Text
ff. 1a–358a · 715 folio sides
- 1a
dge slong ma'i so sor thar pa'i mdo 'grel bam po bcu gsum yan bzhugs so/ /
- 1b
rgya gar skad du/ Arya sarbA sti bA di mU la bik+Shu ni pra ti mok+Sha sU tra brit+ti/ bod skad du/ 'phags pa thams cad yod par smra ba'i rtsa ba'i dge slong ma'i so sor thar pa'i mdo'i 'grel pa/ sangs rgyas dang byang chub sems dpa' dang/ 'phags pa nyan thos thams cad la phyag 'tshal lo/ /so sor thar pa'i mdo 'di 'chad par 'dod pa'i thog ma kho nar nyan thos kyi sde snod gsum dang po sus gang du bsdus pa'i gtan tshigs dang/ 'di gsung rab bcu
- 2a
gnyis gang du bsdu bar bya ba dang/ sde snod gsum gang du gtogs pa dang/ sde pa gang gi gzhung yin pa dang/ dgos pa la sogs pa dang/ nges pa'i tshig gi don dang/ gzhung nyid bstan pa dang bdun brjod par bya ste/ de dag gi don gsung rab dang/ bstan bcos dang/ slob dpon dag brgyud de thos pa mdo tsam zhig bshad par bya'i/ de la nyan thos kyi sde snod gsum dang po sus gang du ji ltar bsdus she na/ ston pa mya ngan las 'das pa'i 'og tu/ 'phags pa 'od srungs chen po la sogs pa dgra bcom
- 2b
pa lnga brgya rgyal po'i khab kyi gsang ba'i brag phug tu 'dus nas/ mdo sde thams cad ni 'phags pa kun dga' bos bsdus/ 'dul ba thams cad ni 'phags pa nye bar skyong gis bsdus/ ma mo ni 'phags pa 'od srungs kyis bsdus zhes grags te/ 'phags pa nye bar skyong gis 'dul ba yang dag par bsdu ba yang ma 'ongs pa'i skye bo rnams 'dul ba zab cing rgya che ba 'di la kha cig mi dgos so zhes 'bri ba dang/ nyungs so zhes bsnan par dogs pa dang/ dbang po brtul po rnams kyi dgos pa'i don gzung sla bar bya ba'i phyir/ sdom rnam pa gsum du bsdus nas brtsams te/ gsum gang zhe na/ spyi sdom dang/ sdom dang/ bar sdom mo/ /de la spyi sdom ni rnam par 'byed pa la sogs pa las de la spyi sdom ni zhes 'byung ba lta bu ste/ 'og nas 'byung ba'i sdom gyi don rnams mdor bsdus
- 3a
te bstan pa'o/ /sdom ni spyi sdom gyis bsdus pa'i don de nyid go rim bzhin du bstan pa'o/ /bar sdom ni spyi sdom dang sdom gyis ma 'dus pa'i don rnams skabs skabs su tshigs su bcad par bsdus nas ston pa ste/ 'phags pa de dag gis sde snod gsum tshul ji ltar bsdus pa rgya cher ni mangs pas 'dir ma bstan te/ zhib tu ni 'dul ba dngos po phra mo la lnga brgya 'dus pa zhes bya ba'i skabs nas 'byung ba de bzhin du sbyar bar bya'o/ /de la gsung rab mdza' dag ni bcu gnyis su bsdu bar bya ba yin pas/ 'di gsung rab bcu gnyis kyi nang nas gang du bsdu bar bya zhe na/ 'di ni gleng gzhi dang/ rtogs pa brjod pa dang/ de lta bu byung ba dang/ skyes pa rabs kyi sder bsdu bar rig par bya ste/ de yang gleng gzhi'i sde ni gtso bo yin la gzhan gsum ni de'i 'khor yin te/ chos mngon pa kun las btus pa las/ gsung
- 3b
rab bcu gnyis sde snod gsum du bsdu ba'i skabs nas/ gleng gzhi'i sde dang/ rtogs par brjod pa'i sde dang/ de lta bu byung ba'i sde dang/ skyes pa rabs kyi sde'i 'khor dang bcas pa 'di ni 'dul ba'i sde snod zhes bya ba'i phyir/ de la gsung rab bcu gnyis thams cad ni sde snod gsum du 'dus te/ gsum sde gang zhe na/ mdo'i sde dang/ 'dul ba dang/ chos mngon pa'i sde snod yin na/ so sor thar pa'i mdo de gsum gang du bsdu bar bya zhe na/ 'dul ba'i sde snod du bsdu bar bya ste/ 'dul ba thams cad kyi gnas 'di yin pa'i phyir ro/ /gsung rab bcu gnyis po de dag sde snod gsum du ji ltar bsdu zhe na/ chos mngon pa kun las btus pa las/ mdo dang/ dbyangs kyis bsnyad pa dang/ lung du bstan pa dang/ tshigs su bcad pa dang/ ched du brjod pa'i sde snod gang yin pa 'di nyan thos kyi mdo sde'i sde snod nyid do/ /gleng gzhi dang/ rtogs pa brjod pa dang/ de lta bu byung ba dang/ skyes pa rabs kyi sde'i 'khor dang bcas pa gang yin pa 'di ni 'dul ba'i sde snod nyid do/ /shin tu rgyas pa dang/ rmad du byung ba'i chos kyi sde snod gang yin pa 'di ni/ byang chub sems dpa' i mdo sde'i sde snod do/ /gtan la phab par bstan pa ni gnyis ka'i chos mngon pa'i
- 4a
sde snod do/ /zhes bshad do/ /ci'i phyir mdo sde zhes bya zhe na/ rnam pa bzhi'i phyir te/ gnas rnams dang mtshan nyid dang chos rnams dang don ston pa'i phyir ro/ /ci mngon zhen/ bstan bcos mdo sde'i rgyan las/ gnas rnams dang ni mtshan nyid dang/ chos don ston phyir mdo yin no/ zhes 'byung ba'i phyir ro/ /ci'i phyir 'dul ba zhes bya/ de yang bzhi'i phyir te/ ltung ba dang/ skye ba dang/ bslang ba dang/ 'byung ba'i chos rnams ston pa'i phyir te/ ltung dang skye dang bslang ba dang/ /'byung ba'i chos ni 'dul ba ste/ zhes bshad pa lta bu'o/ /ci'i phyir chos mngon pa zhes bya zhen/ mngon du ba dang/ rgyun mi 'chad pa dang/ zil gyis gnon pa dang rtogs pa'i phyir te/ ji skad du/ mngon du ba dang rgyun mi 'chad/ /zil gnon rtogs phyir mngon pa'o/ zhes 'byung ba lta bu'o/ /de ltar cig la yang don rnam pa bzhir sbyar bar ci mngon zhe na/ de bas mdo sde dag las/ mdo sde 'dul ba mngon pa'i chos/ /mdor na rnam bzhi don du bshad/ /blo ldan pas ni de shes na/ /byang chub dam pa thob par 'gyur/ /zhes gsungs pa'i phyir ro/ /ci'i phyir de bzhin gshegs pa rnams kyis sde snod gsum rnam par bzhag ce na/ nye ba'i nyon mongs pa the tshom gyi gnyen po'i phyir/ mdo sde'i sde snod rnam par bzhag go /nye ba'i nyon mongs pa mdza' gnyis dang
- 4b
ldan pa'i gnyen po'i phyir 'dul ba'i sde snod rnam par bzhag go /rang gi lta ba'i mchog tu 'dzin pa'i nye ba'i nyon mongs pa'i gnyen po'i phyir/ chos mngon pa'i sde snod rnam par bzhag go /yang bslab pa gsum brjod pa'i phyir mdo sde'i sde snod rnam par bzhag go /lhag pa'i tshul khrims dang/ lhag pa'i sems kyi bslab pa bsgrub pa'i phyir 'dul ba'i sde snod rnam par bzhag go /lhag pa'i shes rab kyi bslab pa mngon par sgrub pa'i phyir/ chos mngon pa'i sde snod rnam par bzhag go / yang chos dang don brjod pa'i phyir mdo sde'i sde snod rnam par bzhag go /chos dang don mngon du bya ba'i gzhi'i gnas kyi phyir 'dul ba'i sde snod rnam par bzhag go /'brel ba'i gtam gyis gtam la 'bebs par chos la rdzogs par longs spyod pas bde bar reg par gnas par bya ba'i phyir chos mngon pa'i sde snod rnam par bzhag go /ston pa mya ngan las 'das pa'i 'og tu nyan thos kyi 'dul ba yang rtsa ba gtogs par sde pa mi mthun pa nyi shu rtsa gnyis su gyur ces 'byung na/ da ltar bshad pa'i mdo sde gang gi gzhung yin zhe na/ 'di ni nyi shu rtsa gnyis las thams cad yod par smra ba rtsa ba'i sde pa'i gzhung yin par rig par bya ste/ thams cad smra ba la yang rtsa ba dang yan lag yod de/ de la rtsa ba ni gcig ste thams cad yod par smra ba'o/ / de las gyes pa'i yan lag ni bdun te/ gzhi thams cad yod par smra ba dang/ 'od srungs sde dang/ sa ston dang/ srung ba pa dang/ mang du thos pa dang/ gos dmar ba dang/ rnam par phye ste smra ba'i sde rnams so/ /de la thams cad yod par smra ba'i sde rnams ni/ dus gsum dang ming dang gzugs rnams kyis ni 'dus byas rnams bsdus so/ /drug pa dang mi ldan pa rnams dang/ 'dus byas rnams ni shes par bya ba yang ma yin/ rnam par shes par bya ba yang ma yin no/ /'dus ma byas ni rnam pa gsum mo/ /nyon
- 5a
mongs pa rnams ni mtshungs par ldan pa'o/ /thub pa ni rnam pa gnyis so/ /de'i gsung dang dbang po rnams ni gzugs can nyi tshe la yod do/ /mchod rten la phul ba ni 'bras bu che'o/ /byang chub sems dpas ngan 'gro spangs pa ni rnam pa gnyis su 'dod pa yod do/ zhes zer ro/ /bsod nams lam gyi chogs su 'gyur ro/ /zhes zer ba la sogs pa ni mi 'dod do/ zhes de lta bas na thams cad yod par smra ba'i sde ba zhes bya'o/ /de las gzhan pa'i sde pa rnams kyi lta ba dang/ nyi shu rtsa gnyis su dang po ji ltar gyes pa'i lo rgyus zhib tu ni 'dir mangs pas ma bris te/ slob dpon dbyig gi bshes gnyen dang dul ba'i lhas gzhung lugs kyi bstan bcos mdzad pa las rgya cher 'byung bas de bzhin du sbyar bar bya'o/ /mdo sde la sogs pa gang bshad kyang rung ste/ dgos pa la sogs pa ma bstan na nyan pa po rtog pa/ sngon du gteng ba dag nyan par khas mi len te/ de'i phyir nyan pa po skye bo dag spro ba bskyed pa'i phyir gdon mi zab ra dgos pa la sogs pa ston pas 'dir yang de dag dang lugs mthun par dgos pa dang/ 'brel pa rnams bstan par bya ste/ de las dgos pa bstan pa ni/ dper na bya rog la so yod pa dang/ med par rtsod pa lta bshad pa yod kyang/ 'bras bu med par dogs par phyir dgos pa smos te/ dgos pa ni skabs 'dir tshig gi don gsal bar byed cing mthar phyin pa'i 'bras bu lhag ma lus pa dang/ lhag ma ma lus pa'i mya ngan las 'das pa rnam pa gnyis 'thob par 'gyur ba bya'o/ /'brel pa bstan pa ni klu 'jog pa'i gtsug gi nor bu bsil sman du rung zhing phan pa'i dngos po yin yang/ klu mig gdug pas bslad par bya ba'i thabs med pa 'dra bar 'jug pa la thabs med par dogs pa'i phyir 'brel pa smos te/ de la 'brel pa zhes bya ba ni/ rgyu dang 'bras bu 'brel ba ste/ bshad pa dang dgos par 'brel ba'o/ /
- 5b
dris pa nyan pa'i 'khor rnams spro ba bskyed pa'i phyir dgos pa la sogs pa bstan to zhe na/ ston pa'i zhabs drung nas mnyan te thos pa ni ma yin te/ brgyud pa'i tshul gyis thog pa la/ dgos pa la sogs pa stan kyang yid ches pa'i gtam tshigs su mi rung ngo zhe na/ 'jig rten na yang kha cig phan pa dang gnod pa la dogs pa dang bcas bzhin du 'jug pa lta bu ste/ yongs kyang the tshom med pa ni gnyi te/ sangs rgyas bcom ldan 'das thams cad mkhyen pa'i ye shes lhun gyis grub pas the tshom mi mnga' ba dang/ glen pa dag rmongs pa'i phyir the tshom med do/ / 'di gnyis ma gtogs pa gzhan thams cad ni tha tsho tshom dang bcas bzhin du 'jug pas na/ ston pa'i zhabs drung nas mngon sum du thos pa ma yin yang phan pa la ni the tshom dang bcas bzhin du 'jug par bya/ gnod pa las ni bdag dang gnyi ga bzlog par bya'o/ /ci'i phyir 'di'i ming so sor thar pa bya zhe na/ nges pa'i tshig gi don bstan pa'i phyir/ dge slong ma'i so sor thar pa'i mo zhes bya ba gsungs te/ de la dge slong ma'i zhes bya ba ni go sla bas ma bshad do/ /so sor thar pa zhes bya ba ni nyon mongs pa yongs su nyams pa chung ngu'i chung ba la sogs pa'i rnam pa las 'dis shin tu thar par byed pas so sor thar pa'o/ /kha cig na re so sor zhes bya ba ni mang po la bya ste/ gcig gis spyad pas mang po thar pa ma yin gyi gang nyams su blangs pa de nyid thar par 'gyur ba'o/ /thar pa zhes bya ba ni las dang nyon mongs pa dang/ tshe'i kun nas nyon mongs pa rnams dang/ ngan song gsum las thar par byed pa'i phyir thar pa zhes bya'o zhe'o/ /dris pa nyon mongs pa dang las dang che'i kun nas nyon mongs pa rnams las thar cir mya ngan las 'das pa thob par 'gyur ba ni 'phags pa'i lam yin no/ /zhes 'byung ba na 'phags pa'i lam la thar pa zhes bstan pa'i rigs kyi 'di'i ming so sor thar pa zhes bstan pa ni mi rigs so/ /smras pa/ de yang bden mod kyi/
- 6a
tshul khrims la gnas/ tshul khrims la brten nas/ bden pa bzhi ji lta bzhin mthong bar 'gyur te/ des nyon mongs pa dang/ las dang/ tshe'i kun nas nyon mongs pa spangs zhing mya ngan las 'da' ba thob par 'gyur ro zhes 'byung bas na/ tshul khrims la gnas te thos pa dang/ bsam pa dang/ bsgom pa'i rim pa rnams skye ba'i phyir/ tshul khrims kyi rgyu brgyud pa la so sor thar pa zhes kyang 'gal pa med de/ /mdo zhes bya ba ni mang po'i don nyung ngur bsdus pa ste/ 'dul ba rnam par 'byed pa la sogs pa'i don ma lus par 'dir 'dus pa'i phyir ro/ /da ni gzhung nyid bstan pa zhes bya ba ston te/ de'i phyir/ snyan pa'i ba dan 'jig rten gsum du grags zhes bya ba nas/ thub dbang go 'phang thob par shog ces bya ba'i bar du rgya cher gsungs so/ /'di'i bsdus pa'i don ni rnam pa brgyad du rig par bya te/ gleng gzhi dang/ bslab pa'i dngos po rnams kyi don bsdus te bstan pa dang/ sngon gyi tshul dang/ so sor thar pa nyid kyis 'bras bu dang/ gso sbyong gi dgos pa dang/ tshul khrims ji ltar bsrung ba'i tshul bstan pa dang/ 'jig rten yongs la bsod nams bsngo ba'o/ /de la gleng gzhi bstan pa ni/ snyan pa'i ba dan zhes pa nas de de bzhin du 'dzin to zhes bya ba'i bar du'o/ /bslab pa'i dngos po rnams bstan pa ni phas pham pa ni brgyad nas/ zhi bar bya ba'i chos bdun rdzogs pa'i bar du'o/ /bslab pa'i dngos po rnams kyi don bsdus nas bstan pa zhes bya ba ni/ 'phags ma dag bdag gis so sor thar pa'i mdo bshad zin te zhes pa nas/ dga' ba la rab tu brtson par bya'o/ /zhes pa'i bar dang sbyar ro/ /sngon gyi tshul bstan pa zhes bya ba ni/ bzod pa dka' thub dam pa bzod pa ni zhes bya ba nas/ grags ldan rnams kyis so sor thar 'di ni rab tu rgyas par bshad ces
- 6b
bya ba'i bar du'o/ /so sor thar pa nyid kyi 'bras bu bstan pa zhes bya ba ni/ 'di la sangs rgyas rnams dang gang zhes bya ba nas/ sdug bsngal mdza' mar phyin par 'gyur zhes pa'i bar rnams so/ /gso sbyong gi dgos pa bstan pa zhes bya ba ni/ phan tshun tshul khrims bsrung ba dang zhes bya ba nas/ dge 'dun gyis ni gso sbyong bya zhes bya ba'i bar du'o/ /tshul khrims ci ltar bsrung ba'i tshul bstan pa ni/ gang gi phyir ni mdo bshad dang zhes bya ba nas/ g.yar rnga'i rtse mo ji bzhin no/ /zhes pa'i bar dang sbyar ro/ /'jig rten yongs la bsod nams bsngo ba yang tha ma'i tshigs su bcad pa gcig dang sbyar ro/ /de la gleng gzhi bstan pa yang bsdus pa'i don ni drug tu rig par bya ste/ de bzhin gshegs pa'i yon tan brjod cing phyag byas nas so sor thar pa'i mdo bshad pa'i gnas brtan pa dang/ so sor thar pa nyid kyi legs pa'i yon tan bstan pa dang bsgrub par bskul ba dang/ 'di nyid thos pa la sogs pa dka' bar bstan cing 'phags pa rnams mthong ba dang/ de bsgrub pa'i rgyu 'bras rnams thob par bstan pa dang/ mi rtag pa la sogs pa bstan pa ba gso sbyong gi yan lag kun tu spyad pa'i chos rnams bstan pa'o/ /de la re zhig de bzhin gshegs pa'i yon tan brjod cing phyag byas nas so sor thar pa'i mdo bshad pa'i gnas bstan pa zhes bya ba bstan pa'i phyir/ snyan pa'i ba dan 'jig rten gsum du grags zhes bya ba nas/ 'phags pa'i tshogs kyis dbus su bde bar bya zhes pa'i bar du gsungs ste/ tshigs su bcad pa 'di gnyis la phyed dang gnyis kyis ni de bzhin gshegs pa'i yon tan brjod cing phyag byas pa bstan to/ /tha ma'i rkang pa gnyis kyis ni so sor thar pa'i mdo bshad pa'i gnas bstan pa yin te/ phyed dang gnyis kyis de bzhin gshegs pa'i yon tan brjod phyag byas pa la yang don rnam pa bdun gyis bshad pa sbyar bar bya ste/ rgyu dang 'bras bu dang/ gzhan gyi don dang/ ye shes dang/ thugs
- 7a
rje dang/ 'bras bu'i khyad par dang/ bdag gi don dang/ zhar la grub pa'i 'bras bu phun sum tshogs pa'o/ /de la rgyu dang 'bras bu phun sum tshogs pa'i dbang du mdzad nas snyan pa'i ba dan 'jig rten gsum du grags zhes bya ba gsungs te/ snyan pa zhes bya ba ni de bzhin gshegs pas bskal pa grangs med pa nas sa dang pha rol tu phyin pa la sogs pa dka' ba rnam pa sna tshogs spyad de/ thams cad mkhyen pa'i ye shes lhun gyis grub pa'i yon tan stobs dang mi 'jigs pa la sogs pa tshad med pa rnams so/ /ba dan ni dpe ste ji ltar mang po 'dus pa'i gnas su ba dan btsugs na/ gsal zhing mdzes pa dang/ des mtshan pa rnams lam mi nor ba de bzhin du/ de bzhin gshegs pa'i che ba'i yon tan yang snyan cing mdzes pa dang/ de la brten pa rnams kyis ngan song gsum la sogs pa lam log pa yongs su spong ba'i phyir/ de bzhin gshegs pa'i yon tan yang ba dan dang 'dra zhes bshad do/ /'jig rten zhes bya ba ni rnam pa gnyis te/ sems can dang snod kyi 'jig rten no/ /skabs 'dir ni sems can gyi 'jig rten dang sbyar te/ de bzhin gshegs pa'i yon tan de dag sems yod pa la grags su rung ba'i phyir ro/ /gsum du grags zhes pa ni 'dod pa dang/ gzugs dang gzugs med pa'i khams gsum du grags pa'o/ /sgra dang sgra thos pa'i dbang po'i gzugs can yin na/ gzugs med pa'i khams su sgras ji ltar grags par 'gyur/ dper na dngul gyi rgyu stang zil yin pa dang 'dra bar sngon 'dod pa dang gzugs kyi khams na gnas pa'i tshe/ de bzhin gshegs pa'i che ba yon tan thos pa'i bag chags de la yod pas de nyid la grags shes byas pas kyang 'gal ba med do/ /gzhan gyi don phun sum tshogs pa'i dbang du mdzad nas/ dam pa'i chos sgra seng ge'i sgra bsgrags pa zhes bya ba gsungs so/ /de la dam pa zhes bya ba
- 7b
ni de bzhin gshegs pa ste bsgrib pa rnam gnyis spangs shing 'jig rten mchog tu gyur pa'i phyir ro/ /chos ni des gsungs pa'i chos de bstan pa dang/ sgrub pa dang/ 'bras bu'i chos gang yang rung ba'o/ /yang dam pa'i chos gsum po de nyid skyon med cing gzhan dag las khyad par du gyur pa'i phyir yang dam pa zhes bya'o/ /seng ge'i sgra sgrags pa zhes bya ba ni dpe ste/ ji ltar seng ge'i sgras byol song thams cad zil gyis gnon pa dang 'dra bar/ de bzhin gshegs pa yang mi 'jigs pa bzhi la sogs pa'i yon tan dang ldan pas/ khams gsum na bag brkyang zhing bdud dang log par lta ba thams cad zil gyis mnan te/ dam pa'i chos ston cing gzhan gyi don mdzad pa'i phyir ro/ /ye shes phun sum tshogs pa'i dbang du mdzad nas/ thams cad mkhyen pa zhes bya ba gsungs te ci'i phyir de bzhin gshegs pa thams cad mkhyen pa zhes bya ba zhes na/ de ni 'jig rten dang 'jig rten las 'das pa dang/ zag pa dang zag pa med pa dang/ 'dus byas dang 'dus ma byas dang/ bla na yod pa dang bla na med pa'i chos ji snyed pa dang/ ji lta ba de dag thams cad skyes bu mig dang ldan pa'i lag mthil du skyu ru ra'i 'bras bu bzhag pa bzhin du thams cad ma lus par gzigs pa yin pa'i phyir thams cad mkhyen pa zhes bya'o/ /yang kha cig na re rnam pa bzhi'i thams cad mkhyen pa zhes 'chad de/ bzhi gang zhe na ma lus pa dang/ tshad med pa dang/ thun mong ma yin pa dang/ mnor par mkhyen pa'o/ /de ma lus par mkhyen pa ni 'jig rten pa dang 'jig rten las 'das pa dang/ 'dus byas dang 'dus ma byas la sogs pa ma lus par mkhyen pa'o/ /tshad med par mkhyen pa ni nyan thos dang/ rang sangs rgyas lta bu stong khams gnyis dang gsum shes pa lta bu ni tshang yod pa yin gyi/ de bzhin gshegs pa'i mkhyen pa la ni tshad gzung zhing dpag tu med pa'i phyir tshad med par mkhyen pa'o/ /thun mong ma yin par mkhyen pa ni
- 8a
gang nyan thos dang/ rang sangs rgyas kyis shes shing mthong ba ni de bzhin gshegs pas mkhyen gyi/ de bzhin gshegs pas thugs su chud pa ni gzhan gyis mi shes pa'i phyir thun mong ma yin par mkhyen pa'o/ /ma nor bar mkhyen pa ni bshad ma thag pa'i gsum po ltar mkhyen pa yang chos kyi chos nyid ji lta ba bzhin du phyin ci ma log par mkhyen pa'i phyir ro zhe'o/ /yang na skye mched bcu gnyis mkhyen pa'i phyir yang thams cad mkhyen pa zhes bya ste/ lung las kyang bram zes gsol pa/ bcom ldan 'das kyi mtshan thams cad mkhyen zhes bgyi ba yab yum gyis btags sam/ yon tan gyis mtshan du gsol/ bka' stsal pa bram ze de'i ming thams cad mkhyen pa zhes bya ba ni yon tan las mtshan du gsol ba ste/ skye mched bcu gnyis mkhyen pa'i phyir ro/ /bram zes gsol pa de ltar na rnam pa shes pas thams cad mkhyen pa zhes mtshan gsol pa mi rigs so/ /bka' stsal pa phyi'i skye mched dang/ nang gi skye mched 'dus pa las rnam par shes pa 'byung bas na bcu gnyis su 'dus te/ de'i phyir thams cad mkhyen pa zhes byas kyang 'gal ba med do/ /thugs rje phun sum tshogs pa'i dbang du mdzad nas/ rin chen mdzod brnyes pa zhes bya ba gsungs so/ /dper na rin po che yod na bang mdzod dgos pa bzhin du/ de la rin chen zhes bya ba ni de bzhin gshegs pas gsungs pa/ dam pa'i chos sngar bshad pa rnam pa gsum la bya ste/ de'i mdzod lta bur gyur pa ni nyan thos kyi dge slong la sogs pa dag yin pas/ mdo dag las kyang/ sangs rgyas lta bu'i ston pa med/ dam chos lta bu'i 'dren pa med/ dge 'dun lta bu'i snod kyang med ces gsungs so/ /de yang bcom ldan 'das kyis thugs rje'i byin gyis brnyes pas na/ 'di las thugs rjes phun sum tshogs pa zhes bya'o/ /'bras bu khyad par gyis phun sum tshogs pa'i dbang du mdzas nas/ zhabs la tshangs dbang gtsug gi nor
- 8b
bus gtugs zhes bya ba gsungs so/ /mtshan dang dpe byad la sogs pa'i yon tan rnams kyis brjod pa/ sangs rgyas bcom ldan 'das kyi zhabs la/ gzugs kyi bsam gtan dang po la dbang ba tshangs pa dang/ pad+ma 'byung ba zhes kyang bya ba dang/ sum cu rtsa gsum gyi lha'i rgyal po dbang po dang/ brgya byin dang/ mig stong zhes bya ba spyi gtsug gi nor bu rin po che yod pas gtugs te/ phyag byas nas gzhan lta ci smos zhes khyad par du bstan pa'o/ /bdag gi don phun sum tshogs pa'i dbang du mdzad nas/ sdug bsngal rgya mtsho gting mdza' med brgal ba zhes bya ba gsungs te/ de la sdug bsngal zhes bya ba ni gsum dang brgyad de gsum gang zhe na/ 'du byed dang/ 'gyur ba dang/ sdug bsngal gyi sdug bsngal lo/ /brgyad ni skye ba dang/ rga ba dang/ na ba dang/ 'chi ba dang/ sdug pa dang bral ba dang/ mi sdug pa dang phrad pa dang/ 'dod pas phongs pa dang/ phung po lnga rgyas pa'i sdug bsngal lo/ /rgya mtsho dang 'dra bar pha mdza' med ces bya ba ni dpe ste/ ji ltar rgya mtsho la pha rol gyi 'gram dang/ gting gi mdza' med pas brgal bar dka' ba de bzhin du/ thog ma med pa'i dus nas las dang nyon mongs pa bsags pa'i 'bras bu sdug bsngal rnams kyang/ rgya mtsho dang 'dra bar pha mdza' med ste brgal dka' ba de las de bzhin gshegs pa nyag cig gis brgal bas na 'dis bdag gi don phun sum tshogs pa zhes bya'o/ /byang chub gnyis po yang sdug bsngal de dag las ma brgal ba ma yin gyi/ phyis de bzhin gshegs pas bzlas par zad te/ thog mar brgal ba nyid bstan pa'i phyir nyag cig smos so/ /yang na byang chub gnyis kyi sdug bsngal las brgal ba tsam du zad kyi sdug bsngal gyi chos nyid yang dag pa ji lta ba bzhin du ma rtogs pa'i phyir ro/ /de bzhin gshegs pa nyag cig ces smos kyang 'gal ba med do/ /sdug bsngal rgya mtsho dang 'dra ste mdza' med pa de bzhin gshegs pas brgal zin pas/ pha mdza' med ces bstan pa 'gal lo zhe na/ pha
- 9a
mdza' med ces bya ba so so skye bo 'jug pa zhan pa la bya'i/ bskal pa grangs med pa nas dka' ba spyad de/ sa dang pha rol tu phyin pa rnams rdzogs nas/ thams cad mkhyen pa'i ye shes lhun gyis grub pas brgal ba la ni pha mdza' med pa'ang ma yin pas 'gal ba med do/ /zhar la grud pa'i 'bras bu phun sum tshogs pa'i dbang du mdzad nas 'gro ba'i gtso la spyi bos phyag 'tshal te zhes bya ba gsungs so /de la 'gro ba zhes bya ba ni khams gsum na rgyun mi 'chad par las dang nyon mongs pa'i dbang gis 'khor ba nas 'gro ba zhes bya ste/ 'gro ba lnga 'am drug tu bstan pa rnams so/ /de'i gtso bor gyur pa ni sangs rgyas bcom ldan 'das rnams te/ de la gtso bo zhes bya ba ni mchog dang/ dam pa dang/ khyad par can zhes bya ba'i rnam grangs su gtogs pa'o/ /spyi bos phyag 'tshal ba na 'dul ba la yang dag par sdud pa'i dus na/ 'phags pa nye bar skyong gis phyag byas pa'o/ /so sor thar pa'i mdor bshad pa'i gnas brtan pa'i phyir thams cad mkhyen pa'i bslab tshig rin chen snod/ 'phags pa'i tshogs kyang dbus su dbye bar bya zhes gsungs te/ de la thams cad mkhyen pa zhes bya ba ni sngar bshad pa bzhin no/ /de la bslab pa ni srog gcod pa la sogs pa ltung ba sde lnga'i nyes pa lngas bzlog par byed rnams so/ /tshig ces bya ba ni brjod pa dang/ bshad pa ste des go bar byed pa'o/ /rin chen zhes bya ba ni dkon pa'i phyir te 'dul ba rnams so/ /snod ces bya ba ni 'dul ba rin po che'i rnams kyi snod de so sor thar pa 'di nyid yin par bstan te/ yang na snod ces bya ba ni 'phags pa'i bslab tshig rin chen gyi snod yin par bshad de/ so sor thar pa nyid bslab tshig rin chen yin pas snod du mi sbyar ro/ /de la 'phags pa zhes bya ba ni sdig pa las ring du gyur pa'i phyir ro/ /tshogs ni bzhi yan chad du 'dus pa la bya ste/ dper na ji ltar rin po che yang ya rabs la bstan na bzang bar shes pa dad 'dra bar thams
- 9b
cad mkhyen pa'i bslab tshig rin po che dang 'dra bar so sor thar pa 'di yang 'phags pa dag gi dbus su bshad par bya'i/ byis pa glen pa mi gsal ba dag gi dbus su bstan kyang don med pa'i phyir 'phags pa'i tshogs kyi dbus su dbye bar bya'o/ /zhes bstan pa yin no/ /so so thar pa nyid kyi legs pa'i yon tan bstan pa zhes bya ba ston to/ /de'i phyir sangs rgyas kyis ni 'dul ba mtsho zhes bya ba nas/ dge slong mngon sum nyid du bstod ces pa'i bar du gsungs so/ /'di la yang don rnam pa brgyad kyis bstan par bya ste/ 'dul ba rnams kyi gnas bstan pa dang/ 'di gsang ba yin par bstan pa dang/ bla na med pa'i rgyur bstan pa dang/ 'chal pa'i tshul khrims kyi gnyen po bstan pa dang/ bdag med pa'i gnyen por bstan pa dang/ ngan song rnams spong zhing mngon par mtho ba thob pa'i rgyu bstan pa dang/ nyon mongs pa spong zhing mya ngan las 'das pa'i rgyu bstan pa dang/ ston pa dang 'dra bas bstan pa'o/ /de la 'dul ba rnams kyi gnas bstan pa zhes bya ba sngar bshad pa'i phyir/ sangs rgyas kyi ni 'dul ba mtsho/ /ma lus gting dang pha rol med/ /gnas dang snying gi snying po ni/ /so sor thar pa 'di yin no/ zhes bya ba gsungs so/ /sangs rgyas kyi ni zhes pa phyi rol pa rnams dgag pa'i phyir ro/ /'dul ba ni dug gsum 'dul zhing nyes pa las bzlog pa 'am/ yang na rnam par 'dren zhes kyang bya ste/ ngan song gsum las 'dren cing bde ba'i gnas su 'jog pa'i phyir ro/ /mtsho gting dang pha rol med ces bya ba ni 'dul ba rnams mang ba'i dpe ste/ ji ltar rgya mtsho pha rol dang gting med pas grangs mang zhing zab pa de bzhin 'dul ba yang/ grangs mang zhing zab pas sems can rnams kyi ye shes pa dka' ba de dag ma lus par mdo 'di'i nang du 'dus pa'i phyir ro/ /gting dang pha rol med pa lus shes rmongs pa'i rigs dang las tshigs bcad la mi bde na/ ma lus gong du smos te de bzhin du rig par bya'o/ /de la gnas shes pa ni 'dul ba rnams kyi gzhi 'am rten lta bu so sor thar pa 'di gnas pa'i phyir ro/ /snying
- 10a
gi snying po zhes bya ba/ ston pas gsungs pa'i chos rnams kyi nang du 'dus pa ni gsang ba yin pas snying po yin la/ de rnams kyi snying po ni so sor thar pa yin pas snying po zhes bya'o/ /so sor thar pa 'di yin no/ /zhes bya ba ni 'di nyid yin par bstan pa'o// 'di gsang ba yin par bstan pa zhes bya ba ston te/ de'i phyir 'di ni dam chos rgyal po yi/ /dam chos mi bri bsdus pa yin zhes bya ba gsungs so/ /de la 'di ni zhes smos pas so sor thar pa 'di nyid do/ /dam chos rgyal po zhes bya ba ni ji ltar rgyal pos yul dang mi rnams la dbang byed pa de bzhin du/ de bzhin gshegs pa yang 'jig rten dang 'jig rten las 'das pa'i chos thams cad la mnga' brnyes pa'i phyir ro/ /dam chos mi bri bsdus pa yin zhes bya ba ni gsung rab bcu gnyis la mdo sde dang chos mngon pa pa dag ni yi ger bri zhing bstan par bya ba yin gyi 'dul ba ni gsang bas na yid la bri zhing gzung bar bya ba yin pa'i phyir ro/ /ma 'ongs pa'i skye bo dbang po gzhan pa dag ni yi ger bri zhing bstan pa yang gnang ste/ mdo phra mo las bcom ldan 'das la tshe dang ldan pa ud+pA lis zhus pa/ btsun pa ma 'ongs pa'i dus na dge slong dran pa nyams pa dang/ dran pa zhan pa dag 'byung ste/ de dag gi grong dang grong khyer gang du/ ji ltar gnas shing bslab pa'i gzhi gang du bcas pa dag gis ma 'tshal na ci lta bur nan tan bgyi/ bka' stsal pa dran pa nyams pa dang dran pa zhan pa de dag gis 'dul ba rnams la lo ma la yi ger bris la bcad par bya ste/ de la the tshom ma byed cig ces gsungs pa'i phyir ro/ /bla na med pa'i rgyur bstan pa zhes bya ba bstan pa'i phyir/ 'di ni dge slong tshong pa yi/ /bslab zong tshong khang chen po'o zhes bya ba gsungs te/ 'di'i don ni dpe las rigs par bya ste/ ji ltar tshong pa rnams tshong 'dus na nor rin po che rnams nyo 'tshong zhing khe 'tshol ba dang 'dra bar/ dge slong mas kyang bslab pa 'di zong du thogs nas/ bla na med par khe tshol ba la so sor thar pa 'di
- 10b
'phags pa'i 'byung gnas su 'gyur pa'i phyir bslab zong tshong 'dus chen po zhes bshad do/ /de la 'di zhes bya ba ni so sor thar pa 'di nyid do/ /dge slong zhes bya ba ni mya ngan las 'das pa'i don slong zhing 'tshong ba dang/ gsol ba dang bzhi'i las kyi bsnyen par rdzogs la/ chos dang mthun par bsod snyoms len pas 'tsho bas na dge slong zhes bya'o/ /bslab pa ni tshul khrims la brten nas nyon mongs pa zad par slob cing sbyong ba na bslab pa zhes bya'o/ /chen po ni bla na med pa'i zod so sor thar pa 'di ma yin pa gzhan med pa'i phyir ro/ /gzhan ni brda sprad pa zad do/ /'chal pa'i tshul khrims kyi gnyen po bstan pa zhes bya ba bstan pa'i phyir/ tshul khrims ngan pas zin pa yi/ /gdug pa sel ba'i sman 'di yin zhes bya ba gsungs so/ /ji ltar gdug pas zin pa la/ dug sman gyi 'tsho ba de bzhin du tshul khrims ngan pa ste/ lus dang ngag dang yid gsum gyi sgo nas/ kha na ma tho ba spyod pa rnams las bzlog cing mdo 'di las 'byung ba bzhin du spyad na kha na ma tho ba de dag las grol zhing bde ba 'thob pa'i phyir tshul khrims ngan pas zin pa'i dug la so sor thar pa 'di sman dang 'dra ba'i phyir ro/ /de la tshul khrims zhes bya ba ni/ shi la zhes bya ba'i sgra las drangs nas legs par spyod pa la zhugs shing tshul khrims dam pos bsrungs pas mi dge ba spangs pa'i ming la bya/ yang cig tu nyon mongs pa'i gdung ba me dang 'dra ba zhi zhing bsil bar gyur pa'i ming yang yin te/ dngos su na ngang tshul gyis mi dge ba mi spyod cing tshul khrims bsrung ba'i ming ste/ de'i phyir tshul khrims zhes bya'o/ /bag med pa'i gnyen por bstan pa zhes bya ba ston te de'i phyir/ 'di ni lang tsho 'khrul ba yi/ /glang po gzhon nu'i lcags kyo'o zhes bya ba gsungs te/ dper na glang po che lang tsho la bab pa g.yang sa la bag med par mchod zhing 'gro bas bdag gi bar chad du yang 'gyur la de'i zhor gyis srog chags mang po 'chi zhing skrag pas bdag dang gzhan la
- 11a
gnod par 'gyur ba de la glang po che'i thabs la mkhas pas lcags kyos bcos na dul bar 'gyur ba de bzhin du/ dge slong ma lang tsho la bab pa bag med cing sems nang du 'jog mi nus pa rnams so sor thar pa'i lcags kyo 'dis bcos shing brtul na/ sems las su rung zhing lang tsho'i nyes pa las grol ba'i phyir so sor thar pa 'di ni lcags kyo'i sgrar bstan to/ /de la lang tsho'i dus ni 'dod pa spyod nus pa nas lo sum cu man chad la bya'o/ /ngan song rnams spong zhing mngon par mtho ba 'thab pa'i rgyu bstan pa zhes bya ba bstan pa'i phyir/ ngan 'gro 'khor ba zab mo las/ /sgrol ba'i gzings ni 'di yin no/ /'di ni bzang 'gror 'gro ba yi/ /stegs dang zam par nges pa'o/ /zhes gsungs so/ /de la ngan 'gro ni gsum ste/ /sems can dmyal ba dang/ /dud 'gro dang/ yi dags so/ /'khor ba zhes bya ba ni ngan song gsum po de dag tu nye bar len pa'i phung po yang dang yang du len pa'i phyir ro/ /zab mo zhes bya ba ni rnam pa gnyis te/ shin tu 'jigs pa dang/ brgal bar dka' o/ /de la shin tu 'jigs pa ni ngan song gi 'bras bu ste/ tsha ba dang/ grang ba dang/ nye ba dang/ nye tsho'i dmyal ba dag tu skyes pa rnams gtung cing gsheg pa la sogs pa'i 'jigs pa dang/ dud 'gro glen zhing gti mug ste/ /nying sha nyid gis za ba la sogs pa'i 'jigs pa dang/ yi dags bkres skom gyis gdungs pas 'jigs pa'o/ /brgal bar dka' ba ni ngan song de dag rgya mtsho dang 'dra ba'i phyir ro/ /sgrol ba'i gzings zhes bya ba ni dpe ste/ /ji ltar rgya mtsho'i pha rol tu bgrod na gru dang gzings kyi pha rol tu phyin par byed pa de bzhin du/ ngan song gsum po de dag gi sdug bsngal rgya mtsho dang 'dra ba de las bzla bar 'dod pa rnams kyis so sor thar pa 'di las 'byung ba bzhin du spyad na sdug bsngal de dag las grol bar 'gyur bas na/ gzings dang 'dra zhes bshad do/ /bzang 'gro zhes bya ba ni legs pa dang bde ba'i gnas su 'gro
- 11b
ba mngon par mtho ba ste/ lha dang mi'i 'gro ba la bya'o/ /'gro ba'i stegs dang zam pa zhes bya ba ni lha dang mi'i gnas der 'gro ba'i stegs dang zam pa ste/ ji ltar chu bo la stegs dang zam pa brgal bar 'gyur ba dang 'dra bar lha dang mi'i stegs dang zam par des so sor thar pa 'di las 'byung ba bzhin byas na lha dang mi'i bde ba myong bar 'gyur ba'i phyir ro/ /nges pa zhes bya ba ni gdon mi za ba'i tha tshig go /nyon mongs pa spong zhing mya ngan las 'da' ba' i rgyu bstan pa zhes bya ba ston te/ de'i phyir/ 'di ni nyon mongs pham byed lam/ rgyal ba yi ni 'dren pa mchog /'di ni thar pa'i grong 'jug pa'i/ /them skas gzhi dang 'dra bar gnas zhes bya ba gsungs so/ /'di ni zhes bya ba ni so sor thar pa 'di nyid do/ /nyon mongs pa zhes bya ba ni gnyis te/ mthong bas spang bar bya ba dang/ bsgom pas spang bar bya ba ste/ brgyad cu rtsa brgyad dang/ bcur bstan pa rnams so/ /theg pa chen po'i bstan bcos las ni mthong ba dang bsgom pas spang bar bya ba'i nyon mongs pa ni brgyad cu rtsa gnyis dang/ bcu drug yod ces 'chad do/ /pham byed lam zhes bya ba ni nyon mongs pa spong zhing pham par byed pa'i lam ste/ so sor thar pa 'di nyid yin par bstan to/ /rgyal po'i 'dren pa mchog ces bya ba ni dpe ste/ ji ltar rgyal pos gzhan gyi dgra la rgol na/ sa mkhan gyis dang por drangs te/ de nas dmag gi dpung gis 'joms par byed pa dang 'dra bar/ dgra dang 'dra ba'i nyon mongs pa de dag gzhom na/ sngar tshul khrims la brten nas de'i 'og tu 'phags pa'i lam gyis nyon mongs pa spong bar 'gyur ba'i phyir ro/ /lam ni rgyal po lta bur bstan la/ lam de 'dren pa'i mchog ni so sor thar pa yin par bstan to/ /thar pa'i grong khyer 'jug pa yi zhes bya ba ni mya ngan las 'da' ba' i grong khyer nyid du 'jug go /them skas gzhi dang 'dra bar gnas zhes bya ba ni/ ji ltar grong khyer mthon po'i steng du 'dzegs na skas la brten
- 12a
cing skas kyang gzhis la rten dgos pa dang 'dra bar/ gang dag mya ngan las 'da' ba' i grong khyer du 'jug par 'dod pa rnams kyang/ them skas kyi gzhi dang 'dra bar so sor thar pa 'di la brten dgos pa'i phyir/ 'phags pa'i lam ni them skas su bstan la/ de'i gzhi dang 'dra bar ni so sor thar pa 'di nyid yin par bstan to/ /ston pa dang 'dra bar bstan pa zhes bya ba bstan pa'i phyir da? ni mya ngan 'das gyur na/ /'di ni khyod kyis ston zhes kyang/ /rang byung nyid kyis nan tan du/ /dge slong mngon sum nyid kyis bstod ces bya bar gsungs so/ /'di ni ston pa lhag ma ma lus pa'i mya ngan las 'da' bar nye ba zhig na/ /kun dga' bo la sogs pa dge slong rnams kyis gsol ba/ bcom ldan 'das mya ngan las 'das pa'i 'og tu/ dge slong khyim sun 'byin pa dang/ sdig to can dang ji ltar lhan cig gnas shing bstan pa bzhin du bgyi/ ston pa ni sus bgyi zhes gsol ba'i lan du gsungs so/ /de la nga ni zhes bya ba ni mu stegs can gyis btags pa'i nga yod pa ma yin gyi/ gzhan dag go bar bya ba'i phyir ram gong na med pas che'o/ /zhes pa'i tha tshig go /mya ngan las 'das gyur na zhes bya ba ni gnyis te lhag ma dang bcas pa dang/ lhag ma med pa ste skabs 'dir ni lhag ma med pa'i mya ngan las 'das pa bzung ngo/ /'di ni zhes bya ba ni 'di nyid do// khyed kyi ston pa zhes bya ba ni dge slong ma rnams kyi ston pa ste/ de bzhin gshegs pa dang 'dra bar blta bar bya'o/ /zhes bstan pa'o/ /rang 'byung zhes bya ba ni gzhan gyi dring las skyes pa ma yin gyi/ de bzhin gshegs pa nyid kyis chos nyid rtogs nas mngon par rdzogs sangs rgyas pa'i phyir ro/ /nyid kyis nan tan du zhes bya ba 'dis yang dag par gsungs pa'o/ /mngon sum nyid du bstod ces bya ba ni 'di la ston par bltos shig ces nyan thos rnams la mngon sum du gsungs pa'i phyir ro/ /da ni sgrub
- 12b
bar bskur ba zhes bya ba ston te/ /de'i phyir sangs rgyas zhes bya ba'i sgra 'di yang zhes bya ba nas/ mnyan pa'i phyir ni 'bad par bya ba'i bar du gsungs so/ /'di la yang rnam pa bzhir dbye ste/ /ston pa mthong zhing thos pa dang/ /mi lus rnyed pa ba shin tu dka' bar bstan pa dang/ mi khom pa spangs nas tshangs par spyod pa rnyod pa shin tu dka' bar bstan pa dang/ dge ba'i bshes gnyen rnyed par shin tu dka' ba bstan pa dang/ mjug bsdu zhing rtsol du gzhug pa'o/ /ston pa mthong zhing thos pa dang/ /mi lus rnyed ba shin tu dka' bar bstan pa zhes bya ba'i dbang du byas na/ sangs rgyas zhes bya'i sgra 'di yang/ /'jig rten dag na rab tu dkon mi nyid rnyed par shin tu dka' zhes bya ba gsungs te/ /de la sangs rgyas zhes bya ba ni gti mug gi gnyid sangs pas gnyid sangs pa bzhin te sangs pa la snyegs/ blo bye zhing rgyas pas na pad ma kha bye zhing rgyas pa dang 'dra bas tshig gi don spyir bsdus nas/ chos thams cad thugs su chud cing ma lus par byang chub pa'i phyir sangs rgyas zhes bya/ de la mi zhes bya ba'i sgra ni shad shes pa las skyes pa'i phyir/ de la dngos po 'dod par bya ba yin pa'i phyir ro/ /yang na de dag gis thos pa dang ldan pa rnams kyis yid la brjod pas byed pas na mi zhes bya'o/ /zhes yo ga tsa ra'i Tik+ka las bshad do/ /sangs rgyas zhes bya ba'i sgra 'jig rten na ci'i phyir dkon zhe na/ sangs rgyas 'jig rten du 'byung ba shin tu rnyed par dka' ba'i phyir te/ ci'i mngon zhe na/ dam pa'i chos pad+ma dkar po'i mdo las/ dge slong dag de bzhin gshegs pa dgra bcom pa yang dag par rdzogs pa'i sangs rgyas rnams ni 'byung ba rnyed par dka' ste/ bskal pa bye ba khrag khrig brgya stong phrag mang por yang 'jig rten du de bzhin gshegs pa mthong yang sred de/ dper na u dum+ba ra'i me tog bzhin no/ /zhes gsungs so/ /rnam par gtan la dbab pa'i rgyal po'i mdo las/ kun dga' bo 'di lta ste/ u dum+ba ra'i me ?
- 13a
tog ni sangs rgyas pa dang dus gcig tu 'byung ste/ kha dog ldan zhing gsal te/ 'od bzang la dris ni dpag tshad khor yug tu khyab par byed do/ /me tog de ni rab rib med par byed/ /dran pa yongs su spyod par byed/ /nad kyang rab tu zhi bar byed/ /dri nga ba yang sel zhing snang bar byed/ /dri zhim po yang 'byin par byed do/ /dri nges khams bzhi dangs par 'gyur te/ 'khor los sgyur ba'i rgyal po thams cad la yang me tog mi 'byung na/ sems can tshul khrims 'chal ba rnams dang/ sangs rgyas 'byung ba dang mtshungs pa'i me tog lta 'byung bar ga la 'gyur zhes gsungs so/ /me tog de ci 'dra/ gang du nam skyes zhe na/ rtogs pa brjod pa'i mdo las mtsho chen po ma dros pa 'das pa'i byang phyogs na/ ri rtse lnga pa zhes bya ba/ de'i pha rol na u dum+ba ra'i tshal yod de/ nam sangs rgyas bcom ldan 'das dag dga' ldan lha'i ris nas babs te/ yum gyi lhums su zhugs pa de'i tshe tshal de kha 'bu bar byed do/ /nam yum gyi lhums nas bltams pa de'i tshe tshal de kha 'byed par 'gyur ro// nam bla na med pa yang dag par rdzogs pa'i byang chub mngon par rdzogs par sangs rgyas pa de'i tshe tshal de'i me tog kyang rab tu rgyas par 'gyur ro/ /nam tshe'i 'du byed 'dor ba de'i tshe/ tshal de rnyings par 'gyur ro/ /nam yongs su mya ngan las 'das pa de'i tshe tshal de'i lo ma dang/ me tog dang/ 'dab ma dang/ 'bras bu yang lhags par 'gyur ro/ /me tog de'i tshad ni shing rta'i phang lo tsam mo/ /nam sangs rgyas bcom ldan 'das ngag rgyal rigs su 'byung ba de'i tshe me tog de dag kha dog dkar por rab tu 'gyur ro/ / bram ze'i rigs kyi nang du 'byung ba de'i tshe yang me tog de dkar por 'gyur ro/ /zhes gsungs so/ /sdong po bkod pa'i mdo las kyang/ gang dag mthong zhing thos pa dang/ /bsnyen bkur byas pa don yod pa/ /'jig rten 'dren pa 'jig rten na/ /bskal pa bye
- 13b
bar? rnyed par dka' zhes gsungs so/ /bskal pa bzang po'i mdo las kyang bskal pa bzang po 'di'i 'og tu sangs rgyas med pa'i bskal pa drug cu 'byung ngo/ /de'i 'og tu bskal pa snyan pa chen po zhes bya ba 'byung ste/ bskal ba gcig pu de la sangs rgyas khri 'byung ngo/ /bskal pa snyan pa chen po de'i 'og tu sangs rgyas med pa'i bskal pa brgyad khri 'byung ngo/ /de'i 'og tu bskal pa skar ma lta bu zhes bya ba 'byung ste/ bskal pa de gcig pu la sangs rgyas brgyad khri 'byung ngo/ /bskal pa skar ma lta bu de'i 'og tu bskal pa sum brgyar sangs rgyas mi 'byung? ngo/ /de'i 'og tu yon tan bkod pa zhes bya ba'i bskal pa 'byung ste/ bskal pa de gcig pu la sangs rgyas brgyad khri bzhi stong 'byung ngo zhes gsungs te/ /de ltar na sangs rgyas 'byung ba'i bskal ba ni nyung la/ sangs rgyas med pa'i bskal ba ni mang ba'i phyir ston pa 'jig rten du 'byung ba mthong zhing de'i sgra thos bar dka' bar mngon no/ /brgya la sangs rgyas 'jig rten du byung na yang mi lus shin tu thob par dka' ste/ cis mngon zhe na/ yang dag par ldan pa'i lung las dge slong dag 'di lta ste/ dper na sa chen po 'di chu 'ba' zhig tu gyur la de'i nang du mi 'ga' zhig gis shing bu ga gcig pa zhig bor te/ de shar gyi rlung gis nub phyogs su phul/ nub kyi rlung gis ni shar phyogs su phul/ byang gi rlung gis ni lho phyogs su phul/ lho'i rlung gis ni byang phyogs su phul la/ de na rus sbal zhar ba tshe lo brgya phrag du ma thub pa lo brgya phrag du mar 'tsho ba/ lo brgya 'das shing lan gcig steng du 'byung ba de/ bu ga gcig gi shing der mgrin pa 'jug na/ dge slong dag de ji snyam du sems/ rus sbal zhar ba tshe lo brgya phrag du ma thub pa lo brgya phrag du mar 'tsho ba de lo brgya 'das shing lan gcig steng du 'byung ba des/ shing bu ga gcig pa der mgrin pa chung ngam/ gsol pa bcom ldan 'das des na 'gyur lags so/ /bka' stsal ba/ dge slong dag de bzhin
- 14a
du/ de bzhin gshegs pa rnams brgya la brgya lam na 'jig rten du 'byung zhing zhi bar 'gyur ba/ yongs su mya ngan las 'da' bar 'gyur ba/ rdzogs pa'i byang chub tu rdzogs par byed pa/ bde bar gshegs pas rab tu bstan pa'i chos ston to/ /mi 'gyur ba yang nga rgyal brgya lam na stes na 'thob ste/ shin tu rnyed par dka' po zhes gsungs pa'i phyir ro/ /mi khom spangs nas tshangs par spyod pa rnyed par shin tu dka' bar bsten pa'i dbang du byas te/ rab tu byung ba shin tu dkon/ de bzhin rab tu byung rnams kyi/ /tshul khrims phun sum tshogs pa dkon zhes bya ba gsungs so/ /de la mi khom pa zhes bya ba ni brgyad ste/ sems can dmyal ba dang/ dud 'gro'i skye gnas dang/ gshin rje'i 'jig rten dang/ lha tshe ring po dang/ mdza' 'khob kyi mi dang/ dbang po ma tshang ba dang/ log par lta ba dang/ sangs rgyas ma byung ba'i skabs su skyes pa'o/ /brgyad po de dag la mi khom pa zhes bstan cing/ dal ba 'byor pa rnyed pa dka' bar cis mngon zhe na/ gcig las 'phros pa'i lung las dge slong dag mi khom pa brgyad po 'di dag ni gang zag tshangs par spyod pa la gnas pa'i dus ma yin no/ /brgyad gang zhe na dge slong dag 'di la de bzhin gshegs pa 'jig rten du byung ste/ zhi bar 'gyur ba/ yongs su mya ngan las 'das par 'gyur ba/ rdzogs pa'i byang chub tu 'gro bar byed pa/ bde bar gshegs pas rab tu bstan pa'i chos ston na/ gang zag de sems can dmyal bar skyes pa yin te/ de ni gang zag tshangs par spyod pa la gnas pa'i dus yin pa mi khom pa dang po'o/ /de bzhin du dud 'gro'i skyes gnas dang/ /gshin rje'i 'jig rten dang/ lha tshe rings po dang/ mdza' 'khob kyi mi rku 'phrog byed pa dang/ kla klo dang brnab sems can dang gnod sems can du gang dge slong dang/ dge slong ma dang/ dge bsnyen dang/ dge bsnyan ma mi 'ong
- 14b
ba'i nang du skyes pa yin no/ /'jig rten 'dir de bzhin gshegs pa byung ste chos kyang ston la/ gang zag de dbus kyi mi'i nang du yang skyes na/ de glen zhing lug ltar lkugs pa/ lag brda byed cing legs par smras pa dang nyes par smras pa'i don go ba'i mthu med pa yin no/ /de bzhin gshegs pa 'jig rten 'dir byung ste/ chos kyang ston la/ gang zag de dbus kyi mi'i nang du yang skyes shing de glen pa ma yin pas na don go ba'i mthu yod pa'i bar du yang gyur na/ de log par lta zhing phyin ci log tu mthong ste/ de 'di ltar sbyin pa yang med/ mchod sbyin yang med/ sbyin bsreg byas pa'ang med/ legs pa dang/ nyes pa byas pa'i las kyi 'bras bu rnam par smin pa yang med/ 'jig rten 'di dang 'jig rten pha rol yang med/ pha dang ma yang med/ 'jig rten na dge sbyong dang/ bram ze yang dag par song ba dag yang dag par zhugs pa dang/ dgra bcom pa 'jig rten rig pa gang rang gi mngon par shes pas 'jig rten 'di dang pha rol mngon sum du byas te/ khong du chud par byed pa yang med par lta ba yin no/ /gzhan yang gang zag dbus kyi mi rnams kyi nang du skyes te/ glen pa ma yin pa nas 'jig rten 'di dang pha rol mngon sum du byas te/ khong du chud par byed pa yang yod pa'i bar du lta na/ de bzhin gshegs pa 'jig rten du ma byung ste/ zhi bar 'gyur ba yongs su mya ngan las 'da' bar 'gyur ba/ rdzogs pa'i byang chub tu 'gro bar byed pa/ bde bar gshegs pas rab tu bstan pa'i chos mi ston pa yin no/ /gang zag tshangs par spyod pa la gnas pa'i dal pa'i dus ni gcig ste/ gong ma brgyad po de dag las bzlog pa rnams yin par gsungs pa'i phyir/ brgyad po de dag mi khom pa yin zhing/ /dal ba 'byor pa rnyed par dka' bar mngon no/ /de ltar mi khom pa brgyad po de dag spangs te rab tu byung nas tshul khrims phun sum
- 15a
sum tshogs pa dang ldan pa ni tshangs par spyod pa zhes bya ste de yang mi khom pa brgyad po de dag ma spangs kyi bar du mi 'thob pa'i phyir shin tu rnyed par dka' ba bstan to/ /de la rab tu byung ba zhes bya ba na dge ba'i chos la 'dun pa de nyid kyis dbang du byas nas/ gsol ba dang bzhi'i las kyis bsnyen par rdzogs pa dang/ dge sbyong gi tshul khrims yang dag par blangs pa gang yin pa'o/ /tshul khrims phun sum tshogs pa zhes bya ba ni/ de ltar rab tu byung ba de tshul khrims dang ldan par gnas pa dang/ so sor thar pa'i sdom pas bsdams pa dang/ cho ga dang spyod yul phun sum tshogs pa dang/ kha na ma tho ba phra rab tsam dag la yang 'jigs par lta ba dang/ bslab pa'i gzhi rnams yang dag par bslang zhing slob par byed pa gang yin pa'o/ /dge ba'i bshes gnyen rnyed par shin tu dka' bar bstan pa'i dbang du byas nas/ tshul khrims yongs su dag gyur kyang/ grogs bzang shin tu rnyed par dka' zhes bya ba gsungs te/ de la grogs bzang zhes bya ba ni dge ba'i bshes gnyen te/ 'phags pa 'am so so'i skye bo 'ang rung/ de dag kyang sangs rgyas 'jig rten du 'byung ba la rag lus pa'i phyir rnyed par dka' bar bstan to/ /da ni mjug bsdu zhing rtsol du 'jug pa zhes bya ba bstan pa'i phyir/ 'jig rten sangs rgyas 'byung ba dang/ /mi dang rab tu 'byung ba dang/ /tshul khrims phun sum tshogs pa dang/ /grogs bzang shin tu rnyed par dka' / /mkhas pa bdag legs 'dod pa dag /'bras bu bcas te byed 'dod pa/ /sdom can rnams kyis so sor thar/ /mnyan pa'i phyir ni 'bad par bya zhes bya ba gsungs so/ /'di'i don ni sngar bstan pa ltar 'jig rten na sangs rgyas 'byung ba dang/ mi lus thob cing rab tu byung te tshangs par spyod pa la gnas pa dang/ dge ba'i bshes gnyen shin tu
- 15b
rnyed dka' bas brgya lam lan cig ston pa 'jig rten du byung ste/ tshangs par spyod pa/ thog mar dge ba/ bar du dge ba/ tha mar dge ba gsungs la/ mi lus thob pa'i tshe blo dang ldan pa mngon par mtho ba dang/ nges par legs pa'i 'bras bu 'dod pa rnams kyis mdo 'di las 'byung ba bzhin spyad par bya'o/ zhes bya ba'i tha tshig go /de la mkhas pa zhes bya ba ni blo dang ldan pa'o/ /bdag las 'dod pa dag ces bya ba ni gang dag bdag nyid mngon par mtho ba dang nges par legs pa'i 'bras bu 'dod pa dag ces bya ba'i tha tshig go /gzhan ni brda sprad pas ma bshad do// //da ni 'di nyid thos pa la sogs pa dka' bar bstan cing 'phags pa rnams mthong ba dang/ de bsgrub pa'i rgyu 'bras rnams thob na bde bar bstan pa zhes bya ba ston to/ /de'i phyir bskal pa bye ba rnams su yang zhes bya ba nas/ dar la bab pa yol ba rnams kyang bde zhes bya ba'i bar du gsungs so/ /'di la yang don rnam pa brgyad kyis bstan te/ so sor thar pa thos pa la sogs pa dka' ba dang/ dkon mchog gsum 'jig rten du byung na bde ba dang/ dge ba'i bshes gnyen la brten na bde ba dang/ mi dge ba'i grogs po spangs na bde ba dang/ dge ba'i bshes gnyen gyi khyad par bstan pa dang/ thob par bya ba'i dngos pos bde ba dang/ sgrub pa dang ldan pa bde ba'i rgyur bzhag pa dang/ sgrub pa dang ldan pa de nyid sbyangs pa'i yon tan phun sum tshogs pa dang ldan pas bde ba'i rgyur bstan pa'o/ /de la so sor thar pa thos pa la sogs pa dka' bar bstan pa'i phyir/ bskal pa bye ba rnams su yang/ /so sor thar pa thos pa dang/ /gzung dang 'dzin dang rnyed dka' ste// sgrub par byed pa'ang shin tu dkon zhes bya ba gsungs te/ de la bskal pa zhes bya ba ni gnyis te/ bar gyi bskal pa dang/ bskal pa chen po'o/ /skabs 'dir bskal pa zhes smos pa ni bskal p[a chen po gzung? ngo/ /de la bar gyi bskal pa ji lta bu zhe na/
- 16a
sems can tshe dpag tu med pa dag gi tshe 'gribs te/ lo brgyad khri la thug par 'gyur ba dang/ de dag gis mi dge ba'i chos rnams yang dag par blangs pa yang 'gribs nas/ tshe lo bcu pa la thug par 'gyur ba dang/ de dag skyo bar 'gyur te/ dge ba'i chos rnams yang dag par blangs pas tshe nur nas phyir tshe lo brgyad khri la thug par 'gyur ba de'i dus kyang yod de/ de ltar mar 'gribs pa gang yin pa dang/ yar skye ba gang yin pa de gnyis te bsdus te grangs rnam par bzhag pas/ bar gyi bskal pa zhes bya'o/ /de la bskal pa chen po ni 'jig rten 'di bar gyi bskal pa nyi shur ni 'jig go /nyi shur zhig par gnas so/ /nyi shur ni 'chags so/ /nyi shu ni 'chags nas gnas par 'gyur bas de dag ni bar gyi bskal pa brgyad cur 'gyur te/ de ni grangs kyi gdags pas bskal pa chen po zhes bya'o/ /de la bar gyi bskal pa de yang mu ge dang/ nad dang/ mtshon dang rnam pa gsum gyis thar par 'gyur te/ mu ge ni gang gi tshe mi rnams lo sum cu thub pa de'i tshe 'byung ngo/ /mu ge de yang ci lta bu zhig 'byung bar 'gyur zhe na/ 'di lta bu dag 'byung bar 'gyur te/ rus pa rnying pa dag kyang bskol zhing bskol zhing srog zungs su byed do/ /de'i brgya la res 'ga' nas sam/ 'bras sam/ rgya shug gam/ rgya sras nam/ til gyi 'bru dag rnyed par gyur na/ de dag nor bu rin po che bzhin du za ma tog gi nang du bcug ste/ bsrung bar byed do/ /sems can de dag las phal cher nyams stobs med te/ sa la gan rgyal du 'gyel nas ldang mi nus te/ mu ge de lta bus sems can phal cher ni 'chi ba'i dus byed par 'gyur te/ mu ge de yang de ltar thogs na lo bdun/ zla ba bdun/ zhag bdun du zad ste/ de phan chad thal zhes bya'o/ /sems can de dag 'dus shing tshogs nas shas chung ngur skyo bar 'gyur te/ de dag rgyu dang rkyen des tshe
- 16b
'grib pa yang mi 'gyur la/ mu ge yang med par 'gyur ro/ /de la nad ni mi rnams kyi tshe lo nyi shu thub cing skyo ba de nyid med par gyur nas 'grib pa de'i tshe yams kyi nad dang/ gnod pa dang/ 'go ba'i nad dang/ 'khrug pa mang po 'byung bar 'gyur te/ de dag nad mang pos phal cher 'chi ba'i dus byed par 'gyur ro/ /de dag gi nad de yang de ltar thogs na zla ba bdun dang/ zhag bdun du zad ste/ de phan chad thal zhes bya'o/ /de nas sems can de dag 'bring du skyo par 'gyur te/ rgyu de dang rkyen des tshe 'grib par mi 'gyur la nad de dag kyang 'byung bar mi 'gyur ro/ /de la mtshon ni gang gi tshe mi rnams kyi tshe lo bcu thub cing skyo ba de nyid med par gyur pas tshe 'grib par gyur pa de'i tshe/ sems can de dag gcig mthong na bsad pa'i sems drag po nye bar gnas par 'gyur/ de nas de dag gis rtsa 'am shing ngam/ gseg ma 'am/ gyo mo 'am/ de gang dang gang blangs pa de dang de dag mtshon cha rnon po legs par bsngar ba bzhin du 'gyur te/ de dag gis de dag gcig la gcig gsod par byed do/ / de yang de ltar thogs na zhag bdun du zad de/ de phan chad thal zhes bya'o/ /sems can de dag la de'i tshe mchog tu rgud pa gsum 'byung ste/ tshe dang/ lus dang/ yo byad rgud pa'o/ /de la tshe rgud pa ni/ tshe'i tshad de ltar ring na lo bcu thub pa yin no/ / de la lus rgud pa ni lus kyi tshad de ltar ring na mtho gang dang chad gang pa yin no/ /de la yo byad rgud pa ni zas kyi mchog ni khre rgod yin no/ /gos kyi mchog ni skra'i la pa'o/ /rgyan gyi mchog ni mtshon cha yin no/ /ro rnam pa lnga po mar gyi dang/ sbrang rtsi'i dang/ 'bru mar gyi dang/ bu ram shing las byung ba dang/ lan tsha'i ro rnams ni thams cad kyi thams cad du med par 'gyur ro/ /de nas de dag shes cher skyo bar 'gyur te/ phan tshun 'dus shing tshogs nas tshe yongs su 'grib par 'gyur pa'i
- 17a
sdig pa mi dge ba'i chos rnams ni spangs/ tshe nur bar byed pa'i dge ba'i chos rnams ni yang dag par blangs pas/ de dag gi tshe yang phyir nur zhig mdog dang/ stobs dang/ bde ba dang/ dbang phyug la dbang byed pas kyang phyir zhing ngal bar 'gyur te/ tshe yang lo brgyad khri la thug par 'gyur ro/ /de la bskal pa ji ltar 'jig cing 'chags she na/ de la 'jig pa'i rnam gsum yod par rig par bya te/ me dang/ chu dang/ rlung ngo/ /de la mes 'jig pas ni mnar med pa yan chad tshangs pa'i 'jig rten man chad 'jig go /chus 'jig pas ni bsam gtan gnyis pa man chad mdza' dag 'jig go /rlung gis 'jig pas ni bsam gtan gsum pa man chad mdza' dag 'jig go /bsam gtan bzhi pa na ni sa de pa'i lha de dag gzhal med khang dang lhan cig skye zhing 'chi 'pho bar 'gyur bas/ de'i phyir de dag la 'jig par bya ba dang/ 'jig pa'i rgyu yang med do/ /de la mes 'jig pa nam gang gi tshe 'jig par byed ce na/ de ltar mar 'bri ba nyi shu dang/ yar skye ba nyi shu ste/ mar 'bri ba dang/ yar skye ba bzhi bcu nam thal ba gyur pa de'i tshe/ thams cad kyi tha mar yar skye ba na sems can dmyal ba rnams sems can dmyal ba dag nas 'chi 'pho la phyir skye bar mi 'gyur te/ de dag thams cad shi 'phos pa na/ sems can dmyal ba pa 'jig pas 'jig rten zhig ces bya'o/ /sems can dmyal ba pa zhig pa ji lta ba bzhin du/ dud 'gro dang/ yi dags 'jig pa yang de dang 'dra'o/ /mi rnams kyi nad na yang sems can gang yang rung ba zhig gis chos nyid kyis thob pa'i bsam gtan gnyis pa'i bar du rdzogs par bya te gnas pas so/ /sems can gzhan dag kyang de'i rjes su slob cing chos nyid kyis thob pa'i bsam gtan gnyis pa'i bar du rdzogs par bya ste/ gnas pas/ de
- 17b
dag 'di nas shi 'phos nas 'od gsal gyi lha'i ris su skye bar 'gyur te/ de'i tshe mi 'jig pas 'jig rten 'di zhig ces bya'o/ /mi 'jig pa ji lta ba de bzhin du lta 'jig pa yang de 'dra'o/ /gang gi tshe 'gro ba lnga'i 'jig rten gnas pa na sems can gcig kyang med par gyur pa de'i tshe/ yo byad 'byung ba yang med par 'gyur ro/ /gang gi tshe yo yod 'byung ba med par gyur pa de'i tshe/ char pa yang med par 'gyur ro/ /char mi 'babs pas sa chen po 'di la rtswa dang sman dang shing ci yod pa de dag skam par 'gyur ro/ /than pa byung bas nyi ma'i dkyil 'khor 'di nyid kyis kyang shas cher sreg par byed do/ /sreg par bya ba'i dngos po rnam pa drug yod pa'i phyir sems can rnams kyi 'jig par 'gyur ba'i las kyi dbang nyid kyis nyi ma'i dkyil 'khor gzhan drug 'byung bar 'gyur to/ nyi ma'i dkyil 'khor de dag kyang nyi ma'i dkyil 'khor 'di las bzhi 'gyur bzhi 'gyur gyi mthus sreg par byed do/ /de dag bdun gyur du gyur nas sreg par byed do/ /dngos po drug gang zhe na/ lteng ka chung ngu dang chen po dang/ tshu klung chung ngu dang chen po dang/ mtsho chen po ma dros pa dang/ rgya mtsho chen po dang/ ri rab dang/ sa chen po'o/ /de lta lteng ka chung ngu dang chen po de dag ni nyi ma'i dkyil 'khor gnyis pas skom par byed do/ /chu klung chung ngu dang chen po dag ni nyi ma'i dkyil 'khor gsum pas skem par byed do/ /mtsho chen po ma dros pa ni nyi ma'i dkyil 'khor bzhi pas skem par byed do/ /rgya mtsho chen po ni nyi ma'i dkyil 'khor lnga pa dang drug pa'i phyogs cig gis skem par byed do/ /ri rab dang sa chen po ni gzugs ches sra ba'i phyir nyi ma'i dkyil 'khor drug pa nyid dang/ bdun pas sreg par byed de/ de nas de nyid kyi me lce'i rlung gis brdas nas tshangs pa'i 'jig rten man chad du 'gro zhing sreg par byed ste/ dper na mar ram 'bru mar bsregs shing tshig pa na
- 18a
dung ba yang med thal ba'i lhag ma yang med pa de bzhin du sa chen po 'di dang/ ri'i rgyal po ri rab kyang sreg cing tshig pa na dud pa yang med la/ thal ba'i lhag ma yang med par 'gyur te/ de tsam gyis na snod 'jig pas 'jig rten zhig ces bya'o/ /bar gyi bskal pa nyi shu 'das so/ /de bzhin du 'jig rten stong bar gnas pa yang bar gyi bskal pa nyi shur gnas so/ /chus 'jig pa gang zhe na/ gang tshun chad med 'jig pa lan bdun 'das pa de'i 'og tu bsam gtan gnyis pa nyid las chu'i khams 'byung ste/ chu'i khams kyi 'jig rten de lan tshwa bzhin du bzhu nas/ chu'i khams de yang snod kyi 'jig rten de nyid dang lhan cig tu med par 'gyur ro/ /med par gyur nas kyang bar gyi bskal pa nyi shur stong par gnas so/ /de la rlung gis 'jig pa gang zhe na/ gang tshun chad mes 'jig pa lan bdun 'das shing/ chus 'jig pa lan gcig 'byung ba de lta bu lan bdun 'das par gyur pa de'i 'og tu yang mes 'jig pa bdun lan cig byung nas/ de'i 'og tu bsam gtan gsum pa nyid las rlung gis khams 'byung ste/ snod kyi 'jig rten de rlung gis lus bskam pa gzhan du med par byed pa'o/ /rlung de yang de nyid dang lhan cig tu med par 'gyur te/ 'di ltar 'ga' zhig la rlung gi khams 'khrugs par gyur na/ rus pa'i bar du yang 'bri bar byed par snang ba bzhin no/ /zhig nas kyang de bzhin du bar gyi bskal pa nyi shur stong par gnas te/ de ltar na mes 'jig pa lnga bcu rtsa drug dang/ chus 'jig pa bdun dang/ rlung gis 'jig pa gcig ste/ bskal pa chen po drug cu rtsa bzhi po de dag ni dge rgyas kyi lha'i tshe'i tshad du bzhag pa yin pas/ 'jig pa'i tshul yang de ltar blta bar bya'o/ /de la chags pa ji lta bu zhe na/ bar gyi bskal pa nyi shu po de dag 'das nas/ yang
- 18b
sems can rnams kyi 'chags par 'gyur ba'i las kyi dbang gis 'chags pa'i bskal pa kun tu rtsom par rig par bya ste/ de la thog ma kho nar snod chags pas nam mkha' la bsam gtan gsum pa 'chags par 'gyur te/ bsam gtan gsum pa ji lta bar gnyis pa dang dang po yang de dang 'dra'o/ /de 'jig pa gsum pa'i rtse mo bsam gtan bzhi pa nas sems can tsha dang las dang/ bsod nams zad pa rnams 'chi 'phos nas bsam gtan gsum par skye bar 'gyur te/ de bzhin du 'jig pa gnyis pa dang/ dang po'i rtse mo nas sems can gang yang rung ba zhig tshe dang ldan dang/ bsod nams zad nas tshangs pa'i 'jig rten du skye ba'i bar du yang sbyar bar bya'o/ /de nas 'dod pa na spyod pa'i lha'i rigs bzhi po dag gi gzhal med khang ni nam mkha' las 'byung bar 'gyur te/ gzhal med khang de dag thams cad kyang nam mkha' sprul ba bzhin du 'byung bar blta bar bya'o/ /de dag tu yang snga ma bzhin du 'od gsal gyi lha'i rigs nas sems can dag tshe dang/ las dang/ bsod nams zad pa rnams shi 'phos nas skye bar 'gyur ro/ /de'i 'og tu 'dir stong gsungs gyi ston chen po'i 'jig rten gyi khams kyi tshad tsam gyi rlung gi dkyil 'khor stong gsum gyi stong chen po'i 'jig rten gyi rten dang/ sems can gzhal med khang pa ma yin pa rnams kyi rten du gyur pa mngon par grub par 'gyur ro/ /de yang rnam pa gnyis te/ 'og gzhir gnas pa dang/ glo nas gnas pa ste/ glo nas gnas pa des ni chu de dag thad kar yang mi 'bol/ 'og gzhir gnas pa des ni chu de dag thur du yang mi 'dzag go /rlung gi dkyil 'khor de'i steng du sems can de dag gi las kyi dbang gis gser gyi snying po'i sprin 'byung bar 'gyur te/ de la tshar 'bab par 'gyur ro/ /chu de dag kyang rlung gi dkyil
- 19a
'khor nyid la brten no/ /de nas rlang rnams 'dus nas kun tu 'thas pa dang sra bar byed de/ de ni steng dang 'og gi chu'i 'khrug pa thub pa'i phyir gser gyis gzhi zhes bya'o/ /gser gyis gzhi de 'chags nas de'i steng du yang de dag gi las kyi dbang nyid kyis khams sna tshogs kyi snying po'i sprin 'byung ste/ de las char 'bab par 'gyur ro/ /chung de dag kyang gser gyi sa gzhi la gnas par 'gyur te/ de bzhin du yang rlung rnams kyi kun tu 'thas shing sra bar byed do/ /de yang khams bzang po mchog dang/ gtso bo dang/ gya nom pa gang yin pa de las rlung gis bsgrubs pa'i dbang gis ri rab 'byung bar 'gyur te/ de yang rin po che sna bzhi po gser dang/ dngul dang/ shel dang/ baiDUrya'i rang bzhin can yin no/ /de la khams 'bring gang yin pa de las ni gser gyi ri bstun po gnya' shing 'dzin dang/ rnam par 'dud pa dang/ rta rna ri dang/ blta na sdug dang/ seng ldeng can dang/ gshol mnga' 'dzin dang/ mu khyud 'dzin rnams mngon par 'grub par 'gyur te/ de dag kyang rim par ri rab 'khor bar 'dug go /ri rab kyi tshad ni 'phang du dpag tshad brgyad khri yod la/ rgyar yang de dang 'dra ste/ dpag tshad brgyad khri ni chu'i nang du nub po/ /gnya' shing 'dzin gyi tshad ni de'i phyir de/ de las gzhan pa'i ri rnam par 'dud pa la sogs pa drug po'i tshad ni phyi ma phyi ma de phyed phyed 'bri ba'i tshad du rig par bya'o/ /de la khams ngan pa rnams las ni ri rab kyi ngos bzhi dang gser gyi ri rnams kyi phyi rol gyi gling bzhi dang/ gling dran brgyad dang/ ri khor yug 'byung bar 'gyur ro/ /ri khor yug gi tshad ni mu khyud 'dzin gyi phyed yin te/ des gling bzhi po 'khor lo bzhin bskor to/ /lha ma yin gyi gnas ni ri rab chu'i 'og tu nub pa'i nang na
- 19b
yod do/ /ri rab de'i drung na yang bang rim bzhi yod te/ bang rim dang po'i tshed ni dpag tshad khri drug stong phyir 'phags so/ /lhag ma rnams kyi tshad ni de'i phyed byed yin te/ rim bzhin sbyar ro/ /bang rim dang po la ni lag na yol go thogs rnams gnas so/ /gnyis pa dang gsum pa dang bzhi pa la ni lag na khrag thogs dang/ rtag tu myos pa dang/ phreng thogs rnams te/ rim pa bzhin no/ /gnya' shing 'dzin gyi ngos bzhi shar dang/ lho dang nub dang/ byang rnams na rgyal po yul 'khor bsrung dang/ 'phags skyes po dang mig mi bzang dang/ rnam thos kyi bu rnams kyi pho brang gnas te/ rims bzhin no/ /rnam par 'dung pa la sogs pa gser gyi ri gzhan drug po la ni rgyal po chen po de dag gi grong dang/ grong brdal dang/ ljongs rnams yod do/ /ri rab de'i steng na brgya byin lha'i dbang po yod de/ pho brang de'i tshang ni chu zheng du dpag tshad khri khri yod do/ /gzhan dag na ni lha de dag gi grong dang/ grong brdal dang/ ljongs rnams yod do/ / mtsho chen po ma dros pa'i nye 'khor na gangs ri yod de/ de'i 'og na sems can dmyal ba chen po rnams kyi gnas tsha ba'i sems can dmyal ba rnams dang/ nyi che ba'i sems can dmyal ba rnams dang/ grang ba'i sems can dmyal ba rnams dang/ nye 'khor gyi sems can dmyal ba rnams dang/ dud 'gro dang/ yi dags kha cig gnas so/ /ji ltar snod kyi 'jig rten mngon par grub nas/ sems can tshe dang/ las dang/ bsod nams zad la bskal ba dang po myong bar 'gyur ba'i las nyid kyis/ 'od gsal gyi lha'i rigs nas shi 'phos nas 'dir skye ba nas 'dir skye bar 'gyur te/ de dag na 'dod pa na spyod pa'i las kyi nang nas rab dang/ mchog dang/ gtso bo dang yin no/ /las de'i
