Text

ff. 1a–292a · 583 folio sides

  1. 1a

    so sor thar pa'i 'grel pa mi brjed pa'i dran byed mdzad byed med pa gcig so sor thar pa'i tshig gi brjed dA na shI las mdzad par grags pa gcig /so sor thar ba'i 'grel ba tshig gi dga' bskyed zhes bya ba slob dpon mdo sde ba ka lyA mi tras pa'i dad 'dul ba bya ba'i phung po dang 'dul ba la stod pa bcun pa chos kyis tshong dpon gyis mdzad pa rnams bzhugs so/ /

  2. 1b

    'jam dpal gzhon nur gyur pa la phyag 'tshal lo/ /so sor thar pa'i bshad pa rnams mi brjed dran byed tsam du bris pa/ yang so sor thar pa bshad pa yang rnam pa gnyis kyi phyir te/ log pa'i ngang tshul spang bar bya ba'i phyir dang/ yang dag pa'i ngang tshul rgyas shing brtan par bya ba'i phyir bshad do/ /de la sngon gyi gtam rgyud mdo tsam zhig smos par bya ste/ sangs rgyas bcom ldan 'das mngon par byang chub nas/ /chos kyi 'khor lo 'jig rten du lan

  3. 2a

    bcu gnyis bskor te bzhag pa'i tshe lo bcu gnyis kyi bar du ni de bzhin gshegs pa'i 'khor nyan thos kyi dge slong gi dge 'dun la tshul khrims kyi sgo nas skyon dang 'phan ma byung ste/ tshul khrims yongs su dag pas 'dul ba la bslab pa'i gnas bcas pa yang med de/ de'i tshe dge slong rnams la 'dul ba bshad cing dge ba'i chos rnams bsgrub par bya ba dang/ sdig pa mi dge ba'i chos spang bar bya ba'i thabs dang gnyen po tsam du bstan pa ni/ sdig pa thams cad mi bya ste/ dge ba thams cad rdzogs

  4. 2b

    par bya/ /rang gi sems ni yongs su 'dul/ /'di ni sangs rgyas bstan pa'o/ /lus kyi sdom pa legs pa ste/ /ngag gi yang ni sdom pa legs/ /yid kyi sdom pa'ang legs pa ste/ /thams cad sdom pa'i dge slong ni/ /sdug bsngal kun las rab tu 'grol zhes bya ba la sogs pa so sor thar pa'i mjug nas 'byung ba'i shu log gsum po de da ltar gyi so sor thar pa dang 'dra bar gnas so/ /de'i tshe dge slong rnams kyang dge ba'i chos rnams ni bsgrub/ sdig pa'i chos rnams ni spong ngo/ /de nas lo bcu gsum du sogs pa na nyan thos kyi dge 'dun rnams kyis tshul khrims la rma phyung ste/ phas pham pa la sogs te ltung ba'i rigs lnga yang dang po kho nar byung ngo/ /da ltar ba la bcom ldan 'das kyis kyang 'dul ba rma med pa la rma byung ste/ skyon dang 'phan thams cad du gyur nas/ yang dge slong gang 'di lta bu'i chos shig spyad cing byas na nyes pa 'dir

  5. 3a

    'gyur ro zhes bcom ldan 'das kyis 'dul ba la bslab pa'i gnas bcas so/ /'di bslab pa'i gnas bcas kyang/ de dag tsam na dge slong dag kyang bsod nams che zhing dbang po rno bas chos ci dang ci bshad pa yang yid la 'dzin pa tsam du zad do/ /yi ger bris shing bag bag la glan pa med do/ /phyis de bzhin gshegs pa rtsa mchog gi grong khyer du mya ngan las 'das pa'i tshe 'phags pa nyan thos lnga brgya la bka' stsal pa/ nga'i 'dul ba 'di ci nas kyang yun ring du gnas pa dang/ lha dang mi la sogs te ma 'ongs pa'i skye bo mang po la phan thogs par 'gyur ba'i phyir ngas? sngon ji skad du bshad cing bslab pa'i gnas bcas pa de bzhin du ma nor bar gzhung du yi ger bris te zhog cig ces bcom ldan 'das kyis bka' stsal nas/ nyan thos lnga brgya po de dag 'dus te ji skad du gsungs pa bzhin gzhung du yi ger bris

  6. 3b

    te bzhag go /yul mnyan du yod pa la sogs par sngon de bzhin gshegs pa chos 'chad cing ston pa mdzad pa'i tshe zhabs kyis bcags shing byin gyis brlabs pa'i yul yang grangs ma mchis pa zhig yod na/ rtswa mchog gi grong khyer kho nar mya ngan las 'da' bar bstan pa yang dogs pa'i dbang 'ga' zhig yod dam med ces kha cig dpyod kyang srid de/ de bzhin gshegs pa'i dgongs pa dang ldan par mdzad pas na 'dir mya ngan las 'da' bar bstan pa yang yul de na gyad stobs dang ldan pa sha stag gnas gnas pa'i phyi'i mu stegs ma dad pa rnams kyis bcom ldan 'das kyi sku gdung shA ri ram chud mi gsan cing grong khyer chen po de na gnas pa'i skye bo mang po rnams thams cad kyis kyang shA ri ram mnyam par thob pa bya ba dang/ thams cad kyis bsod nams thob pa dang/ bsod nams skye bar 'gyur zhing mchod rten du bzung bar bya bar dgongs nas yul der mya ngan las 'da' bar bstan to/ /'dul ba sdud par mdzad pa ni 'phags pa kun dga' bo mchis te sdud pa'i phug chen po'i ri'i sgor phyin pa na nyan thos phal gyi nang du ma chud nas kun dga' bos bsams pa/ sngon de bzhin gshegs

  7. 4a

    pa zhal bzhugs pa'i tshe na bdag kyang mang du thos pa dang/ shes rab dang ldan zhing thos pa 'dzin pa'i mchog nye gnas bgyid cing zham 'bring na rtag tu bsnyen bkur bgyid na de bzhin gshegs pa mya ngan las 'das nas ring po ma lon par nyan thos de dag gi nang du yang bdag gis ma chud na nyes pa ci zhig byas snyam du mi dga' zhing ngo mtshar che'o snyam du bzung mi dga' zhing slar log nas rang gi gnas su phyin nas ting nge 'dzin du rtse gcig par zhugs te/ sgom pas spang bar bya ba'i nyon mongs pa'i sgrib pa rnams spangs nas dgra bcom pa mngon sum du byas so/ /bzod 'phags pa nyan thos de dag sdud par mdzad pa'i sgor phyin te/ ting nge 'dzin gyi rdzu 'phrul gyis sgo'i bu ga nas zhugs pas nang du thar ro/ /de nas 'phags pa kun dga' bo la sogs pa rnams 'dus te 'dul ba 'bum pa la sogs pa yang gzhung bag bag la glan no/ /so sor thar pa yang yi ger bris shing 'dir bsdus so/ /'di ltar kun dga' bo nang du ma chud pa yang nyan thos la nyon mongs pa gnyis te/ mthong ba'i lam gyis spang ba dang/ bsgom pa'i lam gyis spang bar bya ba'o/ /kun dga' bos mthong bar bya ba'i nyon mongs pa ni

  8. 4b

    spangs kyi/ bcom ldan 'das kyi zham 'bring na rtag tu bsnyen bkur byed cing bsgom du mi khom bas na bsgom pa'i nyon mongs pa ni ma spangs pas dgra bcom pa de dag gi nang du mi chud ces 'chad do/ /de la kha cig na re kun dga' bo de bzhin gshegs pa'i zham 'khrid na rtag tu gnas te/ de bzhin gshegs pa mya ngan las 'das te gshegs kar da dung mya ngan las mi 'da' zhing sems can gyi don mdzad cing bzhugs su ci gnang zhes ma gsol ba dang/ nyes pa rnam pa lnga ma bshags ma mthol bas chad par dgra bcom pa lnga brgya po de dag gi phyir rol tu bzhag ces byang 'chad do/ /de yan chad ni sngon byung ba'i gtam rgyud dang/ gleng glang ba tsam du zad do/ /de na yang dag par sdud pa po 'phags pa rnams kyis so sor thar ba'i mdo sdud par 'dod nas 'gro ba thams cad kyi bla ma sangs rgyas bcom ldan 'das dang/ so sor thar pa las bstod pa dang phyag 'tshal bas mchod pa'i phyir/ thams cad mkhyen pa la phyag 'tshal lo/ /snyan pa'i ba dan 'jig rten gsum du grags zhes bya ba la sogs pas mngon par bstod pa dang/ kha cig 'di skad du rtog kyang srid de/ bcom ldan 'das kyis bka' stsal cing bstan pa ni yang dge slong dag nyes pa 'di lta bu zhig byas na phas pham par 'gyur pa dang/ nyes byas su 'gyur zhes bya ba la sogs te/ ltung ba rigs lnga ni bka' zhal gyis stsal cing/ 'dul ba la bslab pa'i gnas kyang bcas kyi/ snyan pa'i ba dan zhes bya ba la sogs pa ye ma gsungs na/ 'di sdud tshigs gar dgos zhes rtog kyang srid do/ de yang de

  9. 5a

    bzhin gshegs pas gsungs pa ni ma yin mod kyi/ yang dag par sdud pa po 'phags pa lnga brgya bos dgos pa dang/ don dang bcas par byas pa yin gyi/ don nges pa'i 'am 'ol? ras sam/ gya tsom du smras pa ni ma yin te/ de yang rnam pa gsum gyi phyir bzhag go /de la rnam pa gsum ni skyes bu dam pa rnams la bstod cing rjes su mthun par bya ba dang/ bdag cag gis thos pa mang po bsgrag pa dang/ brtsams pa mthar phyin cing bar chad med pa'i phyir brtsams pa yin te/ de yang dper na 'jig rten na skyes bu dam pa ya rabs dag ni gtsug lag rtsom pa la sogs te las ci yang rung/ dang po kho nar gyi lha dang ston pa la mchod cing phyag 'tshal nas rtsam pa srid de/ skabs 'dir yang so sor thar pa'i mdo sdud par 'dod nas/ yang dag par sdud pa po 'phags pas sangs rgyas bcom ldan 'das dang/ so sor thar pa la bstod cing phyag 'tshal bas mchod nas sdud par mdzad do/ /de la snyan pa'i ba dan zhes pa nas/ dar la bab pa yol ba rnams kyang bde zhes bya ba'i bar du sangs rgyas dang so sor thar pa la bstod pa'i yang dag par zlos par byed pa'i tshig yin pas na gtsug lag rtsom mo cog la dgos pa dang/ don med pas rtsom mi srid de/ de yang rnam pa bzhi zhig gis brnyad par bya ste/ de ma bstan na ni ci nyes she na/ slob ma nyan pa la blo bdun pa rnams spro ba dang/ dgos pa'i don med pas nyan pa la blo g.yel bas na de bstan to/ /bzhi yang gang zhe na/ bshad cing bstan par bya ba dang/ dgos pa dang/ 'brel pa dang/ dgos pa'i yang dgos pa'i/ de la bstan par bya ba ni de bzhin gshegs pa'i yon tan dang so sor thar pa'i yon tan te/ de dag gi bdag nyid che ba'o/ /dgos pa ni de gnyis kyi yon tan gyi don yongs su shes dgos pa'o/ /'brel ba ni tshig dang don du 'brel ba la bya ste/ tshig

  10. 5b

    gi mtshon nas don shes par byed pas gcig la gcig bltos pa lan brten pas na 'brel pa'o/ /dper mthabs dang thabs su bya ba 'am/ /rgyu dang 'bras bu lta bu 'am/ zhags pas gzung bar bya ba lta bu'i phyir 'brel pa'o/ /dgos pa'i dgos pa ni brtsams pa mthar byed par bya ba'i dgos pa'i phyir dgos pa'i yang dgos pa'o/ /yang na rnam pa bzhi po 'di ltung ba ris lnga la yang sbyar bar bya ste/ bshad par bya ba ni ltung ba ris lnga bshad cing ltung ba'i lci yang gi bye brag bshad pa'o/ /dgos pa ni de dag shes shing nyes byas phra mo yan chad la lhag par bag dang bcas nas bsdu ba dgos pa'o/ /'brel ba ni de dag nyid don dang gcig tu 'brel cing snyan nar gtang ba la yang bya'o/ /dgos pa'i dgos pa ni mya ngan las 'das pa'i 'bras bu thob par yang bya dgos pas na dgos pa'i yang dgos pa ste/ bzhi po 'di dag bstan na slob mnyan pa rnams dad pa skye zhing spro ba dang/ nyan pa la 'jug pa'i phyir 'di dag smos so/ /de la snyan pa'i ba dan zhes bya ba nas/ dar la bab pa yol ba zhes bya ba'i bar du sdud pa pos bstod pa de yang rnam pa bdun du dbye bar bya'o/ /de yang gang zhe na/ sangs rgyas la bstod pa dang/ chos la bstod pa dang/ sangs rgyas 'byung ba bde ba'i rgyur bstod pa dang/ dge ba'i bshes gnyen la brten pa bde bar bstan pa dang/ mi dge ba'i grags po spangs na bde ba dang/ 'bras bu thob ba bde bar bstan pa dang/ 'bras bu thob pa'i gnas bstan pa'o/ /de la sangs rgyas la bstod pa ni dang po sho lo gnyis dang sbyar bas bya ste/ de yang rnam pa lta ste grags pa phun sum tshogs pa dang/ bka' phun sum chogs pa dang/ gter phun sum tshogs pa dang/ 'khor phun sum tshogs pa dang/ khyad par zhugs pa phun sum tshogs pa'o/ /da ni so sor thar pa'i chig gnyir la bab ste/ snyan pa'i ba dan zhes bya ba smos so/ /snyan pa'i ba dan 'jig rten gsum du grags pa zhes bya bas grags

  11. 6a

    pa phun sum tshogs pa ston te/ de la snyan pa ni de bzhin gshegs pa'i sku'i yon tan te/ pha rol tu phyin pa bcu dang/ stobs bcu la sogs pa la bya ste/ de yang bsod nams dang ye shes kyi tshogs yongs su rdzogs pa las byung bas na rgyu sbyin pa la sogs pa shin tu snyan pa dang 'bras bu stobs dang ma 'dres pa la sogs pa shin tu snyan pas na snyan pa zhes kyang bya/ de yang ji ltar snyan ce na/ bcom ldan 'das kyis bka' stsal ba'i mthar chos dang zang zing gi sbyin pa bsam gyis mi khyab pa yongs su gtong bar mdzad do zhes 'jig rten du snyan par grags pa dang/ de bzhin du tshul khrims skyon med de yongs su dag pa dang/ bzod pa dang/ brtson 'grus dang/ bsam gtan dang/ shes rab la sogs pa mtshungs pa med par mdzad cing mnga' zhes 'jig rten du snyan par sgrogs shing grags pa ste/ de bas na 'jig rten gsum du grags zhes smos pa yin no/ /de ba dan zhes smos pas ni de bzhin gshegs pa'i yon tan pha rol tu phyin pa la sogs pa'i dper bshad pa yin te/ de yang ba dan bzang po gang na gtsugs pa'i sa phyogs de na shin tu btsun zhing brjid par gnas pa lta bu 'am/ yang skye bo ngan pa rnams bag 'khims shing spa gzhi la ba lta bu 'am/ yang na dmag dpon g.yul ngo las rgyal ba'i rtags lta bu 'am/ yang na gnas la rtson par byed pa lta bu ni ba dan yin te/ de dag dang 'dra bar ba dan bzang po gtsugs pa'i sa phyogs btsun bar gnas pa ltar de bzhin gshegs pa'i yon tan pha rol tu phyin pa la sogs pa'i chos kyang rang bzhin gyis btsun par gnas pa'o/ /yang na ba dan bzang po btsugs pas ngan pa rnams sba gzhi la zhing bag 'khum ba ltar de bzhin gshegs pa'i yon tan gyi chos kyi mu stegs can ngan pa log pa'i dang tshul can la sogs pa rab tu

  12. 6b

    spa bkong bar mdzad pas spa gzhal ba zhes kyang bya'o/ /yang na skyes bu g.yul ngo las rgyal ba'i tshe rgyal mtshan btsugs pa ltar bdud kyi dgra las rgyal ba'i rgyal mtshan btsugs pa zhes kyang bya'o/ /yang na gnas la brtson par gyur pas te/ gang na gtsug lag khang yod pa na ba dan bzang po gzugs pa dang/ phan chad rgya gar yul la sogs pa na gang na tshong 'dus dang/ chan 'tshong ba dang/ smad 'tshong ba'i gnas su ba dan gzugs pas ba dan gyis mtshon pas na gnas de nyid du ma son ma phyin du zin gyis kyang/ ba gin gtsug lhag khang ngo/ /chang 'tshong dang chod 'dus kyi gnas so zhes shes par yang byed cing chud par yang ba dan des mtshon nas khong du chud par rung ngo/ /de ltar de bzhin du so so'i skye bo sgrib pa che ba rnams kyis de bzhin gshegs pa mngon sum du ma mthong du zin gyis kyang de bzhin gshegs pa'i yon tan stobs dang pha rol tu phyin pa bcu la sogs pa'i yon tan bshad cing brjod de mngon du bstan pa dang/ 'o na de na 'di 'dra ba'i skyes bu dam pa yon tan gyi bdag nyid can zhig yin pa lta zhes kun gyis shes pas na de bas na des mtshon pa'i phyir ba dan zhes bya ste/ ba dan gyis gtsug lag khang dang/ tshong 'dus pa sogs pa yang mtshon pa ltar pha rol tu phyin pa la sogs pa ste/ de bzhin gshegs pa'i yon tan la yang mtshon cing 'jug par byed de/ pha rol tu phyin pa'i yon tan bzang po ba dan dang 'dra bas de bzhin gshegs pa la mtshon par byed pas de'i phyir dpe dang don du bcas te/ snyan pa'i ba dan 'jig rten gsum du grags zhes smos so/ /de la 'jig rten gyi sgra bshad de/ 'jig rten ni 'jig pa yang yin la rten pa yang yin pas na 'jig rten no/ /yang na 'jig rten gnyis te/ snod kyi 'jig rten dang ? cung kyi 'jig rten no/ /yang na 'jig rten gsum ni 'dod pa'i khams dang/ gzugs yod pa'i khams dang/ gzugs med

  13. 7a

    pa'i khams so/ /de la 'dod pa'i khams ni nyi shu ste/ sems can dmyal ba brgyad dang/ gling bzhi dang/ byol song dang/ yi dags dang/ lta'i khams drug go /dmyal ba brgyad gang zhe na/ yang sos dang/ thig nag dang/ kun tu 'joms pa dang/ ngu 'bod dang ngu 'bod chen po dang/ tsha ba dang/ rab tu tsha ba dang/ mnar med pa'o/ /byol song dang yi dags ni dngos su zad do/ /gling bzhi la 'dzam bu'i gling dang/ nub kyi ba lang spyod dang/ byang gi sgra mi snyan dang/ shar gyi lus 'phags so/ /'dod pa'i khams kyi lha'i khams drug la gzhan 'phrul dbang byed pa dang/ 'phrul dga' dang/ dga' ldan dang/ thun spyoms pa dang/ sum cu rtsa gsum pa dang/ rgyal chen bzhi pa'o/ /gzugs yod pa'i khams na gnas bcu drug la tshangs gnas pa dang/ tshangs pa'i mdun na 'don pa dang/ 'od chung ba dang/ tshad med 'ong ba dang/ 'od gsal ba dang/ dge chung ba dang/ tshad med dge ba dang/ dge rgyas pa dang/ sprin med pa dang/ bsod nams che ba dang/ 'bras bu che ba dang/ mi che ba dang/ mi gdung ba dang/ bde snang ba dang/ gya nom mthong ba dang/ 'og min pa'o/ /gzugs med pa'i khams bzhi la nam mkha' mdza' yas skye mched dang/ rnam shes mdza' yas skye mched dang/ cung zad yod min skye mched dang/ cung zad med yin skye mched do/ /de ltar na khams gsum po de dag tu sangs rgyas kyi yon tan shin tu snyan par grags pas na grags pa phun sum tshogs pa zhes bya'o/ /de la kha cig 'di skad rgol ba yang srid de/ gzugs med pa'i khams na gzugs dang rna ba'i dbang po yang med la/ tshig tu smra ba dang yang bral bas grags shes byar yang mi rung na zhes zer yang srid de/ de ni nyes pa med de sngon thos pa'i bag chags yid la yod pa na dung ngo/ /yang na 'jig rten gsum zhes bya ba na lha dang/ me dang/ klu'i 'jig rten la bya ste/ de dag la gsungs rab kyi chos

  14. 7b

    bshad cing bstan na go'i gzhan la snod du mi 'gyur zhing mi go bas na ma yin no zhes kha cig de skad ces kyang 'chad do/ /dam pa'i chos sgra seng ge'i sgra bsgrags pa zhes pas bka' phun sum tshogs pa dang sbyar te/ de la dam pa ni de bzhin gshegs pa ste/ sgrib pa gnyis spangs pas dam pa zhes bya ste/ des gsungs shing bstan pa'i chos kyang dam pa ste/ kun nas bskor ba dang bag la nyal ba'i nyon mongs pa rnam pa gnyis spong zhing sel nus pas dam pa zhes smos so/ /dam pa'i chos dngos su na ga la bya zhe na/ gsung rab yan lag bcu gnyis dang/ 'phags pa'i bden pa bzhi'i chos la bya'o/ /nyon mongs pa'i chos la rang gi mtshan nyid 'dzin pa'i phyir chos zhes gdags mod kyi/ de la bye brag tu nyon mongs pa'i gnyen por gyur pas/ dam pa'i chos zhes smos so/ / yang na dam pa'i chos zhes bya ba rgya gar skad du sad rta rma'i zhes bya ste/ sad ces bya ba ni yod pa'i sgrar yang bshad du rung ste/ yod par lta na yang ji ltar gzung zhe na/ mu stegs can kha cig gang gis sdig pa byas pa dang/ gang gis de ba byas pa'i 'bras bu med par lta ba'i chos de dag dang mi 'dra ste/ sdig pa dang dge ba byas pa'i 'bras bu chud za ba 'am gtor bar mi 'gyur la/ 'bras bu yod do zhes smra bas na/ yod pa'i chos zhes kyang bshad do/ /seng ge'i sgra ni dpe bstan te de bzhin gshegs pa ni mi'i seng ge zhe'o/ /de yang ji ltar na seng ge la dpe blang zhe na/ ri dags kyi rgyal po seng ge ral pa can nags dang gzhongs gang nas gang du rgyu zhing 'gre ba der seng ge'i phul gyis sgra 'byin cing sgrogs pa tsam gyis glang po che dang rta dang/ wa la sogs te ri dags phra mo rnams shin tu skrag cing sdangs pa dang/ bag 'bum zhing spa gong bltar de bzhin gshegs pa seng ge dang 'dra bas chos kyi gsung sgra snyan pa tsam gyis mu stegs can ri dags dang 'dra ba rnams bag 'khums shing spa gong ba dang bzhi brjid 'jil

  15. 8a

    bas de bzhin gshegs pa ni seng ge dang 'dra'o zhes so/ /bsgrags zhes bya ba ni gsungs sha 'am bstan ce 'am/ bshad ces pa'i tha tshig go /de ltar na bka' phun sum tshogs pa zhes bya'o/ /phun sum tshogs zhes bya ba ni rdzu 'phrul bsam gyis mi khyab pas gsung gcig gis 'gro ba tha dad pa'i sems can rnams yid bzhin du go bar mdzad pas na bka' phun sum tshogs pa zhes bya'o/ /thams cad mkhyen pa rin chen mdzod brnyes pa zhes bya bas shes rab khyad zhugs shing gter phun sum tshogs pa bstan te/ de la thams cad mkhyen ces bya ba ni ma lus par thugs su chud pa'i don te/ 'dus byas dang 'dus ma byas dang/ zag pa dang zag pa med pa dang/ phung po dang/ khams la sogs pa'i chos rnams skyu ru ra'i 'bras bu lag mthil tu bzhag pa bzhin du thugs su chud pas thams cad mkhyen pa zhes bya'o/ /rnam pa gzhan du ro zhig rnam pa bzhi zhig gis bstan par bye ste/ ma lus pa dang/ tshad med pa dang/ thun mongs ma yin pa dang/ phyin ci ma log pa'o/ /ma lus pa zhes bya ba ni phyogs 'ga' tsam shes pa ma yin gyi dngos po kun chub par mkhyen pa'o/ /tshad med pa ni mod 'am ma mo 'ga' tsam shes pa ma yin gyi sde snod tshad med par mkhyen pa'o/ /thun mong ma yin pa ni nyan thos dang/ rang sangs rgyas dag dang thun mong ma yin pa'i chos ma 'dres pa bco brgyad dang stobs bcu dang/ mi 'jigs pa bzhi la sogs pa thugs su chud pa'o/ /mu stegs can kha cig mang du chud cing shes kyang nor cing phyin ci log tu bshad pa dag yod na/ de bzhin gshegs pas thugs su chud cing mkhyen kyang nor ba lta yod dam med ces 'dre yang srid de de na med de de bzhin gshegs pa phyin ci ma log pa nyid du 'chad de/ de bas na gzhung dag gi nang nas kyang 'khul ba med pa zhes 'chad do/ /rin chen zhes bya ba ni chos dkon mchog rin po che la bya ste/ de yang

  16. 8b

    gang zhe na/ bshad pa'i chos dang/ sgrub pa'i chos dang 'phags pa'i lam rnams kyi rang bzhin no/ /yang na lhag pa'i tshul khrims dang/ lhag pa'i sems dang/ lhag pa'i shes rab la yang bya'o/ /rin chen zhes bya ba ni dpe ste/ ji ltar 'jig rten na rin po che shin tu dkon pa dang/ rin po che ba dang/ mun nags sel cing mtsho dang bar byed pa dang/ rin po che su la bdog pa'i ma bsam pa yongs su 'grub pa dang 'dra bar chos dkon mchog rin po che bslab pa gsum po yang shin du rnyed par dka' zhing don che ba dang/ nyon mongs pa rnams sel cing rnam par grol ba'i 'bras bu thob par byed pas chos dkon mchog rin po che zhes bya'o/ /mdzod ces bya ba ni bcom ldan 'das nyid de/ 'di 'dra ba'i chos rin po che'i 'byung khung du gyur pa'i phyir mdzod ces bya'o/ /yang na thams cad mkhyen pas chos dkon mchog 'bras bu 'di 'dra ba brnyes pas na mdzod dang 'dra bas na mdzod pa rnyes pa zhes kyang bya/ mdzod pa ni 'phags pa'i dge 'dun la'ang bya ste/ chos dkon mchog gi mdzod dang gnas su 'ong ba'i phyir mdzod ces smos te/ de 'dra ba'i slob ma rin po che'i snod du mdzod dang 'dra ba'i bcom ldan 'das kyis 'khor du brnyes pas na/ thams cad mkhyen pa rin chen mdzod brnyes pa zhes bya'o/ /de ltar na nor gyi gter dang 'dra bas gter phun sum tshogs pa zhes bya'o/ / zhabs la tshangs dbang gtsug gi nor bus gtugs zhes bya bas 'khor phun sum tshogs pa bstan te/ de la mu stegs can kha cig tshangs pa dang/ brgya byin la bcom ldan 'das thams cad mkhyen pa yin no zhes lta ba dag yod de/ de ltar lta ba spang zhing thams cad mkhyen pa de dag las 'phags pa bstan pa'i phyir 'jig rten pa'i gtso bo mchog phul tshad mar bya ba tshangs pa mi mjed kyi bdag po dang/ brgya byin lha'i rgyal po ste/ tshangs pa yang byams pa dang/ snying rje dang/ dga' ba dang/ btang

  17. 9a

    snyoms dang/ tshad med pa bzhi dang ldan pa yin la/ brgya byin yang lha'i dbang po yin te/ 'jig rten na grags pa'i tshad ma rnams kyis kyang rang gi lus kyi nang na dam pa spyi bos kyang btud la/ bsod nams kyis thob pa'i nor bu rin po che rgyan dang bcas pas de bzhin gshegs pa'i zhabs la gtugs shing phyag 'tshal ba la bltas na lhag par yon tan dang ldan zhing mnga' dbang phun sum tshogs pa 'am/ lha dang bcas pa'i 'jig rten gyis mchod cing/ bsnyen bkur byed par 'os bas na zhabs la tshangs dbang gtsug gi nor bus gtugs zhes smos pa yin te/ thams cad mkhyen pa nyid du 'os shing bstan to/ /yang gcig tu na de bzhin gshegs pa'i zhabs kyi tshangs pa dang/ dbang po'i gtsug gi nor bu la reg par byas so zhes par rgya gar skad las drang du yang rung ngo/ /de ltar na brgya byin dang dbang po la sogs te lha dang bcas pa'i 'jig rten gyis mchod cing bsnyen bkur ba dang/ 'khor mang po dang ldan pas na 'khor phun sum tshogs pa zhes bya'o/ /sdug bsngal rgya mtsho pha mdza' med rgal ba zhes bya ba shlo ka gcig gis ni yon tan phal las khyad zhugs pa bstan te/ sdug bsngal ni skye ba dang/ rga ba dang/ 'chi ba la sogs te sdug bsngal gsum dang brgyad la bya'o/ /yang na las dang tshe dang nyon mongs pa nyid 'khor ba'i rgyu yin pas de nyid sdug bsngal yin par bstan te/ sdug bsngal de yang shin tu rgya che zhing mdza' yas pa'i phyir dpe rgya mtsho dang 'dra zhe'o/ /pha mdza' med pa ni 'khor ba la thog ma dang tha ma med pa'i tha tshig ste/ de lta bu las sus rgal ce na/ de bzhin gshegs pa 'gro ba'i gtso bos rgal te/ de bas na brgya byin dang tshangs pa ni sdug bsngal gyi rgya mtsho nyid la gnas pas/ de dag las bcom ldan 'das khyad zhugs pa'i phyir spyi bos phyag 'tshal lo zhes smos so/ /yang na 'gro ba'i gtso

  18. 9b

    ni skye bo ngan song du 'gro ba las skyob cing mi dge ba bcu'i chos las glan te/ bde ba'i chos rnams stobs shing thar par 'dren pas na yon tan 'di lta bu dang ldan zhing skye ba gzhan la med 'gro ba'i gtso la phyag 'tshal lo zhes smos te/ 'di 'dra ba'i yon tan gyi bdag nyid can grags pa phun sum tshogs pa dang/ rin po che'i gter dang 'dra bar 'khor mang po mda' ba sdug bsngal rgya mtsho las rgal ba yon tan gyi bdag nyid can la phyag 'tshal zhing bstod pa brtsams nas gdod so sor thar pa la bstod pa brtsam mo zhes 'chad do/ /de la phyag 'tshal ba ni lus dang/ ngag dang/ yid gsum phyag 'tshal ba la bya'o/ /de ltar phyag 'tshal ba 'ang cir dgos zhe na/ bla ma la mthu bstan pas bgegs dang bar chad kyi mi zug cing brtsams pa mthar phyin par 'gyur ro zhes 'o/ /de la slob dpon kha cig na re snyan pa'i ba dan zhes bya ba nas/ zhabs la tshangs dbang gtsug gi nor bus gtugs zhes bya ba'i bar du bcom ldan 'das gzhan gyi don phun sum tshogs par mdzad pa'i sgo nas bstod pa'o/ /sdug bsngal rgya mtsho ba mdza' rgal zhes bya ba nas/ 'gro ba'i gtso la phyag 'tshal lo zhes bya ba'i bar tu rang gi don phun sum tshogs pa la bstod pa'o/ /thams cad mkhyen pa'i bslab tshig zhes pa nas/ 'phags pa'i tshogs kyi dbus su dbye zhes bya ba'i bar du so sor thar ba la bstod cing bstan par dam bcas pa ste/ de bas na bdag dang gzhan gyi don phun sum tshogs pa'i thams cad mkhyen pa la bstod cing phyag 'tshal nas/ so sor thar pa la bstod cing bstan par bya'o zhe'o/ /ji ltar na so sor thar pa'i bslab tshigs la bstod ce na/ dkon mchog ces bya ba ste rgya gar skad du rang na zhes bya ba ste/ rang na ni rin po che la bya bas rin po che'i snod dam rin po che'i mdzod dbye zhing gzhan la bstan pa yang dper bya na rin po che la mkhas pa 'am rin thang

  19. 10a

    'debs shes shing sngon chad mthong ba'i mdun du dbye zhing bstan pa yin gyi/ rin po che ma mthong ba dang mi shes pa'i mdun du bstan cing phyir zin gyis kyang bzang ngan bye brag mi phyed la/ cir yang mi mkho ba dang mtshungs ste/ chos dkon mchog rin po che yang 'phags pa'i gang zag tshul khrims 'di la 'jug cing spyod par 'gyur ba dag la dbye zhing bstan par bya'i/ de la mi 'jug pa'i gang zag kun la bstan kyang dgos pa med pa'i phyir 'phags pa'i tshogs kyi dbus su dbye bar bya'o/ /zhes smos te/ des ni so sor thar pa'i bslab tshig la bstod cing dam bcas pa'o/ /thams cad mkhyen pa ni gong ma 'dra/ des bstan pas na bslab pa tshul khrims de ni bslab tshig go /dkon mchog ni bslab tshig de dkon zhing mchog dam pa yin pas na dkon mchog go /snod dang 'dra ste rnam par 'bye ba dang/ dngos po la sogs pa'i gzhi 'am gnas su gyur pa'i phyir so sor thar pa ni snod ces smos so/ /de yan chad sangs rgyas la bstod pa dang sbyar ro/ /'di man? chad chos la bstod pa sbyar te/ sangs rgyas kyi ni 'dul ba mtsho zhes bya ba la sogs pa smos so/ /de la sangs rgyas ni ma rig pa'i gnyid las sangs shing mkhyen par bgyi ba'i spyod yul la pad mo kha rgyas pa bzhin du rgyas pa la bya/ yang na rgya gar skad du rgyas zhes bya ba'i nyi tshe'i sgra yod de/ sgrib pa rnams yongs su byang nas/ mkhyen bar bya ba'i yul la mig dang 'dra ba'i ye shes kyis gsal zhing rgyas par 'gyur pa'i phyir rgyas pa zhes kyang bya'o/ /kyi zhes bya ba ni dgar ba'i tshig ste/ mu stegs can rtogs 'dod la sogs pa'i ma yin gyis sangs rgyas kyi 'dul ba la mtsho dang 'dra'o zhes pa'i tha tshig go /'dul ba zhes bya ba ni mdo sde dang ma mo dag las khyad par du bstan pa'o/ /yang na yon tan gyi sgo nas 'dul ba

  20. 10b

    zhes smos te/ kun nas bskor ba'i nyon mongs pa 'don zhing 'dul bar byed pas na 'dul ba'o/ /yang na 'dod chags dang/ zhe sdang dang/ gti mug gi gnyen por 'gyur te 'dul bas na 'dul ba'o/ /'o na 'di lta bu'i 'dul ba'i le'u mang nyung ji tsam cig yod ce na/ tshad bzung zhing dpag dka' bar bstan pas dpe rgya mtsho dang 'dra'o zhe'o/ /mtsho dang 'dra bar bstan pa ni zab pa dang/ rgya che ba'i sgo nas bstan pa'o/ /yang na ji ltar na mtsho las nor bu rin po che 'byung ba ltar tshul khrims 'dul ba'i gzhi las yon tan gyi 'bras bu yid bzhin du 'byung bas na mtsho dang 'dra'o zhe'o/ /ma lus zhes smos pa ni 'og nas 'grel te/ gting dang pha rol med par gnas dang snying gi snying po zhes pa dang sbyar te/ gting dang pha rol med pa ni mtsho de ji ltar gting dpag dka' zhing pha rol med pa ltar 'dul ba yang tshad bzung dka' ba'i phyir ro/ /pha rol med pa ni 'di ni pha rol to/ /'di ni tshu rol nyo zhes bsnyad pa dang mthong bar mi nus pa'i phyir te/ 'dul ba yang 'di ni thog ma'i mdza' o 'di ni tha ma'i mdza' o zhes tshad mi zin pa'i phyir ro/ /yang na 'dul ba'i yon tan de ltar dpag cing tshad bzung ba 'am gzhal bar bya ba la yang bya'o/ /gnas dang snying gi snying po ni 'dul ba ma lus pa zhes 'dir spyad par bya ste/ ma lus pa ni rnam par 'bye ba dang/ dngos po dang/ phran tshegs la sogs pa de dag ma lus pa'i gnas sam/ lus 'dra bar gyur pas na de bas na so sor thar pa ni gnas zhes bya'o/ /snying dang zhes bya ba ni dam pa lta bu'i dpe ste/ dper na lus kyi nang na dam pa ni snying po/ /de dang 'dra bar 'dul ba thams cad kyi snying du gyur pa'am/ dam pa lta bur gyur pa'i phyir dper snying dang 'dra'o zhe'o/ /snying po ni yang yang gtso bo lta bu 'am/ mthu dang ldan zhing gzhig par dka' ba lta bu 'am brtag bzod pa lta bu'i tshig ste/ ji ltar gtso bo lta bur lta zhe na/ 'dul ba

  21. 11a

    thams cad kyi nang na so sor thar pa ni gtso bo 'am mchog tu gyur pa lta bu'o/ /ji ltar brtan zhing gzhig par dka' zhe na/ dge sbyong dang mu stegs can la sogs pa log par lta ba rnams kyis mi phyed cing gzhig par mi nus pa'i phyir ro/ /ji ltar na brtan bzod par lta zhe na/ de bzhin gshegs pa'i 'dul ba la skyon dang/ dri ma dang/ lhad kyis ma nor bas rang bzhin gyis yongs su dag pa'i phyir 'jig rten pa'i tha snyad kyis chos brtag mi bzod pa dang mi 'dra bas snying po zhes bya'o/ /gnas dang snying gi snying po ni don gcig ste/ yon tan gyi rnam grangs so/ /de lta bu gang yin zhe na/ mdo las so sor thar pa yin no zhes smos te/ des ni 'dul ba gzhan dang/ sde snod gzhan las khyad par du so sor thar pa 'di yin no zhes bstan to/ /de la so sor thar pa'i sgra ni nyon mongs pa dang/ ngan song gsum dang/ ltung ba ris lnga'i nyes pa las thar par byed pa 'am/ nyes pa 'di rnams 'dul bar byed pas na thar pa zhes kyang bya/ 'dul ba zhes kyang bya'o/ /yang na skye bo tha dad pa rnams so sor nas sdom pa la gnas pa de dag so sor nas thar pa'i 'bras bu thob par byed pas na so sor thar pa zhes kyang bya'o/ /yang na rgya gar skad las pra ti zhes bya ba'i phyir ram/ kun tu pa'i sgrar yang rung ste/ thar pa'i phyir ram kun tu thar pa ste/ kun nas bskor ba'i bag la nyal ba'i nyon mongs pa las thar pa'i phyir ro/ /de la kha cig 'di skad rtog kyang srid de/ bag la nyal ba'i nyon mongs pa ye shes kyis spong ba yin ni ji ltar 'dul bas spong zhes bya/ spong zhing bag la nyal ba'i nyon mongs pa phra mo rnams ye shes kyis slong ngo zhes 'byung mod kyi/ 'dul ba yang chos thams cad kyi gzhi dang gnas su gyur pas nyon mongs pa yang brgyud de spong ba dang/ mngon sum du spong ba dang gnyis yod pas

  22. 11b

    na skabs 'dir 'dul ba yang rgyud de spong ba'i rgyur 'gro bas nyes pa med do/ /de bas na tshul khrims la ni gnas bya zhing/ ting nge 'dzin dag mngon par bsgrub ces tshigs su bcas pa las 'byung ba dag yin te/ tshul khrims sa dang 'dra ba'i gzhi med du mi rung ba'i phyir ro/ /'o na mdo sde dang mngon pa'i chos kyang so sor thar pa zhes mi gdags sam zhes zer yang srid do/ de dag las khyad du bstan pa'i phyir rnam pa bdun zhig gis mdo sde dag las bye brag tu bstan to/ /rnam pa bdun po ni 'dul ba'i lus dang/ 'dul ba'i gnas dang/ 'dul ba'i dmigs pa dang/ 'dul ba'i rang bzhin dang/ 'dul ba'i mtshan nyid dang/ 'dul ba'i gleng gzhi dang/ 'dul ba'i 'bras bu'o/ /de la lus ni so sor thar pa 'di 'dul ba kun gyi lus yin no zhe'o/ /'dul ba'i gnas ni so sor thar pa de nyid 'dul ba'i gnas su blta ba 'am/ las brgya rtsa gcig dang gsol ba dang zhu ba'i gnas so zhe'o/ /'dul ba'i dmigs pa ni nyes byas phra mo yan chad las lhag par bsams pas bsrung zhing bag byed pa'i phyir ro/ /ltung ba ris lnga ni 'dul ba'i rang bzhin no/ /mtshan nyid ni las brgya rtsa gcig la bya'o/ /'dul ba'i gleng gzhi ni yul mnyan du yod pa la sogs te/ yul gang du bslab pa bcas pa la bya'o/ /'dul ba'i 'bras bu ni rnam par grol pa'i 'bras bu thob pa la bya'o/ /rnam pa bdun po des mdo sde dag las bye brag tu bstan to/ /'di ni dam chos rgyal po yi zhes pa dam chos rgyal po ni so sor thar pa nyid la bya'o/ /ci'i phyir mdo sde dang mngon pa'i chos la rgyal po zhes mi bya'i/ 'dul ba nye rtsa la rgyal por bya zhe na/ 'dul ba ni chos thams cad kyi rten tam rtsa bar gyur te/ chos thams cad 'di la brtan cing skye bas na gtso bor gyur pa'i phyir rgyal po zhes

  23. 12a

    bya'o/ /yang na dam pa'i chos kyi rgyal po zhes bya ba de bzhin gshegs pa nyid la bya ste/ ci'i phyir zhe na/ chos thams cad la mnga' dbang mdzad cing bdag por gyur pas lha dang mi la sogs pa rnams thams cad kyang lung de las nod pa'i phyir rgyal po'o/ /de lta bu'i chos ni dam pa bas na dam pa'i chos so/ /mi bri bsdus pa zhes bya ba ni sngon de bzhin gshegs pa mngon par byang chub nas lo bcu gsum du sogs par 'dul ba skyon med pa rma byung nas 'dul ba la bslab pa'i gnas bcas pa yang byung mod kyi/ de'i tshe 'phags pa'i dge 'dun dag kyang dbang po rno bas bslab pa yang yid la 'dzin pa tsam du zad kyi/ yi ger bris pa med pas mi bri ba sdus pa zhes smos pa la bya'o/ /yang na mdo sde dang/ mngon pa'i chos ni sde snod gcig nas gcig tu brgyud cing gnas par bya ba dang/ dus dus su klag cing mchod pa'i rten du bya ba'i phyir bri ba yin gyi 'dul ba rnams ni bris te klag pa'am blta ba tsam du bya ba yin gyi/ nang nub gnyis su yid la dran zhing 'dris par bzung bar bya'o/ zhes bya ba'i tha tshig kyang yin no/ /de'i phyir mi bri bsdus pa zhes kyang bya'o/ /yang na mi bri ba yang yin la bsdus pa yang yin te mi bri ba ni snga ma bzhin/ bsdus pa ni 'dul ba 'bum gyi don so sor thar pa'i nang du bsdus so zhe'o/ /sus bsdus she na/ chos kyi bdag po bcom ldan 'das kyis bshad do zhe'o/ /'di ni dge slong chod pa'i zhes bya ba ni 'di ni so sor thar pa nyid la bya'o/ /dge slong zhes bya ba ni rnam pa lnga ste/ khas 'ches pa'i dge slong dang/ slong ba'i phyir dang/ ming gi phyir dang/ nyon mongs dang bral ba'i phyir dang/ gsol ba dang las kyis bsnyen par rdzogs pa'i dge slong ste lnga 'byung med kyi skabs 'dir gang gsol ba las kyis bsnyen par rdzogs shing bslab

  24. 12b

    pa chags pa skyon med pa la dge slong zhes bya ste/ ci'i phyir 'di 'ba' zhig la dge slong zhes bya'i gzhan ma yin zhe na nyon mongs pa dang bral ba'i dge slong ni mya ngan las 'das pa'i 'bras bu rnyed zin pas bslab zod la brten cing bsgrub mi dgos pa'i phyir zhe'o/ /gzhan ni bslab pa la mi gnas shing med pas ni 'dir bslab zod dang ldan pa zhes smos pas gzhan la mi rigs so/ /tshod pa zhes smos pa ni dge slong bslab pa la brten cing tshul khrims la gnas pas thar pa mya ngan las 'das pa'i 'bras bu sgrub cing khe tshol ba'i dpe ste/ tshod pa zong dang ldan pas nor gyi rnam pa khe tshol ba dang/ 'dra bar dge slong yang tshul khrims ma nyams ma ral pa'i zong gis ni thar pa mya ngan las 'das pa'i 'bras bu khe btsal du yod kyi/ bslab pa nyams shing ral ba dag gis ma yin te/ rnam par grol ba'i 'bras bu tshol ba'i zong bslab tshig gis byas pas na/ dge slong tshong pa 'dra'o zhe'o/ /bslab zong ni zong dang 'dra ba'i phyir ro/ /tshong 'dus zhes bya ba ni tshong pa nor sna tshogs yod pa der gnas pa 'am/ thams cad 'du zhing so so dang/ ji ltar 'dod pa bzhin khe rnyed pa ltar bslab tshig tshong 'dus dang 'dra ba de la gnas shing brten na/ rigs dang kha dog dang/ mi'i 'byor ldan dang/ mtho ris bzang 'gro'i bde ba'i rnam pa dang/ rnam par grol ba'i 'bras bu dang/ mya ngan las 'das pa man chad kyang/ 'di la gnas shing brten pas thob pa'i phyir tshul khrims bslab pa nyid nor sna tshogs yod pa'i tshong 'dus bzhin no zhe'o/ /thams cad der 'du ba ltar snang na yang skye bo dge ba'i gang zag bzang 'gro ba dang/ mya ngan las 'da' ba man chad thob par byed pa de dag kyang so so nas tshul khrims tshong 'dus dang 'dra ba 'di la ma gnas mi brten pa'i 'bras bu thob mi srid pa'i phyir thams cad 'dus pa lta bur yang bstan pa'o/ /de la kha cig 'di

  25. 13a

    skad zer yang srid de gzhung dag gis nang nas rgyun nas rgyun du zhugs pa'i 'bras bu la sogs pa bslab pa la ma brten te/ khyim na gnas pas thob pa skad du zer ba dang/ dgra bcom pa ni dge slong ma yin pa las thob par mi srid do zhes bya ba zhig kyang yod mod kyi/ de 'dul ba mi brten par thob mi srid de/ dge bsnyen la sogs pa dge ba bcu rang bzhin gyis bsrung ngo zhes 'byung bas de nyid bslab pa'i tshigs la gnas par rig par bya'o/ /de bas na lung dag las kyang/ tshul khrims kyis ni mtho ris bzang 'gro 'thob/ /ye shes kyis ni rnam par grol bar 'gyur zhes bshad pas/ tshul khrims kyi chal mi gnas par mtho ris bzang 'gro thob mi srid ces 'byung bas 'gal ba med do/ /chen po zhes bya ba ni bslab zong 'di la brten pas mya ngan las 'da' ba man chad/ lha dang mi yan chad kyi bar du 'bras bu yid bzhin thob par byed pas tshong 'dus chen po zhes bya'o/ /yang na bslab tshig nyung du des mya ngan las 'da' ba 'bras bu chen po rnyes pa'i phyir ro zhe'o/ /tshul khrims ngan pas zin pa zhes bya ba ni tshul khrims kyi sgra ngang tshul zhes kyang bya bas ngang tshul ngan pa can ni bdag dang gzhan gyi rgyud shin tu nyon mongs par byed pas sbrul gdug pas zin pa dang 'da' zhe'o/ /log pa'i ngang tshul ngan pa srog gcod pa dang/ ma byin par len pa la sogs pa mi dge ba bcu byed pa ni tshul khrims ngan pas zin pa zhes bya'o/ /zin pa ni gdig pa'i dpe dang sbyar bar bya ste/ srog gcod pa la sogs pa ngang tshul ngan pa can 'di dag ni ci ltar skyes bu sbrul gdug pas zin pa bzhin no zhes smos so/ /de ltar sbrul gdug pas zin pa la sman mar gang dang/ a ka tas sos par zhus pa bzhin du tshul khrims ngan pa can de dag la'ang bslab pa 'di

  26. 13b

    nang dang 'dra ba'i nyes pa sel cing spyod pa'am/ 'jil bar byed pa yin te/ de nas na so sor thar pa ni sman dang 'dra'o zhe'o/ /yang gcig tu na gang zag tshul khrims nyams par gyur pa'am/ bslab pa phul ba rnams slar tshangs par spyod pa sbyin zhing bslab pa byin pa dang/ rab tu 'byung du gnang bas rang sdang tshul khrims nyams shing bslab pa phul bas mi dga' zhing sems cher ma gdug pas gtsubs pa dang 'dra bar gnas pa la tshul khrims 'dis nyes pa sel cing sbyor ba sna/ sems kyi gdung ba 'am zug rngu ba sman du gyur pas na sman ces bya'o/ /lang tsho zhes pa ni gzhon nu dar la bab pa dregs mi thub cing bdo ba la bya ste/ de lta bu'i che na blo gtan la mi phabs shing rgyags par gyur pas 'khrul ba'i nyes pa lhag par 'byung bas na lang tsho 'khrul ba zhes smos te/ dpe glang de bzhon nu dang 'dra'o zhes/ /glang po gzhon nu g.yul la ma phyin cing zho sha bdo zhing nyams rtsal che ba'i tshe lam nas lam ma yin par brten cing 'bros pa la lcags kyus kha lo bsgyur zhing lam ma yin pa nas lam du dgug cing 'dul ba dang 'dra bar byis pa gzhon nu blo gtan la ma phebs shing gnas ma yin par 'jug cing spyod pa la mi dge ba'i phyogs nas dge ba'i phyogs bsgyur bar so sor thar pas byed pas na glang po bsgyur pa'i lcags kyu dang 'dra'o zhe'o/ /ngan 'gro 'khor ba zab mo zhes bya ba ni ngan par 'gro bas na ngan 'gro ste/ byol song ngan par 'gro ba dang/ yi dags dang/ sems can dmyal ba ngan par 'gro ba ste/ ngan song gsum la bya'o/ /yang na 'khor ba nyon mongs pas 'khor ba'i phyir ro/ /'khor ba'i gro ba kun la bya'o/ /'khor ba ni gcig nas gcig tu brgyud cing/ skye ba mang po len pa ste/ de yang thog ma dang tha ma med pas 'khor ba'o/ /zab mo ni 'khor ba nyid mdza' med

  27. 14a

    la/ sdug bsngal gyis 'jigs pa chen po nyid bskyed pas na shin tu 'jigs shing rgya mtshon chu srin gnas pa bzhin no/ /de lta bu'i zab mo las sgrol bar gyur pa'i gzings dang 'dra bar gyur pa gang zhe na/ so sor thar pa 'di yin no zhe'o/ /ji ltar gzings dang 'dra ba ji ltar rig par bya zhe na/ cho bo chen po las brgal bar bya ba'i thabs ni gzings bcas te brgal lo/ /de dang 'dra bar 'khor bar zab mo las brgal ba 'dod pa'i mi des kyang/ 'dul ba de las ma brten ma gnas pa dang 'khor ba la rgal bar mi nus pas gzings dang 'dra bar 'dul ba 'di nyid blta zhe'o/ /bzang 'gro zhes bya ba ni lha dang mi la sogs te gnas ngan par 'gro ba'i phyir bzang 'gro zhes smos te/ de yang rnam pa gsum la bya ste/ dam par 'gro ba dang/ bkra shis par 'gro ba dang/ mdzes par 'gro ba ste/ 'di ni bzang 'gro'i sgra'o/ /de lta bur 'gro ba'i stegs dang/ zam par lta ba gang yin zhe na/ 'dul ba de nyid stegs dang zam pa'am/ lam lta bur blta'o zhe'o/ /stegs dang zab mo pa'ang bgrod cing phyin par bya ba'i thabs su zang de de dang 'dra bar so sor thar pa yang bzang 'grong 'gro ba'i thabs yin pa'i phyir ro/ /nges pa'o zhes smos pa ni ci ste 'ga' zhig na re stegs dang zam pa yin par cis mngon zhes zer yang srid de/ de lta bu'i dogs pa bsal ba'i phyir nges pa'o zhes smos so/ /ci'i phyir nges pa zhe na/ de bzhin gshegs pa ni sho pa mi gsung gi /mi slu ba'i bdag nyid can yin pas des stegs dang/ zam pa 'dra'o zhes gsungs pas na nges pa'o/ /nyon mongs pham byed lam zhes pa nyon mongs pa ni 'dod chags dang/ zhe sdang dang/ gti mug gam yang na kun nas bskor ba'i nyon mongs pa dang/ bag la nyal ba'i nyon

  28. 14b

    mongs pa ste/ des lus dang sems kyi rgyud shin tu nyon mongs par byed pas na nyon mongs pa'o/ /pham byed ces bya ba ni nyon mongs pa de dag spong zhing sel ba'i gnyen por gyur pa ste/ so sor thar pa 'di nyid kyis nyon mongs pa rnams mi rgyu zhing bkag pas na pham par byas so zhe'o/ /de ltar so sor thar pa la brten pa'i rgyus na 'phags pa'i lam thob nas na pham byed lam zhes bya ste/ so sor thar pa ni kun nas bskor ba'i nyon mongs pa 'phral du mi spyod pa tsam du spong gi 'phags pa'i lam gyi yan lag brgyad la gnas nas/ mthong ba dang bsgom pas spang bar bya ba'i nyon mongs pa rnams spong zhing rnam par grol ba thob par byed pas na lam de ni 'jig rten pa'i lam las khyad zhugs pa'i phyir lam de ni mchog dam pa'o/ /ji star rgyal po g.yul la 'gro ba gang nas gang du bzlog par bya ba de nas der kha lo sgyur zhing shing rta 'dren pa de dang 'dra bas nyon mongs pa'i lam sel cing pham par byed pa dang/ 'phags pa'i lam thob cing mya ngan las 'da' ba'i khang par phyin par byed pa'i thog mar 'gro ba ni so sor thar ba 'di yin pas 'dren pa mchog lta bur bstan te/ /de la thar pa'i grong 'jug pa zhes bya ba ni thar pa ni mya ngan las 'das pa la bya ste/ de yang ji ltar thob ce na/ rdo rje lta bu'i ting nge 'dzin gyi nyon mongs pa shin tu phra ba'i yang phra ba bcom nas zad pa dang mi skye ba'i ye shes thob pa ste/ de'i gnas ni thar ba'i grong dang 'dra'o/ /'jigs pa dang tse ba thams cad dang bral bas grong khyer bzhin te/ ji ltar ra bas bskor ba'i grong sgo bsdams shing bcad pa la dgras 'jigs pa dang bral ba bzhin du mya ngan las 'das pa'i grong yang/ zad pa dang mi skye ba'i ye shes kyis sgo bcad pas na/ nyon mongs pa'i dgras mi 'jigs zhe'o/ /yang na them skas

  29. 15a

    kyi dpes na ji ltar 'jig rten na rim par 'gro ba la them skas btsugs te 'gro bar bya ste/ de ni phyin bar bya ba'i thabs su dgos so zhe'o/ /'dul ba de la brten cing gnas pa de dag kyang mya ngan las 'da' ba' i gnas su phyin pa yang 'gyur la mya ngan las 'da' ba' i grong khyer du phyin par byed pa'i thabs ni so sor thar pa yin no zhes bya ba'i tha tshig go /nga ni mya ngan las 'das gyur zhes bya ba la/ nga ni zhes bya ba ni bcom ldan 'das te/ bcom ldan 'das mya ngan las 'da' bar ston pa la dge slong dag gis bcom ldan 'das la zhus pa/ ston pa med na chos dang dge 'dun yang med de dkon mchog gsum yang nub la 'jig rten yang stongs so zhes gsol pa dang/ lan bka' stsal pa/ nga mya ngan las 'das pa'i 'og tu so sor thar pa ni ston par ltos shig /dran pa nye bar gzhag pas na gnas brtan gyis shig /gang zag mi srung pa ni mi smra bar 'dul zhing lan lon shig /mdo sde'i mgo la ni 'di skad bdag gis thos pa zhes bris shig /da 'dug pa'i tshe bya ba dang mi bya ba bar bstan pa rnams de de bzhin du byas na nga 'dug pa dang 'dra'o zhes gsungs so/ /mya ngan las 'das pa zhes bya ba ni nyon mongs pa'am 'khor ba la brgal ba la bya'o/ /khyed kyi ston pa zhes bya ba ni 'khor nyan thos dang/ so sor thar pa nyid la bya'o/ /de bas na bcom ldan 'das 'jig rten na bzhugs pa'i tshe kun gyi bsnyen bkur byed pa ltar 'dul ba la yang bsnyen bkur mi chung bar bcom ldan 'das dang 'dra bar ltos shig pa'o/ /rang byung nyid kyi nan tan du zhes bya ba ni rang byung mi de bzhin gshegs pa nyid la bya ste/ de bzhin gshegs pa ni gzhan gyi dang dang mdog las rten cing gnyen po dag gis kyang rang tu ma byung gi rang gi ye shes kyis chos rnams rtogs

  30. 15b

    nas rang byung ba'o/ /yang skra dang kha spu rang byi zhing/ bsod nams kyis lhun gyis dkar po chos gzigs te/ mkhan po dang slob dpon gyi rgyus ma yin gyi rang byung gi phyir rang byung ngo/ /nan tan du zhes bya ba ni legs par zhes bya ba'i don te/ de ltar dge slong rnams kyi mdun du de bzhin gshegs pa dang 'dra bar 'dul ba la bstod pa'o/ /sangs rgyas zhes bya ba'i sgra de yang/ 'jig rten dag na shin tu dkon zhes bya ba la sogs pas so sor thar pa la mnyan pa dang/ nan tan gyis rim gro dang/ gus par byed du bcug pa'i phyir mi khom par gyur pa las brtsams te sangs rgyas zhes bya ba la sogs pa smos so/ /de la 'jig rten du gshegs shing sangs rgyas kyi sgra thos pa yang shin tu dka' na mthong ba lta ci smos/ de bzhin gshegs pa bskal ba dgu bcu rtsa gcig nas 'jig rten du ston pa mi mdzad de/ 'jig rten stong ngo zhes 'byung ngo/ /ji ltar sangs rgyas kyi sgra thos par yang dka' ba bzhin du mi lus thob pa shin tu dka' ba dang/ mi lus thob du zin gyis kyang/ dge ba'i bshes gnyen dang phrad cing rab tu 'byung ba shin tu dka' ba dang/ de ltar rab tu byung du zin gyis kyang tshul khrims yongs su dag par shin tu dka' ste/ sangs rgyas dang mi lus thob pa la sogs pa shin tu dka' ba'i dpe ni rgya mtsho 'jid rnams kyi nang na rus sbal zhar pa gnas pa de la stong zhig nas chu'i steng du lan cig 'byung la/ gnya' shing mig gcig pa rgya mtsho'i nang du bong ba yang shar nub kun tu rlung gis bdas pa de'i bu gar rus sbal gyi mgrin pa chud pa ni sla'i/ sangs rgyas la sogs pa'i dge ba'i bshes gnyen dang phrad cing bdag nyid khom pa phun sum tshogs pa dang ldan pa ni shin tu de bas kyang dka' bas na de lta bu'i 'byor pa dang ldan pa'i dus su

  31. 16a

    bdag nyid rab tu byung zhing bsnyen par rdzogs pa dang/ so sor thar pa la nan tan gyis gus pas nyan cing tshul khrims skyon med par 'bad cing bsrung ngo zhes pa'i don to/ /de la slob dpon kha cig gis 'di skad kyang 'chang de/ sangs rgyas kyi ni 'dul ba mtsho zhes bya ba nas/ so sor thar pa mnyam par 'bad par bya zhes pa'i bar du rnam pa drug tu 'byed cing ston pa yang yod de/ rnam pa drug ni mthong ba'i 'bras bu dang/ ma mthong ba'i 'bras bu dang/ so sor thar pa nyid la ston par bstod pa dang/ kham pa phun sum tshogs pa dang/ dge ba'i bshes gnyen phun sum tshogs pa dang/ so sor thar pa la bsti stang bcas pas bsrung zhing nyan bzhi'o/ /de la sangs rgyas kyi ni 'dul ba mtsho zhes bya ba man chad nas/ glang po gzhon nu'i lcags kyu'o zhes bya ba yan chad mthong ba'i 'bras bu dang sbyar ro/ /de nas them skas bzhi dang 'dra bar gnas zhes pa yan chad ni ma mthong ba'i 'bras bu dang sbyar ro/ /da ni mya ngan 'das gyur na zhes bya ba shlo ka gcig gis ni so sor thar pa la ston par bstod pa'o/ /sangs rgyas zhes bya ba'i sgra de yang zhes bya ba ni dge ba'i bshes gnyen phun sum tshogs pa bstan to/ /mi lus thob pa dang rab tu 'byung ba shin tu dkon pa dang/ tshul khrims phun sum tshogs pa zhes bya bas/ khom pa phun sum tshogs pa bstan to/ /so sor thar pa mnyan par 'bad par bya ba ni so sor thar pa la bsti stang dang bcas pas bsrung zhe'o/ /de ltar gong du sangs rgyas kyi sgra thos pa dang na mi'i lus thob pa shin tu dka' ba dang/ dge ba'i bshes gnyen dang phrad pa dang/ rab tu 'byung ba la sogs pa rnyed pa shin tu dka' bar bstan pa bzhin du so sor thar pa thos pa yang shin du rnyed par dka' bar bstan par bzhed nas/ khon?

  32. 16b

    pa phun sum tshogs pa shin tu rnyed par dka' ba'i phyir smras pa/ bskal pa bye ba rnams su yang zhes smos so/ /bskal ba bye ba zhes smos pas ni so sor thar pa thos par dka' ba'i dpe ste/ /bskal pa bye ba 'am/ gal te de las lhag par yang sangs rgyas 'jig rten du mi 'byung la/ brgya la 'byung du zin gyis kyang bdag nyid yul gyis bskal te sangs rgyas dang mi phrad pa dang/ sangs rgyas dang mi lus rnyed pa shin tu dka' bas na sangs rgyas 'jig rten du 'byung ba dang/ 'dul ba'i chos rnams kyang yod kyi sangs rgyas mi 'byung ba dang gsung rab kyi chos 'dul ba yang med pas na nga'i phyir so sor thar pa gzung ba dang 'dzin pa dka' zhes bstan te/ /so sor thar pa zhes bya ba ni nyon mongs pa chung ngu'i chung ngu la sogs pa las shin tu thar par byed pas na/ so sor thar pa zhes smos so/ /thos shes bya ba ni tshig dang don rna ba'i dbang pos thos pa'o/ /gzung zhes bya ba ni shes rab kyis rtogs pa'o/ /'dzin ces bya ba ni mi brjed par dran pas de nyid kha ton du sbyor ba la sogs te/ yun ring du mi brjed pa'o/ /sgrub par byed ces bya ba ni de'i don lus dang/ ngag dang/ yid kyis nan tan du nyams su len cing byed pa'o/ /rnyed dka' zhes bya ba ni bskal ba'i dpe dang sbyar ro// dka' ba ni thos pas kyang yid la gzung ba shin tu dka' / gzung ba las kyang yid la 'dzin cing 'dris par byed pa shin tu dka' / 'dzin pa bas kyang nyams su len cing bsgrub par byed pa ches dka' ste shin tu dkon no zhes bstan to// sgrub pa ni tshe dang ldan pa ni tshe dang ldan pa kun dga' bo lta bu nyes byas shin tu phra ba la yang srog dang sngo zhing 'bad pa chen po dang bcas pas kyang tshegs chen po dang nan tan pos rnyed pa'i phyir ro zhes smos pas gzhan zhig smos kyang cig

  33. 17a

    dgos/ yang gcig tu na thos pa'i shes rab dang/ bsam pa dang/ bsgom pa'i shes rab ste/ shes rab rnams pa gsum gyis nan tan byed pa shin tu dkon zhes bstan pa'o/ /thos pa ni thos pa'i shes rab dang sbyar/ gzung ba 'dzin pa gnyis ni bsam pa'i shes rab dang sbyar/ sgrub par byed pa ni bsgom pa'i shes rab dang sbyar ro zhe'o/ /de yan chad du chos la bstod pa bstan to/ /dkon mchog gsum 'byung ba de bde bar bstan pa'i phyir sangs rgyas rnams zhes bya ba la sogs pa smos so/ /sangs rgyas kyi sgra ni gong du bshad pa dang 'dra ste/ cung zad du na drang srong phyir gi ri dang/ ang gi ri la sogs pa mngon par shes pa dang/ ldan pa 'jig rten na grags pa can de dag gis de bzhin gshegs pa'i mkhyen pa la bskyod du med pas sangs rgyas zhes bya ba'i tha tshig go /'byung ba bde zhes bya ba ni sangs rgyas 'od gsal lha'i ris nas yum gyi lhums su gshegs te glang po dkar po lta bu'i tshul du mngal gyi g.yas rol tu mngal gyis dri mas ma gos par gshegs pa dang/ bltams sam/ btsas pa'i tshe rgyal po chen po gzugs can snyed po la sogs pa bzhi dang/ blon po'i bu lnga brgya tsam bcos te/ de dag ni mngal gyi sdug bsngal dang ldan pa yin gyi de bzhin gshegs pa ni sdug bsngal dang/ /dri mas ma gos te bral bas na mngal du gnas pa dang btsas pa'i tshe bde ba nyid do zhe'o/ /gcig tu ni 'od gsal ba'i lha'i ris nas gshegs pa'i cha zhal gyi sgo nas 'od zer mang po byung nas sems can dmyal ba la sogs pa dag la 'od zer gyis reg par byas nas dmyal ba ba de dag gis bsams pa 'di 'dra ba sel bar byed pa ni skyes bu mthu chen po 'ga' zhig /'od zer

  34. 17b

    'byin to/ /zhes dad pa skyes pas sdug bsngal las thar pa lta bur snang ba dang/ 'on pa rnams kyi rni? da thos/ longs pa rnams kyis ni mig gis mthong/ bza' ba dang btung ba 'dod pa rnams yid bzhin ru rnyed pas sangs rgyas 'byung ba ni 'jig rten na bde ba'i rgyur gyur pas sangs rgyas 'byung ba ni shin du bde'o zhe'o/ /yang na sangs rgyas 'byung ba bde zhes bya ba ni byang chub sems dpa' las mngon par rdzogs par chub pa'i tshe rnam par grol pa'i 'bras bu rnam pa mchog thams cad dang ldan pas sangs rgyas 'byung ba bde ba'o zhe'o/ /de la kha cig 'di skad du rgol ba yang srid de/ mngon par rdzogs par sangs rgyas pa'i dus dang/ lhums su bltam zhing btsas pa'i che byang chub sems dpa' yin na ci'i phyir sangs rgyas 'byung ba bde zhes bya/ rnam pa gcig tu de bzhin gshegs pa skye ba dang 'byung ba dang/ mngal du gshegs zhes bya ba mi 'thad de/ ci'i phyir zhe na/ skye ba'i nyon mongs pa bcom pa ste/ 'khod pa las brgal ba'i phyir ro zhe'o/ /de ni nyes pa med de/ /de'i tshe de bzhin gshegs pa ma yin te/ byang chub sems dpa' yin kyang rgyu la 'bras bu btags te bshad de/ dper na 'jig rten na thags thag pa snam bur ma zin par yang snam bu 'thog ces zer ba lta bu dang/ 'bras 'tshed kyang zan 'chid do zhes zer ba dang/ yos 'thag kyang phye 'thag go /zhes zer ba dang 'dra ste/ de nyid du ma gyur kyang der mngon par 'ong ba rnams rgyu la 'bras bu btags pa srid pas 'di'ang de'i tshe byang chub sems dpa' yin mod kyi/ phyis sangs rgyas su mngon par 'grub cing mngon par 'gyur ba'i phyir 'di skad ces bya ba la nyes pa med do/ /chos bstan pa

  35. 18a

    bde ba ni gsung rab yan lag bcu gnyis kyi chos rnams 'jig rten du bsten cing bshad pas phyi'i mu stegs la sogs pa lta ba sna tshogs su smra ba rnams spong zhing tshar gcod pa dang gsung rab kyi chos rnams rgyas shing yun ring du gnas pa'i phyir chos bstan pa bde ba'o zhe'o/ /dge 'dun zhes bya ba ni gang zag chen po brgyad la sogs te/ bzhi yan chad mang po ? pa la bya ste/ de'i mthun pa ni tshul khrims dang/ sna? ba dang/ sbyong lam dang/ 'tsho ba la sogs pa mtshungs par gyur cing bya ba rnams gcig pa ni 'thun po bde zhes bya'o/ /yang na bde ba ni 'thun pa'i rgyus mya ngan las 'das pa man chad bzang 'gro la sogs pa'i 'bras bu thob par gyur pas na dper na de bzhin gshegs pa 'jig rten du byon pa'i mthus 'phags pa kauN+Di n+ya la sogs pa rnam par grol ba'i 'bras bu thob pa lta bu yang yin no/ /yang na dge 'dun mthun pa'i mthus bslab pa gsum la bsgrub cing nan tan du byed pas nyon mongs pa nag po'i phyogs spong ba 'am/ sel ba 'am/ bsreg pa'am gdung bar byed pa ni dka' thub ste/ de ltar lhag pa'i tshul khrims dang/ lhag pa'i shes rab la gnas pas nyon mongs pa nag po'i phyogs spangs pa de ni bde ba'o zhe'o/ /tshigs su bcad pa 'dis ni dkon mchog gsum 'byung ba bde ba dang/ de'i dgos pa bde ba'i rgyu bstan to/ /'phags pa rnams ni mthong ba bde ba zhes bya bas rnam pa 'dun po'i nang nas dge ba'i bshes gnyen la brten par bya ba bshad de/ de la dge ba'i bshes gnyen rnam pa gnyis te/ kun rdzob kyi dge ba'i bshes gnyen dang/ don dam pa'i dge ba'i bshes gnyen no/ /de la 'phags pa zhes bya ba ni

  36. 18b

    sdig pa'i chos dang nyon mongs pa chos las ring du gyur pas na 'phags pa zhes bya'o/ /dam pa ni gzhan la phan 'dogs pa'i ngang tshul can yin pas 'phags pa nyid la bya'o/ /de lta bu'i skyes bu dam pa mthong na bde'o zhe'o/ /kha cig na re mthong ba lta zhig ci bde zhe na/ zlas rig par bya ste/ 'grogs pa dang/ lhan cig gnas par gyur ba dang bde zhes kyang 'chad do/ /kha cig na re dper na mi mi srun pa ni ma mthong yang bla zhes bya ba yin pas 'phags pa rnams ni mthong na dga' ba skye ba'i phyir mthong na bde zhes kyang 'chad do/ /'grogs na bde ba ni de lta bu'i dge ba'i bshes gnyen dang 'grogs na mi dge ba'i chos dang bral nas dge ba'i chos stobs pa dang/ nyes pa las 'byin cing stong zhing grogs byed pas na de lta bu dang 'grogs shing lhan cig gnas na 'phral du bde ba sems la 'tsher zhing zug rngu med pa dang/ sems dga' zhing dad ba skye ba dang/ yul du bsod nams bde bar smin par 'gyur ba'i phyir dge ba'i bshes gnyis dang 'grogs na bde'o zhe'o/ /byis pa rnams ni ma mthong na bde zhes bya ba ni mi dge ba'i grogs po spong ba ston te/ byis pa zhes bya ba ni ngan du sems shing ngan du smra ba dang/ ngan du spyod pa ste/ de lta bu rnams dang mi bsnyen ma grogs na rtag tu bde zhe'o/ /dper na 'phra ba can ni 'dom gyis spang ba dang/ ras can ni rgyang grags kyis spang ba dang/ mche ba can ni dpag tshad kyis spang zhing bsring ba dang 'dra bar byis pa sdig pa spyod pa rnams kyang bsrings shing ring bar gyur na shin tu bde'o zhe'o/ /de la kun rdzob kyi dge ba'i bshes gnyen yang rnam pa gnyis te/ /zhi gnas kyi yan lag la gnas pa dang/ lhag mthong gi yan lag la gnas pa'o/ /tshul khrims ldan pa mthong ba

  37. 19a

    bde zhes bya ba ni zhi gnas kyi yan lag la gnas pa bstan te/ tshul khrims dang ldan pa'i skye bu ni lus kyi nyes pa dang/ bdag gi nyes pa dang bcas pa dang/ rang bzhin gyis kha na ma tho ba rab tu bsrungs pas gzhan la mi gnod pa'i phyir de lta bu'i skyes bu dam pa mthong na bde'o zhe'o/ /ci'i phyir zhe na/ dper na rkun po rnams ni ma mthong yang bla zhes 'gyur bas/ dge slong tshul khrims dang ldan pa mthong ba dang bdag gi rgyud dang pha rol gyi rgyud la yid ches pas dga' ba yin no/ /mang du thos pa ni the tshom sel cing bden pa rtogs pa dang/ /dogs pa rnams med par byed pas mang du thos pa mthong na bde'o zhe'o/ /'di ni lhag mthong gi yan lag la gnas pa'o/ /de la skabs 'dir tshul khrims kyi nang du zhi gnas dang lhag mthong gi cha gnyi ga med dam zhes zer yang srid de/ de ni zhi gnas kyi nang na lhag mthong gi nang na'ang zhi gnas yod mod kyi/ shas che chung gi phyir dbye ba rtsam du zad de/ de la zhi gnas ni g.yeng ba zhi ba'i tshul khrims kyang mi rgod mi 'phyar ba'i rang bzhin te zhi ba shas che bas zhi gnas kyis bstan to/ /mang du thos pa ni shes rab ste shes pa shas che bas na lhag mthong gis bstan te/ yan lag la gnas zhes bya ba ni gzhi gnas dang lhag mthong mthar rdzogs par ma gyur pa'i phyir ro/ /de la don dam pa'i dge ba'i bshes gnyen yang zhi gnas kyi mdza' la gnas pa dang/ lhag mthong gi mdza' la gnas pa'o/ /yang srid rnam par grol ba zhes bya ba ni yang gi sgra ni phyir zhes pa'i tha tshig ste/ srid pa ni khams gsum la bya'o/ /de bas phyir srid par 'gro ba'i nyon mongs pa las rnam par grol bas na yang srid rnam par grol ba zhes bya ste/ rnam par

  38. 19b

    grol ba ni zag pa dang bcas pa nye bar len pa'i phung po nyon mongs pa'i bcings pa las rnam par grol ba'o zhes bya ba'i tha tshig yin te/ de yang gang zhe na/ dgra bcom pa dag mthong na bde zhes 'byung ba de nyid de/ de lta bu'i rnam par grol ba ni dgra bcom pa zhes gdags so/ /dgra bcom pa ni nyon mongs pa'i dgra bcom pas dgra bcom pa zhes kyang bya/ phyir skye ba dang 'byung ba med pas/ rgya gar skad kyis 'byung ba med pa/ skye ba med pa zhes kyang bya'o/ /yang na mchod par 'os pa ste/ yon gyi gnas su gyur cing dad pa dang/ ma dad pas byin pa'i zas dang gos zhu bar 'gyur ba'i dgra bcom pas dgra bcom ba zhe 'am/ mchod par 'os pa zhes bya'o/ /de lta bu'i skyes bu dam pa yon tan gyi bdag nyid che ba mthong ba bde'o zhe'o/ /de yan chad kyis dge ba'i bshes gnyen bsten par bya ba dang/ mi dge ba'i grogs po spang ba bshad zin to/ /da ni rnam pa bdun po las 'bras bu thob pa bstan te/ de yang gang gis rgyus thob ce na/ sngar bstan pa'i dkon mchog sum 'byung ba dge ba'i bshes gnyen la brten pas rnam par grol ba'i 'bras bu thob po zhe'o/ /de la rnam par grol ba nyid ci lta bu yin pa bstan par 'dod nas dper na 'bab stegs bde ba'i chu klung bde zhes bya ba bstan te/ ci ltar chu bo chen po las rgal bar 'dod na chu 'gram na nyam nga ba med cing/ grog po dang/ tsher gang dang/ rngo la sogs pa med pa na chu 'gram nyid kyang bde ba yin la/ de rgal ba'i mi dang chu bo 'bab pa nyid kyang shin tu bde ba yin te/ de bzhin du yod pa dang med pa dang/ rtag pa dang chad par lta ba'i dri ma'i mu dang bral ba de ni 'phags pa'i lam zhes bya ste/ chu 'gran bde ba'i lam bzang

  39. 20a

    po dang 'dra bar mdza' thams cad dang bral ba'i 'phags pa'i lam gyis thob pa'i chos rnam par grol ba'i 'bras bu thob pa de ni shin tu bde bar bstan to/ /chos las rgyal ba'i skye bo bde zhes bya ba ni de ltar 'phags pa'i lam la gnas shing rnam par grol ba'i 'bras bu thob pas mi mthun pa'i phyogs nag po'i chos rnams sel cing rgyal bar byas pas na chos las rgyal ba'i skye bo bde'o zhe'o/ /don de nyid phyed 'og nas ston te/ nga'o nga rgyal zad pa bde'o zhes bstan pa ste/ 'phags pa'i lam ma thob pa'i shes rab kyi ral gris mi mthun pa'i phyogs 'joms shing gcod par byed pa ni shes rab yin te shes rab med par nyon mongs pa spong bar mi nus pas de'i phyir shes rab thob pa bde'o zhe'o/ /de bas rgyu bstan te/ ji ltar shes rab thob pa bde zhe na/ nga'o nga rgyal zad pa bde zhes smos to/ /nga'o nga rgyal yang shes rab kyi ral gris yongs su gcod par nus kyi gzhan gyis ni ma yin pa'i phyir shes rab thob pa bde zhe'o/ /de'i skabs su nga'o nga rgyal zad ces mi bya bar 'dod chags la sogs pa zad ces smos na ci nyes zhes zer yang srid de/ de ni nyes pa med de/ nga rgyal ni nyon mongs pa thams cad skyed pa'i phyir rtsa ba 'am gzhi lta bu yin pas de bcad pa dang 'dod chags la sogs pa yang mi 'byung bar shes par bya'o/ /de ltar yang 'dod chags la sogs pa yang nga dang nga yi ba dang/ bdag dang bdag gi zhes pa'i bsam pa ngan pa las byung nas bdag la chags pa skye zhing pha rol gyi phyogs la zhe sdang ste/ de gnyis byung ba dang de'i las gti mug kyang 'byung ba yin pas nga rgyal tshod dang/ gzhan lta zhig zlas mi gnas par rig par bya'o//

  40. 20b

    de'i phyir nga rgyal zad pa bde ba'o/ /de yan chad du 'bras bu thob pa bde ba bstan zin to/ /da ni 'bras bu thob pa'i gnas bstan to/ /nges par byas zhes bya ba ni sbyangs pa'i yon tan can rnams ni thog ma'i dag pa bstan te/ dgon pa la gnas par bya bar yang nus na ni bya/ mi nus na ni gting ngam zhe 'am/ bdag gis ci tsam nus pa ni bya/ de ma yin na ni btang zhes dam 'cha' ba' i dgon pa can rnam ni dag pa'i bsam pa can ma yin pas/ gang ji tsam du bdag gi don yongs su ma rdzogs par mi btang mi ldog par dam bcas pa dang/ yid dam nges par bya ba de bsam pa dag yin pas nges par bya ba ni de lta bu'o/ /dbang po thul ba ni dbang po mi rgod cing mi 'phyar mi g.yeng ba'i tha tshig ste/ zhi ba bcings pa zhes bya'i tha tshig go /dngos su na 'dod pa lnga'i yon tan la sems mi 'brang ba de nyid dbang po thul ba zhes bya'o/ /mang du thos pa dgon pa zhi rnams zhes bya ba ni bcom ldan 'das kyis gsungs pa bstan pa 'jig pa gnyis te/ mang du thos pa grong na gnas pa dang/ nyung ngu thos pa dgon pa na gnas pa zhes 'byung bas 'jig par 'gyur ro dgon pa na gnas pa yang tshul khrims lci yang dang gso sbyong gi bye brag dang/ mdo sde'i gnas shes pa gnas par bya'i gzhan ma yin/ nyung ngu thos pa ni dgon par gnas pa mi rigs pa'i tha tshig go /dgon pa ni rgyang grags gcig phan chad do/ /zhi ba ni 'jigs pa dang dogs pa dang/ nyam nga ba'i sa ma yin pa la bya'o// 'jigs pa ni dgras 'jigs pa'o/ /dogs pa ni gcad gzan gyis 'tshe bar dogs pa'o/ /nyam nga ba ni sbrang bu la sogs pa yod pa'o/ /de dag med pa'i gnas su dgon pa bca' bar bya ba ni 'di ltar 'dul ba las

  41. 21a

    gsol ba dang las kyis gang zag cig bskos te/ dgon pa'i gnas rtogs shig ces 'byung ba yin no/ /gnas par gyur pa gnas su rgas pa bde zhes pa/ gnas par gyur na ni thog ma'i bsam pa nges pa la bya ste gnas phan chad ji ltar gnas la me tog rgas shing rang lhags su'i gnas pa dang 'dra bas ches brtags te gnas par bya ba'i tshig go /yang gcig tu na dgon pa'i nags su rgas par gyur gyi bar du gnas par bya'o zhes su pa dang sbyar ro/ /de la nags 'ba' zhig dgon pa yin nam zhe na/ de ni nye tshe ba'i mtshan nyid tsam du zad kyi grong dang rgyang grags gcig phan chad gzhan yang 'di dang 'dra bar rig par bya'o/ /dar la bab pa yal ba na rgas kyi bar du zhes bya ba'i tha tshig go /yang na zlas rig bya na ci ltar skyes bu dar la bab pa'i tshe zho sha che zhing rtsal mi thub pa dang 'dra bar rnam par shes pa spre'u dang 'dra bar 'dod pa'i yon tan la gnas shing/ dal ba med par spyod cing rgyu bas de'i gnas las bzlog ste/ de shin tu btul nas gcig tu zhi bar gnas shing nyon mongs pa'i gdung ba yang yal byas pas na mya ngan las 'das pa thar pa thob par 'gyur bas dar bab pa yal ba bde zhes bshad do/ /de yan chad 'bras bu thob pa'i gnas bshad zin to/ /yang dag par sdud pa bo'i 'phags pa rnams kyis 'dul ba la bstod pa'i bstod tu zlas zin to/ /tshe dang ldan pa dag dpyid rnams las ci tsam lus zhes bya ba nas/ de de bzhin du 'dzin to zhes bya ba yan chad du so sor thar pa'i gleng gzhi ston te/ de yang rnam pa dgu zhig tu dbye bar bya ste/ dgu po yang gang gang zhe na/ bka' lung dang/ mi 'dur mi gnang gdod?/ mi 'dur gnang ba dang

  42. 21b

    mchod pa'i cho ga dang/ yang dag par 'dzin du gzung ba dang/ yang dag par 'dzin pa'i legs pa dang/ yang dag par mi 'dzin pa'i nyes dmigs dang/ yang dag par bsgo ba dang/ 'khor rnam par dag pa'o/ /tshe dang ldan pa dag dpyid rnams la zhes bya ba nas/ bag yod pas thob po zhes bya ba'i bar du rnam pa dgu bo'i nang nas bka' lung gi dbang du byas te bstan to/ /tshe dang ldan pa zhes bya ba ni snyan par bod pa 'am/ btsun par 'bod pa'i tshig go /dpyid rnams zhes bya ba ni log cig la dus gsum du rnam par bzhag te/ de yang dgun dang/ dbyar dang/ dpyid gsum mo/ /de la ston zla tha chung nya nas dpyid zla ra ba nya'i bar du ni dgun gyi dus ni shin tu grang ba'o/ /dpyid zla ra ba nya nas dbyar zla 'bring po nya'i bar du ni dpyid kyi dus te tsha ba'i dus so/ /dbyad zla 'bring po nya nas ston zla tha chung nya'i bar du ni dbyad kyi dus te grang dro snyoms so/ /'dir dpyid smos pa ni nye ba'i mtshan nyid tsam du zad de/ dus gsum po gang la bab pa'i zla ba dang/ ci tsam 'das pa so sor thar pa 'don pa'i tshe brjod par bya ste/ dper na don dpyid zla ra ba bco lnga 'das te/ zhag gcig gis ma tshang ba'i zla ba phyed dang/ bzhi 'ongs pa ltar so sor thar pa 'don pa 'don pas brjod par bya'o/ /ci tsam 'das pa dang/ lhag ma ji tsam du lus pa de yang de bzhin du brjod de/ ci tsam zhes bya ba 'das pa dang/ ma 'ongs pa la nges pa med pas ci tsam pa de nyid smos so/ /des ni gang zag dge ba la mi brtson zhing/ dus snyems pa'i gnyen por gsungs so/ /tshe snyems pa'i gnyen por dga' ba dang/ 'chi ba mngon par zhes bya ba la sogs pa smos so/ /ci'i phyir srid pa'i yan lag mya ngan la sogs pa gzhan 'dir ma smos par/ rga ba dang 'chi

  43. 22a

    ba 'ba' zhig smos she na/ tshangs par spyod pa phun sum tshogs par 'gyur pa'i rgyu'i gtso bo yongs su nyams par brjod pa'i skabs yin pa'i phyir ro/ /de nyams pa'i rgyu gnyis te/ lus dang/ skye gnas so/ /de la lus nyams pa ni rga ba dang 'chi ba ste/ rgas pa ni bcom ldan 'das kyis bstan pa'i gsung rab kyi yan lag 'jig rten gnas su zin kyang lus kyis mi nus shing mi lcogs la nyams kyi spyad mi bzod pas sbyor zhing rtsol mi nus te/ tshangs par spyad pa las 'phang bar 'gyur ro/ /zhe'o/ /'chi ba ni phung po rgyun 'chad pa la bya bas dge ba'i chos rnams spyad du med de tshangs par spyad pa dang ring bar 'gyur ro/ de'i phyir skye ba'i gnas nyams pa ni ston pa'i bstan pa 'jig pa zhes bya ste/ bstan pa ni 'jig pa ni gang zag sgrub pa dang/ 'dzin pa/ brjod pa nyams pa'o/ /de'i phyir dus ji ltar 'das pa bzhin du rga ba dang 'chi bas gnod par gyur te/ gsung rab kyi chos kyang 'jig go zhes gsungs pas bag yod pa la rnal 'byor du bya'o zhes smos so/ /ston pa ni don phyin ci ma log par ston pa ste de bzhin gshegs pa'o/ /bstan pa ni gsung rab yan lag bcu gnyis so/ /lha dang mir bcas pa'i 'jig rten la bshad cing bstan pa'i bag yod pa ni dge ba'i chos la gzung pa'o/ /rnal 'byor ni 'jig rten las 'das pa'i lam la sbyor du gzung pa'i don te/ zhi gnas dang lhag mthong zung du 'phrel bas 'gro ba'i lam ni rnal 'byor zhes bya'o/ /de ltar bag byas pas thob pa'i 'bras bu gang zhe na/ sangs rgyas kyi byang chub dang dge ba'i chos rnams kyang bag yod pas thob pas na bcom ldan 'das kyis bag yod pa la rnal 'byor du bya'o zhes

  44. 22b

    bka' stsal to/ /de bzhin gshegs pa ni de bzhin du thugs su chud de ston pas na de bzhin gshegs pa'o/ /nyon mongs pa'i dgra ma lus par bcom ste/ gang zag thams cad kyis mchod par 'ong bas na dgra bcom pa'o/ /yang dag par rdzogs pa ni yang dag pa nyid du mkhyen par bya ba yongs su rdzogs pa la bya'o/ /byang chub kyi sems shes bya ba ni dran pa nye bar gzhag pa la sogs pa la bya'o/ /de yan chad bka' lung 'das so/ /da ni dge 'dun gyi thog mar bya ba ci zhe na zhes bya ba nyung ngo zhes bya ba yan chad du rnam pa dgu po'i nang nas mi 'dur mi gnang pa bstan par bya ste/ dge 'dun gyi thog mar bya ba ci zhes bya ba ni dri zhing brtag pa lta bu'i tshig gam/ yang na med pa lta bu'i tshig la'ang bya ste/ dri ma lta bu'i tshul du bshad na'ang gos sbyong bya ba'i gnas su chag chag bya ba dang/ skyang nul dang dkyil 'khor dang stan gding ba la sogs pa dang po kho nar bya'o/ zhes bstan pa'o/ /med pa'i tshig ltar bshad na yang nyan thos kyi dge 'dun don nyung ba/ bya ba nyung ba yin pas gang zag gi gso sbyong la sogs pa sngar ma byas na dge 'dun 'du ba'i tshe mi mthun par 'gyur bas na gso sbyong las ched che zhing gces pa ci zhig yod ces dri ba lta bu'o/ /yang na gso sbyong ni phyis bya ba 'am/ shol du mi rung bas gso sbyong gi sngon rol tu las ci yang bya ba med ces pa'i tha tshig go /nyan thos shes bya ba ni gzhan las thos par bya bas na nyan thos te/ gzhan gyi dring la brten te 'byung ba'i phyir ro/ /de yang ci lta bu zhe na/ dper na mkhan po dang slob dpon las thos par byas nas lan gsum rdzogs pa'i tha ma la khyod ni dge slong ngo/ /dge slong ngo zhes gdags pa lta bu ste/ de'i phyir

  45. 23a

    gzhan la rag las shing rten te 'byung bas na nyan thos so/ /don nyung ba bya ba nyung ba zhe na bya bas 'dod pa chung pa'i rgyu bstan te/ don nyung ba ni lus kyis sgrub pa dang/ dag gis smra ba'i don nyung ba'o/ /bya ba nyung pa ni yid kyi bya ba nyung ba ste/ dngos su na zhing gi rmo rko dang/ tshod gi khe sprul dang/ yul gyi rnams chos su bya ba ming cing yid kyis brtsal ba'i don nyung ba ste/ de lta bu'i tshul gyis na bya ba gzhan med pas dang po rings par bya ba nyid gso sbyong yin pas na de'i phyir mi 'dur mi gnang ste/ rkyen ci lta bu byung ba'i zhing bral kyang mi 'dur mi gnang gis 'dus shig ces bka' stsal to/ /'di skad du bka' stsal pas dge slong kha cig bla ma'i khyad par thos su nye ba las bar chad du gyur te/ ma thob pa dad bcas pa lam gyi dub pa dag sems rtse gcig du 'dug par mi nus nas gral na gtsog po lta bu dang/ dge slong nad pa kha cig 'phyes 'khrud de gso sbyong gi sar phyin pa dang/ shi bar gyur nas de lta bur gyur pa la rjes su gnang ste/ bka' stsal pa/ dge slong dag de lta bu'i rkyen byung ba rnams la dad pa dang yongs su dag pa long la dge 'dun gyi gso sbyong bar chad du mi 'gyur bar gyis shig ces bka' stsal to// de lta bas na tshe dang ldan pa dag ma lhags pa rnams la dad pa dang yongs su dag pa dris shig dris kyang brjod par bya'o/ /zhes smos te/ de ni rnam pa dgu po'i nang nas mi 'dur gnang pa'i dbang du byas nas bstan to/ /tshe dang ldan pa dag ces bya ba ni rgyal po'i khab na dge slong dag gcig khyim pa'i ming rus nas 'bod pa las khyim bdag 'phya bar gyur nas bka' stsal pa/ tshe dang ldan pa 'am/ btsun pa zhes pos shig bcom ldan 'das la yon tan gyi sgo

  46. 23b

    nas 'bod do zhes gsungs so/ /ma lhags par rnams shes bya ba ni gong du nad pa la sogs pa gso sbyong bar 'gro mi nus shing mtshams kyi nang na 'khod pa rnams la bya'o/ /nang tsha bas che ste smra mi nus na lus kyi brdas phul na yang phul ba'o zhes bya'o de ste yang 'bum ma nus na dge 'dun der dengs shig /yang na dge 'dun gyi nang du dad pa blangs par bya'o/ /yongs su dag par 'dri ba ni dad pa dang 'dra bar brjod do/ /'dri ba'i mdun du dad pa 'bul ba'i dge slong gi gso sbyong byas nas rgan gzhon gyi tshul du tsog tsog por 'dug nas gus par bdag ni bar chad kyi chos rnams yongs su gtsang ste/ dge 'dun phrin las mdzad pa la dad pa dang yongs su dag pa dbul lo zhes lan gsum du brjod par bya'o/ /dad pa phul ba ni de ltar dad pa phul bas na dge 'dun dang mthun par 'gyur ro/ /yongs su dag pa phul bas ni bdag gso sbyong gi snod du 'gyur ro/ /dris shig ces pa ni dbul du gzhug pa'o/ /brjod par bya'o zhes bya ba ni dang po blangs pa'i dge sbyong gis gso sbyong gi gnas su dge 'dun tshogs pa la brjod pa 'am/ yang na dge slong gcig la brjod na yang dad pa phul ba yid do/ /dad pa ma dad yongs su dag la len pa yang nad pa dang nad g.yog dang/ dge ba'i phyogs khyad par can la sbyar ba dang/ so sor thar pa'i mdo gdon pa la zhugs shing don yid la byed pa 'am/ lam ring po nas dub cing 'gro mi nus pa dang/ nad kyis btab te so so nas ring por ma lon pa la sogs pa rkyen byung pa rnams kyis dad pa 'bul bar bya'i/ /dge ba'i phyogs cung zad tsam byed pa 'am/ cung zad na ba'i phyir snyad btags te dad pa 'bul ba ni ma yin no/ /dad pa len pa'i dge slong bsko ba ni bslab pa byin pa dang/

  47. 24a

    phas pham pa byung ba dang/ bslab pa tshogs pa dang/ rang bzhin du mi gnas pa'i gnas pa'i dge slong ma yin pa dang/ spyos pa la sogs pas dad pa blangs par mi bya'o/ /dad pa len pa'i dge slong gis kun tu spyad pa'i nad/ dad pa len pa'i tshe mtshams kyi phyi rol nas nang du phan tshun du 'bul bar ni bya nam mkha' la gnas shing sa la dbul bar mi bya/ gcig nas gcig tu brgyud de 'bul bar mi bya/ dad pa blangs nas rgyug 'di 'tshed par mi bya/ bsam gtan la 'jug cing nya' bar mi bya'o/ /mtshams ni gnyis/ chen po dang/ chung ngu'o/ /chen po ni thad ka dang bla 'og dgra tshad phyed dang gsum khor khor yug go /chung ngu ni 'di tshun chad dkyil 'khor gyi bar du ste/ dge slong bzhi bcu'i las shod pa'o/ /shAkya seng ge zhes pa nas 'dul ba de ming las nyon ces bya ba yan chad du rnam pa dgu pa'i nang nas/ mchod pa'i cho ga bstan par bya'o/ /so sor ni thal sbyar zhes bya ba la sogs pa smras te/ de yang rnam pa gnyis kyi phyir te/ de bzhin gshegs pa la khyim pa'i rigs dang/ rab tu byung ba'i yon tan las bstod pa dang/ so sor thar pa la mchod cing bstod pa'o/ /khyim pa'i rigs kyi sgo nas bstod pa ni gdung gtsang zhing rigs btsun pa'i phyir shAkya zhes smos so/ /seng ge zhes bya ba ni rab tu byung ba'i yon tan gyi sgo nas bstod pa ste/ ji ltar seng ge ral pa can phyogs gang nas gang du 'gro ba der 'jigs pa dang bag tsha ba med par 'gro ba bzhin du de bzhin gshegs pa seng ge dang mtshungs pa yang mi 'jigs pa bzhi dang ldan pas mu stegs can gyi tshogs mang po shin tu skrag par mdzad pas seng ge dang 'dra'o zhe'o/ /yang na shAkya zhes bya ba'i sgra ni phod pa 'am nus pa

  48. 24b

    'am lcogs pa lta bu'i don te/ sngon rgyal po 'dir skyes bo'i bul yul ka pi la sdu zhes bya ba spun gnyis shig sbyugs pa las de dag kyang mthu stobs lhag par che ste/ yul dang ljongs la sogs pa yang bcom zhing phab/ bdag cag nyid kyang rgyal po'i bu zhig pas ka bi la zhes bya ba'i drang srong gis kyang ril ba spyi blugs kyis yul gru bcad de byin nas/ de dag skyid cing bde bas na phyogs kun tu bde'o zhes grags te/ phyogs gang na rgyal po'i srid gtad ba'i rgyal po lta bu 'am/ rgyal po lam rangs pa'i blon po lta bu la sogs te/ thams cad kyang 'dir 'du zhing lhags nas rgyal po 'phags skyes po nyid pas kyang bu de dag ni shin tu 'byor cing nus pa dang/ phod cing lcogs pa dang/ grags che zhing de lta bu lam gyur pas na shAkya zhes bya ba khyim pa'i rigs kyi sgo nas bstod do zhe'o/ /so sor thar pa la mchod pa yang bstod pas mchod de/ nyon mongs pa las thar bar byed pas na so sor thar ba la zhes yon tan gyis mchod pa'o/ /bshad par bya ba ni zla ba phyed cing so sor thar pa bshad pa'am 'don pa la bya'o/ /thal spyad zhes bya ba ni lus kyi phyag 'tshal ba la sogs te/ phyag rnam gsum gyi bye brag go 'dul pa zhes bya ba ni rnam pa bdun gyis bye brag tu bstan pa yang yin te/ yang na 'dod chags dang/ zhe sdang dang/ gti mug la sogs pa'i chos rnams shin tu 'dul bar byed pas 'dul ba zhes kyang bya'o/ /mchod pa'i cho ga 'das so/ /nga la nyon zhes bya ba nas/ srab 'dra so sor thar pa 'di'o zhes bya ba'i bar du rnam pa dgu po las yang dag par 'dzin du gzung pa bstan te/ nga la nyon zhes bya ba la sogs pa las so/ /de yang rnam pa bzhir dbye bar bya ba ste/ bzhi po yang gang zhe na/ nyan du gzhug pa dang/ phyin ci

  49. 25a

    ma log par bsgrub pa dang/ mi g.yel bar sbyor ba dang/ lta ba la chags su mi gzhug pa'o/ /nga la nyon zhes bya ba ni nyan du bzhug pa dang sbyar ro/ /kha na ma tho phra rnams la sgrims te gus par gyis shig ces bya ba ni mi g.yel bar sbyor ba dang sbyar ro/ /thos nas drang song chen po yis/ /gsungs pa ji bzhin bsgrub par gyi zhes pas na phyin ci ma log par bsgrub par sbyar ro/ /brtag par shin tu brten pa mas zhes pa nas/ srab 'dra so sor thar pa 'di'o zhes bya ba'i bar du ni lta ba la chag su mi gzhug pa bstan to/ /de la nga la nyon cig ces bya ba ste/ da zhes bya ba ni so sor thar pa 'don pa'i gang zag go /de la ci zhig mnyan ce na/ so sor thar pa mnyan pa'o/ /des dbang po gzhan du mi g.yeng zhing/ dran pa mngon sum du byas la rna blags te nyon cig pa ste/ so sor thar pa 'don pa lta bsti stang dang bcas pas nyon cig bya'o/ /de la thos na drang srong chen po zhes bya ba dang/ gsungs pa bzhin du bsgrub par gyis zhes bya ba gnyis kyis phyin ci ma log par bsgrub pa'o/ /des ci thos nas ji ltar bsgrub ce na/ drang srong chen pos gsungs bzhin bsgrub ces smos so drang srong ni de bzhin gshegs pa la bya'o/ /chen po ni tshul khrims kyis rgyas shing 'jig rten pa'i mu stegs dang/ nyan thos dang/ rang sangs rgyas kyi drang srong las mngon par shes pa la sogs pas khyad par 'phags pa'i phyir chen po zhes smos so/ /des ji skad gsungs pa bzhin du phyin ci ma log par sgrub pa'o zhes pa'i don to/ /kha na ma tho phra rnams la/ sgrims te gus par gyis shig pa ni mi g.yel bar sbyar ba ste/ kha na ma tho zhes bya ba ni brjod par ma rig pa'i tshig sdud pa ste/

  50. 25b

    skyes bu dam pa rnams kyis smad pa'o/ /kha na ma tho zhes bya ba ni rnam pa gnyis te/ rang bzhin gyi dang/ bcas pa'i kha na ma tho ba'o/ /de la bcas pa'i kha na ma tho bas rang bzhin gyi kha na ma tho ba sdig che zhing lci bas na skabs 'dir phra zhes smos pas na bcas pa'i kha na ma tho ba la bya ste/ de bas na dge ba la brtson pa'i gang zag gis bcas pa'i kha na ma tho ba phra ba'i yang phra ba la brnyas pas mi bya zhing shin tu sgrims te bsrung zhing bsdam par bya na rang bzhin gyi kha na ma tho ba la sogs te sdig che ba sbom po rnams lta ci smos zhes bstan to/ /des ni bslab pa la mi g.yel bar sbyor ba bstan to/ /rtag par shin tu rten pa zhes bya ba shlo ka gcig gis ni lta ba la chags su mi gzhug pa bstan to/ /rtag par shin tu rten pa zhes bya bas sems rta rgod dang mtshungs pa shin tu gdul dka' ba dpe rta rgod las blangs te bstan to/ /rta rmu rgod ma rungs pa 'jug cing 'gro bar bya ba'i lam ma yin par/ rten cing 'tshab pa 'am 'thar pa ltar sems rta rgod dang mtshungs pa yang nyon mongs pa'i chos 'dod pa lnga'i yon tan la shin tu mos shing gya tshom du 'jug pa las bzlog par dga' ba bstan te/ ci ltar rta rgod ma rungs pa 'jug par bya ba lam ma yin par rten cing 'gro ba la srab kyi kha lo sgyur zhing dgug pa ltar sems rta rgod dang mtshungs pa yang gzugs dang/ sgra dang/ dri dang/ ro dang/ reg bya'i chos rnams la sems rab tu g.yeng bar spyod cing 'jug pa las bzlog pa dang ldom par byed pa'i ni so sor thar ba de yin te/ de bas na so sor thar pa sra ba dang 'dra'o zhes smos so/ /de la sems zhes smos pa ni mu stegs can bdag tu lta ba las bye brag tu bstan cing bzlog pa'i phyir sems shes smos te/ nyon mongs

  51. 26a

    pa'i g.yul la brten cing 'jug yang bdag ces bya ba med pas na sems 'ba' zhig 'dul ba'i don to/ /des ni kun nas nyon mongs pa sbyong zhing sel bar ston gyi/ bdag rtag pa ther zug pa ni rtag par mi 'gyur ba'i rang bzhin du 'dod pas na kun nas nyon mongs pa'ang med/ rnam par byang ba yang med de nam mkha' dang 'dra'o/ /de bas na bdag tu lta ba la chags su mi gzhug pa bstan to/ /gzer bu rnon po zhes bya ba ni chad pa'i las byas shing 'gyod pa dang/ bshags pa dang/ mthol ba'i las bya ste/ so sor thar pa nyid la gnas na ma 'ongs pa'i nyon mongs pa ngan song gsum du 'gro zhing 'khrid par byed pa'i kha na ma tho ba rnams rab tu gcod par byed pas na kha na ma tho ba'o// brgya ba ni so sor thar pa las 'da' ba rnams tshe 'di la chad pa'i las kyi sgo mang po nas 'gyod cing mi bde ba'o/ /de gnyis kyis mi srab lta bur bstan te/ srab ces smos pa ni dang tshul ngan pa dang ldan pa'i gang zag 'dul ba ma yin pa la zhugs pa rnams kha ngas glon zhing snang par bya ba'i phyir srab ces bstan to/ /'dra zhes bya ba ni 'phags pa dang ma rabs gnyis ka dang mthun te/ bdag la gnod pa'i dka' thub spangs mod kyi spyangs pa'i yon tan dang yang mthun pas ha cang dog pa yang ma yin/ 'dod pa'i bde bas spangs mod kyi gang zag ma rabs rnams kyis spyod pa dang mthun pas ha cang spangs pa yang ma yin no/ /che ba gang dag ces bya ba shlo ka gcig gis ni yang dag par 'dzin pa'i legs pa bstan te/ de la che ba zhes bya ba ni rnam par grol ba'i 'bras bu thob pa dag la che zhes gdags pa yang yod mod kyi/ skabs 'dir ni gang tshul khrims kyi bslab pa la gnas shing bslab pa 'dod pa rnams la bya ste/ de yang dag gi

  52. 26b

    bsgo ba tsam gyis ldog pa'o zhe'o/ /drag tsam zhes bya ba ni rdo dbyig dang khu tshur la sogs pa'i drag shul gyis brda mi dgos shing/ ngag gi smras pa tsam gyis nyon mongs pa'i phyogs la ldog pa'o/ /mtshams zhes bya ba ni bslab pa la bya ste/ bslab pa dang mi bslab pa dang/ bya ba dang mi bya ba dang/ gnang ba dang mi gnang ba la sogs pa'i mtshams shes pas na bslab pa'i mtshams las mi 'da' ba zhes bya ba'o/ /de la mi rta bzang po zhes smos pa ni dpe ste/ gong ma'i mi rta ni rdo dbyig dang/ khu tshur la sogs pas brda dgos pas na bzang po ma yin te/ de ni dag tsam gyis ldog pas na rta cang shes sam mi shes bzhin can lta bu'i phyir mi rta bzang po'o/ /nyon mongs pa'i g.yul las thar ces pa ni ji ltar thabs dang ldan pa'i skyes bu g.yul bzlog g.yul las rgyal ba bzhin du bslab pa gnas pa'i skyes bu cang shes pa ni nyon mongs pa dang 'thab pa'i g.yul las rgyal nas dgra bcom par thar pa la bya'o/ /yang dag par mi 'dzin pa'i nyes dmigs kyi dbang du byas nas/ su la srab 'di med ces bya ba la sogs pa smos so/ /su la med ces bya ba ni mu stegs can dang/ 'dod pa'i longs spyod la zhugs pa rnams te/ de dag la so sor thar pa'i srab 'di med pas na nam du 'ang mya ngan las 'das par mi 'gyur ro zhe'o/ /de la kha cig na re mu stegs can gcig pur ma zad kyi/ sangs rgyas kyi bstan pa la zhugs pa rnams kyang tshul khrims kyi skyon dang bcas shing 'dod pa'i longs spyod la gya tshom du 'jug pa de dag kyang mya ngan las 'da' ba mi 'dod pa dang 'dra bar nam du yang rnam par grol ba thob par mi 'gyur ro zhe'o/ /de dag nyon mongs g.yul las pham zhes bya ba ni nyon mongs pa ni 'dod chags dang zhe sdang dang/

  53. 27a

    gti mug la sogs pa 'am 'dus pa tshig bla dags su gdags pa ni g.yul zhes bya ste/ bdag nyid nyon mongs pa'i dbang du gyur cing/ nyon mongs pa la bdag nyid pham pas ma nyon mongs pa g.yul las pham zhes bstan te/ /dper na ji ltar dgra'i g.yul gyis bzlog pa ni bzhin pas g.yul las pham pa'o/ /gzungs med pa rnam par 'khyam par 'gyur zhes pa gang gis gzungs med ce na/ so sor thar pa'i gzungs med pa la bya'o/ /rnam par 'khyam zhes bya ba ni 'gro ba lnga ste/ sems can dmyal ba dang/ yi dags dang/ byol sod dang/ lha dang mi'i nang du yang nas yang 'thor zhing brgyud pas/ nam du 'ang thar par mi 'gyur ro zhe'o/ /'khyam zhes bya ba ni ji ltar byis pa don med par 'phyan cing 'khyam pa ltar/ so sor thar pa'i gzungs med cing mya ngan las 'da' ba' i don mi tshol bas rtag par 'khor ba nyid kyi nang du 'khyam par 'gyur ro zhe'o/ /dper na rta brtod las shong te 'khyam pa'am/ mdo ru dag med na las kyi mu stor ba lta bu yin te/ de yang so sor thar pa'i gzungs med pas don stor bar 'gyur ro zhe'o/ /de yan chad yang dag par mi 'dzin pa'i nyes dmigs bstan to/ /yang dag par bsgo ba'i dbang du byas nas/ dge 'dun btsun pa gson cig ces bya ba la sogs pa smos so/ /gson cig ces bya ba ni 'dod pa po'i mi 'khor nyan pa rnams la bos nas sems gzhan du mi g.yeng bar nyan du gzhug pa'o/ /dge 'dun zhes bya ba ni dge 'dun rnam pa lnga la bya ste/ bzhi 'dus pas tshul nas 'byung ba dang/ bsnyen par rdzogs par bya ba dang/ dge 'dun gyi lhag ma'i chad pa dgun zla ra ba gnam stong dbyung bar mi 'gyur

  54. 27b

    ro/ /lnga 'dus pas ni bsnyen par rdzogs pa dang dbyung bar mi bya'o/ /mdza' khob na ni bsten par rdzogs par yang bya'o/ /bcu 'dus pas ni dbyung bar mi bya'o/ /nyi shu dang nyi shu las lhag pas ni las thams cad bya'o/ /gso sbyong bcu bzhi 'am bco lnga zhes smos pas ni/ sngon mu stegs can gcig gis dge slong dag la de ring ches grangs ni du gso sbyong byed dam mi byed ces dris pa dang/ dge slong dag gi mi shes par gyur nas bcom ldan 'das la zhus pa dang/ de ni mu stegs zer ba yang bden gyis dge slong dag gso sbyong yang byis shig /tshes grangs kyang shes par gyis shig /de la dgun gyi dus kyi zla ba phyed brgyad la phyed gsum pa dang/ bdun pa ni bcu bzhi yin te/ de yang gang zhe na/ dgun zlar ba gnam stong/ dgun tha chung gnam stong/ dpyid kyi dus la phyed brgyad la bcu bzhi'i gso sbyong dpyid zla 'bring po gnam stong/ dbyar zla ra ba gnam stong/ dbyar gyi phyed brgyad la bcu bzhi'i gso sbyong dbyar zla tha chung gnam stong/ ston zla 'bring po nam stong/ dus la bab ces bya ba ni gso sbyong gi dus la bab ba'o/ /dus la ma bab pa dang dus las yol bar byas na nyes byas so/ /bzang ces bya ba ni gal te dge slong dag mi gtsang ngam/ las kyis brel tam/ mi mthun par gyur na la ton du 'don pa'i gang zag la mi dang cing mi bzod par 'gyur bas na de lta bu med de/ gzod cing dang na so sor thar pa'i mdo gdon to/ /zhes bya ba'i tha tshig go /gnang bar mdzod cig ces bya ba'i ni bdag 'don par dge 'dun gyis gnod shig pa'o/ /sus gdon ce na/ dge 'dun gyi gnas brtan gyis so/ /de yang mi shes na gnas brtan dang 'og gis gdon to/ /de yang mi shes na gsol ba btab nas 'don pa po bsko

  55. 28a

    par bya'o/ /'di ni so sor thar pa gdon pa po nyid kyi tshig go /ci'i phyir dge 'dun thams cad kyis mi gdon ce na/ kun gyis mthun par yang mi thon la/ chos nyan pa'i tshul du yang mi rung la/ ring du thogs pa dang/ sgra ca chos ma zhi ba'i nyes par 'gyur bas na gcig gi ston la gzhan chos nyan na de lta bu'i nyes pa yang med la ltung ba yod pa yang dran par 'gyur ro/ /rang rang gi gnas su so sor thar pa gdon na ci nyes she na/ de yang dge 'dun ma 'dus pa gso sbyong byas pa ma yin no zhe'o/ /'di ni gsol ba'o zhes bya ba ni shes par bya'i mdza' ston to/ /tshe dang ldan pa dag bdag cag gso sbyong bya ste zhes bya ba la/ ci'i phyir gso sbyong bya zhe na/ dper na skyes bu lus snad pa'am rma dang ldan pa la sman pas sman byas na nang las sos par 'gyur ro/ /de dag 'dra bar sems kyi nad dang rma ni mi dge ba'i chos sdig pa yin te/ de la mi dge ba sel cing bya dga' sbyin bas na gso sbyong ngo/ /yang na de ltar gnyen po la brten cing byas pas sdig pa'i chos rnams spong zhing dge ba'i chos rnams rtas par byed pas na dge rtas zhes kyang bya'o/ /bya ba ji lta bu zhe na/ tha na bzhi 'dus pa mthun pas kyang so sor thar pa gdon to/ /bzhi gnas pas dad pa mi blang ngo/ /gsum man chad gnas pa ni sta gon byas la kha ton bya/ zhi bar bya ste dge slong gzhan nyung na byin gyis bslab po/ /byas pa'i gnas ni spangs shing dben par ro/ /de'i nyin mi zla ba phyed tshun chad kyi nyes pa bsam mo/ /mthol ba ni ltung ba 'dra ba'i mdun du mi bya'o/ /thams cad ltung ba 'dra na gcig gung du mthol du btang la de tshangs nas kun gyis de la bya'o/ /'gro bar su 'ang ma dad na gsol bas spyir ba sngo'o/ /gso

  56. 28b

    sbyong dus su ma byas sam/ dus ma yin par byas na 'das pa'o/ /dus ma yin par gso sbyong byar rung ba ni bzhi ste/ bar chad brgyad lta bu'i rkyen byung na gsum 'am spyi ste de ni rkyen gyi'o/ /bsngo ba'i ni dus kyi tshe mi bden na bsngo bar bya'o/ /mthun ba'i rtsod pa sdum pa'i thabs sam chad pas gsol ba'i tshe'o/ /bkra shis kyis ni ltas ngan nam than pa'i tshe'o/ /so sor thar pa'i mdo bshad pa gdon ces bya ba la/ mdo'i gdon pa lnga ste/ gleng bzhi dang/ gleng gzhi nas phas pham pa bzhi dang/ gleng gzhi nas dge 'dun lhag ma yan chad dang/ gleng gzhi nas ma nges pa'i bar brjod pa dang/ gleng gzhi nas thams cad rdzogs kyi bar du gdan pa'o/ /gnas brtan gyis ma thon na de man chad sus thon pas so/ /ma rdzogs na gzhan gyis btung ngo/ smyon pas bton na yang rung ste/ 'khor rnam par dag pa'i dbang du byas nas khyed cag su la nyes pa yod pa zhes bya ba la sogs pa smos so/ /nyes pa yang pa ni ltung ba ma mthol pa'o/ /mthol cig ces bya ba ni la la na re der 'phrul du dran na/ dge 'dun nam yang na drung na gcig la shugs te mthol cig /kha cig na re der yid kyi byin gyis brlabs la phyis mthol cig ce'o/ /kha cig na re kha ton 'don pas ni yid kyis byin gyis brlab bo// so sor dris nas lan btab pa de bzhin du zhes bya ba ni ji ltar ma lhags pa rnams la gnas so sor dris na de dag gis dad pa dang gtsang ma lan gsum gyi bar du bzlas te/ lan btab pa bzhin du 'dir tshogs pa rnams la yang lan gsum gyi bar du bsgrags par bya'o zhes so/ /lan gsum chung pa ni ring du thogs pa dang yengs pas mi go ba'i nyes pa spangs pa'i phyir ha cang mi mang mi nyung bya'o/ /lan gsum gyi bar du 'dri ba'i tshig ni tshe dang ldan pa dag

  57. 29a

    ces pa nas bsgrags par bya'o zhes bya ba'i bar du'o/ /'khor 'di lta bu zhes bya ba ni 'khor gtsang ma 'di lta bu zhes bstod pa'o/ /dran bzhin du smos pa ni de ltar lan gsum du dris nas nyes pa yod la dran bzhin du mthol na brdzun du 'gyur gyi/ mi dran na brdzun du mi 'gyur ro/ /brdzun ni tshig yin mod kyi/ yod na mthol cig /med na ma smra shig /ces bsgo ba las yod bzhin du mi smra bas na/ tshig gis go bar bya ba'i don brngas go bar byas pas na de nyid brdzun no/ /bar du gcod ces bya ba ni rgyu dang 'bras bu'i bar du gcod de tshe 'di la dge ba'i bar du'o/ /tshe phyi ma la ni bde 'gro dang mya ngan las 'da' ba' i bar du gcod do/ /rnam par dag pa 'dod ces bya ba ni mya ngan las 'da' bar 'dod pa yin gyi nan tur 'dod pa ma yin no/ /nyes pa yod ces pa ni mthol ba ma byas pa'o/ /dran zhing zhes pa ma brjod pa'i/ mthong ba zhes pa ni lci yang mthong ba'o/ /bshags na bde bar 'gyur zhes pa ni lnga ste/ le lo'i gnyen po brtson 'grus dang/ kha na ma tho ba 'byung ba'i gnyen po kha na ma tho ba med pa dang/ bslab pa khyad du gsod pa'i gnyen po gus pa dang/ 'gyod pa'i gnyen po 'gyod pa med pa dang/ rnam par ma dag pa'i gnyen po ting nge 'dzin dang/ yang dag pa ji ltar bzhin du shes pa rnams dag pas so/ /gleng gzhi zhes bya ba ni so sor thar pa de las 'byung ba'o/ /so sor thar pa dang po brjod pa mi brjed pa'i dran byed tsam du bris la/ so sor thar pa'i mdo gdon pa gnyis pa las brtsams te/ mi tshangs par spyod pa'i gleng gzhi ni lo bcu gnyis kyi bar du nyan thos kyi dge slong rnams tshul khrims kyi sgo nas skyon dang 'phan med pa las/ lo bcu gsum

  58. 29b

    pa la bab pa dang/ sangs rgyas bcom ldan 'das yul spong byed bram ze ka lan ta ka'i grong na bzhugs so/ /de'i tshe na khyim bdag ka lan ta ka'i bu bzang sbyin zhes bya ba de nor mang zhing longs spyod che ba'i tshad ni ngal sos po'i nor la 'gran ba zhig 'dug pa des rigs mnyam pa las chung ma blangs nas rtse dga' yongs su spyod cing 'dug pa las slang gyis khyim bdag de sangs rgyas dang/ chos dang/ dge 'dun la mngon par dang de skyabs su song nas dge slong gi sdom pa blangs nas skra dang kha pu bregs te 'dug go /de nas dus phyi zhig na bzang sbyin gyis bsams pa/ bdag dang khyim nas phyung ste dge slong gi dngos por gyur kyang gnyen bshes dang 'dres te sngon gyi khyim pa bzhin du gnas pa ni shin tu mi rigs so snyam nas de dag dang 'khral? ba'i phyir lhung bzed dang chos gos thogs ta ljongs rgyur song ba dang/ de'i lo mu ge byung nas pha ma'am bu la mi ster ba tsam du zas dkon par gyur nas bzang sbyin gyis bsams pa/ de ltar zas dkon pa'i skabs der bdag gi gnyen phyug po kun bsod nams rtag tu bya ba ma nus kyang dus drug tsam du yang dge 'dun dag la bshos dang spyan gzigs dag sbyor du gzhug go snyam nas bdag gi yul ka lan+ta kar 'ongs te/ dgon pa'i gnas spyil po zhig na 'dug cing/ de bzhin du bsod nams dag kyang 'phel zhing/ bdag nyid kyang spyangs pa'i yon tan can bsod snyoms blangs pa las nang cig bdag gis ma'i sgor 'ongs pa dang der ma yang grong gzhan zhig tu song sa? te de nas sbyin pa yang ma thob/ /mi gcig kyang mi snang nas slar myur du song ba dang/ bran mo zhig gis mthong nas nges jo mo ga na ba der song ste smras na/ mas bsam pa/ bdag gi bu de ni slar khyim par dbang 'dod yang dag snyam? nas

  59. 30a

    phyi bzhin brgyugs te bu'i gan du 'ongs nas bu khyod dge sbyong la skyo'am/ chags pa 'am/ the tshom za blta na slar ??/ khyod kyi pha'i nor lta zhig ci smos kyi/ khyod kyi ma'i nor gser dngul sdungs pa yang pha rol na mi 'greng bas tshu rol na 'greng ba mi mthong/ tshu rol na 'greng pa pha rol na 'greng pa mi mthong ba ni khyod kyi ma'i nor yin na 'di rnams sus bkur/ 'dod pa rnams la spyod/ bsod nams kyang gyis shig ces byas pa dang/ bzang sbyin gyis lan smras pa dang/ za za bdag dge sbyong la skyo ba'am chags pa ma mchis te/ slar mchi'o zhes smras nas/ mas bsam pa da bdag gis ji skad byas kyang rung blta ma yin snyam nas slar song ste khyim du 'ongs nas mna' ma la smras pa/ khyod nam zla mtshan dang ldan pa dang nga la smros shig ces bsgo nas phyis yang dus gcig mna' ma de gos dang dri dang phreng bas brgyan nas chas te khrid cing bu'i gan du 'ongs te bu khyod slar 'od du mi rung na rabs 'chad do/ /khyod kyis nor kun slar bzhes sa nges kyang bya ste/ ci dang ci la snyad btags nas bu mo 'di dus la bab kyi sa bon gyi tshul cung zad cig byin cig byas pa dang/ bzang sbyin de yang sngon ni bslab pa ma bcas/ ngan song ma mthong bas ni/ chud ma shin tu mdog bzang mo mthong ba dang sems la 'dod pa yang skyes nas/ za za de lta bu bgyid dbang dam zhes byas pa dang/ bu sa bon gyis chos tsam ni shin tu dbang ngo zhes smras nas/ bzang sbyin gyis chos gos gzhag ste/ lkog tu khrid de mi tshangs par spyod pa las bcas so// //rjes su bcas pa ni sangs rgyas bcom ldan 'das rgyal po'i khab na bzhugs pa na/ de'i tshe dge slong zhig dgon pa'i spyil po na gnas pa'i tshe/ spra mi zhig kha zas kyis

  60. 30b

    brid nas de la mi tshangs par spyod do/ /phyis dge slong mang zhig dgon pa'i gnas dag nyul zhing dgon par lhags nas mngon du dga' ba'i gtam mang zhig byas nas 'khod pa dang/ spra mo de yang der 'ongs nas dge slong de'i mdun na 'dug ste ro smad bsnyen pa dang/ dge sbyong de grogs mang po la rab tu ngo tsha bar byung nas lan gnyis lan gsum phul te bskrad pa dang/ dge slong de'i gdong du spra mos bzes te/ sgra mi snyan pa 'byin cing song nas bzang nas blta zhing tsog pur 'dug go// de nas dge slong de dag gis de la 'dir dgon pa'i sgra mo khyod la 'di ltar byed/ khyod kyis de la ngo tsha ba'i phyir bskrad/ bcom ldan 'das kyis kyang 'di lta bu mi rigs pa'i chos spongs shig ces ma byung ngam zhes byas pa dang/ des smras pa/ bcom ldan 'das kyis bcas pa ni mi la ste/ byol song la ma yin no zhes smras pa dang/ dge slong dag gis de la bsngags pa yang med/ gyod btab pa yang med de dong ba bcom ldan 'das la zhib tu gsol nas bcas so// de'i tshe na bcom ldan 'das dge slong gi 'khor brgya stong phrag du ma bsdus te chos ston to/ /'khor der tshe dang ldan pa bzang sbyin yang 'dus par gyur te 'dug go /bcom ldan 'das kyi nyan thos rnams la 'dod chags dang/ zhes sdang dang gti mug dang bral ba'i phyir sems rnam par grol ba dang/ shes rab rnam par grol ba'i chos bshad pa dang tshe dang ldan pa bzang sbyin the tshom dang 'gyod pa skyes nas rab tu sems shing 'dug go /de nas dus gzhan zhig na dge slong gnas nyul ba dag cig bzang sbyin gyi gnas su byin pa dang/ bzang sbyin sngan chad ni dge slong blo bur du lhags pa la mdun nas bsu zhing chos gos dang 'khar sil la sogs pa yang len na/ da ni dge slong blo bur du lhags pa rnams mthong na dogs

  61. 31a

    pa dang the tshom skye bar gyur na/ tshe dang ldan pa mi bde ba dag lta med dam zhes smras pa dang/ bzang sbyin gyis kyang ji ltar gyur pa drang por smras pa dang/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang/ gleng gzhi 'di dang/ de ltar gyur pa de'i phyir dge slong gi dge 'dun rnams bsdus so/ /de bzhin gshegs pas don gyi dbang rnam gnyis gzigs pas dge slong dge 'dun sdud de/ nga'i nyan thos rnams don kun shes par gyur pa dang/ nga'i 'dul ba la bslab pa'i gnas shin tu bca' bar bya'o/ /bcom ldan 'das ni mkhyen bzhin du dri zhing don dang ldan par dri/ don dang ldan par dgongs nas tshe dang ldan pa bzang sbyin khyod kyis de lta bu mi rigs par byas pa bden nam zhes bka' stsal pa dang/ btsun pa mang ngo zhes gsal to/ /bcom ldan 'das kyis smad de dge slong gi bya ba ma yin/ mthun pa ma yin/ rung ba ma yin/ chul ma yin/ rab tu byung bas bya ba ma yin no/ /khyod kyis sbrul ma rungs pa'i khar pho mtshan bcug pa ni bla'i/ /bud med du gyur pa la ni ma yin no zhes rnam grangs du ma'i sgo nas smad do/ /de lta bas na dge slong rnams legs pa bcu gzigs nas nyan thos rnams la 'dul ba la bslab pa'i gnas bca' bar bya'o/ /de 'di lta ste dge 'dun yang dag par bsdu ba dang/ dge 'dun dge ba dang/ dge 'dun bde ba la reg par gnas par bya ba dang/ gnong mi bkur ba'i gang zag rnams la nan tur cher bya ba dang/ ngo tsha shes pa'i gang zag rnams bde ba la reg par gnas par bya ba dang/ mngon par ma dad pa rnams mngon par dad par bya ba dang/ mngon par dad pa rnams phyir zhing/ 'phel bar bya ba dang/ tshe 'di zag pa rnams bsdam par bya ba dang/

  62. 31b

    tshe phyi ma'i gang zag pa rnams yang dag par gzhom par bya ba dang/ nga'i tshangs par spyad pa yun ring du gnas par 'gyur ba ste/ ci tsam du lha dang mi dang skye bo mang po la rgya che ba rab tu bshad de/ yang dge slong gang zhes bya ba la sogs pa rtsa ba'i tshig rnams smos so/ /yang dge slong gang zhes bya ba ni rnam pa lnga ste/ ming gi dge slong dang/ khas 'che ba'i dge slong dang/ slong ba'i dge slong dang/ nyon mongs pa dang bral ba'i dge slong dang/ gsol ba dang bzhi'i las kyis bsnyen par rdzogs pa'i dge slong ngo/ /de la ming gi dge slong ni ming du btags pa 'am dgar ba'i tshig gam/ tshig bla dags sam/ brdar dge slong du ming btags pa'o/ /khas 'chi ba'i dge slong ni dge slong ma yin yang dge slong ngo zhes khas 'che zhing rkun gnas su gyur pa'o/ /slong ba'i dge slong ni 'phral la 'tsho ba tsam tshol zhing slong ba la bya'o/ /nyon mongs pa dang bral ba'i dge slong ni khams gsum nas nyon mongs pa spangs nas dgra bcom pa la bya'o/ /dge slong bzhi po ma gtogs par skabs 'dir ni gang gsol ba dang bzhi'i las kyis bsnyen par rdzogs pa ma 'khrugs pa skyon med pa de ni dge slong du dgongs te/ de'i phyir dge slong zhes gsungs so/ /dge slong dang lhan cig ces bya ba ni chos mtshungs pa/ tshangs pa mtshungs par spyod pa'i grogs po rnams so/ /bslab pa mtshungs par gyur ces bya ba ni bsnyen par rdzogs nas lo brgya lon pa'i dge slong gis kyang bslab pa 'di la bslab la/ deng bsnyen par rdzogs pas kyang bslab pa 'di la bslab pa'o/ /de ltar na so sor thar pa'i mdo 'chad pa mtshungs pa de ni bslab pa mtshungs par gyur pa zhes bya'o/ /bslab pa ma phul zhes bya ba ji tsam gyis bslab pa ma phul ba yin zhe na/ dge slong khros pa'i zil gyis non pa'am/ smyos pa dang/ sems 'khrugs

  63. 32a

    pa dang/ nad kyis gzir ba'am/ dben pa la mi dben par 'du shes pas sam/ mi dben pa la dben par 'du shes sam/ 'phags pas tha 'khob kyi skad dam/ ca co'i nang du 'am gtong ba'i sems kyang med la/ dge slong don du gnyer la/ khyim gyi gnas don du mi gnyer la/ rang bzhin du gnas shing brda phrad pa'i mi la? byas na bslab pa phul ba ma yin no/ /dge slong gis pha rol na smyon pa dang/ sems 'khrugs pa 'am/ nad kyis gzir pa dang/ lkugs pa dang/ 'on pa dang/ mdza' khob pa'i skad mi shes pa dang/ gnyid log pa dang/ snyoms par zhugs pa dang/ mi ma yin pa dang/ lha dang/ sprul pa dang/ byol song dang/ sangs rgyas kyis gzugs la bslab pa phul ba ma yin no/ /bslab pa 'bul bas gang la phul ba zhes bya zhe na/ dge slong mi dga' zhing dge sbyong don du mi gnyer ram/ the tshom za zhing smod na dge slong gi drung du song nas/ tshe dang ldan pa dgongs shig /bdag ming 'di zhes bgyi ba bslab pa 'bul lo zhe 'am/ dkon mchog gsum 'bul lo zhe 'am/ sde snod gsum dbul lo zhe 'am/ slob dpon dang mkhan po 'bul zhes brda phrad pa'i mi la smras na/ bslab pa phul ba zhes bya'o/ /yang na bdag khyim pa'am/ dge tshul lam/ za ma dang/ ma ning dang/ dge slong ma sun phyung ba 'am/ pha bsad pa 'am/ ma bsad pa 'am/ dgra bcom pa bsad pa dang/ dge 'dun gyi dbyen byas pa dang/ de bzhin gshegs pa la ngan sems kyis khrag phyung ba dang/ mu stegs can dang/ rkun gnas dang/ tha dad du gnas pa dang/ mi gnas pa dang/ mthar na chos mtshungs par spyod pa khyod dang/ 'grogs mi dgos so zhes smras nas bslab pa phul ba zhes bya'o/ /de la nyams par byas zhes bya ba ni dge slong dge sbyong don du mi gnyer

  64. 32b

    zhing the tshom za nas dge slong gi drung du song nas/ tshe dang ldan pa mkhyen par mdzod cig dang/ tshangs par spyad pa ni shin tu dka' o/ /rab tu dben pa dang/ gcig pur gnas pa dang/ bas mdza' na gnas pa ni shin tu dka' ste sdug bsngal ba'o/ /bdag ni pha ma dang phu nu bo dang sngon gyi/ slob dpon dran no/ /bdag gi gnyen bshes la gtod cig ces mi dga' zhing chags pa'i tshig gis gzhan la go bar byed na/ bslab pa nyams par byas pa zhes bya'o/ /de yang mdza' bzhir sbyar te nyams par byas pa la bslab pa ma phul ba dang/ bslab pa phul la nyams par byas pa dang/ bslab pa yang phul nyams par yang byas pa dang/ bslab pa yang ba ma phul nyams par yang ma byas pa'o/ /de la nyams par byas la bslab pa ma phul ba ni pha dran no ma dran no zhes gzhan la mi dga' ba'i rtags sna tshogs smra la/ bslab pa 'bul lo zhes mi smra ba'o/ /de la bslab pa phul la nyams par ma byas pa ni bslab pa 'bul lo zhes brda phrad pa'i mdun du go bar pha ma ma dran no zhes nyams par 'gyur ba'i tshig mi smra ba'o/ /de la bslab pa yang phul nyams par yang byas pa ni gong ma gnyis ka dang ldan pa'o/ /bslab pa yang ma phul nyams par yang ma byas pa ni gong du smos pa rnams ma gtogs pa'o/ /mi tshangs par spyad pa zhes bya ba ni tshangs pa ni mya ngan las 'das pa ste/ de dang mi mthun zhing bsod nams ma yin pa'i chos skyes pa dang/ bud med dang gnyis 'khrig pa ni mi tshangs par spyod pa'o/ /chos zhes bya ba ni rang gi mtshan nyid 'dzin pas chos ma yin pa 'di chos kyi sgrar gsungs so/ /byas zhes bya ba ni spyod pa'o/ /tha na bya ba ni spra mo dang/ gzhan yang 'di dang 'dra ba dag go /de zhes bya ba ni nye bar bstan pa dang/ yang dag par bstan pa'i tshig bla dags so/ /dge slong zhes bya ba ni gsol pa

  65. 33a

    dang zhu ba'i las kyis bsnyen par rdzogs shing bya ba srub pa gang dge slong gi dngos po yod pa la bya'o/ /phas pam zhes byas bya ba ni ltung ba tho ma 'di lta ste/ tha shal mi bca' ba'i nges pa can mi mtshungs pa ste/ gang la de lta bu'i ltung ba byung na de byung ma thag tu dge slong ma yin shAkya'i sras ma yin te/ dge slong gi dngos po dang bral 'khyams pa bshig pa/ ltung ba phas pham pa ste/ slar dge slong du bslang du mi rung ba'o/ /'di ltar dper na shing ta la'i mgo bcad na sngon por mi 'gyur mi skye/ 'phel zhing rgyas par mi 'gyur ba de bzhin du dge slong yang 'di lta bu'i gnas kyi ltung ba byung na/ de byung ma thag tu dge slong ma yin/ shAkya sras ma yin/ dge sbyong du bslang du mi rung ste/ de bas na phas pham pa zhes gsungs so/ /gnas par mi bya'o zhes bya ba ni de dang dge slong dag gso sbyong ngam/ tshul nas 'byung ba'am/ gsol pa 'am/ gsol ba dang gnyis sam/ gsol ba dang bzhi'i las la mi gnas pa ste/ gang zag bcu gnyis kyi las bsgo ba la yang mi tshud pa'o/ /des na gnas par mi bya'o zhes gsungs so/ /gzhan yang mi tshangs par spyod pa'i sgo nas phas pham par 'gyur ba'i rnam grangs la glong gzhi ni bcom ldan 'das mnyan du yod pa ni bzhugs so/ /de'i tshe khyim bdag gcig gi bu rgyab rab tu mnyen pa ni byi la'i rgyab 'dra ba zhig bcos te/ de yang dkon mchog gsum la mngon par dad nas legs par gsungs pa'i chos 'dul ba la rab tu byung ngo/ /ming yang rgyab mnyen du btags/ dge slong rgyab mnyen de snga dro'i dus kyi tshe bsod snyoms blangs nas zas zos te/ gnas khang du 'das nas nang du yang dag 'jog pa'i phyir 'dug go /de'i tshe dbang po

  66. 33b

    ma bsdams pas 'dod pa'i 'dod chags kyis kun nas dkris pas rang gi pho mtshan las su rung bar 'gyur te/ rang gi sgo dang por spyad pa'i tshe dge slong gnas nyul ba dag gis mthong nas de dag gi yid ma mgu nas ri mo med par byas te/ tshe dang ldan pa de lta bu byed du dbang ngam zhes byas pa dang des smras pa/ bcom ldan 'das kyi bcas pa ni pha rol la byed du ma gnang gi bdag nyid la ni ma yin no zhe na/ de dag gis de la gyod btab pa'am/ bsngags pa yang med de/ de dag gis bcom ldan 'das la gsol pa dang/ bcom ldan 'das kyis bka' stsal pa ni gzhan gi la'ang spangs na rang gi la lta ci smos/ skyes bu gti mug can 'di na phas pham par gyur to/ /zhes 'dul ba la bslab pa'i gnas bcas so/ /gleng gzhi ni mnyan du yod pa na ste/ khyim bdag gcig gi bu pho pho mtshan tshad las 'das pa zhig btsas te/ de'i ming yang mtshan rings su btags te/ de 'ang legs par gsungs pa'i chos 'dul ba rab tu byung nas dge slong gi dngos por gyur te/ de snga dro'i tshe bsod snyoms blangs nas zas zos zin gyi 'og du nang du yang dag 'jog pa la zhugs pa dang/ 'dod pa'i 'dod chags kyis kun tu dkris te/ rang gi pho mtshan las su mi rung bas sgo tha mar spyad pa dang/ dge slong gzhan dag gis mthong nas snyan du bdas te/ de lta bu yang phas pham par 'gyur ro zhes 'dul ba la bslab pa'i gnas bcas so/ /gleng gzhi mnyan du yod pa na ste/ mchog tu rgyal ba zhes bya ba'i grong khyer na/ de dpon dga' bo'i bu de shin tu byung bzang zhing mdzes pa zhig 'dug pa yul gzhan zhig tu tshong la 'gro bar chos te/ yang dang yang du dus kyi phal gsol nas phas kyang yul de na tshod pa 'gro ba lnga brgya la yang bu'i grogs gyis shig ces gtang bu la yang gtams te/ 'di ltar tshong pa yul

  67. 34a

    bzhin du 'gro ba la bar chad gsum ste/ rgyan po dang/ stu gla dang/ chang rin no zhes bsgo nas/ de dag yul gcig nas gcig tu brgyu zhing mnyan du yod par phyin to/ /de na stu 'tshong ma bzang mo zhes bya ba shin tu bzang po zhig 'dug pa des mthong nas bsams pa/ de'i nor thams cad ma thob na/ nga'i ming bzang no zhes mi bya mod snyam nas/ bran mo zhig de'i gan du mngags nas tshang pa de dag dang phrad pa'i bar du ste/ tshong pa de'i nor zad zang du mos brid nas tshong grogs kun kyang slar dong nas/ nor med pa dang mos ma 'dod de/ mdzes dga' 'khyam zhing 'gro ba dge slong gcig dang phrad nas thar par zhugs te/ zhag gnyis gsum du shin tu bslabs nas/ dge slong de na re ri dags kyis ri dags mi sos kyi mnyan du yod pa ni bdag gi yul dang 'dres/ phar slong zhing song cig ces bsgos te btang ngo/ /stu 'tshong ma des kyang phyin nas bsams pa/ bdag gis skyes bu de lta bu blta na bzang ba ni phyin chad nyal mi myong ste mtshar gcig bya snyam nas bran mo la yang phyin chad byar ma byos shig ces bsgo nas mdzes dga' de yang yul rgyus la mi mkhas pas slar yang khyim de'i sgor phyin pa dang bran mos rje mo la smras pa/ rab tu byung ste 'dir phyin te zhes byas nas rab tu byung yang blas nang du bos zhes bya ste/ des brang brdungs nas rked nas 'khyud de dus nas bdag gis nongs kyis bdag la nga yongs su spyod cig tshur byon zhes byas pa dang/ mdzes dga' sa smras pa/ khyod kyis nor dang grogs su yang phral na ci/ tshul khrims dang yang dbral lam zhes smras pa dang/ stu mtshong mas smras pa 'phags pa phyi rol tu bdar cing nang du blugs sam/ nang du blugs la phyir pho na ni tshul khrims ngan par mi gyur ro/ /zhes byas pa dang/ des

  68. 34b

    bsams pa dang mo de skad zer ba las dge slong gnas brtan dag kyang 'di ltar byed gor ma chags snyam ste phyi rol tu bdar te nang du blugs nas/ phyis bcom ldan 'das kyis rnam par grol ba'i chos mang po bshad pa'i che mdzes dga' shin tu rong nyams par slan pas brtags na yang sems mi bde bar snang ste/ dge slong dag gis smras na/ khas blangs pa'i bar du bcom ldan 'das la dge slong rnams kyis gsol nas/ skyes bu gti mug pa nyes pa de ltar byas pa yan phas pham par 'gyur ro/ /zhes 'dul ba la bslab pa'i gnas bcas so/ /dge slong gis bud med la gnas gsum du mi tshangs par spyad na phas pham par 'gyur ro/ /bud med la ji lta ba bzhin du ma ning dang/ mtshan gnyis pa dang skyes pa la yang mtshams las 'das na phas pham par 'gyur ro/ /bud med la mi tshangs par spyod pa'i sems skyed na bsdam par bya ba'i nyes byas so/ /gom pa gcig nas gcig tu bor te ma reg gi bar du ni bshags par bya ba'i nyes byas so// reg pa'i tshe ni sbom po'o/ /mi tshangs par spyad de yan lag bdun dang ldan na phas pham par 'gyur ro/ /gcig dang mi ldan na spom por 'gyur ro/ /dge slong gis sngags dang sman gyis bdag dang bud med gnyis ka'ang rung gcig kyang rung/ byol song gi skye gnas su bsgyur te mi tshangs par spyad na phas pham par 'gyur ro/ /bud med phyed du bshags pa la/ sgo gsum du spyad na spom por 'gyur ro/ /bud med rked pa phyed bcad pa la sgo gsum du spyod na pham par 'gyur ro/ /mgo bcad pa la sgo gnyis su spyad na pham par 'gyur ro/ /mi ma yin pa'i bud med la yang phas pham par 'gyur ro/ /sgo gsum du ma reg par spyad pa dang blta ba te spyad pa ni sbom por gyur ro/ /gzhan la gzhan

  69. 35a

    byed du bcug pa ni gong ma bzhin no/ /yul med par bdag gcig por gnas pa la mthar 'gyur ba ni mtshan rings dang rgya ba mnyen lta bu'o/ /phyid buAm 'gro ba stug pos dkris pa'am/ lam nyams pa'am/ lam mnyams pa la lam du 'du shes pa'am/ bsnyen par rdzogs te/ bshags te bsnyen par ma rdzogs pa na spyod pa la sogs pa thams cad kyang nyes pa sbom par 'gyur ro/ /dar dang ras dang be'u ras srab mos g.yogs te spyad pa ni mthar 'gyur ro/ /bsnyen par ma rdzogs par dge slob ma dang/ dge tshul ma dang/ dge sbyong phas mi tshangs par spyad na thams cad kyang nyes byas su 'gyur ro/ /dge slong la phas pham par 'gyur ba bzhin du bslab pa byin pa dang/ dge slong ma la yang phas pham par 'gyur ro/ /yan lag bdun dang ldan na phas pham par 'gyur ro/ /bdun gang zhe na/ bslab pa ma nos pa dang/ bslab pa ma phul ba dang/ lan gsum mnyams pa dang/ yan lag skyes mtshams las 'das pa dang/ dga' bar tshor ba dang/ gnod bkur ba'i sems med pa dang/ sems thams cad pa'o/ /bslab pa ma mnos pa ni dge 'dun dang/ slob dpon las tshul khrims mthob pa'o/ /bslab pa ma phul ba ni rang bzhin du gnas pa'i mi brda phrad pa la ma phul ba'o/ /lam gsum ma nyams pa ni pha rol tshu rol gyi mu gnyis nas nyams pa 'am yang na rma ma zhig pa'am/ ma rul ba'am/ srin bus ma zos pa'o/ /yan lag skyes 'jug pa ni gnas gsum gyi mtshams las 'das pa'o/ /dga' bar tshor ba ni nyams su blang ste myong ba yod pa'o/ /gnod mi bkur ba ni kha cig mi tshangs par spyad kyang gnod mi bkur zhing bshags shing mthol ba chen po na bslab pa byin zhing dge sbyong du rung

  70. 35b

    ste/ dper na dge slong nan te kal bslab pa sbyin zhing dge slong thams cad kyi ni 'jug /dge tshul thams cad kyi ni gong du gzhag ste snga dro la mi tshangs par spyad nas 'jigs shing ngo tsha ba chen pos bshags shing 'gyod pas na bslab pa sbyin pa zhe'o/ /kha cig na re phas pham pa'i sbom pa'o zhes zer mod kyi phas pham pa'i mtshan ma yod pas na sbom por mi rung ste/ bslab pa sbyin pa nyid du rigs so/ /las dang po pa dang/ sems 'khrugs pa dang/ nad kyis gzir ba dang/ smyon pa la ltung ba med do/ /las dang po pa ji lta bu zhe na/ tshe dang ldan pa bzang sbyin gyis bslab pa'i gnas ma bcas pa na bdag gi mi tshangs par spyod pa'i chos mang zhig byas na las dang po pa gang yin snyam the tshom du gyur pa dang/ bka' stsal pa bslab pa ma bcas pa na bzang sbyin gyis spyad pa thams cad kyang las dang po pa yin te/ las dang po pa yin pas nyes pa med do/ /smyon pa zhes bya ba ni rnam pa lngas smyos par 'gyur te/ gnyen bshes zad pa dang// // longs spyod dang nor zad pa dang/ khams mi mnyam pa dang/ mi ma yin pas brlams pa dang/ sngon gyi las kyi rnam par smin pa ste rnam pa 'di lngas smyo bar 'gyur ro/ /dge slong gi 'du shes yod na nyes par 'gyur ro/ /'du shes med na nyes pa med do/ /sems dkrugs pa ni rnam pa lnga ste/ mi ma yin pas bdag gis sems dkrugs pa dang/ mi ma yin pas de la brlams pa dang/ mi ma yin pas bdag gi mdangs phrogs pa dang/ /khams mi mnyam pa dang/ sngon gyi las kyi rnam par smin pa ste/ rnam pa de lngas na sems 'khrugs pa zhes bya ba ste nyes pa med do/ /nad kyis gzir ba ni rnam pa lngas nad kyis gzir pa ste/ de la rlung gis bskyod pa dang/ mkhris pa dang bad kan dang 'dus pa dang/

  71. 36a

    dus gyur pa rnams te/ rnam pa de lngas na nad kyis gzir ba ste/ nyes pa med do/ /mi tshangs par spyod pa'i gleng gzhi ni yul 'bri ji na'o/ /gang zag ni tshe dang ldan pa bzang sbyin no/ /nyes pa ni lus kyis so/ /nyon mongs pa ni 'dod chags so/ /mtshan ma ni phas pham pa ste/ de ltar na phas pham pa dang po legs pa bcu smos pa dang/ bslab pa bul ba'i bye brag dang/ dge slong zhes bya ba'i ming gi rnam grangs dang/ mkhyen bzhin du 'dri ba dang/ gleng gzhi dang/ gang zag dang/ las dang po pa la nyes med pa rnams bslab cha ga dang po la 'dir smos pas 'og ma gzhan rnams la gang rigs su de bzhin du sbyar ro/ /phas pham pa dang po'i mi brjed pa'i tshig go/ //ma byin par len pa'i gleng gzhi ni sangs rgyas bcom ldan 'das rgyal po'i khab 'od ma'i tshal bya ka lan+ta ka gnas pa na bzhugs so/ /de'i tshe sngon rdza mkhan dge slong nor can zhes bya ba rgyal po'i khab kyi dgon pa'i ril gnas spyil bor byas te 'dug go /dge slong nor can snga dro'i dus kyi tshe rgyal po'i khab tu bsod snyoms len du song ba'i 'og tu rgyal po'i khab kyi mi ba lang rdzi dang/ lug rdzi dang/ shing thun la sogs pas dge slong nor can gyi spyil pa dral bshig ste rtwa shing kun khyer bar mthong ngo/ /de nas nor can gyis rtswa shing bsdus nas slar spyil po byas nas lan gnyis lan gsum du bshig cing khyer ba'i lan grangs mangs nas nor can gyis bsams pa kye ma'o mi bzod do/ /kye ma'o sdug bsngal lo/ /da ltar spyil bo bshig cing khyer mod kyi/ bdag gi pa'i bzo'i gnas dang/ las kyi gnas la bdag mkhas kyis ci nas sra ba kun sa las gnas shig bya'o snyam nas sa srog chags med pa las 'jim pa byas te khang bu brtsigs nas skoms pa dang so btang ste/ shin tu kha dog dmar ba 'tshed pa gcig byas nas bdag gi shin tu legs pa'i khang bu phub ste/ nga

  72. 36b

    'di khab bsro'o snyan nas dge slong dag la khang bu gtams te kha ljongs rgyu zhing song ba'i phyin bcom ldan 'das dge slong mang po'i 'khor dang bcas te gnas nyu la zhing gshegs pa dang/ bcom ldan 'das kyis dge slong nor chan gyis khang pa tshos shing kha dog shin tu dmar ba gzigs pa dang/ bka' stsal pa/ de lta bu su'i khang ba yin/ dge slong nor can gyi lags so zhes gsol pa dang/ bka' stsal pa/ dge slong dag khang bu 'di lta ba byed tu mi gnang gis grol cig choms shig/ de'i phyir mu stegs can rnams kyang 'di ltar dge sbyong go'u tam 'dug bzhin du nyan thos kha cig la zag pa'i gnas kyi chos 'gyur/ /zhes 'cha' de nas de dag gis bshig ste slar gshegs pa dang de'i 'og tu nor can yang slar 'ongs te/ nye 'khor gyi mi rnams la khang pa gar song zhes smras pa dang/ bcom ldan 'das 'khor dang bcas pas bcom mo zhes smras pa dang/ nor can na re de ltar chos kyi bdag po bar bar gshegs pas bcom na legs so zhes smras nas/ de'i 'og tu nor can gyis bsam pa rgyal po'i khab gyi grong khyer na shing srun gyi blon po snga nas bdag dang mdza' bas na/ bdag gi gnas khang thams cad shing ma bya'o snyam nas shing srun gyi blon po'i gan du son nas kye skyes bu mkhyen bar mdzod cig /lus 'phags me'i bu yul mnyam ka'i rgyal po ma skyes dgras dal shing byin pa de 'dod kyis byin cig ces byas pa dang/ 'phags pa lhas snang ba yin na ni ci der bsnams shig ces byas pa dang dge slong nor can gyis/ /rgyal ba'i khab kyi zhig ral gso bar dgos pa'i shing bzhag pa sbas pa gcig bsdams te phyung nas khyed ba mthong ngo/ /de nas grong srung gi sna bos shing da lta bu gces bsus khyed zhes smras pa dang/ de na de dge slong nor can gyis khyer ro zhes byas pa dang/ de nas grong srungs kyi sna bos de ltar gyur pa rgyal po la gsol to/ /de nas rgyal pos dge

  73. 37a

    srong nor can dang/ shing srungs kyi sna bo 'gugs par btang ste/ gnyis rgyal po'i spyan sngar lhags so/ /rgyal pos nor can la 'phags pa shing ma byin bar len du dbang ngam zhes smras pa dang/ gsol pa/ mi dbang ngo/ /'o na ci'i phyir shing khyer/ lhas stsal ba lags so/ /'phags pa mi dran no/ /lha dag gis dgongs par bgyi'o/ /lha 'di lhar yab kyis rgyal srid spyi bo nas dbang bskur nas ring por ma lon pa lhas de'i yul dge bar grags pas dge slong dang bram ze dag kyang rung rtsa dang shing dang/ chu rnams deng phan chad ci bder spyod du gnang ngo zhes mang po'i mdun du bstan tu rung ba'i khyu mchog gi sgra bsgrags pas mi dgongs sam/ 'phags pa de ni gzung ba med pa la bya'i/ gzung ba dang bcas pa la ni ma yin no/ /gzung ba ma mchis pa la lhas mnga' bgyir ci mchis zhes smras pa dang/ rgyal po ma skyes dgra'ang khros 'khrugs rngams ste dpral ba la khro gnyer gsum byung bzhin bsgyur mig dgrang lag pa mnyes nas 'di skad smras so/ /gsang ba'i rigs pa'i dge sbyong khyod song la phyin chad de ltar ma byed cig ces bsgo'o/ /de nas dge slong nor can rang gi gnas su song te dge slong grogs po rnams la rgyal po ma skyes dgras had po ra de bsad de btang ngo zhes smras pa dang/ ci nyes zhes byas pa dang/ ji ltar gyur pa zhib tu smras so/ /da ltar gyur pa dge slong rnams kyis bcom ldan 'das la gsol to/ /de nas bcom ldan 'das kyis tshe dang ldan pa kun dga' bo la khyod dge slong zla zhig khrid pa rgyal po'i khab kyi grong gi mdo gsum mam/ lam gyi bzhi mdor sgras go bar 'gyur ba'i gnas su 'dug la/ rgyal po ma skyes dgra'i dka' khrims la ci tsam zhig ma byin par blangs na chad pas bcad cing srog dang dbral ba dris shig /btsun pa de bzhin no gsol nas/ kun dga' pos rgyal po'i mi dad pa dang/ ma dad pa la ci tsam gyis

  74. 37b

    na srog dang dbral zhes smras pa dang/ ma sha ka lnga'am lnga las lhag pas so zhes mchi ba bcom ldan 'das la gsol to/ /de nas bcom ldan 'das byung ba de dang/ gleng bzhi dang de ltar gyur pa'i phyir dge slong gi dge 'dun rnams bsdus so/ /sangs rgyas bcom ldan 'das kyi ni mkhyen bzhin du dri bas/ dge slong nor can la khyod kyis 'di lta bu mi rigs pa'i chos 'di 'dra ba byas pa bden nam zhes smras pa dang/ btsun pa mang? ngo zhes gsol to/ /bcom ldan 'das kyi dge sbyong gis bya ba ma yin/ rung ba ma yin/ rigs pa ma yin/ mthun pa ma yin zhes rnam grangs du ma'i sgo nas smad nas 'di ltar nga'i nyan thos rnams 'dul ba la bslab pa'i gnas bca' i zhes rtsa ba'i tshig yang dge slong gang zhes bya ba la sogs pa smos so/ /yang dge slong gang zhes bya ba ni dge slong bzhi po sngar gong du bkag zin pas na/ skabs 'dir gsol ba dang bzhi'i las kyis bsnyen par rdzogs pa ma 'khrugs pa shol bar mi 'os pa de ni dge slong du dgongs so/ /gzhan gyis zhes bya ba ni bud med dang/ skyes pa dang/ ma ning dang/ mi rnams kyi'o/ /grong na yod ces bya ba ni ra ba'i nang na ma'i yo byad yod pa'o/ /dgon pa na yod ces bya ba ni ra ba'i phyi rol na nor yod pa'o/ /ma byin zhes bya ba ni skyes ba dang bud med dang/ ma ning dang/ mi rnams su kyang de la ma byin pa'o/ /rku ba'i grangs su gtogs shes bya ba ni gang ma byin pa de rku ba'i grangs su gtogs pa'o/ /zlangs zhes bya ba ni len pa'o/ /ji tsam ma byin par blangs pa zhes bya ba ni yul dang dus kyi ma sha ka lnga 'am/ lnga las lhags pas so/ /de la rgyal po'i zhes bya ba ni rgyal po nyid dam/ bud med las rgyal thabs kyi dbang bskur ba'am rgyal po rgyal rigs rgyal thabs spyi bo nas dbang bskur ba'am/ yang na rgyal rigs sam/ bram ze 'am/ rje'u yi rigs sam/ dmangs rigs kyang rung rgyal thabs spyi bo nas dbang bskur ba la bya'o/ /blon po zhes bya

  75. 38a

    ba ni rgyal po la blo ba nye zhing bka' gros kyis 'tsho ba dang/ dbang po chen po chab srid 'dzin pa dang/ gang de la gnas shing 'tsho bar sems pa'o/ /bzung nas zhes bya ba ni rgyal po dad pa dang ma dad pa ste/ rgyal po ma dad pas ni bcing ba dang/ spyug pa dang srog dang dbral ba'i chad pas gcod pa'o/ /dad pas ni kye mi khyod rkun ma'o zhes tshig gi spyi ba'o/ /de la gsod ces bya ba ni srog dang 'bral ba'o/ /'chid zhes bya ba ni bcing ba rnam pa gsum ste/ lcags sgrog dang/ shing sgrog dang/ gres thag gis bcing ba'o/ /spyug ces bya ba ni yul sa dang 'brel pa'o/ /kye mi khyod ni rkun ma'o zhes bya ba ni rku bas na gleng bzhi dang bcas te rkun ma'o zhes spyi ba'o/ /byis pa zhes bya ba ni nyes pa'i las byed cing tshe 'di la nyes pa ma mthong bas na byis pa'o/ /blun pa'o zhes bya ba ni tshe phyi ma'i nyes pa ma mthong bas na blun pa'o/ /rku ba zhes bya ba ni gshe ba dang bcas pa'i tshig go /'di skad ces kyang zer ro zhes bya ba ni smra ba'o/ /de yang zhes bya ba ni nye bar bstan pa'o/ /dge slong zhes bya ba ni gang la dge slong gi dngos po yod pa'o/ /dge slong gi dngos po gang zhe na/ gang bsnyen par rdzogs pa'o/ /bsnyen par rdzogs pa gang zhe na/ gang gsol ba dang bzhi'i las kyis bya ba byas pa yang dag par rdzogs pa ste/ gang zag des kyang khas blangs shing mi smod mi spong ba'o/ /phas pham pa zhes bya ba ni ltung ba'i tha ma tha shal ngan pa mi bca' ba'i nyes pa can gang dang yang mi mtshungs te/ ltung ba de byung ma thag tu de dge slong ma yin/ dge sbyong ma yin/ shAkya'i sras ma yin te/ dge slong gi dngos po dang bral ba 'khyams pa bshig pa/ phas pham pa ste dge sbyong du bslad du mi rung ba'o/ /dper na shing ta la mgo bcad na sngon por mi 'gyur mi skye mi 'phel rgyas par mi rung ba bzhin du dge slong ltung ba de byung na dge

  76. 38b

    sbyong du bslad du mi rung ste/ phas pham par 'gyur ro zhes bshad do/ /gnas par mi bya zhes bya ba ni gso sbyong bya ba'am/ tshul nas 'byung ba'am/ gsol ba dang bzhi'i las la mi gnas pa ste gang zag bcu gnyis kyi las bsgo ba yang mi chung pa'o/ /des na gnas par mi bya'o zhes gsungs so/ /gzhan yang ma byin par len pa'i sgo nas bslab pa'i gnas bcas pa'i gleng bzhi ni sangs rgyas bcom ldan 'das mnyan du yod pa na bzhugs so/ /de'i tshe dge slong gdol ba dang/ tshad ldan zhes bya ba shin tu mdza' ? ba gnyis shig lhan cig 'khod de/ gdol ba ni bsod nams che bas chos gos dang yo byad rnams su yang ldan no/ /tshad? ldan ni chos gos la sogs pa yang med/ sbyar ma zhig pa zhig gyon nas dge slong dag gis khyod 'dod pa chung ngu zin gyis kyang rang gi lus sgren mor ston pa mi rigs kyis gos gyon cig ces bsgo ba dang/ de na re chos gos ma rnyed do/ /'o na khyod kyis mdza' ba gdol ba la chos gos lhag pa dag yod na ci nyes mi ster ba snyam ster gyis slongs shig ces bsgo ba dang de yang gdol pa'i khang du song ste chos gos ran ni blang ngo snyam nas chos gos sad cig 'dug pa dang gdol pas mthong ngo/ /khyod kyis ni chos gos rku sems kyis blangs pas na phas pham par 'gyur ro zhes smras pa dang/ de yang the tshom skyes nas bcom ldan 'das la gsol to/ /bka' stsal pa/ sad par bsams pas ltung ba med de phyin chad dge slong gis yid gtsugs pa ma yin pa la yid brtan pa ma skyed cig bskyed pa na 'das pa dang bcas par 'gyur ro/ /mdza' bo rnam gsum nas chung ngu na mdza' ba la chung ngu yid brtan par bya ste/ 'bring po dang cher mdza' ba la yang de bzhin no/ /gleng gzhi ni mnyan du yod pa na ste/ dge slong mi pham pa dang zla bas spad ces bya ba shin tu mdza' ba gnyis shig 'khod de//

  77. 39a

    zla ba sped ni chos gos dang/ lhung bzed dang/ yo byad rnams su yang ldan na/ mi pham pa ni chos gos dang mi ldan te/ sbyar ma dag kyang ngan nas dge slong dag gis zla ba sped la dge slong slongs shig ces brjod nas/ mi pham gyis zla ba sped la lhung bzed blangs pas ma ster to/ /'o na chos gos bslang zhes byas pa dang/ tshar tshar yang mi sbyin na chos gos lta ci smos/ /mi pham gyis bsams pa chos gos shig rku bo snyam nas skabs tshol zhing 'dug pa dang/ zla ba sped kha dog bsgyur ba'i las byed pa'i tshe mi pham na re kha dog bsgyur pa'i grogs bya'o zhes smras pa dang/ des ni shin tu rku bar bshams snyam du tshor nas de'i nub mo mi pham pa nyal ba'i sngas nas chos gos blangs te bdag gis sngas su bcug ste nyal ba dang tho rangs mi pham gyis zla ba sped kyi sngas nas chos gos brkus te bros pa dang/ nam nangs nas bltas na bdag gi chos gos yin par gyur nas phas pham pa'i ltung ba ma byung grang snyam du the tshom skyes nas snyan du gsol ba dang/ bka' stsal pa rang gi yo byad rku sems kyis blangs na nyes pa sbom por 'gyur ro zhes bcas so/ /gleng gzhi ni mnyan du yod pa na ste/ yang de'i tshe dge slong ma lho phyogs nas 'ongs pa dang/ shar phyogs nas 'ongs pa gnyis chos nyan du dong ba las lho phyogs ma'i chos gos ltung ba dang/ shar phyogs mas shar phyogs kyi skad du/ a ba sad da zhes byas na mos ma shes nas chos gos bsdus te rang gi gnas khang du bzhag go /slad kyis dge slong ma rmad du 'ongs nas byin pa dang/ khyod kyis brkus pas phas pham par 'gyur ro zhes byas pa dang/ de yang the tshom skyes nas snyan du gsol ba dang/ bka' stsal pa/ a ba sad da zhes bya bas nyes pa med de/ phyin chad yun ring du bzhag na 'das pa dang bcas par 'gyur ro zhes bslab pa'i gnas bcas so/ /gleng gzhi ni mnyan tu

  78. 39b

    yod pa na ste/ de'i tshe tshe dang ldan pa maung+gal gyis bus khyim bdag dgon med? la khyod kyi bu rnams sangs rgyas kyi bka' bslab du 'dze ta'i gtsug lag khang du khyer shig /khyim bdag gi bu rnams kyang 'dze ta'i tshal du dong dong ba las/ ston zla tha chung gyi g.yon can gyi byis pa rnams lam du rkus so/ /maung+gal gyi bus bsam pa byis pa rnams la ma bsams na byis pa yang pha ma dang bral bas sdug bsngal/ pha ma yang bu dang bral bas sdug bsngal/ /ma dad pa rnams kyang skabs rnyed/ dad pa rnams kyang gzhan du gyur te byin chad 'dze ta'i tshal du su yang 'ong bar mi 'gyur snyam nas rdzu 'phrul gyi rnga brdungs te phyogs bzhi nas bskor ba dang byis pa rnams bkye'o/ /de ltar gyur pa drug sde rnams kyis maung+gal gyi bu la ltung ba byung ste bskrad pa'i las bya'o zhes ganDi brdungs pa dang/ snyan du bdas? so/ /bka' stsal pa/ maung+gal gyi bus bsam pa 'di lta bu byas pa nyes pa med do/ /gleng gzhi ni bcom ldan 'das rgyal po'i khab 'od ma'i tshal na bzhugs so/ /de'i tshe rgyal po gzugs can snying po bcom ldan 'das dang/ dge slong gnas brtan dag gi zhabs la rtag tu phyag 'tshal du 'gro'o/ /bcom ldan 'das kyis rgyal po la chos bshad gzeng bstod rab tu dga' bar byas so/ /de nas rgyal po tshe dang ldan pa srung ba'i bu'i gan du song nas 'phags pa lag dar te khang pa rtsig pa ni 'o rgyal gyis bdag gi g.yog lnga brgya gsol lo zhes smras pa dang/ srung ba'i dbang po'i bus rgyal po chen po bsnyun mi mda' bar gyur cig ces byas nas dge 'dun gyi don du blangs so/ /de nas dus gzhan zhig na ston zla tha chung gi g.yon can gyi dge slong gi bran rnams kyi khyim brkus so/ /tshe dang ldan pa srung ba'i bus rdzu 'phrul mngon par byas nas grong khyer kun lcags kyi ris bskor to/ /g.yon can dag gis bsems pa mthu chen po 'ga' zhig gis bkyal ka byas yang dag

  79. 40a

    snyam nas rdzas kun bor nas bros so/ /drug sdes de byas pas ltung ba byung ngo zhes bskrad pa'i las byas pa dang/ snyan du bdas te bka' stsal pa/ gal te bdag gi g.yog po rnams lam bsams na g.yog po yang nor dang bral bas sdug bsngal che/ ma dad pa ni skabs rnyed dad pa ni gzhan du gyur/ gzhan gyi byin pa lan srungs na phyin chad kyang shAkya'i sras dge sbyong rnams las su yang sbyin par bsams pa bde bas na rdzu 'phrul mngon par bgyis med do zhes gsol pa dang/ de lta bur bsams pas nyes pa med do zhes bka' stsal to/ /nyes pa ji lta bu zhe na dge slong gis sho gam dang gru rtsas ma byin par bdas na pham par 'gyur ro/ /dkon mchog gsum dang pha ma'i phyir yang tshas bshad de ste ngan song zhig ma ster dang shog ma sbyin par bya'o/ /dge slong gis ma'i nor yo byad dam pa bdag gis rkus sam gzhan rkur bcug gam/ pho nya las rkur bcug kyang rung ste/ mi'i yo byad nor bu dang dpung rgyan dang/ gdu bu dang/ se mo de dang/ do shal dang/ mu tig dang/ gser dngul la sogs pa gzhag pa la brku bar sbyor zhing khri las 'das? te sham thabs bgos nas song na ma reg? gi bar du na nyes byas so/ /reg na ni sbom por 'gyur ro/ /gnas nas spags te rin thang tshang na phas pham par 'gyur ro/ /sngags sam sman gyis gzhan gyi yo byad blangs na phas pham par 'gyur ro// ? bdag po med pa'i brku na nyes pas sbom por 'gyur ro/ /gru brku na ltar snang gi nyes byas sbom por 'gyur ro/ /mi snang na ni phas pham par 'gyur ro/ /dngos po gsum ste/ zhing gi dngos po dang/ khyim sa'i dngos po dang/ tshong dus kyi dngos po ste/ de la rku bas sbyor na shags khar 'dor ba dang/ mdza' ra bas bskor ba'o/ /de la shags khar 'dod pa ni yul? dpon nam/ zhal che gram/ rgyal po la shags su bgyi ste mi dbang pa la dge slong nam rgyal ba na phas pham par 'gyur ro/ /bsgor ba ni zhing sna phrad pa 'am

  80. 40b

    mdza' rib mas bskor ba'o/ /dge slong gis srog chags rkang gnyis dang/ rkang bzhi dang/ rkang mangs dang/ rkang med brkus te ring thang tshang? na phas pham par 'gyur ro/ /rkang bzhi ni rta la sogs pa phyugs rnams te/ nam khyu nas bkar te bdag gis dbang du gyur na phas pham par 'gyur ro/ /rkang gnyis ni mi dang bya ste/ mi brku ba ni rnam pa gsum ste/ dus mal dang/ brnga dang/ mtshan ma'o/ /nam rnam pa gsum pos go ste bdag gi dbang du gyur pa na phas pham par 'gyur ro/ /dge slong gis rin thang med pa'i dngos po brkus na phas pham par 'gyur ro/ /rin thang che ches te thang med pa'o/ /ring thang chung ngu brkus pa dang bsnyen par rdzogs na brku bar bshams la/ ma rdzogs pa na brkus na nyes pa sbom por 'gyur ro/ /dge slong gis ma phyin par blangs te mtshan gyur na phas pham par 'gyur ro// rku ba la rnam pa drug ste/ sgyus rku ba dang/ mthus rku ba dang/ skyis pa las brnogs te rku ba dang/ gtams pa las brnogs te rku ba dang/ spyod zhing rku ba dang/ chos rku ba'o/ /rku ba drug po la chos rku ba ma gtog par lhag ma rnams ni phas pham par 'gyur ro/ /nor gyi dngos po gcig la mi mang du rku na nyes pa sbom por 'gyur ro/ /'on te so sor bgos pa la re re yang ma sha ka lnga lnga'i thang du thob na phas pham par 'gyur ro/ /ma sha lngas pham par 'gyur ro zhes bya ba dang/ ma sha ka gsum gyis kyang pham par gyur pa yod do/ /ma sha ka lnga rkus kyang pham par mi 'gyur ba yod do/ /re re 'am gnyis gnyis sam gsum gsum du brkus kyi sngar ma tshad? na'o/ /ji ltar 'dzam bu'i gling du ma sha ka lngas pham par 'gyur ba bzhin du nub kyi ba lang spyod dang/ shar gyi lus 'phags su yang de bzhin no/ /byang gi sgra mi snyan du ma byin par len pa med do/ /de de rku bar sems bskyed na sbom por 'gyur ro/ /gzhan gyi byin pa'i phyir rku ba dang/ mi ma yin pa'i nor brkus na nyes pa sbom por 'gyur ro/ /mchod rten gyi nye 'khor

