yum tshogs pa'i dus su/ za zhing 'thung la gnyis sprod dga' zhing/ lus lha'i 'du zhes dang/ dag sngags kyi 'du shes dang/ sems de kho na nyid kyi 'du shes dang ma bral bar bskyed pa'i rim pa bsgoms pas/ rtag tu yang dang yang du 'khor lo 'gengs/ 'bras bu rdo rje theg pa'i bskyed pa'i rim pa la sogs pa rnga bzhin pa rtogs na/ chos 'di lta bus 'jig rten pha rol 'grub 'gyur te/ de ma rtogs na/ rmongs pa'i mgo bor rdog pas mnan nas song/ nad gi tshogs ni bdud rtsi lnga dang sha? ni za la/ rdo rje chu 'thung gi man ngag gis 'thung la/ bde pa dang stong pa dbyer mi phyed pas za zhing 'thung la gnyis sprod? kyis dga' zhing/ 'khor lo rim pa bzhin du byang chub kyi sems kyi bde bas 'gengs pas na/ rtag tu yang dang yang

  180. 90b

    du 'khor lo 'gengs/ thabs khyad par can gyi man ngag rtogs na/ chos 'di lta bus 'jig rten pha rol 'grub 'gyur te/ de sta bu'i chos ma rtogs na rmongs pa'i 'jig rten mgo bor rdog pas mnan nas song/ gsang pa'i tshogs ni zas su dran pa za/ sgom du ma dran par 'thung la/ /skye ba med pa dbyer med bas/ za zhing 'thung la gnyis sprod kyis dga' zhing/ dran dang dran med sprul pa'i sku yin pa dang/ skye ba med pa longs sku blos ma reg pa chos sku yin pas/ rtag tu yang dang yang du 'khor lo 'gengs/ de lta bu'i chos nyid yang dag par rtogs na/ chos 'di lta bus 'jig rten pha rol 'grub 'gyur te/ chos nyid blo las 'das pa mi rtogs pas/ rmongs pa'i 'jig rten mgo por rdeg pas mnan nas sang/ da ni las kyi phyag rgya'i dpe don gnyis la/ dpe las kyi phyag rgya ni gzhan gyis bshang zin to/ /don las kyi phyag rgya ni/ rang gi byang chub sems thig le rnam pa bzhi/ de yang man ngag gis bstan pa'i dus su dran pa'i thig le 'khor ba/ dran pa med pa mya ngan las 'das pa skye ba med pa'i mtshan nyid yid la ma byas pa/ blo las 'das pa'i mtshan nyid yid la ma byas pa'i dus su/ bla ma'i man ngag gis rnam rtog mi rgyu rig pa mi rgyu bas/ gang du rlung dang sems ni mi rgyu zhing/ dus de la dran pa'i nyi ma snang ba mi 'jug/ dran pa med pa zla ba ni snang ba mi 'jug pas/ nyi ma zla ba 'jug? pa med gyur pa/ shes bya shes bya ma yin la/ bla ma'i man ngag bstan pa'i dus su sems ngal sos yin la/ dran dang dran med de bzhin gshegs pa'i dbugs dbyung ba dang/ skye ba med pa rdo rje 'chang gi dbug dbyung ba dang/ blo las 'das pa bde ba chen po'i dbugs 'byung bas/ mi shes pa dag gnas der sems ni dbugs phyung zhig/ bla ma dang slob ma'i ngan ngag bstan du btub pas/ mnga' bsnun gyis ni man ngag thams cad bstan nas song/ dpe chos kyi phyag rgya dang/ don gyi chos kyi phyag rgya gnyis la dpe'i chos kyi phyag rgya ni gzhan gyis bshad zin no//

  181. 91a

    don gyi chos kyi phyag rgya ni/ chos ma lus pa sems la bsdus/ de yang sems rtsa gsum la'o/ /dran pa'i rtsa ni rol mo mkhan dang 'dra bsal la nA'o/ /dran pa med pa'i rtsa ni mnyam pa nyid la gnas pas ras nA de gnyis las gzhan skye ba med pa ngos bstan yod la ngos gzung med pas a ba d+hU tI'o/ /de las dran pa dang ma dran pa byung yang dbyings de la/ gnyis su mi bya gcig tu bya ba ste/ dran pa sku'i rigs/ dran med gsung gi rigs/ skye med thugs kyi rigs/ dbyings de la ja mi dang pas/ rigs la bye brag dag tu ma byed par/ dran pa la chags na 'dod pa'i khams kyi rgyu/ dran med la chags na gzugs kyi khams kyi rgyu/ skye med la chags na gzugs med pa'i rgyu yin la/ sems kyi cho 'phrul yin pas de la yang dag tu mi 'dzin pas na/ khams gsum ma lus 'di thams cad ni/ de'i phyir blos ma reg pa'i bde ba bla ma dam pas bstan pa de la chos ma lus pa de'i ngang las ma g.yos pas 'dod chags chen po gcig tu kha dog bsgyur cig dang/ phyag rgya chen po rang bzhin gyi rnam par dag pa la ni dpes mtshon par bya ba ma yin gyis/ don 'di lta bu zhes mtshon du med do/ /'o na yang bla ma dam pa'i gdams ngag gis bstan ma thag tu rnal 'byor mngon sum rkyen gsum gyis ma bslad pa de ni dus gsum mnyam pa nyid sprul pa'i sku gnas pas/ der ni thog ma bar mdza' med/ srid pa dang mya ngan las 'das pa skye ba med pa'i dbyings su longs sku gnas pas/ srid med mya ngan 'das pa min/ 'khor ba dang mya ngan las 'das pa'i 'dam gang gis kyang ma gos pas ni chu'i nang gi zla ba bzhin du 'dres lam 'dres pa chos kyi sku ni bla ma'i zhal las shes par byas la de yang rkyen gsum gyis ma bslad pas/ bde ba chen po mchog 'di la/ bdag gi don dang gzhan gyi don gnyis ma

  182. 91b

    grub pas na/ bdag dang gzhan ma grub pa'i ngo bo nyid kyis tha dad pas ma yin te/ glo bur gyi dran pas ma byung ba'i ngo bo nyid kyi sprul sku dang/ dran med ma byung ba'i ngo bo nyid kyis longs sku dang/ skye med ma byung ba'i ngo bo nyid kyis chos sku de la bdag don dang gzhan don dang gnyis su ma grub pas/ bdag dang gzhan ni yod ma yin/ dam tshig gi phyag rgya dpe don gnyis la/ deb ni gzhan gyis bshad zin to/ /don ni da ltar gyi dran pa'i das sna tshogs su snang bas rnam par snang mdzad mdun du/ de'i pha rol na dran pa med pa'i snang bas khyab pas snang pa mdza' yas rgyab/ de gnyis dbyer med pa la yid bzhin gyi nor bu bzhin du sna tshogs 'byung bas rin chen 'byung ldan/ sna tshogs de nyid las 'gro don mdzad pas don yong grub pa/ rang gi ngo bos las ma g.yos pas mi bskyod pa/ 'khor ba dang mya ngan las 'das pa de dag dang po rgyu med pa de nyid rgyu gcig bar rtogs pa byams pa/ ma rtogs pa rtogs par byed pa thabs snying rje rtogs nas bral de med pa dga' ba/ de nyid blo'i yul las 'das pa btang snyoms/ de rnams yid la ma byas pas rdo rje sems dpa' ste bcu'o/ /de gang ltar bltas kyang de las ma g.yos pa ni/ mdun dang rgyab dang phyogs bcu ru/ /yang na bskyal sa gang du bskyal ba bstan pa ni/ rang gi shes pa la snang ba ni gzugs kyi phung po rnam par snang mdzad dang/ rang gis tshor bas tshor ba'i phung po rin chen 'byung ldan dang/ de nyid kyi 'du shes su yod pas 'du shes kyi phung po snang ba mdza' yas dang/ de ltar 'du byed kyi rnam pa ni 'du byed kyi phung po don yod grub pa dang/ shes pas ma rtogs pas bzhan med pas rnam par shes pa'i phung po mi bskyod pa ni ye shes lnga ste 'jig rten pa'i phung po lnga'o/ /man ngag gis bstan pa de ni dran pa med cing yid la bya

  183. 92a

    ba med pa de ni tshul khrims kyi phung po rnam par snang mdzad dang/ de nyid rgyun mi 'chad pa ting nge 'dzin gyi phung po rin chen 'byung ldan dang? de nyid blos mi rig pa shes rab kyi phung po snang ba mdza' yas dang/ de nyid gang gis kyang ma bcings pa rnam par grol ba'i phung po don yod grub pa dang /gang gis kyang ma bcings pa'i de nyid la sangs rgyas kyi dgongs pa yod pas rnam par grol ba'i ye shes gzigs pa'i phung po mi bskyod pa/ de dag ye shes lngas rgyas btab pa ni 'jig rten las 'das pa'i phung po lnga ste/ rnal 'byor pa 'ga' tsam gyi spyod yul lo/ /ma rtogs na 'jig rten pa'i phung po dang 'grogs la/ rtogs na 'jig rten las 'das pa'i phung po dang/ lhan cig tu sgyu ma lta bus chags dang grol ba'i lam gnyis las/ 'jig rten pa'i phung po lnga ni chags pa'i lam dang/ 'jig rten las 'das pa'i phung po lnga ni grol ba'i lam gnyis la gnas pas/ mdun dang rgyab dang phyogs bcu ru/ gang ltar bltas kyang yid la ma byas pa'i de kho na nyid dang mi 'bral ba yin pas/ gad gang mthong bde de nyid/ bla ma dam pas brdas bstan pa'i dus su/ rtsa rdul tsam gyi the tsom med par yang dag par ji lta ba bzhin don rtogs pas de ring nyid du mgon po da ltar 'khrul pa chad/ dri ma dang dri ba'i lan ni dran pa 'ba' zhig yin la/ cig shos ni gtan yid la byar med pas/ da ni su la'ang dri bar mi bya'o/ /lhan cig skyes pa'i lus la dpe don gnyis las/ dpe'i lhan cig skyes pa'i lus ni thig le dkar dmar gnyis la mig gi dbang po la sogs pa med/ don gyi lhan cig skyes pa'i lus la yang dpe don gnyis/ dpe ni bag chags dang bcas pa dang/ bag chaD med pa'o/ /bag chags dang bcas pa ni yid kyi gzugs la bltas pa'i dus su lus de la sha khrag dang dbang po gang yang med/ bag chags med pa dpe'i lus ni rang gis

  184. 92b

    ma phyin pa'i sar yid kyis bltar med pa'i phyir/ yid kyi gzugs med pa'i phyir dbang po med/ de dag gis ma mtshon pa'i dus gsum mnyam pa nyid du 'du shes pas dus gsum rtsa ba dang bral la gnas pa don gyi lus ni brgyud pa'i bla ma dam pas bstan pas/ dbang po gang du nub 'gyur zhing/ de la bdag dang bdag gi bgyi ba la sogs pa'i ngo bo nyid kyis ma grub pas rang gi ngo bo 'ang nyams par 'gyur/ de ltar dus gsum gyi bde bar gshegs pa'i dgongs pa yid la bya ba ma yin pa ni ma rtogs/ yid la byas pa/ 'di dag gis 'khor ba las thar pa mi thob pas/ sdig pa'i grogs po yin/ don dam pa ni yid la byar ma btub pas lhan cig skyes pa rtogs na dge ba'i bshes gnyen yin pas/ grogs dag de ni lhan cig skyes pa'i lus/ de yang brgyud pa'i bla ma dam pa'i zhal gyis brdas bstan ma thag tu dngos kyi bla ma yid kyi brdas the tshom mi za ba de /dpe'i lhan cig skyes pa la ma dri bar/ don gyis lhan cig skyes pa bla ma dam pa la rag lus pas/ bla ma dam pa'i zhal la gsal bar dris/ da ltar gyi dag ni dbyangs dang gsal byed dang yid dang rlung rgyu ba las/ brjod bya don ji bzhin pa tshol ba yin gyi/ ji bzhin ba de brjod bya ma yin pa/ de yang dpe'i lhan cig skyes pa'i dbang gi thig le dkar dmar gyi bar yid kyi rlung mi rgyu ba'i dus su snang ba ni nub/ stong pa ni ma shar ba de bzhin du/ don dam pa'i dag la yid dang sems dang rig pa dang rnam par shes pa'i dran pa'i rlung mi rgyu/ yid ni gar 'chi rlung gar dengs/ de la sangs rgyas kyi yon tan sku'i rnam pa'i gzhir gyur pas sa stengs 'di na yan lag thams cad gnas/ gang du shes par bya zhe na/ dpe'i thig le dkar dmar gnyis sam nyi zla'i bar na brjod du med de/ don gyi thig le dran dang dran med kyi mtshams su shes pas/ de ni rmongs pas mtshams su

  185. 93a

    yongs shes bya/ de yang shes dang shes bya ma yin pa ni zab pa dang brjod du med pa de nyid shes pas/ gti mug rgya mtsho 'chad pas gang shes pa/ da ltar gyi sems ni rkyen dang bag chags la sogs pas bskur ba'i phyir na dpe tsam du shes par bya'o/ /don dam pa'i sems ni 'gyur ba med cing rnam par rtog pa med pa'o/ /rtog pa med pa de yang thog ma med bas na glo bur gyi dran pa'i 'dam dang/ dran med kyi 'dam gang gis kyang ma gos pas/ 'di ni bde chen mchog yin te/ rtogs pa'i rnal 'byor pa rnams kyi 'gros ni/ lus kyi thims dran med sprul sku'o/ /ngag gi thims skye med longs sku la'o/ /yid kyi thims blo las 'das pa chos sku man ngag gis bstan pas/ sa ra ha yis bstan nas 'gro/ 'o na bstan du yod dam zhe na/ dran pa 'di nyid kyi sgron ma la brten nas/ dran med skye med blo las 'das pa ngo bstan pa ni/ kye'o 'di ni rang rig ste/ don gyi ngo bo la ni 'khrul pa med de/ de ma rtogs pa'i dbang gis dran pa'i 'khrul pas 'khrul zhing gda' na/ rtogs pa'i dbang gis dran pa dbyings su dag nas blo'i yul du ma gyur pa de la ni the tshom mi za bas/ 'di las 'khrul par ma byed cig/ dus gsum gyi bde bar gshegs pa'i dgongs pa ni/ dngos po ji lta ba bzhin yid la byas pas 'ching la/ dngos po med pa stong pa nyid ji lta ba bzhin yid la byas pas kyang 'ching bas dngos dang dngos med bde bar gshegs pa 'ching ba ste/ ji srid gzung dang 'dzin pa ni srid pa'o/ /gzung ba dang 'dzin pa med pa'o zhes de yang yid la byas na dran pa dang rang gi srid pa'o/ /chos rnams kyi ngo bo yid la ma byas pa de ni mnyam pa nyid do/ /mnyam pa nyid mnyam pa nyid ces bya ba de ming tsam yin pas/ srid dang mnyam pa nyid tha dad ma byed par/ gnyug ma rnal ma lhan cig skyes pa'i rang bzhin ni yid la byar med do/ /rnam par rtog pa ni yid yin pas dran

  186. 93b

    pa'o/ /dran pa de ni na bun bzhin du yal bas/ gnyug ma'i yid ni gcig tu sdod dang rnal 'byor pa/ de yang nam dran ? 'di la mngon par zhen na/ chu la 'bru mang thigs pa gnas pa bzhin du/ spros pa dang bcas pa yin no/ /dran pa 'di nyid glo bur bar shes na chos thams cad ni chos nyid du thim pas/ chu la chu gzhag bzhin du shes par byas// //da ni bsgom pa 'khrul pa dang ma 'khrul ba sgyu 'phrul dra ba par du 'khyud pa'i dpes bstan par bya'o/ /snang stong dang bde stong dang gsal stong dang rig stong dang zung 'jug la sogs pa'i bsam gtan yid la byas pas thar pa mi thob bo/ /yid la byas pas ni khams gsum las 'da' bar mi nus so/ /la la na re zhi gnas la mnyam par gzhag nas/ lhag mthong dang rjes las thob pa'i shes pa de nyid ji lta ba bzhin du rtogs pa la ma yengs par byas na thar pa thob zer te/ rtag tu mnyam gzhag yin par ma shes na yid la byas pa'i mnyam gzhag gis ni thar pa mi thob pas/ bsam gtan brdzun pas thar brnyed min no/ /rgyun mi 'chad pa'i bsam gtan ma shes na/ glo bur du dran pa'i bsam gtan ni/ dper na sgyu ma mkhan gyis ri mo mkhan bslus pa'i sgrung brgyud dang/ tshod dpon gyi bu rin chen gling du song ba smad 'tshong ma sgyu 'phrul zhes bya bas bslus pa dang/ tshong dbon gyi bu dra ba zhes bya ba spre'u yis smad 'tshod mo sgyu 'phrul bslus pa'i sgrub rgyud bzhin du/ zhi gnas kyis lhag mthong bslus pa dang/ lhag mthong gis zhi gnas bslus pa dang/ mnyam gzhag gis rjes thob bslus/ rjes thob kyis mnyam gzhag bslus pa dang/ snang bas stong pa bslus pa/ stong pas snang ba bslus pas/ sgyu 'phrul dra bas ji ltar pang du 'khyud/ de dag gi rang bzhin ji lta ba bzhin du shes na/ dper na sgyu ma mkhan cig gis rgyal po 'am/ blon po mkhas pa rig ba can cig la/ rta dang/ glang po dang/ skyes pa dang/ bud med gzhon nu ma/ yid 'phrog par

  187. 94a

    sprul nas bstan na /de yi yid 'phrog par mi 'gyur ro/ /ci'i phyi zhe na sgyu ma yin par shes pas so/ /de bzhin du bla ma dam pas brda dang thabs kyi sgo nas rgyun mi 'chad pa'i bsam gtan bstan pa'i dus su don dam pa'i bden pa mthong pas/ kun rdzob kyi bden pa sgyu ma tsam la yid ches par mi 'gyur ro/ /sku gsum gyi bsam gtan rang la yod par bla ma dam pas bstan pas yid ches par 'gyur pas na/ the tsom med par rtogs pas na/ bla ma dam pa'i bka' yis bden par yid ches pa/ brgyud pa'i blo ma dam pa'i brdas bstan pa de rtag pa dang chad pa dang bde ba dang stong pa dang/ 'khor ba dang mya ngan las 'das pa'i tha snyad gdags su ma btub pas/ yid brjod du yod ma yin zhes mda' bsnun smra/ /da ni re dogs med pa'i 'bras bu mtshon tu med pa nam mkha' i dpe bstan par bya'o/ /nam mkha' ni yod pa dang med pa la sogs pa'i tha snyad gang gis kyang mi gos so/ /nam mkha' zhes bya ba ming du btags pas ming tsam yin pas/ nam mkha' dngos po med pas gzugs la sogs pa de dag mig gi 'dus te rag pa las byung pa'i tshor ba la sogs pas tshor bar 'gyur gyis/ nam mkha' dngos po can cig yin na ni/ bde sdug la sogs pa'i tshor ba tshor bar mi 'gyur ro/ /nam mkha' i ni skye 'gag la sogs pas ma gos pa la/ bdod nas dag pa nam mkha' i rang bzhin la/ don sems nyid de yang rkyen gang yang ma byung ba'i dus su bltas pas dran du shes/ yang bltas pas skye med du shes/ yang cig bltas pas blos reg pas/ bltas shing bltas shing mthong ba 'gag par 'gyur/ /de nyid 'bras bu chos kyi sku rtogs pa ni/ shes dang shes bya 'gags pas/ de lta bu nyid dus su 'gog par 'gyur/ /de nyid gnyug ma'i chos rnams kyi lhan cig skyes pa yid la bya ba ma yin pa ni ma rtogs

  188. 94b

    yid la byas pa'i 'bras bu chos kyi sku yin snyam pas/ gnyug ma'i yid la skyon gyi bus pa bslus/ khams gsum gyis sems can rnams ni nyon mongs pa'i sgrib pa dang bral bar bya'o snyam nas lhag pa'i bsam pas/ skye po ma lus lhag par sun 'byin cing/ nyon mongs pas sun 'byin na/ shes byas sun 'byin na ni/ dper na btson ra nas byung yang btson ra'i nang du chud pa bzhin du/ shes bya'i nga rgyal de nyid blo las 'das pa la thim par ma shes na/ nga rgyal skyon gyis de nyid mtshon mi nus/ khams gsum gyi 'jig rten ma lus pas ni rang la yod pa'i bsam gtan ma rtogs pas/ 'jig rten ma lus bsam gtan gyis rmongs 'gyur/ rang bzhin gyis rnam par dag pa'i chos nyid spros pa thams cad dang bral ba rnal 'byor gyi dgongs pa ni dpe dang don gyis mtshon du med pas blos byas pas mi rtogs pas/ gnyug ma'i rang bzhin sus kyang mtshon du med/ chos rnams kyi rtsa bar gyur pa sems yin te/ sems rang bzhin gyis ma grub pas/ rtsa ba mtshon du med pas sems kyi rtsa ba mi mtshon te/ sems las byung ba 'di ltar snang ba dang po dran med las skyes/ dran med la gnas dran med la thim pas/ snang pa'i lhan cig skyes pa ni dran pa med la nyams su myong du yong pa'i/ /sems ni rkyen ma byung ba'i dus su dran pa med de stong pa nyid /dang po skye med las skyes/ skye med la gnas/ skye med la thim pas stong pa nyid kyi lhan cig skyes pa ni skye ba med la nyams su myong du yod pa'o/ /sems nyid dran dang dran med ma byung ba'i dus su skye ba dang/ 'gag pa las bral ba'i sems nyid de yang blo'i yul las 'das nas/ chos rnams kyi chos nyid dus gsum gyi snying po de las skyes pa dang/ gnas pa dang thim pas/ skye ba med pa'i lhan cig skyes pas bsam du med pa rtogs par byed na/ lhan cig skyes pa rnam pa gsum gyis/

  189. 95a

    sems rtog na/ snang ba dang/ stong pa dang/ skye pa med pa de dag skyes nyid la 'gags pas gang la de skyes gang du nub/ chos rnams kyi chos nyid btsal na mi rnyed pas/ gang na gnas gyur gsal bar mi shes so/ /sems can rnams kyi gzhi rtsa med pas/ sangs rgyas rnams kyi ye shes kyi gzhi rtsa med do/ /rtsa ba med pa ni byang chub sems kyi rtsa ba ste/ dmigs su med pas na rtsa ba bral ba'i de nyid gang sems pa/ byang chub sems kyi rang bzhin rtogs par byed na lhan cig skyes pa'i man ngag bla ma dam pas bstan pa thag tu dran pa med cing brjed pa med pas/ bla ma'i man ngag thob pa de yis mchog/ de yis chog na 'khor ba la 'khor yin gda' zer nas/ sems kyi rang bzhin ma shes na 'khor gyi/ dper na rmi lam gyi dus su bde sdug la sogs pa de dag sems las byung ba ma gtogs pa gang yang med de/ gnyis sad pa'i dus shes pa dang/ rmi lam smis pa dang/ rmi lam gyis shes pa ma skyes pa de dag tha dad pa med de/ de bzhin du sems las byung ba dran pa dang/ sems dran pa med pa dang/ sems nyid ma skyes pa tha mi dad de/ 'khor pa dang mya ngan las 'das pa ma skyes pa'i sems nyid kyi cho 'phrul yin pas/ 'khor ba'i rang bzhin sems kyi ngo bo nyid yin zhes bya/ de ltar thabs khyad par can gyis sems kyi rang bzhin shes pa bor bas/ rmongs rnams mda' bsnun gyis smras shes par bya'o/ rnal 'byor gyi dgos pa ni gnyug ma/ de nyid blos ma reg pas tshig gis brjod par mi 'gyur ro/ /tshig gis brjod pa las dran pa skye bar 'gyur gyi/ cig shos ni tshig gis mi brjod pas dran pa skye bar mi 'gyur pa de nyid/ gnyug ma'i rang bzhin tshig gis mi brjod kyang/ de lta bu'i chos nyid bla ma dam pas ye shes mig gcig dri ma med pa gnang ba tsam gyis mthong

  190. 95b

    pas/ slob dpon man ngag mig gis mthong bar 'gyur/ de ltar rtogs pa'i dus su shes dang shes bya bsregs na/ dkar po'i chos dang nag po'i chos lta ci smos nye/ chos dang chos? min mnyes nas zos pa yis/ 'on dkar po'i chos rnams kyi phan pa 'am/ nag po'i chos rnams kyis gnod pa byed pa yin zhe na/ de ltar ma yin pas /'di la nyes pa rdul tsam yod ma lags/ da ni sems nyid kyi don blo'i yul las 'angs pa las sna tshogs shar ba yid bzhin nor bu'i dpes bstan par bya'o/ /de yang sems nyid ni rang bzhin gyis rnam par dag kyang/ sems las byung ba'i glo bur gyi dran pa 'dis/ shes dang shes bya dang nyon mongs pa la sogs pa mkhregs shing 'khor ba las thar pa'i mi byed do/ /de dag las thar bar 'dod pas/ brgyud pa'i man dag dang ldan pa'i bla ma'i zhabs kyi drung du yang nas yang du thugs pas/ brgyud pa'i bla ma'i zhal nas gnyug ma'i lhan cig skyes pa/ chos thams cad kyi gzhir gyur pa/ rnam pa thams cad mkhyen pa'i ngo bo nyid dran pas ni dbang du bsgyur la/ dran pa'i 'dam gyis ma gos pa yin yang/ yid la byas pa'i dri ma ma 'byongs na phrad par mi 'gyur ro/ /de bas na 'das pa dang/ ma 'ongs pa dang/ da ltar byung ba ni rang bzhin gyis stong pa nyid kyi thug phrad rnal 'byor rnams kyi dgongs pa chos rnams kyi lhan cig skyes pa las dran pa'i yid ni/ de nyid la dngos po'i mngon par zhen pa sbyangs pas rtogs pa ni/ gnyug ma'i yid ni thams cad gang tshe sbyangs gyur ba/ de yang dngos kyi bla mas ji bzhin pa nyams su myong ba de'i dus su dus gsum gyi bde bar gshegs pa'i yon tan rnams chos kyi sku las ma g.yos pa shes pas/ de tshe bla ma'i yon tan snying la 'jug par 'gyur/ de ltar 'das pa dang/ mi 'ongs pa dang/ da ltar ni dran pa med pa dang/ skye ba med pa gang gi yang blos ma reg pa rtogs na/ rgyun mi 'chad

  191. 96a

    pas sangs rgyas rnams kyi dgongs pa'i glu yin pas/ 'di ltar rtogs na mnga' bsgrun? glu len te/ de ltar rtogs par byed na/ bla ma dam pa'i gdams ngag ma yin pa gzhan la dag lus pa ma yin pa/ phyi nang gsang ba'i sngags la blo sbyangs pa ma yin/ lung gi rjes su 'brangs nas rgyud ste lnga khungs drangs pa med/ /lung ni gar drangs kyang yod la rigs pa ni ji ltar yang 'char du rung/ man ngag ni ci la yang byed pas/ yid la mi byed pa ni lung dang rigs pa man ngag gis brjod du med la/ brda dang thabs kyis bstan du yong pa'i phyir/ sngags dang rgyud rnams gcig kyang ma mthong ngo/ /de ltar ma rtogs pa'i gang rnams ni dar gyi srin bu bzhin du rang gi rnam par rtog pa'i dran pa 'di nyid la don dam pa yin no snyam nas 'bad pa byed de/ de kho na nyid ni ma mthong bas/ ji ltar byis pa rnams kyis bya ma'i lha khang brtsigs pa dang 'jig pa la dge ba dang mi dge ba bzhin du/ 'gro ba rnams las kyi so sor ba cings 'gyur te/ dge ba dang mi dge ba'i las kyi rnam par smin pa la don dam du mi 'dzin na/ las las grol na rang yid ni thar pa yin/ 'gro ba rigs drug gi semms can ni/ ji ltar bus 'bad pa'i 'gros bzhin du rang rang gi las kyi rnam par smin pa las 'bad pas bsnyags te/ srid pa'i 'khor ba'i 'khor ba las thar par mi byed do/ /rtogs pa'i rnal 'byor pas ni dran pa'i 'dam mi gtsang ba las pad+ma skyes pa bzhin du dran pa med la nyams su myong bas/ rang rgyud grol na nges par gzhan med de/ 'bras bu chos sku 'gyur ba med cing rnam par rtog pa med pa de/ nyid mchog gi mya ngan 'das pa thob par 'gyur/ chos sku ma rtogs na 'khor bar 'khor la/ rtogs na mya ngan las 'das pas/ skye med kyi dbyings de/ sems nyid gcig pu kun gyi sa bon te/ rang gi ngo bo mi 'gyur pas/ gang las sring dang mya ngan 'das 'phro las

  192. 96b

    sems nyid kyi dbyangs rnam par dag pa la blo bur gyi dran rig gi dri mas ma gos pa la/ snang ba'i rkyen dang/ bag chags kyi rkyen dang/ brda'i rkyan gyis cir yang 'byung bas/ 'dod pa'i 'bras bu ster bar byed pa yi/ /dran rig med pa'i chos sku las gzugs sku gnyis ji ltar 'byung zhe na/ dpag bsam shing dam bum pa bzang po'am/ yid bzhin nor bu la dran rig med de bems po 'ang ma yin no/ /de bzhin du rtogs pa'i rnal 'byor pa rnams kyi mi bsdom pa'i phyir bsam gyis mi khyab pas/ yi dam lha la don gyi lus ngag sems dang bas?/ yid bzhin nor 'dra'i sams la phyag 'tshal lo// //da ni sbyor ba bzhi rtogs na sems nyid gang gis kyang ma bcings? ma grol ba la/ sems las byung ba glo bur gyi dran pa de nyid la ngon par zhen na 'ching bas/ sems bcings na na 'ching 'gyur te/ de nyid la don dam du 'dzin cing dbyings rnam par dag pa'i dang du rang grol na/ de nyid grol na the tshom med?/ ma rtogs pa rnams ni nyon mongs pa rnams kyis 'ching bas na/ blun po gang gis bcings 'gyur ba/ de nyid chos kyi dbyings su skyob pa'i tshe/ 'di nyid la bla ma dam pa'i gdams ngag la mkhas pa de yis myur du grol/ sems ji ltar gzung bar bya zhe na/ dran med kyi dbyings kyi nam mkha' la khyab pas/ sems ni mkha' dang 'dra bar gsungs bya ste/ nam mkha' la dbyibs dang kha dog dang dran rig ma dang/ las sna tshogs shar yang phan gnod med pa de bzhin du sems nyid las dran pa sna tshogs shar na phan gnod med pas/ nam mkha' i rang bzhin du sems nyid gzung bar bya/ yid la byas pa'i chos kun yid la ma byas par shes na/ rtogs par gyur na/ yid de yid min byed 'gyur na/ des dran med pas cir yang shar du rung ba'i sprul sku dang/ skye med kyi dbyings su gnas pa'i longs sku dang/ glo las 'das na bsgom du med pas chos sku nges na/ de ni bla med byang chub thob par 'gyur/ nam mkha' la ni 'khor ba dang mya ngan las

  193. 97a

    'das pa'i tha snyad gang la yang mi dmigs pas/ rnam rtog rlung 'ching bas/ mkha' 'dra byas na rlung ni rnam par 'ching/ sangs rgyas dang sems can dbyings su tha dang pa med pas/ mnyam nyid yongs su shes pa rab tu thim/ sku gsum las ma g.yos par sems nyid gnas par dag gi dus su shes na/ mnga' bsnun gyis smras nam zhig nus ldan na/ sems las byung ba dran 'gyur ba can gyis bcings pa'i 'gro ba ris drug gis 'khor ba'i 'khor lo'i rang bzhin mi rtag pa de ni /semS dran med kyi dbyings su gnas pa rtogs na/ mi rtag g.yo ? myur du sbong bar 'gyur/ sbyor ba bzhi ni las kyi phyag rgya'i sbyor ba bzhi dang/ 'da' ka ye shes kyi sbyor ba bzhi dang/ sems nyid gnas lugs rtogs par byed pa'i sbyor pa bzhi dang/ lus kyi sbyor ba bzhi dang gling bzhi bsdu ba dang/ rgya mtsho ri rab la sbyar ba dang/ lce rkan la gtad pa dang mig gyen la bzlog pa'o/ /dag gi sbyor ba bzhi ni/ lte bar A(rgyud 'grel): snying gar hUM/ mgrin par o/ spyi bor haM do/ yid kyi sbyor ba bzhi ni/ shes pa de ltar gtad do/ /de'i dus mu steng gi rlung dang/ 'og gi me dang/ thig le dbang chen 'gags bas /rlung dang me dang dbang chen 'gags pa na/ rtsa a ba d+hu tI'i nang du rlung dang sems bsdus bas bdud rtsi'i rgyu ba'i dus su rlung ni sems la 'jug/ bde ba chen po'i gnas su nam zhig sbyor ba bzhi gnas gcig la ni zhugs pa na/ kun sdob byang chub sems kyi bde ba haM gi thig le la skyol ba'i dus/ bde chen mchog gi nam mkha' i khams su mi shod ngo/ /'da' ka ye shes kyi sbyor ba bzhi ni/ snang bstod pa la 'gag/ stong pa snang ba la 'gag /dbang po rnams dbang chen la 'gag/ sems dran pa tsam la 'gag pa'i dus su /rlung dang me dang dbang chen 'gag ba na/ don dam pa'i 'byung ba chen po bzhi ni/ dran pa sa'i khams/ dran med chu'i khams/ skye

  194. 97b

    med mo'i khams/ blo las 'das pa rlung gi khams/ skye shi med pa'i bdud rtsi rgyu ba'i dus rlung ni sems la 'jug/ don dam pa'i 'byung ba bzhi chos sku'i gnas su /nam zhig sbyor ba zhi gnas gcig la zhugs pa ni/ bde ba chen po'i sku ni 'dam gang gis kyang ma gos/ nam mkha' tshad gzung du med pa bzhin du/ de bzhin nyid la tshang gzung du med pas/ bde chen mchog ni nam mkha' i khams su mi shong ngo/ /sems nyid kyi gnas lugs kyi sbyor ba bzhi ni/ zhe sdang sprul/ gti mug phag pa/ 'dod chags glang po che/ nyam pa med pa seng ge/ dpe bzhis bstan par bya'o/ /zhe sdang dran pa'i sems dug sprul lta bu de/ dran med gti mug phag pas za bar bya'o/ /dran med gti mug phag pa lta bu de/ /'dod chags skye med glang chen lta bus za bar bya'o/ /'dod chags skye med glang chen lta bu de/ nyams nga med pa blo las 'das pa seng ge lta bus za bar bya'o/ /de ltar sems kyi gnas lugs rtogs pa'i rnal 'byor pa des rlung rnam par rtog pa/ mi rtog pa dbang chen de nyid dran pa tsam 'gags bas/ rlung dang me dang dbang chen 'gags pas na/ dran pa med cing brjod pa med pa rtogs pas/ skye shi med pa bdud rtsi rgyu/ sems las byung ba'i rnam rtog rlung ni dran med sems la 'jug pas/ bdud rtsi rgyu ba'i dus su rlung ni sems la 'jug nam zhig bla ma dam pa'i brda dang thabs khyad par can gyi sgo nas bsam du med pa'i gnas su /nam zhig sbyor ba zhi gnas gcig la ni zhugs pa na/ rkyen gsum gyis ma bslang pas/ bde chen mchog ni nam mkha' i khams su mi shod? do// //da ni rtogs pa'i dus su/ rgyun mi 'chad pa'i bsam gtan snyim pa chus bkang ba'i dpes bstan par bya'o/ /de ltar ma rtogs na ni/ dran pa'i sbog chags las khyad par med pas/ phyi'i yul gyi khyim dang/ nang gi khyim sems can dran pa dang/ de la gleng yang khyim dang khyim na de'i

  195. 98a

    gtam smra yang/ bsam brjed las 'das pas/ bde chen gnas ni yongs su shes pa med/ 'gro ba ma lus pas ni rang gi bsam gtan du ma shes pas/ 'gro kun bsam pas sun 'byin mnga' bsnun smra/ /blo las 'das pa bsam du med pa rtogs pa 'ga' yang med pas/ bsam gyis mi khyab pa grub pa 'ga' yang med/ de lta bu'i de sems can thams cad la yod de/ /srog chags thams cad kun la yang/ dus gsum bde bar gshegs pa rnams kyi dgongs pa/ de nyid yod de rtogs pa med/ rtogs pa'i dus gcig na mnyam pa nyid du ro gcig pa yin pas/ thams cad ro mnyam rang bzhan pas/ de nyid dran med skye med blo las 'das pa de bla na med pa'i ye shes yin pas/ bsam yas ye shes bla med pa'o/ /de ltar rtogs par bya ba dus gzhan la rag lus pas sam/ 'das pa dang/ ma 'ongs pa dang/ da ltar byung ba la/ khar sang di ring sang dang bzhan/ rim gyis brlabs nas sangs rgyas kyi yon tan mtshan dang dpe byang du byung bar 'dod pas/ don rnams phun sum tshogs par skye bo 'dod/ rgyun mi 'chad pa dang nyams pa med pa ma rtogs pa'i gang zag rnams ni/ phyi'i yul la yengs ba'i dper na/ kye'o bzhin bzangs snyim pa chus bkang ba/ /rgyun du 'dzag pas kyang nyams pa med pas/ 'dzag pa bzhin du nyams pa mtshor ro/ /'khor ba'i sems dran pas bya ba byed pa dang /mya ngan las 'das pa'i sems dran pa med pas bya ba mi byed pas/ bya ba byed dang bya ba mi byed pa/ 'khor ba dang mya ngan las 'das pa sgyu ma tsam du rtogs pas/ des par rtogs na 'ching dang grol ba med/ blo'i yul ma yin na tshig gis brjod du med pas/ yi ge med la 'chang bar yod 'dod pa/ bcos ma'i rnal 'byor pa rnams kyis dran pa kho ? rnal 'byor zer bas/ dran pa ni rkyen las rag lus pas

  196. 98b

    gnyid mthug po 'am/ bog pa 'am/ brgyal ba la sogs pa la dran pa med pa'i phyir don dam pa ni ma yin no/ /blos ma bzhag pa rgyun mi 'chad pa ni/ gang zhig rnal 'byor 'ga' yis mtshon// //da ni sems dran pa'i 'jur bus mi 'ching bar yan pa rnga mo'i dpes bstan par bya'o/ /de yang ma bcos pa'i de nyid ma rtogs na dran pa rtogs kho na la bzhag na/ 'jur bus bcings pa'i sems 'di ni/ phyi rol gyi yul lnga las zhen pa'i 'jur bu dang/ nang bde rlung stong pa la zhen pa'i 'jur bu de dus 'di nyid la dran pa med cing brjod pa med pa rtogs na grol ba yin pas glong na grol bar the tshom med/ ma rtogs na dran pa 'di nyid kyis 'ching bas/ dngos po rnams pa gnyis kyis dngos po gang gis rmongs pa 'ching/ chos nyid kyi dngos ma rtogs na/ dran pa 'di nyid la yangs par shes pas/ mkhas rnams de yis rnam par grol/ rtogs na sems rang thar du yan pas/ de ma shes pas 'khor ba'i thag pa dran rig gi thag pas bcings pas 'gro ba ris drug tu gyur pa nas/ bcings pa dag ni phyogs bcur 'gro bar rtsol/ sems nyid kyi don rtogs na dran pa glo bur ba la yan yang/ dran med kyi dbyings su ldog par 'gyur bas/ thongs par gyur na mi g.yo brtan par gnas/ ji ltar rnga mo ni bcings pas ma chags btang na mi 'gro ba bzhin du/ sems nyid kyang bsgoms na yengs pa'o/ /de'i skad cig ma la ma yengs pa rtogs pas/ sems kyi thag pas bcings pa'i dus khams gsum du 'khor zhing 'khyams la/ sems thag chod na 'khor 'phra dang 'khyam 'phro 'chad bla na go bzlog rnga mo lta bur grogs dag bdag gis rtogs pa/ de ltar yin nam ma yin bla ma dam pa rnams la zhus la/ rang la rgyun du gnas pa de bu dang 'dra ba'i slob ma la gnang ba'i dus su/ bu khyed rnams kyang de ltar rang

  197. 99a

    la tshor te ltos shig dang/ ci la lta zhe na/ dbang po rab log gi man ngag gis yongs su chug pa yid kyi dbang po de/ kye lags dbang po ltos shig dang/ dus 'di la rang gis myong dang mi myong gi tha snyad dang bral bas/ 'di las ngas ni ma rtogs so/ /ma rtogs pa de nyid las kyi rnam par smin pa las grol bas/ brgyud pa'i man ngag dang ldan pas/ las zin pa'i skyes bu yi/ ji srid sems kyi thag pa ma bcad par du de srid sems dang bcas pa'i sems can du ltung bas/ ji srid spre'u thag bas bcings nas sdong po la mthon dman du 'gro yang sdong po las mi thar pa de bzhin du/ sems can rnams kyi 'du shes dang ma bral na/ mthon dman du yod kyang thar pa med de/ phyis sems gsod shes pa'i drung du sems thag bcad par bya'o// //da ni brgyud pa'i man ngag ma rtogs pa rnams kyis rlung la bslab pas la brgal ba shing gi rnal 'byor gyi dpes bstan par bya'o/ /de yang rtsa dang rlung la brten pa'i bcos ma'i rnal 'byor pas/ bde ba gsal ba stong pa'i gzugs brnyan mthong ba tsam yin gyis/ rtogs pa'i rnal 'byor pa rnams kyis rtsa rlung la ma bslabs kyang don dam pa rtogs na grol bas/ rlung 'ching ba la rang nyid ma sems kye/ rnal 'byor pa la rtsa nyi khri chig stong drug rgya/ bsdu na shin tu bsdu na gsum ste/ de bas bsdu na a ba d+hu ti la/ tsa ga na gnas pa na rlung/ rlung ga na gnas pa na byang chub sems/ byang chub sems ga na gnas pa na bde ba/ bde ba gang ni gnas pa de sangs rgyas yin zer te/ de ma yin pas shing gi rnal 'byor sna rtser ma 'dug cig/ 'o na lus kyi bde ba myong ba de ma yin rnam zer na ma yin te/ rtogs pa'i rnal 'byor pas lhan cig skyes pas khyad par 'phags pas/ e ma'o ma yin lhan cig pa mchog chags byos snang ba dbyibs kyi sna rtse/ skye med dus kyi sna rtse/ nyams myong bde ba'i sna rtse/ las kyi phyag

  198. 99b

    rgya'i srid pa'i sna rtse 'ching ba yongs su spangs/ rnam rtog shas che bas yid la byas pa ni/ dga' ba bzhi skad cig ma bzhi dang rlung a ba d+hu tIr 'dzud pa la yid ches pa ni/ 'di na yid 'dus pa la rlung gi rlabs/ rlung gi rnal 'byor gyis yon tan thob kyang/ g.yos shing 'phyar la shin tu mi srun 'gyur/ chos thams cad snang ba dang stong pa dang skye ba med pas bsdus la/ de dag gis skyes gnas sa 'gags rtogs nas/ lhan cig skyes pa'i rang bzhin rtogs 'gyur na/ de ltar rtogs pas mi g.yo ba'i rdo rje lta bu'i ting nge 'dzin/ de yis bdag nyid brtan par 'gyur ba yin/ gang gi tshe yid sems rig pa dran pa blo rnams 'gags na/ gang tshe yid ni nye bar 'gags 'gyur na/ da lta'i skye rgan 'chi'i lus kyis sems 'ching bas/ don dam pa'i lus rtogs na/ lus kyi 'ching ba rnam par 'chad par 'gyur/ phyi'i chos ni sgyu ma dang/ rmi lam dang mtshungs pas/ nang gi nyams su myong ba kun dran pa dang/ ma dran pa dang skye ba med pa du ma re cig yin pa/ gang tshe lhan cig skyes dang ro mnyam pas/ dman pa'i rigs dang 'khor ba bram ze'i rigs mya ngan las 'das pa rtogs na mnyam pas/ de tshe dman pa'i rigs dang bram ze med// //da ni dman pa'i lus rtogs na/ re dogs med pa bu chung tshul du gnas pa'i dpe bstan pa'o/ /des na phyi rol mu stegs pa na re/ lus dang sems kyi gtsang ba 'di khrus dang dus dang gnas khyad par can gyis lus dag par bya zer/ bsam do dang mchod pa'i gnas kyis sems dag par bya zer/ de yang zla ba'i rgya mtsho la sogs pa la khrus byas pas/ zla ba nye ba'i dus su zhing dang nye ba'i zhing la sogs pa'i gnas su phyin te/ lus kyi bde ba 'dab ldan la sogs pa'i bsgom pa dang/ tshangs pa la sogs pa la mchod na sems kyi dge ba zer ro/ /don dam pa'i blo'i spyod yul ma yin pa rtogs pa'i rnal 'byor pas ni snang la rang bzhin med pa chu nang

  199. 100a

    gi zla ba dang 'dra bas/ 'di na zla ba'i rgya mtsho nyid dang ni/ /sna tshogs chos nyid kyi dbyings su dbyer mi byed pas na/ stong nyid dbyer med du shes pas/ 'di na gang gA'i rgya mtsho nyid dang ni/ gtsang la mi gtsang ba ni bram ze chang skyugs nas chus khyer ba dang 'dra bar/ thog ma med pa nas yod dang med pa ma yin pas/ ba ra NA si pra ya ga ya 'di/ stong pa mtshan mo zla ba dang/ snang ba nyin mo gsal byed yin pas 'dir ni zla ba gsal phyed nyid/ chos thams cad skyes gnas sa 'gags gnas nyi shu rtsa bzhi dang 'dra bas/ zhing kun gnas dang nye ba'i gnas sogs pa/ 'gro 'ong med pa'i tshul gyis rtogs pas/ phyin de bltas pas rtogs par gang smra ba/ don gyi lus kyis kun la khyab pa de rtogs na/ lus dang 'dra ba'i mu gnas gzhan na med/ yid la byas na mi dge ba yin la/ yid la ma byas na dge ba yin pas/ dge ba nga yis nges par yang dag mthong/ phyi rol pa 'am nang pa la la na re/ lus 'khor lo bzhi 'am drug tu pad+ma'i 'dab ma grangs ji bzhin dang sdong po ge sar la/ 'dab ldan pad+ma'i sdong po ge sar gyi dbus na/ de las nyams su myong ba'i dga' ba dang bde ba de nyid shin tu phra ba'i snal ma'i dri dang kha dog ldan/ dus nyi tshe ba yin pas/ thob shor gyi dus su/ bye brag 'ongs shing rmongs pa mya ngan gyis/ pa na re/ mi dge ba'i las kyi rnam par smin pa zad par byed 'dus byas la/ gdung bas 'bras bu med par ma byed cig/ phyi rol pa na re/ mi dge ba'i las kyi rnam par smin pa zad par byed na/ tshang pa la sogs pa mchod nas bde bar 'gyur zer/ rtogs pa'i rnal 'byor pas na gti mug chen po tshangs pa chos sku dang/ zhe sdang chen po khyab 'jug sprul sku dang/ 'dod chags chen po mig gsum pa longs sku ni khams gsum dang sku gsum gyi gzhi yin pas na/ gang du tshangs pa khyab 'jug

  200. 100b

    mig gsum 'jig rten ma lus gzhir gyur pa/ nyon mongs pa dag nas rigs su phye ba med pa dang/ dkar nag gi las kyis ma gos pas/ rigs med de la mchod na las kyi mdza' i tshogs ni yang dag zad par 'gyur/ de gang zhe na/ slob ma snod dang ldan pa la bstan pa'i dus su 'dam gyis ma gos pa'i bde ba'i gnas ni bu dang 'dra ba la bstan par bya'i/ gzhan la bstan du med pas/ kye'o bu nyon rtsod pa'i ro ni dga' bar yang dag gnas shes pas/ de ma rtogs na/ brtan pa ri rab la sogs pa/ g.yo ba 'gro ba ris drug gi sgrung brgyud dang mdo dang dbyangs kyis ma rtogs pas/ 'gro ba 'chad cing 'don pa la sogs pas de shes par nus ma yin/ 'o na 'gro ba las log na 'ang zhen ma yin te/ 'gro ba'i rang bzhin sems yin te/ de yang brtan pa ni dran med/ g.yo ba ni dran pa'i rnam pa sna tshogs so/ /skye med de yang bu dang 'dra ba la/ kye 'o bu nyon de nyid sna tshogs kyi/ rkyen gyis ma bslad pa'i yang dag pa'i shes pa'i ro 'di bstan par nus pa ma yin te/ yang dag pa'i shes pa de nyid rtog ge pa'i blo'i yul ma yin/ sangs rgyas kyi dgongs pa yin pas/ bde ba'i gnas mchog rtogs pa spangs pa ste/ 'gro ba'i rang bzhin de yang logs nas skye sa med pas/ 'gro ba nye bar skye ba nyid bzhin no/ /blo sems rig pa dran pa rang bzhin gyis 'gags la yid kyi rnam par shes pa dbyings su yal bas na/ blo ni rnam 'gags yid ni pham 'gyur ba/ shes bya shes bya'i nga rgyal dang rlom sems dbyings su dag pas na/ gang du mngon pa'i nga rgyal chad pa'o/ /dran pa las 'khor bar 'khor la/ dran pa med pa las ma g.yos na mya ngan las 'das pa'o/ /de yang rnam par rtog pa sgyu ma yin par ni ma shes/ mi rtog pa bltos pa'i chos can yin par ma shes pas 'bad par byed do/ /dran ma dran sgyu ma tsam du shes te de'i rang

  201. 101a

    bzhin skye ba med pa de blos ma reg pa'i dbyings su thim pa de khyad par du 'phags pas na/ rtogs pa'i rnal 'byor pas ni rig pa sna tshogs 'khor ba'i rnam grangs yin la/ dran pa dran med las 'das pas mya ngan las 'das ba'o/ /dran med skye med las 'das pas mya ngan las 'das pa'o/ /skye med blos ma reg pa la 'das pas mya ngan 'das pa'o/ /de yang 'khor ba spang bar bya ba dang/ mya ngan las 'das pa thob par bya ba de gnyis/ de nyid sgyu ma'i rang bzhin mchog tu rtogs pa ste/ sems kyi gnas lugs rtogs na bsam gtan du ma gyur pa gang yang med de/ dran pa ni sgyu ma lta bu'i ting nge 'dzin rkyen la rag lus pa'i phyir ro/ /de'i pha rol na dran pa med pa de seng+ge rnam par bskyangs? pa'i ting nge 'dzin gang la yang nyam pa med pa'i phyir ro/ /de las gzhan skye ba med pa dpa' bar 'gro ba'i ting nge 'dzin 'khor ba dang/ mya ngan las 'das pa la mi gnas pa'i phyir ro/ /sems dang sems las byung ba mi rgyu ba ni rdo rje lta bu'i ting nge 'dzin blo las 'das pa nas mi 'gyur ba'i phyir ro/ /de nyid bsam gtan bzhi yin pas de la bsam gtan 'ching bas des ni ci byar yod/ sems kyi gnas lugs ni nam mkha' dang 'dra la/ sems las byung ba'i dran pa ni na bun dang mtshungs pas yal bas/ dngos po skye ba mkha' ltar rab zhin/ dngos po skye ba ni sems las logs pa ma yin te/ de yang dran nas skye ba dang/ dran pa med nas skye ba'o/ /de gnyis spangs pa'i pha rol na ci skyes/ dngos po rnams spangs phyi nas ci zhig skye/ thog ma med pa naS skye ba med pa las skyen nam mkha' i me tog kyang skye'o zer te/ 'di ltar snang ba kun nam mkha' i me tog tu shes par bya'o/ /ci'i phyir zhe na/ nam mkha' 'byung ba rims kyi chags shing sna tshogs su snang bas na nam

  202. 101b

    mkha' i me tog yin no/ /de bzhin du sems nyid nam mkha' dang 'dra la/ sems las byung ba'i dran pa ni nam mkha' i me tog dang 'dra bas dran bsgom la re dogs mi bya'o/ /de'i phyir na dran pa dang dran pa med pas ma bslad pa gang yin pa de ni/ gdod nas skye med rang bzhin yin pa la/ snang ba dang lus kyi brda/ dag gi brda dang yid kyi brda gsum ni snang ba'i brda'o/ /stong pa dang skye ba med pa brdas bstan pa'i dus su/ de ring dpal ldan bla ma mgon pos bstan pas rtogs/ rtogs pa'i yon tan du gang gi tshe chos thams cad yid la mi byed dus su/ gzugs dang sgra dang dri dang ro dang reg bya'i dran pa'i brdas bstan pas mthong dang thos dang reg dang dran pa dang/ gtsang ba dang rtsog pa dang 'gro ba dang 'ong ba med pa'i brdas/ zas skom 'khyam dang 'gro dang 'dug pa dang/ dri ba dang dri ba'i lan btab pa'i brdas bstan pas/ cal col gtam dang lan smrar gyur pa la/ sems nyid kyi rang bzhin blo las 'das pa las ma g.yos pas sems so zhe na gcig gi rnam pa las mi bskyod/ de ltar phyag rgya chen po'i brda'i sgo nas bstan ma thag tu skye shi med pa bdud rtsi dang 'dra ba de rtogs pas/ gang zhig bla ma'i man ngag bdud rtsi'i chu/ 'khor ba'i thang stong shin tu sgrol dka' ba la nyon mongs pa'i chom rkun mang la/ skye rga na 'chi'i tshad pas bskal pa grangs med pa'i bar du dang/ bla ma dam pa'i zhabs kyis mtsho skyes kyi mtsho ma rnyed/ gal te rnyed par gyur yang ma 'khrul pa la 'khrul par mthong nas spyi bor blang bar mi byed/ gdams dag gi bdud rtsi'i chu rna bas 'thung bar mi byed la/ snying gi pad+ma'i nang du mi 'jog pas/ gdung sel bsil bas ngoms par mi 'thung ba/ de ci 'dra zhe na/ mya ngan gyi thang stong dang 'dra ba 'khor ba'i thang stong shin tu sgrol dka' ba de/ bla ma dam pa'i zhabs dang ma bral ba'i pad+ma'i mtsho de la thabs kyis blang bar med la/ sgra dang/

  203. 102a

    tshad ma dang/ lung dang/ bstan bcos kyi chig dang tha snyad la mkhas kyang don med pas/ de ni bstan bcos don mang mya ngan gyis/ skom pas shin tu gdung ba'i smre sngags 'don yang ro skam le bud ba mthong ba dang 'dra ba'i bstan bcos kyi/ thang la skoms pas gdungs te 'chi bar zad/ bla ma dam pas brda dang thabs kyis bstan par 'gyur gyi/ lung dang bstan bcos la ni ma yin no/ /lud dang bstan bcos la yod na man ngag ma yin gyi/ de dang mi mthun na man dag ma yin no/ /yang dag pa'i don de kho na nyid kyi man ngag ni/ blo'i yul du ma gyur bas/ tshig gis brjod par mi 'gyur bas/ bla mas bstan pas brjod min ni/ slob mas kyang 'di lta bu'o/ /zhes yid la byar med do/ /go bshes bya'i sgrib pa yin te/ mgo ba nyon mongs pa'i sgrib pa yin no /de nyid shes bya bden pa ma yin pas/ shes pa yang bden pa ma yin no/ /'o na yang shes dang shes bya'i sgron me lta bu la brten nas/ dran pas dran pa go ba lta bu'i ni ma yin gyi/ go ba de las go ba med pa de nyid/ slob mas go ba ma yin te/ de yang chos rnams skye ba med pa las skyes pa dang/ gnas pa med pa las gnas pa dang/ 'gag pa med pa las 'gags pa dang lhan cig skyes pa bdud rtsi'i ro/ de yang sems kyis sems la bstan du yod pa ma yin/ yid kyis yid la khyed du mi btub pas/ gang gis ji ltar bstan par bya/ gal te ma rtogs pa la bstan yang/ sbra dang tshad ma'i bstan bcos kyi dbang du byas nas/ gang gis tshad mar 'dzin pa'i dbang gis su rtog pa la sogs pa'i tha snyad la ni mkhas la don la mi mkhas pas/ blun pos bye brag rnyed pa ste/ de'i chen mi mkhas pa'i dbang gis dran pa kho na le 'bad par byed pas na/ sgrib pa las thar par mi byed do/ /cig shos ni blos reg med la gdol pa dang 'dra bas/ de tshe gdol pa'i khyim du rol/ de yang dri ma gnyis dag pa'i nyi

  204. 102b

    ma'i dkyil 'khor dang 'dra ba'i rgyun mi 'chad pa'i mi bsgom pa'i dbyings su gnas pa de/ 'on kyang dri mas mi gos so/ /de lta bu'i dri ma dag pa'i nor bu rin po che lag tu thob pa ni ngo ma shes/ dper na ri khrod pa'i lag na yod pa'i nor bu rin po che mig phigs bar dka' ba bor nas/ de bas sla ba 'ol ma si'u lag tu blangs pa nas rgyun bu byas pa de bzhin du/ dus gsum gyi sangs rgyas kyi dgongs pa de/ blos phigs par dka' o snyam nas/ khams gsum gyi sems can rnams kyi dgongs pa dran pa 'di kho na yid la byas nas/ rang rang gi yul dang bstun nas/ dge ba'i chos la 'bad par byed do/ /rnal 'byor pa'i dgongs pa ni 'jig rten pa'i chos dang mi mthun yang/ 'jig rten las 'das pa ni yid kyis phigs par dka' yang/ bla ma dam pa'i gdams ngag rin po che rdo rje pha lam dang 'dra ba thob nas/ brda'i khyad par gyis phigs pa de ni/ 'jig rten pas smod pa de ni blangs pa'o/ /de ci 'dra zhe na/ 'jig rten pas longs spyad nas bor bas srang ka'i kham phor blangs pa'i phung po'i dum bu la su zhig re ba byed/ de bzhin phal pas dran pa kho na la spyod pa'i dus su bor bas/ dran med skye med blo las 'das pa de nyid sku gsum pas slod na de nyid slong dgos pa yin pas na/ gang tshe slong nas srang ka'i kham phor gyis spyod de/ sku gsum de nyid dkon mchog rin po che zang pa med pa'i gter de yin pas/ phyi rol pa'i rgyal po la mi smon pa'i/ bdag nyid rgyal po yin na der ni slar yang ci byar yod/ rtogs pa'i dus su ye shes kyi mig gis phyogs ma lus par bltas pas/ 'di dag ni 'khor ba'o/ /'di dag ni mya ngan las 'das pa'o zhes de kho na nyid la dbyer med pas/ dbye ba rnam par spangs nas de nyid gnas pa la/ chos kyi sku'i rang bzhin g.yo ba med cing rnam par rtog pa med pas/ rang bzhin mi g.yo btang snyoms lhun gyis grub/ de'i phyir snang ba'i rgyan du stong pa mdzes la/

  205. 103a

    stong pa'i rgyan du snang ba mdzas so/ /mi rtog pa'i mya ngan las 'das pa de bas kyang rtog pa'i srid pa la gnas su rung bas/ 'das pa la gnas srid par mdzes/ yid la byas pa'i mi rtog pa bsgoms pas rtog pa'i de nyid la yengs par byas na nyon mongs pa'i nad zhi bar byed do/ /dper na mes tshig pa de mel bsro bar bya'o/ /rlung langs pa ni rlung nyid la'o/ /rna bar chu song ba ni yang chu'i thigs pas rung ba de bzhin du/ 'dod chags kyi nang zhi bar byed pa ni bde stong dbyer med pa'o/ /zhe sdang zhe bar byad pa ni lta'i dkyil 'khor ro/ /gti mug zhi bar byed pa ni stong pa nyid kyi zhi gnas yin pas/ nad gzhan dag la sman gzhan btang mi bya/ de lta bu kha yengs pa la gzhan gyis bsgom par mthong sde de ni ma yin no/ /chos nyid kyi ngo bo ni yid la byar mi btab? pas na/ bsam dang bsam bya rab tu spangs nas su/ re ba dang dogs pa dang/ gtsang brtsogs med pa dang blang dor med pa'i tshul gyis/ ji ltar bu chung tshul du gnas par bya/ da ni rang gis nyams su myong yang gzhan la bzlas su med pa gzhon nu ma'i bde ba'i dpes bstan par bya'o/ /de yang lung dang bstan bcos mang po la yid mi ches pa'i skyes bus/ bla ma dam pa'i brda dang thobs kyis man ngag la yid ches pas/ rtag tu rgyan mi 'chad du gnas pa'i bsam gtan te/ bla ma'i lud la bsgrims te gus 'bad na/ de la chos thams cad kyi lhan cig skyes pa'i rang bzhin gsum ma 'khrul par byung ba nges/ lhan cig skyes pa 'byung bar the tshom med/ lhan cig skyes pa de yang sngon po la sogs pa'i kha dog med/ snying stobs rdul dang mun pa 'am/ yang ba la sogs pa'i yon tan ni/ tshig dang tha snyad dam sgyu ma la sogs pa'i dpes mtshon du med pas/ kha dog yon tan yi ge dpe bral ba/ nyams su myong ba de ri bong gi rwa ltar gtan

  206. 103b

    med pa ma yin/ ba lang gi rwa ltar gtan yod pa ma yin pas dran med skye med blo las 'das pa yod med las grol ba rgyun mi 'chad pa'i bsam gtan/ nyams su myong ba ni/ smra ru mi btub bdag gis gyi na mtshon/ de ji ltar shes par byan gzhon nu ma'i bu chung skyes pa'i dus su mas lte ba bcad pa'i dus su aM zhes bya ba ltar gnas pa dang/ pha las byung ba haM zhes bya ba spyi bor gnas pa dang/ de gnyis shes rab dang thabs kyi yi ges gnyis kyi thig le dkar dmar gnyis so/ /de gnyis kyi dus dang rkyen 'dzom pa'i dus su thig le gnyis snying gar phrad pas dga' bas bu chung gnyid log pas 'dzum pa byas pa dang/ yang na don dran pa'i thig le ma dran pa'i thig le gnyis skye ba med pa'i dbyings su phrad pa mi la bzlas sum btub pas na/ yang na gzhon nu ma de dar la bab ba cig dang/ yid du 'od ba'i skyes bu gzhon pa dang snyoms par zhugs pa'i dus su dga' ba dang/ mchog dga' dang/ dga' bral gsum gzhan la bzlas su yod la/ de las gzhan lhan cig skyes pa snying la zhen pa bzlas su ma btub pas na/ gzhon nu ma'i bde ba snying la zhan pa bzhin/ don dam pa'i lhan cig skyes pa de yang chos rnams kyi gzhir gyur pa blos mi reg pas/ blos bzhag pa rnams kyi snying la zil gyis mnan nas/ dus gsum dang khams gsum dbang du sgyur ba de ni su'i blos kyang myong du med pas/ dbang phyug dam pa de ni su la bstan nus sam/ ge yang dngos po sems las byung ba'i dren pa'i rnam pa de lta bu cig med na ni/ dngos po med pa dran pa med la nyams su myong ba sus? kyang rtogs par mi 'gyur ro/ /dper na nam mkha' las sna tshogs kyi go bde bar byed pa ma yin na ni/ nam mkha' yangs pa zhes rtogs par mi 'gyur ro/ /de bzhin du sems las byung ba dran pa 'di med na ni/ sems kyi dran med nyams su myong ba sus

  207. 104a

    kyang rtogs par mi 'gyur ro/ /de bas na sems las byung ba'i dran pa'i dngos po dang/ sems de rkyen med na dran med pas dngos po med pa de gnyis skye ba med pa la thim pas/ dngos dang dngos med yongs su gcad pa dang/ yid la byas pa'i chos thams cad ni mi brtan pa dang g.yo pa'i rang bzhin can yin pas/ der ni 'gro ba ma lus rab thim 'gyur/ yid la byas pa'i chos thams cad ni mi rtag pa dang g.yo pa'i rang bzhin can yin pas/ gang gi tshen yid bzhin la ma byas pa'i don rtogs pa'i dus der/ gang tshe yid ni mi g.yo dang gnas brtan pa der/ 'khor ba la 'khor mod/ 'khor ba ni yid la byas pa'i rnam par rtog pa mkhregs shing brtan pa las yin gyi/ 'o na stong pa nyid yid la byas na thar pa thob zer ba la/ stong pa nyid yid la byas ba skye mched bzhi la skye bar 'gyur gyi/ yid la ma byas pa'i dus gsum mnyam pa nyid yin pas/ 'khor bar 'khor ba'i dngos po med pas rang grol ba na/ sbrul gyi phung po'i nang du rkang pa chung pa de? ma 'gyu bar bsdad nas rang grol ba bzhin du/ bla ma'i man ngag gis gnyug ma ma bcos pa'i don rtogs na/ dran pa rang grol bas na/ de tshe 'khor ba'i dngos po las ni rang brol 'gyur/ sems dang sems las 'byung ba las ni bdag dang bdag gir bgyi ba yod kyi/ de dag gi dngos po yang dag par ma grub pa'o/ /don dam par na bdag gi don du sangs rgyas ma grub pas/ gang tshe bdag gzhan yongs su shes med na/ sems las byung ba'i dran pa ni yal ba sprul sku bla na med pa'i lus dang/ de nyid la skye 'gag med pa longs spyod rdzogs pa bla na med pa'i lus dang/ de nyid gang gis kyang blos gzhag tu mi btub pas/ chos sku bla med lus thob pas/ de tshe bla med lus ni thob par 'gyur/ da ni sems dang sems las 'byung ba 'dam gyis ma gos pa uta pa la'i

  208. 104b

    'dab ma'i dpes bstan par bya'o/ /de gang zhe na/ bla ma dam pas brdas bstan pa'i dus dang/ brdas ma mtshon pa'i dus su shes dang shes bya las 'das pa ngo bo nyid kyis 'od gsal bde la 'khrul pa'i zug rdu rdul tsam yang med pas/ de ltar bstan pa nyid la nges par ma 'khrul bar/ de yang gzhan rag ma lus bar/ rang la rgyun du gnas pa'i bsam gtan te/ thabs gang yang rung ba cig la brten nas don de nyid dran bas ma gos pa'i sku gsum rang la yod pa ste/ rang gis rang la legs par shes par byas nas ni/ phyi'i dngos po ma lus pa rdzas su shes pa ma grub pas na/ rdul dang phyi nang gi dngos po ma lus pa rdzas su ma grub pas 'dod pa de nyid dkyil 'khor la bsdus pas sam/ yi ge'i thig le nA da la sems bsdu ba ni rdul phran na ston ka'i nyi ma phyed kyi dri ma dag pa'i nam mkha' ltar spros pa dang bral pa'i sems su smra pa ni sems tsam 'am/ de dag gis kyang rnal 'byor pa'i ji bzhin pa'i dgongs pa ma rtogs pas rdul min rdul bral ma min/ sems kyang min/ yang dag pa'i rnal 'byor pa'i dgongs pa ni snang ba dang/ stong pa dang/ skye ba med pa dang/ sems kyi spyod yul ma yin pas de dag gi dngos po la yang 'das pa ni brjed pa'i phyir zhen pa med/ ma 'ongs pa ni ma dran pa'i phyir zhe na pa med/ de ltar gyis shes pa ni rkyen la rag lus pa'i phyir zhen pa med pas/ dngos po de dag gdod nas rtag tu zhen pa med/ de yang las dang nyon mongs pa dang skye ba'i rgyun gyis yid ces bya ba dang/ yid la byas pa zhes bya ba dang/ yid la ma byas pa zhes bya ba ni ming tsam du brtags mong kyi/ byas pa ni mi rtag la/ ma byas pa ni ming med la/ dper na mdang gi rmi lam ni nyams su myong yang dngos po yod par ma grub la/ do nub kyi rmi lam ni nyams su myong yang dngos po med par ma grub pa de bzhin du/ dran nas nyams

  209. 105a

    su myong yang yid la ma byas pa med/ ma dran nas nyams su myong yang yid la ma byas zhes bsam pa dang brjod pa las 'das pa de ni mda' bsnan gyis smras pa de tsam zhig tu zad/ 'o na yid la ma byas pa'i bsam gtan ni dri ma dang bcas pa cig yin nam zer na/ ma rtogs na nyon mongs pas kyang nyon mongs par 'gyur la/ shes byas byas kyang sgrib par 'gyur ro/ /rtogs pa'i rnal 'byor pa'i dpe ni nyi ma'i dkyil 'khor dang 'dra la/ gnam stong gi nyin par ni zla ba de nyi ma'i dbyings su thim pas bsil bar mi 'gyur/ nyi ma de nyid nya'i nyin par zla ba dang rgyang ring bas lhag par dro bar mi 'gyur ba de bzhin du/ rnal 'byor ba'i dgongs pa de yang blo bur gyi nyon mongs pa dran pa dang shes bya dran pa mang pa'i dri ma gnyis med pas/ kye'o bu ma lus dri med don dam shes par byos/ de ltar ni ma rtogs pa rnam par rtog pa'i rnam grangs la yid ches la phyi rol gyi rig ma las byung ba'i bde ba de nyams su myong ba de don dam pa yin no snyam nas mngon bar zhen pas 'bad pa byas na rang la rgyun tu gnas pa'i bsam gtan rtogs pa'i dang las 'bad pa dang brtsol sgrub las 'das pa de ngo ma shes pas/ khyim na yod pa phyi rol sod nas tshol/ chos nyid rang la yod pa ngo ma shes pas phyi rol gyi dran pa la dris pas sam/ nang gi khyim ni dran pa dran med kyi bdag po skye med yin par ngo ma shes pas/ glo bur du 'ongs pa'i khyim tshes dang 'dra ba'i dran pa'i rnam rtog la dris pas/ khyim bdag mthong nas khyim tshes dag la 'dri/ de lta bu'i blos reg par bya ba 'am/ tshig gis brjod par bya ba ma yin te/ bla ma dam pa'i brda'i gdams dag dran pa'i sgron ma des mtshon nas rtogs par bya ba ma yin pa rtogs pa de mnga' bsnun gyis smras bdag nyid shes par byos/ /ji ltar shes par bya zhe na/ tha mal pa bzhin du bsam bya dang/ bsam

  210. 105b

    gtan dang bzlas bya dang/ bzlas pa dang/ brjod bya dang/ brjod pa las 'das pa'i phyir/ blun pa'i bsam gtan bsam bya bzlas brjod min/ /de yang bla ma dam pas bstan ma thag tu dran pa med cing brjed pa med pa rnyad pa med cing stor ba med pa/ skye ba med cing 'gag pa med pa/ bsgom du med cing mi bsgom pa'i dbang med pa ste/ rgyun tu gnas par zhes bstan kyang the tshom mchod na/ gang tshe bla mas bstan cing bden par thams cad shes byas kyang/ bdag gis 'di ltas blta zhing brtag par bya'o/ /rkyen gang yang rung ba cig dran du gcug la/ man ngag gis dren pa med cing nyams su myong ba'i dus su 'di lta bu dran pa ni/ chu'i thigs pa tsam du shes par bya'o/ /de'i pha rol na rnam par rtog pa gang yang mi skye ba ni rgya mtsho tsam du shes par bya'o/ /rnam par mi rtog pa ni rgya mtsho tsam la dran pa med pa nam mkha' tsam du shes par bya'o/ /dran pa med pa ni nam mkha' tsam du shes par bya ba yin pas/ shes dang shes bya'i yul las 'das pa ni dpe dang don gyis mtshon du med pa de ngo ma shes pa ni dper na bu chung la mdzub mos zla ba mtshon ba'i dus su zla ba la mi lta bar mdzub mo la blta'o/ /de bzhin du de kho na nyid ma rtogs pa'i gang zag rnams kyis dus gsum gyi de bzhin gshegs pa'i snying po'i don la dgongs pa mi mdzad par dran pa'i rnam par rtog pa la bsgom pa mdzad do/ /de'i phyir dran pas mtshon yang dran pa'i 'dam gyis ma gos pa'i don ma rtogs pas bdag gis yongs su brtags pas ma rtogs thar pa thob pa ma ci/ 'o na phyi'i yul ni 'dod pa'i yon tan lnga yin la/ nang gi yul ni dran pa yin no/ /de lta bu la spyod kyang yang dag pa'i don ni mi shes/ phyi dang nang du lha dang lha mo'i dkyil 'khor gyi 'du shes kyis/ yul rnams bgrod cing yul gyi gdud bas nyen byas kyang/ lhan cig skyes pa'i lha ni yid la byar med/ yid la byas pa'i lha ni mi dge ba yin pas/ lhan cig skyes pa mi rnyed sdig

  211. 106a

    pa 'dzin/ /chos rnams kyi gzhir gyur pa lhan cig skyes pa yid la ma byas pa shes na/ yul rnams bsten pas yul gyis mi gos te/ dper na utpal dang pad+ma dang puN+Da ri ka dang/ sau g+hand+ha la sogs pa kha dog yid du 'ong ba dang reg bya 'jam pa dang/ dri zhim pos kha cig gi yid 'phrog nus pa/ de yang gzhan gyi yon tan ma yin gyi/ rgyu de rnams ni grong dang grong khyer la sogs pa'i mi gtsang ba'i mtsho'i rkyen gyi yon tan no/ /me togs de dag la mi gtsang ba'i skyon gyis gos pa ma yin pas/ de bzhin du rnal 'byor pa rnams kyi dgongs la yang phyi dang nang gi yul la dran pa skyes kyang/ yang dag pa'i don ji lta ba bzhin shes bas na/ yul gyi 'dam gyis ma gos pa ni 'dam dang gnas ma gos par utpa la blangs pa bzhin du/ dran pas ma gos par chos nyid rtogs pa'o/ /utpa la 'dab mchu yis mi reg bzhin/ de ltar rtogs na ye shes kyi tshogs dang bsod nams kyi tshogs rnal 'byor ba'i skyabs su 'gro bas dug sngags can gyi dpes bstan par bya'o/ /rtsa ba la 'chos pa'i ye shes kyi tshogs rgyun mi 'chad pa'i dpes ma du lung ga'i dpe dang/ me tog la 'chos pa bsod nams kyi tshogs 'du du ra'i dpe ni/ 'du du ra'i zhes bya ba me tog gi sprang rtsil tshon rtsi gang yang rung bas bcos pas 'bru smin nas sa bon de btab pas me tog de'i kha dog tu 'gyur ro/ /de bzhin du bsod nams kyi tshogs bsags pas ni bskal pa grangs med pa na 'bras bu smin par 'gyur ro/ /mi du lung ka zhes bya ba ni me tog gi shing gi rtsa ba la thabs mkhas pas tshon gang yang rung ba gcig gis bskus na/ de'i kha dog du myur bar 'gyur ro/ /de bzhin du rnal 'byor pas sems nyid kyi rtsa ba rtogs na 'bras bu chos sku smin pas/ gang

  212. 106b

    ltar rtsa ba rnal 'byor skyabs su 'gro/ de ltar khong du chud pa'i rnal 'byor pa ni/ dper na dug sngags gdeng tu gyur pa gcig gis dug zos pas gnod par mi 'gyur ba de bzhin du/ yul gyi dug gis mi tshugs pas/ dug gis sngags can dug gis ga la tshugs/ /de ltar shes nas mnyam gzhag dang rjes thob zhi gnas dang lhag mthong dbyer med pa'i dpe glang chen lom nas tshags chud pa'i dpes bstan par bya'o/ de yang rjes thob kyi dus su phyi rol gyi lha khang la sogs pa mchod pa dang/ nang gi gzhal yas khang la mchod pa byas nas/ de'i yon tan gyis lha'i dkyil 'khor mngon sum du zhal mthong bar 'gyur ro zhes/ de yang rgan mo bu gcig pas shi bas gdungs pa bzhin du/ rtag tu lha'i dkyil 'khor yid la byas na/ mthong bar 'gyur ba la/ de nyid ma yin pa'i phyir na brgal ba/ lha la mchod pa khri phrag mang byas kyang/ /'di ltar shes na nang dang phyi rol gyi mngon par byang chub pas/ yul dang dbang po lha dang lha mo'i dkyor bsgom pa dang/ nang gi mngon par byang chub pas bde ba stong pa sgom pa ni thag pa dkar nag gis 'ching bar 'dra ba bzhin du/ dran pa'i rnam par rtog pa/ bdag nyid 'ching 'gyur de yis ci zhig bya/ 'o na mngon par byang chub pas bsod nams kyi tshogs dang/ de nyid stong pa nyid du shes pa ye shes kyi tshogs la goms nas skye ba phyi ma nas phyi ma'i dus su yang nas yang du bla ma slob ma dang mjal bar 'gyur ro zhe na/ skye rga na 'chi la brgal ba/ de 'dra 'khor ba 'dir ni 'chad min te/ 'o na 'khor ba rnam pa gsum las thad nas sku gsum mngon du 'gyur bar bya na/ gnyug ma rnal ma lhan cig skyes pa de bla ma dam pa'i gdams ngag gis rtogs par byas la/ sems nyid rtogs na 'khor ba las brgal bar 'gyur gyis/ de ma rtogs pa rnams la brgal bas gnyug ma'i rang bzhin ma

  213. 107a

    rtogs brgal mi nus/ 'o na gnyug ma'i rang bzhin de sangs rgyas dngos yin yang 'gro don mdzad bas/ mchod pa mi dgos sam zer na ma yin gyis/ mchod pa nyi shu rtsa lnga shes par byas la/ de nyid na bun nam me long gi kha rlangs bzhin du yal nas/ de nyid kho na la gzhan 'byung ba med pas sna tshogs dran yang chos nyid kyi rba rlabs yin pa de nyid las shar zhing/ de nyid du nub par shes na snang ba mi 'gog la mi snang ba mi bsgrub pas/ mig ni mi 'dzums sems 'gogs dang/ rlung khyab byed dang/ rtogs byed de gnyis ka dran pa tsam la bsdus la/ de yang rkyen gzhan la rag lus pa yin pas rig pa rang bzhin gyis 'gag la/ chos nyid kyi dbyings ma mchis pa brgyud pa'i bla mas bstan pas/ rlung 'gag pa ni dpal ldan bla mas rtogs/ rnam rtog de nyid dran pa'i tshul gyis rgyu ba'i dus su/ de'i tshe rnam par rtog pa med pa de nyid skye shi med pa'i don rtogs na de las mi g.yo pas/ gang tshe rlung rgyu de ni mi g.yo ste/ de ltar don rtogs pa'i gting la 'chi ba bslu bar mi bya'o/ /skye ba bslu na 'khor ba dang mya ngan la' das pa la thar pa yin te 'chi zhes bya ba ni dran po yal ba yin pas 'chi ka ma'i gdams dag 'dir ma gsungs so/ /gzhan na re bar mdo'i dus su bzhed de/ 'byung ba rim gyis thim par goms pa'i yi dam lha la shes pa gtad pa'i man ngag gis shes dang shes bya las thar par bzhed de/ don dam par na shes dang shes bya ma grub pas/ thar pa ma yin no/ /la la na ra? rlung drang byang chub sems dran pas bsdus la de yang 'og sgo ngan song du lhung gis dogs pas rim gyis te sgo kha phye la/ rlung dang rnam par shes pa tshangs pa'i gnas na hoM gis dbyings su rlung dang byang chub sems yal ba'i man dag gis sgrol

  214. 107b

    bar 'dod de legs pa ma yin no/ /la la na re bdag gi lus gzhan yi dam lha mtshan dang dpe byad dang ldan pa cig mnga' ba bsgoms la/ de gnyis ka la sems med pas yid kyi gzugs tsam zhig shes la/ bdag rang gi skye ba dang na ba dang 'chi ba 'di lta bu yid gzugs brnyan du sems la shar ba yin par shes pas/ de nyid lha'i gzugs brnyan du shes par byas la/ 'gro ba ris drug gi grong khyer mthong ba la goms na/ bar ma don lha'i sku bsgom par 'dod pa de yang 'thad pa ma yin no// 'o na gang zhe na/ sems las byung ba'i 'byung ba bzhi lus la gnas pa dang/ sems la gnas pa'i 'byung ba bzhi ni sems dran pa sra ba nyid sa/ sems nyid de nyid dran med dbyings su gnas brgya mtsho ltar shes pa chu/ sems de nyid bskal pa'i me ltar sreg pa tsha ba me/ sems de nyid blo'i yul las 'das nas gzung du med par dag pa rlung de dag dbyings su dag par byas nas/ snyan nas snyan du zhal nas zhal du brgyud pa'i man ngag gis shes par byas la/ rig pas nyams su blang bar mi bya'o nyams su blangs nas shes bya'i sgrib pa las ma rtogs pa 'khor ba'i nyon mongs pa las thar pa med do/ /don dam pa shes rab kyi pha rol tu phyin pa 'am/ /blo'i pha rol tu phyin pa rtogs na/ bde ba'i pha rol tu phyin pa de nyid dus gsum gyi de bzhin gshegs pa'i yum yin par shes nas/ de'i phyir phyi rol gyi rig ma las byung ba'i bde ba de dag mi lus pa dang/ 'chi ka ma'i gdams ngag logs nas mi tshol bas/ 'chi ba'i tshe na rnal 'byor mas ci bya/ de nyid kyi don gsal bar byed pa yul la yengs pa'i dus su 'dre ba med pa dang/ 'da' ka'i yid kyis dbang po 'gro ba ris drug grong la ltung ba'i dus su 'dre ba med par rtogs pa ni/ ji srid dbang po'i yul gyi grong la ltung ba na/ skye ba med pa de nyid las kyi rnam par smin pas ma g.yos

  215. 108a

    pas/ dus gsum mnyam pa nyid du rgyas pas/ ji srid rang nyid las med rab tu rgyas/ skye ba med pa'i don ma rtogs na/ phyi ma'i tshe gar 'gro mi shes/ de ltar ci byed mi shes pas khyed cag da ltar ci byed gar 'gro sems dang kye/ /skye shi med pa'i don rtogs pa rnams kyis gzhan la bstan du ma btub pa ni dran med skye med blo las 'das pa nyams su myong ba de nyams su myong na dran med ma yin la/ /dran pa med na nyams su myong ba ma yin zer/ de bzhin du skye ba med pa dang blo las 'das pa de sangs rgyas kyi dgongs pa yin pas brjod du med pa'i phyir/ de ni shin tu dka' ba'i dgongs pas 'jug/ rang la gnas pa sangs rgyas kyi dgongs pa ni ma mthong/ rnam rtog 'ba' zhig la sangs rgyas kyi mdzad pa bcu gnyis kyi sgrud? dang lad mo byas pas thar pa thob tu re ba ni dper na byis pa rnams kyis rnam par rgyal ba'i gzhal yas khang ni ma mthong lad mo byas pas thog tu ma phebs pa bzhin du/ sangs rgyas ni rang la gnas pa ma mthong ba yin pas/ gang zhig gang la gnas pa ni/ yang na rang sems mnyam pa nyid kyi dang la gnas pa ni/ gzugs yang dag par rjes su ma mthong ngo/ /bla ma dam pas ma bstan gyi bar du dper na lus dang grib ma dang 'dra ste/ mun nag gi nang na mi mthong/ de yang nyi ma dang zla ba dang mar mes bstan nas mthong bar 'gyur ba de bzhin du/ chos kyi dbyings bsam du med pa de yang ma mthong bas/ de ni de ru ma mthong ste/ de mthong ba ni don la mkhas pa yin la/ de ma mthong na lung dang bstan bcos kyi tshig dang tha snyad la/ mkhas pa thams cad bstan bcos 'chang ba yis/ lus la gnas pa'i sems nyid ma mthong la/ sems nyid la gnas pa'i sangs rgyas kyi sku gsung thugs kyi yon tan dpag tu med pa ma rtogs pa ni/ dper na dbul mo'i lto na 'khor los sgyur ba'i rgyal po 'am nor bu rin po che'i sgyed po 'am/ gyang kyi rin po che stor ba

  216. 108b

    bzhin du rang bzhin du rang la yod pa'i sems nyid bsam du med pa ni ma rtogs/ bsam bsgom byas nas sku mdog dang phyag mtshan la sogs pa la 'bad pa byas pas lus la sangs rgyas yod pa ma rtogs so/ /rtogs na ni mnyam gzhag rjes thob ji bzhi pa la ni rdul tsam yang khyad med ngo/ /de ltar rtogs na blo sems bde ba ni/ dper na bram ze rgan po glang po che dang/ glang po che thub pa'i skyes bu dang/ lcags kyu ba lom pa'i sgrung brgyud bzhin du/ dran pa'i rnam rtog glang chen dang 'dra la/ dran med rnam par mi rtog pa skyes bu dang 'dra la/ skye med kyi dbyings lcags kyu dang 'dra la/ de dag lom? pa'i nor dang 'dra ba blo las 'das pa zad pa med cing 'phel ba med pa rtogs na/ glang chen lom nas sems tsags chung pas na/ de ltar rtogs pa'i rnal 'byor pa ni/ dper na rang thag chu chad pa bzhin du/ rnam rtog dran pa de nyid dbyings su dag tu bcug la/ de la yang de dogs med la/ sangs rgyas zhes bya ba ming du btags btags pa tsam gang nas kyang 'gro ba dang 'ong pa med pas/ de ni 'gro 'od bcad nas nga la bste/ /'di ltar rgyun ming chad pa'i bsam gtan rang la gnas pa rtogs na gzhan du btsal mi dgos pas/ 'di ltar rtogs nas gang du 'ang dris med phyi rol gyi lung dang bstan bcos la sogs pa la mkhas kyang/ dran pa'i nga rgyal las bogs ma thon pas/ tshig la nan tan byas kyang don la rtogs par mi 'gyur bas/ mkhas pa ngo mtshar med pas de ma rtogs/ rtogs pa'i yul ma yin pa de nyid skye rga na 'chi las 'das ba/ rgyu dang rkyen la rag ma lus pas bltos pa med pa'i phyir ro/ /gson po ga? zhig rnam par ma gyur ba/ thog ma med pa nas yod med la sogs pa'i tshig gi ? dags dang bral bas/ de ni rgas shing 'chi bar 'gyur ram ci/ de yang bla ma dam pas bstan pas/ bstan pas/ mnyam gzhag dang rjes thob dbyer med pa

  217. 109a

    rtogs pa ni/ las dang nyon mongs pa dang shes bya'i sgrib pa rnams kyis ma gnod pas na/ bla mas bstan pas dri med blo gros ni/ de nyid khams gsum sems can rnams dang/ dus gsum gyi bde bar gshegs pa rnams kyi de bzhin nyid gcig pa la spyod kyang/ zad pa med cing 'phel ba med pa'i phyir/ glang po che lo ma pa'i nor dang 'dra bas/ de nyid gter yin gzhan po gang yin lo// //da ni rdzings las 'phur ba'i bya rog gi dpes bstan par bya'o/ /de yang yul rnam pa gnyis so/ /phyi'i yul ni gzugs la sogs pa de dag dngos por ma grub pas sems kyis bsten par mi bya/ nang gi yul rkyen la rag las pas na/ dran pa la yang bsten par mi bya'o/ /dran pa ni mtshan ma dang bcas pa'i stong nyid du shes la/ nang gi yul la yang yul nyid rnam par dag ste bsten bya min/ mtshan ma med pa'i stong pa nyid ni/ dran pa med pas 'ba' zhig yid la byas pa'i tshul gyis/ stong pa 'ba' zhig gis ni spyad par bya/ /shes bya ma grub pas shes pa la gnas med do/ /shes dang shes bya ma grub pas sems shes bya ba'i ming ma grub pa'o/ /de las dran pa byung yang de'i tshe mtshan nyid yid la ma byas pas/ dper na rgya mtsho'i pha rol tu 'gro bar 'dod pa'i tshong pa rnams kyis rdzings la bya rog bzhag pa bzhin du/ /rnal 'byor pa rnams kyis 'khor ba'i pha rol tu 'gro bar 'dod na/ dran pa'i bya rog gis bya ra ba byas la/ ji ltar gzings las 'phur ba'i bya rog ni/ ji ltar bya rog gis yul ma mthong bas rdzings la babs pa bzhin du/ de ltar dran pa'i bya rog kyang dran med skye med blo las 'das pa la/ bskor zhing bskor zhing slar yang de ru 'babs// //da ni thag pa la sbrul du mthong ba'i dpes bstan par bya'o/ /de la bcos ma'i rnal 'byor pas phyi rol gyis yul mi sdug pa bsgoms nas spangs te/

  218. 109b

    nang gi dran rig nyams su myong ba la zhen pa ni rig pa gnyis bsgril ba thag pa nag po dang 'dra la rdzas su ma grub pa'o/ /yul mi sdug par bsgom pa ni/ sbrul nag po dang 'dra la/ 'khrul pa ma grub pas thag pa nag po dug sbrul bzhin/ de la yang rang gi shes byas rang sdangs pa ni/ dper na ri mo mkhan mkhas pa bzo ba cig gis khro ba'i gzugs shin tu 'jigs su rung ba cig bris pa la/ nam zhig kho rang gis mthong bas sdangs pa bzhin du/ gang zag kha cig kyang shes byang rang las byung ba la/ mthong btsam gyis sdangs par 'gyur/ shes dang shes bya 'dra ba la shes pa la byos la/ shes pa la don dam du 'dzin pas/ grogs skye bo dam pa ni/ dngos po med bzhin du shes bya dngos po can du 'dzin pa ni/ dper na ri mo mkhan de rang gi bud med mtshan dang ldan pa yid du 'ong ba cig bris pa la nam zhig bltas pas/ kho rang gi ri mo la kho rang chags pa skyes pa bzhin du/ rnal 'byor pa kha cig gi phyi rol gyi yul la brten nas snang stong dbyer med 'dod pa dang/ nang gi yul la bsten nas rig stong dbyer med 'dod pas/ yul gnyis skyon gyis bcings par 'gyur/ de nyid gsal bar bya bar 'dod pa'i yon tan ldas 'ching ba'i dpes bstan par bya'o/ /de nyid ma rtogs pas ni phyi dang nang gi yul la zhen pa'i 'khor ba las thar par mi byed pas na rmongs pa dang 'dra'o/ /rtogs pa'i rnal 'byor pas ni phyi dang nang gnyis ka rkyen la rag lus pas dngos po ma grub par shes so/ /de ltar ma rtogs pa ni zhen pas 'chid la/ rtogs pa ni zhen pas 'ching par mi 'gyur ro// la la na re phyi rol gyi yul las byung ba'i bde ba las zhen par bya zhe na/ phyi rol gyi dbang po'i yul gzugs la sogs pa dang/ nang rig pa'i yul bde ba stong pa 'dra bas/ yul la zhen pas 'ching bar ma byed cig/ don dam pa'i bden pa ni bsgom

  219. 110a

    par bya ba ma yin pas/ de'i nan tan du kye'o rmongs pa mda' bsnun gyis smras pa/ de la yid ma ches na dpe lnga ni thun mong ni go bla'o/ /thun mong ma yin pa'i yul ni bde ba'i rol chags pa nya lta bu dang/ lha dang lha mo'i dkyil 'khor la chags pa phye ma leb lta bu dang/ shes rab ye shes kyi nyams su myong ba dpe yin la don du khyer ba glang po che lta bu dang/ stong pa nyid kyi dri la chags pa bung ba lta bu de/ bzhi po de dag nyams su myong ba la bstan te/ /nya dang phye leb glang chen bung? ba dang/ bla ma dam pa'i gdams ngag gis yul la spyad kyang mi 'ching ba'i thabs la/ gdams dag nyi ma lta bu yul me tog sil ma lta bu dran pa bung ba lta bu de yul la spyad cing chos kyi dbyings su bros pa'o/ /bung ba dang sgra dang/ tshad ma dang/ lung dang bstan bcos mang po'i tha snyad la dga' ba ni/ tha snyad mang pos sangs rgyas kyi dgongs pa tshig gsum gyi gdam ngag gsang gtam lta bu myong du mi ster ba gzhon nu ma gsang gtam mnyan pa lta bu 'di ni ri dags bzhin du blta bar byos// // da ni rtogs na chu dang rlabs kyis dpes bstan par bya'o/ /de yang sems dang sems las byung ba'i rig pa yang gzhan ma yin la/ stong pa dang bde ba dang gsal ba yang gzhan ma yin no/ /dran rtog ji snyed pa yang gzhan ma yin pas/ gang zhig sems las rnam 'phro ba/ chos nyid las logs pa gang yang sems las 'byung mi srid pa na/ de dag yid la ma byas pa rtogs pa/ de srid mgon po'i rang bzhin te/ rkyen blo bur bas bskul bas/ sems las rtog pa byung yang chu bur chu las byung zhing chu'i dang du thim pa sprin nam mkha' las byung zhing nam mkha' la thim pa dang 'dra bar chos nyid zab mo'i dbyings las sna tshogs shar yang dbyer mi phyed pa'i dpe/ chu dang rlabs dag gzhan yin nam/ 'khor ba rnam

  220. 110b

    pa gsum dang mnyam pa nyid tha dad pa med pas/ srid dang mnyam nyid nam mkha' i rang bzhin no/ /de lta bu nyid la byung zhing de nyid la brlag pa nyi rdul gyi/ dpes bstan par bya'o/ /yang dag pa'i don rtogs na lha yi mig dang lha'i rna ba dang pha rol/ gyi sems shes pa dang 'dra la/ ci'i phyir zhe na/ sems shes bya ba ni khams gsum gyi sems can dang/ dus gsum gyi bde bar gshegs pa'i gnyis su med pa gang yin pa de ni tshu rol gyi bag chags kyis mgos pa pha rol gyi sems shes bya'o// de lta bu'i yon tan dang ldan pa'i sems nyid kyi rang bzhin ni sems can kun la yod pa ni ma shes/ sems las byung ba'i rnam par rtogs pa phyogs re ba shes pa la sems nyid shes pa mi zer ro/ /'du shes kyi pha rol sems ni sems las 'das pa las/ mthong ba dang thos pa de chos nyid kyi dang las ma 'das pas/ gang zhig bsten te gang thos pa/ rtogs pa'i rnal 'byor pas don dam pa gzhan don la dgongs pas gzugs sku gnyis ma dmigs pas/ dgongs pa gang yin dam pa skyol ba na smon lam gyi dbang gis 'jig rten gyi khams su snang yang kun rdzob tsam yin pas nyi zer rdul dang 'dra la/ rnal 'byor pa'i dran rtog ji snyed cig dge ba dang mi dge ba/ nyi zer lkugs sa rdul bzhin brlag/ gzugs sku ni yang dag par rdzogs pa'i sangs rgyas ma yin pas mya ngan las 'das la chos sku ni blo las 'das pa de nyid yin pas mya ngan las 'das pa gzhan na med do/ /rnal 'byor pas dran pa byung yang dran med la nub pas/ snying kha nyid du nub par 'gyur ba yin// //da ni chu la chu gzhag pa'i dpes bstan par bya'o/ /de nyid rtogs par 'gyur ba'i rnal 'byor pas mi mthun pa dang gnyen po blang dor med pa'i tshul gyis chos kyi dbyings las mi gnyis pas/ ji ltar chu la chu gzhag na/ chos ma lus pa'i dbyings shin tu rnam par dag pa'i

  221. 111a

    phyir/ sems la du ma shar yang ro la tha dad med de/ dper na bu ram la rta dang glang po che la sogs pa'i gzugs byas kyang/ ro ma stor ba bzhin du chos rnams kyi lhan cig skyes pa la sna tshogs dran yang de kho na nyid kyi dbyings la thim pas de snyed chu ru ro mnyam 'gyur/ de ltar ma rtogs pas ser sna la sogs pa'i 'am/ tshul bzhin ma yin pa 'am bag la nyal las/ 'dod pa la sogs pa ldang bas de las 'khor bar 'khor ba'i/ ngan 'gro'i lam du 'gro ba'i skyon dang/ sbyin pa la sogs pha rol tu phyin pa rnams dang/ de las thob byas dang po la sogs pa ma yengs par bya ba ni tshul bzhin yid la byas pas tshangs pa'i gnas la sogs pa la goms bas/ sku gsung thugs kyi yon tan dpag tu med pa la sogs pa'i yon tan thob par bya ba'i don du/ skyon dang yon tan rnams ldan sems/ de la skyon spangs par bya ba 'am ma yon tan bsgrub par bya ba'i gang zag gis/ de dag rnam par smin pas smin yang de nyid mthong ba ma yin pas/ mgon po sus kyang mthong mi 'gyur// //da ni nags la mchod pa'i me lce'i dpes bstan par bya'o/ /ma rtogs pa'i dus su ma rig pas 'khor bar 'khor la/ rtogs pa'i dus su ma rig pa de nyid chos sku yin pas/ rnal 'byor pa rnams kyis chos thams cad yid la ma byas pas dgongs pa mdzad do/ /ma rig pa dang/ ma shes pa dang/ ma rtogs pa mi dmigs pa'i dus su/ bla ma dam pas brda dang thabs kyis bstan pa'i de ni/ dran pa spangs pa sbyin pa/ dran med myong ba tshul khrims/ skye med bzod pa/ dbyer med brtson 'grus rgyun mi 'chad pa bsam gtan blo las 'das ba shes rab/ rtogs par bya ba thabs/ bdud rnams bcom pas stobs/ sku gsum thob pa smon lam/ sangs rgyas kyi dgongs pa ye shes kyi pha rol tu phyin pa yin pas na/ gzhan nas gnyen po'i mi tshol bas/ rmongs pa dag la gnyen po gang yang med/

  222. 111b

    chos nyid stong pa nyid kyi mes bsregs pas ni stong pa nyid du ma gyur pa gang yang med do/ /de bas kyang sems nyid kyi dbyings blo las 'das pa dang thug phrad du gyur pa'i dus su yid la byas pa gang yang med de/ snang ba thug phrad ni dran pa'o// stong pa thug phrad ni dran med do/ /skye med thug phrad ni de nyid ma skyes pa'o/ /rtogs par gyur pa'i rnal 'byor pas ni/ gang dang gang phrad pa de nags la mched pa'i me lce bzhin/ rnam par thar ba sgo gsum gyi man ngag gis shes par byas la/ gdang du sna tshogs shar ba de dag blang ba dang dor ba gang yang med pas/ gdang du bab pa 'di ltar snang ba kun/ chos thams cad kyi rtsa ba ni sems yin la/ sems ni stong pa nyid do/ /stong pa nyid gang yin pa de ni/ blo'i yul ma yin pa/ blo'i yul ma yin pa gang yin pa de ni/ bsgom par bya ba ma yin pas/ sems kyi rtsa ba stong pa nyid dang lhan cig byos// //de ni zhen pa'i skyon til gyi kun pa'i dpes bstan par bya'o/ /de la yid la byas pas ni khams gsum las thar par mi 'gyur gyi/ de yang dbang gi nyams myong yid la byed na 'dod pa'i khams lha dang lha mo'i dkyil 'khor yid la byed na gzugs kyi khams/ stong pa nyid kyi zhi gnas yid la byed gzugs med pa'i khams su 'dre bar 'gyur bas/ gal te yid du 'od pa snyam pa'i sems/ de yang gang dang gang la zhen par byas kyang khams gsum gyi sdug bsngal du 'gyur ba ni/ bde ba 'dod pa'i khams gsal ba gzugs kyi khams/ mi rtog pa gzugs med pa'i khams su gang yang rung ba'i yid la byas na ni/ de dang bral bar mi phod pas/ snying la gces par byas nas ni/ 'phags pa rnams kyis srid pa'i rtse mo nas sdug bsngal du shes la/ 'khor ba'i sems can gyis dmyal ba ngal so ba la yang bde bar mthong ngo/ /mkhas pa rnams ni mig dang 'dra la/ til gyi shun pa tsam la yang zhen par mi byed do/ /mi mkhas pa rnams ni mgo lus dang 'dra la/ rnam par rtog pa la bde bar mthong

  223. 112a

    do/ /de'i phyir ston pa'i bka' la stong ba nyid bsgoms pas grol lo zhes gsungs kyang/ /snang ba la zhen pa'i gang zag gi don du yin gyi/ stong pa nyid la yang rlom sems su byed na/ til gyi shun pa tsam gyi zug rdus kyang/ yid la ma byas ba ni ma rtogs/ yid la byas pa 'ba' zhig 'khor ba'i rgyur gyur pas nam yang sdug bsngal 'ba' zhig byed par zad// //da ni phag dang glang po ches dpes bstan par bya'o/ /de la yang gnyis so/ /dbang po'i mngon sum dang/ rnal 'byor gyi mngon sum gyis bstan pa dang/ blang dor med pa phag pa'i dpe dang/ nyam da? med pa glang po che'i dpes bstan par bya'o/ /de ltar dbang po'i mngon sum gtan la phab pa ni/ yid kyis gang yang rung ba cig dran du bcug la/ de yid kyi dbang pos snang la rang bzhin med la shes pa btang ba'i dus su/ snang ba stong pa dbyer med pa dbang po'i mngon sum yin gyi/ rnal 'byor gyis mngon sum ni ma yin no/ /rnal 'byor gyis mngon sum da lta'i dus ma yin zer te/ bla ma dam pas brdab bstan na da ltar gyi dus yin no/ /brda'i sgo nas bstan pa dang/ dag gi sgo nas bstan pas gdams ngag ces bya ste/ brda ni lus kyi brda dang/ ngag gi brda dang/ yid kyi brda'o/ /de yang snang ba'i brda dang/ stong pa'i brda dang/ skye ba med pa'i brdas shes par bya'o/ /dag gis ni dran pa myong ba dang/ dran med myong ba dang/ skye med mthong ba dang/ blo las 'das pa yin par yid ches pas so/ /de yang mngon sum rnam pa bzhis so/ /dbang po'i mngon sum ni dran pa yin pa la rnal 'byor gyi mngon sum ni blo las 'das pa yin no/ /'dra 'dra 'dra la mi 'dra ba phag dang glang po ni u ba de sha zhes bya ba yin te/ u pa ni brda nye bar mtshon pa yin la/ de sha ni yul yin no/ /de yang yid kyis yid la byar mi btub pa ni/ dran med skye med blo las 'das pa

  224. 112b

    gang yin pa de ni/ sangs rgyas kyi yul lo sangs rgyas kyi yul gang yin pa de ni/ sems can gyis mi sgom mo/ /sems can gyis mi bsgom pa gang yin pa de ni/ rnal 'byor pa rnams kyi thugs dam mo/ /'o na sems can pa dang/ rnal 'byor pa dang/ sangs rgyas pa dang/ chos nyid tha dad pa yin nam zhe na ma yin te/ chos nyid gcig pa la/ sems can gyis dran pa'i rnam par rtog pa don dam du mthong la/ rnal 'byor pas ni dran pa de nyid glo bur bar snang ba'o/ /de'i phyir sems can gyi snang ba ni snang stong dbyer med yin la/ rnal 'byor pa'i bde stong dbyer med ni ma yin pas so/ /yang na snang ba brtags pas stong pa yin par go/ stong pa nyid las sna tshogs myong ba snang ba yin par go/ de gnyis dbyer med pa dbang po'i mngon sum yin te/ phar? pa thob par byed pa'i lam ma yin pas na de ni ma yin no/ /de ltar yin te de ni ma yin no/ /de lta bu de klu da Sha ka'i gtsug gi nor bu rgyan gyi man dag bzhin no/ /nyams su blang bar dka' ba ma yin gyi/ de lta bu de bla ma dam pa'i zhal gyi drin gyis rtag tu blta bar 'dod pas/ gtsang btsog med pas phag pa dang 'dra la/ nyam nga med pas glang po che dang 'dra'o/ /grogs po gnyis kyis ma mthong ba'i ming so sor brtags pa'i sgrung brgyud bzhin du/ phyogs su mi ltung bas/ grogs po phag dang glang po ltos/ /nga ni yid bzhin gyi nor bu'i dpes bstan par bya'o/ /sems yid blo rnam par shes pa rig pa dran pa med na/ sems can gyi dgongs pa ji ltar bya zhe na/ de dag ldan gyi bar du sems can zhes bya'o/ /de dag kun dbyings su dag la yid la byar med pas/ 'gro ba dang 'gro ba'i don du sku gnyis sprul nas/ ji ltar yid bzhin nor bu dgongs pa bzhin/ 'khrul pa ni sems can rnams kyi rang rang gi rnam par rtog pa yin la/ de yang sems las byung ba'i dran pa kho na'o/ /rnal 'byor pa rnams kyis dran pa glo bur bar shes la/ rtag tu dran

  225. 113a

    pa med cing yid la bya ba med par rtogs pas/ 'khrul pa ni rang bzhin gyis zhi la/ sangs rgyas kyis dgongs pa ni dang gis lhun gyis grub/ sems can rnams kyis sems kyis dngos po'i gnas lugs shes pas/ 'khrul pa zhig pa'i mkhas pa ngo mtshar che/ de gang la gang gis bstan par bya zhe na/ rang la gnas pa rang la rang gis she par bya ste/ sems kyi rang bzhin 'od gsal ba/ glo bur gyi dran pa'i dri mas ma gos pas/ rgyun mi 'chad pa'i bsam gtan gyi bag chags blo las 'das pa bde ba chen po'i ngang la gnas pas/ rang la rang gi bde ba chen po'i bag chags gzugs/ de ltar rtogs pa'i tshe/ sems las byung ba'i dran pa ni sprin bzhin yal/ston ka'i nyi ma phyed kyi dri ma dag pa'i nam mkha' ltar/ dus rtag tu mnyam pa nyid la gnas pas/ thams cad de tshe mkha' mnyam byed par 'gyur// //da ni kA la kU Ta'i dpes bstan par bya ste/ kA la kA Ta ni nag po brtsegs pa 'am/ dus skad cig ma brtsegs pa yin te/ de yang snod brtag par bya ba gser gyi gter rnyed pa'i sgrub brgyud dang/ rang gis nyams su myong ba dran du ma btub pa'i dpe sprul gyi sgo bzos pa'i sgrub brgyud dang/ blo'i spyod yul ma yin pas tshig gis brjod du med pa ni/ shin tu rnam par dag pa la ye shes zhes ming med pa la ming du btags pas 'khrul pa ni/ spun lnga las bzhi shi nas gcig lus pa de rtag tu 'bogs pa'i sgrub brgyud dang/ rgya mtsho bsrubs pa las tha ma kA la kA Ta byung ba de dbang phyug chen pos mgrin pa la gzhag nas/ de'i gnyen po klu'i rgyal po nor rgyas snyan cha byas pa'i sgrub? brgyud dang/ byi ba dug can gyis sos btab pas dran pa tsam gyis na ba'i sgrud? brgyud dang/ dug gi sdong po dang de'i gnyen po tsan dan sbrul gyi snying po zhes bya ba'o sdong