- 20a
'bras bu ni de nyid kyi tshe mngon par 'grub par 'gyur gyi/ gzhan na ni ma yin no/ /de'i tshe sems can de dag ni bskal pa dang po pa zhes bya'o/ /bskal pa ji ltar 'jig pa ji ltar 'chags pa rgya cher ni mangs pas 'dir ma bstan te/ 'jig rten bzhag pa'i mdo dang/ rnal 'byor spyod pa'i sa la sogs pa las 'byung ba bzhin du sbyar bar bya'o/ /de la bye ba zhes bya ba ni grangs kyi ming ste/ de yang gcig phrag bcu la bcu/ bcu phrag bcu la brgya/ brgya phrag bcu la stong/ stong phrag bcu la khri/ khri phrag bcu la 'bum/ 'bum phag bcu la sa ya/ sa ya phrag bcu la bye ba zhes 'byung ste/ de la bye ga smos pa ni sa 'dzin tsam du zad kyi/ de bzhin gshegs pa rnams 'jig rten du 'byung ba ni/ bskal pa chen po bye ba 'am/ de las lhag par yang mi 'byung bas de bzhin gshegs pa 'byung ba dkon pa nyid kyis/ so sor thar pa thos pa yang shin tu dkon te/ de bzhin gshegs pa 'byung ba la rag las pa'i phyir ro/ /de bzhin gshegs pa 'jig rten du byung gis kyang/ lo bcu gnyis par du so sor thar pa 'di ma gsungs pas na/ /'di thos pa rnyed par dka' bar mngon no/ /de la thos pa zhes bya ba ni tshig dang don rna ba'i rnam par shes pa dang de'i rjes las byung ba yid kyi rnam par shes par dpyad pa'o/ /de las gzung ba zhes bya ba ni tshig dang don shes rab kyis rtogs pa'o/ /'dzin pa zhes bya ba ni dran pas de nyid kha ton bya ba la sogs pa'i tshul gyis yun ring du mi brjod par byed pa'o/ /sgrub par byed pa zhes bya ba ni de'i don lus dang ngag dang yid rnams kyis nan tan du byed pa ste/ gzung ba dang/ 'dzin pa dang/ bsgrub par byed pa shes rab rnam gsum dang/ rims bzhin no/ /rnyed dka' ste zhes bya ba dang/
- 20b
shin tu dkon zhes bya ba ni nan tan gyis kyang tshigs tshen pas rnyed pa'i phyir ro/ /tshigs su bcad pa 'dis ni lung dang khong du chud pa las/ so sor thar pa rnyed par dka' bar bstan te/ de la thos pa dang gzung ba dang 'dzin pa ni lung las rnyed par dka' par bstan to/ /sgrub par byed pa ni khong du chud pa las rnyed dka' bar bstan to/ /dkon mchog gsum 'jig rten du 'byung na bde ba zhes bstan pa'i phyir/ sangs rgyas rnams ni 'byung ba bde/ /chos bstan pa yang bde ba'o/ /dge 'dun mthun pa bde ba yin/ /mthun pa rnams kyi dka' thub bde zhes bya ba gsungs te/ de las sangs rgyas ni 'byung ba bde zhes bya ba/ sangs rgyas zhes bya ba ni sngar bshad pa bzhin no/ /rnams zhes bya ba ni mang po ste/ gcig ma yin pa'o/ /'byung ba zhes bya ba ni/ lhums su zhugs pa'i dus sam bltams pa'i dus na sangs rgyas 'byung ba ste/ 'gyur ba'i tshul gyis byang chub sems dpa' la sangs rgyas zhes bya ba'i phyir ro/ /yang na mngon par rdzogs par byang chub pa'i dus la/ sangs rgyas 'byung ba zhes bya ba ste/ de'i tshe sangs rgyas zhes bya ba'i rgyu thams cad mkhyen pa nyid brnyes pa'i phyir ro/ /bde zhes bya ba ni de bzhin gshegs pa 'jig rten du 'byung ba sems can rnams mngon par mtho ba dang/ nges par legs pa'i sa la bkod pa'i phyir bde ba zhes bya ste/ mi bde zhes bya ba bzhin no/ /de la chos bstan pa yang bde ba'o/ /zhes bya ba ni mdo la sogs pa gsung rab yan lag bcu gnyis gsungs pas/ de la zhugs pa rnams rnam par grol ba'i sa 'thob pa'i phyir ro/ /chos zhes bya ba'i sgra ni rang gi mtshan nyid 'dzin pa la bya'o/ /bstan pa zhes bya ba ni bshad pa dang/ bkol pa zhes bya ba'i rnam grangs su gtogs pa'o/ /dge 'dun zhes bya ba ni skyes bu gang zag brgyad dam de las gzhan pa'o/ /mthun pa zhes bya ba ni tshul khrims
- 21a
dang/ lta ba dang/ cho ga dang/ 'tsho ba mtshungs pa ste bya ba gcig pa dang/ tha mi dad pa zhes bya ba tha tshig go /de la tshul khrims mtshungs pa ni lo brgya lon pa'i dgra bcom pas bslab par bya ba de la/ ding sang rab tu byung nas bsnyen par rdzogs pas kyang bslab par mthun pa ste/ ltung ba sde lnga'i nyes pa spangs par mtshungs pa'o/ /lta ba mtshungs pa ni spyi'i mtshan nyid mi rtag pa dang/ sdug bsngal ba dang/ stong pa dang/ bdag med par lta zhing/ mu stegs can ltar lta ba mi mthun pa ma yin no/ /cho ga mtshungs pa ni lus dang ngag dang yid rnams bsdams par mthun pa'o/ /'tsho ba mtshungs pa ni kun kyang gang de bzhin gshegs pas gnang ba'i yo byad bcu gsum dang/ bsod snyoms tsam gyis cho ga bar 'dzin cing log par 'tsho ba spangs pa'o/ /de la bde ba yin zhes bya ba ni tshul khrims la sogs pa de bzhin du mthun na mu stegs can gyi mi phyed cing/ sbyin bdag rnams kyis bsod nams 'phel bar 'gyur ba'i phyir ro/ /mthun pa rnams kyi dka' thub bde zhes bya ba la/ mthun pa rnams kyi zhes bya ba ni nyan thos kyi dge 'dun rnams kyi ste/ tshul khrims yongs su sbyong ba'i phyir ro/ /dka' thub ces bya ba ni bslab pa gsum mo/ /lhag pa'i tshul khrims dang/ lhag pa'i sems dang/ lhag pa'i shes rab bsgrub pa ste/ de gsum gyis nyon mongs pa gdung bar byed pas dka' thub ces bya ste/ de nyid bde ba'i rgyur bstan to/ /dge ba'i bshes gnyen la bsten na bde ba zhes bya ba de'i dbang du byas nas/ 'phags pa rnams ni mthong ba bde/ /dam pa rnams dang 'grogs na bde zhes bya ba gsungs so/ /de la 'phags pa zhes bya ba ni sdig pa las ring du song ba'i phyir ro/ /mthong na bde zhes bya ba ni dge ba'i bshes gnyen
- 21b
sdig pa las ring du song ba de dag mthong na mngon par mtho ba dang/ nges par legs pa'i lam 'thob pa'i phyir ro/ /dam pa dag ces bya ba ni sdig pa las ring du song ba'i 'phags pa de dag nyid de/ legs so zhes bsngags pa'i phyir dam pa zhes bya ste/ de dag mthong na yang 'bras bu dang ldan par gyur na/ 'grogs pa lta ci smos zhes bya ba'i tha tshig go /mi dge ba'i grogs po spangs na bde zhes bya ba bstan pa'i phyir/ byis pa rnams ni ma mthong na/ /rtag tu bde ba nyid du 'gyur zhes bya ba gsungs so/ /byis pa rnams zhes bya ba ni 'phags pa ma yin zhing sdig pa byed pa rnams te/ lus mi dge bar spyod pa dang/ ngag gis mi dge bar smra ba dang/ yid kyi mi dge bar sems pa rnams so/ /mi dge ba'i bshes gnyen sdig pa byed pa de lta bu ma mthong na kha na ma tho ba mi 'phel ba'i phyir bde ba'i rgyur bstan to/ /dge ba'i bshes gnyen gyi khyad par bstan pa zhes bya ba ston te/ de'i phyir tshul khrims ldan pa zhes bya ba nas/ dgra bcom pa dag mthong ba bde zhes bya ba'i bar du gsungs te/ dge ba'i bshes gnyen la yang rnam pa gnyis te/ kun rdzob dang/ don dam pa'i dge ba'i bshes gnyen no/ de la kun rdzob kyi dge ba'i bshes gnyen zhes bya ba/ tshul khrims ldan pa mthong ba bde/ /mang du thos pa mthong ba bde zhes bya ba gsungs pa'o/ /kun rdzob kyi dge ba'i bshes gnyen la yang gnyis te/ zhi gnas kyi yan lag gnas pa dang/ lhag mthong gi yan lag la gnas pa'o/ /tshul khrims ldan pa bde bya ba ni/ zhi gnas kyi yan lag gnas par sbyar te/ de la tshul khrims dang ldan pa zhes bya ba'i rang bzhin dang bcas pa'i kha na ma tho ba spangs pa ste/ de la rang bzhin gyi kha na ma tho ba dang bcas pa'i rang bzhin gyis mi dge ba bdag dang gzhan dang gnyis ka la nyam nga ba dang/ kun nas nyon mongs shing
- 22a
gnod par 'gyur ba gang yin pa ste/ bcas pa la spyod pa ngan 'gror 'gro bar 'gyur ba dang/ ma bcas pa la spyod pa dge sbyong gi tshul gyi bar du gcod par 'gyur ba'o/ /bcas pa'i kha na ma tho ba dang bcas pa ni/ bcom ldan 'das kyis rtags mi mthun pa nyid kyi phyir dang/ dam pa'i chos la gus par bya ba dang/ rang bzhin gyi kha na ma tho ba dang bcas pa dang mthun pa dang/ gzhan gyi sems bsrung ba dang/ bde 'gro dang/ srog dang/ dge sbyong gi tshul gyi bar du gcod pa nyid yin pa'i phyir spangs pa gang yin pa de la spyod pa ni bcas pa'i kha na ma tho ba zhes bya'o/ /mang du thos pa mthong ba bde zhes bya ba ni/ lhag mthong gi yan lag la gnas pa dang sbyar te/ de la mang du thos pa zhes bya ba ni sde snod gsum mo/ /mdo sde dang/ 'dul ba dang/ chos mngon pa la mkhas pa'o/ /de la mdo sde la mkhas pa ni bdag gi lta ba mi nor ba dang/ mu stegs can tshar gcod par byed do/ /'dul ba la mkhas pas ni ltung ba dang mi ltung ba dang/ lci ba dang/ yang ba dang/ mi gnang ba dang gnang ba shes par byed do/ /chos mngon pa la mkhas pa ni sngar bsgoms pa dang/ phyis bsgom pa'i rim pa shes par byed do/ /gzhan yang mang du thos pa la yon tan lnga yod de/ khams dang/ skye mched dang/ rten cing 'brel bar 'byung ba dang/ gnas dang gnas ma yin pa la mkhas pa dang/ lung bstan pa gzhan la rag ma lus pa yin no/ /de ltar tshul khrims dang ldan zhing mang du thos pa dang ldan pa'i dge ba'i bshes gnyen mthong na nyes par spyod pa las bzlog cing the tshom gcod par 'gyur ba'i phyir bde ba'i rgyu bde ba'i rgyur bstan to/ /ci'i phyir de gnyis la kun rdzob ces bya zhes/
- 22b
'khor ba'i rgyu kun tu 'byung ba spangs shing sdig pa rnams las ring du song yang mi slob pa ma yin pas kun rdzob ces bya'o/ /don dam pa'i dge ba'i bshes gnyen zhes bya ba ni/ yang srid rnam par grol ba yi/ /dgra bcom pa dag 'thob pa bde zhes gsungs pa'o/ /de la yang srid ces bya ba ni yang srid pa phyi mar skye ba'i rgyu las dang nyon mongs pa ste/ de las rnam par grol ba ni dgra bcom pa yin te/ lhag ma dang bcas pa 'am lhag ma med pa'i mya ngan las 'das pa'o/ /dgra bcom pa zhes bya ni ar han zhes bya ba nyon mongs pa dgra dang 'dra ba bcom pas na/ dgra bcom pa zhes bya/ yang gcig tu na lha dang mi la sogs pa kun gyis mchod par 'os pas na 'os pa zhes kyang 'dren te/ skabs 'dir ni don btsan bar byas pas dgra bcom pa zhes btags so/ /'thob par bya ba'i dngos po bde ba zhes bya ba'i dbang du byas te 'bab stegs bde ba'i chu klung bde zhes bya ba gsungs so/ /'di ni dpe ste ji ltar chu bo klung nas 'bab pa la gang ba dang/ g.yang sa la sogs pa nyam nga ba spangs pa'i 'bab stegs bde ba la brten pa rnams kyi chu bo bde bar lon pa de bzhin du/ gang dag chu bo lta bu'i rnam par grol ba 'dod pa rnams kyis kyang/ so sor thar pa dang/ 'phags pa'i lam rtag chad kyi mdza' spangs pa la brten nas/ 'thob par bya ba'i dngos po rnam par grol ba 'thob na bde bar 'gyur ba'i phyir/ so sor thar pa dang 'phags pa'i lam ni bde ba'i 'bab stegs su bstan cing rnam par grol ba'i ni chu bo'i sgrar bstan to/ /bsgrub pa dang ldan pa bde ba'i rgyur bzhag pa zhes bya ba bstan pa'i phyir/ chos kyis rgyal po'i skye bo bde/ /shes rab rab tu thob pa bde/ /nga bo nga rgyal zad pa bde zhes bya ba gsungs te/
- 23a
chos kyi rgyal ba zhes bya ba na sgrub pa'i chos 'phags pa'i lam gyis mi mthun pa'i phyog ma pham par byas pas na/ chos kyi rgyal ba zhes bya ste/ 'di'i don ni shes rab rab tu thob pa bde/ /ngo bo nga rgyal zad pa bde zhes bya ba nyid kyis bstan pa yin te/ 'phags pa'i lam shes rab kyi ral gris mi mthun pa'i phyogs nga rgyal gyi rgyal mtshan rtsa ba nas bcad pa'i phyir ro/ /skye bo bde zhes bya ba ni gang dag sgrub pa'i chos 'phags pa'i lam shes rab kyi ral gri dang ldan pas 'khor ba'i rgyu/ nga rgyal gyi rgyal mtshan bcad na rnam par grol ba 'thob pa'i phyir bde bar bstan to/ /de la shes rab ces bya ba ni rab tu rnam par 'byed pa la bya ste/ de yang rnam pa gsum ste/ rigs pas bskyed pa dang/ rigs pa ma yin pas bskyed pa dang/ de las gzhan pas so/ /skabs 'dir rigs pas bskyed pa la bya'o/ /rab tu thob pa zhes bya ba ni zag pa med pa'i shes rab bo/ /nga bo nga rgyal zhes bya ba ni/ nga rgyal bdun po/ nga rgyal dang/ che ba'i nga rgyal dang/ nga rgyal las kyang nga rgyal dang/ nga bo snyam pa'i nga rgyal dang/ mngon pa'i nga rgyal dang/ cung zad snyam pa'i nga rgyal dang/ log pa'i nga rgyal rnams las nga bo snyam pa'i nga rgyal la bya ste/ 'khor ba'i rgyu nyon mongs pa thams cad ni bdag dang bdag gir 'dzin pa las 'byung ba'i phyir/ 'khor ba'i rgyu'i gtso bo snyam pa'i nga rgyal zad na bde ba'i rgyur bstan gyi/ nyon mongs pa gzhan ni ma smos so/ /de la nga bo snyam pa'i nga rgyal gyi mtshan nyid ni nye bar len pa'i phung po lnga po rnams la bdag gir yang dag par rjes su lta ba'i sems longs pa la bya'o/ /sgrub pa dang ldan pa de nyid sbyangs pa'i yon tan phun sum tshogs pa dang ldan pas bde ba'i rgyur bstan pa zhes bya ba ston te/ de'i phyir nges par byas dang zhes bya
- 23b
ba nas/ dar la bab pa yal ba rnams kyang bde zhes bya ba'i bar du gsungs so/ /'di la yang rnam pa lngar dbye ste/ sbyangs pa'i yon tan gyi thogs ma'i dag pa dang/ 'khor ba gtsang ba dang/ gnas phun sum tshogs pa dang/ 'bras bu dang bcas pa dang/ yongs su ma nyams par bstan pa'o/ /de la sbyangs pa'i yon tan gyi thog ma'i dag pa bstan pa zhes bya ba ni/ nges par byas dang zhes bya ba yin te/ sgrub pa'i chos 'phags pa'i lam shes rab kyi ral gris 'khor ba'i rgyu nga rgyal gyi rgyal mtshan rtsa ba nas bcad pa'i phyir dgon par gnas pa la thog ma kho nar dam bca' ba ste/ bsam pa nges par mthar phyin par bya dgos pa'i phyir/ nges par byas dang zhes bya ba 'dis ni thog ma'i dag pa bstan pa yin no/ /'khor gtsang ba zhes bya ba ni/ dbang po thul ba dang zhes bya ba yin te/ mig la sogs pa'i dbang po sdom pa dang ldan pa la bya ste/ dbang po sdom pa dang ldan pa ji lta bu zhe na/ tshul khrims kyi sdom pa la brten nas dran pa kun tu bsrungs pa dang/ dran pa la rtag 'grus byed pa dang/ dran pas yid kun tu bsrungs pa dang/ gnas skabs mnyam pa la 'jog par byed cing/ nges mig gi gzugs rnams mthong ba mtshan mar mi 'dzin cing/ mngon rtags su mi 'dzin la gzhi gang kho na las de'i sems kyi rjes su sdig pa mi dge ba'i chos rnams zad par 'gyur ba de dag bsdams par bya ba'i phyir sgrub par byed cing/ mig gi dbang pos kyang sdom pa sgrub par byed pa dang/ de la rna ba dang/ sna dang/ lce dang/ lus dang/ yid rnams kyis/ sgra dang/ dri dang/ ro dang/ reg bya dang/ chos rnams la rnam par shes pa na yang mtshan mar mi 'dzin cing/ mngon rtags su mi 'dzin la gzhi gang kho na las de'i sems kyis rjes su sdig pa mi dge
- 24a
ba'i chos rnams zad par 'gyur ba de dag bsdams par bya ba'i phyir sgrub par byed cing/ yid kyis dbang po yang bsrung bar byed la/ yid kyi dbang pos kyang sdom pa sgrub par byed pa yin te/ /dgon par gnas pa la dam bcas pa'i 'og tu dbang po rnams bsdam dgos pa'i phyir 'dis ni 'khor gtsang bar bstan to/ /gnas phun sum tshogs pa zhes bya ba ni/ dgon pa zhi ba rnams su gnas par gyur dang zhes bya ba yin te/ de la dgon pa zhes bya ba ni grong dang/ grong rdal las dben pa rgyang grags gcig phan chad na gnas pa gang yin pa'o/ /zhi rnams su zhes bya ba ni dgon pa'i gnas dben pa la byas te/ shing drung dang/ khang stong dang/ ri khrod dang/ ri phug dang/ rtswa gseb dang/ bla gab med pa dang/ dur khrod pa dang/ nags 'dab dang/ bas mdza' i gnas dag tu gnas byed cing/ 'du 'dzi la sogs pa spangs pa ste/ de'i phyir gnas phun sum tshogs pa bstan to/ /dgon par gnas pa la phan yon bcu yod do/ /bcu gang zhe na 'du 'dzi rnam par spong ba dang/ rab tu dben pa la brten pa dang/ de'i sems bsam gtan la dmigs par 'gyur ba dang/ sangs rgyas kyi mdzad pa nyung ba la smon pa dang/ de'i lus la dga' ba dang bde ba skye ba dang/ bar chad med pa dang/ chos ji ltar shes pa bzhin du don rgya cher shes pa dang/ zhi gnas 'thob pa dang/ lhag mthong 'thob pa dang/ myur du yongs su mya ngan las 'da' bar 'gyur ro/ /'bras bu dang bcas pa zhes bya ba ni mang du thos pa zhes bya ba yin te/ mang du thos pas dgon pa gnas na 'bras bu dang ldan par 'gyur gyi/ gzhan ni ma yin pa'i phyir ro/ /de la mang du thos pa zhes bya ba ni sde snod gsum thos shing mkhas pa'o/ /yongs su ma nyams par mnyan pa zhes bya
- 24b
ba ni/ nags su rgas pa dang/ /dar la bab pa yal ba rnams kyang bde zhes bya ba yin te/ dar la ma bab pa'i tshe thos pa dang ldan par byas la/ dar la bab pa'i tshe dgon par song nas nam 'tsho'i bar du gnas par byed pa nyid dam bcas pa las ma nyams pa yin pas na/ 'di yongs su ma nyams par bstan pa zhes bya'o/ /de rgas pa zhes bya ba gang du zhe na/ nags su zhes pa dang sbyar ro/ /de la rgas pa ni na tshod gyur pa ste/ lo bdun cu man chad do/ /de yan chad ni khogs pa'i dus sa/ /dar la bab pa zhes bya ba ni lo sum cu yan chad lnga bcu man chad do/ /yal ba zhes bya ba ni de las 'das pa'o/ /kyang zhes bya ba'i sgra ni bsdu ba ste/ bde zhes bya ba tha mar smos pa 'di gong ma rnams dang sbyar ba'i phyir ro/ /'dir mdo las dgon pa zhes bya ba nyi tsho smos kyang sbyangs pa'i yan lag gzhan rnams kyang bsdu bar rig par bya'o/ /mi rtag pa la sogs pa bstan pa zhes bya ba ston to/ de'i phyir 'phags ma dag dpyid rnams las zhes bya ba nas/ bag yod pas 'thob po zhes bya ba'i bar du gsungs so/ /'di la yang rnam pa bzhir dbye ste/ dpes bstan pa dang/ dpe dang don du sbyar zhing lus dang skye ba'i gnas nyams pa bstan pa dang/ bag yod par gzung ba dang/ de nyid kyis 'bras bu bstan pa'o// de la dpes bstan pa zhes bya ba ni/ 'phags ma dag dpyid rnams las ji tsam 'das pa dang/ lhag ma lus pa dag go zhes bya'o/ /'phags ma zhes bya ba ni mdza' zhing yid du 'ong ba'i phyir snyan par brjod pa'o/ /dpyid rnams las zhes bya ba ni sa 'dzin tsam du zad ste/ dus gsum las gang yang rung ste/ cig cig so sor thar pa'i mdo 'don pa'i tshe brjod par bya'o/ /dus gsum yang grang ba dang/ dro ba dang/ grang ba yang ma yin/ dro ba yang ma yin pa las rnam
- 25a
par bzhag go /ci tsam 'das pa dang/ lhag ma lus pa dag go zhes bya ba ni so sor thar pa'i mdo 'don pa'i tshe/ dpyid dam/ dbyar ram/ dgun gang yang rung ste/ de dag las snga ma tsam 'das pa dang/ phyin ci? tsam lus pa brjod par bya'o/ /yang na lo gcig la zla ba bcu gnyis yod pa las 'di tsam ni zad de 'das/ /'di tsam ni lus so zhes brjod par bya ste/ 'dis ni 'di ltar lo dang zla ba snga ma 'das na gdon mi za bar phyi ma 'ong ba de bzhin du/ rga ba dang 'chi ba yang mngon par 'ongs pas bag yod pa la brtson par bya'o/ /zhes bstan par 'gyur ro/ /dpe dang don du sbyar zhing lus dang skye ba gnas nyams par bstan pa zhes bya ba ni/ 'phags ma dag rga ba dang 'chi ba mngon par 'od zhing ston pa'i bstan pa yang 'jig par 'gyur gyis zhes bya'o/ /tshangs par spyod pa yun ring du gnas shing phun sum tshogs par 'gyur pa'i rgyu ni gnyis te/ lus ma nyams pa ste rgas shing ma non pa dang/ skye ba'i gnas la nyams pa ste ston pa'i bstan pa gnas pa'o/ /de bas na ji ltar lo dang zla ba 'das shing 'ong ba de bzhin du lus dang skye ba'i gnas nyams pa yang mngon par 'ong/ brtsal bar bzod cing thub pa'i skye gnas ma nyams pa'i tshe nan tan du bya ba'o/ zhes bya ba'i tha tshig go /de la rga ba dang 'chi ba zhes bya ba gnyis kyis ni lus yongs su nyams pa bstan te/ sbyor ba mi bzod pa dang rgyun chad pa rim pa bzhin no/ /ston pa'i bstan pa 'jig par 'gyur gyis zhes bya ba ni skye ba'i gnas yongs su nyams par bstan to/ /de la rga ba dang 'chi ba zhes bya ba ni phung po smin nas 'jig par 'gyur ba mtshan nyid do/ /mngon par 'ong zhes bya bar gdon mi za bar 'ong ba'o/ /ston pa zhes bya ba de de bzhin gshegs pa de don phyin ci ma log
- 25b
par ston pa'i phyir ro/ /bstan pa ni gsung rab yan lag bcu gnyis te/ bcom ldan 'das kyis de dag lha dang mi dang lha ma yin du bcas pa'i 'jig rten la bstan pa'i phyir ro/ /'jig par 'gyur zhes bya ba ni mi gnas par 'gyur ba'o/ /bag yod par gzung ba zhes bya ba ni/ 'phags ma dag bag yod pa la rnal 'byor du bya'o/ /zhes bya ba'o/ /gang gi phyir de ltar lus dang skye ba'i gnas yongs su nyams par 'gyur ba de'i phyir/ bag yod pa la rnal 'byor du bya'o/ zhes bstan pa yin te/ /de la bag yod pa zhes bya ba ni bag med gnyen po ste/ ma chags pa dang/ zhe sdang med pa dang/ gti mug med pa dang/ brtson 'grus la gnas nas mi dge ba'i chos spong zhing/ de'i gnyen po dge ba'i chos rnams kyang bsgom pa ste/ bag yod smos pa ni dge ba'i chos thams cad bsdu ba'i don to/ /de la rnal 'byor ces bya ba ni 'jig rten las 'das pa'i lam la sbyor ba gzung pa'i don te/ zhi gnas dang lhag mthong zung du 'brel par 'jug pa'i lam la bya'o/ /ci mngon zhe na skye mched drug rnam par 'byed pa'i mdo las/ de'i zhi gnas dang lhag mthong mnyam par 'jug go /zhes gsungs pa'i phyir ro/ /yang na ting nge 'dzin la rnal 'byor ces bya ste/ rnal 'byor spyod pa mnyam par bzhag pa'i sa las/ yang dag par rtsol ba dang dran pa ni rnal 'byor yid la byed pa mthun na/ sdud pa'i rgyu yin no/ /zhes bshad pa'i phyir ro/ /yang na dad pa dang/ 'dun pa dang/ thabs dang/ brtson 'grus la rnal 'byor ces bya ste/ de dag gis sbyor ba'i phyir ro/ /de yang rnal 'byor spyod pa thos pa las byung ba'i sa las/ rnal 'byor gang zhe na/ de ni rnam pa bzhi ste/ dad pa la sogs pa'o/ /zhes ji skad
- 26a
smod? pa lta bu'o/ /de nyid kyis 'bras bu bstan pa zhes bya ba ni de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub dang gzhan yang gang dag de lta bu phyogs kyi dge ba'i chos byang chub kyi phyogs rnams kyang bag yod pas 'thob po zhes bya ba yin ste/ de? la de bzhin gshegs pa zhes bya ba ni sngon gyi sangs rgyas rnams ji ltar gshegs shing phyin pa dang/ chos thams cad kyi rang bzhin nyid ji lta ba bzhin du mkhyen cing gsungs pa ltar/ phyi ma rnams kyang de bzhin du gshegs te mkhyen cing gsungs pa'i phyir ro/ /dgra bcom pa zhes bya ba ni sngar bshad pa bzhin no/ /yang dag par rdzogs pa zhes bya ba ni bsod nams dang ye shes kyi tshogs ma lus par legs par brjod pa'i phyir ro/ /sangs rgyas zhes bya ba sngar bshad pa bzhin no/ /rnam shes bya ba ni mang ba'o/ /byang chub ces bya ba ni zad pa dang mi skye ba'i ye shes so/ /gzhan yang gang dag de lta bu'i phyogs kyi dge ba'i chos byang chub kyi phyogs rnams zhes bya ba ni yang dag par rdzogs pa'i byang chub las gzhan pa ste/ byang chub skyed par byed pa dge ba'i chos gang yin pa de dag thams cad ni 'dir byang chub kyi phyogs rnams su 'dod do/ /bag yod pas 'thob bo/ zhes bya ba ni gong du bstan pa rnams kyang 'dis 'thob pa'i phyir/ bag yod pa'i 'bras bu bstan pa zhes bshad pa yin no/ /gso sbyong gi yan lag kun tu spyad pa'i chos rnams bstan pa zhes bya ba ston te/ de'i phyir dge 'dun gyi thog mar bya ba ci zhe na/ zhes bya ba nas/ de de bzhin du 'dzin to/ /zhes bya ba'i bar du gsungs so/ /'di la yang don rnam pa brgyad kyis bstan te/ mi 'du ba dgag pa dang/ mi 'dur gnang ba dang/ mchod pa'i cho ga dang/ yang dag par 'dzin
- 26b
du gzung ba dang/ yang dag par 'dzin pa'i legs pa dang/ yang dag par mi 'dzin pa'i nyes dmigs dang/ yang dag par bsgro ba dang/ 'khor rnam par dag pa'o/ /de 'ang mi 'du ba dgag pa zhes bya ba ni/ dge 'dun gyi thog mar bya ba ci zhe na/ bcom ldan 'das kyi nyan thos kyi dge 'dun ni don nyung ba la bya ba nyung pa'o/ /zhes bya ba yin te/ de la thog mar bya ba ci zhe na/ gso sbyong gi tshe dge 'dun gyi thog mar bya ba ci zhig bya zhe na/ zhes 'dri ba ste/ de'i lan du don nyung ba dang/ bya ba nyung ba'o zhes bya'o/ /thog mar bya ba ci zhe na/ gso sbyong gi tshe dge 'dun ma 'dus sam/ sngar gang zag gi gso ba ma byas sam/ stan gding ba dang/ chag chag dang/ phyag dar la sogs pa ma byas sam/ so sor thar pa'i mdo 'don pa ma bskos na/ gso sbyong dang mi mthun pa yin pas de lta bu ma byas pa dag med dam zhes dri bar bya ste/ 'di dag ni sngar bya ba'o/ /de la don nyung ba zhes bya ba ni 'dod pa chung ba'i rgyu mthun pa ste/ 'di ltar bdag nyid kyi sems kyis 'gyod cing bshags pa la sogs pa dam bcas pa byas zin pa'o/ /bya ba nyung ba ni dag gis 'gyod cing nyes pa bshags pa dang/ lus kyi phyag byas pa la sogs pa byas zin pa'o/ /de'i phyir don nyung ba zhes bya ba ni yid kyis las su bstan la/ bya ba nyung ba ni lus dang ngag gi las su bstan to/ /kha cig na re bya ba nyung ba zhes bya ba ni gso sbyong gi gnas su thog mar bya dgos pa'i phyir gso sbyong gi gnas su bsku ba dang phyag dar bya ba la sogs pa byas zin pa la bya'o/ /zhes 'chad de/ de lta bu ma byas pa gang yang med do/ /zhes lan gdab pa'i phyir don nyung ba bya ba nyung ba zhes gsungs so/ /de la bcom ldan 'das zhes bya ba ni/ b+ha ga wan zhes bya ba bdud bcom zhing
- 27a
legs pa drug dang ldan pa'i phyir te/ de la bdud bzhi ni nyon mongs pa dang phung po dang/ 'chi bdag dang/ lha'i bu'i bdud do/ /de la nyon mongs pa'i bdud ni khams gsum na spyod pa'i nyon mongs pa rnams so/ / phung po'i bdud ni nye bar len pa'i phung po lta'o/ /'chi bdag gi bdud ni sems can de dag de dag sems can gyi ris de dang de dag nas 'chi ba'i dus byas pa gang yin pa'o/ /lha'i bu'i bdud ni bdud gsum po de dag 'da' bar bya ba'i phyir dge ba'i phyogs la rab tu brtson pa la bar chad byed pa dang/ g.yang bar bya ba'i phyir/ 'dod pa'i khams su skyes pa'i lha'i bu dbang phyug thob pa dag nye bar 'ong ba gang yin pa ste/ bzhi po de dag dge ba'i chos kyi srog dang bral bar byed pas na bdud ces bya'o/ /legs pa drug ni gzugs dang/ grags pa dang/ dbang phyug dang/ dpal dang/ shes pa dang/ brtson 'grus so/ /'das pa zhes bya ba ni sangs rgyas kyi yon tan las mtshan 'jig rten las 'das pa'o/ /zhes bya ba 'byung ba nas/ 'jig rten pa'i b+ha ga wan las khyad par du 'das zhes ba la thabs su bsnan pa'i phyir ro/ /de la nyan thos zhes bya ba ni sh+ra ba ka zhes bya ba'i sgra las drangs nas/ de bzhin gshegs pa las chos kyi lung ma nos par bdag nyid kyis rtogs par mi nus pas nyan pa la yang bya/ yang gcig tu na yang dag pa'i shes pas rgyun du zhugs pa la sogs pa'i 'bras bu thob pa gzhan la sgrog cing thos par byed pas na nyan thos zhes bya'o/ /dge 'dun zhes bya ba ni sngar bshad pa bzhin no/ /de bzhin gshegs pa'i nyan thos kyi dge 'dun no/ /mi 'dur gnang ba zhes bya ba'i dbang du byas nas 'phags ma dag lhags pa rnams dad pa dang yongs
- 27b
su dag pa dris shig /dris nas kyang brjod par bya'o/ /zhes bya ba gsungs te/ de la ma lhags pa rnams zhes bya ba ni/ gso sbyong bya ba'i gnas su ma phyin pa rnams so/ /dad pa dang yongs su dag pa zhes bya ba ni 'di'i dbye ba mang mod kyi 'dir ni de nyid kyis mtshan nyid dang/ bye brag dang/ de dag blang zhing dbul ba'i kun tu spyad pa dang/ gnang mi gnang gi sabs? dang/ de dag gi gnas brtan pa dang/ lnga mdo tsam zhig bstan par bya'o/ /de la dad pa'i mtshan nyid ji lta bu zhe na/ ma lta bu la dad pa zhes bya ba ni dge 'dun gyi chos bzhin bya ba rnams la lta ba dang/ blo gros dang/ 'dod pa dang/ bsam pas dad pa 'bul ba dang/ dge 'dun gyi chos bzhin du bya ba rnams la rjes su yi rang ba dang/ nye bar phyogs pa dang/ khas blangs pa dang/ khas len par byed pa 'di ni dad? pa'i mtshan nyid do/ /zhes gsungs so/ /yongs su dag pa'i mtshan nyid ni yang de nyid las yongs su dag pa zhes bya ba ni dag pa/ bdag ni nyes pa ma byung mod kyi 'on kyang zla ba phyed phyed cing dge slong gi sems rtse gcig pas bdag gi sems la/ bdag gis ji ltar blangs pa'i tshul khrims kyi phung po dang ldan nam/ ma nyams sam/ ma ral lam/ 'dres par ma byas sam/ yongs su dag gam/ bdag la nyes pa ma byung ngam/ nyes pa med pa yin nam zhes brtag par bya ste/ 'di ni yongs su dag pa'i mtshan nyid do/ /zhes gsungs so/ /dad pa dang yongs su dag pa'i mtshan nyid bshad zin to/ /dad pa dang/ yongs su dag pa la bye brag ci yod ce na/ de la dad pa phul bas ni dge 'dun mthun par bya ba'i phyir ro/ /yongs su dag pa phul bas ni gso sbyong gi tshe bdag nyid smod du gyur par bstan pa yin te/ de bas na gang du gso sbyong
- 28a
dang/ las byed pa der ni dad pa dang yongs su dag pa bsres te dbul bar bya'o/ /las 'ba' zhig byed pa'i tshe ni dad pa nyid tshe dbul bar bya'o/ /zhes gsungs so/ /dad pa dang yongs su dag pa'i bye brag ni 'di yin no/ /dad pa dang yongs su dag pa ji ltar blang zhing dbul bar bya zhe na/ dge slong ma ni bar gyur pa 'am/ dge ba'i phyogs khyad par can la sbyor ba zhig ste/ dge 'dun gyi nang du 'ong ma nus na/ dge 'dun gyis dge slong ma chos lnga dang ldan pa gcig dad pa dang yongs su dag pa blang ba'i phyir bsko bar bya ste/ 'dod pa dang/ zhe sdang dang/ gti mug dang/ 'jigs pas mi 'gro ba dang/ dad pa dang/ yongs su dag pa blangs pa dang/ ma blangs pa shes pa las bsko bar bya'o/ gang bskos pa de yang dad pa dang yongs su dag pa len cing slar dge 'dun la dbul du 'gro ba'i tshe brgyug par mi bya'o/ /ngam 'brog dang/ bang rim la mchod bar mi bya/ nam mkha' la gnas par mi bya/ mtshams kyi phyi rol tu 'gro bar mi bya/ gom pa gcig gi skas kyi them pa gnyis su 'gro bar mi bya/ snyoms par 'jug par mi bya/ nyal bar mi bya bar blang zhing dbul bar bya'o/ /de nas dad pa dang yongs su dag pa'i mdun du gang ma lhags pa de dag 'di ltar dbul bar bya ste/ bla gos phrag pa gcig tu gzar nas/ lham phung la thal mo sbyar te/ tsog tsog por 'dug nas/ 'di skad du 'phags ma dgongs su gsol/ bdag dge slong ma ming 'di zhes bgyi ba nad kyis nyon te zhe 'am dge ba'i phyogs la sbyor te/ deng dge 'dun gyi yang bcu bzhi 'am bco lnga pa'i gso sbyong/ /bdag ming 'di zhes bgyi ba'i yang bcu bzhi 'am/ bco lnga'i gso sbyong ste/ dge 'dun chos bzhin du mdzad pa la dad pa 'bul zhing
- 28b
bar chad kyi chos rnams yongs su dag go zhes bdag nyid mchi na/ bdag gi dad pa dang/ gso sbyong yongs su dag par brjod pa bzhin du/ bzlas su gsol zhes lan gsum brjod par bya'o/ /de nas dad pa dang yongs su dag pa len pa'i dge slong mas/ dge 'dun la dbul ba'i tshe drung du 'dug pa'i dge slong ma la 'di skad du 'phags ma dgongs su gsol/ /gnas 'di zhes bgyi ba na/ dge slong ma ming 'di zhes bgyi ba zhig bro 'tshal to zhe 'am/ dge ba'i phyogs la sbyor te/ ded? dge 'dun gyi 'ang bcu bzhi 'am bco lnga pa'i gso sbyong bdag ming 'di zhes bgyi ba'i yang bcu bzhi 'am bco lnga pa'i gso sbyong ste/ bdag ming 'di zhes bgyi ba bar chad kyi chos rnams yongs su gtsang/ dge 'dun chos bzhin du mdzad pa la dad pa 'bul zhing yongs su dag pa yang brjod pa lags zhes nyid mchi ste/ brjod pa bzhin du bzlas pa lags zhes brjod par bya'o/ /dad pa dang yongs su dag pa ci'i phyir gang zag la bzlas kyi/ dge 'dun la ma yin zhe na ring du thogs pa la sogs pa'i nyes pa spangs pa'i phyir ro/ /dad pa dang yongs su dag pa blang zhing dbul ba'i kun tu spyad pa'i chos rnams bshad zin to/ /dad pa dang yongs su dag pa de yang rkyen ji lta bu byung na gnang zhe na/ na 'am/ nar dogs sam/ nad sos nas ring po ma lon nam/ nad g.yogs byed dam/ ngal lam/ zhigs sam/ bkres sam/ skom 'am/ kun nas skor ba rmugs pa dang gnyid dang gtug po'i sil ci dge ba'i phyogs byed dam/ so sor thar pa'i mdo 'don pa la zhugs pa gyur tam/ de'i don nyan pa zhig gam/ de mi brjed par bya ba'i phyir tshig gtso bor 'dzin cing/ tshul bzhin sems sam yid la byed pa khugs pa thob nas ring po ma lon nam/ de rjes su bsrung ngam/ byang chub
- 29a
kyi phyogs kyi chos rnams rgyun tu brtson 'grus brtsom pa la brtsom par gyur pa 'am/ bden pa mthong bar gyur na nyes pa med do/ /le lo'i phyir ram/ las ngan par 'brel te/ dad pa dang yongs su dag pa phul nas nyes byas so/ /dad pa dang yongs su dag pa len pa'i dge slong ma/ dad pa dang yongs su dag pa blangs nas lam du shi ba 'am/ babs sam/ dge tshul ma la sogs par dam bcas na/ dad pa dang yongs su dag pa blangs pa ma yin no/ /bzla nus na gcig gis kyang du ma'i dad pa dang yongs su dag pa blang bar bya'o/ /sa la 'dug pa 'am/ bzlog pa yang rung ste len cing 'bul bar mi bya'o/ /gal te dad pa dang yongs su dag pa len pa'i dge slong ma dang/ 'bul ba gnyis mtshams med pa lnga byas pa dang/ mu stegs can dang/ mu stegs su 'gro ba dang/ 'gro ba gzhan du gnas pa dang/ so sor gnas pa dang bslab pa byin pa la sogs par khas blangs na len cing phul bar mi chud do/ /gal te dad pa dang yongs su dag pa 'bul ba na bar gyur te/ dge 'dun gyi nang du 'ong zhing smra yang mi nus na dge 'dun thams cad der 'ong bar bya'o/ /gal te smra mi nus kyang dad pa dang yongs su dag pa 'bul ba nas lus sam dag gis go bar byed na phul ba yin no/ /gal te dad pa yongs su dag pa ni mang 'du ba ni nyung na rgan pa rnams kyis kyang dge ba'i phyogs bzhag ste 'du bar bya'o/ /dad pa dang yongs su dag pa'i len cing 'bul ba'i gnang mi gnang gi skabs bshad zin to/ //dad pa dang yongs su dag pa gang du blang zhing dbul bar bya zhe na/ mtshams kyi nang na gnas pas mtshams kyi nang na nas pa la blang zhing dbul bar bya'i/ mtshams kyi phyir tu gnas pa rnams dad pa dang yongs su dag pa ma blangs kyang mi mthun pa'i nyes
- 29b
pa med pa'i phyir ro/ /de la mtshams ni rnam pa gnyis te/ las kyis bcad pa dang rang mtshams so/ /de la las kyis bcang pa'i mtshams la yang rnam pa gnyis te/ chen po dang chung ngu'o/ /de la chen po'i tshad ni gal te chu med pa zhig na steng logs su dpag tshang phyed dang gsum mo/ /'og logs su yang de dang 'dra'o/ /mtshams chung ngu'i tshad ni dkyil 'khor gang du grangs bzhi bcu shong pa'o/ /rang mtshams ni dge 'dun gang du gnas kyang rung las kyis ma bcad kyang rang bzhin gyis yod pa ste/ rgyang grags dang/ rtsig pa dang/ chu'i mtshams la bya'o/ /mtshams 'di dag ji ltar bcas shing dgrol ba ni mngas pas 'dir ma smos te/ gzhan nas 'byung ba bzhin sbyar bar bya te/ dad pa dang yongs su dag pa'i gnas brtan pa bshad zin to/ /de la dris shig ces bya ba ni gang gis dad pa dang yongs su dag pa dbul bar bya ba de dbul du gzhug pa ste/ de sbyin par bya ba'i phyir ro/ /zhes bya ba'i tha tshig go /dris nas kyang brjod par bya'o/ zhes bya ba ni gang gis dad pa dang yongs su dag pa blangs pa de bzlas su gzhug pas ting nges shes par bya'i phyir ro/ /mchod pa'i cho ga zhes bya ba'i dbang du byas nas/ shAkya seng ge de la ni/ /sor mo bcu yi thal sbyar te zhes bya ba gsungs te/ 'di la yang rnam pa gnyis su dbye'o/ /gnyis gang zhen bstod pa dang phyag 'tshal ba'o/ /de la bstod pa zhes bya ba ni/ shAkya seng ge zhes smos pa yin te/ shAkya seng ge zhes bya ba ni khyim pa'i phyogs su rigs che zhing btsun pas na rigs kyi sgo nas bstod pa'o/ /seng ge zhes bya ba ni rab tu byung ba'i phyogs su mi 'jigs pa rnams kyis mu stegs can gyi tshogs thams cad skrag par mdzad pa'i phyir rab tu byung ba'i phyogs nas bstod
- 30a
pa'o/ /phyag 'tshal zhes bya ba ni sor mo bcu'i thal mo sbyar te zhes smos pa yin te/ mchod pa rnam pa mang mod kyi/ skabs 'dir ni zhe sa'i tshul du thal mo sbyar bas mchod 'gyur bas gzhan ma bstan to/ /yang dag par 'dzin du gzung pa zhes bya ba'i dbang du byas te/ so sor thar pa bshad par bya/ 'dul ba de ni nga la nyon ces bya ba nas/ srab 'dra so sor thar pa 'di'o zhes bya ba'i bar du gsungs so/ /'di la yang rnam pa bzhir dbye ste/ mnyan du gzung ba dang/ phyin ci ma log par bsgrub par bskul ba dang/ mi g.yel bar sbyor ba la gzung ba dang/ lta ba la chags su mi gzhug par sbyor ba'o/ /de la mnyan du gzung pa zhes bya ba ni/ so sor thar pa bshad par byas/ 'dul ba de ni nga la nyin zhes pa yin te/ de la so sor thar pa zhes bya ba'i don ni sngar bshad pa bzhin no/ /bshad par byas zhes bya ba ni gso sbyong gi tshe'o/ 'dul ba zhes bya ba ni 'phral 'dod chags la sogs pa kun nas bskor ba rnams 'dul ba'i phyir 'dul ba zhes bya ste/ sngar bshad pa bzhin no/ /nga las nyon zhes bya ba ni so sor thar pa'i mdo 'don pa nyid las te/ dbang po bsdus la nyon cig pa'i tha tshig go /phyin ci ma log par bsgrub par bskul ba zhes bya ba ni/ thos nas drang srong chen po yis/ /kha na ma tho phra rnams las/ /bsgrims te gus par gyis shig ces bya ba yod de/ de bzhin gshegs pas ji skad gsungs pa de bzhin du sgrub par bskul ba'i phyir ro/ / thos nas zhes bya ba ni rna ba'i dbang pos so/ /drang srong zhes bya ba ni shes pa dang ldan pa la yang bya/ smon pa rnams 'byor cing 'grub pa la yang bya/ yang gcig tu na lus dang ngag dang yid drang por gnas shing srong ba la yang bya ste/
- 30b
skabs 'dir drang srong chen po zhes bya ba ni bcom ldan 'das la bya ste/ tshul khrims kyis rgyal pa'i phyir ro/ /chen po smos pa ni 'jig rten pa dang/ dgra bcom pa dang/ rang sangs rgyas kyi drang srong rnams las khyad par du 'phags pa'i phyir ro// kha na ma tho ba zhes bya ba ni 'phags pa rnams kyis smad pa'i phyir te/ sdig pa'i dngos po byas pa rnams so/ /phra rnams la zhes bya ba ni bcad pa'i kha na ma tho ba rnams la byas te/ de dag la nan tan tu bya bar bstan pas rang bzhin gyis kha na ma tho ba rnams la yang nan tan bya bar bstan pa yin no/ /ci'i phyir zhe na yang zhes byas pa'i sgra zhig mi mngon par byas pa yang blta ba'i phyir ro/ /bsgrims te zhes bya ba ni des dge ba'i chos rnams la brtson 'grus brtan pa gang yin pa'o/ / gus par zhes pa ni rim gror bya ba'o/ /gyis shig ces bya ba ni yang dag par 'dzin du gzhug pa'o/ /mi g.yel bar sbyor ba la gzung par zhes bya ba ni gsungs pa bzhin du sgrub par gyis zhes bya ba yin te/ ston pas ji skad gsungs pa bzhin du/ bcas pa dang rang bzhin gyis kha na ma tho ba rnams mi 'byung bar nan tan gyis shig pa'i tha tshig go /lta ba la chags su mi gzhug pa'i sbyor ba zhes bya ba ni/ rtag par shin tu brten pa yi/ /sems rta kha blan dka' ba la/ gzer bub rgyab po rnon po yi/ /srab 'dra so sor thar 'di'o bya ba yin te/ ji ltar rta rgod lam drang por 'gror mi btub pa rtag tu lam log par brten pa la/ 'gug srab kyis bsrabs te brtul na lam drang po btus pa bzhin du/ dge slong ma ma dul ma zhi ba sems nang du 'jog mi nus pa la yang so sor thar pa srab dang 'dra ba 'dis 'dul bar 'gyur ba'i phyir ro/ /rtag par shin tu brten pa zhes bya ba ni kha blan dka' ba dang sbyar te/ dus thams
- 31a
cad du rten cing yul la chags pas sha tshig ste/ bzlog dgos so zhes bya ba'i tha tshig ste/ kha lan dka' ba zhes bya 'dis ni sems 'dul dka' bar bstan to/ /sems smos pa ni sems 'ba' zhig gdul ba'i don te/ de ni kun nas nyon mongs pa'i phyir rnam par sbyong gi bdag gis ni ma yin te/ bdag ni kun nas nyon mongs pa dang rnam par dag pa dang mi ldan cing nam mkha' bzhin du 'gyur ba med pa'i phyir ro/ /gzer bu brgyab pa zhes bya ba ni so sor thar pa'i srab 'di las 'das pa rnams tshe 'di nyid la sgo mang po nas 'gyod cing mi bde ba'i phyir ro/ /rnon po zhes bya ba ni tshe gzhan na kha na ma tho ba 'byung ba gcod pa'i don te/ de'i phyir so sor thar pa 'di srab tu bstan te/ srab ces bya ba ni ngang tshul ngan pa'i khas 'dul ba ma yin pa la zhugs pa nas kha de snang pa bya ba'i don to/ /'dra zhes bya ba ni mthun pa la bya ste/ ha cang dog pa dang/ yangs pa ma yin pa'i phyir ro/ /bdag ngal bar sbyor ba'i mdza' yongs su spangs pa'i phyir/ ha cang dog pa yang ma yin no/ /'dod pa'i bde ba la sbyor ba'i mdza' yongs su spangs pa'i phyir ha cang yags pa yang ma yin no/ /yang na gang zag blun po'i 'jug pa la sogs pa la sogs pa dang mthun par bstan pas 'dra ba zhes bya'o/ /so sor thar pa 'di'o zhes bya ba ni 'di nyid srab tu bstan pa'i phyir ro/ /yang dag 'dzin pa'i legs pa bstan pa'i phyir/ che ba gang dag ngag tsam gyis/ /ldog pa'i mtshams las mi zla ba/ /de dag mi rta bzang po ste/ nyon mongs g.yul las thar bar 'gyur zhes bya ba gsungs so/ /che ba zhes bya ba ni bslab pa 'dod pa rnams so/ /gang dag ces bya ba ni su yang rung ba'o/ /ngag tsam gyis zhes bya ba ni dbyig pa 'am mtshon chas ma yin no//
- 31b
ldog cing ces bya ba ni bcad pa dang/ rang bzhin gyis kha na ma tho ba rnams las ldog pa'o/ /mtshams las zhes bya ba ni bslab pa'i mtshams so/ /mi 'da' ba ni 'gal bar mi byed pa'o/ /de dag mi rta bzang po ste zhes bya ba ni// ji ltar mi dpa' bo dang rta bzang pos dgra'i g.yul las thar pa dang 'dra bar che ba gang dag dag tsam gyis sdig pa las ldog cing 'phags pa'i mtshams las mi 'da' ba de dag kyang dgra dang 'dra ba'i nyon mongs pa'i g.yul las thar bar 'gyur pa'i phyir ro/ /nyon mongs g.yul zhes bya ba ni nyon mongs pa dang 'thab pa'i phyir ro/ /thar par 'gyur zhes bya ba ni dgra bcom pa thob pa'i dus na'o/ /yang dag par mi 'dzin pa'i nyes dmigs bstan pa'i phyir/ su la'ang srab 'di med pa 'am/ nam du 'am 'dod par mi 'gyur ba/ /de dag nyon mongs g.yul las pham/ /gzungs med pa rnam par 'khyams par 'gyur zhes bya ba gsungs te/ su la'ang srab 'di med ces bya ba ni mu stegs can rnams dang/ 'dod pa longs spyod pa rnams la chos nyid kyis so sor thar pa'i srab 'di med pa'i phyir ro/ /nam du 'ang 'dod par mi 'gyur ba zhes bya ba ni kha mu stegs can dang/ 'dod pa la longs spyod pa rnams ma yin yang/ yongs su mya ngan las 'da' ba ma yin pa'i chos can rnams so sor thar pa'i srab 'di spangs pa'i phyir nyon mongs pa'i dbang du gyur cing 'khor ba'i rgya mtshor yun ring por 'khyam pa'i phyir ro/ /nyon mongs g.yul las pham zhes bya ba ni/ so sor thar pa'i srab 'di med pa dang/ dam duAng 'dod par mi 'gyur ba de gnyis nyon mongs pa'i dbang du gyur pa'i phyir ro/ /gzungs med ces bya ba ni de gnyis kyis so sor thar pa'i srab rnam par spangs pa'i
- 32a
phyir ro/ /rnam par 'khyams par 'gyur zhes bya ba ni de gnyis 'gro ba lnga'i 'khor bar sna tshogs su 'khyam pa'i phyir ro/ /yang dag par bsgo zhes bya ba bstan pa'i phyir/ dge 'dun 'phags ma dag gson cig deng dge 'dun gyi gso sbyong bcu bzhi pa 'am bco lnga pa ste gal te dge 'dun gyis dus la bab cing bzod na/ dge 'dun gyis gnang ba mdzod cig dang/ deng dge 'dun gso sbyong mdzad ste so sor thar pa'i mdo bshad pa gdon to// 'di ni gsol pa'o/ /zhes gsungs te/ 'di dag ni sems rnam par g.yeng ba las mngon du byed du gzhug pa'i don yin pas na yang dag par bsgo ba zhes bya'o/ /de la dge 'dun zhes bya ba ni rnam pa drug ste/ bzhi dang/ lnga dang/ bcu dang/ nyi shu dang/ bzhi bcu/ lnga bcu las lhag par 'dus pa'o/ /de la bzhi 'dus pas ni tshul las 'byung ba dang/ bsnyen par rdzogs par bya ba dang/ dbyung ba ma gtogs pa de las gzhan thams cad bya'o/ /lnga 'dus pas ni bsnyen pa rdzogs par bya ba dang/ dbyung ba ma gtogs so/ /bcu 'dus pa dang/ nyi shu 'dus pas ni dbyung ba ma gtogs so/ /bzhi bcuAm bzhi bcu las lhag par 'dus pas ni las thams cad bya'o/ /gson cig ces bya ba ni gus par byed du gzhug pa'o/ /deng zhes bya ba ni gso sbyong gi dus kyi che'o/ /gso sbyong zhes bya ba ni po sha d+ha zhes bya ba ni sgra las drangs na/ po sha ni dge ba'i gso sbyong rgyas par byed pa la bya/ d+ha ni rgyug pa 'am/ dag par byed pa lta bu la bya/ spyir na dus drug tu khrims nod pa 'am/ dge slong ma khrims kyi yan lag nyams pa rnams gso zhing spyod pa'i ming ste/ de'i phyir gso sbyong zhes bya'o/ /'dul ba ma lta bu las kyang/ ci'i phyir gso sbyong zhes
- 32b
bya zhe na/ sdig pa mi dge ba'i chos dang/ nyon mongs pa dang/ rnam par ma byang ba dang/ rang bzhin gyi ma dag pa rnams nges par spong bar 'gyur zhing rnam par dag pa rang bzhin nye bar 'thob par 'gyur ba'i phyir ro/ /zhes gsungs so/ /bcu bzhi pa 'am bco lnga pa zhes bya ba ni gso sbyong gi dus shes par byed pa ste/ de la bcu bzhi pa sngos pa ni zhag la shol yod pa'i phyir te/ rgyal po gzugs can snying po'i yul du ni lo lnga zhing lan cig shol bas 'dor ba'i phyir/ de dang sbyar na lo bcu bzhi pa'i gso sbyong ni drug go /bco lnga pa ni bco brgyad de/ /de la bcu bzhi pa drug gang zhe na/ dgun zla 'bring po dang/ dpyid zla tha chung dang/ ston zla ra ba dang/ dgun zla tha chung dang/ dbyar zla ra ba dang/ ston zla 'bring po dang/ 'di drug gi gnam stong ni bcu bzhi'i gso sbyong ste/ 'dul ba bsdus pa las kyang/ de la dgun dang/ dpyid dang/ dbyar rnams kyi zla ba phyed dang gsum pa dang/ bdun pa ni gso sbyong bcu bzhi pa'o/ /de las gzhan pa ni bco lnga pa'o/ / zhes bshad do/ /gso sbyong la rnam pa lnga ste/ bkra shis dang/ zhi gnas dang/ 'dum pa dang/ glo bur dang/ dus kyi gso sbyong ste/ skabs 'dir bcu bzhi dang bco lnga smos pa ni dus kyi gso sbyong la bya'o/ /de la bkra shis kyi gso sbyor ni dge 'dun la chos ngan pa dang/ ltas ngan pa byung na zhi bar bya ba'i phyir dge 'dun 'dus nas dus la ma bab par gso sbyong byed pa'o/ /'dul ba bsdus pa la ni dge 'dun bye ba'i sdums bya ba dang/ mthun par bya ba'i gso sbyong ste/ dgar ba'i las byas pas tshangs par bya zhing mthun par bya ba'i gso sbyong bya bar gsol ba 'debs pa zhes bshad do/ /zhi gnas kyi gso sbyong ni bsam gtan bsgom pa nyid rnam par dag pa yin pas/ rnal 'byor yid la byed pa la bya'o/ /'dum pa'i
- 33a
gso sbyong ni chos kyi rtag cha dang/ 'dul ba'i lci yang ma dum pa'i phyir dge 'dun sde so sor chad pa la phyis 'dum par 'gyur na/ 'dum pa'i gso sbyong ma byas na/ mthun par mi 'gyur bas 'dum pas gso sbyong gyis shig pa'o/ glo bur gyi gso sbyong ni nad pa la sogs pa la ye 'brog 'byung na de zhi bar bya ba'i phyir dge 'dun gso sbyong gyis shig pa'o/ /gso sbyong gi nyi ma yongs su shes par bya ba dang/ 'jig rten pa la bsnyad pa'i phyir de ni zla ba phyed kyi tshes 'di yin no/ /zhes dge 'dun la tshes grangs brjod cing gtsug lag khang gi bdag po dang srungs ma rnams kyi phyir/ zhal nas gsungs pa'i tshigs su bcad pa re re brjod cig ces gtsug lag skyong gis nyin gcig bzhin du brjod par bya'o/ /nyi ma dang zla ba ni skar ma dang rgyal po dang yang mthun par bya'o/ /dus la bab ces bya ba ni gso sbyong gi dus so/ /bzod ces bya ba ni bdag gis so sor thar pa'i mdo bklag par bzod par gyur na zhes bya ba'i tha tshig go / dge 'dun gyis gnang bar mdzod cig pa'o/ /so sor thar pa'i mdo bshad pa gdon to/ zhes bya ba ni rnam pa bzhi ste/ gleng gzhi brjod nas gzhan ni gsan pa lags shes brjod pa dang/ de bzhin du pham pa dang/ lhag ma rdzogs nas gzhan ni gsan pa lags zhes bya ba dang/ rdzogs par 'don pa dang bzhi'o/ /'di ni gsol ba'o/ /zhes bya ba ni dge 'dun thams cad zhes bya ba mdza' ston te/ gsol ba gcig pa'i las 'di yin par bstan pa'o/ /ci'i phyir thams cad kyis mi gdon ce na/ thams cad kyis 'don na chos nyan pa'i tshul du yang mi rung la/ la las mgor bklags pas rdzogs par mi 'gyur ba la sogs pa'i skyon du 'gyur ba'i phyir ro/ /'khor rnam par dag pa'i dbang du byas nas
- 33b
'phags ma dag bdag nag gso sbyong bya ste zhes bya ba nas/ de de bzhin du 'dzin to/ zhes bya ba'i bar du gsungs te/ 'di la yang rnam pa lngar dbye zhing bshad par bya'o/ /lnga gang zhe na nyes par bshags su gzhug pa dang/ yongs su dag par rig par bya ba dang/ nyes pa ma bshags pa'i nyes dmigs bstan pa dang/ nyes pa bshags pa'i phan yon gyi 'bras bu dang/ mjug bsdus zhing yongs su dag pa 'dri ba'o/ /de la nyes pa bshags su gzhug pa zhes bya ba ni/ 'phags ma dag bdag cag gso sbyong byas te/ so sor thar pa'i mdo bshad pa gdon gyis khyed cag su la nyes pa yod pa des mthol cig ces bya ba yin te/ gzhan go sla bas ma bshad ste/ de la khyod cag su la zhes bya ba ni gang yang rung ba'o/ nyes pa zhes bya ba ni rang bzhin dang/ bcas pa'i kha na ma tho ba rnams bka' la brnyas pa dang/ lung du mi ston pa'i sems kyis byas pa'o/ /yod pa zhes bya ba ni gnyen po ma byas pa rnams so/ /des mthol cig ces bya ba gnyen po la brten par bya'o/ zhes bya ba'i tha tshig ste/ dge slong ma gcig gi mdun du nyes pa byung ba gang yin pa des bla gos phrag pa gcig tu gzar te/ tsog por 'dug cing thal mo sbyar nas/ bdag dang nyes pa'i ming nas smos te/ 'phags ma dgongs su gsol/ bdag ming 'di zhes bgyi ba nongs pa 'di lta bu zhig byung ste/ de bdag gis 'phags ma'i mdun du gtsang ma'i mdza' nas bzung ste/ mthol zhing bshags so/ /mi 'chab po/ mthol zhing bshags na bdag bde ba la reg cing bde bar 'gyur gyi/ ma mthol ma bshags na ni ma yin no/ zhes brjod par bya'o/ /des kyang 'di skad du khyod nyes pa mthong ngam/ de ltar 'gyod dam phyin chad sdom 'am zhes 'dri bar bya ste/ des kyang nyes pa
- 34a
mthong/ da ltar 'gyod/ phyin chad ched par sdom mo zhes de ltar phan tshun lan gsum gyi bar du brjod par bya'o/ /ltung ba la the tshom mi za na 'dul ba 'dzin pa la sogs pa las the tshom bsal nas/ lhung ba gang yin pa gtan la phab ste/ bshags par bya'o/ /dge slong ma'i drung du nyes pa bshad par bya'i/ dge slong ma la sogs pa la ni ma yin te/ de dag gi mdun du 'chags na/ 'das pa dang bcas pa'o/ /nyes pa 'dra ba'i mdun du bshags par mi bya ste/ nyes pa 'dra ba ji lta bu zhe na/ phas pham pa ni phas pham pa 'dra la/ de bzhin du nyes byas kyang nyes byas dang 'dra ba'i bar du'o/ /gal te dge 'dun gyi nang nyes dran pa na/ des 'di ltar byin gyis brlab par byas te/ deng dge 'dun gyi gso sbyong bco lnga ste/ bdag ming 'di zhes bgyi ba/ dge 'dun gyi nang du nongs par dran pa 'di rang gi sems kyis bslab bo/ /re zhig gso sbyong bgyis la slad kyis chos bzhan du bgyi'o zhes byin gyis brlab par bya'o/ /gal te so sor thar ba'i mdo 'don pas dge 'dun gyi nang du nyes pa dran na yang de bzhin du byin gyis brlab par bya'o/ /dge 'dun gyi nang du ltung ba la the tshom yod na yang gong ma bzhin du bya'o/ /gal te gso sbyong gi tshe dge 'dun ltung ba dang bcas par gyur na/ gnas gzhan du dge slong ma ltung ba ma byung ba yod pa der/ dge slong ma gcig ltung ba bshags su btang zhing phyir 'ong ba spro ba bskyed par bya'o/ /de nyes pa bshags nas phyir 'ongs pa dang/ gzhan dag de'i mdun du nyes pa rnams bshags nas de nas gdod gso sbyong bya'o/ /de lta bu med na dgrol ba'i gsol ba 'ba' zhig bya ste/ de nas gso sbyong bya'o/ /de yang 'di ltar bya ste/ 'phags ma'i dge 'dun gson cig /deng dge 'dun gyi gso sbyong bco lnga pa ste/
- 34b
dge 'dun thams cad nongs pa dang bcas par gyur na/ gang gi mdun du bdag nongs pa de chos bzhin du mnyan po bgyi bar 'ga' tsam gnas gzhan du mchis nas/ dge slong ma'i mdun du chos bzhin du bgyi bar spro ba mchis te/ 'di ni gsol ba'o/ /zhes brjod par bya'o/ /gal te dge 'dun thams cad ltung ba la the tshom du gyur na yang/ cho ga gong du bshad pa bzhin du bya'o/ /dge 'dun thams cad nyes pa dang bcas par gyur la/ bzhi pa 'am glo bur du lhags pa'ang rung ste/ dge slong ma ltung ba ma byung ba gcig yod na/ des ngo shes pa rnams la 'di ltar bskul bar bya ste/ 'phags ma gang gis 'di dang 'di lta bu byas nas de la cir 'gyur/ ltung ba dang bcas pa'o/ /'phags ma yang de'i tshe na 'di dang 'di lta bu byas pa dran nam/ dran no/ /de yang ltung ba dang bcas pa yin no/ /smras pa dang/ gal te bdag 'ga' zhig ma lags kyi dge 'dun thams cad kyang byung ngo zhes zer na/ de la khyod nyid ltung ba chos bzhin du byos shig dang/ dge 'dun thams cad kyang khyod ji lta ba bzhin du byed do/ /zhes smon shig /de chags su btub par gyur na/ bla gab med pa'i gnas su dge slong ma gzhan dag gis kyang mthong 'chags su btub par gyur pa de ltar 'chags su gzhug go /de bzhin grub na lags/ ma grub na de bzhin zhog cig /ma dad bzhin gleng zhing bskus pa 'das pa bcas pa'o/ /khyim pa dang/ ma ning dang/ za ma dang/ dge slong pha sun phyung ba dang/ mtshams med pa lnga byas pa dang/ mu stegs can la sogs pa dang/ gso sbyong mi bya yi/ mthun par gnas pa yongs su dag pa lta ba mtshungs par spyod pa rnams dang bya'o/ /gang gcig pur gnas te gzhan med na des gso sbyong gi nyin par dri gtsang khang la sogs pa bsku ba dang/ phyag dar dang/
- 35a
gdan gding ba la sogs pa yo byad rnams bshams te/ dge slong ma rnams bsdad cing khyim pa rnams la chos bshad par bya'o/ /khyim pa chos nyan pa med na gtsug lag khang gi srungs ma'i phyir kha ton bya'o/ /de ltar bsdad de dge slong ma su yang 'ong ba med na bdag nyid stan la 'dug ste/ deng dge 'dun bgyi ba'i gso sbyong bco lnga pa/ bdag ming 'di zhes bgyi ba'i gso sbyong yang bco lnga ste/ bdag ming 'di zhes bgyi ba bar chad kyi chos rnams gtsang bar bdag nyid smra ste/ gso sbyong byin gyis brlab bo/ /tshul khrims kyi phung po yongs su rdzogs par bya ba'i phyir ram/ dge 'dun 'dus pa dang phrad pa der gso sbyong bgyi'o/ /zhes lan gsum brjod par bya'o/ /gang na gnyis dang gsum gnas pa de yang cho ga 'di bzhin bya'o/ /sems bskyed pas drug 'grub ste/ chos gos byin gyis brlab pa dang/ chos gos dbyung ba dang/ gso brtag pa dang/ gang zag mgron du bos pa dang/ gso sbyong dang/ tshul nas 'byung ba'o/ /yongs su dag par rig par bya ba ni/ nyes med na cang ma smra zhig /cang mi smra na bdag cag gis 'phags ma dag yongs su dag par rig par bgyi ste/ ji ltar so sor dris nas dge slong mas lan btab pa de bzhin du dge slong ma'i 'khor 'di lta bur lan gsum bsgrag par bya'o/ /zhes bya ba yin te/ de la nyes pa med na zhes bya ba ni ltung ba sde lnga'i nyes pa med pa'o/ /ma smra zhig ces bya ba ni 'phags ma rnams ni cang mi smra bas 'grub pa yin pas 'dir yang gang mi smra ba de nyid yongs su dag par lan btab par gyur pa'i phyir ro/ /cang ma smra na bdag cag gis 'phags ma dag yongs su dag par rig par bgyi ste/ zhes bya ba ni gang mi smra ba nyid nyes pa med pa yin par gong du
- 35b
dam bcas pa'i phyir ro/ /ji ltar so sor dris nas dge slong mas lan btab pa de bzhin du zhes bya ba ni ji ltar gang zag gi gso sbyong byed pa'i tshe/ gang gi mdun du bshags par byed pa de la drung na 'dug pas khyed nyes pa dran nam/ da ltar 'gyod dam/ phyin chad chod par sdom mam zhes dris pa dang/ des kyang nyes par mthong/ da ltar 'gyod/ phyin chad sdom zhes khas blangs pa tsam gyis yongs su dag pa 'thob par 'gyur ba de bzhin du 'dir yang mi smra bas lan btab pas yongs su dag par 'gyur ro zhes bya ba'i tha tshig go /dge slong ma'i 'khor 'di lta bur lan gsum du bsgrag par bya'o/ /zhes bya ba ni gong du mdo las 'phags ma dag bdag cag gso sbyong bya ste/ so sor thar pa'i mdo bshad pa gdon gyis khyed cag nyes pa yod pas des mthol cig /nyes pa med na cang ma smra zhig ces 'byung ba de lan gsum du bskrag dgos pa'i phyir ro/ /ci'i phyir lan gsum kho na zhe na gsum las nyungs na ni g.yeng ba kha cig gis don mi go'o/ /de las mangs na ni ring du thogs pa'i phyi gnyis dang gsum ni ran par gsungs so/ /nyes pa ma bshags pa'i nyes dmigs bstan pa zhes bya ba ni/ yang dge slong ma gang dge slong ma'i 'khor 'di lta bur lan gsum gyi bar du bsgrags pa las nyes pa yod la dran bzhin du/ ma mthol na shes bzhin du rdzun zer ba yin no/ /'phags ma dag shes bzhin du rdzun smra ba ni/ bcom ldan 'das kyi bar du gcod? pa'i chos su gsungs so bya ba yin te/ de la nyes pa yod la zhes bya ba ni ltung ba sde lnga'i gang yang rung ba'o/ /dran bzhin du zhes bya ba ni nyes pa yod kyang ma dran te/ ma bshags na rdzun du mi gyur ba'i phyir ro/ /de shes bzhin du rdzun zer ba yin no/ /
- 36a
zhes bya ba ni gang nyes pa yod par dran bzhin du ma bshags shing cang mi smra bas lan btab pa nyid tshig gis go ba bya ba'i don brngas go bar bya ba'i phyir cang ma smras kyang rdzun du 'gyur ba'i phyir ro/ /bar du gcod pa zhes bya ba ni dus gnyis su ste tshe 'di nyid la dge ba'i chos rnams dang/ tshe rabs gzhan na mngon par mtho ba dang/ nges par legs pa'i bar du gcod pa'i phyir ro/ /nyes pa bshags pa'i phan yon gyi 'bras bu zhes bya ba ni/ de bas na dge slong ma nyes pa byung ba rnam par dag par 'dod pas nyes pa yod na ngan zhing mthong ba bshags par bya'o/ /bshags na bde bar 'gyur ro/ /ma bshags pa mthol na ni ma yin no/ /zhes bya ba'o/ /de la rnam par dag par 'dod pas zhes bya ba ni gang dag mya ngan las 'das par 'dod pa rnams so bshags na byang bar 'gyur zhes bya ba ni rnam pa lnga'i tshul du bshags na bde bar 'gyur ba'i phyir ro/ /le lo'i gnyen po brtson 'grus rtsom pa dang/ kha na ma tho ba 'byung ba'i gnyan po kha na ma tho med pa bskyed pa dang/ bslab pa khyad du gsong pa'i gnyen po gus pa dang bcas pa dang/ 'gyod pa'i gnyen po 'gyod pa med pa dang/ rnam par ma dag pa'i gnyen po ting nge 'dzin dang yang dag pa ji lta ba bzhin du shes pa rnams kyis rnam par dag pa ste/ 'di rnams kyis mi mthun pa'i phyogs spong zhing mya ngan las 'das pa'i bde ba la reg pa'i phyir ro/ /gzhan ni go bla bas ma bshad do/ /mjug bsdu zhing yongs su dag pa 'dri ba zhes bya ba ni/ /'phags ma dag bdag gis so sor thar pa'i mdo bshad pa'i gleng gzhi brjod zin to/ /de la bdag gis 'phags ma dag la ci 'di la yongs su dag par gnas sam zhes dri'o/ /ci 'di ni yongs su dag par gnas
- 36b
sam zhes lan gnyis lan gsum du dri'o/ /'di ni 'phags ma dag yongs su dag na gang gi phyi cang mi smra bas de de bzhin du 'dzin to/ /zhes bya ba'o/ /de la gleng gzhi zhes bya ba ni so sor thar pa'i mdo 'don par 'gyur ba'i rgyu ste/ de'i 'og tu so sor thar pa'i mdo 'don pa nyid 'byung ba'i phyir ro/ /brjod zin to zhes bya ba ni nyan pa'i 'khor rnams spro ba bskyed pa'i phyir te/ 'di ni mjug bsdu ba'o/ /ci 'di ni yongs su dag par gnas sa ma zhes bya ba ni bshad ma thag pa'i gleng gzhi las 'byung ba bzhin yongs su gtsang ma zhes bya ba'i tha tshig ste/ 'di ni yongs su dag par 'dri'o/ /so sor thar pa'i bsdus pa'i don rnam pa brgyad du bstan pa las dang po ste/ gleng gzhi bstan pa zhes bya ba bstan zin to/ /'di man chad ni bsdus pa'i don rnam pa brgyad du bstan pa las gnyis pa ste/ bslab pa'i dngos po rnams bstan ces ston to/ /'di la yang rnam pa gnyis su dbye ste/ ltung ba'i dngos po rnams bstan pa dang rtsod pa'i gnyen po rnams bstan pa'o/ /de la ltung ba'i dngos po rnams bstan pa zhes bya ba ni phas pham pa brgyad nas bslab pa'i chos mang po rnams rdzogs pa'i bar du'o/ /rtsod pa'i gnyen po rnams bstan pa zhes bya ba ni zhi bar bya ba'i chos bdun po rnams so/ /de la ltung ba'i dngos po bstan pa yang ltung ba sde lngar dbye ste/ ltung ba sde lnga gang zhe na/ phas pham pa dang/ dge 'dun lhag ma dang/ ltung ba dang/ so sor bshags pa dang/ nyes byas kyi sde rnams so/ /de la phas pham pa'i sde zhes bya ba ni phas pham pa brgyad po rnams so/ /dge 'dun lhag ma'i sde zhes bya ba ni dge 'dun lhag ma'i chos nyi shu po rnams so/ /ltung ba'i sde zhes bya ba ni spang ba ltung ba'i chos sum cu rtsa gsum dang/ ltung ba brgya brgyad bcu po rnams so/ /so sor bshags
- 37a
bar bya ba'i sde zhes bya ba ni so sor bshags par bya ba'i chos bcu gcig po rnams so/ /nyes byas kyi sde zhes bya ba ni bslab pa'i chos mang po rnams so/ /'dir phas pham pa'i sde rnams lngar bstan pa'i phyir ro/ /mdor bstan pa ni/ mi tshangs spyod dang ma byin len pa dang/ mi gsod mi chos bla mar gyur smra dang/ /ri dags dgra yi bu dang spos 'tshong khye'u/ /mdza' can ma dang gre las skyes zhes bya ba gsungs so/ /tshigs su bcad pa 'di ni phas pham pa brgyad po rnams kyi bsdus pa'i don te/ phas pham pa brgyad las mang nyung du bskyed cing dprir dgos pa dang/ 'og nas 'byung ba'i don rnams bde blag tu khong du chud par bya ba'i phyir ro/ /bslab pa'i dngos po re re la yang spyir don rnam pa nyi shu rtsa gcig gis bshad pa'i phyir te/ nyi shu rtsa gcig po gang zhe na/ gleng gzhi dang/ gang zag dang/ nyes pa dang/ dngos po dang/ nyon mongs pa dang/ mtshan nyid dang/ nyes par 'gyur ba dang/ nyes par mi 'gyur ba dang/ yan lag rnams dang/ 'byung ba dang/ mtshan ma dang/ rgyun chad pa dang/ rgyun ma chad pa dang/ kha na ma tho ba dang/ byas ma byas dang/ spyad ma spyad dang/ lci yang dang/ spyi'i mtshan nyid dang/ gso ba dang/ nyon mongs par 'gyur ba dang/ nyon mongs par mi 'gyur ba dang/ nyes pa 'byung ba'i rgyu'o/ /des grong khyer gang du bcas pa de ni gleng gzhi'o/ /gang las brten te bslab pa bcas pa ni gang zag des lus dang ngag gis nyes pa byas pa gang yin pa de ni nyes pa'o/ /dngos po ni rgyas par dbye na mang mod kyis mdor bsdus na rnam pa gnyis te/ sems can dang sems can ma yin par brjod pa ste/ bslab pa'i dngos po thams cad 'di gnyis la
- 37b
bcas pa'i phyir ro/ /nyon mongs pa ni rgyas par dbye na mang mod kyi mdor bsdu na gnyis so/ /gnyis gang zhe na lhan cig skyes pa dang/ kun tu btags pa'i nyon mongs pa ste/ ltung ba thams cad 'di gnyis las 'byung ba'i phyir ro/ /mtshan nyid bslab pa'i dngos po rnams kyi mtshan nyid bstan pa ste/ yang zhes bya ba ni sgra'i las dang po la nyes pa med par ston to/ /zhes bshad pa lta bu'o nyes par 'gyur ba ni 'di ltar bya na nyes par 'gyur ro/ zhes bstan pa'o/ /nyes par mi 'gyur ba ni 'di ltar byas na nyes par mi 'gyur ro/ zhes bstan pa rnams so/ yan lag 'di rnams dang ldan na nyes par 'gyur/ 'di rnams dang mi ldan na nyes par mi 'gyur ro/ zhes bstan pa rnams so/ /'byung ba ni rnam pa drug ste/ lus dang lus dang/ ngag dang/ lus dang sems dang/ ngag dang/ ngag dang sems dang/ lus dang ngag dang sems rnams te/ ltung ba thams cad 'di drug gis 'byung ba'i phyir ro/ /mtshan ma ni phas pham pa la sogs pa'i ming ste/ dge ba'i chos kyi nus pa 'phongs par byed pa dang/ /ngan song gi kha na ma tho ba bskyed pa'i phyir phas pham pa zhes bya'o/ /dge 'dun gyis bskrad pa'i phyir lhag ma yang yin te/ de ltar nyes pa de byung na dge 'dun gyis bsnyigs te bsgo ba'i phyir ro/ /ngan song rnams su bsreg pa dang 'tshed pa dang ltung ba'i phyir ltung ba yang yin no/ /ma bshags na kha na ma tho ba mang du bskyed de/ bshags par bya ba'i phyir so sor bshags pa yin no/ /ngan par byas pas smad pa'i phyir nyes byas kyang yin no/ /rgyun chad pa dang ma chad pa ni gnyen po la brten pa ni nyes pa'i rgyun chad pa'i phyir rgyun chad pa zhes bya'o/ /de las bzlog pa ni rgyun
- 38a