  81. 41a

    rgyan bsrungs ma med par brkus na nyes pa sbom por 'gyur ro/ /de bzhin gshegs pa'i ring bsrel dang glegs bam brkus te rin thang tshang na phas pham par 'gyur ro/ /phyogs bzhi'i dge 'dun gyi nor brkus pa dang/ gang zag mang po rnams kyi nor brkus pa ni nyes pa sbom por 'gyur ro/ /de las so sor skal pa ma sha ka lnga byung ba brkus na phas pham par 'gyur ro/ /sngar bsngos pa las phyis brkus na phas pham par 'gyur ro/ /yo byad chen po brkus kyang phas pham par mi 'gyur ba yod de/ gnas khang du bzhag pa'i sa gzhi dang ma bral bar brkus pa'o/ /rnyed pa mi dbang la dbang ngo zhes smras na shes bzhin du brdzun ze bas ltung bar 'gyur ro/ /rku sems yod na nyes pa sbom por 'gyur ro/ /dngos po grub na phas pham par 'gyur ro/ /nyes pa gzhan ni 'dul ba rnam par 'byed pa las byung ba bzhin du gar rigs su sbyar/ dge slong nor can gyis bsams pa las dang po ba la nyes pa med do zhes gsungs na/ bdag gi bslab pa ma bcas pa la shing mang po zhig ma byin par blangs na las dang bo po gang la bya the tshom skyes pa dang/ bcom ldan 'das kyis bka' stsal pa/ dge slong dag bslab pa ma bcas pa na dge slong nor can gyis ma byin par blangs pa thams cad kyang ma byin par blang pa ma yin te/ las dang po pa la nyes pa med do/ /ma byin bar len pa'i gleng gzhi ni rgyal po'i khab na'o/ /gang zag ni dge slong nor can no/ /dngos po ni ma byin par len pa'o/ /nyon mongs pa ni 'dod chags so/ /mtshan ma ni phas pham pa'o/ /yan lag ni rnam pa bdun te/ rku sems nye bar gnas pa dang/ dngos po mi'i nar yin pa dang/ mi'i nor yin par yang 'du shes pa dang/ gnas nas gnas su 'phags pa dang/ sbyor ba gcig pa dang/ rang gi ma yin pa dang/ rin thang tshad pa'o/ /phas pham par 'gyur ba gnyis pa mi brjod pa'i tshog go //mi gsod pa'i

  82. 41b

    gleng gzhi ni sangs rgyas bcom ldan 'das yul 'bri dzi'i ljongs na/ chu bo dga' skyes can gyi 'gram thang zhig gis so/ /sa stug po na bzhugs so/ /de'i tshe bcom ldan 'das kyis 'khor dge slong gi dge 'dun rnams la mi gtsang ba'i chos bshad de/ dge slong dag gis mi gtsang ba la bsgoms/ nan tan tu bgyis pas na lus rnag can 'dis yid byung ngo tshe sgyid lug ste rnam par smod nas/ rang gi lus la mtshon gyis kyang 'debs/ kha cig dug za zhing srang bus kyang 'geg g.yang du yang mchod/ gcig gis gcig la yang gsod pa'i steng du mu stags can gyi dge sbyong bsrung ba ga la ba der song nas/ kye bzhin bzangs tshur shog khyod kyis da'i srog chod cig dang/ chos gos dang lhung bzed kyang khyod kyir 'gyur ro zhes/ gzhan la yang srog gcod tu 'chol bas na ri dags dbyug pa can des kyang dge slong de bsad nas ral gri khrag can mtshan du bcug nas chu bo dga' skyes can gyi 'gram du khyer te 'khrag 'khru zhing 'dug pa dang/ de na bdud kyi ris kyi lha zhig nam mkha' las ri dags dbyug pa can dge sbyong srung ba las 'di skad smras te/ legs so bzhin bzangs khyod kyis bsod nams mang du spel to/ /khyod kyis yon tan gyi dge sbyong ma bsgral ba ni bsgal ma grol ba ni bkrol/ dbugs ma phyung ba ni dbugs phyung/ kun nas yongs su mya ngan las 'das pa'i steng du lhag par de dag gi lhung bzed dang chos gos kyang khyod kyir 'gyur ro zhes smras pa thos nas/ de yang phyi phyir sdig pa la lta bar gyur ba rab tu thob te/ bdag gis bde mor bsod nams mang du bskyed do/ /mya ngan las ma 'das pa kun kyang mya ngan las 'das kyi steng du chos gos la sogs pa kun kyang bdag gi yin snyam nas yang ral gri mtshan du bcug nas kun dga' i ra ba nas kun dga' i ra ba gtsug lag khang nas gtsug lag khang du khang phran nas khang? phran

  83. 42a

    'chags nas 'chag sar byung ste/ rngas dge slong phrad do cog la ma bsgral ba bsgral lo/ /yongs su mya ngan las ma 'das pa yongs su mya ngan las bzla'o zhes byas nas dge slong cig lus mi gtsang bas skyo ste bsgom zhing 'dug bas langs nas khang bu nas byung ste dge slong srungs ba la bzhin bzangs bdag ma bsgral gyis sgrol/ ma khrol gyi khrol cig ces byas nas des srog bcad do/ /de bzhin du gnyis nas gsum nas drug bcu'i bar du srog bcad do/ /de'i tshe bcom ldan 'das bco lnga'i gso sbyong gi tshe nyan thos kyi dge slong gi dge 'dun gyi mdun du gdan nyid ba po la bzhugs so/ /'khor dge slong rnams la glang po chen po'i lta ba'i tshul gyis gzigs na/ nyan thos kyi 'khor rnams sngon bas rab tu nyung ba dang 'gribs shing bsrabs par gyur pa gzigs so/ /bka' stsal pa/ kun dga' bo rgyu gang rkyen gang gis dge slong nyung bar gyur/ btsun pa dus gcig na bcom ldan 'das kyis dge slong rnams la mi gtsang ba bshad de/ mi gtsang ba la bsgom pa nan tan bya zhing bsnyen na 'bras bu che zhing yon tan chen por 'gyur ro// zhes bshad pas na/ dge slong rnams kyis mi gtsang ba la nan tan du byas pas lus rnag can 'di nyid kyis yid byung zhing sgyid lug nas dge slong dag rang gis rang la 'gums shing ri dags dbyug ba can la gsod du bcol bas nyung bar gyur to zhes gsol ba dang/ bka' stsal pa/ kun dga' bo ci dge slong gis kyang dge slong gsod dam/ btsun pa 'gums so zhes gsol pa dang/ de ltar na dge sbyong gi bya ba ma yin/ mthun pa ma yin tshul ma yin te/ de ni rab tu byung bas bya ba ma yin no zhes bcom ldan 'das kyis rnam thangs du ma'i sgo nas smad do/ /de bas na dge slong dag nyes pa de dag gleng gzhi de dag de ltar gyur pa de'i phyir legs pa rnam pa bcu la gzigs nas/ 'dul ba la bslab pa'i gnas bcas te/ yang dge slong gang zhes bya ba la sogs pa

  84. 42b

    rtsa ba'i tshig rnams so/ /yang dge slong zhes bya ba ni gang la dge slong gi dngos po yod pa ste/ gang gsol ba dang zhu ba'i las kyis bsnyen par rdzogs pa la bya'o/ /mi 'am zhes bya ba ni dbang po drug dang ldan pa ste/ mig dang/ rna ba dang/ sna dang/ lce dang/ lus dang/ yid kyi dbang po ste dbang po drug dang ldan pa la mi zhes bya'o/ /ming chags shes bya ba ni gang ma'i mngal du dbang po gsum thob par gyur pa ste/ lus kyi dbang po dang/ yid kyi dbang po dang/ tshor ba'i dbang po la bya'o/ /ched du bsams te zhes bya ba ni sems kyis dpyad cing brtags pa'o/ /lag dar zhes bya ba ni bdag rang gi lam gyis bsnun cing brgyab pa'o/ /srog bcad ces bya ba ni dge srog dang phral ba'o/ /mtshan byin tam? zhes bya ba ni ral gri 'am chu gri'am spu gril bya ste/ sngon dge slong gnyis zhig 'khod pa las dge slong gcig bdag rang 'chi'o snyam nas dge slong grogs po la gri brnyas te rang gi gnas khang du zhugs te sgo bcad nas gnas khang du skyil mo krung du tsog tsog pur 'dug nas rang gi srol ko gris bcad de gri thogs bzhin du dus las 'das so/ /de bas na mtshon ma byin cig pa'o/ /de la mtshon thogs pa gnyer tam zhes bya ba ni gang la gnyer zhe na/ skyes pa dang bud med dang ma ning rnams la'o/ /de la 'chir 'jug ces bya ba ni tshul khrims dang/ tshul khrims ngan pa can dang/ nad pa rnams la'o/ /ji ltar tshul khrims ngan pa can la zhe na/ dge slong gis tshul khrims ngan pa can gyi dge slong gi chos gos dang lhung bzed dang yo byad rnams 'dod de tshul khrims ngan pa can ring du gnas na bdag gi yo byad rnams mi 'thob kyis 'di 'chir gzhug go snyam nas tshe dang ldan pa tshul khrims ngan pa can sdig pa'i chos can ji tsam du yun ring du gnas pa de tsam du lus ngag yid gsum gyi sgo nas bsod nams ma yin pa sdig pa mang du skyes pas sems can dmyal bar 'gyur ro/ /de bas na tshe dang ldan pa rang gis

  85. 43a

    rang sod cig rang gi rang srog chod cig ces bsgo nas/ rang gis rang bsad na dge slong smra smra ba phas pham par 'gyur ro/ /rang gis rang bsad na nyes pa sbom por 'gyur ro/ /de ste slar 'gyod nas tshe dang ldan pa ngas gyi nar smras kyi/ rang gis rang bsad cig ces slar bsgo na dang po nyid kyis nyes pa sbom por 'gyur ro/ /ji ltar na tshul khrims dang ldan pa rnams zhe na tshul khrims dang ldan pa 'di ji srid du yun ring du 'tsho ba de srid du yo byad bdag la mi ster gyis de 'chir gzhug go snyam nas tshe dang ldan pa tshul khrims phun sum tshogs pa khyod yul na gnas lo legs pa dang 'dra la/ mtho ris ni ras lta bus chod/ thar pa ni yol ba lta bus ched de khyod lus dang bral na lha'i nang du skye bar 'gyur gyis rang gis rang la sod cig rang gis rang la srog chod cig ces bsgo nas rang gis rang bsad na dge slong smra smra ba phas pham par 'gyur ro/ /rang gis rang ma bsad na nyes pa sbom por 'gyur ro/ /ji ltar nad pa la zhe na/ dge slong gis nad pa'i chos gos la dang yo byad 'dod pa'i phyir ji srid du nad pa ring du gnas pa de srid du bdag gis yo byad mi thob po snyam nas/ tshe dang ldan pa nad pa ji srid ring du gnas pa/ de srid du nad pa sdug bsngal bas gzir cing tshor ba myong bar 'gyur gyis/ rang gis rang srog chod cig ces smras pa las rang gis rang bsad na 'dems 'dems pa phas pham par 'gyur rang gis rang ma bsad na nyes pa sbom por 'gyur ro/ /de ltar na 'chir 'jug pa zhes bya'o/ /'chi ba'i bsngags pa brjod ces bya ba ni/ 'chir 'dod pa'i mdun du 'chi ba'i yon tan dang bsngags pa brjod pa'o/ /mi khyod ces bya ba de ni 'bod pa'i tshig bla dags so/ /sdig pa dang mi gtsang ba 'tsho ba ngan pas ji zhig bya kye mi khyod gson pa bas 'chi ba bla'o/ /'chir 'dod pa'i mdun du smad pa'i tshig go /kye de la 'di skad kyang zer zhes bya ba ni smra'o/ /sems kyis 'dod pa sems kyis brtags

  86. 43b

    zhes bya ba ni sems kyis mngon par 'dod pa'o/ /brtags shes bya ba ni 'di shin yo byad bdag gis thob par 'gyur ro snyam du sems kyis brtags pa'o/ /rnam grangs du mar 'chir gzhug ces bya ba ni rnam grangs mang po du ma'i sgo nas 'chir bstabs shing 'chi bar 'gyur ba'o/ /'chi ba'i bsngags pa brjod ces bya ba ni 'chi ba'i mdun du rnam grangs du mar 'chi ba'i bsngags pa brjod cing yang dang yang du bsnon cing ma zlogs par byed pa'i don to/ /de yang thabs des 'chi ba'i dus byas shes bya ba ni thabs de nyid kyis yin gyi gzhan gyis ma yin no/ /de zhes bya ba ni yang dag par bstan pa 'am nye bar bstan pa'i tshig go /dge slong zhes bya ba ni gang la dge slong gi dngos po yod pa'o/ /dngos po gang zhe na gsol pa dang bzhi'i las kyis bsnyen par rdzogs shing gang zag nyid kyis kyang mngon sum du khas blangs shing mi 'dor mi spong ba'o/ /phas pham pa zhes bya ba ni ltung ba tha shal ngan pa ma 'chi ba'i nyes pa can mi mtshungs pa ste gang la ltung ba byung na byung ma thag tu dge slong ma yin/ dge sbyong ma yin/ shAkya'i sras ma yin te/ dper na shing ta la'i mgo bcad na rgyas shing 'phel bar mi nus 'gyur ba de bzhin du dge slong la ltung ba de byung na/ dge slong ma yin/ phas pham pa bshig pa ltung ba zhes bya ba gsungs so/ /gnas par mi bya zhes bya ba ni dge slong dag gso sbyong bya ba'am/ tshul nas 'byung ba'am/ gsol ba'am gsol ba dang gnyis sam/ gsol ba dang bzhi'i las mi gnas pa ste/ gang zag bcu gnyis kyi las la mi chung pas na gnas par mi bya'o zhes gsungs gzhan yang mi bsod pa'i sgo nas 'dul ba'i gnas bcas pa'i rnam grangs la/ gleng gzhi ni bcom ldan 'das 'brog skyes kyi 'brog dgon pa na bzhugs so/ /de'i tshe dge slong bsod snyoms pa cig gis/ khyim bdag cig dad pa skyes nas/ khyim bdag des dge 'dun gyi phyi gtsug lag khang brtsig

  87. 44a

    bar khas blangs nas/ dge slong dag gtsug lag khang rtsig pa'i grogs byed de de'i tshe dge slong des pha gu gcig nas gcig tu dor bas dge slong gcig pha gus glad du phags nas dus las 'das so/ /de ltar gyur pa snyan du 'das nas bka' stsal pa/ gcig nas gcig tu pha gu ma 'dor bar gcig nas gcig tu brgyud de byin cig ces 'dul ba la bslab pa'i gnas bcas so/ /gleng gzhi ni mnyan du yod pa na ste/ bcom ldan 'das kyis bka' stsal pa/ bsro khang dang me khang dang brtsigs shig ces bka' stsal nas/ dge slong gdung phyam phan tshun bskyod cing bsgul ba las shing shor nas shing mkhan gyis glang du bsnun te dus las 'das so/ /de ltar gyur ba snyan du bdas nas/ dge slong khyim pa dang bsdebs shing shing bdeg par bya ba'i mi theg par bteg na 'das pa dang bcas par 'gyur ro zhes bslab pa la gnas bcas so/ /gleng gzhi ni mnyan du yod pa na ste/ de'i tshe tshe dang ldan pa 'char kas khyim bdag gi bu mo gtum mo zhe bya ba zhig btul nas/ bslab pa'i gnas la bzhag /gtum mos 'char ka la yo byad thams cad kyis bstabs na len du ma btub nas yul gzhan du song ngo/ /de nas dus gzhan zhig na gtum mo la bu khye'u zhig btsis so/ /de nas bsgo ba khye'u 'di chu khrus la sogs dkar pos g.yogs te drang srong gi stan la zhog cig ces bsgo ba dang/ des kyang stan gyi steng du snyal lo/ /de'i tshe 'char kas snga dro yang bsod snyoms blangs nas mo'i sgor 'ongs stan la ma brtags par 'dug pas/ /gtum mos 'phags pa bu bu zhes smras bzhin na ma slebs nas 'char ka langs te bltas na bu dus las 'das so// de'i gnyen rnams dus pa dang/ kye ma'o bcom ldan 'das kyis 'du byas thams cad mi rtag ces gsungs par re mad kyi/ bcom ldan 'das kyis gsungs pa dang/ mi 'gal bas nyes pa med do/ /de ltar gyur ba snyan du bdas nas bka'

  88. 44b

    stsal ba/ da slan da stan la ma brtags par ma 'dug shig ces 'dul ba la bslab pa'i gnas bcas so/ /gleng gzhi ni mnyam du yod pa na ste/ de'i tshe na khyim bdag gnyis shig rab tu byung nas gcig na ste/ gcig gi nad g.yog gcig gis byed do/ /khyod sngon na ba'i tshe na sman jis gsos zhes smras pa dang/ lan tshwas so/ /des kyang rtsa ba mo'i nang du lan tshwa btab nas byin pa dang des dus las 'das so/ /de ltar gyur ba snyan du bdas nas bka' stsal pa/ sngon ni nad bad kan gyur pas lan tshwas phan gyi/ da ni mkhris pa dang rlung du gyur bas gang sngon phan pa da lta dug du gyur to/ /des na dge slong gis sman thugs thub tu ma byin par sman pa la dris shig /sman pa med na nas bu can nam rgan po la dris shig /ma dris par sman byin na 'das pa dang bcas par 'gyur ro zhes 'dul ba la bslab pa'i gnas su bcas so// gleng gzhi ni mnyan du yod pa na ste/ tshe dang ldan pa maung+gal gyi bus u pa li la sogs pa bcu bdun sde rab tu phyung nas/ bcu bdun sde rnams las gang gi res la bab kyang rung ste thams cad kyis byed do/ /dus gcig na gcig ni gtsug lag khang skyod byed de dus kyi mchod pa la bab ste/ gtsug lag khang rgyan gyis brgyan nas mtshan thog thag mel tshe byed do/ /grogs rnams gcig gi snying lam na gcig byed snyam nas gcig gis kyang ma bltas par nang par gtsug lag khang skyong khros shing 'dug pa mthong nas/ kha cig gis rkang pa nas bzung kha cig gis lag pa nas bzung nas bzod par gsol zhes byas na ma btub po/ /gcig gis gag tshil byas pa dang kho dgod par gyur pa dang/ thabs de rung ngo zhes kun gyis byas pa dang/ de rlung gis 'tshub ste shi'o/ /de ltar gyur pa snyan du bdas nas bka' stsal pa/ da slan chad gcig la ga ga tshil ma byed cig ces 'dul ba la bslab pa'i gnas bcas so/ gleng gzhi ni mnyan du yod pa na ste/ de'i tshe khyim bdag gcig gis dgon pa'i gnas su dge 'dun gyi byid gtsug lag khang zhig brtsigs te/

  89. 45a

    dge slong ma zhig gnas der dbyar tshul du bzhugs pa dang/ 'dir g.yon can rnams kyis bcom mo/ /snyan du bdas nas bka' stsal pa/ da slad chad g.yon can dag kur lhags pa dang/ sgra tshig? gaN+Di de khyer de shog /lhung bzed dang sbyar ba khyer te zhog ces pos shig dang g.yon can rnams 'bros bar 'gyur ro zhes bka' stsal to/ /dus phyi zhig na gtsug lag khang 'dir g.yon can rnams slar kur lhags so/ /de'i tshe dge slong rgan zhugs shig mal rtse byed pas mthong nas/ de dag sgo stengs su 'dzeg cing 'khod pa dang/ des bsams pa cung zhig mnga' sdigs na yo byad rnams 'phrog tu 'ong snyam nas sgo'i steng du 'dzegs te gaN+Di zhig tshod tsam du 'phangs pa dang nad par bltas nas g.yon can zhig mgor phog ste shi zhing 'dug go /de ltar gyur pa snyan du bdas nas bka' stsal pa/ phog par ma 'phen par pha zad tsam nas bsdigs shig ces 'dul ba la bslab pa'i gnas bcas so/ /gleng gzhi ni mnyam du yod pa na ste/ de'i tshe khyim bdag pha spang gnyis shig spyod pas sngon longs spyod che ba las slar kyis longs spyod kyang 'gribs gnyen bshes dag kyang zad de spang gnyis kyang rab tu byung nas gtsug lag khang du 'khod do/ /de nas dge slong dag gis rtag par las la skor zhing gtso bas pad gnyis kyang ljongs rgyu zhing dong dong ba dang gtsug lag khang du phyin tu nye ste/ gdugs tshod kyi gaN+Di brdung ba mthong nas pha de 'gro ba ma nus pa dang/ bus rgyab nas phul bo dang ba dus las 'das so/ /de ltar gyur pa snyan du bdas nas da slan chad phul bar mi bya'o/ /sngar song ste pha'i zan skal dag mnos te slar lam du bsdu bar bya'o zhes 'dul ba la bslab pa'i gnas bcas so/ /gleng gzhi ni mnyan du yod pa na ste/ de'i tshe dge slong bla na can dang skyong ba po zhes bya ba gnyis shin tu mdza' ba gnyis shig 'khong de skyong ba po nad kyis btab nas mtshan cig rangs 'bod

  90. 45b

    'grogs so/ /bran can gyis smras pa/ ngas sngar langs te/ slan pa la sman bslangs nas 'od gis kha zas cang ma za bar sdod cig ces bsgo ste song ba dang/ de nang bar khyim tshes rnams kyis mdang khyod 'bod 'grog ste ci nyes byas pa dang dkris so/ /khyim tshes rnams kyis sha dang khur ba dang thug pa mang zhing byin te zos so/ /slad kyis bran can sman khyer te 'ongs nas/ skyong ba sman zod na rengs zan zos zin te mi 'dod do/ /de na red ni dge ba'i phyogs nyams nyams khyod kyi grogs byed na/ khyod ni nang dang mi mthun pa'i kha zas za bas dug za yang bla'o zhes byas ba dang/ de yang snod kyi nang du dug rdog ma gcig rnyed de zos pa dang de dus las 'das so/ /de ltar gyur pa snyan du bdas nas bka' stsal pa/ phyin chad nad pa 'chi ba'i bar sems pa'i gtam ma zer cig ces bslab pa bcas so/ /gleng gzhi ni mnyan du yod pa na ste/ de'i tshe dge slong gnyis shig gcig ni lhung bzed btsas khyer te slong du mi rung gcig ni chos gos rul nas tshe dang ldan pa dag chos gos dang lhung bzed med par spyod par mi rung gi chos gos drubs shig lhung bzed tshol cig byas pa dang/ de gnyis kyis smras pa gnas pa 'di zhes bya ba na dge slong nad kyis bzhus pa de shi ba dang bdag cag gir 'gyur ro zhes byas pa dang dge slong dag gis snyan du gsol to/ /bka' stsal pa/ gdon ba lta bu'i sems ma bskyed par lhung bzed ni mig bzhin du glan pa dang/ bsreg par bya'o/ /chos gos ni spags pa bzhin du btsem zhing drub par bya'o zhes bslab pa'i gnas su bcas so/ /nyes pa ji lta bu zhe na/ dge slong gis bud med dang skyes pa dang ma ning rnams la bsad pa'i sems kyis sor mo gcig gis bsnun te/ thabs des 'chi bar gyur na yang phas pham par 'gyur ro/ /dge slong gis mi la dug sbyin pa'am/ g.yang sar gtang ba'am/ stag gzigs mang ba'i yul du gtang ba'am/ lhags pa che ba tshad khung

  91. 46a

    su gtong ba'am/ sngags dang sman gyi sbyor bas kyang rung ste/ gsod sems dang lhan na mthar na yungs kar 'brum bu gcig gis brgyab ste shi yang yang phas pham por 'gyur ro/ /dge slong gis sman dang sngags kyis btab bam pha rol gnyis ka byol song gi skye gnas su bsgyur te ni bsang na yang phas pham par 'gyur ro/ /dge slong gis mi gzhan bsad par bsams pa las gzhan shin nyes pa spom par 'gyur ro/ /dge slong gis mi mngal na mi bsad na phas pham par 'gyur ro/ /mi ma lags pa bsad na sbom por 'gyur ro/ /'di yin nam ma me yin snyam du the tshom za bzhin du bsad na phas pham par 'gyur ro /rang gis rang bsang na nyes pa sdom por 'gyur ro/ /dgra bcom pa bsad pa las so so'i skye bo bsad par byas pa las dgra bcom pa bsad pa ni gnyis ka yang 'dra ste nyes pa spom por 'gyur ro/ /mi gcig bsad par byas pa las bros te dge slong dang phrad de snyegs ma phyi bzhin du 'ong na/ dge slong gis bsad sems nye bar bzhag nas bsnyegs ma dang phrad pa bstan pa bsnyegs ma phrad de bsang na phas pham par 'gyur ro// ji ltar dge slong la phas pham par 'gyur ba de bzhin du dge slong ma dang bslab pa byin pa la yang phas pham par 'gyur ro/ /dge sbyong pha dang/ dge sbyong ma dang/ dge slob ma la ni nyes byas su 'gyur ro/ /khyim pa la ni sdig pa mang du 'gyur ro/ /chu bo dga' skyed can gyi 'gram na 'khod pa'i dge slong rnams kyis bsams pa/ las dang po pa nyes pa med do zhes byung na/ bslab pa'i gnas ma bcas na dge slong mang zhig bdag cag gis 'chi bar bstabs na bdag cag gis las dang po pa gang yin snyam du the tshom za ba dang/ bcom ldan 'das kyis bka' stsal pa/ chu bo dga' skyed can gyi 'gram na dge slong dag gis nyes pa spyad pa thams cad kyang las dang po ba yin te/ de la nyes pa med do/ /yan lag ni rnam pa bdun te/ dngos po mi yin pa dang/ gsod sems nye bar gnas pa dang/ sbyor

  92. 46b

    ba gcig pa dang/ srog dang bral ba dang/ mir 'du shes pa dang/ bslab pa blangs pa dang/ bslab pa phul ba'o/ /de la ma gsod pa'i gleng gzhi ni yul 'bri za'i chu be dga' skyes can gyi 'gram na'o/ /gang zag ni dge slong mang po mi gtsang bsgom pa rnams so/ /dngos po ni mi gsod pa'o/ /nyon mongs pa ni mi bzod pa'o/ /mtshan ma ni phas pham pa'o/ /las dang po pa dang/ sems 'khrugs pa dang/ nad kyis gzir ba dang/ smyos pa la ltung ba med do/ /pham pa gsum pa mi brjed pa'i tshig go/ //de la mi'i chos las bla mar gyur pa'i brdzun du smra ba'i gleng gzhi ni bcom ldan 'das yul yangs pa can na bzhugs shing 'od ma'i grong phan tshun ljongs rgyu zhing 'od ma'i grog gi byang phyogs na shing sha ba zhes bya ba'i gnas na bzhugs so/ /de'i lo la mu ge byung nas mi kun kyang sdug bsngal te/ mi mang du shi bar gyur nas zas dkon khyad ni pha ma yang rang gi bu la zas mi steng ba tsam du dkon te/ bcom ldan 'das kyis nya ba lnga brgya las rab tu byung ba'i dge slong rnams la 'di ltar zas dkon pas na khyod kyang yul yangs pa can dang/ 'bri za'i grong phyogs su dbyar tshul du zhugs shing/ nga yang g.yog dge slong kun dga' bo dang lhan cig tu 'od ma'i grong 'dir tshul du 'jug go /de ltar ma byas na bsod snyoms kyis brel bar 'gyur ro/ /zhes byas pa dang/ btsun pa de bzhin no/ /zhes pa nas/ yangs pa can du so so'i bshes dag dang bsnyen pas 'khod pa na las phan tshun smras pa/ bcom ldan 'das kyis 'dir 'khod pa dang bde'o zhes gsungs na/ 'di ni ni bdag cag gi gnyen yang med na/ bdag cag gi gnyen ni nya ba'i grong na yod kyis/ der dong la gnyen dag bltas te der 'khod dang bde'o zhes nas der dong ste lhags nas dbyar tshul du zhugs te/ de dag gis gros byas pa/ bdag cag ni thos pa nyung bas chos bshad du ni kun gyis kyang ma nus kyis/ /gnyen rnams lhags pa dang bdag cag phan tshun yon tan brjod

  93. 47a

    par bya'o zhes nas de dag lhags pa dang/ kye khyod kyis grong phyogs 'dir dge 'dun sbyin gnas 'di lta bu dbyar tshul du zhugs/ pa ni khyod kyis rnyed pa rab tu rnyed do/ /dge slong 'di ni mi rtag pa'i 'du shes thob pa'o/ /'di ni bsam gtan dang po pa'o/ /'di ni dgra bcom pa'o zhes de bzhin du kun la yon tan re re bsgrags nas de dag gis smras pa/ 'phags pa'i yon tan gyi 'bras bu brnyes sam zhes pa dang/ 'jig rten pa ni yon tan la dga' bas de dag rang rang gi bu'i kha nas kyang phri zhing bsod snyoms 'bul lo/ /de nas dbyar zla gsum 'das pa dang/ bcom ldan 'das kyi chos nyid kyis nyan thos kyi dge 'dun rnams mdun ma chen po rnam pa gnyis yod de/ gcig ni dbyar zla 'bring po nyal mdun ma 'dus nas lung mnos nas tshul du 'jug go /mdun pa gcig ni ston zla 'bring po nyal tshul nas 'byung ba'i che mdun ma 'du ba'o/ /dge slong gzhan de dag kyang bcom ldan 'das la phyag 'tshal zhing 'od ma'i grong na bcom ldan 'das bzhugs pa'i phyogs su dong ngo/ /'ong ba dang kun dga' bos mthong ste/ bsu nas tshur spyon tshe dang ldan pa dang/ bde bar byon tam/ bsod snyoms kyis brel par ma gyur tam zhes byas te bsu na/ de dbang shin tu ring cing nyams chung ste lhags nas/ bdag cag yul 'bri zin dbyar bde bar gnas mod kyi/ bsod snyoms kyis ni rtag tu brel to zhes 'dzer te lhags/ de nas dge slong lnga brgya po de dag kyang lhags/ de bzhin du kun dga' bos bsu ste dris nas de dag shin tu tshe bzang ste lhags nas kun dga' bo med par bdag cag nya ba'i grong na shin tu bde bar 'khod? 'khod de bsod snyoms kyis brel kyang ma myong ngo/ /'di ltar zas dkon pa na khyad kyis rgyu rkyen cis na brel bar ma gyur/ de dag gis smras pa/ bdag cag gis yon tan brjod par bgyis te'o/ /ci yang dag par ram

  94. 47b

    'on te/ rdzun du smras/ bdag cag gis brdzun du bgyis mod/ des smras pa/ khyed kha zas cung zad kyi phyir brdzun du smrar dbang dam zhes byas pa dang/ de dag gi dbang yang rung mi dbang yang rung/ bdag gis smras so/ /de nas don nyung ngu ba'i dge slong rnams 'phya ste/ zang zing cung zad kyi phyir mi'i chos las bla mar gyur ba med la/ med bzhin du ci'i phyir smra zhes smod cing mi snyan par 'dzer ba/ bcom ldan 'das kyi snyan du bdas nas 'dul ba la bslab pa'i gnas bcas so/ /de ltar bcas nas phyis dge slong pha mar zhig dgon pa dang nags 'dab dang/ bas mdza' i dgon pa na rnal 'byor la brtson par gnas pa las 'das pa'i 'dod chags dang gnod sems mi spyod cing 'jig rten pa'i lam gyis sa ni gnas kyi mtshan ma 'ga' zhig yid la yod pas las brten nas gnas pa las phan tshun du smras te/ tshe dang ldan pa dag bdag cag gi skye ba ni zad/ tshangs par spyod pa ni sbyang bya ba ni byas kyis gnas 'di spangs te grong 'dab du dong ngo/ /zhes te der grong du lhags pa dang/ bud med dang/ kun dga' i ra ba dang/ dge tshul bar 'dres shing gnas pas yang nyon mongs pa skyes nas bdag cag phas pham par gang ma gyur yang grang snyam du sems te/ tshe dang ldan pa kun dga' bo la/ bcom ldan 'das la zhu bar cig nang zhes gsol to/ /kun dga' bos bcom ldan 'das la gsol pa dang/ bka' stsal pa/ mngon pa'i nga rgyal ma gtogs so zhes gsungs nas/ de nas bcom ldan 'das kyis bslab pa 'dod pa dang bslab pa la gtso bor byed pa'i bslab pa brjod de/ yang dge slong mngon pa'i nga rgyal ma gtogs te/ snga ma ni bcas pa'o/ /de ni gnang ba'o zhes gsungs so/ /yang dge slong gang zhes bya ba ni gsol ba dang bzhi'i las kyis bsnyen par rdzogs pa la bya'o/ /mngon par mi shes bya ba ni ci mngon par mi shes zhe na/ tshor ba dang/ 'du shes dang/ 'du byed rnams dang/ rnam par shes pa la sogs te yod par mi shes shing bdag tu lta ba'o/ /yongs su ma shes zhes bya

  95. 48a

    ba ni gzugs dang/ tshor ba dang/ 'du shes dang/ 'du byed dang/ rnam par shes pa rnams mi rtag pa dang/ sdug bsngal ba dang/ bdag med pa dang/ stong pas yongs su mi shes pa'o/ /mi'i tshes ni de dag gi thob pa yin gyi/ ngan song gsum dang/ ma ning dang mtshon gnyis pas mi thob bo/ /bla mar gyur ces bya ba ni 'dod pa'i khams pas gzugs kyis bla mar/ gzugs kyis khams pas gzugs med pa'i bla ma/ yang gcig tu mi'i chos ni sgrib pa lnga la bya ste/ gang de dag spangs pa de ni bla mar gyur pa zhes bya ba'o/ /mdza' zhes bya ba ni mya ngan las 'das pa la mdza' zhes bya'o/ /'phags pa zhes bya ba ni sangs rgyas dang/ rang sangs rgyas rnams kyi nyan thos rnams la 'phags pa zhes bya'o/ /bye brag thob ces bya ba ni dge slong gi 'bras bu bzhi la bya ste/ rgyun du zhugs pa'i 'bras bu dang/ lan cig phyir 'ong ba'i 'bras bu dang/ dgra bcom pa'i 'bras bu dang/ rnams te bye brag thob pa zhes bya'o/ /shes pa zhes bya ba ni shes pa bzhi ste/ sdug bsngal shes pa dang/ kun 'byung shes pa dang/ 'gog pa shes pa dang/ lam shes pa'o/ /mthong zhes bya ba ni mthong ba bzhi ste/ sdug bsngal mthong ba dang/ kun 'byung mthong ba dang/ 'gog pa mthong ba dang/ lam mthong ba'o/ /reg par byed ces bya ba ni/ bsam gtan bzhi la reg par spyod ces bya ba ste/ snyoms par 'jug pa la bya'i sgrub pa la ni ma yin no/ /med ces bya ba ni de'i dngos po med pa'o/ /med bzhin du zhes bya ba ni bdag la med pa'o/ /'di na shes zhes bya ba ci zhe na/ /sdug bsngal la sogs pa bden pa bzhi shes pa la bya'o/ /mthong zhes bya ba ni lha dang/ klu dang/ gnod sbyin dang/ nam mkha' lding dang/ dri za dang/ yi dags dang/ sha za dang/ grul bum dang/ lus srul bo dang/ lto 'phye chen po mthong ngo zhes zer ba dang/ de dag gi sgra thos so zhes smras pa dang/ de dag nga'i gan du 'ongs so zhes zer ba dang/ de dag gi gan du bdag

  96. 48b

    rtag tu 'grogs shing 'gro'o zhes smras pa dang/ 'gog pa'i 'du shes dang/ 'dod chags dang bral ba'i 'du shes dang mi sdug ba'i 'du shes dang/ rnam par bsngo ba'i 'du shes dang/ mi rtag pa'i 'du shes dang/ sdug bsngal ba'i 'du shes dang/ stong pa nyid la so sor rtog pa 'du shes ma thob par ngas thob po zhes zer ba dang/ bsam gtan dang po nas bsam gtan bzhi'i bar du thob po zhes brjod pa dang/ tshad med pa bzhi dang/ nam mkha' mdza' yas skye mched la sogs pa snyoms par 'jug pa bzhin thob po zhes brjod pa dang/ dge sbyong gi 'bras bu bzhi dang/ rdzu 'phrul gyi yul dang/ lha'i rna ba dang/ sems kyis rnam grangs dang/ sngon gyi gnas dang 'chi 'pho dang/ skye ba dang/ zag bzad ba ma thob par thob pa zhes zer ba dang/ dgra bcom ba la sogs te thob po zhes zer pa'o// khas 'ches zhes bya ba ni khas len pa'o/ /nyes pa 'byung zhes bya ba ni de'i dngos po byung ba'o/ /tshangs par 'dod ces bya ba ni bral bar 'dod pa'o/ /des dus gzhan zhig na zhes bya ba ni dus de ma yin pa'o/ /dris kyang rung zhes bya ba ni gzhan dag gis so/ /ma dris kyang rung zhes bya ba ni bdag nyid kyis 'gyod pa skyes nas dogs shing rnam par dogs te yid la bcags pa'o/ /tshe dang ldan pa dag bdag gis ni mi shes so/ zhes smra ba ni yid kyi rnam par shes pa'o/ /ma mthong bar mthong ngo zhes bya ba ni mig gis rnam par shes pas so// gsob ces bya ba ni bsgrub pa'i don med pa la bya'o/ /zang zing cung zad kyi phyir dgos pa'i dngos po dang don med pas na gsog go /yang dag pa'i 'du shes bcabs nas don gzhan la sgra gzhan du tshig smra ba ni brdzun zhes bya'o/ /mngon pa'i nga rgyal ma gtogs shes bya ba ni gnas dben pa na gnas shing nyon mongs pa mngon du mngon du mi spyod pas gang yang dag pa'i don chud do snyam du sems pa'i phyir na ma gtogs so/ /de yang zhes bya ba na nye bar bstan pa dang/ kun tu yang dag par bstan pa'i tshig go/ dge slong zhes bya ba ni gang

  97. 49a

    la dge slong gi dngos po yod pa la bya'o/ /dge slong gis dngos po gang zhe na/ bsnyen par rdzogs pa skyon med cing bshol bar mi 'os pa la bya'o/ /phas pham pa zhes bya ba ni ltung ba nyes pa can mi mtshungs pa tha shad de la bya ste/ de byung na byung ma thag tu dge slong ma yin/ shAkya'i sras ma yin phas pham pa'o zhes gsungs so/ /gnas par mi bya'o zhes bya ba ni gang la nyes pa de lta bu byung ba'i gang zag dge 'dun gyi nad du mi chud cing gso sbyong dang chul du 'jug pa dang gang zag bcu gnyis kyi las la mi chud pas na gnas par mi bya'o/ /zhes gsungs so/ /dge slong gis chos bzhi po de dag la zhes bya ba ni gong du phas pham pa bzhi po de dag gang yang rung pa'o/ /gang po ji lta ba bzhin zhes bya ba'i ni khyim pa la bya'o/ /gnas par mi bya ba ni dge slong rnams dang chos dang/ zang zing gi longs spyod la mi chud cing gnas khang gcig tu mi gnas pa la bya'o/ /phas pham pa'i rim pa yang de ltar gzhag pa yang ci'i phyir gzhag snyam pa la/ yang rtsa ba bzhi la sdig pa ni srog gcod pa dang ma byin par len pa che ba yin zhes mdo sde dag las 'byung mod kyi 'dir dang po gang sngar byung ba de'i rim pa bzhin du bshad de/ de'i phyir na dang po kho nar mi tshangs par spyod pa'i chos 'jig rten du byung ngo/ /de'i 'og tu ma byin par len pa'i chos byung ngo/ /de'i phyi nas mi gsod pa dang brdzun du smra ba byung ste/ de ltar na mi tshangs par spyod pa'i rgyus ma byin par len to/ /ma byin par len pa de'i rgyus na nor gyi bdag po gsod do/ /de ltar gsod pa'i rgyus na brdzun du smra ba byung ngo/ /de ltar gcig gi rgyus gcig byung bas ni rim pa de ltar sbyar te/ gzhag go /gzhan yang brdzun du smra ba las bslab pa bcas pa'i rnam grangs la gleng gzhi ni sangs rgyas bcom ldan 'das yul yangs ba can gyi sri'u rdzing gi khang pa brtsegs pa na bzhugs so/ /de'i tshe yul mnyam

  98. 49b

    ka'i rgyal po ma skyes dgra? dang/ yul yangs pa can gyi li tsa byi rnams su 'thab cing 'khrugs par gyur to/ /ma skyes dgras yan lag bzhi pa'i dpung gi tshogs dang/ rta'i tshogs dang/ shing rta'i tshogs dang/ dpung bu chud gi tshogs kun go bskon te/ yul 'bri zi gzhom par bshams pa dang/ yul 'bri za na gnas pa'i skye bo mang po rnams kyis ma skyes dgra'i dpung gi tshogs dag mthong nas yangs pa can gyi li tsa byi rnams la sbran te/ yangs pa can pa yang dpung bzhi dang chas te dong ngo/ /li tsa byi rnams kyis 'phags pa maung+gal bdag gang rgyal bar 'gyur zhes dris pa dang/ li tsa byi rnams rgyal bar 'gyur ro zhes lung bstan to/ /de dag kyang g.yul sprad pa dang/ sngar ni li tsa byi rnams rgyal/ /slad kyis ni ma skyes dgra rgyal bar 'gyur to/ /'phags pa maung+gal gyi bus ma rtogs zhes skye bo rnams 'phya bar gyur te/ drug sde rnams kyis ltung ba byung gi gaN+Di de brdungs te bskrad pa'i las byas pa dang/ snyan du bdas te nyes pa med de/ sngar ni li tsa byi rgyal bar gyur pas na/ phyis gang rgyal zhes ma smras pas nyes so zhes bka' stsal to/ /gleng gzhi ni yangs pa can na ste/ de'i tshe mu stegs can gyis lo bcu gnyis kyi bar du char mi 'bab po zhes lung bstan pa dang/ maung+gal gyi bus zhag bdun na char 'bab po zhes lung bstan pas so sor yang rang gi bang mdzod nas 'bru sna tshogs phyung ste sa bon btab bo/ /zhag drug lon pa dang phyogs bzhi nas sprin yang langs/ char yang cung zad cig 'bab pa dang de nas sems can gyi las kyis char med par gyur to/ /zhag bdun gyi tshe lung bstan pa bzhin du 'bab la phyis 'bab par 'gyur ram mi 'gyur ma dris pas nyes pa med do/ /gleng gzhi ni yangs pa can na ste/ de'i tshe gcer bu pa'i chud ma zhig rum na bu yod par gyur te/ mu stegs can gyi ltas mkhan kyis ni bu mor lung bstan/ maung+gal gyis dbus ni khye'ur lung bstan to/ /slad kyis

  99. 50a

    bu mo zhig bcas pa dang/ mu stegs can rnams kyis 'phyas te/ drug sde rnams kyis bskrad pa'i las byas pa dang/ bka' stsal pa/ nyes pa med de/ sems can gyi las bsam gyis mi khyab pas mdal gyi nang na khye'u yin te phyi nas mtshan gyur te bu mor gyur pas de bas na nyes pa med do/ /gleng gzhi ni rgyal po'i khab na ste/ de'i tshe khyim bdag cag gis thos pa/ dge slong gi dge 'dun rnams mi re bar bshos gsol na longs spyod chen por 'gyur ro zhes thos nas dge 'dun kun spyan drangs te/ bdas khal tshad mar gyis bkang ste/ de'i nang du sha bcos nas sha khu lhung bzed re re phul lo/ /de smin par yul ngan byung nas lhung bzed rnams sha khus snun pas chu dron gyi gan du phyin nas 'khru zhing 'khod pa dang/ dge slong des tshe dang ldan pa maung+gal gyi bu la chu dron 'di gang nas 'bab ces smras pa dang/ maung+gal gyi mtsho chen po ma dros pa nas 'bab po zhes byas pa dang/ bsnyen dga' bos mtsho ma dros pa ni yan lag brgyad dang ldan te/ grang ba yin na ci ste chu tsha bar gyur/ brdzun du smras pa yin no zhes bskrad pa'i las byas pa dang/ sangs rgyas kyis bka' stsal pa/ maung+gal gyi bu la ltung ba med de/ chu de ni tsha ba'i sems can dmyal ba brgyad kyis steng na 'bab pas dro ba yin no/ /gleng gzhi ni mnyan du yod pa na ste/ de'i tshe na tshe dang ldan pa maung+gal gyi bus dge slong dag la smras pa/ bdag cung zad med pa'i skye mched la bdag snyoms par zhugs pa'i tshe rdzing bu sgra bsgyud gi 'gram na glang po che brgya stong mang por sgra grag pa bdag gis thos shes smras pa dang/ bsnyen dga' bos chos kyi tshul bshig par ma byed cig /cung zad med ba'i skye mched la snyoms par 'jug pa na gzugs kyi 'du shes med cing sgra'i 'du shes dang bral ba yin na/ de ltar bral ba la gzugs mthong zhing sgra thos par ji ltar 'gyur/ ltung ba byung ngo zhes bskrad pa'i las byas pa dang/ bka' stsal pa/ maung+gal gyi bu bsam

  100. 50b

    gtan dang po dang/ rnam par thar pa la snyoms par 'jug pa'i tshe myur du snyoms par 'jug cing myur du ldang ngo/ /des langs pa'i tshe thos pas na maung+gal gyi bu la nyes pa med do/ /nyes pa de ji lta bu zhe na/ dge slong gi 'du shes dang bzod pa dang/ blo gros sngas nas lha dang klu mthong ngo/ /gnod sbyin dang lus srul po rnams na thong ngo zhes smras na phas pham par 'gyur ro/ /ji ltar mthong ba bzhin du thos pa las yang ngo/ tha na rdul khrod kyis sha za mthong ngo zhes zer ba yang nyes pa sbom por 'gyur ro/ /dge slong gis grong med pa'i dgon pa na mi ma yin bas dge slong rnams gtses so/ /de na dgra bcom pa rnams la mi gtso ste/ nga la yang mi gce'o zhes zer na phas pham par 'gyur ro/ /stan khra bo la dgra bcom pa rnams 'dug ste/ de? yang 'dug go zhes zer na phas pham par 'gyur ro/ /bdag bla mar 'gyur ro zhe 'am/ bdag ston pa'o zhe na nyes pa sbom por 'gyur ro/ /bdag sangs rgyas thams cad la skyabs su song ngo zhe na/ snga ma'i rnam par gzigs la sogs pa la skyabs su song ngo zhe na phas pham par 'gyur ro/ /'on te shAkya thub pa la skyabs su song pas na/ sangs rgyas thams cad skyabs su song ba 'dra'o zhe na sbom por 'gyur ro/ /bdag mi slob pa'o zhe na/ mi slob pa'i 'phags par lung bstan na phas pham par 'gyur ro/ /'on te 'jig rten bya ba mi slob po zhe na sbom po re 'gyur ro/ /bdag la cung zad kyang med do zhes nyon mongs pa med par ston na phas pham par 'gyur ro/ /de ma yin na ni sbom por 'gyur ro/ /bdag ni 'phos pa'o/ /bdag ni grol ba'o/ /bdag ni 'jig rten pas mi 'jigs pa'o zhes smras na/ 'phags pa'i sang bsams te smras na phas pham par 'gyur ro/ /'on te gzhan du na ni sbom por 'gyur ro/ /bdag gi ming 'di ni dgra bcom pa'o zhes bris la 'di sus bris zhes zer ba dang/ gzhan gyis khyod 'bras bu thob bam zhes dris pa la/ shing thog gi 'bras bu

  101. 51a

    mang zhig lag pa na bcangs la/ nga rung ma smin no zhes bya ba smras na nyes pa sbom por 'gyur ro/ /bdag ni nyams pa'o zhes zer ba dang bdag ni rgyun tu zhugs pa dang/ lan cig phyir 'ong ba dang phyir mi 'ong ba dang/ dgra bcom pa ma yin no zhe na/ nyes pa sbom por 'gyur ro/ /mi la mi lags par 'du shes te brdzun du smra ba dang/ mi ma yin pa la ming 'du shes te smra ba dang/ mi ma yin pa la mi ma yin par 'du shes te/ smra ba ni nyes pa sbom por 'gyur ro/ /dge slong gis po nya las mi las bla mar gyur pa'i chos smras pa dang/ phrin yig dang/ lag brda dang/ gcig nas gcig tu brgyud de mi las bla mar gyur pa'i chos smra na nyes pa sbom por 'gyur ro/ /de bzhin smyos pa dang/ sems 'khrugs pa dang nad kyis gzir ba dang/ 'on pa dang/ glen pa rnams la dge slong gis mi las bla mar gyur pa'i chos smra na nyes pa sbom por 'gyur ro/ /de bzhin du ra ro ba dang/ 'gro pa gzhan du gnas pa dang/ mi dben pa la dben par 'du shes pa dang/ sman dang sngags kyis mi snang bar smra ba dang/ 'phags pa'i skad kyis mdza' khob la mdza' khob pa'i skad kyis 'phags pa la yang rung ste/ mi'i chos las bla mar gyur pa smras na thams cad kyang nyes pa sbom por 'gyur ro/ /ji ltar dge slong la phas pham par 'gyur ba de bzhin du bslab pa byin pa dang/ dge slong ma rnams la yang phas pham par 'gyur ro/ /dge slong ma dang/ dge tshul ma dang/ dge sbyong la ni nyes byas su 'gyur ro/ /las dang po pa dang/ smyon pa dang/ sems 'khrugs pa dang/ nad kyis gzir ba la ltung ba med do/ /gleng gzhi ni yul yangs pa can na'o/ /gang zag ni nya pa lnga brgya pa'o/ /nyes pa ni ngag gis so/ /nyon mongs pa ni khe dang bkur stis so/ /mtshan ma ni phas pham pa'o/ /yan lag ni rnam pa bdun te/ mi'i chos las bla mar gyur pa dang/ der yang 'du shes pa dang/ pha rol mi yin pa dang mi yin par 'du

  102. 51b

    shes pa dang/ tshig tu smras pa dang/ pha rol pha rol gyis don go ba dang/ 'du shes bcabs pa'o/ /phas pham pa bzhi'i mi brjed pa'i tshig ste/ so sor thar pa'i mdo gdon pa gnyis pa rdzogs so// //so sor thar pa'i mdo gdon pa gsum pa las/ brtsams te mdo zhes bya ba la sogs pa smos so/ /gleng gzhi ni sangs rgyas bcom ldan 'das mnyan du yod pa na 'dze ta'i tshal dgon med zas sbyin gyi kun dga' ra ba na bzhugs so/ /de'i tshe tshe dang ldan pa char ka rang bzhin gyis grong khyer ram grong rdal gang na gnas kyang rung ste/ de nang par sngar langs nas gtsug lag khang chag chag btab phyag dar byas/ skyang nul byugs nas de gtsug lag khang gi phyi logs su byung ste rkang lag bkrus so shing 'chos nas/ da snga dro chos gos gyon lhung bzed thogs te grong dang grong du bsod snyoms la 'jug go /de de ltar bsod snyoms la zhugs pa'i tshe lus ma srungs/ dbang po ma bsdams/ dran pa nye bar ma gzhag pas/ bsod snyoms las slar phyin nas zas kyi bya ba byas te/ nang du yang dag 'jog la zhugs pa'i tshe de 'gro ba bzang mo dag mthong bas 'dod pa'i 'dod chags kun tu bskor ba'i sems su gyur nas/ de rang gi yan lag skyes las su rung bas lag pa gnyis kyis bzung ste bskyod nas/ khu ba 'byin to/ /de nas dge slong gnas smyul ba dag /tshe dang ldan pa 'char ka'i gnas ga la pa der dong ste/ tshe dang ldan pa khyod ji bzod cing nyams bde 'am/ bde ba la reg par gnas sam/ bsod snyoms kyis brel pa lta med dam zhes smras pa dang/ tshe dang ldan pa bdag ni bsod snyoms kyis brel ba yang med la bdag nyams bde zhing bde ba la reg par gnas so zhes smras pa dang/ dge slong dag gis tshe dang ldan pa khyod ji ltar nyams bde zhing bde bar la reg par gnas zhes smras pa dang/ bdag 'dod pa'i 'dod chags kyis

  103. 52a

    kun tu bskor ba'i tshe na bdag gi yan lag skyes bskyod te spyad pas na 'dod pa'i 'dod chags dang bral bar gyur te/ bud med la chags pa'i blo mi skye bas bde ba la reg par gnas so zhes smras pa dang/ dge slong gis de ltar gyur pa bcom ldan 'das la gsol to/ /de nas bcom ldan 'das kyi 'char ka la khyod kyis de lta bu byas pa bden nam zhes pa dang/ btsun pa med do zhes gsol nas 'dul ba la bslab pa'i gnas bcas so/ /rmi lam gyis ma gtogs zhes bya ba'i gleng gzhi ni mnyan du yod pa na ste/ mtshan mo dge slong dag cig nyal ba'i rmi lam na mi gtsang ba khu ba byung bar rmis nas de dag 'gyod pa skyes nas bcom ldan 'das kyis khu ba phyung na lhag mar 'gyur ro zhes bslab pa bcas na/ bdag cag la ltung bar ma gyur tam zhes 'gyod pa skyes nas/ dge slong 'di dag gis kun dga' bo la gsol te/ kun dga' bos snyan du zhus pa dang/ bka' stsal pa/ dge slong 'di dag la bslab par 'dod pa dang/ bslab pa la nan tan byed pa bsngags pa brjod nas dge slong de dag la dga' bar tshor ba'i 'du shes kyang yod mod kyi/ de ni nyams par gyur pas rmi lam gyi ltung ba med de ma gtogs so/ /yang dge slong zhes bya ba ni 'char ba'o/ /bsams nas shes bya ba ni sems kyis brtags pa la bya'o/ /khu ba zhes bya ba ni rnam pa lnga lta bu yod de/ sngon po dang/ dmar po dang/ ser po dang/ gar ba dang/ sla ba'o/ /sngon po ni 'khor los sgyur ba'i rgyal po 'am/ de'i bu thu bo'i'o/ /ser po ni bu gzhan rnams kyi'o/ /dmar po ni blon po rnams kyi'o/ /dbang po smin pa rnams kyi ni gar ba'o/ /dbang po ma smin pa rnams kyi dang/ khur dang lam gyis dub dang mtshon gyis dub pa la sogs pa ni sla ba'o/ /rmi lam gyi ma gtogs shes bya ba ni rmi lam gyi bkol ba'o/ /phyung zhes bya ba ni phyung ma thag pa'o/ /dge 'dun gyi lhag ma zhes bya ba ni ltung ba dge 'dun la dbang yod la/ dge 'dun la

  104. 52b

    rag las la dge 'dun la brten pa ste/ ltung ba de dge 'dun gyis dbyung gi /gang zag gis ni ma yin no/ /lhag ma zhes bya ba ni phas pham pa bzhi la lhag ma med kyi ltung ba de lhag ma dang bcas pas na dge 'dun gyi lhag ma zhes bshad do/ /nyes pa ji lta bu zhe na nyes pa lnga ste/ bde bar byas pa dang sa bon dang/ rigs sngags dang/ sman dang/ brtag pa'i phyir ro/ /dge slong gis rnam pa lnga lta bu'i tshul gyis khu ba phyung na lhag par 'gyur ro/ /ma phyin na lhag ma'i sbom por 'gyur ro/ /rma dang g.yan pa dang mdze dang/ sha bkra dang/ rdo dang/ sgo'i them pa la 'gong ba dang/ 'obs la mchod pa dang/ gos la reg pa dang/ bud med sdug gu mthong ba dang/ sngon gyi spyod pa rjes su dran pa dang/ gcig gi brla la gcig reg ste dga' bar tshor ba ni nyes pa med do/ /las dang po pa dang/ sems 'khrugs pa dang/ nad kyis gzir ba la nyes pa med do/ /dang po 'dzin pa'i gleng gzhi ni bcom ldan 'das mnyan du yod pa na bzhugs so/ /de'i tshe drug sde bo rang bzhin gyis 'dze ta'i gtsug lag khang gi sgo stong bar mi 'jog ste/ de'i tshe tshe dang ldan pa 'char ka'i res la bab pa na 'dze ta'i gtsug lag khang gi sgo na sgo srung zhing 'chag cing 'dug pa dang/ tshe dang ldan pa 'char ka ni grong khyer chen po drug gi mi rnams kyi mi'i dus dang/ rigs dang/ gzugs dang/ bzo'i las dang/ 'tsho ba la sogs te mi shes pa'am/ ma mthong ba gcig kyang med pas/ de'i tshe grong gi bud med mang zhig gtsug lag khang du blta zhing phyag 'tshal tu lhags pa dang/ 'char kas 'di zhes bya ba'i bu mo/ /'di zhes bya ba'i chung ma/ 'di zhes bya ba'i mna'am/ 'di zhes bya ba'i sring mo khyod cag bde bar lhags sam/ khyod cag gar 'gro zhes smras pa dang/ 'phags pa 'char ka bdag cag ni mi khom pa dgu dang ldan pas/ gzhan la ni mi khom pa brgyad gsungs na/ bdag cag la khyim gyi bya bas brel ba na rtag tu

  105. 53a

    'chir ni mi khom pa ste/ de bdag cag lha khang du lta zhing phyag 'tshal du 'od so zhes smras pa dang/ 'char kas smras pa shin tu legs te/ gser srang khri yon du phul ba bas mchod rten la phyag 'tshal ba bsod nams che zhing dge'o zhe'o// gom pa re re bor yang 'khor los sgyur ba'i rgyal por 'gyur ro/ /khyed cag 'phags pa rnams kyi gnas khang la phyag 'tshal bar 'dod dam/ phyag 'tshal bar 'tshal lo/ /'o na sus bstan par bya/ mar me yod bzhin du sgron ma gud? du mi tshol te/ 'phags pa nyid kyis bstan du gsol/ 'char kas bsams pa/ gtsug lag khang bstan na ni dge ba'i bar chad du yang 'gyur/ ma bstan na ni ma rungs pa 'di dag gis bsod snyoms kyang mi ster ba'i stengs su/ bcom ldan 'das kyis kyang ma dad pa dang ma dul ba rnams dul ba dang/ dad pa dang ba phun sum tshogs par gyis cig ces bka' stsal pas na bdag gis bstan dgos so/ /snyam nas de ni sangs rgyas kyi gnas khang ngo/ /de ni kun shes kauN+Di n+ya'o/ /de ni 'od srungs chen po'i'o/ /de ni shA ri'i sras po'i 'o/ /de ni 'phags pa maung+gal gyi'o/ /de ni 'phags pa ma 'gags pa'i 'o/ /de ni tshe dang ldan pa kun dga' bo'i 'o/ /de ni sgra gcan bgyi'o/ /de ni drug sde po rnams kyi'o/ /de ni nga'i gnas khang ngo/ /de ltar thar chags kyis kyang phyag 'tshal du bcug go /de ltar phyag 'tshal nas bud med rnams kyis 'char ka la chos bshad du gsol lo/ /'char kas kyang che zhe dag legs kyis/ chos bshad kyis gdan bting la 'khod cig ces byas pa dang/ de dag gis 'char ka'i rkang pa la phyag 'tshal nas 'khod do/ /de dag la 'char ka chos ston pa la zhugs te/ ji lta ji lta bur chos ston pa de lta de lta bur kun du chags so/ /ci ltar chags pa de ltar zhen to/ /ci ltar zhen pa de lta bur la gnas 'dzin cing/ yan lag dang nying lag nas nom mo/ /de la gang dag dga' bar tshor ba de dag ni kun du rtse gang

  106. 53b

    rgyangs byed 'dzem snyes lus kyis snyogs so/ /gang dag dga' bar ma tshor ba de dag ni de nas byung ste/ 'chags dang sgo khang dag na 'phya ste bdag cag gis skyabs las kyang/ gnod pa dang 'khrug pa de lta bu byung ba lta zhes mi snyan par zer zhing dong ba dang/ dge slong dag cig mdun nas 'ong ba thos te/ khyed su la kha zer 'phags pa khyod la'o/ /nged kyis ci zhig byas 'phags pa 'char kas bdag cag gi yan lag dang nying lag khyim thab kyis kyang ma mnam ma reg pa'i gnas thams cad du rig ste mnams pas gal te bdag gi pha ma dang ming bos thos na yang 'dze ta'i gtsug lag khang du mig gis kyang ltar mi ster na 'gro ba lta ci smos zhes 'dzer to/ /dge slong dag gis che zhe 'char ka ni tshul khrims dang ldan pa yin te/ nye 'phan gyi bu las rab tu byung bas na/ 'dod chags kyi shas che ba na/ thabs de nyid kyis 'dod chags sel to/ /'char ka la slan chad de lta bu ma byed cig ces bsgos che zhe dag de lta bu ma zer bar dengs shig /'phags pa dag bsgo yang rung ma bsgo yang rung ste/ bdag cag ni slan chad 'dze ta'i gtsug lag tu mi mchi'o zhes 'phya bzhin du dong ngo/ /char ka yang gtsug lag khang nas dgod bzhin du phyi bzhin du 'ong ngo/ /tshe dang ldan pa khyod de lta bu mi mdzes pa byas kyang rgang? du ci yod ces smras pa dang/ ci ngas chang 'thungs sam 'on te sgog pa zos/ /khyim bdag gi bud med rnams ni khyod la 'phya bzhin du dong ngo/ /'char kas smras pa/ lhung bzed nag po can rnams ni rang bzhin gyis de 'dra ste/ ser sna che bas na chos tshig bzhi'i le'u gcig kyang su la yang mi ston pa'i steng du gzhan ston cing sems can gyi don byed pa la yang 'phya'o/ /ci khyod kyis bden pa la bkod dam/ 'char kas smras pa/ de dag re zhig dbang po smin par byas la mthar gyi bden pa thob par 'gyur ro zhes smras pa dang/ dge slong rnams 'phya ste gang gis ngo tsha ba de nyid kyis nga rgyal bskyed dam zhes

  107. 54a

    mi snyan bar zer ro/ /de ltar gyur? pa snyan du bdas nas 'char ka bkug ste/ bka' stsal pa/ de ltar gyur pa bden nam zhes smras pa dang btsun pa mang ngo zhes gsol to/ /bcom ldan 'das kyis dge slong gi bya ba ma yin mthun ba ma yin zhes rnam grangs du ma'i sgo nas 'dul ba la bslab pa'i gnas bcas te/ yang dge slong gang zhes rtsa ba'i tshig rnams so/ /dge slong zhes bya ba ni 'char ka ste/ gang gzhan yang de 'dra ba'o/ /chags shing brtul ba'i sems kyis zhes bya ba ni chags pa'i sems yod la brtul ba'i sems med pa dang/ brtul ba'i sems yod pa chags pa'i sems med pa dang/ chags pa yang yod la brtul ba yang yod pa dang/ chags pa yang med la brtul ba yang med pa'o/ /chags pa zhes bya ba ni brtul ba ma yin te/ sems gang la chags pa'i dngos po la kun tu bskor ba la gnas pa'o/ /bsdus pa ni chags pa ma yin te/ sems gang gis sdug pa la zhen pa'i sems so/ /chags pa yod la brtul ba yang yod pa ni sems gang chags shing chags pas kud nas bskod pa dang sdug pa la zhen pa'i sems kyis so/ /chags pa yang ma yin brtul ba yang ma yin pa ni de lta bu med pa'o/ /bud med dang lhan cig bya ba ni bud med gang gzhon nu ma mi tshangs par spyad pa rung pa'o/ /reg ces bya ba ni lus kyis sprad pa'o/ /gyur tam zhes pa ni byed pa'o/ /lag pa nas bzung ces bya ba ni 'khrig ma man chad do/ /lan bu nas bzung zhes bya ba ni skra ste/ de dang lhan cig ldan pa cod pan yang ngo/ /yan lag dang nying lag kyang rung ba zhes bya ba ni lag pa 'am dpung pa nas bzung ba ma gtogs pa gzhan nas bzung ba'o/ /nom kun tu nom pa dga' bar tshor ba zhes bya ba ni nyams su myong ba'o/ /dge 'dun gyi lhag ma zhes bya ba ni ltung ba nyid lhag ma dang bcas pa dang dge 'dun la dag lus pas na dge 'dun gyi lhag ma zhes bshad do//

  108. 54b

    de la nyes pa gang zhe na/ rnam par gu ste/ nom pa dang/ kun tu nom pa dang/ 'khyud pa dang/ 'dzin pa dang/ 'dren pa dang/ kun tu 'dren pa dang/ 'degs pa dang/ 'bebs pa dang/ mngon du btsir ba'o/ /nom pa ji lta bu zhe na/ dge slong 'dod chags kyis brtul ba'i sems kyis bud med gzhon nu ma mi tshangs par spyad du bzod pa de la spyi bo nas mnams te gos kyis mchod na lhag mar 'gyur ro/ /chod na nyes pa spom por 'gyur ro/ /ji ltar spyi bor nom pa de bzhin du dpral dang 'khur? chos dang/ mchu dang/ ko sko dang/ rna ba dang/ mgrin pa dang/ dpung mgo dang/ rgyab dang/ tha na rkang pa'i mthe bong yang rung ste/ thams cad du lhag mar 'gyur ro/ /ji ltar kun tu nom pa la ji ltar nyes pa'i dmigs su 'gyur ba de bzhin du kun tu nom pa dang/ 'khyud pa dang/ 'dzin pa dang/ 'dren pa dang/ 'degs pa dang/ 'bebs pa dang// //bcir ba la yang kun tu nom pa bzhin sbyar ro/ /gang spyad du rung ba la dge 'dun gyis lhag mar sbyar ro/ /spyad du mi bzod pa la sbom por 'gyur ro/ /skyes pa dang/ ma ning dang/ za ma dang/ mtshan gnyis pa spyad du bzod pa la spom po'o/ /spyad du mi bzod pa la nyes byas byol song la yang nyes byas su 'gyur ro/ /ma dang sring mo dang/ bu mor 'du shes pa la ltung ba med do/ /me'am chur ltung ba dang/ dug zos pa dang/ mtshon gyis 'debs pa dang/ g.yang du lhung ba dang/ sa thags pas 'geg pa 'am/ 'chir chas pa la zlog pa ni bud med la reg kyang nyes pa med do/ /bud med lus kyi dbang po nyams pa 'am dge slong gi lus kyi dbang po nyams kyang rung ste/ reg na gnyis ka yang 'dra ste spom por 'gyur ro/ /gnyis ka yang nyams la gcig la gcig reg na nyes byas su 'gyur ro/ /bud med yin nam ma yin snyam du the tshom za bzhin du reg na sbom por 'gyur ro/ /sos so la reg pa dang/ spus spu la reg pa dang/ rma la reg pa dang/ sen mo reg pa ni sbom por 'gyur ro/ /bud

  109. 55a

    med las lags par 'du shes pa dang/ bud med ma lags pa la bud med du 'du shes pa dang/ gos kyis g.yogs pa dang/ ma g.yogs pa la g.yogs par 'du shes pa ni thams cad kyang spom por 'gyur ro/ /bud med gzhan la reg par byas pa las bud med gzhan la reg pa dang/ bud med kyi rol reg pa dang/ 'gro ba gzhan du gnas pa la reg pa dang/ ma ning la reg pa la sogs te/ thams cad kyang sbom por 'gyur ro/ /gos kyis ma g.yogs pa la bud med kyang yin la spyad kyang bzod pa dang/ lus kyang ma nyams lus kyis kyang reg ste dga' bar tshor na yan lag tshang ba zhes bya'o/ /yan lag ma tshang na thams cad kyang sbom por 'gyur ro/ /las dang po pa la sogs pa la nyes pa med do/ /'khrig tshig gi gleng gzhi ni sangs rgyas bcom ldan 'das mnyan du yod pa na bzhugs so/ /drug sde po rnams rang bzhin gyis 'dze ta'i tshal gyi gtsug lag khang gi sgo stong par mi 'jog ste/ de'i tshe na tshe dang ldan pa 'char ka gtsug lag gi sgo na 'chag cing 'dug pa dang/ grong mi'i bud med rnams gtsug lag khang du phyag 'tshal du lhags pa rnams la so so'i rgyus la mkhas pas na/ so so'i ming phyung zhing bde bar 'ongs nas zhes dris nas gtsug lag khang dang/ gnas khang rim gyis bstan pa'i bar du snga ma bzhin no/ /des de ltar chos ston pa na/ sdig pa can dbyung bar mi 'os pa 'khrig pa dang ldan pa'i tshig smra ba la zhugs pas na khyim mi mo de dag mi snyan par 'phya zhing dod pa dang/ dge slong dag gis thos nas che zhes khyod chags su la 'phya khyed la'o/ /ded kyis ci zhig byas bdag cag gis dwa dang/ rgyan po pa dang/ nal gyi bu las ma thos par khyed 'phags pa 'char ka las thos so/ /khyed cag ma zer cig /ded kyis 'char ka la bsgo bar bya'o/ /bsgo yang rung ma bsgo yang rung slan chad 'dze te'i gtsug lag khang du mig

  110. 55b

    kyang mi blta'o/ /de ltar gyur pa dge slong dag gis snyan du gsol pa dang/ bka' stsal ba/ 'char ka bkug ste rmas pa na/ btsun pa mang ngo zhes bya ba gsol nas/ dge slong gis bya ba ma yin zhes bya ba nas/ yang dge slong zhes bya ba'i bar du rtsa ba'i tshig rnams so// yang dge slong zhes bya ba ni 'char ka ste/ gzhan yang de dang 'dra ba ste/ 'char ka zhes bya ba ni chags pas kun nas bskor ba'o/ /brtul ba'i zhes bya ba ni chags pa'i dngos po la yang dang yang du zhen pa'o/ /bud med ces bya ba ni gang legs par smras pa dang/ nyes par smras pa'i don shes pa'o/ /gnas ngan len ces bya ba ni phas pham pa dang/ dge 'dun gyi lhag ma'o/ /'khrig pa dang ldan pa zhes bya ba ni mi tshangs par spyod pa dang ldan pa'o/ /skyes bus na chung la ji ltar ba bzhin zhes bya ba ni 'di lta lte skyes pas bud med la'o/ /dge 'dun gyi lhag ma zhes bya ba ni dge 'dun la rag las pa'o/ /nyes pa gang zhe na/ dgu ste/ bsngags par byed pa dang/ bsngags par mi byed pa dang/ bskugs pa dang/ nye bar bskugs pa dang/ 'dri ba dang/ kun du 'dri ba dang/ smra ba dang/ brjod pa dang/ gshe ba'o/ /bsngags par byed pa la ji lta bu zhe na/ dge slong gis chags shing brtul ba'i sems kyis bud med legs par smras pa dang/ nyes par smras pa'i don go bar nus pa la/ che zhes khyod kyis rma'i sgo gsum bzang byung la shin tu spyod du rung ba'o zhe na/ bden pa nam zhes smras te/ 'khrig pa dang ldan pa rgya'i rna ru zhes bya ba smras na lhag mar 'gyur ro/ /rgya'i rna ru zhes ma smras na sbom por 'gyur ro/ /bsngags par mi byed pa la gang zhe na/ khyod kyi sgo gsum mi bzad/ dbyibs kyang mi bzad ste shin tu dman rgya'i rna ru zhes smras na gong ma bzhin du nyes pa'o/ /bskugs pa ji lta bu zhe na/ che zhes tshur shog 'di dang 'di lta bu zhig bya ba zhes smras te/ 'khrig pa dang ldan pa rgya'i rna ru zhes byas na gong ma bzhin du nyes pa'o/ /nye bar bskugs pa gang zhe na/ sring

  111. 56a

    mo bud med gang skyes pa dang 'di dang 'di byed pa 'di ni su la yid yin du 'ongs pa'o/ /sring mo yang nga dang 'di lta bu byas na yid du 'ong ngo/ zhes rgya'i rna ru zhes smras na gong ma bzhin no/ /'dri ba ni sring mo skyes pa gang bud med la de dang 'di byed pa la/ de de la sdug pa dang/ yid du 'ong bar 'gyur na bdag cag kyang 'di byas na yid du 'ong bar 'gyur ro zhes rgya'i rna ru smras na gong ma bzhin no/ /kun du 'dri ba ni sring mo skyes pa gang bud med dang 'di dang 'di byed na yid du 'ong ngo zhe na/ de ltar yin nam ma yin zhes smra la rgya'i rna ru zhes smras na gong ma bzhin no/ /smra ba ci lta bu zhe na/ sring mo bdag cag skyed mos tshal ga ge mo zhes bya ba nas bza' ba dang btung ba dang bgo ba 'di 'dra ba zhig pog ste/ bdag cag 'di dang 'di lta bu zhig byas so/ /khyod kyang 'dir 'ongs na lta bu zhig byas so zhes zer la rgya rna ru zhes smras na gong ma bzhin no/ /brjod pa ni lhan cig de lta bu zhig byas na mtho ris su son pa dang 'dra'o zhes zer la rgya'i rna ru zhes smras na gong ma bzhin no/ /spyo ba ni ro lta bu'o zhes spyo zhing rgya'i rna ru zhes smras na gong ma bzhin no// bud med legs nyes kyi don go ba de dge slong gi gan du song nas 'phags pa bdag gi rma'i sgo gsum shin tu bzang ste/ de la bab po zhes zer te/ dga' bar tshor ba dge 'dun gyi lhag mar gyur te/ dngos po lhag ma brgyad po yang de bzhin du sbyar ro/ /bud med spyad mi bzod pa dang/ skyes pa dang/ ma ning dang/ mtshan gnyis pa dang za ma la yang nyes pa sbom por 'gyur ro/ /spyad mi bzod pa dang byol song la yang nyes byas su 'gyur ro/ skad de sa ba'i tshig? yul gyi des pa'i tshig dang/ skad zur ma phyin pa na nyes pa med do/ /mdza' khob pa'i skad dar bdag nyid mi snang bar byas te smras pa dang/ bud med gnan smar gzhug pa dang/ gzhan gyi slad du smras pa dang/ sprul pa'i bud med dang/ phrin yig dang/ lag brda dang/ gcig nas gcig tu brgyud pa thams cad nyes pa sbom por 'gyur ro//

  112. 56b

    myo ba dang/ ra ro? ba dang/ sems 'khrugs pa dang/ glen ma dang/ gnyid log pa la dge slong gis gnas ngan len gyis tshig smras na thams cad kyang sbom por 'gyur ro/ /yan lag ni rgya'i rna ru zhes smras pa dang/ dbyibs shin tu bzang po'o zhes smras pa dang/ bud med spyad bzod pa dang/ don go ba ste rnam pa de rnams dang/ ldan na lhag ma'o/ /de rnams gcig dang mi ldan na sbom po'o/ /bsnyen par ma rdzogs pa rnams ni thams cad kyang nyes byas su 'gyur ro/ /kun spyod kyi gleng gzhi ni bcom ldan 'das mnyan du yod pa na mgon med zas sbyin gyi kun dga' ra ba na bzhugs so/ /de'i tshe tshe dang ldan pa 'char kas gtsug lag khang du ltar lhags pa'i bud med rnams la bdag gis lus kyis kun tu spyad pa'i phyir bsod nams su 'gyur pa'i sgo nas bstod cing bsgo ba'o/ /de la bye brag ni dang po'i lus la bzung ngo/ /lus la bzung du ma btab nas/ 'khrig tshig tu smra zhing brdad pa'o/ /'khrig tshig kyang mnyan du ma btub nas bsod nams su 'gyur ba'i tshig gis sgo nas brjod pa'o/ /yang dge slong gang zhes bya ba ni 'char ka ste/ gzhan yang de dang 'dra ba'o/ /chags shing brtul ba ni gong ma bzhin no/ /rang gi lus kyis kun tu spyad pa'i phyir zhes bya ba ni bdag gi lus kyis g.yog bya ba'o/ /bud med ces bya ba ni legs pa dang nyes par smra ba'i don go bar nus pa'o/ /nga lta bu dge slong zhes bya ba yang dag par bstan pa'o/ /tshul khrims dang ldan pa zhes bya ba ni tshul khrims kyi phung po'o/ /dge ba'i chos can zhes byas ni ting nge 'dzin gyi phung po'o/ /tshang par spyad pa zhes bya ba ni shes rab kyi phung po'o/ /de ltar na phung po gsum dang ldan pa na yon tan dang ldan pa yin pas na de lta bu'i g.yog byed cing mi tshangs par spyad na bsod snyoms su 'gyur ro zhes bstan pa'o/ /kun tu spyad na zhes bya ba ni g.yog bya ba'o/ /che zhe de ni kun tu spyad pa'i mchog go zhes bya ba ni 'khrig pa'i chos kyi mchog ni 'di zhes bya'o/ /bsngags pa zhes bya ba ni bstod

  113. 57a

    pa'o/ /lhag ma zhes bya ba ni snga ma bzhin no/ /nyes pa ji lta bu zhe na/ dngos po ni bco brgyad de/ /mchog dang/ gtso bo dang/ bye brag tu 'phags pa dang/ bzang po dang/ mdzes pa dang/ dge ba ba dang/ mchod par 'os pa dang/ bstod par 'ongs pa dang/ rgya che ba dang/ chos mchod dang/ ches gtso bo dang/ ches bye brag tu 'phags pa dang/ ches bzang po dang/ ches mdzes pa dang/ ches dge ba dang/ ches mchod par 'os pa dang/ ches bstod par 'os pa dang/ ches rgya che ba'o/ /dge slong chags brtul ba'i sems kyis bud med legs pa dang nyes pa'i don go la/ che zhe 'di lta bu ste/ da lta bu'i dge slong tshul khrims dang ldan pa la/ chos 'di lta bu kun tu spyad na de ni mchog go zhes zer na lhag ma'o/ /tshul khrims dang ldan pa dang/ dge ba'i chos can da lta bu dang sbyar na yang lhag mar 'gyur ro/ /dge ba'i chos can tshangs par spyad pa da lta bu dang/ 'khrig pa'i chos cad 'di lta bu sbyir na yang lhag mar 'gyur ro/ /ji ltar tshul dang ldan pa da lta bu zhe 'am tshangs par spyad pa nga lta bu zhe 'am/ dge ba'i chos can da lta bu zhes smos pa'i tshig gsum po de re re dang/ dngos po bco brgyad po de gang yang rung ste bsnor zhing sbyar ro/ /yan lag ni da lta bu zhes pa dang/ tshul khrims dang ldan pa zhes smras pa dang/ 'khrig pa'i chos de lta bu byas na bsod nams che'o zhes smras pa dang/ bud med kyis don go ba'o/ /de dag dang ldan na lhag mar 'gyur ro/ /de dag gcig dang mi ldan na sbom por 'gyur ro/ /dge sbyong dang/ dge sbyong ma dang/ dge bsnyen dang/ dge slob ma dang/ dge bsnyen ma la ni thams cad kyang nyes byas su 'gyur ro// las dang po pa la nyes pa med de/ /nyes par 'gyur mi 'gyur gyi lci yang gong ma dang 'dra'o/ /smyan byed pa bshad par bya ste/ gleng gzhi ni bcom ldan 'das mnyan du yod pa na bzhugs so/ /de'i tshe ri dags dgra'i bu nag po zhes bya ba de ltas shes pas bag

  114. 57b

    ma len pa dang bag ma gtong ba'i tshe kun kun kyang 'di la dris te/ lung bstan pa bzhin du byas pas bag ma blangs so cog kun bkra shis nas kun gyis de la zas dang 'tsho ba'i yo byad sbyin no/ /ri dags dgra'i bu nag po rab tu byung nas yang sngon gyi las sdig pa smyan byed pa la zhugs te/ 'tsho ba'i yo byad sbyor ba sogs pa gzhan gyis sbyar bas na/ drug sde rnams kyis kyang de'i khe mthong nas drug sde yang smyan byed pa la zhugs so/ /de na mu stegs can rnams shAkya'i bu de rnams bslab pa zung yang khyim pa skye bo bzhin du smyon byed na/ skye bo dang bsam pa dang bye brag tha dad ci yod ces mi snyan pa 'jer to/ /de ltar gyur pa dge slong rnams kyis bcom ldan 'das la gsol to/ /bcom ldan 'das kyis drug sde po rnams bkug ste rmas na/ btsun pa mang ngo zhes gsol to/ /bcom ldan 'das kyis byung ba de dang/ gleng gzhi de dang/ de ltar gyur pa de'i phyir dge slong gi dge 'dun rnams bsdus na/ yang dge slong gang zhes bya ba la sogs pa smos so/ /yang dge slong gang zhes bya ba ni drug sde rnams te/ gzhan yang de dang 'dra ba'o/ /bud med la skyes pa'i tshig ces bya ba ni bud med gang la skyes pas kun tu spyad par sems pa'o/ /skyes pa la bud med kyi tshig ces bya ba ni gang skyes pa la bud med yongs su sems pa'o/ /chung ma'am mdza' na mo zhes bya ba ni chung ma bdun dang/ mdza' na mo bcu'o/ /chung ma bdun gang zhe na/ chu sbyin pa'i chung ma dang/ nor gyis nyos pa'i chung ma dang/ rgyal mtshan gyis phrogs pa'i chung ma dang/ dga' bas gnas par bya ba'i chung ma dang/ bsgo bas gnas par bya ba'i chung ma dang/ mnyan du ma mtsho ba'i chung ma dang/ de skad cig ma'i chung ma'o/ /chu sbyin pa'i chung ma gang zhe na/ skyes pa gang pha mas chu slung de 'di ni khyod kyi chung ma'o zhes bsgrags nas de la gzhan gyis spyad du dogs nas shin tu rtsa shing srung ba'o/ /ci ltar chus nyos pa bzhin du slar ma drug po rnams la yang de bzhin du srung zhing spang

  115. 58a

    bar sbyar ro/ /mdza' na mo bcu gang zhe na/ phas bsrungs pa dang/ mas bsrungs pa dang/ ming pos bsrungs pa dang/ phu nu mos bsrungs pa dang/ sgyug mos bsrungs pa dang/ gyos pos bsrungs pa dang/ gnyen gyis bsrungs pa dang/ rigs kyis bsrungs pa dang/ rus kyis bsrungs pa dang/ 'khrug pa med pa dang bcu'o/ /mas bsrung ba gang zhe na/ bud med gzhon nu ma khyim thabs yul gzhan du song dam dmag la song na/ de'i chung ma gzhon nu mi gzhan gyis yongs su spyad du dgos nas shin tu sba zhing bsrung ba'o/ /mdza' bar na mo zhan rnams kyang de bzhin du sbyar ro/ /smyan zhes bya ba ni phran no/ /byed ces bya ba ni sbyor ba'o/ /skad cig ba yang zhes bya ba ni thang cig pa yang rung ngo/ /dge 'dun lhag ma zhes bya ba ni snga ma bzhin no/ /dge slong bdag nyid kyis bzhugs la/ bdag nyid kyis lan bskyal na lhag mar 'gyur ro/ /de bzhin du gnyis bdag gis/ gcig than gyi sam/ gcig bdag gis/ gnyis than phrin gyis kyang rung ste/ lhag mar 'gyur ro/ /yan gsum du ma bskyal bar na/ lan gnyis su blangs pa na sbom por 'gyur ro/ /dge slong gis chung ma dang po gsum pa las thabs ma thag ste/ 'thabs nas cung zad cig lon la rtswa bcad pa dang rdo gsum por ba dang/ chung ma yin no zhes ma bsgrags pa bsdums na nyes byas su 'gyur ro/ /dge slong gis chung ma dang po gsum 'thabs par yang gyur/ rtswa bcad pa lta bu dang/ rdo gsum bor ba lta bu dang/ rtsed de spang pa dang/ chung ma yin no zhes bsgrags pa slar bsdums na dge 'dun gyi lhag mar 'gyur ro/ /dge slong gis de las gzhan pa bud med bcu bzhi las 'thabs par yang gyur chung ma yin no/ /zhes bsgrags pa las slar bsdums na dge 'dun lhag mar 'byung ngo/ /lhag ma mdza' na mo bcu 'thabs par 'gyur nas slar bsdums na dge 'dun lhag mar 'gyur ro/ /dge slong gis khye'u chung

  116. 58b

    ma blangs pa'i rigs she'am/ bu mo 'di bag mar ci phyir mi btang zhes byas na nyes byas su 'gyur ro/ /smyon pa las phrin blangs te rang bzhin du gnas pa las bskyal tam/ rang bzhin du gnas pa las blangs te/ smyon pa las bskyal na spom por 'gyur ro/ /de bzhin du sems 'khrugs pa dang/ nad kyis gzir ba la yang ngo/ /dbang yod pa las phrin blangs te dbang po med pa la yang dam/ mi dbang ba las phrin blangs te/ dbang ba yang thams cad la sbom por 'gyur ro/ /mi ma yin pa las phrin blangs te/ bud med la yang ngam/ bud med shin tu gzhon nu ma 'am/ mngal na gnas la pa la smyan byas na thams cad nyes pa sbom por 'gyur ro/ /las dang po pa dang sems 'khrugs pa las ltung ba med do/ /yan lag ni mi yang yin la/ bud med las phrin blangs pa dang/ skyes pa la dbang po yo pa la gzugs pa dang/ de'i lan slar bskyal ba ste/ lan gsum du yang bskyal la/ dngos po grub na lhag mar 'gyur ro/ /khang ba'i gleng gzhi ni sangs rgyas bcom ldan 'das mnyan du yod pa na bzhugs so/ /de'i tshe na de slong rnams yon bdag gi gnas khang du brtsigs te byin pa dang/ dge slong dag gi 'di na khang pa ring ches/ 'di ni ha cang yang thungs 'di ni kun tu grums pa gso zhing bcos dka' o zhes bor ba nas/ khang pa bcos shing gsar du khang ba gzhan brtsegs pa dang/ rtswa shing dang mi glas khyim pa rnams la slong bas na/ khyim pa dag kyang 'phya nas/ dge slong yang bya ba mang bas lung dpog pa dang/ chos klag pa dang/ kha don bya ba dang/ rnal 'byor yid la byed pa rnams spangs te bar chad du gyur pas/ khyim pa dag 'phya ba 'di srungs chen pos thos nas 'od srungs chen pos bcom ldan 'das la gsol to/ /bcom ldan 'das kyis dge slong rnams bkug ste/ de ltar gyur pa bden nam zhes smras pa dang/ btsun pa mang ngo zhes gsol nas/ bcom ldan 'das kyis mgu dka' ba chog mi shes pa zhes rnam grangs du ma'i sgo nas smad nas dge slong gi dge 'dun rnams bsdus nas 'dul ba la

  117. 59a

    bslab pa'i gnas bcas so/ /dge slong zhes bya ba ni chos 'di la zhugs pa'o/ /bdag gis blangs zhes bya ba ni shing dang rtswa dang me glas so/ /khang pa zhes bya ba ni spyod lam bzhi dang ldan pa ste/ 'chag pa dang/ 'greng ba dang/ 'dug pa dang nyal ba shong ba'o/ /byed ces bya ba ni bdag dang gzhan gyis so/ /bdag po med zhes bya ba ni bdag po gzhan med de/ bdag gi phyir rtsig pa'o/ /tshad bzhin du brtsigs shing ces bya ba ni khang pa de'i tshad ni nang srid du bde bar gshegs pa'i mtho bcu gnyis te/ bcu gnyis la mi tha mal pa'i khru bco brgyad do/ /bde bar gshegs pa'i mthe gang la tha mal pa'i khru phyed dang ngo'o/ /zheng du bde bar gshegs pa'i mtho bdun zhes bya ba ni mi tha mal ba'i khru phyed dang bcu gcig go /nang zhes bya ba ni gal te lhag par byas pa'o/ /dge slong de zhes bya ba ni khang pa rtsig par 'dod pa'i dge slong su yang rung ba'o/ /dge slong dag khrid cig ces bya ba ni de na dge slong dag su yod pa dag khrid par bya'o/ /bdag gis mig gis ma brtags kyi bar du dge slong dag ma khrid cig /bdag gis sngar brtag par bya ba ni sa gzhi 'di na sems can sbrul gdug pa dang sems can sha zan dang/ sdig pa dag kyang med pa dang/ sa gzhi rgyal po'i ces pa dang/ mchod rten gyi gzhir dgos dang/ lam ka dang/ khyim bdag gi sa gzhi'am/ mu stegs can gyi gnas kyi gzhi'am/ dge slong ma'i dbyar mo khang ngam/ shing chen po bcad dgos pa'i sa gzhi zhig yin na rtsod dgos pa der yang ma gsol cig /sa gzhi de nye 'khor khron pa'am/ g.yang sa 'am/ lam srang lta bu yod na de yangs pa'i gnas ma yin gyis ma gsol cig/ de lta bu mi rung ba dang/ rtsod pa dang/ mi g.yangs pa ma yin pa'i gnas su khang pa rtsig pa zhes bya ste/ dge 'dun la gsol bar bya'o/ /des dge 'dun la gsol ba dang/ las byas nas dge 'dun rnams kyis kyang dge slong

  118. 59b

    de la yid ches par ma byed par yang na dge 'dun thams cad der dong la bltos shig /yang na dge slong gcig cig bskos shig /dge slong des kyang dmigs kyis legs par brtags nas gnas rtsod pa yang med/ dog pa yang med/ mi rung ba yang ma yin no/ /gdod gsol ba dang zhu ba'i las kyis dge 'dun la gsol nas gdod khang pa brtsig par bya'o/ /'di dge slong khrid pa'i dge slong dag gis zhes bya ba ni dge slong de na su khod pa'o/ /sa gzhi zhes bya ba ni khang pa rtsig pa'o/ /bltos shig ces bya ba ni so sor brtags pa'o/ /rung ba zhes pa ni sbrul dang sdig pa la sogs pa med pa'o/ /mi rtsod ces bya ba ni 'thab mo dang mtshang 'dru ba la sogs pa dang bral ba'o/ /yangs pa zhes bya ba ni de'i kho ra 'khor yug 'dom gang tshun chad khron ba la sogs pa med pa'o/ /gal te mi rung bar dge slong des zhes bya ba ni sbrul dang sdig pa la sogs pa gnas pa'o/ /rtsod pa zhes bya ba ni 'thab pa dang mtshang 'dru ba dang 'khrug pa dang bcas pa'o/ /mi yangs shes bya ba ni gtsug lag khang gi 'dom gang khor 'khor yug nye bar spyod du med pa'o/ /bdag gis blangs pa bdag po med pa zhes bya ba ni bdag po gzhan med pa'o/ /gzhi bstan pa'i phyir/ dge slong dag ma khrid dam zhes bya ba ni rtog pa'i dge slong ma khrid pa'o/ khrid pa dag la ma bstan tam zhes bya ba ni dge slong 'gas gnas brtags pa de dge 'dun la ma bzlugs ma gsol ba'o/ /tshangs las 'das zhes bya ba ni tshad gsungs pa las lhag par byas pa'o/ /dge 'dun lhag ma zhes bya ba ni dge 'dun la rag lus pas na dge 'dun lhag ma zhes bshad do/ /nyes par 'gyur ba gang zhe na/ mi rung ba'i gnas su brtsigs na nyes pa sbom por 'gyur ro/ /rtsod pa dang bcas par brtsigs na nyes pa sbom por 'gyur ro/ /mi yangs par brtsigs na nyes pa sbom por 'gyur ro/ /lung med par brtsigs na nyes par 'gyur ro/ /tshang la 'das par brtsigs na nyes pa sbom

  119. 60a

    por 'gyur ro/ /thams cad dang 'gal bar brtsigs na dge 'dun lhag mar 'gyur ro/ /dge slong gis dge slong gzhan zhig la skyon rnam pa lnga po med pas brtsigs shig ces bsgo ba las thams cad dang 'gal bar brtsigs pa la nyes par 'gyur ro/ /thams cad dang 'gal bar brtsigs pa las ma zin pa dang/ phyed tsam bgyis nas bor ba ni nyes pa sbom por 'gyur ro/ /bslab pa byin pa la yang dge 'dun lhag mar 'gyur ro/ /yan lag ni mi yangs pa dang/ rung ba ma yin pa dang/ rtsod pa can dang/ lung med pas ma yin pa dang/ tshad las 'das na lhag mar 'gyur ro/ /gtsug lag khang gi gleng gzhi ni sangs rgyas bcom ldan 'das yul kau sham bi dgra zin gyi kun dga' i ra ba na bzhugs so/ /de'i tshe dge slong drug sde bo rnams gzhan gyis brtsigs pa'i gtsug lag khang na 'khod pa bzhin du dga' bo nye dga' bo bltos/ /'di ni gogs 'di ni ral/ 'di rtsig pa ma legs so zhes gzhan gyis brtsigs pa'i gtsug lag khang la 'phyas 'dogs pa la zhugs pa dang/ de na dge slong rnams kyis khyed cag nyid kyis pha gu gcig bslang yang mi nus na/ gzhan gyis brtsigs pa la 'phyar ci yod/ /drug sde nang bgros pa/ ltung bzed nag po can de dag bdag cag la shin tu brnyas kyis/ de dag gis sngon ma brtsigs pa'i khang pa gcig bdag cag gis brtsig gi bdag cag kun gyis brtsigs na ni kho yang 'phyan ma legs kyis/ bdag cag gi nang na gang khab kyi rjes su mnya' zhing chud par nus pa gcig gis bya'o zhes nas de dag gis tshe dang ldan pa mos pa can dad pa byas so/ /mos pa can gyis bsams pa/ gzhan ni mang na grong khyer 'di na bram ze phyug po ser sna can bya rog la yang gtor ma mi ster ba ma dang cing su'i yon bdag tu yang ma byas pa zhig yod pa de la 'bring ngo snyam du bsams na smos pa can gyi grong khyer gzhan nas bslangs

  120. 60b

    pa'i phye zhig khyer te/ bram ze'i de'i skor phyin pa dang/ sgo bas ma ster to/ /de'i sgo ba yang rol no zhig la g.yeng ba'i bar du nang du song nas bram ze la bye 'tshal tu bcol ba dang/ des bran mo phye 'tshag tu bcug pa dang/ bdag gi drung du tshogs shig ces byas so/ / de drung na 'tshag pa'i tshe yang de la rab tu rtogs nas/ bram zas khyad ci la rtog ces dris nas/ de la srog chags yod dam med rtog go/ yo na ci bya zhes smras pa dang/ de las glengs nas srog bcad du mi rung ba dge ba bcu bshad pas bram ze dad par byas so// de nas bram ze des dge slong de la zas dang gos kyis bstabs na/ des phyin chad sgo ba cad du dogs nas len du ma btub bo/ /de nas dge slong des bsod nams su bya ba'i legs pa bshad pa dang/ des 'o na ngas ci byas pa'i rigs shes byas pa dang/ dge 'dun gyi phyir gtsug lag khang brtsigs pa'i rigs so zhes byas so/ /'o na rgyu ni bdag gis sbyor na sa gzhi med do zhes byas pa dang sa bzhi ngas rgyal po la bslang ngo/ /zhal ta sus bgyi zhes dris na ngas bya'o zhes khas blangs so/ /de nas rgyal po nas gzhi gsol ba dang/ rgyal po'i pho brang 'khor ma gtogs gzhan gang dga' bar brtsigs shig ces byas so/ /de nas ko sham bi dang/ dgra zin gyi bar na bram ze bu lnga brgya tsam yod pa rtag par smad klog pa'i grib shing chen po gcig yod de/ bram ze'i bu de dag rtag tu drug sde yan man 'gro ba la 'phya bas na/ de dag la ku re bya ba'i phyir mtshan mo grib shing chen po bcad de mi mngon par byas nas/ de nyin gcig gis lha khang zin par byas te/ skar khung ma gtong bas de'i phyi de nyin chad chen po bab ste/ khang? pa 'jig par 'gyur bas na bram ze mi dga' zhing khrag gis skyugs par bcom ldan 'das kyis mkhyen nas de mtshan gcig lha'i 'khor dang srid kyi bar du chos bshad nas/ phyi de nyin bram ze gas 'ongs pa la mdun nas bsu ste/ mdang de ltar khang pa'i nang du chos bshad do zhes bka' stsal

  121. 61a

    pas na de yang dga' bar gyur ro/ /grib shing chen po bcad pas na bram ze'i bu rnams dge sbyong shAkya bu rnams mi srun pa'i tshig pa can gzhan la gnod par byed pa zhes mi snyan par mdzer ba dge slong ngag gis snyan du gsol to/ /bcom ldan 'das kyis dge slong drug sde po rnams la rung ba ma yin mthun pa ma yin zhes rnam grangs du ma'i sgo nas smad nas/ dge slong gi dge 'dun rnams bsdus nas 'dul ba la bslab pa'i gnas bcas so/ /yang dge slong gang zhes bya ba ni drug sde po rnams te gzhan yang de dang 'dra ba'o/ /gtsug lag khang zhes bya ba ni spyod lam gzhi dang ldan pa'o/ /bdag po yod ces bya ba ni skyes pa dang bud med dang/ ma ning dang/ mtshan gnyis rnams so/ /dge 'dun gyi phyir zhes bya ba ni de bzhin gshegs pa'i dge 'dun no// dge slong 'di zhes bya ba ni chos 'di dang ldan pa'o/ /dge slong dag khrid cig ces bya ba ni de na dge slong su yod pa'o/ /bdag nyid kyis ma brtags kyi bar du dge slong dag sngar ma khrid cig bdag gis brtags te gnas rung ba dang/ yangs pa dang mi rtsod pa yin na dge 'dun la gsol nas dge slong gcig gis blta bar bya'o/ /dge 'dun rnams kyis bar tu brtags nas gsol ba dang zhu ba'i las kyis dge 'dun la gsol nas gzhi rung ba dang/ mi rtsod pa dang/ lung byin pa yin na the tshom med pa yin gyis brtsigs shig /dge 'dun lhag ma zhes bya ba ni ltung ba de dge 'dun la rag las pas na dge 'dun lhag ma'o zhe'o/ /nyes pa ji lta bu zhe na/ gnas mi rung bar brtsigs na nyes pa sbom por 'gyur ro/ /rtsod pa can du brtsigs na nyes pa sbom por 'gyur ro// mi yangs par brtsigs na nyes pa sbom por 'gyur ro/ /lung med par brtsigs na nyes pa sbom por 'gyur ro/ /thams cad dang 'gal bar brtsigs na dge slong lhag mar 'gyur ro/ /dge slong gis gzhan la rtsig tu bcol na yang gnyis kas dga'

  122. 61b

    par brtsigs na yang gnyis ka la nyes pa sbom po'o/ /dge slong la ji ltar nyes par 'gyur ba bslab pa byin pa dang/ dge slong ma la yang de bzhin no/ /las dang po la nyes pa med do/ /rung ba ma yin pa dang/ yangs pa dang/ rtsod pa'i sgras ni khang pa gong ma bzhin no// rtsa ba med pa'i gleng gzhi ni bcom ldan 'das rgyal po'i khab 'od ma'i tshal bya ka lan ta ka gnas pa na bzhugs so/ /de'i tshe na grong khyer sdig ba can zhes bya ba na/ gyad sde rgyal zhes bya ba zhig yod de/ yang rigs mnyam pa las chung ma blangs nas yongs su spyod pa las bu gcig cig btsas te/ khye'u de yang mal stan chen po'i steng du bshang gci dag mi byed pas na nor dang 'dra'o zhes grags te/ de'i phyir ming yang gyad bu nor bu btags so/ /gyad bu nor yang sngon dge ba'i rtsa bas bskul bas na 'di snyam du sems te/ lha dang mir bcas pa dge sbyong dang bram zer bcas pa'i 'jig rten na rkang gcig pa dang/ rkang gnyis pa dang/ rkang bzhi'i nang na/ sman dang sngags dang rigs pa'i tshig 'dzin pa gang gis bdag 'khor ba'i 'brog dgon pa nas rab tu thar bar byed snyam sems so/ /des mu stegs kyi mkhan po drug la lung ba nos na/ de dag la mi mgu nas rab tu sems shing 'dug pa dang/ bar skabs 'dir bcom ldan 'das kyis kyang mi mkhyen pa'am mi gzigs pa med pas gyad bu nor yang sngon gyi sangs rgyas la bya ba byas la rgyud yongs su smin spyod lam gyis 'dul bar gzigs nas dge slong rta thul gyis gyad bu nor rab tu phyung shig par bka' stsal nas/ des kyang rab tu phyung ngo/ /gyad bu nor gyi kha don bslab pas ni sde snod gsum lobs/ bsam gtan byas pas ni gong nas gong du 'phar ba'i khyad par thob po/ /de nas gyad bu nor bcom ldan 'das la phyag 'tshal du bcom ldan 'das kyi gan du phyin to/ /bka' stsal pa/ gyad bu nor bde bar 'ongs sam/ tshur shog /khyod sus phyin to zhes bka' stsal to/ /de'i tshe na rgyal po'i

  123. 62a

    khab na dge 'dun gyi gnas khang dang/ mal stan dag mi mthun par bgyed de/ mdo sde 'dzin pa dang ni 'dul ba 'dzin par/ mdo sde 'dzin pa dang ni ma mo 'dzin par/ ma mo 'dzin pa dang ni dge slong bsam gtan par/ de ltar nang mi mthun par mel? stan dang gnas khang bgos pas na/ gcig la gcig sems mi srung zhing mi 'dzem pas na dge ba mi'i 'phel te mi bde bar gnas pa las/ bcom ldan 'das kyis tshe dang ldan pa gyad bu nor mal stan 'dir bar bsgos te/ /gyad bu nor gyis mdo sde 'dzin pa dang mdo sde 'dzin par/ 'dul ba 'dzin pa dang 'dul ba 'dzin par/ chos smra ba dang chos smra ba'o/ bsam gtan pa dang bsam gtan par/ rgan rims su thob rgyal med par gnas khang dang mthun mthun tu bgos pas na/ dge slong rnams dge ba'i chos mngon par 'phel ba ni chu can gyi ud pa la bzhin no/ /glo bur du mtshan mo lhags pa'i gnas la yang rdzu 'phrul gyis rang gi mdzub mo las me 'bar bas byas nas mal stan mtshan mo bting bas na/ dge slong de dag kyang de ltar 'di 'dra ba'i ston pa dang mtshungs pas bdag cag gi mal stan bting bas na bdag cag nyal ba'i mi rigs zhes nam gyi cha stod dang cha smad la brtson par dge bar byed do/ /slad kyis dge slong drug sde po rnams kyis khyim bdag dad pas 'gron du gnyer ba'i tshe/ khyim bdag phyug po dang zas zhim po dag gam tha shal dag tu bsres pas gyad bu nor zas 'gyed par yang bskos so/ /gyad bu nor gyis zas rnam pa gsum du bgos te zas zhim rab dang/ bar ma dang/ tha ma'o/ /dge slong rgan rim gyis dang po ni der zas zhim por bgo'o/ /phyi? de nyin ni 'bring por bgo'o/ /de'i yang phyir de nyin gyi tha mar ro/ /de'i tshe ?? ngo bo zhes bya ba nas dge slong mdza' bo dang sa can zhes bya ba gnyis ljongs rgyu zhing rgyal po'i khab tu phyin to/ /de gnyis kyis dge 'dun gyis zas 'gyed pa dang/ mal stan 'gyed pa su yin zhes

  124. 62b

    smras pa dang/ gyad bu nor yin no/ /de nas gyad bu nor gyi gam du song nas mal stan dang zas la skos? shig ces smras pa dang/ de'i tshe mal stan dang zas bskas zin pas nang gi ngan pa tha mar mal stan thob po/ /bram ze phyug po zhig gis der ngas zas la dgos pa dang bram ze de yang bu shi ste brel ba dang/ bdag gis der su 'ong zhes dris na mdza' bo dang sa can 'ong zhes thos nas gnas ngan len du spyod pas zhal ta dang rim gro cher ma byas te zas ngan pa zhig byin no/ /de'i phyir de nyin zas 'bring por bskos pa dang/ de dag gis kyang zhal tam byas te zas ngan pa byin no/ /de'i yang phyi de nyin zas ngan pa bskos pas zas ngan pa thob po/ /de nas de gnyis gyis bsams pa/ kye ma'o bdag cag la gyad bu nor gyis zas ngan pa dang gos ngan pas lan du mar mnar te/ lus kyang ngams par gyur na/ bdag cag gnyis kyis de la gnod pa zhig bya'o snyam nas/ de'i mdza' mo sring mo zhes bya ba la sring mo khyod gyad bu nor dang nyal gyis gyad bu nor ni phas pham pa byung ngo zhes bcom ldan 'das la gsol cig ngang deng kyis kyang che gzhi bya'o/ / dge slong ma des kyang bcom ldan 'das la gsol to/ /de nas bcom ldan 'das kyis gyad bu nor la bka' stsal pa/ gyad bu nor khyod kyis thos sam dran nam/ btsun pa bdag gis ma dran nam/ khyod kyis nyes sam btsun pa bdag gis nongs sam ma nongs pa bcom ldan 'das kyis mkhyen to/ /de nas bcom ldan 'das kyis dge slong rnams la bka' stsal pa/ gyad bu nor ni nyes pa med cing dran pa dang ldan par zung shig /dge slong ma mdza' mo ni bdag rang gis khas len pas rma phob shig /dge slong mdza' bo dang sa can gnyis shin tu legs par smos la/ gang du mthong ji ltar mthong/ khyod gnyis de ji la dong dong ba las mthong zhes zhib tu smos shig /de nas dge slong rnams kyis bka' stsal pa bzhin du zhib tu rmas pa dang/ mdza' bo dang sa can gnyis kyi mchin nas tshe dang

  125. 63a

    ldan pa gyad bu nor gyis mi tshangs par spyod cing phas pham par gyur pa ni ma mchis kyis gdugs gsum gyi bar du bdag la zas kyis mnar bas na bdag cag zhe sdang gis dbang gis smras so zhes byas pa dang/ de ltar gyur pa dge slong dag gis bcom ldan 'das la gsol to/ /bcom ldan 'das kyis mdza' bo dang sa can gnyis bkug nas/ skyes bu gti mug khyed gnyis kyis zas chung ngu'i phyir shes bzhin du brdzun du smra zhes rnam grangs du ma'i sgo nas smad nas yang dge slong gang zhes 'dul ba la bslab pa'i gnas bcas so/ /yang dge slong gang zhes bya ba ni mdza' bo dang sa can gnyis te/ gzhan yang de dang 'dra ba'o/ /zhe sdang can zhes bya ba ni khros pa'o/ /zhe sdang gis gnod par byed ces bya ba ni yid ma rangs nas gnod par byed pa'o/ /dge slong gtsang ma zhes bya ba ni gyad bu nor te/ gzhan yang de dang 'dra'o/ /nyes pa med zhes ces bya ba ni rtsa ba'i nyes pa med pas na dngos po med pa'o/ /rtsa ba med ces bya ba yang gsum ste/ mthong ba'i rtsa ba dang/ dogs pa'i rtsa ba dang/ thos pa'i rtsa ba gsum med pa'o/ /phas pham pa zhes bya ba ni phas pham pa bzhi po gang yang rung pa'o/ /skur zhes bya ba ni glang btab pa'o/ /ci nas 'di tshangs par spyod pa dang dbral lo snyam zhes bya ba ni ci nas dge sbyong gi dngos po dang dbral lo snyam pa'o/ /de yang dus gzhan zhig na zhes bya ba ni phyi zhig na'o/ dris kyang rung zhes bya ba ni gzhan gyis so/ /ma dris kyang zhes bya ba ni bdag nyid kyis 'gyod de mthol ba'o/ /rtsod pa de yang rtsa ba med par gyur ces bya ba ni rtsod pa'i dngos po med par gyur pa'o/ /rtsod pa rnam bzhi ste/ rtsod pas rtsod pa dang/ mi 'doms pas rtsod pa dang/ ltung ba la rtsod pa dang/ bya ba la rtsod pa'o/ /dge slong yang zhe sdang la gnas pa zhes bya ba ni bdag gis skur ba gdab par 'dod pa'o/ /khros te smras so zhes bya ba ni skur pa 'debs pa yin no/ /dge 'dun lhag ma

  126. 63b

    zhes bya ba ni dge 'dun la rag las shing nyes ba lhag ma dang bcas pa'i phyir ro/ /de la nyes pa gang zhe na/ nyes pa bcus lhag mar 'gyur ba dang/ nyes pa lngas lhag ma med par 'gyur ro/ /gang zag gtsang ma la skur na'o/ /ma mthong ma thos mi dogs par 'du shes dang blo gros sbas nas mthong ngo thas so dogs so zhes smras na lhag ma re rer 'gyur ro/ /thos dogs la de yang brjed par 'gyur la/ bzod pa dang blo gros dang 'du shes sbas nas ma rjod do zhes smras na lhag mar re rer 'gyur ro/ /thos nas yid ches te ngas mthong ngo zhe 'am thos nas yid ma ches par mthong ngo zhes smras sam thos la mi dogs par ngas mthong ngo zhe'am/ thos la dogs nas ngas mthong ngo zhe 'am/ dogs la dogs bzhin du ngas mthong ngo zhes smras na tshig re rer zhing lhag ma re rer 'gyur ro/ /rnam pa lngas ltung pa med pa gang zhe na/ mthong ba dang/ thos pa dang/ dogs pa dang/ dogs pa yang med la/ 'du shes kyang ma sbas pa'o/ /ngas dogs te de yang brjed cis thos te de yang brjed ces smras na ltung ba med do/ /gang zag nyes pa byung ba dril brdungs pa bzhin du kun gyis shes pa dang/ ri mo bris pa dang/ bdag gis shes pa bzhin du 'jig rten kun gyis shes pa ni nyes pa med do/ /dge slong gis dge slong la 'phrin yig dang lag brda dang cig nas cig tu brgyud de skur na sbom por 'gyur ro/ /dge slong smyon pa dang sems 'khrugs pa dang/ nad kyis gzing ba dang/ glen pa dang/ lkugs pa dang/ 'on pa dang/ ra ro bal skur na nyes pa sbom por 'gyur ro/ /mdza' khob pa'i skad dam dben pa la mi dben pa'i 'du shes sam/ sngags dang sman gyis lus mi snang bar byas te smras sam lus kyis dmigs skur na nyes pa sbom por 'gyur ro/ /dge sbyong dang mu stegs can dang/ khyim pa skye bo dang bram zel skur na thams cad kyang nyes byas su 'gyur ro/ /mi ma yin pa dang ma ning dang/ dge slong ma sun phyung ba dang/ pha ma dang/ dgra bcom pa bsad pa

  127. 64a

    dang/ de bzhin gshegs pa la ngan sems kyis 'khrag phyung ba dang/ mu stegs can du song ba dang/ rkun gnas su gyur pa dang sngar 'khrug pa la skur na nyes pa sbom por 'gyur ro/ /dge slong gis dge 'dun la skur ba dang/ dge 'dun bye ba dang/ mi gnas pa dang/ rjes su phyogs pa dang/ bslab pa byin pa la skur na thams cad kyang lhag mar 'gyur ro/ /ltung ba 'og ma la yang de bzhin du sbyar ro/ /bag tsam gyi gleng gzhi ni sangs rgyas bcom ldan 'das rgyal po'i khab 'od ma'i tshal bya ka lan ta ka gnas pa na bzhugs so/ /de'i tshe na tshe dang ldan pa gyad bu nor rgyal po'i khab kyi bya rgod phung po'i ri la rdzing pu rdos bskor zhes bya ba zhig yod de/ de'i 'gram yan man gyad bu nor nyin par der gnas shing bsgom mo/ /de'i tshe dge slong ma utpa la'i mdog dge ba'i bshes gnyen 'phags pa maung+gal gyi bus phyung ngo/ /tshe dang ldan pa utpala'i mdog sangs rgyas dang/ 'phags pa maung+gal gyi bu dang/ 'phags pa gyad bu nor la sogs pa la rtag tu bsnyen bkur byed cing phyag 'tshal du 'gro'o/ /de'i nyin par 'phags pa maung+gal la sogs pa la phyag byas nas tshe dang ldan pa gyad bu nor la yang phyag 'tshal te chos nyan pa'i phyir mdun na 'dug go /de'i tshe na dge slong mdza' bo dang sa can gnyis kyang rtag tu klan ka tshol ba la nan tan byed pas nang par de gnyis phyag dar khrod pa mang zhig btus nas rdzing bu rdos bskor du 'khrur lhags pa dang/ de'i tshe ri dags khyu mang po zhig rdzing bu der chu 'thung du lhags nas/ chu 'thungs zin pa'i 'og tu ri dags rnams gcig la gcig zhon zhing mi tshangs par spyod pa dang mdza' bo dang sa can gnyis kyis mthong nas gcig la gcig smras pa/ dge slong ma utpa la'i mdog dang gyad bu nor gnyis mi tshangs spyod kyis/ dge slong dag la bsnyad du 'dor zhes byas pa dang/ tshe dang ldan pa khar nyin yang bdag cag ang por ngo spangs nas/ da yang spang pa'i las

  128. 64b

    byed 'dod dam zhes sa can gyis smras pa dang/ des khar nyin ni 'u? bu cag brdzun gyi/ da ni bag tsam gyi cha las bsdangs pas rung gis dge slong dag la bsnyad du 'dod do zhes byas nas/ de dag dge slong dag la gyad bu nor dang dge slong ma utpala'i mdog mi tshangs par spyod do zhes smras pa dang/ dge slong dag gis tshe dang ldan pa khyed gnyis lha dang mi ni shin tu spangs kyi/ byol song dang sems can dmyal ba dang/ yi dags ni mngon par bsnyen to zhes byas pa dang/ dge slong dag gis yang gong ma bzhin du ci'i phyir mi mthong/ gang du mthong khyed cag ci la dong dong ste mthong zhes smras pa dang/ de gnyis kyis ci ltar gyur pa zhig tu smras pa dang/ don nyung ba'i dge slong rnams la 'phya ste/ dge slong gtsang ma nyes pa med pa la gzhan gyi cha ma yin pa la phas pham pas skur ces smod cing mi snyan par 'dzer to/ /de ltar gyur pa snyan du bdas nas/ legs pa rnam pa bcu la gzigs nas/ yang dge slong gang zhes 'dul ba la bslab pa'i gnas bcas te rtsa ba'i tshig rnams so/ /yang dge slong zhes bya ba ni mdza' bo dang sa can te/ gzhan yang de dang 'dra ba'o/ /zhe sdang can zhes bya ba ni zhe sdang gis kun nas bskor ba'o/ /khros nas gnod par byed ces bya ba ni yi ma rangs te/ 'khrugs pa ma btang ba'o/ /dge slong gtsang ma zhes bya ba ni gyad bu nor ram gzhan yang de dang 'dra ba'o/ /ma nyes zhes bya ba ni nyes pa de'i dngos po med pa'o/ /gzhan gyi cha ma yin zhes bya ba gzhan ni mya ngan las 'das pa ste/ de'i cha ma yin pa ni bzhi ste phas pham pa'i chos so/ /phas pham pa zhes bya ba ni bzhi po las gang gis kyang rung ngo/ /chos zhes bya ba ni rang gi mtshan nyid 'dzin pas so/ /skur zhes bya ba ni glang btab pa'o/ /da ci nas kyang tshangs par spyod pa dang 'bral lo snyam pa ni de ci nas kyang dge slong gi dngos po dang dbral lo snyam du sems pa'o/ /dus gzhan zhig na zhes bya ba ni dus phyi zhig na'o/ /dris kyang rung zhes bya ba ni gzhan gyis so/ /ma dris

  129. 65a

    kyang rung zhes bya ba ni bdag nyid kyis te/ rab tu 'gyod cing rnam par 'gyod pa'o/ /gzhan gyi cha ma yin zhes bya ba ni mya ngan las 'das pa las gzhan pa phas pham par smras pa'o/ /rtsod pa ni rnam pa bzhi ste/ rnam par rtsod pas rtsod pa dang/ mi 'doms pas rtsod pa dang/ ltung bas rtsod pa dang/ byas pas rtsod pa'o/ /gzhan gyi cha ma yin pas rtsod pa yang bag tsam gyi cha las 'ga' zhig ces bya ba ni ri dags pho mos 'khrig pa'i cha las blangs pa'o/ /chos zhes bya ba ni chos ma yin par chos kyi sgrar gsungs so/ /blangs pa yin zhes bya ba ni bzung ba yin no/ /dge slong yang zhe sdang las gnas pa zhes bya ba ni bzung ba yin no/ /dge slong yang zhe sdang las gnas pa zhes bya ba ni glang gdab par 'dod pa'o/ /khros te smras so zhes bya ba ni glang 'debs pa'o/ /dge 'dun gyi lhag ma zhes bya ba ni snga ma bzhin no/ /nyes pa gang zhe na/ dge slong gis dge slong la phas pham pa'i ltung ba byung ba mthong nas des de la ltung ba ma yin no snyam du bltas la 'du shes dang blo gros sbas nas phas pham pa byung ba mthong ngo zhes smras na lhag mar 'gyur ro/ /dge slong gis dge slong la phas pham pa byung ba mthong na gang des dge 'dun gyi lhag ma'o snyam du bltas la 'du shes dang bzod pa spas na phas pham pa'i ltung ba byung ngo zhes smras na lhag mar 'gyur ro/ /de bzhin du ltung ba rigs lnga la yang sbyar ro/ /dge 'dun gyi lhag ma mthong ba dang/ spang pa dang/ ltung ba dang/ so sor bshags pa dang/ nyes byas byung ba mthong ba la des 'du shes sbas blo gros sbas nas phas pham pa byung ngo zhes smras na thams cad du lhag mar 'gyur ba de re rer sbyor cig /kun gyis shes pa dang/ ri mo bris pa 'dra ba dang/ las dang po pa la nyes pa med do/ /dge 'dun gyi dbyen gyi gleng gzhi ni sangs rgyas bcom ldan 'das rgyal po'i khab 'ong ma'i tshal bya ka lan ta ka gnas pa na bzhugs so/ /de'i

  130. 65b

    tshe dge slong lhas byin dang/ de'i grogs rjes su phyogs pa dge slong ko ka li ka dang/ khan dra tra bya dang/ ka tha ma ri ka dang ti sha dang/ rgya mtsho sbyin la sogs pa dge 'dun 'dum pa dbye ba la zhugs nas gsol ba dang zhu ba'i las kyis lan gsum gyi bar du bzlog kyang ma btub nas/ de bzhin gshegs pa'i bka' bcag pas nyon mongs pas na dge 'dun gyi lhag ma bcu pa dang bcu gcig pa bcas so/ /de'i tshe rgyal po'i khab na mu ge chen po byung nas/ kha zas rab tu dkon te rnyed par dka' nas dge slong rdzu 'phrul thob pa rnams kyis 'dzam bu'i gling nas shing 'dzam bu'i 'bru dang/ skyu ru ra'i 'bras bu la sogs len/ dge slong kha cig gis byang gis sgra mi snyan gyi gling na ma btab ma rmos pa'i 'bras len/ kha cig rgyal chen bzhi dang sum cu rtsa gsum du dod nas lha'i zas kyis lhung bzed bkang ste khyer te 'ongs nas bdag kyang za dge slong gzhan rnams la yang sbyin no/ /de nas lhas byin gyis bsams pa/ da ltar kha zas dkon zhing sdug bsngal che na bdag gis kyang rdzu 'phrul mngon par bsgrubs la bdag kyang za gzhan la yang sbyin no snyam nas bcom ldan 'das la rdzu 'phrul gyi lam zhig dri'o snyam du bsams pa dang/ bcom ldan 'das kyis lhas byin la rdzu 'phrul bstan na de lta bu'i sdig pa'i 'dod chen skyed par mkhyen nas phung po lnga la rtog tu bcug nas rdzu 'phrul ma bstan to/ /de bzhin gnas brtan lnga brgya po la dris pa dang/ sems kyis brtags nas rdzu 'phrul ma bstan to/ /de nas 'od srungs stobs bcu la dris pa dang/ des rdzu 'phrul gyi lam bstan te/ lhas byin gyis rnal 'byor la brtson par gnas pas rdzu 'phrul mngon par thob ste/ lus sna tshogs su bsgyur nas nam mkha' la ni bya bzhin/ chu la ni nya bzhin rgyal po ma skyes dgra yang mgu bar byas te/ de'i mchil ma yang 'thungs nas ma skyes dgras kyang lhas byin gyi 'tsho ba yang sbyar to/ /de nas lhas

  131. 66a

    byin gyis bcom ldan 'das ni rgas thug ste/ 'khor rnam bzhi la ston kyang mi nus la'o rgyal gyis 'khor rnam pa bzhi bdag la gtad par gsol na/ bka' stsal pa/ ngas shA ri'i bu dang maung+gal gyi bu la yang ma gtad na skyes bu blun po khyod la ci smos zhes ma gnang ngo/ /de nas lhas byin gyis dge slong grogs ka thi mo ra ka la sogs pa lnga po la khe mo tshur shog /dge sbyong go'u ta ma 'dug bzhin du 'khor nyan thos rnams 'khrugs par bya'o/ /'u bu cag 'das pa'i 'og tu phyogs phyogs su grags par 'gyur ro zhes bgros nas/ gnas brtan dag ni longs spyod kyi kha drangs/ gzhan ni longs spyod dang bslab pas kha drangs nas/ dge slong 'khor lnga brgya kha drangs so/ /bslab pa lnga bcas te/ 'o ma mi btung ba dang/ sha mi bza' ba dang/ skyes bu'i mthu rtsal la gnod pas ras kha tshar bcad pa mi gon pa dang/ byin pa'i chos longs spyod bkag pas dgon par mi gnas so zhes bya ba bcas so/ /de ltar gyur pa dge slong gis bcom ldan 'das la gsol to/ /bcom ldan 'das kyis lhas byin bkug nas lhas byin de ltar byed pa bden nam zhes smras pa dang/ mang ngo zhes gsol to/ /de ltar gyur pa de'i phyir 'dul ba la bslab pa'i gnas bcas te/ yang dge slong gang zhes bya ba ni rtsa pa'i tshig rnams so/ /de nas bcom ldan 'das kyis dge slong rnams la bka' stsal pa lhas byin dang rjes su phyogs pa'i dge slong dang gzhan yang 'di 'dra ba'i tshig bzhams te/ bsgo bar bya'o/ /de ste yang gtod du yang ma btub na gsol ba dang bzhi'i las kyis lan gnyis lan gsum du bsgo bar bya'o/ /yang dge slong gang zhes bya ba ni lhas byin te gzhan yang de dang 'dra pa'o/ /mthun pa zhes bya ba ni rnam pa drug ste/ cha lugs dang las dang/ tshul khrims dang lta ba dang/ 'tsho ba dang/ spyod lam mthun pa de lta bu drug ces bya'o/ /dge 'dun zhes bya ba ni de bzhin gshegs pa'i nyan thos kyi dge

  132. 66b

    'dun no/ /dbyen byed zhes bya ba ni ston pa dang lam gzhan du gzung cing rnam pa gnyis su 'gyed pa'o/ /de'i phyir zhugs zhes bya ba ni rtsod par zhugs pa ste/ tshul khrims ma gsol ba byed pa'o/ /'bye pa'i phyir yang zhes bya ba ni zas la sogs pa byin pa dang/ grogs po la sogs pa'o/ /rtsod ces bya ba ni 'khrugs pa'i rtsod pa'o/ /dge slong rnams zhes bya ba ni las ma byas par/ bzhams te sgo zhing slar bzlog par bya'o/ /yang dag par gzung de zhes bya ba ni sems kyis so/ /rab tu 'dzin ces bya ba ni mngon par chags pas na mi 'gyur ba'o/ /mnyam du zhes bya ba ni chos dang zang zing gi longs spyod la mtshungs pa 'am/ phan tshun dad pa la sogs pas sbyin pa la mnyam du 'tsho ba'o/ /kun tu dga' zhes bya ba ni dge ba'i tshogs 'phel bar dga' ba'am/ ting nge 'dzin bsgrub pa la dga' ba'o/ /rtsod pa zhes bya ba ni lta ba log par gyur pa la spang bar bya'o/ /rtse gcig ces bya ba ni sems gzhan du mi 'gyur bar thub par bya'o/ /'don pa gcig ces bya ba ni so sor thar pa'i mdo 'don pa tha dad du mi byed pas na gcig pa'o/ /chub dang 'o ma gcig tu 'dres zhes bya ba ni gcig la gcig rim gro byed cing ston pa'i phyir ro/ /ston pa'i bstan pa rgyas par bya ba'i phyir zhes bya ba ni gzhan gyis 'gren par mi byed pas na/ bcom ldan 'das kyi gsung rab bshad cing ston tam/ bshad cing phye na rgyas par 'gyur ro zhe'o/ /de ltar gsung rab rgyas dang slob ma'i 'khor dge 'dun rnams dang/ tshe 'di la bde bar gnas par gyis shig pa'o/ /de yang ji ltar bde zhe na/ lus ni bde ba'o/ /sems ni reg pa'o/ /bzhams te bsgo ba'i tshe ma mnyan na nyes byas su 'gyur ro/ /gsol ba dang zhu ba'i las kyi bsgo ste ldog tu ma btub na nyes pa sbom po gsum dang dge 'dun gyi lhag ma gcig go /lan gnyis lan gsum zhes bya ba ni ha cang nyungs na yang g.yems pa kha cig gis mi go la ha cang mangs na yang ring

  133. 67a

    du thogs pa'i phyir ro/ /yang dag par bsgo ba zhes bya ba ni dge ba la gzhug par bya ba'o/ /yang dag par bstan ces bya ba ni mi dge ba las bzlog par bya'o/ /'khor 'byed par bsams nas gzhan gyi 'khor kha drangs na nyes pa sbom por 'gyur ro// gal te dge 'dun 'dus nas chos bzhin du ma byas na smra ba rdzogs kyang nyes pa med do/ /chos bzhin du byas kyang tshogs na ltung ba med do/ /'dus byas kyi chos kyi gzugs brnyan gyis bsgo na yang nyes pa med do/ /dge 'dun yang tshogs la ston pa'i bstan pa ji lta ba dang/ 'dul ba ji lta ba bzhin du bsgo na dge 'dun lhag mar 'gyur ro/ /nyes pa rab tu ma bshags ma mthol bar dge 'dun gyi nang du 'jug cing gnas na thams cad du nyes byas su 'gyur ro/ /rjes su phyogs pa'i gleng gzhi ni gong ma dang gcig go /de nas bcom ldan 'das gdan de nyid la bzhugs bzhin du rjes su phyogs pa'i bslab pa bca' bar dgongs nas dge slong rnams la bka' stsal pa/ dge slong dag dge 'dun gyi bya ba cung zad cig yod kyi skad cig sdod cig ces bka' stsal ba/ bcom ldan 'das kyis mkhyen bzhin du 'dri bas na/ ko ka li ka dang/ ka tha mo ra ka la sogs pa la de lta bur rjes su phyogs pa bden nam zhes smras pa dang/ mang? ngo zhes gsol nas/ dge sbyong gyi bya ba ma yin zhes rnam grangs du ma'i sgo nas dmad nas/ yang dge slong zhes bya ba rtsa ba'i tshig rnams so/ /dge slong rjes su phyogs pa rnams la dge 'dun rnams kyi chos dang mthun pa 'dul ba dang mthun pa'i tshig gis lan gnyis lan gsum du bsgo bar bya/ yang dge slong zhes bya ba ni lhas byin no/ /grogs su gyur ces bya ba ni ko ka li ka la sogs pa'o/ /dbyen byed par phyogs zhes bya ba ni lta ba dang/ de'i 'don pa dang/ de'i bsam pa'o/ /gcig gam gnyis sam mang po zhes bya ba ni dge 'dun ma longs pa dbyen mi srid pas bzhi yan chad la bya'o/ /gal te de dag dge slong rnams la

  134. 67b

    zhes bya ba ni chos 'di la bzhugs pa'o/ /de skad kyang zer zhes bya ba ni smra ba'o/ /tshe dang ldan pa dag dge slong 'di la zhes bya ba ni lhas byin la bya'o/ /dge yang rung zhes bya ba ni dge ba la ma sbyor cig pa'o/ /sdig kyang rung zhes bya ba ni sdig pa las ma bzlog cig pa'o/ /dge slong 'di ni chos smra ba 'dul ba smra ba zhes bya ba ni de dag gi don dang mthun pa'o/ /mi shes pa ma yin zhes bya ba ni don rtogs pa'o/ /dge slong de gang? dad pa bdag cag kyang dad do zhes bya ba ni dge slong rjes su phyogs pa lnga po rnams/ lhas byin gyis bsams pa dang mthun pa'o// yang dag par bstan yang dag par bsgo zhes bya ba ni snga ma bzhin no/ /rjes su phyogs pa la zhugs na thams cad du nyes byas su 'gyur ro/ /tshig bzhams te bsgo nas ma btub na nyes pa sgom por 'gyur ro/ /gsol ba dang zhu ba'i las kyis lan gsum du bsgo ste/ gtong du ma btub na nyes byas gcig dang sbom po gsum dang lhag ma gcig tu 'gyur ro/ /bsdum par bzhams te ma bsgo bar gsol ba dang/ bzhi'i las sngar bsgo na bsgo bar yang mi chud la dge 'dun yang nyes byas so/ /bsdum par bzhams te sngar bsgo nas gsal ba dang bzhi'i las kyis bsgo na bsgo bar yang chud de nyes pa med do/ /las dang po pa la sogs pa la nyes pa med do/ /rigs sun pa'i gleng gzhi ni sangs rgyas bcom ldan 'das mnyan du yod pa na bzhugs so/ /de'i tshe na yang yul srin bu ri zhes bya ba na dge slong tha skar skyes ba dang/ nabs so dang/ dge slong dur kha dang dmar zhes bya ba'i dge slong rnams 'khod do/ /de dag rigs sun pa'i sdig pa'i chos kun tu spyod pa ni 'di lta ste/ gnas dang longs spyod gnyis kyi sgo nas rigs sun par byed do/ /de la gnas kyi sgo nas rigs sun pa ni bud med dang gzhog stegs gang rgyangs byed/ 'dzum snyegs lus kyis snyogs shing stan gcig la 'dug pa'o/ /de la longs spyod kyi sgo nas rigs sun pa ni bud med dang snod gcig gi nang du za/ phur bu cig gi nang du 'thung/ glu len

  135. 68a

    rnga brdung/ gar byed/ 'jon mo dang/ glang po che dang/ rta dang/ bya gag dang/ dur ba lta bu'i skad 'byin de dag 'thab du gzung/ de ltar rtsed mo sna tshogs pas na/ de na gnas pa'i skye bo rnams mi dga' zhing rigs rnams sun bas na skye bo dag kyang ma dad nas de na gnas pa'i dge slong rnams la yang bsod snyoms mi ster zhing yul gzhan du spong bar byed na glo bur du lhags pa lta zhig ci smos/ de nas dus gzhan zhig na tshe dang ldan pa kun dga' bo yul sad ba can du ljongs rgyu zhing 'gro ba las de'i nub mo srin bu'i ri'i nags na gnas/ nad par grong khyer du bsod snyoms la zhugs pa dang/ bsod snyoms kyang ma rnyed lan kyang ma thob nas kun dga' bos bsams pa nyan thos byis pa mi mkhas mi gsal ba 'ga' zhig gis rigs kyi bu mo dag la kha ngan nas lus kyis kun tu reg ba zhig byas so snyam du sems so/ /de nas tshe dang ldan pa kun dga' bos sngon chad srin? yu de'i grong khyer de 'byor pa dang rgyas pa dang/ lo legs pa dang/ skye bo dad pa mang po dag dang ldan pas bsod snyom dag kyang rnyed sla na ci nyes shes skye bo'i tshogs mdun gcig pa lnga brgya tsam gyi nang du dris pa dang/ de'i nang na dge bsnyen chur 'jug ces bya bas dge slong tha skar la sogs pas rigs sun pa'i chos mang du byas so/ /zhes kun dga' bo la rgyas par gsol to/ /kun dga' bos snyan du gsol nas bka' stsal ba/ dge slong gnas brtan dag dang/ kun tu dga' bo nyid sod la/ dge slong tha skar skyes dang/ nabs so gnyis la dge sbyong gi chos ma yin pa rnam pa sna tshogs kyi sgo nas gleng ba po'i dge slong gsol ba dang zhu ba'i las kyi lam du bskos te/ de rnams bskrad par gyis shig ces bka' stsal nas de nas dge slong tha skar skyes dang/ nabs so gnyis pos la spang ba'i las byas pa dang/ dur kha dad dmar gyi dge slong bdag cag la yang bskrad pa'i las byed par 'ong gis mnyan du yod par bros te 'dod do

  136. 68b

    zhes mnyan du yod par dod nas nyes pa rnams bshags shing mthol/ sems kyi rnam par rtog pa rnams pa sna tshogs kyang yongs su bsdams nas dge slong rang bzhin du gnas pa dang 'dra bar gnas so/ /tha skar skyes dang nabs so gnyis kyang spang ba'i las byas pa dang bdag cag sa la bsgyel na slar yang sa la brten te/ ldang ba bzhin du bcom ldan 'das nyid la mthol zhing bshags na legs so snyam nas mthar gyis rgyu zhing mnyan du yod par phyin te/ dge slong gnas brtan dag dang dur kha dang dmar gyi dge slong dag dang phrad nas de na gnas pa'i dge slong gcig gis kyang bltar yang mi btub phyag kyang mi 'tshal lo/ /de gnyis kyis smras pa/ dge slong gzhan ni yus na dur kha dang dmar rtsi dge slong gnyis bdag cag dang/ 'dra bar nyes pa byed byed na ci ste bdag cag la mi sma zhes byas pa dang/ bdag cag ni bshags shing mthol zin pas so zhes byas pa dang/ de dag gnyis khros te bdag cag nyes pa 'dra ba kho na las kha cig ni bskrad kha cig ma bskrad pa las dge slong kun dga' bo la sogs kha cig ni 'dod chags kyi dbang du 'gro /kha cig ni zhe sdang gi dbang du 'gro /gti mug gi dbang du 'gro'o zhes brjod pa dang/ dge slong rnams kyis thos nas bdag cag gis nyes pa sna tshogs byas te/ kun dga' bo dang/ gnas brtan dag gis gsol ba dang zhu ba'i las kyis bskrad par shes bzhin du de skad 'dzir ces 'phya bzhin du snyan du gsol to/ /de nas bcom ldan 'das kyis 'di skad du smra ba dang gzhan kyang 'di 'dra ba la dge 'dun rnams kyis tshig 'jam pos bsgo shig ces rtsa ba'i tshigs rnams so/ /rtsa ba'i tshig rnams kyis bzhams te bsgo yang gtod du ma btub na/ gsol ba dang zhu ba'i las kyis lan pa gnyis lan gsum du bsgo bar bya'o zhes bka' stsal pa dang/ lan gnyis lan gsum du bsgo yang gtod du ma btub pa dang/ de ltar gyur pa de'i phyir yang dge slong gang rigs sun pa'i chos byas na dge 'dun lhag mar 'gyur ro zhes 'dul ba la bslab pa'i gnas bcas so/ /dge slong

  137. 69a

    dag ces bya ba ni tha skar skyes ngang nabs so gnyis po ste/ gzhan yang de dad 'dra ba'o/ /mang po zhes bya ba ni dge slong gnyis yan chad la mang po zhes bya'o/ /grong ngam grong rdal zhes bya ba ni srin bu ri'o/ /de dag kyang rigs sun par byed ces bya ba ni rigs ni bram ze dang/ khyim bdag ni rigs te/ de yang rnam pa gnyis kyis sun par byed de gnas dang longs spyod do/ /snang ba zhes bya ba ni mig gi rnam par shes pas so/ /thos so zhes bya ba ni rnam pa'i rnam par shes pas so/ /rab tu shes zhes bya ba ni de las gzhan pa'i rnam par shes pas so/ /sdig pa'i chos kun tu spyod ces bya ba ni nyes pa sna tshogs byed pa'o/ /dge slong rnams kyi zhes bya ba ni chos 'di pa la zhugs pas so/ /tshig 'di skad smos shig ces bya ba na tshig 'jam pos bsgo ba'o/ /ji skad bsgo ba ni snga ma bzhin no/ /tshig 'jam pos bsgo na dngos po de gtong ba lta na ni zhes bya ba de ltar lta ba yongs su gtong ba'o/ /gal te mi gtong zhes bya ba ni yod mi 'dor ba'o/ /lan gnyis lan gsum du yang dag par bstan par bya ba ni gsol ba dang zhu ba'i lan gyis bstan cing bsgo ba'o/ /nyes pa ji lta bu zhe na/ dge slong rnams kyi spang ba'i las byas par shes bzhin du de la 'dod pas zhe sdang gis gti mug gis 'jig pas 'gro zhes zer na thams cad du nyes byas su 'gyur ro/ /tshig 'jam pos bsgo ste ma btub na nyes byas su 'gyur ro/ /gsol ba dang zhu ba'i las kyis bsgo ste ma btub na sbom po gsum dang lhag mar 'gyur ro/ /bzhams te ma bsgo bar gsol ba dang zhu ba'i las kyis sngar bsgo na dge 'dun la yang nyes byas su 'gyur la bsgo bar yang mi chung ngo/ /bzhams te yang bsgo la gsol ba'i las kyang byas na bsgo bar yang chung de nyes pa med do/ /bskrad pa'i las ma byas par bzhams te sngar bsgo par mi chung de dge 'dun la nyes byas so/ /bskrad

  138. 69b

    pa'i las bgyis shing bzhan sa te bsgo na bsgo bar yang chung la nyes pa yang med de/ /bskrad pa'i las ma bgyis par gsol ba dang bzhi'i las kyi bsgo na bsgo bar yang mi chung dge 'dun la nyes byas so/ /bskrad pa yang byas la gsol ba dang bzhi'i las kyis bsgo na bsgo bar yang chung de nyes pa med do/ /las dang po la sogs pa la nyes pa med do/ /bka' blo mi bde ba'i gleng gzhi ni sang rgyas bcom ldan 'das yul kau sham+b+hi dgra zin gyi kun dga' ra ba na bzhugs so/ /de'i tshe kau sham+b+hin? dge slong mos pa can la ltung ba byung nas chos bzhin du slar mi byed de/ de ltung ba byung ba grogs po kha cig gis mthong nas grags po phan par 'dod rnams tkyis de la bskul zhing ltung ba bshogs shig ces byas na/ su la ltung ba byung ba de slar byed grang/ ngas ni ltung ngam mthong ngo khyed la ltung ba byung na gzhan du bshegs te/ su mthong ba de ltung ba chos bzhin du bshegs shing byed grang/ tshe dang ldan pa dag dge yang rung/ sdig kyang rung cung zad kyang ngal ma smras shig /dge yang rung zhes bya ba ni dge ba la ma gzhug cig pa'o/ /sdig kyang rung zhes bya ba ni sdig pa las ma bzlog cig pa'o/ /khyed rigs dang rus tha dad pa las rab tu byung ba 'dab ma rlung gis brdabs nas gcig tu spungs ba dang 'dra ba khyed cag yin na/ nged kyi rigs las ni byang chub thob po zhes zer ba don nyung ba'i dge slong rnams 'phya ste bde bar gshegs pa'i mdor gtogs pa rnams kyis bsgo na/ ngag mi nyan to zhes snyan du gsol to/ /bka' stsal pa/ dge slong mos ba can dang gzhan yang da dang 'dra ba la bslab pa'i mdor gtogs pa rnams kyis bzhams te bsgo bar bya'o/ zhes rtse ba'i tshig rnams so/ /de ste yang ltung ba bzhags su ma btub na gsol ba dang bzhi'i las kyis lan gnyis lan? gsum du bsgo bar bya'o/ /lan gnyis lan gsum du bsgo ste ma btub na nyes byas gcig dang/ spom po gsum dang dge

  139. 70a

    'dun gyi lhag mar 'gyur ro/ /zhes 'dul ba la bslab pa'i gnas bcas so/ /dge slong 'ga' zhig ces bya ba ni mos pa can de gzhan yang de dang 'dra ba'o/ /bka' blo mi bde ba'i rang bzhin zhes bya ba ni mthun pa dang rigs pa dang legs su dga' ste/ smras pa la nyan du mi btub cing log par 'dzin pa ni bka' blo mi bde ba zhes bya ba'o/ /bsten par gtogs zhes bya ba ni phas pham pa bzhi nas rtsod pa zhi ba bdun gyi bar du ste/ ltung ba'i rigs lnga la bya'o/ /bde bar gshegs pa'i mdod? gtogs zhes bya ba ni mdo sde 'am mngon pa'i chos la bya'o/ /dge yang rung zhes bya ba ni phan pa can no/ /dge slong rnams zhes bya ba ni chos 'di la zhugs pa'o/ /chos dang mthun zhes bya ba ni mdo sde dang ma mo la bya'o/ /'dul ba dang mthun zhes bya ba ni 'dul ba de nyid do/ /bsgo zhes bya ba ni chos dang 'dul ba ji lta ba bzhin du bsgo ba'o/ /khyed kyis bdag la bsgo bas chog gis shes zer ba ni bka' blo mi bde ba la gnas pa'o/ /dngos po de spang ba'i phyir tshig 'jam pos bsgo shig zhes bya ba ni gsol ba dang zhu ba'i las ni gong ma dag dang 'dra ba'o/ /bstan pa'i mdor gtogs pa rnams kyis bsgo ste ma btub na thams cad tu nyes su 'gyur ro/ /gsol ba dang zhu ba re re la yang sbom po re rer 'gyur ro/ /chos bzhin la ma tshogs pa dang/ tshogs las chos kyi gzugs brnyan dang/ chos ji lta ba dang/ 'dul ba ji lta ba bzhin du ma bsgo na nyes pa med do/ /dgu ni dang po dag nyid kyis so zhes bya ba ni byung ma thag tu lhag mar 'gyur ro/ /lan gnyis lan gsum bsgo nas lhag mar 'gyur ba ni dbyen dang rjes su phyogs pa dang/ 'jigs? sun dang bka' blo mi bde ba'o/ /de dag las gang yang rung zhes bya ba ni lhag ma bcu gsum po dag byung ba la bya'o/ /ji srid du zhes bya ba ni dge 'dun gyi lhag ma byung nas je srid tu bcabs pa'o/ /ji srid tu bcabs pa de srid du

  140. 70b

    chad pa byed du chug shig pa'o/ /sems 'khrugs pa dang/ nad kyis gzir ba dang/ mi dran pa la nyes pa med do/ /gang zag de'i chad pa ni dge slong rang bzhin du gnas pa dang/ stan gcig la mi 'dug lhag cig mi 'chag khyim gcig na mi nyal/ dge slong thams cad kyis 'jug tu bzhag /bsil yab g.yob pa dang lhung bzed bkru bar bya/ /chad pa byas nas zhag drug gi bar du dge 'dun la mgu ba'i las bya'o/ /ma bcabs na chad pa mi dgos te mgu bar zad do/ /chad ba byed du gzhug pa ni nga rgyal med pa dang/ bcas pa'i nyes pa med pa'i phyir ro/ /nad sbyar bar bya ba'i phyir yid mgu bar byed du gzhug go /ltung ba las 'byin pa'i phyir 'byung bar gsol lo/ /dge 'dun la rag las zhes bya ba ni dbang yod pa'i don to/ /dge slong nyi shu med ces bya ba ni grangs ma tshang na mi phyin zhes bya ba'i don to/ /de ni 'du shes zhes bya ba ni des pa'o/ /yang na phyin pa'i dus 'dis zhes bya ba'i rgyu ste gzhung 'di la bya'o/ /glengs shing dran par byas pa la bdag nyid bka' blo mi bde ba la gnas na nyes byas so/ /ma gleng shing dran par ma bgyis par bdag nyid bka' blo mi bde ba gnas na bsgo ba mi 'chags so/ /mtshams kyi nad rol nas bsgo 'am/ phyi rol nas bsgo 'am sa la 'dug ste nam mkha' la 'jug pa dang/ dge 'dun gyis dge 'dun longs pa la bsgo na bsgo bar mi chud do/ /dge 'dun lhag ma bcu gsum mi brjed pa'i tshig go /gnyis mi mngon pa'i gleng gzhi ni sangs rgyas bcom ldan 'das mnyan du yod pa na bzhugs so/ /de'i tshe mnyan du yod pa na tshe dang ldan pa 'char ka bsod snyoms las 'khor te/ khyim bdag gi chung ma sped pa'i khyim du song ngo/ /de stan bting ba la 'dug pa dang/ sped ma yang 'char ka la chos nyan pa'i phyir 'char ka dang stan gcig la bus mo sprad de skyabs yod pa na 'dug cing chos 'chad pa dge bsnyen ma sa gas mthong nas/ de ltar ma dad pa rnams kyis mthong na ni dge sbyong

  141. 71a

    gis chos ma yin pa zhig byed du gdon mi za'o/ /zhes skur bar yang 'gyur na de lta bu mi mdzes pa nyan thos rnams la srang ba'i phyi dge bsnyen ma des snyan du gsol to/ /legs pa bcu gzigs nas bka' stsal pa/ rnam grangs du ma'i sgo nas smad nas/ yang dge slong gang zhes 'dul ba la bslab pa'i gnas bcas so/ /dge slong gang zhes bya ba ni 'char ka ste/ gzhan yang de dang 'dra'o/ /bud med ces bya ba ni mi tshangs par spyad pa'i chos bzod pa'o/ /lhan cig ces bya ba ni de dang lhan cig pa'o/ /gnyis pu zhes bya ba ni skyes pa dang bud med gnyis so/ /dben pa zhes bya ba ni gang na skyes ba'am/ bud med dam/ ma ning gzhan su yang med pa'o/ /skyabs yod pa zhes bya ba ni rtsig pa'am sab mo 'am/ yol bas bskyabs pa'o/ /stan la zhes bya ba ni stan gyi rnam grangs su gtogs pa gang yang rung ba'o/ /'dug ces bya ba ni 'dom gang gis 'khor ba na rku ba bzhag cing 'dug pa'o/ /'dod pa chog pa zhes bya ba ni mi tshangs par spyod du khom pa'i phyir chog pa'o/ /dge bsnyen ma'i tshig gis nges par bya ba ni bden pa bzhi la the tshom med cing rtogs la dkon mchog gsum la skyabs su song ba/ mngon par brtul ba srog gi phyir yang brdzun du mi smra ba ni dge bsnyen ma yid ches pas zhes bya'o/ /chos gsum las gang yang rung zhes bya ba ni phas pham pa dang lhag ma dang ltung ba ste/ de dag las gang yang rung ba'o/ /dge slong bud med dang stan cig la 'dug pa'am/ chang 'thung ba 'am gong du smos pa'i gsum las gang yang rung ste/ sdig pa'i las su byed pa cung zad cig mthong ngo zhes dge bsnyen ma smra na de dag las gang dge slong gi khas len pa byed du chug shig byed du bcug pa ni ltung ba bshags shing byed du gzhug pa'o/ /'di ni ma nges pa'i chos so zhes bya ba ni chos de gtan la ma phebs pa'o/ /de la nyes pa ni dge bsnyen yid ches

  142. 71b

    ba'i ? tshig gis gang dang gang glengs pa de dang de byed du gzhug go /de ste khas mi len na gsol ba dang zhu ba'i las kyis nyes pa'i ngo bo nyid tshol du gsol cig /nyes pas ma mthong khas mi len na nyes pa'i ngo bo nyid tshol ba'i dge slong gis chad pa rab tu dbyung bar mi bya/ bsnyen par rdzogs par mi bya dge tshul g.yog byed du mi gzhug /mtshams kyi nad na dge slong tshul khrims nyams sam/ lta ba nyams ba'am/ 'tsho ba nyams pa'am/ spyod lam nyams pa la ma glang shig /dran par ma byed cig /lung ston pa'am 'doms su ma gzhug shig /'dul ba 'dzin pa'i dge slong yod na dge 'dun gyis dbus su 'dul ba ma 'chad cig /gsol sbyong dang tshul nas 'byung ba'i tshe/ gsol ba dang las kyi nang du ma gzhug cig /de kun byas na nyes byas su 'gyur ro/ /ma nges pa gnyis pa'i gleng gzhi ni bcom ldan 'das rgyal po'i khab na bzhugs so/ /de'i tshe dge slong ri bo dang khyim bdag gi chung ma nyes sman gnyis 'dod pa ni mi chog bar stan la 'dug pa dge bsnyen ma legs skyes mas mthong ste/ de ltar gyur pa snyan du gsol nas 'dul ba la bslab pa'i gnas bcas so/ /'dod pa chags par bya ba'i nyes pa med de phas pham par mi 'gyur bas na/ chos gnyis zhes smos te/ gnyis ni dge 'dun gyi lhag ma dang ltung ba ste/ de dag gang gis gleng ba de byed du gzhug go /ma nges pa ni snga ma gcig pur ma zad kyi 'di yang ma nges pa'i chos yin pas na gtan la ma bab pa'i don to/ /so sor thar pa'i mdo gdon pa bzhi pa mi brjed pa'i tshig go /spang ba'i ltung byed las brtsams te 'chad ba'i gleng gzhi ni bcom ldan 'das mnyan du yod na bzhugs so/ /de'i tshe dge slong dag de lta bu'i gos mang por gyur te gos la longs spyod de/ gtsug lag khang chag chag gdab pa la sogs pa las sna re byed kyang gos lan re brje zhing gon pas kha ton lung dbog pa dang/ bsam gtan byed pa'i bar chad tu gyur nas/ dge slong rnams kyis

  143. 72a

    snyan tu gsol to/ /de'i tshe sman pa'i rgyal po 'tsho byed kyis ras bzang po gcig sangs rgyas la yon du phul nas kun dga' bo la chos gos su drubs shig ces bya ba bka' stsal nas/ sangs rgyas kyi chos gos gsum du drubs pa dang/ lhag ste kun dga' bo nyid dang/ sras ra'u la gnyis kyi yang stod g.yogs gnyis dang lnga longs so/ /de nas bcom ldan 'das lo sar gyi lhags pa che ba'i yul a la byir zhes bya bar gshegs nas/ de'i nub mo srod la chos gos lnga gsol to/ /des kyang mi thub ste grang bar gyur nas gung la chos gos bdun pa gsol to/ /des kyang mi thub nas tho rangs chos gos sbyar? ma gsol na lhags pa thub pa dang/ da lta bu sha mdangs 'jam zhing gzhon pa yang chos gos gsum gyis chog na/ khyed la des ci mi chog ces 'dod chung ba dang mgu sla ba dang/ yo byad nyung ngus chog pa dang/ nyung ngu la sogs pa'i bsngags pa brjod de/ dge slong gos mang du 'chang zhing yo byad mang po la chags pa la rnam grangs du ma'i sgo nas smad nas/ yang dge slong chos gos zin te brtan pa phyung nas chos gos gsum bcos shig ces 'dul ba la bslab pa'i gnas bcas so/ /de ltar bslab pa bcas pa dang/ khyim bdag cig gis kun dga' bo bdag gis snga mo zhig nas btsun ba 'od srungs chen po lha dang mi'i mchod pa'i gnas de la bdag gis bshos dang gos shig gsol bar bgyi bgyi ba las bdag cag khyim pa las kyis brel de phyag tu ma phul na 'di tsam zhig kun dga' bos 'od srungs chen po la dbul bar gsol zhes byas pa dang/ kun dga' bos bsams pa/ bdag gis blangs na ni bslab pa dang yang 'gal/ ma blangs na 'od srungs chen po'i rnyed pa yang nyams la/ khyim bdag kyang bsod nams mi thob na bdag gis bslangs te snyan du gsol lo snyam du bsams nas/ blangs te gsol ba dang rjes su gnang ngo/ /de nas

  144. 72b

    bcom ldan 'das kyis bslab pa la nan tan byed pa dang/ gus pa'i yon tan brjod nas yang dge slong gang chos gos zin ces bya ba la sogs pa rtsa ba'i tshig rnams so/ /chos gos zin ces bya ba ni dge slong gis chos gos bkru ba dang 'dra ba drub pa dang kha bsgyur ba la sogs pa'i zin pa la bya'o/ /brtan pa byung zhes bya ba ni tshul du zhugs pa'i dge 'dun rnams tshul nas 'byung ste/ tshul nas 'byung ba'i yon tan brtan pa drub pa yin pas na brtan pa drubs pa dang/ zhag bcu las 'das kyang spang pa'i/ ltung bar mi 'gyur te/ /brtan pa ma drubs sam brtan pa phyung pa'i tshe zhag bcu las 'das na spang ba'i ltung bar 'gyur ro/ /zhes bshad do/ /dge slong zhes bya ba ni dge slong mang po ste gzhan yang de dang 'dra'o/ /zhag bcu las 'das te/ zhag bcu gcig gi skya rengs shor na spang bar 'gyur ro/ /gos lhag ces bya ba ni byin gyis brlabs pa las lhag pa'o/ /rung ba ma yin zhes bya ba ni rung bar ma byas pa'o/ /tshongs shig ces bya ba ni bdag gir bya ba'o/ /de las 'das par bcangs na ni zhes bya ba ni zhag bcu las thal ba'o/ /spangs ba'i ltung ba zhes bya ba ni dngos po spangs nas ltung ba bshags par bya'o/ /de la nyes pa ni dge slong gis gos shig rnyed na zhag bcu tshun chad du byin gyis brlab par bya ? spang bar bya/ rung bar bya/ gzhan la sbyin par bya/ de ltar ma byas na zhag bcu gcig gi skya rengs shar na ltung bar 'gyur ro/ /ltung par 'gyur ba'i dngos po ma bshags sam/ bral bar ma byas sam ma spangs na de tshun chad dge slong gis yo byad ji snyed rnyed pa de thams cad spang pa'i ltung bar 'gyur ro/ /zhag bcu ma lon yang spang ba'i ltung bar 'gyur ba yod de/ snga ma zhag bcu 'das pa'i rgyun gyis spang bar 'gyur ba'o/ /spang bar bya ba'i gos de chus khyer ram mer tshig na spang du med pas nyes pa bshags par bya'o/ /gos rnyed ma thag tu dge slong sems 'khrugs sam/ nad kyis gzir nas

  145. 73a

    mi dran par gyur nas/ nam de'i sems rnyed pa nas zhag bcu bgrang bar bya'o/ /gos mang po zhig sngags kyis ma btab byin gyis ma brlabs par nas 'tsho ba'i bar du 'chad yang ltung bar mi 'gyur ba yang yod do/ /nyi ma re re zhing gos las slar phyung zhing gzhan la byin gyis rlob pa'o/ /zhag bcu las 'das kyang ltung bar mi 'gyur ba yang yod de/ gos kyi rgyu rung la spun mi rung ba'am/ rgyu dang spun gnyis ka mi rung ba ste/ mi rung ba ni rnga mo'i bal dang/ ba lang dang/ ra dang/ ri dags kyi ba lang 'dres pa ni zhag bcu las 'das kyang ltung ba med de nyes byas su 'gyur ro/ /zhag bcus ltung bar 'gyur ba'i tshe gcig tu bcangs kyang ltung bar mi 'gyur ba yod de/ zhag bcu tshun chad kyis dus las 'das pa'o/ /zhag bcu ma lon pa la zhag bcu len par 'du shes sam/ zhag bcu lon pa la ma lon par 'du shes pa ni thams cad kyang nyes byas so 'gyur ro/ /brtan pa ni bting yang zhag bcu las 'das pa'i nyes pa yod de/ dge slong gis gos spang bar bya ba de ma spangs ma bshags par dge 'dun gyis brtan pa bting ba'o/ /dge slong la ltung bar 'gyur ba de bzhin du dge slong ma dang bslab pa byin pa la yang de bzhin no/ /'bral ba'i gleng gzhi ni sangs rgyas bcom ldan 'das mnyan du yod pa na bzhugs so/ /de'i tshe na dge slong dag mang zhig rnyed par gyur pa/ /gos 'khru ba dang/ dra ba dang/ drub pa dang/ kha dog bsgyur ba la sogs pa'i las byas nas chad thur gyi nang du bcug ste/ dge slong gzhi na gnas pa rnams la bcol nas/ gzhi na gnas pa rnams kyang gos skem pa dang/ sdud cing sped pa dag byed pas lung dbog pa dang klog pa'i bar chad du yang gyur la bdag cag ljongs rgyur dod ba rnams kyang stod g.yogs dang smad g.yogs dang nyi tshe gyon zhing 'gro ba na/ gos kyi ma g.yogs pa snang zhing mi mdzes par gyur pas

  146. 73b

    yang dge slong gang chos gos dang bral du mi ring ngo zhes 'dul ba la bslab pa'i gnas bcas so/ /de la rjes su gnang ba ni bcom ldan 'das rgyal po'i khab na bzhugs te/ de'i tshe rgyal po'i khab kyi sde chen po ma'i phug na 'od srungs chen po gnas te/ bco lnga dang bcu bzhi'i gso sbyong rgyal po'i khab kyi dge 'dun dang lhan cig byed do/ /de nas bco lnga'i gso sbyong gi dus kyi tshe/ 'od srung chen po gso sbyong la song song ba dang/ chu bo dpyad bzangs 'brugs nas chos gos sbyar ma la sogs pa yang gsher te/ de'i skam srad la ring zhig thogs pas gso sbyong sar 'phyis par gyur te/ de ltar gyur pa snyan du bdas nas/ 'od srung rgas thug pa dang/ shA ri'i sras po rlung nad can la sogs pa chos gos dang 'bral bar mi 'gyur bar dge 'dun gyi sdom pa byin cig ces sdom pa dang gnang ngo/ /chos gos zin brtan pa phyung zhes bya ba ni gong ma bzhin no/ /nub cig ces bya ba ni zhag gcig skye rengs shar na ltung bar 'gyur ro/ /chos gos gsum zhes bya ba ni sbyar ma dang/ bdun pa dang/ lnga pa'o/ /chos gos gzhan na 'dug la dge slong mtshams kyi nang ni dug na skya rengs sher na spang ba'i ltung bar 'gyur ro/ /dge 'dun gyi chos gos la byin gyis brlabs te/ nub cig mtshams kyi phyi rol tu 'bral na nyes pa bshags par bya'o/ /gos kyi dngos po ni spang mi dgos so mtshams kyi phyi rol na chos gos bzhag ste dge slong mtshams kyi nang na 'dug gam/ dge slong nam mkha' la gnas te/ chos gos sa la 'dug ste/ bar du skya rengs gis chod na spang ba'i ltung bar 'gyur ro/ /dge slong khyim gcig pa'i gnas shin tu gnas na chos gos gcig gnas na chos gos nang na kun na bzhag pa'am/ khyim gyi phyi rol tu 'dom gang tshun chod mi dag 'dug pa ni spang bar mi 'gyur ro/ /yang na khyim de'i yos brngo ba dang phye 'thag pa dang/ khye'u

  147. 74a

    za ba dang/ skom 'thung ba'i gnas de dag ni bdag gi 'dug gnas te nang du skya reng shar na yang spang ba'i ltung bar mi 'gyur ro/ /nang dam 'dug gnas su chos gos bzhag ste/ bdag nyid gzhan na 'dug na ltung bar 'gyur ro/ / grong gnyis pa la yang de bzhin du sbyar ro/ /shing thags kyis bskor ba'i grong na 'dug na ni nang kun dang phyi rol 'dom gang tshun chad chos gos bzhag la bdag kyang nang na ltung bar mi 'gyur ro/ /de las 'das na nyes pa nyid do/ /grong rtsig pas bskor ba'i 'dug gnas na kun dang phyi rol 'dom gang tshun chad dam/ ba lang 'gro ba'i mig rul grar reg pa'am/ mi rang bzhin gyis ngo tsha shes pa'i bshang gci'i tshun chad ni 'dug gnas te 'bral bar mi 'gyur ro/ /de las 'das na 'bral bar 'gyur ro/ /'obs kyis bskor ba ni de nyid 'dug gnas te/ /'bral bar mi 'gyur ro/ /grong gcig pa'i 'dug gnas gcig pa gang zhe na/ lha khang ngam/ 'dun sa'am/ skyed mos tshal lo/ /'dug gnas su chos gos bzhag gam lha khang du chos gos bzhag na ltung bar mi 'gyur ro/ /gzhan du gnas na ltung bar 'gyur ro/ /spun mang po'i khyim sgo gcig pa zhig na sgo nyid 'dug gnas yin te/ grong du gnas sam 'dug gnas su gnas na spang bar mi 'gyur ro/ /lam du zhugs pa'i dge slong gis 'dom bzhi bcu rtsa dgu tshun chad 'bral par mi 'gyur ro/ /'greng ba dang 'dug pa dang nyal ba'i gdom gang kho ra khor yug tshun chad mtshams so/ /mtshams kyi bar du nyal na lus dang bral ma thag tu nyes par 'gyur ro/ /dge slong phal nyes par 'gyur ba de bzhin du dge slong ma dang bslab pa byin ba la yang de bzhin no/ /dge sbyong dang/ dge slong ma dang/ dge sbyong ma la ni nyes byas su 'gyur ro/ /gos kha sogs 'jog pa'i gleng gzhi ni sangs rgyas bcom ldan 'das mnyan

  148. 74b

    du yod pa ni bzhugs so/ /de'i tshe na dge slong rnams de lta bu'i gos mang du rnyed de sngon po dang/ ser po dang/ dmar po dang/ srab mo stug po la sogs pa rnyed kyang gos su ma longs nas nam de lta bu zhig rnyed pa na bya'o snyam nas re ba dang bcas pas sogs shing zla ba gcig las 'das par gzhag pas na dge slong dag gis snyan du gsol te/ 'dod pa mang ba mgu mi myong ba gso dka' ba zhes smad nas sbyangs pa'i yon tan la dga' ba dang 'dod pa nyung ba'i bsngags pa brjod nas bslab pa bcas te/ yang dge slong zhes bya ba ni rtsa ba'i tshig rnams so/ /dge slong chos gos zin te brtan pa phyung zhes bya ba ni gong ma bzhin no/ /gos rnyed ces bya ba ni gzhan las so/ /dus ma yin pa'i gos zhes bya ba ni dge slong gis gos rnyed pa'i dus ni gang ma rnyed pa ni gang zhe na/ gnas su brtan pa drubs te/ ston zla tha chung nas dpyid zla ra ba'i bar du ste/ de ni gos slong ba'i dus so/ /de phan chad ni dus ma yin no/ /gnas su brtan pa ma drubs na thams cad kyang gos kyi dus ma yin no/ /'dod ces bya ba ni gos dgos par gyur pa'o/ /zla ba gcig gi bar du zhog shig ces bya ba ni zla ba gcig tshun chad do/ /gos rnyed du re ba yod na zhes bya ba ni dge slong gi gos re ba gang zhe na/ pha ma dang/ phu nu dang/ mkhan po dang/ slob dpon gyis byin grang snyam du sems pa'am/ lo lnga la rnyed pa'am/ lo drug la rnyed pa'am/ gtsug pud kyi dus ston dang/ khang pa'i ston mo 'am/ dus ston chen po la rnyed grang snyam du sems pa'o/ /kha ma longs pa zhes bya ba ni sbyar ma dang stod g.yogs kyi kha ma longs pa longs par bya ba'i phyir ro/ /de las 'das par bzhag na zhes bya ba ni thal ba'o/ /spang ba'i ltung ba zhes bya ba ni dngos po spangs nas ltung ba bshags par bya'o/ /dge slong gis tshes gcig la gos sngon po 'am/ dmar po 'am ser po zhig rnyed na de zhag bcu

  149. 75a

    tshun chad du byin gyis brlab par bya/ gzhan la bskur bar byas de ltar rung bar ma byas na spang pa'i ltung bar 'gyur ro/ /de ste dge slong gos gos sngon po 'am/ dmar po dang ser po zhig tshes gcig la rnyed nas de kha ma longs na rnyed du re ba yin na zla ba gcig tu gzhag par bya'o/ /de ste tshes gcig gis nyin par kha sogs rnyed na zhag bcu tshun chad du byin gyis brlab par bya/ gzhan la bskur bar bya byin par bya/ de ltar ma byas na ltung spang ba'i ltung bar 'gyur ro// ji ltar gos sngon po la spang ba'i ltung bar 'gyur ba de bzhin du sbyar te/ gos longs pa zhig na zhag bcu 'das nas spang ba'i ltung bar 'gyur ro/ /gos kha ma longs pa kha sogs na ma rnyed pa nas zhag bcu las 'das na spang bar 'gyur ro/ /kha sogs ma rnyed zla ba gcig las 'das na ltung bar 'gyur ro/ /gos tha na lhag khru gang yan chad la ltung bar 'gyur ro/ /dge slong gis chos gos bkru ba dang/ brkyang ba dang/ dra ba dang/ drub pa dang/ kha dog bsgyur bar bya/ sbyar ma dang bting pa ni nyis rim du gyis shig /stod g.yogs dang mthang gos ni tshig rim du gyis shig /sbyar ma nyis rim las sum rim du sbyar na byed pa'i tshe nyes byas so/ /zhag bcu las 'das na spang bar 'gyur ro/ /nyis rim las phye ste zhag bcu las 'das na spang bar 'gyur ro/ /stod g.yogs dang mthang gos tshig rim las nyis rim du sbyar na spang ba'i ltung bar 'gyur ro/ /zla ba gcig las gos lhag ma bcangs na spang bar 'gyur ro/ /zhes 'byung ba/ gos rnyed nas dge slong sems 'khrugs na/ nam rang gis sems rnyed tshun chad zla ba gcig tu bci'o/ /zla ba gcig 'das pa nyes par 'gyur ba/ tshe gcig tu bcangs kyang nyes par mi 'gyur ba yod de/ /zla ba gcig tshun chad dus byas pa'o/ /gos lhag zla ba drug tu bcangs kyang nyes

  150. 75b

    par mi 'gyur ba yang yod de/ gos rnyed nas zla ba gcig lon pa dang/ dge 'dun gyi brtan pa bting bar gyur pa'o/ /kha sogs zla ba gcig tu zhog shig ces bya ba yang/ chos gos gsum la gcig mchog pa la chos gos gsum 'tshang ba la gos lhag pa dang thams cad ni kha sogs su mi chud te/ zhag bcu las 'das na spang bar 'gyur ba ni bcom ldan 'das kyis gnang ba'i gos rnam pa bdun po la bya'i/ mi gnang ba'i gos la zla ba gcig las 'das kyang spang bar mi 'gyur te/ mi gnang ba gang zhe na/ rgyu rung la spun mi rung ba 'am/ spun rung la rgyu mi rung ba dang/ gnyi ga mi rung ba ste rnga mo'i bal dang/ ra'i bal dang/ ri dags kyi bal 'dres pa ni zla ba gcig las 'das kyang nyes par mi 'gyur ro/ /de la chos gos sbyar ma ni rnam pa dgu ste/ snam bu dgu pa dang/ bcu gcig pa dang/ bcu gsum pa dang/ bco lnga pa dang/ bcu bdun pa dang/ bcu dgu pa dang/ nyi shu rtsa gcig pa dang/ nyi shu gsum pa dang/ nyi shu lnga pa'o/ /ci'i phyir tshal bu can du bya zhe na/ khyim bdag mgon med kyis dge slong la phyag 'tshal ba las myur 'dug dang nor las de dang bye brag tu bya ba'i phyir yul mnyam ka'i 'bras zhing nang la gzigs nas chos gos snam bu can du gyis shig ces bka' stsal to/ /'khru ba'i gleng gzhi ni sangs rgyas bcom ldan 'das mnyan du yod pa na bzhugs so/ /de'i tshe mnyan du yod pa na tshe dang ldan pa 'char ka po yang rab tu byung ste/ chung ma sped ma yang skye dgu'i bdag mo go'u ta mas rab tu byung nas go'u ta ma'i gan nas tshe dang ldan pa 'char ka po 'ongs pa thos nas de ltar 'gro'o zhes song ba dang 'char ka po'i gnas khang na gnyis pu chos 'chad pa las/ 'dod chags skyed pa mos tshor ba las bros nas phyi bzhin du bsnyags pa dang/ lam du khu ba byung nas 'dod chags zhi ba mthong ba dang/ mo yang slang log go /de nas gos

  151. 76a

    de mo la 'khrur bcol ba dang/ mos kyang khu ba blangs nas mtshan gyi nang du blugs pa dang phyis pur chags te bur byung ba las/ ma dad pa rnams 'phya zhing mi snyan par 'dzer te/ 'char ka bkug ste rmas na mang ngo zhes gsol nas/ rigs ma yin/ tshul ma yin zhes smad nas/ yang dge slong zhes bya ba ni 'char ka ste gzhan yang de dang 'dra'o/ /gnyen ma yin zhes bya ba ni pha dang ma'i zung bdun tshun chad ni gnyen/ de phan chad gnyen ma yin no/ /dge slong ma zhes bya ba ni chos de la zhugs pa'o/ /gos snying pa zhes bya ba ni sar pa la nyes par mi 'gyur bas rnying pa zhes smos so/ /gos zhes bya ba ni bal las byas pa dang/ shan ka'i shun pa dang/ zar ma'i shun pa dang/ shing bal gyi dang/ rtswa du gu la'i dang/ rtswa ko pa la'i bal dang/ srin bal ste rnam pa bdun po las gang yang rung ba'o/ /'khru zhes bya ba ni tha na chu'i nang du bcal ba tsam yod do/ /'ched ces bya ba ni tha na tshon gyi nang du bsubs pa tsam mo/ /'chag ces bya ba ni thal brdabs pa tsam mo/ /spang ba'i ltung ba zhes bya ba ni dngos po spangs nas ltung ba bshags par bya'o/ /gnyen yin nam ma yin zhes the tshom za bzhin du bcol na nyes byas su 'gyur ro/ /gnyen ma yin pa'i dge slong ma la bcol kyang ltung bar mi 'gyur ba yang yod de/ /phrin dang phrin yig dang/ lag brda dang/ gcig nas gcig tu brgyud de bcol ba dang/ dge slong ma smyon ma dang/ sems 'khrugs pa dang/ nad kyis gzir ba dang/ glen ma dang/ lkugs ma dang/ 'on ma rnams las 'khrur bcol na thams cad kyang nyes byas su 'gyur ro/ /ma ning dam/ pha ma dang/ dgra bcom pa bsang ba dang/ sangs rgyas la ngan sems kyis khrag phyung ba dang/ mu stegs can dang/ rkun gnas su gnas pa dang/ mi gnas pa dang/ sngar 'khrugs pa dang/ sngar nyes pa byung ba rnams la bcol na thams cad