  226. 113b

    bo gnyis gcig tu bsregs pa'i thal ba dbyer mi phyed pa'i sgrud? brgyud kyis bstan la/ mdor na yang dag par rdzogs pa'i sangs rgyas kyi dgongs pa ni/ shes dang shes byas 'jal du mi btub pa'i tshig gi bla dags kyi brda yin yang/ de ltar yin na yang bla ma dam pa'i bka' drin go ba med pa'i go ba/ rtogs pa med pa'i rtogs pa/ shes pa med pa'i shes pa de ni brdas bstan pa'i dus su/ blo las 'das pa tshig las 'das pa tha snyad las 'das pa gang yin pa de dran pa mi rung la brjod du mi rung bas/ kA la kU Ta smos su mi rung ba ste/ dran du mi rung na ji ltar drin par bya zhe na/ de'i rang bzhin ni ji ltar nam mkha' la sprin la sogs pa de las byung zhing de las thim zheng dag pa de bzhin du sems nam mkha' dang mtshungs pa las/ dran pa'i bzang rtog dang ngan rtags dkar nag gi chos ji snyed pa dbyings su dag nas/ rang bzhin nam mkha' mnyam yid kis 'dzin pa yis/ yid la byas pa'i chos thams cad ni mi dge ba yin la/ yid la ma byas pa'i chos kun sangs rgyas kyi dgongs pa la skyel shes na yid de yid ma yin par byed 'gyur na/ chos rnams kyi bzhi ni lhan cig skyes pa yin te/ lhan cig skyes pa ni rang bzhin gyis rnam par dag pa la/ kun tu bzang po yin pas/ rang bzhin lhan cig skyes pa mchog tu mdzes/ phyi'i yul dang nang gi yul la/ brjod bya dang brjod pa ji snyed pa de ni lhan cig skyes pa las logs na ma grub pas/ khyim dang khyim na bde ba brjod pa ste/ de ltar sems can dang sangs rgyas dbyer mi phyed pa'i bde ba chen po'i gnas khyad par 'phags pa ma shas pas/ bde chen gnas ni yongs su shes pa min de cis lan zhe na/ 'gro ba 'di dag ni rang rang gi dran pa'i rnam par rtog pa'i khur bus rang gis sems la khal bkal nas/ 'gro bar ris drug gi grong nas grong du 'pho bas/ 'gro kun sems khral khur bang mda' bsnun smra/ 'gro ba ris drug gi grong du mi gtong na/ bsam du med pa bsgom du med pas/ dran du

  227. 114a

    med pa rtogs dgos te/ rtogs pa cam khur lci bas mnan pa'i gang zag gang yang rung ba cig gis khur bor ba bzhin du/ dran pa'i rnam par rtog pa dang 'brel ba med par bya/ bla na med pa'i 'bras bu snyer ba'i bsam du med pa ma rtogs pas de ni bsam med sus kyang rtogs ma yin// //da ni ro ma stor ba la lan tshwa chu la thim pa'i dpes bstan par bya'o/ /sangs rgyas kyi dgongs pa ni sems can gyi bsgom mi shes la/ sems can gyi rnam rtog dran pa 'di la sangs rgyas kyis zhen pas mi mdzad pa'i gnas lugs bde ba chos sku/ /gsang ba longs sku yan lag sbrul sku/ ngo bo nyid kyis spros pa dang bral bas/ bde gsang yan lag yongs su spangs pa na/ so so skye bo'i bsgom pa ni bsam pa/ bsam pa ni dran pa/ dran pa ni rtog pa rtog pa ni 'khor ba/ 'khor ba ni mi rtag pa la sogs pas g.yos par byed do/ /rnal 'byor pa rnams kyi rgyun mi 'chad pa rnams kyi bsam gtan mi bsgom/ mi bsgom pa ni mi bsam pa/ mi bsam ba ni mi dran pa/ mi dran pas ni mi rtog pa/ mi rtogs bas ni mi 'khor ba'o/ /mi 'khor bas mi g.yo ba de ni bsgom pa dang mi bsgom pa khyad par med pas/ bdag ni mnyam par gzhag ce'am langs shes rlom sems med/ bsgom dang mi bsgom dbyer med bdag gis mthong/ /phyi rol gyi yul la brten nas nad gi yul dran pas myong la/ bram ze ma yin pa bos la shog byas pa'i dpe de bzhin du/ de las yengs kyis bar du gzhan dran pa med pa des yul gyis mtshon pas gzhan dag bsam par byed/ sems dang sems las byung ba'i mi rgyu ba gang yin pas /gdams ngag gis bstan pas de nyid do shes/ rnam rtog dran pa de rang bzhin gyis yal bas/ de nyid bsam pas rnam rtog rang bzhin 'gags par 'gyur/ gal te sems kyis rang bzhin ni dran pa med cing rnam par rtog pa med la/ sems las

  228. 114b

    byung ba dran pa de yang sems las yogs pa ma yin pa des mtshon du 'gro bas/ gal te sems kyis sems ni mtshon du 'gro/ de ltar rtogs pa'i dus su kun gzhi rnam shes yid de dang/ phyi rol rkyen gyis dran pa glo bur ba de dag ni/ g.yo ba med pa'i ting nge 'dzin gyi dbyings su/ rnam rtog dang ni yid ni mi g.yo brtan par gnas/ chos rnams kyi ngo bo nyid blos reg mi btub la/ blo dang rig ba ni rkyen la rag lus pas blo bur ba yin no/ /glo bur ba ni dngos po med pa'o/ /'khrul pa'i dus su dngos po mthong yang/ ma mthong ba'i chos nyid la bde ba'i ro ma ster bas/ ji ltar lan tshwa chu la thim bltar/ de bzhin du semms dang sems las byung ba ji snyed pa de ni skye ba med pa'i dbyings su thim pas/ de ltar sems ni rang bzhin la thim 'gyur/ bdag gi don du sangs rgyas pa ni skye ba med pa chos kyi sku'o/ /gzhan gyi don du sangs rgyas ni gzugs sku rnam pa gnyis mnyam pa nyid la gnas pas tha dad pa ma yin te/ bdag dang sems can la sogs pa mi dmigs pas/ de tshe bdag dang gzhan ni mnyam par mthong mnyam pa nyid ni dus la tha dad med pas rtsol ba dang 'bad pa byas pas thob pa ma yin gyi/ spyod pa nges pa med par rtogs pas dran bas mi gos pa tsam yin gyi/ dran pa la 'bad pas bsam gtan du ma gyur pas/ 'bad de bsam gtan byas pas ci byar yod/ / pa ni chu dang mar me'i dpes bstan par bya'o/ /chos rnams kyis gzhi dran med/ lam skye med/ 'bras bu blo las 'das pa'i phyir/ dang po'i sems nyid chos nyid nam mkha' i mtshan nyid gang yang ming du gdags pa ma mchis pa gang yin pa de ni dang po rgyu dang/ rkyen gyis ma bslad pa de la lha zhes bya'o/ /de lta bu de khams gsum gyi sems can rnams kyi rang rang gi gzhung then nas lha du mar snang ngo/ /de ltar rtogs par byed pa'i la lan re bden pa gnyis su 'dod/ kun rdzob kyi bden pa ni mi bden la/ don

  229. 115a

    dam pa'i bden pa ni dmigs su med pas/ de nyid lung gis rigs pa bstan bcos kyis 'jal du mi btub pa lha lha? cig la ni lus rnams mang por mthong/ rtag chad la sogs pa'i lta pa dang rang gi 'dod gzhung then pas lha nyid ma rtogs so/ /dper na sngar ma mthong pa'i mi rnams kyis/ mun nag nang na glangs po che la reg pa la la la'i sems la shar lugs mi bden pa bzhin du /rang 'dod pa'i mang po gsal bar snang/ glang po che de nyid mun pa dkar ba'i nang phyung bas/ gang dang yang mi 'dra ba de bzhin du/ bla ma dam pas bstan pas sgra dang tshad ma dang/ lung dang bstan bcos mkhas pa rnams kyis ma rtogs pas/ mgon po bdag nyid gcig pu gzhan rnams 'dug la/ 'o na phyi nang gi yul las logs pa cig grub mdza' yin nam zer ba la ma yin te/ phyi'i yul gzugs la sogs pa dang/ nang gi yul dran pa la gleng zhen yang/ grub mdza' logs nas tshol mi dgos pas/ khyim dang khyim na grub mdza' de grub pa'o/ /kun rdzob kyi chos rnams ni dran pa kho na la bsdus la/ dran pa de yang 'das pa ni brjed la/ ma 'ongs pa ni ma dran pas/ da ltar ni de las logs na dran du med de/ dran pa de nyid zas su shes pas gzhan gang yang bsam mi dgos so/ /dper na ras bal gyi phung po mes tshig pa dang 'dra la/ dran pa tshig par 'gyur ro/ /? po sngar zos pa cig gis phyis mthong pa tsam gyis ro pro ba bza' mi dgos pa de bzhin du/ gcig gi rang bzhin shes pas kun gyi rang bzhin shes so/ /gzugs kyi de bzhin nyid shes na chos thams cad kyi mdo dang rgyas pa shes par 'gyur ro/ /cig zos pas ni gzhan kun 'chig/ de ma rtogs pas rnam rtog 'ba' zhig ba dran pa bsgom pa ni/ phyi rol pa dang khyad par med pas/ phyi rol song nas khyim bdag tshol/ chos nyid yang dag pa'i don gyi dngos gzhi ni/ 'gro

  230. 115b

    pa dang 'od pa med pa'o/ /de blo dang rig pa'i yul ma yin pas/ 'ongs kyang ma mthong phyin kyang med la/ lus dang grib ma bzhin du rtag tu spros pa med pa'i bde ba dang 'grogs pa la de ngo ma shes pas 'dug par 'gyur kyang ngo ma shes/ nyon mongs pa'i rlung dang gzugs sgra la yengs pa dang/ nyams su myong ba la yengs pa/ shes bya'i rlabs dag gis mi tshugs rnam pa thams cad mchog dang ldan pa'i stong pa nyid kyi ye shes rgya mtsho la dbang du sgyur bas/ rba rlabs med pa'i dbang phyug mchog/ rkyen rnam pa gsum gyis ma bslad pas bag la nyal las sgribs pa gang ang mi ldan la/ 'bad pa med pa'i chu bo'i rgyun gyi rnal 'byor du gyur pas /rnyog pa med pa'i bsam gtan 'gyur/ ji ltar chu ma rnyogs pa'i nang na/ zla ba dang mar ma'i gzugs brnyan ? pa de ni chu la sogs pa ma yin pa bzhin du/ rnal 'byor pa'i sems dangs ma las sna tshogs dran yang de nyid yin pas/ chu dang mar me rang bsal gcig pur zhog/ de ltar rtogs pa'i rnal 'byor pa yin pas/ gang yang me len pa gang yang gi 'dod pas/ thams cad chos nyid kyi tshe 'phrul cir yang 'gro 'ong du snang bas/ 'gro 'od da yis mi 'dor mi len to/ /thog ma med pa nas yod dang med kyi tha snyad dang bral ba ni blo'i yul las 'das pa bde ba chen po ni gzhir gyur pa rnal 'byor pa thams cad kyi sems yid blo rig pa dran pa 'phrog nus pa gang yin pa de/ bla ma dam pas bstan pas/ gang yang snga na med pa'i sgeg mo dang phrad nas/ yid 'phrog ma sgeg mo de dang nyal na sems la ni gzhi rtsa med pas/ rten med pa la brten pa ni/ bar snang gi byas ku ne bzhin du sa la mi 'babs/ rnal 'byor pa rnams kyis dran pa blo bur ba la yid mi ches pas/ nya pa'i sems ni gzhi med pa la brten/ de ltar yin na yang sna tshogs dang bral ba ma yin kyi/ dper na rmi lam gyi dus na yid 'phrog ma dang snyoms

  231. 116a

    par zhugs pas/ bde ba myong la gnyid sang pa'i dus su rang las logs na gang yang med pa de bzhin du sems nyid dran pa med pa las logs na gang yang ma grub pas/ rang gi gzugs dang tha dad ma lta zhig/ de ltar rtogs na ni lhun gyis grub pa'i sangs rgyas yin la/ sku gsum las ma g.yos pa yin pas/ de ltar sangs rgyas lag tu gtod pa yin/ dpe'i lhan cig skyes pa'i dus su thig le gnyis la lus dag yid dbyer mi phyed pa bzhin du/ don dam pa'i lus rtogs pa'i tshe/ de la yang gang cho lus dang ngag yid dbyer med pa/ de'i tshe na don dam pa'i lhan cig skyes pa yid la byar ma btub pas/ lhan cig skyes pa'i rang bzhin de tshe mdzes/ de ci ltar na rig pa dran pa zas nas dran med kyis khams gsum la longs spyod pas/ khyim bdag zos nas khyim bdag mo longs spyod/ de ltar gnas pa'i sems nyid nam mkha' i mtshan nyid dang 'dra bas/ dran ba ci byung yang nyams pa med pas/ yul ni gang gang mthong de spyad par bya'o// //da ni sgyu mas bslus pa'i dpes bstan par bya'o/ /de yang rgyal po seng ge zla ba'i sgrud brgyud dang/ rgyal po rang la sgyu ma mkhan gyis sgyu ma byas pa'i sgrung brgyud dang/ rnal 'byor pas gzhad dgad byas pa'i sgrub brgyud do/ /de la sgyu ma sgyu mar shes pa dang ma shes pa'o/ /chos nyid yang dag pa'i don ni mi 'gyur bas sna tshogs 'gyur yang rtogs pa la 'gal ba med do/ /ma rtogs pa rnams kyis sna tshogs mthong la chos nyid mi 'gyur ba ma mthong pas/ nga yis rtsed mo byas pa la/ so so'i skye bo ni phyi dang nang gnyis kyi yul la chags nas/ rang rang gi las kyi rnam par smin pa'i khur bu khur nas/ byis pa rnams ni sha thang chad/ chos rnams kyi gzhi dran med las dran pa'i rnam pa skye bar 'gyur gyi/ de nyid ni spros pa med pa'i phyir yum shes rab kyi pha rol tu phyin ma dus gsum gyi bde bar gshegs pa'i

  232. 116b

    skye gnas yin la/ de nyid ma rtogs pas khams gsum gyi sems can gyi skye gnas yin pas de'i phyir/ a ma gzhan nas bu de skye mi 'gyur/ phyag rgya chen po'i rnal 'byor pa'i spyod pa'i dpe ni/ gsang spyod rigs spyod kun tu bzang po'i spyod pa bzhin du dus kyi res pa med do/ /ji ltar nam mkha' ni chags pa 'am 'jig pa'i dus med pas/ dngos po med pa la ming du btags pa bzhin du/ phyag rgya chen po de yang dngos po med pa la dpes mtshon du med pas/ de'i phyir rnal 'byor spyod pas dpe dang bral// / da ni bdag po lta bu rig pa'i ye shes zos pa'i dpes bstan par bya'o/ /de yang/ bud med kyi glib? gi sgrung brgyud khyo gzhan nas tshol ba bzhin du/ rnal 'byor ba'i nyams su myong nas rkyen la rag lus pas/ nyams su myong ba don dam pa ni ma yin gyi/ dran rig glo bur ba zos pas chos nyid kyi ngo bo ni blo las 'das pa la rang bzhin gyi rmad du byung bas/ bdag po za zhing rang bzhin mdzes/ sems nyid spros pa dang bral ba la dran pa'i chags pas gang bar 'gyur yang/ de nyid las ma g.yos pas/ chags pa'i yul gyis gang ba'i sems de nyid/ 'dod chags mchog dga' dran pa'i thig le/ chags bral dga' bral dran pa med pa'i thig le/ spang pa chos nyid skye ba med pas/ chags dang chags bral spangs nas gnyug mar zhugs/ rang bzhin gyis rnam par dag pa'i chos nyid spros pa dang bral ba la sems kyi ming yang med de/ chos rnams kyi skyes rnal 'byor ma ni sems med pas na/ sems nyams pa ni rnal 'byor ma ngas mthong/ /de'i rang bzhin rnal 'byor pa rnams kyis bsam du yod dam zhe na/ dran pa glo bur pa yin/ pas zas su shes/ ma dran pa ni ltos pa'i chos nyid mnyam pa de'i phyir gang yang mi bsgom pas/ za zhing 'thung la bsam du de'i phyir gang yang mi bsgom pas/ za zhing 'thung la bsam du med/ sems nyid ni spros pa dang 'bral la nam mkha' dang 'dra sems las

  233. 117a

    byung ba'i dran pa ni sprin pa dang wa pas grogs ma yin te/ nam mkha' dang ba 'dra ba dang 'gogs pas/ grogs mo 'di ni sems la gang snang ba/ phyi rol bas sems kyi de nyid dran pa yin zer te/ sems ni dran pa med pa rnam par rtog pa med pa yin te/ gang gis kyang mtshon du med pas/ phyi rol sems kyis mtshon du med pa bdag gis mthong /de'i rang bzhin ni sgyu ma'i skyes bu'i rmi lam bzhin du 'di lta bu zhes brjod du med do/ /rig pa'i ye shes la ma rtogs pa rnams kyis 'bad par byed de/ don gyis rnal 'byor mas ni rig ba zas shes pas/ sgyu ma'i rnal 'byor ma ni dpe dang bral ba ste// //da ni shel sgong g.yang dag la rkyen gyis me dang chu 'byung ba'i dpes bstan par bya'o/ /de yang khams gsum gyi sems can dang/ dus gsum gyi bde bar gshegs pa'i gzhi gcig tu dri ma med pa de/ gang nas byung ba dang/ gang du gnas pa med pas sa gsum gang du 'ang dri med mi gnas mi 'byung ste/ nyi ma'i 'od zer dang shel sgong dang/ spra ba thug phrad kyi rkyen gyis me 'byung ba bzhin du/ rnal 'byor pa'i sems phyi dang nang thams cad gsal la ma 'gags pas las rkyen gyi dbang gis/ sna tshogs myong yang dngos po med par shes pas/ mi? ni spra ba nyid la rkyen gyis 'bar/ shel sgong de nyid nye ba'i zla ba dang phrad pas/ snod gcang ma'i nang du zed pas chu 'dzag pa bzhin du/ snod dang ldan pa'i gang zag la bstan ma thag tu/ rang dbang med par phyag rgya chen po rgyun du myong bas zla ba chu 'dzag nor bu rang dbang med/ de yang 'khor ba dang mya ngan las 'das pa rang gi dbang du byas pa'i thabs mkhas pas/ rgyal srid dbang du 'dus pa bzhin du/ thabs kyis rgyal srid kun la dbang sgyur ba'i/ sems kyi rang bzhin 'od gsal ba/ dran pa'i dri mas ma gos pa sems nyid ces bya'o/ /de nyid rnal

  234. 117b

    'byor du grub pa dang dbyer med pas na/ chos thams cad bskyed pa'i yum shes rab kyi pha rol tu phyin ma 'di ni /sems nyid de ni grub pa'i rnal 'byor ma'o/ /chos thams cad ni snang ba stong pa skye ba med pa gsum la bsdus la/ de yang rang gi sems las ma gtogs pa chos gang yang med de/ de yang bzang dang ngan la sogs pa'i rnam rtog yin pas dran pa tsam mo/ /dran pa de yang kun rdzob tsam du yod la brjed pa'i rgyu yin no/ /brjed pa de yang dran pa med pa yin te/ rnal 'byor pa'i sna tshogs skye sa yin pas/ snang ba'i lhan cig skyes pa'o/ /dran pa med pa de rtag tu skye ba med pa yin te/ stong pa nyid kyi skyes sa yin pas stong pa nyid kyi lhan cig skyes pa'o/ /skye ba med pa de dus rtag tu blo'i yul las 'das pa yin la/ skye ba med pa de nyid kyi skyes sa yin pas/ skye med kyi lhan cig skyes pa'o/ /de ni sdom pa gsum gyi dbang du byas nas/ don dam pa'i lhan cig skyes pa'i sdom pa shes par bstan par ba'o/ /lhan cig skyes pa'i sdom pa shes par bya'o// //da ni de dag gis 'bras bu chos kyi sku gdol pa'i rigs byed kyis dpes bstan par bya'o/ /de la dang po chos sku tha snyad las 'das pa ma rtogs pa rnams pa brgal ba ni/ 'gro ba ma lus pa'i tha snyad yin gyis/ la la ni dran pa'i tha snyad kyi phyir 'brangs nas/ 'khor ba las thar pa thams cad thob par mi byed/ la las ni sgra dang tshad ma dang lung dang bstan bcos las byung ba'i tshig la mkhas par byas pas kyang thar pa'i lam rim par byed do/ /la las ni bsam gtan dang ting nge 'dzin dang zhi gnas dang/ mnyam par gzhag pa bsgoms nas rnal 'byor du byas pas thar pa rang du mthong ba yod do/ de dag dren pa las ma 'das pas/ /yi ge pa'i 'gro ba ma lus pa/ dran pa'i tha snyad rang la sna tshogs kyi ming btags nas/ tha snyad dang bral ba'i ngo ma shes pas/ yi ge med pa gcig kyang med/ ?

  235. 118a

    dam pa ni blos gzhag tu 'ang mi gtub la/ tshig gis brjod du ma btub pa gang yin pa de ni yi ge med pa'o/ /ji srid bla ma das pas ma bstan gyi bar du yi ge dang tha snyad la sems ma yengs pa'o/ /brda dang thabs kyis bstan nas ma yengs pa da ni/ ji srid yi ge med 'gyur ba/ brjod pa kun dang bral ba de nyid sangs rgyas kyi gsung rab thams cad kyi 'byung gnas yin pas/ de srid yi ge rab tu shes/ snag tsha mnyes pa'i yi ge rab tu shes/ nang na yi ge klag tu btub pa gang yang med do/ /gsung rab tu dris nas klags pa med pa yang gzhan ma yin no/ /de bzhin du chos sku bsgom du med pas bltar med do/ /de las legs na 'gro don med do/ /snag che mnyes pas klag tu med/ 'gro don byas pa ni sprul pas sprul pa la byed par 'gyur gyi/ chos kyi skus ni mdzad pa dang mi mdzad pa mi mnga' ste/ bram ze ma lags pas rig byed 'don yang don med pas/ rig byed don med 'don pas nyams/ blo'i spyod yul ma yin pa don dam pa cig shos shes kyang/ shes pa ma yin pas dam pa sems dang cig shos mi shes na/ chos thams cad snang ba dang stong pa dang skye ba med pa las skye ba'i rnam pa shar yang/ de'i rang bzhin las ma g.yos pas/ gang nas shar cing gang du nub/ phyi rol gyi dngos po 'di dag ni sgyu ma'am/ de bzhin du nang du dran rig nyams su mi bden pa'i rnam pa yin pas/ ji ltar phyi rol de bzhin nas/ dran rig nyams su myong ba ni/ gzhan gyis rgyun tu gnas par mthong yang dran pa rgyun tu mi gnas pas/ 'dod pa'i khams 'gro ba ris drug dang/ gzugs khams bsam gtan bzhi dang/ gzugs med pa'i khams skye mched bzhi ste bcu bzhi'o/ /de la rdo rje 'dzin pa'i sa mi g.yo ba rgyun tu gnas pas/ bcu bzhi pa'i sa la rgyun du gnas/ sa la rgyun tu gnas pa'i lus ni dpe don

  236. 118b

    gnyis so/ /lus 'di la rkang mthil yan chad spyi bo man chad la sems btsal bas mi rnyed bzhin du/ bcu bzhi'i pa'i sa la mnyam pa nyid kyi don gyi lus shin tu dang ba/ lus la don gyi sems sbas pa mi rnyed de/ ji ltar sems can gyi lus la sems sbas pa bzhin du/ sku gsum la sbas pa ni lus med lus la sbas pa ste/ ji ltar sems can la snying po med par shes pa bzhin du/ sangs rgyas la ye shes don dam par mi mnga' bas/ de thob pa gang zhig thob pa gang yin pa de ni med de de bas na rnal 'byor ba rnams kyis thob pa med pa'i tshul gyis blos mi rig pa'i de nyid bla ma dam pas bstan pa tsam gyis grol bas/ gang gis de shes de yis grol bar 'gyur/ slob bya ni yi ge bzhi la slob dgos so/ /de yang sgrub par gyur cig smon lam gyi yi ge bzhi la'o/ /don la ni brjod bya ji snyed pa la shes par bya'o/ /sangs rgyas kyi chos ji snyed pa ni e bam ma ya la slob par bya ba yin pas/ dang po nas chos kyi gnas lugs kyi ngo bstan la/ de nas chos thams cad bzhi bzhi'i man ngag gis shes par bya'o// de yang ji lnga ba bzhin du nyams su blangs la gnas par mi bya'o// las dang po pas yi ge 'bru bzhi'i man ngag la bslab par bya gnas par mi bya'o/ /yi ge med las ye ge'i tha snyad yin pas bsgrub yig bzhi la dang po bdag gis bton/ de lta bu rtogs pa'i dus su snying po don gyi rnal 'byor gyi khu ba 'thung bar bya na/ blo yi yul las 'das pa rtogs pa'i rnal 'byor pas ni/ chos rnams dran brjed gnyis la bsdu'o/ /dran pa de yang bag chags sam rkyen la rag lus pas kun rdzob sgyu ma tsam mo/ /so so'i skye bos ni chos rnams kyi snyigs ma zab dang 'dran pa ni dran pa kho na la spyod pas so/ /rnal 'byor pas ni chos kyi snying po khu ba bor ba 'thung ba dang 'dra ba ni brjed pa kho na spyod pas/ /khu ba 'thungs pas ngas ni brjed par 'gyur/

  237. 119a

    brjed pa de yang dran pa la mi gnas par bya ba'i don du yin gyis/ sems ni dran pa dang brjed pa lags/ ci yang skye ba'i rgyu med skye ba med pa de nyid/ gang gis yi ge gcig shes la/ skye ba med pa'i zhes chos thams cad/ kyi snying po yin yang skye ba'i rnam bzang par bya ba'i don du yin gyi/ de lta bu'i tha snyad las 'das nas sems kyi yul dang yul can dang bral ba de gang gis gang la'ang ming med las/ de'i ming ni mi shes so/ /dus gsum gyi bde bar gshegs pa thams kyi yang dag pa'i mdza' ni/ rkyen gyis ma bslad pa yid la byar med pa de ni/ rkyen bral gsum ni yi ge gcig/ de las zag pa dang bcas pa'i yig ni/ ? gsum gyi semms can gyi lus ngag yid gsum mo/ /de yang ji srid dran pa dang bcas pa'i dus su'o/ zag pa med pa'i ni sems de nyid dran med skye med blo las 'das pa ngos bstan du yong la/ ngos gzung dang bral ba'o/ /de'i rang bzhin yid la byas pa ma yin pas yi dam gyi lha nyid du shes la/ rtog pa'i rnal 'byor pa rnams kyis dgongs pa de la mdzad pas/ zag med gsum gyi dbus na lha/ lha de nyid ni blos reg tu mi btub la/ de las zag pa dang bcas pa dran pa byung yang/ cig shos dang ma bral bar shes na/ gang zhig gsum pa zag pa ni/ don dam par ni bsgom du med pa yin pa la/ bsgoms pa ni blos bzhag nas dran pa'i bar du yengs pa ni yin gyi bcos ma yin no/ /dper na reg tu mi btub pa gdol pa bram ze bcos nas rig byed bton yang/ dang po reg tu mi btub pas/ bar du reg tu btub btub 'dra ste tha ma reg tu ma btub par song ba'i sgrar rgyud bzhin du/ yang dag pa'i cig shos ni blos reg tu mi btub la/ bar du blos reg tu btub btub 'dra ste tha ma reg tu mi btub pas/ gdol pa'i rig byed de bzhin no// //de la longs sku ma shes pa la smig rgyu'i dpes bstan par bya'o /de la dang po ma

  238. 119b

    shes pa brgal ga 'gro ba ma lus pa skye ba med pa'i rang bzhin gyis khyab pa de nyid longs spyod rdzogs pa'i sku yin par ma shes pas ma lus rang bzhin gang gis mi shes pa/ phyag rgya chen po'i byin gyis brlabs ma shes na/ shes rab ye shes kyi dbang gi dus su bde ba chen po ma yin pas/ kun tu ru'i skabs su bde chen sgrub pa ni/ las kyi phyag rgya'i nyams su myong ba la yid la byas pa de phyag rgya chen po ma yin pas na/ ji ltar sgom pas smig rgyu snyag pa bzhin du/ chu ma yin pa la chu'i 'du shes kyis mi ngoms pa bzhin du phyag rgya chen po ni sna tshogs kyi 'du shes dang bral ba nam mkha' dang 'dra ba bsam du med pa ma shes na/ bsam pa dang dran pas don dam du 'dod pa de snyag pas/ skom nas 'o cha yang nam mkha' chu rnyed dam/ rdo rje pad+ma gnyis ni gnas nyi tshe ba yin la/ de las byung ba'i dus su byang chub sems ni rgyu nyi tshe ba yin te/ skad cig ma de las gzhan na med pas dus nyi tshe ba yin no/ /de yang thig le bzhi la gnyis shor bas 'dod chags kyi dad yal/ gnyis mnyam pas 'dod chags dang bral ba yang ma yin de yang thig le cig rdo rje rtse mor gnas/ thig le cig pad+ma'i ze 'bru la gnas pa'i dus su /rdo rje pad+ma gnyis kyi bar gnas pa de'i bde ba ni/ dpe'i lhan cig skyes pa tsam yin pa la/ don dam pa'i bden pa yin snyam nas 'bad pas/ bde ba gang gis rnam par rol pa ni/ ci ste ma yin zer na phyag rgya chen po'i bde ba ni nam mkha' bzhin du gang la yang mi brten pas/ chos thams cad kyi rten du 'gyur ba yin gyi/ gnyis shor gnyis mnyam gyi bde ba ni bde ba nyi tshe ba yin pas/ rten nus pa med pa'i phyir/ ci ste de rten nus pa med pas na/ yid la ma byas pa'i phyag rgya chen po'i bde bas ni/ khams gsum gyi re ba skod bar 'gyur gyi gnyis shor gnyis mnyam gyi bde ba ni/ 'dod khams kyi phyogs gcig pa yin pas/ sa gsum re pa gang gis rdzogs par

  239. 120a

    'gyur/ mtshan nyid dang bral ba'i skad cig ma'i bde ba ni dbang gsum pa yin pas na/ dpe'i ye shes kyis mtshon la/ don gyi ye shes kyi phyag rgya yang dran dgos pa'i phyir thabs tsam du gyur pas yang na thabs kyi bde ba skad cig ma yang na dran tsam yod lam dran tsam na med pas/ yang na de nyid gnyis su 'gyur ba ste/ bla ma dam pas bstan tsam na dran pa de nyid sems ngal so sor shes pas/ bla ma'i drin gyis slar yang ni/ dran pa med cing yid la bya ba med pa/ phyag rgya chen po'i rang bzhin sems dang yid dang blo dang rnam par shes pa dang/ dran pa dang rig pa dang/ ye shes kyi spyod yul ma yin pa/ brgyud pa'i bka' gdams pas shes par 'gyur gyi/ gzhan gyi shes par bya ba ma yin pas brgyu la 'ga' yi shes par 'gyur// //shes pa'i yon tan zla ba'i nor bu'i dpes bstan par bya'o/ /rtogs pa rnams ni brgyud pa'i grogs po yin la/ rgya mtsho bzhin du zab pa dang/ nam mkha' bzhin du rgya che bas/ grobs dag zab mo dang ni rgya che ba/ de lta bu la ni bdag dang gzhan gyi dmigs pa dang bral bras gzhan min bdag nyid ma yin no/ /de gang gi dus su zhe na/ phyag rgya chen po'i dbang gi dus su yid la byas pa thams cad dang bral ba de nyid gsum pa/ dran med skye med glo las 'das pa gsum dbang gsum pa yin pas na/ de las ma g.yos pa bzhi pa'i man ngag gis shes pas ni/ lhan cig skyes pa bzhi po'i dus/ de nyid blo las 'das nas rtag tu rgyun du gnas pa gnyug ma/ de ltar rtogs pas nyams su myong ba ni/ gnyug ma nyams su myong bas shes/ des ci 'dra zhe na nyon mongs pa dang shes bya'i sgrib pa ni/ mun nag thibs po dang 'dra ba la/ de 'joms par byed pa klu'i yul gyi zla ba'i nor bu dang 'dra pa bla ma dam pa'i gdams ngag gi ma rtogs pa rtogs par byed pas/ mun nag chen por bla? 'di

  240. 120b

    nor bu ni/ ji ltar zla ba'i nor bus mun nag de rang las gzhan du skyel mi dgos pa de bzhin du/ nyon mongs pa dang shes bya spang mi dges pas/ ji ltar 'char bar byed pa de bzhin du/ 'khor pa'i 'dam dang mya ngan las 'das pa'i 'dam gyis kyang ma gos pa'i bde ba chen po'i gang dang yang thun mong ma yin pa mchog bstan ma thag tu skad cig ma cig la sangs rgyas kyi dgongs pa mthong bas/ mchog tu bde chen skad cig gcig la ni/ yid la byas pa ni bsam pa'i sdig pa yin la/ yid la ma byas pa ni mi sgom pa'i dge ba yin pas/ dran pa'i rnam rtog la sems ngal so ba shes la/ dran pa med pa la nyams su myong ba'i phyir yid pham pas/ bsams pa'i sdig pa ma lus pham par byed pa'o// //de ni rtogs na sems glang po che yan pa'i dpes bstan par bya'o/ /de la re zhig sprul sku rtogs par bya'o/ /tshad pas gdungs pa'i sems can ni/ mig gis nyi ma'i dkyil 'khor gyi nang du ce re lte ba'i mi bzod pa bzhin du rnal 'byor pa rnams kyang mig dang 'dra bas/ nyi ma la sdug bsngal du mthong bas nam zhig nus par 'gyur snyam mo/ /nyi ma nub pa dang nam mkha' la khyab pa skar ma'i bdag po zla ba dang gza' dang bsil bar gyur pa mnyam du shar/ de bzhin du rnal 'byor pa rnams kyis 'khor pa'i rgyur dran pa 'di/ sdug bsngal gyi nyi ma dang 'dra bas na/ nam zhig nub par 'gyur snyam pas na/ sdug bsngal snang byed nub pa na/ zla ba nya pa'i dus nyi ma nub pa dang/ skar ma zla ba gza' gsum mnyam du shar ba bzhin du/ rnal 'byor ? pa'i dran pa nub pa'i dus dang/ kun la khyab pa dran med dang/ gzugs can ma yin pa skyed med dang/ 'gro 'ong med pa blo las 'das pa/ man ngag gis bstan ma thag tu shar bas/ skar ma'i bdag po gza' dang mnyam du shar/ 'di ltar drang

  241. 121a

    med skye med blo las 'das pa'i dbyings su gnas shing/ sprul pa'i rnam pa du ma de las sprul ba'i yin pas/ 'di ltar gnas pas sprul pa sprul/ dran med las sna tshogs shar bar/ sprul sku'i dkyil 'khor dang/ skye med dbyings su gnas pa rtogs pa longs spyod rdzogs pa sku'i dkyil 'khor dang/ blo las 'das shing bsgom du med pas chos kyi sku'i dkyil 'khor de nyid 'khor lo dam pa yin pas/ de ni dkyil 'khor lo dam pa'o/ /de lta bu ni ma rig pa'i dbang gis rmongs par gyur na yang gzung 'dzin dang bral ba'i sems dran pa tsam gyis dag pa'i sems ni dran med la/ rtogs par bya ba ma yin pas/ kye'o rmongs pa'i sems kyis sems la rtogs nas ni rtag chad la sogs pa'i lta ba ngan pas grol ba dang/ lta zhog gi de bas kyang sems tsam pa dang dbu ma pas/ yid la ma byas pa'i phyag rgya chen po ma rtogs na lta ba ngan pa yin te/ rnal 'byor pas gang gis kyang rtogs par bya ba ma yin pa rtogs pas na/ lta ba ngan pa thams cad ni rang grol 'gyur/ de yang shes dang shes bya'i sgog gnyis kyis bcings pa ni sems tsam pa dang dbum pa yin gyi/ /rnal 'byor ba rnams ni shes dang shes bya gang gis kyang ma bcings la/ rnam pa thams cad mkhyen pa de nyid bla ma dam pas bstan pa'i ni mchog yin te/ de nyid 'dam gang gis kyang ma gos pas bde ba chen po'i dbang du 'gyur bas/ mchog tu bde ba chen po'i dbang gis na/ thun mong gi dngos grub ni sems kyi dran sgom dang sngags dang phyag rgya la sogs pa la byung ba yin gyi/ thun mong ma yin pa phyag rgya chen po'i dngos grub ni/ yid la ma byas pa'i ngang las ma g.yos pa rdo rje lta bu'i ting nge 'dzin de las gnas na dngos grub dam pa'o// //de ltar rtogs pa'i rjes la sems rang dgar gzhag pa ni glang po che shin tu mi srun

  242. 121b

    pa'i thog tu/ lcags kyu pa goms pa rtsal po che cig gis btab pas yan yang mi stor ba bzhin du/ rtogs pa'i rnal 'byor pas sems nyid skye med du shes/ sems kyi rang bzhin dran pa med par shes/ sems las byung ba'i dran pa'i rnam pa la dgag sgrub ma byed par/ sems kyi glang po yan du chug/ shes dang shes bya las grol ba'i rnal 'byor ba'i dgongs pa ni gzhan la dri sa med pas/ de nyid bdag nyid la dris shig/ sems nyid kyi rang bzhin nam mkha' bzhin du spros pa dang bral ba la/ shes dang shes bya'i ri bo'i skye ba med pa'i chu bab pas nam mkha' i ri bo'i chu 'thud ba dang/ de yang ji srid dran pa dang bcas pa'i sems de ni sgyu ma tsam du shes la/ 'khor ba'i 'gram dang de las gzhan dran pa med pa man dag gis nyams su myong du yod pa'i rmi lam lta bu shes la/ mya ngan las 'das pa'i 'gram de gnyis sems dal so ba dang/ yid 'pham skye med chu bo yi/ de yi 'gram du zhog cig rang dgar bar/ de yang sems kyi yul ni dran pa glang po lta bu yid te/ dran med dbang ba lta bu des skye ba med pa'i lcags kyu lags pas/ yul gyi glang po'i dbang po'i lag pas blangs nas su/ ji ltar glang po che de rtsal che yang lcags kyu mkhan thabs mkhas pa'i dbang du gyur pa bzhin du/ thabs mkhas pas sems kyi glang po che de yang gsod/ nam yang bde ba rang dbang du 'gyur bas/ ji ltar gsod pa rang dbang snang bar 'gyur/ de ltar rtogs pa'i rnal 'byor pa ji ltar glang po che skyong ba bzhin du/ sems nyid skye med du shes na sems dran med la skyo bar bya ba yin pas/ rnal 'byor pas ni glang po che skyong pa bzhin/ ma rtogs na glang po ni nags kyi glang po che yin pas mi log pa bzhin du/ 'khor ba'i nags las brgal bar mi 'gyur ba/ rtogs pa'i rnal 'byor pas ni sems rang dbang du 'gyur bas/ de kho na nyid las logs na 'gro sa med

  243. 122a

    bas/ de nyid nas ni ldog par 'gyur pa yin// //da ni chos rnams ngo bo gcig pa'i mtsho la chu bur gyi dpes bstan par bya'o/ /de la 'khor ba dang mya ngan las 'das pa sems la gnyis su snang yang/ de gnyis kyi rgyu'i rtsa med de/ rig pas ni 'khor bar 'khor la de'i rang bzhin ma grub pas mya ngan las 'das pa'i lam yin no/ /de'i phyir 'khor ba spangs pa'i pha rol na/ mya ngan las 'das pa med la/ gang zhig 'khor ba de ni mya ngan las 'das par nges/ sems nying 'khor ba dang mya ngan las 'das pa la sogs pa'i tha snyad btags kyang/ dbyings la tha dad pa ni rdul phra rab tsam yang yod pa ma yin pas/ dbye ba gzhan du sems dpa' ma yin te/ sems kyi rang bzhin ni spros pa thams cad bral ba'i phyir gcig ces rtogs mod kyi/ de lta bur brjod du btub pa ma yin pas/ rang bzhin gcig gis dbye ba rnam par spangs/ sems rang bzhin gyis 'od gsal ba la/ glo bur gyi nyon mongs pas kyang/ nyon mongs par mi 'gyur la/ shes byas kyang shes byar mi 'gyur bas/ dri ma med pa nga yis rab tu rtogs/ dri ma med ba ni ma rtogs/ yid kyi de nyid bsgoms nas/ bla na med pa'i byang chub thob zer te/ bsgoms pa ni dmigs pa dang bcas pa yin pas/ yid kyi de nyid dmigs pa dang bcas/ 'o na stong pa nyid bsgoms na zer na/ stong pa nyid ni dmigs pa med pa yin pas bsgoms du med/ bsgom du yod na yid kyi rnam par shes pa la dmigs pas sangs rgyas ma yin sangs rgyas ni chos sku nyag cig yin pas/ chos sku ni dmigs pa med pa stong pa nyid yin pas/ dmigs med stong pa nyid yin na/ 'o na chos sku nyag gcig yin pas/ yid kyi rnam shes bsgoms nas dran nas yin zer na/ ji srid dran pa ni rnam rtog yin pas/ bsgom pa ma yin/ sems nyid rgyun mi 'chad pa dran pa med cing yid kyi

  244. 122b

    bya ba med pas/ bsgom bya sgom byed med cing yid la bya ba med pas bsgom bya sgom byed med/ dran nas bsgoms pa'i nas bsgom pa'i dus su yod la/ mi bsgoms pa'i dus su med pas gnyis la skyon ni yod pa ste/ rnal ma gnyug ma ni dran rig blo'i yul ma yin pas bsgom dang mi bsgom tha snyad med bran? pa dang bcas pa bsgom na rnal 'byor pa ma yin la/ dran pa med na rnal 'byor pa ma yin pas/ rnal 'byor gang zhig pa sgom pa yin/ bde ba stong par gsal ba de nyid dran nas bsgom na dmigs bcas yin la/ de las gzhan dran pa med pa dmigs med yin pas/ bsgom pa dmigs bcas dmigs med do/ /dmigs pa dang bcas pas ni 'khor bar 'khor la/ dmigs pa med na mya ngan las 'das pa yin te/ de gnyis kyi 'dam gyis ma gos pa ni skye ba med pa de nyid mtshan ma med pa'i bde ba yin pas/ bde ba'i rnam pa'i rang bzhin no/ /de'i phyir blo las 'das pas khyad par 'phags/ bla na med pa'i byang chub sems can ma lus pa la rang 'byung bas/ rab tu bla med rang 'byung ba bla na med ba'i byang chub ni sems can ma lus pa la yod pa la yod par ngo ma shes/ bla ma dam pas brdas bstan ba'i dus su thabs su khyad par can gyis bstan ma thag tu shes pas bla ma'i du thabs bsten pas shes/ de ltar rtogs ba'i rnal 'byor pas gnas la nges pa mi bya/ de bzhin du sems kyi gnas mi rtog ba nags lta bu 'am/ rtogs pa'i khyim lta bu la 'gro ba dang 'dug pa'i bya bas nags su ma 'gro khyim du ma 'jug par/ de ltar rtogs ba'i sems dang sems las byung ba gang yang rang bzhin med par shes pas/ de ru zhen par mi byed pas/ gang yang de ru yid kyis spongs she na/ de ltar shes na sems can du lta bar mi bya/ khams gsum ma lus pa 'di dag lta ba 'gyur ba med pa la rgyun tu gnas pa'i byang chub yin pas/ ma lus rgyun tu byang chub rtogs pas ni/ de ltar rtogs na dogs pa dang re ba mi bya/ 'khor ba la glud?

  245. 123a

    ba ni rnam par rtog pa dran pa 'di yin pa la dngos por ma grug mya ngan las 'das par lhung ba ni rnam par mi rtog pa dran med de yang dngos por ma grub pas/ 'khor ba gang yin mya ngan 'das pa gang/ 'khor ba dang mya ngan las 'das pa ni yid kyi dri ma yin gyis/ rang bzhin gyis dag na chos thams cad kyi lhan cig skyes pa yin pas/ yid kyi dri ma dag na lhan cig skyes pa ste/ lhan cig skyes pa'i rang bzhin shin tu rnam par dag pa yin pas/ gnyen po ma lus pa rdzogs pa la blo bur gyi mi mthun pas glags mi rnyed pas/ de'i tshe mi mthun phyogs kyi 'jug pa med pas/ 'o na rtogs pa'i rnal 'byor pa la yang nyon mongs pa'i dran pa skye yin gda' na zer na/ ma rtogs pa'i so so'i skye bos ni dran pa'i rnam par smin pas/ 'khor ba'i bde sdug bsags la/ rang gis rang la gnod pa byas so/ /dper na mi mkhas ba'i dang tshul can chu srin kum b+hi ra mtsho nang na gnas pas/ nam mkha' la bya rgyu ba'i grib ma mthong nas bya yin snyam nas bsnyags pas/ rang gis rang la ngal bar byed do// mkhas pa'i ngang tshul can chu srin ma ka ras ni bya'i grib ma mthong yang chu rang du shes pas snyeg par mi byed pas ngal bar mi 'gyur ro/ /de bzhin du ma rtogs pa'i so so skye bo rnams kyis sems kyi dri ma dran pa la 'bad pas snyags pa don dam pa la dal bar byed do/ /de bzhin du rtogs pa'i rnal 'byor pas sems nyid kyi dri ma dran pa sems nyid du shes pas bsgoms nas snyag par mi byed pas sdug bsngal bar mi 'gyur ro/ /'di nyid kyis gsal bar byed pas/ ji ltar rgya mtsho dang bar gyur pa la/ mtsho shin tu dang bar gyur pa de la rde'u bsgyur bas chu bur byung bas chu kho na yin pa de bzhin du/ rnal 'byor pa'i sems shin tu dang ba blo bur du dran pa byung yang snying po med pa khong stong gis/ snang stong du glo bur bas shes pas/ chu bur chu nyid yin

  246. 123b

    te/ de bzhin thim par 'gyur/ de'i rang bzhin shes pa stong pa nyid kyi zhi gnas nags dang 'dra la/ lhag mthong dbyer med kyim dang 'dra bas/ nags dang khyim na byang chub gnas pa med/ de ltar dran med las ma yengs pa'i dus su sangs rgyas yin la/ dran pa byung pa'i dus su sems can yin pas/ de ltar dbye ba yongs su shes nas ni/ shes dang shes bya'i sgrib pa dag nas sems kyi rang bzhin 'od gsal ba yin pas/ dri ma med pa'i sems kyi rang bzhin gyis/ sems can ma lus pa de ltar rtog su rung ba la/ rang la yod pa rtog med la rten par 'os pas/ ma lus mi rtog pa ru brten par 'os/ sems can thams cad kyi bdag dang bdag gis bgyi ba de bzhin nyid la tha dad pa ma yin pas/ de ni bdag yin gzhan yang de bzhin no/ /bsgom bya sgom byed gnyis su med pa rtogs na/ bsgom dang mi sgom dbyer med pas/ gang bsgoms yongs su bsgoms pa gang/ 'di ni bsgom pa'o/ /'di yis bsgoms pa'o zhes bdag dang bdag gis bgyi bas sems can 'ching/ chos nyid la bdag dang bdag gir bgyi ba ma mchis pas/ dbye ba de nyid 'ching dang bral bar bya/ bdag nyid grol ba ni skye ba med pa/ bsam du med pa rtogs na/ bdag gi don du sangs rgyas pa yin pas/ 'on kyang bdag nyid rnam par grol ba'o/ /bdag nyid dang gzhan gyi 'khrul pas sems can ? 'gyur ba yin pas de'i phyir/ bdag dang gzhan dang 'khrul par ma byed par/ khams gsum gyi sems can ma lus pa ni rgyun mi 'chad pa'i sangs rgyas kyi dgongs pa dang mi 'bral ba yin pas/ ma lus rgyun tu gnas pa'i sangs rgyas te/ sems ma dag na sems can zhes bgyi ba dang/ sems rang bzhin gyis dag nas sangs rgyas zhes ming so sor btags kyang/ sems nyid skye ba med pa la sogs pa gang yang med/ sems

  247. 124a

    ni rang bzhin gyis 'od gsal bas/ sems ni ngo bo nyid kyis dag pas na/ sems zhes ngo bo nyid kyis dag pas na/ sems zhes bgyi ba de yang dri ma yin te/ de'i phyir sems kyi 'du shes sam/ sems ma yin pa'i 'du shes dang bral rgyu med par bral ba/ de nyid dri med mchog gi go 'phang do/ /sems nyid skye ba med pa la gzung ba dang 'dzin pas 'khor bar 'khor la/ de nyid dbyings su dag nas de nyid mnyam pa nyid la gnas na mya ngan las 'das pas/ gnyis med sems kyi sdong po dam pa ni/ dag pa'i sems dran pa med cing yid la bya ba mang pa des ni/ khams gsum dang dus gsum du khyab pas/ khams gsum ma lus kun tu khyab par song/ kun la khyab pa ni chos sku blo las 'das pa yin la/ 'gro la phan pa'i don mi mnga' yang? sems can gyi 'khrul pa'i dbang gis rang rang gi don byas so snyam pa yin/ dper na snod mang gi nang du chus gang ba la zla ba'i gzugs brnyan shar ba bzhin du/ snying rje mi rtog gzhan phan 'bras bu 'dzin/ de la chos sku la ni ming yang med na/ gzugs sku gnyis kyi 'byung sa yin pas/ ming ni mchog tu gzhan la phan pa'o/ /de la blo'i yul las 'das pa don dam pa stong pa nyid ni chos kyi sku'o/ /de la me tog rgyas pa ni/ longs sku yin pas/ stong pa'i sdong po dam pa me tog rgyas/ de yang 'gro ba'i rang gi rnam rtog gis rang la byas pas mthong ba sna tshogs dang ldan pas/ snying rje rnam pa sna tshogs du mar ldan/ 'bad pa las byung ba ma yin lhun grub yin/ snga ma dran pa rgyu yin la/ phyi ma ma dran pas 'bras bu yin/ snga ma dran pa rgyu yin la/ phyi ma ma skyes pa 'bras bu yin/ snga ma ma skyes pa rgyu yin la/ phyi ma blo las 'das pa 'bras bu yin/ /de dag 'bad pa bya mi dgos pas/ lhun gyis grub pa phyi ma'i 'bras bu ste/ 'bad rtsol dang bral ba blo'i

  248. 124b

    yul las 'das pa de nyid sems kyi ming med de/ sems tsam pa la sogs pa gzhan gyis sems su khas blangs kyang ma yin pas/ bde ba 'di ni gzhan pa'i sems yin no/ /de'i phyir blo las 'das pa'i don dam pa'i stong pa nyid la ni gzugs sku gnyis yod pa ma yin pas/ stong pa'i sdong po dam pa snying rje min/ de lta bu'i chos nyid zab mo la rtsa ba sems nyid dam/ sdong po sems sam lo 'dab sems las byung ba med pas/ gang yang slar yang rtsa ba lo 'dab med/ de la blo dang rig pas dmigs su med de/ de la blo dang rigs pas dmigs par 'gyur na/ de la dmigs par byed pa gang yin pa/ bsgom du med pa'i dbying yin pas/ bsgoms na longs sku sprul sku mtshang bas/ der lhung bas ni yan lag chags par 'gyur/ blo las 'das shing skye ba med pa de las dran pa dang ma dran pa byung yang sems nyid ma skyes pa yin/ de las 'khor ba dang mya ngan las 'das par gnyis su snang/ sa bon gcig las sdong po gnyis/ chos sku blo las 'das pa de ni 'bras bu tha dad pa mang pas rgyu mtshan de las 'bras bu cig/ de yang 'khor ba'i rgyu yang de yin la/ mya ngan las 'das pa'i rgyu yang de yin pas/ de yang dbyer med gang sems pa/ rnal 'byor pa tha mas 'khor ba'i phyogs gcig pa las grol bar mthong/ 'brid pos mya ngan las 'das pa tsam las grol bar mthong/ rnal 'byor pa rab kyi dgongs pa ni/ 'khor ba la gnas pa'i sems las byung ba'i rnam par rtog pa yang mi 'dor mi len/ mya ngan las 'das pa'i sems mnyam pa nyid la gnas pa yang mi 'dor mi len pas/ 'khor ba'i dngos po med pas dogs pa med/ mya ngan las 'das pa de yang dngos por ma grub pas re ba mi byed pa ni urnal 'byor pa rnams kyi de bzhin nyid de/ des ni 'khor dang mya ngan las 'das rnams grol/ gal te so so'i skye bo'i

  249. 125a

    sems kyis/ sangs rgyas thob par 'dod pas re ba dang bcas pa de'i tshe/ yang dag pa'i don dang phrad bar mi 'gyur ro/ /gang gi tshe gang dang yang ma phrad pa de'i tshe yang dag pa'i don dam pa phrad pa'o/ /de'i phyir so so'i skye bo ni chos kyi sku dang phrad par 'dod pas/ gang zhig 'dod pa can gyi skye po ? pa'i tshe/ gal te so so'i skye bo des chos sku de la re ba med nas sems chos kyi sku la grol bar shes na ni/ de ni re ba med nas gal te 'gro na ni/ re ba med pa de ni 'jig rten pas bor ba'o/ /gang bor ba de ni rnal 'byor pas blangs pa'o/ /'jig rten pas blo dang sems dang yid dang rig pas blangs pa gang yin pa de'i tshe/ bor ba blo'i yul ma yin bla ma dam pa'i brda'i man ngag gis blang bas/ phyi sgor bor ba'i kham por blangs nas su/ rtogs pa'i rnal 'byor pas sems kyis khyim thang dran pa 'di la don du ma bzung bas bor ba dang 'dra la/ chos sku blo las 'das pa de nyid rtogs nas gzhan la re ba mi byed par bsdang ba rung/ de las khyim zab bor nas bsdad pa rung/ chos sku blo las 'das pa ni gzugs sku rnam pa gnyis bya'o snyam pa'i sems dang ye shes mi mnga' o/ /rig pa'i ye shes mi mnga' yang dpag bsam gyi shing la sogs pas 'gro don mdzad pa med pa ste/ byas pa ltar snang ba rang rang gi rnam rtog yin pas/ gzhan la phan pa'i don ni mi byed la/ 'dod pa po ni phyi'i yul dang nang gi yul gnyis la so so'i skye bo sang rgyas thob par 'dod pa'o/ /de dag gi chos kyi sku ma rtogs pas/ 'dod pa po la sbyin pa mi ster ba/ rgyu 'khor ba las 'bras bu mya ngan las 'das pa don dam par ma grub pas/ 'di ni 'khor ba'i 'bras bu gang yin lo/ /rgyu sems can la 'bras bu sangs rgyas su 'dod pa ni/ bdag tu lta brgyun gyis 'dod pas/ de bas bdag nyid bor bar byas na rung /gnyug ma rnal ma lhan cig skyes pa

  250. 125b

    ma bral bas rnal 'byor/ dus gsum gyi bde bar gshegs pa'i dgongs pa la dbang bsgyur bas dbang phyug/ phyag rgya chen po khong du chud pas chen mo/ chos rnams gnyis su med pas dpal/ de ltar rtogs pa'i mnga' mkhan mo blangs pas sa ra ha /sangs rgyas dang byang chub sems dpa' dang rnal 'byor pa las zhal nas zhal du brgyud pas zhal snga nas /ma 'ongs pa'i dus su snying po'i don la mos pa'i don du mdzad pas/ gnyis pa ma lus pa 'jom pa dang/ brjod du med pa'i don rtogs pas do ha/ rgya rnam pa bdun gyis btab pas ko Sha/ mi g.yo ba'i chos nyid kyi don du 'gur du bzhes pa'i glu/ 'di dpe don ma lus par bstan pa rdzogs so// //dus gsum bde gshegs rnams kyi dgongs pa mtshungs pa med pa la/ /dpal ldan ri khrod pa yi dgongs pa nam mkha' nyid dang mtshungs/ /gnyis med a ba d+hu ti'i dran pa 'ja' tshon 'dra ba des/ /do ha ko Sha'i don 'grel bris pas gong nas bzod par bzhes/ /snying gi padmo'i dkyil na gnas pa'i snying po'i don 'di ni/ /slob ma snying dang 'dra ba 'bring ye shes kyis zhus nas su// 'di la mos pa rnams kyi don du bdag gis 'di sgrub? bas/ /sems can ma lus snying po'i don 'di rtogs nas grol gyur cig/ //na mo athi(rgyud 'grel): // */ /rgya gar skad du/ dwa da sha u pa de sha gA? thA/ bod skad du/ man ngag gi tshigs su bcad pa bcu gnyis pa/ dpal rdo rje sems dpa' la phyag 'tshal lo/ /byang chub sems ni zhi ba ste/ /de la gnas pa gang yin pa/ /nam mkha' bzhin du zhi bar 'gyur/ /lus ngag yid las byung ba yi/ /de la cung zad 'gyur ba med/ /yang dag ye shes las 'das pa/ /rnam par mi rtog zhi bar 'gyur/ /rtog pa zhi ba sangs rgyas nyid/ /de nyid rnam pa mkhyen nyid do/ /dngos po dngos po mthong nas ni/ /de ltar rnam rtog gang byung ba/ /de ni rtog med ye shes yin/ /'gro ba tha dang 'dzin phyir ro/ /dngos po kun

  251. 126a

    gyi rang bzhin no/ /thams cad du ni so sor gnas/ /de dag la ni khyad par du/ /nga rgyal med cing rmongs pa med/ /de phyogs phyogs gcig dngos po la/ /bdag tu 'dzin pa ji ltar yin/ /dud 'gro la sogs rang bzhin no// phyogs gcig tsam las gang byung ba/ /de yi ngo bor bshad par bya/ /yang dag sems kyis gzung bar byos/ /stag ni phug na gnas pa dang/ /sbal ba stong pa chen po dang/ /byi la ba spu ldang ba dang/ /ba lang la sogs lus po sprug/ sprul la bza' ba med pa dang/ /bya rnams mkha' la 'gro ba dang/ /srin bu me khyer 'od 'phro dang/ /rnga mos sprul rnams 'gugs ba dang/ /rma bya skom las rgyal ba dang/ /bung bas dug rnams zos pa dang/ /chu byas dbang po bsdams pa dang/ /seng ge 'jigs pa med pa dang/ /dug pas mtshan mo mthong ba dang/ /bya rgod rin chen rtogs pa dang/ /sbrul gyi dug ni byed pa dang/ /rma byas dug rnams za ba dang/ /ngur las ma 'ongs shes pa dang/ /ne tshos tshig la mkhas pa dang/ /sbrang bus rjes rnams sdud pa dang/ dud 'gro la sogs rang rig 'gro/ dar pas chu dang 'o ma 'byed/ /phung ba'i skad ni shin tu snyan/ /chu skyar chi mas sems can 'dzin/ /sbrul gyi mig gis thos pa dang/ ri dags las ni gla rtsi 'byung/ /mgu nas ni mig gis snom/ /chu yi nang na gnas pa'i nya/ /srog dang rtsol bas 'gog par byed/ /tshul ngan bzlas pa bram ze yis/ /ye shes mthog tu thal bar 'gyur/ /stag la sogs pa'i srog chags kun/ /snga ma'i bag chags las byung ba'i/ /rang bzhin yon tan ni 'byung bar 'gyur/ /de dag 'jig rten ye shes can/ /dka' thub ma yin grol ba min/ /snga ma'i bag chags las byung ba'i/ /de dag so sor gnas pa yin/ /de tsam ye shes yin na ni/ /dud 'gro rnams kyang grol bar 'gyur/ /de ltar shes

  252. 126b

    te zhen spangs nas/ /yang dag ye shes spyad par bya/ /gang gis byang chub dam pa dag/ dngos grub dam pa 'byung bar 'gyur/ /man ngag gi tshigs su bcad pa bcu gnyis pa bram ze chen po sa ra ha'i zhal nas gsungs pa rdzogs so// // rgya gar skad du/ swa a d+hiSh+N+Da? na kra ma/ bod skad du/ rang byin gyis brlab pa'i rim pa/ dpal rdo rje sems dpa' la phyag 'tshal lo/ /bdag la byin gyis brlab pa'i cha yi khyad par bstan pas sprul pa sgyu ma'i bdag/ dpal ldan rdo rje sgeg mo nyid la lhag bar rol pa'i ro gang ci yang rung/ /rdo rje bdud rtsi dpal ldan gang la gang gis bstod pa de lta 'ang 'khrul pa'i rang bzhin na/ /ji ltar brjod pa 'di las gzhan su bcom ldan de la kun nas phyag 'tshal lo/ /gang la spros pa dpal ldan bde ba'i rang bzhin rdo rje'i mtshon 'dzin gcig pu nyid/ /su yang mkhas rnams snying gar gnyid sad mi 'gyur ba/ /gang zhig shar bas mnyam pa'i dus na dbang po dang/ /yul rnams bcas pa nub pa de la phyag 'tshal lo/ /gang la spros pa dpal ldan bde ba'i rang bzhin rdo rje'i mtshon 'dzin cing/ /gang zhig cha byad spros bral dri med shes rab rang bzhin kun tu 'gro/ dpag bsams lcug mas mngon mtshungs gnas gsum nyon mongs dra ba gcod pa gang/ /dpal ldan rdo rje tshig mtshan btsun mo de la kun nas phyag 'tshal lo/ /gang zhig rdo rje yan lag ma zhes kun nas dran pas kyang/ /nyon mongs bral ba'i bde ba 'ba' zhig sar ni bde 'gro ba/ /de la mi phyed gus pa'i khur gyi lcid kyis mgrin smad nas/ /de yi zhabs kyi pad+ma'i rdul la spyi bos phyag 'tshal lo/ /gang gis bka' drin zer gyis sbros pa bdag gis de nyid ni/ /rin chen 'od kyis bskor bas mun ba'i tshogs ni rab bcom zhing/ /rnyog med mig gis rang gi rnam par rol pa ring mthong ba'i/ /bla ma rnam par snang byed de la yang dag 'dud/ /gang zhig srid pa dang ni zhi gnas 'gram

  253. 127a

    du dga' ba rgyu 'thun 'bab/ /ye shes nam mkha' i chu bos yid rgyas dpal ldan bla ma gsum pa nyid/ /dpal ldan rdo rje sgeg mo btsun mo tshogs rnams shes rab pha rol phyin rang bzhin/ /gang zhig gnas gsum ston pa gcig pu dam pa'i dbang phyug dam pa'i sems la bdag skyabs mchi/ gang gis sems ni mnyam pa nyid kyi yul du 'jog cing dug 'dra ba'i/ /'khor ba bcud kyis len gyis rnam par mdzad pa rang dbang sngags 'dra ba/ gang gis sa ste dbang po'i blo yi sa min 'gro gsum khang chung gi/ dri ma 'khrud nus gcig pu bla ma dam pa'i dag la phyag 'tshal lo/ /gang gang dran par yang dag gnas pas snying ga pad+ma'i mdud pa ni/ /dbugs 'byin grol bar sbyor ba'i bla ma'i bka' lung de des ni/ /nyi phyed 'od 'dra'i tshogs kyis gnas gsum khang bu'i mun 'joms shing/ /rmongs dang 'gal la bdag ni dul bar bcas pas phyag 'tshal lo/ /bla ma'i zhabs kyi rdul 'di nyung zad dran pa yi/ /yon tan spros pa yongs su gyur pas dpal ldan pa/ /mi bde ba yi bdag nyid kyang ni mchog bde bar/ /gal te grub na 'di las bsgrubs bya gzhan med do/ /bdag ni bla ma'i zhabs kyi rdul la gus dang ldan pas rga shi dang/ /nad dang sdug bsngal sna tshogs mda''dra'i zug rngu'i tshogs 'dis ngal ba med/ /lus can rnams la ye shes bdud rtsi skal ba ma bgos mi nus pas/ /gang zhig bdag gis spyad pa de ni 'di ni yongs su gdud ba che/ /blo yi yul min des na gang gi spyod yul min/ /gzhi yi gtam gyi rim pa bla mas gsungs pa ring/ /de yi rim pas snying rje la sogs yon tan dag/ dang ldan rnams la snying gi gnas su rang nyid skye/ /dngos po 'di kun gcig pa dang/ /du ma'i rang bzhin cha bral te/ /'di ni zhen pa'i sbyor bral bas/ /rtsol ba'i rnal 'byor rnal 'byor 'gyur/ /spu langs

  254. 127b

    myu gu'i tshogs kyis rab dga' yi/ /mchi mas mig dang rdzi ma bkrus nas su/ /ches brtan gus pa'i khur gyis mgo 'dzin ni/ /dpag bsam bla ma dam pa la 'dud do/ /gsal bar spyi bor lag sngar cung zad byed/ /rab dga' bcas pa nor 'dzin yan lag 'khyud/ /yang dag gus pa'i skud pas yid kyi me tog ni/ /mdud bar rgyus pa'i bdag gi phreng ba 'di bzhes shig/ mgon po khyod kyi bka' gnang nyung 'dus shes rab ni/ /rgyal po'i bu mo chal mkhas 'dra dbang du byed/ /'gro ba rnams kyi rang bzhin rol pa'i ro yi bde ba ni/ /'ba' zhig rjes su myong ba de ni yid cig bsod nams can/ /lang tsho'i snying rjes brlan pas khyod kyis ston med lam gsungs pa/ /'gro bo bgrod bya med dang 'gro med ces bya ngo mtshar che/ /gong du go ma ? bor ba tsam gyis mnyam med bde ba'i rgyun bcas pa/ /gang tshe srid dang zhi ba cung zad tha dang ma mthong ngo/ /rnal 'byor gyi dbang phyug dpal sa re ha chen pos mdzad pa bdag byin gyis brlabs pa grub pa rdzogs so// // paN+Di ta chen po shAn+ta b+ha dra'i zhal snga nas dang/ /bod kyi lo tsA ba rma ban chos 'bar gyis bsgyur cing zhus te gtan la phab pa'o// //*/ /rgya gar skad du/ ta ta twA u ba de sha shi kha ra do ha gI ti nA ma/ bod skad du/ de kho na nyid kyi man ngag rtse mo da? ha'i glu zhes bya ba/ 'phags pa 'jam dpal la phyag 'tshal lo/ /ma g.yos sku gsung thugs kyi rang bzhin la/ /rdo rje rtse mo cig char glu blangs don/ /gang tshe lhan cig skyes pa dag/ go ba dgu yis rtogs par bya/ /rgyu mtshan gzhal bya ?/ / sogs med/ /dngos po rnams kyi kho na nyid/ dgag dang sgrub pa med pa ste/ dbye ba la sogs med par bshad/ /mi mthun phyogs dang gnyen po med/ /'tshal pa'i tshul khrims ser sna dang/ /le le khong khro rnam par g.yeng/ /ma rig spang bya la sogs?

  255. 128a

    dang/ /spong byed pha rol phyin pa med/ /dngos kun med par bshad pa ste/ /rtog med snyam sems kun dang bral/ /'khor ba las gzhan phyag rgya che/ /gcig kyang phog par ma bshad gang/ /de nyid rdzogs pa'i sangs rgyas lam/ /'dod yon la sogs ma smad pas/ /'bras bu re ba med pa ste/ /sku gsung lam gyi ngo bo gang/ /ci phyir zhen mi rtog ste/ /kho na nyid ni ji ltar rtogs/ /gzhan la mi re gang gis phar/ /rin chen gter dang rgyal po'i dkor/ /phal pa yi ni bar mdzod bzhin/ / mchog tu gces pa rang la gnas/ /sems las ma gtogs phyi rol don/ /gcig kyang yod par ma bshad de/ /sems nyid kun tu 'od gsal ba'o/ /de bas sems las gzhan pa'i chos/ /yang dag par ni brtags na med/ /dngos kun zung 'jug rang bzhin la skye ba'i rang bzhin yod ma yin/ /ngo ma skyer stong pa gang/ /gzhan na yod pa ma yin te/ /gnyis dang yod med tha snyad bral/ /gcig dang du ma la sogs kyis/ /brtags na med pa ma yin te/ /yod pa ma yin med ma yin/ /rig pas 'grub pa ma yin no/ /dngos por snang ba'i chos rnams kun/ /ngo bo nyid las ma 'das te/ /rgya mtsho gzugs brnyan me long bzhin/ /dran med dbyings nas kun 'byung bas/ /rang bzhin nyid du dus der rig/ gnyis med gnyis su med min pas/ /ma 'das dbyer med ro gcig la/ /gcig tu gzhag par bya ba 'ang med/ /dngos ma de nyid ma bslad pas/ /kho na nyid kyis gar ma g.yos/ /kho na nyid kyis shes pa la/ /'dzin pa med de ngo bo bral/ /cir yang mi 'dzin chos kyi sku/ /ngo bo nyid la dbye ba med/ /'dzin pa'i cha nas brtags pa gang// skye med dbyings kyi rang bzhin la/ /zung du 'jug pas tha mi dang/ /sgro skur bral bas gnyug mar bshad/ /gzhal yas khang dang mtshan dpe dang/ /sna tshogs sprul sku gang ston pa/ /gdul bya lam la zhugs pa'i stobs/ /mnga' bsnun dag gis gang

  256. 128b

    smras pa/ /'di la dmigs su rdul tsam med/ /phyin ci log gi skye bo la/ /nyon mongs yul gyi dug 'gyur te/ /ji ltar snang ba'i rim pa yis/ /dbyer med tshul du gnas pa ste/ /'od gsal ba nyid rnam par bshad/ /rang bzhin med pa'i ngo bo bras/ /tha da? yin gnyis su med/ /khams gsum blo 'das ye shes la/ /'di zhes bya ba'i ming ngam brda/ /mda' bsnun dag gis bzung du med/ /dbyer med ra gcig ma rtogs na/ /gnyis su snang ba'i chos rnams kyis/ /gal te bskal par rnyed mi 'gyur/ /mchog gi go 'phang mi thob ste/ /kho na nyid kyi rang bzhin la/ /dgag dang sgrub pa dang gis bral/ /gnyis med ngang las ma g.yos pas/ /gang 'dir yid kyi ye shes ni/ /gcig kyang bral ba ma yin no/ /lhan cig skyes gang bde ba'i ro/ /rgyun mi 'chad pa'i bdag nyid de// chu bo'i rgyun dang nam mkha' bzhin/ /mi 'gyur dus rnams kun tu gnas/ /rtog pa rjes 'brangs mtshan ma'i blos/ /nam yang shes pa ma yin no/ /bsam med yul la brtag tu med/ /yul med bsgom par ga la 'gyur/ /bsgom med nyid kyang yod ma yin/ /dpe yi don la gang dris pa/ /sangs rgyas kun gyi thugs dang mnyam/ /brog gar glu dang rol mo yis/ /phyogs rnams kun tu sgra sgrogs shing/ /rnal 'byor mas nig.yon nas bskor/ /dmigs btang bral ba'i rang bzhin gyis/ /'bad pa med par kun tu spyad/ / gnyis su snang ba'i rtog pa thams cad bcom gyur nas/ /brjod med rnam med 'bras bu thob 'gyur shog/ //rnal 'byor gyi dbang phyug chen po dpal sa ra ha'i zhal snga nas gsungs pa/ phyag rgya chen po de kho na nyid rtse mo do ha'i glu zhes bya ba rdzogs so// //rgya gar skad du/ b+hA ba sany+tsa ra nA ma/ bod skad du/ dngos po sbyong zhes bya ba/ sangs rgyas la phyag 'tshal lo/ /dngos po med la dngos por shes/ /dngos med skye ba yod ma yin/ /rtag tu skye ba dngos po nyid//

  257. 129a

    dngos 'khrul nam mkha' i me tog bzhin/ /mkha' dang mnyam pa'i chos rnams ni/ /skye ba mkha' dang mnyam nyid mchog/ thams cad rang bzhin gyis mkha' mnyam/ /des na srid pa dam pa'i dngos/ /rgyu med 'bras bu med pa ste/ /las kyi rang bzhin yod ma yin/ /'jig rten pa med 'jig rten med/ /'di dag thams cad bden ma yin/ /ma skyes pas ni dngos po gang/ /ji ltar gzhan las shes par 'gyur/ /mo gsham gyi ni bu nyid kyang/ /de tshe skye bar gyur ma yin/ /'jig rten gzod nas ma skyes te/ /gang gis kyang ni sprul ma yin/ /don med 'khrul pa'i 'jig rten 'di/ /zla ba bzang po'i grong khyer bzhin/ /'jig rten rnam par rtog la 'byung/ /rnam rtog sems las byung ba ste// gang phyir lus las sems byung bas// de phyir lus la rnam par brtag/ gzugs stong tshor ba rang bzhin med/ /'du shes med cing 'du byed med/ /sems byung med de dngos po med/ /de phyir mi rtog rang bzhin no/ /des na sems min chos kyang min/ /lus min khams la sogs pa min/ /gnyis su med pa'i lam 'di ni/ /de nyid rig pa rnams kyis gsungs/ /dmigs pa med pa'i chos 'di kun/ /dmigs pa med par rab tu bstan/ /dmigs pa med par rab tu bstan/ /dmigs pa med pa'i blo byas na/ /dmigs pa med par 'gyur ba yin/ /spyin dang tshul khrims bzod brtson 'grus/ /bsam gtan las byung bsten par bya/ /dus mi ring ba nyid na ni/ /bla med byang chub thob par 'gyur/ /shes rab thabs la gnas gyur pas/ /sems can kun la brtse bar bya/ /thams cad mkhyen pa'i go 'phang mchog/ lha nyid dus mi ring bar 'thob/ /'di dag thams cad ming tsam ste/ /tha snyad tsam du rab tu 'jug/ dngos po med la tha dad pa'i/ /brjod bya yod pa ma yin te/ bdag nyid gang dang gang gis ni/ /chos rnams gang dang gang brtags pa/ /de ni de la yod min te/ /chos rnams kyi ni

  258. 129b

    chos nyid de/ /ming gis ming nyid stong pas ni/ /ming la ming ni yod ma yin/ /chos rnams thams cad ming med pas/ /ming ni brtags pa tsam nyid do/ /mi bden par gyur chos 'di dag/ brtags pa nyid du rab tu 'jug/ gang la brtags pa de med na/ /stong pa nyid du brtags pa gang/ /mig gis mthong ba'i gzugs rnams ni/ /de nyid rig pa zhes de bshad/ /'jig rten log pa'i nga rgyal can/ /kun rdzob bden pa zhes 'dir 'jog/ gang du tshogs pa'i rkyen mthong ba/ /'dren pa gsal bar gyur pa yin// blo dang ldan pas don dam la/ /brtags te grags pa nges par mthong/ /gzugs ni mig gis mi mthong zhing/ /yid kyis chos rnams mi rig pa/ /'di ni mchog tu bden pa ste/ /'jig rten gang gis kyang mi shes/ /dngos po spyod ba zhes bya ba slob dpon chen po 'phags pa klu sgrub kyi zhal snga nas mdzad pa rdzogs sho// //rgya gar gyi mkhan po badzra pA Ni dang /bod kyi lots+tsha ba rma ban chos 'bar gyis bsgyur cing zhus te gtan la phab pa'o// // dge'o/ /*/ /'phags pa klu grub zhabs kyis mdzad pa'i tshigs su bcad pa phyed lnga'i 'grel pa bzhugs so// */ /slob dpon klu grub snying po'i zhal snga nas/ /re ba'i dpe ni ser skya 'dra/ /dogs pa'i? rgyal bu gzhon nu ste/ /gzhan du 'dzin pa smig rgyu chu/ /bdag 'dzin phung byed nyi zer gzugs/ /snang ba gnyis ldan ni tso'i bya/ /dor ba phrul ma 'khrul pa'i gzugs/ /lta bas nga rgyal chos kyi wa/ /sgom la der 'dzin a nu lta/ /spyod pas nga rgyal 'dzin na pa/ /dka' bas rlom sems bzang skyod bu/ /dbang gi bu grol 'dod kos la/ /rtogs pas chog zer dpal gyi bu/ /bla ma bla bral bla med gang ga mo/ /bka' la skur 'debs kriSh+Na pa/ bde bas grub 'dod thangs bzangs krung/ /stong pas de bzhin gdol pa mdza' / /de rnams bral ba'i shes pa ni/ /nor bu rin chen thob pa 'dra

  259. 130a

    sngon yul bar na ser khyim bdag pra mo ha dang/ ser skya mo gru spyan mo gnyis/ chu bo na rany+dza na'i 'gram ne'u sing spos ngang can du dus byas pa las/ mos nyin mtshan lnga zhig tu bsdad kyang 'ongs par ma gyur to// de nas yi mug ste ma'i drung du phyin pa dang/ mas smras pa/ kye bu mo mdangs rab tu zhum par gyur pa ci'i phyir/ zhes pa dang/ bu mos smras pa/ kye mtshan mo gnyis dang gnyis gsum par/ /khyim bdag gzhon nu la bsdad pas/ /yid gtungs pas ni yi chad gyur/ /zas dang bral ba lto ba ltogs/ zhes zer ba la/ mas 'bras chan pa na li gang byin pas/ myur du zos pas glo ba'i sul du song nas mgo 'khrugs so/ /de nas sman? pa bshes gnyen chen po la bltas pa dang/ 'di dag ni tshul ji lta bu yin zhes pa dang/ gong gi tshul bshad do/ /sman pas smras pa/ gang gis gang la re ba ni/ /zhi bar mi 'gyur ba der mi 'gyur/ /sdug bsngal sna tshogs 'phel ba ste/ /re ba med pas bde pa'i mchog/ 'di dag ni re bas 'phung bar 'gyur ba bstan pas ste/ re ba med par bya ba'i man dag ste dang po'o// 1 //sngon gyi dus na rgyal bu mgron bzang zhes bya ba zhig la/ yab thu ba'i stongs kyis/ rgyal rigs spyi bo nas dbang bskur te/ kye rgyal bu sgo srungs la nan tan gyis shig khri gzhan la ma shor bar bya ba la brtson par gyis shig/ zhes smras nas tshe'i dus byas par gyur to/ /de nas chos sbyin byed pa'i dus su bram ze mdun na 'gro rgyal po'i pho brang du byung ba la khri phrogs kyis dogs te langs nas sgo'i? bya ba la phyin pa dang/ /nu bo 'gro bas rten pas khri phrogs so/ /de nas ser skya mas/ khyod 'o na 'bad par 'gyur ba ci'i phyir zhes pa dang/ rgyal po ni babs kyis smras pa/ bdag la yab kyis gdams pa bzhin/ /khri stan shor gyis dogs pa na/ /sgo'i bya

  260. 130b

    ba la phyin pas/ /nu 'os bdag gis bde ba phrogs/ /zhes pa dang bram zes smras pa/ dogs pa dang bcas sems kyis bde mi rnyed/ /nyam pa dang bcas rtag tu bde mi 'gyur/ /gang la ngogs yod de 'jigs yod pa'i phyir/ /mkhas pa rnams kyis dogs pa spang par bya/ /dogs pa dang bral bar bya ba'i man ngag ste gnyis pa'o// 2 //sngon ri bya rkang la/ dge slong sog ma med kyi phyin pa dang/ rab tu skom gyis gdungs par gyur pa la/ smig rgyu zhig chu ru 'khrul te/ 'thung du phyin pa dang/ rab tu ngal bar gyur nas sngo'i ldum bu za zhing 'dug pa la drang srong rkang rmig gis smras pa/ bgrod bka' 'khor pa'i thang chen la/ /gzhan du btsal 'dod mi dag ni/ nyon mongs tho bas gdungs 'gyur te/ sgom pa smig rgyu'i chu 'tshol 'dra zhes so/ /de dag ni sgom bya srang par bya ba'i man ngag ste gsum pa'o// ? //sngon rgyal po brla skyes la/ btsun mo lnga brgya la bu stong yong de/ sras nam ga ru drang srong dpal dga' mo blangs te/ de gcig pu med pas rab tu gces par byas/ rgyal bu yang dag la ni gces pa med de/ bdag la ni sdug bsngal zug rdu cung zad tsam yang byung bar bdas pas/ bdag tshe'i dus byas na 'khor thamS cad 'phung bar 'gyur ro snyam sems so/ /de nas nang par zhig khrus byas te/ khang bzang gi rtse mor kha shar phyogs su bltas te/ nyi zer la mig cung zad mtsums? nas bsdad pa dang nyi zer gyi bya gyu la dur khrod byung bar mthong nas/ bdag la dri mas gos par 'gyur snyam nas bros pa dang/ khang bzang gi rtse mo nas lhung? ste/ che'o dus byas so/ /de nas dge bsnyen blo gros bzang pos smras pa/ bdag tu 'dzin pa ches pas sdug bsngal 'byung ba ste/ /bdag bde 'dod pas gzhan gyi gnod pa byung/ /bdag tu 'dzin pa yongs su dor byas nas/ /sems can kun kyang sman pa bzhin du bya/ /bdag tu 'dzin pa dang bral bar bya ba'i man ngag

  261. 131a

    ste bzhi pa'o// 4 //sngon dze ta'i 'tshal du rgyal bu don thams cad grub pa dang/ bdud nag po lha sbyin gnyis bya ni tso'i lus gcig las/ mgo bo gnyis su gyes pa cig tu skyes par gyur to/ /de nas lhas sbyin gyi mgo bo gnyid log pa'i dus su/ /don grub kyis shing gi rtsa brlog pa dang/ sman ya smra dang/ dug ha la gnyis rnyed pa la/ bcud ni mnyam por phan/ ro ni bdag ? myang ngo/ zhes nas smad? chos pa dang/ bdud lta sbyin sman gyi sgregS pa byung ?/ /de nas rab tu khros pas lha sbyin byis dug pos pas gnyis ka 'bud par gyur to/ /de nas lha'i dbang po brgya byin gyis smras pa/ de nyid mthong ba'i mkhas pa yis/ /sman lta bu'i bsod nams mi bslad zhing/ /dug lta mi mthun dor mi bya// blang dang dor bas 'phung bar 'gyur/ /blang dor dang bral bar bya ba'i man ngag ste lnga pa'o// 5 //sngon grong khyer ser skyar bram ze nyi ma sbyin zhes bya ba la/ rims nang sel bar nus pa'o/ nor bu chen po mu rig la ba zhes bya ba yod de/ khyim bdag de la khyim thab gnyis yod pa las/ gnyis ka la bu med par gyur nas/ grong khyer bde ba can du khyim bdag mo sa man ta zhes bya ba dang/ 'dod pa'i dus btab nas phyin pa dang/ sngar gyi khyim bdag mo gnyis phyi bzhin du byung bar gyur to// de nas shing sdong po rul ba gcig gi khong du gab po/ /de nas khyim thab gnyis phyir log pa dang/ khyim thab mos man ta dang phrad nas nyal po byas pa dang/ khyim bdag gi mgo'i cod pan la gser gyi thur ma gnyis gyen du 'greng pa la/ mig yor gyi mi gnyis su 'khrul te bram ze la smras pa/ kye bzhin bzang po skol ni mi gnyis kyis nye ba nyid du non nas gda' o/ /zhes pa dang bram ze la smras pa/ de ni da'i khyim bdag mo gnyis lags te/ 'o skol gyi spyod lam rgyal po la smras ma nges par chad pa gcod?

  262. 131b

    par 'gyur bas sa phyogs gzhan zhig tu bros la gshegs so zhes na/ na dpe'i tshal du phyin pa dang/ thung mar yin pa do shes te/ sa man ta rab tu 'khrul pas 'gyed pas smras pa dang/ /khyim bdag mos man tas blu blangs pa/ 'o skol mi yis skrag nas bros pa dang/ 'khor ba dor bar 'dod na sgrub pa 'dis/ dang po bzhi stong pa nyid nas sdug bsngal byung ste/ gnyis med la gnyis su brtags pas gdungs par 'gyur/ /blang dor dang bral bar bya ba'i man ngag ste drug pa'o// ? // sngon mi yul ma ga ta chos ma kau rim zhes bya ba grong khyer gyi mdza' i spyil po zhig na/ ngur smrig gi tshos blug pa'i bur snod cig gi nang du kha shing los gcang de/ /mo rang gi me tog thur phyin pa dang/ /dud khrod kyi wa gcig gis tshos kyi steng du phyin pas sdib ste/ lus chos kyi mdog gis spangs so/ /dur khrod tu phyin pa dang/ spyad ki dang phrad nas/ kye cha zhe mchog tu gyur pa khyed su yin zhes pa la/ /mo na re bdag ni lha'i ri dags shar na zhas bya ba yin te/ lus dri dang mdog tu ldan pa'o de nas dom dang stag dang sbre'u dang/ seng ge rnams la spyad kis ched du brjod pa kun kyang 'khor bar gyur to/ /de nas zla brgyas pa nya'i dus su ma'i drung du phyin te/ da ni mchog go/ bla na med pa'o// phul lo/ /ri dags kyi rje mor byung pa'o/ /zhes pa las mas smras? pa/ kye bu mo tshad pa'i chu las khrus byas nas/ /sman pa'i sa la gnas na bde/ rgyud ngan pags pas nga rgyal pa/ /yun du 'grogs na 'phrung bar des/ zhes brjod pa la/ bags pa'i nga rgyal stong du ma btub po/ /de nas log steg can zan gyi tshogs su phyin pa dang yang gis skad ston pas war gyur cig/ /seng ge'i skad ston pas brgyal lo/ /de nas ri dags can zan thams cad kyi spu tshom pa re btogs te rtug pa dang bsres so/ /de nas lha'i bu rnams kyis tshigs su

  263. 132a

    bcad de smras pa/ sems kyis stobs kyis mi 'gro zhing/ pags pas nga rgyal 'gro byed pa/ /rgyun tu bde bar ma gyur te/ /spu dang bral bas wa nyid phung/ /bde bas 'bras bu sgrubs pa la/ /zhe 'dod med pas mi 'gro zhing/ grub mdza' nga rgyal 'gro byed pa/ /wa bzhin thal bar brlag par 'gyur/ /rang gi lta ba nga rgyal ba dang bral bar bya ba ste bdun pa'o// 7 //sngon ko sa la'i yul du/ dge slong ya shu ha zhes bya ba cig gis/ tshigs drug 'gegs pa'i bsam gtan byas pa las rlung 'byung 'jug 'pho ba dang bral bas lo lnga brgya snyed thub bo/ /de nas 'khor los sgyur ba'i rgyal po dga' sbyangs mdangs kyis/ smras pa/ dge slong sems kyis sems la ltos/ /shes rab pha rol phyin drug pas bstan pa la skur pa btab nas/ sngar gyi 'du shes med pa la zhen pas/ lha tshe ring por skyes so/ /de nas yang skye ba dran pas bstan pa la bskur pa btab pa dang/ dngos su sas thobs phye nas/ mnar med pa'i dmyal bar seng// de dag ni sgom pa dmigs pa dang bral bar bya ba ste brgyad pa'o// 8? //sdon bram ze'i 'dzin pa zhes bya ba bsil khong na nyal ba'i rmi lam na/ rigs kyi bu gtsang ma'i spyod pa long zhig/ de las byang chub mchog tu skyed nas/ shes rab dang bral ba'i pha rol tu phyin pa lnga ni mchog ma yin no/ /pha rol tu phyin pa'i ming tsam yang mi grob bo/ /de ci'i phyir zhe na/ chos thams cad ni brjod du med pa'i phyir ro/ /zhes rjod kyang mngon par zhen pa dang ma bral lo/ /de bdud dga' ra ba dbang phyug

  264. 132b

    gis byin gyis brlabs nas/ srid pa'i rtse mo'i bde ba thob ste/ slar ngan song du lhung ngo/ /spyod pa'i zhen pa dang bral bar bya ba ste dgu pa'o// ? //sngon rgyal po bzang skyong bya ba'i bu mos/ dge slong ma skye dgu'i bdag mo zhes bya ba la/ lus ngag yid gsum longs spyod kyi sgo nas/ lo drug tu bsnyen bkur byas so/ /tshogs kyi lam rtags bcu gsum dang ldan pa'i spyod pa bcu phrag gnyis su byas so/ /dus ji snyed du thos pa yang de snyed du sbyangs pa las/ dge slong ma dpal mo zhes bya bas smras pa/ kye bdag gis 'khor pa thams cad kyi snying po/ mya ngan las 'das pa'i de kho na nyid khyod la sbyin gyi/ khyod 'khor ba'i dogs pa las yongs su grol bar gyur to/ /zhes pa dang/ bu mos smras pa/ kye dge slong ma snga ma'i dga' ba de rnams kyi 'bras bu mchog go/ de las mchog tu gyur pa'i 'bras bu ni mi 'byung ba'i phyir/ /kho mi mi 'dod do/ /zhes pa dang/ dpal mos smras pa/ chos kyi gsang nyid mi shes par/ /bya dka' byas bas 'bras 'dod pa/ /rgyal po bdag gi pho nya bzhin/ dka' bas mang yang don chung 'gyur/ /dka' bas mang po byas pa chog par 'dzin pa dang bar bya ba ste bcu pa'o// 10 //dpal mchog dang po'i rgyud las/ dpal mchog dang po dbang las 'byung/ /lus ngag yid kyi tha ba dag/ dbang gis rab tu smin byas na/ /dpal mchog dang po thob par 'gyur/ /zhes bya ba la rgyal po ko sa las mthong nas/ /rgyal po in+d+ra bo d+hi la/ dbang lan bcu bdun du byas so/ /de nas rgyal po in+d+ra bo d+hi/ kyai rgyal po dam pa ni sa bon lta bu'o/ /rgyan du goms pa ni chu lud kyis myu gu skyed pa lta bu'o/ /spyod? ba ni lo tog 'os su rung bar byed pa lta bu'o/ /des na rgyal po chen po sgom pa goms par bya bar rigs so/ /zhes brjod kyang/ sngar gyi lung gi nges par blo sgyur du ma btub po/ /der mkha' 'gro

  265. 133a

    mas tshigs su bcad pa smras pa/ dbang gis ye shes mtshon byas shing/ /'os su rung bar byar 'dod kyang/ /goms bral chu shing 'bras bu ltar/ /lan cig skyed na zad 'gyur nyid/ ces pa'i phyir na goms par bya'o/ /dbang kho nas chog par 'dzin pa dang bral bar bya ba ste bcu gcig pa'o// 11 //dpal DoM b+hi he ru ka'i slob ma/ shi ri sid+hi zhes bya ba zhig gis/ mkha' 'gro ma dang/ rnal 'byor pa pho mo tshogs kyi 'khor lo tshogs pa'i dus su smras? pa/ chos rnams stong par rtags pa yis/ /de yi mdza' la sbom du med/ /gal te sgom na dman 'gyur te/ /dper na rgyal po rgyal por ni/ /slar yang 'dod pa med pa bzhin/ /bud+d+ha thams cad stong nyid du/ /gcig par rtogs na sgom mi dgos sbom sogs sbyin sreg thal ba 'dra/ zhes pa/ rdo rje mkha' 'gro ma thams cad kyis/ kye bud+d+ha'i gsang ba'i yongs su 'phrogs par byed pa'i log sred can khyod nyon cig/ tshes gcig gi zla ba mthong bas/ nya gang ba yin nam/ byas pa nas tsas ma thogs nas stobs rdzogs pa nyid dam/ sa bon btab pa nyid nas 'bras bu phun sum tshogs pa nyid dam/ rgya mtsho nang gi nor bu mthong bas lag tu yengs pa nyid dam/ sems bskyed pa tsam gyis sems can gyi don nus pa nyid dam/ zas mthong ba tsam gyis bkres pa gsos pa nyid dam/ mi rigs pa'i phyir/ rtogs pa'i gtso bo la gags goms pa'i 'khor gyis mnyes par bya na/ zung du 'jug pa'i ye shes thob par 'gyur ba'o/ /rtogs pas chog par 'dzin pa ni srun pa'o/ /phyi rol pa'o/ /bdud kyis mngon sum du byin gyis brlab pa'o/ /rang nyid 'thung bar byas pa'o/ /zhes nas bsad de mkha' 'gro ma'i longs spyod du byas so/ /rtogs pas chog par 'dzin pa dang bral bar bya bas te/ bcu gnyis pa'o// 12 //rgyal bo d+harmA

  266. 133b

    pA? ba'i bumo/ /gang gA mo bya ba zhig gis/ de bzhin gshegs pa'i mdo rgyud thams cad bltas pa las/ rtogs pa ji lta ba skyes te bsgyoms so/ /de nas byang chub chen po la srin po'i mchod pa'i nub mo/ /rnal 'byor pa thams cad tshogs kyi 'khor lo byed pa'i sar gang gAs phyin pa dang/ rnal 'byor pas/ thams cad mkha' 'gro mas byin gyis brlabs nas/ lus 'degs so/ /dag gis spro ba byas so/ /yid kyis kun tu zhe sdang bar byas so/ de nas bang gA mo'i sngar gyi rtogs pa med par gyur nas/ rnal 'byor pa rnams la smras pa/ kye bdag gis 'os su ma rung ba ci byas pa/ khyed kyis bshad du gsol zhes pa dang/ rnal 'byor pa rnams kyis gsung mgrin gcig tu smras pa/ /bla ma las ni dngos grub rnyed/ /rig ma las ni bde ba 'byung/ /bla ma bral pa'i dngos grub ni/ /khri phrag 'bad kyang thob mi 'gyur/ /gzhan gyis dngos grub 'byung byed pa/ /dug dang bcas pa'i zas bzhin no/ /mkha' 'gro kun gyi 'tshe ba dang/ /bar chad sna tshogs 'byung bar 'gyur/ /zhes bya bas dad par byas so/ /bla ma la ma bltos pa spang bar bya ba ste bcu gsum pa'o// 13 //karna'i rgyal po'i bu srid sna zhes bya bas/ dbu ma mchog tu byas te/ dka' dang bstan bcos thams cad skur pa btab pa dang/ byang phyogs kyi gnod sbyin gyis bzung nas/ smyo bar gyur te/ de nas yab rgyal pos sngags mkhan rnams la zhu ba byas te/ bgegs bskrad pa'i sbyor ba byas pa dang/ dpal nA ro pa'i zhal nas/ sangs rgyas dgongs pa dpag bsam shing lta bu'i gsung dag la/ sems can blo yis theg pa sna tshogs byas/ /phyogs mdo phyogs su 'dzin pa'i bdud chen gyis/ /'di dang ma 'ongs gnyis kar bslu bar 'gyur/ /'gro ba'i blo la thams cad bden pa nyid/ /don dam yul du gang yang yong ma yin/ /de nyid rnal 'byor sems su dbyer mi phyed/ /bka' la skur pa 'debs pa dmyal ba'i

  267. 134a

    gnas su 'gro/ /de'i phyir bka' mdza' dag la skur pa mi bya ba ste bcu bzhi pa'o// 14 //rgyal po thang bzang glu zhes bya ba zhing/ dpal kam pa la la dbang slangs te/ u rgyan gyi dur khrod na/ bde ba bsgom zhing 'dug pa las/ dur khrod kyi yi dags thams cad kyis/ bar du gcod cing sems rab tu yongs so/ /de rnal 'byor ma legs smin kar la zhus pa dang/ de yis smras pa/ las kyi phyag rgya bde ba'i gru/ /stong pa'i skam sa rnyed nas ci byar yod/ /bcos ma'i bde la bcos ? yid zhen na/ /'khor ba'i mtsho chen rgal bar nus ma yin zhes pa/ lha lcam la rnal 'byor pa thams cad kyis ched du brjod par byas so/ /bde ba la zhen pa spang bar bya ba ste/ bcwa? lnga pa'o// 15 //gdol pa dza zhes bya ba zhig gis/ slob dpon chen po ku ku ri pa la brten te/ don dam sems la dmigs pa'o/ /rdzogs pa'i rim pa phyogs gcig pa bsgom pa las/ chos thams cad brten med du zhen par 'gyur ro/ /de nas yul dzA landa rar/ rims nad kyis ni/ phal cher tshe'i dus byas so/ /lo tog thams cad ser bas bcoms so/ /lo lngar char ma bab nas/ bram ze gsang tshib mkhan la dris pa dang/ sa phyogs 'di ni mi nang pa sangs rgyas pa la gnas thas/ phyi rol gyi grub mdza' gsang bar smra ba la/ phyogs te gnas pas/ bkra mi shis pa sna tshogs byung ste/ 'jig rten 'di la gzhan 'phung zhing/ ma 'ongs pa la rang phung bar byed do/ /zhes pa dang/ dpal ku ku ri pas thos te/ gdol pa dza'i byung du byon nas smras pa/ dang po dngos po'i chos rnams ni /stong pa nyid kyis bzlog par bya/ /stong pa nyid la zhen ches nas/ /dngos 'dzin pas kyang 'phung bar gyur/ /dug sbrul shin dar ya kan/ /dug la sngags btab sman gyi mchog/ gang la rgyas btab bde 'gyur phyir/ /zhen pa mthong la gnyis med bsgoms/

  268. 134b

    zhes nas dbang gsum pa mdzad do/ /de ltar slob dpon klu sgrub kyis 'das pa'i dpe bcu brjod pas /mdo rgyud dang 'thun pa'i phyir/ sangs rgyas sangs rgyas rig par bya'o/ /ma 'ongs pa'i dpe drug brjod pas grub pa thob pa dang mthun pa'i phyir thams cad mkhyen par rig par bya'o/ /sbyon bcu drug dang bral ba'i shes pa ni/ sangs rgyas kyi dgongs pa yin pa'i phyir/ nor bu rin po che dang 'dra'o/ /slob dpon klu grub snying po'i zhal snga nas gsungs pa'i tshogs su bcad pa phyed dang lnga zhes bya ba/ de'i 'grel pa rdzogs so// //dpal gyi ril mnga' bdag chen pos/ rje btsun ri khrod kyis gnang pa'o/ /des rje btsun ka ro pa la brgyud do/ /des rje btsun nA ro pa la brgyud do// // */ /rnam par mi rtog pa rab tu byed pa Arya de bas mdzad pa bzhugs/ / */ /rgya gar skad du/ ni dri kalba pra ka ra Na/ bod skad du/ rnam par mi rtog pa'i rab tu byed pa/ bla ma dang sangs rgyas la phyag 'tshal lo/ /rnam par rtog pa gang gang gis/ /dngos po gang dang gang brtags pa/ /yongs su brtags pa 'di nyid dag/ rang bzhin yod min pa kho na/ /slob dpon klu sgrub zhal snga yi/ /lam las phyi rol song gyur cing/ /legs par mngon pa'i thabs med pa'i/ /kun rdzob de nyid bden pa las/ /nyams pas thar pa'i dngos grub ni/ /yod pa ma yin de dag nyams/ /gang zhig las las byung ba yi/ /rnam par rtog pa gang ci 'ang rung/ /de dag spangs pa'i rang bzhin las/ /mya ngan 'das pa gzhan na ni/ /yod min yul ni gang du yang/ /rnam par mi sems bdag nyid do/ /gang yang dga' pa'i rang bzhin gyis/ /sems la bde ba 'byung gyur cing/ /nyams su myong ba'i sar phyin pa/ /de yang kun tu rtog pa tsam/ /gang de 'dod chags bral ba yi/ /rang gi ngo bo de dag dang/ /gnyis po gang yin pa de ni/ srid pa'i rgyu yi mchog yin no/ /dngos po

  269. 135a

    dngos po las mi skye/ dngos po dngos med las kyang min/ /dngos po skye ba rtag tu spang/ /dngos 'khrul nam mkha' i me tog bzhin/ /mkha' dang mnyam pa'i chos rnams kun/ /skye ba mkha' dang mnyam pa nyid/ /rkyen ni mkhang dang mnyam kun des/ /srid par gyur pa bden pa yin/ /rgyu med 'bras bu med gyur cing/ /las kyi rang bzhin yod ma yin/ /'jig rten pa med 'jig rten med/ /mi bden par gyur chos 'di kun/ /ma skyes pas ni dngos pa gang/ /ji ltar gzhan las shes par gyur/ /mo gsham bu yi bu yang ni/ /de ltar shes par mi nus so/ /'jig rten bzong nas ma skyes te/ gang gis kyang ni sprul pa med/ /don med 'khrul pa'i 'jig rten 'di/ /dri za'i grong khyer ji bzhin no/ /rnam rtog las gang 'jig rten 'byung/ /rnam rtog sems las byung ba ste/ /gang phyir lus las sems byung pas/ /de phyir lus la rnam par brtag/ gzugs stong tshor ba rang bzhin med/ /'du shes med cing 'du byed kyi/ /dngos po yod pa ma yin te/ /rang rig gsal ba'i bdag nyid do/ /de la shes dang shes bya med/ /sems dang sems las byung ba med/ /'byung po med de de yi phyir/ /rnam par mi rtog rang bzhin no/ /de ni sems min lus kyang min/ /khams rnams ma yin chos kyang min/ /gnyis su med pa'i lam mchog 'di/ /de nyid rig pa rnams kyis gsungs/ /dmigs pa med pa'i chos 'di kun/ /dmigs pa med las rab tu grol/ /dmigs med blo yi dang byas na/ /dmigs pa med par 'gyur ba yin/ /rnam par mi rtog pa'i rab tu byed pa slob dpon chen pa arya? de ba'i zhal snga nas mdzad pa rdzogs so// //paN+Di ta chen po ma hA kA ru Na dang/ bod kyi lots+tsha ba rma ban chos 'bar gyis bsgyur pa'o// //rgya gar skad du/ pany+tsa sarba nA ma/ bod skad du/ tshigs su bcad pa lnga pa zhes bya ba/

  270. 135b

    dpal he ru ka la phyag 'tshal lo/ /chu zad pas ni 'dam gyi pad+ma skams/ /sbrang rtsi bros pas gar sod cha yang med/ /rtsa ba lo ma sdong po me yi sbyor bas zad/ /nag po na re dbang po'i bzhad rgad la ni ltos/ /za zhing 'thung dang gnas nas yal ga bcag nas song/ /kye 'di ni bdag gi la ni gtum mo lta bu yin/ /rgyun gyi bu mo lta bus pad+ma bsregs/ /yon tan brgya ni skyon gcig gis ni zad par byas/ /rgya mtsho zad pas pad+ma rnams kyang skams/ /de tshe sgo bcu las ni du ba byung/ /'jig rten pa ni nag po med ces zer/ /nag po theg chen zab mo'i nags na gnas/ /sems ni stong zhing gnyug ma'i dang du rdzogs/ /phung po gzhad gang gyur kyang 'phyod pa med/ /'o ma'i nang na mar yod pa ni mi mthong bzhin/ /'dod pa yod 'jig rten pas ni ma mthong ngo/ /'jig rten 'tsho ba'am ni 'chi ba gang yang med/ /'di lta'i longs spyod nag po rnal 'byor pa/ /pad+ma bzhin du lus cha skams gyur kyang/ /nag po ci yi phyir na shi zhes bya/ /brtul zhugs spyod pa'i slob dpon chen po nag pos mdzad pa'i tshigs su bcad pa lnga pa rdzogs so// //rnal 'byor gyi dbang phyug shi bai ro tsa na badzras bsgyur ba'o// //rgya gar skad du/ do ha ko ? bod skad du/ do ha mdzod/ dpal rdo rje mkha' 'gro la phyag 'tshal lo/ /phung po khams dang skye mched dbang po rnams/ /lhan cig skyes pa'i rang bzhin las/ /ma lus de las byung zhing de ru thim/ /lhan skyes dngos dang dngos med gtam mi 'dri/ /stong pa snying rje de ru ro mnyam 'dod/ /yid la ma byed gnyug ma'i rang bzhin la/ /brdzun pa rnams kyis skur pa ma 'debs shig/ rang dbang yod pas rang nyid 'ching ma byed/ sems la mya ngan 'das pa rgyab la sod/ /khams gsum stong pa gos pa med la 'jug/ sems ni mkha' 'dra mnyam pa'i bde bar zhugs/ /dbang po yul rnams skad cig tsam ni der ma mthor?