ma chad pa'o/ /kha na ma tho ba ni rnam pa gnyis te/ rang bzhin dang bcas pa'i kha na ma tho ba ste/ ltung ba thams cad 'di gnyis kyi rang bzhin yin pa'i phyir ro/ /byas ma byas ni sbyor ba byas pa dang/ sbyor ba ma byas kyang nyes par 'gyur ba gang yin pa'o/ /spyad ma spyad ni nyes par gyur nas bcas pa gang yin pa'o/ /lci yang ni lci ba la rnam pa drug ste/ bcas pa dang/ dngos po dang/ nyon mongs pa dang/ bsgrubs pa dang/ gang zag dang/ dus so/ / de la bcas pa las lci ba ni bslab pa bcas nas rang bzhin dang bcas pa'i kha na ma tho ba byung ba'o/ /dngos po la lci ba ni byol song gi skye gnas pa srog gcod pa'i ltung ba ni lci'i/ dge 'dun lhag ma ni de lta ma yin pa'i phyir ro/ /nyon mongs pa las lci ba ni ma gus pa'i nyon mongs pa las byung ba gang yin pa'o/ /bsgrubs pa las lci ba ni rgyun du byung ba gang yin pa'o/ /gang zag las lci ba ni dge ba'i rtsa ba bsam gtan ba blun po'i rgyud kyis byas pa'o/ /dus kyi lci ba ni gang nyes pa byas nas yun ring por bcas pa ste/ de drug las bzlog pa ni yang pa'o/ /spyi'i mtshan nyid ni lus dang ngag gi las kyi mtshan nyid de bslab pa thams cad 'di gnyis kyi las kyi mtshan nyid yin pa'i phyir ro// gso ba ni rnam pa bzhi ste/ chad pa chen po'i las kyi gso ba ni phas pham pa'o/ /chad pa 'bring gi las kyi gso ba ni dge 'dun lhag ma'o/ /chad pa chung ngu'i las kyi gso ba ni spangs pa'o/ /chad pa med pa'i las kyi gso ba ni gzhan rnams so/ /nyon mongs par 'gyur ba ni gang 'dod chags la sogs pa'i nyon mongs pa las byung ba gang yin pa'o/ /nyon mongs par mi 'gyur ba ni de ma yin pa nyon mongs pa gzhan dag las byung ba'o/ /nyes pa 'byung
- 38b
ba'i rgyu ni rnam pa bzhi ste/ mi shes pa dang/ bag med pa dang/ nyon mongs pa mang ba dang/ ma gus pa'o/ /ji ltar mi shes pas 'byung zhe na/ 'di ltar 'di na la las ltung ba ma thos shing ma rtogs pas de blo ma byang ba'i phyir ltung ba la ltung ba med par 'du shes pas ltung ba 'byung bar 'gyur ba'i phyir ro/ /ji ltar bag med pas 'byung zhe na/ 'di na la la ltung ba la blo byang ba yin yang brjed ngas par gnas shing/ shes bzhin ma yin par gnas pas de dran pa nye bar mi gnas pa ltung ba 'byung bar 'gyur ba'i phyir ro/ /ji ltar nyon mongs pa mang bas 'byung zhe na/ 'di ltar 'di na la la ltung ba la blo byang ba yin yang 'dod chags dang zhe sdang dang/ gti mug gi shas che ba'i rang bzhin can yin pas 'di ni bya ba ma yin no/ /zhes bya bar shes kyang rang dbang med pas nyon mongs pa rnams kyis ltung ba 'byung bar 'gyur ba'i phyir ro/ /ji ltar ma gus par 'byung zhe na 'di ltar 'di na la la ltung ba la blo byang ba yin yang/ dman pa la mos shing sngon rgyu ma spyad pa yin pas de dman pa la mos pa'i phyir/ dge sbyong gi tshul la mi lta zhing mya ngan las 'das pa dang/ chos dang dge 'dun la gus pa dang zhes byed pa dang/ ngo tsha med pa dang/ bslab pa mi 'dod pa dang/ mi gus pas 'dod dgur ltung ba 'byung bar 'gyur ba'i phyir te/ nyi shu rtsa gcig po 'di rnams kyis bslab pa'i dngos po rnams pa ci rigs par kun dang sbyar zhing bshad par bya'o/ /de la mi tshangs spyod dang zhes byas pa ni phas pham pa'i dang po ston te/ 'di'i gleng gzhi ni sangs rgyas bcom ldan 'das rgyal po'i khab na bzhugs so/ /de'i tshe na ser skya bzang mo zhes bya ba'i dge slong ma snga dro sham thabs dang/ chos gos dang lhung bzed thogs nas rgyal po'i khab tu bsod snyoms la
- 39a
zhugs pa las/ ma skyes dgra'i blon pos ser skya bzang mo gzugs bzang ba blta na sdug pa mdzes par mthong ste/ de mthong nas 'dis ni rgyal po'i mya ngan 'dul bar nus so/ /zhes smras nas chos gos phrogs te gos dkar po bskon nas rgyal po ma skyes dgra'i btsun mo'i nang du bzhag go /rgyal po bzang mo de'i gzugs mthong ma thag tu 'dod chags kyis gzir te/ rgyal po ma skyes dgras nan gyis mthus bzung ba dang/ de yang sdug bsngal zhing mi bde pas gzir bar gyur to/ /de'i tshe gau ta mi skye dgu'i bdag mo chen mo bco lnga'i gso sbyong gi tshe/ dge slong ma'i dge 'dun 'dus shing 'khod pa'i 'dun du 'dug go /de nas gau ta mi skye dgu'i bdag mo chen mos dge slong ma'i dge 'dun gyi nang na dge slong ma 'ga' ma 'ongs zhes kun las bltas te btags na ser skya bzang mo btsun mo'i nang du chud de sdug bsngal ba dang dog pa dang gnod par gyur par mthong nas dge slong ma dag la ser skya'i bzang mo mi snang ngo/ / zhes smras so/ /de nas gau ta mi skye dgu'i bdag mo chen mos/ utpa la'i kha dog ma la utpa la'i kha dog ma ser skya bzang mo de la soms shig ces smras so/ /de skad ces bsgo ba dang/ utpa la'i kha dog ma 'di lta ste/ skyes bu mthu bo che de'i dpung pa/ bskum pa las brkyang brkyang pa las bskum pa tsam gyis dge slong ma utpa la'i kha dog la gau ta mis skyes dgu'i bdag mo chen mo las mnyan te/ gso sbyong gnas nas mi snang bar gyur te/ rgyal po'i khang bzang gi steng na 'dug go /utpa la'i kha dog mas ser skya bzang po sdug bsngal zhing dog pa gnod par 'gyur ba mthong ngo/ /mthong nas kyang ser skya bzang mo la 'di skad ces smas so/ /phu nu mo khyod kyi sde thams cad la tshugs na/ mu
- 39b
stegs can dang thun mong du gzung ba'i rdzu 'phrul tsam yang ma nus sam/ de nas utpa la'i kha dog mas de la lung byin te/ nu mo 'di dang 'di lta bu yid la byos shig ces bsgo ba dang/ des lung blangs te/ yid la byas pa dang/ des rdzu 'phrul grub nas gos dkar po dang bcas bzhin du steng gi nam mkha' las byung ste song ngo/ /utpa la'i kha dog mas bzang mo khrid nas gso sbyong gi gnas su 'ongs pa dang/ dge slong ma bcu gnyis sde mos bzang mo mthong ba dang/ 'phya zhing smod do/ /bdag cag btsun mo dang lhan cig tu gso sbyong mi bya'o/ /zhes smras so/ /gau ta mi skye dgu'i bdag mo chen mos de la bu mo rgyal po la gsol te/ chos gos gyon la shod cig ces smras pa dang/ bzang mo steng gi nam mkha' la byung nas rgyal po'i khyim ga la ba der song ba dang/ rgyal po gnyid kyi log par mthong ngo/ /de nam mkha' la 'dug nas se gol gyi sgras rgyal po sad par byas so/ /rgyal pos de mthong ba dang 'jigs skrag ste/ ba spu bu ga nas langs bzhin du smras pa khyod ci lha mo 'am/ gnod sbyin mo 'am/ klu mo 'am/ dri za mo 'am/ lha ma yin mo 'am/ ci zhes smras pa dang/ bzang mos smras pa bdag lha mo yang ma yin gnod sbyin mo yang ma yin/ klu mo yang ma yin/ dri za mo la sogs pa gang yang ma yin zhes smras pa dang/ rgyal pos smras pa 'o na khyod su yin zhes smras pa dang/ bzang mos smras pa bdag ni dge slong ma ste/ 'jig rten gyi ston pa'i nyan thos ma'o/ /rgyal pos smras pa/ chos gos med pa lhung bzed med/ /skra na bregs ma dge slong ma'i/ /mtshan ma cha lugs khyod la mi snang gi /myos med skyon de gnyis 'gal don med smros/ /bzang mos rgyal po la thams cad smras so/ /khyod kyi mi srun blon pos bdag gtses te/
- 40a
lhung bzed dang ni chos gos nan gyis phrogs/ /gso sbyong bar chad bya bar mi rigs te/ /pha dang ma yi nor de bdag stsol cig /rgyal pos de thos pa dang/ brgyal te sa la 'gyel nas chus gtor te slar bslang ngo// de nas rgyal po'i rkang pa la btugs te dga' bar byas nas/ chos gos dang lhung bzed byin no/ /des chos gos dang lhung bzed thogs nas/ /gau ta mi skye dgu'i bdag mo chen mo ga la ba der song ba dang/ de lta bur gyur pa dge slong ma dag gis dge slong dag la smas so/ /dge slong dag gis bcom ldan 'das la gsol pa dang/ de nas bcom ldan 'das kyis byung ba 'di dang/ gleng gzhi 'di dang/ don 'di dang/ de lta bur gyur pa 'di'i phyir dge slong ma'i dge 'dun rnams bsdus te/ sor skya'i bzang mo la smras pa/ dge slong ma khyod kyis 'di 'dra ba'i mi rigs par byas pa bden nam/ btsun pa mang ngo/ /dge slong ma nyams su blangs sam/ btsun pa bdag snga nas 'dod chags dang bral ba lags na/ ga la zhig nyams su len/ bka' stsal pa/ dge slong ma 'di la nyes pa med do/ /de lta bu byung yang bcom ldan 'das kyis de'i mod las/ nyan thos ma rnams la 'dul ba bslab pa'i gnas ma bcas mod kyi/ de legs pa bcu gzigs pa na nyan thos ma rnams bslab pa'i gnas bcas te/ bcu gang zhe na/ 'di lta ste/ dge 'dun bsdu ba'i phyir dang/ dge 'dun legs par bya ba'i phyir dang/ dge 'dun bde bar gnas par bya ba'i phyir dang/ gnod mi bskur ba'i gang zag rnams tshar bcad pa'i phyir dang/ ngo tsha shes pa rnams bde bar gnas par bya ba'i phyir dang/ mngon par ma dad pa rnams mngon par dad bar bya ba'i phyir dang/ mngon par dad pa
- 40b
rnams phyir zhing dad par bya ba'i phyir dang/ tshe 'di'i zag pa rnams bsdam par bya ba'i phyir dang/ tshe rabs phyi ma'i zag pa rnams gzhom pa'i phyir dang/ nga'i tshangs par spyod pa yun ring du gnas par 'gyur zhing ji tsam du lha dang mi dang/ skye bo mang po la rgya cher yang dag par rab tu bshad pa'o/ /de la dge 'dun bsdu ba'i phyir zhes bya ba ni rgyal rigs nas dmangs rigs kyi bar gyi rigs kyi bu dang/ rigs kyi bu mo dag kyang gzung pa'o/ /dge 'dun legs par bya ba'i phyir zhes bya ba ni/ zhugs pa rnams legs par gsungs pa'i chos 'dul ba la brten nas/ bde ba'i chos rnams mngon par 'phel ba'o/ /dge 'dun bde bar gnas par bya ba'i phyir zhes bya ba ni/ dge ba'i chos rnams la brten nas dad pas sbyin pa yongs su spyad par bya'o/ /gnong mi bskur ba'i gang zag rnams tshar bcad pa'i phyir zhes bya ba ni/ ngang tshul ngan pa can dang bslab pa la mi slob pa'i gang zag rnams nan thur gyi las kyis bskrad par bya'o/ /ngo tsha shes pa rnams bde bar gnas par bya ba'i phyir zhes bya ba ni ngo tsha shes pa'i so so'i skye bo'i dge ba rnams te/ de dag mi 'thab pa dang/ mtshang mi 'bru ba dang/ mi rtsod pa dang/ mi 'gyed pa bya ba'o/ /mngon par ma dad pa rnams mngon par dad par bya ba'i phyir zhes bya ba ni/ khyim pa dad pa ma rnyed pa rnams dad pa rnyed par bya ba'o/ /mngon par dad pa rnams phyir zhing dad par bya ba'i phyir zhes bya ba ni/ dad pa rnyed pa rnams kyis sems bsrung bar bya'o/ /tshe 'di'i zag pa rnams bsdam pa'i phyir zhes bya ba la tshe 'di'i zag pa rnams ni kun nas dkris pa ste de spang bar bya'o/ /tshe rabs phyi ma'i zag pa rnams gzhom pa'i phyir zhes bya ba la tshe rabs phyi ma'i zag pa zhes bya ba ni bag la nyal
- 41a
ba ste/ de spang bar bya'o/ /nga'i tshangs par spyod pa yun ring du gnas par 'gyur zhing ci tsam du lha dang mi dang skye bo mang po la rgya cher yang dag par rab tu bshad pa zhes bya ba ni/ sde snod gcig nas gcig tu brgyud pa'i tshul gyis bstan pa yun ring du gnas pa'o/ /zhes 'dul ba bsdus pa las 'byung ngo/ /rnal 'byor spyod pa'i sa rnam par bshad pa bsdu ba las ni/ dge 'dun bsdu ba'i phyir zhes bya ba ni/ mdor bstan pa'i tshig yin no/ /dge 'dun legs par bya ba'i phyir zhes bya ba ni 'dod pa'i bsod nams kyi rjes su brtson pa'i mdza' rnam par spang ba'i phyir ro/ /dge 'dun bde bar gnas par bya ba'i phyir zhes bya ba ni/ bdag nyid ngal ba'i rjes su brtson pa'i mdza' rnam par spang ba'i phyir ro/ /gnod mi bkur ba'i gang zag rnams tshar bcad par bya ba'i phyir zhes bya ba ni tshul khrims 'chal ba rnams la nan tur bya ba'i phyir ro/ /ngo tsha shes pa rnams bde bar gnas par bya ba'i phyir zhes bya ba ni/ tshul khrims dang ldan pa rnams 'gyod pa med par bya ba'i phyir ro/ /mngon par ma dad pa rnams mngon par dad par bya ba'i phyir zhes bya ba ni/ ma zhugs pa rnams gzhug pa'i phyir ro/ /mngon par dad pa rnams phyir zhing ngad par bya ba'i phyir zhes bya ba ni zhugs pa rnams yongs su smin par bya ba'i phyir ro/ /tshe 'di'i zag pa rnams bsdam pa'i phyir zhes bya ba ni nyon mongs pa'i kun nas dkris pa rnam par gnon pa dang rjes su mthun par bya ba'i phyir ro// tshe rabs phyi ma'i zag pa rnams gzhom pa'i phyir zhes bya ba ni smon nas tshangs pa spyod pa la gnas pa gsal bar bya ba'i phyir dang/ /nyon mongs pa'i bag la nyal spang ba dang rjes su mthun par bya ba'i phyir ro/ /nga'i tshungs par spyod pa
- 41b
skye bo mang po la phan pa yangs par gyur pa lha dang mi rnams kyi bar la yang dag par rab tu bstan pa yun ring du gnas par 'gyur ba'i phyir zhes bya ba ni bstan pa rgyun mi 'chad par bya ba'i phyir ro/ /zhes bshad do/ /rnal 'byor spyod pa'i sa 'dul ba bsdus pa las kyang/ de la dge 'dun bsdu ba'i phyir zhes bya ba ni/ rigs bzhi po dad pas legs pa kho nar khyim nas khyim med par rab tu byung ba rnams bsdu ba las brtsam pa yin no/ /de ltar rab tu byung ba rnams gzhi dang bcas/ nges par 'byung ba dang bcas/ pha rol gnon pa dang bcas/ cho 'phrul dang bcas pa'i chos bstan pa rjes su 'jug pas ni dge 'dun legs par 'gyur bar rig par bya'o/ /dge 'dun bde bar gnas par bya ba ni rnam pa lngas rig par bya ste/ yo byad rkyen du 'bab pa dag yod pa dang/ chos mi mthun pa'i gang zag rnam par skrad pa dang/ 'gyod pa skyes pa sel ba dang/ nyon mongs pas kun nas dkris pa rnam par gnon pa dang/ nyon mongs pa'i bag la nyal spangs pa'o/ /de la bde bar gnas par bya ba dang po'i dbang du mdzad nas ni mngon par ma dad pa rnams dad par bya ba'i phyir dang/ mngon par dad pa rnams phyir zhing dad par bya ba'i phyir zhes gsungs so/ /gnyis pa'i dbang du mdzad nas ni/ gnod mi bskur pa'i gang zag rnams tshar bcad par bya ba'i phyir zhes bya ba'o/ /gsum pa'i dbang du mdzad nas ni/ /ngo tsha shes pa rnams bde bar gnas par bya ba'i phyir zhes bya ba'o/ /bzhi pa'i dbang du mdzad nas ni tshe 'di'i zag pa rnams bsdam pa'i phyir zhes bya ba'o/ /lnga pa'i dbang du mdzad nas ni tshe rabs phyi ma'i zag pa rnams gzhom pa'i phyir zhes bya ba'o/ /thob pa rnams bde bar gnas par bya ba dang ma thob ma zhugs pa rnams bde bar 'jug par bya ba'i phyir/ nga'i tshangs par
- 42a
spyod pa skye bo mang po la phan pa/ yangs bar gyur pa lha dang mi rnams kyi bar la yang dag par rab tu bstan pa yun ring du gnas par 'gyur ba zhes bya ba gsungs so/ /de dag thams cad mdor bsdu na dang po bsdu ba dang/ legs par bsdu ba dang/ bsdus pa rnams bde bar gnas pa bya ba dang/ ma 'ongs pa ma bsdus pa rnams bde bar 'jug par 'gyur ba'i thabs yongs su bstan pa yin te/ de ni rnam grangs gzhan yin no/ /zhes 'byung bas/ de ltar na bcom ldan 'das kyis legs pa bcu gzigs pa'i phyir/ nyan thos rnams la 'dul ba bslab pa'i gnas bshad do/ /yang dge slong ma gang dge slong ma rnams dang lha cig bslab pa mtshungs par gyur pa las/ bslab pa ma phul bslab pa nyams par ma byas par mi tshangs par spyod pa 'khrig pa'i chos byas na/ tha na byol song gi skye gnas su song ba dang lhan cig kyang rung/ dge slong ma de phas pham pa yin gyi gnas par mi bya'o/ /de la yang zhes bya ba'i sgra ni las dang po pa las nyes pa med par ston to/ /dge slong ma gang zhes bya ba ni/ dge slong ma la rnam lnga ste/ ming gi dge slong ma dang/ khas 'che ba'i dge slong ma dang/ slong ba'i dge slong ma dang/ nyon mongs pa dang bral ba'i dge slong ma dang/ gsol ba dang/ bzhi'i las kyi bsnyen par rdzogs pa'i dge slong ma'o/ /skabs 'dir ni gang gsol pa dang/ bzhi'i las kyis bsnyen par rdzogs pa de ni dge slong mar dgongs te/ de'i phyir dge slong ma zhes gsungs so/ /dge slong ma dang lhan cig pa ni/ de ma yin pa chos mtshungs par spyod pa rnams so/ /bslab pa mtshungs par gyur ces bya ba ni/ gang bsnyen par rdzogs nas lo brgya lon pa'i dge slong mas bslab ba gang
- 42b
bslab par bya ba de la/ de'i nyin mo bsnyen par rdzogs pas kyang bslab par bya'o/ /'di la gang tshul khrims dang bslab pa dang/ so sor thar pa'i mdo bcad pa mtshungs pa 'di ni bslab pa'i mtshungs pa zhes bya'o/ /bslab pa ma phul zhes bya ba ji tsam gyis bslab pa ma phul ba yin zhe na/ ji ltar dge slong mas khros pa dang/ smyos pa dang/ sems 'khrugs pa dang/ nad kyis gzir nas bslab pa phul na/ bslab pa ma phul zhes bya'o/ /de rnams dang ldan pa zhig la phul na/ phul bar mi tshung ngo/ /glen pa dang/ lkug pa dang/ 'on pa dang/ mi dben pa la dben par 'du shes pa gsum dang/ gal te 'phags mas mdza' 'khob ma'i skad du/ gzhi rgyud du smos pa dang/ gnyid kyis log pa dang/ snyoms par zhugs pa dang/ mi ma yin pa dang/ lha dang/ sprul pa dang/ byol song dang/ gzugs dang/ ca co'i nang du bslab pa phul na/ bslab pa phul ba ma yin no/ /mdor na gtong pa'i sems kyang med la dge sbyong don du gnyer zhing/ /khyim pa don du mi gnyer la brda sprad pa'i skyes pa 'am bud med brda phrad par ma byas na/ bslab pa phul ba ma yin zhes bya'o/ /bslab pa nyams par ma byas pa zhes bya ba ni bslab pa nyams par byas kyang bslab pa ma phul ba yang yod/ bslab pa phul ba la bslab pa nyams par ma byas pa yang yod/ bslab pa nyams par byas la bslab pa phul ba yang yod/ bslab pa nyams par ma byas la bslab pa ma phul ba yang yod do/ /ji ltar bslab pa nyams par byas kyis bslab pa ma phul ba yin zhe na/ 'di ltar dge slong ma chags par gyur tam/ mi dga' 'am/ slar 'bab par 'dod dam/ dge sbyong don du gnyer ram/ dge sbyong gi sma bab bam/ ngo tsha'am/ the tshom za 'am/ smod cing dge slong ma'i gan
- 43a
du song nas 'di skad ces 'phags ma mkhyen par mdzod cig /tshangs par spyod pa ni spyad par dka' o/ /rab tu dben par bya dka' o/ /gcig pur dga' bar bya dka' o/ /dgon pa dang/ nags dang/ ri dang nye ba na/ bas mdza' i gnas su gnas par dka' o/ /gcig pur dgon par gnas na sdug bsngal te/ pha ma dang phu nu mo dang/ ming po dang/ slob dpon ma dang/ mkhan mo dran no/ /bdag bzo slob tu chug cig bdag las byed du chug cig /bdag dge ba'i rigs rnams la gtod cig ces smra zhing tshig gis go bar byed kyang bslab pa 'phul lo/ /zhes de skad ma smras na/ de lta bu'i bslab pa nyams pa yin gyi/ bslab pa phul ba ma yin no/ /ji ltar bslab pa phul yang/ bslab pa nyams par ma byas pa yin zhe na/ 'di ltar dge slong dag dge slong ma'i gan du song nas 'di skad ces 'phags ma dgongs shig /bdag ming 'di zhes bgyi bas bslab pa phul ba zhes bya'o/ /dkon mchog gsum dang/ sde snod gsum dang/ mkhan po dang/ slob dpon 'bul lo zhe 'am/ bdag khyim par gzung zhig ce 'am/ za ma dang/ ma ning dang/ dge slong ma sun phyung ba dang/ pha ma dang dgra bcom pa bsad pa dang/ dge 'dun gyi dbyen dang/ de bzhin gshegs pa la ngan sems kyis khrag phyung ba dang/ mu stegs can dang/ mu stegs can zhugs pa dang/ rkun gnas dang/ tha dad du gnas pa dang/ mi gnas pa dang/ tha na 'di skad du bdag dang chos mthun pa tshangs par spyod pa/ khyod 'grogs mi dgos so zhes smra na/ bslab pa phul ba zhes bya'o/ /de ltar bslab pa phul ba yin yang/ bslab pa nyams par byas pa ma yin no/ /ji ltar na bslab pa nyams par ma byas la/ bslab pa phul ba yin zhe na/ gong du smos pa
- 43b
gnyis dang ldan pa de ni/ bslab pa nyams par yang byas la/ bslab pa phul ba yang yin no/ /ji ltar bslab pa nyams par yang ma byas la/ bslab pa phul ba yang ma yin zhe na/ rnam pa 'di lta bu ma gtogs pa'o/ /mi tshangs par spyod ces bya ba ni gnyis phrad pa'o/ /'khrig pa zhes bya ba ni gang mi tshangs par spyod pa de nyid 'khrig pa'o/ /chos zhes bya ba ni chos ma yin pa 'di chos kyi sgrar gsungs so/ /byas zhes bya ba ni spyad pa'o/ /tha na byol song gi skye gnas su song ba dang lhan cig zhes bya ba ni sbra mo 'am de dang 'dra ba dag go /zhes bya ba ni nye bar bstan pa'i tshig bla dags so/ /dge slong ma zhes bya ba ni gsol ba dang bzhi'i las kyi bsnyen par rdzogs pa'o/ /phas pham pa zhes bya ba ni ltung pa tha ma 'di lta ste/ tha shal ngan pa mi 'phya ba'i nyes pa can mi mtshungs pa ste de lta bu'i gnas kyi ltung ba byung ma thag tu dge slong ma ma yin/ shAkya'i sras mo ma yin/ dge slong ma'i dngos po dang bral ba zhes bya ba nas/ dge slong mar bslang du mi rung ngo zhes bya ba'i bar du ste/ des phas pham pa zhes gsungs so/ /gnas par mi bya'o zhes bya ba ni/ de dang dge slong ma dang gso sbyong dang/ gsol ba 'am/ gsol ba dang gnyis sam/ gsol ba dang bzhi'i las la mi gnas pa ste/ gang zag bcu gnyis su bsgo ba la yang mi chung ste/ des na gnas par mi bya'o/ /zhes gsungs so/ /de la ltung ba ci lta bu zhe na/ dge slong ma brten pa la gzhol/ brten pa la bab brten pa la bab pa'i sems kyis skyes pa dang/ ma ning dang/ mi ma yin pa dang/ byol song yang rung ste/ gson po ma nyams pa 'am/ gal te g.yogs pas g.yogs pa 'am/ g.yogs bsam g.yogs pa 'am/ ma g.yogs pas ma g.yogs pa la yang rung ste/ mi tshangs par
- 44a
spyod na phas pham pa'i ltung bar 'gyur ro/ /gson po ji lta ba bzhin du shi ba la ma nyams pa yang de bzhin du sbyar ro/ /gal te 'di rnams gson po nyams pa 'am/ shi ba nyams pa yang rung ste/ thams cad nyes pa sgom por 'gyur ro/ /dge slong nyal ba la/ dge slong mas mnan pa las gal te dge slong gis thog ma dang/ bar dang tha mar yang ma tshor la shes nas kyang nyams su ma blangs na gang gnon pa de ma rung par 'gyur ro/ /gal te dge slong gis gong ma gsum ltar tshor la/ shes nas kyang nyams su blangs na gnyi ga ma rung bar 'gyur ro/ /dge slong ji lta ba bzhin du dge tshul dang khyim pa la de bzhin no/ /dge slong pha dang/ dge slong ma dang/ dge tshul ni ma rung par 'gyur ro// khyim pa dang/ khyim pa mo'i bsod nams ma yin pa mang du 'phel lo/ /dge slong mas dge slong chang gis myos par byas sam/ yang na sngags dang sman dang rigs pas de'i sems dkrugs sam/ yang na mthus bzung yang rung ste/ mnan pa las/ gal te dge slong de la thog ma dang bar dang tha mar yang tshor ba 'am yang na thog ma dang bar ma'i tshe ma tshor ram/ yang na thog ma tshor la bar ma dang tha ma'i tshe tshor ram/ yang na dang po dang tha ma tshor la bar ma'i tshe tshor la shes kyang dga' bar ma bzung ba kun 'dra ste/ gag gnon pa de ma rung bar 'gyur ro/ /mnan pa las gal te dge slong gis gsum char yang tshor la shes nas dga' bar bzung na/ gnyi ga ma rung bar 'gyur ro/ /dge slong la ci lta ba dge tshul dang khyim pa yang de bzhin no/ /dge slong dang/ dge slong ma dang/ dge tshul la ni ma rung par 'gyur ro/ /khyim pa dang khyim mi mo ni bsod nams ma yin pa mang du 'phel lo/ /yan lag drug dang ldan na pham ste/ bdag gi lam gsum
- 44b
yang yin/ pha rol po yang ma nyams pho mtshan yang yin der yang bcug reg kyang reg /dga' ba'i tshor ba'o/ /phas pham pa dang po rdzogs so// //de la ma byin pa dang zhes bya ba ni ston pa rgyal po'i khab na bzhugs so/ /de'i tshe na dge slong ma nor can ma gzhan gyis yongs su zin pa'i rtsi shing la sogs pa ma byin par blangs pas bram ze dang khyim bdag dag 'phya ste/ khyim bdag kyang de ltar byed na shAkya'i dge sbyong ma bram ze dang khyim pa rnams su khyad par ci yod/ dge sbyong ma mgo rig ma de dag la su zhig bsod snyoms sbyin par spro zhes mi snyan par 'dzer to/ /de ltar gyur pa snga ma bzhin du dge slong ma dag gis ston pa la gsol pa dang/ ston pas nor can ma rnam grangs du mas smad nas nyan thos rnams la bslab pa'i gnas bcas pa'o/ /yang dge slong ma gang gzhan gyi grong na yod pa 'am/ dgon pa na yod pa ma byin pa rku ba'i grangs su gtogs pa blangs na/ ji tsam ma byin par blangs pas rgyal po 'am blon pos bzung nas gsod dam 'chid dam spyugs kyang rung/ de la dge slong ma khyod ni rkun ma'o byis pa'o blun pa'o/ /rkun po zhes de skad kyang zer na/ dge slong ma 'di ltar ma byin par len pa de yang phas pham pa yin gyis gnas par mi bya'o/ /yang dge slong ma zhes bya ba nor can ma ste/ gzhan yang de dang 'dra'o/ /gzhan dag gis zhes bya ba ni skyes pa dang/ bud med dang ma ning rnams kyi'o/ /grong na yod pa zhes bya ba ni ra ba'i nang na'o/ /dgon pa na yod pa zhes bya ba ni ra ba'i phyi rol na'o/ /ma byin par len pa zhes bya ba ni de la skyes pa dang bud med dang/ ma ning gis ma byin pa'o/ /rku ba'i grangs su gtogs zhes bya ba ni ma byin pa de rku ba'i grangs su gtogs pa'o/ /blang zhes bya ba ni len pa'o/ /ji tsam ma byin par blangs pa zhes bya ba ni ma sha lnga 'am lnga las lhag pa'o/ /rgyal pos sam zhes bya
- 45a
ba ni 'di ltar rgyal rigs spyi bo nas dbang bskur ba ste/ rigs rnam pa bzhi las gang yang rung ste/ rgyal por rgyal thabs spyi bo nas dbang bskur ba'o/ /rgyal po'i blon po zhes bya ba ni dbang po chen po rgyal srid 'dzin pa dang bka' gros kyis 'tsho ba'o/ /bzung nas zhes bya ba ni zin pa'o/ /gsod pa zhes bya ba ni 'tsho ba dang phral ba'o/ /bcings pa zhes bya ba ni btson rar bcug pa'o/ /spyugs pa zhes bya ni yul spos pa'o/ /kye dge slong ma khyed rkun ma'o/ /byis pa'o// blun pa sku ba'o zhes bya ba ni gshe ba dang bcas pa'i tshig go /de la 'di skad ces kyang zer ro zhes bya ba smra ba'o/ /dge slong ma zhes bya ba ni gsol pa dang bzhi'i las kyis bsnyen par rdzogs pa'o/ /'di lta bur ma byin par len pa zhes bya ba ni gong ma dang 'dra'o/ /de yang zhes bya ba ni nye bar bstan pa'o/ /dge slong ma de yang phas pham pa yin gyis gnas par mi bya'o zhes bya ba ni gong ma bzhin du sbyar ro/ /yan lag drug dang ldan na phas pham par 'gyur te/ rku sems dang/ ma byin par len pa dang/ rin thang tshad pa dang/ mis yongs su bzung ba dang/ mir 'du shes pa dang/ gnas nas gnas su spos pa'o/ /dge slong mas rnam pa gsum gyis gzhan dag gi yo byad dam pa zhig ma byin par blangs nas phas pham pa'i ltung bar 'gyur ro/ /gsum gang zhe na bdag dang pho nya dang mngon sum du bcol bas so/ /bdag gis zhes bya ba ji lta bu zhe na/ bdag gis brkus pa dang/ bdag gis thabs kyis brkus pa dang/ bdag gis gnas nas gnas su spos pa'o/ /pho nya la yang gsum mo/ /gsum gang zhe na/ pho nyas bkrus pa dang/ pho nyas thabs kyis brkus pa dang/ pho nyas gnas nas gnas su spos pa'o/ /mngon sum du bcol ba yang gsum mo/ /gsum gang zhen mngon sum du rkur bcug pa dang/ mngon sum du thabs kyis rkur bcug pa dang/
- 45b
mngon sum du gnas nas gnas su sped du bcug na phas pham par 'gyur ro/ /phas pham pa gnyis pa'o/ /mi gtsang? ces bya ba ni/ bcom ldan 'das mnyan du yod pa na bzhugs so/ /dge slong pha nad kyis btab nas nad g.yog bran can byed de/ sman pa la dpyad dris nas sman khyer te 'ong gis de'i bar du kha zas ma za zhig ces zer te song ngo/ /de'i 'og tu dge slong gzhan dag gis kha zas dang thug pa la sogs byin te 'drangs par zos so bran can sman khyer te 'ongs nas sman zo zhig ces byas nas/ nga 'drangs zin gyis za mi nus so/ /zhes zer nas nad g.yog gis smras pa/ nad dang mi mthun pa'i zas zos pa bas ni dug 'thungs kyang slab zhes byas pa dang/ de yid chad de dug rdog gu gcig 'chos nas shi'o bran can gyis bsams pa dag gis de skad smras pa'i phyir/ de shi pas bdag pham par ma gyur grang snyam ste the tshom skyes pa dang/ bcom ldan 'das kyis bka' stsal pa/ dge slong 'di la ni ltung ba med de phyin chad nad pa shi bar sems pa'i gtam byas na 'das pa dang bcas pa'i nyes byas su 'gyur ro/ /der yang bslab pa ma bcas so/ /bcom ldan 'das mnyan du yod pa na bzhugs so/ /de'i tshe dge slong mgo can nad kyis btab ste/ mchu can nad g.yog byed do/ /mgo can gyis bsams pa 'di ltar na zhing sdug bsngal bas ni tshul khrims ma nyams par shin mtho ris su skye'o zhes bsams nas bdag ni shi mi nus na mchu can gyi tsha bo rngon pa gnyis gsod du gzhug go snyam nas/ mchu can la smras pa khyod kyis tsha bo gnyis kyang nad g.yog byed du chug ces smras pa dang/ tsha bo gnyis bkug nas mgo can gyis smras pa tsha bo da gsod cig dang da lhar skye bo zhes zer ba dang/ ral gris mgo bcad nas gos kyis g.yogs nas bzhag nas mchu can phyir 'ongs te mthong ba dang/ bdag gi mtshon thogs pa gnyer ba ma gyur ta ma snyam ste/ the tshom skyes pa dang/ bcom
- 46a
ldan 'das la gsol ba dang/ bka' stsal pa dge slong 'di la ni ltung ba med de phyin chad nad g.yog blun po bzhag na 'das pa dang bcas pa'i nyes byas so/ /mnyan du yod pa na dge slong gcig gi lhung bzed rtsas khyer ba bkrun ci nyes zhes byas pa dang/ bkru ba'i yo byad mi 'byor ro zhes zer ro/ /'o na lhung bzed med par spyod dam zhes dris pa dang/ des smras pa gnas 'di zhes bya ba na dge slong ma gcig na ba tshabs che ba zhig yod kyis de shin lhung bzed spyod do/ zhes smras pa dang/ de lta bur gyur pa ston pa la gsol nas bka' stsal pa dge slong 'di la ltung ba med de/ phyin chad ma rungs pa gdol pa'i sems bskyed na 'das pa dang bcas par 'gyur ro/ /chos gos kyi phyir bcas pa'i rgyud kyang lhung bzed dang 'dra'o// //mnyan du yod pa na tshong dpon zhig 'dug pa chung ma dang yang yongs su spyad pa las bu mo gcig btsas so/ /de'i chung ma dus las 'das pa dang/ de'i chung ma zhig blangs pa la khye'u zhig bcas so/ /chung ma des bu mo la khu tshur dang thal mos rtag tu brdeg go /bu mo des bsams pa bdag srog dang bral bar gdon mi za yis rab tu 'byung ngo snyam nas/ dge slong ma'i gan du song ste rab tu byung bsnyen par rdzogs nas/ nges pha la chos bstan skyabs su btang ste/ bslab pa'i gnas su bzhag go /dus phyi zhig na pha nad kyis btab pa dang de smras pa pha khyod sbyin pa ni byin bsod nams byas pas yul gzhan du song na lo legs dang 'dra mtho ris ni ras lta bur thar pa ni yol ba lta bus chod de lus dang bral na skye bo zhes byas pa dang/ phas bsams pa 'o na ni nad kyis sdug bsngal bas myur du tshe 'phos na legs so snyam nas bran mo blun ma skyong ba mo la smras pa/ nga'i lus nang du dgra zhig zhugs na gal te de slar phyin na/ ngas khyod la
- 46b
byams par bya'o/ zhes byas pa dang/ des rkang pa nas mgrin pa'i bar du btsir bsam bzod nas 'gul ba dang/ ci thur btsir nas dus las 'das so/ /dge slong ma nges bdag gi pha dus la 'das pa thos nas/ ma yar mo mya ngan bsad snyam nas de'i thang du song pa dang/ des rgyang nas 'ongs pa mthong ste/ des smras pa sdig can ma khyod sde snod gsum dang ldan na chos bshad pa gzhan med dam ci nyes na/ pha la yul gzhan du lo legs pa na lhar skye bar 'gyur ro/ /zhes bya ba'i bar du da lta bur chos bshad pas pha bsad/ da yang tshur shog la nga gsod cig ces smras pa dang/ de bdag gis pha la 'chi bar sems bskyed par ma gyur grang snyam nas 'gyod pa skyes so/ /de lta bur gyur pa dge slong ma gang dag gis dge slong pha la'o/ /de dag gis ston pa la gsol ba dang/ bka' stsal pa dge slong ma 'di la ni ltung ba med de/ phyin chad nang pa la 'chi bar sems pa 'di lta bu'i chos bshad par ma byed cig byas na 'das pa dang bcas par 'gyur ro/ /mnyan du yod pa na bud med cig khyim thab dang bral nas skyes pa gzhan dang 'dus pas sems can dang ldan par gyur to/ /de la khyim thab kyis da ni ring por mi thogs par 'ong ngo zhes yi ge spring pa de thos nas spangs par gyur te/ de la grong du nye bar 'gro ba'i dge slong ma zhig yod do/ /des de la 'phags ma bdag gis ci ltar bgyi zhes smras na des cang mi smra par 'dug go /de la khyim mi mo ma zhig yod de des dge slong ma de la bdag gis phye ma zhig sbyar 'tshal te/ gal te khyod kyis ming du smos te khyim bdag gis bud med la byin cig ces smras pa dang/ des nyams su blangs so/ /des de'i drung du song nas phye ma 'di ni dge slong mas khyod la bskur gyis chu dron po las thung cig bsgo nas nges 'thungs so/ /de la mdza' mo grogs mo zhig yod pa khyod kyi rum na 'dug pa de dag re zhes smras pa dang/ des zhib tu smras so te rum na yod pa dum bu brgyar zhig go zhes
- 47a
smras pa dang/ bram ze dang khyim pa'i chung ma dag 'phya smad nas dge slong ma dag ni tshig pa'o/ /rum na yod pa yang blugs par byed do/ /zhes mi snyan pa brjod do/ /de ltar gyur pa dge slong dag gis ston pa la gsol ba dang/ bka' stsal pa de lta bur byas pa bden nam/ btsun pa bdag gi rum na blugs par bgyis pa ni ma mchis kyi nyams su blangs so/ /de nas ston pas bka' stsal pa/ dge slong sems 'di 'dra ba'i gnas la nyams su ma len cig nyams su blangs na nyes pa sbom por 'gyur ro/ /sangs rgyas bcom ldan 'das yangs pa can gyi chu bo dga' bskyed kyi 'gram thang shing gi nags stug po na bzhugs so/ /de'i tshe dge slong ma dag la mi gtsang ba bsgoms shig par chos bshad pa dang/ de na dge slong ma rnams kyang mi gtsang ba bsgom pa las lus rnag can 'dis yid byung ngo/ /sgyid lug ste rnam par smod cing mtshon gyis 'debs dug kyang za srad bus kyang 'gegs te/ dge slong ma dag gis dge slong ma gsod pas de'i tshe na dge slong ma rnams nyung zhing 'gribs par gyur to// de nas bcom ldan 'das kyis tshe dang ldan pa kun dga' bo la ci'i rgyu ci'i rkyen gyis dge slong ma'i dge 'dun 'di dag nyung bar gyur ces smras pa dang/ kun dga' bos ji ltar gyur pa gsol pa dang/ ston pas gling gzhi 'di dang/ byung ba 'di'i phyir dge slong ma'i dge 'dun bsdus nas dge slong ma'i dge slong ma mang po la de ltar dge slong mas dge slong ma gsod pa bden nam zhes smras pa dang/ btsun pa mad do zhes gsol nas rnam grangs du mas smad do/ /nyan thos ma'i dge 'dun rnams la bslab pa'i gnas bcas so/ /yang dge slong ma gang mi 'am mir chags pa la ched du bsams nas/ lag dar te srog bcad dam/ de la mtshon byin nam/ de la mtshon thogs pa gnyer ram/ de la 'chir bcug gam/ de la 'chi ba'i bsngags
- 47b
pa brjod kyang rung ste/ kye mi khyod sdig pa dang mi gtsang ba dang 'tsho ba ngan pa 'dis ci zhig bya/ kye mi khyod gson pa bas shib sla'o zhes de skad kyang zer la/ sems kyis 'dod sems kyis kun tu brtags nas rnam grangs du mas 'chir bcug gam/ 'chi ba'i bsngags pa brjod pa las de yang thabs des 'chi ba'i dus byas na/ dge slong 'di phas pham pa yin gyi gnas par mi bya'o/ /yang dge slong ma gang zhes bya ba ni gong ma dang 'dra'o/ /mi 'am zhes bya ba ni gang ma'i mngal du dbang po drug thob par gyur pa'o// mir chags pa zhes bya ba ni ma'i mngal du dbang po gsum thob pa ste/ lus dang 'tsho ba dang yid kyi dbang po'o/ /ched du bsams te zhes bya ba ni dpyad pa'o/ /lag dar te zhes bya ba ni lag gis bsnun pa'o/ /srog bcad pa ces bya ba ni srog dang phral ba'o/ / mtshon byed ces bya ba ni ral gri dang pu gri dang chu gri'o/ /mtshon thogs pa gnyer? ram zhes bya ba ni bud med dang skyes pa dang ma ning ngo/ /de la 'chir bcug ces bya ba ni rnam pa gsum ste/ tshul khrims ngan pa can dang/ tshul khrims dang ldan pa dang/ nad pa'o// ji ltar na tshul khrims ngan pa can la zhe na/ 'di ltar tshul khrims ngan pa can gyi dge slong dam dge slong ma yang dung/ de'i chos gos la sogs pa dge sbyong gi 'tsho ba'i yo byad 'dod nas de ji srid du 'tsho ba de srid du ngas mi thob kyis de 'chir gzhug go snyam nas de'i gan du song ste 'phags ma khyod tshul khrims ngan pa'i sdig pa'i chos can sgo gsum nas ngan du spyod dge sbyong ma yin pa dge sbyong du 'che ba khyod ji tsam du ring du 'tsho ba de tsam du bsod nams ma yin pa mang du bskyed pas lus dang bral na ngan song gsum du yun ring du skye'o zhes smras pa dang/ des de la 'phags ma 'di ci ltar bya/ tshur shog rang gis rang gsod cig ces byas pa dang/ des kyang rang gis kyang srog bcad na pham par 'gyur ro/ /gal te dge slong ma de 'gyed de/
- 48a
de'i gan du song nas ngas gyi na don med pa ma brtags pa'i tshig gis smras so/ /btsun pa khyod tshul khrims ngan pa can gyis dge ba'i bshes gnyen 'ga' zhig rnyed na/ des lus ngag des lus dang ngag yid yongs su ma dag par spyod pa las bzlog nas/ lus dang ngag dang yid yongs su dag par kun tu spyad pa la rab tu 'jug ste/ lus dang bral na mtho ris su skye'o zhes de skad smras pa dang/ gal te des 'phags ma bdag gis ci zhig bya zhes pa dang/ des de la khyod rang la ma gsod ces byas pa dang/ gal te dge slong ma des rang gis ma bsang na/ dge slong ma la sbyor ba snga ma nyid kyis nyes pa sbom po'o/ /gal te dge slong ma des 'di skad zer mod kyi 'on kyang bdag rang la rang gis rang srog bcad na snga ma bzhin du nyes pa sbom po'o/ / ji ltar tshul khrims dang ldan pa la zhe na/ 'di ltar dge slong mas tshul khrims dang ldan pa'i dge slong la zhes bya ba nas 'chir gzhug go snyam nas zhes bya ba'i bar du snga ma bzhin no/ /de'i gan du song ste/ 'phags ma ni tshul khrims dang ldan pas dge ba'i chos can gtong pa phun sum tshogs pa ste/ khyod yul gzhan du skyes na lo legs pa dang 'dra ste/ mtho ris ni ras lta bus chod thar pa ni yol ba lta bus chod de/ lus dang bral na ni lhar skye'o zhes pa dang sring mo bdag gis ci zhig bya zhes bya ba nas/ nyes pa sbom po'i ltung bar gyur zhes bya ba'i bar du snga ma bzhin no/ /ji ltar na nad pa la zhe na nad pa sdug bsngal ba nad kyis gzir ba'i dge slong de la lhung bzed dam zhes bya ba nas/ de'i gan du song ste 'chir gzhug go snyam pa'i bar du snga ma bzhin no// de'i gan du song ste 'phags ma ni nad bu can nad kyis sdug bsngal ba ser sna can 'dzungs pa ste/ khyod ci srid du yun ring du 'tsho ba de srid du sdug bsngal mi zad pa myong ngo zhes smras pa dang/ gal te des sring mo bdag gis 'dir ci zhig bya zhes de skad smras pa dang/
- 48b
des de la 'phags mtshungs shog la rang gis rang gsod ces pa nas/ don med pa la ma brtags par smras so zhes pa'i bar du snga ma bzhin no/ /'phags ma dge ba'i bshes gnyen 'ga' zhig rnyed na/ des khyod la 'phrod pa'i sman gtong zhing ring po mi thogs par bde bar nad med par 'gyur ro/ /zhes smras pa dang/ des de la sring mo bdag gis 'dir ci zhig bya zhes de skad zer ba dang/ des de la 'phags ma khyod rang gis rang la ma gsod ces pa nas sbom por 'gyur zhes bya ba'i bar du snga ma bzhin no/ /de la 'chi ba'i bsngags pa brjod zhes bya ba ni/ 'chi bar 'dod pa'i mdun du 'chi ba'i bsngags pa brjod pa'o/ /kye mi khyod ces bya ba ni dge slong mas 'bod pa'i tshig go /sdig pa dang mi gtsang ba dang 'tsho ba ngan pa 'dis ci zhig bya/ kye mi khyod gson pa bas shi ba gla'o zhes bya ba 'di dag ni smad pa'i tshig go /de la 'di skad ces zer zhes bya ba ni smra ba'o/ /sems kyis 'dod sems kyi kun tu brtags nas zhes bya ba ni ngan sems kyis mngon par 'dod pa'o/ /rnam grangs du mas de 'chir bcug gam zhes bya ba ni rnam grangs mang por 'chir bcug pa'o/ /'chi ba'i bsngags pa brjod ces bya ba ni/ 'chi bar 'dod pa mdun du rnam grangs du mas 'chi ba'i bsngags pa brjod cing/ rnon te mi zlog par byed pa'i don to/ /de yang thabs des 'chi ba'i dus byas zhes bya ba ni/ me 'am/ dug gam/ mtshon nam/ g.yang sa 'am/ thag pas 'grags pa 'am/ chur mchongs pa la sogs pa'o/ /dge slong ma zhes bya ba ni gsol ba dang bzhi'i las kyis bsnyen par rdzogs pa'o/ /des yang zhes bya ba ni nye bar bstan pa'o/ /de yang zhes bya ba ni gsol ba dang bzhi'i las kyis bsnyen par rdzogs pa'o/ /de yang zhes bya ba ni nye bar bstan pa'o/ /phas pham pa zhes bya ba ni gong ma bzhin no/ /gnas par bya ba ma yin no/ zhes bya ba ni snga ma bzhin du sbyar ro/ /
- 49a
ltung ba gang zhe na/ zin pa'i lus su gtogs pa dang/ phyi rol gyis kyang 'phangs pa dang gnyi ga dang yang ldan pa'o/ /ji ltar na zin pa'i lus su gtogs zhe na/ dge slong mas mi rnam gsum la gsong sems byis sor mo lngas bsnun te/ dus byas nas pham mo/ /des de ma byas kyi de nas phyi zhig na gyur na yang pham mo/ /des de'i tshe yang ma yin te/ phyis kyang ma yin na sbyor ba snga ma nyid kyis sbom po'o/ /sor mo gcig ji lta ba bzhin du lus kyi yan lag tha na rkang pa'i mthe bong bsnun te dus byas pa yang gong ma bzhin du sbyar ro/ /ji ltar na phyi rol gyis 'phangs pa zhe na/ dge slong mas mi rnam gsum la/ gsod sems kyis 'phangs te/ dus byas pa yang mnga' dang rdo dbyig la sogs pa thams cad 'dra'o// ci ltar na gnyi ga dang ldan pa yin zhe na/ dge slong mas mi rnam gsum la gsong sems kyis ral gri la sogs pas bsnun te/ 'di thabs 'dis 'chi ba'i dus byed par 'gyur ro/ /snyam pa las de yang thabs des dus byas pa yang mda' dang rdo dbyig la sogs pa 'dra'o/ /ci ltar na gnyi ga dang ldan pa yin zhe na/ dge slong mas mi rnam gsum gsong sems kyis ral gri la sogs pas bsnun te/ 'di thabs 'dis 'chi ba'i dus byed par 'gyur ro/ /snyam pa las de yang thabs des dus byas pa yang gong ma bzhin du sbyar to/ /yan lag lngas pham par 'gyur te/ gzhan yin pa mir gyur pa gsod sems dang ldan pa de sbyor ba dus byas pa'o/ /phas pham pa gsum pa'o// //mi chos bla mar gyur smra zhes bya ba ni/ sangs rgyas bcom ldan 'das 'od ma can gyi grong khyer phyogs shi sha pa'i nang du bzhugs te/ de'i tshe na mu ge byung ste/ dge slong ma rnams kyang yangs pa can gyi nye 'khor na mdza' bo dag dang dbyar tshul du zhugs so//
- 49b
ston pa la bsnyen bkur byed pa'i phyir/ kun dga' bo ni 'od ma can de nyid du dbyar tshul du zhugs so/ /de'i tshe dge slong ma de dag gis 'di snyam du bsams so/ /da ltar gyi dus na mu ge byung bas sdug bsngal te/ bsod snyoms slong bas kyang rnyed par dka' ste/ khyim pa dag gis rang gi bu'i zas sbyar ba yang dka' na/ dge slong ma rnams la lta smos kyang ci dgos bdag cag rnams grags pa chung la/ 'jig rten pa rnams yon tan dga' bas ci nas bdag cag phan tshun yon tan brjod par bya'o snyam nas/ bram ze dang khyim bdag gi gan du song nas smras pa grong phyogs ga na 'di 'bra ba'i dge slong ma'i dge 'dun rnams 'khod pa de dag gis bram ze dang khyim bdag khyed kyis rnyed pa rab tu rnyed de/ dge slong ma 'dis ni bsam gtan bzhi dang/ 'du shes med min skye mched kyi bar du thob bo/ /dge slong ma 'dis tshang med pa bzhi dang/ mngon par shes pa drug dang/ dge sbyong gi 'bras bu bzhi thob pa'o/ /dge slong ma 'dis ni dgra bcom pa thob po zhes bya ba dang/ 'jig rten pa ni yon tan dag las dga' bas bdag gi bu la sbyin pa sbyar bar mi sems so/ /de dag dbyar zla gsum nas chos gos zin nas mnyan du yod par phyin te/ /de nas dge slong ma de dag gis 'phags ma khyed kyis dbyar gang du tshul du zhugs zhes dris pa dang/ 'phags ma dag bdag cag ni yul 'bri za'i grong na'o/ /'o na bde ba'i reg par spyod dam bsod snyoms kyis ma brel tam zhes smras pa dang/ de dag gis bdag cag ni bde ba la reg par spyod cing bsod snyoms kyis kyang ma brel to/ /'o na rgyu gang rkyen gang gis brel par ma gyur 'jig rten pa ni yon tan la dga' ste/ bdag cag gi gcig gi yon tan brjod pa'i phyir ro/ /ci bden nam 'on te rdzun du smras rdzun du'o/ /de ltar gyur pa dge slong rnams kyis ston pa la gsol nas/ bka' stsal pa dge slong ma mang po la khyed kyis
- 50a
mi chos la bla mar gyur pa smras pa bden nam/ btsun pa med do zhes gsol pa dang/ rnam grangs du mas smad do/ /nyan thos ma rnams la 'dul ba la bslab pa'i gnas bcas so/ /yang dge slong ma mngon par mi shes shing yongs su mi shes la med la med bzhin du mi'i chos las bla mar gyur pa dang/ mdza' dang 'phags pa'i bye brag thob pa dang/ shes pa dang mthong ba dang/ reg par spyod pa med la med bzhin du 'di shes so 'di mthong ngo/ /zhes khas 'che ba las nyes pa byung ba tshangs par 'dod nas/ des dus gzhan zhig na dris kyang rung ma dris kyang rung 'phags ma rnams bdag gis mi shes par shes so zhes smras/ ma mthong ba mthong ngo zhes smras te/ gso ba gsog rdzun du smras so zhes de de skad kyang zer na dge slong ma de yang phas pham pa yin gyis lhan cig tu gnas par mi bya'o/ /zhes de ltar bslab pa'i gnas bcas pa dang/ dge slong ma mang zhig rnal 'byor la brtson pas zhi gnas kyi mtshan ma zhig la brten nas/ 'jig rten gyi lam yid la byed pas nyon mongs pa sel te/ 'dod chags la sogs pa mi spyod pas/ de dag phan tshun 'phags ma bdag gis thob par bya/ nyon mongs pa 'dod chags la sogs pa mi spyod pa thob par bya ba ni bdag gis thob zin to/ /skye ba ni zad tshangs par spyod pa ni spyad bya ba ni byas srid pa gzhan mi shes te/ dgra bcom pa thob po zhes pa las de dag khyim pa mo dang/ dge tshul ma dang/ lhan cig gnas pa las nyon mongs pa skyes pa dang/ de dag gcig la gcig smras pa/ bdag cag khyim pa mo dang/ dge tshul ma dang lhan cig tu 'dres shing gnas pa'i tshe/ nyon mongs pa de dag slar skyes na ston pas med bzhin du mi'i chos las bla mar gyur pa smras na pham mo zhes gsungs na/ bdag cag pham par ma gyur gang snyam pa dang/ de lta bur gyur la dge slong mas dge slong ma la smras pa dang/ de dag gis ston pa
- 50b
la gsol nas/ bka' stsal pa snga ma ni bcas pa'o/ /'di ni rjes su gnang bas na nyan thos ma rnams la 'dul ba'i gnas bca' o/ /yang dge slong ma gang mngon par mi shes shing yongs su mi shes la med la med bzhin du ma'i chos las bla mar gyur pa dang/ mdza' dang 'phags pa'i bye brag thob pa dang/ shes pa dang mthong ba dang/ reg par spyod pa med la med bzhin du 'di shes pa'o 'di mthong ngo/ /zhes khas 'che ba las nyes pa byung ba tshangs par 'dod nas/ de dus gzhan zhig na dris kyang rung/ ma dris kyang rung 'phags ma rnams bdag gis ni mi shes par shes so/ zhes smras/ ma mthong bar mthong ngo/ /zhes smras te/ gsob gsog rdzun du smras so/ /zhes de skad zer na/ mngon pa'i nga rgyal ma gtogs te/ dge slong ma de yang phas pham pa yin gyis lhan cig tu gnas par mi bya'o/ /mngon par mi shes pa ni 'jig rten gyi lam mi shes pa dang/ rjes su mthun pa'i sgo nas mi shes pa dang/ mi rtag pa la mi rtag par mi shes pa la sogs te/ mi rtag pa'i sgo nas mi shes pa'o/ /yongs su mi shes pa ni 'jig rten las 'das pa'i lam rnam par grol ba mi shes pa dang/ rjes su mi mthun pa sgo nas mi shes pa ste/ ma rtag pa la rtag pa med par mi shes pa ni rjes su mi mthun pa'i sgo nas mi shes pa'o/ /mi'i chos zhes bya ba ni sgrib pa rnam pa lnga ste/ 'dod pa'i 'dod nags dang/ gnod sems dang/ gnyid dang rmugs pa dang/ bgyod pa dang g.yang pa dang/ the tshom mo/ /bla ma zhes bya ba ni 'dod pa'i khams las bla ma'i gzugs so de'i bla ma ni gzugs med pa'i khams so/ /mdza' zhes bya ba ni mya ngan las 'das pa las mdza' zhes bya'o/ /'phags ma zhes bya ba ni dge slong gi 'bras bu bzhi'o/ /shes zhes bya ba ni ye shes ? ste/ sdug bsngal la chos su ye shes dang/ sdug bsngal rjes su shes pa'i ye shes te/ de bzhin du bden pa bzhi la gcig cing gnyis gnyis
- 51a
mthong ba zhes bya ba ni brgyad de/ sdug bsngal la chos su shes pa'i bzod pa dang/ sdug bsngal rjes su shes pa'i bzod pa dang/ bden pa bzhi la de bzhin du gnyis gnyis te brgyad do/ /reg par spyad ces bya ba ni 'du med la zhes bya ba ni mngon sum du ma thob pa thob po zhes zer pa'o/ /med bzhin du zhes bya ba ni bdag la dbang yod do/ /thob par bya ba ni sla ste/ thob par bya ba 'am mi bya bar zad do/ /zhes zer ba'o/ /'di shes zhes pa 'di mthong zhes bya ba ni lha la sogs pa'o/ /khas chos zhes bya ba ni mi shes par shes so zer ba dang/ ma mthong ba mthong ngo/ /zhes khas 'che'/ /dus gzhan zhig na zhes bya ba ni dus phyi zhig na'o dris kyang rung 'gyod pa skyes nas rang smra ba'o/ /'phags ma rnams bdag gis mi shes par shes so zhes smras/ ma mthong bar mthong ngo zhes smras te/ gsob gsog zhes bya ba ni yon tan med par kha zas dang grags pa med par smra ba'i phyir snod stong pa dang 'dra'o/ /rdzun zhes bya ba ni 'du shes spas nas gzhan bslus pa'o/ /dge slong ma zhes bya ba ni dge slong ma'i dngos po yod pa'o/ /de yang zhes bya ba ni nye bar bstan pa'o/ /phas pham par 'gyur te/ mi'i chos la bla mar gyur pa dang/ rang gi tshig dang/ bdag gi phyir dang/ gzhan gyis don go ba'o/ /de la ltung ba ji lta bu zhe na/ lha dang/ klu dang/ gnod sbyin dang/ dri za dang/ lha 'phye chen po dang/ yi dags la sogs pa ma mthong ba mthong ngo/ /zhes zer na sbom por 'gyur ro/ /de bzhin du de dag gis sgra thos so/ /zhes zer ba yang de bzhin du bshad par bya'o/ /lha la sogs pa nas dur khrod kyi sha za yan chad gong du smos pa rnams bdag la ltar 'ong ngo/ /zhe 'am bdag de dag ltar zhes pa'am/ gong ma bzhin du sbyar ro/ /bdag gis 'phags pa'i 'bras bu thob po/ zhes zer ba na pham/ dge slong ma las de lta bu thob pa yod de zhes zer na bdag nyid ma smos na sbom por 'gyur te/
- 51b
la? 'og kun kyang de bzhin du bshad par bya'o/ /pham pa bzhi pa rdzogs so// //ri dags dgra'i bu zhes bya ba ni/ sangs rgyas bcom ldan 'das mnyan du yod pa na bzhugs so/ /de'i tshe dge slong ma rnams ri dags dgra'i bu sa ga'i khang pa na gnas shing 'khod do/ /de yang nyin gcig bzhin phyag 'tshal du 'ong ste gzugs bzang ba blta na sdug pa zhig ste/ gtsug dga' mos mthong ste chags par gyur pa na ba'i thabs su byas nas/ der 'ong ba sdod pa'i phyir gnas khang du zhugs nas nyal zhing 'dug go/ sa ga dge slong mas der 'ongs pa dang thams cad bsod snyoms la dong ste/ khang skyong gcig pu 'dug pa la phyag byas te phyir byung ba dang/ gtsug dga' mos bdag ni na'o zhes bos pa dang/ des kyang bdag nad pa bltas nas 'gro bo snyam ste/ de'i gnas khong du song ste phyag byas na ji ltar zhes dris pa dang/ mos smras pa shin tu dka' ba zhig zhes smras so/ /de'i gsos ci'i phyir mi mdzad/ gtsug dga' mos smras pa sman med do/ /sa gas rnyed par dka' ba'i sman de gang zhig lags/ gtsug dga' mos rnyed dka' ba yang ma yin te/ 'on kyang bdag cag lta bu la ni de lta bu rnyed par dka' o/ /sa gas smras pa bdag kyang dad pa can lags kyang khyod sos par gyur na bdag gi yan lag gi sha bcad de yang khyod la sbyin no/ /zhes byas pa dang/ gtsug dga' mos mi rigs pa bya ba sgugs pa dang/ des 'phags ma de skad ma gsungs zhes rna ba bkab ste phyir byung bar brtsams pa dang/ gtsug dga' mos smras pa/ de ltar mi byed na tshur shog nga'i yan lag dang nying la gnyis shig /des de'i mgo bo dang yan lag dang nying lag mnyes pa dang/ gtsug dga' mos dga' bar tshor ro/ /de dge slong ma rnams kyis mthong ba dang sa ga yang skyengs te/ spyi bo smad nas phyir byung ngo/ /de ltar gyur pa dge slong ma rnams kyis dge slong la smras pa dang/ de dag gis ston pa
- 52a
la gsol nas dge slong ma'i dge 'dun bsdus nas/ gtsug dga' mo la khyod kyis mi mdzes pa 'di 'dra ba byas pa bden nam zhes smras pa dang/ btsun pa med do zhes gsol nas rnam grangs du mas smad do/ /nyan thos ma rnams la bslab pa bcas so/ yang dge slong ma gang chags par gyur la/ skyes pa chags par gyur pas pus mo yan chad mig sman chad du ma nams la kun tu mnams te/ dga' bar tsher na dge slong ma de yang phas pham pa yin gyis gnas par mi bya'o/ /yang dge slong ma gang zhes bya ba ni/ gtsug dga' mo ste gang de dang 'dra ba gzhan yang ngo/ /chags par gyur zhes bya ba ni dang 'dod chags pa/ kun tu 'dod chags pa/ kun tu dkris pa/ 'dod chags pa'i 'dod chags kyis gzir ba ni chags pa zhes bya'o/ /skyes pa zhes bya ba ni mi'o/ /chags pa zhes bya ba ni gong ma dang 'dra'o/ /lhan cig ces bya ba ni phrad par byed pa'o/ /pus mo yan chad mig man chad ces bya ba ni gnas bstan pa'o/ /ma nams kun tu mnams zhes bya ba ni lus kyis lus phrad pa'o/ /dga' bar tshor zhes bya ba ni nyams su len par byed do/ /'di zhes bya ba ni mngon par bstan pa'o/ /phan zhes bya ba nas gnas par mi bya zhes bya ba'i bar du snga ma bzhin no/ /de la nyes pa ji lta bu zhe na dge slong ma chags la skyes pa ma chags pa dang/ dge slong ma ma chags la skyes pa chags pa dang/ dge slong ma ma chags la skyes pa ma chags pas lhan cig tu pus mo yan chad mig man chad kun tu reg pa las dga' ba tshong na dang po gnyis ni pham par 'gyur gsum pa ni spom por 'gyur ro/ /tha ma ni nyes byas so/ /nyes bzhi las dang po pa dang/ smyos pa dang/ sems 'khrugs pa dang nad kyis gzir ba rnams la ltung ba med do/ /pus mo yan chad mig man chad kun tu reg pa ni gong ma bzhin du bshad de/ khyad par ni snga ma gnyis ni sbom
- 52b
pa'o/ /gsum pa ni nyes so/ /tha ma ni nyes med do/ /yan lag bzhi yis pham ste/ /rig pa de skyes pa yang yin de la yang reg mig man chad pus mo yan chad kyi gnas kyang yin reg pa bdag gir byas pa'o/ /phas pham pa lnga pa rdzogs so// // spos 'tshong khye'u zhes bya ba ni/ sangs rgyas bcom ldan 'das mnyan du yon pa na bzhugs so/ /de'i tshe na spos 'tshong gi khye'u zhig ste/ chung ma blangs nas ring po ma lon pa de sbom dga' mos mthong ma thag tu chags par gyur te/ khye'u de la khyod kyis chung ma blangs nas ji srid lon/ yid du 'ong ngam de yang khyed la dga' 'am/ khyod ci snyam? byed ces bris pa dang/ 'phags ma bdag cag ni khyim pa khyed ni rab tu byung nas de ltar dris te ci rung/ spom dga' mos ci khyod dang lhan tu ma 'ongs zhes sam smros te/ khyod dge slong ma'i dbyar mi khang du shes cig ces dus btab po/ /des 'phags ma gzhan dag gis tshor bar 'gyur ro/ /zhes byas pa dang sbom dga' mos khyod la dril gyi phreng ba btags sam zhes smras nas/ /sbom dga' mos bslus te nyi ma nub nas de'i gnas su 'das te khri'i 'og tu spas te bzhag go /sgom dga' mos slob ma de dag la chos bstan nas gnas khang du zhugs pa dang/ des sbom dga' mo mthong nas langs pa dang mos de mthong nas rkun po zhugs so snyam nas 'jigs par gyur pa dang/ des smras pa bdag yin te khyed kyis khri'i 'og tu sbas so/ /spos 'tshod gi khye'u chags pas sbom dga' ma gzung nas khri'i steng du mnan pa las sbom dga' mos bsams pa bdag gis dge slong ma dag mnyes pa yang tshul khrims kyi mthu yin na tshul khrims zhig na kun gyis spangs par 'gyur ro snyam nas khye'u mthong zhig ces byas pa dang/ des kyang btang ba dang sbom dga' mos khye'u de'i brang du thog pa gcig bsnun pa dang khrag skyugs so/ /sbom dga' mos myur zhing rings par byung ste
- 53a
'phags ma rnams bdud bcom mo/ /pham par byas so/ /zhes sgra phyung ba dang dge slong ma dag gis thos nas ci khyod kyis dgra bcom pa mngon du byas sam/ ma yin no/ zhes smras so/ /'o na khyod kyis ci byas dris pa dang/ des ji lta bur gyur pa smras pa dang/ dge slong ma dag gis de mthong nas sdig pa can mi mdzes pa 'di lta bu byas na de la rjes su yi rang bar byed du bcug go /zhes 'phya'o/ /de ltar gyur pa ston pa la gsol nas/ dge slong ma'i dge 'dun bsdus bslab pa'i gnas bcas so/ /yang dge slong ma gang chags par gyur la/ skyes pa chags par gyur pa dang/ lhan cig tu sdig gam rtse 'am gang rgyangs byed dam tsum sleng byed dam bsnyegs sam lus la 'tshog cing dul mal dang brda dang mtshan ma byas te/ skyes pa 'ong ba dang 'gro ba dga' ba tshor la gang skyes pa dang bud med dang mthun pa de lta bu'i phyogs su lus bkan te/ dge slong mas dngos po brgyad kyis gnas de lta bu byas na dge slong ma de yang phas pham pa yin gyis lhan cig gnas par mi bya'o/ / yang dge slong ma gang zhes bya ba ni sbom dga' mo te/ de dang 'dra bar gzhan yang ngo/ /chags pa zhes bya ba ni gong ma dang 'dra'o/ /skyes pa zhes bya ba ni spos 'tshong ba'i khye'u 'am gang de dang 'dra bar gzhan yang ngo/ /chags par gyur ces bya ba ni 'dod chags kyis kun du dkris pa'o/ /stegs ces bya ba ni tsum sleng byed pa'o/ /snyegs zhes bya ba ni rtse'o/ /lus la 'tshog ces bya ba ni gang rgyangs byed pa'o/ /dus mal zhes bya ba ni skyed mos tshal lam dpongs 'am lha khang che ge mo zhig ces bya ba'o/ /brda' zhes bya ba ni snga dro 'am nyi ma'i gung ngam phyi dro'o/ /mtshan ma zhes bya ba ni bdag skra bregs nas ring po ma lon pa 'am/ sbyar ma dmar ser ram/ lhung bzed zha nyes slan pa'am/ mar ram/ 'bru mar ram/ bu ram gyis gang pa gang yang rung ste/ de lta bu mthong ba de na
- 53b
don grub po snyam du shes par byos shig pa'o/ /skyes pa 'od dam 'gro bar tshor zhes bya ba ni nyams su myong ba'o/ /gang na skyes pa dang bud med mthun pa zhes bya ba ni dbang du 'gyur ba'o/ /de lta bu'i phyogs zhes bya ba na gnas bsgyur du med pa'o/ /lus bkan zhes bya ba ni lus nyid do/ /dngos po brgyad kyis gnas 'di lta bu zhes bya ba ni gang gnas brgyad po bstan pa de dag go /yang zhes bya ba ni nye bar bstan pa'o/ /de la nyes pa ji lta bu zhe na/ dge slong ma chags par gyur la skyes pa chags pa dang/ lhan cig tu steg pa dang/ snyegs pa dang/ lus la 'tshog pa dang/ dus mal 'dor ba dang/ brda dang mtshan ma dang/ skyes pa 'ong ba 'am 'gro na dga' bar tshor na sbom po re re ste bdun no/ /gang na skyes pa 'am bud med mthun par gyur pa bsgyur du med pa'i phyogs der lus bkan na pham par 'gyur ro/ /yan lag brgyad kyis pham ste/ snyegs pa dang/ lus la 'tshog pa dang/ bstan pa kha brda' byed pa/ mchan ma byed pa/ skyes pa 'ong ba bdag gir byed pa/ 'byung mi nus pa'i gnas su lus por ba'o/ /pham pa drug pa rdzogs so// //mdza' can ma zhes bya ba ni/ sangs rgyas bcom ldan 'das mnyan du yod pa na bzhugs so/ /nam dge slong ma grogs mos/ tshe dang ldan pa gyang bu nor bden pa ma yin pas skur te/ bdag khas 'che ba las dge slong ma rnams kyis bskrad pa na babs te khyim par gnas shing 'dug go /de'i nub mo grogs mo can zhes bya bas dge slong ma 'khor dang bcas par 'khod par mthong ba dang gal te bdag gi phu nu mo babs par ma gyur na de yang 'di lta bur 'khor dang bcas par 'gyur ba zhig ces smras pa dang/ dge slong ma rnams kyis phu nu mo dge slong ma ma rung bar gyur pa de'i ming phyung ste/ ci bya zhes smras pa dang/ de smras pa gyad bu nor la skur pa 'debs pa'i sngon logs su phas pham pa'i ltung ba 'byung bar kho mos shes so
- 54a
'on kyang gnyen sbug bas na ma bzlas so zhes smras pa dang/ dge slong dag gis kha na ma tho ba shes bzhin du 'chab pa ma zhes smras pa dang/ des smras pa bdag ni dgra'i kha na ma tho ba yang yi bzlos na gnyen pa rnams lta ci smos/ khyed de ltar byed pa rung ngam mi rung yang sla ste/ bdag gis ni byas so/ /de ltar gyur pa dge slong ma dag gis gsol nas/ bcom ldan 'das kyis nyan thos ma rnams la 'dul ba la bslab pa'i gnas bcas so/ /yang dge slong ma gang dge slong ma phas pham pa'i ltung 'byung ba snga nas shes la babs nas de nas shi 'phos sam/ shi 'am/ ltung ngam/ gzhan gyi yul 'khor ram/ yul gzhan du bros par gyur de'i 'og tu 'phags ma dag bdag gis ni ci ltar dge slong ma de la phas pham pa'i ltung bar byung bar snga nas shes so zhes de skad zer na dge slong ma kha na ma tho ba 'chab pa'i gnas 'di lta bu'i rnam pa byed pa'i dge slong ma de yang phas pham pa yin gyi lhan cig gnas par mi bya'o/ /gang yang dge slong ma gang zhes bya ba ni grogs mo can nam gang de dang 'dra bar gzhan yang ngo/ /shes so zhes bya ba ni bdag gis mthong ngam gzhan gyis de la smras par gyur pa'o/ /dge slong ma zhes bya ba ni chos 'di la gnas pa'o/ /phas pham pa zhes bya ba ni brgyad las gang kyang rung ngo/ /bcabs zhes bya ba ni brnags pa'o// nam zhes bya ba ni dus phyi zhig na'o/ /dge slong ma zhes bya ba ni chos 'di la gnas pa'o/ /bral lam zhes bya ba ni chos 'di 'dul ba 'di las so/ /shi'am zhes bya ba ni de'i tshe 'tsho ba'i dbang po 'gags par gyur pa'o/ /ltung ba zhes bya ba ni mu stegs can gyi bstan pa la gnas pa gyur pa'o/ /bos zhes bya ba ni yul bor nas song bar gyur pa'o/ /de la dge slong ma rnams zhes bya ba ni chos 'di la gnas pa'i rnams la'o/ /'phags ma bdag gis ni snga nas shes so zhes so zhes bya ba ni bdag gi thams cad snga nas
- 54b
shes kyi khyod kyis ni phyis shes so zhes bsgo ba'i tshig go /ci ltar dge slong ma de la zhes pa ni grogs mo'o/ /phas pham zhes bya ba ni brgyad las gang yang rung ngo/ /'di skad zer na zhes bya ba ni smra ba'o/ kha na ma tho ba bcas pa zhes bya ba ni sdig pa rnams so gnas 'di lta bu zhes bya ba ni rnam pa de lta bur gyur pa'o/ /phas pham pa zhes bya ba dang gnas par mi bya ba ni gong ma dang 'dra ba nas 'dir yang ma bshad do/ /nyes pa ji lta bu zhe na/ dge slong mas kha na ma tho ba de lta bu dge slong ma'i pham pa brgyad po de ci tsam du chud zad cig bcabs na pham par 'gyur ro/ /yan lag lngas pham ste pha rol dge slong ma yang yin/ pham pa yang byung/ bdag gis kyang shes/ gzhan la yang smras/ bcab pa'i sems kyang yod pa'o/ /dge slong ma'i phas pham pa bdun pa rdzogs so// // gre la skyes zhes bya ba ni/ /sangs rgyas bcom ldan 'das mnyan du yod pa na bzhugs so/ /de'i tshe tshe dang ldan pa gre la skyes mnyan du yod pa na 'dug ste/ de dge slong ma dang 'dres par gnas so/ /gal te gre la skyes kyi mdun du 'ga' zhig gis dge slong ma'i nyes pa brjod na de yang khro zhing de na du sems nas/ spyi bo smad nas 'dug ste/ mi dga' zhing dge slong gi dge 'dun la yang rtsod par byed do/ /gre la skyes la 'ga' zhig gis nyes pa brjod na dge slong dag kyang de bzhin du khro bar gyur pa nas dge slong ma'i dge 'dun rnams la yang rtsod par byed do/ /de ltar gyur pa dge slong ma dag gis gsol pa dang/ gre la skyes spang ba'i las byos shig ces bka' stsal to/ gang de dang 'dra ba gzhan yang ngo/ /de yang 'di ltar bya ste/ dge 'dun thams cad 'dus pa dang glengs la dran par bya ste/ dngos por bcas pa nyid khas len du chug la/ gsol ba dang bzhi'i las kyis spang ba'i las kyis shig ces bka' stsal te/ dge 'dun gyis gang la spang ba'i las byas par gyur pa de la dge slong ma dag gis gtam dang phyag ma byed cig /
- 55a
de mthong ma thag tu dge slong ma stan la langs par bya ba ma gtogs so/ /de ltar gyur pa skye dgu'i bdag mo chen mos mthong nas dge slong ma dag gle la skyes la phyag bya bar mi 'os pa'i sdom pa gsol pa dang bzhi'i las kyi sdom pa byin cig ces smras nas/ dge slong gang la dge slong gi dge 'dun gyis spang pa'i las byas par gyur te/ de la dge slong ma'i dge 'dun gyis kyang phyag ma byas pa'i sdom pa byin par gyur pa dang/ de la dge slong ma dag gis gtam dang phyag na byed cig mthong nas nas ldang ba ni ma gtogs so/ /de nas gre las skyes dge 'dun gyis spangs pa dang/ dge slong ma'i phan du 'ongs nas gtam dang kun tu gtan zer ba dang/ lta bar mi byed stan las langs te/ 'khod do/ /gre las skyes kyis smras pa dge slong gang gi dge 'dun las bdag gis nyes pa byas pa na dge 'dun gyis spangs pa ni rigs na/ dge slong ma rnams la bdag gis nyes pa ci byas na bdag la mi smra zhing phyag mi byed ces smras pa dang/ skye dgu'i bdag mos gzhan la smra ba ltar bya ste/ sangs rgyas bcom ldan 'das ni bdag gi ston pa dge 'dun ni bdag cag gi rten te/ dge 'dun la nyes byed pa de bdag cag la yang nyes pa byed pa ste/ rigs dman pa las rab tu byung bas kyang sngon pa mnyes par byed na/ gre la skyes shAkya'i rigs las rab tu byung bas ci'i phyir mnyes par mi byed/ dge slong ma de dag gis khyed la phyag mi bya ba'i sdom bcas kyis song la dge 'dun la bzod par gyis shig ces bya ba dang/ des kyang bzod pa gsol du 'gro'o snyam ste song ba las lam gyi bar du sbom dga' mos mthong ste 'phags pa phyag 'tshal lo gar gzhung ces smras pa dang/ des kyang bzod par gsol du 'gro zhes byas pa dang sbom dga' mos smras pa/ 'phags pa shAkya'i rigs las rab tu byung na da ni rigs tha dad nus tha dad las rab tu byung ba rnams kyis rkang pa la 'gre ba mi bzad do/ /gle la skyes kyis smra?