  152. 76b

    la nyes byas su 'gyur ro/ /dge 'dun gyi gos sam/ bkrus zin pa 'am/ thun mong du dbang ba 'am/ gzhan gyi phyir bcol ba ni thams cad du nyes byas su 'gyur ro/ /dge 'dun gyi dbyen byed pa dang/ rjes su phyogs pa dang/ bslab pa byin ma la 'khrur bcol na spang ba'i ltung bar 'gyur ro/ /'gro ba gzhan du gnas pa'i bud med dang/ dge sbyong ma dang/ mu stegs ma dang/ khyim bdag mi mo la bcol na thams cad du nyes byas su 'gyur ro/ /len pa'i gleng gzhi ni sangs rgyas bcom ldan 'das mnyan du yod pa'i dze ta'i tshal na bzhugs so/ /de'i tshe na dge slong ma rnams dgon pa na gnas su gnang ste/ dge slong ma utpala'i kha dog ma 'khor dge slong ma lnga brgya tsam dang longs pa tshal du nyin par sgom du dod pa las dge slong ma'i 'khor rnams ni mkhan mo lha rdzu 'phrul gyis byon grang zhes de ltar bzhag nas rang rang gi gnas su slar log go /mo 'ga' zhig 'gog pa'i snyoms par zhugs shing 'dug pa dang/ de'i nub mo mi rgod dag cig lhags pa dang/ de dag kyang dad pa skyes nas ras bzang po yug cig spyan gzigs kyis bkang ste/ de'i drung du bzhag ste dod do/ /phyi de nyin mo ras dang spyan gzigs khyer te dze ta'i gtsug lag khang du dbul bar byas pa dang/ bsnyen dga' bo gtsug lag khang gi sgo na 'chag cing 'dug pas spyan gzigs ni gtsang sbyor la gtad nas rang bslangs so/ /phyis utpala'i kha dog can bcom ldan 'das kyi zhabs la phyag 'tshal du son pa dang/ bcom ldan 'das kyi gos ngan na 'dir dbyar gnas pa'i dge slong ma rnams gos kyi rnyed pa ma grub bam zhes kun dga' bo la smras pa dang/ btsun pa rnyed mod kyi sring mo 'di ni rang bzhin gyis bsam pa dge ba cung zad ci rnyed kyang dkon mchog gsum la dbul la/ de ring yang ras bzang po cig rnyed na bsnyen dga' bos blangs so zhes gsol ba dang/ ci dge slong ma gnyen ma yin pa la gos len tam zhes smras pa dang/ btsun pa de

  153. 77a

    bzhin no zhes gsol nas/ gnyen yin kyang de la sbyin pa'i 'du shes skyed kyi/ gnyen ma yin pa la chos gos lnga tshang ngam mi tshang mi rtag par thob thob len tam/ grong khyer yangs pa'i 'tshod nas chos gos phyung ste/ dge slong ma utpala'i kha dog la byin cig ces bka' stsal te/ de ltar gyur pa de'i phyir yang dge slong gang gnyen ma yin pa zhes 'dul ba la bslab pa'i gnas bcas te rtsa ba'i tshigs rnams so/ /brje ba ma gtogs zhes bya ba ni mnyan du yod pa na khyim bdag dad pa khyo shug gnyis shig gnas te/ 'jig rten phyi ma'i lam rgyags sogs pa'i khyim bdag gis ni dge 'dun pha rnams myan? drangs te/ gos re re yon du gsol/ khyim bdag gi chung mas bshos dang na bza' phrugs re re gsol ba dang/ dge slong ma rnams gos rin po che'i rnams lan du mi gnang bar snyan du zhus te bka' stsal pa/ long la dge slong pha dang brjed gnang ngo/ /yang dge slong gang zhes bya ba ni bsnyen dga' bo ste gzhan yang de dang 'dra ba'o/ /gnyen ma yin zhes bya ba ni pha ma'i bdun rgyud tshun chad de phan chad ma gtogs pa'o/ /dge slong ma zhes bya ba ni gang la dge slong ma'i dngos po yod pa'o/ /gos zhes bya ba ni gong du rnam bdun smos pa'o/ /brje ba ma gtogs zhes bya ba ni bkol ba'o/ /dngos po spangs nas ltung ba bshags par gyi'o zhes gsungs so/ /gnyen ma yin pa la the tshom za bzhin du blangs na nyes byas so/ /dge 'dun la phul ba'i nang du bdag gtogs pa dang/ snyan tshig du smras ba la byin pa dang/ bsnyan par rdzogs pa la byin pa dang/ rkun pos phrogs kyis dogs te byin pa dang/ grags po dang brjes te byin pa dang/ grogs dang bsod nams dang ldan pa la dge slong mas 'di 'dra ba zhig thugs brtse ba'i slad du bzhes su gsol chags pa med par phul la nyes pa med do/ /gnyen ma yin pa'i pa dge slong

  154. 77b

    mal gos blangs pa spang bar mi 'gyur ba yang yod de phrin dang/ phrin yig dang/ lag brda dang/ gos kyi rgyu rung la spun mi rung ba dang/ gos kyi rgyu mi rung la spun rung ba dang/ gnyis ka mi rung ba dang/ dge tshul ma dang/ bsnyen par ma rdzogs pa dang/ de rnams la gos blangs na thams cad du nyes byas su 'byung ngo/ /bslab pa byin pa dang/ dge slong ma dbyen byed pa dang/ rjes su phyogs pa las ba slabs/ pa na spang ba'i ltung bar 'gyur ro/ /slong ba'i gleng gzhi ni bcom ldan 'das mnyan du yod pa na bzhugs so/ /de'i tshe na khyim bdag khyo shug gnyis shig yod de/ longs spyod bsgrub par gros byas nas des chung ma la brdang? po rgyags sta gon gyis shig tshod la 'gro'o/ /des kyang khyo brdzangs te btang ngo/ /de song ba'i 'og tu chung ma rgyags zong gis ras bzang po zung cig byas nas khyim thab phyir 'das ma thag tu byin nas/ ras 'di su la yang ma byin cig ces bsgo'o/ /de de nas 'dzi ta'i gtsug khang du phyag 'tshal du song ba dang/ dze ta'i sgo bas kyang ras bzang po zhes bstod do// bsnyen dga' ba yang dze ta'i gtsug lag khang gi sgo na 'chag cing 'dug pas thag ring po nas 'ong ba mthong nas/ gos de ni bdag gis kyang ma thob par mi btang ngo snyam ste/ khyim bdag zla ba ches pa lta ste 'das pa legs so zhes smras nas bsnyen dga' bo yang rang bzhin gyis chos 'chad mkhas pas des sbyin pa'i yon tan bshad pa dang dad pa skyes nas des 'phags pa gos shig yon du dbul lo/ zhes khas blangs pa dang/ khyed kyis gyon pa 'di byin zhes pa dang/ ras ya? cig byin no/ /byin ba'i bsod nams ni yod na spyad pa'i bsod nams ni med de gos gdang la bkal bas de gsang ste song na ya gcig kyang gsong la byin khyod ni gtsang? bu pa dang 'dra bar phrugs rjes kyi rjes su phyi bzhin gyi rdul gyi nang du song shig ces nan gyis

  155. 78a

    blangs te/ de yang de bzhin du song ba dang/ sgo ba dang phrang te gos bzang po ga re zhes dris nas/ de na re bsnyen dga' bos chos kyi sgo nas phrogs so zhes byas pa dang/ ma dad pa rnams 'phya bar gyur to/ /de nas khyim bdag mgon med zas sbyin sangs rgyas la phyag 'tshal tu chas te/ dze ta'i sgor phyin pa dang/ sgo ba la ci mthong zhes smras na/ gzhan ni ma mthong gi /'dir rkun po zhig byung ngo zhes smras pa dang/ bsnyen dga' bos khyim bdag la chos bsgo nas khyim bdag la ras blangs so zhes byas pa dang/ khyim bdag mgon med zas sbyin gyis/ de lta bu'i mi rigs zhes sdom pa bcal bar snyan du gsol ba nas 'dul ba la bslab pa'i gnas bcas te/ yang dge slong gang zhe na rtsa ba'i tshigs rnams so/ /dus ma gtogs zhes bya ba ni pa ta'i dge slong bzhi bcu ljongs rgyu zhing dong ba las/ tshom pos bcom nas gos med de/ bdag cag khyim pa las slong du ni mi gnang bas/ 'dze ta'i tshal du dge slong grogs po rnams la blang ngo/ /de ltar gyur pa snyan du bdas nas da slan chad gos rkun pos khyer ram/ rleg gam mes tshig gam chus khyed te med na slong ba'i dus yin te dus ma gtogs zhes gsungs so/ /yang dge slong gang zhes bya ba ni bsnyen dga' bo ste gzhan yang de dang 'dra'o/ /gnyen ma yin zhes bya ba dang/ gos rnam pa bdun ni gong ma bzhin no/ /khyim bdag ces bya ba ni skyes pa'o/ /chung ma ni bud med do/ /dus ma gtogs zhes bya ba ni bkol ba'o/ /chos gos rkun pos khyer ba la sogs pa ni gzhan gyis khyer nas bdag la med pa'o/ /spang ba'i ltung ba ni dngos po spangs nas ltung ba bshags par bya'o/ /nyes pa ni ring thang dang kha dog dang khru'o/ /dge slong gis kar sha pa na bcu ri ba dang lnga bcu ri ba'i gos blangs te grub na spangs pa'i ltung bar 'gyur ro/ /kha dog sngon po dang/ ser po dang dmar po blangs te/ de bzhin du grub na

  156. 78b

    spang bar 'gyur ro/ /khru lnga pa na lnga bcu'i bar du bslangs ste grub na spang ba'i 'gyur ro/ /blangs pa las lhag pa med rnyed pa ni ltung ba med do nyes byas so/ /phrin dang phrin yig gis bslangs pa dang/ khyim pa smyos pa dang/ sems 'khrul ba dang/ nad kyis zin pa dang/ glen pa dang/ lkug pa dang/ 'on pa dang/ gnyid kyis log pa dang/ phyi'i mu stegs can dang/ 'gro ba gzhan du gnas pa las bslangs nas nyes byas su 'gyur ro/ /gos kyi rgyu rung la spun mi rung ba dang/ spun rung la rgyu mi rung ba dang/ gnyis ka mi rung ba ni nyes byas su 'gyur ro/ /stod g.yogs dang smad g.yogs slong du gnang ba'i gleng gzhi ni bcom ldan 'das mnyan du yod pa na bzhugs so/ /de'i tshe mnyan du yod pa ste/ bsnyen dga' bos sngan chad ni dus ma yin par gnyen ma yin pa la slong du gnang ba las 'das pa'i mgon mang zas sbyin gyis khyim bdag pho la slong du mi gnang bar bcas pa'i na rnyed pa yang rab tu nyung na yul ba ta'i dge slong mnyan du yod par 'ongs pa las lam du tshom pos bcom nas stod g.yogs dang/ smad g.yogs dang slong du rjes su yang gnang bas/ drug sde po rnams kyis pa ta'i dge slong 'di dag bsdubs? te/ pa ta'i dge slong la spring nas/ drug sde bo'i khor dang bcas pa drug bcu dang spel te/ rgyal po dang/ btsun mo phreng ldan ma man chad gnyen ma yin pa'i khyim bdag la gos khyim bdag gcig gi khyims re re yang gos phrugs bcu gsum/ bcu gsum blangs so/ /de dag la yo byad bcu gsum tshang bar blangs te/ 'khod pa dang/ gos bzang dgu drug sde pos bsdams te khyer ro/ /ngan snyigs thams cad pa ta'i dge slong rnams la byin nas de dag 'tshem zhing 'khod pa dang dge slong dag gis gos mang du rnyed pa ga re zhes smras ba dang/ ci ltar gyur pa zhib tu smras pa las snyan du bdas nas pa ta'i dge slong rnams la bka' stsal pa/ da tshod mi zin par

  157. 79a

    slong ba nyid ces smad nas/ da sman chad dus la bab kyang stod g.yogs dang/ /smad g.yogs las lhag par blangs na spang ba'i ltung ba'o zhes bslab pa'i gnas bcas so/ /dge slong gos rkun pos khyer zhes bya ba ni g.yon can gyis phrogs par gyur pa'o/ /gos? rlag ces bya ba ni rlag pa 'am brjed te tong ba'o/ me dang/ chu dang/ rlung ni dngos su zad do/ /gnyen ma yin pa dang gos kyi rgyu rnams bdun ni gong ma bzhin no/ /slong zhes bya ba ni bslang pa'o/ /'dod ces bya ba ni dgos par gyur pa'o/ /stod g.yogs dang smad g.yogs las lhag par ma len cig ces bya ba ni de la so lhag par len du mi gnang ba'o/ /stod g.yogs dang smad g.yogs rnam pa gnyis te/ khyim pa'i dang dge slong gi lo?/ /dge slong gi stod g.yogs dang smad g.yogs blangs pa las lhag par gyur na slong ba'i tshe nyid byas so/ /thob na spang bar 'gyur ro/ /khyim pa'i stod g.yogs la yang de bzhin du sbyar ro/ /stod g.yogs smad g.yogs mchog na yang slongs shig /lhag na yang slar sbyin cig /ma byin na spang bar 'gyur ro/ khyims pa'i smad g.yogs bslangs pa las mchog na yang ma slong zhig /blangs na slang bar 'gyur ro/ /lhag na yang slar ma byin cig /dge slong gis rang gi stod g.yogs dang smad g.yog lhag par gyur pa ma byin nam/ lhag par bslangs na spang bar 'gyur ro/ /gos kyi rin khyim bdag gis sngar gzas pa las lhag par blangs pa'i gleng gzhi ni bcom ldan 'das mnyan du yod pa na bzhugs so/ /da'i tshe khyim bdag khyo shug gnyis yod de/ de yang so sor 'phye zhing/ bran mo la brdeg pa dang/ bsnyen dga' bos khyim bdag la chos dag bshad pas de gnyis kyang snga ma'i skyon kun spangs te dran mo la yang mi brdeg pas rang gi khyim so yang tshugs so/ /de gnyis

  158. 79b

    kyis bsams pa/ bdag cag 'di ltar 'khod pa yang bsnyen dga' bo'i bka' drin yin gyis 'phags pa bsnyen dga' bo la gos rin zhig dbul lo zhes spags pa dang/ bran mo des mthong nas bran mo nang zhig bsnyen dga' bo der 'ongs pa la kho'i drin slar glan pa'i phyir bsnyen dga' bo la zod spags pa bra spran to/ /de nas bsnyen dga' bos khyim bdag khyod shug la/ khyed kyis nga la sbyin par gzas pa deng la byin cig ces smras na/ 'phral? du ma 'byor ba dang tshong pa phyag po gcig la khyim bdag skyir song ba dang/ snyen dga' bos thabs su byas te/ tshong ba ngan pa de la ras bzang po phyung ba dang/ bsnyen dga' bo nan gyis then te khyer ro/ /khyim bdag de la rin bzhal du bcug pa dang/ phyis de la rin ma khor nas/ de'i phyir tshong pas khyim bdag bzung ste/ nyin mtshan la btags pa dang/ de'i mdza' bo bdag gis mthong nas/ khyod mar 'thungs sam/ rims nad kyis btab bam ci nyes te nyin mtshan la 'dug /bdag gis ni mar yang ma 'thungs te bu lon gyi phyir bzung ngo/ /khyod nyid kyi tshe 'am pa mes kyi tshe chags/ gang yang ma yin te/ shAkya'i bu dag gis te gang byin pa de ni mi len te lhag par slong ngo/ /de ltag gyur ba la snyan du bdas nas/ dge sbyong gi tshul ma yin zhes smad de/ gzhan gyis bshams pa las lhag par slong du mi gnang bar bcas so/ /dge slong zhes bya ba ni shAkya'i bu bsnyen dga' bo ste gzhan yang de dang 'dra ba'o/ /gnyen ma yin zhes bya ba ni pha ma'i zung bdun rgyud tshun chad ni gnyen no/ /de phan tshad ni gnyen ma yin no/ /khyim bdag ces bya ba ni skyes pa dang bud? med? do/ /gos kyi rin gyis zhes bya ba ni gseng dang dngul lo/ /bdag gis gos kyi rin ngas de ltar na 'di 'dra ba'i gos kyis shig ces bya ba ni bal las byas pa dang/ sha na ka'i shun pa las byas pa dang/ zad ma'i shun pa las byas pa dang/ tso

  159. 80a

    du gu la las byas pa dang/ rtswa go tham pas las byas pa dang/ shing bal gyi dang/ srin bal te bdun po las gang yang rung ba'o/ /nyos pa zhes bya ba ni nyo ba'o/ /dge slong ming 'di zhes bya ba 'ongs zhes bya ba ni bsnyen dga' bo ste/ de las dus su gos sbyin par sems pa'o/ /snga ma bsgo zhes bya ba ni ma spran pa'o/ /rnam par rtog pa 'ga' zhig byung bya ba ni gos tshol bar zhugs pa'o/ /gos de lta bu zhig bskon na legs so zhes bya ba bzang po 'dod pa'o/ /spang ba'i ltung ba zhes bya ba ni dngos po spangs nas ltung ba bshags par bya'o/ /de la nyen gang zhe na rin thang dang/ kha dog dang/ khru tshad do/ /kar sha pa na lnga ri ba bslangs pa las lhag par thob pa dang/ khru lnga pa spang ba las lhag par thob pa las/ kha dog sngon po dang/ ser po dang/ dmar po byin pa las lhag par bslangs na slong ba'i tshe nyes byas so/ /thob na spang ba'i ltung bar 'gyur ro/ /dge slong gi sngar ma spran par rnam par rtog pa bskyed nas phrin dang/ phrin yig dang/ lag brda dang/ gcig nas cig tu brgyud pas gos thob na nyes byas so/ /khyim bdag smyon pa dang/ sems 'khrugs pa dang/ nad kyis gzir ba dang/ 'on pa dang/ lkug pa dang/ mu stegs can dang/ bram ze dang/ kun tu rgyu ba la rnam par rtog pa bskyed de gos thob na nyes byas su 'gyur ro/ khyim bdag la rnga mo'i bal dang/ ra'i bal dang/ ri dags kyi bal dang/ 'dres pa rgyu mi rung ba bslangs na nyes byas su 'gyur ro/ /mi ma yin la slong na nyes byas su 'gyur ro/ /so so nas spags pa'i gleng gzhi ni bcom ldan 'das mnyan du yod pa na bzhugs so/ /de'i tshe khyim bdag khyo shug gnyis shig yod de/ de yang so sor 'byor zhing longs/ spyod kyang 'gribs/ bran mo yang brdeg pa las bsnyen dga' bos bslab pa la gzhag pa la sogs ltung ba gong ma dang 'dra ba'o/ /khyad par ni khyim

  160. 80b

    bdag dang khyim gyis chung? mas dge slong la gos kyi rin so bor bzhag pa tsam zhig yod do/ /so sor zhes bya ba ni khyim bdag kyang bdag rang gi nor yin pa dang/ chung ma yang bdag rang gi nor gud pa yin pa las de gnyis gcig tu bsdus nas dge slong la sbyin pa ni so so nas zhes bya bas so/ /bdag la bskon cig ces bya ba ni gnyi gas bdag dus su byin cig pa'i don no/ /gnyis gas kyang gyur ba zhes bya ba ni gos bzang po mtshungs par bya bar sems shig pa'o/ /bzang po 'dod pa zhes bya ba ni bde bar bsgrub pa'i bya ba'i rkyen yin te/ 'jam pa la sogs pa'i yon tan dang ldan par 'dod pa'o/ /phyir zhes bya ba ni rgyal bya'o/ /nyes par 'gyur ba gzhan ni gong ma bzhin no/ /bkur pa'i gleng gzhi ni bcom ldan 'das mnyan du yod pa na bzhugs so/ /de'i tshe rgyal po'i khab na bsnyen dga' bo 'dug pa'i steng du bram ze dbyar byed kyis gos kyi rin kar sha pa na drug bcu sngar byin nas bsnyen dga' bo nyid ni sangs rgyas kyi zhal 'bring du mnyan du yod par song nas/ bram ze dbyar byed kyis gos kyi rin tshong pa zhig la phyi bzhin du yod par bkur ba las mnyan du yod par bsnyen dga' bos zod tshong ba'i gan du song ste/ zod tshong pa zhig gi lag tu bzhag go /phyir len par dus byas pa las bsnyen dga' bo dus su ma 'ongs nas tshong pa yang bsnyen dga' bo la sdod sdod de/ mdun ma la phyis pas rgyal pos chad pas kar sha ba na drug bcus bcad do zhes 'byung ba dang/ 'gro khar bsnyen dga' bos zod blangs na tshong pa de yang mdun ma la rings pas zod snod dang bcas te bor ba dang rgya gogs nas des klan ka btsal te tshong pa ma btang ba dang/ /tshong pa chad pas bcad de ma dad par gyur pa dang/ rung ba ma yin pa len cing pha rol po'i sems mi srung la thob pa la g.yeng bar byed pas ma dad par byas te/ spos 'tshod gi mas de ltar chad pa kar sha pa na lnga

  161. 81a

    brgya bcas pa de sus lan zhes smras pa dang/ shAkya'i dge slong dag la dga' bas de ltar gyur to zhes 'dzer ba dge slong dag gis thos te snyan du gsol to/ /de ltar gyur pa bden nam zhes bsnyen dga' bo la bkas smas na/ mang ngo zhes gsol nas rung ba ma yin rigs pa ma yin zhes bya bkas smad nas bslab pa'i gnas te/ yang dge slong zhes rtsa ba'i tshig rnams smos so/ /dge slong gi phyir zhes bya ba ni shAkya'i bu bsnyen dga' bo ste/ gzhan yang 'di dang 'dra ba'o/ /rgyal po zhes bya ba ni rgyal po'i rigs la sogs pa rigs rnam bzhi 'am/ skyes pa'am/ bud med rgyal por dbang bskur ba la bya'o/ /rgyal po la bka' gros dbul zhing brten pa ni blon po zhes bya ba'o/ /bram ze ni gtsang sgra can no/ /khyim bdag ces bya ba ni phyug pa'o// gzhongs kyi mi zhes bya ba ni yul mi'o/ /nor can zhes bya ba ni phyug pa'o/ /tshong dpon zhes bya ba ni thabs byin pa'o/ /ded dpon zhes bya ba ni 'dron po mang po ded cing lan grangs mang du phyin pa'o/ /pho nya'i lag tu zhes bya ba ni bud med dam/ skyes pa 'am ma ning la'o/ /gos kyi rin zhes bya ba ni gser dang dngul lo/ /de nas pho nyas gos kyi rin de khyer te/ dge slong ga la ba der song ste phyin pa dang/ dge slong la 'phags pa rgyal po dang bram ze la sogs pa ming 'di zhes bgyi bas khyod la gos kyi rin 'di bskur gyis 'phags pa thugs brtse ba'i slad du 'di dag bzhes su gsol zhes de skad zer ba dang/ dge slong des pho nya de la tshe dang ldan pa pho nya dge slong rnams ni gos kyi rin len du mi rung ste bdag cag dus su gos shig rnyed na ni len to zhes bya de skad smras shig /rung ba zhes bya ba ni spyad par 'os pa'o/ /gal te pho nya des dge slong de la 'phags pa rnams kyi zhal ta bgyid pa 'ga' 'chis sam zhes de skad zer ba dang gos 'dod pa'i dge slong gi zhal ta byed pa ston cig /gos 'dod ces bya ba ni

  162. 81b

    dgos par gyur pa'o/ /kun dga' i ra ba pa zhes bya ba ni rung bar byed pa'o/ /dge bsnyen zhes bya ba ni skyabs su song zhing bslab tshig lnga la gnas pa'o/ /tshe dang ldan pa pho nya 'di ni dge slong gi zhal ta byed ste/ zhal ta byed pa'o/ /de nas pho nyas gos kyi rin khyer la zhal ta pa'i der song ste phyin nas zhal ta pa la tshe dang ldan pa zhal ta pa shes pa dgyis shig /khyod kyi gos kyi rin 'di lta bu 'di 'dra ba'i gos shig nyos zhig 'di zhes bya ba'i dge slong 'ongs pa dang/ de la dus su gos rung ba bskon cig rung ba zhes bya ba ni spyod par 'os pa'o/ /de nas pho nyas 'phags pa zhal ta pa bdag la bstan pa gos bdag gis phul cig par btang pa lags kyis der long zhes bsgo shig pa'o/ /de nas dge slong gi zhal ta byed pa'i gan du song ste/ tshe dang ldan pa bdag gis gos bgos so zhes lan gnyis lan gsum bskul cig /byin na ni legs ma byin na lan lnga drug tu snang ba'i phyogs su 'dug cig /snang ba'i phyogs ni bzhi'o/ /bskul ba'i sgo ni drug go /snang ba'i phyogs gang zhe na/ 'dug nas par khyim dang/ zhing dang/ las byed pa'i gnas so/ /bskul ba'i sgo drug ni khyod byon tam zhe na/ de'i phyir ro zhes bya ba dang/ bde bar byon tam zhe na yang don de'i phyir ro zhes bya ba dang/ gdan 'di la bzhugs shen yang don de'i phyir ro zhes bya ba dang/ bca' ba 'tsho zhe na yang don de'i phyir ro zhes bya ba dang/ bza' ba zo zhe na yang don de'i phyir ro zhes bya ba dang/ btung ba 'thung zhes bya na yang don de'i phyir ro zhes bya ba dang/ drug po bskrul ba'i sgo yin par tshig myur du smras te/ pha rol gyis ma gon sgo drug ma rdzogs pa'o/ /mi rings par ngal nas smras te pha rol gyis don gon sgo drug pa rdzogs pa nyid do/ /gal te ma grub na de'i 'og tu stsal te thob na spang ba'i ltung ba zhes bya ba ni dngos po spangs

  163. 82a

    nas ltung ba bshags par bya'o/ /de'i 'og tu gos ma grub na dang po gang nas 'ongs pa der sngon cig ces bya ba ni bdag gi slob ma ma dag par bya'o/ /tshe dang ldan pa khyod kyis zod? bskur ba bdag gi ci yang ma grub po zhes bya ba ni nad pa'i sman la sogs par ba na ma thogs pa'o/ /de ni 'du shes bya ba ni de dang mthun pa'i chos so/ /nyes par 'gyur pa ni bdag po yang mi/ pho nya yang mi/ dge slong yang mi yin na ltung bar 'gyur ro/ /mis byin pa la mi ma yin pas pho nya byas sam/ mi ma yin pas/ byin la mis pho nya byar rung bar byas na nyes byas su 'gyur ro/ /lan lnga drug tu ma thob pa las slad kyis btsal te grub na ltung bar 'gyur ba de la gzhan gyi sgo nas ltung bar mi 'gyur ba yang yod de/ phrin dang phrin yig gis lan lnga drug las lhag par brtsal te gos grub na nyes byas su 'gyur ro/ /de bzhin lag brda gcig nas gcig tu brgyud pa'ang nyes byas su 'gyur ro/ /dge slong gis khyim pa smyon pa dang/ ra ro ba dang/ nad kyis gzir ba dang/ sems 'khrugs pa dang/ glan pa dang/ lkugs pa dang/ snyoms par zhugs pa dang/ mu stegs can dang/ 'gro ba gzhan du gnas pa la/ lan drug las lhag par gos bsgrubs te thob kyang nyes byas su 'gyur ro/ /gos kyi rgyu dang spun mi gnang na blangs kyang nyes byas su 'gyur ro/ /spang pa'i chos gos kyi tshogs nye bcu phung dang po'o// //stan gyi tshogs las brtsams te/ srin bal las stan byed pa'i gleng bzhi ni bcom ldan 'das mnyan du yod pa rdze ta'i tshal na bzhugs so/ /nga'i cha? na dge slong mang po dag srin bal gyis stan sar pa byed du 'jug ste/ bya ba dang byed pa mangs pas kha ton dang lung 'bog pa'i bar chad du gyur pa dang/ srin bal gyi stan bzang po la chags pas/ bzang po 'dod pa'i phyir rin che zhing dkon pa'i lam stan tshol zhing gzhan la slong bas na de'i phyir srog

  164. 82b

    chags mang po gsod par gyur pas/ phyi'i mu stegs can rnams dge sbyong mgo rig de la bsod snyoms sbyin par su spro zhes mi snyan par 'dzer ba dge slong dag gis snyan du gsol nas/ bkas smas pa/ mang ngo zhes gsol ba dang/ gso dka' ba dgang dga' ba zhes smas nas/ chog shes pa dang/ sbyangs pa'i yon tan la dga' ba la yon tan bsngags nas yang dge slong gang zhes 'dul ba la bslab pa'i gnas bcas/ /yang dge slong zhes bya ba ni dge slong mang po ste/ gzhan yang 'di dang 'dra ba'o/ /stan sar pa zhes bya ba ni sar pa la rnam pa gnyis ste/ sar pa nyid sar ba dang/ gnyer pa gnyid sar pa'o/ /skabs 'dir ni sar pa nyid la bya ba'o/ /srin bal gyi stan sar pa byed ces bya ba ni nad tshangs can dang/ bcags pa'o/ /byed ces bya ba ni bdag dang gzhan gyis so/ /spang pa'i ltung ba ni dngos po spangs nas ltung ba bshags par bya'o/ /nyes pa ni srin bal gyi phung po dang sgong nga byed dam 'jig gam rmel tam rmel du bcug ste/ stan du ma zin par du nyes byas so/ /zin na spang ba'i ltung ba'o/ byas pa rnyed pa dang/ byas zin pa spyod pa dang/ rnying pa 'chos pa la nyes pa med do/ /gzhan la bgyid du brtsal ba dang/ gzhan gyi phyir byed pa dang/ gzhan gyis ma zin pa zin par byed pa dang/ khyim pa la bgyid du brtsal ba kun nyes byas su 'gyur ro/ /bslab pa byin pa dang/ dge tshul pha dang/ dge tshul ma dang/ rkun gnas kyis srin bal gyi stan byas na nyes byas su 'gyur ro/ /'gro ba gzhan du gnas pa dang/ mu stegs can dang/ kun tu rgyu ba la stan byed du bcug na nyes byas so/ /rgyu dang spun gcig rung la gcig mi rung ba 'dres par stan byed du bcug na nyes byas su 'gyur ro/ /srin bal dang/ zar? ma'i bal dang 'dres par byed du bcug pa dang/ srin bal dang se po dang 'dres pa byed du bcug na nyes byas su 'gyur ro/ /gding ba'i tshad bde bar gshegs pa'i tshad du nyes byas su

  165. 83a

    'gyur ro/ /'dir pa'i chen po'i tshad ni khru phyed dang lnga'o/ /chung ngus ni khru phyed dang gsum mo/ /bar ma ni 'bring ngo/ /bal nag po 'ba' zhig la stan byed pa'i gleng gzhi ni bcom ldan 'das mnyan du yod pa na bzhugs so/ /de'i tshe na dge slong mang po dag lug bal nag po 'ba' zhig la stan byed de lug bal nag po yang rin che zhing rnyed dka' ste khyim bdag bram ze kun la tshol zhing slong bas lung bog pa dang bsam gtan byed pa'i bar chad du gyur pas/ don nyung ba'i dge slong rnams kyis snyan du gsol nas/ gso dka' ba dgang dga' ba zhes smas nas/ spyangs pa'i yon tan la dga' ba dang tshon zin pa'i legs pa bsngags nas 'dul ba la bslab pa'i gnas bcas te/ yang dge slong zhes rtsa ba'i tshigs rnams so// yang dge slong gang zhes bya ba ni dge slong mang po ste/ gzhan yang de dang 'dra ba'o/ /bal nag po 'ba' zhig ces bya ba ni nag po la rnam pa gzhi ste/ rang bzhin gyis gnag pa dang/ sngon por brtsos pa dang/ sa nag gi nang du btsos pa dang/ dri ma can lta bu'o/ /skabs 'dir ni rang bzhin gyi gnag pa la bya'o/ /lug bal zhes bya ba ni spu'o/ /sar pa zhes bya ba ni gnyis te/ gsar du byas pa dang/ rnyed pa sar pa'o/ /skabs 'dir ni sar pa byas pa'o/ /stan zhes bya ba ni nang? tshangs can dang/ bcag pa la bya'o/ /byed ces bya ba ni bdag dang gzhan gyis so/ /spang pa'i ltung ba ni dngos po spangs nas ltung ba bshags par bya'o/ /nyes pa ni bal gyi phung po dang/ ke'u dang/ chun po bshig gam rmel te/ stan du byas na ltung bar 'gyur ro/ /gzhan gyis phyin pa dang/ byas zin pa la spyod pa dang/ rnying ba 'chos pa la ni nyes pa med do/ /phrin dang phrin yig gis byed du bcug pa ni rim pa gong ma bzhin du sbyar ro/ /cha gnyis las bstan du byed pa'i gleng gzhi ni bcom ldan 'das mnyan du yod pa

  166. 83b

    na bzhugs so/ /de'i tshe dge slong dag snga ma bzhin du stan nag po gcig pu byed du mi gnad ste/ de la dkar po sres shig par bka' stsal ba dang/ de dag gis bzang po 'dod pa'i phyir dkar po cung zad mtshan ma tsam zhig bsres shing byed pas don nyung ba'i dge slong rnams 'phya ste/ snyan du bangs nas rigs pa ma yin rung ba ma yin zhes smad de/ dge slong stan sar pa byed na phyed lug bal nag po 'ba' zhig las chug zhig /bzhi cha cig dkar po las chug shig /bzhi cha cig khob bal las chug shig /de ltar ma byas na spang bar 'gyur ro zhes bslab pa zhig nas bcas so/ /stan sar pa zhes bya ba ni rnam pa gnyis te/ gsar du byas pa dang/ rnyed pa sar pa'o/ /skabs 'dir gsar du byas pa'o/ /dge slong zhes bya ba ni dge slong mang po ste/ chos 'di la zhugs pa'o/ /stan zhes bya ba ni nad? tshangs can dang bcags pa las bya ste/ skabs 'dir bcags pa la bya'o/ /byed ces bya ba ni bdag gis byas pa'am gzhan gyis byas pa'o/ /gnyis kyi cha nag po las chug shig ces bya ba ni bal rang bzhin gyi gnag pa'o/ /bal zhes bya ba ni spu'o/ /bzhi cha cig dkar po las chug shig ces bya ba ni skal bal lam gnya' bal lam rtsib logs kyi bal lo/ /bzhi cha cig khob bal zhes bya ba ni mgo bal dang brla bal dang lto bal la khob bal zhes bya'o/ /ma bcug ces bya ba ni ma bsres pa'o/ /lug nag po 'ba' zhig las stan byas na spang pa'i ltung ba zhes bya ba ni dngos po spangs nas ltung ba bshags par bya'o/ /de la nyes pa ni dge slong gis bal srang bcu las stan cig byed na de la lug bal nag po 'ba' zhig las srang lnga chug shig /srang phyed dang gsum ni bal dkar po las chug shig /srang phyed dang gsum ni kho bal las chug shig /gal te dge slong gis phyed lug bal nag po las ma bcug gam/ bzhi cha gcig dkar po las ma bcug gam/

  167. 84a

    bzhi cha cig khob bal las ma bcug par stan pa sar ba byas nas zin ma thag tu spang ba'i ltung bar 'gyur ro/ /de la bal nag po srang phyed dam/ srang gcig tsam gyis che bar bcug na thams cad du ltung bar 'gyur ro/ /de la srang bcu pa'i stan ji lta ba bzhin du srang nyi shu pa'am/ lnga bcu ba 'am brgya ba yang rung ste/ phyed nag po bzhi cha gnyis khob la dang dkar po bsre bar rig par bya'o/ /stan sar pa byas pa lo drug ma lon par stan sar pa gzhan byed du mi gnang ba'i gleng gzhi ni bcom ldan das mnyan du yod pa na bzhugs so/ /de'i tshe na dge slong dag mal stan la longs spyod de stan pa de ni thungs stan de ni rings stan de ni ha cang zheng chungs/ de ni ha cang zhang ches zhes snga ma par zhing stan? sar ba 'ba' zhig byed pas/ dge ba'i phyogs nyams par gyur pas dge slong rnams kyis snyan du gsol nas/ bcom ldan 'das kyis gso dka' ba zhes rnam grangs du mas smad nas chog shes pa dang/ sbyangs pa'i yon tan la dga' ba'i bsngags pa brjod de/ stan rnying ba dge slong gis lo drug gi bar du chongs shig /lo drug ma lon par stan sar pa gzhan byed na spang ba'i ltung bar 'gyur ro zhes 'dul ba la bslab pa'i gnas btas so/ /de la lo drug ma lon par stan sar ba byed du rjes su gnang ba'i gleng gzhi ni bcom ldan 'das 'brog skyes /kyi 'brog bzang po na bzhugs so/ /de'i tshe 'brog de na lhags pa dang rlung che ba las sar ba pa'i dge slong stan lo drug tu ma thub nas rdol bas las byed pa btang ngo/ /de ltar gyur pa snyan du bdas nas/ las sar pa pa'i dge slong gang yang rung ste/ de'i stan lo drug tu mi btub dang/ lo drug tshun chad stan sar ba bya bar dge 'dun la sdom pa gsol cig /dge 'dun gyis kyang stan legs par rtogs la mi thub dang/ gsol ba dang zhu ba'i las kyis lo drug tshun chad stan

  168. 84b

    sar ba byed pa'i sdom pa byin cig /stan sar ba zhes bya ba la gnyis te/ gsar du byas pa dang/ rnyed pa sar pa'o/ /skabs 'dir ni gsar ba nyid la bya'o/ /dge slong zhes bya ba ni dge slong mang po ste/ gzhan yang de dang 'dra'o/ /stan zhes bya ba ni bcags pa la bya'o/ /byed ces bya ba ni bdag dang gzhan gyis byas pa'o/ /mi 'dod bzhin du bya ba ni ma dad par lo drug gi bar du chongs shig pa'o/ /stan rnying pa zhes bya ba ni snga ma rnying pa gang yin pa'o/ /spangs kyang rung ma spangs kyang rung ste stan sar pa byed ces bya ba ni sar pa gzhan gnyis pa byed pa'o/ /dge 'dun gyi gnang ba ma gtogs zhes bya ba ni bkol ba'o/ /spang ba'i ltung ba zhes bya ba ni dngos po spangs te ltung ba bshags pa'o/ /dge slong gis lo gang la stan byas nas de nyid kyi lo la stan phyi ma gnyis pa byed na nyes byas// son na spang ba'i ltung ba'o/ /stan byas pa las ma zin te bor ba ni nyes byas so/ /dge slong phrin dang/ phrin yig dang lag brda dang/ gzhan gyi slad du lo drug tshun chad du stan byed du bcug na nyes byas so/ /rgyu rung la spun mi rung ba las byas na nyes byas su 'gyur ro/ /rkun gnas dang/ so sor gnas pa dang/ mu stegs can dang/ 'gro ba gzhan du gnas pa las byed du bcug na nyes byas su 'gyur ro/ /gding ba sar pa la rnying ba 'tho gang gis glan pa'i gleng gzhi ni bcom ldan 'das mnyan du yod pa na bzhugs so/ /de'i tshe mnyan du yod pa na rgyal po zas gtsang ma'i bu 'khor los bsgyur ba'i rgyal po'i mtshan can rgyal thabs bor nas rab tu byung ste/ bdud rnam pa bzhi brtul nas bla na med pa'i ye shes thob ste/ dbus kyi yul du 'byung ngo zhes sgra kun tu grags pa/ byang phyogs kyi chod pas thos nas/ tshong pa de dag sangs rgyas la bsnyen bkur bya ba dang phyag 'tshal ba'i phyir ded 'ongs pa dang/ de nas khyim bdag mgon med kyis chod pa de khrid de sangs rgyas kyi gan du phyag byas nas slar 'khor te dge slong gi gnas su song ba dang/

  169. 85a

    dge slong dag nyin par stan skyil mo krung bcas te 'dug 'dug pas/ de ltar rdol to zhes khyim bdag mgon med zas sbyin gyis chod pa la byas nas chod pa dad pa skyes nas ras khug lnga brgya stan rgyur phul lo/ /dge slong dag gis stan rnyed pa rnams bla gab med pa'i phyi rol tu bor te/ dge slong dag grong du chos ston la song ba'i 'og tu bcom ldan 'das mal stan byul bar bzhed de gtsug lag khang du byon pa dang phyag dar khrod na stan mang po long long por 'dug pa gzigs nas khyim bdag dad pa dang bram ze ni sha khrag zad zad du dge slong ngag la sbyin na/ dge slong dag ni tshod mi zin par spyod do zhes smad nas/ sbyangs pa'i yon tan la dga' ba dang/ chod zim pa'i bsngags pa brjod nas/ stan sar pa byed na sra zhing mi rdol bar bya ba dang/ stan bzang ba la chags pa mi sdug par bya ba'i phyir sar pa la rnying pa mtho gang gis glon cig ces 'dul ba la bslab pa'i gnas bcas so/ /sar ba zhes bya ba la rnam pa gnyis te byas pa dang/ rnyed pa sar pa'o/ /skabs 'dir ni byas pa sar ba la bya'o/ /stan zhes bya ba ni gding ba'o/ /dge slong zhes bya ba ni chos 'di la zhugs pa'o/ /byed ces bya ba ni bdag dang gzhan gyis so/ /gding ba rnying pa kun la zhes bya ba ni gal te stan sar? pa gnyis pa yang gzhan yod na de ltar gyis shig pa'o/ /bde bar gshegs pa'i mtho gang zhes bya ba ni bde bar gshegs pa ni ston pa'o/ /de'i mtho gang la mi tshad ma'i khru phyed dang ngo'o/ /kha dog mi sdug par bya ba'i phyir glon cig ces bya ba ni bzang po la chags pa'i gnyen pa dang sra bar bya ba'i phyir ro/ /ma glan mes bya ba ni ma sbyar ba la bya'o/ /kha tog mi sdug par bya ba'i phyir ma glan na spang pa'i ltung bar 'gyur ro/ /zhes bya ba ni dngos po spangs nas ltung ba bshags par bya'o/ /gding ba sar ba las rnying bas ma glan na thams cad du spang ba'i ltung bar 'gyur ro/ /gding ba rnying ba zhigs te glan du ma

  170. 85b

    rung na ma glan kyang nyes pa med do/ /bde bar gshegs pa'i sor gcig gam sor phyed phri ste glan na spang bar 'gyur ro/ /gzhan la sbyin pa dang khyim pa bgyid du bcug pa ni nyes byas su 'gyur ro/ /rgyu dang spun mi rung ba phri ba 'am ma phri ba ste glan na nyes byas su 'gyur ro// phrin dang phrin yig dang lag brdas bde bar gshegs pa'i sor gcig phri ste/ byed du bcug na nyes byas su 'gyur ro/ /lam na ral khyer ba'i gleng gzhi ni sangs rgyas bcom ldan 'das mnyan du yod pa na bzhugs so/ /de'i tshe na 'phags pa drug sde bo dag nang bsres pa/ lhung bzed nag po can spre'u tshil gyis rkang pa brkus pa de dag ni 'gro ba dang/ 'od ba'i tshe na yang rnyed pa bsgrub cing skye bo mang po yang dga' bar gyur na/ bdag cag ni khron pa'i sbal ba dang 'dra ste gar yang mi 'gro gar yang mi 'ong bas rnyed pa yang nyung ngu rnyed pa sgrub cing 'phags pa 'char ka po ni gzhan gtsug lag khang du srung du gzhag la bdag cag lnga la ni bal yul du rnyed pa bsgrub tu 'dod do zhes nas tshong pa dag bal yul du 'gro ba dang lan cig tu bal yul tu song ste/ slar 'khor ba'i che lhan cig tu dod dod ba las tshong ba dag gi shing rta bal gyis gang ba shing rta chag nas bal lam du bor ba las/ 'phags pa drug sde bal bslangs te/ bzhi ni bal khur re re khyer/ gcig gis ni bzhi pa'o lo rgyan rnams khur du khyer te/ tshong par sdang gseb lam du dod dod ba las/ ri brag gi dge slong dang grong mi dag gis mthong nas/ bal lang gi dmag 'ong ngo zhes ri brags kyi grong mi rnams 'bros pa dang/ dge slong khur khyer ba la mu stegs can dang bal bdag ? zhing ma dad pa dang/ mnyan du yod par 'ongs pa dang/ khur chen po sil bzhag pa'i tshe sgra chen po byung bas/ dge slong rnams ma dad cing 'phya bar gyur te de ltar gyur pa snyan du bdas so/ /de nas bcom ldan 'das kyis drug sde po rnams la/ khyed kyis mi mjes pa de lta bu byas

  171. 86a

    pa bden nam zhes smras na/ btsun pa med do zhes gsol nas dge sbyong gi bya ba ma yin dgos pa dang mthun pa dang rigs pa ma yin zhes snang nas dge slong gyi lam du khyer du mig nang bar 'dul ba la bslab pa'i gnas bcas so/ / dge slong zhes bya ba ni drug sde po ste/ gzhan yang de dang 'dra ba'o/ /lam du zhugs zhes bya ba ni mya ngan gyi lam mam/ skye bo mang po 'gro ba'i lam mo/ /rnyed ces bya ba ni gzhan las sa lug gi bal zhes bya ba ni spu'o/ /dge slong des 'dod na zhes bya ba ni gal te dgos par 'gyur ro/ /long shig ces bya ba ni blang bar bya'o/ /blangs nas dpag tshad gsum gyi bar du rang gis khyer cig ces bya ba ni dpag tshad gsum las mi 'da' bar bya'o/ /gzhan gyis khyer ba med ces bya ba ni rung bar byed pa'am g.yog med pa'o/ /de las 'das par zhes bya ba ni thal pa'o/ /spang ba'i ltung ba zhes bya ba ni dngos po spangs nas ltung ba bshags par bya'o/ /dge slong gis bal khyer nas dgon pa'i lam du zhugs te/ rgyang grags phyed ngam grong gcig nas cig tu byung na nyes byas re rer 'gyur ro/ /rgyang grags gcig tu phyin na spang ba'i ltung bar 'gyur ro/ /zhwa dang/ lha ma dang/ lcag phod? kyi rgyu ni khyer kyang ltung ba med do/ /lug gi bal dpag tshad gsum las 'das par khyed yang ltung bar mi 'gyur ba yang yod de/ phrin pa la bskur ba dang/ phrin yig dang/ lag brda dang/ gcig nas gcig tu brgyud pa dang/ smyon pa dang/ sems 'khrugs pa dang/ nang kyis gzir ba dang/ glen pa dang/ lkugs pa dang/ 'on pa dang/ dmus long rnams la bskur na thams cad tu nyes byas su 'gyur ro/ /bal 'khrur bcol ba las smad kyis ma gnang ba'i gleng gzhi ni bcom ldan 'das mnyan du yod pa na bzhugs so/ /de'i tshe drug sde bo'i rnams bal yul nas rnyed pa'i bal sngar ni sngar bgo bar chad ba las slad kyi 'chad so sos mos byas nas drug tu bgos? so/ /de nas 'char

  172. 86b

    kas bsams pa bdag gi bal gyi skal ba 'di khyim mi mo la bcol na ni khyim mi mo yang khrims med pas bkrus su 'od/ /dge slong bcu bdun sde la bcol na ni bza' ba'i rin 'og tu btang yang dag na go'u ta ma skye dgu'i bdag mo ni 'khor dang bcas pa 'dul ba 'dzin pa yin gyis de las bcol lo snyam du bsams nas/ 'char ka song song ba dang skye dgu'i bdag mo dang lam du phrad nas 'char kas smras pa bcom ldan 'das kyis bsod nams dang ldan pa ni bsams pa bzhin du 'grub po zhes gsungs pa ni gzhan du mi 'gyur te/ bdag la yang bsod nams yod lta zhig /bdag la bal nyung zhig mchis na skye dgu'i bdag mo la bcol lo zhes byas pa dang/ mon re de ltar rung gis da lta sangs rgyas kyi zhabs la phyag 'tshal du 'gro yis ngo nub len pa btang gis bskur cig ces byas so/ /de nas dge slong ma gnyis len du btang na bal chun po dam tshes? pa khur lci ste/ dge slong ma gnyis kyang ngal te mal na nyal zhing 'dug pa gzhan gyis mthong nas khyed gnyis ci'i phyir nyal zhes smros na/ de'i rgyus zhib tu de gnyis kyis smras so/ /de nas skye dgu'i bdag mo yang bal mang po de mthong nas bal mang mod kyi skyes bu dam pa rnams ni khas blangs pa rnams la lcogs par bya dgos yang na ni mi len dgos zhe nas 'phral la slob ma rnams kha bkram nas kun la bcol te byas nas zin te 'char ka'i steng du bskur te go'u ta ma skye dgu'i ba dang/ mo lag pa shin tu dmar ba ni bco blag mkhan gyi lag pa dang 'dra bar gyur pa sangs rgyas kyi zhabs la phyag 'tshal pa'i tshe/ bcom ldan 'das kyis gzigs nas bka' smas pa ci ltar gyur/ 'char kas bal bgyid du stsal to zhes gsol to/ /rigs pa ma yin zhes smad nas bslab pa bcas nas yang dge slong zhes smos so/ /dge slong zhes bya ba ni 'char ka ste/ gzhan yang de dang 'dra ba'o/ /gnyen ma yin zhes bya ba ni pha ma'i

  173. 87a

    zung bdun brgyad tshun chad ni gnyen yin no/ de phan chad ni gnyen ma yin no/ /dge slong pa zhes bya ba ni chos 'di la zhugs pa'o/ /lug gi bal zhes bya ba ni spu'o/ /'khrung bcol zhes bya ba ni da tha na chu'i nang du gcal tsam yang ngo// 'tshed du bcol ba zhes bya ba ni tha na tshon gyi nang du bsubs pa tsam yang ngo/ /rmel du bcol zhes bya ba ni tha na mtshums gcig tsam mo/ /'dab ma gcig tsam mo/ /spang ba'i ltung ba zhes bya ba ni dngos po spangs nas ltung ba bshags par bya'o/ /nyes pa gang zhe na/ dge slong gis gnyen ma yin pa'i dge slong ma la gnyen ma yin par 'du shes bzhin du lug gi bal 'khrur bcal na spang ba'i ltung bar 'gyur ro/ /'tshed du bcug na spang ba'i ltung bar 'gyur ro/ /rmel du bcol na spang ba'i ltung bar 'gyur ro// gnyen ma yin par 'du shes sam the tshom za bzhin bcol na nyes byas su 'gyur ro/ /dge slong ma gnyen ma lags pa la phrin dang/ phrin yig dang/ lag brnga dang/ gcig nas gcig tu brgyud de bcol ba ni nyes byas su 'gyur ro/ /dge slong ma smyon ma dang/ nad kyis gzir ba dang/ sems 'khrugs pa dang/ glen pa dang/ lkugs pa dang 'on pa la 'khrung bcol na nyes byas su 'gyur ro/ /mtshams med pa lnga byas pa dang/ khyim mi mo la bcol na nyes byas su 'gyur ro/ /dge 'dun gyi dbyen byed pa dang/ bslab pa byin pa la 'khrur bcol na spang ba'i ltung bar 'gyur ro/ /mi rung ba dang 'dres pa ni rnga mo'i bal dang/ ra'i bal dang ri dags kyis bal dang/ 'dres pa zhig 'khrung bcol na nyes byas su 'gyur ro/ /gzhan gyi bal zhig 'khrur bcol na nyes byas su 'gyur ro/ /bsnyen par ma rdzogs pa la 'khrur bcol ba dang/ dge slob ma dang/ dge tshul ma dang/ dge bsnyen ma dang/ khyim ba mo dang/ mu stegs can dang/ 'gro ba gzhan du gnas pa la 'khrur bcol na nyes byas su 'gyur ro/ /sa le sbram len du mi gnang?

  174. 87b

    ba'i gleng gzhi ni bcom ldan 'das rgyal po'i khab bya ka lan ta ka gnas pa 'ong ma'i tshal na bzhugs so/ /de'i tshe na rgyal po'i khab na glon po dang grong dpon gtsug na nor bu la sogs pa phong sar tshogs nas rtog cing dpyod pa la zhugs te/ la la na de shAkya'i dge sbyong dag la gser rung ngo zhes zer ro/ /la la ni mi rung ngo/ /zhes zer ro/ /la la na re gser dngul su la rung ba de la ni 'dod pa'i yon tan lnga dang shing rta la sogs pa yang rung ngo zhes zer na de ci 'dra ba zhu ba'i phyir grong ba bon gtsug na nor bu chad du seng ste/ sangs rgyas la zhus nas/ bka' stsal pa/ gser dngul ni dge slong len du mi rung ngo/ /shing rta la sogs pa yang yon bdag gis phul ba ni len du rung ngo/ /zhes gnang ba dang/ khyim bdag song gi 'og tu gser dngul len du mi gnang ngo zhes bka' ni stsal na 'dul ba la bslab pa'i rta gnas bcas so/ /slar gyis bcom ldan 'das mnyan du yod pa na bzhugs pa'i tshe dge slong drug sde bo rnams rang gi lag gis sa le sbram dang/ dngul len cing len du 'jug /phung po gcig dang/ phung po gnyis dang/ phung po du mar byed/ stan gyi steng dang khri'i steng skyed cing 'jog pas na/ mu stegs can rnams kyang dge slong 'di dag khyim pa dang khyad par ni ci yod/ bsam pa ni cis tha dad ces 'phya zhing mi snyan par 'dzer to/ /de ltar gyur pa dge slong rnams kyis snyan du gsol nas/ bkas drug sde po la rmas na mang ngo/ /zhes gsol nas rung ba ma yin zhes bya ba rnam grangs/ du ma'i sgo nas smad nas/ sa le sbram len du mi gnang bar bslab pa bcas so/ /yang dge slong zhes bya ba ni drug sde po ste gzhan yang de dang 'dra ba'o/ /rang gis lag gis zhes bya ba ni lag gis 'dzin pas so/ /sa la sbram zhes bya ba ni gser dang dngul lo/ /len zhes bya ba ni bdag nyid kyis so/ /len du 'dug ces bya ba ni gzhan la'o/ /spang ba'i ltung ba zhes bya ba ni dngos po spangs nas

  175. 88a

    ltung ba bshags par bya ba'o/ /nyes pa ni 'di nas long 'di snyed cig long/ 'di snyed cig khyer shog ces bsgo ba'i tshe na ni nyes byas so/ /blangs na ni spang ba'i ltung par 'gyur ro/ /dge slong gis gser dang dngul la reg na spang ba'i ltung bar 'gyur ro/ /nor bu dang mu tig dang/ baiDUrya la reg na re res kyang spang pa'i ltung bar 'gyur ro/ /zangs dang lcags dang/ ro nye dang/ tshon mo steng la reg na nyes pa med do/ /de la gser dngul rjes su gnang ba ni bcom ldan 'das mnyan du yod pa na bzhugs pa'i tshe yul tsam pa na khyim bdag bsam pa dge ba zhig gis gtsug lag khang zhig brtsigs nas dge slong ma zhig spyan drangs te/ dbyar zla ba gsum tshul du zhugs so/ /de nas dbyar zla ba gsum 'das nas tshul nas byung ste mnyan du yod par sangs rgyas kyi zhabs la phyag 'tshal du dong ba'i tshe khyim bdag la gos blangs na gos 'phral du ma byar nas gos rin kar sha pa na byin na ston pas ma gnang nas ma blangs so/ /ma blangs pa dge slong dag la byas pa dang/ dge slong gis snyan du gsol te/ khyim bdag dad pas byin na dge slong dag gis len du rung bar thugs rjes dgongs ste/ long shig blangs nas sbyin bdag gis bsngos te tshongs shig yang na kun dga' ra ba'am/ dge bsnyen la zhog shig /yon bdag ma shi'i bar du yon bdag la bsdor rung ngo/ /yon bdag shi 'am yon bdag med na gser dngul dge slong gcig gis mdun du zhag la dngos po rung ba ma yin pa 'di bdag gis rnyed de/ rung ba ma yin pa 'dis rung ba'i gos shig bsgrub po zhes lan gnyis gsum du brjod par bya'o/ /dge slong gi phrin dang phrin yig dang gcig nas gcig tu brgyud de len du bcol na nyes byas su 'gyur ro/ /pha rol smyon pa dang/ nad kyis gzir ba dang/ glen pa dang/ 'on pa dang/ lkugs pa la gser dngul len du bzhug kyang rung ste nyes byas su 'gyur ro/

  176. 88b

    gser? dngul? blangs kyang nyes par mi 'gyur ba yod de bdag gir bya ba'i sems med de/ gzhan la sbyin par bsam pa dang mi rung bas rung ba'i dngos po gzhan btsal lo snyam pa'o/ /mtshan ma btab pa spyod du mi gnang ba'i gleng gzhi ni bcom ldan 'das mnyan du yod pa na bzhugs so/ /de'i che byang phyogs kyi tshor ba la gcer bu bas lung bstan pa dang/ 'dir ni sngar gtam thos pa'i nyan thos kyi dge 'dun yin no snyam nas de la tshong pas byang phyogs kyi shing rtog dang la ba bzang po zhig byin no/ /de'i grogs dag gis 'dze ta'i tshal du dom du btang ba dang/ bsnyen dga' bo 'dze ta'i tshal na 'dug pas chos bshad de bdag gi la ba don pa dang brjes pa dang/ de nas gcer bu ba'i grogs po dag gis 'dug tu ma ster te nan thur cher byas nas phyir len du bcug pa dang/ ma ster nas sangs rgyas la gsol ba dang/ ma byin na khrag gis skyugs teng chibs slar byin cig bar bkas btang de nges khyim phyags nas slar byin na/ /de ltar mtshan mo btab ba bzang ngal rjes bdag byung mod kyi slab pa ma bcas so slad kyis mnyan du yod pa na dge slong drug sde po rnams mtshan ma btab pa rnam pa sna tshogs la spyod cing spogs byed de/ bskyed btong bun 'gyed lhag tshol go ser dngul brdungs pa dang/ ma brdungs pa gnyis brje zhing spogs byad/ 'bras dang nas gsar rtog gnyis las gsum mam/ gcig las su gnyis su bun 'gyed ba dang/ dung gis mu tig rdzo ba dang/ mu tig gis nor bu rin po che brdze bar lhag tshol/ de ltar byed pas na mu stegs can rnams 'phya zhing smod pa dge slong rnams kyis snyan du gsol te/ nga slan chad mtshan ma btab pa rnam pa sna tshogs la spyod cing bzang ngan brjed mi gnang bar bslab ba bcas so/ /yang dge slong gang zhes bya ba ni drug sde po ste gzhan yang de dang 'dra ba'o/ /rnam pa sna tshogs zhes bya ba ni rnam pa du ma'o/ /mtshan ma btab

  177. 89a

    pa la spyod par byed ces bya ba ni spogs byed pa dang/ skyed gtong ba dang/ bun 'gyed pa dang/ tshe lhag tshol ba'o/ /spang ba'i ltung ba ni dngos po spangs nas ltung ba bshags par bya'o/ /dge slong gis gser dngul lam/ yul phyogs su brin pa'i rdzas gang yang rung ba dang/ nas 'bras skyed dang bun 'gyed pa'i tshe na ni nyes byas su 'gyur ro/ /spogs dang/ /de? bdag gis lag par thob na spang ba'i ltung bar 'gyur ro/ /dkon mchog gsum gyi phyir dam bu lon gyi 'og tu bsab pa'am gzhan la sbyin pa ni nyes pa med do/ /phrin dang phrin yig dang lag brda dang gcig nas gcig tu brgyud de/ nor sna tshogs spogs byed pa ni nyes byas su 'gyur ro/ /sems 'khrugs pa dang/ nad kyis gzir ba dang/ glen pa dang/ 'on pa dang/ lkugs pa dang 'gro ba gzhan du gnas pa dang/ lhan cig tu nor lhag tshol spogs byed na nyes byas so/ /mi la mi ra 'du shes na spang bar 'gyur ro/ /mi la mi ma lags par 'du shes na nyes byas so/ /mi ma yin pa yang de bzhin no/ /bsnyen par rdzogs pa dang bsnyen par ma rdzogs pa na btang yang nyes byas so/ /nor sna tshogs la spogs byas kyang nyes par mi 'gyur ba yod de ring thang 'dra ba mtshungs par brjes pa'o/ /dge slong la spang bar 'gyur ba bzhin du bslab pa byin pa dang/ dge slong ma la yang de bzhin no/ /dge slob ma dang/ dge tshul pho mo la yang de bzhin no/ /bslab pa'i gnas 'dir ji lta ba bzhin du nyo zhing 'tshod pa la yang de bzhin du sbyor cig /nyo tshong byed du mi gnang ba'i gleng gzhi ni bcom ldan 'das mnyan du yod pa 'dze ta'i tshal na bzhugs so/ /de'i tshe dge slong drug sde po rnams sngar mtshan ma btab pas spogs byed cing dngos skyed gnyis ka len par ma gnang bas na nyo zhing tshong byed pa la zhugs te/ dngos ni rin 'og tu thal byung du gtong zhing spogs byed na nyo zhing 'tshong zhe na/ nam rin thang chung ba de na nyos te

  178. 89b

    bzhag nas nam rin che ba de na 'tshong ba'o/ /lo legs pa'i tshe ni nyos te bzhag nas nam lo nyes shing rin che ba'i tshe ni phar 'tshong bar byed de/ de ltar nyo tshong rnam pa sna tshogs byed pas na mu stegs can rnams 'phya zhing smod de/ dge slong shAkya'i bu rnams skyo zhing chog mi shes pa de dag khyim pa skya bo dang ni bye brag ni ci yod/ /bsam pa ni ces tha dad ba ces mi snyan par zer ba de dge slong gis snyan du gsol to/ /drug sde rnams de ltar byed pa bden nam zhes smas pa dang/ med do zhes gsol nas dge slong gi bya ba ma yin rigs pa ma yin zhes smad nas nyo tshong byed du mi gnang bar bslab pa bcas so/ /dge slong zhes bya ba ni drug sde lo ste gzhan yang de dang 'dra ba'o/ /rnam pa mang po zhes bya ba ni rnam pa du ma'o/ /nyo ba dang 'tshong bar byed ces bya ba ni kun tu spyod pa'o/ /spang ba'i ltung ba zhes bya ba ni dngos po spangs nas ltung ba bshags par bya'o/ /ltung ba ji lta bu zhe na/ dge slong gis khe'i phyir 'tshong/ khe'i phyir nyo na nyo ba'i tshe nyes byas so/ /btsongs te rin thob na spang ba'i ltung pa'o/ /khe mi 'dod par nyo tshong byed na ltung ba med do/ /gzhan la sbyin pa'am bu lon chags pa'i phyir bsam pa la nyo tshong byas pa ni ltung ba med do/ /dge 'dun gyi phyir nyo tshong rjes su gnang ba'i gleng gzhi ni bcom ldan 'das yul yangs pa can gyi khang bu brtsegs pa na bzhugs so/ /de'i tshe na byang phyogs kyi tshong pa sngon chad gtsug lag khang dag ma mthong bas de'i tshe gtsug lag khang chen po zhig 'dug pa gsar du mthong nas de na dge slong 'khar ba dag la 'phags pa dag la bdag gis bshos gsol na bdag cag gsar du lhag pas 'bras ma mchis kyis zod gis 'bras 'jal lo zhes byas pa dang/ bcom ldan 'das kyis nyo tshong ma gnang ngo zhes mi byin pa dang snyan du bdas te dge 'dun gyi phyir 'bras tshongs la rin longs shig ces bka' stsal to/ /de lta bu gsol ba mangs ste/ de bzhin du byin pas dge

  179. 90a

    'dun bshos chad par gyur te/ bka' stsal pa/ zod gis 'bras gsar ba nyos la/ rnying ba kun tshod kyis shig ces rjes su gnang ngo/ /spang ba nyi shu ba rdzogs so// //spang ba'i bcu phung tha ma/ lhung bzed lhag ma bcad du mi gnang ba'i gleng gzhi ni bcom ldan 'das mnyan du yod pa na bzhugs so/ /de'i tshe bsnyen dga' bos 'di snyam du bsams so/ /mgon med zas sbyin gyis snyan du gsol nas bslab pa'i gnas bcas te/ rnyed pa yang rab tu nyung nas mi dags te/ khang thog tu 'dzegs te bltas na skyed mos tshal na sun zin ba drug bcu 'dus shing 'khod pa mthong nas der snyegs pa zhig ma grub na bdag gi ming bsnyen dga' bo zhes mi bya mod snyam du bsams nas dar song ste de dag la chos bshad de dad par byas pa dang/ de na gcig na re dpags pa la yon zhig 'bul na ci mkho zhes byas pa dang/ bdag la lhung bzed mkho 'o zhes byas so/ /lhung bzed ni ma mchis na zod zhig 'bul na ji tsam ri kar sha sa na drug bcu ri'o zhes byas pa dang/ des kar sha pa na drug bcu byin na gzhan la yang de'i thang du phab nas khyer ba dang/ phyis sun zin pa rnams kyis bsod snyoms pa zhig ya dge slong la lhung bzed du dgos shes smras pa dang/ gcig las mi dgos so zhes bya ba smras pa dang/ dge sbyong shAkya'i bu ni 'dod pas gzir ba zhes de dag 'phya'o/ /de byung yang de'i mod la bslab pa ma bcas so/ /slad kyis bcom ldan 'das mnyan du yod pa na bzhugs pa'i tshe/ drug sde po rnams lhung bzed mang du rnyed cing thob pa rnams bsogs te bdag cag nyid kyang mi spyad gzhan yang spyod du mi ster to/ /de ltar gyur pa snyan du bdas nas/ drug sde bo rnams la bkas rmas na mad do? zhes gsol nas/ dge slong gi bya ba ma yin zhes smad nas/ zhag bcu las lhung bzed//

  180. 90b

    lhag ma 'chad du mi gnang bar bcas so/ /dge slong zhes bya ba ni drug sde po ste gzhan yang de dang 'dra ba'o/ /lhung bzed lhag pa zhes bya ba ni byin gyis brlab pa las lhag pa'o/ /tshongs shig ces bya ba ni zhag bcu'i bar du bdag gir bcad pa'o/ /de las 'das par bcangs na zhes bya ba ni zhag bcu las thal ba'o/ /spang ba'i ltung ba ni dngos po spangs nas ltung ba bshags par bya'o/ /ltung bar 'gyur ba gang zhe na/ dge slong gis tshes gcig gi nyin par lhung bzed lhag pa zhig rnyed na zhag bcu tshun chad byin gyis rlobs shig /yang na gzhan du skur cig /yang na gzhan la byin cig /de tshun chad du ma bskur ram gzhan la ma byin nam/ yang na sngar ma spangs te phyi ma byin gyis ma brlabs na tshes bcu gcig gi skya reng shar na spang ba'i ltung bar 'gyur ro/ /dge slong gis lhung bzed lhag pa de spang bar bya ba ma spangs/ nyes pa ma bshags na/ de tshun chad yo byad ci rnyed pa kun snga ma'i rgyun gyis spang pa'i ltung bar 'gyur ro/ /zhag bcu las lhung bzed lhag par bcangs kyang nyes pa med de/ dge slong gzhan gyis lhung bzed bskur ba'o/ /lhung bzed tshad las ches pa dang/ chungs? pa dang/ ma bsregs pa dang dkar po bcangs na nyes byas so/ /dge slong smyos pa'i tshe zhag thal ba nyes med do/ /phrin dang/ phrin yig dang/ lag brda dang/ gcig nas gcig tu brgyud de lhung bzed lhag pa zhag bcu las 'das dang bcangs kyang nyes byas su 'gyur ro/ /lhung bzed gcig las lhag pa med kyang spang bar 'gyur ba yod de/ lhung bzed byin gyis ma brlabs bcangs pa'o/ /tshes gcig la bcangs kyang nyes pa med de zhag bcu tshun chad kyis shi ba'o/ /lhung bzed spyad bzod pa yod pa bzhin du lhag par bzang po tshol du mi gnang ba'i gleng gzhi ni bcom ldan 'das mnyan du yod pa na bzhugs so/ /de'i tshe na mnyan du yod pa na spos tshong ba'i khye'u zhig gnas te/ de'i tshong

  181. 91a

    'dus na lhung bzed spyad bzod bzang po shig yod de/ khye'u de nang par sngar dge slong bsod snyoms pa zhig der 'ongs pa la lhung bzed btsongs na ma 'dod do/ /'dze ta'i tshal na dge slong gnas pa lhung bzed nyo ba lta yod na der btang du bcol zhes gsol to/ /dge slong des kyang dge slong dga' lhung bzed de 'dra ba zhig yod ces gtam byas pa dang/ bsnyen dga' bos thos nas/ de gzhan la byas su dogs nas gzhan gyis mi thos par bya ba'i phyir/ khyod de lta bu'i bya ba 'ba' zhig byed cing than skyel tam zhes byas nas de'i 'og tu gzhan med pa dang de la bzhams te khyim gang tsam na yod pa zhib tu dris nas tshong dus su bsnyen dga' bo gom pa brkyang ste song ba dang/ spos 'tshong pa'i khye'us kyang drug sde po yin par shes nas lhung bzed spas so/ /bsnyen dga' bos mthong nas lhung bzed blangs nas bzhin bzangs nad med cig sbyin pa 'di khyod kyi sems kyi rgyan dang yo byad dang rnal 'byor kyi tshongs? dang don gyi mchog grub cing lha dang mi'i don du grub cig ces byas pa dang/ 'phags pa khyod kyis mang zhig smras mod kyi rin med kyi bar du mi gsol lo zhes ma ster ba dang/ bsnyen dga' po dang bshes pa'i tshong dpon zhig der phyin te bsnyen dga' bo la phyag 'tshal lo zhes byas pa dang/ khyed kyi phyag skam pos nga la ci byed nga'i bci dag bsgrubs te phyin na phan mod ces bya ba dang/ 'o na ngas ci bya lhung bzed de nyos de nga la sbyin na phan mod/ des kyang nyos nas byin no/ /bsnyen dga' bos lhung bzed de khyer nas lhung bzed bzang po gzhan la spyom? zhing ngom pa dang/ dge slong gzhon nu zhig gis smras pa gnas brtan lhung bzed bzang po yod bzhin du gzhan la bslang ba'i rigs sam zhes byas pa dang/ dge slong gzhan gyis kyang de ni bden no zhes 'phye bar gyur pa snyan du bdas nas/ lhung bzed bzang po tshol du mi gnang bar bcas so/ /de

  182. 91b

    ltar lhung bzed bzang po tshol du mi gnang ba dang/ dge slong bsod snyoms ba cig lhung bzed rdol te 'bras khu dag? zags? te spang ma mang po 'du bar gyur pa bram ze'i bu dag gi tshong dpon dang de dpon 'dra bar 'khor mang pos bskor to zhes 'phya bas bka' stsal pa lhung bzed rdol ba glon cig drubs shig /lhan pa lngar ma tshang gi bar du gzhan tshol du mi gnang bar bcas so/ /yang dge slong zhes bya ba ni bsnyen dga' po ste/ gzhan yang de dang 'dra ba'o/ /lhung bzed lhan pa lnga las nyung ba zhes bya ba ni lngar ma tshang ba'o/ /spyad bzod pa yod bzhin du zhes bya ba ni spyad du rung pa'o/ /lhung bzed sar pa gzhan tshol zhes bya ba ni lhung bzed gzhan gnyis pa tshol ba'o/ /sar pa zhes bya ba ni rnam ma gnyis sar pa nyid sar pa dang/ thob pa sar pa'o/ /skabs 'dir sar ba gnyis ka la bya'o/ /tshol zhes bya ba ni tshol bar byed pa'o/ /bzang po 'dod pa'i phyir zhes bya ba ni snga ma las lhag par bzang po 'dod pa'o/ /lhung bzed de grub na zhes pa ba ni rnyed pa'o/ /dge slong des zhes bya ba ni dge slong de nyid do/ /lhung bzed de dge 'dun gyi 'khor la dbul bar bya zhes bya ba ni de na dge slong 'khor ba'i 'khor der lhung bzed su ngan pa la phrogs te sbyin par bya'o/ /lhung bzed bzang po lhag pa 'drim pa'i dge slong pha gsol ba dang las kyis bskos shig /dge slong des lhung bzed thogs la rgan rims su gnas brtan dang gsar bu'i bar du lhung bzed kyi yon tan bsngags shing 'di ba de na? bsnoms shig ces gnas brtan dang po la dbul bar bya'o/ /des ma 'dod na dang 'og dang gsum la dbul bar bya'o/ /gang gis lhung bzed bzang po khyer ba de'i lhung bzed ngan pa gnas brtan nas gcig tu brjes la nangs kyi dge slong gsar bu la byin cig /dge slong lhung bzed lhag pa 'chad ba'i chang ba yang dge slong gi 'khor thams cad kyi lhung bzed ngan par gyur pa dge slong de la byin te/ lhung bzed de byin gyis kyang brlabs gzhan la yang ma bskur/

  183. 92a

    gzhan la yang ma byin par tha ma chag pa ma thug gi bar du dal bus grags kyis spyad cing zhes bya bsgo shig /de'i chad ba dang mthun pa ni de yin no/ /dge slong des kyang lhung bzed snod gnyis kyis gang bzang ba'i nang du ni lhung bzed ma glan pa chug shig /ngan? pa'i nang du ni byin gyis brlabs pa chug shig /zas bsod snyoms dang 'gro ba'i cha yang gnyis ka na thogs la kha zas skam po rnyed na ma glan pa'i nang du lugs shig /kha zas bshad pa zhig rnyed na byin gyis brlabs pa'i nang du lugs shig /lhung bzed de yang ji srid 'tsho'i bar du bcad par bya ste de ni chad pa'o/ /spang pa'i ltung ba ni dngos po spangs nas ltung ba bshags par bya'o/ /dge slong gis lhung bzed spyad bzod pa yod la lhan pa lngas ma btab pa las/ lhung bzed lhag pa gzhan zhig tshol na tshol ba'i tshe nyes byas so/ /grub na spang ba'i ltung ba'o/ /gnyen ma yin pa'i thag pa la gos 'thag tu bcug pa'i gleng gzhi ni bcom ldan 'das mnyan du yod pa na bzhugs so/ /de'i tshe bsnyen dga' bos bsams pa khyim bdag mgon med zas sbyin gyis slong du mi gnang ba'i sdom pa bcas pas rnyed pa yang rab tu nyung nad cung zad rnyed pa dag bsgrub po snyam nas khang thog tu 'dzegs te bltas na/ yug sa mo bal 'khal ba lnga brgya tsam zhig 'dze ta'i tshal gyi shar sgo na 'dug pa mthong nas bsnyen dga' bo de dag gi gan du song ba dang/ bud med cig gis ni phyag byas kyi gzhan gyis ni ma byas so/ /bsnyen dga' bos bud med gzhan gyis ni tshe phyi ma'i sa bon ma btab kyi bu mo 'di gcig pus tshe phyi ma'i sa bon btab po zhes smras pa dang/ de ji lta bu zhes bud med rnams kyis dris pa dang/ der chos bshad pas dad pa skyes te bud med rnams kyis 'phags pa yon zhig dbul lo zhes pa dang/ bsnyen dga' bos smras pa/ sangs rgyas

  184. 92b

    'khor dang bcas pa la bshos gsol cig /don de ni mi nus so 'o na drug sde po rnams spyan drongs shig /de yang de mi nus so zhes smras pa dang/ 'o na nga la skud pa srang phyed phyed tsam zhig dbul mi nus sam zhes smras pa dang/ de ni nus so zhes nas kun gyis bsdus te byin pa dang de'i nang nas gnyis 'khal mkhas pas na de gnyis ka la bkal du bcol to/ /de nas skud pa bkal zin pa dang/ de khyer te thag pa spyi cer la 'thag tu bcol na de ma btub pa dang/ de la chos bshad de byas na de'i chung mas len du bcug ste byas pa dang/ phyis rngan pa bdas na ma ster to/ /phyis yang skud pa rnyed nas spyi cer la bcol ba dang snga ma'i rngan pa ma ster bas phyi ma yang ma btub nas de bzo dpon gyis gan du song ste/ de bzo dpon la byas na tha ga ba gzhan la bcol du mi rung ngam zhes dris pa dang/ bsnyen dga' bos bsams pa spyi cer yang shin tu mkhas ga sngar 'thag tu ma btub pa'i 'khon yang yod pas spyi cer la mi bcol du mi rung ngo/ zhes lan du mar nan gyis bzo dpon la gsol nas/ tha mar skud pa skyel pa'i rang rta mnos nas rang rtas bzo dpon gyi tshig gis thogs shig par bsgo na/ ma btub nas lan du mar mthus bsdigs shing nan thur gyis 'thag tu bcug pas na tha ga bas btags zin pa'i 'og tu 'phags pa bdag cag gi chang rin zhig 'phags pa la gsol lo zhes byas na bkren pa khyod ci bcad pa nga'i yin nam dug 'thung na ci nyes shes bsgo ba dang/ khyim bdag de yang ma dad par gyur nas dge sbyong shAkya'i bu de dag gis chos kyi sgo dang/ rgyal po dang blon po'i mthus 'thag tu bcug go zhes mi snyan par 'dzed to/ /de ltar gyur pa snyan du bdas nas bkas rmas na/ bsnyen dga' bos mang ngo zhes gsol to/ /dge sbyong gi bya ba ma yin zhes rnam grangs du ma'i sgo nas smad nas/ gnyen ma yin pa la 'thag tu mi gnang bcas so/ /yang dge slong gang zhes bya ba

  185. 93a

    ni bsnyen dga' bo ste/ gzhan kyang de dang 'dra ba'o/ /bdag gis bslangs pa'i skud pa zhes bya ba ni ji tsam du dad pa ste/ las las srang phrung? la las srang gnyis/ kha cig las ni zhe cig /kha cig gis ni zho phyed sbyin pa'o/ /gnyen ma yin zhes bya ba ni gong ma dag dang 'dra'o/ /tha ga ba zhes bya ba ni gos 'thag pa'o/ /'thag tu bcug ces bya ba ni bal gyi dang sha na'i shun pa dang/ du gu la'i dang/ shing bal gyi dad rtsa ko tham dang/ srin bal gyi dad de dag las gang yang rung ba 'thag tu bcol ba'o/ /grub ces bya ba ni lag tu thob pa'o/ /spang ba'i ltung ba zhes bya ba ni dngos po spangs nas ltung ba bshags par bya'o/ /gnyen ma yin bal skud ba dang bal slong ba'i tshe nyes byas so/ /gnyen ma yin pa la 'thag tu bcol na spang pa'i ltung bar 'gyur ro/ /gnyen ma yin pa las skud pa blangs te bdag nyid kyis btags na nyes byas su 'gyur ro/ /gnyen las skud pa bslangs te gnyen la 'thag tu bcug pa zhi nyes med do/ /glan byin pa yang de bzhin no/ /phrin dang phrin yig dang lag brda dang/ gcig nas gcig tu brgyud bcol ba dang/ gzhan gyi phyi bcol ba ni nyes byas su 'gyur ro/ /thag ba smyon pa dang/ sems 'khrugs pa dang/ nad kyis gzir ba dang/ glen pa dang/ 'on pa dang/ lkugs pa dang/ mi ma yin pa la 'thag tu bcug na nyes byas su 'gyur ro/ /rgyu dang spun mi rung ba dang/ gnyi ga mi rung ba dang/ 'dres pa 'thag tu bcug na nyes byas so/ /'thag pa gnyis pa'i gleng gzhi ni bcom ldan 'das mnyan du yod pa na bzhugs so/ /de'i tshe na khyim bdag khyo shug gnyis shig so sor 'phyo zhing nyal po byed pas nor kun 'thor zhing 'gribs par gyur te/ khyo shug gnyis kyis lan du mar ban mo brdegs so/ /de ltar gyur pa bsnyen dga' pos rig nas de dga' chos bshad de khrims phog go /khrims phog pa'i 'og tu yang bran mo brdegs pa dang/ de chud mas bdag cag sngon chad

  186. 93b

    dang mi 'dra bar de bdag cag bden pa mthong na ci'i phyir brdeg ces smras pa dang/ khos de ni bden no zhe nas bran mo la gos shig byin no/ /khyim bdag pho mo gnyis kyis bsams pa bdag cag bden pa mthong zhing sdig pa'i dri ma dang bral ba ni 'phags pa bsnyen dga' ba'i drin yin gyis de la gos shig sbyin no zhes sngar 'tham zhing 'khod pa bran mos thos nas bran mos bsams pa/ bdag la sngon chad de bzhin mi brdeg pa dang gos byin pa yang bsnyen dga' bo'i bkra 'drin yin na/ bdag gis lan gzhan ni mi nus kyi gtan snyan la tsam bskyal lo snyam nas gtam 'di bsnyen dga' bo la sgran no snyam nas bsnyen dga' bo der 'ongs pa la 'phags pa dga' ba skyad? cig ces byas nas/ de yang yid ma ches te phyir sdig na/ 'phags pa mang du smra mi 'tshal gyis thag ba'i gan du bzhud cig ces byas nas thag pa dang phrad nas gos te da'i phyir 'thag pa yin gyis/ thag ran bzang ba dang yug khyim che bar gyis shig ces bsgo nas/ btsun mo phreng ldan ma la bsod snyoms blangs pa'i la thu lhung bzed gang thag pa la bla rngan du byin no/ /de nas tha ga bas skud pa ma nas chud ma dang khyo las so sor lan re blangs te bsnan no/ /slad kyis gnyis ka tshogs pa la blangs pa dang/ de snyed kyi rgyu zhig khyer na ci 'dra ba zhig ces khyim bdag gis bltas na/ gos bzang po zhig nas de ni sbyin du mi rung gzhan zhig sbyin no/ /zhes khyim bdag sho khyo shug gnyis kyis bgros pa thag pas thos nas dgag snyen dga' bo la sbran no/ /bsnyen dga' bo dang thag pa gnyis kyis thabs byas nas/ bsnyen dga' bo khyim bdag gi der chos bshad pa'i tshe tha ga bas snam bu khyer te 'ongs nas sngon du tshogs pa la phul lo bsnyen dga' bos sbyin pa'i tshigs bcad sngar blangs te thal byung du khyer ro/ /de nas phyis tha ga bas khyim bdag la gla rngan bdas na khyod kyis nga'i gos dngos kyang stong bar

  187. 94a

    byas na/ phyis sbyin pa lta ci smos zhes ma ster to/ /bsnyen dga' bo la gla rngan bdas na khyod khyim bdag la long zhig ces nas lan du mar bdas na yang ma ster nas slad kyis bdas na da'i la thu'i mar dang sbrang rtsi dang spong tshun chad brtsis na yang gla lhag par gyur pa nas tha ga pa bzung ste nyi tshan la bzhag go /de yang gla ma byin pa'i steng du dngos kyang bzung bas 'phya zhing mi snyan par 'dzer bas de ltar gyur pa snyan du bdas so/ /bkas smras na/ mang ngo zhes gsol nas/ rnam grangs du ma'i sgo nas smad de/ bzang po 'dod pa'i phyir zas cung zad tsam gyis bsgrubs te grub na spang ba'i ltung ba'o zhes bslab pa bcas so/ /dge slong zhes bya ba ni bsnyen dga' bo ste gzhan yang de dang 'dra ba'o/ /gnyen zhes bya ba dang/ gos zhes bya ba ni rnam pa bdun po gong ma dang 'dra'o/ /khyim bdag ces bya ba ni skyes pa'o/ /chung ma zhes bya ba bud med do/ /'thag tu bcol zhes bya ba ni thal? rnam pa bdun gyi skud pa las gang yang rung ba'o/ /sngar ma bsgo zhes bya ba ni sngar gos sbyin no// zhes 'gron du ma byas pa'o/ /rnam par rtog pa 'ba' zhig byung zhes bya ba ni gzhan las thos pa'o/ /de'i phyir zhes bya ba ni bdag nye bar ston pa'o/ /thag ran bzang zhing yug khyim che ba dang 'jur mdud med pa ni srid pa dang zheng 'di tsam du gyis shig pa'o/ /bza' ba cung zhig byin nas gos grub ces bya ba ni lag par thob pa'o/ /dngos po spangs nas ltung ba bshags par bya'o/ /gos bsgrub pa'i phyir tha ga pa la bsgo ba'i tshe ni nyes byas so/ /thogs na ni spang ba'i ltung ba'o/ /'di lta bu zhig 'od shig par bsgo ba ni nyes pa med do/ /byin phrogs mi gnang ba'i gleng gzhi ni bcom ldan 'das mnyan du yod pa na bzhugs so/ /sangs rgyas bcom ldan 'das mnyan du yod pa nas yul ko sa lar ljongs rgyu zhing gshegs pa'i tshe dge slong

  188. 94b

    drug sde po'i nang nas dga' bo dang bsnyen dga' bo sangs rgyas dang chos kyi yon tan sgrogs shing sngar 'gro bar dang de grogs med nas dga' bo'i slob ma chos can mkhan po la ma dad de kun dga' bo'i gnan 'dug pa chos gos sbyar ma'i rgyu zhig khyer te mkhan po la zhus te sbyar mar drub po zhes byas pa dang/ de bsod snyoms pa zhig dang phrad de khyod chos gos drubs zin pa dang/ nga la rnying pa bslang ngo zhes byas pa dang/ rung ngo zhe nas chos can gyis mkhan po la chos gos drub po zhes zhus pa dang/ dga' bo dang bsnyen dga' bo gnyis gros byas nas chos can la chos gos byin nas grogs su sngar khrid par bya ste/ khyod kyis chos gos drub mi dgos kyis zhes nas chos gos gcig byin no/ /chos kyi chos gos rnying pa ni bsod snyoms pa la byin/ chos gos kyi rgyu ras sar pa ni dge 'dun la yon tu phul lo/ /chos can yang grogs su sngar khrid par byas pa dang slad kyis sangs rgyas kyi zham 'bring du 'gro zhes ma btub pa dang spyad ma phyir phrogs so/ /de nas yul ko sa lar gshegs te nyan thos kyi 'khor rnams la chos gos dang sham thabs legs par bgos sam ma bgos pa g.yas phyogs su sku thams cad kyis glang po chen po lta bu'i tshul du gzigs pa dang/ tshe dang ldan pa chos can stod g.yogs dang smad g.yogs gnyis pu dang ljongs rgyu zhing 'gro bar gzigs nas dbyar gnas pa'i dge slong gis gos ma rnyed dam zhes kun dga' bo la smras pa dang/ gos kyang rnyed de de ltar phrogs so zhes snyan du gsol to/ /dge slong gi bya ba ma yin tshul ma yin zhes rnam grangs du ma'i sgo nas smad nas slan chad byin phrogs mi gnang bar bslab pa bcas so/ /yang dge slong gang zhes bya ba ni dga' bo dang/ bsnyen dga' bo ste gzhan yang de rang 'dra ba'o/ /dge slong zhes bya ba ni chos can no/ /gos zhes bya ba ni bal la

  189. 95a

    sogs pa rnam bdun no/ /byin zhes bya ba ni sngar byin pa'o/ /de'i 'og tu zhes bya ba ni dus gzhan te/ blos zhes bya ba ni 'khrugs pa ma zhi ba'o/ /phrogs zhes bya ba ni bdag gis so/ /'brog tu bcug ces bya ba ni gzhan gyis so/ /gos kyi lhag ma yod pa zhes bya ba ni de'i lhag ma tsam lus pa'o/ /byin cig ces bya ba ni slar btad ba'o/ /byin nas spangs na ltung ba zhes bya ba ni slar blangs ma thag tu dngos po spangs nas ltung ba bshags par bya'o/ /nyes pa ni lus dang ngag gi sgo nas byin zin pa'i 'og tu khyer la shog ces smras sam/ lus kyis phrogs kyang rung ste spang ba'i ltung bar 'gyur ro/ /de la don gzhan dam 'dul ba'i phyir nyes pa med de ji ltar na gzhan gyis phyir zhe na/ bdag la gnas bca' ba'am/ bdag gi slob ma yul 'jigs pa'i phyogs su 'gro ba la rkun po dang mi rgod kyis phrogs su dogs pa'i phyir phrogs pa'am/ chus khyer du dogs pa'i phyir phrogs pa'o/ /ji lta na slob ma gdul ba'i phyir zhe na/ slob ma dang nye gnas sdig pa can gyi lta bar gyur te bdag gi dag mi nyan tam/ dgo ba la mi 'grus sam/ grogs po ngan pa sdig pa can la brten cing mkhan po slob dpon spong ba la gdul ba'i phyir phrogs kyang nyes pa med do/ /phrin yig dang/ lag brda dang gcig nas gcig tu brgyud pa dang/ dge slong sems 'khrugs pa dang/ nad kyis gzir ba dang/ smyon pa dang/ glen pa dang/ 'on pa dang/ lkugs pa dang/ mu stegs can dang/ dge slong ma dang/ dge sbyong ma dang/ dge slob ma dang/ dge snyen ma la gos byin te phrogs kyang thams cad du nyes byas su 'gyur ro/ /ston zla tha chud gi gleng gzhi ni bcom ldan 'das mnyan du yod pa na bzhugs so/ /de'i tshe khyim bdag gcig gis ri brags shig gi grong zhig tu gtsug lag khang zhig brtsigs te dge slong drug bcu'i 'tsho ba'i yo byad cig sbyar nas gtsug lag khang du

  190. 95b

    dkod dang/ khyim bdag de yang slad kyis dus las 'das te/ de'i bus kyang dge slong dag gi 'tsho ba ma 'byor nas dge slong gzhan ni so sor gyis? so/ /de la rgan zhugs gnyis shig bsod snyoms spyod cing gtsug lag khang na gnas pa dang/ de'i tshe byang phyogs su lhags te/ tshong pa rnams kyis dge slong gnyis la 'dir ji lta bu zhes dris pa dang/ de gnyis kyang yon bdag shi ba dang bus 'tsho ba ma 'byor ba zhib tu smras so/ /de nas tshong pa dad pa dag gis dge slong drug bcu dbye bzla ba gsum gyi 'tsho ba'i zod de gnyis la byin te/ dge slong dge slong spyan drongs sheg ces tshong pa dag gis bsgo ba dang/ rgan po gcig ni mnyan du yod par spyan 'dren du song song na bsnyen dga' bo dang sgor phrad nas der dge slong gis de ltar yon bdag gis 'tsho ba sbyar te spyan 'dren to zhes byas pa dang/ bsnyen dga' bos gzhan dag der dod du dogs nas thabs shig bya ste/ 'di na dge slong gnas pa ni rgyal pos g.yon bdag byas te 'tsho ba shin tu 'byor pa dad ldan pa sha stag gnas pas khyod kyi der su zhig 'gro/ khyod ni dge slong kur 'ongs pas gzhan gyis thos na spang ba'i las byas sa re zhes bsdigs nas 'on kyang deng drug sde po 'khor bcu bcu ste drug bcu zhig 'od gis sngar 'od song la zhal ta gyis shig ces sangs rgyas la phyag byed du yang ma ster bar myur du phyir gtang ngo/ /phyis drug sde po 'khor dang bcas te lhags nas dbyar phyi mar tshul du zhugs te/ dbyar zla ba gsum gyi yo byad bgos nas zla ba gcig tu zad par byas phyir dod pas na phyis tshong pa dag gtsug lag khang du 'ongs te/ dge slong rgan po gnyis la 'dir dge slong su dag spyan drangs zhes smras na drug sde po'o zhes byas pa dang/ 'phags pa rgya mtsho chen po'i nang du dod ste nor bu do zan khyer te 'ongs sam/ dge slong gzhan de na med dam zhes drug sde po la ma

  191. 96a

    dad pa dang/ zla ba gsum gyi yo byad zla ba gcig tu bgos pas na ma dad cing 'phya bar gyur pa las snyan du thangs slan chad zla gsum ma lon pa'i dbyar gyi rnyed ba dus ma yin par len cing 'gyed du mi gnang bar bcas/ de nas rgyal po gsal rgyal gyi blon po dmag dpon kha 'da' shag ti dmag dpon du bka' stsal nas/ yul gzhan du 'gro bar lam du zhugs te/ des dge 'dun la tshul gyi tsha yon mang po zhig phul ba dang/ dge slong dag gis len cing 'gyed pa'i dus ma yin no/ /zhes ma blangs pa dang/ snyan du bdas te bslab pa la gus pa dang/ bslab pa la nan tan byed pa'i bsngags pa brjod nas zhag bcus tshul nas ma byung ba la gtad pa'i gos len du rjes su gnang ste/ de las sngar lan zhing 'gyed du mi gnang pa dang/ dge slong dag gis gos sngar blangs nas mdzod kyi nang du sbas pas gos dag rul bar gyur to/ /de ltar gyur pa snyan du bdag nas/ gos sped ba'i dge slong yon tan lnga dang ldan pa'i dge slong zhig bskos la dbyar gyi nang logs su len du yang mi gnang gos 'gyed pa'i dus las yol bar yang len du mi gnang ngo zhes 'dul ba la bslab pa'i gnas bcas so/ /ston zla tha chud nyer zhag bcus ma tshang ba zhes bya ba ni zhag bcu nas tshul nas byung bar gyur pa'o/ /dge slong zhes bya ba ni drug sde ste chos 'di la zhugs pa'o/ /rnyed ces bya ba ni gzhan las so/ /brtad pa'i gos zhes bya ba ni brtad pa'i gos la rnam pa lnga ste/ nad pas byin pa dang/ na ba'i phyir byin pa dang/ 'chi ba'i tshe byin pa dang/ shi pa'i phyir byin pa dang/ 'gro ba'i phyir byin pa'o/ /'dod na ni zhes bya ba ni gal te gos bgos pa zhes bya'o/ /gos nas bya ba ni rnam pa bdun las gang yang rung ba'o/ /long shig ces bya ba ni bdag gi phyir ro/ /blangs nas chos gos 'gyed pa'i dus lam bab kyi bar du tshongs shig ces bya ba ni brtad pa'i gos de

  192. 96b

    gos spang ba'i lag par gzhag par bya'o/ /gos kyi dus ni gang dus ma yin pa ni gang zhe na gnas su brtan pa ma drubs pa zhig ni ston zla tha chung nya la tshul nas phyung ste/ de'i phyir de nyin gos 'gyed pa'i dus yin no/ /lhag ma rnams ni dus ma yin no/ /gnas su brtan pa zhig drubs pa zhig na ston zla ba chung nyi'i bar du gos len pa'i dus yin no/ /lhag ma rnams ni dus ma yin no/ /de las 'das par bcangs na zhes bya ba ni thal ba'o/ /spang ba zhes bya ba ni dngos po spangs nas ltung ba bshags par bya'o/ /dbyar ma zad pa'i skabs su dbyar gyi rnyed pa bgos sam 'gyed pa'i dus las 'das par bcad sa/ thams cad du spangs pa'i ltung bar 'gyur ro/ /sbyin bdag gis sngar phul la slad kyis bdag rang gis so sor dbul lo zhes dus las 'das kyang ltung ba med do/ gtad pa'i gos 'gyed pa'i dus las 'das par bcangs kyang nyes par mi 'gyur ba yod de/ dge slong gis rnyed ma thag tu smyos sam sems 'khrugs sam/ gos kyi rgyu dang spun mi rung ba dang/ zhag bcu cur tshun dus las 'das pa'o/ /dgon par chos gos dang bral du gnad pa'i gleng gzhi ni bcom ldan 'das mnyan du yod pa na bzhugs so/ /de'i tshe ri brag kyi grong na khyim bdag dad pa can zhig gnas pa des dgon pa'i gnas su gtsug lag khang bzang po zhig brtsigs nas dge slong mang po zhig spyan drangs te yo byad dag sbyor? nas bkod pa dang dge slong dag kyang yul gzhan du dong ngo/ /yul gzhan nas dge slong dag cig gtsug lag khang der lhags so/ /de dag kyang yul gung du rgyu zhing sangs rgyas la phyag 'tshal zhing 'dod par byas nas yon bdag 'dis gsol ba/ gtsug lag khang 'di bdag gis pa'i phyir yang ma brtsigs ma'i phyir yang ma brtsigs 'phags pa khyed kyi phyir brtsigs na gud du mi bshegs shing 'dir tshul du 'jug par ci gnang zhes gsol nas de'i sems bsrung ba'i phyir dge slong de dag kyang der gnas so/

  193. 97a

    yul de phyogs na lha khang gzhan med de yul gyi mi dad pa kun gyis kyang lha khang der yon phul bas dge slong dag kyang rnyed pa shin tu mang ngo/ /ston zla ba chung g.yon can gyi rkun po dag gis bgros pa/ de dag gnang na dge slong gi rgyus shes pa cig na re sgo'i them pa brgya rgal zhing lto 'gengs pa de dag la cang med pa'i rigs na zhes byas na de bas kyang rgyus mkhas pa cig na re de dag rnyed pa rab tu mang po zhes nas de na yod dam med pa brtag pa'i phyir gnyis shig lha khang gi nang du zhugs te/ phyag byas nas skor zhing dad dang ltar byas te dge slong gzhan ni med rgan zhugs shig de na 'dug pa de la 'di gtsug lag khang 'byar ba 'am brel ba'i gnas zhes drin dge slong de ma go nas gtsug lag khang ni 'byor pa'o zhes smras nas rgan zhugs des 'di ni brel ba ma yin gyis yo byad dang ldan zhing 'byor pa'i gnas yin te/ gos kyi thum po kun kyang tsom pa'i phyir bstan to/ /rkun po de dag gis kyang shin tu rtogs nas nam tshul nas byung ba'i dus dang sbyar te/ de'i tshe dge slong dag mtshan thog thag chos 'chang da cing kha ton byed pa'i cho ga yon can dag chos nyan pa 'dra bar sgo brdungs te g.yon can dag nad du lhags nas dge slong dag gi gos dang yo byad ma lus par phrogs so/ /de nas dge slong 'di dag kyang yon bdag la ni bab bos pa bzhin du bya dgos kyis dong do zhes nas gcer bus mnyan du yod par phyin te/ de na dge slong mnyan du yod pa na 'khor pa rnams kyi chos gos ba sogs te/ yo byad bcu gsum byin nas de ltar gyur pa snyan du bdas nas/ da slan chad 'jigs shing dogs pa'i gnas su chos gos gsum las gang rung ste gcig zhag drug gi bar du grong du khyim pa'i der zhog shig ces gnang ba dang/ dge slong chos zhos dang bral du dogs pa nas mtshan mo khyim

  194. 97b

    bya ba? dgon nyal ba dang/ khyim bdag bud med dag mtshan mo gcer bar gcin skag dag 'dor ba dang phrad nas 'di na ci'i phyir nyal zhes byas na chos gos kyi phyir ro/ /zhe nas khyod kyi chos gos ded kyis brkus re skan zhes de lta bu la la phya bar gyur nas snyan du blangs te/ da slad chad zhag drug tshun chad du dgon pa pas chos gos grong du gzhag pa mtshams kyi phyi rol na 'dug kyang rung nyes pa med do zhes gnang ba dang/ drug pa sde bo rnams bsams bzhin du zhag bdun las 'das par byed de ltar byed pa bden nam zhes smras na/ mang ngo zhes gsol nas da slad chad zhag bdun las 'dar ma gnang bslab pa bces so/ dge slong zhes bya ba ni drug sde bo ste gzhan yang tshos pa 'di la zhugs pa'o/ /mang po zhes bya ba ni gnyis yan chad de dgon pa kyang zhes bya ba ni grong nas gzhu lnga brgya ste/ rgyang grags gcig phan chad do/ /gnas zhes bya ba ni gtsug lag khang ngo/ /dbyar tham zhes bya ba ni dbyar phyi mar tshul du zhugs pa'o/ /dogs pa 'jigs pa dang bcas zhes bya ba ni rkun po dang gcan gzan dang sprad bus 'jigs la'o/ chos gos gsum zhes bya ba ni sbyar ma dang bdun dang lnga ba'o/ /zhig shig ces bya ba ni gtams pa'o/ /rkyen 'di 'dra ba byung zhes bya ba ni dge 'dun gyi 'am mchod rten dang gang zag gi don gyi phyir ro/ /mtshams kyi phyi rol du 'gro zhes bya ba ni chos gos kyi mtshams kyi te 'khor las 'das pa'o/ /zhag drug ces bya ba ni zhag drug tshun chad ni nyes pa med do/ /mtshams kyi phyi rol tu bral zhes bya ba ni chos gos gang der bzhag pa'o/ /de las 'das par bral na zhes bya ba ni skya reng gis tshod pa'o/ /spang ba'i ltung ba ni dngos po spangs nas ltung ba bshags par bya'o/ /zhag drug las mtshams kyi phyi rol tu 'das nas chos gos dang bral bas ni spang ba'i ltung bar 'gyur ro/ /bar chad brgyad byung mchos gos dang

  195. 98a

    bral yang ltung ba med do/ /gos rgyu dang spun mi rung ba dang/ chos gos mi 'bral ba'i sdom pa byin pa dang/ chos gos sa la bzhag la mi nam mkha' la gnas pa ni zhag drug las 'das kyang ltung bar mi 'gyur ro/ /dbyar gyi ras chen dus las sngon rol tu btsal tam dbyar 'das par 'chad du mi gnang ba'i glang gzhi ni bcom ldan 'das mnyan du yod pa na bzhugs so/ /de'i tshe dge slong dag rdzing bu dang khron pa dag na khrus byed pa'i tshe skyabs med par khrus byed pas na shin tu mi mdzes pa'i ri dags dgra'i ma sa gas mthong nas de lta bu'i mi mdzes pa khyim pa dag gis mthong na 'phya na khrus byed pa'i yol ba gnang ba'i rigs so zhes snyan du gsol nas dbyar gyi ras chongs shig par bkas gnang ngo/ /dge slong dag ras chen 'phral la ma 'byor nas dpyad tshul du 'dug pa'i zla ba gcig gis sngon rol tu tshol cig par gnang/ dbyar phyi ma'i yang yang ras chen sngar tshol zhing snga ma la zla bltas te ring du bcas pa dang/ dus ma yin par ras chen tshol zhing byed pas na tshol zhing bya ba dang/ byed pa mdas? pas lung 'bog pa dang klog pa'i bar chad du gyur nas dbyar sngon rol tu yang tshol la/ dbyar zad nas yang bcangs pas don nyung ba'i dge slong 'phya ba las snyan du bangs te/ gso dba' ba dbang dka' ba zhes smad nas sngon rol tu mi gnang ba dang/ dbyar zad nas zla ba phyed las 'das par 'chang du mi gnang bar bslab pa bcas so/ /dpyid zla ba gcig lus zhes bya ba ni zla ba gcig nas dbyar tshul du 'jug pa'o/ /dge slong zhes bya ba ni chos 'di la zhugs pa'o/ /dbyar gyi ras chen zhes bya ba ni dbyar gyi char gyi skyabs byed pa'i gos so/ /tshol zhes bya ba ni gzhan las so/ /dbyar zang nas zla ba khyed kyi bar du chongs shig ces bya ba ni tshul nas phyung nas zla ba phyed kyi bar du'o/ /dge slong gis dpyid zla ba gcig gi sngon logs zhes bya ba ni nga'i sngon logs

  196. 98b

    su ras chen tshal ba'o/ /dbyar zad nas zla ba phyed kyi bar du chongs shig ces bya ba ni de las 'das par ro/ /spang zhes bya ba ni dngos po spangs nas ltung ba bshags par bya'o/ /sngar tshul du zhugs pa dang dbyar phyi mar tshul du zhugs pa ste/ de dag gis yun ring du bcangs na spang bar 'gyur/ gang phyis tshul du zhugs pa de dag gis kyang sngar btsal tam ha cang ring du bcangs na slang ba'i ltung bar 'gyur ro/ /dbyar gyi ras chen phrin dang phrin yig dang lag brda dang gcig nas gcig tu brgyud pas ring du bcangs na nyes byas su 'gyur ro/ /khyim pa smon pa dang sems 'khrugs pa dang/ nad kyis gzir ba dang/ lkugs pa dang/ 'on pa dang/ glen pa dang/ 'gro ba gzhan du gnas pa la de bas sngon rol tu btsal tam de dag las rnyed pa ring du bcangs kyang nyes byas su 'gyur ro/ /spyir rnyed pa gang zag gi phyir bsngos pa'i gleng gzhi ni bcom ldan 'das mnyan du yod pa na bzhugs so/ /mnyan du yod pa na bsod snyoms pa cig gis khyim bdag cig la chos bshad nas dad par byas te/ bsod snyoms spyid bshos gsol te ras yug gcig cig yon du phul lo/ /de nas khyim bdag gis khas blangs so/ /bsod snyoms pas dge 'dun spyan drang bar byas nas dge 'dun spyir phrin gyis gsol ba dang/ bsnyen dga' bos gsol te nang bar sngar khyim bdag gi der song ste phyin pa dang khyod kyis ras spyir phul ba'i bsod nams ni yod na spyad pa'i bsod nams ni med do/ /ci'i phyir zhe na dge 'dun la kha zas phul ba ni za ma re rer yang gos shig /gos ni mar me'i snying po tsam du yang gos shing ces 'byung bas na khyod kyi de yang spyad pa'i bsod nams med kyi cig car shAkya'i rigs rab tu byung bas na sde snod gsum dang ldan pa chos smra ba la phul ba'i rigs so zhes smras pa dang/ khyim bdag na re 'o na 'phags pa bzhes su gsol de ltar byas na don nong sas khyer zhes

  197. 99a

    rmed par gyur na ma legs kyis dge 'dun tshogs pa'i mdun du rim gyis ston la de'i 'og tu nga la byin cig ces byas nas khyim bdag gis kyang kun la rjes su yi rang bar byos shig ces bstan te mjug tu bsnyen dga' bo la byin no// de nas khang skyong la yang bsnyen dga' bos ma ster to/ /de nas bsod snyoms pas khyim bdag khyod kyis 'brug gzhan du bsgrags la/ char gzhan du phab bo zhes khyim bdag la gyod btab pa dang/ khyim bdag gis de'i rgyus zhib tu smras so/ /dge slong gzhan gyis bsod snyoms pa la gyod btab pa dang/ bsod snyoms pas kyang bdag dang khyim bdag gis ni ma nongs te/ bsnyen dga' bo nyes so/ /zhes byas pa dang/ dge slong dag 'phya ba la zhugs pa snyan du bdas so/ /bkas bsnyen dga' bo la rmas na/ btsun pa mang ngo zhes gsol nas/ gso dka' ba dbang dka' ba chog mi shes pa dge sbyong gi bya ba ma yin zhes rnam grangs du mas smad nas/ spyir bsngos pa gang zag gi bdag gir byar mi gnang bar bslab pa bcas so/ /dge slong zhes bya ba ni bsnyen dga' bo ste gzhan yang chos 'di la zhugs pa'o/ /shes bzhin zhes bya ba ni bdag nyid kyis rig pa'am/ /zhan gyis bsgo ba'o/ /dge 'dun zhes bya ba ni bcom ldan 'das kyi nyan thos so/ /rnyed pa zhes bya ba ni rnam pa gnyis te/ gos kyi rnyed pa dang kha zas kyi rnyed pa'o/ /skabs 'dir ni gos kyi rnyed pa la bya'o/ /gang zag bdag gir bsngos zhes bya ba ni bdag rang gi cher du bsngos pa'o/ /spang ba'i ltung ba ni dngos po spangs nas ltung ba bshags par bya ba'o/ /nyes pa ni gang zag gcig gis rnyed pa bdag gis gir bsngos sam/ gcig gam gnyis sam mang po yang rung ste/ bsngo ba'i tshe ni nyes byas so/ /thob na spang ba'i ltung bar 'gyur ro/ /dge slong gi gang zag gcig gi rnyed pa pha rol gnyis la bdong? sam ? ? po yang rung ste/ 'gyed pa'i tshe

  198. 99b

    ni nyes byas so/ /gang zag gi rnyed pa dge 'dun gyis bsngos na 'gyed pa'i tshe nyes byas so/ /thob na yang nyes byas so/ /de bzhin du gtsug lag khang gi yo byad dang/ gtsug lag khang gi rgyan gyi yo byad dang mchod rten gyi phang lo rim bzhin du 'dug pa na las ltag 'og bsnor na nyes byas so/ /dge 'dun gyi rnyed pa gang zag bdag gir bsngos na nyes par mi 'gyur ba yang yod de phrin pa dang/ phrin yig dang lag brda dang/ gcig nas gcig tu brgyud pa dang/ rgyu dang spun mi rung ba rnams ni ltung ba med de nyes byas so// sman bzhag pa'i gleng gzhi ni bcom ldan 'das rgyal po'i khab 'od ma'i chal bya ka lan ta ka gnas pa na bzhugs so/ /de'i tshe na tshe dang ldan pa srung ba po'i bu la brten cing gnas bca' ba'i nye gnas lhan cig spyod pa'i dge slong dag gis sman byin len byas pa dang/ byin len ma byas pa dang/ snga dro ba dang zhag bdun par 'dres shing mi mngon pa de lta bur dus dang dus ma yin par za zhing rang gi lag gis blangs nas za bas na sman zhag bdun gyi bar du byin gyis brlabs pa la gzhag par bya/ de las 'das par bcang bar mi gnang ste de ltar gyur pa la dge slong dag 'phya ba snyan du bdas nas/ bkas rmas na mang ngo zhes gsol ba dang/ chog mi shes pa gso dka' ba dbang dka' ba'o zhes smad nas/ sman zhag bdun gyi bar du dril zhing bza' bar bya/ de las 'das par bzhag na spang pa'i ltung bar 'gyur ro/ /zhes bslab pa bcas so/ /na ba zhes bya ba ni mi bde ba'o/ /dge slong zhes bya ba ni chos 'di la zhugs pa'o/ /phan pa gang byed pa'i zhes bya ba ni de dang mthun pa'o/ /sman du gsungs zhes bya ba ni bsgrags pa'o/ /mar dang til dang sbrang rtsi dang bu ram zhes bya ba ni dngos su bas so/ /'dod ces bya ba ni gal te 'dod par gyur pa'o/ /zhag bdun gyi bar du zhes bya ba ni zhag bdun tshun chad do/ /rang gis byin gyis rlabs shig ces bya ba ni bdag gis so/ /bzhag par

  199. 100a

    bya ba'i bza' ba'o/ /zhes bya ba ni rang gis blangs nas bza' bar bya ba'o/ /de las 'das par bzhag na zhes bya ba ni de las 'das par ro/ /spang ba'i ltung ba zhes bya ba ni dngos po spangs nas ltung ba bshags par bya'o/ /nyes pa ni dge slong gis tshes gcig la sman zhig rnyed na zhag bdun tshun chad du byin gyis rlabs shig yang na gzhan la bskur cig yang na byin cig /de ltar ma byas na tshes brgyad kyi skya reng shar nas spang ba'i ltung bar 'gyur ro/ /sman zhag bdun du byin gyis rlob pa ni bdag lag bkrus te sman byin len byas nas tshangs pa mtshungs par spyod pa'i mdun du tsog tsog pur 'dug la 'di skad du brjed cig dgongs shig /bdag ming 'di zhes bgyi ba rung ba'i smad 'di zhag bdun tshun chad du bdag dang tshangs pa mtshungs par spyod pa'i phyir byin gyis brlab par bgyi'o/ /de bzhin du gnyis lan gsum du smos shig /ji lta bur zos pa yang nyin gcig bzhin du de ni bdag gis nyi ma gcig zos lhag ma yang bza' o zhes tshangs pa mtshungs par spyod pa'i mdun du zhag bdun gyi bar du brjod cig /de yang sman lhag ste ma zad na dge spyod dam kun dga' i ra ba la sbyin par bya'o/ /sman spang bar bya ba de ma spangs sam bral bar ma byas sam ltung ba ma bshags par gzhan zhig rnyed na yang snga ma'i rgyun gyis phyi ma rnyed pa thams cad spang ba'i ltung bar 'gyur ro/ /zhag bdun las 'das kyang spang bar mi 'gyur ba yang yod de/ sman dge slong 'chad du mi rung ba ni zhag bdun las 'das kyang spang ba'i ltung bar mi 'gyur ro/ /dge slong nad kyis gzir ba dang smyos pa dang sems stor pa ni nam sems 'khrugs pa rnyed pa nas dge bdun bgrang bar bya'o/ /snga dro ba'i sman ni snga dro spyad par bya phyi dro ba'i sman ni phyi dro spyad par bya/ zhag bdun pa yang zhag bdun chun tshad du spyad par bya/ tshes gcig pa'i sman yang tshes

  200. 100b

    gcig tshun chad du bcad par bya/ de ltar 'das par bcangs na thams cad du spang ba'i ltung bar 'gyur bar rig par bya// //spang ba'i ltung ba sum bcu'i bslab pa'i gnas rdzogs so// //shes bzhin du brdzun du smra ba'i gleng gzhi ni bcom ldan 'das rgyal po'i khab na bzhugs so/ /de'i tshe tshe dang ldan pa sgra gcan 'dzin pa la dad pa'i bram ze dang khyim bdag rnams kyis bcom ldan 'das la bzhugs shes dri na/ bcom ldan 'das 'od ma'i tshal na bzhugs na ni bya rgod phung po'i ri la bzhugs so zhes zer/ pi pi li'i shing drung gi phug na bzhugs na ni snga chen ma'i phug na'o zhes zer te/ de bzhin du khyim bdag gis btsal kyang ma rnyed do/ /de dag gi sgra gcan 'dzin la khyod kyis ched du bsams te/ bdag cag la tho 'tsham mam de bzhin na zhes byas pa dang/ de dag 'phya bar gyur pa snyan du bdas nas lcags kyi thu lum za ba ni bla'i/ 'di lta bu ni ma yin no zhes bkas smad kyang bslab pa ma bcas so/ /slad kyis bcom ldan 'das mnyan du yod pa na bzhugs pa'i tshe mnyan du yod pa na shAkya'i bu dge slong ma bzhi skye zhes bya ba zhig gnas te/ de yang phyi rol gyi gzhung gzhan la rab tu mkhas shing gzhan dang rab tu 'gyed pa la brtson pa zhig 'dug go /de'i tshe lho'i phyogs nas bram ze'i bu zhig sngags tshol zhing mnyam du yod par phyin te/ sngar gnas pa'i bram ze dang cung zad 'gyad par byas pa las/ bram ze dag gis g.yo byas nas shAkya'i dge slong me bzhi skyes la/ gtsug lag gis rgol cig ces byas nas/ de gnyis kyang skyed mos tshal zhig tu dus byas nas/ bram ze ni de'i mtshan thog thag bdag gi phyogs dang gzhan gyi phyogs la sem? sem sten nam lam langs nas dus slar phyin pa dang/ dge slong me bzhi skyes ni de'i nyin mo bsod snyoms la song ste slar log pa dang bram ze dang phrad nas nga ni brjod de zhes byas so/ /phyi

  201. 101a

    nyin dus byas pa dang/ dge slong des yang dus der ma 'ongs nas/ grong gzhan na 'gro ba bram ze des mthong nas/ dge slong khyod ci'i phyir 'dod mi 'ang zhes byas pa dang/ don de gcig pur zad dam/ bdag ni ston pa dang/ bla ma la bsnyen bkur bya dgos/ khyim bdag dang bram ze lhags pa rnams la chos bstan dgos zhes smras pa dang/ bram ze khyod phal ched du bsams te tho 'tsham mam ci zhes byas ba dang de bzhin no/ /zhes smras pa dang/ bram ze'i bu dag dge sbyong de dag ni shes bzhin du brdzun zer ro zhes mi snyan par zer ba snyan du bdas nas rnam grangs du mas smad nas 'dul ba la bslab pa bcas so/ /shes bzhin zhes bya ba ni brtags pa'o/ /brdzun zhes bya ba ni rnam pa dgu ste/ phas pham par 'gyur ba dang lhag mar 'gyur ba dang/ ltung bar 'gyur ba dang/ nyes byas su 'gyur ba dang/ rtsa ba med pa dang/ tshul khrims log par zhugs pa dang/ lta ba log par zhugs pa dang/ cho ga log par zhugs pa dang/ 'tsho ba log par zhugs pa'o// //ltung ba zhes bya ba ni sems can dmyal ba dang byol song dang yi dags ngan 'gro log par bsreg pa dang gtso bor ltung ba'o/ /de la dge slong gis 'du shes spas nas mthong ngo dogs so zhes smras na ltung ba'o/ /dge slong gis mi'i skyon nas 'bod pa'i gleng gzhi ni bcom ldan 'das mnyan du yod ba na bzhugs so/ /de'i tshe na dge slong drug sde po gzhan gyi skyon nas 'bod pa ni 'di lta ste zhar ba dang rkang ngos dang gyol po dang sor mo 'jas pa dang/ sgar po dang lkog glon can dang/ mchu 'phyad dang mgo bo che la sogs pa'i skyon nas bos pas dge slong dag bag 'khums pa dang/ mi spobs pa dang/ spa gong bar gyur nas dge ba'i bar chad du gyur pas snyan du bdas nas/ bkas drug sde la rmas na mad do zhes gsol nas/ dge sbyong gi bya ba ma yin/ rigs pa ma yin zhes rnam grangs du mas smad nas

  202. 101b

    bslab pa bcas so/ /ltung ba zhes bya ba ni ngan song gsum du ltung bar byed pas na ltung ba'o/ /ltung ba de ma bshags dge ba'i chos rnams sgrib par byed pas na ltung ba zhes gsungs so/ /dge slong gis mi'i skyon nas bod par bsams te/ dge slong la tshe dang ldan pa khyod rgyal rigs dang bram ze'i rigs las rab tu byung bas khyod la dge sbyong dang tshangs pa med do zhes byas na dge sbyong spa ba kong yang rung ste nyes byas su 'gyur ro/ /lham mkhan dang skur ris mkhan dang shing mkhan dang tha ga pa dang/ 'dreg mkhan dang/ theng po dang/ lag sor 'khums pa dang/ lkor rlon can dang/ skrangs pa la sogs pa las khyod rab tu byung bas na dge sbyong dang tshangs pa med do zhes smras na/ dge slong spa gong yang rung ma gong yang rung ste/ ltung ba re rer 'gyur ro/ /phrin dang phrin yig dang lag brda dang gcig nas gcig tu brgyud pa dang/ dge slong smyon pa dang/ sems 'khrugs pa dang ra ro ba las mi'i skyon nas bos na nyes byas su 'gyur ro/ /'gro ba gzhan du gnas pa dang mdza' khob pa dang/ 'phags pa'i skad kyis gcig la gcig brnga mi 'jal ba dang/ dge sbyong dang khyim pa dang/ de bzhin du pha bsad pa dang ma bsad pa dang dgra bcom pa bsad pa dang/ mu stegs can la sogs pa la skyon nas bos na nyes byas su 'gyur ro/ /phra ma'i gleng gzhi ni bcom ldan 'das mnyan du yod pa na bzhugs so/ /de'i tshe na dge slong drug sde po rnams phra ma la zhugs nas/ de ltar phra ma smra bas na dge slong dag kyang 'khums shing bag tsha bar gyur nas lung 'bogs pa dang kha ton byed pa la sems bag tsha bas dge ba dag btang bas 'dza' zhing sdug pa chos bzhin du 'khod par yang ma gyur nas don nyung ngu ba'i dge slong dag 'phya bar gyur pa snyan du bdas nas/ dge sbyong gi bya ba ma yin zhes smad nas/ 'dul ba la bslab pa bcas so/ /dge slong zhes bya ba ni drug sde po'o/ /ltung ba ni snga ma bzhin no/ /dge slong

  203. 102a

    gis phra ma bya bar bsams nas tha ga pa dang/ shing mkhan dang 'dreg mkhan la sogs pa rab tu byung bas dge sbyong dang tshangs pa ga la yod ces zer ro zhes smras na ltung bar 'gyur ro/ /gzhan ni skyon gyi skabs sbyar ro/ /phrin dang lag brda yang gong ma bzhin du sbyar ro// //skyo sdogs kyi gleng gzhi ni bcom ldan 'das mnyan du yod pa na bzhugs so/ /de'i tshe na dge slong drug sde po rnams dge slong mkhas pa dge 'dun 'dun pas chos bzhin du rtsod pa zhi bar byas te/ spang bar shes bzhin du slar yang de las su mi rung ste ma byas legs par ma sbyangs pas sngar sbyad dgos so zhes yang nas yang du skyo sdogs byas te/ bya ba mangs byed pa mang du gyur pas dge slong dge slong dag 'phya ba las snyan du bdas nas/ dge slong mkhas pa tshogs pas chos bzhin du las byas shing rtsod pa spangs pa slar skyor du mi gnang bar 'dul ba la bslab pa bcas so/ /dge slong gang zhes bya ba ni drug sde ste/ gzhan yang tshes 'di la zhugs pa'o// shes bzhin zhes bya ba ni bdag nyid kyis rig pa'am/ gzhan gyis bsgo bar gyur pa'o/ /'du shes zhes bya ba ni dge 'dun tshogs shing mthun pa'o/ /dge 'dun zhes bya ba ni de bzhin gshegs pa'i nyan thos kyi dge 'dun la bya'o/ /chos ji lta ba bzhin zhes bya ba ni 'dul pa dang mi 'gal ba ste/ ston pas bstan pa ji lta ba bzhin no/ /rtsod pa zhes bya ba ni rtsod pa rnam pa bzhi ste/ 'thabs nas rtsod pa dang ma 'thabs ma bcos par rtsod pa dang/ ltung ba'i phyir rtsod pa dang/ bya ba'i phyir rtsod pa'o// spangs pa zhes bya ba ni rtsod pa rnam pa bzhi po gang yang rung ste zhi bar byas pa'o/ /yang bya bar skyo sdogs byed ces bya ba ni phyi phyir byed du zhugs pa'o/ /ltung ba zhes bya ba ni sems can dmyal bar ltung ba la sogs ste snga ma bzhin no/ /nyes pa ji

  204. 102b

    lta bu zhe na dge slong gis 'thab pa'i brtsod par 'du shes shing spangs pa la spangs pa'i 'du shes kyis yang bya bar skyo sdogs byed na ltung bar 'gyur ro/ /the tshom na yang ltung bar 'gyur ro/ /ma spangs pa la spangs pa'i 'du shes kyi skyo sdogs byed na nyes byas su 'gyur ro/ /the tshom za na yang nyes byas su 'gyur ro/ /ji ltar 'thab pa la rnam pa bzhir sbyar ba bzhin du mi gdams pa dang/ ltung ba dang bya ba'i rtsod pa la yang de bzhin du spyod cig /bud med la chos tshig gi lnga drug las lhag par 'chad du mi gnang zhing rig pa'i skyes pa med par tshig lnga drug las lhag par bshad pa'i gleng gzhi ni mnyan du yod pa na'o/ /de'i tshe na tshe dang ldan pa 'char ka rig pa'i nor bu zhes bya ba yod de/ de'i mthus mtshan gyi rig pa shes te/ snga dro bram ze dang khyim pa dag /dag gi rigs kyi dor bsod nams la 'jug cing chos bstan pa'i 'og tu khyim bdag gi mna' mal khyod kyi sgyug mo ci 'dra zhes dris so/ /des smras pa/ ji ltar bong bu 'das phog pa bzhin no/ /de ni de nyid kyi nyes pa ma yin te/ de la ma rungs pa'i mtshan yod de/ sme ba nag po dang/ dmar po dang/ sbrang ma dang 'dra bar dang mdzer ba ste/ nu ma dang/ rkub dang/ gsang ba'i bar? na yod pa'i lan no zhes smras so/ /de'i 'og tu sgyug mo'i gan du song nas khyod kyi mna' ma ci 'dra ba zhes dris na de ni se bdar gyis spyangs pa ste/ le lo che spro thung zhing kha drag la kha ngan zer ro/ /zhes smras pa dang/ de ni de nyid kyi nyes pa ma yin te/ de la mtshan ma 'di lta bu yod do zhes gsang ba'i bar du mtshan ma bstan to/ /de nas dus gzhan zhig na mna' ma dang sgyug mo dag gcig la cig lus mnyed cing khrus byed pa'i tshe de gnyis gcig la gcig gsang ba'i gnas dag tu mtshan brtag na 'chad bas smras pa bzhin du yod do/ /nam phan tshun du rtsod pa'i tshe gcig la cig 'tshad ?? ste/ khyod kyang thab mo rgol zhing bsngo 'am/

  205. 103a

    skyes pa 'di lta bu dang 'di 'dra byed na ci zhes byas pa dang/ de lta bu ni yod ma byas so/ /'o na khyod kyi gsang ba'i bar na mtshan yang pa gzhan gyis ji ltar shes zhes byas pa dang/ 'o na khyod kyis yang skyes pa gzhan gyi shes so// nam phan tshun du bzod par byas te mdza' bar gyur pa de na khyod la 'di lta bu sus bstan ces gcig la gcig dris na/ gnyi ga yang mthun te 'char kas bstan to/ /zhes byas pa dang/ de gnyis 'phya ste/ bdag cag ni 'char kas ched du bsams te 'thab tu bcug ste zhes smod cing mi snyan pa 'dzer to/ /khyim bdag gi dge slong la 'char ka ji lta bu zhes dris na 'char ka ni tshul khrims dang ldan pa ste rigs pa'i mthus bud med dag gi mtshan shes so zhes byas pa dang/ ci 'phags pa de ltar shes su zin gyis kyang bud med kyi gsang pa'i gnas ngan len smra ba mi rigs so/ /zhes 'phya ba snyan du bdas nas 'di snyam du dgongs te/ cung zad nyes pa'i dmigs su gyur pa yang? dge slong bud med la chos bshad pa las byung ngo snyam du dgongs nas/ dge slong bud med la chos ma 'chad cig ces bkag go /slad kyis dge slong dag bsod snyoms la zhugs pa dang/ bud med dag gis chos bshad par gsol ba dang/ dge slong dag gis chos ma bshad pas zin ma ster to/ /de lta bu snyan du bdas nas bka' stsal pa/ chos tshig lnga ste/ phung po lnga bshad par gnang ngo/ /slad kyis de bzhin du nyungs zhes gsol nas dbang po drug ste tshig drug bshad par gnang ngo/ /tshig drug gis kyang mi tshog gis da rung ston cig ces bskul ba dang/ slad kyis rig pa'i skyes pa zhog la chos shod cig ces bka' stsal pa dang/ drug sde rig pa'i skyes pa med bzhin du spre'u dang bya gzhag nas tshig lnga drug las 'das par bshad pas na de ltar gyur ba la snyan du bdas nas 'dul ba

  206. 103b

    la bslab pa bcas so/ /yang dge slong zhes bya ba ni drug sde ste/ gang gzhan yang chos 'di la zhugs pa'o/ /bud med ces bya ba ni legs nyes kyi don khong du chud cing don go bar nus pa'o/ /tshig lnga drug las 'das zhes bya ba ni chos tshig lnga bshad par gnang ba las bsams bzhin du drug du bzlas sam/ chos tshig drug 'chad du gnang ba las bsams bzhin du tshig bdun du bzlas pa'o/ /chos zhes bya ba ni sangs rgyas kyis bshad pa'o/ /ston ces bya ba ni 'chad pa'o/ /rig pa'i skyes pa ma gtogs zhes bya ba ni skyes pa gan na yod pa'o/ /ltung ba ni snga ma bzhin no/ /nyes pa ni bsams bzhin du tshig lnga drug las 'das sam rigs pa'i skyes pa med par bshad na ltung bar 'gyur ro/ /mkhas pa phyi phyir dri ba la lan ldon pa dang khrims dpog pa dang kha ton la sogs pa ni ma gtogs te rig pa'i skyes pa med par bshad kyang ltung bar mi 'gyur ro/ /ha cang myur ches te tshig thal pa la ltung ba med do/ /bsnyen par ma rdzogs pa'i gang zag dang/ cig car chos kyi tshig gis glag tu mi gnang ba'i gleng gzhi ni bcom ldan 'das mnyan du yod pa na ste/ de'i tshe dge slong drug sde rnams bsnyen par ma rdzogs pa'i gang zag dang gtsug lag khang gi phyogs cig na chos kyi tshig cig car klog pas skye bo mang po'i sgra mang po tsha tshi bton pa ni dper na bram ze smrad klog pa'am skar mkhan grangs bgrangs pa bzhin du sgra chen po grag pa snyan du bdas te/ cig car gdon du mi gnang bar bslab pa bcas/ yang dge slong gang zhes bya ba ni drug sde ste/ gang gzhan yang chos 'di la zhugs pa'o/ /bsnyen par ma rdzogs pa'i gang zag ces bya ba ni dge slong pa dang dge slong ma zhes bya ba ma gtogs pa gzhan thams cad do/ /tshig ces bya ba ni tshig 'dra ba dang/ thal ba dang/ yi ge mnyam pa dang thal ba'o/ /tshig mnyam pa ji lta bu zhe na/ slob dpon gyi sdig pa thams cad mi bya'o zhes byas pa dang/

  207. 104a

    slob mas kyang de bzhin du smras pa ni tshig mnyam pa'o/ /tshig thal ni slob dpon gyis sdig pa thams cad mi bya'o/ /zhes ma rdzogs par slob mas dge ba phun sum tshogs par bya'o/ /zhes bya ba ni thal ba'o/ /yi ge mnyam pa ni a zhes bya ba tshig gi mnyam du ston pa'o/ /yi ge thal ba ni a zhes ma rdzogs par du shes bzhin du klog sna ltung bar 'gyur ro/ /the tshom yang de bzhin no/ /bsnyen par rdzogs pa la 'du shes na nyes byas so/ /bsnyen par ma rdzogs pa'i gang zag la gnas ngan len gyi nyes pa brjod du mi gnang ba'i gleng gzhi ni mnyan du yod pa na ste/ dge slong 'dod chags dang ma bral nyon mongs pa ma spangs pa dag nyes pa rtag tu 'byung ba dang slad kyis dge slong 'od sde dang bdul kha dang ma mo 'dzin pa dag las ltung ba'i ches rnams mnyan nas de dag ltung ba chos bzhin du slar byed du bcug pa dang/ de dag kyang de bzhin gshegs pa'i dbu dang/ sen mo'i mchod rten la zhal zhal dang dkyil 'khor byed pa dang/ dge slong gnas brtan dag la yang chu 'drim zhing bsil yab g.yob pa'i tshe dge slong drug sde dang gzhon nu dag de lta bu'i las mi byed cing 'khod pa dang/ khyim bdag dang bram ze rnams dge slong gnas brtan dag ni khyed dang mi 'dra ste/ dad pa che zhing dge ba la brtson no zhes byas pa dang drug snga po na re de dag ni dad pa ma yin gyi chad pa'i las byed de/ de dag gi nyes pa 'di lta bu dag byas so zhes lag brnga bstan pa dang/ khyim bdag gi dge slong gnas brtan rgan po dag kyang 'di lta bu'i nyes pa byung zhing 'dod chags skye na dge slong gsar bu gzhan lta zhig ci smos zhes 'phya ba dang dge slong drug sde dag dge slong gsar bu dag la khyed kyi mkhan po ga re zhes dris na/ de dag na re khyed dang mi 'dra ste/ mchod rten dang gnas brtan dag la mchod pa byed du song ngo zhes byas pa dang

  208. 104b

    drug sde na re de dag ni dad pa'i phyir mchod pa byed pa ma yin gyi chad pas bcad de chad pa'i las byed pa'o zhes smras pa dang/ de dag gis mkhan po dag la ma dad cing spong bar 'gyur ba dang mkhan pos khyed su las thos zhes smras pa dang drug sde las so zhes smras pa dang/ de dag mi dga' bar gyur pa snyan du bdas nas bslab pa'i gnas bcas so/ /dge slong zhes bya ba ni drug sde ste gzhan yang de dang 'dra ba'o/ /bsnyen par ma rdzogs zhes bya ba ni dge slong pha dang dge slong ma gnyis ma gtogs par gzhan thams cad do/ /gnas ngan len ces bya ba ni phas pham pa las byung ba dang lhag ma las byung ba'o/ /dge 'dun gyi gnang ba ma gtogs zhes bya ba ni dge 'dun gyi gnang ba bkol ba'o/ /mnyan du yod pa na dge slong 'phral po che dang dge slong ma drang mo grong de dag tu log par spyad pas skye bo de dag mi dga' bar gyur pas na de dag gi nyes pa rigs so sor rig par byed cing bsgo ba ni ma gtogs zhes gsungs so// //ltung ba ni snga ma bzhin no/ /nyes pa gang zhe na dge slong gis so sor rig par mi bya bar 'du shes bzhin so sor rig par byas na ltung bar 'gyur ro/ /the tshom na yang ngo/ /dge slong gis so sor rig par bya ba'i rigs rnams la so sor rig par bya ba ma yin par 'du shes sam// //the tshom bzhin du so sor rig par byas na nyes byas su 'gyur ro/ /dge slong gis nyes pa dril brdungs pa bzhin du kun gyis shes pa'am ri mor bris pa lta bu 'am/ bdag gis shes pa bzhin du 'jig rten gzhan gyis shes pa la ni brjod kyang nyes pa med do/ /mi'i chos las bla mar gyur pa'i bden pa smrar mi gnang ba'i gleng gzhi ni yul yangs pa can spre'u rdzing gi 'gram na'o/ /de nas gnas pa'i nya ba lnga brgya po rnams 'bad brtson rtsol bas nyon mongs pa thams cad spangs te dgra bcom pa gyur to/ /de dag sngon mu ge byung

  209. 105a

    ba'i tshe na ni yon tan med bzhin du smras pas phas pham par bslab pa bcas so/ /'dir ni bden pa mthong bas na mi'i chos las gyur pa'i bden pa bsnyen par ma rdzogs pa la smra bas na ltung bar bcas te/ brdzun gyi pham pa ji skad zer ba bzhin du sbyor cig /dge slong zhes bya ba ni nya pa lnga brgya ste/ gzhan yang chos 'di la zhugs pa'o/ /bsnyen par ma rdzogs pa ni snga ma bzhin no/ /bla ma zhes bya ba ni 'dod pa'i khams las gzugs kyi khams bla ma'o/ /'di ltar sgrib pa lnga ni mi'i chos zhes bya'o/ /de lnga spangs pa bla ma zhes bya'o/ /smras zhes bya ba ni bsgo ba'o/ /bden pa zhes bya ba ni de'i dngos po bden pa'o/ /ltung ba ni snga ma bzhin no/ /nyes pa ni dge slong gi 'du shes dang/ bzod pa dang lta ba ma spas par lha mthong klu mthong de dag gi sgra thos te/ dgra bcom ba nas lha'i bar du ste/ de dag gi mthong ngo zhe 'am 'grogs so zhe na ltung bar 'gyur ro/ /dge 'dun gyi rnyed pa gang zag mdza' ba'i phyir bsngos so zhes zer ba'i gleng gzhi ni rgyal po'i khab na'o/ /de'i tshe na tshe dang ldan pa gyad bu nor dge 'dun gyi mal stan 'gyed pa dang zas la bsko bar bskos te/ gyad bu nor yang dag la bsam pa dog? pas na dge 'dun la chos bzhin du zhal ta gus par byed nas/ dkon mchog gsum mam grogs po mdza' pa la ma byin pa cung zad kyang med de/ de ltar dbul zhing sbyin pas na rang gi chos gos smad gsum yang dran zhing zhig par gyur to/ /de nas dge 'dun rnams kyis bgros pa/ nam dge 'dun gyis rnyed pa gos shig grub na gyad bu nor la sbyin no zhes snyan du zhus na/ bka' stsal pa/ phyis rtsod cing 'khrug par mi 'gyur bar dge 'dun spyir gsol ba byos shig ces 'byung ste/ de bzhin du dge 'dun mthun pas gsol ba byas te byin na byis pa mdza' bo dang sa can na re dge 'dun gyi rnyed pa khyed cag gi slob ma mdza' bo la byin no zhes zer nas

  210. 105b

    dge slong dag gis de gnyis la khyed gnyis de'i tshe na der ma gtogs sam zhes byas nas/ nged kyang der 'dus so/ /'o na khyed? ci'i phyir 'phya/ ci nged cag kyang mya ngan byed du yang mi gnang ngam zhes byas pa dang/ dge slong dag 'phya ba las snyan du bdas nas 'dul ba la bslab pa bcas so/ /yang dge slong zhes bya ba ni mdza' bo dang sa can te gzhan yang de dang 'dra ba'o/ /sngar mthun te rung bar byas zhes bya ba ni sngar tshogs pas mthun par byin pa'o/ /de'i 'og tu zhes bya ba ni dus phyi zhig na'o/ /'di ltar mdza' ba'i phyir zhes bya ba ni mdza' ba gang zhe na/ mkhan po dang slob dpon gnas 'cha' ba' o/ /lhan cig gnas pa ni mkhan po'o/ /slob dpon gcig pa yang de bzhin du sbyar ro/ /rnyed pa ni gnyis te gos dang zas te/ 'dir gos la bya'o/ /ltung ba ni snga ma bzhin no/ /nyes pa ni dge slong gis sngar mthun te rung bar byas la de'i 'og tu tshe dang ldan pa bdag gis 'di ltar mdza' ba'i phyir dge 'dun gyi rnyed par bsngos pa gang zag bdag gis bsngos so/ /zhes zer na thams cad du ltung bar 'gyur ro/ /mdza' ba'i phyir bsngos pa bden na nyes pa med do/ /bslab pa la khyad du gsod pa'i gleng gzhi ni mnyan du yod pa na'o/ /dge slong drug sde rnams zla ba phyed phyed cing so sor thar pa'i mdo bstan pa 'don pa'i tshe phas pham pa yan chad 'don pa'i tshe na ni cing mi zer bar 'khod dge 'dun gyi lhag ma rtag tu byung bas na lhag ma man chad 'don pa 'don pa'i tshe 'di skad zer te/ tshe dang ldan pa dag bslab pa'i gnas phran tshegs 'di lta bu zla ba phyed phyed cing gdon ci dgos dge slong rnams zhum pa dang bag 'khums par gyur te/ rma tu ba ba kun phyis gzhig ci dgos/ nyes pa kha cig ni bshags kha cig ma bshags pa yod de/ khyod kyis de dag glengs pas na bdag cag the tshom du gyur to/ /zhes bslab pa la smod cing khyad du gsod pa dge slong dag gis snyan du gsol nas 'dul ba bslab pa bcas so//

  211. 106a

    yang dge slong gang zhes bya ba ni drug sde ste gzhan yang 'di la zhugs pa'o/ /zla ba phyed phyed cing so sor thar pa'i mdo gdon pa zhes bya ba ni phas pham pa nas rtsod pa zhi ba'i bar du 'don pa lnga la bya'o/ /bslab pa'i tshig phran tshegs gdon ci dgos zhes zer ba ni bslab pa spong ba'i rtags sna tshogs smra ba'o/ /ltung ba ni snga ma bzhin no/ /phas pham pa bzhi 'don pa'i tshe/ gdon ci dgos zhes zer na ltung bar 'gyur ro/ /lhag ma dang nyes byas kyi bar du gdon ci dgos zhes zer na ltung bar 'gyur ro/ /de bzhin du 'dul ba dngos po dang phran tshegs dang/ gzhung bla ma dang/ 'dul ba lnga pa dang/ bcu drug pa dang/ 'grel pa dang/ gleng gzhi dang/ 'dul ba lta bu'i rnams 'don pa'i tshe gdon ci dgos zhes zer na ltung bar 'gyur ro/ /'dul ba mi ldan pa mdo sde la khyad du gsod na nyes byas su 'gyur ro/ /brdzun gyi tshogs bcu phung dang po rdzogs so// //shing bcod du mi gnang ba'i gleng gzhi ni mnyan du yod pa na ste/ de'i tshe na sngon shing mkhan las rab tu byung ba'i dge slong rgan zhugs blun po mi mkhas mi gsal ba gcig gis lha gnas pa'i shing zhig bcad de btsug lag khang du bgyis pa dang/ lha de yang rang gi gnas dang rten ma mchis pas srod la bcom ldan 'das kyi snyan du gsol te/ btsun pa deng sang dgun gyi dus la bab ste shing gi yal ga yang gas pa tsam du rlung ldang ste/ bdag gi byis pa ni phra bas gnas kyang ma mchis na ji ltar bgyi zhes gsol ba dang/ bcom ldan 'das kyis lha gzhan zhig la lha de'i gnas byin cig par gtad nas de'i phyir de nyin mo dge slong gi dge 'dun bsdus te de'i rgyus zhib tu smras nas shing gcod du mi gnang bar stsal pa dang/ 'brog skyes kyi 'brog dgon pa na dge slong las sar bdag las mi byed de snyan du bdas nas da slan chad las sar pa ba'i dge slong gis zhag bdun nam brgyad kyi sngon rol nas shing gi drung

  212. 106b

    du dkyil 'khor dang gtor ma dang mchod pa byas nas chos bshad de gdod cig bcad par bya'o/ /mtshan ma lta bu byung na gcad du mi gnad zhes gsungs te de'i tshe bslab pa ma bcas so/ /phyis mnyan du yod pa na dge slong drug sde rnams rang gi lag gis shing dad rtswa dad me tog rnams rnga 'am rngar 'jug /gcod dam gcod du 'jug pas na phyi'i mu stegs rnams 'phya bas snyan du bdas te/ sa bon gyi tshogs nas 'byung po'i gnas 'jig tu mi gnad bar bcas/ dge slong zhes bya ba ni drug sde ste/ gzhan yang de dad 'dra ba'o/ /sa bon la rnam pa lnga ste/ rtswa ba'i sa bon dang/ sdong po'i sa bon dang/ mgo thogs kyi sa bon dang/ 'gas pa'i sa bon dang/ sa bon gyi sa bon dang lnga'o/ /rtsa ba'i sa bon ni gla sgang dang shu dag dang yud pa dang rong dang sge'u gsher dang gzhan yang rtsa ba btsugs pa las skye ba'o/ /sdong bu'i sa bon ni bu ram shing 'od ma dang/ lcang ma dang/ gzhan yang sdong bu las skyes pa rnams so/ /mgo thogs kyi sa bon ni btab pa las skyes par gyur pa'o/ /bkas pa'i sa bon ni 'dzam dzi ra dang ga gon dang/ kham rtseg la sogs pa'o/ /sa bon gyi sa bon ni nas 'bras dang khre la sogs pa'o/ /'byung po'i gnas zhes bya ba ni srin bu dang/ phye ma leb dang/ sprul dang/ tre la ta ka la sogs pa ni 'byung po zhes bya ste/ de dag shing la gnas pas na de dag gi gnas bshig gam phyung ngam bcad na ltung bar 'gyur ro/ /zhe'o/ /de la gong ma'i sa bon rnam pa lnga pa las rtsa ba'i sa bon du 'du shes la/ sngo la sngon por 'du shes te bcad dam bcad du bcug na ltung bar 'gyur ro/ /sngo ba la the tshom du gyur na yang ltung bar 'gyur ro/ /skam po la sngo bar 'du shes te bcad na nyes byas su 'gyur ro/ /the tshom la yang ngo/ /ji ltar rtsa ba'i sa bon la rnam pa bzhin sbyar ba bzhin du sa bon lhag ma bzhi po la yang rnam pa bzhir sbyor cig /dge slong gis sa bon rnam pa bzhi po la

  213. 107a

    mer bsregs te ma rung bar gyur tam/ chur bor te ma rung ngam gtan gyi nang du brdungs te/ ma rung bar gyur na yang ltung ba lnga dang nyes byas sngar 'gyur ro/ /sa bon rnam pa lnga po sa skam po la bzhag gam khu ba tsha bas blugs sam shing gis drung de snang par byas na yang snga ma bzhin no/ /dge slong gis thabs gcig gis shing gcig bcad na nyes byas kyang gcig ltung ba yang gcig tu 'gyur ro/ /thabs gcig gis shing mang du bcad na nyes byas gcig dang ltung ba mang du 'gyur ro/ /ji ltar thabs gcig pa dang gnyis sam gsum po 'am thabs mang po yang de bzhin du sbyar ro/ /me tog dang lo ma dang shing gi yal ga yang gong ma bzhin du sbyar te sngon po bcad na ltung ba'o/ /skam po na nyes byas so/ /chu'i nang nas skams pa phyi rol tu phyung ngam/ sha mo dang pha ba dag dgo phyung na ltung bar 'gyur ro// //'phya zhing bzhog 'phyas byed pa'i gleng gzhi ni rgyal po'i khab na'o/ /de'i tshe na tshe dang ldan pa gyad bu nor dge 'dun la ma la stan dang zas 'gyed de/ de'i tshe na mdza' bo dang sa can gnyis mi sdug pas zas dang gnas khang ma thob po/ /slad kyi gyad bu nor gyi ded gnyis mnar to/ /zhes byas so/ /phyis bsnyen dga' bo'i mdun du khyad kyang mal stan 'gyed par bskos na/ gyad bu nor bzhin der la mnar bar byed do zhes smras pa dang/ bsnyen dga' bo na re khyed gnyis de skad ma zer cig tshe dang ldan pa gyad bu nor ni? mal stan 'ding ba'i mchog tu sangs rgyas kyis bsngags so zhes byas pa dang/ de ltar gyur pa snyan du bdas nas/ gsol ba dang las gnyis kyis 'phya ba'i grangs su chug shig ces bka' stsal nas/ de bzhin du 'phya ba'i grangs su bcug kyang phyi phyir gyad bu nor gyi ming nas ni mi smos kyi dge slong kha cig de bzhin du nged la mnar par byed grang zhes lkog na gzhog 'phyas byed pa dang mngon sum du 'phya bas snyan

  214. 107b

    du bdas te/ 'phyar mi gnad bar bcas 'phya zhing gzhog 'phyas byed ces bya ba ni 'phya ba bsams nas tshig tu smras na ltung bar 'gyur ro/ /nyes pa ni dge 'dun gyis dge slong 'phya ba'i grangs su bcug kyang dge slong de gang zag bcu gnyis kyi las byed par rtsol ba la 'phya 'am gzhog 'phyas byed na ltung ba re rer 'gyur ro/ /las kyi grangs su bcug kyang dge slong gang zag bcu gnyis kyis las su bskos pa las mi byed pa rnams la 'phya na ltung bar 'gyur ro/ /dge 'dun gyis 'phya ba'i grangs su bcug kyang dge slong gang zag bcu gnyis kyi las su ma bskos la las byed pa rnams la 'phyas na ltung bar 'gyur ro/ /dge slong de 'phya ba'i grangs su ma bcug na dge slong las byed kyang rung mi byed pa rnams la 'phya na thams cad du ltung bar 'gyur ro/ /bsgo ba'i lan log par ldon pa'i gleng gzhi ni kau sham+b+hi'i dgra zin gyi kun dga' ra ba na'o/ /de'i tshe na tshe dang ldan pa mos pa can la ltung ba byung nas chos bzhin du slar mi byed pas na/ dge slong phan par 'dod pa bde bar 'dod pa dag gis tshe dang ldan pa ltung ba slar shogs shig ces byas na/ ltung ba su la byung ba de 'chags grang ngas ni ltung ba mthong ngo/ /khyed kyis mthong bas na khyed la ltung ba byung grang/ nged kyi rigs las ni byang chub thob pa yod kyi/ khyed ni rigs tha dad pa las rab tu byung bas na khyed la ni byang chub thob pa su yod des rlom zhing lan 'og par ldon pas na gsol ba dang las gnyis kyis bsgo ba'i lan log par ldon pa'i grangs su bcug go /de nas kyang ngas ni smras pas nyams pa lnga ste/ dper na nags kyi bya yang rang gi skad phyung pas tshig zin pa dang 'dra ste/ da slan chad su ci zer yang mi smra'o zhes gzhan tshangs par spyod pa phan pa dang bde bar 'dod pa rnams kyis ltung ba shogs shig ces phyi phyir glengs na bdag nyid mi smra bas na lan mi smra bas ldan pas na grangs su bcug go /

  215. 108a

    'on kyang phyi phyir mi smra ba dang/ log par lan ldon pa gnyis byed byed pas snyan du bdas te/ lan log par ldon du mi gnang bar 'dul ba la bslab pa bcas so/ /bsgo ba'i lan log par ldon zhes bya ba ni bsgo ba'i lan log par glan bar bsams nas gzhan la tshig gis rig par byed pa'o/ /nyes pa ni dge slong rab tu byung ba'o/ /zhes dris pa dang rab tu ma byung ba'o zhes zer na ltung ba'o/ /dge slong lhung bzed thogs pa dag mthong ngam zhes zer ba las rkang pas 'gro ba mthong ngam zhes zer ba la ltung bar 'gyur ro/ /bu ram shing dang rtsa khur khyer ba mthong ngam zhes dris na gzhan du brgyud na yang? ltung bar 'gyur ro/ /gshed pos gsod par khrid pa la snying rje'i bsam pas 'dus byas bdag med par bsams nas ma mthong ngo/ /zhes smras pa ni nyes pa med do/ /dge 'dun gyi khri bla gab med pa na gding du mi snang ba'i gleng gzhi ni mnyan du yod pa na ste/ dge slong rnams kyis bla gab med pa la dge 'dun gyi khri dang mal stan rnams bting ste bzhag pa/ de ma bsdus par khyim bdag gcig gis dge slong rnams spyan drangs na bcom ldan 'das ni mal stan nyul bar bzheng nas der ma gshegs te dge slong dag dong ba'i 'og tu sprin kha dog tha dad pa dag 'dus shing char 'bab tu nye bas mal stan byul ba dang/ kye ma'o yon bdag dad pa ni sha khrag zad zad du sbyor zhing sbyin na dge slong rnams ni tshong mi zin par spyod do zhes nas/ mal stan dang khri rnams bcom ldan 'das phyag dar te nang du bsdus so/ /phyis dge slong dag lhags pa dang slan chad mal stan ma sdus par grong du 'gror mi gnang bar bslab pa bcas so/ /dge 'dun zhes bya ba ni phyogs bzhi'i dge 'dun no/ /khri 'am khri'i zhes bya ba ni dngos po zad do/ /stan dang? tshangs can ni shing bal gyis bkang ba'o/ /gor bu zhes bya ba ni khre'u g.yog pa'o/ /bla gab med pa zhes bya ba ni steng ma g.yogs pa'o/ /gding ngam zhes bya ba ni bdag gis so/ /gding du bcug

  216. 108b

    ces bya ba gzhan la'o/ /ma brtul zhes bya ba ni bdag gis so/ /brtul tu ma bcug ces bya ba ni gzhan la'o/ /de las song zhes bya ba ni nye 'khor las song ba'o/ /de 'dra'i rkyen gtogs bya ba ni khyim pa gnyis shig kho na yod pa las mthu chung ba de rab tu byung ste ljongs rgyu zhing bros te song ba las nub mo lha khang zhig tu dgongs der mal stan dag brnyas nas nyal lo/ /nad par bdag ni 'gro zhes mal stan dag gtang ba las ring du thogs nas/ khyim pa des bsnyags pas slebs pa dang brdegs pa snyan du bdas te de lta bu'i nyes pa byung ba dang bar chad chen po brgyad la sogs pa byung na nam rtul bar song yang nyes med ce'o/ /mal stan ma rung bar gyur pa rnam pa gnyis te/ rlung dang char dang nyi ma'o/ /dge slong gis gang zag lnga la stan bcol bar mi bya ste/ ngo tsha med pa dang khon yod pa dang/ rgas pa dang nad pa dang/ bsnyen par ma rdzogs pa thams cad la'o/ /gding ba ma bsdus par 'gro ba'i gleng gzhi ni mnyan du yod pa na ste/ lho phyogs nas dge slong gnyis shig bcom ldan 'das kyi zhabs la phyag 'tshal du dgro ba mnyan du yod par phyin te/ der dge slong rgan po ni mal stan dang gnas khang yang thob po/ /dge slong gsar bu ni mal stan 'gyed pa'i tsho ma thob nas gzhon nu de yang nus zhig pas rtswa brngas te/ pus mo tsam nus par byas te nyal lo/ /rgan pos kyang rtswa bting ngo/ /de gnyis kas rtswa ma bdus te/ dge slong grogs po la yang ma bcol bar dong ba'i 'og tu dge slong dag ni khyim bdag dag gi steng du 'gron du gnyer to/ /bcom ldan 'das ni mal stan nyul bar bzheng nas bshos gtsug lag khang du 'dren to/ /gnas lang? de yang tshan yod cing sa snyibs rtswa de la srin po zhugs nas khang ba phyi nang du srin bus gang ste ma rung bar gyur to/ /de nas bcom ldan 'das kyis phyag dang te rtswa der bsdus nas dge 'dun kun bsogs te/ da slan chad rtswa bting

  217. 109a

    ba ma brtul tam brtul tu ma bcug par 'gror mi gnang bar bslab pa bcas so/ /rkyen ma gtogs zhes bya ba ni des slad kyis dge slong ma zhig 'dron pa mang po dang ljongs rgyu zhing dod ba las nub mo gtsug lag khang zhig tu phyin nas rtswa mang zhig bsdus nas bting ste nyal lo/ /de dag nang par rtsa sdud cing 'khod pa las ring du thogs nas 'dron pa mang po dang bral te lam du rkun pas bcom pa snyam du bdas te/ snga ma ni bcas pa'o/ /'di ni gnang ba'o/ /zhes 'dul ba la bslab pa'i gnas bcas so/ /yang dge slong zhes bya ba ni rgan gzhon gnyis te/ gzhan yang de dang 'dra ba'o/ /dge 'dun zhes bya ba ni nyan thos kyi dge 'dun no/ /gnas khang ni gang na sbyod lam bzhi dang ldan pa ste/ 'gro ba dang 'greng ba dang/ 'dug pa dang nyal ba dang ldan pa'o/ /rtswa dang lo ma zhes bya ba ni dngus su zad do/ /gding dam gding du bcug gam zhes bya ba ni bdag dang gzhan gyis so/ /ma brtul tam brtul du ma bcol zhes bya ba ni bdag dang gzhan la'o/ /song zhes bya ba ni nye 'khor las 'das pa'o// dge slong la ma bcol ces bya ba ni nye 'khor na yod pa'i dge slong la'o/ /nyes pa ni bdag gis ma bsdus sam bsdud ma bcol bar song na nye 'khor las ma 'das kyi bar du nyes byas so/ /'das na ltung bar 'gyur ro/ /dge slong skrod du mi gnang ba'i gleng gzhi ni mnyan du yod pa na ste/ de'i tshe tshe dang ldan pa 'char kas dge slong gzhan dag gi slob ma gsar bu rnams spro bar byas te kha drangs nas bdag cag ljongs rgyu zhing bdag gi grags pa ni bsgrags/ rgol ba ni tshar bcad/ rnyed pa ni sgrub po/ /khyed la yang lung dbog pa dang klog pas mi brel bar bya'o zhes bsgo ba dang/ de dag so so'i mkhan po dang slob dpon la gsol te bkag kyang ma btub nas 'char pa'i phyi bzhin du dong ngo/ /de dag kyang nye 'khor las 'das pa dang yo byad sna re re bkur te dod ba dang

  218. 109b

    'char ka ni lam du khyim pa dag dang gtam byed cing 'dug pa dang/ lha khang zhig tu gaN+Di brdungs te 'char ka la 'dod zhes byas nas de ni las kyi gaN+Di zhig gis bdag cag ngal sos la dong ngo/ /sngar dong du zin gyis kyang khong gi las byed du bcug tu 'ong ngo zhes smras pa dang/ slob dpon 'di ni rnyed pa'i gaN+Di zhig kyang srid kyis 'dod ces byas na khyed sngar deng la nga'i skal pa yang nos shig ces byas nas sngar dong ngo/ /'char ka ni phyi na gtam la g.yangs te slob ma dag gis stan dang gnas gnos? te bsdad na nam sros kyang ring zhig tu ma 'ongs nas sgo bcad pa'i 'og tu 'ongs te 'bod nas nang du 'ongs te/ slob dpon kun sta gon bgyis lags kyis gzims zhes byas pa dang/ khyed cag su zhus te nyal/ bdag cag ni slob dpon ring du ma byon nas gcig la cig zhus te nyal lo/ /zhes smras pa dang/ de khros te rim gro med pa khyed la lung mi sbyin gyis phyir deng shig ces slob ma rnams mtshan mo phyi rol tu lhags pa la gzhag go /de nas phyi de nyin slob ma rnams kyis bdag cag phyi phyag 'tshal te mchi'o zhes smras pa dang/ khyed ma 'dod par 'dug shig dang/ khyed nan yang ngas nad g.yogs bya'o zhes byas/ /bdag cag nad med pa las kyang nad yod par byas nas nga ni mi na re'o/ /zhes nas ma btub par mnyan du yod par dod ste lhags pa dang/ de dge slong dag gis de dag la bde bar 'ongs sam zhes byas na/ de ltar gyur pa zhib tu dge slong dag la byas pa snyan du bdas pa dang/ phyis 'char ka nyid slar 'khor ba la smras nas bskrad du mi gnang bar bslab pa bcas so/ /de 'dra ba'i rkyen ma gtogs zhes bya ba ni mnyan du yod pa nas phug gi gtsug lag khang zhig na dge slong ma zhig gnas shing 'khod pa 'khod pa las sprin kha dog lnga pa 'dus pa ste char bab tu nye nas dge slong gzhan ni rdib kyis dogs te phyung ngo/ /nad pa cig rang 'byung ma nus te/ char gyis sa gas rdib nas dus

  219. 110a

    las 'das te/ de lta bu'i rkyen zhig gis ma dad bzhin du phyi rol tu phyung zhing bskrad pa ni nyes med do zhes gnang ngo/ /dge slong zhes bya ba ni 'char ka ste/ gzhan yang de dang 'dra ba'o/ /khros 'khrugs zhes bya ba ni khros pa'i zil gyis non pa'o/ /gtsug lag khang ngam gnas pa zhes bya ba ni spyod lam bzhir ldan pa ste snga ma bzhin no/ /skrod dam skrod du bcug ces bya ba ni bdag dang gzhan gyis so/ /rkyen ces bya ba bkol ba'o/ /dge slong snga na gnas shing 'khod pa la phyis 'ongs shing gnon du mi gnang ba'i gleng gzhi ni mnyan du yod pa na te/ tshe dang ldan pa 'char kas gzhan gyi slob ma kha drangs te ljongs rgyu zhing dong ba las gtsug lag khang gzhan zhig tu gaN+Di brdungs pa la sogs pa'i gtam rgyud ni gong ma bzhin du sbyar ro/ /bye brag ni 'char kas thabs kyis sgo phye ste gnang du 'ongs pas slob ma nyal ba'i steng du mnan cing brdzis pa dang/ de dag shing dogs nas phyir phyung ste mtshan thog thag phyi rol na nyal bas grang bas nyen nas nang par bdag cag mchi'o/ zhes mchi phyag 'tshal nas mnyan du yod par phyin te dge slong rnams la smras nas snyan du bdas nas phyis gnon du mi gnang bar bcas so/ /yang dge slong gang zhes bya ba ni 'char ka ste/ gzhan yang de dang 'dra bar/ shes bzhin du zhes bya ba ni bdag gis sam gzhan dag gis sam gzhan gyis bdag rig par byas pa'o/ /gtsug lag khang zhes bya ba ni spyod lam bzhi dang ldan pa'o/ /snga na 'khod ces bya ba ni snga na gnas pa'o/ /gnod par byed ces bya ba ni mi bde bar byas pa'o/ /'di 'gro zhes bya ba ni gzhan ma yin par de nyid kyis byas pa'o/ /ci tsam du dge slong gis su la gnod par de 'gro bar 'gyur ba'i rkyen de nyid kyis dge 'dun gyi gtsug lag khang na dge slong snga na 'khod par shes bzhin du phyis 'ongs te/ nyal

  220. 110b

    lam 'dug na ltung bar 'gyur ro/ /gnod par bya'o snyam nas ched du bsams te gnod pa'i bag byas na ci'i sgo nas kyang rung ste thams cad du ltung bar 'gyur ro/ /khri'i rtsa ba byung sla ba steng gi yang thog tu bzhag nas lcid kyis phab ste 'dug tu ni gnang ba'i gleng gzhi ni mnyan du yod pa na te/ 'char ka phos sngan chad gzhan gyi slob ma rnams kha drangs shing gtses pas slad kyis tshe dang ldan pa bsnyen dga' bo ljongs rgyu zhing 'gro bar dad ste gzhan gyi slob ma rnams kha drangs na gcig kyang ma btub nas bsnyen dga' bos bsod snyoms pa rgan pa zhig dang 'gro bar byas nas/ bsod snyoms pas kyang bsnyen dga' bo gnas ngan len kun spyod par brags mod kyi/ bdag gnas 'cha' zhing lung dbog ni mi dgos te des byar ci yod snyam du bsams so/ /bsnyen dga' bos bdag cag gnyis kyis thos pa ni bsgrags rnyed pa ni bsgrubs/ rgol ba ni tshar bcad du 'dod do/ /zhes nas de gnyis kyang 'grogs te dong nas nye 'khor las 'das pa dang bsnyen dga' bos rgan po la gnas 'char gzhug cing yo byad dag bkur bar byas na ma btub ste bdag ni gnas dben pa la 'cha'o/ /yo byad 'chad ba ni ston pas slad la/ bden pa mthong ba la sgrib pas mi bkur ro zhes ma btub pa dang/ mi bkur ba ni rigs na khyod kyis nga la gshed ci yod ces bsnyen dga' bo yang khros so/ /de nas bsnyen dga' bo yang lam na mi 'phrad do cog dang gtam zla yod kyi bar du 'khyal zhing 'dug go /de nas gtsug lag khang du phyin tu nye ste gaN+Di brdungs pa dang/ gtam sna tshogs la dga' ba ni ston pas smad pa yin gyis gaN+Di brdungs pa yang rnyed pa'i gaN+Di yang srid na 'dod gong zhes byas na de ni las kyi gaN+Di te/ bdag cag ngal gyi stang du las kyis bsnan du 'dod do/ /zhes ma btub nas bsod snyoms pa sngar song ba la bsnyen dga' bo'i gnas dang mal cha yang nod du bcol lo/ /des kyang bsnyen dga' bo'i gnas ni

  221. 111a

    yang thog tu mnos/ bdag gi ni 'og tu mnos nas/ ring zhig bsdad kyang ma 'ongs nas sgo bcad de nyal lo/ /de yang nam sros te 'ongs nas 'bod bzhin du thabs kyis sgo phye ste rgan zhugs la mal gar byas zhes dris nas de yang rang gi gnas su song ngo/ /de yang rgan zhugs la gnod par bsams nas yang thog nas rgan zhugs la bos pa dang de gang na zer ba'i thad kar khri'i rtsa ba gzer bu med pa 'byung sla ba'i steng du lcid kyis drag tu phab ste 'dug pas khri'i rtsa ba ltung nas rgan po'i 'phral ba la phag ste gnang nas? nang par phyi phyag 'tshal te song nas phyir phyin pa dang/ de ltar gyur pa dge slong dag la byas pa snyan du bdas nas khri rtsa ba 'byung sla ba 'dug tu mi gnang par bslab pa bcas so/ /dge slong zhes bya ba ni bsnyen dga' po ste gzhan yang nyes pa de dag? 'dra ba'o/ /dge 'dun dang gtsug lag khang ni snga ma bzhin no/ /lcid kyis phab pa ni rkub kyis btsir ba'o/ /nyal zhes bya ba ni lus kyi 'phres pa'o/ /ltung ba ni snga ma bzhin no/ /dge slong gis ci tsam du gtsug lag khang gi khang bur khri 'am khri'u rtsa ba 'gyur sla bar shes bzhin du lus kyi lcid kyis phab ste 'dug na thams cad du ltung bar 'gyur ro/ /spang leb kyis g.yogs pa 'am/ pha gus g.yogs pa dang khri'i 'og tu rkang rten bcug pa dang/ khri bkan te 'dug pa la lcid kyis phab kyang nyes med do/ /srog chags dang bcas pa'i chu 'debs su mi gnang ba'i gleng gzhi ni kaM sham+b+hi'i dgra zin gyi kun dga' ra ba na te/ de'i tshe ni tshe dang ldan pa mos pa can gyis shes bzhin du srog chags dang bcas pa'i chus rtswa dang lci ba dang sa la chag chag 'debs shing 'debs su bcug pa dang/ de la dge slong dag gis tshe dang ldan pa mos pa can de ltar ma byed cig ces bsgo ba dang la ni sus kyang grangs kyis ma gtad na/ khong nyid lho dang byang dang nub kyi rgya mtsho dang

  222. 111b

    steng ka dag tu dong na ci nyes zhes zer ba dge slong dag 'phya nas snyan du bdas te/ dge sbyong gi bya ba ma yin no/ /zhes 'dul ba la bslab pa'i gnas bcas so/ /yang dge slong zhes bya ba ni mos ba can te/ gzhan yang de dang 'dra ba'o/ /shes bzhin du zhes bya ba ni sems can yod par gdag gam gzhan gyis bsgo ba'o/ /srog chags zhes bya ba ni rnam pa gnyis te mig gis sod pa dang chu tshags la chags pa'o/ /tshu dang rtsa zhes bya ba la sogs pa ni chus sbyad par bya ba'i gnas thams cad la bya'o/ /'debs sam 'debs su gzhug ces bya ba ni bdag gis sam gzhan la 'debs su bcug pa'o/ /nyes pa ni srog chags yod pa'i chu la srog chags yod par 'du shes sam the tshom bzhin du 'debs sam spyod na ltung ba re rer 'gyur ro/ /srog chags med pa la yod par 'du shes sam the tshom na nyes byas re rer 'gyur ro/ /srog chags yod pa'i yur ba'i chu kha bsgyur na sems can ji snyed yod pa shi na ltung ba yang de snyed du 'gyur ro/ /ma shi na nyes byas re rer 'gyur ro/ /chu la ji lta ba bzhin du sa dang rtswa srog chags dang ldan pa la yang de bzhin du sbyar ro/ /gtsug lag khang rim pa gnyis las rtsig tu mi snang ba'i gleng gzhi ni kau sham+b+hi'i dgra zin gyi kun dga' ra ba na te/ de'i tshe dge slong drug sde rnams gzhan gyis brtsigs pa'i khang pa las 'phya ba la zhugs pa dang/ de na dge slong gnas pa rnams kyis khyod nyid rdo gcig bsgreng yang mi nus par gzhan gyis brtsigs pa'i khang pa la 'phya ba'i rigs sam zhes byas pa dang/ de dag kyang mos pa can spro bar byas nas mos pa can gyi kau sham+b+hi na khyim bdag ser sna can phyug po zhig 'dug pa brtul nas gtsug lag khang rtsig pa'i nor sbyar nas gla can kun sogs te/ gtsug lag khang zlum po gtor khung la sogs pa ma gtod pa cig nyin cig gis zin pas brtsigs so/ /rgyas par lhag ma'i skabs su gtsug lag khang gi gleng gzhi'i bzhin du

  223. 112a

    rgyas par sbyor zhig gtsug lag khang 'di yang 'jig par thugs su chud nas sangs rgyas kyis lha rnams la srod la chos bshad do/ /nam phyed na char bab pas zhig ste sa'i phung por gyur nas drug sde rnams kyang 'bros pa dang/ yon bdag zas dang bcas ste gtsug lag khang du 'ongs pas bcom ldan 'das kyi mi dga' bar med par spro bar chos bshad do/ /de nas yon bdag dga' bar gyur pa dang/ drug sde yang slar lhags so/ /yon bdag gis de dag la gos phrugs re re zhig bskon pa dang/ drug sde rnams kyang dom pa dge slong rnams kyis 'phya ba snyan du bdas nas gtsug lag khang rtsig na pha gu dang 'jim pa rim gnyis gsum las lhag par rtsig tu mi gnang bar bslab pa bcas so/ /yang dge slong gang zhes bya ba ni drug sde ste/ gzhan yang de dang 'dra ba'o/ /gtsug lag khang zhes bya ba ni spyod lam bzhi dang ldan pa'o/ /chen po zhes bya ba ni rnam pa gnyis te/ sbyin pa dang/ tshad che ba'o/ /rtsig pa dang bdag dang gzhan gyis bgyis so/ /sgo khang dang bstan pa'i gnas zhes bya ba ni sgo khang dang bstan pa'i gnas snga nas gdod pa'o/ /snang ba gdod pa'i 'du shes bya ba ni skar khung dang chu khung gdod pa'o/ /rmad nas gzung ste rim pa gnyis sam gsum brtsigs shig ces pa ni pha gu dang 'jim pa nyis rim dang gsum rim las rtsig tu mi gnang ba'o/ /'das nas ltung bar rig par bya'o/ /spel zhes bya ba ni 'ji ba dang/ pha gu che chung dgod pa'i rnam grangs so/ /rtsa ba la sogs pa'i gtsug lag khang ngam so phag dang rdo las byas pa 'am gtsug lag khang gi bdag pos myur du byos shig pa ni ltung ba med do/ /sa bon gyi tshogs kyi ltung ba'i bcu phung gnyis pa rdzogs so// //ma bskos par dge slong ma rnams la chos ston pa'i gleng gzhi ni mnyan du yod pa na ste/ de'i tshe