  271. 136a

    thog ma spangs shing 'di ru tha ma spangs/ /bla ma mchog gi zhabs kyis gnyis med bstan/ /sems ni gang du zhi gyur pa/ /der ni rlung yang thim par 'gyur/ /rang rig pa yi de nyid 'bras bu ni/ /su zhig la ni gang gis ji ltar bstan/ /rmongs pa'i 'jig rten 'gro ba rnams kyi spyod yul min/ /mkhas pa rnams kyis de nyid bgrod bya min/ /gang la bla ma'i zhabs ni mnyes pa yi/ /kye ho gang zag de yi spyod yul min/ /rang rig de nyid 'bras bur ni/ /tai lo pa yis de skad bstan pa yin/ /yid kyi spyod yul du ni gang gyur pa/ /de ni don dam ma yin no/ /de nyid bla ma'i gsungs gis bstan par bya ba min/ /des na slob mas go pa lta yin no/ /lhan skyes 'bras bu bdud rtsi'i ro/ /de nyid su zhig la ni ci zhig bstan/ /gang du yin ni zhi ba dang/ /yid dang rlung gnyis mnyam par zhu/ /der ni rnam kun spangs pa la/ /khams gsum de ru gnas pa yin/ /rmongs pa gnyug ma'i rang bzhin shes par gyis/ /de cho gti mug dra ba ma lus chad par 'gyur/ lhan cig skyes pa'i sems ni legs par sbyongs/ /tshe 'dir dngos grub thar pa lus 'dis rnyed/ /gang du sems ni 'gro ba der/ /der ni sems med par ni ltos/ /dbye ba med par ro mnyam gnas par gyis/ /sems dang sems med de ni legs par tshol/ /tshe 'di nyid la dngos grub legs par gsal por rnyed/ /sems ni gang du zhi gyur pa/ /khams gsum po ni de ru thim/ /rang gzhan mnyam pas sangs rgyas rje btsun 'gyur/ /sems ni nam mkha' i dang du zhugs nas thim/ /de'i tshe dbang po lnga dang yul rnams dang/ /phung po khams nang du zhugs nas sod/ /gang zhig brtan dang g.yo ba'i rnam pa kun/ /stong pa gos pa med pa ste/ /'di la dpyad par mi bya'o/ /'di ni bdag go 'di ni 'gro pa'o/ /gang zhig dbye ba yongs shes pa/ /dri med

  272. 136b

    sems kyi rang bzhin la/ /gang zhig rang rig shes par bya/ /bdag nyid 'gro ba bdag nyid sangs rgyas te/ /bdag nyid dri ma med cing bdag nyid yid la mi byed pa/ /de la 'gro ba med cing gos ma med/ /yid ni rje btsun nam mkha' rje btsun ma/ /nyin mtshan du ni gar byed lhan cig skyes la rol/ /skye dang 'chi ba dag las grol bar 'gyur/ /gnyug ma'i yid la rgyun du gnas par gyis/ /'bab stegs dka' thub nags la ma brten cig/ khrus dang gtsang sbras bde ba mi rnyed do/ /tshangs pa khyab 'jug dbang phyug lha/ /byang chub yod bzhin gsum la bkur mi bya/ /lha rnams ma mchod 'bab stegs ma 'gro zhig/ lha rnams mchod kyang thar pa thob mi 'gyur ro/ /rnam par mi rtog sams kyis sangs rgyas mchod par gyis/ /srid dang mya ngan 'das la gnas par ma byed cig/ shes rab thabs kyi ting 'dzin zhugs/ /gang tshe mi g.yo bar ni brtan par byed nus na/ /de yi tshe na nams myong 'grub par 'gyur/ /ji ltar dug ni zos par gyur pa las/ /dug gis kyang ni 'chi bar mi 'gyur ba/ /de ltar srid pa zos kyang rnal 'byor pa/ /'dod yon gyis ni 'ching bar mi 'gyur ro/ /kye'o rnal 'byor pas ni las la skur mi 'debs/ /skad cig bzhi dang 'ga' ba bzhi ru de ru sod/ /skad cig dga' ba de yi bye brag shes par gyis/ mtshan gzhi mtshan nyid spangs pa shes par gyis/ /kye'o mchog dang dga' bral 'di ni dpyad par bya/ /bla ma mchog gi zhabs la gus par gyis la legs par long/ /gang zhig dga' ba mchog dang dga' bral gyis/ /kye'o skad cig der ni lhan skyes rtogs par bya/ /yon tan rin chen dpral ba'i glad rgyas gzhag bya ste/ /'dod pa mo yi ze 'bru las ni 'di nyid shes par bya/ /skad cig bye brag de ru lhan skyes par shes pa/ /de ni tshe 'di nyid la rnal 'byor par brjod do/ /thog ma tha ma gzung ba

  273. 137a

    'dzin pa spangs/ /bla ma mchog gi zhabs kyis gnyis med bstan/ /mi g.yo dri med rnam par rtog pa med/ /shar ba nub pa spangs pa 'di ni snying po yin/ /'di ni mya ngan 'das par rab tu brjod/ /yid kyi nga rgyal gang du chad gyur pa/ /skyon dang yon tan spungs pa 'di ni don dam mo/ /rang rig la ni gang yang med/ /sems dang sems med rtag tu spongs/ /kye'o lhan cig pa'i rang bzhin du ni gnas par bya/ /skye ba med cing 'chi ba med/ /rtsa ba med cing rtse mo med/ /'ong ba med cing 'gro ba med/ /gang du yang ni mi gnas so/ /bA? ma'i man ngag gis ni snying la chud/ /kha dog ljongs? shing rigs med pa/ /snang ba thams cad de la rdzogs/ /yid ni gsod la sems ni rtsa ba med par gyis/ /sems kyi lhag ma zug rngu thong/ /'di ru sku bzhi phyag rgya bzhi/ /khams gsum ma lus de tshe dag bdag dang 'gro ba khams gsum stong/ /dri ma med pa'i lhan cig skyes pa la/ /dge dang mi dge gang yang med/ /yid ni gang du 'gro 'dod pa/ /de la 'khrul par mi bya'o/ /mig ni mi 'dzum Ta pa dag gis/ /bsam gtan gyis ni gnas par bya/ /slob dpon chen po te lo pas mdzad pa'i do ha mdzod ces bya ba rdzogs so// //rgya gar lho phyogs ko sA lar sku 'khrungs pa'i rnal 'byor ba chen po mkhas pa dpal rnam par snang mdzad rdo rje'i zhal snga nas rang 'gyur du gsungs pa'o// //rgya gar skad du/ shI bi rU pa tsa u ra si/ bod skad du/ dpal birba pa'i tshigs rkang brgyad cu rtsa bzhi pa/ /bla ma rnams la phyag 'tshal lo/ /nyin mtshan rtag tu bla ma mchog gi zhabs la 'dud/ /gzhung 'di lhan cig skyes pas 'phros nas byung/ /des ni rga shi rnams la bzhad gang byas /sems ni mi g.yo brtan par rtse gcig bya/ /des na

  274. 137b

    bsam bya ba bsam gtan dkyil 'khor phyag rgya med/ /de rnams bsgoms pas rnam par dag mi 'gyur/ /lta stangs mchings dang las rnams byed pa dang/ /sgo rnams dgag par bya ba ma yin no/ /des ni lhan cig skyes pa'i lam mi shes gang zhig srog dang rtsol ba gang pa can dang ni/ /bum pa can gyi rlung la bstod byed pa/ /des ni bdag nyid nges par slu bar byed/ /gang gis lte ba'i dkyil 'khor nyid du ni/ /gtum mi? spor bar byed cing nan tan gyis/ /sgo bcu la ni sgo lcags 'jug par byang/ /gang zhig spyi bor pad+ma dkar po bsgom/ /rmongs pa des ni dang po'i thar pa mi rnyed do/ /dril can rkan dang sna rtser bsam byed dang/ /steng dang 'og dang bsdoms nas shing btsugs dang/ /mgrin pa'i phugs su 'od zer 'bar byed dang/ /dpral bar zla ba rtag tu sgom byed pa/ /nam mkha' i rtse mor mi g.yo'i sna rtser bsgom/ /la la 'og tu pad+ma rdo rje lta/ /la la dbu rgyan 'ching zhing 'degs par byed/ /la la tshangs pa'i gnas gzhi sgom par byed/ /la la rang grib stong par byas nas tshes la lta/ /la la dkyil 'khor til gyi 'bru tsam bsgom/ /la la bar snang sku gzugs sgom byed pa'i/ /byol song rnams ni rang nyid chos rnams shes par smra/ /de rnams kyis ni skye ba 'bras bu med/ /blo rnams zad cing sdig pa rnams la spyod/ /des ni lhan cig skyes pa'i mtshad yang ma mthong ngo/ /de ni nam mkha' dang ni sa 'og dang/ /sa stengs dang ni tshangs pa'i gnas su 'ang med/ /dman pa'i slob dpon bsten par ma byed cig/ des ni sdig pa'i las rnams ma spangs par// ba ni 'gul zhing 'gul zhing re la gnas/ /rang gis stong pa snying rje byed par rtsom/ /des ni srid pa spo thabs mi shes so/ /stong pa snying rje rtogs zhes zer zhing gnas/ /dpal ldan bde chen gtam yang me 'dri'o/ /la la dbang phyug u

  275. 138a

    ma re la gnas/ /bdag nyid srid pa'i 'ching ba'i zhags pas bcings/ /la la khu ba khrag dang rnam snang za/ /bya rog bya rgod bzhin du bdag nyid 'khol/ /la la gnas gsum skad cig gsum du bsgom/ /la la snying ga'i pad+ma 'khor lo 'chang/ /la la hUM phaT zer zhing phreng ba 'grang/ /byol song rnams ni 'khrul pa rgyun mi 'chad/ /dbang dang dbang bskur mang po gsungs pa rnams/ /bla ma rnams la slob mas len par byed/ /de nas brtsams shing brtsams shing slob ma rnams la 'chad// dbang bskur gyi ni phyogs kyang ma mthong ngo/ /la las gser 'gyur rtsi ni lta byed pas/ /des ni khyim pa rnams ni dbul por byas/ /lha rnams kyis kyang mi bde ba la sbyar/ /nags la skyes pa'i rtswa dang shing rnams dang/ /shing lo me tog rnams kyis skyid ma bstan/ /dus su bsam gtan 'jig rten pa rnams byed/ /des ni mchog gi thar pa mi shes so/ /cal col mang pos smras pas ci zhig bya/ /ji ltar smras pa de dag thams cad brdzun/ /gdams ngag pa rnams gsal po'i gnas lugs nyon/ /gang gis gsal bor thar pa grol brnyed/ /sems ni g.yo zhing smyon pa lta bur mthong/ /skye dang gnas dang 'jig pa gsum po rtogs par gyis/ /mgul rgyan dang ni phyag rgya ma lus mthong/ /des ni mgon po ji ltar mthong bar 'gyur/ /'jig rten pa ni yi ge rnams la gtod/ /yi ge med pa de ni snying la mchud do/ /gdams ngag pa rnams nyon cig ngas ni bshad par bya/ /khams gsum bor nas dpal ldan theg pa che/ /dang po'i mgon po la ni dge dang mi dge med/ /ma lus khyad cing bde chen stong pa nyid/ /byed pa 'phrog pa rang nyid spyan ras gzigs/ /zad pa med cing gzhan du song ba med/ /de ni mchog gi dbang phyug dam pa'o/ /bsam gtan gyis ni ting 'dzin skyes byas kyang/ /dang po'i mgon po de ni ma mthong ngo/ /de lta'i sems ni snying la ma chud do/ /de la lus dang ngag dang yid med de/ /dpa'

  276. 138b

    bo dri med de ni nam mkhar thim/ /? dra ba yi sems can don du byas/ /don dam 'di ni gdams ngag pa rnams nyon/ /rnal 'byor gyi dbang phyug chen po dpal bairU pas mdzad pa'i tshig rkang brgyad cu ba rdzogs so// //yul lho phyogs ko sA lar sku 'khrungs pa'i rnal 'byor gyi dbang phyug chen po sh+rI bai ro tsa na badzra'i zhal snga nas rang 'gyur du mdzad nas gsungs pa'o// // * / /do ? mdzad rnal 'byor gyi dbang phyug gi birU pas mdzad pa 'thugs so// /*/ /rgya gar skad du/ do ha koSha nA ma/ bod skad du/ do he mdzod ces bya ba/ dpal rdo rje sems dpa' la phyag 'tshal lo/ /bcom ldan 'das bdag med ma la phyag 'tshal lo/ /e ma'o/ /srid dang zhi ba phyag rgya chen po ni/ /ngo bo nyid kyis mkha' ltar rnam par dag/ mtshon bya'i gnas lugs med par tha snyad tshig la mchad/ /rang bzhin spros med ngo bo ltos ches kun dang bral/ /brtag dang dpyad du med cing mtshon pa'i dpe dang bral/ /dpe bral nyid la'ang mi gnas blo yi yul las 'das/ /rtag min chad min 'khor dang mya ngan 'das pa min/ /snang min stong min dngos dang dngos med skye med yin/ /chos nyid gnyug ma ma yin pos? las 'das pa 'ang min/ /min pa'ang mi zhing yin min blo yis brjod med phyir/ /gnyis chos gang dang 'brel med gzod nas mnyam pa nyid/ /ngo bo nges tshig byed pa'i las rnams bshad pa yang/ /ri bong rwa brdzun de yi rno rdul brdzun dang mtshungs chos rnams thams cad mtshan nyid de dang khyad par med/ /ji ltar snang zhing srid pa'i kun rdzob chos can rnams/ /ngo bo nyid med ming tsam sgra tsam btags pa tsam/ /ming dang don la khyad par bye brag cung zad med/ /gdod nas lhan cig skyes pas gzhan nas btsal du med/ /sems nyid ming stong spros bral phyag rgya chen po ste/ /nam mkha' i rang bzhin gdod nas ming stong yin dang mtshungs/ /ngo bo nyid kyis ma skyes mtshan ma'i spros dang bral/ /mkha' ltar kun la khyab cing 'pho dang 'gyur ba med/ /dus rnams kun tu stong zhing ye nas bdag

  277. 139a

    med de/ /dran rtog mtshan ma med de smig rgyu'i chu bo ltar/ /ma bcings ma grol gnyug ma'i ngang las ma g.yos so/ /sems can thams cad phyag rgya chen po'i sprul pa la/ /sprul pa'i ngo bo ye nas skye med chos kyi dbyings/ /bde sdug la sogs gnyis snang mtshan ma thams cad kyang/ /chos nyid gnyug ma phyag rgya chen po'i rol pa'o/ /rol pa nyid la bden med mi brtan 'gyur ba'i phyir/ /gnas lugs stong pa'i rgya las nam yang ma 'das so/ /kha cig dbang bskur ba yis yongs su gdung bar byed/ /kha cig hUM phan zer zhing phreng ba yongs su bgrang/ /kha cig bshad gci khrag dang khu ba sha rnams za/ /kha? cig rtswa dang rlung gi rnal 'byor bsgom ste yongs su 'khrul/ e ma ho/ /bla ma dam pas zin pas cig shos 'di ltar rtogs/ /gang yang 'khrul pa yin phyir yang dag rtogs pa med/ /rtogs bya rtogs byed med pas phyogs ris mdza' dang bral/ /bral dang ma bral med pas mnyam nyid gnyug ma'i dang/ /'di ltar rtogs nas nges par gzhan du dri sa med/ /sna tshogs chos skur gsal bas spong len sems mi 'byung/ /bsgom dang mi bsgom med cing mtshan mas gos pa med/ /snang dang mi snang yul la nam yang brten mi byed/ bya dang byed pa'i sems med dmigs pa kun dang bral/ /re dang dogs pa'i sems med kun la zhen pa log/ bla mas bstan pas gnyug la'i gnas lugs rtogs gyur na/ / dran rig sna tshogs chos kyi dbyings su rang brlag ste/ /rnam shes yul la mi gnas chags zhen kun bral bas/ /ma bcos gnyug ma'i ngang du chos kun grol bar 'gyur/ /kun la ma chags nga rgyal la sogs dri ma bral/ /gus par ldan zhing dam pas yongs su zin pa dang/ /gang yang yid byed bral na dri med the tshom med/ /shes dang shes bya dag pas chos nyid mngon sum 'char/ /gnyug ma phyag rgya chen po rtogs par ma gyur na/ /rtag tu gnyis 'dzin dbang gis kun la zhen gyur pas/ /bsam rig rab rib sna tshogs rgyun

  278. 139b

    gal te rtogs ldan nyams bzang spyod pa'i grogs med na/ /ji ltar mig ldan skyes bu dag ni rkang pa med dang mtshungs/ /don dam rnal ma chags med don la spyad bya ste/ /mi spang mi sgrub mi zhen mi spyod mi 'gog par/ /rang lcags ci bder spyod pa rab mchog dam pa'o/ /kun rdzob sangs rgyas mi ro'i gdeng? chen ldan gyur kyang/ /sems can tshogs chen mi spang ci nus 'bad par bya/ /'khor bdag la dogs pa'i sems med 'jigs bral yid/ /sdig pa'i las rnams phra mo dag nas 'jom par bya/ /chos rnams stong pa mkha' ltar rtsa bral rtogs gyur kyang/ /chags sdang 'dzin chags mdza' dag rtsad nas spang bar bya/ /chos nyid mdza' bral zang thal chen po'i don rtogs kyang/ /brtan pa ma thob par du nyams rtogs gzhan la gsang/ don dam bdag gzhan gnyis su med par rtogs gyur kyang/ /kun rdzob 'gro la phan pa'i don chen dag la bsam/ /'dren pa gzhan mi bltos gdengs dang ldan gyur kyang/ /bka' drin can gyi bla ma spyi bo'i gtsug tu bkur/ /chags shing zhen par bcas pas kun la dgag bsgrub byed/ /rgyu dang mi 'tsham 'gal ba'i spyod pa gol ba'o/ /mthong bya mthong byed med pas tha dad rang sar grol/ /nyams su myong mkhan stor bas rtsol sgrub kun dang bral/ /thob bya'i 'bras bu stor bas re dogs kun las grol/ nga bdag rtsad nas thon pas bdud kyi g.yul las rgyal/ /dngos 'dzin rang sor zhig pas 'khor 'das kun las grol/ /rig pa ? la dag pas rdzogs sangs rgyas zhes brjod/ /chos blo zad sar zad pas mya ngan 'das zhes bshad pa'i phyir/ /ma bcos ma bsgyur spangs thob kun las yongs su grol/ /e ma ho/ /phyag rgya chen po zhes bya ba zab mo'i sgra chen de/ /gdags gzhi gang yin stong pa zhes bya'ang btags pa tsam/ /skad cig ngo bos stong par bdag med su yis rtogs/ /rtogs mkhan nyid med ming tsam btags

  279. 140a

    ? */ / du skye 'gyur zhing/ /mnor don la mi gnas srid pa 'khor zhing 'khyam/ /snyan grags bsnyen bkur kun la chags shing zhen pa dang/ /thos bsam go rtogs che dang nyams myong bzang po dang/ /bsags sgrub byin brlabs nus pa'i rtags byung bcos ma'i lam/ /don gyi dri ma yin phyir mkhas pas yid mi gtad/ /de nyid yid la byed cing gnyis mdza' i phyogs ltung na/ /'khor bar 'khor zhing srid pa'i rtsa ba yin pa'i phyir/ /kun gyi gzhi rtsa yid kyi ri bo gang yin ltos/ /bltas pas ma mthing yid dang bral na nges par grol/ /sems kyi chos kyi dbyings la 'di zhes med pas na/ /de la sgom dang bsgom par bya ba gnyis su med/ /yod med cir yang mi rtogs ma yengs dang la gzhag/ stong pa nyid dang skye med blo las 'das pa dang/ /mdza' bral la sogs gang yang yid la byed pa na/ /gnas lugs don la yi gnas shin tu yangs pa'o/ /stong dang mi stong rtsis med lhug pa'i dang la zhog/ gzhag dang ma gzhag med par rang dga' yan par thod/ /btang dang bzung ba'i sems med ro langs ji bzhin gyis/ /de nyid gnas lugs rig nas de'i dang gnas na/ /gnyis snang mtshan ma'i bag chags myur du 'jig par 'gyur/ /rtogs pa'i ngang la mi gnas mtshan mas g.yengs gyur na/ /gnyis snang mtshan ma'i bag chags ldog par mi 'gyur te/ /rab rib can gyi mig gi nad du nyes gyur kyang/ /mig gi nad ma byang bar rab rib snang mi ldog/ gnas lugs yid la byed cing nyams pa zhen pa dang/ /de nyid don la dmigs shing bsgoms na gol ba'i rgyu/ /mthun 'jug rnams la chags sngar skye phyir 'ching ba'o/ /mi mthun rkyen ngan thams cad dngos grub dam pa ste/ /mi mthun rkyen gyis rnal 'byor nyams gyi gsol 'debs phyir/ /rkyen ngan mi spang de nyid shes pas de la sbyang/ /de ltar skyong zhing nyams rtogs mthar 'byin spyod pa ste/ /gi ling drag la lcag gis bskul ba ji bzhin no/ /

  280. 140b

    ? pa tsam?/ /de nyid yang dag ma yin gdul bya'i snang ba'o/ /gdul bya nyid la 'ang bdag med sgyu ma sprul pa 'dra/ /phyag rgya chen po zhes bya byis pa'i blos btags so/ /'khrul dang ma 'khrul zhes bya ming tsam btags pa tsam/ /'khrul par tshor zhing rig pa'i skyes bu su zhig yin/ /'bras bu myang 'das rdul tsam med cing mi dmigs na/ /grol dang ma grol zhes bya glo bur sgro btags te/ /nam mkha' zhi zhing dag la med pa grol lam ci/ /kun rdzob don dam zhes bya'ang nan gyis btags pa ste/ /chos kyi dbyings la bden pa gnyis med chos dbyings med/ /do ha mdzod ces bya ba rnal 'byor gyi dbang phyug birba? pas mdzad pa rdzogs so// //rgya gar gyi mkhan po sh+rI bai ro tsa nas rang 'gyur du bsgyur ba'o// //brgyud pa ni birtha? pa/ nag po pa/ slob dpon sgra mkhan zhabs/ slob dpon phu? ra ba/ sh+rI bai ro tsa na'o// // */ /lam 'bras gsungs mdo bzhugs so// */ /bla ma dam pa'i zhabs pad la bcud de/ /lam 'dras gsung mdo bri bar bya/ /sems can la nyon mongs pa'i sdangs ba la ma dag pa'i snang ba la/ /rnal 'byor pa ting nge 'dzin pa nyams kyi snang ba/ bde bar gshegs pa'i sku gsung thugs mi zad pa rgyan gyi 'khor lo la dag pa'i snang ba'o/ /kun gzhi rgyu rgyud la 'khor 'das tshang bas rtsa rgyud/ lus thabs rgyud sogs la gdan sogs gsum pa bzhi yis rgyu'i dbang/ lam du skyed rim la sogs lnga pa bzhis bstan/ mnyam gzhag gi dam tshig sogs bsrung /rdo rje mkha' 'gro la sogs kyis nyams chags bskang/ 'dod yon sogs lnga yis mnyes pa sogs bya/ lam gyi thun bzhi la dbang bzhi bsgoms pas/ lus la brten nas bde chen gyi sgrib pa bkag cing 'tshang rgya bar gsal bas bshad rgyud/ phyag rgya chen po 'bras bu'i rgyud ni/ 'bras bu'i dbang bzhi yis thams cad mkhyen to/ /tshad ma bzhis 'bras bu gtan la phab nas/ 'gal 'dus skyon med sogs gsum gyis bsam gtan gyi

  281. 141a

    dug dbyung/ zas spyod lam/ rlung thig le/ phyag rgya ma bsten/ dangs ma lnga'i bde ba dang/ dbang po lnga nyams dang ma bral bas bdud rtsi bsten/ 'khor ba'i rtsa bzhi dang/ 'khor lo rnam lnga gzhan rnams dang /sa thog mdza' la re re/ gsum pa bcus par gyi rtsa mdud dral bsal dor/ 'jug pa sel ba'i lam yid 'dag pa'i rnam rtog bsgoms pas lta ba'i dug dbyung/ rnam shes lngas yul lnga ma spangs pas bdud rtsi bsten/ dag pa'i chos rnams gdod nas stong par shar bas la dor/ gsang sngags snyan rgyud la sogs bzhi mchad pas/ lus khyad par can la bsten nas dngos po'i mdza' rten cing 'brel bar 'byung ba/ gzhan dbang rten 'drel byang chub chen po'i lam/ chos thams cad rten cing 'brel par 'byung ba lo rgyus kyi tshad ma'o/ /kun gzhi rnam shes dag pa'i byang chub chen po/ rten cing 'brel par 'byung ba lnga yis lam yongs su rdzogs pa'o/ /thabs kyi phyogs su lhung ba'i rnal 'byor pa'i lam gyi bar chad ni/ dad pa brtan pos bsrung ba'i 'khor lo/ sngags zlos/ sngags mdung/ chos rnams sems nyid snang ba/ gzhan dbang rten 'brel/ gzugs brnyan yin phyir/ de kho na nyid rgya mtsho'i don dang ma bral bas bsrung/ shes rab la phyi'i bdud lam gnyis/ lta grub brgyad bsgyur ba'o/ /nang gang bdud lam la sogs bcu dang brda ma shes na 'ong brda shes pas bsrung/ grib dang sgrib pa thig le 'dzag pa bsrung/ tshogs lam nas tha mal pa'i lus ngag yid dang bral bas bral ba'i 'bras bu bzhi thob nas/ khams 'du lugs gsum gyis phyogs med rnams dang/ rlung sems bdag byin gyis brlabs nas/ byang chub kyi phyogs dang mthun pa'i chos sum cu rtsa bdun ltar lam dgrod na/ sgom pa mi 'chor ba'i rdzu 'phrul gyi rkang pa bzhi ni/ las kyi rlung pho mo/ ma ning gi rlung/ thod rgal gyi ye shes kyi me 'bar bas/ khams 'dus pa dang po/ rgyun gyi rlung po lag ca can gyis rtsa dral/

  282. 141b

    sems gnas/ rta rmi/ rtsa rlung gi zug 'byung/ sna tshogs 'dud la sogs gzhi rtsa ba'i rlung la sogs zin pa'i bye brag bdun gyis yan lag gi rlung rims kyis nang du 'gag de tsa na thig le mang du kha 'bu/ rten mnyam du 'dre/ de la rten nas sems nang du gnas/ rnam shes lnga nang du 'dus/ phung po lnga dul/ ye shes kyi 'gro ldog byed/ sgom pa mi 'chor ba'i mthong snang rmi lam nyams gsum gsum ni rnam rtog sngon du song ba ltar khams gsum kun tu snang ngo/ /sa chu la thim na smig rgyu/ chu mo la thim na du ba/ me rlung la thim na srin bu me khyer /rlung rnam par shes pa la thim na mar me 'bar ba/ rnam par shes pa 'od gsal la thim na nam mkha' sprin med lta bu/ sa chu me rlung dang rlung sems mnyam par 'dus na khams gsum kun tu me 'bar ba lta bur snang/ chu rlung la dang spu lus grang/ rlung gi rlung 'du 'phro dang rang 'phung bya 'byung/ 'byung ba bzhi'i rlung mnyam rgyu dang/ lha mo sna tshogs kyis gang mchod/ 'byung pa bzhi'i rlung mnyam rgyu dang lha mo sna sogs dang dri ro/ /nam mkha' dang mnyam pa dang rdza lus bde/ bdud rtsi lnga dang de bzhin gshegs sku sogs/ si hla dang nyi ma/ ga bur dang zla ba/ rtsa bran rnams su thig phan dang skar ma/ rtsa 'dzin la sogs su shing sdong la sogs /chags sdang rnam po lnga dang/ nyam pa? mya ngan 'dre'i rtsa/ mchi ma'i rtsar g.yal dang mchi ma/ lte bar dang po chags pa'i 'dir? drug yi ger rlung sems mnyaM par 'dus na /riD drug gi gar sngags der khrid pa/ rmi lam nyams lta bu khaMs kun tu snong ngo/ /oM laS bsaM gtan sogs kyi ting nge 'dzin yum gyi mkha' / A las yang dag par thim na khams gsum nam mkha' / yum chen mo shes rab kyi pha rol nyu phyin ma la sogs kyi pho brang du thim na chos sku nyams su myong zhing bzung 'dzin grol/ hUM las gsal zhing yang la rang 'byung gi ye shes nam mkha' shin tu dri ma med/ khams 'dus pa bar pa rlung po lag ca bri bas rtsa dral/ thig le'i zug dang mthong snang brtan no/ /mdor na raksha la sogs su srin po sogs//

  283. 142a

    dril can gyi sgra lta'i mig rnam par dag pa bzhin/ srid pa'i rtse mo man cad ting nge 'dzin gyi nyams su 'byung ba snyam byed pa/ bshad kyis mi lang ba mtshon cing lnga bcu la gsang/ sgom pa mi 'chor ba'i phyi'i rten 'brel rlung log sogs gsum gsum ni/ nang gi mkha' 'gro ma lnga de bzhin gshegs pa'i sku lnga/ byang chub chen po'i rten 'brel mdzad pas/ dngos grub rnams rang la 'byung bar shes shing re zhing sol ba'i blo sel to/ /bdud dang gol sa rnams rang gi lam dang rten 'brel du shes pas skyon yon tan du bslar zhing rim pa yin men du skye ba'i drod byung rgyal du gtang/ shes rab kyi phyogs su ltung ba'i lam la/ lha'i bu'i bdud 'ongs pas sad pa bzhes bsrung/ sgom pa mi 'tshor ba'i dran pa nye bar gzhag pa bzhi ni/ yul 'gags pas rang yi dam gyi lha dang/ gug skyed kyi dgos pa bsam zhing ting nge 'dzin cha bsnyam pas/ khams 'dus pa tha ma rlung po lag ca bral bas rtsa dral/ skye mched drug gi nang du thig le 'dus pas rjes su dran pa drug yang dag par shes/ sprul sku 'ga' mthong/ sgom pa mi 'chor ba'i yang dag par spong ba bzhi ni/ sprul sku las dbang gsum gyi rjes las byung ba'i shes pa bsam zhing /dgyes sogs pad can bcu gnyis ma'i rtsa brtsal zhing/ snying po'i a kun d+har gyi sna rtser dal rgyu la sogs rig pa yid 'jug pas/ lus ngag yid gsum rdo rje dkyil krung bcas/ thig le rlung non pas rnga sgra la sogs mi thos pas/ chog shes pa sogs kyi bdud choms pa'o/ /nang gis sangs rgyas rnams kyi lam srid pa'i rtse mor phyin cing ma skyes pa'i chos la bzod dka' ba stong pa nyid kyi bzod pa'o/ /dbu mar sems rtog med log sems 'phos na bzod pa/ 'khor ba'i chos las 'das shing/ mya ngan las 'das pa'i lam chos rnams rdzogs pas

  284. 142b

    chos rnams kyi nang na mchog go /de ltar nyams skyon can skyon med dang/ phyi dbyibs kyi a nas yar rlung sems mnyam par 'dus nas lam du 'byung ba rnams ngo bo rang mtshan nyid do/ /'jig rten las 'das pa'i lam la/ phyi nang rten cing 'brel bar 'byung ba'i lam gyis/ sprul sku rang bzhin gyis lhun grub thob par byed pa/ lus dag par byed pa bum pa'i dbang mthar phyin/ de kho na nyid kyi rtags/ byang chub kyi yan lag bdun ni /rtsa rin po che'i pho brang bzhi/ /gtso bo gsum ste lus kyi dkyil 'khor mthong bas rtog pa'i 'gro ldog byed/ sprul sku'i zhing khams brgya sgul zhing nyams sbyin rgya/ 'od brgya 'gyed/ mar brgya 'chad/ /ting nge 'dzin mi 'dra ba brgya la snyoms par 'jug nus/ /rigs drug gi rtsar khyad par du ma'i rten mthong nas dga' la g.yang za/ ngo tsha la skyug bro/ sngon bla mas rgyu dus na bstan pa'i 'khor 'das dbye med de tsa na rtogs/ snying rje skye/ mchi ma ltung/ gzhan gyi sems sna tshogs shes/ 'dod yon sna tshogs mthong bas dgong bro/ rdzu 'phrul sna tshogS skad cig mas 'byung ba rnams nang gi zhing khams mthong bas so/ /nang ma mthong bar phyi mi mthong/ de tsa na ling+ga brtan/ rdo rje'i rtser lhan cig skyes pa'i sar thig le gnas pa bltas lus bde bas myos shing brgyal /rang gzhan ngo mi shes/ nang rtags rlung sor gcig 'gags/ phyi rtags gsang gnas phyed thig les bstan sa dang po'o// //yang sprul sku las dbang bzhi bzhi sgom lam sa gnyis pa nas sprul pa'i sku'i zhing khams stong la sogs pa sbrul ba la sogs pa nus /yon tan la sogs 'phel/ 'gro ldog la sogs 'gags /nang rtags rlung sor drug 'gags/ phyi rtags gsang gnas lte ba'i snying /thig les brtan/ longs sku 'ga' mthong/ sgom lam sa drug go/ //

  285. 143a

    yang longs sku las dbang bzhi bzhi bdag byin gyis brlabs pa'i rim pa'i lam nas/ /longs sku rang bzhin gyis lhun grub thob par byed pa/ dag dag pa gsang ba'i dbang mthar phyin/ de kho na nyid kyi rtags dbang po lnga dang dangs ma'i rlung lnga la mnga' brnyes/ nus pa lnga dang lha stangs rnams la thogs pa med/ lha ga'i dkyil 'khor du rigs drug gis sa bon mthong/ /sa bco drug la mnga' brnyes/ sems can rnams kyi skad du chos ston cing chos spyi dang rang gi mtshan nyid la thogs pa med/ /lte bar yi ge'i phyi mo brgyad/ /A li kA li mthong nas/ mdo sde'i chos gsung rab yan lag bcu gnyis la thogs pa med/ /bdud brtsi lnga dang po phrug la longs spyod/ tshangs pa'i dbyangs su gyur pa rnams/ a ni yig 'bru ces pa drug gis gsal lo/ /sa bdun yan chad long sku'i zhing khams 'khor bzhing brgya dung phyur la sogs skul ba la sogs pa nus/ nang rtags rlung sor bcu 'gags/ /phyi rtags mgrin smin thig las brtan/ sgom lam sa bcu'o// //yang dbang bzhi bzhi/ sems dag pa dkyil 'khor 'khor lo thabs kyi lam nas chos sku rang bzhin gyis lhun grub thob par byed pa/ shes rab dang ye shes kyi dbang/ mthar phyin ta? de kho na nyid kyi rtags/ stobs ldan/ byang chub kyi sems kyi rlung lnga bskyod pa'i dngas? ma'i dngas ma /rtsa ba byang chub sems kyi dkyil 'khor mthong nas/ rtags bstan pa/ sku gsum ye shes lnga la sogs dbang thob nas/ bdud rtsi lnga gar bdu mthong na sangs rgyas rnams gzhan don mdzad pa mthong/ sbrul pa bde chen thig le 'du ba mthong/ sangs rgyas rnams 'og min gyi gnas na zab mo la bzhugs pa mthong/ /lte ba sprul bar bdud rtsi lnga dang rlung lnga 'dus pa

  286. 143b

    mthong na/ longs sku'i rigs lnga yum gyi b+ha ga na bzhugs nas skal ldan byang chub sems dpa' la gsang ba sgrogs pa mthong/ phyag rgya ma'i dangs ma'i dangs ma mthong na mngon shes la thogs pa med /rtsa yig rnams su dangs ma 'drongs na rdzu 'phrul la thogs pa med/ de nyid slar spos na sngon gyi gnas rjes su dran/ nang rtags rlung sor bcu gnyis 'gags/ phyi rtags spyi gtsug h+ril thig les brtan/ sa bcu gnyis so// //yang dbang bzhi bzhi mthar phyin gyi lam nas mthar thug/? rten 'drel mthar thug 'da' ba rje'i? rlabs kyi lam gyis phyag rgya chen po mchog gi dngos grub rig ma'i skyes bu /srid pa rnam par dag pa'i lam/ ngo bo nyid kyi sku rang bzhin gyis lhun grub thob par byed pa/ bzhi pa lus ngag yid kyi dbang mthar phyin/ de kho na nyid kyi rtags 'phags pa'i lam yan lag brgyad ni/ rnam shes brgyad 'dag kar 'bras bu gnyis 'thob ste/ sa chen 'di ni dga' zhing rangs la mgu/ de rnam pa drug du g.yo/ bdud gnas su sgra grag /phyag rgya ma'i gnas su khams gsum mthong/ mkha' 'gro ma rnams ring nas 'du/ ha ri ma la sogs pa dbang phyug gi don brgyad 'char/ nang rtags srog rtsol a ba d+hu tIr 'jug /phyi rtags gtsug tor phyed thig las brtan/ sa phye dang bcu gsum mo// // bzhi pa yid kyi dbang mthar phyin /de kho na nyid kyi rtags 'bras bu'i phyogs gcig 'thob ste/ 'bigs byed gzhon nu'i grong khyer chos kyi dbyings /byang chub sems kyis ni 'bigs/ 'bras bu lngas sku'i zhing khams rab bkram la sogs pa sgul ba la sogs pa nus/ sa bcu gsum thob kar sa bcu ma la sogs pa yid kyis bkug ste /slob dpon dus gsum bde bar gshegs bcud 'dus yin/ /yi dam lha dang bla ma dbyer med la/ /b+ha kar dngos grub len pa'i rten 'brel gyis//

  287. 144a

    srid pa rnam par dag pa'i lam/ /ngo bo nyid kyi sku shin tu rnam par dag pa rang bzhin gyis lhun grub thob par byed pa/ 'bras bu longs sku'i zhing khams ma lus pa la sogs pa bskul ba la sogs pa nus/ nang rtags srog rtsol a/ ba d+hu tir 'gags/ phyi rtags gtsug tor h+ril thig les brtan/ /phyi nang gi rten 'brel 'gros bzhi thim pa rnams kyis sgom nyams skyon yod med phyed pa sa bcu gsum pa'o// //thams cad mkhyen to/ /bcu gsum rdo rje 'dzin sar rten 'brel 'grig pa lhar snang 'tshad rgya kar 'khor tshom bu cig 'tshang rgya'o/ /gsang sngags rdo rje'i theg pa ni/ /rgyu dang lam dang 'bras bu'i dbang/ /rtogs pas brtags pas rtog med rtogs/ /ye shes snang ba re bzhin no/ /lam zab bla ma/ dam tshig lus so sor bshags pa'i 'gog pa/ lam 'bras bu dang bcas pa'i gdams ngag dang man ngag du bcas pa rdzogs so// //sa ma pa tha mi ti/ /*/ /rgya gar skad du/ ma hA mu tra u ba de sha/ bod skad du/ phyag rgya chen po'i man ngag/ dpal lhan cig skyes pa la phyag 'tshal lo/ /phyag rgya chen po bstan du med gyur kyang/ /dka' ba spyod cing bla ma la gus pa'i/ /sdug bsngal bzod ldan blo ldan nA ro pa/ /skal ldan khyod kyi snying la 'di ltar byas/ /kye'o 'jig rten chos la legs ltos dang/ /rtag mi thub ste rmi lam sgyu ma 'dra/ /rmi lam sgyu ma don la yod ma yin/ des na skyo bskyed 'jig rten bya ba mthong/ /'khor g.yogs chags sdang nye 'brel kun spongs la/ /gcig bu nags? 'dag ri khrod dgon par bsgoms/ /bsgom du med pa'i ngang la gnas par gyis thob med thob na phyag rgya chen po thog /'khor ba'i chos 'di don med chags sdang rgyu/ /byas chos snying po med pas don dam snying po ltos/ /blo yi chos kyis//

  288. 144b

    blo 'das don mi mthong/ /byas pa'i chos kyis byar med don mi rnyed/ /blo 'das byar med don de thob 'dod na/ /rang sems rtsad chod rig pa gcer bur zhog /rtog pa dri ma'i chu de dangs su chug/ snang ba dgag bsgrub mi bya rang sor zhog/ spong len med na phyag rgya chen por grol/ /dper na ljon shing yal ga lo 'dab rgyas/ /rtsa bcad yal ga lo 'dab khri 'bum bskams/ /dper na bskal stong bsags pa'i mun pa yang/ /sgron me gcig gis mun pa'i tshogs rnams sel/ /de bzhin rang semS 'od gsal skad cig gis/ /bskal par bsags pa'i sdig sgrib ma lus sel/ /blo dman skye bo don la mi gnas na/ /rlung gi gnad bzung rig pa bcud la bor/ /lta stangs dang ni sems 'dzin du ma yis/ /rig pa dang la mi gnas bar du bcun// dper na nam mkha' i dkyil ni brtag byas na/ /mdza' dang dbus su 'dzin pa 'gag par 'gyur/ /de bzhin sems kyis sems la brtag byas na/ /rnam rtog tshor 'gag sems kyi rang bzhin mthong/ /dper nas rlangs sprin ni nam mkhar dengs/ /gar yang song med gang yang gnas pa med/ /de bzhin sems las byung ba'i rtogs tshogs kyang/ /rang sems mthod pas rtog pa'i rba rlabs dengs/ /dper na nam mkha' kha dog dbyibs las 'das/ /dkar nags dag gis gos med 'gyur ba med/ /de bzhin rang sems 'od gsal kha dog dbyibs las 'das/ /dge sdig dkar gnag chos kyis gos mi 'gyur/ /dper na gsal dag nyi ma'i snying po de/ /bskal ba stong gi mun pas sgrib mi nus/ /de bzhin rang sems snying po 'od gsal de/ /bskal pa'i 'khor bas/ sgrib par mi nus so/ /dper na nam mkha' stong pa rab brtags kyang/ /nam mkha' la ni 'di 'dra brjod du med/ /de bzhin rang sems 'od gsal brjod gyur kyang/ /brjod par 'di 'dra grub ces gdags gzhi med/ /dper na nam mkha' gang la gang gis brten

  289. 145a

    de bzhin rang sems phyag chen rten yul med/ /ma bcos gnyug ma'i dang du glod las zhog/ bcings pa glod gyur grol bar the tsom med/ /de ltar sems kyi rang bzhin nam mkha' 'dra/ /chos rnams ma lus de ru ma 'dus med/ /lus kyi bya ba yo thod rnal mar zhog /dag gi smra brjod ma mang brag ca 'dra/ /yid la mi sems la zla'i chos la ltos/ /lus la snying po med pas sdug sdong 'dra/ /sems ni nam mkha' i dkyil ltar bsam yul 'das/ /de dang btang gzhag med par glong? las zhog/ sems la gtad so med na phyag chen yin/ /de la goms pas bla med byang chub 'thob/ /dmigs pa'i yul med sems kyi rang bzhin gsal/ /bgrod pa'i lam med sangs rgyas lam sna zin/ /bsgom med goms pas bla med byang chub 'thob/ /bzung 'dzin kun 'das lta ba'i rgyal po yin/ /bya brtsol med na spyod pa'i rgyal po yin/ /de dogs med na 'bras bu mngon du 'gyur/ /kun gzhi skye med bag chags sgrib g.yogs bral/ /mnyam rjes mi bya skye med sting? bor zhog/ snang ba rang snang blo yi chos rnams zad/ /mu mdza' yongs grol lta pa'i rgyal po yin/ /mu med gting yangs bsgom pa'i rgyal po mchog/ byar med rang gnas sbyod pa'i rgyal po mchog/ re med rang gnas 'bras bu'i rgyal po mchog/ las ni dang po gcod dong chu dang 'dra/ /par nu? chu bo gang gla dal bus 'bab/ /tham chu bran ma bu phrad pa 'dra/ /sngags su smra dang pha rol phyin pa dang/ /'dul ba'i sde snod la sogs chos rnams dang/ /rang rang gzhung dang grub pa'i mdza' yis kyang// 'od gsal phyag rgya chen po mthong mi 'gyur/ /yid la mi byed zhe 'dod kun dang bral/ /rang byung rang zhi chu yi rba rlabs dang 'dra/ /zhe 'dod byung bas 'od gsal ma mthong sgribs/ /rtogs pa bsrung sdom dam tshig don las nyams/ /mi gnas mi

  290. 145b

    dmigs don las mi 'da' na/ /dam pa nyams len mun pa'i sgron me yin/ /zhe 'dod kun bral mdza' la mi gnas na/ /sde snod chos rnams ma lus mthong bar 'gyur/ /don 'dir gzhol na 'khor ba'i btson las thar/ /don 'dis mnyam gzhag ma lus sdig sgrib sreg /bstan pa'i sgron me zhes su bshad pa yin/ /don 'dir mi mos skye bo blun po rnams/ /'khor ba'i chu bos rtag tu khyer par zad/ /ngan song sdug bsngal mi bzod snying re rje/ /sdug bsngal thar 'dod bla ma mkhas pa bsten/ /byin brlabs zhugs pas dang sems grol bar 'gyur/ /las rgya bsten na bde stong ye shes 'char/ /thabs dang shes rab byin brlabs snyoms par zhugs/ /dal bar dbab cing dkyil bzlog dwang ba dang/ /gnas su bskyal dang lus la khyab par bya/ /de la zhen med bde stong ye shes 'char/ /tshe ring skra dkar med cing zla ltar rgyas/ /bkrag mdangs gsal zhing stobs kyang seng ge 'dra/ /thun mong dngos grub myur thob mchog la gzhol/ /phyag rgya chen po gnod kyi gdams pa 'di/ /'gro ba skal ldan snying la gnas par shog/ dpal te lo pas nA ro pa la chu bo gang ga'i 'gram du gsungs pa legs par rdzogs so// //*/ /bdud rtsi grub pa bzhugs so/ /*/ /rgya gar skad du/ a mri ta sid+d+hi mU la nA ma/ bod skad du/ bdud rtsi grub pa'i rtsa ba zhes bya ba/ dpal he ru ka la phyag 'tshal lo/ /spyan gsum rab ldan dbu bcad sku mdog dmar/ /'chi ba'i 'jigs sel rnal 'byor pho mo yi/ /phyag rgya 'dzin cing b+hi ra ba ting 'dzin gyis/ /skyob mdzad phyag rgya'i zhabs la bdag 'dud do/ /rgyud rnams kun tu sbas pa'i don/ /phyag rgya chen po rnam bshad bya/ /mi ni gang gis thos pa la/ /lha rnams kun gyis bkur sti mdzad/ /skye ba bye ba stong dag tu/ /legs

  291. 146a

    las rgya chen rnam byas pas/ /de thob 'khor ba'i rgya mtsho las/ /pha rol tu ni rnal 'byor 'gro/ /g.yon pa'i rting pas bshad lam dgag/ g.yas pa cung zad brkyang byas la/ /'thib chen po la gong lag pas gzung/ / snying ga lkog mas mnan pa ni/ /sgo dgu dgag pa'i sbyor ba'o/ /de yi rtsa gsum dag la ni/ /rim pa bzhin du bsnun bar bya/ /'di ni las kyi phyag rgya'o/ /rkang pa gcig par sems bsdu zhing/ /rlung rnams gcig tu bsdus bya ste/ rlung gi bsdam pa brtsam par bya/ /nyi zla gnyis ni gcig par bya/ /de ltar byas na rlung ni 'gag/ 'di ni dam tshig phyag rgya'o/ /bshad lam 'khor lo gyen du bzlog/ thig le sga bcas gyen du bslang/ /rtsa rnams thams cad rab tu g.yo/ /mchog gi rtse ni gyen du 'od/ /lus ngag yid gsum sbyor ba yis/ /sku gsung thugs ni bsgrubs par bya/ /goms pa brtan par gyur pa yis/ /rang gi me ni gsal ba'o/ /phyag rgya 'di yis thams cad du/ /rnal 'byor pa ni nges par 'gro/ 'di ni kha sbyor sbyor ba ste/ /rtsa ba'i gdams par 'dod pa'o/ /'di ni rlung gi sbyor ba yin/ /mkhas pa rnams kyis 'di bsgrub po/ /phyag rgya gnyis su shes par bya/ /ji bzhin bsdam pa'i cho ga shes/ /dza ni lha mo'i phyag rgya yin/ /ling ga'i phyag rgya lha yin no/ /pho dang mo yi sbyor ba las/ /phyi rol tu ni skye ba 'byung/ /ji bzhin sbyor ba 'di gnyis kyis/ /skye ba nang du bsod par bya/ /rtsa ni bud med gzugs can te/ /skyes pa med na 'bras bu med/ /phyag rgya che dang bsdams pa che/ /dbye ba med na 'bras bu med/ /rlung ni 'khor lo gcig tu bsdu/ /ji srid bsdam pa bzhin du bya/ /rnal 'byor pa yis gshig par bya/ /rang gi rlung sems gshig par bya/ /sbyor ba'i rim pas gshig par bya/ /rlung ni stobs dad ldan byas la/

  292. 146b

    dbu ma'i sgo ru gzhug bya ste/ /'khor lo bzhi po rlung gis dbug/ lag gnyis ling ga'i phyag rgya bcad/ /de ni sa la gzhag nas su/ /rkang pa'i rtse mo sa la gzugs/ /brla ni brdab par bya ba yis/ /rlung gis rlung ni gsheg par bya/ rlung gis rlung la bteg par bya/ /rlung gis rlung ni bsad par bya/ /rlung gis yongs la khyab pa yis/ /rlung gis dngos grub thams cad sbyin/ /rlung gis 'chi ba med par 'gyur/ /des ni bdud rtsi grub par ni/ /bi rba nga yis yang dag bshad/ /legs par bsdams pa lus kyi las/ /rdo rje rlung rtse bye ba yis/ /lhun po yi ni bar dag tu/ /dgug pa'i sbyor ba 'di yis ni/ /tshangs sogs mdud pa bshig par bya/ /lhun po'i steng du lha rnams 'gro/ /lhun po dag ni g.yo 'gyur te/ /des ni thams cad brgyal bar 'gyur/ /tshangs pa la sogs lha rnams bsad/ /dang po yi ni sbyor ba yis/ /tshangs pa'i mdud pa bshig par bya/ /de nas dbang phyug mdud pa bshig/ de bshig nas ni biSh+Nu bshig/ de nas gti mug la sogs spangs/ /gtsug tor sgo ni sbas pa la/ /rlung gis sgo ni rnam par dbye/ /de ni 'bigs pa chen po'o/ /bsdam pa che dang 'bigs pa che/ /phyag rgya che ni gsum pa yin/ /'di ni gsang dbang gsum yin no/ /'di dag gis na sbyor grub grags/ /de nyid gsum ni gang rig pas/ /de ni 'jig rten gsum rig go/ gang gis 'di la gom byas na/ /thams cad kyis ni mnga' bdag 'gyur/ /gsang ba lha yi lha rnams dang/ /mi yi bdag po'i bdag por 'gyur/ /dbang bskur kun la dbang ba yin/ /thams cad ma lus lhag par 'gyur/ /des na lha rnams kun gyis 'bang/ /chos kyi phyag rgyar 'dod pa'o/ /phyag rgya che la goms par bya/ /phyag rgya 'di las thams cad 'byung/ /grub

  293. 147a

    pa chen po 'byung ba yin/ /phyag rgya chen po gang yin pa/ /rnam gnyis de ni dam pa dang/ /'ching ba las ni grol ba dang/ /lus sems dag la bde ba 'byung/ /sems la gnas pa tsam gyis kyang/ /mngal du skye bar mi 'gyur ro/ /dang po'i ming ni yi ge yin/ /sbyor ba ldan pa bshad par bya/ /dad dang ldan pa'i sbyor ba yin/ /rnal 'byor pa ni nges par ni/ /phyag rgya chen po 'grub pa yin/ /phyag rgya chen po bshad par bya/ /rkang pa lag pa bsdom bya ste/ /rlung ni lan gsum 'thungs byas la/ /rtsa rnams thams cad 'then par bya/ /langs pas rtsa rnams gyen du phyogs/ /nad rnams thams cad bcom nas ni/ /phyag rgya chen po'i don yang rdzogs/ /ji ltar nam mkha' bar snang la// sprin chogs 'bar ba 'khrigs pa de/ /rlung gi shugs kyis gtor ba ltar/ /de ltar lus 'di dag la ni/ /nad kyis yongs su bsgos gyur kyang/ /thabs kyi rlung gis gzhom par bya/ /'di ni phyag rgya chen po'o/ /dzha ye d+ha yi karma yi/ /lag pas 'byung ba lnga dag kyang las kyi bya bas mnye bya zhing/ /bsdams pa chen pos gnas pa yi/ /stobs kyis 'khor lo 'di yis ni/ /steng du lha yi 'jig rten skrag/ lag pa brkyang bskum 'di yis ni/ /phyogs bzhi dag kyang g.yo bar byed/ /rkang pa 'og tu brkyang ba yis/ /klu rnams thams cad skrag par byed/ /dbang po ngal zhing dub pa'i tshe/ /rtse cig sems kyi dang la gzhag/ bsdam pa'i sbyor ba bshad par bya/ /rlung gi lus ni 'dzin par 'gyur// bskam pa gnyis ni shes bya ste/ /'ji ltar thig le gnas pa dang/ /dzo ni b+ha d+ha'i lha mo yin/ /mgrin pa bsdams pa lha yin no/ /dgang ba can dang bun pa can/ /phyag rgya gzung ba rnam par bya/ /lha dang lha min kun la gsang//

  294. 147b

    rnal 'byor bsdam par bya ba yis/ /dbu ma'i sgo ru gtad par bya/ /lam gsum rnam par bkag byas la/ /rlung ni nang du gzung bar bya/ /srog ni rlung yang blan par bya/ /de ltar byas pas 'og tu 'bab/ /skad cig nyid la bsdam par bya/ /steng 'og rlung gi sbyor ba yis/ /mnyam pa'i rlung dang bsre bar bya/ /des ni gyen du bskyod par bya/ /bshad lam bsdam pa dang ldan pas/ /rlung ni rnam par bskum pa dang/ /gyen du brlang ba byas pa yin/ /'khrul 'khor dang ni rlung sbyor gyis/ /dgram dang rab tu bsdoms par bya/ /zung 'jug lam gsum bsgom par bya/ /'di ltar mi yi lus la ni/ /grub pa'i lam ni rab gsal ba/ /nyams myong skye zhing lus rgyas 'gyur/ /rgas par yang ni mi 'gyur ro/ /rtsa rnams rgyun gyi 'bab pa dang/ /rtag par 'og tu 'gro ba de/ /bsdams pa chen po 'di yis ni/ /rnam par ldog cing 'gyur ba yin/ /gshibs ni thur du 'gro ba yin/ /yur ba'i nang du chu 'bab pa/ /de ni bsdams pas ldog par 'gyur/ /de bzhin nang gi lus la yang/ /lus kyi phyi rol 'gro ba de/ /rnal 'byor rtag tu shes par bya/ /lus kyi rtsa ni ma lus pa/ /'dis ni bsdams par rab tu grags/ /bsdams pa 'di yi mthu yis ni/ /lha rnams kun kyang gsal bar 'gyur/ /de ltar phyag rgya bzhi yis ni/ /lan gsum rnam par bkag pa'o/ /lam cig pa ni gsal ba'o/ /grub pa lha yi lam du 'gro/ /skye dang 'chi ba'i lam gnyis po/ /'og ni lam du bshad pa yin/ /bsod nams dang ni sdig rgyu yi/ /de phyir skyon gnyis rnam par spangs/ /rlung gi de nyid bum pa can/ / de ni rab tu mnyam par bya/ /snying gi lam du rnam byas pa/ /rlung dang lhan cig sbyor ba yis/ /bsdams pas chu rgyan 'gag pa ltar/ /'gro ba thams cad rnam par 'gog/ des na de'i bka' drin gyis/ /dzo ni gdams pa zhes grags so/ /grub pa'i

  295. 148a

    lam dang yang dag ldan/ /mi ni 'gyur te gzhan du min/ /phyag rgya 'di ni shes pa yis/ /dregs pa yod kyang don dang lhan/ /des na thams cad shes pa yin/ /bdud rtsi grub pa zhes bya ba slob dpon chen po bi rU pas mdzad pa rdzogs so// //rgya gar gyi rnal 'byor pa las grub pa thob pa'i rgya gar e de bas bsgyur ba'o// //rgya gar skad du/ /DA ki na u pa a sh+rI d+ha ra mi sa ra b+hi ra nA ma/ bod skad du/ mkhA 'gro ma'i man dag snyad nas snyan du brgyud pa gdud ba gcad pa'i gdams pa zhes bya ba/ /bla ma rje btsun rnams la phyag 'tshal lo/ /rdo rje mkha' 'gro ma rnams la phyag 'tal lo/ /bla ma rje btsun mchog dang byin brlabs 'byung ba'i gnas/ /rnal 'byor ma dang mkha' 'gro'i tshogs rnams la// gus pa mchog gis rab tu rtse gcig 'dud par byas nas kyang/ /skal ldan gdud ba gang zag gdud ba bcad pa'i phyir/ /bla ma rnams kyi brgyad pa'i man ngag bri/ /de la rten gyi gang zas skal pa dang ldan zhing tshogs chen po bsags pa des/ bla ma dam pa rnams yun ring par brten cing gdams pas rgyud yongs su bsgos par gyur kyang/ /gdams dag gis goms par ma gyur cing/ /yid gdud ba mchad pa dag la rdo rje mkha' 'gro ma rnams kyis/ /slob dpon chen po DoM d+hi he ru ka la sogs pa rnams la brdar gsungs pa de dag bdag gis bstan par bya'o/ /de 'ang mkha' 'gro ma ro mas/ /slob dpon DoM b+hi he ru ka la lta ba'i gnas lugs brdad gsungs pa/ /til 'bru dang ni sgron mas phyogs kun gsal bar byed/ /sngags kyis btab pa'i dug ni smon gyi mchog tu gyur pa ste/ /rma bya'i zas ni gzhan du gyur pa yod ma yin/ /tsan dan dri dang ri gdags gla rtsi'i dri bzhin no/ /chu zla dang ni rgya mtsho'i rlabs ni tha dad cung zad med/ /sol ba'i rang bzhin gang gi kha dog nag po dag

  296. 148b

    dang mtshungs/ /ri chen po gang gis bskyod par mi nus pas/ /gangs ri'i chu ni gzhan du gyur pa yod min no/ /dper na dri dang sgog skya tha dad gyur pa med/ /nyi ma zla ba'i yon tan gsal ba yin/ /mkha' la bya 'phur rjes ni tshol bas rnyed mi 'gyur/ /nam mkha' i khams ni rtog ge'i sbyod yul ma yin no/ /maN+Dal dag ni phyogs las thams cad rab tu snyoms/ /dper na ro langs dang ni sa bra ko ne bzhin/ /dpa' bo ngo mtshar nor bu shel bzhin no/ /zhes gsungs te/ de dag ni gnas lugs kyi gdud ba gcad pa'i gdams pa zhes bya ste dang po'o// //de nas mkha' 'gro ma sib ha d+ha ras/ /slob dpon Do ma b+hi he ru ka la bsgom pa'i don brdar gsungs pa ni/ /gnas ni chang ching dag gam dur khrod du/ /bdag med mi yi mdza' mo dag dang phrad byas la/ /yid ni rab dga' i bsam pa yis/ /dper na las zin? pa'i skyes bu bzhin/ /dman pa'i don stor nam mkhar khyer bar bya/ /chu bo chen po rgyun du bab pa bzhin/ /drang srong ku sha gtsang ma'i steng du bzhag/ mar me'i rtse mo rlung gis mi bskyod dang/ /me long g.ya' med bzhin du gsal bar phyi/ /bu ni yid 'ong bral ba'i ma bzhin du/ /rus sngal dang ni mkhar gzhong nyi ma la/ /rtsal dang ldan pa'i 'phong slob brtson pa ste/ /bsdams pa'i btson ni nges par grol bar 'gyur/ /sa le sbram las byas pa'i rgyan bzhin du/ /bu ram dag gi ro la myang bar bya/ /zhes gsungs pa ste/ de dag ni bsgom pa'i gnas lugs kyi gdud ba bcad pa'i gdam pa zhes bya ste gnyis pa'o// //de nas mkha' 'gro ma mA las slob dpon he ru ka la spyod pa'i don brdar gsungs pa ni/ /bag ma dang ni smyon pa'i tshul bzhin te/ /glang po btsongs la phag dgod bsad par bya/ /nya ni rgya mtsho chen por

  297. 149a

    yangs pa che/ /nags rnams me yi phung por rab tu bsreg/ spyan gzigs zas la rtag tu longs spyod bya/ /des 'ga' mgyogs pa'i rta la bzhon pa bya/ /gri gug rnon po'i mtshon cha dag gis ni/ /lce sbyang dur khrod dag tu rnam par rol/ /'dab chags khra yi rtsal ni shin tu drag/ wa ni dur khrod nyid du shin tu gzhol/ /chang 'thungs pa dang yul rnams gzhol ba 'dra/ /me tog dag la bud ba rgyu ba bzhin/ /bu chung dang ni seng ge me long mtshungs/ /stag ni 'jigs pa med par kun tu rgyu/ /lkugs pa dag ni kha las khyod ma 'da' / /zhes gsungs pa ste/ de dag ni spyod pa'i gnas lugs kyi gdud ba bcad pa'i gdams pa ste gsum pa'o// // de nas mkha' 'gro ma ki ka ro ma has/ slob dpon Dob+haM? ha ru ka la nyams su myong ba'i don brdar gsungs pa ni/ /dkar po tshes ni zla ba'i rim pa ste/ de dag ni spyod pa'i gnas lugs kyi gdud pa bcad pa'i gdams pa ste gsum pa'o// // 'khur ba chus bkang ba ni sma mi byed/ /khug rna lta bu rna ba'i rnam pa yin/ /dbul po'i rang bzhin gter ldan shin tu ngo mtshar che/ /lan tshwa chu nyid la ni rab tu thim/ /nam mkha' i nyams las 'da' bar mi byed do/ /bslus pa'i chos rnams la ni re bar mi byed cing/ /ral gri'i ngar ni snam gyis nyams par 'gyur/ /rgyal po dag ni rkun pos 'jigs mi byed/ /wa yis seng ge skrag par 'gyur ma yin/ /mkha' lding rnams ni mkha' las dbangs mi dma'/ /'di nyid yin dang ma yin gang yang min/ /sus byas gang yin go ba su zhig yin/ zhes gsungs pa ste/ de dag ni nyams su myong ba'i gnas lugs kyi gdud ba bcad pa'i gdams pa ste bzhi pa'o// //de nas mkha'

  298. 149b

    'gro ma ma tre yis slob dpon DoM b+hi he ru ka la 'bras bu'i gnas lugs kyi gdung ba bcad pa'i brdar gsungs pa ni/ yi ge bzhi pa dag gis zla ba rgyas/ /he ru ka'i nam mkha' i dang nyid de/ /rdo rje dang ni pad+ma yi ge bral/ /kha Ta'M ga ni nyi ma'i 'od zer bzhin/ /rdo rje dang ni ljon shing 'bras bu ste/ /bya ni dang ba chu na rtag tu gnas/ /pad+ma'i sdong bu 'dab ma ra tu rgyas/ /Da ma ru ni bung ba'i rtsi dang mtshungs/ /bdud rtsi skal ldan rnams la chu shel te/ /rin chen bdun la rgyal pos mnga' yang mdzad/ /rnam grangs rnams na ris kyis shes la bkab/ /kun 'dar ma la bye brag gang yang med/ /rtsal rdzogs pa yi seng ge gangs la gnas/ /shel ni phyi nang med par shin tu dag/ btso ma'i gser ni dri ma'i g.ya' dang bral/ zhes gsungs pa ste/ de dag 'bras bu'i gnas lugs kyi gdung ba gcad pa'i gdams pa ste lnga pa'o// //mkha' 'gro ma ma ha las/ /slob dpon DoMb+hi he ru ka la/ /gong du gsungs pa de dag kyang/ gnyis med kyi rnal 'byor du bya ba'i brdar gsungs pa ni/ rgyal po rnams ni rin chen skal dang ldan/ /sman pa bzang dang phrad par gyur pa las/ nyi ma'i dkyil 'khor mun pa sel ba ltar/ /rus sbal rgya mtsho dag tu 'gro mi 'gyur/ /stobs ldan gyad kyis pha rol 'joms par byed/ /ri bo 'gyel na chu rnams 'grub par byed/ /nags khrod dag na rdon pa glu rnams len/ /me shel ras bal 'dus pas me 'byung 'gyur/ /gser 'gyur rtsi ni shin tu ngo mtshar che/ /chu dang bcas pa'i skye shing lo 'dab rgyas/ /sbur len nor bu dag ni sdur rnams sdud/ /shes pa rnams ni gzhan gyi lus la 'jug/ sgre'u rnams ni dran par ldan pa ste/ /mnyan pas 'gro ba dag ni sgrol bar byed/ /ga bur sbyor bas tshad pa'i nad rnams sel/ /dge slong

  299. 150a

    bag dang ldan pa gso sbyong byed/ /rigs ngan rgyal po'i khab tu mi gnas te/ /bcad par gyur na ta la'i lo 'dab med/ /sgyu ma mkhan po sgyu ma'i longs spyod mkhas/ /rgyal po'i bu mo rgyan dang rab tu ldan/ /gar mkhan rnams ni gar gyi rnam pa byed/ /sgrang ma rnams na ngan skyugs nang du rgyug/ zhes gsungs pa ste/ de dag ni gnyis su med pa'i rnal 'byor gyi gnas lugs kyi gdud ba gcad pa'i gdams pa ste drug pa'o// // de nas mkha' 'gro ma ba tos/ /bla ma zangs glod pa na ga bur la/ /zung 'jug gi rnal 'byor gyi brda gsungs pa ni/ /khri snyan sa le snying rje ldan pa ste/ /ma ni bu la rab tu chags pa'o/ /bu ram shing las bu ram 'byung ba ltar/ /rgya mtshor phyin pas nor bu rnyed par 'gyur/ /chu yi nang gi zla ba sel mi byed/ /nor bu me shel rtsol sgrub dag dang bral/ /rgyal po'i btsun mo rgyal po nyid kyang yin/ /tshong pa chod 'dus dag tu gnas par byed/ /rdza mkhan dag ni so btang rdza la spyod/ /sprin dang bral ba'i nam mkha' rab tu dangs/ /dmu rgod mi srun brtul bas zhon par byed/ /mdza' bo dag gis bsrungs pas re ba med/ /rmi lam sang pas dgra dang yongs su bral/ /khyim bdag mtshon cha'i 'khor lo rab tu rno/ /chem rkun rab tu mang bas mel tshe mkhas/ /chu rnams ma lus rgya mtsho ro gcig 'gyur/ /pha lam rdo rjes dngos po thams cad 'bigs/ /smig rgyu'i chu yis gdud bar mi byed do/ /gzha' tshon yal ba dag la sdug bsngal med/ rmi lam rmis pa'i nor la ster mi byed/ /brag ca'i sgra la rang nyid dga' ba ste/ /bram ze chang 'thung ba ni shin tu gsang/ /rnal 'byor rnal 'byor rnal 'byor shin tu che/ /zhes gsungs pa ste/ de dag ni zung 'jug gi rnal 'byor gyi

  300. 150b

    gnas lugs kyi gdung ba bcad pa'i gdams pa ste bdun pa'o// //de nas mkha' 'gro ma khaN+Da ro has/ /slob dpon DoMb+hi he ru ka la/ /padmo kha 'byed pa'i gdams pa brdar gsungs pa ni/ /dbul po rnams ni nor med sdug bsngal de// nam phyed mtshan mo dag gi dus su ni/ /rgyal po'i bang mdzod bdag nyid brku bar bya/ /ma skyes dpe med mdzes pa'i grogs brkus la/ /shin tu mgar ba mkhas pa'i lde mig gis/ /gze ma bzhi bsten sgo lcags dbye bar bya/ /slar yang sgo de dam du bcad par bya/ /rked stan gzhug cing skad gzer bsdam par bya/ /sgo ba po de yongs su bsad bya zhing/ /'bru mar 'bar ba bstegs byas la/ /btsa' med lcags la byas pa dag gi gros/ /rgyal po'i btsun mo dam pa mgo bcad de/ /dmag dpon chen po dug gis bsad par bya/ /mal tse ba dang blon po rnams kyang bsad/ /de nas rgyal po'i bang mdzod kha phye la/ /gos bzang dag gis yongs su dril ba yi/ /gser dang dngul gyi ga'u kha phye la/ /phyogs med pa yi nor bu rin chen blta/ /mar me dang ni dang ni nam mkha' i bu mo'i tshul/ /nyi m dang ni zla bas bdud rtsi 'thigs/ /che bas che ba'i rab tu che ba nyid/ /rma bya khyi dang phag dang smyon pa nyid/ /sha za bung ba shin tu rol par byed/ ces gsungs pa ste/ de dag ni padmo kha dbye ba'i man ngag gi gnas lugs brdar gsungs pa'i gdams pa ste brgyad pa'o/ /de nas rnal 'byor pa tai lo pas dpal nA ro pa la/ /bla ma'i chos bcu drug pa zhes bya ba'i gdams pa brdar gsungs pa ni/ /sa gzhi bzang po dag gi padmo kha dbye ba'i man rnams kyis las la ma zhugs shing/ /sdug bsngal nad kyis gzir ba bsal ba'i phyir/ /ded dpon lta bu dag gis sems bskyed la/ /mu tig 'phyang ba chen po gzung byas la/ /'byung ba sa chu me rlung dbang du bsdus/ /rgya mtsho chen po bzhi nas

  301. 151a

    rin chen btsa/ /sbrang rtsi'i bcud ni mar gyis snying por ldan/ /goms par bya zhing bzo la byang bar bya/ /phye ma lab dang ri dags bud ba dang/ /nya dang glang chen dag las rab tu grol/ /dug med sa? ma phogs phog kyang slar la gso/ /tha rgod chu yis rab tu bangs par bya/ /rab tu nor mang phyug cing shin tu phyug/ zhing pa'i las la rab tu gus par 'gyur/ /ma yis bu ni rab tu smin par byed/ /'joms byed seng ge'i bla ma de dag la/ /lus ngag yid gus yo byad ci dgos dbul/ /gus par ldan pas de 'dra yang dang yang/ /brtsal med bsten cing bsnyen bkun rab tu 'bad/ /ces gsungs pa ste/ de dag ni bla ma chos de rnams dang ldan pa'i sdig pa'i grogs po spang ba ste dgu pa'o// // de nas rnal 'byor pa tai lo bas/ /dang la nA ro pa la slob ma'i chos bcu gnyis pa zhes bya ba'i brdar gsungs pa ni/ /gcan zan mche ba dag gis ma rungs rma med pa/ /sdug bsngal btson ra 'di na yun ring nad kyis thebs/ /khang bzangs dam pa nad med bde ba yon tan ldan/ /klu yi rgyal po 'gro la char rgyun rtag tu 'bebs/ /dug sdong lo 'dab rgyas pa'i lo 'dab 'bras bu chags pa med/ /spu gri'i sor chags sbrang rtsi'i do rnams rtag tu spong bar byed/ /bde ba'i chos kun gsod par ldan pa'i skyes bu sems stobs ldan/ /rma yod bag yod gnas mi byed/ /mi bzod nad kyis gzir ba sman pa dag la rab tu gus/ /skom pas rab gdungs nges par btung ba 'ba' zhig sgrub par byed/ /rlan bral dus spal rgya mtsho chen po mthong na rab tu dga' / /mgo la me lces zin pa myur du sel bar byed/ /rin chen snod mchog de dag tu/ /ro mchog bcud kyis nges par 'gengs/ /mun pa dag la sgron mi bzhin/ /skal ldan bya ba gsal bar byed/ /slob ma chos de rnams dang ldan

  302. 151b

    pa bsten/ /de las zlog pa spang bar bya'o/ /slob ma bsten pa'i gdud ba bcad pa'i gdams pa ste bcu pa'o// //de nas mkha' 'gro ma kaM ka ro ma ha sa/ bla ma zangs gling pa nA ga pu ra la/ /'khrul pa'i shes pa gcad pa'i brda brgyad gsungs pa ni/ /byis pa chu dud gyur pa rnams kyis ni/ /me long bzhin la tha dad dag tu rtogs/ /shin tu blo gros dman pa'i ri mo mkhan/ /rang gis bris pa'i ri mo dag la sgrag/ mkhris pa'i nad kyis btab pa'i mig can dag/ mthong ba'i yul rnams dag la chags sdang skye/ /ji ltar dar gyi srin bu dag gis ni/ /rang gi kha chu'i rnam pas 'ching bar byed/ /mi mkhas dman pa'i gang zag la rje? ni/ /sgyu ma'i 'phrul gyi rnam pas bslus pa yin/ /rgya dang snyi la sogs pas ri dags ni/ /rang dbang med par rab tu bsdams par 'gyur/ /mi mthun dgra yis zin par gyur pa'i btson/ /lcags sgrogs dam pa dag gis bcings gyur la/ /rmi lam na ni khri mun dong bcug pa/ /de tshe sdug bsngal mi bzod skye ba yin/ /bla ma bsten cing des shes bskyed/ /gnyug ma goms par bsten par bya/ /'khrul pa yi ni shes pa nyid/ /rig pa nyid de ye shes nyid/ /'khrul pa'i shes pa spang byas la/ /gnyug ma'i ye shes goms par bya'o/ /'khrul pa'i shes pa ngo shes par bya ba'i gdud ba bcad pa'i gdams pa ste bcu gcig pa'o// //lho phyogs kyi grong khyer du mkha' 'gro ma pi la de wis/ /rnal 'byor pa'i smon pa'i brtul zhugs la ri ta pa la la/ de kho na nyid kyi rnal 'byor nyi shu brdar gsungs pa ni/ /zhing pa rnams ni rim gyis las la 'jug/ shing rta dag ni 'khor lo gnyis dang ldan/ /dpe med nam mkha' nam mkha' nyid du gnas/ /rig pa'i mdas ni thams cad 'bigs par byed/ /chu'i nang du utpal shin tu mdzes/ /rtog pa bral ba

  303. 152a

    rgya mtsho chen po nyid/ /mun nag rab tu spangs pa nam mkha' ste/ /drang srong nags khrod gnas pa shing lo'i gos/ /rtsal rdzogs seng ge gangs la dud gnas/ /'dab ldan bya ni mkha' la mthon por gcod/ /sman mchog pe ta'i 'bras bu gdod nas grub/ /'bru mar sdod khyer skad cig tsam mi yangs/ /dka' grub can ni shin tu bag dang ldan/ /ri yi khrod na ljon shing rab tu rgyas/ /bram ze 'jug dogs dag ni dri ma 'khru/ thag pa'i 'gyur ba lhod par lhod gang gA'i chu ni rgya mtsho chen por 'bab/ /gdol ba dag ni rtag tu slong mos 'tsha/ /mdzes pa rtag tu mo long lta bar byed/ /? rgyal ri bo mchog ri ba rtag tu brtan/ zhes gsungs pa ste/ de dag ni de kho na nyid kyi rnal 'byor nyi shu brdar gsungs ba'o/ /de kho na nyid kyi rnal 'byor shes par bya ba'i gdud ba bcad pa'i gdams pa ste bcu gnyis pa'o// //de nas rnal 'byor rtsi te mas/ rje btsun ri khrod pa la/ /cag bcas kyi bde ba las su rung byar bya ba'i phyir/ /gdams pa brdar gsungs pa/ rten cing 'brel pa dag gi las rnams ni/ /phun sum tshogs pa thams cad 'grub par byed/ /dus rnams kun dang zla brgyas pa yin/ /mun pa'i tshogs rnams des ? bsel byed na/ /che ? pa'i zhing pa dag gis ni/ /'bras bu'i nus pa yongs su skyed par byed/ /'khor lo gnyis dang rab tu ldan pa yis/ /shing rta mgyogs pa'i shugs kyis pha rol 'gro/ /rten thabs mkhas pa rnams kyi chu lung kyis/ /zhing pa'i myu gu rab tu rgyas par byed// ji srid 'dab ma rdzogs pa'i bya/ /de srod 'jam pa'i tshad na rten par byed/ /tshang pas gdungs pa'i dug gis sbrul rnams ni/ bya ba gzhan dag btang nas tsan dan steg/ zo chu rgyun mkhan 'dod par ni/ /chu rnams ji ltar srid par byed/ /'dini

  304. 152b

    thun mong ma yin gdams pa ste/ /rtag tu bla ma mchog la grus pa dang/ /tshogs bsags rgyud sbyangs pa yi spyod yul te/ /skyal ba dang ni ldan bas 'bad par bya/ /zhes gsungs pa ste/ de dag ni ting nge 'dzin gyi grogs stobs yan lag brdar gsungs pa ste bcu gsum pa'o// //dur khrod chen po ha har sgrogs pa zhes bya bar slob dpon chen po Dob+hi he ru kas/ tshogs kyi 'khor lo'i mchod pa'i dus su/ 'du bar 'os pa'i rnal 'byor pa rnams la 'di skad ces gsungs so/ /rdo rje slob dpon du gyur pa rnams kyis ba bcol du bdud rtsi chu bo lta bu'i gdams ngag mi bya bar/ /gdam pa bran ltar rang dbang med pa'i mi rnams la/ /rje bo bzhin du bde ba'i dus skabs med/ /g.ya' ma phyis pa'ime long ngos dag la/ /bzhin ni gzugs brnyan gsal bar 'gyur bamed/ /rgyud dang bral ba'i gzhu dang 'phongs mkhan dang/ /rtsal dang ldan yang srid mi byed/ /stod nang ma bkus shin tu btsog pa'i nang/ /ro mchog zas pa dang dag gis 'gengs ba med/ /tshad ldan zhing pa mkhas pa dag rnams kyis/ dus min sa bon 'debs pa yongs su spongs/ /rkun po blo gros gzhan la gtams bas na/ /brkus par gyur kyang sdug bsngal rtag tu skyed de/ /btsung shing yan lag rdzogs par ma gyur pa/ /me ni 'byung bar rung ba nam yang med/ /bag yod blo ldan mkhas pa gang zhig gis/ /zhabs med snod du bcung rnams blugs mi byed/ /'bru mar 'bar mi 'dod skyes bu ni/ /rtag tu rlung rnams g.yo bar byed cing gnas/ /dug can sprul ni mkhas pa dag rnams kyis/ /mthong bar mi 'dod thag ring yongs su spod zhes gsungs pa ste/ /de dag ni slob dpon DoM b+hi he ru kas rdo rje slob dpon du gyur pa rnams la bdud rtsi lta bu'i man ngag snod ma brtags pa rnams la mi

  305. 153a

    brtan pa ste bcu bzhi pa'o// //rje btsun nA ro pas/ bla ma gangs gsed ba la/ /nor bu rin po che nges gzung ba'i gdams ngag bstan pa ni/ nang gi mun pa'i rgya mtsho chen po ?/ /rin thang med pa'i nor bu rab stor bas/ /ze ma lnga dang rab tu ldan pa yis/ /mche ba gnyis gtsigs phag pa zos par 'gyur/ /lcags sna gsum la brdungs pa'i ral gri yis/ /phag pa'i sha dang rus pa so sor dbye/ /de nas nor bu rin chen btsal bar bya/ /rnyed par gyur na chu yis bkru/ /de nas rgyal mtshan rtse la phyar bar bya/ /'dod pa'i don le gsol ba gdab pas 'byung/ /dri ma med pa'i nor bu rin chen de/ /nges par nam mkha' i dkyil du sba par bya// nor bu lhun po ri yi rtse la gzhag/ nor bu me dang chu yis rab tu gdul/ /nor bu bya yi 'dab pa gdags par bya/ /nor bu chu bo chen po'i gzhung la bskur/ /nor bu mar me'i ngos la bstan par bya/ /nor bu smon pa'i lag tu gtad la gzhag/ nor bu me long ngos la bstan la bzhag/ nor bu ngas pa la phung po'i steng du gzhag/ nor bu rin chen dri za'i grong du bcol/ /nor bu rin chen rgyal po'i gter du ? bar bya/ /nor bu rin chen me dpung dkyil du sla// nor bu rin chen rkun po'i nor nyid yin/ /nor bu rin chen shel gyi steng du bzhag/ nor bu nor can bstan pa'i nor/ /nor bu'i nor ni btsa' zhes gsungs pa ste/ /de dag ni ye shes kyi nor bu ngos bzung ba'i thabs brder gsungs pa'o/ /rangs gi gnyug ma'i de kho na nyid kyi ye shes ngos gzung ba'i gdung ba bcad pa'i gdams pa ste bco lnga pa'o// //slob ma skal ldan tshogs bsags rin chen lta bu'i gang zag 'di dpag tu med pa'i gdams ngag rnams kyis

  306. 153b

    rgyud ngag yongs su sbyangs gyur kyang/ /gdung ba chad par ma gyur bla ma rnams kyis yongs su gdungs gyur pa/ /gdams ngag rnams dang bla ma'i gdung ba bcad phyir brgyud pa'i man ngag bkod/ /rje btsun mchog dang rdo rje mkha' 'gro'i tshogs rnams bzod mdzod la/ /de las byung pa'i dge ba zla ba lta bu'i dri ma med pa nges/ 'gro ba ma lus yid kyi gdung ba yongs su bcad par gyur nas kyang/ /phyag rgya chen po'i dri med sa la ma lus yongs su rdzogs gyur cig/ mkha' 'gro ma'i gdams ngag snyan nas snyan du brgyud pa'i gdung ba bcad pa'i gdams pa zhes bya'o/ /sprul pa'i rnal 'byor pas gzhung du bkod pa rdzogs so// // */ /rgya gar skad du/ ma hA mu drA badzra gI ti nA ma/ bod skad du/ phyag rgya chen po rdo rje'i glu zhes bya ba/ dpal sha ba ri dbang phyug la phyag 'tshal lo/ /na mo d+harma kA ya mahA su kha ye/ kye 'o gnyis med rdo rje 'di ltar nyon/ /gang zhig mig med pa yis lam mkhan bsten/ /bu chung dpa' bo ma la rag lus te/ /me long bstan pas bzhin gyi dkyil 'khor gsal/ /ngang pa'i mchu yis chu dang 'o ma 'byed/ /bskal pa'i mun pa sel byed sgron me ste/ /gter gyi bang mdzod 'byed pa'i lde mig mchog/ mi zad gter chen 'byin pa'i rgyal po bsten/ /dbul po bsten pas bdag nyid dbul por 'gyur/ /nam mkha' rgya mtsho nyi zla gsum ldan bsten/ /ne tso'i kha thon snyan pas ci zhig phan/ /'dab chags bu ni mkha' la spur na bde/ /dud 'gro g.yang la bskyur na gson mi rung/ /nyi zla gza' bral sprin pa rlung btab gsal// sbyin? sangs gyur kyang ? zin snang ba med/ /chu skyes pad+ma'i bcud ni bung bas len/ /'di sbal drung na gnas kyang de lta min/ /chu shel chu ni rkyen dang 'jom pa ces/ /seng ge'i 'o ma snod ngan phal par ma ni/ /oM A:hUM e ma ho/ /snang ?

  307. 154a

    thams cad nam mkha' nyid las byung/ /nam mkha' yod med phyogs rgyu kha dog bral/ /thog ma bar dang tha ma 'gro 'ong med/ /'byung bzhi rab tu 'khrugs kyang 'gyur mi srid/ /rkyen gyis dkar nag snang yang dkar nag med/ /rgyal mtsho gting zab rgya che sna tshogs 'tshar/ /rba rlabs ri bo 'dra yang rgyu mtsho'i dang/ /'khyag rom brag 'dra chu las yongs ma 'das/ /sa la sna tshogs 'khrungs kyang zad pa med/ /bsregs bcad bdar yang gser gyi ngo mi 'gyur/ /me ni tsha zhing chu ni rlan mi 'bral/ /sprul pa drug ni rab tu rtogs par gyis/ /nam mkha' stong las stong pa 'byung ba ste/ /rkyen gyis me chu 'byung yang shel gyi ngo mi 'gyur/ /bka' rtags phyag rgya gnyug ma zhes brjod do/ /sa 'og gseng dang gyad kyi nor bu dang/ /dbul po'i gter dang bum pa'i mar me ltos/ /nor bu rin chen mi gtsang 'dam du bying?/ /sgyu mar ma shes rgyal po a thang chad/ /thag ba sprul du mthong bas brgyal nas shi/ /mar me nyi ma dmus long mun par snang/ /mi gtsang dri za tsan dan sgril 'phros?/ /mig skyon can gyis zla ba gnyis su mthong/ /glang po bzhag nas glang po'i rjes tshol ba/ /bu chung me long gzugs brnyan mthong bas dga' / /ri dags 'khrul pa smig rgyu chu la snyeg /gser ma shes pa dag na phye ma 'chang/ /sko chu glang rjes chu ni myung du skam/ /rgyal med pa dag rgya mtshor zhugs na 'bying/ /lam mkhan med par dmun long lam 'gro dang/ /'dab gshog med pa'i bye brug 'phur na ltung/ /dug lo bregs nas bskyur byang ci zhig phan/ /mun khrung? dag tu sgron ma bteg pas bsal/ /thag pa gcig chod mdud pa brgya srol? te/ /thag pa mes tshig dag gis 'ching mi nus/ /gser 'gyur rtsi yis zangs lcags gser du 'gyur/ /rma bya bcan dug zos bas spu thog rgyas/ /mig dang ldan pas rkang pa gar bzhag phyin/ /dbang gi rgyal po gcig

  308. 154b

    la 'dod dgu rdzogs/ /khyung phrugs gshog rdzogs mkha' la spur na bde/ /mar me bteg pas mun pa'i lam gsal zhing/ rung? shes sgrag tu bcug pa phye bas grol/ /dang pa chu la 'o ma len pa ltos/ /dgra skugs btsal bas 'jigs pa sangs nas 'gro/ /nam mkha' i ma mthong nam mkha' mthong ba ste/ /rgya dang rgya'i 'bung ni log par 'byung/ /mar me bsad pas lus dang grib ma med/ /sgyu ma bshig pas 'du shes rnam lnga spangs/ /chu la chu bzhag de nyid dbyer med 'gyur// nam mkha' i me tog ri bong rwa zhes bya/ /gzings la 'phung ba'i bya ni slar la ldog/ gang zhig 'khyag? rom spangs nas chu tshol pa/ /rgyu rkyen rtsol bas byas pa rang 'byung min/ /dbul po mi nor rgya yis 'debs pa dang/ /sa bon 'bras bu tha dad 'dzin pa 'khrul/ /rkun mo ngos ma zin par ? mnga' spron/ /kye ma 'di ni sprul? dang rigs sngags mtshon cha 'dra/ /rta rngas? sgral? la mdud pa brgyal bgrol/ /mkha' la mdung bskor las zin skyes bu bde/ /khyung chen mkha' lding nyam pa 'jigs pa med/ /ri mthon kha na yul khams sna tshogs gsal/ /bu yi sdug bsngal ma yis mthong mi bzod/ /ral gri bar mas dngos po ma lus gcod/ /smyon par gyur kyang dug la reg mi byed/ /bu chung yon yang gtsug gi nor mi 'bral/ /a: oM hUM/ a ma ho/ /me don gnyer bas du ba shugs kyis 'byung/ /nor bu rnyed na so nam 'bad mi dgos/ /mi gcig skyes pas shing la 'dod lnga 'byung/ skyur bo zos na mthong pas nyams su myong/ /sngar 'dris mi dang phrang na the tshom med/ / skyes bu nam mkha' bzung pa thar mi srid/ /rmi lam sgyu ma'i mtshon gyis gnod pa med/ /dngul rdo 'o ma bur shing til mar ltos/ /chu ni mthong dang thos pas skom mi sel/ /sman pa'i dag mi nyan pa'i nad pa de/ /zas nor byin pas rang nyid bkres nas shi//

  309. 155a

    gter mdzod bgrangs pas rang gi thob pa med/ /'o na pa sil snyan long pa ri mo mkhan/ /byis pa man gtam dmus long yul khams ston/ /sgo da ma yis gab na byi phrug smin/ /rdo la gzhu brtul byas na rin chen nor/ /sbang ma mnan nas bsings pas gar chang 'byung/ /bu chung gsos pas dpa' po'i las rnams nus/ /rgyal bu tshar nas yul khams dbang thob ste/ mkha' la sprin dengs 'khyag pa chur thim 'gyur/ /mkha' ldings rgyal po spro bsdu med par gnas/ /chu ni ma rnyogs rang dangs nyid du zhog/ ji ltar mkhas pa ba lang skyong ba bzhin/ /brtan gsal rno ba mar me'i snying po ltos/ /sgyu ma'i skyes bu chags zhen rtsis gdab med/ /bya ni nam mkhar rten med gnas par byed/ /chos ma rnams kyis ras gos dag par bkru/ /mkhar sbe rtsi gsan 'gram gzhi legs par thim/ /ma yi sdug bsngal bu yis mthong bar gyis/ /yid bzhin nor bu spyi bo'i gtsug tu gzhag/ nam mkha' lnga na 'ja' tshon lus su bsgyur/ /dmu rgod rta ni thabs kyis zung la tshos/ /ri gzar 'bab chu yang yang brdabs na drungs/ /spre'u zin na kun la yang rtsal sbyangs/ /bsags pa'i yo byad chags med kun la sbyin/ /bying zhing rmugs na 'dab chags mkha' la sbur/ /yang na bung pa kha spyod rlung gis khong/ rgod na khang stong rkun ma sbrin la ltos/ /rgya mtsho'i rba rlabs chu zlar shes par bya/ /rkun ma mthong zhing tshor na ldog par nges/ /rtsa ba sman na thams cad sman zhes bya/ /nor bu rin chen sa yi gter du sba/ /yang na ri dags gar song dad la gsod/ /ltogs na dugs la sngags kyis btab la bza' / /snyoms las byis pa'i nyam da g.yang sa ltos/ /snying la gces pa dur khrod gnas su skyol/ /na tsha byung na rgyal pa stong par gyis/ /de la bu ga thod la

  310. 155b

    mes chig me la gdungs/ /sman ma zhun slar yang nad du 'gyur/ /rtsa dang gsar gnyis 'ching byang khyad par med/ /shes pa 'thums na yul khams skor zhing blta/ /rkang 'gros bul na 'og rta rol la sbos/ /dpa' rtsal zhan na dpa' rtsal? kun la sbyang/ /me don gnyer bas gtsub shing drag tu bsrub/ /ri bo mi bskyod chu bo rgyun chad med/ /gser gling phyin nas sa rdo btsal mi rnyed/ /shing bal 'dab ma shin tu yang la sogs/ /yid bzhin nor bu yod na dgos 'dong 'byung/ /AM(rgyud 'grel): oM hUM/ e ma ho/ /bya 'phur nam mkha' dag las mi 'da' ste/ /sna tshogs nang bu chen gyi kha dog snang/ /gser dang gser gyi rgyun la 'gyur ba med/ /'dam skyes pad+ma 'dam gyis mi gos so/ /gang dag 'jigs sar skyel ma sangs nas 'gro/ /rgyal po gang zhig rgyal srid por nas 'khyam/ /sum cu rtsa gsum thos pa ne tso'i chos/ /chu la mar khu blugs pas 'dre bar min/ bya rgod snyis zin glang chen 'dam du bying/ /nor bu rin chen lung khung dag tu bor/ /rgyal blon 'dzom na rgyal sris mnga' thang 'phel/ /mig dang rkang par ldan pas don sar phyin/ /dpa' po'i go mtshon blon po bka' rtsags khyer/ /rtsis med smyon pa zhen med bu chung dang/ /rtog med phag dang glang chen chur 'jug ltos/ /phag rgod rnams ni du ka sbrul mi gtong za/ /dbul po rin chen rgyal po'i mkhar du sba/ /gso sbyong sbyad rnams rig pa mda' yis bsnun/ /yul khams kun gyi dgra rnams srid du bcad/ /dpa' bo gang yin de yis dgra rnams 'dul/ /mkha' lding rgyal po phye leb spyod yul min/ / rigs ban rgyal po wa yis seng pags gyon/ /nags la me mched ? du gar bab sreg/ me 'bar ba la rlung gis bskyod na 'bar/ /rin chen snod sbyar phyis pa bsad/ /smyon pa bu chung khyi phag seng ge bzhin/ /a:aoM hUM/ e ma ho/ /chu rnams thams

  311. 156a

    cad rgya mtsho chen bor gcig/ gang zhig ltogs pa'i dus su zas ster ba/ /nad rnams gso ba sman pa'i rgyal bo ste/ /chu bo chen po sgrol ba'i mnyan pa mchog/ gnod pa'i dgra rnams 'dul ba'i dpa' bo ste/ /dge bshes rgyal po phyogs med kun la snyoms/ /mkhas pa dag gis 'cha' tshon lta bar bya/ /gnang du bsnun pa'i tshor ba spongs pa med/ /bung ba me tog dag la chags zhen bral/ /nya ni rtag tu chu las yong mi 'da' / /rtsi sman yod kyang dug la reg ni byed/ /ji ltar phyug po so nam byed pa ltos/ /seng ge'i 'o ma klugs pa'i kha bzhin bsdams/ /smon pa rang gi snying la mtshon bsnun dang/ /gshed mas zin pa'i chad pas bcang pa'i mi/ /sa bon rul ba myu gu yong mi skye/ tshe lo sum cu nyi shu bcu ba bzhig /gang zhig ye shes nyi ma shar nas nub/ /dbul pos nor bu rin chen rnyed nas bor/ /gang dag cang shes rta lo zhen nas 'bab/ /ji ltar dbul po'nor bu rgyal pos phrogs/ /yid bzhin nor bu mchod na dgos 'dod 'byung// dngul dkar me long yang yang phyis na gsal/ /brgya byin lha yi longs spyod 'bad ba med/ /me tog pad+ma bung pa'i tshogs rnams 'du/ /a oM hUM /e ma ho/ /po ta la la nam langs nyi shar mnyam/ /'jim pa'i logs la gtab pa'i bde gshegs sku/ /myu gu me tog 'bras bu rim gyis smin/ /dbang po skyon dang bral na gzugs rnams mthong/ /shel gong dri ma med pa phyi nang gsal/ /sgyu ma mkhas ba sbrul ba sna tshogs ston/ /rdo rje pha lam gang gis gzhom par min/ /yid bzhin nor bus mi mthun gnod pa sel/ /seng ge mngal rgya khyung phrug sgong rgya bral/ /mkha' la nyi shar 'od zer phyogs bcur khyab/ /srin bu bud pa gnas gyur mkha' la 'phyo/ /yid bzhin nor bu rtog med dgos 'dod 'byung/ /rang gi grib ma mthong

  312. 156b

    bas 'bros pa dang/ /ri dags smig rgyu rnyog pa nor ba ste/ /dgra la zin du mthong na nges par gsod/ /'khyag pa'i rang bzhin chu ru shes par byos/ /nyi zla'i ngos la 'char nub gsal 'grib med/ /rin chen byi dor byas na dgos 'dod 'byung/ /e ma ho/ /de ltar bstan pa'i don de thams cad kyang/ /rang bzhin las dang 'bras bu gsum de gnas/ /gzhi la chos sku lhun gyis grub pas na/ /de phyir sku gsum gyis grub par gnas/ /rang bzhin stong pa rnam par thar pa'i sgo/ /lam ni mtshan med rnam par thar pa'i sgo/ /'bras bu smon med rnam par thar pa'i sgo/ /sgo gsum phyed pas sku gsum zhal mthong 'gyur/ /'on kyang thams cad brdzun pa'i rang bzhin la/ /don la ched du bya bci yang med/ /shin tu gsang ba rdo rje'i tshig 'di dag/ khyod kyi ye shes rig pas rtogs par gyis/ /dpal sha ba ri dbang phyug dang/ mkha' 'gro ma ye shes kyi spyan dang/ /pad+ma'i spyan gyi zhal snga nas snying po'i don mgur du bzhengs pa phyag rgya chen po rdo rje'i glu/ brda rgyud gsang ba'i sgron me rdzogs so// // rgya gar skad du /badzra g+hi? ti/ bod skad du/ rdo rje'i blu/ bcom ldan 'das 'jam dpal la phyag 'tshal lo/ /rnam par rtog pa'i gdon chen pos/ /zin par gyur pa'i smyon pa dag/ rdo shing sogs la gser du mthong/ /de la rin chen gser yod min/ /rnam rtog gdon gyi rjes 'brangs nas/ /skad cig skad cig bcings par 'gyur/ /shes rab snying brtser bcas pa yin/ /de gzhom pa la 'bad par gyis/ /slob dpon chen po nA ro pa'i rdo rje'i blu rdzogs so// // rgya gar skad du/ badzra gI ti/ bod skad du/ rdo rje'i glu/ bcom ldan 'das 'jam pa'i rdo rje la phyag 'tshal lo/ /rnam rtog sbrul gdug g.yo can gyis/ /zin par gyur to rang gi sems/ /ji ltar ji ltar rnam rtog ba/ /de lta de ltar rnam par bcings//

  313. 157a

    don med sdug bsngal mang po myong/ /'khrul pa'i rjes su 'brangs pa yis/ /'khrul pa spong bar mi 'gyur te/ /dpa' bo snying rjer ldan pa yis/ /de bzhin nyid la goms par kyis/ /ji ltar ji ltar rnam dpyad na/ /de lta de ltar rnam par bral/ /shes rab sdul gdug mgo mangs kyis/ /bdag nyid la ni za bar byed/ /shes rab sprul gdug mgo mangs ni/ /ting 'dzin 'o mas rtag tu gsos/ /rnam rtog ne'u le gsod par byed/ /shes rab sbrul mgo brgya pa yis/ /nA ro pa lo rtag tu za/ /de ni su yes shes pa yin/ /nA ro pa ni nyid kyis shes/ /nA ro pa ni nyid la dris/ /mahA yo ga nA ro pa'i rdo rje'i glu rdzogs so// //rgya gar skad du/ badzra gI ti/ bod skad du /rdo rje'i glu/ thugs rje chen po la phyag 'tshal lo/ /ji ltar na ng?/ de ltar na khyod/ tha dad par byed pa rnam par rtog pa/ bdud rtsi'i rgya mtsho las sprul 'ongs/ chom rnam par rtog pa/ rdo rje'i glu rdzogs so// //rgya gar skad du/ badzra gI? ti/ bod skad du/ rdo rje'i glu/ dpal rdo rje gdan pa la phyag 'tshal lo/ /smra'o/ /nag po pa'i yid gang du yang mi gnas par thams cad ca le tsal lar? snang ngo/ /slob dpon nag ? zhabs kyi rdo rje'i glu rdzogs so// //rgya gar skad du/ tsa tu ra sid+d+hi sam b+he d+ha h+ri dA ya nA ma/ bod skad du/ grub thob brgyad cu rtsa bzhi'i rtogs pa'i snying po zhes bya ba/ dag gi dbang phyug la phyag 'tshal lo/ /yang dag don rtogs sangs rgyas dang 'dra grub pa'i zhabs la gus btud nas/ /gang zhig sems can 'khor ba'i rgya mtshor mi dge las kyi chu srin gyis/ /rab tu g.yengs shing khrid 'gyur de dag gdon phyir rnal 'byor dpa' bo yis/ /grub pa dag gi nyams myong rtogs pa'i lta ba phreng bar bsdeb par bya/ /gu ru lU yi pa'i zhal nas/

  314. 157b

    khyi rgod mi srun sna la sbrang rtsi bskus pas phyogs rnams kun tu za bar byed/ /de bzhin blo dman skal min rnams la bla ma'i man ngag byin pas rang rgyud bsregs/ /skal ldan skye med rtogs pa rnams ni snang btug phrad pa cam gyis rnam rtog 'dzoms?/ /dper na glang chen rab brtan myos pa'i sna la ral gri btags pas dgra dpung 'joms/ /gu ru li la pa'i zhal nas/ tshad med bzhi yi dgon pa ru/ /rnal 'byor rgyal po seng ga bzhin/ /mgo la g.yu mdog ral lngas brgyan// rnal 'byor dbang rtags rigs lnga 'chang/ /seng ge'i sder mo bcu dag gis/ /glang po la sogs sha rus 'byed/ /rnal 'byor pha rol phyin bcu yis/ /rnam rtog mi mthun phyogs rnams 'byed/ /li las de ltar rtogs nas grol/ /gu ru birba pa'i zhal nas/ /phyag rgya chen po'i dang nas lhan cig skyes pa de/ /mi bsam mi rig bdag med rang gi dang la bzhag/ chad par mi 'gyur nyams su myong bar rang gis rig/ rtag par mi 'gyur mngon zhen med pas zung du 'jug/ gu ru Dom+b+hi ba'i zhal nas/ gser 'gyur rtsi yi nus pa yis/ /lcags rnams gseng du sgyur ba ltar/ /rin chen dbang gi nus pa yis/ /nyon mongs gnyis med ye shes bsgyur/ /gu ru sha pa ri pa'i zhal nas/ ma rig pa yi nags tshal du/ /bzung 'dzin gnyis kyi ri dags rgyu/ /thabs shes gnyis kyi gzhu brdungs nas/ /snying po don gyi mda' gcig 'phangs/ /'chi ni rnam par rtog pa 'chi/ /sha ni gnyis su med par zos/ /ro ni bde ba chen por myong/ /'bras bu phyag rgya chen po thob/ /gu ru sa ra ha'i zhal nas/ kye ho grogs dag lhan cig skyes pa de/ /gzhan nas mi brnyed bla ma dam pa'i zhal nas rnyed/ /don dam zhal gyi ngo bo de rtogs na/ /yid la 'chi ba med cing lus la 'chad pa med/ /gu ru kaM ka li'i zhal nas/ ji ltar nam mkha' stong pa

  315. 158a

    la/ /gcig dang gcig gnyis spangs pa'i gzugs/ /rang snang ye shes btsun mo de/ /dpe med tha snyad kun las 'das/ /gu du min pa'i zhal nas/ lcags kyu thogs pa'i nya pa ni/ /las dbang rgya mtsho'i nang du khyer/ /nya chan lus la brten bcas nas/ /lha chen gdams ngag nyams blangs pas/ /yon tan sa dang rdo dag gis/ /ma theg min pa zhes su grags/ /gu ru go ra kha'i zhal nas/ rigs ni rab dang 'bring dang tha ma ru/ /gnas pa'i rgyu la rkyen gyi stobs ldan pas/ /'gag med las dbang 'bras bu ngo mtshar che/ /gtso rang gi la byams sems bsnyen bkur byas/ /de rkyen stobs kyis sa bon rtas/ /ma tsind+ha yis 'chi med bdud rtsi brtan/ /go ra kha yis gnyis med de nyid mthong srid gsum brje yi rgyal po ngo mtshar che/ /gu ru gtso rang gi'i zhal nas/ thog med srid pa yul ring du/ /ma rig sdong po'i rtsa ba la/ /'du byed chu yis legs brlan nas/ /srid pa'i yan lag sna tshogs rgyas/ /ma rig pa ye shes chen de/ /bla ma dam pa'i gdams dag dang/ /shes rab gsum gyi ste'u yis/ /tso rang gi yis de nyid bcad/ /gu ru b+hi na ba'i zhal nas/ /phyin ci log la goms pa'i sgra/ /gus dang brtson pas dpyad byas nas/ /ma grol skye med sgra dpyad pas/ /b+hi na ba yis bdag med rtogs/ /gu ru shAndi? pa'i zhal nas/ bu chung ma yis gsos pa yis/ /byang gyi stobs dang ldan pa bzhin/ /blo chung bla ma'i man ngag gis/ /rim gyis brid pas theg pa che/ /rlung khris bdad dkan 'dus pa yis/ /nad rnams sman gyis sel ba ltar/ /da dang bdag tu 'dzin pa ni/ /bla ma'i gang mas pas skad? cig sreg/ gu ru tan+ti ba'i zhal nas/ 'jig rten pa yi thags mkhan rnams/ /snal ma thams cad thags su btags/ /da yi bla ma'i man ngag gis/ /chos rnams thamS

  316. 158b

    cad thags su btags/ /ye shes lnga yi stong nyid ni/ /snal ma man ngag stag so dang/ /shes rab kyi ni sgrom bu yis/ /dbyings rig gnyis med chos skur btags/ /gu ru tsa ma ri pa'i zhal nas/ /rnam rtog mtshan ma'i ko pa 'di/ /stong nyid rdo rje'i spangs nad du/ /chos brgyad spangs pa'i rgyun gyis ni/ /shes rab nyams myong brlung dang btsams/ /lhun grub chos ? lham byed pa/ /ci ma ri pa lham mkhan mchog/ gu ru kha Da ga pa'i zhal nas/ /'jig rten pa yi mtshan thogs dpa' bo ni/ /rgyan du dgra dang g.yul 'gyed kyang/ /bdag nyid sdug bsngal dbang du 'gyur/ /'chi med ye shes ral gri yis/ /srid gsum dgra rnams pham byas naS/ /kha Da ga pa ni longs spyod? byed/ /ku ru nA gA rdzu na'i zhal nas/ /gang zhig ma rtogs spyod pa mi bya ste/ /byas na rgyal srid 'bangs kyis bzung ba bzhin/ /rtogs pas ma rtogs sdong pa mi bya ste/ /byas na glang chen 'dam du zin pa 'dra/ /gu ru ratna pa'i zhes nas/ /shing rta'i 'khor lo gcig kyang mi ldan khrid kyang 'gro bar mi nus ltar/ /sbyin sogs 'bad pa byas dang bla ma mi ldan dngos grub dam pa min/ /bya rgod rtsal rdzogs 'dag gshog rgyas pa dag ni nam mkha' gcod cing rgyug/ bskal bzang rnal 'byor rnams ni dbang gi gdams dag khong du chud pas bde/ /gu ru kan ri pa'i zhal nas/ dus gsum sangs rgyas thams cad ngo bo gcig/ de ni rtogs na rang bzhin rang gi sems/ /rtogs par 'deng na ma bcos ji bzhin zhog/ goms par byas na rnal 'byor mngon du 'gyur/ /gu ru tha kha na'i zhal nas/ gang zhig rna bar chu khrugs na/ /chu nyid kyis ni 'byin pa bzhin/ /de bzin snang srid brdzun pa la/ /brdzun par bsgoms pas bden pa mthong/ /gu ru nA ro pa'i zhal nas/ 'khor los sgyur rgyal dpung tshogs rnams kyis ni/ /gling dang gling phran rnams la dbang

  317. 159a

    byed ltar/ /lhan cig skyes pa'i ro 'gyur rnal 'byor ni/ /'khor ba dbang sgyur bde ba chen po yin/ /gu ru sha li pa'i zhal nas/ legs byas ri mo mkhan dag gis/ /shin tu 'jigs pa'i gzugs brnyan bris/ /mthong na bdag nyid 'jigs 'gyur la/ /brtags na ma grub gzugs brtan snang/ /gu ru tai lo pa'i zhal nas/ /ri rab ngos la bya gnas pa/ /bya yi rang bzhin gser du snang/ /mkhas pa skye med rtogs pa yis/ /dngos po bor nas bde ba che/ / gu ru tsa tra pa'i zhal nas/ rnal 'byor pa yis gang snang gdams pa yin/ /mthong ba skye med rtogs pa slob dpon mchog/ byis pa rnams kyi gnyis 'dzin rtog pa yin/ /dge dang sdig pa'i 'bras bu de la gnyis su 'byung/ /gu ru b+ha dra pa'i zhal nas/ /stong nyid don rtogs 'khrul ba bzhi/ /byams pa bsgoms pas spyod pa rdzogs/ /sna tshogs gnyis med goms pa yis/ /mi mthun ro gcig 'bras bur rtogs/ /gu ru d+ha khan d+ha'i zhal nas/ kun rdzob bskyed pa'i rim pa dang/ / don dam rdzogs pa'i rim pa gnyis/ /zung 'jug phyag rgya chen por bsgoms/ /'bras bu sku gsum ye shes 'chad/ /gu ru a dzo ka'i zhal nas/ bla ma dam pa'i gdams dag gis/ /steng sgo nas rtse thig ler bsgoms/ /de nyid la ni blo brtan pas/ yul las dkar stong dmigs pa stor?/ /gu ru gal pa'i zhal nas/ 'gro pa 'di dag thog med dus nas 'khrul/ /de yis 'jig rten thams cad ma snyoms grags/ /bla ma'i gdams ngag bdud rtsi'i sman gyis ni/ /'khrul pa'i nang rnams skad cig gcig la sreg/ gu ru Dom+b+hi ba'i zhal nas/ yun ring dus nas dri ma 'khrud byas kyang/ /sol pa'i rang bzhin dkar por 'gyur pa med/ /rang bzhin rnam dag stong nyid dag par 'gyur/ /bla ma'i gdams pa rang bzhin khrus mkhan mchog

  318. 159b

    gu ru kaM ka ni zhal nas/ rtog pa yid bzhin nor bu la/ /nyams su myong ba'i mdog byung bas/ /spyod pa nus pas dgos 'dod 'byung/ /ro snyoms ldan pa rnams kyis 'grub/ /gu ru kam pa la'i zhal nas/ rgya mtsho zab cing rgya che'i nang na nor bus gang ba la/ /glu yi rgyal po rnams ni de la longs spyod ngo mtshar che/ /de bzhin snang grags thams cad ye nas chos sku yin pa la/ /rtogs pa dang ldan longs spyod ngo mtshar che/ /gu ru d+he ki pa'i zhal nas/ rta dang glang po rgya mtsho 'dra na rab tu bde/ /spre'u byis pa chu yi ri mo 'dra na rtogs pa yin/ /chu bo nyi ma sman dang 'dra na dbyer mi phyed/ /gtsug phung mig dang 'khor lo lta bus 'bras bu thob/ /gu ru b+hand+he'i zhal nas/ /mngon zhen med pa byams pa'i mchog/ gnas lugs rtogs pa snying rje yin/ /zag med bde pa dga' ba ste/ /chos rnams ro cig btang snyoms rdzogs/ /gu ru ten+ta na'i zhal nas/ /ji ltar dran rig sna tshogs dag/ rtog med dbyings su zad cing 'gag/ de bzhin snang srid chos rnams kun ? stong nyid dbyings su zad cing 'gag/ gu ru ku ku ri pa'i zhal nas/ sangs rgyas mchod sogs rnams la don mi 'byung/ /'dod dang 'bad rtsol yong na sangs rgyas min/ /bla ma dam pa'i byin rlabs nyams myong dpal/ /cha ldan rang la yod kyang ma mthong ngo/ /gu ru ku ci pa'i zhal nas/ gang pa lhan cig skyes pa ni/ /glang po che yi mig bzhin du/ /bze ro bskyed na zug rdu 'byung/ /klod nas ma zhen bsam gtan mchog/ bla ma'i gsung gi 'od zer gyis/ /yod dang med pa'i mdza' ma rnyed/ /gang zhig ma rnyed de mdza' 'o/ /mdza' de rtogs na don gyi mchog/ gu ru d+ha ma'i zhal nas/ gnyis las ma rig dug dag gis/ /rig pa skyes pa rgyun du zin/ /bla ma'i gsung gi 'od zer gyis/ /snang srid 'khrul pa'i dug nang sel

  319. 160a

    gu ru ma hi la'i zhal nas/ /ma rig pa yi nga rgyal gyis/ /ma rtogs yid bzhin nor bu bsgribs/ /spyod par 'dod pas dgos 'dod 'byung/ /ro snyoms ldan pa rnams kyis 'grub/ /gu ru a tse ? zhal nas/ dmigs med phyag rgya chen po ru/ /'khul pa'i dran yid sna tshogs stor/ /ye shes rig? pa'i snang ba yis/ /gang snang phyag rgya chen por mthong/ /gu ru pa ha'i zhal nas/ /bde bo bde pa dngos med bde/ /zhen pa med pas dngos med pa de/ /brtags pa thing? der shes bde/ /bsgrub pa med pa'i gsang ba bde/ /gu ru ni la na'i zhal nas/ spyi bo'i 'dab ma 'dab skyes su/ /sa bon g.yo ba dga' ba ste/ /snying po'i 'byin pa mchog tu dga' / /lhan skyes dga' bral bla med thob/ /gu ru b+hu su ku'i zhal nas bdag nyid ma rtogs par dur la khyad par che/ /de bzhin 'khor ba dag dang sangs rgyas tha dad che/ /rtogs pa'i dus na 'khor 'das bde ba chen po ste/ /dper na rgya mtsho'i nang na 'bar pa'i rin chen bzhin/ /gu ru in+d+ra b+hu ti'i zhal nas/ dus kyi sna rtse dag ni byin rlabs dag dang mi ldan na/ /phyi dang nang du spyod pa dag gi rnal 'byor 'tshang mi rgya/ /dga' bde'i rang bzhin sangs rgyas dag dang khyad par med pa ni/ /zhen pa btang na rang bzhin skyes pa'i nyams myong mchog tu dga' / /gu ru ma ko pa'i zhal nas/ bla ma dam pa dag las dang por rang gi sems rtogs bya/ /de nas snang ba kun tu tha dad med bya ste/ /gnyis med goms pas dur khrod gnas su 'dug par bya/ /mnyam par rtogs nas smon pa'i brtul zhugs spyod par bya/ /gu ru ko ta la'i zhal nas/ /bde dang sdug bsngal thams cad sems las byung/ /bla ma'i gdams pas sems kyi ri bo brkos/ /blo ldan sa yi ri bo brkos gyur kyang/ /gnyug ma'i bde ba chen po phob mi 'gyur/ /tha mal