- 55b
pa sring mo dge 'dun gyis spang pa'i las byas dge slong ma dag gis phyag mi byas sdom pa phyin na ci ltar bya/ sdom dga' mos smras pa de dag yul thams cad nas spangs par gyur cig /khyed dge 'dun la spu bsnyam zhing 'byung ba dang nyes pa 'dor bar ma gsol cig/ bdag gis khyod la dge slong gi yo byad dang 'tsho ba'i longs spyod kyis bsnyen bkun bya zhes smras pa dang/ grel skyes kyang 'dug go /de ltar gyur pa snga ma bzhin du ston pa la gsol nas/ bka' stsal pa dge slong ma khyod kyis spom dga' mo la tshig 'jam pos bsgo shig /dge slong ma dag gis de bzhin du bsgo na/ 'di nyid ni bden gyi gzhan ni gti mug go zhes nga rgyal bzung ste/ ma mnyan pa dang/ de lta bur gyur pa ston pa la gsol nas/ bka' stsal pa/ dge slong ma khyod kyis sbom dga' mo la gsol pa dang bzhi'i las kyis bsgo shig de dang 'dra ba gzhan yang ngo/ /dge slong ma dag gi gsol pa dang bzhi'i las kyi bsgo na yang 'di nyid bden pa'o/ /gzhan ni gti mug go zhes te/ de nyid la mthu bskyed cing snyem zhing mngon du bzung ste spyad pa dang de lta bur gyur pa ston pa la gsol nas/ ston pas sbom dga' mol khyod spangs pa'i rjes su phyogs pa bden nam/ btsun pa med do zhes gsol nas nyan thos ma rnams la bslab pa'i gnas bcas so/ /yang dge slong ma gang gis dge slong gang dge 'dun gyis spang pa'i las byas par gyur la/ dge slong ma'i dge 'dun gyis kyang de la phyag bya bar mi 'os pa'i sdom pa byin par dge slong de'i skra long long po rdung rdung por gyur/ spu snyol bar byed 'byung bar byed phyag 'tshal bar ston pa mtshams kyi nang du 'dug ste 'dor bar gsol ba 'debs par shes bzhin du de'i gan du sed nas 'phags pa khyod skra long long rdung rdung por gyur te/ dge 'dun la spu snyol bar ma byed cig 'byung bar ma byed cig phyag 'tshal bar ma ston cig /mtshams kyi nang du 'dug ste 'dar ba gsol ba ma 'debs
- 56a
shig/ 'phags pa khyod la bdag gis lhung bzed dang chos gos dang lhung bzed kyi snod dra ba dang/ phor bu dang/ ska rags dang/ ston pa dang/ klog pa dang/ kha ton bya ba dang/ rnal 'byor dang/ yid la bya bas bsnyen bkur bya'o/ /'phags pa la ci dang cis brel par de dang des brel par mi bya'o zhes de skad zer na dge slong de yang dge slong ma rnams kyis 'phags ma khyod kyis dge slong dang dge 'dun mthun pas spangs pa'i las byas par gyur/ dge slong ma'i dge 'dun gyis kyang de la phyag bya bar mi 'os pa'i sdom pa byin par shes bzhin du dge slong de'i skra long long po dang/ rdung rdung por gyur nas dge 'dun la spu snyol bar byed/ 'byung ba byed/ phyag 'tshal bar byed/ mtshams kyi nang du 'dug ste 'dor bar gsol ba 'debs pa 'phags ma khyod skra long long rdung rdung por gyur te/ dge 'dun la spu snyol bar ma byed cig /'byung bar me byed/ phyag 'tshal bar ma ston cig mtshams kyi nang du 'dug ste 'dor bar gsol ba ma 'debs shig /bdag gis 'phags pa khyod la lhung bzed dang/ chos gos dang lhung bzed kyi snod dra ba dang/ phor bu dang/ ska rags dang/ bklag pa dang/ kha ton bya ba dang/ rnal 'byor dang/ yid la byas pas bsnyen bkur bya'o/ /'phags pa la ci dad cis brel ba de dang des mi brel bar bya'o zhes de skad ma zer zhig /'phags ma khyod spangs pa'i rjes su phyogs pa'i gnas 'di lta bu thod zhig ces bsgo bar bya'o/ /dge slong ma de la dge slong rnams kyis de skad bsgo nas gal te dngos po gtong ba lta na ni legs gal te mi gtong na dngos po de spang bar bya ba'i phyir lan gnyis lan gsum du yang dag par bsgo/ yang dag par bstan nas dngos po de gtong na ni legs gal te mi gtong na dngos po de spang ba'i phyir lan gnyis lan gsum du yang dag par bsgo bar bya/ yang dag par bstan par bya lan gnyis lan gsum du yang dag par bsgo/ yang dag par bstan nas dngos po de gtong na ni
- 56b
legs/ gal te mi gtong na dge slong ma spangs pa'i rjes su phyogs pa'i gnas de lta bu byed pa'i dge slong ma de yang phas pham pa yin gyis lhan cig tu gnas par mi bya'o/ /yang dge slong ma gang zhes bya ba ni spom dga' mo ste/ de dang 'dra ba yang gzhan yang ngo/ /dge slong gang la zhes bya ba ni gre las skyes la'o/ /dge slong gi dge 'dun zhes bya ba ni de bzhin gshegs pa'i nyan thos kyi dge 'dun gyis so/ /spang ba'i las byas par gyur ces bya ba ni gsol ba dang bzhi'i las kyis so/ /dge slong ma'i dge 'dun zhes bya ba ni de bzhin gshegs pa'i nyan thos ma'i dge 'dun no/ /de la zhes bya ba ni dge slong gre las skyes la'o/ /phyag bya bar mi 'os pa'i sdom pa byin zhes bya ba ni gsol ba dang gnyis kyis las kyis so/ /skra long long po dang rdung rdung po zhes bya ba ni bag mtshums shes byed pa dang/ sems yang zhes byed pa'o/ /spu snyol bar byed ces bya ba ni rtswa bting pa bzhin du byed pa'o/ /'byung ba byed ces bya ba ni bcom ldan 'das kyi chos ni 'byung ba yin gyi mi 'byung ba ma yin par ston ces bya ba ni tshig snyan pa dang phyag byed pa dang thal mo sbyar ba'o/ /mtshams kyi nang na 'dug ste g.yo 'dor bar gsol ba 'debs zhes bya ba ni mtshams kyi nang gi gang na mtshams bcad pa'i gnas so/ /sdig pa'i las ngan par spyod pa spong zhing phyin chad de lta bu mi byed par gsol ba 'debs pa ni g.yo 'dor bar gsol ba 'debs pa zhes bya'o/ /shes bzhin zhes bya ba ni bdag nyid kyis shes pa'am gzhan gyis de la bsgo bar gyur pa'o/ /'phags pa khyod ces bya ba ni zhes sa'i tshig go /skra long long po dang rdung rdung po gyur te dge 'dun la zhes bya ba ni de bzhin gshegs pa'i nyan thos kyi dge 'dun la'o/ /spu snyol bar ma byed cig /'byung ba ma byed cig / phyag 'tshal bar ma ston cig /mtshams kyi nang du 'dug ste/ g.yo 'dor bar gsol pa ma 'debs shig ces bya ba ni slar bzlog pa'o/ /'phags pa khyod la bdag gi lhung bzed dam zhes bya ba ni lcags sam sa'i lhung bzed sbyin no zhes zer ba'o/ /chos gos zhes
- 57a
bya ba ni bal la sogs pa rnam bdun las gang yang rung ngo/ /dra ba zhes bya ba ni lhung bzed kyi snod do/ /phor bu zhes bya ba ni lhung bzed chung du'o/ /ska rags ces bya ba ni rgya cad dam lcags pod dam lhas ma'o/ /ston pa zhes bya ba ni klog pa'i zur phyin pa'o/ klag pa zhes bya ba ni klog pa nyid do/ /kha ton zhes bya ba ni 'don du 'jug pa'o/ /rnal 'byor ces bya ba ni sems rtse gcig pa'o/ /yid la byed pa zhes bya ba ni zhi gnas dang/ lhag mthong ngo/ /bsnyen bkur bya'o zhes bya ba ni stobs pa'o/ /ci dang cis brel bar ma gyur pa de dang des mi brel bar bya'o/ /zhes bya ba ni yo byad thams cad kyis stobs pa'o/ /dge slong ma des zhes bya ba ni sbom dga' mo'o/ /dge slong ma rnams zhes bya ba ni chos 'di la zhugs pa'o/ /tshig 'jam po la sogs pas bsgo bar bya ba yang gong ma dang 'dra'o/ /de la nyes pa ji lta ba zhe na/ dge slong mas dge slong gang la la spang ba'i las byas pa de la yo byad kyi bsnyen bkur byed cing spangs pa'i rjes su phyogs na nyes byas so/ /tshig 'jam pas bsgo ba'i tshe mi gtod na sbom po gcig gsol ba byed pa'i tshe mi gtod na sbom po gnyis/ las dang po pa'i tshe mi gtod na sbom po gsum/ las gnyis pa'i tshe mi gtod na sbom po bzhi/ las gsum pa mi rdzogs par dngos po de gtong na legs/ gal te mi gtod na phas pham par 'gyur ro/ /yan lag brgyad dang ldan pham par 'gyur te/ spangs pa de dge slong yang yin/ dge 'dun mas kyang de la phyag mi bya ba'i sdom pa yang bcas/ de yang 'du shes/ dge slong de dge 'dun la 'byung bar gsol zhing bzod pa gsol bar 'dod pa yang yin/ 'byung ba ma gsol cig ces kyang byas/ dge 'dun mas kyang de la de ltar ma byed cig ces bsgo/ des dge 'dun gyi bka' yang bcag las gsum rdzogs pa dang brgyad do/ /phas pham pa brgyad pa rdzogs so// //'phags ma dag gis phas pham pa'i chos brgyad pa dag bshad zin to zhes bya ba ni mjug bsdu zhing nyan
- 57b
pa'i 'khor rnams spro ba bskyed pa'o/ /dge slong mas nyes pa de dag las gang yang rung ba zhig byas na thog ma ji lta ba phyis kyang de bzhin phas pham pa yin te/ dge slong ma rnams dang lhan cig gnas shing spyod du mi dbang gis gnas par mi bya'o zhes bya ba la nyes pa de dag las gang yang rung ba zhes bya ba ni phas pham pa brgyad pa las gang yang rung ba zhig byas pa'o/ /thog ma ji lta bar phyis kyang de bzhin zhes bya ba ni phas pham pa'i brgyad las gang yang rung ba zhig byas na ji ltar sngon rab tu ma byung zhing bsnyen par ma rdzogs pa'i tshe khyim pa yin pa de bzhin du/ de yang sngon bzhin du khyim pa yin no zhes bstan pa'o/ /kha cig na re thog ma ji lta bar phyis kyang de bzhin zhes bya ba ni ji ltar ston pa 'jig rten na bzhugs pa'i tshe/ brgyad po de dag las gang yang rung ba zhig byas na phas pham par gsungs pa de de bzhin du ma 'ongs pa'i dus na byas pa rnams kyang de bzhin no zhes gsungs pa'i phyir de skad bstan pa yin no zhe'o/ /yongs su dag pa 'dri ba ni gleng gzhi'i skabs su bshad pa dang 'dra bas 'dir yang bshad pa ma byas so// ltung ba'i dngos po rnams bstan pa zhes bya ba la rnam pa lngar phye ba'i dang po ste/ phas pham pa'i sdes bshad pa rnams rdzogs so// //da 'dir ni ltung ba'i dngos po rnams bstan pa zhes bya ba la rnam pa lngar phye ba'i rnam pa gnyis te/ dge 'dun lhag ma'i sde zhes bya ba bstan pa'i phyir/ dge slong ma'i dge 'dun lhag ma'i chas nyi shu ste/ mdor na/ smyan dang za ba med pa dang/ /gsum po bag tsam yod pa dang/ /bzhi po da ni cung zad yin/ /lnga po chags pa med pa ste/ /mtshan mo nyin par lam dag dang/ /klung gi pha rol btang ba dang/ /she pa'i chags pa len pa dang/ /dge slong ma yi bzod byed dang/ /sangs rgyas chos dang dge 'dun dang/ /dad pa zhe sdang 'jigs pa dang/ /gnyis po 'dus pas sbyor ba dang/ /de yi rjes su phyogs byed dang/ /sangs rgyas bcom ldan 'das
- 58a
mnyan du yod pa na bzhugs so/ /de'i tshe bcu gnyis snga mo dag bud med las skyes pa'i tshig dang/ skyes pa la bud med kyi tshig gis smyan byed par zhugs pa dang/ bram ze dang/ khyim bdag rnams kyis dge sbyong ma 'di ni skye mi shes ste/ bud med la skyes pa'i tshig gis smyan byed bram ze dang khyim bdag gi bud med kyang de ltar smyan byed na/ de dag bram ze dang bud med rnams dang khyad ci yod de dag la su zhig bsod snyoms sbyin par spro zhes smod cing mi snyan par 'dzer to/ /de lta bur gyur pa ston pa la gsol pa dang/ bka' stsal pa/ bcu gnyis sde ma la khyod kyis smyan byas pa bden nam/ btsun pa med do zhes gsol nas/ rnam grangs du mas smad te/ nyan thos ma rnams kyi phyir 'dul ba la bslab pa'i gnas bcas so/ /yang dge slong ma gang bud med la skyes pa'i tshig dang/ skyes pa la bud med kyi tshig gis chung ma 'am mdza' na mor smyan byed na tha na skad cig pa de nyid kyang rung ste/ chos 'di ni thog ma nyid kyis ltung bar 'gyur la 'byung bar byas te dge 'dun gyi lhag ma'o/ /nges pa ni rnam pa gsum ste/ bdag po nges pa dang/ dngos po nges pa dang/ dus nges pa'o/ /de la bdag po nges pa ni gcig la gcig 'phrin skyel ba'o/ /dngos po nges pa ni skyes pa dang bud med do/ /dus nges pa ni tha na cig phrang pa'o/ /dge slong ma gang zhes bya ba ni bcu gnyis sde ste/ de dang 'dra ba gzhan yang ngo/ /bud med la skyes pa'i tshig dang/ skyes pa la bud med kyi tshig zhes bya ba ni gcig la dus 'phrin skyel zhing dus 'debs pa'o/ /chung ma 'am mdza' na mo zhes bya ba ni chung ma bdun dang mdza' na mo bcu'o/ /chung ma bdun gang zhen 'di lta ste/ chu las byin pa dang/ sor phyis nyos pa dang/ rgyal mtshan gyis phrogs pa dang/ dga' bas gnas pa dang/ dgab pas gnas pa dang/ mnyam du 'tsho ba dang/ de'i skad cig pa'o/ /mdza' na mo bcu la pha dang ma dang/ ming po dang/ phu nu mo dang/
- 58b
sgyug mo dang/ gyos po dang/ gnyen dang/ rigs dang/ rus kyis bsrungs pa dang/ 'khrug pa med pa can dang bcu'o/ /mas gsungs pa ni mdza' na mo gang zhe na/ bud med gzhon nu ma gang khyim 'thab dus las 'das sam/ smyos sam/ sems 'khrugs sam/ dgra'i yul lam gzhan du bros par gyur nas de ma'i drung na gnas te/ de la gzhan zhugs kyis dogs pa'i phyir bsrungs shin tu bsrungs spas pa'o/ /ming pos bsrungs pa'i bar du snga ma bzhin no/ /sgyug mo dang gyos pos bsrungs pa ni pha ma dang khyim thab dus la 'das pa yang snga ma bzhin no/ /gnyen gyis bsrungs pa ni rabs bdun tshun chad kyi rigs su gnas pa ni gnyen no de phan chad ni gnyen ma yin no/ /rigs kyis bsrungs pa ni rigs rnam pa bzhi'o/ /rus kyis bsrungs pa ni ku'u sya dang/ bang sya dang/ gau ta ma la sogs te/ pha ma dang khyim thab dus 'das zhes bya ba ni snga ma bzhin no/ /'khrug pa med pa ni mu stegs can gyi dge slong ngam khyim thab gcig las gzhan mi tshol ba 'am mu stegs kyi dge bsnyen yang rung ba'o/ /chos zhes bya ba chos ma yin pa de chos kyis sgrar gsungs so thog ma nyid kyi ltung bar 'gyur zhes bya ba ni byas ma thag tu'o/ /dbyung bar bya ba ni 'byung bar byed pa'o/ /dge 'dun gyi lhag ma zhes bya ba ni dge 'dun gyi dbang du gyur dge 'dun la rag las dge 'dun gyis dbang bya ba ste/ ltung ba 'di la dge 'dun gyis dbyung bar 'gyur gyi gang zag ma yin zhing phas pham pa brgyad ni lhag ma ma lus/ 'di ni dge 'dun gyis gsol ba'i lhag ma lus pa'i phyir dge 'dun gyi lhag ma'o/ /de la ltung ba gang zhen bdag nyid kyis 'phrin blangs la/ bdag nyid kyis ldugs pa/ bdag nyid kyis bskyal pa 'am/ dge slong ma bdag nyid kyis 'phrin blangs/ 'phrin pa la bzlugs/ 'phrin las la bskyal ba 'am/ 'phrin pa 'ba' zhig las gong ma bzhin du byas pa dang/ yang 'phrin gyi bar du lan gsum gyi tha mar lteg mar 'gyur ro/ /dbang
- 59a
po yod pa las 'phyin blangs pa yang lan gsum gyi tha mar lhag mar 'gyur ro/ /dbang med pa la 'phrin blangs/ dbang med pa la bzlugs/ dbang yod pa la lan bskyal na nyes byas gnyis dang/ sbom po gcig /dge slong mas dbang med pa la 'phrin blangs/ de la bzlugs de la lan skyel na nyes byas gsum ste/ gzhan yang de bzhin du sbyar ro/ /chung ma dang po gsum thabs pa las bsdum pa la rnam pa bdun te/ 'thabs ma thag pa bsdums na nyes byas gcig cung zad lon pa bsdums na nyes byas gnyis/ rtsa bcad pa la nyes byas gsum rdo gsum por ba la nyes byas gsum dang sbom po gcig /brtsad pa la nyes byas gsum dang sbom po gnyis/ chung ma ma yin pa zhes bsgrags pa las nyes byas gsum sbom po gsum lhag ma gcig / dril brdungs pa las bsdums mnyes byas gsum sbom po bzhi lhag ma gnyis/ chung ma bzhi dang mdza' mo bcu ni 'thabs ma thag tu bsdums na lhag mar 'gyur ro/ /dge slong ma khyim pa'i der song ste/ bu mo 'di ci'i phyir bag mar mi gtang zhe 'am/ khye'u 'di chung ma ci'i phyir mi blang zhe na/ khye'u 'di gyos sgyug gi khyim du ci'i phyir mi 'gro zhes byas rung/ bu mo 'di khyim du ci'i phyir mi 'gro zhes dris na nyes byas su 'gyur/ yan lag bzhis lhag mar 'gyur te mi'i bud med dpyad bzod pa sngar ma 'dus pa 'dus par yang gyur pa'o/ /lhag ma dang po rdzogs so// //sangs rgyas bcom ldan 'das mnyan du yod pa na bzhugs so/ /de'i tshe sbom dga' mos/ 'thab pa dang/ 'khrugs pa dang/ rtsod pa'i tshe dge slong ma rnams la rtsa ba med par phas pham pa'i chos kyis skur par byed de/ des na dge slong ma rnams bag 'chums pa dang spa bkod par gyur pas klag pa dang/ ton dang yid la bya ba rnams nyams par gyur te mi dga' zhing 'khod do/ /de ltar gyur pa ston pa la gsol nas bslab pa'i gnas bcas so/ /yang dge slong ma gang zhe sdang
- 59b
can zhig khros nas gnod pa byed de ji nas kyang 'di tshangs par spyod pa dang dbral lo snyam nas dge slong ma gtsang ma mnyes pa la rtsa ba med par phas pham pa'i chos kyis skur ba las de dus gzhan zhig ni dris kyang rung ma dris kyang rtsod pa de yang rtsa ba med par gyur la/ dge slong ma yang zhe sdang la gnas pa zhig pas khros te smras so zhen yang chos 'di gnyis kyis ltung bar gyur la 'byung bar bya ste/ dge 'dun gyi lhag ma'o/ /yang dge slong ma zhes bya ba ni sbom dga' mo'o/ /zhe sdang zhes bya ba ni 'khrugs pa'o/ /khros nas gnod par byed ces bya ba ni yid ma rangs te 'khrugs pa ma btang ngo/ /ci nas kyang 'dir tshangs par spyod pa dang dbral lo snyam zhes bya ba ni ci nas kyang 'di dge sbyong gi las 'dral bar byed pa'o/ /dge slong ma gtsang ma zhes bya ba ni chos 'di la zhugs pa'o/ /nyes pa med ces bya ba ni ltung ba ma byung pa'o/ /rtsa ba med par zhes bya ba ni mthong ba dang thos pa dang dogs pa med pa'o/ /phas pham pa zhes bya ba ni brgyad po las gang yang rung ba'o/ /chos kyis zhes bya ba ni chos ma yin pa la chos kyi sgra bsgrags so/ /skur ba zhes bya ba ni glang btab pa'o/ /dus gzhan zhig na zhes bya ba ni dus phyis zhig na'o/ /dris kyang rung zhes bya ba ni gzhan gyis so/ /ma dris kyang rung zhes bya ba ni bdag nyid 'gyod pa skyes nas rab tu 'gyod pa'o/ /rtsod pa de yang rtsa ba med par gyur ces bya ba ni rtsod pa la rnam pa bzhi ste/ 'khrug pa'i rtsod pa dang/ mi 'doms pa'i rtsod pa dang/ ltung ba'i rtsod pa dang/ bya ba'i rtsod pa'o/ /rtsa ba med ces bya ba ni gong ma bzhin no/ /dge slong ma yang zhe sdang la gnas zhes bya ba na skur pa gdab par 'dod pa'o/ /khro zhes bya ba ni skur pa 'debs pa'o/ /chos 'di yang zhes bya ba ni gong ma bzhin no/ /thog ma nyid kyis ltung bar 'gyur la zhes bya ba ni ltung ba byung ma thag pas so/ /dbyung bar bya ba ni 'byung bar 'gyur ba'o/ /dge 'dun gyi lhag ma zhes bya ba ni gong ma bzhin no/ /de ltung ba gang zhen/ dge slong ma gtsang ma la skur na rnam pa bcus ltung bar 'gyur ro/ /rnam pa
- 60a
lngas na ltung bar mi 'gyur ro/ /dge slong ma mi gtsang ba la skur na rnam pa bcu gcig gis ltung bar 'gyur ro/ /rnam pa drug gis ltung bar mi 'gyur ro/ /de la gtsang ma la skur na bcus nyes par 'gyur ba ni des ma mthong mthos mi dogs par 'du shes spas nas mthong thos dogs shes zer ba dang/ sngon thos pa dang dogs pa la brjed nas ngas thos dogs te ma brjed do zhes zer ba dang/ thos la yid ches pa dang/ thos la yid ma ches par mthong ngo zhes zer ba dang/ thos la dogs pa dang/ thos la mi dogs par ngas mthong ngo zhes pa dang/ dogs la dogs bzhin du nges mthong ngo zhes zer ba rnam pa bcu gang ltar smras na gang yang rung ste/ re re la yang lhag ma re re 'gyur ro/ /rnam pa lngas na ltung bar mi 'gyur ro gang zhe na/ des ma mthong mi thos mi dogs la 'du shes na spas te/ ngas ma mthong ma thos mi ngogs zhes zer ba dang/ thos dogs pa las brjed nas 'du shes ma spas te/ thos dogs te brjod do zhes zer ba ste de ltar na rnam pa lngas ltung ba med do/ /de bzhin du dge slong gtsang ma la mi gtsang ba'i tshul du snang ba la skur ba yang de bzhin du sbyar ro/ /dge slong ma mi gtsang ba la skur na nyes par 'gyur pa dang drug gis nyes par mi 'gyur ba yang gong ma bzhin du bshad de/ skabs 'dir ni mthong ba las brjed ces zer bas nyes par 'gyur ba dang/ mthong ba la brjed nas brjed do zhes pas nyes pa med pa de gnyis kyis bsnan te/ bcu gcig dang drug tu bzhag ste/ ci'i phyir zhe na gtsang ma la ni mthong ba las brjed pa dang ma brjed pa med pa'i phyir ro/ /dge slong ma mi gtsang ba la skur na bcug gcig gis nyes par 'gyur ba dang drug gi nyes par mi 'gyur ba de bzhin du/ dge slong ma mi gtsang ba la gtsang ba'i tshul du snang ba la skur ba yang de bzhin du sbyor ro/ /dril brdungs pa dang ri mor bris pa dang bdag gis shes pa bzhin du kun gyis shes na nyes pa med do//
- 60b
yan lag bzhis lhag mar 'gyur te/ bral bar 'dod pa/ 'du shes sbas pa/ skur pa btab pa/ gzhan gyi don go ba'o/ /lhag ma gnyis pa rdzogs so/ /sangs rgyas bcom ldan 'das mnyan du yod pa na bzhugs so/ /de'i tshe na sbom dga' mos bag tsam gyi cha las dge slong ma rnams la skur ba 'debs pa dang de lta bur gyur pa dge slong dag gis gsol pa dang/ bcom ldan 'das kyis bslab pa'i gnas bcas so/ /yang dge slong ma gang gang zhe sdang can zhig khros nas gnod par byed de ci nas kyang tshangs par spyod pa dang dbral lo snyam nas dge slong ma gtsang ma ma nyes pa la gzhan gyi cha ma yin pa phas pham pa'i chos kyi skur pa la dus gzhan zhig na dris kyang rung rtsod pa de yang gzhan gyi cha ma yin par gyur la gzhan gyi cha ma yin pas rtsod pa de yang bag tsam gyi cha las chos 'ga' zhig blangs par zad la/ dge slong ma yang zhe sdang la gnas pa zhig khros te smras so zhe na yang chos 'di yang thog ma nyid kyis ltung bar 'gyur la 'byung bar bya ste dge 'dun gyi lhag ma'o/ /gzhan ni gong ma dang 'dra/ gzhan gyi cha ma yin zhes bya ba ni dngos po zhan la de las tshar blangs te gzhan la skur ba'o/ /yang gzhan zhes bya ba ni 'khor ba las gzhan pa ste/ 'khor ba dang mi mthun pa ni mya ngan las 'das pa ste mya ngan las 'das pa'i cha ma yin pa phas pham pa brgyad kyis skur pa'o// rtsod pa de yang gzhan gyi cha ma yin par gyur la zhes bya ba ni rtsod pa'i ste/ mi mthun pa'i phyir rtsod pa dang/ lung bsgo ba med pa'i phyir rtsod pa dang/ nyes pa'i rtsod pa dang/ bya ba'i phyir rtsod pa'i/ gzhan gyi cha ma yin pas rtsod bde yang bag tsam gyi cha la chos 'ga' zhig blangs par zad la zhes bya ba ni 'di lta ste/ ri dags pho dang ri dags mo'o/ /yan lag ni gong ma dang 'dra ltung ba ji lta bu zhe na/ dge slong mas dge slong ma la phas pham pa'i ltung ba byung bar mthong na/ des de pham pa ma yin snyam du bsams pa las
- 61a
des 'du shes sbas nas dge slong ma la phas pham pa byung ba bdag gi mthong ngo zhe na lhag mar 'gyur ro/ /de bzhin du dge slong ma la phas pham pa byung ba las lhag ma yin no snyam du sems te/ phas pham pas skur ba dang/ dge slong ma la phas pham byung ba ltung ba yin no snyam pa las phas pham pas skur ba dang/ de bzhin du phas pham pa byung ba las so sor bshags pa yin no snyam du bsams kyang rung nyes byas yin no snyam du bsams kyang rung ste/ phas pham pa skur na lhag mar 'gyur ro/ /dge slong ma'i lhag ma gsum pa rdzogs so// //sangs rgyas bcom ldan 'das mnyan du yod pa na bzhugs so/ /mnyan du yod pa de na spos 'tshong ba'i khye'u gzugs bzang ba blta na sdug pa zhig 'dug ste/ gtsug dga' mos nyo zhing 'tshong ba'i rnams de la byed do/ /gtsug dga' mo spos 'tshong pa de la chags te/ khye'u des kyang rin nyung yang rdzas mang du ster ro/ /dge slong ma gang la nyo ba cung zad cig yod na de dag gtsug dga' mo la bcol to/ /de yang cung zad cig bdag gir len to/ /de lta bur gyur pa ston pa la gsol nas rnam pa du mas smad nas bslab pa'i gnas bcas so/ /yang dge slong ma gang chags par gyur la skyes pa chags par ma gyur pa las cung zhig blangs na chos 'di yang thog ma nyid kyis ltung bar 'gyur la 'byung bar bya ste dge 'dun lhag ma'o/ /chags par gyur zhes bya ba ni chags pa'o/ /kun tu chags pa'o/ /kun tu dkris pa'o/ /cung zad ces bya ba cung zad pa'o/ /blangs zhes bya ba len pa'o/ /chos zhes bya ba ni chos ma yin pa la chos kyi sgrar gsungs so// thog ma nyid kyis ltung ba'o zhes bya ba ni ltung ba byung ma thag pa'o/ /nyes pa ji lta bu zhe na dge slong ma chags pas skyes pa chags pa las cung zad cig blangs na lhag mar 'gyur ro/ /dge slong ma chags la skyes pa ma chags pa dang/ dge slong ma chags la skyes pa
- 61b
chags pa las cung zad cig blangs na nyes pa sbom pa'o/ /gnyi ga ma chags la cung zad cig blangs na nyes byas so/ /lhag ma bzhi pa rdzogs so// //sangs rgyas bcom ldan 'das mnyan du yod pa na bzhugs so/ /nam bcom ldan 'das kyis dge slong ma chags pas skyes pa chags pa la cung zad kyang ma len cig par bslab pa'i gnas bcas pa na gtsug dga' mo phyis kyang der 'gro ste/ de la dge slong ma dag gis khyod gang nas 'ongs zhes dris na/ des bdag cung zad cig gi phyir song ngo zhes smras so/ /dge slong ma dag gis 'o na ci ston pas bslab pa'i gnas ma bcas sam zhes de skad smras pa dang/ sbom dga' mos gtsug dga' mo la/ kye khyod chags par ma gyur na cung zad cig blangs kyang bla'o zhes smras pa dang/ de yang de bzhin du 'gro'o/ /de ltar gyur pa ston pa la gsol nas bslab pa'i gnas bcas so/ /yang dge slong gang dge slong ma zhig la/ kye khyed chags par ma gyur na chags pa med pas skyes pa chags par gyur pa las cung zhig blangs te khyod la bla'o zhes zer na chos 'di yang thog ma nyid kyis ltung bar 'gyur la dge 'dun lhag ma'o// yang dge slong ma gang zhes bya ba ni slong dga' mo'o/ /dge slong ma la zhes bya ba ni chos 'di la zhugs pa'o/ /'di skad ces bya ba ni smra ba'o/ /kye khyod chags par ma gyur zhes bya ba ni ma chags pa'o/ /chags pa med pa zhes bya ba ni chags par ma gyur pa'o/ /skyes pa chags par gyur pa las cung zad cig blangs na skyes pa chags par gyur pa las so/ /cung zad cig blangs zhes bya ba ni dngos su zad do/ /khyod la sla'o zhes bya ba ni chags pa med pas bla'o/ /gzhan ni gong ma dang 'dra'o/ /nyes pa ji lta bu zhe na/ dge slong mas ji tsam du dge slong ma la/ kye khyod chags pa med pa skyes pa chags pa las cung zad long zhig ces zer na lhag mar gyur ro/ /lhag ma lnga pa rdzogs so// //sangs rgyas bcom ldan 'das rgyal po'i khab na bzhugs so/ /nam dge slong ma mdza' mos tshe dang ldan pa gyad bu nor
- 62a
la mi bden pas skur ste dge slong ma rnams kyis bskrad pas/ der song nas rang gi khyim na gnas pa las nang kyis btab bo/ /de la nu mo dge slong ma grogs mo can zhes bya ba zhig yod de/ de 'chi ba'i 'khor de la phrad kyis myur du shog cig par spring ngo/ /de yang song ste mdza' mo de'i nub mo dus las 'das so/ /grogs mo can yang de nyid du zhag lon no/ /mdza' mo'i khyim thab kyi mdza' bo zhig khyim du song ba de la des bus pa 'di dag sus bskyed? bar bya zhes smras pa dang/ des grogs mo can de nyid la tshol cig dang/ bus? pa rnams skyang bar byed do zhes smras ba mos thos nas 'di snyam du bsams so/ /gal te bdag gi tshig gi lan smras na ni tshangs par spyod pa las bral lo snyam nas cang mi smra bar 'dug go /nam nangs nas grogs mo 'gro bar chags pa dang mdza' mo'i khyim thab kyis gar 'gro bus pa 'di dag sus bskyang zhes smras nas des de la gzung bar byas pa dang/ grogs mo can gyis khyod bus pa dang bcas te me dong du lhung zhig smras te bros so/ /dge slong ma dag gis khyod mtshan gcig tu gang du nyal zhes dris pa dang/ de bzhin du smras so/ /'o na khyod kyi grogs su yin zhes smras pa dang/ grogs mo can gyis gang yang med do zhes smras pa dang/ dge slong ma dag gis khyod ni stobs dang ldan pa 'ga' zhig gis zin na tshangs par spyod pa dang phral na ji ltar bya zhes smras pa dang/ de ltar gyur pa snga ma bzhin du ston pa la gsol pa dang/ nyan thos ma rnams la bslab pa'i tshig bcas so/ /yang dge slong ma gang gcig pu mtshan mo dbyar mo thang nas byung nas chos 'di yang thog ma nyid kyis ltung bar 'gyur la dbyung bar bya ste dge 'dun lhag ma'o/ /yang dge slong ma gang zhes bya ba ni grogs mo can no/ /gcig pu zhes pa ni zla med pa'o/ /dbyar mo thang nas byung zhes bya ba ni mtshan mo gzhan du skya reng gis chod pa'o/ /gzhan ni gong du bshad pa dang 'dra'o/ /de la nyes pa ji lta ba
- 62b
zhe na yang dge slong ma gcig pu g.yar mo thang gi phyi rol tu skya reng gis non bar byed na thams cad la'ang dge 'dun lhag ma'i ltung bar 'gyur ro/ /dge tshul ma dang lhan cig gzhan du skya reng gis non par byed na nyes pa sbom po'i ltung bar 'gyur ro/ /dge slong ma dang gzhan du skya reng gis non par byed na nyes byas kyi ltung bar 'gyur ro/ /gal te phyi bzhin 'ong ba'i dge slong ma des smras sam/ shi 'am/ khrims ral lam/ nyams sam/ babs sam/ pha rol gyi 'khor tam/ yul gzhan du bros par gyur pa dang/ bar chad brgyad po las bar chad gang yang rung ste byung bar gyur na nyes pa med do/ /lhag ma drug pa rdzogs so// //sangs rgyas bcom ldan 'das mnyan du yod pa na bzhugs so/ /de'i tshe na sbom dga' mos nyin par gcig pu song nas bram ze dang khyim bdag gi khyim du chos bshad do/ de la dge slong ma dag khyod gcig pu ma 'gro zhig tshangs par spyad pa'i bar chad du gyur ta re zhes smras pa dang/ sbom dga' mos ngas spos 'tshong gi khye'u rdog pas bsnun te/ gan ta log tu bor nas khrag skyugs su bcug pa ma mthong ngam zhes smras pa dang/ de dag gis thams cad spos 'tshong gi khye'u mi 'dra'o zhes smras so/ /de ltar gyur pa snga ma bzhin du ston pa la gsol nas bslab pa'i gnas bcas so/ /yang dge slong ma gang gcig pu dbyar mo thang nas song na chos 'di thog ma nyid kyis ltung bar 'gyur la/ 'byung ba bya ste/ dge 'dun lhag ma'o/ /yang dge slong ma gang zhes bya ba ni sbom dga' mo'o/ /gcig pa nyin mo zhes bya ba'i zla med pa'o/ /dbyar mo thang nas song nas song na zhes bya ba ni gzhan du nyi ma nub par gyur pa'o/ /gzhan snga ma gzhan du de la nyes pa ji lta ba zhe na/ dge slong mas ji tsam du dbyar mo thang nas gcig pu song la gzhan du nyi ma nub par gyur na thams cad la'ang lhag mar 'gyur ro/ /dge tshul ma dang lhan cig dbyar mo thang nas song ste/ gzhan du nyi ma nub na nyes pa sbom po'o/ /dge
- 63a
slong ma dang lhan cig dbyar mo thang nas song ste/ gzhan du nyi ma nub na nyes byas so/ /gal te khrims zla dams sam/ shi ba 'am/ babs sam pha rol gyis 'khor ram/ yul gzhan du bros par gyur tam/ bar chad brgyad las gang yang rung ba zhig byung na nyes pa med do/ /las dang po pa la sogs pa la nyes pa med do/ /lhag ma bdun pa rdzogs so// //sangs rgyas bcom ldan 'das mnyan du yod pa na bzhugs so/ /sbom dga' mos rgyal po'i khab tu 'od ma'i 'gron po mang po dang lhan cig tu chas te/ gcig pu grong khyer drug tu so sor 'dod pa'i 'gron po mang po dang lhan cig dong nas ngal chad ste rim gyis slar dge slong ma'i dbyar mo thad du 'ongs so/ /de nas dge slong ma dag la lus ster bcug cing ngal sos par byed do/ /dge slong ma dag gis khyed gang nas 'ongs zhes dris pa dang/ bdag grong khyer chen po drug gis lam bgrod de 'dir 'ongs so/ /dge slong ma dag gis smras pa khyod ni mthu dang ldan pa 'ga' zhig gis zin na tshangs par spyad pa'i bar chad du mi 'gyur ba 'am/ sbom dga' mos smras pa/ spos 'tshong gi khye'u khrag dron po skyugs? pa ma thos sam zhes gong ma bzhin du smras pa dang/ dge slong mas smras pa thams cad spos 'tshong gi khye'u 'dra bar 'gyur ram zhes byas pa dang/ de ltar gyur pa ston pa la gsol nas bslab pa'i gnas bcas so/ /yang dge slong ma gang gcig pu lam du zhugs shing 'gro na chos 'di la thog ma nyid kyis ltung bar 'gyur la 'byung bar byas te/ dge 'dun gyi lhag ma'o/ /dge slong ma gcig pu zhes bya ba ni gong ma dang 'dra'o/ /lam zhes bya ba ni dgon pa'i lam mo/ /gzhan ni sngar bshad pa bzhin no/ /de la nyes pa ji lta bu zhe na/ dge slong ma ji tsam du zhugs shing song na lhag mar 'gyur ro/ /dge tshul ma dang dge slong ma dang lhan cig lam du zhugs te song nas nyes pa'i khyad par ni gong ma bzhin no/ /dge slong ma gcig pu grong khyer gyi bar du ni rgyang grags gcig las
- 63b
'das na lhag ma dgon pa yang de bzhin no/ /rgyang grags gcig tsam du phyin nas phyir ldog go snyam de song ba las phyir ldog na sbom po'o/ /lhag ma brgyad pa rdzogs so// //sangs rgyas bcom ldan 'das mnyan du yod pa na bzhugs so/ /dge slong ma mang zhig ljongs rgyur dong ba las chu bo khyim ldan gyi 'gram du phyin pa dang gru pha rol tu 'dug go /de nas dge slong ma nag mo zhes bya ba sngon mnyan pa mo yin te/ des bdag gis pha rol tu brgal nus kyis song la gru pha gi tshur khrid de 'ongs zhes smras te gru phyir bskyal pa dad ngal nas shi la thug ste/ dge slong ma dag gis nag mo ma 'jigs ma sdangs par skyol cig ces bos so/ /nag mo yang nyon mongs shing de 'u ma brgal ba las pha rol gyi ngogs su phyin no/ /de ltar gyur pa ston pa la gsol nas bslab pa'i gnas bcas so/ /yang dge slong ma gang gcig pa rlung gi pha rol tu rgal na chos 'di yang thog ma nyid kyis ltung bar 'gyur la dbyung bar bya ba ste/ dge 'dun lhag ma'o/ /yang dge slong ma gang zhes bya ba nag mo'o/ /gcig pu zhes bya ba ni zla med pa'o// klung pha rol brgal zhes bya ba ni rkyal pa'o/ /lhag ma zhes bya ba'i bar du snga ma bzhin no/ /de la nyes pa ji lta bu zhe na/ dge slong ma gcig pu klung gi pha rol tu brgal lam rkyal te brgal na lhag ma'o/ /gtsang lag gis pha rol tu brgal na nyes byas so/ /dge tshul dang lhan cig 'grogs na sbom po'o/ /dge slong ma dag lhan cig 'grogs na nyes byas so/ /lhag ma dgu pa rdzogs so// //sangs rgyas bcom ldan 'das mnyan du yod pa na bzhugs so/ /de'i tshe rgyal po gsal rgyal gyis dmag dpon kan+ta shak+ti ka zhes bya ba dmag la gdong ba'i 'og tu de dag gi chung ma skyes pa gzhan dag dang yongs su spyod do/ /de dag dmag las slar lhags nas thos pa dang de dag bcings nas lcag gis kyang bzhugs so/ /de ltar byas kyang
- 64a
gtong du ma btub nas de dag gis bsam pa ri brags kyi grong rnams dbang du gyur na bdag cag gi chung ma dbang du ma khugs snyam nas rgyal po gsal rgyal gyi drung du dong nas lha mkhyen par mdzod cig /bdag gi bud med khrims las 'gal bar bgyid pas chad pas bcad pa'i khrims bcas so/ /zhes gsol pa dang/ rgyal pos kyang rjes su yi rang ngo/ /dus phyi zhig na dmag dpon me na zhes bya ba'i bu mo me ne ka zhes bya ba de khrims dang 'gal te/ de mang pos chad pa bcad/ khyim thab kyis ni yongs su btang/ rgyal pos ni bsgo ba dang/ des mang po la gsol nas 'phral du mi bsod cing zhag bdun nas bsad par gnang ba dang/ de yang du zhing 'dug ste/ sbyin pa ni byin bsod nams ni byed do/ /sbom dga' mo bsod snyoms la song ste/ me ni ka'i khyim du phyin pa dang khyod ci'i phyir du zhes dris pa dang des kyang zhib tu smras so/ /sbom dga' mos 'o na ci'i phyir rab tu mi 'byung/ des smras pa su zhig gis bdag rab tu 'byin sbom dga' mos ngas rab tu dbyung ngo zhes smras nas/ de rab tu phyung ba dang/ kan+ta shak+ti kas thos nas de ltar mi gnang gis zhag bdun tshang ba dang bsad do zhes smras pa sbom dga' mos thos nas me ne ka khrid de btsun mo phreng ldan ma la gsol pa dang/ des smras pa ci bud med zad dam de lta bu rab tu dbyung ba mi rigs mod kyi ngas rgyal po la? gsol zhes byas nas de lta bur gyur pa rgyal po gsal rgyal la gsol pa dang/ rgyal pos blon po bsgo ba rab tu byung ba bsad na nga la mi snyan gyis ma bsad cig byas pa dang/ kan+ta shak+ti ka 'phya ste de lta bu ci'i phyir rab tu 'byin ces mi snyan par 'dzer to// de ltar gyur pa ston pa la gsol nas bslab pa'i gnas bcas so/ /yang dge slong ma gang gis bud med mang po mthun pas bcad cing khyim thab kyis yongs su btang la/ rgyal pos kyang bsgo bar shes bzhin du rab tu phyung na chos 'di yang thog ma nyid kyis
- 64b
ltung bar gyur la dbyung bar bya ste dge 'dun lhag ma'o/ /yang dge slong ma gang zhes bya ba ni sbom dga' mo'o/ bud med gang zhes bya ba me ne ka'o/ /mang pos mthun pas bcad ces bya ba ni rgyal rigs kan+ta shak+ti'i sde rnams kyis so/ /khyim thab kyi yongs su btang zhes bya ba ni khyos so/ /rgyal pos kyang bsgo zhes bya ba ni gros mthun par byas pa'o/ /shes bzhin du zhes bya ba ni bdag nyid kyis shes sam/ gzhan gyi bsgo bar gyur pa'o/ /rab tu byung na zhes bya ba ni legs par gsungs pa'i chos 'dul ba la'o/ /de la nyes pa ji lta bu zhe na/ dge slong ma ji tsam du de dang 'dra ba yin par shes bzhin du rab tu phyung na yang thams cad la'ang dge 'dun lhag ma'i ltung bar 'gyur ro/ /lhag ma bcu pa rdzogs so// //mnyan du yod pa na khyim bdag phyug po zhig 'dug ste/ de nad kyis btab nas 'chi ba'i khar dge sbyong dang bram ze dang phongs pa rnams la sbyin pa ni byin/ bsod nams ni byas so/ /sbom dga' mos yang bsod snyoms la song ste khyim bdag de'i khyim du 'ongs te khyim bdag nad med cing ji lta zhing 'dug bde bar 'tsho 'am zhes smras pa dang/ des kyang ji ltar gyur pa zhib tu smras so/ /sbom dga' mos smras pa khyim bdag khyed kyis sbyin pa byin pa rjes su yi rang nas/ bud med kyi bus ni rnyed pa chung na/ bdag la bskal pa byin par gyis shig ces smras pa dang/ nad pas smras pa/ thams cad la btang legs so zhes smras pa dang/ sbom dga' mos khyod kyi khyim nam ma rnyed par 'gro ba'i mi rigs so/ /khyim bdag de la bu lon gyi phyag rgya tsam zhig yod de sbom dga' mo la bstan te/ 'di las ma lus te bzhed na snoms shig /des kyang phyag rgya khyer ro/ /nad pas smras pa/ rigs kyi bu de dngul mod kyi rdzun mi 'chi bas ci phul ba long la de nyon ma rmongs shig ces smras so/ /sbom dga' mos bdag cag ni sdom pa la gnas pas de ltar ga la byed ces smras nas/ khyim bdag de dus 'das pa dang/ sbom dga' mos rigs kyi bu de bzung
- 65a
nas nyon mongs pa dang khyim bdag dag 'phyas ste/ ci'i phyir na dge slong mas shi ba'i nor ded par byed ces mi snyan par brjod do/ /de ltar gyur pa ston pa la gsol nas/ bslab pa'i gnas bcas so/ /yang dge slong ma gang shi ba'i nor chags pa bdas? na chos 'di yang thog nyid kyis ltung bar 'gyur la dbyung bar bya ba ste dge 'dun lhag ma'o/ /dge slong ma gang zhe na/ bya ba ni sbom dga' mo'o/ /shi ba'i nor chags pa bda' zhes bya ba ni bdag gis byas pa'o/ /de la nyes pa ji lta bu zhe na dge slong ma ji tsam du shi ba'i nor rab tu byung ba 'am gnyen bshes la sogs pa gzhan gyis byin yang rung ste/ shi ba'i nor nyon mongs par byas te bdas na blangs ma thag tu lhag mar 'gyur ro/ /gal te dge 'dun gyi 'am nyon ma mongs pa zhig tu zhugs na nyes pa med do/ /lhag ma bcu gcig pa rdzogs so/ / mnyan du yod pa na dge slong ma rnam par 'khyam pa zhes bya ba zhig yod do/ /kha ngan can khor khro ba mang du smra ba zhig ste/ des dge slong ma thams cad mi dga' bar byas so/ /de bsod snyoms la song ba'i 'og tu dge slong ma rnams de la ji lta bur gyur pa mi snyan par smra'o// rnam par 'khyams pa'i bu mo gtsug mo zhes bya ba zhig yod de/ des ma 'ongs pa dang thams cad bzlas te/ de thos pa dang/ dge slong ma rnams la tshig gdug pas shin tu gnod par byed do/ /dge slong ma dag gis ji ltar gtsug mos thos pa thams cad bzlas par shes na/ de dag gi gtsug mo spang pa'i las byas so/ /de yang du bzhin du ma la bdag la dge slong ma dag gis spangs pa'i las byas so zhes smras pa dang mas thos nas khros te/ de dag nyid yul 'di nas gzhan du spong bar shog cig ces smras te/ bu mo khrid nas mtshams kyi rol tu dbyung bar byas so/ /dge slong ma dag gis khyod kyi bu mo ngad kyi spang ba'i las byas so zhes smras pa dang de khros nas 'di ngas phyung ngo/ /dge slong ma dag gis gang du ji ltar byung/ des smras pa mtshams kyi phyi rol du'o/ /dge slong ma dag gis
- 65b
mtshams kyi phyi rol tu de ltar dbyung du rung ngam/ des smras pa rung ngam mi rung yang sla ste ngas phyung ngo zhes smras pa dang de ltar gyur pa ston pa la gsol nas dge slong ma rnams la bslab pa'i gnas bcas so/ /yang dge slong ma dag gis dag slong ma gang la dge slong ma'i dge 'dun gyis spangs pa'i las byas pa shes bzhin du de mtshams kyi phyi rol tu song nas g.yo 'dor bar bya ba chos 'di yang thog mar nyid kyis ltung bar 'gyur la dbyung bar bya ba ste dge 'dun gyi lhag ma'o/ /yang dge slong ma gang zhes bya ba ni rnam par 'khyam pa'o/ /dge slong ma gang la zhes bya ba ni gtsug dga' mo'o/ /dge slong ma'i dge 'dun zhes bya ba ni snga ma bzhin no/ /spang ba'i las zhes bya ba ni gsol ba dang bzhi'i las kyis so/ /shes bzhin zhes bya ba ni bdag gis shes sam gzhan gyis smras pa'o/ /mtshams kyi phyi rol tu song nas g.yo 'dor bar byas zhes bya ba ni dge 'dun la bzod par gsol zhing nyes pa 'dor ba'o/ /gzhan ni snga ma bzhin no/ /nyes pa ji lta bu zhe na dge slong mas ji tsam du shes bzhin du mtshams kyi phyi rol tu g.yo 'dor bar byas na dge 'dun gyi lhag mar 'gyur ro/ /lhag ma bcu gnyis pa rdzogs so// //ston pa mnyan du yod pa na bzhugs so/ /de'i tshe na sngon mu stegs byed las rab tu byung ba dge slong ma dus can zhes bya ba de/ dge slong ma dag dang 'thab cing rtsod par gyur te/ 'thab mo byung tshe sangs rgyas dang chos dang dge 'dun ? do/ /'di lta ste/ shAkya'i dge sbyong nyi tshe tshul khrims dang ldan yon tan dang ldan par ma zad de/ dge sbyong tshul khrims la sogs pa dang ldan pa gzhan dag kyang yod kyis de dag gi drung du tshangs par spyad pa spyod do zhes de skad zer ba dang/ de ltar gyur pa ston pa la gsol nas bka' stsal pa dge slong ma khyod kyis tshig 'jam par bsgo zhig /dge slong ma dag gis de bzhin du bsgo ba dang/ de nyid bden gyi gzhan ni gti mug go zhes sdig pa'i lta ba mi gtod nas de ltar gyur pa ston pa la gsol nas gsol ba dang bzhi'i las kyis bsgo zhig ces bka'
- 66a
stsal nas/ dge slong ma dag gis de bzhin bsgo ba dang snga ma bzhin du mnyan nas de ltar gyur ston pa la gsol nas snga ma bzhin du bslab pa'i gnas bcas so/ /yang dge slong ma gang rtsod par gyur 'thab par gyur mtshang 'bru bar gyur/ 'gyed par gyur sangs rgyas gtong ngo/ /chos gtong ngo/ /dge 'dun gtong ngo/ /'di lta ste/ shAkya'i sras dge sbyong rnams nyi tshe tshul khrims dang ldan/ yon tan dang ldan pa des pa dge ba'i chos dang ldan pa dge sbyong du ma zad de/ dge sbyong tshul khrims dang ldan pa/ yon tan dang ldan pa/ des dge ba'i chos dang ldan pa gzhan dag kyang yod kyis/ de dag gi drung na tshangs par spyad pa spyad do/ /zhes de skad zer na dge slong ma de la dge slong ma rnams kyis 'phags ma khyod rtsod par gyur/ 'tshad 'bru bar gyur/ 'thab par gyur/ 'gyed par gyur pa'i tshe/ sangs rgyas gtong ngo/ /chos gtong ngo/ /dge 'dun gtong ngo/ /'di lta ste/ shAkya'i sras kyis dge sbyong rnams nyi tshe tshul khrims dang ldan pa/ yon tan dang ldan pa des pa dge ba'i chos dang ldan pa'i dge sbyong du ma zad de/ dge sbyong tshul khrims dang ldan pa/ yon tan dang ldan pa/ des pa dag pa'i chos dang ldan pa gzhan yang yod kyis/ de dag gis drung du tshangs par spyod pa spyad do zhes de skad ma zer zhig /'phags ma khyod sdig pa la lta bar gyur pa 'di lta bu 'di thod zhig ces bsgo bar bya'o/ /dge slong ma de la dge slong ma rnams kyis de skad bsgo nas gal te dngos po de gtong na ni legs gal te mi gtong na dngos po de spang bar bya ba'i phyir lan gnyis lan gsum du yang dag par bsgo bar bya yang dag par bstan par bya'o/ /lan gnyis lan gsum du yang dag par bsgo/ /yang dag par bstan nas dngos po gtong na ni legs gal te ma gtang na chos 'di ni lan gsum pa dbyung bar bya ste/ dge 'dun gyi lhag ma'o/ /yang dge slong ma gar zhes bya ba ni dus can ma'o/ /sangs rgyas dang chos dang dge 'dun gtong ngo zhes bya ba ni rkang gnyis kyi nang na mchod dang/
- 66b
'dod chags dang bral ba'i mchog dang/ mang du 'dus pa'i nang na mchog go /'di lta ste/ shAkya'i dge sbyong nyi tshe tshul khrims dang ldan par ma zad do zhes bya ba'i bar du sdig pa la lta bar byed pa dang bslab pa nyams par byed pa'o/ /dge sbyong tshul khrims dang ldan pa yon tan dang ldan pa dge ba'i chos dang ldan pa gzhan yang ngo zhes bya ba ni 'di las phyi rol gyi dge sbyong dang bram ze rnams yod pa'i tha tshig go? /de dag gi drung du tshangs par spyod pa spyad do zhes bya ba ni bslab pa 'bul bar mngon du ston pa'o/ /de skad zer zhes bya ba ni smra ba'o/ /dge slong ma de la zhes bya ba ni dus can no/ /dge slong ma rnams kyis de skad bsgo bar bya'o/ /zhes bya ba ni tshig 'jam pos bsgo bar bya ste/ sngar bsgo ba bzhin no/ /tshig 'jam pos bsgo ba las dngos po de gtong na ni legs zhes bya ba de ltar na bzang po'o/ /gal te mi gtong na gsol ba de bzhi'i las kyi bsgo bar bya ste/ sngar bsgo ba bzhin no/ /gzhan gyi snga ma bzhin no/ /nyes pa ji lta ji lta bu zhe na/ tshig 'jam pos bsgo ba'i tshe ma btang na nyes byas/ gsol ba byed pa'i tsham btang na sbom po'o/ /las dang po'i tshem btang na sbom po gnyis/ las gnyis pa'i tshem btang na sbom pa gsum/ las gsum pa ma rdzogs par dngos po de gtong na ni legs mi gtong na lhag mar 'gyur ro/ /chos ltar ma yin 'dul ba ltar ma yin par bsgo ba dang/ chos bzhin du byed la dge 'dun ma 'dus pa dang/ chos bzhin mi byed la dge 'dun 'dus pa dang/ chos dang 'dul ba dang ston pas bstan pa bzhin du ma bsgo na ltung ba med do/ /chos dang 'dul ba bzhin du bsgo ba bsam gtang na lhag ma'o/ /dge slong ma de stan la 'dug bzhin du 'phags ma dag bdag la lhag ma byung ngo zhes ma smra na bcabs par 'gyur te/ de ma bshags par gsol ba dang/ gsol ba dang gnyis kyi las dang/ gsol ba dang bzhi'i las myong bar gyur na thams
- 67a
cad du yang nyes byas so/ /lhag ma bcu gsum pa rdzogs so// //ston pa mnyan du yod pa na bzhugs so/ /de'i tshe na sbom dga' mos dge slong ma dag dang lhan cig tu 'thab cing rtsod pa dang mtshang 'bru bar gyur pa de la dge slong ma dag gis de ltar ma byed cig par bsgo na/ de 'di skad du 'di na dge slong ma kha cig 'dod pa dang zhe sdang dang gti mug dang 'jigs pas 'gro'o/ /'di ltar dge slong ma kha cig ni brtsod pa las bzlog /kha cig ni ma bzlog go zhes zer ba dang/ de ltar gyur pa ston pa la gsol nas bka' stsal pa/ dge slong ma khyod kyis sbom dga' mo la tshig 'jam pos bsgo zhig ces bya ba nas gsol ba dang bzhi'i las kyis bsgo zhig ces bya ba'i bar du snga ma bzhin no/ /de ltar gyur pa ston pa la gsol nas bslab pa'i gnas bcas so/ /yang dge slong ma gang dge slong ma rnams dang rtsod par gyur/ mtshang 'bru bar gyur/ 'thab par gyur/ 'gyed par gyur cing 'dug pa la dge slong ma rnams kyis 'phags ma rtsod cing/ mtshang ma 'bru zhig /ma 'thab cig /ma 'gyed cig ces bsgo ste bzlog na 'di skad ces 'di na dge slong ma kha cig ni 'dod pas 'gro'o/ /zhe sdang gis 'gro'o/ /gti mug gis 'gro'o/ /'di ltar dge slong ma kha cig ni rtsod pa las bzlog kha cig ni ma bzlog go zhes de skad zer na dge slong ma de la/ dge slong ma rnams kyis 'phags ma khyod ma rtsod cig mtshang ma 'bru zhig /ma? 'thab? cig ma 'gyed cig ces dge slong ma rnams kyis bsgo na/ 'di na dge slong ma kha cig ni 'dod pas 'gro /zhe sdang gis 'gro /gti mug gis 'gro /'jigs pas 'gro ste/ 'di ltar dge slong ma kha cig ni rtsod pa las bzlog /kha cig ni ma bzlog go zhes de skad ma zer zhig /'phags ma khyod 'dod pas 'gro'o zhes bya ba'i tshig gi lam dang/ zhe sdang gis 'gro /gti mug gis 'gro /'jigs pas 'gro'o zhes bya ba'i tshig gi lam de lta bu 'di thong zhig ces bsgo bar bya'o/ /dge slong ma de la dge slong ma rnams
- 67b
kyis de skad bsgo ba las gal te dngos po de gtong na ni legs gal te mi gtong na dngos po de spang bar bya ba'i phyir lan gnyis lan gsum du yang dag par bsgo bar bya yang dag par bstan par bya'o/ /lan gnyis lan gsum du yang dag par bsgo/ yang dag par bstan pa las dngos po gtong na ni legs/ gal te mi gtong na chos 'di yang lan gsum du dbyung bar bya ste/ dge 'dun gyi lhag ma'o/ /yang dge slong ma gang zhes bya ba ni sbom dga' mo'o/ /dge slong ma rnams zhes bya ba ni chos 'di la zhugs pa'o/ /ma rtsod cig ma 'thab cig ces bya ba ni de la bzlog pa'o/ /'di ni dge slong ma kha cig ni 'dod pas 'gro'o/ /zhes bya ba ni 'dod pas so/ /zhe sdang gi 'gro'o zhes bya ba ni zhe sdang gis so zhes smra ba'o/ /gti mug gis 'gro'o zhes bya ba ni gti mug go zhes smra'o/ /'jigs pas 'gro'o zhes bya ba ni 'jigs so zhes smra ba'o/ /dge slong ma de la zhes bya ba ni sgom dga' mo'o/ /dge slong ma rnams kyis zhes bya ba ni chos 'di la zhugs pa'o/ /'di skad bsgo bar bya'o zhes bya ba ni tshig 'jam pos bsgo bar bya ste snga ma bzhin no/ /tshig 'jam pos bsgo ba las dngos po de gtong ba lta na ni legs/ gal te mi gtong na gsol ba dang bzhi'i las kyis bsgo bar bya'o/ /de la nyes pa ji lta bu zhe na dge slong ma la tshig 'jam pos bsgo ba'i tsha ma gtang na nyes byas so/ /gzhan ni thams cad gong du bshad pa bzhin no/ / lhag ma bcu bzhi pa rdzogs so// //ston pa mnyan du yod pa na bzhugs so/ /de'i tshe na dge slong ma riSh+Ta dang u ba riShta 'dus shing 'khod pa las 'phyar snyegs lus la brdeg par byed nas/ de dag la dge slong ma dag gis de ltar ma byed par so so na 'khod bar gyis shig /'ong kyang dge ba'i chos 'phel bar 'gyur gyis 'grib par mi 'gyur ro zhes bsgo na yang/ nyan tu mi btub pas de ltar gyur par ston pa las gsol nas bka' stsal pa/ dge slong ma khyod kyis dge slong ma 'di gnyis la tshig 'jam
- 68a
pos bsgo zhig ces bka' stsal to/ /dge slong ma dag gis de ltar bsgo na mnyan du ma btub pa dang/ gsol pa dang bzhi'i las kyis bsgo zhig ces pa nas bslab pa'i gnas bcas pa'i bar du snga ma bzhin no/ /yang dge slong ma gang 'dus shing 'khod pas phyir snyegs lus la brdeg par byed na/ dge slong ma de dag la dge slong ma rnams kyis phu nu mo dag khyed 'du shing ma khod cig /khyed 'du zhing 'khod pas dge ba'i chos rnams 'bri bar 'gyur gyi 'phel bar mi 'gyur bar shes par bya'o/ /phu nu mo khyed so so na 'khod cig /khyed cag so so na 'khod dang dge ba'i chos rnams 'phel bar 'gyur gyi 'bri bar mi 'gyur bar shes par bya'o zhes bsgo zhig /dge slong ma de dag la dge slong ma rnams kyis de skad bsgo nas gal te dngos po de gtong na ni legs gal te mi gtong na dngos po spang par bya ba'i phyir lan gnyis lan gsum du yang dag par bsgo bar bya yang dag par bstan par bya'o/ /lan gnyis lan gsum du yang dag par bsgo/ yang dag par bstan nas/ dngos po gtong na ni legs gal te mi gtong na chos 'di yang lan gsum ba dbyung bar bya ste dge 'dun gyi lhag ma'o/ /dge slong ma gang zhes bya ba ni riShta dang/ u ba riShta'o/ /'du zhing 'khod ces bya ba ni gcig tu 'dus pa'o/ /'phyar stegs lus la brdeg ces bya ba ni brdeg pa'o/ /snyegs ces bya ba ni rtsod mo byed pa'o/ /lus la brdeg pa ni gdam 'don pa'o/ /dge slong ma de dag ces bya ba ni riShta dang/ u pa riShta'o/ /dge slong ma rnams zhes bya ba ni chos 'di la zhugs pa'o/ /de skad bsgo bar bya zhes bya ba ni tshig 'jam pas so/ /gzhan ni gong du bshad bzhin te ltung ba'i khyad par nyes byas gcig dang sbom po gsum dang lhag ma gcig byung ba yang gong ma dang 'dra'o/ /chos bzhin du las ma byas na lhag mar mi 'gyur ba dang/ gtan las ma 'das par bdag lhag ma byung ngo zhes ma smras na bcas pa'i nyes par 'gyur ba yang snga ma bzhin du bshad de/ 'og nas 'byung ba rnams
- 68b
kyang thams cad de bzhin du bshad par rig par bya'o/ /lhag ma bco lnga ba rdzogs so// //ston pa mnyan du yod pa na bzhugs so/ /nam dge slong ma a pa riShta dang u pa riShta 'du zhing 'khod pa las/ gsol ba dang bzhi'i las kyi bsgo nas so so nas 'khod par gyur pa dang/ sbom dga' mo de gnyis kyi gan du song ste phyin nas 'di skad smras te/ khyod ci'i phyir na so so na 'khod tshur shog /khyed 'dus te 'khod na dge ba'i chos 'phel bar 'gyur gyi 'grib par mi 'gyur ro smras pa dang/ de ltar gyur na ston pa la gsol nas tshig 'jam pos bsgo zhig ces byas nas bslab pa'i gnas bcas pa'i bar snga ma bzhin no/ /yang dge slong ma gang dge slong ma dag so so na 'khod par shes la/ so so na 'khod pa de dag gi gan du song nas phu nu mo khyed cag so sor ma gnas shig /khyed so sor gnas pas dge ba'i chos rnam par 'phel bar mi 'gyur gyi 'grib par 'gyur bar shes par bya'o/ /phu nu mo khyed 'dus te 'khod cig khyed 'dus te 'khod pa dang/ dge ba'i chos rnams 'phel bar 'gyur gyi mi 'bri bar shes par bya'o zhes de skad zer na dge slong mang la dge slong ma rnams kyis 'phags ma khyod dge slong ma gang de dag so so na gnas par shes la/ so so na gnas pa de dag gi gan du song nas phu nu mo khyod so sor ma gnas shig /khyed so so na 'khod bas dge ba'i chos rnams 'phel bar mi 'gyur gyi 'bri bar 'gyur bar shes? bar bya'o/ /khyed cag 'dus te 'khod cig 'dus te 'khod dang dge ba'i chos rnams 'phel bar 'gyur gyi 'bri bar mi 'gyur bar shes par bya'o zhes de skad ma zer zhig /'phags ma khyod dngos po 'di lta bu thong zhig ces de skad bsgo bar bya'o/ /dge slong ma de la dge slong ma rnams kyis de skad bsgo nas/ gal te dngos po de gtong na ni legs/ gal te mi gtong na ni dngos po spang bar bya ba'i phyir lan gnyis lan gsum yang dag par bsgo bar bya yang dag par bstan par bya'o/ /lan gnyis lan gsum du yang dag par bsgo yang
- 69a
dag par bstan nas dngos po de gtang na ni legs gal te mi gtong na chos 'di la lan gsum pas dbyung bar bya ste dge 'dun gyi lhag ma'o/ /yang dge slong ma gang zhes bya ba ni sbom dga' mo'o/ /dge slong ma gang dag so so nas 'khod ces bya ba ni tha dad du gnas pa'o/ /shes la zhes bya ba ni bdag nyid kyis shes par 'am gzhan gyis bstan pa'o/ /de dag gi gan du song zhes bya ba de'i drung du song ba'o/ /so so nam gnas bya ba ni tha dad du ma 'dug cig pa'o/ /khyed so sor gnas pas dge ba'i chos 'phel bar mi 'gyur gyi 'bri bar 'gyur bar shes par bya'o zhes pa ni dge ba'i chos skye bar mi 'gyur ba'o/ /khyed 'dus te 'khod cig ces bya ba ni gnas gcig tu 'dus shig pa'o/ /dge ba'i chos 'phel bar 'gyur gyi mi bri bar shes par bya'o zhes bya ba ni skye bar 'gyur ba'i don no/ /'di skad zer zhes bya ba ni smra ba'o/ /dge slong ma de la zhes bya ba ni sbom dga' mo'o/ /dge slong ma rnams kyis zhes bya ba ni chos 'di la zhugs pa'o/ /'di skad bsgo zhe bya ba ni tshig 'jam pas so/ /gzhan ni gong ma dang 'dra'o/ /lhag ma bcu drug pa rdzogs so// //ston pa rgyal po'i khab na bzhugs so/ /de'i tshe na nyan thos chen mo gau ta mi re de ma dang/ utpa la'i kha dog dang/ skye dgu'i bdag mo chen mo la sogs pa dbyar rgyal po'i khab tu tshul du bzhugs so/ de'i tshe mu ge byung ste/ bsod snyoms slong pas rnyed dka' ba ni me ngan bzhin no/ /de'i tshe sbom dga' mo dge slong ma rnams dang 'thab cing rtsod par gyur cing 'dug go/ spom dga' mos/ dga' mo dang nye dga' mo dang/ gtsug dga' mo dag la smras pa/ dga' mo nye dga' mo tshur shog dge slong ma'i dge 'dun dbye'o/ /'khor lo yang dbye bar bya'o/ /zhes smras pa dang/ sbom dga' mo ston pa'i nyan thos ma rnams ni rdzu 'phrul che pha rol gyi sems shes pas na bdag cag g.yos pa yang shes pa yod na mi
- 69b
nus pa snyam/ dga' mo de la thabs yod do/ /sbom dga' mos thabs gang yin dga' mo tshur shog /bdag gis gnas brtan dag chos gos dang zas yo byad dag gis bstabs par bya/ dge slong ma rnams ni nye bar bcar la lhung bzed dang chos gos la sogs dang/ klag pa dang/ kha ton dang/ yid la byed pa rnams kyis bsdu zhing dbang du dgug go /sbom dga' mo thabs de ni rung ngo zhes te/ de dag sbyor ba las dge slong ma dag gis tshor nas/ der gyur pa ston pa la gsol nas tshig 'jam pos bsgo zhig ces bya ba nas/ gsol bzhi'i las kyis bsgo ba dang/ 'di ni bden gyi gzhan ni gti mug go zhes don de nyid la mthu bskyed do mngon du gzung te 'dug go /de'i grogs mo rjes su phyogs pa dga' mo dang gnyen dga' mo gtsug dga' mo dag gis smras pa/ 'phags ma mkhyen gyis dge yang rung sdig kyang rung dge slong ma 'di la cang ma zer zhig /de ci'i phyir zhe na/ dge slong ma 'di ni chos smra ba'o/ /dge slong ma 'di ni chos dang 'dul ba bzung nas rab tu 'dzin cing spyod pa'o/ /dge slong ma 'di shes bzhin smra mi shes par ma yin no/ /dge slong ma 'di gang la dad cing bzod pa dag kyang de la dad cing bzod do zhes bya ba dang/ da ltar gyur pa ston pa la gsol nas bka' stsal pa/ dge slong ma khyod kyis dga' mo dang bsnyen dga' mo dang gtsug dga' mo dag tshig 'jam pos bsgo zhig ces bya ba nas/ bslab pa'i gnas bcas so zhes bya ba'i bar du snga ma bzhin no/ /yang dge slong ma gang dge 'dun la dbye ba'i phyir zhugs te/ dbye ba'i bya ba'i phyir rtsod pa yang dag par rab tu gzung nas rab tu 'dzin cing 'dug na/ dge slong ma de la/ dge slong ma rnams kyis 'phags ma khyod/ dge slong ma'i dge 'dun mthun pa la dbyi ba'i phyir ma 'jug cig /dbye bar bya ba'i phyir rtsod pa yang dag par bzung nas rab tu 'dzin cing ma 'dug cig /'phags ma dge slong ma'i dge 'dun dang lhan cig mthun pa dang/ dge slong ma'i dge 'dun dang mthun pa dang/ dge slong ma'i dge 'dun dang
- 70a
sdum pa dang/ mi phyed pa dang/ kun dga' ba dang/ mi rtsod pa dang/ rtse gcig pa dang/ 'don pa mtshungs pa dang/ chu dang 'o ma gcig tu 'dres pa bzhin du ston pa'i bstan pa rgyas par bya ba'i phyir bde ba la reg par gnas par gyis shig /'phags ma khyod kyis dge 'dun dbye bar bya ba'i dngos po 'di lta bu thong zhig cis bsgo bar bya'o/ /dge slong ma de la dge slong ma rnams kyis de skad bsgo nas gal te dngos po de btang na ni legs/ gal te mi gtong na dngos po de spang bar bya ba'i phyir lan gnyis lan gsum du yang dag par bsgo bar byed yang dag par bstan par bya'o/ /lan gnyis lan gsum yang dag par bsgo/ /yang dag par bstan pa las dngos po de gtang na ne legs/ gal te mi gtong na chos 'di la lan gnyis lan gsum du dbyung bar bya ste dge 'dun lhag ma'o/ /dge slong ma gang zhes bya ba sbom dga' mo'o/ /dge 'dun zhes bya ba ni de bzhin gshegs pa'i nyan thos kyi dge 'dun no/ /mthun zhes bya ba ni yid gcig pa'o/ /dbye zhes bya ba ni gnyis su 'byed pa'o/ /zhugs zhes bya ba ni phyi phyir brtun pa'o// dbye bar bya ba'i phyir zhes bya ba ni dbye bar bya'i dngos po bcu bzhi las gang yang rung ste/ legs par shin tu bzung ba'o/ /rtsod pa zhes bya ba ni bzhi ste/ 'khrug pas rtsod pa dang/ mi ston pas rtsod pa dang/ ltung ba'i rtsod pa dang/ bya ba'i rtsod pa'o/ /'di skad bsgo zhig ces bya ba ni tshig 'jam pos so/ /gzhan ni sngar bshad pa bzhin no/ /lhag ma bcu bdun pa rdzogs so// //de nas ston pa bdan de la bzhugs bzhin du nyan thos ma rnams la bslab pa'i gnas bcas par dgongs nas dge slong ma dag la gsungs pa/ dge slong ma'i dge 'dun la bya ba cung zad cig yod kyis ma ldang zhig /dge slong ma de la grogs dge slong ma'i rjes su phyogs pa/ /dbyen du smra ba gcig gam gnyis sam mang po 'ang rung ste/ gal te de dge slong ma rnams la dge slong ma khyed la
- 70b
dge slong ma la dge yang rung sdig kyang rung cung zad kyang ma zer zhig /de ci'i phyir zhe na/ dge slong ma 'di ni chos smra'o/ /'dul ba smra'o/ /dge slong ma 'di ni chos 'dul ba yang dag par gzung nas rab tu 'dzin cing spyod pa'o/ /dge slong ma 'di ni shes bzhin du smra'i mi shes par ma yin te/ dge slong ma 'di gang la dad cing bzod pa bdag cag kyang de la bzod do zhes de skad zer na dge slong ma de dag la dge slong ma rnams kyis dge slong ma khyod dge slong ma gang dge slong ma'i dge 'dun mthun pa la dbye bar zhugs te/ dbye bar bya ba'i phyir rtsod pa yang dag par gzung nas rab tu 'dzin cing 'dug par shes bzhin du de'i grogs su 'gyur te/ rjes su phyogs nas dbyen du smra bar byed de/ dge slong ma rnams la dge slong ma 'di ni chos smra'o/ /'dul ba smra'o/ /dge slong ma 'di ni chos dang 'dul ba yang dag bar gzung nas rab tu 'dzin cing spyod pa'o/ /dge slong ma 'di ni shes bzhin du smra'i mi shes pa ma yin te/ dge slong ma 'di gang la dad cing bzod do zhes de skad ma smra zhig /de ci'i phyir zhe na/ dge slong ma 'di ni chos ma yin par smra'o/ /dge slong ma 'di ni chos ma yin pa 'dul ba ma yin pa yang dag par bzung nas rab tu 'dzin cing spyod pa'o/ /dge slong ma 'di ni mi shes bzhin du smra'i shes par ma yin gyis/ dge slong ma 'di gang la dad cing bzod pa khyed la dad cing bzod par ma byed bar khyed dge 'dun dang mthun pa dang/ 'dum pa dang/ mi byed pa dang/ mi rtsod pa dang/ rtse gcig pa dang/ 'don ba mtshungs pa dang/ chu dang 'o ma gcig tu 'dres pa bzhin ston pa'i bstan pa rgyas par bya ba'i phyir bde ba la reg par gnas par gyis shig /dge slong ma khyed dge 'dun dbye ba 'di 'dra ba rjes su phyogs nas dbyen du smra ba thong zhig ces de skad bsgo zhig /dge slong ma de dag la dge slong ma rnams kyis de skad bsgo nas/ gal te dngos po de gtang na ni legs/ gal te mi gtong na dngos po de spang bar byed pa'i phyir lan gnyis lan gsum du yang dag par bsgo bar bya yang dag par bstan
- 71a
par bya'o/ /lan gnyis lan gsum du yang dag par bsgo/ /yang dag par bstan pa las/ gal te dngos po btang na ni legs/ gal te mi gtong na chos 'di yang lan gsum pa dbyung bar bya ste/ dge 'dun gyi lhag ma'o/ /dge slong de'i zhes bya ba ni sbom dga' mo'o/ /grogs dge slong ma zhes bya ba ni dga' mo dang/ bsnyen dga' mo dang gtsug dga' mo'o/ /rjes su phyogs zhes bya ba ni gcig tu dad cig gcig tu sbyor ba'o/ /dbyen du smra zhes bya ba ni dbye bar smra ba'o/ /gcig gam gnyis sam mang po zhes bya ba ni gnyis yan chad mang po'o/ /dge slong ma dag ces bya ba ni chos 'di la zhugs pa'o/ /de skad ces bya ba ni smra ba'o/ /dge slong ma khyed kyis dge slong ma 'di la cang ma zer zhig bya ba ni sbom dga' mo la'o/ /dge 'am sdig pa yang rung zhes bya ba ni dge ba la 'jug par bya shig /sdig pa la bzlog mi dgos zhes zer ba'o/ /dge slong ma 'di ni chos smra ba 'dul ba smra ba'o/ /zhes bya ba ni chos dang 'dul ba dang ston pa'i bstan pa bzhin du smra ba'o/ /dge slong ma 'di zhes bya ba ni sbom dga' ma'o/ /gang la dad cing bzod pa bdag cag kyang dad cing bzod do zhes bya ba ni dngos su zad do/ /gzhan ni gong du bshad zin pa dang 'dra'o/ /lhag ma bco brgyad pa rdzogs so// //ston pa mnyan du yod pa na bzhugs so/ /de'i tshe na srin bu'i ri zhes bya ba na dge slong ma bcu gnyis te/ dga' mo dang/ bsnyen dga' mo dang/ sbom dga' mo la sogs pa 'khod de dag kyang khrims sun 'byin pa'i chos kun tu spyod de/ skyes pa dang steg /gang rgyangs byed/ stan gcig la 'dug /snod gcig gi nang du za/ phor bu gcig gi nang na chad sna mang po mthung/ gar byed glu len/ len du 'jug rol mo/ /mkhas pa rnams bya dga' sbyin/ gos brje/ gang rgyug /glang po che la sogs te byol song sna tshogs kyi skad 'byin/ de dag 'thab pa ltar yang byed/ byed du 'jug ste/ dge sbyong gi las ma yin
- 71b
pa 'di dag dang gzhan dag kyang byed cing byed du 'jug pas srin bu'i ri der/ dge slong ma ma 'ongs pa rnams ni mi 'ong/ 'ongs ba rnams kyang dge slong ma sdig can gyi gnas so zhes spong ngo/ /de nas dge slong ma zhig ljongs rgyu zhing dong pa las srin bu'i rir phyin te/ de dag snga dro srin bu'i rir bsod snyoms la zhugs pa dang/ de dag ji ltar lhung bzed bkrus pa bzhin du slar byung ste/ bsod snyoms cung zad kyang ma rnyed nas de dag gis bsams pa/ srin bu'i ri 'dir sngon 'byor pa rgyas pa skye bo mang pos gang ste bsod snyoms kyang rnyed na da ni bdag cag lhung bzed stong par slar log la ston pa'i nyan thos byis pa lta bu mi gsal ba mi mkhas pa dag gis rigs kyi skyes pa dang bus pa dag la kha ngan tu ma smras grang snyam mo/ /de'i tshe na srin bu'i ri'i bram ze dang khyim bdag mang po dag gnas bzang po zhig na don zhig gi phyir 'dus shing 'khod do/ /de'i tshe na dge bsnyen tshur 'jug can zhe bya ba des dge slong ma mang pos bsod snyoms ma rnyed pa mthong nas de dag la ji ltar bur gyur pa smras so/ /'phags ma dag bdag la rjes su brtse ba'i phyir mnyan du yod par bzhud la ji ltar gyur pa ston pa la gsol cig ces bya ba dang/ dge slong ma dag gis kyang de bzhin du khas blangs so/ /de nas dge slong ma rnams dge bsnyen des bza' ba dang/ bca' bcas tshim par byas nas stan las langs te dong ngo/ /de nas gnyan du yod par byin pa dang/ ji ltar gyur pa dge slong ma dag la smras pa dang/ snga ma bzhin du ston pa la gsol pa dang/ bka' stsal pa/ skye dgu'i bdag mo dge slong ma lnga brgya dang song la de dang bskrad pa'i las kyis shig ces bka' stsal nas/ de dag kyang ston pas gsungs pa bzhin du lam gyi bar du 'khod cing gleng pa po tshes lnga dang ldan pa bskos te/ 'khor lnga brgya dang srin bu'i rir phyin pa dang/ bcu gnyis sdes skye dgu'i bdag mo la sogs pa bdag cag la bskrad pa'i las
- 72a
byed du 'ong zhes thos nas bzung mo dang/ mdzes ma dang/ rgyal mdza' dag gis bsams pa skye dgu'i bdag mos de dag la bskrad pa'i las byas na bdag cag la'ang byed du 'ong ngo snyam na nub phyogs kyi sgor byung ste/ mnyan du yod par phyin pa dang/ de dag gis bshags pa dang bsdams par bya ba rnams byas nas dge slong ma rang bzhin du gnas pa dang lhan cig gnas so/ /de nas skye dgu'i bdag mo chen mo 'khor dang bcas pas de dag bskrad pa'i las byas nas de dag slar log ste mnyan du yod par phyin pa dang/ ji ltar gyur pa ston pa la gsol nas song ngo/ /de nas dge slong ma dga' mo la sogs pas bsams pa gang sa nyid las 'dred pa de ni sa nyid la rten te ldang ngo/ /bdag cag kyang ston pa dang dge slong ma'i dge 'dun la bzod par gsol lo zhes mnyan du yod par dong ste phyin pa dang ston pas bka' stsal pa bzhin du dge slong ma dag kyang khyim sun 'byin pa'i dge slong ma dag gis phyag byas pa dang/ gtam yang mi zer phyag lan yang mi ster nas de dag mdzes dga' mo dag dang phrad na yang snga ma bzhin du gtam dang phyag lan mi ster ba dang/ de dag gis smras pa gzhan dag gis bdag cag la mi smra ba'i yus na/ mdzes dga' mo dang bcag cag gis khyim sun 'byin pa'i las byas par 'dran khyed cag ci'i phyir bdag cag la mi smra de dag gis smras pa khyed zer ba yang bden mod kyi/ nged kyi nyes pa bshags zin pas na gnas ngan len khyod dang lhan cig mi spyod do zhes byas pa dang/ de dag gis smras pa 'di ni dge slong ma kha cig ni 'dod pa dang/ zhe sdang dang/ gti mug dang/ 'jigs pas 'gro ste/ nyes pa 'dra ba las kha ci ni bskrad kha cig ni ma bskrad ces bya ba dang/ de ltar gyur ba ston pa la gsol nas/ tshig 'jam pos bsgo zhig ces bya ba nas bslab pa'i gnas bcas so zhes bya ba'i bar
- 72b
du snga ma bzhin no/ /dge slong ma gang zhig grong ngam grong rdal zhig na gnas zhing 'khod pa de dag kyang rigs sun pa dang/ sdig pa'i chos kun tu spyod de/ de dag rigs sun par snang ngan gos sam rab tu shes sam de dag gi sdig pa'i chos kun tu spyod par snang ngan thos sam rab tu shes na dge slong ma de dag la dge slong rnams kyis dge slong ma khyed rigs sun pa dang/ sdig pa'i chos kun tu spyod de/ de dag rigs sun par snang ngam thos sam rab tu shes sam de dag gis sdig pa'i chos kyang kun tu spyod par snang ngam thos sam rab tu shes na dge slong ma de dag la dge slong ma rnams kyis dge slong ma khyed kyi rigs sun par snang ngo/ /thos so rab tu shes so/ /khyed kyi sdig pa'i kun tu spyod par snang ngo thos so rab tu shes so/ /dge slong ma khyed 'di na gnas pas chog gis gnas 'di nas der zhig ces de skad bsgo bar bya'o/ /gal te de dag la dge slong ma rnams la 'di na dge slong ma kha cig ni 'dod pas 'gro'o/ /zhe sdang gis 'gro'o/ /gti mug gis 'gro'o/ /'jigs pas 'gro ste/ ltung ba byung ba 'dra bas las dge slong ma kha cig ni bskrad/ kha cig ni ma bskrad do zhes de skad zer na/ dge slong ma de dag la dge slong ma rnams kyis dge slong ma khyed 'di ni dge slong ma kha cig ni 'di na 'dod pas 'gro'o/ /zhe sdang gis 'gro'o/ /gti mug gis 'gro'o/ /'jigs pas 'gro ste/ ltung ba byung ba 'dra ba las dge slong ma kha cig ni bskrad/ kha cag ni ma bskrad ces de skad ces ma zer zhig /dge slong ma khyed rigs sun pa dang sdig pa'i chos kun tu spyod de/ khyed kyis rigs sun par snang bo/ /thos so rab tu shes so/ /sdig pa yang kun tu spyod par snang ngo thos so rab tu shes so/ /dge slong ma 'dod pas 'gro'o/ /zhes pa'i tshig gi lam dang/ zhe sdang gis 'gro zhes bya ba'i tshig gi lam dang/ gti mug gis 'gro 'jigs pas 'gre'o zhes bya ba'i tshig gi lam de lta bu 'di thong zhig ces bsgo bar bya'o/ /de dag la dge slong ma
- 73a
rnams kyis de skad bsgo nas/ gal te dngos po de btang na legs/ gal te mi gtong na dngos po de spang bar bya ba'i phyir de lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du du yang dag par bsgo yang dag par bstan nas dngos po de btang na ni legs/ gal te mi gtong na ni chos 'di yang lan gsum du dbyung bar bya ste dge 'dun lhag ma'o/ /dge slong ma gang zhig ces bya ba ni gnyis las lhag pa ni mang pa'o/ /grong ngam grong rdal zhig na gnas shing 'khod na zhes bya ba ni srin bu'i ri'o/ /de dag kyang rigs sun par zhes bya ba ni rnam pa gnyis kyi phyir rigs sun pa zhes bya ste/ gnas dang longs spyod cig pa'o/ /gnas pa gang zhe na/ skyes pa dang lhan cig steg pa/ rtsen pa/ gad rgyangs byed pa yin te/ de ltar na gnas pa'o/ /longs spyod cig pa gang zhe na/ zang zing dang me tog dang 'bras bu dang lo shing la sogs pa ste/ de ltar na lhan cig spyod pa'o/ /sdig pa'i chos kun tu spyod ces bya ba ni kha na ma tho ba'i chos kun tu spyod pa'o/ /de dag gis rigs sun par kun tu snang zhes bya ba ni mig gis so/ /thos so zhes bya ba ni rna bas so/ /rab tu shes zhes bya ba ni yid kyis so/ /sdig pa'i chos kun tu spyod par snang ngo/ /thos so rab tu shes so zhes pa ni snga ma bzhin no/ /dge slong ma de dag la zhes bya ba ni dga' mo la sogs pa'o/ /dge slong ma rnams zhes bya ba ni chos 'di la zhugs pa'o/ /'di skad ces bya ba ni tshig 'jam pos so/ /gzhan ni snga ma bzhin no/ /lhag ma bcu dgu pa rdzogs so// //ston pa mnyan du yod pa na bzhugs so/ /de'i tshe dge slong ma ti sha srung la ltung ba byung nas/ de la dge slong ma phan par 'dod pa bde bar 'dod pa dag gis glengs dran par bya ste/ phu nu mo khyod 'di ltar shes par gyis shig /khyod la ltung ba byung gi bshags par byos
- 73b
shig ces bsgo ba dang/ gang la ltung ba byung ba de slar byed grang/ khyed la byung na gzhan su zhig byed/ gang 'gyod par gyur pa'o/ /khyed ni rus dang rigs tha dad pa las rab tu byung ste/ dper na shing tha dad pa'i 'dab ma rlung gis khyer nas gcig tu bsdus gcig tu spungs pa bzhin du rus dang rigs tha dad pa las rab tu byung ste/ khyed dge yang rung/ sdig kyang rung/ cung zad kyang bdag la ma smra zhig /bdag kyang khyed la dge yang rung sdig kyang rung cung zad kyang mi smra'o/ /khyed bdag la smra ba'i tshig gi lam thong zhig /khyed kyis bdag la smras pas chog go zhes smras pa dang/ de ltar gyur pa ston pa la gsol nas tshig 'jam pos bsgo zhig ces byas pa nas bslab pa'i gnas bcas so zhes bya ba'i bar du snga ma bzhin no/ /dge slong ma 'ga' zhig bka' blo mi bde ba'i rang bzhin can du gyur la/ de la bstan par gtogs pa dang/ bde bar gshegs pa'i mdo sder btogs pa'i bslab pa'i gnas kyis dge slong ma dag gis chos dang mthun pa 'dul ba dang mthun pas bsgo na/ ngag mi mnyan te/ 'phags ma dag dge yang rung sdig kyang rung bdag la cung zad kyang ma smra zhig / bdag kyang 'phags ma dag la dge yang rung sdig kyang rung cung zad kyang mi smra'o/ /'phags ma khyod kyis bdag la tshig gis lam phyir mi ldog par bya bar byos shig /bdag la smras pas chog go zhes zer na/ dge slong ma de la dge slong ma de dag gis 'phags ma khyod bstan par gtogs pa dang/ bde bar gshegs pa'i mdor gtogs pa'i bslab pa'i gnas rnams kyis dge slong ma dag gis chos dang mthun pa 'dul ba dang mthun pas bsgo na/ bdag nyid ngag mi nyan par ma byed par ngag nyon cig /'phags mal dge slong ma rnams kyis chos dang mthun pa dang 'dul ba dang mthun pas bsgo ste/ 'phags mas kyang dge slong ma rnams la/ chos dang mthun par 'dul ba mthun par smros shig /de ci'i phyir zhe na/ 'di lta ste/ gcig gi ngag gcig nyan pa dang/ gcig la cig 'doms
- 74a
shing rjes su ston pa dang/ gcig gis cig ltung ba las 'byin pas/ de ltar na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis 'khor 'phel bar 'gyur ro/ /'phags ma khyod dag mi ngan pa'i las kyi mdza' 'di lta bu thong zhig ces bsgo bar bya'o/ /dge slong ma de la dge slong ma rnams kyis de skad bsgo nas/ gal te mi gtong na dngos po de spang bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ /yang dag par bstan nas gal te dngos po de btang na ni legs/ gal te mi gtong na chos 'di yang lan gsum du dbyung bar bya ba ste/ dge 'dun lhag pa'o/ /dge slong ma gang zhes bya ba ni ti sha ste gzhan yang de dang 'dra'o/ /bka' blo mi bde ba'i rang bzhin can du gyur zhes bya ba ni/ rigs pa dang mthun pas nyes pa byung ba dang/ shog cig ces bsgo ba na byed du mi btub cing log par 'dzin pa'o/ /bstan par gtogs pa bslab pa'i gnas zhes bya ba ni ltung ba sde lnga la bya'o/ /bde bar gshegs pa'i mdor gtogs pa zhes bya ba ni ston pa la bde bar gshegs pa zhes bya ste/ des bstan pa'i mdo sde 'am/ yang na mdo sde kun bstan pa 'am/ sangs rgyas kyis bstan pa 'am/ nyan thos kyis bstan pa'o/ /dge slong ma dag gis zhes bya ba ni chos 'di la zhugs pa'o/ /chos dang mthun pa 'dul ba dang mthun pa zhes bya ba ni chos dang 'dul ba dang ston pas bstan pa bzhin du rim gyis phan pa la zhugs pa'i phyir bsgo ba'o/ /bdag dag mi nyan ces bya ba ni de la bsdams shing rjes su bstan pa la bdag nyid ma gtogs par byed pa'o/ /'phags ma dag dge yang rung sdig kyang rung bdag la cung zad kyang ma smra zhig ces bya ba ni 'phags ma ni snyan tshig go /dge ba la ni ma gzhug cig /sdig pa la ni ma zlog cig pa'o/ /