  224. 112b

    dge slong gnas brtan rnams la bcom ldan 'das kyis dge slong ma rnams ras kyis lung ston cig ces bka' stsal pa dang/ drug sde rnams kyis re mos la bab ste de dag cung zad cig lung bstan nas/ dge slong ma rnams pa rtse 'dzin snyogs pa snyan du bdas nas slan chad drug sde bskor mi gnang ste/ ma bskos bzhin du rang dge slong ma rnams la 'chad nas la slan chad gsol ba dang gnyis kyis bskos shig ces 'byung ba dang/ drug sde nyi tshe mtshams kyi phyi rol tu gsol ba byas nas gcig la cig bskos nas dge slong ma rnams la chos 'chad do/ /de yang ma gnang ba rang? mtshams kyi nang du nad pa rnams la ni dad pa blangs gzhan ni brel ba'i nang du bcug ste/ dge slong ma rnams la chos 'chad pas nang phyin chad dge 'dun tshogs pas mtshams kyi nang du gsol ba dang las kyis dge slong ma'i ston par ma bskos par ston du mi gnang bar bcas pa dang/ dge slong rnams kyis dge slong ma'i ston par dge slong mi mkhas mi gsal ba dag bskos pas bdag mi shes bdag ma dul bas na gzhan zhi bar bya ba'i gnas med pas na de nyid nyes pa'i dmigs su gyur nas bka' stsal pa/ chos lnga dang ldan pas bskos shig ces bka' stsal to/ /lnga gang zhe na tshul khrims dang ldan pa dang/ mang du thos pa dang/ gnas brtan rgyal po lta bu dang/ grong khyer gyi skad shes pa dang/ dge slong ma rnams la lus mi sprod cing sun mi 'byin pa'o/ /tshul khrims dang ldan pa ni phas pham pa ma byung ba'o/ /mang du thos pa ni so sor thar pa rgyas par 'chad du nus shing kha ton du shes pa'o/ /gnas brtan rgyal po lta bu ni bsnyen par rdzogs nas lo nyi shu lon pa 'am de las 'das pa'o/ /grong khyer gyi skad shes zhes bya ba ni mi mang po'i skad shes pa'o/ /dge slong ma las sun ma phyung ba ni lus kyis mi sprod pa yin te/ chos lnga po de dag dang ldan na ston par bsko'o/ /chos de lta bu

  225. 113a

    dang ldan pa ma gtogs zhes bya ba ni tshe dang ldan pa lam bstan bcom ldan 'das kyis rdul phyag go /zhe sdang gi rdul phyag go /zhes chos tshig gnyis zla ba gsum gyi bar du bslab kyang ma lobs pa las phyis bcom ldan 'das kyis lam bstan yongs su sbyangs nas dgra bcom pa mngon sum du byas so/ /lam bstan dge slong ma'i ston par bskos pas dge slong ma rnams bden pa la bkod do/ /'khor rnams kyang dgra bcom pa nas rgyun du zhugs pa yan chad du thob par byas pas na snga ma ni bcas pa'o/ /'di ni rjes su gnang ba'o/ /dge slong zhes bya ba ni drug sde ste gzhan yang de dang 'dra ba'o/ /ma bskos zhes bya ba ni dge 'dun gyis gsol ba dang zhu ba'i las kyis ma bskos pa'o/ /dge slong ma zhes bya ba ni chos 'di la zhugs pa'o/ /'doms zhes bya ba ni lhag pa'i tshul khrims dang lhag pa'i ting nge 'dzin dang lhag pa'i shes rab kyis chos ston pa'o/ /chos de lta bu ma gtogs zhes bya ba ni bden pa mthong zhing 'bras bu yod par bstan pa ni lam bstan lta bu ste ma bskos kyang gnang ba'o/ /ltung ba ni snga ma bzhin no/ /nyes pa ni gang zhe na/ dge slong dge 'dun gyi mtshams kyi phyi rol tu bskos kyi mtshams kyi nang du ma bskos na dge 'dun la nyes byas su 'gyur ro/ /ston pa la ni ltung bar 'gyur ro/ /mtshams la ji lta ba bzhin du dge 'dun ma tshogs pa dang gang zag yon tan lnga dang mi ldan pa bskos na gang zag la ni rnam pa lnga po re re dang mi ldan par bsko na ltung ba re rer 'gyur ro/ /dge 'dun la ni re re zhing yang nyes byas su 'gyur ro/ /nyi ma nub kyi bar du chos 'chad du mi gnang ba ni mnyan du yod pa na te/ sngon chad dge slong ma rnams la chos ston pa ni bcom ldan 'das nyid kyis 'chad do/ /phyis ni dge slong ma rnam gnas brtan dag la dge slong rnam dag la chos ston cig ces bka' stsal to/ /tshe dang ldan pa dga'

  226. 113b

    byed la chos 'chad pa'i res la bab nas chos shod cig ces bsgo na/ bcom ldan 'das zhal bzhugs so zhe nas ma btub po bcom ldan 'das kyi zhal gyi sgo nas dge slong ma rnams la chos 'chad du bcug pa dang/ dge slong ma utpa la'i mdog chos mkhas pas slar dri ba mangs te nam sros nas 'khod pa dang/ lha khang gi sgo bcad de ma thar nas mnyan du yod pa dang mi ring ba zhig na kun dga' ra ba zhig yod de mtshan mo phyi rol gyi shing khur der dge slong ma gnas shing 'khod pa dang rkun bo lnga brgyas kyang grags pa ltas pa dge slong ma utpa la'i mdog gis brtags te tshor nas 'phags skyes po'i dmag tu sprul pa dang/ g.yon can rnams kyis skabs ma rnyed de slar dong ngo/ /phyi de nyin par nang du song ba dang/ mu stegs can la sogs pa dag dge slong ma rnams chos dge ba dang mi dge ba dang 'dren mar spyod de/ 'phyon ma la dod dong? ngo zhes 'phya ba las snyan du bdas nas nyi ma nub kyi bar du dge slong ma rnams la ston du mi gnang bar bslab pa bcas so/ /dge slong zhes bya ba ni tshe dang ldan pa dga' byed do/ /dge 'dun gyis bskos zhes bya ba ni gsol ba dang las kyis dge slong ma'i ston par bskos pa'o/ /nyi ma nub kyi ces bya ba ni de ltar bskos kyang nyi ma nub gyi bar du ston na ltung bar 'gyur ro/ /dge slong ma la 'doms zhes bya ba ni bslab pa gsum bshad pa'o/ /ltung ba ni snga ma bzhin no/ /nyi ma nub pa ni nyi ma nub par 'du shes sam the tshom za bzhin du 'chad na ltung bar 'gyur ro/ /nyi ma nub pa la ma nub par 'du shes sam the tshom za na slad de nyes byas su 'gyur ro/ /mtshan thog thag chos ston tam gtsug lag khang ni sgo drung na 'dug gam grong khyer gyi dbus na 'dug ste/ sgo ma bcad pa la nyes pa med do/ /kha zas cung zad tsam gyi phyir dge slong ma rnams la ston to/ /zhes smrar mi gnad pa'i gleng gzhi ni mnyan du yod pa na

  227. 114a

    te/ bcom ldan 'das kyis tshe dang ldan pa dga' byed la khyod kyis dge slong ma rnams la chos shod cig ces bka' stsal nas go'u ta ma skye dgu'i bdag mo 'khor lnga brgya dang bcas pa dga' byed la chos nyan pa dang/ de nas dga' byed kyis chos zab pa tshig dang yi ge rnams kyis chos bshad de/ bud med ni yongs kyis kyang shes rab brtul bas khong du ma chud kyang slar 'dri ma spobs so/ /de na skye dgu bdag mo bcom ldan 'das kyi gan du song nas phyag 'tshal na bkas rmas dang bdag cag ma 'dris pas na 'dri ma spobs te/ chos bshad pa khong du ma chud do/ /zhes gsol ba dang/ 'dris par bya ba'i phyir mtshan mar zas sam rdzas cung zad byin cig ces bka' stsal nas tshe dang ldan pa dga' byed kyi gan du skye dgu'i bdag mos dge slong ma zhig 'o thug skyel du btang ba dang/ 'dze ta'i gtsug lag khang gi sgo nas tshe dang ldan pa bsnyen dga' bo 'chag cing 'dug pa mthong nas ci yin zhes dris na'o thug yin te/ tshe dang ldan pa dga' byed la 'bul lo zhes byas pa dang/ bsnyen dga' bo na re tshe dang ldan pa dga' byed ni zas cung zad tsam gyi phyir dge slong ma la chos ston to zhes smras pa dang/ don nyung ba'i dge slong rnams 'phya ba las snyan du bdas nas/ de skad smrar mi gnang bar 'dul ba la bslab pa'i gnas bcas so/ /yang dge slong zhes bya ba ni bsnyen dga' bo ste gzhan yang de dang 'dra ba'o/ /kha zas cung zad tsam gyi phyir zhes bya ba ni bza' ba lnga dang bca' ba lnga ste gang yang rung ba'o/ /bshad ces bya ba ni lhag pa'i tshul khrims dang lhag pa'i shes rab la bya'o/ /ltung zhes bya ba ni snga ma bzhin no/ /nyes pa ni dge slong rnams la kha zas cung zad tsam gyi phyir dge slong ma rnams la chos ston to zhes zer na thams cad du ltung bar 'gyur ro/ /kha zas cung zad kyi dbang

  228. 114b

    du byas pa bden na smras kyang nyes pa med do/ /gnyen ma yin pa'i dge slong ma la chos gos sbyin du mi gnang ba'i gleng gzhi ni mnyan du yod pa na te/ de'i tshe khyim bdag rgan rgon khyo shug gnyis shig nor phyugs dang ldan zhing longs spyod dag che ba las phyis longs spyod dang nor phyugs dag kyang 'gribs par gyur nas khyo shug gnyis ka yang legs par gsungs pa'i chos 'dul ba la rab tu byung ngo/ khyim bdag ni yo byad dag dang ldan te 'byor par gyur/ chung ma dge slong ma ni chos gos dang yo byad dang/ mi ldan te chos gos kyang med do/ /dge slong ma des kyang bdag ni rnyed pa chung ste chos gos kyang med do zhes smras pa dang/ dge slong des kyang chos gos sbyar ma dmar ser zhig dge slong ma de la byin nas/ de'i 'og tu de bzhin gshegs pa 'khor rnams dang yul rgyu zhing gshegs pa'i tshe 'khor gyi nyan thos rnams la slar gzigs na dge slong de stod g.yogs dang smad g.yogs nyi tshe dang 'ong bar gzigs nas ci 'di'i dbyar 'di na gnas pa'i tshe dge slong rnams rnyed pa med dam zhes smras pa dang/ btsun pa mchis so/ /zhes kun dga' bos gsol to/ /'o na ci'i phyir dge slong 'di gos sbyar ma med/ dge slong ma sngon gyi chung ma rnying ba la stsal to/ /zhes byas pa dang/ ci gnyen ma yin pa'i dge slong ma la sbyin zhing phas kyang len tam/ stsal zhing len to zhes gsol pa dang/ gnyen ma yin pa'i dge slong ma la sbyin tu mi gnang bar 'dul ba la bslab pa bcas so/ /yang dge slong gang zhes bya ba ni chos 'di la zhugs pa ste/ rgan zhugs so/ /gnyen zhes bya ba ni pha ma'i zung bdun brgyud tshun chad do/ /dge slong ma ni chos 'di la zhugs pa'o/ /gos ni rgyu rnam bdun no/ /sbyin zhes bya ba ni gtan du byin pa'o/ /ltung ba ni snga ma bzhin no/ /nyes pa ni gnyen ma yin pa la ma yin par 'du shes dang the tshom na ltung bar 'gyur ro/ /yin

  229. 115a

    pa la ma yin par 'du shes dang the tshom na nyes byas su na smad do/ /gos rkun pos khyer ba dang bsnyen par rdzogs pa na byin pa dang rin 'og tu byin pa dang/ chos legs par bshad pa la byin pa dang/ dge slong ma'i dge 'dun ma spyir byin pa la ltung ba med do/ /gnyen ma yin pa'i chos gos byed du mi gnang ba'i gleng bzhi ni mnyan du yod pa na te/ de'i tshe na dge slong ma sdeng ma zhes bya ba chos gos lnga char ngan te ras shig btsal te rnyed pa dang/ btsun pa 'char ka la drub tu bcol ba dang/ 'char kas bsams pa ma drubs na ni mo yang gos kyang med dge ba'i bar chad du yang gyur pa'i steng du kha zer/ drubs na ni slan chad kyang bcu bdun sde dang kun 'tshol bzhing 'ong gis thabs shig bya'o snyam nas/ slad kyis drug sde rnams kyang 'ongs te/ gos kyi dkyil du tshon sna lnga'i skud pas sngon 'char ka dang sped ma gnyis gcig gi mgul nas 'khyud cing 'dug pa drubs nas blta ba bzhin du dge slong ma rnams la bkur ro/ /slad kyis dge slong ma dag gis bltas na de ltar 'dug pa mthong na/ a la la phu nu mo zhes gad mos btab nas 'char ba sbed ma gnyis ring zhig lon na da gdong? phrad do zhes skye dgu'i bdag mo la byas pa dang/ drug snga rnams ni rang bzhin gyis gnas ngan len spyod pas 'di 'dra'o/ /zhes 'phya ba snyan du bdas nas rnam grangs du ma'i sgo nas smad de bslab pa bcas so/ /dge slong zhes bya ba ni 'char ba ste/ gzhan yang dge slong ma zhes bya ba dang/ gos dang bal zhes bya ba ni gong ma bzhin no/ byed ces bya ba ni drub pa'o/ /gnyen ma yin pa la 'du shes dang the tshom bzhin du byas na ltung ba re rer 'gyur ro/ /gnyen yin pa la ma yin par 'du shes dang the tshom na yang nyes byas re rer 'gyur ro/ /dge slong ma'i 'gron pa mang po dang 'grogs shing lam du 'gror

  230. 115b

    mi gnang ba'i gleng gzhi ni mnyan du yod pa na te/ de'i tshe dge slong drug sde po rnams kyis bsams pa/ don nyung ba'i dge slong rnams ni 'gro ba dang 'ong ba na yang rnyed pa mang du rnyed pa 'ong na bdag cag ni khron pa'i sbal bu bzhin du gang yang ma phyin cing rnyed pa cung na bdag cag rnyed pa sgrub cing ljongs rgyur 'dod na bdag cag gi sring mo bcu gnyis sde yang de bzhin du byas pa dang/ khyed dong na ni bdag gi yul dang gtsug lag khang dang chos ston pa yang med do zhes dus na/ 'o na che ge khyed cag kyang 'dod zhes byas pa dang/ de ltar mi gnang snyam zhes smras na/ drug sde pos nam gang du ji skad du ma gnang zhes nas 'thams te/ drug sde po'i rgyags dang g.yar sus sbyor du bcug nas rgyags snga ma ni g.yang sus dang dro zan du brad par byas te song nas/ phas mos rgan gzhon spel te dong ba la/ skye bo rnams 'di ni 'di'i khyo'o zhes gzhan gyis dpyas na de dag na re de bzhin no zhes nas de dag gi zla la dge slong rgan zhugs shig song ba yang de dag la rangs nas phyir log par dge slong de dag la de lta bu'i gtam byas pa dang/ snyan du bdas te dge slong ma'i 'gron pa dang 'gror mi gnang bar bslab pa bcas so// //dus la bab pa ma gtogs zhes bya ba ni dge slong ma gcig mnyan du yod par 'gron grogs med do dge slong rnams la bsdad na dge slong dag kyang 'grogs su ma btub nas dge slong ma rnams bcom pa dang de lta bu'i rkyen ni rjes su gnang ngo/ /des na rkyen byung ba dus yin no zhes gsungs so/ /dge slong zhes bya ba ni drug sde ste gzhan yang de dang 'dra ba'o/ /'dron pa mang po 'dod pa'i lam zhes bya ba ni der mi nyungs na 'gror mi nus pa'o/ /'jigs zhes bya ba ni rkun po dang g.yon can dang stag gzigs la sogs pas 'jigs pa'o/ /nyam nga ba ni sbrang bu mchu rings dang/ srin bu dang nyi ma tsha ba'o/ /nyes pa ni dge slong ma'i

  231. 116a

    'dron pa mang po dang lhan cig tu lam du 'jug cing 'gro na rgyang grags phyed cing ni nyes byas re rer 'gyur ro/ /rgyang grags re re zhing ni ltung ba yang re re 'gyur ro/ /'phags pa'i lam yan lag brgyad du 'jug pa la nyes pa med do/ /dge slong ma'i 'dron ma dang grur zhugs te chu 'byam du 'gror mi gnang ba'i gleng gzhi ni mnyan du yod pa na te/ drug sde dang dge slong ma bcu gnyis sde rnams te bcas pa snga ma bzhin rgyas par sbyor cig /bye brag ni sngar lam du 'grogs shing 'gror ma gnang ba dang/ phyis chu 'byam du dod pa dang/ skye bo rnams 'phya ba dang/ dge slong bsod snyoms pas dge slong rnams la bsnyad nas snyan du bdas nas/ dge slong ma dang lhan cig gru'i nang du zhugs nas 'dod mi gnad par bslab pa bcas so/ /thad kar 'gro ba ma gtogs zhes bya ba ni mnyan du yod pa na khyim bdag gcig gis chu'i pha rol tu gtsug lag khang zhig brtsigs na dge 'dun sde gnyis bshos la spyan drangs pa dang/ grub gcig gi nang du lhan cig 'gro mi gnang bas snga phyir dod bas gdugs tshod yol te kha cig zan gyi bar chad du gyur na thad kar pha rol tu 'gror gnang ngo zhes rjes su gnang ngo/ /dge slong zhes bya ba dang/ dge slong ma ni snga ma bzhin ma gru cig gi nang du zhes bya ba ni sho gam dang bsel gla dang gru btsas gcig pa'o/ /chu 'byam du thur du 'gro ba dang phar thad kar 'gro ba ni dngos su zad do/ /chu 'byam du dong na rgyang grags phyed phyed cing nyes byas su 'gyur ro/ /rgyang grags re re zhing ltung bar 'gyur/ /dgon pa dang grong du 'gro na yang gong ma bzhin du sbyar ro/ /chu 'gyur ba las 'byol lam/ rab mi bde ba las 'byol ba 'am/ skya ba dang gdos pa 'chag pa'am/ mnyan pa nyan du ma btub pa'am/ chu 'gram pha rol tshu rol na bar chad brgyad la sogs pa yod pa ni chu 'byam du song yang nyes pa med do/ /sa dben

  232. 116b

    pa na dge slong bud med dang 'dug tu mi gnang ba'i gleng gzhi ni mnyan du yod pa na ste/ da'i tsha na 'char ka snga dro sham thabs dang chos gos gyon te lhung bzed thogs nas grong du bsod snyoms blangs te/ chud ma rnying pa sbed ma'i khyim du phyin te der stan bting ba la 'dug nas sngon ji ltar bsnyen pa dang/ sbyar ba dran zhing gtam byed cing sa dben pa na stan la 'khod pa dge slong gzhan zhig der bsod snyoms la phyin pa de gnyis 'khod pa mthong nas sbyed mas kyang de la zan byin te/ slar lha khang du song ba dang/ phyis 'char ka lha khang du 'das nas bsod snyoms pa dang phrad pa dang khyod kyis sbed ma de la bsod snyoms du sbyin no/ /zhes byas na 'char kas de ni ngas byin du bcug go /'o na khyod gnyis po de ltar 'khod du dbang ngam zhes byas pa dang/ de ni dbang du yang rung mi dbang yang rung ste ngas ni 'dug pa bden zhes byas pa dang/ dge slong dag ma dad de 'phya ba las snyan du bdas nas rnam grangs du mas smad de slan chad bud med dang lhan cig tu dben pa na 'dug tu mi gnang ba'i bslab pa bcas so/ /yang dge slong zhes bya ba ni 'char ka ste/ gzhan yang de dang 'dra ba'o/ /bud med ces bya ba ni mi tshangs par spyad pa'i chos bzod pa'o/ /dben pa zhes bya ba ni skyes pa dang bud med gzhan med pa'o/ /stan cig ces bya ba ni 'dom gang tshun chad do/ /skyabs yod pa ces bya ba ni sag ma dang rtsig pa dang yol ba la sogs pas bskyabs pa'o/ /skyabs med pa na 'dug pa ni ltung ba med pa'o/ /sa dben pa na dge slong dge slong ma dang mgreng du mi gnang ba'i gleng gzhi ni mnyan du yod pa na te/ khyim bdag gi chud ma sped ma rab tu byung nas dge slong ma rnams kyis gtsug lag khang skyod du bskos pa na/ dge slong ma gzhan ni grong du khyim bdag gis 'gron du bos te song ba'i phyi ni/ sbed ma 'ba' zhig lha khang nas phyag cing 'dug pa'i gen du tshe dang ldan pa 'char ka 'ongs nas khong gnyis

  233. 117a

    sngon ji ltar rtse zhing dga' ba dang/ bag mar 'od pa'i tshe yan chad kyi gtam 'dzer cing 'greng 'greng nas phyis mon re 'phags pa da ni bzhud ran no/ /dge slong ma dag kyang 'ong du nye/ bdag kyang phyag dang bgyi'o/ de nas song ba'i 'og tu dge slong ma dag lhags nas khyod ci nyes te phyag dar ma byas zhes byas na/ deng ni phyags ma thabs gcig kyang sa la ma bzhag go /zhes sped mas smras pa dang/ de gnyis btam zer ba'i drung na nad pa cig 'dug pas gtam ci zer ba kun thos pas don re de yang mo zer ba bden mod kyi de'ang 'phags pa 'char ka dang gtam sha stag zer zhing 'greng 'greng po zhes byas pa las/ dge slong ma rnams 'phya bar gyur pa dge slong rnams kyis thos nas/ snyan du bdas te/ 'char ka la rmas nas rnam grangs du ma'i sgo nas smad do/ /'dul ba la 'greng du mi gnang bar bslab pa bcas so/ /gzhan ni gong du 'dug pa bzhin du sbyar ro/ /bye brag ni lhan cig du 'dom gang tshun chad 'greng na ltung bar 'gyur ro/ /dge slong mas ngos 'gron dang sbyor du bcug pa'i zas zar mi gnang ba ni mnyan du yod pa na te/ de'i tshe mu ge byung nas dge slong rnams so so'i gnyen dang yon bdag tshol cig ces bka' stsal nas/ dge slong gnas brtan dag ni bram ze dang khyim bdag dad pa can dag gis bshos sbyar ro/ /tshe dang ldan pa drug sde po rnams ni yon bdag med de/ bcu gnyis sde'i der bsod snyoms la song ngo/ /de rnams kyis 'phags pa zhal sus gsol cig ces byas na/ deng khyed cag gis kyang byin sang sbyin pa med pas de bzhin du tshol ni mi nus na sring mo bram ze dang khyim bdag dad pa rnams dge slong gnas brtan dag la 'tsho ba sbyin bdag yod na de dag bdag cag gis yon bdag tu sgyur cig ces byas pa dang/ de ltar sgyur du dbang ngam zhes byas pa dang/ gang du ma gnang sus ma gnang zhes byas pa dang/ dge slong ma sbom

  234. 117b

    dga' mos nad par mnyan du yod par bsod bsnyoms la zhugs pa na kun shes koN+Di? n+ya sogs pa gnas brtan dag gis yon bdag rnams la khyod kyis shAkya'i rigs las rab tu byung ba'i rigs pa grol pa'i spobs pa can sde snod gsum gyi chos smra ba rnams la 'tsho ba sbyin na ci nyes shes byas pa dang/ de lta bu su yin zhes smras na 'phags pa dga' bo la sogs pa drug sde rnams so zhes byas nas de nas der yang blangs so/ /gnas brtan gzhan gyi yon bdag rnams yang bslangs pas drug sde rnams rnyed pa mang zhing mchan sgye'u gang zhig slar song ba dang/ de nas gzhan dag gis de rnyed ga la rnyed ces dris nas/ dge slong ma sbom dga' mo la sogs pa de ltar byas te/ sring mo de dag gi bka' drin no zhes 'dzer ba dang/ gzhan gyis de lta bu slong du dbang ngam zhes byas pa dang/ cis mi dbang ngo zhes nged ltogs te 'khod dam/ zhes smras pa dang/ dge slong rnams 'phya ste snyan du bdas nas/ slan chad dge slong mas sbyor tu bcug pa bar mi gnang bar bslab pa bcas so/ /sngar sbyor du ma bcug pa ma gtogs zhes bya ba ni mnyan du yod pa na khyim bdag gcig yod de/ de'i las ni zhing rmed cing tshong byed do/ /des dgon pa'i gnas zhig tu zhing zhig rmos te tshong la song ngo/ /de slar 'khor te zhing legs sam ma legs byul ba dang zhing de'i drung na dge slong bsod snyoms pa zhig spyil po byas te gnas shing 'dug pas zhing de yang sngon dang mi 'dra bar nas dang ldan par gyur to/ /zhing bdag des kyang bdag gi zhing legs pa ni dge slong de'i yin no snyam nas/ khyim tu zan la 'gron du gnyer to/ /de'i phyi de nyid mo dge slong ma sbom dga' me yang khyim der bsod snyoms bslangs pa dang/ khyim bdag des dge slong bsod snyoms pa zhig der spyan drangs na/ de zan chad par ma gyur grang zhes byas pa dang/ dge slong ma de na re bsod snyoms pa ngas bos te 'ong na nga la zan sbyin nam zhes smras pa

  235. 118a

    dang/ gsol lo zhes nas/ dge slong ma de yang lam du bsgrub pa dang/ bsod snyoms pa dang phrad de/ 'phags pa khyim bdag 'dis 'gron du gnyer ba ni khyod kyi yon tan bdag gis bsngags pas so/ /zhes byas pa dang/ ci ba'i yon tan khyod kyis sgrogs shig ces ngas sgo 'am zhes pa dag ni ma zos kyang bla'i ltung ba dang sngo ni mi phod ces slar song ngo/ /de ltar gyur pa snyan du gsol nas/ de ni sngar bos pas ma gtogs so/ /zhes rjes su gnang ngo/ /dge slong zhes bya ba ni drug sde ste gzhan yang de dang 'dra ba'o/ /dge slong ma zhes bya ba ni chos 'di la zhugs pa'o/ /zas sbyor du bcug ces bya ba ni rnam pa gnyis te/ tshul khrims dang thos pa'i sgo nas sbyor du bcug pa'o/ /zas zhes bya ba ni bca' ba lnga dang bza' ba lnga'o/ /zos zhes bya ba ni mgrin par ming pa'o/ /nyes pa gang zhe na/ dge slong mang po khyim du bos pa las dge slong ma zhig der 'ongs nas khyod kyis dge slong 'di la ci sbyin zhes byas pa dang/ 'bras brngos pa'i phye sbyin na/ /zhes byas pa dang/ de ltar ma yin gyi de dag la nas brngos pa'i phye byin cig ce 'am/ dge slong 'di ni rgyun du zhugs pa yin gyis de dag la ra'i mar ma byin par 'bri 'am/ ba'i mar byin cig ces byas te zas na thams cad du ltung bar 'gyur ro/ /dge slong ma'i tshogs te bcu phung gsum pa rdzogs so// //yang yang zar mi gnang ba'i gleng gzhi ni yul yangs pa can na te/ khyim bdag drag shul can gyis dge 'dun rnams khyim du bshos la spyan drangs pa na/ bcom ldan 'das ni bslab pa bca' bar bzhed pa'i phyir gshegs su ma gnang ngo/ /de nas drug sde po rnams dge slong rgan zhugs shig dang 'grogs te/ lam du nye bar bgro ba'i grong na shing a smra'i khu ba mang du zos te dong ba dang/ slad kyis khyim bdag drag shul can gyi der phyin te/ yon bdag gis khur ba

  236. 118b

    brims pa dang/ drug sde rnams khur bar mi zar bar 'khod do/ /dge slong rgan zhugs de bral gyi tham na 'dug pa'i gam du khur 'drim pa'i mi rnams phyin te 'greng zhing sdong pa dang rgan zhugs kyi rmi lam na bdag gis khur ba zos par shes pas mi 'drim gyis khong gis ma smas pa snga nas bdag gis bsu te bya'o snyam nas khyim bdag 'ba' zhig gis khur ma zos pa ma yin gyi/ dge slong drug sde rnams kyis kyang zos so zhes byas pa dang/ de dag na re de'i khyim na a smra'i khur ba med snyam du dogs sam zhes khros so de nas dge slong rnams zas zos zin nas phyir 'khor ba dang/ dge slong rnams tshim par gyur tam/ bde bar gsol tam zhes bkas rmas pa dang/ bshos tshal ni bzang na khyim bdag ni 'di lta bu'i phyir 'khrugs so/ /zhes gsol ba dang/ khyim bdag ni lus te rigs par khas so/ /zhes bka' stsal nas drug sde rnams la rmas pa/ rnam pa du mas smad de yang yang zar mi gnang bar/ 'dul ba la bslab pa'i gnas bcas so/ /na ba dus ma gtogs zhes bya ba ni dge slong gcig cig nad kyis btab ste nyam chung nas sman pa la dris pas zhal sus zo shig dang sos par 'gyur ro/ /zhe nas snyan du bdas te/ na ba dus ni der rjes gnang ngo/ /na ba dus zhes bya ba ni dge slong zas gcig gis 'tshe bar mi nus pa'o/ /las dus ni dge slong gcig cig gtsug lag khang chag chag dang dri gtsang khang phyag dar byas nas ngal te nyal zhing 'dug pa dang de la gzhan dag gis 'phags pa ci'i slad du 'bres shing gzims/ bdag ni las che ste nyam chung zhing nyal zhing 'dug go /'phags pa 'o na zhal sus gsol cig ces pa dang/ snyan du bdas na lab dus zhes rjes su gnang ngo/ /las dus ni dge 'dun gyi 'am mchod rten gyi yang rung ste las byas pa dang/ mthar na re lde tsam gyis phyags pa'am ba'i gnas mal tsam gyis skyang nu la lam dkyil 'khor byas pa'o/ /de la lam dus

  237. 119a

    ni dge slong zhig lam du zhugs pa las lam gyis dal te 'gro ma nus pa las snyan du bdas te zhal sus zar gnang ste/ lam gyi tshad ni dpag tshad gcig tu song ba dang/ dpag tshad phyed nas slar log pa'o/ /gos byin pa dus zhes bya ba ni mnyan du yod pa na khyim bdag gang gcig gis dge slong rnams pa shes dang gos phrugs re re gsol gyis spyon cig ces spyan drangs pa las bdag cag za gnyis za ba spangs so zhes ma btub pa las/ bdag cag gis zas dang gos kyi stobs kyang 'ong du ma btub ces 'phya ba las gos dus so zhes rjes su gnang ste gos ni ras dang ras chen rnyed pa'o/ /nyes pa ni gos dang ldan pa'i khyim gnyis shig tu 'gron du bos pa las gnyis ka zos na yang ltung ba med do/ /sngar gos yod par bos la phyis gos med par zhig tu bos na snga ma ni nyes pa med do/ /phyi ma ni gzhan la sbyin par bya/ ma byin te bdag kyang ma zos na ltung ba med do/ /gos dang gos rin du bcas pa zhig tu bos pa ni ltung ba med do/ /sngar gos med par bos la phyis gos yod par bos na ltung ba med do// gnas thun mong par dge slong zhag lon par 'dug tu mi gnang ba'i gleng gzhi ni mnyan du yod pa na ste/ khyim bdag gcig cig gis phyogs bzhi'i dge 'dun dang phyi'i mu stegs pa'i dge sbyong dang bram ze la sogs sa pa spyir gnas phun mong pa zhig pa rtsigs te/ gtsug lag khang der mu stegs pa'i dge sbyong gcer bu pa drug cu pos nas 'tsho ba dang yo byad sbyar te der bkod pa na/ khyim bdag de'i shag po yang chos la dang pa zhig pas gtsug lag de'i dge slong rnams la phyag 'tshal du song song ba dang/ de na gnas pa dge 'dun ni ma yin gyi/ mu stegs pa sha stag nas/ e ma'o sa bon re bzang na zhing re ngan/ ba tsha'i sa sdig pa'i sa ngan pa'o/ /'o na zhing bzang ga la yod/ bcom ldan 'das kyi nyan thos kyi dge 'dun ste mnyan du

  238. 119b

    yod pa na'o/ /de nas yon bdag des yang drug sde rnams spyan drangs nas yo byad kyis mi brel bar sbyar te/ chung ma la zhal ta gyis shig ces bsgo nas khyim bdag de yang don gzhan zhig gi phyir ri brag gyi grong du song ba'i 'og tu chung mas zan 'drin pa'i tshe drug sde rnams bud med kyi yan lag nas smos shing 'phya'o/ /de nas khyim bdag phyir 'ongs pa la chung mas byas na yid ma ches pas khyim bdag nyid gung du 'gro ba ltar byas te bgams na bden par gyur te/ khyim bdag gis kyang drug sde rnams bskrad pa'i thabs shig bya'o snyam nas nyi ma re re zhing khrur ba re re phri nas gcer bu pa gcig gnas pas kyang gcer bu gzhan rnams gung du dod pa la/ yon bdag drug sde la ma dang pa skad du ma spran nas/ gcer bu pa drug cu slar lhags te drug sdes brdegs so/ /de dag kyang ma snang nas gcer bu nga la zhing 'khod pa la drug sde gcig gis kyang mi bcu bcu ste drug sde pos ma shi tsam du brdegs so/ /de nas drug po yang mnyan du yod par phyir 'ongs nas de'i tshe tshe dang ldan pa shA ri'i bus byang phyogs nas rgol tu 'ongs pa'i mu stegs can grangs med pa btul nas bden pa la bkod do/ /dge slong rnams kyis drug sde rnams la tshe dang ldan pa shA ri'i bus sems can gyi don 'di lta bu byas so zhes byas ba dang drug sde rnams kyis de ni ngo mtshar ci tshe ded kyis kyang de bar gcer bu drug cu dbyig pas chos bshad do// zhes byas pa dang/ gzhan yang 'phya ba las snyan du bdas te/ gnas thun mong bar zan za ba cig las zar mi gnang bar bcas so/ /na ba ma gtogs zhes bya ba ni yul de nyid du gtsug lag khang snga mar te/ der tshe dang ldan pa shA ri'i bu chos 'chad par bod pa'i rigs par grogs po dang pa des bstan nas shA ri'i bu der bos te/ der chos bshad pas na skye bo rnams kyang dad par gyur te/ tshe dang ldan pa shA ri'i bu yang rlung zhugs te nang kyis btab nas/ gnas de nyid du bzhugs su gsol nam gnang ste/ dong ba las

  239. 120a

    mnyan du yod par phyin te skye bo mang pos shA ri'i bu'i slob ma la bde bar 'des sam zhes smras na/ sems can mang po don byas pa ni bden mkhan po nad kyis btab ba ni mi bde'o zhes byas pa dang/ snyan du bdas te/ na ba dus te na ba la bus 'khyud 'chad ba'am rjes su gnang ngo/ /gnas thun mong du zhag lon te zhes bya ba ni gcer bu ba ni nyan thos kyi gnas su'o/ /dge slong zhes bya ba ni drug sde ste gzhan yang ngo/ /min zhes bya ba ni shA ri'i bu las dgongs te gnang ba'o/ /zan cig zos zhig ces bya ba ni de las lhag par zos na ltung bar 'gyur ro/ /nyes pa ni gnas de na gnas pa'i tshe ni nyes byas so/ /lhag par zan zos na ltung ba'o/ /de na gnas shing gung du za na gnas pa la nyes byas so/ /zos na ltung bar 'gyur ro/ /gud du gnas shing gud du za ba ni nyes med de/ /gang du gnas shing der za na gnas pa la nyes med do/ /der za na ltung bar 'gyur ro/ /mang po'i dang gnyen gyi dang/ yon bdag nar 'dug shig ce na ltung ba med do/ /phye la sogs pa lhung bzed gang ba gnyis gsum las len du mi gnang ba'i gleng gzhi ni mnyan du yod pa na te/ byang phyogs nas tshod pa lhags pa drug sde rnams kyis thos nas de dag la drug sdes gos dang zas dag bslangs te tshod ma zin pa las tshong pa dag rgyags chad de nyes pa'i dmigs su gyur pa dang/ phyis mnyan du yod pa na khyim bdag gcig cig gnas pa des chung ma snga phyir lan bdun gyi bar du blang na yang kun dus las 'das nas slad kyis chung ma dag blangs nas su yang mi ster cing 'dug pa der khyim bdag gzhan zhig gi bu mo mig g.yas bzhar ra zhig yod de/ de su la byin yang mi 'dod pa de chud ma shi ba'i mi de la sbyin par khyim tshes rgan mo zhig 'dug pas smyan byas nas blang bar dus byas so/ /de'i grogs po zhig gis bu mo g.yas zhar mo de ci rung len pa'i mi

  240. 120b

    rigs kyi/ gud na yugs sa mo zhag yod do/ de blang gis snga ma thong shig ces nas/ snga ma btang ba'i klan ga tshol ba'i bar du bag ma blangs pa'i dus la bab ste zhag grangs tshang nas/ bu mo'i pha ma yang bu mo gtong ba'i bshos tshal dag shom zhing sbyor ba dang tshe dang ldan pa drug sde rnams lhags te/ tshe zhe bag mar 'gro ba'i zan ded la byin cig ce nas tshong ma zin te/ phye dang khur ba mang du bslangs te/ de'i rjes la dge slong ma bcu gnyis sdes kyang bslangs pas ston mo'i rgyu zad de/ de dag gis mag ba la shol bas dus byas na byin na ni snga ma'i dus bzhin du byin cig/ de yang klan ka'i skabs rnyed de/ bu ma btang nas yugs sa mo blangs so/ /de nas bu mo g.yas zhang mo yang su la byin yang ma 'dod do/ /de ltar gyur pa khyim tshes rnams 'phya ste/ bu mo sus kyang mi 'dod pa las bag mar btang bar byas pa las/ drug sdes bar chad byas so 'phya ba las snyan du bdas nas dge sbyong gis bya ba ma yin no/ /zhes bka' smad de/ slan chad khyim bdag dag pas bstabs kyang lhung bzed gsum las len du mi gnang bar bcas so/ /dge slong zhes bya ba na drug sde ste gzhan yang de dang 'dra ba'o/ /mang po zhes bya ba ni gnyis yan chad la bya'o/ /grong zhes bya ba ni bram ze dang khyim bdag rnams kyi khyim mo/ /dad pa zhes bya ba ni dkon mchog gsum la mngon sum du phyogs pa'o/ /dus kyi bdar te 'dor bya ba ni dogs par gyur pa'o/ /lhung bzed gsum long shig ces bya ba ni rab 'bring gsum te chen po ni yul mnyam ka'i 'bras skam drug phul ngo'i chan dang tshong mar shod zhing kha ran la mtheb mo'i dos gang ma thug pa'o/ /chung ngu ni yul mnyam ka'i 'bras drug phul gang gi chan dang tshod mar shod pa'o/ /bar ma ni de gnyis kyi bar ma la bya'o/ /dge slong phyi rol kun dga' ra bar ded la dge slong 'khod pa la gos shig ces bya ba'i snga ma bzhi la 'khod pa rnams la'o//

  241. 121a

    nyes pa ni gsum car lhung bzed chen pos bslangs na dge slong ma'i tshe na nyes byas blangs na ltung bar 'gyur ro/ /gnyis chen po cig chung ngus blangs na yang ngo/ /gnyis chen po cig ni 'bring dang yang ngo/ /gnyis ni 'bring po cig ni chen pas na yang ngo/ /dge slong gi 'bras skam drug phul phyed dang lnga'i chan las cung zad cig lhag par blangs na thams cad du ltung bar 'gyur ro/ /zas spangs pa las lhag mar byas pa'i bca' ba dang bza' bzar mi gnang ba'i gleng gzhi ni mnyan du pa yod pa na te/ de na bcom ldan 'das kyis 'khor gyi dge slong rnams la stan cig bar za ba ni bya ba nyung gnod pa nyung/ bde ba la reg par gnas shing yon tan gyi tshogs kyang rig gis dge slong khyed rnams kyang stan cig pad zo zhig ces bka' stsal nas/ dge slong dag stan cig par zan za ba'i tshe slob dpon dang mkhan po dang bla ma dag rgyu ba la langs shing phyag byas pas na zas spangs par gyur to snyam nas ma zos pas nyam chung ring bas ma rtas par gyur te/ snyan du bdas nas ma ldang shig ces bka' stsal pa dang/ yang zas phyi ma 'drim pa'i tshe chog ces spangs pas snga ma yang spangs par gyur ro snyam na ma zos pa nyam chung zhing ring par gyur nas yang bka' stsal pa/ phyi ma spangs kyang snga ma spangs par mi 'gyur gyis ci tsam 'dod kyi bar du zo shig ces bka' stsal pa dang/ drug sde rnams spangs kyang rung ma spangs kyang 'dres par za bas na snyan du bdas? nas/ dge slong gis bya ba ma yin zhes smad de/ spangs pa'i zas zan ltung bar 'gyur ro/ /zhes 'dul ba la bslab pa bcas so/ /lhag mar gnang ba ni phyis khyim bdag gcig gis dge slong dag 'gron du bos na/ dge slong nad pa mang ste/ nad pa rnams kyi zan brang du mnos pa dang/ za ma nus pa'i lhag ma rnams sa la bor ba dang/ bya khyis thu ba'i sgra tsa tsi thos

  242. 121b

    pa snyan gyis gsan nas yon gdag dad pas byin pa'i zas chud mi za bar bya ba'i phyir/ lhag mar bya ba'i cho ga gnang ngo/ /yang dge slong zhes bya ba drug sde ste gzhan yang de dang 'dra ba'o/ /zas zhes bya ba ni bza' ba lnga bca' ba lnga'o/ /bca' ba lnga ni spang bar bya ba med do/ /rtsa ba dang sdong bu dang lo ma dang/ me tog dang 'bras bu'o/ /bza' bar bya ba lnga la spang bar bya ba yod de/ gang zhe na 'bras can dang/ sran ma dang/ zan dang/ she dang/ khur ba la bya'o/ /bza' ba lnga la spang bar 'gyur ro/ /zhes gsungs pa dang/ lag pa khur ba bsnum pa la reg pas phyi ma kun spangs snyam pa la rnam pa lngas na spangs par rig par bya ste/ zas snang ba dang/ zas 'drim par snang ba dang/ zas spangs par snang ba dang/ spyod lam las nyams par snang ba'o/ /zas snang ba ni bza' ba dang bca' ba lnga snang ba'o/ /zas 'drim pa ni skyes pa dang bud med snang ba'o/ /'drim par zas pa ni nye 'khor na bza' ba lnga snang ba'o/ /zas spangs pa snang ba ni bza' ba lnga dang bca' ba lnga snang ba'o// spyod lam las nyams pa ni gang la stan 'dug pa de las langs pa ste/ de lngas na zas spangs par rig par bya'o/ /de las bzlog pa lngas nam spangs par rig par bya'o/ /gzhan yang lhag ma lus pa'i tshig lngas nam spangs par rig par bya'o/ /lhag ma med pa'i tshig lngas na spangs par rig par bya'o/ /gzhan yang dag ma lus pa'i tshig lngas lus pa gang zhe na/ skad cig mi dgos so zhes bya ba dang/ skad cig gzhan la byin cig ces bya ba dang/ skad cig phyis zos so zhes byas pa dang/ skad cig chog go zhes byas pa dang/ skad cig sdod cig ces byas pa ste/ de ltar na lhag ma lus pa'i tshig lnga'o/ /lhag ma med pa'i tshig lnga ni skad cig ces ma smos la gong ma las bzlog pa'i tshig lngas na lhag ma med pa'i tshig lngar rig par bya'o/ /zes na zhes

  243. 122a

    bya ba ni mgrin par ming pa'o/ /ltung ba ni snga ma bzhin no/ /nyes pa ni dge slong gis spangs pa'i ras spangs par 'du shes bzhin du/ lhag mar ma byas pa'i bza' ba dang bca' ba zos na ltung bar 'gyur ro/ /spangs pa ma byas par spangs par 'du shes na lhag mar ma byas par zos na nyes byas su 'gyur ro/ /spangs pa la spangs par 'du shes bzhin du lhag mar ma byas pa zos na ltung bar 'gyur ro/ /spang ba ma byas par the tshom za bzhin du lhag mar ma byas pa zos na nyes byas su 'gyur ro/ /skyo ma dang thug pa ni kha gzar bzhag na mi mthong ba dang/ sor mo lnga'i rjes snang na spangs par 'gyur ro/ /skom za ba la spang ba med do/ /lhag mar byas pa ni dge slong bdag gis zan spangs pa phyis za 'dod na yang dge slong zan za zhing 'dug pa spyod lam ma nyams pa'i/ drung du song la phyag byas la tsog tsog por 'dug ste/ dge slong de la gsol te lhag mar gyis te zo cig /dge slong cig gis lhag mar byas na/ thams cad la yang zar rung ngo/ /zas lhag mar ma byas pa'i zas stobs su mi gnang ba'i gleng gzhi ni mnyan du yod pa na te/ khyim bdag gcig cig longs spyod dag kyang 'gribs par gyur nas dge slong zhig la gsol te rab tu phyung ngo/ /rgan zhugs kyang dran pa nyams pa zhig pas rtag tu ltung bar 'byung ngo// de mkhan pos mdun du tsog tsog por 'dug tu bcug nas de ltung ba bshegs su bcug go /de yang rab tu khros nas slad kyis khyim bdag gis dge 'dun rnams spyan drangs so/ /dge slong dag de ltar bshos gsol ba'i 'og du dge slong de gnyis kyang zan zos nas nye bar 'gro ba'i grong du song ste zan dag byin nas zan zos zin zhes byas na de dag gis lhag mar byas la khyer cig cis byas pa dang/ de gnyis kyis blangs nas mnyan du yod par phyin te/ rgan zhugs ni lhag mar byed

  244. 122b

    du bcug /slob dpon chu 'chag tu song nas slar 'ongs pa dang/ lhag mar byas sam zhes smras na lhag mar byas so/ /zhes nas zos pa'i 'og tu slob dpon khyod ni lhag mar ma byas pa'i zas zos pas ltung ba byung ngo zhes byas pa dang/ ngas ltung ba ma mthong ngo/ zhes byas pa las snyan du bdas nas/ dge slong gis bya ba ma yin zhes smad nas/ da phyin chad lhag mar ma byas pa'i zas stobs su mi gnang bar bslab pa bcas so/ /dge slong gang zhes bya ba ni rgan zhugs te gzhan yang de dang 'dra ba'o/ /shes zhes bya ba ni bdag rang gis rigs pa 'am gzhan gyis bsgo ba'o/ /dge slong zhes bya ba ni chos 'di la zhugs pa'o/ /zan zos nas spangs par shes zhes bya ba ni 'drangs nas chog par gyur ba'o/ /lhag mar ma byas zhes bya ba ni lhag mar ma byas pa ste bza' ba dang bca' ba lnga'o/ /dus kyis stobs zhes bya ba ni yang nas yang du stobs shing glan ka stsal te/ ltung ba dbyung bar bsams pa'o/ /rkyen de nyid ces bya ba ni gzhan ma yin pa'o/ /ltung ba ni snga ma bzhin no/ /dge slong mtshams kyi nang du 'dus shing zar mi gnang ba'i gleng gzhi ni mnyan du yod pa na te/ de'i tshe na dge slong lhas byin kun dga' ra ba'i mtshams kyi nang du dge slong mang shig 'dus shing zan za ba dang/ mi mthun pa'i mtshan ma ston pas dge slong dag 'phya ba snyan du bdas nas rnam grangs du mas smad de/ 'dus shing zang mi gnang bar bslab pa bcas so/ /na ba dus so zhes bya ba ni slar gyis dge slong mang zhig na nas sman pa la dris na zhal sus logs shig tu zos na phan no/ /zhe nas snyan du gsol to/ /na na logs shig tu bzar gnang ste dge slong nad ? gcig gis mi 'tsho ba'o/ /las dus ni dge slong dag cig phyag dar dang dkyil 'khor dag byas pas chad de nyal zhing 'dug pa bsnyan du bdas nas rjes su gnang ste/ las mchod rten dang dge 'dun gyis las byas pa'am/ chung dun pa'i gnas mal tsam gyi

  245. 123a

    dkyil 'khor byas pa'o/ /lam gyi dus ni dge slong zhig lam du zhugs pa las de dag lam gyis ngal zhing 'gro mi nus pa la rjes su gnang ste/ dpag tshad cig tu song ba 'am dpag tshad phyed nas slang 'khor ba'o/ /grur zhugs pa ni chu 'byam du dong bas 'du mi khom pas dpag tshad phyed dam gcig tu song ba'o/ /dus ston zhes bya ba ni so so'i dus ston chen po'i tshe 'dur mi khom pas so sor byin pa'o/ /dge sbyong gi zas dus zhes bya ba ni phyi rol gyi dkyil 'khor du rab tu byung ba ste/ kun tu tshos zan byin pa la sogs pa'o/ /ltung ba ni snga ma bzhin no/ /dus ni de dag dang mthun pa ste rjes su gnang ba la bya'o/ /nyes pa ni mtshams kyi nang la mtshams kyi nang du 'du shes dang the tshom du bcas te zos na ltung ba re rer 'gyur ro/ dge 'dun du ma lags sam bsnyen par ma rdzogs pas grangs su bskad ba ni nyes byas su 'gyur ro/ /shang rtse dang lan tshwa kha gzar gang tsam yan man bsres pa 'am/ yon bdag gis so so'i gnas su phul ba ni nyes pa med do/ /dus ma yin par kha zas gzar mi gnang ba'i gleng gzhi ni mnyan du yod pa na te/ de'i tshe na tshe dang ldan pa maung+gal gyi bus u pa li la sogs pa gzhon nu bcu bdun rab tu phyung zhing bsnyen par rdzogs par byas nas de dag kyang snga dro bsod snyoms pa zhugs pa dad bud med dag gis mthong nas/ e ma'o ngo mtshar che bcos ma thag ste/ khar lan tshas dgang zhing khron pa'i nang du zhugs kyang mi shes sam zhes byas pa dang/ de dag kyang skyengs nas bdag cag zan chad pa ni bla'i 'di lta bu'i tshig ngan pa ni ma thos kyang rung ngo zhes nas/ de dag kyang de'i nyin mo zan ma zos na nus kyi bar du ni dge pa spyod/ mi nus nas 'phres shing nyal ba bsnyen dga' bos mthong nas/ khyed cag gzhan gyi zas zos nas de ltar nyal ba'i rigs sam zhes byas pa dang/ ded kyis ma zos so

  246. 123b

    zhes de ltar gyur pa rgyas par smras so/ /de'i tshe grong khyer gyi mi dga' sde rnams zas skom bsdus nas 'dze ta'i tshal du dong ba bcu bdun sdes mthong ste/ zas skom byin na bsod nams su 'gyur ba dag smras pa dang/ de rnams kyis kyang bcu bdun sde la zan skom byin no/ /de dag kyang zan skom zos nas 'drangs te/ gnyis gnyis gsum gsum du bcad de kha ton 'don pa la zhugs pa dang/ bsnyen dga' bos mthong ste/ khyed cag da ci ni nyal nad ni brtson pa las zhugs sam zhes byas pa dang kha zas byin pa ni yon tan lnga ste/ tshe byin pa dang mdog byin pa dang/ stobs byin pa dang/ bde ba byin pa dang/ spobs pa byin pa ste/ bdag cag khyim bdag la kha zas bslang ste zos so/ /zhes byas pa dang/ ci khyed dus las 'das par zan zad gnang ngam zhes smras pa dang/ bdag cag dus su ni zan ma rnyed de/ ltogs te 'chi mi phrod do/ zhes zer ba snyan du bdas nas rnam grangs du mar smad de/ dus yol nas yang zang mi? nang par bslab pa bcas so/ /dge slong zhes bya ba ni cu bdun sde ste gzhan yang de dang 'dra ba'o/ /dus yol zhes bya ba ni dus gnyis te/ nyi ma phyed yol phan chad dang/ skya reng ma shar gyi bar du dus ma yin zhes gsungs so/ /na ba ni ma gtogs so/ /zos zhes bya ba ni bza' ba lnga dang/ bca' ba lnga mgrin par ming pa'o// dus yol ba la yol bar 'du shes sam the tshom zan ltung bar 'gyur ro/ /dus ma yol ba la yol ba 'du shes sam the tshom za na nyes byas su 'gyur ro/ /kha zas zhag lon pa bzar mi gnang ba'i gleng gzhi ni mnyan du yod pa na to/ de'i tshe dge slong nag po zhes bya ba grong/ khyer dang grong rdal dag na gnas shing snga dro zan gyi phyir bsod snyoms la 'jug go /bsod snyoms kyi zan gshing ba dang skam po rnyed na/ gsher ba ni 'phral du za/ skam po ni snod du bcug nas gzhag nas/ nam char 'bab

  247. 124a

    cing rlung ldang ba dang/ nam rmus pa'i tshe chu'i nang du spang zhing bsod snyoms la mi 'jug par bya'o/ /dus phyi zhig na bcom ldan 'das gtsug lag khang rgyu zhing gshegs pa dang/ nag po'i zas skom pa gzigs nas pu'i? yin zhes smas pa dang/ dge slong nag po'i lags so/ /zhes kun dga' bos gsol te/ dge slong gis kha zas bzhag pa bza' ba'i mi rigs ma brtags pa'o zhes smad de/ bzhag pa'i kha zas zar mi gnad bar bslab pa bcas so// dge slong zhes bya ba ni nag po ste/ gzhan yang de dang 'dra ba'o/ /bzhag pa ni rnam pa gnyis te/ snga gro byin len byas pa'i zas ni phye ma rang gyi dus su bzhag par gyur to/ /phyi dro byin len byas pa ni srod kyi dus su bzhag par gyur to/ /mtshams kyi nang du zhag lon pa dang dge slong gis btsos pa dang/ byin gyis ma brlabs pa la yang sbyar ro/ /bca' ba dang bza' ba dang btung ba zhes bya ba ni snga ma bzhin du bzhag pa la bzhag par 'du shes pa dang the tshom zan yang ltung ba re rer 'gyur ro/ /ma bzhag pa la bzhag par 'du shes pa dang the tshom za na nyes byas re rer 'gyur ro/ /lhung bzed bkru ba ma dag ste/ bzhag pa yod pa 'am kha gzar tsha stegs na bzhag pa yod pa dang spags pa zos na nyes byas su 'gyur ro// kha ma bkrus par btung ba 'thungs na nyes byas su 'gyur ro/ /bzhag pa'i me tog dang 'bras bu bzhag pa zos na sang ltung bar 'gyur ro/ /dge slong byin len ma byas par zar mi gnang ba'i gleng gzhi ni mnyan du yod pa na te/ de'i tshe na dge slong nag po yo byad dang 'tsho ba thams cad kyang dur khrod kyi ste/ lhung bzed kyang dur khrod kyi rdza ma bor ba'o/ /gos kyang dur khrod kyi mi shi ba'i gos bor ba/ zas kyang mi shi ba'i phyir gnyen rnams kyis zan khyengs? pa bor ba za bas/

  248. 124b

    de'i tshe tshe dang ldan pa nag po chen po nam skye bo mang po shi ba'i tshe na lus kyang rtas shing bsod snyoms la mi 'jug go /nam mi shib nyung ba na grong du bsod snyoms la 'jug lus kyang ma rtas par gyur pas na/ yul mnyan du yod pa phyogs su tshe dang ldan pa nag po chen po mi sha za bar kun tu grags so/ /byin len byos la zo shig par bka' stsal pa las tshe dang ldan pa drug sde po rnams byin len mi byed par za bas na/ bcom ldan 'das kyis nyes pa'i dmigs su gyur pa thams cad kyang byin len ma byas pa las gyur to snyam nas spang du bya zhing skye bo rnams yid ches par bya ba'i phyir byin len mi byed du mi gnang bar 'dul ba la bslab pa bcas so/ /dge slong zhes bya ba ni drug sde ste gzhan yang de dang 'dra ba'o/ /ma byin zhes bya ba ni skyes pa dang bud med rnams kyis ma byin pa'o/ /kha nas ming ces bya ba ni bza' ba lnga dang bca' ba lnga'o/ /chu dang so shing ma gtogs zhes bya ba ni dge slong dgon pa pa rnams chu dang so shing yang mi spyod pa las snyan du bdas nas chu dang so shing ma gtogs zhes rjes su gnang ngo/ /ltung ba ni snga ma bzhin no/ /byin len ma byas par 'du shes pa dang the tshom za na yang ltung ba re rer 'gyur ro/ /byin len byas pa la ma byas par 'du shes pa dang the tshom za bzhin du zos na nyes byas so/ /spre'u dang glang po che dang cang shes dang/ deng mo cang shes lta bus byin pa ni sbyin par chung ngo/ /smos pa can gyi yul na byin len ma byas pa zar yang rung ste/ dkyil 'khor gyi steng du bzhag pa yang byad? gi sgra mi snyan lta bur bsngos te bza' o// //mi na bar zas bzang po gzhan gyi khyim nas slong zhing zar mi gnang ba'i gleng gzhi ni grong khyer ser skya'i gnas na te/ de'i tshe na khyim bdag shAkya ming chen gyis bcom ldan 'das la sogs pa dge 'dun rnams bshos la spyan drangs pa dang/ bcom ldan 'das 'khor dang bcas par gshegs su

  249. 125a

    gnang ste/ bcom ldan 'das 'khor dang bcas pa ming chen gyi khyim du gshegs te gshos gsol nas/ khyim bdag la chos bstan gzengs bstod rab tu dga' bar mdzad nas slar gshegs so/ /dge slong drug sde bo rnams nye bar 'gro ba'i grong na mar zan slong zhing thogs pas 'phyis te zan yang ma slebs gdan 'byam dag kyang bsdus pa'i 'og tu mid chen gyi khyim du lhags so/ /der zan dag bsangs pa dang/ kha zas dag zad pas na ngan don zhig sbyar ba dang/ de dag ma mgu nas gzhan dag gi khyim nas 'o ma dang zho dang mar sar dang/ nya dang sha dang sha skam blangs te zos nas slar gtsug lag khang du dong ngo/ /de dag gtsug lag khang du lhags pa dang/ dge slong rnams kyis khyed zan gar zos shen ming chen gyis der ro/ /'o na ded kyis ma mthong na zhes byas pa dang/ ded phyis lhags so/ /der khyed kyis ci lta bu zhig zos zhes pa dang/ 'o ma dang sha dang nya skam mo/ /'o na deng kyis ma zos na khyer de lta bu slong du dbang ngam zhes byas pa dang/ dbang yang rung mi dbang yang rung bdag cag gis zos so zhes pa dang/ dge slong gzhan dag gis 'phyas pa snyan du bdas te/ kha zas bzang po dag gi phyir mi na bar gzhan gyi khyim na bslangs te zar mi gnang bar bslab pa bcas so/ /na ba la gnang ba ni dge slong zhig nad kyis btab ste sman pa la dris pa dang/ 'phags pa 'o ma dang sha dang nya skam gsol cig dang sos par 'gyur ro/ /bdag la su sbyin grong du slongs shig dang ster bar 'gyur ro/ /bcom ldan 'das kyis bslab pa bcas te/ grong du slong du mi gnang ngo zhes pa la snyan du bdas te/ na ba'i dus so zhes rjes su gnang ngo/ /dge slong zhes bya ba ni chos 'di la zhugs pa'o/ /gang bzang por gsungs zhes bya ba ni 'o ma dang zho dang man dang nya dang sha dang sha skam mo/ /yang dge slong gang zhes bya ba ni drug sde ste gzhan yang de dang 'dra ba'o/ /bdag

  250. 125b

    gi phyir zhes bya ba ni gzhan gyi ma yin gyi bdag gi ched du byas pa'o/ /min zhes bya ba ni na ba ma gtogs te gnang ba'o/ /gzhan gyi grong na zhes bya ba ni bram ze dang khyim bdag gi grong ngo/ /slong zhes bya ba ni bdag gis so/ /ltung ba ni snga ma bzhin no/ /mi na bar slong zhing zan slong ba'i tshe nyes byas zos na ltung bar 'gyur ro/ /mi na ba'i tshe bslangs la na ba'i tshe zos na slong ba'i tshe nyes byas so/ /zas na ltung ba mgon pa na bslangs la mi na ba la zos na slong ba la nyes med do/ /zos na ltung ba'o/ /na ba'i tshe bslang zhing na ba'i tshe zos na nyes pa med do/ /dge slong bsod snyoms la zhugs pa na 'phags pa ci bzhed ces bstabs pa las bslangs pa ni nyes pa med do/ /zan gyi tshogs te ltung ba bzhi bcu pa rdzogs so// // srog chags dang bcas pa'i chu shes bzhin du spyod du mi gnang ba'i gleng gzhi ni yul kau sham+b+hi kun dga' ra ba na te/ de'i tshe na tshe dang ldan pa mos pa can srog chags dang bcas pa'i chu shes bzhin du spyod pa dang/ de la dge slong tshangs par spyod pa'i phan par dod pa rnams kyis tshe dang ldan pa khyod srog chags dang bcas pa'i chu ma spyod cig ces bsgo na dag mi nyan te/ cing la de dag grangs kyis gtang ngam/ lho byang shar nub kyi rgya mtsho dang mtsho'u dang steng ka dag tu ci'i phyir mi dong zhes zer ba dge slong gzhan rnams kyis thos te/ 'phya bar gyur pa las snyan du bdas nas/ rnam grangs du mas smad de snying rje med pa'o zhes nas/ srog chags dang bcas pa'i chu spyod du mi gnang bar 'dul ba la bslab pa'i gnas bcas so/ /yang dag slong gang zhes bya ba ni mos pa can te gzhan yang de dang 'dra ba'o/ /shes bzhin zhes bya ba ni bdag gis shes pa'i ma gzhan gyis bsgo ba'o/ /srog chags zhes bya ba ni rnam pa gnyis te/ bltar snang ba dang mi snang ba chu tshags la chags pa'o//

  251. 126a

    spyod ces bya ba ni rnam pa gnyis te/ phyi'i spyod par bya ba dang/ nang gi spyod par bya ba ste/ nang gi spyod par bya ba ni btung ba dang/ kha lag bkru ba dang/ lus kyis spyod pa ste zho dang rtsab mo dang shin tog srog chags dang ldan pa la yang sbyar ro/ /phyi rol gyi ni lhung bzed dang gos kyis bkru bshal dang/ chag chag dang maN+Dal la sogs pa bya'o/ /de bzhin du sa dang rtsi shing dang me tog la sogs pa srog chags yod pa la yang sbyar to/ srog gcod pa'i phas pham par las ci skad cig 'byung ba bzhin du sbyor cig /ltung ba gong ma las srog chags dang bcas pa'i cho spyod pa dang bye brag ni ltung ba gong ma ni gtsug lag khang dad khang pa la sogs pa rtsig pa'i char spyod pa la bya'o/ /'dir ni rang gi lus kyi chu nang du spyad pa la bya'o/ /srog chags yod pa la yod par 'du shes pa dang the tshom zan yang ltung bar 'gyur ro/ /med pa la yod par 'du shes pa dang the tshom zan nyes byas re rer 'gyur ro// //dge slong skye ngan byed pa'i gnas su 'dug tu mi gnang ba'i gleng gzhi ni mnyan du yod pa na te/ de'i tshe na tshe dang ldan pa 'char ka po nang par sngar langs te/ kha lag bkrus nas bsod snyoms la gshegs pa dang/ mnyan du yod pa na chong ngus zhig yod pa de na chad pa kha cig ni tshod 'dus su zor rnams bkram/ kha cig ni gdong 'ong na/ spos kyi khye'u zhig gnas pa chung ma gsar du blangs ma thag pas tshul bzhin ma yin pa yid la byed de/ mi tshangs par spyad do snyam nas tshong khang gi sgo gcod cing 'dug ba 'char ki rig pa'i nor bu yod pa'i mthus tshor te/ ched du de'i bar chad du bya'o snyam nas/ 'char ka sngar de'i chung ma'i gan du song nas chos 'chad cing 'dug pa dang/ de'i khyo yang phyi zhen du 'ongs nas/ chung ma ma la smras pa/ 'phags pa 'char ka bshos gsol la thong zhes byas pa

  252. 126b

    dang 'char ka na re/ bdag ni dge ba'i bar chad du gyur bzhin du khyed la chos ston du 'ongs na/ khyod ci'i phyir chos mi nyan 'dug ste chos nyon cig ce nas ma dang bzhin du chos bshad do/ 'char ka song gi 'og tu tshong ba ngo mtshan che'o/ /bdag gi chung ma la mi dbang bar gyur ces 'phya ba las/ dge slong dag gis thos pa snyan du bdas nas rnam grangs du mas smad de/ da phyin chad de lta bu na 'dug tu mi gnang bar 'dul ba la bslab pa bcas so/ /yang dge slong gang zhes bya ba ni 'char ka ste gzhan yang de dang 'dra'o// smye ngan byed ces bya ba ni skyes pa dang bud med gnyis dbyen byed pa'o/ /gnas zhes bya ba ni bram ze dang khyim pa'i khyim mo/ /nan gyis then te 'dug ces bya ba ni rkub sa la bzhag pa tsam mo/ /mi shes na ltung ba med do/ /dge slong smye ngan byed par 'greng du mi gnang ba'i gleng gzhi ni mnyan du yod pa na te/ tshe dang ldan pa 'char kas snga bzhin du mi tshangs par spyod par rig nas/ de gnyis 'khrig pa la blta'o snyam nas phyi bzhin song ste/ sgo lkog na gab cing 'dug pa de gnyis 'khrig pa'i 'tshe chung mas mthong nas 'char ka 'dug gis ma byed ces smras na/ 'phags pa 'char ka ni da tsam rnam par grol ba'i gsam gtan byed cing 'dug gi /'dir ci 'dod ces bya ba nas ma btub ste/ spyad zin nas bltas na 'char ka 'dug par mthong ste/ de dag smos cing mi snyan par 'dzang ba dge slong dag gis thos pa snyan du gangs te/ smye ngan byed pa'i gnas su 'greng zheng 'dug tu mi gnang ba'i bslab pa bcas so/ /dge slong gang zhes bya ba ni char ka ste/ gzhan yang de dang 'dra ba'o/ /shes bzhin zhes bya ba ni bdag nyid kyis shes pa'am/ gzhan gyis bstan pa'o/ /smye ngan zhes bya ba ni gong ma dang 'drag nas zhes bya ba ni khyim mo/ /dben pa zhes bya ba ni gzhan skyes ba dang bud med med pa'o/ /skyabs yod pa zhes bya ba ni yol ba dang/ sag ma dang/ rtsig pas skyabs pa'o/ /'jigs pa dang rkyen byung

  253. 127a

    ba'i tshe 'greng ba ni nyes pa med do/ /gong ma las 'dir ni bye brag 'greng ba bzhag go /dge slong gis gcer bu pa'am/ gcer pu ba la rang gi lag nas zan sbyin du mi gnang ba'i gleng gzhi ni mnyan du yod pa na te/ bcom ldan 'das yul ko sa lar ljongs rgyu ba las mnyan du yod par byon pa'i tshe/ mnyan du yod pa'i skyed mos tshal na khyim pa mo lnga brgya tsam zhig skud pa 'khal zhing 'khod pa bcom ldan 'das kyis chos bshad nas bden pa la rab tu bkod do/ /de nas bud med lnga rgya po de dag gis bcom ldan 'das la bshos gsol lo/ /snyam nas rgyu ji tsam gyis cho gces dris nas kun dga' bos kar sha pa ni lnga brgyas chog go zhes nas/ de dag gis tshe dang ldan pa kun dga' bo la kar sha ba ni lnga brgya phul te bdag cag ni bud med kyi bu lags pas sbyor yang mi nus pas snod spyad kyang ma mchis zhes byas pa dang/ kun dga' bos khyim bdag 'byor ba zhig la bcol cig ces byas pa dang/ kun dga' bos kyang khyim bdag mgon med zas sbyin la bcol te/ 'drim pa'i tshe bud med rnams kyi grogs tshe dang ldan pa kun dga' bos kyang byas so/ /de'i tshe gcer bu ma gnyis shig ? slong du lhags nas gral gyi mjug la bzhag pa dang/ kun dga' bos ma bsams par khur ba 'drem pa'i tshe rgan mo la ni gcig /gzhon nu ma la gnyis byin pa dang/ rgan mo na re gzhon nu khyod la kun dga' bo bskugs tang kyis sta gon gyis shig byas pa las/ gzhon nu na ro rgyal po'i sras las rab tu bung ba ste/ btsun mo'i 'khor la bzang mo mang du spangs te rab tu byung na nga lta bu dri ma can la 'dis ci zhig rer yod ces smras pa dang/ 'on du zin kyang skyes pa ji lta bu la dga' btol med byas pa dang/ dge slong rnams kyis thos te snyan du bdas nas gcer bu ma la rang gis byin du mi gnang ba

  254. 127b

    bslab pa bcas so/ /gcer bu zhes bya ba ni gtsang bu pa kha cig 'tsho ba dang mi ldan de ltogs pa la dge slong rnams la slong ba'i tshe/ dge slong rnams kyis 'tsho ba sbyar cing byin pas na dge slong rnams la 'phya zhing mi snyan par 'dzer ba dang/ deng dge slong gi sbyin gnas yin te/ de la yon sbyin no zhes spyoms pas/ rang gi lag nas sbyin du mi gnang bar bcas/ dge slong zhes bya ba ni kun dga' bo ste/ gzhan yang de dang 'dra ba'o/ /gcer bu ma zhes bya ba ni gos med pa'o/ /kun tu rgyu zhes bya ba ni de las gzhan pa'i mu stegs so/ /ltung ba ni snga ma bzhin no/ /na ba dang sdig par lta ba las dang dbral ba'i phyir sbyin pa ni ma gtogs so/ /kha zas rung ba yang yin la rang gi lag gis kyang sbyin na ltung bar 'gyur ro/ /bza' ba dang bca' ba rung ba yang ma yin la gzhan nas brgyud de byin na ni nyes byas so// //dge slong dmag chas pa la lta nga 'gror mi gnang ba'i glang gzhi ni mnyan du yod pa na te/ de'i tshe yu ko sa la'i rgyal po la ri brags kyi grong dag ci log ste bsngos nas rgyal pos ri brag kyi grong 'bebs par dmag dpon 'khor dang bcas te sngar bkye ba dang/ phyis kyang snon ma zhig bkye na ma phebs to slar rnams so zhes rgyal po'i steng du 'phar ma ga 'ongs nas rgyal pos yul na mtshon gyis 'tsho ba thams cad snon du deng shig ces kun du bsgo nas dmag mi rta pa dang rkang thang la sogs te/ lha khang gi sgo nas mar ngor ba la drug sde rnams gsus ba che'i dmag ltar 'dod do zhes sbran nas dmag chas pa la lta zhing bkrin pa slang po che phag 'dra 'dis ri brags kyi grong phebs par ni mi 'gyur kyi khyed chas te 'dod du yod kyi slar log tu ni med do zhes smras pas de dag bag 'khums shing dpa' gong bas lam nas slang 'khor to/ /de nas rgyal pos ci'i phyir 'khor zhes byas

  255. 128a

    pa dang/ rgyal po khros snyan du gsol te/ dmag chas pa la ltar mi gnang bar bslab pa bcas so/ /dge slong zhes bya ba ni drug sde ste/ gzhan yang de dang 'dra ba'o/ /dmag chas zhes bya ba ni thab mo byed 'dod pa'o/ /dmag ces bya ba ni yan lag gcig pa dang/ yan lag gnyis pa dang/ yan lag gsum pa dang/ yan lag bzhi pa'o/ /yan lag gcig pa ni glang po che'i tshogs dang/ yan lag gnyis pa ni rta pa'i tshogs so/ /yan lag gsum pa ni shing rta'i tshogs so/ /yan lag bzhi pa ni rkang thang pa'i tshogs so/ /gtsug lag khang lam ka na 'dug pa'i lam ka nas 'dod pa dang/ dmag nyid gtsug lag khang du 'ongs pa dang/ rgyal po dang/ blon po dang/ dmag dpon dang/ yul mi la sogs pas bkug pa'am/ bar chad brgyad la sogs pa byung ste/ dmag mthong na ni nyes med do/ zhag gnyis las lhag par dmag gi nang na lta zhing 'dug tu mi gnang ba'i gleng gzhi ni mnyan du yod pa na te/ ri brags kyi grong de nyid kyang nga rung ma phebs nas rgyal po yang phru ma de nyid du 'dug go /blon po rnams kyis gros btab ste/ khyim bdag mgon med zas sbyin blo che la mthu che bas na khyim bdag bkug pa'i rig par gsol pa dang/ dgug par pho nya gcig btang ste dkug go /de nas ring zhig lon kyang ma phebs nas/ mgon med kyang mi dga' ba 'dra nas rgyal po gsal rgyal gyi khyim bdag bu smad dang bral ba mi dga' 'am/ gnyen bshes smas pa na bdag bu smad dang bral ba ni dga' ba med na 'phags pa dge slong dag med pas mi dga' o/ /zhes byas nas de'i phyir rgyal pos dge slong dag 'dir shog shig par yi ge spring nas dge slong rgan po ni rgas te 'gro mi nus/ gsar bu dag ni chos khrims dag ma lobs pas nyan cing 'bad pas ma btub kha cig ni na nas 'gro mi nus pa dang/ drug sde rnams

  256. 128b

    bdag cag rgyal po dang blon po rnams la chos 'chang du 'dod do zhes khas blangs nas/ drug sde rnams dmag gi nang du lhags te zhag du mar 'khod cing dmag rgyus pa las phar phul zhing bkyal ka byed de/ bkren pa khyed kyis glang po che phag 'dra ba/ rta bong bu 'dra ba zhes nas mjug ma nas bzung zhing bskor te/ /mi la rtsa mi 'dra ba zhes byas shing gnya' ba na phul bas de dag bag 'khums mi dga' bar gyur nas sems shing 'khod pa las rgyal pos mthong ste/ dge slong dmag gi nang na yun ring du 'dug tu mi gnang bar gsol nas drug snga la bka' rmas te/ dge sbyor mi bya ba ma yin zhes smad nas dmag gi nang du zhag gnyis las 'dug tu mi gnang bar bslab pa bcas so/ /de 'dra ba'i rkyen cig gis ces bya ba ni rgyal po dang dmag dpon dang yul mis bos pa'o/ /dge slong zhes bya ba ni drug sde ste gzhan yang de dang 'dra ba'o/ /dmag ces bya ba ni yan lag gcig la sogs te gong ma bzhin no/ /bltar 'gro na zhes bya ba ni lta 'dod pa'i phyir ro/ /zhag gnyis las 'das zhes bya ba ni dus las yol ba'o/ /ltung ba zhes bya ba ni snga ma bzhin no/ /rgyal po dang blon pos 'dug shig ces bsgo ba'am/ bar chad chen po brgyad byung ba'i dbang gis na ltung ba med do/ /zhag gnyis dmag gi nang na gnas pa'i tshe yang g.yul bshams pa la dkrug tu mi gnang ba'i gleng gzhi ni mnyan du yod pa na te/ rgyal po gsal rgyal gyis ri brags grong log pa da rung ma phebs nas/ mgon med zas sbyin kyang dge slong dag med pas mi dga' nas/ dge slong kha cig der thor shig par yi ge sprid do// dge slong gzhan rnams ni snga ma bzhin du bral to/ /yang drug sde lhags so/ /sngar zhag gnyis las ring du gnas su mi gnang ba dang/ slad kyis zhag gnyis kyi tshe nang glang po che'i tshogs la sogs g.yul bshams pa la snga ma bzhin du dkrugs nas

  257. 129a

    khong bdag cag dgra'i logs su sngar dong nas nags tshang tshing na 'khod de/ dmag 'ongs pa dang/ drug sdes rnga brdungs dung bus khus btab pa dang/ gsal rgyal gyi dmag gi yang skrag par gyur te de dag gi snying lam na dgra byung snyam nas slar log ste bros so/ /de nas yang mdun du brgyugs te/ bsgugs nas khyed ci'i phyir 'bros zhes byas na/ khyed kyi g.yul dkrugs pa'i phyir 'bros so zhes so/ /nged kyis rtsed mo byas pa'i phyir yang skrag ste 'bros/ dgra 'ongs ni ji ltar rgol zhes byas pa dang/ de dag gis rgyal po la gsol nas/ rgyal pos kyang snyan du gsol te/ zhag gnyis dmag gi nang na gnas pa'i tshe yang g.yul bshams pa dkrug tu mi gsang bar 'dul ba la bslab pa bcas so/ /dge slong zhes bya ba ni drug sde ste/ gzhan yang de dang 'dra ba'o/ /dmag ces bya ba ni rta pa la sogs pa ste snga ma bzhin no/ /bshams pa dkrugs zhes bya ba ni g.yul gyi nang du 'jug pa'o/ /rgyal mtshan zhes bya ba ni seng ge dang chu srin dang/ khyu mchog gi rgyal mtshan no/ /g.yul bshams pa rnam pa bzhi ste/ 'bru'i phung po lta bu dang/ shing rta dang/ zla kham dang nam mkha' lding gi 'dab ma lta ba'o/ /ltung ba ni snga ma bzhin no/ /nyes pa ni glang po cha dang rta la sogs pa gos bskon pa logs shig tu byung na ltung bar 'gyur ro/ /dge slong go ma bskon na nyes byas su 'gyur ro/ /dge slong la rdeg tu mi gnang ba'i gleng gzhi ni mnyan du yod pa na te/ de'i tshe tshe dang ldan pa maung+gal gyi bus u ba li la sogs pa gzhon nu bcu bdun sde rab tu phyung ste bsnyen par rdzogs par byas pa de la/ de dag drug sde'i rgyus mi shes pas tshe dang ldan pa 'char kas bcu bdun sde gcig la las shig bcol na khyod pa'i slob dpon dang/ mkhan po ni ma yin zhes ma btub pa dang des thal mo zhig bsnun pa dang sa la bsgyel te dus pa dang thams cad kyang sa

  258. 129b

    la 'gyel te dus pa gzhan dag gis khyed kyi nang nas gcig brdeg na gzhan dag ci'i phyir du zhes bya ba dang/ bdag cag thams cad ma dus na kun kyang brdeg du 'ong ngo zhes smras pa snyan du bdas te/ dge slong la brdag tu mi gnang bar 'dug pa la bslab pa'i gnas bcas so/ /yang dge slong zhes bya ba ni 'char ka ste gzhan yang de dang 'dra ba'o/ /brdeg ces bya ba ni bsnun cing brgyab pa'o/ /ltung ba ni snga ma bzhin no/ /dge slong khros 'khrugs te/ rngam nas dge slong la thal mo dang/ khu tshur gyis bsnun na ltung bar 'gyur ro/ /sor mo lngas bsnun na yang ltung ba re rer 'gyur ro/ /tha na rgya shug gi 'brum bu 'am nyungs kar gyi 'brum bu lus la phog na ci rnyed phog pa ltung ba re rer 'gyur ro/ /dge slong gi thabs kyi sgo nas brdeg na yang ltung bar 'gyur ro// //dge slong la brdeg par gzar mi gnang ba'i gleng gzhi ni mnyan du yod pa na te/ tshe dang ldan pa bcu bdun sde drug sde la bsnyen bkur byed pa na 'char kas yang las bcol ba dang/ ma btub nas rdeg tu gnang bas rdeg par gzas te lag pa zas pa las/ kun dus pa snyan du bdas te/ gzar mi gnang par 'dul ba la bslab pa'i gnas bcas so/ /rdeg par gzas na tha na nyungs kar 'bru gcig gis kyang rung ste ltung bar 'gyur ro/ /gzhan ni bsnun pa la sbyar ba bzhin du rgyas par sbyo? ?/ khyim pa dang bsnyen par ma rdzogs pa la brdeg par gzas kyang rung ste nyes byas su na smad do/ /dge slong gi gnas ngan len 'chab tu ma gnang ba'i gleng gzhi ni mnyan du yod pa na te/ dge slong dga' bo'i slob ma chos can zhes bya ba cig yod de/ de mang du dge ba la brton pa zhig pas nyin par dge ba spyod pa'i sar stan khyer te 'gro ba las bsnyan dga' bo dang phrad nas bsnyen dga' bo na re nga'i stan yang khyer te shog ces nas de gnyis kyang lhan grib? nyin par

  259. 130a

    dag pa spyod pa'i sa na bsam gtan byed pa las/ bsnyen dga' bo ni sems rgod pas mgo g.yogs te bsam gtan byed na 'on kyang sems ma khugs te/ dge 'dun gyi shing thabs la bu mo zhig shing brku zhing 'dug pa mthong nas/ chos can la skrod cig ces byas na slob dpon rtog pa ma mang par 'dze ta'i mdo sde la dgongs shig ces byas pa dang/ blun po dge 'dun gyi bca' shing la ltos shig ces ma gsungs pas/ khyod kyi ma btub nang rang skod do zhes nas/ bsnyen dga' bos bu mo bskrad na bu mo de yang phyir bgad pa dang/ bsnyen dga' bos bu mo de bzung sta 'o cig byas so/ /de nas slar 'khor te chos can la khyod kyis ci mthong zhes smras pa dang/ nang du gzhug pa gcig pu ma mthong gi gzhan ni thams cad mthong ngo// zhes byas pa dang/ 'o na su la yang ma smra zhig ces byas pa na su dang yang ma phrad kyi bar du mi smra'o/ /'o na khyod ci mkhan po dga' bo'i nyes pa byung na yang ngas rtag par bcabs na nga'i yang khyod mi bcab bam zhes byas na/ des ma btub nas dge slong gzhan dag la byas pa snyan du bdas te/ bkas smad nas/ dge slong gis gnas ngan len 'chab tu mi gnang bar 'dul ba la bslab pa'i gnas bcas so/ /yang dge slong bya ba ni bsnyen dga' bo ste gzhan yang de dang 'dra ba'o/ /gnas de na len ces bya ba ni dge 'dun gyi lhag ma las byung ba dang/ phas pham pa las byung ba'o/ /shes bzhin zhes bya ba ni bdag rang gis rig pa 'am gzhan gyis bsgo ba'o/ /ltung ba ni snga ma bzhin no/ /gnas ngan len gyi nyes pa bcabs na skya rang ma shad kyi bar du nyes byas so/ /skya reng shar na ltung bar 'gyur ro/ /gnas ngan len gyi zhes pa brjod na dge ba'i bar chad dang tshangs par spyod pa'i bar chad du gyur pa tsam gyi chod na bcabs kyang nyes med do/ /ltung ba lnga bcu pa

  260. 130b

    rdzogs so// //nga gcig pu na bde'o zhes dge slong zan gcod du mi gnang ba'i gleng gzhi mnyan du yod pa na te/ tshe dang ldan pa dga' bo'i nye gnas chos can 'gyod phod pa khrel yod pa des bsnyen dga' bo'i nyes pa thams cad smras pas na/ de nas dga' bo khros te de la gnod pa zhig bya'o snyam nas/ dga' bo dang bsnyen dga' bo gnyis grong du bos pa dang/ slob ma chos can bsod snyoms la 'gro bar chas pa dang/ de gnyis kyis ded kyi phyi bzhin shog shig dang zan sbyin no zhes nas slob ma yang dag gtseg? ma phod nas mkhan po'i phyi bzhin du song ngo/ /de dag grong du phyin pa dang/ dga' bo dang chos can ni sdod bsnyen dga' bo ni grong du zan la song/ /bsnyen dga' bo phyir 'ongs nas yang chos can dang gnyis sdod/ /dga' bo ni grong du zan la song ngo/ /phyin chos can gyi bsnyen dga' bo da ni nyi ma yol gyis la? 'dod zhes des yang dang yang du bskul na/ nga ni gcig pu na bda'o zhes nas/ khyod nyid gar dga' bar song shig ces bskrad pa dang/ lhug bzed khyer te ma 'ongs pas zan bslang du med nas/ slar lha khang du 'ongs nas nyal zhing 'dug pa dge slong bsod snyoms pa gzhan dag gis mthong nas khyod ci'i phyir da ltar nyal zhes dris pa dang/ de'i rgyus zhib tu smras pa las dge slong dag gis snyan du babs te/ rnam grangs du mas smad nas dge slong gi zan gcod du mi gnang bar 'dul ba la bslab pa'i gnas bcas so/ /yang dge slong gang zhes bya ba ni shAkya'i bu bsnyen dga' bo ste/ gzhan yang de dang 'dra ba'o/ /dge slong 'di zhes bya ba ni chos can te/ gzhan yang chos 'di la zhugs pa'o/ /grong du 'dod zhes bya ba ni khyim bdag dang bram ze'i khyim mo/ /khyod la zan sbyin no zhes bya ba ni bza' ba dang bca' ba lnga sbyin par khas blangs pa'o/ /khyod dang lhan cig pa bde ba med kyis song shig pa ni

  261. 131a

    zan bcad bar bsams nas bskrad pa'o/ /rkyen de nyid ces bya ba zan bcad bar bsams pa de nyid rkyen yin no/ /ched du bsams nas thabs gang gis kyang rung ste/ dge slong gi zan bcad na ltung bar 'gyur ro/ /na ba'i tshe dang sman pas bsgo ba la ni ma gtogs so// //dge slong me 'bud du mi gnang pa'i gleng gzhi ni mnyan du yod pa nas rgyal po'i khab tu gshags pa'i tshe ste/ de'i tshe na bcom ldan 'das ljongs rgyu zhing gshegs pa na/ tshong pa phal mo che dang 'grogs nas/ de'i nub mo 'brog dgon pa zhig tu sphyin nas/ nub mo gos lham yang rgan rims su brgos shig ces bka' stsal nas/ de bzhin du bgos pa dang drug sde shing skam zhig gi drung du bab ste me btang ba dang/ shing tshig cing dud pas bdugs pas/ shing gi nang na sbrul bdug pa zhig 'dug pa byung ste/ ltung la thug cing shing gi yal ga la 'dug pa dang/ drug sde dag gis mthong nas lhung lhung zhes byas pa dang/ tshed pa rnams kyang kun bros pa las me 'bud pa las nyes dmigs su gyur pa dang/ phyis rgyal po'i khab du gshegs na yang drug sde rnams kyis me'i mgal ma 'khor lo ltar skor zhing/ nyi ma dang zla ba lta bur byed rgyug rtse rtse bas na/ dge sbyong mgo reg 'di rnams dang/ khyim pa'i bye brag dang khyad par ci yod ces mu stegs 'phya ba las me 'bud du mi gnang par 'dul ba la bslab pa bcas so/ /de ltar me 'bud du mi gnang pas dge slong dag me mar yang mi 'bud spos kyang mi bsreg bla ma dang slob dpon la rim gro yang mi byed/ lhung bzed dang/ gos kyi kha dog mi bsgyur ba dang/ dge slong gcig rlung nad kyis btab nas sman pa la dris na me la zhugs na phan no zhes pa las snyan du bdas nas/ de lta bu la sogs pa ni dus yin te gnad gis byin gyis rlobs la gyis shig

  262. 131b

    ces gsungs so/ /yang dge slong zhes bya ba ni drug sde ste gzhan yang de dang 'dra ba'o/ /min zhes bya ba ni nab ma gtogs pa'o/ /bdag gi phyir zhes bya ba ni bdag rang gi ched du'o/ /reg gam zhes bya ba ni bdag gis reg pa'o/ /reg par byed du gzhug ces bya ba ni gzhan la bcol ba'o/ /ltung ba ni snga ma bzhi no/ /me thogs nas nyi ma dang zla ba lta bu dang rgyug cing rtse na ltung ba re rer 'gyur ro/ /mgal me bskor na ltung bar 'gyur ro/ /me 'bud dam gsod dam mgal ba bcug gam phyung ngam/ mgal ba bsdus sam mgal ba sdud dam/ me ma mur slong ba'i tshe dus la bab po snyam du soms shig /de ltar ma byas na ltung ba re rer 'gyur ro/ /dge 'dun chos bzhin byed pa la sngar dad pa phul nas/ de'i 'og tu dad pa ma sbyin no/ /smrad mi gnang ba'i gleng gzhi ni mnyan du yod pa na te drug sde las na bas so dang tha skar skyes ni shi /tshe dang ldan pa 'char ka ni dgra bcom/ mos pa can ko'u sha bi na cang mi byed par 'dug /dga' bo dang bsnyen dga' bo gnyis ni rang bzhin du dge 'dun gyi nang na gnas te/ de'i tshe tshe dang ldan pa bcu bdun sde shin tu 'bad cing brtson pas dar nas de dag gis bgros pa/ 'u bu la sngan chad drug sdes gtses pa lta bu sus kyang ma gtses te/ de'i nang na yang snyen dga' bos gtses kyis spang ba'i las bya na/ dga' bo shags mkhas kyis de mi 'ong ba'i thabs shig bya'o snyam nas/ dga' bo gos ngan pa zhig gyon bzhin du 'dug pa gnas brtan gos ngan pa 'di ngas bkru'o zhes nas/ des gos thal ba'i nang du bsgres te byin no/ /de'i 'og tu dge 'dun gyi las bya'o zhes las kyi gaN+Di brdungs te/ dga' bo la ni dad pa glangs nas bsnyen dga' bo dge 'dun gyi nang du bkug ste/ khyod kyis sngon nged la bcu bdun sde'i rgyu mas dze ta'i tshal dkri ba la sogs pa dan nam zhes nas spang ba'i las bya pa dang/ de yang du zhing dga' bo'i gan du song

  263. 132a

    nas ci'i phyir du zhes smras na slob dpon gyis dad pa byin nas ci bya ba dag ni spangs so zhes byas pa dang/ khyod la spang ba'i las byed pa de grong dang grong khyer gyis spangs par shog shig /de dag gis nga mi shes te/ nga ma 'dus par las byas pas las 'gal te dad pa slar blang ngo zhes nas/ ngas ma shes kyis dad pa de yang slar byin cig ces smras pas/ dge 'dun tshogs pas chos bzhin du las byas pa las skyo zhing dkrugs te/ dge slong rnams 'phya bar gyur pa las snyan du bdas so/ /dge slong gis bya ba ma yin zhes smras nas/ dad pa slar blang du mi gnang bar 'dul ba la bslab pa bcas so/ /yang dge slong zhes bya ba ni shAkya'i bu dga' bo ste/ gzhan yang de dang 'dra ba'o/ /dad pa zhes bya ba ni dge 'dun chos bzhin du las byed pa las mthun pa sbyin no/ /de'i 'og tu zhes bya ba ni dus gzhan no/ /'di skad kyang zer zhes bya ba ni smra ba'o/ /dge slong slar byin khyed la dad pa mi sbyin no zhes bya ba'i tshig go /ltung ba zhes bya ba ni snga ma bzhin no/ / dge slong gis dad pa sbyin nas de'i 'og tu bzlog cing dkrug pa'i tshul du byed do/ /khyod la dad pa mi sbyin gyis slar byin cig ces smra na thams cad du ltung bar 'gyur ro// //bsnyen par ma rdzogs pa dang khyim cig gi nang du nyal du mi dbang ba'i gleng gzhi ni mnyan du yod pa na te/ dge slong dag khyim pa la rgyun du chos 'chad par zhugs pa dang/ tshes brgyad dang bcu bzhi la chos shod cig ces bka' stsal nas/ 'on kyang mtshan rangs par chos 'chad pas na nad zhugs par gyur nas nam phyed tshun chad tsam shod cig ces byung ngo/ /nub cig char 'bab pas khyim pa la chos bshad pa'i sa de nyid du nyal ba dang/ me 'bar bas khyim pa dag gis gsod du ma ster to/ /de na rgan zhugs bsod snyoms pa zhig

  264. 132b

    nyal ba'i rmi lam na bud med dang nyal bar rmis nas mi tshangs par spyod pa'i tshul smras pas/ khyim pa de dag grong du lhags nas 'phya bar gyur te/ dge slong gzhan dag gis ni chos legs par bshad na rgan zhugs des ni ma legs par bshad do zhes snyan du bdas te/ bsnyen par ma rdzogs pa'i gang zag dang khyim gcig gi nang du nub gcig las lhag par nyal du mi gnang bar bslab pa bcas so/ /zhag gnyis gnang du yod pa ni mnyan du yod pa na te/ tshe dang ldan pa sgra gcan 'dzin phyi rol tu spyod du seng ba'i phyi na/ de'i gnas khang du dge slong gzhan dgos pas/ sgra can 'dzin gnas med de/ bcom ldan 'das kyi snam phyis na 'dug pa dang/ de'i nub mo char chen po bab ste/ snam phyi sa dang nye ba zhig na sbrul gdug pa ma rung ba zhig gnas te/ snam phyi sar 'gro bas/ tshe dang ldan pa sgra can 'dzin bzung ste shi na ma legs te/ shAkya'i rigs la mi snyan par zer bar dgongs nas bcom ldan 'das kyi phyag brkyang nas/ sgra gcan 'dzin blangs nas bcom ldan 'das kyis gnas khang du gzhag nas/ zhag gnyis bsnyen par ma rdzogs pa'i gang zag dang nyal du nang ngo/ /slad kyi na ba dang nad g.yog zhag lon du mi bde ba las snyan du bdas te/ nad pa dang nad g.yog gnyis ni gnang ngo/ /de ltar zhag gnyis las nyal bar ma gnang ba dang tshe dang ldan pa bsnyen dga' bo zhag gnyis las 'da' bar byed pa dang/ don nyung ngu ba'i dge slong rnams 'phya ba las snyan du bdas te/ bkas smad nas zhag gnyis las lhag par nyal du mi gnang bar bslab pa bcas so/ /yang dge slong gang zhes bya ba ni rgan zhugs dang bsnyen dga' bo ste gzhan yang de dang 'dra ba'o/ /bsnyen par rdzogs pa'i gang zag dang/ lhan cig ces bya ba ni bsnyen par rdzogs zhes bya ba ni dge slong pha dang dge slong ma'o/ /de ma gtogs pa gzhan thams cad bsnyen par ma rdzogs pa'o/

  265. 133a

    zhag gnyis las lhag ces bya ba ni thal ba'o/ /khyim gcig gi nang na nyal zhes bya ba ni khyim gang cher g.yogs la kun bskor bar gyur pa de lta bu'i nang du nyal na zhag gsum gyi skya reng shad na ltung bar 'gyur ro/ /shing drung dang rtsig drung dang phug dang/ shing gal ba'i drung du nyal na nyes byas su 'gyur ro/ /nyes pa ni bsnyen par ma rdzogs par 'du shes kyis khyim gcig tu nyal na ltung bar 'gyur ro/ /the tshom na yang ngo/ /bsnyen par rdzogs par 'du shes dang the tshom na nyes su 'gyur ro// //bar chad kyi chos su mi 'gyur ro zhes smra mi gnang ba'i gleng gzhi ni mnyan du yod pa na te/ dge slong a ri ta nyes pa byed pa las/ dge slong dag gis bzlog na ma btub nas/ bcom ldan 'das kyis bshad pa ni ngas shes te/ de ltar spyad kyang bar chad du mi 'gyur ro zhes log par lta ba'i phyir gsol pa dang bzhi'i las kyis bsgo na lta ba ldog tu ma btub nas snyan du bdas te/ lan gsum du bsgo shig ces bka' stsal nas/ lan gsum du bsgo ba las ma btub nas/ rnam grangs du mas smad nas 'dul ba la bslab pa bcas so/ /yang dge slong zhes bya ba ni a ri ta ste gzhan yang de dang 'dra ba'o/ /'di skad du ces bya ba ni smra pa'o/ /bcom ldan 'das ni de bzhin gshegs pa'o/ /chos zhes bya ba ni sangs rgyas dang nyan thos kyis gsungs pa'o/ /bshad ces bya ba ni bsgrags pa'o/ /bar du gcod ces bya ba ni phas pham pa'i chos bzhi gnas bdun shin tu zhi ba'i bar du ste/ ltung ba rigs lnga'i rnams spyad kyang bar mi gcod ces smra'o/ /dge slong zhes bya ba ni a ri ta'o/ /dge slong rnams zhes bya ba ni chos 'di la zhugs pa'o/ /de skad du bsgo shig ces bya ba ni tshig 'jam pos bsgo ba'o/ /da? ste yang dngos po de gtong ba lta na ni legs pa ste yang mi gtong na/ lan gnyis lan gsum du yang dag par bsgo

  266. 133b

    yang dag par bstan par bya zhes bya ba ni gsol ba dang/ zhu ba'i las kyis yang dag par bsgo la bya'o/ /dang por bar du gcod par mi 'gyur ro/ /zhes zer ba'i tshe na nyes byas so/ /tshig 'jam pos bsgo ste ma btub na yang nyes byas gnyis su 'gyur ro/ /gsol ba dang zhu ba'i las kyi bsgo nas mi gtong na nyes byas gsum du 'gyur ro/ /gsol pa dang/ zhu ba'i las kyis lan gnyis bsgo ste mi gtong na nyes byas bzhir 'gyur ro/ /chos ji lta ba dang ston pa'i bstan pa bzhin du lan gsum rdzogs par byas kyang ma btub na ltung bar 'gyur ro/ /chos bzhin du bsgo yang ma tshogs na dge 'dun dang gang zag gnyis ka la nyes byas re rer 'gyur ro/ /tshogs la chos bzhin du ma bsgo na yang ltung bar mi 'gyur ro/ /tshogs la chos kyi gzugs brnyan gyis bsgo ba dang/ ma tshogs pa la chos kyi gzugs brnyan gyis bsgo ba ni ltung ba med do/ /de sta dge slong de ltung ba rab tu 'gyod cing ma bshags ma mthol na/ de phyin chad gsol ba dang gnyis ka'i las kyi nang du 'jug na thams cad du nyes byas so/ /dge slong spangs pa dang lhan cig gtam smra zhing khyim gcig gi nang du nyal du mi gnang pa'i gleng gzhi ni mnyan du yod pa na te/ dge slong bong bu rdzi a ri ta sdig ba can gyi lta ba gtod du ma btub nas dge 'dun rnams kyis gsol ba dang zhu ba'i las kyis spang ba'i las byas nas du zhing bsnyen dga' bo'i gan du song ba dang/ de de dang phrad de/ a ri ta khyod ci'i phyir du zhes byas nas/ bdag ni lhung bzed nag po can gyis spangs so zhes byas pa dang/ khyod la spang bar byed pa de dag grong dang grong khyed kyis spangs bar shog shig ces nas/ tshe dang ldan pa bsnyen dga' bos dge slong a ri ta sdig pa'i lta ba ma spangs te dge 'dun gyi chad pas bcod cing spangs bar shes bzhin du bsten cing gnas bca' ba dang/ lung 'bog pa dang gnas khang cig tu zhag

  267. 134a

    lon par nyal zhing gtam smra bar byed pas dge slong dag 'phya ba las snyan du bdas nas/ bkas smad de 'dul ba la bslab pa'i gnas bcas so/ /yang dge slong gang zhes bya ba ni bsnyen dga' bo ste gzhan yang de dang 'dra ba'o shes bzhin zhes bya ba ni bdag gis shes pa 'am gzhan gyis bsgo ba'o/ /'di skad smra ba'i gang zag ces bya ba ni a ri ta'o/ /chos bzhin ma byas shes bya ba ni de las ma gyur pa'o/ /ma btang zhes bya ba ni sdig pa de lta bu'i lta bar gyur pa ma btang ba'o/ /gtam zer zhes bya ba ni lung 'bog pa'o/ /kun tu smra zhes bya ba ni 'dris pa'i lung ston pa'o/ /gnas shes bya ba ni gcas? byin pa'o/ /kun tu spyod ces bya ba ni de la bsnyen bkur nyams su len pa'o/ /de dang lhan cig khyim gcig na nyal zhes bya ba ni de dang lhan cig zhag lan te skya rengs shar na ltung bar 'gyur ro/ /nyes pa ni de skad zer ba'i gang zag chos bzhin ma byas pa sdig pa'i lta ba ma spangs pa la gtam byas na ltung bar 'gyur ro/ /kun tu gtam byas na yang ltung bar 'gyur ro/ /lhan cig gnas na yang ltung bar 'gyur ro/ /lhan cig spyod na yang ltung bar 'gyur ro/ /'dug na yang ngo/ /na ba dang sdig pa'i lta ba spangs pa la nyes pa med do/ /dge sbyong spangs pa dang lhan cig bsten cing 'dug tu mi gnang ba'i gleng gzhi ni mnyan du yod ba na te/ tshe dang ldan pa bsnyen dga' bo la slob ma dge tshul tsher ma can dang/ mchod pa can zhes bya ba gnyis shig yod de/ de'i tshe na dge slong nyon mongs pa ma spangs shing 'dod chags dang ma bral ba dag cig dge tshul de gnyis la 'tho 'tsham gang rgyangs byed drags shing rgyug pa la sogs pa byed pa la dus phyi zhig ni dge tshul gnyis me tog 'thu zhing 'khod 'khod pa las steng gi nam mkha' la grib ma zhig bab nas bltas na dge slong dag cig nam mkha' las dong ba mthong ste/ khyod su zhes smras na de?

  268. 134b

    ming 'di dang 'di zhes bya ba'o/ /zhes byas pa dang/ khyed ni sngon drug sde dang bdag cag lhan cig tu gnas ngan lan spyod na de ci'i phyir khyed de ltar gyur ces byas na/ ded kyis sdig pa'i chos de dag btang ste/ bshags par bya ba ni bshags/ bsdam par bya ba ni bsdams te/ 'bad bsgrims pas na dgra bcom par byas so zhes byas pa dang/ dge tshul de gnyis na re gnas ngan len kun tu spyod pa de dag gis kyang dgra bcom pa thob pa las ltas na/ bcom ldan 'das kyis 'dod pa ni bar du gced pad? 'gyur ro/ /zhes gsungs pa yang bar du bcod par mi 'gyur ro/ /zhes lta ba skyes nas/ de la dge slong rnams kyis lan gnyis lan gsum du bsgo/ yang lta ba ngan pa gtong du ma btub nas/ dge 'dun gyi mig lam na yang mi snang bar byas te/ spangs pa bsnyen dga' bos bsten cing shed bskyed pa dang gnas dang yo byad phyin zhing gnas 'chad bcug pa dge slong rnams kyis thos te/ dge tshul sdig pa can mig lam na mi snang bar byas spangs pa dang lhan cig tu gnas par byed do zhes bya ba las snyan du bdas te/ gang zag chos bzhin du ma byas pas bsten du mi snang bar 'dul ba la bslab pa bcas so/ /dge tshul ni tshed ma bcan dang mchod pa can no/ /'di skad du zer zhes bya ba ni 'og nas 'byung ba'i tshig rnams so/ /bcom ldan 'das ni de bzhin gshegs pa'o/ /chos zhes bya ba ni bcom ldan 'das dang nyan thos kyis gsungs pa'o/ /bar du gcod pa ni 'dod pa'i yon tan lnga la bya'o/ /bsten ces bya ba ni spyod pa'o/ /bar du gcod par mi 'gyur zhes bya ba ni dge sbyong gir mi 'gyur ba ma yin pa'o/ /'di skad smos shig ces bya ba ni tshig 'jam pos bsgo ba'o/ /lan gnyis lan gsum du bsgo ba ni gsol ba zhu ba'i las kyis bsgo ba'o/ /dge tshul chos bzhin du mi byed pa mig lam na mi snang bar spangs pa las bsten pa ni shAkya'i

  269. 135a

    bu bsnyen dga' bo ste gzhan yang de dang 'dra ba'o/ /shes bzhin zhes bya ba ni bdag gis shes pa 'am/ gzhan gyis bsgu ba'o/ /de ltar dge tshul mig lam na mi snang bar byas zhes bya ba ni tsher ma can dang chos ba can te/ gzhan yang de dang 'dra ba'o/ /gnas byin zhes bya ba ni de bzhag pa'o/ /yo byad sbyin zhes bya ba ni lhung bzed la sogs pa'o/ /lung dbog ces bya ba ni gnas sbyin zhing kha don dang klog pa sbyin pa'o/ /khyim gcig tu nyal zhes bya ba ni khyim gyi nang du skya rengs kyis chad pa'o/ /nyes pa ni dge tshul mig lam na mi gnang bar byas par shes bzhin du gnas dang yo byad byin nam lhan cig tu gnas na ltung ba re rer 'gyur ro/ /na ba dang sdig par lta ba las bzlog pa ni ma gtogs so/ /gzhan ni ltung ba gong ma bzhin du sbyor cig/ //gos kha dog ma bsgyur ba dang tshon chen po la bcos pa'i gyon du mi gnang ba'i gleng gzhi ni rgyal po'i khab na te/ de'i tshe rgyal po gzugs can snying po'i yul khams na klu'i rgyal po ri bo dang dga' skyer ces bya ba gnyis shig gnas pas chu dron dang mchol? sogs pa yang rgyas char yang dus dus su bab pas nga'i yul na lo legs shing 'byor to/ /de gnyis klu dga' bo dang bsnyen dga' bo dag nyis la zla bltas ta/ dus dus su bcom ldan 'das la bsnyen bkur byas pas 'khor 'phel te/ gnas med pas rgya mtsho 'dod bar sangs rgyas la gsol na ma gnang ste/ khyed gnyis rgyal po'i yul na gnas par na/ rgyal po la gsol cig ces bka' stsal to/ /dus gzhan zhig na de gnyis khyim bdag gi cha lugs su sprul te/ sangs rgyas kyi spyan snga na de gnyis chos nyan cing 'dug pa'i tshe/ rgyal po gzugs can snying po yang bdag dar 'ongs na de gnyis langs snyam nas te 'ongs pa dang/ ma langs pas rgyal po yang khros te/ bcom

  270. 135b

    ldan 'das kyis rgyal po la de'i chos kyang ma bshad do/ /rgyal pos ma shes te/ klu gnyis bskrad pas de gnyis kyang mtsho chen por dong ngo/ /de'i tshe na rgyal po'i yul phyogs su mtshe'u dang lteng ka dag kyang bskams chad dag dus dus su ma ba pas lo nyes so/ /de nas rgyal pos bcom ldan 'das la ji ltar nongs par zhus pas dang/ rgyal pos klu khyim bdag nyid shig bskrad pa dran nam zhes bkas smras na dran no zhes gsol pa dang/ de gnyis klu'i rgyal po ri bo dang dga' skyed gnyis yin te de gnyis khros pas rgya mtshor dong bas so zhes byas pa dang/ 'o na bcom ldan 'das bdag gi yul du ma rung mod ces gsol pa dang/ bzod pa gsol ba'i dus dang phyis de gnyis dang phrad par dus bcom ldan 'das kyis mdzad de gnyis dang gcig la cig bzod pa byas kyi 'og tu/ klu'i rgyal po gnyis kyis phyir rgyal po'i yul du 'ong bar gsol ba btab na/ ded cag gnas pa'i gnas nyid du nged kyis g.yog cig bzhag gis/ de gnyis kyi khang pa brtsigs shig dus dus su 'ong ngo zhes dus byas so/ /de gnyis spro ba'i rol mo byed pa'i cho phyogs nas rol mo mkhan cig 'ongs pas/ dge slong ma bcu gnyis sde las byang chub spyod pa mdzad pa'i gar thabs bslabs te/ byas pas dad pa rnams ni dga' bar byas so/ /ma dad pa rnams dga' zhing mos par bye ba'i phyir/ tshe dang ldan pa mos pa can dang 'char ka lta bur bcos nas gcig gi mdun du gcig tsog tsog por 'dug nas gcig la gcig zas kyis lhag mar byas nas/ thal ba gyo mo gang mgo bor bsnun cing drug sde po la dpyas pa ma dad pa rnams/ kyang dad par gyur/ drug sde ni mi dga' bar gyur nas/ rol mo mkhan de la gnod pa zhig bya bar bsams nas/ lha dang rol mo mkhan gyi cha lugs 'dra bar yo byad dang gos dag sbyar nas

  271. 136a

    la zla bar bya'o zhes/ phyogs gcig tu byang chub spyod pa gar thabs sbyar bas/ rol mo mkhan rnams kyang drug sde po rnams yin no snyam du 'phrigs te dze ta'i tshal du bsgugs na bsnyen dga' bo'i gdong la sa tshon zhig 'dug pa mthong ste/ de phyin chad bsnyen dga' bo la gar mi bya ba dang phyas mi gdab par gsol ba btab te/ rngan pa'i ltar rol mo'i cha spyad bzhag ste/ phyis ci rnyed pa drug sde la byin pas na/ gar mkhan mi dga' zhing mi snyan par zer ba las/ dge slong dag gis thos pa snyan du bdas te/ drug sde la rmas te/ bkas smad nas de lta bas nyes pa 'di dmigs su gyur pa thams cad kyang chos gos kha dog ma bsgyur ba dang/ tshon chen po las gyur pas na khyim pa'i ma brtags pa dang/ tshon chen po'i gos gyon du mi gnad par 'dul ba la bslab pa'i gnas bcas so/ /yang dge slong zhes bya ba ni drug sde ste/ gzhan yang de dang 'dra ba'o/ /gos zhes bya ba ni gos kyi rgyu rnam pa bdun gsungs pa las gang yang rung ba'o/ /gsar zhes bya ba ni rnam pa gnyis te/ sang pa nyid sar pa dang/ gsar du rnyed pas gsar pa'o/ /kha dog rnam pa gsum du bsgyur cing zhes bya ba ni 'og nas 'byung ba'i kha dog rnams las gang yang rung ba'o/ /sngon po zhes bya ba ni rims kyis sngo ba'o/ /dmar po zhes bya ba ni bcag? go /ngur smrig ces bya ba ni shing shun dang me tog gis bsgyur ba'o/ /ltung ba ni snga ma bzhin no/ /nyes pa ni kha dog rnam pa gsum du gang yang rung ste/ gcig tu ma bsgyur ba gyon na thams cad du ltung bar 'gyur ro/ /tha na lhung bzed kyi snod yan chad kyang kha dog ma bsgyur bar spyod na thams cad tu nyes par 'gyur ro/ /tshon chen po brgyad mi gnang ba'i ni rgya skyegs dang/ bcod dang/ mtshal? dang/ du ra kum dang/ mthing shing dang/ li kri dang rma shing dang/ leb rgan tshon te de rnams ma brtags te nyes byas su 'gyur ro

  272. 136b

    zhe'o/ /rin po che la reg tu mi gnad ba'i gleng gzhi ni mnyan du yod pa na te/ de'i tshe tshe dang ldan pa 'char kas yul mi'i byis pa rtsal dang rol mo slob cing sbyor ba'i sar song nas/ de dag gi slob dpon gzhan du song ste mi 'dug pa'i phyi ni slob ma rnams gtses te de dag la phongs dang rol mo byed du bcug pa dang ma mgu ste/ bzhin bsgyur cing mig btsums nas khyed kyi mkhan po yang mi mkhas na khyed lta ga la shes te khyed rnams ni phub ma phyar ba dang 'dra ste/ 'bras bu mad do zhes byas nas/ tshe dang ldan pa 'cha? kas 'phongs rtsal dang gar stabs dag byas te la bzlas pas byis pa rnams kyang mi dga' nas 'gyod cing 'khod pa dang/ de dag gi slob dong ma 'ongs pa la bdag cag ni phub ma phyar ba dang 'dra'o zhes/ 'phags pa 'char ka zer ro zhes byas pa dang/ 'di ni yus te 'phags pa 'char ka po ni byang chub sems dpa' rol mo pa'i tshe yang 'phongs rtsal dang/ rol mo mkhan gyi mchog yin pa de lta bu ni'u bus mi lobs mod kyis 'on kyang ngas shes pa tsam slobs shig ces slob ma rnams la bsgo nas/ slob dpon gyis 'char ka yang sngan chad mi rtse bar gsol te/ de'i rngan pa'i brngar rol mo dang rtsal gyi cha spyad bzhag pas byis pa rnams mi snyan par 'dzer cing 'phya bar gyur pa dang/ slad kyis yangs pa'i grong khyer na li tsa byi'i byis pa rnams chu la 'khru ba'i tshe rgyan rnams bkrol te bzhag pa dge slong bsnyen dga' bos gnod sbyin gyis nor ro zhes blangs pa byis pa rnams kyis bsnyags te 'dren pa dang rgan pho zhig gis mthong nas des byas te phyir byin pa dang/ byis pas sas gtor ba dang/ lha khang du phyin nas dge slong dag gis de la ci nyes zhes dris na/ des kyang de bzhin du gtam byas te/ de lta bu'i nyes pa'i dmigs kyang byung mod kyi de'i tshe 'dul ba la bslab pa'i gnas ma bcas so/ /slad kyis grong khyer yangs pa can na li tsa byi'i skyed mos tshal

  273. 137a

    sum cu rtsa gsum pa'i 'dres pa'i tshal dang 'dra'o zhes/ sangs rgyas kyis bsngags pa drug sde dag gis thos nas de ci 'dra ba blta'o zhes nang du zhugs te/ khrus kyi rdzing dang rol mo'i cha spyad dag ma skyes dgri la cha'i rnga po che yod de/ tshe dang ldan pa drug sde rnams kyis thog mar ni khrus byas/ de'i 'og tu rnga rdungs pas ma skyes dgra'i dmag 'od snyam ste li tsha byi kun skrag ste skyed mos tshal du lhags so/ /drug sde na dgra ni med kyi ded kyis ku re zhig byas so zhes byas pa dang/ de kun ni bar tu skrag cing krugs? na/ ci rtsed mo zhig ces mi snyin par zer ba las/ rin po che dang nye ba'i rin po chos te/ rol mo dang sgra cha la sogs pa len cing spyod do zhes skye bo rnams mi snyan par zer ba snyan du 'das nas drug sde rnams la rmas te/ rnam grangs du mas smad nas rin po che dang/ rin po che lta bu la reg tu mi gnang bar 'dul ba la bslab pa'i gnas bcas so/ /dge slong zhes bya ba ni drug sde ste gzhan yang de dang 'dra ba'o/ /rin po che zhes bya ba ni nor bu dang/ mu tig bai DUrya dang man shel dang/ g.yas su 'khyil ba dang/ gser dngul la sogs pa'o/ /rin po che lta bu zhes bya ba ni thab mo'i mtshon cha dang/ rol mo'i cha spyad thams cad la rin po che zhes bya'o/ /rang gi lag gis zhes bya ba ni bdag gis blangs pa'o// gnas khang gi nad dang kun dga' ra ba'i nang na 'dug pa ma gtogs zhes bya ba ni/ gtsug lag khang dang kun dga' i mtshams kyi nang na 'dug pa'o/ /de yang ri dags dgra'i ma sa ga bcom ldan 'das la phyag 'tshal du 'ongs pa/ rko long du gyur du dogs nas rgyan rnams bkrol te sgo'i lkog tu bzhag pa tshe dang ldan pa kun dga' bos mthong nas stong du dogs pas blangs te/ snyan du zhus pa las slan chad de lta bu de dag long la bdag po ma 'ongs na zhag drug gi bar du zhog cig /de ste yang ma 'ongs na

  274. 137b

    dge 'dun gyi mdzod du brubs shig pa'o/ /ltung ba ni ngan song gsum du ltung ba'o/ /nyes pa ni dge slong gis nor bu dang dung dang/ man shel dang/ gser dang dngul dag blangs na ltung bar 'gyur ro/ /rnga dang rol mo'i cha byad dang gzhu rgyud med pa spyad na nyes byas su 'gyur ro/ /gzhu rgyud dang bcas pa dang mnga' mde'u can 'chad na yang ltung bar 'gyur ro/ /dung 'bud pa las blangs na ltung bar gyur ro/ /sku gzugs ring bsrel dang bcas pa len na ltung bar 'gyur ro/ /ring bsel med pa'am 'du shes bskyed na nyes byas su 'gyur ro// //khrus byed du sngar mi snang slad kyis tsha ba'i dus la dgongs nas gnang ba'i gleng gzhi ni rgyal po'i khab na te/ de'i tshe na rgyal po gzugs can snying po'i yul na chu dron gsum bdog ste/ gcig tu ni rgyal po nyid khrus byed gnyis par ni btsun mo'i tshogs rnams khrus byed/ gsum par ni? 'phangs rnams khrus byed do/ /de nas rgyal pos bsams pa/ bdag gi bcom ldan 'das kyi dge 'dun la cis kyang bstabs na chu dron gyis ma bstabs kyi dbul lo snyam nas rgyal po sangs rgyas la chos nyan pa'i rjes la btsun mo 'khru ba ni dge 'dun mo rnams la phul/ bdag drang 'khru ba'i rdzing ni dge 'dun la phul to/ bdag 'khru ba'i tshe ni dge 'dun pa zhes/ dge 'dun 'khru ba'i tshe ni bdag sdang zhes nas/ de bzhin du gnang ba dang drug sde rnams kyis bkyal ka bya bar bsams te/ ring du thogs par bya ba'i res kyis spreng zhing khrus byed/ gcig 'khru ba'i tshe gcig grogs byed nas/ rgyal po 'khrur 'ongs pa ring zhig tu bsdad na/ drug sde dag ring du thogs na sdod skyo nas chu bcus te khrus byas so/ /de nas bcom ldan 'das kyi gan du song ste/ phyag byas nas kha reg ste slar song ngo/ /de nas bcom ldan 'das kyis kun dga' bo la rmas pa/ rgyal po 'di sngon ni phyag byas nas chos kyang mnyan na/ da ni chos kyang ma mnyan par slar song na ci nyes zhes rmas na drug sdes bkyal ko 'di lta bu byas pas

  275. 138a

    ma rangs pa 'dra'o zhes gsol nas phyin chad 'khrung mi gnang ngo zhes bcas pa las/ /phyis dge slong dag dri mche zhing mnam nas/ khyim pa dag 'phya zhing khyed dri mas grol thad tam zhes 'phya ba las phyin chad zla ba phyed cing khrus byed par gnang ngo/ /dpyid tshe ba'i zla ba gsum ni khrus gnang ngo/ /slan chad na pa dang rlung dang char gyi tshe dus lam bab par yang 'khrud gnang ngo/ /zla ba phyed phyed cing khrus kyis shig ces bya ba ni dpyid cha ba'i dus te zla ba phyed kyi rjes la gnang ba'i sangs rgyas ni dngos su zad do/ /de dang 'gal bar byas na dus la bab pa ma gtogs zhes bya ba ni dus ni yin te/ dpyid smad kyi zla ba phyed dang gnyis ces bya ba ni zla ba phyed dang gnyis na dpyad tshul du 'jug pa'o/ /dpyad gyo? dngos po zhes bya ba ni tshul du zhugs nas zla ba gcig gi bar du ste/ zla ba phyed dang gsum po 'di dag ni rab tu tsha ba'i dus so/ /lhag ma nab dus zhes bya ba ni dge slong nad kyis btab pa/ thus ma byas na 'tsho bar mi 'gyur ro/ /las dus zhes bya ba ni dge 'dun nam mchod rten gyi las te/ phyag dang dkyil 'khor ba tsam byas na 'khrur gnad do/ /lam dus zhes bya ba ni dpag tshad phyed tsam/ gcig tsam nas slar 'khor ba'o/ /rlung dus zhes bya ba ni tha na rlung gi chos gos kyi tha ma bzlog pa'am/ lus la char gyi thigs pa gcig gnyis phog pa tsam yang ngo/ /dus yin zhes bya ba ni de dang mthun pa'i chos so/ /dge slong khrus byed na dus la bab po snyam du sems la khrus kyis shig ma bsams par byas na ltung bar 'gyur ro/ /dge slong rlung chu dang 'bab chu dang/ rdzing bu gang yang rung bas khrus byed na lte ba khung gi bar ma phyin gyi bar du ni nyes byas so/ /phyin na ltung bar 'gyur ro/ /gzhan ni skabs gzhan nas 'byung ba dang sbyor cig /ltung ba drug cu pa rdzogs so// //byol song gsod du mi gnang

  276. 138b

    la 'di gleng gzhi ni mnyan du yod pa na te/ de'i tshe na tshe dang ldan pa 'char ka nad par langs nas/ grong du bsod snyoms la phyin pa dang/ mnyan du yod pa na 'phongs rtsal slob pa dag? cig 'dug par mthong ste/ 'phongs slob pa'i slob dpon ni gzhan du song ba'i skabs su slob ma dag gi gan du 'char ka song ste/ des byis pa rnams la khyed 'phongs slob pa ni slob pa'i mchog la zhugs pa ni legs te/ des lta yis snga 'phongs phyi 'phongs g.yas kyis 'phongs g.yon gyis 'phongs dang/ mda' lngas 'phang pa dag shes sam mi shes sam mi shes 'phan du bcug na de dag mi shes pa dang/ mgo bsgyur lag pa dang bzhin bsgyur te mi gu nas/ byis pa khyed rnams ni phub ma phyar ba dang 'dra don med do zhes nas kha bdag gis bya rog gcig gis bya rog gcig nam mkha' la song ba la mangs bya rog gi mdun rgyab tu mda' re re 'phangs te bar snang la 'phags pa'i mda' gcig gis song nas song ngo/ /de dag gi slob dpon phyis 'ongs pa dang/ de dag sems khong du chud cing 'khod pa la rmas na 'char ka 'dir 'ongs te/ 'di skad ces zer te khyed ni phub ma phyar ba dang 'dra ste don med do zhes zer ro/ /de na re de rab tu ma byung na 'dzam bu gling na 'phongs rtsal te de tsam las mkhas pa med de/ /de dang bsdod ma rung gis re zhig das ci shes pa tsam slobs shig ces bsgo nas/ phyi nas yang rtser dogs nas thabs shig bya bar bsams te slob ma dag la bsgo ba khyed kyis kyang 'char ka po'i 'phongs lobs pa'i thabs yod kyi bya rog gi ro shing kar thogs la 'char ka gang nas gang du bsod bsnyoms la 'gro ba'i tshe phyi bzhin du song la 'char ka'i 'phongs la ltos shig ces sgrogs shig ces byas nas/ de dag gis kyang de ltar byas pa dang/ dge sbyong shAkya'i bu ni rngon pa dang 'dra ste/ snying rje med pa'o zhes 'phya ba las snyan du bdas nas/ byol song

  277. 149a

    ba song du mi gnang bar 'dul ba la bslab pa'i gnas bcas so/ /yang dge slong zhes bya ba ni 'chad ka ste gzhan yang chos 'di la zhugs pa'o/ /ched du bsams zhes bya ba ni srog chags yin par yang 'du shes la gsod sems dang yang ldan pa'o/ /byol song gi skye gnas zhes bya ba ni bya rog ste/ gzhan yang byol song gang yang rung ba ste/ gzhan yang byol song gang yang rung ba'o/ /bsad ces bya ba ni srog dang bral ba'o/ /nyes pa ni dge slong gis byol song gi skye gnas su gyur pa la/ gsod sems kyis tha na rgya shug gi 'brum bu gcig gam yungs kar gyi 'brum bu gcig gis bsnun te shi na yang thams cad du ltung bar 'gyur ro/ /dge slong gis dge slong la 'gyod pa bskyed du mi gnang ba'i gleng gzhi ni mnyan du yod pa na te/ dge slong bcu bdun sde dag drug sde dag gis rgyus mi shes kyi bar du de dag la gnas 'cha' zhing bsnyen bkur byad do/ /de'i tshe 'char kas gcig la las shig bcol na/ khyed ni ded kyis slob dpon ni ma yin zhes ma btub pa dang/ 'char kas de dag bskrad de bkye ba dang nad bgros pa bdag cag khong gis brnyas pa ni shes pa chung bas de dag gis brnyas kyis shes/ thos pa tshol bar dge slong gzhan zhig gi gan du lung nod cing kha ton byed do/ de nas bsnyen dga' bos byis pa de dag gar song zhes smras pa dang 'char kas de dag ni dag du ma btub nas ngas bskrad do zhes byas pa dang/ bsnyen dga' bo na re de ni ma legs sbrul nyal ba bslangs pa dang 'dra ba bskrad de ci bya/ bdag cag la gnong par 'gyur ro zhes byas pa dang/ 'char ka na de do? dag gi bar chad bya bar ngas nus so zhe nas/ de dag gi gan du song ste byis pa khye rnams ci byed ces smras pa dang/ nged ni thos pa tshol lo/ /thos pas ci bya dbang po smin par 'gyur ro/ /des ci zhig bya zag pa

  278. 139b

    med pa'i shes rab bskyed do/ /des ci bya mya ngan las 'da' ba mngon sum du bya'o/ /'char ka na re khyod kyis thos pa ni ma thos pa ma thos pa ni thos te/ khyed rnams lo nyi shu ma lon par bsnyen par rdzogs pas na/ khyed rnams kyang bsnyen par ma rdzogs pa la dge slong dag kyang 'das pa dang bcas pa'o zhes ma gsungs ma/ khyed dge slong du ma gyur na mnyan te ci phan zhes byas pas de dag sems khong du chud de 'gyod cing 'khod pa dang/ de dag gi slob dpon 'ongs te khyod ci'i phyir sems shing 'khod nas byas pa dang/ 'char ka na re 'di skad zer ro zhes zhib tu smras pa dang/ slob dpon na re las dang po pa la nyes pa med ces gsungs pas na khyed la nyes pa med de the tshom ma byed cig ces bsgo'o/ /dge slong rnams ci'i phyir dge slong la 'gyod pa bskyed du gzhug ces 'phya ba las snyan du bdas nas/ bkas smad de dge slong la 'gyod pa bskyed du mi gnang bar bslab pa bcas so/ /yang dge slong zhes bya ba ni 'char ka ste gzhan yang de dang 'dra ba'o/ /ched du bsams zhes bya ba ni sems kyi bya bar sems pa'o/ /skad cig mi dga' bor bya bar bsams nas 'gyod pa bskyed na thams cad du ltung bar 'gyur ro/ /dge slong ma yin pa phas pham pa la sogs pas dge slong 'gyod pa bskyed du bcug na 'gyod pa skyes kyang rung ma skyes kyang rung bzhad gang phyir yang rung ltung bar 'gyur ro/ /tshe dang ldan pa khyod kyis nyi ma dang zla ba spyang kis zin pa dang/ tshong dpon dang ded dpon dang nor can de lta bu dang dran nam mi dran zhes smras pa las mi dran no zhes smras pa la/ 'on kyang khyod kyis bsnyen par ma rdzogs so zhes 'gyod pa bskyed na thams cad du ltung ba re rer 'gyur ro/ /tshe dang ldan pa khyod mkhan po dang slob dpon mi rigs pa las bsnyen par rdzogs pas nang gi slong gi dngos po med do zhes pa'i 'gyod pa bskyed na ltung bar 'gyur ro//

  279. 140a

    sdig par blta ba las bzlog pa'am bcas pa'i phyir ni nyes pa med do// //mdzub mos gag tshil byed du ming nang ba'i gleng gzhi ni mnyan du yod pa na te/ de'i tshe bcu bdun sde rnams gcig las su bskos na/ kun bsdod zhing grogs byed de/ /phyis gcig la gtsug lag khang skyong gi res la bab nas/ des kyang chos 'chad pa'i stan kun bting nas/ bdag gcig pu gtsug lag khang chag chag gdab pa dang phyag dar dang gtsug lag khang rgyan gyis brgyan pa la sogs pa kun byas te/ de'i nub mo gcig gis kyang grogs ma byas te sha thang ngo/ /bcu bdun po gcig la cig ltos ltos pa las sus kyang grogs ma byas te/ gcig pu mtshan gcig lus pas nang par de khros pa la kun gyis zan zos kyi bar du bzod bar gsol na ma btub nas/ gcig gis ga ga tshil byas na de yang dgod pa dang/ thabs de rung ngo zhes kun gyis byas pa dang/ rlung gis subs te dus las 'das so/ /de nas de rnams du zhing 'khod pa las dge slong dag gis mthong ba ste/ 'phya ba las snyan du bdas nas/ ga ga tshil byed du mi gnang bar bslab pa bcas so/ /dge slong zhes bya ba ni bcu bdun sde'o/ /ga ga tshil zhes bya ba ni g.ya' bar 'gyur ba'o/ /chags bzhin du ga ga tshil byas na sor mo dus reg pa ltung ba yang de snyed do/ /rma dang mdze dang sme ba dang/ spu 'khril ba la sogs pa bstan cing 'khrug pa la ni nyes pa med do// //chu la dga' zhing rtser mi gnang ba'i gleng gzhi ni mnyan du yod pa na te/ de'i tshe na dge slong bcu bdun sde'i nang na u pa li zhes bya ba las nyon mongs pa thams cad spangs te dge bcom pa mngon sum byas so/ /des grogs po dag 'dul bar 'dod nas/ chu bo khyim ldan zhes bya ba'i nang na khrus byed pa'i tshe rtse zhing 'khod do/ /tshe dang ldan pa u pa li ni skam la 'dug go /de'i

  280. 140b

    chen rgyal po gsal rgya la dang/ btsun mo 'phreng ldan ma gnyis khang pa'i yang thog na 'khod pas bcu bdun sde gcer bur byung nas chu'i nang nas mdzes par rtse zhing 'khod par mthong ngo/ /rgyal po gsal rgyal na re btsun phal khyod kyi spyir gnas kyi mdzas pa la ltos zhes byas ba dang/ btsun mo na re de dag na ni gzhon pa rtse ba ni ngo mtshar mi che/ rgyal po bgres po nyid kyang de rung rtsed mo mi gtod na zhes byas so/ /de nas tshe dang ldan pa u pa lis bdag cag chu la rtse ba la mi dag mi dga' ba med grang zhes ting nge 'dzin lta? zhugs te brtags na/ rgyal po gsal rgyal ma dang bar mthon gnas/ rgyal po 'ga' zhing dad par bya ba'i phyir dge slong gzhan ngas chos gsol 'dzur bcug ste/ stong gi nam mkha' las rgyal po'i steng na mar lding ste dong pa las brtse mos grib ma zhegs ? ste bltas na/ u pa li la sogs pa bcu bdun sde rnams te/ chu'i nang du bye'u zul byas sam/ steng du phyung dam/ pha rol chur? bgyi bgram du 'am/ chung

  281. 141a

    rnga brdungs ngam chu'i nang du sbal skad 'byin pa la sogs pa byed na thams cad du ltung ba re rer 'gyur ro/ /chu la bem rdol gyis bsnun tam/ tshod ma'i khu ba dang/ 'bras kyi khu ba la ri mo 'bri zhing rtse na nyes byas su 'gyur ro/ /sim zhing gsil bar bya ba dang/ rkyal slob pa la nyes pa med do// //bud med dang khyim gcig du nyal du mi gnang ba'i gleng gzhi ni mnyan du yod pa na te/ de'i tshe na tshe dang ldan pa ma 'gags pa bcom ldan 'das kyis gsung rab la brten te 'bad rtsol bas dgra bcom pa mngon sum du byas so/ /bcom ldan 'das kyi bka' drin bsab cing lan glon pa'i phyir sems can gyi don la ljongs rgyu zhing song ba las nub mo grong zhig tu phyin nas/ rgongs mal med nas grong mis bstan te/ khyi'u spyi brdol can gyi khyim du nyol zhes byas pa dang/ khyi'u spyi brdol can gyis dge slong ma 'gags pa khrid de song nas nub mo der bsnyal pa dang/ dge slong yang de na nyal lo zhes sgra kun du grags so/ /de'i nub mo khyi'u de'i mas dge slong la zan dang rkang pa bsku ba'i mar gyi bstabs shing mi tshangs par spyad par rdod na/ dge slong de yang ma btub po bud med de yang 'dod chags kyis kun tu gnod pas nam phyed na dge slong la bsnyen cing gzung bar byas pa dang/ 'phags pa des steng gi nam mkha' la 'phags te/ rdzu 'phrul dang cho 'phrul bstan pa dang de yang dad par gyur te/ zan gyis bstabs pa dang/ de yang sgo chod cig dang nad par bza' o zhes nas/ 'phags pa de yang sgo gcod cing nad na 'dug pa dang/ bud med de'i ming pho gcig cig kyang khyim ches gzhan dag dang rtsod cing 'thabs pas na/ khyod kyi sring mos dge slong dag kyang ma shor to byas pa dang de gnyis kyang khros te/ dge slong dang sring mo gnyi ka gsod do zhes ral gri thogs te srong ba dang/ yul gyi

  282. 141b

    ltad mo la yang mang du lhags nas de sgo phye ste bltas pa dang/ 'phags pa ma 'gags pas nam mkha' la rdzu 'phrul byas pa dang/ skye bo dag kyang dad par byas so/ /de slar log nas mi rgod lnga brgya lam du btul nas phyir mnyan du yod par phyin pa dang/ dge slong dag gis tshe dang ldan pa bde bar 'ongs sam zhes dris na sems can gyi don byas pa ni bden mod kyi/ khyi'u spyi brdol can gyi ma'i ming po gnyis kyis had por de'u bsad do zhes byas pa dang/ dge slong dag gis snyan du gsol nas bud med dang khyim gcig gi nang du nyal du mi gnang bar 'dul ba la bslab pa'i gnas bcas so/ /yang dge slong gang zhes bya ba ni ma 'gag pa ste/ gzhan yang de dang 'dra pa'o/ /bud med ces bya ba ni gang phud med gzhan nu ma mi tshangs par spyod pa 'khrig pa'i chos bzod pa'o/ /lhan cig ces bya ba ni dge slong dang bud med lhan cig tu 'dug pa'o/ /khyim zhes bya ba ni mdza' bskor ba dang steng g.yogs pa'o/ /ltung ba ni bsreg pa dang btso ba snga ma bzhin no/ /dge slong steng khang na nyal la bud med 'og khang na nyal na/ dge slong des skas phyung shig yang na sgo bstan chug shig yang na bsrung ba'i dge slong zhog shig /de ltar ma byas na skya rengs ma shar gyi bar du ni nyes byas shar na ltung bar 'gyur ro/ /dge slong gcig la cig sdangs par byed tu mi gnang ba'i gleng gzhi ni mnyan du yod pa na te/ de'i tshe na tshe dang ldan pa bcu bdun sde rnams drug sde rnams la gnas 'cha' zhing brten pa'i tshe 'char kas cig la las bco la ma btub pa las 'char kas bskrad do/ /de dag kyang bdag cag thos pa 'dzin du dong ngo zhes klog? pa la zhugs so/ /'char kas de ltar thos pa 'dzin to zhes bsnyen dga' bo la gtam byas pa dang/ bsnyen dga' bo na re re ni ma legs te bdag cag la gnod par 'gyur ro/ /'char kas bsnyen dga' bo la ras de dge slong lobs ni brjod ? phyi ma ti ??

  283. 142a

    lobs par bya nus so zhes nas la ba yun mo zhig bzlog ste/ gyon nas bcu bdun sde me mar dag bus nas klog pa la zhugs pa dang/ 'char kas la ba gyon te 'byung po 'byung ba zhes bsdigs pas de dag sgrag pas klog pa btang ste 'khod pa dang/ de dag gi slob dpon 'ongs pa la byas na de dag gis 'char ka yin par 'phrigs nas phyi de nub mog? bzhir mar me bzhi bus te bkab ste bzhag nas 'dug pa dang/ yang 'char ka 'ongs te snga ma bzhin du 'byung po 'byung po zhes byas pa dang/ de dag gis sgo bcad te mar me phyung ste bzung nas brdegs so/ /de na re nga ni 'char ga po yin zhes smras na/ de dag na re 'char ka po ni da ltar rnam par grol ba'i bsam gtan la 'dug na 'dir ci 'dod ces brdegs nas shin tu smad do// nad par lus mar gyis skud cing mnye ba las dge slong gzhan dag gis ci nyes zhes byas na ngas de bzhin du bsdigs pa'i las khong gis brdegs te snang ngo zhes byas pa dang/ don nyung ngu ba'i dge slong dag 'phya ste ci'i phyin dge slong gis dge slong la sdangs par byed ces 'phya ba las bslab pa bcas so/ /yang dge slong gang zhes bya ba ni 'char ka ste gzhan yang de dang 'dra ba'o/ /dge slong 'di zhes bya ba ni chos 'di la zhugs pa'o/ /sdangs par byed ces bya ba ni bdag gis byed pa'o/ /byed du bcug ces bya ba ni gzhan la'o/ /tha na rtsed mor bsams zhes bya ba ni rtsed mo yang ltung bar 'gyur ro zhe'o/ /dge slong gis sdangs par byas par bsams nas yid du mi 'ong ba'i gzugs srin po 'dra ba 'am/ yi dags dang sha za dang grul bum ngang lus srul po lta bu 'am/ stag gzig 'phar sbyang lta bu 'am/ kha dog yid du mi 'ong zhing sgra mi snyan pa'i sgo nas/ dge slong la sdangs bar byed du 'jug na yang thams cad du ltung bar 'gyur ro/ /dge slong gis dge slong la sdangs lar bya bar

  284. 142b

    bsams nas yid du 'ong ba'i gzugs rgyal po dang blon po khyim bdag dang tshong dpon dang/ nor can dang lha dang klu dang/ nam mkha' lding gi gzugs lta bur ston cing de dag khyod la gsod bar byed do zhes smras pa las/ dge slong 'jigs par gyur kyang rung/ ma gyur kyang rung ste nyes byas su 'gyur ro/ /sems can dmyal ba'i gtam dang byol seng dang yi dags dang lha dang mi'i gtam smras pa la nyes pa med do/ /dge slong gi yo byad dang gos sped du mi gnang ba'i gleng gzhi ni mnyan du yod pa na te/ maung+gal gyi bus u pa li la sogs pa rab tu gyur ste/ bsnyen par rdzogs par byas nas/ drug sde rnams la gnas 'cha' zhing bsnyen bkur byed pa de na khyim bdag gcig gis bcom ldan 'das la sogs pa dge 'dun rnams bshos la spyan drangs te/ sangs rgyas bcom ldan 'das 'khor dang bcas pa grong du chos ston la sngar gshegs/ drug sde dang bcu bdun sde ni phyi na mar 'ben bzhin du 'brangs pa las/ lam gyi bar du gang na rdzing bu zhig chus gang zhing 'dug pa'i gan du phyin pa dang/ drug sde dang/ bcu bdun sde ku re byas par bsams nas drug sdes smras pa skye/ bcu bdun sde khyed rnams ni deng cag la shin tu bsngo bar byed na/ chu 'di'i nang du 'u bu cag zhugs la sus chu'i nang du dbugs ring du thub pa lta'o zhes byas pa dang/ bcu bdun sdes kyang de bzhin du bya'o/ /zhe nas de dag thams cad chu'i gting du zhugs pa dang bsnyen dga' bo de ma thag tu slar byung nas bcu bdun sde'i gos thams cad bsdus nas shing drung cig tu sbas te bzhag nas/ drug sde rnams rings shing myur bar rdzing nas byung nas bros so/ /de nas bcu bdun sde rnams steng du byung ste bltas na gcig kyang mi snang nas bdag cag pham tu dogs nas slar yang chu'i nang du zhugs so/ /slad kyis bltas na drug sde dang gos bcas par mi snang nas tshe dang ldan pa dag /bdag cag la drug sde dag gis ni bkyal ka zhig byas so zhes nas gos med de chu'i nang du 'khod pa las de'i tshe

  285. 143a

    na tshe dang ldan pa maung+gal gyi bu dang shA ri'i bu gnyis yul rgyu zhing song bas bcu bdun sde rnams gcer bur chu'i nad na 'khod pa mthong nas/ shA ri'i bus maung+gal gyi bu la khyod kyi slob ma mdzes ba la ltos zhes byas so/ /de nas maung+gal gyi bus ting nge 'dzin du zhugs te brtags na/ drug sdes gos rnams shing tshang tshing zhig gi nang na spas pa rnyed do/ /slob ma dag la byin nas zan la dong ba dang dge slong dag zan zos te/ grong nas slar log pa dang lam du phrad nas/ /khyed cag gar ci ltar thogs thogs zhes smras na/ drug sdes ji ltar byas pa'i gtam byas pa dang/ dge slong dag dge slong gi gos sped ces mi snyan par 'dzer pa snyan du bdas te/ bkas smad nas gos sbed du mi gnang bar 'dul ba la bslab pa'i gnas bcas so/ /yang dge slong gang zhes bya ba ni bsnyen dga' bo ste gzhan yang de dang 'dra ba'o/ /dge slong zhes bya ba ni chos 'di la zhugs pa'o/ /dge slong ma dang dge tshul la sogs/ pa ming gis smos pa rnams kyi yo byad sbas na nyes par 'gyur gzhan gyi mi 'gyur pa'i don to/ /lhung bzed dang chos gos la sogs pa yo byad smos pa rnams dge slong 'chang du dbang ba'i yo byad sbas na ltung bar 'gyur ro/ /'chad du mi dbang ba sbas na nyes byas so/ /sbed dam zhes bya ba ni bdag gis so/ /sbed du bcug ces bya ba ni gzhan la'o/ /de dang 'dra ba'i rkyen ma gtogs zhes bya ba ni mnyan du yod pa na dge slong gcig gis chos gos dag cig bcol ba las/ dge slong de yang rkyen cig byung nas yul gzhan du bos te 'gro ba'i cho gos ba sbas nas song ba las slad kyis ltung bar gyur tam ma gyur snyam du the tshom za ba las snyan du bdas nas/ gzhan la gnod par bya ba'i sems med de rkyen byung ba'i tshe sped pa ni rjes su gnang ba'o/ /mi rgod dang rkun pos phrogs su dogs pa lta bu dang/ gos stong zhing chus khyer du dogs pa las spas pa ni nyes pa med do// //

  286. 143b

    dge slong gi gos gdeng med par gyon du mi gnang ba'i gleng gzhi ni mnyan du yod pa na te/ de'i tshe tshe dang ldan pa 'char ka ni dgra bcom pa thob/ mos pa can ni ko'u sham+b+hi na 'dug /tha skar skyes dang nabs so ni shi/ dga' bo dang bsnyen dga' bo gnyis ni mnyan du yod pa na dge 'dun gyi nang na gnas te/ de yang rgas 'khogs pas nye gnas rnams kyang tshig nyan du ma btub nas/ gos kha dog bsgyur cing 'tshed par yang mi nus pas thabs shig bya'o snyam nas gnas 'cha' ba rnams gos byin pa ltar byas te/ gos kha dog bsgyur cing 'ched du bcug pa dang/ de dag gis kyang bden par byin snyam nas/ gos pa rnying pa thams cad bkrus/ kha dog bsgyur drubs nas 'chad zhing 'khod pa las dus phyi zhig na/ bcom ldan 'das yul gzhan du ljongs rgyu zhing gshegs pa'i tshe de dag kyang zham 'brid du 'gro bar chad de/ gos rnams phyir bsnyen dga' bo nyid la gtam nas dong ngo/ /de dag song ba'i 'og tu bsnyen dga' bos gyon te/ rnying par byas so/ /de nas de dag phyir 'ongs nas gos bltas na dri ma can du gyur te gos sngon dang mi 'dra'o zhes pa dang/ bsnyen dga' bo bsnyon to/ /de nas bcom ldan 'das yang yul gzhan du ljongs rgyur gshegs pa'i tshe/ de dag gis gos ngan nas bcom ldan 'das kyis dge slong de dag gos ngan na ci'i phyir zhes smras pa dang/ bsnyen dga' bos sngar gos byin te de'i gder med par de ltar gyon no zhes zhib tu gsol pa dang/ dge slong gi chos ma yin zhes smad de gdeng med par gos gyon du mi gnang bar 'dul ba la bslab pa'i gnas bcas so/ /yang dge slong gang zhes bya ba ni bsnyen dga' bo ste gzhan yang de dang 'dra ba'o/ /dge slong zhes bya ba ni chos 'di la zhugs pa'o/ /gos zhes bya ba ni chos gos gsum po gang yang rung ba'o/ /byin zhes bya ba ni sngar byin pa'o/ /gdeng med ces bya ba ni slar byin pa'am/ brnyad byin te bgo ba la sogs pa spyad par ma byin pa'o//

  287. 144a

    gos gyon bas dga' bar 'gyur ro/ /snyam pa 'am/ mdza' bo rnam gsum lta bu'i gos spyad pa ni nyes pa med do// //dge slong la rtsa ba med par dge 'dun lhag pas skur du mi gnang ba'i gleng gzhi ni rgyal po'i khab na te/ de'i tshe dge slong ma utpa la'i mdog sangs rgyas la phyag 'tshal nas/ gyad bu nor bya rgod 'phungs pa'i ril 'dug pa'i gan du phyag 'tshal du song ba'i tshe/ gyad bu nor gyi chos gos rlung gis bdas pa/ utpa la'i mdog gi mgo la reg pa mdza' bo dang/ sa can gnyis de'i nye 'khor na phyag dar khrod 'khru zhing 'dug pas mthang nas/ sa can na re cod pan la reg na lhag mar 'gyur ro zhes bka' stsal na/ da ni gleng pa'i dus la bab po zhes bya ba dang/ mdza' bo na re sngar kyang bdag cag gis skur pa btab pa las do spangs na da yang ci spang bar 'dod dam zhes pa dang/ sa can na re sngon ni mi bden pas so/ /de ni bden yang rung zhes glengs pa dang/ dge slong gnas brtan dag gis dam du smros shig ces bka' stsal nas/ dge slong gnas brtan dag gis zhib tu smras pa dang/ bdag cag gis skur pa btab pa bden no zhes khas blangs pa dang/ don nyung ba'i dge slong dag 'phya ba las snyan du bdas te/ rtsa ba med pa'i lhag mas skur du mi gnang bar 'dul ba la bslab pa'i gnas bcas so/ /yang dge slong gang zhes bya ba ni mdza' bo dang sa can te gzhan yang de dang 'dra ba'o/ /zhe sdang can zhes bya ba ni zhe sdang ma spangs pa'o/ /khros zhes bya ba ni yi ma rangs pa'o/ /dge slong gtsang ma zhes bya ba ni gyad bu nor te zhes gzhan yang de dang 'dra ba'o/ /rtsa ba med ces bya ba ni rtsa ba gsum ste/ mthong ba'i rtsa ba dang/ dags pa'i rtsa ba dang/ thos pa'i rtsa ba med pa'o/ /dge 'dun gyi lhag ma zhes bya ba ni/ dge 'dun gyi lhag ma bcu gsum pa'i nang nas gang yang rung ba'o/ /skur ces bya

  288. 144b

    ba ni glang btab pa'o/ /ltung ba ni ngan song gsum du'o/ /nyes pa ni phas pham par gyur pa las lhag mar gyur pa las ji skad du 'byung ba bzhin du 'dir yang sbyor cig/ //skyes pa med par bud med dang lhan cig tu 'grong mi gnang ba'i gleng gzhi ni mnyan du yod pa na te/ de'i tshe rgyal po'i khab na tha ga pa zhig gnas pa de mnyan du yod pa na khyim bdag 'dug pa'i bu mo chung mar blangs so/ /de yang khro zhing gtum pa zhig pas/ rtag tu brdeg bas bros te 'gro'o snyam nas/ khyim tshes rgan mo zhig la byas pa dang/ rgan mo na re bu mo ma bros shig dang/ ngas thag pa la ma rdeg cig par bsgo'o/ /zhes na de'i tshe ma bros so/ /slad kyis tha ga pa yang ra ro te/ chang sring? can zhig pas brdeg pa dang/ bu mo de yang mnyan du yod par bros te song ngo/ /tha ga bas kyang phyi bzhin du bslags pa dang/ dge slong zhig mnyan du yod par 'gro ba dang 'grogs te song ba mthong nas/ 'phral du gzung du ni bdag gcig pu/ khong ni gnyis pas bdag gis mi gzung ngo snyam nas de tha ga pa'i grong nas tha ga pa rnams la nga'i chung ma shAkya'i dge sbyong gis phrogs kyis grogs kyis shig ces byas pa dang/ tha ga pa rnams ni yod gis kyang blo rtsing pas/ dge slong de bzung nas shin tu brdegs nas lhung bzed dang/ /bar sil ni bcag chos gos ni dral te de'u shi ba las/ tha ga pa dag gis bzod pa gsol te dge slong mnyan du yod par phyin pa dang/ dge slong gzhi pa rnams kyis bde bar 'ongs sam zhes byas pa dang/ lam du de lta'i phyir brdegs te de'u shi'o zhes byas pa dang/ ci'i phyir bud med dang gzhan du 'grogs shing 'gro zhes dge slong dag 'phya ba las snyan du bdas nas 'dul ba la bslab pa'i gnas bcas so/ /skyes pa med ces bya ba ni skyes pa gzhan med pa'o/ /bud med ces bya ba ni brgya rna ru bsod pa'o/ /lam du zhugs zhes bya ba ni 'gro ba'o/ /tha na grong par phyin zhes bya

  289. 145a

    ba ni grong khyer gcig nas gcig du brgyud de song ba'o/ /nyes pa ni rgyang grags re re zhing ltung bar 'gyur ro/ /rgyang grags phyed phyed cing nyes byas su 'gyur ro/ /bud med kyis bsel byas pa dang lam mtshon byas pa la nyes pa med do// ltung ba bdun bcu ba rdzogs so/ //dge slong 'gron pa rkun ma dang lhan cig 'grogs shing 'gror mi gnang ba'i gleng gzhi ni gzhi ni mnyan du yod pa na te/ de'i tshe dge slong zhig rgyal po'i khab na dbyar zla ba gsum tshul du zhugs nas dbyar zla ba gsum 'das nas tshul nas byung ste/ mnyan du yod par 'gro ba'i grogs med de grogs tshol ba las/ tshong pa sho gam las 'gyol ba dag cig mnyan du yod par 'gro ba dang phrad nas de dag dang 'grogs te gseb lam du zhugs te dong ba dang/ dge slong de tshod pa de dag pas cung zad sngar song ba dang/ sho gam bdag gis tshor nas sngar mdun du bsgugs te/ dge slong de mdun nas dpags te 'gro ba de dag gis mthong nas/ sngan chad kyang dge slong des lam dangs so zhes nas shin du brdegs nas chos gos kyang dral lhung bzed kyang bcag go /de nas dge slong de mnyan du yod par bde bar 'ongs sam zhes dge slong dag gis smras na/ de ltar gyur pa zhib tu byas pa dang/ dge slong dag ci'i phyir 'dron pa rkun ma dang 'grogs zhes dge slong dag 'phya ba las snyan du bdas nas/ bkas smad de 'gron pa rkun ma dang 'gro mi gnang bar 'dul ba la bslab pa'i gnas bcas so/ /dge slong zhes bya ba ni chos 'di la zhugs pa ste/ rgyal po'i khab nas mnyan du yod par 'gro ba'o/ /rkun po zhes bya ba ni sho gam lam byol ba'o/ /lam zhes bya ba ni dgon pa'i lam mo/ /nyes ga ni rgyang grags re re zhing ltung bar 'gyur ro/ /phyed phyed cing nyes byas so/ //lo nyi shu ma lon pa'i gang zag bsnyen par rdzogs su mi gnang ba'i gling gzhi ni mnyan du yod pa na te/ de'i

  290. 145b

    tshe maung+gal gyi bus bcu bdun sde lo nyi shu ma lon par rab tu byung zhing bsnyen par rdzogs par byas pa dang/ de dag nub mo zan? ma byin pa dang gang pa dang/ bkres pa dang/ rlung dang/ bru bas gzir bas na/ kun dga' ra pa'i nad na du zhing ca co 'don pa snyan du bdas nas/ de dag su yin zhes smras pa dang/ tshe dang ldan pa maung+gal gyi bus bcu bdun sde lo nyi shu ma lon par bsnyen par rdzogs par byas pas gyis pa gzhon nu grang ba dang/ bkres pa mi bzod pas du'o zhes gsol pa dang/ ci dge slong gis gang zag la nyi shu ma lon par dge slong gi dngos por byed dam zhes smad nas/ slan chad mi gnang bar 'dul ba la bslab pa'i gnas bcas so/ /dge slong zhes bya ba ni maung+gal gyi bu ste/ gzhan yang de dang 'dra ba'o/ /lo nyi shu ma lon zhes bya ba ni lo nyi shu ma tshang ba'o/ /bsnyen par rdzogs zhes bya ba ni gsol ba dang bzhi'i las kyis so/ /gang zag de yang bsnyan par rdzogs par mi 'gyur ro/ /zhes bya ba ni dge slong gi dngos po gang yin pa'o/ /dge slong 'di dag smad pa'o/ /zhes bya ba ni dge slong 'di na 'khod pa na bsnyen par rdzogs par byed pa rnams so/ /dge slong gis lo nyi shu ma lon pa'i gang zag lo nyi shu ma lon par 'du shes ba dang/ the tshom za na ltung ba re rer 'gyur ro/ /lo nyi shu lon nam ma lan zhes dris shig /dris te ma lon zhes zer ba bsnyen par rdzogs na ltung bar 'gyur ro/ /dge 'dun la ni nyes byas su 'gyur ro/ /de nas bsnyen par rdzogs zin pa'i 'og tu lo nyi shu ma tshang bar dran na ma'i mngal du chun chad rtsis shig /de ste yang mtshang na phob shig de nas slad kyis bsnyen par rdzogs par gyis shig /de ltar ma byas na gang zag de rkun gnas su gyur pa yin gyis dge 'dun gyi nang na gnas par mi bya'o/ /lo nyi shu tshang la nyi shu tshang bar 'du shes pa ni nyes med do/ //dge slong sa rkor mi gnang ba'i gleng gzhi ni mnyan du yod pa na te/ de'i tshe na dge slong drug sde po rnams rang gis sa rko zhing rkor

  291. 146a

    'jug /yur ba byed byed du 'jug pas mu stegs rnams kyis khyim pa dang/ bye brag ci yod ces 'phya ba las snyan du bdas nas/ bkas smad des rkor mi gnang bar 'dul ba la bslab pa'i gnas bcas so/ /yang dge slong zhes bya ba ni drug sde ste gzhan yang de dang 'dra ba'o/ /sa rko zhes bya ba ni bdag gis so/ /rkor 'jug ces bya ba ni gzhan la btsol ba'o/ /sa zhes bya ba ni rnam pa gnyis te/ mthas pa dang ma 'thas pa'o/ /dge slong gis sa 'thas pa brkos na ltung par 'gyur ro/ /sa la bris sam sa la brkos sam/ sa la blangs na ltung bar 'gyur ro/ /sa la phur pa btab pa dang/ yur ba drangs pa dang sa bkog pa dang/ rtsig pa la phur pa btab na ltung bar 'gyur ro/ /rtsig pa la ri mo bris sam/ rtsig ngos can bros pa'i sa bung ba dang/ 'dam rdzab kyi nang ril pa bzhag par phyung ba dang/ sa bram ba can rkos na thams cad du nyes byas re rer 'gyur ro/ /bye ma mang po la yang nyes byas so/ /skad ma'i cho ga la bab pa la las sar byed pa'i dge slong ngas rung bar byed pa'i mi med na so sor bzhi yan chad phur bas btab pa la nyes med do// //dge slong zla ba bzhir mgron du byas pa las ring du gnas su mi gnang ba'i gleng gzhi ni grong khyer ser skya'i gnas na/ de'i tshe na shAkya ming chen gyis bcom ldan 'das la sogs pa nyan thos kyi 'khor rnams zla ba bzhir bshos dang gzims cha la sogs pa sbyar nas/ mgron du gnyer cing zhal zas kyis bstabs pa'i tshe/ drug sde po rnams zla ba bzhi las 'da' bar bya ba'i phyir thabs su sbyar nas/ res kyis na zhing ngos kyis nad g.yog byed de/ zla ba bzhi tshad nas mjug gcod kyis gyen ston byas nas/ bcom ldan 'das dang dge slong rnams dad pa'i 'og tu drug sde rnams nad g.yog rnams ma thob ste/ skal ba 'dod do

  292. 146b

    zhes byas ba dang/ khyim bdag rnams kyis smras pa/ de dag kun gyis te tshogs kyang bshig nas/ zla ba bzhi ste rgyu med do zhes byas pa dang/ drug sde bo dag khros nas ci shAkya ming chen tsam mgron du byas pas chog gam/ de tsam gyis cho ga na ni ded kyis kyang nyin re re sbyor nus so zhes nas med du mi rung bar bslangs pas khyim bdag dag 'phya? zhing mi dga' bar gyur pa las zla ba bzhi las slong zhing 'dug tu mi gnang bar 'dul ba la bslab pa'i gnas bcas so/ /zla ba bzhi zhes bya ba ni zla ba bzhi? las ring du mi 'da' ba' o/ /dge slong zhes bya ba ni drug sde ste/ gzhan yang de dang 'dra ba'o/ /mgron du zhes bya ba ni mgron du gnyer zhing bos pa'o/ /bdag gir gyis shig ces bya ba ni zla ba bzhi'i bar du khas blangs pas bdag gir bya'o/ /de las 'das na zhes bya ba ni zla ba bzhi las lhag pa'o/ /so sor mgron du byas pa ma gtogs zhes bya ba ni so sor mgron na byas pa yin te/ zla ba bzhi las yol yang dge slong kha cig so sor tha dad par bos pa'o/ /yang dang yang mgron du byas pa ma gtogs zhes bya ba ni de ltar dge slong de dag yang dang yang mgron du byas pa'o/ /rtag tu mgron du byas pa ni dge slong dag la yon bdag gis rtag tu mgron du byas shing bstabs pa'o/ /de ni dus so zhes bya ba ni de dang mthun pa'i chos so/ /ltung ba zhes bya ba ni ngan song gsum du'o/ /nyes pa ni dge slong la mi zhim pa'i zas shig bstabs pa las zhim po zhig blangs na slong pa'i tshe nyes byas so/ /zos na ltung bar 'gyur ro/ /dge slong la zhim po zhig bstabs pa las mi zhim pa zhig bslangs pa ni nyes so/ /zos na nyes med do/ /ci 'dod ces bstabs pa las bslangs pa ni nyes med do// //dge slong gis dge slong la bslab pa 'di la slobs shig ces bsgo ba las bslab pa 'di la mi slob po zhes zer ba'i gleng gzhi ni rgyal po'i khab na te/ sngon chad ni

  293. 147a

    bcom ldan 'das kyi nyan thos dge slong pha dang ma rnams kyis phyir 'dul ba la bslab pa'i gnas bcas pa na spyir sogs nas tshogs 'dul ba la bslab pa'i gnas bcas so/ /zla ba bzhir mgron du gnyer ba las 'dar mi gnang ba las/ dge 'dun sde gnyis spyir 'phya ba yin te/ bslab pa 'di la 'phya ba'i tshe dge slong rnams ma 'dus nas bsgor 'gro ba'i tshe drug sde? la bsgo na/ glen pa khyod kyi tshig gis ngang mi slob po zhes zer ro/ /de nas dge slong ma bcu gnyis sde la bsgo na yang mi slob po zhes zer ro/ /skye dgu'i bdag mo go'u ta ma la bsgo na/ bcom ldan 'das kyi bka' ni gus par spyi bos nod do zhes mnos so/ /lam bstan phyir 'khor nas kun dga' bos bsgo 'am zhes dres nas/ bsgo na bsgo na glen ba'i ni zhes khur blangs so/ /ci nyes smras na drug sde dang bcu gnyis sde ni glen pa khyed kyi tshig gis slobs shig pa ni mi nyan to zhes 'dzer to/ /de skad zer ba dge slong rnams 'phya ba las snyan du bdas te/ drug sde rnams la bkas smad de/ de skad smrar mi gnang bar 'dul ba la bslab pa'i gnas bcas so/ /yang dge slong zhes bya ba ni drug sde ste gzhan yang de dang 'dra ba'o/ /dge slong rnams kyis zhes bya ba ni chos 'di la zhugs pa rnams so/ /bslab pa 'di la slobs shig ces bya ba ni/ byis bslab par bya ba'i chos de la bya ste/ slobs shig par bsgo ba'o/ /byis pa mi mkhas zhes bya ba ni mi gsal ba'o/ /mi mkhas pa zhes bya ba ni mdo sde dang/ 'dul ba dang ma mo mi shes/ nyes pa ni bslab pa 'di la slobs shig ces bsgo ba las byas pa mi mkhas pa mi gsal ba zhes zer zhing slob tu mi btub na thams cad du ltung bar 'gyur/ /'dul ba dang ldan pa'i chos kyis slobs shig par bsgo ba las mi nyan ni ltung ba'o/ /mdo dang ma mo lta bus bsgo ba las ni mi nyan na ni nyes byas so/ /glen zhing mi mkhas pa byis pa lta bu ni nyes

  294. 147b

    med do// //dge slong 'thab mo byed pa la nyan du mi gnang bar gleng gzhi ni mnyan du yod pa na te/ dge slong drug sde po rnams sde zhig nas cad mi byed par 'khod pa'i tshe na/ bcu bdun sde rnams dar te kha cig ni mdo sde 'dzin kha cig ni 'dul ba 'dzin kha cig ni ma mo 'dzin to/ /de dag nang bgros pas bdag cag la drug sdes gces pa ltar sus kyang ma gces/ de'i nang nas yang bsnyen dga' bos gcos kyis/ /bsnyen dga' bo spang ba'i las bya'o zhes gros byed pa dang/ bsnyen dga' bo yang 'jab cing nyan te/ de dag khang pa'i nang na gros byed na bsnyen dga' bo yang bsgo na nyan/ gtsug lag khang du gros byed na skar khung na nyan pa dang/ da dag gros byed pa bsnyen dga' bos thos nas/ khyed 'dra bas nga la spang ba las/ glang po cha bcings pas ni glang po? gsod nus kyis/ gres thag gis ni glang po che bcing bar mi nus te/ btang na ni btang du zang mi btang na nan thur cher bya'o zhes byas pa dang/ de dag gis kyang sba? ma? nus na ded gros byed pa khyed ji ltar thos zhes byas pa dang/ ci'i phyir dge slong 'jab cing nyon ces? 'phya ba las snyan du bdas nas bkas smad de nyan du mi gnang bar bslab pa bcas so/ /yang dge slong gang zhes bya ba ni bsnyen dga' bo ste/ gzhan yang de dang 'dra ba'o/ /dge slong rnams zhes bya ba ni chos 'di la zhugs pa'o/ /'thab pa dang rtsod pa dang mi mthun par 'gyur ro// zhes byas pa ni bdag phyogs dang gzhan gyi phyags tha dad du 'khod pa'o/ /cang mi smra bar bzhabs te nyan cing 'dug ces bya ba ni cang mi zer bar 'jab pa'o/ /de dag ci zer nyan nas de lta de lta bur sta gon bya'o/ /zhes bya ba ni snga nas bsam zhing sbyar ro snyam pa'o rkyen de/ nyid ces bya ba ni gzhan ma yin pa'o/ /ltung ba ni ngan song gsum du'o/ /nyes pa ni dge slong bar khang ngam skro khang ngam/ khyams sam dang nga 'am la thog kyang rung ste/ dge slong gros byed pa ma mthong na/ dge slong des rkang pa'i sgra'am se gol gyis sgra gtogs shig

  295. 148a

    yang na mgul ba bsal ba'i sgra byung shig se gol dang/ mgul pa bsal ba'i sgra ma byung la de dag gi sgra thos na nyes byas so/ /don khong du chud na ltung bar 'gyur ro/ /'drugs par bya ba ma yin la zhi bar bya ba'i phyir 'ongs pa ni ltung ba med de// //dge slong gros byed pa las cang mi smra bar 'gror mi gnang ba'i gleng gzhi ni nyan du yod pa na te/ de'i tshe drug sde po las dpa' bo dang bsnyen dga' bo gnyis dge 'dun gyi nang na 'dug pa dang/ bcu bdun sde la sngan chad gtses pas/ bsnyen dga' bo bcu bdun sdes spangs pa'i las byas na/ dga' bos shags gdab cing non bya bar bshams nas/ bcu bdun sdes khyod kyang yang 'dod dam zhes bsdigs na/ de yang zla ba gyon pa'i khri'i steng du bzhag ste/ kha dog langs te song ngo// de nas bsnyen dga' bo spangs nas du zhing song nas dga' bo la khyod kyis nga'i non ma byas so zhes smras pa dang/ bsnyen dga' bo khyod bzhes nas mi 'dug par las byas pas na mi mthun par byas na mi tsan no zhes zer ba las/ de ni nyung ngu ba'i dge slong dge slong dag 'phya ba las snyan du bdas te/ phyin chad dge 'dun chos bzhin las byed pa dang/ kha dog ste 'gror mi gnang bar bslab pa bcas so/ /dge slong zhes bya ba ni dga' bo ste gzhan yang de dang 'dra ba'o/ /dge 'dun rnam par gdon mi za ba'i gtam 'dzer ba ni gsol ba dang zhu ba'i lan gnyis dang gsol ba dang/ bzhi'i las byed do/ /stan las langs te 'gro zhes bya ba ni thos pa'i nyes 'khor spangs pa'o/ /dge slong 'khod pa lan? smras zhes bya ba ni dge slong de na su 'khod pa rnams lam smras pa'o/ rkyen ma gtogs zhes bya ba ni nad pa dang/ nad g.yog dang gzhad nad can rnams so/ /yang na bshang gci la nye 'khor las ma 'das pa'o/ /ltung ba ni ngan song gsum du'o// //dge slong mi gus su mi gnang ba'i gleng gzhi ni rgyal pa'i khab

  296. 148b

    na te/ de'i tshe na dge slong ma zhig mdun khang du 'dus nas/ de ni chos so de ni 'dul ba'o/ /'di ni ston pas bstan pa'o/ /zhes dge slong dag rtsod pa zhi ba'i las spyad pa'i tshe/ ba lang nyal gyi bu dge slong nag po zhes bya ba dge 'dun chos bzhin du sma ba la nyan du mi btub/ kho bo 'ba' zhig gis dge 'dun la las byar mi rung ngo zhes bzlog /dge 'dun gyis chos bzhin ma byas so zhes kha ngan zer/ dge slong mkhas pa gzhan dag gis bsgo na yang tshig ma rdzogs par slar zlog /nyan du mi btub te bus par mi byed pas na don nyung ngu ni dge slong rnams 'phya ba las snyan du bdas nas nag po la bkas smrad nas mi gus su mi gnang bar 'dul ba la bslab pa'i gnas bcas so/ /mi gus zhes bya ba ni rnam pa gnyis te/ dge 'dun dang/ gang zag la'o/ /de las dge 'dun ni de bzhin gshegs pa'i nyan thos kyi dge 'dun te/ de dag gis bsgo pa la mi nyan pa'o/ /gang zag ni slob dpon dang mkhan pos bsgo ba las mi nyan po'o/ /de la nyes pa ni dge 'dun gyi las byed pas 'dug shig ces bsgo ba las mi 'dug na ltung ba'o/ /song shig bsgo ba las 'dug na ltung ba'o/ /gnas khang dang mal cha ma len cig ces bsgo ba las len na ltung bar 'gyur ro/ /ji ltar las byed pas bsgo ba la gus pa bzhin du slob dpon? dang/ mkhan po la ma gus na yang nyes byas re rer 'gyur ro/ /ltung ba ni ngan song gsum du'o// //chang 'thung du mi gnang ba'i gleng gzhi ni mnyan du yod pa na te/ de'i tshe na yul sbal dkar can na khyim bdag rtogs ldan zhes bya ba zhig yod de de la bu chung zhig bcas te/ khye'u'i ming yang legs 'ongs su btags/ /nam legs 'ongs bcas pa'i che na pham dang/ gnyen bshes dang phran g.yog kun kyang dus las 'das te/ kha cig ni bos nor phyugs dang longs spyod dag kyang 'gribs te med par gyur te/ /legs 'ongs yang mu lto ba byed do slangs mo spyod pa'i tshe mu lto ba gzhan rnams kyis kyang

  297. 149a

    mi 'dod cing brdegs so/ /de yang 'khyams 'khyams pa las sangs rgyas dang phrad de/ bcom ldan 'das kyis lhung bzed kyi lhag ma yang byin/ legs par gsungs pa'i chos 'dul ba la yang rab tu phyung ngo/ /de yang 'bad brtson pas dgra bcom pa mngon sum du byas so/ /de'i tshe na yul sbal dkar can na klu am b+ha zhes bya ba mu stegs can yul de phyogs kyi skye bo mang po la gtse? zhing gnod pa mi sha za ba zhig gnas pa de/ thul cig par legs 'ongs la bcom ldan 'das kyis bka' stsal nas/ legs 'ongs kyis kyang klu de btul bas na yul phyogs rang gi yul du legs 'ongs kyis yon tan bsgrags pa'i phyir bcom ldan 'das legs 'ongs dang/ yul de phyogs su gshegs pa dang yul de'i bram ze dang skye'o mang pos/ bcom ldan 'das la sogs pa bshos gsol te/ tshim par byas so/ /legs 'ongs kyi pha dang mdza' ba'i bram ze zhig gis zan byin nas/ zan zhu bar bya ba'i phyir glang po la blud pa'i chang gi nang du 'dzub mos bsnyugs te phabs dang bsres pa byin pas na de yang srang gi grib ma yol gyi bar du ni sa la ma 'gyel to/ /nam grib ma med chang la byung ba de na nyi mas lus la pheg pa dang chang gi mthus sa la 'gyel to/ /bcom ldan 'das kyis lo ma'i spyil po zhig byas te de'i steng du bzhag go /'khor gyi dge slong rnams la bka' stsal pa/ dge slong legs 'ongs klu am+b+ha 'dul nus pa de der sprul gyi phrug gu dang sbal ba yang 'dul mi nus so zhes nas legs 'ongs bslang nas khyod ci nyes zhes bka' stsal pa dang/ bdag ni ma brtags pas sa zhes gsol ba dang de bas na dge slong dag nyes pa'i dmigs su gyur pa ni chang 'thungs pa las gyur pas na/ dge slong chang 'thung du mi gnang bar 'dul ba la bslab pa'i gnas bcas so/ /'bru'i chang zhes bya ba ni 'bru las gyur pa dang/ phye las gyur pa ste phabs