  320. 160b

    shes pa snying gi dbus su sad/ /tshogs drug dag na bde pa rgyun mi 'chad/ /btags pa thams cad don med sdug bsngal rgyu/ /bsgoms dang bsgom med gnyug ma'i ngang la zhog/ gu ru ki ri pa'i zhal nas/ rang bzhin gzugs kyi sol mal du/ /dran rig rnam rtog sol ba la/ /la lar sna'i spud pa bus /d+hu tI ye shes me spar nas/ /dus gsum rnam rtog chos skur brdungs/ /kam ri pa yis rtogs nas grol/ /gu ru dza land+ha? ra'i zhal nas/ /khams gsum lus ngag yid gsum gyis/ /dran rig rnam rtog sna tshogs kun/ /la lar sa na d+ha ti ru/ /byin rlabs ci phyir bcing mi bgyi/ /gu ru rA hu la'i zhal nas/ /phyi yi sgra gcad bzang po yis/ /zla pa'i snang ba gnyis med zos/ /kun rdzob ? ba'i thig le ni/ /dbyings rig sgra gcan gnyis med zos/ gu ru d+harma? pa'i zhal nas/ snang srid chos kyi snod du ni/ /byang chub sems kyi mar khu blugs/ /tshogs drug rnams shes sdong bu la/ /gnyis med ye shes ma sbar bas/ /rnam rtog 'khrul pa'i mun pa bcom /gu ru d+ho ka ri'i zhal nas/ chos dbyings rang bzhin smod? nang du/ /rig pa chos sku'i rdzas nyid bcug/ dbyings rig gnyis kyi 'bras bu ni/ /skal ldan rnal 'byor rigs pas rtogs/ /gu ru me d+hi ni'i zhal nas/ rig pa gnyug ma'i shes rab dang/ /nyon mongs gos pa'i thabs dag gis/ /rang bzhin gnas lugs gzhi dag las/ /bde chen lhun grub 'bras bu rtogs/ /gu ru baM ka dza'i zhal nas/ ji ltar bla mas ma zin ma rtogs dus ngag tu/ /yid bzhin nor bu dang ni nor bu 'ching bu mnyam/ /bla ma dang ni rtogs dag gis/ /rang bzhin gnas lugs gzhi dag las/ /bde che lhun grub 'bras bu rtogs/ /gu ru baM ka dza'i zhal nas/ ji ltar bla mas ma zin ma rtogs dus dag tu/ /yid bzhin nor bu dang ni nor bu 'ching bu mnyam/ /bla ma dang ni rtogs pas yongs su zin gyur na/ /nyi zla'i 'od dang srin b+ha me khyer yji bzhin no/ /gu ru g+hand+ha pa'i zhal nas/ /la lar sna d+hu tE gsum/ bla mas byin rlabs bcing bar bya/ /bdag dang sems dang snang ba gsum/ /rtogs pa bskyed phyir mkhas

  321. 161a

    pas bsten/ /gu ru dzo gi pa'i zhal nas/ mar me'i rtse mo lta bu yi/ /phra zhing gsal ba'i yid goms pas/ /brtan zhing g.yo ba'i dngos po kun/ /chos kyi dbyings su thim par 'gyur/ /gu ru tsa lu ka'i zhal nas/ bla ma dam pa'i gdams pa ni/ /yun ring dus ni goms pa yis/ /sa sogs rims pas thim pa las/ /rang snang phyag rgya chen por 'gyur/ /gu ru go tu ri'i zhal nas/ phyi nang chos kun sems su 'dus/ /sems nyid gsal ba'i don rtogs na/ /spyod lam rnam bzhi chos kyi sku/ /rtogs pa mngon gyur rdzogs sangs rgyas/ /gu ru lu tsi ka'i zhal nas/ gang zhig thog ma med dus nas/ /'khor pa'i rgya mtshor yun ring 'khyams/ /gru mchog bla ma dam pa yis/ /rgal dka' i mtsho las de ring brgal/ /gu ru nar gu na'i zhal nas/ chu rlabs lta bu'i nyams bstan nas/ /spyod pa thabs kyis gzhol bar bya/ /bla ma dam pa'i gdams dag gis/ /chags sdang rtogs pa rang zhir byas/ /gu ru dzA nan ta'i zhal nas/ ye shes rig pa'i ting 'dzin ni/ /thog ma med de gnyug mar gnas/ /ji ltar rtogs na nges pa yin/ /rnam rtog dran pa de nyid mun/ /gu ru pa tsa ri'i zhal nas/ gar yang mi lta dbus su ltos/ /mchog dang dga' bral bde ba che// sngags kyi gsang bsnobs? brjod nas/ /rnal 'byor rtags ni dgu par bya/ /gu ru tsam pa ka'i zhal nas/ thabs dang shes rab 'od gsal lta bu la/ /bla ma chu bo rgyun gyis kun la khyab/ /lhan cig skyes pa dpag bsam shing dag las/ / 'bras bu sku gsum rang gsal rab tu rdzogs/ /gu ru b+hi k+Sha Ni'i zhal nas/ bla med dur khrod byang chub gnas chen du/ /zung 'jug bde chen bgrod dka' i lam bstan pas/ /phyag mtshan bral ba'i dbang phyug rnal 'byor mchog/ bla ma'i gdams

  322. 161b

    pa'i drin gyis de nyid rtogs/ /gu ru d+he li ba'i zhal nas/ /bdag nyid gdod nas sangs rgyas la/ /rtogs pa'i dbang gis chos nyid yin/ /dbang blangs lhan cig skyes pa des/ /skye med rgyas 'debs rdo rje 'dzin/ /gu ru kaM pa la'i zhal nas/ rgyu 'thun las kyi 'khor lo yis/ /srid pa'i glu gar sna tshogs byas/ /ye shes rig pa'i me yis ni/ /'khrul ba'i dri ma ma lus bsregs/ /gu ru d+harmA pa'i zhal nas/ /sngags pa kun gyi sdom pa mchog/ rang gi rtogs la zhen med de/ /gnyug ma sems kyi rtogs ? gang/ /sangs rgyas thams cad de mthong yin/ /gu ru ma Ni b+ha dra'i zhal nas/ /gang zhig mi rtog dus kyi tshe/ /rnam rtog sna tshogs sgra phyir 'brang/ /de phyir rang bzhin mngon du gyur/ /gang snang rang bzhin de de nyid/ /gu ru me kha lI zhal nas/ phyi dang nang kun sems su 'dus/ /zhen pa med na ro snyoms ldan/ /'bad rtsol med na bsgom pa'i mchog/ gnyis med bde chen rdzogs sangs rgyas/ /gu ru nA kalga'i zhal nas/ go cha chen po bgos nas kyang/ /nor bu lta bu'i snying stobs kyis/ /rang gi sems kyi gru btang nas// ri mo'i khong par nges par zhugs/ /gu ru ka la ka la'i zhal nas/ chos dbyings rnam dag mkha' dkyil du/ /skye med 'brug sgra legs sgrags las/ /snang srid 'khrul pa'i chos rnams kun/ /sku gsum ye shes 'bras bu mdzes/ /gu ru kan+ta la'i zhal nas/ bla ma dam pa'i khab dag dang/ /snying rje yi ni skud pa yis/ /khams gsum ma lus gos su btsems/ /gos kyi rnal 'byor ngo mtshar che/ /gu ru d+ha hu la'i zhal nas/ /zung 'jug rig pa rin chen mdzod/ /gnyis med dang ste btsal bas min/ /bya ba btang ba'i sems bzhin du/ /ji ltar gzhag pa de ltar bde/ /gu ru u b+hi la'i zhal nas /ji ltar rnal 'byor rjes 'brangs 'khrul/ /ma 'brel bag chags ma btang zung/ /gang la mi gnas 'gro ba zung/ /gzhan la btsal ba de yang min/ /gu ru ka pA la'i

  323. 162a

    zhal nas/ dngos kun gnyis med rdo rje 'dzin/ /rgyan sogs thod pa glo bur ba/ /ngar 'dzin 'khrul pa de nyid kyang/ /rang gis btsal bas rnyed ma yin/ /gu ru kir ba pa'i zhal nas/ /ji ltar ma rtogs bar du rang gzhan rtog pas bcingS de tshe rtog par gyur na rang gzhan gnyis ma grub/ /des na sangs rgyas zhes bya rang gi bla dags yin/ /de nyid spros dral ma bcos rang sar rang bzhin zung/ /gu ru pa ga ra'i zhal nas/ 'gro rnams sdug bsngal gyis gdungs la/ /'dod yon dag gi char phab bo/ /de bzhin nyid kyi gnas chen du/ /rig pa'i klu rgyal nyid gzir nas/ /skal ldan rig 'dzin po mo la/ /gsang sngags rig pa'i char dbab po/ /gu ru sarba b+hi k+Sha'i zhal nas/ gang zhig ma rtogs dus ngan sna tshogs ro la khyad par che/ /gang zhig rtogs pa'i dus su ro rnams ngo bo bye brag med/ /de bzhin ma rtogs nyid na 'khor 'das tha dad snang/ /de nyid rtogs na 'khor ba myang 'das bde ba che/ /gu ru nA ga bo d+hi'i zhal nas/ sa la gnas na thams cad skal pa bzang/ /rgya mtsho'i gting du phyin na dbul dang bral/ /ral gri lag tu thogs na longs spyod che/ /phyogs med dag tu phyin na gnyen dang 'phrad/ /gu ru d+ha ri ka pa'i zhal nas/ bde ba chen po rang la yod kyang ma rtogs 'khrul pas bsgribs/ /bde gsal 'dod pa'i bsod nams ye shes tshogs bsags bya/ /tshogs gnyis ma bsags skye ba brgya ru 'bad byas kyang/ /bla ma dag dang mi ldan bde ba chen po rtogs mi 'gyur/ /gu ru su ta pa'i zhal nas/ thams cad bde gshegs rang bzhin te/ /blos gzhag log pa'i lam spangs nas/ /snying bo'i lam la brtson byas na/ /snying po'i 'bras bu gdon mi za/ /gang gis bla ma dam pa las/ /dbang rnams lhan cig skyes pa des/ /ro yis kun la khyab bya ste/ /skye med rgyas 'debs rdo rje 'dzin/ /gu ru pa na ha'i zhal nas/ snying po gnyug ma'i

  324. 162b

    don bsams pas/ /ji ltar bsams pas de ltar rtogs/ /des na de nyid rang dgar gnas/ /'dod dgu lhug par thams cad 'byung/ /gu ru ko ki la'i zhal nas/ bya ba btang ba man ngag yin/ zhes 'dod med pa rtogs pa yin/ /bde ba dngos med bsgom pa yin/ /bsgrub bya med na 'bras bu'i mchog/ gu ru a nang go'i zhal nas/ 'khor ba snying po med pa yi/ /'ja' tshon lta bu'i lus 'di la/ /ma rig mngon zhen dregs pa yis/ /dug gis bzung nas bde bar 'dzin/ /mngon zhen dug nad spangs pa na/ /'khor ba nyid kyang chos kyi sku/ /gu ru nA li k+Sha na'i zhal nas/ dang por blo ldan rtogs pa bskyed/ /gnyis pa gnas lugs ma yengs bsgom/ /de nas nyams myong skyes pa na/ /sbyod pa bags kyis spyad par bya/ /gu ru sa mu dra'i zhal nas/ skye med rtogs kyang nyams myong dang bral na/ /dper na srin mo lag tu bu khyer 'dra/ /nyams myong gnas lugs dag dang ma 'brel na/ /de yang glang chen 'dam du zhugs pa 'dra/ /gu ru bya li pa'i zhal nas/ bla ma dam pa mthong na de nyid mthong/ /nam mkha' i mthong su bsgoms na dpen pa'i mchog/ chos rnams yongs su rtogs na mi mthun med/ /nam mkha' i 'o ma 'thungs na 'tsho bar 'gyur/ /skal ldan dag gi don phyir bla ma rnams kyi rtogs pa'i snying po kun/ /tshad med blo yis legs bsdus bsod nams rgya chen bdag gis gang thob des/ 'gro rnams bla ma dang 'phrad byin rlabs yang dag sems la zhugs gyur nas/ /gnas lugs don nyid yang dag sems rtogs rgyal pa'i sa? la gnas gyur cig/ grub thob brgyad cu rtsa bzhi'i rtogs pa'i snying po slob dpon dpa' bo 'od gsal gyis phyogs gcig tu bsdus pa'o// //rgya gar skad du/ tsaryA koSh+TI pyA? NI brit+ti nA ma/ bod skrad du/ spyod pa'i glu'i mdzod kyi 'grel pa zhes bya ba/ dpal rdo rje

  325. 163a

    sems dpa' la phyag 'tshal lo/ /dpal ldan bla ma dam pa'i zhal gyi chu skyes ro myangs rab gsal brtse ba'i thugs mnga' ba/ /gnyis med blo ldan dpal ldan rdo rje'i dbang phyug dri med zhal mnga' dad bas phyag 'tshal nas/ /dpal ldan lU yi zhabs sogs grub pa rnams kyis gsungs shing ya mtshan spyod ba'i glu yi tshogs/ /lam mchog dri ma med pa'i tshig ni rtogs par bya phyir de yi 'grel bas gsal bar bya/ /lus ljon shing mchog yan lag rnams lnga la/ / g.yo ba'i sems la sgra gcan rab tu 'jug/ brtan bar mdzod cig bde chen yongs kyi ched/ /lU yis smras pa bla ma la zhus mkhyen/ /ma lus ting 'dzin rnams kyis ci zhig bya/ /bde ba rtsa nas bton na nges par 'chi/ /spongs shig sdeb sbyor byed cing g.yo sgyu'i blo/ /stong nyid phyogs la zhags pas bcings cis kye/ /lU yI bdag gi bsam gtan kyis mthong/ /zla ba nyi ma gnyis phab steng du sdod/ /? ha'i snye ma zhes bya ba'i glu'i gdangs so// //lus ljon pa'i shing zhes bya ba la sogs ba ni gang zhig dpal ldan bla ma'i zhabs kyi chu skyes kyi sbrang gi thig ba'i tshogs 'bab pa'i dga' bas sems brlan zhing yang dag par chim nas bden pa gnyis la rmongs shing 'khrul pa'i rgya mtsho chen po'i dbyings su bying ba skyabs med pa sdug bsngal ba'i skye bo rnams yang dag par gdon par 'dod pa'i phyir/ grub pa'i slob dpon lU yI pa'i zhabs kyi smon pas bskul ba rnams gdon pa'i phyir/ lus ljon shing mchog ni dgongs pa'i tshig gis rnam par dag pa'i chos nyid kyi bzhi'i rang bzhin gyi snang ba la sbyor ba gsungs te/ gzugs la sogs pa'i phung po rnams dang /dbang po drug po rnams dang/ khams rnams dang/ yul rnams la gzung 'dzin du 'dzin

  326. 163b

    pas lo ma dang 'dra bar nye bar mtshon pa'i phyir lus ljon shing mchog tu gzung ngo/ /ci ste sems dang ldan pa'i phyir ji ltar lus ljon pa'i shing mchog ce na/ /'di'i skyon med de/ de bzhin du phyi'i bstan bcos byed pas kyang nye bar blta bar bya'i rgyan gzhan la sbyor ba rnams kyis cung zad dbye bar gnas pa de dang 'dra ba nyid la nye bar brjod do/ /ci'i phyir brtags na rang bzhin du snang ba'i skyon gyi dbang las g.yo ba de yis so/ /tha mal pa'i sems 'dzag pa'i rang bzhin gyis sgra gcan te/ de nyid kyi dus su nag po'i chos gcig gi skabs su rab tu 'jug go/ gang la dga' ba dang/ bzang po dang/ rgyal ba dang/ stong pa dang/ gang ba rnams chos kyi rim pas kun rdzob byang chub kyi sems ri dags mtshan skam par 'gyur ro/ /'di'i khyad par du slob dpon nag po spyod pa'i zhabs kyis mngon par gsungs te/ ri bo mchog gi mgul phug tu/ /'gro rnams ma lus kun chad gyur/ /dri med chu rgyun skams nas 'gro/ /dus kyi ma ni rab tu 'jug/ de bzhin du ra ti badzra yis kyang/ byang chub sems ni lhung gyur na/ /dngos grub kun gyi gter ni gang/ phung po rnams shes brgyal ba la/ /bstod pa'i dngos grub gang las 'byung/ /de bzhin du sa? bu Ta 'byung ba'i rgyud kyi rgyal po las kyang/ dpag med rnam rtog mun pas zil gnon pa'i/ rlung gis g.yo pa'i glog bzhin g.yo ba can/ /'dod chags la sogs bsrung dka' dri ma yi/ /sems nyid rdo rje can gyis 'khor bar gsungs/ /de'i phyir gang 'ga' shig phyogs gcig tu bcom ldan 'das kyis dge ba rnams yongs su smin pa/ /rim pa lnga pa'i thabs 'dzin pa la zhugs pa sngon du zung 'jug bcings pa'i ngo bo lhan cig skyes pa'i dga' ba'i 'bras bu rtag tu tshol ba na de yang rdo rje lta bu'i ting nge 'dzin mngon sum du byed par 'gyur ro//

  327. 164a

    'phags pa lha'i zhabs kyis kyang gsungs te/ rims pa lnga'i go rims med na rdzogs pa'i rim pa yang dag pa'i byang chub mngon sum du byed pa thob par mi 'gyur ro// //brtan par mdzod cig ces bya ba la sogs pa ni 'dis ni dge ba'i bshes gnyen gyis sdom pa la sogs pa'i rim pas go rims ji lta ba bzhin du dbang bskur ba'i mchog rnal 'byor bas dam tshig gi brda'i rdzas kyis bla ma dam pa mnyes par byas nas nam phyed na shes rab dang ye shes kyi dbang bskur ba thob pa ji lta ba bzhin du brtan par bya'o/ /de bzhin du bde ba chen po dga' ba bzhi ba nyid kun gyi tshad ma'o/ /lU yIs smras pa zhes bya ba la sogs pa ni de la rdo rje dang chu skyes yang dag par sbyor bas mi 'dzag pa'i bde ba'i phyir dpal ldan bla ma la zhus na khyad par gyis dga' ba khyab par bya ba dang khyab par byed pa de yis chos thams cad dmigs pa med pa'i tshul gyis lhan cig skyes pa'i dga' ba bde ba chen po nyin dang mtshan du shes so/ /de bzhin du dpal gsang ba 'dus pa las kyang/ /rdo rje bla ma dang bral na/ /nyon mongs ma lus spangs pa dang/ /zhi ba myang 'das go 'phang dang/ /phyir mi ldog pa thob mi 'gyur/ /de bzhin du yang klu sgrub zhabs kyis kyang rdo rje'i bzlas pa las gsungs te/ 'ga' zhig ri dbang rtse las rab tu lhung gyur nas/ /ltung bar mi 'dod na yang de bzhin rnam par ltung/ /bla ma'i drin gyis phan pa'i man ngag thob gyur na/ /grol bar mi 'dod na yang de bzhin grol bar 'gyur/ /sa ra ha'i zhabs kyis bshad sbyar las kyang gsungs te/ gang zhig 'khor ba'i 'khor lo mi sgrub na/ /bdag nyid ched du yid ni nyer sbyor zhing/ /de blo brtan pa dang bas zhugs gyur na/ /spros bral rang gi bdag po'i sa nyid do/ /de yang so so rang rig skye 'gyur te/ /

  328. 164b

    bde ba rtog pa'i dra ba las grol byed/ /dus kun tu ni bla ma dam pa yi/ /de yi zhabs zung spyi bos gus par 'dud/ /de bzhin du dpal dgyes pa'i rdo rje las kyang/ bsod nams nyid las bdag gis shes/ /bla ma'i rim pa nyer bsten phyir/ /rkang pa gzhan gyis 'dod chags chen po'i tshul gyi ting nge 'dzin nye bar gsal zhing rjes su bsngags pa gsungs te/ ma lus ting 'dzin zhes bya ba la sogs pa ni bcom ldan 'das nyid kyis mdza' med pa'i ting nge 'dzin rnams kyi tshul gyi dbye ba ni mi dge ba bcu yongs su spangs pa'i phyir dang/ dbang po rnams 'gog pa'i phyir nges par gsungs so/ /ting nge 'dzin de rnams kyis 'dir bya pa cung zad kyang med de/ 'dod chags chen po'i tshul bde ba dang bral ba'i phyir dka' thub dang bsnyang gnas la sogs pa'i nges pas so/ /de'i phyir dpal gsang ba 'dus pa las/ dka' spyad nges pa drag po yis/ /lus ni skams shing sdug bsngal te/ /sdug bsngal las ni sems g.yeng byed/ /rnam g.yeng las ni dngos grub gzhan zhes so/ /de bzhin du dgyes pa rdo rje las kyang/ /'dod chags kyis ni 'jig rten 'ching/ /'dod chags kyis ni rnam grol ba'i/ /bzlog pa'i bsgom pa 'di nyid ni/ /sangs rgyas mu stegs kyis mi shes zhes so/ /de bzhin dug bde ba rtsa nas bten na bde ba chen po'i de nyid dang bral bas sangs rgyas pa'i mu stegs pa rnams ni sdug bsngal mang po nyams su myong zhing skye ba dang yang 'chi bar byed de/ de rnams de kho na nyid kyi skal ba dang mi ldan pas so/ /de bzhin du yang lung las bskal pa bye ba brgya yis kyang/ de nyid bral bas 'grub mi 'gyur/ zhes pa'i tshig las 'dod chags chen po'i tshul gyis sbyod pa 'ang gsungs te/ dpal gsang ba 'dus pa las/ 'dod yon lnga ni spang mi bya/ /dka' thub sdug bsngal bsten mi bya/ /rnal 'byor rgyud kyi rjes 'brangs nas/ /bde ba yis ni byang chub bsgrub ces so/ /de bzhin du

  329. 165a

    dpal sa ra ha'i zhabs kyis kyang/ /gang zhig phra rab sems kyi myu gu la/ /gal te yul bcud dri med kyis ma brlan/ /nam mkha' khyab pa'i 'bras bu sbyin pa yi/ /dpag bsam ljon shing nyid ni ji ltar 'thob/ /chags pa chen po'i tshul gyis spyod pa'i don mi 'dzag pa mngon du gyur pa ni tshad ma'o/ /de rnams kyi log pa'i shes pas mngon par chags pa'i zhen pa 'gog pa'i don no/ /rkad pa gsum gsungs pa spongs shig ces pa la sogs pa ni sdeb sbyor drug dang/ g.yo rgyu byed pa la sogs pa bcing ba dang bral pa'o/ /stong nyid phyogs zhes pa ni bdag med ba'i chos ni zhags pa ste de la 'dir nye bar 'khyud par gyis shig pa'o/ /kye'i ni bod pa ste/ kye'i thar ba'i dang tshul lo/ /de bzhin du yang lung las de dang de rnams ri rtse yang dag mtho ba yi/ /'jig tshogs lta ba'i ri bo rgya chen gnas pa rnams/ /bdag med rtogs pa'i rdo rjes bdag 'jig cing/ /lhan skyes sdug bsngal nyid kyang 'joms par byed/ /rkang pa bzhi pas ji lta ba bzhin du gyur pa'i chos kyi bdag chen po mthong ba'i rkyen du gsungs te/ /smras pa zhes bya ba la sogs pa ni dang po sgrub pa'i slob dpon lU yI pa'i zhabs kyis 'di bzhin du gsungs te/ bsam gtan dbang gis zhes bya ba ni grub pa'i slob dpon lU yI pa'i zhabs kyis bdag gi bsam gtan ni/ yid dang rnam shes yul dbang thim gyur te/ /dpal gyi bla ma'i bzhi pa'i man ngag thob/ /goms pa'i zung du 'jug pa'i ngo bo mthong/ /de bzhin du lung las kyang lus ni yang dag bde bas rgyal/ /dbang po rnams ni gnyid log bzhin/ /yid kyang nang du thim pa bzhin/ /sems ni sems med gsal bar snang/ /zla ba zhes pa ni dkar po ri bod 'dzin pa rnam par dag pa A li'o/ /nyi ma ni 'od zer stong ldan rnam par

  330. 165b

    dag pa kA li'o/ /de gnyis gdan du byas te rang gi lha'i nga rgyal gyis steng du sdod pa ni mngon sum du byas pa'o/ /de bzhin du brtag pa gnyis pa las kyang/ A li kA li yang dag sbyor/ /rdo rje sems dpa' i gdan du bya zhes so// // rus sbal 'jo zhing stegs bu gzung du med/ /bse yab ljon pa'i 'bras bu chu srin za/ /sgo mdun khang bzhugs nyon cig rig ngan kye/ /mdo phugs khang logs nam phyed rkun mas khyer/ /rgyug mo gnyid song mna' ma gnyis med gyur/ /mdo phugs khang logs rkun khyer gang du tshol/ /nyin mo mna' ma bya rog mthong bas 'jigs/ /mtshan mor song na kA ma ru ru 'gro/ 'di 'dra'i glu 'di kuk+ku ri pas blangs/ /bye ba'i nang nas gcig snying 'jug sring dam/ /chen po zhes bya ba'i glu'i gdangs so/ / de nyid bde pa chen po'i rgyal po rang gi chang gi btung bas yid rab tu dga' nas kuk+ku ri ba'i zhabs kyis dgongs pa'i skad kyis rab tu gsal por gsungs te/ du li zhes bya ba la sogs ba'i du ni kyi gnyis rnam pa la ni gang la thim par gyur te/ bde pa chen po'i pad+ma du li ni ru sbal te dgongs pa'i skad kyis brdas khong du chud par bya'o/ /las kyi phyag rgya dang rab tu sbyor ba las dga' ba la sogs ba'i rim pa'i sgo nas 'jo ba ste kun rdzob byang chub kyi sems de a ba d+hu tI'i lam gyis 'od ba'o/ / stegs bu ni rdo rje nor bu las ltud na gzung du med pa ste/ byis pa'i rnal 'byor bas de 'dzin par mi nus so/ /de bzhin du nag po spyod pa'i zhabs kyis kyang/ 'di ni gzung dka' i ri bo yi/ /mnyam dang mi mnyam 'dzin par byed/ /kA r+Nas smras pa mtshon dka' dang/ /brjod dka' gang gi yid kyis bsgom/ /de'i phyir bla ma rgyud pa'i rim pas rnal 'byor gyi dbang phyug rnams kyis shes te/ lus ljon shing gi 'bras bu'i de nyid byang chub kyi sems bse yab kyi 'bras bu bzhin du yon po'o/ /chu srin zhes pa ni

  331. 166a

    mtshan nyid dang bral bas yongs su sbyangs pa kum b+ha ka'i ting nge 'dzin gyis rang gis nyams su myong ba'i rim pas de za ba ni rang bzhin med par byed ba'o/ /d+h+ru'i rkang pas bstan par gsungs te/ sgo mdun zhes pa ni 'byung ba'i rlung la nye bar ltos nas 'jug pa yang khong du ched du par bya'o/ /rigs ngan zhes pa ni bdag nyid yongs su dag pa a ba d+hu tI'i tshul du grol ba rnal 'byor gyi dbang phyug gis gsungs te/ yongs su dag pa'i a ba d+d+h+rU tI pa gson dang/ dang po rdo rje bzlas pa'i man ngag gis sna tshogs pa'i dga' ba a ba d+hu tI'i khang sar gnyis po len pa'o/ /de la khang pa ni slar yang nam phyed la bzhi pa'i mtshams so/ /mdo phugs khang logs zhes pa ni de nyid jug pa sogs brlung gi sbyon gyis dngos po rnams lhan cig skyes pa'i dga' bas rku bar byed do/ /rkang pa gnyis pas de nyid kyi don rgyas par bshad de/ /rgyug mo zhes bya ba la sogs pa ni dang por myur ba'i dbugs te/ zhi ba'i dga' ba'i rnal 'byor gyi ga nyid du song ba a ba d+hu tIr dgongs pa'i skad kyis so/ /thog ma med pa'i srid pa'i rnam par rtog pa spangs te rang bzhin gyis rnam par dag pa'i a ba d+h+ru tI'i gzugs kyis rnal 'byor ma nyid kyang nyin dang mtshan du gnyid sad par byed de/ /mdo phugs khang logs ni 'od gsal gyi rkun pos rab tu 'jug pa la sogs pa'i rlung gi skyon gang gi tshe khyer ba de'i tshe gzung ba la sogs pa'i dngos po med pas rnal 'byor gyi dbang phyug gis phyogs bcu gang du yang cung zad kyang btsal du med pa'o/ / rkang pa gsum pas yongs su dag pa a ba d+hu tI'i dbye bas bden pa gnyis kyi rjes su bsngags pa gsungs te/ /nyin mo zhes bya ba la sogs pa ni chud du la sogs pa'i lhag pa'i bsam pa'i dbye bas de a ba d+hu tI pa kun rdzob byang chub

  332. 166b

    kyi sems kyi gzugs kyis 'jig rten gsum po sprul nas slar yang rang nyid nyin mo'i rnam par shes pa skyed par byed do/ /bya rog ces bya ba ni dus kyi skyes bus shin tu 'jigs te sgrag par byed do/ /de bzhin du lung las kyang/ dper na ri mo mkhan gyis ni/ /gnod sbyin shin tu 'jigs byed gzugs/ /yang dag bris nas bdag nyid skrag/ de bzhin mi mkhas 'khor ba pa zhes so/ /mtshan mo zhes bya ba ni shes rab ye shes kyis rang bzhin gyis rnam par dag pa'i a pha d+hu tI pa'i phung po lnga la sogs pa la dbang bskur bar byed do/ /kA ma ru zhes pa ni rang nyid bde ba chen po'i 'khor lo'i rang gi gnas su rnam par mi rtog pas 'gro bar byed do/ /de bzhin du lung las kyang/ /rang gnas gnas la lhan skyes kyi/ /rlung gi se rtog pa'i dra ba grol/ /zhi ba'i gnas chim gang gis kyang/ /skyed byed de nyid stong pa'i dngos/ /de'i phyir bla mas gnang ba'i snying rje chen po'i thabs kyi rgyu mnos pas 'khor ba 'di rab tu skye zhing rtag tu dga' bas sems can gyi don mdzad do/ /shin tu rnyed par dka' ba rtogs par bya ba'i phyir rkang pa bzhi pa gsungs te/ 'di 'dra'i zhes bya ba la sogs pa ni 'di 'dra ni 'di lta bu spros pa med pa spyod pa'i glu rnal 'byor gyi dbang phyug gis brtan par byed cing spyod pa la sogs pa can kuk+ku ri pa'i zhabs kyis gsungs pa'i de nyid 'di'i don rnal 'byor bye ba rnams kyi nang nas gal te gcig gi snying gi nang du 'jug srid dam zhes so/ /de bzhin du yang nag po spyod pa'i zhabs kyis kyang/ 'jig rten khengs pa'i nga rgyal 'dzin/ /nga yis don dam shes so snyam/ /bye ba'i nang nas gal te gcig/ mig sman med pa'i mi snang 'gyur/ /chen po zhes bya ba'i glu'i gdangs so/ /bi ru ba'i zhabs kyi'o/ /chang ma gcig nyid khyim ni gnyis na chad sbyor byed/ /phabs dang rtsis med chu bdag chang ni sbyor bar byed/ /lhan cig skyes pa brtan par bzung?

  333. 167a

    kye rnal 'byor chang/ /gang gis rgas dang 'chi med phung po 'gyur med brtan/ /sgo ni bcu par rtags kyis mtshon pa mthong bar 'gyur/ /chang nyo 'ongs pa rang gis chang ni khung nas 'ongs/ /chu tshod drug cu rtsa bzhi'i g+hA 'i'i stegs bu bshams chang 'thur rab tu zhugs nas nges par byung ba med/ /chang gi bum pa gcig gi mchu ni shin tu phra/ /bi rus smras pa brtan pa nyid du bskyod par gyis/ yongs su dag pa dang yongs su ma dag pa'i dbye bas de la a pa d+hu ti pa bi rU pa'i zhabs kyis mchog gis snying rjes yang nas yang yid the tsom med par rab tu gsal por gsungs te/ chang ma gcig gis zhes bya ba la sogs pa ni gcig nyid drug gi sbyor ba las de a ba d+hu tI'i chang ma ni steng du sna'i dril bu'i bu ga la zla ba dang nyi ma g.yon dang g.yaS pa dag rnal 'byor pa dar mas stobs dang ldan pas gnyis po sbyor bar byed par dbu mar rab tu 'jug par byed do/ /des ni rang byin gyis brlabs pa brtan par byed do/ /slar yang rang nyid de bzhin du 'ongs pa 'og tu sna ni rdo rje nor bu'i rtse mo'i bu gar byang chub kyi sems kyi thig le ni ma rig pa'i sa bon zhe sdang la sogs pa'i dri ma dang bral zhing 'od gsal bas bla ma'i man ngag las dgongs pa'i skad chu bdag chang zhes te/ bde bas rab tu tshim pa'i phyir byang chub kyi sems 'ching bar byed do/ /brtan pa'i rkang pas don dam byang chub kyi sems brtan por byed pa gsungs te/ lhan cig skyes pa zhes pa ni rdo rje bla ma'i drin las sna tshogs pa'i dga' ba la lhan cig skyes pa'i dga' ba brtan par bya'o/ /kye rnal 'byor pa chang zhes pa ni dgongs pa'i skad kyis de kho na nyid kun rdzob byang chub kyi sems su khong du chud par bya'o/ /de'i byang chub kyi sems kyis rang byin gyis brlabs par gyur pas mi 'gyur ba'i bde ba'i zhags pas bcings par byas nas gang gis goms pa'i khyad

  334. 167b

    par gyis rgas pa dang 'chi ba nyid med pa brtan pa'i phung po 'dis thob par byed do/ /de bzhin du rnal 'byor rin po che'i phreng ba las kyang/ bstan pa'i snying po mi rnying sa dang/ /mi chod mi 'jigs mtshan nyid do/ /mi 'chig pa dang chud mi ?/ /stong nyid rdo rje zhes brjod do/ /rkang pa gzhan gyis so sor rgyas par bshad pa gsungs te/ sgo bcu pa zhes bya ba la sogs pa ni rnam par snang mdzad kyi sgor yang chags pa chen po'i bde bas rab tu dga' ba'i rtags bltas nas dri za'i sems can nyid rang nyid 'ongs te sgo nas rab tu zhugs nas bde ba chen po'i chu skyes kyi ro'i btung bas rang gi sems chim par byed do/ /de bzhin du nag po spyod pa'i zhabs kyis kyang e baM yi ge'i sa bon len/ /chu skyes kyi ni me tog la/ /sbrang rtsi byed pa'i gzugs kyis ni/ /rab dga' i dpa' bo sbrang rtsi snom/ /kAh+nas smras pa sems nyid ni/ /gang du mi 'jigs chad pa med/ /mi g.yo ba yi rlung nyid kyis/ khyim mi mo yi khyim na 'khor/ /ji ltar rang nyid kyis snom zhe na/ de nyid dgyes pa'i rdo rje las kyang/ rang nyid byed po rang nyid 'phrog/ rang nyid rgyal po rang nyid gtso/ /zhes pa'i tshig las so/ /rkang pa gsum pas dri za'i sems can gyi 'gro ba 'gog pa gsungs te/ chu tshod drug cu rtsa bzhi zhes bya ba la sogs pa'i drug cu rtsa bzhi'i pad 'dab la g+ha DI dgongs pa'i skad kyis sprul pa'i 'khor lor stegs bu ni dgongs pa'i skad kyis de nyid kyang gdan no/ /de la chags pa chen po'i me 'bar ba las dri za'i sems can rab tu 'jug go/ de'i 'jug pa ni 'byung ba med pa'o/ /de bzhin du nag po spyod pa'i zhabs kyis kyang/ 'og dang steng du 'jug gnyis dang/ /bral zhing de la mi g.yor gnas/ /kAh+nas smras pa sems nyid ni/ /gang du mi 'gro chad pa med/ /mi g.yo ba yi rlung nyid kyis/ /khyim mi mo yi khyim na 'khor/ /rkang pa bzhi pa gsungS

  335. 168a

    pa ni/ /bum pa gcig gi zhes bya ba la sogs pa'i de nyid sngon du gsungs pa a ba d+hu tI pas kun rdzob dang don dam pa'i bden pa gnyis dbyer med par byed ba'i phyir g+ha TI ste snang ba gnyis 'gog pa'i phyir shin tu phra mo'i gzugs bi ru pa'i zhabs kyis de bzhin nyid gsungs te/ de yis khu ba'i rtsa bla ma'i man ngag las de la mi lhung ba byang chub kyi sems brtan par byas nas rba rlabs med pa'i tshul gyis bskyod pa'o/ /de bzhin du dbang bshad pas las kyang ji srid mi ltung 'od gsal rang bzhin te/ /bsil zer byed pa 'dzin pa'i khu ba nyid/ /lha mo'i pad+ma'i 'dab ma'i nang nyid du/ /ro mnyam gyur pa rgyal ba'i chogs rnams kyis/ /rdo rje nor bu'i rtse mor 'phro ba yis/ /'jigs pa med pa'i snying rjes 'gro ba byed/ /de nyid dpal gyi snying rje'i stobs kyis ni/ /khyab bdag lhan cig skyes pa'i chul nyid shes/ /skya reng zhes bya ba'i glu'i gdangs guN+Di ri'i zhabs kyi'o/ /ka mgo non la yan lag 'khyud la byin/ /chu skyes rdo rje sbyar tshod dus min rgongs mo gyis/ /rnal 'byor khyod med skad cig kyang? mi 'tsho/ /khyad zhal 'o byed chu skyes khu ba 'thung/ /'phangs nas len mi shes pa rnal 'byor ma/ /ma Ni kuN+Da le phyi u rgyan mnyam/ /rgyug mo'i khyim phyin lde kyog lde mig go/ zla ba nyi ma gnyis kyi sgo glegs can/ /guN+Da rI bdag kun da rpe smra/ /mi dang mi mo'i dbus su rtags mtshan btsugs/ /de nyid kyi don dpal he ru ka'i rtogs pa guN+Da ra'i zhabs kyis gzhan rnams la rang bzhin med pa rtogs par byed pa ni ka mgo zhes bya ba la sogs pa rkyang ma dang ro ma dang kun 'dar ma'i rtsa gsum mnan nas shin tu gsal snang du byas pa de nyid yongs su dag pa'i a ba d+hu tI pa rnal 'byor ma bdag med ma'o/ /yan lag 'khyud la zhes pa ni a ka ni rtags te sgrub pa po la gter bar byed do/ /de

  336. 168b

    yang skyong bar byed pa'o/ /yang rnam pa sna tshogs pa la sogs pa'i mtshan nyid rnal 'byor bas dga' ba la sogs pa'i rim pa ster bar byed do/ /slar yang de nyid sgom pa pos rgyun mi 'chad par mngon par sbyor ba las dbugs 'byin pa ster bar byed do/ /chu skyes rdo rje zhes pa ni kye mchog gi rnal 'byor pa yang dag par rdo rje dang chu skyes yang dag par sbyor ba la chags pas dga' ba yang dag par 'jo ba de yis dus min pa zhes pa ni dus dang bral nas bdag la phyag rgya chen po'i dngos grub mngon sum du byed do/ /de'i phyir bde ba chen po gsal bar grags pa'i bdag ni dgongs pa'o/ /'di bzhin du gsungs te kye bdag med rnal 'byor ma khyod med na skad cig kyang bsrung bar dga' ba'i shugs can rab tu g.yo pa'i phyir srog gi rlung bdag gis 'dzin par mi nus so zhes so/ de bzhin du lung las kyang /skye dang gnas dang 'jigs rnams la/ /bar do'i srid pa gnas pa ste/ /ji srid rnam rtog 'jig rten pa/ /rlung dang sems kyis rnam par byas/ /khyod zhal ni lhan cig skyes pa'i dga' ba yang 'o byed pa'o/ /chu skyes khu ba zhes pa ni gtsug tor gyi pad+ma'i chang don dam pa'i byang chub kyi sems bla ma'i drin las sna tshogs pa'i dga' ba skal ba dang ldan pa'i dus su byed par 'gyur te/ /skal med Di na Di ma ru brjod/ /skal ldan kA li dza rar 'dod ces so/ /rkang pa gzhan gyis rnal 'byor ma'i bsngags pa gsungs te/ 'phangs nas zhes bya ba la sogs pa ni 'phangs pa ni rang gi gnas su sbyor ba las de byang chub kyi sems kyi gzugs bdag med pa'i rnal 'byor ma mtshan nyid dang bral bas sbyangs pa'i dga' bas nor bu'i rtsa ba nas rmongs pa'i dri mas ma gos par 'gyur ro/ /slar yang de la rtse ba'i ro nyams su myong ba'i nor bu'i rtsa ba nas steng du 'gro zhing 'ong bas bde ba chen po'i 'khor lo'i bar

  337. 169a

    du 'gro bar 'gyur ro zhes so/ /de'i phyir nag po spyod pa pa'i zhabs kyis gsungs te/ de nyid ri bo mchog ces bdag gis smras/ /de nyid bde ba chen po nyid kyis gnas/ /ro gcig nyid gyur chad ni lhan cig skyes/ /ji srid bde ba chen po'i dum bu long/ /rkang pa gsum pas gnas yongs su dag pa gsungs te /rgyug mo'i khyim zhes bya ba la sogs pa ni dang por ji srid rnal 'byor gyi dbang phyug gis lha nyid kyi rnal 'byor sngon du 'gro bas sku rdo rje brtan par byas nas rdo rje bzlas pa'i man ngag gis zla ba dang nyi ma dag gis phyogs su len pa 'gog pas gsungs rdo rje brtan par byed do/ /thugs rdo rje brtan par byed pa'i phyir te sna tshogs pa dka' ba a ba d+hu tI pas lhan cig skyes pa'i dga' ba dang ro gcig pa'i ngo bos dbugs kyi khyim du ri rab kyi rtse mor len par byed do/ /lde kyog ces pa ni lde mig yang dag par sbyor bar byed pa nor bu'i rtsa ba'i sgor dgag par bya'o/ /bdag nyid yang dag pa'i byang chub rang nyid kyis mngon sum du song ba smra bar byed do/ /de bzhin du nag po spyod pa'i zhabs kyis kyang/ gang la yang rlung 'jug pa yi/ /sgo ni sbyor bas brtan par bya/ /gal te mi bzad mun de la/ /nor bu'i sgron ma sbar byas nas/ /rgyal ba'i rin chen steng gi ni/ /gal te nam mkhar phrad byas ni/ /'khor pa za bar kAr+Na smra / /mya ngan 'das pa nyid kyang 'grub/ /rdo rje lta bu'i ting nge 'dzin mngon sum du grub pa'i slob dpon glu Da rI bdag nyid de lta bu'i bsngags pa gsungs pa ni smra zhes bya ba la sogs pa ste/ de rnams rab tu byin pa las gzhan kha phyir phyogs pa'i rnal 'byor dang rnal 'byor ma rnams kyi nang du kun tu ru yis dbang po gnyis snyoms par 'jug pa'i sbyor ba mi 'gyur ba'i bde bas nyon mongs pa'i dgra bcom pas bdag dpa' ba' o/ /slar

  338. 169b

    yang de rnams kyi nang du rtags mtshan zhes pa ni rnal 'byor gyi dbang phyug gi rtags dbang phyug la sogs pa'i yon tan brgyad dag gi mngon du gyur pa mngon par shes pa mthong ba'i don no/ /gudzdza rI zhes bya ba'i glu'i gdangs tsA Di la'i zhabs kyi'o/ /srid pa'i chu klung ? bca' zab mo rgyug cing 'bab/ /mdza' ma gnyis ni rab 'dred dbus na 'dug gnas med/ /chos dbyings don du tsA ? la yis zam pa byas/ /pha rol 'gro pa'i 'jig rten nges par ? bar byed/ /ma rig ljon shing gshags nas spang leb yang dag bsgrigs// bzang gnyis kyis ni brtan par mya ngan 'das pa dug/ zam pa de la 'gro na g.yas g.yon ma 'gro cig/ nye bar bdog pas ring du 'gro bar ma byed ? te khyed rnams 'jig rten pha rol 'gro na yang/ /bla med byang chub tsA Di la la dri bar gyis/ /de kho na nyid kyi don ji lta ba bzhin du gyur pa'i tsA Ti la'i zhabs kyis sgra gzhan gyis rab tu gsal bar gsungs te/ srid pa'i chu klung zhes bya ba la sogs pa ni sbyor? du bshad pa'i rkyang? ma dang ro ma'i rtsa yis snang ba rnam gsum tshu rol pha rol zab pa nyid kyis chu klung dgongs pa'i skad kyis khong du chud par bya'o/ /nyin mo dang mtshan mo dang thun mtshams su yul la rnams g.yeng skyed pa nyams par byed pa yang ngo/ /de'i phyir klong dang bcas pa'i 'jigs su rung pa rang bzhin gyi skyon ni zab mo ste/ lam drug gi sgo nas chu dang dri? ma la sogs pa rab tu 'bab pa'i phyir ro/ /de'i phyir na de bzhin du mdza' gnyis ni tshu rol dang pha rol te g.yon dang g.yas su shin tu 'dred pa zhes bya'o/ /rang bzhin gyi skyon gyi 'dam gyis ma gos pa dbu ma'i don la bdag nyid de/ a ba d+hu tI'i tshad ma'i rang bzhin gyis byis pa'i rnal 'byor pa rnams kyis byed par mi nus so/ /d+h+ru'i rkang pas bzhi pa'i dga' ba nye bar gsungs te/ chos kyi don ni rang gi mtshan nyid 'dzin pa'i chos te/ /bum pa dang snam bu dang ka ba dang rdza la sogs par gyur pa'i rnam 'gyur te rang bzhin

  339. 170a

    gyis med pa'i gzubs zhes so/ /dpal he ru ka'i rgyud kyi de kho na nyid kyi le'ur gsungs pa rnam par dpyod pa dmigs pa med pa de yis grub pa'i slob dpon tsA Ti la pas zam pa zhes gsungs pa ni kun rdzob dang don dam pa gcig tu byed pa bla ma'i drin gyis nye bar 'byed par byed do/ /de bzhin du sa ra ha'i zhabs kyis kyang/ /stong nyid snying rje dag ni sbyor ba med gyur na/ /srid dang myang 'das mi gnas thob par mi nus so/ /gal te snying rje 'ba' zhig bsgoms par byed gyur na/ /skye ba stong gis thar pa thob par mi 'gyur ro/ /grub pa'i slob dpon gyis thabs 'dis thar pa rang gi lus kyi ni rnal 'byor pas so/ /de rnams kyang nges par rgya mtsho'i pha rol tu 'gro bar byed do zhes so/ /rkang pa gzhan gyis bshad pa'i don gsal bar byed pa gsungs te/ bshags nas zhes bya ba la sogs pa ni ma rig pa'i ljon shing ni yul la 'jug pa'i dbang las de la de bzhin du kun rdzob byang chub kyi sems kyi ljon shing bkas nas de'i yul du 'dzin pa'i 'gog pa'i phyir/ /rtag tu 'od gsal ni yang spang leb ste lhan cig tu byed pa ni yang dag bsgrigs pa'o/ /slar yang 'di'i 'bras bu rtogs par bya ba'i phyir zung 'jug gi sta res brtan par byed pa'i phyir ro/ /rkang pa gsum pas lam gyi rjes su bsngags pa gsungs te/ ? pa zhes bya ba la sogs pa ni rang byin gyis brlabs pa dang 'od gsal ba dag gcig tu byed pa ni zam pa ste skye bo sems pa rnams 'khor pa'i rgya mtsho las pha rol tu byed pa'i phyir ro/ /kye rnal 'byor pa de la 'gro na g.yon dang g.yas su zla ba dang nyi mar snang ba dag sngon du rdo rje'i bzlas pas 'gog pa las slar yang phyi nas bsgom pas bsam par mi bya'o/ /'dis goms pa'i dbang gis byang chub pa phyag rgya chen po'i dngos

  340. 170b

    grub mi ring pa ste shin tu nye ba nyid do/ /de'i phyir lam ngan pa la 'gro ba la de bzhin du ring du ma 'gro cig ces pa'i don no/ /rnal 'byor gyi gnas rkang pa bzhi pas gdungs te/ gal te khyed rnams zhes bya ba la sogs pa ni gsal snang gsum gyis rmongs pa chen po'i rtsa las pha rol tu 'gro bar 'dod pa rnams la kye rnal 'byor pa de'i tshe grub pa'i slob dpon gyi man ngag bdag gis nges par shes so zhes gsungs pa'o/ /gzhan rnal 'byor pas de bzhin nyid sgrub pa mi shes te po ti bltas pa'i nga rgyal las so// de bzhin du nag po spyod pa'i zhabs kyis kyang/ do ha mdzod las mngon par gsungs te/ lhan skyes gcig pu'i lam mchog de nyid ni/ /kAh+na? pa yis gsal bar yongs su shes/ /lung dang bstan bcos mang po bklags pa dang/ /sbyangs kyang byis pas cung zad shes mi 'gyur/ /pa ta ha many+dza'i zhes bya ba'i glu'i gdangs b+hu su ku'i zhabs kyis so/ /gang gis zas la 'dus nas ci ste 'dug/ mdza' skor rgol ba phyogs bzhi rnams nas so/ /ri dags rang sha rang gi dgra ru langs/ /so rtag skad cig mi 'dor b+hu su ku/ rtswa la mi reg ri dags chu mi 'thungs/ /kye ma ri dags pho mo gnas mi shes/ /ri dags smra nyon rtswa med ri dags ma/ nags 'di spangs nas 'jigs med gnas su song/ /'phyongs zhing brgyugs pas ri dags rkang mi snang/ /b+hu su kus smras blun snying la mi 'jug/ de lta bu'i don gzhan gyi don du sems snying rjes bskul ba'i b+hu su ku pa'i zhabs kyis ri dags kyi sgras dgongs pa'i skad kyis gsungs so/ /gang gis zhes bya ba la sogs pa ni thog ma ming pa'i dus nas bzung nas shes bzhin ma yin pa'i sgyon gyis 'chi bdag gi bdud kyi dug gis bskor nas 'dug pa song song ces rgol ba bdag gi sems kyi ri dags kyis thom? nas/ da ni bla ma dam pa'i zhabs kyis rdul gyis stabs kyis de rnam par spangs la chos thams cad dmigs su med pa de yis gzung ba dang 'dzin pa'i do

  341. 171a

    po nyid du med pa'i phyir cis kyang gzung nas bdag nyid grol bar gnas pa'o/ /d+h+ru'i rkang pas brtan par byed do/ /rang gi zhes bya ba la sogs pa ni de las de bzhin du rang gis byas pa'i ma rig pa dang ser sna'i skyon gyis g.yo ba de yis yang sems can de nyid ri dags te/ thams cad kyi sgra yis bskor bas sems kyi ri dags skad cig nyid kyang spong pa'o/ /b+hu su ku'i zhabs kyis so rtog ni bla ma dam pa'i zhabs kyi mnga' yis gzhan la 'phen pa'o/ /de lta bu nyid ces de bzhin du byang chub sems dpa' i spyod pa la 'jug pa las kyang/ ji srid pags pas btums pa 'di/ /rang gi blo yis gud du gyis/ /sha yang rus pa'i dra ba las/ /shes rab mtshon gyis dbye bar bya/ /rus pa 'ang so sor dbye byas nas/ /rkang mar nang du bltas pa las/ /'di la snying po ci zhig yod/ /rang nyid de bzhin rnam par dpyod/ /sems kyi ri dags the tshom med par rtogs pa gang las bshad na rtswa mi za zhes bya ba la sogs pa ste/ dper na phyi'i ri dags rtswa za zhing 'bab chu 'thung bar byed pa de bzhin du sems kyi ri dags mi byed do/ /khyad par du rnam par dpyod pa'i rang bzhin gyis de dag sems dang rlung dag gi gnas ni 'dug gnas dbang po'i sgo yis mi rtogs so/ /de bzhin du nag po spyod pa pa'i zhabs kyis do ha mdzod las gsal por gsungs te/ ri mchog rtse mo mthong ba yi/ /thang la sha pa ri dags bcas/ /gdong lnga pa dang mi 'phyong zhing/ /glang chen mchog ni ring du gnas/ /rkang pa gsum pas lus kyi nags yul la lo ma g.yo ba nye bar sdud pa gsungs te/ ri dags shes bya ba la sogs pa ni yul gyi chu dang srid pa za ba ri dags te 'gog pa'i phyir ro/ /re dags shes pa ni dgongs pa'i skad kyis de nyid ye shes kyi phyag rgya bdag med ma sgom pa po goms pas

  342. 171b

    dbang du 'dus shing dbugs 'byin pa ster par byed do/ /kye'i sems kyi ri dags lus kyi nags 'di'i lus kyi khyim spangs nas gang la bde ba chen po'i pad+ma'i tshal du song nas 'khrul pa'i rnam rtog pa med pa la spyod do/ /de bzhin du lhan cig skyes pa'i sdom pa las kyang/ dmigs med kun tu khyab pa yis/ /yid ni snying rje ro gcig pas/ /'dir ni 'dod ldan ma bzhin du/ /gcig car stong nyid 'khyud par gyis/ /rkang pa bzhi pas byang chub du dang chen po la sogs pa'i rjes su bsngags pa gsungs te/ 'phyong zhing rgyug pas ri dags zhes bya ba la sogs pa ni lhan cig skyes pa'i ye shes khong du chud pa'i rnal 'byor pa de'i rang gi sems kyi ri dags kyi cha shas la sogs pa'i rnam par rtogs pa mi rtogs pa'o/ /'ga' zhig gis kyang phyi'i bstan bcos dang lung gi mngon pa'i nga rgyal gyi mkhas pa de rnams kyis kyang chos 'di la yang dag par rmongs shing shin tu ring du gyur pa ste/ /grub pa'i slob dpon b+hu su ku pa'i zhabs kyis gsungs pa de rnams kyi snying la de kho na nyid cung zad mig nye bar zhi ba tsam du yang mi 'gyur ro/ /gang du bcom ldan 'das kyis gsungs pa lha mo bzhis zhus pa rnal 'byor chen po'i rgyud las/ thub chen chos kyi phung po ni/ /brgyad khri dang ni bzhi stong la/ /gang gis de nyid mi shes pa/ /de rnams thams cad 'bras med yin/ /rnga'i tshogs pa zhes bya ba'i glu'i dbyangs nag po spyod pa pa'i zhabs kyi'o/ /'jigs byed dus mtshan ma yis lam ni bkag/ de mthong ? sems ni rnam mi dga' / /kAh+nas gang du phyin nas gnas 'cha' byed/ /yid kyi spyod yul gang de btang snyoms 'dug/ khams gsum gsum pa gsum kyang so sor 'dug/ kAh+nas smras pa srid pa yongs su gcod?/ /gang dang gang byung de dang de yang song/ /bdag nyid 'ongs nas kAh+nas yid ming de/ /'di ni kAh+na rgyal po'i pho brang nye/ /kAh+nas smras kyang bdag gi snying mi 'jug/ 'gro ba'i don la snying rje'i khur gyis thugs brlan pa'i slob dpon nag po spyod

  343. 172a

    pa'i zhabs kyis de kho na nyid kyi don khyad par du 'phags pa gsungs te/ /'jigs byed ces bya ba la sogs pa ni sngon du gsungs pa'i rang gi lha'i rnal 'byor sngon du 'gro bas rdo rje bzlas pa'i man ngag thob pa nag po spyod pa pas 'jigs byed ni ye shes kyi snang ba dang dus mtshan ma ni snang ba mched pa gcig tu byas nas a ba d+hu tI'i lam du brtan pa dang 'phog? pa'o/ /slar yang bla ma dam pa'i drin las rang bzhin gyis yongs su dag pa a ba d+hu tI'i pa'i gzugs nag po spyod pa'i zhabs kyi yid khyad par du 'phags par gyur pa'o/ /kAh+na gang du phyin nas zhes bya ba la sogs pa ni d+h+ru'i rkang pas rang gi gnas su 'gog pas 'gog pa gsungs te/ rang nyid de bzhin du bdag la sogs pa 'bod par byed de/ kye nag po spyod pa pa rdo rje'i tshig khyab par bya ba dang khyab par byed pa'i gzugs kyis bde ba chen pos khyab pa ni 'gro ba zhes so/ /dpal ldan he ru ka'i rgyud kyi rgyal por gsungs pa'i don mngon du byed pa las gang du gnas 'cha' ba ni bdag nyid kyis gnas par byed pa'o/ /thams cad de'i rang bzhin yin pa'i phyir gang rnams kyis kyang rnal 'byor pa'i yid spyod yul yid kyi dbang pos rtogs pa nyid gtso bor 'gyur te/ de rnams kyang 'dir chos la btang snyoms te de las ring du gyur pa nyid do/ /de bzhin du sa ra ha'i zhabs kyis kyang/ gang du yid rlung mi rgyu zhing/ /nyi ma zla ba 'jug med der/ /rmongs pa sems kyi ngal so gyis/ /sa ra ha yis man ngag bstan/ /rkang pa gnyis pas de la gsal bar byed pa gsungs te/ gsuM gsum zhes bya ba la sogs pa ni phyi'i mtho ris dang sa stengs dang sa 'og dang/ nang gi lus dang ngag dang yid dang/ nyin mo dang mchan mo dang thun mtshams rnams rnal 'byor ma'i rgyud la sogs par khong du chud par bya'o/ /de rnams phan tshun

  344. 172b

    bde ba chen pos khyab par byed pa nyid kyis dbye ba'i mtshan nyid mi dmigs pa ste/ rnal 'byor pas don dam par rig pas so/ /de bzhin du lung las kyang/ mtho ris sa steng sa 'og rnams/ /gcig gi gzugs gyur skad cig las/ /shes pa'i tshig las de rnams kyi don spyod pa pa glu dbyangs zhabs kyis gsungs te/ sum cu bdun dang dgu dang sum cu brgyad/ /de rnams dkyil 'khor gsum la khyad par med/ /ces bya ba la sogs pa rgya cher gsungs so/ /chos thams cad khong du chud pa nag po spyod pa'i zhabs kyis/ bdag ni srid pa'i rnam rtog gcod pa po zhes gsungs so/ /rkang pa gsum pas rang gi rjes su bsdags pa gsungs te/ gang dang gang zhes bya ba la sogs pa ni dngos po gang dang gang de dang de'i dngos po thim par gyur pa'o/ / de rnams skye ba dang 'jigs pa rnams la kun rdzob kyi bden pa'i rang bzhin bla ma'i drin las yongs su shes pas nag po spyod pa'i zhabs kyi yid khyad par du 'phags pa'i yongs su dag par gyur te/ /de bzhin du lung las kyang/ /srid pa'i de nyid yongs shes na/ /mya ngan 'das shes bya bar brjod/ /rkang pa bzhi pas lam gyi rjes su bsngags pa gsungs te/ 'di ni zhes bya ba la sogs pa ni rang nyid kyi bdag la 'bod par byed de/ kye'i rdo rje nag po zhabs rim pa lnga sngon du song na slar yang rgyal po'i pho brang bde ba chen po'i grong khyer bdag la shin tu nye bar 'gyur ro/ /de bzhin du klu sgrub zhabs kyis kyang/ bskyed pa'i rim la legs gnas nas/ /rdzogs pa'i rim pa 'dod rnams kyi/ /de thabs rdzogs sangs rgyas kyis kyang/ /skas kyi rim ba bzhin du sprul/ /lha rnams rol pa zhes bya ba'i glu dbyangs la wa'i na bza' can gyi zhabs kyis kyang /snying rje'i gru ni gser gyis rab tu khengs/ /dngul la gzhag pa'i gnas nyid med par gyur/ /nam mkha' bltas nas la ba pa yis 'gro/ /skye ba sod

  345. 173a

    nas slar yang ji ltar 'byung/ /gru yi brtod phur thon la nyag thag thong/ /bla ma dam pa la bris pa yi 'gro/ /gru yi mjug la zhon pas mtshon zhing 'gro/ /gru skya med par mnyan pa gang gis 'gro/ /byang dang lho dag bcun? nas bru sna zhon/ /bde ba chen po'i grogs dang lam du 'dzom/ /mchog gi snying po dga' ba'i thugs tshim pa'i la ba'i na bza' can gyi zhabs kyi snying rje'i dgongs pa'i skad kyi de kho na nyid kyi don gsal bar mdzad nas gsungs te/ gser zhes bya ba la sogs pa ni snying rje'i zhes bya ba dgongs pa'i skad kyis de la de bzhin du/ byang chub kyi sems la gru zhes bya ste/ gzugs kyi rgyan du gzhan la rtogs par bya'o/ /de dang de'i bdag nyid de yis rnam pa thams cad dang ldan pa'i stong pa nyid dang lhan cig bla ma'i drin gyi bcud kyis gang nas bde ba chen po'i 'khor lor 'gro ba'o/ /rgya mtsho'i steng du 'gro ba ni bdag nyid la bong pa ste grub pa'i slob dpon la ba'i Ta bza' can gyi zhabs kyis sgrod? par byed pa'o/ /rShu? pa zhes bya ba la sogs pa ni gzugs dang tshor ba dang 'du shes dang 'du byed dang rnam par shes pa la sogs pa rnams kyi dbye ba'i gnas med pa ste/ thams cad de bzhin nyid de'i rang bzhin yin pa'i phyir ro/ /de rnams bzhi pa'i thabs la grus 'gro ba ste /bdag grub pa'i slob dpon du gyur nas skye ba mdza' dag tu ldog par mi 'gyur ro zhes pa'i don no/ /de nyid bdag la bod pa ste la ba'i na bza' can gyi zhabs la rnam par mi rtog pa rab tu 'bab pa goms par gyis shig pa'o/ /de bzhin du rab tu mi gnas pa gsal bar mdzad pa las kyang/ /ji srid 'ga' zhig rnam par rtog/ rab skye yid ni spang bya ste/ /de srid du ni gnyis nyid phyir/ /gang yang dga' ba'i ngo bo nyid/ /mchog tu bde bar byed pas so/ /de yang rnam par rtog pa tsam/ /gang

  346. 173b

    yang chags pa dang bral ba'i/ /dngos med de yang de gnyis la/ /de yi dngos por 'dzin pa'i phyir/ /mya ngan 'da' bar mi 'gyur ro/ /'ga' zhig kyang ni yul nyid la/ /rnam par mi rtog bdag sems las/ /de bzhin du byang chub sems dpa' i spyod pa la 'jug pa las /mi yi gru la brten nas ni/ /sdug bsngal chu po che las sgrol/ /bru 'di phyis nas rnyed dka' bas/ /rmongs pa dus su gnyid ma log/ rkang pa gzhan gyis de nyid kyi don gsal bar gsungs te/ brtod bur? zhes bya ba la sogs pa ni dang po la snang ba'i nyes pa la bla ma'i gsung gis brtan pa bskyed par bya'o/ /kye mchog gi rnal 'byor pa zhes so/ /nyam thag ni ma rig pa'i srad bu myur du grol bar byas la de yis 'gro bar gyis shig pa'o/ /de rnams kyi snang ba'i khyad par gyis bla na med pa'i chos mngon sum du byed par 'gyur te/ 'dir the tshom med do/ /rkang pa gsum pas bla ma'i gdams pa dang bral pas phyin ci log tu gyur par gsungs te/ gru'i mjug ces bya ba la sogs pa ni dga' bral gyi lam du song nas phyogs bzhir gzung ba dang 'dzin pa la sogs pa'i rnam par rtog pa la gal te lta zhing rtog par byed na de'i tshe bla ma'i gsung gi mnyam pa dang bral pas ldan cig skyes pa'i dga' ba'i ngo bo nyid kyis rab tu bgrod pa bde ba chen po'i 'khor lor 'gro bar mi nus te/ slar yang nges par 'khor bar lhung bar 'gyur te/ de ltar yang nag po spyod pa'i glu dbyangs kyis kyang/ dong du ltung? na ga bur nyams par 'gyur zhes gsungs so/ /gang zhig slar yang bla ma dam pa'i gsung gis rdo rje dang chu skyes kyi bde ba'i rjes su tshol bar byed pa de 'khor ba'i rgya mtsho'i pha rol tu 'gro bar 'gyur ro/ /de bzhin du nag po spyod ? glu dbyangs zhabs kyis kyang/ gang zhig phug pas yid kyi rin po che/ /nyin

  347. 174a

    re nyin re lhan cig skyes pa 'phro/ /de nyid kyis ni chos kyi gnas nyid shes/ /thub pa rnams kyis gzhan du ci zhig gsungs/ /rkang pa bzhi pas 'bras bu gsal bar byed pa gsungs te/ byang dang lho zhes bya ba la sogs pa ni g.yon dang g.yas kyi snang ba gnyis po dbus su rab tu zhugs pa'i phyir lam sna tshogs pa'i dga' bar gyur pa byang chub kyi sems la rang gi ye shes yongs su sbyangs nas bde ba chen po'i 'khor lo rgya mtshor mtshon nas de'i tshe 'jom pa ste/ de la lam du ni bde ba chen po'i grogs bdag med pa'i ye shes la mngon par 'khyud pa bdag nyid kyis thob par 'gyur ro/ /pa Da ha'i tshogs pa zhes bya ba'i glu dbyangs nag po spyod pa'i zhabs kyi'o/ /e bam yi ge brtan byas ka gnyis nyed?/ /rnam pa sna tshogs khyab byed 'ching ba ston/ /kAh+na rtse zhing sbrang gi chang gis myos/ /lhan skyes chu skyes tshal zhugs sems med 'gyur/ /ji lta ji ltar glang chen glang mor chags/ /de lta de ltar de nyid ngos 'gram 'bab/ /'gro drug mdza' dag rang bzhin dag pa ste/ /dngos dang dngos med la chags ma dag pa/ /stobs bcu'i rin chen phyogs bcu rnams su 'phro/ /rig pa'i glang dbang nyon mongs nyid kyis btsal/ /dga' ba'i tshogs pas khyab pa de yis nag po blu dbyangs zhabs kyis sems kyis glang po che'i dgongs pa'i skad kyis de nyid kyi don gzugs kyi rgyan du gsungs te/ e bam yi ge zhes bya ba la sogs pa'i bam yig zla ba'i snang ba e yig nyi ma ste/ gnyis po nyin mo dang mtshan mo'i shes rab ka ba gnyis mnyes nas snang ba med par bya ste/ rdo rje'i bzlas pas gzhan sna tshogs pas rab tu byed pa a ba d+hu tI khyab byed 'gog pa phyung nas gsum po de rnams kyi dmigs pa med pa'i chang gis btung bas rab tu myos pa'o/ /yod pa'i shes pa la glang po che'i dbang po nag po spyod pa'i zhabs kyis

  348. 174b

    gsungs so/ /chu skyes tshal ni bde ba chen po'i chu skyes kyi tshal du phyin na rnam par mi rtog par rol par byed pa'o/ /de bzhin du 'phags pa klu sgrub zhabs kyis kyang/ /phyi rol gang de bden med rang bzhin bral/ /shes pa yang ni phyi rol don bzhin no/ /gang zhig steng par yongs su rtogs byed na/ /de yang stong nyid 'dod pa 'ba' zhig min/ /de nyid yongs su rtog pa'i dngos tshogs ni/ /de nyid med la de nyid gcig pa'i blos/ /sgyu ma'i gar mkhan gar gyi bya ba la/ /gar mkhan rnal 'byor dbang phyug rtse bar byed/ /rkang pa gzhan gyis de nyid gsungs pa ste/ /ji lta ji ltar zhes bya ba la sogs pa ni ji ltar phyi rol tu glang po che glang mo la chags pa'i myos pas rgyug par byed do/ /de bzhin du bcom ldan 'das bdag med ma la chags pa de yis sems ni glang po che'i dbang po nag po sbyong pa pa'i zhabs kyi de bzhin nyid kyi chang rab tu 'bab par byed do/ /de'i phyir rkang pa gsum pas dngos po dang dngos po med pa'i dmigs pa gsungs te/ 'gro drug ces bya ba la sogs pa ni sgo nga las skyes pa dang/ mngal las skyes pa dang/ brod? gsher las skyes pa dang/ brdzus te skyes pa'i lha dang lha ma yin la sogs pa'i 'gro ba drug po rnams kyi rnal 'byor gyi dbang phyug dngos po thams cad ngo bo nyid kyis yongs su dag pa'i skra'i rtse mo tsam yang ma dag pa med pas ci yang med pa'o/ /de bzhin du dbu ma'i bstan bcos las/ 'di la bsal bya ci yang med/ /bzhag par bya ba cung zad med/ /yang dag nyid la yang dag lta/ /yang dag mthong na rnam par grol/ /rkang pa bzhi pas dge ba'i rtsa ba yongs su smin pa'i mtshan nyid gsungs te/ stobs bcu zhes bya ba la sogs pa ni stobs bcu dang mi 'jigs pa la sogs pa'i yon tan de bzhin nyid kyi rin po che phyogs bcur khyab pa de yis nyams su myong ba goms pa'i stobs kyis 'gro ba bdag nyid kyi'o/ /de'i phyir de bzhin nyid kyi rin po che'i mthus ma rig pa'i blang po che'i

  349. 175a

    dbang po ma chags pa'i myos pa gang las so/ /de sha kha zhes bya ba'i glu dbyangs nag po spyod pa'i zhabs kyi'o/ /grong khyer phyi rol g.yung mo khyod kyi khyim/ /reg gin reg gin 'gro de bram ze'i bu/ kye g.yung mo khyod dang mnyam 'grogs bya/ /kAh+na thong pa'i rnal 'byor skyug bro spangs/ /gcig nyid pang 'dab drug cu rtsa bzhi la/ /der gnas g.yung mo gar byed pa pu lI/ /bdag gis g.yung mo khyod la bden dngos dris/ /'ong dang 'gro ba gang gi gru la byed// rgyud tshong g.yung mo gzhan yang me tog stegs/ /khyod kyi ched du 'dam bu'i stan gzhag go/ kye khyod g.yung mo bdag ni kA pa lI/ /khyod kyi ched du bdag gi rus 'phreng bcangs/ /rdzing bu bcom nas g.yung mo pad rtsa zos/ /g.yung mo blangs nas bdag gis pha rol gsod/ /de kho na nyid kyi don bdag med pa'i chos khong du chud pa nag po spyod pa'i zhabs kyis g.yung mo'i sgras dgongs pa'i skad gsungs te/ grong khyer zhes bya ba la sogs pa ni mi reg pa'i sbyor pa'i phyir te/ g.yung mo ni yongs su dag pa'i a ba d+hu ti bdag med par khong du chud par bya'o/ /bram ze zhes pa ni bram ze hUM yig gi sa bon las skyes pa g.yo ba'i sbyor ba las sems ni bram ze'i bu'o/ /man ngag thob pa'i rnal 'byor pas byang chub kyi sems kun rdzob khu ba'i gzugs nor bu'i rtsa ba las dga' bral la rag gyen ngag kyin? khyod 'gro ste kye bdag med ma'i grong khyer la zhes so/ /de phyi rol gyi gzugs la sogs pa'i tshogs par shes par bya'o/ /dbang po'i spyong yul ma yin pa nyid kyis bla ma'i man ngag gis khyod kyi khyim ni bde ba chen po'i 'khor lo la bdag grub pa'i slob dpon nag po zhabs kyis rtog pa zhes so/ /kye g.yung mo zhes bya ba la sogs pa ni kye g.yung mo ni bdag med ma khyod dang bdag lhan cig

  350. 175b

    mngon par 'khyud par bya'o/ /gang dang 'dra ba'i gnas da dang 'dra ba dag la bdag ni skyug bro ba dang ngo tsha ba la sogs pa'i skyon dang bral ba'o/ /de bas na bdag rtag tu rgyun mi 'chad par 'dzin pas thabs dang shes rab kyi bdag nyid can phyag rgya chen po'i dngos grub thob po/ /ji ltar dpal dgyes pa'i rdo rje las kyang/ thabs dang shes rab bdag nyid rgyud/ /de la bdag gis bshad kyis nyon/ /rkang pa gnyis pas goms pa'i gnas gsungs te/ gcig nyid ces bya ba la sogs pa ni sprul pa'i 'khor lor pad+ma 'dab ma drug cu rtsa bzhi dang ldan pa la gnas pa'i bcom ldan 'das bdag med ma dang lhan cig ro cig pa de yis chags pa chen po'i dga' bas shin tu yid du 'ong ba nyid kyis nag po spyod pa pa gar byed do/ /de bzhin du dpal dgyes pa'i rdo rje las kyang/ / gang ni he ru ka gzugs kyis/ /rjes dran thos pa sbyor ba las/ /rkang pa gsum pas bdag med ma khong du chud pa brtan par byed do/ /kye khyod ces bya ba la sogs pa ni kye'i bdag med ma bden pa'i dngos po'i rang bzhin gyis bsam pas khyod la bdag gis bris pa'o/ /chos thams cad bdag med mde yis gang gis kun rdzob byang chub kyi sems kyi gru'i lam gyis khyod kyis 'gro ba dang 'ong ba byed par khyod kyis mi byed do zhes pa'i don te/ thams cad lhan cig skyes pa'i ngo bo nyid kyis ces so// de bzhin du dpal dgyes pa'i rdo rje las kyang /de'i phyir 'gro kun lhan cig skyes/ /lhan cig skyes pa'i ngo bo brjod/ /ngo bo nyid ni mya ngan 'das/ /rnam dag rnam pa'i sems nyid do/ /rkang pa bzhi pas chos thams cad bdag med pa'i ngo bo nyid du gsungs te/ rgyud ces bya ba la sogs pa ni rgyud ces pa b+ha ga pad+ma'i gnas sum rog pa'i rang bzhin no/ /me tog stegs ni de'i 'dab mar yul gyi snang ba'o/ /de dag bla ma'i zhabs kyi drin kyis bdag nyid 'tshong ba ni khyod kyis yongs su ? bar byas kyi

  351. 176a

    bdag med ma zhes so/ /de'i phyir gar mkhan bzhin du 'khor pa'i mdzod dag gis khyod kyi ched du yongs su spang bar bya'o zhes so/ /rkang pa lnga pas rnal 'byor gyi dbang phyug spyod pa rab tu gsal par gsungs te/ kye khyod ces bya ba la sogs pa ni kye'i g.yung mo bdag med ma'i rang bzhin de yis khyod la bzang pos bla ma dam pa'i drin lan bdag gis shes so/ /bdag kyang thod pa can gyi spyod pa 'dzin pa ste/ kam ni khyod kyis bde ba/ bA ni skyong bar nus pa'o/ /de'i phyir khyod kyi ched du bdag nag po spyod pas de bzhin gshegs pa drug gi 'khor lo dang rna rgyan dang mgul rgyan dang rus rgyan gyi spyod pa bzung nas phyi rol gyi sngags dang rgyud la bltos pa med pa de yis rigs lnga'i spyod lam bya'o/ /de bzhin du rtag po spyod pa'i zhabs kyis kyang/ gal te sngags rgyud cung zad gcig med par/ /rang gi chung ma blangs nas rtse bar byed/ /rang khyim chung ma ji srid ma dag pa/ /de srid rigs lnga'i spyod lam gal te ci/ /rkang pa drug pas g.yung mo'i dbye ba rnam pa gnyis gsungs te/ rdzing bu zhes bya ba la sogs pa ni bla ma'i drin gyis rnam par dman pa yis/ de nyid g.yung mo a ba d+hu ti pa yongs su ma dag pa can no/ /rdzing bu ni lus kyi rdzing bu'o/ /de la rtsa ba de bzhin nyid byang chub kyi sems kun rdzob du ba'i ngo bos gsod pa ste/ bdag gis rang bzhin med par byed pa'o/ /de bzhin du phyi rol gyi bstan bcos las kyang/ gang zhig sngags ki byin brlabs chu/ /snod kyi khyad kyis bskur ba 'thob/ /sbrul gyi kha ru mid gyur nas/ /nya phyis las skyugs mu tig go/ nA DI pa dang Dom+b+hi pa'i zhabs kyi steng pa zhes bya ba la sogs pa'i glu ni rnam par ma bshad do/ /paT ha many+dza ri zhes bya ba'i glu dbyings nag po spyod pa'i zhabs kyi'o/ /nA Di nus ldan brtan

  352. 176b

    gzung kha TwaM ga/ gzhom mid DA ma ru sgrogs dpa' po'i gdangs/ /kAh+na thod can rnal 'byor zhugs nas spyod/ /lus kyi grong khyer zhes byar rigs gcig spyod/ /A li kA li dril bu rkang gdub can/ /zla ba nyi ma rna rgyan brgyan du byas/ /'dod chags zhe spang gti mug thal bas byugs/ /mchog gi thar mchog mu tig do shal bcings/ /rgyug mo a ni skud po khyim du sod/ /ma ni gsod pas kAhUM? kA pa li/ /mchog gi bde ba chen pos brjid pa'i nag po spyod pas slar yang de kho na bzhin du don dam pa rab tu rtogs par bya ba'i phyir gsungs te /nA DI zhes bya ba la sogS pa ni rtsa sum cu so gnyis la de rnams kyi nang nas nus ldan gyi rtsa ni gtso bo a ba d+hu tIr khyad par gyi dga' ba'i ngo bo nyid bla ma'i drin las nor bu'i rtsa bar rnam par gzung bar bya'o/ /kha TwAM ga zhes bya ba ni kha ni stong pa nyid 'od gsal bas lhan cig skyes pa la yang dag par reg pa'o/ /DA ma ru'i sgra ni gzham du med pa'i dbyangs dpa' bo'i gdangs kyis stong pa nyid seng ge'i sgra sgrogs par gyur pas nag po spyod pa pa ni thod pa can no/ /lus kyi grong khyer du rab tu zhugs nas rab tu spyod pa ni nyon mongs pa mngon par rba ba'i tshul gyis rigs gcig pa de yis spyod lam gyi 'chag par byed ces so/ /rkang pa gnyis pas rnal 'byor pa'i rgyan gsungs te/ /A li zhes bya ba la sogs pa ni dang por re shig rnal 'byor gyi dbang phyug gis rdo rje'i bzlas pas yongs su sbyangs pa'i zla ba dang nyi ma la sogs pas dril bu dang rkang gdub la sogs pa rnal 'byor pa'i rgyan du byed pa zhes so/ /rkang pa gsum pas rnal 'byor pa'i rgyan gsungs te/ 'dod chags zhes bya ba la sogs pa ni de rnams de bzhin du bde ba chen po'i 'dod chags kyis mes 'dod chags dang zhe sdang la sogs pa sreg par byed pa'o/ /thal ba de rnams kyi lus la rnam par byugs shing slar yang

  353. 177a

    rdo rje sems dpa' i rang bzhin gyis bdag la dmigs te/ mchog gi thar pa'i mu tig gis brgyan nas 'chag pa'o zhes so/ /rkang pa bzhi pas thod pa can gyi spyod pa gsungs te/ gsod pa zhes bya ba la sogs pa ni sngon du gsungs pa'i drung ste/ de la yid dang rlung dbang du byas te mig gi dbang po la sogs pa'i rnam par shes pa'i rlung sna tshogs pa'i rab tu byed par khong du chud par bya'o/ /de la ma rig pa yang rang bzhin med par byas la sgyu ma'i tshul gyis thabs dang shes rab dbyer med pa la nye bar spyod pa nag po'i spyod pa ba ste/ 'gro ba pa la 'gro ba'i don gyi bsams pas rdo rje thod pa can du byas nas 'khyam pa'o/ /de bzhin du da u Da'i zhabs kyis kyang/ sems can rdo rje 'dzin dang 'gro pa yi/ /bud med thod pa can gyi chung ma mtshungs/ /nga rgyal dang bcas he ru ka gzugs des/ /bcom ldan gang zhig bdag ni dbye ba med/ /ji ltar dpal gyi pad+ma'i myos byed dang/ /go ku da ha nar byas gus par gyis/ /'di yis thams cad blo gros dbang po rnams/ /rtse cag yid kyi rnal 'byor dbang phyug 'grub/ /rnga bo che zhes bya ba'i glu dbyangs nag po zhabs kyi'o/ /snying rje'i rgyal mtshan rgyan po rtse bar byed/ /bla ma'i gsung gi srid pa'i stobs las rgyal/ /phyogs su Du a bskul na rgyal po la/ / phan thabs kAh+na? rgyal ba'i pho brang nya?/ /dang por mi ring bton na gsod par 'gyur/ /glang chen bton nas skye bo lnga dang rtses/ /blo yis rgyan po yongs su mya ngan/ /nges par byas pas srid pa'i dpung las rgyal/ /kAh+nas smras pa bdag ni bde mchog bzang/ /re dmigs drug cu rtsa bzhi rtsis nas len/ /slar yang de la de lta bu'i don rgyan po 'gyed pa dgongs pa'i skad kyis nag po spyod pa'i zhabs kyis gsal por gsungs te/ snying rje'i zhes pa ni rang byin gyis brlabs pa sems kyi ngo bos sems

  354. 177b

    su shes par bya'o/ /rgyal zhes pa ni de'i rten ting nge 'dzin gyi sgrib pa skyon bdun rtogs par bya'o/ /de rnams las rgyal ba ni dmigs pa med ces bya'o/ /rgyan po ni sngags kyi tshul gsang dpal bzhi pa'i dga' pa'i stobs de la de bzhin du byang chub kyi sems rdo rje bla ma'i man ngag las yang dag par rdo rje dang chu skyes mnyam du sbyor ba gnyis po gcig pa de yis rgyun mi 'chad par dga' ba mngon par sbyor bar rtse bar byed pa ni srin pa'i stobs yul snang ba'i stobs las nyon mongs pa med pa'i dbang gis bdag cag dag po spyod pa brgyal bzhes so/ /brtan pa'i rkang pas gsal bar gsungs te/ bskul na zhes bya ba la sogs pa ni dang por de bzhin du rdo rje bzlas pa'i rim pas snang ba gnyis po ste bskul ba zhes pa ni gcodpar byed pa'o/ /yang rgyal po ni ma rig pa'i sems la phan par byed pa bo'i thabs kyis zhes te/ chags pa'i mthar khyad par gyi dga' ba byung ba'i dus su byang chub kyi sems mi 'gyur ba man ngag gi khyad par gyi dga' bas nag po spyod pa brgyal ba'i pho bang rang nyid kyis nye bar 'dzom par gyur pa zhes so/ /de bzhin du u Da'i zhabs kyis kyang chags pa'i mdza' mar khyad par dga' 'jug pa/ /bsam pa yis ni rang bzhin gnas par byed/ /gang zhig shes pa'i yid ni rab tu 'jug/ gzhan yang rlung dag 'gog par ? pa yis/ /gang la dus de gzhin du 'byung mi 'gyur/ /bde ba mngon sum pha rol de yis gnas/ /de la rang gis nyams myong gang de slar/ /phyag rgya chen po'i dngos grub bsgrubs pa'i phyir/ /rkang pa gnyis pa goms pas shin tu 'gro ba gsungs te/ dang por zhes bya ba la sogs pa ni mi reng? zhes bya ba dgongs pa'i skad kyis drug cu lhag pa brgya'i rang bzhin dag gis rdo rje bzlas pa'i rim pas dang po la rang bzhin med par byas nas slar yang glang chen zhes pa ni rnal 'byor gyi dbang phyug gi de bzhin

  355. 178a

    nyid kyi sems glang po che'i dbang po yis phung po lnga'i bdag nyid dang yul lnga'i bar byed pa dang bdag tu byed pa la sogs pa'i rgyan po rab tu spangs nas bdag med pa mngon sum du byed pa zhes so/ /rkang pa gsum ? de nyid gsal bar gsungs te/ blo yis zhes pa ni blo gros shes rab kyi pha rol tu phyin mar rig par bya'o/ /rgyal po zhes pa ni nyon mongs pas bskyed pa'i sems yongs su mya ngan las 'da' bar skyed par byed pa'o/ /de'i phyir srid pa'i dpung gi dngos do'i grong gi stobs gzugs la sogs pa'i yul rnams la rang gi brel pa mdza' dag byas pas bdag rgyal pa'o/ /de bzhin du klu sgrub zhabs kyis kyang/ /gang gi sems kyis byis de rnams/ /'khor ba nyid du 'ching bar 'gyur/ /rnal 'byor sems de nyid kyis ni/ /bde bar gshegs pa'i go 'phang 'gyur/ /rkang pa bzhi pas bdag rnal 'byor pa'i go 'phang gi rjes su bsngags pa gsungs te/ smras pa zhes bya ba la sogs pa ni nag po spyod pa pas gsungs pa'o/ /bde mchog ni yang dag pa ji lta ba'i bsam pas dgongs pas re mig drug cu rtsa bzhi sprul pa'i 'khor lor gnas par byas nas rang gi sems 'od gsal ba rang gis 'dzin pa'o/ /'dod pa sbyin pa zhes bya ba'i glu dbyangs nag po zhabs kyi'o/ /skyabs gsum grur byas gzhon du ma rnam brgyad/ / rang lus snying rje stong pa'i chung ma can/ /srid mtsho las sgrol sgyu ma rmi lam bzhin/ /dbus su rdzings bcas chu rlabs yod mi shes/ /de bzhin gshegs pa lnga yi mnyan pa byas/ /kAh+na lus ni sgyu 'phrul las sgron byed/ /dri reg re ni ji lta de lta'o/ / gnyid ni med kyang rmi lam de bzhin no/ /sems kyis mnyan pas stong nyid grur 'jug la/ /gzhon nas kAh+na bde ba chen po'i grogs/ /gsungs pa'i don bstan par bya ba'i phyir glu gzhan gyis gsungs te/ skyabs gsum zhes bya ba la sogs pa ni gsum

  356. 78b

    ni lus dang dag dang yid do/ /skyabs ni bzhi pa gang la thim par gyur pa'o/ /de la bde ba chen po'i lus la gru'i dgongs pa'i skad du rtogs par bya'o/ /de'i phyir stong pa dang snying rje dag gcig pa nyid ni rang lus te/ zung du 'jug pa'i ngo bo de yis bde ba chen po'i lus kyis so/ /gzhon nu ma rnam brgyad ces pa na sangs rgyas kyi dbang phyug la sogs pa'i bde ba nyams su myong ba'o/ /d+hu'i rkang pas bzhi pa'i thabs kyi rjes su bsngags pa gsungs te/ sgrol zhes bya ba la sogs pa ni thabs kyi gru de yis srid pa'i rgya? mtsho las nag po spyod pa pas sgrol ba'o/ /sgyu ma'i rang bzhin dang rmi lam gyi dper byas te dbus su rdzings ni lus la mchog tu dga' ba rang byin gyis brlabs pa'i sems kyi chu rlabs ni g.yo ba dang bcas pa'i bde ba za ba'i rang bzhin zhes te 'dir ni rang gi tshor ba yang mi dmigs pa'o/ /de bzhin du klu sgrubs zhabs kyis kyang rab tu mi gnas pa gsal ba las/ ji srid 'ga' zhig rnam par rtog/ rab skye yid ni spang bya ste/ /de srid du ni gnyis nyid phyir/ /gang 'dir dga' ba'i ngo bo nyid// mchog tu bde bar byed pa'o/ /de yang rnam par rtog pa tsam/ /gang yang chags pa dang bral ba'i/ /dngos po de yang de gnyis la/ /de yis dngos por 'dzin pa'i phyir/ /mya ngan 'da' bar mi 'gyur ro/ /'ga' zhig kyang ni yul nyid la/ /rnam par mi rtog bdag sems las/ /rkang pa gnyis pas phung po yongs su dag pa gsungs te/ de bzhin gshegs pa lnga zhes bya ba la sogs pa ni rnam par dag pa de bzhin gshegs pa lnga'i bdag nyid rang gi lus mnyam par yongs su shes par bya'o/ /bde ba chen po'i gru bzung nas bdag nyid la rang gis bod pa ste/ kye nag po spyod pa zhabs sgyu ma'i dra ba ltar byas pa'i phung po dang khams la sogs pa'i yul gyi rgya mtsho dgag par gyis shig pa'o/ /de bzhin du sU ta ke las kyang/ /phung po dang ni khams dang

  357. 179a

    de bzhin dbang po rnams/ /lnga nyid lnga nyid rab tu dbye ba byas pa las/ /de re yang ni de bzhin gshegs pas byin gyis brlabs/ /'khor ba'i las rnams gang las 'byung ba nyid du 'gyur/ /rkang pa gsum pas the tshom med par rtogs par bya ba'i phyir sgom pa rnam par dag pa gsungs te/ dri zhes bya ba la sogs pa ni phyi rol gyi dri dang ro dang reg bya la sogs pa'i yul la ji lta ba de bzhin du chos thams cad kyi ngo bo nyid khong du chud pa de las so sor gnyid? dang ? gsal dang bral ba de yis gnyid sad pa'i gnas skabs su yang rmi lam bzhin du so sor gsal ba'o/ /de bzhin du mdo las kyang/ gnyid log rab tu sad nas don la dbye ba med/ /rmi lam 'bras bu mngon 'dod yang dag rtogs byed pa// nyid ? mtshan du rmi lam dang ? skye bo rnams/ /rab tu 'bad pa chen pos yun ni ring pos bsgrubs/ /rkang pa bzhi pas lam gyi rjes su bsngags pa gsungs te/ sems kyi zhes bya ba la sogs pa ni rnam pa thams cad dang ldan pa'i stong pa nyid kyi gru'i lam la sems gdom pa 'dzin par yang dag par skyed pa dang 'grogs te nag po spyod pa'i zhabs bde ba chen po'i gling dang mtshungs par 'gro bar byed do/ /d+ha ni sI zhes bya ba'i glu dbyangs DoM? b+hi pa'i zhabs kyi'o/ /gaM? gA dang ni ya mun dbus rtsang ba 'bab/ / der zhugs gdol pa'i bu mo rol pas sgrol bar byed/ /bskyod ci ga DoM b+hi kye bskyod cig DoM b+hi'i lam ni drang po la/ /bla ma dam pa'i zhabs kyi drin gyis slar yang rgyal ba'i pho brang 'gro/ /kye ba 'dzin pa lnga yis grur 'jug skul byed gdang bu rgyab tu bcings nam mkha' rko? ba chu yis bran pas mtshams nas chu ni 'byung mi 'gyur/ /zla ba nyi ma gnyis kyi 'khor lo skyed dang sdud pa pu la ni dA/ /g.yon dang g.yas pa gnyis kyi lam mi bsam zhing rgyun mi 'chad par 'bab/ /DoM b+hi 'gron bu mi len rang gi 'dod pas

  358. 179b

    pha rol sgrol bar byed/ /gang zhig de la skugs nas 'grod mi shes pa phan tshun dogs su 'bying/ /de lta de lta bu'i don mchog gi snying rjes slar yang grub pa'i slob dpon Do b+hi bas grus bgrod pa dgongs pa'i skad kyis gsungs te/ gi gA zhes bya ba la / sogs pa ni gaM gA dang ni ya mu na dgongs pa'i skad kyis zla ba dang nyi ma'i snang ba gzung ba dang 'dzin pa'i ste/ gang gis khu ba'i rtsal khyad par gyi dga' ba a ba d+hu tI'i dbus su 'jug pa'o/ /de'i phyir de nyid gru dgongs pa'i skad du rtogs par byed do/ /de la gnas pa'i lhan cig skyes pa'i chang gi btub pa ni gdol pa'i bu mo g.yung mo bdag med mas 'khor ba'i gru la rnal 'byor gyi dbang phyug pha rol tu sgrol par byed pa'o/ /brtan pa'i rkang pas rkyen gyis yang dag par mthong ba las dge ba la goms par byed pa ste/ bskyod cig ces bya ba la sogs pa ni lhan cig skyes pas sbyangs pa'i khyad par gyi dga' ba'i gru'i lam thob par gyur nas zas dang skom la khyod chags sems kye'i DoM b+hi zhes bdag nyid la 'bod par byed de/ /ci'i phyir yun ring sdod par byed/ /bla ma dam pa'i drin gyis rgyun mi 'chad par goms par byad pas slar yang rgyal po'i pho brang bde ba chen po'i grong khyer dang shin tu nye bar gnas pa'o/ /de bzhin nyid kyi rjes su sems pas rgyun mi 'chad par bgrod cing goms par bya'o/ /rkang pa gnyis pas goms pa'i rjes su bsngags pa gsungs te/ lnga zhes bya ba la sogs pa'i skya ba 'dzin pa ni rim pa lnga'i man ngag blangs nas gdangs bu ni nor bu'i rtsa bar gyur pa de nyid byang chub kyi sems lhan cig skyes pa'i dga' bas rnam par bzung ste/ dri ma med pa brgya yis 'khor lo'i phyogs su 'bab par bya'o/ /nam mkha' i rko ba ni dbang bzhi pas dbang bskur ba dang ldan pa'i rnal 'byor gyi dbang phyug gi lus la chu ni yul la g.yo ba mi 'jug pa'o/ /rkang pa gsum pas goms pa'i khyad par las snang pa gsum 'gog pa gsungs te/

  359. 180a

    'khor pa skyed ba dang sdud pa'i bde ba bo'o/ /chos thams cad dmigs pa med pa'i rgya mtsho la 'gro ba na g.yas g.yon dang mdun rgya ba du mi lta ba zhes so/ /kye DoM gyi rang gi 'du pas mtshan nyid dang bral bas rnam pas sbyangs pa'i byang chub kyi sems kyi gru la goms par bya'o/ /rkang pa bzhi pas bdag med pa'i chos kyi rjes su bsngags pa gsungs te/ mgron bu zhes bya ba la sogs pa ni phyi rol tu phan tshun du sgrol bar byed pa la gru bla 'gron bu la sogs pa len par byed pa'o/ /de kho na nyid la bzung ba dang 'dzin pa de yis bcom ldan 'das ma bdag med ma ? mi len pa'o/ /shas pa tsam du bzung ba de yis srid pa'i rgya mtsho las pha rol tu byed pa'o/ /bdag med ma'i chos la 'dris med pa'i phyi'i bstan bcos kyi nga rgyal can gyi rtsal 'byor pa gang zhig de rnams kyi lus kyi dogs? su 'khyam par 'gyur te/ mi shes pa'i byis pa rnams dogs? su 'bying? bar 'gyur ro/ /dga' bar byed pa zhes bya ba'i glu dbyangs shAn+ti ba'i zhabs kyi'o/ /rang rig rang bzhin ? dpyod pa/ /mtshan nyid med la mtshan du med/ /gang gang lam ni drang por song/ /de yi lam ni gzhan du song/ /lus kyi ngo bo mi shes pa/ /rmongs pa'i lam drang 'khor ba da/ /skra rtse til 'bru cig me yo/ /rgyal po yi ni gser la log/ sgyu ma la rmongs rgya mtsho yis/ /mdza' dang gting nyid mi rtogs pa'i/ /mngon du gru rgyal rdzas mi mthong/ /'khrul pa mgon la cis mi 'dri/ /stong pa'i lam du mtshan ma mthong/ /'khrul pa'i bag chags kyis mi 'gro/ /'di yis dngos grub chen po brgyad/ /drang po'i lam du 'gro bas 'grub/ /lho byang gnyis kyi lam 'brang spangs/ /shAn+tis nyer sdud gsal bar smras/ /khral sa sho kham 'gag med pa'i/ /mig gis shes pa'i lam la 'gro/ /shin tu mchog tu dga' ba nyid kyi shAn+ti?

  360. 180b

    pas de lta bu'i don gsal bar mdzad do/ /rang rig ces bya ba la sogs pa ni yang dag par rdo rje dang chu skyes mnyam du sbyor ba la rang gis yang dag par rig pa ni nyams su myong ba'i rang bzhin gyis grub pa'i slob dpon shAn+ti pas mtshan nyid med pa la sogs pa ni rnam par dpyod pa dang/ /rnam par rtog par ma song ba'o/ /gang yang 'das pa'i rnal 'byor gyi dbang phyug rnams kyang 'dis khyad par gyi dga' ba d+hu tI'i lam mchog tu gyur pas de rnams kyis kyang phyir mi ldog pa bde ba chen po'i 'khor lo'i ? bu'i dza la du sbyor pa'o/ /de bzhin ? badzra gyis kyang/ /theg pa chen po cher 'byung ba'i/ /lam mchog 'di ni dpal dang ldan/ /gang gi khyed rnams 'bro 'gyur bar/ /de bzhin gshegs pa nyid du 'gyur zhes so/ /brtan pa'i rkang pas de kho na nyid kyi don brtan par byed do/ /lus zhes bya ba la sogs pa ni ku le ste rang gi lus la kye'i rmongs pa byis pa'i rnal 'byor pa 'dir khyad par gyi dga' ba'i thabs lam spangs nas lam gzhan gyi sdom pas mngon par bde bar 'gyur ba yin no// de bzhin du ra ti badzra gyis kyang/ /thabs gzhan gyis ni sangs rgyas min/ /dag pa 'di ni 'gro ba'i bdag ces so/ /de nas rdo rje'i lam g.yon dang g.yas su skra'i rtse mo tsam la sogs pa'i rnam par rtog pa yang mi bya'o/ /kye byis pa'i rnal 'byor pa ji ltar 'khor los sgyur ba'i rgyal po gser gyi lam bzung nas skyed mos tshal du rol rtsed la 'jug pa ltar 'dir yang rnal 'byor gyi dbang phyug kyang a ba d+hu tI'i lam gyi rol rtsed kyi bde ba chen po'i 'khor lo'i chu skyes kyi skyed mos tshal du 'jug par byed do/ /de bzhin du birU? pa'i zhabs kyis kyang/ /nyi zlar 'gro pa gzhom pa'i phyir/ /rtag tu rdo rje bslad bar bya/ /gzhan du na ni kun spong 'char/ /srog gi rlung ni 'jug pa med/ /byis pa'i rnal 'byor pa'i dbang du byas nas

  361. 181a

    rkang pa gnyis pa gsungs te/ sgyu ma la rmongs rgya mtsho yi zhes bya ba la sogs pa'i sgyu ma ni shes rab tu brjod de/ de la mngon par chags pa ni rmongs pa'o/ /de nyid rgya mtsho chen po de'i mdza' i tshang byis pa'i rnal 'byor bas mi shes so/ /de nas de la bla ma dam pa'i gsung gi glu rgyal rnam par spangs nas gzhan gyi gru'i thabs kyang med de/ kye'i byis pa'i rnal 'byor pa bla ma dam pa'i mgon la ci'i phyir 'khrul pa 'dri bar mi byed/ de'i 'khrul pa'i mdza' rnam par spangs nas dpal gyi bla ma'i zhal las bzhi pa'i dga' ba'i thabs blangs nas de'i sgyu ma la rmongs pa rgya mtsho'i mdza' tshad ma'i ngo bo nyid du bya'o/ /de bzhin du bla na med pa'i mtshams sbyor las kyang/ sgyu ma'i nges pa thams cad las/ /bud med sgyu ma khyad par 'phags/ /ye shes gsum gyi rab dbye 'di/ /'di nyid la ni gsal bar mtshon/ /rkang pa gsum pas lam gyi che ba'i bdag nyid gsungs te/ stong pa zhes bya ba la sogs pa ni 'dir yang lam thob nas 'od gsal stong pa nyid du bya ste chad par thal ba'i 'khrul par mi bya'o/ /kye rmongs pa 'dir de nyid 'od gsal bas yang sbyangs shing rang byin gyis brlabs pa'i sems la sgom pa pos slar yang dngos grub brgyad nges par thob par 'gyur ro/ /de bzhin du lung las kyang /lhan skyes ye shes me yis ni/ /sgyu ma'i grong khyer rab dga' bsregs/ /rtag tu stong nyid mthong ba yis/ /rnal 'byor pa ni lha mig nyid/ /rkang pa bzhi pas de nyid rgyas par bshad pa gsungs te/ byang zhes bya ba la sogs pa ni grub pa'i slob dpon shAn+ti pas lho byang gi snang ba gnyis yongs su sdud pa gsal por byas nas yul gyi dngos por nye bar sdud par byed do/ /'dir yongs su dag pa'i a pa d+hu tIr khyad par gyi dga' ba'i lam gyis 'gro bar gyur pa la 'gag dang khra sa dang sho gam dang 'phrad la sogs

  362. 181b

    pa'i 'jigs pa med/ /rtswa dang tsher ma dang dong la sogs pa'i bar chad med pa'o/ /de nas mig zim bu mi g.yo pa'i mig zung gis yang dag par mthong ste/ de bzhin du lung las kyang/ mig ni g.yo ba med byas te/ /mgo ni cung zad smad byas nas// sems nyid brlan pa'i sems kyis ni/ /stong nyid stong par mig gis mthong/ /rnga po che zhes bya ba'i glu dbyangs sa 'dzin zhabs kyi'o/ /rnam gsum sbyor zhing gzhom med sgra ni rab 'jigs glang chen sgrogs/ /de thos bdud rnams skrag byed kye ma yul gyi dkyil 'khor thams cad ? nas/ /sems nyid myos par gyur pa'i glang chen dbang po rgyug/ /rgyun mi 'chang par nam mkha' i phyogs su nyi zla 'khor/ /dge sdig gnyis kyi lcags sgrog then nas ka ba'i gnas su nyed bar byed/ /nam mkha' gzhom med sgra ru gyur nas sems ni mya ngan 'das par zhugs/ /bcud chen btung myos khams gsum ma lus gtang snyems so/ /yul lnga 'dren byang gang le gang du 'ang mi mthun phyogs mi mthong/ /mi zad nyi mas rab tu gdungs pas nam mkha' i 'khor sar 'gro zhing sleb/ /ma hen dra yis smras pa 'di la byin te ci yang ngas ma mthong/ /ye shes kyi btung bas rab tu myos pa'i grub pa'i slob dpon sa 'dzin gyis thugs nyid glang po che'i dbang po dgongs pa'i skad kyis de kho na nyid kyi don rtogs par bya ba'i phyir rnam gsum ni sku'i dga' ba la sogs pa ste/ de la dbyer med pa nye bar spyod pa bzung nas ye shes kyi btung bas myos pa mi thob pa'o/ /gsang ba 'dus pa las/ de bzhin du yang sku'i rnam pas thugs la thugs kyi rnam pas sku la/ thugs la gsungs gis rab tu brjod par gsungs so/ /de'i gnas la ye shes kyi sbrang gi btung bas rab tu dgyes pa'i grub pa'i slob dpon sa 'dzin gyi thugs nyid glang po che'i dbang po'o/ /gzhom du

  363. 182a

    med pa zhes pa ni stong pa nyid kyi sgra'o/ /rab tu 'jigs shing skrag pa ni stong pa nyid kyi gdangs thos nas mgrin par sgrogs par byed do/ /de la gzhom du med pa'i sgra thos nas 'khor ba skrag par byed pa glo bur gyi phung po dang nyon mongs pa la sogs pa'i bdud rnams 'joms par byed pa'o/ /de bzhin du ra ti badzra gyis kyang/ /gsang sngags sbyor ba mnyam med pa/ /gang gis shAkya seng ge sogs/ /mkhas rnams kyis ni bdud kyi sde/ /mi bzad chen po'i stobs chen bcom/ /brtan pa'i rkang pas de'i shin tu dga' bas rab tu tshim pa gsal bar gsungs te/ myos par gyur pa zhes bya ba la sogs pa ni de kho nyid kyis myos pa'i phyir sems ni glang po che'i dbang po'o/ /nyi ma dang zla ba nyin mo dang mtshan mo'i rnam par rtog pa bshig nas nam mkha' i man ngag la bzhi pa'i dga' ba'i man ngag blangs nas rgyag par byed pa ni bde ba chen po'i rdzing du rgyun mi 'chad pa'o/ /rkang pa gnyis pas de kho na nyid gsal bar gsungs te dge sdig ces bya ba la sogs pa ni sdig pa dang bsod nams dag 'khor ba'i zhags pa gnyis po 'gog pa'i phyir/ ka ba zhes pa ni ma rig pa'i ka pa 'joms pa'o/ /nam mkhar Ta ge zhes pa ni gzhom du med pa'i sgras bskul bar gyur pas de nyid sems kyi glang po che'i dbang po mya ngan las 'das pa'i mtsho'i tshal du 'gro ba'o/ /de bzhin du nag po spyod pa'i zhabs kyis kyang/ sa chu zhes bya ba la sogs pa gsungs so/ /rkang pa gsum pas rang gi sems dang gnyis su byar med par gsungs te/ bcud chen zhes bya ba la sogs pa ni dngos po dang dngos po med pa dag gcig pa'i gzung pa la rnam par rtog pa mi bya'o/ /de'i yul lnga rnams kyi 'dren pa nyid kyi de nyid drug pa rdo rje 'dzin pa chen po'o/ /slar yang nyon mongs pa'i mi

  364. 182b

    thun phyogs byed pa mi mthong ba'o/ /rkang pa bzhi pas rnam par mi rtog pa rab tu rtogs par bya ba'i phyir gsungs te/ mi bzad nyi ma zhes bya ba la sogs pa ni bde ba chen po'i 'dod chags kyi mes bskul bar gyur nas de nyid sems kyi glang po che'i dbang po nam mkhar 'khor ba ni bde ba chen po'i 'khor lo'i rdzing bur 'gro zhing thob pa grub pa'o/ /slob dpon sa 'dzin gyis de bzhin nyid gsungs so/ /'di la byin pa ni bdag gis 'di'i ngo bo nyid ci yang ma mthong ba ste/ rnam par mi rtog pa'o/ /de bzhin du lung ? kyang /ji srid ji snyed rnam rtog pa/ /de snyed thams cad brdzun pa ste/ /bden pa de nyid de bzhin 'gyur/ /de nyid rnam par mi rtog pa zhes so/ /pa Da ha many+dza ri'i glu dbyangs pi wang zhabs kyi'o/ /nyi ma'i ku ba zla ba rgyud la sbyar/ /gzhom med dbyig drang a ba d+hu tIr byas/ /kye grogs he ru ka yi pi wang sgrogs/ /rgyud kyi sgra nyid snying rjes sgrogs pa can/ /A li kla li gnyis kyi gnya' non shes/ /bza' mchog ro mnyam mtshams rnams brtsi byas nas/ /gang la shing dang shing bu mnan gyur na/ /de tshe rgyud sgra de yis kun tu khyab/ /rgyal po gang byed lha mo glu len byed/ /sangs rgyas gar ni khyad par nyid du dka' / /de kho na nyid kyi don he ru ka'i don rtogs pa'i pi wang zhabs kyis pi waM gi sgra'i sgo nas rab tu rtogs par bya ba'i phyir nyi ma zhes bya ba la nyi ma'i snang ba ku ba'i rnam par bltas nas zla ba'i snang bas rgyud du byas te/ yul gyi 'khor lo can a ba d+hu tIr lhan cig byas nas gzhom du med pa'i sgra dbyig pa la sbyar te/ kye grogs mo bdag med ma pi waM zhabs kyis pi waM gi sgo nas dpal he ru ka'i yi ge bzhi po'i don gzhom du med pa'i sgra'i dbyangs su brjod do/ /de'i phyir stong pa nyid kyi sgra'i dgongs pa'i skad kyis 'od gsal ba ni gzhom du med pa'i gzugs so/ /de nyid srid pa las rnam par grol bar byed pa ste/ srid par

  365. 183a

    'ching bar byed pa ni ma yin no/ /de bzhin du dgyes pa'i rdo rje las kyang /dngos por 'ching ba bsad par bya ba la sogs pa gsungs te/ de bzhin du glu dbyangs gzhan las kyang/ srid pa za yis 'ching ba ma yin glo bur ya mtshan can/ /gang gis 'jig rten 'ching yang rnal 'byor de yis grol ba 'ang byed/ /rkang pa gnyis pas de'i don bstan par byed do/ /a li zhes bya ba la sogs pa A li dang kA li'i yi ge rnams kyi nang nas /snying po'i yi ge a yin te/ de bzhin du mtshan yang dag par brjod pa las kyang/ a ni yig 'bru kun gyi mchog/ ces pas de la mi 'gyur pa'i ngo bo nyid rtogs pas gza' mchog ni sems kyi rgyal po'i nyes pa'i mtshams kyi bu ga? brtsoms? nas de nyid ? zhabs kyi de kho na nyid kyi don kyi sgra'i sgo nas rtogs par bya ba'i phyir gsungs so/ /de bzhin du lung las kyang/ rags par sgra yis dngos por gsungs/ /de bzhin phra mor sems dngos te/ /sems nyid dang bral gang yin pa/ /de nyid rnal 'byor mi bzang gnas/ /rkang pa gsum pas ngo bo nyid kyi rang bzhin gsungs te/ A li zhes bya ba la sogs pa ni sna'i shing ni sems te sems kyi rnga nor rtogs par bya'o/ /shing pu ni phra mo ste snying rje gzhom du med pa'i cha 'od gsal du rtogs par bya'o/ /gang la mtshan nyid dang bral ba'i dus sems kyi rnga mo nges 'od gsal 'dren pas na mnan par gyur pa ni kun tu 'gro bas de'i tshe rtsa sum cu so gnyis lha'i gzugs so// sgra zhes pa ni gzhom du med pa bdag med ma'i ye shes kyi thabs dang shes rab kyi bdag nyid dngos po dang dngos po med pa la khyab pa zhes so/ /de bzhin du sa ra ha'i zhabs kyis kyang/ de la de nyid ces bya ba la sogs

  366. 183b

    pa gsungs so/ /rkang pa bzhi pas 'bras bu thob pas dga' ba rdo rje'i gang stabs kyi gang byed pa zhes so/ /gang zhes bya ba la sogs pa ni pi rtsang? zhabs te/ rdo rje 'dzin pa'i go 'phang gi gar byed pa'o/ /de rnams kyi lha mo ni rnal 'byor mo bdag mod ma la sogs pas rdo rje'i glus bkra shis par byed pa'o/ /de'i phyir sangs rgyas kyi gang ni khyad par 'phags shing lhag pa'i cha yis sems can pa rnams mya ngan las 'da' bar 'gyur ro/ /de bzhin du brtag pa gnyis pa las kyang/ gal te dga' ? phun sum tshogs/ /thar pa'i rgyu yis gar nyid do/ zhes bya ba la sogs pas so/ /blu dbyangs chen po zhes bya ba nag po spyod pa'i zhabs kyi'o/ /sa gsum po la bdag ni 'bad med 'dzug/ bdag ni nyal nas bde ba chen pos rol/ /ji ltar doM? b+hi ni khyod skra yang kyi/ /mdza' rigs? skye ba'i nang na kA pA li/ /kye ma khyod ni rnam par nyams byed de/ /bya ba byed pa ri bong 'dzin pa 'joms/ /gang dang gang yang khyod ni ngan par brjod/ /rigs ldan skye bo khyod kyi mgul nas 'khyud// 'dod pa gtum mo'i glu ni kAh nas blangs/ /gdol pa mo bas lhag pa'i dmangs rigs med/ /don de nyid don dam pa dang kun rdzob kyi bden pa'i don khong du chud pas nag po spyod pa'i zhabs kyis DoM b+hi ni dgongs pa'i skad kyis gsungs te/ gsum zhes bya ba la sogs pa ni nag po spyod pa bdag gis rdo rje'i btsun mo la mngon par chags pas sa gsum gyi lus dang ngag dang yid de/ de'i drug cu lhag pa'i brgya'i rang bzhin gyis nyes pa 'bad pa med pas 'gog pa ste/ de'i phyir nyal nas 'jug pa'o/ /rol zhes pa ni rol rtsed kyis rnal 'byor pa gnyid du song ba dang bdag med ma'i chos khong du chud pa'o/ /d+h+ru'i rkang pas yongs su ma dag pa'i a ba d+hu tI pa khro bar byed pa'o/ /ji ltar zhes bya ba la sogs pa ni skra yags kye ni mi

  367. 184a

    rtags par sgro 'dogs pas kye'i DoM b+hi ni yongs su ma dag pa'i a ba d+hu tI pa khyod kyi ci byed/ gang zhig lus la thim na gang gis 'od gsal mi shes pa'i dbang gis de rnams phyi rol tu byed do/ /kun rdzob byang chub kyi sems skyod par byed pa'i phyir ka pA la ni de yis DoM b+hi ni yongs su ma dag pa'i a ba d+hu tI pa gang gis lha dang lha ma yin dang mi la sogs pa khams gsum pa thams cad leg pa'i shes pas rnam par nyams par byed pa'i phyir ro/ /gang de nyid 'dzems pa ni yi bong 'dzin pa kun rdzob byang chub kyi sems 'od gsal kyi rgyur gyur pa man ngag dang bral ba'i rnal 'byor pas 'joms shing rnam par nyams par byed pa'o/ /de bzhin du glu dbyangs zhabs kyis kyang/ dong du lhung na ga bur 'jig byed ces bya ba la sogs pa gsungs so/ /rkang pa gsum pas DoM b+hi na'i rang bzhin gsungs te/ gang dang zhes bya ba la sogs pa ni gang zhig de rnams kyis kyang rang bzhin gyis mngon par shes pa lhan cig skyes pa'i dga' ba yongs su dag pa'i DoM b+hi ni khyod mi shes so/ /de rnams kyang las kyis dbang gis skye ba'i 'khor ba'i sdug bsngal nyams su myong zhing 'gal bar smra bar 'gyur ro/ /de rnams las gang phyogs gcig tu rnal 'byor gyi dbang phyug yang dag par rdo rje dang pad+ma mnyam du sbyor ba las mi 'dzag pa'i bde ba de yis khyod rab tu rig par bya'o/ /de rnams kyis kyang mgul pa longs spyod rdzogs pa'i 'khor lor nyin dang mtshan du yongs su mi 'dor ba zhes so/ /de bzhin du lung las kyang/ kak+ko la dang dga' ba'i bo la phrad pa de yis dga' ba 'phro ba kun tu rgyu/ /de ma thag tu chu yis sbyong zhing lag pa 'khrud pa skal pa dang ldan 'khor lo can/ /chu yis gsher zhing mdzes pa'i

  368. 184b

    mtsho skyes 'dab ma'i btung bar mchu nyid rnam par kun la chags/ /dur khrod gnas su gnas par rtag tu rab tu dga' ba 'ga' zhig rnal 'byor pas/ /rkang pa bzhi pas rnal 'byor pa'i bsngags pa gsungs te/ kAh+na zhes bya ba la sogs pa ni 'di 'dra ba'i las kyi gnas bsgrubs pa'i thabs gtum mo'i glud dbyangs nag po spyod pa pas gzhan du blangs pa ni gzhan ma yin pas DoM b+hi ni dang bral na gzhan dmangs rigs med na yang grong khyer ma nyid yod pa'o/ /gang gi phyir na sems can gyi dbye bas thob par bya ba'i gnas yod pa'o/ /de bzhin du yang ye shes yang dag par byang chub pa la sems nyid kyi sa bon chen po la srid pa dang mya ngan las 'das pa dag kyang kun rdzob la kun rdzob la kun rdzob kyi phyir shin tu mya ngan las 'das pa'i ngo bo nyid mi gnas pa'o/ /b+hai ra ba'i zhes bya ba'i glu dbyangs nag po spyod pa'i zhabs kyi'o/ /srid dang mya ngan las 'das pa pa Ta? ha dang rnga bo che/ /yid la rlung dag gnyis po khar rnga sgrogs par byed/ /rgyal gyur rgyal gyur mkha' la rnga chen sgra/ /kAh+nas ro b+hi ni ni bag mar blangs/ /g.yung mo'i bag ma len pa'i kha zas sbyar/ /zhal mthong ston mo bla med chod nyid do/ /nyin mtshan shin tu dga' ba'i grogs dang 'grogs/ rnal 'byor ma'i dra bar nam langs gyur/ /kye yi DoM b+hi grogs dang gang gang dga' / /skad cig mi 'dor lhan cig skyes pas myong// /de kho na nyid kyi don bstan par byed pa'i nag po spyod pa'i zhabs kyi glu dbyangs gzhan mngon par gsungs te/ srid dang mya ngan 'das rzhes bya ba la sogs pa ni 'khor ba dang mya ngan las 'das pa dag yid dang rlung la sogs pa rnam par mi rtog pa sngon du gsungs pa'i rim pas yongs su sbyangs pa rnga pa Ta ha la sogs pa snod du nye bar bltas te bde ba chen po'i grogs bzung nas DoM bi ni ni de nying khu ba'i rtsa ba yongs su ma ?