- 74b
bdag la cung zad kyang ma smra shig ces bya ba ni bdag nyid kyi phyir pha rol gyi tshig gi lam 'gog pa'o/ /bdag kyang 'phags ma dag la dge yang rung sdig kyang rung zhes bya ba ni/ dge ba la mi gzung ngo/ /sdig pa las mi zlog ste/ bdag nyid kyi phyir gcig la cig 'doms shing rjes su ston pas spong bar byed pa'o/ /tshig gi lam bzlog cig ces bya ba ni zhi bar byos shig de la rjes su ston par khyed sus bsgos zhes bya ba'o/ /smras pa chog go zhes bya ba ni 'di skad du smras pas bdag la che ci dgos chog go /khyed cag nyid la phan pa la 'jug par gyis shig /zhan la glengs te ci bya zhes pa'o/ /dge slong ma de la zhes bya ba ni ti sha'o/ /dge slong ma rnams kyis zhes bya ba man chad ni gong du bshad pa bzhin no/ /lhag ma nyi shu pa rdzogs so// //'phags ma bdag gis dge 'dun lhag ma'i chos nyi shu po dag bshad zin to zhes bya ba ni mjug bsdu zhing spro ba bskyed pa'o/ /bcu gnyis ni nyes pa dang po de nyid kyis so zhes bya ba ni dge 'dun gyis bzlog kyang rung ma bzlog kyang rung/ byas ma thag tu nyes pa rnam par bzhag pa'i phyir ro/ /brgyad pa ni lan gsum gyi bar du'o zhes bya ba ni dkon mchog gsum dang bslab pa stong pa nas bka' blo mi bde ba'i bar brgyad po rnams ni dge 'dun gyis bzlog ste/ mi ldog na lan gsum pa'i tshig tshogs ma thag tu dge 'dun gyis bka' bcag pas nyes pa rnam par bzhag pa'i phyir ro// dge slong ma de dag las zhes bya ba la sogs pa ni nyes pa la dbyung ba'i chos rnams ston te/ 'di la yang rnam pa lngas bshad de/ nyes pa dang/ bsams pa dang/ nyes pa'i chad pa'i las dang/ sbyang ba dang/ gang zag bstan pa'o/ /de la nyes pa zhes bya ba ni dge slong mas de dag las nyes pa gang yang rung ba zhig pa byas la zhes bya ba yin te/ de dag las nyes pa gang yang rung ba zhes bya ba ni dge 'dun lhag ma nyi shu las gang yang rung ba'o/ /bsam gtan pa zhes bya ba ni ji srid du shes bzhin du bcas pa de srid du mi 'dod
- 75a
pa bzhin du gzhug go zhes bya ba'o/ /de la ji srid du zhes bya ba ni zhag gam zla ba 'am lo yang rung ngo/ /de bzhin du zhes bya ba ni nyes pa byung yang nyes par mi shes sam dran pa nyams pa yang rung ste/ bcab pa'i sems med pas zhag 'das kyang de la mtshan mo bcabs pa'i nyes pa med pa'i phyir ro/ /bcabs pa zhes bya ba ni mtshan mo bcabs pa dang/ sems kyis bcabs pa'o/ /de la mtshan mo bcabs pa ni lhag ma byung na bcabs par sems bskyed de skya reng gis chod pa'o/ /sems kyis bcabs pa ni nyes pa byung nas bcabs par sems bskyed la gang skya reng gis chod pa'o/ /skabs 'dir mi 'dod bzhin du chad pa byed du bzhug pa ni 'di gnyi ga gzung ngo/ /bshags par 'dod pa las brjed de ma bshags na bcabs pa'i nyes pa med zhag res nyes byas re re'o/ /'on pa dang/ skad brnga mi brad pa dang/ mtshams kyi phyi rol tu gnas pa dang/ rang bzhin du gnas pa ma yin pa dang/ phas pham pa byung ba dang/ mtshams med pa lnga byas pa dang/ khyim dang/ dge tshul ma la sogs pa la mthol na mthol bar mi chud de bcabs pa'i nyes pa ni med/ nyes byas ni yod do/ /bcabs pa bshags par bsams pa las dran pa nyams sam/ khyim par babs te slar dran pa rnyed cing rab tu byung na/ dran pa nyams pa dang/ bcabs pa bkol te/ snga phyi ji srid bcabs pa de'i chad pa byed du gzhug go /lhag ma gnyis dus gcig tu byung ste/ zla ba gnyis bcabs pa las gcig sngar mthol te/ chad pa zla ba gnyis chad ba'i tshe cig shos kyang mthol na zla ba gnyis kyis chad pa de yang bral bar bya ste/ dus gcig tu mthol na yang chad pa zla ba gnyis su zad pa'i phyir ro/ /zla ba gnyis bcabs pa ji lta bar gzhan rnams kyang de bzhin du rigs par bya'o/ /gang nyes pa byung nas ji srid bcabs pa'i zhag mi mngon pa des ni/ gtsang ma'i mdza' nas gzung ste chad pa byed du gzhug go /
- 75b
nyes pa byung na bcabs pa las mthal nas snga ma'i chad pa 'byed pa'i tshe/ nyes pa snga ma dang 'dra ba 'am mi 'dra ba gzhan byung na chad pa snga ma blangs pa spang la bub ste/ chad pa gzhi nas blangs nas byed du gzhug ste/ 'di ni gzhi nas blangs pa'i chad pa zhes bya'o/ /gal te chad pa de nyid byed pa'i tshe yang nyes pa byung na snga ma spang la bub ste/ yang chad pa gzhi nas bzlas te byed du gzhug go /'di ni gzhi nas blang ba bzlas pa'i chad pa zhes bya'o/ /mi 'dod bzhin du chad pa byed du gzhug ces bya ba ni mi btub na btang ba ma yin pa'i phyir te/ gal te mi btub na gnyen po la mi bsten pa'i phyir dgar ba'i las bya'o/ /chad pa ci zhig byed du gzhug ce na chad pa byed pa dang/ mgu ba spyod pa gnyis ni 'dra ste/ chad pa dang mgu ba byed pa'i tshul ni 'dra ste/ rang bzhin du gnas pa dang/ phyag bya bar bdag gir mi bya stan gcig la 'dug par mi bya/ stan mtho ba 'am mnyam nga nyid la ma yin/ btabs te 'dug par mi bya/ 'dun na 'chags par mi bya/ phyi nas 'gro ba'i dge sbyong mar 'gro ba bya'o/ /g.yogs pa gcig gi nang du gnas par mi bya/ gzhan rab tu mi dbyung bsnyen par rdzogs par mi bya/ gnas bca' ba mi sbyin/ dge tshul bsdu ba'i las mi bya/ gsol ba la sogs pa'i las byed par mi bsgo/ /dge slong ma rnams la gleng bar mi bya/ rang bzhin du gnas pa rnams kyi rkang bkru ba dang/ sgo dbye ba dang/ me mar dbyung ba dang/ gtsug lag khang bsku pa dang/ phyag dar bya ba dang/ bshad gci sa'i wa bkru ba dang/ sa dang lo ma dang/ grang rdo gsal ba rlung yab kyis g.yab pa dang/ mal stan spa ba dang/ lhung bzed kyi gzhi gsal bar bya'o/ /bsnyen par rdzogs pa thams cad kyi ni 'og /dge tshul ma rnams kyi gong du 'dug par bya'o/ /ston pa 'dug pa gsol zhing stong pa dang/ gaN+Di brdung bar bya ba dang/ dri gtsang khang phyag pa dang/ chag chag gdab pa dang/ tshe grangs rnams brjod par bya'o/ /chad pa dang mgu ba zhag du spyad pa yang dge
- 76a
'dun 'dus pa rnams la brjod par bya ste/ re re'i drung du ni ma yin no/ /chad pa dang mgu ba bcad pa yang/ chad pa 'am mgu bar byed pa 'am/ chad pa dang mgu bar bya ba byas zin pa 'am/ bslab pa byin pa la sogs pa'i tshogs kyi nang du mi bya'i gang na rang bzhin du gnas pa yod pa der spyad par bya'o/ /'di dbye ba mang mod kyi 'dir mdo tsam zhig bstan to/ /nyes pa'i chad pa'i las bstan pa zhes bya ba ni dge slong mas mi 'dod bzhin du chad pa bya ba nas de'i 'og tu dge 'dun gnyi ga mgu bar bya'o/ /zhes bya ba yin te/ chad pa dang mgu ba spyad pa'i tshul ni gong du bshad pa dang 'dra bas ma bshad de/ de'i 'og tu zhes bya ba ni chad pa byas pa'i 'og tu'o/ /dge 'dun gnyi ga zhes bya ba ni dge slong pa'i dge 'dun dang/ dge slong ma'i dge 'dun no/ /mgu bar bya'o/ /zhes bya ba ni zla ba phyed kyi bar du dge 'dun gnyi ga mgu bar byos shig pa'o/ /spyad? ba bstan pa zhes bya ba ni dge slong mas mgu bar byas nas dbyung ba la thogs te chos dang mthun par byas na zhes bya ba'o/ /de la dbyung ba las thogs te zhes bya ba ni ji ltar dug mngas phog pa ji srid du ma phyung pa de srid du mi bde ba dang 'dra bar/ nyes pa byas pa 'di yang dge 'dun gnyi gas gsol ba dang bzhi'i las kyis ma phyung na ring por ngan song gsum du mi bde ba rnam pa sna tshogs myong bar 'gyur ba'i phyir ro/ /chos dang mthun par byas zhes bya ba ni nyes pa byung ba des ji srid du bcabs pa'i chad pa yang chos bzhin du bcad/ zla ba phyed kyi bar du dge 'dun gnyis ga la mgu yang chos bzhin du byas pa'o/ /gang zag bstan pa zhes bya ba ni gang na dge 'dun gnyi ga'i tshogs bzhi bcu yod pa der dge slong ma de dbyung bar bya'o/ /dge 'dun gnyi ga las bzhi bcur gcig gis ma tshangs pas gal te dge slong ma de byung na dge slong ma de yang ma phyin pa dge 'dun gnyi ga
- 76b
yang? smad par 'gyur te/ de la ni dus yin no zhes bya ba yin te/ de la gnyi ga'i tshogs bzhi bcu zhes bya ba ni dge 'dun ma yang nyi shu dge 'dun pa yang nyi shu ste de las nyung du mi gnang ba'i phyir bzhi bcu zhes smos par zad kyi de la lhag na brgyad ste ci rnyed kyang rung ngo/ dge slong ma de dbyung bar bya'o zhes bya ba ni gsol ba dang bzhi'i las kyis so/ /de yang ma phyin la bya ba'i nyes pa las so/ /smid par 'gyur te zhes bya ba ni dge 'dun gnyi ga la 'das dang bcabs pa'i nyes byas yod pa'i phyir ro/ /de la de ni dus yin no zhes bya ba ni dge 'dun lhag ma'i nyes pa byung ba'i gang zag de la tshangs par 'gyur zhing nyes pa las phyin pa'i dus ni 'byin par byed pa'i chos sngar bstan pa las byung ba bzhin du byas pa yin no zhes bya ba'i tha tshig go /gang zag chad pa dang mgu ba spyod pa rnam pa drug yod de/ thams cad gnag pa dang/ phal cher gnag ba dang/ phyed gnag pa dang/ phyogs gcig gnag pa dang/ cung zad nag pa dang/ nag po med pa'o/ /de la thams cad gnag pa ni chad pa rnam pa gsum dang/ mgu ba rnam pa gsum dang/ dbyung ba bdun te thams cad tshes? bzhin ma yin pas byas pa'o/ /phal cher gnag pa ni gang chad pa ni chos bzhin la gzhan drug po thams cad chos bzhin ma yin pa'o/ /phyed gnag pa ni gnyis chos bzhin la/ gzhan lnga po rnams chos bzhin ma yin pa'o/ /phyogs gcig gnag pa ni gsum chos bzhin la bzhi chos ma yin pa'o/ /cung zad gnag pa ni drug chos bzhin la/ gcig chos bzhin ma yin pa'o/ /nag po med pa ni tha ma'i dbyung ba yang chos bzhin pa ste/ de bas na nag po med pas ni nyes pa las phyung ba yin gyi snga ma rnams ni ma yin no/ /gang zag rnam pa drug gis ni dge slong ma gcig gi mdun du bshags pas tshangs par 'gyur te/ drug gang zhe na mdo sde dang/ 'dul ba dang/ ma mo zad pa 'dzin pa dang/ shin tu ngo tsha yod gang dag rkyen nges 'chi bar 'gyur ba dang/ dge 'dun
- 77a
gyi gnas brtan ma dang grangs shing bsod nams che ba ste/ bsam pa rnam par dag pas zhes pa las dbyung ba yin gyi chad pa'i las kyis ma yin pa'i phyir ro/ /yongs su dag pa dri ba ni go sla bas 'dir bshad pa ma byas so/ /ltung ba'i dngos po rnams bstan pa la slar phye ba'i gnyis pa ste dge 'dun lhag ma sde'i bshad pa rnams rdzogs so// //ltung ba'i dngos po bstan pa la sngar phye ba'i gsum pa ste/ ltung ba'i sde rnams 'dir ston to/ /'di la yang gnyis su dbye ste/ spang ba'i ltung ba dang ltung ba'o/ /de las spang ba'i ltung ba ni sum cu rtsa gsum pa'o/ /ltung ba ni brgya brgyad cu ste/ spang ba'i ltung ba rnams bstan pa'i phyir/ mdor na/ zhag bcur bcang dang bral bar mi bya dang/ /zla ba dang ni 'khru dang mi blang? dang/ /gnyen min mi blang stod g.yogs dang/ /lpags pa gnyis dang po nya rin bskur ba'o/ /zhes bya ba gsungs te/ de la zhag bcur bcad dang zhes bya ba ni ston pa mnyan du yod pa na bzhugs so/ /de'i tshe sbom dga' mo gos mang por gyur te/ bsod snyoms la 'dug pa'i cho gos gzhan gyon te/ de bzhin du zan za ba dang/ mkhan mo dang/ slob dpon gyi drung du 'gro ba dang mchod rten la phyag 'tshal ba'i cho gos lan re brje bas bya ba dang byed pa mang bar 'gyur te/ dge ba sna tshogs kyi bar chad du gyur pas de lta bu gyur pa ston pa la gsol nas/ sbom dga' mo rnam pa du mas smad de bslab pa'i gnas bcas so/ /dge slong mas chos gos zin te/ bstan ba byung nas chos gos lnga chongs shig de las lhag par 'chad na spang ba'i ltung ba'o/ /de ltar ston pas bslab pa'i gnas bcas pa dang/ khyim bdag gi bud med zhig gis bsams pa/ skye dgu'i bdag mo ni lha dang mi'i mchod nas yin na/ de la bdag gis rin thang chen po'i gos shig bskon no snyam pa las de'i tshe utpa la'i kha dog ma mnyan du yod par bsod snyoms la
- 77b
zhugs te/ rims kyis bsod snyoms rgyu ba las/ khyim bdag gi bud med de'i gan du phyin pa dang des phyag 'tshal nas 'di skad ces smras so/ /'phags ma skye dgu'i bdag mo gang na bzhugs/ des smras pa dbyar mo zad na'o/ /khyim bdag gi bud med kyis smras pa 'phags ma mkhyen par mdzod cig /bdag gis yun ring mo nas bsams pa skye dgu'i bdag mo de'i gan du phyin pa dang des phyag 'tshal nas 'di skad ces smras so/ /'phags ma skye dgu'i bdag mo gang na bzhugs/ des smras pa dbyar mthong na'o// khyim bdag gi bud med kyis smras pa 'phags ma mkhyen par mdzod cig /bdag gis yun ring mo nas bsams pa/ skye dgu'i bdag mo la rin thang chen po'i gos shig /bskon snyam nas bdag cag khyim pa mo ni bya ba mangs pa na/ 'phags mas gos 'di skye dgu'i bdag mo la bskon par ci gnang/ de nas utpa la'i kha dog mas bsams pa ma blangs na ni skye dgu'i bdag mo'i rnyid? pa yang stor la/ bud med de'i bsod nams kyang 'gag par 'gyur snyam nas gos de blangs te skye dgu'i bdag mo'i gan du song ste/ de ltar gyur pa rgyas par smras pa dang/ dge slong dag gis ston pa la gsol nas bka' stsal pa/ snga ma ni bcas pa'o/ /'di ni gnang ba ste/ nyan thos ma rnams la bslab pa'i gnas bca' o/ /dge slong mas gos zin te gtan ba phyung nas/ gos lhag pa rung bar ma byas pa ring na zhag bcu'i bar du chongs shig de las 'das par bcangs na spang ba'i ltung ba'o/ /dge slong mas gos zin te gtan pa phyung zhes bya ba ni gos zin la gtan par ma phyung ba yang yod/ gtan pa phyung la gos ma zin pa yang yod/ /gos zin la gtan pa byung ba yang yod/ gos kyang ma byin pa gtan pa yang ma phyung ba yang yod do/ /gos zin zhes bya ba ni bkrus drubs kha dog bsgyur ba'o/ /gtan pa phyung zhes bya ba ni tshul nas byung nas dge slong ma thams cad spyi'i gos gtan pa drungs nas zla ba
- 78a
lnga yul rgyu zhing gos tshul du dong pa las zla ba lnga lon te phyir lhags nas spyi'i chos gos la gtan pa byung nas/ so so'i chos la sngags btabs pa'o/ /zhag bcu zhes bya ba ni gos lhag rnyed pa nas bzung ste zhag bcu'i bar du'o/ /gos lhag ces bya ba ni byin gyis bslab pa las lhag pa'o/ /rung bar ma byas zhes bya ba ni gos lhag gi sngags kyis ma btab pa'o/ /chongs shig ces bya ba ni bdag gis bya ba'o/ /de las 'das par bcangs na zhes bya ba ni de las thal ba'o// spang ba'i ltung ba zhes bya ba ni dngos po spangs la ltung ba bshags pa'o/ /zhag bcu la nyin re gos re re ste gos bcu rnyed na/ thog ma rnyed pa'i gos zhag bcu 'das na de'i shugs kyis gzhan zhag ma tshang pa yang spang ngo/ /snga phyi gos re re zhig rnyed na phyi nas rnyed pa rung bar byas na sngar rnyed par rung bar byos shig /sngar rnyed pa rung bar ma byas la zhag bcu 'das na snga ma ni spang/ gos phyi ma rung bar byas pa ni spang mi dgos so/ /gos rgyu dang dbyibs rtags pa rnams ni mkhan po dang slob dpon la bsngo'o/ /ma brtags pa rnams ni yon bdag la bsngo'o/ /phyogs bcu'i dge 'dun dang dkon mchog gsum gyi bkor dang ma 'dres pa mtshams shig gi dge 'dun gyi rdzas ni gtsug lag khang gzhan gyi dge slong la bsngo'o/ /ma bsngos te zhag bcu 'das na dge 'dun gyi rdzas spang bar 'gyur ro/ /chos gos sngags kyis btab pa ni byin gyis brlab pa zhes bya/ gos lhag sngags kyis btab pa ni rung bar byas pa zhes bya ste/ dge slong mas chos gos lhag ma spangs kyang bral bar ma byas/ bral bar byas kyang ltung ba ma bshags pa ste/ de la gsum las cig ma byas kyang rung/ gnyis dang gsum char ma byas kyang rung ste/ de'i shugs kyis lhung bzed dang/ de'i snod dang/ phur bu 'am/ ska rags sam/ dge sbyong gi yo byad gang yang rung/ rdzas lhag spang ba
- 78b
byung ba'i sngon rol na sngags ma thebs pa kun spang ngo/ /spang ba'i ltung ba dang po rdzogs so// //ston pa mnyan du yod pa na bzhugs so/ /de'i tshe dge slong ma rnams gos mang zhing rnyed par gyur te/ de dag gis gos de rnams bkrus drubs kha dog bsgyur te/ gtur bu'i nang du bcug nas dge slong ma bzhin 'khod pa rnams gtams nas/ sham thabs dang bla gos bgos te/ ljongs rgyu zhing dong ba dang/ lus ma yog cing sha snang bar gyur la/ dge slong ma gzhi na 'khod pa dag kyang de dag gi gos skems/ 'ding/ sprug/ sdud cing sped pa na byed dang byed pa mang bas dge ba'i bar chad du gyur te/ don nyung ba'i dge slong ma rnams 'phya ste/ de ltar gyur pa ston pa la gsol nas/ gso dka' ba dang dbang? dka' ba'i nyes pa smad nas nyan thos ma rnams la bslab pa'i gnas bcas so/ /dge slong mas gos zin la gtan pa phyung nas gal te nub gcig chos gos lnga las gang yang rung ba las mtshams kyi phyi rol tu bral na spang ba'i ltung ba'o/ /de ltar bslab pa'i gnas bcas nas ston pa rgyal po'i khab na bzhugs so/ /de'i tshe na skye dgu'i bdag mo rgyal po'i khab dge slong ma'i dbyar mo thang rgyal po'i kun dga' zhes bya ba na 'dug go/ de nas skye dgu'i bdag mo bco lnga'i gso sbyong gi tshe/ dge slong ma'i dge 'dun dang gso sbyin la 'dus shing 'dug go /dge slong ma chos sbyin ma yang gso sbyin gyi gnas su song ba las chub dbyar bzangs blug pas sbyar ma gsher te skam pa la ring du thogs te/ gso sbyin gnas su song ste/ phyin pa dang gnas brtan ma dag gis bdag cag ni khyod ma 'ongs pa la ring zhig thogs zhes byas pa dang/ chos sbyin mos kyang ji lta bur gyur pa smras nas/ 'phags ma rnams bdag ni rgas te/ sbyar ma lci bas bkur mi nus na ji ltar bgyis shig ces smras pa dang/ de ltar gyur pa ston pa la gsol nas dge slong ma chos sbyin pa rgas pa sbyar ma dang bral bar mi 'gyur ba'i sdom pa byin cig ces bka' stsal te/ de bas na snga ma na
- 79a
bcas 'di ni gnang ba te/ de ltar na nyan thos ma rnams la bslab pa'i gnas bcas so/ /dge slong ma gos zin te/ gtan pa phyung nas gal te chos gos lnga las gang yang rung ba zhig nub cig mtshams kyi phyi rol tu bral na dge 'dun gyis gnang ba ma gtogs te spang ba'i ltung ba'o/ /gtan pa phyung zhes bya ba ni snga ma bzhin no/ /chos gos lnga zhes bya ba ni sbyar ma dang/ stong chags dang ngan g.yogs dang/ gong lugs dang/ dngul zan no/ /nub gcig ces bya ba ni zhag gcig skya reng gi chod pa'o/ /mtshams kyi phyi rol zhes bya ba ni grong shing thags kyis bsgor ba'i mtshams ni shing thags nas glang drug gis 'dren pa'i 'od ma'i shing rta'i khor yug dang bya gag 'phur ba tshun chad do/ /grong rtsig pas bskor ba'i grong ni ba lang dang/ lug gi mig rdul gar 'bas ba tshun chad dang/ rang bzhin gyis ngo tsha ba gshang gci skyel ba tshun chad do/ /'obs kyi bskor ba'i grong ni 'obs nas skas khru bcu pa tshun chad do/ /yang na phyag dar gyis phung po'i steng nas bong ba 'dril nas gar phyin pa tshun chad do/ /tshong dus kyi grong ni tshong pa spun ma bgos pa'i tshong 'dus kyi phyin nas 'dom gang tshun chad do/ /gru na phyi rol 'dom gang tshun chad dang yang na phur ba btab pa ste gru 'dogs pa tshun chad do/ /shing drung ni lo ma rlung gis bskyod de gar ltung ba dang/ thigs pa zag pa'i sa dang/ nyi ma phyed nas grib ma nyi ma gar 'khor ba tshun chad do/ /'brog dgon par ni 'dom gang tshun chad mtshams so/ /shing phal mo che'i ni lo ma 'dres nas mtshams ma phye ba tshun chad do/ /ma 'brel ba la ni 'dom gang tshun chad do/ /'dron pa lam du zhugs pa ni 'dom bzhi bcu rtsa dgu tshun chad do/ /mtshams kyi bar du ni chos gos kyi mdza' lus dang ma bral bar bya'o/ /mtshams sa de rnams kyi phyi rol tu chos gos lus la bdag nang du 'dug gam bdag phyi rol na 'dug la chos gos nang du lus te zhig agcig gi skya reng gis chod na spang bar 'gyur ro/ /dge 'dun gyi
- 79b
gnang na ma gtogs zhes bya ba ni gnang ba bskol ba'o/ /spangs pa'i ltung ba zhes bya ba ni dngos po spangs te ltung ba bshags pa'o spang ba gnyis pa rdzogs so// //ston pa mnyan du yod pa na bzhugs so/ /de'i tshe dge slong ma rnams gos sngon po zhig rnyed na de mi langs te/ bzhag nas nam 'di 'dra zhig rnyed na gdod gos bya'o snyam mo/ /sngon po ji lta ba bzhin du ser po dang/ dmar po dang/ stug po dang/ srab mo yang ngo/ /gang su yang rung ste/ chos gos tshol bas bya ba dang/ byed pa mang bas dge ba'i bar chad du gyur nas/ de ltar gyur pa ston pa la gsol nas bslab pa'i gnas bcas so/ /dge slong mas chos gos zan te gtan pa phyung nas dus ma yin pa'i gos rnyed la 'dod na dge slong ma de gos de long shig /blangs nas gal te langs na ni myur du gos su drubs te chongs shig gal te ma langs na gos kha ma longs par rnyed du re ba yod na dge slong ma des gos de zla ba gcig gi bar du zhog cig /de las langs par bzhag na spang ba'i ltung ba'o/ /dge slong mas chos gos zin la gtan pa phyung zhes bya ba ni snga ma bzhin no/ /dus ma yin pa'i gos zhes bya ba ni gtan pa gting na ston zla tha chungs nas dpyid zla ra ba nya'i bar du zla ba lnga ni dus shes bya'o/ /de phan chad ni dus ma yin pa'o/ /gtan pa ma gting na thams cad kyang dus ma yin no/ /gos rnyed du re ba yod na zhes bya ni ma dang pha dang ming po dang phu nu mo dang/ mkhan po dang slob dpon dang dus ston gyi tshe rnyed du re ba'o/ /kha ma langs zhes bya ba ni chos gos lnga'i kha mi longs pa'i phyir ro/ /spang ba'i ltung ba zhes bya ba ni ltung ba bshags pa las dngos po spong ba'o/ /ltung ba ji lta bu zhe na/ tshes gcig la gos gcig rnyed la re med dam snod mi rnyed du dogs na byin gyis brlobs shig /yang na rung bar gyis shig /yang na bskur cig /yang na gzhan la byin cig /de ltar ma byas na tshes bcu gcig gi skya reng shar na spang ba'i ltung ba'o/ /tshes gcig la gos shig rnyed la tshe bcu
- 80a
gcig la gos phyi ma rnyed na snga ma'i shugs kyis zhag bcur sdod du mi snang ngo/ /kha langs pa ser po zhig rnyed du re ba las phyis kha dog mi mthun pa zhig rnyed na zla ba gcig tu sdod du mi gnang ngo/ /gnyi ga kham langs pa rnyed du re ba yod na zla ba gcig tu gnang ngo/ /gos la rnam pa lnga ste/ bdag po yod pa dang/ bdag po med pa dang/ song nas phyir 'ong ba dang/ dur khrod pa dang/ phyag dar khrod pa'o/ /chos gos sbyar ma gsar pa ni nyi rim du sbyar/ rnyid pa ni bzhi rim du sbyar/ tshem bu ni du yang rung ngo/ /snam bu dgu pa dang bcu gcig pa dang bcu gsum pa ni dkyil 'khor phyed dang gsum pa'o/ /bco lnga pa dang bcu bdun pa dang bcu dgu pa'i dkyil 'khor phyed dang bzhi pa'o/ /nyi shu gcig dang nyi shu gsum pa dang nyi shu lnga ni dkyil 'khor phyed dang lnga'o/ /snam bu nyi shu lnga las lhag na tshem bu'o/ /zheng khru gsum dang chur khru lnga'o/ /yang na khru phyed dang lnga dang phyed dang gsum mo/ /lnga pa ni zheng khru gsum chur khru lnga'o/ /yang na khru phyed dang gsum dang chur bzhi'o/ /khor gsum yod pa des kyang chud do/ /spang ba gsum pa rdzogs so// //byang chub sems dpa' i bcom ldan 'das dga' ldan gnas nas rnam pa lnga la gzigs te/ rigs dang yul dang rus dang dus dang bud med la gzigs nas yul gyi dbus ser skya/ yab zas gtsang ma/ yum sgyu ma'i lha mo'i lhums su gshegs nas btsas pa'i nyin mo mnyan du yod par rgyal po u ra tshangs pas sbyin gyi bu gsal rgyal dang/ rgyal po'i khab tu padmo chen mo'i bu gzugs can snying po dang/ ke'u sha 'bir te rgyal gyi bu shar ba dang/ grong khyer rab rgyal du mdza' yas mu khyu kyi bu rab snang btsas te/ rgyal po de rnams na re sa chen po g.yos pa ni nged kyi bu'i yon tan te/ yon tan las bu'i ming rnams kyang rtags so/ /mtshan mkhan gyi mtshan bltas na/ rab tu byung nas ni mngon par 'tshang
- 80b
rgya'o/ /rab tu ma byung na 'khor los sgyur ba'i rgyal po rin po che bdun dang ldan par 'gyur ro/ /mtshan ni don thams cad grub par btags so/ /rgyal po chen po bzhi yang skra gnas dpya 'bul lo/ /shAkya lnga brgya g.yog mos pa can lnga brgya lnga brgya dang rta dang ba lang cang shes lnga brgya lnga brgya 'ang de dang dus gcig tu bcas so/ /don thams cad grub pas dka' ba lo drug spyad nas don med par gzigs yul bde 'gror grong dpon gyi bu mo dga' mo dang dga' stobs kyis lan bcu drug tu bzhos pa'i 'o ma sbrang rtsi can gyi thug pa gsol nas klu'i rgyal po dus can gyi rtswa gser gyi kha dog lta bu'i byang chub kyi shing drung bting ste steng du bzhugs nas nam gyi gung thun la bdud btul nas mngon par sangs rgyas so/ /thog ma yul 'khor mo 'jig tu nye lnga dang grong dpon gyi bu lnga sde btul/ ba lang gi gnas stug por drug cu sde btul/ bzang po mi phyed pa dang dga' mo dang dga' stobs bden pa la bkod/ lteng rgyas su ral pa can stong dang g.ya'i mgo'i mchod rten du dge slong stong po cho 'phrul gyis btul/ yul mnyam dga' i rgyal po gzugs can snying po lha stong phrag brgyad cu dang bram ze brgya stong bden pa la bkod/ rgyal po'i khab tu maung+gal gyi bu dang shA ri'i bu nyes brgya lnga bcu rab tu phyung mnyan du yod par gsal rgyal btul nas mnyan du yod pa na bzhugs so/ /yab kyis 'char ka der btang nas spyan drangs so// 'char ka bcom ldan 'das kyis bka' stsal te/ shA ri'i bus rab tu phyung ngo/ /de nas bcom ldan 'das ser skyar gshegs nas yab dang shAkya'i rigs rnams btul te bden pa la bkod do/ /mnyan du yod par 'char ka bsod snyoms la song ba chung ma spong mas mthong nas dud mo btab ste/ nga bor te ci bya zhes pa dang/ khyod pas byang chub kyi btsun mo grags 'dzin ma dang/ mgo phyi ka la sogs pa drug stong por nas rab tu byung na/ 'dam dang 'dra ba khyod cig ces zhes pa dang/ 'on bdag kyang rab tu 'byung ngo/ /de bzhin du sang
- 81a
rab tu dbyung ngo zhes smras so/ /'char ka 'gyod de da ltar lhung bzed nag po can dag 'phya zhing 'dug gal te/ dge slong ma 'di rab tu phyung na drug sde pos dge slong ma 'di rab tu phyung ngo zhes rje thu 'phya bar 'gyur ro snyam nas rgyal po'i khab tu byos te tshul du bzhug so/ /sped ma phyi de nyin par 'char ka la sdad te? ming? nas du zhing 'dug pa skye dgu'i bdag mos mthong nas rab tu phyung ngo/ /tshul nas byung nas phyir mnyan yod par phyin nas kha ton zer zhing 'dug pa la sped ma phyag 'tshal du 'ongs pa dang/ sngon gyi spyad pa rnams dran nas 'dod chags langs pa sped nas? shes te bros so/ /'char kas mgo reg ma sdod cig ces bdas pa dang brla la reg ste khu ba gtor ro/ /de nas 'dod chags zhi ba dang sped ma slar log ste smad g.yogs bkrus lta zhes pa dang/ khu ba mthong ba dang mo 'dod chags langs te/ /bu ba skog te mngal sgor bcug pa dang sems can dang ldan par gyur to/ /dge slong ma rnams kyis khyod 'char ka dang nyal lo zhes bya ba dang/ bdag 'char ka dang reg kyang ma reg go zhes rgyas par bcom ldan 'das la gsol te/ /'di pham par gyur ba ma yin gyis dben par zhog la zas kyi ma 'brel bar zhog cig /bu ni 'od srungs gzhon nu zhes bya ba phyis dgra bcom par 'gyur ro/ /de nas ston pas dgongs pa gnyen ma yin pa'i dge slong ma la gos 'khrur bcug pa'i nyes dmigs su 'gyur ro snyam nas bslab pa'i gnas bcas so/ /yang dge slong ma gang gnyen ma yin pa'i dge slong gos rnying 'khru ba 'am 'tshed dam 'chags na spang ba'i ltung ba'o/ /gnyen ma yin zhes bya ba ni pha'i rgyud zung bdun ma'i rgyud zung nas bdun gyi bar ni gnyen pa'o/ /gos zhes bya ni bal dang srin bal dang/ sha rna'i shun pa la sogs pa'o/ /rnying pa zhes bya ba ni zla ba bzhi 'khru zhes bya ba ni tha na chu'i nang du bcug pa tsam yang ngo/ /'tshed ces bya ba ni tshon gyi nang na smyug ma tsam yang ngo/ /'chag
- 81b
ces bya ba lag mthil gyis brdabs pa'o/ /spangs pa'i ltung ba'o zhes bya ba ni dngos po spangs la lhung bar gshags pa'o/ /ltung ba ji lta bu zhe na gnyen pa ma yin pa la gnyen pa ma yin par 'du shes pa dang/ gnyen ma yin pa la the tshom za bzhin 'khru 'chags la sogs pa byas na ltung ba'o/ /gnyen yin pa la ma yin par 'du shes pa dang gnyen la the tshom za ste byas na gnyis ga nyes byas so/ /spang ba'i ltung ba bzhi pa rdzogs so/ //bcom ldan 'das mnyan du yod pa na bzhugs so/ /de'i tshe na khyim bdag phyug cing longs spyod che ba zhig 'dug ste/ des rigs mnyam pa las chung ma blangs so/ /de nas dus phyi zhig na khyim bdag de longs spyod zad par gyur to/ /khyim bdag des bdag ni rgas te nor bsgrub mi nus so snyam nas chung ma la bzang po rab tu 'byung ngo zhes smras pa dang/ mo na re jo bo de ltar bdag kyang rab tu 'byung ngo zhes byas pa dang/ des de la de bzhin du bya'o zhes te/ gcig ni dge slong ma'i nang nas rab tu 'byung ngo/ /khyo ni dge slong pha'i nang nas rab tu 'byung ngo/ /dus phyi zhig na dge slong de bsod snyoms la zhugs pa dang/ des gos rnying pa mthong nas khyod la gos lta yod dam zhes smras pa dang/ bdag la ma mchis so zhes smras pa dang/ dge slong ma des rang gi sbyar ma byin no/ /des ston pas kun dga' bo la khyod song la dge slong dag de bzhin gshegs pa dang lhan cig tu ljongs rgyu bar dang pa rnams chos gos dang chos shig ces bka' stsal pa dang/ kun dga' bos kyang de bzhin du bsgo nas ston pa 'khor dang bcas pa ljongs rgyu zhing gshegs so/ /de'i tshe na ston pa glang po che ltar g.yas phyogs su gzigs nas dge slong zhig bla gos nyi cha dang ljongs rgyu zhing 'gro ba gzigs so/ /de nas kun dga' bo la/ kun dga' bo dge slong dbyar gnas pa dag gis gos kyi rnyed pa med dam btsun pa rnyed pa ma mchis so/ /'o na ci'i phyir sbyar ma med par ljongs rgyur 'gro /btsun pa dge slong 'dis sbyar ma dge
- 82a
slong ma la stsal to/ /kun dga' bo ci dge slong ma gnyen ma yin pa'i dge slong la gos len nam btsun pa len to/ /de nas ston pas dge slong ma rnams la smad nas bslab pa'i gnas bcas so/ /yang dge slong ma gang gnyen ma yin pa'i dge slong las gos blangs na brjes pa ma gtogs te spang pa'i ltung ba'o/ /gnyen ma yin zhes bya ba ni snga ma bzhin no/ /gos zhes bya ba ni ldum bu shan ka la sogs pa'o/ /len ces bya ba ni nyams su blangs pa'o/ /brje ba ma gtogs zhes bya ba ni brje ba bkol ba'o/ /spang ba'i ltung ba zhes bya ba ni snga ma bzhin no/ /ltung ba ji lta bu zhen gnyen ma yin pa la gnyen ma yin par 'du shes pa dang/ gnyen ma yin nam zhes the tshom za zhing blangs na ltung ba'o/ /gnyen yin pa la ma yin par 'du shes pa dang/ gnyen yin pa la gnyen yin nam ma yin zhes the tshom za bzhin blangs na nyes byas so/ /dge 'dun ma la dbul ba'i nang du gtogs pa dang tshig snyan par smras te byin pa dang/ bsnyen par rdzogs par bya ba la byin pa dang/ rkun pos phrogs pa dang/ rin gyis 'og tu byin pa dang/ brjes te byin pa dang/ grags pa dang/ bsod nams chen po dang ldan pa la 'phags ma thugs brtse ba'i slad du bzhes shig ces chags pa med par phul te song na ltung ba med do/ /spang ba'i ltung ba lnga pa rdzogs so// // ston pa mnyan du yod pa na bzhugs so/ /de nas sbom dga' mo snga dro'i dus la bsod snyoms la zhugs te/ khyim bdag gcig gi khyim der song ba de'i chung ma rgyan gyis klubs nas sgo khang du 'dug pas/ sbom dga' mo mthong ba dang phyag 'tshal nas sbom dga' mos chos bshad do/ /de yang dad pa skyes nas ras yug gcig gsol lo zhes byas pa dang/ sbom dga' mos de la sang dag 'chi 'am sus shes kyis/ /de ring nyid du brtul te bya/ 'chi bdag sde chen de dang ni/ bdag tu shes pa ma yin no zhes 'byung
- 82b
ba khyod kyis ma thos sam zhes bya ba nas khyim bdag gi chung ma'i bla gos blangs te byin pa'i tshig bshad byas nas song ngo/ /bram ze dang khyim pa rnams ci'i phyir na dge slong ma gang sbyin pa des ma mgu ste/ de'i gos nan gyis phrogs zhes mi snyen par 'dzer to/ /de ltar gyur pa ston pa la gsol nas bslab pa'i gnas bcas so/ /yang dge slong ma gang gnyen ma yin pa'i khyim bdag gam/ khyim bdag gi chung ma las gos blangs na spang ba'i ltung ba'o/ /zhes bcas pa dang/ dge slong ma gang zhig ljongs rgyu zhing dong ba las rkun pos bcom pa dang/ de dag gis bsams pa ston pas gnyen ma yin pa la slong du ma gnang snyam ste/ de dag rims kyi mnyan du yod par phyin pa dang dge slong ma dag gos blangs nas de dag gis kyang so so nas gos kyis bshugs so/ /de ltar gyur pa la gsol nas/ bka' stsal pa/ dge slong ma rnams snga ma ni bcas pa'o/ /'di ni bslab pa'i tshig bca' o/ /dge slong ma gang gnyen ma yin pa'i khyim bdag gam/ khyim bdag gi chung ma las gos slong na dus la bab pa ma gtogs te spang ba'i ltung ba'o/ /de'i dus ni 'di lta bu ste dge slong ma'i gos phrog pa dang/ gos rlag pa dang/ gos tshig pa dang/ gos rlung gi khyer ba dang/ gos chus khyer ba 'di lta bu ni de'i dus so/ /khyim bdag ces bya ba ni skyes pa'o/ /chung ma zhes bya ba ni bud med do/ /de nyid du ma yin zhes pa ni snga ma bzhin no/ /gos zhes bya ba ni ba la dang shang? na ka la sogs pa'o/ /dus ma gtogs zhes pa ni dus bkol ba ste/ rkun bos khyer zhes pa ni rkun po 'am g.yon can gyis phrogs pa'o/ /rlag ces bya ba ni rlag gam brjed pa'o/ /tshig pa dang rlung gis khyer ba dang/ chus khyer ba zhes bya ba ni de kho na'o/ /ltung bar 'gyur ba ni rin thang dang khru dang kha dog ste/ rin thang ni karSha pa Na lnga ri ba zhig blangs te lnga ri ba thob na slong ba'i tshe nyes byas/ thob nas spang ba'i ltung ba'o/ /karSha pa Na gzhan ni du ri ba slong ba de bzhin du sbyar/ karSha pa Na lnga ri ba zhig blangs pa las lnga ri ba zhig thob na
- 83a
slong ba'i tshe nyes byas/ lhag par thob pa la nyes pa med/ kha dog sngon po zhig blangs te sngon po thob na blang ba'i nyes byas/ thob na spang ba'i ltung ba'o/ /sngon po ji lta ba de bzhin kha dog gzhan dang stug po dang srab mo yang de bzhin no// gos sngon po zhig bslangs pa las ser po zhig thob na slong ba'i tshe nyes byas/ thob na nyes byas med do/ /khru gzhan yang de bzhin no/ /khru lnga blangs pa las lhag par thob na slong ba'i tshe nyes byas/ lhag par thob pa ltung ba med do/ /kha tshar dang ras ma bslangs pa las ras yug gam ras chen thob pa la ltung ba med do/ /spang pa drug pa rdzogs so// //ston pa mnyan du yod pa na bzhugs so/ /de nas dge slong ma mang zhig rkun pos bcom mo/ /sbom dga' mos de dag la smras pa/ ston pas ni dge slong ma rkun pos bcom pa'i phyir gos slong du gnang na khyed ci'i phyir mi slong/ de dag gi smras pa mi nus so/ /sbom dga' mos 'o na khyod kyi phyir ngas blang ngo/ /de dag gis smras pa/ de ltar na slongs shig ces byas pa dang/ sbom dga' mos de dag gi phyir bram ze dang khyim pa la chos bshad nas gos mang zhig bslangs te bzang po/ /bdag gis khyer ngan pa ni dge slong ma dag la byin de dag gos rnying pa 'tsham zhing 'khod pa dang dge slong ma dag gis mthong nas smras pa/ khyed kyis gos mang zhig thob ce na/ ci'i phyir gos rnying pa 'tsham dge slong ma dag gis smras pa/ khyed kyis ni thos par zad kyis ded kyis ni mthong mod kyis sbom dga' mos bzang po ni khyer ngan pa ni ded la byin no/ /de ltar gyur pa ston pa la gsol nas/ sbom dga' mo rnam pa du mas smad de bslab pa'i gnas bcas so/ /dge slong ma gos 'phrogs sam/ gos rlag gam/ gos tshig gam/ gos rlung gi khyer ram gos chus khyer yang rung/ gnyen ma yin pa'i khyim bdag gam/ khyim bdag gi chung ma gos slongs shig /gal te bram ze 'am khyim bdag de dag dang pa can te/
- 83b
dus kyi gos? mang po 'bul la/ 'dod na dge slong ma des de las stod g.yogs dang smad g.yogs las gos lhag par ma yen? cig de las lhag par blangs na spang ba'i ltung ba'o/ /dge slong ma gos rkun pos khyer ram chus khyer ram zhes pa nas khyim bdag gis chung ma nye du ma yin zhes ba'i bar? du ni snga ma bzhin no/ /stod g.yogs las lhag par len ces pa ni rnam pa gnyis te/ dge slong ma dang/ khyim pa'o/ /khyim pa'i stod g.yogs ni ras khru bcu gnyis pa'o/ /smad g.yogs kyi ras ni srid du khru bdun zheng du khru gnyis so/ /dge slong ma stod g.yogs ni ras ma bgos pa zhig na ni sbyar ma nyi rim dang/ smad g.yogs srid du khru lnga zheng du khru do'o/ /de las lhag par bslangs zhes pa ni de las 'das pa'o/ /spang ba'i ltung ba snga ma bzhin no/ /ltung ba ji lta bu zhen khyim pa'i stod g.yogs dang smad g.yogs blangs te khyim pa'i stod g.yogs thob pa las lhag par blangs na bslangs pa'i tshe nyes byas thob pa na ltung pa'o/ /dge slong ma stod g.yogs dang smad g.yogs kyang de bzhin no/ /khyim pa'i stod g.yogs dang smad g.yogs bslang pa ste thob na mi langs na ma slong zhig/ lhag pa na 'ang ma phyin cig /dge slong ma'i stod g.yogs dang smad g.yogs blangs te/ thob na ma langs na slongs shig /lhag na phyir byin cig /gos spang bar gyur pa de ma spangs sam/ ltung ba ma bshags par gzhan zhig rnyed na/ de snga ma'i shugs kyis spang bar 'gyur ro/ /spang pa bdun pa rdzogs so// //ston pa mnyan du yod pa na bzhugs so/ /de na khyim bdag cig gzhan gyi chung ma dang nyal ba dang/ chung mas ma nyal cig ces bsgo na ma btub nas chung ma yang skyes pa gzhan dag dang nyal bar gyur te/ khyim so kun ni zhig nas bran mo mngag gzhug pa gcig yod pa la/ khyim so gshig go zhes zer nas gnyi gas rtag tu brdeg ste sdug bsngal bar 'gyur ro/ /dus phyi zhig na sbom dga' mos khyim bdag bza' shug je gnyis la chos bshad nas logs par spyod pa
- 84a
btang te skyabs su song/ bslab tshig la bkod te langs te song ngo/ /bran mos bsams pa cung zad bdag la legs pa'i dpal yon du gyur pa 'ang sbom dga' mo'i drin yin na de la phan zhig bya'o snyam pa dang/ de nas dus phyi zhig na chung ma na re jo bo sbom dga' mos ni bdag cag gnyis kyi dge ba'i bshes gnyen bgyis te dri ma dang phral nas bslab tshig la bkod na de phan pa cung zad cig dbul bar bya'o zhes byas pa dang khyim bdag gi ras yug cig bskon no zhes smras pa dang/ bran mos thos te/ sbom dga' mo snga dro bsod snyoms la rgyu zhing khyim bdag gi khyim der 'ongs pa dang 'phags ma dgyes pa skyed cig khyim bdag pho mo gnyis kyis khyad la ras yug cig sbyin par byas so/ /de nas sbom dga' mo bran mo la yid ma ches bzhin du/ de gnyis kyi khyim du song nas bdag gis da dung ras de ma thob po zhes smras pa dang/ khyim bdag gis bdag cag gis gsang ste bgros nas 'phags mas su la gsan zhes byas pa dang/ sbom dga' mos nga rab tu byung nas yun du lon na de tsam yang mi shes sam zhes pa dang/ de gnyis kyis ras yug de phul ba dang/ ma mgu nas khyed gnyis ras yug 'di byin pa'i bsod nams ni yod la/ spyad pa'i bsod nams ni med kyis 'di khyer la ras gzhan byin cig ces byas pa dang/ khyim bdag gis chung mas khyo la jo bo tshong dus nas ras bzang po zhig long la phul cig khyim bdag gis kyang sbom dga' mo khrid nas tshod dus su ras rin thang chen po zhig tshong pa la nyos nas sbom dga' mo la phul lo/ /tshong ba de yang dus tshang nas khyim bdag des rin thang chen po ma khor nas tshong pas bzung ba dang/ dad pa'i bram ze dang khyim pa rnams 'phya nas de lta bur gyur pa ston pa la gsol nas bslab pa'i gnas bcas so/ /dge slong ma'i phyir khyim bdag gam khyim bdag gi chung ma gnyen ma yin pas gos kyi rin zhig spags nas bdag gi gos kyi rin 'dis 'di lta bu 'di
- 84b
'dra'i gos zhig nyos la dge slong ma ming 'di zhes bya ba 'ongs na/ de la gos rung ba dus su bskon no snyam pa las/ de la snga ma ma bsgo bar gal te dge slong ma rnam par rtog pa 'ga' zhig byung ste/ khyim bdag gam khyim bdag gi chung ma nye du ma yin pa'i gan du song la/ bzang po 'dod pa'i phyir tshe dang ldan pa bdag gi phyir gang gos kyi rin spags pa'i gos kyi rin des tshe dang ldan pa gos 'di lta bu 'di 'dra zhig nyos la gos rung pa dus su bdag la bskon na legs so zhes smras te gos mngon du grub na spang ba'i ltung ba'o/ /dge slong ma'i phyir zhes bya ba nas khyim bdag zhes pa'i bar du ni snga ma bzhin no/ /gos kyi rin zhes pa ni gser dang dngul la sogs pa'o/ /gos 'di lta bu 'di 'dra ba zhes bya ba ni rgyu dang dbyibs brtags pa gang yang rung ba'o/ /dge slong ma ming 'di zhes bya ba 'ongs na zhes pa sbom dga' mo'o/ /de la gos rung ba bskon no zhes bya ba ni spyad du bzod pa'o/ /snga ma bsgo zhes pa ni sngar ma spran pa'o/ /rnam par rtog pa 'ga' zhig byung zhes bya ba ni 'di ltar slong bar 'gyur pa'o/ /gos kyi rin des gos 'di lta bu 'di 'dra ba nyos zhes bya ba ni bdun las gang yang rung ba'o/ /bzang po 'dod ces bya ba ni mchog 'dod pa'o/ /nyes pa ji lta bu zhe na rin dang kha dog dang/ khru tshad de gong ma dang 'dra'o/ /skud pa blangs pa las ras ma thob bam ras ma blangs pa las ras chen thob pa la nyes pa med do/ /spang pa brgyad pa rdzogs so// //ston pa mnyan du yod pa na bzhugs te/ bslab pa'i gnas bcas so zhes bya ba'i bar du gong ma bzhin te/ khyad par ni khyim bdag gam khyim bdag gis chung mas so so nas gos kyi rin zhig spags te zhes smos so/ /ltung ba la ci yang gi khyad par gong ma dang 'dra ste/ spang pa dgu pa rdzogs so// //ston pa mnyan du yod pa na bzhugs so/ /de'i tshe na sbom dga' mo snga dro rgyal po'i khab tu bsod snyoms rgyu ba las blon po bram ze dbyar byed kyi khyim du song ngo/ /des dbyar byed la chos bshad pa
- 85a
dang/ de yang chos la dga' bos karSha pa Na drug cu gsol lo zhes byas pa dang/ sbom dga' mos sbyin pa'i tshigs bcad bya ste song ngo/ /dbyar zla ba gsum 'dag te chos gos byas te dbyar byed kyi gan du song ste phyin pa dang/ dbyar byed la mkhyen par mdzod cig bdag ni mnyan du yod par ston pa la phyag tshal du mchi'o zhes smras pa dang/ 'phags ma rgya mtsho'i pha rol tu gshegs kyang pa na drug cu bskur ro zhes byas pa dang/ sbom dga' mos tshigs bcad byas te song ngo/ /mnyan du yod par phyin pa dang/ de nyid du dge slong ma'i dbyar mo thang na 'dug go de nas dbyar byed kyi tshong pa la pa na drug cu bskur te/ tshong pa mnyan du yod pa na dge slong ma'i dbyar mo thang du phyin nas sbom dga' mo bzhugs sam zhes dris pa dang/ dge slong ma dag gis bsod snyoms la song ngo zhes byas pa dang/ tshong pa slar log te bdag gi 'di lta bu zhig tu byon cig ces gsungs shig /de nas song song pa dang sbom dga' mos 'ongs pa la dge slong ma dag gis rgyas par smras nas/ sbom dga' mos dge slong ma zhig khrid te song ba dang/ tshong pas rgyang ring po nas 'ongs pa mthong nas 'di ni ring par 'ongs pa las na sbom dga' mo yin par nges so snyom mo/ /sbom dga' mo des 'ongs nas tshong pa la karSha pa na drug cu khyer te 'ongs sam smras pa dang tshong pas kyang phul lo/ /de nas tshong pa'i khye'u gsar du dad pa skyes ba zhig la gtams nas song ngo/ /tshong pa'i khrims las nyi ma shar nas tshong dus su ma grams na karSha pa Na drug cus chad pas gcod do/ /sbom dga' mo nang par karSha pa Na byin cig ces byas pa dang/ khye'us 'phags ma cung zad gzhes shig /sbom dga' mos de ltar mi rung gi byin cig ces gos kyi mdza' nas bzung ba dang/ khye'u khros de pa na phyung ste mdun du bor ba dang/ sbom dga' mos smras pa grongs la byin cig khye'u bgrang ba la zhugs pa dang nyi ma shar nas karSha pa
- 85b
na drug cu phab po/ /de nas pha mas smras pa khyod kyis nor ji snyed cig bsgrubs nas karSha pa Na drug cu gsal/ des smras pa shAkya'i dge slong ma la dad pa ni de ltar 'gyur ro/ /khyim bdag gis rigs kyi bu dad pa skyes ma thag tu myu gu bcad do zhes 'bya zhing mi snyan par brjod do/ /de ltar gyur pa ston pa la gsol nas bslab pa'i gnas bcas so/ /dge slong ma'i phyir rgyal po 'am blon po 'am/ bram ze 'am/ khyim bdag gam/ grong rdal gyi mi 'am/ ljongs kyi mi 'am/ nor can nam/ tshong dpon nam/ ded dpon gyis kyang rung/ pho nya'i lag tu gos kyi rin bskur te/ pho nya khyod kyis gos gyi rin 'di 'dra ba 'di lta bu dus su rung ba'i gos shig nyos la dge slong ma ming 'di zhes bya ba 'ongs pa dang bskon cig ces bsgo ba las pho nya de yang gos kyi rin de khyer nas dge slong ma de ga la ba dar song ste phyin pa dang/ dge slong ma des 'phags ma mkhyen par mdzod cig /khyed la gos kyi rin 'di dag ni rgyal po 'am/ blon po 'am/ bram ze 'am/ khyim bdag gam/ grong rdal gyi mi 'am/ ljongs kyi mi 'am/ nor can nam/ tshong dpon nam/ ded dpon ming 'di zhes bya bas bskur gyis 'phags ma thugs brtse ba'i/ slad du 'di dag bzhes shig ces de skad zer ba dang/ dge slong ma des pho nya la tshe dang ldan pa pho nya dge slong ma dag ni gos kyi rin len mi rung gi dus su rung ba'i gos zhig rnyed na ni bdag cag len to zhes de skad smos shig /gal te pho nya des dge slong ma de la gang 'phags ma rnams kyis zhal ta dang 'phags ma rnams zhal tar bgyi ba lta ci mchis sam/ de skad zer ba dang dge slong ma gos 'dod pas zhal ta byed pa bstan te/ kun dga' 'am dge bsnyen yang rung/ 'di ni dge slong ma rnams kyi zhal ta ba ste/ 'di dag ni dge slong ma rnams la zhal ta byed do zhes byos shig /de nas pho nya des gos kyi rin te khyer nas zhal ta byed pa ga la ba der song ste phyin pa dang/ tshe dang ldan pa
- 86a
zhal ta byed pa shes par gyis shig khyod kyis gos kyi rin 'dis gos 'di lta bu 'di 'dra ba zhig nyos la/ dge slong ma ming 'di zhes bya ba 'ongs pa dang gos rung ba dus su bskon cig ces de skad smras te/ de nas pho nya des zhal ta byed pa la shin tu legs par bsgo zhing bstan nas/ dge slong ma de ga la ba der song ste phyin pa dang/ dge slong ma de la 'phags mas zhal ta bgyid ba gang lags pa bstan pa de la bdag gis legs par bstan gyis de'i gan du bzhud cig dang/ khyed la dus su rung ba bskon no zhes de skad zer ba dang dge slong ma gos 'dod pa zhal ta byed pa'i gan du song la tshe dang ldan pa zhal ta pa bdag la gos bgos so/ /tshe dang ldan pa zhal ta pa bdag la gos bgos so zhes lan gnyis lan gsum du bskul cing dran par gyis shig /lan gnyis lan gsum du bskul cing dran par byas nas gal te gos grub pa lta na ni legs gal te ma grub na lan bzhi lan lnga lan drug gi 'og tu snang ba'i phyogs su kyang mi smra bar 'dug cing/ de ltar lan bzhi lan lnga drug gi 'og tu snang ba'i phyogs su cang mi smra bar 'dug nas gal te grub na ni legs gal te ma grub na de'i 'og tu yang gos grub pa'i phyir brtsal te/ gos grub na spang ba'i ltung ba'o/ /gal te ma grub na phyogs gang nas gos kyi rin 'ongs pa der bdag 'gro bar bya'o/ /yang na yid brtan pa'i pho nya thong la tshe dang ldan pa khyod kyis dge slong ma ming 'di zhes bya ba'i phyir gang gos kyi rin bskur ba ste/ dge slong ma de'i gos kyi rin yang ma grub kyis shes par gyis shig /tshe dang ldan pa dag rang gi nor de chung ma gsan cig ces bsgo zhig de la de'i dus yin no/ /rgyal po zhes pa ni rgyal rigs spyi bo nas dbang skur ba'o/ /blon po zhes bya ba ni rgyal po la blo dang gros kyis 'tsho ba'o/ /bram ze zhes bya ba ni gtsang sbra can no/ /khyim bdag ni phyug po'o/ /ljongs zhes pa yul mi'o/ /nor can zhes pa ni byed pa
- 86b
snyed kyis phyug po'o/ /tshong dpon zhes pa ni thabs byin pa'o/ /ded dpon zhes pa ni 'gron po mang pa'i dpon po'o/ /pho nya'i lag tu bskur zhes pa ni mi rnam gsum mo/ /gos kyi rin zhes pa ni gser dang dngul lo/ /zhes bya ni spyad du 'os pa'o/ /gos 'dod pa'i dge slong ma zhes ba ni gos dgos par gyur pa'o/ /kun dga' ra ba zhes pa ni rung bar byed pa'o/ /dge bsnyen zhes pa ni skyabs su song ba'o/ /snang ba'i phyogs zhes pa ni bzhi ste/ rdza mkhan dang/ 'dreg mkhan gyi gnas dang/ khron pa'i drung dang/ zhing las byed pa'i gnas tshong dus dang bzhi'o/ /bskul ba'i sgo drug ste/ khyod 'dir byon nam de'i phyir ro/ /bde bar byon te ma don de'i phyir ro/ /gdan la gzhugs/ bca' ba 'tsho bza' ba zo?/ /btung ba 'thung don de'i phyir zhes pa dang drug ste/ de'i phyir don de ma go zhes zer na ngos su smros shig /don de drug ma thos sam tshig zur gyis smras pas pha rol gyi tshig mgo na drug po go ba'i bar du smros shig /yang na bdag po zhig ces bya ba ni nyes gnas sam 'gro ba dag 'gro ba'o/ /de ltar byas pa'i 'og tu zhal ta pas gos phul na thog ma'i nor bdag nyid la phul cig ces smros shig gal te zhal ta pas dge slong ma de la 'phags mas 'di bzhes shig dang bdag gis de'i sems mgu bar bya'o zhes zer na/ dge slong mas gos de long zhig gal te dge slong mas rnam pa 'di lta bu rnams ma byas par bslangs na thams cad du spang ba'i ltung bar 'gyur ro/ /de ltung ba ji lta bu zhe na mi ma yin pas byin te/ mi ma yin pas pho nya byas mi ma yin pas rung bar byas na nyes byas su 'gyur ro/ /mi ma yin pas byin mi ma yin pas pho nya byas mis rung bar byas na nyes byas/ mi ma yin pas byin mis pho nya byas mis rung par byas na nyes byas/ mis byin mis pho nya byas mi ma yin pas rung bar byas na nyes byas/ mi ma yin pas pho nya byas mis rung bar byas na nyes byas/ mis byin mis pho nya mis rung bar byas na spang ba'i
- 87a
ltung ba'o/ /spang ba'i ltung ba bcu pa dang po rdzogs so// //mdor bstan pa ni mi blang mtshan btab sna tshogs dang/ /nyo zhing 'tshod par byed pa dang/ /lhan pa lnga med lhung bzed dang/ /bdag bslangs legs par 'thab 'jug dang/ /mi sbyin bsngos pa zhig bdun pa/ /ston pa mnyan du yod pa na bzhugs so/ /de'i chen dge slong ma bcu gnyis ste rang gi lag gis le sbram dang dngul len cing len du 'jug /phung po gcig tu byed/ phung po gnyis su byed/ khri dang khri'i'u steng du 'jog pa la bram ze dang khyim bdag 'phya ste/ dge slong ma mgo reg ma rang gi lag gis le sbram dang dngul len du 'jug ste/ rab tu byung ba dag kyang de ltar byed na de dag khyim pa dang khyad par ci yod/ de dag la bsod snyoms sbyin par su zhig soms zhes mi snyan par 'dzer to/ /de ltar gyur pa ston pa la gsol nas bslab pa'i gnas bcas so/ /dge slong ma gang rang gi lag gis sa le sbram dang dngul len nam len du 'jug na spang ba'i ltung ba'o/ /dge slong ma zhes bya ba ni bcu gnyis sde'o/ /rang gi lag gi zhes pa ni lag nas lag gi so/ /sa le sbram dang dngul zhes pa ni gser dang dngul lo/ /len zhes pa ni bdag nyid do/ /len du 'jug ces pa ni gzhan gyi la'o/ /spang pa'i ltung ba zhes bya ba ni snga ma bzhin no/ /ltung ba ji lta bu zhe na bco brgyad de de la mngon sum du gyur pa mgu ste/ 'di long 'di nas long 'di tsam long 'di zhog 'dor zhog 'di tsam zhog /'di khyer 'di nas 'di snyed cig khyer/ /'di long zhes bya ba ni gser dang dngul lo/ /'di nas long zhes bya ba ni sgrom 'am gzeb nas so/ /'di snyed long zhes bya ba ni srang brgya 'am stong ngo/ /mngon sum du gyur pa 'di dgu la 'di long zhes bsgo na spang par 'gyur ro/ /mngon sum du ma gyur pa dgu yang gong du mngon sum du gyur pa dgu la gong du gsum bshad pas 'og ma drug kyang de bzhin rig par bya ba bzhin du mngon sum du ma gyur pa dgu yang de bzhin du sbyar te/ de nas
- 87b
long zhes bsgo na nyes byas su 'gyur ro/ /gser dang dngul dang mu tig dang bai DUrya dang dung dang shel dngas le sbram dang amra gar bal reg na ltung ba'o/ /zangs kyi dong tse mtshan mas btab pa sdom pa la reg na nyes byas/ lcags dang zangs dang 'khar ba dang ro nye dang tshon mo stengs la reg na nyes pa med do/ /than sog ma'i phreng ba dang nor bu ma phug pa dang mthing pu la reg na nyes byas so/ /ston pa mnyan du yod pa na bzhugs te/ yul tsam pa na khyim bdag dad pa bzang pos byin zhes bya ba'i gtsug lag khang dge slong ma dag cig tshul du zhugs te/ dbyar tshul nas 'byung kar bdag cag ni ston pa la phyag tshal du 'dod gis gos rtsod cig ces pa dang/ 'phags ma gos bzang po mchis te/ /tshong pa 'ong ba la skad cig cung ba zhes shig /de las bzang po 'jal te gsol lo zhes byas pa dang/ med na gos ngan pa 'ang rung gi byin cig /bdag ni bzang po sbyin na ngan pa gsol du mi rung ste/ /khyed ring nan bza' i ring karSha pa Na snoms te/ bzhud cig ces pa dang/ bdag cag karSha pa Na len du bcom ldan 'das kyis ma gnang ngo zhes dong ngo/ /dge slong ma rnams kyis smras pa khyed gos ngan na ci nyes pa dang/ /dge slong ma dag gis rgyas par smras so/ /de ltar gyur pa dge slong ma dag gis bcom ldan 'das la rgyas par gsol to/ /bcom ldan 'das kyis bka' stsal pa/ khyim bdag gam bram ze la gos kyis rin long zhig bslangs nas sbyin bdag gam zhal ta pa la bsngos shig par rjes su gnang bar bcas so/ /zhal te byed pa yul gzhan du song na yang de nyid la bstan par bya'o/ /dge slong mas mi rung ba zhig rnyed na long la dge slong ma'i mdun du byin gyis brlabs shig dgongs shig bdag ming 'di zhes bgyi bas mi rung ba'i dngos po 'di lta bu zhig rnyed pas/ rung ba'i dngos po bsgrubs so/ /de bzhin lan gnyis lan gsum du'o/ /spang pa bcu gcig pa rdzogs so// //ston pa mnyan du yod pa na bzhugs so/ /de'i tshe na bcu gnyis sde mtshan mas btab pa sna tshogs pa la spyod
- 88a
de/ sbyor bar byed/ spel bar byed/ 'phel bar byed/ bsgyur bar byed/ brdungs pas brdungs pa nyo/ /brdungs pas ma brdungs pa nyo bas khyim bdag smod cing mi snyan par 'dzer te/ de ltar gyur pa ston pa la gsol nas bslab pa'i gnas bcas so/ / yang dge slong ma gang mtshan mas btab pa mang por bsgyur bar/ byed na spangs pa'i ltung ba'o/ /dge slong ma zhes pa ni snga ma bzhin no/ /rnam pa mang po zhes pa ni mtshan mas btab pa'o/ /mang por spyod par byed ces pa ni gser dngul lo/ /spang ba'i ltung ba ni snga ma bzhin no/ /ltung ba ji lta bu zhe na spyod pa zhes bya ba ni yul phyogs tshol zhing rta tshol yul phyogs su brin pa'i zod rnams rdzong/ gsol ba'i rnams tshol/ gro ba dang ras phyis dang smyi gu tshol zhing bskyed tshol na ma grub kyi bar du nyes byas grub na ltung ba'o/ /spel ba ni brgyad ka dang bdun ka dang bcu kar gtong zhing gong ma bzhin du ma grub kyi bar du nyes byas grub pa spang ba'o/ /'phel bar byed pa na 'phral du ba dang/ rkang so dang gyur du gtong zhing snod dang yi ge tshol ba'i bar du gong ma bzhin du nyes byas dang ltung ba yang gong ma dang 'dra'o/ /bsgyur bar byed pa ni nor bu bre gang du gtong ba dang/ mu tig bre gang du gtong zhing dbang dang zhes bya ba nas spang ba'i bar du snga ma bzhin no/ /brdungs pas brdungs pa nyo zhes bya ba ni mtshan mas btab pa'i gser gyis mtshan mas btab pa'i gser tshol ba ste/ gzhan yang de bzhin du rig par bya'o/ /ston pas de ltar bslab pa'i gnas bcas pa dang/ dge slong ma'i gtsug lag khang zhig par gyur te sbyin bdag 'ongs nas 'phags ma ci'i phyir gtsug lag khang zhig par gyur/ dge slong ma dag gis gtsug lag khang gi bdag po dus la 'das so zhes smras pa dang/ de dag gi dge slong ma'i gtsug lag khang zhig pa gso ba'i phyir mtshan mas btab pa mang zhig dge slong ma la phul te 'phags ma bdag gis ma zad par bgyi ba 'di spel la khe ci mchis pa
- 88b
gtsug lag khang gi las gsar pa bgyis shig ces de byin no/ /dge slong ma dag gis de spas pa dang bka' stsal pa/ dge slong mas spel cig de dag gi dbul po dag la byin pa dang/ slar ma khugs nas ma dang pha dang dge bsnyen dbul po la ma sbyin par gta' nyi rim zhog la tshe grangs kyang dri bar byos la zla ba re re zhing skyed kyang long zhig /des ni las sar pa byos shig /dge slong mas kun tu spyod pa'i chos bcas pa bzhin du ma byas na 'das pa dang bcas par 'gyur ro/ /spang pa'i ltung ba bcu gnyis pa rdzogs so// // ston pa mnyan du yod pa na bzhugs so/ /de'i tshe na bcu gnyis sde mtshan mas btab pa rnam pa mang pos nyo zhing tshong pa la zhugs te bskyed cing 'byin par byed/ nyo zhing 'tshod bar byed do/ /ji ltar skyed par byed ce na gal te grong dang grong khyer na rin thang che la yul phyogs na rin thang chung na de'i tshe de nas nyo zhing 'dren no/ /ji ltar 'byin par byed ce na/ /nam grong khyer na rin thang chung bar gyur la yul phyogs na rin thang chen de'i tshe de'i 'byin to/ /de bzhin du lo legs pa'i tshe nyos la mu ge byung ba'i tshe 'tshod ba dang/ bram ze dang khyim bdag rnams 'phya zhing mi snyan par 'dzer to/ /de ltar gyur pa ston pa la gsol nas bcu gnyis sde la khyed kyi de 'dra ba mi mdzes pa byas pas bden nam zhes pa bka' stsal pa dang/ /btsun pa mang ngo zhes gsol nas rnam pa du mas smad de bslab pa'i gnas bcas so/ /yang dge slong ma gang rnam pa du mar nyo zhing 'tshod par byed na spang pa'i ltung ba'o/ /rnam pa du ma zhes bya ba ni rnam pa mang por nyo zhing 'tshod pa'o/ /byed ces bya ba ni de bzhin du sbyor ba'o/ /gzhan ni gong ma bzhin no/ /de la ltung ba ji lta bu zhe na khe'i phyir 'tshod na de la nyo ba'i tshe nyes byas/ /'tshod nas spang ba'i ltung ba'o/ /khe ma yin pa'i phyir nyos la khe ma yin pa'i phyir 'tshod na nyes pa med do/ /khe'i phyir nyos la khe ma yin pa'i phyir 'tshod na nyo ba'i tshe nyes byas so/ /'tshod pa la nyes pa med do/ /
- 89a
khe ma yin pa'i phyir nyos la khe'i phyir 'tshod? na nyo ba'i tshe nyes pa med do/ /'tshong na spang ba'i ltung ba'o/ /yul gzhan du sbyor zhing sdun gyi bu lon 'jal lo snyam pa la nyes pa med do/ /spang ba'i ltung ba bcu gsum pa rdzogs so// //ston pa mnyan du yod pa na bzhugs so/ /de'i tshe sbom dga' mos snga dro bsod snyoms la zhugs so/ /de'i tshe na dri 'tshong ba'i khye'u zhig la lhung bzed zlum po yongs su dad pa spyad du bzod pa zhig yod do/ /sbom dga' mos mthong nas su'i zhes smras pa dang/ /dri 'tshong ba'i khye'us 'di bdag gi lags so zhes byas pa dang/ /de ltar na nga la ci'i phyir mi sbyin/ /khye'u na re rin gyis 'jal na rung ngo/ /nga la rin med kyi skyes bu sa'i lhung bzed kyis gser gyi lhung bzed rnyed na de 'gyod du ci yod ces 'byung ba ma thos sam/ pham par mi 'gyur gyis tshur lta/ /khye'us lhung bzed ma ster ba dang/ /tshong dpon zhig der 'ongs bas phyag byas pas phyag byas pa dang/ /khyod kyi skam pos ci rung zhes pa dang/ /tshong dpon gyi lhung bzed karSha pa Na drug cus nyos te sbom dga' mo la phul to/ /de la sbyin pa'i tshigs bcad byas nas dri 'tshong ba la skyes bu dam pa 'dis karSha pa Na 'di snyed cig byung ba la bltos khyod ni ser sna byas pas yi dwags lkog rlon por skye bar 'gyur ro zhes byas nas dbyar mo thang du song ste lhung bzed spyom zhing 'dug pa dang/ de ltar gyur pa ston pa la gsol nas bslab pa'i gnas bcas te yang dge slong ma gang lhung bzed rnam pa lngar ma tshang pa rtag tu spyod du bzod pa spyod bzhin du bzang po 'dod pa'i phyir/ /gzhan tsal na spang bar 'gyur ro/ /de ltar bslab pa'i gnas bcas pa dang/ /dge slong ma zhing bsod snyoms spyod pa'i lhung bzed zag pas sbrang ma 'dug pa dang/ /bus ba dag gi bskor nas 'phags mas 'khor mang po'i las byas pa la bltos shes 'dzer to/ /mgon med zas sbyin gyis mthong nas 'phags mas zhal nas gsung pa ni bzad na
- 89b
mi bzad par byed pa 'di ci zhig dge slong mas smras pa khyim bdag kho mos mi bzang ba ci byas/ /'o na ci'i phyir khyod bus ba rnams kyi bskor zhing kho mo'i lhung bzed zag go /gzhan ci'i phyir ma sbyer/ /ston pas lhung bzed spyad bzod pa yod bzhin du gzhan 'tshol du ma gnang ngo/ /de ltar gyur pa ston pa la gsol nas bka' stsal pa/ /lhung bzed zag pa lhan pa lngas grong cig /'jog 'jog po bzer bu dang/ /rus sbal gyi so lta bu dang/ /leb leb po dang/ lcags phyes so/ /lcags phye'i 'bru mar dang bsres la me la bsreg par bya'o zhes gsungs so/ /de nas dge slong ma zhig lhung bzed dum bu lngar gyur pa dang/ skud pas btsems nas rung bar byas te bsod snyoms la 'gro'o/ /zan zos nas yang slar skud pa bkrol to rung bar byas te 'jog pa dang/ dge ba'i bar chad du gyur pa dang/ de ltar gyur pa ston pa la gsol nas bka' stsal pa snga ma ni bcas pa'o/ /'di ni rjes su gnang ba'o zhes bslab pa'i gnas bcas so/ /dge slong ma gang lhung bzed lhan pa lnga las lhag par rung bar spyad du bzod pa yod pa bzhin du bzang po 'dod pa'i phyir lhung bzed gsar pa gzhan btsal te lhung bzed grub na spang ba'i ltung ba'o/ /dge slong ma des lhung bzed de dge slong ma'i 'khor du rims la/ /dge slong ma'i 'khor na gang gi lhung bzed tha ma gyur pa dge slong ma de la dge slong ma khyod kyis lhung bzed 'di tha mar chags pa la thug gi bar du byin gyis brlabs par mi bya/ bskur par mi bya/ gzhan la sbyin par mi bya'o/ /bags kyi dal bus spyod cig ces sbyin par te de la ni dus yin no/ /lhan pa lnga las nyung ba ni lngar mchog pa'o/ /lhung bzed ces bya ba ni byin gyis brlabs pa te sbyar du bzod pa'o/ /lhung bzed gzhan tshol zhes bya ba ni gnyis pa'o/ /bzang po 'dod ces bya ba ni mchog 'dod pa'o/ /lhung bzed grub ces bya ba ni lhung bzed rnyed pa'o/ /dge slong ma des zhes bya ba ni dge slong ma gang yang yin pa'o//
- 90a
lhung bzed zhes bya ba ni lhung bzed lhag mar 'gyur ro/ /dge slong ma'i 'khor du phul cig ces bya ba ni lhung bzed 'brim ba'i dge slong ma chos lnga dang ldan pa gsol pa dang gnyis kyi las kyis bskos la/ gnas brtan nas rims la kun gyi tha mar gyur lhung bzed de/ dge slong mas byin gyis ma brlabs par ma bskur bar tha ma chag pa la thug gi bar du pags kyis spyod cig ces byin cig /des kyang lhung bzed kyi snod gnyis byos la/ gang bzang ba'i nang du byin gyis ma brlabs pa'i lhung bzed chug cig/ gang ngan pa'i nang du byin gyis brlabs la chug cig /kha zas bzang ba dang 'jam pa dang snod la mi gzan na ni mi brlabs pa'i nang du chug cig ngan pa dang rtsub mo ni byin gyis brlabs pa'i nang du chug cig khyer ba'i mi yod na byin gyis brlabs pa de la skur cig/ lhan pa med pa ni bdag nyid khyer cig khyer pa med na ni phrag pa g.yas pa la byin gyis brlabs pa khyer cig /phrag pa g.yon pa la ni ma glan pa thogs shig /tha ma chags pa spyad du mi rung ba'i bar du chongs shig /spang ba'i ltung ba zhes bya ba ni snga ma bzhin no/ /nyes pa ji lta bu zhen dge slong mas lhung bzed rdol ba lhan pa cig glan pas spyad du bzod pa mi glon par lhung bzed spyad du bzod pa yod bzhin du lhung bzed gzhan tshol na nyes byas rnyed na spang ba'i ltung ba'o/ /de bzhin du lhan pa lnga'i bar du 'ang de dang 'dra'o/ /dge slong mas lhung bzed rdol bar gyur te/ lhan pa gcig gis spyad bzod pa de glan te/ /de ltar lhung bzed spyad du yod bzhin du lhung bzed gzhan tshol na nyes byas so/ /nyes pa spang ba'i ltung ba'o/ /de bzhin du ltan pa bzhi'i bar du gong ma dang 'dra'o/ /dge slong mas lhan pa lngas glan pa'i rigs pa des/ glan kyang rnyed? ma glan kyang rung/ lhung bzed gzhan tshol na nyes pa med do/ /rin gyis nyos sam/ rjes te rnyed na nyes pa med/ las dang po ba la sogs pa la nyes pa med do/ /ltung ba'i
- 90b
ltung ba bcu bzhi pa rdzogs so// //ston pa mnyan du yod pa na bzhugs so/ /de nas sbom dga' mo 'di snyam du sems te/ /ston pas bslab pa'i gnas bcas te rnyed pa cung zad kyang bsgrub du med do/ /snyam nas mnyan du yod pa'i shar phyogs kyi sgo na yugs mo lnga brgya tsam ras kyi skud pa 'khal zhing 'khod do/ /de dag gi thang du song ba dang/ de dag gi nang nas gcig langs te stan bting nas phyag byas te phyogs cig tu 'dug go /sbom dga' mos de dag la chos bshad pa la zhugs te/ khyed sngon dge ba'i las byas pas mir skyes na de yang 'jig rten phyi ma'i rgyags zor mi grub bam/ de dag gis smras pa 'o na ci zhig bka' stsal/ khyed kyi dge 'dun ma la bshos stsol zhing gos re re bskon nus sam/ 'phags ma mi 'byor to/ /'o na bcu gnyis sde la dbul nus sam/ /'phags ma mi nus so/ /'o na de gcig pu la dbul nus sam/ mi nus so/ /'o na khyed thams cad kyis nga la skud pa zho gnyis gnyis 'bul nus sam de ni nu so zhes smras pa dang/ de dag gis skud pa zho gnyis gnyis byin te sbom dga' mos tha ga ba chung mar bcas pa zhig 'dug pa de la ras de thogs shig ces byas pa dang de kyang btags te sbom dga' mo la byin no/ /sbom dga' mo mnyan du yod pa'i lho dang byang dang nub phyogs su song nas de bzhin du skud pa blangs nas thag pa'i gan du song nas 'thag du bcug pa dang/ tha ga pas smras pa ras snga ma yang bu lon dad skyin po byas te zos pa yang de rung ma khor bas na 'thag mi nus so zhes bya ba dang/ sbom dga' mo khros nas btsun mo phreng ldan ma la gsol pa dang/ /blon mo chen po zhes bya ba gtad do/ /de nas kyang skud pa blangs nas rang rta la bskur de/ /tha ga ba spyi cher 'thag tu chug pa dang/ tha ga bas skud pa ngo shes na mi 'thag go zhes byas pa dang sbom dga' mos blon po chen po la btson rar gzhug par rigs so zhes byas pa dang/ /de kyang de bzhin du btson rar bcug pa dang/ /tha ga ba skrag nas ras btags te/ sbom dga' mo la byin pa dang/ rngan pa byin
- 91a
dur ma las ma byin pa dang smod cing mi snyam pa zer ro/ /de ltar gyur pa ston pa la gsol nas bslab pa'i gnas bcas so/ /yang dge slong ma gang bdag nyid kyis bslangs pa'i skud pa gnyen ma yin pa'i tha ga pa la gos 'thag du bcug na spang pa'i ltung pa'o/ /bdag nyid kyis bslangs pa ni rang gis bslangs pa'o/ /skud pa zhes pa ni kha cig gis ni zho gcig kha cig gis ni srang phyed kha cig gis ni zho gnyis byin pa'o/ /gos zhes bya ba ni 'dun las gang yang rung ba'o/ /'thag tu gzhug ces bya pa ni dngos po zin par byed pa'o/ /ltung ba ji lta bu zhen gnyen ma yin pa las bslangs gnyen ma yin pa la 'thag tu bcug na bslangs pa'i tshe nyes byas so/ /'thag pa la ltung ba med do/ /gnyen ma yin pa las bslangs bdag gis btags na nyes byas so/ gnyen ma yin pas btags na spang pa'i ltung pa'o/ /dge slong mas gnyen la skud pa bslangs te/ gnyen ma yin pas btags na ltung ba'o/ /des de gnyen gyis btags na nyes pa gnyi ga med/ des te bdag gis btags na nyes byas gcig tu zad do/ /rngan pa byin te 'thag tu bcug pa dang las dang po la nyes pa med do/ /spang ba'i ltung ba bco lnga pa rdzogs so// //ston pa mnyan du yod pa na bzhugs so/ /sbom dga' mos khyim bdag bza' shug skyabs su 'gro ba'i tshig la bkod pa dang/ de gnyis kyis 'phags ma sbom dga' mo la ras shig bskon no snyam nas de dag gis tha ga ba la skud pa byin nas 'thag tu bcug pa sbom dga' mos thos nas/ tha ga pa'i gnas su song ste smras pa bzhin bzang ras 'di ni kho mo'i phyir 'thag gis legs par thogs shig ces bsgo'o/ /de nas btsun mo phreng ldan ma la bsod snyoms blangs nas des kyang bdag chos zhim dgus sbom dga' mo'i lhung bzed bkang ste byin no/ /sbom dga' mos song ste tha ga ba la byin nas gos 'di pa'i yin gyis/ srid dang zhing 'di tsam byos la legs pa thogs shig
- 91b
ces smras nas song ngo/ /de nas sbom dga' mo nyin gcig bzhin lan gsum der 'ongs te thag pas 'phags ma skud pa bas so/ /sbom dga' mos smras pa khyim bdag de'i khyim du song la longs shig ces bsgo ba dang/ tha ga pas kyang skud pa bas so zhes khyim bdag las lan gsum gyi bar du bslangs pa dang/ khyim bdag gis ras bzang po mthong nas sbom dga' mo la mi sbyin par bshams pa dang/ tha ga ba khyim bdag gi der 'dug pa'i che khyer te shog cig ces smras nas sbom dga' mo khyim bdag la chos 'chad cing 'dug go/ tha ga pas ras de khyer to der 'ongs pa dang khyim bdag gis skad cig mo 'ang zhig pa'i brda byas pa dang/ tha ga pas ras de sbom dga' mo la bstan nas des kyang blangs te sbyin pa'i tshigs bcad byas pa dang/ khyim bdag mos tshur stsol tshul bzhin gyis la 'bul lo/ /des smras pa tshul bzhin ji lta bu bshos gsol lo/ /sbom dga' yos ci bdag la ngan pa cig bskon pa sems sam/ /'di kha dog bsgyur dgos zhes byas nas ras khyer te song ngo/ /tha ga pas khyim bdag la bdag la rngan pa byin cig /des smras pa ras de su la byin pa der rngan pa slongs shig /sbom dga' mo la bdag la ngan pa stsol cig byas pa dang/ sbom dga' mos nga'i bag chos dang/ mar dang/ bu ram brtsis na khyod kyis slar nga la 'bul bar 'gyur ro zhes byas na gnyi gar yang re 'chad nas tha ga pa 'phya ste/ gang la phan du re ste byas pas de slar gnod par gyur to zhes mi snyan par 'dzer to/ /de ltar gyur pa ston pa la gsol nas bslab pa'i gnas bcas so/ /dge slong ma'i phyir gnyen ma yin pa'i khyim bdag gi chung ma zhig gnyen ma yin pa'i tha ga pa la gos 'thag tu bcug pa las/ dge slong ma de la gal te/ sngar ma bsgo bar de rnam par rtog pa 'ga' zhig byung nas gnyen ma yin pa'i tha ga pa'i gan du song ste tshe dang ldan pa tha ga pa zhes gyis shig /gos 'di bdag gi phyir 'thag gis/ tshe dang ldan pa thag pa gos 'di thag ran bzad pa dang/ yug
- 92a
khyim che ba dang/ 'jur mdud med par thogs bcags na legs so/ /tshe dang ldan pa tha ga ba 'di lta ste/ ngas bza' ba 'am bca' ba 'am zas kyi rin cung zad cig sbyin no zhes de skad smras nas/ de gal te dge slong ma des gos bsgrub pa'i phyir/ 'di lta ste/ bza' ba 'am/ bca' ba 'am/ kha zas kyi ? cung zad cig byin te/ gos grub na spang pa'i ltung bar 'gyur ro/ /gzhan ni dngos su zad/ sngar ma bsgo zhes pa ni mgron du ma pos pa'o/ /de rnam par rtag pa 'ga' zhig byung zhes bya ba ni phran mo las thos pa'o/ /yug khyim che zhes bya ba ni/ zheng 'di tsam chur 'di tsam mo/ /'jur med ces pa ni dngos so/ /tshogs shig pa ni 'jam pa dang stug pa dang chags bzang po'o/ /bzang ba dang bca' ba dang zhes bya ba ni lnga'o/ /kha zas kyi rin zhes bya ba ni bza' ba lnga'o/ /gos bsgrub pa'i phyir zhes pa ni thob par bya'o/ /gos grub pa ces bya ba ni thob pa'o/ /ltung ba ji lta bu zhe na/ dge slong gi gos bsgrub pa'i phyir chas nas bza' ba dang bca' ba la sogs pa thag pa la byin te gos ma grub gyi bar du nyes byas so/ /grub na spang ba'i ltung ba'o/ /phyogs 'di lta bu zhig na gos 'thag gi de la byas shig ces byas na ltung ba med do/ /las dang po la sogs pa ni snga ma bzhin no/ /spang pa'i ltung ba bcu drug pa rdzogs so// // ston pa mnyan du yod pa na bzhugs so/ /sbom dga' mos slob ma la gos byin nas smras pa tshur shog lhan cig ljongs rgyu zhing spyod du 'dod do zhes bya ba las der 'gron mi btub nas sbom dga' mos chos gos phrogs so/ /de ltar gyur pa ston pa la gsol nas bslab pa'i gnas bcas so/ /yang dge slong ma la chos gos byin te/ de'i 'og tu khros 'khrugs rngams te mi dga' bar gyur slar phrogs sam 'phrog tu bcug kyang rung dge slong ma khyod la gos 'di mi sbyin gyis slar byin cig ces de la de skad kyang
- 92b
smras na dge slong ma de chos gos de'i lhag ma yod pa slar byin te bgos nas spang ba'i ltung ba'o/ /gos zhes bya ba ni bal la sogs pa bdun no/ /byin pa zhes bya ba ni byin pa'o/ /de'i 'og tu zhes bya ba ni dus gzhan du'o/ /khros 'khrugs rngams te zhes bya ba ni 'khrugs pa ma zhi ba'o/ /lhag ma yod zhes bya ba ni bltag ma ji tsam yod pa'o/ /phyin cig ces bya ba ni gtan spang ba'o/ /spang ba'i ltung ba zhes bya ba ni snga ma bzhin no/ /ltung ba ji lta bu zhen lus kyis phyogs pa dang/ ngag dang lus gnyi gas 'phrogs pa'o/ /lus kyi drangs te gos kyi mdza' dang lus su ma bral gyi bar du nyes byas so/ /lus dang bral na ltung ba'o/ /dag gis phrogs na yang de bzhin no/ /khyim pa 'phrog tu bcug na nyes byas/ lus dang bral na ltung ba dge slong ma gang gis dge slong ma la byin pa/ dge slong ma gang gis 'phrog du bcug na ltung ba'o/ /lus dang ma bral gyi bar du nyes byas re re/ lus dang bral nas phrogs pa ni ltung ba'o/ /phrogs du bcol ba la nyes byas/ dge slong ma 'phrog tu bcug na ltung ba'o/ /lus dang ma bral na gnyi ga nyes byas/ bral na dge slong ma la ni nyes byas/ 'chol pa la ni ltung ba'o/ /don gzhan dang 'dul ba'i phyir na nyes pa med do/ /gzhan gang zhe na slob dpon dang mkhan pos slob ma 'jigs pa dang bcas pa'i sa phyogs sam dus ma yin pa 'am chu dogs sam g.yengs sa lta bur 'gro ba las chos gos brogs na nyes pa med do/ /'dul ba'i phyir zhes bya ba'i slob ma sdig pa'i grogs po la brten nas/ de dang lam du 'gro bar 'gyur ba las bzlog pa'i phyir chos gos phrogs pa la nyes pa med/ las dang po pa la nyes pa med do/ /spang pa'i ltung ba bcu bdun pa rdzogs so// //ston pa mnyan du yod pa na bzhugs so/ /de'i tshe na dge slong ma utpa la'i kha dog mas khyim bdag cig log par lta ba las phral te/ skyabs su song ba'i bslab tshig la bzhag go /dge slong ma dag gis
- 93a
'phags ma khyod kyis khyim pa gang zhig bslab tshig la bzhag ces dris pa dang 'di'o/ /kho mo cag gis ni de la sngan chad bslangs pa gzar bu gang yang thob ma myong ngo/ /utpa la'i kha dog mas smras pa gal te nus na dge slong ma'i dge 'dun la bshos sbyar du gzhog go /zhes smras nas khyim bdag de'i gan du song ste khyod kyis dge 'dun ma'i bshos sbyor nus sam zhes smras pa dang/ des kyang sbyor ro zhes smras so/ /utpa la'i kha dog mas ci ges dang bcas pa sbyor ram gos med par spyod zhes smras pa dang/ khyim bdag gis 'dun bshos gsol nas ras yug cig 'bul lo zhes smras nas dge 'dun ma spyan drangs te de'i nub mo bza' ba dang bca' bar sbyar to/ /de lta bu sbom dga' mos thos nas ras zung cig po de das ma thob na sbom dga' mo ma yin no zhes smras nas khyim bdag gi gan du seng nas phyin pa dang/ khyim bdag gi ci dang ci sbyor ba zhib tu smras pa dang/ sbom dga' mos khyim bdag khyod sbyin pa'i bsod nams ni yod na/ spyad pa'i bsod nams ni med mod kyi/ shAkya'i bu la rab tu byung ba sde snod gsum dang ldan pa cig la byin cig khyim bdag gis de lta bu yon tan dang ldan pa ni khyod lags kyis snoms shig /sbom dga' mos bsam pa de'u re skur na ni mi rigs par 'gyur snyam/ dge 'dun ma shos gsol zin nas/ khyod ras de rgan rims nas ston la kho mo'i phang du 'ong cig ces bsgo ba dang/ khyim bdag gis kyang phyi de nyin dge slong ma'i dge 'dun bshos gsol nas rgan rims nas ras zung re bstan nas sbom dga' mo'i pad par bzhag go /dge slong ma gos 'gyed pas sbom dga' mo la ras zung de tshul rtsol dang bsgo bar bya'o/ /sbom dga' mos ras da ni de la khyim bdag gis sbyin no zhes smras pa dang/ dge slong ma dag gis khyim bdag la smras nas mdo zhes gsol pa dang/ dge 'dun ma'i rnyed pa gang zag bdag gir bsngos