  298. 149b

    dang bsres pa'o/ /'bras bu'i chang zhes bya ba ni rtsa ba las gyur pa dang/ sdong bu las gyur pa dang/ me tog dang lo ma las gyur pa ni 'bras bu'i chang zhes bya'o/ /'thung ba zhes bya ba ni mgrin par ming pa'o/ /ltung ba ni ngan song gsum du ltung ba'o/ /nyes pa ni dge slong gis chang gi kha dog dang/ chang gi dri dang chang gi khu ba 'thungs te myos par gyur na ltung ba'o/ /ma myos na nyes byas so/ /dge slong gis 'bras bu'i chang gi dri dang chang gi khu ba 'thungs te myos par gyur na ltung bar 'gyur ro/ /myos par ma gyur na nyes byas so/ /chang gi kha dog lta bu dang tsha lta bu la nyes pa med do/ /chang gi snyigs ma dang gar bo 'thungs na ltung bar 'gyur ro/ /phabs zos na nyes byas su 'gyur ro/ /dge slong dus ma yin par grong du 'gro na mi gnang ba'i gleng gzhi ni mnyan du yod pa na te/ de'i tshe na khyim bdag zhig la bu mo zhig yod de/ de yang pha'i phyi bzhin du 'brangs shing gtsug lag khang du song ba las/ tshe dang ldan pa 'char kas bu mo de bzung nas 'o byas pa las nu mos pha la spran te/ de gnyis kyis 'char kas mi tshangs par spyad pa skad du bram ze kun spran nas bram ze'i dmig gi bkar te/ 'char ka rgyal po gsal rgyal dang/ btsun mo'i gan du shags la khrid pa dang/ rgyal pos btsun mo phreng ldan ma la 'char kas nyes sam ma nyes rtog tu bcug pa las/ btsun mo dang blon pos brtags na 'char kas ma nyes par gyur te/ lhag ma tsam zhig byung bar zad pas bu mo dang/ pha dang bram ze rnams ni 'phral la chad pas bcad do/ /btsun mos 'char ka la bsgo ba slan chad de lta bu'i bag med pa mdzad pa mi rigs so zhes bsgo ba dang/ 'char ka yang de'i mod la ngo tsha nas bcom ldan 'das kyi gan du 'gro ma nus te/ tshe dang ldan pa shA ri'i sras po'i gan du song nas sngar nyes pa byung ba rnams bshags shing 'gyod de bdag legs par gsungs pa'i chos 'dul ba la rab tu byung yang nyes pa sha stag byung ste/ da ni

  299. 150a

    'khor bas skyon/ da slan chad 'khor bar mi skye ba'i thabs cig gnang zhes gsol nas/ tshe dang ldan pa shA ri'i bus kyang 'char ka la chos bshad pas 'char kas kyang 'bad cing brtson pas dgra bcom pa mngon sum du byas so/ /de nas 'char kas bsams pa bcom ldan 'das kyi bka' drin lan glan pa'i phyir sems can gyi don la 'gro'o snyam nas/ sems can gyi don mang zhig ni byas so/ /dus phyi zhig na mnyan du yod pa na bud med gtum mo zhes bya ba zhig yod de de'i bu mos 'char ka dang mdza' bas rtag tu der 'gro zhing chos 'chad do/ /phyi zhig na gtum mo'i bu yul gzhan du song ba'i 'og tu 'char ka yang de'i chung ma'i gan du 'gro zhing chos 'chad do/ /de'i chung ma de mi rgod dpon po dang nyal ba/ 'char kas tshor na khyo la byas su dogs pas na/ de gsod cig ces mi rgod la spad na/ mi rgod na re dge slong mthu dang ldan pa rgyal pos sras kyi thabs byin pas gsad du mi rung ngo zhes byas na/ dgra bcom pa yang ma dgongs kyi bar du ye shes mthong ba mi 'jug ces zer gyis thabs shig bya'o snyam nas/ mo na ba ltar byas te nyal ba dang/ bran mo spron du btang nas 'ongs pa dang sgo'i steng nas 'jab ste/ ral gris 'char ka'i mgo bcad de gsad do/ /de'i nub mo bco lnga'i gso sbyong la bab nas 'char ka ma 'dus te gar song zhes smras na/ khungs ma phyin te slad de nyin la bcom ldan 'das 'khor dang bcas te/ 'char ka'i mgo phyag dar khung nas phyung ste/ dge slong la nyes pa'i dmigs su gyur pa ni dus ma yin par grong du 'gro ba las byung ngo zhes nas/ dus ma yin par grong du 'jug tu mi gnad par 'dul ba la bslab pa'i gnas bcas so/ /yang dge slong gang zhes bya ba ni 'char ka ste gzhan yang de dang 'dra ba'o/ /dus ma yin zhes bya ba ni dus la rnam pa gnyis te/ skya rengs ma shar ba dang nyi ma yol phan chad do/ /grong

  300. 150b

    zhes bya ba ni srad dang sum mdo dang bzhi mdo gang la yod pa'o/ /'jug ces bya ba ni 'gro ba'o/ /'khod pa'i dge slong la smros shig ces bya ba ni gzhi na dge slong su 'khod pa rnams la'o/ /de 'dra ba'i rkyen ma gtogs zhes bya ba ni dge slong gcig cig lhung bzed dang chos gos grong du gtams pa la me thar te/ chos gos mes tshig par gyur te/ dge slong brel ba dang/ dge slong nad pa dag sman grong du mi len pa dang/ dge 'dun gyi 'tsho ba'i yo byad grong du tshol ba las thugs rjer dgongs te de lta bu'i phyir gnang nas gzhan ni ltung bar 'gyur ro zhe'o/ /nyes pa du ma yin pa la dus ma yin par 'du shes bzhin du 'gro na ltung bar 'gyur ro/ /the tshom na yang ngo/ /dus yin pa la ma yin par 'du shes sam/ the tshom na yang nyes byas re rer 'gyur ro/ /ltung ba brgyad cu pa rdzogs so// //zas dang bcas pa'i snga rol tu gud du 'gror mi gnang ba'i gleng gzhi ni mnyan du yod pa na te/ de'i tshe bsnyen dga' bos khyim bdag gzhan zhig la chos bshad nas dad par byas te/ khyim bdag des bsnyen dga' bo'i phyir bcom ldan 'das bshos la gsol bar khas bslangs nas/ dge 'dun bsnyen dga' bos spyan drangs nas nad bar khyim du zhal ta byed du song ba dang/ bsnyen dga' bos khyim bdag la nga ma 'ongs kyi bar du bshos la ma 'drim par sdod cig ces byas nas grong gzhan du 'phyan du song ngo/ /de nas bcom ldan 'das 'khor dang bcas pa khyim der gshegs nas gdan la bzhugs te/ zan brims shig ces byas na bsnyen dga' bo 'ongs sam zhes so/ /lan du mar byas kyang 'drim du ma btub nas kun dga' bo la brims shig ces bka' stsal nas kun dga' bos brims nas gdugs yol nas/ dge slong gnas brtan kha cig ni zan chad do/ /kha cig ni 'drim du bcad de mi za ba dang/ bsnyen dga' bo yang 'ongs nas/ dge 'dun rnams kyis 'gyod

  301. 151a

    pa dang/ des kyang khyim bdag la sngar 'drim na ci nyes zhes bsgo ba dang/ khyim bdag gis kyang khyod na re ma 'ongs kyi bar du ma 'drim shig ces mi zer ram zhes byas pa dang/ bsnyen dga' bo yang skyengs nas/ dge slong gzhan dong yang phyi na khyim bdag gi khyim na thal byung 'dug go /de'i tshe gso sbyong gi dus la bab nas bsnyen dga' bo dad pa ma blangs par gyur to/ /dge 'dun rnams kyis de sdad? do sdod nas dge 'dun kun kyang mi dga' bar gyur te bsnyen dga' bo snga dro ni zas kyi mnar to zhes dge slong ngag mi snyan par zer bsnyan du bdas nas phyin chad zas kyi snga rol dang/ zas zos kyi 'og tu grong rgyu zhing 'gror mi gnad bar 'dul ba la bslab pa'i gnas bcas so/ /yang dge slong gang zhes bya ba ni bsnyen dga' bo ste gzhan yang de dang 'dra ba'o/ /zas dang bcas pa zhes bya ba ni gar bos pa'o/ /khyim zhes bya ba ni bram ze dang/ khyim bdag gi khyim mo/ /mgron du bos zhes bya ba ni zas la'o/ /zas kyi snga rol zhes bya ba ni snga dro ste khyim gnyis las 'das na ltung bar 'gyur ro/ /zas zos kyi 'og tu ces bya ba ni phyi dro ste/ khyim gsum las 'das par gyur na ltung bar 'gyur ro/ /rgyu zhes bya ba ni 'gro ba'o/ /khyim pa la 'dug pa la ma bsgo zhes bya ba ni khyim de ni khyim pa gang 'khor ba'o/ /ltung ba ni snga ma bzhin no/ /rkyen ma gtogs zhes bya ba ni dge slong nad pa dang nad g.yog dang zhal ta ba rnams ma 'byor bar gyur pa las snyan du bdas nas/ de lta bu'i rgyen byung ba ni dus te gnang ngo/ /nyes pa ni zas kyi sngon rol du khyim gnyis las 'das sam zas zos kyi 'og tu khyim gsum las 'das shing rgyu na ltung bar 'gyur ro/ /mgron du ma bos pa ni nyes mad do// //dge slong skya rangs ma shar par rin po che ma bsdus par rgyal po'i sgo'i gtan las 'dar mi gnang ba'i gleng gzhi ni mnyan du yod pa na te/ de'i tshe na

  302. 151b

    rgyal ba gsal rgyal gyi nu bo nag po dang/ khyim bdag bzang sbyin la sangs rgyas kyis chos bshad pa'i tshe de dag ni chos mkhas pas yang nas yang du 'dri zhing lan gsol to/ /rgyal po gsal rgyal kyang der 'dus te 'dug go /rgyal po ni chos mi shes pas 'dri rtog kyang ma nus nas 'dug go /khyim bdag gnyis chos 'dri rtog pa la rgyal po yi rangs nas btsun mo la bzlas pa dang/ rgyal pos kyang gsan bar rigs so zhes byas pa dang/ nga ni nyin par rgyal srid kyi bya bas brel gyis nub mo zhing khyed la nyan to zhes nas btsun mo na re bdag cag gis mnyan te/ rgyal po la gsol lo zhes nas/ phreng ldan ma'i slob dpon ru ni 'char ka/ btsun mo dbyar byed kyi ni shA ri'i bu yis gsol nas de gnyis kyang slob dpon du gnang ngo/ /der shA ri'i bu ni dus dus su 'gro'o/ /'char ka ni bab bab tu 'gro'o/ dus cig na rgyal po yul gzhan zhig tu 'gro ste/ nam ma langs par rta dang glang po che'i sgra dang skye 'o mang po'i ca co thos pa dang/ tshe dang ldan pa 'char ka ni rmi lam na nam langs snyam nas btsun mo'i gan du nang du song ba dang/ btsun mo nyal shing rin po che'i sgron ma dang bcas pa'i gan du phyin nas se gol gyis bslang ba dang/ btsun mo yang stabs bzhin du langs te/ gos rjes bzhin du zhu ba dang/ lung 'bog pa byas nas 'char ka'i lhung bzed zas kyis bkang ste byin nas 'char ka slar song ba dang/ shA ri bus tshur 'ong ba dang gnyis lam du phrad nas/ shA ri'i bus char ka la de lta bus kyang zag pa zad dam zhes byas nas 'char ka lha khang du phyin nas gar phyin ces dge slong gzhan dag gis dris na rgyal po'i pho brang du'o/ /ci tsam na phyin ces byas na nam ma langs par ro// 'o na de ltar dbang ngam zhes byas pa dang/ mi dbang yang ru ste/ lhung bzed gang ba ltos zhes byas pa dang/ dge slong dag 'phya ba las snyan du bdas te/ phyin chad nam ma langs rin po che'i sgron ma dang/ sku srung gi mtshon cha ma bsdus par rgyal po'i sgo gtan

  303. 152a

    las 'dar mi gnang bar bslabs bcas so/ /yang dge slong zhes bya ba ni 'char ka ste gzhan yang de dang 'dra ba'o/ /nam ma langs zhes bya ba ni nam ma zad pa'o/ /skya rengs ma shar zhes bya ba ni ma byung ba ste/ skya rengs ma rnam pa gsum yod de/ sngon po dang ser po dang dmar po'o/ /skya rengs sngon po zhes bya ba ni dang po sngo bar snang ba'o/ /de'i 'og tu ser por snang ba ni skya rengs ser po'o/ /de'i 'og tu yud tsam dmar bar snang ba ni skya rengs dmar po ste/ skabs der ni dmar po nyid mtshan mar bzung ngo// rin po che zhes bya ba ni nor rin po che dang baiDUrya dang/ mu tig la sogs pa nyal ba la 'ong snang bar byed pa ni rin po che zhes bya'o/ /rin po che lta bu zhes bya ba ni ral gri dang/ mda' dang/ mdung dang/ rol mo'i cha spyad thams cad dang/ dgra cha'i mtshon cha thams cad ni rin po che lta bu zhes bya'o/ /ma bsdus zhes bya ba ni de dag btsun srungs rnams kyis ma bsdus pa'o/ /rgyal po rgyal rigs spyi bos nas dbang bskur pa zhes bya ba ni rgyal rigs dang/ dmangs rigs dang/ rje rigs sam/ bud med gang yang rung ste/ rgyal thabs spyi bo nas dbang bskur pa'o/ /sgo gtan zhes bya ba ni rnam pa gsum ste/ rgyal po'i sgo'i gtan pa dang/ btsun mo'i sgo'i gtan pa dang/ grong khyer gyi sgo'i gtan pa'o/ /rgyal po dang btsun mo'i sgo'i gtan pa las 'das na ltung bar 'gyur ro rgyal po dang btsun mo'i gnas su 'gro ba las grong khyer gyi sgo'i gtan pa las phar 'das na nyes byas su 'gyur ro/ /rkyen ma gtogs zhes bya ba ni rgyal po ma dad pa dang/ /btsun mo ma dad pa la 'dul ba 'am/ btsun mo dang blon pos bkug pa na ma gtogs so/ /dge slong nam langs pa la ma langs par 'du shes pa dang/ the tshom bzhin rgyal po dang btsun mo'i sgo gtan la skya rengs ma shad bar 'das na ltung ba re rer 'gyur ro/ /nam langs pa la ma langs par 'du shes pa dang/ the tshom

  304. 152b

    bzhin du 'das na nyes byas su 'gyur ro/ /bar chad chen po brgyad kyis bskal te sgo'i gtan pa las 'das pa ni ltung ba med do// //so sor thar pa'i mdo 'don pa'i tshed? gdong thos so zhes zer tu mi gnang bar gleng gzhi ni mnyan du yod pa na te/ bcom ldan 'das kyis dge slong rnams la zla ba phyed phyed cing so sor thar pa bshad pa thon cig ces bka' stsal lan/ dge slong drug sde po rnams so sor thar pa'i mdo 'don pa'i tshe/ ri mor byas shing chos mi nyan/ bla mar mi byed sems btud cing rna ba blags te mi nyan pas/ slad kyis so sor thar pa 'don pa'i tshe drug sde dag na re tshig 'di dag so sor thar pa las byung bar gdong shes zhes sngan chad ma thos pa skad zer na/ dge slong dag na re sngon chad kyang gso sbyong gi sar lan gnyis lan gsum gyi bar du 'dug na 'di dag ma thos zhes bya ba yang gus par mnyan pa'i phyir ro zhes dge slong dag 'phya ba las snyan du bdas te/ bcom ldan 'das kyis tshe dang ldan pa dag ma rnyed pa'o/ /legs par ma rnyed pa'o zhes rnam grangs du mas smad nas 'dul ba la bslab pa'i gnas bcas so/ /yang dge slong gang zhes bya ba ni drug sde ste gzhan yang de dang 'dra ba'o/ /zla ba phyed phyed ces bya ba ni gso sbyong gi dus kyi tshe'o/ /so sor thar pa'i mdo zhes bya ba ni phas pham pa'i chos bzhi nas/ rtsod bzhi ba'i bar du ltung ba rigs lnga rnams la bya'o/ /mdo bshad pa zhes bya ba ni yang dag par bkod pa'am mdo bshad pa la bya'o/ /'don pa'i tshe zhes bya ba ni rab tu bsgrags pa'o/ /'di skad zer ces bya ba ni smra ba'o/ /tshe dang ldan pa bdag gis nga? gdong shes so zhes bya ba ni da lta la bya'o/ /ji ltar chos 'di mdo'i nang du chud ces bya ba ni ji ltar chos 'di bcom ldan 'das kyis gsungs pa'i mdo'i nang du klag par bya'o/ /de ste de dge slong gis zhes bya ba ni dge slong gang de na 'khod pa ste/ tshe dang ldan pa sngon 'di na

  305. 153a

    'dug 'dug na zhes bya ba ni de dag gang yin pa'o/ /gso sbyong gi las lan gnyis lan gsum zhes bya ba ni so sor thar pa'i mdo las lan gnyis lan gsum bton pa'i tshe yod pa'o/ /mi shes pas thar par mi 'gyur zhes bya ba ni mi shes pas mi grol thar ba med pas na mi shes su mi rung ba'i don to/ /ltung ba ni sems can dmyal bar par ro/ /chos la bsti stang dang ri mo dang gus par mi byed nas/ so sor thar pa'i mdo lan gnyis lan gsum du thos pa las phas pham pa nas rtsod pa zhi ba'i bar du nga gdong thos so/ /zhes smra na thams cad du ltung ba re rer 'gyur ro/ /mi shes pa la ltung ba med pa'o// //ra dang rus pa las khab ral byed du mi gnang ba'i gleng gzhi ni mnyan du yod pa na te/ de'i tshe na ba so dang rwa 'dus pa'i khab ral mang du byas nas 'chang ba dge slong kun gyis kyang gla rngan nam zan byin pa ni med de/ kun gyis bslangs pas zad par gyur te/ rgyags zong med pas na dbul por gyur pas mu stegs can rnams pa so mkhan sngon ded la dad pa'i tshe ni phyug nga ni shAkya'i dge slong rnams la dad pas dbul por gyur to zhes 'phya ba las snyan du bdas nas/ mgu mi myong ba chog mi shes pa'o zhes bkas smad do/ /rwa las khab ral byed du mi gnang bar 'dul ba la bsab pa'i gnas bcas so/ /dge slong gang zhes bya ba ni dge slong mang po ste gzhan yang de dang 'dra ba'o/ /ba so zhes bya ba ni so nyid do/ /khab ral zhes bya ba ni rnam pa gnyis te/ kha gab can dang dong bur can no/ /byed ces bya ba ni bdag dang gzhan gyis so/ /bcag ge? nas zhes bya ba ni bcag pa'i 'og tu gdod/ ltung ba bshags pa'o/ /ltung ba ni sems can dmyal bar ro/ /gang gi mdun du ltung ba bshags pa des kyang khab ral khyod kyis bcag gam ma bcag ces dris pa'i ga ma dris par dngos po de bshags na bshags pa dang nyan pa gnyis ka la nyes

  306. 153b

    byas su 'gyur ro/ /ltung ba de yang bshags par mi 'gyur ro// //khri'i rkang pa thung ngu dang ha cang ring po la nyal du mi gnang ba'i gleng gzhi ni mnyan du yod pa na te/ de'i tshe dge slong bsod snyoms pa zhig khri rkang pa thung ngu zhig gi steng na 'dug ste/ rkang lag bkrus nas sgo gang gi grib ma la khri'i steng na bsam gtan byed cing 'dug pa dang/ sprul tsha bas gdungs pa zhig nye bar 'das te/ chu'i nang na 'khyil zhing nyal ba dang dge slong lam gyis ngal bas khri'i steng na mchog pa dang/ khri 'tshigs pa'i sgras sprul khros te/ dge slong de'i dbral bar zin nas dge slong de yang dus las 'das te sum cu rtsa gsum lha'i khams su skyes so/ /de lta bu'i nyes pa'i dmigs su gyur pa dang/ khri'i rkang pa thung ngu la ma nyal cig ces bka' stsal pa dang/ drug sde rnams khri rkang pa bcu gnyis pa byas nas/ skabs cugs te nyal ba dang/ de nyid nyes pa'i dmigs su gyur te slan chad khru gang las ring bar byed du mi gnang bar bcas so/ /phyis 'char ka lus rings pas khri la dku brten bcas pa dang pus mo dang kos skor rag pas bu gar bzhugs pa ma gtogs te/ bde bar gshegs pa'i sor brgyad kyi thang du gyis shig ces bslab pa'i gnas bcas so/ /yang dge slong gang zhes bya ba ni drug sde ste/ gzhan yang de dang 'dra ba rnams so/ /khri 'am khri'u zhes bya ba ni dngos su zad do/ /byed ces bya ba ni bdag dang gzhan gyis so/ /bde bar gshegs pa'i sor brgyad ces bya ba ni khru tshad ma gang ngo/ /khru gang gzhug pa ma gtogs zhes bya ba ni gnad pa'o/ /de las ces bya ba ni 'das pa'o/ /bcad nas ltung ba zhes bya ba ni dngos po rings pa de bcad nas ltung ba bshags par bya'o/ /ltung ba ni ngan song gsum du'o/ /gang gi mdun du bshegs pa deng khyod kyis dngos po de bcad dam ma bcad ces dris shig /ma dris par byas na gnyi ga la nyes byas so/ /ltung ba de yang bshags par mi 'gyur ro// //

  307. 154a

    dge 'dun gyi khri la shing bal bdal du mi gnang ba'i gleng gzhi ni mnyan du yod pa na te/ dge 'dun gyi mal stan bgos zin pa'i 'og tu de'i nub mo dge slong bsod snyoms pa rgan pa zhig blo bur du 'ongs pa des mal ma thob nas/ dge 'dun gyi mal stan rnams kyi nang na bsnyen dga' bo gzhan pas na de'i mal stan bsod snyoms pa la byin cig ces byas pa dang/ des ku rer sbyar te/ khri g.yogs kyi nang tshangs shing bal bton te/ khri la bdal nas ras kyis g.yogs te bzhag go /nam sos pa dang ras bshus te/ nyal du bcug pas/ nad par lus kun shing bal gyis gos pa las dge slong gzhan rnams kyis khyod ci 'bras kyi yul na nyal nyal lam zhes byas pa dang/ bsnyen dga' bos de ltar ku re byas so zhes smras pa dang/ don nyung ba'i dge slong dag 'phya ste/ ci'i phyir dge 'dun gyi khri la shing bal bdal zhes mi snyan par 'dzer bsnyan du bdas nas dge sbyong gi bya ba ma yin zhes smad de/ khri la shing bal bdal du mi gnang bar 'dul ba la bslab pa bcas so/ /yang dge slong gang zhes bya ba ni bsnyen dga' bo ste gzhan yang de dang 'dra ba'o/ /dge 'dun zhes bya ba ni bcom ldan 'das kyis nyan thos so/ /khri dang khri'u ni dngos su zad do/ /shing bal ni rnam pa lnga po/ las gang yang rung ste ka sha dang/ sha ma li dang/ 'bu ka dang/ ka sha dang/ lcang bal lo// bdal ces bya ba ni bdag nyid kyis so/ /bcug ces bya ba ni gzhan la bcol ba'o/ /ltung ba ni snga ma bzhin no/ /nyes pa gang gi mdun du bshags pa des khyod kyi dngos po de bsdus sam zhes dris shig /ma dris par bshags sam nyams su blangs na gnyis ka la nyes byas so/ /ltung ba de yang ma bshags pa yin gyis slar shogs shig/ //gding ba tshad las lhag par byed du ma gnang ba'i gleng gzhi ni mnyan du yod pa na te/ bcom ldan 'das kyis dge slong rnams la gding ba/

  308. 154b

    dge 'dun gyi mal stan bzang bar bya ba'i phyir gding ba tshad las bzhin du gyis shig ces bka' stsal pa dang/ dge slong mang po rnams kyis tshang las 'das par byas pa dang/ don nyung ngu ba'i dge slong dag 'phya zhing mi snyan par zer ba snyan du bdas nas/ chog mi shes pa mgu mi myong ba zhes bkas smad de gding ba'i tshad srid du bde bar gshegs pa'i mthong ngo/ /zheng du mtho phyed dang ngo'i thang du gyis shig ces bslab pa bcas pa dang/ phyis tshe dang ldan pa 'char ka po lus rings pas/ gding bas ma slebs nas/ mal stan nyes par mi 'gyur bar bya ba'i phyir rkang pa logs su lo mas btud cing nyal ba/ phyis bcom ldan 'das gtsug lag khang nyul ba'i tshe gzigs nas/ de ci yin zhes dris pa dang/ bcom ldan 'das kyi gding ba'i tshad sngar gnang bas 'char ka'i lus rings te ma slebs so/ /zhes gsol pa dang/ de ltar na srid du bde bar gshegs pa'i mtho gang srings shig par gnang ngo/ /gding ba zhes bya ba ni stan to/ /dge slong zhes bya ba ni dge slong mang po dang 'char ka ste gzhan yang de dang 'dra ba'o/ /byed ces bya ba ni bdag dang gzhan gang gis byas kyang rung ste'o/ /tshad bzhin du byos shig ces bya ba ni gding ba'i tshad ni 'di yin te/ srid du bde bar gshegs pa'i mtho ngo/ /zheng du mtho phyed dang ngo'o/ /srid du yang mtho gang gis snon cig /'di ni gding ba'i tshad do/ / bde bar gshegs pa'i mtho zhes bya ba ni ston pa la bya ste/ de'i mtho ngo la khru tshad gsum mo/ /phyis mtho gang bsnan pas na de ltar srid du khru phyed dang lnga'o/ /zheng zhes bya ba ni thad kar ro/ /mtho phyed dang ngo zhes bya ba ni khru tshad ma do dang sor drug go /de lhag par byed ces bya ba ni tshad las 'das pa'o/ /bcad nas ltung ba zhes bya ba ni dngos po bcad nas ltung ba phyis bshags par bya ba'o/ /gang gi mdun du ltung ba bshags pa des kyang khyod kyi dngos po de bcad dam ma bcad dris shig /ma dris par

  309. 155a

    bshags pa byas sam nyams su blangs na nyes byas so/ /ltung ba de yang slar bshags par bya'o/ /ltung ba ni ngan song gsum du ltung ba'o/ /nyes pa ni dge slong gis gding ba srid du khru phyed dang lnga dang/ zhed du khru do sor drug las lhags par byas na ci tsam gyis lhag par byas pa ltung bar 'gyur ro/ /dge slong gi g.yan pa dgab pa tshad las 'das par byed du mi gnang ba'i gleng gzhi ni mnyan du yod pa na te/ de'i tshe na dge slong dag la g.yan pa byung nas chos gos la reg pas na chos gos kyang ma rung sbrang ma dag 'du bas/ skye bo dag 'phya ba las g.yan ba dgab ba chongs shig ces bka' stsal te/ g.yan pa dgab pa yang ma bkrus pas sbrang ma dag kyang 'dus shing mnam pa las khrus shig 'bud pa'i tshe na yang gsher bar byos la phud cig ces bka' stsal ba dang/ dge slong gis ha cang ma 'os par tshad las 'das par byas pa dang/ don nyung ngu ba'i dge slong dag 'phya ba las snyan du bdas nas/ dge slong rnams la mang du 'dod pa mgu mi myong ba zhes smad nas g.yan pa dgab pa tshad las 'dar mi gnang bar 'dul ba la bslab pa'i gnas bcas so/ /g.yan pa dgab zhes bya ba ni nad kyi gos so/ /dge slong zhes bya ba ni chos 'di la zhugs pa'o/ /byed ces bya ba ni bdag gzhan gyis so/ /tshang bzhin du gyis shig ces bya ba ni g.yan pa dgab pa'i tshad ni 'di yin te/ srid bde bar gshegs pa'i mtho bzhi'o/ /zheng du mtho do'o/ /srid du bde bar gshegs pa'i mtho bzhi la khru drug go /zheng bu mtho ngo la khru tshad ma gsum mo/ /de las lhag par byas zhes bya ba ni de las 'das par byas pa'o/ /bcad nas ltung ba'o zhes bya ba ni dngos po sngar btsad nas ltung ba bshags par bya ba'o/ /ltung ba ni ngan song gsum du ltung ba'o/ /nyes pa ni chur khru drug zheng du khru gsum las lhag par byas na thams cad du ltung

  310. 155b

    bar 'gyur ro/ /gang gi mdun du ltung ba bshags pa des bcad dam ma bcad ces dris shig /ma dris par bshags na nyes byas so// //ras chen tshang las lhag par byed du mi gnang ba'i gleng gzhi ni mnyan du yod pa na te/ dge slong dag sgron mar skyabs med pa na khrus byed pa ri dags dgra'i mas gis mthong nas/ skye bo ma dad pa rnams 'phyar dogs nas/ slan chad skyabs med par khrus mi byed par bslab pa'i bzhi bca' bar gsol lo snyam nas/ dge bsnyen mas gnyid kyis dge slong khrus kyi tshe ni yol ba dbyar gyi ras kyi ras chen du phul nas/ phyin chad ras chen 'chang bar bcom ldan 'das la gsol bar bkas gnang ba dang/ dge slong dag gis ha cang ma 'os par chen por byas pa dang/ don nyung ngu ba'i dge slong dag 'phya ba las snyan du bdas nas gso dka' ba dgang dka' ba zhes smad nas tshad las 'das par byed du mi gnang bar 'dul ba la bslab pa'i gnas bcas so/ /dbyar gyi ras chen zhes bya ba ni char 'bab pa'i gos dang khrus kyi skyabs so/ /dge slong zhes bya ba ni dge slong mang po ste gzhan yang de dang 'dra ba'o/ /byed ces bya ba ni bdag dang gzhan gyis so/ /tshad bzhin du zhes bya ba ni tshad ni 'di yin te/ srid du bde bar gshegs pa'i mtho drug go /zheng du mtho phyed dang gsum mo/ /bde bar gshegs pa'i mtho drug la khru dgu'o/ /bde bar gshegs pa'i mtho phyed dang gsum la khru tshang gsum dang sor bco brgyad do/ /lhag pa zhes bya ba ni de las 'das pa'o/ /bcad nas ltung ba zhes pa ni dngos po bcad nas ltung ba bshags par bya'o/ /ltung ba ni ngan song gsum du'o/ /nyes pa ni dge slong gi srid du khru dgu /zheng du khru gsum dang sor bco brgyad las lhag par byas na thams cad du ltung bar 'gyur ro/ /gang gi mdun du bshags pa des kyang dngos po bcad dam ma bcad dris shig /ma dris par bshags na nyes byas so// //dge slong gi chos gos bde

  311. 156a

    bar gshags pa'i chos gos kyi tshad dang de las lhag par byed du mi gnang ba'i gleng gzhi ni mnyan du yod pa na te/ de'i tshe bsnyen dga' bos bzo mkhan zhig la bdag gi chos gos bcom ldan 'das kyi chos gos kyi tshad du gyis shig ces bcol ba dang/ de lta bu'i chen bas ci bya zhes byas na/ khyod la ni gla rngan dang zas dgos su zad mod/ tshad dri ci dgos zhes byas pa dang/ bze mkhan gyis bsams pa de ni kho zer ba bden no snyam nas drubs te byin pa dang/ bsnyen dga' bo yang chos gos de gyon te ji snyed ma rdzogs pa phrag pa la bkal nas/ gtsug lag khang gcig nas gcig tu byung ba dang dge slong gzhan dag gis mthong ste/ phrag pa la bkal ba 'di ci zhes dris na/ bde bar gshegs pa'i na bza' i tshad do zhes byas pa dang/ de dag na re ci khyod de lta bu gyen du dbang ngam zhes byas pa dang/ dbang yang rung mi dbang lang rung dgra'i phrag par rdog pas brdzis te dbang ngo zhes byas pa dang/ dgra su zhes byas na de skad zer bas khyod nyid nga'i dgra'o zhes zer ba las snyan du bdas nas bde bar gshegs pa'i chos gos kyi tshad du bgyid du mi gnang bar bcas pa dang/ bsnyen dga' bos de bas kyang lhag par byas te gyon pa las don nyung du ba'i dge slong rnams 'phya ste/ bcom ldan 'das kyis bde bar gshegs pa'i chos gos kyi tshad ma byed cag ces bka' stsal nas/ de dge slong gis ci'i phyir de bas kyang lhag par byed ces mi snyan zer ba las snyan du bdas te/ bkas rnam grangs du ma'i sgo nas smad nas bde bar gshegs pa'i chos gos kyi tshad dang de las lhag par byed du mi gnang bar 'dul ba la bslab pa'i gnas bcas so/ /dge slong gang zhes bya ba ni bsnyen dga' bo ste gzhan yang de dang 'dra ba'o/ /bde bar gshegs pa'i chos gos zhes bya ba la/ bde bar gshegs pa ni ston pa la bya ste/ de'i chos gos kyi srid du ni bde bar gshegs

  312. 156b

    pa'i mtho bcu la khru tshad ma bco lnga'o/ /zheng du mtho drug ni khru tshad ma dgu'o/ /chos gos zhes bya ba ni rgyu rnam pa bdun po'i nang du gang yang rung ste/ gso ma dad bal dang zar ma dang/ du gu la dang/ ko tam pa dang/ shing bal dang/ srin bal gyi'o/ /byed ces bya ba ni bdag dang gzhan gyis so/ /lhag ces bya ba ni de las 'das pa'o/ /ltung ba ni ngan song gsum du ltung ba la bya'o/ /nyes pa ni bde bar gshegs pa'i chos gos kyi tshang du byas sam/ de las lhag par byas na thams cad du ltung bar 'gyur ro/ /ltung ba dgu bcu pa mi brjed pa'i tshig rdzogs so// //so sor bshags pa dang po ste/ grong du dge slong ma'i lag nas zas slong du mi gnang ba'i gleng gzhi ni rgyal po'i khab na te/ de'i tshe dge slong ma utpa la'i mdog bsod snyoms snga ma ni blangs shing dge 'dun la phul bar 'gyur to/ /phyi ma blangs pa ni dge slong bsod snyoms pa zan ma rnyed pa zhig dang lam du phrad nas de la byin te de'i nyin mo dge slong ma de'i zan chad do/ /bsod snyoms pa'i lag na utpa la'i mdog gis zas byin ba bzang po zhig khyer ba bsnyen dga' bos mthong nas khyod la 'di sus byin zhes dris na utpa la'i 'dog gis byin no zhes smras so/ /de'i phyi de'i nyin yang bsod snyoms blangs nas snga ma dge 'dun la phul phyi nas blangs pa bdag bza' zhes byas na bsnyen dga' bos lam du bsgugs te zan bslangs pas na/ de nyi ma gnyis su zan chad pa la nyi tshan gyis phog pas lus rmas ste/ 'gro ma nus na grong gi srid du 'gyel ba dang/ 'jig rten pa dag na re/ dge slong ma 'di ni shAkya gzhon nu dag mthong bas 'dod chags kyis brgyal lo zhes 'phya bas/ phyin chad dge slong ma grong du 'gro ba la bsod snyoms slong du mi gnang bar bslab pa bcas so/ /yang dge slong gang zhes bya ba ni bsnyen dga' bo ste gzhan yang de dang 'dra ba'o/ /gnyen ma yin zhes bya ba ni pha ma'i zung bdun rgyud

  313. 157a

    phan chad do/ dge slong ma zhes bya ba ni utpa la'i mdog ste gzhan yang de dang 'dra ba'o/ /lam zhes bya ba ni srang ngo/ /grong du bsod snyoms spyod ces bya ba ni gang na srang dang/ sum mdo dang/ gzhi mdo yod pa'i grong ngo/ /rang gi lag gis zhes bya ba na lag nas la ba tu len pa'o/ /bca' ba dang bza' ba zhes bya ba ni bza' ba lnga dang bca' ba lnga la bya'o/ /blangs zhes bya ba ni byin len byas pa'o/ /'chos sam zos zhes bya ba ni mgrin par ming ba'o/ /dge slong des zhes bya ba ni gang yin pa'o/ /phyi rol gyi kun dga' ra ba zhes bya ba la/ phyi rol tu gyur pa ni gtsug lag khang ste/ gtsug lag khang du song shig pa'o/ /dge slong rnams kyi gan du zhes bya ba ni gtsug lag khang de na dge slong du 'khod pa'o/ /shogs shig ces bya ba ni de na dge slong ji snyed 'khod pa de la mthol zhing bshags par bya'o/ /smad pa zhes bya ba ni nyes pa byung ba de smad par rigs pas na smad pa'o/ /mi shes zhes bya ba ni 'gal ba'o/ /so sor bshags zhes bya ba ni dge slong mang po la bshags pa'o de la ltung ba ni dge slong gis gnyen ma yin pa'i dge slong ma lam na 'dug pa'i bsod snyoms kyi phyir 'gro ba la gnyen ma yin pa'i 'du shes kyis rang gi lag gis bca' ba dang/ bza' ba blangs nas 'chos sam zos na so sor bshags par 'gyur ro/ /gnyen ma yin pa la the tshom na yang bshags par 'gyur ro/ /gnyen yin pa la ma yin par 'du shes pa dang/ the tshom na yang nyes byas re rer 'gyur ro/ /so sor bshags pa dang po'o/ /so sor bshags pa gnyis pa ste/ dge slong mas dge slong zan za pa la stobs pa dang sde nas sbyor du bcug pa zer mi gnang ba'i gleng gzhi ni mnyan du yod pa na te/ khyim bdag gcig gis dge 'dun bshos la spyan drangs pa dang/ nad par drug sde rnams kyis dge slong ma sbom dga' mo la

  314. 157b

    sogs pa bcu gnyis sde'i der dong nas 'di skad bsgo sde khyim bdag dang pa rnams kyi der dge 'dun spyir mgron du bos pas ni khyed kyis ded la bza' ba dang bca' ba zhim po las mang du sbyin du chug shig ces bsgo ste/ des kyang de bzhin du byas te bshams nas yon bdag zan 'drim pa'i tshe sbom dga' mo rgan rims su 'dug nas khyim bdag la 'phags pa 'di ni shAkya'i rigs las rab tu byung ba sde snod gsum smra pa rig pa la grol ba'i spobs pa can yin gyis/ de la yang byin cig de bzhin du drug sde bo kun gyi yon tan brjod cing zas kyis stobs su bcug pa dang/ de na dge slong kha cig ni zan chad/ kha cig ni khu ba chad/ kha cig ni ye nas zan thob pas/ de na dge slong nyon mongs pa ma spangs shing 'dod pas gzir ba rnams kyi khyim bdag la sbyo ste/ rgyu med na ci'i phyir bcom ldan 'das dang dge slong gi dge 'dun bshos gsol zhes byas na/ yon bdag gis smras pa/ bdag gis zhal zas mang zhig sbyar na/ sbom dga' mos dge slong drug sde po la yang nas yang du bstabs pas de ltar chad? par gyur to zhes smras pa dang/ de ltar dge slong dag gis snyan du gsol nas de ltar na dge slong dag dge slong ma shom pa la dge slong zas zos zin gyi bar du kha dog 'dug shig ces bsgo zhig /de nas dge slong 'khod pa dag sus kyang ma smras na/ dge slong thams cad la bshags par 'gyur ro/ /zhes 'dul ba la bslab pa'i gnas bcas so/ /dge slong mang po zhes bya ba ni gnyis yan chad la mang zhes bya'o/ /khyim ni bram ze dang khyim bdag gi khyim mo/ /mgron du bos pas bya ba ni bza' ba lnga dang bca' ba lnga la bos pa'o/ /da na gal te dge slong ma zhig bsgo zhing 'dug pa zhes bya ba ni sbom dga' ste/ gzhan yang de dang 'dra pa'o/ /dge slong gis zhes bya ba ni de na 'khod pa dag go /dge slong ma zhes bya ba ni sbom dga' mo dang gzhan yang rung ngo/ /de la 'di skad ces bsgo zhig ces bya ba ni mo zer pa bzlog pa'o/ /zan

  315. 158a

    zos kyi bar du sdod cig ces bya ba ni zan zos kyi bar du zer du mi bzhugs pa'o/ /dge slong gcig gis kyang dge slong ma de la smrar ma slobs na zhes bya ba ni/ dge slong zan za ba cig gis kyang ma smras pa'o/ /dge slong de dag thams cad phyi rol kun dga' ra bar dengs shig ces bya ba ni grong las phyi rol tu gyur pa ni gtsug lag khang ste/ der deng la de na dge slong ji snyed pa la bshags par bya'o/ /nyes pa ni dge slong kha cig yang thog na za zhing 'khod/ kha cig bar khang na zan za zhing 'dug na dge slong ma de skad zer ba dang/ dge slong dag gis dge slong ma la ma zer cig ces bsgo zhig /de skad ma byas na so sor bshags par 'gyur ro/ /dge slong kha cig ni 'og khang na zan za kha cig ni sgo khang na za zhing 'khod pa las de na dge slong ma/ zhig bsgo zhing 'dug na/ de la ma zer cig ces bsgo shig /dge slong gcig gis kyang ma bsgo na dge slong kun la so sor bshags par 'gyur ro/ /dge slong ma de yon bdag yin nam go rims su bab pa la sbyin du bcug pa ni nyes pa med do/ /so sor bshags pa gnyis pa'o// //so sor bshags pa gsum pa ste/ dge slong gis bslab pa'i sdom pa byin pa'i khyim du slong du mi gnang ba'i gleng gzhi ni yul yangs pa can na te/ de'i tshe na khyim bdag de dpon seng ge zhes bya ba bzhig yod de/ de sngon chad mu stegs can la mos dang cing dga' o/ /phyis bcom ldan 'das kyis ded dpon de la chos bshad pas na bden pa mthong bar gyur te/ dge slong gi dge 'dun la mngon par dad pas mu stegs can 'od na yang sgo gcod do/ /shAkya'i dge slong dang/ dge sbyong dag 'od na nang du bos te ci 'dod pa byin zhing rgyun du sbyin gtong la zhugs te/ tshong dang zhing gi las la sogs pa so nam ni btang bas na khyim bdag de yang longs spyod 'gribs te dbul por gyur to/ /de nas dus phyi zhig na shAkya'i mi

  316. 158b

    rnams phongs na spyod pa la zhugs te/ ded dpon seng ge 'di ni sngon chad mu stegs can la dad pa'i tshe na ni phyug cing nor dang ldan/ da ni chos la dad par gyur nas dbul por gyur te/ zhes mu stegs can dag 'phya'o bcom ldan 'das kyi snyan du bdas nas/ de nyid nyes pa'i dmigs su gyur nas/ dge slong rnams la bka' stsal pa phyin chad khyim bdag dad pa bden pa mthong ba de'i khyim du 'gro bar mi bya/ zan mi za bar sdom pa chos shig ces gsungs nas dge 'dun rnams kyis gsol ba dang zhu ba'i las kyis sdom pa bcas so/ /sdom pa ma bcas pa'i sngon rol tu tshe dang ldan pa shA ri'i bu dang/ maung+gal gyi bu gnyis ljongs su song ba'i tshe/ ded dpon seng ge dge slong de gnyis phyin chad nga'i der bshos gsol cig ces spyan drangs so/ /sdom pa bcas pa'i 'og tu 'phags pa de gnyis ded dpon seng ge'i gan du 'gro ba drug sdes mthong nas/ 'phags pa gar bzhugs ces dris na/ der zan la 'gro'o zhes byas so/ /de dag na re de'i khyim du mi 'bro bar sdom pa bcas na/ da res 'gro la dbang ngam zhes byas na/ de gnyis na re sangs rgyas la zhus na sdom pa ma bcas pa'i sngon rol tu bos pas na gnad do/ /de ltar sngar pos pas gnang na ni nged kyang khyim bdag bden pa mthong ba'i tshe/ bos kyis 'gro'o zhes drug sde po yang der dong ba dang/ sngar dge slong gnyis kyi zan las ma spyad pa las drug sdes bsnan pas zan kun gtugs pa dang/ de'i byis pa rnams zan chad de bkres pas 'phral du sbyin du med pas du zhing tsa tsi 'don pa las snyan du bdas te/ bcom ldan 'das kyi bkas smad nas/ de ltar dge 'dun gyi sdom pa byin par shes bzhin du song ste zas zos na so sor bshags par 'gyur ro zhes bslab pa bcas so/ /dge 'dun zhes bya ba ni de bzhin gshegs pa'i nyan thos so/ /slob pa'i khyim zhes bya ba ni 'phags pa'i rgyun du zhugs pa yan chad/ dgra bcom pa man chad slob pa'o//

  317. 159a

    khyim zhes bya ba ni khyim bdag dang bram ze'i khyim mo/ /bslab pa'i sdom pa sbyin par shes zhes bya ba ni gsol ba'i las kyis so/ /yang dge slong gang zhes bya ba ni drug sde ste gzhan yang de dang 'dra ba'o/ /de ltar dge 'dun gyis slob pa'i sdom pa byin par shes zhes bya ba ni bsgo ba'o/ /sngar pos zhes bya ba ni shA ri'i bu lta bu dag go /sngar ma pos pa ni drug sde dag gis phyis song ba'o/ /rang gi lag gis zhes bya ba ni rang gis len cing za ba'o/ /phyi rol tu kun dgar dengs shig ces bya ba ni gtsug lag khang na dge slong gnas pa dag na mthol bar bya'o/ /ltung bar 'gyur ba ni dge slong gi dge 'dun gyi slob ma'i khyim du gyur pa bslab pa'i sdom pa byin par shes ma thag tu sngar ma bos par song nas rang gi lag gis bca' ba dang/ bza' ba blangs te zos sam 'chos na thams cad du so sor bshags par 'gyur ro/ /sngar mgron du bos pa ni ma gtogs so// //so so bshags pa bzhi pa'i gleng gzhi ni grong khyer ser skya'i gnas na te/ de na dgon pa'i lha khang zhig tu sangs rgyas dang dge 'dun dag dbyar tshul du zhugs nas/ dbyar tshul nas 'byung ba'i tshe shAkya dag bcom ldan 'das la chos nyan du lhags te chos bshad pa na dang ba skyes te sang gi gdugs tshod bdag gis sbyar te gsol na sad gud du mi gshegs par ci gnang zhes gsol na cang mi gsung bas de bzhin du gnad do/ /de dag gis de'i nub mo khyim du zas zhim dgu sbyar te/ nad par shing rta bkang nas bud med dag mdun du btang ba dang lam du rkun po dag gis bcom nas/ zas ni ma phrogs kyis bud med kyi gos dang rgyan dag phrogs pa dang/ bud med dag gis phyir khyim bdag spran te/ skyes pa dag ni mi rgod snyegs su dong ngo/ /bud med dag ni shing khrod na 'gab cing 'khod zas dang skom ni

  318. 159b

    shing rta bkang ste lam kha na bzhag go /de nas drug sde rnams kyis bsams pa shAkya dag lta phyug pas/ da? tsam ston mos ra? ro 'khod kyis/? 'u bu lta brjed kyis bdag cag bsod snyoms la dong zhes nas dong ba dang/ lam kha na shing rta zas kyis bkang bdag mthong nas bud med dag btsal te rnyed pas/ nan gyis ma dad bzhin du bkug nas gcer bur zas 'dri ma bcug cing de dag gis kyang kha ngan gyis 'phyas 'dogs shing zan zos nas phyir lha khang du song ngo/ /de nas phyis mi rgod dag zin nas mi rgod ni slar btang ste/ shAkya rnams lha khang du lhags nas zan 'drim pa la zhugs pa dang/ bud med dag drug sde rnams la mi 'drim nas/ ci'i phyir de dag la mi 'drim zhes khyim thab dag gis byas na/ de dag gis da ci yang zos zin pa'i steng du deng la mi snyan pa zer gyis mi 'drim mo zhes 'drim du ma btub po/ /de nas gzhan dag gis dris na zos pa bden no zhes khas blangs so/ /de nas dge slong dag na re de lta bu'i 'jigs na/ dge slong zan za ba'i mi rigs so zhes ma dad pas na/ phyin chad de lta bu'i 'jigs pa na zan za na so sor bshags par 'gyur ro zhes bcas so/ /dge 'dun zhes bya ba ni de bzhin gshegs pa'i nyan thos so/ /dgon pa'i gnas zhes bya ba ni gzhu lnga brgya la rgyang grags gcig ste/ de tsam gyis na grong nas de phan chad ni dgon pa zhes bya ste/ de na gtsug lag khang ci yod pa ni dgon pa'i gnas zhes bya'o/ /dogs pa dang bcas par shes pa zhes bya ba ni rkun po dang g.yon can yod par shes pa'o/ /'jigs pa dang bcas par shes zhes bya ba ni seng ge dang stag gzig yod par shes so// 'jigs shing nyam nga ba zhes bya ba ni sha sbrang dang/ sbrang bu mchu rings dang/ rlung dang sbrul dag gis reg pa'o/ /yang dge slong gang zhes bya ba ni drug sde ste/ gzhan yang de dang 'dra ba'o/ /nags ma brtags zhes bya ba ni gsol ba dang zhu ba'i las

  319. 160a

    kyis nags rtog par byed pa'i dge slong zhig bskos shig ces byung ba las/ nags rtog pa'i dge slong des kyang brtags na ni nyes pa med kyis ma brtags na nyes par rig par bya'o/ /kun dga' i phyi rol ces bya ba ni gtsug lag khang gi phyi rol to/ /bza' ba dang bca' ba zhes bya ba ni bza' ba lnga dang bca' ba lnga la bya'o/ /blangs zhes bya ba ni byin len byas pa'o/ /zos pa zhes bya ba ni mgrin par ming pa'o/ /dge slong des zhes bya ba ni dge slong gang yin pa'o/ /dge slong rnams la zhes bya ba ni dge slong gang 'khod pa'o/ /so sor bshags par bya ba zhes bya ba na mthol bar bya ba'o/ /smad pa'i gnas su gyur pa zhes bya ba ni mi rigs mi tshul ba'o/ /nyes pa ni dge slong nags ma brtags pa la ma brtags par 'du shes bzhin du kun dga' i phyi rol tu bca' ba dang bza' ba blangs te 'tshes sam na so sor bshags par 'gyur ro/ /ma brtags par the tshom na yang so sor bshags par 'gyur ro/ /brtags pa la ma brtags par 'du shes sam/ the tshom na yang nyes byas su 'gyur ro// nags rtog par byed pa de shi 'am bros na ltung ba med do/ /so sor thar pa'i mdo 'don pa rnam pa lnga las so sor bshags pa mi brjed pa'i tshig go/ //so sor thar pa'i mdo 'don pa lnga pa las brtsams te tshe dang ldan pa dag bslab pa mang po chos 'di dag ni zla ba phyed byed cing so sor thar pa'i mdo 'don pa las 'byung ngo zhes bya ba smras so/ /bslab pa mang po zhes bya ba ni dge slong gis yang dag par bslab cing 'dul ba phran tshegs la sogs te/ bslab pa'i gnas thams cad nas 'byung ba'i nyes byas thams cad kyang bslab pa 'di nyid du bsdu bar blta zhing grangs gcig tu ma chad pa'i phyir bslab pa mang po zhes bya'o/ /dge slong gis klu gar rol mo mi bya ba dang brdung bar mi spyad pa dang mtshal mi nyug pa

  320. 160b

    dang/ rgyan gyis lus las mi klub pa dang/ skra so mangs kyis gshad par mi bya ba dang/ me long la sogs pa la gdong mi blta ba dang/ 'thab mo'i nang du 'gro zhing 'dug par mi bya ba dang/ rtsed mo sna tshogs kyi nang du mi bya ba la sogs te 'dul ba phran tshegs dang gzhung bla ma dag las 'byung ba'i bslab pa rnams kyang dge slong gis phyi phyir bslab cing bsrung ba yin mod kyi 'dir ma smos kyis gzhan 'byung bar rig par gyis shig 'dir ni re zhig sham thabs dang/ chos gos ji ltar bsgo ba dang/ grong du ji ltar 'jug cing khyim du 'dug par bya ba dang/ bsod snyoms bslang ba dang/ bza' ba dang/ chos 'chad cing bstan pa'i thabs dang/ bshad gci bab bab tu mi bya ba la sogs pa 'phral gyi bslab pa la sogs pa chung shas shig bsdu pa'o/ /sham thabs zlum por bgo bar bya zhes bya ba ni gleng gzhi ni bcom ldan 'das grong khyer khor mo 'jig gi drang srong gi gnas ri dags rgyu ba na bzhugs so/ /nam bcom ldan 'das kyis dge slong lnga po rnams skyon med de rab tu phyung nas dngos por byas par de na de dag kyang sngon goms pa'i tshul du khyim pa bzhin du gyon pa bram ze dang khyim bdag gis mthong nas 'phags pa dag de lta bu ni nor can dang/ tshong dpon dag gyon na khyed kyang de bzhin nam zhes zer ro/ /de lta bur gyur pa dge slong dag gis bcom ldan 'das la gsol to/ /bcom ldan 'das kyi dgongs pa khyim bdag dag zer ba ni bden te/ sngon gyi yang dag par rdzogs pa'i sangs rgyas kyi nyan thos dag gis sham thams ji lta bur gyon pa dgongs te bya'o zhes gsungs pa dang/ lha rnams kyis gsol pa btsun pa 'di lta ste/ gnas gtsang ma'i rigs kyi lha rnams bzhin no/ /bcom ldan 'das kyi ye shes kyis brtags na de bzhin du/ de nas bcom ldan 'das kyis bka' stsal pa/ de bas na dge slong dag nga'i nyan thos rnams kyi phyir sham thabs zlum por bgo

  321. 161a

    bar bslab par bya'o zhes 'dul ba la bslab pa'i gnas bcas so/ /dge slong lnga po dang nye ba lnga po dang bzang po drug cu sde dang gzhan yang dge slong gcig gis gcig rab tu phyung ba rnams kyang sham thabs zlum por gyon zhing tshul bzhin du gnas so/ /ha cang rtsengs pa yang ma yin zhes bya ba ni slad kyis drug sde dag rab tu phyung ba de na/ de dag gis sham thabs rab tu rtsengs shing gyon pa dang dang pa'i bram ze dang/ khyim bdag dag gis mthong ste/ 'phags pa dag rgyan po pa dang/ dwa dang nal gyi bu dag ni 'di ltar gyon gyi 'phags pa dag de ltar gyon mi rigs kyis sham thabs brdzes la ma gyon cig ces byas pa dang/ de dag rje thur gyon nas khyim bdag dag ma dad cing 'phya ba las snyan du bdas te/ phyi ma bdag 'phya ba bden gyis zhes sham thabs ha cang rtsengs pa ma yin par bgo bar bslab par bya'o zhes 'dul ba la bslab pa'i gnas bcas so/ /rtsengs pa ma yin zhes bya ba ni sham thabs pus mo las 'das pa la bya'o/ /ha cang 'jol pa ma yin zhes bya ba ni drug sde po rnams sham thabs long bu las 'das te nar bar gyon pa las dang pa'i bram ze dang khyim bdag gis mthong ste 'phags pa de lta bu'i ni yul ta 'ang zhes bya ba na/ rigs kyi mna' ma dang bud med rnams gyon te/ de lta bur ni rigs kyis ha cang nar bar ma gyon cig ces 'phya ba las snyan du bdas nas/ 'phya ba de lus kyis ha cang 'jol bar mi bgo bar bslab par bya'o/ /zhes bcas so/ /glang po che'i sna ltar ma yin zhes bya ba ni drug sde rnams sham thabs mdun logs su sna gnyis pa la nar zhing gyon pa las 'phags pa dag de lta bu ni byis pa chung ngu dang/ ra ro ba dag gyon pas de lta bu ni mi rigs kyis mi gyon cig ces 'phya ba las snyan du bdas nas/ glang po che'i sna ltar ma yin par bslab

  322. 161b

    pa bcas so/ /ta la'i lo ma ltar ma yin zhes bya ba ni/ drug sde po rnams sham thabs sta zur po rnams kyi steng du me tog kha gyis pa lta bur gyon pa las/ khyim bdag dag 'phya ba de lta bu ni gar mkhan mang po'i nang du gyon pa zhing 'ongs te/ 'phags pa dag de lta bu ni mi rigs so zhes 'phya ba las snyan du bdas nas/ ta la'i lo ma ltar ma yin par sham thabs bgo bar bslab par bya'o/ /zhes bcas so/ /nas can gyi phur ma ltar ma yin zhes bya ba ni/ dge slong drug sde rnams sham thabs te/ zur gyi steng du khyim pa ltar bsdus te thun por byas te/ gzhag pas khyim bdag dag 'phya bar gyur te/ de lta bu ni nor can dang tshong dpon dang bud med dag ni de ltar gyon te/ 'phags pa dag ci'i phyir de ltar gyon ces 'phya ba la snyan du bdas nas/ sham thabs nas ngan? gyi phur ma ltar ma yin par bgo bar bya'o zhes bcas so/ /sprul mgo'i gdengs ka ltar ma yin zhes bya ba ni drug sde rnams sham thabs bgos nas/ lte ba'i khung bu phyir bzlog ci 'phya bar sprul mgo lta bur gyon pa dang/ khyim bdag dag 'phya ste/ 'phags pa dag rgyan po pa ni de bzhin gyon te de lta ba mi rigs so/ /zhes 'phya ba las snyan du bdas nas/ sham thabs sprul mgo'i gdengs ka ltar ma yin par bgo bar bya zhes bcas so/ /sham thabs rnam pa bdun lta bu'i skyon spangs te zlum por bgo bar bslab par bya'o/ /zhes bka' stsal pa dang/ dge slong rnams chos gos ji ltar gyon pa mi shes nas/ chos gos zlum por bgo bar bslab par bya'o/ /zhes bka' stsal pa dang/ drug sde rnams chos gos rtsengs par gyon te bus mo las 'das par gyon mi mdzes te/ dwa dang nal gyi bu dang/ rgyan po ba ni de ltar gyon te/ de lta bu ni mi rigs so zhes 'phya ba las snyan du bdas ste/ khyim ba dag 'phya ba ni yus te chos gos ha cang ma rtsengs par bgo bar bslab par bya'o zhes 'dul ba la bslab pa'i gnas

  323. 162a

    bcas so// //chos gos ma rtsengs par gyon cig ces bka' stsal pa dang/ drug sde rnams chos gos ha cang 'jol zhing sham thabs las mar thal bar gyon pa dang/ 'phags pa dag de lta bu ni yul ka ta na bud med dang/ rigs kyi mna' ma rnams ni de ltar gyon te/ de lta bu gyon pa ni mi rigs te ha cang nar bar ma gyon cig ces 'phya ba las snyan du bdas te/ khyim bdag dag 'phya ba yus te chos gos ha cang 'jol ba ma yin par bgo bar bslab par bya'o zhes bcas so/ /de bas na chos gos ha cang rtsengs pa yang ma yin/ 'jol ba yang ma yin par zlum por bgo bar bya'o zhes gsungs so// //shin tu bsdams zhes bya ba ni drug sde rnams rkang lag dkyog cing khyim pa'i der dong ba dang/ dad pa'i bram ze dag na re 'phags pa dag 'byung po dang/ chang gis myos pa dang/ sha zas zin pa rnams ni de ltar 'gro'o zhes 'phya ba las snyan du bdas te/ lus shin tu bsdams nas khyim pa'i khyim du 'gro bar bya'o zhes bcas so// // legs par bgos par bya ba ni drug sde dag chos gos brtul te phrag pa la gzar nas grong du 'gro ba dang/ khyim bdag rnams 'phya ste/ 'phags pa dag gyang rnams gyang sar 'gro ba ni de bzhin te/ de ltar ni ma rigs kyis ma 'gro zhig ces 'phya ba las snyan du bdas nas/ legs par bgos te 'gro bar bya'o zhes 'dul ba la bslab pa bcas so/ /sgra bskyung zhes bya ba ni drug sde rnams ca co 'don cing grong du 'dong ba dang/ dad pa'i bram ze dang khyim bdag dag 'phya ste/ 'phags pa dag chang gis myos pa dang/ byis pa chung ngu rnams de bzhin 'dod ste/ de ni mi rigs so zhes 'phya ba las snyan du bdas te/ sgra bskyungs la khyim pa'i khyim du 'gro bar bya'o zhes bcas so/ /mig yong bar mi bya ba ni drug sde rnams mig

  324. 162b

    yan man du g.yengs shing 'gro bas na/ dad pa'i khyim bdag dag 'phya bar gyur pa las snyan du bdas nas/ mig yengs shing ma 'gro zhig ces bka' stsal pa dang/ drug sde rnams mig btsums shing 'gro ba las rta dang/ shing rta 'dren pa dag dang thug par gyur nas sa la 'gyel te mi gtsang ba dang/ 'dam rdzab kyis gos par gyur te/ bdag khyim bdag bram ze dag 'phya ba las snyam du bdas te/ mig mi btsums mi g.yeng bar gnya' shing gang tsam du blta zhing khyim pa'i khyim du 'gor bar bya'o zhes gsungs so// //mgo mi g.yog pa zhes bya ba ni drug sde rnams mgo g.yogs nas khyim du dong ba dang/ khyim bdag rnams phya ste rigs kyi mna' ma dang mig na ba rnams ni de bzhin dong ste/ 'phags pa rnams de lta bu ni mi rigs so zhes 'phya ba las snyan du bdas te/ mgo mi g.yog par grong du 'gro bar bya'o zhes bcas so// //mi brdze ba zhes bya ba ni drug sde rnams sham thabs brdzes te khyim du 'dong ba dang/ khyim bdag rnams kyis 'phags pa dag skyes pa bshad lci bya ba 'am/ 'dam rdzab dang chu yod na de ltar bya'i de lta bu med pa la ni mi rigs so/ zhes 'phya ba las snyan du bdas nas/ mi brdze bar khyim du 'gro bar bya'o/ /zhes bslab pa bcas so// //gos mi gzar bar 'gro zhes bya ba ni drug sde rnams chos gos gyon pa slar gsar te dong ba las/ khyim bdag re rgyan po dang/ nal gyi bu dag ni de ltar 'dod gis 'phags pa dag ci'i phyir dang de ltar dong zhes 'phya ba las snyan du bdas nas/ chos gos mi gzar bar khyim du 'gro bar bya'o zhes bslab pa bcas so/ /chos gos gnya' gong du bsnol zhing 'gro ba ni drug sde rnams chos gos bgos nas gnya' grong du bsnol nas grong du dong ba dang/ bram ze dang khyim bdag dag 'phya ba ste/ 'phags pa dag dwa dang nal gyi bu dag ni de

  325. 163a

    bzhin dong ste/ de lta bu mi rigs so zhes 'phya ba las snyan du bdas te/ gnya' gong du bsnol te grong du mi 'gro bar bya'o zhes bcas so/ /phrag pa gnyi gar mi gzar bar 'gro zhes bya ba ni drug sde rnams gos phrag pa gnyi ga la gzar nas 'gro ba las khyim bdag rnams na re/ 'phags pa dag g.yog byed pa ni de ltar byed de de lta bur mi rigs so zhes 'phya ba las snyan du bdas nas phrag pa gnyi ga la mi gzar bar grong du 'gro bar bslab par bya'o zhes bslab pa bcas so// brang bas 'gro ba ma yin zhes bya ba ni drug sde rnams rkang pa'i brang bas khyim du dong ba dang/ khyim bdag dag 'phya ste/ 'phags pa byis pa chung ngu shing la rtse ba dang/ rkang pa'i mthil sa pa rnams ni de ltar 'gro ste/ de lta bu ni mi rigs so zhes bya ba nas snyan du bdas te/ brang bas grong du mi 'gro bar bya'o zhes bslab pa bcas pas so/ /'jal thabs su 'gro bar mi bya zhes bya ba ni drug sde rnams gom pa 'jal thabs su grong du dod pa las/ khyim bdag 'phya ba las snyan du bdas te/ grong du gom pa brkyang zhing 'jal thabs su 'gro bar mi bya'o zhes bslab pa bcas so/ /mi mchod par 'gro bar bya ba ni drug sde rnams shing thags de dag la mchod zhing dong bas bram ze dang/ khyim bdag dag 'phya ste/ 'phags pa dag 'jigs shing skrag pa ni de ltar dong ste/ de lta bu mi rigs kyis de ltar ma byed cig ces 'phya ba las snyan du bdas te/ khyim bdag 'phya ba yus kyis gong bu dang shing thags la mchod zhing ma 'gro bar lam du deng la mi mchod par grong du 'gro bar bya'o zhes bslab pa bcas so/ /tsog bur ma yin zhes bya ba ni drug sde rnams tsog bur 'dod pas/ khyim bdag dag 'phya ste/ de lta bu ni rgan po dang rkang nad can dang/ byis pa chung ngu rnams 'gro mi nus pa ni de bzhin du 'gro ste/ 'phags

  326. 163b

    pa dag de lta bu ni mi rigs so zhes 'phya ba las snyan du bdas te/ tsog pur 'gro zhing grong du mi 'dod par bslab par bya'o zhes bslab pa bcas so/ /dkur mi brten par 'gro bar bya zhes bya ba ni drug sde rnams dkur brten zhing 'gro ba dang khyim bdag dag 'phya ste/ tshong dpon dang ded dpon dag ni de ltar 'gro ste/ 'phags pa rnams de ltar 'gro ba mi rigs so zhes 'phya ba las snyan du bdas te/ dkur mi brten par grong du 'gro bar bslab par bya'o zhes bslab pa bcas so/ /lus mi bsgyur bar 'gro bar bya zhes bya ba ni drug sde rnams lus bsgyur zhing grong du dong ba dang/ dad pa'i khyim bdag dag 'phya ste/ 'phags pa dag gzugs kyis 'tsho ba dang/ bal glang mo dag de ltar dong ste/ de lta bu mi rigs so zhes zer ba las snyan du bdas te/ lus mi bsgyur bar khyim pa'i khyim du 'gro bar bya'o zhes bslab pa bcas so/ /lag pa mi dkyog par 'gro bar bya zhes bya ba ni drug sde rnams lag pa 'khugs ka byed cing grong du dong bas khyim bdag dag 'phya bar gyur te/ 'phags pa dag byis pa chung ngu dang/ dwa dang smyon pa rnams ni da ltar dong ste/ mi rigs so zhes 'phya ba las snyan du bdas te/ lag pa'i 'khyugs ka mi bya bar khyim pa'i khyim du 'gro bar bslab par bya'o zhes bcas so/ /mgo mi bsgyur bar 'gro bar bya zhes bya ba drug sde rnams mgo bsgyur zhing grong du dong ba las khyim pa dag 'phya ste/ 'phags pa dag glang po che dang/ rtsengs pa dag ni de ltar 'gro zhes 'phya ba las snyan du bdas te/ mgo mi bsgyur bar khyim pa'i khyim du 'gro bar bslab par bya'o zhes bslab pa bcas so/ /phrag pa mi sprad par 'gro'o zhes bya ba ni drug sde rnams grong du dong ba dang/ de na mi zhig spos kyis bskus te me tog gis btags te/ 'gro ba drug sde dag gis mthong nas dga' bo dang bsnyen dga' bo bkren pa 'di mi dga' bar bya'o zhes nas phrag pa sprad de phul bas de yang sa la 'gyel to/ /de mi snyan

  327. 164a

    par 'phya ba las snyan du bdas te/ khyim pa 'phya ba ni rigs par 'phyas pas/ phrag pa sprang cing khyim pa'i khyim du mi 'gro bar bslab par bya'o zhes bslab pa bcas so/ /lag pa mi sbrel bar 'gro bar bya zhes bya ba ni drug sde rnams grong du dong ba dang/ skyes pa zhig me tog dang/ sbos kyis rgyan nas 'jig rten la ngom bzhin du 'ong ba dang/ drug sde dag gis mthong nas de mi dga' bar bya'o zhes nas/ de dag lag pa sbrel te phul ba dang sa la 'gyel to/ /de yang bdag gis nongs pa ci bgyis zhes smod pa las snyan du bdas khyim pa 'phya ba ni yus te/ lag pa sprel bar khyim pa'i khyim du 'gro bar mi bya'o zhes bslab pa bcas so/ /ma bsgo bar khyim pa'i stan la mi 'dug par bslab par bya ba ni mnyan du yod pa na bram ze zhig gtsang sbra la dga' ste/ mal sgo khang du bcas nas deng bu mo zhig sbrang yang thogs te/ sbrang ma skrod du bcug pa dang/ bsnyen dga' bo bsod snyoms la bram ze de'i sgor 'ongs te bu mo song ste/ bram ze la bsnyen dga' bo sgo na 'dug gis sgron cig ces bsgo ba dang/ bdag ni sbrang ma skrod pas mi mchi'o zhes smras pa dang/ ngas skad cig bsrung gis song shig ces nas de song ba dang/ bsnyen dga' bos rkang pa de'i mal gyi steng du bzhag ste 'dug go /bram ze yang nang nas byung ste 'ongs pa dang/ nges rkang pa bzhag pa mthong nas nga na re 'phags pa bdag ni gtsang sbra la dga' ba lags te/ ci'i phyir lham dang bcas par nga'i mal na 'dug ces 'phya zhing smod pa las snyan du bdas te 'phya ba ni rigs par 'phya bas/ da phyin chad khyim pas ma bsgo bar stan la mi 'dug par bya'o zhes bslab pa bcas so/ /stan la ma rtags par 'dug par mi bya ba ni mnyan du yod pa na 'char ka skabs skabs su gtum ma'o gnas der chos 'chad cing 'gro'o/ /phyi zhig na gtum mo'i bu mo la bu gcig btsas te/ de tshe ring bar 'dod pa'i phyir

  328. 164b

    ras dkar pos g.yogs te/ drang srong gi stan la bzhag pa dang/ phyis 'char ka 'ongs ta stan la ma brtags par 'dug pas bu de dus las 'das so/ /de dag mya ngan byed cing mi snyan par zer ba snyan du bdas te/ khyim pa'i stan la ma brtags par 'dug tu mi gnad bar bcas so/ /lus thams cad kyis lcid kyis phab ste 'dug par mi bya ba ni bcom ldan 'das mngon par byang chub na ser skya'i gnas na/ btsun mo grags 'dzin ma'i der bshos gsol ba'i tshe/ tshe dang ldan pa 'char kas grags 'dzin ma bshos 'drim pa'i rkang pa la rkang pas brdegs te btang ngo/ /de yang mi dga' ste phyin chad de lta bu mi byed par bya ba'i phyir grags 'dzin mas khri rgyud ma brtags pa'i steng gos kyis g.yogs nas bzhag ste/ 'char ka bos shig ces bu mo zhig mngags nas 'char ka yang rnyed pa zhig grub snyam te myur zhing rings par 'ongs nas/ khyed kyis nga la ci sbyin zhes byas pa dang/ khri la bzhugs shig dang/ phye dang zho por gang gsol lo zhes pa dang/ khrid de yang dbang med ces 'char kas smras na khrid de mi gsol lo zhes nas 'char kas kyang phye dang zho por gang lag tu blangs nas/ khri'u de chag go snyam du bsams te steng du ljid gyis phab ste drag tu 'dug pa dang/ khri'u rgyud med pas na nub ste/ phye phor gang dang zho phor gang yang de'i gdod du bo nas de dag gang mo byung ste/ 'char ka'i rkang pa nas bzung nas rdzing bu'i nang du bor ro/ /'char ka yang lang te chos gos bcu zhing 'dug pa dang/ dge slong dag gis mthong ste ci nyes zhes smras na/ ngas khar sang rtse mo zhig byas na de ring gnod pa de dang 'dra bar byas zhes pa dang/ de dang 'dra bas snyan du bdas te/ khyim pa'i khyim du stan la ljid kyis phab ste mi 'dug par bya'o zhes bcas so/ /rkang pa mi bsnol bar 'dug par bya zhes bya ba ni/ drug sde rnams rkang pa bsnol zhing 'khod pa dang/ khyim bdag gis 'phags pa dag dwa dang nal gyi bu dag

  329. 165a

    ni 'di ltar 'khod de/ de lta bu mi rigs so zhes 'phya ba las snyan du bdas te/ 'phya ba yus kyis khyim pa'i khyim du rkang pa mi bsnol bar bya'o zhes bcas so/ /brla mi bsnol bar 'dug ces bya ba ni drug sde rnams brla bsnol nas 'khod pa dang/ 'phags pa dag dwa dang nal gyi bu dag ni de bzhin 'khod de/ de lta bu mi rigs zhes 'phya ba las snyan du bdas te/ khyim pa ni rigs par 'phya'o zhes te/ greng du brla bsnol te mi 'dug par bslab par bya'o zhes bcas so/ /long bu'i steng du long bu mi bzhag par bya zhes bya ba ni drug sde rnams long bu'i steng du long bu bzhag ste 'khod pa dang/ khyim bdag na re 'phags pa dag brgyan po pa dang/ nal gyi bu dag ni de ltar 'khod de mi rigs zhes 'phya ba las snyan du bdas te/ khyim pa 'phya ba ni rigs par 'phyas/ khyim pa'i khyim du long bu'i steng du long bu mi bzhag par bslab par bya'o zhes bcas so/ /rkang pa bkug ste 'dug par mi bya zhes ba ni drug sde rnams rkang pa bkug ste 'dug pa dang/ dge bsnyen ma rnams phyag 'tshal na de dag nad med par gyur cig ces mi zer nas/ de dag gis smras pa/ bdag cag las nad med cig ces ci'i phyir mi gsung zhes byas pa dang/ nged kyi rkang pa gnyis la phyag ma byas so zhes byas pa dang/ de dag gi rkang pa gnyis la phyag 'tshal ba dang/ de dag gis bud med kyi rkub la mthos 'jal zhing rkub chos che ba la bltos zhes zer ba las de dag ngo tsha ste mi smra bar 'khod do/ /de ltar gyur pa snyan du bdas te grong du rkang pa mi dgug par bya'o zhes bcas so rkang pa gdang zhing mi 'dug par bya zhes bya ba ni drug sde rnams rkang pa gdangs shing 'dug pa la dge bsnyen ma dag phyag 'tshal ba na de dag nad med cig ces rdzogs par mi zer nas/ 'phags pa ci'i slad du mi gsung zhes byas na/ khyed kyis nged

  330. 165b

    kyi rkang pa gnyis la phyag ma byas so zhes pa dang/ de dag yang rkang pa gnyis la phyag byed pa dang/ rkub la na thos 'jal ba dang de dag 'phya ba snyan du bdas nas/ rkang pa gdang shing 'dug par mi bya'o zhes bcas so/ /'doms mi gnang bar 'dug par bya zhes zer ba ni drug sde rnams 'doms snang bzhin du grong du 'khod cing sgren mor 'khod pas na bram ze dang/ khyim bdag dag 'phya ba snyan du bdas nas 'doms mi gnad par grong du 'dug par bya'o zhes bcas so/ /legs par zas blang bar bya zhes bya ba ni yul sbas dkar can rgyal po rtogs ldan gyi khang bzangs pad mo'i tshon brgya rtsa gcig gis sa gzhi bris pa zhig brtsigs te/ der dge 'dun rnams bshos la spyan drangs pa dang/ rgyal bu nyid ni chos la dang 'khor rnams chos la ma dad pas de dag gis la du 'drim pa'i tshe la du bskyur bas/ lhung bzed chag ste drug sde rnams kyis de dag mi dga' bya'o zhes nas/ 'bras dang tshod ma 'drim pa'i tshe lhung bzed gang bas tshod ma de dag sa la bo ste/ de dag gis 'phags pa rgyal bu rtogs ldan gyi khang bzangs tshon sna tshogs brgya rtsa gcig gis bris pa ma rungs par gyur to/ /drug sde rnams kyi smras pa/ bkren pa khyed kyis ma rungs par sems na/ dge 'dun de dag gis lhung bzed ji ltar bya zhes pa las snyan du bdas te/ zas legs par blang bar bya'o zhes bslab pa'i gnas bcas so// mu dang kha nga chang du ma yin zhes bya ba ni drug sde rnams rtogs ldan gyi khyim du lhung bzed gang bar blangs pas de dag gis kyang tshong ma gar blugs shes pa de nyid du zhes byas te blugs pa dang po nas de dag gis khang bzangs ma rungs par byas zhes pa las rtogs ldan dang khyed cag nyid kyang 'di la chags pas na/ yi dags lba ba can du 'gyur ro zhes byas pa dang/ de dag mi dga' zhing 'phya ba las snyan du bdas te/ bka' stsal pa/ mu dang khang chad zas mi blang bar bya zhes bslab pa bcas so/ /tshod ma dang mnyam par

  331. 166a

    ma yin zhes bya ba ni drug sde rnams rtogs ldan gyi khyim du lhags te/ de dag gis sngon du tshod ma byin na lhung bzed gang bar blangs so phyis 'bras byin pa yang de nyid du bzed pa dang/ ma shong ste bo bas na khang pa ma rung zhes khyim bdag 'phya ba las snyan du bdas te/ bka' stsal pa/ tshod ma dang mnyam par mi blang bar bya'o zhes bslab pa bcas so/ /zas mthar chags su blang bar bya zhes bya ba ni drug sde rnams zas za ba'i tshe tshod ma mi len te/ phyis ring du song ba dang 'bod cing tshod ma len pas/ tshod ma snga phyir 'khrul par gyur pa snyan du gsol nas/ bka' stsal pa/ zas mthar chags su blang bar bya'o zhes bcas so/ /lhung bzed blta zhing bza' bar bya zhes bya ba ni mnyan du yod pa na/ khyim bdag gcig gis sangs rgyas 'khor dang bcas pa bshos la spyan drangs te/ yon bdag gis khur ba 'drim pa'i tshe/ 'phags pa dag zhal zas zhim po gsol gyis/ phye mang du ma len cig ces byas pa dang/ drug sdes phye mang du blangs so/ /rgan rim la khur ba dag 'drim pa'i tshe drug sde dag gis 'og na rgan zhugs shig 'dug pa gong du rgan rim la blta ba'i tshe/ drug sdes zan chang chang pos lhung bzed bkang ngo/ /khyim bdag des khur ba 'drim pa'i tshe rgan zhugs la byin pa dang/ lhung bzed lci bas sa la lhung ngo/ /yon bdag gis smras pa/ 'phags pa ci'i phyir phye mang du len bdag gis mang du ma blangs so/ /'o na sus blangs/ de ltar gtol med de zhes byas pa dang/ drug sde dag gis smras pa/ khyim bdag ma thos sam rgyal po bdag la sog? yul du zhag bdun gyi bar du nor dbyig gi char 'bab pa de bzhin du/ rgan zhugs de la yang zan chang chang po'i char bab po zhes byas pa dang/ de dag cang mi smra zhing 'dug go /de ltar gyur pa snyan du bdas nas/ de lta bas na lhung bzed la blta bar bya'o/ /zhes bcas so/ /bza' bca' ma

  332. 166b

    'ongs par lhung bzed ma bzed par bya zhes bya ba ni/ drug sde rnams bsod snyoms la zhugs pa na zas ma byin par de dag lhung bzed sngar bzed cing 'khod pas ngad pa'i bram ze dang khyim bdag dag 'phya ste/ ci'i phyir na bca' ba dang bza' ba ma byin par lhung bzed bzed ces 'phya ba las snyan du bdas nas/ bza' ba dang bca' ba ma 'ongs par lhung bzed mi bzed par bya zhes bslab pa bcas so/ /yang 'dod pa'i phyir 'bras can gyi tshod mi dgab par bya ba ni mnyan du yod pa na te/ khyim bdag gcig gis bcom ldan 'das dge slong gi 'khor dang bcas pa bshos la spyan drangs pa de na/ khyim bdag gis 'bras ni mang tshod ma ni nyung du byas pa dang/ drug sde rnams kyis tshod ma 'bras kyis g.yogs te bzhag pa dang/ khyim bdag gis 'bras mthong ste/ tshod ma mchis zhes smras pa dang/ khyim bdag de nyid la ltos zhes nas tshod ma yang byin no/ /dge slong dag lha khang du dong ste khyim bdag des zan ni bzang ste/ tshod ma ni nyung ngo/ /zhes gtam 'dzer ba de na/ drug sde rnams na re nged kyis ni mang du thob ste/ 'bras can gyis tshod ma bkab po zhes byas pa dang/ dge slong dag 'phya ba las snyan du bdas te/ 'bras chan gyi tshod ma mi dgab par bslab par bya'o zhes bslab pa bcas so/ /tshod mas 'bras chan mi dgab par bya'o zhes bya ba ni mnyan du yod pa na khyim bdag gcig gis sangs rgyas 'khor dang bcas pa bshos la spyan drangs pa de na/ khyim bdag gis tshod ma ni mang 'bras chan ni nyung du byas pas drug sde rnams kyis tshod mas 'bras chan bkab pas khyim bdag gis tshod ma mthong ste/ 'phags pa 'bras ma mchis sam zhes byas pa dang/ khyim bdag nyid la ltos she nas des yang 'bras byin no/ /dge slong de dag yang lha khang du phyin nas/ khyim bdag des tshod ma ni mang du sbyar na/ 'bras chan ni nyung ngo zhes pa dang/ drug sde de dag na re nged kyis ni 'bras mang du thob po/ /de lta bu dbang ngam zhes pa dang snyan du bdas te/ tshod mas

  333. 167a

    'bras chan mi dgab par bslab par bya'o zhes bslab pa bcas so/ /legs par zas bza' bar bya'o zhes bya ba na drug sde rnams slem? phyo zhing zan za ba dang/ 'phags pa dag byis pa chung ngu dang/ gzugs kyis 'tsho ba ni de ltar byed de/ de lta bu ma byed cig ces khyim bdag dag 'phya ba las snyan du bdas te/ legs par zas bza' bar bya'o zhes bslab pa bcas so/ /kham ha cang chung ba yang ma yin pa zhes bya ba ni drug sde rnams grong du zan za ba na kham chung ngu nas zan za bas dad pa'i khyim bdag dag 'phya ste/ byis pa chung ngu dang/ rigs kyi mna' ma dag ni de ltar za'o zhes 'phya ba las snyan du bdas te/ kham ha cang chung ba yang ma yin pa kham ran par bza' bar bya'o zhes bslab pa'i gnas bcas so/ /kham ha cang chen po ma yin par bza' ba zhes bya ba ni drug sde rnams grong du zan za ba na kham ha cang cher za bas khyim bdag dag 'phya ste/ 'phags pa dag ltogs pa dang sprang po ni de bzhin du za bas de ltar ma gsol cig ces 'phya ba las snyan du bdas te/ kham ha cang chen po yang ma yin chung ngu yang ma yin par kham ran par bza' bar bya'o zhes bslab pa'i gnas bcas so/ /kham ma gzas par kha mi gdang bar bya ba ni mnyan du yod pa na khyim bdag cig gis bcom ldan 'das 'khor dang bcas pa bshos la spyan drangs pa dang/ drug sde'i 'og na rgan zhugs cig 'dug ste/ de yang kha gdangs nas rgan rim la blta ba dang bsnyen dga' bos/ de'i khar bong? ba cig bcug ste sngar phye ste zo shig ces byas pa las snyan du bdas nas/ kham ma gzas bar kha mi gdang bar bya zhes bslab pa bcas so/ /kha kham gyis bkang sta mi smra bar bya'o zhes bya ba ni drug sde rnams kha kham gyis bkang ste smra bas/ nga ro nyams shing mi snyan par gyur pa snyan du bdas te/ bka' stsal pa/ kha kham gyis bkang ste

  334. 167b

    mi smra bar bya'o zhes bslab pa bcas so/ /tsub tsug mi bya zhes bya ba ni mnyan du yod pa na khyim bdag cig gis bcom ldan 'das 'khor dang bcas pa bshol spyan drangs pa dang/ des tshod ma shin tu mngar bar sbyar bas drug sde rnams rkan sgra gtog pas tshod ma shin tu sgyur ro zhes byas pa dang/ khyim bdag de skyengs pas snyan du bdas te/ bka' stsal pa/ tsug tsug mi bya bar bza' bar bya'o zhes bcas so/ /cag cag mi bya bar bza' zhes bya ba ni mnyan du yod pa na te/ khyim bdag cig gis bcom ldan 'das 'khor dang bcas pa bshos la spyan drangs pa'i tshe/ tshod ma shin tu skyur bar sbyar ba dang/ drug sde rnams rkan sgra phyung ste/ shin tu tshod ma mngar ro zhes byas pa las/ khyim bdag skyengs pa snyan du bdas nas bka' stsal pa/ cag cag mi bya bar zas bza' bar bya'o zhes bslab pa bcas so/ /hu hu zhes mi bya ba ni mnyan du yod pa na khyim bdag cig gis bcom ldan 'das 'khor dang bcas pa bshos la spyan drangs pa de na khyim bdag de snod spyad nyungs nas 'bras chan rnams skon bur blugs te bzhag pas drong che bar gyur to/ /drug sde rnams 'bras de ni grang gi dbugs kyis bsros la zo shig ces zer ba khyim bdag gis thos te skyengs pa la snyan du bdas te/ bka' stsal pa dang/ hu hu mi bya bar zas bza' bar bya'o zhes bslab pa bcas so// phu phu mi bya bar bza' bar bya ba zhes bya ba ni mnyan du yod pa na khyim bdag cig gis bcom ldan 'das 'khor dang bcas pa bshos la spyan drangs te/ 'bras bcos nas re lde'i steng du bzhag pa dang/ grangs par gyur te/ drug sde rnams dag na re 'bras de ni rab tu chi bas phu phu zhes gyis la zo shig ces byas pa las/ khyim bdag skyengs pa snyan du bdas nas/ phu phu mi bya bar zas bza' bar bya'o zhes bslab pa bcas so/ /lce phyung ste zas mi bza' bar bslab par bya zhes bya ba ni khyim pa dag ni der

  335. 168a

    zan za ba'i tshe lce phyung nas blta zhing mchu ldag pa dang dge slong dag gis tshe dang ldan pa dag lce phyung nas ltar ci yod ces byas pa dang/ de dag gis smras pa 'ga' zhig nang du mi 'jug grang snyam nas bltas so zhes byas pa dang/ de dag 'phya bar gyur pa las snyan du bdas te/ bka' stsal pa/ lce phyung ste zas mi bza' bar bya'o zhes bslab pa bcas so/ /'bru nas tha dad du mi dbye bar zas bza' bar bya'o zhes bya ba ni drug sde po rnams grong du zan za ba na 'bras kyi 'brum bu gtor nas thu zhing za ba dang/ dad pa'i khyim bdag dag 'phya ste/ byis pa chung ngu dang nal gyi bu dag de ltar za ste/ 'phags pa dag de bzhin ma za cig ces 'phya ba las snyan du bdas te/ bka' stsal ba/ 'bru nas tha dad du mi dbye bar bza' bar bya'o zhes bslab pa bcas so// 'phyas mi gdags par zas bza' bar bya zhes bya ba ni drug sde rnams khyim pa'i khyim du zan za ba'i tshe/ dga' bo bsnyen dga' bo tshod ma de ni skyur ro/ /'di ni mdar ro zhes byung ba las snyan du bdas te/ bka' stsal pa/ 'phyas mi gdags par zas bza' bar bya'o zhes bslab pa bcas so/ /mkhur ba mi spo bar zas bza' ba bya'o zhes bya ba ni drug sde rnams grong du zan za ba'i tshe/ kham 'gram g.yas g.yon du spo zhing za ba dang khyim bdag dag 'phya ste/ byis pa chung ngu dang mu lto ba bdag ni de bzhin du za ste/ 'phags pa dag mi rigs so zhes 'phya ba las snyan du bdas te/ bka' stsal pa/ mkhur ba mi spo bar zas bza' bar bya'o zhes bslab pa bcas so/ /rkan mi gtog cing zas bza' bar zhes bya ba ni drug sde rnams grong du zan za ba'i tshe rkan sgra gtog cing za ba khyim bdag dag 'phya ba las snyan du bdas nas/ rkan mi gtog par zas bza' bar bya'o zhes bslab pa bcas so/ /kham 'phror gcod cing zas mi za bar bya'o zhes bya ba ni drug sde rnams khyim bdag gi de na zan za ba'i tshe kham blangs nas phyed ni khar bcug phyed ni

  336. 168b

    lhung bzed du 'dor bas khyim bdag dag 'phya ste 'phags pa dag byis pa chung ngu dang gzugs kyis 'tsho ba rnams ni 'di ltar za'o zhes 'phya ba las snyan du bdas te/ bka' stsal pa/ kham 'phror byas shing zas mi bza' bar bya'o zhes bslab pa bcas so/ /lag pa mi ldag par zas bza' bar bya'o zhes bya ba ni drug sde rnams khyim pa'i khyim du zas za ba'i tshe/ lag pa la zas dam pa nyid chags so zhes nas bldags pa las/ dge slong dag gi lag pa ldag par mi rigs zhes 'phya ba las snyan du bdas te/ bka' stsal pa/ lag pa mi ldag par zas bza' bar bya'o zhes bslab pa'i gnas bcas so/ /lhung bzed mi byog par bya zhes bya ba ni drug sde rnams kyis grong na zan za ba'i tshe/ lhung bzed byogs pa dang tshe dang ldan pa de lta bu'i mi mdzes pa ci byed ces byas pa dang/ gang kha zas dam pa nyid ni 'di la lus so zhes pa las snyan du bdas nas/ bka' stsal pa/ lhung bzed mi byog par bya'o zhes 'dul ba la bslab pa'i gnas bcas so/ /lag pa mi sprug par bslab par bya zhes bya ba ni drug sde po rnams grong na zan za ba'i tshe lag pa sprug pa dang/ dge slong dag la lag pa'i chu gzer gyis phog pa dang/ de dag 'phya ba las snyan du bdas te/ bka' stsal pa/ lag pa sprug cing zas mi bza' bar bya'o zhes bslab pa'i gnas bcas so/ /lhung bzed mi bskyam par bya zhes bya ba ni drug sde rnams kyi gan na dge slong spyad ma dur kha zhig gon zhing 'dug pas drug sde rnams na re dga' bo bsnyen dga' bo bkren pa 'di'i snying lam na sbyar ma 'di lta bu bdag cag gis ma bgos snyam sems kyis/ de mi dga' bar bya'o zhes nas lhung bzed bkru ba'i chus chos gos de ma rung bar byas so/ /da nas de 'phya ba las snyan du bdas te/ bka' stsal pa/ lhung bzed mi bskyam par bya'o zhes bslab pa'i gnas bcas so/ /mchod rten 'dra bar sbrus te zas mi bza' bar bya'o zhes bya ba ni mnyan du yod pa na/ khyim bdag cig 'dug pa de dag gcer bu la dga' ba las/ phyis

  337. 169a

    sangs rgyas la dga' bar gyur nas dge 'dun spyan drangs te/ des phye brims pa dang/ drug sde dag gis phyi brdzis te mchod rten 'dra par byas nas bzhag go /phyis la phug brims pa dang/ de yang bu gu rkos nas srog shing 'dra bar byas so/ /de nas khur ba brims pa dang/ de yang la phug gi steng du gdugs lta bur byas nas dga' bo bsnyen dga' bo 'di ni ngan 'gro rdzogs byed kyi mchod rten no zhes 'dzer to/ /de nas yang de bshig ste za ba'i tshe/ ngan 'gro rdzogs byed kyi mchod rten bshig go zhes 'dzer cing za ba khyim bdag gis thos nas/ 'phags pa dag de lta bu'i sdig pa'i lta ba las slar zlog pa ni zin na/ khyed cag 'gyod pa da rung ma byang dam zhes byas pa dang/ de dag kyang mi zer bar 'khod do/ /de ltar gyur pa snyan du bdas nas/ mchod rten 'dra bar sbrus nas zan mi bza' bar bslab par bya'o zhes 'dul ba la bslab pa'i gnas bcas so/ /drung na 'dug pa'i dge slong gi lhung bzed la 'phyas gdags pa'i phyir mi lta bar bya zhes bya ba ni drug sde rnams grong na zan za ba rnams de dag gi gnas na/ dge slong zhig mang du za ba la drug sde rnams 'phya nas dga' bo rgan zhugs 'di mang du za ba la ltos shes 'dzer ba las snyan du bdas nas bka' stsal pa/ 'phya bar sems shing lhung bzed la mi blta bar bya'o zhes bslab pa bcas so/ /lag pa zas dang 'bags pas chu snod la mi bzung bar bya'o zhes bya ba ni drug sde rnams zan za ba'i tshe lag pa zas dang/ 'bags pas chu snod la 'dzin pa dang/ dad pa'i khyim bdag dang/ bram ze dag 'phya ste/ dge slong shAkya'i bu rnams ni gtsang sbra med pa zhes 'phya ba las snyan du bdas nas bka' stsal pa/ zas dang 'bags pa'i lag pas chu snod la mi bzung bar bya'o zhes bslab pa bcas so/ /drung na 'dug pa'i dge slong la chu zas dang/ 'bags pas mi gtor? bar bya zhes bya ba ni drug sde rnams grong na zan za ba las gnan

  338. 169b

    dge slong sbyar ma dur kha zhig gyon zhing 'dug pa las drug sde rnams kyis bkren pa de'i rmi lam na 'u gu cag gis sngon ma gyon snyam gyis mi dga' bar bya'o zhes lag pas zas dang/ 'phags pa'i chus ma rungs par byas te/ de ltar byas pa snyan du bdas te drung na 'dug pa'i dge slong la zas dang 'bags pa'i chus mi gtor bar bya'o zhes bslab pa bcas so/ /khyim bdag 'dug pa la ma dris par chu zas dang 'bags pa/ khyim pa'i khyim du mi dbo bar bya'o zhes bya ba ni yul sbal kar can du rgyal bu rtogs ldan gyis dge 'dun bshos la spyan drangs nas bshos gsol ba dang/ drug sde rnams kyis lhung bzed kyi chu de nyid du pho'o/ /zhal zas 'drim pa'i mi rnams 'phya ste tshon brgya rtsa gcig gis bris pa'i khang pa ma rungs par byas so/ /zhes 'bya ba las snyan du bdas te/ bka' stsal pa/ zas dang 'bags pa'i chus khyim pa'i khyim du mi dbo bar bya'o zhes bslab pa bcas so/ /ma dris zhes bya ba ni khyim pa 'dug pas 'dir po shig ces zer ba la nyes pa med do/ /lhung bzed kyi nang du zas kyi lhag ma blugs te mi dor bar bya ba ni/ mnyan du yod pa na bram zo zhig gnas pa'i bun nas de sman pa la dris pa dang/ bram ze de yang chos la dad pa zhig pas/ lhung bzed bkrus pa'i chus khrus byos shig ces bstan pas bram zes dge slong drug sde po'i gan du song nas lhung bzed krus pa'i chu bslangs pa dang/ de nyid na sdod cig khyer te 'ong ngo zhes nas de nang du song ste lhung bzed kyi nang du 'bras dang phye dang/ khur ba dang sha lhag ma chu dang bsres te phyir phyung nas bram ze la bstan pa dang/ 'phags pa bu shi yang bla'i de lta bu'i brtsog pas ni mi bkru'o zhes zer ba las snyan du bdas nas bka' stsal pa/ lhung bzed bkrus pa'i chu slong ba la lhung bzed du lhag ma blugs te mi spyan par bslab par bya'o/ /gal te lhung bzed kyi chu zhig slong na lhung bzed lan gsum khrus la zhal nas gsungs pa'i tshigs su bcad pa klags pas sbyin par bya'o zhes bslab pa bcas so/ /'og gzhi

  339. 170a

    med pa'i sa la lhung bzed mi bzhag par bya zhes bya ba ni mnyan du yod pa na/ dge slong zhig gis 'og gzhi med pa'i sa la lhung bzed bzhag pa na btsas zos pa snyan du bdas te/ bka' stsal pa/ 'og gzhi med pa'i sa la lhung bzed mi bzhag par bya'o zhes bslab pa bcas so/ /gang kar lhung bzed mi bzhag par bya'o zhes bya ba ni dge slong zhig gis lhung bzed gang khar bzhag pa las snyan du bdas te/ gang khang lhung bzed ma bzhag par bya'o zhes bslab pa bcas so/ /g.yang sar lhung bzed mi bzhag bar bya zhes bya ba ni dge slong rnams lhung bzed dag g.yang sar bzhag pa las rbab? tu song gis dogs pa'i phyir/ bka' stsal pa/ g.yang sar mi bzhag par bya zhes bslab pa bcas so/ /dkan gzar por lhung bzed mi bzhag par bya zhes bya ba ni dge slong rnams lhung bzed par rim gyi der bzhag pas de nyid nyes par 'gyur ro zhes bka' stsal pa/ lhung bzed par rim du mi bzhag par bya'o zhes bslab pa bcas so/ /'greng ste lhung bzed mi bkru zhes bya ba ni mnyan du yod pa na/ dge slong zhig 'greng zhing lhung bzed 'khru bas ma byed cig ces dge slong dag gis bsgo nas cir 'gyur/ lhung bzed chag par 'gyur ro zhes byas na ma btub bas lhung bzed lhung nas chag pas snyan du bdas te/ bka' stsal pa/ 'greng ste lhung bzed mi bkru bar bya'o zhes bslab pa bcas so// 'bab chu drag po'i rgyun las bzlog ste/ lhung bzed kyis chu mi bcu bar bya'o zhes bya ba ni/ dge slong rnams chu bo rgyun drag po las yar bzlog ste/ lhung bzed kyis chu bcus pas lhung bzed chus khyer ba las snyan du bdas bka' stsal pa chu'i rgyun las yar bzlog ste lhung bzed kyi chu mi bcu par bya'o zhes bslab pa bcas so/ /gang ka dang dkan gzar por lhung bzed mi bkru zhes bya ba zin gong du bzhag par mi bya zhes bya ba dang sbyar te bkru bas bye brag go /min par 'dug pa la 'greng ste chos mi bshad ces bya ba ni mnyan du

  340. 170b

    yod pa na te/ drug sde rnams min par 'dug pa la 'greng bzhin du chos ston pa dang/ dad pa'i bram ze dang khyim bdag dag 'phya ste/ bcom ldan 'das kyis bskal pa grangs med pa gsum gyi bar du dka' ba spyad de pha rol tu phyin pa drug rdzogs pas bla na med pa'i ye shes brnyes na khyed ni gus par rim gro med par sa la 'dug pa la chos 'chad dam zhes 'phya ba las snyan du bdas te/ mi na bar 'dug pa la 'greng ste chos mi bshad par bya'o zhes bslab pa bcas so/ /mi na bar nyal ba la 'dug ste chos mi bshad par bya'o zhes bya ba ni drug sde rnams mi na bar nyal ba la 'dug ste chos 'chad pas khyim bdag dag 'phya ba las snyan du bdas nas/ mi na bar nyal ba la 'dug ste chos mi bshad par bya'o zhes bslab pa bcas so/ /mi na bar stan mthon po la 'dug pa la stan dma' ba la 'dug ste/ chos mi bshad par bya ba ni drug sde rnams stan dma' ba la 'dug nas stan mthon po la min bar 'dug pa la chos bshad pas khyim bdag 'phya ba las snyan du bdas nas/ mi na bar stan mthon po la 'dug pa la/ stan dma' ba la 'dug ste chos mi bshad par bya'o zhes bslab pa bcas so/ /mi na bar mdun du 'gro ba la phyi nas 'gro zhing chos mi bshad par bya zhes bya ba ni drug sde rnams mnyan du yod pa na mi na bar mdun du 'gro ba las/ phyis mi slebs bzhin du chos 'chad pa las khyim pa 'phya ba las snyan du bdas te/ mi na bar mdun du 'gro ba la phyir nas 'gro zhing chos mi bshad par bya'o zhes bcas so/ /mi na bar lam nas 'gro ba la 'gram nas 'gro zhing chos mi bshad par bya'o zhes bya ba ni drug sde rnams ni lam gyis 'gram nas 'gro zhing mi na bar ni lam du 'gro ba la chos 'chad pas khyim bdag 'phya ba las snyan du byangs te/ mi na par lam du 'gro ba la lam gyi 'gram nas 'gro zhing chos mi bshad par bya'o zhes bcas so/ /mi na bar mgo g.yogs pa la chos mi bshad par bya zhes bya ba ni

  341. 171a

    drug sde rnams kyis mgo g.yogs pa la chos bshad pa dang/ bram ze dang khyim bdag 'phya ste/ bcom ldan 'das kyis bskal pa grangs med pa gsum du dka' ba spyad pa brgya stong du mas pha rol tu phyin pa drug rdzogs te/ bla na med pa'i byang chub thob na 'di dag rim gro med pa la chos 'chad do zhes 'phya ba las snyan du bdas te/ mi na bar mgo g.yogs pa la chos mi bshad par bya'o zhes bslab pa bcas so/ /mgo g.yogs pa la chos bshad pa ji lta ba bzhin du brdzes ba dang/ gos gzar ba dang/ gos gnya' gong du bsnol ba dang phrag pa gnyi la gzar ba la drug sde rnams chos 'chad pa las bslab pa'i gnas bcas pa ni mog g.yogs pas ji lta ba bzhin du sbyar ro/ /do ker can dang/ zhwa gyon pa la drug sde rnams chos 'chad pas bram ze dang/ khyim bdag dag 'phya ba las snyan du bdas te/ mi na bar do ger can dang zhwa gyon pa la chos mi bshad par bya'o zhes bslab pa bcas so/ /do ker can dang zhwa gyon pa la ji lta ba bzhin du/ cod pan can dang/ phreng ba can dang/ thod bcings pa la min bar chos mi bshad par bya'o zhes bya ba ni bar du rgyas par sbyar ro/ /min bar glang po che zhon pa la chos mi bshad par bya ba ni drug sde rnams glang po che zhon pa la/ chos bshad pa dang/ dad pa'i khyim bdag dag 'phya ste/ 'phags pa dag bcom ldan 'das kyis bskal pa grangs med pa gsum du dka' ba spyad pas bla na med pa'i byang chub brnyes na de lta bu ma gus par rim gro med pa la chos 'chad dam zhes 'phya ba las snyan du bdas nas/ bka' stsal pa/ min par glang po che zhon pa la chos mi bshad par bya'o zhes bcas so/ /mi na bar glang po che zhon pa la chos bshad du mi gnang ba de bzhin du rta zhon pa dang/ khyogs na 'dug pa dang/ lham mthon po gyon pa la chos mi bshad par yang rgyas par sbyar ro/ /mi na bar lag na dbyug pa thogs pa la chos mi

  342. 171b

    bshad par bya zhes bya ba ni drug sde rnams lag na dbyug pa thogs pa la chos bshad pas dad pa'i bram ze dang/ khyim bdag 'phya ste/ bcom ldan 'das kyis bskal pa grangs med pa du mar dka' ba spyad pas bla na med par byang chub brnyes pa na/ 'phags pa dag rim gro med pa dang gus pa med pa la yang chos bshad dam zhes 'phya ba las snyan du bdas nas min bar lag na dbyug pa thogs pa la chos mi bshad par bya'o zhes bcas so/ /mi na bar lag na dbyug pa thogs pa la chos 'chad du mi gnang bar da bzhin du mi na bar gdugs thogs pa dang/ mtshon cha thogs pa dang/ ral gri thogs pa dang/ lag na dgra cha thogs pa dang/ go cha bgos pa la chos mi bshad par yang rgyas par sbyar ro/ /mi na bar 'greng ste bshad gci mi bya zhes bya ba ni mnyan du yod pa na bsnyen dga' bos 'greng bzhin du bshang gci byas pas ston pa'i nyan thos rnams ni ngo tsha shes pa rnams yin na/ 'di ni ngo tsha dang khrel gyis mi dogs pa'i nyan thos dag ci yin zhes bram ze dang khyim bdag dag 'phya ba las snyan du bdas nas/ mi na bar 'greng zhing bshang gci mi bya'o zhes bslab pa bcas so/ /mi na bar chu'i nang du bshang gci mi bya'o zhes bya ba ni mnyan du yod pa na bsnyen dga' bos btso blag mkhan zhig gi gan du song nas nga'i gos 'di khrus te byin cig ces byas pa dang/ des smras pa/ 'phags pa sngon ni bdag cag la mgon skyabs dang bsrung ba mdzad na/ da ni mi mdzad na mi bkru'o zhes pa dang/ bsnyen dga' bos bkren pa sdod cig ces mi dga' bor bya'o snyam nas/ bkru sman 'thungs te rnyad pas chu'i nang du blugs so/ /btso lag mkhan nang par sngar langs te/ gos bkru ba zhes byas na rnyad pa mnam nas/ de kos bcugs bcas te rab tu sems shing 'dug pa dang/ bsnyen dga' bo yang phyogs der 'ongs nas bzhin bzangs ci nyes/ 'phags pa sus bdag gis bkru ba'i chu'i nang du skyag pa bor ma

  343. 172a

    'tshal/ de ni ngas byas te bkren pa khyod mi dga' bar bya'o zhes byas pa dang/ de dag 'phya ba las snyan du bdas nas mi na bar chu'i nang du bshang gci mi bya'o zhes bslab pa bcas so/ /mi na bar chu'i nang du bshang gci mi bya ba bzhin du mchis ma dang/ snabs dang/ skyugs pa dang/ sna nas gzags pa yang mi dor bar de bzhin du bslab par bya'o zhes bcas so/ /mi na bar rtswa sngon po yod pa'i phyogs su bshang gci mi bya zhes bya ba ni grong khyer ser skya'i gnas na 'dug ste/ bsnyen dga' bo ldum bu'i gan du song ste/ ldum blangs pa dang ma byin no/ /de nas de mi dga' bar bya'o zhes nas bkru sman 'thungs te rnyad mas gyo? mo bkang ste phyags ma thogs nas ldum ra? thams cad rnyad mas chag chag btab ste mdung bar byas so/ /mi gtsang ba mnam pas kha rnams kyang 'dus te dze thur ma rungs par byas so/ /nang par ldum ba tshong dus su ldum pa btsang du 'gro zhes ldum ra bltas na ma rungs par gyur te rab tu sems shing 'dug pa dang/ bsnyen dga' bos mthong ste/ ci'i phyir sems zhes byas nas/ ldum rar skyag pas bkang ste/ su mchis ma 'tshal lo zhes byas pa dang/ bkren pa khyod mi dga' bar bya ba'i phyir ngas ched du byas so zhes byas pa dang de yang 'phya bar gyur pa snyan du bdas nas/ bka' stsal pa/ mi na bar rtswa sngon po'i sa phyogs su bshang gci mi bya bar bslab pa bcas so/ /bshang gci ji lta ba bzhin du mchil ma dang/ snabs dang/ skyugs pa dang/ sna nas gzags pa dag mi dor bar bya'o zhes bcas so/ /gnod pa byung ba ma gtogs te shing la mi gang las mthong 'dzeg tu mi gnang ba ni mnyan du yod pa na khyim bdag gi ga gis dge 'dun rnams bshos la spyan drangs drangs so/ /bsnyen dga' bos gtsug lag khang skyod gi zan mnos nas khang skyong de ring zan chad par bya'o snyam bsams nas dze ta'i tshal nas mnyan du yod pa'i bar du gam pa du yod pa 'jal zhing 'gro ba

  344. 172b

    dang rang skyong gis kyang dro yol du nye nas/ shing la 'dzegs te bltas nas/ bsnyen dga' bo ngal gyi 'ong ba mthong nas/ gzhir phyin pa la khyod kyis nga zan bcad par bsams te ngal gyis 'ong ba ngas shing la 'dzegs te bltas pas mthong ngo zhes smras pa dang/ snyan du bdas te/ shing la 'dzeg tu mi gnang bar bcas so/ /de ltar mi gnang ba dang/ dge slong gis kha dog bsgyur ba dag las mi byed nas slad kyis mi gang tsam du 'dzeg tu gnang ba dang/ mi gang tsam du 'dzeg tu gnang ba las dge slong zhig 'dron pa mang po dang 'grogs te las du song ba las/ dgon pa'i lam du stag gis 'jigs nas mthor ma 'dzegs nas stag gis bsad do/ /de ltar gyur pa snyan y+du bdas nas/ gnod pa byung ba'i dus su mi gang las mtho bar 'dzeg tu gnang ngo/ /bslab pa mang po mi brjed pa'i tshig go /so sor thar pa'i skabs nas 'dul ba'i dngos po bam po lnga bcu rtsa brgyad dang/ lnga bcu rtsa dgu pa dang/ drug cu'i nang nas rtsod pa'i dngos po rgya cher 'chad kyis de ltos shig /rtsod pa zhi bar bya ba bdun smos pa las brtsams te smras pa/ rtsod pa zhes bya ba ni rnam pa bzhi ste 'thab pa la rtsod pa dang/ mi stan pas rtsod pa dang/ nyes pa 'byung ba las rtsod pa dang/ bya ba las rtsod pa'o/ /de la 'thab cing 'khrug pa'i gleng gzhi ni bcom ldan 'das grong khyer ser skya'i gnas na bzhugs te/ phyi dro rgyal po zas gtsang ma dang/ shAkya ming chen la sogs pa la chos ston par mdzad do/ /snga dro ni skye dgu'i bdag mo dang/ shAkya ming chen gyi chung ma la sogs te/ shAkya'i bud med rnams la de'i tshe na bu mo gcig cig rang gi mgul na mu tig gi se mo do cig yod pa yang nas yang du rtog cing/ lag pas 'dzin pa skye dgu'i bdag mos mthong ste/ de'i nga rgyal bcag pa'i phyir rang gi mu tig gi se mo do/ /mngag gzhug ma srungs ma zhes bya ba len du btang ba dang/ bu mo yang chos nyan pa'i bar chad du byas

  345. 173a

    te/ mi dga' bzhin du song ba lam du bas brdungs te dus las 'das so/ /de yang de ma thag tu sing ga la'i rgyal po'i bu mor skyes de de nam skyes pa'i tshe/ de'i yul mu tig gis char bab pas de'i ming yang mu tig mar btags so// dus phyi zhig na tshong pa lnga brgya tsam zhig rgya mtshor zhugs te dong ba rlung gis bdas pas sing ga la'i gling du phyin to/ /de dag srod dang tho rangs la gsung rab rnams dbyangs su klags pa dang bu mo des thos te/ e ma ho/ de lta bu'i glu snyan yul sing ga la'i mi zhes bya ba na/ de ni klu ma yin gyi sangs rgyas kyi gsung rab kyi chos so zhes byas nas/ sangs rgyas kyi yon tan rgya cher bstan pas bu mos tshong pa la/ phrin dang yi ge sangs rgyas la gsol te/ sangs rgyas kyi sku'i ri mo dang/ yan lag bcu gnyis kyi tshigs su bcad pas tshong pa la bu mo mu tig mas drung du bkur te/ de yang bden pa mthong bar gyur to/ /de nas bu mo des skyes lan du sangs rgyas la sogs dkon mchog gsum la mu tig bre gsum bskur ba dang/ sangs rgyas kyi sku skal ni dri gtsang khang du skyang nul byas so/ /dge 'dun gyi sku skal ni so sor bgos so/ /chos kyi sku skal ni chos smra ba dbang ngo zhes byung ba dang/ 'dul ba 'dzin pa dang/ mdo sde dang/ ma mo 'dzin pa rnams so so nas de dbang ngo zhes 'khrug pa las 'thab cing rtsod pa'i dbang por bcas pa dang/ phyis mnyan du yod pa na sangs rgyas bzhugs pa'i tshe/ yul yangs pa can na dge slong dag 'thab cing rtsod par gyur pa las/ tshe dang ldan pa shA ri'i bu dang/ maung+gal gyi bus de dag bsdums pa snyan du bdas te/ bcom ldan 'das kyi bkas mngags nas/ dge slong dag gzhan yang rtsod pa 'di lta bu zhi bar bya'o zhes bka' stsal te/ mdor rtsod pa'i chos dang chos ma yin par dpyod pa las phyogs gnyis su chad de 'thab mor gyur ba'o/ 'khrug cing rtsod

  346. 173b

    pas na/ 'khrug pas rtsod pa zhes bya ste 'khrug pa de'i rtsa ba ni drug ste/ rtsa ba drug dang/ dbyen du smra ba'i dngos po bcu bzhi'o/ /'khrug pa'i rtsa ba drug po gang zhen/ khro zhing khon du 'dzin pa dang/ 'thag cing 'tshig pa dang/ phrag dog cing 'thungs pa dang/ sgyu byed cing g.yo byed pa dang/ ngo mi tsha zhing khrel gyis mi gos pa dang/ sdig pa la 'dod cing log par lta ba snyem pa'o/ /dbyen du 'byed pa'i dngos po bcu bzhi ni/ 'di ni chos so zhes pa dang/ 'di ni chos ma yin no zhes pa dang/ 'di ni 'dul ba dang/ 'di ni 'dul ba ma yin no zhes pa dang/ 'di ni nyes pa'o/ /'di ni nyes pa ma yin no zhes pa dang/ 'di ni lci ba'o/ /'di ni yang ba'o zhes pa dang/ 'di ni lhag ma lus pa'o/ /'di ni lhag ma ma lus pa'o zhes pa dang/ 'di ni bsdam par bya'o/ /'di ni bshags par bya'o/ /'di ni bshags par mi bya'o zhes pa dang/ 'di ni 'dul ba las 'das pa'o zhes pa dang/ 'di ni ngan par smra bar gyur pa'o zhes pa dang/ 'di ni dge ba dang/ 'di ni mi dge ba'o zhes pa dang/ 'di ni lung du mi ston par byed pa la rnam pa gsum ste/ dge bar 'dod pa dang/ mi dge bar 'dod pa dang/ gnyi gar mi 'dod pa yang rim bzhin du sbyar ro/ /gang 'khrug pa de nyid rtsod pa ste/ rnam pa bzhir sbyar ro/ /rnam pa dang po ni mi mthun par smra ba tsam mo/ /gnyis pa ni de las gzhan pa'o/ /gsum pa ni gnyi ga lhan cig pa'o/ /bzhi pa ni de rnams ma gtogs pa'o/ /mi ston pa las rtsod pa'i gleng gzhi ni/ gang gleng bar mi rigs pas gleng ba ste/ ngan par ma gtogs par gleng bas na mi ston cing klags pa dang/ lung la sogs pa ston pa bkag bas na mi ston pa'i rtsod pa zhes bya'o/ /de yang gang lta bu la bya zhe na/ dper na dge slong ma grogs mos gyang bu nor la phas pham pas skur te glengs pa dang/ de la dge slong gzhan gyis kyang de nyid glengs pa dang/ de yang mnyes pas ngo tsha nas ma byas so zhes zer ba dang/ dge slong bye ma can smyo

  347. 174a

    nas ci yang byas te sangs nas/ dge slong gzhan gyis nyes pa de shogs shig ces byas nas/ ngas ma dran no zhes nas dge slong rnams kyis de la ston pa bkag ste lung mi ster bas/ sna de lta bu la sogs pas ni mi ston pa la rtsod pa byung ba zhes bya'o/ /nyes pa las rtsod pa byung na ni ltung ba'i rigs lnga las gleng gzhir gyur te rtsod pa byung ba'o/ /nyes pa'i rtsa ba ni lus dang ngag yid gsum char dang ldan pa las byung ba yang yod de/ gnyis dang ldan pa las byung ba yang yod/ gsum char las so sor re re nas byung ba yang yod/ de la lus gcig pu las byung ba ni/ dper na bsnyen par ma rdzogs pa'i gang zag dang/ khyim cig tu nyal ba las de yang phyir ma byung ba las phyir byung bar 'du shes de nyal ba dang/ bdag khyim gyi nang na nyal ba las bud med phyis 'ongs te nyal ba las/ bdag nyid kyis log pa las gzhan gyis mal lam khri chen po'i steng du bzhag pa lta bu ni lus 'ba' zhig las byung ba'o/ /dag 'ba' zhig las byung ba yang yod de/ ji ltar bud med la ma bsams bzhin du tshig lnga drug gam bdun las 'das pas chos bshad pa ni dag 'ba' zhig las byung ba'o/ /sems gcig pu las nges pa'i mthar 'gyur mi srid de/ de ci'i phyir zhe na/ sems la ni skad cig tu 'jug pa la skad cig tu ldog ste sems ni cha phra bas brngam par bya ba'i nyes byas so/ /'dir ma smos so/ /lus dang sems gnyis las nyes pa 'byung ba ni ji ltar srog gcod pa dang chang 'thung ba ste/ lus dang sems gnyis las nyes pa byung ba yin te/ tshig tu mi smra ba'o/ /tshig dang sems gnyid kyi yang yod de/ ji ltar bsams bzhin du tshig lnga 'am bdun las 'das par bud med la chos bshad pa ni tshig dang sems gnyis las byung ba'o/ /lus dang sems dang tshig gsum char las nyes pa byung ba yang yod de/ dper na srog gcod pa lta bu sems kyis kyang bsams la/ lus kyis kyang

  348. 174b

    sbyar te dag gis kyang gsod ces smra zhing shi ba legs so zhes smra ba'o/ /spyi de lta bu las rtsod pa 'byung zhing ma'i lus dang yid gsum lta bu las byung ba las nang 'khrug cing mi mthun par gyur pa las rtsod pa byung ba dang/ gzhan yang nyes pa gtan la ma phebs pa las rtsod pa byung ba ste/ de yang dper na dge slong mos pa can lta bu nyes pa byung ba la dge slong gzhan phan par dga' ba rnams kyis ltung ba shogs shig ces byas na/ ma mthong ngo zhes bka' blo mi bde zhing bsnyon pa dang/ ri dags dgra'o bu nag po lta bu mnyan du yod pa na gnas te/ de yang tshul dang ldan pas li tsa byi rnams kyis bsnyen bkur byas pas yangs pa can gyi dge slong dag gis phrag dog skyes te/ de las slang ba'i klan ka btsal nas de yang dus gcig kun khrus byed pa'i tshe/ des ka sha phud de bzhag pa las/ gzhan gyis ka sha dang nor te gyon pa las klan ka btsal te/ de la yang ma glengs des kyang skabs ma phye bar lkog tu spangs pa'i las byas pa dang/ de yang ma rangs nas mnyan du yod par bcom ldan 'das kyi gan du song ste/ de la bkas smad pa dang/ zhib tu snyan du gsol na/ gzhan gyis kyang ma glengs bdag gis kyang skabs ma phye/ mngon sum du ma gyur par spang ba'i las byas pa ni mi btsan no zhes bka' stsal nas spangs so/ /dge slong lag pa can ni gzhan gyis glangs na khas blangs so/ /de nas spang bar bya ba'i las byas pa dang/ yang bsnyon te/ de bzhin du yang dang yang du bsnyon zhing khas mi len pas nyes pa gtan la mi phebs pa ste/ de lta bu dag las phyogs su chad cing rtsod pa byung ba ni nyes pa dang ltung ba la rtsod pa zhes bya'o/ /bya ba las rtsod pa ni dge slong mkhas pa gsal bar spyod pa dag 'dus shing tshogs nas chos dang 'dul ba bzhin du gsol ba dang gnyis sam gsol ba dang/ lan gsum ste bzhi 'am/ gsol ba rkyang pa la sogs pa'i las byed pas na/ la la na re 'di ni chos ma yin no zhes smra ba dang/ la la na re 'di ni

  349. 175a

    chos bzhin no zhes smra ba dang/ dge slong 'ga' zhig 'dir ma 'dus pa las rtsod pa dang/ kha cig 'phyis nas snga ma byas pa la skyo sdogs byas te rtsod pa dang/ nad mi mthun pa las rtsod pa dang/ chos bzhin ma yin pa las rtsod de 'thab cing rtsod pa las phyogs gnyis su gyes shing chad pa las 'thab mo byung ba ni bya ba las rtsod pa ste/ rtsod pa bzhi smras zin no/ /zhi bar bya ba bdun smra bar bya ste/ gong ma'i rtsod pa rnam pa bzhi lta bur bya ba la zhi bar bya ba rnam pa bdun gyis zhi bar bya ba yang so sor kha bstan par bya ste/ de la 'khrugs pas rtsod pa la ni mngon sum du gdul bar bya ba dang/ tshul shing mang po sbyin pa dang/ gnyis kyis zhi bar bya zhing 'dul bar 'os te de gnyis kyis zhi bar bya'o/ /mngon sum du 'dul zhes bya ba ni/ rtsod pa rnam pa bzhi lta bu byung ste/ dge 'dun gyi phyogs gnyis su chad par gyur na dge 'dun rnams kyis dge slong gzu bo zhal che bar bsko bar bya ste/ gang zag gsum mngon sum du gyur pa ste/ de yang gang zhe na rgol ba mngon sum pa dang/ lan ldon pa dang mngon sum pa dang/ gzu bo mngon sum du gyur pa dang/ chos mngon sum du gyur pa ste/ ston pa'i bstan pa ji lta ba bzhin du ston gyi de las mi 'gal ba'o/ /de la rgol ba po gnas bcu drug tu don shin tu bsams nas gzung bar bya ste/ bden pa dang/ dus dang/ tshod dang/ don du ldan pa dang/ mthong ba dang/ thos pa dang/ dogs pa dang/ lus dang/ ngag dang/ grong dang/ dgon pa dang/ mtshon mo dang/ nyin par byas pa dang/ lhag ma lus pa dang/ lhag ma ma lus pa dang/ slong bar nus pa'o/ /de'i tshig mi btsan pa rnam pa/ lnga ste/ don bstan pa ma pheb pa dang/ gcig nas gcig tu ba'i tshig dang/ bsnyen par ma rdzogs pa'i tshig las don 'dzin pa dang/ mdo sde dang/ gnas mi shes pa'o/ /slar ldog pa lnga ni btsan no/ /lan ldon pas kyang rnam pa bcu drug po 'di rnams soms la skabs

  350. 175b

    dbye bar bya'o/ /ci 'di tshul khrims dang ldan pa yin nam/ 'gyod pa can nam mang du thos pa 'am/ 'dul ba gtan la 'bebs pa yin nam/ ci mthong ba las gleng bar byed dam zhes pa la sogs pa bcu gnyis ni snga ma bzhin no/ /rnam pa lngas ni tshig mi btsan par bya ste/ mtshams sbyor ba ni mi smra ba dang/ gzhan las gzhan du 'gyur ba dang/ phyogs la brten te nyes pas khas len pa las kyang mnyes par bsnyon pa dang/ dge slong rnams la skur pa 'debs pa dang/ rim gro med pa'o/ /slar bzlog pa ni btsan par bya'o/ /tho ba dang/ lan ldon pa gnyis thab mo'i nyes dmigs de zhi ba'i yon tan du snang na gnyis gtso bo chos bcu drug dang ldan pa btsal bar bya'o/ /tshul khrims dang ldan pa dang/ slob pa 'dod pa dang/ thos pa mang ba dang/ 'dul ba la mkhas pa dang/ gzu bo'i chos bzhin du ma 'dres pa 'dod pa la sogs pa ltar mi 'gro ba dang/ 'dod chags dang zhe sdang gi ma yin pa dang/ rgyal ba'i tshig las 'da' ba dang/ ma bcas pa las mi 'cha' ba dang bcas pa las mi bsgyur ba dang/ chos de bzhi bar nus pa dang/ slongs par nus pa'o/ /gzu bo la gsum ste/ gang lus dang ngag mi sdom pa de phyogs gnyis ka'i thad du bdag nyid song nas dkrugs mar byed pa dang/ gang dag la bsdams pa ste/ phyin pa las sbyor ba dang gnyis ka la yang sdom pa ste/ de lta bu bsko bar bya'o snga ma gnyis ni ma yin no/ /byis pa lta bu lnga ste chos ma yin pa'i phyogs su 'jug pa dang/ rtsod par 'gyur bar stobs pa dang/ gzu bo gzhan las mdo sde dang so sor thar pas dge slong rnams la smon pa dang/ rim gro med pa'o/ /sngar bzlog pa lnga ni gsal ba'o/ /gzu bos rtsod pa zhi bar bya ba nyams su blang ba dang/ bdag nyid la rnam pa brgyad du brtag par bya ste ci bdag gis thog ma ci las byung ba shes sem/ bdag gi grogs po gzu bo bzhin pa yin nam/ sngon 'dres par byed pa ma yin nam/ ji

  351. 176a

    bdag gi tshig btsan nam nyes pa de dag rnam par byang nus sam/ lan glan par nus sam chos bzhin du zhe bar bya nus sam ci mi dge ba las slong ba la mkhas sam/ gzhan yang rnam pa brgyad de/ 'di na 'di ltar rgyal ba'i gsung bsrung ba mdo sde la sogs pa 'dzin pa lta yod dam/ gang 'phyas 'tshol ba slar zlog par byed pa'i gnas la sogs pa lta yod dam/ rgyal po la brten tam/ khyim pa la bsten tam/ phyi rol pa la ma yin gyi dge 'dun yin gyi dge 'dun nyid las zhi bar sbyor ba yod mdam? 'cha' ba' o/ /gzu bo de dag gis mngon sum du 'dul bas rtsod pa zhi bar bya'o/ /mngon sum du bya ba la/ rnam pa gnyis te/ gang zag mngon sum du bya ba dang/ chos mngon sum du bya ba'o/ /gang zag mngon sum du bya ba la rnam pa gnyis te/ gang la zhi bar bya ba dang dag gis zhi bar byed pa de dag mngon sum du gyur pa'o/ /chos mngon sum du bya ba ni ji ltar chos dang 'dul ba bzhin no/ /des rgol ba la rnam pa brgyad du brtag par bya ste/ cho ga dang/ spyod yul dang/ mdza' ba dang grogs po dang/ lus kyi las dang/ ngag gi las dang/ 'tsho ba thob pa ste/ sdig pa can du rig na ma smra zhig ces bsgo bar bya'o/ /de bzhin du lan ljon pa la yang rnam pa brgyad du ste/ de ste sdig pa can yin na khyod kyi ngag gi las thog ma ji lta bu yin zhes dris shig /dris na yang ji skad du smra ba de bzhin du gyis shig /rnam pa drug tu sbyar bar bya ste/ rgol ba nyid rig par bya ba dang/ brtag pa dang/ 'byung ba dang/ dri ba dang/ dam 'cha' ru gzhug pa dang/ spro bar bya'o/ /lan ldon pa la yang de bzhin du'o/ /rnam pa bcu gnyis su lan ldon pa la dam 'char gzhug ste/ mdo sde dang sbyar/ chos bzhin du 'dul ba bzhin du rtsod pa smra bar bya'o/ /de la rnam pa lngas ni mi nus par 'gyur te/ rjes su bstan pa'i tshig lnga mngon sum du mi shes pa'i phyir te rgol ba dang/ lan ldon pa dang/ chos bzhin rigs pa dang chos

  352. 176b

    bzhin du brtags pa dang/ chos bzhin du ma yin pa rtog pa dang/ dam 'cha' ba bzhi mi 'dzin pa'o/ /rnam pa lngas zhi bar mi nus te/ rtsod pa'i rang bzhin dang/ 'byung ba dang/ gzung ba dang/ bcas pa dang/ zhi gnas yang mi 'byung ba mi shes pa'o/ /gzhan yang rnam pa lnga ste 'khrul pa dang/ gsang ste smras pa dang/ nor bar smras pa dang/ blo bur du smras pa 'dzin pa dang/ smas pa yang lan gsum du dam 'char mi 'jug pa'o/ /gnas bcu drug tu ltung ba bstan par bya ste/ lci ba dang/ yang ba dang/ lhag ma lus pa dang/ lhag ma ma lus pa dang/ gnas ngan len dang lus kyi dang/ ngag gi dang/ dge ba dang/ mi dge ba dag lung du mi ston pa dang/ bcas pa dang/ bshags pa dang/ bsdam par bya ba dang/ ngan du smras par gyur pa dang/ 'dul ba las gda' bar 'gyur ba'i rnam pa lnga ste/ de la bsdigs pa la sogs pa'i las dang sbyar ro/ /yang chad pa'i las rnam pa bcu drug ste/ tshangs pa'i dang/ bskrad pa dang/ yod du mi gzhug pa dang/ mig lam du mi snang ba dang/ de'i rang bzhin du tshol du gzhug pa dang/ sbyo bar bya ba dang/ smad par bya ba dang/ spang bar bya ba dang/ phyogs med par bya ba dang/ sma dbab par bya ba dang/ 'gyed pa dang/ dogs pa dang/ rab tu 'gyed par byed du gzhug pa dang/ dogs par bcas pa dang/ zug rngu 'byin pa dang/ ro bzhin du bya ba'o/ /rnam pa bcu drug gis las byas te/ mngon sum du gyur pa dang/ skabs phye ba dang/ glengs pa dang/ dran par byas pa dang/ rang gis khas blangs pa dang/ pha rol pos khas blangs pa dang/ brtags pa dang/ brtag mi dgos pa dang/ dri ba dang/ dri mi dgos pa dang/ khas len du gzhug pa dang/ de khas len du ma bcug kyang rung ste/ rnam pa bcu drug gis rtsod pa zhi bar gyur te/ chos bzhin pa dang/ dge 'dun gyis bsgo ba dang/ rgyal ba'i gsung dang/ mthun pa dang/ phyogs dang/ lan ldon pa'i phyogs la bsgo ba dang/ rgol ba 'dus pa las mi 'gal ba dang/ rtse ba'i nyes pa

  353. 177a

    mi 'chab pa dang/ byung ba dang bcas pa dang/ rjes su bcas pa dang/ gnang ba dang/ mi gnang ba sbyong ba dang/ rgol ba dang lan ldon pa'i dam 'cha' ba 'dzin pa dang/ mdo sde ston pa dang/ 'dul bar mthun pa dang/ chos kyi spyan 'phel ba dang/ chos dang/ 'dul ba bzhin zhi bar byed pa'o/ /slar bzlog pa ni ma zhi ba'o/ /mi nus na dge 'dun rnams la spong bar bya ste/ de la mngon sum du bya ba ni dge 'dun la mngon sum du spos pa dang/ gsum mo/ /des kyang ma nus na mchog la gtung? bar bya'o/ /de dag gis kyang ma nus na mchog gi yang mchog la'o/ /de dag gis kyang ma nus na slar dge 'dun la sgo bar bya'o/ /de dag gis gnas gung nas gnas brtan dang bcas/ so sor thar par bcas pa'i dge 'dun la rtsod pa khrid nas gtod par byed pa'i dge slong bsgo shig /des kyang ji ltar gyur pa smros shig /des kyang ma nus na rtsod pa sped par byed pa de nyid la gtod cig /des mdo sde la sogs pa 'dzin pa la spobs shig /de dag gis kyang ma nus na de nyid la'o/ /des kyang gang na gnas brtan gtso 'am grags pa de la thog ma nas smros la gtod cig /des de dag la ci yang blang bar mi bya/ kha ton la sogs pa yang sbyin par mi bya/ mdun nas rgyab tu 'dug la/ ma 'thab cig gnyis ka rgyal bar mi 'gyur gyis/ gcig la'o zhes de skad nyi tshe smros shig /de zhi bar gyur na legs par zhi bar bya ste/ de ltar na mngon sum du 'dul ba yin no/ /des te gnas brtan gyis kyang ma nus na/ des sped par byed pa la gtod cig /des kyang dge 'dun la'o/ /dge 'dun gyis kyang tshul shing mang po len du bcug nas zhi bar bya'o/ /rnam pa sngar rgol ba dang/ lan ldon pa por 'dzin pa'i phyir rtsub pa dang/ gtum par byed pa'i phyir gtum pa dang/ rab tu dam du 'dzin pa'i phyir dam du 'dzin pa dang/ dbyen du 'gyur pa'i dngos

  354. 177b

    po bcu bzhi 'dzin pas na/ dbyen du 'gyur ba dang dogs pa dang/ gnas brtan gyi mdza' i bar du phyin kyang sbyor ba slar bzlog tu mi btub pa'o/ /tshul shing 'brim pa la rnam pa bzhi ste/ gang na gnas brtan chos bzhin mi smra ba mang ba na dgab par bya ba dang/ slar bzlog ba de la mi dgab par bya ba dang/ rna bar gzhug pa ste/ gang na rna drung du khyod kyis mkhan po des ni chos kyi tshul shing blangs kyis/ khyod kyis kyang long shig ces bsgo ba dang/ mnan pa yang shing dge 'dun gyi rang? bzhi'o/ /tshul shing chos bzhin ma yin par 'drim pa bcu ste/ chos bzhin ma yin par len pa dang/ 'dul bar mi mthun pa dang/ ma 'dus par len pa dang/ cung zad cig gis nyes pa chung ngu dbye bar dogs pa dang/ gnas brtan gyi mthar ma phyin par sbyor ba bzlog pa dang/ shes par ldan pa la bsgyur bar mi byed cing 'dul ba 'dzin pa la sogs pa mi 'dri ba dang/ dge 'dun 'byed bar 'dod pa dang/ dge slong chos bzhin ma yin par smra ba mang por 'don cing/ dge 'dun la dbye bar 'gyur ro/ /snyam du shes pa dang/ chos ma yin par smra bar 'gyur ro snyam du shes pa'o// slar bzlog pa bcu ni chos bzhin yin no/ /tshul shing 'drim pas tshul shing rnam pa gnyis su ste/ chos kyi tshul shing ni dbyibs dang kha dog dang gzugs su ldan pa'o/ /chos ma yin pa'i tshul shing slar bzlog pa'o/ /chos kyi tshul shing ni lag pa g.yas par long shig chos ma yin pa'i tshul shing ni lag pas g.yon pa'o/ /de nas mdun du 'dug pa la bsngags pa dang/ mi bsngags pa gnyis brjod par bya'o/ /chos ma yin pa'i tshul shing ni phyir lag pa brgyad pa dang/ tshig dang pa dang gnyis kyi bar du ma byin cig /gsum pa la sbyin te/ 'dul ba las 'das pa'i nyes byas 'chags su chug shig de ste chos kyi tshul shing gcig gis nyung bar gyur na/ kun shes kauN+Di n+ya'i phyir yang gcig long/ de ste chos kyi tshul shing mang par gyur na/ chos bzhin du rtsod pa de zhi ba yin te/ gag gis bskyod

  355. 178a

    pa de ltung ba'o/ /de ste chos ma yin pa'i tshul shing mang bar gyu rna yang/ chos bzhin ma yin pas zhi ba yin te/ de yang bskyod na nyes byas so/ /de ltar gang tshul shing mang po brims pas zhi bar gyur pa yin no/ /mi ston pa'i rtsod pa la zhi bar bya ba rnam pa gsum gyis bya ste/ 'khrug pas rtsod pa bzhin du mngon sum gyis gdul ba dang/ dran pas gdul ba dang/ ma myos pas gdul ba sbyin par bya ste/ mngon sum gyi gdul ba ni gong ma dang 'dra bar sbyar ro/ /dran pas gdul ba sbyin pa ni gyad bu nor la dge slong dag gis phas pham pas skur te de la glengs pa dang/ ngas byas pa ni dran no zhes zer ba la ni dran nam mi dran zhes sems su gzhug ste/ gsol ba dang las gnyis kyis dran pas gdul ba sbyin par bya'o/ /ma myos pas gdul ba ni ji ltar dge slong bye ma can myos pa'i tshe byas pa mi dran pas gnang gis nam dran pa tshun chad snga ma rjes su zhugs te byas pa ni nyes pa bshags dgos kyi nam dran pa'i mtshams soms shig ces/ ma myos pa'i gdul ba gsol ba dang las gnyis kyis sbyin par bya'o/ /gang mos pa'i tshe glengs pa ni chos bzhin du glengs pa ma yin no/ /nyes pa'i rtsod pa la zhi bar bya ba rnam pa bzhis zhi bar bya ste/ mngon sum gyis zhi bar bya ba dang/ khas len pas zhi bar bya ba dang/ de'i ngo bo// nyid tshol bas zhi bar bya ba dang/ rtswa bkram pa lta bus zhi bar bya ba'o/ /de la mngon sum gyis zhi bar bya ba ni/ ri dags dgra'i bu nag po spang ba las brtsams te/ rgol ba dang/ lan ldon pa dang/ chos bzhin bya ba mngon sum du gyis shig ces 'byung ba'o// khas len pas zhi bar bya ba ni/ nyes pa byas pa pha rol gyis glengs kyang rung ma glengs kyang rung ste/ rang gis chos bzhin du bshags shing mthol bas zhi bar bya ba'o/ /ngo bo nyid tshol bas zhi bar bya ba ni dge slong lag pa can lta bu yang dang yang du

  356. 178b

    smyon cing khas len pa ni nyes pa'i dmigs gtan la ma phebs shing gang yin pa gtol ba med pas/ gang yin pa gtan la 'bebs shing ngo bo nyid tshol ba'i 'dul bas na sbyin pa yin no/ /rtswa bkram pa lta bus 'dul ba sbyin pa ni/ rtsod pa phyogs gnyis su chad de/ gnas pa la phyogs gnyis ka'i gtso bo gnyis rang rang gi phyogs la bsgo ste/ gcig la gcig bzod par gsol zhing nyes pa bshags te bsdu bas zhi bar bya ba'o/ /bya bas rtsod pa ni las brgya gcig las glangs te/ ltung ba rigs lnga las rtsod pa byung ba na rtsod pa gong ma kun zhin 'di yang zhi bar 'gyur te/ dge 'dun kun mthun zhing 'dums pas zhi ba'i phyir/ zhi bar bya ba lhag par bya ba med de/ de ltar na rtsod pa bzhi la zhi bar bya ba bdun te/ mngon sum dang/ tshul shing mang po len pa dang/ dran pa dang/ ma smyos pa dang/ ngo bo nyid tshol ba dang/ rtswa bkram pa dang/ khas blang bar bya ba lta bus zhi bar bya'o zhe'o/ /de dag gi dngos po zhi bar byed pas na zhi bar byed pa'i bdun po ni phas pham pa man chad nyes byas yan chad kyi nang du ma gtogs so/ /rtsod pa zhi ba mi brjed pa'i tshig ste/ ming mkhan tsam mo/ /tshe dang ldan pa dag bdag gis yongs su dag par rig par bya ste zhes bya ba nas/ de bzhin du 'dzin te zhes bya ba yan chad ni yongs su dag cing gtsang bar byas pas bar du gcod par mi 'gyur zhing las su byas pa yin no zhes bstan pa'i tha tshig go /gleng gzhi dang phas pham pa nas/ ltung ba ris lnga po bshad zin to zhes bya ba ni gong du kun smras zin mod kyis/ 'on kyang glengs pas kha cig ma go ba dag yod pas/ yang bzlas nas bsdus te smras pa'i tshig go / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zhes bya ba de ni/ yon tan las mtshan du gsol pa ste gong ma dag dang mthun no/ de'i mdor gtogs zhes bya ba ni 'dul ba 'bum gyi mdo so sor thar

  357. 179a

    pa 'di nyid do zhes so/ /mdor 'dus pa zhes bya ba ni tshig dang don 'dul pa la bya'o/ /de dag tu zad do zhes bya ba ni mdor bstan pa la bya'i rgyas par 'dul ba rnam par 'byed pa dang/ phran tshegs la sogs pa'i nang nas 'byung ba'ang rig par bya'o/ /'o na bsgrub par bya ba'i chos der zad dam zhe na ma yin te/ gang gzhan nas 'byung ba zhes bya ba la sogs pa smos te/ gzhan nas 'byung ba zhes bya ba ni 'dul ba dngos po dang/ gzhung ngam pa la sogs pa la bya'o/ /gcig tu mthun pa'i chos zhes bya ba ni chos ni/ mya ngan las 'das pa la bya ste/ de dang mthun pa gang zhe na/ mdo sde dang ma mo dag las byung ba bsgrub par bya ba'i chos gang yin pa de dag la yang bslab par bya'o zhes bstan to/ /khyed rnams zhes bya ba ni gang bstan pa la zhugs shing 'khor na 'dug pa'i nyan thos rnams la bya'o/ /'dum pa zhes bya ba ni phan tshun mi rtsod cing 'phrod pa'o/ /mthun pa zhes bya ba ni lta ba dang tsho ba dang/ tshul khrims dang? cho ga la sogs pa tha dad pa ma yin zhing mya ngan las 'das pa'i chos dang/ rnam par grol ba'i phyogs su bsgrub par mthun pa'o/ /dga' ba zhes bya ba ni/ dge ba'i phyogs 'phel bar dga' zhing ting nge 'dzin mngon par bsgrub pa la dga' ba'o/ /mi rtsod pa zhes bya ba ni 'thab mo 'gyed pa 'am/ shegs su rtsod pa 'am/ gcig la gcig tshig 'tshang 'dru zhing rgol ba med pa'o/ /sems kun tu bsrung ba zhes bya ba ni/ tshang pa mtshungs par spyod pa rnams kyi yid dang mi 'gal bar sems bsrung ba'o/ /dran pa zhes bya ba ni bya ba dang mi bya ba gnyis las bsam pa'i thog mar gtong zhing blos zin pa'o/ /dga' ba zhes bya ba ni bsgrub pa dang/ tshul khrims bsrung ba la sems spro bar bya'o zhes bya ba'i don to/ /brtson par bya'o zhes bya ba ni de ltar gong du bstan pa'i gnas

  358. 179b

    rnams la yang bslab cing brtson par bya'o zhe'o/ /de la 'di man chad ni sngon gyi de bzhin gshegs pa'i nyan thos rnams la/ so sor thar pa mang nyung dam khyad yod dam med de dag gi nyan thos cis 'dul na/ de'i tshe da ltar gyi so sor thar pa 'dra ba med dam/ de dag gis cis 'dul zhes gang yin pa de dag gis so sor thar pa 'dra ba med cing 'dul ba yang ma bshad ma bstan na ni/ de dag kyang ji ltar rnam par grol zhes de lta bu'i rtog pa bsal ba dang/ bskal pa bzang po tshun chad de bzhin gshegs pa rnam par gzigs nas/ da ltar gyi shAkya thub pa bzhugs pa phan chad dang sangs rgyas las bdun po de dag gi tshe na sngon gyi de bzhin gshegs pa'i nyan thos rnams la so sor thar pa mnga' ba rnams kyang/ de dag ces 'dul ji ltar rnam par grol ba dang/ sangs rgyas shAkya thub pa'i tshe sems can rnams bsod nams dman pa dbang po brtul ba/ shes rab zhan pas bslab pa'i gnas ci dang ji ltar bcas ston par bzhed de/ bzod pa dka' thub dam pa zhes bya ba la sogs pa ston to/ /de la bzod pa dka' thub dam pa zhes pa nas shlo ka gcig gis/ de bzhin gshegs pa rnam par gzigs kyi sku ring la/ dge slong dag dang sems can dag phal cher log pa'i brtul zhugs lus kyi dka' thub la dad nas/ lta ba de las bzlog cing de'i gnyen por shlo ka gcig gis bstan to/ de yang rnam pa bzhi lta bu'i tshul gyis dang de/ bzhi gang zhe na/ lus kyi dka' thub la dad pa dang/ dka' thub kyi nan tan la dad pa dang/ dka' thub kyi 'bras bu la dad pa dang/ dka' thub ston pa'i gang zag la dad pa'o/ /de la lus dka' thub ji ltar 'dra ba dag la spyod cing gnas she na chur mchod pa dang/ wa'i brtul shugs dang/ khyi'i brtul shugs dang/ tshe gcig tu thal ba'i nang du 'greng zhing phor bu 'dzin pa lta bu'o/ /de yang ji ltar de la dad ce na/ mu stegs can gyi log pa'i dka' thub de lta bu dag byas na/ las rnying pa ni dka' thub byas pas 'phya zhing

  359. 180a

    zad par 'gyur/ las sar pa ni ma byas ma spyad pas na chu lon bzhin te/ tshe phyi ma la zag pa zad pas/ las zad pas sdug bsngal zad do/ sdug bsngal zad pas grol ba thar cing mthar phyin par gyur te/ de ltar ston pa ni dge sbyong yin no zhes zer te/ de'i gnyen por log pa'i dka' thub rnam pa bzhir blta ba las phral nas/ yang dag pa'i dka' thub lta bus las bsten par bya'o/ /bzhi gang zhe na 'phags pa'i bden pa bzhi la dad pa dang/ dka' thub kyi nan tan bden pa bzhi'i yon tan la byed pa dang/ dka' thub kyi 'bras bu ni rgyun tu zhugs nas dgra bcom pa'i bar dag ste/ bden pa bzhi'i 'bras bu la bya'o/ /ston pa ni de bzhin gshegs pa rnam par gzigs la dang par bya'o zhes bka' stsal to/ /de lta bas na bka' thub thams cad kyi nang na chos la bzod pa ni dam pa ste/ de la ji ltar bzod pa zhe na/ sems kyis 'phags pa'i bden pa bzhi'i chos rnams la/ bzod pa dang de nyid dam par bstan to/ /de la bzod pa yang gsum ste/ gnod pa la mi mdzed pa'i bzod pa dang/ sdug bsngal la ji mi snyam pa'i bzod pa dang/ chos la nges par rtog pa'i bzod pa'o/ /de ltar bzod pa rnam pa gsum gyi nang na yang chos la nges par rtog pa'i bzod pa dam pa ste/ de ltar sems kyis 'phags pa'i bden pa bzhi la phyin ci ma logs par shes par bgyis brtags pa ste/ mi rtag pa dang/ sdug bsngal ba dang/ stong pa dang/ bdag med pa'i chos la sems rtse gcig tu gnas par bzod pa de nyid kyis mya ngan las 'da' bar 'gyur bas dam pa yin no zhes bstan pa yin no/ /lus kyi dka' thub kyis mya ngan las 'da' o/ /zhes sangs rgyas kyis ma gsungs pas na/ lus kyi dka' thub ni mchog dam pa ma yin te/ de las 'phags par bstan pa'i phyir de'i sems kyi bzod pa de nyid kyis na mya ngan las 'das

  360. 180b

    pa mchog gi 'bras bu thob po zhes sangs rgyas kyis bka' stsal te/ sangs rgyas gsung zhes bya ba ni yid ches par bstan pa'i tshig go /mya ngan las 'das pas zhes bya ba ni 'khor ba'i rgyun bcad de/ bsgrub par bya ba'i mthar phyin cing/ phung po lhag ?? lus pa'i mya ngan las 'das pa'o/ /de ltar na sems kyis 'phags pa'i/ bden pa bzhi la brten cing bgrod pas na mya ngan las 'das pa mchog gi 'bras bu dam pa 'thob kyi lus kyi dka' thub dam pa ma yin no zhe'o/ /mchog ces bya ba ni mu stegs can dag lus shin tu sdug bsngal zhing/ lus yongs su gdungs par dka' thub byas pas mya ngan las 'da' ? pa thob po zhes 'chad pa dag kyang yod do/ /de dag gi gtol med par nyon mongs pa thams cad spangs pa bde zhing skyon med pa mya ngan las 'da' ba' i rang bzhin thob pas na mya ngan las 'das pa mchog ces smos so/ /rab tu byung ba gzhan la gnod pa dang/ gzhan la 'tshe ba dge sbyong ma yin no/ /zhes pa shlo ka phyed ni lus kyi dka' thub ston pa la dad pa'i gnyen por gsungs te/ rab tu byung ba ni khyim gyi gnas thams cad spangs nas/ gsol ba dang zhu ba'i las kyis legs par gsungs pa'i chos 'dul ba la zhugs pa ni rab tu byung ba zhes bya'o/ /de lta bur rab tu byung ba ni pha rol po gzhan dag sdig pa mi dge ba'i chos dang bral nas phan pa dang bde ba sbyin zhing bstan pa'i rigs kyi/ ci ste lus kyi dka' thub gzhan la gnod cing don med po de bzhin gshegs pa rnams kyis smad cing bsngags pa ma yin pa de lta bu bya bar ston pa ni gzhan la yang dag par gnod cing gtse ba yin pas de bzhin gshegs ba'i lung dang 'gal bas na de lta bu ston pa ni dge sbyong ma yin no zhe'o/ /'o na dge sbyong zhes bya ba ji lta bu la bya zhe na/ sems kyis 'phags pa'i bde ba bzhi la rtog par bzod pa/ d+dge sbyong gi 'bras bu bzhi mngon par bsgrub cing tshul dbyung ba zhi ba/ dge

  361. 181a

    pa la gcig tu 'dun cing gnas pa de dag la dge sbyong zhes bya ste/ de bas na de lta bu'i lus kyi dka' thub don med pa la dad par mi bya'i/ sems kyi dka' thub dam pa gang yin pa la dad par bya'o zhe'o/ /de bzhin gshegs pa gtsug tor can gyi sku'i ring la de bzhin gshegs pa de'i nyan thos dang/ sems can dag tshul khrims bsrungs pa dang/ dge ba spyad pa rnams mtho ris bzang 'gror skye ba dang/ mtho ris kyi longs spyod thob par shog ces smon lam 'debs shing tshangs par spyad pas na de nyid mi rigs shing 'gal pas na/ de ltar lta ba bzlog pa'i phyir gnyen por/ mthu rtsal mig dang ldan par zhes bya ba shlo ka gcig gsungs so/ /mthu rtsal zhes bya ba ni bsod nams dang shes rab kyi tshogs te/ mya ngan las 'das pa'i mthu rtsal yod pa la bya'o/ /mig dang ldan pa ni shes rab kyi mig dang ldan pa la bya ste/ phung po ma lus pa'i mya ngan las 'da' ba thob par byed pa'i mig dang ldan pa'o/ /mthu rtsal dang mig ces bya ba ni dper bstan pa ste/ 'jig rten na skye bo mthu rtsal med cing nyam chung ba dang/ mig med cing mig dang mi ldan pa'i mi ni grog po dang tsher ma dang g.yang sa dag tu 'gro zhing ltung ba'i rgyur 'gyur ro/ /su mthu rtsal dang mig dang ldan pa'i skye bo ni lam mi bde ba dang nyam nga ba thams cad las 'byor zhing mthu rtsal dang ldan pas na lam nyam nga ya ba thams cad las 'da' bar byed do/ /mig dang ldan pas na grog par mi ltung zhing lam nyam nga ba las thar par 'gyur ro/ /de bas na skyes bu mig dang ldan pas lam nyam nga pa spong zhing lam bde bar 'gro ba'i rigs so// de bzhin du bsod nams kyi mthu rtsal dang ldan zhing shes rab kyi mig dang ldan pas kyang mya ngan las 'das pa'i chos mdza' yun du bde zhing dpe med par btang ste/ mtho ris bag med pa'i gnas g.yangs dang 'dra ba zad pa'i mdza' can 'khor ba'i rgyu nyon

  362. 181b

    mongs pa'i gnas ji ltar lam nyam nga zhing mi bde ba de lta bur mkhas pa'i skyes bu dam pa dag der bsgrub cing smon pa ni shin tu mi ris so zhes bstan to/ /nyam da ba dag yod pa ni de ltar mtho ris su smon lam 'debs pa nyid khams gsum du 'khor bar 'gyur bas na/ de ltar bsgrub cing smon pa nyid nyam nga ba'o/ /yod pa ni nyon mongs pa ste/ sdug bsngal gsum dang/ 'du byed kyi sdug bsngal ba ste/ gzugs med pa'i khams so/ /'gyur ba'i sdug bsngal te/ gzugs yod pa'i lha man chad 'dod pa'i khams ma yin chad do// sdug bsngal ba'i yang sdug bsngal ba ste/ byol song dang yi dags dang sems can dmyal ba'o/ /sdug bsngal brgyad ni skye ba dang/ rga ba dang/ na ba dang/ 'chi ba dang/ gnyen sdug pa dang bral ba dang/ dgra sdang ba dang phrad pa dang/ 'dod pa mi rnyed pa dang/ phung po lnga rgyas pa'i sdug bsngal ba'o/ /mkhas pa'i 'tsho ba 'jig rten 'dir zhes bya ba mkhas pa ni bsod nams dang shes rab dang ldan pa'i skyes bu dam pa mya ngan las 'das pa'i rgyud ldan zhing thob pa'i thabs la mkhas pa'o/ /'tsho ba ni nye bar len pa'i phung po lnga dang ldan zhing 'jig rten na gnas pa'i gang zag nyid la bya'o/ /sdig pa zhes bya ba ni mtho ris smon lam 'debs pa nyid khams gsum gyi longs spyod la chags pas na/ nyon mongs pa dang 'khor ba las nams kyang thar mi 'gyur bas de nyid sdig pa'o zhe'o/ / yongs su spong ba ni mig dang ldan pas nyon mongs pa spangs nas mya ngan las 'das par 'gyur ro/ /de bzhin gshegs pa thams cad skyob kyi sku ring la dge slong dag phal cher rang gi tshul khrims yongs su sdom pa tsam gyis chog par 'dzin te/ gzhan du mu stegs can gyi dge sbyong la 'phyas 'dogs shing skur ba 'debs pas na/ dge sbyong gi don dag kyang chud zos par gyur pas na/ de'i gnyen por de bzhin gshegs pa thams cad skyob kyis/ skur pa mi gdab gnod mi bya zhes bya ba la sogs te/

  363. 182a

    shlo ka phyed dang gnyis gsungs so/ /skur pa mi gdab pa ni rab tu byung bas mu stegs can gyi dge sbyong la ngag gi sgo nas skur ba mi gdab par bstan pa'o/ /gnod par mi bya ba ni lus kyis mi gtse zhing yid kyis ngan du mi bsam pa ste/ mdog na sgo gsum nas mu stegs can dang skye bo mang po kun la gnod par mi byed cing mi 'tshe ba'o/ /so sor thor pa ni 'gro ba rgyud lnga las thar bar byed pas na thar pa'o/ /bsdam par bya ba ni ltung ba ris lnga la bya ste/ de ma ral mi nyams mi 'jig cing shin tu sdoms shig pa'o/ /zas kyi tshod kyang rig par bya ste ni rnal 'byor spyod pas zas kyi tshod rig par bya ste/ ha cang 'drangs ches na brtson 'grus kyi dri mar 'gyur ba dang/ ha cang bkres na ni nyon mongs pa mthar ltung bar 'gyur bas brtson 'grus nus shing sems yang ba dang/ zas ran par bza' o zhe'o/ /bas mdza' i gnas su gnas pa bya zhes bya ba ni dgon pa la bya ste/ de lta bu'i gnas dben par gnas par bya'o zhe'o/ /de ltar na dge slong dag tshul khrims kyis mgu zhing tshul khrims 'dzin pa 'ba' zhig gis chog par mi bya'o bsam gtan la sogs pa yang sgrub cing sgom par bya'o zhes bya ba'i tshig tu lhag pa'i sems la yang dag par 'jug ces smos te/ lhag pa'i sems zhes bya ba ni nyon mongs pa'i sreng ba dang bral ba ste/ lhag pa'i shes rab dang/ lhag pa'i ting nge 'dzin dang/ lhag pa'i tshul khrims la bya'o/ /skabs 'dir lhag pa'i sgras ni bslab pa gsum char yongs su bsgrub par bya ba bstan to/ /yang gcig tu na tshul khrims kyis mgu zhing chog bar 'dzin pa'i gnyen bor bstan pas lhag pa'i ting nge 'dzin 'ba' zhig bsgrub par bya'o zhes kyang 'chang ngo/ /de bas na lhag pa'i ting nge 'dzin gyis ma bsgrub sam/ btsal na mya ngan las 'das pa mi thob ste/ tshul khrims ma gong ma ral te brgyar thub tu zin gyis kyang mtho

  364. 182b

    ris bzang 'grer skye'o zhes 'byung bas na/ de bas na lhag pa'i ting nge 'dzin mi sgrub tu mi rung bas de'i gnyen por/ lhag pa'i sems la yang dag 'jug ces smos so/ /yang dag 'jug ces bya ba ni dge slong dgon pa bas bslab pa gsum la gnas shing brtson pa dang spyad par bya'o zhe'o/ /'di ni sangs rgyas bstan pa'o zhes bya ba ni yid ches par bstan pa'o/ /de bzhin gshegs pa log par dad sel gyi sku ring la de'i nyan thos dag phal cher khe dang bkur sti dang rnyed pa la chags shing grong la lta bar gyur nas 'du 'dzi mang po la spyod pas na/ tshul khrims bsrung zhing ting nge 'dzin ni bsgrub pa la g.yel zhing gnod par gyur nas de ltar lta ba de bzlog cing de'i gnyen por de bzhin gshegs pa log par dad? sel gyis gsungs pa/ ji ltar bud pa me tog ces bya ba shlo ka gcig bstan to/ /bung ba me tog ces bya ba dper bstan to/ /bung ba zhes bya ba ni gang zag la bya'o/ /me tog ces bya ba ni grong la bya'o/ /kha dog ni tshul khrims la bya'o/ /dri ni ting nge 'dzin gyi rol bya'o/ /yang na me tog ni skye bo'i longs spyod nor rdzas la bya'o/ /drin 'phral gyi zas la bya ste/ mi gnod ces bya ba ni dper na ji ltar bud bas me tog gi khu ba bzhibs te/ 'gro yang me tog gi dri dang kha dog la mi gnod par 'gro ba bzhin du gang de bzhin gshegs pa yang tshul khrims las mi 'gal zhing ting nge 'dzin bsgrub pa la bar chad du mi 'gyur ba dang/ skye bo'i longs spyod dang 'phral gyi kha zas la mi chags shing skye bo'i longs spyod la mi gnod par de 'dra'i tshul du bsod snyoms la gshegs shing spyod do/ /de bas na nyan thos khyed rnams kyang de bzhin gshegs pa'i rjes su slob pa dang/ tshul khrims dang ting nge 'dzin la nyams shing skye bo'i longs spyod la mi gnod cing mi chags par bsod snyoms la rgyu zhing spyad par bya'o/ /zhes bstan pa'o/ /yang na thub pa zhes bya ba ni gang zag nyid la bya ste/

  365. 183a

    rang gi rgyud la nyon mongs pas mi 'khor zhing lus dang ngag yid gsum thub pas grong du rgyu ba ni sgo gsum nas nyes pa mi 'byung bar thub pa rnams kyi grong du rgyu bar bya'o zhe'o/ /de bas na dge slong bsod snyoms blangs nas grong du mi gnas par dgon par gnas par bya'o zhe'o/ des na khe dang bkur sti'i mdza' spangs par gyur te/ bsod snyoms pa tsam las lhag par mi len pas ni khe spangs par 'gyur/ dgon pa ni dben par gnas pas ni bkur sti spangs par 'gyur ro zhes bstan te/ de bzhin gshegs pa gser thub kyi sku'i ring la/ de'i nyan thos dag thos pa'i longs spyod bzhugs shing/ tshul khrims kyi gtam gtan la 'bebs pas na/ kha cig gi yon tan bsngags shing gzhan mu stegs can gyi rab tu byung ba dang/ skye bo dag la kha zer zhing 'phyas 'dogs pas na/ skyes bu dam pa'i tshul ma yin pa yin pa cher spyod de de'i gnyen por gsungs so/ /bdag gi rigs dang mi rigs dang zhes shlo ka gcig de bzhin gshegs pa gser thub kyis gsungs te/ de la rigs pa zhes bya ba ni dge ba bsgrub cing spyod pa'i rigs pa'o/ /mi rigs pa ni sdig pa mi dge ba'i chos spyad par mi rigs pa'o/ /brtag par bya ba ni gong ma'i dge ba dang mi dge ba gnyis bdag gis dge ba ni ci spyad ci byas zhes bdag gis sems kyi rgyud la brtag par bya'o zhe'o/ /gzhan rnams kyis mi mthun pa zhes pa gzhan zhes bya ba ni rab tu 'byung ba 'di'i dge slong dang/ mu stegs can gyi dge spyod dang skye bo spyod pa dag bdag gis yid du mi 'ong ba'o/ /mi mthun pa zhes bya ba ni gzhan rnams kyis bdag dang mi mthun pa'i chos gzhan gyis sdig pa byas pa dang/ dge ba byas pa la bdag gis 'di ni byas pa legs so/ /'di ni ma byas pas nyes/ zhes 'phyas bdag shing smad par mi bya ba'i phyir gzhan gyis byas dang ma byas rnams la min zhes smos so//

  366. 183b

    mdor na bdag gis nyes pa ci byas legs pa ni gang byas ci yod/ legs pa ni ji ltar bsgrub/ nyes pa ni ji ltar spang/ thabs cis dor ba sems la brtags shing dpyad par ni rigs kyi/ gzhan gyi legs pa nyes pa la 'phyas gdab pa ni mi rigs so/ /zhes de bzhin gshegs pa gser thub kyis gsungs so/ /de bzhin gshegs pa 'od srung gi sku ring la te/ de'i nyan thos phal cher 'jig rten gyi bsam gtan bzhi'i ro la chags shing mngon par zhen nas/ gong du thar pa mi tshol gnyen po la mi brten/ rnam par grol ba snga ma'i sa dag tu rtsom zhing sgrub par mi byed nas/ de ltar lta ba spang ba'i phyir gnyen por lhag pa'i sems la bag bya ste zhes bya ba la sogs pa shlo ka gnyis de bzhin gshegs pa 'od srung gis gsungs te/ lhag pa zhes bya ba ni so so'i skye bo dang mu stegs can la sogs pa lhag pa ste/ 'jig rten gyi bsam gtan bzhi'o/ /bag bya ba ni dper na tshig tu 'od gis me la bag byos shig ces ring du spang ba'i don to/ /'jig rten gyi bsam gtan bzhi la bag byas na khams gsum gyi khri mon du mi 'khor ro zhe'o// 'o na de ltar 'jig rten gyi bsam gtan bzhi la srings shing bag byas na gang la bslab cing brten par bya zhe na/ thub pa'i thub gnas la bslab par bya'o zhe'o/ /thub pa zhes bya ba ni lus dang ngag yid gsum thub pa ste/ de bzhin gshegs pa la bya'o/ /de'i gnas ni 'phags pa'i bden pa bzhi dang/ 'phags pa'i lam yan lag brgyad la bya ste/ de rnams la bslabs shing zhugs nas 'jig rten gyi bsam gtan ring du spong ba dang/ de las 'phags pa rnams byung zhing skye bas na/ thub pa'i skye mched ces bya ste/ de las rnam par grol ba'i 'bras bu skye zhing 'byung ba'i phyir ro/ /de bas na nyon mongs pa dang ring du gyur pa'i phyir nyer zhi zhes smos so/ /nyer zhi rtag tu dran ldan pa ste/ de la nyer zhi ni sdug bsngal gsum dang brgyad zhi ba la bya'o/ /yang na khams gsum gyi

  367. 184a

    mthong bas spang bar bya ba'i nyon mongs pa brgyad cu rtsa brgyad zhi ba'o/ /rtag tu dran ldan pa ni 'bri ba dang gang ba med par rang bzhin gyis shes bzhin dang ldan pa 'am/ bden pa bzhi dang 'phags pa'i lam la sems rtse gcig par gnas pas na rtag tu dran par gnas pa'o/ /skyob pa mya ngan mi mnga' zhes bya ba de bzhin gshegs pa dag kyang de 'dra ba'i thub pa'i gnas la brten te mya ngan mi 'da' zhing nyon mongs pa med pa yin pas/ de bas na skyob pa zhes yon tan gyis mtshan du gsol te/ de'i phyir de'i rjes su dong zhing zhugs pa'i nyan thos dag gis kyang de 'dra bar byas te/ lhag pa'i sems kyi ting 'dzin gyi ro la chags pa de spong ngo/ /yang na skyob pa ni gang zag de nyid la bya ste thub pa'i gnas la slob pa'i gang zag gang yin pa des ni rang gi rgyud la nyon mongs pa ldang mi 'byung bar skyob par nus pas skyob pa zhes bya ste/ de nyid skyob pa mya ngan mi 'da' o zhe'o/ /tshigs su bcad pa 'di gsum gyis 'jig rten gyi bsam gtan bzhi'i ro la chags pa ni mngon par spangs/ 'phags pa'i bden pa bzhi'i chos la brtan cing bsgoms pas/ mthong ba'i lam gyis spang bar bya ba'i nyon mongs pa brgyad cu rtsa brgyad yongs su spangs pas na rgyun tu zhugs pa'i 'bras bu thob par 'gyur ro/ /de lta bu'i gang zag de'i yon tan ni 'dir 'gyur ro/ /zhes bstan pa'i phyir ro// byin pa bsod nams rab tu 'phel zhes bya ba la sogs pa shlo ka gcig bstan te/ de ltar 'phags pa'i bden pa bzhi la 'jug pa'i gnas pas na 'jungs pa dang/ ser sna'i dri shin tu spangs te phral bas na/ bdag gi longs spyod la ma chags shing gtong ba bskyod cing sbyin par byed pa dang/ gzhan gyi longs spyod la mi lta bas na ma byin par mi len to/ /ma byin par mi len pas na bsod nams rab tu 'phel lo zhe'o/ /tshigs su bcad pa rtsa ba 'dis ni 'dod pa'i khams kyi bsgom pas spang bar bya ba'i 'dod

  368. 184b

    chags spong bar 'gyur ro/ /bsdams pas dgra sogs mi 'gyur ro zhes bya ba 'phags pa'i bden pa bzhi mthong bas na bsdams pa zhes bya ste/ bsdams pa ni lus dang ngag yid gsum gyi sgo nas nyes pa mi 'byung zhing shin tu sdom pa ste/ tshul khrims bsrung ba'o tshul khrims bsrungs pas na gzhan gyi srog mi gcod do/ /srog ma bcad pas na sems la byams pa dang ldan par 'gyur te/ byams pa'i bdag nyid du gyur pas khong khro ba med do/ /tshigs su bcad pa rtsa ba 'dis ni 'dod pa'i khams kyi bsgom pas spang bar bya ba'i khong khro ba spangs par ston to/ /dge ba dang ldan pa sdig pa spong zhes bya ba ni 'phags pa'i bden pa bzhi la sems rtse gcig par yongs su bsgom pas na/ sdig pa mi spyod de de bas na dge ba dang ldan pa nyid do zhe'o/ /tshigs su bcad pa rtsa ba 'dis ni 'dod pa'i khams kyi bsgom pas spang bar bya ba'i nga rgyal dang ma rig pa spong bar ston to/ /sbyin pa'i bsod nams rab tu 'phel zhes bya ba man chad tshigs su bcad pa rtsa ba 'di gsum gyis 'dod pa'i khams kyi bsgom pas spang bar bya ba'i 'dod chags dang/ khong khro ba dang nga rgyal dang ma rig pa bzhi gcig tu bsdus nas gsum du bsdoms te/ chen po dang 'bring po dang chung ngu gsum la gcig gsum gsum ste/ nyon mongs pa'i rim pa rnam pa dgu la drug man chad spang ba ni phyir 'ong ba'i gang zag zhes bya ba'o/ /dgu char spangs pa'i phyir mi 'ong ba'i gang zag ces bya'o/ /nyon mongs pa zad pa mya ngan 'da' zhes bya ba tshigs su bcad pa 'dis ni/ gzugs dang gzugs med pa'i khams kyi bsgom pas spang bar bya ba 'dod chags dang nga rgyal ma rig pa dang gsum khams gnyis na gsum gsum te/ drug pa yang thum po gcig tu byas la/ chen po dang/ 'bring po dang/ chung ngu gsum ste/ gcig la yang gsum gsum du bya ste/ nyon mongs pa'i rim pa dgu ste/ dgu char spangs pa ni dgra bcom pa'o//

  369. 185a

    de bas na gang zag brgyad la bzhi ni dngos su bshad par bas bzhi ni nyon mongs pa'i rim pa spongs pa la 'jug pa ste/ rgyun tu 'jug pa spangs zin pa ni rgyun tu zhugs pa ste/ gong ma gsum yang 'di dang 'dra'o/ /de bas na gang zag brgyad kyi rim pa ni 'dir bstan zin to/ /bcom ldan 'das shAkya thub pa'i sku ring la 'dul ba la bslab pa'i gnas ma bcas te/ 'dul ba 'bum dag ma bstan pa'i tshe dge slong nyes pa la mi tshe zhing mi dge ba'i chos la nye bar gnas pa dang/ dge ba cung zad spyad pa tsam gyi kyang thar par 'gyur ro zhes snyems pa'i phyir/ 'di lta bu'i lta ba bzlog cing de'i gnyen por de bzhin gshegs pa shAkya thub pas/ sdig pa thams cad mi phya ste/ zhes bya ba la sogs pa tshigs su bcad pa phyed dang bzhis bstan to/ /de la sdig pa thams cad mi bya'o zhes bya ba shlo ka gcig gis nyes pa la mig che ba'i gnyen por bstan to/ /dge ba cung zad tsam gyis kyang mang? du zhing sdig pa mi bya ba ni srog gcod pa la sogs te/ mi dge ba bcu dang/ ltung ba ris lnga dang/ yang na 'jig rten na yul chos kyis mi mdzes shing/ bya ba mi rigs pa thams cad mi bya'o/ /mkhas par bsnyen par rdzogs zhes bya ba ni bcom ldan 'das kyi lung gis gnang zhing rab tu 'byung du rung ba dang/ bsnyen bar rdzogs par gnang ba de lta bus bsnyen par rdzogs par bya'o/ / zhe'o/ /yang na mkhas pa zhes bya ba ni shes rab dang ldan pa la bya/ bsnyen pa ni dge ba rdzogs par bya ba'i don yin pas dag gi mi bya ba bzhi ste/ brdzun dang/ phra ma dang/ byung rgyal gyi tshig dang/ zhe gcod par mi smra zhing lhag pa'i shes rab kyi phung po dang/ lhag pa'i shes rab la rab tu 'jug pa'o zhe'o/ /rang gi sems kyang yongs su gdul zhes bya ba ni/ yid kyis mi bya ba gsum ste/ chags par mi bsams pa dang/ ngan du mi bsam pa dang/ log par mi lta ba'o/ /gzhan du na ting nge 'dzin gyi phung