  369. 185a

    pa'i a ba d+hu tI pa de'i 'jig? pa gzhom pa'i phyir nag po spyod pa'i zhabs gang gis tshe rab tu bskyod pa de'i tshe/ rgyal bar gyur cig rgyal bar gyur cig ces pa ni sgra dang me tog gi char dang rnga bo che la sogs pa'i rtogs nam mkha' la rab tu byung bar gyur pa'o/ /rkang pa gnyis pas DoM bi na'i bag ma'i 'bras bu gsungs te/ DoM b+hi zhes bya ba la sogs pa ni de kho na nyid DoM b+hi ni rlung gi ngo bo de'i 'gro ba'i sgo nas 'gro ba gzhom par bya'o/ /skye ba'i zhes pa ni skye ba dang 'jig pa las? sogs pa'i nyes pa 'joms pa'o/ /de'i phyir zhal mthong ston mo ni nyon mongs pa med pa bla na med pa'i chos nyid mngon sum du byas pa nag po spyod pa bdag gis zhes so/ /rkang pa gsum pas rnal 'byor ma'i stobs gsungs te/ nyin mtshan zhes bya ba la sogs pa ni 'di sa ye shes kyi rgya mtshor lhan cig rnal 'byor gyi dbang phyug gang gis nyin dang mtshan du shin tu dga' ba dang mngon par 'grogs par gyur pa'o/ /de'i rnal 'byor gyi dbang phyug gi rnal 'byor ma'i dra ba zhes pa ni de'i ye shes kyi 'od zer ro/ /nam zhes bya la sogs pa ni nyon mongs pa'i mun pa bsangs pa'o/ /de bzhin du lung las kyang/ bdag nyid thim gyur bcom ldan 'das ni srog gi bdag po ste/ /dbugs ni 'byung rdub gyur pa rab zhi srog gi me 'di nyid/ /gang gis 'od zer rab brkyang 'od gsal rnal 'byor dbang phyug ste/ /'di yis rang lus nyid las de nyid phyung nas mun pa bcom/ zhes pa ni 'jig rten gsum kun tu gnon pa'o/ /rkang pa bzhi pas rnal 'byor ma'i drin las rnal 'byor gyi dbang phyug spyod pa gsungs te/ Do bi zhes bya ba la sogs pa'i DoM bi'i de nyid ni rang bzhin yongs su dag pa'i a bad+hu tI pa'i ye shes kyi phyag rgya'o/ /de'i shin tu mngon par dga' ba la mngon par chags pa'i rnal 'byor pa'i dga' ba'o

  370. 185b

    de dang de rnams ye shes kyi phyag rgya bde ba chen po'i dga' ba 'dzin pa'i phyir skad cig kyang yongs su mi 'dor ba zhes bya'o/ /de bzhin du sa ra ha'i zhabs kyis kyang/ kun tu dngos med gyur ldan 'bab ces bya ba la sogs pa gsungs so/ /pa Ta ha many+dza rI zhes bya ba'i glu dbyangs kuk+ku rI'i zhabs kyi'o/ /bdag ni chags med nam mkha' i yid kyi bdag/ bdag gi nyams myong ji ltar smra rgyu med/ /kye mi khyod spangs nas mdza' mar lta/ /gang zhig 'dir ni 'bab pa de 'dir med/ /dang por bdag gi rnam shes bag chags gtums/ /rtsa la rnam dpyod de nyid pA bu DA/ /bdag ni gzhon nu dar ma rdzogs par gyur/ /rtsa bar lhung ba nye bar sdud par byed/ /kuk+ku rI pa'i srid pa brtan par smra/ /'di ni gang shes de ni dpa' bo ste/ /shes rab kyi pha rol tu phyin pa'i don gyi bdud rtsi'i gtung bas yongs su tshim pa'i kuk+ku rI pa'i zhabs kyis de kho na nyid kyi don gyi bdag nyid bcom ldan 'das ma bdag med ma'i rnal 'byor ma la lhag par mos nas smras pa/ bdag ni chags med ces bya ba la sogs pa'i bdag ni bcom ldan 'das ma bdag med ma chags pa med pa ste/ kun nas chags pa dang bral ba'o/ /nam mkha' i yid can zhes pa ni thams cad stong pa la yid kyi bdag po 'di'i shin tu bde ba la mngon par chags pas bdag gi khyad par 'phags pa yang dag pa'i sbyor ba mi 'gyur ba'i bde ba myong ba gang du yang smra ru yod pa ma yin pa'o/ /d+hu'i rkang pas de'i don brtan par gsungs te/ spangs nas zhes bya ba la sogs pa ni de nyid las mdza' ma ni mthar thug pa'i bde ba chen po'i 'khor lo'i khyim du bltas nas 'phro ba'o/ /yul la sogs pa'i tshogs pa la bdag gis bdag med pa de'i dus su sel ba de'i mthu las mtshan sum cu rtsa gnyis dang/ dpe byad bzang po brgyad cu rdo rje 'dzin pa chen pa'i gnas la sku mdzes par gyr pas khyod kyi sku

  371. 186a

    rdo rje legs so zhes bdag nyid la rang gis pos nas gsungs pa'o/ /rkang pa bzhi pas mngon sun du byas pa gsungs te/ smra bya la sogs pa ni 'dir kun rdzob byang chub sems ni srid pa'o/ /brtan pa zhes pa ni brtan bor byas nas shes rab kyi chu skyes la rnal 'byor gyi dbang phyug gang dang gang du dmigs pa med pa'i ngo bos khong du chud par de dang de rnams kyi 'dir srid pa'i dkyil 'khor yul gyi dag 'joms pa'i phyir dpa' bo'o/ /de bzhin du nag po spyod pa'i zhabs kyis kyang/ gang gis shes pa rgyun chad med pa lhan skyes skad cig gis zhes bya ba la sogs pa gsungs so/ /ba rA DI zhes bya ba la sogs pa'i glu dbyangs 'du shes gsum pa'i zhabs kyi'o/ /mtshan mo mun par byi ba rgyu byed cing/ /bdud rtsi'i kha zas bya bas za bar byed/ /kye rnal 'byor rlung byi ma bsad ci/ /gang gis 'gro dang 'ong ba ma bkag na/ /srid pa rnam 'joms byi bas rtsig pa 'bugs/ /g.yo ba'i byi bas snod rnams za zhing 'joms/ /byi ba sgra gcan spu dang kha dog med/ /nam mkha' rkang pas 'gro zhing yid kyi chos/ /de tshe byi ba 'phyod zhing rab tu 'gro/ /bla ma dam pa'i gsung gis g.yo med bya/ /gang du phyi ba 'di yi rkang pa bcad byas na/ /de tshe bcings grol b+hu su ku la smra/ /don de nyid byi ba dgongs pa'i skad kyis 'du shes gsum pa'i zhabs kyis gsungs te/ mtshan mo mun pa zhes bya ba la sogs pa ni rku ba'i phyir byi ba dgongs pa'i skad kyis sems dang rlung du rtogs par bya'o/ /mtshan ma ni shes rab las kyi phyag rgya'i yan lag tu yang rtogs par bya'o/ /de'i las kyi yan lag gang du sna tshogs pa la sogs pa'i skad cig pa'i sku'i dga' ba la sogs pa bya ba'i sgo nas rdo rje dang chu skyes snyoms par sbyor ba'i byang chub kyi sems bdud rtsi'i

  372. 186b

    zas de nyid kyi byi ba sems dang rlung dang nyid kyis byed pa'o de la khyad par gyi dga' ba'i skad cig la dpal ldan bla ma'i zhal nas thob pa'i thabs kyis myur du de'i rang bzhin med par bya'o/ /byed pa ni byis pa'i rnal 'byor pas de dang bral bar byas nas 'khor ba'i 'khor lor 'gro ba dang 'ong ba rnam pa gnyis mi 'chad pas sems sdug bsngal bar byed do/ /de bzhin du lung las kyang/ rnam pa gnyis spong rab gsal mkhas pas rang rig skal bzang tshogs pa gcig/ dga' bas khyab pa stobs can ro yis gang ba nam mkha' i mthil du'o/ rnam pa sna tshogs rab 'phro sems 'khrugs zhi ba de nang song ba yis/ /'dir ni de nyid 'jig rten gsum po thim gyur yid ni gsal bar byed/ /rkang pa gnyis pas byi ba sems kyi tha snyad kyi rjes su bsngags pa gsungs te/ srid pa zhes bya ba la sogs pa ni 'byung bar byed pa'i phyir srid pa rang lus rnam par 'joms par byed pa'o/ /rang bzhin gyis g.yo ba de yis de nyid sems kyi byi ba gzhan gyi ngo bor byed de/ rtsig ga ni dud 'gro dang dmyal ba la sogs pa ngan 'gro rnams su lhung ba yang rang nyid kyi skyed par byed do/ /de'i phyir sems kyi byi ba'i rang bzhin gyi skyon bgrangs nas/ kye rnal 'byor pa man ngag thos pa de yis de'i dngos por sgo btags/ par mi bya'o zhes so/ /rkang pa gsum pas de'i ngo bo gsungs te/ nag ? zhes bya ba la sogs pa ni kun rdzob byang chub kyi sems kyi zla ba 'joms pa nyid kyis de nyid sems kyi byi ba sgra gcan no/ /de'i phung po za bas dbye bas rnam par dpyod pas kye'i rnal 'byor pa gdams pa thob pa la med pa'o/ /nam mkha' zhes pa ni bla ma'i man ngag las bde ba chen po'i chu skyes kyi tshal du song nas slar 'ong ba don dam pa byang chub kyi sems sbrang gi gtung ba'i ro myang bar byed pa'o/ /de bzhin du yang

  373. 187a

    phyi rol gyi lta ba mI na nA thas/ /bla ma yis ni don dam gsungs pa'i lam gyi ri dags ting 'dzin sgo glegs can/ /chu skyes rnams rgyas gsungs la gshin rje'i rgyal med chu skyes sbrang rtsi bud ba 'thung/ /rkang pa bzhi pas rdo rje bla ma'i bdag nyid che ba gsungs te/ de'i tshe zhes bya ba la sogs pa ni sems kyi byi ba 'di de srid pa de nyid rmongs pa dang/ nga rgyal zhi bar mi 'gyur ro/ /gang gi tshe bla ma dam pa'i gsung gi 'khrul 'khor gyis nyams su myong bar byed do/ /kye rnal 'byor pa de'i phyir bla ma'i bzhed pa brtsam par bya'o zhes so/ /de bzhin du sa ra ha'i zhabs kyis kyang/ gang gi drin gyi 'od zer gyis zhes bya ba la sogs par gsungs so/ /rkang pa lnga pas sems kyi byi ba'i rang bzhin gsungs te/ gang du zhe bya ba la sogs ni gang gi tshe lhan cig skyes pa'i dga' ba la sems kyi byi ba rgyu blo/ nga zhes rkyen gyis brtags pa rgyun gcod pa'o/ /de'i tshe 'khor bar 'ching ba gcod pa'o/ /de bzhin du lung las kyang/ /de nyid la ni 'khor ba med/ /lus 'dzin 'ching ba 'dir gang las/ /'ga' zhig gang du 'ching med 'gro/ de bzhin grol byas grol bar bya/ /log par sgro btags byas de las/ /thag sprul grib ma sha za 'khrul/ /cung zad ma spangs ma bzung bar/ /rol pas legs gnas skabs ji bzhin/ /guny+dza ri zhes bya ba'i glu dbyangs sa ra ha'i zhabs kyis so/ /rang gi byas byas 'khor ba mya ngan 'das/ /log ltas 'jig rten rang nyid 'ching bar byed/ /bdag gis mi shes bsam med rnal 'byor pa/ /skye dang 'chi ba'i srid pa ji ltar yin/ /ji ltar skye dang 'chi? ba yang ni de bzhin du/ /gson dang shi bdag la khyad par med/ /gang 'dir skye 'chi dag la the tshom med/ /de byed gser 'gyur bcud len sgrub par byed/ /gang gi g.yo dang mi g.yor bcas

  374. 187b

    par 'khyam/ /de rnams rga dang 'chi bar cis mi 'gyur/ /skye las las sam ci ste las las skyes/ /sa ra has smras pas ma med pa de chos/ /don de nyid chos thams cad khong du chud pa'i sa ra ha'i zhabs kyis gsungs te/ rang gis zhes bya ba la soD pa ni thog ma med pa'i bag chags kyis skyon gyis srid pa dang mya ngan las 'das par rtog par sgro btags shing byas pa'i phyir 'jig rten 'dir 'khyam zhing rang nyid kyis srid par 'ching ba dang grol bar byed pa'i phyir ro/ /d+hUI rkang pas rang gi ye shes brten par byed de/ bdag gis zhes bya ba la sogs pa ni grub pa'i slob dpon sa ra ha'i zhabs kyis de lta bu nyid gsungs pa ni bla ma'i zhabs kyi drin las dngos po'i ngo bo nyid yongs su shes pas bsam du med pa'i rnal 'byor pa bdag nyid do/ /de'i phyir skye dang zhes bya ba la sogs pas 'jig rten pa ji lta ba bzhin du gyur pa zhes pa'o/ /de bzhin du yang tshigs su bcad pa gcig gis bcom ldan 'das ma la skye ba dang gnas pa dang 'jig pa'i skyon dang bral ba zhes bya ba la sogs pa'o/ /rkang pa gnyis pas skye ba'i rang bzhin gsungs te/ gang 'dir zhes bya ba la sogs pa ni thams cad bdag med par khong du chud pas gang gi skye ba yod de/ kye rnal 'byor gyi dbang phyug rang nyid kyi bdag la 'bod par byed do/ /gang la skye ba med pa de la 'chi pa yang ma mthong ste/ de bzhin du gnyis su med pa sgrub pa las/ rang gi rang bzhin skye med pa/ /de nyid 'jig par ma mthong ste/ /rnam par rtog pa thams cad spangs/ /de ni gnyis med ye shes ming/ /de'i phyir skyes bu gson pa dang shi bdag la lhan cig dbyer ma dmigs pa'i phyir ro/ /de bzhin du su ta ke las kyang/ rmi lam dang ni rab sad gzhan du dbye ba med/ /rnam par rtog byed rmi lam 'bras bu mngon 'dod can/ /rkang pa gsum pas rang nyid kyi rjes su bsdogs pa gsungs te/

  375. 188a

    gang la 'chi ba la sogs pa'i 'jigs pa 'ang yod pa'i rnal 'byor ba de yang gser 'gyur la sogs pa sna tshogs pa'i cho ga rab tu sbyor bar byed do/ /bdag ni slar yang 'chi ba la sogs pa'i 'jigs pa'i the tshom gyi rnam par rtog pa med pa'i gzugs so/ /rkang pa bzhi pas slar yang rjes su bsngags pa gsungs te/ gang gi zhes bya ba la sogs pa ni byis ba'i rnal 'byor pa gang 'dzam bu'i gling gi gnas chen por g.yo ba dang mi g.yo ba dang mi g.yo bar bcas pa 'khyam par byed do/ /yang na sngags dang sman la sogs pa'i nus pas sum cu rtsa gsum gyi gnas su bgrod par byed do/ /de yang bla ma'i lam thob nas 'chi ba med pa nyid thob pa ma yin no/ /bdag gi bcad du med cing gzhig tu med pa'i gzugs so/ /rkang pa lnga pas lam gyi bdag nyid kyi che ba gsungs te/ skye ba las zhes bya ba la sogs pa ni byed pa po dang las dang bral ba'i rnal 'byor gyi dbang phyug gi skye ba las las su ji ltar 'gyur te las las kyang skye ba yod do/ /de'i phyir sa ra ha'i zhabs kyis kyang rang gi bzhed pa gsungs te/ don dam par rig pa'i rnal 'byor ba la bsam du med pa'i phyir chos nyid do/ /ba rA la zhes bya ba'i glu dbyangs 'du shes gsum pa'i zhabs kyi'o/ /gang tshe b+hu su ku khyod rngon 'gro skye bo lnga po song/ /pad+ma'i tshal du rab tu 'jug na yid du gcig tu phyis/ /gson po gsod par ma byed shi ba'i ro ni ma blang cig/ sha ni med par b+hu su ku pa khyim du 'jug ma byed/ /sgyu 'phrul dra ba brkyang nas sgyu ma'i ri dags bsad par gyis/ /bla ma dam pa'i gsungs gis go byed gang du gang gis gtam/ /lus ni bdag gi snod yin e mas chu me dang zas/ /dus dang dus min gnyis gzar rlung lam sbyar tshod skya bas dkrug/ rgya dang rdo lcags theg? pa med par ri dags rgyug cig bros/ /'phyong zhing 'phyong zhing rgyug pas

  376. 188b

    nam mkha' i thil du nub par gyur/ /b+hu su ku pa mtshan mo nam ni rab tu langs par gyur/ /don de nyid lhan cig skyes pa'i dga' bas bskul ba'i yid kyis grub pa'i slob dpon b+hu su ku'i zhabs kyis ri dags kyi dgongs pa rnam par sgom+byed pa nyid kyis so/ /gang gi tshe khyod ces bya ba la sogs pa ni kye'i b+hu su ku khyod gal te lus rlung gi ri dags lus kyi rlung gi ngo bo/ /rngon pa zhes pa ni rang bzhin med par byed pa'i thabs tshol bas 'gro bar bya'o/ /de'i tshe yul lnga rnams la gzugs kyi phung por gyur pa me long lta bu'i sa'i khams mig gi dbang po la sogs pa la dkyil 'khor rnams sdug pa'i rim pas gsod pa ni rang bzhin med par byed ba thog mar byed par 'gyur ro/ /slar yang rdo rje'i bzlas pas snang ba gnyis pa 'gog cing yang dag bar rdo rje dang chu skyes mnyam du sbyor ba bla ma'i drin las bde ba chen po'i 'khor lor chu skyes tshal du rab tu zhugs pa la/ /yid gcig tu byed pa ni rnam par rtog pa med par 'gyur ba rang nyid kyis bdag la yang dag par 'bed par byed pa'o/ /de'i phyir d+hu'i rkang pas brtan pa la dmigs pa gsal por byed pa gsungs te/ gson po zhes bya ba la sogs pa ni rab tu zhugs pa'i dbugs ni gson po la oM yig nyin mo'i shes pas rang bzhin bzhi bcu'i rang bzhin dang ldan pa'o// dbyung ba'i dbugs shi ba'i ro hUM yig mtshan mo'i shes pa'i rang bzhin sum du rtsa gsum gyi rang bzhin gyis ngo bo'o/ /gnas pa'i dbugs kyi bzhi a yig ma ning gi shes pa'i rang bzhin bdun gyi rang bzhin dang ldan pa'o/ /de bzhin du phyag na rdo rjes kyang/ oM yig gis 'jug sems can rnams/ /sangs rgyas sku nyid mchog tu rtag/ hUM yig 'byin byed sems can rnams/ /oM? yig gis ni gnas par byed/ /de bzhin du snang ba mtshan mo'i cha nyid kyis shes bya ba la sogs

  377. 189a

    ba rgya cher gsungs so/ /dang por srog la sogs pa'i shes pa dbu mar rab tu gzhug par byas nas de'i rjes su sha ni dgongs pa'i skad kyis khyad par gyi dga' ba rang byin gyis brlabs pa'i ngo bo bzhi pa'i dga' bas ma sbyangs na kye b+hu su ku'i zhabs bde ba chen po'i khyim du 'jug par mi byed pa'o/ /de bzhin du rim pa lnga las kyang/ mtshan mo ma yin mtshams kyang min/ /nyin mo yang ni ma yin no zhes bya ba la sogs pa gsungs so/ /de bzhin du sa ra ha'i zhabs kyis kyang/ dbang po gang du nub cing mi gnas rang bzhin la/ /kye lhan cig skyes dga' bla ma'i zhabs la dris/ /rkang pa gnyis pas lam gyis thabs gsungs te/ /sgyu 'phrul dra ba zhes bya ba la sogs pa'i sgyu ma'i zhes pa ni las kyi yan lag du rtogs par bya ste/ rnam pa sna tshogs pa la sogs pa'i skad cig la thob pa de'i bde ba tshogs pa'i lus la dra ba gzhag pa ste/ de yis lus kyi ri dags 'ching bar byed pa bla ma'i zhabs kyi drin las de'i ngo bo khong du chud par bya'o/ /de'i phyir de la bde ba nyams su myong ba ngo bo nyid thob pa de'i tshe gang du yang brjod par mi nus pa'o/ /de bzhin du sa ra ha'i zhabs kyis kyang/ /dga' bas mnyes gshin 'jig rten zhes bya ba la sogs pa gsung so/ /rkang pa gsum pas goms pa'i khyad par gsungs so/ /lus snod ces bya ba la sogs pa'i lus nyid ni bdag gi snod bzhir gyur pa de las 'byung ba chen po lngar gyur pa'i rdzas bza' bar bya'o/ /de la dus dang dus min ni zla ba nyi ma dang gsum pa a ba d+hu ti'i rlung la bzhi pa'i dga' bas thams cad yongs su 'joms pa'i phyir/ bza' ba dang btung ba ni rang bzhin med par byed pa'o/ /de bzhin du dpal dus kyi 'khor lo las kyang/ gang zhig thig le dkar 'dzin lhung na nyin mtshan

  378. 189b

    zhes bya ba la sogs pa gsungs so/ /rkang pa bzhi pas 'bras bu rdzogs pa gsungs te/ rgya dang rdos zhes bya ba la sogs pa ni de la bde ba chen po'i dga' ba ni rgya zhes te dgongs pa'i skad kyis sku'i dga' ba'i rnam par rtog pa'o/ /rngos zhes bya pa ni dgongs pa'i skad kyis gsungs gi dga' ba'i rnam par rtog pa'o/ /thag pa zhes pa ni thugs kyi dga' ba'i rnam par rtog ba'o/ /de rnams thams cad gzugs la sogs pa yang nam mkha' o/ /rgyug pa zhes pa ni 'od gsal 'bebs pa de nyid rlung gi ngo bo lus kyi ri dags so/ /bros pa ni rang bzhin med par gyur ba rtag tu goms pa'i rnal 'byor pas nam mkha' 'od gsal la thim par gyur pa'o/ /de'i phyir b+hu su ku'i zhabs kyis mtshon mo zhes pa ni ma rig pa'i mun pa bsangs pa ni bros pa zhes pa'i don to/ /de bzhin du lung las kyang bdag nyid de bzhin thim gyur te/ bcom ldan 'das ni srog gi bdag ces bya ba la sogs pa gsungs so/ /dpa' bo'i ta la zhes bya ba'i glu dbyangs nag po spyod pa'i zhabs kyi gang tshe zla ba gang bshar gyur pa/ /de tshe sems kyi rgyal po dri ma med/ /gti mug dri ma gcod pa bla ma'i gsung/ /yul dang dbang po nam mkhar sleb par 'gyur/ /mkha' mtshungs sa bon gang zhig mkha' mnyam 'gro/ /rang gi shing las khams gsum grib mas khyab/ /ji ltar nyin byed shar bas mtshan mo sel bar byed/ /sring? mtshor gti mug rab rib sel bar byed/ /ji ltar dang pa'i rgyal bas chu bo 'byed/ /srid pa za zhes kAh+na ba yis smra/ /don de nyid bde ba chen po'i rgyal po chos thams cad dmigs pa med pa'i ro de yis slar yang nag po sbyod pa pa rnam par sgom par byed do/ /zla ba gang pa zhes bya ba la sogs pa ni bla ma'i drin las gang gi dus su cha bcu drug dang ldan pa'i byang chub kyi sems kyi zla ba'i

  379. 190a

    dkyil 'khor shar bar gyur pa de'i dus su rnal 'byor gyi dbang phyug sems kyi rgyal po shin tu dri ma med par 'gyur ro/ /d+h+ru'i rkang pa don de nyid brtan par byed do/ /gcod pa zhes bya ba la sogs pa ni blo gros dang ldan pas bla ma'i gsung gi gti mug la sogs pa'i sgrib pa 'bros par 'gyur ro/ /yul dang dbang po zhes bya ba la sogs pa nam mkhar 'od gsal la 'jug par byed do/ /de bzhin du sa ra ha'i zhabs kyis kyang/ dus mnyam shar ba de la phyag 'tshal lo zhes bya ba la sogs pa gsungs so/ /rkang pa gnyis pa chos kyi sa bon gyi nus pa gsungs te/ mkha' mtshungs sa ben zhes bya ba la sogs pa ni nam mkha' dang mtshungs pa'i sa bon ni 'od gsal gyi rang bzhin sems las skyes pa ste/ de'i rang bzhin 'od rab tu gsal ba ni rang gi shing ljon pa'i grib ma rnal 'byor/ /gyi dbang phyug ye shes kyi 'od zer gyis 'jig rten gsum po khyab pa'o/ /rkang pa gsum pas de'i khyad par gyi mtshan nyid gsungs te/ mtshan mo sel zhes bya ba la sogs pa ni dper na nyin mor byed ba shar bar gyur na mtshan mo mun pa sel ba bzhin du ji ltar bla ma dam pa'i zhabs kyi rdul gyi tshogs la rab tu 'dud na so sor lta ba las yang dag par skyes pa'i rang bzhin gyis drin las srid pa'i rgya mtshor ye shes kyi gti mug dang zhe sdang la sogs pa'i sgrib pa ring du 'bros par gsungs so/ /rkang pa bzhi pas rnal 'byor gyi dbang phyug gi spyod pa gsungs te/ dad pa'i rgyal po zhes bya ba la sogs pa ni dper na phyi rol tu dad pa'i rgyal pos chu dang 'o ma 'dres pa'i chu rnam par phye nas 'o ma 'thung bar byed do/ /nag po spyod pa nyid la kye rnal 'byor pa mchog gi de nyid kyis srid

  380. 190b

    pa'i rang bzhin khong du chud pas srid pa bza' bar bya ba yin gyis khyod srid pa len par ma byed cig pa'o/ /de bzhin du ye shes byang chub pa las kyang/ /srid pa ma yin mya ngan 'das pa min/ /yang dag ji bzhin rtogs pa las zhes so// //'di ni thag pa'i zhabs kyi glu dbyangs so/ /chos 'byung rkang rten rdo rje'i gnas kyi skad/ /lan lnga 'thag cing 'thag pas dri med gos/ /bdag ni tha gI rang bzhin rgyu rnams dang/ /spun dog bdag gir mtshon pa mi shes so/ /phyed bcas khru gsum khyim 'thag sun sgron gsum/ /nam mkha' khengs gyur de ni thags 'thag go/ gzhom med thag bzangs sgra ni bla ma'i gsung bral min/ /gnas gnyis bcad nas rgyu rnams bsgrims shing brtan por sbyongs/ /nor bus son pa stong nyid kyis mtshon stong nyid snying/ /thags kyi ri rnyed tha ga gti mug dra ba grol/ /chos thams cad khong du chung pa'i don de nyid sems can rnams kyi phyir grub pa'i slob dpon thag pa'i zhabs kyis gsungs te/ chos zhes bya ba la sogs pa ni chos 'byung dgongs pa'i skad kyis shes rab kyi chos 'byung du rtogs par bya'o/ /rkang rten zhes pa ni rkang pa bzhi dga' bzhi'i rten du gyur pa'o/ /de bzhin du rtag pa gnyis pa las kyang/ a yig gang byed lha mo bzhi yi zhes bya ba la sogs pa gsungs so/ /yang na don dam rig pas yang dag pa ji lta ba bzhin du gyur pa'i chos kyi 'byung gnas gang yin pa de ni chos 'byung ngo/ /rdo rje zhes pa ni rnal 'byor gyi dbang phyug gi bya ba dang byed pa'i dngos po las de'i gnas kyi skad de ni rnal 'byor ro/ /de bzhin du sa ra ha'i zhabs kyis kyang/ rdo rje 'bebs pas g.yo ba nyid/ /pad+ma yod pas rdo rje'o/ /bya ba byed pas rgyas 'debs pa/ /'di ni bde chen rgyal po'o/ /de la shes rab kyi chu skyes la me long lta bu la sogs pa'i ye shes lnga'i bdag nyid kun rdzob byang chub kyi sems ni stong pa nyid dang snying rje'i bdag nyid rdo

  381. 191a

    rje bla ma'i drin las so/ /dri med gos zhes pa ni rang bzhin gyi 'od gsal gyis yongs su dag par byed do/ /zhes so de bzhin du brtags pa gnyis pa las kyang/ /kun rdzob kun dang mtshungs pa/ /don dam bde ba'i gzugs can no zhes so/ /d+h+ru'i rkang pas yang dag par rtogs pa brtan par byed do/ /bdag ni tha ga zhes bya ba la sogs pa ni ngo bo nyid kyis thabs kyi bdag ni thag pa'i zhabs so/ /rgyu dang spun dag gi gang gi phyir na kun rdzob dang don dam pa'i dbye ba dmigs pas mtshon pa dag gis mi shes so/ /de bzhin du yang/ gzung 'dzin dngos po med pa'i phyir/ /sems ni gang du 'ang skye ba med/ /gang la sems nyid skye med pa/ /de nyid mchog gi go 'phang ngo/ /rkang pa gnyis pas rten dang brten pa gsungs te/ /phyed bcas khru gsum zhes bya ba la sogs pa ni rang gi lus la bsam gtan gyi khang par grol ba ste/ de la dga' ba gsum pa bskyed pa'o/ /nam mkha' khengs gyur zhes pa ni yongs su dag pa'i 'od gsal gyis yongs su sbyar bar byas pas so sor blta ba dang ldan bas bdag gnas pa'o/ /de bzhin du brtag pa gnyis pa las kyang/ lus dang bral ba'i sems nyid ni/ /gzhan du spang bar bya ba med ces so/ /rkang pa gsum pas yid ches pa'i tshogs pa gsungs te/ /gzhom du med pa zhes bya ba la sogs ba'i thags bzangs ni dgongs pa'i skad kyis srog dang rtsol ba dang thabs dang shes rab kyi bdag nyid kyis rlung gnyis la gzhom du med pa'i sgra dang gzugs brnyan yongs su rtog pa zhes so/ /lhan cig skyes pa'i sgra brnyan dang/ /de nyid kun rdzob byang chub kyi sems bla ma dam pa'i gsungs gis bsgrub par bya'o/ /gnas gnyis chad gyur zhes pa ni dngos po med par 'dzin pa dag bcad nas rdo rje dang chu skyes yang dag par sbyor ba bstan pas mi byed par

  382. 191b

    bdag gis bya'o zhes so/ /rkang pa bzhi pas rnal 'byor pa'i rjes su bsngags pa gsungs te/ nor bus son pa zhes bya ba la sogs pa ni chos thams cad rang bzhin gyis 'od gsal ba'i khong du chud pa las dar ma'i skye bo dang 'khyud pas de nyid rang bzhin gyis yongs su gyur pa a ba d+hu tI rnal 'byor ma bdag med ma'o/ /nor bur gnas zhes pa ni rtag pa'i tshul thag pa'i zhags bdag gis thob pa'o/ /de'i phyir de'i drin las gti mug gis mngon par 'khyud pa'i srang bus bcings pa rnam par bral bar gyur pa'o/ /tha ga zhes pa ni skyes pa'i chos dang rnam par bral nas rdo rje 'dzin par gyur to zhes pa'o/ /de bzhin du sar ha'i zhabs kyis kyang/ de ni dpal ldan zhes bya ba la sogs pa gsungs so/ /shA ba ri zhes bya ba'i glu dbyangs zhi ba'i zhabs kyi'o/ /tshad mas brtags shing brtags pa'i cha shas cha/ /cha shas cha shas brtags na lhag ma med/ /de nyid phyir na gzugs ni ma rnyed do/ /shAn+tis smra ba ci zhig sgom par byed/ /tshad mas brtags brtags stong pa nyid du sod/ /slar yang blangs nas rang gi 'gog par byed/ /rnam pa gnyis 'bab lam ni ma mthong ste/ /shAn+tis smras pa skra rtse'i cha mi shod/ /bya la byed bzung dag yod ma yin/ /rang gis rig pas shAn+ti pa yis smras/ /ye shes kyi dga' ba'i bde bas gang zhing brlan pa grub pa'i slob dpon shAn+ti pas don de nyid skye bo rnams kyi phyir rab tu gsungs so/ /tu la zhes bya ba la sogs pa ni rang bzhin gyi nyos pa nyid tshad mas gzhal bar rig pa ni 'jig rten gsum dang lus ngag yid kyi 'dir g.yo ba dang mi g.yo ba la sogs pa'i dbye bas cha shas can gcig tshad mas skyed par byas pa'i rang bzhin cha shas drug tu bsgrubs par byas nas de nyid kyi cha shas rdul phra rab gong bu'i rdul dran cha drug tu dngos po med par

  383. 192a

    phye zhing phye bas cha shas med pa'o/ /cha shas med pas mtshon pa de nyid kyang rgyu dang bral ba'i phyir de'i sems kyi rgyu nyi phyir ches? la thob pa med do/ /shAn+ti'i zhabs kyis gsungs pa/ dngos po la dmigs pa dang dngos po med pa la ci zhig bsgom par bya ste/ de bzhin du yang shes rab le'u las/ rnam par dpyad byas na zhes bya ba la sogs pa gsungs so/ /rkad? pa gnyis pas don de nyid brtan par byed do/ /tshad mas brtags zhes bya ba la sogs pa ni rnam par dpyod pa'i tshad pas yang cha shes la sogs pa 'byin pa'o/ /stong pa zhes pa ni 'od gsal la sems rab tu zhugs pa'o/ /de la bdag gis 'od gsal la bzung nas 'gog pa zhes bya ba la sogs pa ni bdag tu 'dzin pa'i bsgom par bya ba dang/ sgom pa'i ngo bo 'gog pa zhes so/ /de bzhin du rtag pa gnyis pa las kyang/ bsgom med sgom pa po yang med ces bya ba la sogs pa gsungs so/ /rkang pa gsum pas lam gyi rjes su bsngags pa gsungs te/ 'bab ces bya ba la sogs pa ni 'dir mchog gi lam la gnyis su med pa'i phyr rnam pa gnyis su med pa'o/ /de'i phyir shAn+ti'i zhabs kyis gsungs te/ 'dir skra'i rtse mo'i cha'i chos kyis zhugs na de 'ang ring ba nyid do/ /yang na skra'i rtse/ kha'i mtshams kyi cha 'dir med pa'o/ /de bzhin du klu grub zhabs kyis kyang /de yi lus la khong song med ces bya ba la sogs pa gsungs so/ /rkang pa bzhi pas rang bzhin la dmigs pa gsungs te/ bya ba zhes bya ba la sogs pa ni grub pa'i slob dpon shAn+ti'i zhabs kyis rang nyid bya ba dang byed pa dang bral ba'i phyir bla na med pa'i go 'phang du gsungs so/ /'di nyid tshad ma'i rigs pas bskyed pa bla ma dam pa'i drin las bla na med pa'i go 'phang rang nyid kyis mkhyen pa'o/ /de bzhin du brtag

  384. 192b

    pa gnyis pa las kyang/ bla ma'i rim pa nyer bsten pas/ gya nom pa nyid bdag gis shes/ /'dod pa sbyin pa zhes bya ba'i glu dbyangs 'du shes gsum pa'i zhabs kyi'o/ /nam phyed chu skyes khangs rgyas sum cu gnyis/ rnal 'byor ma rnams de la yan lag tshim/ /ri bong 'dzin lam a ba d+hu tIr bskyod/ /rin chen tshig ni lhan cig skyes pa smra/ /ri bong 'dzin bskyod mya ngan 'das par 'gro/ /pad+ma tsan ni padmor 'bab pa'i rgyu/ /khyad par dga' ba mtshan nyid dang bral ba/ /gang gis de shes de ni sangs rgyas so/ /b+hu su kus smras bdag gis tshogs pa shes/ /lhan cig skyes dga' bde ba chen pos rol/ /don de nyid lhan cig skyes ba'i ros yongs su gang ba'i grub pa'i slob dpon ? su kus gsungs te/ nam phyed ces bya ba la sogs pa ni de la dbang gi le'ur gsungs pa'i cho ga las/ nam phyed kyi thun mtshams bzhi la shes rab ye shes dbang ster ba'i dus su rdo rje nyi ma'i 'od zer gyi chu skyes ni bdag gi gtsug tor gyi chu skyes su rnam par rgyas pa'o/ /de'i dus la rnal 'byor ma sum cu rtsa gnyis ces pa ni sum cu rtsa gnyis byang chub kyi sems 'bab pa la la nA dang ra sa nA dang/ a ba d+hu tI mi phyed mo'i gzugs la sogs par rtogs par bya'o/ /de'i gnas su 'bad par byed do/ /de rnams kyi dga' ba la sogs pa'i tshogs pas yan lag yang dag par tshim par gyur pa'o/ /d+h+ru'i rkang pa dang lhan cig pa'i bla ma'i stobs gsungs te/ dus der de'i rgyus ri bong 'dzin pa byang chub kyi sems kyi zla ba a ba d+hu tA'i lam gyi rdo rje'i rtse mor sdon? pa bla ma dam pa'i gsung gi de nyid rin po che'i mthu las de dag la lhan cig skyes pa'i dga' ba ston par byed do/ /de bzhin du sa ra ha'i zhabs kyis kyang/ sems kyi dbang po'i mda' zhes bya ba la sogs pa gsungs so/ /rkang pa gnyis pas don de nyid gsungs to/ bskyod ces

  385. 193a

    bya ba la sogs pa ni ri bong 'dzin pa byang chub kyi sems a bad+hu tI'i lam gyis gang du yongs su bskyod par byed pa de nyid bla ma'i drin kyis rdo rje'i rtse mo mchog la mya ngan las 'das pa 'od gsal par gyur pa'o// pad+ma'i rol bde ba chen po'i ro de yod pa'i phyir ro/ /pad+ma can ni de nyid rang bzhin yongs su dag pa a ba d+hu ti'i pa bdag med mchu skyes kyi ro de nyid byang chub kyi sems bde ba chen po'i ros sku rdo rje rgyas pa'i phyir bde pa chen po'i/ 'khor lor steng du 'bab pa'i phyir ro/ /de bzhin du nag po spyod pa'i zhabs kyis kyang/ rab tu 'bab pas rang sems 'ching zhes bya ba la sogs pa gsungs so/ /rkang pa gsum pas don de nyid gsungs te/ khyad par gyi dga' ba la sogs pa mtshan nyid dang gral ba bzhi pa'i dga' ba dag pa 'di khyad par gyi dga' ba gang gi rnal 'byor gyi dbang phyug gi rtogs ? ma'i drin ? mtshan du gyur pa de nyid bcom ldan 'das rdo rje 'dzin pa mtshan sum cu rtsa gnyis dang ldan pa dpe byed bzang po brgyad ? brgyan pa'o/ /'dir de nyid rnams kyi ma rig pa'i skabs med pa'i phyir ro/ /de bzhin du Da DI zhabs kyis kyang/ ba lang khu rig ces bya ba la sogs pa gsungs so/ /rkang pa bzhi pas rang gi rtogs pa brtan par byed do/ /bdzu? su kus smras pa shes bya ba la sogs pa ni b+hu su ku'i zhabs kyis bdag gis bshad pa ste/ thabs dang shes rab sbyor bas lhan cig skyes pa'i dga' ba bde ba chen po bla ma dam pa'i drin gyis khong du chud pas rol pa'o/ /pa'i? Di zhes bya pa'i glu dbyangs sar ha'i zhabs kyi'o/ /mtho zhing mtho ba'i ri bo der/ /sa ba ri yi bu mo 'dug/ rma bya'i mdongs ni lus mgyon/ /ma ru'i phreng ba mgul du sbyangs/ /smyon pas bir ni

  386. 193b

    'khrul/ /glu li ma byed sa ba rI/ khyod kyi rang gi khyim mi mo/ /ming ni lhan skyes mdzes ldan ma/ /sna tshogs shing mchog rtse mo ni/ /nam mkha' i mthil du yal ga reg/ gcig pur sa ba'i? nyid 'gro/ /rna rgyan 'khor lo rdo rje 'dzin/ /khams gsum po yi khri nyid bshams/ /bde ba chen po'i nyal sar byas/ /sa ba ri sbrul bdag med ma/ /gzugs 'tshong dga' bas nam langs gyur/ /sems ni so rtsi bde ba rtse/ ga phur za ba steng pa yi/ /bdag med ma yi mgul nas 'khyud/ /bde chen mtshan mo nam langs? gyur/ /bla ma'i gsung gi gzhu dang ni/ /rang gi yid kyi mda' yis phug/ mda' gcig nyid ni bsngogs byas nas/ /mchog gi mya ngan 'das pa phug/ smyon pa sha ba ri? pa ni/ /cher khros ri bo mchog rtse yi/ /mtshams su zhugs nas sha ba ri/ /bdag gis ji ltar 'phyong bar byed/ /grub pa'i slob dpon sa pa ri pa'i zhabs kyis don de nyid snying rje chen po'i ros phug pas 'jig rten pa'i don du gsungs so/ /mtho zhes bya ba la sogs pa ni rnal 'byor gyi dbang phyug gi rang lus sgal tshigs kyi dbyig pa mtho ga'i ri rab kyi rtse mo la bde ba chen po'i 'khor lor sa yig gi pha rol ha yig de nyid 'dzin pa de nyid sa ba ri'o/ /de'i khyim ye shes kyi phyag rgya bdag med ma a yig las skyes pa la 'dug par byed do/ /rma bya'i mdongs zhes pa ni rnam pa sna tshogs pa'i phyogs kyi rnam par rtog pa'i gzugs kyis lhag pa gnas pa de yi gos dang rgyan du byas pa'o/ /ma ru ni guny+dza ste mgrin pa longs spyod kyi 'khor lo la gu hya'i? gsang sngags ? par rnam par 'dzin pa'o/ /rkang pa gzhan gyi rkang pas d+h+rA'i rkang par shes par bya'o/ /rkang pa gnyis pas goms pa'i rang bzhin gsungs so/ /smyon pa zhes bya ba la sogs pa ni bcom ldan 'das bdag med ma'i ngo bos dbugs 'byin pa ster bar byed do/ /kye smyon pa yul la 'khrul pa'i sems sa pa ri babs

  387. 194a

    dang shes rab gcig pa'o/ /gu lI zhes pa ni dga' ba la sogs pa'i rnam par rtog pa ma byed cig pa'o/ /bdag nyid khyod kyi khyim mi mo ni ye shes kyi phyag rgya lhan cig skyes pa ni mdzes pa can no/ /sna tshogs shes bya ba la sogs pa ni de'i lus kyi ri rab po/ /shing mchog ni ma rig pa'i gzugs la dga' ba la sogs pa'i sngags kyis sna tshogs pa'i rab tu byed pa'i rgyas par nga? gi gzugs su gyur pa'o/ /'di'i yal ga yang phung pho lnga nam mkha' la 'od gsal la reg pa'o/ /de'i phyir de bdag med ma gcig du'o/ /rna rgyan zhes pa ni sna tshogs pa'i gnas la 'khor lo la sogs pa'i phyag rgya lnga rus pa'i rgyan gyis brgyan par byas nas/ /rdo rje ni grabs kyis ye shes rnam par 'dzin pa zung 'jug gi tshul gyis 'dir lus kyi ri bo la 'gro ba ni rol par byed pa'o/ /rkang pa gsum pas rol pa'i bde pa'i stobs gsungs te/ /khams gsum zhes bya ba la sogs pa'i khams gsum ni lus dang ngag dang yid rnams nam mkha' la 'od gsal ba brgyad nas de yis/ gzung ba'i bde ba chen por nyal bar byas nas/ sa bar sems kyi rdo rje ni/ lto 'gro dang/ lhan cig gzugs 'tshong ma zhes bya ba ni/ nyon mongs pa 'joms pa'i phyir dA ri ka ste/ bdag med ma gzugs 'tshed ma'o/ /dga' bas zhes pa ni rol pa'i dpe med pa 'phel bar 'gyur ro/ /mtshan mo zhes pa ni mun par thabs dang shes rab kyi rnam par rtog pa 'joms pa'o/ /de bzhin du sa ra ha'i zhabs kyis kyang/ dpal gyi rdo rje bdud rtsi nyid kyang 'khor zhes bya ba la sogs pa gsungs so/ /rkang pa bzhi pas rgyu dang 'bras bu'i ngo bo gsungs te/ rma bya'i mdongs? shes bya ba la sogs pa ni snying gi 'od gsal ko lar mos pa dang/ ga bur ni zung du 'jug pa'i ngo bos rgyu dang/ 'bras bu nyid kyis de yis der mos pa'o/ /stong pa zhes pa ni de nyid rnam pa thams cad kyi mchog dang ldan pa'i stong pa nyid do/ /bdag

  388. 194b

    med ma'i ye shes rnal 'byor mas/ mgul pa ni longs spyodkyi 'khor lor rnam par 'dzin pa bde ba chen po'i ye shes kyi 'od zer gyis/ /nam zhes pa ni rang gi lus la nyon mongs pa'i mun pa rang nyams pa'o/ /de bzhin du yang sU ta ke las/ rgyu dang 'bras bu rgyas gdab pa zhes bya ba la sogs pa gsungs so/ /rkang pa lnga pas rdo rje bla ma'i bdag nyid che ba gsungs te/ bla ma'i gsung gi zhes bya ba la sogs pa'i bla ma dam pa'i gsung gzhur byas nas/ rang gi yid byang chub kyi sems kyi mnga' o/ /mnga' gcig nyid ni bsdogs byas nas/ shes pa ni gnyis po dag gcig tu byas nas dbyangs gcig nges par sgrogs pas/ de la goms par byas par gyur pa de yis mya ngan las 'das pas sa ra ha'i zhabs bdag gis thog ma med pa'i ma rig pa'i bag chags kyi skyon bcom pa'o/ /rkang pa drug pas sems kyi yang dag par ji lta ba'i ngo bo gsungs te/ smron pa zhes bya ba la sogs pa ni lhan cig skyes pa'i chang gis rab tu myos pa dag gi sems rdo rje nyid sa ba ra'o?/ /cher khros pa zhes ba ni ye shes kyi dga' ba'i dris skul bar gyur pa/ bde ba chen po'i 'khor lor pad+ma bzhin du gyen du rab tu bskyod pa las/ de la nub par gyur pa'o/ /ri mchog ces bya ba ni/ gsungs pa'i don grub pa'i slob dpon bdag gis ji ltar btsal bar bya/ de bzhin du lung las kyang/ ji srid sems ni rab 'jug pa/ /bgrod pa rnams kyis mthar thug med/ /sems nyid de log par gyur pa la/ /bgrong bya dang ni bgrod byed med/ /pa Ta ha many+dza ri zhes bya ba'i glu dbyangs lU yi pa'i zhabs kyi'o/ /dngos po ma yin dngos po med pa'ang ma yin pa'i/ /'di 'dra'i sangs rgyas gang gis yid ni ches par byed/ /lU yis smras pa rmongs pa ya mtshan mtshon du med/ /khams gsum nyid du rol pa dbyibs dang spyod lam med/ /gang gi kha dog mtshan ma gzugs ni mi shes so//

  389. 195a

    de ni ji ltar lung dang rig byed dag las bshad/ /gang gi ji ltar smra ba bdag gis dri bar bya/ /chu yi zla ba ji bzhin bden dang brdzun pa'ang min/ /lU yis smras pa bdag gi bsgom pa ji lta bu/ /gang zhig blangs 'dug de ni bdag gis ma mthong ngo/ /ye shes kyi dga' bas brjod pa'i lU yi pa'i zhabs kyis de kho na nyid kyis don khyad par du 'phags pa'i phyir gsungs te/ dngos po zhes bya ba la sogs pa ni dngos po de nyid de kho na nyid ma yin no/ /gang gi phyir na ril por 'dzin pa'i dbye ba med pa la rnam par dpyod pas dngos por dmigs pa med de ci ste dngos por thob par 'gyur/ dngos po med pa yang ma yin te/ bden pa ma yin pa'i ngo bo'i phyir 'di 'dra ba'i rdzogs pa'i sangs rgyas kyang sems can gang gis kyang de nyid yid ches par byed ces so/ /d+h+ru'i rkang pas ngo bo nyid kyi rang bzhin thob par dka' pa gsungs te/ lU yis smras pa zhes bya ba la sogs pa'i grub pa'i slob dpon lU yi pa'i zhabs nyid kyis te/ 'di nyid mtshan par dka' ba'i de nyid byis pa'i rnal 'byor pas mtshon mi nus pa'o/ /gang gi phyir khams gsum ni lus ngag yid gsum rnam par rol pa ni rtse bar byed pa'o/ /de'i rgyud la ring po dang thung du dang zlum po la sogs pa dbyibs mi shes pas gang ru nges par gnas par byed do zhes pa'o/ /rkang pa gnyis pas gsungs pa'i don de nyid gsal bar byed do/ /gang gi zhes bya ba la sogs pa ni gang gi de nyid kyi mtshan ma'i gzugs rtogs pa med pa ste/ de yang ji ltar sna tshogs pa'i/ snyan dngags dang 'dul ba dang lung dang bstan chos dang rig byed rnams kyis bshad pa'o/ /de bzhin du klu sgrub zhabs kyis kyang/ dmar po ma yin ser po dang/ /brtsod kha'i kha dog de mi dmigs zhes bya ba la sogs pa gsungs

  390. 195b

    so/ /rkang pa gsum pas de kho na nyid kyi rang bzhin gsungs te/ gang gi zhes bya ba la sogs pa ni gang gi ci zhig grol te so so'i skye bo'i phyir bar gyi grub mdza' ci zhig sbyin par bya/ /ji ltar chu zla bden pa yang ma yin mi bden pa yang ma yin pa'o/ /de nyid rnal 'byor gyi dbang phyug sgom pa'i grong khyer gyi gzugs brnyan no/ /de ji ltar sbyar te bshad par bya/ yang na de la ji ltar yid ches par byed de smrar? med pa'i phyir ro/ /rkang pa bzhi pas sems kyi ngo bo gsungs te/ lU yis smras pa zhes bya ba la sogs pa ni lU yi pa'i zhabs kyis gsungs pa ste/ bdag gis bsgom par bya ba dang sgom pa po sgom pa rnams ngo bo med pas ci zhig bsgom par bya/ de'i phyir rkang pa bzung nas bdag gnas pa ste/ de yang bla ma'i gsung gis rnam par dpyad nas de'i dbyibs mdor bstan pa med de ma mthong ba'o/ /de bzhin du yang/ sems ni nges par rtogs pa yis/ /gang gi tshe na goms byed pas/ /de tshe sems ni ngas ma mthong/ /gang ru song zhing gang nas 'gyur/ /mal la re zhes bya ba'i glu dbyangs b+hu su ku'i zhabs kyi'o/ /snying rje'i sprin ni rgyun mi 'chad par 'phro/ /dngos po dngos med rtog cing rtog cing sel/ /ya mtshan che ba nam mkha' i mthil du shar/ /lhan skyes rang bzhin ltos shig b+hu su ku/ gang gi yid la mig 'phrul chad gyur pa/ /rang gi yid la dga' ba ster par byed/ /yul ni rnam dag bdag gi dga' ba rtogs/ /nam mkha' i mthil du ji ltar zla ba shar/ /der ni khams gsum po ni rnam par brkyang/ /gar shar b+h+ruM su ku yi mun pa sel/ / de kho na nyid kyi don bde ba chen po'i dga' bas rab tu tshim pa'i 'du shes gsum pa'i zhabs kyis gsungs so/ /snying rje zhes bya ba la sogs pa ni dngos po dang dngos po med par gzung ba'i rnam par rtog pa sel ba ste rang bzhin med par

  391. 196a

    byas nas yongs su dag pa'i longs spyod rdzogs pa'i sku rnal 'byor gyi dbang phyug gi bla ma'i drin las 'phro pa'o/ /de'i phyir d+hu'i rkang pas de'i mthu gsungs te/ shar pa zhes bya ba la sogs pa de las de kho na nyid rtogs pa ste/ 'od gsal ya mtshan che ba zung 'jug gi 'jug gi 'bras du shar bar gyur pa'o/ /de'i phyir kye rnal 'byor pa 'du shes gsum pa'i zhabs bla ma'i drin las dga' pa gsum pa la lhan cig skyes pa'i dga' ba'i rang bzhin ltos shig ni shes par gyis shig pa ste/ bdag nyid la rang gis 'bod par byed pa'o/ /rkang pa gnyis pas de'i mthu ston par byed de/ /gang gi zhes bya ba la sogs pa ni gang gi lhan cig skyes pa'i dga' ba so sor blta bas mig 'phrul ni dbang po'i tshogs chad cing med par byed pa'o/ /de bzhin du sar ha'i zhabs kyis kyang/ gang du dbang po thim gyur pa/ zhes bya ba la sogs pa gsungs so/ /rang gi zhes bya ba la sogs pa ni 'byung bas rnam par mi rtog pa'i rnam pas rang gi yid byang chub kyi sems rdo rje bla ma'i drin gyis lhan cig skyes pa'i dga' ba ster par byed do/ /de bzhin du sar? ha'i zhabs kyis kyang/ sems dang sems med yongs sdud pa zhes bya ba la sogs pa gsungs so/ /rkang pa gsum pas lam gyis rjes su bsngags pa gsungS te/ yul ni zhas bya ba la sogs pa ni dper na zla ba yis nam mkha' 'od gsal bar byed do/ /de bzhin du bdag gis yul rnams kyi rnam par dag pa las so/ /dga' ba zhes pa ni khyad par gyi dga' ba dang mchog dga' khong du chud pas lhan cig skyes pa'i dga' ba'i zla ba yis gti mug gi mun pa 'joms par byed pa'o/ /rkang pa bzhi pas 'bras bu thob pa'i phyir de'i mthu gsungs te/ der ni zhes bya ba la sogs pa de la 'jig rten gsum du dga' ba bzhi dang bral na thabs gzhan med pa'o/ /gang zhig

  392. 196b

    shar bas grub pa'i slob dpon 'du shes gsum pa'i zhabs kyis nyon mongs pa'i mun pa bsal pa'o/ /de bzhin du sa ra ha'i zhabs kyis kyang/ gang shar da la phyag 'tshal lo zhes bya ba la sogs pa gsungs so/ /pa Da rga many+dza ri zhes bya ba'i glu dbyangs 'phags pa lha'i zhabs kyi'o/ /gang la yid dang dbang po rlung rnams zhugs gyur na/ /bdag gis mi shes gang du song dang gang du sleb/ /ya mtshan snying rje Da ma ru nyid sgrogs par byed/ /'phags pa lha ni dmigs pa med la rnam par mdzos/ /zla ba zla ba'i 'od zer ji bzhin yongs su shes / sems kyi rnam 'gyur de la 'phangs nas yongs su zhugs/ /spangs gyur srid pa'i skyag bro 'jig rten spyod pa rnams/ /lta zhing lta bas stong pa nyid la rnam par dpyad/ /'phags pa lha ni kun la rnam par dpyod par byed/ /'jigs pa dang ni skyug bro ring du zad par byas/ /de kho na nyid kyi don gyis rab tu dgyes pa'i 'phags pa lha'i ? zhabs kyis gsungs te/ gang la zhes bya ba la sogs pa ni gang du 'od gsal dkyil 'khor la sogs pa sdud pa'i rim pas yul dang rlung dang dbang po la sogs pa rang bzhin med par gyur pa de la rab tu zhugs par gyur na/ bdag gis shes bya ba ni sems kyi rgyal po mtshon pa yang mi shes shing gang du sod pa nyid kyang ngo/ /d+h+ru'i rkang pas dga' ba brtan par byed do/ /ya mtshan zhes pa ni rmad du byung ba'i snying rje zhes te kun rdzob byang chub kyi sems bla ma'i drin las/ DA ma ru zhes pa ni gzhom du med pa'i sgrar byed pa ste/ gzhom du med pa'i sgra'i ye shes rnam par rtogs pa'o/ /de'i phyir 'phags pa lha'i zhabs dmigs pa med pa chos thams cad mi dmigs pa la rnal 'byor gyi dbang phyug gis mdzes shing brjid pa'o/ /rkang pa gnyis pas yul gyi rang bzhin gsungs te/ zla ba zhes bya ba la sogs pa ni dper na zla ba nub pa na der zla ba'i 'od zer

  393. 197a

    yang de la nub par 'gyur ba'i phyir ro/ /rnam 'gyur zhes pa ni de bzhin du sems kyi rgyal po yang gang gi tshe sems med pa 'od gsal la thim par 'gyur ro/ /de'i tshe de'i rnam par rtog pa thim zhing/ de la nub par 'gyur ro// de bzhin du lung las kyang /zla ba nub par 'gyur ba ji bzhin du/ /chu yi zla ba ji snyed nub par 'gyur/ /de bzhin sems kyang lhan skyes la ni nub/ /de bzhin rnam par rtog pa kun kyang ngo/ /rkang pa gsum pas dngos po cha shas med pa gsungS te/ spangs nas zhes bya ba la sogs pa ni de'i phyir grub pa'i slob dpon bdag gis 'jigs pa dang ngo tsha ba la sogs pa 'jig rten gyi spyod pa yongs su spangs nas bla ma'i gsung gi lam gyis stong pa nyid la nges par lta ba'o/ /dngos po ni bdag med pa'i gzugs la lta ba'o/ /rkang pa bzhi pas bdag nyid kyis rjes su bsngags pa gsungs te/ 'phags pa lha zhes bya ba la sogs pa'i 'phags pa lha'i zhabs kyis bla ma dam pa'i drin las bdag med pa'i chos thams cad mngon sum du mdzad nas 'khor ba'i skyon thams cad sun phyung nas 'bras bu med par mdzad do zhes so/ /de sha kha zhes bya ba'i glu dbyangs sa ra ha'i zhabs kyi'o/ /nA da thig le nyi zla'i dkyil 'khor med/ /sems kyi rgyal po ngo bo nyid kyis grol/ /drang po'i lam spangs gzhan ni ma len cig/ byang chub nye bo ring du ma 'gro re/ /lag gdub blta la me long ma len cig/ bdag gis bdag nyid nges par shes pas so/ /pha rol tshu rol 'gro ba de yis so/ /sdug pa'i skye po dang 'grogs 'chi bar 'gyur/ /gang gi g.yas g.yon dag ni dong dang g.yang/ /sa ra has smras drang po'i lam mo kye/ /de kho na nyid kyi don chos thams cad khong du chud pa grub pa'i slob dpon sa ra ha'i zhabs kyis skye bo rnams kyi phyir gsungs so/ /nA Da zhes bya ba

  394. 197b

    lta? sogs pa ni bla ma dam pa'i gsung gi bdud rtsi'i rlabs kyis mthus don dam pa sems kyi rin po che nA da dang thig le la sogs pa'i rnam par rtog pa yongs su spangs pa'i rang bzhin gyis yongs su grol ba ni thog ma med pa'i ma rig pa'i shes pa'i rab rim las so/ /slar yang gzhan gyi ngo bo lta ba'i phyir ro/ /de bzhan du sa ra ha'i zhabs kyis kyang/ a ho shin tu zhes bya ba la sogs pa gsungs so/ /d+h+ru'i? rkang pas lam gyi rjes su bsngags pa gsungs te/ drang po zhes bya ba la sogs pa de ni de'i phyir a ba d+hU ti'i lam rnam par spangs nas rnal 'byor gyi dbang phyug gi thabs gzhan med pa'o/ /de yis 'gro na byang chub rgyal po'i pho brang nye bar gnas pa'o/ /de ni yang dag par bod pa'o/ /kye byis pa'i rnal 'byor pa lam skyog po la lhung bas slar yang 'khor ba'i srid pa ma len cig pa'o/ /rkang pa gnyis pas rang gi rkyen nyid du byed pa gsungs so/ /lag pa ces bya ba la sogs pa ni lag pa'i gdub bu la me long gis ci zhig byed pa ste/ kye byis pa'i rnal 'byor ba khyed kyis so/ /rang gis de nyid rdo rje bla ma'i drin las rang gi yid kyi byang chub kyi sems kyi rang bzhin shes pa'i phyir ro/ /de lta bas na khyod bla na med pa'i chos nyid mngon sum du byed par 'gyur ro zhes so/ /rkang pa gsum pas byang chub kyi rjes su bsngags pa gsungs te/ pha rol tshul rol zhes bya ba la sogs pa ni pha rol don dam pa de kho na nyid byang chub kyi sems mchog gi rnal 'byor pas rtogs par 'gyur pa'o/ /de'i rjes su de bla ma'i drin las phyag rgya chen po'i dngos grub thob par 'gyur pa'i phyir 'khor ba'i srid par de so so'i skye bos khong du chud par 'gyur ro/ /de bas na gti mug la sogs pa sdug pa'i skye ba dang 'grogs na 'khor ba'i rgya mtshor 'byings par 'gyur ro/ /rkang pa bzhi pas slar yang lam gyis

  395. 198a

    rjes su bsngags pa gsungs te/ g.yas g.yon zhes bya ba la sogs pa ni rtogs par sla'o/ /de'i phyir sa ra ha'i zhabs kyis kyang/ bde ba chen po'i grong khyer du ni 'grod pa'i phyir/ kun spangs lam bzhin 'bras bzang? ma yo re gyis// de bzhin glu dbyangs gzhan las kyang/ /khal? sa 'gag dang sho gam med pa yi/ /mig gis mthong pa'i lam la 'gro bar gyis/ /pa Da ha many+dza ri zhes bya ba'i glu dbyangs Te Na Te Na pa'i zhabs kyi'o/ /grong khyer dbus na bdag gi khyim ste khyim tshes med// phru ba la ni zan med rtag tu 'dri ma par byed/ /sbal pa yis ni sprul nyid 'deb pa nyid du byed/ /'o ma bzhos pas nu ma la ni zhugs par 'gyur/ /glang ni skyed gyur pa ni mo gsham la/ /khri ni 'jo bar byed de thun mtshams gsum/ /gang de blo ldan de ni blo med pa/ /gang de tshom po de ni mkha' ? gsungs so/ /rtag tu lce spang seng ge mnyam du ?/ /Te Na Te Na zhabs glu ni sus kyang go ba nyung/ /don de nyid mchog tu dga' ba'i tshogs kyis tshim pa'i grub pa'i slob dpon Te Na Te Na sa dgongs pa'i skad kyis gsungs te/ grong khyer dbus zhes bya ba la sogs pa ni DA zhes pa ni Da ma la mi bden pa'i gzugs te lus dang dag yig gsum gyi drug cu lhag pa'i brgya'i rang bzhin gyi nyes pa gang du bde ba chen po'i 'khor lo la thim par gyur pa de nyid bdag gi khyim tshes su gnas pa zla ba nyi ma nyid rdo rje bzlas pa'i rim pas de nyid la thim par gyur pa'o/ /phru ba zhes pa ni lus kyi gzhi la/ /zan ni de'i kun rdzob byang chub kyi sems rnam par shes pa'i ngo bo bla ma'i drin gyis de la de'i dmigs pa yod pa ma yin pa'o/ /de'i phyir bdag med pa'i ngo bo nyid de yis rnal 'byor gyi dbang phyug rtag tu rgyun mi 'chad par zhugs nas yang dang yang du sems la rtog par byad do/ /d+hUI rkang pas don de nyid brtan par byed do/ /sbal pa bem ga la sogs pa ste/ /de skal pa'o//

  396. 198b

    yan lag med pa stong pa nyid de la 'od gsal du rig par bya'o/ /yan lag ni 'gro ba drug du brkyang zhing 'gro ba'i phyir sprul lo/ /de nyid rlung gi ngo bo de yis yan lag dang bral ba'i 'od gsal gyis rnam par shes pa'i rlung gis bskul pa'o/ /'o ma bzhos pas zhes pa ni las kyi phyag rgya dang yang dag par 'khyung pas rdo rje'i rtse mor byang chub kyi sems gang rnal 'byor gyi dbang phyug gi nu ma zhes pa rdo rje'i rtsab nas bde ba chen po'i 'khor lor 'gro ba'i phyir ro/ /ci ste ngo mtshar ba zhes so/ /rkang pa gnyis pas goms pa'i khyad par gsungs te/ glang zhes bya ba la sogs pa la ni sha bo de ha lus la ster bar byed pa'i phyir ro/ /ba la de nyid byang chub kyi sems la snang ba gsum rab tu skyes par gyur pa'o/ /ba zhes pa ni rnal 'byor gyi dbang phyug gi khyim du mo sham bdag med ma de la dbang du byed pa'o/ /khri ni rang gi rdo rje'i rtse mor bla ma'i drin las de'i snang pa'i skyon gnyis 'dze? ba zhes pa ni rang bzhin med pa'i bya bar byed pa'o/ /thun mtshams gsum zhes pa ni nyin dang mtshan du rnal 'byor pas zhes so/ /de bzhin du sar ha'i zhabs kyis kyang rdo rje dang ni chu skyes yang dag sbyor/ /rnal 'byor dri med mchog gi bde chen 'gyur/ /de yi tshe ma dga' ba'i dbye ba ni/ /de la mtshon du med pa yongs kyi tshad/ /rkang pa gsum pas rang bzhin yongs su mjal ba gsungs te/ gang de blo zhes bya ba la sogs pa ni byis pa'i rnal 'byor pa rnams kyi blo gang yin pa de rnam par rtog pa'i ye shes pa'o/ /de don dam pa rig pa rnams kyis so sor bla ma'i drin las dmigs pa med pa'i ngo bo nyid do/ /de bzhin du sa ra ha'i zhabs kyis kyang/ gang 'dir mtshan bcas bde pa de nyid ni/ /chen po rnams kyi mtshan ma yongs su zhi zhes so/ /de'i phyir na yang gang de nyid sems kyi rgyal po ni chom po ste ma byin par len par byed do/ /de nyid kyis dngos po rnam par spyod pa dang ldan par gyur pa de'i mi mthun phyogs don dam pa'i

  397. 199a

    ngo bo nyid do/ /de'i phyir byis pa'i rnal 'byor pa rnams kyis bsgrub par dka' ba don dam pa'i bden pa sdug bsngal de sdug bsngal gyis bsgrub pa zhes so/ /rkang pa bzhi pas rang bzhin ngo bo nyid gsungs te/ rtag tu zhes bya ba la sogs pa ni 'chi ba sogs ba rgyun du 'jigs par byed pa de nyid dang bcas pa'i sems ni lce spyang? dang mtshungs pa'o/ /gang gi tshe dge ba'i bshes gnyen gyi byin gyis brlabs pa las 'od gsal rnam par dag par byed do/ /de'i tshe zung 'jug seng ge dang 'dra bar byed do/ /Te Na Te na'i zhabs kyi glu dbyangs 'di 'dra sems kyis yongs su rtogs pa nyung ste/ rtag tu lta ba'i sems can chen po gang zhig gis kyang don khong du chud par byed par 'gyur ram zhes so/ /ba ra Di zhes bya ba'i glu dbyangs dA ri ka pa'i zhabs kyi'o/ /stong pa dang ni snying rje dag/ dbye ba med pas lus ngag yid/ /rnam par rol pa dA ri ka/ pha rol mchog gi 'gram du song/ /mtshan nyid med pa'i mtshan nyid sems/ /bde ba chen pos rnam par ro la/ /dA ri ka pa nam mkha' la/ /pha rol mchog gi 'gram du song/ /khyod kyis sngags gang khyod rgyud dang/ /khyod kyi bsam gtan ci zhig bshad/ /rang gnas bde ba chen por thim/ /mtshon dka' don dam mya ngan 'das/ /bde sdug cig tu byas nas ni/ /mig 'phrul dra ba za bar byed// rang gzhan gzhan nyid dA ri ka/ ma lus bla na med par shes/ /rgyal po rgyal po nyid kyi rgyal/ /gzhan yang rgyal po rmongs pas 'ching/ /lU yi pa zhabs drin gyis ni/ /dA ri ka pas sa bcu thob/ /don de nyid chos zab mo khong du chung pa'i grub pa'i slob dpon dA ri kas gsungs so/ /stong pa dang ni snying rje zhes bya ba la sogs pa ni snying rje zhes pa ni kun rdzob byang chub kyi sems dang/ stong pa zhes pa ni de yongs su rdzogs pa'i gzugs don dam pa'i bden pa'o/ /gnyis po dbyer med par nye

  398. 199b

    bar spyod pas gzung nas rdo rje bla ma'i brin las grub pa'i slob dpon dA ri kas so/ /nam mkha' zhes pa ni snang ba la sogs pa stong nyid gsum du shes par bya'o/ /de'i pha rol 'od gsal ba bde ba chen pos yongs su gang ba lus dang ngag dang yid rnams rang bzhin dang bral ba'i nges pas rnam par rol par byed do/ /de bzhin du lung las kyang/ /dngos po rnams las stong pa nyid/ /gzhan dngos gnas pa ma yin no/ /zhes bya ba la sogs pa gsungs so/ /d+h+ru'i rkang pas don de nyid brtan par byed do/ /mtshan nyid med ces pa ni ma skyes pa ste mtshan nyid med pa sems kyi mchan nyid do/ /de yis 'di gsal ba'i sems kyis rnam par rol par byed de bde ba'i pha rol tu 'gro ba'o/ /rkang pa gnyis pas gzhan ma yin par 'bod par byed do/ /khyod kyi zhes bya ba la sogs pa ni sngags zhes pa ste phyi'i sngags bzlas pas kye'i byis pa rmongs pa'i rnal 'byor pa ci ste/ khyod kyi rgyud kyi zhes te de la klog pa dang bsam gtan dang bshad pa 'dis kyang ci zhig byed/ rab tu mi gnas pa'i bde pa chen por thim pa'i phyir khyod kyi mya ngan las 'das pa mtshon dka' ba bla ma'i zhabs kyis rdul gyi 'od zer gyi drin las rab tu grub pa de nyid do/ /de bzhin du sa ra ha'i zhabs kyis kyang/ /sngags dang rgyud ces bya ba la sogs pa gsungs so/ /rkang pa gnyis pas lam gyis rjes su bsngags pa gsungs so/ /sdug bsngal zhes bya ba la sogs pa ni sdug bsngal ni 'khor ba'i bde ba dang sdug bsngal zhes te/ don dam pa'i bden pas lhan cig tu byas nas kye byis pa'i rnal 'byor pa'i bla ma la dris la yul dang dbang po nye bar longs spyod par gyis shig pa'o/ /'di'i thabs kyis thams cad bla na med par gyur pa grub pa'i slob dpon dA ri ke'i zhabs kyis so/ /'khor ba la rang dang pha rol dang gzhan gyi cha shas dang dbye pa

  399. 200a

    ma mthong ba'i phyir ro/ /de bzhin du d+ho ka Da'i zhabs kyis kyang/ /'khor bar mang du yang dag 'khor gyur kyang/ /blo gros dang ldan 'di yis mthu yis ni/ /dngos po dngos med zung du rnam par dpyad/ /thams cad rang gi shes rab yang dag gnas/ /phyogs dang phyogs min lta zhing smra gyur pa/ /bdag gis cung zad kyang ni ma mthong ngo/ /bzung ba ? 'dzin pa spangs pa'i phyir/ /dga' dang sdug bsngal ji bzhin de nyid do/ /rkang pa bzhi pas rang gi rjes su bsngags pa gsungs te/ rgyal po zhes bya ba la sogs pa gsungs pa gsum gyis rang gi bya ba dbang phyug la sogs pa'i yon tan mtshon no/ /gzhan du gang la lha dang klu'i dbang po la sogs pa yul la rmongs pas bcings nas gnas so/ /bdag ni slar yang lU yi pa'i zhabs kyis drin las sa bcu gnyis pa'i rgyal ba dang mtshungs pa'o/ /mal la ri zhes bya ba'i glu dbyangs b+ha de'i zhabs kyi'o/ /de tsam dus su 'dug kyang bdag ni shin tu rmongs/ /da ni bla ma'i dam pa'i gsungs las bdag gis rtogs/ /da ni bdag gi sems kyi rgyal po zhi bar gyur/ /nam mkha' rgya mtshor rab tu bskyod pas sleb par gyur/ /bdag gis bltas pa phyogs bcu thams cad stong pa nyid/ /sems dang rnam par bral bas sdig dang bsod nams med// rA hu la yis bdag la mtshan ma smras nas byin/ /nam mkha' i rgya mtshor bdag ni sems ni stong bar gyur/ /b+hU? des smras pa cha shas med pa rab tu long/ /bdag gi sems kyi rgyal po nyid ni stor bar gyur/ /ye shes kyi dga' bas rab tu tshim pa dang ldan pa'i grub pa'i slob dpon b+hA de'i zhabs kyis don de nyid gsungs te/ de tsam dus su zhes bya ba la sogs pa ni thog ma med pa'i 'khor ba la dge ba'i bshes gnyen dang phrad pa las so/ /rmongs pa zhes pa phyi rol yul la chags pas

  400. 200b

    dpag tu med pa'i bskal par de srid du gnas par gyur nas/ da ni sangs rgyas kyis mthus bla ma dam pa'i brtags pa dang phrad pas bdag gi sems kyi rang bzhin de kho na nyid du 'gyur ro/ /d+h+ru'i rkang bas don de nyid brtan par byed do/ /da ni zhes bya ba la sogS pa ni da ni rdo rje dang pad+ma yang dag par sbyor bas mi 'gyur pa'i bde bas bdag gi sems kyi rgyal po med par gyur te/ rang bzhin gyis 'od gsal la rab tu zhugs so zhes pa'o/ /rkang pa gnyis pas goms pa'i rang bzhin gsungs te/ bdag gis bltas pas shes bya ba la sogs pa ni chos thams cad dmigs pa med pa'i rnal 'byor gyis phyogs gang dang gang du bltas pa de dang de thams cad stong pa nyid 'od gsal gyi rang bzhin du bdag la so sor rab tu gsal pa'o /de'i phyir bzhi pa shar bas sdig pa dang bsod nams la sogs pas kyang/ 'khor bar 'ching bar bdag gis shes pa zhes so/ /de bzhin dus ra ha'i zhabs kyis kyang/ sngon dang phyi ma zhes pas so/ /rkang pa gsum pas rdo rje bla ma'i mthu gsungs te/ rA hU la zhes bya ba la sogs pa ni rdo rje'i rigs la zhes te/ rdo rje bla mas mtshon nas dngos po las grol nas bzhi pa'i dga' ba'i thabs rab tu sbyin nas bdag gis slar yang gus pa dang bcas pas goms pas nam mkha' la zhes te/ 'od gsal gyi rgya mtshor stong byas pa zhes so/ /rkang pa bzhi pas rang gi ngo bo nyid gsungs te/ smras pa zhes bya ba la sogs pa ni cha shas med pa zhes te/ ma skyes pa'i cha bzang bo'i zhabs bdag gis blangs pa'o/ /gang thog ma med pa'i srid pa'i rnam par rtog pa'i gzhi sems kyi rgyal po bdag gis chos thams cad dmigs pa'i rgya mtshor rab tu zhugs pa'o/ /stong pa'i phyi ma ni yon por de nyid nges pa can/ gti mug mdzod ni blangs nas thams cad bskor bar gyur/ /gnyid yur sems

  401. 201a

    med rang dang /gzhan dag rnam par bral/ /lhan cig skyes pa'i gnyid du kAh+na pa ni song /sems med tshor ba med par shin tu ba nyid du song/ thams cad grol bar byas nas bde bar gnyid du song/ /bdag gi rmi lam na ni khams gsum stong par mthong/ /'dres par byas nas 'gro dang 'ong ba bral bar gyur/ /dzA land+ha ra'i zhabs las mngon sum nyid du byas/ /bdag gnyis rtsar yang paN Di ta yis lta mi byed/ /lhan cig skyes pa'i dga' bas brjid pa'i phyir/ /nag po glu dbyangs zhabs kyis don de nyid gsungs so/ /stong pa zhes bya ba la sogs pa'i stong pa zhes pa ni snang ba thob pa la dgongs pa'i shes pa de bzhin du bag chaD la chaD par rig par bya'o/ /rnal 'byor gyi dbang phyug gis de'i bag chags kyi skyon de bzhin nyid kyis ral gris rang bzhin gyi gti mug gi yul la chags pa'i mtshan nyid thams cad gcod pa zhes so/ /d+h+ru'i rkang pas bsam gtan gyi mtshan nyid gsungs te/ gnyid yur ba zhes bya ba la sogs pa ni lhan cig skyes pa'i dga' ba'i rnal 'byor pas gnyid du song ste khyod la sems med pa'o/ /de la nyams pa ni ma yin no/ /de'i phyir nag po spyod pa pa brjid pa'i phyir lhan cig skyes pa'i dga' ba'i rnal 'byor pas gnyid du song ba'o/ /de bzhin du brtag pa gnyis pa las kyang/ gnyid yung dug rnams za bar byed ces so/ /de'i lhan cig skyes pa'i dga' ba gnyid do/ /rkang pa gnyis pas de nyid gsungs te/ sems med ces pa ni sems kyi rnam par mi rtog pa'o/ /tshor ba yang de rnam par mi rtog pa'o/ /de'i phyir de'i ye shes kyi mdza' dag ces pa ni 'jig rten gsum po shin tu yongs su sbyangs pas ji lta ba bzhin du gyur ba de lta bu'i ye shes kyi gnyid du song ba'o/ /rkang pa gsum pas rang gi dgongs pa'i ye shes gsungs so/ /rmi lam zhes bya ba la sogs pa'i 'gro ba 'ong ba zhes pa ni

  402. 201b

    sngon du gsungs pa'i rim pas zla ba dang nyi ma dag 'gro ba dang 'ong ba 'gog pa'i phyir 'dres mar byas pa zhes pa ni a ba d+hA tIr rlung dang lhan cig skyes pa'i dga' ba la rab tu zhugs pa'i phyir bdag gis rmi lam dang 'dra bar sa gsum po stong par mthong ba'o/ /de bzhin du lung las kyang/ ji ltar bu mo gzhon nu'i rmi lam mthar/ /de yi bu ni skye dang shi ba mthong gyur pa/ /skyes nas dga' dang shi nas mi dga' ba/ /chos rnams thams cad de bzhin shes par gyis/ /rkang pa bzhi pas rdo rje bla ma'i bdag nyid che ba gsungs te/ mngon sum zhes bya ba la sogs pa ni dpal gyi bla ma dza lan d+ha ra'i zhabs kyis gang la chos nyid mngon sum du mdzad pa de'i zhabs kyi chu skyes kyi rdul la rig pa'i drin las so/ /gang dang gang rnams po ting? bltas par gyur pa'i paN+Di ta'i slob dpon de dang de rnams kyis bdag gi rtsa bar yang nye bar ma mthong ba'o/ /dga' ba ster ba zhes pa'i klu dbyangs tA ra ka'i zhabs kyi'o/ /rang nyid med pas bdag gi the tshom gang/ /'dam dang dong rtse'i 'dod pa bral bar 'gyur/ /nyams myong lhan skyes ma 'khrul rnal 'byor kye/ /mdza' bzhi dang bral ji bzhin de bzhin yin/ /ji ltar 'dod pa de ltar yod par gyis/ /lhan skyes lam ni rnal 'byor 'khrul ma byed/ /snod spyad sgrol pa po ni nyid kyis shes/ /dag gi lam las 'das pa ji ltar bshad/ /NA? Da ka yis 'di sma'i go skabs med/ /gang shes de yi mgul du zhags pas bcings/ /ye shes kyi btung bas rab tu tshim pa'i grub pa'i slob dpon tA Da ka nyid kyis don de nyid gsungs so/ /rang nyid med pas shes bya ba la sogs pa ni bla ma'i zhabs kyi rdul gyis drin las de bzhin gshegs pa'i gsung gi thabs kyi sgo nas rang gi yus rnam par dpyad pas bdag dang bdag gi 'brel pa cung zad kyang med pa'i phyir ro/ /de'i phyir glo bur gyi phung po

  403. 202a

    dang nyon mongs pa dang 'chi bdag gi bdud la sogs pa rnams kyi som nyi za bar yang bdag la med pa'o/ 1 /de bzhin du lung las kyang /bdag ni 'jug par byed ces bya ba la sogs pas so/ /de la da ni bdag gi srid pa'i don gyi rnam par rtog pa'i ngo bo la phyag rgya chen po'i dngos grub 'dod pa rnams ni shin tu ring du byas pa'o/ /de bzhin du lung las kyang/ /'ga' zhig sngon du bcings med cing/ /de ni grol par gyur pa med/ /'dir ni bcings grol rnam rtog pa/ /gang de ye shes mtshan nyid min/ /d+hu'i rkang pas gsungs pa'i don de nyid gsal bar byed do/ /nyams myong zhes bya ba la sogs pa ni bdag la yang dag par 'bod par byed do/ /kye dA Da ka nyams su myong ba'i don ji ltar brjod par nus te/ de'i phyir nyams su myong ba ni lhan cig skyes pa zhes ji ltar brjod par byed/ /nye bar bsgom pa kun rdzob tu mi 'gog pas gzhan la mos par byed/ rang bzhin ni ma yin no/ /de bzhin du lung las kyang/ tshig tu sbyor ba ston pa yis/ /sangs rgyas gnyis su med par brtag/ bsam? med mchog la sbyor ba yis/ /sangs rgyas kyang med gnyis med med/ /de'i phyir mdza' bzhi las grol ba'i ngo bo las slar yang de'i rab tu byed pas gnas pa zhes so/ /de bzhin du lung las kyang/ yod min med min yod med min zhes bya ba la sogs pas so/ /rkang pa gnyis pas don de nyid so sor rgyas par ston par byed do/ /ji bzhin zhes bya ba la sogs pa ni gang skye ba'i dus su grub pa'i bdag med pa la mngon par chags pa las bde ba chen po'i rang bzhin du rgyas pa'i nga rgyal ni rdo rje 'dzin pa chen po'o/ /slar yang rdo rje bla mas de la nges pa'i don bstan par byed do/ /de'i phyir kye'i grub pa'i slob dpon lhan cig skyes pa dang tha dang ma byed cig pa ste/ the tshom med pas seng ge'i tshul gyis 'gro ba la bgrong?

  404. 202b

    par byed do/ /rkang pa gsum pas rnal 'byor gyi dbang phyug gi mtshan ma gsungs te/ snod spyad ces bya ba la sogs pa ni dper na pha rol tshu rol tu sgrol bar byed pas sgrol ba'i sla len pa'i phyir pha rol gyi 'gro gnas su rnam par thar par 'dod pa rnams 'gron bu la lta bar byed do/ /de rnams kyi snod spyad la sogs pa 'gog pa'i bye brag kyang lta bar byed do/ /phyi'i don las 'das pa rang rig pa'i mtshan nyid dang ldan pa'i chos 'jig rten kyi tshig gi sgo nas ji ltar bstan par bya/ de bzhin du yang dag la yid ches pa'i chos rtogs pa byas pa las yon tan nyis 'gyur gyi rtags 'jig rten pas nges pa rnal 'byor gyi dbang phyug gi'o/ /de bzhin du lung las kyang/ du ba las ni med shes bzhin zhes bya ba la sogs pas so/ /rkang pa bzhi pas shin tu rnam par mi rtog pa gsungs so/ /smra ba'i zhes bya ba la sogs pa ni grub pa'i slob dpon tADa kas de bzhin du smra bar byed do/ /'di'i chos la byis pa'i rnal 'byor pas go skabs tsam yang med do zhes so/ /gang zhig yang don dam par rig pa de rnams kyang gal te smra bar byed na'ang 'dis chos khong du chung par byas nas de'i tshe de nyid kyi mgul par 'khor ba'i zhags pas bcings pa'o/ /de bzhin du lung las kyang/ til dang spun pa tsam gyi dug gi lo mas kyang zhes bya ba la sogs pas so/ /b+hai ra bi zhes bya ba'i glu dbyangs sa ra ha'i zhabs kyi'o/ /lus ni gru yi dum bu yid ni skye pa ste/ /bla ma dam pa'i gsung gi skye ba 'dzin pa'o/ /sems nyid brtan pa nyid du bzung gis gru pa rnams/ /thabs gzhan gyis ni pha rol 'gro ba med/ /gru ni 'bab pa gru shing mnyan pa'i yon tan yin/ /'tshogs zhing 'tshogs pas lhan cig skyes pas gzhan du shes/ /lam ni 'gog pa'i 'jigs pa rnam par 'ong par gyur/ /srid pa'i rba rlabs thams cad rnam par 'khrugs par gyur/ /pha rol tshu rol chu rgyun drag po rab tu

  405. 203a

    'bab/ /sa ra ha yis smras pa nam mkha' i ting nge 'dzin/ /byams pa'i rang bzhin can sar ha'i zhabs kyis kyang don de nyid lus la gru dgongs pa'i skad kyis gsungs so/ /lus ni gru'i dum bu zhes bya ba la sogs pa ni rten dang brten pa'i 'brel pas lus la grur yongs su brtags so/ /yid ni rnam par shes pa gru'i skye ba nyid kyang ngo/ /bla ma dam pa'i gsung gi mnyan pas bzung nas rdo rje dang chu skyes mnyam par sbyor bas srid pa'i chu gter gyi dbus su ye shes lnga'i bdag nyid mtshan nyid dang bral bas rnam par sbyangs pa'i kun rdzob byang chub kyi sems brtan par byed pas lus kyi gru mi 'gyur par gyis shig pa'o/ /kye sar ha'i zhabs srid pa'i rgya mtsho las sgrol ba'i thabs gzhan med do zhes pa'o/ /de bzhin du da u Di'i zhabs kyis kyang/ lnga po 'di yis gti mug 'gram las sgrol bar byed/ /pha rol du ni zhes bya ba la sogs pas so/ /rkang pa gnyis pas lam gyi rjes su bsngags pa gsungs te/ gru ni 'bab dang zhes bya ba la sogs pa ni dper na phyi rol du gru 'gro ba skya ba 'dzin pa'i yon tan gyis 'dren par byed do/ /de bzhin du 'dir gru ni yang nyams su myong ba'o/ /kye rnal 'byor pa rdo rje bla ma'i lhan cig skyes pa'i dga' ba'i thabs ? la glu ni yongs su ma spang zhig pa'o/ /gang gi de ma thag tu bde ba chen po'i gling du song zhig pa'o/ /rkang pa gsum pas bdud kyi las su gnas pa gsungs te/ lam du zhes bya ba la sogs pa ni zas dang skom dang yul la sgrub pa po chags pa nyid kyis tshe li nyams par 'gyur ro/ a bad+hU tIr song bas spong ba'i phyir ro/ /'gog pa'i zhes pa ni de'i tshe zla ba dang nyi ma gnyis stobs dang ldan par gyur pa'o/ /rgyu de'i phyir srid pa'i rgya mtshor yul gyi rba rlabs kyi bdag med pa'i chos la thams cad kyis rab tu byed pas

  406. 203b

    'khrul par 'gyur ba zhes so/ /rkang pa bzhi pas a ba d+hU ti'i lam rjes su bsngags pa gsungs te/ pha rol tshu rol zhes bya ba la sogs pa ni kun la zhes pa lam ngan pa zla ba la sogs pa ste gang du a ba d+hU ti la thim par gyur pa'o/ /de ni rang bzhin gyi yongs su dag pa a bad+hU tI gu'i sgras rtogs par bya'o/ /la ya zhes pa ni de gzung nas so/ /rgyun drag po zhes pa ni bde ba chen po'i 'dod chags kyi rgyun gyis 'jug pas don dam pa rig pa gang byang chub kyi sems kyi rdo rje ste de steng du 'gro bar byed do/ /nam mkha' zhes pa ni dri ma med pa'i 'khor lo'i gling du thim par 'gyur ro zhes gsungs so/ /mal lA si zhes bya ba'i glu dbyangs sa ra ha'i zhabs kyi'o/ /stong nyid lag pas h+rol cig kye/ /khyod kyi rang gi yid kyi skyon/ /bla ma'i gsung gi spyod lam kye/ /khyod nyid slar sngod ji lta bu// rmad byung hUM skyes nam mkha' la/ /kyog por 'gro ba bslang gyis la/ /pha rol 'gro ba 'joms pa yis /khyod kyi g.yo rgyu sna tshogs pa/ /ngo mtshar srid pa'i gti mug la/ /kye ma rang dang bzhan dag mthong/ /'gro 'di sku yis chu? bur 'dra/ /lhan cig skyes pa'i stong pa bdag/ bdud rtsi yod bzhin dug med kyi/ /gzhan dbang sems kyi bdag khyim na/ /btung ba bdag gis go bo kye/ /bdag ni ma rungs gnyen bdun za/ /sa ra ha sa smras mchog yid gyur/ /bdag ci ma rungs glang la ni/ /gcig pus 'gro ba 'dzems par byed/ /kye ma bdag ni rang 'dod spyod/ /grub pa'i slob dpon sa ra ha'i zhabs kyis don de nyid dngos po'i ngo bo nyid rtogs nas 'jig rten pa'i ched du gsungs so/ /stong nyid ces bya ba la sogs pa ni kye rang gi yid sems kyi rgyal po khyod ma rig pa la sogs pa'i nyes pa rnams bde ba ma yin pa'i ngo bor rtogs pa'i phyir/ /rmi lam gyi rdzas la yang mngon par 'dod pa de yis dper na lha thams cad lag tu rnam par brkyang pa bzhin dang gnyid sad pa bzhin du de rnams kyi slar yang gang ji lta skra?