- 93b
so/ /zhes mi snyan par 'dzer to/ /de ltar gyur pa ston pa la gsol nas bslab pa'i gnas bcas so/ /yang dge slong ma gang dge 'dun la bsdos pa'i rnyed pa gang zag bdag gis bsdos na spang ba'i ltung ba'o/ /yang dge slong ma gang zhes bya ba ni sbom dga' mo'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun no/ /rnyed pa zhes bya ba ni rnyed pa la rnam pa gnyis te/ /ba zas rnyed pa dang gos kyi rnyed pa'o/ /skabs 'dir ni gos kyi rnyed pa la bya'o/ /bsdos zhes bya ba ni yongs su grub pa'o/ /bdag nyid kyid bsngos zhes bya ba ni rang gi ched du'o/ /spang pa'i ltung ba ni snga ma bzhin no/ /ltung pa ji lta bu zhe na/ dge slong mas dge 'dun la bsngos pa'i rnyed pa gang zag bdag gis bsngos na spang pa'i ltung pa'o/ /gang zag cig bsngos pa gang zag gzhan la bsngos pa nas gcig la bsngos pa nas gnyis kyis bsngos pa la sogs te/ dge 'dun sde gnyis gcig las cig tu 'am thun mong pa las cig tu 'am/ sku gzugs dang mchod rten gyi yan lag gang la bsdos kyang rung ste/ gcig la cig tu bsnor pa ni bsngo ba'i tshe nyes byas thob pa yang nyes byas dang po'o/ /spang pa'i ltung bar gyur pa ma gtogs pa gzhan bsnor ba thams cad kyang sbyor ba'i tshe nyes byas dang thob na yang nyes byas so/ /dge slong mas pham babs bza' ba'i rnyed pa cig la bsngos pa gzhan la bsdos pa dang/ byol song cig la bsngos pa gzhan la bsngos na nyes byas su 'gyur ro/ /btsal te ma rnyed pa nyes pa med do/ /bskyis pa thad bzhin du bsags pa dang brnyam por byin pa la nyes pa med do/ /spang ba'i ltung ba bco brgyad pa rdzogs so// // ston pa mnyan du yod pa na bzhugs so/ /de'i tshe na gau ta ma skye dgu'i bdag mo'i lhan cig spyod pa dang nye gnas rnams sman gang kyang rung ste/ /de nas blangs de nas yang slar blangs/ zas phye ma dang 'dres pa phan tshun 'dres pa rang gi rgyud kyis myags nas gang dbye ba
- 94a
mi rtog pa de lta bu dus dang dus ma yin par za bas nas de ltar gyur pa ston pa la gsol nas bslab pa'i gnas bcas so/ /bcom ldan 'das kyis dge slong ma na ba rnams la gang pham pa'i yig 'byed pa'i sman gsungs pa 'di lta ste/ mar dang/ 'bru mar dang/ sbrang rtsi dang/ bu ram ste de dag 'dod na dge slong ma rnams la zhag bdun du byin gyis brlabs la pags pa yongs su spyad pa bzhin du bza' bar bya'o/ /de las 'das par zos na spang ba'i ltung ba'o/ /dge slong ma zhes bya ba ni chos 'di la zhugs pa'i rnams so/ /na ba'i rnams zhes bya ba ni mi bde ba rnams la'o/ /phan pa'i yig 'byed zhes bya ba ni sman de dang mthun pa'o/ /mar dang 'bru mar dang/ sbrang rtsi dang/ bu ram zhes bya ba ni dngos su zad do/ /'dod pa zhes bya ba ni dgos par gyur pa'i/ /dge slong ma des zhes bya ba ni gang na bar gyur pa'o/ /rang gis byin gyis rlobs shig ces bya ba ni bdag nyid kyis so/ /pags pa yongs su spyod pa bzhin du bza' bar bya'o zhes bya ba ni thog mar byin len byas nas bza' bar bya'o/ /de las 'das zhes bya ba ni zhag bdun 'das pa'o/ /de las sman gang de nas blangs de nas slar yang blangs/ zas kyis phyir mar 'dres te rang gi rgyud kyis myags nas phan tshun 'dres te gang dbyer mi rtog pa de lta bu dge slong ma khyim pa dang dge sbyong la byin cig /de rnams las bzlog pa ni dge slong mas byin len byos la dge slong ma'i 'dun du byin gyis rlobs shig /'phags ma dgongs shig bdag ming 'di zhes bgyi bas sman 'di bdag dang mtshungs par spyod pa'i phyir zhag bdun du byin gyis brlabs so/ /de bzhin du lan gnyis lan gsum du brjod par bya'o/ /nyin cig bzhin du ji ltar zos pa de yang dge 'dun la brjod par bya te/ bdag gis deng zhag gcig 'tshal lags te/ phyin zhag 'di rnyed cig lus so zhes zhag de de bzhin du
- 94b
brjod cing bza' bar bya'o/ /ltung ba ji lta bu zhen dge slong mas tshes gcig la sman zhig rnyed la/ tshes gnyis la yang gzhan zhig rnyed la dge slong mas snga ma de'i zhag bdun tshun chad po zhig yang na phyi ma'o/ /yang na phyi skur cig /yang na gzhan la byin cig /ma skur 'am gzhan la ma byin te zhag brgyad po'i skya reng gis chod nas spang ba'i ltung ba'o/ /de bzhin du tshes gnyis po dang gsum po nas bdun po'i bar du de bzhin du sbyar ro/ /dge slong mas sman spangs par gyur la zhag lon par ma byas pa dang/ /zhag lon par byas la ltung ba ma bshags pa dang gsum chang ma byas sam cig ma byas pa 'dra ste/ /gzhan rnyed na de yang snga ma'i rgyud kyis spang ngo/ /spang pa bcu dgu pa rdzogs so// //bsdus pa'i mdo sde/ lhung bzed sogs byed so so ste/ /skye bo mang po dge slong ma yang gnyis/ /kun tu sbyar ba'i tshogs na brjod pa yin/ mdor na/ lhung bzed rnams ni sogs pa dang/ /bya ba chos gos brje ba dang/ /dus min chos gos dus su dang/ /mtshan mas btab pa mi bya'o/ /ston pa mnyan du yod pa na bzhugs so/ /de'i tshe na dge slong ma bcu gnyis sde rnams lhung bzed grub cing rnyed pa rnams bsags te/ bdag cag nyid kyang mi spyod dge slong ma gzhan dag la yang sbyin par mi byed de/ de ltar gyur pa ston pa la gsol nas bslab pa'i gnas bcas so/ /dge slong mas lhung bzed lhag pa ring na zhag gcig tu chongs shig de las lhag par bcangs na spang pa'i ltung ba'o/ /ring na zhag gcig ces bya ba ni nyin zhag gcig las 'das pa'o/ /lhung bzed lhag pa zhes bya ba ni byin gyis brlabs pa'i lhung bzed las lhag pa'o/ /de las 'das par bcangs na zhes bya ba ni de las 'das par bcangs pa'o/ /tshes gcig lhung bzed rnyed nas gnyis las lhung bzed gzhan zhig rnyed na dge slong ma des tshes gcig po'o/ /de nyid byin gyis rlobs shig phyi ma skur cig /yang na gzhan pa byin cig /ma skur ma byin te/ phyi de nang bar gyi skya reng gis non na spang ba'i ltung
- 95a
ba'o/ /tshes gcig la ma yin gyi tshes gnyis la rnyed tshes gsum la rnyed na/ dge slong ma des tshes gnyis pa'i snga ma de byin gyis rlobs shig /phyi ma skur cig /yang na gzhan la byin cig /ma skur gzhan la ma byin na phyi de nyin mo'i skya reng shar na spang ba'i ltung ba'o/ /de bzhin du tshes gnyis nas brgyad kyi bar du ma rnyed na/ dgu la lhung bzed cig rnyed de/ tshes bcu la yang lhung bzed gzhan zhig des rnyed na dge slong ma des tshes dgu pa'i lhung bzed snga ma de byin gyis rlobs la phyi ma skur cig /yang na gzhen la byin cig /ma skur ram gzhan la ma byin te/ phyi de nyin mo'i ska reng shar na spang ba'i ltung ba'o/ /dge slong mas tshes gcig la lhung bzed gnyis rnyed de/ /tshes gnyis la yang de gzhan zhig rnyed na dge slong ma/ des tshes gnyis po'i snga ma 'am phyi ma las gang yang rung/ lhung bzed cig byin gyis rlobs shig /spang ba ni snga ma bzhin no/ /tshes gcig la ma yin gyi tshes gnyis la 'am dgu'i bar du ste/ tshes bcu la yang gzhan zhig rnyed na dge slong ma das tshes dgu po'i snga ma de 'am phyi ma yang rung/ ma skur na spang ba'i bar du snga ma bzhin no/ /dge slong mas tshes gcig gi nyin mo lhung bzed mang zhig rnyed la/ tshes gnyis la yang des gzhan zhig rnyed na spang pa'i bar du snga ma bzhin no/ /lhung bzed chung ba 'am lhung bzed skya bo la nyes pa med do/ /spang 'di? ltung ba nyi shu pa rdzogs so// //zla ba phyed phyed cing zhes bya ba ni ston pa mnyan du yod pa na bzhugs so/ /bud med kyi bu dge slong ma rnams dran pa nyams pas na bdag gi sbyar ma gang yin/ stod g.yogs gang yin/ nad g.yogs gang yin/ gong lugs gang yin rdul gzan gang yin pa mi shes so/ /de nas gau ta mi skye dgu'i bdag mo chen mo ston pa ga la ba der song ba phyin pa dang spyi bos phyag 'tshal nas de lta bur gyur brgyas par gsol ba dang/ ston pas
- 95b
dge slong ma rnams kyis zla ba phyed cing chos gos rnams byin gyis rlob par gyis shig ces bka' stsal nas sbom dga' mos zla ba phyed cing chos gos byin gyis rlob par mi byed de/ /de ltar gyur pa dge slong ma dag gis ston pa la gsol nas/ /ston pas sbom dga' mo rnam pa du mas smad nas bslab pa'i tshig bcas so/ /yang na dge slong ma gang chos gos rnams zla ba byed cing byin gyis ma brlabs na spang ba'i ltung ba'o/ /gzhan ni dngos su zad chos gos rnams zhes bya ba ni byin gyis brlabs pa lnga la bya ste/ sbyar ma ma dang/ stod g.yogs dang nad g.yogs dang gong lugs dang rdul gzan no/ /byin gyis brlabs zhes bya ba ni so sor byin gyis brlabs pa'o/ /de la nyes pa ji lta bu zhe na dge slong mas zla ba phyed phyed cing chos gos rnams kyang gag kyang rung ba byin gyis ma brlabs na spang ba'i ltung ba'o/ /spang ba nyi shu gcig pa rdzogs so// //gtan pa zhes bya ba ni ston pa mnyan du yod pa na bzhugs so/ /ston pas dge slong ma rnams kyis gtan pa phyung shig ces bka' stsal pa dang/ sbom dga' mos dus la ma bab par gtan pa spas te cig zhig byas dbyung ngo zhes smras pa dang/ dge slong ma dag gis smras pa 'di dbyung ba'i dus la ma bab po/ /sbom dga' mos gtan pa'i dus zhes bya ba gang yin zhes smras te gtan pa byung ngo/ /dge slong ma dag chos gos lnga khyer nas ljongs rgyu zhing dong pa dang/ dge slong dag gis ci 'phags ma rnams kyis brtan pa ma bting ngam zhes dris pa dang/ dge slong ma dag gis bting ngo zhes smras pa dang/ de ltar bting na ci'i phyir tshes lnga dang ljong rgyu zhing dong de ltar gyur pa ston pa la gsol nas bslab pa'i tshig bcas so/ /dge slong ma gang dus ma yin par gtan pa phyung na spang pa'i ltung ba'o/ /dus la ma bab par gtan pa phyung zhes bya ba ni gtan pa'i dus gang yin zhe na ston zla tha chungs nya nas dpyid zla 'bring po'i bar du ste/ 'di ni gtan pa'i gos kyi dus so/ /de phan chad ni dus ma yin no/ /phyung zhes bya ba ni gsol pa dang gnyis kyi las kyis so/ /spa
- 96a
ba'i ltung ba zhes bya ba ni dngos po spang la ltung ba bshags par bya'o/ /de la nyes pa ji lta bu zhe na dge slong mas gang cung zad gtan pa dus la ma bab par phyung na thams cad spang ba'i ltung bar 'gyur ro/ /dge slong ma rkun pos bcom pa'i phyir 'byin na nyes pa med do/ /spang ba'i ltung ba nyi shu gnyis pa rdzogs so// //ston pa mnyan du yod pa na bzhugs so/ /ston pas dge slong rnams la dus ma bab gtan pa mi 'byin zhes bka' stsal pas na/ sbom dga' mo dus la bab kyang brtan pa 'byin du mi btub ste de nyid nyes pa'i dmigs su gyur to/ /de ltar gyur pa ston pa la gsol nas bslab pa'i tshigs bcas pa'i bar du snga ma bzhin no/ /yang dge slong ma gang dus la bab kyang gtan pa mi 'byin na spang pa'i ltung ba'o/ /dge slong ma gang zhes bya ba ni sbom dga' mo ste gang gzhan yang de dang 'dra'o/ /dus su gtan pa mi 'byin na ces bya ba ni gtan pa'i dus gang zhe na ston zla tha chung nya nas dpyid zla 'bring po'i nya'i bar du ni gos kyi dus so/ /mi 'byin ces bya ba ni gsol pa dang gnyis kyi las kyis so/ /spang ba'i ltung ba zhes bya ba ni dngos po spangs nyes pa'i ltung ba bshags par bya'o/ /de la nyes pa ji lta bu zhe na/ /dge slong mas dus la bab bzhin du gtan pa'i gos mi 'byin na thams cad du yang spang ba'i ltung ba'o// spang ba'i ltung ba nyi shu gsum pa rdzogs so// //mtshan mas btab ces bya ba ni mnyan de yod pa na gser mgar zhig yod de/ /des rigs mnyam pa las chung ma blangs so/ /gser mgar gyi bsams pa bdag gi chung ma 'di khyim so zin nam ma zin bgam me snyam nas/ /gser gyi 'khor lo zhig de'i mdun du bzhag ste song ngo/ /de nas sbom dga' mos snga dro bsod snyoms kyi phyir gser mgar de'i khyim du zhugs nas des su mos bsod snyoms blangs nas phyir byung ba dang/ /gser gyi
- 96b
'khor lo de mthong ste bkra mi shis pa 'di bor cig thong zhig bdag gis thog mar khyer la zas kyi sman blang ba'i mi rigs kyi gser gyi sman zlad gi byin cig ces smras pa bud med de yang ci yang mi smra bar 'dug go /sgom dga' mos cad mi zer ba ni khas blangs pa'i tha tshig go zhes smras te/ gser gyi 'khor lo khyer te song ngo/ /gser mgar de slar 'ongs te/ gser gyi 'khor lo de ga re smras na/ bu mo na re rab tu byung ma zhig 'ongs te de khyer te song ngo/ /zhes smras pa dang gser mgar gyis sbom dga' mo bzung ste nga'i gser ci'i phyir rku/ /sbom dga' mo na re da ni ma byin par mi lon no zhes smras nas de'i gdong du bor ba dang gser mgar gyis sbom dga' mo'i gdong du shin tu brdogs nas 'phya zhing snyen par 'dzer to/ /de ltar gyur pa ston pa la gsol nas bslab tshig bcas so// yang dge slong ma gang mtshan mas btab pa slong na spang ba'i ltung ba'o/ /mtshan mas btab ces bya ba ni gser dang dngul lo/ /gzhan ni gong ma dang 'dra'o/ /de la nyes pa ji lta bu zhe na/ dge slong mas bag ji tsam du khyim pa'i der song ste/ mtshan ma btab pa blangs na thams cad kyang spang ba'i ltung bar 'gyur ro/ /spang ba'i ltung ba nyi shu bzhi pa rdzogs so// //mdor na chos gos so sor byas nas ni/ /phyi phyir du ni mi gtong pa/ /gzhan phyir chos gos mal stan gtsug lag khang/ /skye bo mang pos rnyed dang dge 'dun phyir slong pa'o/ /chos gos lci ba yang par gyur pa tha ma ste/ dge slong ma gnyis 'dus la lug bal drug /bcu las 'das pa lhung bzed chung ngu dbyar/ /ras can de dag bya ma yin/ /lhag ma rnams ni bya ba'o/ /ston pa mnyan du yod pa na bzhugs so/ /de'i tshe na sbom dga' mo chos gos ngan par gyur te sbyar ma yang shin tu rnyings so/ /snga dro btsun mo phreng ldan ma'i der song nas chos bshad pa dang/ btsun mos 'phags ma'i chos gos ci'i phyir ngan/ sbom dga' mos smras pa/ bdag la chos gos sbyin pa'i
- 97a
khyim thab dang bu mchis sam zhes smras pa dang/ btsun mo phreng ldan mas gos phrugs shig gzeb nas phyung ste sbom dga' mo la phul ba dang/ btsun mo khyod la btang pa'i bsod nams ni mchis na yongs su spyad pa'i bsod nams ma mchis kyis drub pa'i gla dang tshon gyi rin byin cig smras pa dang/ des kyang byin no/ /sbom dga' mos de dag kun btsongs te zos nas gos ngan bzhin du btsun mo'i gan du song ngo/ /btsun mos 'phags ma ci da dung yang na bza' rnams 'di ltar ngan bzhin du bzhugs sam/ sbom dga' mos btsun mo rjes su yi rang bar mdzod cig /nyes pa brgyad las thar pa'i gter du brubs so/ /de skad ces smras pa dang/ /btsun mo 'phags ma ji skad gsungs dris nas sbom dga' mos bdag gi bu ga 'di dag dgab pa gos bzang po mi dgos te phyag dar khrod pas kyang 'tshal lo/ /bdag gis lus gre ba 'di ni dgang dka' ste/ /shing rta'i lte ba'i mig bzhin du snum gyis ma bskus kyi bar du mi 'khor ba dang 'dra ste/ 'di dgang pa'i phyir de dag bag chos sna tshogs su sbyar to zhes smras pa dang btsun mos thos nas 'phya ste ci'i phyir na dge slong ma 'di dag gos lus la bsgo ba rnams kha'i sgo bsgrub pa rigs sam zhes smras pa dang/ de ltar gyur pa ston pa la gsol nas snga ma bzhin du bcas so/ /yang dge slong ma gang chos gos kyi dngos po gzhan kha'i sgor sbyar na spang ba'i ltung ba'o/ /gos zhes bya ba ni ldum bu shan ka la sogs pa de bdun las gang yang rung pa'o/ /dngos po gzhan zhes bya ba ni dngos po gzhan du bsngos pa'o/ /kha'i sgor bsgrub ces bya ba ni bca' ba rnam pa lnga la sogs pa nyos te mgrin par mi bya'o/ /sbom pa'i ltung ba ni dngos po spang ba la nyes pa bshags par bya'o/ /nyes pa ji lta bu zhe na dge slong mas gos kyi dngos po gzhan dag kyang rung/ dngos po chung zad cig kha'i sgor bsgrubs te zos na spang ba'i ltung ba'o/ /spang ba'i ltung ba nyi shu lnga pa rdzogs so// //ston pa mnyan du
- 97b
yod pa na bzhugs so/ /de'i tshe sbom dga' mos yang de bzhin du chos gos ngan pa dang snga dro bsod snyoms la zhugs te khyim pa dang bram ze'i khyim du song nas chos bshad pa dang/ de dag gi chung mas 'phags ma'i na bza' ngan to/ zhes smras pa dang/ sbom dga' mos kho mo la khyim thabs bam bus sbyar zhing khyed la sbyin pa lta bu med do/ /khyim bdag gi chung mas de ltar 'phags ma'i na bza' bdag gi sbyar ro zhes smras nas/ la las ni skud pa byin/ la las ni thag pa'i gla byin/ kha cig gis ni grub pa'i gla byin/ la las ni tshon gyi rin byin pa dang thams cad zos te nyes pa brgyad las thar pa'i gter du brubs so/ /rjes su yi rang par byos shig ces pa'i bar du snga ma bzhin no/ /de dag gis 'phags ma khyed kyis ci zhig bgyis zhes dris pa dang/ sbom dga' mos smras pa kho mo la gos bzang po ci zhig bya/ bu ga 'di dag mi snang ba tsam ni phyag dar khrod pa cig lta bu yang rung ste/ yogs pa tsam gyis cho go zhes byas nas dge slong mas so so'i gos kha'i sgor sbyor ro zhes mi snyan par 'dzer to/ /de ltar gyur pa ston pa la gsol nas bslab pa'i tshig bcas pa'i bar du snga ma bzhin no/ /yang dge slong ma so so nas gos rnyed pa kha'i sgor byas na spang ba'i ltung ba'o/ /so so'i gos zhes bya ba ni kha cig gis skud pa/ kha cig gis ni btags pa'i bla/ kha cig gis ni tshon rin byin pa'o/ /rnyed pa zhes bya ba ni rnyed pa la rnam pa gnyis te/ gos rnyed pa dang zas rnyed pa'o/ /skabs 'dir ni gos rnyed pa la bya'o/ /kha'i sgor sbyor zhes bya ba ni de btsongs nas bca' ba lnga dang bza' ba lnga sbyar ba ste mgrin par ming na spang ba'i ltung ba snga ma bzhin no/ /spang ba nyi shu drug pa rdzogs so// //mal stan zhes bya ba ni ston pa mnyan du yod pa na bzhugs so/ /sbom dga' mo dbyar khang du 'dug pa dang der bram ze dang khyim bdag gi chung ma dag der lhags so/ /sbom dga' mos de dag las nor las byung ba'i bsod nams kyi dngos po rnam pa bdun brjod de chos bshad pa dang de dag
- 98a
gi sems dga' bar gyur te/ 'phags ma bdag cag gis ci zhig gyis shig pa bka' stsol cig smras pa dang/ pho mo'i gtsug lag khang 'di ni mal cha dang stan med do zhes smras pa dang/ khyim bdag gi chung ma dag gis mal cha dang stan gyi rin byin pa dang/ sbom dga' mo de dag thams cad zos so/ /sbom dga' mos dus phyi zhig na bram ze'i khyim bdag gi chung ma'i khyim du song ba nas/ chos bshad pa dang/ khyim bdag gi chung ma dag gis 'phags ma mal stan de dag 'jam mam zhes smras pa dang/ sbom dga' mos lus 'di ni gag tu rtswa bting ba la yang gzhan du rung na za 'og stan gyis ci zhig bya/ ro lta bu 'di dgang dka' ba ni shing rta'i lte ba ma bskus na 'gror mi btub pa bzhin du 'di dgang ba'i phyir khur la sogs pa zhim po mang du sbyar ro zhes smras pa dang/ khyim bdag gi chung ma dag 'phya ste/ ci'i phyir na dge slong mas 'di ltar mal cha dang stan gyi phyir rnyed pa kha'i sgor sbyar zhes mi snyan par 'dzer to/ /de ltar gyur pa ston pa la gsol nas bslab pa'i tshig bcas so/ /yang dge slong ma gang mal cha dang stan gyi phyir bsngos pa'i rnyed pa kha'i sgor sbyar na spang ba'i ltung ba'o/ /mal cha dang stan zhes bya ba ni nyal ba dang stan gyi phyir ro/ /rnyed ces bya ba la rnam pa gnyis te/ gos rnyed pa dang zas rnyed pa'o/ /skabs 'di mal cha dang stan rnyed pa la bya'o/ /kha'i sgor sbyar zhes bya ba btsongs te bca' ba lnga dang bza' ba lngar sbyar ba te mgrin par ming pa'o/ /nyes pa ji lta bu zhe na/ dge slong mas mal cha dang stan gyi rnyed pa gang ji tsam yang rung kha'i sgor sbyar na spang ba'i ltung pa'o/ /spang ba nyi shu bdun pa rdzogs so// // ston pa mnyan du yod pa na bzhugs so/ /sbom dgang mos dge slong ma'i gtsug lag khang zhig pa slar bcos pa'i phyir bram ze dang khyim bdag gi chung ma sbom dga' mo'i thad du lhags pa de dag la chos bshad nas khyim bdag gi chung ma dag gis gtsug lag
- 98b
khang slar bcos pa'i phyir nor bsdus te byin no/ /sbom dga' mos de thams cad zos so/ /khyim bdag gi chung ma dag phyis kyang der lhag ste/ dbyar mo khang ma bcos kyi zhig cing 'dug pa mthong nas/ 'phags ma ci'i phyir dbyar mo khang ma bcos zhes dris pa dang/ sbom dga' mos spyil po de tsam gang duAng rung skyob pa tsam gyis gnas par rung na/ dbyar mo khang chen pos ci zhig bya/ de dag ni bdag gis ro keng rus brel ba 'dir brubs so zhes smras pa dang/ bram ze dang khyim bdag gi chung ma dag 'phya ste/ ci'i phyir na dge slong mas dge 'dun gyi rnyed pa bdag gis bkur ro zhes mi snyan par 'dzer to/ /de ltar gyur pa dge slong ma dag gis ston pa la gsol nas bslab pa'i tshig bcas so/ /yang dge slong ma gang dbyar mo khang gi phyir bsngos pa'i rnyed pa kha sgor sbyar na yang spang ba'i ltung ba'o/ /dge slong ma zhes bya ba ni ston pa'i nyan thos ma'o/ /rnyed ces bya ba ni rnam pa gnyis te/ /gos dang zas rnyed pa'o/ /skabs 'dir ni gtsug lag khang gi rnyed pa la bya'o/ /gang zag gi phyir zhes bya ba ni rang gi phyir ro/ /bsngos zhes bya ba ni bdag la'o/ /de la nyes pa ji lta bu zhen/ dge slong mas gang ci tsam yang rung gnas kyi phyir bsngos pa'i rnyed pa kha'i sgor sbyar na thams cad spang ba'i ltung ba'o/ /spang ba nyi shu brgyad pa rdzogs so// //skye bo mang po zhes bya ba ni ston pa mnyan du yod pa na bzhugs so/ /de'i tshe dge slong ma mang zhig ljongs rgyu zhing lhags so/ /de dag gi phyir sbom dga' mos bram ze dang khyim bdag gi khyim du song nas bslang ba dang rnyed pa mang zhig grub po de thams cad bdag gi byas pa dang/ dge slong ma rnams 'phya ste/ ci'i phyir na dge slong ma skye bo mang po'i phyir rnyed pa gang zag nyid kyi phyir bsngos shes mi snyan par 'dzer te/ /de ltar gyur pa dge slong dag gis ston pa la gsol nas bslab pa'i tshig bcas so/ /yang dge slong gang skye bo mang po'i phyir bsngos pa'i rnyed pa gang zag bdag gi spang ba'i ltung ba'o/ /skye bo mang po'i phyir zhes bya ba ni
- 99a
dge slong ma'i dge 'dun gyi phyir ro/ /rnyed ces bya ba rnam pa gnyis te skabs 'dir ni kha zas rnyed pa la bya'o/ /gzhan ni dngos su zad/ de la nyes pa ji lta bu zhe na gang ji tsam du skye bo mang po'i phyir rnyed pa gang zag nyid kyis phyir bsngos na spang pa'i ltung ba'o/ /spang ba nyi shu dgu pa rdzogs so// //ston pa mnyan du yod pa na bzhugs te/ /dge slong ma sbom dga' mo yang dge slong ma'i dge 'dun gyi phyir rnyed pa der khyer na bdag gis byas so zhes dge slong mas thos nas 'phya ste/ ci'i phyir na dge slong mas dge 'dun gyi phyir bsngos pa'i rnyed pa gang zag gi phyir bsngo'o zhes mi snyan par 'dzer to/ /de ltar gyur pa ston pa la gsol nas bslab pa'i tshig bcas so/ /yang dge slong ma gang dge 'dun gyi phyir rnyed pa gang zag bdag nyid kyi phyir bsngos na spang ba'i ltung ba'o/ /dge 'dun gyi phyir zhes bya ba ni dge slong ma'i dge 'dun gyi phyir ro/ /rnyed ces bya ba ni rnam pa gnyis te/ /skabs 'dir ni gnyis ka la bya'o/ /bsngos zhes bya ba ni dge 'dun du gnang du'o/ /gzhan ni thams cad gong ma bzhin no/ /spang ba sum cu pa rdzogs so// //bcings pa 'grol ba zhes bya ba ni mnyan du yod pa na ste/ gtsug dga' mo dri 'tshong ba'i khye'u la chags nas mo de'i tshong khang du song nas rdzas gang cung zad nyos pa mo de la chags pa na des thum bur bcing zhing bcings pa dang/ yang dang yang 'grol zhing de'i tshe nyams su len lan lon cing gtam zer ro/ /de la dge slong ma dag gis bzlog /kyang de bzhin du tshig nyams su len no/ /de ltar gyur pa ston pa la gsol nas bslab pa'i tshig bcas so/ /yang dge slong ma gang bcing zhing bcings pa'i thum bu yang dang yang 'grol bar byed na spang ba'i ltung ba'o/ /yang dge slong ma gang zhes bya ba gtsug dga' mo'o/ /bcings shig bcings bcings pa'i thum bu zhes bya ba ni nyos pa'o/ /'grol zhes bya ba ni 'grol ba yang byed
- 99b
pa'o/ /nyes pa ji lta bu zhe na/ gang ji tsam du bcing zhing bcings pa'i thum bu 'grol te/ /de'i tshig kyang nyams su glangs na ltung bar 'gyur ro/ /spang ba sum cu gcig pa rdzogs so// //lci ba rin chen zhes bya ba ni ston pa mnyan du yod pa na bzhugs so// rgyal po gsal rgyal gyis ka 'da' shag ti la la ba rin po rin thang cher ri ba zhig byin no/ /des kyang la ba de chos sbyin ma la phul lo/ /chos sbyin mas kyang la ba de blangs nas chos gos kyi gdang la bkal te bzhag go /gtsug dga' mos chos sbyin gyi khyim du 'ongs nas phyag byas pa dang/ des la ba rin po che mthong nas 'phags ma la 'di gang nas 'ongs zhes dris dris pa dang/ /des kyang zhib tu smras so/ /gtsug dga' mos lha dang mis mchod pa khyod la su zhig du snyed zhes smras pa dang/ chos sbyin ma ci 'dod dam zhes smras pa dang/ gtsug dga' mos 'tshal lo zhes bya ba dang/ nga la la ba byin ma thag tu bgos nas bsod snyoms la zhugs pa dang/ bram ze dang khyim bdag gis mthong nas 'phya ste/ e ma'o dge sbyong ma rnams 'dod pa'i yon tan gyis gzir to/ /ci'i phyir na dge slong ma rnams kyis rgyal po la rigs pa'i gos bgos so zhes mi snyan par 'dzer to/ /de ltar gyur pa ston pa la gsol nas bslab pa'i gnas bcas so/ /yang dge slong ma gang lci zhing rin che ba'i gos bcangs na spang ba'i ltung ba'o// lci ba ces bya ba ni srad brgya 'am de las lhag pa 'das pa'o/ /rin che zhes bya ba ni karSha pa Na nyi shu 'am de las 'das pa'o/ /gos zhes bya ba ni ka shi ka'i phra ma 'am srin bal la byas pa'o/ /'chang zhes bya ba ni bdag gis pa'o/ /nyes pa ji lta bu zhe na/ dge slong mas gang ji tsam du lci la rin thang che ba'i gos bcangs na spang ba'i ltung ba'o/ /spang ba sum cu gnyis pa rdzogs so// //yang la rin che zhes bya ba ni ston pa mnyan du yod pa na bzhugs so/ /rgyal po gsal rgyal gyi gos rin che ba zhig btsun mo
- 100a
phreng ba can la byin pa dang/ des kyang skye dgu'i bdag mo la byin nas gos kyi gdang la bkal nas bzhag pa dang gtsug dga' mos mthong nas/ 'phags ma yang la bzang ba 'di su'i lags zhes smras pa dang/ /ci 'dod dam 'tshal lo zhes byas pa dang de la byin no/ /des yang des bgos te bsod snyoms la zhugs pa dang/ /bram ze dag 'phya ba nas bslab pa'i tshig bcas pa'i bar du snga ma bzhin no/ /yang dge slong ma gang gos yang la rin che ba 'chang na spang ba'i ltung ba'o/ /yang zhes bya ba ni spang lnga 'am de las chung ba'o/ /rin che zhes bya ba ni karSha pa Na nyi shu 'am de las lhag pa'o/ /gos zhes bya ba ni ka shi ka'i phra mo 'am/ /srin bal las byas pa'o/ /'chang zhes pa ni bdag gis byed pa'o/ /de la nyes pa ji lta bu zhe na/ /dge slong mas ji tsam du yang la rin po che'i gos bcangs na thams cad spang ba'i ltung ba'o/ /spang pa sum cu gsum pa rdzogs so// //dge slong ma dang 'brel bar gnyis/ /drug po dag dang lug bal dang/ /lhung bzed rin ni zhag bcu dang/ /mchod dbyar gyi ras can dang/ /de dag 'dir ni bya ma yin lhag ma rnams ni bya ba'o/ /dge slong dag gis mtshungs bzung ba/ /de dag rnams te lhag ma ni/ /sum cu las ni rtsa gsum mo/ /dge slong ma'i yid sgrags pa yin no/ /bdag gis dge slong ma'i spang ba'i ltung ba sum cu rtsa gsum pa'i chos rnams bshad zin te/ bdag gis dge slong ma rnams la ci gnas de la yongs su dag zhes lan gnyis lan gsum du 'dri ste/ ci gnas de la yongs su dag 'phags ma rnams yongs su dag pas na cad mi smra te de bzhin du 'dzin to/ /dge slong ma rnams 'di ni ltung ba brgya brgyad cu'i chos rnams te/ zla ba phyed phyed tsam so sor thar pa'i mdo las 'byung ngo/ /mdor na dge slong rdzun skyon phra ma byed pa dang/ /skyo sdogs byed dang 'chang pa dang/ /klog dang gnas ngan len dang chos/ /mdza' dang khyad du bsod pa'o//
- 100b
sangs rgyas bcom ldan 'das rgyal po'i khab na bzhugs so/ /de'i tshe na tshe dang ldan pa sgra gcan 'dzin yang rgyal po'i khab kyi chu dron gyi kun dga' ra ba na gnas so/ /de'i tshe na dad pa'i bram ze dang khyim bdag der lhags? nas sgra gcan 'dzin ston pa ga la ba bzhugs zhes dris so/ /gal te ston pa 'od ma'i tshal na bzhugs na ni de bya rgod kyi phung po na'o zhes zer te/ ston pa bya rgod phung po na bzhugs na ni 'od ma'i tshal na'o zhes zer la gzhan nas gzhan du ston pa de dag gis btsal kyang ma rnyed nas lus ngal chad de/ /sgra gcan 'dzin ga la ba der song nas sgra gcan 'dzin gyis khyed cag gis ston pa mthong ngam btsun pa ma mthong ngo/ /sgra gcan 'dzin gyis bgad pa dang de dag smod cing mi snyan par 'dzer to/ /de ltar gyur pa ston pa la gsol nas rnam grangs du mas smad te/ tshigs su bcad pa 'di dag gsungs so/ /chos cig las ni 'das pa yis/ /rdzun du smra ba'i lus can ni/ /'jig rten pha rol spangs pa to/ /sdig pa mi byed med pa'o/ /tshul khrims ngan pa sdom med pa/ /grong gis bsod snyoms za ba bas/ /me lce tsha ba 'bar 'dra ba'i/ /lcags kyi thu lum za ba bla zhes smad de bslab pa'i gnas bcas so/ /shes bzhin du rdzun du smra na ltung ba'o/ /shes bzhin zhes bya ba ni btags pa'o/ /rdzun smra na zhes bya ba ni rdzun la rnam pa dgu yang yod/ /rnam pa brgyad kyang yod/ /rnam pa bdun yang yod/ /rnam pa drug kyang yod/ /rnam pa lnga yang yod/ /rnam pa bzhi yang yod/ /rnam pa gsum yang yod/ /rnam pa gnyis kyang yod do/ /de la rdzun rnams dgu ni rtsa ba med par phas pham pa dang/ lhag ma dang/ ltung ba dang/ so sor bshags pa dang/ nyes byas dang/ tshul khrims lta ba dang/ spyod pa dang/ 'tsho ba log par zhugs pa'o/ /brgyad ni gong ma lnga'i steng du rtsa ba med par mthong ba dang thos pa dang dogs pa'o/ /bdun ni gong ma bzhi'i steng du rtsa ba med par mthong ba dang thos pa dang dogs pa'o/ /drug ni dge slong gis rdzun du smra bar 'dod de/
- 101a
'di snyam du sems te rdzun du smra'o snyam du sems pa dang/ rdzun du smra ba'i tshe 'di snyam du sems te rdzun zer ro snyam pa dang/ smrin yang 'di snyam sems te bdag gis rdzun du smras so snyam pa dang/ rtsa ba med pa mthong thos dgos pa gsum dang drug go /lnga ni dang por smos pa lnga'o/ /bzhi ni dang po bzhi la bya'o/ /gsum ni gong du drug smos pa'i gsum pa gnyis las gang yang rung ba'o/ /gnyis ni rdzun du smra ba'i tshe 'di snyam du sems te rdzun zer ro snyam pa dang/ rdzun du smras nas yang 'di snyam du sems te bdag gis rdzun du smras so snyam pa'o/ /rdzun du smra pa gcig po ni med do/ /gzhan yang rdzun rnam pa lnga yod de pham pa'i rdzun ni brda phrad par zad do/ /lhag ma'i rdzun ni rtsa ba med par pham pas skur ba'o/ /sbom po'i rdzun ni dge slong ma des dge 'dun gyi dbus su chos ma yin pa dang chos ma yin pa la chos su sgrog pa'o/ /nyes byas kyi rdzun ni so sor thar par 'dod pa ni yongs su dag par gnas sam zhes dris pa na ma dag bzhin du mi smra bar 'dug pa'o/ /'di bzhi ma gtogs par gzhan rdzun du smras pa thams cad ltung ba 'gyur ro/ /ltung ba zhes bya ba ni ngan song yi dags sems can dmyal bar ltung zhing sreg pa 'tshed pas byed pa'o/ /nyes pa 'di ma bshags sam so sor ma bshags na dge ba'i chos la bsgrib par byed pas na ltung ba zhes gsungs so/ /de la nyes pa gang zhen mdor na/ rje dang the tshom za ba dang/ 'du shes pa ni tha ma'o/ /de nas ma mthong ma thos ma shes rnam par ma shes bzhin du mthong thos shes rnam par shes zer na tshig de la ltung ba re rer 'gyur ro/ /des mthong bar gyur pa las brjed de 'du shes sbas nas ngas mthong ste de yang ma brjed do/ /ngas thos ngas shes zhe 'am rnam par shes zhes zer na tshig re re ltung ba re rer 'gyur ro/ /des mthong bar gyur la de yang the tshom du gyur/ /nges thos zhig shes rnam par shes pa las the tshom du gyur
- 101b
nas/ ngas mthong rnam par shes pa'i bar du the tshom med do zhes zer na tshig re re ltung ba re re 'gyur ro/ /mthong yang ma mthong ba'i 'du shes su gyur/ rnam par shes kyang mi shes pa'i 'du shes su gyur zhes pa'i bar du 'du shes spas nas/ mthong ngo rnam par shes so zhes zer na tshig re re la ltung ba rer 'gyur ro/ /de bzhin du rnam pa 'di bzhi nad bsnor te mthong ba la shes zhes zer ba dang/ mthong la brjed nas shes pa ni ma brjed na ngas mthong ba ni ma brjed kyis shes pa ni brjod do zhes zer na tshig re re la ltung ba re rer 'gyur ro/ /de bzhin du the tshom 'du shes kyang nang bsnor de bshad par bya'o/ /ltung ba dang po rdzogs so// //sangs rgyas bcom ldan 'das mnyan du yod pa na bzhugs so/ /de'i tshe na bcu gnyis ste dag dge slong ma rnams la mi'i skyon nas smras te/ /'phags ma 'di ni zhar mo'o/ /zhes pa dang/ sbur? mo dang/ lkog rlo dang mthong mo zhes bos bas dge slong ma rnams bag chums pa dang spa bkod par gyur te/ lung 'bog pa dang kha ton yid la byed pa btang nas/ mi dga' bar gyur nas don nyung ba'i dge slong ma dag 'phya ste/ de ltar gyur pa ston pa la gsol nas bslab pa'i gnas bcas so/ /mi'i skyon nas smras na ltung ba'o/ /mi'i skyon nas smras shes pa brgyad de/ rigs dang/ bzo dang/ las dang/ mtshan ma dang/ nad dang/ ltung ba dang/ nyon mongs pa'o/ /de la rigs kyi skyon ni rgyal rigs dang/ bram ze'i rigs dang/ rje'u rigs dang/ bran rigs las rab tu byung na dge sbyong ga la yod/ tshangs pa ga la yod ces smras na de dag spa bkod yang rung ma bkod yang rung ste/ gong ma gnyis la nyes byas/ /'og ma gsum la ltung ba'o/ /dge slong mas mi'i skyon nas smra bar bsams te/ /bram ze las rab tu byung ba nas bran la rab tu byung na zhes ba'i bar du khyed la dge slong dag tshangs pa ga la yod rang gi bzo slobs shig /'di lta ste/ bram ze'i spyod lam dang/ gtsang sgra dang/ cho ga dang/ oM zhes bya ba
- 102a
dang/ b+ho zhes bya ba dang/ sbyin pa dang/ slong shig ces smras pa dang/ rgyal rigs las rab tu byung ba rang gi bzo slobs shig /'di lta ste/ glang po che'i gnya' bar zhon pa dang/ shing rta la zhon pa dang/ 'phong bya ba dang/ rgyal chos dang/ rgyal pa'i bya ba rnams slongs shig ces smras pa dang/ khyed rje'u'i rigs las rab tu byung bas na/ rang gi bzo zhing rmo ba dang/ phyags bca' ba dang/ tshong bya ba slobs shig smras pa dang/ dmangs rigs las rab tu byung bas na rang gi bzo zor ba gdab pa dang khur shing thogs pa la sogs pa slobs shig /bran rigs las rab tu byung bas rang gi bzo lugs phyi ba dang/ mnye ba dang/ bad cen du 'gro ba dang/ gzhan yang bran gyi bzo las slobs shig ces smra na/ /spa bkod yang rung/ ma bkod yang rung ste/ /gong ma gnyis la nyes byas/ /'og ma gsum na ltung ba'o/ /las kyi skyon yang tshig gong ma bzhin du smos pa la khyad par las zhes smos so/ /ltung ba dang nyes byas kyang gong ma dang 'dra'o/ /bzo dang las kyi skabs su skud ris dang/ mgar ba dang/ rdza mkhan dang/ 'dreg mkhan la sogs pa las dang bzo sna tshogs kyang brjod par bya'o/ /dge slong mas mi'i skyon nas smra ba bsams te tshe dang ldan pa khyod theng po las rab tu byung na dge slong ga la yod tshangs pa ga la yong zhes smras na dge slong ma spa bkod yang rung ma bkod yang ste ltung bar 'gyur ro/ /de bzhin zhar ba dang/ sgur? po dang/ phye bo dang/ grub bu la sogs pa ste/ de'i mtshan ma'i skyon dang sbyar ro/ /gong ma bzhin du brjod la mdze can dang/ /'brum bu dang/ g.yan pa dang/ sha bkra dang/ rngo dang rims la sogs pa ste/ /spang bkod yang rung ma bkod yang rung ba'i bar du'o/ /de dag ni nang kyi skyon dang sbyar ro/ /de la ltung ba zhes pa ni tshe dang ldan pa khyod la ltung ba ste lnga byung zhes zer ba'o/ /khyod ni khro ba dang/ khon du 'dzin pa dang/ g.yo dang sgyu dang ngo tsha dang khrel med pa de lta bu las rab tu byung bas dge sbyong dang
- 102b
tshangs pa ga la yod ces smras na ltung bar 'gyur te 'di ni nyon mongs pa dang sbyar ro/ /sangs rgyas mtsho zhes bya ba bram ze las rab tu byung ngo zhes bya ba la sogs pa'i nyes pa med do/ /las dang po pa dang/ smyon pa dang/ sems 'khrugs pa dang/ nad kyi gzir ba la nyes pa med do// ltung ba gnyis pa rdzogs so// //sangs rgyas bcom ldan 'das mnyan du yod pa na bzhugs so/ /de'i tshe na bcu gnyis sde rnams phra ma la zhugs pas dge slong ma dag bag 'chums pa spa bkod zhing 'dzem par gyur pas lung 'bog pa dang kha ton dang rnal 'byor dang yid la bya ba btang ste/ de yun ring po nas mdza' zing sdug pa chos bzhin du 'khod pa yang bye bar gyur nas/ don nyung ma rnams 'phya zhing mi snyan par 'dzer to/ /de lta bur gyur na bcom ldan 'das la gsol nas rnam grangs du mas smad do/ /dge slong ma dag sngon byung ba nags tshang tshing zhig na seng ge sbrum ma zhig 'dug ste chos nyid kyi seng ge bu byung kar sha'i tshogs byed do/ /seng ge mo de phyugs mang po'i phyi bzhin 'brangs nas/ ba be'u byung nas be'u sbyong ba'i phyir khyu las yin te phyir lus pa dang seng ge mo des ba bsad de rang gi gnas su khyer ba dang/ be'u de yang ma'i zho 'dod pas ma'i phyi bzhin du song ngo/ /seng ge mos bsams pa be'u 'di yang bsad do snyam pa las gal te bdag gi bu byung na de'i grogs su rung snyam nas de ma bsad de/ de'i bu byung nas rang gi bu dang be'u gnyis ka zhos bsos te skyes pa dang/ seng ge mo nad kyis btab ste 'chi kar smras pa/ /bu khyod gnyis nga'i nu ma 'thungs pa'i spun yin gyis/ /'jig rten 'di phra ma can gyis gang bas na/ /nga shi ba'i 'og tu ci zer yang khyed gnyis ma nyan cig ces byas nas dus las 'das so/ /seng ge de dang khyu mchog gnyis sha tshon po dang rtsi mchog la za ba tsher gyur to/ /seng ge de'i phyi bzhin du wa rgan po gcig snyogs shing de'i lhag rol dag za zhing 'dug /phyi bzhin du yang 'brang/ seng ges ri dags tshon?
- 103a
po bsad de sha zos nas myur du rang gi gnas su 'ongs nas khyu mchog dang lhan cig rtse zhing 'dug go /wa rgan po des bsams pa seng ge gar 'gro ba lta'o snyam nas phyi bzhin du song ba dang khyu mchog dang rtse ba mthong nas 'di ni bdag gi lto'i dgra yin gyis de gnyis kyis bar du dbyen bya'o snyam nas/ khyu mchog gi mdun du rna ba phab nas 'dug pa dang/ khyu mchog gis smras pa zhang po rlung dro ba dang gdug pa ma langs sam 'grang/ des smras pa tsha bo rab tu 'bar ba'i rlung langs so// seng ge 'di na re khyu mchog sha khrag dang ldan pa 'di ngas gung nas sha ma rnyed na 'di sha za bo zhes zer ro/ /des smras pa zhang po de skad ma zer cig /deng cag gnyis kyis ma mchi ba'i khar bsgo ba ni/ 'jig rten 'di na phra ma can gyi gang ba khyed gnyis nga shi ba'i 'og tu su'i dag kyang ma nyan cig ces bsgo'o/ /des smras pa tsha bo'i dag mnyan pas khyed ma rung bar gyur to/ /'o na ci mngon seng ge rang gi gnas nas byung nas rkang lag skyong ngo/ /de'i 'og tu glal lo/ /glal nas phyogs bzhir bltas te seng ge'i sgra gsum bsgrags pa nas khyed kyi mdun du 'ongs dang/ de na bdag bsad do snyam du rig par byos shig /de nas seng ge'i gan du song ba dang rna ba phab de 'dug pa dang/ seng ges zhang po rlung dro ba 'dug pa ma langs sam zhes smras pa dang/ tsha bo rlung rab tu tsha ba langs so/ /de ci'i phyir zhe na/ khyu mchog na re 'di'i mas nga'i ma bsang te rtsa'i seng ge 'di bas mi 'tshor gyis lto dral te bsad do zhes zer ba'i phyir ro/ /des zhang po de skad ma zer cig ces bya ba nas khyed gnyis su'i dag kyang mnyan cig ces bsgo'o zhes pa'i bar du snga ma bzhin du smras pa dang/ des smras pa tsha bo bdag gis bsgo ba mnyan pas khyod ma rung bar 'gyur ro/ /'o na ci mngon khyu mchog rang gi gnas nas phyung ste rkang lag skyong/ /de'i 'og tu 'bod do/ /bos nas sa thor ro/ /de nas
- 103b
sgra phyung ste khyod gan du 'ong ba dang/ de nas bdag 'dis bsad do snyam du rig par byos shig /de gnyis rtag tu yang de bzhin byed med kyi nam yang mtshan mar ma bzung ngo/ /de nas dus gzhan zhig na ri dwags kyi rgyal po seng ge gnas nas byung nas rkang lag skyong gong ma bzhin du glal/ phyogs bzhir lta/ sgra chen po gsum phyung nas khyu mchog gi gnas su 'ong ngo/ /khyu mchog kyang gong du smos pa bzhin du seng ge'i mdun du 'ongs pa dang/ khyu mchog gis 'dis ni bdag bsad do snyam du bsams/ seng ge yang 'di ni wa zer ba bzhin du 'ongs pas na 'dis ni bdag bsad do snyam nas/ seng ges khyu mchog gi nog tu gcig bsnun pa dang/ khyu mchog gis kyang seng ge'i ltor gcig bsnun nas lto dral te gnyis ka shi nas lhas tshigs su bcad de smras pa/ kye bo ma rabs bsten na ni/ mig gis bzang po mthong mi 'gyur// seng ge khyu mchog mdza' ba la/ wa yi tha dang phye ba bltos/ dge slong ma dag byol song du gyur pa de gnyis kyang phra ma zhugs pa las gsod pa'i sems byung na/ mi lta smos kyang ci dgos kyis de bas na phra ma ma byed cig /dge slong mas dge slong ma la phra ma byas na 'das pa dang bcas par 'gyur ro/ /dge slong mas sngon byung ba nags tshang tshing zhig na seng ge phru gur bcas pa dang/ stag phrug gur byas pa zhig 'dug pa las seng ge mo bzas la song ba dang/ de'i phrug gu de 'khyams pa las stag gi ched du 'ongs so/ /stag gis mthong nas bsad do snyam pa dang yang bsams pa 'di dag gi /des smras pa wa 'di'o/ /stag gis khyod la de skad du zer zhes smras pa dang/ des smras pa nga la yang wa 'di'o/ /seng ges bsams pa 'di ni nged kyi dbyen byas so snyam nas/ de nas wa de la thal mo cig bsnun te bsad pa dang/ lhas tshigs su bcad pa smras pa/ gzhan gyi tshig gis mdza' bo spang mi bya/ /gzhan gyi smras pa rnams la brtag par bya/ /'byed par 'dod pa rnams ni skabs tshol gyis/ de bas dbyen can skye bo rten mi bya/ wa 'di tha ma tha shal te/ wa ni rdzun du smra ba yin/ /
- 104a
mdza' bo 'byed pa phra ma can/ /bsad pas gnyi ga bde bar 'gyur/ /dge slong ma rnams srog chags byol song gi skye gnas su gyur pa de gnyis kyang phra ma zhugs pas bsad pa'i sems su gyur na mir gyur nas mir gyur pa lta ci smos kyis/ de lta bas na dge slong mas dge slong ma phra mar smra ba la ma 'jug cig /dge slong mas dge slong ma la phra ma smras na 'das pa dang bcas par 'gyur ro/ /de nas ston pas rnam pa du mas smad nas bslab pa'i gnas bcas so/ /yang dge slong ma gang dge slong ma phra ma byed na ltung ba'o/ /phra ma zhes bya ba ni phra ma bya bar bsams te tshig tu brjod pa'o/ /gzhan ni gong ma bzhin no/ /nyes pa ji lta zhe na/ mdor na rigs dang bzo dang las rnams dang/ /mtshan ma dag dang nad dang lnga/ /ltung ba nye ba'i nyon mongs dang/ /ngan du smra ba tha ma'o/ /thag gi skud ris bzang mkhan dang/ /lcags gzo gar mkhan lham mkhan dang/ /rdza mkhan 'dreg mkhan shing mkhan dang/ /smig ma mkhan dang bran rigs so/ /dge slong ma phra ma bya bar bsams nas tshe dang ldan pa khyod bram ze las rab tu byung nas/ /khyod la dge sbyong dang tshangs pa ga la yod ces 'dzer to/ /dge slong ma gam la ming 'di zhes bya ba rus 'di zhes bya ba'o zhes ming nas brjod de skad smra na nyes byas su 'gyur ro/ /rgyal rigs kyang de bzhin du bshad do/ /rje'u rigs la sogs pa ming nas brjod na ltung bar 'gyur ro/ /kun la yang de bzhin du sbyar ro/ /mdor na gong du drug po las gang yang rung ste/ khyod la yod de zhes kho zer zhes gcig la gcig phra ma zer zhing gang zag 'byed pa'o/ /ltung ba gsum pa rdzogs so// //sangs rgyas bcom ldan 'das mnyan du yod pa na bzhugs so/ /de'i tshe bcu gnyis sde dag dge 'dun ma mthun pas chos bzhin rtsod pa spang bar shes bzhin du slar yang las de skyo dogs byed de/ rtsod pa 'di ni legs par ma spangs la gdod pa spang bar bya'o/ /'di ni legs par ma sbyangs kyis
- 104b
slar yang sbyad dgos so/ /'di ni legs par zhi bar ma byas kyi slar yang zhi bar bya dgos so zhes dge slong ma rnams la rtsod pa yang las kyi skyo dogs byas pas bya ba dang byed pa mang bar gyur pas/ klag pa dang rnal 'byor dang nang du sems zhi bar bya ba btang bas/ de lta bu gyur pa dge slong ma dag gi ston pa la gsol nas bslab pa'i gnas bcas so/ /yang dge slong ma gang dge slong ma'i dge 'dun mthun pas chos bzhin du rtsod pa spangs par shes la yang las skyo dogs byed na ltung ba'o/ /dge 'dun zhes bya ba ni de bzhin gshegs pa'i nyan thos kyi dge 'dun ma'o/ /mthun zhes bya ba ni gcig tu mthun pa'o/ /chos bzhin zhes bya ba ni ci ltar 'dul ba ji lta ba dang/ /ston pa'i bstan pa ji lta ba'o/ /rtsod pa zhes bya ba ni rnam pa bzhi ste/ /'khrug pa'i rtsod pa dang bya ba'i rtsod pa'o/ /mi ston pa'i rtsod pa dang/ nyes pas rtsod pa dang/ bya ba'i rtsod pa'o/ /spangs par zhes bya ba ni dge 'dun gyi nang du'o/ /shes la zhes bya ba ni rang gis rig par gyur pa dang gzhan gyi bsgo ba'o/ /yang las kyi skyo dogs byed ces bya ba ni slar yang byed par 'dod pa'o/ /de la nyes pa ji lta bu zhe na dge slong mas 'khrug pa'i rtsod pa la 'khrug pa'i rtsod par 'du shes shing spang ba la spangs par 'du shes pa dang/ spang ba la the tshom du gyur pa zhig gis yang las kyi skyo dogs byed na ltung bar 'gyur ro/ /ma spangs pa la spangs par 'du shes pa dang/ ma spangs pa la the tshom ste yang las kyi skyo dogs byed na nyes byas so/ /dge slong mas 'khrug pa'i rtsod pa mi ston pa'i 'du shes shing/ spangs pa la spangs par 'du shes pa dang spang ba la the tshom ste/ yang las kyi skyo dogs byed na ltung bar 'gyur ro/ /ma spangs pa la spangs pa'i 'du shes dang/ de bzhin du yang las kyi skyo dogs byed na nyes byas su 'gyur ro/ /de bzhin du 'khrug pa'i rtsod pa la mi ston pa'i rtsod par 'du shes kyang rung nyes pa'i rtsod pa dang/ bya ba'i rtsod par 'du shes kyang rung/
- 105a
ltung ba gnyis pa nyes byas gnyis so/ /de bzhin du mi ston pa'i rtsod pa la mi ston pa'i rtsod par 'du shes pa dang/ mi ston pa'i rtsod pa la 'khrug pa dang/ nyes pa dang bya ba'i rtsod par 'du shes pa 'ang gong ma bzhin du bshad do/ /de bzhin du nyes pa'i rtsod pa dang bya ba'i rtsod pa gnyis la gcig cing yang bzhi bzhi ste/ ltung ba dang nyes byas bzhin du sbyar ro/ /gang zag lnga ste/ yun du gnas pa dang/ las byed pa dang/ dad pa 'bul ba dang/ ji lta bur lta ba dang/ glo bur du lhags pa'i gang zag go /yun du gnas pa ni rtsod pa de'i thog ma dang bar dang/ tha ma shes pa'o/ /las byed pa ni gang de'i byad pa'o/ /dad pa 'bul ba'i gang zag ni gang gis rtsod pa de la dad pa phul ba'o/ /ji ltar mthong ba'i gang zag ni rtsod pa gang la rang gis ji ltar lta ba la sogs par 'dod pa la bzod pa lta bur smras te/ bdag gis ni 'di ltar 'dod cing bzod do/ /'di lta bur lta zhing bya ba ni bdag gi 'dod cing mi bzod do zhes zer ba'o/ /glo bur 'ongs pa'i gang zag ni rtsod pa de'i thog ma dang bar mi shes so/ /de ltar na gang zag snga ma gsum la ni ltung bar 'gyur/ tha ma gnyis la ni rtsod pa spang ba las skyo dogs byed na nyes byas so/ /ltung ba bzhi pa rdzogs so// //sangs rgyas bcom ldan 'das mnyan du yod pa na bzhugs so/ /de'i tshe dge slong ma sbom dga' mo yan lag gi nor bu zhes bya ba la sogs pa'i mtshan blta ba na? khas pas khyim bdag dang bram ze'i khye'u dang bu mo la mtshan blta zhing/ khye'u dang bu mo 'di dang 'di zhes bya ba ni skyid cing longs spyod chen po la sogs pa'i dbang dang ldan 'di dang 'di zhes bya ba ni dbang thang med do zhes lung ston cing kha bkyal ba dag zer gcig pu grogs med par khyim bdag dang bram ze dag la chos bshad pa dang/ khyim dag dang bram ze dag dge sbyong gau ta ma'i nyan thos ma 'di dag ni gcig tu grogs med par khyim bdag dang bram ze dag la chos 'chad/
- 105b
khye'u dang bu mo la sogs pa'i mtshan blta zhing lung ston/ kha bkyal pa dag kyang smra'o zhes mi snyan par 'dzer zhing 'phya smod/ de ltar gyur pa ston pa la gsol nas dge slong ma rnams kyis dge slong la smras nas/ dge slong dag gis bcom ldan 'das la gsol pa dang/ bcom ldan 'das kyis spom dga' mo la bka' stsal nas legs pa bcu gcig gzigs te/ nga'i nyan thos ma rnams la 'dul ba las bslab pa'i gnas bca' o zhes bya ba'i bar du snga ma bzhin no/ /yang dge slong ma gang gcig pu skyes pa la chos kyi tshig lnga 'am drug bshad na rig pa'i bud med ma gtogs te ltung ba'o/ /yang dge slong ma gang zhes bya ba ni sbom dga' mo ste gzhan yang de dang 'dra'o/ /gcig pu zhes pa la zhes bya ba ni grogs med par bram ze dang khyim bdag gi skyes pa dag la chos 'chad pa'o/ /chos kyi tshig lnga 'am drug bshad pa la chos ni sangs rgyas dang nyan thos kyi chos bshad pa la bya'o/ /tshig lnga 'am zhes bya ba ni phung po lnga'i ming brjod pa tsam la bya'o/ /drug bshad na zhes bya ba ni rnam par shes pa drug gi ming brjod pa tsam la bya'o/ /rig pa'i bud med ma gtogs zhes bya ba ni de ltar bcom ldan 'das kyis dge slong ma gcig pu rig pa'i bud med par skyes pa la chos kyi tshig lnga 'am drug las lhag par ma 'chad ces bka' stsal pa dang/ bcu gnyis sde mo dag rig pa'i bud med kyi gong spra mo dang lugs so dag bzhag nas khyim pa dang bram ze dag las chos kyi tshig lnga 'am drug las lhag par 'chad do/ /dus phyi zhig na skye dgu'i bdag mo chen me gong de bsod snyoms la zhugs pa dang/ khyim bdag dang bram ze dag gis chos bshad par gsol zhes byas pa dang/ skye dgu bdag mos rig pa'i bud med med do zhes smras pa dang/ khyim bdag dang bram ze dag gis spra mo dang lug mo la la sogs pa yod do zhes smras so/ /de ltar gyur pa dge slong dag gis bcom ldan 'das la gsol pa dang/ /bcom ldan 'das kyis rig pa'i bud med ma gtogs zhes bka'
- 106a
stsal to/ /rig pa'i bud med ni mi'i bud med kyang yin la/ skad dang yang ldan zhing legs nyes ci smras pa brda phrad pa la bya'o/ /ma gtogs zhes bya ba ni spra mo dang lug mo la sogs pa la bya'o/ /ltung ba ni brgya brgyad cu po thams cad 'dra ste ngan song gsum du bsreg pa dang/ btso ba dang/ 'tshed par 'gyur pas ltung ba zhes bya'i tha tshig go /de la shes rab rnon pos the tshom dris pa'i lan 'de bas sam/ smyos pa dang nad kyis gzir ba la sogs pa la lhag par bshad kyang nyes pa med do/ /ltung ba lnga pa rdzogs so// //sangs rgyas bcom ldan 'das mnyan du yod pa na bzhugs so/ /de'i tshe na dge slong ma bcu gnyis sde mo dag bsnyen par ma rdzogs pa'i dge sbyong dang khyim bdag dang lhan cig chos kyi tshig dbyangs su cig car bram ze dang smad klog pa bzhin du klog pa dang/ khyim bdag dang bram ze dag 'phya smod nas/ 'dul ba la bslab pa'i gnas bcas pa'i bar du snga ma bzhin no/ /yang dge slong ma gang bud med bsnyen par rdzogs pa dang/ chos kyi tshig cig car re 'don na ltung ba'o/ /yang dge slong gang zhes bya ba ni bcu gnyis sde mo 'am gang gzhan yang de dang 'dra'o/ /bud med bsnyen par ma rdzogs pa dang/ chos kyi tshig cig car klog ces bya ba ni dge slong dam khyim pa la sogs pa dang/ sangs rgyas dang/ nyan thos kyis bshad pa'i chos kyi tshig dang yi ge gcig pa dbyangs rgyud gcig par klog na tshig nyid snga phyir gyur na 'ang ltung ba'o/ /de la gang zag gi gsung rab la brten te gtsug lag khang brtsams pa lta bu dag lhan cig klog na nyes byas so/ /chos nyan pa dang/ slob ma dag ste/ gcig la gcig ston pa dang/ brjed ngas pa la stan pa dang/ nad pa dang sems 'khrugs pa la sogs pa ni lhan cig klog kyang nyes med do/ /ltung ba drug pa rdzogs so// //sangs rgyas bcom ldan 'das mnyan du yod pa na bzhugs so/ /de'i tshe dge slong ma nyon mongs pa ma spangs 'dod chags dang ma
- 106b
bral ba dag la lhag ma'i ltung ba dag byung nas chos bzhin du lhag ma'i 'chad pa dang mgu ba dag byed pa dang/ khyim bdag dang bram ze dag gis mthong ste/ dge slong 'di dag ni rin po che bsags pa dang 'dra ste dkon mchog gsum la mchod pa dag byed do zhes pa dang/ bcu gnyis sde mo dag gis dge slong ma 'di dag ni tshul bzhin du dkon mchog gsum la mchod pa byed pa ma yin gyis chad pa dang yid mgu bar byed do zhes smras pa dang/ dge slong ma de dag gis nye gnas dge sbyong ma de dag khyim pa dang bram ze dag gis thos so/ /dge slong ma dag nyes pa las changs pa de dag gi nye gnas dge slong ma dag la byin len la sogs pa byos shig ces smras pa dang/ dge slong ma de dag gis khyed ni ltung ba chen po yang byed na/ byin len bya ci dgos zhes phyir 'khyal lo/ /de ltar gyur pa bcom ldan 'das la gsol nas 'dul ba la bslab pa'i gnas bcas pa'i bar du snga ma bzhin no/ /yang dge slong ma gang bsnyen par ma rdzogs pa'i gang zag la gnas ngan len gyi nyes pa brjod na dge 'dun gyi gnang ba ma gtogs te ltung ba/ yang dge slong ma gang zhes bya ba ni bcu gnyis sde mo ste gang gzhan yang de dang 'dra'o/ /bsnyen par ma rdzogs pa'i gang zag la gnas ngan len gyi nyes pa brjod ces bya ba ni bsnyen par ma rdzogs pa'i dge slong man chad kyi khyim pa bya'o/ /gnas ngan len ces pa ni phas pham pa dang lhag ma'i nyes pa la bya'o// de la phas pham pa la sogs pa'i nyes pa khyim pa la sogs pas mi shes so snyam ste/ gnas ngan len gyi nyes pa brjod na ltung ba'o/ /mi shes pa la the tshom na'ang ltung ba'o/ /mi shes pa la mi shes so snyam na'ang nyes byas so/ /shes pa la the tshom na'ang nyes byas so// dge 'dun gyis gnang ba ma gtogs zhes bya ba ni dge slong ma drang mo nyes pa med pa la dge slong ma dag gis gsol pa dang zhu ba'i las kyi de'i nyes pa sgrogs su ma bcug pa lta bu la ni nyes pa med do/ /ltung ba man chad kyis nyes pa dge 'dun gyi sgrogs su bcug
- 107a
par bsnyen par rdzogs pa'i gang zag la sogs pa la brjod na nyes byas so/ /nad pa dang smyos pa dang sems 'khrugs pa la sogs pa la nyes pa med do/ /ltung ba bdun pa rdzogs so// //sangs rgyas bcom ldan 'das yul yangs pa can na bzhugs so/ /de'i tshe na dge slong ma gnas brtan gnas brtan ma bla ma'i khyad par thob pa gang dag yul gzhan zhig du tshul du bzhugs so/ /de'i dus na mu ge byung ste bsod snyoms la sogs pa rnyed par dka' nas gnas brtan ma de dag gis gcig la gcig bstod cing bla ma'i khyad par thob pa rnams gzhan la smras pa dang/ bsod snyoms kyis kyang ma brel bar gyur to/ /tshul nas byung nas yangs pa can du song ba dang/ dge slong dag gis bde bar 'ongs sam/ dbyar gnas pa'i tshe bsod snyoms dag gis brel par ma gyur tam zhes dris pa dang/ ji ltar gyur pa rgyas par smras so/ /don nyung ba'i dge slong dag zang zing cung zad gyi phyir mi las bla mar gyur pa'i yon tan rnams gzhan la smra'o/ /zhes 'phya smod do/ /de ltar gyur pa bcom ldan 'das la'o zhes bya ba nas 'dul ba la bslab pa'i bar du snga ma bzhin no/ /yang dge slong ma gang bsnyen par ma rdzogs pa'i gang zag la mi'i chos la bla mar gyur pa bden pa brjod na ltung ba'o/ /yang dge slong ma gang zhes bya ba ni dge slong ma gnas brtan ma dag gam/ gang gzhan yang de dang 'dra ba dag go /bsnyen par ma rdzogs pa'i gang zag ces bya ba ni gong ma dang 'dra'o/ /mi'i chos la bla mar gyur pa bden pa brjod na zhes bya ba ni mi las bla mar gyur pa 'phags pa'i chos kyi khyad par bdag gis nges par rdzogs pa rnams zang zing cung zad kyi phyir bsnyen par ma rdzogs pa'i gang zag la smras ltung ba zhes bya ba'i tha tshig go /de la ma dad pa bskyed pa'i phyir smras sam/ smyos pa dang sems 'khrugs pa la sogs pa la ni nyes pa med do//
- 107b
ltung ba brgyad pa rdzogs so// //sangs rgyas bcom ldan 'das mnyan du yod pa na bzhugs so/ /de'i tshe na dge slong ma chos sbyin ma zhes bya ba dge slong ma rnams kyi zhal ta byed de/ chos gos la sogs pa yang dengs/ cung zad ci rnyed pa la sogs pa yang dkon mchog gsum la 'bul lo/ /dus phyi zhig na dge 'dun rnams la gos kyi rnyed pa zhig grub pa dang/ dge slong ma rnams kyis gos kyi rnyed pa 'di chos sbyin ma la stsal to zhes bcom ldan 'das la gsol ba dang/ bcom ldan 'das kyis bka' stsal pa/ dge slong ma rnams 'dus te mthun par gyis la gsol ba dang zhu ba'i las kyis gos rnyed pa chos sbyin ma la byin cig ces bka' stsal pa dang/ de bzhin byin no/ /de'i 'og tu dge slong ma sbom dga' mos bcu gnyis sde la smras pa/ dge slong ma 'di dag ni dge 'dun gyi rnyed pa'i gos mdza' ba'i phyir gang zag bdag gi bsngos so zhes smras pa dang/ don nyung ngu ma'i dge slong ma dag thos nas sngar mthun par byas pa'i 'og mi snyan par smra'o zhes 'phya smod do/ /de ltar gyur pa dge slong dag gis bcom ldan 'das la'o zhes bya ba'i bar du snga ma bzhin no/ /yang dge slong ma gang sngar mthun te rung bar byas las/ de'i 'og tu khros 'khrugs rngams te/ dge slong ma dag la 'di ltar 'phags ma dag gis mdza' ba'i phyir dge 'dun la bsngos pa'i rnyed pa gang zag bdag gir bsngos so zhes de skad zer na ltung ba'o/ /sngar mthun te rung bar byas zhes bya ba ni sngar yid mthun par byas te/ dang po phul nas byin pa'o zhes bya ba'i tha tshig go /mdza' ba'i phyir dge 'dun la bsngos pa'i rnyed pa gang zag gir bsngos pa zhes bya ba ni slob dpon dang slob ma mdza' ba 'am/ slob dpon dang mkhan po gcig par mdzad pa'i phyir/ dge 'dun gyi rnyed pa gang zag gir byas pa la bya'o/ /de la dge 'dun mthun par ma byas par bden pa lta bu la mdza' ba'i phyir bsngos zhes smra 'am/ smyos pa la sogs pa la ltung ba med do/ /ltung ba dgu pa rdzogs so// //
- 108a
sangs rgyas bcom ldan 'das mnyan du yod pa na bzhugs so/ /de'i tshe na dge slong ma dag zla ba phyed phyed cing so sor thar pa'i mdo 'don pa dang/ bcu gnyis sde dag gis bslab pa phra mo 'di dag zla ba phyed phyed cing gdon ci dgos gang gis nyes pa byas pa bdag gis nyes pa'i dngos po dang/ gang zag dang grong dang yul gyi phyogs la sogs pa mngon du ltar snang bas/ bsgrags dgos na'ang de dag la bsgrag pa'i rigs/ yang gcig tu na nyes pa dang bcas pa dag ni thos nas phyir mi dga' bar 'gyur/ nyes pa med pa dag la ni mdza' bar 'gyur ro zhes smras pa dang/ don nyung ngu pa'i dge slong ma dag bcu gnyis sde mo 'di dag ni bcom ldan 'das kyis gsungs pa'i bslab pa yang khyad du bsad do zhes 'phya zhing mi snyan par 'dzer to/ /de ltar gyur pa na 'dul ba la bslab pa'i gnas bcas so zhes bya ba'i bar du snga ma bzhin no/ /yang dge slong ma gang zla ba phyed phyed cing so sor thar pa'i mdo bshad pa 'don pa'i tshe bslab pa khyad du bsang nas dge slong ma rnams la tshe dang ldan ma dag dge slong ma rnams 'gyod pa dang zhum pa dang/ bag 'chums pa dang/ gnod pa dang/ yid la gcags par 'gyur ba bslab pa'i gnas phran tshegs rab tu phra ba 'di dag zla ba phyed phyed cing so sor thar pa'i mdo bshad pa 'don pa na 'don ci dgos zhes de skad zer na ltung ba'o/ /'gyod pa dang zhum pa zhes bya ba la sogs pa ni tshig gi rnam grangs so/ /bslab pa gnas zhes bya ba ni ltung ba sde lnga'i spyi la bya'o/ /phran tshegs zhes bya ba ni ltung ba la bya'o/ /rab tu phran tshegs zhes bya ba ni nyes byas la bya'o/ /de la mdo sde la sogs pa'i nang nas 'dul ba'i bslab par gtogs par 'byung ba dper na bcom ldan 'das bram ze dmar po las glengs te mig mangs dang rgyan po la sogs pa mi bya'o zhes bya ba'i bslab tshig lta bu dag 'don pa'i tshe 'di dag ci dgos zhes khyad du gsod na nyes byas so/ /zla mtshan zag pa'i dus
- 108b
dag lta bu 'am smyos pa la nyes pa med do/ /ltung ba bcu pa rdzogs so// //mdor bstan pa ni sa bon 'phya ba bsgo ba dang/ khri dang gding dang phyis gnon dang/ 'byung sla ba dang 'debs pa dang/ rim pa gnyis su rtsig pa'o/ /sangs rgyas bcom ldan 'das mnyan du yod pa na bzhugs so/ /de'i tshe dge slong shing mkhan las rab tu byung ba zhig shing dag gcod cing shing gi las byed pa dang shing la gnas pa'i lha dag gnas gshig go zhes mi dga' nas bcom ldan 'das la gsol pa dang bcom ldan 'das kyis dge slong gis shing ma gcod cig ces bslab pa bcas pa dang/ dge slong ma bcu gnyis sde mo dag ded kyi phyir 'dul ba la ma bcas so zhes rtsa dag gcod sa bon gyi tshogs dag 'jig du bcug pa dang/ don nyung ngu ba'i dge slong ma dag 'phya smod do/ /de ltar gyur pa nas 'dul ba la bca' ba'i bar du snga ma bzhin no/ /yang dge slong ma gang sa bon gyi tshogs dang 'byung po'i gnas 'jig gam 'jig du bcug na ltung ba'o/ /de la sa bon gyi tshogs zhes bya ba rnam pa lnga ste rtsa ba dang sdong bu dang/ rtse mo dang/ 'gas pa dang/ sa bon gyi yang sa bon no/ /de la rtsa ba'i sa bon la sa bon duAng 'du shes la skye bar yang 'du shes la bcang na ltung ba'o/ /sa bon skye ba yin pa la the tshom na'ang ltung ba'o/ /sa bon yin pa mi skye ba la skye bar 'du shes na'ang nyes byas/ the tshom na'ang nyes byas so/ /rtsa ba'i sa bon la stong bur bsnor te skye ba la skye bar 'du shes te bcad na'ang ltung ba ste/ de bzhin du sa bon rnam pa lnga bsnor te skye ba la skye bar 'du shes te bcad na ni ltung ba'o/ /the tshom za na 'ang ltung ba mi skye ba la skye bar 'du shes na yang nyes byas/ the tshom za na'ang nyes byas so/ /'byung bo zhes bya ba ni sbrul dang sdig pa dang sbrang ma la sogs pa la bya'o/ /gshes zhes bya ni shing ngam rtsal bya'o/ /'jig gam zhes bya ba ni bdag gi bshig pa'o/ /'jig tu bcug ces bya ba ni gzhan la bcol na'o/ /sha mo dang/ nya lcibs dang/ tho bu rtse lta bu dag bkog pa ni nyes byas so/ /
- 109a
'chag pa 'am 'gro ba'i tshe rtsa rang chag gam brtag pa lngas rung ba byas pa la ni nyes pa med do/ /smyos pa dang sems 'khrug pa la sogs pa ni ltung ba thams cad kyang 'dra te nyes pa med par bshad do/ /ltung ba bcu gcig pa rdzogs so// // ston pa rgyal po'i khab na ste/ de'i tshe dge slong gyad bu nor dge 'dun gyi zhal ta byed pa'i cha dge slong ma grogs mo dang/ mdza' mos kyang gyad bu nor la 'phyas pa dang/ lkog 'phyas dag byed pa dang/ dge slong ma tshul bzhin du 'byed pa dag gis dge slong gyad bu nor ni 'khor gyi 'phya ba mi rigs so zhes smras na/ 'on dge slong ma mdza' mo phyi phyir 'phya ba dang/ don nyung ngu pa'i dge slong ma rnams 'phya smod pa dang/ bcom ldan 'das kyis bka' stsal nas 'dul ba la bslab pa'i gnas bcas pa'i bar du snga ma bzhin no/ /'phya ba 'am gzhogs 'phyas byed na ltung ba'o/ /'phya 'am zhes bya ba ni mngon sum du 'phya'o/ /gzhogs 'phyas byed ces bya ba ni lkog nas 'phya'o/ /de la dge slong gang zag bcu gnyis kyi las byed par gsol pa dang/ zhu ba'i las kyis bskos nas las byed pa'i sbyor ba ma btang ba la 'phyan ltung ba'o/ /sbyor ba btang ba'i dge slong la yang snga ma'i las kyis glengs nas 'phya 'am gzhogs 'phyas byed na yang ltung ba'o/ /gang zag gi las bcu gnyis su gsol ba dang/ zhu ba'i las kyis ma bskos pa mdong gsol tsam gyi rang gi rigs pas gang zag gi las bcu gnyis byed pa lta bu 'phya 'am gzhogs 'phyas na ltung ba'o/ /gang zag las su ma bskos pa'i dge slong phal pa dang dge sbyong dang khyim pa man chad la 'phya 'am gzhogs 'phyas byed na nyes byas so/ /gang zag gi las su bsgos pa la chos bzhin mi byed pa la 'phya na nyes pa med do/ /ltung ba bcu gnyis pa rdzogs so// //ston pa yul be'i sha li na te/ /dge slong ma mos ba can zhes bya ba ltung ba byung nas/ dge slong dang dge slong ma tshul bzhin gnas pa
- 109b
dag gis phan pa dang bde ba dang yun du bde bar 'dod pa'i grogs mo dag gis ltung ba ma byed cig ces smras na/ phyir lan log par ldon no/ /de ltar gyur pa nas 'dul ba las bslab pa'i gnas bcas pa'i bar du snga ma bzhin no/ /bsgo ba'i lan log par glon na ltung ba'o/ /de la dge slong ma rnams pa kyis dge sbyong ma khyod ni 'dri ba'i lan log par glon no zhes lan cig bsgo ba'i dge slong ma lta bu la ni phyin chad dge slong dang dge slong mas ci dris kyang rung ste lan log par glon pa'i bsam pas 'dri ba'i lan log par glon na thams cad du yang ltung bar 'gyur ro/ /dge slong ma rnams kyis dag log pa can yin no zhes ma bsgo ba'i dge slong ma la dris te lan log par glon na thams cad nyes byas so/ /dge slong dang khyim pas dris pa'i lam log par glon na thams cad nyes byas so/ dris pa'i lan mi smra na yang nyes byas so/ /mi bsad pa dang bros pa'i phyir 'dri na gtam rgyud cig cing smra ba dang/ smra na za ba'i tshe smras mi rung ba lta bu la nyes pa med do/ /ltung ba bcu gsum pa rdzogs so// //ston pa yul mnyan du yod pa na ste/ de'i tshe dge slong ma mang po rnams khyim bdag zhig gis mgron du bos pa dang/ khri dang khri'u rnams bla khab med par bor nas dong pa dang/ bcom ldan 'das ni chos nyid kyis don rnam pa lnga'i phyir bshos gtsug lag khang du mnos nas gsol ta nang pa la gzigs pa dang/ lha la chos 'chad pa dang/ nang du yang dag par 'jog pa la zhugs pa dang/ mal stan la gzigs pa dang/ nyan thos rnams la bslab pa bca' ba'i phyir ro/ /dus der ni mal stan gzigs par bzhed do/ /de'i dus char mang bab mal stan dag kyang bcom ldan 'das nyid kyis bsdus nas dge slong dag slar lhags pa dang/ bcom ldan 'das kyis khyim bdag dang bram ze la sogs pa yon bdag rnams ni sha khrag zad zad du mal stan la sogs pa byed pas mal stan bla khab med par ma 'dor cig
- 110a
ces bslab pa bcas pa dang/ dge slong ma tshul bzhin byed pa dag ni bka' bzhin du byed/ dge slong ma bcu gnyis sde rnams 'dul ba dge slong dag gi phyir bcas kyi nged kyi phyir ma yin zhes mal stan rnams bla khab med par 'dor ba dang/ don nyung ngu pa'i dge slong ma rnams 'phya smod pa zhes nas 'dul ba la bslab pa'i gnas bcas pa'i bar du snga ma bzhin no/ /yang dge slong ma gang dge 'dun gyi khri 'am khri'u 'am stan nang tshangs can nam la ba 'am/ sngags sam/ gor bu bla khab med ba la 'ding ngam 'ding du bcug pa las ma btub tam brtul tu ma bcol bar mtshams kyi phyi rol tu ste/ dge slong ma 'khod pa la yang ma bcol na de 'dra ba'i rkyen ma gtogs te ltung ba'o/ /bla khab ces bya ba ni steng dgab pa med pa la bya'o/ /mtshams kyi phyi rol zhes bya ba ni 'dom bzhi bcu rtsa dgu'i mtshams las 'das par song na ltung ba'o/ /mtshams der ma 'das kyang mal stan bla khab med par bzhag par char thigs gcig tsam phog gam/ rlung gis gra bzlog ba tsam gyis ltung ba'o/ /dge slong ma 'khod pa la ma bcol zhes bya ba ni lha khang bltos gtsug lag khang bltos/ mal stan bltos/ mal stan sbos zhes lde mig khyog po la sogs pa ma byin pa'o/ /gtad pa mi byin pa'i gnas lnga ste/ nad pa dang/ rgas pa dang ngo tsha med pa dang/ khon yod pa dang/ khyim pa la bcol na nyes byas so/ /dge slong ma la 'ang nyes byas so/ /de 'dra ba'i rkyen ma gtogs zhes bya ba ni bar chad brgyad la bya'o/ /ltung ba bcu bzhi pa rdzogs so// //ston pa yul mnyan du yod pa na ste/ lho phyogs nas dge slong rgan zhugs gcig gnyis shig mnyan du yod pa'i gtsug lag khang du dbyar tshul du zhugs pa de dag dong tshe gtsug lag khang du mal stan rtsa bting pa dag bor nas de dag rul cing srin bu dag skyes pa dang/ bcom ldan 'das kyis gtsug lag
- 110b
khang du mal stan rtsa bting ba bsdus te 'or la song zhig ces bka' stsal pa dang/ dge slong ma bcu gnyis sde nged kyi phyir ma yin no zhes gtsug lag khang du rtsa bting ba dag mi sdud pa dang/ don nyung ngu pa'i dge slong ma 'phya nas bslab pa bcas pa'i bar du snga ma bzhin no/ /yang dge slong ma gang dge 'dun gyi gnas khang du rtsa gting ma lo ma gding yang rung ste/ bting ngam 'ding du bcug pa las ma btul tam/ brtul du ma bcol bar mtshams kyi phyi rol tu ste/ dge slong ma 'khod pa la'ang bcol na de 'dra ba'i rkyen ma gtogs ste ltung ba'o/ /gtsug lag khang du rtsa bting ba las ma bsdus par 'dom bzhi bcu rtsa dgu tshun chad 'gro na/ rtsa ba'i nang du srin bu byung ngam rtswa rlung gis bskyod pa tsam gyis ltung ba'o/ /bshad pa gzhan ni gong ma dang 'dra 'og bzhi skam po 'am rdo bsag ma'i steng du bting ba la ni nyes pa mang ngo/ /ltung ba bco lnga ba rdzogs so// //ston pa yul mnyan du yod pa na ste/ sbom dga' mos tshul las byung ba'i bco lnga'i nyin par dge slong ma gzhon nu ma dag la khyed kyi gos rnyed pa la sogs pa yang bsgrub bsod snyoms la 'dong zhes byas pa dang/ dge slong ma de dag gis kyang/ rang rang gi mkhan mo la byas nas sbom dga' mo dag bsod snyoms la 'dong ngo/ /de bzhin dong pa las sbom dga' mo ni gzhan dang gtam 'zer? cing phyin 'dug /dge slong ma dag sngar gtsug lag khang zhig tu song ste nyal ba sbom dga' mos phyis 'ongs nas dge slong ma de dag gi steng du brdzis shing bar 'tshang ste nyal ba dang/ dge slong ma de dag la mi bde bar gyur nas phyir mnyan du yod bar dong ste phyin pa dang/ dge slong ma dag gis dris nas 'dul ba la bcas so zhes bya ba'i bar du snga ma bzhin no/ /yang dge slong ma gang dge 'dun gyi gnas khang na dge slong ma snga ma 'khod pa shes bzhin du su la gnod pa de 'gro bar 'gyur ba'i rkyen de nyid kyis phyir 'ongs te mnan nas stan la 'dug gam nyal na ltung ba'o//
- 111a
yang dge slong ma gang zhes bya ba ni sbom dga' mo ste gzhan de dang 'dra'o/ /'gro bar 'gyur ba'i rkyen de nyid ces gang 'gro bar 'gyur ba gnod par byed pa'i rkyen de nyid la bya'o/ /nad pa 'am 'jigs pa lta bu rab tu 'tshang ngam steng du brdzis te nyal yang nyes pa med do/ /ltung ba bcu drug pa rdzogs so// //ston pa yul mnyan du yod pa na ste/ gleng gzhi snga ma bzhin du sbom dga' mo yang thog khang bur khri''am khri'u gzer bu med pa la lus kyi ljid kyi phab pa dang/ khang pa rdol nas khri'i rkang pa lhung nas dge slong 'og na nyal ba'i mgor phog ste gnod par gyur nas/ phyis mnyan du yod par phyin nas dge slong ma dag gis smras nas 'dul ba la bslab pa'i gnas bcas pa'i bar du snga ma bzhin no/ /yang dge slong ma gang dge 'dun gyi gnas khang gi steng yang thog gi khang bur khri 'am khri'u rtsa ba 'byung sla ba la shes bzhin du lcid kyis phab nas 'dug gam nyal na ltung ba'o/ /rtsa ba 'byung sla ba zhes bya ba ni khri dang khri'u gzer bus ma btab pa la bya'o/ /shes bzhin du zhes bya ba ni 'og nas dge slong ma nyal bar shes pa la bya'o/ /gang zag gis gnas khang gi yang thog gam khyim pa'i gnas khang gi steng gi yang thog lta bur 'og nas mi yod par shes bzhin du lcid kyis phab ste nyal lam 'dug na nyes byas/ sa phug ste brtan po 'am thog spang leb kyis bkag pa'i steng ngam/ skyang nul bzang por byas pa'i steng lta bu 'am/ khri rkang gi steng yod pa lta bur nyal na nyes pa med do/ /ltung ba bcu bdun pa rdzogs so// //ston pa yul mnyan du yod pa na ste/ sbom dga' mo srog chags dang bcas pa'i chu spyod pa dang/ grogs mo dag gis ci'i phyir srog chags dang bcas pa'i chu spyod ces smras na sbom dga' mos srog chags 'di dag nga'i snod du ci 'dod/ shar phyogs kyis rgya mtsho la sogs pa de bzhin du phyogs bzhi'i rgya mtshor ci'i phyir mi 'gro zhes smras
- 111b
pa dang/ don nyung ngu ma'i dge slong ma dag 'phya smod pa nas 'dul ba la bslab pa bca' ba'i bar du snga ma bzhin no/ /yang dge slong ma gang chu srog chags yod par shes bzhin du rtsa 'am lci ba 'am sa la 'debs sam 'debs su bcug na ltung ba'o/ /chu srog chags yod par shes bzhin du zhes bya ba ni srog chags la rnam pa gnyis te/ mig gis mthong ba dang/ chu chags kyis zin pa'o/ /rtsa ba 'am lci ba zhes bya ba ni thag pa dang man ral gyi las byed pa'o/ /srog chags yod pa la yod par 'du shes pa dang the tshom na'ang ltung ba re re 'o// srog chags med pa la yod par 'du shes pa dang/ the tshom gnyis la'ang nyes byas re re'o/ /dge slong mas srog chags yod par shes bzhin du brdol te chu btang ba dang/ skam pa la sems can yod par shes bzhin du chu phab ste sems can shi ba rnams ni sems can du shi ba'i grangs bzhin du ltung ba re rer 'gyur ro/ /ltung ba bco brgyad pa rdzogs so// //ston pa yul mnyan du yod pa na ste/ de'i tshe bcom ldan 'das kyi dge slong rnams la rdzas la byung ba'i bsod nams kyi dngos po bdun? bshad pa dang/ sbom dga' mos kyang bdag gis gtsug lag khang zhig rtsig go snyam nas/ bram ze'i chung ma zhig la 'di bzhin du chos bshad de dad ba bskyed nas gtsug lag khang gong lugs 'dra ba zhig brtsig pa dang/ de'i nub mo char ba bab nas thams cad zhig go /yon bdag bram ze mo dang don nyung ngu ba'i dge slong ma dag 'phya smod pa nas 'dul ba la bcas pa'i bar du snga ma bzhin no/ /dge slong mas gtsug lag khang chen po zhig brtsig na sgo dang gtan pa'i gnas dang/ 'jim pa dang pha gu spel ma rim pa gnyis sam gsum zhig brtsigs shig de las 'das par brtsigs na ltung ba'o/ /gtsug lag khang zhes bya ba ni spyod lam bzhi dang ldan pa'o/ /chen po zhes bya ba ni tshad dang rin po che ba'o/ /rim pa gnyis dang gsum brtsigs zhing de las 'das par brtsigs na ltung ba
- 112a
zhes bya ba ni rim pa gnyis sam gsum brtsigs pa ma skams bar de las 'das par brtsigs na ltung bar 'gyur zhes bya ba'i tha tshig go /rdo rje lta bu'i rim pa du yod kyang nyes med/ yon bdag gi myur du brtsigs shig ces pa ni nyes pa med do/ /ltung ba bcu dgu pa rdzogs so// //mdor bstan pa ni thun mong gnas dang khur ba dang/ spangs par spangs par zad pa 'jug dang/ 'dus dang dus min bzhag pa'o/ /kha nas ming ba la'ang da bzhin no/ /ston pa mnyan du yod pa na ste/ khyim bdag mu stegs can gcer pu'i chos la dad pa zhig /phyogs bzhi'i dge sbyong rnams la sbyin pa'i mgron khang chen po zhig brtsigs so/ /dus phyis zhig na gcer bu pa dag cig gnas pa dang/ drug sde rnams der lhags nas/ gcer bu ba dag brdegs brtsogs te bskrad pa dang/ khyim bdag dang bram ze rnams 'phya smod nas/ bcom ldan 'das kyis gnas thun mong par zhag lon na zan za cig par bslab pa bcas pa dang/ dge slong ma tshul can rnams ni de bzhin byed do/ /bcu gnyis sde dag nged kyi phyir ma bcas so zhes zan mang du za bar byed pa dang/ don nyung ngu ba'i dge slong ma dag 'phya nas 'dul ba la bcas pa'i bar du snga ma bzhin no/ /gnas thun mong par zhag lon te/ dge slong ma min na zan lan cig zo zhig de las lhag par zos na ltung ba'o/ /gnas thun mong zhes bya ba ni dge sbyong gang 'ongs pa gnas par bya ba'i phyir brtsigs pa'o/ /de la dge slong mas gnas thun mong du zhag gcig las lhag par 'dug na zhag grangs bzhin nyes byas re re/ zan lhag par zos na zan grangs bzhin ltung ba re/ gnas der 'dug ste/ zan gzhan du zan 'dug pa nyes byas gung na zos pa la nyes pa med gnas gzhan du 'dug ste zan der zos na ltung ba'o/ /gnas gzhan du 'dug pa la nyes pa med do/ /ltung ba nyi shu pa rdzogs so// //ston pa mnyan du yod pa na ste/