  370. 185b

    po dang/ lhag pa'i ting nge 'dzin la rab tu 'jug pa'o/ /'di ni sangs rgyas bstan pa zhes bya ba ni? yid ches par bya ba'i phyir shAkya thub pas bstan pa'o zhe'o/ /des ni nyes pa la mig che ba bzlog pa'i gnyen por bshad de/ nyes pa 'di spang ba'i thabs bshad de/ lus kyi sdom pa legs pa ste/ zhes bya ba shlo ka phyed dang gnyis smos te/ lus dang ngag yid gsum sdom pa ni gong ma dag dang yang sbyar/ yang na lus kyi nyes pa dang/ ngag gi nyes pa dang/ yid kyi nyes pa 'di bsdams na sdig pa mi 'bel bas na/ de'i phyir bsdam par bya'o zhes smos so/ /de bas na lus kyi sdom pa yang legs na/ ngag gi lta ci smos/ ngag gi sdom pa yang legs pa yin na/ yid kyi sdom pa lta smos kyang ci dgos te/ de'i phyir thams cad bsdam par bya'o zhe'o/ /thams cad sdom pa legs pa ni dus gsum du lus ngag yid gsum sdom pa'o/ /kun tu bsdams pa'i dge slong ni yul dang dus dang gang zag la chad pa med par tshul khrims bsrung ba'o/ /sdug bsngal gsum las rab tu grol zhes bya ba sdug bsngal ni gsum dang/ brgyad dang/ khams gsum gyi nyon mongs pa dgu bcu rtsa brgyad las rnam par grol zhing 'khor ba'i btson ra nas thar bar 'gyur ro zhe'o/ /des ni nyon mongs pa spong ba'i thabs su bshad do/ /dag rnams srung zhing yid kyis rab bsdams zhes bya ba shlo ka gcig gis dran pa mi brjed pa'i thabs su ston te/ dag gis bsrung ba ni dag gis mi bya ba bzhi dang/ gzhan du na rang gi ltung ba lci yang ci byung na dge ba'i bshes gnyen gyis glengs shing bstan na/ slar 'khyal zhing mi smra bar dge ba'i bshes gnyen gyi khar gus par nyan pa'o/ /yid kyis bsdams pa ni 'gyod tshangs byed pa'i tshe/ tshig gis smras pa tsam du ma zad kyis/ yid kyis sems thag pa nas mthol ba'o/ /yang na yod kyis mi bya ba de gsum phyin chad mi byed par yi dam du 'cha' ba' o//

  371. 186a

    lus kyi mi dge ba mi byed ces bya ba ni lus kyis mi bya ba gsum ste/ srog mi gcod pa dang/ ma byin par mi len pa dang/ 'dod pas log par mi spyod pa'o/ /yang na lus snyogs pa dang/ 'tshe ba dang/ 'tshog pa la sogs pa'i las rnams mi byed pa'o/ /rnam pa gzhan du na lus kyi spyod yul ma yin pa lnga spang bar ston te/ de yang gang yin zhe na/ rgyal po'i pho brang dang/ rigs ngan gyi khyim dang/ 'chad 'tshong ba dang/ rol mo mkhan gyi khyim dang/ smad 'tshong gi khyim rnams su mi spyod pa'o/ /las lam gsum po 'di dag rab sbyangs nas/ drang srong gsungs pa'i lam ni thob par 'gyur zhes bya ba lam zhes bya ba ni dpe ste/ 'di ltar lam la skye bo kun rgyu zhing 'gro ba ltar lus dang ngag yid gsum gyi lam la yang/ dge sdig gi dngos po rgyu zhing 'gro bar byed pas lam dang 'dra ste/ de gsum rab tu sbyangs pas na dri ma dang/ skyon med par sbyangs pas drang po'i lam zhes bya ste/ des thob pa ni de bzhin gshegs pa'i dka' yin pas na/ 'phags pa'i lam gyi yan lag brgyad la lung dang mthun par spyad pas na/ gang zag brgyad kyi 'bras bu thob par 'gyur ro zhe'o/ /de bas na sangs rgyas shAkya thub pa'i tshe'i nyan thos ni/ lo bcu gnyis par du shlo ka 'di rnams kyis 'dul zhing rnam par grol bar 'gyur zhing spyod do// lo bcu gsum du gyur nas ni 'dul ba la bslab pa'i gnas bcas so/ /de la sang rgyas rabs bdun po smos pa ni sdu ba'i tshig ste/ gong du smras pa'i tshig tu 'di'o zhes bsdus nas yang dag par bstan pa'o/ /shAkya thub pa go'u ta ma zhes bya ba ni khyim pa'i phyogs nas bstod pa ste/ thub pa ni sgo gsum nas nyes mi 'byung bar thub pa'o/ /go'u ta ma zhes bya ba ni yon tan gyi rnam grangs kyi sgo nas bstod pa'o/ /lha'i lha zhes bya ba ni 'jig rten gyi lha dang/ rnam par grol ba'i lha gnyis yod

  372. 186b

    pa la/ shAkya thub pa rigs kyi 'jig rten gyi lha chen po brjed pa'i tshe/ rgyal bu don grub pa btsas nas rgyal bu don grub kyi lha de la phyag byas pa dang/ lha de mgo tshal ba bdun du gas pas/ de bas kyang 'phags par gyur pas na lha'i lha zhes shAkya thub pa la mtshan du gsol/ mi 'dul ba ni shAkya thub pa 'jig rten du gshegs pa'i tshe dus ngan te/ skye bo rnams shin tu gdul dka' ba'i phyir de lta bu gdul bas na mi 'dul 'dul ba'o/ /yang na mi 'dul ba ni 'dod chags dang ldan pa mdzes dga' dang/ zhe sdang dang ldan pa sor mo phreng ba dang/ gti mug dang ldan pa lteng rgyas 'od srungs lta bu shin tu gdul dka' ba yang/ bcom ldan 'das kyis btul nas dge ba la bzhag pas na mi 'dul pa'o/ /yang rnyog pa lnga ni sems can dang lta ba dang/ nyon mongs pa dang/ skal ba dang/ tshe'i rnyog pa'o/ /rnyog pa lnga'i tshe mi 'dul bas na mi 'dul ba'o zhe'o/ /kha lo sgyur ba ni khams gsum gyi sems nyon mongs pa las 'phags pa'i lam du kha lo bsgyur bar byed pa'o/ /bla na med pa'i ni nyan thos man chad tshangs pa dang/ brgya byin gyis gdul ba rgya chung ngu lta bu ma yin te/ rgya che zhing gong na med pas bla na med pa'o/ /'jig rten mgon po skyo ba pa'i mchog ces bya ba 'jig rten ni nye bar len pa'i phung po lnga la bya'o/ /mgon po ni sems can thams cad kyi/ mgon du gyur pas de bzhin gshegs pa la bya'o/ /de skyob pa ni skye bo ngan bar spyad cing ngan song du 'gro ba las skyob cing thar bar 'dren pas skyob pa zhes bya'o/ /mchog ni skyob par byed pa mang mod kyi sangs rgyas kyi skyob pa lta bus gzhan la med pas na/ sangs rgyas kyi skyob pa ni mchog go zhes bstan to/ /sangs rgyas bdun po zhes smos pa dang/ /skabs 'dir kha cig the tshom du gyur te/ sangs rgyas bdun por zad kyis byis 'byung ngam mi 'byung snyam pa la/ phyis sangs rgyas 'byung bar bstan pa'i gleng

  373. 187a

    gzhi ni mdo sde bzang po zhes bya ba'i/ nang nas 'byung ba bskal pa gsum yod/ me dang/ rlung dang/ chu'i bskal pa'o/ /nga la chu'i bskal pa mdo zhing byung ba'i tshe/ 'od gsal lha'i ris su 'di lta bu'i ltas byung ste/ de bzhin gshegs pa 'jig rten du 'byung ba de snyed kyi bar mo rdzing las skyes te/ de'i tshe rdzing chen po las par ma stong rtsa bdun byung nas/ lha dag na re e ma'o/ /de bzhin gshegs pa stong rtsa bdun 'byung ba'i ltas shig zer te/ de dag las sangs rgyas rab bdun 'das zin te/ rnam par gzigs nas shAkya thub pa bzhugs pa'i bar du'o/ /stong rtsa bdun las bdun gshegs zin lhag ma stod gdong gshegs par 'gyur te/ tha mar ni phyag na rdo rjer bzhed ba can zhes bya ba'i de bzhin gshegs par 'gyur zhing/ sems can gyi don mdzad do zhes 'byung ngo/ /dpa' bo zhes bya ba ni sems can gyi don bya ba la mi skyo mi ldog pa dang/ nyon mongs pa dang bdud kyi dgra rnams 'joms par byed pas na dpa' po'o/ /yang na bskal pa grangs med pa'i bar du sems can gyi don mdzad pas na dpa' bo zhe'o/ /bdun po ni rnam par gzigs nas shAkya thub pa'i bar du sngar byung ba rnams kyi grangs so/ /grags ldan ni sang rgyas bdun po'i yon tan te/ bdud bzhi bcom nas bsod nams dang/ ye shes phun sum? tshogs pa dang ldan no zhes 'jig rten du grags pa'o/ /so sor thar pa ni sangs rgyas bdun pos bshad pa'i so sor thar pa/ bzod pa dka' thub dam pa zhes bya ba la sogs pa'o/ /de ni rab tu rgyas par bshad ces bya ba ni de ltar tshig nyung du zin gyis kyang don kun 'dir 'dus bas na de dag gi tshe de tsam dag gis kyang nyan thos de dag rnam par grol zhing bslab pa las mi 'da' bar rgyas pa dang/ 'dra bar 'bras bu thob pas na rgyas pa zhes bshad do/ /'di la sangs rgyas rnams dang gang

  374. 187b

    zhes bya ba shu log gcig gis sangs rgyas bdun gyi yon tan dang/ 'bras bu bsngags pa ston te/ 'di la zhes bya ba ni sangs rgyas bdun gyis gsungs pa'i so sor thar ba 'di la'o/ /sangs rgyas nyan thos dag kyang gus zhes bya ba snga ma 'das pa'i sangs rgyas bdun po dag kyang so sor thar pa la srung zhing gus pa dang bcas te/ bla mar byas shing yongs su bsrungs pas na bla na med pa'i 'bras bu thob po/ /de bzhin du nyan thos rnams kyang gus par byed do/ /de la gus bcas gyur ba dang zhes/ gus pa dang bcas pa ni tshul khrims sdom zhing nan tan du bsrung ba'o/ /'dus ma byas pa thob par 'gyur zhes pa/ 'dus ma byas pa ni zag pa med pa'i chos te/ 'gog pa dang lam la bya'o/ /de yang ji ltar thob ce na so sor thar pa bsrungs shing yongs su bsdams pas sdug bsngal dang kun 'byung ni spang/ 'gog pa dang lam ni mngon sum du byas shing yongs su bsgoms pas 'du byed thams cad yongs su spangs par 'gyur ro/ /brtsam par bya zhing 'byung bar bya zhes bya ba shlo ka gcig ni slob dpon u pa lis rab tu byung ba dang khyim pa'i phyogs dge ba'i phyogs la gzhan skul gdab dang/ dad pa skyed cing spro bar bya ba'i phyir thabs bstan pa ston te/ brtsam par bya ba ni de bzhin gshegs pa'i bstan pa la dang cing mos nas/ de la 'jug cing bslab par btsam pa'o/ /'byung ba ni bstan pa la bslabs nas don go ba dang khyim spong zhing rab tu 'byung ba'o// sangs rgyas bstan la 'jug par bya zhes pa/ sangs rgyas kyi bstan pa ni bden pa bzhi dang so sor thar pa nyid la bya'o/ /khyim nas byung phan chad sangs rgyas kyi bstan pa ni bden pa bzhi dang/ 'phags pa'i la ma brgyad dang/ so sor thar pa yang dag par 'jug pa zhe'o/ /de ni mthong ba'i lam gyis bskyed do/ /'dam bu khyim na glang chen bzhin/ /'chi bdag sde rnams gzhom par bya zhes bya ba bsgom pa'i lam gyis bskyed pa ste/ gong du bden pa bzhi dang 'phags pa'i lam brgyad ? yongs su bsgoms pas 'chi bdag

  375. 188a

    gi sde/ skye rga na 'chi rnams so sor thar bas bsdams pa dang/ bden pa bzhi bsgoms pa'i mthus gzhom par byed pa'o/ /dper na khyim rtse'i 'am/ 'dam bu'i khyim snying po med cing mi brtan pa la glang pos bcom bzhin du skye rga na 'chi'i sde rtswa khyim dang 'dra ba la bsod nams dang ye shes kyi glang po dang 'dra bas 'joms par byed pa'o/ /gang zhig rab tu bag yod pa zhes pa shlo ka gnyis kyis ni bslab pa la nan tan byed pa'i brjod pa ston te/ gang zhig ces bya ba ni skye bo dge ba can la bya/ bag yod pa ni dge ba can te/ nyon mongs pa la bag byed pa'o/ /chos 'dul 'di la spyod 'gyur ba zhes pa/ chos 'dul ba ni so sor thar pa dang 'phags pa'i bden pa bzhi la bya'o/ /spyod par 'gyur pa ni skye bo dge ba can 'di la sbyod par 'jug pa'o/ /skye ba'i 'khor ba rab spang shes pa skye ba ni skye ba rnam pa bzhi la bya'o/ /'khor ba ni lam rgyud lnga la bya ste/ gang du so sor thar pa dang bden pa la bsgoms pas rnam pa de dgu spangs par 'gyur ro zhe'o/ /sdug bsngal tha mar phyin par 'gyur zhes pa gong du skye ba dang/ 'khor ba yongs su spangs pas na/ sdug bsngal gsum dang brgyad las thar par 'gyur te/ mthong ba dang/ bsgoms pa'i lam gyi mthar phyin par 'gyur ro/ /zhe'o/ phan tshun tshul khrims srung ba zhes bya ba tshul khrims srung ba ni sgo gsum nas nyes pa mi 'byung bar bsdams pa dang/ nyes pa byung na yang gcig la cig bshags shing mthol ba dang nyes pa gsol ba'o/ /bstan pa 'phel bar 'gyur zhes bya ba ni nyes pa mthol zhing gsol bas na/ de bzhin gshegs pa'i gsung rab mi 'grib cing rgyas pa dad? ba phel? bar 'gyur ro zhe'o/ /so sor thar pa bshad pas ni dge 'dun gyis ni gso sbyong byas zhes bya ba ni gang du smos pa/ phan tshun tshul khrims mig bzhin du bsrung ba dang/ bstan pa rgyas par bya ba'i phyir

  376. 188b

    so sor thar pa bshad cing gso sbyong bya'o zhe'o/ /gang gi phyir ni mdo bshad ces bya ba shlo ka gcig gis yang dag par bsrung ba ston te/ srog gi phangs par tshul khrims bsrung bar bya'o/ /zhe'o/ gang gi phyir ni mdo bshad ces bya ba ni ci'i phyir/ so sor thar pa'i mdo bshad ces bya ba'i don to/ /gang gi phyir gso sbong byas gyur zhes pa tshul khrims dam du bsrung zhing bsrung bar bya ba'o/ /tshul khrims de ni bsrung byas zhes bya ba ni gso sbyong byas pas chog pa ma yin gyi tshul khrims bsrung ba la nan tan spyod du gzhug pa'o// g.yag rda'i rtse mo ji bzhin no? zhes bya ba ni tshul khrims mig bzhin du phangs shing srog gi phyir yang mi dral ba'i dpe ste/ gzhan kha cig na re nags stugs po'i nang na gnas pa'i tshe rnga ma shing la mi thogs shing mi zin pa dang mi zegs mi 'god cing shing la thogs shing zin na yang god cing zegs su dogs nas bag byed pa ltar bslab pa la zhugs pa'i gang zag kyang tshul khrims srog gi phyir yang mi dral lo/ /zhes bstan to/ /so sor thar pa bshad pa 'di nas 'phags pa u pa lis dang po rtsom pa'i tshe bgegs dang bar chad kyis mi tshugs par bya ba dang/ brtsams pa rnams mthar phyin par bya ba'i phyir rang gi lha yid du 'ong ba la brten nas/ brtsams pa rnams kyi mthar yang phyin bgegs dang bar chad zhi nas/ skye bo so so'i smon lam btab pa'o/ /so so thar pa bshad pa ni so sor thar pa bshad pa'o/ /bsod nams grub pa gang yod pa bsod nams grub pa ni de'i bsod nams bdag gis chung zad ci thob pa la bya'o/ /des ni 'jig rten ma lus par de'i bsod nams ma lus pa de nyid kyis so/ /'jig rten ni nye bar len pa'i phung po ma lus pa ni khams gsum mo/ /thub dbang go 'phang thob par shog ces bya ba ni/ thub dbang ni de bzhin gshegs pas te/ nyan thos dang rang sangs rgyas kyi dbang po'o/ /go 'phang ni de bzhin gshegs pa'i yon tan dang thabs so/ /thob par shog ces bya ba ni khams

  377. 189a

    gsum gyi sems can thams cad kyang 'di ltar gyur cig ces bya ba'o/ /so sor thar pa'i mdo rdzogs pa ni brtsams pa mthar phyin te/ nyan pa rnams dbugs phyin pa'i phyir zhes smos so/ /so sor thar pa'i bshad pa mi brjed dran byed tsam du bris pa rdzogs so// //rgya gar gyi mkhan po dzA ran d+ha ra dang/ zhu chen gyi lo tsa ba dge slong rin chen bzang pos bsgyur cing zhus te/ gtan la phab pa'o// //so sor thar pa'i tshig gi brjed byad dA na shI las mdzad pa zhugs so// rgya gar skad du/ pra ti mok+ShA b+hi sma na pa daM/ bod skad du/ so sor thar pa'i tshig gi brjed byad/ dkon mchog gsum la phyag 'tshal lo/ /bla ma bdag gzhan blo ldan gang/ /bstan bcos ston par mdzad gyur pa/ /de la phyag 'tshal bstan bcos de'i// tshig gi brjed byar brjod par bya/ /'phags pa gzhi thams cad yod par smra ba'i 'dul ba'i sde snod 'di ni sangs rgyas bcom ldan 'das yongs su mya ngan las 'das pa'i 'og tu 'phags pa 'od srungs chen po la sogs pa dgra bcom pa lnga brgya 'dus nas tshangs par spyod pa yun ring du gnas par bya ba'i phyir dang/ skye bo mang po la phan gdags pa'i phyir 'dul ba 'dzin pa'i mchog 'phags pa nye bar 'khor la yang dag par bsdu bar gsol nas 'phags pa nye bar 'khor gyis yang dag par bsdus so// gzhi thams cad yod par smra ba'i 'dul ba'i sde snod ni dum bu bzhi ste/ 'dul ba rnam par 'byed pa dang/ 'dul ba gzhi dang/ 'dul ba gzhung phyi ma dang/ 'dul ba phran tshegs so/ /de dag gi gnas pa'i snying dang snying po ni so sor thar pa'i mdo 'di yin no// de dag yang dag par sdud pa yang ma 'ongs pa'i skye bo lung dang rtogs pa'i bdag nyid med pa dag yan lag la sgra 'dogs pa dang skur pa 'debs pa'i mdza' spang bar bya ba dang/ nyan pa po brjod pa nyung dus don gyi spyi rtogs par 'dod pa dag la phan

  378. 189b

    gdags pa'i phyir sdom rnam pa gsum du bsdus te/ spyi'i sdom dang/ dngos kyi sdom dang/ bar sdom mo/ /de la spyi'i sdom ni spyi'i don tshigs su bcad pas bsdus pa'o/ /dngos kyi sdom ni dngos kyi don tshigs su bcad pas bsdus pa'o/ /bar sdom ni yan lag gi don tshigs su bcad pas bsdus pa ste/ de dag kyang lung gi skabs dang sbyar te ci rigs par gzung bar bya'o/ /de la so sor thar pa'i mdo zhes bya ba ni/ don las bstan bcos kyi ming du btags pa ste/ so sor thar pa zhes bya ba ni rang por thar pa ste/ dang po sdom pa yang dag par len pa'i tshe na gsum la skyabs su 'gro ba'i tshig bzlas nas sdom pa yang dag par blang ba'i tshig brjod pa gsum pa'i cha tha ma la sdom pa thob pa'i gnas skabs yin pas dang po zhes bya'o/ /thar pa zhes bya ba ni brol ba ste/ de ltar sdom pa dang po thob pa de nyid kyi tshe na sdom pa ma yin pa'i mtshan nyid las grol ba ste/ sdom pa'i mtshan nyid kyis bsdus pa'i rnam par rig byed ma yin pa'i gzugs thob pa'o/ /de ltar dang po thar pa'i don de las bstan bcos 'di 'byung ba 'am/ don 'di bstan bcos 'dir bsdus pas/ bstan bcos 'di'i ming yang dang por thar pa zhes bya bar sbyar ro/ /rnam grangs gzhan du so sor thar pa zhes bya bar bstan te/ so sor zhes bya ba ni rgyud tha dad pa'o/ /thar pa zhes bya ba ni rnam par grol ba ste gang zag rgyud tha dad pa gang zhig gis sdom pa yang dag par blangs te/ bslab pa'i gzhi rjes su bsgrub par byad pa de nyid ngan 'gro dang 'khor ba las rnam par grol bar 'gyur gyi/ gzhan gyis sdom pa yang dag par blangs te slob pa'i gzhi rjes su bsgrub pas gzhan rnam par grol bar mi 'gyur bas so sor thar pa zhes bya'o/ /de ltar so sor thar pa'i don de las bstan bcos 'di 'byung ba 'am/ don de bstan bcos 'dir bsdus pas bstan bcos 'di'i ming yang so sor thar pa zhes bya'o/ /yang rnam grangs gzhan du thar pa'i thabs zhes bya bar bstan te/ so sor zhes

  379. 190a

    bya bas ni phyir zhes bya ba ste/ thabs kyi don to/ /thar pa zhes bya ba ni nges par 'byung ba ste/ mya ngan las 'das pa'o/ /des na so sor thar pa'i mdo 'di ni nges par 'byung ba'i thabs kyi phyir gsungs pa ste/ lhag pa'i tshul khrims la brten nas lhag pa'i sems skye la/ lhag pa'i sems la brten nas lhag pa'i shes rab bskyed pa'i rim gyis nges par 'byung ba thob pa'i thabs su gyur pa'i phyir so sor thar pa'i mdo 'di ni nges par 'byung ba'i tshul khrims yin pas thar pa'i thabs zhes bya'o/ /de ltar thar pa'i don de las bstan bcos 'di 'byung ba 'am don de bstan bcos 'dir bsdus pas/ bstan bcos 'di'i ming thar pa'i thabs zhes bya'o/ /mdo zhes bya ba ni mdo'i don mdo tsam zhig ston pas zhes bya ste/ de ltar bstan bcos 'di ni dang por thar pa'i mdo zhes bya ba dang/ so sor thar pa'i mdo zhes bya ba dang thar pa'i thabs kyi mdo zhes bya ba dag tu ston to/ /de la so sor thar pa 'di'i bsdus pa'i don ni mtshan nyid rnam pa lngas bstan te/ mchod pa dang gleng bslang ba dang/ yang dag par brtsams pa dang/ gzhung rgyas pa dang/ bsdu ba'i mtshan nyid kyis so/ /de la mchod pa'i mtshan nyid ni/ snyan pa'i ba dan 'jig rten gsum du grags zhes bya ba la sogs tshigs su bcad pa gnyis kyis bstan to/ /gleng bslang ba'i mtshan nyid ni sangs rgyas 'dul ba gang chen mtsho zhes bya ba la sogs pa tshigs su bcad pa bcu gcig gis bstan to/ /yang dag par bstan pa'i mtshan nyid ni/ bskal pa bye ba rnams su yang zhes bya ba la sogs pa tshigs su bcad pa drug gis bstan to/ /gzhung rgyas pa'i mtshan nyid ni tshe dang ldan pa dag so ga rnams kyi 'das pa dang/ lhag ma ci tsam pa de tsam mo zhes bya ba nas dran pa dang bag yod pas rnal 'byor du bya'o zhes bya ba'i bar gyi gzhung thams cad kyis bstan to/ /bsdu ba'i mtshan nyid ni/ bzod pa dka'

  380. 190b

    thub dam pa bzod pa zhes bya ba la sogs pa'i gzhung lhag ma thams cad kyis bstan to/ /de la re zhig mchod pa'i mtshan nyid bshad par bya ste/ mchod pa'i mtshan nyid ces bya ba ni so sor thar pa'i mdo yang dag par brtsams pa gleng bslang ba'i dang por ston pa sangs rgyas bcom ldan 'das la bstod pa dang phyag 'tshal ba'i sgo nas mchod pa bya'o/ /de yang dam pa rnams ni yang dag par rtsom pa thams cad la rang gi ston pa la bstod pa dang phyag 'tshal ba'i sgo nas mchod pa sngar byed pas de'i phyir yang dag par sdud par byed pas so sor thar pa'i mdo yang dag par sdud par 'dod pas kyang 'gro ba mdza' dag gi gtso bo sangs rgyas bcom ldan 'das la bstod pa dang phyag 'tshal ba'i sgo nas mchod pa bya ba'i phyir dang por/ snyan pa'i ba dan 'jig rten gsum du grags zhes bya ba la sogs pa tshigs su bcad pa gnyis gsungs so/ /de la re zhig dang po kho nar tshigs su bcad pa 'di'i brjod par bya ba dang/ dgos pa dang/ 'brel ba dang/ dgos pa'i yang dgos pa brjod par bya ste/ gzhan yang brjod par bya ba la sogs pa dang bral ba'i tshigs su bcad pa gnyis po 'di so sor thar pa 'don pa'i dang por smros pa dang ldan pa ma yin pa kho nar 'gyur ro/ /gang gi phyir rtog pa dang ldan pa dag brjod par bya ba la sogs pa dang bral ba khas len par mi byed pa de'i phyir nyan pa'i skye bo spro bar bya ba'i don du brjod par bya ba la sogs pa nges par brjod par bya'o/ /de la brjod par bya ba ni tshigs su bcad pa gnyis so/ /'di las tshigs su bcad pa phyed dang gnyis kyi bcom ldan 'das kyi yon tan gzhan gyi don phun sum tshogs pa dang/ bdag gi don phun sum tshogs pa mchog brjod pa'o// dgos pa ni der bstan te/ de yang tshigs su bcad pa 'di phyed dang gnyis kyis sgrub par byed pas tshigs su bcad pa'i thabs 'dis brjod par bya ba thabs las byung ba bstan pa ni dgos pa yin no/ /'brel ba ni tshigs su bcad pa phyed dang gnyis po'i thabs dang dgos pa thabs

  381. 191a

    las byung ba'i mtshan nyid gnyis 'brel pa'o/ /dgos pa'i dgos pa ni bstod pa 'di brtsams na bstan bcos yongs su rdzogs par bya ba la bgegs dang log 'dren ldog pa 'am/ dam pa rnams kyi cho ga'i rjes su 'jug pa'o/ /tshigs su bcad pa 'og nas phyed kyis ni so sor thar pa brtsam par dam bca' bar ston te/ de yang rtog pa sngon du gtong ba dag gi 'jug pa'i yan lag yin no/ /de la tshigs su bcad pa phyed dang gnyis po 'di'i bsdus pa'i don ni rnam pa gnyis te/ ston pa la bstod pa'i sgo nas mched pa dang/ phyag 'tshal ba'i sgo nas mchod pa'o/ /de la bstod pa'i sgo nas mchod pa la yang gnyis te/ 'gro ba'i gtso bo yang sangs rgyas bcom ldan 'das kyi yon tan gzhan gyi don phun sum tshogs pa dang/ bdag gi don phun sum tshogs pa'i sgo nas so// de la gzhan gyi don phun sum tshogs pa ni tshigs su bcad pa dang po gcig gis bstan to/ /des kyang 'gre ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa'i thabs su gyur pa'i phun sum tshogs pa rnam pa lngas bstan te/ rgyu phun sum tshogs pa dang/ phan 'dogs pa phun sum tshogs pa dang/ shes rab phun sum tshogs pa dang/ thugs rje phun sum tshogs pa dang/ 'bras bu'i khyad par phun sum tshogs pa'o/ /snyan pa'i ba dan 'jig rten gsum du grags zhes bya bas ni rgyu phun sum tshogs pa bstan to/ /dam pa'i chos sgra seng ge'i sgra bsgrags pa zhes bya ba ni phan 'dogs pa phun sum tshogs pa bstan to/ /thams cad mkhyen pa zhes bya bas ni shes rab phun sum tshogs pa bstan to/ /dkon mchog mdzad brnyes pa zhes bya bas ni thugs rje phun sum tshogs pa bstan to/ /zhabs la tshangs dbang gtsug gi nor bus gtugs zhes bya bas ni 'bras bu'i khyad par phun sum tshogs pa bstan to/ /bdag gi don phun sum tshogs pa ni tshigs su bcad pa 'og ma byed pos bstan to/ /des kyang 'gro ba'i gtso bo

  382. 191b

    sangs rgyas bcom ldan 'das kyi yon tan bdag gi don phun sum tshogs pa'i che ba nyid kyi khyad par phun sum tshogs pa rnam pa gnyis bstan te/ spangs pa phun sum tshogs pa dang/ ye shes phun sum tshogs pa'o/ /de la sdug bsngal rgya mtsho gting mdza' med brgal pa zhes bya bas ni spangs pa phun sum tshogs pa bstan to/ /'gro ba'i gtso la zhes bya bas ni shes rab phun sum tshogs pa bstan to/ /de ltar 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa dang/ bdag gi don phun sum tshogs pa smos pa des ni ston pa la bstod pa'i sgo nas mchod pa bstan to/ /phyag 'tshal ba'i sgo nas mchod pa ni lus dang ngag dang yid kyi sgo nas phyag 'tshal ba bstan te/ de ni spyi bos phyag 'tshal te zhes pas bstan to de ltar phyag 'tshal te/ ci zhig bya zhen so sor thar pa brtsam par dam 'cha' ba bstan te/ de ni tshigs su bcad pa 'og ma'i phyed kyis bstan to/ /des kyang gang gis bstan pa dang/ ci zhig bstan pa dang/ su la bstan pas so sor thar pa'i che ba'i che ba nyid brjod nas/ gang gis ci zhig bstan pa de nyid su la bstan pa'i tshogs kyi dbus su dbye bar bya'o zhes pas bstan to/ /de la gang gis bstan zhe na/ ston pa ste de ni/ thams cad mkhyen pa zhes bya bas bstan to/ /ci zhig bstan zhe na/ so sor thar pa ste de ni bslab gzhi dkon mchog snod ces bya bas bstan to/ /su la bstan ce na/ nyan thos kyi dge 'dun la ste de ni/ 'phags pa'i tshogs zhes bya bas bstan to/ /gang gis ci zhig bstan pa de nyid su la bstan pa'i tshogs kyi dbus su dbye bar bya ba ni ston pas so sor thar pa bstan pa de nyid nyan thos kyi dge 'dun gyi dbus su dbye bar bya zhes pas bstan te/ de ni re shig spyi'i don yin no/ /da ni yan lag gi don brjod par bya ste/ de la 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa'i thabs su gyur pa rgyu phun sum tshogs pa'i dbang du mdzad nas/ snyan pa'i

  383. 192a

    ba dan 'jig rten gsum du grags zhes bya ba gsungs te/ snyan pa'i zhes bya ba ni de bzhin gshegs pas bskal pa grangs med pa nas bsod nams dang/ ye shes kyi tshogs dpag tu med pa bsags pa'i rgyu phun sum tshogs pa las byung ba'i 'bras bu spangs pa dang ye shes bla na med pas bsdus pa'i yon tan dpag tu med pa'o/ /ba dan zhes bya ba ni snyan pa de nyid ba dan dang 'dra bas na ba dan zhes bya ste/ yon tan mngon par 'phags pas kun la gsal ba de la dmigs na mngon par mtho ba dang nges par legs pa'i lam mi nor ba'i phyir ro/ /'jig rten gsum du zhes bya ba ni 'jig tshogs kyi phung po 'jig pa tsam la brten pas bsdus pa'i khams gsum po 'dod pa dang/ gzugs dang gzugs med pa dag go /grags pa zhes bya ba ni de dag tu snyan pa'i sgras khyab pa ste/ bcom ldan 'das dang po mngon par rdzogs par sangs rgyas pa'i tshe dang por sa la grags de nas bar snang la grags de nas rgyal chen bzhi'i ris la grags so zhes bya ba nas 'og min gyi bar du grags so zhes bya ba la sogs pa'i rim gyis so/ /gzugs med par na/ ji ltar grags she na/ gzugs can gyi khams na gnas pa'i tshe grags pa'i bag chags rgyud la yod pas rgyu la 'bras bur btags te grags par brjod do/ /des sbyin pa la sogs pa'i rgyu phun sum tshogs pa las byung ba'i yon tan gzhan dag la ston par mdzad pa'i sgo nas gzhan gyi don phun sum tshogs pa'i thabs su gyur pa rgyu phun sum tshogs pa bstan to/ /phan 'dogs pa phun sum tshogs pa'i dbang du mdzad nas/ dam pa'i chos sgra seng ge'i sgra bsgrags pa zhes bya ba gsungs te/ dam pa zhes bya ba ni sangs rgyas bcom ldan 'das te/ nyon mongs pa bag chags dang bcas pa ma lus par spangs pa'i phyir ro/ /chos sgra zhes bya ba ni dam pa des gsungs pa'i chos te/ 'phags pa'i bden pa bzhi po dag dpal gyi mgur nas gsungs pa'i sga'o//

  384. 192b

    seng ge'i sgra zhes bya ba ni dam pa'i chos kyi sgra de nyid seng ge'i sgra dang 'dra ba'i phyir seng ge'i sgra zhes bya ba ste mu stegs can glang po che lta bu dag skrag par byed cing/ rigs kyi bu mi'i seng ge'i phru bu lta bu dag sdud par byed pa'i phyir ro/ /bsgrags pa zhes bya ba ni bstan pa te/ bden pa bzhi lan gsum du bzlas te chos kyi 'khor lo rnam pa bcu gnyis su bskor ba'i phyir/ /des ni ston pa'i mdzad pa phun sum tshogs pa gzhan la chos ston pa'i sgo nas gzhan gyi don phun sum tshogs pa'i thabs su gyur pa phan 'dogs pa phun sum tshogs pa bstan to/ /shes rab phun sum tshogs pa'i dbang du mdzad nas/ thams cad mkhyen pa zhes bya ba gsungs te/ thams cad mkhyen pa zhes bya ba ni bcom ldan 'das te/ dang por dngos po'i ngo bo nyid ma lus pa dang/ thun mong ma yin pa dang/ tshad med pa dang/ phyin ci ma log par bstan pa'i phyir ro/ /des ni thams cad mkhyen pas lung shin tu rnam par dag pa gtan la phab pa'i sgo nas gzhan gyi don phun sum tshogs pa'i thabs su gyur pa shes rab phun sum tshogs pa bstan to/ /thugs rje phun sum tshogs pa'i dbang du mdzad nas/ dkon mchog mdzod brnyes pa zhes bya ba gsungs te/ dkon mchog ces bya ba ni bshad pa dang sgrub pa'i chos dkon mchog ste/ rin po che dang 'dra bar dkon pa dang/ rin che ba dang/ dga' bar byed pa dang/ phan 'dogs pa dang/ mi ma yin pa la sogs pa gnod par byed pa'i gnyen por gyur pa yin pa'i phyir ro/ /mdzod ces bya ba ni rin po'i mdzod dang 'dra bar dkon mchog de'i mdzod 'phags pa'i dge 'dun te/ lung dang rtogs pa'i sgo nas de'i snod du gyur pa yin pa'i phyir ro/ /brnyes pa zhes bya ba ni slob ma nyid du brnyes pa ste/ ston pa'i rjes su zhugs pa'i phyir ro/ /des ni 'khor yongs su smin par mdzad pa gzhan gyis don phun sum tshogs pa'i thabs su gyur pa thugs rje phun sum tshogs pa'i thabs su gyur pa thugs phun sum tshogs pa bstan to/ /'bras bu'i khyad par phun sum tshogs pa'i

  385. 193a

    dbang du mdzad nas/ zhabs la tshangs dbang gtsug gi nor bus gtugs zhes bya ba gsungs te/ zhabs la zhes bya ba ni de bzhin gshegs pa'i zhabs 'khor lo'i mtshan dang ldan pa'o/ /tshangs dbang zhes bya ba la/ tshangs pa zhes bya ba ni bsam gtan dang po'i bsam gtan khyad par can bsgrubs te tshangs pa'i rgyal po thob pa stong gi 'jig rten la dbang sgyur ba'i tshangs pa chen po'o/ /dbang po zhes bya ba ni sum cu rtsa gsum pa'i lha rnams kyi dbang po brgya byin te/ de gnyis ni sa bla'i gtso bo dang/ stong gi khams na gtso bor grags pa 'dir smos par zad kyi gzhan yang de bzhin du gzung bar bya'o/ /gtsug gi nor pus zhes bya ba ni spyi bo ste nor bu gdags pa'i gnas yin pa'i phyir ro/ /gtugs zhes bya ba de ni des btung de phyag byas pa'o// des ni 'jig rten na 'bras bu thob pa'i mchog dag gis spyi bos gtugs pa'i sgo nas gzhan gyi don phun sum tshogs pa'i thabs su gyur pa 'bras bu'i khyad par phun sum tshogs pa bstan te/ de ltar de dag gis ni 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa'i sgo nas ston pa la bstod pa'i mchod pa bstan to/ /de'i 'og tu 'gro ba'i gtso bo sangs rgyas bcom ldan 'das kyi yon tan bdag gi don phun sum tshogs pa'i che ba nyid kyi khyad par spangs pa phun sum tshogs pa'i dbang du mdzad nas/ sdug bsngal rgya mtsho gting mdza' med pa rgal ba zhes bya ba gsungs te/ sdug bsngal zhes bya ba ni skye ba dang/ rga ba dang/ na ba dang/ 'chi bas bsdus pa nye bar len pa'i phung po lnga po dag go /rgya mtsho zhes bya ba ni sdug bsngal de nyid rgya mtsho dang 'dra bas rgya mtsho zhes bya ste/ shin tu rgya che ba'i phyir ro/ /gting med pa zhes bya ba ni gzhi'i gting med pa ste/ 'dis ni rgya mtsho bzhin du sdug bsngal mang ba nyid du bstan to/ /mdza' med pa zhes bya ba ni pha rol gyi mdza' med pa ste/ 'dis ni rgya mtsho bzhin du 'khor

  386. 193b

    pa'i rgyun 'chad par bstan to/ /rgal ba zhes bya ba ni 'das pa ste las dang nyon mongs pa spangs pa sdug bsngal zad pa'i phyir ro/ /des ni las dang nyon mongs pa dang skye ba'i mtshan nyid kyi kun nas nyon mongs pa spangs pa'i sgo nas bdag gi don phun sum tshogs pa'i che ba nyid kyi khyad par spangs pa phun sum tshogs pa bstan to/ /ye shes phun sum tshogs pa'i dbang du mdzad nas/ 'gro ba'i gtso la zhes bya ba gsungs te/ 'gro ba'i zhes bya ba ni 'jig rten rtag tu 'khor ba'i phyir ro/ /gtso la zhes bya ba ni zla med pa ste mchog yin pa'i phyir ro/ /la zhes bya ba ni de ni 'gro ba'i gtso bo sangs rgyas bcom ldan 'das te/ shes bya thams cad la chags pa med pa dang/ thogs pa med pa'i ye shes brnyes pas 'gro ba thams cad kyi gtso bor gyur pa'i phyir ro/ /'dis ni dngos po ji snyed yod pa nyid dang/ ji lta ba bzhin du yod pa nyid thugs su chud pas 'gro ba'i gtso bor gyur pa'i sgo nas bdag gi don phun sum tshogs pa'i che ba nyid kyi khyad par ye shes phun sum tshogs pa bstan to/ /de ltar de dag gis ni 'gro ba'i gtso bo sangs rgyas bcom ldan 'das kyi yon tan gzhan don phun sum tshogs pa dang/ bdag gi don phun sum tshogs pa'i sgo nas ston pa la bstod pa'i mchod pa bstan to/ /de'i 'og tu phyag 'tshal ba'i sgo nas mchod pa bstan pa'i phyir/ spyi bos phyag 'tshal te zhes bya ba gsungs te/ spyi bos zhes bya ba ni lus kyi phyag 'tshal ba dngos su bstan la/ phyag 'tshal te zhes bya ba ni lus dang ngag dang yid gsum gyis phyag 'tshal ba yang bsdus par lta'o/ /'dis ni lus dang ngag dang yid kyis phyag 'tshal ba'i sgo nas ston pa la mchod pa dang/ de ltar phyag 'tshal te ci zhig bya zhe na/ so sor thar pa brtsams par dam 'char bar bya ba bstan pa'i phyir/ thams cad mkhyen pa'i bslab gzhi dkon mchog snod/ 'phags pa'i tshogs kyi dbus su dbye bar bya zhes gsungs te/ 'dis ni gang gis bstan pa dang/ ci zhig bstan pa dang/ su la bstan pas

  387. 194a

    so sor thar pa'i che ba nyid bstan nas/ gang gi ci zhig bstan pa de nyid su la bstan pa'i tshogs kyi dbus su dbye bar bya zhes bstan to/ /de la gang gis bstan ce na/ ston pa de ni thams cad mkhyen pa zhes bya bas ni ston te/ tshig gi don snga ma bzhin no/ /ci zhig bstan zhe na so sor thar pa ste/ de ni bslab gzhi dkon mchog snod ces bya bas bstan te/ bslab pa zhes bya ba ni srog gcod pa sped pa la sogs pa'i mtshan nyid do/ /gzhi zhes bya ba ni tshig ste ces de la don gnas pa'i phyir ro// dkon mchog ces bya ba ni bslab pa'i gzhi de nyid de chen po rnams ni rkyen yin pa'i phyir dang/ dkon pa'i phyir rin po che dang 'dra bas dkon mchog go /de yang gang zhe na/ rnam par 'byed pa dang/ gzhi dang/ gzhung phyi ma dang/ phran tshegs dag go /snod ces bya bas na de dag gi snod de so sor thar pa'i mdo 'di nyid do/ /de ni ston pa thams cad mkhyen pa'i bslab gzhi dkon mchog snod ces bya'o/ /su la bstan ce na/ nyan thos kyi dge 'dun la ste/ de ni 'phags pa'i tshogs zhes bya bas bstan te/ 'phags pa zhes bya ba ni sdig pa mi dge ba'i chos rnams las ring du gyur pa'o/ /tshogs zhes bya bas ni gzhi yan chad do/ /gang gis ci zhig bstan pa de nyid su la bstan pa'i tshogs kyi dbus su dbye bar bya ba ni ston pas so sor thar pa bstan pa de nyid nyan thos kyi dge 'dun gyi dbus su dbye bar bya ste/ de ni dbus su dbye bar bya zhes bya bas bstan to/ dbus zhes bya ba ni nang du'o/ /dbye bar bya ba ni gdon par bya'o/ /sus gden par bya zhing dbye zhe na/ 'phags pa'i tshogs kyis te/ dper na rin po che'i snod dbye bar yang rin po che rtogs shes pa dag gis tshogs kyi dbus su dbye ste/ de bzhin du thams cad mkhyen pa bslab gzhi dkon mchog snod 'di yang bslab pa'i gzhi rin po che lta bu rtog shes pa'i 'phags pa'i tshogs kyi dbus su dbye zhing gdon par bya'o zhes

  388. 194b

    bya ba'i tha tshig go /mchod pa'i mtshan nyid bshad zin to/ /de nas de'i 'og tu gleng bslang ba'i mtshan nyid bshad par bya ste/ gleng bslad ba'i mtshan nyid ces bya ba ni so sor thar pa'i mdo yang dag par brtsams pa gleng bslang ba'o/ /de yang so sor thar pa'i tshe ba nyid thos na tshogs kyi lam 'bras bu dang bcas par 'dod pas so sor thar pa bsgrub par bya'o zhes gleng bslang dgos pas de'i phyir/ sangs rgyas 'dul ba gang chen mtsho zhes bya ba la sogs pa tshigs su bcad pa bcu gcig gsungs so/ /de la 'dir yang tshigs su bcad pa bcu gcig po de dag gis brjod par bya ba dang/ dgos pa dang/ 'brel pa dang/ dgos pa'i dgos pa brjod par bya ste/ de la brjod par bya ba ni so sor thar pa'i che ba nyid do/ /dgos pa ni rtogs pa'o/ /'brel pa ni rtogs pa de yang gleng bslang ba 'dis byed pas/ gleng bslang ba'i tshigs su bcad pa'i thabs 'di dang/ dgos pa thabs las byung ba'i mtshan nyid gnyis 'brel pa'o/ /dgos pa'i dgos pa ni so sor thar pa'i che ba nyid thos nas tshogs kyi lam 'bras bu dang bcas par 'dod pas/ so sor thar pa sgrub par byed pa'o// de la tshigs su bcad pa bcu gcig po 'di dag gis bsdus pa'i don ni rnam pa gsum ste/ so sor thar pa'i che ba nyid brjod pa dang/ tshogs kyi lam 'bras bu dang bcas par bya ba dang/ so sor thar pa bsgrub par bya ba'o/ /de la so sor thar pa'i che ba nyid brjod pa yang rnam pa gsum ste/ tshe 'di'i 'bras bu dang tshe phyi ma'i 'bras bu dang/ so sor thar pa la ston pa dang 'dra bar ston pa'o/ /de la sangs rgyas 'dul ba gang chen mtsho zhes bya ba la sogs pa tshigs su bcad pa gsum ni che'i 'bras bu bstan to/ /mtsho bas zab pa'i 'khor ba las zhes bya ba la sogs pa tshigs su bcad pa gnyis kyis ni tshe phyi ma'i 'bras bu bstan to/ /de ni mya ngan las 'das gyur na zhes bya ba la sogs pa tshigs su bcad pa gcig gis ni so sor thar pa la ston pa dang 'dra bar ston pa bstan to/ /tshogs

  389. 195a

    kyi lam 'bras bu dang bcas par bya ba yang rnam pa gsum ste tshogs kyi lam dkon pa dang/ tshogs kyi lam rnyed pa dang/ tshogs kyi lam rnyed pas nan tan du bya ba'o/ /de la sangs rgyas zhes bya ba'i sgra 'di yang zhes bya ba la sogs pa'i tshigs su bcad pa gnyis kyis ni tshogs kyi lam dkon pa bstan to/ /'jig rten sangs rgyas 'byung ba dang zhes bya ba la sogs pa'i tshigs su bcad pa gcig gis ni tshogs kyi lam rnyed pas nan du bya ba bstan to/ /so sor thar pa bsgrub par bya ba ni rnam pa bzhi ste/ bdag gi dbang du byas pa dang/ gzhan gyi dbang du byas pa dang/ chos kyi dbang du byas pa dang/ bsgrub pa'i mtshan nyid do/ /de la dge slong dbang dul kun dga' po zhes bya ba ni bdag gi dbang byas pa bstan to/ /sangs rgyas mi 'gyur rab 'byung ba zhes bya bas ni gzhan du gyi dbang du byas pa bstan to/ /nges par thar pa 'dod rnams kyis zhes bya bas ni chos kyi dbang du byas pa bstan to/ /so sor thar pa rtag tu gsungs zhes bya bas ni bsgrub pa'i mtshan nyid bstan te/ de ni re zhig spyi'i don yin no// da ni yan lag gi don bshad par bya ste/ de la tshe 'di'i 'bras bu'i sgo nas so sor thar pa'i che ba nyid brjod pa'i dbang du mdzad nas/ sangs rgyas 'dul ba gang chen mtsho/ /gting mdza' med pa thams cad kyi/ /gnas pa'i snying dang snying po ni/ /so sor thar pa 'di yin no/ /zhes bya ba la sogs pa'i tshigs su bcad pa gsungs te/ sangs rgyas 'dul ba zhes bya ba ni sangs rgyas kyis gsungs pa'i gdul ba'o/ /sangs rgyas bcom ldan 'das te/ don thams cad nges par thugs su chud pa'i phyir ram/ nyon mongs pa bag chags dang bcas pa'i gnyid thams cad dang bral ba'i phyir ro/ /'dul ba zhes bya ba ni 'dul ba'i sde snod de/ 'dul ba rnam par 'byed pa dang/ 'dul ba gzhi dang/ 'dul ba phran tshegs dang/ 'dul ba gzhung bla ma ste/ slob ma rnams dngos po thams cad kyi

  390. 195b

    mchog mya ngan las 'das par khrid par byed pa'i phyir ram/ rgyud la kun tu spyod pa'i dri ma dang/ rnam par smin pa'i dri mas skyon chags par byed pa'i nyes pa thams cad rnam par 'dul bar byed pa'i phyir ro/ /gang chen mtsho zhes bya ba ni rgya mtsho ste/ sangs rgyas kyis gsungs pa'i 'dul ba de nyid rgya mtsho dang 'dra ba'i phyir ro/ /ji ltar 'dra zhe na/ gting mdza' med pa zhes bya ba gsungs te/ rgya mtsho la gzhi'i gting dpag tu med pa bzhin du 'dul ba la yang kun nas slong ba'i gting dpag tu med pa'i phyir yang/ rgya mtsho la pha rol mdza' dpag tu med pa bzhin du/ 'dul ba la yang 'bras bu'i mdza' dpag tu med pa'i phyir ro/ /'dul ba de dag thams cad kyi gnas pa'i snying dang snying po ni so sor thar pa 'di yin no zhes bya bar sbyar te/ gnas pa zhes bya ba ni ltung ba sde lnga dang/ lo nyi shu ma lon par bsnyen par rdzogs pa'i thad ka las rab tu 'byung ba'i gzhi 'phros/ gso sbyong gi gsol ba gleng gzhi gdon pa las gso sbyong gi gzhi 'phros/ de la dgag dbye byas pas de 'grub bam mi 'grub ces dgag dbye 'phros/ de'i rgyu dbyar la rag las pas dbyar gyi gzhi 'phros/ la la ras chen brtad pa las byung ba las dbyar gyi dang dgag dbye 'phros kyang zer ro/ /'chad ba dang 'bral ba 'jog pa gsum las su brkyang ngo/ /'jog pa las gos kyi gzhi'o/ /yang sra brkyang gos kyi gter lta bur 'dug pas de la brten nas ko lpags kyi gzhi'o/ /zhag bdun pa'i gsog 'jog las sman gyi gzhi'o/ /gso sbyong la sogs pa las bya ba brtsams par bshad pa la brten nas las kyi gzhi'o/ /lhag ma phyir bcos las phyir bcos kyi gzhi'o/ /phyir bcos rang gi cha lag tu dus dang dus ma yin pa dang/ sa gzhan na gnas pa gnyis so/ /yang ni mi 'dod bzhin spo ba byed du gzhug go las de gnyis so/ /ma nges pa gnyis las yongs su spyad pa'o/ /de'i zhar byung du/ las bye ba dang/ 'khor lo bye ba'o/ /yang na dbyen gyi lhag ma la brten nas 'khor lo dbye ba'o/ /zhi byed kyi chos

  391. 196a

    bdun la brten nas rtsod pa'i gzhi'o/ /gnas mal gyi ltung byed las gnas mal gyi gzhi'o/ /la la? khang pa khang chen las 'phros zhe'o/ /bzhi bcu bdun la sogs pa'i mtshan nyid rnam par gzhag pa'o/ /de'i snying zhes bya ba ni mtshan nyid rnam par gzhag pa de'i rgyur gyur te/ 'phan pa dang/ sa bon dang/ kun nas slong ba gang yin pa'o/ /snying po zhes bya ba ni brten pa rnam par mi g.yo ba ste/ mtshan nyid gzhan du mi 'gyur ba'o/ /des na sangs rgyas kyis gsungs pa'i 'dul ba rgya mtsho lta bu gting dang mdza' med pa thams cad kyi mtshan nyid rnam par gzhag pa'i zhes bya ba sgo nas so sor thar pa'i che ba nyid brjod pa bstan to/ /'di ni dam chos rgyal po yi/ /chos kun gyi ni 'dren pa mchog /'di ni dge slong tshong tshogs kyi/ /bslab zod tshogs khang chen po yin/ /zhes bya ba la/ 'di ni zhes bya ba ni so sor thar pa'o/ /dam chos rgyal po'i zhes bya ba ni sangs rgyas bcom ldan 'das te/ thugs su chud pa dang ston par mdzad pa'i phyir ro/ /dam chos rgyal po de'i chos kun zhes bya ba ni mdo sde la sogs pa bstan pa'i chos thams cad do/ /chos de dag gi 'dren pa mchog ces bya ba ni rgyal po'i slon po rin po che dang 'dra'o zhes bya ba'i tha tshig go /'di la brten te de dag 'byung ba'i phyir ro/ /yang de nyid bye brag tu bya ba'i phyir/ 'di ni zhes bya ba ni sogs pa gsungs te/ 'di ni zhes bya ba ni so sor thar pa'o/ dge slong tshod tshogs zhes bya ba ni dge slong mya ngan las 'das pa'i nor bu rin po che 'dod pa chod pa lta bu'i tshogs don mthun pa dag go /de dag gi bslab zod zhes bya ba ni mya ngan las 'das pa'i nor bu rin po che sgrub pa'i zod tshul khrims kyi nor bu'o/ /de'i tshong khang zhes bya ba ni bslab pa'i zod bcer? pa'i gnas te/ so sor thar pa'i nang du bslab pa thams cad 'dus pa'i phyir ro/ /chen po zhes bya ba ni bslab pa chen po'i che'i gnas yin pa'i phyir dang/ chen po rnams la bos pa yin pa'i phyir ro/ /de dag gis ni chos kun

  392. 196b

    gyi ni 'dren pa'i mchog yin pa dang/ bslab pa'i zod gi tshong khang chen po yin pa'i sgo nas so sor thar pa'i che ba nyid brjod pa bstan to/ /tshul khrims 'chal bas zin rnams kyi/ /gdug pa rnams sel sman 'di yin/ /'di ni lang tsho rnams 'khrug pa'i/ /rkang gnyis gzhon nu'i lcags kyo yin zhes bya ba la/ tshul khrims 'chal bas zhes bya ba ni bslab pa nyams pa lhag ma dang bcas pa ste/ bdag dang gzhan la gnod pa nyid kyis sprul chen po dug myur du khyab par byed pa dang 'dra ba'i phyir ro/ /de zin pa zhes bya ba nyams par byas pa'o/ /des zin pa'i gang zag rnams kyi gdug pa zhes bya ba ni ltung ba ste/ sprul gyi dug dang 'dra ba'i phyir ro/ /rnams sel zhes bya ba ni rnam par gnon pa ste/ kun tu spyod pa sel ba'i phyir ro/ /sman ces bya ba ni gnod pa sel ba ste/ 'dis spyod par ston pa'i phyir ro// de yang so sor thar pa 'di yin te des ni ltung ba rnam par sel ba'i rgyu nyid du bstan to/ /yang de nyid bye brag tu bstan pa'i phyir 'di ni zhes bya ba la sogs pa gsungs te/ 'di ni zhes bya ba ni so sor thar pa'o/ /lang mtsho zhes bya ba ni gzhom pa nyid do/ /rnam 'phrul ba'i zhes bya ba ni bag med pa la sogs pas rnam par rmongs pa'o/ /rkang gnyis zhes bya ba ni mi'o/ /gzhon nu zhes bya ba ni bya ba ma yin pa mi shes pa'o/ /lcags kyo zhes bya ba ni glang po che'i lcags kyo dang 'dra ste bsnyil ba dang/ spo ba la sogs pa'i nyes dmigs ston pa kun tu skrag par byed pa yin pa'i phyir ro/ /des ni 'dul dka' ba rnams yang dag par sdom pa'i rgyu nyid du bstan to/ /de ltar tshigs su bcad pa gsum po de dag gis ni so sor thar pa brtson par byas na tshe 'di la 'bras bu 'di lta bu thob pas de'i tshe 'di'i 'bras bu'i sgo nas so sor thar pa'i che ba nyid brjod pa bstan to/ /tshe phyi ma'i 'bras bu'i sgo nas so sor thar pa'i che ba nyid brjod pa'i dbang du mdzad nas/ 'tsho bas zab pa'i 'khor ba las/ /bsgral ba'i brgal thabs 'di yin te/ /'di ni bzang 'grod 'gro ba yi/ /nges pa'i chu lon

  393. 197a

    zam pa yin zhes bya ba la sogs pa tshigs su bcad pa gnyis gsungs te/ mtsho bas zab pa'i 'khor ba zhes bya ba ni rgya mtsho dug can pas kyang ches zab cing gting sleb par dka' ba'i 'khod ba 'gro ba sda'i? 'jig rten no/ /'khor ba de las sgrol ba'i brgal thabs 'di yin te zhes bya ba ni rnam par 'grol ba'i rgyur gyur pa'i lam ste/ zam pa dang/ gru dang/ gzings dang/ rgyal pa la sogs pa lta bu'o/ /de yang so sor thar pa 'di yin te/ tshul khrims rnam par dag pa ni la ma skye ba'i phyir ro/ /des na 'khor ba las sgrol zhing nges par legs pa'i lam thob pa'i thabs yin par bstan to/ /'di ni zhes bya ba ni so sor thar pa'o/ /bzang 'gror zhes bya ba ni bde 'gro mtho ris te/ lha dang mi'i 'gro ba'o/ /'gro ba'i zhes bya ba ni der 'jug cing thob pa'o/ /nges pa'i zhes bya ba ni bstan pa gcig tu gyur pa ste gdon mi za ba'o/ /chu lon zam pa zhes bya ba ni chu yang 'gog pa rgyu ba'i zam par gyur pa ste ngan song gi chu yang 'gog pa mtho ris su 'gro ba'i zam pa yang yin pa'i phyir ro/ /de ni so sor thar pa 'di yin te/ tshul khrims des ni bde 'gro'i rgyu yin pa'i phyir ro/ /des ngan song las sgrol zhing mngon par mtho ba'i lam thob pa'i thabs yin par bstan to/ /'di ni nyon mongs pham byed lam/ /rgyal po yi ni 'dren pa mchog /'di ni thar pa'i grong 'jug pa'i/ /them skas gzhi dang 'dra bar gnas zhes bya ba la/ 'di ni zhes pa so sor thar pa'o/ /nyon mongs pa zhes bya ba ni 'dod chags dang/ khong khro ba la sogs pa'i nyon mongs pa dag go /pham byed ces bya ba ni spong bar byed pa'o/ /de yang gang zhen lam ste 'phags pa'i lam yan lag brgyad pa'o/ /rgyal po zhes bya ba ni nyon mongs pa pham par byed pa'i lam de nyid rgyas po dang 'dra bas rgyal po ste/ nyon mongs pa'i dgra pham par byed pa'i phyir/ /'dren pa mchog ces bya ba ni rgyal po'i snying tshoms lta bu ste/ 'dis 'phags pa'i lam 'dren par byed pa'i

  394. 197b

    phyir ro/ /des ni 'khor ba'i rgyu nyon mongs pa spong zhing mya ngan las 'das pa'i rgyu 'phags pa'i lam 'dren pa yin par bstan to/ /'di ni zhes bya ba ni so sor thar pa'o/ /thar pa'i zhes bya ba ni mya ngan las 'das pa'o/ /grong zhes bya ba ni thar pa de nyid grong khyer dang/ 'dra bas grong zhes bya ste/ 'tshe ba thams cad dang bral ba'i phyir ro/ /'jug pa'i zhes bya ba ni 'gro ba'o/ /them skas gzhi zhes bya ba ni them skas kyi rten ma'o/ /so sor thar pa 'di ni de dang 'dra bar gnas pa yin te lam gyi gzhi ni tshul khrims yin pa'i phyir ro// des ni mya ngan las 'das pa'i 'bras bu thob pa'i rgyu 'phags pa'i lam gyi gzhi nyid yin par bstan to/ /de ltar tshigs su bcad pa gnyis po de dag gis ni so sor thar pa la brtsal bar byas na tshe phyi ma la 'bras bu de ltar thob pas tshe phyi ma'i 'bras bu'i sgo nas so sor thar pa'i che ba nyid brjod pa bstan to/ /so sor thar pa la ston pa dang 'dra bar bstod pa'i sgo nas so sor thar pa'i che ba nyid brjod pa'i dbang du mdzad nas/ nga ni mya ngan las 'das gyur na/ /'di ni khyed kyi ston pa zhes/ /rang 'byung nyid kyis gus byas par/ /nan tan dge 'dun tshogs mdun bstod/ /zhes bya ba'i tshigs su bcad pa gcig gsungs te/ da ni zhes bya ba ni bcom ldan 'das nyid do/ /mya ngan 'das gyur na zhes bya ba ni phung po lhag ma ma lus pa'i mya ngan las 'das pa'i dbyings su'o/ /'di ni zhes bya ba ni so sor thar pa'o/ /khyed kyi zhes bya ba ni nyan thos kyi dge 'dun rnams kyi'o/ /ston ces bya ba ni ston pa dang 'dra'o zhes so/ /rang byung zhes bya ba ni bcom ldan 'das te gzhan gyi lung med par bcom ldan 'das bla na med pa'i mkhyen pa brnyes pa'i phyir ro/ /nyid kyis zhes bya ba ni rang gi zhal nyid kyis so/ /gus par zhes bya ba ni dgongs pa gtad de bstan pa'o/ /nan tan zhes bya ba ni lhur bzhes nas so/ /dge slong zhes bya ba ni gsol ba dang bzhi'i las kyis bsnyen par rdzogs pa'i dge slong ngo/ /tshigs zhes bya ba ni mang po 'dus

  395. 198a

    pa'o/ /mdun zhes bya ba ni mngon sum du'o/ /bstod ces bya ba ni ston pa dang 'dra'o zhes so/ /des na ston pa bcom ldan 'das yongs su mya ngan las 'das pa'i tshe dge slong dag da phyin chad bdag cag pa ston pa med par 'gyur ro snyam du dogs pa bzlog pa'i phyir bcom ldan 'das kyis 'di skad ces da yongs su mya ngan las 'das par 'gyur na so sor thar pa 'di khyed la ston pa byed par 'gyur ro zhes bstan par 'jid pas so sor thar pa? ston pa dang 'dra bar bstod pa'i sgo nas so sor thar pa'i che ba nyid brjed pa bstan to/ /tshogs kyi lam dkon pas tshogs kyi lam 'bras bu dang bcas par bya ba'i dbang du mdzad nas/ /sangs rgyas zhes bya'i sgra 'di yang/ /'jig rten dag na rab tu dkon/ /'di nyid? rnyed pa shin tu dka' / /rab tu byung ba shin tu dkon/ /zhes bya ba la sogs pa tshigs su bcad pa gnyis gsungs so/ /tshogs kyi lam zhes bya ba ni sbyor ba'i lam rnam par dag pa'i lam thob pa'i tshogs dang gzhir gyur pa'i lam rnam pa bcu gsum ste/ gzhan gyi 'byor ba dang/ bdag gi 'byor pa dang/ dge ba'i chos la 'dun pa dang/ tshul khrims sdom pa dang/ dbang po sdom pa dang/ zas kyi tshod de rig pa dang/ nam gyi cha stod dang cha smad la mi nyal bar sbyor ba'i rjes su brtson pa nyid dang/ shes bzhin du spyod pa nyid dang/ dge ba'i bshes gnyen dang/ dam pa'i chos nyan cing sems pa dang/ bar chad med pa dang/ gtod pa sel ba dang/ dge sbyong gi rgyan gang yin pa'o/ /de la sangs rgyas zhes bya ba'i sgra 'di yang/ 'jig rten dag na rab tu dkon zhes bya ba ni gzhan gyi 'byor ba dkan pa bstan te/ gzhan gyi 'byor ba gang zhe na/ de ni rnam pa lnga ste/ sangs rgyas rnams 'byung ba dang/ dam pa'i chos bstan pa dang/ chos bstan pa rnams gnas pa dang/ chos bstan pa rnams rjes su 'jug pa dang/ gzhan gyi phyir rjes su snying brtse bar bya'o/ /des sangs rgyas bcom ldan 'das zhes bya'i sgra yang 'jig rten dag na rab tu dkon na sangs

  396. 198b

    rgyas rnams 'byung ba lta smos ci dgos/ sangs rgyas rnams 'byung ba dkon na/ dam pa'i chos ston pa lta yang smos ci dgos zhes bstan to/ /mi nyid rnyed pa shin tu dka' zhes bya bas ni bdag gi 'byor ba dkon par bstan te/ bdag gi 'byor pa gang zhe na/ de yang rnam pa lnga ste/ mir gyur pa dang/ yul dbus su skyes pa dang/ dbang po tshad ba dang/ gnas la dad pa dang/ las kyi mdza' ma log pa'o/ /des ni ming gyur pa nyid kyang/ rnyed par shin tu dka' na yul dbus su skyes pa la sogs pa lta smos kyang ci dgos zhes bstan to/ /rab tu byung ba shin tu dkon zhes bya bas ni dge ba'i chos la 'dun pa dkon par bstan to/ /dge ba'i chos la 'dun pa gang zhe na/ de bzhin gshegs pa 'am de'i nyan thos dge la chos thos shing dad pa thob par gyur la/ dad pa thob nas khyim nas rab tu 'byung zhing nan tan gyis bsgrub par bya'o/ /zhes de ltar yang dag par slang ba gang yin pa'o/ /des ni chos thos shing dad pa yang shin tu dkon na rab tu byung zhing nan tan gyis sgrub par byed pa lta smos kyang ci dgos zhes bstan to/ de bzhin rab tu byung rnams kyis/ /tshul khrims phun sum tshogs rab dkon zhes bya bas ni tshul khrims kyi sdom pa dang/ dbang po sdom pa dang zas kyi tshod rig pa nyid dang/ nam gyi cha bstod dang nam gyi cha smad la mi nyal bar sbyor ba'i rjes su brtson pa nyid dang/ shes bzhin du spyod pa dkon par bstan to/ /tshul khrims kyis sdom pa gang zhe na/ rnam pa drug ste/ rnam par dbye ba dang bsdus pa dang/ phun sum tshogs pa dang/ rnam grangs dang rnam par dag pa dang/ phan yon no/ /de la rnam par dbye ba ni rnam drug ste/ tshul khrims dang ldan par gnas pa dang/ so sor thar pa'i sdom pas sdams pa dang/ tshogs phun sum tshogs pa dang/ spyod yul phun sum tshogs pa dang/ /ngan? ma tho ba phra rab tsam la yang 'jig par lta ba dang/ bslab pa'i gzhi rnams yang dag par blangs te slob pa'o/ /bsdu ba na rnam pa gsum du bsdus pa ste/ tshul khrims

  397. 199a

    yang dag par bslangs pa dang/ des par byin pa'i tshul khrims dang/ tshul khrims bsgom pa'o/ /phun sum tshogs pa rnam pa bcus phun sum tshogs par 'gyur te/ dang po nyid nas legs par blangs pa nyid dang/ ha cang zhum pa ma yin pa dang/ ha cang thal ba ches pa ma yin pa dang/ bag yod pa la brtson 'grus kyis yongs su zin pa dang/ yang dag par smon pa dang cho ga ma nyams pas yongs su zin pa dang/ 'tsho ba ma nyams pas yongs su zin pa dang/ mdza' gnyis su ltung ba dang/ nges par 'byung ba dang/ yang dag par blangs pa yongs su ma nyams pa'o/ /rnam grangs ni rnam pa drug ste/ la lar tshul khrims rtsa ba'i don du gsungs pa dang/ la lar rgyan dang/ la lar byug pa dang/ la lar spos dang/ la lar legs par spyad pa dang/ la lar sdom pa'i sgrar gsungs pa'o/ /rnam par dag pa ni rnam pa gsum te/ tshul khrims kyi sdom pa de yongs su dag par bya ba'i phyir lus kyi las la so sor rtog par byed pa dang/ dag gi las las sor rtog par byed pa dang/ yid kyi las la so sor rtog par byed pa'o/ /phan yon ni tshul khrims kyi phan yon rnam pa bcu ste/ 'gyod pa med pa'i rim gyi mchog tu dga' ba sngon du 'gro ba'i chos thos par 'gyur ba dang/ 'gyod pa med par 'chi ba'i dus byed par 'gyur ba dang/ phyogs bcur snyan pa'i sgra grags par 'gyur ba dang/ bde bar gnyid kyis log cing/ bde bar sad bar 'gyur ba dang/ gnyid log pa na lha rnams srung bar 'gyur ba dang/ gzhan las sdig pa'i bag tsha ba'am 'jig pa dang/ da dang ba med pa 'gyur ba dang/ dgra bo rnams kyi glags shig rnyed na yang tshul khrims rnam par dag pa'i dbang gis de dag bsrung ba la sogs pas phan 'dogs par 'gyur ba dang/ gnod sbyin dang mi ma yin pa gdug pa gnyug mar gnas pa rnams kyis glags shig rnyed na yang tshul khrims rnam par dag pa'i dbang gis de dag bsrung ba la sogs

  398. 199b

    pas phan 'dogs par 'gyur ba dang/ gzhan las chos gos la sogs pa dag tshegs chung ngus thob par 'gyur ba dang/ gang du skye bar 'dod pa la sogs pa'i smon lam thams cad yang dag par 'grub par 'gyur ro/ /dbang po sdom pa gang zhe na/ de tshul khrims kyi sdom pa de nyid la brten nas dran pa kun tu bsrung ba dang/ dran pa la rtag tu sgrub par byed pa dang/ dran pas yid kun tu bsrung ba dang/ gnas skabs mnyam pa la 'jog par byed cing/ mig dang/ rna ba dang/ sna dang/ lce dang/ lus dang/ yid kyis/ gzugs dang/ sgra dang/ dri dang/ ro dang/ reg bya dang/ chos rnams rnam par shes pa na yang mtshan mar mi 'dzin cing/ mngon rtags su mi 'dzin la/ gzhi gang kho na la de'i sems kyi rjes su sdig pa ni dge ba'i chos rnams zag par gyur pa de dag sdam par bya ba'i phyir sgrub par byed cing dbang po rnams kyang bsrung bar byed la/ dbang po rnams kyis kyang sdom par byed pas na dbang po rnams kyi sgo bsdam pa yin no/ /zas kyi tshod rig pa nyid gang zhe na/ de ltar dbang po bsdams pa de so sor brtags shing zas zar bar byed la/ rnam par rtog pa'i phyir ma yin/ rgyags pa skyed pa'i phyir ma yin/ sdig pa'i phyir ma yin/ brgyan pa'i phyir ma yin gyi yul 'di gnas par bya ba dang/ 'tsho bar bya ba dang/ bkres pa bsal ba'i phyir dang/ tshangs par spyod pa la phan par bya ba dang/ tshor ba rnying rnams spang bar bya ba dang/ gsar rnams mi skye bar bya ba'i phyir dang/ bdag 'tsho zhing stobs dang bde ba dang kha na ma tho ba med pa dang/ bde ba la reg par gnas par 'gyur ro snyam du sems shing zas za ba yin no/ /nam gyi cha stod dang nam gyi cha smad la mi nyal bar sbyor ba'i rjes su brtson pa nyid gang zhe na/ de ltar zas kyi tshod rig pa de nyid kyis 'chag pa dang 'dug pa dag gis sgrib par 'gyur ba'i chos rnams las sems yongs su spyod par byed cing mtshan mo'i thun dang po la yang 'chag pa dang 'dug pa dag gis sgrib par 'gyur ba'i chos rnams

  399. 200a

    la sems yongs su sbyod par byed la/ mtshan mo'i gung thun la gtsug lag khang nas byung ste/ gtsug lag khang gi phyi rol tu rkang pa bkrus nas gtsug lag khang gi nang du zhugs te glo g.yas pa phab nas rkang pa'i steng du rkang pa bzhag ste/ snang ba'i 'du shes dang dran pa dang/ shes bzhin dang ldan pa/ kho na'i 'du shes yid la byed bzhin du nyal bar byed pa dang/ mtshan mo'i thun tha mal myur bar kho nar sad par byas nas/ 'chag pa dang/ 'jug pa dag gis sgrib par 'gyur ba'i chos rnams las sems yongs su spyod par byed pa yin no/ /shes bzhin du spyod pa nyid gang zhe na/ de ltar mi nyal bar sbyor ba'i rjes su brtson par 'gyur ba dang/ de ltar 'gro ba dang ldog pa la shes bzhin du spyod par byed pa dang/ cung zad rtas pa dang/ rnam par rtas pa dang/ bskum pa dang/ brkyang ba dang/ snam sbyar dang/ chos gos dang/ lhung bzed bcad ba dang/ zos pa dang/ 'thungs pa dang/ 'chos pa dang/ myangs pa dang/ sod pb dang/ sdod pa dang/ 'dug pa dang/ nyal ba dang/ mi nyal ba dang/ smra ba dang/ gnyid kyi snyoms pa bsal ba la yang shes bzhin du spyod pa yin no/ /de ni tshul khrims sdom pa yang rab tu dkon na dbang po sdom pa la sogs pa lta smos kyang ci dgos bstan to/ /tshul khrims yongs su dag gyur kyang/ /grogs bzangs shin tu rnyed par dka' zhes bya bas ni dge ba'i bshes gnyen bsten pa dang/ dam pa'i chos nyan cing sems pa dang/ bar chad med pa dang/ gtong ba spel ba dang/ dge sbyong gi rgyan dkon par bstan pa'o/ /dge ba'i bshes gnyen gang zhe na/ rgyu rnam pa brgyad kyis na rnam pa thams cad yongs su rdzogs pa'i dge ba'i bshes gnyen yin par rig par bya ste/ brgyad gang zhe na/ tshul khrims la gnas pa dang/ mang du thos pa dang/ rtog pa dang ldan pa dang/ rjes su snying brtse ba dang ldan pa dang/ yid yongs su mi skyo ba dang/ bzod pa dang ldan pa dang/ mi 'jig

  400. 200b

    pa dang ldan pa dang/ tshig gi bya ba dang ldan pa yin no/ /dam pa'i chos nyan cing sems pa gang zhe na/ sangs rgyas dang/ sangs rgyas kyi nyan thos rnams bstan pa'i chos gsungs rab tu gtogs pa yan lag bcu gnyis sde snod gsum gyis bsdus pa dag 'dzin cing tshig 'bru dang/ don nyan pa dang/ gcig pur dben par song ste bsam gyis mi khyab pa'i gnas rnams spangs nas ji skad thos pa'i chos de dag nyid rang dang spyi'i mtshan nyid kyis sgo nas bgrang ba'i rnam pas chos rnams la bgrang ba'i tshul gyis sems par byed pa dang/ gzhal ba'i rnam par rig pas yon tan dang/ skyon nye bar brtag pa'i tshul sems par byed pa yin no/ /bar chad med pa gang zhe na/ nad la brten pa'i bar chad dang/ phyi la rten pa'i bar chad med pa ste/ de la nang la brten pa'i bar chad ni sngon bsod nams ma byas pa'i phyir mtsho ba'i yo byad rkyen du bab pa dag dus dus su rnyed par mi 'gyur ba dang/ 'dod chags dang/ zhe sdang dang/ gti mug shas che zhing yun ring ba dang/ sngon nad pa mang bar 'gyur ba'i las byas pas nad mang ba dang/ tshe 'di la mi mthun par spyad pas de'i lus la rlung dang/ mkhris pa dang/ bad kan 'khrugs shing 'dus pa la sogs par 'gyur ba dang/ zas lag du ba dang/ don mang ba dang/ bya ba mang ba dang/ tshig 'dub mang ba dang/ las la dga' ba dang/ smra ba la dga' ba dang/ gnyid la dga' ba dang/ bra? mo'i gtam la dga' ba dang/ 'du 'dzi mang ba dang/ bdag nyid rab tu 'dzin pa dang/ mi brtan pa dang/ bag med pa dang/ yul ngan par skyes pa dang/ de lta bu dang mthun pa dag go /phyi rol la brten pa'i bar chad ni skyes bu dam pa ma yin pa la brten cing de la rjes su mthun pa'i gdams ngag dang rjes su bstan pa dus su mi 'thob pa dang/ yul ngan par gnas pas nyin mo nyon mongs shing mi sdug pa mang ba dang/ mtshan mo skye bo rtag tu sgra 'byin cing ca co mang la klag cor che ba dang/ nyi ma'i reg pa grang zhing tsha ba nyid dang/ mi dang mi ma yin pas 'jigs pa dang/ de lta bu dag dang

  401. 201a

    mthun pa dag go /gzhan yang bar chad rnam pa gsum ste/ sbyor ba'i bar chad dang/ rab tu dben pa'i bar chad dang/ nang du yang dag par 'jog gi bar chad med pa yin no/ /gtong ba spel ba gang zhen/ sems kyi rgyan dang/ sems kyi yo byad dang/ rnal 'byor gyi tshogs dang/ don gyi mchog thob par bya ba'i phyir kha na ma tho ba med pa'i sbyin pa sbyin bar byed pa ste/ nga yang sus sbyin par byed/ su la sbyin par byed/ ci zhig sbyin par byed/ ces sbyin par byed/ ji ltar sbyin par byed/ ci'i phyir sbyin par byed cing/ gang gis de'i sbyin pa kha na ma tho ba med par 'gyur ba yin zhe na/ sus sbyin par byed ce na/ sbyin pa po dang sbyin bdag gis sbyin par byed do/ /su la sbyin par byed ce na/ bzhi la ste/ sdug bsngal ba dang/ phan 'dogs pa dang/ sdug pa dang/ khyad par can la sbyin par byed do/ /ci zhig sbyin par byed ce na/ sems can du bgrang ba dang/ sems can du bgrang ba ma yin pa'i dngos po sbyin par byed do/ /cis sbyin bar byed ce na/ sems mngon par 'du byed pa yid kyi las chags pa med pa dang ldan pa'i sems pa gang yin pa dang/ sbyin pa'i bya ba dngos po yongs su gtang bar bya ba'i phyir rang gi rgyud dang gzhan gyi rgyud la des kun nas bslang ba'i lus dang/ ngag gi las yin pa des sbyin par byed do/ /ji ltar sbyin par byed ce na/ ma 'ongs pa la lta ba dang/ 'bras bu mthong ba'i dad pas sbyin par byed pa dang/ dad pa'i sems kyis gus pas sbyin par byed pa dang/ brnyas pa med par rang gi lag nas sbyin par byed pa dang/ gzhan la mi 'kho ba'i dus su sbyin par byed pa dang/ chos mthun pa dang/ gzu lums ma yin par legs par bsgrubs te gzhan la mi gnod pa sbyin par byed pa dang/ gtsang ba dang/ bzang po dang/ dam pa dang rung ba sbyin par byed pa dang/ ser sna'i dri ma dang/ gsog 'jog gi dri ma bsal te sbyin par byed pa dang/ sbyin par byed pa'i snga rol tu yang yid dga' la/

  402. 201b

    sbyin pa'i tshe na yang rab tu dad par byed cing/ byin nas kyang 'gyod pa med par 'gyur ba de ltar sbyin par byed do/ /ci'i phyir sbyin par byed ce na bsdug bsngal ba rnams la snying brtse ba'i phyir dang/ phan 'dogs pa rnams la byas pa bzo ba'i phyir dang/ sdug pa rnams byams pa dang/ gus pa dang/ gcugs pa'i phyir dang/ khyad par can rnams 'jig rten dang 'jig rten las 'das pa'i khyad par 'dod pa'i phyir sbyin par byed do/ /gang gis de'i sbyin pa kha na ma tho ba med par 'gyur pa yin zhe na/ de sems kyi rgyan dang/ de sems kyi yo byad dang/ rnal 'byor gyi tshogs dang/ don gyi mchog thob par bya ba'i phyir rnam pa de dag gis khyim pa 'am/ rab tu byung ba dag la sbyin par byed na sbyin pa ni kha na ma tho ba med par 'gyur ba yin te de ni gtong ba sel ba zhes bya'o/ /dge sbyong gi rgyan gang zhe na/ mdor na rnam pa bcu bdun te/ dad pa dang ldan pa dang/ g.yo med pa dang/ nad nyung ba dang/ brtson 'grus brtsam pa'i rang bzhin can dang/ shes rab rno ba dang/ 'dod pa chung ba dang/ chog shes pa dang/ gso bla ba dang/ dgar bla ba dang/ spyangs pa'i yon tan dang ldan pa dang mdzes pa dang drod rig pa dang/ skyes bu dam pa'i chos dang ldan pa dang/ mkhas pa'i rtags dang ldan pa dang/ bzod pa che ba dang/ nges pa dang/ gya nom ba yin no/ /des ni dge ba'i bshes gnyen yang shin tu rnyed par dka' na dam? 'tsho? ma nyan cing sems pa la sogs pa lta smos kyang ci dgos zhes bstan to/ /de ltar tshigs su bcad pa gnyis po de dag gis ni tshogs kyi lam dkon pas de 'bras bu dang bcas par bya dgos pa'i sgo nas tshogs kyi lam 'bras bu dang bcas par bya ba bstan to/ /tshogs kyi lam rnyed pa tshogs kyi lam 'bras bu dang bcas par bya ba'i dbang du mdzad nas/ 'jig rten sangs rgyas 'byung ba dang/ /mi dang rab tu byung ba dang/ /tshul khrims phun sum tshogs pa dang/ /grogs bzang rnyed dka' rnyed gyur nas/ /zhes bya ba'i tshigs su bcad pa gcig gsungs te/ 'jig rten sangs rgyas 'byung ba dang

  403. 202a

    zhes bya bas gzhan gyi 'byor pa rnyed pa bstan to/ /mi rang zhes bya bas ni bdag gi 'byor ba rnyed pa bstan to/ /rab tu byung ba dang zhes bya bas ni dge ba'i chos la 'dun ba rnyed par bstan to/ /tshul khrims phun sum tshogs pa dang zhes bya bas ni tshul khrims kyi sdom pa dang/ dbang po'i sdom pa dang/ zas kyi tshong? rig pa nyid dang/ nam gyi cha stong dang nam gyi cha smad lam nyil ba rab sbyor ba'i rjes su brtson pa nyid dang/ shes bzhin du spyod pa nyid rnyed pa bstan to/ /grogs bzang rnyed dka' rnyed gyur nas zhes bya ba ni dge ba'i bshes gnyen dang/ dam pa'i chos nyan cing sems pa dang/ bar chad med pa dang/ gtong ba spel ba dang/ dge sbyong gi rgyan rnyed pa bstan to/ /de ltar tshigs su bcad pa gcig po ngos ni tshogs kyi lam rnyed pas de 'bras bu dang bcas par bya dgos pa'i sgo nas tshogs kyi lam 'bras bu dang bcas par bstan to/ /tshogs kyi lam rnyed na nan tan du bya ba'i sgo nas tshogs kyi lam 'bras bu dang bcas par bya ba'i dbang du mdzad nas/ mkhas pa bdag la legs 'dod cing/ de dag 'bras bcas byed 'dod pas/ /sdom brtson rnams kyis so sor thar/ /mnyan pa'i phyir ni 'bad par bya/ /zhes bya ba'i tshigs su bcad pa gcig gsungs te/ mkhas pa zhes bya ba ni mkhas pa'i rtags dang ldan pa ste/ lus kyis legs par byed pa dang ngag gis legs par smra bar brjod pa dang/ yid kyi legs par bsams par sems pa'o/ /bdag legs par 'dod cing zhes bya bas ni bdag nyid shes pa zhes bya ba'i tha tshig go /de dag 'bras bcas byed 'dod pas zhes bya bas ni tshogs kyi lam de dag 'bras bu dang bcas par byed 'dod pa ste/ sbyor ba'i lam dang rnam par dag pa'i thob par 'dod pas zhes pa'i tha tshig go /sdom brtson rnams kyi zhes bya bas ni rab tu byung ba rnams kyis so/ /de rnams kyis so sor thar pa mnyan pa'i phyir ni 'bang

  404. 202b

    bar bya'o zhes bya bar sbya bar te/ thos pa dang/ gzung ba dang/ 'dzin pa dang/ sgrub pa la 'bar par bya'o zhes bya ba'i tha tshig go /de ltar tshigs su bcad pa'i gcig po des ni tshogs kyis lam rnyed par nan tan du bya ba'i sgo nas tshogs kyi lam 'bras bu dang bcas par bstan to/ /bdag gi dbang du byas nas so sor thar pa bsgrub par bstan pa'i phyir/ dge slong dbang dul kun dbang po zhes bya ba gsungs te/ dbang? dul zhes bya ba ni mig la sogs pa/ dbang po lnga po dag gsungs te/ mig gis gzugs mthong na mtshan mar mi 'dzin mngon rtags su mi 'dzin cing/ rjes su chags pa dang/ khong khro bar ma 'gyur ba la sogs pa'o/ /kun dbang po zhes bya ba ni gnas skabs mnyam pa la 'jog pa ste/ dbang po dmigs pa dang/ yul dang/ dus dang/ gang zag la sogs pa'i gnas skabs thams cad la dbang po dul bar byed pa'o/ /des bdag nyid kyi bsam pa shin tu rnam par dag pa'i phyir dge slong gi tshul khrims rnams las bslab pa nyams par byed pa na bdag nyid la brten te ngo tsha shes pa skye ba'i sgo nas bdag gi dbang du byas te so sor thar pa bsgrub par bya ba bstan to/ /gzhan gyi dbang du byas nas so sor thar ba bsgrub pa bstan pa'i phyir/ sangs rgyas mi 'gyur rab byung ba zhes bya ba gsungs te/ sangs rgyas zhes smos pas ni sangs rgyas las sam sangs rgyas kyi phyir rab tu byung zhes sbyar ro/ /mi 'gyur zhes bya ba ni des shing 'phrul ba med pa ste/ bu lon gyis 'jigs pa dang/ 'tsho ba med pas 'jigs pa 'am/ rgyal po'i 'jigs pa la sogs pas rab tu byung ba ma yin gyi/ tshul khrims dang po nyid nas yang dag par? blangs pa'i yon tan dang ldan pa'o/ /rab byung ba zhes bya ba ni pha rol las legs par yang dag par blangs te/ mang khreg pa'o/ /des ni pha rol las legs par yang dag par blangs pa'i phyir dang/ dge slong tshul khrims rnams blangs pa nyams par byed na pha rol la brten te khrel yod pa skye bar bya

  405. 203a

    pa'i sgo nas gzhan gyi dbang du byas te/ so sor thar pa bsgrub par bya ba bstan to/ /chos kyi dbang du byas nas ni so sor thar pa bsgrub par bstan par bya ba'i phyir/ nges par thar pa 'dod rnams kyis zhes bya ba gsungs te/ nges par thar pa zhes bya ba ni mya ngan las 'das pa ste sdug bsngal bstan pa'i phyir ro/ /'dod rnams kyi zhes bya ba don du gnyer ba rnams kyis so/ /des ni nyams par gyur na phyir gso bar byed pa'i phyir dge slong gi tshul khrims rnams las bslab pa nyams pa na/ 'gyod pa med pa sgo nas chos kyi dbang du byas te/ so sor thar pa bsgrub par bya ba bstan to/ /bsgrub pa'i mtshan nyid kyi so sor thar bstan pa'i phyir/ so sor thar pa rtag tu bsrungs zhes bya ba gsungs te/ rtag tu bsrungs zhes bya ba ni thog ma nyid nas nyams par mi 'gyur bar gus pa skyed cig ces bya ba'i tha tshig go /des ni nyams par mi bya ba'i phyir gus pa skyed nas dran pa nye bar gnas pa'i phyir dge slong tshul khrims dang yang dag par blangs pa srung ba'i sgo nas bsgrub pa'i mtshan nyid kyi so sor thar pa bsgrub par bstan to/ /gleng bslang ba'i mtshan nyid bshad zin to/ /de'i 'og tu yang dag par brtsam pa'i mtshan nyid bshad par bya ste/ yang dag par brtsam pa'i mtshan nyid ces bya ba ni so sor thar pa'i gzhung rgyas pa yang dag par brtsam pa'o/ /de yang so sor thar pa rnyed par dka' ba dang/ dkon mchog gsum 'byung ba bde ba la sogs pa'i sgo nas yang dag par brtsam par dgongs nas/ de nyid phyir bskal pa bye ba rnams su yang zhes bya ba la sogs pa tshigs su bcad pa drug gsungs so/ /'dir yang tshigs su bcad pa drug po de dag gi brjod par bya ba dang/ dgos pa dang/ 'brel pa dang/ dgos pa'i dgos pa brjod pa bya'o/ /de la brjod par bya ba ni so sor thar pa la gus par bya ba'o/ /dgos pa ni sgrub par byed pa'o/ /'brel pa ni yang dag par brtsam pa'i tshigs su

  406. 203b

    bcad pa'i thabs 'di dang/ dgos pa thabs las byung ba'i mtshan nyid gnyis 'brel pa'o/ /dgos pa'i dgos pa ni so sor thar pa la gus par gyur nas so sor thar pa yang dag par brtsam par 'dod pas so sor thar pa gzhung rgyas pa mnyan la sogs byed pa'o/ /de la tshigs su bcad pa drug po 'di dag gi bsdus pa'i don ni rnam pa bdun te/ so sor thar pa rnyed par dka' ba dang/ dkon mchog gsum 'byung ba bde ba dang/ dge ba'i bshes gnyen la brten pa bde ba dang/ sdig pa'i grogs po spangs pa bde ba dang/ dge ba'i bshes gnyen gyi khyad par la brten pa bde ba dang/ thob par bya ba dang de bsgrub pa bde ba dang/ sgrub par byed pa spyangs pa'i yon tan dang ldan pa bde ba'o/ /de la bskal pa bye ba rnams su yang zhes bya ba la sogs pa tshigs su bcad pa gcig gi sa ni so sor thar ma snyed par dka' ba bstan to/ /sangs rgyas rnams ni 'byung ba bde zhes bya ba la sogs pa tshigs su bcad pa gcig gis ni dkon mchog gsum 'byung ba bde ba bstan to/ /'phags pa rnams ni mthong ba bde/ /dam pa ngag dang 'grogs pa bde ba zhes bya bas ni dge ba'i bshes gnyen la brten pa bde ba bstan to/ /byis pa rnams ni ma mthong na/ rtag tu bde ba nyid du 'gyur zhes bya bas ni sdig pa'i grogs po spangs pa bde ba bstan to/ /tshul khrims ldan pa mthong ba bde zhes bya ba la sogs pa tshigs su bcad pa gcig gis ni dge ba'i bshes gnyen gyi khyad par la brten pa bde ba bstan to/ /'jug dogs bde ba'i chu klung bde zhes bya ba la sogs pa tshigs su bcad pa gcig gis ni thob par bya ba dang/ de bsgrub pa bde ba bstan to/ /nges par byas shing dbang po thul ba dag? ces bya ba la sogs pa tshigs su bcad pa gcig gis ni sgrub par byed pa spyangs pa'i yon tan dang ldan pa bde ba bstan to/ /de ni re shig spyi'i don yin no/ /da ni yan lag gi don bshad par bya ste/ de la so sor thar pa rnyed par dka' ba'i sgo nas so sor thar pa yang dag par brtsam pa'i

  407. 204a

    dbang du mdzad nas/ bskal ba bye ba rnams su yang/ /so sor thar pa thob pa dang/ /gzung dang 'dzin pa rnyed dka' ste/ /bsgrub pa'ang shin tu rnyed par dka' / /zhes bya ba'i tshigs su bcad pa gcig gsungs te/ bskal pa zhes bya ba ni dus kyi bye brag bskal pa chen po'o/ /bskal pa bye bas bskal pa'o/ /bye ba zhes bya ba ni grangs kyi bye brag te/ gnas brgyad pa'o/ /rnams su zhes bya ba ni bye brag grangs pa dag gis kyang brgya la rnyed par dka' bas mang po'i tshigs su bstan to/ /so sor thar pa zhes bya ba ni lung dang rtogs pa'i bdag nyid do/ /thos pa zhes bya ba ni rna ba'i rnam par shes pa tshig gi bdag nyid thos pa'o/ /gzung zhes bya ba ni de'i rjes las thob pa'i yid kyi rnam par shes pa'i tshig gi bdag nyid dang don gyi bdag nyid yongs su spyod pa'o/ /'dzin pa zhes bya ba ni tshig dang don gyi bdag nyid bzung ba ste mi brjod pa'o/ /rnyed dka' zhes bya ba ni de gsum char yang rnyed par dka' ste/ rgya mtsho chen por gnya' shing gi mig du rus sbal zhar ba mgrin pa tshung pa'i tshul gyis gzhan gyi 'byor pa dang/ bdag gi 'byor pa la sogs pa rnyed par dka' bas bskal pa chen po bye ba phrag bgrang bar 'das pas kyang rnyed par dka' ba'i phyir ro/ /sgrub par bya ba ni so sor thar pa'i rtogs pa'i don lus dang ngag dang yid kyis yang dag par bsgrub cing nan tan du bya ba'o/ /de snga ma gsum pas kyang rnyed par dka' ste/ yang dag par bsgrub pa ni mngon par brtson pa la rag las pa'i phyir ro/ /de lta bas na so sor thar pa brjod par byas gus par nyon cig dang drang srong chen pos ji skad gsungs pa de bzhin du rjes su bsgrub cing nan tan du bya'o zhes bya ba'i tha tshig go /de ltar tshigs su bcad pa des ni lung dang rtogs pa'i sgo nas so sor thar pa rnyed dang dka' bas so sor thar pa yang dag par brtsam par bya'o zhes bstan to/ /thos pa dang gzung ba dang 'dzin pa rnyed dka' ba dag ni lung gi sgo nas rnyed dka'

  408. 204b

    pa yin la/ sgrub pa yang shin tu rnyed par dka' ba ni rtogs pa'i sgo nas rnyed dka' ba yin no/ /dkon mchog gsum 'byung ba bde ba'i sgo nas so sor thar pa yang dag par brtsam pa'i dbang du mdzad nas/ sangs rgyas rnams ni 'byung ba bde/ /chos bstan pa yang bde ba yin/ /dge 'dun mthun pa bde ba ste/ /mthun pa rnams kyi dka' thub pa de/ /zhes bya ba'i tshigs su bcad pa gcig gsungs te/ sangs rgyas rnams ni 'byung ba bde zhes bya ba la sangs rgyas 'byung ba zhes bya ba ni rdzogs pa'i byang chub pa'i tshe 'am/ phyis 'byung ba'i tshul gyis bltams pa'i tshe'o/ /de bde zhes bya ba ni rnam par grol ba'i bde ba thob pa'i rgyu yin pa'i phyir dang/ 'bras bu bde bar 'gyur pa'i phyir te/ dper na mi bde'o zhes bya ba dang 'dra bar sangs rgyas rnams 'byung bar bde ba yin no/ /chos bstan pa 'ang bde ba yin zhes bya ba ni mdo sde la sogs pa gsung rab tu gtogs pa'i yan lag bcu gnyis po dag bstan pa yang bde ba'i rgyu yin pa dang/ 'bras bu bde bar 'gyur bar bde ba yin no/ /dge 'dun mthun pa bde ba ste zhes bya ba ni skyes bu gang zag brgyad kyi bdag nyid kyi dge 'dun tshul khrims dang/ lta ba dang/ cho ga dang/ 'tsho ba mthun pas ro gcig cing bya ba gcig tu gyur pa yang bde ba'i rgyu yin pa dang/ 'bras bu bde bar 'gyur bas bde ba yin no/ /mthun pa rnams kyi dka' thub bde/ /zhes bya ba ni lhag pa'i tshul khrims la sogs pa bslab pa gsum po dag la rjes su bsgrub pa'i dka' thub /nyon mongs pa dang nyes par spyod pa ba dung bar byed pa yang bde ba'i rgyu yin pa dang/ 'bras bu bde ba'i rgyur gyur pas bde ba yin no/ /de ltar tshigs su bcad pa des ni dkon mchog gsum 'byung ba dang/ de dag gi 'bras bu bde ba nyid yin pas so sor thar pa yang dag par brtsam par bya'o zhes bstan to/ /dge ba'i bshes gnyen la brten pa bde ba'i sgo nas so sor thar pa yang dag par brtsam

  409. 205a

    pa'i dbang du mdzad nas 'phags pa rnams ni mthong ba bde/ /dam pa dag dang 'grogs pa bde zhes bya bas gsungs te/ 'phags pa rnams zhes bya ba ni dgra bcom pa la sogs pa dag ste/ sdig pa dag las ring du song ba'i phyir 'phags pa zhes bya'o/ /mthong ba zhes bya ba ni de dag dge ba'i bshes gnyen nyid du mthong na bde ba'i rgyur 'gyur ba'o/ /dam pa dag dang zhes bya ba ni so sor skye bo'i nang nas skyes bu dam pa byang chub sems dpa' la sogs pa dag ste/ gzhan la phan 'dog shing des pa'i phyir dam pa zhes bya'o/ /'grogs pa bde zhes bya ba ni lhan cig mtshungs par gnas na bde ba'i rgyur 'gyur ba'o/ /de ltar tshigs bcad pa phyed po des ni 'phags pa mthong ba dang/ dam pa dag dang 'grogs pa ni tshe 'di dang phyi ma'i bde ba phun sum tshogs pa'i sngon du 'gro ba yin pas dge ba'i bshes gnyen la brten pa bde ba'i sgo nas so sor thar pa yang dag par brtsam par bya'o zhes bstan to/ /sdig pa'i grogs go spangs pa bde ba'i sgo nas so sor thar pa yang dag par brtsam pa'i dbang du mdzad nas/ byis pa rnams ni mthong na/ /rtag tu bde ba nyid du 'gyur zhes bya ba gsungs te/ byis pa rnams ni zhes bya ba ni shes rab 'chal ba log par bsgrub pa rnams te/ byis pa'i rtags dang ldan pa'i phyir ro/ /ma mthong na/ rtag tu bde ba nyid du 'gyur zhes bya ba ni sdig pa'i grogs po dang/ ma 'grogs na rnam pa thams cad du bde bar 'gyur ro/ /de ltar tshigs su bcad pa phyed po des ni sdig pa'i grogs po spangs pa bde ba'i sgo nas so sor thar ba yang dag par brtsam par bya'o zhes bstan te/ /dge ba'i bshes gnyen gyi khyad par la bstan pa bde ba'i sgo nas so sor thar pa yang dag par brtsam pa'i dbang du mdzad nas/ tshul khrims ldan pa mthong ba bde/ /mang du thos pa mthong ba bde/ /yang srid rnam par grol ba yi/ /dgra bcom pa dag mthong ba bde//

  410. 205b

    zhes bya ba'i tshigs su bcad pa gcig gsungs te/ dge ba'i bshes gnyen gyi khyad par ni rnam pa gnyis te/ nye bar brtags pa dang/ don dam pa'o/ /nye bar brtags pa la yang rnam pa gnyis te/ zhi gnas kyi yan lag la gnas pa dang/ lhag mthong gi yan 'gal gnas pa'o/ /de la zhi gnas kyi yan lag la gnas pas ni tshul khrims ldan pa zhes bya bas bstan te/ tshul khrims la gnas na sems mnyam par 'jog pa'i phyir ro/ /de mthong ba ni tshul khrims dang ldan pa ni gzhan la gnod pa'i bsam pa las log pas bde ba'i rgyu yin pa'i phyir ro/ /lhag mthong gi yan lag la gnas pa mang du thos pa zhes bya bas bstan te/ mang du thos na shes rab skye ba'i phyir ro/ /de mthong na bde ba thos pa dang ldan pa ni thos pa'i stobs kyis lta ba dang/ 'gyod pa dang/ the tshom sel bas bde ba'i rgyu yin pa'i phyir ro/ /don dam pa ni/ yang srid rnam par grol ba yi/ /dgra bcom pa zhes bya bas bstan te/ yang srid rnam par grol ba'i zhes bya bas ni 'khor bar yang mi skye ba'i chos nyid kyi rnam par grol ba'o/ /dgra bcom pa zhes bya ba ni nyon mongs pa'i dgra rnams bcom pa bstan to/ /dgra bcom zhes bya ba'i sgra 'os pa la sogs pa don gzhan du yang 'dren pas dgra bcom pa'i 'bras bu dang ldan pa nyid kyi bye brag bstan pa'i phyir yang srid rnam par grol ba zhes bya ba smos so/ /de mthong ba bde ba de ni dgra bcom pa thob pa ni dge legs kyi bsam ba mchog dang ldan pas bde ba'i rgyu yin pa'i phyir mtshan nyid bshad zin to// //bab bo gnyis pa/ /de'i 'og tu gzhung rgyas pa'i mtshan nyid bshad par bya ste/ gzhung rgyas pa mtshan nyid ces bya ba ni so sor thar pa'i gzhung rgyas pa'i mtshan nyid bstan pa'o/ /de yang dus dang ngor bya ba dang/ mdo gdon pa bsten dgos pa de'i phyir tshe dang ldan pa dag so ga rnams kyi 'das pa dang ldan pa ci tsam pa de tsam mo zhes bya ba nas dran pa dang bag yod pas rnal 'byor du bya'o zhes bya ba'i

  411. 206a

    gzhung thams cad gsungs so/ /de la 'dir yang gzhung rgyas pa de dag gi brjod par bya ba dang/ dgos pa dang/ 'brel pa dang/ dgos pa'i dgos pa brjod par bya ste/ de la brjod par bya ba ni gzhung rgyas pa'i mtshan nyid dag /dgos pa ni de dag rtogs pa'o/ /'brel pa ni rtogs pa de yang 'dis byed bas gzhung rgyas pa'i thabs 'di dang dgos pa thabs las byung ba'i mtshan nyid 'brel pa'o/ /dgos pa'i dgos pa ni so sor thar pa'i gzhung rgyas pa'i mtshan nyid de yongs su shes pa las tshul khrims de rnam par dag pa na 'phags pa'i lam bsgoms pas mya ngan las 'das pa thob pa'o/ /de la gzhung rgyas pa 'di'i bsdus pa'i don ni rnam pa gnyis te dus dang por bya ba dang/ mdo gdon pa'o/ /de la dus dang por bya ba ni mdo gdong ba'i snga rol du bya ba ste/ cho ga'o/ /de la bsdus pa'i don ni rnam pa drug ste/ so sor thar pa nyan pa la rna mi gtong ba'i nyes dmigs dang/ mi 'du ba dgag pa dang/ mchod cing lung dbog pa dang/ yang dag par sgrub tu gzhug pa dang/ de'i phan yon dang/ yang dag par mi sgrub pa'i nyes dmigs bstan pa'o/ /mdo gdon pa ni gsol ba byas nas so sor thar pa'i mdo gdon pa rnam pa lnga pa lnga po dag gdon pa ste las so/ /de'i bsdus pa'i don kyang rnam pa drug ste/ gsol ba gdon pa dang/ gleng gzhi gdon pa dang/ phan par 'gyur ba gden pa dang/ dge 'dun lhag ma gdon pa dang/ ma nges pa gdon pa dang/ ril gyis gdon pa'i mtshan nyid bstan pa'o/ /de la tshe dang ldan pa dag so ga rnams kyi 'das pa dang lag ma ji tsam pa de tsam mo zhes bya ba nas bag yod pas 'thob po zhes bya ba'i bar gyis ni so sor thar pa nyan pa la rna mi gtod pa'i nyes dmigs bstan to/ /bcom ldan 'das kyi nyan thos kyi dge 'dun ni don nyung ba bya ba nyung ba yin pas zhes bya ba nas dris nas kyang brjod par bya'o zhes bya ba'i bar gyis ni 'du ba dgag pa bstan to/ /shAkya seng ge de la ni zhes bya ba la sogs pa tshigs

  412. 206b

    su bcad pa gcig gis ni mchod cing lung dbog pa bstan to/ /thos nas drang srong chen po yis zhes bya ba la sogs pa tshigs su bcad pa gnyis kyis ni yang dag par sgrub tu gzhug pa bstan to/ /che ba gang dag tsam gyis zhes bya ba la sogs pa tshigs su bcad pa gcig gis ni de'i phan yon bstan to/ /su la srab 'di med pa dang zhes bya ba la sogs pa tshigs su bcad pa gcig gis ni yang dag par mi sgrub pa'i nyes dmigs bstan to/ /dge 'dun btsun pa rnams gsan du gsol zhes bya ba la sogs pa gsol ba 'ba' zhig gi las kyis ni gsol ba bstan to/ /tshe dang ldan pa dag bdag cag gso spyod bya ste zhes bya ba la sogs pa gzhung lhag ma rnams kyis ni gleng gzhi gdon pa la sogs pa rim bzhin du bstan te/ de ni re zhig spyi'i don yin no/ /de ni yan lag gi don bshad par bya ste/ so sor thar pa nyan pa la rna mi gtong ba'i nyes dmigs bstan pa'i dbang ru mdzad nas/ tshe dang ldan pa dag so ga rnams kyis 'das pa dang lhag ma ji tsam pa de tsam mo zhes bya ba la sogs pa gsungs te/ tshe dang ldan pa dag ces bya ba ni rgan pa dang gzhon pa dag la snyan pa'i tshig gis bod pa'o/ /so ga rnams kyi zhes bya ba ni so sbyong 'don pa'i dus tshigs mtshon pa ste/ so ga dang/ dbyar dang/ ston dang/ dgun dang/ dgun smad dang/ dpyid kyi dus tshigs drug po gang gi tshe so sor thar pa'i mdo gdon pa'i dus tshigs de nyid kyi ming smos par bya ba yin no/ /de la dus tshigs drug po re re la zla ba gnyis gnyis yod pas mang po'i tshig tu bya ste/ so ga'i dus tshigs ni dpyid zla tha chung nya nas dbyar zla ra ba nya'i bar dang/ dbyar zla ra ba nya nas dbyar zla 'bring po nya'i bar gyi zla ba gnyis so/ /dbyar gyi dus tshigs ni dbyar zla 'bring po'i nya nas dbyar zla tha chung nya'i bar dang/ dbyar zla tha chung nya nas ston zla ra ba nya'i bar gyi zla ba gnyis so/ /ston gyi dus tshigs ni ston zla ra ba nya nas ston zla 'bring po nya'i bar dang/ ston zla 'bring po nya nas

  413. 207a

    ston zla ba chung nyid bar gyi zla ba gnyis so/ /dgun gyi dus tshigs ni ston zla tha chung nya nas dgun zla ra ba nya'i bar dang dgun zlar nya nas dgun zla 'bring po nya'i bar gyi zla ba gnyis so/ /dgun smad kyi dus tshigs ni dgun zla 'bring po'i nya nas dgun zla tha chung nya'i bar dang/ dgun zla tha chung nya nas dpyid zlar ba nya'i bar gyi zla ba gnyis so/ /dpyid kyi dus tshigs ni dpyid zla ra ba nya nas dpyid zla 'bring po nya'i bar dang/ dpyid zla 'bring bo nya nas dpyid zla tha chung nya'i bar gyi zla ba gnyis so/ /de la so ga'i bus tshigs la so sor thar pa 'don na ni so ga rnams kyi zhes brjod par bya'o/ /de bzhin du dbyar dang/ ston dang dgun dang/ dgun smad dang/ dpyid kyi dus tshigs las so sor thar pa 'don na yang dbyar rnams kyi zhes bya ba la sogs pa brjod par bya'o/ /'das pa dang lhag ma ji tsam pa de tsam mo zhes bya ba ni zla ba brjod par bya'o zhes bya bar sbyar te/ 'das pa ji tsam pa de tsam mo zhes bya ba brjod pa dang/ lhag ma ji tsam pa de tsam mo brjod par bya'o/ /de la so ga'i dus tshigs la ni gso sbyong 'don pa'i dus bzhi pa'i yod do/ /dpyid zla tha chung gams stong dang/ dbyar zla ra ba nya dang/ dbyar zla ba gnam stong dang/ dpar zla 'bring po'i nya'o/ /de la dpyid zla tha chung gnam stong la gdon na ni 'di skad ces tshe dang ldan pa dag so ga rnams kyi zla ba phyed ni 'das so/ /zla ba phyed dang gnyis ni shul du lus so zhes brjod par bya'o/ /dpyid zla ra ba nya la 'don na ni 'di skad ces tshe dang ldan pa dag so ga rnams kyi zla ba gcig 'das so/ zla ba gcig ni lus so zhes brjod par bya'o/ dbyar zla nga ba gnam stong la 'don na ni 'di skad ces tshe dang ldan pa dag so ga rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o/ /dbyar zla 'bring bo nya la 'don na ni 'di skad ces tshe dang ldan pa dag so ga rnams kyi zla ba gnyis ni 'das te/ lhag ma lus so zhes brjod par bya'o/ /de bzhin du

  414. 207b

    dbyar gyi dus tshigs la yang gso sbyong 'don pa'i dus gzhi yod do/ /dbyar zla 'bring po'i gnam stong dang/ dbyar zla tha chung nya dang/ dbyar zla tha chung gnam stong dang/ ston zla ra ba nya'o/ /de la dbyar zla 'bring po gnam stong la 'don na ni 'di skad ces tshe dang ldan pa dag dbyar rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /dbyar zla tha chung nya la 'don na ni 'di skad ces tshe dang ldan pa dag dbyar rnams kyi zla ba gcig ni 'das so/ /zla ba gcig ni lus so zhes brjod pa'o/ /dbyar zla tha chung gnam stong la 'don na ni 'di skad ces tshe dang ldan pa dag dbyar rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o/ /ston zla ra ba nya la 'don na ni 'di skad ces tshe dang ldan pa dag dbyar rnams kyi zla ba gnyis ni 'das te/ lhag ma ma lus so zhes brjod dal ba'o/ /de bzhin du ston gyi dus tshigs yang gso sbyong 'don pa'i dus bzhi yod de/ ston zla ra ba gnam stong dang/ ston zla ba 'bring po nya dang/ ston zla 'bring po gnam stong dang/ ston zla tha chung nya'o/ /de la ston zla ra ba gnam stong 'don na ni 'di skad ces tshe dang ldan pa dag ston rnams kyi zla ba phyed ni 'das so/ /zla ba byed dang gnyis lus so zhes brjod par bya'o/ /ston zla 'bring po nya la 'don na ni 'di skad ces tshe dang ldan pa dag ston rnams kyi zla ba gcig gi 'das so/ /zla ba gcig ni lus so zhes brjod par bya'o/ /ston zla 'bring po gnam stong la 'don na ni 'di skad ces tshe dang ldan pa dag ston rnams kyi zla ba phyed dang gnyis ni 'gas so/ /zla ba phyed ni lus so zhes brjod par bya'o/ /ston zla tha chung nya la 'don na ni 'di skad ces tshe dang ldan pa dag ston rnams kyi zla ba gnyis ni 'das de lhag ma ma lus so zhes brjod par bya'o/ /de bzhin du dgun gyi dus tshigs la yang dag gso sbyong 'don pa'i dus bzhi yod de/ ston zla tha chung gnam stong dang/ dgun zla ra ba nya dang/ dgun zla ra ba gnam stong dang/ dgun zla 'bring po

  415. 208a

    nya'o/ /de la ston zla tha chung gnam stong la gdon na ni 'di skad ces tshe dang ldan pa dag dgun rnams kyi zla ba phyed ni 'das so/ /zla ba phyed dang gnyis lus so zhes brjod par bya'o/ /dgun zla ra ba nya la 'don na ni 'di skad ces tshe dang ldan pa dag dgun rnams kyi zla ba gcig ni 'das so/ /zla ba gcig ni lus so zhes brjod par bya'o/ /dgun zla ra ba gnam stong la 'don na ni 'di skad ces tshe dang ldan pa dag dgun rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o/ /dgun zla 'bring po nya la 'don na ni 'di skad ces tshe dang ldan pa dag dgun rnams kyi zla ba gnyis ni 'das te lhag ma lus so zhes brjod par bya'o/ /de bzhin du dgun snang gyi dus tshigs la yang gso sbyong 'don pa'i dus bzhi yod do/ /dgun zla 'bring po'i gnam stong dang/ dgun zla tha chung dang/ dgun zla gnam stong dang/ dpyid zla ra ba nya'o/ /de la dgun zla 'bring po gnam stong la 'don na ni 'di skad ces tshe dang ldan pa dag dgun rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /dgun zla tha chung nya la 'don na ni 'di skad ces tshe dang ldan pa dag dgun smad rnams kyi zla ba gcig ni 'das so/ /zla ba gcig ni lus so zhes brjod par bya'o/ /dgun zla tha chung gnas stong la 'don na ni 'di skad ces tshe dang ldan pa dag dgun smad rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o/ /dpyid zla ra ba nya la 'don na ni 'di skad ces tshe dang ldan pa dag dgun rnams kyi zla ba gnyis ni 'das te lhag ma ma lus so zhes brjod par bya'o/ /de bzhin du dpyid kyi dus tshigs la yang gso spyod 'don pa'i dus bzhi yod de/ dpyid zla ra ba gnam stong pa dang/ dpyid zla 'bring po nya dang/ dpyid zla 'bring po gnam stong dang/ dpyid zla tha chung nya'o/ /de la dpyid zla ra ba gnam stong la 'don na ni 'di skad ces tshe dang ldan pa dag dpyid rnams kyi zla ba phyed ni 'das

  416. 208b

    so/ /zla ba phyed dang gnyis ni lus so zhes brjod par bya'o/ /dpyid zla 'bring po nyal 'don na ni 'di skad ces tshe dang ldan pa dag dpyid rnams kyi zla ba gcig ni 'das so/ /zla ba gcig ni lus so zhes brjod par bya'o/ /dpyid zla 'bring po'i gnam stong la 'don na ni 'di skad ces tshe dang ldan pa dag dpyid rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o/ /dpyid zla tha chung nya la 'don na ni 'di skad ces tshe dang ldan pa dag dpyid rnams kyi zla ba gnyis 'das te lhag ma ma lus so zhes brjod par bya'o/ /de dag ni gso sbyong bcu bzhi pa 'am bco lnga pa dag skabs su zla ba phyed phyed cing so sor thar pa'i mdo gdon pa'i sngags yin no/ /bkra shis kyi gso sbyong dang/ gnod pa byung ba'i dus su gso sbyong bya ba la sogs pa nya shi'i dus su mi sbyong ba'i skabs su ni sngar smos pa'i sngags de dag gi steng du zla ba dang po dang gnyis pa'i zla ba'i yar ram mar gyi ngo'i tshes grangs gang 'das pa dang/ lhag ma ji tsam pa de tam brjod par bya ste/ dper na tshe dang ldan pa dag so ga rnams ni zla ba dang po'i mar gyi de tshes gcig na 'das so/ /zla ba gcig dang zhag nyi shu rtsa dgu ni lus so zhes brjod par bya ba la sogs pa lta bu'o/ /de dag brjod par bya ba ni 'jig rten pa'i tha snyad la mkhas par bya ba dang/ tshe'i dus 'das pa sems la bzhag par bya ba dang/ 'khor ba la skyo bar bya zhing dge ba la brtson par bya ba dang/ gso sbyong gi nyi ma yongs su shes par bya ba'i phyir ro/ /de dag brtsi bas ni dge 'dun gyi gnas brtan gyis zla ba ngo re zhing smig ma'i thur ma bco lnga skud pa la brgyud pa nyin re grang bas bgrang zhing/ dge bskos kyi gnas brten pa brtags la dge 'dun gyi la nyi ma re re zhing brjod par bya'o/ /zla ba shol dor ba ni rgyal po'i rjes su 'brang bas dor ro/ /rgyu skar ni skar mkhan gyi rjes su 'brang bar shes par bya'o/ /tshe dang ldan pa dag rga ba dang 'chi ba mngon par 'od zhing ston pa'i bstan

  417. 209a

    pa yang 'jig par 'gyur pas tshe dang ldan pa dag gis bag yod par rnal 'byor du bya'o zhes bya ba 'dis kyang 'khor bas skyo bar bya zhing dge ba la brtson par bya ba ste/ de la 'dir 'khor bas skyo par bya zhing dge ba la brtson par bya ba'i rgyu ci'i phyir rga ba dang 'chi ba 'ong ba dang ston pa'i bstan pa yang 'jig par 'gyur ba smos ce na/ tshangs par spyod pa'i rgyu'i gtso bo yongs su nyams par bstan pa'i phyir te/ 'di ltar tshangs par spyod pa ni rnam pa gnyis kyis bsgrub ste/ lus dang/ gnas kyis so/ /de la lus kyi ni lus sbyor bzod pa dang/ rgyun ma tshad par tshangs par spyod pa bsgrub ste/ de yongs su nyams par bstan pa'i phyir/ rga ba dang 'chi ba mngon par 'ong zhing zhes bya ba gsungs te/ lus sbyor mi bzod pa dang/ rgyun tshangs par tshangs par spyod pa yongs su nyams par 'gyur ba go rim bzhin no/ /srid pa'i yan lag gzhan dag dang mya ngan la sogs pa'i nyes dmigs dag ci'i phyir ma smos par rga shi nyi tshe smros she na/ lang tsho dang gson par tshangs par spyod pa bsgrub cing/ rga ba dang 'chi bas de yongs su nyams pa'i rgyur gyur pa'i phyir rgyu'i gtso bo smos pas gzhan yang zhar la rig par bya'o/ /gnas kyis ji ltar zhe na/ gnas zhes bya ba ni tshangs par spyod pa skye ba'i gnas su gyur pa sangs rgyas kyis bstan te/ de yongs su nyams par bstan pa'i phyir ro/ /ston pa'i bstan pa yang 'jig par 'gyur bas zhes bya ba gsungs te/ ston pa'i bstan pa zhig na tshangs par spyod pa skye ba'i gnas med pa'i phyir ro/ /ston pa zhes bya ba ni sangs rgyas bcom ldan 'das te/ phyin ci ma log par bstan pa'i phyir ro/ /de'i bstan pa zhes bya ba ni gsung rab tu gtogs pa yan lag bcu gnyis te/ des slob ma rnams la ston par byed pa'i phyir ro/ /de 'jig par zhes bya ba ni sgrub pa yongs su nyams pas so/ /gang gi phyir de ltar yin pa'i phyir/ tshe dang ldan pa dag gis bag yod

  418. 209b

    pas rnal 'byor du bya'o zhes bya ba gsungs te/ bag yod pa zhes smras pa ni rgyu'i dngos pos dge ba'i chos thams cad sdud par byed pa'i phyir ro/ /rnal 'byor du bya'o zhes bya ba ni bdag nyid kyis brtson par bya'o zhes bya ba'i tha tshig go /de nyid bstan pa'i phyir ro/ /de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub dang gzhan yang gang dag de lta bu dang mthun pa dge ba'i chos byang chub kyi phyogs dang mthun pa rnams dang bag yod pas 'thob po zhes bya ba gsungs te/ de bzhin gshegs pa zhes bya ba ni don ji lta ba bzhin du thugs su chud pa'o/ /dgra bcom pa zhes bya ba ni nyon mongs pa'i dgra rnams bcom pa 'am mchod par 'os pa'o/ /nyan thos dang rang sangs rgyas ngag la yang de yod pas de las khyad par du bstan pa'i phyir/ yang dag par rdzogs pa'i sangs rgyas zhes bya ba gsungs te/ ye shes phyin ci ma log par yang dag pa'i shes bya ma? lus par rdzogs pa thugs su chud cing sangs rgyas pa gang la yod pa'o/ /de rnams kyi byang chub ces bya ba ni thugs su chud pa'o/ /gzhan yang zhes bya ba ni rnam pa gzhan du brtags pa'o/ /gang dag zhes bya ba ni dge ba'i chos zhes bya ba dang sbyar ro/ /de lta bu dang mthun pa'i zhes bya ba ni byang chub dang mthun pa'o/ /dge ba'i chos byang chub kyi phyogs dang mthun pa rnams kyang zhes bya ba ni zad pa dang/ mi skye ba shes pa'i mtshan nyid kyi byang chub skyed par byed pa'i chos dran pa nye bar gzhag pa la sogs pa dag ste/ de dag kyang bag yod pas 'thob po zhes bya ba'i tha tshig go /de ltar skabs de dag gis ni so sor thar ba nyan pa la rna mi gtod na tshe'i dus 'das pa dang/ rga shi mngon par 'od ba dang/ ston pa'i bstan pa 'jig par 'gyur pa'i nyes dmigs yod pas so sor thar pa nyan pa la rna ba gtod cing bag yod pas dge ba'i chos la brtson par bya'o zhes bya ba'i sgo nas so sor thar pa la rna mi gtod pa'i nyes dmigs bstan to/ /mi 'du ba dgag pa'i dbang du

  419. 210a

    mdzad nas/ bcom ldan 'das kyi nyan thos kyi dge 'dun ni don nyung ba bya ba nyung ba yin pas dge 'dun gyis thog mar bya ba ci yod ces bya ba la sogs gsungs te/ bcom ldan 'das zhes bya ba ni bdud bzhi bcom pa dang legs pa'i yon tan drug dang ldan pa'o/ /nyan thos zhes bya ba ni 'bras bu ji ltar thob pa sgrogs par byed pa'o/ /dge 'dun zhes bya ba ni de dag gi tshogs te/ mi byed pa nyid kyi phyir ro/ /don nyung ba zhes bya ba ni yid kyis so/ /bya ba nyung ba zhes bya ba ni lus dang ngag gnyis so/ /dge 'dun gyis thog mar bya ba ci yod ces bya ba ni dgag pa ste/ gang gi phyir bcom ldan 'das kyi nyan thos kyi dge 'dun don nyung ba bya ba nyung ba de yin pas de'i phyir dge 'dun la gso sbyong gi dus su 'du zhing 'dun pa dang yongs su dag par brjod par bya ba las gzhan pa'i thog mar bya ba ci yod de/ ci yang med kyi thams cad du 'dus shig ces bya ba med par dgag pa'i sgo nas mi 'du ba dgag pa bstan to/ /yang na dge 'dun gyis thog mar bya ba ci yod ces bya ba ni dri ba ste/ bcom ldan 'das kyi nyan thos kyi dge 'dun don nyung ba/ bya ba nyung ba yin pas de'i phyir/ dge 'dun la gso sbyong gi dus su 'du ba'i tshe/ gang byas nas mi mthun pa nyid kyis 'du bar mi 'gyur ba'i thog mar bya ba yod ces dris pa'o/ /de'i lan gdab pa tshig tu/ tshe dang ldan pa dag ma lhags pa rnams la 'dun pa dang yongs su dag pa dris shig dris nas kyang brjod par bya'o zhes bya ba gsungs te/ ma lhags pa rnams la zhes bya ba ni mthun pa'i gso sbyong rnam pa lnga po bcu bzhi pa dang/ bco lnga pa dang/ bkra shis kyi gso sbyong dang/ gnod pa byung ba'i gso sbyong dang/ bsdum pa'i gso sbyong dag las gang byed kyang rung ste/ de'i dus su mtshams kyi nang na dge slong gi dge 'dun gyi kha bskang par nges? pa ji snyed 'khod pa thams cad gso sbyong gi gnas su 'du bar bya ba yin pa las de dag gi nang

  420. 210b

    nas mi 'du bar gnang pa na ba dang/ dbang med pa dang/ srog gi bar chad dang/ tshangs par spyod pa'i bar chad kyi 'jigs pa gang dag gso sbyong gi gnas su ma lhags pa rnams so/ /mi 'du bar gnang ba de dag las ma gtogs pa gzhan ni mtshams kyi nang na 'dug na gso sbyong gi gnas su mi 'dur mi rung ste/ mi 'du na thams cad du rang la nyes byas dang/ dge 'dun gyi las mi 'chags par 'gyur ro/ /'dun pa dang yongs su dag pa dris shig ces bya ba la/ 'dun pa dri ba ni las mi mthun pa dag mi bya ba'i phyir te/ mi mthun pa rnam pa gnyis te/ 'dus pa rjes su ma zhugs pa nyid dang/ phyir bzlog par byed pa'o/ /de la 'dus pa rjes su ma zhugs pa ni dge slong las de'i mtshams kyi khongs su gtogs pa tshogs kyi kha bskong par 'os pa lus sam 'dun pas dge 'dun 'dus pa'i nang du rjes su ma bzhugs pas ni mthun pa nyid yin no/ /phyir bzlog par byed pa ni dge slong las de'i mtshams khongs su gtogs pa rang bzhin du gnas pa/ spyod lam las ma nyams pa/ ngag yang dag par sdom pa/ 'dul ba'i bya ba mngon par shes la/ zhes 'gras pa med pa las gzhan byed pa chos dang mi ldan pa'i phyir bzlog par byed na mi mthun pa nyid yin pa'o/ /de bas ma mi mthun pa de nyid bsal ba'i phyir ni ma lhags pa rnams ni 'dun pa dri bar bya'o/ /yongs su dag pa dri ba ni ma lhags pa gang dag gis 'dun pa phul ba de dag snod du 'gyur par bya ba'i phyir ro/ /de cho ga ni dge bskos kyi gso sbyong gi tshe tshul shing brims pas dge slong rnams bgrang zhing ma lhags pa dngos su yod dam/ glo bur du 'ongs pa la sogs pa yod par 'phrigs na gso sbyong de nyid la dge 'dun thams cad las kyi gnas su tshogs pas 'dun pa dang/ yongs su dag pa len pa'i dge slong chos lnga dang ldan pa gcig gam/ gnyis sam gsum tshig gis bsko bar bya shing/ des btsal ba dang/ bdo ba dang/ mthon por 'dug ste phyogs su blta ba la sogs pa dag gis

  421. 211a

    bsam pa thag pa nas mtshams kyi nang btsal te/ ma lhags pa rnams la deng dge 'dun gso sbyong mdzad na/ tshe dang ldan pa dge 'dun pa 'bul lam/ bar chad kyi chos yongs su dag gam zhes dri bar bya'o/ /ma lhags pa rnams kyis de la 'dun pa dang yongs su dag pa dbul bar bgyi'o/ /dge slong 'dun pa dang yongs su dag pa 'bul bar byed pa'i kun tu spyod pa'i chos 'di lta ste/ dge slong 'dun pa dang yongs su dag pa dbul bar byed pas mchil lham gnyis phung nas bla gos phrag pa gcig tu byas te rgan pa la phyag 'tshal nas/ tsog tsog pur 'dug ste/ thal mo sbyar nas 'di skad ces brjod par bya'o/ /tshe dang ldan pa dag dgongs su gsol/ /deng dge 'dun gyi gso sbyong bco lnga pa lag pas bdag dge slong bro 'tshal ba sdug bsngal ba bro tshabs che ba ming 'di zhes bya ba'i gso sbyong yang bco lnga pa lags te/ bdag dge slong bro 'tshal ba/ sdug bsngal bro tshabs che ba ming 'di zhes bgyi ba'i bar chad kyi chos rnams yongs su dag go zhes bdag mchi/ dge 'dun chos bzhin du mdzad pa la 'dun pa 'bul lo/ /bdag gi gso sbyong yongs su dag go /'dun pa dang yongs su dag pa yang brjod do/ /brjod pa yang rig par bgyid do zhes lan gsum bzlas shing de'i rjes la len pa pos thabs yin no zhes brjod par bya'o/ /'bul bas ni legs so zhes brjod par bya'o/ /'dun pa dang yongs su dag pa snga phyir blang zhing snga phyir 'bul du yang rung ste/ sngags kyi bye brag ni 'dun pa dang yongs su dag pa gang 'bul ba de nyid tshe'i ming smos te lan gsum bzlas par bya'o/ /dge slong 'dun pa dang yongs su dag pa 'bul bar byed pas gal te brjod mi nus na lus sam dag gam lus dang ngag rnam par rig byed kyis 'dun pa dang yongs su dag pa 'bul bar byed na/ 'dun pa dang yongs su dag pa phul bar brjod par bya'o/ /lus sam dag gam lus dang ngag

  422. 211b

    gi rnam par rig byed kyis 'dun pa 'bul bar byed pa mi nus na/ dge 'dun thams cad der dong zhing gso sbyong bya ba 'am/ yang na dge slong de dge 'dun gyi nang du blangs te gso sbyong bya'o/ /dge slong 'dun pa dang yongs su dag pa len pa'i kun tu spyod pa'i chos ni 'di ltar bya ste/ dge slong 'dun pa dang yongs su dag pa len pa yongs su dag pa blangs nas rgyug par mi bya/ mgyogs par mi bya/ mchod par mi bya/ phyi rol la mchod par mi bya/ 'obs la mchod par mi bya/ bang rim la mchod par mi bya/ steng gi nam mkha' la 'dug par mi byed/ mtshams kyi phyi rol tu 'gro bar mi bya/ gom pa gcig gis skas kyi rim pa gnyis thong brgal du 'dzeg par mi bya/ gom pa gcig gis them skas gnyis la thang brgal du 'dzeg par mi bya/ chu skog ma nub tsam la 'bog par mi bya/ gnyid log par mi bya/ snyoms par 'jug par mi bya bar dge 'dun gyi nang du 'jug par mi bya'o/ /dris nas kyang brjod par bya'o ces bya bas ni de ltar 'dun pa dang yongs su dag pa len pa des de blangs te gso sbyong gi gnas su phyin nas dge slong dam dge 'dun la brjod par bya'o/ /de brjod pa'i cho ga dang sngags ni so sor thar pa'i mdo 'don pas seng ge'i khri lam 'dug pa'i mdun rol du dge 'dun thams cad gso sbyong gi gnas su bstan la ma 'dug par/ /gang gi tshe dge 'dun gyi gnas brtan gyi tshe dang ldan pa dag ma lhags pa rnams kyi 'dun pa dang yongs su dag pa brjod cig /brjod pa yang rig par gyis shig ces smras pa'i tshe/ /dge slong ngam/ yang na dge 'dun la de'i 'dun pa dang yongs su dag pa cig car du dbul bar bya'o/ /dge slong la dbul na ni des dge slong drung na 'dug pa'i mdun du 'dug ste/ 'di skad ces brjod par bya'o/ /tshe dang ldan pa dag dgongs su gsol/ deng dge 'dun gyi gso sbyong bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes

  423. 212a

    bgyi ba'i gso sbyong yang bco lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de bar chad kyi chos rnams yongs su dag go zhes kho na nyid mchi'o/ /dge 'dun chos bzhin du mdzad pa la 'dun pa 'bul lo/ /de'i gso sbyong yang yongs su dag go /'dun pa dang yongs su dag pa yang brjod do/ /brjod pa yang rig par bgyid do/ /zhes lan gsum du brjod par bya'o/ /dge 'dun la 'dun pa 'bul na ni des dge 'dun gyi dbus su rgan pa'i mthar 'greng ste 'dud pa dang bcas pas 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi pa'i gso sbyong yang bco lnga pa lags te/ gnas ga ge mo zhig na dge slong bro 'tshal ba/ sdug bsngal ba/ bro tshabs che ba ming 'di zhes bgyi ba de'i bar chad kyi chos rnams yongs su dag go zhes kho na nyid mchi'o/ /dge 'dun chos bzhin du mdzad pa la 'dun pa dbul lo de'i gso sbyong yang yongs su dag go /'dun pa dang yongs su dag pa yang brjod do/ /brjod pa yang rig par bgyid do zhes lan cig brjod par bya'o/ /dge 'dun gyis kyang de dang du blang bar bya ste/ des na 'dun pa phul bas ni dge 'dun gyi las mi mthun par mi 'gyur la yongs su dag pa phul bas ni gang zag ma lhags pa bdag nyid snod du 'gyur ro/ /len pa de dge 'dun gyi nang du ma phyin par shi 'am khyim par dam bcas pa la sogs par gyur na ma blangs pa nyid yin pas yang blang bar bya'o/ /phyin na ma brjod kyang blangs pa nyid yin pas yang blang mi dgos so/ /mi 'du ba dgag pa bshad zin to// //mchod cing lung 'bogs pa'i dbang du mdzad nas/ shAkya seng ge de la ni/ /sor mo bcu yis thal sbyar te/ so sor thar pa gdon par bya/ /

  424. 212b

    'dul ba'i don du nga las nyon/ /ces bya ba gsungs te/ /shAkya seng ge zhes bya ba ni gdung rgyud de/ des ni khyim pa'i phyogs kyi rigs rnam par dag pa bstan to/ /seng ge zhes bya ba ni yon tan te/ des ni rab tu byung ba'i phyogs kyi mkhyen pa rnam par dag pa bstan to/ /mi bsnyengs pa dag gis mu stegs can gyi ri dags skrag par mdzad pa'i phyir ro/ /sen mo bcu zhes bya bas ni sor mo bcu mtshon par byed do/ /thal sbyar te zhes bya bas ni lag mthil gnyis kyi sor mo bcu thal mo sbyar te'o/ /de dag gis mchod pa bstan to/ /thal mo sbyar te ci zhig bya zhe na/ so sor thar pa gdon par bya zhes bya ba gsungs te/ so sor thar pa'i mdo gdon pa rnam pa lnga pa/ /gleng gzhi gdon pa dang/ pham par 'gyur ba gdon pa dang/ dge 'dun lhag ma gdon pa dang/ ma nges pa gdon pa dang/ ril gyis gdon pa dag gdon par bya'o zhes bya'o/ /bcu zhes bya ba'i tha tshig go /gdul ba'i don du nga las nyon zhes bya ba ni slob ma rnams gdul ba'i don du ste/ yang dag par sdud par byed pa ste/ so sor thar par gdon pa la nyon cig ces bya bar sbyar ro/ /de dag gis lung 'gog pa bstan to/ /mchod cing lung 'bog pa bshad zin to/ /yang dag par sgrub du bzhug pa'i dbang du mdzad nas/ thos nas drang srong chen po yis/ /ji skad gsungs bzhin sgrub bya zhing/ /kha na ma tho phra rnams la/ /bstan cing byed pa nyid du gyis/ /zhes bya ba la sogs pa tshigs su bcad pa gnyis gsungs te/ thos nas zhes bya ba ni so sor thar pa'i mdo gdon pa rnam pa lnga po de dag gis lung 'bog pa thos nas so/ /drang srong chen po zhes bya ba ston pa bcom ldan 'das de tshul khrims kyi ngang tshul can yin pa'i phyir ro/ /ji ltar gsungs bzhin zhes bya ba ni 'dul ba dang mi 'gal ba dang/ 'jig rten dang mi 'gal bar ro zhes gsungs pa bzhin no/ /bsgrub par bya zhes bya ba ni sbyor ba dang dngos dang mjug gi sgo nas nan tan du bya'o/ /kha na ma tho ba zhes bya ba ni sdig pa ste/ dam pa rnams kyis smad pa'i phyir ro/ /

  425. 213a

    phra rnams la zhes bya ba ni bcas pa'i kha na ma tho ba dang bcas pa phra mo rnams la'o/ /bstun cing byed pa nyid du gyis zhes bya ba srung ba dag la sogs pa dag la 'bad pa dang lhur blang bar gyis shig ces bya ba'i tha tshig ste phra mo rnams la yang bstun cing byed pa nyid bya na rang bzhin gyi kha na ma tho ba dang bcas pa chen po rnams la smos kyang ci dgos zhes gsungs par shes par bya'o/ /rtag tu 'bad pas bda' ba yi/ /sems rta kha glan dka' ba la/ /mthun pa'i gzer rnon brgya pa yi/ /srab ni so sor thar 'di yin zhes bya ba la/ /rtag tu 'bad pa'i zhes bya ba ni sems rta dmu rgod dang 'dra ba 'di ni lam bde ba dang 'dra ba'i dge ba'i phyogs la zhugs pa'i dus na rtag tu srab bzhin du 'then zhing brtson 'grus kyi lcag gis bda' zhing bskyod/ dgos pa'o/ /sems rta zhes bya ba ni sems nyid rta dmu rgod dang 'dra'o/ /kha glan dka' zhes bya ba ni lam gol ba dang 'dra ba'i mi dge ba'i phyogs la 'jug pa'i dus na rlung bzhin du 'phyo zhing chu lon gyi dgug srab kyi phyir kha glan dka' zhing dgug dka' ba'o/ mthun pa zhes bya ba ni mtsham zhing rkyen du bab pa ste/ rta dmu rgod rtag tu lcag gis 'bad pas bda' zhing dgug srab kyi kha lcag gis glan dka' ba la ni gzer bu rnon po brgya pa'i srab kyis srab pa 'tsham zhing rkyen du 'bab pa sems dmu rgod rtag tu brtson 'grus kyis 'bad pas bda' zhing tshul khrims kyis chu lon gyis kha glan dka' ba la ni bslab pa'i gzhi gzer bu gdung ba rnon po brgya pa'i so sor thar pa 'di 'tsham zhing rkyen du 'bab pa'o/ /gzer rnon brgya ba zhes bya ba ni dgug srab kyi kha lcags kyi gzer bu rnon po mang po dang ldan pa dang 'dra bar so sor thar pa 'di yang bslab pa'i gzhi gdung bar byed pa med pa dang ldan pa ste/ brgya ba zhes bya ba ni mang po mtshon pa'i tshig yin gyi grangs brgya nges pa ni ma yin no/ /srab ni so sor thar pa 'di yin zhes

  426. 213b

    bya ba ni srab dang 'dra ba yin no/ /zhes bya ba'i tha tshig go /de dag gis drang srong chen pos ji skad gsungs pa bzhin bsgrub pa dang/ kha na ma tho ba rnams la yang bstun cing 'bad par bya ba dang/ sems kyi rta dmu rgod la so sor thar pa'i dgug srab kyis bslab dgos pa'i sgo nas/ so sor thar pa yang dag par sgrub tu gzhug pa bstan to/ /yang dag par sgrub tu gzhug pa bshad zin to/ /de'i phan yon bstan pa'i dbang du mdzad nas/ che ba gang dag tsam gyis ldog cing mtshams las mi 'da' ba/ de dag mi rta bzang po ste/ nyon mongs g.yul las ngas rgyal 'gyur/ /zhes bya ba gsungs te/ che ba zhes bya ba ni che ba'i bdag nyid can te/ bslab pa 'dod pa'i phyir ro/ /ngag tsam gyis zhes bya ba ni chad pa la sogs pa rnam par bsal bas so/ /ldog cing zhes bya ba ni bya ba ma yin pa las so// mtshams las zhes bya ba ni bslab pa las so/ /mi 'da' ba zhes bya ba mi 'dral ba'o/ /de dag mi rta bzang po ste zhes bya ba ni de dag rta cang shes dang 'dra ba'o/ /nyon mongs g.yul las zhes bya ba ni nyon mongs pa'i ngo bo nyid ni bdag dang gzhan dag la gnod pa nyid kyis g.yul dang 'dra ste de las so/ /des rgyal 'gyur zhes bya ba ni nyon mongs pa mthar byed ci mya ngan las 'das pa'i 'bras bu thob par 'gyur ba'o/ /de dag gis ni so sor thar pa yang dag par bsgrubs nas/ nyon mongs pa'i g.yul las nges par rgyal bar 'gyur ba'i sgo nas yang dag par sgrub pa de'i phan yon bstan to/ /de'i phan yon bshad zin to/ /yang dag par mi sgrub pa'i nyes dmigs bstan pa'i dbang du mdzad nas/ su la srab 'di med pa dang/ /nam du 'ang 'dod par mi 'gyur ba/ /de dag nyon mongs g.yul gyis dkrugs/ /'jog bral rnam par 'khyam par 'gyur zhes bya ba gsungs te/ su la srab 'di med pa dang/ /zhes bya ba ni mu stegs can dag la med pa ste/ yang dag par ma bslangs pa'i phyir ro/ /nam du 'ang 'dod par mi 'gyur ba zhes bya ba ni 'dod pa longs spyod

  427. 214a

    pa dag lan 'ga' 'dod mi 'gyur te/ tshul khrims la mngon par mi phyogs pa'i phyir ro/ /dkrugs zhes bya ba ni pham par byas pa'o/ /'jog bral zhes bya ba ni lhag pa'i tshul khrims kyis 'dul ba lhag pa'i sems kyi zhi ba la 'jog par byed pas 'jog pa ni 'dul ba nyid de dang bral ba'o/ /rnam par 'khyam par 'gyur zhes bya ba ni lan mi nyung bar ngan song la sogs pa'i 'khor bar 'khor bar 'gyur ba'o/ /de dag gis bslab pa med pa dang mi 'dod pas yang dag par mi bsgrub pa dag 'dul ba nyid dang bral bas zhi ba mi 'thob cing 'khor par 'gyur ba'i sgo nas yang dag par mi sgrub pa'i nyes dmigs bstan to/ /yang dag par mi bsgrub pa'i nyes dmigs bshad zin to// //de dag ni dus dang por bya ba ste cho ga'o/ /da ni mdo gdon pa'i las bshad par bya'o/ /de la gsol ba'i dbang du mdzad nas/ dge 'dun btsun pa rnams gsan du gsol/ deng dge 'dun gyi gso sbyong bcu bzhi pa 'am bco lnga pa ste/ gal te dge 'dun gyis dus la bab cing bzod na dge 'dun gyis gnang bar mdzod cig dang/ des dge 'dun gso sbyong mdzad de/ so sor thar pa'i mdo 'don pa gdon to/ /'di ni gsol ba'o zhes bya ba gsungs te/ 'di ni mdo gdon pa'i gsol ba bstan to/ /gsol ba ma brjod na ma gos par byed pa nyid yin pas mi mthun pa nyid du 'gyur ba'i phyir 'di ni so sor thar pa'i mdo gdon pa lnga po dag gdon pa'i mdun rol tu gsol ba 'ba' zhig gi las bya'o/ /'dod par byed pas so sor thar pa'i mdo gdon pa'i gsol ba 'di ltar bya ste/ mdo gdon pa seng+ge'i khri la 'dug nas so sor thar pa'i mdo bstod ra dang/ dus dang por bya ba'i tshig dag je ston nas de'i 'og tu gsol ba 'ba' zhig gi las 'di bya'o/ /dge 'dun btsun ma rnams zhes bya ba ni mchod pa'i tshig gi bod pa ste/ btsun pa rnams kyi tshogs zhes bya ba'i tha tshig go /gsan du gsol zhes

  428. 214b

    bya ba ni gzhan la sems pa dag nyan pa la rna mi gtod pa dang gus par gyis shig ces bya ba'i don to/ /deng dge 'dun gyi gso sbyong ni bslab pa gsum po dag gso zhing sbyong bar byed pa ste/ de yang rnam pa gnyis te/ mthun pa'i gso sbyong dang/ zhi gnas kyi gso sbyong ngo/ /mthun pa'i gso sbyong ni lhag pa'i tshul khrims kyi dbang du byas te/ gnas dang/ tshogs dang/ tshogs mthun par bya'o/ /zhi gnas kyi gso sbyong ni lhag pa'i sems dang/ lhag pa'i shes rab kyi dbang du byas te/ spong pa'i yan lag sgom pa'o/ /de yang las phyi ma rnams ni mi bya ba'i chu lon gyis bsdam pa yin pas de ni gso sbyong gis sbyong bar byed pa'o/ /las snga ma rnams ni sgom pa'i rnam pas sbyang ba yin pas de ni zhi gnas kyi gso sbyong gis sbyong bar byed de/ des ni lhag pa'i tshul khrims la brten te/ lhag pa'i sems skye la lhag pa'i sems la brten te lhag pa'i shes rab skye bas bslab pa gsum po dag gso zhing spyod pa ni mthun pa'i gso sbyong dang zhi gnas kyi gso sbyong yin par shes par bya'o/ /skabs 'dir ni mthun pa'i gso sbyong gzung bar bya ste/ mthun pa'i gso sbyong ni rnam pa lnga ste/ bcu bzhi pa dang bco lnga pa dang/ bkra shis kyi gso sbyong dang/ gcod pa byung ba'i gso sbyong dang/ sdum pa'i gso sbyong ngo/ /de dag thams cad la yang gsol ba dang/ gleng gzhi rnam par bzhag pa sngar byas te/ so sor thar pa'i mdo gdon pa da gdon dgos so/ /mthun pa'i gso sbyong rnam pa lnga po/ /de dag las 'dir ni bcu bzhi pa dang bco lnga pa'i skabs yin par bstan pa'i phyir/ /bcu bzhi pa 'am bco lnga pa ste zhes bya ba gsungs te/ de la dus tshigs drug la zla ba gnyis gnyis yod pa dag gi nya shi gnyis gnyis yod pa gso sbyong nyi shu rtsa bzhi yod pa de dag tshes grangs kyi tshes grangs yang dag pa la bltos na ni thams cad gso sbyong bco lnga pa yin no/ /'jig rten pa'i tha snyad kyi dus la bltos na ni

  429. 215a

    drug ni gso sbyong bcu bzhi pa yin te dus tshigs drug po de dag gis zla ba phyed phyed lus pa'i gso sbyong drug po dag go /'di skad bstan to/ /dbyar zla ba gsum dang/ dgun zla ba gsum gyi ra ba dang tha tshungs mar gyi ngo bco lnga mi thub pas/ ra ba dang tha tshungs kyi gnam stong bzhi gso sbyong bcu bzhi pa yin no/ /ston zla gsum dang/ dpyid zla gsum gyi ni 'bring po dang gyi ngo'i bco lnga yang mi thub pas 'bring po gnam stong gnyis gso sbyong bcu bzhi pa yin no/ /lhag ma bco brgyad ni gso sbyong bco lnga pa yin no/ /bkra shis kyi gso sbyong dang gnod pa byung ba gso sbyong dang/ sdum pa'i gso sbyong dag byed na ni de'i tshe deng dge 'dun gyi bkra shis kyi gso sbyong ste zhe 'am/ deng dge 'dun gyi gnod pa byung ba'i gso sbyong ste zhe 'am/ deng dge 'dun gyi sdum pa'i gso sbyong ste zhes dmigs kyis smos par bya ste/ de dag ni gang gi tshe bya bar zad kyi dus des pa ni med do/ /bcu bzhi pa dang bco lnga pa ni dus nges pa yin pas de las snga phyir byar mi rung ngo/ /gal te dge 'dun gyis dus la bab cing bzod na zhes bya ba la/ dus la bab ces bya ba ni las bya ba'i dus la bab pa ste/ 'dis ni gso sbyong gi dus dang sbyar ro/ /bzod na zhes bya ba ni las de bzhag par mi 'os shing bya bar bzod pa ste/ 'di yang gso sbyong gi las dang sbyar ro// dge 'dun gyis gnang bar mdzed cig dang zhes bya ba ni cang mi smra bas so/ /deng dge 'dun gso sbyong mdzad de zhes bya ba ni las de gzhag par mi 'os pa yin pas bya'o zhes bya ba'i tha tshig go /so sor thar pa'i mdo gdon pa gdon no zhes bya ba ni so sor thar pa'i mdo gdon pa rnam pa lnga po gleng gzhi gdon pa dang/ pham par gyur pa gdon pa dang/ dge 'dun lhag ma gdon pa dang/ ma nges pa gdon pa dang/ ril gyis gdon pa dag go /'di ni gsol ba'i zhes bya ba ni las brgya rtsa gcig ni las gsum gyis

  430. 215b

    bsdus te/ gsol ba'i las dang/ gsol ba rang gnyis kyi las dang/ gsol ba dang bzhi'i las so/ /de la gsol ba'i las ni nyi shu rtsa bzhi'o/ /gsol ba dang gnyis kyi las ni bzhi bcu rtsa bdun no/ /gsol ba dang bzhi'i las ni sum cu'o zhes gsungs pa la/ 'di ni gsol ba'i las nyi shu rtsa bzhi pa dag gi nang nas gcig yin no/ /gsol ba bshad zin to/ /de'i gleng gzhi gdon pa bshad par bya ste/ de la gleng gzhi rnam par bzhag pa'i dbang du mdzad nas/ tshe dang ldan pa dag bdag gso sbyong bya ste zhes bya ba la sogs pa dag gsungs so/ /gleng gzhi rnam par bzhag pa zhes bya ba ni/ de ltar so sor thar pa'i mdo gdon pa'i gsol ba byas nas so sor thar pa'i mdo gdon pa rnam pa 'di 'khor yongs su dag cing snod du rung bar bya ba'i phyir ltung ba yod na mthol du gzhug pa dang/ med na cang mi smra bar bya ba dang/ cang mi smra na yongs su dag par rig par bya ba'i phyir cho ga gleng gzhi rnam par bzhag pa'o/ /gleng gzhi rnam par gzhag pa 'di'i bsdus pa'i don ni rnam pa drug ste/ gleng gzhi rnam par bzhag pa lung 'bog pa dang gleng gzhi rnam par bzhag pa'i thabs dang/ ma dag pa'i nyis dmigs dang/ dag pa'i phan yon dang/ 'don pa mjug bsdu ba dang/ gleng gzhi rnam par bzhag pa bsgrag pa'o/ /tshe dang ldan pa dag bdag cag gso sbyong bya ste so sor thar pa'i mdo gdon pa gdon gyis khyed cag su la ltung ba yod pa de mthol cig /ltung ba med na cang ma smra shig /cang mi smra na bdag gis tshe dang ldan pa dag yongs su dag par rig par bya'o zhes bya bas ni gleng gzhi rnam par bzhag pa'i lung 'bog pa bstan to/ /ji ltar so sor dris nas dge slong gis lan btab pa de bzhin du dge slong gi 'khor 'di lta bu yang lan gsum gyi bar du bsgrag par bya ba yin no zhes bya ba ni gleng gzhi rnam par bzhag pa'i thabs bstan to/ /yang dge slong gang dge slong gi 'di lta bur lan gsum gyi bar du bsgrag pa

  431. 216a

    na ltung ba yod la dran bzhin du mi mthol na de shes bzhin du brdzun du smra ba yin no/ /tshe dang ldan pa dag shes bzhin du rdzun du smra ba ni bcom ldan 'das kyis bar du gcod pa'i chos su gsungs so/ /zhes bya ba ni ma dag pa'i nyis dmigs bstan to/ /de bas na dge slong ltung ba byung ba rnam par dag par 'dod pas ltung ba yod la dran zhing mthong ba mthol bar bya'o/ /mthol na bde ba la reg par gnas par 'gyur ro zhes bya bas ni dag pa'i phan yon bstan to/ /tshe dang ldan pa dag bdag gis so sor thar pa'i mdo gdon pa'i gleng gzhi bton zin to/ /zhes bya bas ni 'don pa'i mjug bsdu ba bstan to/ /de la bdag gis tshe dang ldan pa dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o// 'di la tshe dang ldan pa dag yongs su dag na 'di ltar cang mi smra bas de bzhin du 'dzin to zhes bya bas ni gleng gzhi rnam par bzhag pa bsgrag par bya ba bstan to/ /de la re zhig gleng gzhi rnam par bzhag pa'i lung 'bog pa'i yan lag gi don bshad par bya ste/ tshe dang ldan pa dag bdag cag gso sbyong bya ste zhes bya ba ni de'i gnas dang/ tshogs dang/ tshogs mthun par gso sbyong bya ste zhes bya bar sbyar ro/ /rnam pa gang gis gso sbyong bya zhe na de'i phyir so sor thar pa'i mdo gdon pa gdon gyis zhes bya ba gsungs te/ sems drang por bsgrub pa dang/ 'gal ba zlog pa la sogs pa rnam pa gzhan gyis kyang tshul khrims gso bar byed pa yod pas de dag gsal ba'i phyir so sor thar pa'i mdo gdon pa rnam pa lnga po dag gis gdon gyis zhes bya bas bstan to/ /so sor thar pa gdon pa ni dge 'dun gyis gnas brtan gyis las yin no/ /des ni nus pa nyid ni gnyis pa'i las yin no/ /des kyang mi nus pa nyid na gsum pa'i las yin no/ /des kyang mi nus pa nyid yin na thams cad kyis res kyi gdon par bya'o/ /res bab pa'i

  432. 216b

    chos des 'don mi nus na gzhan la bcol bar bya'o/ /de ma btub na dge 'dun gyis de la bcol bar bya'o/ /'don pa de dag gis tshig phyed kyang mi 'khrul bar legs par thob pa nyid yin na gdon gyi gzhan du mi 'chags so/ /'don par dugs? na lhag ma gzhan gyis gdon par bya'o/ /dum bu 'dzin pa yin na ji snyed kyis gzhung smos pa de nyid kyis phag tu bcad de gdon par bya'o/ /gdon par byed pas so sor thar pa'i mdo gdon pa rnam pa lnga po gleng gzhi gdon pa dang/ pham par 'gyur ba gdon pa dang/ dge 'dun lhag ma gdon pa dang/ ma nges pa gdon pa dang/ ril gyis gdon pa dag las gleng gzhi gdon pa ni rdzogs pa kho nar mi gdon du mi rung ngo/ /gleng gzhi bton nas lhag ma rnams ni thos pa bsgrags pas kyang 'grub tu rung ngo/ /de yang gleng gzhi bton nas pham par 'gyur pa gdon pa brtsams na pham par 'gyur ba'i sde tshan rdzogs par gdon dgos so/ /pham par 'gyur ba bton nas dge 'dun lhag ma 'don pa brtsams nas dge 'dun lhag ma'i sde tshan yang rdzogs par gdon dgos so dge 'dun lhag ma bton nas ma nges pa gdon pa brtsams na/ ma nges pa'i sde tshan yang rdzogs par gdon dgos so/ /pham par gyur pa dang dge 'dun lhag ma dang/ ma nges pa yan chad kyi sde tshan ni 'don par mgo brtsams na/ gang brtsams pa de'i sde tshan de nyid rdzogs par bya dgos so// spong ba'i ltung byed man chad kyi sde tshan ni 'don par mgo brtsams na/ lhag ma so sor thar pa'i gzhung thams cad rdzogs par gdon dgos so/ /ril gyis gdon pa zhes bya ba yang de nyid yin no/ /mgo brtsams pa'i sde tshan yang rdzogs par bya dgos pa de dag ma rdzogs na mi chags so/ /'jig pa dang bcas pa nyid mgron du 'gro na don mthun pa de dag sdod du mi btub na 'gro bzhin du gdon par bya ste/ 'di ni las ni 'dug pa nyid kyis bya'o zhes gsungs pa dmigs kyis bsal ba yin no/ /sgra mi 'dod na

  433. 217a

    mdor sdus te 'don no/ /de tsam yang mi 'dod na byin gyis brlabs par bya'o/ /chos ma yin pas 'don na mi chags te/ 'don par bya ba dang/ de'i tshang dang dus dang gdon par byed pa rnams de kho na bzhin nye bar ma bzung ba ni 'di'i chos bzhin pa'o/ /gdon par bya ba de kho na bzhin nye bar ma bzung ba ni so sor thar pa'i mdo las gzhan phran tshegs la sogs pa gdon pa'o/ /de'i tshad kho na bzhin nye bar ma bzung ba ni gleng gzhi mi gdon cing lhag ma rnams kyang thos pa bsgrags pas sgrub par mi byed pa'o/ /de'i dus kho na bzhin nye bar ma bzung ba ni gso sbyong gi dus las gzhan pa'i dus su 'don pa'o/ /'don par byed pa de kho na bzhin nye bar ma bzung ba ni gang zag bsnyen par rdzogs pa dang/ mtshan dang/ lta ba dang/ tshul khrims mthun pa dag las gzhan pas 'don pa'o/ /dge slong gcig pu gnas na des gtsug lag khang chag chag gdab par bya/ phyag dar bya'o/ ba lang gi lci ba sar pa'i byug pa bya/ seng ge'i khri bsham par bya/ stan bsham par bya/ mar me gzugs par bya'o/ /chos nyan du gzhug pa dag bya'o/ /de'i 'og tu phyogs mtshams mthon por 'dug ste phyogs bzhir blta bar bya'o/ /der dge slong yongs su dag pa lta ba mthun pa dag 'ong ba na 'di skad ces tshe dang ldan pa dag myur ba myur bar shog shig /deng dge 'dun gyi gso sbyong bco lnga pa yin no zhes brjod par bya zhing/ de dag dang lhan cig 'dug ste gso sbyong bya'o/ /gal te 'grub na de lta na legs/ ci ste mi 'grub na dge slong des byin gyis brlab par bya'o/ /'di lta ste/ des rang gi stan la 'dug ste 'di ltar sems bskyed par bya zhing tshig tu yang brjod par bya'o/ /ded dge 'dun gyi gso sbyong bco lnga pa yin la bdag dge slong ming 'di zhes bya ba'i yang gso sbyong bco lnga pa lags te/ bdag dge slong ming 'di zhes bya ba'i bar chad kyi chos rnams yongs su dag go zhes kyang bdag

  434. 217b

    smras bdag yongs su dag par lha rnams kyis bzung du gsol/ /bdag dge slong ming 'di zhes bya bas tshul khrims kyi phung po yongs su rdzogs par bya ba'i deng gso sbyong byin gyis brlab po/ /gang gi tshe dge 'dun tshogs pa rnyed pa de'i tshe dge 'dun dang lhan cig tu gso sbyong rgya cher nyams su myong bar bya zhing so sor thar pa'i mdo gdon pa gdon par bya'o/ /de bzhin du lan gnyis lan gsum du bzlas/ gang na dge slong gnyis 'khod pa der ni rim pa bzhin du bya ba zhing dus bsdad de/ ma grub na ni bdun du tsog tsog bur 'dug ste/ gcig la gcig 'di skad ces brjod par bya'o/ /btsun pa 'am tshe dang ldan pa dgongs su gsol/ /deng dge 'dun gyi gso sbyong bco lnga pa lags la/ bdag dge slong ming 'di zhes bgyi ba'i gso sbyong yang bco lnga pa lags te/ bdag dge slong ming 'di zhes bgyi ba'i bar chad kyi chos rnams yongs su dag go zhes kyang bdag nyid mchi'o/ /bdag yongs su dag par btsun pa 'am tshe dang ldan pas gzung du gsol/ /bdag dge slong ming 'di zhes bgyi ba'i tshul khrims kyi phung po yongs su rdzogs par bgyi ba'i slad du deng gso sbyong byin gyis brlab pa'o/ /gang gi tshe dge 'dun tshogs ba rnyed pa de'i tshe/ dge 'dun dang lhan cig tu gso sbyong rgya cher nyams su myong bar bgyi zhing so sor thar pa'i mdo gdon pa gdon par bgyi'o/ /de bzhin du lan gnyis lan gsum du bzlas/ gang na dge slong gsum yod pa der ni rim pa bzhin du byas shing dus kyi bar du bsdad de ma 'grub na rgan rims bzhin bral du 'khod de rims kyis byin gyis brlabs pa'i sngags kyang snga ma nyid brjod par bya'o/ /gang na dge slong bzhi 'khod pa der ni de rnams kyis gsol ba byas gso sbyong bya zhing der nad pa'i yongs su dag pa ni blang bar mi bya'o/ /gang na dge slong lnga 'am lhag pa 'khod pa der ni de rnams kyi gsol ba byas te gso sbyong bya zhing der ni nad ba'i yongs su dag pa yang blang bar bya'o/ /khyed cag su la

  435. 218a

    ltung ba yod pa des mthol cig ces bya ba ni gshegs par byed pa yod na yang gshegs par bya/ bsdam par bya ba yod na yang bsdam par bya/ byin gyis brlab pa yod na yang byin gyis brlab par bya'o/ /'di la gleng gzhi rnam par bzhag pa'i tshul la ji lta bu zhe na gso sbyong gi gnas su 'du ba'i mdun rol kho nar gso sbyong snga ma 'das pa'i mdza' tshun chad kyi zla ba phyed cing ltung ba las so sor brtag par bya ste/ ltung ba shes pa bshags pa'am/ bsdams pa 'am/ byin gyis brlabs pas phyir bcos te/ las kyi gnas su 'du bar bya'o/ /de'i cho ga dang sngags ni 'di ltar bya ste/ ltung byed 'ba' zhig pa 'am/ so sor bshags par bya ba 'am/ bshags par bya ba'i nyes byas gang yang rung ba zhig shes na/ des mchil lham gnyis phung nas dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nad na 'dug pa ltung ba'i dad? ming dang rigs las mi mthun pa cig gi mdun du tsog bur 'dug ste/ thal mo sbyar ba btung nas ltung ba de'i sde tshan gyi ming dang gang byung ba'i rigs smos te cig car mthol ba dang bshags pa byar rung ngo/ /de'i sngags ni 'di skad ces brjod par bya'o/ /tshe dang ldan pa dag dgongs su gsol/ /bdag dge slong ming 'di zhes bgyi ba la ltung ba ming dang rigs 'di dang 'di lta bu 'di byung ste/ bdag dge slong ming 'di zhes bgyi ba'i ltung ba de dag pa'i mdza' tshun chad nas bzung ste/ tshe dang ldan pa'i dge 'dun du mthol lo mi 'chab po/ /mthol zhing bshags na bdag bde ba la reg par gnas par 'gyur gyi ma mthol ma bshags na ni mi 'gyur ro/ /de bzhin du lan gnyis lan gsum du bzlas/ nyan pas ltung ba mthong ngam zhes dri zhing 'chags pas mthong ngo zhes brjod par bya'o/ /nyan pas phyin chad sdom mam zhes smra zhing 'chags pas sdom

  436. 218b

    mo zhes brjod par bya ste/ de bzhin du lan gnyis la gzhan du bzlas/ de'i rjes la nyan pas thabs yin no zhes bya zhing 'chags pas legs so zhes brjod par bya'o/ /de'i dge slong ltung ba la dogs pa dang yid gnyis za bar gyur na dge slong des dge slong mdo sde 'dzin pa dang 'dul ba 'dzin pa dang ma mo 'dzin pa dag la dris te ltung ba la sogs pa dang yid gnyis bsal nas dge slong gi mdun du chos bzhin du phyir bya'o/ /bsdam par bya ba'i nyes pa gang yang rung ba zhig shes na/ rang gi sems kyis bsdam pa bya'o/ /dge 'dun lhag ma dang/ nyes pa sbom po dang/ spang ba'i ltung byed kyi ltung ba gang yang rung ba zhig shes na byin gyis brlab par bya'o 'di ltar bya ste/ des mchil lham gnyis phung nas/ dge slong bsnyen par rdzogs pa rang bzhin du gnas pa/ lta ba dang mtshan mthun pa/ mtshams kyi nang na 'dug pa ltung ba ming dang rigs las mi mthun pa gcig gi mdun du tsog bur 'dug te/ thal mo sbyar ba btud nas ltung ba'i sde tshan gyi ming dang/ gang byung ba'i rigs smos te 'di skad ces brjod par bya'o/ /tshe dang ldan pa dgongs su gsol/ bdag dge slong ming 'di skad ces bya ba la ltung ba ming dang rigs 'di lta bu 'di byung ste/ bdag dge slong ming 'di zhes bgyi bas de tshe dang ldan pa'i mdun du byin gyis brlab ste gso sbyong bgyi ba'o/ /sad nang bar ltung ba de chos bzhin du slar bgyi'o/ /de bzhin du lan gnyis gsum du bzlas/ gso sbyong bco lnga pa de nyid la dge slong gis dge slong gi nang du ltung ba de dge slong drung na mo la byin gyis brlab par bya'o/ /'di ltar bya ste/ des dge slong drung na 'dug pa'i mdun du tsog pur 'dug ste/ 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bco lnga pa lags la/ bdag dge slong ming 'di zhes bgyis pa'i gso sbyong yang bco lnga pa lags te/ bdag dge slong ming 'di zhes bgyi ba'i dge 'dun gyi nang du ltung ba ming dang rigs 'di dang 'di lta bu

  437. 219a

    zhig dran te/ bdag dge slong ming 'di zhes bgyi bas de ltung ba 'di tshe dang ldan pa'i mdun du byin gyis brlabs te gso sbyong bgyi'o/ /sang nang par ltung ba de chos bzhin du slar bgyi'o zhes lan cig bzlas par bya'o/ /gso sbyong bco lnga pa de nyid la dge slong dge 'dun gyi nang du ltung ba yid gnyis dang bcas par gyur na/ deng ltung ba de dge slong drung na mo la byin gyis brlab par bya'o/ /'di ltar bya ste/ des dge slong drung na 'dug pa'i mdun du tsog tsog pur 'dug ste/ thal mo sbyar ba btud nas 'di skad ces brjod par bya'o/ /tshe dang ldan pa dgongs su gsol/ ded dge 'dun gyi gso sbyong bco lnga pa lags la/ bdag dge slong ming 'di zhes bgyi ba'i gso sbyong yang bco lnga pa lags te/ bdag dge slong ming 'di zhes bgyi ba dge 'dun gyi nang du ltung ba ming dang rigs 'di dang 'di lta bu zhig la yid gnyis su gyur na/ bdag gis deng ltung ba de tshe dang ldan pa'i mdun du byin gyis brlabs te/ gso sbyong bgyi'o/ /sang nang par dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te dogs pa dang yid gnyis bsal la ltung ba de chos bzhin du slar bgyi'o zhes lan cig bzlas par bya'o/ /gso sbyong bco lnga pa de nyid la dge slong las byed pas dge 'dun gyi nang du ltung ba dran na des rang gi sems kyis byin gyis brlab par bya'o/ /'di ltar bya ste/ des 'dug bzhin du sems kyis 'di skad ces brjod par bya'o/ /deng dge 'dun gyi gso sbyong bco lnga pa yin la/ bdag dge slong gi las byed pa ming 'di zhes bya ba'i gso sbyong yang bco lnga pa yin te/ bdag dge slong las byed pa ming 'di zhes bya ba dge 'dun gyi nang du ltung ba ming 'di dang rigs 'di dang 'di lta bu dran te/ bdag dge slong las byed pa ming 'di zhes bya bas deng ltung ba de rang gi sems kyis byin gyis brlabs te gso sbyong bya'o/ /sang nang par ltung ba de chos bzhin du phyir bya'o/ /zhes lan cig brjod par bya'o//

  438. 219b

    gso sbyong bco lnga pa de nyid la/ dge slong las byed pa dge 'dun gyi nang du ltung ba la yid gnyis dang bcas par gyur na/ des ltung pa de rang gi sems kyis byin gyis brlab par bya'o/ /'di ltar bya ste/ der 'dug bzhin du sems kyis 'di skad ces brjod par bya'o/ /deng dge 'dun gyi gso sbyong bco lnga pa lags la/ bdag dge slong las byed pa ming 'di zhes bya ba'i gso sbyong bco lnga pa yin te/ bdag dge slong las byed pa ming 'di zhes bya ba dge 'dun gyi nang du ltung ba ming deng rus 'di lta bu la yid gnyis su gyur na/ bdag dge slong las byed pa ming 'di zhes bya pas deng ltung ba de rang gi sems kyis byin gyis brlabs te gso sbyong bya'o/ /sang nang par dge slong mdo sde 'dzin pa dang/ 'dul pa 'dzin pa dang/ ma mo 'dzin pa rnams la dris te/ dogs pa dang yid gnyis bsal la ltung ba de chos bzhin du phyir bya'o/ /zhes lan cig brjod par bya'o/ /gso sbyong bco lnga pa de nyid la dge 'dun thams cad ltung ba mthun pa dang bcas par gyur na dge slong de rnams kyis kyang gang gi mdun du ltung ba byung ba de chos bzhin du phyir bya ba'i phyir dge slong 'ga' zhig gnas gzhan du song la dge slong gi mdun du ltung ba de chos bzhin du phyir byed pa de lta bur spro bar bya'o/ /gal te grub na de lta na legs/ ci ste ma grub na dge slong de rnams kyis gsol ba 'ba' zhig gi las kyis byin gyis brlab par bya'o/ 'di ltar bya ste/ gal te gso sbyong gi dus su dge 'dun thams cad kyis ltung ba mthun pa dang bcas par shes par gyur na/ dge slong cig mtshams gzhan gyi dge slong gi drung du 'dug ste/ des der ltung ba dran pa phyir bcos te phyir 'ongs na/ de'i mdun du thams cad kyis ltung ba shes pa phyir bcos te gso sbyong bya'o/ /gal te cho ga de ma grub na dge slong gis gsol ba 'ba' zhig gis las kyis byin gyis brlab par bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams

  439. 220a

    dgongs su gsol/ deng dge 'dun gyi gso sbyong bco lnga pa la gsal/ bdag cag dge 'dun thams cad ni ltung ba dang bcas par gyur na gang gi mdun du ltung ba chos bzhin du slar bgyi ba bdag cag las dge slong rnams gzhan du mchis la/ dge slong gi mdun du ltung ba de chos bzhin du slar bgyid par spro ba su yang ma mchis na gal te/ dge 'dun gyi dus la bab cing bzod na dge 'dun gyis gnang bar mdzod cig dang/ dge 'dun gyis der ltung ba de byin gyis brlabs te gso sbyong mdzad la/ slad kyis dge slong gi mdun du ltung ba de chos bzhin du slar mdzad do/ /'di ni gsol ba'o/ /gso sbyong bco lnga pa de nyid la dge 'dun thams cad ltung ba la yid gnyis dang bcas par gyur na de rnams gang gi mdun du de rnams kyis ltung ba de chos bzhin du bya ba'i dge slong 'ga' zhig gnas gzhan du song la/ dge slong mdo sde 'dzin pa dang/ 'dul ba 'dzin pa dang/ ma mo 'dzin pa rnams la dris te ltung ba la yid gnyis bsal nas chos bzhin du phyir byed pa de lta bu la spro bar bya'o/ /gal te cho ga de grub na de lta na legs/ ci ste mi 'grub na/ dge slong de rnams kyi gsol ba 'ba' zhig gi las kyis byin gyis brlab par bya'o/ /'di ltar bya ste/ gal te gso sbyong gi dus su dge 'dun ltung ba la yid gnyis dang bcas par gyur na dge slong cig mtshams gzhan gyi dge slong mdo sde dang 'dul ba dang ma mo 'dzin pa rnams kyi drung du btang ste/ des ltung ba la dogs pa dang yid gnyis bsal te phyir 'ongs nas de'i mdun du thams cad kyis ltung ba las yid gnyis dang bcas par gyur pa bsal te gso sbyong bya'o/ /gal te cho ga de ma grub na dge slong gcig gis gsol ba 'ba' zhig gi las kyis byin gyis brlab par bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la/