  407. 204a

    zhes so/ /de la de ni sangs rgyas kyi bsod nams kyi mthus bdag gi bla ma dam pa'i gsung gi zla ba'i 'od zer gyi rang bzhin gyis 'jig rten gsum po rab tu gsal ba'o/ /de'i phyir gnas gang du khyod gnas byed de kye'i/ / sems rgyal po zhes so/ /d+h+ru'i rkang pas don de nyid brtan par byed do/ /rmad du byung ba ni ngo mtshar ba bla ma'i zhabs kyi pad+ma'i drin las rol pa'i phyir bdag gis rtogs pa hUM yig sa bon las byung ba kye sems kyi rgyal po nam mkha' la zhes te 'od gsal la rab tu zhugs pa'o/ /da ni ma rig pa'i skyon sna tshogs pa 'gyod pa bcom pa khyod nyid do/ /rkang pa gnyis pas sems can shin tu chen po'i rjes su bsngags pa gsungs te/ ngo mtshar zhes bya ba la sogs pa ni srid pa'i sems can gyi ci ste gti mug la gang ngo mtshar ba gang las bdag gis ngo bo mi shes pa'i phyir rang dang gzhan dang pha rol tu 'byed pa'i rnam par dbye blta bar byed de/ /de'i phyir de'i nga rgyal byed pas yid la don dam pa sems 'chad pa khyod len par byed do/ /de bzhin du lung las kyang/ nga rgyal dang bcas yid mi bzad/ /skye bar 'jug cing 'ching bar byed/ /nga rgyal dang bral 'gro ba yang/ /sems la bdag lta de nas bral/ /ston pas gzhan med 'gro ba la/ /rgyal ba med cing bdag med smra/ /gzhan min de las nye bar zhi/ /bsgrub ba de la 'di yid lam/ /de nyid rig la chu zla sogs/ /dpe ni bcu gnyis sgo ru gyis/ /thams cad stong pa'i ched ma yis /skye pa med la sgrub por byed ces so/ /rkang pa gsum pas dga' ba bzhi'i bdag nyid che ba gsungs te/ bdud rtsi zhes bya ba la sogs pa ni lhan cig skyes pa'i dga' ba la gnas pa yod na gzugs la sogs pa yul gyi dug ji ltar spyod par byed/ /kye'i las kyi dbang phyug sems kyi rnam par

  408. 204b

    dpyod pa can/ /khyim zhes pa ni rang gi lus kyi btung ba can zhes te/ 'dod chags zhe sdang gti mug la sogs pa'i tshogs la khyod kyi rang gi khyim mi mo ye shes kyi phyag rgya bdag med ma la yang dag par 'khyud pa de'i btung ba ni rang bzhin med par bdag gis byed pa'o/ /de bzhin du sar ha'i zhabs kyis kyang/ /khyim mi mo la gzhan gyi dug ni za bar byed ces pa la sogs pas so/ /rkang pa bzhi pas rang gi 'dod pa'i spyod pa gsungs te/ grub pa'i slob dpon sa ra ha'i zhabs kyis kyang/ sar has smras zhes bya ba la sogs pa ni ma rungs glang la zhes pa ni ma rungs pa yul gyi stobs ster ba'i phyir duSh+Ta ba la da sems kyi rgyal por rig par bya'o/ /gcig pu de yis ma rungs pas 'jig rten gsum 'joms pas/ de lta bas nA? ma rungs pa'i glang pos bdag gis ci zhig bya/ go zhes pa ni glang po'o/ /de'i dmigs pa dang bcas pa lus de la stong pa 'od gsal gyi gzugs su byas nas bla ma'i gsung gi drin las rang gi 'dun pas 'gro ba gsum du rnam par spyod par byed do/ / de bzhin du zhi ba lha'i zhabs kyis kyang/ rang gi mdun pas spyod pa'i gnas shes bya ba la sogs pas so/ /mA la sI go Da la zhes bya ba'i glu dbyangs nag po spyod pa zhabs kyi'o/ /gang zhig yid kyi spyod yul mig 'phrul 'dra/ /lung dang bo ti brdzun gyi phreng ba yin/ /ji ltar smra bas lhan skyes brjod par nus/ /lus ngag yid la gang du mi 'jug go/ bla mas brdzun gyi thabs kyis slob ma la/ /ngag gi lam las 'das pa ji ltar smra/? gang de smra ba de rnams brdzun/ /bla ma'i thabs kyis slob ma 'khrul par bya/ /kah+nas rgyal ba'i rin chen ji ltar smra/ /lkugs pas 'on par smra ba ji bzhin no/ /lan cig skyes pa'i dga' bas tshim pa'i nag po glu dbyangs zhabs rab tu dga' bas gsungs so/ /gang zhig yid kyi zhes bya ba la

  409. 205a

    sogs pa ni gang yid dang dbang po'i spyod yul ni rtog pa dang rnam par rtog pa'i dra ba'o/ /lung dang sngags dang bstan bcos la sogs pa'i shes pa yang thams cad kyang ngo/ /de bzhin du yang lung dang rig byed rnying ma zhes bya ba la sogs pas so/ /d+h+ru'i rkang pas lhan cig skyes pa smra dka' ba gsungs te/ de'i phyir rig byed du ji ltar lhan cig skyes pa bla na med pa'i ye shes brjod par nus te/ so so'i skye bo rnams kyi lus dang ngag dang yid lhan cig skyes pa gang la thim par gyur pa'o/ /de bzhin du tai lo pa'i zhabs kyi kyang /so so rang rig 'bras bu ni/ /tai lo pa yi zhabs kyis smras/ /gang zhing yid kyi sprod yul sbas/ /de ni don dam ma yin no/ /rkang pa gnyis pas de kho na nyid kyi rang bzhin gsungs so/ /brdzun pa zhes bya ba la sogs pa ni bden pa ma yin pas bla mas slob ma la man ngag ster bar byed do/ /gang yang lhan cig skyes pa de rig byed ma yin pas so/ /de bas na bla mas ci zhig byas nas smra bar byed ces so/ /de bzhin dus ra hi'i zhabs kyis kyang/ de med bla mas ji ltar smra zhes bya ba la sogs pas so/ /rkang pa gsum pas de nyid brtan par byed do/ /gang de zhes bya ba la sogs pa ni de las byung ba'i tshig tsam du gyur pa gang laS smra bar byed do/ /lhan cig skyes pa de thams cad brdzun te rang bzhin bden pa ma yin pa'o/ /gang yang rdo rje bla ma des kyang 'dir chos la tshig gis 'phongs nas rigs pas so/ /de'i slob mas kyang tshig nyid kyis cung zad thos pa med do/ /de'i phyir de yang 'on pa ste der zab mo'i chos la blo gros rtogs pa'o/ /smras pa zhes bya ba la sogs pa nag po spyod pa pa nyid kyis gsungs pa'o/ /ci 'dra na rgyal pa'i rin po che dga' ba mdza' yas pa bla na med pa'i bde ba rgya

  410. 205b

    chen po'i phyir yin po che bzhi pa'i dga' bar rtogs par bya'o/ /dper na 'on pa la brda? la sogs pas lkugs pa'i rtogs pa smra bar byed do/ /de bzhin du ring du bla ma dam pas slob ma la dga' mthus bde ba chen po rgya cher ston to/ /de bzhin du Da u Da'i zhabs kyis kyang/ ring ba ma yin ring ba zhes bya ba la sogs pas so/ /guny+dza rI zhes bya ba'i glu dbyangs b+hu su ku ba'i zhabs kyi'o/ /dang po ma skyes pa nyid kyis/ /'gro rnams de yis 'khrul par shes/ /thag pa sprul mthong skrag pa yis/ / ji ltar gang gi khams kyi zas/ /ngo mtshar gang zhig rnam par dpyod/ /lag pas sgre bar ma byed cig/ de ltar rang bzhin gal te 'gro/ shes na khyod kyis? bag chags za/ /mya ngan smig rgyu dri za'i grong/ /chu zla gzugs brnyan ji bzhin no/ /rlung ni 'khor bas brtan par 'gyur/ /chun ? bzhin no/ /mo gsham bu ni ji ltar rtse ba ltar/ /rtsed mo rnam pa mang po rtse bar byed/ /bye? ma'i mar khu ri bong rwa ngang ni/ /nam mkha' i me tog rgyas pa ji bzhin no/ /rA u ta yi dmag gtam b+hu su ka/ / dngos tshogs rang bzhin mdza' dag gtam nyid do/ /gang du rmongs pa 'khrul pa yod gyur na/ /bla ma dam pa'i zhabs la dri bar gyis/ /lhan cig skyes pa'i dga' bas tshim pa nyid kyis b+hu su k+Shu? zhabs kyis don de nyid gsungs te/ dang po zhes bya ba la sogs pa ni thog med? dngos po rnams ma skyes pa nyid kyis 'gro ba rnams 'dir rang dang gzhan don shes pas khong du chung pa nges de rnams la dngos po gzhan du mi 'gro ba'o/ /de bzhin du lung las kyang/ /a'i yi ge'i sgo chos thams cad skye ba med pa'i phyir ro/ /de nas 'khrul pa ma rig pa ni rab rib can gyi mig gis nag po dang ser po la sogs pa'i gzugs kyi'o/ /kye'i byis pa'i rnam 'byor pas dngos po nyid du shes so/ /de bzhin bu

  411. 206a

    slob dpon ni da tA kAs skra shad ji bzhin nam mkha' la/ /rab rib tsam gyi skye bos mthong/ /de bzhin snang sogs nyes pa yis/ /byis pa rnams kyi dngos por rtog/ thag pa la ni sbrul du shes/ /gang zhig shin tu skrag byas ltar/ /der yang de yi thag sbrul gyis/ /bden par de yis ci zhig rmug/ d+h+ru'i rkang pas lam gyi rjes su bsngags pa gsungs te/ ngo mtshar zhes bya ba la sogs pa'i ngo mtshar ni mtshar du brtsis te/ kye byis pa'i rnal 'byor pa 'dir lag pas sbrel bar bya mi dgos te /'di 'dra'i dngos pos gal te 'gro ba'i rang bzhin rtogs par gyis shig pa'o/ /de'i tshe khyod kyis thog ma med pa'i srid par rnam par rtog pa'i bag chags kyi yes pa bzung ba rnams 'bros par 'gyur ro/ /rkang pa gnyis pas don de nyid kun rdzob du dpe yis gsal bar byed do/ /mya ngan smig rgyu zhes bya ba la sogs pa ni ri dags sred dang dri za'i grong khyer mthong pa la sogs pa ji bzhin du gzugs brnyan tsam du dngos po rnams mchog gi rnal 'byor pas mthong ngo/ /de bzhin du lung las kyang/ sgyu ma ji bzhin rmi lam bzhin/ /de bzhin du ni bar srid do zhes pa la sogs pas so/ /de thams cad ma rig pa'i bag chags kyi skyon gyis log par byis pa'i rnal 'byor pa rnams kyis rnam par rtog pa byed do/ /dper na rlung 'khor bas chu yang brtan par gyur pa de bzhin du dngos po'i grong khyer rnal 'byor gyi dbang phyug gis shes par bya'o/ /de bzhin du lung las kyang stong nyid de nyid gyur pa yis/ /dngos po'i bag chags kyis bsgos 'gyur/ /rlung ni 'khor bas brtan gyur pa'i/ /chu yis de nyid tshogs pa 'bros/ /rkang pa gsum pas shin tu med pa mtshon no mo gsham bu zhes bya ba la sogs pa'i mo gsham ni bcom ldan 'das bdag med ma de'i bu ni don dam pa'i bden pa dper na

  412. 206b

    bye ma'i mar khu 'am dper na ri bong gi rwa bzhin no/ /de rnams skye ba med pa'i ngo bo nyid kyi de'i mtshon po'o/ /de rnams skye ba med pa'i phyir don dam pa'i bden pa bde ba chen po ye shes lnga'i bdag nyid do/ /'gro pa la sna tshogs pa'i rab tu byed pas rol pa'i bde ba nyams su myong ba'i phyir ro/ /de bzhin du sU ta ke las kyang/ sangs rgyas la bdag 'gro kun pa zhes bya ba la sogs pas so/ /rkang pa bzhi pas ngo bo nyid yongs su dag pa gsungs te/ b+hu su kU zhes bya ba la sogs pa ni 'du shes gsum pa nyid kyi gsungs te/ dngos po rnams kyi 'dir ngo bo nyid bdag gis bshad pa'o/ /kye byis pa'i rnal 'byor pa gal te khyod kyis 'khrul pa yod na de'i tshe bla ma dam pa'i zhabs la gus par bya'o/ /'dod pa sbyin pa zhes bya ba'i glu dbyangs nag po spyod pa'i zhabs kyi'o/ /sems kyi lhan skyes stong nyid rdzogs/ /phung po dang bral sdug bsngal med/ /smras pa ji ltar kAh+na med/ /bdag ni khams gsum gtan du 'phro/ /rmongs pa brtan nyams 'jig bcas mthong/ /rlabs bral rgya mtsho ji ltar skam/ /yod bzhin 'jig rten rmongs mi mthong/ /'o ma mar yod bzhin mi mthong/ /'gro 'ong med pa'i srid pa 'di yang gang/ /kA h+na rnal 'byor ngo bo nyid bzhin rol?/ /ye shes kyi bdud rtsis yongs su chim pa'i nag po spyod pa'i zhabs kyis de nyid kyi don gsungs so/ /sems zhes bya ba la sogs ni lhan cig skyes pas zhes te rang bzhin gyi ngo bo nyid kyi lha thams cad stong pa nyid bcu drug gis yongs su rdzogs pa 'di bdag gi sems kyi rgyal po'o/ /de'i phyir phung po dang bral ba zhes te/ kye'i skye bo rnams bdag gi phung po dang bral ba la sdug bsngal ma byed cig ces so/ /de bzhin du dgyes pa'i rdo rje las kyang/ /phung po dngos med bde ba'i mchog ces so/ /d+hUI rkang pas ngo bo nyid gsungs te/ /kye'i byis pa'i rnal 'byor pa

  413. 207a

    smras pa ji ltar nag po spyod pa med par 'gyur te/ 'jig rten gyi ngo bo de'i bsgom par bya'o/ /brtan du 'phro bar byed de don dam pa'i chu gter la rol par byed do zhes pa'i don no/ /de bzhin du lung las kyang/ ji ltar chu klung dangs/ /bdag gis ngo bo myur du bskyed/ /de bzhin stong nyid kun dangs las/ /sgyu 'phrul dra ba ston par byed/ /rkang pa gnyis pas dpe'i sgo nas don de nyid gsal bar byed do/ /rmongs pa zhes bya ba la sogs pa ni sngon po dang ser po la sogs pa'i dbyibs dang kha dog nyid kyi gang gi dngos po de'i 'jig pa mthong ba'i rmongs pa ci'i phyir 'jigs par byed de/ ci ste rgya mtsho'i rlabs zhig pas rgya mtsho skams par 'gyur ram zhes so/ /rkang pa gsum pas de nyid brtan par byed do/ /rmongs pa zhes pa ni de bzhin du blun pos yod bzhin pa yang 'o ma'i nang na mar mi mthong ba'o/ /de bzhin du 'jig rten gsum mthong bzhin pa yang mi mthong ba'o/ /rkang pa bzhi pas yongs su grub pa gsungs te/ srid par 'gro ba med ces bya ba la sogs pa ni bla ma dam pa'i chu skyes kyi rdul gyis byed pa'i phyir ro/ /'dir srid pa'i rang bzhin yongs su shes pa nag po spyod pa zhabs la srid pa la 'dir rol bar byed de rtse bar byed do zhes pa'o/ /paM ga la zhes bya ba'i klu dbyangs b+hU su ku'i zhabs kyi'o/ /lhan cig skyes pa'i shing chen 'jig rten gsum na 'phro/ /nam mkha' dang mtshungs rang bzhin bcings nas grol ba gang/ dper na chu la chu bzhag dbye par mi nus ltar/ /de bzhin yid kyi rin chen ro mnyam nam mkhar zhugs/ /gang la bdag nyid med pa de la gzhan dag dang/ /thog ma mdza' med skye dang 'chi ba'i srid pa med/ /b+hu su kus smras ngo mtshar zhes? smras ngo mtshar kun/ /'gro 'ong dang bral de la dngos dang dngos med

  414. 207b

    med/ /lhan cig skyes pa'i bde bas tshim pa'i 'du shes gsum pa'i zhabs kyis de kho na nyid kyis don gsal bar mdzad do/ /lhan cig skyes pa zhes bya ba la sogs pa ni bla ma'i zhabs kyi rdul la reg pas rdo rje dang pad+ma yang dag par sbyor bas bde bar byas pa'i sa bon gzung nas 'jig rten gsum khyab par byed pa rnal 'byor gyi dbang phyug gi lhan cig skyes pa'i sems su byed pa de ni nam mkha' dang mtshungs pa'i dpe ste/ bde ba chen po'i rang bzhin gyis 'jig rten gsum gang du yang bcings pa dang grol ba med pa zhes so/ /de bzhin du brtag pa gnyis pa las kyang/ khyab bya khyab byed ngo bo yis/ /bde ba yis ni 'gro ba khyab/ /tshig phyi ma'i rkang pas d+h+rUI? rkang par rig par bya'o/ /rkang pa gnyis pas dpe yis nye bar 'jal bar byed do/ /dper na chu la chu zhes bya ba la sogs pa ni dper na phyi rol gyi chu la chu gzhag na dbyer med par blo dang ldan pas shes so/ /de bzhin du yid nyid byang chub kyi seMs kyi seMs rin po che dang rnal 'byor pa'i dbang po ro gcig tu gyur pa nam mkhar zhes te 'od gsal la rab tu zhugs pa'o/ /de la de'i ye shes dmigs pa ni ma yin no/ /de bzhin du lung las kyang/ ji ltar chu la chu bzhag ltar/ de bzhin ye shes 'khor lo gnas zhes so/ /rkang pa gsum pas dngos po'i rang bzhin gsungs te/ gang la zhes bya ba la sogs pa ni gang rnal 'byor gyi dbang phyug gi bdag dang bdag gir 'dzin pa'i 'brel pa med pa'i phyir de'i gzhan gyi 'brel pa shin tu ring du gyur pa'o/ /gang gi dang por ma skyes pa'i dngos po gang rnams la de rnams kyi skye ba dang gnas pa dang 'jig pa ma mthong ste grub pa'i skyes bu rnams kyis so/ /de bzhin du lung las kyang/ skye med 'chi med de bzhin nyid/ /gzugs min gzugs med pa'ang min/ /'khor ba ma yin myang 'das min/ /byed pa dang

  415. 208a

    bral de yis mtshon/ /rkang ba bzhi pas dngos po'i rang bzhin gsungs te/ b+hu su kus smras zhes bya ba la sogs pa'i ngo mtshar zhes pa ni sngon du gsungs pa'i 'du shes gsum pa'i zhabs kyis gsungs te/ dngos po mdza' dag rnams kyi de'i rang bzhin ni 'dir zab mo lhan cig skyes pa'i dga' ba'i ngo bo las dngos po dang dngos po'i med pa'i rnam par rtog pa yongs su bsdus pa 'khor bar skye ba dang spyod pa khyim du 'jug pa dang 'ong ba gang yang rnal 'byor pas ma mthong pa'o/ /de bzhin du sa ra ha'i zhabs kyis kyang/ zab mo nyid kyang mtshon du med/ /rang dang gzhan du mi dmigs so/ /lhan cig skyes pa'i dga' ba yi/ /'bras bu rang rig nyid kyis shes/ /mal la rA zhes bya ba'i glu dbyangs kaM ka'i Na'i zhabs kyi'o/ /stong par stong nyid gang tshe mthun gyur pa/ /chos rnams thams cad de tshe 'char bar 'gyur/ /yod pa'i skad cig bzhi la yang dag rtogs/ /dbus su 'gog pas bla med byang chub bo/ /thig le nA da snying la 'jug pa med/ /gzhan du bltas pas gzhan ni rnam par nyams/ /ji ltar 'ongs bde ltar shes par gyur/ /dbu ma ru ni thams cad rnam par spong/ /kaM ka na smra ka la ya'i drin/ /thams cad rnaM bshig de nyid gzhom med dbyangs/ /mchog gi snying rje'i bdud rtsi'i btung bas rab tu tshim pa nyid kyis grub pa'i slob dpon keng rus zhabs kyi de kho na nyid kyi don sgra gzhan gyis gsungs te/ stong pa zhes bya ba la sogs pa gsuM pas byin gyis brlabs pa stong pa rdo rje bla ma'i byin gyis brlabs pa las bzhi pa'i go 'phang stong pa nyid la gang gi tshe mthun par byed pa rang nyid de'i tshe de'i dus su chos thams cad ces te zung 'jug gi 'bras bu 'char bar

  416. 208b

    'gyur ro/ /zhes so/ /d+h+ru'i rkang pas de kho na nyid kyi don gsungs so/ /skad cig bzhi pa zhes pa de las sna tshogs pa la skad cig gis dga' ba bzhi pa yang dag par rtogs pa'i phyir rang byin gyis brlabs pas dbu mar 'gog pa zhes so/ /rang bzhin bdun gyi nyes pas ting nge 'dzin gyi dri ma'i gzhi las bla na med pa'i byang chub thob pa'o/ /de bzhin du brtag pa gnyis pa las kyang/ de la dga' ba skye bar 'gyur zhes bya ba la sogs pas so/ /rkang pa gnyis pas goms pa'i 'bras bu gsungs te/ nang zhes bya ba la sogs pa ni hUM yig ring po thabs 'dzin pa'i shes pa'i rnam par rtog pa la thig le zhes so/ /shes rab gzung ba'i shes pa'i rnam par rtog pa la ni nA da'o/ /de gnyis kar rnam par rtog pa yis de'i dus su spong pa'o/ /de'i phyir chos thams cad dmigs pa med par mthong ste/ sems rtogs pa yang so sor mi dmigs par mos pa'o/ /rkang pa gsum pas kun rdzob byang chub kyi sems kyi byed pa nyid gsungs te/ ji ltar zhes bya ba la sogs pa ni dang po gang la byang chub kyi sems skye bar gyur pa de la rang gi byang chub kyi sems dbang po dang yul gyi rnam par rtog pa dang bral nas/ gang la bzhi pa'i bde ba rang rig pa'i ngo bo shes pa'i phyir ro/ /de bzhin bu sa ra ha'i zhabs kyis kyang/ gang la sems nyid brtan gyur rnam bzlog 'gyur/ rlung dang ro mnyam nyid du gyur pa yi/ /dbang po yul dang mtshungs nyid ji bzhin du/ /gzhan du gang gis mtshungs pa nyid du 'gyur/ /rkang pa bzhi pas rang nyid kyi mthu gsungs te/ smras pa zhes bya ba la sogs pa ni grub pa'i slob dpon kaM ka Na'i zhabs nyid kyis gsungs te/ rnam pa dang bcas pa dang rnam pa med pa la sogs pa byis pa'i rnal 'byor pa'i ca co ste mnyam pa nyid gzhom du med pa'i sgra yis bcom pa'o/ /de bzhin du lung las kyang/

  417. 209a

    stong nyid seng ge'i sgra yis ni/ /sgra rnams thams cad skrag par byed ces so/ /mal lA ri zhes bya ba'i glu dbyangs nag po zhabs kyi'o/ /yid ljon dbang lnga'i yal can de la/ /'dod pa 'bab pa'i lo 'bras 'bab par byed/ mchog gi bla ma'i gsung gi sta res bcad/ /kA h+nas smras ba shing ljon slar mi skye/ /shing de dge dang mi dge'i chu yis 'phel/ /mkhas pas gcod pa bla ma'i tshad kyis ni/ /shing gang gcod dang rtub pa mi shes na/ /rul nas ltung zhing rmongs nyid srid par mos/ /stong pa'i shing mchog nam mkhar sta re yis/ /shing de'i yal ga rtsa ba nying nas gcod/ /de kho na nyid kyi don mchog gi dga' bas rab tu chim pa'i nag po spyod pa nyid kyis gsungs so/ /yid ljon zhes bya ba la sogs pa ni thog ma med pa'i srid pa'i bag chags kyi yal ga la rten pa'i phyir nag po spyod pa'i zhabs kyis rang gi sems ljon shing nyid du nye bar blta'o/ /de'i sems kyi ljon pa ni dbang po lnga'i yal ga las grol ba'o/ /'dod pa de'i lo ma dang 'bras bus 'bab pa zhes so/ /d+h+ru'i rkang pas de'i skye ba med pa mtshon par byed do/ /mchog gi bla ma zhes bya ba la sogs pa ni bla ma dam pa'i gsung gi sta res de'i bag chags gcod cing nyams bar byed pa nag po spyod pas gsungs so// de nyid sems ljon shing bzhin du sa gzhir slar skye ba med do/ /de bzhin du brtag pa gnyis pa las kyang/ gzhan du sangs rgyas thob mi 'gyur zhes bya ba la sogs pas so/ /rkang pa gnyis pas bla ma'i gsung gi mthu gsungs te / 'phel zhes bya ba la sogs pa ni de yang sems kyi ljon shing dge ba dang mi dge ba'i chu blangs nas rang gi yid la sogs pa 'khor ba'i sa gzhir 'khor par byed do/ /de nas dpal gyi bla ma la dris nas de'i gsung nyams su myong bar byas

  418. 209b

    nas rig pa dang ldan pa'i skye bos zhes te/ rnal 'byor gyi dbang phyug de'i sems kyi ljon shing gcod par byed do/ /rkang pa gnyis pas man ngag dang bral ba'i rnal 'byor pa 'khor ba nyid du gsungs te/ shing gang zhes bya ba la sogs pa ni gang yang byis pa'i rnal 'byor pas sems kyi ljon pa gcod pa zhes te/ rang bzhin med par byed mi shes pa'o/ /de rnams kyang 'khor ba'i sdug bsngal gyis 'khor zhing 'gro drug du ltung bar 'gyur ro/ /slar yang de la srid pa len par byed cing thar ? lam mi shes so/ /rkang pa bzhi pas bla ma'i gsung gi lam rjes su sngags pa gsungs te/ stong pa'i shing mchog ces bya ba la sogs pa ni de las ma rig pa stong pa'i shing ngo/ /kye byis pa'i rnal 'byor pa nam mkha' zhes te rang bzhin / gyis 'od gsal ba'o/ /sta re yis bla ma'i gsung gi drin las bag chags yang dag par gcod pa zhes so/ /gang gis slar yang dbang po'i dbang du mi byed pa'o/ /shaM ba rI zhes bya ba'i glu dbyangs dza ya nan ta'i zhabs kyi'o/ /rmi lam gzuD brnyan ji bzhin blta bar gyis/ /bar gyi srid pa nyid kyang de bzhin no/ /gal te yid ni rmongs las rnam grol na/ /de tshe 'cho dang 'ong ba rgyun chad 'gyur/ /tshig pa ma yin gsher min rgyun mi 'chad/ /sgyu ma la rmongs sgra dkar gnyer 'jig ltos/ /lus ni grib ma sgyu ma dang mtshungs pa/ /phyogs ni gnyis po der ni sna tshogs mchor/ /sems kyi de nyid rang bzhin sbyang bar gyis/ /dza nan+ta si smras gsal byed gzhan mun no/ /mchog gi snying rje bsags pa'i phyir de kho na nyid kyi don mngon par shes pa dang ldan pa'i dza ya naM ti'i zhabs kyis gsungs te/ blta bar gyis shes bya ba la sogs pa ni dper na rmi lam gyi skyes bu dang me long gi gzugs brnyan bzhin du de bzhin du srid kyi rnam par shes pa mthong ngo

  419. 210a

    de bzhin du lung las kyang/ ji ltar chu nang zla ba bzhin du yod med min zhes bya ba la sogs pas so/ /kye gal te khyod kyi lam ma rtogs na rnam par shes pas yang dag par 'gro ba'i dus la yang bla ma dam pa'i gsung rjes su dran pas rang gi sems kyi rmongs pa las rnam par grol bar khyod kyis shig pa'o/ /de'i dngos po med pas 'khor ba'i 'gro ba dang 'ong ba rgyun 'chad par 'gyur ro/ /de'i phyir rang gi ngo bo nyid la log par rmongs pas so/ /ci'i phyir 'bras bu med pa la 'gog par byed de/ de bzhin du yang b+hu su ku'i zhabs kyis kyang/ /nyon mongs yul rnams zhes bya ba la sogs pas so/ /rkang pa gsum pas don dam pa'i sems kyi rjes su bsngags pa gsungS te/ tshig pa ma yin zhes bya ba la sogs pa ni bla ma dam pa'i zhabs kyi chu skyes kyi rdul la reg pa las de nyid las 'khor ba'i yid gang du rmongs pa las rnam par grol bar 'gyur ro/ /de'i tshe mes 'tshig par mi 'gyur zhing chus kyang 'khyer bar mi 'gyur ro/ /mtshon gyis chod par yang mi 'gyur te/ don dam pa'i sems kyi rtags kyi nga rgyal gyis so/ /de bzhin mthong bar gyur pa de nyid kyang blo gros dman pa rmongs pas mchog tu 'ching bar byed do/ /de bzhin du phyi'i bstan bcos las / 'bad pa yid ni sdig pa yang dag spyod/ /bsod nams zhar la byung yang spyod mi byed/ /mi yi 'jig rten 'di dag ya mtshan che/ 'o ma yongs su spangs nas dug 'thung byed/ /rkang pa gnyis pas don dam pa'i mtshan nyid gsungs te/ grib ma zhes bya ba la sogs pa la gti mug las grol ba gang gi tshe don dam par rig par 'gyur ro/ /de'i tshe sgyu ma dang 'dra bar rang gi lus shes nas mig gis mthong bar 'gyur ro/ /phyogs dang phyogs ma yin pa dbyer med

  420. 210b

    pa dpal he ru ka lnga rtog par byed do/ /zhes so/ /de bzhin du sa ra ha'i zhabs kyis kyang/ lha mo sgyu ma chen mo zhes bya ba la sogs pas so/ /rkang pa bzhi pas sems kyi 'bras bu'i ngo bo gsungs te/ sems kyi zhes bya ba la sogs pa'i de nyid ces pa ni sheS rab kyi pha rol tu phyin pa'i don gyi bcud chen pos sems kyi bag chags kyi nyes pa rnam par sbyor bar gal te mkhas pas byed pa de'i tshe dza ya naM ta'i zhabs nyid smra bar byed de/ sems ni gzhan ma yin te dngos po med pa ma yin no/ /rnam dag de bzhin nyid gang las/ /de nyid gzhan du ma yin no/ /de bzhin brtag pa gnyis pa las kyang/ dngos rnams kun gyi nges pa ni/ /rnam dag de bzhin nyid du 'dod/ /gu dzdza ri zhes bya ba'i glu dbyangs chos pa'i zhabs kyi'o/ /rdo rje pad+ma'i dbus su gyur pa blangs/ /mnyam nyid sbyor bas gtum mong bar bar gyur/ /DoM bi ni yi khang pa me yis tshig nas 'bar/ /ri bong 'dzin pa'i chu ni long la gtor bar gyis/ /rtswa ni 'bad ba ma yin du ba mthong ba med/ /ri rab steng du blangs nas nam mkhar rab tu zhugs/ /rje btsun khyab 'jug dbang phyug tshangs pa rnams ni tshig/ yon tan dgu dang yul gyi grong khyer rnams kyang tshig/ d+ha mas smras pa gsal bor blangs nas rab tu shes/ /rtsa phran lnga las chu ni steng du song bar gyur/ /de kho na nyid kyi don la mchog gi snying rje dang byams pa'i thugs kyis grub pa'i slob dpon chos pa'i zhabs nyid kyis gsungs te/ rdo rje pad+ma zhes bya ba la sogs pa ni thabs shes rab mnyam pa nyid du yang dag par sbyor bas bde ba chen po 'dod chags kyi me 'bar ba bdag gi ste ba sprul pa'i 'khor lor gtum mo'i me 'bar pa'o/ /d+h+ru'i rkang pas don de nyid rnam par gsal bar byed do/ /mes tshig ces pa la sogs pa ni bde ba chen po'i 'dod chags kyi sred pa dang ldan pas me nyid do/ /DoM?

  421. 211a

    bi ni yongs su dag pa'i a ba d+hU tI'i khyim du sbyong ba'o/ /de bas na bde ba chen po'i mes bdag gis yul la sogs pa'i tshogs pa la brten pa mdza' dag bsreg pa'o/ /ri bong 'dzin pa zhes pa ni bla ma dam pa'i drin las mtshan nyid dang bral bas rnam par sbyangs pa'i kun rdzob byang chub kyi sems bzung nas de'i me rab tu zhi bar byed pa'i phyir ro/ /de bzhin du brtag pa gnyis pa las kyang/ lte bar gtum mo sbar ba yis zhes bya ba la sogs pas so/ /rkang pa gnyis pas ye shes kyi me'i rang bzhin gsungs te/ rtswa ni 'bar ba ma yin zhes bya ba la sogs pas dper na phyi rol tu me drag po 'bar ba de'i du ba la sogs pa mthong ba de bzhin du ye shes kyi me ni mi mthong ste/ 'on kyang dngos po dang dngos po med pa sreg pa sngon du gsungs pa'i ri rab kyi steng du me ni nam mkha' la zhes te bde ba chen po'i 'khor lor thim pa zhes so/ /rkang pa gnyis pas gsungs pa'i don so sor rgyas par bshad do/ /sreg pa zhes bya ba la sogs pa ni tshangs pa zhes pa dgongs pa'i skad kyis dri chen gyi rtsar rig par bya'o/ /khyab 'jug ces pa ni dri chu'i rtsa'o/ /dbang phyug ces pa ni khu ba'i rtsa ste de rnams tshig pa'o/ /steng du ni la la nA dang sar nA'o/ /yon tan dgu dang yul gyi zhes pa ni mig gi dbang po la sogs pa dang yul du bshad pa rnams sreg pa'o/ /de nyid 'dod chags kyi mes rang bzhin med par gyur pa'o/ /sa ra ha'i zhabs kyis kyang/ /yid kyi 'chi ba med pas so/ /zhes bya ba la sogs pas so/ /rkang pa bzhi pas dga' ba bzhi pa'i rkyen du gsungs te/ d+ha mas smras pa zhes bya ba la sogs pa chos pa'i zhabs nyid kyis gsungs so/ /kye lam ma rtogs pa dpal gyi bla ma'i zhabs kyi thabs kyis yang dag par rdo rje dang chu skyes

  422. 211b

    mnyam du sbyor ba gsal bar mdzad nas lhan cig skyes pa'i dga' ba shes par gyis shig pa'o/ /de yis bde ba chen po chu skyes las 'ongs pa nyid gang byang chub kyi sems nor bu'i rtse mor son pa bzhi pa'i dga' bas sbyangs pa nA da dang bcas pa pad+ma'i nA da la zhes te a ba d+hU ti'i lam gyis slar yang de nyid du 'gro ba'o/ /pa Da ha zhes bya ba'i glu dbyangs kuk+kU rI pa'i zhabs kyi'o/ /rdo rje chu skyes g.yur ngor zhugs/ /mnyam nyid sbyor ba'i dmag dpung tshogs/ /yul dang dbang po'i grong rnams bcom/ /stong nyid rgyal po bde chen ming/ /rnga sgra dung skad gzhom du med pa'i dbyangs rnams sgrogs/ /gti mug srid pa'i dpung rnams ring du 'da' bar byas/ /bde ba'i grong khyer rtse mor gnas nas thams cad bsdus/ /sor mo gyen du bslang nas kuk+ku ri pa smra/ /'di ni 'jig rten gsum du bde ba chen pos rgyal/ /de kho na nyid kyi don sgra gzhan gyis kuk+ku rI pa'i zhabs kyis gsungs te/ rdo rje zhes bya ba la sogs pa ni yul gyi sgra'i g.yul ngo 'gog pa'i phyir rdo rje dang chu skyes de bzhin du thabs dang shes rab bde ba chen po'i rang bzhin kuk+ku rI'i zhabs kyis 'dren par byed do/ /mnyam nyid ces pa ni rang bzhin gcig tu bde ba chen po'i ngo bo nyid rnal 'byor gyi dbang phyug gi mnyam pa nyid du sbyor ba de nyid de'i dA ri kA'o/ /de bzhin du lung las kyang /dngos po gcig gi de nyid gang gis mthong/ /dngos kun de nyid des mthong ngo bo gcig/ dngos po kun gyis ngo bo'i rang bzhin rnams/ /dngos kun gcig gi rang bzhin ngo bo nyid/ /d+h+ru'i rkang pas de ba chen po'i mthu gsungs te/ bcom zhes pa ni bde ba chen po zhes pa thos pa tsam gyis srid pa'i dkyil 'khor gyi yul dang dbang po 'di dag bcom pa'o/ /rkang pa gnyis pas don de nyid gsal bar mdzad do/ /sgrogs pa zhes bya ba la

  423. 212a

    sogs pa'i bzhom du med pa'i dbyangs zhes bya ba ni rnga sgra dang sbra g.yul ngor sgrogs te/ gang stong pa nyid kyi dbus su bskyed pas kye'i rnal 'byor pas srid pa'i yul gyi dbung rang bzhin med par gyis shig pa'o/ /rkang pa gsum pas don dam pa byang chub kyi sems rjes su bsngags pa gsungs te/ gsum zhes pa la sogs pa'i gsum ni bde ba chen po'i mes lus la sogs pa dkyil 'khor gsum gyi nyes pa bsregs nas bde ba chen po'i 'khor lo'i rtse mor gnas pas mi ltung ba'i bde ba chen po'i byang chub kyi sems kyi mes sdud par byed pa'o/ /de bzhin du ra ti badzra gyis kyang/ /byang chub sems ni spang mi bya/ /rdo rje pad+ma rgyas 'debs pas zhes so/ /rkang pa bzhi pas 'bras bu'i ngo bo gsungs te/ gyen du zhes bya ba la sogs pa ni kuk+ku rI pa'i zhabs kyis/ /kye rnal 'byor pas sor mo'i steng du byas pa ni gsungs pa'i don 'dis 'jig rten gsum zhes te/ lus dang ngag dang yid kyi snang ba'i skyon las bde ba chen pos rgyal ba'o/ /de bzhin du sar ha'i zhabs kyis kyang/ khyim ni yod bzhin nags su 'gro bar ma cig ces pa la sogs pas so/ /mal lA ri tA la gcig pa zhes bya ba'i glu dbyangs b+hu su ku'i zhabs kyi'o/ /rgyal po'i gru ni pad+ma'i tshal nas 'bab/ brtse ba med pas paM ga la yul khyer/ /di ring b+hu su ku pa nang 'khrug shor/ /rang gi khyim mi mo ni gtum pos khyer/ rnam pa lnga po bsregs shing yul rnams brlag/ rang sems rin chen gar 'gro sleb mi shes/ /gser dngul bdag la ci yang mi gnas na/ /rang gi 'khor gyis rin chen blangs nas gnas/ /bdag mdzod bye ba phrag bzhi ma lus khyer/ /gson po dang ni shi la khyad par med/ /shes rab kyi pha rol tu phyin

  424. 212b

    pa'i chu gter yongs su bsrubs pa'i de kho na nyid kyi bdud rtsis yongs su tshi ba grub pa'i slob dpon b+hu su ku'i zhabs kyis nang 'khrug gi dgongs pa'i skad kyis de kho na nyid kyi don rab tu gsal bar mdzad de/ shes rab kyi chu skyes kyi sgo'i bu bar? bla ma dam pa'i zhabs kyi thabs kyis rab tu 'jug go/ de la dga' ba la sogs pa'i sgras zhes bya ba la sogs pa ste/ mi 'gyur ba'i bde ba gnyis su med pa ni baM ga lar 'bab pa zhes te dbyer med pa nyid du byas pa'o/ /de bzhin du lung las / kyang/ nyon mongs byang chub so sor min/ /byang chub nyon mongs las byung min/ /'khrul pa las ni nyon mongs rtog/ 'khrul pa'i rang bzhin dri ma med/ d+h+ru'i tshig gis de kho na nyid kyi don mngon par gsal bar mdzad de/ di ring zhes bya ba la sogs pa ni bdag nyid rang la yang dag par 'bod par gsungs te/ kye b+hu su ku'i zhabs bsam gtan yongs su smin pa'i gnas skabs na sbyor ba dang bral bas di ring nyid nad 'khrug shor bar gyur pa ste/ gang gi phyir nang gi khyim mi mo zhe na/ sems yongs su dag pa a ba d+hU ti'i ni rlung gi gzugs so/ /gtum pos khyer zhes pa ni reg bya rang bzhin gyis 'od gsal gyis len pa'o/ /rkang pa gnyis pas ngo bo nyid 'gyur ba med pa gsungs te/ bsregs shing zhes bya ba la sogs pa ni de yi bde ba chen po'i mes rnam pa lnga po bsregs pa ni phung po lnga las byung ba'i bdag dang bdag gir 'dzin pa'i phyogs rnams bsregs te dbang po dang yul lnga'o/ /de'i phyir rang gi rtog pa yongs su spangs pas rang gi sems rin po che mi shes pa'o/ /de bzhin du sa ra ha'i zhabs kyis kyang/ ji ltar zhes bya ba la sogs las gsungs so/ /rkang pa gsum pas de nyid rgyas par bshad de/ gser dngul zhes bya ba la sogs pa ni son zhes pa ni ston

  425. 213a

    pa nyid 'dzin pa'o/ /rlu? ba zhes pa ni gzung pa'i ngo bo ste/ rnam par rtog pa gnyis ka'i rang bzhin rnam par dpyad par gyur na cung zad kyang mi gnas pa'o/ /rang gi 'khor gyis zhes pa ni de nyid las nges par rnam par rtog pa spangs pas bde ba chen po'i rin po cher bdag nyid thim pa'o/ /de bzhin du lung las kyang/ don gnyer skye bo med na blo gros mchog gi ring du len/ /gang zhig skyes bu dam pa de rnams rgyal ba'i longs spyod dang 'grogs te/ /blo gros mchog dang ldan pas nyin dang mtshan du bsam gtan bsgom par byed/ /bdag dang blo rmongs bsgom pa bde pa'i go 'phang la brtan nyin mi mthong/ /sems can don phyir snying rje'i ro yis ma rig thibs por slar 'dod pa// rkang pa bzhi bas shin tu bsgoms pa gsungs te/ bye ba phrag bzhi zhes bya ba la sogs pa ni gzhan gang la mdza' bzhis rnam par dpyad pa'i mdzod bdag gi'o/ /gnyis su med pas na nang 'khrug pa de yis khyer ba'o/ /de'i phyir bdag gi gson pa dang shi ba ni bsam gtan la sogs pa la rnam par rtog pa med pa'o/ /de bzhin du yang dpal ldan dgyes rdor yab nyid la/ de yi bde ba nyid thob bo zhes bya ba la sogs pas so/ /dga' bas brtse ba zhes bya ba'i glu dbyangs ri khrod zhabs kyi'o/ /nam mkha' nam mkhar son ba lta zhing sta res gcod/ /mgul du bdag med gzhon nus ni sad? nas rnyed/ /sgyu ma la rmongs ma rungs yan lag can ni spongs shing spongs/ /sa pa ra ni bde chen gyis sgeg stong pa'i si mo len /bdag gis ldum ra bltas pas nam mkha' dang mtshungs mnyam zhing 'dra/ /ras bal me tog shin tu rgyas pas rab tu dga' bar 'gyur/ /ki gu tsa na smin gyur rdon pa pho mo bzi bar gyur/ /nyin mtshan sha ba ri pa cir yang bsam med

  426. 213b

    bde chen myos/ /phyogs bzhi rnams su smyug? ma'i rib mas legs par bskor nas byin/ /sa ba ri yis de byas bya dang lte spyad rnams ni rgyu/ /khyod ni gsad byas phyogs bcur gtor ma dkar po gtong ba ltos/ /sa ba ri ni mya ngan 'das gyur srid rtsa thams cad zhig/ de kho na nyid kyi don dam pa'i bden pa mngon sum du mdzad pas 'gro ba'i don gyi phyir grub pa'i slob dpon sa ba ri'i zhabs kyis gsungs te/ nam mkha' nam mkhar zhes bya ba la sogs pa ni nam mkha' zhes lan gnyis gsung pas stong pa nyid dang shin tu stong pa'i zhes bya bar rig par bya'o/ /de la sbyar zhing bsdus pa'i rigs pas gsum pa stong pa chen po dang snying po zhes te/ 'od gsal bzhi pa stong pas sta rir byas nas de la snang? ba la sogs pa stong pa gsum po'i skyon gcod pa nyid do/ /mgul du zhes pa ni longs sprod kyi 'khor lor bdag med pa'i chos rtag tu khong du chud pas gang du yang rnal 'byor pa rab tu sad pas de 'jig rten gsum du gsal bar byed do zhes so/ /d+h+ru'i rkang pas grogs yongs su spong bar byed de/ spongs shig ces bya ba la sogs pa ni sgyu ma zhes te/ ma rungs yan lag can ni las kyi yan lag can no/ /kye'i rnal 'byor pa rnal 'byor chen pos phyag rgya chen po'i dngos grub sgrub par gyis shig ba ste/ /bdag la mtshon? cha rnam pa gnyis gsungs so/ /de bzhin du sar ha'i zhabs kyis kyang / 'gro ba zhes bya ba la sogs pas so/ /de'i phyir sa ba ri ni bde ba chen po'i ngo bo stong pa nyid bdag med pa'i ye shes kyi phyag rgya 'dzin pa'i phyir sgeg cing rol pa'o/ / rkang pa gnyis pas bya ba byed pa gsungs te/ bdag gi ldum ra dpen pa ste/ bdag gi gsum pa a ba d+hu tI pa'o/ /nam mkha' dang mtshungs pa ni bla ma'i zhabs kyi drin gyi 'od mtshungs par gyur pa'o/ /ka bA? sa zhes bya ba ni ka yig gi rtsa bar 'jug pa

  427. 214a

    ni kha yig ste/ stong pa bzhi pa bdag nyid 'dir gsal bar gyur pa'o/ /slar yang gzhan gyi ngo bo nyid du 'gyur ro/ /de bzhin du yang dud 'gro'i mgon shar dri med pa'i/ /zla ba ji bzhin lhan skyes spro/ /rkang pa gsum pas de nyid kyi khyad par gsungs te/ ldum ra'i rtsa ba zhes bya ba la sogs pa ni stong pa gsum pa la gnyen po ste/ zla ba shar ba zhes ye shes kyi zla pa'i dkyil 'khor de shar bar gyur pa'o/ /de'i tshe nyon mongs pa'i mun pa gsal te bros pa'o/ / nam mkha' zhes pa ni kam bde ba kun rdzob byang chub kyi sems de yis gang gi yan lag tu gyur pa'o/ /kaM gu tsa na zhes pa ni bzhi pa skye ba med pa rang bzhin gyis 'od gsal ba'i gzugs bla ma'i drin gyi mchog gi rnal 'byor pas gnyis po gcig tu gyur pa yongs su rtog go de'i phyir rdon pa ni thugs rdo rje'o/ /rngon pa mo zhes pa ni ye shes kyi chang gis myos pa ye shes kyi phyag rgya 'dzin pa'i phyir thogs pa med pa'i nA da'i dga' bas rab tu myos pas rtag tu cung zad kyang bsam du med pa'o/ /de'i phyir bde ba chen pos sa ba ri ni sems med par gyur nas nyal ba'o/ /rkang pa lnga pas rab tu 'jug pa'i thabs gsungs te/ bzhi zhes bya ba la sogs pa ni de mtshams bzhir dga' ba bzhi las kyi phyag rgya las rig par bya'o/ /bskor nas zhes pa ni rnal 'byor gyi dbang phyug gis brtan par bya'o/ /de bzhin du lung las kyang/ de la dga' ba skye bar 'gyur zhes pa la sogs pas so/ /de'i steng du gtum mo zhes pas yul dang dbang po'i phyir ro/ /sa ba ra zhes pa ni de byed pa'i phyir pha rol gang la stobs kyis byed pas rdubs? zhes te/ 'dir sa ba ri'i zhabs grub pa'i slob dpon 'chi ba med pa nyid mthong nas lce sbyang la sogs pa'i bya'i tshogs mdza' dag du bar gyur pa'o/ /'dis sa ba ri'i zhabs bdag gis brtsir ba zhes pa'o//

  428. 214b

    rkang pa drug pas rigs rdzogs par gsungs te/ bsang byas zhes pa ni yul la spro ba ste/ sems kyi rgyal po bla ma dam pa'i gsung gi ral gris mi snang bar byas nas phyogs bcu'i sangs rgyas rnams la bdag gis de kho na nyid kyis mchod par bya'o/ /de bzhin du lud las kyang/ gtor ma'i mchod pa'i yo byad ni/ gtor ma chen po dga' ba zhes so/ /de'i phyir sa ba ra ni sems kyi rdo rje'o/ /bdag dang bdag gir 'dzin pa yongs su btang nas nges par rig par gyur pa'o/ /de lta bur gyur ba ni thog ma dang mdza' med pa'i ma rig pa'i bag chags kyis don bdag gis bsal zhing bros par gyur pa'o zhes so/ /de bzhin du sa ra ha'i zhabs kyis kyang/ rtog pa rnam nyams nyams las sangs rgyas su/ /blo ngan rnams kyis rjes su ston par byed/ /bdag las de nyid blo ldan rnams kyis ni/ /cis kyang mkha' las lhag tu ster bar byed/ /dpal ldan he ru ka'i rgyud kyi rgyal po'i chu gter zab mo 'dus pa la sogs las/ dpal ldan bla ma dam pa'i mgon gyis gsung bsrubs pa las grub pa gang zhig 'khrungs pa ni/ /dpal ldan de nyid bdud rtsi'i ro ru gyur pa rang la ston par byed pa'i mthar gnas pa/ dpal ldan de nyid dpung nyen kyang ni rtag tu yang dag bsdus pa rnam par spyad pa rnams// bsdus pa de la rnam par dpyod byed pa/ nye bar bsdus pa spyod pa'i glu brgya la/ /sems can rnams kyis byang chub rtogs pa'i phyir/ /blo gros dang ldan rnams kyis dad mdzod mdzad/ /de phyed thub pa byin gyis rnam dpyad nas/ /slob mas yang dag rtogs pa bya phyir dang/ /kun gyis kyang ni shes par bya ba'i phyir/ /mdzad kyi don ni rab tu gsal bar mdzad/ /skyes bu dam pa bshes rnams la/ /thub pas byin gyis 'grel mdzad pa'i/ /bdag gis bsod nams gang de yis/ /skyes bu dam

  429. 215a

    pa rgyal gyur cig/ sprod pa'i klu'i mdzod grub pa rnams kyi rdo rje'i glu de kho na nyid gsal ba bshes pa'i skye po rnams la slob dpon thub pas byin gyis 'grel pa mdzad pa las grub pa rnams kyi rdo rje'i glu 'grel pa dang bcas pa rdzogs so// //paN+Di ta chen po kA rti tsin+d+ra'i zhal snga nas gdams pa dang bcas pa legs par zhus shing /chos kyi rje dpal ldan sa skya pa khu dbon rnams kyi sku drin la brten nas bal yul yam bu'i grong khyer du bod kyi lots+tsha ba bande grags pa rgyal mtshan gyis bsgyur ro// /dpal rdo rje mkha' 'gro la phyag 'tshal lo/ /phyag rgya bzhi pa las kyi phyag rgya dang/ chos kyi phyag rgya dang/ dam tshig gi phyag rgya dang/ phyag rgya chen po'o/ /de la las kyi phyag rgya ni/ bud med de lo bcu gnyis sam / bcu drug gam / nyi shu rtsa bzhi ma'o?/ /de yang yul dbus su skyes pa dbang po tshang ba gnas nyi shu rtsa bzhir skyes pa/ dbang bskur thob pa/ sgom pa ngang bzlas pa shes pa/ sngags las skyes pa/ slob lam dag pa/ sngags kyi nus pa dang ldan pa/ ye shes las skyes pa'o/ /de yang a ba d+h+ru tA'i rid pa 'am / a ba d+hu tI ston pa'i nus pa can/ dung can ma dang/ pad+ma can dang/ ri bong can dang/ ri dags can no/ /de ni sems ting nge 'dzin dang ldan pa yang rung/ mi ldan pa yang rung ste/ bde ba skyes pa nas/ skyu? ma dag ni thams cad las / bud med skya ma khyad par 'phags zhes slob dpon nA gA rdzu nas gsungs pa'o/ /de la chos kyi phyag rgya na/ yid kyi mngon sum gyi yul gzugs yid du 'ong ba dang/ sgra snyan pa dang/ dri zhim pa dang/ ro yid? du 'ong ba dang/ reg yid du 'ong ba ste/ don du phyi rol tu ma brtogs pa shes pa'i snang ba tsam ste/ nga la dang po dga' ba dang/ mchog dga' i lus kyi bde ba dang/ phyi nas yid

  430. 215b

    bde ba lhan cig skye dga' ste/ de ltar 'dod pa'i yon tan lnga la dga' ba dang mchog dga' dang lhan cig skyes dga' 'byung ngo/ /de'i steng du lhan cig skyes pa'i bde ba chen po snang stong gnyis med bsgom mo/ /de la skyon dga' bral du 'gyur ro/ /dam tshig gi phyag rgya ni de la bzhi ste/ gtum mo 'byed 'dzums dang/ gtum mo mar me gso ba dang/ gtum mo srub shing gi 'khor lo dang gtum mo ba spu'i bu ga bsgom pa'o/ /de la dang po ni spu mtshams nas lte ba'i bar du mar me sor brgyad pa zhig bsams nas/ bshad pa'i lam 'byed 'dzums byed pa'o/ /gnyis pa mar me gso ba ni spru mtshams nas lte bar phyin pas lte ba'i byang chub kyi sems 'jag? pas gso ba'o/ /gsum pa ni a ba d+hU tI bsrub shing lal nA dang ra sa nA lte ba khrag gi thig le las 'bar bas snying ga'i byang chub kyi sems zhu nas bde ba chen po bsgom mo / bzhi pa ba sbu'i bu ga ni lte ba'i dbus su bu ga phra ma 'khyil ba bsgoms la steng gi rlung mnan par bya'o/ /de ltar bsgom pa dang ldan pa'i tshe sa chu la thim pas du ba lta bu mthong ba dang/ chu ma la thim pas smig rgyu lta bu mthong ba dang/ me rlung la thim pas srin bu me khyer lta bu mthong ba 'byung ba dang/ rlung rnam par shes pa la thim pas nam mkha' lta bu 'byung? ba dang/ rnam par shes pa rtog pa yin te/ nam mkha' mi rtog pa la thim pas na/ nam mkha' stong pa lta bu'i rtags 'byung ngo/ /de la phyag rgya chen po bsgom pa ni/ rgya dgus gdab par bya'o/ /gzung ba med de rang gi snang ba yin pas rnam par snang mdzad kyi rgyas btab pa'i bde ba chen po dang/ 'dzin pa bde ba chen po'i rang bzhin yin pas mi bskyod pa'i rgyas btab pa dang/ sems rang rig gnyis med par yang mi bsam ste/ bde ba chen por lhun gyis grub pa bsam gyis mi khyab pa yin pas

  431. 216a

    rdo rje sems dpa' i rgyas gtab pa dang/ bsgom par bya ba dang/ sgom par byed pa dang/ sgom par byed pa dang/ sgom pa po ro gcig pa gnyis su med pa'i rgyas gdab pa dang/ sbyor ? dngos gzhi dang rjes ro gcig par ro mnyam pa'i bde ba chen pos rgyas gdab pa dang/ 'khor ba dang mya ngan las 'das pa gnyis 'od gsal ba'i dang du rgyas gdab pa dang/ snod kyi 'jig rten dang bcud kyi 'jig rten brtan pa dang g.yo pa rnams he ru ka la rol pas rgyas gdab pa'o/ /de ltar rgya dgus snod bcud kun bde stong gnyis kyis rgyas gdab/ sems ni 'od gsal rgya mtsho las/ /glo bur rba rlabs tshul du brtag/ sems ni nam mkha' stong pa las/ /glo bur sprin gyi tshul du brtag/ bsgom du med pa lhun grub bsgom/ /rtog pa'i dra ba dang gis stong/ /mngon sum tshad mas mthong ba nyid/ /shes bya rnal ma yin par gsal/ /rtog pa thams cad 'gog pa dang/ mi rtog ye shes ngang la bzhag/ bsgom du med pa bsgom pa yin/ /lhun gyis grub pa bsgom pa yin/ /rnam par rtog pa med pa la/ /rnam rtog med pa'i sgro mi gdags/ /dngos po gdod nas gnyis med la/ /gnyis med ces bya bsam mi bya/ /bde chen sgros skur bral ba la/ /bral lo snyam du bsams na skyon/ /nyams myong 'od gsal dag pa la/ /dag go zhes kyang rlom mi bya/ /rnyom sems med pa gnas pa'i tshe/ /rtog pa rang gi ngang gis 'gag/ chos dang gang zag bdag med ces/ /rtog pa'i ngo bo nyid yin te/ /rtog pa'i rang bzhin 'od gsal bar/ /shes na de tshe nyid na 'gag/ gnyen po'i rgyal po mngon sum yin/ /gcig dang du bral gtan tshigs rnams/ /'od gsal shes na dgos pa med/ /glang po dngos su rnyed gyur nas/ /glang po'i rjes ni tshol byed dam/ /bde chen der snang mngon sum la/ /lus dang rjes dpag btsal mi dgos//

  432. 216b

    myong ba dngos po'i gshis yin pas/ /chad par lta ba'i dogs pa med/ /gang la de'o mi sems pas/ /sgro 'dogs pa yi dgos pa med/ /snod bcud bde chen rgyas gdab pas/ /nyon mongs dgra las ldang dogs med/ /las la byed do bya'o zhes// dge sdig gang la 'ang mi sems shing/ /rmi lam las la khyad med pas/ /ngan song gsum gyi dogs pa med/ /gang dang gang la sems pa na/ /bde chen der snang do shes na/ /gnyen po gzhan zhig btsal mi dgos/ /bya ba btang pa'i sems nyid ni/ /lhun gyis grub par rnam par gnas/ /ji ltar chu la chu gzhag dang/ ji ltar mar la mar bzhin du/ /rang gis rang gi ye shes ni/ /legs mthong gang yin 'di phyag yin/ /de nyid gnyis med mchod pa yi/ /gnyen po stong nyid lta ba 'di/ /sdig pa bshags pa'i mchog yin te/ /me dang grang ba'i reg pa bzhin/ /bde stong mngon sum 'di dang 'gal/ /rjes su yi rang la sogs dang/ /chos spyod sdom pa'i nang nas kyang/ /don dam byang chub sems 'di mchog/ stong nyid mngon sum mthong ste mchog/ dkyil 'khor sbyin sreg bzlas brjod kyi/ /nang na bde chen dkyil 'khor mchog/ gang dang gang la blo gzhag pa/ /de dang de ni bde chen du/ /shes na mal cha stan dag dang/ /g.yog 'khor gnyen bshes snang ba kun/ /bde chen shes pa bsgoms pas mchog/ snod ni gzhal yas khang yin la/ /bcud ni lha dang lha mo yin/ /'gro ba ris drug bde gshegs drug/ dmyal pa'i 'jig rten bde ba can/ /yi dags dud 'gro bde chen gyi/ /dang du shes pa lha yi sku/ /sems la bkag pa med pa nyid/ /gnyen po mchog tu kho yis mthong/ /dper na rmi lam gnas skabs na/ /bde dang sdug bsngal snang ba kun/ /sad par gyur pa ro gcig ltar/ /de bzhin 'khor ba'i bde sdug kun/ /skye med dang du mnyam pas na/ /rnal 'byor sems la blang dor med/ /dgra

  433. 217a

    sdang rmi lam 'drar shes nas/ /chags sdang gnyen po bsgom mi dgos/ /sems kyi rang bzhin yongs shes na/ /chos nyid gzhan du bsgom mi dgos/ /dus gsum khams gsum tha snyad du/ /bems po blo bur yin shes na/ sems kyi rang bzhin bcos mi dgos/ /skye 'gag nam mkha' i skra shad bzhin/ /snga phyi skye bas stong pas na/ /ma skyes zhes su bsgom pa med/ /rgyal ba'i thugs gzhi rtog med la/ /skye ba med pa zhes su bsgrags/ /gnyen po spang bya dbyer med kyi/ /don la bya btsal med pa nyid/ /btang snyoms chen po bsgom pa'i mchog/ dper na mi dga' brtson byas na/ /de ya 'bad rtsol gyis 'bros la/ /de nyid brtson par btad nas ni/ /'bad rtsol med par gnas pa bzhin/ /nyon mongs 'bad pas bkag kyang ni/ /ched kar 'byung bar 'gyur ba la/ /de nyid bdag nyid lcags bkrol nas/ /yul la rang dga' btang na ni/ /rang gi ngang gi rtog med skye/ /des na thabs la mkhas pa yin/ /'bras bu lam du byed par gsungs/ /blun po yod med sdug bsngal kyang/ /gdod nas skye ba ma myong la/ /mkhas pa 'gag pa sems la med/ /ched dkar gnyen po bsgom mi dgos/ /rnal 'byor nang du kha bltas la/ /sems las ma gtogs myong med pas/ /snang sid rtag dang mi rtag la/ /bkag pa dang ni sgrub pa med/ /sems kyang ye shes yin shes na/ /mya ngan 'das pa bstan mi dgos/ /gal te chags sdang skyes gyur kyang/ /gnyen po mi sdug byams sogs ni/ /'gro ba'i sems rgyud gnyis mi 'chang/ /ji ltar sprin ni sna tshogs dag/ nam mkha' i dbyings su thim pa ltar/ /dang po 'od gsal glo bur bcas/ /phyis ni ring gi ngang 'gags na/ /gnyen po dag ni su la bsgom/ /ma rig 'khrul pa'i bag chags kyis/ /sems la smig rgyu bzhin snang na/ /mi mkhas

  434. 217b

    smig rgyu 'chos pa bzhin/ /gnyen po bsgom pa kye re 'tshar/ /sems kyi rang bzhin 'od gsal pa/ /skye ba nyid kyang mi brtan na/ /glo bur brtags par gal 'gyur/ /de bas gnyen po mi bsgom ste/ gnyen po med cing bsgom pa'ang med/ /mtshan mar mi 'dzin rnal 'byor pa/ /'di dang 'di 'ga' sems pa med/ /'grib pa med cing 'gag pa med/ /'du mi byed pa nam mkha' 'dra/ /'du shes las byung ting 'dzin skyon/ /'du mi byed ces sems pa med/ /mngon sum rtog bral rgyun bsrings nas/ / bsgoms so zhes su tha snyad 'dogs/ /rtog med ye nas skye na yang/ /sgro 'dogs sel ba bsgom pa yin/ /bcos med rang gsal ma byas na/ /nan gyis mi rtog bsgoms gyur kyang/ /mi rtog pa nyid sgrib pa'i rgyu/ /dper na sman nyid ma zhu na/ /nad kyi nang na de nyid lci/ /'bad med bsgoms la sbro 'dogs gcad ces bya/ /sgyu mchu zla bzhin du shes med na/ /stong zhes brjod pas sems la yongs mi 'go/ sems kyi rang bzhin snang stong rtogs na ni/ /'gro ba rnams la snying rje dang gis skye/ /bdag dang gzhan dag dbye ba med par yang/ /chu yi zla ba lta bu blo ni skye 'gyur na/ /bde ba chen po sgom zhes de la bya/ /gang zhig b+ha gar bde ba rtog med myong/ /gang zhig me long gzugs brnyan snang ba dang/ /gang zhig gtum mo drod las bde myong dang/ /gang zhig rgod dang lta rang lag bcangs dang/ /'o byas 'khyud pa bde ba dam pa myong/ /rtog med myong bar gyur kyang bde chen gyis/ /rgyas ma btab na byang chub med do zhes/ /rdo rjes 'chang ba gsung zhing tshad mas grub/ /bde ba stong pa nyid kyi rgyas gdab bya/ /rgyas gdab ces bya'i don gyi ngo bo yang/ /dmigs pa'i yul la sgyu mar ma zad kyi/ /rang gi myong ba skyu mar mngon sum du/ /rig pa de la rgyas gdab rjes su brjod/ /rtog par res bcas pa rgyas btab min/ /de bzhin rjes dpag

  435. 218a

    bsgom ba rgyas btab med/ /shes bya'i dkyil 'khor spros dang bral ba yi/ /mngon sum der snang rgya yi rnam par byung/ /des na rgyas gang ba ces ni bya bar bshad/ /'jig rten 'di dang 'jig rten pha rol dag/ bde chen mnyam par shes te bsgoms pas na/ /'da' ka'i man ngag gzhan nas btsal mi dgos/ /sems kyi rang bzhin chos kyi skur shes na/ /'bras bu thob bya gsar du btsal pa med/ /sems kyi ngang las 'phel 'grib med shes na/ /bsgom pa shor yang spogs pa btsal mi dgod/ /legs byas nyes byas glo bur yin shes na/ /dam tshig nyams chags bshags pa de nyid yin/ /ji ltar snang ba de ltar bden/ /ji ltar btags pa de ltar med/ /ji ltar btsal ba de ltar skyon/ /ji ltar bsamS pa de ltar bral/ /yul ni gang dang gang dag la/ /rtog bral gsal ba skyes gyur na/ /de tshe 'o ma'i sems nyid la/ /de ni stong nyid bsgom pa yin/ /rang rig gnyis med bsgom ba zhes/ /gang la gdams ngag phog gyur kyang/ /gnyis med nyid du ma myong na/ /gang zhig bstan kyang ming du zad/ /yul ni gang dang gang dag la/ /thams cad las ni sems bsdus nas/ /nang gi bdag nyid g.yo med par/ /gnas pa mig gi gzugs ngag gi/ gnas pa rna bas sgra dag gam/ gnas pa sna yi dri dag gam/ gnas pas lce yi ro dag gam/ gnas pas lus kyi reg dag gam/ gnas pa yid kyi chos dag la/ /shes pa'i blo de rtog bral yin/ /rtog pa'i skye dang 'gag pa dang/ /rang rig nyid kyis myos pas na/ /rtog dang bral bas sngon du grub/ /gang zhig rtog bral don de la/ /tshor pa bde ba la brten nas/ bsgoms pas pho nya'i lam du gyur/ /gang la dang po rtog med la/ /dga' ba zhes su bshad pa yin/ /rtog bral bde chen gnyis pa la/ /mchog dga' zhes

  436. 218b

    su bshad pa yin/ /de ni lus kyi bde ba ste/ /yid 'od yul las byung ba'o/ /rtog dang bral ba gsum pa ni/ /lhan cig skyes dga' zhes bshad de/ /yid kyi mngon sum bde ba yin/ /gzugs 'dzin dri ma dang bral bas/ /myong ba gsal ba skye ba ni/ /rang rig bde chen zhes su bshad/ /gang zhig rtog pas sar bcad na/ /dga' bde'i ting 'dzin nyams 'gyur bas/ phyag rgya bzhi yi yul rnams las/ /tshor pa bde ba skyes gyur pas/ /rgyu rkyen tshogs pa'i stobs ldan pas/ /rtog dang bcas pas skye mi 'gyur/ /de bas bde ba'i ting 'dzin las/ /rnal 'byor pa yi yid bzhag nas/ /gnyis med bde chen bsgom par bya/ /gang zhig bde pa'i ting 'dzin las/ /sems 'jog pa ni zhi gnas yin/ /des na dga' dang mchog dga' dang/ /lhan skyes dga' ba phul byung yang/ /zhi gnas sems las mi 'da' ste/ /lus dang yid kyi bde par zad/ /bde chen don gyis rgyas gdab na/ /lhag mthong phul du byung bar 'gyur/ /gang zhig bde ba'i chos can la/ /stong nyid sgrub pa gang yin pa/ /lhan cig skyes dga' yin snyam ste/ /de ni rjes dpag bsgom pa'i lam/ /so sor rtog pa'i rnal 'byor te/ /bde pa chen po myong ba 'ang med/ /'od gsal bde ba'i rgya mtsho las/ /dga' bde rba rlabs tshul du shes/ /de nyid spyod? pa bsgom pa yin/ /bde dang yid bde gang yin las/ /de yi rang bzhin stong shes pa/ /gtan tshigs la sogs don med yin/ /chu ni dang bar gyur pa la/ /nya dag myur du 'phar bltar/ /de bzhin stong gsal rang bzhin las/ /sna tshogs shes pa ldang zhing 'gag/ snor bcud bde chen rgyas btab pas/ /sems kyi glang po yan btang yang/ /gnas ma rnyed nas ldog par 'gyur/ /dngos po gsar pa mthong na yang/ /de de bde bas rgyas btab

  437. 219a

    nas/ /g.yeng ba nyid kyang g.yeng ba min/ /spyod lam ro mnyam min shes nas/ /'gro ba nyid ni 'gro 'od med/ /rgyu 'bras med kyang rgyas btab bas/ /skye ba nyid na'ang skye ba med/ /'gag pa thim pa'i rgyas btab pas/ /bkag tsam nyid na'ang 'gag pa med/ /bde gshegs rnams ni bde chen nyid kyi sku/ /chos rnams thams cad bde gshegs nyid dang mnyam/ /byis pa'i blo can dngos la zhen pa rnams/ /rnam par rtog pas brtags pa nyid la spyod// dngos rnams thams cad bcos su med na yang/ /grub mdza' ngan pas bslad pas 'chos par byed/ /gdod nas rnam dag 'od gsal chos kyi dbyings/ /bde gshegs chos kyi sku yis mkhyen par mnyam/ /'khor ba'i phung po sgyu mar rnam dag shes/ /longs spyod rdzogs sku spru mar yang dag mnyam/ /gal te sgyu ma'i rgyun la bde sdug dang/ /dga' dang gdud ba'i bye brag yod min yang/ /der snang skad cig re rer gnas pa las/ /bde chen bde ba chen po nyid du gcig/ rnam par rtog pa tha dad med na yang/ /mi rtog ngang las ro cig gyur par snang/ /dang po'i las can so so'i skye po la/ /bde ba lam du byed par gsungs na yang/ /gang zhig bla ma'i phan pa'i lung thob nas/ /bde sdug thams cad bde ba chen por 'gyur/ /gang zhig stong nyid mi shes pa/ /de lta thar pa'i skal pa med/ /'gro drug srid pa'i brtson ra ru/ /rmongs pa de ni 'khyam par 'gyur/ /de ltar rnal 'byor pa rnams kyis/ /stong pa nyid ni bsgom byas na/ /blo ni gzhan don la dga' bar/ /'gyur pa nyid du the tshom med/ /sems can gang yin thams cad sngon/ /pha ma mdza' bshes rtsa lag tu/ /gyur cing phan chen btags pas na/ /byas pa gzo ba nyid du bya/ /sems can la brten bla med pa'o/ /sangs rgyas go 'phang nyid 'thob na/ /tshangs dbang

  438. 219b

    drag po 'jig rten skyong/ /sogs pa 'thob pa mtshar ci che/ /sems can phan pa byas tsam gyis/ /'gro ba gsum pa dam par skye/ /sems can gnod pas sdug bsngal ni/ /rnam pa du ma'i tshul dag gis/ /dmyal ba yi dags dud 'gro ru/ /sems can rnams ni nye bar spyod/ /dngos po kun gyis mgu bya ba/ /rang lus bzhin du bsrung bar bya/ /'bad pas sems can mi dga' ba/ /dug dang 'dra bar spang bar bya/ /sems can yongs su ma btang bas/ /sangs rgyas byang chub kun tu 'thob/ / gzhan gyi gnod pa ma bzod pas/ /mnar med du yang skye bar byed/ /rang gi lus dang nor sbyin pa/ /'di ni mtshar zhing 'di ni bsngags/ /'di ni 'jug pa mchog yin no/ /mtshar zhes bya ba 'di min te/ /chos 'di stod par shes nas su/ /las kyi 'bras bu bsten byed pa/ /mtshar babs kyang 'di mtshar zhing/ /ngo mtshar bas kyang ngo mtshar ro/ /sems can bskyab pa'i bsam pa 'dis/ /srid pa'i 'dam du skyed mos kyi/ /pad+ma la ni chu bzhin du/ /srid pa'i skyon gyis de ma gos/ /bzang po la sogs rgyal ba'i sras/ /'di na ye shes me yis ni/ /nyon mongs bud shing bsregs bzhin du/ /'on kyang thugs rjes bslabs pa mdzad/ /byang chub che dang 'chi dang skye/ /dur khrod gshegs dang dka' spyod mdzad/ /bdud sde rab tu 'joms pa dang/ /chos kyi 'khor lo bskor ba dang/ /lta yul gshegs dang mya ngan 'das/ /de bzhin khyim nas byung ba rnams/ /snying rje dbang gis 'jug pa yis/ /'gro ba'i mgon po ston par mdzar/ /tshangs dbang nye dbang drag sogs kyis/ /gzugs kyis rab tu 'jug mdzad cing/ /'gro ba 'dul ba'i sbyor ba yis/ /thugs rjes thugs kyis rol pa mdzad/ /theg pa gnyis po dag kyang ni/ /theg pa chen por byung bsan/ /srid pa'i lam gyis dub pa rnams/ /ngal bso don de de nyid min/ /nyan thos de dag de srid

  439. 220a

    du/ /sangs rgyas rnams kyis ma bskul bar/ /de srid ye shes lus gcig gis/ /ting 'dzin dregs pas myos te gnas/ /bskul nas sna tshogs gzugs kyis ni/ /sems can don la dga' byed cing/ /bsod nams ye shes nyer 'phel nas/ /sangs rgyas byang chub 'thob par 'gyur/ /bag chags las ni byung bas na/ /bag chags sa bon dag tu bshad/ /bag chags rjes mthong tshogs pa na/ /srid pa'i myu gu de bskyed do/ /stong nyid smra bas smra byed cing// rtog tu lus ngag yid gsum gyis/ /'di ltar sems can don byed pa/ /chad par smra ba yod ma yin zhes gsungs so/ /dper na gser 'gyur zangs lcags thams cad la/ /gser 'gyur rtsi yi nus pa'i thabs rnyed na/ /thams cad kha dog gser du 'gyur ba ltar/ /sems kyang bde chen dang du ro gcig 'gyur/ /sgyu ma smig rgyu dri za'i grong khyer rnams/ /rtog dang bral ba'i stong pa'i rnam pa skyes/ /de bzhin sgyu 'drar sems kyi sgyu 'drar shes/ /bde chen rgyas btab bdag byin brlab pa la/ /sgyu ma'i dpe yi don rnams btsal mi dgos/ /thams cad sgyu 'dra mi 'drar dgag sgrub byed/ /phyag rgya'i lam la bde ba stong pa shes/ /chos kyi mdo don sems kyi stong par shes/ /chos rnams kun la yod med dgag sgrub med/ /rtog med mngon sum lam la blo gzhag pas/ /rtags kyis rjes 'brangs gzhan sel dgos pa med/ /dus gsum bde gshegs ji ltar sangs rgyas ltar/ /gang du kha bltas sems kyi gsang shes pas/ /sgrib pa kun zad ye shes phun tshogs shing/ /sangs rgyas zhing grol sems can thams cad sgrol/ /thams cad bzang rgyu nyid du gyur pas nges/ /ji ltar sbrul gyi rang bzhin shes pa na/ /de yi dug ni gnod par mi 'gyur te/ /gang zhig nyon mongs

  440. 220b

    'khor ba'i rang bzhin shes/ /des ni de ma thag tu des grol 'gyur/ /de nyid kyis ni sangs rgyas shing/ /de nyid kyis ni nyon mongs 'joms/ /bde chen lam la brten nas ni/ /thams cad byas kyang rnam par grol/ /rnam par rtog pa rnam spangs shing/ /gzung dang 'dzin pa dang bral pas/ /ye shes 'dus ma byas pa ste/ /rgyu dang rkyen gyis ma bskyed pa'o/ /sh+rI ni gnyis med ye shes te/ /he ni rgyu sogs spangs pa yin/ /ru ni bkod par dang bral ba/ /ka ni gang duAng mi gnas pa/ /sems kyi ngang la rnam gnas na/ /mya ngan 'das pa bstan du med/ /bde chen rtogs pa'i man ngag 'di/ /sdeb? sbyor go rim bsgrigs pa min/ /nyams myong rtogs pa'i phan pa'i lung/ /dam pa'i spyi bos blang bar mdzod/ /dngos po'i gnas lugs bsgom pa zhes bya ba/ /nor bu gling pa'i slob dpon bde ba'i rdo rjes mdzad pa rdzogs so// //mi gus dad med brtson chung gtum/ /blun zhing leg? lta skur 'debs la/ /zab mo'i don bstan gnyis 'phung 'gyur/ /des na zab mo gsang bar gsungs/ // */ /phyag rgya bzhi'i man ngag ces bya ba bzhugs so/ / */ /rgya gar skad du/ tsa tu rmu dra u pa de sha nA ma/ bod skad du/ phyag rgya bzhi'i man ngag ces bya ba/ dpal rdo rje sems dpa' la phyag 'tshal lo/ /stong nyid snying rje dbyer med cing/ /zab cing rang bzhin brtag dka' ba/ /phyag rgya chen po'i ngo bo nyid/ /phyag 'tshal nas ni de nyid bshad/ /de la man ngag la 'jug par 'dod pa'i rnal 'byor pas thog mar grub mdza' dag shes par bya ste/ de yang theg pa ni rnam pa gsum ste/ nyan thos kyi theg pa dang/ rang sangs rgyas kyi theg pa dang/ theg pa chen po'o/ /de nyid gnas pa bzhi ste bye brag tu smra bar gnas pa dang/ mdo sde par gnas pa dang/ rnam par rig par gnas pa dang/

  441. 221a

    dbu mar gnas pa'o/ /de dag nyid sbyor ba dgu ste/ nyan thos rab 'bring gsum dang/ rang sangs rgyas dang/ mdo sde pa dang/ rnam bcas dang/ rnam med dang/ sgyu ma lta bu gnyis su med par smra pa'i dbu ma dang/ chos thams cad rab tu mi gnas par smra ba'i dbu ma'o/ /de dag re re la yang dpyad pa'i sgo dang/ bsam gtan dang/ bsam gtan gyi dri ma dang/ lta ba ste bzhi bzhi'o/ /de la dpyad pa ni thos pa sam la brten pa'i rang gi so sor rtog pa'i shes rab po/ /bsam gtan ni rang gi bsgom pa'i shes rab bo/ /bsam gtan gyi dri ma ni de'i dngos su mi mthun pa'i phyogs so/ /lta ba ni rang gi spyod pa la rang gi shes rab kyis zin pa'i khyad par dang/ rang gi 'bras bu la blos yul du byed pa'o/ /de la nyan thos tha ma'i spyod pa ni/ /sngon po la sogs pa'i don khas len pa sngon du 'gro bas brjod du med pa'i gang zag 'dod pa'o/ /'bring po ni de dang 'thun pa'o/ /rab ni 'phags pa'i bden pa bzhi yongs su shes pas gang zag stong par lta ba'o/ /rang rgyal ni gzung ba stong zhing 'dzin pa khas len pa'o/ /mdo sde pa ni gzung ba 'dus par 'dod cing 'dzin pa tshogs drug go/ rnam bcas ni thams cad shes pa'i rnam par 'dod pa ste/ sna tshogs gnyis su med par 'dod pa'o/ /rnam med ni 'di dag thams cad sems nyid de/ /rnam pa med par rig pa'i ngo bor 'dod pa'o/ /sgyu ma lta bu ni chos thams cad sgyu ma lta bu yang dag pa'i dngos pos stong pa ste/ de nyid gnyis su med par 'dod pa'o/ /rab tu mi gnas pa ni tha snyad thams cad ni mtshon pa tsam ste/ don gyi ngo bo cir yang mi gnas pa'o/ /zhes dpyod pa'o/ /bsam gtan ni mi sdug pa bsgom pa dang/ /srog dang rtsol ba 'grang ba la gnas pa dang/ stong pa nyid kyi bden pa mar me bsad pa lta bu ci yang mi snang ba la

  442. 221b

    sems gnas pa dang/ sna'i rtse mor gnas pa dang/ dkyil 'khor bsdus nas sems gnas pa dang/ sems kyi rnam pa la sems gnas pa dang/ rnam pa med pa la gnas pa dang/ gzugs brnyan la gnas pa dang/ cir yang ma grub pa'i ngo bo nyid la gnas pa'o/ /de las sems kyi rnam pa la gnas par bya ba ni dang por cir yang rung ba la shes pa gtad/ /de nyid sems tsam du shes par byas te gnas pa'o/ /rnam pa med pa la gnas pa ni thog mar mchod pa la sogs pa byas te/ slob ma stan la gzhag la dbugs sor bcug ste/ thog mar me tog lta bu la shes pa gtong du bcug nas lag pa spyi bor gzhag la sngags 'di brjod do/ /oM a ra ra hUM hUM/ oM badzra yi gi ni a b+hi tiSh+Tha hUM phaT/ ces pa'i mgor rang gi yi dam gyi sngags brjod de/ de nas me tog kyang med par byas na myur du skye'o/ /bsam gtan gyi dri ma rnams dang/ lta ba rnams ni gzhan nas gsal bas 'dir ma brjod do/ /de ltar na mi mkhas pa rab rib can dang/ mkhas pa rab rib can dang/ mkhas pa rab rib med pa'o// de dag gi snying rje yang sems can la dmigs pa/ chos la dmigs pa dang/ dmigs pa med pa'o/ /de la gsang sngags kyi theg pa ni theg pa gsum las ni theg pa chen po'o/ /gnas pa ni phyi ma gnyis so/ /sbyor ba ni tha ma bzhi la'o/ / de la slob dpon nyid kyi gzhung gis ni rab tu mi gnas par sbyor ba'o/ /de lta na yang de dang thams cad du khyad med pa ni ma yin te/ ji skad du don gcig na yang ma rmongs dang thabs mang dka' ba med pa dang/ dbang po rnon pos dbang byas phyir// sngags kyi theg pa khyad par 'phags/ /zhes gsungs pas do brjod par bya ste/ phyi bskyed pa'i rim pa dang/ zab mo bskyed pa'i rim pa dang/ rdzogs pa'i rim pa dang/ yongs su rdzogs pa'i rim pa dang/ ngo bo nyid kyi rim pa'o/ /yang de bzhin ga sheD

  443. 222a

    pa'i dbugs dbyung dang/ rdo rje 'chang gi dbugs dbyung ba'o/ /yang kun brtags la gzhan dbang gi rgya dang/ gzhan dbang la yongs su grub pa dang/ yongs su grub pa la rdo rje sems dpa' dang/ de nyid la bde ba chen po'i rgyas gdab pa'o/ /yang phyag rgya bzhi las rtogs par bya ste/ las kyi phyag rgya ni zab mo bskyed pa'i rim pa dang/ rdzogs pa'i rim pa'o/ /chos kyi phyag rgya ni yongs su rdzogs pa'i rim pa'o/ /phyag rgya chen po ni ngo bo nyid kyi rim pa'o/ /dam tshig gi phyag rgya ni phyi bskyed pa'i rim pa'o/ /kun brtags la gzhan dbang gi rgya ni phyi bskyed pa'i rim pa'o/ /yongs su grub pa'i rgya ni lha thams cad kyang rnam par rig pa tsam mo/ /rdo rje sems dpa' i rgya ni rnam rig stong pa nyid du shes pa'o// bde ba chen po'i rgya ni de nyid man ngag nyams su myong bar byas pa'o/ /las kyi phyag rgya ni dbang gis ngo bo ste/ /de yang bum pa dang/ gsang ba dang shes rab ye shes dang/ bzhi pa'o/ /bum pa ni slob dpon gyi dbang man bcad de/ lus dag par byed pa'o/ /gsang ba ni thabs shes rab gnyis las byung ba'i byang chub kyi sems ster ba ste/ dag dag par byed pa'o/ /shes rab ye shes ni gsum ste/ drag po dang/ ngan pa dang/ bzang po'o/ /de la drag po ni 'o dang 'khyud pa nas brtsams te phyi rol gyi bya ba ni dga' ba ste/ rnam pa sna tshogs so/ /gtsub pa dang gtsub pa'i sbyor ba ni rnam par smin pa ste mchog dga' o/ /rin po cher nyams su myong ba ni mtshan nyid dang bral ba ste dga' bral lo/ /pad+mar lhung ba ni rnam par nyed pa ste/ lhan cig skyes pa'o zhes 'dod pa ste lung dang 'gal ba'o/ /lung las mchog dga' dga' bral dbus dag tu/ /mtshon bya shes nas brtag par gyis zhes pa dang/ yang dag dga' dral dang po mchog mdza' can zhes pa la sogs pa

  444. 222b

    bsten pa dang/ yang dga' ba bzhi ni dga' ba dang /mchog tu dga' ba dang/ lhan cig skyes pa'i dga' ba dang/ dga' bral gyi dga' ba'o zhes gsungs pas so/ /'on te lung las lhan cig skyes pa tha mar yod do zhe na/ yang bden mod kyi/ de ni bla ma la bltos pa dang bral ba glegs bam gyis mkhas par byed pa'i gang zag dag gi phyed du bkrugs nas bshad de/ /'dir grangs kyi bzhi par 'dug kyang don gyis gsum par sbyar ro/ /de nas 'dir drag po'i sbyor ba ni go rim dang don gnyis ka la mi mkhas pa'o// da ni dbang bskur ngan pa brjod par bya ste/ 'o dang 'khyud pa la sogs pa phyi rol gyi bya ba ni rnam pa sna tshogs te dga' ba'o/ /bsrub pa dang bsrub pa'i sbyor ba ni rnam par smin pa ste mchog dga' o/ /rin po cher nyams su myong ba ni mtshan nyid dang bral ba ste lhan cig skyes pa'o/ /pad+mar lhung ba ni rnam par nyid pa ste dga' bral lo/ /zhes 'dod pa ste mu stegs pa dang khyad med pa'o/ /ci'i phyir zhe na/ nyams su myong ba la yang dag par 'dzin pa'i phyir ro/ /de ni go rim la mkhas kyang don la mi mkhas pa'o/ /da ni dbang bskur bzang po brjod par bya ste/ /'di'i lugs kyis dga' ba bzhi ni 'di ltar shes par bya ste/ phyi rol gyi bya ba nas bskyod pa'i mthar thug pa ni rnam pa sna tshogs pa'i dga' ba'o/ /rin po che'i mthar thug pa nyams su myong ba ni rnam par smin pa ste mchog dga' o/ /bcom ldan 'das kyis/ bcu drug phyed phyed thig le can zhes bya ba'i thig le bzhi'i gzugs kyi bzhugs pa las gnyis ni rdo rje rtse mo'i cha la gnas/ gnyis ni pad+ma'i ze'u 'bru'i cha la gnas pa'i mtshan nyid dang bral ba ste lhan cig skyes pa'o/ /thig le bzhi car yang pad+ma'i cha la gnas pa ni rnam pa med pa ste dga' bral lo/ /de yang shes rab bcu drug lon pa la/ /lag pa gnyis kyis 'khyud nas ni/ /rdo rje dril bu mnyam sbyor ba/ /slob dpon dbang

  445. 223a

    du shes par bya zhes pa dang/ dbang ni bzhi yi grangs kyis kyang/ /dga' ba la sogs rim shes bya/ zhes pa dang/ thams cad gsang ba'i rgyud las kyang/ /gnyis shor gnyis ni mnyam pa'i dbus/ /rdo rje nas ni pad+mar rag/ rgyu la 'bras bu rgyas gdab cing/ 'di ni bde chen rgyal po'i zhes gsungs so/ /de ltar na drag po'i sbyor ba ni mi bskyod pa'i rgya dang bral la dbang bskur ngan pa ni rdo rje sems dpa' i rgya dang bral zhing rdo rje 'chang gi dbugs dbyung ba dang bral ba'o/ /'dir rdo rje sems dpas mi bskyod pa la rgyas btab pa ni dbu ma'i lam mo/ /de yang lung las 'dor bstan pa dang/ rgyas par bstan pa dang/ shin tu rgyas par bstan pa ste/ de dag ni dbang gi 'grel pa nyid na gsal bas 'dir ma bris so/ /de ni shes rab ye shes kyi dbang ste yid dga' bar byed pa'o/ /bzhi pa ni shes rab ye shes kyi rang bzhin dga' ba gsum dang tha mi dad pa rten 'brel gyi ngo bor krung du 'jug pa ni bzhi pa'o/ /de dag ni las kyi phyag rgya ste/ rgyu 'thun pa'i 'bras bu skyes par byed do zhes slob dpon klu sgrub kyis bshad do/ /chos kyi phyag rgya ni snang grags kyi chos sna tshogs su snang ba nyid de/ de yang las kyi phyag rgya'i lhan cig skyes pa nyid las grol ba sna tshogs kyi rtog pa 'byung ba dang/ sna tshogs kyi rtog pa 'gags shing lhan cig skyes pa'i gzugs su gnas pa dang /sna tshogs dang lhan cig skyes pa nyid du med pa dang/ sna tshogs dang lhan cig skyes pa gnyis ka'i rtog pa mi dmigs pa dang/ bzhi ni chos kyi phyag rgya'i dga' ba dang/ /mchog dga' dang/ lhan cig skyes dga' dang/ dga' bral lo/ /des na chos kyi phyag rgya ni dngos po ma bcos pa'i rang bzhin las ma bcos pa'i phyag rgya chen

  446. 223b

    po skye ba'i phyir rnam par smin pa'i 'bras bu zhes brjod do/ /phyag rgya chen po ni chos thams cad skye ba med pa'i ngo bo zung du 'jug pa/ gzung ba dang 'dzin pa'i rtog pa dang bral ba/ nyon mongs pa dang shes bya la sogs pa'i sgrib pa spangs pa/ ji lta bzhin du rang gi mtshan nyid nyams su myong ba ste/ dri ma med pa'i 'bras bur brjod do/ /de'i ngo bo ni mdza' dbus kyi chos thams cad gzugs can ma yin pa dang/ thams cad du khyab pa dang mi 'gyur ba dang/ dus thams cad pa'o/ /de na phyag rgya chen po ni skad cig ma cig la mngon par rdzogs par sangs rgyas pa ste/ skad cig ma bzhi dang dga' ba bzhir dbye ba ni med do/ /'on kyang phyag rgya bzhi la bltos nas dga' ba bzhir gzhag ste las kyi phyag rgya ni dga' ba'o/ /chos kyi phyag rgya ni mchog tu dga' pa'o/ /phyag rgya chen po ni lhan cig skyes pa'i dga' pa'o/ /dam tshig gi phyag rgya ni dga' bral lo/ /de nyid ji lta ba bzhin chos kyi 'khor lo'i dus su bla ma'i zhal la ltos par bya'o/ /dam tshig gi phyag rgya ni de kho na nyid mtshon par byed pa 'bras bu lha'i dkyil 'khor te/ de yang rje btsun gyis thabs mtshon pa dang/ rje btsun mas shes rab mtshon pa dang/ 'khyud pas gnyis su med pa mtshon pa'i phyir dam tshig go/ de yang bskyed pa'i rim par bdun po dag pa byas nas rgyu'i he ru ka bskyed pa dang/ lha mo'i 'khor lo spro ba dang/ /nyi ma dang zla bar thig le'i gzugs su zhu ba dang/ lha mo'i dbyangs kyis bskul ba dang/ 'bras bu rdo rje 'dzin par gyur pa ni dam tshig gi phyag rgya'i dga' ba bzhi ste go rims bzhin no/ /'bras bu lha'i 'khor lo 'di ni 'gro ba'i don 'dzin par byed pas skyes bu byed pa'i 'bras bu brjod do/ /de ltar na phyag rgya bzhi la dga' ba bzhi bzhi ste bcu drug tu shes par bya'o/ /phyag rgya

  447. 224a

    bzi'i man ngag slob dpon gnyis med rdo rjes mdzad pa rdzogs so// // rgya gar gyi mkhan po badzra pA Ni dang/ bod kyi lo tsA ba dge slong tshul khrims rgyal bas bsgyur ba'o// // sangs rgyas la phyag 'tshal lo/ /rgya skyes ye shes glang po che/ /'joms byed seng ge bdag gi gzhung/ zhes gsungs pa ni/ rim pa dang la zla ba ste drang ba dang nges pa'i don to/ /de yang gang zhen chos rnams kyi rang bzhin dang/ de sgrub par byed pa'i thabs dang/ de yang dag par thob pa'o/ /de la rnal 'byor spyod pa'i gzhung gis/ rgyu gzhan las skyes pa'i don dam pa'i chos/ lung rigs pas grub pa snang ba 'am/ snang ba med pa'i rang bzhin chos thams cad kyi gzhi dang/ rten du gyur pa/ gnyis su med pa'i ye shes/ brtags pas stong pa/ rgyun chags pa/ mdza' bzhi las grol bas dbu ma'i lam/ /'di tsam zhig yang dag par yod de/ sgrub thabs dang 'bras bu yang de bzhin no zhes zer ro/ /de ni glang pa che dang 'dra'o/ /de ci'i phyir zhe na phyi rol gyi don yod par smra pa'i/ mu stegs dang nyan thos dang/ mdo sde'i gzhung rnams phal cher lung rigs kyi che bas 'dzoms par nus pa dang/ rnam par shes pa ni sangs rgyas pa'i chos rnams kyis lus su gyur pas/ ye mi bzhed pa ma yin pa'i phyir bstod pa'o/ /'on kyang shes bya nang gi dngos por lta bas na de nyid kyang/ gzhom du rung ba'i phyir glang po che dang 'dra'o/ /gang gis 'joms par byed ce na/ rab tu mi gnas par smra ba'i dbu ma seng ge lta bu'i lung rigs kyi mche ba ches mi bzad bas 'joms par byed pa'i phyir ro/ /lung gang zhe na/ 'di ltar mdo las 'jam dpal khyor 'di skad du/ /chos

  448. 224b

    la brtags pa'i thabs lnga po 'di dag kun yang dag pa lags sam/ 'on te kha cig ni yang dag pa lags la/ kha cig ni yang dag pa ma lags sam zhes zer ba ni/ chos la brtags pa'i thabs lnga po 'di dag thams cad kyang yang dag pa yin par bzung ste/ kha cig gis ni chos thams cad ji ltar snang ba bzhin du yod pa'i chos ston to snyam pa'ang yin te/ de ci'i phyir zhe na/ 'byung ba bzhi dang des byas pa rnams ni/ tha snyad du sgyu ma bzhin du yod pa'i phyir ro/ /kha cig gis ni chos thams cad sems tsam las sa? gtogs pa gzhan med pa'i chos ston to snyam pa 'ang yin te /de ci'i phyir zhe na/ chos sna tshogs su 'dogs pa rnams rtag pa ther zug tu brtags pa'i bag chags sems la gzhag pa'i mthus/ dus thams cad du bdag dang chos rnams su snang ba tha snyad du snang yang/ don dam du rang bzhin med de/ sems tsam las med pa'i phyir ro/ /kha cig gis ni sems nyid kyang ma skyes pa yin par bdag cag la chos ston to snyam pa'ang yin te /de ci'i phyir zhe na/ 'di la dbyibs sam kha dog pham?/ dus gsum 'am/ mdza' dbus med pa'i phyir ro/ /kha cig gis ni chos thams cad sgyu ma bzhin du snang zhing sgyu ma bzhin du ma grub pa'i chos ston snyam pa'ang yin te/ de ci'i phyir zhe na/ chos thams cad ni rgyu dang rkyen las skye zhing 'byung ba'i phyir ro/ /kha cig gis ni chos thams cad rang bzhin gyis ma skyes pa/ ngo bo nyid kyis mi gnas pa/ las dang bya ba'i mdza' thams cad dang bral ba/ rtog pa dang mi rtog par yul las 'dras pa thog ma med pa'i dus nas spros pa rnam par dag pa'i chos ston to snyam pa 'ang yin te/ de ci'i phyir zhe na/ chos thams cad rang gi ngo bo nyid phyin ci ma log pa de yin pa'i phyir ro/ /zhes gsungs so/ /de las gzhan grang mi dgos

  449. 225a

    so/ /rigs pa gang zhe na/ bdag nyid chen po rnams kyis sngon du legs par bkod pa'i gang dag yod par grags pa'i chos thams cad/ rten cing 'brel par 'byung ba tsam las byung ba'i phyir/ sgyu ma lta bu'o zhes bya ba dang/ de nyid kyis don dam par na rang dang/ gzhan dang gnyis ka dang rgyu med pa las skye ba nam yang mi 'thad pa'i phyir don dam par nam mkha' i pad+ma lta bu'o/ /zhes bstan pa 'di kho nas chog ste/ shes rab kyi mig dang ldan pa rnams kyis rang bzhin gyis gtan tshigs 'di kho na'i sgo nas drang bor zhib tu bltas na/ mthar ci yang grub pa ma rnyed pas/ chos thams cad rab tu mi gnas par grub pa'o/ /gtan tshigs ma grub pa la sogs pa 'ang ma yin te mang du brjod mi dgos so/ /de nyid kyis phyin ci log gi gzhung ma lus par yang tshems par 'gyur te/ 'dir chigs su bcad pa/ ltos med bdag las skye 'dod na/ /rtag par rgyur smra grangs can pa/ /rgyu gzhan dag las skye 'dod na/ /byed pa rgyur smra bye brag pa/ /gnyis ka las ni skye 'dod na/ /dbang phyug rgyur smra gcer bu pa/ /skye ba med las skye 'dod na/ /rang bzhin rgyur smra brgyang pan pa/ /skyes pa stong par 'gyur 'dod na/ /nam mkha' i yid can chad pa'i lam/ /gang yang khas mi len gyur na/ /ngan g.yo rmongs pa'i lta ba ste/ /rang gi grub dang ma grub dang/ /gzhan ni rtag dang mi rtag las/ /btags na skye ba mi 'thang phyir/ /de bzhin res 'ga' ba nyid phyir/ /'di kun rten cing 'brel 'byung tshul/ /spros pa'i mdza' kun gdod nas zhi zhes bya'o/ /de na chos thams cad yang dag par ma skyes pas/ yid la byar med cing/ gang la yang smon du med pa ni/ bdag gi gzhung zhes bya'o/ /yang dag gis don de nyid ni/ gsang sngags kyi gzhung du ni/ las kyi phyag rgya las grub pa/ lhan

  450. 225b

    cig skyes pa'i dga' bar 'dod do/ /de yang lhan cig skyes pa'i dga' ba bzhi po la 'dod pa ni/ dga' bral gyi dang po la sogs par 'byung ba'i lung dang/ dga' bral ni rjes thob drod kyi shes pa zhes bya ba la sogs pa'i rigs pa dang/ mngon sum dang 'gal ba'i phyir btsan thabs la zhes bya'o/ /yang lhan cig skyes pa'i dga' ba gsum pa la 'dod kyang/ don gyis gnas spas pa la mngon par rmongs pas/ mu stegs kyi gzhung dang khyad par med pa'i phyir dang rdo rje sems dpa' i phyag rgya dang bral ba'i phyir dang/ mngon sum dang 'gal ba'i phyir/ dbang la mi mkhas pa zhes bya'o/ /de gnyis ni rnam par ma sbyangs pa'i glang po dang 'dra'o/ /yang dga' bral dang po mchog gi mdza' zhes bya ba la sogs pa'i lung dang/ bcom ldan 'das kyi sku'i brda dang/ gzhung gzhan khegs pa'i rigs pa dang/ brgyud pa'i man ngag dang/ rang rig pa'i mngon sum gyis shin tu phra ba'i/ /skad cig gis gsum pa la lhan cig skyes pa'i dga' brnyed pa ni/ yang dag pa'i dbang la mkhas pa zhes bya'o/ /de nyid rnal 'byor chen po dang/ rnal 'byor ma'i rgyud las/ mun pa la ni mar me ltar zhes bya ba la sogs pa'i dpe sna tshogs kyis bsgrubs pa/ gsang sngags rdo rje theg pa'i des pa'i tshig tu gzhag pa/ pha rol tu phyin pa'i theg pa las thabs khyad par du gyur pa/ skal pa dang ldan pa'i spyod yul/ dgyes pa'i rdo rje dang/ dam pa dang po dang/ zla gsang thig le la sogs pa'i rang bzhin du gyur pa'o/ /de ltar de bzhin bzhi pa yang zhes 'byung pas/ sgrub pa'i thabs dang/ grub pa'i rang bzhin yang de bzhin du shes par bya'o/ /zhes zer ro/ /shes rab kyi ye shes dbang dag gi spyir khyab pa'i man ngag/ phyag rgya nye bar brtag pa dang/ las kyi go rim dang/ rnam pa dang/ dpe dang/ gnas

  451. 226a

    dang/ brda dang/ sa'i rim pa gang thob pa la sogs pa ni/ bdag gis gsal bar shes mod kyi/ /'dir brod pa'i dgos pa med do/ /de ltar yang dag pa'i dbang la mkhas pas ni/ /btsan thabs dang/ dbang la mi mkhas pa'i gzhung dag lung rigs kyi mche bas 'joms par nus pa dang/ thabs kyi theg pa'i lus su gyur pa'i phyir/ glang po che dang brda'o zhes bstod pa'o/ /thabs gang zhe na/ brdzun pa'i lam gyis bslus te/ yang dag pa'i lam la sbyar ba'o/ /gang bslu ba zhe na/ theg pa gzhan las yangs pa dang/ gzhan nas 'jug pa dang/ tha mal pa dang/ tshangs par spyod pa'o/ /ji ltar slu zhe na/ dang po gsum ni sdom pa yang dag par slangs pa gtong pa'i nyes pa med pas/ spyod yul dngos la sbyor ba 'am/ yang na slob dpon dang/ 'gal na/ thabs gzhan gyis bzung ste/ re zhig dman pa'i yul las mi bzlog par ci rigs pa'i sgrar bstan pa'o/ /tshangs par spyod pa ni de dang chos mthun pa'i thabs gzhan gyis bzung ste/ don sa gzhan la drang ba 'am/ yang na don nyid bshad par bya ba'o/ /yang de nyid yang dag pa'i man ngag ma yin pa'i gzhom du rung ba'i phyir glang po che'o/ /gang gis 'joms par byed ce na/ yang dag pa'i lung dang rigs pa dang/ man ngag seng ge lta bus so/ /de yang las kyi phyag rgya 'khor rgyu ca ca/ thag ring rnam par spang par bya/ /zhes 'byung ba la sogs pa'i lung gis gsal ba dang/ gdul bya shing tu dman pa la bstan pa'i phyir/ /dam pa rnams kyis spang bar bya ba dang/ thabs gzhan yod pa'i phyir ma nges pa dang las dang po'i pI tshangs par spyod pa lam gnang ba'i phyir/ 'gal ba dang/ rtsol ba las byung ba'i phyir skad cig ma ste ston ka'i pad+ma lta bu'o zhes bkod pa'i rigs pa rnams kyis bcom pa dang/ /khu ba rlung dus su lta ba/ kye yi rdo rje des mi shes/

  452. 226b

    ma yin nges gzhan du dpyad/ ces yang dag pa'i man ngag gzhan yod par kha 'phangs pa'i phyir ro/ /mdor na yang dag par dpyad na/ phyag rgya chen po'i don mi shes par/ las kyi phyag rgya la lam du mthong ba mdza' dag/ phyi rol mu stegs pa dang/ bdud kyi rigs pa dag yin par mngon te/ lhan cig skyes pa'i rang bzhin ni ma skyes pa/ mtshan nyid med pa/ brjod du med pa zhes tshig btu brjod kyang/ las kyi phyag rgya'i rgyu la nges par bltos pa'i phyir/ don de nyid bde ba'i rnam par 'dod par shes te/ dper na log sred can dag bag ma len par byed pa bzhin no/ /'di ltar zhi pa dang tshor ba'i gzhung las kyang/ /lha dang lha mo mi phyed sbyor/ /bde ba chen po glo bur skye/ /yang rin chen nang nan de gnas na/ /lha med lha mo 'ang yod ma yin/ /mtshan nyid mtshan gzhi las grol ba/ /dag gis smra bar nus ma yin/ /'di ni rin chen pho brang nas/ /ze 'brur lhung na chags bral yin/ /ye shes bdud rtsis tshim pa ni/ /bya ba byas pa'i rnal 'byor pa/ /byed pa cung zad yod ma yin/ /yod na de nyid shes pa min/ /yang dag gang mthong cung zad ni/ /de de tshangs par rnam par gnas/ /de las gzhan du ma 'gro'i sems/ /des bar tshangs pa nyid du gnas/ /yang de la bde ba rgyun mi 'chad/ /de la sdug bsngal 'ong ba sed/ yang yod pa ma yin pa ma yin med pa min/ /gnyi ga ma yin gnyis med min/ /de yi gnas skabs rtogs dga' ba/ /ci dga' 'am de ni bla na med/ /yang chos dor chos ma yin dor/ /bden dang brdzun ba nyid kyang dor// bden dang brdzun pa nyid dor nas/ /de gnyis dor ba nyid kyang dor/ /yang 'dod chags tha mal sems las kyang/ /de snyed de ni mya ngan 'das/ zhes 'byung ste/ de dag gis ni ye shes kyi rten dang/ gnas dang/ rang bzhin nang/ dga' bral gyis

  453. 227a

    nyes dmigs dang spyod pa dang/ des mtshon pa'i rnal 'byor dang/ phan yon dang skyon bsal ba dang/ la zla ba dang/ thabs kyi khyad par dang/ 'bras bu mya ngan las 'das pa thob par 'gyur ba bstan pa'o/ / de lta bu'i log pa'i lam sangs rgyas pa'i rnal 'byor pas shes pa ni ched che ste/ thog mar spangs bar bya ba'i yan lag yin pa'i phyir ro/ /'di ltar 'dod pa'i khams kyi bdud dang/ de'i ris su gyur pa'i yi dags rnams ni yang dag pa'i lam la zhugs pa dang/ 'jug par 'gyur ba'i 'gro ba la bar du gcod de/ nyon mongs pa shas gang che ba de'i rkyen byas te/ nyon mongs pa mched cing 'bar bar byed/ zab mo'i lam gyi gzugs brnyan ston bar byed/ gang la re ba yod pa'i mngon par zhen pa'i yon tan sgrub par byed/ des yang dag pa'i lam nyams par byed/ /'dres par byed do/ /mdo las kyang stong pa'i bdud dang/ 'dod chags kyi bdud la sogs pa sems kyi khong du zhugs nas 'di skad du smra ste/ byang chub sems dpa' la bsrung ba dang zhig pa med kyis/ chang 'thung sha zo g.yem rgyas par spyod cig ces so/ /bdud kyi stobs kyi phyir mi dag kyang sdud de/ mi dag the tshom dang skur pa 'debs pa de dag sems pa yi dags ring du zhugs te/ bar bar rkyag pa za gcin 'thung ba yang sha chang dang mtshungs so/ /de dag thams cad stong par ro gcig ces nas/ sangs rgyas kyi tshul khrims dang 'dul ba bshig go/ zhes pa dang/ mar bas glen pa'i grangs brgya nas khri'i bar dag la yang ston to zhes pa dang/ tshig tu 'di skad kyang smra ste/ sangs rgyas chen po'o sangs rgyas chung du'o/ /sangs rgyas snga ma'o/ /de'i nang nas kyang yang dag pa'i sangs rgyas/ /sgyu ma'i

  454. 227b

    sangs rgyas skyes pa'i sangs rgyas/ /bud med kyi sangs rgyas so zhes pa dang/ bdag gi sha'i lus ni pha'i pha/ bu'i bu cig las cig skyes pa ni chos kyi sku ste/ rnam par ma chad pa/ 'di dag kun yin pas de nyid sangs rgyas kyi zhing khams yin no/ /gung na sangs rgyas kyi zhing khams gse? gyi kha cog lta bu med do/ /zhes smras pa dang/ mi dag gis yid ches pas bzung nas/ /snga ma'i sems ni stong zhing brjod nas/ srog lus der bstan te/ yod ma myong ba thob po zhes so/ /de la sogs pa ni blun zhing 'khrul pas/ /bar bar ni byang chub snyam nas/ bdag gi sems brjod de stor nas sangs rgyas kyi tshul khrims ni bshig/ lkog na g.yem pa spyod do /dag gis sred pa smra ste/ mig dang rna ba dang lce kun sangs rgyas kyi zhing yin no/ /mo mtshan dang pho mtshan ni byang chub kyi lam yin te/ yang dag pa'i mya ngan las 'das pa ni lus kyang mi shes so zhes pa dang stod pa'i sems thob ste rten cing 'brel par 'byung ba med do/ /zhes pa dang/ yang tshig tu ni phyogs bcu'i sems can thams cad pa'i bu yin/ bdag la sangs rgyas thams cad skyes/ nga ni 'jig rten du byung/ nga ni ye nas sangs rgyas pa yin te/ 'jig rten du byung mod kyi 'dus byas las skyes pa ni ma yin no zhes pa dang/ bar bar nga ni rdo rje 'chang yin te khyod ring bar bya'o/ / zhes bya ba la sogs bar 'byung ngo/ /yang dga' bo bdud de dag ni ma 'ongs ba'i dus kyi tshe da'i gsung rab las rab tu 'byung ste/ chos kyi lam sgrub pa'i mi'i sems kyi lam du 'jug par byed do/ /g.yem pa sbyor ba la bstod cing/ /sangs rgyas kyi tshul khrims 'jig/ sngar ni mkhan pos bslus/ phyis ni slob mas bslus te g.yem pa spyod cig par 'debs par byed do/ /zhes pa dang yang/ nyan tshe rabs dgu/ ring na tshe rabs brgya'i bar du dge ba sbyod cing bdud kyi bshes gnyen du 'gyur ro/ /

  455. 228a

    de nas tshe brjes nas bdud kyi bye brag tu 'gyur ro/ /yang dag par khyab par shes pa'i dral stor nas mtshams med pa'i sems can dmyal bar ltung ngo/ /zhes 'byung ste/ de lta bu'i bdud kyi las dag shes par bya'o /de yang stong ba dang snying rje dbyer med pa'i byang chub kyi sems la brtan par gnas pas spang par bya'o/ /mdo sde nyid las kyang khyod 'khor ba la ma 'dug pa sngar shes par gyis shig zhes pa dang/ dga' bo rigs kyi bu dag ting nge 'dzin la mi dmigs pa'i yang dag pa nyid la mnyam par bzhag na bdud rnams sems thag chod do zhes pa dang/ phyi ma'i dus ngan pa tha ma'i tshe snying rje chen po bskyed de yang dag par dad pa'i sems can rnams grol zhing thar bar gyis shig ces pa dang/ 'di khyab par ston cig ces 'byung ngo/ /sdom pa gsum 'dzin pas ni bslab pa'i yan lag tsam yang nyams par ma gnang ste/ gzhung las/ khar gsil lhung bzed chos gos dang/ /chu tshags sbyangs ba'i yon tan gyis/ /yan lag lung bzhin mi spong ste/ /lung ma rtogs par rnal 'byor pa /sangs rgyas mu stegs can du 'gyur/ /zhes 'byung ste/ bslab pa thams cad ma nyams shing/ phun sum n+tshogs par ldan pas dge slong slong rdo rje 'dzin pa mchog tu gsungs so/ /bzhan yang dus thams cad dang/ gzugs can ma yin pa dang/ thams cad la khyab pa dang/ /mi 'gyur ba'i yan lag rnams kyis byang chub kyi sems yin par gsungs na/ 'jig pa'i bde ba skad cig ma ni de las bzlog pa'i mtshan nyid de/ bsam gtan gyi lha rnams la yang yod par ma grags na/ chos kyi dbyings kun tu 'gro ba mnga' bsnyes pa'i ye shes kyi lha rnams la dri ma de lta bu ji ltar mnga' / des na mtshon cha dang mtshon byed dang/ rgyu dang 'bras bu'i 'brel par yang ji ltar rung/ de'i phyir sangs rgyas pa'i gzhung

  456. 228b

    las gsungs pa ni/ grid pa'i ye shes dang/ mi mthun pa'i dpe dang/ don gzhan mtshon pa dang/ dgongs pa gzhan yin par zad do/ /de ltar na chos kyi sku ni spros pa dang bral ba yin pas bden mod kyi/ longs spyod rdzogs pa'i sku dkyil 'khor chen po'i gzugs su bzhugs pa dang/ sprul pa'i sku rigs mchog gi yab yum las skye ba zhes pa ji ltar rung zhe na/ 'dir smras pa/ yang dag par rdzogs pa'i sangs rgyas ni ji ltar 'gro ba blo glos dman pa rnams kyis brtags shing/ mthong ba de ltar/ 'jig rten gyi khams gang du yang gzugs kyi skur 'byung ba mi srid de/ de'i rgyu ma rig pa'i bag chags ma lus par gtan du zad par gsungs pa'i phyir ro/ /yang dag par rdzogs pa'i sangs rgyas ni 'gro ba blo gros dman pas brtags pa ri bong gi rwa dang mo gsham gyi bu ltar nus pa gtan med pa yang ma yin te/ thugs rje chen po skal pa mdza' yas par sgyu 'phrul dro ba'i rtsal sbyongs pa thob pa'i phyir ro/ /rgyud las kyang bcom ldan 'das de bzhin gshegs pa dgra bcom pa yang dag bar rdzogs pa'i sangs rgyas rnams kyi thams cad mkhyen pa'i ye shes brnyes nas/ thams cad mkhyen pa'i ye shes de sems can rnams la rnam par phye ste/ tshul sna tshogs dang/ bsam pa sna tshogs dang/ thabs sna tshogs pa ngag gis ston cing/ kha cig la ni nyan thos kyi theg pa'i tshul/ kha cig la ni rang sangs rgyas kyi theg pa'i tshul/ kha cig la ni theg pa chen po'i tshul/ kha cig la ni mngon par shes pa lnga'i tshul/ kha cig la ni lhar skye bar bya ba dang/ kha cig la ni mir skye bar bya tba nas ci tsam du lto 'phye chen po dang/ klu dang gnod sbyin dang/ srin po dang dri za dang lha ma yin dang/ nam mkha' lding dang/ mi 'am cir skye bar bya ba'i phyir chos ston la de la sems can

  457. 229a

    la las sangs rgyas kyis gdul bar bya ba dag gis ni/ sangs rgyas kyi gzugs su mthong/ la las ni nyan thos kyi gzugs su/ la las ni rang sangs rgyas kyi gzugs su/ la las ni byang chub sems dpa' i gzugs su/ la las ni dbang phyugs chen po'i gzugs su/ la las ni tshangs pa'i gzugs su/ la las ni sred med kyi bu'i gzugs su/ la las ni rnam thos kyi bu'i gzugs nas la las ni lto 'phe chen po dang/ mi dang mi ma yin pa'i bar du mthong ste/ rang rang gi tshig brjod pa'i tshul dag dang/ spyod lam sna tshogs mthong la thams cad mkhyen pa'i ye shes yang 'di ltar de bzhin gshegs pa'i rnam par grol ba'i ? ro cig pa lags so zhes 'byung ste/ rnam par grol ba'i ro yang chos nyid skye ba med par gsungs so/ /yang rgyud las/ dpal rnam par snang mdzad ni shAkya thub par gyur ro/ /'jam dpal ni zas gtsang mar gyur to/ /'jig rten dbang phyug ni sgyu ma chen mor gyur to// kun tu bzang po ni kun dga' bor gyur to/ /zhes bya ba la sogs pa 'byung ngo/ /yang de dag thams cad kyang chos kyi dbyings te 'gro ba dang 'ong ba gang yang med par gsungs so/ /de la sogs pa'i lung dang rigs pas zab cing rgya tsho ba mthong dgos te/ gzhan du na bus pa'i blo kho nar zad do/ /'o na gong gi lam de lta bus dus nam yang mi 'dod dam/ de lta ni khyed nyid la yang 'gal ba'i sgo mang du mthong ngo zhe na/ ma yin te/ gang zag dam pa rnams la ni nyon mongs pa byang chub kyi yan lag tu 'gyur ba'i skabs kyang yod de/ 'di ltar bde ba chen po'i zhi gnas kyi dpung skyed pa dang/ 'gag pa med pa'i lhag mthong gi rtsal sbyang pa dang/ thogs pa med pa'i sbyod pa'i mnyam pa nyid kyi klong du

  458. 229b

    du? 'jug pa dang/ grub pa'i rnal 'byor gyi tshang bstan pa dang/ slob pa'i rnal 'byor ba spro ba skyed pa dang/ 'jig rten phal pa'i sgro skur gsal ba dang/ dregs ba can rnams tshar gcad pa dang/ yang dag par mchos thams cad kyi rang bzhin gang du yang mi gnas par bstan pa la sogs pa'i phyir ro/ /de lta bu la dgongs nas rgyud las/ zab mo'i chos ni ston pa la/ /gal te mos par ma gyur kyang/ /smad pa dag tu mi bya ste/ /chos nyid bsam mi khyab dran bya/ /zhes 'byung ba dang yang mi gang gsang sngags rgyud ngag gis/ /sbyor ba la ni 'phya byed pa/ /de ni dngos grub thob mi 'gyur/ /de ni rtag tu gdon gyis 'dzin/ /khab len rngo la lcags 'du ltar/ /mi 'don yid du 'ong ba yi/ /tshe 'dir mi bde sna tshogs 'du// phyi mar ngan song gsum mthar ltung/ /zhes 'byung ngo/ /de'i phyir nyes pa'i las ni phal cher gti mug las 'byung bas/ /shes rab kyis brtags te smra bar bya'o/ /las dang po pa'i tshangs par spyod pa rnams la na dgos pa'i don mthong ba'i skabs su yang/ brda dang tha sA da tsam las ma gtogs pa/ don gyi dngos po nam yang snang med pas/ /brtan pa ma thob bar du yang/ /sdom gsum ldan pas 'jug mi bya/ /zhes 'byung ste/ slar lhung bar gyur pa dang/ gzhan gyi yang gzhan gang du gyur pa'i phyir ro/ /de bas na gang du yang ba'i spyod pa bstan pa de ni/ /rab tu dog pa'i rnal 'byor pa'i chus pa dang/ sa mtshams la sogs pa bstan nas yod pas/ rang dang gzhan la phan par 'dod pa'i sdugs pa/ shes rab kyi mig dang ldan pa dag gis/ dam pa rnams kyis mdzad pa'i gzhung du ltos shing/ mdor na 'dir mang du smra bas ci zhig bya/ /rang gi lung du gyur pa'i bla ma dam pa rnams las kyi phyag rgyal brten pa

  459. 230a

    yang dag pa'i lam du mi bzhes do/ /de bas na rgyu skyes ye shes glang po che zhes bya'o/ /drang ba'i don bstan zin to// //nges pa'i don gang zhe na/ 'joms byed seng ge bdag gis gzhung/ zhes gsungs so/ /phyag rgya chen po la gzhol bar byed ba'o/ /dbang bzhi pa'o/ /de nyid kyang gang zhe na/ snying po dang/ de'i yan lag go/ snying po gang zhe na yang dag pa'i bla ? rgyud ? sa mthong ba'i rdo rje lta bu'i byang chub kyi sems so/ /de ni lung dang rigs pa las kyang 'das pa'o/ /de'i yan lag gang zhe na/ lung dang rigs pa dang mi 'gal ba tsam mo /de cung zad dbye ba ni/ thams cad kyi gzhir gyur cing snying po len bsan de nyid dkyil 'khor ro/ /'khrul pa'i dri ma dag par byed pa dang/ mchog tu gyur pa dang/ mi 'gyur ba dang/ rang bzhin gyi stong pa dang/ brdar brtags pa dang/ thams cad la khyab pa dang/ rang gi rig pa la sogs pa'i phyir/ de nyid chu la sogs pa'i dbang ngo/ /dam pa mi zad pa'i bde ba yin pa dang/ rgyud pa'i man ngag gis gnang bas na/ de nyid gsang ba'i dbang ngo/ /thams cad kyi skyed mar gyur pa dang /de nyid yul du bya ba ma yin pa dang/ dga' ba skyed mar gyur pa dang/ de nyid yul du bya ba ma yin pa dang/ dga' ba skyed bar byed pa dang/ thams cad ro gcig tu gyur pa dang/ mngon par zhen pa'i srog 'phrog par byed pas de nyid ma la sogs pa'i rang gi rigs kyi shes rab ma'o/ /ma skyes pa dang dpe las 'das pa dang/ thams cad la khyab pa dang/ rang bzhin gnyug mar gnas pa'i don yin pas de nyid gzhol ba la sogs pa'i yon tan bzhi dang ldan pa'o/ /mdza' dbus med pa dang/ rdzas med pa dang/ bde ba'i 'byung gnas su gyur pas/ de nyid rab tu rgyas pa la sogs pa'i chos dang ldan pa'i pad+ma'o/ /phyin ci ma log par 'bigs ba dang

  460. 230b

    nges par 'joms pa dang/ gzhan du mi 'gyur pas/ de nyid tha mi dad par sbyor ba la sogs pa'i chos dang ldan pa'i rdo rje'o/ /nam mkha' i ro dang mchungs pa dang/ lhun gyis grub pa dang/ phun sum tshogs pas/ de nyid lhan cig skyes pa'i dga' bas rmad du byung ba dri ma med pa'i rgyu nas gsum gyi chos nyid du gyur pa'o/ /de nyid 'jig rten pa'i bya ba las grol ba dang lung las rdo rje'i tshig du zin pas dam pa rnams kyi gshegs shul yin pa dang/ /ngo bo nyid du gnas pa'i don yin pas rig pa 'am pas brtag thub pa dang/ rtog ge pa rnams la rang bzhin gyis sbas shing rnyed par dka' bas na mthar thug pa'i don yin pa dang brgyud pa'i man ngag gis mngon sum du phrad pas/ yid ches shing slar mi nyams pa'i phyir/ dbang bzhi pa zhes bya'o/ /de nyid nam yang spang bar bya ba ma yin pa dang/ 'da' bar bya ba ma yin pa la sogs pas/ don dam pa'i lha dang/ mnyam pa nyid kyi dam tshig la sogs par shes bar bya'o/ /de bsan lung dang man ngag dag las/ slob ma rnams ni nan tan du/ /byang chub sems kyi spyad bar bya/ /sa ni dang po gang yin pa/ /zhes kyi sang ni bshad pa yin/ /sbyang ba sngar ni bstan pa ste/ /de yis de ni yongs su spyad/ /chos dang chos min rnams spyad na/ /rnam dag nam mkha' lta bur ni/ /chos kun nye bar mi dmigs pa/ /de ni dkyil 'khor dam pa yin/ /phyag rgya chen po'i dbang de las/ /ji ltar shes pa'i bde chen po/ /de yi dbang gis 'di yin te/ /dkyil 'khor de ni gzhan ma yin/ /rang bzhin bdag med ma de ni/ /bdag gi smad 'tshong mar 'dod de/ /chags pa med pa de yis ni/ /nyon mongs zhi bar byed pa yin/ /rnal 'byor min nyams myong na/ /rnal 'byor pa ru mi 'gyur te/ /gzhon nu ma ni gzhan dag dang/ /'dus pas bde ba bskyed pa yin/ /shes bya shes bya rnam zad

  461. 231a

    pa/ /snyoms par 'jug ces brjod pa yin/ /skye ba med pa gang yin pa/ /de ni khu ba'i sgrar bshad de/ /snying rje gang su 'thung ba dang/ /dam tshig rnams ni skyong ba dang/ /bla med ye shes thob gyur pa/ /de ni ka pA la zhes brjod/ /byang chub sems gang de rdo rje/ /shes rab dril bu zhes su bshad/ /ces bya ba la sogs pa 'byung ba dang/ yang sngags kyi bzlas pa med cing dka' thub med cing sbyin sreg med/ /de la dkyil 'khor med cing dkyil 'khor can yang med/ /de ni sngags bzlas te dka' thub dang de sbyin sreg/ de ni dkyil 'khor can dang de ni dkyil 'khor nyid/ /mdor sdus nas ni sems 'dus pa yi tshul can no/ /zhes 'byung ngo/ /de lta bu'i lung nyung zhing mi gsal la rab tu mthor ba des na rgyud nas rdo rje'i tshig tu zin pa zhes bya'o/ mdor na de nyid chos thams cad kyi zab ba dang/ rgya che ba'i rang bzhin du gyur pas/ lta ba ma lus ba'i gzhi 'am/ lung thams cad kyi 'byung gnas sam/ rigs pa thams cad kyi bdag nyid ces bya'o/ /rigs pa'i ye shes rang las shar pa 'am/ sgrib pa'i mun pa ma lus par sel pas/ rnal 'byor gyi nyi zla zhes bya'o/ /dngos po rnams kyi mdza' 'am don gyi gting mthong bar byed bas rdo rje'i mig ces bya'o/ /chos thams cad kyi 'babs 'am ro gcig tu sdud pas lhan cig skyes pa'i rgya mtsho dang ba zhes bya'o/ /thams cad kyi khongs na gnas pa 'am/ ma lus par sreg par nus pas/ lhan cig skyes pa'i gtum mo zhes bya'o/ /mtshan ma rnams kyi srog 'gog pa 'am bus pa nye bar 'jigs pa'i gnas yin pas/ /mthar thug pa'i dur khrod ces bya'o/ /gzhan yang byang chub kyi sems kyi rang bzhin gyi tshul nas thams cad mnyam pa dang/ rtogs pa dang ma rtogs

  462. 231b

    pa'i rkyen gyis sems can dang sangs rgyas yon tan mi mnyam pa ni zla ba'i dpes shes par bya'o/ /don la thams cad mnyam pa yang dpe de nyid kyis shes par bya'o/ /des don gyi man ngag bstan cing thob pa tsam gyis sangs rgyas kyis rang bzhin cig car yin pa dang/ thams cad mkhyen pa'i yon tan rigs kyis 'byung bar 'gyur ba ni/ rgyal po'i bu'i dpes shes par bya'o/ /yang don la yon tan yang cig car du ldan pa'ang dpe de nyid kyis shes par bya'o/ /thams cad kyis mnyam pa'ang ma rtogs btsam gyis bsgribs te sdug bsngal la sbyong pa ni/ /dbul pa'i lus kyi nor bu /rin po che'i dpes shes par bya'o/ /rang bzhin de rgyu la bltos pa med pa la sogs pa dang/ na nor pa'i gdams dag pa? reg las pa la sogs pa'ang dpe de nyid kyis shes par bya'o/ /gzhan yang chos thams cad kyi rgyu rkyen so sor ma 'dres pas phyal ba ma yin pa dang rkyen gyis bskyed pas rang gi ngo bo yang dag par yod pa ma yin pas/ mu stegs la sogs pa phyi rol pa dang mi 'dra ba ni/ sgyu ma dang rmi lam la sogs pa'i dpes shes par bya'o/ /don phyi nang dang bden brdzun la sogs pa gnyis med pa'ang dpe de nyid kyis shes par bya'o/ /mthar phyin pa'i man ngag ces bya ba yod pa dang/ thams cad kyis rnyed par dka' ba dang/ ji ltar rnyed pa'i don cig car ram rigs kyis bsten par bya ba dang/ des thob pa'i yul la mi bslu ba ni mi dang lha'i sman bzang po dang/ mchog gi bdud rtsi'i dpes shes par bya'o/ /cig car du 'jug pa kun gyi yul ma yin pa dang/ don legs par rtogs na slar gnod par 'gyur ba la sogs pa yang dpe de nyid kyis shes par bya'o/ /de la sogs pa'i dpe don gyi yan lag ma nor ba'i bshad pas/ don gyi snying po brgyan

  463. 232a

    cing yid ches pa bstan par bya'o/ /'dir bsdus te tshigs su bcad pa rin chen brtag phyir ka shi ka'i rngo/ /shes ldan ba la pha yis gzhag pa ltar/ /mu stegs sangs rgyas bar ma de rtogs phyir/ /rten 'brel? phyag rgya thub pas 'khor la gzhag/ lung gis dag byed rig pa bzang po ste/ /rigs pa bde skyed lung gi snang par gsungs/ /lung rigs bzang las don gyi snying po mthong/ /de las gzhan du nam yang srid pa min/ /thog mar bde gshegs yon tan mos par 'gyur/ /de 'og de 'grub rgyu yi chos la mos/ /de 'og ston byed bla ma la gus 'gyur/ /mthar ni rang sems dag la dga' dang skye/ /'bar ba'i me dbus myu ru skabs med ltar/ /mi khom gnas su dal 'byor ji ltar 'thob/ /de phyir dge bcu'i rtog pa 'di bzang ste/ /mi dge las kyi rnam rtog de lta min/ /lcags dang gser las byas pa'i lu gu rgyud/ /'ching bar 'dra byang de gnyis khyad par che/ de phyir lung las dus gsum dge ba'i tshig/ nga yi yin zhes kun la khyab par bstan/ /legs par gsungs pa'i dam chos 'dul ba las/ /mi rtag bdag med yul gyi dngos po la/ /yan lag dang bral dngos gzhi nyes med gsung/ /de phyir theg chen sngags kyi tshul du yang/ /dus gzhan gang zag gzhan dang yul gzhan dang/ thabs gzhan dang ni don gzhan dgongs pa yis/ /'gal zhing 'gog pa cung zad ma gsungs te/ dge slong rdor 'dzin des na mchog tu gsungs/ /de phyir rgyud don dpag bsam shing dang ni/ /yid bzhin nor dang bum pa bzang po ltar/ /sngags don rig pa'i bla ma rnams gsungs te/ /sems can de'i sgra dang chom ? sgra gzhin no/ /ji ltar sman mchog nad pa'i bye brag gis/ /'ba' zhig ?