- 112b
khyim bdag gi bu gcig chung ma lan bdun gyi bar du bslangs kyang de bzhin du shi nas gzhan sus kyang bu mo ma byin no/ /khyim bdag cig gi bu mo g.yas zhar ma zhig yod pa yugs sa po de la byin no/ /g.yas zhar ma bag mar len pa'i dus su sbom dga' mo yang der song nas bsod snyoms bslangs pa dang/ brel gyi snod cig ces byas pa dang/ sbom dga' mos g.yas zhar ma 'ang nga'i nu mor 'ong gis nga la byin cig ces byas pa dang/ des ci 'dod par byin no/ /de'i 'og tu sbom dga' mos bcu gnyis sde rnams slong du btang nas de bzhin du byin pa dang/ de'i bag ma len pa'i rgyu cha la sogs pa zad par gyur nas/ khye'u yugs sa pos snyad btags te ma blangs pa dang/ de'i pham la sogs pa 'phya smod cing mi snyan par 'dzer nas 'dul ba bcas so zhes bya ba'i bar snga ma bzhin no/ / dge slong mar mo khyim rnams su dong ba las gal te de dag la bram ze 'am khyim bdag dad pa dag gi phye 'am khur ba dus kyi bdar ba 'dod na dge slong ma de dag gis de la lhung bzed gnyis sam gsum gang bar long shig /de las gzhan par bslangs na ltung ba'o/ /lhung bzed gang ba gnyis sam gsum bslangs nas phyi rol gyi kun dga' ra bar song la bdag kyang bza' bar bya/ dge slong ma 'khod pa dang yang bgo bar bya ste/ de la de ni dus yin no/ /dad pa zhes bya ba ni dkon mchog gsum la dad pa la bya'o/ / lhung bzed gang ba gnyis sam gsum zhes bya ba ni lhung bzed la rnam pa gsum ste chen po dang 'bring po dang chung ngu'o/ /de la chen po ni yul ma ga d+ha'i 'bras skam phul lnga btsos pa'i chan dang tshong ma shong ba'o/ /chung ngu ni phyed dang gsum btsos pa'i chan dang chod ma shong ba'o/ /'bring ni de gnyis kyi bar ro/ /de la dge slong mas bsod snyoms 'dod la dus kyis stobs na khyim cig gi sgor lhung bzed gsum blang bar bya ste/ de las lhags par phul gang tsam bslangs kyang ltung ba'o/ /lhung bzed chen po gang bar gnyis/
- 113a
'bring po gang bar gcig bslangs na'ang ltung ba'o/ /'bring po gang ba gnyis dang chen po gang ba gcig dang gsum bslangs na'ang ltung ba'o/ /de la de ni dus yin no zhes bya ba ni lhung bzed gang ba gnyis sam gsum bslangs pa de gtsug lag khang du khyer la dge slong ma rnams dang lhan cig bza' bar bya ste/ de ltar ma byas na nyes byas so zhes bya ba'i tha tshig go /ltung ba nyi shu gcig pa rdzogs so// //ston pa yul mnyan du yod pa na ste/ drug sde rnams zas zos nas spangs pa'i 'og tu yang kha zas bab bcol du za ba dang/ dge slong dang khyim bdag dang/ bram ze dag 'phya smod nas bcom ldan 'das kyis bslab ba bcas pa dang/ dge slong ma tshul bzhin du byed pa dag ni de bzhin du byed/ dge slong bcu gnyis sde dag zas zos spangs pa'i 'og tu kha zas ba 'chol du zos pa dang/ don nyung ngu ba'i dge slong ma rnams 'phya nas 'dul ba'i bslab pa bcas pa'i bar du snga ma bzhin no/ /yang dge slong ma gang zas zos zin nas spangs pa la lhag mar ma bca' ba 'am bza' ba 'chos zos la ltung ba'o/ /spang ba zhes bya ba ni kha zas zos nas chog go zhes sems kyis btang ba la bya'o/ /lhag mar ma byas pa zhes bya ba ni gzhan gyi zos pa'i lhag mar ma byas pa ste/ lhag ma ni smod pa ma yin pas de za bar gnang ba yang/ kha zas spangs pa'i 'og tu za 'dod pa'i chad pa yin par shes par bya'o/ /bca' ba dang/ bza' ba zhes bya ba ni bca' ba lnga dang/ bza' ba lnga'o/ /de la dge slong ma dag gis zas zos pa nas spangs pa las spyod lam btang ba'i 'og tu lhag mar ma byas pa'i bca' ba dang bza' ba zos na ltung ba'o/ /spyod lam ma nyams par zos na nyes byas// lhag mar ma byas pa la lhag mar byas pa dang the tshom gnyis la ltung ba re re/ lhag mar byas pa la lhag mar ma byas par 'du shes pa dang the tshom pa gnyis la'ang nyes byas re rer 'gyur ro/ /shing tog dkon pa lta bu rnyed pa 'am/ nad pa lhag mar ma byas pa zos
- 113b
kyang nyes pa med do/ /ltung ba nyi shu gnyis pa rdzogs so// //ston pa yul mnyan du yod pa na ste/ de'i tshe dge slong ma zhig la nyes gnas slob ma rgan blun zhig yod pa de rtag tu ltung ba byung nas slob dpon gyi nyes pa 'chags su btsug pa dang/ rgan blun des bdag gis slob dpon 'dis rtag tu nyes pa 'chags su bcug pa bdag gis kyang nyes pa zhig 'chags su gzhug go snyam mo/ /dus phyis zhig na dge slong ma de zas zos nas spangs pa'i 'og tu kha zas zhig rnyed pa dang/ slob ma rgan blun de la lhag ma byed du btang ba dang/ des bsams pa bdag gi ltung ba chags su gzhug pa'i skabs rnyed do snyam nas lhag mar ma byas par bza' ba'i phyir te 'ongs nas slob dpon la zar bcug ste/ zan de zos pa'i 'og tu ltung ba shogs shig ces byas pa dang/ slob dpon gyis smras pa ngas ma nyes te/ khyod nyid ltung ba shogs shig ces byas nas bslab pa'i gnas bcas pa'i bar du snga ma bzhin no/ /yang dge slong ma gang gis dge slong ma'i zas zos nas spang bar shes la klan ka btsal te/ dge slong 'di ci nas kyang nyes byas par bya snyam nas rkyen des 'phags ma 'di 'cho 'di zo zhes lhag ma ma byas pa'i bca' ba dang/ bza' ba dus kyis stobs na ltung pa'o/ /klan ka btsal te zhes bya ba ni ltung ba'i nyes pa 'chags su gzhug pa'i klan ka tshol ba la bya'o/ /kha zas lhag mar ma byas pa la lhag mar ma byas par 'du shes pa dang the tshom za ba gnyis ltung ba re re/ kha zas lhag mar byas pa lam byas par 'du shes shing the tshom pa la'ang nyes byas re rer 'gyur ro/ /ltung ba gong ma dang 'di gnyis rgya gar gyi yi ge las mi 'byung ste/ ltung ba gnyis pa 'di yang dge slong ma dang sbyar na ni sbom dga' mo'i slob mar 'os shes bshad do/ /ltung ba nyi shu gsum pa rdzogs so// //ston pa yul rgyal po'i khab na ste/ lhas byin gyis dge 'dun dbye ba'i phyir mtshams kyi nang du dge 'dun las sar logs shig tu
- 114a
'dus shig za ba dang/ bcom ldan 'das kyis mtshams kyi nang dge 'dun du longs par logs shig tu zan ma za zhig par bcas pa dang/ bcu gnyis sde dag nged kyi phyir 'dul ba ma bcas so zhes mtshams kyi nang du logs shig tu 'dus te zan za ba dang/ don nyung ngu ba'i dge slong ma dag 'phya ba nas bslab pa bcas pa'i bar du snga ma bzhin no/ /'dus shing zan dus la bab pa ma gtogs te ltung ba'o/ /de la dus ni 'di yin tan bdus so las dus so/ /lam zhugs pa dus so/ /grur zhugs pa dus so/ /dus ston chen po dang dge sbyong gi za dus de ni dus yin no/ /'dus shing za zhes bya ba ni dge 'dun bzhi yan chad mtshams kyi nang du 'dus shing za ba la bya/ dus la bab pa ma gtogs zhes bya ba ni dus 'di rnams su 'dus shing zar gnang ba la bya/ na ba dus zhes bya ba ni nad pa gral du 'gro mi nus na nad g.yog tshun chad bzhi la bya las dus zhes bya ba ni mchod rten dang gtsug lag khang rtsig pa la bya/ lam du zhugs pa la dus zhes bya ba ni gdugs tshod yol gyis dogs pa la bya ste/ sngar lhags pa dang phyis lhags pa dag so sor 'dus shing za pa la bya'o/ /grur zhugs pa dus zhes bya ba ni grub chen po zhig gi nang du dge slong mang po 'khod pa dag yon bdag so sor dge slong bzhi bzhi 'am/ lnga lnga'i zan so sor sbyar ba la bya/ dus ston chen po dus zhes bya ba ni mngon par byang chub 'am dus kyi ston mo ji lta bu byed kyang rung ste/ sder so sor zhag du go dogs nas 'dus shing za ba la bya/ dge sbyong gi zas zhes bya ba ni dang po rgyal po gzugs can snying po'i zhang po mu stegs kyi dge sbyong kun tu 'cho ba zhes bya bas mtshams kyi nang du dge sbyong dag gis zan sbyar ba las so sor 'dus shing zar rjes su gnang ste/ mu stegs dge sbyong gis mtshams kyis nang dag 'dun gyi zan so sor sbyar kyang gzar gnang ba la bya'o/ /gnang ba'i dus 'di lta bu ma gtogs par mtshams kyi nang la
- 114b
mtshams kyi nang du 'du shes pa dang the tshom pa gnyis la ltung ba re re/ mtshams kyi phyi rol la mtshams kyi nang du 'du shes pa dang the tshom gnyis la nyes byas re re/ mtshams kyi nang du dge 'dun so sor 'du shes shing za ba rnams tha na lan tsha dang chu tsam yon pa na tshun bsrul bar bya ste/ de ltar srul pa 'ongs sam zhes ma dris par so sor zan za na 'ang dge 'dun gnyi ga las ltung ba/ mtshams kyi nang na gsum man chad 'dus te za na nyes byas/ zan cung zad tsam srul te zos na ltung ba med do/ /ltung ba nyi shu bzhi pa rdzogs so// //ston pa yul mnyan du yod pa ste/ de'i tshe bcu bdun sde rnams byis pa gzhon pas bkres pa dang/ dge ba dag byed mi nus pa dang/ phyi dro'i dus shig na khyim bdag cig ston mo byed pa'i zan la lta zhing 'dug go /de nas khyim bdag des ci 'phags pa dag phyi dro'i bshos bzhed dam zhes byas pa dang/ bcu bdun sde dag byin cig dang za'o zhes smras nas de dag zan zos nas dge ba cher spyad pa dang/ drug sde dag gis ci'i phyir de ring dge ba dag lhag par byed ces dris pa dang/ bcu bdun sde phyed yol ba'i zan dag zos pa rgyas par smras so/ /de ltar gyur pa la bslab pa bcas pa dang/ bcu gnyis sde rnams ded kyi phyir ma yin no/ /zhes zas dag dus med par za ba dang/ don nyung ba'i dge slong ma dag 'phya ba nas 'dul ba la bcas pa'i bar snga ma bzhin no/ /yang dge slong ma gang dus yol nas bca' ba 'am bza' ba 'chos sam zos na ltung ba'o/ /dge slong ma gang zhes bya ba ni bcu gnyis sde ste/ gang gzhan yang de dang 'dra'o/ /dus yol zhes bya ba ni dus la rnam pa gnyis te/ byed yol ba dang skya rengs ma shar ba'o/ /de la dge slong mas dus ma yin pa la dus ma yin par 'du shes pa dang the tshom gnyis la ltung ba re re/ dus la dus ma yin par 'du shes pa dang/ the tshom pa gnyis la nyes byas re re/ bza' ba zhes bya ba ni phye dang/ khur ba dang/
- 115a
'bras chen dang/ zan dang sha rnams so/ /bca' ba ni rtsa ba dang sdong bu dang/ me tog dang/ 'bras bu dang lo ma rnams so/ /ltung ba nyi shu lnga pa rdzogs so// //ston pa yul mnyan du yod pa na ste/ de'i tshe dge slong 'char ka nag po zhes bya ba zhig rtag tu bsod snyoms byed cing zas kyi lhag ma dag spong kha zas gsher ba rnyed pa skam zhing sbed te/ nam yul rmugs shing bsod snyoms mi nus na za ba dang/ dge slong ma 'phya smod par gyur nas bcom ldan 'das kyis bslab pa bcas pa dang/ dge slong ma tshul bzhin can dag ni de bzhin du byed bcu gnyis sde dag kha zas kyi lhag ma gsog cing spags pa rnams za ba dang/ don nyung ba'i dge slong ma rnams 'phya nas 'dul ba bcas pa'i bar du snga ma bzhin no/ yang dge slong ma gang bzhag pa'i bca' 'am bza' pa 'chos sam zos na ltung ba'o/ /bzhag pa zhes bya ba ni sngar bdag gis byin len byas nas reg pa mtshams kyi nang du bzhag nas snga dro 'am phyi dro lta bu'i dus las yol na spags pa zhes bya ste de lta bu'i kha zas zos na ltung ba'o/ /de la phyi dro spags pa ni bu ram dang sbrang rtsi lta bu de la dge slong mas spags pa la spags par 'du shes pa dang/ the tshom pa gnyis la ltung ba re re/ spags pa ma yin pa la spags par 'du shes pa dang/ the tshom du gyur pa nyes byas so/ /lhung bzed kyis 'bags pa ma bkrus na nyes byas de bzhin du chos gos dang/ ril ba dang/ lde mig khyog po la sogs pa zas kyi nang du 'bags na thams cad nyes byas so/ /ltung ba nyi shu drug pa rdzogs so// //ston pa yul mnyan du yod pa ste/ de'i tshe dge slong nag po zhes bya ba mnyan du yod pa na nad po che chen po byung ste mi mang po shi ba dur khrod du bskyal ba'i sngas na zan bzhag pa dag za zhing nyam tshom por gyur te rtag tu dur khrod du 'gro bas mnyan du yod pa'i sgo bas/ dge slong nag po chen po 'di ni rtag tu dur khrod du 'gro shing grong du bsod
- 115b
snyoms dag mi spong snyam tshom por gyur pa las mi sha za bar nges so zhes kun tu bsgrags pa dang/ yul mi dag gi mi sha za 'am mi sha bgam mo snyam nas mi gson po zhig dur khrod du bzhag ste sngas su zan lnga bzhag pa dang/ dge slong nag po chen po der zan len du song ba dang/ wa zhig kyang der zan za'o snyam nas der 'gro ba dge slong nag pos mthong nas brgyugs pa dang du khrod kyi mi de skrag nas langs so/ /khyim bdag 'phya bar gyur nas dge slong dag gis byin len ma byas par zan ma za zhig ces pa dang/ dge slong ma dag gis byin len ji lta bu mi shes nas byin len pa lngar gsungs na bslab pa bca' ba'i bar du snga ma bzhin no/ /yang dge slong ma gang ma byin par kha nas mid pa'i zas zos na chu dang so shing ma gtogs te ltung ba'o/ /ma byin zhes bya ba ni byin len ma byas pa la bya ste byin len ni rnam pa lnga'o/ /lus kyi lus la byin pa dang/ lus kyi zin pas lus kyi zin pa la bya ba dang/ lus kyis zin pas lus kyi ma zin pa la byin pa dang/ lus kyis ma zin pas lus kyi ma zin pa la byin pa dang/ yul smod pa can dang lnga'o/ /shing tog la sogs pa 'bru rnams byin len bya ba'i gnas lnga ste/ khri chen po dang/ khri dang khri'u dang thu ba dang sle'u rnams so/ /shing tog la sogs pa brtag pa rnam pa lnga ste/ me dang mtshon dang sen mo dang ne tso dang nyams pa rnams so/ /yang rnam pa lnga ste/ dbyug pa dang/ gshegs pa dang/ bcad pa dang/ dbug pa dang phyung ba rnams so/ /byol song cang shes rta dang spre'u la sogs pa gtong ba'i 'du shes dang ldan pas byin len byas na nyes pa med de/ /byin len ma byas pa la ma byas par 'du shes pa dang/ byas pa la ma byas par 'du shes pa bzhi rgyud kyang gong ma dang 'dra bar sbyar ro/ /byang gi sgra mi snyan lta bu byin len ma byas kyang nyes pa med do/ /ltung ba nyi shu bdun pa rdzogs so// //mdor bstan pa ni/ srog chags bcas chu gcer bu dang/ dmag ltar 'gro dang gsan pa dang/
- 116a
g.yul shom rta dang brdeg pa dang/ /bzas pa dang ni 'chab pa'o/ /ston pa yul ke'u shi 'byin te/ /de'i tshe dge slong ma bcu gnyis sde'i nang na ti sha dang nan 'da' shi ta zhes bya ba gnyis srog chags dang bcas pa'i chu spyod cing 'thung pa dang dge slong ma grogs mo dag gis ci'i phyir srog chags chu spyod cing 'thung zhes smras na srog chags 'di dag ci'i phyir shar phyogs kyi rgya mtsho la sogs pa phyogs bzhi'i rgya mtshor mi 'dod zhes smras pa dang/ don nyung ba'i dge slong ma rnams 'phya smod pa nas bslab pa bcas pa'i bar du snga ma bzhin no/ /yang dge slong ma gang srog chags dang bcas pa'i chu shes bzhin du spyod na ltung ba'o/ /dge slong ma gang zhes bya ni ti sha dang nan sha te/ gang gzhan yang de dang 'dra'o/ /srog chags zhes bya ba ni rnam pa gnyis te/ mig gis mthong ba dang/ chu tshags zin pa'o/ /spyod na zhes bya ba ni chu spyod pa la phyi nang rnam pa gnyis so/ /de la phyi'i ni chag chag dang 'ji ba la sogs pa'i las byed pa la bya'o/ /nang gis ni zas kyi bya ba rnams dang skom du btung ba'o/ /skabs 'dir ni nang bya ba rnams dang sbyar ro/ /de la dge slong mas srog chags dang bcas pa'i srog chags dang bcas pa dang 'du shes pa dang/ the tshom la ltung ba re re sbyar ro/ /srog chags med pa'i chu la srog chags yod par 'du shes pa dang/ the tshom la'ang nyes byas re rer 'gyur ro/ /de bzhin du sha tsa dang lhum sna tshogs pa'ang de bzhin du bzhi rgyud dang sbyar ro/ /ltung ba nyi shu brgyad pa rdzogs so// //ston pa rgyal po'i khab na ste/ de'i tshe dge slong kun dga' bos dus ston chen po zhig gi tshe lag na zas kyis lhag ma khyer ba gcer bu ma rgan gzhon gnyis shig sprang mo byed pa'i gzhon nu shos la byin pa dang/ rgan pas smras pa 'phags pa kun dga' bo khyod la chags kyis phyi bdar dag gyis shig ces smras pa dang/ khyim bdag dang bram ze dag
- 116b
gis thos nas 'phya zhing smod pa las bcom ldan 'das kyis 'dul ba bcas pa dang bcu gnyis sde rnams ded kyi phyir 'dul ba ma bcas so/ /zhes yang dang yang gcer bur pa dag la zan byin pa dang/ don nyung ngu ba'i dge slong ma dag 'phya smod pa nas 'dul ba la bcas pa'i bar du snga ma bzhin no/ /yang dge slong ma gang gcer bu 'am/ gcer bu ma 'am/ kun tu rgyu 'am/ kun tu rgyu mo 'am/ rang gi lag nas bza' ba rang bca' ba byin na ltung ba'o/ /kun tu rgyu zhes bya ba ni mu stegs can grangs can gyi gzhung 'dzin pa la bya'o/ /de la dge slong mas pham gcer bu pa 'am lta ba las bzlog pa'i phyir ram/ phur bu pa la bzhag pa'i nad du so sor bgos te byin na nyes pa med do/ /ltung ba nyi shu dgu pa rdzogs so// //ston pa yul mnyan du yod pa na ste/ /de'i tshe rgyal po gsal rgyal kyi 'bangs ri brags na gnas pa dag cig log nas de dag la dmag rgol du 'gro ba'i tshe drug sde rnams dmag 'dod pa'i lam kar 'dug nas khyed kyi mi spre'u dang 'dra/ ba glang ni phag dang 'dra/ rta ni lug lta bu'o zhes 'phya nas dmag mi rnams phyir log nas rgyal pos ci'i phyir log ces smras pa dang/ de dag gis drug sdes 'phya ba rgyas par smras nas/ rgyal pos bcom ldan 'das la gsol nas bslab pa bcas pa dang/ bcu gnyis sde rnams nged kyi phyir ma yin no zhes dmag chas pa lta ba nas don nyung ba la 'phya smod de 'dul ba bcas pa'i bar du snga ma bzhin no/ /yang dge slong ma gang dmag chas pa ltar 'gror na de 'dra'i rkyen ma gtogs te ltung ba'o/ /dmag ces bya ba ni rnam pa bzhi ste/ shing rta dang ba glang dang rta dang rkang thang ba'i tshogs so/ /gtsug lag khang lam ka na 'dug ste ched du ltar ma song ba mthong ba la nyes pa med/ ltung ba sum cu pa rdzogs so// //gleng gzhi gong ma dang 'dra ste/ rgyal po gsal rgyal gyi dmag ri brags pa la rgol ba'i tshe mi thub pa 'dra ste /blon po de dag gis bsod nams chen po dang ldan pa dga' 'dir 'bod pa rigs zhes
- 117a
gsol pa dang/ rgyal po gsal rgyal gyis khyim bdag mgon med zas sbyin pos so/ /khyim bdag mgon med zas sbyin gyi der yun ring du gnas pas skya zhing ring par gyur pa dang/ rgyal pos bud med dran nam ci nyes dris pa dang/ bdag dge slong dag lta bar 'tshal lo zhes gsol lo/ /de nas rgyal po drug sde rnams bos nas der bzhag pa dang/ yun ring du gnas shing dmag la lta ba dang/ 'phyas 'dogs pa la zhag gnyis las 'das par ma gnas shing ces bslab pa bcas pa dang/ bcu gnyis sde mo dag nged kyi phyir ma yin zhes zhag mang du gnas pa dang/ don nyung ngu'i dge slong ma dag 'phya smod pa nas bslab pa bcas pa'i bar du snga ma bzhin no/ /de 'dra ba'i rkyen cig gis dge slong ma dmag chas pa la ltar 'gro na dge slong ma des dmag de'i nang du zhag gnyis 'das par mi bya'o/ /de las 'das par gnas na ltung ba'o/ /de 'dra ba'i rkyen ces bya ba ni rgyal po 'am blon pos ched du bkugs pa la bya'o/ /bar chad brgyud byung na de las 'das par gnas kyang nyes pa med do/ /ltung ba sum cu rtsa gcig pa rdzogs so// //gleng gzhi gong ma dang 'dra ste/ bcu gnyis sde mo dag dmag gi nang du zhag gnyis gnas pa'i tshe g.yul bsham pa dkrug cing lta ba dang/ dmag mi rnams mi dga' bar gyur nas 'dul ba la bslab pa'i gnas bcas so/ /zhag gnyis dmag de'i nang na gnas pa'i tshe 'ang gal te dge slong mas bshams pa dkrugs sam/ rgyal mtshan dang dpung gi mchog gi g.yul bshams pa'i dmag la lta na ltung ba'o/ /bsham pa dkrugs sam zhes bya ba ni dmag bshams pa rnam pa bzhi lta bu ste/ sogs ka ba dang/ nam mkha' lding lta bu dag /nam gru'i dbyibs lta bu dang/ zla ba kham pa lta bu de de lta bur dkrugs pa la bya'o/ rgyal mtshan zhes bya ba ni rnam bzhi gzugs brnyan bris pa ste
- 117b
seng ge dang khyu mchog dang chu srin dang nam mkha' lding ngo/ /dpung gi mchog ces bya ba ni stobs kyi mchog lta bu la bya'o/ /ltung ba sum cu gnyis pa rdzogs so// //ston pa mnyan du yod pa na ste/ bud med ni rang bzhin gyis khro spro thung bas sbom dga' mo dge slong ma dag la khu chur dang thal mo la sogs pa brdeg 'tshog pa dang/ don nyung ngu ba'i dge slong ma dag 'phya smod pa nas bcom ldan 'das kyis bka' stsal pa'i bar du ste/ bslab pa bcas pa'i bar du snga ma bzhin no/ /yang dge slong ma gang khros 'khrugs rngams nas dge slong ma la brdeg na ltung ba'o/ /khros zhes bya ba ni cung zad khros pa la bya'o/ /'khrugs zhes bya ba ni dbang du gyur pa la bya'o/ /rngams zhes bya ba ni brdeg par 'dod pa la bya'o/ /de la dge slong mas khros pa'i bsam pas brdeg par 'dod pas sor mo la sogs pa yan lag so sor gang gi brdeg kyang ltung ba re rer 'gyur ro/ /khu tshur gyis brdeg na ltung ba gcig /phyags ma lta bus brdeg na phyag ma'i grangs bzhan du ltung ba re re/ thal mo'i rig pa'i sngags byed pa'i tshe thal mos bsnun pa dang/ lan 'am nad la phan pa'i phyir bsnun pa la bu ni nyes pa med do/ /dge tshul man chod la brdeg pa dang dge slong la bsnun pa las ma phog na nyes byas so/ /ltung ba sum cu rtsa gsum pa rdzogs so// //gleng bzhi gong ma dang 'dra ste/ /sbom dga' mos dge slong ma dag la brdeg par gzas pa las/ don nyung ngu pa'i dge slong ma dag 'phya nas snga ma bzhin te bslab pa bcas so/ /yang dge slong ma gang khros 'khrugs rngams nas dge slong ma brdeg par gzas na ltung ba'o/ /dkyus kyis bshad pa yang snga ma dang 'dra'o/ /ltung ba sum cu bzhi pa rdzogs so// //ston pa mnyan du yod pa na ste/ /de'i tshe bcu gnyis snga mo dag la lhag ma dang pham pa'i sbom po dag byung na bcas so/ /phyis thab mo byung ba dang/ gcig la gcig nyes pa byung
- 118a
ba glengs pa dang/ don nyung ngu pa'i dge slong ma dag 'phya smod pa nas bslab pa bcas pa'i bar du snga ma bzhin no/ /yang dge slong ma gang dge slong ma'i gnas ngan len gyi nyes pa shes bzhin du 'cha ba na ltung ba'o/ /gnas ngan len gyi nyes pa zhes bya ba ni pham pa'i sbom po dang lhag ma gnyis la bya'o/ /dge slong mas ltung ba yan chad kyis nyes pa shes bzhin du bcabs na nyes byas so/ /mdo sde dang 'dul ba 'dzin pa lta bu'i dge slong ma'i nyes pa glengs nas spyir gnod par 'gyur ba lta bu 'am/ thab krol can lta bu'i nyes pa blangs na thab mo 'am bdag la gnod pa cher 'gyur pa lta bu ni nyes pa shes bzhin du glengs kyang nyes pa med do/ /ltung ba sum cu lnga pa rdzogs so// //mdor bstan pa ni/ bde dang me dang dad pa dang/ /bsnyen par ma rdzogs chos pa smra// dge tshul ma dang kha bsgyur dang/ /rin po che dang tsha ba'i dus/ /ston pa yul mnyan du yod pa na ste/ de'i tshe dge slong ma bcu gnyis sde dag la lhag ma byung nas dge slong ma gzhan dag gis glengs te 'chags su bcug pa dang/ sbom dga' mo dang gcug dga' mo dag gis ci nas kyang dge slong ma 'di dag las 'gyod pa dang mi dga' ba bskyed do snyam nas/ dge slong ma de dag la nged kyis zan blangs te sbyin dang grong du bsod snyoms la 'dod do zhes smras nas de dag bsod snyoms la khrid do/ /bcu gnyis sde sbom dga' mo la sogs pa ni res kyi grong du zas zos nas gdugs chod yol ba dang/ dge slong ma gzhan la khyed kyi zan ded mi 'byor gyi song zhig ces de dag gi zan bcad nas de dag la rmya bar gyur te glos phab cing nyal ba dge slong ma dag gis rmas pa'i bar du rgyas par sbyar ro/ /bcom ldan 'das kyis bslab pa bcas so/ /yang dge slong ma gang ci nas kyang dge slong ma 'di zan bcad do snyam nas zan bcad par bsams te/ rkyen de nyid kyis dge slong ma 'phags ma tshur shog khyim bdag tu 'dod/ der khyod la bcal
- 118b
ba dang bza' ba bzang po 'drangs kyi bar du sbyin tu gzhug go zhes de skad smras la/ des de la sbyin du ma bcug gi 'og tu 'phags ma khyod song zhig khyed dang lhan cig 'dug gam gtam zer bang la bde ba med kyi/ nga gcig pu 'dug gam smra na ba de'o zhes de skad zer na ltung ba'o de la dge slong mas zan gcod pa'i bsams pas thabs gang gis kyang rung ste/ zan bcad na ltung ba'o/ /sman gyi cho ga 'am bsgo bzhin du byed pa pa ni nyes pa med do/ /ltung ba sum cu drug pa rdzogs so// //sangs rgyas bcom ldan 'das mnyan du yod par ljongs rgyu zhing gshegs pa'i tshe dgongs mal zhig tu 'khor rnams sdong rgan re re'i drung du gnas bcas pa dang/ drug sde rnams ma gal skor zhing rtse ba dang/ bcom ldan 'das kyis bslab pa bcas pa dang/ bcu gnyis sde rnams nged kyi phyir ma bcas so zhes me la rtse zhing mi 'bud pa dang don nyung ba'i dge slong ma rnams 'phya nas bcas pa'i bar du snga ma bzhin no/ /yang dge slong ma gang min bar bdag me gzhug pa'i phyir me la reg gam reg tu bcug na ltung ba'o/ /de la dge slong ma dkon mchog gsum gyi phyir me la reg te bog phor 'gengs pa'i tshe dkon mchog gsum la mchod do snyam pa'i bsams pas byin gyis ma brlabs te reg na ltung ba'o/ /reg tu bcug pa yang de bzhin no/ /de bzhin du slob dpon dang/ tshangs pa mtshungs par spyod pa grogs phyir me 'bud na 'ang de dag gi phyir ro/ zhes byin gyis ma brlabs par bus nas thams cad ltung bar 'gyur ro/ /dge 'dun gyi phyir me 'bud na 'ang ji srid 'bud kyi bar du rgyun cig tu byin gyis ma brlabs na shing re re bcug par ltung ba re rer 'gyur/ lhung bzed bsreg pa dang mtshan gyi las byed pa na 'di lta bu'i phyir zhes byin gyis ma brlabs na nyes byas so/ /de la nad pa'i phyir ram byin gyis brlabs pa rnams ni me la reg tu bcug kyang nyes med do/ /me mar mur thal tshan la reg na nyes byas so/ /nyi ma shar ba blag pa med pa na me bus na nyes pa med do/ /ltung ba sum cu
- 119a
bdun pa rdzogs so// //ston pa mnyan du yod pa na ste/ /de'i tshe bcu gnyis sde rnams ni gzhon dar la bab par gyur/ drug sde rnams la 'char ka ni dgra bcom par gyur/ mos pa can ni cang mi smra bar gyur/ tha skar skyes dang nabs so po gnyis ni tshe 'phos/ dga' bo dang bsnyen dga' po gnyis na rgas 'khogs par gyur te lus pa dang/ bcu bdun sde rnams kyis sngon bdag cag chung ba'i tshe 'di gnyis kyis gtses kyis/ da ni dga' bo la spangs pa'i las bya'o/ nams? nas dga' bo'i gos dkru'o zhes bring nas dga' bo'i gos rnams chung bcug ste/ bcu bdun sdes dga' bo las dang ba blangs nas bsnyen dga' bo chos bzhin du spang ba'i las byas pa dang/ phyis dga' bos dad pa mi sbyin no zhes smras pa dang/ bcom ldan 'das kyis bslab pa bcas so/ /de ltar bslab pa bcas pas dge slong ma chu la la gnas pa dag ni de bzhin du byed/ bcu gnyis sde dag dang pa sngar phul ba'i 'og tu phyir len cing skyo dogs byed pa dang don nyung du ba'i dge slong ma dag 'phya nas 'dul ba la bcas pa'i bar du snga ma bzhin no/ /yang dge slong ma gang gis dge 'dun gyi bya ba chos bzhin du byed pa la dge slong ma la dad pa byin nas de'i 'og tu dge slong ma la dad par slar byin cig /khyod la mi byin no zhes de skad zer na ltung ba'o/ /chos bzhin ces pas ni gsol ba'i las dang/ gsol pa dang gnyis kyi las dang/ gsol pa dang bzhi'i las tshul bzhin du byed pa'o/ /las tshul bzhin du mi byed pa las dad pa phyir blangs kyang nyes med do/ /ltung ba sum cu brgyad pa rdzogs so// //ston pa yul mnyan du yod pa na ste/ /de'i tshe dge slong ma rnams bcu bzhi 'am bco lnga'i nub mo khyim pa dang dge slong gi dge 'dun rnams 'dus nas mtshan rangs me mar 'dzugs shing mdo sde klog pa dang/ dge slong rkan zhugs gcig me mar gyi 'od la gnyid kyis log nas sngon gyi chung ma dang ci byas pa bla brdol ba
- 119b
dang/ khyim bdag dang bram ze dag dge slong rgan pa rnams kyang sngon gyi chung ma dag dran no zhes 'phya smod nas bslab pa bcas pa dang/ bcu gnyis sde dag nged kyi phyir ma yin no zhes bsnyen par ma rdzogs pa dang/ dge tshul ma dag dang lhan cig nyal ba las bslab pa bcas so/ /yang dge slong ma gang bsnyen par ma rdzogs pa'i gang zag dang/ khyim gcig gi nang du nub gnyis las ring du nyal na ltung ba'o/ /bsnyen par ma rdzogs pa'i gang zag ces bya ba ni dge tshul man chad la bya'o/ /khyim zhes bya ba ni khyim rnam pa bzhi ste/ zad par g.yogs par zad par bskor ba dang/ zad par g.yogs pa la zad par ma bskor ba dang/ cung zad bskor ba cung zad g.yogs pa'o/ /nub gnyis zhes bya ba ni 'char ka dang sgra gcan 'dzin lhan cig 'dug pa las/ sgra gcan 'dzin bcom ldan 'das kyi rnam pa'i sar nyal ba dang/ sbrul 'dug bas de'u zos pa dang/ dge slong ma dag gis dge tshul ma phyi rol tu bzhag pa dang/ bcom ldan 'das kyis nub gnyis lhan cig nyol cig ces rjes su gnang ba la bya'o/ /nub gnyis las 'das zhes bya ba ni nub gsum pa'i skya reng gyi chod na ltung bar 'gyur te/ skya reng ma shar ba'i dus su bdag phyir byung ngam/ dge slong phyir byung ngam langs te 'dug na nyes med do/ /ltung ba sum cu dgu pa rdzogs so// //ston pa rgyal po'i khab na ste/ dge slong ma ha risti ma dang/ dge slong ma gcig nas pa las ltung ba mnyam du byung nas dge slong ma grogs mos ni ltung ba byung ba 'thol shing bshags nas dgra bcom pa thob pa dang/ dge slong ma ha ri sti mas bcom ldan 'das kyi bar du gcod pa'i chos su gsungs kyang bar du gcod par mi 'gyur ro/ /zhes smras pa dang/ don nyung ngu ba'i dge slong ma rnams 'phya smod pa nas 'dul ba bcas so zhes bya ba'i bar du snga ma bzhin no/ /yang dge slong ma gang bcom ldan 'das kyis bar du gcod pa ni chos su gsungs pa gang yin pa de dag bsten kyang bar du gcod par mi 'gyur te/ de ltar
- 120a
bcom ldan 'das kyis chos? bston pa bdag gis shes so zhes de skad zer na/ dge slong ma de la dge slong ma dag gis 'phags ma khyed ji ltar bcom ldan 'das kyis bar du gcod pa'i chos su gsungs pa gang yin pa de dag bsnyen kyang bar du gcod par mi 'gyur ste/ de ltar bcom ldan 'das kyis chos bstan pa bdag gis shes so zhes ma zer zhig /bcom ldan 'das la skur ba ma 'debs shig /bcom ldan 'das la skur bas legs par mi 'gyur ro/ /bcom ldan 'das ni de skad mi gsung ngo/ /'phags ma bar du gcod pa'i chos ni bar du gcod pa nyid do zhes bcom ldan 'das kyi rnam grangs du mar gsungs te/ de dag bsten na bar du gcod par 'gyur ro/ /'phags ma khyod 'di 'dra ba'i sdig pa can gyi lta bar gyur pa thod zhig ces de skad bsgo zhig /dge slong ma de la dge slong ma rnams kyis de skad bsgo nas/ gal te dngos po de gtong na ni legs gal te dngos po de mi gtong ni dngos po de spang bar bya ba'i phyir lan gnyis lan gsum du yang dag par bsgo bar bya'o/ /yang dag par bstan pa bya'o/ /lan gnyis lan gsum du yang dag par bsgo yang dag par bstan nas dngos po de gtong ba lta ni legs/ gal te mi gtong na ltung ba'o/ /bar du gcod pa zhes bya ba ni ltung ba sde lnga'i nyes pa la bya'o/ /lan gnyis lan gsum du bsgo zhes bya ba la dang po tshig 'jam pos bsgo ste mnyan na nyes byas/ de bzhin lan gnyis kyi bar du bsgo ste mnyan na nyes byas re re/ sgo ba lan gsum rdzogs te mnyan na ltung ba'o/ /chos bzhin du ma bsgo ba la mnyan na nyes pa med/ ltung ba bzhi bcu pa rdzogs so// //gleng gzhi gong ma dang 'dra ste/ dge slong ma ha rista ma sdig pa'i lta ba mi gtong nas dge slong ma dag gis bskrad pa dang/ bcu gnyis sde dag gis ha rista ma bsten cing lhan cig gnas shing bsten pa la bcas/ yang dge slong ma
- 120b
gang de skad smra ba'i dge slong chos bzhin ma byas pa sdig pa can gyi lta bar gyur pa ma spangs par shes la smra kun tu smra gnas par byed cing de dang khyim gcig gi nang du nyal bar byed na ltung ba'o/ /de skad smra ba zhes bya ba ni bar du gcod pa'i chos rnams bar du bcod par mi 'gyur ro zhes smra'o/ /chos bzhin ma byas zhes pa ni sdig pa'i lta ba slar gshegs pa'o/ /spyod par byed ces bya ba ni snyen bkur la sogs pa byed pa'o/ /sdig pa'i lta ba de las dbral ba'i phyir na nyes pa med do/ /ltung ba bzhi bcu gcig pa rdzogs so// //ston pa rgyal po khab na ste/ dge tshul ma mdzes ma dang/ rgyal mdza' ma zhes bya ba gnyis dge slong ma grogs mo dag cig dang 'dug pa las de dag 'dod pa la chags pa'i nyes pa'i nyes pa dag cing byung ngo/ /nyes pa byung na dang de gnyis kyi grogs chos slar nyes pa chos bzhin du byas bsgribs shing 'bad pas dgra bcom pa thob bo/ /dus phyi zhig na dge tshul ma de gnyis me tog thu ba'i cha grigs mo dgra bcom ma de nam mkha' la 'phur zhing 'gro ba'i grib ma las dge tshul ma de gnyis kyis mthong nas de gnyis kyis 'dod pa ni bar du gcod par mi 'gyur ro zhes smras pa dang/ dge slong ma dag 'phya smod nas 'dul ba bcas pa'i bar du snga ma bzhin no/ /dge tshul ma zhig 'di skad du ji ltar bcom ldan 'das kyis 'dod pa ni bar du gcod pa'o/ /zhes gsungs so gang yin pa de dag ston kyang bar du gcod par mi 'gyur te/ de ltar bcom ldan 'das kyis chos bstan pa bdag gi shes so zhes ze na/ dge tshul ma de la dge slong ma dag gis dge tshul ma khyod ji ltar bcom ldan 'das kyis 'dod pa ni bar du gcod pa'o zhes gsungs pa gang yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer zhig /bcom ldan 'das la skur pa ma 'debs shig /bcom ldan 'das la skur pa legs par
- 121a
mi 'gyur ro/ /bcom ldan 'das ni de skad mi gsung ngo/ /'dod pa bar du gcod pa ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyi/ dge tshul ma khyod 'di lta bu'i sdig pa can gyi lta bar gyur pa thong zhig ces de skad bsgo? zhig /dge tshul de la dge slong ma rnams kyis de skad sgo nas gal te dngos po steng pa lta na ni legs/ gal te mi gtod na dngos po spangs pa'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par sgo yang dag par bstan nas dngos po de gtong blta na ni legs/ gal te mi gtod na dge tshul ma de la dge slong ma dag gis deng phyin chad dge tshul ma khyod/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer zhig /tshangs pa mtshungs par spyod pa mkhas pa bla ma'i gnas gang gi phyi bzhin du yang ma 'gro zhig /dge slong ma rnams dang dge tshul ma zhag gnyis kyis bar du gang nyal du dbang pa de yang deng? phyin chad khyed la med de/ bud med blun mo khyod mig 'am na mi snang bar byas kyis phar song zhig ces bsgo zhig /yang dge slong ma gang gis dge tshul ma de ltar mig lam na mi snang bar byas par shes bzhin du gnas byin nam yo byad de byin nam de dang khyim gcig nang du nyal bar byed na ltung ba'o/ /gnas byin zhes bya ba ni zhur bcug pa la bya'o/ /lan gnyis lan gsum du sgo zhes bya ba ni dge tshul ma de dag gsol ba dang bzhi'i las byed snang ba'i phyogs su bzhag nas sgo bar bya ba'o/ /sdig pa'i lta ba las bzlog pa'i phyir brten na nyes pa mang ngo/ /ltung ba bzhi bcu gnyis pa rdzogs so// //ston pa rgyal po'i khab na ste/ de'i tshe klu ri bo dang dka' bskyed gnyis kyi rten btsugs pa la mchod pa chen po byed pa'i
- 121b
dus na lho phyogs kyis gang mkhan gyi gar sna tshogs byas nas/ de'i 'og tu mi 'dug pa dag gang mo dbyung ba'i phyir bsnyen dga' bo mos pa can gnyis gcig la gcig zas kyi lhag ma byed cing za ba ltar lhung bzed thal bas bkad bkad nas steng du bu ram kham gcig bzhag ste/ gcig byin pa dang/ bu ram khar bcug nas thal pa phyir mig steng du phob dang/ gdam char byung nas gar mkhan yang rnyed pa mang du grub po/ /drug sde rnams snying na nas phyi de nang bar bcu gnyis sde rnams dang gros byas cha lugs rol mo mkhan ltar bsgyur te/ mngon par byang chub pa'i gang stabs ke'ur zhes bya ba byas nas mi 'dus pa rnams ngo mtshar cher gyur nas lho phyogs kyi gar gyi rnyed pa yang chad bar gyur pa dang gar mkhan la sogs pa khyim bdag dang bram ze rnams dge slong 'di dag ni rol mo mkhan bzhin gos dkar po gon zhes 'phya smod pa las 'dul ba la bslab pa'i gnas bcas so/ /yang dge slong mas gos gsar ba zhig rnyed nas sngon po 'am dmar po 'am ngur smrig gam kha dog rnam pa gsum las gang yang rung ba zhig tu bsgyur cig / gal te dge slong mas sngon po 'am dmar po 'am ngur smrig dag gam kha dog rnam pa gsum las gang yang rung ba cag gos kha dog ma bsgyur bar spyod na ltung ba'o/ /sar pa zhes bya ba ni rnam pa gnyis te/ gsar du rmad? pa dang/ gos nying gsar pa'o/ /sngon po zhes bya ba ni rams su btsos pa'o/ /dmar po zhes bya ba ni btsag tu btsos pa'o/ /ngur smrig zhes bya ba ni star ka dang shing shun la sogs pa las btsos pa ste/ kha dog nog bag chags pa'o/ /de la dge slong mas mtshon chen po brgyad de/ gur gum dang/ li khri dang/ mtshal dang/ mthing shing dang/ le brgan rtsi dang/ rma shing dang/ rgya skyegs dang/ brtsod rnams su kha dog bsgyur ba'i gos 'chad na nyes byas so/ /tha na lhung bzed kyi snod yan chad kha dog ma bsgyur bar 'chad na ltung ba'o/ /ltung ba bzhi bcu
- 122a
gsum pa rdzogs so// //ston pa yangs pa can na ste/ yangs pa can gyi byis pa dag cig rgyan bkrol nas chu ngogs su bzhag nas khrus byed pa la khrus zin pa dang rgyan dag brjed de dong pa las/ rgyan de rnams bsnyen dga' bos bdag po med pa'i nor snyam nas blangs pa dang/ byis pa de rnams kyis ded kyi rgyan bskus so zhes bsnyen dga' bo'i gos kyang dral 'phya zhing smod pa las bslabs pa dang/ dge slong ma tshul bzhin gnas pa dag de bzhin byed bcu gnyis sde mo dag ded kyi phyir ma bcas so/ /zhes nor bu dang rgyan la sogs pa rin po che rnams la reg pa dang/ don nyung ngu ba rnams 'phya ba nas 'dul ba bcas pa'i bar du snga ma bzhin no/ /yang dge slong ma gang rin po che lta bur rang gi lag gis len tam len du bcug na ltung pa'o kun dga' ra ba'i nang na 'dug gam gnas khang gi nang na 'dug pa ni ma gtogs so/ /kun dga' ra ba'i nang na 'dug pa 'am gnas khang nang na rin po che 'am rin po che lta bu zhig yod na dge slong ma de su'i yin pa de len grang snyam du sems la long shig de la de ni dus yin no/ /rin po che zhes bya ba ni rgyan la sogs pa 'am gser dngul dag la bya'o/ /rin po che lta bu zhes bya ba ni mda' gzhu mtshon cha la sogs pa dang/ /rol mo'i cha byad rnams la bya'o/ /kun dga' ra ba na 'dug pa 'am gnas khang gi nang na 'dug pa ma gtogs zhes bya ba ni mnyan du yod pa na lha mtshams ma rgyan rnams bkrol nas chos mnyan pa las rgyan rnams gtsug lag khang gi nang du bkral te bzhag pa brjed nas song ba dang/ kun dga' bos gzhan gyi len grang snyam te blangs na/ bcom ldan 'das kyis rjes su gnang bar nges so snyam nas blangs pa dang/ bcom ldan 'das kyis kyang kun dga' ra ba'i nang ngam gnas khang gi nang na rin po cher gtogs pa 'am/ rin po che ltar 'dug pa su yi len gang snyam du sems la long zhig ces
- 122b
rjes su gnang ba la bya/ de la dge slong mas nor bu la sogs pa rin po che rnams phug pa dang mtshan mas btab pa tha na zangs kyi dod tse rna chad la reg gam gzhan reg du bcug na thams cad ltung ba'o/ /ma phug pa dang mtshan mas ma btab pa la len na ma len du bcug na nyes byas/ mda' gzhu la sogs pa rol mo'i cha spyad rgyud chags pa rnams la reg na tha na chu sbrad yan chad la reg na ltung ba'o/ /rgyud ma chags pa 'am yan lag ma tshang ba la reg gam lan du bcug na nyes byas/ ka ba'i dong rtse dang byis pa rtsa ba'i mda' gzhu lta bu la reg mnyes byas/ de bzhin gshegs pa'i gdung sha ri raM lta bu la reg pa ltung ba'o/ /mchod pa'i phyir na nyes med/ ltung ba bzhi bcu bzhi pa rdzogs so// //ston pa rgyal po'i khab na ste/ rgyal po gzugs can snying po la chu mig lnga brgya zhig yod pa'i nang na chu mig gnyis shig lhag par yon tan che ste/ grang ba'i chen dro/ /dro ba'i tshe na grang ngo/ /de gnyis gcig gi nang du ni rgyal po khrus byed/ gcig nang du gtsun mo rnams khrus byed do/ /rgyal pos bdag gi yo byad gzhan ni thams cad kyis de bzhin gshegs pa 'khor dang bcas pa la bstabs na/ da ni chu mig yon tan dang ldan pa 'di gnyis khrus mdzad par bstabs po snyam nas/ bcom ldan 'das la gsol ba dang/ rgyal po khrus byed pa'i chu mig tu ni drug sde rnams 'khru/ btsan mo rnams khrus byed pa'i chu mig tu ni bcu gnyis sde rnams rtag tu khrus byed pas/ rgyal po dang btsun mo rnams byed pa'i bar chad du gyur nas/ khyim bdag dang bram ze rnams 'phya smod pa nas 'dul ba bcas pa'i bar du snga ma bzhin no/ /zla ba phyed phyed cing khrus gyis shig ces bcom ldan 'das kyis bka' stsal te/ de dang gal bar byas na dus la bab ma gtogs de ltung ba'o/ /de la dus ni 'di yin te/ dpyid sman gyi zla ba phyed dang gnyis dang/ dbyar gyi dang po zla ba phyad dang gsum 'di dag ni rab
- 123a
tu tsha ba'i dus yin no/ /lhag ma ni na? ba dus so/ /las dus so/ /char bab pa dus so/ /de la de ni dus yin no/ /zla ba phyed phyed cing khrus gyis shig ces bya ba ni dge slong ma rnams dri ma mi khru zhing dri ma dang bcas par bsod snyoms la zhugs pa dang/ khyim bdag dang bram ze rnams khyed dri mas rnam par grol ba'i lam tshol zhes 'phya ba nas zla ba phyed phyed cing rjes su gnang ba la bya'o/ /dpyid smad kyi zla ba phyed dang gnyis dang/ dbyar gyi dang po zla ba phyed dang gsum zhes bya ba ni dbyar zla ra ba nas dbyar zla tha chung nya'i bar du zla ba phyed dang gsum po 'di ni tsha ba'i dus bas rtag tu khrur gnang ngo/ /lhag ma ni nad pa'i dus so zhes bya ba la sogs pa smos pa ni tsha ba'i dus zla ba byed dang gsum po ma gtogs par rkyen 'di lta bu dag byung na gnang ngo zhes bya ba'i tha tshig go /ltung ba bzhi bcu lnga pa rdzogs so// //mdor bstan pa ni/ byol song 'gyod pa 'dzub mo dang/ /rtse dang lhan cig dang byed dang/ /sped dang gdong med rtsa ba med/ /skyes pa med par lam du 'gro /ston pa rgyal po'i khab na ste/ /de'i tshe 'char ka 'phod slob pa'i slob dpon zhig 'dug pa'i slob ma dag gi gan du song nas mda' lnga 'phangs te bya rog bsad pa dang/ 'phod slob pa'i slob dpon gyi 'char ka la mi snyan par bsgrags pa'i phyir slob ma dag bya rog gi ro bskur nas grong khyer thams cad du sgrogs su bcug pa dang/ khyim bdag dang bram ze dag dge sbyong tshig pa'o zhes 'phya smod pa las bslab pa bcas pa dang/ dge slong ma bcu gnyis sde dag ded kyi phyir ma bcas so zhes shes bzhin du srog chags byol song dag gsod pa dang/ don nyung ngu pa'i dge slong ma dag 'phya smod pa nas 'dul ba bcas pa'i bar du snga ma bzhin no/ /yang dge slong ma gang chad du bsams te byol song gi skye gi nas su song ba'i srog chags bsad na ltung ba'o/ /bag ma byas pa
- 123b
las byol song shin thams cad nyes byas/ bag dang bcas bzhin du shin nyes pa med do/ /ltung ba bzhi bcu drug pa rdzogs so// //ston pa yul mnyan du yod pa na ste/ de'i tshe dge slong ma bcu gnyis sdes dge slong ma gzhan dag gi 'gyod pa bskyed cing mi dga' bar byed pa dang/ don nyung ngu ba'i dge slong ma rnams 'phya smod nas bslab pa'i gnas bcas so/ /yang dge slong ma gang gis ched du bsams te ci nas kyang dge slong ma 'di skad cig mi dga' bar bya'o snyam nas rkyen de nyid kyis dge slong ma la 'gyod bskyed na ltung ba'o/ / yang dge slong ma gang zhes bya ba ni bcu gnyis sde dag ste/ gang gzhan yang de dang 'dra'o/ /de la dge slong mas pha rol la 'gyod pa bskyed pa'i bsam pas khyod bsnyen par rdzogs pa'i tshe rgyal po 'di zhes bya ba dang/ nyi ma zla ba gza' la zhugs pa dang/ sa g.yos pa shes sam zhes dris na/ des mi shes zhes smras pa dang/ 'o na khyod la nyi shu ma lon zhes 'gyod pa skyes pa 'am mkhan po dang slob dpon gyi chos gos dag khyer ram zhes dris pa de dang/ khyer ro zhes smras na khyod pham pa byung ngo zhe 'am/ khyod ni mkhan po dang slob dpon nyes pa can bskrad pa'i slob ma yin no zhe 'am/ khyod 'jigs pa'i sa 'di lta bur phyin no zhes zer bas bdag nyid dgra bcom par ston to zhe 'am thabs 'di rnams gang gis kyang rung ste/ 'gyod pa bskyed na ltung ba re re/ 'o ma dang mar dang/ nya sha zos pas mdze can du 'gyur ro zhes zer na nyes byas so/ /phan par 'dod pa'i phyir khyod la gzhan gyi 'di skad du 'gyod pa bskyed na 'gyod pa ma skye zhig ces bstan pa dang/ 'dul ba'i phyir spyod yul ma yin pa'i grong du ma 'jug shig ces bstan pa la nyes med do/ /ltung ba bzhi bcu bdun pa rdzogs so// //ston pa mnyan du yod pa na ste/ de'i tshe bcu gnyis sde mo dag gcig la gcig gag tshil dag byed pa dang/ don nyung ngu bas 'phya smod pa nas 'dul ba bcas pa'i bar du snga ma bzhin no/ /yang dge slong ma gang dge slong nang la 'dzub mos gag
- 124a
tshil byed na ltung ba'o/ /de la dge slong mas mdzub mo re res ga ga tshil byed na ltung ba/ khu tshur gyis byed na ltung ba gcig /smos pa bstan pa phyir na nyes pa med do/ /ltung ba bzhi bcu brgyad pa rdzogs so// //ston pa yul mnyan du yod pa na ste/ de'i tshe bcu bdun sde rnams chu bo a tsir ba ti zhes bya ba na khrus byed cing 'khod pa dang/ rgyal po gsal rgyal gyis btsun mo 'phreng ldan ma la khyod kyis yon gnas dag rtsed mo byed pa la ltos zhes byas pa dang/ phreng ldan mas rgyal po nyid bgres kyang bdag la rtse na/ bcu bdun sde rnams ni gzhon pas rtse bas lta ngo mtshar ci che zhes smras so/ /de'i tshe bcu bdun sde'i na u pa li zhes bya ba dgra bcom pa zhig yod pa de rgyal po 'phya bar shes nas/ rdzu 'phrul bskyed de bcu bdun sde rnams 'khor dang bcas par nam mkha' la 'phur ba dang/ phreng ldan mas rgyal po la bcu bdun sde rnams nam mkha' la 'phur zhing mdzes pa la gzigs/ sems ni glog dang 'dra nyon mongs pa ni ye shes kyis spongs pas sems can gyi drod bzung du mi rung ngo zhes smras so/ /de ltar gyur pa bcom ldan 'das kyis gsan nas bslab pa bcas pa dang/ bcu gnyis sde rnam nged kyi phyir ma yin no zhes rtag tu chu la rtse zhing chu la khrus pa byed pa dang/ don nyung ngu ba'i dge slong mas 'phya smod pa nas 'dul ba bcas pa'i bar du snga ma bzhin no/ /chu la rtse na ltung ba'o/ /de la dge slong mas chu la rtse na dngos po dgus re res kyang ltung bar 'gyur te/ khrus ras bcing ba dang/ chur zhugs pa dang/ lte ba man chad nub pa? dang/ byi 'dzul byed pa dang/ 'gram gcig nas gcig tu byung ba dang/ sbal skad zer ba dang/ chu rnga brdung ba dang/ chu rgyun las zlog pa dang/ gcig la cig chu 'thor ba te 'di rnams gang byas kyang dngos po re res ltung bar 'gyur ro/ /rtse ba'i bsam pa mod pas 'khru na nyes med do/ /chu la rtse ba'i bsam pas sor mo
- 124b
man chad chu'i nang du bcug na nyes byas so/ /ltung ba bzhi bcu dgu pa rdzogs so// //ston pa yul mnyan du yod pa na ste/ de'i tshe 'phags pa ma dgags pa bcom ldan 'das kyis dgra bcom thob par byas pa rus pa'i ri las ni bsgral/ mchi ma dang khrag gi rgya mtsho ni bskams pas/ bcom ldan 'das la drin la lan glan na/ bcom ldan 'das kyang sems can 'dul ba la dgyes pa dang/ bdag gi sems can dag 'dul na bcom ldan 'das kyis drin lan lon par 'gyur ro snyam nas yul gzhan du song ba dang/ khyim bdag? gcig la bu mi srid gsum yod pa las bu mo ngo mtshar du 'phyo bzhig pas/ 'phags pa ma 'gags pa der 'ongs pa la chags nas/ chags pa'i mtshan ma dag bstan nas 'phags pa ma 'gags pa la 'dzin du chas pa dang/ ma 'gags pa nam mkha' la 'phags nas rdzu 'phrul dag bstan pa dang/ mo yang dang pa skyes nas bden pa mthong bar gyur to/ /bden pa mthong nas 'phags pa ma 'gags pa bshos la spyan drangs pa dang/ ma 'gags pas zan za ba'i tshe sgo dam du gcod nas zan bza' zhes smras pa dang/ mos kyang de bzhin khas blangs nas ma 'gags pa zan za ba'i tshe bu mo de ming po khye'u gnyis la bram ze dang khyim bdag gzhan gyi bu dag gis khyed kyi sring mo ni sbyar ma ste ya mtshan kun dang nyin zhag 'das pa byed do zhes smras pa dang/ khye'u de gnyis khros nas ma 'gags pa bsad pa'i phyir rol gri phyung ste rgyugs pa dang/ sgo la ma thar nas ma dgags? pas kyang khye'u de gnyis la chos bshad de bden pa mthong bar byas nas ma 'gags pa la dge slong dag gis rmas pa nas rgyas par sbyar te bslab pa bcas pa dang/ bcu gnyis sde mo rnams dang kyi phyir ma bcas so zhes skyes pa dang khyim gcig gi nang du nyal bar byed pa dang/ don nyung ngu mas 'cha' ba nas 'dul ba bcas pa'i bar du snga ma bzhin no/ /yang dge slong gang skyes pa dang khyim gcig gi nang du nyal na ltung ba'o/ /khyim zhes bya ba zad par g.yogs pa lta bu bzhi rgyud gong
- 125a
ma 'dra'o/ /de la dge slong mas khang pa'i thog tu nyal la/ skyes pa 'og khang du nyal na yang na skas dbyung bar bya/ sa skas yod na mthongs dgab par bya'o/ /de ltar ma byas na ltung bar 'gyur ro/ /de bzhin 'og khang dang bar khang la sogs pa yang sbyar te/ sab mo dang rib ma dang yol ba la sogs pa yang de bzhin du bar ma chad ma byas na ltung bar 'gyur ro/ /ma ning la sogs pa ni ma yin pa pho dag dang lhan cig khyim cig du nyal na nyes byas so/ /ltung ba lnga bcu pa rdzogs so// //ston pa yul mnyan du yod pa na ste/ de'i tshe dge slong ma sbom dga' mos gzugs mi sdug par bsgyur nas dge slong ma dag la bsdigs shing sdangs par byed pa dang/ dge slong ma dag 'phya smod pa nas 'dul ba bcas pa'i bar du snga ma bzhin no/ /yang dge slong ma gang dge slong ma sdangs par byed dam sdangs par byed du 'jug na tha na rtsed mo bya bar bsams na ltung ba'o/ /dge slong mas dge slong ma sdangs par bya ba'i phyir sol ris bris sam/ gzugs sdong du ma 'dra bar mi sdug par bsgyur te gnod sbyin la sogs pa'i gzugs 'di 'dra'o/ /zhe 'am/ sgra mi snyan par phyung ste/ gnod sbyin la sogs pa'i sgra ni 'dra'o zhes 'am/ lus la rtsub pos rig par byas te gnod sbyin la sogs pa'i reg pa 'di 'dra'o zhes bdag byed dam gzhan byed du bcug kyang rung te/ thams cad ltung ba'o/ /lha'i gzugs la sogs pa nas 'jam pas reg pa'i bar du byas na thams cad nyes byas su 'gyur ro/ /dri zhim pa dang mi zhim pa'i khyad par yang gong ma bzhin no/ /dge slong ma dag khyim pa la sogs pa la bsdigs na nyes byas so// nyon mongs pa las dgrol ba'i phyir lam rgyud la'i sems can gyi gzugs dang rgyud la sogs pa bstan cing bcad pa la nyes pa med do/ /ltung ba lnga bcu gcig pa rdzogs so// //ston pa yul mnyan du yod pa na ste/ khyim bdag cig gis
- 125b
sangs rgyas la sogs pa dge slong 'khor dang bcas par bshos la spyan drangs so/ /de'i tshe drug sde dang bcu bdun sde rnams rdzing zhig gi 'gram du phyin pa dang/ drug sdes bcu bdun sde la smras pa/ 'u bu cag chu'i nang du byi zul byas te/ su ring du 'dug phod pa lta'o zhes smras pa nas/ bcu bdun sde dag chu'i nang du zhugs te byi'u zul byed pa dang/ drug sde rnams kyis de dag gis gos rnams bsdus nas sbas te song ngo/ /bcu bdud sde dag chu'i nang nas byung ba dang/ gos rnams med nas rdzing gi 'gram na sgren mar 'khod pa'i tshe/ 'phags pa maung+gal gyis bus ting nge 'dzin gyis dgongs nye de dag gi gos rnams phyung ste byin no/ /de lta bur gyur pa las bslab pa bcas pa dang/ bcu gnyis sde rnams ded kyi phyir ma bcas so zhes gzhan gyi gos dang yo byad la sogs pa sbed pa dang/ don nyung ngu ba'i dge slong ma rnams 'phya smod pa nas 'dul ba bcas pa'i bar du snga ma bzhin no/ /yang dge slong ma gang dge slong ma 'am dge tshul lam dge tshul ma'i lhung bzed dam/ chos gos sam/ lhung bzed kyi snod dra ba 'am skom ltung ba'i snod dam/ ska rags sam/ dge slong gi 'tsho ba'i yo byad dag kyang rung ba zhig sbed dam sbed du 'jug na de 'dra ba'i rkyen ma gtogs te ltung ba'o/ /dge slong mas pha rol ku re bya ba'i phyir tha na lan tsha'i snod yan chad sbed dam sbed du 'jug na ltung ba'o/ /bar chad brgyad byung ba lta bu'i phyir na sbas kyang nyis pa med do/ /ltung ba lnga bcu gnyis pa rdzogs so// //ston pa yul mnyan du yod pa na ste/ dge slong ma sbom dga' mo mang du za mang du 'thungs pas bsod snyoms dag 'jug pa'i chos gos dag rdul dang dri mas ma rung bar gyur pa dang/ gos dri ma can dag slob ma rnams la byin no/ /slob ma dag gis gos dri ma can dag bkrus nas gdung gya nad du sbas te bzhag pa dang/ sbom dga' mos slob ma dag la byas par gos de phyung nas gyon te dri ma can du gyur pa dang/ slob
- 126a
ma dag gis mi dga' bar gyur nas 'phya smod do zhes bya ba'i bar du rgyas par sbyar te/ bslab pa bcas pa'i bar du snga ma bzhin no/ /yang dge slong ma gang gis dge slong ma la gos byin nas de'i 'og tu gdeng med par gyon na ltung ba'o/ /gdeng med pa zhes bya ba ni bdag gi gos su byin gyis ma brlabs pa la bya'o/ /de la dge slong mas mdza' bo'i 'du shes yod dam mthong na dga' bar 'gyur ba lta bu ni gyen na'ang nyes pa med do/ /ltung ba lnga bcu gsum pa rdzogs so// //ston pa yul na nyan du yod pa na ste/ de'i tshe dge slong ma bcu gnyis sde rnams dge slong ma gzhan dag la rtsa ba med par lhag ma'i chos kyi skur cing de'i phyir rtsod cing gcig la cig 'thab par gyur pa dang/ don nyung ngu ba'i dge slong ma rnams 'phya smod do zhes bya ba nas bslab ba bcas pa'i bar snga ma bzhin no/ /yang dge slong ma gang zhe sdang can zhig khros nas ma rangs te/ dge slong ma gtsang ma nyes pa la rtsa ba med pa'i dge 'dun lhag ma'i chos kyis skur na ltung ba'o/ /gtsang ma zhes bya ba ni lhag ma la sogs pa'i nyes pa ma byung ba la bya'o/ /de la dge slong mas dge slong ma la nyes pa med pa la nyes par 'du shes te bzod pa nas lta ba'i bar du sbas nas skur na ltung ba'o/ /de bzhin du the tshom na'ang ltung ba lhag ma byung ba las lhag ma ma byung bar 'du shes nas lta ba'i bar du sbas te ltung bas skur na'ang ltung ba/ nyes pa ma byung ba nyes pa byung bar 'du shes pa dang the tshom pa gnyis la nyes byas re re/ lhag ma nyid byung ba la byung ngo zhes smras pa la nyes pa med do/ /ltung ba lnga bcu bzhi pa rdzogs so// //ston pa mnyan du yod pa na ste/ de'i tshe yul tsam pa zhes bya ba tha ga pa gzhon nu zhig 'dug pas mnyan du yod par song te chung ma zhig blangs so/ /chung ma blangs nas ring po ma lon par chung ma dang thab mo byung nas tha ga pa de yul tsam par 'gro'o tshes pa dang/ sbom dga' mo lam du 'gro ba dang phrad do/ /tha ga pa sbom dga' mol gar 'gro
- 126b
zhes dris nas sbom dga' mos yul tsam par 'gro'o zhes smras so/ /'o na 'grogs so zhes de gnyis 'grogs te song ba dang/ tha ga pa'i chung mas khang thog tu byung ste bltas nas de gnyis 'grogs par mthong ngo/ /de skad cher byung ste/ dge sbyong mgo rag mas nga'i khyo gdangs so zhes bos pa dang/ grong khyer gyi mi rnams kyis bsnyags nas sbom dga' mo brdegs pa dang/ sbom dga' mos mig dag skrangs bzhin du dge slong ma dag gi gan du byin nas dge slong ma dag gis smras pa nas 'dul ba bcas pa'i bar du snga ma bzhin du snga ma bzhin no// yang dge slong ma gang skyes pa dang lhan cig lam du zhugs te/ 'gro na tha na grong gzhan zhig du phyin na yang ltung ba'o/ /dge slong ma skyes pa dang lam du zhugs te 'gran rgyang grags phyed tshun chad du ni nyes byas/ rgyang grags gcig las 'das na ltung ba'o/ /lam mtshon pa'i phyir ram/ lam mi shes te 'grogs pa la nyes pa med/ ltung ba lnga bcu lnga pa rdzogs so// //mdor bstan pa ni 'gron po mang po rkun ma dang/ /brko dang 'gron dang bslab pa dang/ /'thab dang mi smra 'gro ba dang/ /mi gus chang 'thung dus min pa'o/ /ston pa yul mnyan du yod pa na ste/ de'i tshe dge slong ma sbom dga' mo tshong pa'i 'gron po mang po dag dang 'grogs shing gseb lam du byung ste dong pa dang sho gam pas bdas nas sho gam gyi lam las byol zhing gseb lam du 'gro ba nyid dge slong ma 'di yin no zhes sbom dga' mo las brdegs so/ /sbom dga' mos snad bzhin du slar gtsug lag khang nga phyin pa dang/ dge slong ma dag gis smras pa nas 'dul ba bcas pa'i bar du snga ma bzhin no/ /yang dge slong ma gang 'gron po mang po rkun ma dang lhan cig lam du zhugs nas 'gro na ltung ba'o/ /nyes pa ci yang gi khyad par dang gnang mi gnang gi rim pa ni gong dang 'dri'o/ /ltung ba lnga bcu drug pa rdzogs so// //ston pa yul mnyan du yod pa na ste/ drug sde rnams rang gi sa bskor 'jug pa dang/ bram ze dang khyim
- 127a
bdag dag dge sbyong 'di dang nged du tha dad ci yod ces 'phya smod pa nas sa ma brko zhig ces bslab pa bcas pa dang/ bcu gnyis sde rnams nged kyi phyir ma yin zhes sa brko zhing brkor 'jug pa dang/ don nyung du bdag 'phya ba nas bslab pa bcas pa'i bar du snga ma bzhin no/ /yang dge slong gang rang gi lag gis sa brko'am brkor 'jug na ltung ba'o/ /sa zhes bya ba la rnam pa gnyis te/ 'thas pa dang ma 'thas pa'o/ /'thas pa'i sa ni sor bzhi yan chad brkos na ltung ba'o/ /ma 'thas pa'i sa brkos na nyes byas/ sa'i shas che la bye ma chung sar rnga phyung ma/ lci ba brkos na ltung ba'o/ /bye ma chen nyes byas/ phur ba btab na ltung ba'o/ /phyung na nyes byas/ phur pa gtsugs pa'i khung du gtsugs na'ang nyes byas/ rtsig pa dang gdangs 'phan med pa las bshigs na ltung ba'o/ /'phan nam ser ka yod pa bshig na nyes byas/ rtsig pa skog pa dang/ rlan chags pa phyis pa dang/ 'dam bsgul la bsgul du bcug gam/ don med par sa la ri mo 'bri na nyes byas/ gzhan yang mthun mthun du rgyas par sbyar ro/ /ltung ba lnga bcu bdun pa rdzogs so// //ston pa yul mnyan du yod pa na ste/ de'i tshe shAkya ming chen gyis sangs rgyas la sogs pa dge slong gi dge 'dun 'khor dang bcas pa zla ba bzhir mgron du byas so/ /zla ba bzhi tshang nas drug sde rnams 'gror mi btub cing de na 'dug pa dang/ bcom ldan 'das kyis ji srid du mgron du pos pa de las lhag par zas bdag gir byed cing ma 'dug cig par bslab pa bcas pa dang/ bcu gnyis sde rnams nged kyi phyir ma yin no zhes ji srid du mgron du bos ba de las lhag par gnas shing kha zas bdag gir byed pa dang/ don nyung ngu ma'i dge slong ma rnams 'phya smod nas bcom ldan 'das kyis bka' stsal nas bslab pa bcas so zhes bya ba'i bar du snga ma bzhin no/ /zla ba bzhi mgron du byas na dge slong/
- 127b
mas bdag gir gyis shig de las lhag par bdag gir byas na ltung ba'o/ /so sor mgron du byas pa dang/ yang yang mgron du byas pa dang/ dus kyis mgron du byas pa dang/ rtag tu mgron du byas pa ma gtogs te de las de na dus yin no/ /so sor mgron du byas zhes bya ba ni dge 'dun spyir zla ba bzhir mgron du byas pa las/ de'i nang nas kha cig ming gi btus te zla ba bzhi las ring du bzhag pa la bya'o/ /dus kyi mgron du bas zhes bya ba ni ji srid mgron du bos pa las ring du mi 'dug dus mi rung bar dus kyis chu la bya'o/ /rtag tu zhes bya ba ni tshe gcig tu mgron du byas pa la bya'o/ /de la dge slong gis ji srid mgron du bos pa las zan cig tsam lhag par zan na'ang ltung ba'o/ /yon bdag gi kha zas ngan pa bsngos pa las bzang por bsnor te slangs na gang bslangs kyang rung ltung ba re re'o/ /ngan par bsdor te bslangs na nyes byas so/ /nad pa la nyes pa med do/ /ltung ba lnga bcu brgyad pa rdzogs so// //ston pa yul mnyan du yod pa na ste/ de'i tshe bcom ldan 'das kyis dge slong pho mo gnyis ka'i bslab thun mong pa zhig bcas nas/ dge slong ma rnams la bsgor btang ba dang/ dge slong des kyang dge slong ma gcig la smras so/ /dge slong ma des dge slong ma rnams la bsgo ba dang/ dge slong ma bcu gnyis sde dag byis pa glen pa khyed lta bus bsgo ba las nged mi nyan no zhes phyir 'khyal zhing smras pa dang/ de ltar gyur pa dge slong ma dag gis zhes bya ba nas bslab pa bcas so zhes bya ba'i bar du snga ma bzhin no/ /yang dge slong ma gang dge slong ma rnams kyis 'phags ma bslab pa 'di la slobs shig ces bsgo na/ 'di skad bdag ni dge slong ma mdo sde 'dzin pa dang/ 'dul ba 'dzin pa dang ma mo 'dzin pa la ma dris bar du byis ba glan pa mi gsal ba'i mkhas pa khyed cig ni tshig gi bslab pa 'di la mi bslab po zhes zer na ltung ba'o/ /kun shes par 'dod pa'i dge slong mas kyang bslab pa 'di la slob shig /dge slong mas mdo sde 'dzin pa dang 'dul ba 'dzin pa dang ma
- 128a
mo 'dzin pa la dris shig de la de ni dus yin no/ /byis pa zhes bya ba ni mdo sde dang 'dul ba spyir mi shes pa la bya'o/ /glen pa zhes bya ba ni mdo sde dang 'dul ba'i don mi shes pa la bya'o/ /mi gsal ba zhes bya ba ni cung zad kyang mdo sde dang 'dul ba'i tshig mi gsal ba la bya'o/ /mi mkhas pa zhes bya ba ni mdo sde dang 'dul ba so sor mtshams 'brel par mi shes pa bya'o/ /kun shes par 'dod pa zhes bya ba ni tshul khrims kyi khyad par shes par 'dod pa zhes bya ba'i tha tshig go /de la dge slong mas bslab pa slobs shig ces rigs par bsgo ba las byis pa'o zhes bya ba la sogs pa gzhung gzhan las mos pa'i tshig gang smos te smras kyang rung ma mnyan na thams cad ltung ba'o/ /ltung ba lnga bcu dgu pa rdzogs so// //ston pa yul mnyan du yod pa na ste/ de'i tshe bcu gnyis sde rnams lkog pur nyan cing gcig la cig tshig dag skyel ba dang/ dge slong ma rnams 'thab cing rtsod par gyur nas don nyung ngu ba'i dge slong ma rnams 'phya ba nas bslab pa bcas pa'i bar du snga ma bzhin no/ /yang dge slong ma gang dge slong ma rnams 'thab par gyur na tshang 'bru bar gyur/ mi mthun par gyur cing 'khod pa las dge slong ma 'di dag ji skad zer ba bdag gis mnyan te/ de lta de lta bur sta gon bya'o snyam nas cang mi smra bar bzhabs te nyan cing 'dug na ltung ba'o/ de la dge slong mas sgra thos pa tsam du nyan na nyes byas so/ /sgra dang don gnyi ga thos par nyan na ltung ba'o/ /de bzhin du ra ba dang yol ba dang sab mo la sogs pa'i phag nas mnyan pa'ang de bzhin no/ /rtsod pa byung bzhi bar bya ba'i bsam pas nyan na nyes pa med do/ /dge slong ma grogs kyi der 'gro na se gol dang skad dang rting sgra dag mi 'byin cing 'jam pa'i tshul du 'gro na nyes byas so/ /ltung ba drug cu pa rdzogs so// //ston pa yul mnyan du yod pa na ste/ de'i tshe bcu gnyis sde dag dge 'dun chos bzhin
- 128b
pa'i las byed pa'i 'phro las stan la langs te 'gro ba dang/ dge slong ma rnams la 'phya smad pa nas 'dul ba bcas pa'i bar du snga ma bzhin no/ /yang dge slong ma gang dge 'dun chos bzhin du rnam par gdon mi za ba'i gtam zer ba na cang mi smra bar stan las langs te 'gro la dge slong ma 'khod pa la yang ma smras nas de 'dra ba'i rkyen ma gtogs te ltung ba'o/ /rnam par gdon mi za ba'i gtam zer ba na zhes bya ba ni gsol pa dang bzhi la sogs pa'i las brgya rtsa gcig gang yang rung ba la bya'o/ /dge slong mas rkyen byung ste 'gron rkyen byung zhes ma smras par/ song na dge 'dun gyi sgra thos kyi bar du nyes byas/ sgra dang don gnyi ga mi thos par song na ltung ba'o/ /rkyen byung ngo zhes smra ste song ba la nyes pa med do/ /ltung ba drug cu gcig pa rdzogs so// //ston pa yul mnyan du yod pa na ste/ de'i tshe dge slong ma sbom dga' mo sangs rgyas la sogs pa dkon mchog gsum la ma gus pa dang/ don nyung ngu ba'i dge slong ma rnams 'phya smod pa nas 'dul ba bslab pa bcas pa'i bar du snga ma bzhin no/ /gus par byed na ltung ba'o/ /de la dge slong mas dge 'dun dang khang skyod la sogs pa la stan long zhig ce 'am/ song zhig ces bya ba la sogs pa rigs pa'i tshig bsgo ba ma mnyan pa ni dge 'dun lam gus pa zhes bya ste ltung ba'o/ /slob dpon dang mkhan po la sogs pa grogs mo rnams kyis 'dug cig ces bya ba la sogs pa rigs pa'i tshig gis bsgo ba mnyan na nyes byas so/ /ltung ba drug cu gnyis pa rdzogs so// //ston pa yul mnyan du yod pa na ste/ de'i tshe khyim bdag rtogs ldan gyi bu dge slong bder 'ongs dgra bcom pa thob pa'i 'og tu yul spas kar zhes bya na a mra mu stegs zhes bya ba klu 'dul du song ba las/ slar 'ongs pa'i lam yogs su sngon gyi mdza' bo ba lang rdzi zhig gis zan la bos nas ba lang blud pa'i chang nyung zad cig skom dang bsres te blud pa dang bde bar 'ongs ra ro nas tshong dus kyi dbus su 'gyel ba dang/ bcom
- 129a
ldan 'das kyis byin gyis brlabs kyis bde bar 'ongs kyi thog tu rdo'i khang bu zhig sbrul to/ /de lta bur gyur pa las bslab pa bcas pa dang dge slong ma rnams kyis bdag cag gi chang gi slad du ji lta bur bslab par bgyi zhus pa dang/ bcom ldan 'das kyis chang 'thung ba'i nyes pa rnams bshad nas 'dul ba la bslab pa'i gnas bcas so/ /'bru'i chang 'bras bu'i chang myos par 'gyur ba 'thungs na ltung ba'o/ /'bru'i chang zhes bya ba ni nas 'bras la sogs pa'i chang la bya'o/ /'bras bu'i chang zhes bya ba ni rgun 'brum la sogs pa la bya'o/ /de la dge slong mas chang gi kha dog dang ro dang chang gi dri dang myos par 'gyur ba ste 'di bzhi dang ldan pa'i chang 'thungs na ltung ba'o/ 'di cig dang mi ldan pa'i chang 'thungs na nyes byas so/ /chang nar ma sron pa 'thungs na nyes byas/ dge slong mas bza' ba dang btung ba la sogs pa myos par gyur pa shes bzhin du zos sam 'thungs na nyes byas so/ /mdze nad byung ba'i phyir lus bsku ba 'am/ kha nad byung ba'i phyir khar blugs nas thob la nyes pa med do/ /ltung ba drug cu gsum pa rdzogs so// //ston pa yul mnyan du yod pa na ste/ de'i tshe drug sde 'char ka dgra bcom pa thob pa'i 'og tu khyim bdag gi chung ma gtum mo zhes bya ba'i mna' ma la 'dod chags smad pa'i chos bshad pa dang/ gtum mo'i mna' ma'i byi bo mi rgod gyis 'char ka'i mgo bcad pa'i bar du rgyas par sbyar te/ bcom ldan 'das kyis bslab pa dang bcas pa dang/ dge slong ma bcu gnyis sde dag dge slong ma 'khor dag la ma smras par dus ma yin par grong du 'jug pa dang/ don nyung ngu ba'i dge slong ma dag 'phya smod pa nas 'dul ba la bcas pa'i bar du snga ma bzhin no/ /yang dge slong ma gang dus ma yin par grong du 'jug pa la dge slong ma 'khod pa la ma smras na de 'dra'i rkyen ma gtogs te ltung ba'o/ /dus ma yin pa zhes bya ba ni phyi dro la bya'o/ /de 'dra ba'i rkyen ma gtogs te zhes bya ba ni
- 129b
sngon dge slong ma gcig gi khyim du gtam te bzhag pa las/ khyim bdag de'i khyim me shor nas dge slong ma rnams la smras kyis bar du gos lhag ma rnams kyang mes tshig pa dang dge slong ma de las glengs te bar chad brgyad byung na dge slong ma 'khod pa la ma byas par song yang nyes pa med do zhes rjes su gnang ba la bya'o/ /de la dge slong mas dge slong ma 'khod pa la 'khod par 'du shes bzhin ma byas pa dang/ the tshom za ba la ltung ba re re/ mi 'khod pa la khod par 'du shes pa dang/ the tshom gnyis la nyes byas te gong ma'i bzhi rgyud dang 'dra bar sbyar ro/ /ltung ba drug cu bzhi pa rdzogs so// //mdor bstan pa ni/ khyim dang mtshan mo dang gdong dang/ /khab ral khri dang bdal ba dang/ /gding dang g.yan pa dgab pa dang/ /bde bar gshegs kyis chos gos so/ /gleng gzhi mnyan du yod pa na ste/ de nas dge slong ma dga' mo snga dro chos gos gyon lhung bzed thogs nas khrims zla dge slong ma gzhan dag dang yon bdag gzhan zhig gi khyim du song te/ de la mthun pa'i chos bstan pas mngon par dad par byas te/ dge slong ma'i dge 'dun gyi phyir bshos sbyor bar bskul to/ /de nas phyid nyin gyi tshe dge slong ma'i dge 'dun snga dro sham thabs dang chos gos dang lhung bzed thogs te/ khyim bdag de'i bkad sa gang na bder song ste stan bting ba la 'dug pa'i bar du'o/ /dge slong ma dga' mo bya ba dag mang du byed pa mang pos gdugs tshod las yod du byed pa dang/ dge slong ma de dag gis khyim bdag de la 'di skad ces smras so/ /khyim bdag dge slong ma'i dge 'dun bsnyen bkur ba'i dus la babs so/ /de skad ces smras so/ /'phags ma bdag gis ga la 'tshal bshos kyis zhal ta ba dga' mos 'tshal te zhes pa nas don nyung ngu ma'i dge slong ma dag 'phya bar gyur te/ de lta bur gyur pa bcom ldan 'das la gsol te/ /bcom ldan 'das kyis bka' stsal pa/ zas kyi snga rol dang/ zas zos kyi 'og tu khyim du rgyu bar mi bya'o/ /de
- 130a
nas zhal ta bas shos kyi bskul ma btab pa zhig yod na de dag dge 'dun gyi bya ba dang/ dge 'dun gyi byed pa zhig yin pa las nyams par gyur pas/ bka' stsal pas zas kyi snga rol ni khyim gnyis so/ /de nas bcom ldan 'das kyis dge slong ma ni sa la bslab pa 'dod pa nas bslab pa la gus pa'i bsngags pa brjod de 'di skad ces bka' stsal lo/ /yang dge slong ma gang zag dang bcas pa'i khyim du mgron du bos nas zas kyi snga rol dang zas kyi 'og tu grong rgyu zhing 'gro la/ khyim pa 'dug pa la ma bsgo na de 'dra ba'i rkyen ma gtogs te ltung ba'o/ /yang dge slong ma gang zhes bya ba ni dga' mo'o/ /zas yod pa na zas bcas pa'o/ /khyim ni khyim bdag gi khyim du mgron du mgron du bos pa'o/ /zas kyi snga rol ni snga dro'i dus so/ /zas zos kyi 'og tu zhes bya ba ni phye ma reng kyi dus so/ /ltung ba ni snga ma bzhin no/ /de la ltung ba ji lta bu zhen ji tsam du dge slong ma dag zas dang bcas pa'i khyim du mgron du bos pa las zas kyi snga rol tu khyim gnyis gnyis su 'gro ba las phyed du bsams nas khyim gsum du 'gro na ltung ba'o/ /zas zos kyi 'og tu khyim gsum du 'gro ba las ched du bsams nas khyim bzhir 'gro na ltung ba'o/ /gal te khyim bdag byas te song na nyes pa med do/ /ltung ba drug cu lnga pa rdzogs so// //ston pa yul mnyan du yod pa na ste/ tshe dang ldan pa 'char ka btsun mo phreng ldan ma'i slob dpon po yin pas/ de nam ma nangs skya reng ma sher bar rgyal po'i pho brang du song ste/ btsun mo la chos bshad pa las rbcas te/ phyis bcu gnyis sde rnams dge slong ma rnams la ma bcas so zhes nam ma nangs par rgyal po'i pho brang du 'dod pas de lta bur gyur pa dge slong ma dag gis bcom ldan 'das la gsol zhes bya ba nas bslab pa bcas zhes bya ba'i bar du snga ma bzhin no/ /yang dge slong ma gang nam ma nangs skya reng ma shar rin po
- 130b
che lta bu ma bsdus par rgyal po rgyal rigs spyi bo nas dbang bskur ba'i sgo'i gtan pa 'am gtan pa'i nye 'khor la 'das na de 'dra ba'i rkyen ma gtogs te ltung ba'o/ /yang dge slong ma gang zhes bya ba ni bcu gnyis sde dang 'dra ba bzhin mang ngo/ /nam ma nangs zhes bya ba ni nam ma zad pa'o/ /skye reng ma shar ces bya ba la skya reng la gsum te/ sngon po dang/ ser po dang/ dmar po'o/ /skabs 'dir dmar po la bya'o/ /ma shar ces bya ba ni ma byung ba'o/ /rin po che zhes bya ba ni mtshan mo snang bar byed pa ste/ nor bu dang mu tig dang/ bai DUrya dang/ g.yas su 'khyil la sogs pa la bya'o/ /rin po che lta bu zhes bya ba ni 'thab mo'i cha byad thams cad dag rol mo'i cha byad du gtogs rnams so/ /rgyal po zhes bya ba ni dbang bskur ba ste/ tha na bud med kyang rung ngo/ /gtan pa zhes bya ba ni gsum ste/ rgyal po dang grong khyer dang btsun mo'i 'khor gyi sgo gdan to/ /skabs 'dir ni rgyal po'i grong khyer gyi sgo gtin 'das par bzung ngo/ /nye 'khor ni de'i g.yas g.yo'o/ /'das na zhes bya ba ni song pa'o/ /rkyen ma gtogs zhes bya ba ni gnang ba'o/ /ltung ba zhes bya ba ni snga ma bzhin no/ /de ltung ba ji lta bu zhe na/ dge slong mas nam nangs pa la nam ma nangs par 'du shes sam the tshom za yang rung/ rgyal po dang grong khyer gyi sgo gtan la 'das na ltung ba'o/ /nam nangs pa la ma nangs par 'du shes pa dang/ the tshom za ba ni nyes byas so/ /nam ma nangs pa la nam ma nangs par 'du shes sam the tshom za bzhin du btsun mo'i 'khor gyi gtan pa la 'das na nyes byas/ nam nangs pa la ma nangs par 'du shes pa dang the tshom za ba yang nyes byas nyid do/ /rgyal po 'am btsun mo 'am rgyal bu 'am blon pos bos pa dang bar chad rgyud las gang yang rung ba gyur ste der song na nyes pa med do/ /las dang po la sogs pa la ltung ba med do/ /ltung ba drug cu drug pa rdzogs so// //gleng bzhi mnyan du yod pa na ste/ drug sde po rnams zla ba
- 131a
phyed cing so sor thar pa'i mdo 'don pa'i tshe/ ring mo dang/ bla ma dang/ gces pa dang/ yid la 'dzin pa dang/ sems rtse gcig pa dang/ gus pa yang mi nyan la/ dge slong ma rnams la yang tshe dang ldan pa dag chos 'di yang mdo'i nang du gtogs shing 'dus par bdag cag gis da gdong shes so zhes byas pa dang/ de dag la dge slong rnams kyis sngon so sor thar pa'i mdo 'don pa'i tshe mthos sam ci na de skad zer/ de dag na re nged kyi las 'di gcig puAm 'dod pa dang gnod sems dang 'chi ba'i rnam par rtog pa la yang rtog mod ces zer ba dge slong dag gis ston pa la gsol nas bslab pa bcas pa dang/ bcu gnyis sde rnams 'di dge slong ma rnams la ma bcas so zhes zla ba phyed phyed cing so sor thar pa'i mdo 'don pa'i tshe gong ma skad du zer bas dge slong ma dag gis bcom ldan 'das la gsol nas bslab pa bcas pa'i bar du snga ma bzhin no/ /yang dge slong ma gang zla ba phyed phyed cing so sor thar pa'i mdo bshad pa 'don pa'i tshe/ 'phags ma dag ji ltar chos 'di yang mdo'i nang du 'dus ? mdo'i nang du gtogs par bdag gis da gzod shes so zhes de skad zer la/ de gal te dge slong ma rnams kyis kyang dge slong ma 'di sngon gyi gso sbyong gi tshe las gnyis sam gsum gyi tshe 'dug par shes na lan mang du lta zhing ci smos/ dge slong ma de mi shes pas ni mi 'grol te/ de la ltung ba gang byung ba de chos bzhin du 'chags su gzhug pa'i steng du khyod zla ba phyed phyed cing so sor thar pa'i mdo bshad pa 'don pa'i tshe bsti stang byed cing chos mi nyan/ bla mar mi byed/ rus pa bzhin du mi byed/ yid la mi 'dzin/ sems rtse gcig tu mi byed/ rna blags te mi nyan/ sems thams cad kyis bsams te chos mi nyan pas dge slong ma khyod mi rnyed pa'o/ /rnyed pa ma yin no/ /nyes pa rnyed pa'o/ /legs pa ma rnyed pa'o zhes 'gyod du gzhug go /
- 131b