  440. 220b

    bdag cag dge 'dun thams cad ni ltung ba la dogs pa dang yid gnyis dang bcas par gyur na/ gang gi mdun du bdag cag ltung ba de chos bzhin du slar bgyi ba bdag cag las dge slong gnas gzhan du mchis la/ dge slong mdo sde 'dzin pa dang/ 'dul ba 'dzin pa dang/ ma mo 'dzin pa rnams la dris te/ dogs pa dang yid gnyis bsal nas ltung ba de chos bzhin du slar bgyid par spro ba su yang ma mchis na/ gal te dge 'dun gyis dus la bab cing bzod na/ dge 'dun gyi gnang bar mdzod cig dang/ dge 'dun gyis deng ltung ba de byin gyis brlabs te/ gso sbyong mdzad la/ slad kyis dge slong mdo sde 'dzin pa dang/ 'dul ba 'dzin pa dang/ ma mo 'dzin pa rnams la bris te/ dogs pa dang yid gnyis bsal la ltung ba de chos bzhin du slar mdzad do/ /'di ni gsol ba'o/ /gso sbyong bco lnga pa de nyid la dge 'dun thams cad ltung ba dang bcas pa'i phyir rtsod par gyur na/ gsol ba 'ba' zhig gis las kyis byin gyis brlabs pa de gso sbyong bya'o/ /'di ltar bya ste/ gso sbyong bco lnga pa de nyid la dge slong gnyug mar gnas pa gcig pu ma gtogs pa dge 'dun thams cad ltung ba dang bcas par gyur na/ dge slong de dge slong gtam 'dres pa dang/ phebs par smra ba dang/ smos 'drin dang/ 'grogs bshes gang yin pa'i drung du song ste/ ci nas kyang dge slong gzhan dag dang ltung ba 'chags par 'gyur ba de ltar bya'o/ /gleng ba dang dran par bya'o/ /gal te grub na de ltar na legs/ ci ste ma grub cing dge 'dun thams cad ltung ba'i phyir rtsod par gyur na/ dge slong gcig gis gsol ba 'ba' zhig gi las kyis byin gyis brlab par bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ /deng dge 'dun gyi gso sbyong bco lnga pa lags la/ bdag cag dge 'dun thams cad ni ltung ba'i slad du rtsod par gyur na/ gal te dge 'dun gyis dus la bab cing bzod na/ dge

  441. 221a

    'dun gyi gnang bar mdzod cig dang/ dge 'dun gyis deng ltung ba'i slad du rtsod pa de byin gyis brlabs te gso sbyong mdzad la/ slad kyi dge slong mdo sde 'dzin pa dang/ 'dul ba 'dzin pa dang/ ma mo 'dzin pa rnams la dris te/ rtsod pa zhi bar bgyis la/ ltung ba de chos bzhin du slar mdzad do/ /'di ni gsol ba'o/ /gso sbyong bco lnga pa de nyid la/ dge 'dun thams cad ltung ba la nges pa nyid ma yin par gyur na/ gsol ba 'ba' zhig gi las kyis byin gyis brlabs te/ gso sbyong bya'o/ /'di ltar bya ste/ gso sbyong bco lnga pa de nyid la/ dge slong blo bur du 'ongs pa gcig pu ma gtogs pa dge 'dun thams cad ltung ba dang bcas par gyur na/ dge slong des dge slong gtam 'dres pa dang/ phebs par smras pa dang/ smros 'drin dang 'grogs bshes gang yin pa de'i drung du song ste ji nas kyang dge slong gzhan dag kyang 'chags par 'gyur ba de ltar gleng ba dang dran par bya'o/ /gal te grub na de lta na legs/ ci ste mi grub cing dge 'dun thams cad ltung ba de ni gang yin pa ltung ba de la ji ltar lta bar 'gyur zhes nges pa nyid ma yin par gyur na/ dge slong gcig gis gsol ba 'ba' zhig gis las kyis byin gyis brlab par bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la/ bdag cag dge 'dun thams cad ni ltung ba la nges pa nyid ma yin par gyur na gal te dge 'dun gyis dus la bab cing bzod na dge 'dun gyis gnang bar mdzod cig dang/ dge 'dun gyis deng ltung ba la nges pa nyid ma lags pa de byin gyis brlabs te gso sbyong mdzad la slad kyis dge slong mdo sde 'dzin pa dang/ 'dul ba 'dzin pa dang/ ma mo 'dzin pa rnams la dris te nges pa nyid ma lags pa bsal la ltung ba de chos bzhin du slar mdzad do/ /'di ni gsol ba'o/ /ltung ba med na cang

  442. 221b

    ma smra zhig ces bya ba ni bshags par bya ba dang/ bsdam par bya ba dang/ byin gyis brlab par bya ba'i ltung ba med na de dag phyi bcos pa'i bya ba med do zhes bya ba'i tha tshig go /cang mi smra ba bdag gis tshe dang ldan pa dag yongs su dag par rig par bya'o zhes bya ba ni de ltar na 'khor rnam par dag pa yin pas/ bdag gis khyed cag gso sbyong gi snod du gyur par rig par bya'o/ /zhes bya ba'i tha tshig go /de ltar gleng gzhi rnam par bzhag pa'i rgyu lung dbog pa ji skad bstan pa de las/ tshe dang ldan pa dag bdag cag gso sbyong bya ste/ so sor thar pa'i mdo gdon pa gdon gyis khyed cag su la ltung ba yod pa des mthol cig ces bya ba'i lung dbog pa 'di'i gleng gzhi rnam par bzhag pa bsgrag par bya ba ni log las de la bdag gis tshe dang ldan pa dag la ci 'di la khyed yongs su dag gam zhes lan gnyis lan gsum du dri'o/ /zhes 'byung ba yin no/ /ltung ba med na cang ma smra shig ces bya ba ni lung dbog pa 'di'i gleng gzhi rnam par bzhag pa bsgrag par bya ba ni 'og nas 'di ltar tshe dang ldan pa dag yongs su dag na zhes 'byung ba yin no/ /cang mi smra na bdag gis tshe dang ldan pa dag yongs su dag par rig par bya'o/ /zhes lung dbog pa 'di'i gleng gzhi rnam par gzhag pa bsgrag pa ni 'og nas 'di ltar cang mi smra bas de de bzhin du dzin to/ /zhes 'byung ba yin par rig par bya'o/ /de'i 'og tu gleng gzhi nod bzhag pa'i thabs bstan pa'i yan lag gi don bshad par bya ste/ ji ltar so sor dris nas dge slong gis lan btab pa zhes bya ba ni gleng gzhi rnam par bzhag pa'i thabs bstan pa'i dpe ste/ dper na gso sbyong gi che dge slong gso sbyong gi gnas su 'du ba'i mdun rol kho nar gso sbyong snga ma 'das pa'i mdza' tshun chod kyi zla ba phyed kyi ltung ba la so sor brtag par byed cing ltung ba shes shing mthong na dge slong gcig gi mdun du skabs dbye bar gsol to/ /ltung ba'i dbye ba ni dag pa sbyin pa'i dge slong des ltung ba mthong bas

  443. 222a

    zhes dris pa na mthong ngo zhes lan gdab pa dang phyin chad sdom mo zhes lan gdab pa dang/ lan gnyis dris nas dge slong gis kyang lan gsum gdab pa'o/ /de bzhin du dge slong gi 'khor 'di ltar bur yang lan gsum gyi bar du bsgrag par bya ba yin no zhes bya ba ni gleng gzhi rnam par gzhag pa'i thabs bstan pa'i don yin te/ dge slong 'khor 'di lta bur yang zhes bya ba ni so sor thar pa'i mdo gdon pa'i 'khor 'dir yang ngo/ /lan gsum gyi bar du bsgrag par bya ba yin no zhes bya ba ni gleng gzhi rnam par bzhag pa bsgrag par bya ba'i tshig 'di skad ces de la bdag cag gis tshe dang ldan pa dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum dri'o/ /'di la tshe dang ldan pa yongs su dag na 'di ltar cang mi smra bas de de bzhin du 'dzin to zhes 'byung ba de nyid so sor thar pa'i gzhung las ji skad du 'byung ba bzhin du go rim dang tshig ma 'khrugs par lan cig gdon par bya ba yin te/ de lan cig bton pa nyid ni dri'o/ /zhes bya ba dang/ lan gnyis lan gsum du dri'o zhes smos pa de nyid kyis lan gsum bsgrag pa yin no/ /tshig de skabs 'dir gong du spar te bsgrag pa yang ma yin la sngar gleng gzhi rnam par gzhag pa'i lung dbog pa'i tshig ji skad bstan pa des skabs 'dir lan gsum bsgrag par bya ba yang ma yin no/ /de'i 'og tu ma dag pa'i nyes dmigs kyis yan lag gi don bshad par bya ste/ yang dge slong gang zhes bya ba ni byung ba'i dbang gis bcas pa ma yin gyis/ gang yang rung ba phyir bstan pa'o/ /dge slong gi 'khor 'di lta bu lan gsum gyi bar du bsgrag par byas pa na zhes pa ni so sor thar pa'i mdo gdon pa'i nang du gleng gzhi rnam par bzhag pa bsgrag par bya'i tshigs 'og nas byung ba lan cig bton pa na ste de lan cig bton pa na dri'o/ /lan gnyis lan gsum du dri'o zhes smos pa

  444. 222b

    nyid lan gsum bsgrag pa yin gyi/ gleng gzhi rnam par bzhag pa bsgrag pa'i tshig de lan gsum bzlas par mi bya'o/ /ltung ba yod la zhes bya ba ni sngar chos bzhin du phyir ma bcos pa'o/ /dran bzhin du mi mthol na zhes bya ba ni 'dir 'du shes gtso cher byed pa po yin pas mi dran pa la ltung ba med kyis dran bzhin du mi mthol na ltung bar 'gyur ro/ /yid gnyis ni 'du shes dang 'dra bas yid gnyis za ba byin gyis mi rlob na yang ltung ba 'dir 'gyur ro/ /de shes bzhin du rdzun du smra ba yin no zhes bya ba ni rdzun la rnam pa lnga te/ pham par 'gyur ba dang/ dge 'dun lhag mar 'gyur ba dang/ nyes pa sbom por 'gyur ba dang/ ltung byed du 'gyur ba dang/ nyes byas su 'gyur ba'o/ /de la pham par 'gyur ba'i rdzun ni 'du shes bsgyur te mi'i chos bla ma smra ba'o/ /dge 'dun lhag mar 'gyur ba'i rdzun ni 'du shes bsgyur te gzhi med pa dang bag tsam gyis skur pa 'debs pa'o/ /nyes pa sbom por 'gyur ba'i rdzun ni dge 'dun 'byed pa'i tshe dge 'dun 'dus pa la shes bzhin du chos ma yin pa chos su ston pa dang/ chos chos ma yin par ston pa ste/ rdzun du smra ba'i pham par 'gyur ba'i skabs kyi nyes pa sbom po'o/ /ltung byed du 'gyur ba'i rdzun ni snga ma gsum dang/ nyes byas su 'gyur ba'i brdzun dang/ bzhi las gzhan pa'i rdzun du smra ba'i don shes pa'i yul las 'du shes gzhan du bsgyur ba'o/ rdzun smra ba ni 'du shes kyi dbang gis? rnam par bzhag gi dngos po yod pa dang med pa'i dbang gis ni ma yin pa'i phyir ro/ /nyes byas su 'gyur ba'i rdzun ni skabs 'di nyid kyis bstan te/ gso sbyong la ci 'di la khyed yongs su dag gam zhes lan gsum gyi bar du dris pa las ma dag par shes bzhin du cang mi smra bar 'da' bar byed na nyes byas so/ /zhes gsungs pa'i phyir ro/ /des kyang nyes byas yongs su rdzogs pa yin no/ /yid kyi ni ma yin te kha rnam par 'gyur ba la sogs pa'i rnam par rig byed de la yod pa'i phyir ro/ /de ltar shes bzhin du

  445. 223a

    rdzun du smra ba de ni mdag pa yin la/ ma dag pa'i nyes dmigs gang zhe na/ de'i phyir tshe dang ldan pa dag shes bzhin du rdzun du smra ba ni bcom ldan 'das kyis bar du gcod pa'i chos su gsungs so zhes bya ba gsungs te/ rdzun du smra ba ni rang bzhin gyi kha na ma tho ba dang bcas pa yin pas bsnyen par ma rdzogs pa dang/ nyams pa dang/ mtshams med pa lnga byas pa dang/ sdig pa'i lta ba can dang/ sa gzhan na gnas pa dang/ tha dad du gnas pa rnams kyis smras na yang mngon par mtho ba dang/ nges par legs pa'i bar du gcod pa yin pas dge slong rang bzhin du gnas pas smras pa ni rang bzhin gyi kha na ma tho ba dang bcas pa'i kha na ma tho ba dang gnyi ga lhag par spyad pa yin pas lhag par yang mngon par mtho ba dang nges par legs pa'i bar du gcod pa yin par gsungs so/ /skabs 'dir ni cho ga las 'das na las mi 'chags so zhes gsungs te/ las ni gsol ba dang brjod pa dang so sor thar pa 'don pa dang/ dgag dbye'i las te las brgya rtsa gcig bsdus pa'o/ /cho ga ni dge 'dun tshang ba dang/ las brjod pa dang/ las byed pa nyid kyi chos ma yin pas mi bya ba dang mi mthun pa dag gis mi bya ba dang/ tshogs kyis mi bya ba yin pas 'dir so sor thar pa'i mdo gdon pa ni gso sbyong gi las yin la de chos ma yin pas mi bya'o zhes bya ba ni 'khrul pa dang bcas ba bdag gis las mi bya ba la sogs pa yin no/ /'dir ltung ba yod pa ni 'khrul pa dang bcas pa yin la/ de dran bzhin du mi mthol ma shes bzhin du rdzun du smra ba yang rang bzhin las nyams pa yin pas de ma bshags sam byin gyis ma rlabs pa dag gis gso sbyong gi las byas na las de mi 'chag pa'i nyes dmigs gzhan yang yod do/ /de'i 'og tu dag pa'i phan yon gyi yan lag gi don bshad par bya ste/ de bas na dge slong ltung ba byung ba rnam par dag par 'dod pas zhes bya ba ni shes bzhin du

  446. 223b

    rdzun du smra ba'i nyes byas tsam yang rnam par dag par 'dod pas so/ /ltung ba yod la dran zhing mthong la mthol bar bya'o zhes bya ba ni bshags pa dang/ bsdam pa dang/ byin gyis brlab pa gang bya bar 'os pa de bya'o/ /de ltar mthol ba de ni dag pa yin no/ /dag pa'i phan yon gang zhe na/ de'i phyir mthol na bde ba la reg par gnas par 'gyur ro zhes bya ba gsungs te/ mthal na tshul khrims kyi phan yon bcu 'thob pa dang mngon par mtho ba dang nges par legs pa'i bde ba la reg par gnas par 'gyur ro/ /tshul khrims kyi phan yon bcu ni 'gyod pa med pa'i rims kyis mchog tu dga' ba sngon du 'gro ba'i chos 'thob par 'gyur ba la sogs sngar bstan pa dag go /mngon par mtho ba ni mtho ris so/ /nges par legs pa ni mya ngan las 'das pa'o/ /skabs 'dir 'phral du chog las ma 'das pas 'chags pa'i phan yon gzhan yang yod do/ /ma mthol ma shags na ni mi 'gyur ro zhes bya ba ni rjes su 'gro ba sngar bstan pa de nyid ldog pa'i sgo nas bstan to/ /de'i 'og tu 'don pa'i mjug bsdu ba yan lag gi don bshad par bya ste/ tshe dang ldan pa dag bdag gis so sor thar pa'i mdo gdon pa'i gleng gzhi gton zin to zhes bya ba la/ gleng gzhi zhes bya ba ni mdo gdon pa 'byung ba'i rgyu'o/ /bton zin to zhes bya ba ni dam bcas pa'i don gyis mjug bsdu pa'i phyir dang/ nyan pa po rnams spro bar bya ba'i phyir smos so// de'i 'og tu gleng gzhi rnam par bsgrag par bya ba'i yan lag gi don bshad par bya ste/ de la zhes bya ba ni gleng gzhi bton pa de la'o/ /ci zhes bya ba ni yongs su dri ba'o/ /'di la zhes bya ba ni gso sbyong la'o/ /khyed zhes bya ba ni khyed cag go /yongs su dag gam zhes bya ba ni ltung ba ma byung ngam zhes bya ba'o/ /zhes zhes bya ba ni dri ba spyi la bsnyegs so dri'o zhes bya ba ni dri ba dang po'o/ /lan gnyis lan gsum dri'o zhes bya ba ni lan gsum kho nar dri bar bya dgos pas lan gnyis lan gsum du zhes bya ba smos te/ nyungs

  447. 224a

    na yang la las mi thos la/ mngas nas yang dus yol ba la sogs pa'i nyes dmigs yod pas de'i phyir lan gsum ni ran par dgongs te/ bshags pa dang byin gyis brlab pa gnyis kyis ltung ba ma babs pas sha stag tshogs pa yin nam zhes bya ba'i tha tshig go /cad mi smra bas brnga byas pas gleng gzhi rnam par bzhag pa bsgrag pa'i mjug bsdu ba bstan pa'i phyir 'di la tshe dang ldan pa dag yongs su dag na 'di ltar cad mi smra bas de de bzhin du 'dzin to zhes pa gsungs te bshags pa byin gyis brlab pa gnyis te/ ltung ba ma bcab pa sha stag tshogs pa yin no zhes bya ba'i tha tshig go /gleng gzhi gdon pa bshad zin to/ /mdo gdon pa'i bsdus pa'i don rnam pa drug las gsol pa dang gleng gzhi gdon pa ni gzhung gzhan las mi 'byung bas skabs 'dir rgya cher bshad do/ /pham par 'gyur ba gdon pa dang/ dge 'dun lhag ma gdon pa dang/ ma nges pa gdon pa dang/ ril gyi gdon pa rnams kyi mtshan nyid ni/ sdom la/ mi tshangs spyod dang rku 'phrog dang/ mi la bsad par mi bya ba/ /brdzun du smra dang bcas pa yi/ /chos bzhi 'dir ni gsungs pa yin/ /zhes bya ba nas/ gang gzhan nas 'byung ba'i chos kyi rjes su mthun pa'i chos de la khyed rnams 'dul ba dang mthun pa dang dga' ba dang mi rtsod par sems kun tu bsrung ba dang bag yod pas rnal 'byor du bya'o zhes gsungs pa'i bar dang/ go rim ma bzhin du sbyar ro/ /de dag gi yan lag gi don bshad pa ni so sor thar pa rnam par 'byed pa'i gzhung nyid dang/ 'dul ba'i mdo las rgyas par 'byung ngo/ /las kyi mtshan nyid ni las brgya rtsa gcig las 'byung bas 'dir tshig gi brjed byang ma bris te/ gzhung de dag las 'byung ba bzhin du shes par bya'o/ /de dag gi mtshan nyid ni gleng gzhi dang/ bslab pa bcas pa dang/ ltung ba rnam par bzhag pa ston to/ /de la gleng gzhi ni yul

  448. 224b

    dang/ gang zag dang/ nyon mongs pa dang/ nyes pa'i gzhi'i bye brag gis rnam pa bzhi'o/ /bslab pa bcas pa ni 'jig rten dang 'gal ba dang 'dul ba dang 'gal ba bzlog pa'i dbang gis rang bzhin gyi kha na ma tho ba dang bcas pa dang/ bcas pa'i kha na ma tho ba dang bcas pa dgag pa'i ltung ba sde lnga'o/ /ltung ba rnam par bzhag pa ni bsam pa dang sbyor ba'i sgo nas dngos gzhi dang/ sbyor ba dang sbyor ba'i sbyor ba thams cad du ci rigs par rnam par shes par bya'o/ /gzhung rgyas pa'i mtshan nyid bshad zin to/ /de'i 'og tu bsdu ba'i mtshan nyid bshad par bya ste/ bsdu ba'i mtshan nyid ces bya ba ni so sor thar pa'i mdo mdor bsdus te gdon pa'i sgo nas de bzhin gshegs pa rigs bdun gyi 'dul ba mdor bsdus pa bstan pa'o/ /de la bcom ldan 'das de bzhin gshegs pa rnam par gzigs kyi slob ma rnams ni nyes pa chung bar 'gyur te chos la dga' ba'i 'dod chags dang dam pa ma yin pa'i chos la zhugs pa'i mu stegs can rnams pa 'tshe ba la mngon par dga' ba tsam zhig yod pas de dag nyes pa de yongs su spang ba'i phyir bcom ldan 'das des so sor thar pa'i mdo 'di ltar bsdus te zla ba phyed phyed cing 'don par 'gyur te/ bzod pa dka' thub dam pa bzod pa ni/ mya ngan 'das pa mchog ces sangs rgyas gsungs/ /rab tu byung ba gzhan la gnod pa dang/ /gzhan la 'tshe ba dge sbyong ma yin no/ /zhes bya ba de la bzod pa zhes bya ba ni bzod par byed pa ste/ gzhan gyi nyes pa dang du len pa 'am/ gzhan la zhe sdang med pa'o/ /de nyid dka' thub dam pa yin te/ sems kyi zhe sdang spyod par byed pa'i phyir dang snying rje skyed pa'i phyir ro/ /bzod pa'i mya ngan las 'das pa zhes bya ba la bzod pa zhes bya ba ni bzod par byed pa ste/ sdug bsngal gyi bden pa'i yul gyi rnam pa mi rtag pa dang/ sdug bsngal ba dang/ stong pa dang/ bdag med pa dag bzod pa'i shes rab sdug bsngal la chos shes pa'i bzod pa'o/ /de sngon du btang ba 'am/ des nye bar bstan

  449. 225a

    pa'i mya ngan las 'das pa ste/ zag pa med pa'i lam gyis thob pa'i mya ngan las 'das pa'o/ /de mchog ces sangs rgyas gsung zhes bya ba ni bzod pa mya ngan las 'das pa de dngos po thams cad kyi mchog yin no zhes sangs rgyas bcom ldan 'das kyis bsngags pa ste/ 'jig rten pa'i lam gyi thob pa'i mya ngan las 'das pa ni gtan du ba ma yin la/ zag pa med pa'i lam gyis thob par mya ngan las 'das pa ni gtan du ba yin te/ zhi ba'i ngo bo nyid yin pa'i phyir ro/ /ji ltar na bzod pa dka' thub dam pa zhe na/ de'i phyir rab tu byung ba gzhan la gnod pa dang/ gzhan la 'tshe ba dge sbyong ma yin no zhes gsungs te/ gzhan la gnod pa byed pa zhes bya ba ni yid kyis gnod pa byed pa'o/ /gzhan la 'tshe ba zhes pa ni lus dang ngag gnyis kyis 'tshe ba'o/ /dge sbyong zhes bya ba ni zhi ba'i bdag nyid do/ /'di skad bstan te/ gang gi phyir gzhan la gnod pa dang/ gzhan yang tshe ba rab tu byung ba'i dge slong rdzogs pa ma yin pa de'i phyir bzod pa ni dka' thub dam pa yin la/ de'i 'bras bu bzod pas thob pa'i mya ngan las 'das pa yang mchog yin pas de'i phyir rab tu byung bas bzod pa bsten par bya'o zhes bstan te/ /bcom ldan 'das de bzhin gshegs pa gtsug tor can gyi slob ma rnams kyang nyes pa chung bar 'gyur te/ gzhan gyi nyes pa sgrog pa mang ba tsam zhig yod pas de dag gi nyes pa de yongs su spang ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing ston par 'gyur te/ mig ldan 'gro ba yod pa yi/ /nyam nga ba dag ji bzhin du/ /mkhas pa 'tsho ba'i 'jig rten 'dir/ /sdig pa dag ni yongs su spong/ /skur ba mi gdab gnod mi bya/ /so sor thar pa 'da? bsdam par bya/ /zas kyi tshod kyang rig par bya/ /rab mdza' i gnas su gnas par bya/ /lhag pa'i sems la yang dag sbyor ro/ /'di ni sangs rgyas bstan

  450. 225b

    yin zhes bya ba'o/ /de la mig ldan 'gro ba yod pa yis/ /nyam nga ba dag ji bzhin du zhes bya ba ni ji ltar mig dang ldan pa yod pa ma yin pa 'gro ba yod pa 'gro shes pas dam grog dang/ tsher ma dang/ sdig sprul la sogs pa nyam nga ba sdug bsngal gyi rgyur 'gyur ba'i gnas mi mnyam pa dag yongs su sdang bar byed pa de bzhin du/ mkhas pa 'tsho ba'i 'jig rten 'dir/ /sdig pa dag ni yongs su spong zhes bya ba gsungs te/ mkhas pa blo dang ldan pa rtog pa sel nus pa yang 'tshe ba'i 'jig rten 'di ni sdig pa gang dag yin pa de dag yongs su spong bar byed do/ /ji ltar sdig pa de dag yongs su spong bar bya zhe na/ de'i phyir skur ba mi gdab gnod mi bya zhes bya ba la sogs pa gsungs te/ skur pa mi gdab zhes bya ba ni gzhan la yang dag pa dang/ yang dag pa ma yin pa yang rung ba skur ba mi gdab pa'o/ /gnod par mi bya zhes bya ba ni gzhan la rdeg pa dang/ tshig rtsub mo la sogs pas gnod par mi bya'o/ /so sor thar pa 'ang bsdam par bya zhes bya ba la/ so sor thar pa zhes bya ba ni srog gcod pa dang/ ma byin par len pa dang/ mi tshangs par spyod pa dang/ brdzun du smra ba dang/ tshig kyal ba dang/ ngag rtsub po dag spangs pa'i sdom pa rigs bdun po dag go /de bsdam par bya ba ni yongs su srung bar bya ba ste/ des zlog pa'i mtshan nyid dang/ spyad pa'i mtshan nyid rnam pa gnyis kyis tshul khrims kyis lhag pa'i tshul khrims bstan par shes par bya'o/ /zas kyi tshod kyang rig par bya zhes bya ba ni 'di ltar dge slong rnams kyis zas rung ba de la zas kyi tshod kyang shes par bya ste/ ji tsam gyi lus lci ba dang/ rma bar mi 'gyur ba de tsam gyi tshod yongs su shes par bya'o/ /rab mdza' i gnas su gnas par bya ba ni rab kyi mthar thug pa'i gnas dben par gnam par bya ba ste/ 'dis ni lus dang yul legs par 'thun pa dag gis lam bsgom pa'i tshogs bstan par bya shes par bya'o/ /lhag pa'i sems la yang dag

  451. 226a

    sbyod? zhes bya ba ni lhag pa'i sems zhes bya ba ni sems yongs su sbyod par byed pa ste/ gang gis 'dod chags kyi sgrib pa dang/ gti mug gi sgrib pa las sems rnam par sbyod ba'o/ /de yang zag pa dang bcas pa dang zag pa med pa'i bsam gtan no/ /de la yang dag par sbyor ba ni yang dag par rnal 'byor du bya ba ste/ 'dis ni lhag pa'i sems kyi bslab pa dang/ lhag pa'i shes rab kyi bslab pa bstan par shes par bya'o/ /'di ni sangs rgyas bstan pa yin zhes bya ba de bzhin gshegs bas mdor bstan pa 'di ni tshogs dang bcas pa'i lam bstan pa yin te/ de nyid sangs rgyas kyi bstan pa yin no zhes bya ba'i tha tshig go /bcom ldan 'das de bzhin gshegs pa thams cad skyob kyi slob ma rnams kyang nyes pa chung bar 'gyur te/ 'di ltar khyim pa'i skye bo dang 'grogs par gyur pa tsam zhig yod pas de dag gi nyes pa de yongs su spang bar bya ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing bstan par gyur te/ ji ltar bung ba me tog las/ /kha dog dri la mi gnod par/ /khu ba bzhibs nas 'phur ba ltar/ /de bzhin thub pa grong du rgyu zhes bya ba'o/ /de la ji ltar srog chags bung ba me tog las kha dog dang dri la mi gnod par khu ba bzhibs te 'phur ba de bzhin du thub par rab tu byung ba bsod snyoms kyi phyir grong du rgyu bas kyang grong nas kha dog dang dri lta bus sems ngang tshul khrims la mi gnod bar khu ba lta bu'i sems dang tshul khrims la mi gnod par khu ba lta bu'i kha zas blangs te 'gro bar bya'o zhes bya ba'i tha tshig go /bcom ldan 'das de bzhin gshegs pa 'khor ba 'jig gi slob ma rnams nyes pa chung bar 'gyur te/ gzhan gyi skyon dang yon tan la rtog pa tsam zhig yod pa de dag gi nyes pa yongs su spang bar bya ba'i phyir bcom ldan 'das des so sor thar pa'i mdo 'di ltar mngon par bsdus te zla ba

  452. 226b

    phyed phyed cing bton par 'gyur te/ bdag gis rigs dang brtag mi rigs dang brtag par bya ste/ gzhan rnams kyis mi mthun pa dag gzhan dag gis/ byas dang ma byas rnams la min zhes bya ba'o/ /de la bdag gi rig dang mi rigs la brtag par bya zhes bya ba ni bdag nyid kyi rigs pa dang mi rigs pa so sor brtag par bya'o/ /gzhan rnams kyi mi mthun pa zhes bya ba ni gzhan rnams kyi mi rigs so/ /gzhan dag gis byas dang ma byas la min zhes bya ba ni gzhan dag gi rdzogs pa dang ma rdzogs pa rnams la brtag par mi bya'o/ /'di skad bstan to/ /gzhan dag gi yon tan dang skyon la rtog pa la ni rjes su chags pa dang/ khong khro ba 'byung bas de'i phyir gzhan la rtog pa spangs te/ bdag nyid la rtag cing bdag nyid sems pa 'dod par byas na/ phyis gzhan la rtag pa'i skabs yod par 'gyur ro zhes bstan to/ /bcom ldan 'das de bzhin gshegs pa gser thub kyi slob ma rnams kyang nyes pa chung bar 'gyur te/ sred pa dang bcas par bsam gtan bskyed par byed pa tsam yod pas/ de dag gi nyes pa de yongs su spang bar bya ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing bton par gyur te/ lhag pa'i sems la bag bya ste/ thub pa'i thub gzhi rnams la bslab/ /nyer zhi rtag tu dran ldan pa'i/ /skyo ba pa mya ngan med pa yin zhes bya'o/ /de la lhag pa'i sems zhes bya ba bsam gtan bzhi po dag go /de la bya ste zhes bya ba ni sred pa dang/ nga rgyal dang lta ba mchog tu 'dzin pa spang zhing bag gis shig ces bya'o/ /spang ba bstan nas bslab pa bstan pa'i phyir/ thub pa'i thub gzhi rnams la bslab ces bya ba gsungs te/ thub pa zhes bya ba ni mkhyen pa dang ldan pa te/ yang dang yang du mdzad pa'i phyir thub pa ste/ sangs rgyas bcom ldan 'das so/ /thub pa de'i thub gzhi ni 'phags pa'i bden pa bzhi po dag ste/ yang dag gis thub pa skyed pa'o/ /de la bslab pa

  453. 227a

    ni mchog tu bslab cing nan tan gyis ces bya ba'i tha tshig go /de la bslab pa ni ci zhe na 'bras bu bstan pa'i phyir/ nyer bzhi rtag tu dran ldan pa'i/ skyob pa mya ngan med pa yin zhes bya ba gsungs te/ nye bar zhi ba dang rtag tu dran pa dang ldan pa gnyis kyis skyob pa nyid du bstan par shes par bya'o/ /de nyer zhi ba zhes bya ba ni mnyam bar bzhag pa ste/ lus dang ngag gnyis kyis bsdams pa'o/ /rtag tu dran ldan pa'i zhes bya ba ni rtag tu dran pa nye bar gzhag pa'o/ /skyob pa zhes bya ba ni rang gi rang gi sems rjes su bsrung ba'o/ /mya ngan med pa yin zhes bya ba 'dis ni skye ba zad pa bstan to/ /mya ngan las 'das pa yin par shes par bya'o/ /bcom ldan 'das de bzhin gshegs pa 'od srung gi slob ma rnams kyang nyes pa chung bar 'gyur te/ sbyin pa la ma gus pa dang/ dgra mang bar lta ba tsam zhig yod pas de dag gi nyes pa yongs su spang bar bya ba'i phyir bcom ldan 'das des mthar thug pa'i chos bstan pas so sor thar pa'i mdo 'di ltar mdor bsdus pas zla ba phyed phyed cing bton par gyur te/ sbyin pas bsod nams rab tu 'phel/ /legs bsdam dgra sogs mi 'gyur ro/ /dge dang ldan pas sdig pa spong/ /nyon mongs zad pa mya ngan 'da' / /zhes bya'o/ /de la sbyin pa zhes bya ba ni sbyin par byed pa'i ming ste/ des ni longs spyod kyi 'bras bu can gyi bsod nams kyi las rab tu 'phel bar 'gyur ro/ /tshul khrims legs par bsdams pas ni dgra sogs mi 'gyur te tshul khrims kyis dgra'i rgyu gsod pa dang bsku ba dang bud med la chags pa la sogs pa mi skyed pa'i phyir ro/ /dge dang ldan pas zhes bya ba ni bsam gtan bzhi thob pas so/ /des ni 'dod pa na spyod pa'i sdig pa'i khong khro ba la sogs pa rnam pa smin pa mi 'dod par 'gyur ba dag yongs su spong bar 'gyur ro/ /'phags pa'i lam gyis nyon mongs pa thams cad yong su zad pas ni phung po lhag ma dang bcas pa dang/

  454. 227b

    lhag ma med pa'i mya ngan las 'das pa thob par 'gyur ro/ /de lta bas na sbyin pa ni 'khor ba'i 'bras bu can yin pas de la gdung bar mi bya zhing dgra mang ba ni sdom brtson dang mi mthun pa yin pas de mi bya'o zhes bya ba'i tha tshig go /bcom ldan 'das de bzhin gshegs pa shAkya thub pa'i bstan pa la chu bur ma byung ba'i tshe na de'i tshe na slob ma rnams kyang nyes pa chung bar 'gyur bas bcom ldan 'das kyis de dag la so sor thar pa'i mdo 'di ltar ltar mdor bsdus te tshigs su bcad pa gsum gyis bton par 'gyur ro/ /sdig pa thams cad mi bya ste/ dge ba phun sum tshogs par bya/ /rang gi sems ni yongs su gdul/ /'di ni sangs rgyas bstan pa yin/ /lus kyi sdom pa legs pa ste/ dag gi sdom pa legs pa yin/ /yid kyi sdom pa legs pa ste/ /thams cad du ni sdom pa legs/ /kun tu bsdam pa'i dge slong ni/ /sdug bsngal kun las rab tu grol/ /ngag rnams srung zhing yid kyis ra ba bsdams te/ /lus kyis mi dge ba dag mi byed cing/ /las lam gsum po 'di dag rab bsdams na/ /drang srong gsungs pa'i lam ni thob par 'gyur zhes bya'o/ /de la sdig ba thams cad mi bya ste zhes bya ba 'dis ni lhag pa'i tshul khrims kyi bslab pa bstan to/ /dge ba phun sum tshogs par bya zhes bya ba 'dis ni lhag pa'i shes rab kyi bslab pa bstan te/ nyon mongs pa thams cad spangs pa ni don dam par dge ba'i phyir ro/ /rang gi sems ni yongs su gdul zhes bya ba 'di ni lhag pa'i sems kyi bslab pa bstan to/ /lus kyi sdom pa legs pa ste/ zhes bya ba la sogs pa sdom pa rnam pa bzhis ni tshul khrims phun sum tshogs pa bstan to/ /sdug bsngal kun las rab tu grol zhes bya ba 'dis ni tshul khrims kyi skyes bu byed pa'i 'bras bu thag mi ring ba bstan to/ /de ltar tshul khrims kyi sdug bsngal kun las rab tu grol bar 'gyur zhe na/ de'i phyir ngag rnams bsrung zhing yid kyis rab bsdams te zhes bya ba la sogs pa gsungs te/ gang gi

  455. 228a

    phyir tshul khrims phun sum tshogs pa ngan song gi sgo spyod zhing 'phags pa'i lam thob pa des sdug bsngal thams cad las grol ba de'i phyir 'di ni tshul khrims kyi skyes bu byed pa'i 'bras bu thag ring ba yin no/ /de ltar mdor bsdus pa? dang rgyas par bshad pa dag gis sangs rgyas bdun gyi so sor thar pa gdon pa bstan nas/ da ni 'jug bsdu ba'i sgo nas nan tan du bya ba bstan pa'i phyir/ sangs rgyas rnams gzigs gtsug tor thams cad skyob/ /'khor ba 'jig dang gser thub 'od srungs dang/ shAkya thub pa gau tam lha yi lha/ /mi 'dul kha lo sgyur ba bla na med/ /'jig rten mgon po skyob pa mchog /sangs rgyas dpa' bo bdun po dag /grags ldan rnams kyi so sor thar/ /'di ni rab tu rgyas par ston/ /'di las sangs rgyas rnams kyang gang/ /sangs rgyas nyan thos rnams kyang gus/ /'di las gus dang bcas gyur pas/ /'dus ma byas pa thob par bgyis zhes bya ba tshigs su bcad pa gsum yang dag par sdud par byed pas smras so/ /de la sangs rgyas rnam gzigs gtsug tor thams cad skyob/ /'khor ba 'jig dang gser thub 'od srungs dang/ /shAkya thub pa zhes bya ba rnams sangs rgyas bdun gyi mtshan te/ go rim bzhin no/ /gau tam lha yi lha/ mi 'dul kha lo sgyur ba bla na med/ /ces bya ba dag ni bcom ldan 'das shAkya thub pa'i gdung dang yon tan te/ gau tam zhes bya ba ni gdung ste/ drang srong gau ta ma'i rgyud yin pa'i phyir ro/ /lha'i lha zhes bya ba ni chos nyid kyis grags pa'i sgo nas ni snyigs ma lnga shas che ba'i dus na sems can la phan par rdzogs par mdzad pa'i phyir ro/ /'jig rten gyi grags pa'i sgo nas ni lha rnams kyis kyang zhabs la btud te phyag byas pa'i phyir ro/ /mi 'dul kha lo sgyur ba bla na med pa zhes bya ba ni 'jam pa dang/ rtsub pa dang/ gnyi ga'i rang bzhin gyi 'dul ba rnam pa gsum gyis gdul ba skyes bu lta bu dag phyin ci ma log par 'dul bar mdzad pa'i phyir ro

  456. 228b

    'jig rten mgon po zhes bya ba ni khams gsum pa'i mgon po ste/ phan pa dpag tu med pa mdzad pas yongs su skyob par mdzad pa'i phyir ro/ /skyob pa zhes bya ba ni mda' dbang gis chos thams cad la dbang phyug brnyes pa phyir ram/ 'dul ba'i skye bo dus mi g.yo bar skyob par mdzad pa'i phyir ro/ /mchog ces bya ba ni gtso bo ste bla na med pa'i mkhyen pa dang ldan pa'i phyir ram/ rjes su mthun pa'i phan pa mdzad pa yongs su mkhyen pa'i phyir ro/ /sangs rgyas dpa' bo zhes bya ba ni ye shes la sogs pa dag gis 'gro ba thams cad pas dpa' bo'i sangs rgyas zhes bya ba'i tha tshig go /grags pa ldan pa zhes bya ba ni snyan pa dang ldan pa ste/ 'jig rten gsum las shin tu 'das pa'i snyan pa'i tshogs dang ldan pa zhes bya ba'i tha tshig go /rgyas par bton zhes bya ba dus dang por bya ba dang/ gsol ba byas nas gdon pa lnga po dag bton pa'o/ /'di la sangs rgyas rnams dang gang/ /sangs rgyas nyan thos rnams dang gus zhes bya ba ni sangs rgyas bcom ldan 'das rnams ni chos 'dul ba gtso bor mdzad do/ /sangs rgyas kyi nyan thos rnams kyang 'dus pa la gus pa'i phyir ro// 'di la gus dang bcas gyur bas/ /'dus ma byas pa thob par bgyi zhes bya ba ni so sor thar pa 'di la gus pa dang bcas pas mya ngan las 'das pa 'dus ma byas thob par gyis shig ces bya ba'i tha tshig go /ji ltar 'di la gus pa dang bcas pas 'dus ma byas thob par bya zhes/ de'i phyir brtsam par bya zhing 'byung bar bya/ /sangs rgyas bstan pa la 'jug par bya/ /'dam bu'i khyim la glang chen bzhin/ /'chid dag sde ni gzhon par bya/ /gang zhig rab tu bag yod pas/ /chos 'dul 'di la spyod gyur pa/ /skye ba'i 'khor ba rab spangs nas// sdug bsngal tha mar byed par 'gyur zhes gsungs te/ brtsam par bya zhing zhes bya ba ni rtsom par gyis shig pa'o/ /'byung bar bya zhing zhes bya ba ni 'khor ba las nges par 'byung ba'i phyir dgon pa la sogs pa dben par song shig ces bya ba'i tha tshig go /sangs rgyas

  457. 229a

    bstan la zhes bya ba ni bden pa bzhi bstan pa la'o/ /'jug par bya zhes bya ba ni mgo dang gos la me 'bar ba ltar mngon par brtson par gyis shig pa'o/ /'dam bu khyim la glang chen bzhin zhes bya ba ni 'chi bdag sde chen gzhom par bya zhes bya ba'i dpe yin te/ 'dam bu'i khyim glang po ches 'joms pa bzhin du'o/ /'chi bdag zhes bya ba ni 'chi ba'o/ /sde zhes bya ba ni sred pa la sogs pa 'khor ro/ /gzhom par bya zhes bya ba ni gzhig par gyis shig ces bya ba'o/ /phan yon bstan pa'i phyir ro/ /gang zhig rab tu bag yod pas/ chos 'dul ba 'di la spyod par gyur nga/ skye ba 'khor ba rab spangs nas/ sdug bsngal tha ma byed par 'gyur zhes bya ba gsungs te/ rab tu bag yod par zhes bya ba ni rab tu bag med spangs pa'o/ /chos zhes bya ba ni 'phags pa'i lam yan lag brgyad pa'o// 'dul ba zhes ba ni yang dag par bsgrub pa'i mtshan nyid do/ /spyod 'gyur ba zhes bya ba ni rjes su bsgrub par 'gyur ba'o/ /'khor zhes bya ba ni skye ba'i 'khor ba gtso bo yin pas skye ba'i 'khor ba ste 'khor ba'i sdug bsngal gyi rtsa ba ni skye ba yin pa'i phyir ro/ /de ltar 'di don med phyir skye ba yod na rga shi dang/ /nad dang sdug bsngal gsad dang bcing la sogs pa grang dag yod/ /gal te 'jigs mang skye ba med na don med na mi 'byung/ /shing skye ba med na nags med rlung gi bsgyel bar mi 'gyur bzhin/ zhes gsungs pa'i phyir ro/ /yang na skye ba'i 'khor ba zhes bya ba ni skye ba dag tu 'gyur ba'i phyir ro/ /rab spangs nas zhes bya ba ni nan tan du spangs nas so/ /sdug bsngal zhes bya ba ni skye ba la sogs pa'o/ /tha mar byed par 'gyur zhes bya ba ni rgyun chad par 'gyur ba'o/ /da ni so sor thar pa'i mdo gdon pa'i mjug bsdu ba'i yang dag par bsdud par byed pa dang/ phan tshun tshul khrims bsrung ba dang/ bstan pa 'phel bar bya ba'i phyir ro/ /so so thar pa 'di bton pas/ dge 'dun gyis ni gso sbyong byas zhes bya ba smras te/ de la phan tshun tshul

  458. 229b

    khrims srung ba zhes bya ba ni gcig la gcig 'doms shing rjes su ston pa dang/ gcig la gcig ltung ba las bslang ba'o/ /bstan pa 'phel bar bya ba'i phyir zhes bya ba ni phan tshun tshul khrims bsrung ba nyid do/ /de lta bus bcom ldan 'das de bzhin gshegs pa de'i 'khor 'di 'phel bar 'gyur ba'i sngar rim gyis ston pa'i bstan pa 'phel zhing yun ring du gnas pa'i phyir ro/ /so sor thar pa 'di bton pas zhes bya ba ni sems drang por bsgrub pa dang/ 'gal ba'i bzlog pa la sogs pa'i rnam pa gzhan gyis gso sbyong bya ba yod mod kyi/ skabs 'dir so sor thar pa'i mdo gdon pa rnam pa lnga po gleng gzhi gdon pa dang/ pham par 'gyur ba gdon pa dang/ dge 'dun lhag ma gdon pa rnam des pa gdon pa dang/ ril gyi sdom pa dag gis gso sbyong bya dgos pas so sor thar pa 'di bton pas zhes bya ba gsungs so/ /dge 'dun gyis ni gso sbyong zhes bya ba ni zhi gnas kyi gso sbyong dang/ mthun pa'i gso sbyong las 'dir ni 'thun pa'i gso sbyong sbyar ro/ /mthun pa'i gso sbyong rnam pa lnga po bcu bzhi pa dang/ bco lnga pa dang/ bkra shis kyis gso sbyong dang/ gnod pa byung ba'i gso sbyong dang/ sdum pa'i gso sbyong dag las 'dir ci rigs par sbyar te/ gtso cher ni bcu bzhi pa 'am bco lnga pa dang sbyar ro/ /de'i 'og tu mjug bsdu pa'i sgo nas nan tan bya ba bstan pa'i phyir/ /gang gi phyir ni mdo bton pa dang/ /gang phyir gso sbyong byas gyur pa/ /tshul khrims de ni bsrung bya ste g.yag rnga'i rtse mo ji bzhin no zhes bya ba gsungs te/ de la gang gi phyir ni mdo bton dang/ /gang phyir gso sbyong byas 'gyur pa zhes bya ba ni/ /phan tshun tshul khrims bsrung ba dang/ /bstan pa 'phel bar bya ba'i phyir zhes gong du smos pa de'i phyir ro/ /tshul khrims de ni bsrung bya ste zhes bya ba ni so sor thar pa'i sdom pa ni sdus pa'i tshul khrims rnam pa drug po rnam par dbye ba dang/ bsdu ba dang/ phun sum tshogs pa dang/ rnam grangs dang/ rnam par dag pa dang/ phan yon de dag sbyor ba dang/ dngos gzhi dang// //mjug dag gi sgo nas bag

  459. 230a

    yod par bsrung bar gyis shig ces bya ba'i tha tshig go /g.yag rnga'i rtse mo ji bzhin no zhes bya ba ni bag yod pas bsrung bar bya ba'i dpe ste/ ji ltar bsil rung gangs khrod na gnas pa'i g.yag rnga la bag yod pas bsrung ba rnga ma'i rtse mo lta bur gzar te/ 'gro ba de bzhin du tshul khrims 'di yang bag yod pas bsrung bar gyis shig ces bya ba'i tha tshig go/ /nga ni yang dag par sdud par byed pas 'dul ba'i sde snod yang dag par bsdu ba mthar phyin nas dge ba'i rtsa ba bsngo ba'i phyir/ so sor thar pa bton pa yi/ /bsod nams grub pa gang yod pa/ /des ni 'jig rten ma lus pa/ /thub dbang go 'phang thob par shog /ces bya ba gsungs te/ thub pa ni nyan thos dang rang sangs rgyas so/ /de'i dbang po ni de bzhin gshegs pa ste// so sor thar pa 'di bton pa'i bsod nams grub pa gang yod pa des/ 'jig rten ma lus thams cad thub pa'i dbang po sangs rgyas bcom ldan 'das kyi go 'phang thob par shog /ces bya ba'i tha tshig go /de ltar yang dag par sdud par byed pas so sor thar pa'i mdo yang dag par bsdu ba 'di yang rgyud chags pa'i gsum pa'i tshul du brtsams pa yin te/ dang por snyan pa'i ba dan 'jig rten gsum du grags/ /dam pa'i chos sgra seng ge'i sgra bsgrags pa/ thams cad mkhyen pa dkon mchog mdzod brnyes pa/ zhabs la tshangs dbang gtsug gi nor bu gtugs/ /sdug bsngal rgya mtsho gting mdza' med rgal ba/ 'gro ba'i gtso la spyi bos phyag 'tshal te/ zhes smos pas de ni phyag 'tshal ba'i rgyu bstan to/ /de'i 'og tu thams cad mkhyen pa'i bslab gzhi dkon mchog snod/ 'phags pa'i tshogs kyi dbus su dbye bar bya zhes bya ba nas tshul khrims 'di ni bsrung bya ste/ g.yag rnga'i rtse mo ji bzhin no zhes gsungs pa'i bar gyis ni mdo gdon pa'i rgyu bstan to/ /mjug tu so sor thar pa

  460. 230b

    bton pa yi/ /bsod nams grub pa gang yod pa/ /des ni 'jig rten ma lus pa/ /thub dbang go 'phang thob par shog /ces gsungs pas ni bsngo ba'i rgyud bstan to/ /bsdu ba'i mtshan nyid bshad zin to/ /so sor thar pa'i tshig gi brjod bya rdzogs so// // dbang phyug dam pa'i mnga' bdag dpal lha btsan po'i bka' lung gis 'phags pa gzhi thams cad yod par smra bar 'dul ba 'dzin pa kha che bye brag tu smra ba'i slob dpon dzi na mi tra dang/ zhu chen gyi lo tsa ba bande klu'i rgyal mtshan gyis zhus te gtan la phab pa'o// //so so thar pa'i 'grel pa tshig gi dga' ba bskyed pa ka lyA mi tras mdzad pa'i dum bu'o/ /chags la sogs pa gzhan du phul ba brjod pa yod pa'i phyir ro/ /yang 'ga' zhig ni mdun du bslab pa phul na phul ba ma yin par brjod par bya ba'i phyir lkugs pa'i tshig lhag par 'don par byed pa de yang mi rig pa nyid de/ rig par byed pa med kyang rtogs pa yod na phul ba'i phyir te/ 'chi bar nyes pa la sogs pa bzhin du lce rnyed na rigs par byed pa'i phyir ro/ /bslab pa phul zhes pa ni dngos su bslab pa gtong ngo gzhan la brjod pa'o/ /bslab pa nyams par byas pa ni tshangs par spyod pa ni spyad dka' o rab tu dben par gnas pa ni dka' o zhes pa la sogs pas bdag gis bslab pa bskyang bar mi nus so/ /zhes brjod pa'o de'i phyir yang bslab pa nyams pa mthol ba med par byed na be ri rgyu rjes su ma brjod pa'i phyir yongs su rdzogs par phul ba ma yin no/ /gang yang nyams pa med par phul ba brjod par byed na de yang 'bras bu ma brjod pa'i phyir yongs su rdzogs pa ma yin no/ /de'i phyir gang gnyi ga med pa de yongs su rdzogs pa yin pas gnyi ga nye bar gzung bar bya ste/ dag gi tha snyad rab tu bstan pa'i don du yin par shes par bya'o/ /bslab pa phul la nyams par ma byas pa zhes pa la sogs pa bslab pa 'bul ba la mu bzhi yod pas bslab pa 'bul ba las nyams par ma byas

  461. 231a

    pa'i don gzhan nyid du blta bar byas te/ de don gzhan nyid yin na yang 'di 'grub par 'gyur te gang 'ga' zhig bslab pa nyams par byas kyi 'bul bar ma byas pa des gal te bag med pas pham par gyur pa'i chos bzhi'i nang nas gang yang rung ba zhig spyad na phul bar byas pa bzhin du de las rab tu byung ba dang bsnyen par rdzogs pa'i dge slong gi dngos por grub pa yin no/ /zhes 'chad do/ /dbul ba la yang stong pa brjod pa 'dir dgos pa yin gyi tshig gi khyad par gyis ni ma yin pa'i phyir ro/ /tshig las ni dngos su gzhan rtogs par byed pa yin la rnam par gcod pa med na sdom pa thams cad dbul bar 'gyur te/ rnam par bcad na ni de kho na phul ba yin gyi gzhan ni ma yin no zhes shes par bya'o/ /'dir sngags kyis ni dgos pa med de stong pa tsam gtso bo yin pa'i phyir ro zhe na/ gzhan la nye bar brten nas stong pa'i cho ga byed dam 'on te gzhan la nye bar ma brten par cho ga byed ces bya ba 'dir rtogs la dbul bar mi byed pa na phul ba ma yin te/ ci ltar de la ltos pa dang bcas pa'i phyir de lta bu 'ga' zhig ni yod pa yin no/ /rnam pa de lta bu gyur pa yod dam med kyang rung ste kho bo la ni 'di dgos pa nyid do zhe na/ de lta bu'i gtong ba'i cho ga ni yod pa ma yin no/ /gtong ba'i cho ga de lta bu don dam med kyang rung ste kho bos ni re shig 'dis dgos pa med do zhes rnam par ma brtags par 'bul ba yin no zhes bya ba ni 'dul ba 'dzin pa rnams zer ro/ /mi tshangs par spyod pa zhes pa la tshangs pa ni mya ngan las 'das pa yin la de dang 'gal ba ni 'khrig pa yin pas dgag pa'i don 'thad do/ /gal te yang/ med pa dang ni 'gal ba dang/ /ngan dang rtsa ba'i don dang ni/ /gzhan dang 'dra ba'i gnas rnams la/ /dgag pa rnam pa drug tu brjod/ /ces bshad pa de lta na yang 'dir 'gal ba la lta bar bya chos dang don ma yin pa dang 'bras bu ma yin zhes bya ba

  462. 231b

    la sogs pa bzhin no/ /'on te de ltar na rang bzhin dang bcas pa'i kha mtho ba thams cad mi tshangs par spyod par 'gyur ro zhe na/ de bsal ba'i phyir 'khrig pa zhes smos so/ /dge slong gis phyogs gcig ma nyams kyang dge slong gi dngos po dang ma bral ba'i phyir te/ de nyid kyi phyir sdom pa'i phyogs gcig zhig pas mdza' dag gtong ba ni rig pa ma yin no/ /gzhan du yang ji ltar phyogs gcig blangs gyur pas/ /mdza' dag blangs par mi 'dod ltar/ /de bzhin phyogs gcig khrugs gyur pas/ /mdza' dag gtong par ji ltar 'gyur/ /yang kha che rnams ni byung ba la/ /bu lon nor bzhin gnyis su 'dod/ /ces bshad do/ /yang de bzhin du gsol ba dang bzhi'i las kyis bsnyen par rdzogs pa'i dge slong de nyid la pham par 'gyur ba yin gyi gzhan ming gi dge slong la sogs pa la ni ma yin no/ /zhes bstan du zin kyang yang smos pa ni nges pa'i don du dgongs pa nyid do/ /dge slong ma yin dge sbyong ma yin shAkya'i sras po ma yin zhes bya ba de la dman par dgag pa yin par khong du chub par bya ste/ dper na bu ngan pa la bu med ces bya ba lta bu'o// de nyid kyi phyir/ dge slong min sogs gsum dag la/ /dman par dgag nyid bstan pa yin/ /kha na ma tho med dge slong/ /phyir de nyams pa nyams pa nyid/ /kha na ma tho med pa dang/ /mi ldan phyir dang gso med phyir/ /ma chags 'di la skal med phyir/ /yon tan thob pa med phyir bstan/ /shing tshig pa dang mtsho skams dang/ /rna med sa bon rul pa dang/ /mgal me'i 'khor lo nyid dang ni/ /sems can shi bar gyur pa bzhin/ /cha lug tsam cig lus pa'i phyir/ /dge slong nyid ces gzhan dag zer// //srog gcod pa'i gleng gzhi 'di la kha cig ni ri dags pa'i bu dge sbyong sped dper brjod par byed do/ /de ni mi bden te de ni ri dags bzlog pa la gtod par byas pa'i phyir dang/ /rab tu byung ba'i drung na sbas nas skyed pa'i phyir dang/ /dge slong gi cha lugs can gyi

  463. 232a

    rab tu byung ba yin pa'i phyir dang/ /chos 'di pa'i dge slong yin pa'i phyir de la brten nas bslab pa'i gzhi bcas pa med do/ /'on kyang dge slong rab tu mang po de rnams kyis phan tshun srog gcod par byed pa yin no/ /dge slong rab tu dang po 'di dag kha na ma thob dang bcas pa dang/ dge slong chos 'di ba dag go zhes thams cad du dge slong rab tu mang po brjod pa'i phyir ro/ /'dir yang srog gcod pa'i sems kyis mi yi 'gro ba pa dang/ der 'du shes pa la pham par 'gyur ba'i ltung ba 'di rnam par gzhag par bya ste/ des na yan lag gzhan gang yang rung ba ma tshang na sbom po'o/ /de ltar srog gcod pa'i sems kyis mi'i 'gro ba pa'i zhes bya ba de tsam zhig brjod na mi dud 'gro la sogs pa'i rnam par gnas pa la mi ma yin pa'i 'du shes kyi gsang na dge slong la pham par 'gyur bar thal bar 'gyur ram snyam na/ /de yang rigs pa ma yin te/ mi gsad pa'i mngon par 'dod pa med pa'i phyir ro/ /'di ltar lha sbyin gsad par bya'o/ /snyam du 'du shes pa las ma gsad na mtshams med par 'byung bar mi 'gyur te/ de ltar yang sbyor ba la 'du shes yan lag yin no/ /bsam pa ni de nyid do zhes bya ba 'dis gnod par 'gyur te/ khyad par gyi rgyu med pa'i phyir ro/ /de ltar yang zhus pa las/ btsun pa dge slong gis mi la mir 'du shes nas bkum na cir 'gyur lags/ mthar 'gyur ro/ /mi la mi ma yin par 'du shes te bkum na cir 'gyur lags sbom por 'gyur ro/ /zhes pa la sogs pa mu bzhir gsungs so/ /mdo mdzad pas kyang ched du ma bsams par grub pa ni byed pa po ma yin no zhes bya ba dang/ de bzhin du srog gcod pa ni bsams bzhin du/ /ma nor pa ni gzhan gsang ba'o zhes bshad do// //brdzun du smra ba'i yan lag ni 'du shes bsgyur ba dang/ mi'i chos bla ma nyid dang/ /rang gi don nyid dang/ rang gi dad? gis bdag nyid dang

  464. 232b

    'brel pa dang/ nyan pa po mi'i 'gro ba pa nyid dang/ rang bzhin du gnas pa nyid dang/ des kyang go ba nyid dang/ mngon par 'dod pa ma yin pa nyid do/ /gzhan dag ni mngon par 'dod pa nyid ces bya ba 'dod do/ /de ltar phas pa rgyas par bshad nas nyan pa po yid ches pa bskyed pa'i don du mjug bsdus pa ni bton zin to zhes pa'o/ /da ni 'di bshad par bya ste/ mdo sde dang/ 'dul ba dang/ mngon pa rnams kyi go rims ni srog gcod pa la sogs pa'i rim pa yin te srog bcad pa las slar ldog par bgyid zhes pa la sogs pas bslab pa'i bzhi bcas pa yin na 'dir rim pa de spangs nas mi tshangs par spyod pa dang por bstan pa'i rgyu mtshan ci yin bstan pa la/ gzhan dag ni gtso bo ji ltar ba bzhin du brjod pa'i phyir ro/ /'khor ba'i rtsa ba ni 'dod pa dang de'i gzhi yin pa des na dang por mi tshangs par spyod pa'i bslab pa'i bzhi bcas so/ /de'i yongs su longs spyod pa'i don du ma byin par len par 'gyur bas des na ma byin par len pa rnam par gzhag go /bkus pa na mi mthun pa rnams gsad par 'gyur bas de nas gsod pa gzhag go /khyed ni gsod par byed pa'o/ /zhes brjod pa na ngas de ltar ma byas so zhes brdzun smra ba 'byung bas tha mar bshad do/ /zhes 'chad do/ /kha cig ni gsod pa'i nyon mongs pa grang ba'i dmyal bar skye ba la thog mar 'gro ba de'i phyir 'di dag gis go rim bzlog nas bstan to zhes 'chad do/ /'ga' zhig ni snga ma la brten nas phyi ma 'byung bas go rim yin no zhes 'chad do/ /mi tshangs par spyod pa'i don du ma byin par len par byed/ /brkus pas de'i bdag pos gsod pa dang brdzun du smra ba'i phyir rim pa ni 'di yin no/ /kho bo ni byung bas rab tu phye ba ste/ /'dul ba ni byung ba'i rjes su 'brang ste/ bslab pa'i bzhi bcas pas 'dir mngon par mi bya'o// //pham par gyur pa gdon pa ste/ gnyis pa rdzogs so// //rmi lam gyi rang

  465. 233a

    bzhin du grub pa ni kho bos 'dul ba'i 'grel ba'i dka' 'grel tshig ma bshad pa'i 'grel bar cung zhig bshad pas de las rtogs par bya'o/ /'dir kha cig pham par 'gyur ba thams cad la yang dge slong gang zhes bshad do// dge 'dun lhag ma la sogs pa 'ga' zhig tu gsungs la 'ga' zhig tu ma gsungs pa dang/ bslab par bya ba rnams la ma gsungs pa'i rgyu 'di ci zhig yin zhes brtsod par byed de/ 'di la rnam par brtag pa du mas 'chad par byed do/ /gzhan dag gi dge slong gi dbang du byas pa'i phyir te/ des na de nyid la lung 'di rnam par gzhag pa'i phyir/ /de na don gyis brtags pa'i phyir dge slong gi tshig ma brjod do zhes 'chad do/ /gzhan dag ni cho ga'i sgo nas bstan pa'i don du'o/ /zhes 'chad do/ /ji ltar 'dir pham par 'gyur ba la sogs pa la gsungs pa de bzhin du 'dir yang brjod par bya'o/ /ji ltar ma gsungs pa de bzhin du gzhan bslab par bya ba la sogs pa rnams la yang brjod par mi bya ste/ /bcom ldan 'das kyi bstan pa ni sna tshogs pa nyid yin pa'i phyir ro/ /zhes 'chad do/ /gzhan ni sdom pa de'i gzhung ni 'phags pa'i lam gyi gzugs brnyan gyi don du yin no zhes 'chad do/ /de ltar yang 'phags pa'i lam kha cig ni lta ba'i rang bzhin can te/ bzod pa brgyad po de yang dri med shes rnams bzod pa min zhes bshad pa'i phyir ro/ /kha cig ni ye shes kyi rang bzhin yin te 'di lta ste/ zad dang mi skye'i blo lta min zhes bshad pa'i phyir ro/ /kha cig ni gnyi ga'i rang bzhin yin te/ de las gzhan 'phags blo gnyis gang zhes bshad pa'i phyir ro/ /de bzhin du 'dir yang 'ga' zhig par 'gyur ba thams cad la yang dge slong gang zhes gsungs pa min la/ 'ga' zhig du ma gsungs pa ni dper na bslab par bya ba rnams lta bu'o/ /'ga' zhig tu gsungs pa dang ma gsungs pa ni ji ltar dge 'dun lhag ma rnams la'o//

  466. 233b

    de'i phyir 'dir 'phags pa'i lam gyi gzugs brnyan du sdom pa gnas pa yin la de med par ma gyur na 'phags pa'i lam gnas par blta bar bya'o zhe'o/ /'di dang smyan gyi bar 'og ma bzhi ste lnga ni mi tshangs par spyod pa'i cha yin no/ /yan lag ni sad pa'i gnas skabs dang/ rang gi khu ba dang/ dang po'i gnas nas 'phos pa dang/ mngon par bsams pa nyid dang/ bsal ba dang/ gzhan gyi rgyud du gtogs pas kyang byas pa dang/ gos la sogs pas gang du tshad pa dang bral ba dang/ sems can du bgrang ba dang/ de'i rnam par gnas pa'i lag pa la sogs pas byung ba'o/ /bud med kyi yul zhes bya ba ni bud med kyi skye bo ste/ de la gtsod par byed pas na bud med do/ /skyes pa'i sems yongs su bcas nas za ba zhes bya ba'i bar du'o/ /gzhan ni ltung ba skyed pa'i phyir dang/ /longs spyad par bya ba nyid kyi phyir bud med do zhes 'chad do/ /gzhan dag ni lam gyi sgra 'di rnam par brtag pa'i don 'di blo la gzhag nas lan bu nas bzung ba la yang dngos bzhir 'chad de/ /de dag ni zhus pa las spu dang sen mo dang so la sogs pa las reg na sbom por bshad pa dang 'gal bar nges par bya'o/ /zhus pa las btsun pa spus reg na ltung ba cir 'gyur sbom po'o/ /btsun pa spu la reg na ltung ba cir 'gyur sbom po'o zhes gsungs so/ /mdo mdzad pas kyang sen mo la sogs pa ni gzhan dang ldan pa nyid do/ /zhes gsungs so/ /lus la reg pa de bzhin du 'di la reg pas/ /ro nye bar gnas pa yin no zhe na/ de ni spu la reg pa 'di la yang don mtshungs pa yin te/ lag ngar dang rje dar la sogs pa'i lus la reg pa las bde ba dang/ /'dod ldan ma rnams kyi mchan khung dang skyed pa'i spu la reg pa la 'dod ldan pa rnams la lhag pa'i ro nye bar gnas pa yin la/ de la yang dngos gzhir ni 'dod pa ma yin te lus nyid ma yin pa'i phyir ro/ /ro nye bar gnas pa ni 'dir yan

  467. 234a

    lag ma yin te/ /'dod chags che ba rnams kyi tshul bzhin ma yin pa yid la byed pa'i dbang gi bya ba med par ro chen por nyams su myong ba na dngos bzhir thal bar ma gyur pa'i phyir ro/ /'o na 'dir lan bu nas gzung na zhes gsungs so// she na byung ba'i dbang gi 'dir bshad pa yin gyi 'dir yan lag ni ma yin te/ rang gis brlabs pa'i dog pa 'thag tu bcug pa bzhin no/ /'on te rnam par 'byed pa las lan bu nas bzung ngam zhes bya ba la lan bu ni skra dang 'brel ba'i gos so zhes gsungs so/ zhe na/ 'di gsungs mod kyi 'on kyang lan bu nas bzung ba dge 'dun lhag ma ni ma yin no/ /'o na rnam 'byed du ji ltar smros she na/ /byung ba'i dbang du gyur pa mdo'i tshig de nyid kyi rnam par dbye bar bstan pa'i don du gsungs kyi yan lag ni ma yin te/ /ltung bar bstan pa med pa'i phyir ro/ /de bzhin du 'di ltar rnam par 'byed pa las 'di ltar dge slong gis bud med mtshan nyid dang ldan pa'i spyi bo la nom par byed na gos kyis bar du mchod pa la nom na lhag mar 'gyur ro/ /bar du chod pa dang bcas pa la na mo na sbom por 'gyur ro/ /de bzhin du dpral ba la sogs pa la yang de bzhin no/ /zhes bstan pa 'di ni dbang po bcas pa'i lus thams cad la ltung ba 'byung bar bstan par byas nas ltung ba bstan gyi dbang po med pa lan bu la sogs pa lus ma yin pa rnams ni ma yin no/ /de ltar yang than rkang pa'i mthe bo la reg par byed na zhes bya ba 'dir thams cad nye bar bsdus nas mthar phyin par bstan pa ni bde bar gshegs pas lus nyid bstan pa rnam par bcad pa'i don du'o/ /rtogs pa sngon du gtong ba 'ga' zhig dbang po med pa rnams la dngos bzhir 'gyur bar dogs par mi bya ste/ gzhan du na bcom ldan 'das kyis skra dang sen mo mdza' yin pa'i phyir tha na skra dang sen mo zhes de ltar mthar thug par ston par 'gyur ro/ /de'i phyir lan bu de la gos kyis bar

  468. 234b

    du mchod pa sen mo dang so dang spu la reg pa bzhin du spom por lta bar bya ste/ sbyor ba yin pa'i phyir dang yan lag gzhan thams cad yod la lus nyid med pa'i phyir ro/ /zhes bya ba ni 'dul ba 'dzin pa rnams kyi'o/ /des na 'di ni dbang po dang bcas pa'i lus kyi bye brag rnam par gzhag nas dbang po med pa'i lus la lus zhes ga la ston par 'gyur te/ shin tu tha dad pa'i phyir ro/ /gang du lan bu la reg pa la yang dbang po med pa'i phyir dngos bzhir mi 'dod na de dang 'brel pa'i gos la dngos bzhir ga la 'gyur te/ dbang po med pa'i phyir thag ring du spangs pas skabs mi rnyed pa'i phyir ro/ /des na nom pa la sogs pa 'dir nyon mongs pa can gyi bde ba mngon par bsams nas bud med kyis byas pa'i reg pa bdag gir byed na ji lta ji ltar lus kyi yan lag gang dang gang la reg pa na dge 'dun lhag ma'o/ /bud med gson pa 'am shi ba zhes bya ba 'dir yan lag ma yin te/ des na khyad par yongs su ma bzung bar 'di dag so so la yang dge 'dun lhag mar 'gyur ba yin no/ /zhes shes par bya'o/ /de ltar yang zhus pa las btsun pa re shig bud med shi ba'i lus dang lhan cig reg par bgyid na ltung ba cir 'gyur/ dge 'dun lhag ma'o zhes gsungs so/ /de bzhin du 'grel ba byed pas kyang shi ba nyid ni 'dir na smad par bya ba ma yin no zhes bshad do/ /yan lag ni mi'i 'gro ba par skyes pa nyid dang/ rang bzhin du gnas pa nyid dang/ /mi tshangs par spyod pa'i brten pa'i mthu dang ldan pa dang/ lus ma nyams pa nyid dang/ gos la sogs pas bar mchod pa nyid dang/ bud med dang bral cing gyur pa'i sems dang/ lus la reg pa dang/ reg pa bdag gir byas pa dang/ lus mnyams pa nyid do/ /dge slong mas skyes pa la 'khrig pa smras na sbom por 'gyur te/ 'og ma dag la yang ngo/ /yan lag ni mi'i 'gro ba pa nyid dang/ legs nyid kyi don go ba dang/ bde ba nyams su myong bar 'dun pa dang/ 'dod chags dang

  469. 235a

    mtshungs par ldan pa'i sems dang/ rang gi ngag gis brjod pa dang/ gzhan la brjod pa dang/ bdag gis don rnams so// //dge slong mas skyes pa la bsnyen bkur bsngags na nyes byas te/ 'os ma yin pa'i phyogs la brten pa'i phyir ro/ /yan lag ni mi'i 'gro ba pa nyid dang/ rang bzhin du gnas pa dang/ legs smras nyes smras kyi don go bar nus pa dang/ dral zhing gyur pa'i sems dang/ rang gi ngag gis brjod pa dang/ bdag gis lus la bsten bkur bya ba'i don dang/ bdag nyid la bsngags pa brjod pa dang/ /bdag nyid kyis rtogs pa'o// //smyan byed pa la 'dir bud med ni yan lag ma yin te/ skyes pa'i yul la yang 'di rnam par bzhag pa yin no/ /de ltar 'grel pa byed pas kyang khyad par yongs su bzung bre med pa'i phyir thams cad du bstan par bya ba'i rma'i sgo gnyis sam gsum dang ldan pa'i mi'i 'gro ba pa dang/ sten par byed pa yan lag thams cad dang ldan pa'i mi'i 'gro ba pa'o zhes bshad do/ /de nyid kyi phyir mi ni pho mo yang 'di nyid kyi rjes su 'brang nas spangs par blta bar bya'o// //'dir yan lag ni gzhan dag dang/ rang bzhin du gnas pa dang/ mi'i 'gro ba la dag dang/ sbyar ba dang sbyor byed rma'i sgo gnyis sam gsum dang ldan pa dag dang/ mi mthun pa dag mthun par bya ba'i don du dang/ sprad pa'i don du tshig dang/ 'phrin yig la sogs pas 'phrin lam gsum mnos shing bskyal ba dang 'phrad pa'o// //khang pa la bdag po dang bcas pa dang bdag po med pa'i bye brag gis khang pa ni rnam pa gnyis su 'gyur ba des na 'dir ji lta bu zhig brjod par bya snyam pa la bdag po zhes bya ba la sogs pa gsungs te/ bdag po med pa ni gang la bdag po skyes pa dang bud med dang ma ning med pa ste/ bdag nyid kyi sa

  470. 235b

    bslangs pa zhes gsungs pa'i phyir ro/ /gzhan dag ni bdag po med pa'i ni bdag po med pa can yin la/ bdag nyid ni bdag po nyid yin pas bdag po dang bcas pa yin no zhes 'chad do/ /des ma bdag gi phyir zhes gsungs te/ bdag gi ched du zhugs pa yin gyi gnyis dang gsum dang bzhi la sogs pa'i ched du ni ma yin no/ /gnyis kyi thun mong pa la ni sbom por brjod pa'i phyir te/ gnyis kyi thun mong du byed na ltung ba sbom por 'gyur ro/ /zhes bya ba la sogs pa gsungs pa'i phyir ro/ /mang po'i don du bstan pa ni rig pa ma yin te/ dge 'dun gyi don du yin na gtsug lag la khang dge 'dun lhag mar 'gyur ba'i phyir te/ dge slong gis bdag po yod pa dge 'dun gyi phyir gtsug lag khang chen po zhig brtsig tu bcug na zhes bya ba la sogs pas gsungs pa'i phyir ro/ /bde bar gshegs pa'i mtho zhes pa la bde bar gshegs pa ni yang dag par rdzogs pa'i sangs rgyas kyi lam gyi rjes su zhugs pa nyid kyi phyir ro/ /yang na gshegs pa dang byon pa dang/ gzigs pa dang/ rnam par gzigs pa la sogs pa dang/ bskyed pa dang ldan pa'i phyir ro/ /yang na de kho na nyid dang gnas pa'i khyad par lus med par mkhyen pa'i phyir ro/ /yang na mdzes pa dang phyir mi ldog pa dang/ ma lus pa gshags pas so zhes gzhan dag 'chad do/ /lhag ma 'di ni mi gsod pa'i phyogs su gtogs pa yin te/ 'og ma dag la yang ngo/ /kha cig ni gnyis po 'di dag ma byin par len pa'i 'khor du gyur par brjod do/ /de'i 'di ni bstan bcos las 'das pa yin te/ ma byin par len pa'i 'khor ni ma bstabs par stan 'dug pa dang/ byin phrogs dang bsngos bsgyur dang/ sped pa dang/ rkun ma dang 'grogs pa nyid yin pa'i phyir 'di gnyis ma yin no/ /'di gnyis dge slong ma la ma bzhag ste/ bud med phal cher ni khang pa byed pa la 'jug pa ma yin te/ bud med rnams ni ji ltar yang de'i blo rang dbang du 'jug pa ma yin pa'i

  471. 236a

    phyir ro/ /skyes pa ni khang pa byed pa la rang dbang can du 'dod pas 'jug pa'i phyir ro/ /'ga' zhig byed pa mthong ba de ni srid chad pa yin pas bsam par mi bya'o/ /des na bzhi mi rung ba'i phyogs la brten pa'i phyir 'di la nyes byas su rnam par gzhag go /'di'i yan lag ni/ sa gzhi dang yo byad gzhan la btsal ba nyid dang/ rjes su gnang ba nyid dang/ bzhi ma dag pa nyid dang/ ma bstan pa nyid dang/ gnas yongs su rdzogs pa dang/ gcig gi don nyid dang/ tshad las 'das pa'o/ /gtsug lag khang chen po byed du 'jug na nyes pa la 'dir rin thang las yin gyi tshang las ni ma yin te/ gang gi phyir rin thang dang tshad kyi chen po ni rnam pa gnyis te/ 'dir ni rin thang las mngon par 'dod pa yin gyi tshad las ni ma yin no// gang gi phyir dge 'dun gyi gtsug lag khang ni bdag po du ma can yin pa'i phyir tshad lhag pa nyid yin gyi 'das pa ni ma yin no/ /zhes bya ba'i don gyi dbang du byas nas tshad las 'das pa nyid ni gtsug lag khang ma dag pa'i yan lag ma bstan to/ /bdag po yod pa ni byung ba yin gyi yan lag ma yin no/ /zhes 'grel pa byed pas bshad do/ /khyim gyi dngos po la zhen pa dkag pa bag yangs su byas nas dge 'dun gyi phyir nyos pa dang/ dge 'dun gyis kyang rjes su gnang ba'o// dge 'dun gyi phyir zhes pa ni dge 'dun gyi dgos pa'o/ /dge 'dun smos pa ni khyim pa bzhi la sogs pa yang dge 'dun du bzhed par rig par bya ste/ khyim pa'i don la sems pa ni sdig pa can yin pa'i phyir ro/ /'phags pa'i dge 'dun rjes su bzung ba'i bsam pa ni shin tu dge ba nyid yin yang kha na ma tho bar rnam par gzhag pa'i phyir ro/ /gang du dge 'dun gyi phyir zhes bya bas de bzhin gshegs pa'i nyan thos kyi dge 'dun gsungs pa ni glengs bzhi'i dbang du byas nas de ni nye bar

  472. 236b

    mtshon par byed par rig par bya'o/ /zhes 'grel pa byed pas bshad do/ /de'i 'di ni drang srong gis ma gsungs pa'i phyir dang/ gtso bo ma yin pa'i phyir dang/ rang gi don nyid med pa'i phyir mi 'dod pa yin te/ gang gi phyir rnam 'byed las gtso bor dge 'dun gyi tshad du zhes bya ba ni nyan thos kyi dge 'dun la bshad pa'i phyir zhar la byung ba rang 'dod kyi bshad pas ci zhig bya zhes 'dul ba 'dzin pa dag zer ro/ /bzhi med pa 'di ni smra ba'i phyogs su gyur pa'i kha na ma tho ba yin no/ /bag tsam la gzhan gyi cha ma yin pa dang mthun pa zhes bya ba la gzhan ni mya ngan las 'das par brjod par bya ste/ 'khor ba ni phyin ci log pa yin pa'i phyir ro/ /de'i cha ma yin pa ni mi mthun pa'i phyogs ni nyon mongs pa'i chos so/ /de dang mthun pa ni gzhan ni cha ma yin pa dang mthun pa ste/ pham par gyur pa bzhi po dag go /de nyid kyi rnam par 'byed pa las gzhan gyi cha ma yin pa dang/ mthun pa zhes bya ba la gzhan zhes bya ba ni mya ngan las 'das pa'o/ /de'i cha dang mthun pa ma yin pa ni pham par 'gyur ba bzhi po dag go/ gzhan ni bcom ldan 'das kyis mdzad pa'i bshad pa ma rtogs nas rang nyid 'chad par byed de/ gzhan la brten pa ni gzhan gyi cha ste/ gang gi phyir 'dis ni 'khrig pa'i chos bsten to zhes dngos su bshad pa'i phyir te/ dngos su gsal por smra ba ni gzhan gyi chas te/ gnyis gnyis dag snyoms par 'jug pa dang 'dra ba'i chos zhes bya ba'i don to/ /de la pham pa ni gzhan gyi cha dang mthun pa'o/ /yang na de gzhan du zhes pa ni mya ngan las 'das pa ste/ dge ba dang rtag pa nyid kyi phyir ro/ /de las bzlog pa'i phyir gzhan ni 'khor ba'o/ /de brten pa'i phyir gzhan gyi cha'o/ /de dang rjes su mthun pa pham pa ste gzhan gyi cha dang mthun pa'o/ /bshad pa 'di thams cad la ni dgag pa'i sgra rnam pa thams cad du dong nas 'chad par shes par bya'o/ /'on te dge 'dun

  473. 237a

    lhag ma'i chos kyi rnam pa 'ga' zhig gis kyang gzhan ma yin pa dang/ mthun par 'gyur te/ mya ngan las 'das pa dang 'gal ba'i des kyang bskur na lhag mar gzhag par bya 'am snyam pa la de las khyad par du bya ba'i don pham par 'gyur ba'i chos kyi zhes smos so/ /'on te tshig gnyis smod pa ci'i don du byas she na/ gnyi ga smos pa ni pham pa 'di mya ngan las 'das pa'i chos dang shin tu 'gal ba'i phyir ro zhes bya ba'i dbang du byas nas pham par 'gyur ba la shin tu nyes pa brjod pa'i don du yin no/ /dbyen la lha byin gyi gnas lnga po ni dgon par gnas par mi bya ba nyid dang/ bsod snyoms pa nyid dang/ phyag dang khrod pa nyid dang/ chos gos gsum pa nyid dang/ bla gab med pa nyid de/ dka' thub kyi gnas lnga po 'di dang/ la mi mos pa dang/ mi bzod pa dang/ mi sgrub pa de dag ni dge sbyong gau ta ma'i drung na mi gnas par ring du gyur pa yin pas tshul shing long shig bsgo ba na/ dge slong lnga brgya po rnams kyis tshul shing blangs par gyur te zhes bya ba la sogs par bzhi las gsungs so/ /kha cig ni zho dang 'o ma mi btung ba la sogs pa'i rang bzhin gzhan brtul zhugs kyi gnas lnga lha byin gyis bcas pa yin te/ 'di lta ste 'o dang lan tsha mi bza' ba dang/ gos ma dras pa bgo ba dang/ grong du gnas par mi bya'o zhes 'chad pa ni don 'brel par ma mthong ste/ phye ba las dus log par lta ba skyes pa na de rnams ston pa'i phyir ro/ /'di ltar lha byin gyis 'phags pa la skur pa 'debs pa can gyi log par lta ba rnyes nas dge ba'i rtsa ba yongs su chad pa 'jig rten pha rol med do zhes bya ba la sogs pa'i nyes pa rnyed nas nyan thos rnams la tshig lnga rnams kyi chos ston par byed pa ni dge sbyong gau ta ma ni 'o ma mthung ste/ zhes pa la sogs gzhi las gsungs pa'i phyir ro/ /'dir tshul khrims

  474. 237b

    dang brtul zhugs mchog tu 'dzin pa 'di ni rgyu ma yin pa la lam du blta ba zhes de dang der gsungs so/ /rgyu ma yin pa la rgyur rtogs pa nyid kyi tshul khrims dang brtul shugs mchog tu 'dzin pa ni sdug bsngal mthong bas spang bar bya ba yin no zhes ye shes la 'jug pa'i bstan bcos las bshad pa bzhin no/ /de nyid kyi phyir dge 'dun dbyen du gyur pa'i rdzun du smra ba 'di ni nyes par spyod pa thams cad las kha na ma tho ba chen por bstan te/ chos dang chos ma yin pa shes kyang ched du bsams nas dge 'dun gyi dbus su log par ston pa'i phyir ro/ /de yang dge 'dun dbye ba'i phyir brdzun du smra ba kha na ma tho ba rab cher 'dod ces bshad pa'i phyir ro/ /kha cig na re dge 'dun gyi dbyen gyi sbyor ba la sbom po'o/ /bzhams te bsgo ba na ma ldog na sbom po'o/ /gsol ba dang gnyis kyi las dag gis mi ldog na sbom po'o/ /las brjod pa gsum pa yongs su ma rdzogs pa la sbom po'o/ /de rdzogs pa'i mdza' ma ni lhag ma'o/ /snyam du sems te/ de bzhin du rjes su phyogs pa dang khyim sun 'byin pa dang bka' blo mi bde ba la yang ci rigs pa rtogs par bya ste/ 'jug pa ni sbyor ba nyid do/ /bskrad pa gleng ba dang dran pa ma byas ni de'i 'o/ /zhes bshad pa'i phyir ro zhes zer ba de rigs pa ma yin te/ gang gi phyir dge 'dun gyi dbyen byed par brtul ba dang/ rjes su phyogs nas 'jug pa ni sbom po'o sbyor ba nyid yin pas nyes byas yin te/ dge 'dun gyi dbyen la ni sbom po 'byung ba yin la/ de'i sbyor la nyes byas so zhes bshad pa'i phyir ro/ /'dun pas 'gro ba la sogs pa brjod pa dang/ brjod par bya ba ma yin pa nyid du byed pa'i mjug pa'i sbyor ba la yang nyes byas nyid de/ 'dun pas 'gro ba la sogs pa nyid du brjod pa dang brjod par bya ba ma yin pa nyid du byed ba la tshig kyal ba smra ba nyid kyis nyes byas 'byung ba'i phyir ro/ /sbom po dang nyes byas kyi sbyor ba dag la sbom po nyid du rig pa ma yin te sbyor ba la

  475. 238a

    na smad pa'i phyir ro/ /de ltar yang 'ga' zhig las ji srid dge slong 'ga' zhig dge 'dun mthun pa 'byed par brtul bar byed pa la ni thams cad du nyes byas su 'gyur ro/ /bzhams te bsgo ba na mi gtong na nyes byas so/ /de bzhin du dge slong 'ga' zhig dge 'dun mthun pa 'byed pa'i rjes su phyogs par byed pa la nyes byas su 'gyur ro/ /ji srid du dge 'dun 'ga' zhig gis shes nas dge slong rnams kyi bskrad pa'i las byas pa dang/ de la 'dun pas 'gro ba la sogs pa zer na nyes byas so/ /ji srid dge slong 'ga' zhig bde bar gshegs pa'i mdor gtogs pa la sogs pa la brjod par bya ba ma yin pa nyid du byed na thams cad du nyes byas su 'gyur ro/ /bzhams te bsgo ba na nyes byas so zhes bya ba la sogs pa gsungs pas ji ltar 'di la sbom por brjod par bya/ gsol pa dang gnyis las brjod pa dag las mi ldog na sbom po'o/ /las brjod pa la gsum ma rdzogs pa na lhag mar 'gyur te/ 'dir dge 'dun lhag ma gsum po rnams la ltung ba'i bye brag de ltar rtogs par bya'o// dge 'dun gyi dbyen 'di ni mi chos bla ma'i phyogs su gtogs par blta bar bya'o/ /'di'i yan lag ni 'khor lo'i dbyen gyi bdag nyid kyi dge 'dun gyi dben dang chos dang chos ma yin pa la ched du bsams nas dge 'dun gyi dbus su brdzun du smra bas phyin ci log tu ston pa dang/ gsol pa dang bzhi'i las kyi mthar phyin pa zhes bya ba 'di dag yin no/ /bka' blo mi bde ba las gang gi phyir phyin ci log tu 'chad pa'i chos dang 'dul ba rnams kyi gzhung ni/ chos la yongs su dog pa yis/ /rnam par dpang? par mi bya ste/ /'on leng? gyur pa bzhin byos la/ /gang bshad de ni spyad par gyis zhes bya ba 'di yin no/ /bka' blo mi bde ba'i rang bzhin can ni gdug pa can 'di la tshig 'bras bu med pa'i phyir bka' blo mi bde bar ste legs par mi nyan pa'o//

  476. 238b

    de'i rang bzhin ni bka' blo mi bde ba'i rang bzhin can de tshig mi bzod pa zhes bya ba'i don to/ /gzhan ni tshig gi rjes su mi byed pa zhes bya ba'i don to/ /rnam par 'byed pa las bka' blo mi bde ba zhes bya ba ni tshig gi lam rjes su mthun par mi byed pa dang mi 'dzin pa'o zhes gsungs so// //lhag ma gdon pa'o// //chos gos lhag pa zhes bya ba ni snam sbyar bla gos mthang gos la bltos pa'i byin gyis brlabs pa'i chos gos gsum po las gzhan sham thabs kyi gzan la sogs pa lhag pa'o// gang gi phyir don dam par na byin gyis brlabs pa'i chos gos gsum po ni bdag gir bya ba yin gyi gzhan ni ma yin no/ /zhes 'di 'dis bstan par rig par bya'o/ /chos gos lhag ma ni 'di'i byung ba'i dbang gis gsungs pa yin te/ 'thag pa'i spang pa'i ltung byed la rang gis blangs pa'i dogs pa bzhin no/ /'di yan lag ni ma yin te/ chos gos gsum pa yod la byin gyis ma brlabs shing rnam par ma brtogs pa'i gos zhag bcu las 'das par 'chad na spang ba'i ltung byed yin te/ lhung bzed 'chad pa'i rjes su 'brang nas rtogs par bya'o/ /de ltar yang zhus pa las btsun pa dge slong la lhung bzed gcig mchis pa de nyid spang bar 'gyur ba mchis sam/ /nye bar 'khor byin gyi ma brlabs par 'chad na 'gyur ro zhes gsungs te/ lhung bzed 'chad pa la yang gzhung 'di nyid yin no/ /gos rnam par brtags par byed pa na mkhan po'i ming nas brjod par bya'o/ /sra brkyang gting pa'i phan yon ni bcom ldan 'das kyis zhag bcu las 'das pa med pa dang/ nub gcig 'dral ba med pa dang/ /'jog pa med pa dang/ stod g.yogs smad g.yogs dang bcas pas ljongs rgyur 'gro ba dang/ 'dus shing za ba dang/ /yang yang za ba dang/ khyim rnams su 'gron du ma pos par 'gro ba dang/ gos ci bder tshal ba dang/ /ston zla 'bring po ni dpyid zla ra

  477. 239a

    ba nya'i bar du sra brkyang bting ba'i rnyed pa thun mong du 'gyur ba dang/ rnam par ma brtags pa'i chos gos ji tsam 'dod pa 'chad pa'o zhes gsungs so/ /ji srid du spang ba'i dngos po des ma bshags shig so sor ma bshags par lhung bzed dam chos gos sam dra ba 'am phor bu 'am ska rag sam dge sbyong gi 'tsho ba'i yo byad gang yang rung ba gzhan dag nyams par 'jog par byed na de lta na yang snga ma'i rgyud kyis spang bar 'gyur ro/ /zhes gsungs so/ /mdo mdzad pas kyang ltung ba de yod na yo byad tsam bdag gir byas pa la spang ba nyid do zhes bshad do/ /dge slong ma dang bslab pa sbyin pa la ni spang ba'i ltung byed do/ /nyams pa dang ma chags pa dag la ni nyes byas so/ /dge slong dang dge tshul dang dge tshul ma la ni 'chad pa'i ltung ba med de/ gang gi phyir 'chad pa'i ltung ba 'di ni dge slong ma la sogs pa la rnam par ma bzhag pa'i phyir ro/ /dge slong ma la ni brgyad ltung ba med pa yin la dge tshul gnyis la ni bcu gsum ma bstan te/ lhag ma ni ci rigs par rtogs par bya'o/ /'bral ba la mtshams med pa'i gnas su ni yan lag gi khyab pa gnas kyi mdza' o/ /nyen 'khor ni 'khor khor yug tu 'dom gang tsam mo/ /rtsig pa dang rib ma dang 'obs kyis bskor ba'i grong la ni de tsam nyid nye bar 'khor yin no/ /chos gos byin gyi brlabs pa dang nub gcig bral na spang pa yin la/ bral bas byin gyis brlabs pa zhig pa ni ma yin no/ /byin gyi brlabs pa dang 'bral ba la ni slar dbyung ba dang 'brel pa med pa'i phyir la bral bas ni byin gyis brlabs pa slar dbyung ba'i rang bzhin ma yin pa'i phyir ro/ /de'i phyir gang gi tshe ltung ba bshags pa'i don du dge slong gzhan la spong bar byed pa de'i tshe slar byung la spang bar bya'o/ /spong ba'i dus su chos gos gzhan byin gyis brlabs par mi bya ste/ spang ba la ni 'bral ba sngon du btang bas spang ba

  478. 239b

    nyid yin no/ /zhes bshad pa'i phyir la/ bral bar rjes su gnas pa na chos gos byin gyis brlabs pa bkag pa'i phyir ro/ /chos gos gzhan byin gyis brlabs na bral ba med pa'i phyir ltung ba bshags pa nyid ma yin te/ gang gi phyir 'bral ba ni bdag gir byed pa med par gsungs pa yin la/ de la ni de med pa'i phyir ro/ /des na ji skad bshad pa'i chos gos ltung ba bshags pa byas la yang byin gyis brlabs par bya'o/ /zhes 'dul ba 'dzin pa dag 'dod do/ /'dug pa las 'bral ba ni med do/ /'on kyang de'i nang nas gzhan du skya reng shar bar mi bya ste/ de shar na ni nyes byas nyid do/ /snam sbyar yang rnam pa lngas bcol du rung bar bstan te/ dge slong dang sgo glegs dang bcas pa nyid kyi gnas su gyur pa dang/ 'char 'bab pa dang 'bab du dogs pa dang/ grod gzhan du 'gro bar 'dod pa chung klung gis chod pa dang/ sra brkyang ma bting ba'i gnas yin pa dang/ gsol ba dang las nyid ni lnga pa yin no/ /mdo mdzad pas kyang de skad bshad do/ /de lta bu'i rkyen med na snam sbyar med par grong du 'gro bar mi bya/ khang pa'i nang du 'gro ba dang/ 'dug par mi bya ste/ ji skad du btsun pa ma dras pa'i chos kyis grong du 'jug par gnang ngam/ nye bar 'khor mi gnang ste/ de lta bu'i rkyen rnams yod na gnang ngo zhes gsungs so/ /'dir ma dras pa ni snam sbyar yin gyi bla gos dang mthang gos ni ma yin te/ de ltar yang bla gos dang mthang gos dad bcas pas skye bo'i nang du rgyu zhing 'gro bar bya'o zhes gsungs pa 'dir gzhung yin no/ /mdo mdzad pas kyang rkyen de lta bu med par ma dras pas des grong ngam khyim gzhan du 'jug pa dang 'dug par mi bya'o zhes bshad do/ /kha cig dge slong ma la 'khrur 'jug pa'i spang ba 'dod de/ bshad pa'i mtshan nyid bcu pa de dag ni dge slong ma la yang blta bar bya'o zhes bshad pa'i phyir ro zhes 'dod pa de rigs pa ma yin te/

  479. 240a

    byung ba med pa'i phyir dang/ bslab pa'i bzhi mthun pa rnam par ma bzhag pa'i phyir ro/ /gal te dge slong gi rgyud kyi chos gos bkrus pa'i phyir ro zhe na/ dge slong gi gos la dge slong ma la ltung ba 'byung bar rigs pa ma yin te/ ji ltar yang spong bar bya ba'i dngos po las spang ba 'byung phyir te/ gzhan gyi ni bdag gir byas pa ma yin pa la spang pa med pa'i phyir ro/ /de'i phyir ma brtags pa'i phyogs la brten pa'i nyes byas su shes par bya'o/ /slong ba'i spang ba'i yan lag ni mi'i 'gro ba nyid dang/ /rang bzhin du gnas pa dang/ /khyim pa nyid dang/ nye du ma yin pa nyid dang/ don go ba nyid dang/ bdag nyid dang 'brel ba dang/ rang gi dag dang/ bdag gi don du slong ba ste/ 'og ma dag la yang ci rigs par sbyar ro/ /slong bar rigs pa'i gleng gzhi grong 'phreng ba can gyi dge slong bzhi bcu la brten nas bcas so/ /yang na kha cig ni 'phags pa drug sde dper byed pa ni de dag 'khrul nas byas par mthong ste/ gang gis phyir 'phags pa drug sde rnams kyis de dag gi ched du bskul ba des na de dag par brjod par byed pa yin gyi bslab pa bcas pa'i dus na ni bzhi bcu po la rmas pa na de nyid la brtsams nas bcas pa yin no/ /de nyid kyi phyir chos gos phrogs pa la sogs pa ni dus kyi tshigs ni bzhi po la brten nas gsungs pa yin te/ de dag kho na la yod pa'i phyir te/ gzhan dag la med pa'i phyir ro/ /so so nas sngags pa slong ba'i la 'dir so so zhes bshad pa yin pas phyis ni gnyi ga 'dus nas bdag la bskon cig ces bstan pa de lta na bzang po 'dod pas sbyin pa pos chos gos du ma gcig tu bya ba'i don du gnyis ka 'dus pas chos gos gcig ces bya ba'i tshig 'di yin no/ /bskur pa la gser la sogs pa mi rung ba nyid bdag gir byed pa ni dgag pa'i phyir ro/ /rung bar byas pa yin na chos gos kyis

  480. 240b

    rin spang ba ma byas par len na ltung pa 'ga' yang med par rtogs par bya'o/ /de ltar/ yang bcom ldan 'das kyis 'di snyam du bram ze dang/ khyim bdag dad pa can zhig gis gos kyi rin sbyin par sems pa yin na nga'i nyan thos kyi rin don du gnyer ba'i dge slong rnams la rung ba 'ga' zhig das rjes su gnang bar bya'o/ zhes dgongs pa yin te/ bcom ldan 'das kyis blangs par bya zhing blangs nas sbyin bdag de nyid la yid brtan de bcad bar bya'o zhes gsungs pa ni rung ba ma yin pa gser la sogs pa chos gos kyi rin/ rnams ni rung bar byas la blangs par bya bar gsungs pa yin no/ /zhal ta bas sbyin par byed pha'i sems sdus par khas len pa las blangs na ltung ba med do/ /gzhan du len na nyes byas te/ rnam 'byed las dge slong go rim de ltar ma byas par len na thams cad la nyes byas su 'gyur ro/ zhes gsungs so/ /srin bal gyi spang pa la nang? tshangs can dang glings pa'i bye brag gis stan rnam pa gnyis yin pa de lta na yang 'dir ni nang tshangs can la brjod par bya'o glings pa ni ma yin te/ de ni phyid pa'i rang bzhin yin pa'i phyir ro/ /cig shos 'gan stan gyi rang bzhin yin pas srin bal la phyid par glings pa 'thad pa'i phyir ro/ /zhes gzhan dag 'chad pa mi rigs te/ gang gi phyir stan rnam gnyis te/ nad tshangs can dang glings pa'o/ /don 'dir ni gnyis ga yin par dgongs so zhes gnyis su gsungs pa'i phyir gnas pa ma yin pa la mngon par zhen pa rang 'dod kyis rnam par brtags pa yin no/ /'dir nad tshangs can smon pas gos kyis g.yog pa nyid du nye bar bzung ba na 'chad ba'i spang bar mi 'gyur te/ gos nyid ma yin pa'i phyir ro/ /stan gang la stan nyid kyang yin pa gos nyid kyang yin la de ni 'chad pa nyid du 'gyur te 'chad pa'i spang ba'i gos su gyur pa'i phyir steng du gding ba bzhin no/ /de ltar yang 'brel pa byed pas nad tshangs can smos pa ni 'dir gos

  481. 241a

    la yang g.yogs khas blangs par gyur par rig par bya'o zhes bshad do/ /'dir yang bal dkar po 'am srin bu ka tsa'i bal lam rang gi rgyus bsres nas byed du bcug na ltung ba cir 'gyur/ nyes byas su 'gyur ro zhes gsungs so/ /kha cig ni rdzas mtshungs pas ka ca la sogs pa stan byed na yang spang bar 'gyur te/ rnyed par dka' ba'i phyir dang rin thang che ba'i phyir ro zhes zer ba de ni rigs pa ma yin te/ de ltar na ni dpag bsam gyi shing las byung ba yang rin che la rnyed dka' bas spang bar thal lo/ /lung las nyes byas su gsungs so/ /de'i phyir ston pas bslab pa bcas pa'i rgyu mtshan gyi ltung ba rnam par bzhag pa yin gyis dngos po'i rgyu mtshan gyis ma yin no/ /kha cig dge slong ma la srin bal gyi spang pa mi 'dod pa de mi rigs te/ dge slong ma'i rnam 'byed las mtshungs par bzhag pa'i phyir ro/ /lo drug pa'i skabs su 'di la lnga rnams su bkag pa yin gyi drug pa la ni ltung ba med do/ /lus las kyang 'on kyang lo drug pa la ltung ba med do zhes rnam 'byed las gsungs pa'o/ /mtho gang la kha cig ni byas zin pa rnyed pa'i rnying pa la yang glan par bya ba nyid yin te/ rnyed pas gsar pa la yang 'dod pa mi rigs te/ byas pas gsar pa khyad par du bzung ba'i phyir ro/ /yang gsar pa ni kha dog mi sdug par bya ba yin la/ rnying pa ni rnying pa nyid kyis kha dog mi sdug par 'grub pa'i phyir dang/ thub pa med par 'gyur pa'i phyir ro/ /de ni gding ba gsar pa'i dkyil nas glan par bya ste/ sra ba dang rnying pa chung ma zos par bya ba yin no/ /lam la khyer pa yod kyang rung ste dpag tshad gsum las 'das na dang po nyid nas byas te khur lci ba khur na nyes byas so zhes bya ba'i don yin no/ /khur ba med na dpag tshad gsum las 'das pa yin la yod na dang po nyid nas 'byung ba yin no/ /zhes 'brel pa byed pas bshad pa mi bden te/ gang gi phyir de las 'das par khyer na zhes dpag tshad gsum las 'das pa'i lam

  482. 241b

    ltung ba'i byed pa po yin par gsungs so/ /ltung ba bstan pa rnams su yang dpag tshad gsum las 'das par lug gi bal khyer na spang ba'i ltung byed du 'gyur ro zhes 'das pa'i lam nyid du ltung ba byed pa bor gsungs pa yin no/ /khyer yod na ltung ba 'ga' zhig bstan pa ni mi mdzad de/ 'on kyang khyer ba med na zhes gsungs pa'i phyir khyer yod na bdag nyid kyi bkur bar bya ba ma yin par gsungs pas nyes byas nyid de des na tha dad par bstan pa yin no/ /gser dngul la rung ba gsum po 'di phyi ma phyi ma gtso bor gyur par rtogs par bya ste/ sbyin bdag mos su gzhug pa dang/ zhal ta byed pa bdag po nyid du khas len du bcug pa na bsal bar gzhan ni blo nyid skye ba yin no/ /byin gyis brlabs pa na gsal bar bdag gir byas pa ma yin pa'i blo 'byung ba yin no/ /gang zhig rnam 'byed las dge slong tha dad du mi rung ba'i gser la reg na nyes byas su 'gyur ro zhes gsungs pa'i don ci yod ci yin snyam pa la 'dir ma gsungs pa ni tha snyad du mi rung ba nyid gser du gsungs so/ /'on te 'dir rin po che ni yod pa yin la des na rin po che nyid yongs su rdzogs pas kha na ma tho ba'i rten yin la ji ltar de la nyes byas su gsungs te/ de ltar yang gang gis dbyig la reg na spang pa'o/ /gser la reg na spang ba'o/ /zhes spyir dbyig dang gser la reg na spang bar gsungs pa'i phyir ro/ /zhe na/ 'gal ba med de 'jig rten na zod gi rgyu mtshan du 'gyur pa'i mngon mtshan can la brten pa'i phyir te/ tha snyad du mi rung ba nyid la ni mngon mtshan yongs su ma rdzogs pa des na nyes byas su gsungs pa yin no/ /des na don ni 'di yin te/ gong gi rgyu mtshan gyi tha snyad du rung ba'i rgyu mtshan zhig ni tha snyad du byar rung ba'i rgyu mtshan yang zhig pa yin no/ /'dir rdzas nyid 'ba' zhig ni tha snyad gdags su rung ba ma yin te/ mngon mtshan la mi ltos par tha snyad du byed pa nyid du thal ba'i phyir ro/ /gang gi phyir mngon mtshan can dang ldan pa'i

  483. 242a

    tha snyad du rung ba'i rgyu mtshan yin te mngon mtshan des ma btab pa'i rdzas de la ni nyes byas su gsungs pa yin te/ tha snyad du mi rung ba'i phyir dang/ rgyu mtshan nyams pa'i phyir la/ ngas kyang rin po che'i rdzas nyams pa ni ma yin te/ gzhan du tha snyad mi rung ba'i zangs ma bzhin du ltung ba med par 'gyur ba'i phyir ro/ /de ltar yang zhus pa las dge slong gis gser gyi stegs bu la 'dug na nyes byas so/ /btsun pa re zhig dge slong gis rin po che 'am rin po cher smos pa zhig la reg na cir 'gyur nyes byas so/ /de bzhin du tha snyad du gdags su mi rung ba'i dbyig gam gser la reg na zhes bya ba la sogs pa gsungs pa yin no/ /zhig pa ni chags pa dang gas pa la sogs pa'i mtshon byed yin te/ mdo mdzad pas kyang tha snyad du mi rung ba nyid la na ni smad do// gas pa dang/ chags pa dang zhes pa la sogs pa bshad do/ /des na rin po che'i bdag nyid tha snyad du mi rung ba dang mngon mtshan can ma yin pa'i rin po che gang yin pa de tha snyad du mi rung ba de la reg na nyes byas su rtogs par bya'o/ /rung bar byas pa'i rin po che la sogs pa la tha mal par gnas pa'i gnas skabs su reg na yang rung ba ma yin pa'i phyogs la brten pa'i phyir dang/ grags pa'i phyir dang/ man ngag las nyes byas su rtogs par bya'o/ /mngon mtshan can la kar sha ban dang zangs ma la sogs tha snyad gdags su rung ba la spang ba'o/ /'dir yang 'bras dang gos la sogs pa'i mtshon byed yin te rnam 'byed las thams cad la spang bar gsungs so/ /nyo tshong la phan dang rin po che dang 'bras dang 'bru dang chang dang gos la sogs pa'i rdzas kyi rigs skyed kyi don du nyos nas khyim pa nye du ma yin pa dang lhan cig nyo tshong byas skyed thob/ na spang ba'o/ /skyed don du gnyer ba med par nyos nas skyed dgos pas btsongs na nyes byas su 'gyur te/ yan lag ma tshang ba'i phyir ro/ /rnam 'byed las rnyed pa 'dod pas

  484. 242b

    nyo zhing rnyed pa 'dod pas 'tshod na spang pa'o/ /bzlog pa gnyis la nyes byas so/ /gnyi ga la rnyed pa 'dod pa med na ltung ba med do zhes gsungs so/ /mngon mtshan nyo tshong gi khyad ni rgya 'brel dang mthun no/ /lhung bzed 'chad pa la rnam par brtags pa 'ba' zhig ma rtogs pa gos zhig gos 'chad ba bzhin no/ /'phrog pa la gos las gzhan pa'i yo byad 'phrog pa la nyes byas su blta ste 'dul ba mdor bsdus kyis rtogs so/ /btang pa la 'brel ba byed pas gtad pa lnga po ni dpe ste/ rgyal po dang blon po la sogs pa nas mtshor gnas bgo skal btogs pa char dgos pa la yang gtad pa 'di rnam par gzhag pa yin te/ gtad pa tsam pa dang 'brel pa yin no zhes 'chad pa mi rigs te/ ltung ba bstan pa las byung ba'i gos lnga po dag bgo bar bya'o zhes gsungs pa'i phyir gtad pa las byung ba lnga po nyid gtad pa las byung ba nyid du brten pa'i phyir/ gzhan yang gtad pa las byung ba 'di dag ni yongs su rdzogs pa nyid yin te/ gtad pa las byung ba nyid ni 'chi ba'i rang bzhin la yin pa'i phyir dang/ 'chi ba'i don gyi rang bzhin gyi don du yin pa'i phyir 'di dag kho na len pa dang dgod pa dag la nyes pa med pa nyid yin gyi rgyal pos 'phrog pa la sogs la 'jigs pas ni ma yin no/ /de dag gis ni srog thub pa med pa'i phyir ro/ /dus la ma bab par blangs na brkam chags can du sgro 'dogs par 'gyur la/ yun ring po nas bgos na rab tu 'jigs pa'i dus su 'gyur ro/ /gtad pa las byung ba'i dus su sbyin bdag la rjes su brtse bas len pa la brkam chags can du sgro 'dogs pa med pa yin la zhag bcus ma tshang ba'i bdag nyid kyi dus kyi bar du bcas pa rnams nyams par mi 'gyur ro zhes de ltar rtogs par bya'o/ 'brel pa byed pas gtad pa las byung ba'i gos las gzhan pa'i rnyed pa la yang spang bar 'dod pa de ni rigs pa ma yin no/ /gtad pa las byung ba'i gos ni gos sbyin

  485. 243a

    pa'i dus las 'das par 'chad na spang bar bshad pa'i phyir de las gzhan pa'i gtad pa las byung ba dang dbyig dang gser la sogs pa'i nor gos ma yin pa dbyar gyi nang du rnyed pa 'god pa la nyes byas su shes par bya ste/ spyir dbyar gyi nang du rnyed pa thams cad spang bar 'gyur ba ma yin te/ gang gi phyir gos sbyin pa'i dus kyi bar du bcad par bya'o/ /de las 'das par 'chad na spang pa'o zhes pa la sogs pa gsungs pa'i phyir gos kho na la spang ba nyid du nye bar bstan pa'i phyir dang/ gzhan la ni spyir 'gal tshabs can du 'gyur ro zhes gsungs pa'i phyir ro/ /de'i phyir dge slong rnams kyis dbyar gyi nang du rnyed pa bgo bar mi bya'o/ /byed na 'gal tshabs can du 'gyur ro/ /gtad pa las byung ba'i gos lnga po dag sbyin bdag gis rang gi lag gis byin pa la ltung ba med do/ /dbyar gyi nang du bgos na smod par 'gyur la bgo ba bgo ba'i don du byin pa la ni ma yin no/ /sbyin bdag rnams kyis sems ma bcos pa dang/ /dge slong rnams la skyon med pa'i phyir 'di ni de ltar shes par bya'o/ /kha cig dge slong ma rnams la gtad pa las byung ba'i spang ba mi 'dod pa rnams la de ni rigs pa ma yin te/ dge slong ma'i rnam par 'byed pa nyid las de rnam par 'byed pa nyid las de rnam par gzhag pa'i phyir te/ dbyar gyi nang du rnyed pa de rnam par bzhag pa'i phyir te/ ston zla tha chungs kyi nyar zhag bcus ma tshang ba tshun chad du gtad pa las byung ba'i gos 'dod pa'i dge slong mas blang bar bya'o/ /blangs nas gos sbyin pa'i dus kyi bar du bcad par bya'o de las 'das par 'chad na spang ba'i ltung byed de zhes gsungs so/ /dgon ba la zhag bdun pa'i 'bral ba'i spang pa 'di ni/ /dge slong dgon par gnas pa rnams kyi dbang du byas nas bcas pa ma yin gyi 'on kyang btsun pa drug sde rnams kyi dbang du byas so/ 'di zhag drug pa'i spang pa ni ma yin te gang gi phyir de zhag drug tshun chad du

  486. 243b

    gnad bas zhag bdun bkag pa'i phyir la/ gang gi phyir drag sde rnams kyis bsams bzhin du zhag bdun 'bral bar byed pa na zhes gsungs pa'i phyir ro/ /des na nub bdun 'das pa na spang ba'i ltung byed du 'gyur ro/ /dbyar phyi ma ni gling bzhi'i dbang gis yin te/ / dper na dge slong gang khros 'khrugs rngams par gyur nas bzhi med par skur pa 'debs pa la khros pa smos pa dang/ gos brogs pa la rang gis byin pa nyid lta bu'o/ /dge slong ma la zhag bdun pa'i ltung ba 'di rnam par ma bzhag pa ste/ dgon par gnas pa bkag pa'i phyir ro/ /de las 'das par de gnas par byed na rung ba ma yin pa'i phyogs la brten pa'i 'khor du gyur pa'i phyir nyes byas so/ /dbyar gyi ras chen btsal ba ni/ khyim bdag gam de'i chung ma las so/ /gzhan las ni nyes byas so/ /'dir 'chad ba gtso bo yin gyi tshol ba ni ma yin te/ des na tshol ba dang bcas pa'i 'chad pa ltung ba'i byed pa po yin par lta bar bya'o/ /tshol ba 'ba' zhig gam 'chad pa 'ba' zhig ni ma yin no/ /de ltar yang rnam 'byed las dge slong gis ci tsam du ha cang myur du tshol bar byed pa dang/ /ha cang yun ring du 'chad par byed pa na thams cad du spang ba'o zhes gsungs te/ thams cad smos pas tshol ba dang 'chad pa sdom pa dag ltung ba'i byed pa por gsungs kyi so so bdag ni ma yin no/ /de ni de ltar yin te gzhan du na spang ba sum cu rtsa gcig tu thal ba dang sum cu nyams pa nyid du 'gyur ro/ /dngos bsgyur la gos kyi rnyed pa bsgyur ba kho na las spang bar 'gyur te/ rnam 'byed dang zhu ba las gsungs pa'i phyir ro/ /de las gzhan pa la ni nyes byas so/ /kha cig ni gang zag gis rnyed pa mang bsgyur na spang bar 'chad pa mi rigs te/ dge 'dun gyi rnyed par bsgyur bar byed na zhes bya ba la de bzhin gshegs pa'i nyan thos kyi dge 'dun zhes smos dang rnam 'byed dag las gsungs pa'i phyir ro/ /dper brjod pa yin no/ /zhen ma yin te btsun

  487. 244a

    pa re zhig dge slong gis dge 'dun gyi rnyed pa bdag la bsgyur te mtshan gyur na zhes bya ba la sogs pa dang ltung ba bstan pa las thams cad du dge 'dun kho na la brten nas bshad pa'i phyir ro/ /yang kha cig dag yan lag ma yin par brjod pa rigs pa ma yin te zhus pa las pho nyas bskur na nyes byas su gsungs pa'i phyir ro/ /ji ltar 'dir pham par mi 'gyur snyam pa la kha cig ni rku sems med pa'i phyir ro zhes zer ro/ /gzhan ni dpral bar bya ba dge 'dun mang bas rin thang ma tshang bas so zhe'o// gzhan ni dngos su ma phul bas bdag gir byas pa med pas so zhe'o/ /sog 'jog la zhag bdun pa'i sman de dag zhag bdun pa'i sngags kyis byin gyis brlabs zhag bdun pa'i mdza' i dus kyi bar du longs spyad par bya ste/ gal te zhag brgyad pa'i nyin mo longs spyad na nges 'di la spang pa'i ltung byed du 'gyur ro/ /zhes bya ba 'di yin no/ /longs spyad na zhes bya ba ni 'chad pa ste/ des na yongs su longs spyod na zhes bya ba 'chad na zhes bya ba'i don yin gyi zan zhes bya ba ni ma yin te/ zab la spang ba mi srid pa'i phyir ro/ /nad pa la 'di dag byin gyis brlabs pa la phan yon ci zhig yod ce na byin len bya ba dang mi ldan pa la yang dang yang du len pa rang gi lus kyi bar du longs spyod pa dang/ snga rol nyid dang/ rang gi lus kyi mtshams las 'das par 'jog par byed pa nyid ni phan yon yin te/ gsog 'jog byed pa'i longs spyad pas longs spyad par bya'o zhes gsungs pa'i phyir ro/ /byin gyi brlabs pa yang sman gsum la yin gyi dus su rung ba ni ma yin te/ 'bras bu med pa'i phyir ro/ /gsog 'jog gi nyes pa spang ba'i don du byin gyis brlob par byed pa yin na/ dus su rung ba la byin gyis brlobs par byed pa na za ba'i dus las 'das pa nyid na gsog 'jog tu gyur pa des na de la byin gyis brlabs pa ma bstan to/ /kha cig ni bsnyen par ma rdzogs pa kho nas chus gdab par bya'o zhes/

  488. 244b

    'chad par byed do/ /lung 'ba' zhig tu de lta bur gyur pa'i tshig ni ma mthong ste 'on kyang spyir dge slong gis rung ba byas pa ni byas pa nyid de zhes gsungs so chang gi cha ni btung bar mi bya ste/ 'dul ba yul chos kyis dgag pas bkag pa'i phyir dang gang rung ba ma yin pa'i phyogs la brten pa'i phyir ro/ /'dul ba mdor bsdus kyis shes so/ kha cig ni bu ram bzhin du sbrang rtsi yang dus ma yin par bza' ba la sogs par sems te/ gang gi phyir mdo las spre'us sprang rtsi la chu bsil mos bran te drangs pa dang bud d+has byin len mdzad pa yin te/ gdon mi za bar dus ma yin pa kho nar longs spyad pa'i phyir te/ dus su sbrang rtsi longs spyad pa ni rlung gi rgyu mtshan gyis rjes su mthun pa ma yin pa'i phyir ro zhes zer ba mi rigs te/ dus ma yin par longs spyod do zhes de lta bu'i tshig rang bzhin gyi tshig med pa'i phyir ro/ /sbrang rtsi longs spyod pa ni dus ma yin te/ bad kan bsal pa'i don dang/ spre'u'i sems dang ba 'phel ba'i don du srid pa'i phyir la dus ma yin pas longs spyad pa yang btsegs nas longs spyad pa srid pa'i phyir te/ de'i phyir bu ram bzhin du sbrang rtsi ni dus ma yin par longs spyad par bya ba ma yin par brjod par bya'o/ /re zhig zhag bdun pa'i sman ni sog 'jog gi spang pa'i ltung byed do/ /thun tshad du rung ba dang ji srid 'tsho ba dag la nyes byas so/ /sog 'jog gi spang ba dang byin len ma byas pa la sogs pa rung ba ma yin pa ni bltos pa med pa'i bsams pas dge tshul la spang par bya ba nyid da/ /spang ba gdon pa'o// //skyo sdogs la pho nya la sogs pas byed na nyes byas so/ /las byas pa la yang byed du bcug pa ste yang las kyis skyo sdogs byed du 'jug pa zhes bya ba'i don to/ kha cig ni yang las kyis skyo sdogs byed na zhes bya ba ni yang las byed pas sngar gyi las byas pa spong bar byed na zhes zer ro/ /gzhan

  489. 245a

    ni yang byed pa nyid kyi 'gog par byed pa na'o zhes 'chad do/ /gzhan ni legs par ma byas so zhes brjod par byed na zhes 'chad do/ /gsum po de dag ni log pa yin te/ /gang gi phyir yang las kyis skyo sdogs byed na zhes bya ba ni yang byed pa'o zhes bcom ldan 'das rang nyid kyi rnam par byed pa las mdo'i don bshad pa'i phyir rang dags sbyor ba'i bshad pa ni don med pa yin no/ /'don pa la dge slong pho mo phan tshun 'don na nyes byas so/ /'don pa'i tshul las 'das na gzhan du 'jug pa'i phyir chos 'don par bya ba dang 'don par byed pa gnyis ka dag gis yang gus pa nyams par 'gyur zhing ji ltar de ltar 'don pa'i phyir chos la snying po med pa'i sa dol? skye bar 'gyur ba des na 'di gsungs pa yin no/ /zhes 'brel pa byed pas bshad do/ /gnas ngan len brjod pa 'on te dge slong gis ltung ba 'di dag byas so de ltar 'brel pa med pa'i phyir thams cad kyi pham par 'gyur ba 'am lhag ma'i ltung ba brjod pa la ltung byed du 'gyur te/ des na spyir brjod pa na ming ma bstan pa'i phyir ltung byed nyid du 'gyur ro/ /snyam pa la gleng gzhi ni dge slong gis byas pa'i ltung ba brjod par gsungs pa yin la ltung ba bstan pa las kyang dge slong gis brjod par byed na zhes bya ba dang de bzhin du khyim sun 'byin pa'i dge slong dang dge slong ma dag ni sdig pa spyod par shes par bya'o zhes bya ba dang/ de bzhin du dge slong 'di dang dge slong ma 'di ni sa bon tshig pa 'di ni mi 'byung ba'i chos can no zhes bya ba la sogs pas yang dang yang du dge slong nyid rten du bya ba de'i phyir dge slong gis byas so zhes de ltar brjod pa la ltung byed du 'gyur ro zhes de ltar khyad par dang bcas pa rtogs par bya ba'i phyir ltung ba sde lnga brjod par byed pa la ni nyes byas su 'gyur te/ gang gi phyir des bsnyen par ma rdzogs pa la bsnyen par rdzogs pa'i spyod pa rjes su bsgrags

  490. 245b

    pa rung ba ma yin pa'i phyogs la brten pa'i phyir ro/ /de ltar yang 'brel pa byed pas sdom pa mchog tu gyur pa'i bya ba ni sman pa'i drung du brjod par mi bya'o/ /spyod pa rjes su bsgrags par mi bya'o zhes bshad pas de'i phyir 'di 'byung bar rigs par bya'o/ / 'dir dge 'dun gyi gsang ba nyams pa spang ba'i phyir/ /'di byed pa rigs pa ma yin no zhes bya ba 'dir nges pa yin no/ /mi chos bla ma bden par smra ba'i skabs las bden pa nyid yin yang gdul bar bya ba ma yin pa'i sems can rnams la yid ches pa la sogs pa med pa'i phyir skyon yod pas 'di bkag pa yin te/ gang du yang yid mi ches pa la sogs pa'i nyes pa srid pa med pa der ni bsnyen par ma rdzogs pa la bden par smras na ltung ba med pa yin te zhus pa las 'ga' zhig las bden pa mthong ba lta bu phun sum tshogs pa kha cig la ni smras na ltung ba med do zhes gsungs pa yin no/ /ma gus pa spang pa'i don du 'di la ltung ba med de/ gang gi phyir des byas pa'i phyir mi'i chos bla ma dang ldan pa nyid 'byung ba med pa'i phyir ro/ /rdzu 'phrul ni sngags dang sman de dag? gis kyang 'grub pa yin te/ dri can zhes bya ba'i rig pas nam mkha' la 'gro ba yod do/ /nam mkha' i gnon pa'i sman lag par thogs pa 'am zos pas nam mkha' la 'gro ba yod do/ /kun brjod pa yang mtshan ma dang tshig dang sngags la sogs pa mngon du byed pa yin no/ /gang gi phyir skad cig ma rnams ma rig pa'i gzhan gyi sems shes par byed pa yod do/ /rgyu bag gi rgyu la brten nas 'jug pa yin gyi 'di la lha'i mig dang rna ba la sogs pa mi'i chos bla ma ni yod pa ma yin no/ /zhes de ltar sdig pa'i las can 'ga' zhig thog ma med pa'i dus kyi dri mas nang gi khyad par ma rig pa'i mun pa chen pos yid dri ma can du gyur pa la rang gi yon tan gyis 'phongs pas nyams pa dang/ gzhan sems dang sems las byung ba nyams pa dang/ gzhan gyi ye shes kyi

  491. 246a

    khyad par ma rtogs pa dang/ don dam pa de kho na nyid ma mthong ba rnams kyis dge slong rnams la mi srid pa 'debs shing tho 'tsham par byed do/ /bden pa mthong ba'i gang zag la ni nyes pa 'di srid pa ma yin no/ /gang gi phyir de dag mi'i chos bla ma'i yul la lta ba log pa dang yid gnyis rnams spangs nas de dang ldan pa'i gang zag srid pa'i phyir te des na bden pa mthong ba la yang bsnyen par ma rdzogs pa la mi chos bla ma smras na ltung bar 'gyur bar bcom ldan 'das kyis dgongs pa yin te/ de ltar yang 'grel pa byed pas tho 'tsham pa yongs su spang pa'i don du 'di bcas pa yin te/ bden pa mthong ba la ni go skabs 'di yod pa ma yin pa'i phyir rigs pa dang ldan par nges par byas nas bden pa ma mthong ba khyim pa'i mdun du rdzu 'phrul bstan pa ni nyes byas so/ /gzhan gdul pa'i don du ni nyes pa med do/ /ji skad du bcom ldan 'das kyis yul ma ga d+ha'i bram ze dang khyim bdag rnams kyi sems kyi rtog pa thugs kyis mkhyen nas lteng rgyas 'od srungs kyi mdun du rdzu 'phrul mdzad do zhes gtam brgyud las rgyas par rtogs par bya'o/ /bshes dor la gang zag la bsngos pa ni 'dir gleng gzhi'i dbang du byas nas bstan gyi dge slong yin par gzung bar mi bya ste/ 'on kyang khyim pa'i mthar phyin pa thams cad la yang ngo?/ /de ltar 'brel pa byed pas gang zag gi sgras ni dge slong ma khyim pa gzhan yang gzung bar shes par bya ste/ bdag nyid 'ba' zhig la ni ma yin no/ /'di brdzun du smra ba gtso bo yin pa'i phyir te/ bdag nyid ma yin pa dge slong thob par 'os pa ma yin pa la bsngos so/ zhes bya ba brdzun du smra ba gtso bo yin pa'i phyir ro/ /khyim pa dang bslab pa byin ba dag la rdzun du smra ba 'di ni sdig pa che ba yin no zhes bshad pa'i phyir ro/ /yang kha cig ni bdag gis gang zag la bsngos so zhes 'don par byed cing 'chad de/ rnam 'byed las bdag gi

  492. 246b

    gang zag la bsngos so zhes bya ba ni bdag gi don du zhes gsungs pa yin no/ /zhes zer ba de mi rigs te 'di ltar bshes dor byas te zhes bya ba la 'gal ba'i phyir dang/ zhus pa las kyang 'di skad du tshe dang ldan pa 'di ltar dge 'dun gyi rnyed pa gang zag la bsngos so zhes gsungs pa'i phyir dang/ de bzhin du gzhan las kyang dge 'dun la bsngos pa'i rnyed pa 'di dag bshes dor byas te dge slong la bsngos pa shes so/ /zhes bya ba'i phyir dang/ gleng gzhir yang bdag la bsngos pa med pa'i phyir ro/ /de'i phyir bshes dor byas pa ni gang dag mkhan po dang slob dpon la sogs pa gcig pa'i mdza' ba de dag la dge 'dun gyi rnyed pa 'di dag gang zag la bsngos so zhes bdag nyid la bsngos pa spangs nas 'di dag slu bar byed pa'i phyir bkag pa yin no/ /'dir ltung ba rnam par bzhag pa ni sbyin par khas blangs pa la rdzun du smra na ni dngos bzhir 'gyur la sbyin par khas ma blangs na ni nyes byas so/ /gnyi ga brdzun ma yin par smras pa la ni ltung ba med de/ khas blangs pa phyin ci log yin par shes pa la ni nyes byas so/ /zhes 'grel pa byed pas bshad do// khyad du gsod la so sor thar pa'i mdo smos pa ni 'don pa'i dus ni 'dul ba lhag ma dang gzhan las bshad pa'i mtshon byed yin te/ ji srid du bzhi dang phran tshegs la sogs pa dang/ de las gzhan pa 'dul ba dang ldan pa rnams la khyad du gsod na ltung byed do/ /dge slong gis 'dul ba dang mtshungs par ldan pa 'don pa na smod par byed na ltung byed du 'gyur ro/ /zhes gsungs pa'i phyir ro/ /'dir tshig las ltung ba'i bye brag tu shes par bya'i 'don pa las ni ma yin no/ /gcig tu 'don pa'i tshig thams cad la ni ltung byed gcig tu 'gyur la gzhan la ni gzhan du'o/ /so sor thar pa'i mdo smos pa ni 'dir yan lag gi gtso bor yin te pham par 'gyur pa'i chos bzhi po bton pa na 'di skad ces bya ba la sogs pa 'grel pa byed pas bshad pa'i phyir ro/ /'dir

  493. 247a

    'dul bar gsungs pa'i gzhi 'ba' zhig khyad du gsod pas ltung ba 'dir 'gyur ba ma yin gyi/ 'on kyang tshul khrims kyi phung po dang mtshungs par ldan pa'i mdo sde phung po gsum pa la sogs pa'i bslab pa'i gzhi rnams la yang smad pas ltung byed 'dir 'gyur ro/ /de ltar yang de las gzhan pa 'dul ba dang mtshungs par ldan pa'i mdo sder bstan pa rnams la 'di skad ces tshe dang ldan pa dag mdo sde dang mtshungs par ldan pa'i mdo bton pa 'di dag gis ci zhig bya zhes zer ba la sogs pa 'dir gzhung yin no/ /'dul ba dang mtshungs par ldan pa'i mdo sde la nyes byas so/ /mngon pa la 'dul ba dang ldan pa la ltung byed do/ /mdo sde gtan la 'bebs pa'i mngon pa la nyes byas so/ /sa bon la gang gi phyir mes reg pa la bkra mi shis pa'i phyir sa bon gyi tha snyad 'dogs pa yin te/ phung por byas pa la yang reg na rung ba nyid do/ /rung ba byed pa na sa bon 'jig par bya ba ni ma yin te/ sa bon ma yin pa nyid du gyur gyi bar du ltos par bya mi dgos pa nyid do/ /zhes bshad pa'i phyir ro/ /mu stegs rnams kyi ma dad pa spang ba 'ba' zhig gi don du mtshon dang me la sogs pas rung bar bya ba yin te/ gang gi phyir de dag gi grub pa'i mdza' ni shing rnams ni sems pa dang bcas pa yin te/ de dag gi shun ba bshus na 'chi ba'i phyir ro zhes bya ba 'di yin no/ /de ltar na yang mtshon dang me la sogs pas bsnun pa na shi ba rnams la yang 'jigs par byed pa la ni sol pa'i bye ma bzhin du dge slong rnams kyi za ba la sogs pa la nyes pa med do/ /zhes 'dul ba 'dzin pa dag smra'o/ /'phya ba 'di rang don yin na ltung byed du 'gyur la gzhan gyi don du nyes byas te/ zhus pa kha cig las gzhan gyi don du 'phya bar byed na nyes byas su 'gyur ro zhes gsungs pa yin no/ /mdo mdzad pas kyang rang gis don nyid gtso cher yod

  494. 247b

    pa nyid do/ /zhes bshad do/ /bsgo ba rna la gzon pa ni kha cig ni btsun pa re zhig dge slong gis ltung ba ma gtogs pa gzhan la bsgo ba rna la gzan na cir 'gyur nyes byas so zhes 'chad pa de ni mi rigs te/ gang gi phyir ji srid dge slong gis 'ga' zhig dris pa na gzhan du lung ston par byed na zhes thams cad la ltung byed du gsungs pa'i phyir thams cad la ltung byed du rnam par gzhag pa yin no/ /gding ba'i skabs su yan lag ni dge 'dun gyi gtsug lag khang nyid dang/ sa snum pa dang mngar ba nyid dang/ sril la sogs pa'i nye bar 'tshe ba dang ldan pa nyid dang/ rang gi nges par sbyar bar bya ba nyid dam gzhan la dngos su bcol ba nyid dam/ rtsa 'am lo ma'i gding ba nyid dam/ rlung gis zlog pa dang sril gyis rim pa gzhan phyin pa dang/ tha mal du gnas pa'o/ /skrod pa la 'ga' zhig tu 'khrug long byed pa bskrad par gsungs sam zhe na/ re shig spangs pa yang ma gsungs na 'khrug long byed pa lta smos kyang ci dgos te gnas dang longs spyod gnyis las phyi rol tu ma gyur pa'i phyir ro/ /kha cig ni 'khrug long byed dang khyim sun 'byin/ /tshul khrims 'chal pa gsum pa ste/ /dge 'dun gyis ni gaN+Di ni/ /brdungs nas 'bad pas bskrad par bya/ /zhes bya bas smra bar mi rigs te/ /de la re zhig gzhung ni yod pa ma yin te/ rigs pa dang 'gal bar yang 'gyur te/ gang gi phyir sdom pa ma nyams pa bskrad par bya ba ma yin te/ rnyed pa'i skal ba dang ma bral ba'i phyir ro/ /dge 'dun thams cad yang 'khrug long bskyed pa'i phyir bskrad par bya ba yin no zhe na/ ma yin te skal ba dang ma bral ba'i phyir dang dge 'dun 'byed pa byed pa yang bskrad par bya ba nyid du thal bar bya ba'i phyir ro/ /'on te 'khrug long byed pa bskrad par bya'i gnas par mi bya'o zhes pa de ji ltar snyam pa la/ de dag gi bsal ba ni 'di yin te/ dge 'dun gyi 'khrug pa nye bar zhi ba la

  495. 248a

    sogs pa'i don dang/ /bskrad pa'i bslab pa'i gzhi las 'das pa la yang dge 'dun gyis sam gang zag gi skrod par byed pa na bsdu bar ni mi bya ste/ nye bar mtshon par byed pa'i phyir 'di dgag pa yin no/ /don gang dang gang la 'khrug long la dga' bas chos dang chos ma yin pa'i 'khrug long byed pa'i phyir 'khrug long byed pa nyid du rtogs par bya'o/ /'di ston par byed pa'i gzhung tha dad pa ni kho bos dmigs pa med do/ /phyis gnod la kha cig ni dge slong la mtho mtsham pa 'dis rlung dang 'dra ba la sogs par gzhag pa'i mtshon par byed pa yin pas mtho mtsham pa gzhan dag la yang ltung byed du 'dod de 'di ni mtho mtsham par 'dun pas dge slong la mtho mtsham pa dag kyang ngo zhes pas mtshon byed yin no/ /bar sdom la ngan dang gsod dang grang dro dang zhes bya ba la sogs pa'i phyir ro/ /zhes zer ba de ni yang dag pa ma yin te/ gang gi phyir ltung byed dgu btsur grangs nges par bzung ba'i phyir te/ grang ba la sogs par gzhag pas mtho mtsham par byed pas ltung ba tha dad par rnam par bzhag pas na lhag par 'gyur ro/ /tho mtsham par byed pa spyis kyang ltung byed gcig tu byed pa yin na skrod pa dang khri rkang 'byin pa dang rdeg pa dang gzas pa dang skyo sdogs byed pa dang gnas ngan len brjod pa la sogs pas tho mtsham pa rnams ltung ba gcig tu 'gyur pa'i phyir nyung bar 'gyur ro/ /gzhan yang gal te tho 'tsham par byed pa thams cad la ltung byed du 'gyur ba de ltar na btsun pa re shig dge slong gis gang zag gi gtsug lag khang na snga nas gnas pa'i dge slong rnams la phyis gnon bgyis nas mchis sam nyal bar bgyid na cir 'gyur te nyes byas so/ /btsun pa re shig dge slong gis dge 'dun gyi gtsug lag khang nas phyis gnon bgyis kyang ltung bar mi 'gyur ba mchis sam/ yod de mi rung ba'i mal stan la'o zhes gsungs pa de la

  496. 248b

    yang ltung byed du 'gyur te/ gang zag gtsug lag khang dang mi rung ba'i mal stan la mtho 'tsham pa ni mtho 'tsham pa ma yin te/ de'i phyir phyis gnon byed pa las gzhan pa la ni nyes byas so/ /de ltar yang rnam 'byed las gcig tu dge slong 'ga' zhig dge slong tho 'tsham par byed na thams cad nyes byas su 'gyur ro zhes gsungs pa yin no/ /ltung ba bstan par yang phyis gnon byas nas nyal lam 'dug par byed na zhes bya bas de la ma bsten pa'i phyir ro/ /'dabs pa'i yan lag ni dud 'gro'i 'gro ba pa dang gsod sems dang mngon par bsams te ma 'khrul pa dang shi ba zhes bya ba ni yan lag yin no/ /gtsug lag khang la gang zag gi la nyes byas su gsungs pa'i phyir te/ btsun pa re zhig dge slong gis gang zag gi gtsug lag khang brtsig pa na rim pa gnyis sam gsum las lhag par brtsig na cir 'gyur nyes byas so/ /zhes gsungs pa'i phyir ro/ /'dis ni bsnyen par ma rdzogs pa dang ma nyams pa la sogs pa'i khang pa la yang bshad pa yin te/ dge slong dang dge slong ma bsnyen par rdzogs pa can ma nyams pa dag ni zhes pa la sogs pa gsungs pa yin no/ /gang yang gtsug lag khang thams cad la yang 'gyur te/ tha na khyim pa'i la yang ngo/ /zhes zer ba 'dis gsal bar blta bar bya'o/ /'dzin pa med par lhag par brtsig pa la nyes byas so/ /sgo'i skabs kyi gnas zhes bya ba ni sgo khang gi gnas pa ste sgo skyes kyis kun nas bskor ba la sogs pa'o/ /gtan pa'i gnas ni sgo logs cig tu spyis gzhug pa'i gnas kyi phyogs zhes bya ba'i don to/ /yang na gtan pa'i gnas ni 'phreng gtan la spo ba sgo'i phyogs dag tu gtan la gzhug pa'i phyogs so/ /zhes gzhan dag 'chad do/ /snang ba'i gnas zhes bya ba ni 'das snang bar byed pas na snang ba ste/ skar khung dang chu khung brjod pa'i bu? ga'i gnas so/ /chu khung yang skar khung gi rnam pa can

  497. 249a

    yin pa'i phyir snang ba zhes brjod pa yin no/ /snang ba'i gnas ji tsam pa'i 'du shes kyis zhes bya ba ni skad khung dang chu khung? gi gnas ji tsam 'dod par bya ba'i 'du shes kyis so/ /zhes gsungs pa yin no/ /de ma grub na nyes byas su rtogs par bya ba yin te/ ltung ba bstan pa dang zhus pa la/ sogs pa thams cad du yang pa ?bu'i rtsig dang? kho na smos pa yin gyi de dag ni ma smos pa'i phyir te/ dge slong 'ga' zhig pha gu rim pa gnyis sam gsum las lhag par rtsig na thams cad la ltung byed du 'gyur zhes bya ba dang/ zhus pa las phrin gyi rim pa gnyis sam gsum las lhag par brtsig na nyes byas su 'gyur ro/ /zhes gsungs pa yin no/ /des na dag gi don 'dir 'gyur te/ dge slong 'ga' zhig pha gu rim pa bzhi la sogs par rtsig par byed na ltung byed du 'gyur ro/ /sgo'i spubs dang gtan pa dang snang ba'i gnas ma bzhag pa la ni mi rigs pa sgrub de'i phyir nyes byas so/ /zhes bya ba yin no/ /sbyin bdag rings pa yin na gtsug lag khang ni de la rag las pa'i phyir ltung ba med do/ /mdo sde 'dzin pa ka ly+a na mi tras nye bar sbyar ba so sor thar pa'i tshig gi bshad pa dga' ba bskyed pa las/ gtsug lag khang gi ltung byed kyi rnam par nges pa'o/ /rdzogs so// //'dul bar pa'i phung po zhes pa bzhugs so/ /rgya gar skad du/ kri ya skand+hya na nA ma/ bod skad du/ bya ba'i phung po zhes bya ba/ thams cad mkhyen pa la phyag 'tshal lo/ /bya ba'i phung po gang zhe na gnas nas phyung ba bya ba dang/ tha dad du gnas pas bya ba dang/ gzu bos bya ba dang/ de'i ngo bo nyid tshol tu gcug pas bya ba dang/ bslab pa byin pa'i bya ba dang/ mtshams bcad pa'i gnas brtan gyi bya ba dang/ kun dga' ra ba'i bya ba dang/ kun dga' ra ba'i gnas brtan gyi bya ba dang/ gnas khang gi bya ba dang gnas khang gi gnas

  498. 249b

    brtan gyi bya ba dang/ khang ba'i 'khor du bcas pa'i bya ba dang/ khang pa'i 'khor du bcas pa'i gnas brtan gyi bya ba dang/ nags kyi bya ba dang/ gnas mal gyi bya ba dang/ sgo glegs kyi bya ba dang/ 'khor lo'i bya ba dang/ gnas stong pa'i bya ba dang/ gnas stong pa'i gnas brtan gyi bya ba dang/ lhung bzed kyi bya ba dang/ chos gos kyi bya ba dang/ gding ba'i bya ba dang/ khab kyi bya ba dang/ khab ral gyi bya ba dang/ thug pa'i bya ba dang/ chu'i bya ba dang/ chu rdza'i? bya ba dang/ yongs su spyod pa'i chu rje'i bya ba dang/ gtsang ma'i ril pa'i bya ba dang/ zas kyi bya ba dang/ bza' ba'i bya ba dang/ zas gtang ba'i bya ba dang/ bsod snyoms kyi bya ba dang/ bsod snyoms spyod pa'i bya ba dang/ zas len pa'i bya ba dang/ dgon pa'i bya ba dang/ dgon pa'i gnas brtan gyi bya ba dang/ brong 'dab kyi bya ba dang/ grong 'dab kyi gnas brtan gyi bya ba dang/ glo bur du 'ongs pa'i bya ba dang/ glo bur du 'ongs pa'i gnas brtan gyi bya ba dang/ 'gro bas bya ba dang/ 'gro ba'i gnas brtan gyi bya ba dang/ rkang pa bkru ba'i bya ba dang/ rkang pa bkru ba'i gnas brtan gyi bya ba dang/ 'dug pa'i bya ba dang/ 'dug pa'i gnas brtan gyi bya ba dang/ chos 'chad pa'i bya ba dang/ chos 'chad pa'i gnas brtan gyi bya ba dang/ dus kyi bya ba dang/ dus ma yin pa'i bya ba dang/ dus ma yin par dge 'dun 'du ba'i bya ba dang/ dus ma yin par dge 'dun 'du ba'i gnas brtan gyi bya ba dang/ smras pa'i bya ba dang/ mi smra ba'i bya ba dang/ dbyar nye bar sgrub pa'i bya ba dang/ dbyar gnas pa'i bya ba dang/ dbyar gnas pa'i gnas brtan gyi bya ba dang/ dbyar gnas par khas blangs pa'i bya ba dang/ 'khor dang ldan pa'i bya ba dang/ 'khor gyi nang du 'gro ba'i bya ba dang/ 'khor gyi nang du zhugs pa'i bya ba dang/ 'khor gyi nang du zhugs pa'i gnas brtan gyi bya ba dang/ gso sbyong gi bya ba dang/ gso sbyong gi mngon du bya ba'i bya ba dang/ gso sbyong gi

  499. 250a

    las kyi bya ba dang/ so sor thar pa'i bya ba dang/ so sor thar? pa gdon par byed pa'i bya ba dang/ gnas brtan gyi bya ba dang/ bar mas bya ba dang/ gsar bus bya ba dang/ gnas brtan dang bar ma dang gsar bus bya ba dang/ bsro khang du bya ba dang/ bsro khang du khrus byed pa bya ba dang/ bsro khang gi gnas brtan gyi bya ba dang/ mkhan pos bya ba dang/ lhan cig gnas pas bya ba dang/ slob dpon gyi bya ba dang/ gnyen gnas kyi bya ba dang/ dge tshul gyi bya ba dang/ nan tan gyi bya ba dang/ phyi bzhin 'brang ba'i dge sbyong gi bya ba dang/ grong du nye bar 'jug pa'i bya ba dang/ grong du nye bar 'gro ba'i bya ba dang/ grong du nye bar song ba'i bya ba dang/ grong du nye bar song ba'i gnas brtan gyi bya ba dang/ gzhi nas gnas pa'i bya ba dang/ ngal bso ba'i bya ba dang/ nam mkha' i bya ba dang/ sra brgyad gi bya ba dang/ chu tshags kyi bya ba dang/ 'chags sa'i bya ba dang/ bcabs pa'i bya ba dang/ phyen gyi bya ba dang/ phyi sa'i bya ba dang/ bshad pa'i bya ba dang/ bshad pa'i sa'i khung bu'i bya ba dang/ bshad pa'i gnas brtan gyi bya ba dang/ bshad sa'i nyen 'khor gyi bya ba dang/ gci ba'i bya ba dang/ gci ba'i sa'i bya ba dang/ gci sa'i gnas brtan gyi bya ba dang/ gci sa'i nyen 'khor gyi bya ba dang/ bkru ba'i bya ba dang/ bkru ba'i gnas brtan gyi bya ba dang/ bkru ba'i gnas rkang pa gzhag pa'i bya ba dang/ bkru sa'i khung gi bya ba dang/ khrus kyi sar gnas brtan gyi bya ba dang/ khrus sa'i nye 'khor gyi bya ba dang/ mchil ma'i bya ba dang/ mchil ma'i snod kyi bya ba dang/ so shing gi bya ba dang/ so brud pa'i bya ba dang lce gzhar ba'i bya ba dang/ rna sbabs bru ba'i bya ba dang/ kun tu bcad pa'i bya ba dang/ kun tu mi spyad pa'i bya ba'o/ /ma mo lta bu'i dum bu gsum pa'i gzhi/ rdzogs so// //gnas nas phyung bas bya ba gang zhe na/ gnas nas byung pa zhes

  500. 250b

    bya ba ni spangs pa yin te/ spangs pa'i dge slong gi ni bya ba 'di lta bu la 'jug par mi bya'o/ /spangs pa'i dge slong gis ni rab tu dbyung bar mi bya'o/ /dge tshul nye bar bzhag par mi bya/ /dge slong ma la lung 'bog par mi bya ba dang/ ston par bskos na yang dge slong ma la gdams par mi bya/ las mi bya/ dge slong de las byed par mi bsko/ las bsko bar mi bya/ las byed pa'i dge slong dge slong la dgag par mi bya/ 'dul ba 'dzin pa gzhan yod na dge 'dun gyi nang du 'dul ba bstan par mi bya/ so sor thar pa'i mdo 'don pa gzhan yod na/ dge 'dun gyi nang du so sor thar ba gdon par mi bya/ chos 'chad pa gzhan yod na dge 'dun gyi nang du chos bshad par mi bya/ /rang bzhin du gnas pa'i dge slong lung bstan pa la 'gog par mi bya/ rang bzhin du gnas pa'i dge slong la dge sbyong dgag par mi bya/ rang bzhin du gnas pa'i dge slong la dgag dbye gzhag par mi bya/ rang bzhin du gnas pa'i dge slong la gleng bar mi bya'o/ /dran par mi bya'o/ /de dag dang lhan cig brten par mi bya'o/ /gang la dge 'dun gyi gnas nas phyung ba'i las byas pa dang gang de dang 'dra ba gzhan yang rung ste/ nyes pa de lta bu dang mthun pa'i nyes pa phyis kyang mi bya'o/ /de las gzhan pa yang mi bya'o/ /des phyi phyir zhing spu brnyal ba lta bur bya nges par 'byung ba pa 'jug par bya/ /phyag 'tshal ba nye bar stan par bya/ rang bzhin du gnas pa'i dge slong gis lhung zed byin na yang des mi blang ngo/ /chos chos kyang mi blang ngo/ /de la skra bregs pa yang mi bcol lo/ /bsro khang du yang las mi bya'o/ /mi na bar las thams cad la drang bzhin du gnas pa'i dge slong gi las nyams su blang bar mi bya'o// dge 'dun thams cad 'dus shing 'khod pas de bstan pa'i gnas su sdom pas mi bsko/ /dbang gi gnas thams cad du yang sdom pas mi bsko/ /gang zag bcu gnyis kyi gnas su sdom pas byin gyis brlabs par mi bya ba 'di ni gnas nas phyung bas bya ba

  501. 251a

    zhes bya'o/ /tha dad du gnas pas bya ba gang zhe na/ tha dad du gnas pa la rnam pa gnyis te/ gang bdag nyid kyis bdag tha dad du gnas par bya ba dang/ dge 'dun gyis chos bzhin du byas pa'o/ /bdag nyid kyis bdag tha dad du gnas pa gang zhe na/ bsams bzhin du chos kyi phyogs las chos ma yin pa'i phyogs su song ba ste/ de ltar na bdag nyid kyis bdag tha dad du gnas par byed pa'o/ /dge 'dun gyis chos bzhin du bya ba gang zhe na/ chos bzhin du 'dus pa'i dge 'dun gyis gsol pa dang/ bzhi'i las mi g.yo ba gzhag par 'os pas spangs pa yin te/ de ltar na dge 'dun gyis chos bzhin du spangs pa'o/ /mtshungs par lhan cig gnas pa la gnyis te/ bdag nyid kyis bdag lhan cig gnas par byed pa dang/ dge 'dun gyis chos bzhin du byas pa'o/ /bdag nyid la bdag nyid lhan cig gnas pa gang la zhe na/ bsams bzhin du chos ma yin pa'i phyogs las chos kyi phyogs su 'ongs pa ste/ de ltar na bdag nyid kyis bdag nyid lhan cig gnas par byed pa'o/ /dge 'dun gyis chos bzhin du byas pa gang zhe na/ dge 'dun gyis gsol ba dang bzhi'i las mi g.yo ba gzhag par mi 'os pas chos bzhin du 'dus pa'i dge 'dun gyis spang ba de phyung ba yin/ de ltar na dge 'dun gyi chos bzhin du bya'o/ /tha dad du gnas pa'i dge slong des rab tu dbyung bar mi bya ba nas snga ma bzhin te/ ji ltar dge 'dun gyis gang la spangs pa'i las byas pa dang/ gzhan yang de dang 'dra ste/ nges de lta bu'i nyes pa yang mi bya/ de las mthun par yang mi bya ba'i bar du ste/ gang zag bcu gnyis kyi las su sdom pas bsko bar mi bya'o/ /tha dad du gnas pa'i dge slong gis tshangs pa mtshungs par spyod pa'i gnas brtan dang bar ma dang/ gsar bu yang rung bag dbab par bya/ nyes par mi bya/ nyes pa zhig byas na slar dbyung ba'i tshul du bya'o/ /gal te slar dbyung ba'i tshul du mi byed na tha dad du gnas par byas pa

  502. 251b

    nyid yin no/ /de la 'di skad ces bsgo bar bya'o/ /dge 'dun gyis khyed la thig btab bang pa bzhin du byed do/ /phur pa btsugs pa bzhin du byed do/ /nyes pa de yang dge 'dun las 'di nyid bshags par bya'i 'di las phyi rol tu ni ma yin no/ /khyod kyis las de yang dge 'dun 'di nyid kyis slar bde bar byed kyi/ 'di las phyi rol du ni ma yin no/ /khyod kyis nyes pa de yang ma bshags sam/ phyir bcos par ma byas na ni tshangs pa mtshungs par spyod pa mkhas pa dag gis gang du 'dod pa der gleng bar byed do/ /gal te yang de bzhin du byas pa las kyang 'dul bar ma gyur na gang zang de thig btab pa bzhin du/ phur ba btsugs pa bzhin du phub ma bzhin du byas la spang bar bya'o/ /de ni 'di ltar rta rgod bzhin te/ de ni tha dad du gnas pas bya ba zhes bya'o/ /gzu bos bya ba gang zhe na/ rtsod bzhi bar bya ba'i phyir dge slong gzu bos chos nyi shu rtsa gnyis dang ldan par btsal bar byas te/ nyi shu rtsa gnyis gang zhe na/ ci ste tshul khrims dang ldan zhing dang po nas phun sum tshogs pa dang/ /ngo tsha shes pa dang ldan zhing 'gyod pa dang ldan la bsdams pa dang/ bslab pa 'dod pa dang/ 'dul ba la shin tu rnam par nges shing thos pa 'dzin la thos pa bsags pa dang/ lung thon pa dang/ rtsod pa la mkhas pa dang/ rtsod pa kun nas slong ba la mkhas pa dang/ rtsod pa'i bye brag la mkhas pa dang/ rtsod pa 'gog pa la mkhas pa dang/ rtsod pa 'gags nas phyis mi 'byung ba la mkhas pa dang/ bstan bcos la mkhas pa dang/ gzhi lhag par spyod la mkhas shing nyes rtsom med pa smra ba dang/ nyes rtsom byed du mi 'jug pa dang/ lus dang ngag dang yid kyis mi 'jug pa dang/ smra bar byed cing smra ba brda phrad par byed pa dang/ go bar byed cing go bar brda phrad par byed pa dang/ rnam par rig par byed cing rnam par rig par byed pa brda phrad par byed pa dang/ nges par rtogs par byed cing

  503. 252a

    nges par rtogs par brda phrad par byed pa dang/ 'dun pas 'gro ba ma yin pa dang/ zhe sdang gis 'gro ba ma yin pa dang/ gti mug gis 'gro ba ma yin pa dang/ 'jig pas 'gro ba ma yin pa ste/ gzu bos chos nyi shu rtsa gnyis po de dag dang ldan pa ni/ chos kyi longs spyod dam/ zang zing gi longs spyod kyis phyogs gnyis ka la mi brten pa yin no/ /yang 'di lta ste/ gzu bo'i dge slong gis rgol ba dang ldan pa'i dge slong rnams la lhan cig tu smre ba dang/ phyag byed pa dang/ sngar ldang ba dang/ thal mo sbyor ba dang gdung bar byed par gyur ba'i las rnams bdag gir mi bya'o/ /de dag bsnyen bkur byed na yang nyams su mi blang ngo/ /lhung bzed 'bul na yang mi blang/ chos gos 'bul na yang mi blang/ yo byad gzhan ci yang rung ba 'bul ba bdag gir mi bya'o/ /des kyang de dag la bsnyen par mi bya/ lhung bzed mi sbyin/ chos gos mi sbyin/ zas mi sbyin/ sman mi sbyin na/ yo byad gzhan ci yang rung ba sbyin par mi bya'o/ /de dag lung 'bog pa yang ma bslang/ dran par bya ba yang ma yin/ rnal 'byor yang ma yin/ yid byed pa yang mi dri'o/ /de dag la lung 'bog par sbyin par mi bya'o/ /dran par bya ba yang ma yin/ kun dri bar bya ba yang ma yin/ rnal 'byor yang ma yin/ yid la bya ba yang mi bsko/ stan gcig la 'dug par yang mi bya'o/ /'chag sa gcig tu bcag par mi bya/ gnas khang gcig tu 'khod par mi bya'o/ /gzhan du na tshig 'di skad ces brjod par bya ste/ tshe dang ldan pa khyod kyis 'di lta bu las legs pa rnyed pa ci yod kyis/ legs par gsungs pa'i chos 'dul ba la rab tu byung nas/ 'thab par gyur/ mtshang 'bru bar gyur/ rtsod par gyur/ 'gyed par gyur cing gnas pa ni ma rnyed de/ rnyed pa ma yin no/ /ngan pa rnyed de legs pa rnyed pa ma yin gyis tshe dang ldan pa rnams khyed cag ma 'thab shig /ma rtsod cig /ma 'gyed cig /'gyed pa gnyis ka rgyal ba

  504. 252b

    med do/ /rgyug pa gnyis ka rgyal ba med do/ /de dag gtan la phab na gcig rgyal gcig 'pham du 'gyur ro/ /zhes brjod par bya'o/ /'di ni gzu bos bya ba zhes bya'o/ /de'i ngo bo nyid tshol bas sbyin pas bya ba gang zhe na/ dge slong gang gis nyes par spyod pa de khas len/ khas blangs pa las kyang bsnyon/ bsnyon pa las kyang slar khas len pa de la dge 'dun gyis gsol pa dang/ bzhi'i las mi g.yo gzhag par mi 'os pas/ de'i ngo bo nyid tshol ba sbyin pa'i dge slong gis bya ba de lta bu la 'jug par bya'o/ /de'i ngo bo nyid tshol ba'i dge slong gis rab tu 'byung bar mi bya ba nas snga ma bzhin te/ gang la dge 'dun gyis de'i ngo bo nyid tshol ba sbyin pa dang/ gang de dang 'dra bas kyang rung ste nyes pa de lta bu 'byung bar mi bya'o/ /de bas thub par yang mi bya ba'i bar du ste snga ma bzhin no/ /de ni 'di ltar gang zag bcu gnyis po sdom pas mi bsko ba de ni de'i ngo bo nyid tshol bas sbyin pas bya ba zhes bya'o/ /pham pa byung ba la bslab pa byin pa'i bya ba gang zhe na/ dge slong gang mi tshangs par spyod pa'i 'khrig pa'i chos bstan kyang de la se gol gtogs pa gcig tsam du yang bcabs pa'i sems ma skyes pa ste/ de la dge 'dun gyis gsal ba dang bzhi'i las mi g.yo ba gzhag par mi 'os pas bslab pa sbyin par bya ste/ 'di ltar tshe dang ldan pa dga' byed bzhin du rgyas par gang de dang 'dra ba gzhan yang rung ste/ de lta bu'i ltung ba phyin cad kyang mi bya'o/ /de bas thub par yang yang mi bya'o zhes bya ba'i bar du ste snga ma bzhin no/ /de ni 'di ltar gang zag bcu gnyis kyi phyir sdom pa ma sko'o/ /'dul ba dang sbyar te/ bslab pa byin pa'i dge slong gis rab tu dbyung bar mi bya ba nas snga ma bzhin te/ gang la dge 'dun gyis bslab pa byin pa dang/ bslab pa byin pa'i dge slong gis dge slong gi bslab pa thams cad bslab par bya'o/ /dge slong gi 'dug par bya'o/ /des bsnyen par rdzogs pa rnams la byin len bya'o/ /bsnyen par rdzogs pa dang lhan cig nyal ba

  505. 253a

    bsgyur zhing gung du 'byung ngo/ /bslab pa byin pa'i dge slong gi las la rnam pa gnyis te/ gso sbyong dang/ dgag dbye'o/ /bslab pa byin ba grangs su bskang ste gso sbyong mi bya'o/ /de bzhin du dge 'dun gyis las gzhan la yang ngo// gal te slob pa byin pa gso sbyong gi nang du 'ongs na ni mi bskrad do/ /gal te song na yang mi gzung ngo/ /de ci'i phyir zhe na/ de dge 'dun pas rjes su ma zhugs par mi 'gyur ro/ /'dus par yang mi 'gyur te/ 'di ni pham pa byung ba las bslab pa byin pa bya ba zhes bya'o/ /mtshams bcad pa'i gnas brtan gyi bya ba gang zhe na/ mtshams bcad pa'i gnas brtan gyi dge slong gis bya ba de lta bu la 'jug par bya'o/ /de na gsar bu'i dge slong 'khod pa rnams la des de dag mthun par shes par bya/ bskyang bar bya/ rjes su bstan par bya/ sdig pa las slar bzlog par bya/ dge ba la gzhug par bya/ kha ton byed pa dang/ kun 'dri ba dang/ spong ba dang/ so sor dpen pa rang 'jug pa dang/ rnal 'byor dang/ yid la byed pa rnams te/ de dag la so sor lung 'phog par bya/ kun tshangs par spyod pa la gzhug par bya/ bslab par bya/ bslab par bya ba la so sor bstab par bya/ rnyed pa bsgrub par bya/ nam so sor rnyed pa bgod pa'i chos so so bsgo skal snyoms par mig sngar bsgo'o/ /nad pa la blta bar bya/ nad pa'i nad g.yog tu dge slong rnams spro bar bya/ nad pa rnams la chos kyi gtam bya/ lam dang lam ma yin pa yang dag par bsgrag par bya'o/ /ye shes dang mthong ba rnam par sbyong ba'i rgyud ma gtang bar bya/ rnam pa thams cad du 'ong nad pa la g.yel bar mi bya/ mtshams bcad pa'i gnas su dge slong rnams lhag pa la gzhan ci yang rung bya bar gyur pa de thams cad la dge slong gnas brtan gyis thog mar 'jug par mi bya ba ni/ mtshams da cad pa'i gnas brtan gyi bya ba zhes

  506. 253b

    bya'o/ /kun dga' ra ba zhes bya ba ni 'di rnams kyang yin te/ kun dga' ra ba'i nang na khang phran dang/ khang pa dang/ khang pa brtsegs pa dang/ khang pa 'khor du bcas pa dang/ spyil po dang/ spyil po'i dngos po dang/ 'chags pa dang/ skyed shing dang/ gsing ma rnams te/ thams cad kyang rgan rim bzhin du bsko bar bya'o/ /phyi bdar bya ba de ni kun dga' ra ba'i bya ba zhes bya'o/ /kun dga' ra ba'i gnas brtan gyi bya ba gang zhe na/ dge 'dun rnams kyi kun dga' ba'i gnas te/ der so sor nas dge slong dag lhags pa'i rnams bya bar bcas pa'i yang tha dad pas na/ dge slong des 'di dag gi bya ba bcas pa de'i chos sam bra bar ta zhes ma byung gi bar du skad cig spong cig/ gdod thams cad la snyoms par brims shig ces brjod par bya'o/ /dge slong gnas brtan gyis gnas brtan dang/ bar ma dang/ gsar bu rnams kyi rjes su mthun par bya/ gnas brtan gyis de'i gnas brtan dang/ bar ma dang/ gsar bu rnams kyis kyang de'i rjes su mthun par bya'o/ /gal te bram ze 'am/ khyim bdag tha dad rnams lhags nas de dag la yang mtshungs par bsgo bsha' bya zhing sbyin par bya'o/ /gal te mgron mi 'dod nas/ bram ze 'am khyim bdag dad pa can rnams dag mi 'dod na yang dge slong gnas brtan gyi chos dang ldan pa'i yang dag par bstan par bya/ yang dag par rab tu dga' bar byas la bdag cag la ni 'di yod do zhes bya bar bya te/ 'di ni kun dga' ra ba'i gnas brtan gyi bya ba zhes bya'o/ /gnas khang gi bya ba gang zhe na/ dge slong gang gnas khang na 'dug pa des gnas khang der dus dus su chag chag gdab par bya'o/ /phyag dang dor ba dang/ ba lang lci bas shin tu 'jam por byug par bya'o/ /sngon cung zad byung na yang bsrab pa bya/ ral pa dang 'drums pa dang/ gogs pa rnams slar bcos pa'i bya/ bum pa chus bkang ste gzhag par bya'o/ /yongs su spyad pa'i

  507. 254a

    bum pa dang gcang mi'i ril ba dang/ snam phyis ril ba dang/ rkang pa dag bkru ba'i ril ba'i rnams bkang ste gzhag pa de ni gnas khang gi bya ba zhes bya'o/ /gnas khang gi gnas brtan gyi bya ba gang zhe na/ gnas hang gi dge slong gnas brtan gyi bya ba ni/ des 'di lta bu la 'jug par bya'o/ /dge slong gsar bu gang dag na 'khod par gyur pa de dag shes par byas nas gnas brtan zhes bya ba'i bar ni snga ma bzhin te/ gnas brtan gyis thams cad la thog mar 'jug par bya/ rgyud mi gtang ba'i bya ba'i bar du ste/ 'di ni gnas khang gi gnas brtan gyi bya ba zhes bya'o/ /khang pa'i 'khor du gtogs pa'i bya ba gang zhe na/ khang pa 'khor dang bcas pa na dge slong gang 'dug pa des/ khang pa 'khor dang bcas pa de dus dus byi dor bya ba ni snga ma bzhin no/ /rkang pa bkru ba'i rnams bkang ste gzhag pa'i bar du'o/ /khang pa 'khor dang bcas pa de na dge slong dag grogs gang dag 'khod pa rnams la yang byams pa'i lus kyi las kyi mtshungs pa spyad par bya/ byams pa'i dag gi las dang/ byams pa'i yid kyis las kyis mtshungs par spyad par bya/ der yang 'thab mo mi 'byung bar bya/ mtshang 'bru ba dang/ 'gyed pa dang/ rtsod pa mi 'byung bar bya/ gal te der 'thab mo dang/ mtshang 'dru ba dang/ 'gyed pa dang/ rtsod pa zhig byung na zhi bar nus na ni de lta na legs/ gal te yang mi nus na gung du 'gro bar bya'o/ /'di khang pa'i 'khor du bcas pa'i bya ba zhes bya'o/ /khang pa 'khor du bcas pa'i gnas brtan gyi bya ba gang zhe na/ khang pa'i 'khor du bcas pa'i dge slong gi gnas brtan gyis bya ba de 'di lta bu 'jug par bya'o/ /de na dge slong gsar bu gang dag 'khod par gyur pa de dag kun shes par bya ba nas snga ma bzhin te/ thams cad du yang dge slong gnas brtan gyis bya ba de 'di lta bu la 'jug par bya ba dang/ rgyud mi gtong bar

  508. 254b

    bya ba'i bar du ste/ 'di ni khang pa'i 'khor du bcas pa'i gnas brtan gyi bya ba zhes bya'o/ /nags kyi bya ba gang zhe na nags zhes bya ba ni shing ljong pa'i gnas de ni dge slong 'khod pa rnams kyis bdag cag gnas 'di na 'khod 'khod pa la srog gi bar chad du 'gyur ba 'am/ tshangs par spyod pa'i bar chad du 'gyur ba lta yod dam med ces rgyang grags gcig tshun chad kho ra khor yug du brtag par bya'o/ /gal te yod par ma mthong na ni ring du dor bar bya'o/ /gal te med par mthong la dogs par gyur na rgyang grags gcig tshun chad nags myul ba bsgo bar bya'o/ /gso sbyong gi gnas kyang bsko bar bya'o/ /de na phan chun zang zing gi longs spyod dang/ chos kyi longs spyod kyis spro bskyed par bya/ de na 'thab mo mi 'byung ba dang/ tshang 'bru ba mi 'byung ba dang/ kho na du 'dzin pa mi 'byung ba dang/ rtsod pa mi 'byung ba de ni gnags kyi bya ba zhes bya'o/ /gnas mal gyi bya ba gang zhe na/ rims kyis gnas mal dus dus su brtags par bya/ bskam par bya/ sprug par bya/ bgrang bar bya spang bar bya/ gal te dri ma can du gyur na bkru bar bya/ bug rdol du gyur tam/ sha zad pa'i chos su gyur na ci nus su btsem zhing glan par bya/ btsem zhing glan du gzhug pa bya/ /dge slong gis phyogs bzhi'i dge dun gyi gos bgos nas bshad pa'i sar mi 'gro/ lci ba'i sar mi 'gro /bsro khang du ma yin/ rkang pa bkru ba'i sar ma yin/ tshad mang du ma yin/ char 'bab ba la gyon te 'dug par mi bya/ nyi ma tsha ba la ma yin/ me khang du gzhag par mi bya/ ci nas gnod par 'gyur ba'i sa thams cad du phyogs bzhi'i dge 'dun gyis gos dang 'jug par mi bya/ bgo bar mi bya'o// gzhag par mi bya'o/ /dge slong rnams kyis gnas mal rnam pa 'di lta bu spyad par mi byas te/ lnga gang zhe na/ dud pa dang/ dri ma dang/ rdul dang/ bshad pa dang/ 'drud pa'o/ /dge slong rnams kyis phyogs bzhi'i dge 'dun gyi gos bgos bzhin du gtsug lag

  509. 255a

    khang chag chag mi gdab mi phyag /phyag dang mi dor/ ba lang gi lcibs byug par mi bya'o/ /chu'i bum pa dgang bar mi bya/ yongs su spyad par ma yin/ gtsang ma'i ril bar ma yin/ bshad pa'i ril ba ma yin/ rkang pa dag bkru ba'i ril ba dgang bar mi bya/ gtsug lag khang skyed du ma yin/ ltung bzed kyi las byed par ma yin/ gos gyi las byed par ma yin/ dge slong rnams kyis phyogs bzhi'i dge 'dun gyi gos lus kyi mdza' la bgo bar mi bya/ dge slong dag gis phyogs bzhi'i dge 'dun gyi mal cha dang/ stan rnams bla gab med par bting ste/ sgo khang phan chad nyen 'khor 'jom pa'i bcu rtsi dgu'i bar 'gro bar mi bya'o/ /gal te bshad pa'am/ gci ba'i sar 'gro na yang dge slong 'khod pa rnams la bsgo la 'gro bar bya'o// ji ltar bdag nyid kyi lhung bzed/ chos bos lus kyi lpags pa bzhin du dge slong dag gis phyogs bzhi'i dge 'dun gyi mal cha dag/ stan rnams yongs su bsrung bar bya'o/ /dge slong dag gis ci nas kyang phyogs bzhi'i dge 'dun gyi mal cha dang/ stan rnams yal bar dor bar mi bya ste/ 'di ni dge 'dun gyi gnas mal gyi bya ba zhes bya'o/ /sgo glegs kyi bya ba gang zhe na/ sgo glegs zhes bya ba ni sgo'i bar ma ste/ dge slong gis brdung na yun ring du brdung bar mi bya/ sngar nang na 'khod pa rnams kyis tshor bar bya ba'i phyir dal bus bgas kyis brdung bar bya'o/ /'byed pa'i tshe yang drag tu mi dbye/ gcod pa'i tshe yang drag tu mi gcod/ shes bzhin du dal bus bags kyis 'jug cing 'byung bar bya/ sgo'i phyogs gnyi gar ma 'drud bzhin du 'byung bar bya ste/ 'di ni sgo glegs kyi bya ba zhes bya'o/ /'khor lo'i bya ba gang zhe na/ 'khor gtan zhes bya ba ni sgo'i gtan pa bla 'og ste/ de bzhin du 'byor par bya'o/ /dge slong gtsug lag khang nas gung du 'dod na/ bla 'og gnyis ka bcug

  510. 255b

    la 'gro bar bya ste/ gtsug lag khang rung bar 'gyur ro/ /gtsug lag khang rung ba na bdag cag nyid dang/ lhung bzed dang/ chos gos dang/ mal cha dang/ stan rnams kyang rung bar 'gyur te/ 'di ni 'khor lo'i bya ba zhes bya'o/ /gnas stong pa'i bya ba gang zhe na/ dge slong gis gnas stong pa der chag chag gdab par bya/ sa phyag par bya/ phyag dar dar bar bya/ ci nus su ba lang gi lci bas zhal ba 'jam por bya/ ral pa dang grum pa dang/ 'gog pa rnams slar bcos par bya'o/ /gal te snod rnams so so na 'dug par gyur na yang sprad du bzod na ni bkrus te gzhag pa bya/ ma bzod na ni nor bar bya/ gal te rung bar byed na yang rtsa sngon po rnams bslab par bya/ re zhig khyim pa dag lhags na yang de dag la chos kyi gtam bya/ dge slong gis gnas stang par zhugs na yang yal bar 'dor bar mi bya/ gal te der gnas par mi 'dod na des ga las dgra bar brtag par bya/ 'gro ba'i nyen 'khor dang/ bshad pa'i sa dang/ gci ba'i sa dang/ skrad khang dang/ them skas dang/ sgo bcad pa dang/ spyod yul rnams kyang brtags la gnas par bya'o/ /ji ltar de dag gi phyir brel ba dang/ gnad par mi 'gyur ba de ni gnas stong pa'i bya ba zhes bya'o/ /gnas stong pa'i gnas brtan gyi bya ba gang zhe na/ gnas stong pa'i gnas brtan gyi bya ba de 'di lta bu la 'jug par bya'o// gnas stong pa'i dge slong la gnas brtan gyis bzhin gyi mdangs gsal ba dang/ khro gnyer med pa nas snga ma bzhin te/ 'thab mo dang/ mtshad 'bru ba dang/ 'gyed pa dang/ rtsod pa rnams byung bar gyur pa gdul bar nan tan bya/ zhi bar bya/ rnam par zhi bar bya ba'i bar du ste/ 'di ni gnas stong pa'i gnas brtan gyi bya ba zhes bya'o/ /lhung bzed kyi bya ba gang zhe na/ dge slong gis lhung bzed thal ba ma brtsags pas khru bar mi bya/ lci ba gseg ma can gyis mi bkru/ bye ma dang 'dres pa'i sam