  464. 232b

    ni 'dren mar byin pa yis/ /? dang ma zhu'i mthu yi khyad par snang/ /dam chos sman yang de 'drar bla ma gsungs/ /rang rig sgyu 'phrul bde ba chen po'i dang/ /ma rig sgyu 'khrul sdug bsngal thog mdza' med/ /chos rnams thams cad sgyu 'phrul dra ba ste/ /srid dang rnam grol gcig dang tha dang min/ /gzhan yang dpe ni rtogs pa'i dug tsam ste/ /yang dag tu na bcing pa gang yang med/ /des na chos kun blo ldan cig shes la/ /grub dang sgrub pa bstan pa de 'dir 'thad/ /ji ltar dpa' bo thogs med 'gro ba yang/ /dman pa'i don phyir dal sor rim gyis 'jug/ de bzhin mkhas pa chags pa'i gnas med kyang/ /blo dam mngon phyir grub mdza' rim gyis skyong/ /de nyid phyir na rnal 'byor chen pos kyang/ /thog mar dga' la don gyi snying po bstan/ /gdul bya dman gzigs phyi nas rim pa yang/ /du ma mdzad de yang dag bzhed min gzung/ /blo yi rim pas don gyi khyad par len/ /de las gzhan du skye bo 'dod rgyal gzhung/ /dang po'i las pas nyon mongs lam 'jug pa/ /bdud kyi sder gsungs thar cing grol ba med/ /bkres pa zhi phyir ring du rgyug pa dang/ skom pas bsal phyir lan tshwa'i chu 'thung dang/ /snyan par 'dod phyir pha ma gsod pa dang/ bde ba 'dod phyir rang srog 'dor ? 'dra/ mi bzad dug gis nad kun zhi byed par/ /sman pa'i mchog ste phal ba rnams kyis min/ /'bar ba me yis khrus kyi las byed pa/ /gtsang sbra can de ri dags kun gyis min/ /ke tA ka zos lci ba sman 'gyur pa/ /spos kyi glang chen ba lang gzhan gyis min/ /snying rje'i mthu thob rang lus chags med dang/ /ting 'dzin dbang thob snang ba sgyur nus dang/ /mnyam nyid gdang thob 'khrul bzil gnon pa'i/ /dam pas yul spyad grol te gzhan gyis min/ /de phyir

  465. 233a

    snyigs ma'i dus 'dir slob ma yis /yang dag bla ma btsal ba ched che ste/ /de log na ni thams cad log par 'gyur/ /log pa'i lam gyi srid mtshor yun ring 'khyams/ /zhes bya ba'o/ /de ltar na chos thams cad rten cing 'brel par 'byung ba'i mthar rtogs pas/ lam dang lam ma yin pa bye brag shin tu phyed pa dang theg pa gsum du phye yang don mi 'gal par bstan pa khong du chud pas 'dren pa rnams kyi bstan pa la gus par yid ches pa dang/ /tshad ma gsum gyis chos rnams bdag med par bstan la phebs pas don la thams cad mnyam pa nyid du shes shing gdang du gyur pa ni yang dag pa'i rnal 'byor pa ste/ /'joms byed seng ge bdag gi gzhung zhes bya ba'o/ /de lta bu'i rnal 'byor pa'i ye shes de kho na nyid rtogs shing nyams su len pa med par/ tha snyad cam la brten nas/ rnal 'byor du mchis shing/ log pa'i lam la 'jug pa ni/ phyin ci log gi g.yang sas bskor pa'i phyir rab tu yang nyams nga bar snang ngo/ /rgyud las kyang/ phyi ma'i dus kyi rnal 'byor spyod mang dag/ rkal zhing rab gtum ma bsdams 'byung bar 'gyur/ /sdig la rab dga' rnal 'byor yo byang chags/ /rgyud chen 'di dang bzhi pa 'di spong 'gyur/ /rgod cing dbang po g.yengs la phrag dog can/ /gnas la chags shing rnyed la 'dod pa dag/ sbyor ba byed pa'i skabs la rtag tu gnas/ /bzhi pa 'di ni rab tu spong par 'gyur/ /rkang lag rdeb shing kha ni gya tshoms smra/ /rtse 'jo rgod la rtag par rab tu zhugs/ /gcig la gcig gi mgul 'khyud lag kyang sbrel/ /grong du 'jug na spyod lam gzhan du 'chos/ /mi rigs sbyor ba'i mtshan nyid 'di dag ste/ /gzhan gyi bu mo la yang rtag tu chags/ /gzugs kyis rgyags shing mdud pa bor ba yin/ /grong dang grong khyer yul 'khor kun tu rgyu/ /de dag

  466. 233b

    bza' dang btung la rab tu zhugs/ /glu dang bro gar de bzhin rol mo dang/ /nyo tshong lhag par byed cing rab tu brtson/ /btung pa dag la chags shing ngo tsha bor/ /mi rigs brtson pas spri sa yig bskur par byed/ /dam tshig de bzhin spyod lam btang nas ni/ /khyim pa dag dang sten cing dam bral nas/ /de dag dam tshig shin tu log par gnas/ /las gang rdo rje 'chang gis rtag smad pa/ /srang dang tshad la g.yo sgyu byed pa dang/ /de 'dra'i sdig pa nyon mongs las byas pas/ /las ngan byed pa de dag ngan song 'gro/ /dung dang gser dang nor mang dang/ /khyim? dang gnyen bshes rnams spangs dkyil 'khor zhugs/ /sangs rgyas bstan pa 'di la nges byung nas/ /sdig pa'i las rnams shin tu spyod par byed/ /nor dang 'brul snying por 'du shes shing/ /bzhon dang pa lang shing rta rnams la chags/ /gang la rnal 'byor nan tan med pa rnams/ /de dag gis byang ci? phyir dkyil 'khor zhugs/ /bas ni sngon cho rnal 'byor spyod pa na/ /lus dang srog la rab tu ma bltas par/ /pa yis ting 'dzin bzhi pa 'di btsal na/ /de dag de tshe 'di thos pad mos 'debs/ /bzod pa spangs nas rab tu spros par byed/ /rnal 'byor spyod pa ? yin tshig tu smra/ /dam tshig nyams la byang chub ga la yang/ /dam tshig dral nas byang chub 'di thob pa/ /ngas ni ma thos nam yang yod ma mthong/ /shes rab dman zhing yon tan rab spangs pa/ /rgyud chen mchog gi nyes pa rtag tu brjod/ /'tsho ba med pa mang po rnal 'byor byed/ /sangs rgyas byang chub rnam pa kun mi 'dod/ /byis pa de dag bdag tu lta la chags// stong pa nyid ni thos na skrag par 'gyur/ /gang dag dam tshig srung zhing yon tan ldan/ /byams la gnas shing rtag tu bzod rtog pa/ /gnyen zhing nges pa shin tu bsdams pa rnams/ /de dag de tshe yongs su brnyas par 'gyur/ /gang yang

  467. 234a

    shin tu dam dral sems ldan dang/ /mi bzed? ma rungs ngan pa'i las byed pa/ /dam tshig ma yin spyod cing 'thab la dga' / /de dag de yi dus na rtsod par 'gyur/ /yang dag mchog gis gsang chen 'dir zhugs nas/ /rnal 'byor spyod pa yin zer zhing/ /bya ba ma yin kun la 'jug/ 'jig rten sun byed rkun po 'byung/ /'jig rten dbugs ni 'byung ngo zhes/ /mgo la chu rgyun ldug par byed/ /cod pan rdo rje dril bu sogs/ /mgo la lag pas rab tu 'dzin/ /de rjes de ni 'tsho ba sgrub?/ /kha cig slob ma'i tshogs sdud cing/ /da yi tshig ni 'di nyid dag/ yin zhes zer zhing byis pa 'jig/ gsang ba log par rab tu ston/ /kha cig bas mthar rab 'khos cing/ /bdag med shes rab pha rol phyin/ /skad cig tsam yang mi gnas par/ /'jig rten sngags sogs sgrub par byed/ /kha cig slongs mos rgyu byed cing/ /kun tu 'gro zhing gya tshom smra/ /mi mo rnams la rab tu chags/ /sangs rgyas dam tshig rab tu 'jig/ kha cig grong du 'khod byed cing/ /bza' dang btung la rab tu chags/ /khye'u dang bu mo phal mang dang/ /rgod cing rab tu rtse bar byed/ /kha cig rol mo zlos gar dang/ /glu dang rgyan po 'gyed byed dang/ /'dus pa'i tshogs la lta byed cing/ /gzo yi gnas rnams rab tu slob/ /kha cig tshod dang zhing las dang/ /glang po ba la sogs byed cing/ /shing rta la sogs 'dren pa dang/ /nyes pa mang po rab tu byed/ /gzhan yang rnal 'byor spyod pa yi/ /dge sbyong dang ni dge sbyong ma/ /dge bsnyen ma dang dge bsnyen dag/ phan tshun mtshon gyis rab tu 'debs/ /legs par gsungs pa'i 'dul ba la/ /rab tu mi gnas srung mi byed/ /sangs rgyas rgyal mtshan sun 'byin cing/ /phas? pham la sogs rab tu byed/ /gang gis btud

  468. 234b

    ba'i mchog mi shes/ /sA lu la sogs bcos sbyar ba'i/ /myos pa'i khu ba 'thung phyed cing/ /de yis phung grol rab tu bskyed/ /gang dag tha snyad tsam cig la/ brten te mi dga' i las bcu spyod/ /de dag 'gro ba ci 'dra ba/ /'dren pa yis kyang ga la rtogs zhes 'byung ngo/ /gzhan yang seng ge la dper bzhag pa ni don 'thun pa mang du yod de/ 'di ltar byang chub kyi sems ni 'khor ba ma rtogs pa'i dus na yang/ /rang bzhin gyis mthu dang ldan pa dang/ byang chub kyi sems rtogs shing skyes ma thag tu gzhan zil gyis gnon pa'i mthu dang ldan pa dang/ byang chub kyi sems goms pa mthar phyin pa'i dus na mi mthun pa rtsad nas 'joms pa'i mthu dang ldan pa dang/ de dang ldan pa'i dam pa dkon pa dang/ de dpa' ba dang/ de stong pa'i nyid kyi ri dang rdzod la gnas pa dang/ de bdag med pa'i sgra sgrogs pa dang/ de rang gi rgyud legs par 'jog pa la sogs pa'o/ /de ltar gzhung dag las kyang/ /ji ltar khyung dang seng ge'i bu/ /mngal dang sgo ngas bsgribs 'gyur kyang/ rang la yod pa'i rtsal gyis ni/ /gnyen por 'gyur ba'i mthu stobs ldan/ /byang chub sems la 'jug pa dang/ /de bzhin smon par byed pa ni/ /mun pa lo stong lon pa yang/ /sgron ma cig gis sel bar byed/ /de bzhin seng ge phrug gus kyang/ /shin tu rgas pa'i gcan zan 'jigs/ /gcan zan rgyal po gcig pus kyang/ /glang chen drags rgyu'i glad pa 'gems/ /sa la seng+ge khyus 'khod sngon ma byung/ /gang zag dam pa khyus 'khod sngon ma byung/ /dpa' bo seng+ge lta bur 'jig med spyod ces bya ba dang/ dper na seng ge ri sul rten nas 'jigs med par/ /ri dags phra mo mang skrag byang cing sgra sgrogs ltar/ /mi yi seng ge shes rab pha rol phyin brten nas/ /mu stegs can mang skrag byed 'jig rten

  469. 235a

    sgra yang sgrogs ces 'byung ngo/ /gzhan yang seng ge kho na la dper bzhag pa ni/ /seng ge ni ri dags gzhan gyis gzhom par mi nus shing/ mthar rang gi rkyen gyis 'chi bar 'gyur te/ /de'i ro yang gzhan gyis bshig par mi nus la/ /rang nyid kyis phung po lhag ma med par 'jig par 'gyur ba bzhin du/ chos thams cad rab tu mi gnas par smra ba'i rnal 'byor pa yang/ de ltar shes par bya'o/ /de yang so sor rtog pa'i ye shes me dang 'dra ba dang/ sgyu 'phrul dra ba'i ting nge 'dzin lam dang 'dra ba dang/ de bzhin nyid dmigs kyi ting nge 'dzin chu dang 'dra ba dang/ lhan cig skyes pa'i byang chub kyi sems nam mkha' dang 'dra ba'i rnal 'byor la mi gnas par gnas pa'i tshul gyis/ yun ring du goms pa'i rkyen gyis/ mi mthun pa'i rnam par rtog pa dang/ gnyen po'i phyogs kyi rnam par rtog pa dang/ de kho na nyid kyis rnam par rtog pa dang/ 'bras bu'i rnam par rtog pa thams cad spangs te/ dus gsum mnyam pa nyid kyi go 'phangs thob nas gang ci la yang gnas par mi 'gyur ro/ /'dir tshigs su bcad pa/ ji ltar nad med rtsis ni khyab pa yi/ /tha mal zas kyang sman gyi mchog yin ltar/ /mnyam nyid byang chub sems kyis zin pa yi/ bskyed rdzogs thams cad yang dag lam yin no/ /rba dang yan dang gzung dang gtang ba dang/ bskyil dang gzhug dang blta dang bsre la sogs/ /gnad kyi man dag gang la goms byas kyang/ /slu ba med de yang dag lam yin no/ / mi shes mi gnas mnyam pa nyid kyi klong/ /dus rnams kun shes re dogs med pa'i blo/ /mthar thug don gyi dgongs pa de yin te/ thig le chen po yi ge med pa'i lha/ /bskal pa du mar dge tshogs spyad pa'i mthus/ /byang chub

  470. 235b

    sems kyi gdams ngag 'di thos na/ rin chen rdo las bdud rtsi'i chu 'byung bzhin/ /dang ma'i mchi ma sems kyi gting nas 'byung/ /ngang pa'i tshogs ni mkha' la kun tu rgyu/ /gang la mdas phog de ni sa la ltung/ /bus pa bde 'dod brdzun pa'i yul la rgyug/ man ngag mtshon phog rnal 'byor shi dang 'dra/ /'jig rten byed spyod khe dang grags pa kun/ /rmi lam brag ca'i sa dang 'drar gzigs nas/ /chags med thugs rje don dam klong na 'phyo/ /'gro ba'i gnyen gcig a bad+hu tI yin/ /rang bzhin stong pa stong pas rnam dben pas/ /rtog pa'i gang zag chad pa'i lam gyis 'jigs/ /bde pa'i thab la mi shes mgon po'i tshogs/ /mtshan mo rgyu ba g.yas sogs dgos par lhun?/ /srid pa'i glang chen 'khrul pa kun bcom nas/ /rtog med lhun grub dus gsum mnyam pa'i rdzing/ /rig pa'i seng ge rang srog de ru 'dor/ /rang rgyud rtsal gyis bdag med sgra chen sgrogs/ /ji ltar chu ni me yi gnyen po ste/ /rgya mtsho'i chu 'khor dag las me yang 'bar/ /de ltar skye med skye ba'i gnyen bo ste/ /ma skyes chos la sgyu 'phrul dra ba 'byung/ /de lta'i ngan? la skye ba yod dam med/ /thub la gzhan don mdzad dam 'on te min/ /smra bsam las 'das rnam pa kun gyi mchog de phyir snying po'i don la yid chos byes zhes bya'o/ /rnam pa thams cad kyi mchog dang ldan pa'i stong pa nyid thams cad kyi khyab byed du gyur pa de ni/ gzhung las kyang de ni dag gis 'jug pa med/ /rang rig pa yang med pa ste/ /blo ni tshu rol dag tu brlag/ de ni shin tu zab pa che?/ /dngos dang dngos med spangs? gsal gang/ /lhan cig skyes las pha rol gyur/ /grogs mo bdag gis smras pa'o/ /der ni brtan gyis g.yo ma byed/ /don 'di thub

  471. 236a

    dbang spyod yul lo/ /zhes pa dang/ yang rgyud las ji ltar nam mkha' phyogs rnams na/ /kun la rtag par mi gnas pa/ /de bzhin chos rnams thams cad la/ /gsang sngags mgon po yi gnas so/ /ji ltar dngos rnams nam mkha' la/ /gnas shing rtag tu rnam snang yang/ /de ni gnas su mi 'gyur ba/ /gsang sngags mgon po 'ang de bzhin ni/ /nam mkha' dus gsum la sogs dang/ /ji ltar bral bar 'dod pa bzhin/ /de ltar gsang sngags mgon po yang/ /dus gsum med kyang rnam par snang/ /ming tsam du ni gdags pa'i gnas/ /byed pa po la sogs dang bral/ /nam mkha' la ni tha snyad du/ /mkhas pa rnams ni 'dogs par byed/ /ming ma gtogs pa cung zad kyang/ /yod pa ma yin nam mkha' bzhin/ /de bzhin gsang sngags dbang phyug kyang/ /tha snyad tsam du snang bar zad/ /me dang chu dang rlung ma yin/ /sa dang nyi ma'ang ma yin zhing/ /zla ba la sogs gza'? min/ /nyin par ma yin mtshan mo'ang min/ /skye ba ma yin ngag dbang rin 'chi ba dang ni rgud pa'ang min/ /skad cig ma yin yud tsam min/ /lo la sogs pa 'ang ma yin zhing/ /'jig pa dang ni 'chags pa'ang min/ /bskal pa'i grangs kyang yod ma yin/ /dge dang mi dge las byung ba'i/ /dbus su yod pa 'ang ma yin no/ kun mkhyen go 'phang 'dod pa yis/ /rtog pa rnam par sna tshogs pa/ /de kun gang la'ang med 'gyur ba/ /de la rtag tu brtson par bya zhes pa dang/ /yang rgyud las rnam par shes pa chos nyid 'das/ /ye shes gnyis med tshul 'chang ba/ /rnam par mi rtog lhun gyis grub/ /dus gsum sangs rgyas las byed pa/ /sangs rgyas thog ma tha ma med/ /ces bya ba la sogs pa zab cing rgya che bar 'gyur ro/ /bdag gi gzhung zhes gsungs pa ni/ ma 'ongs pa'i dus

  472. 236b

    su zab mo'i don la mos pa'i skal pa dang ldan pa'i slob ma'i rgyud gzung ba'i phyir/ bla ma rgyud pa'i 'brel pa bstan pa ste/ 'di ltar don dam par chos thams cad dbang du yang mi gnas par ston pa'i gzhung lho phyogs kyi nags tshal du dpal ri khrod rje'i? zhal snga nas/ bdag gis rnyed pa yin no zhes bya ba'i don to/ /'dir tshigs su bcad pa/ /'dren pa rnams kyis dus gsum bstan pa ni/ /don dam gnyis med byang chub sems nyid de/ /thub pa'i bstan pa thams cad ro gcig pas/ /phyogs ris med par sde snod gsum du ltos/ /rigs pa'i gzer ldan bstan bcos bzang por ltos/ /yid ches man ngag grub pa'i gzhung du ltos/ /de dag rnams ni lta bar mi nus pas/ brgyud pa'i gdams ngag snying po 'di la ltos zhes so/ /yang dag pa'i man ngag sba ba dang/ gtad pa'i gnas kyang 'di ltar gzhung las/ tha snyad tshig gi nga rgyal gyis/ bla ma mi bsten bsnyen bkur med/ /dman pa'i lta ba la mos te/ /sbas gsum lta zhen? mi gtong zhing/ /mthar thug don la mi mos te/ /rigs pa gtsor byed shes rab kyis/ /mthar thug zab mo sun 'byin pa/ /de la 'di nyid bstan mi bya/ /gang zhig bla ma bsnyen bkur zhing/ /thams cad stong pas mi skrag bzod/ /mthar thug don la dad mos la/ /de la bla ma'i drin sbyin bya zhes gsungs so/ /'dir don nye bar bsdu na/ 'dir na chos thams cad kyi rang bzhin ni ma skyes pa dang/ thams cad mnyam pa nyid do/ /sgrub thabs ni/ de'i don ni phyin ci ma log par rtogs shing 'dris pa'o/ /thob pa ni gdong du gyur pas phyir mi ldog go/ de ltar mi gnas seng ge'i don/ /'gro ba gang gis shes gyur pa/ /log lta'i glang po myur bcom ste/ /rnam grol lam las phyir mi ldog chos thams cad rab tu mi gnas par ston pa'i de kho na nyid tshigs su bcad pa/ phyed kyi 'grel pa dpal a ba d+hU? ta'i

  473. 237a

    zhabs kyis mdzad pa rdzogs so// //dwi prats+tsha/ rgya gar skad du/ a pa d+ha bod+ha ka/ bod skad du/ ma rtogs rtogs par byed pa/ bla ma dang sangs rgyas la phyag 'chal lo/ /skyon med yon tan rgya mtsho yi/ / mgon po 'jam dpal la btud nas/ /ma rtogs rtogs byed de nyid ni/ /brtse bas bdag gis bri bar bya/ /'di na gzhan gyis brtaD? ? ni chos kyi de kho na nyid do/ /gzhan gyis brtags pa de gang yin zhe na/ bdag rtag pa khyab pa kun tu 'gro zhing gzugs can ma yin pa'i cig pu yod pa'o/ /bdag rtag pa ji lta bu zhe na/ re zhig phung po ni bdag ma yin te/ /skye ba dang 'jigs pa'i chos can yin pa'i phyir ro/ /phung po las gzhan pa yang ma yin te/ bum pa bzhin tha dad par mi dmigs pa'i phyir ro/ /de bzhin du yang ji ltar bum pa dang chu bzhin rten dang rten pa'i dngos por yang med/ /'bras dang phol mig ltar phung po dang nye bar gyur pa yang yod pa ma yin no/ /phung po dang 'drul pa yang ma yin te/ phung po las phyi rol pa ma yin pa'i phyir ro/ /de bzhin du yang ji ltar lha sbyin ba leng can bzhin phung po dang ldan po yang ma yin no/ /'dir pha rol rgol ba na re bdag med na ni de'i tshe las dang 'bras bu 'brel pa don med par 'gyur ba ste/ ba lang shin rwa dang rmig pa dad/ rnga ma la sogs pa yang ldog par 'gyur ba bzhin no zhe na/ smras pa 'dir khyad par can gyi dpe nyon cig/ nam mkha' 'o zir gyur ba na theg pa la sbrul du shes pas skrag pa nyid du gyur nas de ltar mar me khyer te bltes pa'i tshe 'di theg pa yin gyi sbrul ni ma yin no/ /'on kyang mi bden par sgro btags pa dang bral lo snyam pa de bzhin du mdor bsdus na gang zag gi bdag med pa'o/ /'dir brjod pa/ de lta mod kyi

  474. 237b

    theg pa'i dngos po yod do zhe na /smras pa/ 'di theg pa ma yin te/ gnyis bsgril pa'o/ /gnyis bsgril ba yang yod pa ma yin te/ snal ma'i tshogs yon pa'i phyir ro/ /de yang yod pa ma yin te/ rdul phra rab 'dus pa'i phyir ro/ /rdul pha? rab? kyang yod pa ma yin te phyogs cha tha dad pas phye na rdul phra rab kyang tha dad par mthong ba'i phyir? ro/ /gang na cha shes cha can du gtogs pa de ji ltar rdul phra mor 'gyur/ /de lta bsan thams cad med par 'gyur ro zhe na/ dngos po/ yod pa ma yin pas/ gad zhig med par 'gyur ba yin/ /yod dad med pa'i chos ? ras/ /yod dang med par bsam du med/ /'di dag ni chos bdag med pa'o/ /de lta na ni skye ba dang gnas pa ? 'jig pa ji ltar blta zhe na/ smras pa/ thog mar 'byung ba gang yin brjod pa skye ba'o/ /smras pa/ gnas pa dang 'jig pa dang bral na gang zhig gis skye ba yin/ gal te gnas pa dang 'jig pa med pa'i skye ba de'i tshe rus sbal gyi sbu? yang skye bar 'gyur ro/ /smras pa/ de lta yin mi kyi gnas pa yin no zhe na/ skye ba dang 'jig pa dang bral nas gang zhig gnas pa yin/ gal te skye ba dang 'jig pa med par gnas na de'i tshe mgo bo gnyis dang lag pa gsum po ma skyes pa nyid la yang mthong bar 'gyur ro/ /'on te 'jig pa yin no zhe na/ gal te skye ba dang gnaS pa dang bral ? 'jig pa yod pa de'i tshe mo gsham gyi bu pa? yang ji lung? zlog par byed/ 'on te cig car du 'jug go ? na ma yin te/ phan tshun 'gal pa'i phyir mun pa dang snang ba bzhin no/ /'on te rnam par rig par smra ba na re 'di ltar rnam par shes pa ni yod? do zhe na/ smras pa/ gal te yon ? tsho ngo bo nyid brgyad? par bya ste/ gcig cig gi rang bzhin nam du ma'i rang bzhin nam du ma'i rang bzhin nam du ma'i rang bzhin yin/ re zhig cig gi rang bzhin ni ma yin te/ phyogs

  475. 238a

    cha du mas tha dad pa'i phyir ro/ /gcig gi rang bzhin med na du ma'i rang bzhin yod pa ma yin no/ /kha dog gam dbyibs dmigs pa ma yin gyi 'on kyang skye ba'o zhe na/ de yang mi 'thad do rang dam? gzhan nam gnyis ka las sam rgyu med par mi rung ba'i phyir ro/ /de lta na ni gal te thams cad med pa de'i tshe na phyi rol dang nang du snang ba 'di dag ci zhig yin zhe na/ smras pa/ mgal me'i 'khor lo sprul pa dang/ /rmi lam sgyu ma chu zla dang/ /sgra brnyan dang ni smig rgyu dang/ /du ba'i mtshan ma la sogs bzhin/ /de skad du yang/ 'di la bsal bya ci yang med/ /gzhag par bya ba cung zad med/ /yang dag nyid la yang dag lta/ /yang dag mthong nas rnam par grol/ /zhes gsungs so// dmigs pa med pa'i chos 'di kun/ /dmigs pa med par rab tu bshad/ /dmigs pa med pa'i blor byas na/ /dmigs pa med par 'gyur ba yin/ /sbyin dang tshul khrims bzod brtson 'grus/ /bsam gtan la sogs rtag tu brten/ /dus mi ring ba nyid du ni/ /bla med byang chub thob par 'gyur/ /ma rtogs rtogs par byed pa slob dpon chen po dpal gnyis med rdo rjes mdzad pa rdzogs so// //rgya gar gyi mkhan po phyag na rdo rje dang/ bod kyi lo tsA ba rma ban chos 'bar gyis bsgyur ba'o// //rgya gar skad du/ sarba sA raS muts+tsha ya pra ka ra Na/ bod skad du/ snying po kun nas btus pa'i rab tu byed pa/ bla ma dang sangs rgyas la phyag 'tshal lo/ /gang de dga' ba'i rang bzhin gyis/ /snying la bde byed nyams myong ba/ /de yang kun tu rtogs pa ?/ /'dod chags bral ba'i dngos po gang/ /de ni cig tu srid rgyu'i mchog/ gang zhig yid kyis bskyed pa yi/ /rnam pa rtog pa gang dag kyang/ /de nyid rang bzhin yin phyir te/ /snang

  476. 238b

    zhing rgyu ba 'di dag las/ /mya ngan 'das pa gzhan du ni/ /yod min yul ni ci la yang/ /rnam par mi rtog bdag nyid sems/ /rnam rtog spangs pa de bzhin te/ /mya ngan 'das pa zhes brtag go/ gnyis med mya ngan 'das pa min/ /'khor pa 'ang ma yin pa kho na/ /so sor 'gegs tshig gang yin dang/ /so sor 'gags byar 'gegs pa yi/ /gsum gyi dngos po 'ang med pas na/ /gang gis gang zhig ji ltar 'grub/ /yul ni dngos med gnyis yin no/ /so sor 'gegs pa'i bye brag ci// nam mkha' i me tog la sogs pas/ /cir yang mthong zhing rgyas pa bzhin/ /skye ba med pa'i rang bzhin gyis/ /bden pa'i dngos po sbyin snang pa/ /rnam rtog stobs las gsal ba la/ /bus pa'i 'bras bu de mtshar che// ji ltar bus pa bkres pa dag/ sor mo rang gi khar bcug nas/ /nu zho 'bab pa lta bu ni/ /mchil ma 'thung bas du ba med / de lta bas na 'bras rmongs pas/ /mya ngan 'das la sogs par byed/ /bde ba thob par 'dod pa yi/ /so so'i skye po de nyid dman/ /'gro rnams de ltar sdug bsngal bas/ /thob par gyur pa mi mnyam ste/ /drul ba las byung me yis ni/ /'od ma tshig gyur ji bzhin no/ /chags dang chags bral zhes bya ba/ /rnam par spangs nas mnyam gzhag na/ /sdug bsngal med cing bde ba med/ /de nyid mthong bar som nyi med/ /snying po kun las btus pa'i rab tu byed pa/ /slob dpon chen po sh+rI ananda badzra'i zhal snga nas mdzad pa rdzogs so// //rgya gar gyi mkhan po badzra pA Ni dang/ bod kyi lo tsA ba rma ban ches 'bar gyis bsgyur pa'o// //rgya gar skad du/ bud+d+hod ya/ bod skad du/ sangs rgyas 'char ba dpal rdo rje sems dpa' la phyag 'tshal lo/ /'gro dang lhan cig

  477. 239a

    gnyis med pa/ /chos kyi dbyings la phyag byas nas/ /gang las sangs rgyas nyid 'byung ba/ /de 'dir bdag gis brjod par bya/ /bsam pa rnams kyis reg pa med/ /mnyam par gzhag pa'i go 'phangs shar/ /phung po khams sogs dang bral ba/ /gos pa med cing rnyog pa med/ /bdag dang gzhan du shar 'di kun/ /de kho na las ming tsam du'o/ /de phyir gnyis med pa 'di nyid/ /brjod par bya min nam mkha' i dpa' / /dpe rnams kun las rnam par grol/ /su yis kyang ni brjod nus min/ /rang dang gzhan gyi bdag nyid las/ /rnam grol rtogs pa gsum spangs so/ /sna tshogs man ngag dang bral zhing/ /lta ba thams cad dang bral ba/ /bsam pa kun gyi bsam bya min/ /slob dpon slob ma sogs kyis stong/ /nyon mongs kun las rnam grol zhing/ /bde ba kun gyi rang bzhin bdag/ rnam par shes pa'i mchog de nyid/ /sems kyis ji ltar rtogs par bya/ /gang gang cung zad rnam rtog pa/ /de de thams cad don med de/ /skra rtse bye bar phye ba yi/ /dum bu tsam yang bsgom mi bya/ /bsgom dang gsang sngags bzlas sogs dang/ /rdo rje dril bu sogs 'dzin pa/ /rang gi go 'phang mi shes rnams/ /sbyar ba'i don du rgyal rnams bzhed/ /rnam mi rtog las sangs rgyas min/ /rnam rtog bcas las kyang ni min/ /'gro dang mi 'gro sogs rnams kyi/ /lan cig rab tu sbyor las grol/ /de 'di mchog dang de kho na/ /'gyur ba med pa rtag tu shar/ /lU yi zhabs ni sgeg pa yis/ /dam pa'i don 'di smras pa yin/ /lus ngag sems las rnam grol zhing/ /dbang? rlabs med cing lus med med/ /bla ma'i zhabs la gus spangs nas/ /su zhig gis 'di shes par nus/ /sems ni nang du 'jug pa dang/ /phyi rol tu yang 'jug pa dang/ bar du 'jug pa de la yang/ /'di ni mthong pa

  478. 239b

    ma yin no/ /'gro ba thams cad mkha' 'dra ba/ /gnyis su med pa nyid du song/ /de la bsgom par bya ba ci/ /de yi sgom pa po ni su/ /rang bzhin gsal ba'i gzugs nyid du/ /gnas las rang bzhin 'od gsal ba/ /mdza' las 'das par kun tu son/ /de ni mchog tu rnon por brjod/ /gang gis 'gro ba kun khyab pa/ /rnal 'byor byis pas de mi shes/ /yid ches nyid kyis 'dring tshim bya/ /de las rnam kun lhag par rtogs/ /bden pa gnyis po yang dag sbyor/ /bden pa yin te bden pa bral/ /thog ma dbus mdza' pas par grol/ /spos? pa med cing gnas med pa/ /de nyid sems can kun yang bzhin/ /ma lus 'gro ba de rang bzhin/ /rnam kun ? bzhin de yod na/ /de kho na las mdza' dag rgyal/ /thams cad nam mkha' 'dra bar ni/ /rnal 'byor pa yis rtag tu blta/ /dri ma med pa'i soms? yod na/ 'gro ba nyid ni dri med pa'o/ /sangs rgyas ? ba zhes bya ba dpal lU yi zhabs kyis mdzad pa la dpal De ki pas zhus chen mdzad pa rdzogs so// //'di ni rgya bar shar phyogs sana? ga ra'i gnas brtan mkhas pa chen po dpal? nags kyi rin po che'i zhal sngar man ngag dang sbyar nas legs par mnyan te dge slong chos smra ba bsod rnams rnam par rgyal ba zhes bya bas rang gi yi dam du bya ba'i phyir bsgyur ba'o// // bsgom ? drug pa zhes bya ba phyag na rdo rjes mdzad pa bzhugs/ / */ /rgya gar skad du/ b+ha ? kra ma Sha Tra? nA ma/ bod skad du/ bsgom rim drug pa zhes bya ba/ bla ma dam pa rnams la phyag 'tshal lo/ /dang po thugs ni bla ma ste/ / bla ma'i mtshan nyid brtag par bya/ /rjes su bzung ba slob ma ste/ /bla mas kyang ni de bzhin brtags/ /mtshan nyid kun ldan bla ma la/ /sgo gsum gus dang dngos po yis/ /zhen pa med par mchod byas la/ /khyim pa'i gnas sam dur khrod dam/ /shing gcig ci bde'i sa phyogs

  479. 240a

    su/ /cho ga'i rim pa brtsam bya zhing/ /'jam pa'i bstan la 'khrul 'khor bcas/ /bar cod bsal phyir go cha bgo/ tshogs chen rnams gnyis bsags pa'i phyir/ /bla ma spyi bor rjes dran bya/ /dbang po gnyis kyi bye brag gis dang po lta ba thag bcad de/ /ting 'dzin ngo bo brtag par bya/ /rtogs thob dus mnyam byung ma byung/ /rang dang bla ma'i nyams las shes/ /phyi rol spyod pa de bzhin shes/ /ma byung rig pa nyams su blangs/ /ro snyoms bzhi la rim gyis bslab yang na lus ngag yid gsum spyad/ /tha ma 'gro sar gtang bar bya/ /gal te dus mnyam byung ba na/ /gzhi dang lam dang 'bras bu gsum/ /brda yis phye la don du dril/ /gzhi gtan la 'bebs pa'i chos drug/ gzhi smin par bya ba'i chos gsum/ /gzhi grol bar byed pa'i chos gsum ste/ gzhi la brda chos bcu gnyis bstan/ /lam la nye dang ring ba dang/ /nyer di med pa'i lam dang gsum/ /re re la yang lnga lngar brtag/ lnga gsum bcu lnga lam gyis chos/ / 'bras bu'i mtshan nyid bstan pa yang/ /sku bzhi rgyun chad med pa la/ /ngo bo bsam brjod bral ba ste/ /gdags bya sna tshogs mi 'gag ste/ /yid bzhin nor bu bum pa bzang/ /dpag bsam shing chen lta bu'o/ /bsgom rim drug pa zhes bya ba/ /sangs rgyas gnyis pa ltar grags pa'i badzra pA Nis mdzad pa rdzogs so// //lots+tsha ba nags tshos bsgyur ba'o/ /na mo bud+d+ha ya na/ skye ba med cing 'gags pa med/ /gzugs med gzugs dang ldan pa ? med/ /'khor med mya ngan 'das pa'ang med/ /na'i? yi ges brjod pa'o/ /mo/ gti mug rtag tu 'jigs par byed/ /thar pa gcig pur legs par ster/ /bdud dang nyon mongs 'joms par byed/ /yi ge ma yis brjod pa'o

  480. 240b

    dung/ sangs rgyas kyis ni pha rol gshegs/ /sangs rgyas 'gro ba phan pa med/ /sangs rgyas nyon mongs dag ba ni/ /yi ge bud kyis brjod pa'o/ /d+hA chos rnams thams cad 'dzin ba yis/ /chos kyi dbyings dang bcas par ni/ /chos rnams nyid ni chos kyis mchog/ yi ge d+hA yis brjod pa'o/ /ya/ ji ltar gnas pa de bzhin 'jig/ ji ltar 'jig pa de bzhin gnas/ /ji ltar smras pa de bzhin byed/ /yi ge ya yis brjod pa'o/ /na mo bud+d+ha ya'i 'grel ba rdzogs so// // do ha mdzod bzhugs so/ / */ /rgya gar skad du/ do ha ko Sha/ bod skad du/ do ha mdzod/ dpal rdo rje sems dpa' la phyag 'tshal lo/ /'jig rten pa ni nga rgyal byed/ /da ni don dam 'jug pa'o zhes/ /gos pa med la zhugs pa ni/ /bye pa'i nang nas gcig tsam sring/ /lung dang rig byed rnying pa yis/ /mkhas pa nga rgyal byed pa dag/ dpal 'bras smin pa la ni bung ba ni/ /nges ni phyi rol dag tu 'khor bar byed/ /byang chub sems dang rdul gyis brgyan/ /mi bskyod pa ni gos 'gyur bas/ /pad+ma'i sa bon rang bzhin la/ /dag pa gnyug ma'i lus la mthong/ /nam mkha' i chu dang 'od dpag med kyi 'dam/ nges ni rtsa ba rab tu spangs nas byas/ /a ba d+hu tIs rtsa ba sdong po byas/ /ham gyi yi ge'i rnam par skyes gyur pa// ro ma dang ni rkyang ma gnyis kyis ni/ /g.yas dang g.yon phyogs gnyis kyi sdong bur byas/ /pad+ma 'dab ma bzhi dang rtsa ba bzhi/ /bde ba chen po dag ni tshar? na gnas/ /e bam sa bon dag ni blangs nas ni/ /me tog pad+ma bzhin du rgyas par byed/ /bung pa'i gzugs kyis bde chen dpa' bo ni/ /sbrang rtsi dag ni rab tu 'thung bar byed/ /'byung ba chen po lnga yi sa bon ni/ /blangs nas rdzogs pa dag tu byed par 'gyur/ /sra bar gyur pa dag ni sa yin no/ /chu ni rlan pa tsha ba me las

  481. 241a

    skyes/ /yang zhing g.yo ba dag ni rlung yin no/ /nam mkha' bde ba dag ni gang ba'o/ /ma lus lha dang lha min de las skyes/ /rmongs pa 'di dag rnams ni stong pa'o/ /sa dang chu dang me rlung nam mkha' rnams/ /blo yi yul du blangs nas shes par gyis/ /dpa' rlabs med cing mnyam pa gnyug ma'i lus/ /sgrub pa ma lus spangs pa ste/ /dge dang sdig pa gcig kyang med/ /gsal por nag po dag gis gsungs/ /phyi rol 'byung ba dag ni spyad byas nas/ /stong dang stong min dag la 'jug par gyis/ /stong ngang stong min gnyis kyis dbus su ni/ /kye'o rmongs pa ci yang ma mthong ngam/ /lhan cig skyes pa gcig pu yod/ /nag po dag gis yongs su shes/ /lung dang stan bcos mang po bklag pa dang/ nyan kyang rmongs pa ci yang mi shes so/ /steng du mi rgyu 'og tu mi 'gro zhing/ /gnyis pa spangs pas de ni brtan par gnas/ /nag po na re yid ni gang du mi 'phro zer/ /mi g.yo rlung ni khyim bdag mo ni khyim du gnas/ /mchog gi ri bo dag ni phug zab mor/ /'gro ba ma lus pa ni chad par 'gyur/ /dri ma med par chu ni skams 'gyur te/ /dus kyis me ni rab tu zhugs gyur pa/ /sa 'dzin 'di ni shin tu bzung dka' ste/ /mnyam dang mi mnyam dag la rgal mi nus/ /nag po na re? mtshon dka' rtogs dka' ba/ /'di ni gang gis sems kyi bsam mi nus/ /gang gi yi ni rin chen ris nus pa/ /nyi ma re re lhan cig skyes pa 'phro/ /de yis chos kyi rang bzhin dag ni shes/ /gzhan la bstan du zin kyang mi shes so/ /lam 'gro gnyug ma'i yid ni bcings nus ba/ /khams gsum ma lus spro zhing yang der sdud/ /bde gshegs srid pa'i lha mo khro bo'i tshogs/ /dkyil 'khor 'khor lo dag ni spangs nas su/ /lhan skyes skad cig la ni bdag gnas bya/ /gang gis lhan skyes

  482. 241b

    mi g.yo brtan nus pa/ /gnyug ma'i yid kyis rgyal po ro mnyam 'gyur/ /de'i skad cig la ni 'grub 'gyur te/ /rgas dang 'chi ba'i 'jigs pa gang yang med/ /mi g.yo mi rtog skyon rnams med pa ni/ /shar nub spangs pa de ni snying po ste/ /'di ni 'di ru mya ngan 'das par gsungs/ /des ni yid kyis nga rgyal ci yang mi byed do/ /e bam rnam pa gang gis shes gyur pa/ /des ni ma lus lus pa med par shes/ /kye'o chos kyis za ma tog ces de la bya/ /gnyug ma'i bdag po cha lugs de yin no/ /gal te rlung dang nam mkha' sgo gnyis la/ /sgo lcags dam por gang gis 'jug nus na/ /des ni de ru mun pa nag po yis/ /nang du yid kyi mar me dag ni bya/ /rgyal ba rin chen lus kyi steng du song/ /nag po na re srid longs spyad pas thar pa 'grub/ /gang gis yid ni brtan par byas gyur na/ /de ni chos kyi yi ge'i drung na gnas/ /skad cig gis ni rlung gis 'ching bar 'gyur/ /de'i tshe yul rnams la yang re ba med/ /mchog dang dga' bral dbus su gang skyes pa / /chos kyi yi ge'i dbus su shes par gyis/ /'di lta'i gdams ngag gsal por 'grub 'gyur na/ /de yi khyim bdag mo rlung mi g.yo bcings/ /mchog gi ri bo'i rtse la rgyas pa'i thang/ /ri khrod pa ni de ru gnas byas pas/ gdong lnga pas kyang rgal bar mi dus na/ /glang po che'i re ba ring du 'gyur/ /'di ni mchog gi ri bor bdag gi bstan/ /'di ni bde ba chen po'i gnas yin no/ lhan cig skyes pa'i skad cig 'di ru ltos/ /bde ba chen po ma rnyed bar du'o/ /'gro ba kun gyis lus ngag yid 'dren spyod/ kye'o de nyid bde chen rgyal po gcig du nyid/ /rgyud dang sngags rnams kyis ni ci zhig bya/ /gnyug ma'i khyim bdag mo ni blangs nas rol par bya/ /gnyug ma'i khyim bdag mo ni mchud pa'i/ /bar du de srid 'dod yon lnga la spyod /

  483. 242a

    bzlas pa sbyin bsregs dkyil 'khor las 'di yis/ /rtag tu ku re rtsed mos ci zhig bya/ /gzhon nu ma dang rtag tu mdza' ba de med na/ /lus 'di yis ni byang chub ji ltar 'grub/ /gang gi rgyun tu lhan cig skyes rtogs na/ /rigs byed rnying pa de yang ci zhig bya/ /des ni 'gro ba ma lus rnam rtog bcang/ /gang gis yid ni rin chen brtan nus na/ /gnyug ma'i khyim bdag mo ni blangs nas 'dir/ /de ni rdo rje sems dpa' mgon po ste/ /mchog gi don 'di bdag gis rab tu brjod/ /ji ltar lan tshwa chu la zhu ba bzhin/ /de ltar khyim thab mos ni gzung ba'i sems/ /kye ho skad cig gis ni ro mnyam 'gyur/ /gang gis de dang rtag tu mnyam par gnas/ /rnal 'byor gyi dbang phyug chen po slob dpon nag po rdo rjes mdzad pa'i do ha mdzod ces bya ba rdzogs so// //lho phyogs ko sa lar sku 'khrungs pa'i rnal 'byor gyi dbang phyug sh+rI bai ro tsa na badzra'i zhal snga nas rang 'gyur du mdzad pa'o// //rgya gar skad du sh+rI kriSh+Na badzra pA da do ha ko Sha shI? kA/ bod skad du/ dpal nag po rdo rje zhabs ki do ha mdzod kyi rgya cher 'grel pa/ dpal rdo rje sems dpa' la phyag 'tshal lo/ /'khor ba'i rgya mtsho dri med chus gang ba'i/ /sngags kyi lugs kyis mtsho las pad+ma skyes pa/ /spyod chang nag po 'gro don sbrang rtsi yi/ /gsung gi me tog rtag tu rgyal gyur cig/ rang gi slob mas bskul ba'i dbang gis des/ /mkhas pa dpag med rdo rje yis/ /spyod zhabs do ha ko Sha yi/ /tshig don rab tu dbye bar bya/ /'dir log pa'i shes pa nyid kyi mchog gi don la mkhas pa'i bdag nyid yin no zhes nga rgyal bsam bzhin pas 'jig rten pa rnams da'i de kho na nyid rig pa yin no zhes nga rgyal byed par grags pas de rnams la bstan nas/ snying rje'i khur bu

  484. 242b

    glan pa'i thugs kyis de'i nga rgyal thams cad 'joms par 'dod pas ji lta ba bzhin du 'gyur ba'i sngags kyi lugs kyi de kho na nyid bstan pa'i phyir/ /skye 'gro thams cad kyi thun mong gi don du 'phral skad tshig gi slob dpon sod? pa'i rdo rje da ni mchog gi don la mkhas pa zhes/ 'jig rten pa ni nga rgyal byed ces bya ba la sogs pa gsungs te/ 'jig rten pa ni nga rgyal byed pa de nyid gang yin zhe na/ da ni mchog gi don la mkhas pa zhes gsungs so/ /'di ni ji snyed yod chad bstan pa yin gyi bye brag tu bstan pa ni ma yin no/ /de bstan pa'i phyir bye ba'i nang na gcig tsam srid de/ /zhes bya ba la sogs pa gsungs te/ gang de phye ba'i nang na srid na ste/ rdul med pa 'dod chags la sogs pa nyong mongs pa dang 'dir bral bas rdul bral te lhan cig skyes pa'i sku'o/ /de la zhugs par gyur ba ni de la yod nges par zhugs pa ste/ rdul med pa la zhugs pa'o/ /rnal 'byor gyi dbang phyug de yang da lta bu yin zhes dgongs so/ /log pa'i shes pa'i nga rgyal dang ldan pa rnams sun phyung nas 'jig rten pa'i bde ba'i shes rab dang ldan pas don dam par bdag gis shes so zhes mngon pa'i nga rgyal byed pa'i mkhas pa rnams kyis dbang du byas nas/ lung dang rig pa rnying pa yis kyang ni/ zhes bya ba la sogs pa gsungs te/ lung la sogs ba shes pa'i mkhas pa rnams nga rgyal byed pa'i don dam pa'i bden pa shes par mngon pa'i nga rgyal byed pa'o/ /de lta bur gyur pa gang la ji ltar ji snyed snyam pa la/ dpal 'bras smin pa la ni bur ba bzhin zhes bya ba la sogS pa la/ de rnams 'khor zhing rgyu ba bzhin zhes gsungs te/ bung? pa ni sbrang rtsi'o/ /gzhan ni ji lta ba bzhin du phyi rol nas 'khor zhing rgyu ba'o/ /de bzhin du phyi rol gyi sngags dang phyag rgya la sogs pas 'brel te/ de'i lta ba pa mngon par zhen pa'i phyir ro//

  485. 243a

    zab mo de kho na nyid don ni/ bdud rtsi mi rig ces bya ba'i don to/ /de ltar yang lha mo bzhis zhus pa zhes bya ba rnal 'byor chen po'i rgyud las/ thub pa chen po'i chos phung ni/ /brgyad khri dang ni bzhi stong dag/ gang gis de nyid mi shes na/ /de dag thams cad 'bras bu med/ ces gsungs so/ /gal te de lta yin na spros pa'i rnam par ji ltar dngos su byed ces na/ brjod par bya ste/ spros pa'i rnam pa phung po dang khams dang skye mched la sogs pa yang spros pa med pa lhan cig skyes pa'i ye shes de nyid las skyes pa'o/ /de nyid las spros pa'i rnam pa byung ba ste/ /de bstan par bya ba'i ched du/ de lta yang/ spros pas spras pa med par bya zhes gsungs so/ /de'i phyir e ba ma las yi ge lhan cig skyes pa'i sku las/ ji ltar 'gro ba mi 'byung bar bstan pa'i phyir/ byang chub sems dang zhes bya ba la sogs pa la/ byang chub sems dang rdul gyis ni/ /mi bskyod lus kyis 'khyud gyur pa/ /zhes gsungs te/ stong pa nyid dang/ shin tu stong pa dang/ stong pa chen po'o/ /snang ba dang snang ba mched pa dang/ snang ba thob pa'o/ /sems dang sems las byung ba dang ma rig pa'o/ /bud med dang skyes pa dang ma ning ngo/ /nyin mo dang nub mo dang mtshams so/ /sbrul pa'i sku dang/ longs spyod pa dang/ chos kyi sku'o/ /lus dang ngag dang yid do/ /rlangs pa dang myur ba dang/ rnam par bcings pa'o/ /spyan drangs pa dang gshegs su gsol ba dang zhugs pa'o/ /oM A:hUM gi yi ge rnams dang/ 'og dang steng dang thad ka'i sgo'o/ /bdag gi de nyid dang/ sngags kyi de nyid dang/ dkyil 'khor gyi de nyid do/ /snying stobs dang/ rdul dang mun pa'o/ /zla ba dang nyi ma dang sgra gcan no/ /skyes pa dang gnas pa dang gnas 'jig pa'o/ /zhes bya ba la sogs

  486. 243b

    ba byang chub kyi sems dang/ rdul dang mi bskyod pa'i sgras brjod pa'o/ /'di ltar gang du mthong zhes bya ba la/ /pad+ma'i sa bon gyi ni rang bzhin gyi/ /dag pa lhan cig skyes pa las su mthong zhes bya ba la sogs pa gsungs te/ pad+ma'i lus nyid pad+ma ste/ de'i sa bon rang bzhin gyis so/ /dag pa ni dri ma med cing rang bzhin gyis 'od gsal ba'i phyir de nyid ldan cig skyes pa'i sku'o/ /'di gang du mthong zhing rtogs snyam pa la/ rang lus la mthong ba ste/ 'di'i don ni lus dang ngag dang yid las skyes pa'i bcom ldan 'das so/ /thams cad stong pa'i khams la zhugs pa 'gro ba e bi gi yi ge'i ngo bo nyid do/ /de ltar dang po sangs rgyas kyis rgyud las/ lus kyi thig le zla ba byang chub sems/ /dag dang tsheg drag rdul dang nyi ma'o/ /rA hu dus me dag gi sems 'di ni/ e dang bam ni 'gro kun sa bon gcig/ ces gsungs te/ 'di nyid kyi phyir yang mkha' 'gro ma'i 'khor lo skye ba dang/ gnas pa dang thim pa dang/ rab tu zhi ba zhes gsungs so/ /de'i phyir e dang bam i ge yi ge dag las rnam pa sna tshogs pa'i 'gro ba 'byung ngo/ /ji ste 'jim pa'i gong bu las 'jig pa gcig las byas pa'i bum pa'i mtshan nyid kyi 'bras bu gcig 'byung ste/ de la ji ltar gcig las gzugs dang dbyibs dang phyogs sna tshogs nas gnas pa rgyun ma chad pa mdza' med pa ji ltar 'byung zhe na/ de la brjod par bya ste/ ji ltar mkhan po dag las rig/ mar me las ni mar me bzhin/ /ji ltar rgya las rgya nyid dang/ me long las ni gdong dang gdong/ /sgra las sgra brnyan 'byung ba bzhin/ /mi shel las ni me 'byung bzhin/ /nyi gzugs nyi ma phyed na med/ /lce 'dzag skyur zos med na med/ /rang las ma yin gzhan las min/ /gnyis ka las min rgyu med min/ /dngos po gang dang

  487. 244a

    gang las kyang/ /skye ba nam yang yod ma yin/ /pha dang ma yi khu dang khrag/ de bzhin srog dang thur sel dang/ /sems kyi rdo rje yang dag ldan/ /lus kyi skyed par byed pa'i rgyu/ /'od dpag med dang rin chen srog/ ? sel go rims ji lta bar/ /lus ngag yid dang chags pa ni/ /thugs kyi rdo rje zhal rnams so/ /khu ba las ni zla ba 'byung/ /khrag las nyi ma srid pa ste/ /srog las rA hur skye ba'o/ /thur sel rtsol las dus me ste/ /khu ba las ni rtsa rnams skye/ /rdul sa khrag ni 'byung 'gyur zhing/ /sha las pags pa skyes pa ste/ /rus pa las ni rkang 'byung ngo/ /zla ba las ni chu skyes zhing/ /khrag las mi ni 'byung bar 'gyur/ /rA hu las ni srog skyes te/ /dus me las ni thur sel 'byung/ /rtsol ba yid ni 'byung par 'gyur/ /lus can kun gyi lce chung dang/ /lce ni khu ba dag gis kyang/ /g.yas dang g.yon pa dag gis ni/ /mig gnyis dag ni rdul las skyes/ /de bzhin sna yis bug pa gnyis/ /khrag dag las ni nges par skye/ /de bzhin rna ba'i bug pa gnyis/ /stong pa dag ni nyid las skyes/ /de bzhin 'og gi rgyun sgo gsum/ /thur sel nyid las yang dag skye /de bzhin nu ma'i bug pa gnyis/ rA hu les ni yang dag skye/ /de bzhin 'bras bu gnyis po ni/ /thur sel dag las rab tu skye/ /de ltar 'dir rim pas lus po'i pad+ma skye bar 'gyur bas de'i phyir skye ba'i tshogs pa kun rdzob dang don dam pa'i rim par ston pa'i phyir/ /nam mkha' i chu dang zhes bya ba la sogs pa gsungs te/ nam mkha' ni mi bskyod pa ste// de nyid chu ru mtshon pa ste/ /shin tu dag pa'i phyir ro/ /de yang nam mkha' bdud rtsi thigs pa dang/ /zhes gsungs so/ /'od dpag med kyis 'dab ces pa/ /'od dpag med pa ni byang chub sems te/ rdul gyi rgyan pa zhes ka bar bya'o//

  488. 244b

    de nyid las 'dam gyi rtse ba spangs pa ni/ /de nyid bar ba mtshon pa'o/ /'di yi don ni gzhan na yang/ /sa bon dang chu dang 'dam bag tshogs pa na myu gu dang sdong bu la sogs pa skye ba bzhin du yang/ chos kyis dbyings sa bon dang nam mkha' i chu dang/ byang chub kyi sems kyi rgyu las 'byung bar bcom ldan 'das kyi gzugs gzhom du med pa'i de nyid ni/ pad+ma me tog gi ngo bo nyid sdong bu dang yal ga dang lo ma'i rim pas rdzogs par 'gyur ro/ /de nyid sdig pa spangs rtsab dang ni sdong bur bcas zhes bya ba la sogs pa gsungs te/ sdig pa'i nyes pa ste spangs pa ni bcom pa ste/ 'od gsal ba nyid kyi phyir ro/ /'dis bcom pas na sdigs spangs shes bya ste/ dbyangs yig dang po'i rang bzhin no/ /de ltar yang dang po'i sangs rgyas kyis rgyud las dang po dbyangs yig rang bzhin te/ blo zhes sangs rgyas rnams kyi btags zhes so/ /sdig pa spangs zhing gtso bo'i rtsa ba stong bur byas pa'o/ /gang gis sdig pa spangs shing gtso bo'i rtsa ba dang sdong bu byas pa gang yin zhe na haM gi yi ge skyed bar gyur pa'o zhes gsungs te/ gzhan gyis bstan pa las dang pa'i sa bon zhes brjod do/ /de nyid na gzhom du med pa'i pha rol dang ni kha'i tshul te haM zhes bya ba'o/ /yan lag med pa'i rdo rje'i yi ge'o/ /thung du dang ring po'o/ /shin tu ring ba bsdu ba'i ngo bo nyid bde ba thams cad gcig tu bsdus pa'i ngo bo nyid zla ba'i dkyil 'khor yongs su rdzogs pa la gnas pa shes bya'o/ /de ltar yang dpal kha sbyor thig le las/ /dbyangs dang gsal byed yi ge las/ /byang chub sems ni sum cu gnyis/ /pad+ma'i dkyil 'khor rtogs pa'i sngags/ /rgyud dang dkyil 'khor zhes su brjod/ /'gro ba'i glad rgyas dbus su ni/ /gang zhig gnas par brjod pa ste/ /de'i dbus su haM yi ge/ thig le'i rang bzhin gzhom

  489. 245a

    du med/ /de ni sems can thams cad dang/ /brtan dang g.yo ba bskyed pa'i rgyu/ /gsal dang mi gsal gzugs kyis ni/ /de yi sa bon ngo bor gnas/ /lus can ma lus kun gyi gzugs/ /de las dang po skye bar 'gyur/ /bdud rtsi 'dzag pa'i tshul gyis ni/ /me ni 'bar bar gnas pa yin/ /de ni dkyil 'khor yongs rdzogs pa/ /'gyur bar 'di la the tshom med/ /dngos rnams snying po mchog yin phyir/ /de nyid dkyil 'khor zhes su brjod/ /de nyid len cing 'dzin pa yis/ /lus ni dkyil 'khor nyid du 'dod/ /rnam par skyes par 'gyur ba'i tshig ni/ 'dir rnam pa ni tha mal pa'i tshig gi rgyan no/ /skyes pa ni ji skad du smos pa'i ham gi yi ge las byung ba'o/ /gal te sdig pa gtso bo'i rtsa ba dang/ / sdong bur byas pa de ltar ni/ /rtsa ba'i yan lag dang/ yal ga dang lo ma'i rnam pa gang yin zhes na/ /ro ma dang rkyang ma gnyis kyis ni/ /g.yas dang g.yon phyags gnyis kyis sdong bur gnas/ /pad+ma 'dab bzhi rtsa ba bzhis/ /bde ba chen po tshang na gnas shes gsungs te/ de la rkyang ma'i sgra ni dbyangs yig dang shes rab zla ba zhes brjod de/ /de yang g.yon phyogs kyi sna bug na rang bzhin des srog gi rlung rgyu zhing rkyang mar gnas so/ /ro ma'i sgra ni gsal byed kyi gzugs thabs dang nyi ma zhes rjod do/ /de yang g.yas phyogs sna bug gi rang bzhin te/ rang bzhin des srog gi rlung rgyu zhing ro mar gnas so/ /de las byung ba tshogs pa'i rim pas rnam par shes pa dang/ 'du byed dang/ 'du shes dang/ tshor ba dang/ gzugs te/ dkyil 'khor rnams ni srid pa skye ba'i rim pas rkyang ma'o/ /sa dang chu dang me dang rlung dang nam mkha' i rang bzhin srid pa 'jig pa'i rim pas ro ma'o/ /de ltar 'pho ba bcu gnyis kyis rim pas mi mnyam pa dang mnyam par rgyu ba'i gzung ba dang 'dzin pa spangs pa'o/ /

  490. 245b

    pad+ma 'dab ma bzhi zhes pa ni stong pa bzhi'i rang bzhin 'dab ma bzhi'o/ /rtsa ba bzhi zhes pa ni khams bzhi'i rtsa ba'i rang bzhin? rtsa bzhi gyen la gnas po? gang du gnas shes na/ bde ba chen po bdag gis tshang na gnas/ zhes gsungs te/ dga' ba bzhi'i rang bzhin stong pa'i bdag nyid bde ba chen po'i tshang ste/ /gnas pa ni 'dir bde ba chen po'i gnas te spyi bo'i pad+ma'o/ /de la thams cad stong pa bzhi ste mkha' 'gro dang mkha' 'gro ma rnams kyi dra ba'i tshogs te/ dza land+ha ra zhes bya ba'i ming du brjod la/ ri rab kyi rtsel zhes bya ba'i don to/ /e bam sa bon khyer nas bya ba la sogs pa ni/ e baM ni gong du bstan pa'i mtshan nyid dang ldan pa'i e bam yi ge'i sa bon blangs nas/ de'i sa bon snying po blangs nas/ me tog gzhom du med pa'i pad+ma rgyas pa zhes bya'o/ /don ni 'di yin te/ sa bon gyi sdong bu la sogs pa skyes pa de stong pa me tog kyang sa bon gyi snying po rgyu can nyid du 'gyur ro/ /'dir yang e bam gyi ye ge las skyes pa'i lus kyis pad+ma yang/ /e bam gyi snying po can gyi me tog go/ bung pa'i gzugs kyis zhes bya ba la bung ba ni thugs kyi rdo rje bo de'i gzugs ni rang bzhin no/ /bde chen dpa' bo ni zhes pa ni/ de dang de'i thabs dang shes rab gnyis kyis gnyis spyod pa'i sbyor ba ste/ de la rgyun mi 'chad par 'dod chags chen po'i ngo bo nyid kyis rnam par gnas par gsal ba'i phyir/ /de nyid bcom ldan gzhom du med pa la dpa' bo zhes bya'o/ /sbrang rtsi ni me tog gi bcud de/ bde ba chen po'i dpa' po yin pas byang chub kyi sems ni 'byung ba chen po nyams su myong ngo zhes bya ba'i don to/ /de lta bu'i ngo bo nyid kyis bcom ldan 'das e baM yi ge'i rang bzhin/ /zag pa dang bcas pa'i 'byung pa lnga'i rang bzhin du ji ltar 'gyur snyam pa la/ 'byung ba chen po lnga'i sa bon no/ blangs nas tshogs pa dag las skye zhes gsungs te/ 'byung ba ni sa la sogs pa?

  491. 246a

    chen po lnga dang ste/ sa bon ni e bam gyi yi ge'o/ /blangs nas tshogs pa ni rdo rje pad+mar sbyor bdag las skyes pa'i 'byung pa'o/ /de gsal bar bya ba'i phyir/ /sra bar gyur pa dag sa yin zhes gsungs te/ sa'i khams ni sra ba nyid yin la sra ba ni sa'i khams so/ /zhu bar gyur pas na chu'o/ /tsha bas ni me'o/ /g.yo bas na rlung ngo/ /bde ba yin pas nan mkha' i khams so/ /lnga ni yongs su rdzogs pas zhes bya bas ni/ /de ltar gyur pa'i 'byung ba lnga po 'dis yongs su rdzogs pa ste/ bsdus pa ni byang chub kyi sems so/ /de ltar yang dpal dgyes pa'i rdo rje las 'byung ba las gyur pa'i gang zag dang bcas pa'i phung po ci'i phyir zhe na/ bcom ldan 'das kyis bka' stsal pa/ /rdo rje pad+ma'i sbyor ba las/ reg pa las pa sra bas ni skyes/ /byang chub sems ni gsher ba las chu 'byung ngo/ /bsrub pa las ni me 'byung ste/ /bskyod pa las ni rlung du grags/ /bde ba ni kha'i khams yin te/ rnam pa lnga yis yongs su bskor/ /dbyangs yig rnams ni skyed pa'i rgyu/ / zhes gsungs so/ /de ni zhes pa de nyid de/ /de nyid 'di ste 'di'i don sa sogs de nyid bzhi dang ni/ /stong pa nyid ni bzhi dang yang/ /skye dang 'jig pa'i rgyu du ni/ de don brgyad ni shes par bya/ /'od gsal las ni stong chen te/ /de la thabs ni 'byung 'gyur zhing/ /de las kyang ni shes pa 'byung/ /rlung yang de las 'byung bar 'gyur/ /rlung las me ni 'byung bar 'gyur/ /chu las yang ni sa 'byung ngo/ /de'i rim pas sems can skyes/ /sa ni chu la zhugs 'gyur zhing/ /chu ni me la zhugs par 'gyur/ /me ni phra ba'i don khams zhugs/ /rlung ni sams la zhugs gyur nas/ /sems ni sems las byung bar 'gyur/ /sems byung ma rig par zhugs nas/ /de yang 'od gsal bar gyur te/ /srid gsum po ni 'gag par 'gyur/ /de nyid

  492. 246b

    bstan par bya ba'i phyir/ /rmongs 'gyur 'di ni stong pa nyid/ /ces gsungs so/ /de lta bur gyur pa'i theg pa las phyi rol tu gyur pa'i phyir rmongs pa zhes 'od pa ste/ kye ma rmongs pa'i sngags kyi tshul gyis 'di nyid mi shes pa'o/ /'di ni zhes bya ba ni/ 'di nyid stong pa'i 'od gsal te/ 'di bor nas stong pa de kho na nyid gzhan na med/ ces bya ba'i don to/ /des 'di skad du ston te/ srid pa zhi pa gcig pa'i bde ba chen po rdo rje bcom ldan 'das de nyid/ 'dir rang nyid kyi lus kyi pad+ma mngon par spral nas de na gzhom du med pa'i me tog gi bcud sems bung ba'i gzugs kyis rtag tu 'phrogs shing gnas pa ste/ de ltar yang dpal dgyes pa'i rdo rje las/ rang nyid byed cing rang nyid 'phrog/ rang nyid rgyal po gtso bo zhes gsungs so/ /de ltar sgrub par bya ba nges par byas nas da ni sgrub byed dpyad par bya ste/ de la re zhig yul ma lus pa la longs spyod pa spangs pa yang sgrub par byed pa ma yin la/ yul ma lus pa la zhen pa yang sgrub byed ma yin no/ /nyan thos dang pha rol phyin pa'i tshul nyid la sogs pa rnams par gnas pa'i phyir ro/ /skyon dag pa'i yul ma lus pa la longs spyod pa nyid kis 'dod chags chen po'i mngon par byang chub pa bstan pa'i phyir yul gyis bden pa 'di nyid sgrub byed yin no/ /de ltar yang sa ra ha'i zhal snga nas/ kha cig yul rnams dag ni spong byed cing/ /kha cig yul rnams dag ni 'ching bar byed/ /kha cig yul rnams 'di nyid blangs nas su/ /mchog gi grol ba dag ni mngon par byed ces gsungs so/ /bcom ldan 'das kyis bka' stsal pa/ /gang dang gang gis 'jig rten 'ching 'gyur la/ /de dang de yis 'jig rten grol bar byed/ /'jig rten rmongs pa de nyid mi shes te/ /de nyid spangs pas dngos grub thob mi 'gyur/ /'dod chags kyis ni 'jig rten bcings/ /'dod

  493. 247a

    chags nyid kyis grol bar byed/ /bzlog pa'i bsgom pa de nyid kyis/ /sangs rgyas mu stegs kyis mi shes zhes gsungs so/ /gal te de ltar yin na srog chags thams cad dbul la dga' zhing chags pa de rnams 'dod chags chen po'i mngon par byang chub par thal lo zhe na/ de ltar ma yin te/ yul la longs spyod pa 'ba' zhig gis rgyun ma chad pa'i bde ba chen po zhes kho bo cag mi smra ste/ 'on kyang de nyid thabs dang bcas pa la zer gyis/ thabs dang bral ba'i yul la snang ba gsum mi shes pa'i phyir ro/ /'dod chags chen po'i bde ba dngos su mngon du byed pa med pa'o/ /de ltar ye shes chen po kun la snyoms par 'jug pa'i rgyud las b+ha gar ling ga zhen cing gcig tu 'jol bde ni 'dod chags chen po'i byang chub thob par mi 'gyur ro/ /gang gi tshe yang bde ba 'ba' zhig blangs nas lhag par mos pa tsam gyis las dang po pa'i sa la gnas pa de'i tshe slob par 'gyur ro/ /gang la rdo rje pad ma'i sbyor ba'i bde bas rang bzhin snang ba'i yang dag pa'i yon tan mtshon par byed pa de ni 'dod chags chen po'i bde ba la zhugs pa yin no/ /de ltar yang dpal dgyes pa'i rdo rje las/ /skye bo mi bzad pa yis las/ /gang dang gang gis 'ching 'gyur ba/ /thabs dang bcas na de nyid kyis srid pa'i 'chang ba las grol 'gyur zhes gsungs so/ /'on te chags pa dang bcas pa ma yin pas/ bde ba chen po mtshan ma med pa yin pa'i phyir ro/ /de dang 'dra bar ji ltar 'gyur zhe na/ de la brjod par bya ste/ mtshan ma dang bcas pa'i bde ba nyid/ bla ma dam pa'i gdams ngag mtshan ma med par 'gyur ro/ /de ltar sa ra ha'i zhal snga nas/ gang yang mtshan mar bcas pa'i bde ba 'di/ /de nyid bdag nyid chen po rnams kyis mtshan ma med pa yin/ /rang 'byung ye

  494. 247b

    shes ngo bo nyid/ /kun rtogs bde ba chen po nyid/ /de'i phyir thabs dang bcas pa'i yul la longs spyod cing/ /'dod chags chen po mngon par byang chub pa'i sgrub byed yin no/ /de nyid sa dang chu dang me'i khams ni/ zhes bya ba la sogs pa gsungs te/ sa ni sa'i dkyil 'khor ro/ /chu ni chu'i dkyil 'khor ro/ /me ni me'i dkyil 'khor ro/ /rlung ni rlung gi dkyil 'khor ro/ /nam mkha' ni nam mkha' i dkyil 'khor ro/ /lnga po de nyid skye ba dang 'jig pa'i rim pas zla ba dang nyi ma'i rim par brjod do/ /de ltar yang dpal dang po'i sangs rgyas kyi rgyud las/ nam mkha' la sogs rtag tu g.yon las rgyu/ /'jig pa po sogs rtag tu g.yas nas rgyu/ /zhes gsungs so/ /dpal gsang ba 'dus pa'i rgyud phyi ma las kyang/ ye shes lnga yi rang bzhin dbugs/ /'byung ba lnga yi ngo bo nyid/ /gong bu'i gzugs kyis phyung nas ni/ /sna yi rtse mor? rab tu brtag/ rin chen kha dog sna lnga ba/ /srog dang rtsol ba zhes byar bshad/ /rang sngags snying gar bsams nas ni// sems ni thig ler rnams par dgod/ /'di'i yang bye brag bshad pa ni/ /rdo rje 'phreng ba zhes bya ba'i rgyud chen po las /sna rtser yungs kar zhes bya ba/ /srog dang rtsol ba zhes su brtag/ srog dang rtsol ba dag la 'od zer lnga/ /sangs rgyas lnga yi ngo bo ste/ /de skad du yang rdo rje snying po'i zhal snga nas/ sna'i bug pa g.yon pa dang g.yas pa gnyis nas/ dang po 'am tha mar gang yang rung ste/ gang gi tshe dbugs nas rgyu ba'o/ /gang gi tshe nam mkha' i rlungs rgyu ba de'i tshe dbus nas rgyu ba'o/ /gang gi tshe rlung gi dkyil 'khor rgyu ba de'i tshe sna bug steng la brten nas rgyu'o/ /gang gi tsho mo'i dkyil 'khor rgyu ba de'i tshe/ /sna bug g.yas pa la brten nas rgyu'o/ /gang gi tshes 'i? dkyil 'khor rgyu ba de'i tshe 'og la reg nas

  495. 248a

    rgyu'o/ /gang gi tshe chu'i dkyil 'khor rgyu ba de'i tshe g.yon nas rgyu'o/ /dkyil 'khor 'di rnams yul du blo blangs zhes bya ba ni/ yul rdo rje dang pad+ma sbyor ba ste/ de las blo bde ba nyams su myong ba ye shes kyi phyag rgya de'i yul ni blo'o// de blangs nas dkyil 'khor gyi 'khor lo rtogs pa ste/ yongs su ni rnam pa thams cad kyis ye shes drug la sogs pa la 'jug par 'gyur ba/ de ltar nyams su myong bar gyis zhes pa'i don to/ /de ci'i phyir zhe na/ rba rlabs med pa dag ni yongs su spyad/ ces gsungs te/ rba rlabs ni spyan 'dren pa dang gshegs su gsol ba med pas rba rlabs med pa'o/ /ji ltar 'gyur ba'i e baM gi yi ge'i ngo bo yin pa'i phyir na lhan cig skyes pa'i ngo bo rlung bum pa lta bu las shin tu 'das pa'i phyir na/ mnyam pa'o skyon ni dri ma ma lus pa spangs pa ste/ zhes bya ba ni ma lus pa'i sdig pa ni ma lus pa'i skyon de 'dod chags dang bral ba'i ngo bo nyid do/ /spangs pa ni gral ba'o/ /de ltar yang dang po sangs rgyas kyi rgyud las/ chags bral lta bu'i sdig pa med/ /bde ba lta bu'i dge mchog med/ /de phyir 'gyur med bde ba la/ /rgyal po rtag tu sems zhugs kyis zhes gsungs so/ /de ltar gyur pa'i bde ba la yang mngon pa'i nga rgyal byed pa'i phyir/ /de la dge dang sdig pa dag kyang med/ ces bya ba la sogs pa gsungs te/ sdig pa ni 'dod chags dang bral ba'i sdug bsngal lo/ /dge ba ni byang chub kyi sems kyang phyir mi 'byung ba'i bde ba'o/ /de la gcig kyang med ces bya'o/ /de ltar dpal kha sbyor thig le'i rgyud las chags dang chags pa bral ba gnyis/ /thos nas srid pa nyid du 'gyur zhes gsungs so/ /gsal por nag po dag gis bstan zhes pa ni/ 'di gsal bar nag po spyod pa'i rdo rjes bstan te/ gzhan gyis gsal por ma bstan zhes pa'i don

  496. 248b

    to/ /'di lta bu'i rnal 'byor las kha phyir bltas pa rnams kyis bdag nyid kyi rnal 'byor byas nas kyang/ /mi rtog par bstan pa'i phyir rol 'byung ba lta bu spyad byas nas/ zhes bya ba smos te/ rang gi blos nges par spyad pas stong pa nyid ni/ rna ba'i 'khor lo stong pa nyid du rtogs pa'o/ /stong pa min ni rang gi lha rtog pa'i rnal 'byor la sogs pa'o/ /blo yis zhugs shing de la dmigs par 'gyur bas so/ /stong pa nyid dang stong min gnyis su zhes pa ni stong pa dang stong pa ma yin pa dag gis dbus su kye rmongs pa de nyid cig kyang ma mthong ste ma rtogs zhes bya ba'i don to/ /de lta bu yin na ji ltar na de nyid kho na yod snyam du dgongs pa la/ gcig tu lhan cig skyes pa de nyid yin zhes gsungs te/ lhan cig skyes pa 'ba' zhig yod na ni/ nag po rdo rje kho na las shes pa'o/ /bstan bcos lung ni mang po bklags gyur kyang/ zhes pa ni/ bstan bcos ni tshad ma la sogs pa'o/ /lung ni bya ba dang spyod pa la sogs pa'o/ /de rnam pa sna tshogs kyi sgo nas klog pa dang nyan pa dang/ sems pa dang goms par byas kyang cung zad kyang mi shes te/ de rnams la de'i ngo bo nyid med pa'i phyir ro/ /rba rlabs med pa'i sngags ni tshul gdams dag ni/ gzhan da lta bur shes so zhes pa'i don to/ /de lta bu'i gdams pa de nyid tshul de dang des rgyas par bstan pa'i phyir/ steng dang 'og dag tu ni mi rgyu zhing/ zhes bya ba la sogs pa gsungs so/ /steng du mi 'gro ba ni 'di'i tshul gyis srog gi rlung 'gegs pa'o/ /'og tu mi 'gro ba ni thur sel gyis rlung 'gegs pa ste/ lus dang ngag dang yid kyi bye brag gis zla ba dang nyi ma dang rA hu la dang/ chu dang me dang/ stong pa nyid rang gi rigs kyi lam gsum dag go/ de ltar steng dang 'og gi srog dang thur sel gyi lam bkag pas/ /sngon du bstan pa'i ye shes kyi gzugs brnyan mthong bas na de'i 'og tu rdo rje bzlas pa'i cho gas srog dang rtsol pa

  497. 249a

    rtag tu 'byung bar byed do/ /de ltar yang dpal dus kyi 'khor lo las/ gzugs brnyan mthong nas byung ba ni/ srog dang rtsol ba rtag tu ni/ /steng dang 'og dang rtsa gsum las/ lus ngag yid gsum 'gag pa'i phyir/ /zla ba nyi ma rA hu dang/ /dri chen dri chu khu rgyu ba/ /zla ba'i nyi ma mun pa dang/ /lus dang ngag dang yid kyi rtsa/ /drin chen dri chu dus rgyu ba/ /de dag srog rtsol rim pas so/ /zla ba lus kyis thabs dang ni/ /shes rab nyid ni nyi ma'o/ /shes rab kyi ni dri chen rtsa/ /gtso bo dag ni chu rgyu ba/ /chu me stod pa sa dang rlung/ /ye shes khams ni rang rig la/ /thabs kyis sems ni mun lha mo/ /shes rab byang chub sems rgyu ba/ /steng dang 'og tu rigs drug ni/ /lus dang dag yid byed pas so/ /shes rab thabs sbyor dbye ba yis/ /lus can kun la rnam par gnas/ /de ltar gyur pas srog dang rtsol bas ji ltar gnas shes na/ gnyis la mi rgyu ba ni rnam par gnas shes gsungs te/ gnyis ni steng dang 'og gi rtsol ba ste/ /mi rgyu ba ni yongs su spangs pa ste/ /de lta du ngo bo nyid kyi mi g.yo bar gnas pa ni dbugs 'byin par ma mchog ces bya ba/ de ltar yang rigs ldan pas/ lhan cig skyes pa he ru ka/ bar ma'i dbugs ni mchog yin te/ /dri chen dri chu khu ba nyid/ /rtsa gsum dag dang ldan pa'o/ /dngos po gsal po de kho na nyid rjes su 'gro ba las kyang/ lhan cig skyes rung rang gi gzhil gnas/ /rtog pa'i dra ba dag las rab tu grol/ /rang yang dga' ba bskyed pa brjod du med/ /de ni stong pa nyid kyi rang bzhin du zhes gsungs so/ /de ltar gyur pas byang chub sems bde ba chen po dgag? pa stan pa'i phyir/ yid ni gang du yang mi g.yo ba ni nag pos gsungs zhes pa gsungs te/ slob dpon nag pa na re yid ni byang chub sems de mi g.yo ba ni grang du yang

  498. 249b

    phyir mi 'byung ba ste steng dang 'og tu 'byung ba spangs pas/ dus kyi rtsa khams gsum du byas ba'i phyir ro/ /'di'i dgongs pa ni ri bong can gyis thig le ma lhung pa 'ba' shig da'i sgrub par bya ba ma yin te/ 'on kyang steng 'og gnyis su 'gro ba'i ngo bo'o/ 'di lta bu'i 'byung ba med pa'i ngo bo gang du gnas shes na/ mi g.yo rlung khyim bdag mo ni khyim na gnas/ zhes gsungs so/ /mi g.yo ba'i rlung ni 'bar ba'i rlung ngo/ /khyim bdag mo ni de nyid ye shes kyi phyag rgya'i ngo bo nyid yin pa'i phyir ro/ /khyim ni de'i bde ba'i nam mkha' i khams e haM gi rang bzhin gong du gsungs pa ste/ A ba d+hA tI'o/ /de la gnas pa ni khyim der gnas pa'o/ /'di'i dgongs pa ni rlung gi 'gro ba'i chos can te/ nam mkha' i khams la brten pa/ 'gro ba dang 'od ba las grol ba'i nam mkha' i khams la khyer zhing/ sems kyi bzhon pa snang ba dang bcas pa ye shes gsum dang ldan pa'i thim par 'gyur ro/ /de'i phyir de'i bdag nyid bcom ldan 'das bde ba chen po la zhugs pa zhes brjod do/ /de skad du yang/ dgongs pa bla na med pa las/ snang ba snang ba mchad pa dang/ /sna tshogs 'dus pa 'di dag ni/ /sems ni rnam pa gsum du brjod/ /rlung ni phra ba'i gzugs kyis ni/ /ye shes dang ni 'dris par 'gyur/ /dbang po lam nas phyung nas ni/ /yul rnams la ni 'jug par byed/ /snang pa dang mi ldan 'gyur zhing/ /rlung gi bzhon pa'i rgyur gyur pa/ /de la 'di ni rang bzhin kun/ /rigs dang rim pa mun par 'jug/ rlung ni gang dang gang gnas pa/ /de dang der ni de bzhin rgyu/ /ji srid rlung ni mi rgyu ba/ /snang ba bstan por mi 'gyur ro/ /de nyid sems can thams cad kyi thun mong du ji ltar 'gyur zhe na/ ri bo mchog rab dag gis phug zab mo zhes gsungs te/ mchog ni phul du byung ba'i ngo bo'i ri bo ste/ /rab ni sgal tshigs kyi

  499. 250a

    bdag nyid do/ /de ltar yang dpal kha sbyor thig le las/ rkang pa'i mthil du rlung gnas pa/ /rlung ni gzhu yi dbyibs can no/ /'doms kyi sum 'dor gnas pa ni/ /de bzhin gru gsum dmar po'o/ /zlum po'i gzugs kyi ngo bo nyid/ /chu ni glo bar gnas pa'o/ /snying ga ru ni sa nyid kyang/ /kun tu gru bzhir gnas pa'o/ /sgal tshig dbyug pa'i ngo bo ni/ /de bzhin ri rgyal lhun po'o/ /de yi phug ni ri phug go/ de lus ngag dang rtog pa'i spyod yul ma yin pas zab pa'o/ /des cir 'gyur zhe na/ 'gro ba ma lus pa ni 'ching bar 'gyur te/ 'gro ba ma lus pa ni nyid 'ching ba 'gyur ba ni nyams pa ste/ de la steng du spyi bo'i bar du dbang po gnyis kyis sbyor ba'i bde ba'i mngon pa'i nga rgyal gyi byang chub sems med pa'i phyir ro/ / 'on te 'gro ba thams cad 'di yis bcing bar cis shes zhe na/ dri ma med pa'i chu ni skams gyur te/ zhes bya ba gsungs te/ dri ma med pa ni don dam pa'i rang bzhin no/ /zhu ba ni kun rdzob gnad lta bu ste/ dri ma med pa'i chu bden pa gnyis zhes bya ba byang chub kyi sems gang yin pa skams par 'gyur te/ /'og tu ltung ba'o/ /gang gi phyir byang chub kyi sems 'gro ba'i ngo bo nyid du 'gyur ro/ /gang gi cho 'o ga tu ltung ba de'i tshe nyams par 'gyur pa'o/ /de ltar yang dpal dang po'i sangs rgyas las/ lus can thams cad 'chi dus su/ /'og tu zla ba bdud rtsi 'dzag/ rnam shes rang bzhin mtshan nyid dang/ /nyi khrag rA hu steng du 'gro/ des cis 'gyur zhe na/ dus kyi mo ni rab tu zhu gyur na/ zhes gsungs te/ dus kyi me ni byang chub kyi sems kyi phyir 'byung ba'i gnas skabs te/ nag po'i phyogs kyis mtshan nyid de/ /'chi ba'i dus kyis zhes bya'o/ /de ltar yang dpal dang po'i sangs rgyas las lhung na chags dang bral gyur te/ chags bral las ni

  500. 250b

    sdug bsngal bskyed/ /sdug bsngal gyis ni khams zad de/ /khams zad pas ni 'chi bar 'gyur/ /'chi ba las ni yang srid 'byung/ /de ltar 'dod chags bral bas byung/ /gzhan du sems can mi srid do/ /de phyir 'bad pa thams cad kyis/ /sems byung 'dod chags spang par bya/ /rnal ma 'byung med bde ba yis/ /'khor ba'i 'ching ba las grol 'gyur/ /zhes gsungs so/ /ji ltar na byang chub kyi sems 'byung bar 'gyur zhe na/ sa 'dzin dag las 'di ni gzung dka' ste/ zhes gsungs te/ gzung dka' ba ni sbyor ba'i yan lag drug gis rlung gzung zhing byang chub sems gzung dgos pa ste/ de la 'dir gzung dka' ba'o/ /sa 'dzin ri rab dang 'dra ste mig.yo ba'o/ /de nyid kyi phyir mnyam pa dang mi mnyam pa ste zhes smos te/ sdud pa dang 'byung ba'o/ /de la mnyam pa'i 'pho ba'i rim pas rgyu ba ni nyi ma rgyu ba g.yas pa'i sna bug go/ mi mnyam pa'i 'pho ba ni rim pa ma yin pas rgyu bas na/ mi mnyam pa ste zla ba rlung rgyu bas na sna bug g.yon pa'o/ /mnyam pa dang mi mnyam pa gnyis da ldan pa'i yid kyis sems kyi khams la lta ba ni yongs su sgol ba ste/ de lta bu'i shes pa'i don to/ /de ltar gyur pa'i yid kyis gal te mi shes na zla ba dang nyi ma mi mnyam pa dang mnyam pa rgyu ba ni/ sems can gyi rnam par shes pa'i khams ni grol bar mi nus pa de spyi gtsug bar du 'gro bar mi nus pa zhes bya ba'i don to/ /de nyid kyi phyir/ nag po dag gis gsungs zhes gsungs te/ nag po rdo rjes 'dod chags dang bral ba'i gnas skabs spangs pa'i bde bas ye shes kyi mig gis mtshon par byas pas na/ mtshon par dka' ba ste/ thams cad stong pa nyid kyi phyir dang/ rnam pa thams cad kyis mnyam pa nyid kyi phyir ro/ /bde ba nye bar rtogs shing nyamS

  501. 251a

    su myong ba de'i phyir rtogs par dka' ba'o/ /de la 'di lta bur gyur ba cis rtogs shes na/ gang gis yid kyi rin chen rtog/ shes gsungs so/ /gang rdo rje dang pad+ma mnyam par sbyor ba las yid kyi nye bar dmigs shing ji lta ba bzhin du 'gyur ba'i bdag nyid dga' ba ste/ bla na med pa'i bde ba 'phel bar byed pa'i phyir/ rin chen ni yid kyi rin po che ste/ sangs rgyas kyi gzugs brnyan no/ /de ltar yang dpal gsang ba 'dus pa las/ b+ha gar ling ga bcug nas ni/ byang chub sems ni gtad mi bya/ /khams gsum ma lus pa rnams ni/ /sangs rgyas gzugs brnyan dag tu bsgom/ /stong nyid gzugs brnyan rgyu yin pas/ /'bras bu mi 'gyur bde ba'o/ /de nyid kyi phyir lhan cig skyes pa spro zhes gsungs te/ nyi ma re re skyes pa'i thams cad stong pa'o/ /'phro ba ni nam mkha' dang 'phro zhing snang ba'o de ltar yang mtshan yang dag par brjod pa las nam mkha' las byung rang byung ba/ /shes rab ye shes me 'o che/ /zhes gsungs te/ de ltar dpal gsang ba 'dus pa'i rgyud phyi ma las/ /bsnyen pa'i dus su gtsug tor che/ /'bad pas gzugs brnyan bsgom par bya/ /nye ba'i bsnyen pa'i dus su ni/ /gzugs brnyan bdud rtsi 'khyil pa yi/ /sgrub pa'i dus su lha yi gzugs/ /bsgom zhing mi dmigs par bya ste/ /sgrub pa chen po'i dus su ni/ /gzugs brnyan sangs rgyas btso bo'i sems/ /zhes gsungs so/ /de nyid bstan pa'i phyir rig ldan las kyang/ dgongs pa bstan pa 'di skad bzhan gyis gtsug tor gyi gzugs brnyan ni khams gsum ma lus pa'i sangs rgyas kyi gzugs brnyan ni nam mkha' i chos kyi 'byung gnas la sems kyi rdo rje rab tu gzhag pa ste/ /bsnyen pa'i dus su so sor sdud pa bsgom par bya ste/

  502. 251b

    bsam gtan gyis ni brtan par bya'o/ /de la bcom ldan 'das kyis dam bca' ba ni/ bsam pa thams cad yongs spangs te/ nyi ma cig tu yongs su brtag/ gal te yid ches ma gyur na/ /de tshe nga yis brdzun smras so/ /zhes gsungs te/ de yang yid ches pa'i du ba la sogs pa'i rtags so/ /de ltar yid du 'ong ba'i rin po che sangs rgyas kyi gzugs brnyan rtogs pa 'byung ba de ni/ chos kyi rang bzhin dag ni de yis shes gsungs te/ rang bzhin dag ni de yis shes na/ de gcig bu chos kyi rang bzhin mngon par rtogs pa'o/ /gzhan la bzlas su zin kyang ci la go zhes pa ni/ /gzhan ni dbang po'i bde ba la mngon par zhen pa'o/ /ci la go smras kyang mi go zhes pa'i don to/ /de nyid rnam pa gzhan gyis bstan pa ni/ rlung ni gzhon pa'i rgyur gyur pas snang ba gsum gyi ngo bo nyid kyi rang bzhin brgya drug cu'i ngo bo nyid dbang bo'i sgo nas 'byung ba ste/ yul rnams la nye bar dmigs par 'gyur ro/ /lam 'gro rang nyid bcings par byas pa gang zhes/ gsungs te/ rnam par shes pa'i khams 'khor ba'i lam du 'gro ba'o/ /yid ni lhan cig skyes pa'i gzugs so/ /bcing bar bya ba ni gang gis yan lag drug gis srog brtan par byed pa ni bcings pa'o/ /de rnal 'byor gyi dbang phyug gis byed pa de ni khams gsum ma lus spro zhing yang der bsdu/ zhes gsungs te khams gsum ni sku dang gsungs dang/ thugs kyi 'khor lo'o/ /ma lus pa ni so so'i ba sdu'i bu ga'i bar du/ gnyid sad pa'i gnas skabs su dga' ba la sogs pa'i khyad par gyi byang chub kyi sems rnam par spros nas/ yang der sdud pa ste/ steng du song nas bzhi ba zad cing rgyu mthun pa la sogs pa'i bye brag gis/ a ba d+hu tIr sdud pa ste/ cha dang thig le phra mo las 'das shing thams cad stong pa nyid kyi khams la zhugs te/

  503. 252a

    des rdo rje 'dzin pa chen po mngon du byed ces bya ba'i don to/ /de nyid kyi phyir bde gshegs lha mo khro bo'i tshogs/ /srid pa ci phyir byed ces gsungs te/ de bzhin gshegs pa dang/ lha mo dang/ khro bo'i tshogs la sred pa ci'i phyir byed ces bya ste/ dkyil 'khor gyi 'khor lo dag spangs la/ /lhan cig skyes pa'i dus su gnas so/ /zhes dgongs so zhes bya ba la dgongs pa 'di yin te/ phung po dang skye mched la sogs pa dang/ lus dang ngag dang yid dang/ dkyil 'khor gyi lha rnams gdams ngag gis bde ba chen po ro gcig par gyur pa de ltar na'o/ /de nyid dkyil 'khor chen por gyur pa las/ de las gzhan du gyur pa'i dkyil 'khor med de? zhes bya'o/ /de ltar yang gsang ba'i rgyud las/ yan lag kun bsgoms las 'das shing/ rtog dang rtog byed rnam par spangs/ /cha dang thig le yang dag 'das/ /'di ni dkyil 'khor mchog yin no/ /de nyid gzhan gyi sgo nas dkyil 'khor du bstan pa ni/ gang gis lhan cig skyes pa brtan byas te/ zhes pa lhan cig skyes pa ni lhan cig byung ba'i shes rab ste/ brtan pa ni phyir 'byung ba med par bya'o/ /mnyam par ro gcig pa ni dga' ba bzhi po gcig pas rang gi yid kyi rgyal po ni yan lag med pa'i rdo rje'o/ /de'i dbus nyid du ni 'grub par 'gyur zhes gsungs so/ /grub pa ni phyag rgya chen po grub ste/ rdo rje 'chang chen po thob bo/ /de'i dus nyid dus ma yin pa rgyud la gcig ces bya'o/ /de skad du yang dpal bde mchog las/ /mtho ris mi yul sa 'og gi/ skad cig gis ni sku gcig 'gyur/ /rang dang gzhan du rtogs pa yis/ /skad cig tu ni gdon mi 'gyur zhes gsungs so/ /de nyid kyi phyir/ rga dang

  504. 252b

    'chi ba'i 'jigs pa dag ni med/ ces gsungs so/ /phyag rgya chen po'i ngo bo nyid bstan pa ni/ /mi g.yo zhes bya ba la sogs pa gsungs te/ mi g.yo ba ni byang chub kyi sems phyir mi 'byung ba'o/ /mi rtog pa ni nyams su myong pa ? gcig pas/ de dang 'di ni rnam par rtog pa spangs pa'i phyir ro/ /'gyur ba med pa ni 'dod chags dang/ 'dod chags dang bral ba dag gis ci bya zhe na/ de dag las grol ba'i phyir ro/ /skye 'jig spangs pa ni/ zla ba dang nyi ma bkag pa'i phyir ro/ /mdzes pa ni shin tu mdzes pa ste/ bde ba chen po yin pa'i phyir ro/ /snying po ni 'od gsal ba nyid kyi phyir ro/ /deng 'dir zhes bya ba la sogs pa ni 'di nyid kyi phyir mya ngan las 'das par brjod de/ mya ngan las 'das pa'o zhes/ /sgras smras pa la/ yang dag pa'i mya ngan las 'das pa yin te/ mi gnas pa'i mya ngan las 'das pa'i nyid kyi phyir ro/ /de ji lta bu'i khyad par dang ldan zhe na/ gang la sems dang sems las byung ba med/ ces gsungs te/ gang la ji srid sems ni rnam pa gsum ste/ sems las byung ba ni sems kyi rang bzhin brgya drug bcu dang/ thig les kyang ci 'ang mi byed de de lta bu'i rnam par rtog pa cung zad kyang mi 'byung ngo/ /zhes pa'i don to/ /de nyid bstan pa'i phyir/ gang gis e bam rnam par shes gyur ?/ /zhes gsungs te/ de'i don ni 'di yin te/ de yang ji skad du/ lta'i dbang pos yongs su zhus pas/ e ni stong pa'i rang bzhin te/ bam ni thugs rje chen por brjod/ /thig le gnyis med sbyor ba'o/ /'di yi zung 'jug dran par bya/ /e ni ma ru brjod pa ste/ bam ni pha ru shes par bya/ /thig le gnyis med sbyor bar 'gyur/ /de yi sbyor ba ngo mtshar te/ e ni ? gnyid du gsungs/ /bam ni rdo rje'i rang bzhin no/ /de