  511. 256a

    ma yin/ bye ma dang 'dres pa'i ba lang gi lci bas lus ma yin mod kyi sran phyes lhung bzed bkru bar bya'o/ /lhung bzed langs te bkru bar mi bya/ skam par mi bya/ snod du gzhug par mi bya/ spa bar mi bya/ lam du 'gro bar ma yin/ chu brgal ba las ma yin/ sa mi bde bar lhung bzed bzhag bar mi bya/ dge slong gis lhung bzed kyis gnas khang du chag chag gdab bar mi bya/ phyag dar dor bar mi bya/ ba lang gi lci bas zhal zhal 'jam pos byug par mi bya/ lag pa bkru ba'i chu blang bar mi bya/ rkang pa bkru ba'i chu ma yin pa/ gdong bkru ba'i chu ma yin/ lus bkru ba'i chu ma yin/ des chu'i bum pa dgang bar mi bya/ dge slong gis lhung bzed bshad pa'i sar bkur bar mi bya/ gci ba'i sar ma yin/ bsro khang du ma yin/ rkang pa bkru ba'i sar ma yin te/ ci nas dge slong gis mi gtsang ba thams cad du bkru bar mi bya/ dge slong gis lhung bzed thogs bzhin du mchod rten la phyag mi bya glen par rigs par rnams la rig par bya/ gsher bzhin du gzhug par mi bya/ shin tu skams par g.yel bar mi bya/ ngal bus bags kyis shes bzhin du yongs su longs spyod par bya te/ nam chag pa'i mthar thug gi bar du bcad par bya'o/ /dge slong gis lhung bzed mig bzhin du bsrung bar bya'o/ /ci nas kyang phyin chad bcol mi dgos par bya ste/ de ni lhung bzed kyi bya ba zhes bya'o/ /chos gos kyi bya ba gang zhe na/ bcom ldan 'das kyis dge slong rnams la chos gos gsum rjes su gnang ste/ dregs pa'i phyir ma yin/ rgyags pa skyed pa'i phyir ma yin/ brgyan pa'i phyir ma yin/ cha gzhag gi phyir ma yin gyi/ de na 'di ltar dge slong gi rnams bde ba la reg par spyod pa'i phyir te/ sbrang bu dang sha sbrang dang/ sdig sbrul la sogs pas reg na mi bde ba'i gnyen po'i phyir dang/ ngo tsha dang khrel yod pa'i g.yog pa'i phyir te/ de yang dge slong

  512. 256b

    rnams kyis ci ltar yongs su spyad pa bzhin du yongs su spyad par bya'o/ /de la snam sbyar yang snam sbyar gyi spyad pa bzhin spyad par bya'o/ /bla gos kyang bla gos kyi spyad pa bzhin spyad par bya'o/ /mthang gos kyang mthang gos kyi spyad pa bzhin spyad par bya'o/ /de la rnam sbyar mi spyad pa ni 'di rnams yin te/ dge slong rnams snam sbyar bgos nas gtsug lag khang chag chag gdab par mi bya/ sa phyag par mi bya/ phyag dar dor bar mi bya/ lci bas zhal zhal 'jam por byug par mi bya/ chu'i snod dag par mi bya/ spyad pa'i bum pa ma yin/ gtsang ma'i ril pa ma yin/ bshad pa'i ril par ma yin/ rkang pa bkru ba'i sar ma yin/ snod dgang bar ma yin/ gtsug lag khang du skyong du ma yin/ lhung bzed kyi las su ma yin/ chos gos kyi las su ma yin/ khrus mi bya/ snam sbyar bgos nas rtsa 'am shing ngam/ ba lang gi lci ba 'am sa yang rung ba bsku bar mi bya/ snam sbyar bgos nas bshad pa'i sar mi 'jug /gci sar mi 'jug bsro khang du ma yin/ rkang pa bkru ba'i sar ma yin/ ci nas snam sbyar bgos nas mi gtsang ba'i sa thams cad du bgo bar mi bya/ thang la bgo bar mi bya/ gding bar mi bya'o/ /der rgyun tu bgo ste/ dge slong snam sbyar bgos nas bsod snyoms la 'jug par bya/ grong du 'jug par bya/ spyod yul du 'jug par bya/ zas la 'jug par bya/ skyo ma la 'jug par bya/ thug pa la 'jug par bya'o/ /snam sbyar la 'jug par ba mi bya/ nyal bar mi bya ste/ 'di ni snam sbyar de lta bur mi spyod pa'o/ /'di ltar yang snam sbyar ni rnam pa gnyis su spyad pa bzhin spyad pa ste/ yang na steng du bgo bar bya/ yang na sdas su gzhug par bya'o/ /bla gos bgos nas gtsug lag khang du chag chag gdab par mi bya phyag par mi bya/ phyag dar dar par mi bya/ ba lang gi lci bas zhal zhal 'jam por phyug par

  513. 257a

    mi bya/ lhung bzed kyi las mi bya/ chos gos kyi las mi bya/ khrus mi bya'o/ /bla gos bgos bzhin du rtsa ba 'am/ shing ngam/ sa bkur bar mi bya/ bla gos bgos pas bshad pa'i sar 'jug par mi bya/ gci ba'i sar 'jug par mi bya/ bsro khang du ma yin/ rkang pa bkru ba'i sar ma yin/ bla gos bgos nas mi gtsang ba'i sa thams cad du 'jug par mi bya/ lus kyi mthang la bgol par mi bya'o/ /rdul zan du mi bya/ gding ba'i mi bya/ rgyun tu spyad cing bgo bar mi bya ste/ 'di ni bla gos te/ 'di bla gos mi spyad pa'o/ /bla gos 'di ltar spyad par bya ste/ bla gos bgos nas chu'i rdza ma dgang bar bya/ bcad pa'i rdza ma dgang/ gtsang ma'i ril pa dgang/ rkang pa bkru ba'i ril pa dgang bar bya/ snod bgo bar bya/ gtsug lag khang skyong ba dang/ gzhan yang rung ste/ rung bar 'gyur ba thams cad la bla gos bgo'o/ /mthang gos thams cad bgo ste/ lus kyi mthang las yang bgo /rtag tu yang bgo zhing spyad par bya'o/ /dge slong gis mi gtsang ba'i sar chos gos gzhag par mi bya/ ljid kyis gnan par mi bya/ drub par mi bya/ drub par 'os par drub par bya/ bkru bar 'os pa bkru bar bya/ kha bsgyur bar 'os pa kha bsgyur bar bya/ dge slong gis tshon chen po rnam pa lnga nyid bcad par mi bya ste/ lnga gang zhe na/ 'di lta ste/ thing shing dang/ le brgan rtsi dang rgya skyegs dang/ gur kum dang/ mtshal dang ngo/ /shing srags krim sha ma gtogs pa gzhan ngur smrig gis kha dog du 'gyur ba shing shun pags kha dog can bcad par bya'o/ /de yang gzhan med par gyur na gdon nyes pa med do/ /snam sbyar nges par dra bar bya'o/ /bla gos ni nges pa med do/ /mthang gos kyang med de/ /dge slong chos gos ngan nam/ nyung na tshal bus logs shig nas gnas par bya ste/ lnga 'am bdun nam/ dgu 'am bcu gcig gam/ bcu gsum mam lhag par yang rung ste de ltar dge slong gis snam

  514. 257b

    sbyar spyad yod do/ /bla gos spyad pa ni bla gos su spyad par bya/ mthang gos su spyod pa ni mthang gos su spyad par bya'o/ /dge slong gis rang gi pags pa bzhin du chos gos gsung bar bya'o/ /ci nas de phyi phyir btsal mi dgos par bya ste/ 'di ni chos gos kyi bya ba zhes bya'o/ /gding ba'i bya ba gang zhe na/ bcom ldan 'das kyi dge slong rnams la gding ba gnyis su gnang ste/ mal stan bde ba'i phyir ro/ /stug na ni tshig rim du bya/ srab na ni gnyis rim du bya'o/ /dge slong gis gding ba ma bting gi bar du 'dug par mi bya/ nyal bar mi bya/ gding ba'i tshig rkyang la byin gyis brlab par mi bya'o/ /gding ba gzhan du gnas par mi bya/ dge slong gi gding ba la nan tan du bya/ ci nas phyi phyir btsal mi dgos par bya ste/ 'di ni gding ba'i bya ba zhes bya'o/ /khab kyi bya ba gang zhe na/ bcom ldan 'das kyis dge slong rnams la khab rnam pa gnyis rjes su gnang ste/ chos gos 'drub pa'i phyir/ lcags dang/ zangs las byas pa'o/ /dge slong rnams kyis khab med par ljongs rgyu zhing 'gro bar mi bya/ dge slong gis khab legs par gzhag par bya/ legs par bya/ ci nas phyi phyir btsal mi dgos par bya ste/ 'di ni khab kyi bya ba zhes bya'o/ /khab ral gyi bya ba gang zhe na/ bcom ldan 'das kyis dge slong rnams la khab ral rjes su gnang ste/ khab rnams spa ba'i phyir ro/ /dge slong gis ngo tsha med pa'i dge tshul rnams la khab ral mi bzhag /mi stong bar bya/ bsnyen par rdzogs kyang yid mi ches na ma yin/ 'di ltar gang zag lnga la khab ral rag las par mi bya ste/ ngo tsha med pa dang/ khon yod pa dang/ mi mdza' ba dang/ dran pa nyams pa dang/ rang bzhin du mi gnas pa la'o/ /dge slong gis khab ral legs par bzhag par bya/ nan tan du bya/ ci nas phyi phyir btsal dgos par bya ste/ 'di ni khab ral gyi bya ba zhes bya'o/ /thug pa'i bya ba gang zhe na/ bcom ldan 'das kyis dge slong rnams la thug

  515. 258a

    pa rjes su gnang ste/ bde bar spyod pa'i phyir dang/ sbyin pa po dang sbyin bdag rnams kyi sbyin par bya ba'i chos rnams yongs su longs spyod pa'i phyir ro/ /dge slong gis sbra mi 'byung bar thug pa dag btung bar bya/ shes bzhin du thug pa sgra bskyungs te btung bar bya'o/ /dregs pa'i phyir ma yin/ nga rgyal gyi phyir ma yin/ bsnyems pa'i phyir ma yin/ bza' ba'i phyir ma yin gyi/ lus kyi rma gso ba'i phyir dang/ gzung ba'i phyir te/ 'di ni thug pa'i bya ba zhes bya'o/ /chu'i bya ba gang zhe na/ dge slong gis chu shin tu brtag par bya/ dad pa dang/ gsal ba dang/ rnyog pa med pa dang/ ma 'dres pa dang/ gtsang ma yongs su spyad par bya ste/ 'di ni chu'i bya ba zhes bya'o/ /chu rdza'i bya ba gang zhe na/ bcom ldan 'das kyis dge slong rnams la chu snod rjes su gnang ste/ dge 'dun dang/ gang zag la yang rung/ lcug kor dang chu dgab pa'i kha dgab pa dang bcas pa'o/ /dge slong rnams kyis shin tu legs par bkrus te/ bskams la btsang mar bya/ lag pa rung ba dang/ gos rung bas chu gzhag par bya'o/ /brim par bya/ bram ze dang/ khyim bdag lhags pa na yang brung par bya/ dge slong rnams kyis chu rdza shin tu spa bar bya/ nan tan du bya/ ci nas phyi phyir btsal mi dgos par bya ste/ 'di chu snod kyi bya ba zhes bya'o/ /yongs su spyad pa'i chu rdza'i bya ba gang zhe na/ bcom ldan 'das kyis dge slong rnams la yongs su spyad pa'i chu rdza rjes su gnang ste/ shin tu bkrus te/ bskams la/ gtsang mar byas te/ bkang nas gtsug lag khang gi sgor gzhag par bya/ yongs su spyad pa'i rdza ma de dge slong rnams kyis dben par bya/ nan tan du bya/ ci nas phyi phyir btsal mi dgos par bya ste/ 'di ni yongs su spyod pa'i chu rdza'i bya ba zhes bya'o/ /gtsang ma'i ril pa'i bya ba gang zhe na/ bcom ldan 'das kyis dge slong rnams la gtsang ma'i ril pa rjes su gnang

  516. 258b

    ste/ de mchod rten gyi drung du gzhag par mi bya/ dge slong gis de dus brtag par bya/ skam par bya/ dgang par bya ste/ 'di ni gtsang ma'i ril pa'i bya ba zhes bya'o/ /zas kyi bya ba gang zhe na/ bca' ba gang zhe na/ dge slong rnams kyis bca' ba dang/ bza' ba rnams las gang yang rung ste/ za ba'i tshe dran pa mngon par bzhag par bya/ zas la brtag par bya/ btsal ba'o/ /nan tan gyis sgrub pa'o/ /de dang 'dra ba'o/ /yongs su bcad nas 'gyur ba'o/ /snyam pa dang so sor 'gro ba nyid do snyam du byas la bza' bar bya'o/ /dran pa nye bar gzhag cing sems rnam par mi g.yeng ba dang/ zas la rgyu mthun pa'i 'du shes dang/ nad pa'i 'du shes dang/ gzhan la rag las pa'i 'du shes dang/ phyir rgol ba'i 'du shes dang/ rten cing 'brel par 'byung ba'i 'du shes mngon du gzhag la bza' bar bya/ 'dus shing za ba dang/ yang yang za ba dang/ chog pa'i dran pa mngon du gzhag par bya ste/ 'di ni zas kyi bya ba zhes bya'o/ /bza' ba'i bya ba gang zhe na/ dge slong gis zas za ba'i tshe 'am/ skyo ma 'am/ thub pa 'thung ba'i tshe 'ang rung ste/ dus bsgo ba 'am/ gaN+Di brdungs ma thag tu myur du 'ong bar bya/ myur du 'dug par bya/ shes bzhin du 'gro bar bya/ shes bzhin du 'dug par bya/ shes bzhin du bza' bar bya/ dran pa nye bar gzhag cing sems rnam par mi g.yeng ba dang/ chas bzang ba dang/ spyod lam du ldan pa dang/ shin tu bsdams shing rab tu dben par byas la sgra skyung ba dang/ mig mi g.yeng ba dang/ mig gnya' shing tsam du blta ba dang/ gus pa dang bcas pa dang/ bdag dman pa dang bcas pa dang/ 'jigs pa dang bcas pa dang/ gzhan gyi dbang du gyur par bsams nas/ phyag dang bya'o snyam pa'i sems kyis gnas brtan dang/ bar ma dang/ gsar bu rnams la byams pa'i sems dang/ brtse ba'i sems dang/ pha dang bu dang nu bo'i 'du shes mngon du gzhag ste/ stan

  517. 259a

    la 'dug mkhas par bya/ bza' ba mkhas par bya ste/ 'di ni 'bral ba zhes bya'o/ /zas btang ba'i bya ba gang zhe na/ dge slong gis zas blang na slar btang bar mi bya bab bab tu gtang bar mi bya/ zas gang la gtang bar bya zhe na/ /gang zag la btang bar bya zhe na/ ma la sbyin par bya/ pha dang/ pho nu po dang/ sring mo la sbyin par bya/ gnyen la sbyin par bya/ kun dga' ra ba'i nang du phyin pa 'ongs pa la yang sbyin pa bya'o/ /phan 'dogs pa la yang sbyin par bya/ nad pa dang/ 'dod pas rel pa dang/ 'brel par gyur pa la yang sbyin par bya/ gal te bud med sbum ma zhig 'ongs na yang dran pa nye bar gzhag ste sbyin par bya/ dud 'gro la yang kham chang cig sbyin par bya/ rab tu 'byung bar 'dod pa pa dag la yang sbyin bar/ de yang dum bur byas shing lhag mar byas la sbyin par bya ste/ 'di ni zas btang ba bya ba zhes bya'o/ /bsod snyoms bya ba gang zhe na/ dge slong gis bsod snyoms gus par blang bar bya/ thar chags su blangs par bya/ mu dang mnyam par ma yin/ tshod ma dang mnyam par ma yin/ shes bzhin dang/ dran pa nye bar gzhag pa dang/ sems ma? par mi g.yeng ba dang/ ci 'bo'ba dang/ ci tsam gyis chog par gyur pa'i de tsam du blangs pa'i bya ste/ 'di ni bsod snyoms kyi bya ba zhes bya'o/ /bsod snyoms spyod pa'i bya ba gang zhe na/ bsod snyoms spyod pa'i dge slong gi shes bzhin du 'jug par bya/ shes bzhin du 'greng bar bya/ dran pa nye bar gzhag pa dang/ sems rnam par mi g.yeng ba dang/ mdzes pa dang spyod pa'o/ gze ba dang/ shin tu bsdams pa dang/ shin tu g.yogs pa dang/ sgra bskyung ba dang/ mig mi g.yeng ba dang/ gnya' shing gang du brtag pa dang/ dbang po bsdams pa dang/ yid phyir mi g.yeng ba dang/ snga phyi'i 'du shes dang ma lta bu'i bud med mthong na mar 'du shes nye bar

  518. 259b

    gzhag pa dang/ sring mo lta bu'i bud med mthong na sring mor 'du shes nye bar gzhag pa dang/ bud med bu mo lta bu mthong na bu mo lta bu'i 'du shes mngon par bzhag par bya'o/ /bsod snyoms spyod pa'i dge slong gis srad dang tshong 'dus dang/ bzhi mdo dang/ sum mdo dang/ sgo khang dag gi mtshan ma bzung ste/ bya khyim gi sgor song nas 'khar gsil dkrol te/ dal bus bags kyis sgo la gtug par bya/ /gal te bud gnyid kyis log na sa gol gtogs la sad par bya/ gal te rung ba zhig la zhugs na gtun bu thab sa gnyis sam gsum rung ba'i bar du bsdad par bya/ 'on te sreg pa zhig la zhugs na/ khur ba gcig bsreg kyi bar du bsdad par bya/ gal te 'thag pa zhig tu gyur na/ lan gnyis sam lan gsum bskor gyi bar bsdad par bya/ dran pa nye bar gzhag pa dang/ sems rnam par mi g.yeng bar bsod snyoms blangs par bya/ ci tsam gyis chog pa de tsam blangs par bya/ gal te bsod snyoms spyad par 'dod na dge slong gi nang du bza' bar bya/ mgron du bos na yang bdag gir bya ste/ bsod snyoms bya ba'i bya ba ni/ des gtang bar bya ba ste/ 'di ni bsod snyoms spyad pas bya ba zhes bya'o/ /zas len pa'i bya ba gang zhe na/ zas len pa'i dge slong gis dus dang tshod rigs par byas la bsod snyoms blang ngo/ /shes par bya/ dran pa mngon du gzhag par bya/ sems mi g.yel bar bya/ mi snyogs par bya/ mi 'bras bar bya/ mi rnyogs par bya/ ci nas kyang mdzes shing dben par bya/ ci nas kyang des mi btsang ba'i 'bags pa dang/ rings shing brtan pa'i tshul du mi bya/ gtsang zhing mdzes par bya/ rings shing 'dun par ltar 'od bar bya/ skabs su ma bab pa'i don gzhan mi gnyer gtsug lag khang du song nas dge slong de la bzhin gyi mdangs gsal ba dang/ khro gnyer med pa dang/ tshig snyan pa dang/ mgu bar byas la zas blang ngo/ /'di ni zas len

  519. 260a

    pa'i bya ba zhes bya'o/ /dgon pa pa'i bya ba gang zhe na/ dgon pa'i dge slong gis bzhin gyi mdang gsal ba dang/ khro gnyer med pa dang/ dran pa mngon par bzhag par bya/ thogs mar snyan pa'i tshig gis tshur shog 'ongs pa legs so// zhes tshig snyan pas bsru bar bya/ khyed cag legs par gnas sam legs par bya ba byas sam zhes thog mar dri'o/ /dgon pa pa'i dge slong rnams kyis chu legs par bsros te gzhag par bya'o/ /chu snod kyang gzhag go /zas kyang g.yos zos la zas kyi snod kyang gzhag go /me yang g.yos te gzhag go /zhu gla shing bsos ta gzhag go /mar me yang bsos te gzhag par bya/ mar me'i snod kyang gsos te gzhag go /mar me'i snying po yang bsos te gzhag go /mar dang 'bru mar dang/ sbrang rtsi dang/ snang pa'i bcing ba yang bshams te bzhag go /ko ba'i dum bu yang bshams te bzhag go /rgyus pa dang/ 'breng bu dang/ snyung yang bshams te gzhag go /khab dang gri gu dang skud pa dang/ zas rnams kyang bshams te bzhag go /sman rnams kyang bcad do/ / lus brten pa'i mkhar ba yang bcad do/ /dgon pa'i dge slong gis me shel dang/ chu shel gzhan la bstan par mi bya'o/ /dgon pa'i dge slong gis khron pa'i rgyus shes par bya'o/ /nye bar spyad pa la mkhas pa dang/ mtshan mo lan pas par bya/ yul phyogs la mkhas par bya/ dgon pa'i dge slong gis mdo sde la mkhas par bya/ 'dul ba la mkhas par bya/ ma mo la mkhas par bya/ smra ba la mkhas par bya/ chos ston pa la mkhas pa dang/ phung po la mkhas pa dang/ khams la mkhas pa dang/ skye mched la mkhas pa dang/ rten cing 'brel par 'byung ba la mkhas pa dang/ gnas dang gnas ma yin pa la mkhas pa dang/ dgon pa pa'i dge slong rnams kyis chog shes par bya'o/ /dus shes pa dang/ chos shes pa

  520. 260b

    dang/ bdag nyid shes pa dang/ 'khor shes pa dang/ gang zag shes pa dang/ gang zag gi khyad par shes par bya/ dgon pa pa'i dge slong rnams kyis dregs pa mi bskyed/ gnam? bu mi bya/ bkur sti bcas pa dang/ dbang gzhan la rag las pa dang bcas pa dang/ kha mi rgod pa dang/ tshig bstan par bya/ ngo tsha shes pa dang/ khrel yod par bya/ gtam mi mang ba dang/ 'thab mor gyur pa rnams mi smra ba dang/ brtson 'grus su bya/ le lor mi bya/ dran pa dang/ shes bzhin du spyod par bya/ dbang po dben par bya/ zas la tshong zin par bya/ bdag gis zhes mi bya/ srod dang tho rangs kyi tshe rnal 'byor bya ba la nan tan du bya/ gnyid kyi bde ba dang/ 'phres pas bde ba dang/ nyal ba'i bde ba nyams su mi blang/ dus su spyod pa dang/ dus su yin par spyod pa shes par bya/ stan la mkhas pa dang/ 'dug pa la mkhas pa dang/ dge slong gnas brtan rnams la mi spang ba dang/ dge slong gsar du rnams la'ang mi smad pa dang/ dgon pa'i dge slong gis brtson 'grus g.yol bar mi bya/ mthob pa thob par bya ba dang/ ma rtogs pa rtogs par bya ba dang/ mngon sum du ma byas pa rnams mngon sum du bya ba dang/ dgon pa gnas pa'i dge slong gis chos kyi dbyig gu dang/ gdos bu dang/ pho long gis srod dang/ tho rangs la rnal 'byor bya'o/ /dgon pa pa'i dge slong gis kun tu spyod pa'i chos rnams bcas pa bzhin du yongs su rdzogs par ma byas na 'gal tshabs can du 'gyur ro/ /'di ni dgon pa'i bya ba zhes bya'o/ /dgon pa'i gnas brtan gyi bya ba gang zhe na/ dgon pa'i dge slong gnas brtan gyi bya ba ni 'di lta bu la 'jug par bya'o// dge slong gser bu de na 'khod ba rnams kun shes par bya ba nas snga ma bzhin te/ thams cad du 'ang dge slong gnas brtan gyis thog mar 'jug par bya'o/ /rgyud gtang bar mi bya'i du bar ste/ dgon pa gnas pa'o bya rnams bzung bar bya/ dgon pa'i bya ba

  521. 261a

    rnams la gzung bar bya/ de dag gis kyang des rjes su bstan pa'i tshig mnyan cing bsgrub par bya ste/ 'di ni dgon pa'i gnas brtan gyis thog mar bya ba zhes bya'o/ /grong mdza' i bya ba gang zhe na/ grong 'thab kyi dge slong gis mdangs gsal bar bya ba nas snga ma bzhin te/ bde bar rgyus sam zhes bya ba'i bar du'o/ /dge slong 'ongs shing lhags pa rnams la bde bar 'ongs sam zhes dri bar bya/ ji ltar rigs par ngal bso bar bya/ mal stan dag kyang 'di lta bu yod pas sbyin par bya/ gal te snga dro lhags na ni kha zas ci 'byor ba bzhin du bgo zhing sbyin par bya/ des zas kyi 'og rol tu 'ongs na lhung ba dang/ bu ram dang/ sha kha ra dang/ hwags dang/ ha se rnams ci 'byor ba sbyin zhing tshim par bya/ nub mo mal stan yang bsgos shing sbyin par bya/ rkang pa bkru ba dang/ rkang pa bkru ba yang sbyin par bya/ kun dga' ra ba nas phyir 'byung ba dang/ nang du 'jug pa dang/ nye 'khor dang bshad pa'i sa dang/ gci ba'i sa dang/ ska ka dang/ them skas dang gcad pa dang/ dbye ba'i rnams so sor bstan par bya'o/ /dge 'dun gyis khrims su bya ba bcas pa rnams kyang bsgrag par bya'o/ /gal te bsod snyoms pa zhig yin na yang spyod yul rnams rigs par bstan par bya'o/ /'ongs pa la yang chas dang skom rnams sbyar bar bya/ gal te 'dug par gyur na de la dris te/ gnas par gyur na gnas khang dang khang pa rtsegs pa yang rung/ dben pa rdub pa gcig sbyin no/ /gal te 'gro bar na mgu bar byas la phyi bzhin skal lo/ /gal te khyim pa lhags na yang grong mdza' pa'i dge slong gis mgu ba'i bzhin dang khro gnyer med par byas la mdun du bsu ste/ tshig snyan pa brjod par bya'o/ /gal te zas dang skom dang dgos na yang sbyin no/ /gal te nyal na yang mal stan sbyin no//

  522. 261b

    gal te chos nyan 'dod na des nus pa'i bdag nyid kyis chos kyi gtam bya'o/ /gal te bdag nyid kyis mi nus na dge slong gzhan bskos te chos kyi gtam bsgrag par bya'o/ /grong mdza' i dge slong gis bram ze dang/ khyim bdag rnams 'ongs shing lhags pa rnams la sbyin pa po dang/ sbyin bdag la 'jug pa rnams dang/ skyabs su 'gro ba rnams dang/ bslab pa'i gzhi 'dzin du 'jug par bya'o/ /spos dang dri dang me tog kyang sbyin par bya'o/ /mchod rten la bskor ba dang/ phyag 'tshal du gzhug go / ci nus kyis bslabs shing bstan nas btang bar bya ste/ 'di ni grong mdza' i bya ba zhes bya'o/ /grong mdza' / gnas brtan gyi bya ba gang zhe na/ grong mdza' i dge slong gnas brtan gyi bya ba de 'di lta bu la 'jug par bya'o/ /dge slong gsar bu de nas 'khod ba kun shes par bya ba ni snga ma bzhin te/ grong mdza' i dge slong gnas brtan gyis thams cad du yang thog mar 'jug par bya/ rgyud mi gtang pa'i bar du ste/ gong mdza' i bya ba rnams la de dag zung bar bya/ grong mdza' i bya ba rnams gzhag par bya? bya ba bzang po la gzung ba ?/ 'di skad ces bskyobs bya ste/ tshe dang ldan pa rnams dran pa nye bar zhog la grong mdza' i gnas par bya ste/ kun dga' ra ba dang/ dge tshul dang/ bud med rnams la rgyun du blta ba spang bar bya'o/ /lta na yang dran pa nye bar bzhag pa la zhing smra bar bya'o/ /dregs mi bya'o/ /dus su chos kyi gtam bya/ spyod yul ma yin pa rnams las bzlog par bya/ spyod yul rnams la gzung bar bya/ de dag kyang nges bsgo ba dang bstan pa'i tshig mnyan cir 'jug par bya ste/ 'di ni grong mdza' i dge slong gnas brtan gyi bya ba zhes bya'o/ /blo bur du 'ongs pa'i bya ba gang zhe na/ blo bur du 'ongs pa'i dge slong gis kyang bab bab tu kun dga' ra ba'i nang du 'jug par mi bya/ kun dga' ra ba'i sgo khang? lhung bzed dang chos gos bzhag la/ gal te chu song na ni kab pa bkru'o/ /chu med na ni rul phyi

  523. 262a

    ba'i ras ma dang/ lo ma dang lo ma rnying pas rdul phyi'o/ /bshad pa bro ba'am/ gci ba bro na yang/ bshad ba bya/ gci ba bya'o/ /de nas chos gos bgos la phrag pa g.yon pas chos gos kyi gtur bu dang/ lhung bzed kyi snod rnams thogs te/ lag pa g.yas pas na mkhar gsil thogs la lag pa g.yon pas ni lham khyer bar bya'o/ /gal te kun dga' ra ba'i rtsig pas bskor tam/ shing thags kyis bskor tam/ 'obs kyis bskor bar gyur na shes bzhin du sgo la mi 'drus par nang du 'jug par bya/ mchod rten rnams la bskor ba bya/ shes bzhin du dran pa nye bar bzhag la sems mi g.yeng ba dang/ gnya' shing gang tsam du lta zhing gtsug lag khang du zhugs la snang yal che ba'i phyogs su 'jug par bya'o/ /ci nas gzhin gnas pa'i dge slong dag gis mthong na/ dge slong 'di ni blo bur du 'ongs pa zhig go zhes nas/ de dag gi ngal gso ba'i bya bar gyur nas/ glo bur 'ongs pa'i dge slong gtsug lag khang gi nang du zhugs pa dang/ gar 'os par chos gos kyi tur bu dang/ lhung bzed kyi snod dang/ ril ba dang/ lhag ma rnams bzhag par bya'o/ /de nas dge slong gnas brtan dag la bkur stir bcas/ 'jug pa dang bcas pa'i dbang du byas la rkang pa la phyag bya'o/ /dge slong gsar bu rnams la tshig snyan pas dga' bar bya'o stan ji lta bu 'thob pa de la 'dug par bya/ glo bur du 'das pa'i dge slong zas kyis tshe 'am/ thub pa 'thung ba'i tshe 'am/ phyag bya ba'i tshe 'am rung ste/ sgo 'am gaN+Di brdung na dge 'dun 'du ba'i khar 'du bar bya'o/ /lo drangs dres la gar bab pa'i rim pa bzhin du 'dug par bya'o/ /gal te gnas 'drim na shin du brtags la blang ngo/ /gnas khang bskos na ci 'di na gnas sam ma gnas dri'o/ gal te gnas na ci bde zhes bya'o/ /gal te mi gnas pa zhig yin na ni/ der lhung bzed dang chos gos

  524. 262b

    phyogs gcig tu bzhag la phyag dar bya ba'i phyir phyag ma btsal bar bya'o/ /gnas khang gi sgo drung 'ongs nas yang ngal bus brdung bar bya/ 'on te de na sprul lam/ sdig pa 'am/ rkang mngas sam/ sbrang bu tra ma bu ta ka'am/ tre ta ka'am/ srog chags gdug pa gzhan yang rung ste/ yod na tshor bas byas par 'gyur ro/ /des sgo'i dbyibs bla 'og tu brtags pa sgo 'phar la yang brtags par bya'o/ /de nas sgo nas dal? bus phye ste shes bzhin du nang du zhugs la/ dbus su 'dug nas gru bzhir sbrul gyi gnas sam sdigs pa'i gnas sam/ srin bu 'am sbrang bu 'am/ grog spur gzhan gyi gnas bltas te yod par gyur na de dge la ma gnas pa'i tshul 'gror gzhag par bya'o/ /de nas gnas su chag chag gdab cing phyag dar dor ro/ /ba lang gi gci bas zhal zhal 'jam por 'byung bar bya'o/ /de nas gnas mal 'di lta ste/ khri 'am khri'u 'am/ shing khri'u 'am/ stan nad tshangs can nam/ gru bzhi dag yod na/ phyir byung nas gal te rgan po zhig snga na 'dug na ni skad cig bsdad par bya'o/ /ma yin na se gol gyis dal bus gtogs te/ shes bzhin du zhugs la rkang pa bkru bar bya'o/ /blo bur du 'ongs pa dge slong gis bzhin gnas pa'i dge slong rnams la/ sdig pa'i las byas pa 'am/ smad pa'i las byas pa 'am/ bskrad pa'i las byas pa 'am/ phyir 'gyed pa'i las byas pa 'am/ mthong ba gnas nas phyung ba'i las bya ba 'am/ phyir mi 'chos pa gnas phyung ba'i las pa 'am/ sdig pa can gyi lta ba'i rnam pa mi gtong pa gnas nas phyung ba'i las byas pa 'am/ spong ba byed pa 'am/ gzhi nas spong ba byed pa 'am/ mgu ba byed pa 'am/ gzhi nas mgu ba byed pa yang rung ste/ de lta bu yod dam med ces dri bar bya'o/ /gal te yod na yang de dang de lta bur spang bar bya'o/ /gtsug lag khang nas phyir 'byung ba dang/ gang 'jug pa dang/ nyin 'khor dang/ snam phyis sa

  525. 263a

    dang/ gci sa dang/ skas dang/ them skas dang/ sgo bcad pa dang/ dbye ba dang la sogs pa brtags la dri bar bya'o/ /dge 'dun gyi khrims su bcas pa ji lta bu yin pa dri bar bya'o/ /gnas khang du zhugs te stan bting la skyil mo krung bcas te/ lus drang por bsrang la dran pa mngon du bzhag ste/ reg pa bya ba brgyad spang bar bya'o/ /de ni 'di lta ste/ nang ngo/ /skran no/ /mtshon no/ /dug go /mi rtag pa'o/ /sdug bsngal ba'o/ /stong pa nyid do/ /bdag med pa'o/ /snyam du bsams te 'dug la gal te nus na ni ji srid du nus gzhan du 'dug par bya'o/ /'on te yang mi nus na yang lang ste/ rgyud chag gsum pa gdon cing sbyin pa'i yon tan brjod la/ sbyin pa'i yon tan brjod nas g.yas phyogs su 'phres par bya'o/ /rkang pas rkang pa mnan te snang ba'i 'du shes dang/ ldang ba dang/ dran pa mngon du bzhag ste/ shes bzhin du nye bar gzhag nas yid la byed bzhin du mtshan mi zang pa'i tho rangs kyi tshe rings myur bar langs la/ de skyil mo krung bcas shing lus drang por bsrangs te 'dug la/ sems dran pa mngon du byas te lus 'dis rig par bya ba brgyad spangs par byas te/ de ni 'di lta ste/ nad do/ skran no/ /mtshon no/ /dug go /mi rtag pa'o/ /sdug bsngal ba'o/ /stong pa nyid do/ /bdag med pa'o/ /snyam du bsams te/ de nas langs nas so shing bcas la dor ro/ /de nas byas pa rnams byas la/ ci dang dge 'dun gyi bshos 'gron bzhud dam/? 'on te bsod snyoms la bzhud ces dri'o/ /gal te dge 'dun gyis bshos 'gron du bzhud na dge ba'i phyogs ci bder spyad la 'gro bar bya'o/ /gal te bsod snyoms la bzhud na de nas grong dang spyod yul dang/ dad pa'i rigs gang yin pa dang/ ma dang pa'i rigs gang yin pa dang/ khyim 'dir slab pa'i sdoms pa byin pa ma yin nam zhes dri'o/ /rta ma rungs pa dang/ ba lang brdung drus ma med dam zhes dri bar bya'o/ /gal te de

  526. 263b

    nas snga dro sham thabs bgos lhung bzed dang/ chos gos thogs te shes bzhin du bsod snyoms la 'jug par bya'o/ /bsod snyoms rgyus nas zas kyi bya ba spangs nas chos gos dang lhung bzed bzhag nas cing bder 'dug par bya ba 'di ni glo bur du 'ongs pa'i bya ba zhes bya'o glo bur 'ongs pa'i gnas brtan gyi bya ba gang zhen/ glo bur du 'ongs pa'i lhag pa'i gnas brtan dge slong rnams rig par bya'o/ /de dag la yang mdangs gsal bar bya'o/ /khro gnyer med par bya'o/ /tshig snyan pas dge slong rnams mgu bar bya'o/ /glo bur du lhags pa'i dge slong rnams kyi phyir gnas mal brnya bar bya/ 'dug 'dug pa las 'gro bar rnam par lngar bsgo bar bya ste/ gtsug lag khang der ro/ /gtsug lag khang ltos shig ces bsgo ba dang/ gnas mal 'di re/ gnas mal ltos shig ces bya ba dang/ lde mig 'di re zhes bsgo zhing gtang pa dang lnga ste/ 'di glo bur du 'ongs pa'i gnas brtan gyi bya ba zhes bya'o/ /'gro bas bya ba gang zhen/ 'gro ba'i dge slong yul phyogs gang du dang/ phyogs gang du 'gro ba de'i yul phyogs brtag par bya/ de'i phyogs nas 'ongs pa'i dge slong rnams la gang der song na bar chad brgyad po dag las gang yang rung ba'i bar du 'gyur ba de med dam zhes dri bar bya'o/ /gang der song na bsod snyoms dang/ na ba'i gsos sman dang/ bsnyen bskur byed pas brel bar mi 'gyur ram/ bdag la bsod snyoms dang/ na pa'i gsos sman dang/ bsnyen bkur byed kyang brel tshad cing ma snyad par gyur na/ lus nyams shing dus las 'da' bar mi 'gyur ram/ bdag der song na dge slong tshul khrims dang ldan pa/ yon tan dang ldan pa/ res pa/ dge ba'i chos can/ lta ba mtshungs pa/ gnas pa mtshungs pa 'gyur ram/ bdag the tshom ma skyes pa de dag skyed par byed dam/ skyes pa rnams yang sel bar byed dam/ skyes bu rnams la skyes pa ma skyed par byed dam/ skyes pa rnams slar bzlog pa

  527. 264a

    byed dam/ bdag tshe dang ldan pa de dag dang lus bde ba dang/ sems bde bar 'gyur ram/ bdag tshe dang ldan pa de dag dang lhan cig tu dge ba'i chos rnams la 'phel bar 'gyur ram zhes bya ste/ de ltar na yul phyogs brtag par bya'o/ grogs rnams la yang brtag par bya ste/ tshe dang ldan pa 'di dag dang tshul khrims dang ldan nam/ des pa dge ba'i chos can yin nam/ lta ba mtshungs sam/ gnas pa mtshungs sam/ gal te 'di ltar bdag the tshom ma skyes pa mi skyed par byed dam/ skyed pa rnams slar sel bar byed dam/ sdig pa'i lta ba yang skyed pa mi skyed par byed dam skyes pa rnams slar bzlog par byed dam/ bdag tshe dang ldan pa dag dang lhan cig lus dang sems bde bar 'gyur ram/ bdag tshe dang ldan pa de dag dang lhan cig tu dge ba'i chos rnams 'phel bar 'gyur ram/ gal te tshe dang ldan pa 'di dag gis dag lam du nad kyis btab na mi 'dor bar 'gyur ram/ snyam du grogs la brtag par bya ste/ bdag lam der bar chad du 'gyur ba brgyad po dag las gang yang 'byung rung rung bar ma 'gyur ram/ bdag lam der bsod snyoms dang/ na ba'i gsos sman dang/ bsnyen bkur byed pas brel bar mi 'gyur ram/ gal te bsod snyoms dang/ na ba'i gsos sman dang/ bsnyen bkur byed pa med na gnod cing/ dus 'da' bar mi 'gyur ram/ bdag lam der lus bde ba dang/ sems bde bar 'gyur ram/ bdag lam de na dge ba'i chos rnams 'phel bar 'gyur ram/ gal te brel par mi 'gyur na 'gro bar bya'o/ /de lta bur yul phyogs dang grogs dang lam rnams brtags nas/ gal te sngar 'gro'o snyam na ngas deng slob dpon dang mkhan po rnams la blta bar bya ba ste/ bdag yul phyogs ni 'di lta bu grong khyer ni 'di lta bur mchi'o zhu'o/ /slob dpon dang/ mkhan pos kyang de'i yul phyogs brtags par bya/ lam brtag par bya ba

  528. 264b

    dge slong grogs rnams la brtag par bya'o/ /'di'i grogs po dge slong rnams ci 'dra/ 'di'i 'khor ci 'dra/ 'di'i grogs po rjes su 'bring ba ci 'dra ba rnams brtags pa la/ gal te mthun par gyur na zhu ba la yang lan sbyin par bya'o/ /mthun par ma gyur na sbyin par mi bya'o/ /'gro ba'i dge slong gis ma zhus par 'gron 'gal tsha bas can du 'gyur ro/ /gal te dge ba'i phyogs 'phel bzhig tu gyur na slob dpon dang mkhan pos kyang de bzhin du gnas pa ma yin ma zhus par spong yang bla'o/ /gnas khang du gnas pa'i gnas khang de chag chag gdab par bya/ phyag dar bya/ phyag dar dor bar bya/ ba lang gi lci bas zhal zhal 'jam par byug par bya/ nad par sngar rgyud chags gsum pa bklag par bya/ bklags nas sbyin pa'i yon tan brjod par bya/ nad par langs nas gnas mal ji ltar dgos pa de rnams bsgrengs te spug par bya'o/ /de nas rtsig pa las sor bzhi tsam gyis spogs la bcer bzhag la/ sgo bcad de gnam gzer dang 'phreng gtan bcug la de na gnas pa dang gnyug mar gnas pa'i dge slong rnams la gtad de ltos shig ces bsgos la 'gro bar bya'o/ /gnas mal sogs pa la ltos shig ces bsgo ba la lnga ste/ gnas khang 'dir gnas khang 'di la ltos shig /gnas mal 'di re/ gnas mal 'di rnams la ltos shig /lde mig gtad pa na lnga pa yin no/ /kun dga' ra ba'i phyi rol tu byung nas dge slong grogs pa rnams la brtag par bya ste/ ring por ma son par su yis yang brjod cing lus pa med dam zhes phan tshun dri'o/ /gal te brjed cing lus pa zhig yod na/ dge slong de slar zlog la blangs te 'ongs kyi bar du ni bsdad par bya ba 'di ni 'gro ba'i bya ba zhes bya'o/ /'gro ba'i gnas brtan gyi bya ba gang zhe na/ 'gro ba'i gnas brtan gyis sngar langs te/ 'dod pa'i dge slong rnams char gzhug go /de dag la tshe dang ldan pa rnams lhung bzed dang chos

  529. 265a

    gos rnams legs par longs la khyer te 'dod do/ /sus kyang brjod par mi bya'o/ /'dod pa'i dge slong rnams 'dod pa'i 'og tu dge slong gnas brtan nyid kyis de dag gis brjed pa lta yod dam med ces brtag par byas la thams cad kyi mjug du 'gro bar bya'o/ /ring po ma son par de dag la/ la la'i cung zad ma lus sam zhes brjod par bya'o/ /dge slong gnas brtan gyis dge slong de thams cad la rjes su bstan par bya ste/ tshe dang ldan pa rnams las gang yang rung sngon du 'dod de 'gro bar mi bya'o/ /phyir nur te 'gro bar ma 'khod cig thams cad kyang lhan cig tu 'dus la phan tshun du bltas te/ rtog bzhin du 'dod par bya'o/ /dge slong gnas brtan gyi lam du zhugs pa'i tshe/ bde ba dang ldan mi ldan pa'i rig par byas la bdag nyid kyis 'di dag la sngon du 'dor te yod du ma med/ phyir nur te lus la lta yod dam med/ gal te sngon du 'dor ste 'dod pa lta yod na de dag dgag pa bya/ gal te phyir nur zhing lus pa zhig yod na de dag bskul zhing 'dod par bya/ bdag nyid kyi dge slong rnams kyi dbus su zhugs la 'gro bar bya'o/ /gal te 'gro mi nus na bdag nyid kyi lhung bzed dang chos gos la sogs pa de dag la bgo zhing bkur bar bya/ gal te 'gro mi nus pa zhig tu gyur na dge slong de dag gis dge slong de phrag pa 'am/ khur te khyer te/ dgon pa de las phyung la grong du 'bad tu phyin par 'gyur na/ dge slong de la nye gnas kyis dge slong de dang yang de'i zas dang sman gzhan las btsal bar bya'o/ gal te lang 'jigs pa dang bcas par gyur na rig shing myur bar 'dod ste/ de nas phyung ba dang ngal bso bar bya'o/ /gal te yang nus par gyur na gang nas chu 'gram nam/ nags 'tha''am/ gsid? ma sngon po 'am/ sa phyogs gang dga' ba zhig tu brtags te/ dge slong rnams ngal bso bzhug

  530. 265b

    par bya'o/ /ngal bso nas yang 'dod par bya ste/ dge slong gnas brtan gyis de dag kun la/ kye thams cad kyis kyang 'dir sbyin pa'i yon tan re re brjod cig ces bsgo bar bya'o/ /dge slong thams cad kyis sbyin pa'i yon tan gyi tshigs su bcad pa klags pa dang/ dge slong gnas brtan gyis mjug tu sbyin pa'i yon tan gyis tshigs su bcad pa klogs te/ sa phyogs de logs su lan gnyis sam gsum du brtags te 'gro bar bya'o/ /grong mdza' phyin pa dang/ des dge slong rnams kyi phyir gnas btsal bar bya/ mal stan btsal bar bya'o/ /yang na tsa dang lo ma btsal lo/ /gal te yang 'byed par gyur na rkang pa dkru ba dang/ rkang pa bsku ba dang/ tshogs pa'i btung ba dang/ bu ram dang/ hwa gsal sogs pa blang bar bya'o/ /gcig dang/ bshad pa'i sa dang dris te brtags la mtshan mo gnas par bya'o/ /khyim gyi lha rnams kyi phyir yang rgyud chags gsum pa dang/ sbyin pa'i yon tan brjod par bya'o/ /der gnas na yang/ dge slong gnas brtan gyis de dag zan dang/ thug pa dang/ skyo ma rnams gtams shing btsal nas dge slong rnams la brnyod par bya/ de nas dge slong gsar bu rnams khor ba la smra bar bya/ yang dag par smra bar bya/ kun shes par bya/ rtogs par bya/ bstan par bya/ rjes su bstan par bya/ ci nas de dag dregs pa 'am/ mi rigs pa 'am/ rtsed mo las bzlog par bya'o/ /'gro ba'i dge slong gnas brtan gyis ji ltar kun tu spyod pa'i chos bcas pa bzhin du mi byed na 'gal tshabs can du 'gyur ro/ /'di ni 'gro ba'i gnas brtan gyi bya ba zhes bya'o/ /rkang pa bkru ba'i bya ba gang zhe na/ bcom ldan 'das kyis dge slong rnams la rkang pa'i rjes su gnang ste/ dge slong gang gis snod stong par mthong nas bdag nyid kyis dga' bar bya'o/ /yang dge slong gis kun dga' ra ba na gnas pa rnams la khong shig ces bsgo bar bya'o/ /rkang pa bkru ba yin 'di ni yin te/

  531. 266a

    dge slong rnams shes bya ba ni du zhugs lo rkang pa bkru bar bya/ dge slong gis rkang pa bkru ba'i sar yun ring du 'dug par mi bya/ snyoms par 'jug par mi bya/ dran par mi bya/ 'dri bar mi bya/ gtam la zhugs te 'dug par mi bya/ myur du rkang pa bkrus te de nas shes bzhin du slar byung bar bya ste/ 'di ni rkang pa bkru ba'i bya ba zhes bya'o/ /rkang pa bkru ba'i gnas brtan gyi bya ba gang zhe na/ rkang pa bkru ba'i dge slong gnas brtan gyis/ dge slong rkang pa bkru ba la zhugs pa na/ ma zin gyi bar du bslang zhing dbyung bar mi bya/ rkang pa bkru ba la zhugs pa zhes bya ba ni/ khung du rkang pa chus gsher bar gyur pa'o/ /gal te dge slong dag spyod yul mi mdzes par gyur tam/ gtam la zhugs shing 'khod na dge slong gnas brtan gyis de dag bzlog par bya'o/ /lung 'bog par bya/ rjes su bstan par bya/ sbyong lam mdzes pa la gzung bar bya/ ji skad du rkang pa bkru ba'i gnas brtan gyi kun tu spyod pa'i chos rnams la bzung? bar bya ste/ 'di ni rkang pa bkru ba'i gnas brtan gyi bya ba zhes bya'o/ /'dug pa'i bya ba gang zhe na/ gnas pa dang/ smyur bar gnas pa'i dge slong dag gis tshes brgyad dang/ bcu bzhi dang bco lnga la gcig tu 'dus te/ sangs rgyas kyi gsungs pa 'am/ nyan thos kyis bshad pa'i chos gos kyang rung ste/ smra bar bya'o/ de dag nang par sngar bsgo ba 'am/ gaN+Di brdungs ma thag tu 'du bar bya ste/ myur du 'dus nas shes bzhin du 'khod par bya/ shes bzhin du 'khod nas dran pa nye bar gzhag par bya/ sems rnam par ni g.yeng bar bya/ sbyod lam mdzes shing phun sum tshogs par bya/ shin tu bsdams par bya/ shin tu dgag par bya/ sgra dbyung bar mi bya/ mig ma g.yengs pa dang/ gnya' shing gang tsam du blta bar bya/ bkur sti dang bcas pa dang/ bdag sman pa dang bcas pa dang/ 'jigs pa dang bcas pa'i dbang du gyur pa dang/ yid dman pa

  532. 266b

    phyag dang ba lta bu'i sems su bya/ gnas brtan dang/ bar ma gsar bu rnams la byams pa'i sems su bya/ pha dang/ phu nu po dang/ bur 'du shes nye bar gzhag par bya/ stan la 'dug pa la mkhas pa dang/ bdug nas yang phyi phyir zhing nges pa'i chos kyi gtam gyis mtshan mo nam zad par bya'o/ /gal te mi bden yang spyod lam gnyis dus 'da' bar bya ste/ 'chag pa 'am 'greng bas so/ /dge slong rnams 'dus nas 'khod na yang dus su chos mnyan par bya/ bkur sti dang bcas pas mnyan par bya/ smad par mi bya/ tshul bzhin du/ 'jug par bya/ glags btsal bar mi bya/ chos la bkur sti mngon du gzhag par bya/ chos smra ba'i gang zag la 'ang/ brnyas par mi bya/ bdag nyid la smad par mi bya/ sems gcig tu thub pa dang dka' ba yin no zhes bya bar bsams pa dang/ rna ba'i g.yengs pa dang/ sems gus pa dang/ sems thams cad gcig tu bsdus la chos mnyan par bya'o/ /de'i 'og tu lha rnams dang/ rgyal po dang/ sbyin bdag dang/ sbyin pa po rnams kyi phyir/ sbyin pa'i yon tan gyi tshigs su bcad pa gdon par bya ste/ 'di ni 'dug pa'i bya ba zhes bya'o/ /'dug pa'i gnas brtan gyi bya ba gang zhe na/ dge slong gnas brtan gyis sngar bsgo ba 'am/ gaN+Di brdungs kyang rung ste/ thog mar 'gro bar bya/ thog mar 'gre bar bya/ thog mar 'dug par bya/ 'dug nas kyang skad cig mi smra bar bya/ de nas bdag nyid kyis chos smra bar bya/ yang na nus pa'i dge slong la chos? smros shig ces gsol ba gdab par bya'o/ /bdag nyid kyis smras sam/ dge slong nus pa la yang gsol ba ma byas na 'gal tshabs can du 'gyur ro/ /gal te 'khod pa la yang bram ze dang/ khyim bdag dag lhag sam des de dag la yang chos dang ldan pa'i gtam bya'o/ /gal te gzhan mu stegs can kun tu rgyu glags tshol lam/ klan ga tshol zhing lhags na/ de dag la yang chos kyis brgal bal yang 'jug par bya/ 'di ni mi 'dra ba'o/ /'di ni ma

  533. 267a

    grub pa'o/ /zhes rigs pa'i chos kyis 'dul bar bya/ khro ba mi bskyed par bya/ mi khro bar bya/ mi slong bar bya ste/ 'di ni 'dug pa'i gnas kyi bya ba zhes bya'o/ /chos 'chad pa'i bya ba gang zhe na/ chos 'chad pa'i dge slong gis gus pa dang bcas pa dang/ sems dma' ba dang bcas pa dang/ 'jigs pa dang bcas pa'i dbang du gyur pas gnas pa dang/ yid dman zhing phyag dar ba lta bu'i sems su bya ste/ 'khor gyi nang du zhugs ste/ chos bshad par bya ba ni rigs pa dang grol ba'i tshig dang/ ma 'khrul pa'i tshig dang/ ma 'dres pa dang/ 'brel pa dang/ ma 'khrugs pa dang/ sems ma g.yeng ba dang/ zang zing gi sems su ma yin pa dang/ chos nyid la yang bkur sti mngon du bya/ chos nyan pa'i dge slong rnams la yang bkur sti mngon du bya/ chos la brnyas par mi bya/ bdag nyid kyang smad par mi bya/ chos rnams la yang chos nyid rten cing 'brel bar 'byung ba yin par rtogs par bya ste/ bya ba'i tshul du rjes su rtse ba dang/ chos 'di yun ring du gnas par 'gyur bar bya'o/ /chos nyid la brten gyis zang zing la brten te chos bshad par mi bya/ 'di ltar 'chad pa'i dge slong gis dus su chos bshad par bya/ bkur sti thog mar bya rjes su mthun pa dang/ bya ba'i tshul du rjes su rtse ba dang/ chos 'di yun ring du gnas par 'gyur bar bya'o/ /chos nyid la mos pa dang/ rigs par ldan pa dang/ ma 'khrugs pas chos bstan par bya ji ltar 'khor rnams la byams pa'i sems dang/ rjes su brtse ba'i sems su gnas par bya/ rnyed pa dang bkur sti dang/ grags pas ni ma yin no/ /chos 'chad pa'i tshe bdag nyid la bstod par yang mi bya/ gzhan la smod par yang mi bya ste/ 'di ni chos 'chad pa'i bya ba zhes bya'o/ /chos 'chad pa'i gnas brtan gyi bya ba gang zhe na/ chos 'chad pa'i dge slong gnas brtan gyi gang na chos 'chad pa der 'gro bar bya'o//

  534. 267b

    dge slong 'di chos bzhin du 'chad dam/ 'on te chos bzhin ma yin par mnyan la/ gal te chos bzhin du 'chad na ni spro ba bskyed par bya/ chos bzhin ma yin par 'chad na ni slar bcos par bya/ gal te slar bcos nus na ni de lta na ni legs/ gal te slar 'chos mi cus na ci btub kyis smad par bya ste/ dge slong 'di ni chos ma yin/ 'dul ba ma yin ston pa'i bstan pa ma yin gyis/ /bcom ldan 'das kyis chos kyi bzhi ma shig cig /chos kyi spyan ma gzhar cig ces smras la langs te 'gro bar bya ba 'di ni/ chos 'chad pa'i gnas brtan gyi bu ba zhes bya'o/ /dus kyi bya ba gang zhe na/ dge slong rnams dus su 'gro bar bya ste/ 'di ni dus kyi bya ba zhes bya'o/ /dus ma yin pa'i bya ba gang zhe na/ dge slong gis dus ma yin par grong du 'jug par mi bya/ de 'dra ba'i rkyen byung ba ma gtog te/ 'khor pa'i dge slong ma la bsgor ba mi? 'di ni 'das ma yin pa'i bya zhes ma bya'o/ /dus ma yin pa'i dge 'dun 'du ba'i bya ba gang zhe na chos brgyad dang/ chos bcu bzhi dang/ chos bco lnga la dge 'dun 'du ba ma gtogs par de las gzhan gyi phyi dge 'dun 'du ba dang/ dge 'dun gyi las dang/ dge 'dun gyi bya ba dang/ dge 'dun gyi byed pa rnams yin te/ de la sngar bsgo pa'am/ gaN+Di? brdungs kyang rung myur du 'du bar bya/ shes bzhin du 'dod par bya ba nas snga ma bzhin no/ /'dug pa la mkhas par bya ba'i bar du'o/ /der dge 'dun gyi gnas brtan gyis rgan rims su phyag bya ba nas/ bdag gi stan gang na bar 'dug par bya/ gnas brtan gnyis pas kyang dge 'dun gyi gnas la phyag byas nas rang gi stan la 'dug par bya/ de bzhin du gnas brtan gsum pa dang/ bzhi pa nas dge 'dun gyi gsar bu'i bar ste/ rgan rims su phyag byas nas/ rang gi stan gang na bar 'khod par bya'o/ /der dge slong gnas brtan dang/ bar ma dang/ gsar bu rnams kyis chos ji lta bu dang/ ston pa'i bstan pa ji lta bar dge 'dun gyi las bya/ dge

  535. 268a

    slong gnas brtan gyi dge slong rnams la sbyor bar mi bya/ smod par mi bya/ ma gus par mi bya ba 'di ni dus ma yin par dge 'dun 'du ba'i bya ba zhes bya'o/ /dus ma yin par dge 'dun 'du ba'i gnas brtan gyi bya ba gang zhe na/ dus ma yin par dge 'dun 'du ba'i dge slong gnas brtan gyis dus ma yin par dge 'dun 'du bar dang/ sngar bsgo ba 'am gaN+Di brdungs kyang rung ste/ thog mar 'gro bar bya/ thog mar 'greng bar bya thog mar 'dug par bya ste/ bkur stir bcas pa dang/ sems dman pa dang bcas pa dang/ 'jigs pa dang bcas pa dbang du gyur pa dang/ yid phab la phyag dar ba lta bu'i sems su bcas la/ dge 'dun gyi nang du 'gro bar bya/ rgan rims su phyag byas nas rang gi stan gang na bar 'dug par bya gnas brtan dang bar ma dang/ gsar bu rnams la yang byams pa'i sems su bya/ phan pa'i sems su bya/ rjes su brtse ba'i sems su bya/ pha dang phu nu bo dang bur 'du shes pa mngon du gzhag par bya ste/ 'khor rnams la yang blta bar bya ste/ gang cha lugs sdug /gang la cha lugs mi sdug /gang mdzes par gyur/ gang gis legs par bgo/ gang gis mi sdug par bgos/ gang cha lugs mdzes pa de dag ni btang snyoms su gzhag /gang cha lugs mi mdzes pa de dag la spran par bya/ bsgo bar bya/ gang zhig gis legs par bgos pa ni btang snyoms su gzhag /gang gis mi sdug par bsgos pa de dag la ni brda bya/ des brda byas pa mtshor na drung na mo la brda bya/ drung na mos kyang ma tshor na dge slong gnas brtan gyis ci nas mi 'khrul ba'i tshul du sgran par bya/ ci nas legs par bgos pa dang/ rgya tshor mi dbyung bar bya'o/ /dge slong gnas brtan gyis 'khor gyi nang du brtag par bya ba ni ci 'khor 'di dag ni chos bzhin du byed dam/ 'on te chos bzhin ma yin na ni ci bder bya'o zhes las thams cad byed du

  536. 268b

    gzhug go /gal te chos bzhin du ma yin na ni chos kyi phyogs su gnas par bya/ chos bzhin du 'dri ba la lan sbyin par bya/ yang na cang mi smra bar langs te 'gro bar bya'o/ /de'i phyir rtsod pa dang 'khrug pa rjes su 'byung bar mi bya ba 'di ni/ dus ma yin par dge slong 'du ba'i gnas brtan gyi bya ba zhes bya'o/ /smra ba'i bya ba gang zhe na/ rgyal po'i khab kyi grong khyer chen po na/ mu stegs can kun tu rgyu gzhan dag cig /chos brgyad dang/ bcu bzhi dang/ bco lnga'i tshe/ gcig tu 'dus nas chos smra ba dang/ de na der skye ba mang po 'dus nas rnyed pa dag kyang rnyed par 'gyur/ bkur stir byed de/ de dag gi 'khor yang 'phel bar gyur pa dang/ yul ma ga d+ha'i rgyal po gzo sbyangs gzugs can snying po/ /gsung rab 'di la dad par gyur nas/ de 'di snyam du sems te/ mu stegs can kun tu rgyu 'di dag tshes brgyad ces bya ba nas/ de dag gi 'khor yang 'phel bar 'gyur zhes bya ba'i bar du ni snga ma bzhin no/ /'di ltar dge slong rnams kyang tshes brgyad dang/ bcu bzhi dang/ bco lnga la gcig tu 'dus nas chos smra na/ bdag kyang der 'gro ste/ rgyal po 'ang der 'gro'o snyams nas/ skye bo mang po dag kyang 'du bar 'gyur/ dge slong rnams kyis rnyed la/ bkur sti yang 'byung/ 'khor rnams kyang 'phel bar 'gyur/ skye bo mang po la yang bsod nams mang du 'phel/ dge slong rnams kyang mi 'jigs par 'gyur ro bstan pa yang rgyas par 'gyur/ dam pa'i chos kyang yun ring du gnas par 'gyur/ chos kyi sgron ma yang 'bar bar 'gyur/ phyi ma'i skye bo rnams la yang snang bar byas par 'gyur ro/ /snyam nas yul ma ga d+ha'i rgyal po gzugs can snying po/ /bcom ldan 'das ga la ba der 'ongs te/ phyin nas/ bcom ldan 'das kyi zhabs la mgo bos phyag 'tshal te phyogs cig tu 'dug go /phyogs cig tu 'dug nas/ yul ma ga d+ha'i rgyal po gzo sbyangs gzugs can snying pos bcom ldan 'das la 'di skad ces gsol

  537. 269a

    to/ /btsun pa gzhan mu stegs can kun tu rgyu ni ches brgyad nas/ de dag gi 'khor yang mang du 'gyur ro/ /zhes bya ba'i bar du snga ma bzhin no/ /'di ltar dge slong rnams kyi tshes brgyad nas/ phyi ma'i skye bo rnams la snang bar bgyid par 'gyur lags na/ rjes su snang bar mdzad du gsol zhes bya ba'i bar du snga ma bzhin no/ /bcom ldan 'das kyis yul ma ga d+ha'i rgyal po gzo sbyangs gzugs can snying po la cang mi gsung bar rjes su gnang ngo/ /de nas yul ma ga d+ha'i rgyal po gzo sbyangs gzugs can snying po bcom ldan 'das kyis cang mi gsung bar gnang par shes nas/ bcom ldan 'das kyi zhabs la mgo bos phyag 'tshal te/ bcom ldan 'das kyi drung nas song ngo/ /de nas bcom ldan 'das kyi yul ma ga d+ha'i rgyal ba gzo sbyangs gzugs can snying po song nas ring por ma logs par mkhyen te/ dge slong rnams la bka' stsal pa/ de lta bas nas dge slong rjes gnang gis/ tshes brgyad dang bcu bzhi dang bco lnga la gcig tu 'dus te/ chos smra bar bya'o/ /de yang 'di ltar smra bar bya ste/ chos smra ba'i dge slong gis don dang tshig 'brus don rnams go par bya'o de nas dge slong dag cig tha mal bar smras te/ tshig tha mal bar smras pas 'khor rnams kyis go bar ma gyur pa dang/ de ltar gyur pa'i dge slong rnams kyis bcom ldan 'das la gsol ba dang/ bcom ldan 'das kyis bka' stsal pa/ rjes su gnang gis dbyangs kyis chos smra bar bya'o/ /de dag gis ji ltar 'dug bzhin du smras pa dang/ 'khor de rnams kyis go bar ma gyur pa ste/ bcom ldan 'das kyis bka' stsal pa/ rjes su gnang gis stan mthon po bca' bar bya'o/ /de dag gis mdo sde chen po sdus shig smras pa dang/ the tshom du gyur te/ rgyas par yang mi byed la/ de nyid kyis nyi ma zad par byed pa dang/ 'khor rnams skyo bar gyur te/ bcom ldan 'das kyis bka' stsal

  538. 269b

    pa/ rjes su gnang gis don gyi dbang du ci bder bya'o/ mdo sde drag las don nyi tshe blangs te/ gtam bya zhing bshad par bya ba brdog par bya'o/ /gsungs pa bzhin du gzhung 'ched bar 'dod pa dang/ de dag mdo sde'i mdza' ma rus par 'gyur ram snyam du the tshom du gyur nas/ bcom ldan 'das kyis bka' stsal pa/ rjes su gnang gis mdo sde'i don te tshe bsdus te/ skabs skabs su gtam bya'o/ /bshad pa yang gzhung bzhin du bya'o/ /don dang tshig 'bru 'brel pas 'khor rnams la go bar bya'o/ /mdo sde dag kyang de bzhi du gzung bar bya'o/ /de dag gnyis lhan cig tu 'khor gcig la 'chad nas/ bcom ldan 'das kyis bka' stsal pa/ 'khor cig gis nang du gnyis kyis bshad par mi bya'o/ /gang 'chad par byed na 'gal tshabs can du 'gyur ro/ /de dag 'khor dang 'khor du 'chad par byed nas de dag 'khrugs par gyur pa dang/ bcom ldan 'das kyis bka' stsal pa/ 'khor dang 'khor du bshad par mi bya'o/ 'chad par byed na nyes byas su 'gyur/ de dag 'khor gnyis la cig car 'chad par gyur pa dang/ bcom ldan 'das kyis bka' stsal pa/ gnyis kyis 'khor gcig la/ cig car bshad par mi bya'o/ /gang 'chad par byed na nyes byas su 'gyur ro/ /'di ltar bshad pa las gnyis po 'khrugs par mi 'gyur ba de ltar bya'o/ /de dag 'khor khrid cing dong ba dang/ bcom ldan 'das kyis bka' stsal pa/ 'khor khrid de 'gro bar mi bya'o/ /gang 'khor 'khrid cing 'gro na 'gal chabs can du 'gyur ro/ /rang dbang na nyes pa med do/ /de dag chos kyi sgo nas rnyed pa phal 'chel te/ chos 'chad bas 'tsho bar byed pa dang/ bcom ldan 'das kyis bka' stsal pa chos sgo nas rnyed pa 'ang mi btsal lo/ /chos 'chod zhing 'tsho bar mi bya'o/ /bdag nyid smra bar mi byed pa dang/ bcom ldan 'das kyis bka' stsal pa/ rjes su dran par byed pas rjes su dran par bya'o/ /rjes su

  539. 270a

    dran par byed pa 'ang med nas/ rims kyis dran par bya'o/ /tshigs su bcad pa dang/ dbyangs su dpyad zhing bya'o/ /dge slong de dag mi smra ste/ bcom ldan 'das kyis bka' stsal pa/ bdag nyid kyis smra bar bya'o/ /gang dge slong gzhan la gsol ba 'debs par bya'o/ /gsol ba btab pa'i gang zag gis kyang rig par bya'o/ /bdag nyid kyis kyang mi smra 'am/ yang na dge slong gzhan la yang gsol ba 'debs sam/ gsol ba btab pa'i gang zag gis kyang shes par ma byas na/ 'gal tshabs can du 'gyur ro/ /de dag gis rim bzhin du bsgas pa dang/ 'di ltar zhar ba dang/ glen pa dang sgur po dag la/ gzhan mu stegs can kun tu dag shAkya'i bu dge sbyong gi nang du skyes bu dam pa'o/ /skyes bu gtso bo/ skyes bu mchog go zhes nyes pa ngor brjod cing 'phyas 'dogs te/ mi snyan par gyur to/ /de ltar gyur pa'i dge slong gis bcom ldan 'das la gsol pa/ bcom ldan 'das kyis bka' stsal pa/ nus pa spyod na tshes smra ba'i rim bzhin du mi bsgo'o/ /gang nus pa de bsgo bar bya'o/ /'khor 'khrugs pa de lta bu bsgo bar mi bya'o/ /smra ba'i bya ba gzhan yang dus gang dang gang du yang rung ste/ dge slong rnams 'dus shing 'khod pa dang chos kyi gtam nges pa rnams brjed par bya'o/ /gal te mi shes na yang gcig dri bar bya/ gcig la gcig zhu bar bya/ bgam par mi bya/ klan ka btsal bar mi bya/ 'phyas bdags pa'i phyir mi bya/ nyams sad pa'i phyir mi bya'i/ ci nas chos rim 'gro dang/ bkur sti'i phyir dri bar bya zhi bar bya ste/ ci dge 'am/ 'on te mi dge/ ci kha na ma tho ba dang bcas pas sam/ ci 'di byas na dge bar 'gyur ram/ 'on te sdig par 'gyur zhes bya ba ni smra ba'i bya ba zhes bya'o/ /mi smra ba'i bya ba gang zhe na/ gnas gang na dge slong rnams smra zhing gzhan la brjod par mi 'dod pa de dag gi ji lta bu yid la byed pa 'grub pa de bzhin du bsgom par bya'o/ /spyod lam bzhi 'jug par bya'o/ /phan tshun du mi

  540. 270b

    smra ba la 'jug pa ste/ rgyas par bya ba ni 'di lta ste/ chu klung yid 'ong ldan gyi dge slong rnams kyis ji lta ba bzhin du bya te/ 'di ni mi smra ba'i bya ba zhes bya'o/ /dbyar nye bar bsgrub pa'i bya ba gang zhe na/ dbyar nye bar sgrub pa'i dge slong gis bsams bzhin du bsam/ shin tu brtags pa bzhin brtags/ shin tu spyad pa bzhin dpyad de/ dbyar nye bar bsgrub par bya ste/ bdag gnas de na dge slong ji ltar tshul khrims dang ldan pa dang yon tan dang ldan pa dang/ mkhas pa dang ldan pa dang/ dge ba'i chos dang ldan pa dang/ lta ba mtshungs pa dang/ gnas pa mtshungs pa dang/ grogs mtshungs pa dang/ yid gcugs pa dag dang lhan cig gang bde bar 'gyur ba ni 'di lta ste/ 'gro yang rung/ 'dug kyang rung/ bdag gnas de nas dge slong mdo sde 'dzin pa dang/ 'dul ba 'dzin pa dang/ ma mo 'dzin pa dang/ gang the tshom ma skyes pa mi skyed pa dang/ skyed pa rnams sal bar byed pa dang/ sdig pa can gyi lta ba ma skyes pa mi skyes pa dang/ skyes pa rnams sel bar byed pa yod dam/ bdag gnas de na na ba dang rjes su mthun pa'i sman pa dang/ zas dang yo byad dang/ bsnyen bkur byed par 'byor par 'gyur ram/ gnas de nas bdag gi lus dang sems bde bar 'gyur ram/ gnas de nas dge slong dag 'thab mo byed pa dang/ mtshang 'bru bar byed pa dang/ 'gyed par byed pa dang/ rtsod par byed pa dang/ gleng bar byed pa lta mi gnas gang/ des bdag ma thob pa thob par bya ba dang/ ma rtogs pa rtogs par bya ba dang/ mngon sum du ma byas pa rnams mngon sum bya ba'i bar chad du mi 'gyur grang/ gnas de na dbyar gyi nang du dge 'dun bye bar mi 'gyur zhes de bzhin du bsams bzhin du bsams/ brtags pa bzhin du brtags/ dpyad pa bzhin du dpyad par bya'o/ /na ba'i bsnyen bkur ba'i grogs su mthun pa dang 'gro bar bya ste/ 'di ni dbyar nye bar sgrub pa'i bya ba zhes bya'o/ /dbyar gnas pa'i bya ba gang zhe na/ dbyar

  541. 271a

    gnos pa'i dge slong gis don med pa'i phyir zhag gcig kyang mtshams kyi phyi rol tu 'gro bar mi bya/ don cig yod par gyur na des zhag bdun nam/ zhag bcur byin gyis brlabs la 'gro bar bya'o/ /de yang don gyi phyir te/ don gang gi phyir zhe na/ dge slong gi don nam/ dge slong ma'i don nam/ dge tshul ma'i don nam dge bsnyen ma'i don nam/ nye du'i don nam/ bdag gi don kyang rung/ de gal te de sangs rgyas la 'am/ chos la'am dge 'dun la'am/ sdug bsngal la 'am/ kun 'byung ba la 'am/ 'gog pa la 'am/ lam la'ang rung/ the tshom can du gyur tam/ yid gnyis su gyur tam/ dgos par gyur tam/ ma thob pa la thob pa'i 'du shes su gyur tam/ ma rtogs pa la rtogs pa'i 'du shes dang/ mngon sum du ma byas pa'i 'du shes te/ 'di ltar gzhan mu stegs can kun tu rgyu dag gis don la yang rung ste/ gal te dge slong des gnas de nas dbyar dge 'dun bye bar 'gyur ram/ mchod rten nam gtsug lag khang yang rung/ dral bar 'gyur ram/ zhig par gyur kyang rung ste/ der dge slong des sangs rgyas sam/ chos sam/ dge 'dun gyi don la yang zhag bdun nam/ bzhi bcur byin gyis brlabs la 'gro bar bya'o/ /gal te der song ba las zhag bzhi cu yang rung/ lon par gyur/ dge slong dbyar ral pa'i nyes pa byung bar mi 'gyur te/ 'di ni dbyar gnas pa'i bya ba zhes bya'o/ /dbyar gnas pa'i gnas brtan gyi bya ba gang zhe na/ dbyar gnas pa'i dge slong gnas brtan gyi gtsug lag khang rnams dang/ mchod rten rnams shes par bya/ ji lta bur ral pa bcos par bya ba dang/ su byed pa la spo ba skyed par bya/ bsgrags par bya/ su mi byed pa de la ni bskul bar bya/ dran par bya ba 'di ni/ dbyar gnas pa'i gnas brtan gyi bya ba zhes bya'o/ dbyar gnas par khas blangs pa'i bya ba gang zhe na/ dbyar gnas par las blangs pa'i dge slong rnams kyis las rnam pa

  542. 271b

    gsum bya ste/ dbyar gang du gnas pa de'i gnas khang de dag ral pa dang 'drums pa bcos su gzhug par bya/ mtshams brtag par byed du gzhug go/ ngas dar gos gang rnyed pa'i gos des sra rkyang du gting bar bya/ yang na gding du gzhug pa 'di ni/ dbyar gnas pa'i bya ba khas blangs zhes bya ba zhes bya'o/ /'khor dang ldan pa'i bya ba gang zhe na/ 'khor gyi gtso bo des dus dus su 'khor rnams la gang legs pa spyod pa dang/ gang legs par mi spyod pa dang/ gang mdzes par bsgrub pa dang/ gang mi mdzes par bsgrub pa brtags te/ gang legs par spyad cing/ mdzes par bsgrub ba de la ni/ yongs su bskyang bar bya ste/ tshe dang ldan pa legs so legs so/ /ji ltar khyod spyod pa de lta bur spyod par bya'o/ /zhes spro ba bskyed par bya'o/ /yang dag par dga' bar bya/ de la dus su phyi phyir zhing bstan par bya/ bslab par bya'o/ /gang lags par mi spyod dam/ mdzes par mi sgrub pa de la ni/ gang la ji lta bur 'ongs pa de lta bur chad pas bcad pas ni/ 'khod dang ldan pa'i bya ba zhes bya'o/ /'khor gyi nang du zhugs pa'i bya ba gang zhe na/ dge slong 'khor gyi nang du 'gro ba na dran pa nye bar gzhag nas 'khor gyi nang du 'gro bar bya'o/ /'di ni rgyal rigs kyi 'khor to/ /'di ni bram ze'i rigs kyi 'khor to/ /'di ni dge sbyong gi 'khor to/ /der bdag gis 'di lta bur 'gro bar bya/ 'di lta bur 'gred bar bya/ 'di lta bur 'dug par bya/ 'di lta bur smra bar bya/ 'di lta bur smra bar mi bya'o/ /zhes bya ba 'di ni 'khor gyi nang du 'gro ba'i bya ba zhes bya'o/ /'khor gyi nang du zhugs pa'i bya ba gang zhe na/ dge slong 'khor gyi nang du zhugs pa des gtam tshogs mi bya/ gtam 'gal ba rnams mi bya'o/ /'khor rnams dang rjes su mthun par byas la de dag dang rjes su mthun pa'i gtam smra bar bya'o/ /gtam byas nas stan las 'das par bya ba de ni/ 'khor gyi nang du

  543. 272a

    zhugs pa'i bya ba zhes bya'o/ /'khor gyi nang du zhugs pa'i gnas brtan gyi bya ba gang zhe na/ 'khor gyi nang du zhugs pa'i dge slong gnas brtan gyis 'khor rnams la 'di dag gtam ji lta bu la dga' / 'on te cang mi smra ba la dga' 'am zhes rnams la brtag par bya'o/ /gal te de dag gtam la dga' ba zhig yin na ni/ de dag dang mthun pa'i gtam bya'o/ /gal te mi smra ba la dga' ba yin na ni der cang mi smra bar 'dug par bya ba ste/ 'di ni 'khor gyi nang du zhugs pa'i gnas brtan gyi bya ba zhes bya'o/ /gso sbyong gi bya ba gang zhe na/ bcu bzhi pa 'am/ gso sbyong bco lnga pa de nyid kyi tshe/ rang gi rgyud la brtag par bya ste/ mtshan mo'i rgyud dang/ nyon mo'i rgyud dang/ bdag la skabs der ltung ba lta ma byung ngam/ gal te byung ba yod na dge slong yid brtan pa zhig rnyed na ni/ de'i mdun du bshags par bya/ gal te ma rnyed na ni sems kyis byin gyis brlabs pa dang/ gal te nyes pa ma byung na ni sems bskyed par bya/ bdag ni ltung ba de las yongs su dag go zhes tshig tu brjod par bya'o/ /gso sbyong ni tshul khrims yongs su dag par byed pa ste/ 'di ni gso sbyong gi bya ba zhes bya'o/ /gso sbyong gi sngon du bya ba'i bya ba gang zhe na/ dge slong gso sbyong mngon du bshags byung la/ min na mi dang bzhin du yang 'gro bar bya ste/ de yang shes bzhin du 'gro bar byas nas/ snga ma bzhin te/ 'dug pa la mkhas par bya ba'i bar du'o/ /'dug pa nas so sor thar pa'i mdo las ston pa'i snyam pa'i 'du shes mngon du gzhag par bya/ bkur stir bya/ ri mor byas la mnyam par bya/ bla mar bya/ gces par bya/ yid la bzung bar bya/ sems rtse gcig tu bya/ rna ba mi g.yeng bar bya/ sems thams cad kyis gcig tu dmigs nas mnyan par bya'o/ /mnyan nas kyang de lta bur nan tan du bya/ bsgrub par bya ba ni gso sbyong mngon du bya ba zhes bya'o/ /gso sbyong gi las bya ba gang

  544. 272b

    zhe na/ gso sbyong gi las bya ba rnam pa lnga ste/ mngon par smra ba dang/ byin gyis brlabs pa dang/ 'dun pa dang/ yongs su dag pa dang/ dgag dbye dang/ sems kyis byin gyis brlabs pa'o/ /gzhan yang gso sbyong gi las la rnam pa bzhi ste/ chos bzhin ma yin la 'dus par rjes su ma zhugs pa dang/ chos bzhin ma yin la 'dus par rjes su zhugs pa dang/ chos bzhin yin la 'dus par rjes su ma zhugs pa dang/ chos bzhin yin la 'dus par rjes su zhugs pa'o/ /de la chos bzhin du byed pa'i gso sbyong gi las de ni 'di lta ste/ chos bzhin yin la 'dus par rjes su zhugs pa ste/ 'di ni gso sbyong gi las kyi bya ba zhes bya'o/ /so sor thar pa'i bya ba gang zhe na/ bcu bzhi pa 'am/ bco lnga pa'i gso sbyong de nyid kyi tshe/ mtshams dang las kyi nang du phyin pa ji snyed pa de dag thams cad gcig tu 'dus shing 'khod pa dang/ dge 'dun gyi gnas brtan dge slong gis so sor thar pa'i mdo gdon par bya/ so sor thar pa'i mdo la yang ston par 'du shes mngon du bzhag par bya/ bkur sti dang/ rim gror byas la mnyan par bya/ bla mar bya/ ri mor bya/ yid la gzung bar bya/ sems rtse gcig tu bya/ rna ba mi g.yeng ba dang/ gzhan thams cad gcig tu thub par byas la mnyan par bya/ thos nas kyang de bzhin du nan tan bya/ bsgrub par bya ba de ni so sor thar pa'i bya ba zhes bya'o/ /so sor thar pa gdon pa'i bya ba gang zhe na/ so sor thar pa'i gdon pa la rnam pa lnga ste/ gsol bar bya ste/ gleng gzhi bton nas lhag ma rnams ni thos pa bzhin no/ /zhes bsgrags par bya ba de yang so sor thar pa bsgrags na so sor thar pa bton pa zhes bya ste/ 'di ni so sor thar pa bton pa dang po'o/ /gsol ba zhes bya ste/ gleng gzhi bton nas pham par gyur pa bzhi bton te/ lhag ma rnams ni thos pa bzhin no zhes bsgrags par bya ste/ de yang so sor thar pa gdon pa gnyis pa'o/ gso sbyong pa byas te gleng bzhi bton nas pham

  545. 273a

    par 'gyur pa gzhi yang bton dge 'dun lhag ma bcu gsum yang bton nas/ lhag ma rnams ni thos pa bzhin no zhes bsgrags pa ni so sor thar pa bton pa yin te/ 'di ni so sor thar pa gdon pa gsum pa'o/ /gsol ba byas te gleng gzhi bton nas pham par gyur pa bzhi yang bton/ dge 'dun lhag ma bcu gsum yang bton/ ma nges pa'i chos gnyis kyang bton nas lhag ma rnams ni thos pa bzhin no zhes bsgrags pa ni/ so sor thar pa gdon pa yin te/ 'di ni so sor thar pa gdon pa bzhi pa'o/ /so sor thar pa rgyas par bton pa ni lnga pa ste/ 'di ni so sor thar pa gdon pa'i bya ba zhes bya'o/ /so sor thar ba gdon par byed pa'i bya ba gang zhe na/ so sor thar pa gdon pa'i dge slong gis so sor thar pa'i mdo de kha ton gsal por bya/ dran par bya/ shin tu gtan la phebs par bya/ nam 'don pa'i tshe mi 'khrul bar legs par bya/ des bdag gis rgyud kyang brtag par bya ste/ mtshan mo'i rgyud dang nyin mo'i rgyud las bdag la de'i skabs su nyes pa lta byung ngam ma byung ba brtags te/ gal te nyes pa byung bar gyur na yid brtan pa'i dge slong yod na de'i drung du bshags par bya ste/ gal te med na re zhig gso sbyong byas la/ de'i 'og tu bdag gis ltung ba ji ltar chos bzhin du phyir bcos par bya'o snyam du sems kyis byin gyis brlabs par bya'o/ /ji ltar so sor thar pa'i mdo las 'byung ba bzhin du des nan tan du bya ba de ni so sor thar pa gdon par byed pa las bya ba zhes bya'o/ /gnas brtan gyi bya ba gang zhe na/ gal te dge slong rnams khyim pa'i der zan la mgron du bos na/ de'i tshe dge slong gnas brtan gyis snga zad sham thabs bgo bar bya/ bdag rang byung ste 'dug par bya ba de ni gnas brtan gyi bya ba zhes bya'o/ /bar mas bya ba gang zhe na/ dge slong bar mas kyang dge slong gnas brtan mdun du byas nas grong du 'jug par bya'o/ /gal te

  546. 273b

    gnas brtan bshad pa 'am/ gci ba zhig tu thogs na des mi ring bar song la bsdad par bya'o/ /gal te ring du song na grong gis nye 'khor du song la bsdad par bya'o/ /gal te bram ze 'am/ khyim bdag gi spron pa btang na yang gnas brtan 'ongs kyi bar du re shig bsdad dgos so/ zhes smra bar bya'o/ /gal te nang du son pa nyid na yang gnas brtan gyi stan bzhag ste 'dug par bya/ gal te lag chu drangs pa'i tshe gnas brtan la gtad do zhes smras par bya'o/ /gal te gnas brtan 'ongs par gyur na yang 'khod pa thams cad ldang bar bya ste/ 'di ni bar mas bya ba zhes bya'o/ /gsang bu'i bya ba gang zhe na dge slong gsar bus gtsug lag khang du chag chag gdab par bya/ phyag dar bya/ phyag dang dor bar bya/ ba lang gi lci bas zhal zhal 'jam por byug par bya/ chu rnams so sor bcu zhing gzhag par bya/ stan rnams gding bar bya/ zas rnams bskos sar grang bar bya/ sro khang bsgrub pa'i rnam pa bya ste/ der shing bskyal bar bya/ 'bru mar bzhag par bya/ sa dang phye ma gzhag par bya/ chu gzhag par bya/ dge slong gang las khas blangs pa de dag gi las bya bar bya'o/ /kun tu spyod pa gzhan yang rung ste/ thams cad gsar bus bya ba'o/ /'di ltar yang dge slong gsar bus dge slong gnas brtan rnams la pha dang/ phu nu'i 'du shes nye bar gzhag cing/ bkur bsti dang/ bcas pa dang/ bdag la dbang ba dang bcas pa dang/ 'jigs pa'i dbang du 'gyur ba dang/ sangs rgyas dang/ chos dang dge 'dun la dmigs pa'i sems mngon du gzhag par bya'o/ /kun tu spyod pa'i chos rnams ji ltar bcas pa bzhin du rdzogs par bya ba 'di ni/ gsar bus bya ba zhes bya'o/ /gnas brtan dang/ bar ma dang/ gsar bus bya ba gang zhe na/ dge slong gnas brtan dang bar ma dang/ gsar bu thams cad kyis kyang rab tu byung ba'o snyam du sems mngon gzhag par bya/ sangs rgyas bcom ldan 'das mgon mdzad pa la mgon

  547. 274a

    po snyam du 'du shes mngon du gzhag par bya/ mya ngan las 'das pa la gzhol bar bya/ bslab pa'i gzhi ji ltar bcas pa rnams la kun tu spyad par bya/ khyad par du yang 'jug par bya/ gong ma'i khyad par thob pa'i phyir nan tan bya ba 'di ni/ gnas brtan dang ma dang/ gsar bus bya ba zhes bya'o/ /bsro khang du bya ba gang zhe na/ dge slong gis nang du gzhug par 'dod na/ des shes bzhin du 'gro bar bya/ shes bzhin du 'greng bar bya/ shes bzhin du 'dug par bya/ dran pa mngon du gzhag cing sems mi g.yeng bar bya/ spyod lam bzang ba dang/ shin tu mdzes pa dang/ shin tu bsdams pa dang/ sgra bskyud ba dang/ bkur sti dang bcas pa dang/ dbang du gyur pa bcas pa dang/ 'jigs pa'i dbang du 'gyur ba dang bcas pa dang/ yid dman pa'i sems phyag dar ba lta bur bya/ gnas brtan dang/ bar ma dang/ gsar bu la yang byams pa'i sems su bya phan pa'i sems dang rjes su brtse ba'i sems su bya/ pha dang bu dang phu nu po'i 'du shes mngon du bzhag par bya'o/ /dge slong bsro khang gi nang du zhugs pas gtam sna tshogs mi bya/ gtam 'gal ba mi bya'o/ /spyod lam gnyis la 'dzug par bya ste/ 'phags pa'i ci yang mi smra ba 'am/ nges pa'i chos kyi gtam la 'jug par bya ste/ 'di bsro khang gi bya ba zhes bya'o/ /sro khang du khrus bya ba gang zhe na/ bcom ldan 'das kyis dge slong rnams la bsro khang brten pa rjes su gnang ba yang/ rgyags pa'i phyir ma yin/ dregs pa'i phyir ma yin/ brgyan pa'i phyir yang ma yin 'khrul pa'i phyir ma yin gyi/ lus 'di gso ba'i phyir ro/ /sro khang la yon tan rnam pa lnga ste/ rum dang dri ma 'byung ba dang/ pags pa dang/ mdangs gsal ba dang/ pags pa la yod pa'i nad rnams 'byin pa dang/ rlung dang bad kan rnams med par byed pa dang/ bsro khang gis nad med par byed pa'o/ /gzhan yon tan rnam pa lnga

  548. 274b

    ste/ rdul dang dri mas 'byung ba dang/ pags pa dang/ mdangs gsal/ pags pa la yod pa'i nad rnams 'byin pa dang/ rlung dang bad kan med par byed pa dang/ sro khang du skyo ba skyed par byed pa'o/ /dge slong gis sro khang du byed par 'dod na des sngar mkhan po la zhu bar bya/ 'khru ba'i dus su brjod par bya/ shes bzhin du sro khang gi nad? 'jug par bya/ skyil mo krung bcas par bya/ 'dug pa'i 'du shes nye bar gzhag par bya/ khrus bya/ mdun du 'dug ste mi bde bar mi bya/ dran pa mngon du gzhag la las rnams bya/ dge slong gis kyang las byed pa nyams su blang bar bya/ slob dpon dang mkhan po la ma zhus kyi bar du mtshungs pa rnams las mi bya/ med na yang bdag gir mi bya/ slob dpon dang/ mkhan po dang/ zhes 'gras pa de dag dang/ bdag gir mi bzhar/ gal te chus blugs par 'dod na/ chu drang mos bsres la blugs so/ /gal te chu ha cang tsha na yang/ chu tsha'o zhes sbran par bya'o/ /shes bzhin du khrus bya ba/ bsro khang de na khre'u dang/ ril pa dang/ nya phyis dang/ khrus ras dang/ bsro khang gi yo byad gzhan ci yod kyang rung/ legs par gtsang sbra byas te/ gnas gnas su gzhag par bya ba 'di ni/ bsro khang du khrus byed pa'i bya ba zhes bya'o// //bsro khang du gnas brtan gyi bya ba gang zhe na/ bsro khang du gnas brtan gyi gsar bu rnams yo byad la zhugs pa na/ blang bar mi bya/ bsro khang der chung ngu na lus la rdul ba la tsam la yang blang bar mi bya'o/ /gal te dge slong rnams spyod lam rnams mi mdzes pa 'am/ mi bzang bar 'dug gam/ 'on te gtam gyi sbyor ba la zhugs nas dge slong gnas brtan gyis bzlog cing bsgo bar bya'o/ /rjes su bstan par bya/ ji ltar des kun tu spyod pa'i chos bcas pa de lta bur gzugs par bya ba de ni/ bsro khang du gnas brtan gyi bya ba zhes bya'o// //mkhan pos bya ba gang zhe na/

  549. 275a

    mkhan pos lhan cig gnas pa rnams la bslab par bya/ gsal bar bya/ bsgo bar bya/ rjes su bstan par bya/ sdig pa las bzlog par bya/ dge ba la gzung par bya/ sdig pa'i grogs po yang bsgral bar bya/ dge ba'i bshes gnyen la bzhar bar bya/ lhung bzed kyis bsdu bar bya/ chos gos dang/ dra ba dang/ phur bu dang/ ska rags kyis kyang ngo/ /rjes su dran pa dang/ slar dri ba dang/ khur 'bog pa dang/ kha ton la gzhag pa dang/ yid la byed pa la gzhug par bya/ /nyes pa la slang ba dang/ nad g.yog la sogs pa dang/ spong pa la gzhug par bya ba dang/ nang du yang dag 'jog la zhugs pa dang/ gong ma'i khyad par rtogs par bya ba la/ kun tu spyod tu gzhug par bya ba'o/ /lhan cig gnas la phyogs gang na mi bde bar gnas pa/ de nas 'byung bar bya ba de ni/ mkhan pos bya ba zhes bya'o/ /lhan cig gnas par bya ba gang zhe na/ lhan cig gnas pas mkhan po la ston pa'o snyam du 'du shes mngon du gzhag par bya/ rim gro bya/ myur du ldang bar bya/ myur du 'gro bar bya/ gus par bya/ zhu bar bya ste/ lhan cig gnas pas mkhan po la ma zhus kyi bar du snod sbyad 'drim par res mi bya/ gtsug lag khang skyod res mi bya/ lhung bzed kyi las mi bya/ chos gos kyi las mi bya/ snga res mi bya/ phyi res mi bya/ zla res mi bya rlung la mi spyod par mi bya/ ri la spyod par mi bya/ dur khrod du spyod par mi bya ljongs rgyud par mi bya/ rkang pa dag bkru ba mi bya/ gnas mal bca' bar mi bya/ chu bcu par mi bya/ grong du 'jug par mi bya/ mtshams kyi phyi rol tu 'gro bar mi bya/ mi rigs pa'i gang zag bzhar bar mi bya/ de lta bu'i grong du 'ang 'jug pa 'ang bdag gir mi bya/ de 'dra ba'i drung nas bsnyen bkur yang bdag gis blang bar mi bya/ lhung bzed blang bar mi bya/ chos gos blang bar mi bya/ 'bras blang bar mi bya/ sman blang bar

  550. 275b

    bar mi bya/ yo byad gzhan gang yang rung ba byin na bdag gir mi bya'o/ /de lta bu la bsnyen bkur mi bya/ lhung bzed sbyin par mi bya/ chos gos sbyin par mi bya/ zas sbyin par mi bya/ sman sbyin par mi bya/ yo byad gang yang rung ba sbyin par mi bya/ de 'dra ba'i gang zag gi drung nas lung 'bog pa blang bar mi bya/ dran par bya ba ma yin/ yongs su dri bar bya ba ma yin/ yid la bya ba mi dri'o/ /de lta bu dag la rang lung 'bogs pa mi byin/ dran pa ma yin/ yongs su dri ba ma yin/ yid la bya ba ma bstan te/ bya ba thams cad mkhan po la ma zhus kyi bar du mi bya'o/ /las rnam pa gsum ma gtogs te/ bshang gci dang/ so shing dor ba dang/ mtshams kyi nang du mchod rten la phyag bya ba 'am/ gal te mkhan po'i lhung bzed bkru ba 'am/ bsreg par 'os par gyur na yang de la lhan cig gnas pa ci nas kyang mkhan po'i lhung bzed kyi las bdag gir bya'o zhe 'am/ gzhan byed du gzhug go zhes/ lhan cig gnas pas brtson pa shas chen pos myur du bsgrub par bya'o/ /gal te mkhan pos chos gos drub pa 'am/ bkru ba 'am/ kha bsgyur bar 'os par gyur na yang/ de la bdag gis mkhan po'i chos kyi las bdag gis bya'o zhe 'am/ gzhan byed du gzhug go zhes lhan cig gnas pas/ myur du spro ba bskyed par bya'o/ /gal te mkhan po na bar gyur na yang/ de la bdag nyid kyis mkhan po na ba'i nad g.yog bya'o/ /zhe 'am/ nad g.yog byed du gzhug go zhes lhan cig gnas pas spro ba bskyed par bya'o/ /gal te mkhan po la the tshom zhig skyed par gyur na/ de la ci nas bdag gis mkhan po the tshom du skyes pa bdag nyid kyis slar btsal zhe 'am/ gzhan mkhan po'i the tshom bsal du gzhug go zhes/ lhan cig gnas pas myur du spro ba bskyed par bya'o/ /gal te mkhan po sdig pa can gyi lta ba skyes par gyur na yang de la ci nas bdag gis mkhan po sdig pa'i lta ba skyes par

  551. 276a

    gyur pa de bdag nyid kyis slar btang bar bya'o zhe 'am/ gzhan la slar gtong du gzhug go zhes lhan cig gnas pas myur du spro ba skyed par bya'o/ /gal te mkhan po la chad pa'i mas kyis gcod par byed dam/ bcad kyang rung ste/ nges par 'byung bar bya'o zhes lhan cig gnas pas myur du spro ba skyed par bya'o/ /gal te mkhan pos gnas nas 'byung ba'i las mngon du byed par gyur ram/ byas kyang rung ste/ de la ci nas bdag gis mkhan po la gnas nas byung ba'i las mngon du byed kyang rung byas kyang rung ste/ nges par 'byung snyam du lhan cig gnas pas myur du spro ba bskyed par bya'o/ /gal te mkhan po la dge 'dun lhag ma'i ltung ba byung bar gyur na/ de la ci nas bdag gis mkhan po la spro ba sbyin pa 'am/ gzhi nas spro ba 'am/ spro ba spyad zin na/ mgu bar bya ba sbyin pa 'am/ gzhi nas mgu bar bya ba 'am/ /mgu bar bya ba spyad nas/ dbyung ba sbyin par bya'o zhes/ lhan cig gnas pas spro ba bskyed par gyur na legs spro ba ma skyes na 'gal tshabs can du 'gyur ro// de ltar lhan cig gnas pas mkhan po la/ bya ba ci dang ci yod kyang rung ste/ de la spro ba skyed par bya ba de/ gzhan du mkhan pos kyang lhan cig gnas pa la bya ba ci dang ci yod kyang brtson pa shas chen pos bsgrub par bya ste/ zhu ba rnams ni ma gtogs so// lhan cig gnas pas mkhan po'i stan gding bar bya/ rkang pa bkru ba'i chu dang/ lham yang bshams te/ phyogs gcig tu gzhag par bya/ rkang pa bkru bar bya/ bsku bar bya/ mal bya'o/ /gci ba'i snod dang/ bshad pa'i snod bshams te/ gzhag par bya/ gal te lung zhig nod par gyur na yang lung nod par bya/ yid la byed pa zhig nod dgos pa byung na yang/ yid la byed pas nod par bya ste/ phyogs gcig 'ongs te/ 'dug nas sgom par bya'o/ /nad par langs nas gci ba'i snod dang/ bshad

  552. 276b

    ba'i snod dbyung bar bya/ mkhan po'i rkang pa la nog pos phyag byas te/ mkhan po bde bar mdzad nas/ bde bar bgyis sam/ bde bar spyad dam zhes dri bar bya'o/ /gal te na bar gyur na yang/ na ba'i sman dang g.yog la spro ba bskyed par bya/ gal te mi na ni bde bar bting snyoms su gzhag go /gal te dge 'dun gyi zas zhig gam 'gron du bos pa'i zas kyang rung ste/ mkhan po la dge 'dun gyi zas mchis deng dge ba bde bar spyod cig ces bsgo bar bya'o/ /gal te bsod snyams kyi zas yin na yang/ mkhan po bsod snyoms la gshegs kyis chas shig ces bsgo'o/ /lhan cig gnas pas mkhan po las so shing dang/ chu bde ba dang/ ba lang gi gci ba dang/ phye ma dbul ba dang/ nam mkhan po chas de rnams zin pa de ni lhung bzed dang/ chos gos bstab par bya/ gal te dge 'dun dang/ lhan cig bsod snyoms 'jug na ni/ mkhan po mdun du btang la/ bdag gi gral gang du babs nas 'gro bar bya'o/ /gal te gang zag dang lhan cig bsod snyoms la 'jug na ni mkhan pa'i snam sbyar dang/ lhung bzed dang/ 'khar gsil bkur bar bya/ gal te rlung dang/ char pa dang/ dus drang ba zhig tu gyur na/ mkhan po'i snam sbyar 'og tu bcug la bdag gi steng du dbyung bar bya'o gal te bdag gis yul dro na bdag gi snam sbyar 'og tu bcug la/ mkhan po'i steng du dbyung ste/ lhan cig gnas par mkhan po'i mdun du yongs su zil pa la sogs pa bsal bar bya/ gal te chu 'am/ gang ka 'am/ g.yang sa zhig na mkhan po lag pa las bzung ste/ drang bar bya'o/ /song nas grong mthar phyin pa na/ snam sbyar dang/ lhung bzed dang/ mkhar bsil dbul bar bya/ phul te mkhan po mdun du btang nas greng gi nang du 'jug par bya'o/ /gal te skas sam/ them skas la 'dzeg na yang lhan cig gnas pa mdun du 'dzegs la lag pa nas drang par bya'o/ /der chos dang ldan pa'i rnyed pa grub na yang bdag gis

  553. 277a

    bslang bar bya/ bdag gis bsod snyoms brgyus te/ slar grong gi phyi rol tu phyung nas/ mkhan po'i snam sbyar dang/ lhung bzed dang/ mkhar bsil blangs te/ mkhan po mdun du btang nas gtsug lag khang du 'dod par bya'o// der lhags nas lhung bzed dang/ chos gos bzhag ste/ mkhan po'i gdan gding bar bya/ rkang pa bkru ba'i chu dang/ lham brten te bzhag la rkang pa bkru bar bya'o/ /de nas dus la bab par gyur na/ mkhan po'i lhung bzed kyi gzhi gding zhing/ lhung bzed dbul bar bya'o/ /bdag gis bca' ba dang/ zhim pa dang/ dam pa ci yod pa mkhan po la dbul bar bya/ mkhan pos kyang blang ba'i tshogs rig par bya/ zas kyi bya ba byas pa dang/ bde ba'i chos bsnyad par bya/ ba lang gi lci ba'i phye mas lhung bzed bkrus la/ lhung bzed dang/ chos gos ltar bzhag par bya/ mkhan po la phyag byas nas/ mkhan po bzhin bzhugs sam/ nyin mo spyod par gshegs sam zhes dri bar bya'o/ /gal te nyin mo spyod du 'gro ba na yang mkhan po'i khri dang gding ba dang/ ril ba spyi lugs khyer la mkhan po'i mdun du btang ste/ nyin mo spyod sa gang du spyod pa 'gro bar bya'o/ /song nas mkhan po'i stan bting la lung nod dgos na yang lung ma nod par bya/ yid la byed pa nod dgos na yang yid la byed pa mnos nas phyogs gcig tu song ste bsgom par bya'o/ /de nas dus la bab na mkhan po'i khri'u dang gding pa dang/ ril pa spyi blugs khyer te/ mkhan po mdun du byas la 'gro bar bya'o/ /gal te gso sbyong gi dus la bab te/ 'du bar gyur na mkhan po'i stan ltebs na brkyang bar bya/ brkyang na ni legs par gding bar bya/ de nas dus su bsgo ba 'am/ gaN+Di brdungs kyang rung ste/ lag pa g.yon pas ni mkhan po'i lag pa nas bzung la/ g.yas

  554. 277b

    bas ni me tog thogs la/ mkhan po mdun du byas la/ gso sbyong gnas su 'dod par bya'o/ /nam so sor thar pa'i mdo 'di nod zin nas/ mkhan po'i drung du yongs la mkhan po ci gshegs sam/ chos gsan cing bzhugs shes dri bar bya'o/ /gal te 'gro na ni lag pa g.yon pas ni mkhan po bzung /g.yas pas ni mar me thogs te/ mkhan po mdun du byas la/ gtsug lag khang du 'gro bar bya'o/ /gal te bsro khang du khrus byed par gyur na/ nang par sngar langs mkhan po la ded bsro khang du khrus mdzad kyi char gsol zhes bsgo bar bya'o/ /lhan cig gnas pas mkhan po'i phyir sro khang gi stan dang/ /bri'u dang/ ril pa spyi blugs dang/ khrus ras dang/ bsro khang gi gzhan gang yang rung ste/ khyer la mkhan po'i mdun du byas nas bsro khang du dod par bya/ der 'ongs nas kyang chos gos phyogs cig bzhag la/ mkhan po las mi nye mi rung bar 'dug par bya/ nam mkhan po rdul bar gyur na/ de na lhan cig gnas pa des de la rim bzhin rjes su las rnams byas te/ dang por bkru bar bya/ bkrus nas mdun du byas te/ gtsug lag khang du bskyal bar bya/ de'i 'og tu bdag bsrung bar bya/ gal te lhan cig gnas pa de mkhan po'i drung du dge ba'i chos mi 'phel bar gyur na/ mkhan po la bdag dge slong ming 'di zhes bgyi bas 'di la gtang du gsol zhes smra bar bya'o/ /mkhan pos kyang dge slong 'di ci 'dra/ de'i rjes su 'brang ba dang/ drung na 'dug pa ci 'dra/ 'di lung rnams 'bog gam/ gal te mi 'bog /rjes su ston tam/ gal te mi ston brtag par bya/ dpyad par bya/ de bzhin du brtags dpyad nas/ gal te 'os par gyur na de la gtad par bya/ gal te 'os pa ma yin na ni gzhan la gtad par bya'o/ /gal te mkhan po nyid 'os pa yin te/ tshul dang mi ldan na ma zhus par yong yang bla ste/ 'di ni lhan cig gnas pas bya ba zhes bya'o/ /slob dpon gyi bya ba gang zhe na/

  555. 278a

    slob dpon gyi nye gnas rnams shes par bya ba nas snga ma bzhin te/ phyogs gang na nye gnas de nyon mongs shing 'dug par gyur na/ phyogs de nas dgug par bya/ dgug tu gzhug par bya ste/ 'di ni slob dpon gyi bya ba zhes bya'o// nye gnas kyi bya ba gang zhe na/ nye gnas kyi slob dpon la ston pa'o snyam du 'du shes mngon du bzhag la/ rim gro bya ba nas/ snga ma bzhin du ma gus kyang 'gro bar bya ba'i bar du ste de ni gnas kyi zhes bya ba zhes bya'o/ /dge tshul gyi bya ba gang zhe na/ dge tshul gyis mkhan po dang slob dpon la ston pa'o/ /snyam du shes mngon du gzhag la rim gro bya ba nas snga ma bzhin no/ /gal te slob dpon dang gzhan po sdig pa can gyi lta ba skyes par gyur na rang gis ltar btang bar bya/ yang na gtong du gzhug par bya/ gal te de ltar brtson pa shas chen pos bsgrub na ni de lta na legs/ mi bsgrub na 'gal tshabs can du 'gyur ro/ /de la yang dge tshul gyis ji ltar slob dpon dang mkhan po la byung zhing byung bar gyur pa rnams la ji ltar bya'o zhes spro ba skyed par bya ba de bzhin du/ slob dpon dang mkhan pos kyang dge tshul ma byung zhing byung bar gyur pa'i rnams ji ltar bya zhes spro ba bskyed par bya'o/ /de la zhu ba rnams ni ma gtogs so/ /dge tshul gyi slob dpon dang/ mkhan po stan gding ba la sogs pa'i bya ba snga ma bzhin te/ bdag nyid tha mar bkru bar bya ba'i bar du 'di ltar dge tshul gyis rtswa sngon po rnams bsgrub par bya'o/ /me tog rnams btog pa bya/ 'bras bu rnams btog par bya/ so shing rnams sbyin par bya/ lhung bzed kyi gzhi lo ma rnams sbyin par rung bar bya ste dge 'dun gyi kun dga' ra bar gnod par byed par gyur na/ der dge slong gis ji ltar mi de mi shor bar zin par bya/ gal te rnam grangs gis kyang ma zin par gyur na/ gzhan dag la bab col du mi smra bar thog mar rgyal

  556. 278b

    po'i gnang cen rnams la bsgo bar bya/ /de'i 'og tu btsan mo dang/ gzhon nu dang/ blon po dang/ khrom gyi nang du sna dang/ zhang blon dang/ zha 'bring gnyug ma rnams la bsgo bar bya'o/ /de la nan tan du bya ba ni tshig gis bstan pa'i mtshams kyis thar par 'gyur gyis/ bsang ba'i las rnams mi 'byung ba ste/ de ni nan tan du bya ba zhes bya'o/ /phyi bzhin 'brang ba'i dge sbyong gi bya ba gang zhe na/ phyi bzhin 'brang ba'i dge sbyong gis/ sngon du 'gro ba'i dge sbyong las ring nas kyang ma yin/ shin tu bsnyen te ma yin/ phrag pa sprad cing 'gro bar mi bya/ khyim gyi nang du 'jug na yang gtam glo bur du de la mi bya/ phyi nas smra bar bya/ des bsgo ba rnams bya'o/ /bkur sti bya/ bdag dman par bya/ 'jigs pa'i dbang du gyur par bya/ sngon du 'gro ba'i dge sbyong gis chos ma yin pa smra na slar dgag par bya/ chos bzhin du smra na rjes su yi rang bar bya/ de la chos dang ldan pa'i rnyed pa byung na blang bar bya ste/ 'di ni phyi bzhin 'brang ba'i dge sbyong gi bya ba zhes bya'o/ /grong du nye bar 'jug pa'i bya ba gang zhe na/ khyim du zhugs pa'i dge slong gis dregs par mi bya/ nga rgyal mi bskyed/ mi bstan par mi bya/ byung rgyal du smra bar mi bya/ mi gtsig? par mi bya/ yang dag par shes par bya/ dran pa nye bar gzhag par bya/ sems mi g.yeng bar bya/ dga' bar 'gyur ba dang/ spyod lam mdzes par bya/ shin tu bsdams pa dang/ shin tu bcabs pa dang/ sgra phyung ba dang/ mi g.yeng ba dang/ gnya' shing gang tsam dang/ mi g.yeng bar bya/ bkur sti dang bcas pa dang/ bdag nyid dman pa dang bcas pa dang/ 'jigs pa'i dbang du gyur pa dang bcas pa dang/ yid dman pa dang/ phyag dang blta bu'i sems su bya/ rnyed pa dang bkur sti la 'dod par mi bya/ phan par byed pa de ni grong du nye bar 'jug par byed pa'i bya ba zhes bya'o/ /grong du nye bar 'gro ba'i bya ba gang zhe na/ dge slong grong du 'gro 'dod na/ shes bzhin

  557. 279a

    du 'gro bar bya/ dran pa nye bar gzhag par bya/ sems mi g.yeng bar bya/ dbang po bsdams par bya/ yid mi g.yeng bar bya/ snga phyi'i 'du shes dang/ bla 'og shes nye bar gzhag par bya'o/ /dge slong dran pa nyams bzhin du grong du 'gro na nyes dmigs rnam pa lngar rig par bya ste/ dus ma yin par dge slong 'khod pa rnams la ma bsgo bar grong du 'jug pa dang/ ma brtags par stan la 'dug pa dang/ reg pa'i skyes pa med par bud med la tsheg lnga 'am/ drug pas lhag par chos ston pa dang/ bud med kyi yul dang lhan cig dben par skyabs yod pa na 'dug par byed pa dang/ nyal po byed par shom pa'i khyim du phyis gnon bya ste stan la 'dug par byed pa'o/ /dge slong dran pa nyams bzhin du grong du 'gro na/ gzhan yang nyes dmigs rnam pa lngar rig par bya ste/ phyir zhing bud med la lta ba dang/ lta ba las kyang gtam zer ba dang/ gtam zer ba las chags par 'gyur pa dang/ chags pa las tshul bzhin ma yin pa yid la byed pa las ma dad? bzhin du mi tshangs par spyod par 'gyur te/ nyes pa byung bar 'gyur ba 'am/ yang na brlab pa phul te babs par 'gyur ba'o/ /dran pa nye bar gzhag pa bzhin du/ grong gi nang du 'jug na nyes dmigs de lta bu 'byung bar mi 'gyur te/ de ni grong du nye bar 'gro ba'i bya ba zhes bya'o/ /grong du nye bar yod pa'i bya ba gang zhe na/ grong du nye bar song ba'i dge slong gtam sna tshogs smra bar bya gtam 'gal bar mi bya/ chos gtam smra bar bya/ gtam rgyud mi chad par bya/ khyim pa rnams la chos yang dag par bstan par bya ba bstabs pa dang/ yang dag par gzeng bstod par bya/ rab tu dga' bar bya/ phyir yang dag par dad par bya/ skyabs su 'gro ba dang/ bslab pa'i gzhi 'dzin du gzhug pa dang/ gso sbyong yan lag brgyad dang ldan pa la gnas pa dang/ tshangs par spyod pa la gnas pa dang/ sbyin

  558. 279b

    ba dang/ dul ba dang/ yang dag par sdom pa dang/ skyes bu dam pa la bsnyen pa dang/ dam pa'i chos mnyan pa dang/ tshul bzhin yid la byed pa dang/ chos kyi rjes su mthun pa'i chos la nan tan du byed pa dang/ lam ma yin pa las lam du de ltar yang dag par bsgrag par bya/ ye shes dang lta ba rnam par spyad par bya ste/ grong du nye bar song ba'i bya ba zhes bya'o/ /grong du nye bar song ba'i gnas brtan gyi bya ba gang zhe na/ grong du nye bar song ba'i dge slong gnas brtan gyis/ de na dge slong gsar bu rnams la bsgo bar bya/ rjes su bstan par bya/ ci nas rgyug pa dang/ dregs pa dang/ lus brtsogs pa dang/ rtsed mo mi byed par bya/ dga' bar 'gyur bar gzhug par bya/ ji ltar kun tu spyod par bcas pa ma gzhug par bya/ de dag gis kyang des ji ltar bsgo ba dang/ rjes su bstan pa'i tshig rnams mnyan par bya ste/ de ni grong du nye bar song ba'i gnas brtan gyi bya ba zhes bya'o// //gnyug mar gnas pa'i bya ba gang zhe na/ gzhi na gnas pa'i dge slong gis mdangs gsal ba dang/ khro gnyer med par bya/ dran pa mngon du 'gro ba dang/ thog mar smra bar bya ste/ tshur shog 'ongs pa legs so zhes tshig snyan pa dang/ tshig yid du 'ong ba dang/ dga' bar 'gyur ba smra bar bya/ glo bur du lhags pa'i dge slong dag mthong na mdza' bshes kyi tshul gyis mdun du bsu bar bya/ snyan pa'i tshig gis rab tu dga' bar bya/ bde bar rgyus sam/ bde bar lhags zhes dri bar bya/ gal te rgan pa yin na ni de la phyag 'tshal nas de'i lhung bzed dang/ chos gos blangs te/ gtsug lag khang gi nang du bcug la/ stan la gzhag par bya/ rkang pa bkru zhing blang bar bya/ skom na chu grang mo blud par bya/ ji ltar nus shing mgu bar 'gyur ba'i chos bzhin bsgyur bar bya/ ji ltar rim bzhin du gnas mal rnams kyang sbyin par bya/ ci'i slad du 'dug pa ma dang/ pha dang/ bu dang/ phu nu bo'i 'du shes mngon du gzhag gzung bar bya'o//

  559. 280a

    na nas ral pa mi dar ro snyam te/ de ni gzhi na gnas pa'i bya ba zhes bya'o/ /ngal bso ba'i bya ba gang zhe na/ glo bur du 'ongs pa'i dge slong gis/ gtsug lag khang du 'dod na/ des gzhi na gnas pa'i dge sbyong dag las gnas mal rnams brkam pas rings su 'dug par mi bya/ snang ba'i gnas su 'dug par bya/ spyod lam par bya/ legs par bgo bar bya/ legs par bsdams par bya/ 'di yang ngal so ba'i bya ba yin te/ gzhin gnas pa'i dge sbyong dag gis/ dge slong glo bur du lhags pa mthong na/ gal te ngo shes na ni ci bder ngal bso bar bya/ ji ltar kun tu spyod pa'i chos bcas pa bzhin du spyad par bya/ gal te ngo mi shes na bab col du ngal bas bar mi bya/ dge slong dag la'ang tshe dang ldan pa 'di su'i lhan cig gis gnas pa yin/ 'di'i spyod pa ji lta bu/ spyod yul ji lta bu/ 'di tshul khrims pa dang/ sdom pa dang/ kun tu spyod pa ji lta bu zhes dri bar bya'o/ /gal te 'di'i spyod pa dang/ spyod yul dang/ tshul khrims dang/ sdom pa dang/ kun tu spyod pa rnams rtogs na gdod ngal bso bar bya'o/ de gcig pu la gtsug lag khang gtad par mi bya/ dge 'dun gyi mdzod dang/ bang ba dang/ dge 'dun gyi mal cha dang/ stan la dbang byed du gzhug par mi bya/ shin tu rtogs par byas la/ gdod yid bcugs par bya ba ni/ ngal bso ba'i bya ba zhes bya'o/ nam mkha' i bya ba gang zhe na/ nam mkha' thams cad mtshams gcig pa ma yin te/ der gnas pa dang/ 'di na gnas pa lhan cig tu las bya ba dang/ phyir bzlog pa yang mi 'chags so/ /'di ni gnas pa dang de na 'dug pa lhan cig tu las bya bar yang mi 'gyur la/ phyir bzlog pa 'ang mi 'chags so/ /dge slong skya rengs ma shar bar chos gos med bzhin 'byung bar mi bya/ dbyar gnas par khas blangs nas zhag bdun nas/ zhag bzhi bcur byin gyis ma brlabs par nam mkha' la byung zhing gnas par mi bya'o//

  560. 280b

    gal te byung zhing gnas na chos gos dang bral bar 'gyur/ dbyar yang ral par 'gyur te/ 'di ni nam mkha' i bya ba zhes bya'o/ /sra brkyang gi bya ba gang zhe na/ sra brkyang la phan yon lnga ste/ zhag gcig ? 'bral ba med pa dang/ zhag bcu'i 'da' ba med pa dang zla ba gcig gis 'da' ba med pa dang/ dri snyed dgos pa'i gos rnams byin gyis ma brlabs par 'chad du rung ba dang/ stod g.yogs dang smad g.yogs kyis ljongs rgyur rung ba'o/ /gzhan yang sra brkyang la phan yon rnam pa lnga ste/ 'dus shing za ba med pa dang/ yang yang zab med pa dang/ phyi ma la ma bsgo bar 'gro ba med pa dang/ chos gos ci dgos pa tshol rung ba dang/ ston zla tha chung nas/ dpyid ra ba'i bar du dbyar gnas par khas blangs pa'i dge slong gi dge 'dun rnams kyis rnyed pa ma bgos shing/ gzhag pa de yang sra brkyang bting ba rnams kyis ma dad pa na gzhan la mi sbyin no/ /de ni sra brkyang gi bya ba zhes bya'o/ /chu tshags gi bya ba gang zhe na/ dge slong chu tshags med par lam du 'gro bar mi bya'o/ /gal te chu rgyun tu 'bab pa de yang/ btung bar 'gyur te/ chu gzhan dang ma 'dres pa zhig gam/ khron pa rung ba zhig gam/ rgyang grags phyed phyed du gtsug lag khang rgyun ma chad par yod na ni ma gtogs so/ /de ni chu tshags kyis bya ba zhes bya'o/ /'chag sa'i bya ba gang zhe na/ bcom ldan 'das kyis 'chag sa gnyis rjes su gnang ste/ bsam gtan la zhugs pa dang kha ton la zhugs pa'o/ /bsam gtan la zhugs pa'i 'chags ni khru bco brgyad do/ /kha ton la zhugs pa'i 'chag sa ni khru bcu gnyis te/ de ni 'chag sa'i bya ba zhes bya'o/ /'chag sa'i bya ba gang zhe na/ dge slong 'chag par 'dod na des drag tu yang ma yin/ ngal nas kyang ma yin par bcag par bya/ shes bzhin du bcag par bya/ dran pa nye bar bzhag pa dang/ dbang po nang du gzhag pa dang/ yid phyir mi 'byung bar bya/ rdeg mi 'chos par bya/ phan tshun mi 'khod? bar bya/ drang por bcag par bya/ gal te drang por bcag

  561. 281a

    mi nus na/ srad bu bre bar bya zhing sprubs su bcug nas/ de la bzung zhing bcag par bya/ de ni bcag pa'i bya ba zhes bya'o// //'phyen gyi bya ba gang zhe na/ ston pa'i mdun du ma yin/ mchod brten gyi drung du ma yin slob dpon dang mkhan po'i drung du ma yin bla ma'i drung du ma yin/ bla ma'i gnas lta bu'i drung du ma yin/ grong gi nang du skye bo mang po 'du ba'i nang du ma yin/ phyi phyir zhing btang bar mi bya/ gal te phyir zhing btong ba zhig tu gyur na/ gnas gud du song ste/ btang bar bya/ de'i rkyen gyis gzhan la mi bde bar mi bya ste/ 'di ni 'phyen gyi bya ba zhes bya'o/ /phyi sa'i bya ba gang zhe na/ dge slong bzhar bar 'dod na/ rno ba'i yo byad kyis bzhar bar mi bya/ rtswa'i chad bus mi bya/ lo ma 'am ras pa 'am/ 'jam pa gzhan gyis bzhar bar bya ste/ de ni bzhar ba'i bya ba zhes bya'o/ /bshad pa'i bya ba gang zhe na/ dge slong gis gar bab bab tu bshad pa mi bya/ rtsig pa'i drung du ma yin/ shin ljon pa'i drung du ma yin/ shes bzhin du bya/ phyogs gcig tu bshad bar bya/ gal te phyi phyir zhing bshad pa zhig tu gyur na/ bshad pa'i skyil mo krung bzhag par bya/ yang na rgyun gyi khung brko bar bya ste/ 'di ni bshad pa'i bya ba zhes bya'o/ /bshad pa'i bya ba gang zhe na/ dge slong bshad par 'gro bar 'dod pas snga nas 'dug pas tshor bar bya ba'i phyir se gol gdab par bya'o/ /sngon du zhugs pas kyang lung pa dbyung bar bya'o/ /shes bzhin du nang du 'gro bar bya'o/ /chos gos legs par brjos nas 'dug par bya'o/ /bshad ba'i khung bur rkang rten gnyis la legs par brtags nas/ dbus su 'dug par bya/ bshad ba mi 'ong na mthus btsir bar mi bya/ 'od ba la yang dgag par mi bya ste/ 'di ni bshad par bya ba zhes bya'o/ /bshad pa'i khur bu'i bya ba gang zhe na/ dge slong bshad par 'dod na dal bus bags kyis shes

  562. 281b

    bzhin du bshad par bya'o/ /bshad sa khung gi kha rnams su gos shing chags par mi bya ste/ 'di ni bshad sa'i khung bu'i bya ba zhes bya'o/ /bshad sa'i gnas kyi bya ba gang zhe na/ bshad sa'i dge slong gnas brtan gyis gsar bu 'dug pa la bslang bar mi bya ba ni chung ngu na bshad sa'i nang du zhugs pa las slar ldog par mi bya ste/ de ni bshad sa'i gnas brtan gyi bya ba zhes bya'o/ /bshad sa'i nye ba khor gyi bya ba gang zhe na/ dge slong gis bshad sa'i nye 'khor na 'greng bar mi bya/ 'dug par mi bya/ bcag bar mi bya/ lung 'bog par mi bya'o/ lung nod par mi bya/ dran par mi bya/ sar dri bar mi bya/ rnal 'byor dang/ yid la byed bar mi bya/ gtam la zhugs shing mi bya/ lhung bzed kyi las mi bya/ so shing bca' bar mi bya/ lag pa dang/ rkang pa bkru bar mi bya/ /cho ga thams cad kyang bshad sa'i phyogs kyi nye 'khor du mi bya'o/ /bshad sa'i gnas su nges par bya ba rnams ni ma gtogs te/ 'di ni bshad sa'i nyen 'khor gyi bya ba zhes bya'o/ /gci ba'i bya ba gang zhe na/ dge slong gis gang bab bab tu gci bar mi bya/ rtsig pa'i drung du gci bar mi bya/ shing ljon pa'i drung du gci bar mi bya/ shes bzhin du bya/ phyogs gcig par bya/ gal te gci ba snyi ba zhig tu gyur na/ gcin snod kyi gyo mo bcad par bya/ yang na khung bu brko bar bya ste/ 'di ni gci ba'i bya ba zhes bya'o/ /gci sa'i bya ba gang zhe na/ dge slong gis gcin sar 'jug par 'dod na/ de snga nas 'jug pas tshor bar bya ba'i phyir se gol brdab par bya ba nas/ snga ma bzhin te/ mi bro mi gtsir bar/ bro ba la mi dgag pa'i bar du ste/ 'di ni gcin sa'i bya ba zhes bya'o/ /gcin sa'i khung gi bya ba gang zhe na/ dge slong gis sa'i khung bu'i khang bags kyis shes bzhin du gci bar bya/ gcin khang mi 'dor ba dang/ mi 'brel bar bya ste/ de ni gcin sa'i khung gi bya ba zhes bya'o/ /gcin sar gnas kyi

  563. 282a

    bya ba gang zhe na/ gci sar dge slong gnas brtan gyis/ gci sar dge slong gsar bu gci zhing 'dug pa bslang bar mi bya'o// //gci sar 'dug pa la bslang bar mi bya ba ni/ tha na gci sar 'dug pa dang zhugs pa bzlog par mi bya ste/ 'di ni gci sar gnas brtan gyi bya ba zhes bya'o/ /gci sa'i nye bar 'khor gyi bya ba gang zhe na/ dge slong gci sa'i nye 'khor du 'grang bar mi bya ba nas snga ma bzhin te/ gci sa'i nye 'khor gyi bya ba ni ma gtogs so zhes bya ba'i bar du/ 'di gci ba'i nyen 'khor bya'o/ /bkru ba'i bya ba gang zhe na/ dge slong gis ma bkrus kyi bar du/ ston pa la bltar 'gro bar mi bya/ mchod rten la ma yin/ slob dpon dang mkhan po la ma yin/ bla mal ma yin/ bla ma'i gnas lta bu la ma yin phyag mi bya/ kha ton mi bya/ lung 'bog par mi bya/ slad mar mi bya/ dran par mi bya/ kun dri bar mi bya/ grong du 'jug par mi bya/ zan la 'dug par mi bya/ skyo mal 'dug par mi bya/ thug pa la 'dug par mi bya/ btung ba la 'dug par mi bya/ chos bshad pa la 'dug par mi bya/ phyogs bzhi'i dge 'dun gyi mal stan la 'dug par mi bya/ na bar gyur na ni nyes pa de yang na mi'i lha chu yin par gyur tam gal te chu ma 'byor tam/ bkrur mi rung ba'i sman btab pa ni ma gtogs te/ de ni bkru ba'i bya ba zhes bya ba'o/ /bkru ba'i gnas kyi bya ba gang zhe na/ bkru ba'i gnas su 'gro ba'i dge slong gis sel gol gtog pa nas snga ma bzhin te/ bkru ba'i gnas su 'dug par mi bya ba'i bar du ste/ de ni bkru pa'i gnas kyi bya ba zhes bya'o/ /bkru ba'i gnas su rkang pa bzhag pa'i bya ba gang zhe na/ khrus byed par 'dod pa'i dge slong bkru ba'i tshe/ khrus sar dge slong gsar bu bslad bar mi bya/ khrus la zhugs pa las mi bslad ba na/ tha na khrus sar zhugs pa la

  564. 282b

    bzlog par yang mi bya ste/ 'di ni khrus sar gnas brtan gyi bya ba zhes bya'o/ /khrus sa'i nyen 'khor gyi bya ba gang zhe na/ dge slong khrus sa'i nyen 'khor du 'greng ba dang/ 'dug par mi bya ba nas/ snga ma bzhin du khrus sa'i nyen 'khor du nges par bya ba rnams ni ma gtogs pa'i bar du ste/ de ni khrus sa'i nyen 'khor gyi bya ba zhes bya'o/ /bla ma'i drung du ma yin/ mchil ma'i bya ba gang zhe na/ de na dge slong gis sgra dang bcas pa'i mchil ma dor bar mi bya/ lces dril nas sos mnan te mi bya/ ston pa'i spyan sngar ma yin/ mchod rten gyi drung du ma yin/ slob dpon dang/ mkhan po'i drung du ma yin/ bla ma'i drung du ma yin/ bla ma'i gnas lta bu'i drung du ma yin/ zan za bar ma yin/ 'byung na ma yin/ yongs su las byed pa'i sar ma yin/ dge slong gis bab bab tu mchil ma dor ba ma yin/ mchil ma bor nas 'phyag bar bya ste/ yang na rkang pas mnye'o/ /yang na sas dgab po/ /dge slong gis mchil ma phyi phyir dor bar mi bya'o/ /gal te phyi phyir zhing dor na de'i rkyen gyis gzhan la bde bar 'gyur ba'i phyir gnas gzhan du 'gro bar bya ste/ de ni mchil ma'i bya ba zhes bya'o/ /mchil ma snod kyi bya ba gang zhe na/ bcom ldan 'das kyis dge slong rnams mdor ba'i phyir/ mchil ma'i snod rnam pa gnyis rjes su gnang ste/ slob dpon gyis byas pa dang/ bdag nyid kyis byas pa'o/ /dge slong gis mchil ma'i snod dus dus dus su brtag par bya/ bskam par bya/ dben par bzhag par bya/ shin tu bkru bar bya/ ci nas kyang de'i rkyen gyis phyi phyir zhing bral bar mi 'gyur bar bya/ de ni mchil ma'i snod kyi bya ba zhes bya'o/ /so shing gi bya ba gang zhe na/ dge slong gis so shing ring po bcad par mi bya/ shin tu thung ba 'ang ma yin/ shin tu sbom pa 'ang ma yin/ shin tu phra ba yang ma yin/

  565. 283a

    shin tu ring pa 'di ma yin/ ston pa'i spyan sngar ma yin/ mchod rten gyi drung du ma yin/ slob dpon dang mkhan po'i thang du ma yin/ bla ma'i thang du ma yin/ bla ma'i gnas lta bu'i drung du ma yin/ me khang du ma yin/ bkad sar ma yin/ 'chag sar ma yin/ bsro khang du ma yin/ rkang pa bkru ba'i sar ma yin/ gnas khang du ma yin/ bkru ba'i gnas khang chus mi dgang ba dang/ chus mi bsher bar bya ste/ 'di ni bkru gnas su rkang pa bzhag pa'i bya ba zhes bya'o/ /khrus sar dge slong gnas brtan gyis khrus sa'i bya ba gang zhe na/ dge slong gis khrus bya bar 'dod na/ dal bus bags kyis shes bzhin du bkru bar bya/ khrus khang rim khang du ma yin/ sgo khang du ma yin/ bshad pa'i sar ma yin/ rtsig pa'i drung du ma yin/ shing drung du ma yin/ gtsug lag khang gi phyag dar bya ba'i kho ra khor yug du ma yin/ skye bo mang po 'du ba'i gnas thams cad du so shing dor bar mi bya'o/ /dge slong gis rnam pa gsum dben par bya ste/ bshad pa dang/ gci ba dang/ so shing bca' ba'o/ /dge slong so shing 'chos nas de bzhin du mi dor gyi chus bkru bar bya/ yang na rdo bas mnyes par bya/ yang na sa la drung bar bya ste/ 'di ni so shing bya ba zhes bya'o/ /so brung ba'i bya ba gang zhe na/ dge slong gis so shing rnon pos brus par mi bya/ bag med bar? nang du gzhug par mi bya/ ngal bus bags kyis shes bzhin du drung bar ste/ so'i rnyil la drung par mi bya ste/ 'di ni so shing gis drung ba'i bya ba zhes bya'o/ /lce gzhar ba rnon pos bzhar bar mi bya/ bag med bar zhugs par mi bya/ bags kyis ngal bus shes bzhin du lce bzhar bar bya/ lce'i sha gzhar bar mi bya ste/ 'di ni lce gzhar ba'i bya ba zhes bya'o/ /rna spags bru ba'i bya ba zhe na/ dge slong gis rtse mo rnon pos rna spabs bru bar mi bya/ bag med

  566. 283b

    par gzhug par mi bya/ ngal bus bags kyis shes bzhin du rna spags bru bar bya/ rna ba'i sha drung par mi bya ste/ 'di ni rna spangs bru ba'i bya ba zhes bya'o/ /kun tu spyad pa'i bya ba gang zhe na/ dge slong yon tan thams cad gsungs par spyad pa ni spyad pa'o/ kun tu mi spyad pa'i bya ba gang zhe na/ de ltar bzlog pa ni mi spyod pa'o/ /ma mo'i phung po gsum rdzogs te/ ma mo rdzogs so/ //btsun pa 'dul ba'i lus gang lags/ dmigs pa gang lags/ byin gyis brlabs pa ni gang lags/ mtshan nyid gang lags/ gleng gzhi gang lags/ ngo bo nyid gang lags/ 'bras bu gang lags/ nye bar 'khor 'dul ba'i lus ni dmigs pa'i/ /dmigs pa ni nan tan to/ /byin gyis brlab pa ni lu dang/ ngag dang/ yid do/ /mtshan nyid ni las so/ /gleng gzhi ni bsgrags pa'o/ /ngo bo nyid ni nyes pa'o/ /'bras bu ni mtho ris dang thar pa'o// (//btsun pa chos kyi tshong dpon mdzad/ slob dpon dul ba'i ltas bshad pa mdzad/) /rgya gar skad du/ bi na ya sto tra pa da b+ha khya na/ bod skad du/ 'dul ba la bstod pa'i tshig gi rnam par bshad pa/ dkon mchog gsum la phyag 'tshal lo/ /thub pa srid rgyan thams cad bral la phyag 'tshal te/ /rnam par 'chad 'dod yid ldan rnam par 'byed pa yi/ /yul la bstod pa nyams pas yid kyi gegs skyed pa/ /yang dag rnam bshad tshul gyis zhi ba thob par bya/ /slob ma gus par bya ste 'dul ba nyan pa la/ /nges par sbyor bar 'dod pa zhig gis gus pa bskyed pa'i phyir 'dul ba'i yon tan brjod pa na rnam par byed pa'i dang por 'dul ba la bstod pa/ dul ba rgyal po rje yi rigs su 'khrungs/ /slob ma 'dul mdzad nyes pa rab thul ba/ /sangs rgyas 'dul ba'i gtso la phyag 'tshal te/ /'dul ba'i bsngags pa cung zad brjod par bya/ /zhes bya ba la sogs pa brtsams so/ /de la 'dul ba'i yon tan dag ni brjod par bya'o/ /rtogs

  567. 284a

    pas 'dul ba ni dgos pa'o/ /gus pa de yang bstod pa 'dis byed pas thabs dang thabs las byung ba'i tshul ni 'brel pa'o/ /'dul ba la gus pas zhugs pa'i tshul khrims yongs su dag na/ 'phags pa'i lam bsgom pas mya ngan las 'das pa thob pa ni dgos pa'i yang dgos pa'o/ /de la dul ba zhes bya ba ni/ rang gi chos lugs la gnas pa dag go /rgyal po zhes bya ba ni/ mi'i bdag po dag go /de dag ni dul ba yang yin rgyal po yang yin pas dul ba rgyal po zhes bya'o/ de dag gi rje zhes bya ba ni rje bo dag ste/ dul ba rgyal po dag gi rje dpon mang pos bkur ba la sogs pa 'khor los sgyur ba dag go /de dag gi rigs zhes bya ba ni rigs rgyud ma chad pa ste/ dul ba rgyal po dag gi rje'i rigs shAkya'i rigs rgyud do/ /der 'khrungs zhes bya ba ni skyes pa ste/ 'dul ba'i don du gshags shing dul ba rgyal po dag gi rje'i rigs su 'khrungs pa'o/ /dul ba rgyal po dag gi rje'u yi rigs su 'khrungs pa de la phyag 'tshal te zhes bya ba sbyar to/ de gang zhe na/ 'og nas sangs rgyas 'byung ba dang sbyar ro/ /de ji ltar sangs rgyas yin zhe na/ don mthun pa'i mtshan bstan pa'i phyir/ slob ma 'dul mdzad nyes pa rab thul ba zhes bya ba gsungs te/ gang gis slob ma rnams dngos po thams cad kyi mchog khyad par 'phags pa/ mya ngan las 'das par khrid par mdzad thob par mdzad pa de ni slob ma 'dul mdzad ces bya'o/ /gang gis rgyud la kun tu spyod pa'i dri ma dang/ rnam par smin pa'i dri mas skyon chags par byed pa'i nyes pa 'dod chags la sogs pa mchog tu rab tu gzhig par gyur cing rang gi rgyud las bag chags dang bcas par gyur pa byung bar gyur pa byung bar gyur pa de ni nyes pa rab tu thul ba zhes bya ste/ de lta bu de la phyag 'tshal te zhes bya bar sbyar gyi thams cad ni ma yin no/ /de la nyes pa rab tu thul ba zhes bya ba ni nyid kyis ni nyon mongs pa bag

  568. 284b

    chags dang bcas pa spangs pa thun mong ma yin pa nye bar bstan pas gti mug gi gnyid ma lus pa dang bral ba'i phyir sangs rgyas nyid dang/ bdag la phan pa phun tshogs pa ston to/ /slob ma 'dul mdzad ces bya ba nyid kyis ni dngos po thams cad nges par thugs su chud pa'i phyir sangs rgyas pa nyid dang gzhan la phan pa phun sum tshogs pa ston te/ 'di ltar thams cad mkhyen pa ma yin pas ni rang dbang nyid kyis 'dul ba'i don thams cad ji lta bzhin du bsgrub par mi nus te/ dpe nye bar sbyar bar bya ba'i don rnams rnam pa thams cad khong du ma chud pa'i phyir ro/ /de ltar bdag la phan pa phun tshogs pa dang/ gzhan la phan pa phun sum tshogs pa dang ldan pa de gang zhe na/ de'i phyir sangs rgyas zhes bya ba gsungs te/ don thams cad nged par thugs su chud pa'i phyir ram/ nyon mongs pa bag chags dang bcas pa'i gnyid thams cad dang bral ba'i phyir bcom ldan 'das ni sangs rgyas zhes bya ba'o/ /de la phyag 'tshal te zhes bya bar sbyar ro/ /de la phyag 'tshal te ci zhig brjod par bya zhe na/ 'og nas 'dul ba'i sngags pa cung zad brjod par bya zhes 'byung ba brjod par bya'o/ /'o na rang dbang nyid kyis 'dul ba'i bsngags pa brjod par bya ba la ci'i phyir sangs rgyas bcom ldan 'das la phyag 'tshal te 'dul ba'i bsngags pa brjod par byed ce na/ de'i phyir dngul ba gtso bo zhes bya ba gsungs te/ 'di ltar sangs rgyas bcom ldan 'das de ni 'dul ba 'di'i gtso bo dngos yin te/ 'jug par mdzad pa yin pa'i phyir ro/ /de'i phyir de la phyag 'tshal te 'dul ba'i bsngags pa brjod par bya'o zhes bya bar sbyar ro/ /'dis ni ston pa mdzad pa nye bar bstan nas 'dul ba la slob ma dad pas rjes su 'brang ba rnams kyi gus pa skyed par byed do/ /de ltar dul pa rgyal po dag gi rje'i rigs su 'khrungs pa/ slob ma rnams dul bar mdzad pa/ nyes pa rnams rab tu thul ba'i sangs rgyas 'dul ba'i gtso bo de la phyag 'tshal

  569. 285a

    zhes bya ba gsungs te/ lus dang ngag dang yid dag gis phyag 'tshal ba'o/ /te zhes bya ba'i sgra ni brjod par bya zhes 'og nas 'byung ba de bya'o/ /zhes dam bca' ba la ltos pa'i tshig yin no/ /de ltar sangs rgyas bcom ldan 'das la phyag 'tshal te ci zhig brjod par byed ce na/ de'i phyir 'dul ba'i bsngags pa cung zad brjod par bya zhes bya ba gsungs te/ bsngags pa brjod par bya zhes bya bar sbyar ro/ /gang gi bsngags pa zhe na/ de'i phyir 'dul ba'i zhes bya ba gsungs te/ gang gis slob ma rnams mya ngan las 'das par 'gro ba'i tshogs la bye brag tu khrid cing slob par byed pa de ni 'dul ba zhes bya'o/ /de yang bya ba dang bya ba ma yin pa nye bar bstan pa ni/ gzhung stong phrag brgya pa'i tshad la bya ste/ de'i bsngags pa zhes bya ba ni de bsngags par bya ba yin pas bsngags pa ste yon tan no/ /ci de la bsngags pa thams cad brjod par bya 'am zhe na de'i phyir cung zad ces bya ba gsungs te/ bdag nyid rang gis thos pa dang bsam pa yin pa de'i phyogs 'gar 'gyur ba'i bsngags pa brjod par bya'i thams cad ni ma yin te/ de'i rnam pa thams cad ni bdag dang 'dra ba dag gis brjod par mi nus snyam du bsam pa'o/ /de ltar 'dir spyi don 'di yin te/ slob ma rnams gus pa bskyed par bya ba'i phyir dang/ 'dul ba'i bya ba bsgrub pa'i phyir sangs rgyas bcom ldan 'das 'khor los sgyur ba'i rigs su gshegs pa bdag dang gzhan la phun sum tshogs pa bla na med pa rjes su bsgrubs pa 'dul ba bstan par mdzad pa la phyag 'tshal te/ 'dul ba smra bar 'dod pa'i yon tan rang gi blo dang mthun pa cung zad cig brjod par bya'o zhes bstan to/ /ci'i phyir bsngags pa thams cad rjod par mi byed ce na/ de'i phyir pha rol ma mthong gting rtogs ma gyur cing/ glags pa'i mun nag slob dpon tshogs rnams kyis/ dbye ba tha dad 'dul ba

  570. 285b

    rgya mtsho la/ yon tan kun bstod rtsol blo bdag la med/ ces bya ba gsungs te/ gang gi phyir 'dul ba rgya mtsho 'di'i pha rol mya ngan las 'das pa'i 'gram gnyis ma mthong la/ bdag gis 'di 'jug par mdzad pa de bzhin gshegs pa'i dgongs pa'i gting rtogs par ma gyur cing/ ngo bo nyid kyis kyang 'khor lo lta bu'i 'dres la sogs pa'i rba klong gis klags pa'i mun nag la rnam par bshad par byed pa'i slob dpon tshog pa rnams kyi blo'i dbye bas rnam pa sna tshogs su tha dad par gyur pa de'i phyir/ 'dul ba rgya mtsho lta bu 'di la yon tan kun gyi bstod par brtson zhing 'bad pa'i blo gros bdag la med pas/ des na bsngags pa cung zad brjod par bya'i thams cad ma yin zhes bya ba'i tha tshig go /'o na 'dul ba'i bsngags pa de smros shig ce na/ de'i phyir ji ltar 'di na shing rtsa gtso bo ste/ /rnam par 'phel dang kun 'dzin gnyis kyi gzhi/ /de bzhin dam chos tshogs rnams kun gyi yang/ /rgyu dang rtsa ba 'dul ba yin par gsungs/ zhes bya ba gsungs te/ de la rnam par 'phel ba dang zhes bya ba ni khyad par du 'phel ba ste/ yal ga dang yal ga gyel ba la sogs pa skye ba'o/ /kun 'dzin ces bya ba ni chud mi 'dza' ba' o/ /rnam par 'phel ba dang kun 'dzin gnyis kyi ste/ gnyis kyi gzhi zhes bya ba rgyu'i gtso bo ni rtsa ba yin no/ /dam chos zhes bya ba ni mdzes pa'i chos te don ji lta ba bzhin du nye bar bstan to/ /de'i tshogs zhes bya ba ni 'dus pa ste/ mdo sde dang chos mngon pa la sogs pa'o/ /dam pa'i chos kyi tshogs de rnams kun gyi rnam par 'phel ba dang kun 'dzin pa'i rgyu dang rtsa ba 'dul ba yin par bdag nyid chen pos gsungs so/ /'di skad bstan te ji ltar na 'jig rten 'di ni shing n+ya grad+ha la sogs pa'i shing ljon pa'i rtsa ba sa'i nang du song ba'i sbubs ni shing ljon pa rnam par 'phel ba dang kun 'dzin pa gnyis kyi gzhi zhes bya ba rgyu'i

  571. 286a

    rtsa ba dang rgyu'i dngos po yin te dang po rgyu yin pa de bzhin du/ thub pa'i dbang po'i gsung rab 'di dag thams cad kyi rgyu dang rtsa ba 'dul ba'i sde snod yin par gsungs so/ /'di ltar 'dul ba'i sa gzhi dag la dam pa'i chos kyi shing ljon pa rnams kyis bsam gtan dang gzugs med pa dang dge sbyong gi tshul gyi 'bras bu la sogs pa rnam par 'phel ba dang ma nyams pa'i dge slong gi mtshan nyid kun 'dzin pa dag 'dul ba'i rten gyis 'byung ba'i phyir ro/ /ji ltar sa ni skye dgu kun gyi gzhi/ /de las 'bru rnams skye bar 'gyur ba ltar/ /de bzhin 'dul ba 'di sdom brtson rnams kyi gzhi/ /de bzhin de las bsod nams rnams kyang skye/ /zhes bya ba ni ji ltar sa gzhi la brten te skye dgu sems can du bgrang ba gzugs kyi dngos po rnams gnas par 'gyur ba dang/ til dang gro la sogs pa 'bru'i bdag nyid kyis 'bras bu rnams skye zhing 'byung bar 'gyur ba de bzhin du 'dul ba la brten te sdom brtson dge slong dang dge tshul la sogs pa rab tu byung ba rnams kyang gnas par 'gyur te/ des sdom pa skye ba dang/ bsrung ba dang/ legs par sbyor ba'i phyir ro/ /byams pa bsgom pa la sogs pa dge ba'i chos bsod rnams rnams kyang skye bar 'gyur ro/ /ji ltar 'dul ba sa dang chos 'thun pa nyid yin zhe na/ de'i phyir tshul khrims yon tan rnams kyi gnas su dgongs/ /de'i gnas ni 'dul ba yin par gsungs/ 'di la gnas par gyur na mthar phyin 'gyur/ /'di la mi gnas mthar phyin ga la 'gyur/ /zhes bya ba gsungs te/ 'di ltar de lta bas na tshul khrims 'di dag kun tu bsten cing goms par byas lan mang du byas na mchog nyid thob par byed do zhes gsungs pas/ tshul khrims ni bsam gtan la sogs pa yon tan gyi gnas dang rten yin par de bzhin gshegs pa rnams

  572. 286b

    kyis dgongs la/ tshul khrims de'i gnas ni 'dul ba yin par gsungs te/ des de'i rnam pa thams cad nye bar ston pa'i phyir ro/ /de lta bas na 'dul ba sa dang chos mthun pa nyid yin no/ /de'i phyir phan yon dang nyes dmigs kyang 'di lta bur 'gyur te/ gang 'dul ba 'di la gnas par gyur cing ji lta ba bzhin du rjes su sgrub par byed pa de ni nye ba'i phyir mdza' mya ngan las 'das par phyin par 'gyur bar shes par bya'o/ /gang 'dul ba 'di la mi gnas shing thams cad ji lta ba bzhin du rjes su sgrub par mi byed pa des ni re zhig mdza' mya ngan las 'das par phyin par ga la 'gyur te/ sdig pa'i las bsags pa la sogs pa mya ngan las 'das par 'gro ba'i lam 'gegs pa'i phyir ro/ /gzhi nyid kyis 'dul ba bstod nas/ da ni bsrung ba nyid kyis bstod bar byed de/ ji ltar chu lon mi phyir? sra ba yis/ chu klung che yang zlog par 'gyur ba ltar/ /de bzhin 'dul ba 'phags pa'i chu lon 'dis/ /tshul khrims 'chal ba'i chu klung ldog par 'gyur/ /zhes bya ba ni ji ltar chu lon mi phye sra ba byas na chu klung chen po yang zlog par byed cing sgyur ba de bzhin du/ 'dul ba 'phags pas bstod par 'os pa chu lon 'di lta bu 'dis kyang tshul khrims 'chal pa'i chu klung zlog par 'gyur zhing phyir sgrub par byed de/ 'di ltar tshul khrims 'chal ba'i rgyur gyur pa bud med la lta ba la sogs pa thams cad ni zlog par byed la/ de las byung ba'i tshul khrims 'chal ba ni spyod pa ston par byed pa'i phyir ro/ /da ni byang chub gsum gyi tshogs nyid kyis 'dul ba la bstod pa'i phyir/ sangs rgyas rnams dang rang rgyal rnams kyis kyang/ /byang chub gang brnyes thub slob rnam dag pa'i/ /sems can dgra bcom yon tan ldan pa rnams/ /de la 'ang rgyu ni 'dul ba yin par gsungs/ zhes bya ba gsungs te/ /sangs rgyas bcom ldan 'das rnams kyis

  573. 287a

    bla na med pa'i byang chub brnyes pa gang yin pa dang/ rang rgyal ba sangs rgyas rnams kyis byang chub brnyes pa gang yin pa dang/ thub pa bcom ldan 'das kyi slob ma rnam par dag pa'i sems can dag pa'i tshogs bsags pa rnams dgra bcom pa'i 'bras bu 'khor dang bcas pa'i yon tan ldan par 'gyur ba 'phags pa shA ri'i bu la sogs pa yang rgyu ni 'dul ba yin par gsungs te/ des tshul khrims bsten la tshul khrims la bsten te lam bsgoms pa'i phyir ro/ /da ni bstan pa'i rgyu nyid kyis bstod par byed de/ /ji srid 'gro 'di rgyal ba thams cad kyi/ /mdzod mchog 'dul ba rdzogs pa 'di gnas pa/ /de srid chos sgron 'di ni gnas 'gyur zhing/ /bzlog par 'gyur na zhi ba thob par 'gyur/ /zhes bya ba ni tshangs pa ste/ gsol ba dang las la sogs pa la 'jug nus pa'o/ /de srid chos sgron 'di ni gnas 'gyur zhing/ /zhes bya ba'i sgra ni nges par gzung ba'i don to/ /des 'dir don du na dus ji srid du 'gro ba 'jig rten 'dzam bu'i gling 'dir rgyal ba thams cad kyi dam pa'i chos kyi mdzod kyi mchog 'dul ba rdzogs pa 'di gnas par 'gyur ba'i dus srid kho na de bzhin gshegs pa'i dam pa'i chos kyi sgron ma lhag ma 'di yang gnas par 'gyur zhing/ de las bzlog par gyur pa 'dul ba rdzogs pa nub par gyur na dam pa'i chos kyi sgron ma lhag ma yang zhi ba thob par 'gyur te/ nub pa kho nar 'gyur ro zhes bya ba'i tha tshig go /da ni dkon pa nyid kyis bstod par byed de/ sangs rgyas mi bzhugs 'jig rten tshigs bcad dang/ mdo sde yan lag de dang de dag spyod// bslab 'jug med na 'dul ba 'ang med 'gyur bas/ /de phyir rgyal ba dag pas chos 'di dkon/ /zhes bya ba la/ mi bzhugs zhes bya ba ni med pa'i don bstan to/ /de dang de dag ces bya ba ni bzlas pa'i tshig ste mang ba nyid du bstan to/ /des na 'di

  574. 287b

    ltar sangs rgyas mi bzhugs su zin kyang 'jig rten 'dzam gling 'di na/ 'dod pa khyod kyi rtsa bar shes/ /'dod ni kun tu rtog las byung/ /khyod la kun tu brtag mi bya/ /des na nga la khyod mi 'byung/ /zhes bya ba la sogs pa tshigs bcad de dang de lta bu dag dang/ lha'i mdo la sogs pa mdo sde'i yan lag dam dum mang pos de dang de dag spyod pa yod kyi/ bcom ldan 'das byung du zin kyang bslab pa la 'jug pa med cing bslab pa bca' ba med na 'dul ba'ang med cing spyod par mi 'gyur bas/ de'i phyir rgyal ba sangs rgyas bcom ldan 'das dag pas ches kyang 'dul ba 'di dkon pa yin na/ mdo sde la sogs pa dag pas dkon pa lta ci smos zhes bya ba'i tha tshig go /da ni dpe'i sgo nas bstod pa'i phyir 'jog bral sems glang lcags kyo 'di yin te/ 'dul bya ma thul ba yi srab 'di yin/ /ra ba mtshams kyi 'obs dang 'dra ba ste/ zag pa kun gyi chu lon 'dul ba yin/ /zhes bya ba gsungs te/ de la 'dis sems don rnams la 'jog par byed pas na 'jog pa ni ting nge 'dzin to/ /'jog pa de dang bral ba'i phyir ro/ /'jog pa dang bral ba ni mnyam par ma gzhag pa ste/ de nyid sems yin pas 'jog bral sems so/ /de nyid glang po che dang mthun pa nyid yin te 'jog pa dang bral ba'i sems ni glang po che dang 'dra bas 'jog bral sems glang zhes smos so/ /glang po che de gnas ma yin pa las zlog cing gnas bde bar 'jog par byed pa lcags kyo yin pa dang/ bral ba'i sems glang po che dang 'dra ba de gnas ma yin pa las bzlog gnas bde bar 'jog par byed pa'i lcags kyo yang 'dul ba yin te 'dra ba'i phyir ro/ /gdul bya ba ni 'dul bar bya ba ste rta'o/ /ma thul ba zhes bya ba ni ma bslabs pa ste/ sems kyi rta 'dul bar bya ba ma dul ba de 'dul ba'i srab kyis kha lcags dang 'dra ba yang 'dul ba 'di yin te/ phan pa dang gnod pa la 'jug pa ldog par byed pa yin pa'i phyir ro//

  575. 288a

    ra ba mtshams zhes bya ba ni ra ba'i phyir mtshams te/ de'i 'obs dang 'dra ba yang 'dul ba 'di yin te/ 'da' ba dang 'da' bar bya ba ma yin pa'i mtshams kyi mu thug pa yin pa'i phyir ro/ /zag pa zhes bya ba gang gis 'dzag par byed pa nyon mongs pa rnams gang nas 'dzag par gyur pa lus dang ngag dang yid kyi sgo dag ste/ de dag kun 'gog pa'i chu lon yang 'dul ba yin te/ 'di ltar nyon mongs pa mngon du gyur pa dag dang/ de las byung ba'i lus dang ngag dang yid kyi las ngag 'dul bas zlog par byed pa'i phyir ro/ /de ni ston pa dang 'dra ba nyid kyis bstod pa'i phyir ro/ /rgyal ba ston pa de yi bstan chos dgu /mdo dang chos mngon yin gsungs 'dul ba ni/ /ston dang bstan chos dngos yin de'i phyir/ /gnyis 'gyur phyag bya sangs rgyas chos gcig bzhin/ /zhes bya ba gsungs te/ 'di ltar rgyal ba bcom ldan 'das ni ston pa yin te/ bstan pa thams cad 'jug par mdzad pa yin pa'i phyir/ ston pa de'i bstan chos dag ni mdo sde dang chos mngon pa dag ni zhes bya ba gzhung gang yin pa de gnyis yin par gsungs te/ de nyid kyis yongs su smin pa dang rnam par grol bar mdzad pa'i phyir ro/ /'dul ba ni dngos su ston pa yang yin te/ de bzhin gshegs pa dang 'dra bar rtag tu grol ba dang/ rnam par ma grol ba rjes su ston pa'i phyir ro/ /bstan chos dngos dang yin te gzhung gi rang bzhin yin pa'i phyir ro/ /de'i phyir 'dul ba 'di ni ngo bo nyid gcig las gnyis su gyur pa yin te/ ston pa dang bstan chos kyi ngo bo nyid du gyur pa yin pas 'dul ba 'di ni phyag bya ba'i 'os yin te/ 'di la nges pa kho nar phyag bya'o/ /ci zhig dang 'dra ba gnyis su gyur pa yin zhe na/ chos mi mthun pa'i dpe bstan pa'i phyir/ sangs rgyas chos gcig bzhin zhes bya ba gsungs te/ dper na sangs rgyas bcom ldan 'das dang chos ni ngo bo nyid tha

  576. 288b

    dad pa yin te/ thams cad mkhyen pa nyid yin pa'i phyir te/ sangs rgyas bcom ldan 'das yin la mya ngan las 'das pa thob par mdzad pa'i phyir ni chos yin pas/ de gnyis ngo bo nyid tha dad kyang sangs rgyas bya ba gcig tu 'gyur pa bzhin du 'dir ni de las bzlog ste 'dul ba zhes bya ba ngo bo nyid gcig pa las de bzhin pa dang 'dre ba rtag tu rnam par grol ba dang ma grol ba rnams la rjes su ston pa'i phyir ni ston pa yang yin la gzhung gi rang bzhin pa'i phyir ni bstan chos kyang yin pas/ de'i phyir ston pa dang/ bstan chos kyi ngo bo nyid du gyur pa de ni phyag bya ba'i 'os kho na yin no/ /de ni de bzhin gshegs pas kyang bla ma yin pas 'di la phyag bya ba nyid du bstan pa'i phyir/ /gang la bsten te gnas pa'i sangs rgyas rnams/ /de la gus bcas rje sar bcas gyur zhing/ /de ni mgon pas mgon yin skyabs gnas yin/ /de phyir rab sgrims 'dul la phyag 'tshol cig /ces bya ba gsungs te/ 'dul ba gang la brten cing gnas shing de dang 'gal rkyen kun tu mi spyod pas tha snyad mdzad pa'i sangs rgyas bcom ldan 'das rnams 'dul ba de la ngo bo nyid kho nas gus pa dang bcas pa dang de la 'jig rten gyis smad pa'i dbang gis dgongs pa gtod pa'i sgo nas rjes dang bcas par gyur pa de dang 'dra ba'i 'dul ba 'di la rab tu bsgrims te phyag 'tshal cig ces bya bar sbyar ro/ /ci'i phyir zhe na de ni mgon pas mgon yin skyabs gnas yin/ /zhes bya ba gsungs te/ gang gi phyir 'dul ba de ni bdag cag gi bla ma mgon po sangs rgyas bcom ldan 'das pas bla ma mgon yin te/ de de la gus pa dang bcas rje sa dang bcas pa'i phyir dang/ 'dul ba de ni skyabs yin gnas yin te khyim yongs su spong ba dang/ brtul zhugs kyi bag bsha' legs par byed pa'i rgyu yin pa'i phyir dang/ 'dul ba de ni gnas yin te/ brtul zhugs blangs pa rnams la skyob pa dang bsrung

  577. 289a

    ba dang brtul zhugs kyang yongs su srung bar byed pa de'i phyir/ rab tu bsgribs la 'dul ba 'di la nges pa kho nar phyag 'tshol cig ces bya ba'i tha tshig go /nga ni gnod pa'i rgyu nyid kyis gus pa bskyed pa'i ched du bstod pa'i phyir gang zhig ston pa thugs rje'i bstan pa la/ /yang bar sems shing cung zad 'da' byed pa/ /de ni de las sdug bsngal gzhan dbang thob/ /smrig tshal bregs pas a mra'i tshal nyams bzhin/ /zhes bya ba gsungs te/ rab tu byung ba bag med ba dang ldan pa gang la la zhig ston pa bcom ldan 'das thugs rje dang ldan pa'i pham par nye bar ston pa bstan pa la 'dul ba las gsungs pa'i bka' lung la bcas pa'i kha na ma tho ba yang ba yin pas de las 'das na nyes byas la sogs pa tsam byung sems shing rtog pa ni don med pa nyid do snyam du blo sngon du gtong zhing zad 'da' zhing 'gal byed pa'i rab tu byung ba bag med pa dang ldan pa de ni bstan pa las 'das pa de la 'jig rten pha rol tu lus dang sems kyi sdug bsngal chen pos gdung bar byed pa'i sems can dmyal ba'i srung ma la sogs pa dang 'brel gzhan la rag las shing gzhan gyi dbang du gyur pa thob par 'gyur bas de'i phyir ston pa'i bstan pa rjes su bsgrub par bya'o zhes bya ba'i tha tshig go /de nyid dpe bstan pa'i phyir smrig tshal bregs pas a mra'i tshal nyams bzhin zhes bya ba gsungs te/ dper na rgyal po'i a mra'i tshal bsrung ba'i phyir kho ra khor yug du smrig ma tsher ma can gyi tshal gyis bskor bar byas pa mi bag med pa la la zhig gis 'di ni dgos pa med de khyod yang ba yin snyam du sems shing bregs pas/ a mra'i tshal la'ang ba lang rta la sogs dag gis zos pa la sogs pas nyams shing gnod pa gyur pa na mi de la gzhi des rgyal po khros chad pas rngams chen po la

  578. 289b

    gtugs pa las byung ba'i sdug bsngal thob par 'gyur ba de bzhin du/ 'dir yang bcas pa'i kha na ma tho ba dang bcas pa smrig ma'i tshal lta bu de las 'das shing rang bzhin gyis kha na ma tho ba a mra'i tshal lta bu de nyams pa na/ rgyal po khros pa lta bu rgyal ba'i bka' khyad du bsang cing bslab pa bral ba de las rgyal po'i chad pa'i sdug bsngal gzhan gyi dbang du gyur pa thob pa lta bu 'jig rten pha rol tu sems can dmyal ba'i srung ma la sogs pas gnod pa'i sdug bsngal chen po 'thob par 'gyur bas/ de'i phyir bcas pa'i kha na ma tho ba yang smrig ma'i tshal lta bu de nyid la gus pa dang bcas pa bsrung bar bya'o/ /da ni khyad par du bsod pa'i sems kyis bcas pa'i kha na ma tho ba dang bcas pa las 'das pa'i nyes pa brjod pa'i phyir/ 'di na la la rgyal po'i tshig chen yang/ /'das na lan 'ga' chad pa thob mi 'gyur/ /thub pa'i bka' lung tshul min 'das byas na/ /dud 'gror 'gro 'gyur e la 'dab klu bzhin/ /zhes bya ba gsungs te/ 'jig rten 'di na skye bo la las ma gus pas rgyal po'i che tshig chen po yang 'das na lan 'ga' byams pa'i gnas lta bu 'am yul 'khrug pa la sogs par 'gyur ba'i gnas skabs na rgyal po'i chad pa thob par mi 'gyur ba yang srid kyi/ /thub pa bcom ldan 'das thugs rje dang ldan pa phan pa mdzad pa bla na med pa'i bka' lung bslab pa tshul ma yin pas khyad par gsod pas bcas pa'i kha na ma tho ba dang bcas pa tsam yang 'das pa byas na phal cher dam song gis dud 'gro'i skye gnas su 'gro bar 'gyur pas de'i phyir gus par bya'o zhes bya ba'i tha tshig go/ de nyid dpes bstan pa'i phyir e la'i 'dab klu bzhin/ zhes bya ba gsungs te/ bcom ldan 'das 'od srungs kyi dge slong spong ba des 'chag pa'i tshe mgo bo'i steng du shing e la'i 'dab mas reg pas na/ bcom

  579. 290a

    ldan 'das kyi bka' khyad du bsad de shing e la'i 'dab ma de bcang bas gzhi des dge slong de klu e la'i 'dab ces bya bar skyes te mgo la shing e la'i 'dab drung cig skyes shing de 'gul ba na sdug bsngal gyi tshor ba mi bzad pa tsha ba nyams su myong ste/ de nas khrag dang rnag gi rgyun 'bab pa zas su za bar gyur pa lta bu dang de dang 'dra ba gzhan dag du yang 'gro bar gyur pa'o/ /da ni so sor thar pa'i rnam par bshad pa nyid kyis 'dul ba la bstod pa'i phyir/ so so thar bya gang yin pa/ /sangs rgyas 'dul ba gang chen mtsho/ /gting mdza' med pa thams cad kyi/ / gnas pa'i snying dang snying po yin/ /zhes bya ba la sogs pa tshigs su bcad pa drug gsungs so/ /de la don ni 'di yin te/ gang gi phyir so sor thar pa zhes bya ba gang yin pa de ni yon tan dang phan yon du mas yang dag par rgyas pa yin la rnam par byed pa phran tshegs la sogs pa 'dul ba 'di dag thams cad ni so sor thar pa de'i rgya cher rnam par bshad pa yin par gsungs pa/ de'i phyir thar pa 'dod pa dag gis 'dul ba 'di la gus par byas te/ mnyan pa la 'bad par bya zhing 'dul ba la gus pas mnyan pa'i spro ba brtan por bya'o/ /zhes ston to/ /'o na so sor thar pa zhes bya ba de ji lta bu zhig yin zhe na/ de'i phyir so sor thar bya gang yin pa zhes bya ba la sogs pa gsungs te/ de la sangs rgyas kyis gsungs pa'i 'dul ba gang chen zhes bya ba rgya mtsho lta bu gang la gting zhes bya ba

  580. 290b

    ni kun nas slong ba dang/ mdza' zhes bya ba 'bras bu/ de gnyis dpag tu med pa de ni/ sangs rgyas kyi 'dul ba gang chen mtsho/ /gting mdza' med pa zhes bya ste/ /'dul ba rgya mtsho stong phrag brgya ba'i tshad thams cad kyi/ gnas pa zhes bya ba mtshan nyid rnam par gzhag pa/ de'i snying zhes bya ba 'phen pas sa bon kun nas slong ba dang/ snying po zhes bya ba brtan pa rnam par mi g.yo ba ni/ so sor thar pa zhes bya ba sdig pa las thar pa 'am 'khor ba thams cad las thar pa mdo sder bstan pa de yin no/ /'di ni dam chos rgyal po yi/ /chos kun gyi ni 'dren pa mchog /'di ni dge slong tshong tshogs kyi/ /bslab zong tshong khang chen po yin/ /zhes bya ba ni/ so sor thar pa 'di ni/ dam chos rgyal po zhes bya ba sangs rgyas bcom ldan 'das kyi mdo sde la sogs pa bstan pa'i chos kun gyi ni 'dren pa mchog yin te/ blon po che dang 'dra'o zhes bya ba'i tha tshig go /yang de nyid bye brag bya ba'i phyir/ /'di ni dge slong tshong tshogs kyi/ /bslab zong tshong khang chen po yin/ /zhes bya ba gsungs te/ so sor thar pa 'di ni mya ngan las 'das pa'i nor bu rin po che 'dod pa'i dge slong tshong pa'i tshogs 'gron pa rnams kyi/ bslab zong tshul khrims kyi nor gang yin pa de'i tshong khang chen po zhes bya ba zod btser ba'i gnas dang 'dra ba yin no/ /tshul khrims 'chal pas zin rnams kyi/ /gdug pa rnam sel sman 'di yin/ /'di ni lang tsho rnam 'khrul pa'i/ /rkang gnyis gzhon nu'i lcags kyo yin/ /zhes bya ba ni gang dag tshul khrims 'chal pa bslab pa ral pa lhag

  581. 291a

    ma dang bcas pa sbrul dug chen po dug myur du khyab par byed pas zin cing reg pa/ de rnams kyi ltung ba gdug pa rnam par sel cing rnam par 'gog pa'i sman gnod sel ni so sor thar pa 'di yin te 'dis de sbyong ba ston pa'i phyir ro/ /so sor thar pa 'di ni gang dag lang tsho gzhon pa nyid rnam par 'khrul cing rnam par rmongs pa'i mi rkang gzhon nu de dag gi lcags kyo dang 'dra ba'i phyir bzlog pa yin te/ bsnyil ba dang yongs su gnas pa sbyad pa la sogs pa'i nyes dmigs ston pas kun tu skrag par byed pa yin pa'i phyir ro/ /mtsho bas zab pa'i 'khor ba las/ /sgrol ba'i rgal thabs 'di yin te/ /'di ni bzang 'gror 'gro ba yi/ /nges pa'i chu lon zam pa yin/ /zhes bya ba ni rgya mtsho dug can pas kyang zab cing ches/ /gting sleb par dka' ba'i 'khor ba 'gro ba lnga'i 'jig rten grang yin pa de las sgrol zhing rnam par grol bar 'gyur ba'i rgal thabs zams pa dang gzings dang rgyal ba la sogs pa lta bu ni so sor thar pa 'di yin te tshul khrims rnam par dag na lam skyed pa'i phyir ro/ /so sor thar pa 'di ni bzang 'gror 'gro zhing 'jug pa'i nges pa brtan pa gcig tu gyur pa'i/ /chu lon zam pa zhes bya bas gzhi dang 'brel pa'i rgyun sa yin te/ tshul khrims ni bde 'gror 'gro ba'i rgyu yin pa'i phyir ro/ /'di ni nyon mongs 'pham byed lam/ /rgyal po yi ni 'dren pa mchog /'di ni thar pa'i grong 'jug pa'i/ /them skas gzhi dang 'dra bar gnas/ /zhes bya ba ni so sor thar pa 'di ni 'dod chags la sogs pa nyon mongs pa 'pham te de spang bar bya ba la/ 'phags pa'i lam/ mi'i bdag po rgyal po dang 'dra ba'i 'dren pa snying tshogs mchog lta bu yin no//

  582. 291b

    so sor thar pa 'di ni mya ngan las 'das pa'i grong grong rtseg mar 'jug cing 'dzeg pa'i lam gyi them skas dang 'dra bar gnas te/ lam gyi gzhi ni tshul khrims pa'i phyir ro/ /nga ni mya ngan 'das gyur na/ /'di ni khyed kyi ston pa zhes/ /rang 'byung nyid kyis gus bcas par/ /nan tan dge slong tshogs mdun bstod/ /ces bya ba ni ston pa bcom ldan 'das yongs su mya ngan las 'das pa'i tshe na dge slong dag phyin chad bdag cag la ston pa med par 'gyur ro snyam du ngogs pa bzlog pa'i phyir 'di skad ces/ mya ngan las 'das par gyur na so sor thar pa 'di khyed la ston pa byed par 'gyur bas 'di ni khyed kyi ston pa yin no/ /zhes rang 'byung gzhan gyis lung bston pa bla na med pa'i mkhyen pa brnyes pa sangs rgyas bcom ldan 'das nyid kyis rang gi zhal nas gus pa dang bcas par dgongs pa gtad de/ nan tan du dge slong rnams la bka' stsal nas/ dge slong gi tshogs dge 'dun du bstod pa mdzad pas/ de'i phyir 'di ni ston pa nyid kyi zhal dang 'dra bar bstan pa'o/ /'dul ba 'di so sor thar pa de'i/ /rnam 'byed yin par dgongs pas na/ /thar 'dod rnams kyis gus byas te/ /'di ni nan tan mnyan par bya/ /zhes bya ba ni de ltar gang gi phyir so sor thar pa zhes bya ba gang yin pa de ni yon tan dang/ phan yon du mas yang dag par rgyas pa yin la/ rnam par 'byed pa dang phran tshegs la sogs pa 'dul ba 'di dag thams cad so sor thar pa de'i rgya cher rnam par 'byed pa yin pa de'i phyir/ thar pa 'dod pa rnams kyi gus par byas te/ so sor thar pa de'i rnam par 'byed par gyur pa 'dul ba 'di dag rnams rnam pa thams cad

  583. 292a

    du nan tan gyis mnyan par bya zhing thos nas kyang 'bras bu dang bcas par bya'o zhes bstan to/ /'dul ba rnam par bshad pa gags gsal to/ /de las bdag gis dge ba bsags pa gang yin pas/ /'ching ba ma lus rab tu grol bar bya ba'i phyir/ /'jig rten kun gyi gags ni nyams gyur cig /'dul ba la bstod pa btsun pa chos kyi tshong dpon gyis mdzad pa/ /slob dpon dul ba'i lhas bshad pa/ /rdzogs so// //dbang phyug dam pa'i mnga' bdag dpal lha btsan po'i bkang lung gis /'phags pa gzhi thams cad yod par smra ba'i 'dul ba 'dzin pa kha che bye brag tu smra ba'i slob dpon dzi na mi tra dang/ /zhu chen gyi lo tsa ba ban de klu'i rgyal mtshan gyis bsgyur zhing zhus te gtan la phab pa'o// //dge zhing bkra shis par gyur cig/ bkris/