  505. 253a

    las thig le'i sa bon 'gyur/ /de las srid gsum yang dag 'byung/ /e ni shes rab nyid du 'gyur/ /bam ni thabs su yang dag brjod/ /thig le de nyid mi shigs pa'o/ /de las yi ge ma lus byung/ /gang gis chos kyi phyag rgya ni/ /yi ge gnyis ni de nyid shes/ /de yi sems can thams cad la/ /chos kyi 'khor lo bskor 'gyur ro/ /'gro ba gang gis yi ge gnyis/ /de nyid mi shes rtag tu 'don/ /sangs rgyas chos la phyir 'byung ste/ /phyug po longs sbyod spangs bzhin no/ /zhes gsungs so/ /'dir de lta bu'i e baM yi ge shes pa ni rtogs pa ste/ gang gis shes pa de ni sangs rgyas rtogs pa'o/ /ma lus ni e bam gi yi ge sna tshogs lus pa med pa ste/ de nyid ni sna chogs gcig gi ngo bo nyid kyi phyir ro/ /de ji lta bur gyur ba zhes na/ de nyid chos kyi za ma tog yin te zhes gsungs te/ chos rnams ni phung po dang khams dang skye mched rnams te dga' ba la sogs ba'o/ /de rnams kyi za ma tog ni gnas so/ /de nyid bod pa'i tshig go de ni rang gi bdag po'i cha lugs so/ /zhes gsungs te/ rang gi bdag po ni thugs kyi rdo rje'o/ /cha lugs ni rgyan no/ /de nyid kyis 'khyud par skyes pa'i phyir ro/ /yang de nyid kyis sgrub pa'i thabs mdor bstan pa ni/ rlung ni 'gro ba'i sgo rnams la yang zhes gsungs te/ rlung 'gro ba'i sgo ni steng dang 'og go/ dam por bcings pa ni de la brtan zhing mi phyed ba'i/ /lcags ni sgo drug gi rlung kha sbyor du bya ba ste/ /zla ba dang nyi ma'i lam bkag pas dus kyi me yongs su rdzogs par byed pa 'di'i lus kyi 'ching ba'o/ /gal te nang gi mun pa nag po la zhes gsungs te/ gal te de la mi zad pa'i mun pa ste mi g.yo ba'i ting nge 'dzin rlung bum pa lta

  506. 253b

    bu'i ngo bo nyid gzhom du med pa'i sgra/ chos kyi dbang phyug yid kyi byang chub kyi sems kyi de'i tshe nyid bde ba chen po gsal bar byed pa'i phyir mar me'o/ /byed gyur na ni du ba la sogs pa'i rtags kyis gsal bar byed ba'o/ /de skad du yang/ dpal gsang ba 'dus pa las/ sems kyi rdo rje 'gog pa las/ /mtshan ma la sogs mthong bar 'gyur zhes gsungs te 'dis ni dag bcings pa'o/ /rgyal po'i rin chen steng gi nam mkhar bzhugs zhes gsungs pa ni/ rgyal ba'i rin chen ni gzhom du med pa'i sgra de nyid do/ /steng gi nam mkhar bzhugs pa ni gang gis tshe rten du gyur ba drug pa ye shes kyi dkyil 'khor gyi thig le la reg pa ste/ de la 'khyud pa zhes bya'o/ /de ltar yang/ mkha' 'gro rdo rje nor bu ste/ /sangs rgyas rnams ni spyi bor gnas zhes gsungs te/ 'dis ni sems kyi bcing ba'o/ /de ltar yang dpal kha sbyor thig le las/ /rlung dang me'i dkyil 'khor las/ /rdo rje pad+ma'i sa bon bskul/ /thig le sgra yis yang dag mnan/ char rgyun 'bab pa dag tu dran zhes gsungs te/ de ltar yang thig le'i sgra dang yang dag ldan/ /gang tshe rnam pa kun 'gyur ba/ /de tshe 'bras bu zhes brjod par/ /mchog gi rnal 'byor pa yis bshad ces gsungs so/ /des cir 'gyur zhe na/ ji srid longs spyod pas thar bsgrub nag pos gsungs te nag po rdo rje srid pa la spyod pa ste/ /shes rab ni bde ba nyams su myong zhing 'dod chags bral ba thams cad las log pa'i phyir/ thar pa ni phyag rgya chen po'i go 'phang thob pa ste mngon du byed pa'o/ /de ltar dpal dang po'i sangs rgyas las/ /srog ni dbus su bcug pa ste/ zla pa nyi ma 'gro ba g.yas dang g.yon bcing ba byang sems phyag rgya 'grogs pas mchog tu dga' bar

  507. 254a

    'grogs shing rdo rje bslang bar bya/ /chu skyes rdo rje sgra'i rang lag pad+ma'i rol pas bde ba phyir gsor ba'am/ /sa bon mi 'khor ba bde bcas shing 'jigs pa spong byed de ni dpal ldan bla ma'i zhal/ /zhes gsungs so// sems kyi bcing ba nyid kyis ma thams cad 'grub par bsams nas sems brtan pa nyid gsal bar ston te/ bstan pa'i yid kyis sbyor bas na/ zhes gsungs te/ rdo rje pad+ma sbyor ba'i sgo nas byang chub sems brtan pa'i sbyor ba byed pa'o/ /de gang du zhe na/ chos kyi yi ge'i nang du ni/ zhes gsungs te/ chos kyi yi ge'i gzhom du med pa ste/ bdag med pa'i sa bon te/ de'i nang du ni de la zhes pa'i don to/ /des cir 'gyur zhe na/ skad cig de las rlung ni 'gags 'gyur te zhes te/ rlung ni srog gi rlung ste skad cig de la 'gag pa'o/ /gzhan yang ci zhe na/ yul rnams la yang chags pa med par 'gro zhes gsungs te/ yul rnams ni gzugs la sogs pa'i yul rnams/ /nye bar longs spyod pa ni mngon par zhen pa med par 'khor ba'i 'ching ba las grol zhes bya ba'i don to/ /'on te chos kyi yi ge gang du shes par bya shen/ gang la mchog dang dga' bral dag thob na zhes gsungs te/ mchog dang dga' bral ni zla ba dang nyi ma'o/ /de gnyis kyis dbus mthong ba ni de la chos kyi yi ge ste/ sngon bstan pa'i mtshan nyid dang ldan pa dbus su mtshon par bya'o/ /gang la 'di lta bu'i gdams dag gsal grub na/ zhes bya ba smos te/ 'di lta bu'i gsang sngags ni tshul gyi gdams dag gis gsal bar grub ste/ yongs su rdzogs pa grub pa de'i tshe khyim bdag mo ? mi g.yo bar bcings shes gsungs te/ khyim bdag mo rlung gi sngon du bstan pa mi g.yo zhes bya ba'i don to/ /gal te 'di de la rtsol rlung bcings pas chos

  508. 254b

    kyi yi ge bde ba chen po'i ngo bo rdo rje lta bu'i ngo bo nyid du gyur ba gang la gnas par 'gyur zhe na/ ri bo mchog gi rtse thang spangs pa la zhes gsungs te/ ri bo mchog ni rin po che'i ri bo ste/ de nyid sngon du bstan ba'i ri bo'o/ /de'i rtse mo ni rtse mo ste/ ma lus pa'i rgyu ba dang mi rgyu ba'i bde ba chen po nyid gnas yin pa'i phyir ro/ /thad spangs pa ni yan lag mchog gi thang ste spyi gtsug ste/ ri khrod ma'i sa der gnas bcas la zhes pa ni ri khrod ma de lta bu'i bdag nyid grub pa'i yi ge/ bcom ldan 'das kyis gang gnas byas pa de/ de ni gnas byas pa'o/ /khyad par ji lta bu zhe na/ seng ge yis kyang mtshong par mi nus zhes gsungs te/ mchod mi nus pa ni gzhom par mi nus pa'o/ /gang gis zhe na/ seng ge'i ni gdong pa lnga pa ste/ de nyid dkyil 'khor lnga'i bdag nyid kyi srog gi rlung seng ges gnon par mi nus te/ drug pa ye shes kyi dkyil 'khor gyi ngo bo nyid yin pa'i phyir ro/ /glang po che yis kyang smos ci dgos zhes gsungs te/ glang po che ni phyugs te/ nyi ma dang zla ba ste/ de dag gis thag ring por bsgoms dang gsal bar ga la nus zhes bya ba'i don to/ /de ltar zla ba nyi ma phyugs chen po/ /zhes gsungs te/ 'dir dgos ba ni zla ba dang nyi ma'i dkyil 'khor du rgyu ba'i rlung la zhon pa'i rnam par shes pa'i khams nyid kyis thams cad las thams cad du/ /thams cad kyi ngo bo nyid kyis gnas pa dang bcom ldan 'das bde ba chen po rdo rje gnas kyang mo rtogs pa'o/ /de ltar yang lus skyes pa'i lus la nges par gang du gnas shes na/ 'di'i rigs mchog dag tu 'di'i sa bon bstan zhes bya ba la sogs pa tshigs bcad byed dang gnyis ni rtogs par bla bas 'dir ma smos so/ /gong du ji skad bstan pa'i las kyi phyag rgya gang du mthong pa'i ye shes kyi phyag rgya mi 'gyur ba'i bde ba chen po rdzogs pas/ de bstan pa'i phyir/ sngags dang

  509. 255a

    rgyud ni gcig kyang mi bya zhes gsungs te/ gcig kyang mi bya ste/ gang mi bya zhe na/ sngags kyi bzlas pa ni gsang sngags kyi bzlas pa'o/ /rgyud ni rgyud klog pa'o/ /ci'i phyir de ltar yin zhe na/ rang khyim bdag mo zhes gsungs te/ rang khyim bdag mo ni lhan cig rang snang ba'i ye shes kyang phyag rgya ste/ bzung ba ni bla ma dam pa'i gdams ngag gis so/ /grol 'gyur ni yid dang rjes su mthun pa'i phyag rgya dang lhan cig skyes pa rnams kyis byed de zhes bya ba'o/ /de ltar yang dpal dus kyis 'khor lo las sems kyi snang ba tsam du yid las skyes pa'i me long gzugs brnyan lta bu ste/ rnal 'byor dbang phyug bsten bya ma lus sangs rgyas lnga dang sras bcas rnams kyi sten de'i ye shes 'od zer bskyed/ /rang gi lus dang bcas pa'i bdud rnams sgrib pa ma lus sreg/ 'dod chags la sogs bsreg cing lo gcig sbyor bas lus la ro mnyam bde ba ster zhes gsungs te/ bcom ldan 'das de nyid la mngon du zhen pa'i rnal 'byor ba des/ sngags dang rgyud la 'dzin cing zhen par mi bya'o/ /'di'i don ni 'di yin te de nyid gang ste/ byang chub kyi sems kyi yid yin par sngags so/ /de nyid dung tshogs pas rgyu yin pas na skad kyi dbyings kyi rgyal po nye bar 'khor 'dzin pa'i phyir rgyud do/ /de la mngon par dga' bas thams cad byas pa yin no/ /zhes pa'o/ /de ltar yang dgyes pa'i rdo rje las/ sngags bzlas dka' thub med cing dkyil 'khor sbyin sreg med/ /de nyid sngags bzlas dka' thub sbyin sreg de nyid yin/ /de nyid dkyil 'khor ba dang dkyil 'khor nyid ces gsungs so/ /de nyid kyi don gsal bar bstan pa'i phyir/ /de srid khyim bdag mo ni rang gi khyim gnas ma gyur zhes gsungs so/ /rang gi khyim ni thams cad stong pa nyid//

  510. 255b

    sdig spangs kyi gnas ni rang khyim mo/ /phyag rgya chen po ni khyim bdag mo ste/ /ji srid du gnas par ma gyur pa ni thim par ma gyur pa'o/ /de srid 'dod yon lnga ste/ /re zhig mngon par byang chub pa lngas sems can mang pos bsam pa'i bya brag gis zhal dang/ /phyag rgya dang kha dog dbyibs la sogs pa sna tshogs kyi de ltar/ /ji ltar gnas te mi gnas so zhes bya'o/ /de yang dpal dang po'i sangs rgyas kyi rgyud las/ las kyi phyag rgya mnyam sbyor zhing/ /ye shes phyag rgya sogs dmigs nas/ phyag rgya chen po gcig sbyor bas/ /'byung med bde ba de 'phel 'gyur/ /kun tu zhal dang phyag la sogs/ /kun tu dbu dang spyan dang gdod/ /kun tu 'jig rten thos par ldan/ /thams cad khyab nas gnas Fba'o/ /zhes gsungs so/ /de nyid lha rdzas kyi phyag rgya de nyid kyi 'bras bu'i phyag rgya chen po bsgrub pa'i gdams dag nges par bstan cing yang de nyid bstan pa ni/ bzlas dang sbyin sreg dkyil 'khor las 'di yin zhes gsungs te/ phyi rol du gyur ba'i bzlas ba dang/ dkyil 'khor dang sbyin sreg gi las 'dis ni nyi ma re re zhing ci'i phyir gnas zhes bya ba ste/ steng du kha bltas shing ci'i phyir ku re'i ngo bo nyid 'bras bu med ces bya ba'i don to/ /'di rnams ci'i phyir don med pa yin zhe na/ de lta bu'i gzhon nu ma dang rtag tu ma mjal na zhes gsungs te/ de nyid rtag tu gzhon nu ma la 'dod chags kyi rang bzhin yin pas/ de nyid lha rdzas kyi phyag rgya ste/ de la rba rlabs med ba'i rtag tu dga' ba la sogs pa'i rim pa gang gi rjes su chags pa skye ba de rba rlabs med pa'i mdza' bas so/ /lus 'di yin te/ /byang chub ji ltar 'grub ces bya ba ni/ byang chub kyi phyag rgya chen po ste/ de ji ltar 'grub ce na/ sngon du bstan pa'i e baM gis

  511. 256a

    yi ge'i lus med na mi 'grub ces pa'i don to/ /gang gis rtag tu lhan skyes bde rtogs na zhes go bla'o/ /gang gis rin chen sems ni brtan byas pa zhes gsungs te/ rab tu gtum pa'i gtum mo mes zhu bar byas/ /bskyod par mi nus pa'i phyir gang gis brtan par byas pa'i sems rin po che byang chub kyi sems so/ /ci byas nas zhes pa la/ rang gi khyim bdag mo blangs nas/ 'di zhes bya ba gsungs te/ rang gi khyim bdag mo ni lha rdzas kyi phyag rgya de nyid de/ /de la e bam gi yi ge de la bde ba chen po'i gzugs bzung nas de nyid rdo rje sems dpa' mgon po ste/ /sku dang gsung dang thugs kyi gtso bo ste/ /de nyid ni bod pa'i tshig go/ mchog gi don ni bdag gis rab brjod na/ bdag nag po rdo rjes mchog gis don ma bcos pa 'di brjod do zhes pa ste/ don 'di las gzhan med do zhes bya ba'i don to/ /de nyid dpes bstan pa'i phyir/ tshwa ni chul zhugs pa zhu ba de bzhin du ni zhes gsungs te/ tshwa chu la zhugs pa de bzhin du khyim gyis bdag mo ye shes kyis phyag rgya'i rang bzhin blangs ba'o/ /sems ni byang chub kyi sems te/ ro gcig par 'gyur ro/ /de ltar dpal dgyes pa'i rdo rje las/ khu ba'i rnam pa bcom ldan 'das/ de yis bde ba 'dod mar brjod ces gsungs te/ /khu ba dang bde gnyid kyang rten dang brten pa ngo bo nyid de dag thams cad stong pa nyid kyi rang bzhin du brjod pa bde ba mnyam zhing ro gcig pa de'i skad cig las 'gyur ro/ /de ltar yang dpal dang po'i sangs rgyas las/ /ji srid rten dang brten pa'i sbyor ba yis/ /de srid 'gyur med bar du'o/ /sems ni 'gog pa nyid mnyes nas/ /rten dang brten pa'i mtshan nyid ces gsungs te/ de ltar yang kha sbyor thig

  512. 256b

    le las sna yi bu gu gnyis nas ni/ /'jug pa bde ba dus shes brjod/ /'byung ba bde ba dus yin te/ /de gnyis nyid ni gcig par grags/ /grogs med dag ni gcig bu ni/ /bsam gyis mi khyab dus nyid 'gro/ /srog dang bur sel mnyam gnas dang/ / 'byung dang 'jug pa rnam par spangs/ /'gro dang 'ong ba rnam grol ba/ /dus cig tu ni de brjod do/ /'dod chags ma yin chags bral min/ /dbu mar dmigs par mi 'gyur ro/ /'dod chags ma yin chags bral lam/ /gnyis po 'dres pa gzhom du med/ /mar ni mar du zhu gyur pa/ /'dres par gyur pa rtog med ltar/ /de bzhin 'dod chags bral ba lta/ /skad cig la ni ro gcig 'gyur zhes gsungs so/ /gang gis de dang rtag tu gnas na ni/ /zhes gsungs te/ gal te gnyis phan tshun du'o/ /rtag tu gnas pa ni rgyun mi 'chad par de'i tshe yang 'di ltar 'gyur zhes pa'o/ /'di'i don ni de ltar bstan pa'i khams kyi khu ba dang ngo bo dag phan tshun rgyun mi 'chad par bya'o/ /gal te gzhan du 'gyur na/ khu ba'i ngo bo nyid zla ba'i rang bzhin no/ /longs spyod ba'i sku'o/ /khrag gi rang bzhin nyi mar snang bas sprul ba'i sku nus par gnas pa'o/ /bde ba'i ngo bo nyid du gnas pa'i khyim bdag mo dang lhan cig tu byang chub kyi sems 'di gnyis ka'i sbyor bas gong bur gyur nas skye ba dang 'jig pa'i 'khor ba'i lam nas 'das nas/ ro gcig pa rgyun 'byung ba'i dpal he ru kar 'gyur ro/ /de ltar yang dpal la sbyor thig le las/ /gang tshe mgron gnas chags chen po/ /zla ba'i gzugs kyis gnas gyur bas/ / sangs rgyas rnams kyi sku mchog yin/ gang tshe rdo rje rtse gnas pa'i/ /de tshe rdo rje spyod rdzogs pa yi/ /sku yang nus par 'gyur ba yin/ /pad+ma'i nang du gnas gyur 'dod/ /yungs kar du ni rnam par grags/ /nyi ma'i gzugs su yang dag grags//

  513. 257a

    sprul pa'i sku ru brjod par bya/ /sangs rgyas byang chub sems dpa' rnams/ /de la spro zhing skye ba yi/ /pad+ma gar dbang rgyal po ni/ /pad+ma'i gtso bo ru ni 'byung zhes gsungs so/ /dpal nag po rdo rje'i do ha mdzod kyis 'grel pa paN+Di ta 'od dpag med kyi mdzad pa rdzogs so// //rgya gar skad du/ saM sa ra mA na ni ya Ni ka ra NA ma sing+gA te/ bod skad du/ 'khor ba las yid nges par 'byung bar byed pa zhes bya ba'i glu/ /bla ma rnams la phyag 'tshal lo/ /dkon mchog gsum la phyag 'tshal lo/ /e ma'o/ /'du byed sdug bsngal 'gyur ba'i sdug bsngal dang/ sdug bsngal sdug bsngal la sogs brgya rtsa dgu/ /sdug bsngal kun las skyob par mdzad pa yi/ /sman pa'i rgyal po de la phyag 'tshal lo// kye kye kwa'i grogs po dag 'khor ba'i rgyu ni nyon mongs pa dang las/ /nyon mongs khams gsum gnas ni dgu bcu brgyad/ /zag pa'i chu bo sbyor ba nye bar len/ /rgyu dang yul dang sbyor ba'i stobs kyi byung/ /kye kye kwa'i grogs po dag/ /sna tshogs 'di dag las la byung/ /de yang nyon mongs stobs las byung/ /dge dang mi dge lung ma bstan/ /mthong la myong dang skyes nas myong/ /gzhan du myong dang ma nges pa'i/ /dkar dang gnag dang 'dren mo'i/ /'khor ba'i las ni lci gang dang/ nye ba gang dang goms pa gang/ /sngon byas gang yin de las ni/ /snga ma snga ma rnams smin 'gyur/ /grogs dag soms shig thog ma med pa nas/ /ma rig la sogs bcu gcig rga shi'i mdza' / /yan lag bcu gnyis cha gsum zo chun tshul/ /nang gi rten 'drel yang dang yang du 'khor/ /tshe rabs tshe rabs grangs med de dang der/ /skye dang rga dang na dang 'chi ba yi/ /sdug bsngal rnams kyis yang dang yang du gdungs/ /'khrul nas 'khor gyur 'khrul cing 'khor bar 'gyur/ /kye hud srid pa'i lam gyis dug pa'i

  514. 257b

    mgron po snams/ /sdug bsngal bde bar gzung nas mi skyob pa/ /khyed yid de la rtag tu chags byed pa/ /phyugs dang khyad par med par bla ma gsungs/ /bla mas zin pa'i skye bos mkhas pa dag/ skad cig skad cig 'gro ba lnga po kun/ /'khor ba'i sdug bsngal cher ma zug 'dra la/ /rus pa'i gting nas snying rje su mi skye/ /las ngan dbang gis 'khor ba'i rgya mtsho 'dir/ /yang yang skye zhing yang yang rga dang na/ /yang yang 'che 'gyur 'di ni mi sems par/ /yul la chags byed bdag gis ji ltar bya/ /gogs dag srid pa gsum nang gnas pa kun sdug bsngal/ /de yang mi'i sdug bsngal bdag gis mthong/ /mngal gyi sdug bsngal 'di lta bu ru gnas/ /nur nur mer mer gor gor nar nar po/ /ltar ltar mkhrang dang rkang lag rim gyis rdzogs/ /nu zho mar gyis gso byed cing/ /shin tu nyams chung gis rgyal nayl/ /byis pa dar ma lang tsho dang/ /rgas pas slar yang byis par 'gyur/ /tsho ni mi rtag shin tu g.yo ba ste/ /yud tsam sdong pa'i mthu yang yod ma yin/ /bdag ni nges par 'chi 'gyur mi sems pa/ /grogs bdag skyes bu de ni ngo mtshar che/ /'khor ba'i skyon dang nyes dmigs mi shes pas/ /phyin ci log pa bzhi la gnas nas su/ /bdag ni nges par 'chi 'gyur mi sems par/ /yul la mngon zhen nyin mtshan don med 'das/ /'dzam bu'i gling pa dus min 'chi bas te/ /des pa can yang zad par 'gyur bas na/ /yang dang yang du des par 'chi bo zhes/ /bsam par rigs so kwa'i bzhin bzang dag/ so ka me tog rgyas pa'i dus 'di byung bar 'gyur// zla ba gsal bas mtshon pa'i ston dus 'di 'byung zhes/ /skye bo thams cad dga' 'gyur bdag gi tshe 'di ni/ /zad par 'gyur zhes shin tu mi dgar 'gyur ba med/ /de ring 'di byas sang ni 'di bya de nas 'di bya zhes/ /srid pa g.yo ba'i rang bzhin

  515. 258a

    ma shes don med yid brtan tshol byed pa'i/ /skye dgu 'ching/ dag gi ni chu srin khar ni gru ni zhugs pa ltar/ bya ba mthar ma phyin par yul gyi chu'i bra klong nang du lhung/ /'di ni sang bya 'di ni thang cig 'og tu bya/ /'di ni de'u re bya zhes skye bo sems pa na/ /gshin rje bo chen lag thogs zur gyis lha byed cing/ /mig rtsa dmar khros ma rangs gad mos re snyam 'debs/ /rnal 'byor bstan chos thams cad dang/ /sbyor ba du ma rab shes kyang/ /deng bya sang bya zhes smra zhing/ /bsam dang ldan pas 'chi bar 'gyur/ /tshe ni gnod ma rlung gis btab 'dra yi/ /chu yi chu bur bas kyang mi rtag na/ /dbugs 'byung dbugs rdub gnyis kyis log pa las/ /sar khong gang lags de ni ngo mtshar che/ /kye kye kwa'i grogs po dag/ tshe ni yun thung shes bya'i rnam pa mang/ /tshe yi tshang kyang ci tsam mi shes pas/ /ngang pa chu las 'o ma len pa ltar/ /rang gi 'dod pa dang la blang bar gyis/ /kye kye kwa'i grogs po dag/ 'jig rten spyong ba dag la phar ltas na/ /byas ba thams cad don med sdug bsngal rgyu/ /ci la bsam kyang phan par mi 'byur bas/ /rang gi sems la lta ba goms bar gyis/ /kye kye kwa'i grogs po dag/ tshad ma bdun dang brda' spro rnam pa bzhi/ /mngon pa dang ni yi ge tsarya'i sa/ /mdo sde dang ni 'dul ba mngon pa dang/ /gzhung du bkod pa ma lus thams cad kun/ /ma mthong ma mnyan ma bshad ma bris zhes/ /de la gdung ba ma bskyed bzhin bzangs dag/ bla ma'i man ngag ces bya ba bdud rtsi'i ro/ /gang gis sems mnyam 'jog pa de tsam zhig/ yongs su btsal gyi gzhung mang ba ci zhig dgos/ /thams cad yid ni 'khrul par byed pa'i rgyu/ /'khor ba'i gnas 'di nges pa med pas na/ /pha ma la sogs pha mar nges pas/ /nye du 'brel ba dag la chags ba spang/ /dgra/

  516. 258b

    yang ma des de la sdang ba spang/ /nad med mang co phun sum tshogs pa dang/ 'dod yon lnga la rang bzhin gyis chags spang/ /rnyed pa dang ni bkur bsti grags pa dang/ /rigs dang rus dang tshigs su bcad pa spangs/ /kye kye kwa'i ri grogs po dag 'jig rten rtag sprul me dang dug 'dra bar/ /bsam nas spangs te dben par gnas par bya/ /bud med mtshan nyid skyes pa'i mtshan nyid dang/ /sman dang glang chen brtag pa'am gza' skar rtsis/ /mtshon cha brtag pa'am rta dpyad rang bzo'am/ /bstan chos ngan pa slob dang klog pa spangs/ /yul la mngon dga' i sems ni byung ba dang/ /rnam rtog de dag rnams ni byung ba na/ /bdag na des par 'chi ba dran byas la/ /'og nas 'byung ba'i gnyan po rnams kyis bzlog/ rnam rtog mang ba dbugs bgrang pa yis gzhil/ /'dod chags sems byung rnam par rtog pa de/ /rang bzhin mi gtsang keng rus blta bas bzlog /zhe sdang la ni byams pa'i chu yis btab/ /gti mug la ni rten 'brel lam gyis so/ /mi gtsang ba dang byams pa rten 'brel gyi/ /man ngag bla ma'i zhabs nas 'byung bzhin bya/ /'khor ba la yid nges par 'byung bar byed pa zhes bya ba'i glu/ /slob dpon chen po dpal mar me mdzad ye shes kyi zhal snga nas mdzad pa rdzogs so// // rgya gar mkhan po de nyid dang/ zhu chen gyi lo tsA ba rgya ba rtson seng ges 'bri ka mA la shI la'i gtsug lag khang du ba sbyar ba'o/ /slad nas bla ma de nyid dang/ lo tsA ba tshul khrims rgyal bas bcos shing gtan la phab pa'o// // rgya gar skad du/ d+harmmA d+hA du sang gla ti/ bod skad du/ chos kyi dbyings lta ba'i glu/ thams cad mkhyen pa la phyag 'tshal lo/ /gang zhig kun tu ma shes na/ /srid pa gsum du rnam 'khor ba/ /sems can kun la des gnas pa'i//

  517. 259a

    chos kyi dbyings la phyag 'tshal nas/ /chos dbyings lta zhing gzhan min pa/ /de dag rim bzhin brjod par bya/ /zab zhi spos bral te bzhin nyid/ /'od gsal 'dus ma byas pa gang/ /ma skyes ma 'gags gzod nas dag/ rang bzhin mya ngan 'das pa yis/ /chos dbyings mdza' dang dbus med pa/ /blo mig zhi ba mo rtog bral ba/ /byings rgod rab rib med pas lta/ /gang zhig 'khor ba'i rgyur gyur pa/ /de nyid sbyang ba byas pa las// dag pa de ni mya ngan 'das/ /chos kyi sku yang de nyid do/ /ji ltar 'o ma dang 'dres pas/ /mar gyi snying po mi snang ba/ /de bzhin nyon mongs dang 'dres pas/ /chos kyi dbyings kyang mi mthong ngo/ /ji ltar 'o ma rnams spangs pas mar gyi snying po dri med 'gyur/ /de bzhin nyon mongs rnam sbyangs pas/ /chos dbyings shin tu dri med 'gyur/ /ji ltar mar me bum nang gnas/ /cung zhig snang bar mi 'gyur ba/ /de bzhin nyon mongs bum nang gnas/ /chos kyi dbyings kyang mi snang ngo/ /phyogs ni gang dang gang dag gnas/ /bum pa bu ga gtong gyur pa/ /de dang de yis phyogs nyid nas/ /'od kyi rang bzhin 'byung ba 'gyur/ /gang tshe ting 'dzin rdo rje yis/ /bum pa de nyid bcag gyur pa/ /de tshe de yi nam mkha' yi/ / mthar thug bar du snang bar byed/ /chos kyi dbyings ni skye ma yin/ /nam yang 'gag par 'gyur ba med/ /dus rnams kun tu nyon mongs med/ /thog ma bar mdza' dri mkhral/ /ji ltar rin chen bai DUrya/ /dus rnams kun tu 'od gsal yang// rdo yi nad na gnas gyur na/ /de yi 'od ni gsal ma yin/ /de bzhin nyon mongs kyis bsgribs pa'i/ /chos dbyings shin tu dri med pas/ /'khor bar 'dod ni gsal ma yin/ /ji ltar spun pas g.yogs gyur pa/ /so ba 'bras nyid mi 'dod

  518. 259b

    ltar/ /de bzhin nyon mongs kyis g.yogs pas/ /de ni sangs rgyas zhes mi rtags/ /ji ltar spun pa las grol na/ /'bras nyid snang bar 'gyur ba ltar/ /de bzhin nyon mongs las grol na/ /chos kyi sku nyid rab tu gsal/ /ji ltar sbrum ma'i lto na bu/ /yod kyang mthong ba ma yin pas/ /de bzhin nyon mongs kyis g.yogs pa'i/ /chos kyi dbyings kyang mthong ma yin/ /chos dbyings gang phyir bdag ma yin/ /bud med ma yin skyes pa min/ /gzung ba kun las rnam grol bas// ji ltar 'dzin par brtag par bya/ /mi gtsang mi rtag sdug bsngal zhes/ /bya ba gsum pas sems spyad byed/ /stong pa nyid ni ston pa'i med/ /rgyal bas ji skad gsungs pa ste/ /de dag kun gyis nyon mongs ldog/ /khams de nyams par bye'am yin/ /mchog tu sems ni sbyang byed pa'i/ /chos ni rang bzhin med pa yin/ /ji ltar ri bong? mgo yi rwa/ /brtags pa nyid de med pa ltar/ /de bzhin chos rnams thams cad kyang/ /brtags pa nyid de yod ma yin/ /phra rab rdul gyi ngo bo nyid glang gi rwa yang dmigs ma yin/ /ji ltar sngan bzhin phyis de bzhin/ /de la ? zhig brtan par bya/ /brtan nas gag par 'gyur ba dang/ /gnas pa dag kyang yod min na/ /byis pa ji ltar rtog par byed/ /chos dbyings rang bzhin nam mkha' yin/ /khams ltar rgyu med rkyen med de/ /skye dang rga dang gnas pa dang/ /'jig pa med par 'dus ma byas/ /sangs rgyas chos dbyer med pa dang/ /de rigs de bzhin thob pa dang/ /brdzun med slu med 'tshe med pas/ /gdod nas rang bzhin zhi nyid do/ /gang phyir de ni rgya mtsho ltar/ /sgra dang dpe dang blo rnams gyis/ /gting ngad pha rol mi rnyed pa/ /de phyir rab tu zab pa nyid/ /chos kyi dbyings la dbyer med phyir/ /lta ba tha dad rung ma yin/ /'on kyang blo yi bya brag

  519. 260a

    gis/ /lta ba tha dad cung zad brjod/ /dbu ba nyid du spra ba rnams/ /de don bden pa gnyis su 'dod/ /kun rdzob dang ni don dam mo/ /bden gnyis rnam dbye shes pa dag/ thub pa'i bka' la mi rmongs te/ /de dag ma lus tshogs bsags nas/ /phun tshogs pha rol 'gro ba nyid/ /bdag dang bdag gi rtag chad dang/ /nyon mongs rnams byang rgyu 'bras dang/ /bzung dang 'dzin par gang spros pa/ /'di ni kun rdzobs bden pa'o/ /stong nyid bdag med zhi ba gang spros pa rnams kyis ma gos pa/ /tha dad don min rnams mi rtog /'di ni don dam bden pa'o/ /yang dag yang dag ma yin dang/ /rnam grangs rnam grangs ma yin pas/ /de gnyis so sor dbye ba byas/ /gtags tsam snang grags dngos po dang/ /tha snyad 'khrul pa sgyu ma dang/ /kun rdzob nyid ni rnam grangs so/ /stong pa nyid dang yang dag mdza' / /mtshan ma med dang don dam dang/ /chos kyi dbyings ni rnam grangs so/ /gang phyir sgrib pas kun rdzob ste/ /'gyur ba med phyir don dam mo// yang dag yang dag ma yin pa'i/ /shes pa gnyis phyir bden pa gnyis/ /yang dag shes pa med ce na/ /bden te tha snyad tsam du yod/ /de nyid tshol la thog mar ni/ /thams cad yod ces brjod par bya/ /don rnams rtogs shing chags med la/ /phyis ni rnam par dbyen don nyid/ /bden gnyis gcig dang tha dad min/ /nyes pa bzhi bzhi gsungs phyir ro/ /gcig dang tha dad gang rtogs pa/ /de ni tshul min zhugs pa yin/ /dngos por khas len yod na ni// 'dod chags zhe sdang mi zad 'byung/ /lta ba ma rungs yongs su 'dzin/ /de las byung ba'i rtsod par 'gyur/ /dmigs pa'i 'du shes can la ni/ /thob pa med cing mngon rtogs med/ /rjes mthun bzod par 'ang yod min na/ /mya ngan

  520. 260b

    'das pa 'ang smos ci dgos/ /stong pa nyid la lta nyes na/ /shes rab chung ldan phung bar 'gyur/ /ji ltar sprul la bzung nyes dang/ /rig stags log pa bsgrubs pa bzhin/ /rgyal ba kun gyis stong nyid ni/ /lta kun nges bar 'byin par gsungs// gang dag stong pa nyid lta ba/ /de dag bsgrub tu med par gsungs/ /gang dag rang dngos gzhan dngos kyis/ /dngos dang dngos med nyid mthong ba/ /de dag sangs rgyas bstan pa la/ /yang dag mthong ba ma yin no/ /med pa yod pa'i zlas grangs te/ yod pa 'ang med pa'i zlas grangs pa/ /de phyir med par brjod mi bya/ /yod pa nyid duAng mi brtag go/ /yod pa pa ni bde 'gror 'gro/ /med pa pa ni ngan 'gror 'gyur/ /yang dag ji bzhin yongs shes phyir/ /gnyis la mi brten thar par 'gyur/ /tshul gnyis shing rta zhon nas su/ /rigs pa'i srab skyogs 'jugs byed pa/ /de dag de phyir ji bzhin don/ /theg pa chen po ba nyid 'thob/ /gzugs sogs ji ltar snang ba nas/ /bde gshegs bar gyi chos rnams kun/ /ri bong ba lang rwa yi dpes/ /dbu ma nyid du goms par bya/ /yod min med min yod med min/ /gnyis min bdag nyid du yang med/ /mdza' bzhi las ni nges grol ba/ /de nyid dbu mar mkhas rnams bzhed/ /dbu ma mdza' las rnam grol na/ /mdza' dang bral phyir dbu ma 'ang med/ /mdza' dbus med par gang lta ba/ /de ni yang dag lta ba ste/ /bla na med pa'i lta ba yin/ /blo ldan rnams kyis rtag tu bsgoms/ /gang zhig lta ba 'dir zhugs pan/ /des ni thams cad mkhyen pa thob/ /rnam rig cam du smra ba rnams/ /ngo bo nyid ni gsum du 'dod/ /kun brtags gzhan dbang yongs grub po/ /brtags dang rgyu las skyes pa dang/ /mi 'gyur phyir na go rim bzhin/ /rnam par rtog pa gang grang gis/ /dngos po gang gang rnam brtags pa/ /de nyid

  521. 261a

    kun tu brtags pa yi/ /ngo bo nyid de de med do/ /gzhan gyi dbang gi ngo bo nyid/ /rnam rtog yin te rkyen las byung/ /grub ni de la snga ma po/ /rtag tu med par gyur pa gang/ /yod dang med pa'i mdza' gnyis kyis/ / de phyir de nyid gzhan dbang las/ /gzhan min gzhan pa yin pa 'ang min/ /mi rtag la sogs bzhin du brjod/ /chu shel bairU rya yis dpes/ /ngo bo nyid gsum shes par bya/ /bdag dang chos su brtags pa dang/ rnam par dag dang ma dag dang/ /'gyur med phyin ci ma log pa/ /rim bzhin re re 'ang gnyis gnyis so/ /blo gros bzang po thams cad ni/ /nang sems pa la brtson pa yin/ /bzung dang 'dzin pa las grol ba'i/ /rnam shes dam pa'i don du yod/ /chos rnams 'ba' yang skye ba dang/ /'gag pa cung zad yod min te/ /skyes pa 'ba' zhig kho na ni/ /skye ba dang ni 'gag par 'gyur/ /yod min chos rnams de dag snang/ /bems po las min gzhan las min/ /med pa las min nyes gnyis phyir// de phyir shes pa'i bdag nyid yod/ /rnam shes bems po'i rang bzhin las/ /bzlog par rab tu skye bar gsungs/ /bems min rang bzhin gang yin pa/ /de 'dir bdag nyid rig par 'dong/ /nam mkha' sa rlung nyi ma dang/ /rgya mtsho phyogs dang 'bab chu ni/ /nang gi shes pa yang dag gis/ /cha yin phyi rol ltar snang ngo/ /gsal ba'i rang bzhin du snang bas/ /de dag 'brel pa lkog gyur min/ /gang dang 'brel pas gang rig pa/ /de yis rig bya de rig 'gyur/ /ral gri'i so dang so rtse bzhin/ /blo yis rang 'dzin dor zhe na/ rang nyid snang ba dor min par/ /dgongs pa nges par 'grel las gsungs/ /de'i phyir blo yis mtshan nyid ni/ /rang rig par ni grub pa yin/ /de nyid rtogs par dka' bas na/ /'di yi ngo bo dpyad mi nus/ /rang rig de yang phra ba'i

  522. 261b

    phyir/ /sangs rgyas rnams kyis phra bar gzigs/ /rang la gnas kyang bdag 'dra pas/ /rmongs pa'i phyir na mthong ba med/ gsal dang blo ni bdag nyid kyis/ /'brel pa yong phyir don tsam yin/ /shes pa'i rang bzhin bden pa ste/ /rnam pa brdzun zhing 'khrul pa yin/ /sems ni rnam par bslad pa'i phyir/ /gcig nyid gnyis su snang ba yin/ /gzung dang 'dzin pa'i dbye ba las/ /shin tu mkhas pa cis ma yin/ /gzung ba'i rnam pa mi g.yo'i phyir/ /phyi rol lta bur snang pa yin/ /'dzin pa'i rnam pa rab g.yo bas/ /nang lta bur ni snang ba nyid// mtshan ma de ni spangs nas su/ /ye shes nam mkha' lta bur bsgom/ /sems kyis rang bzhin zag pa med/ /zag bcas sa bon ma zad par/ /kun zhi gnas skabs de dag nyid/ /zang nas zag pa med pa'i dbyings rnam par grol ba'i sku dang ni rtag? tu nyi zer nyi ma bzhin/ /sangs rgyas chos rnams gnas yin pas/ /skyob pa rnams kyis chos sku'o/ /nyan thos theg par thugs pa rnams/ /bdag dang bdag gis dben pa yi/ /phung po khams dang skye mched dang/ /bzhi lnga 'das dus ni gsum yang rung/ /yod pa thams cad gzung bya yin/ /dmigs dang bcas pas 'dzin par byed/ /de gnyis dam pa'i don du 'dod/ /bden pa mthong dang goms pa las/ /nyon mongs spangs pa zhes bshad pa/ /bden pa dag ni rnam bzhi ste// sdug bsngal de bzhin kun 'byung dang/ /'gog pa lam ste de lta na/ /de dag ji ltar mngon rtogs rim/ /sdug bsngal nyer len phung po'o/ /kun 'byung las dang nyon mongs te/ /'gog pa mya ngan 'das pa gnyis/ /lam ni phyogs mthun sum du bdun/ /tshul gnas thos dang bsam ldan pa/ /bsgom pa la ni rab tu sbyor/ /dge sbyong tshul ni de med lam/ /'bras bu 'dus byas 'dus ma byas/ /de dag brgyad cu rtsa dgu'o/ /grol lam zad pa rnams dang bcas/ /'bras bu bzhin rnam gzhag pa

  523. 262a

    ni/ /rgyu lnga dag ni srid phyir ro/ /nyan thos rnam bzhi sprul pa dang/ /rdzogs pa'i byang chub 'gyur ba dang/ /zhe bgrod grub mdza' 'dzin pa'o/ /de ni gnyis bzhi bco brgyad de/ /gnyis ni bye brag smra ba dang/ /de bzhin mdo sde smra ba'o/ /rnam pa med pa'i shes pa yis/ /gzugs la sogs pa don thig 'dod/ /de ni bye drag smra ba yin/ /gang zhig don gyis phan gtags pa'i/ /gzugs brnyan rnams la nyams myong bas/ /don rig 'dod pa mdo sde pa'o/ /gzhi ni dge 'dun phal chen dang/ /thams cad yod smra gnas brtan pa/ /mang pos bkur ba bco brgyad ni/ /shar dang nub dang gangs rig gnas/ /'jig rten 'das par smra ba'i sde/ /rtag par smra ba'i sde pa dang/ /lnga tshen dge 'dun phal chen pa/ /gzhi kun yong smra 'od srung sde/ /sa ston sde dang 'od srung sde/ /mang thos gos dmar slob ma dang/ /rnam par phye ste smra ba'i sde/ /thams cad yod par smra ba yin/ /rgyal byed tshal gnas 'jigs med gnas/ /gtsug lag khang chen gnas brtan pa/ /sa sgrogs ris dang srung ba pa/ /gnas ma bu yi sde pa ni/ /kun gyis bkur ba rnams pa gsum/ /yul don slob don bye brag gi/ thA dad rnam pa bco brgyad do/ rang rgyal byang chub don gnyer bas/ /gzung ba'i rtog pa spangs phyir dang/ /'dzin pa ma spangs phyir na ste/ /rten gyi bse ru lta bu'i lam/ /bskal pa brgya yi mthar thug par/ /bsgoms pas byang chub reg par 'gyur/ /de ni rten cing 'brel 'byung ba/ /yan lag bcu gnyis cha gsum mo/ /sngon dang phyi mthar gnyis gnyis dang/ /bar du brgyad yongs rdzogs ldan la/ /ma rig nyon mongs sngon gnas skabs/ /'du byed dag ni sngon 'das kyis/ /rnam shes mtshams sbyor phung po yin/ /ming dang gzugs ni de phan chad/ /skye mched drug dad tshun chad do/ /de ni

  524. 262b

    gsum 'dus tshun chad do/ /reg pa bde sdug la sogs kyis/ /rgyu shes nus pa tshun chang do/ /tshor 'khrig tshun chad sred pa ni/ /longs spyod 'khrig pa chags bcas kyi/ /nye bar len pa longs spyod rnams/ /thob par bya phyir yongs rgyug pa'o/ /de srid 'bras bu 'byung 'gyur ba'i/ /las de nyid ni srid pa yin/ /nyid mtshams sbyong ba skye ba yin/ /tshor ba'i bar ni rga shi yin/ /'di ni gnas skabs bar 'dod lo/ /gtso bo'i phyir na yan lag bsgrogs/ /sngon dang phyi mdza' bar dag la/ /rmongs pa rnam par bzlog phyir ro/ /nyon mongs gsum mo las gnyis so/ /bzhi bdun de bzhin 'bras bu yin/ /gnyis kyi rgyu 'bras mdor bsdus pa/ /bar ma'i rjes su dpag pa las/ /'dir ni 'byung ba rgyu yin te/ /'byung ba 'bras bu nyid du 'dod// yan lag bcu gnyis de dag las/ /rgyu ni rnams lnga 'bras bu bdun/ /'phan par byed dang 'phangs pa dang/ /mngon par 'grub byed grub pa dang/ /nyes dmigs kyis ni yan lag ste/ /gsum bzhi gsum gcig gcig rim bzhin/ /'du byed sdug bsngal 'gyur ba yis/ /sdug bsngal la nyid na rim bzhin du/ /lnga dang gnyis dang lnga yin no/ /khams gsum na ni rim bzhin du/ /bcu gnyis bcu gcig bcu yis 'jug/ brdzus skyes yan lag bcu gtsig gis/ /mngal dang sgong skyes bcu gnyis kyis/ /drod gser las skyes ci rigs 'jug/ de bzhin 'gro ba lnga la skyar/ /gsum po dag las gnyis 'byung ste/ /gnyis las bdun 'byung bdun las kyang/ /gsum 'byung srid pa'i 'khor lo ste/ /nyid ni yang dang yod du 'khor 'khor ba'i ngo bo rnams pa dang/ /gang zhig gang du gang gis dang/ /ji ltar ji srid nyes dmigs ni/ /mdza' yas tshogs kyis rab tu 'jug/ brtsam par bya zhing 'byung bar bya /sangs rgyas bstan la 'jug par bya/ /'dam bu'i khyim na glang chen bzhin//

  525. 263a

    'chi bdag sngon? gzhom par bya/ /gang zhig rab tu bag yod par/ /chos 'dul 'di la spyod 'byung ba/ /skye ba'i 'khor ba rab spangs nas/ /sdug bsngal tha mar byed par 'gyur/ /mya ngan gang las 'da' ba dang/ /gang zhig gang gis gang gi tshe/ /gang du gang phyir ji lta bur/ /ji srid ngo bo rnam pa dang/ /thob bya dbye ba phrin las dang/ /yon tan tshogs kyis ldog pa'o/ /mu stegs pa ni rnam pa gnyis/ /sprul pa pa dang rang rgyud pa/ /de yang skyes thob sbyor 'byung ngo/ /skyes thob rigs chad log sred can/ /sbyor byung bsam gtan rtog ge ba/ /bsam gtan pa ni mngon shes mthus/ /lta ba drug cu gnyis su rtogs/ /rtag par smra ba rnam bzhi dang/ /kha cig rtag par smra ba bzhi// mdza' yod sogs bzhi mi spong bzhi/ rgyud med gnyis ni sngon mthar rtog /'du shes yod smra bcu drug dang/ /med smra brgyud dang de bzhin du/ /yod min med min smra ba brgyad/ /chad smra bdun dang tshe 'di la/ /mya ngan 'da' bar smra ba lnga/ /phyi ma'i mthar rtog lta ba'o/ /rtog ge pa ni grangs can sogs/ /tshad mas grub mdza' 'dzin pa'o/ /grangs can yon tan gsum du brjod/ /snying stobs rdul dang mun pa'o/ /rangs dang mgu dang kun dga' dang/ /bde bzhi ba yi sems nyid dag/ res 'ga' yang ni snang gyur pa/ /de dag snying stobs yon tan no/ /mi dga' ba dang yongs gdung dang/ /mya ngan 'dod dang mi bzod dag/ gang du snang ba'i gtan tshigs kyis/ /de dag rdul gyis rtags su 'dod/ /rmongs pa de bzhin gti mug dang/ /bag med gnyid dang ga re? la ba dag/ de dag mun pa'i yon tan no/ /yon tan gsum gyi rang bzhin mchog/ mthong ba'i lam du 'gyur ma yin/ /mthong pa'i lam du gang gyur pa/ /sgyu ma bzhin du shin tu gsog /rang bzhin las ni chen po ste/ de la sangs

  526. 263b

    rgyal rnams su 'byung/ /de las dbang po bcu gcig dang/ /de tsam lnga'o de lnga las/ /'byung ba lnga ste nyi shu bzhi/ /gtso bo nyid dang rnam 'gyur ro/ /de dag sems pa yod ma yin/ /skyes bu kun rigs sems pa can/ /de dag nyi shu lngas shes na/ /ral pa 'ang byi po gtsug pud kyis/ /bsti gnas gang du dga' ba der/ /grol 'gyur 'di la the tshom med/ /bye brag pa ni don drug 'dod/ /rdzas dang yon tan las dang spyi/ /bye brag 'du ba rnams pa drug/ rdzas dgu yon tan nyi shu bzhi/ /las lnga spyi gnyis bye brag gnyis/ de bzhin 'du ba'ang rnam gnyis te/ /de nyid drug shes rig pa'i mchog/ /rig byed kun gyi pha rol phyin/ /gcer bu pa rnams don dgu sma/ /srog dang zag pa snom pa dang/ /nges rang rga dang 'chi ba dang/ /las dang sdig dang bsod nams dang/ /thar pa zhes bya don dgu po/ /gang gis mthong ste rnam par dag/ rigs pa can don bcu drug 'dod/ /tshad ma gzhal bya the tshom dang/ /dgos pa dpe dang grub mdza' dang/ /cha shes rtog gi gtan la dpag/ rtsod dang rdzod dang rgol ba dang/ /rgyu skar snang ba'i tshig dor ba?/ /ltag char chad pa'i gnas rnams te/ /bcu drug gis ni nges par 'gyur/ /spyod pa ba ni don bzhir brjod/ /sa dang chu dang me dang rlung/ /de dag 'dus ma byas pa ste/ /rtag tu skye 'gag med par gnas/ /de bas las 'bras yod ma yin/ /sngon dang phyi mdza' de bzhin med/ /gang zhig de ltar rnam dpyod pa/ /mthong ba tsam gyis rnam grol 'gyur/ /khyab 'jug byed rgyur smra ba rnams/ /nyi ma'i nang na khyab bdag 'jug/ skar nang 'od gnas zla ba yin/ /rlung nang ba ni 'od zer can/ /snang ba can ni nyi ma yin/ /rig byed nang na snyan tshig dang/ lha nang ba ni brgya byin te/ /dbang po'i nang na yid yin no/ /'byung ba'i nang na sa yin zhing/ /nga ni bde byed drag po'ang yin/ /srin po gnod sbyin nang rol bdag/ /nor lha'i nang na me lha nga/ /ri bo'i nang na nga ri rab/ /nga ni yi ge'i nang na

  527. 264a

    a /nya dang rus sbal phag dang ni/ /mi yi seng ge mi shung dang/ /dga' byed ra ma na nag po/ /sangs rgyas ci rti ka dang bcu/ /gang gis khyab 'jug yon tan rnams/ /rtag tu bsgoms na bde thong 'gyur/ /dbang phyug byed rgyur 'dod pa rnams/ /'gro ba 'di dag thams cad kyi/ /byed pa po ni dbang phyug yin/ /de ni yon tan brgyad dang ldan/ /rab phra yang ba mchod par 'os/ /bdag por gyur dang dbang du gyur/ /gar yang phyin dang 'dod dgur ldan/ /de bzhin dga' mgur gnas pa'o lag pa dag dang rkang pa dang/ /mig dang gdong dang lus rnams kyi/ /mang po bskyed cing 'jig byed pas/ /des na phra bar brjod pa yin/ /mnga' dang rlung dang sa dang ni/ /chu dang me dag gnas byed cing/ /sdud pa dang ni rgyas byed pas/ /des na yang bar brjod pa yin/ /'jig rten gsum na mchod gyur cing/ /gnas pa dag dang rgyu ba dang/ /'byung po kun gyis brjed pas na/ /des na mchod par 'os pa yin/ /'byung po kun la dbang byed cing/ /gnas pa dag dang rgyu ba dang/ /gang dang gang 'dod de byed pas/ /des na bdag por khyur ces bya/ /bdag la rag las rang dbang can/ /dga' la 'ang 'jigs pa yod min te/ /thams cad dbang du gyur bas na/ /des na dbang du gyur ces bya/ /mtho ris ngan stong kun khyab pas/ /des na gang yang phyin zhes bya/ /snying stobs rdul dang gun pa gsum/ /de dag gang la gnas gyur pa/ /mig 'byed tsam gyis byed gyur pas/ /des na 'dod dgur ldan zhes bya/ /thar pa'ang yang na lha yis lus /gang du bdag nyid thar 'dod pa dag/ thams cad 'dod pas thob 'gyur bas/ /des na dga' dgur gnas shes bya/ /gang zhig bu gyur cig bu kyes nas 'dug/ /de yis 'di kun skyes shing 'jig par byed/ /de ni dbang bdag mchog sbyin lha mchog sbyin lha mchog bya/ /yon tan byed po shin tu zhi ba 'thob

  528. 264b

    skye ba po 'di shes pa yod min te/ /bdag gis bde sdug bdag la rang dbang med/ /dbang phyug gis btang yang na mtho ris sam/ /g.yang sa dag tu 'gro ba kho nar 'gyur/ /dbang phyug rdza mkhan lta bur sna tshogs 'di sprul byed por ma gyur na/ /ri rab 'di mi grub cing sa gzhi 'di min rgya mtsho 'ang ma yin te/ /nyi zla skar ldan 'di ltar bkod pa 'di dag mig yul du med 'gyur/ /yod pa'i phyir na dbang phyug 'gro ba'i byed po yin zhes 'ga' zhig smra/ /phra zhing bsam gyis mi khyab rab srab byed pa kun rig kun byed pa// rnal 'byor goms pas thob pa blo can bsam gtan pa yi bsam gtan yul/ /nyi ma zla ba sa chu me rlung phyogs dang nam mkha' i lus can te/ /zhi ba'i bde dga' 'dod pa rnams kyis dbang phyug rtag tu bsgoms/ /dus la bltos par smra ba rnams// dngos kun dus kyi bsgyur ba ste /gang gi zhang po nor lha dang/ /gang pha nor rgyas yin pa yi/ /'jigs med khro bo 'ang bsang gyur pas/ /dus ni 'da' bar dka' ba yin/ /'byung ba rnams ni dus kyis 'byin/ /skye dgu rnams spud dus kyis byed// dus kyi gnyid logs gsad par byed/ /dus ni 'da' bar bka' ba yin/ /bsrung ba gsum rtseg 'obs ni rgya mtsho dang/ /dmag mi srin po nor ni nor sbyin sbyor/ /gang gis bstan bcos pa sangs tshad mnyam pa'i/ /sgra sgrogs bu de 'ang dus kyis dbang gis nyams/ /ngo bo nyid rgyur smra ba ni/ /dngos rnams ngo bo nyid kyis 'grub/ /me yi dmar ba nyid dang ni/ /dam pa gzhan rab gdung ba/ /drug po 'di dag ngo bo nyid kyis grub/ /gang rno bar gyur pa su yis byas/ /ri dags bya yi ri mo su yes byas/ bu ram shing mngar ni ma? kha ba dag /'di dag thams cad ngo bo nyid kyis grub/ /nyi ma tsha zhing zlar ba bsil ba dang/ skye bo chags shing thub pa de min la/ /bde ba rab sil sdug bsngal rab gdung ba/ /drug po 'di dag ngo bo nyid kyis grub/ /gang dag rgyu

  529. 265a

    med smra ba ni/ /thams cad rgyu la bltos med par/ /dngos po rnams ni skye ba ste/ nyi ma pad+ma'i gser sogs/ /sna tshogs gang gis byas pa yin/ /rma bya'i mdongs la sogs pa yang/ /sna tshogs gang gis sprul pa yin/ /ji ltar char rlung la sogs pa/ /glo bur 'byung phyir rgyu med ltar/ /sdug bsngal la sogs rgyu med nyid/ /shin tu rgya chen rab zab la/ /sgyid lug shin tu ma sbyangs la/ /bdag bzhin sgra dag gti mug gis/ /de ltar theg pa che la smod/ /tshul khrims las ni nyams bla yi/ /lta las cis kyang ma yin te/ /tshul khrims kyis ni mtho ris 'gro/ /lta bas go 'phang mchog tu 'gyur/ /gti mug dbang gis bsgribs gyur te/ /gang zhig yang dag bgegs byed pa/ /de la dge ba'i 'gro ba'ang med/ /thar pa med pa/ smos ci dgos/ /gnod pa'i sa bon gyur pa yi/ /mu stegs byed mang mthong nas ni/ /thar 'dod skye bo 'dod rnams la/ /snying rje mi 'gyur su zhig yod/ /de phyir thar pa don gnyer rnams/ /chos kyi dbyings su lta bar gyis/ /chos kyi dbyings su lta ba'i glu/ /slob dpon chen po'i dI? paM ka ras mdzad pa rdzogs so// //rgya gar gyi mkhan po de nyid dang/ bod kyi lo ts+tsha ba dge slong tshul khrims rgyal bas bsgyur ba'o// // */ /rgya gar skad du/ u pa de sha gA ya bra di ba nA ma/ bod skad du/ man ngag sku'i sgron ma zhes bya ba/ 'jam dpal smra ba'i seng ge la phyag 'tshal lo/ /rgyal ba'i sku ni gcig nyid la/ /gdul bya'i mos pa'i dbang gis ni/ /phyi nang gsang ba gsum du gnas/ /bde gshegs sbrul pa sna tshogs ston/ /yab ni thabs kyis rang bzhin la/ /yum ni shes rab rang bzhin te/ thabs dang shes rab gnyis med pa/ /thar pa'i lam gyi gtso bo yin/ /las dang thugs rje'i dbang gis ni/ /la la zhi zhing la la khro/ /zhi bas

  530. 265b

    phan par ma gyur na/ /khro bo de bzhin gshegs pas bstan/ /gdod nas ngag pa'i snying po la/ /gzugs sku mtshan dang dpe byang ldan/ /rang rgyud dngos po ma yin par/ /rang dbang can gyi sku nyid do/ /skye dang 'chi ba'i cho 'phrul rnams// sems can lta bu ma yin te/ /skye rga na 'chi rang gis shes/ /zhen pa rnams las 'da' tshul ston/ /skye dang 'chi ba mi dmigs pas/ /bag chags lus las grol gyur nas/ /rdo rje lta bu'i sku yin pas/ /bltas pa tsam gyis dri ma tha ? mtshon gzhi dri med me long la/ /mtshan bcas 'dzin med gzugs brnyan 'char/ /zung 'jug blo gros ngo bor rtogs/ /gnyug ma par ldan me long la/ /bcud dang rtsal spyod gzugs brnyan 'char/ /ltan cig skyes pa'i ngo bor rtog/ 'khor 'das gzhi med me long la/ /'gro ba drug gis gzugs brnyan 'char/ /bsgom du med pa'i ngo bor rtogs/ /shes rab gsum gyi me long la/ /yon tan mdza' dang gzugs brnyan 'char/ /yongs su med pa'i ngo bor rtogs/ /bcu gcig ldan pa'i dam pa la/ /brgyad dang ldan pa'i slob ma yis/ /zhabs kyi pad+mar rab tud nas/ /ma nyams gsum gyis mchod pa dbul/ /nges pa'i shes pa skyes gyur nas/ /spyi dang rang gi mtshan nyid ni/ /ma 'dres gcig tu rtogs pa yis/ /dus 'di nyid la rdzogs sangs rgyas/ /ma ni dag sku'o sgron ma rdzogs so// //rgya gar skad du/ yA na bA ka pra dI pa nA ma/ bod skad du/ theg pa gsung gi sgron ma zhes bya ba/ 'jam dpal smra ba'i seng ge la phyag 'tshal lo/ khams gsum sems can ma lus kun/ /ma rig mun pas 'thebs pa la/ /ston pa bcom ldan shAka? thub kyis/ /gsung gi sgron ma 'di bstan pas/ /dam chos rim pa gsum du gsungs/ /rgyas par gsung dang 'bring du bshad/ /bsdus pa'i don du bstan pa'o/ /de la

  531. 266a

    rgyas par gsungs pa ni/ /dug gsum nyon mongs cha mnyam pa'i/ /gnyen po brgyad khri bzhi stong ste/ /theg pa sna tshogs bstan pa'o/ /'bring ni gsung rab bcu gnyis dang/ /mod dang dbyangs bsnyad lung bstan dang/ /tshigs bcad ched brjod gleng gzhi dang/ /rtogs brjod de byung skyes pa'i rabs/ /rgyas dang rmad byung gtan la dbab/ /bsdus pas sde snod gsum dag ste/ /mdo sde 'dul ba chos mngon no/ /lta ba gtsor ston mngon pa ste/ /bsgom pa gtsor ston mdo sde yin/ /spyod pa gtsor ? 'dal ba'o/ /de yang rnam pa gsum yin te/ /che dang chung dang khyad par ro/ /dang po lnga ni me do yin te/ /de rjes drug ni 'dul ba yin/ /nangs kyis tha ma mngon pa'o/ /de ni theg pa chung du'i gzhung/ /rgyas dang rmad byung med yin te/ /med? sogs dgu ni? 'dul ba la/ /gtan la dbab pa mngon pa'i sde/ /de ni theg pa chen po'i gzhung/ /mdo sogs rim lnga mdo yin te/ /de rjes rnam bzhi 'dul ba la/ /tha ma gsum ni mngon pa'o/ /de ni khyad par bla med gzhung/ /de bzhin sbyor ba shes par bya/ /khyad par dbang du byas nas ni/ /mtshan nyid rgyu yi theg pa dang/ /'bras du rdo rje'i theg pa'o/ /de gnyis rgyu 'bras khyad par yang/ /don cig la yang ma rmongs te/ /thabs mang dka' ba med pa yis/ /dbang po rnon pos dbang byas te/ /pha rol phyin pa'i theg pa pas/ /sngags kyi theg pa khyad par 'phags /sngags la rgyud sde bzhir gsungs te/ /bya ba'i rgyud dang spyod pa'i rgyud/ /rnal 'byor rgyud dang bla med pa'o/ /dman pa rnams la bya ba'i rgyud?/ /bya min rnal 'byor de ltag la/ /rab la rnal 'byor bla med do/ /yang na mi rigs bzhi las ni/ bram ze'i rigs la bya ba'i rgyud/ /dmangs rigs la ni spyod pa yi/ /de bzhin rje'u rigs rnal 'byor rgyud/ /rgyal rigs rnal 'byor bla med do/ /'di ni bla med rgyud du grags/ /rgyu dang thabs dang 'bras bu

  532. 266b

    las/ /'di ni thabs kyi rgyud du gsungs/ /zab cing rgya re'i zhi byed 'di/ /rgyud pa rnams pa bzhi ru bshad/ /rig gi rgyud dang don gyi brgyud/ /byin rlabs brgyud dang brda yi brgyud/ /ma zhugs rnam bzhi shes par bya/ /theg pa gsung gi sgron ma rdzogs so// // rgya gar skad du/ sam darsha pra dI pa nA ma/ bod skad du/ yab dag lta ba'i sgron ma zhes bya ba/ 'jam dpal smra pa'i seng ge la phyag 'tshal lo/ /lhan skyes ye shes ster mdzod pa/ /dam pa skyes mchog rnams la 'dud/ /mtshon chod lta ba ma 'gags pas/ grub mdza' kun dang phyogs gcig mthun/ /yin lugs lta ba mdza' dang bral/ /grub mdza' kun gyi blo ma shor/ /lta ba rgya che mdza' bral ni/ /mdza' bzhi'i skyon dang bral bas na/ /grub mdza' kun la mi gnas pas/ /yang dag lta bar yid ches bya/ /blta bya blta byed gnyis dang bral/ /lta ba med pa'i lta ba ni/ /lta ba'i dam pa kho na yin/ /dngos 'dzin lta ba kun las grol/ /ma rig pa yi mig phye nas/ /ye shes mig gis bltas pas ni/ /rig pa dri ma med pa lta/ /dri med mthong zhes lta ba yin/ /mthong bya mthong byed gnyis bral nas/ /zung 'jug lta ba gza' gtad med/ /phyag rgya chen po lta mchog yin/ /de nyid rtog pa'i yon tan ni/ /mtshan nyid bzhi ru shes par bya/ /rig pa dri ma med pa la/ /rnam dag sgrib g.yogs med pas na/ /gzung 'dzin g.ya' yis ma gos pa'o// gcig gi sangs rgyas e ma'o/ /rig pa gcer bur gnas pa la/ /mtshan ma'i gos kyis ma g.yogs par/ /rang 'byung ye shes drod po che/ /chags sdang mtshan ma me bzhin sreg/ kun shes rig pa rten med pa'o/ /bag chags srubs su ma zhugs par// sdug bsngal mkhar pa gzugs mi dgos/ /'dod yon so nam rang sar grol/ /'dzin med rig pa brlings pa ni/ /dngos 'dzin yu ba bud pas na/ /snang grangs 'dzin pa nus pa yin/ /phyogs cha med pa'i blta ba'o/ /yang dag lta ba'i sgron ma zhes bya ba

  533. 267a

    rdzogs so// //rgya gar skad du /ratna? na b+ha ba dI pa nA ma/ bod skad du/ rin po che sgom pa'i sgron ma zhes bya ba/ 'jam dpal sma ba'i seng ge la phyag 'tshal lo/ /ma rig mun pa sel mdzad pa/ /dam pa skyes mchog/ rnams la 'dung/ /dang po zin par bya ba dang/ /bar du brtan par bya ba gces/ /tha me bogs kyis dbyung thabs so/ /mnyam gzhag dang ni rjes thob dang/ /ngo bo rang bzhin mtshan nyid dang/ /rtags dang nyams myong yon tan dang/ /tshad dang skyon dang bcos thabs so/ /ma zin zin par byed pa la/ /lus kyi gnad dang dmigs pa'i nad/ /rlung gi gnad ni shes par bya/ /zin pa brtan par byed 'dod na/ /rtsal sbyong gsum la mkhas par bya/ /brtan pa gong du bogs 'byin na/ /bogs 'byin gsum la goms par bya/ /mnyam gzhag dang ni rjes thob la/ /ngo sprod bzhi bzhir shes par bya/ /dang po mnyam gzhag do sprod? ni/ /rig pa mdza' rkyang ngar dang chos/ /nam mkha' lta bu'i dpe yis mtshon/ /rig pa thang sha gcad pa ni/ /gzhu bzangs gdungs pa'i dpe yis mtshon/ /de nas rig pa rtsal sbyang ni/ /dar chen rlung gis spyod pas mtshon/ /rig pa rjen par gzhag pa ni/ /gnyug ma lta bu'i dpes yis mtshon/ /rjes thob la yang ngo sprod bzhi/ /mnyam gzhag rjes thob med par sprad/ rkyen la drag zhan med par sprad/ /dbang po thogs rdugs med par sprad/ /rang bzhin gsal ba dri med yin/ /mtshan nyid nyams su myong ba'o/ /rtags la rnam pa bzhir gsungs te/ /btang na 'gro la gzhag na sdod/ /dgos pa'i dus su slegs? pa dang// shes bzhin gnad du tshud pa'o/ /nyams myong la yang de bzhin te/ /bde ba dang ni gsal ba ngang/ /mi rtog pa dang mi g.yo ba'o/ /yon tan mngon par shes pa 'char/ /tshad ni rtsa ba brtan pa dang/ /de bzhin rtse mo rno ba nyid/ /bar ni gsal ba bar

  534. 267b

    dang chas/ /dmigs pa sna tshogs sgyur shes pa'o/ /skyon ni bying dang rmugs pa dang/ /de bzhin rgong dang g.yeng ba'o/ /bcos pa la yang rnam gsum ste/ /rin chen gser ltar bcos pa dang/ 'tsho mdzad sman pa lta bu dang/ /bi shwa kar ma'i bzo bzhin no/ / man ngag bsgom pa'i sgron ma rdzogs so// //rgya gar skad du/ sa ma tA wa stu pra dzI pA nA ma/ bod skad du/ mnyam nyid gzhi'i sgron ma zhes bya ba/ 'jam dpal smra ba'i seng ge la phyag 'tshal lo/ /rang snang me long ston mdzad pa/ /dam pa skyes mchog rnams la 'dud/ /gzhi la rnam pa gnyis yin te/ /spyi yi gzhi dang bye brag gzhi/ /spyi? ni gnyis su lung ma bstan/ /gzhi nyid ming 'dogs bral ba yin/ /dper na ga bur sman bzhin no/ /ma bcos khas len bral ba yin/ /nus pa sna tshogs 'char bas na/ /gzhi nyid shes pa'i nus pa yin/ /sangs rgyas sku dang ye shes 'byung/ /de ma rtogs pa'i sems can ni/ /lus dang bag chags gnyis su snang/ /bye phrag bzhi la gnyis yin te/ /'khor ba'i gzhi dang 'das pa'o/ /'khor ba'i mtshan nyid 'dus byas pa/ /rgyus dang rkyen gyis bskyed pas na/ /snod dang bcung ni mi rtags so/ /bus pa'i la sogs 'gyur bas na/ /de ma shes pas yang yang 'khor/ /'das pa'i gzhi la gnyis yin te/ /dran pa bzhi yis dos pa zung la/ /phyag rgya bzhi yis rgyas gdab bo/ /thabs shes gnyis kyis gtan la dbab/ /A li thabs kyis rang bzhin la/ /kA li shes rab rang bzhin no/ /skye med mtshon bas a zhes bya/ /'phag med mtshan pas ka yin no/ /ri ri li li zung 'jug go/ zla ba dang ni nyi ma gnyis/ g.yas dang g.yon par shes par bya'o/ /des nas dus tshod 'pho ba dang/ /chu tshod dbyug gu skad cig dang/ /lte ba dang ni snying ka dang/ /mgrin pa dang ni spyi bo dang/ /'khor lo bzhi ru shes par bya/ /'byung ba lnga dang phyi nang gnyis/ /ri snyoms ma zhu shes par bya/ /phyi nang gnyis su

  535. 268a

    gnas pa bya?/ /rten 'brel chos rnams ma shes na/ /sangs rgyas chos rnams mi shes so/ /lte bar a gnas gsang bar spro/ /snying khar raM gnas 'bar ba ni/ /mgrin par h+ri las gsal ba ni/ /spyi bor haM du bsgom par bya/ /bde stong gnyis su gsal bas ni/ /mtshan par phyag rgya chen po yin/ /spong dang sbyor dang skyur dang grol/ /zad dang 'phen dang tshigs dang don/ /sde snod gsum gyi don yang ston/ /dus tshod 'byung ba bzhi yis mtshon/ /ma nor ba ru shes par bya/ /sde tshan lnga yis nang rnams 'joms/ /A li krA? li mgrin par gnas/ /nam mkha' i yi ge nga rgyal 'joms?/ /tsa yi sde tshan rkan las 'byung/ /me yi yi ges zhe sdang 'joms/ /Ta yi sde tshan lce las byung/ /rlung gi yi ges phrag dog 'joms/ /ta yi sde tshan so nas 'byung/ /sa yi yi gis gti mug 'joms/ /pha yi sde tshan mchu nas 'byung/ /chu yis yi ges 'dod chags 'joms/ /hUM gi 'og gis rlung rnams sbus/ /a yis steng gi bde ba gsal/ /has? yis bde ba 'tshal bar byed/ /hi ka gis bde ba gnas nas 'dren/ /phyi nas 'byung ba'i dgra gshed dang/ /nang nas 'byung ba'i ro snyoms dang/ /phyi yi dus tshod g.yon nas bzung/ /nang gi rus 'tshod g.yas nas gzung/ /lo yi mgo bo byi ba yin// zla ba'i mgo bo stag yin pas/ /lho dang byang dang shar dang nub/ /'byung ba bzhi ru shes par byas/ /shes na thams cad 'grub par nges/ /tshig cig stan pas sangs rgyas dang/ /rdzas cig rnyed pas don yod 'grub/ /sngag gcig bzlas pa la nus ba 'byung/ /mnyam nyid gzhi'i sgron ma rdzogs so// //rgya gar skad du/ ko Ti naShtha pha la cI? pa nA ma/ bod skad du/ mthar thug 'bras bu'i sgron ma zhes bya ba/ /'jam dpal smra ba'i seng ge la phyag 'tshal lo/ /'khor ba'i chu las

  536. 268b

    sgrol mdzad pa/ /dam pa skyes mchog rnams la 'dud/ /sgrub pa'i chos la don yod pas/ /dam pas gsungs pa yid ches gyis/ /mthar thug 'bras bu'i sgron ma ni/ /rnam pa gnyis su shes par bya/ /gnas skabs rgyu yi 'bras bu dang// mthar thug rtog pa'i 'bras bu'o/ /rgyu 'thun 'bras bu mi stor bas/ /byas pa'i chos la nan tan skyed/ /nam mkha' rdo rje grong 'jug gsum/ /las su rung ba'i 'bras bu yin/ /rtog pa'i 'bras bu sku lnga ste/ /ngo bo stong pa chos sku la/ /rang bzhin gsal ba longs sku yin/ /mtshan nyid nyams myong sprul pa'i sku/ /zung 'jug ngo bo nyid kyi sku/ /rang grol rang dag bde chen sku/ /don la mtshon du ci yang med/ /tha snyad blo la rgyu 'bras gnyis/ /zhen pa bzlog phyir bstan pa las/ /don dam brjod du med pas na/ /rgyal bas chig? gcig gsungs pa med/ /mthar thug 'bras bu'i sgron ma zhes bya ba rje btsun ka ma la sh+ris mdzad pa rdzogs so// //rgya gar skad du/ b+ho d+hi tsarya dI paM nA ma/ /bod skad du/ /byang chub spyod pa'i sgron ma zhes bya ba/ 'jam dpal smra ba'i seng ge la phyag 'tshal lo/ /sgrol ma la ni phyag 'tshal nas/ /dam pa skyes mchog rnams la 'dud/ /'gro ba sdug bsngal gdungs pa la/ /shi byed bsil ldan dri med bshad/ /'jig rten khams 'di mi rtag ste/ /dper na 'ja' tshon yal dang 'dra/ /lo zla chos grangs 'chi dang nye/ /bu tshal sogs grogs rnams dang khor nas gcig pu 'gro dgos na/ /bar do bzhi las 'chi ba'i tshe/ /sdug bsngal ri bos mnan pas sdug/ bdun tsho bdun du bar do ru/ /gshed pos 'tshe zhing sdug re bsngal/ /ma rig 'khrul pas lus blangs te/ /nyon mongs lnga yi sems kyang dkrugs/ /dper na shing rta'i 'khor lo gzhin /'gro ba drug gis sdug bsngal myong/ /sdug bsngal bzhi sogs sdug bsngal bas/ /de phyir byang chub bsgrub par bya/ /le 'o

  537. 269a

    g.yeng bar ba spangs te/ /shes rab gsum la blo sbyangs la/ /rtag tu dur khrod gnas su 'dug/ dran pa bzhi dang ldan pa yis/ /tho rangs 'das te khrus byas la/ /dang dang mos gus sngon btang ste/ /byang chub sems dang rab ldan bas/ /'gro ba bu bzhin gdung par bya/ /gsum la skyabs 'gro ma nyams bya/ /bden pa'i chos la the tshom spang/ /'dod pa spel phyir chu sbyin gtang/ /mchod gshags la sogs kha don bya/ /gru yi tshul du lus kyang btsal/ /bag yod spyod lam blo gros zab/ /lha dang mi 'bral bsam pa bzang/ /dang po khyud pas dkon mchog mchod/ /kha zas kun la rnal 'byor bya/ /lhag ma 'byung po rnams la bsngo/ /bshad gci rnams kyang sbyin par gtang/ /smon lam rgya chen gdab pa'o/ /chos su 'gro ba'i tshig kyang brjod// tsha tsha gdab cing srog kyang gdon/ /bsod nams tshogs ni ci nus bsags/ /ye shes tshogs kyang de bzhin te/ /sdom pa gsum dang ldan par bya/ /pha rol phyin pa drug spyad de/ /dbang bzhi rdzogs pa'i rnal 'byor bya/ /bskor ba bya zhing lus kyang bcag/ 'byung ba bzhi ni ro bsnyams te/ /mtshan mo nang gi spyod pa bya/ /srod la gtor tshogs chen po gtang/ /nam phyed tshogs kyi 'khor lo bskor/ /phyi bcud nang bcud rang sor bzhag/ nam smad dge pa'i gnyid kyang yog?/ spyod lam rnam bzhi'i chos la bsdu/ /ma yengs chu bo'i? rgyun ltar spyad/ /sgyu lus 'od gsal bsre ba yang/ /sum cu rtsa bzhi'i gdams pa'i don/ /sems nyid las su rung bas ni/ /rang dbang rgyal po sems la thob/ /de phyir rnal 'byor brtson par spyod/ /byang chub spyod pa'i sgron ma zhes bya ba rje btsun ka ma la sh+ris mdzad pa rdzogs sto// //paN+Di ta kha che dz+nyA na gu rgya dang/ ong po lots+tsha bas bsgyur pa'o// //rgya gar skad du/ pA da yag pra d+hi po nA ma/ bod skad du/

  538. 269b

    rnal 'byor lam gyi sgron ma zhes bya ba/ 'jam dpal smra ba'i seng ge la phyag 'tshal lo/ /rnal 'byor lam gyi sgron ma 'di/ /stan pas legs pa'i lam mi 'jug/ /sdug bsngal thams cad zhi mdzad pa/ /dam pa skyes mchog de la 'dud/ /A li kA la'i sgra don rtogs/ sde snod gsum gyi don yang shes/ /bdag dang skye 'gro'i sems can rnams/ /ye nas skye med 'od gsal yang/ /ma rig pa yi rlung gis 'khrul/ /'khor pa'i sdug bsngal nyams su myong/ /de las grol bar bya ba'i phyir/ /rnal 'byor lam pas 'di ltar bya/ /sdig pa'i las rnams rab spangs te/ /dge ba'i chos la brtson par bya/ /dka' la som nyi mi za zhing/ /rtag tu skyabs 'gro ma nyams bya/ /byams pa'i sems dang rab ldan zhing/ /'gro la snying rje ci nus bya/ /'dod ? yon dngos po mi rtag pas/ /gzung 'dzin chags sems rnam par spangs/ /gzhan la smad par mi bya zhing/ /'gro ba'i bla ma spyi bor bkur/ /log pa'i lam du mi 'jug cing/ /mthu dang ngan sngags spel mi bya/ /longs spyod 'du 'dzi rnam spangs te// gcig pu nags su 'dug la sgom/ /'jig rten 'chal tshig ma brjod par/ /sngags dang snying po mdo yang brjod/ /yang na lkugs pa'i tshul du bsdad/ /dang byung dri ma med pa'i brda/ /lus la gru yi blo bzhin la/ /bcud len gyis ni zungs kyang bskyed/ /gtum mo yis nor? bsnyams te/ /'byung ba bsnyams? zhing nad rnams dbyung/ /gnod sbyin par chad byed pa la/ /brtul zhugs gdams pa'i spyod pa bya/ /mi ngal gsum dang 'du ba gsum/ /'khor lo gsum dang rtsa ba gsum/ /'bar ba gsum dang ? mi tha?/ /thim pa gsum dang rgyas gdab po/ /mdor na thams cad sems yin te/ /sems las ma gtogs chos gzhan med/ /sems su 'dzin pa la drul pa'i blo/ /blo las grol na gnyis su med/ /gnyug pa'i dang las ma g.yengs

  539. 270a

    par/ /dngos por snang par sgyu mar blta/ /sgyu ma brdzun pa rmi lam tshul/ /rmi lam tshul sogs rab shes nas /dpe brgyad bzhin du shes par bya/ /rnal ma'i chos la rab gnas na/ /gang ltar spyad kyang bde ba thob/ /nges na rnal 'byor brtson par bya/ /rnal 'byor lam gyi sgron ma zhes bya ba rje btsun ka ma la sh+rIs mdzad ba rdzogs sho// //rgya gar skad du/ tsit+ta gu hya pra dI paM nA ma/ bod skad du/ gsang ba'i thugs kyi sgron ma zhes bya ba/ /'jam dpal smra pa'i seng+ge la phyag 'tshal lo/ /dam pa lnga bcu rtsa lnga yis/ /zhabs kyi pad+mar rab btud nas/ /sdug bsngal zhi bar bya ba'i phyir/ /khyad par lnga yis gdams pa bstan/ kye ma rnam shes rlung gis 'khrug/ rlung ni las su rung ba dang/ /gtum mo rlung gis sbyar bar byas 'du ba'i nad kyang rlung gis bcos/ /'byung ba ro ni mnyam pa dang/ /btul zhugs spyod pas par chod sel/ /'tsho ba'i bcud ni len pa dang/ /e bam bde ba'i rlung gis bskyed/ /rten 'brel shes pa 'char ba dang/ /rdo rje rkang mgyogs grub par 'gyur/ /d+hU tir tshud de phyag rgya che/ /'dab ldan pad+ma ge sar dbus/ /rtsa dang rlung dang byang chub sems/ /stong phrag bdun cu rtsa gnyis ni/ /chags dang 'bri ba bcu gnyis brgya/ /la lar sa d+hu tir bsdu/ /rlung dang byang chub sems kyang de/ /'khor lo bzhi la srog shing tshul/ /mi 'dra sbyar pas haM las 'dzag/ bcu drug phyed phyed thig le ni/ /bskyil dang bzlog dang dgram zhing bstim/ /dga' bzhi khyad par phyag rgya che/ /skye ba dang ni 'gag pa'o/ /shes pa kho na 'ba' zhig yin/ /sems ni kun gyi sa bon te/ /rang sems rtags na sangs rgyas la/ /bde ba gzhan du mi btsal lo/ /sems nyid las su rung bdag rnam par mi rtog yang dag don/ /gnyis med gnyis su med pa las/ /gnyis su byar med spros

  540. 270b

    bral mkha' / /srid dang mya ngan 'das las grol/ /don gyis dbu ma phyag rgya che/ /snying po'i don las ma yengs bar/ /gnyug ma'i yid ni gcig tu gtad/ /rnal ma'i don la rab gnas nas/ /yid la mi byed bde ba che/ /lhan cig skyes pa bdud rtsi'i ro/ /mtshon du yod pa ma yin te/ /ston ka'i zla ltar dri med 'od/ /bde gsal stong pa'i ye shes can/ /rang la spas pa mig ltar dbye/ /bde ba che las gzhan med pas/ /phyag rgya'i mchog de phyag rgya che/ /sdug bsngal zhi bar bya ba dang/ /lus sems 'phan du gzhugs dang/ /'bras bu blo yis ma grub pa/ /shes rgyud nam mkhar 'phang pa dang/ /dmigs pa sna tshogs bsgyur shes so/ /chos dang chos min sel ba dang/ /rig pa dangs snyigs dbye ba dang/ /rnam shes rlung yang bstims pa'o/ /sgyu lus 'od gsal bsre bar bya/ /bag chags sbubs su grol ba dang/ /phyag rgya chen po dus 'dir thob/ /des na rnal 'byor brtson par bya/ /sdug bsngal zhi bar byed pa gsang ba thugs kyi sgron ma zhes bya ba/ /rnal 'byor gyi dbang phyug chen po ka ma la sh+rIs mdzad pa rdzogs so// //rgya gar gyi mkhan po dz+nya na gu hya dang/ bod kyi lo ts+tsha ba lo btsun chung gis bsgyur pa'o// //rgya gar skad du/ maN+Dal la bi d+hI nA ma/ bod skad du/ maN+Dal gyi cho ga zhis bya ba/ 'jam dpal smra ba'i seng ge la phyag 'tshal lo/ /bla ma mnyes par byed pa yi/ /maN+Dal cho ga bshad par bya/ /maN+Dal la ni rnam lnga ste/ /ngo bo nges tshig dbul thabs dang/ /dbye ba dang ni phan yon no/ /jo bo dbul bar 'os pa la/ /sngags dbang rdzas su bcas pa'o/ /maN ni skyed pa'i sa bon te/ bsod nams 'phel bas Dal zhes bya/ /dbul thabs dang gus mos pa yis/ /gong ma mnyes par byed pa'o/ /man Dal dbye bas rnam gnyis te/ /dngos dang yid kyis

  541. 271a

    bsam pa'o/ /yid ni las su rung ba ste/ /dran pa tsam gyis gsol pa'o/ /dngos pa rnam pa bzhir gsungs te/ /dbul ba dang ni sgrub pa dang/ /mchod pa dang ni mdzes pa'o/ /sa yang rung ste gzhi la ni/ /gang yang ched? dang ldan pa la /oM badzra yaSha ka hUM/ /zhes pa de yis byug par bya/ /rnam pa nyi shu dgram bya ste/ /haM las 'og gi ri rab bsam/ /rang gi ngos kyi shar byas pa'i/ /ya las shar gyis lus 'phags bsams/ /ra las byang gi sgra mi snyan/ /la las lhe? yi 'dzam bu'i gling/ /sha las nub kyis ba lang spyod/ /yaM las byang shar mtshams su bsam/ /gling g.yog nyi shu byed na yang/ /g.yas g.yon sngags kyang de bzhin no/ /ri las nub byang gling phran bsam/ /shaM las lho nub mtshams yin no/ /laM las lho shar gling phran bsam/ /tsa las btsun mo rin po che/ /tsha las blon ? po che /dza las dmag dpon rin po che/ /wa las glang po rin po che/ /tsam las rta mchog rin po che/ /tsham las 'khor lo rin po che/ /dzam las nor bu rin po che/ /wa las gter chen rin po che/ /mi las nyi ma shar du bsam/ /a las zla ba nub tu'o/ /oM las steng gi ri rab bo/ /gling bzhi gling phran bcas pa dang/ /rin chen bdun dang gter dang brgyad/ /ri rab nyi zlar bcas pa rnams/ /bla ma dang ni dkon mchog gsum/ /yi dam mkha' 'gro mchod pa'i 'os/ /dad pa'i stobs kyis 'bul lags kyis/ /bla ma dkon mchog bzhes su gsol/ /maN+Dal phul ba'i yon tan ni/ /maN+Dal gcig phul drug dang ldan/ /bsod nams tshogs ni bsam mi khyab/ /des na de la brtson par bya/ /gcig phul yon tan drug dang ldan/ /gling bzhi phul pa'i yon tan gyis/ /bdud bzhi ma lus zhi bar 'gyur/ /gling phran phul ba'i yon tan gyis/ /tshad med bzhi dang ldan par 'gyur/ /rin chen sna

  542. 271b

    bdun phul ba yis/ /'phags pa'i nor bdun thob par 'gyur/ /gter chen phul pa'i yon tan gyis/ /mi zad longs spyod 'phel bar 'gyur/ /nyi zla phul ba'i yon tan gyis/ /lta bsgoms sems la gsal bar 'gyur/ /ri rab phul ba'i yon tan gyis/ / rang 'byung ye shes thob par 'gyur/ /maN+Dal dbul ba'i cho ga rje btsun ka ma la sh+rIs mdzad pa rdzogs so// //rgya gar skad du /mahA mu dra tad twa nA k+Sha ro ba de sha/ bod skad du/ de kho na nyid phyag rgya chen po yi ge med pa'i man ngag 'jam dpal smra ba'i seng ge la phyag 'tshal lo/ /grub thob dam pa brgyad cu rtsa bzhi las/ /skyes bu khyad par rig 'dzin lnga yi gzhung/ /mchog gyur rnams kyi zhabs kyi rdul la reg/ de phyir dpe bral phyag rgya chen po bshad/ /rnam gcod dang ni yongs gtsong? rang/ /phung po gsum pa sel ba dang/ /don dam 'jal ba'i tshad ma yis/ /yang dag yid la blta bar bya/ /yang dag don la yi ge med/ /gang gis yi ge med shes pa/ /de yis yi ge thams cad shes/ /yi ge a nas k+Sha la rdzogs/ /sde tshan brgyad kyi sgra sbyor ni/ /A yi kA lir shes par bya/ /ma skyes pa dang ma 'gagS pa/ /zung 'jug mdza' bzhi bral ba yi/ /bde ba chen po rgyun chags su/ /bla ma'i brda yis mtshon par bya/ /kha don mar me me long rgya/ /me shel sa bon skyar dang sgra/ /brgyad pa 'di ru don bsdus pa/ /go ba cig shes skye bar 'gyur/ /in+d+ru? b+hU ti bdag med ma/ /lhan cig skyes sbyor 'dod yon grol/ /'khor ba dang ni mya ngan 'das/ /bden don rtog pa 'phags ba lta/ /srog dang rtsol ba nA ga pa/ /phyi nang rlung gsum tshangs par 'dren/ /kha sbyor thig le pad+mar byung/ /bde bas rgyas pa'i za me tog/ sku gsum mnyam gzhag mda' bsnun na/ /dran med skye med blo las 'das/ /mnyam gzhag dang ni rjes thob dang/ /rmi lam dang ni bar do la/ /zin dang brtan dang po gsal? byin pa/ /byas gdab pa dang

  543. 272a

    rnam pa bzhi/ /dang po dus bzhi mnyam sbyar la/ /gnad gsum zer bzhi gdab par bya/ /lus kyi gnang dang dmigs pa'i gnang/ /rlung gi gnang ni shes par bya/ /rig pa bcur la gdab pa dang/ /shes pa srang du gzhug pa dang/ /sems ni rus dmigs 'dren pa dang/ /rten dang dbral zhing bsgom pa gces/ /e paM brgyan pa'i bde pa la/ /bde bas byang chub lam du kyer/ /snang srid brda ru spong ba dang/ /gang mthong phyag rgya chen por shar/ /thams cad ro mnyam de bzhin nyid/ /gcig zos pa yis gzhan kun grol/ /ji ltar chu bo'i rgyun bzhin du/ /rnal 'byor ma yengs rgyun du bsgom/ /gzung ba dang ni sbyang pa dang/ /sgyu ma dang ni kho na nyid/ /nyal dang log pa'i khyad par las/ /rmi lam man ngag shes par bya/ /da lta 'chi kha bar do la/ /rten dang 'od dang thig le sems/ /grong 'pho'i man ngag shes pa yis/ bde ba can du da 'gro'o/ /don mthong ba yis sgro 'dogs chod/ /nyams su glangs na byin brlabs 'byung/ /drod rtags nus pa tshod zin pas/ /yid bzhin nor bu lta bu'o/ /rlung mkhris bad kan 'dus pa'i nad/ /mtshon dang 'tshe ba 'byung ba 'khrugs/ /dal yams 'brum po chu ser la/ /ting 'dzin me btsa' skyugs kyis zhi/ /bdud dang mu stegs tsho 'phrul gtong/ /gdon dang 'byung po bzhugs pa 'dren/ /gnod sbyin 'khru ldog byed pa'i tshe/ /mi g.yo rgya mtsho lta bu bzhag/ me dang chu dang dug sprul dang/ /bse dang chom rkun rgyal po'i chang/ /stag dang dred mo can zan khro/ /de tshod yis 'dod pa yin/ /rgod dang rtsed mo byed pa dang/ /dal dang drag dang shin tu drag zang zing longS spyod mang po la/ /sbyor ba 'di yis khyab na bde/ /ro snyoms gtum mo mkha' spyod dang/ /sman dang bcud len bdud rtsi brten /ro langs mkha' gro dngos grub ster/ /blang

  544. 272b

    ngor med pa'i sems kyis 'bad/ /mdza' rgyas gnyis kyis shan phye la/ /khar phog car phog thogs babs su/ /thun dang bcud kyis rtsal sbyangs te/ /snang gsum sbyor pa skad pa'i phyir/ /dbang po gsum gyis dam mi 'da' / /ma 'khru? gsum gyis so thub ste/ /srog 'dzin gsum gyis brtan pa 'thob/ /grol lugs gsum gyis tshad bstan no/ /la zla gsum gyis zad sar bskyal/ /'gro bsdug bsngal 'khor bas bying pa la/ /ma rig mig 'byed 'di bkod pas/ /phyi nang gsang ba kho na nyid rtogs te/ /kun gyis phyag rgya chen po thob par shog /de kho na nyid phyag rgya chen po yi ge med pa'i man ngag rnal 'byor gyi dbang phyug chen po ka ma la sh+rIs mdzad pa rdzogs sho// // rgya gar gyi mkhan po dz+nyA na gu hya dang/ zhus chen gyi lo tsA ba bla ma lo btsun chung gis bsgyur cing zhus te gtan la phab pa'o// // */ /rgya gar skad du/ pradz+nya pA ra mi tA sA d+ha naM/ bod skad du/ shes rab kyi pha rol tu phyin pa'i sgrub thabs/ 'jam dpal smra ba'i seng ge la phyag 'tshal lo/ /yum gyi sgrub pa bshad par bya/ /shes rab pha rol phyin 'byung ba'i/ /gang zhig bsgoms pa tsam gyis ni/ /rgol ba thams cad tshar gcod pa// zhal gcig phyag ni gnyis pa ste/ /sku mdog dkar zhing yid 'ong ma/ /skra bcings pa la cung zhig 'phyang/ /chu skyes dkar la legs gnas pa/ /phyag g.yas su ni pad+ma ste/ /kha dog dmar ba'i rnam par bsgoms/ /shes rab pha rol phyin pa g.yon/ /rdo rje skyil krung legs par bcas/ /rgyan kun gyis ni legs par brgyan/ /lte ba'i dkyil 'khor dag tu bsgom/ /a yig yi ge la zhugs shing/ /mchog tu dga' bar byed pa'o/ /dam tshig sems dpa' rnam pa skyed

  545. 273a

    la/ ye shes sems dpa' rnam par bsgom/ /zla ba drug gi sbyor ba yis/ /shes rab pha rol phyin par 'gyur/ /mtshan ma bdun gyi sbyor ba yis/ /bstan bcos kun la mkhas par 'gyur/ /zla ba shar ba'i rim gyis ni// zla ba phyed ni bsgom par bya/ /bzlas pa 'bum byas sbyor ba yis/ /nyin re bzhin du tshigs bcad brgya/ /'bad pa med par sbyor ba 'byung/ /gzhung yang brgya tsam 'dzin par 'gyur/ /de la sngags ni 'di yin te/ /oM pi tsu pi tsu pradz+nyA brdya? ni/ dzwa la dzwa la me d+ha bard+ha ni/ /d+hi ri d+hi ri bud+d+hi bard+ha ni swA hA/ bya rog gi skad mi grag par sngags 'di lan bdun du mngon par sngags par byas nas/ ma rlengs? pa'i bskyur po'i khu ba 'thungs na zla ba drug du gang 'thung bar byed pa de shes rab chen po dang ldan par 'gyur ro/ /shes rab kyi pha rol tu phyin pa'i sgrub thabs/ rje btsun ka ma la sh+ris mdzad pa rdzogs sho// //rgya gar skad du/ Arya d+hA ri sA d+ha naM/ bod skad du/ rje btsun ma 'phags ma sgrol ma'i sgrubs thabs/ smra ba'i seng ge la phyag 'tshal lo/ /ye shes dri med sgrol ma gsal ba'i thugs/ /smra bsam brjod med shes rab phar phyin gsungs/ /stong nyid snying rje'i phag mo'i sku/ /sgrol ma'i sku gsung thugs la 'dud/ /sgrol ma gsum dang tshul mthun rnal 'byor pas/ /rtag tu lha mo 'di bsgom bya phyir bshad/ /dang po rten gyi gang zag gis/ /gdong la sogs pa khrus byas naS/ /yid du 'od ba'i gnas de ru/ /maN+Dal byi dor legs byas la/ /bde ba'i stan la 'dug nas ni/ /snying gar zla dkyil yi ge dAM?/ /lcags kyu 'dra ba'i 'od 'phros pas/ /bla ma lha mo spyan drangs la/ /phyag 'tshal ba dang mchod cing bshags/ /rjes su yi rang bskul zhing gsol/ /

  546. 273b

    dge ba cung zad ci bsags pa/ /byang chub thob phyir bdag gis bsngo/ /de nas tshangs pa'i gnas bzhi bsgom/ /sngags 'di bzlas pas stong par bsgom/ /oM shU n+ya ta dz+nyA na badzra swa b+hA ba At+ma konya haM/ paM las pad+ma 'dab brgyad steng/ /hAM las rje btsun sgrol ma ni/ /zhal gcig phyag gnyis sku mdog ldang/ /g.yas na mchog sbyin phyag rgya can/ /g.yon na utpal sngon po 'dzin/ /rin chen rgyan rnams mdzes pa'i tshul/ /smra pa'i seng ges dbu brgyan pa/ /zhabs gnyis skyil krung phyed par bzhugs/ /dar gyi stod g.yogs smad g.yogs byas/ /de ltar dam tshig bskyed byas la/ /thugs ka'i tAM las 'od 'phros pas/ /ye shes sems dpa' spyan drangs la/ /dang pa'i stobs kyis phyag byas te/ /de nas mchod pa sngags 'dis dbul/ /oM badzra puShpe pU? dza hUM/ /oM badzra d+hU pe pU dza hUM/ oM badzra dI pe pA dza hUM/ /oM badzra gand+he pU dza hUM/ oM badzra nai pe dya pU dza hUM /oM badzra arg+haM pra tIts+tsha pU dza hUM/ oM badzra gI rta pU dza hUM / ji srid mi skyo'i bar du bsgom/ /skyo na bzlas pa 'di ltar bya/ /oM tu re tut+tA re tu re swA hA / sngags phreng snying gnas phyung ste/ /ye shes thugs la mnyams pas mchod/ /byin brlabs tshur 'dus zhal nas thon/ /bdag la thim zhing 'od 'phros pas/ /bar chod sel dang sgrib sbyangs bsams nges skyo gtor ma gtang bya ste/ /mi rtog oM las rin chen snod/ /A:las bdud rtsi sna tshogs bsam/ /hUM gis thim zhing sna tshogs gsol/ /sngags 'dir snying po btags te dbul/ /ba laM? ti pU dza arg+haM pU dza bi laM i daM grih+na kha kha khA hi khA hi arg+haM pra tIts+tsha pU dza khA hi swahA/ /dad pa'i stobs kyis bstod par bya/ /oM stong nyid snying rje phag mo che/ /sgrol ma'i sku la phyag 'tshal bstod/ /smra bsam brjod med pha rol phyin/ /sgrol ma'i gsung la phyag 'tshal bstod/ /de med ye

  547. 274a

    shes gsal ba'i thugs/ /sgrol ma'i thugs la phyag 'tshal bstod/ /zla 'od srid pa'i mun sel ba/ /'joms byed nyi ma'i dkyil dang mtshungs/ /thabs dang shes rab yon tan ldan/ /sgrol ma la ni rtag tu 'dud/ /'gro la bu bzhin rtag tu gdung/ /srid gsum rnam thar gsuM la 'god/ /seng ldeng nags la rab gnas shing/ /'jigs pa brgyad las shin tu skyob/ /sgrol ma la ni phyag 'tshal bstod/ /mngon par dga' ba'i zhing khams su/ /rdo rje mkha' 'gro'i skur ston cing/ /skye shi med pa'i chos kyang ston/ /sgrol ma la ni phyag 'tshal bstod/ /dpal dang ldan pa'i zhing khams su/ /rin chen mkha' 'gro'i skur ston cing/ /'gro ba'i sdug bsngal nad rnams sel/ /sgrol ma la ni phyag 'tshal bstod/ /bde ba can gyi zhing khams na/ /pad+ma'i mkha' 'gro skur ston cing/ /bde ba chen po'i dang la gnas/ /sgrol ma la ni phyag 'tshal lo/ /rnam par dag pa'i zhing khams na/ /las kyis mkha' 'gro'i skur ston cing/ /phrin las bzhi yi don yang sgrub/ /sgrol ma la ni phyag 'tshal lo/ /mdza' dbus med pa'i zhing khams na/ /pha rol phyin ma'i skur ston cing/ /phyogs bcu'i sangs rgyas tshogs dang bcas/ /sgrol ma la ni phyag 'tshal stong/ /de nas nyal ba'i dus na ni/ /stong pa nyid kyi ngang la nyal/ /las dang spyod lam ci spyod pa/ /lha mo'i nga rgyal du ni sgom// 'di btsams pa yi dge ba gang/ /rje btsun sgrol ma'i thugs rje dang/ /dam pa rnams kyi byin brlabs kyis/ /rje btsun sgrol ma grub par shog/ rje btsun ka ma la sh+rIs? mdzad pa'i sgrol ma'i sgrub thabs rdzogs sho// //rgya gar skad du/ badzra bA rA hi swa d+ha ni/ bod skad du/ rdo rje phag mo'i sgrub thabs/ dpal rdo rje mkha' 'gro ma la phyag 'tshal lo/ /dpal ldan rdo rje mkha' 'gro ni/? 'khor lo'i gtso la rab btud nas/ /de yi zab mo sgrub pa'i thabs/ /dra ba sdom pa'i tshul bzhin bshad/ /de la

  548. 274b

    rdo rje ? mo sgrub par 'dod pas dur khrod la sogs pa'i gnas su stan bde ba la 'dug la/ kha nub tu bltas te dang por sems bskyed pa sngon du song bas dang pas gzhi bzung bsod nams kyis tshogs bsag go/ de nas byin gyis snang ba 'byung ba la bla ma spyi bor bsgoms la/ yig ge gsum gyis chang byin gyis brlab cing/ oM baM haM yo? h+raM moM?/ /h+riM h+riM hUM hUM phaT phaT ces pas lag pa byin gyis brlabs la go bgo ste bgegs thams cad zhi bar byed pa'i sngags 'di brjod do/ /oM h+riM g+ha g+ha b+hAt? ye g+hA ta ya sarba duSh+TaM? ? swA hA/ de nas mchog dang thun mong gi dngos grub 'byung bas lus dag yid gsum gyis thabs la mkhas par bya ste/ oM swa b+hA ba shud+d+ha sarba d+hArmmA swa b+hA ba shud+d+honyahaM zhes brjod pas lus rnam par dag pa gzhal yas khang chos 'byung gi dkyil du bsam/ / ? badzra shud+d+ha d+ha:sarba d+harma:badzra shud+d+honyahaM zhes brjod pas dag rnam par dag pa sngags kyi 'khor lo la/ /oM sarba bud+d+ha DA ki nI ye /oM badzra war+Na nA ye/ oM badzra pai ro tsa nI ye hUM hUM hUM phaT phaT phaT ces bzlas so/ /oM yo ga shud+d+ho sarba d+harma yo ga shud+d+hanya haM zhes brjod pas yod? rnam par dag pa lha'i sku zhal gcig phyag gnyis pa gri gug dang thod pa dang kha TwAM ga 'dzin pa/ /sku mdog dmar ba la dur khrod kyi chas kyis brgyan ba zhabs g.yas bskum pa/ /g.yon dus mtshan ma mnan pa/ gang dgu'i nyams kyis bzhuD pa bsgom par bya'o/ /de'i gsang gnas su chu'i sa bon las 'od 'phros pas phyag rgya bzhis ye shes kyi lha mo dgug gzhug la sogs pa bya/ de yang rang nyid lta bu gcig spyan drangs la phyag 'tshal mchod pa dbul/ /sdig pa bshags// rjes su yi rang/ chos kyi 'khor lo bskor bar bskul/ /gsol pa gdab/ /dge ba bsngo/ /byin gyis brlabs/ /dbang bskur / bdag la mkha' 'gro ma bzhis bstod/ sngags 'dis gtor ma btang ste/ oM badzra yo gi ni ka ma ru pa yo

  549. 275a

    gi ni/ /dzha? la mu khi ni kha kha khA hi hUM hUM phaT phaT ces brjod cing rkang pa brgyad kyis bstod/ /de nas thabs bla na med pas rdzogs pa'i byang chub thob pas yong med gnyis su med pa'i gdams ngag bla ma'i zhal las shes par bya'o/ /mar gyur thugs kyis dpal be'u las/ /zab mo bcud kyis thigs pa byung/ /skal ldan rin chen lta bu yi/ /rdo rje phag ma 'grub par shog /rdo rje phag mo'i sgrub thabs rje btsun ka ma la sh+rIs mdzad pa rdzogs sto// // */ /'jam dpal khro bo bsgrubs thabs bzhugs so/ / */ /rgya gar skad du/ many+dzu sh+ri kro d+ha sA d+ha ni/ bod skad du/ 'jam dpal khro bos ra? sgrub pa/ smra ba'i seng ge la phyag 'tshal lo/ /dpal ldan khro bo gshin rje gshed /khro rgyal gtsol rab btud nas / de yi zab mo sgrub pa'i thabs/ /rgyu 'phrul dra ba'i tshul du bri/ /de la 'jam dpal gshin rje sgrub par 'dod pa'i rnal 'byor pas dur khrod la sogs pa yid dang rjes su mthun pa'i gnas su stan bde ba las dug ste rang gi snying gar nyi ma'i dkyil 'khor bsgom/ /de'i dbus su hUM mthing nag rab tu 'bar ba bsgom/ /de las 'od 'phros pas bar chad thams cad bsrung zhing bde bar gshegs pa rnams kyis thugs dam bskul te/ sangs rgyas dang byang chub sems dpa' thams cad mdun du spyan drangs la/ yan lag bdun pa bya zhing tshad med pa bzhi bsgom ste/ bsod nams kyi tshogs

  550. 275b

    bsag go /de nas oM sarba d+harma a b+hA ba swa b+hA ba shud+d+honyahaM zhes pas chos thams cad nam mkha' lta bur bsgom/ /de'i ngang las rang gi rig pa hUM mthing nag rab tu 'bar bar bsgom/ /de gyur pa las rdo rje khro bo hUM gis mtshan pa bsam/ /de las byung ba'i bcom ldan 'das 'jam dpal gshin rje gshed mthing nag zhal gcig pa spyan gsum pa/ khro gnyer dpral bar bsdus pa/ /mche ba gtsigs shing skra gyen du brdzes pa/ phyag g.yas kyis ral gri rdo rje'i yu ba can bzung ba / g.yon sdigs mdzub utpa las mtshan pa/ /gcer bu dur khrod kyis rgyan gyis brgyan pa/ yum rdo rje phag mo dang rol zhing ye shes kyi me 'bar ba ? /ma he gdan du bting nas las kyi gshin skye? 'dul bar bsgom/ de'i thugs gnas hUM las 'od 'phros pas de lta bu'i ye shes sems dpa' spyan drangs la phyag dang mchod pa 'bul to/ oM badzra buShwe? hUM/ d+hU be hUM/ dI? pho hUM/ gand+he hUM/ ni re te hUM nai be dya hUM/ shapda hUM zhes mchod pa 'grul gtor ma gtang ngo/ /gtor snod mi dmigs pa las bdud rtsir bsam/ hUM zhes brjod pas bdud rtsir bsam/ /'dod pa'i don la gsol ba gdab par bya ste / dza(rgyud 'grel): hUM baM ho:sa dgug gzhug la sogs pa bya zhing/ /yi ge gsum gyis sku gsung thugs byin gyis brlab/ dbang bskur/ mi skyo bar du bsgom/ de nas bzlas pa'i

  551. 276a

    sngags 'di yin/ oM brI/ Sh+Ti(rgyud 'grel): bi kri tA na na hUM hUM phaT phaT swA hA / zhes nal? bdi dkyil nas thogs babs pa ltar shin tu drag par bzlas so/ /de nas sgyu ma lta bu'i rang bzhin 'od gsal ba / zung du 'jug pa / rdo rje'i bzlas pa sems de la gtad pa'o/ /nag po thugs kyi dpal be nas/ /zab mo bdud rtsi'i bcud gtigs pas/ /skal ldan rin chen lta bu yis/ /'jam dpal gshin rje grub par shog / 'jam dpal khro lor sgrub pa rje btsun ka ma la sh+rIs mdzad pa rdzogs sho /