dge slong ma de la 'gyod par bya ba ni 'di yin te ltung ba'o/ /yang dge slong ma gang zhes bya ba ni bcu gnyis dang 'dra ba gzhan yang ngo/ /zla ba phyed phyed ces bya ba ni gso sbyin gyi dus so/ /so sor thar pa ni phas pham pa bzhi nas rtsod pa zhi bar bya ba'i chos bdun po bar dag go / mdo bshad ces bya ba ni yang dag par bkod pa'o/ /'don pa zhes bya ba ni rab tu bsgrags pa'o/ /ji ltar chos 'di yang mdo'i nang du gtogs/ mdo'i nang du 'dus par bdag gis da gdod do shes so zhes bya ba ni bcom ldan 'das kyis gsungs pa'i mdo'i nad nas 'byung ba yin par bdag gis da gdod shes so zhes zer ba'o/ /gso sbyin gyi las gnyis gsum zhes pa ni des so sor thar pa'i mdo lan gnyis sam gsum thos pa'o/ /lan mang du lta ci smos zhes pa ni lan mang du'o/ /mi shes pas ni mi 'grol zhes pa ni gal te mi shes na yang de bzhin du mi btang gi ltung ba dang bcas pa yin par bstan pa'o/ /de ltung ba gang 'byung ba zhes pa ni ltung ba ni sde lnga las gang yang rung ba'o/ /de chos bzhin du byed du gzhug ces pa ni 'chags su gzhug pa'o/ /bsti stang byed cing chos mi nyan bla mar mi byed ces pa ni rim gro dang btsun par mi byed pa'o/ /rus pa bzhin mi byed ces pa ni dpe ste/ ji ltar lus kyi gtso rus pa bzhin so sor thar pa la gtso bor mi 'dzin pa'o/ /yid la mi 'dzin ces pa ni sems la 'dris par mi byed pa'o/ /sems rtse gcig tu mi byed pa ni sems thams cad gcig tu mi bsdud pa'o/ /rna blags te mi nyan ces pa ni rna ba'i dbang po der mi gtong ba'o/ /sems thams cad kyis bsams te chos mi nyan ces pa nam dbang po rnams ma bsdus pa'i phyir ro/ /ma rnyed pa zhes pa ni dge ba'o/ /rnyed pa ma yin no zhes pa ni dge ba de ma rnyed pa'i phyir ro/ /nyes pa rnyed pa'o zhes pa ni dge ba rnyed pa ma yin pa'i phyir ro/ /legs pa ma rnyed pa ni de nyid ma thob pa'o/ /'gyod du gzhug
- 132a
ces pa ni nyes pa la yid byung zhing skyo bar bya ba ste/ 'gyod du 'jug pa'i 'og tu 'chags su gzhug pa'o/ /ltung ba zhes bya ba ni snga ma bzhin no/ /ltung ba gang zhe na/ dge slong mas ltung ba sde lnga'i nang du gtogs pa 'don pa'i tshe bsti stang dang bla ma dang rus pa bzhin du mi byed/ yid la mi 'dzin/ sems rtse gcig tu mi byed/ /rna blags te mi nyan sems thams cad kyang bsams te mi nyan par bdag gis da gdong chos 'di mdo'i nang du gtogs shing 'dus par shes so zhes zer na thams cad ltung ba'o/ /lam log par rgas pa dang/ mi shes par bden pa la nyes pa med do/ /las dang po pa la sogs ltung ba med do/ /ltung ba drug cu bdun pa rdzogs so// //gleng gzhi mnyan du yod pa na ste/ ba sa? mkhan chos can sngon gcer bu pa la dang pa zhig gnas pa bsod snyoms pa zhig gis chos bshad de btul nas bslab pa'i gnas la bkod de rdzas byung ba'i bsod nams bshad pa dang/ chos can rang gi bzos dge 'dun la bsnyen bkur bgyi'o zhes byas pa dang/ dge slong ma rnams kyis ba so dang rus pa dang rwa las khab ral byed du bcug /dge slong ma bcu gnyis sdes kyang rin ma byin par khab ral mang du bcol bas bso dang/ rus pa dang/ rwa yang zad de dbul por gyur pas gcer bu pa dag 'phya ste/ 'di nged la dga' ba'i tshe yo byad phun sum tshogs pa dang ldan pa da ni dge sbyong shAkya'i bu la dga' bas zas yang med do zhes mi snyan par zer ro/ /de lta bur gyur pa dge slong ma dag gis ston pa la gsol nas bcu gnyis sde rnam grangs du mas smad de/ 'dul ba la bslab pa'i gnas bcas pa'i bar du snga ma bzhin no/ /yang dge slong ma gang ba so 'am rus pa 'am rwa'i khab ral byang du bcug nas bcag na ltung ba'o/ /yang dge slong ma gang zhes bya ba ni bcu gnyis sde dang 'dra ba gzhan yang ngo/ /ba so dang rus pa dang rwa ni dngos su zad khab ral ni
- 132b
rnam pa gnyis te/ kha gab can dang glo gab can na/ /byed ces bya ba ni bdag gam gzhan gyis so/ /bcag nas zhes bya ba ni dngos po de sngar chog la gdong/ /ltung ba bshags pa'o zhes pa'i tha tshig go /ltung ba zhes bya ba ni snga ma bzhin no/ /de la ltung ba gang zhe na/ dge slong mas ba so 'am/ rus pa 'am/ rwa yang rung khab ral byas sam byed du bcug na thams cad du ltung ba'o/ /gang gi mdun du 'chags pa'i tshe des kyang khyod kyi dngos po bcag ces dris shig /ma dris par nyes pa bshags na gnyi ga la nyes byas te ltung ba yang bshags bar mi 'gyur ro/ /ma zin par btang ba dang/ zin te mi 'chab pa dang/ gzhan gyi phyir byed pa ni nyes byas so/ /byas pa rnyed pa dang byas pa spyod pa ni nyes pa med khab ral rnam bzhi ni 'chad du gnang ste/ ra gan dang/ zangs dang/ 'khar ba dang/ lcags kyi'o/ /las dang po pa la sogs pa la nyes pa med do/ /ltung ba drug cu brgyad pa rdzogs so// //gleng gzhi mnyan du yod pa na ste/ dge slong bzhi ljongs rgyu zhing mnyan du yod par phyin nas rkang pa bkrus te khri thung ngu ba zhig gi steng du 'dug pa dang/ dpyid tsha bas sprul gdug pa zhig kyang tsha bas nyen te bsil bar 'dod pas dge slong des khri'i drung du rkang pa bkrus pa'i gnas der nyal lo/ /dge slong de yang lam gyis dub pas lus 'gyur zhing mgo mchog ste/ lus yang dang yang btung ba dang/ sprul gyis 'dis bdag la gnod pa pa byed do snyam nas dge slong de'i 'phral bar bzung bas dus las 'das so/ /de lta bur gyur pa bcom ldan 'das la gsol nas phyin chad khri rkang thung ngu la nyal bar mi bya'o zhes bka' stsal pa dang/ bcu gnyis sde dag gis khri rkang pa khru bcu gnyis pa byas ta skas btsugs nas nyal bar byed pa dge slong ma dag gi ston pa la gsol nas bslab pa bcas so/ /dge slong ma dge 'dun gyi khri 'am khri'u byed na rkang pa bu gar gzhug pa ma gtogs par bde bar gshegs pa'i sor brgyad kyi tshad du gyis shig /de las lhag par byas
- 133a
na bcad nas ltung ba'o/ /gzhan ni go sla bas ma bshad do/ /sor brgyad kyi tshad du gyis shig ces bya ba ni ston pa'i sor de mi tha mal pa'i khru tshad gang ngo/ /bcad na zhes bya ba ni lhag ma bcad nas ltung ba bshags so/ /ltung ba zhes bya ba ni snga ma bzhin no/ /de la ltung ba gang zhe na dge slong mas ji tsam du bde bar gshegs pa'i sor brgyad las chung zad cig lhag na thams cad du ltung bar 'gyur ro/ /gang gi mdun du bshags pa des kyang lhag ma bcad dam zhes dris shig ma dris par bshags na gnyi ga la nyes byas te/ ltung ba yang bshags par mi 'gyur bas slar bshags par bya'o/ /ltung ba drug cu dgu pa rdzogs so// //ston pa mnyan du yod pa na ste/ bsnyen dga' bos snga phyir khri thob pa rnams rgan rigs kyis phrogs pas yang mal stan bsgo ba'i dus la bab pa dang/ gzhan khri phrogs su dogs pa'i phyir khri shing bal gyis bdal de bzhag go /yang dge slong rgan rims shig 'ongs te/ bsnyen dga' bo la 'di su'i khri 'di bdag gi shing bal lo zhes byas pa dang/ dge slong gzhan zhig gis shing bal ni snyen dga' bo'i yin/ khri ni dge 'dun gyi'o zhes smras pa dang/ bsnyen dga' bo khros nas shing bal bsdus te nyung zad cig steng du gtor ro/ /dge slong de yang ma brtags par nyal bas nam nangs te 'das na shing bal gyis lus kun g.yogs shing skye bor gyur to/ /dge slong dag gis khyod 'bras kyis g.yul la nyal lam zhes byas pa dang/ ji ltar gyur pa rgyas par smras te/ dge slong dag gis ston pa la gsol nas bslab pa bcas pa dang/ bcu gnyis sde rnams 'di dge slong ma rnams la ma bcas so zhes dge 'dun gyi khri'u dang khri la shing bal bdal nas don nyung ngu ma'i dge slong ma rnams kyis ston pa la gsol nas 'dul ba la bslab pa'i gnas bshad do/ /yang dge slong ma gang dge 'dun khri'u 'am khri la shing bal bdal tam bdal du bcug na bsdus nas ltung ba'o/ /
- 133b
gzhan ni go sla bsam bshad do/ /de la shing bal zhes bya ba ni rnam pa lnga ste/ rtsa ka sha dang/ shing mar ka /shing zham pa dang/ ras bal dang/ lcang ma'i bal lo/ /bdal zhes bya ba ni bdag nyid kyis so/ /bdal du bcug ces bya ba ni gzhan la'o/ /bsdus nas zhes bya ba ni 'dal ba bsdus pa'i 'og tu ltung ba bshags par bya'o/ /ltung ba zhes bya ba ni snga ma bzhin no/ /de la ltung ba ji lta bu zhen dge slong mas dge 'dun gyi khri'am khri'u la shing bal bdal tam bdal dug cug na thams cad du ltung ba'o/ /gang gis mdun du bshags pa ngos? kyang bdal ba bsdus sam zhes dris shig /ma dris par bshags na gnyis ga la nyes byas te ltung ba yang bshags par mi 'gyur bas slar yang bshags par bya'o/ /ltung ba bdun cu pa rdzogs so// //ston pa mnyan du yod pa na bzhugs so/ /de'i tshe na dge slong ma rnams gding ba ring por byas nas rings so zhes bcad/ thung ngur byas nas thungs so zhes slar sdud de bya ba mang? bos dge pa'i bar chad du gyur bas rnam grangs du mas smad de/ 'dul ba la slab pa'i gnas bshad pa'i bar du snga ma bzhin no/ /dge slong ma gding ba byed na tshad bzhin du gyis shig /de la gding ba'i tshad ni 'di yin te/ ji srid du bde bar gshegs pa'i mthong ngo/ /zheng du mtho phyed dang do ste/ srid du mtho gang gis bsrings shig de las lhag par byas na bcad nas ltung ba'o/ /gding ba zhes bya ba ni stan no/ /srid du bde bar gshags pa'i mtho ngo ni khru tshad ma gsum mo/ /zheng du mtho phyed dang ngo la khru tshad ma gnyis dang sor drug go /srid du mtho gang gi bsrings shig ces bya ba ni gal te lus rings te mi chog na'o/ /lhag par byas na zhes bya ba ni de las 'das pa'o/ /bcad nas zhes bya ba ni dngos po lhag ma bcad na ltung ba bshags par bya'o/ /ltung ba zhes bya ba ni snga ma bzhin no/ /de la ltung ba gang zhen/ dge slong mas gding bsrid du khru phyed dang lnga/ zheng du khru ngo sor drug las lhag par byas na thams cad du ltung ba'o/ /gang gi mdun du bshags pa des
- 134a
kyang dngos po lhag ba bcad dam zhes dris shig ma dris na gnyi ga la nyes byas so/ /ltung ba yang bshags par slar bshags par bya'o/ /ltung ba bdun cu gcig pa rdzogs so// //gleng gzhi mnyan du yod pa na ste/ de na dge slong ma zhig ga yan pas btab ste yan ba dgab pa med par bsod snyoms la song ba las sbrang ma dag 'du bar gyur pa dang/ khyim bdag dang bram ze rnams 'phags ma 'khor mang zhes 'phya ba dge slong ma dag gis ston pa la gsol nas 'dul ba la bslab pa'i gnas bshad de/ dge slong ma g.yan? ba dgab par byed na tshad bzhin du gyis shig /de la g.yan pa dgab pa'i tshad ni 'di yin te/ srid du bde bar gshegs pa'i mtho bzhi/ zheng du mtho ngo'o/ /de las lhag par byas na bcad nas ltung ba'o/ /de la g.yan pa dgab pa ni nad kyis gos so/ /srid du bde bar gshegs pa'i mtho bzhi ni khru tshad ma drug go /zheng du mtho ngo ni khru tshad ma gsum mo/ /de la ltung ba gang zhan dge slong mas ci tsam du g.yan pa dgab pa srid du khru drug zheng du khru gsum las lhag par byas na thams cad du ltung ba'o/ /gang gi mdun du bshags pa des kyang dngos po lhag ma bcad dam zhes dris shig /ma dris par bshags na gnyi ga nyes byas so/ /ltung ba yang bshags pa ma yin pas slar bshags par bya'o/ /ltung ba bdun cu gnyis pa rdzogs so// bcom ldan 'das mnyan du yod pa na bzhugs so/ /de'i tshe bsnyen dga' bo bde bar gshegs pa'i chos gos kyis tshad dang/ de las lhag pa'i tshad du gos byas te gyon pas de ltar mi gnang ngo zhes dge slong ma rnams la bslab pa bcas pa dang/ sbom dga' mos bslab pa 'di dge slong ma rnams la ma bcas so zhes bde bar gshegs pa'i chos gos kyi tshad dang/ de las lhag pa'i ched du chos gos byed pas/ don nyung ngu ba'i dge slong ma dag 'phya ste/ ston par gsol nas sbom dga' mo rnam grangs du mas smad de/
- 134b
'dul ba la bslab pa'i gnas bcas so/ /yang dge slong ma gang bde bar gshegs pa'i chos gos kyi tshad kyi chos gos byed dam/ bde bar gshegs pa'i chos gos las lhag par byed pa ltung ba'o/ /bde bar gshegs pa'i chos gos kyi tshad ni 'di yin te/ srid du bde bar gshegs pa'i mtho bcu/ zheng du mtho drug ste/ de la 'di ni bde bar gshegs pa'i chos gos kyi tshad do/ /bde bar gshegs pa'i mtho bcu la khru tshad ma bco lnga'o/ /mtho drug la khru dgu'o/ /gzhan ni brda phrad par zad/ de la ltung ba zhes bya ba ni snga ma bzhin no/ /de la ltung ba gang zhe na/ dge slong ma ji tsam du bde bar gshegs pa'i chos gos kyi tshad du chos gos byas sam bde bar gshegs pa'i chos gos las lhag par byas na thams cad du ltung bar 'gyur ro/ /las dang po ba dang smyos pa dang sems 'khrugs pa dang/ nad kyis gzir ba dag la ltung ba med do/ /ltung ba bdun cu gsum pa rdzogs so// //mdor bstan pa ni/ sgog skya spang bar bya ba dang/ rmongs kyang breg par mi bya dang/ /sor mo'i tshigs gnyis mi 'da' dang/ thal mo brdeg par mi bya ba/ /rjen pa btse bar mi bya dang/ /chus kyang gtor bar mi bya dang/ /sngon po bshad pa mi dor dang/ /rtsig pa'i rgyab du dor mi bya/ /bcom ldan 'das mnyan du yod pa na bzhugs ste/ 'khor mang po rnams la chos 'chad pa las dge slong gcig bden pa mthong ba'i rgyu dang ldan par mkhyen nas chos bstan na des bden pa mthong bar ma gyur te/ ci'i phyir bden pa mthong bar ma gyur ces brtags na/ dge slong des sgog skya zos pas bden pa mthong bar ma gyur te/ bcom ldan 'das kyis bka' stsal pa/ dge slong gis sgog pa za bar mi bya sgog pa zos par gyur na bden pa mthong ba'i bar chad du yang 'gyur lha'i 'khor rnams mnyan pa dang/ srungs ma dag kyang mi dga' bar gyur pa las bcom ldan 'das kyis zar ma gnang ba dang/ dge slong ma rnams sgog skya za bar gyur pa las mi gnang bar bcas/ yang
- 135a
dge slong ma gang sgog skya zan ltung ba'o/ /dge slong ma na bar sgog skya zan thams cad ltung bar 'gyur ro/ /na bar gyur pa mtshams kyi phyi rol tu 'dug la bza' bar bya'o/ /sgog skya za ba'i tshe klog 'dri dang kha ton dag kyang mi bya/ khyim pa rnams la'ang chos mi bstan/ gtsug lag khang du phyag la sogs pa'ang mi bya/ dge 'dun gyi phyi sar yang 'gro bar ni bya/ nad sos nas lus dang chos gos la sogs pa khrus byas nas/ gdod gtsug lag khang du sngon bzhin du gnas par bya'o/ /ltung ba bdun cu bzhi pa rdzogs so// //ston pa yul mnyan du yod pa na ste/ sbom dga' mos bdag rang gi gsang ba'i spu rnams bregs nas chu bo a tsir ba gtor khyim bdag mo dang khrus byed pa las ngom par gyur te/ da'i? 'dra bar thig le can 'di shin tu sdug cing mdzes pas byed kyang breg pa'i rigs so zhes bstan pa las/ khyim bdag 'phya zhing ma dad par gyur pa las bcas/ yang dge slong ma gang rmongs 'dreg na ltung ba'o/ /yang dge slong mas ched du bsams te gsang ba'i spu 'dreg na ltung bar 'gyur ro// de la nyes pa med pa ni rma byung bar gyur tam/ shub byung bar gyur na dge 'dun ma la zhus te breg par byas ma dris na nyes byas so/ /ltung ba bdun cu lnga pa rdzogs so// //ston pa mnyan du yod pa na bzhugs te/ bcom ldan 'das 'khor mang po la chos 'chad pa'i tshe dge slong ma'i 'khor rnams khyim mi mo bzhin du dri mi zhim par gyur/ bcom ldan 'das kyis khrus gyis shig par bka' stsal nas/ sbom dga' mos 'dzub mo'i tshigs gnyis 'das par bkrus na rma byung zhing snang par gyur te ngu ba las dge slong ma dge slong ma dag gis thos te ci'i phyir du zhes smras na/ gsang ba'i phyogs 'khru ba'i tshe 'dzub mo'i tshigs gnyis 'das par bkrus pas snang par gyur te du'o zhes smras pa dang/ don nyung ngu ba'i 'phya ba la bcas so/ /yang dge
- 135b
slong ma gang 'khru ba na sor mo'i tshig gnyis las 'das par bcug te 'khru na ltung ba'o/ /dge slong ma khrus byed pa'i tshe 'dzub mo'i tshig gnyis las 'das par bcug ste 'khru na ltung ba'o/ /tshigs gnyis ma 'das na nyes byas/ ltung ba bdun cu drug pa rdzogs so// // ston pa mnyan du yod pa na ste/ dge slong ma sbom dga' mo 'dod chags kyis gzir bar gyur nas 'dis nyes byas so/ /zhes mo mtshan la brdeg pa dang/ snad par gyur te dus pa las dge slong ma dag gis ci'i phyir zhes smras na/ 'dod chags skyes pa las mo mtshan la brdegs te snad nas du'o zhes smras pa dang/ de ltar gyur pa dge slong dag gis bcom ldan 'das la gsol ba dang/ bka' stsal pa dge slong ma 'dod chags skyes nas sems 'dul bar rigs pa las sems mi 'dul bar mo mtshan brdegs na ltung bar 'gyur ro zhes bcas/ yang dge slong ma gang gsang ba'i phyogs su thal mo brdeg na ltung ba'o/ /dge slong mas ji tsam du ched du bsams te gsang ba'i phyogs su thal mo brdeg na ltung ba'o/ /ltung ba bdun cu bdun pa rdzogs so// //bcom ldan 'das mnyan du yod pa na bzhugs te/ de'i tshe na tshe dang ldan pa kun dga' bos bsams pa bdag gis rnam pa thams cad kyi sgo nas bcom ldan 'das la snyen bkur gyis bstabs na/ rang gi lag gis dar te btsos pa de lta bu zhig bcom ldan 'das la gsol gyis bdag gi lag dar te btsos pa zhig gsol zhes zhus pa dang/ de bzhin gshegs pa 'am de bzhin gshegs pa'i nyan thos ni rang gis btsos pa'o/ /dge slong gis btsos pa za bar ma brtags so zhes bka' stsal pa las/ phyis dge slong ma zhig bdag nyid kyis rjen pa 'tshed cing za ba las bcas/ yang dge slong ma gang rjen pa 'tshed na ltung ba'o/ /rjen pa 'tshed ces bya ba mi bza' ba lnga dang bca' ba lnga sar gzhan gyis ma btsos par bdag 'tshed na ltung ba'o/ /de la nyes pa med pa ni sngar gzhan gyis btsos pa
- 136a
las ma btsos pa 'am/ sngar lhag cing bsnun pa bdag nyid kyis btsos na'ang nyes pa med do/ /ltung ba bdun cu brgyad pa rdzogs so// //ston pa yul mnyan du yod pa na ste/ dge slong ma sbom dga' mo dang 'od srungs chen po zam pa'i 'og tu phrad pa dang/ sbom dga' mos smras pa 'di ni sngon mu stegs can rigs dma' ba las rab tu byung ba'o/ /zhes tshig gis sbyos nas chus kyang gtor ba las bcas so/ /yang dge slong ma gang 'khor gyi gtso bo la chu gtor na ltung ba'o/ /'khor gyi gtso bo zhes bya ba ni dge 'dun gyi gnas brtan nam dge slong pha la bya te dge slong mas ched du bsams te chu gtor na ltung ba'o/ /de la nyes pa med pa ni brgyal bar gyur pa las chu gtor ram nad kyis btab pa la chu gtor na nyes pa med do/ /ltung ba bdun cu dgu pa rdzogs so// //ston pa yul mnyan du yod pa na bzhugs ste/ sbom dga' mos ltung ba zhig la shad tse bslangs pa las ma byin pa dang/ de'i nub mo khru sman 'thungs te ngan skyugs bsags nas sha tse zad brkus pa dang/ khyim bdag gis zos nas ltung ba de ma dad cing 'phya ba las bcas yang dge slong ma gang rtsa sngon po la bshad pa 'dor na ltung ba'o/ /dge slong mas sa gzhan yod bzhin du sngon po'i sa phyogs su bshad pa 'dor na ltung ba'o/ /nyes pa med pa ni phyogs thams cad sngo ste sa gzhan med na nyes pa med do/ /ltung ba brgyad cu pa rdzogs so// //ston pa mnyan du yod pa na ste/ sbom dga' mos mang du ni za nyung ngu ni mi 'thung ba las bshad pa gci ba dag mang bar gyur te/ nub mo gtsug lag khang gi sgo bcad pas ngan skyugs/ snod du bsags pa las de'i tshe rgyal po gsal rgyal gyis blon po dpal 'phel zhes bya ba bka' chad cig bcad pa las/ de'ang rgyal po la bzod par gsol du 'gro ba'i lam dge
- 136b
slong ma'i dbyar mo khang gis drung du byung ba las sbom dga' mos ma brtags par mi gcab pa'i bum pa rtsig pa'i rgyab tu 'phangs pa las de'i mgo bor phog nas dpal 'phel gyi bsams pa/ yang na ni bdag la bkris par 'gyur/ yang na ni bdag la mi dge bar 'gyur ro zhes bsams nas song ste rgyal po la bzod par gsol pa dang/ rgyal pos kyang bzod par gnang ste/ blon po de yang dga' bar gyur nas/ bdag la mi gtsang ba'i bum pas 'thor ba gang yin pa de la ras chen po zhig sbyin no snyam nas/ dge slong ma'i dbyar mo khang du smras pa/ sbom dga' mo yin par gyur te de la sbyin no/ /phyis sbom dga' mo dge slong ma gzhan dag dang 'thab par gyur pa dang/ nga'i bshad ba tsam yang khyod kyis mi nus te nga'i bshad bas kyang ras chen po 'di lta bu rnyed do zhes ngom pa las bcas/ yang dge slong mas gang ma brtags par rtsig pa'i rgyab du bshad pa 'dor na ltung ba'o/ /dge slong ma rtsig pa'i rgyab tu sngar ma brtags par bshad ba 'dor na ltung bar 'gyur ro/ /ltung ba brgyad cu gcig pa rdzogs so// //mdor bstan pa ni/ skyabs yod par ni skyes pa dang/ dge slong dang yang 'greng mi bya/ /gla gab med par skyes pa dang/ gcig pu dge slong gnas mi bya/ /rna bar bshub par byed pa gnyis/ /bdag la brdeg par mi bya dang/ /tshangs par spyod pa mnal rdo dang/ /legs par ma mthong mi gleng ngo// ston pa mnyan du yod pa na ste/ dge slong ma sbom dga' mos spos 'tshong khye'u dang gnas khang gcig tu 'dug tu ma gnang ba dang/ sbom dga' mos bsams pa gnas khang gcig gi nang du 'dug tu ma gnang na yang 'greng ba ni nyes pa med do snyam nas/ spos 'tshong khye'u dang 'greng zhing gtam rnam pa sna tshogs smras pa las bcas/ /yang dge slong ma gang skyes pa dang/ lhan cig dbyen pa skyabs yod pa na 'greng na ltung ba'o/ /dge slong mas dbyen pa skyabs yod pa zhes bya ba ni khyim rnam pa bzhi gong du smos pa dang 'dra'o/ /bdag kyang
- 137a
gcig bu skyes pa yang gcig pu ste/ gzhan med par dbyen par 'gro zhing gtam zer na ltung ba'o/ /nyes pa med pa ni pha ming dang gtam zer ba la nyes pa med do/ /ltung ba brgyad cu gnyis pa rdzogs so// //ston pa mnyan du yod pa na ste/ dge slong ma rnams bsod snyoms la dor/ de'i tshe dge slong mas sped ma la khang skyong gi res bab ste/ gtsug lag khang gi phyag dar byed cing 'dug pa las 'char ka yang der 'ongs te 'gro zhing sngon gyi gtam rnam pa sna tshogs zer ba las dge slong ma nad pa zhig gis mthong nas/ dge slong ma dag slar lhags na gtsug lag khang gi phyag dar la sogs pa ma zin nas/ ci'i phyir ma zin zhes smras pa dang/ nad pa des ji lta bur gyur pa zhig tu smras te dge slong ma dag 'phya ba la bcas yang dge slong ma gang dge slong ma dang lhan cig skyabs yod pa na 'greng na ltung ba'o/ /ltung ba'i khyad par ni gong ma dang 'dra'o/ /ltung ba brgyad cu gsum pa rdzogs so// //ston pa mnyan du yod pa na ste/ dge slong ma sbom dga' mos bsams pa dben pa skyabs yod par ni 'greng zhing gtam zer du bcom ldan 'das kyis ma gnang bas/ bla gab med par 'greng zhing gtam byas kyang nyes pa med do snyam nas/ 'greng zhing gtam rnam pa sna tshogs zer ba las bcas so/ /yang dge slong ma gang skyes pa dang lhan cig bla gab med pa na 'greng na ltung ba'o/ /ltung ba'i khyad par ni gong ma dang 'dra'o/ /ltung ba brgyad cu bzhi pa rdzogs so// //ston pa mnyan du yod pa na ste/ /sped ma dang 'char ka gnyis bla gab med par 'greng zhing gtam rnam pa sna tshogs zer ba las bcas te/ yang dge slong ma gang gcig pu dge slong dang lhan cig bla gab med par ni 'greng na ltung ba'o/ /'di'i khyad par yang gong ma dang 'dra'o/ /ltung ba brgyad cu lnga pa rdzogs so// //ston pa mnyan du yod pa na ste/ dge slong ma sbom dga' mo gcig pu gnas
- 137b
khang gcig na gnas pa las phye ma reng khar spos 'tshong gi khye'u khri'i 'og tu sbas te bzhag nas/ de'i 'og tu brjed de khye'u de byung nas sbom dga' mo yang skrag par gyur nas rkun po byung ngo zhes khus btab pa dang/ dge slong ma dag gis smras te spos 'tshong yin pa dang 'phya bas/ bcom ldan 'das kyis khyim zla med par dge slong ma gcig pu ma gnas shig gcig pu gnas na ltung bar 'gyur ro zhes bcas/ yang dge slong ma gang gcig pu gnas khang na gnas na ltung ba'o/ /dge slong mas shas bzhin du gcig gi nang du gnas par byed na ltung pa'o/ /bsams gtan gyi mthu khugs su nye ba 'am khugs zin na nyes pa mang ngo/ /ltung ba brgyad cu drug pa rdzogs so// //ston pa mnyan du yod pa na ste/ sbom dga' mos skyes pa'i rna bar bshubs pa las bcas/ yang dge slong ma gang skyes pa'i rna bar bshubs na ltung ba'o/ /ltung ba brgyad cu bdun pa rdzogs so// //ston pa mnyan du yod pa na ste/ /sbom dga' mo'i rna bar skyes pas bshubs pa las bcas/ yang dge slong ma gang skyes pas rna bar bshubs pa mnyan na ltung ba'o/ /ltung ba brgyad cu brgyad pa rdzogs so// //ston pa mnyan du yod pa na ste/ sbom dga' mos dge slong dag gi rna bar bshubs pa las bcas so/ /yang dge slong ma gang dge slong gi rna bar bshubs na ltung ba'o/ /ltung ba brgyad cu dgu pa rdzogs so// //ston pa mnyan du yod pa na ste/ sbom dga' mo'i rna bar dge slong dag gis bshubs pa nyan pa las bcas/ yang dge slong ma gang dge slong gis rna bar bshubs pa nyan na ltung ba'o/ /ltung ba dgu bcu pa rdzogs so// //ston pa mnyan du yod pa na ste/ dge slong ma sbom dga' mo dge slong ma gzhan dang 'thab pa las de'i 'og tu khros nas bdag nyid la brdeg pa las bcas/ yang dge slong ma gang khros nas bdag la brdeg na ltung ba'o/ /de la dge slong mas ji tsam du khros 'khrugs rngams te/ bdag nyid la khu tshur dang thal mo rdo
- 138a
dbyug gis brdegs kyang rung ste ltung bar 'gyur ro/ /ltung ba dgu bcu gcig pa rdzogs so// //ston pa mnyan du yod pa na ste/ dge slong ma sbom dga' mo la khyim bdag gis ci dag mthong ngam thos sam zhes smras nas/ mthong re dkon mchog gsum med par gyur/ tshul khrims med gyur ces pa las bcas/ yang dge slong ma gang tshangs par spyod pa mna' bo byed na ltung ba'o/ /yang dge slong ma gang zhes bya ba ni sbom dga' mo'o/ /tshangs par spyod pa zhes bya ba ni mya ngan las 'da' ba' o/ /de mna' dor byed ces bya ba ni de la mna''dor ba'o/ /de la mthong re sangs rgyas med par gyur cig ces bya na'ang ltung ba'o/ /chos zhig par gyur cig ces bya na'ang ltung ba'o/ /dge 'dun med par gyur cig ces zer na'ang ltung ba'o/ /nga'i tshul khrims la gtogs zhes zer na ltung ba'o/ /dge slong grogs dga' ba dang/ pha ma dang/ khyim ba gzhan la mna' dor byed na nyes byas so/ /mna' dor byed na nyes byas/ ltung ba dgu bcu gnyis pa rdzogs so// //ston pa mnyan du yod pa na ste/ dge slong mang po rnams dge 'dun gyi lhag ma byung ba'i gang zag dang nyes pa gzhan byung ba rnams la mthong ba dang thos pa dang dogs pa med par spang ba'i las byed pa las bcas/ yang dge slong ma gang legs par ma mthong ba la sogs glengs na ltung ba'o/ /yang dge slong mas nyes pa ma mthong bar glengs te/ spang ba'i las byed na'ang ltung ba/ ma thos par glengs na'ang ltung ba'o/ /mi dogs par glengs na yang ltung ba'o/ /so so nas bsnor te glengs na yang ltung ba'o/ /ltung ba dgu bcu gsum pa rdzogs so// // mdor bstan pa ni/ mun pa rgya skyegs chad chad dang/ /ma gtad par ni 'gro mi bya/ /khyim pa dag gis stan le'ang min/ /de la gnas par bya ma yin/ /snga na gnas par shes pa dang/ /nang pa la yang ngan grogs bya/ /dbyar mthong nas bskrad mi bya/ /khri dang
- 138b
gding pa gcig la'ang min/ /ston pa mnyan du yod pa na ste/ dge slong ma gcig ljongs rgyur dong ba las/ khang pa mun can zhig tu ma brtags par nub mo nang du zhugs pa las khyim pa dag gis bzung ste/ mi tshangs par spyad pa las bcas/ yang dge slong ma gang gnas ma brtags par gnas na ltung ba'o/ /ci tsam du dge slong mas khang pa sngar mun nag can du ma brtags par shes bzhin du 'dug na ltung bar 'gyur ro/ /sngar brtags sam mun pa med pa ni nyes pa med do/ /ltung ba dgu bcu bzhi pa rdzogs so// // ston pa mnyan du yod pa na ste/ sbom dga' mo 'dod chags kyis gzir nas khyim mi mo rnams la/ khyed khyim thabs med pa'i tshe 'dod chags kyi gzir ba na thabs ci ltar 'dod chags sel/ de dag gis smras pa/ rgya skyegs kyi chang chad po 'dzud po/ /de nas yang btsun mo phreng ldan ma'i der song ste/ sbom dga' mos smras pa/ rgyal po bya ba dang byed pa dag la song ba'i tshe 'dod chags kyis gzir na thabs gang gi zhi bar byed/ btsun mos smras pa/ de ni khyim mi mos byas pa yin na/ khyed rab tu byung bas ci zhig bya/ sbom dga' mos smras pa/ bdag kyang 'dod chags kyis rab tu gzir bar gyur te/ /btsun mos smras pa/ rgya skyegs kyi chang chad? gis zhi bar bgyid do/ /dge slong ma sbom dga' mo yang 'dod chags kyis gzir bar gyur pa de na rgya skyegs chang chang rting ba la sbyar te 'jug pa las/ de'i dus su khang pa me shor bas rting ba la chags bzhin du byung ba dang/ me bsod pa'i ra mda' sa khyim pa dag gis mthong ste/ sbom dga' mo la 'di ji zhes dris na khyed kyi ma la dris shig /sring mo la dris shig ces byas pas khyim pa rnams 'phya ba las bcas/ yang dge slong mas rgya skyegs kyis chang chang 'jug na ltung ba'o/ /yang dge slong mas 'dod chags kyi dbang gis ched du bsams te rgya skyegs la sogs pa'i chang chang? 'jug na ltung pa'o/ /ltung ba dgu bcu
- 139a
lnga pa rdzogs so// //ston pa mnyan du yod pa na ste/ /sbom dga' mos grong gis dbus su khyim mi mo rnams bsdus nas kha phug du bltas te chos mang du ston cing 'chad pa las/ khyim mi mo rnams khyim gyi bya ba dang byed pas brel te so sor langs te dong ba dang/ sbom dga' mo kha phug tu bltas pas ma mthong ste/ da dung yang chos sgrogs pa las/ grogs mo khyod su la chos 'chad ces dris na khyim mi mo rnams la 'chad do zhes smras pa dang/ des smras pa khyim mi mo rnams ni dong zin no zhes smras nas/ de dag gis kyang stan rnams por te song ba las/ stan rnams rkun po dag gis khyer te/ stor bar gyur nas khyim pa rnams ma dad par gyur pa las bcas/ yang dge slong ma gang chos 'chad na khyim pa'i stan khyim pa la ma btang par stan por te song na ltung ba'o/ /yang dge slong ma gang zhes bya ba ni sbom dga' mo'o/ /dge slong mas ci tsam du khyim pa mo rnams la chos 'tshad pa'i tshe khyim pa rnams dong bar shes bzhin du/ stan bdag nyid kyis ma brtul tam khyim pa la brtul/ cig ces ma bsgo bar sang na 'dom bzhi bcu rtsa dgu tshun chad ni nyes byas/ de las ring du song na ltung ba'o/ /bar chad brgyad byang na nyes med do/ ltung ba dgu bcu drug pa rdzogs so// //ston pa mnyan du yod pa na ste/ sbom dga' mo snga dro bsod snyoms pa zhugs pa las khyim bdag gtsang sbra la dga' ba zhig gi sgor phyin te/ khyim de'i mal sgo khyams na 'dug pa bu mo zhig bsang zhing mis reg pa lta ci smos te/ chung ngu sbrang ma yang 'dug du mi rung te skrod pa las sbom dga' mos smras pa/ mtshan bzang mo bsod snyoms byin cig ces smras pa dang/ bu mos smras pa bdag ni na la 'di srung ngo/ /sbom dga' mos smras pa bsod snyoms khyer shog /de'i bar du srung ngo zhes nas bu mos bsod snyoms
- 139b
lan du song ba'i 'og tu sbom dga' mos rkang pa ma bkrus pa khyim bdag de'i mal thog tu 'dug pa las/ khyim bdag de ma dad cing 'phya ba las bcas/ yang dge slong ma ma bsgo bar khyim pa'i khyim du stan la 'dug na ltung ba'o/ /dge slong ma khyim pa 'dug pa la ma dris par khyim pa'i stan la 'dug na ltung ba'o/ /ltung ba dgu bcu bdun pa rdzogs so// //ston pa mnyan du yod pa na ste/ dge slong ma ljongs rgyu dong ba las phye ma red/ dgongs su khyim pa dag po ni med/ khyim bdag mo dris nas deng nyal ba las khyim dag kyang phyis 'ongs te/ de chung ma dang yongs su spyod pa las/ de'i chung ma nyor zhing skad mi snyan par zer ba las dge slong ma de dag gis thos te dge slong ma gzhon nu ma zhig gis gang mo shong nas/ khyim bdag de la 'phya zhing mi snyan par zer ba las bcas so/ /yang dge slong ma gang khyim bdag la ma dris par gnas par byed na ltung pa'o/ /dge slong mas ji tsam du khyim bdag po la ma dris par khyim bdag gi khyim du zhag lon par byed na ltung ba'o/ /bud med dbang che ba yugs sa mo la dris pa la nyes pa med do// ltung ba dgu bcu brgyad pa rdzogs so// //ston pa mnyan du yod pa na ste/ dge slong ma sbom dga' mo ljongs rgyu zhing dong ba las/ khyim bdag gi grong du phyin te/ de na snga na dge slong ma 'khod pa gang gis khyim pa'i tha snyad kyis bsu ba dang/ phyag byas pa la sogs pa ma byas pas sbom dga' mo khros te/ de dag bskrad nas bdag nyid der gnas pa la bcas/ yang dge slong ma gang khyim pa'i khyim na sngon gnas pa skrod na ltung ba'o/ /yang dge slong ma gang gis khyim pa'i khyim na dge slong ma snga na gnas pa las bdag phyis 'ongs te khros na skrod par byed na ltung ba'o/ /de las nyes pa med pa ni gnas de nas ma bskrad na srog la dman pa 'am/ tshangs par spyod pa'i bar chad du 'gyur tsam gyis tshod na nyes pa med do/ /ltung ba dgu bcu dgu pa rdzogs so// //ston
- 140a
pa mnyan du yod pa na ste/ dge slong ma sbom dga' mos slob ma dang nye gnas ngag sngar bsnyen nas/ phyis nad kyis btab par gyur pa la nad g.yog dang sman dang/ zas dag ma byin pa las bcas/ yang dge slong ma gang lhan cig gnas pa dang/ nye gnas bsnyen pa la nad kyis btab nas grogs mi byed na ltung ba'o/ /dge slong mas ma dang nye gnas rab tu byung zhing bsnyen par rdzogs par byas la de'i 'og tu na bar gyur la nad g.yogs mi byed na ltung ba'o/ /sman mi byed na yang ltung ba'o/ /kha zas la sogs pas gso bar mi byed na yang ltung ba'o/ /bdag la med na gzhan las btsas te sbyin no/ /bdag mi khom na gzhan la yang bcol te nad g.yog byed du gzhug go /yo byad ma rnyed pa 'am/ med pa'am/ bar chad brgyad byung na nyes pa med do// ltung ba brgya pa rdzogs so// //ston pa mnyan du yod pa na ste/ sbom dga' mos bsams pa/ skye dgu'i bdag mo chen mo ni spong ba phun sum tshogs pa dang ldan pas de dang lhan cig gnas par yang bdag gis mi nus/ chos sbyin ma ni 'khor mang bas de dang gnas par yang bdag gis mi nus te/ gau ta mi ring de ma dang lhan cig tu gnas so snyam nas/ de dang lhan cig tu gnas par gyur pa las/ srod kyi dus su sbom dga' mo zas bzang po'i gtam dang/ zas zhim po'i gtam mang du byad cing de 'ba' zhig gis nam nangs par byed de/ slob ma dag la chos mi slob po/ /de nas snga dro'i dus su bsod snyoms la 'jug par byed do/ /sbom dga' mo rtag par yang de ltar byed pa las gau ta mi ring de mas de'i 'khor rnams mi dge ba las bzlog ste dge ba las btsud pa las sbom dga' mo khros 'khrugs rngams nas gau ta mi ring de ma 'di sngon du sha za ba yin no zhes 'dzor cing bskrad pa las bcas/ yang dge slong ma gang dbyar mo khang nas dge slong ma skrod na ltung pa'o/ /dge slong mas ji tsam
- 140b
du khros 'khrugs rngams te/ dge slong ma'i gtsug lag khang nas dge slong ma skrod dam skrod du 'jug gam bar chad brgyad byung na nyes pa med do/ /ltung ba brgya rtsa gcig pa rdzogs so// //ston pa mnyan du yod pa na ste/ dge slong ma ring de dang a ri sta gnyis khri gcig gi steng mthang sprad cing nyal ba las/ don nyung du ba'i dge slong ma dag 'phya ba las bcas/ dge slong ma gang dge slong ma dang lhan cig khri gcig gi steng du nyal na ltung ba'o/ /yang dge slong mas ched du bsams te khri gcig gi nang du gos gcig gi nang du mthang sprad de nyal na ltung ba'o/ /rjes su gnang pa ni dge slong ma dag cig ljongs rgyu zhing dong ba las/ khyim bdag gi grong du gnas par gyur pa las/ khyim bdag gis mal khri dag brnyan por byin pa dang/ khyim pa'i de na khri nyung bas bcom ldan 'das kyi khri gcig gis steng du nyal du ma gnang ngo zhes kha gcig pa la nyal bar gyur pa dang/ phyis bka' stsal pa khri nyung zhing dge slong ma mang na khri gcig gi steng du gnyis nyal bar gnang ste/ bar du gtur bu dang/ chos gos kyi chos gcig dang nyes pa med do zhes bka' stsal to/ /ltung ba brgya rtsa gnyis pa rdzogs so// //mdor bstan pa ni/ dbyar ma tshang bar mi 'gro dang/ /dbyar gnas de nas 'gro ba dang/ /dogs dang bcas pa'i yul 'khor gnyis/ /lha sten khang pa tha ma yin/ /lo ni bcu gnyis ma lon dang/ lon yang bskos pa ma yin dang/ /khyim so bzung na bcu gnyis dang/ /de'ang dge 'dun ma bskos na'o/ /ston pa mnyan du yod pa na ste/ /dge slong ma sbom dga' mo dbyar tshul du zhugs pa las/ zla ba ma tshang bar tshul dral te ljongs rgyu zhing 'gro ba la bcas/ yang dge slong ma gang dbyar ma tshang bar ljongs rgyu zhing 'gro na ltung ba'o/ /dge slong mas dbyar tshul du zhugs na zla ba gsum gyi bar du tshang bar tshul srung bar bya'o/ /zla ba gsum ma tshang bar tshul dral na ltung ba'o/ /bar chad pa rgyang byung na nyes pa med do/ /ltung ba brgya rtsa gsum
- 141a
pa rdzogs so// //ston pa mnyan du yod pa na ste/ bcom ldan 'das kyis bka' stsal pa/ dge slong ma rnams tshul byung ba'i 'og tu ljongs rgyu ba spyod cig ces gsungs pa las bcas/ yang dge slong ma dbyar gnas nas ljongs rgyu zhing mi 'gro na ltung ba'o/ /yang dge slong ma gang zhes bya ba ni gang gzhan yang de dang 'dra ba dag go /dbyar gnas zhes bya ba ni dbyar zla ba gsum du bsrungs pa'o/ /ljongs rgyu zhing mi 'gro na zhes bya ba ni tshul nas byung ba'i 'og tu ljongs rgyu zhing mi spyod pa'o/ /dge slong mas tshul nas byung ba'i 'og tu than nyin zhag tsam yang ljongs rgyu ba mi spyod na ltung bar 'gyur ro/ /ltung ba brgya rtsa bzhi pa rdzogs so// //ston pa mnyan du yod pa na ste/ bcom ldan 'das kyis dge slong ma ljongs rgyu ba spyod cig ces bka' stsal pa las/ sbom dga' mos yul dogs pa dang bcas pa/ 'jigs zhing bag tsha ba dang bcas pa'i phyogs su ljongs rgyu ba las mi rgod dag gis bcom pa las bcas/ yang dge slong ma gang yul 'khor dogs pa bcas par ljongs rgyu zhing 'gro na ltung ba'o/ /dge slong ma gang zhes bya ba ni sbom dga' mo'o/ /dogs pa dang bcas zhes bya ba ni mi rgod dag yod par dogs pa'o/ /'jigs pa dang bcas zhes bya ba ni mi rgod dag gis bcom par mngon du snang ngo/ /bag tsha ba dang bcas zhes bya ba ni gcan gzan gtum po mi la za ba dag gnas pa'o/ /dge slong mas ji tsam du shes bzhin du de 'dra ba'i yul 'khor du ljongs rgyu zhing 'gro na ltung ba'o/ /bar chad brgyad byung ste der mi 'gror mi rung na nyes pa med do/ /ltung ba brgya rtsa lnga pa rdzogs so// //ston pa yul mnyan du yod pa na ste/ dge slong ma zhig ljongs rgyu zhing dong ba las/ pha rol po gzhan dag 'khrugs shing dmag 'gyed pa'i nang du byin te/ de dag gis mi tshangs par spyad nas tshangs par
- 141b
spyod pa'i bar chad du gyur pa las bcas yang dge slong ma gang yul 'khor 'khrugs par ljongs rgyu zhing 'gro na ltung ba'o/ /yang dge slong ma shes bzhin du yul 'khrugs pa'i nang du 'gro na ltung bar 'gyur ro/ /'khrugs pa de'i nang du rgyal po 'am blon po dag gis bkug na nyes pa med do/ /ltung ba brgya rtsa drug pa rdzogs so// //ston pa mnyan du yod pa na ste/ bcom ldan 'das kyis khyim pa rnams la bka' stsal pa/ 'jig rten gyi la lha mchod cig dang/ lha dga' na 'go zhing ston par 'gyur zhes gsungs pa las/ dge slong ma dag kyang ma mo'i cho gas dang 'jig rten pa'i lha la brten la phyag 'tshal zhing mchod pa byed pa dang/ bka' stsal pa/ nga khyim pa rnams la lha mchod par gsungs kyi rab tu byung ba la ma yin no zhes gsungs pa dang/ phyis drug sde po dang bcu gnyis sde rnams lha'i rten khang du song nas la la lha la smod cing mi snyan par zer ro/ /de la mi dga' bar gyur pa bcom ldan 'das la gsol nas/ bcom ldan 'das kyis dge slong ma rnams la bka' stsal pa/ lha'i rten khang du song nas mi snyan par zer cing smras na ltung ba'o zhes bcas/ yang dge slong ma gang lha khang rnams su song nas smra bar byed na ltung ba'o/ /dge slong mas 'jig rten pa'i lha'i rten khang du song nas smod cing mi snyan par zer na thams cad tu ltung bar 'gyur ro/ /dge slong mas rten khang du phyin nas se gol brdabs te zhal nas gsungs pa'i tshigs su bcad pa rgyud gnyis sam gsum brjod par bya'o/ /de ltar ma byas na 'ang nyes byas so/ /ltung ba brgya rtsa bdun pa rdzogs so// //ston pa mnyan du yod pa na sta/ dge slong ma sbom dga' mo bdag bsnyen par rdzogs nas lo bcu gnyis ma lon par gzhan dag rab tu 'byin cing bsnyen par rdzogs pa'i mkhan mo byed pa las/ don nyung ngu mas 'phya ba las bcas/ yang dge slong ma gang lo bcu gnyis ma lon par rab tu 'byin pa bsnyen par rdzogs par byed na ltung ba'o/ /dge slong ma gang zhes bya ba ni sdom
- 142a
dga' mo'o/ /lo bcu gnyis ma lon par zhes pa ni bdag bsnyen par rdzogs nas lo bcu gnyis ma lon pa'o/ /rab tu 'byin bsnyen par byed ces pa ni gzhan gyi mkhan mo byed pa'o/ /de la dge slong mas bdag lo bcu gnyis ma lon par shes bzhin du rab tu 'byin pa dang/ bsnyen par rdzogs par byed na ltung pa'o/ /lo bcu gnyis lon kyang chos lnga dang mi ldan bzhin du rab tu 'byin pa dang bsnyen par rdzogs pa'i mkhan mo byed na ltung ba'o/ /chos lnga dang ldan yang lo ma tshang na ltung ba'o/ /ltung ba brgya rtsa brgyad pa rdzogs so// //ston pa mnyan du yod pa na ste/ sbom dga' mo lo bcu gnyis lon no zhes nas gzhan rab tu 'byin pa dang bsnyen par rdzogs par byed de/ 'khor 'chang ba'i sdom pa dge 'dun las ma thob bzhin du bdag nyid kyis slob ma'i 'khor 'chang ba las bcas yang dge slong ma gang dge 'dun la 'khor 'chang du gnang ba'i sdom pa ma thob par 'khor 'chang na ltung pa'o/ /dge slong ma bsnyen par rdzogs nas lo bcu gnyis lon la chos lnga dang ldan par gyur kyang rab tu 'byin pa dang bsnyen par rdzogs pa'i mkhan mo byed cing 'khor 'chang ba'i sdom pa dge 'dun la gsol cig /dge 'dun gyis sdom pa sbyin par bya'o/ /'khor 'chang ba'i sdom pa ma gsol tam dge 'dun la sdom pa ma thob bzhin du 'khor 'chad na ltung ba'o/ /ltung ba brgya rtsa dgu pa rdzogs so// //ston pa mnyan du yod pa na ste/ dge slong ma sbom dga' mos bud med khyim so myong ba rab tu byung ba rnams lo bcu gnyis la lo gnyis kyis bar du bslab pa'i chos drug dang rjes su mthun pa'i chos drug byin la/ lo bcu gnyis lon kyang bsnyen par rdzogs par gyis shig ces gsungs pa las/ sbom dga' mos khrims ma phog par lo bcu gnyis kyang ma lon par thal byung bar bsnyen par rdzogs par byas pa las bcas/ yang dge slong ma gang
- 142b
khyim so bzung ba lo bcu gnyis ma lon par bsnyen par rdzogs par byed na ltung ba'o/ /yang dge slong bud med bag ma myong ba/ bar khrims ma phog /lo bcu gnyis kyang ma lon par shes bzhin du bsnyen par rdzogs par byed na ltung ba'o/ /ltung ba brgya rtsa bcu pa rdzogs so// //ston pa mnyan du yod pa na ste/ dge slong ma sbom dga' mos khyim so bzung ba lo bcu gnyis lon kyang bslab pa'i chos drug dang/ rjes su mthun pa'i chos ma byin par thal byung du bsnyen par byas pa la bcas/ yang dge slong ma gang khyim so bzung ba lo bcu gnyis lon na yang bslab pa'i sdom pa ma byin par bsnyen par rdzogs par byed na ltung ba'o/ /ltung ba'i khyad par ni gong ma dang 'dra'o/ /ltung ba brgya rtsa bcu gcig pa rdzogs so// //mdor bstan pa ni/ mang po sdom pa byas pa dang// sbrum ma dang ni mi slob dang/ /bsdus nas yal bar dor ba dang/ /bkar bar bya ba tha ma'o/ /lo ni nyi shu ma lon dang/ /lon yang sdom pa ma byin dang/ /gtum mo mya ngan gzir ba dang/ /chos drug rnams la ma bslab pa'o/ /ston pa mnyan du yod pa na ste/ dge slong ma sbom dga' mo bdag nyid kyis slob ma dang nye gnas kyi 'khor mang du bsdus shing de'i 'og tu gzhan gyi slob ma dang nye gnas dag 'khor du bsdus pas mang ches te/ de dag la chos kyang mi ston/ kha ton gyis lung yang mi 'bog pa las/ de dag gis chos dag ma lobs pa las bcas/ yang dge slong ma gang 'khor mang po 'chad bar dge 'dun las sdom pa ma thob par 'khor 'chang na ltung ba'o/ /dge slong ma gang zhes bya ba ni sbom dga' mo'o/ /'khor mang du 'chang zhes bya ba ni slob ma dang nye gnas mang du bsdud pa'o/ /sdom pa ma thob ces bya ba dge 'dun las so/ /dge slong mas 'khor mang du 'chang ba'i sdom pa ma thob bzhin du 'khor mang po 'chang zhing 'chad pa dang kha ton la sogs pa'i lung mi 'bogs na ltung bar 'gyur ro/ /ltung ba brgya rtsa bcu gnyis
- 143a
pa rdzogs so// //ston pa mnyan du yod pa na ste/ dge slong ma sbom dga' mo ljongs rgyu zhing song ba la/ bud med sbrum ma gcig dang phrad de'ang rab tu byung nas phye bzhin du khrid pa las lam du bu byung ba dang/ khyim bdag rnams kyis mthong te dge slong ma 'di dag ni mi tshangs par spyod do zhes 'phya zhing ma dad pa las bcas/ yang dge slong ma gang sbrum ma rab tu 'byin na ltung ba'o/ /dge slong mas bud med sbrum mar shes bzhin du rab tu 'byin na ltung ba'o/ /sbrum mar mi shes na nyes pa med do/ /ltung ba brgya rtsa bcu gsum pa rdzogs so// //ston pa mnyan du yod pa na ste/ dge slong ma sbom dga' mos slob ma la chos ma bstan cing yal bar bor ba las bcas/ yang dge slong ma gang rab tu byung bsnyen par rdzogs par byas nas mi ston na ltung ba'o/ /dge slong mas slob ma nye gnas rab tu byung bsnyen par rdzogs par byas la tshul khrims la sogs pa ma bstan tam/ chos gzhan yang bstan na ltung bar 'gyur ro/ /bdag nyid 'chang mi shes na yang gzhan mkhas pa dag la bcol bar bya'o ma bcol na yang nyes byas so/ /ltung ba brgya rtsa bcu bzhi pa rdzogs so// //ston pa mnyan du yod pa na ste/ sbom dga' mos slob ma nyes gnas dag bsnyen par rdzogs par byas nas na bar gyur pa la nad g.yogs kyang ni byad/ sman dang zas la sogs pa yang mi stobs pa las de dag tshangs par spyod pa'i bar chad du gyur te/ don nyung ngu ba'i dge slong ma dag 'phya ba las bcas/ yang dge slong ma gang rab tu byung bsnyen par rdzogs par byas nas yal bar bor na ltung pa'o/ /dge slong mas slob ma na bar gyur pa dag nad g.yog mi byed na ltung ba'o/ /zas dang sman gyis mi stobs na'ang ltung ba'o/ /bdag la med na 'ang gzhan la btsal te 'ang sbyin par bya'o/ /de ltar ma byas na nyes byas so/ /ltung
- 143b
ba rgya rtsa bco lnga pa rdzogs so// //ston pa mnyan du yod pa na ste/ dge slong ma sbom dga' mos khyim bdag mo zhig khyo lam ring por song ba'i 'og tu rab tu byung ba las/ phyis khyo slar 'ong ba dang chung ma slar phrogs te tshangs par spyod pa'i bar chad du gyur pa las bcas/ yang dge slong ma gang rab tu byung nas ma bkar na ltung ba'o/ /dge slong mas gzhan gyi bud med rab tu byung la/ de la gnod pa 'am/ tshangs par spyod pa'i bar du gyur pa las skyabs ma byas sam gud du ma bkar na ltung bar 'gyur ro/ /de ltar mi shes pa la nyes pa med do/ /ltung ba brgya rtsa bcu drug pa rdzogs so// //ston pa mnyan du yod pa na ste/ sbom dga' mos bud med khyim so ma bzung ba lo bco brgyad lon na lo gnyis su bar khrims bsrung du bcug la lo nyi shu lon na bsnyen par rdzogs par gyis shig ces bka' stsal pa las/ sbom dga' mos lo nyi shu ma lon par/ bar khrims phog ste thal byung bsnyen par rdzogs par byas pa la bcas/ yang dge slong ma gzhon nur gyur pa lo nyi shu lon par bsnyen par rdzogs par byas na ltung ba'o/ /dge slong mas bud med khyim so ma bzung ba lo bco brgyad lon pa la lo gnyis kyis bar du bar khrims phog la lo nyi shu na bsnyen par rdzogs par bya ba'i rigs pa las/ de ltar ma byas par shes bzhin du bsnyen par rdzogs par byed na ltung ba'o/ /ltung ba brgya rtsa bcu bdun pa rdzogs so// //bcom ldan 'das mnyan du yod pa na bzhugs so/ /skye dgu'i bdag mo chen mos gsol pa/ dge slong pha dang dge slong ma gnyis bsnyen par rdzogs par bya ba la rim pa dang khyad ci mchis zhes gsol ba dang/ bka' stsal pa gzhon nu ma lo bco brgyad lon pa lo gnyis kyi bar khrims kyang bsrungs la/ lo nyi shu lon pa zhig bsnyen par rdzogs par byed na dge slong ma dag gis stan rnams bting la gaN+Di brdungs te/ dge 'dun thams cad 'dus nas gsol pa dang las kyis
- 144a
tshangs par spyod pa'i nye gnas kyis sdom pa dge slong ma rnams kyis byin cig /de'i 'og tu dge slong ma gnyi ga'i tshogs 'dus la/ gsol pa dang/ bzhi'i las kyis dge slong ma bsnyen par rdzogs par gyis shig ces gsungs pa la/ phyis dge slong ma dag gis tshangs par spyod pa'i nye gnas kyis sdom pa ma byin par shes bzhin du bsnyen par rdzogs par byas pa la bcas/ yang dge slong ma gzhon nu gyur pa lo nyi shu lon pa tshangs par spyod pa la nye bar gnas pa'i sdom pa ma byin par bsnyen par rdzogs par byed na ltung ba'o/ /dge slong ma tshangs par spyod pa'i nye gnas kyis sdom pa sngar ma byin par bsnyen par rdzogs par byed na ltung ba'o/ /ltung ba brgya rtsa bco brgyad pa rdzogs so// //ston pa mnyan du yod pa na ste/ dge slong ma sbom dga' mo snga dro bsod snyoms la zhugs pa las bud med gnyis shig 'thab mo 'gyed pa mthong ste/ de gnyis las ske rtsa bsgreng zhing grogs kyi g.yo mtshang mang du 'bru ba las/ sbom dga' mos bsams pa/ bud med 'di rab tu byung na bdag 'thab mo byed pa'i grogs su rung ngo zhes de rab tu phyung phyi bzhin du khrid do/ /phyis sbom dga' mo dge slong ma gzhan dag dang 'thab par gyur pa'i tshe/ dge slong ma de cang mi zer bar 'dug go /sbom dga' mos smras pa/ khyod nga'i 'thab mo'i grogs su 'gyur bar bya ba'i phyir rab tu byung na ci'i phyir bsam gtan bzhi la snyoms par zhugs pa bzhin du cang mi smra bar 'dug /des smras pa sngon khyim mi mod de dag gi g.yo mtshang ni ngas kyang shes kyi/ dge slong ma 'di dag gi g.yo mtshang ni ngas kyang mi shes so zhes smras pa dang/ sbom dga' mos smras pa skye dgu'i bdag mo chen mo ni lci ba brgyad khas blangs pa las bsnyen par rdzogs pa yin/ utpa la'i kha dog ma ni grong khyer chen po drug tu smad 'tshong ma byed pa yin/ gau ta mi ring de ma sngon bu
- 144b
sha zos pa yin no/ /zhes dge slong ma dag gis g.yo mtshang bstan pa dang/ phyis dge slong ma dag 'thab mo byung ba'i tshe de dag gi g.yo mtshang smra zhing de skad zer ba las bcas/ yang dge slong ma gang bud med gtum mo rab tu phyu nas bsnyen par rdzogs par byed na ltung ba'o/ /dge slong mas bud med gtum mo 'thab mo rgod par shes bzhin du rab tu phyung na ltung ba'o/ /de ltar mi shes na nyes pa med do/ /ltung ba brgya rtsa bcu dgu pa rdzogs so// //ston pa mnyan du yod pa na ste/ sbom dga' mo snga dro bsod snyoms las bud med dang khyim thab dang bu dag shi ba'i mya ngan gyi gzir cing du ba rab tu phyung ba las/ de rab tu phyung yang rtag tu ngu zhing mya ngan byed par gyur te/ chung ngu ni rmi lam du yang ston cig ces zer ro/ /de ltar gyur pa don nyung ngu mas 'phya ba las bcas/ yang dge slong ma gang mya ngan gyi gzir ba'i bud med rab tu byung ba ltung ba'o/ /dge slong mas bud med mya ngan mnan pa mya ngan mya ngan mangs par shes bzhin du rab tu byung na ltung ba'o/ /ltung ba brgya nyi shu pa rdzogs so// //ston pa mnyan du yod pa na ste/ sbom dga' mos bsnyen par rdzogs par 'dod pa la lo gnyis kyi bar du khrims ma phog kyang lo gnyis ma bsrungs par thal byung bsnyen par rdzogs par byas pa las bcas/ yang dge slong ma gang lo gnyis su chos drug dang mthun pa'i chos drug la ma bslabs par bsnyen par rdzogs par byed na ltung ba'o/ /dge slong mas chos drug dang mthun pa'i chos la ma bslabs par shes bzhin du thal byung bsnyen par rdzogs par byed na ltung ba'o/ /de la chos drug ces pa ni gcig pu lam du mi 'gro ba dang/ gcig pu mi brgal ba dang/ skyes pa la reg par mi bya ba dang/ skyes pa dang khyim gcig gi nang du zhag lon par mi bya ba dang/ smyan mi bya ba dang/ grogs kyi kha na ma tho ba phas pham pa 'am lhag ma byung ba mthong na mi bcab po/ /rjes su mthun
- 145a
pa'i chos drug ni gser dngul reg par mi bya ba dang/ gsang ba'i sbu mi bregs pa dang/ sa mi brko ba dang/ rtsa sngon mo mi bcad pa dang/ byin len bya ba dang/ spangs pa'i kha zas mi bza' ba'o/ /ltung ba brgya nyi shu gcig pa rdzogs so// // mdor bstan pa ni chos drug rnams la bslab pa dang/ khyim thab kyis kyang ma btang dang/ gal te bdag la gos byin dang/ phyi nas khyod ni mi dga' dang/ lo re bzhin du ma gnang dang/ nag gis chod pa'i dad pa dang/ zla ba phyed cing gdams pa dang/ dge slong med pa'i gso sbyin no/ /ston pa mnyam du yod pa ste/ bcom ldan 'das kyis bka' stsal pa/ dge tshul ma rnams chos drug dang rjes su mthun pa'i chos drug lo gnyis bslabs nas bsnyen par rdzogs par gyis shig ces bka' stsal na/ sbom dga' mo'i slob ma rnams lo gnyis su chos drug dang rjes su mthun pa'i chos drug bslabs kyang da dung bsnyen par rdzogs par byed du mi btub pas don nyung ngu bas 'phya ba las bcas/ yang dge slong ma gang lo gnyis su ches drug dang rjes su mthun pa'i chos drug bslab par shes la bsnyen par rdzogs par mi byed na ltung ba'o/ /dge slong mas bdag nyid kyis slob ma bar khrims mnos nas lo gnyis len par shes bzhin du bsnyen par rdzogs par mi byed na ltung bar 'gyur ro/ /slob ma de nyid na bar gyur tam bar chad brgyad cig byung na nyes pa med do/ /ltung ba brgya nyi shu gnyis pa rdzogs so// //ston pa mnyan du yod ba na/ sbom dga' mo snga dro bsod snyoms la song ba las/ khyo shugs gnyis shig 'thab pa mthong nas/ sbom dga' mos de'i chung ma la khyod rab tu byung zhig ces bsgo nas de'i khye ma dad bzhin du rab byung ba las bcas yang dge slong ma gang khyim thab kyis ma btang bar shes bzhin du bud med rab tu 'byin na ltung ba'o/ /dge slong mas gzhan gyi bud med
- 145b
khyim thab kyis ma btang bor shes bzhin du rab tu 'byin na ltung ba'o/ /khyim thab ring por song ste thal byung ma 'khor ba 'o ma bud med rang dbang yod na nyes med do/ /ltung ba brgya nyi shu gsum pa rdzogs so// //ston pa mnyan du yod pa na ste/ sbom dga' mo slob ma dag gis bdag cag bsnyen par rdzogs par byas pa dang/ sbom dga' mos smras pa dang/ nga la chos gos byin cig dang gdod bsnyen par rdzogs par bya'o zhes nas dag chos gos byin nas de'i 'og tu gdod bsnyen par rdzogs par byas pa dang/ don nyung ngu bas 'phya ba las bcas/ yang dge slong ma gang bsnyen par rdzogs 'dod pa la gal te nga la chos gos byin na de'i 'og tu khyed bsnyen par rdzogs par bya'o zhes de skad zer na ltung ba'o/ /dge slong mas slong ma bsnyen par rdzogs par gdod pa la rngan pa chos gos dag len na ltung bar 'gyur ro/ /slob mas chos gos mang la ser sna can zhig na ser sna dang dbral ba'i phyir thabs des bslangs na nyes med do/ /ltung ba brgya nyi shu bzhi pa rdzogs so// //ston pa mnyan du yod pa na ste/ gau ta mi ring te khyim pa mo dag la chos bshad pa'i rjes la khyod khyim gyi bya ba rnams thong shig dang phyis rab tu byung ngo zhes smras nas/ de dag gis khyim gyi bya ba rnams btang ste bdag cag rab tu dbyung du gsol zhes byas pa dang/ des rab tu ma phyung ngo/ /des rab tu ma phyung ba dang/ khyim mi rnams 'phya bar gyur te/ bdag cag gi khyim gyi bya ba rnams kyang btang ba las rab tu ma phyung ngo zhes 'phya ba las gnas/ yang dge slong ma gang khyim bdag mo khyim so thong zhig dang phyis khyod rab tu dbyung ba mi dka' o zhes de skad smras 'o/ /de'i 'og tu rab tu mi 'byin na ltung ba'o/ /dge slong mas khyim mi mo la khyim so thong zhig dang phyis rab tu dbyung ngo zhes smras pa las de'i 'og tu ma phyung na thams cad duAng ltung bar 'gyur ro/ /bar chad brgyad la sogs pa'i glo bur ba byung ba la nyes med do/ /ltung ba brgya
- 146a
nyi shu lnga pa rdzogs so// //ston pa mnyan du yod pa na ste/ dge slong ma sbom dga' mo bud med mang pos rab tu 'byin par gsol ba la de dag cig car rab tu 'byin par mi byed cing kun kyang lo re zhing re re bsdos la/ ming yang lo gcig ma lo gnyis ma zhes btags zhing 'bod pa dang/ dge slong ma gzhan dag gis khyod ci'i phyir de skad 'bod ces dris na de dag gi ming ni lobs dga' ste de skad du 'bod na bde'o zhes de skad du smras pa las don nyung ngu mas 'phya ba las bcas/ yang dge slong ma gang lo re zhing rab tu 'byin na ltung ba'o/ /dge slong mas bud med rab tu 'byung bar gsol pa las cig car du rab tu mi 'byin cing lo re zhing re re 'byin par byed na ltung ba'o/ /gnyis ka ming mthun pa las lo gcig ma zhes 'bod pa dang lo re bzhin du 'ongs pa'i thad kar rab tu 'byin pa las nyes med do/ /ltung ba brgya nyi shu drug pa rdzogs so// //ston pa mnyan du yod pa na bzhugs/ sbom dga' mo zla ba phyed kyi tshe dge slong pha la lung ston par gsol ba'i dad pa blangs nas dge slong ma'i gso sbyin gyi dus su dang pa mi len pa dang/ dge slong ma gzhan gyi ci'i phyir dad pa mi len ces dris pa dang/ gso sbyin snga ma'i tshe dad pa blangs pas chog mod ces pa las don nyung ngu mas 'phya ba las bcas yang dge slong ma gang zhig gis mchod pa'i dad pa byin na ltung ba'o/ /dge slong mas gso sbyin gyi dus su dad pa mi len par gsol sbyin snga ma'i dad pas chog go zhes zer na ltung bar 'gyur ro/ /ltung ba brgya nyi shu bdun pa rdzogs so// //nam bcom ldan 'das kyis dge slong ma rnams zla ba phyed phyed cing dge 'dun pha la chos bstan pa lung nos shig ces gsungs pa las/ dge slong ma bcu gnyis sde rnams bdag cag sde snod gsum dang ldan pas lung nod mi dgos so zhes lung mi nod pa las bcas/ yang dge slong ma gang zla ba phyed phyed cing
- 146b
gdams pa dang rjes su bstan pa mi nyan na ltung ba'o/ /dge slong mas zla ba phyed phyed cing chos bshad pa'i rigs pa las chos bshad pa'i lung ma nod na ltung bar 'gyur ro/ /gdams pa zhes bya ba ni mdo tsam bstan pa'o/ /rjes su bstan pa zhes bya ba ni rgyas par 'chad pa'o/ /ltung ba brgya nyi shu brgyad pa rdzogs so// //ston pa mnyan du yod pa na ste/ dge slong ma dag ces ljongs rgyur dong ba las/ dge slong ma med pa'i gnas su gso sbyin byas te/ don nyung ngu bas 'phya ba las bcas/ yang dge slong ma gang dge slong med par gso sbyin byed na ltung ba'o/ /dge slong mas ched du bsams te dge slong ma med pa'i gnas su gso sbyin byas na ltung bar 'gyur ro/ /lam ring por 'gro ba'i che gso sbyin gyi dus la bab na dge slong med na'ang nyes pa med do/ /gang na dge slong gi dge 'dun yod pa la sems kyis dmigs shing byin gyis brlab par bya'o/ /ltung ba brgya nyi shu dgu pa rdzogs so// //mdor bstan pa ni dge slong med par dbyar mi gnas/ dbyar gnas nas kyang skabs dbye dang/ /tshogs la 'ang khang na mi smra dang// mi snyan zer dang ser sna lnga/ /spangs nas bza' bar mi bya dang/ /rgyud kyang bzhag par mi bya'o/ /ston pa mnyan du yod pa na dge slong ma dag cig dge slong med pa'i gtsug lag khang du tshul du zhugs pa las bcas/ yang dge slong ma gang dge slong med pa'i gtsug lag khang du dbyar gnas shing tshul du 'jug na ltung ba'o/ /dge slong dbyar tshul du 'jug pa'i tshe dge slong pha la brten nas lung mnos shing tshul du 'jug dgos pa la/ ched du dge slong pha med pa'i gnas su song ste/ dge slong ma 'ba' zhig tshul du 'jug par byed na ltung bar 'gyur ro/ /tshul du 'jug pa'i thad kar dge slong thams cad babs sam shi bar gyur na nyes med do/ /ltung ba brgya sum cu pa rdzogs so// //ston pa mnyan du yod pa na ste/ bcom ldan 'das kyis bka' stsal
- 147a
pa/ dge slong ma tshul nas byung ba'i tshe dge 'dun sde gnyis la mthong ba dang thos pa dang dogs pa gsum gyi sgo nas gleng ba gsol cig ces bka' stsal pa las/ phyis sbom dga' mo tshul nas byung ba'i tshe dge 'dun gnyis ka la gleng ba mi gsol ba las bcas/ yang dge slong ma gang dbyar gnas nas dge 'dun gnyi ga las gnas gsum po dag gi skabs mi 'byed na ltung ba'o/ /ji tsam du dge slong mas tshul khrims nas 'byung ba'i tshe dge 'dun sde gnyis las mthong ba dang/ thos pa dang/ dogs pa gsum gyi sgo nas gleng par mi gsol zhing/ dge slong ma nyi tshe tshul las 'byung bar byed na kun la ltung bar 'gyur ro/ /nyes med pa ni gong ma dang 'dra'o/ /gong ma dang gnyis ga la 'ang lci ba'i chos su gtogs so/ /ltung ba brgya sum cu gcig pa rdzogs so// //ston pa mnyan du yod pa na ste/ sbom dga' mo dge slong ma'i dge 'dun la tshig mi snyan pa sna tshogs kyis bsdigs par byed pa dang/ don nyung ngu bas 'phya ba las bcas/ yang dge slong ma gang tshogs la ngan du zer na ltung ba'o/ /dge slong mas ched du bsams te dge 'dun 'dus pa'i tshogs la tshig ngan pa sna tshogs kyis skrag pa 'am 'jigs par bya ba phyir bsdigs na ltung ba'o/ /dge slong ma de thams cad chos ma yin pa la phyogs par gyur te/ gtong du mi btub pa las bsdigs pa ni nyes med do/ /ltung ba brgya sum cu gnyis pa rdzogs so// //ston pa mnyan du yod pa na ste/ sbom dga' mo dag dge 'dun ma'i tshogs la mya ngan gyi tshig smra ba las don nyung pas 'phya ba las bcas/ yang dge slong ma gang tshogs la mi snyan par zer na ltung ba'o/ /dge slong ma dge 'dun ma'i tshogs la mya ngan gyi tshig tu smra ba la sogs pa ni sbyar ma 'di zhes bya ba la sogs te/ mya ngan gyi tshig tu 'gyur ro cog gang smra kyang ltung ba'o/ /ltung ba brgya
- 147b
sum cu gsum pa rdzogs so// //ston pa mnyan du yod pa na ste/ dge slong ma dag ljongs rgyu ba las de dag gis khyim bdag dag la skye dgu'i bdag mo la sogs pa dgra bcom pa dag gis yon tan brjod de/ skye dgu'i bdag mo chen mo ni bcom ldan 'das kyis nyan thos ma'i nang na mchog gnas brtan rgyal mo lta bur gsungs/ utpa la'i mdog ni thos pa 'dzin pa'i mchog tu gsungs chos sbyin ma ni mdo sde rnam par 'dzin pa'i nang na mchog tu gsungs/ gau ta mi ring de ma ni 'dul ba 'dzin pa mchog tu gsungs te/ de la sogs kun gyi yon tan bsngags pa las/ sbom dga' mos thos par gyur pa dang phrag dog skyes nas de dag de ma yin te/ skye dgu'i bdag mo ni lci ba'i chos brgyad khas blangs pa las rab tu byung ba yin/ utpa la'i kha dog ni grong khyer chen po drug tu smad 'tshong bar byed pa yin chos sbyin ma ni 'phrin gyi rab tu byung ba yin/ gau ta mi ring de ma ni bu sha zos pa yin no zhes bsngags pa las ser sna byed cing mi snyan par bsgrags pa las/ khyim bdag gis 'phya ba bcas/ yang dge slong ma gang bsngags pa la ser sna byed na ltung ba'o/ /dge slong mas dge slong ma gzhan gyi yon tan bsngags pa thos na phrag dog gis sems kyis de la mi snyan par sgrogs na ltung bar 'gyur ro/ /ltung ba brgya sum cu bzhi pa rdzogs so// //ston pa mnyan du yod pa na ste/ dge slong ma sbom dga' mo grong mi dag cig la chos bshad nas de dag dad par gyur pa dang/ phyis dge slong ma gzhan dag grong der bsod snyoms la 'gro ba dang/ de la 'gog par byed de/ grong 'di dag nga nyid kyis dad par byas pa yin pas khyed su yang der ma 'dod zhig ces 'gog pa las bcas/ yang dge slong ma gang khyim la ser sna byed na ltung ba'o/ /dge slong mas dge slong gzhan bsod snyoms la 'jug pa'i tshe grong la ser sna byed cing gzhan la 'gog par byed na ltung ba'o/ /dge slong ma sdig
- 148a
can du gyur pas grong mi de dag sngar bdag gis dad par byas pa mi dad par 'gyur gyis dogs pa la nyes med do/ /ltung ba brgya sum cu lnga pa rdzogs so// //ston pa mnyan du yod pa na ste/ dge slong ma sbom dga' mos gnas khang mang du brtsigs te/ dge slong ma gsar du 'ongs pa gnas khang med pa dag la'ang brnyan por mi ster ba las don nyung ngu bas 'phya ba las bcas/ yang dge slong ma gang gnas khang la ser sna byed na ltung ba'o/ /dge slong ma gnas khang la ser sna byed cing tshangs pa mtshungs par spyod pa gsar du 'ongs pa 'am/ gnas med pa dag la gnas 'chugs par mi byed na ltung bar 'gyur ro/ /gnas kha dog par gyur na gding ba tsam gyi tshad du yang ngas gzhi bgo bar bya'o/ /de ltar ma byas na yang ltung bar 'gyur ro// ltung ba brgya sum cu drug pa rdzogs so// //ston pa mnyan du yod pa na ste/ sbom dga' mo gzhan gyi sngar bsod snyoms bslangs kyis dogs pa'i phyir nad par snga rab tu bsod snyoms la song ba las/ bram ze dag bkra shis byas pa'i sgor byin pa dge sbyong ma mgo reg ma 'di dag mthong bas ltas ngan to zhes shin tu brdegs te/ mig dag kyang skrangs sar gnas su phyin pa dang dge slong ma dge slong ma dag gis ci'i phyir mig skrangs zhes dris pa dang des kyang zhib tu smras so/ /de lta bur gyur pa don nyung ngu bas 'phya ba las bcas/ yang dge slong ma gang rnyed pa la ser sna byed na ltung ba'o/ /rnyed pa zhes bya ba la rnam pa gnyis te/ zas kyis rnyed pa dang/ gos kyis rnyed pa'o/ /skabs 'dir zas kyi rnyed pa dang sbyar ro/ /dge slong mas zas kyi rnyed pa la phrag dog bya ba'i phyir dge slong ma gzhan dag bsod snyoms la 'dod pa la ngas ma bslangs kyis bar du khyed ma slong zhig ces bsgo na 'ang ltung bar 'gyur ro/ /gzhan pas sngar song ste bdag nyid kyis bslangs te zas grub na 'ang ltung ba'o/ /ltung ba brgya
- 148b
sum cu bdun pa rdzogs so// //ston pa mnyan du yod pa na ste/ sbom dga' mos slob ma dang nye gnas dag la chos mi slob cing rgun 'bru dang bal bo se'u dag mnyed cing las ngan pa mang du byed du bcug pa las slob ma dag gis chos bshad par gsol pa dang/ sbom dga' mos smras pa ngas 'phags pa drug sde po rnams la chos kyi phyir bal po se'u dang rgun 'bru dag mnyed mnyed de ni lag pa chu bur gyis gang/ phyag 'tshal 'tshal nas klang pa'i skra byi zhing pus mo 'ang rdol la/ the tshom 'dri 'dri sta kha chu bur gang ste/ de lta bur dka' ba mang po spyad pas chos thos pa de dang khyed kyis las mang po ma byas par ci'i phyir chos bstan ces zer ba las bcas/ yang dge slong ma gang chos la ser na byed ltung ba'o/ /dge slong ma slob ma dang nye gnas dag chos 'dri 'am gzhan dag chos 'dri yang rung ste/ phrag dog dang ser sna'i bsam pas mi ston na ltung bar 'gyur ro/ /bdag la klan ka tshol lam shes sam mi shes sam bgam pa'i phyir 'dri ba la ma bstan na'ang nyes med do/ /ltung ba brgya sum cu brgyad pa rdzogs so// // ston pa mnyan du yod pa na ste/ dge slong ma bcu gnyis sde rnams kha zas byin len byas nas mdun du bzhag ste za ba'i tshe/ za bzhin du langs shing las byed de nas yang slar 'dug cing za ba las don nyung ngu mas 'phya ba las bcas/ yang dge slong ma gang zas zos te spangs nas zos na ltung ba'o/ /lhag mar ma byas pa'i zas zos na'ang ltung par 'gyur ro zhes gong du bshad pa dang khyad par ci yod ce na/ gong ma ni spyod lam las kyang nyams sems kyi rgyud kyi rgyud kyis kyang mi bza' bar bcad nas kha zas zhig rnyed de za bar 'dod na lhag mar gyis te zos shig ces gsungs pa 'dir ni kha zas za ba'i tshe sems kyis rgyud kyis ma bcad par 'phral du spyod lam las nyams par byed cing/ yang za yang 'dug par byed pa las ltung bar 'gyur ro/ /ltung ba brgya sum cu dgu pa
- 149a
rdzogs so// //ston pa mnyan du yod pa na ste/ dge slong ma sbom dga' mo snga dro'i dus su bsod snyoms la zhugs pa dang khyim bdag ma shig gis sgor bsod snyoms bslangs pa las/ khyim bdag mo de du ba mthong nas sbom dga' mos ci'i phyir du zhes dris pa dang/ des bdag gi bu thon bu byung bas bu'i bya bdag ma 'tshal te khyod kyis mkhyen nam zhes dris pa dang/ sbom dga' mos smras pa khyod ni khab khrin dang 'dra ste las gcig pu byed shes par 'gyur gyi/ ngas ni las kyi gnas dang bzo'i gnas thams cad shes kyis nga la bsod snyoms byin cig /nga'i mkhan mo byin nam tshangs pa mtshungs par spyod pa dang mdza' mo bsod snyoms kyang byin cig /khyod kyi bu'i bya ba ngas bya'o zhes smras nas khyim bdag mo des kyang bsod snyoms mang du byin no/ /de nas sbom dga' mos bu de legs par dkrus legs par phyis nas/ mtshogs ma sra bar bya ba'i phyir sa lci ba'i 'ji bas bskus/ gnod pa bsrung ba'i phyir sgo ka'i sa las dpral bar thig le gsum byas nas bsod snyoms mang du khyer song ngo/ /de'i 'og tu de'i khyim thab kyang 'ongs nas bu'i bya ba byas pa mthong nas chung ma la smras pa/ bzang mo bu'i bya ba bdag legs par bya ba ni legs so legs so zhes smras pa dang/ des smras pa bdag gis ni ma 'tshal sbom dga' mos bgyi so/ /zhes smras pa dang/ des smras pa phyis kyang dge slong ma dag 'ongs pa dang byed du chug cig ces smras so/ /dus gzhan zhig na skye dgu'i bdag mo chen mo bsod snyoms la zhugs pa las khyim de'i sgor phyin no/ /khyim bdag mo des smras pa/ 'phags ma bu'i bya ba byos shig ces smras pa dang/ skye dgu'i bdag mos smras pa sngon byang chub sems dpa' lhums nas byung ba ma gtogs par gzhan gyi bu'i bya ba byed ngas ma myong ba'i steng du/ dge slong mas khyod
- 149b
kyi bu'i bya ba byas na ni khyod la bsod nams ma yin pa mang du 'phel lo zhes smras pa dang/ khyim bdag mo des sbom dga' mos bu'i bya ba byed pa dag zhib tu smras pa dang/ khyim bdag mo des thos nas dge slong ma rnams 'phya zhing mi snyan pa zer ba las bcas/ yang dge slong ma gang rgyud 'jog na ltung ba'o/ /yang dge slong ma gang zhes bya ba ni sbom dga' mo'o/ /rgyud ces bya ba ni bus pa chung ngu la bya ste rigs kyi rgyud la bya'o/ /'jog ces bya ba ni 'khru ba dang 'phyi ba dang/ gos bskon pa dang/ zas bsnyod cing rtse mo la sogs pa'o/ /dge slong mas gzhan gyi bu chung ngu 'khru bar byed dam 'phyi rab byed dam gos bskon nam zas snyod na thams cad du ltung bar 'gyur ro/ /mnyen du 'ong ba la nyes med do/ /ltung ba brgya bzhi bcu pa rdzogs so// //mdor bstan pa ni khrus ras bcad par bya ba dang/ chos gos bkrus par bya ba dag sbyar ma dad ni brje ba dang/ dge sbyong chos gos sbyin pa dang/ /smre gab dang ni tshogs kyi gos/ /dbul po yi rang byed pa dang/ /brtan par dbyung bar bya ba dang/ /chos gos bgo bsha' bya ba'o/ /ston pa mnyan du yod pa na ste/ sbom dga' mo chu bo a tsir ba ra ta'i nang na khyim mi mo dag dang lhan cig khrus byed pa'i tshe de dag la rmongs bstan nas nga'i yul phyogs shig tu 'khyil cing lcang lo can du 'dug pa ltos zhes de dag la droms pa dang/ dge slong gzhan dag la 'phya bar gyur pa las bka' stsal pa/ phyin chad khrus byed na khrus ras gyon la khrus kyis shig ces bcas/ yang dge slong ma gang khrus ras mi 'chad na ltung ba'o/ /dge slong mas khrus ras med par khrus byed na 'bab chu 'am lteng ka'i nang na'ang rung ste/ dang por chur zhugs nas lte bar ma phyin gyi bar du ni nyes byas/ lte ba 'das na ltung ba'o/ /chu bcus pa zhig la khrus byed na'ang dang po mgo nas yas blugs nas lte bar ma phyin gyi bar du nyes byas/ lte ba las blangs 'das na ltung bar 'gyur ro/ /gcig pur khang ba dben pa na khrus byed khrus ras med
- 150a
na'ang nyes med do/ /ltung ba brgya bzhi bcu gcig pa rdzogs so// //ston pa mnyan du yod pa na ste/ sbom dga' mo sham thabs khrag gis phog pa khyer nas khrus mkhan gyi gan du song ste/ bzhin bzang nga'i 'di khrus te byin cig ces smras pa dang/ des smras pa gos phal 'khru ba'i nang du chug cig ces bsgo ba dang sbom dga' mos kyang der bcug go /de'i 'og tu khrus mkhan des gos bkru bar bshams pa dang/ sbom dga' mo sham thabs de khrag gis phog pa mthong nas 'dis nga'i gos thams cad mi gtsang bas 'bags te/ ma rung bar gyur to zhes de yang khros par gyur pa las bcas/ yang dge slong ma gang btso blag mkhan la chos gos 'khrur bcol na ltung ba'o/ /dge slong ma khrus mkhan la gos rnying pa 'khrur bcol na thams cad du ltung bar 'gyur ro/ /ltung ba brgya bzhi bcu gnyis pa rdzogs so// //ston pa mnyan du yod pa na ste/ sbom dga' mo ste spang ba'i skabs na bshad pa dang mthun/ yang dge slong gang zla ba phyed phyed cing chos gos byin gyis mi rlob na ltung ba'o/ /sdom gyi tshigs su bcad pa las kyang mi 'byung bas lhag ma 'dra nas ltung ba'i grangs su ma stsal to/ /ston pa mnyan du yod pa na ste/ khyim bdag cig la bu mi srid gnyis bdog pa dang/ khyim bdag de dus las 'das pa'i 'og tu bu mi srid gnyis ma dang gsum rab tu byung ngo/ /de'i ming po'i ming ni mos pa can zhes bya/ sring mo'i ming ni mos ma can zhes bya ste/ dus phyi zhig na mos pa can de la sbyar ma bzang po zhig gyon te/ dge slong ma'i dbyar mo khang du 'ongs pa dang/ mos pa can gyis chos gos sbyar ma de blangs te khyer nas bdag gi rnying pa ni mos pa can la byin no/ /mos pa can gyi chos gos rnying pa de yang legs par bkrus/ legs par kha dog sgyur te bzang por byas nas dbyar mo khang du song ba dang/ mos ma can gyis mthong nas smras pa/ khyod bdag gis chos gos slar khyer la de
- 150b
bdag gi byin cig mos smras pa dang/ des kyang byin no/ /dge slong ma gzhan dag gi mos pa can la smras pa/ khyod gtsang ma'i ris kyi lha bzhin du rtag tu gos bzang po shes dag gis cha bar byed na ga la rnyed ces smras na/ des kyang zhib tu smras nas/ dge slong ma de dag 'phya ba las bcas/ yang dge slong ma gang 'khor gyi gtso bo dang sbyar ma brje na ltung ba'o/ /yang dge slong ma gang zhes bya ba ni mos ma can lta bu'o/ /'khor gyi gtso bo zhes bya ba ni dge slong pa'o/ /sbyar ma zhes bya ba ni chos gos gsum gang yang rung ste/ brjes na ltung ba'o/ /ltung ba brgya bzhi bcu gsum pa rdzogs so// //ston pa rgyal po'i khab na ste/ klu ri bo dang/ skyes kyi dus ston byed pa'i tshe/ lho phyogs nas gar mkhan dag cig lhags te/ drug sde po'i tshul du gar bya ba'i phyir sbom dga' mo'i gan du song ste/ chos gos rnams brnyes nas sbom dga' mos gla mang du blangs so/ /de nas gar mkhan de dag gis chos gos bgos shing drug sde'i tshul du gar byas pa dang/ drug sde po dag 'khros nas sbom dga' mo la sogs pa bcu gnyis sde dag brdegs pa dang/ bcom ldan 'das kyis bka' stsal pa/ dge slong mas dge sbyong gi gos khyim gyi gos khyim pa las 'tshong na ltung ba'o zhes bcas/ yang dge slong ma gang dge sbyong gi gos khyim pa la byin na ltung ba'o/ /yang dge slong ma gang zhes bya ba ni sbom dga' mo'o/ /dge sbyong gos zhes bya ba ni chos gos lnga las gang yang rung ba'o/ /khyim pa la 'tshong zhes bya ba ni/ zas sam gos kyi rin du 'tshong ba ste/ dge slong mas 'tshong na thams cad ltung bar 'gyur ro/ /ltung ba brgya bzhi bcu bzhi pa rdzogs so// //ston pa mnyan du yod pa na ste/ bka' stsal pa/ dge slong mas smre ga ba chongs shig ces bka' stsal pa dang/ sbom dga' mo snga dro bsod snyoms la zhugs pa'i tshe khrag gis byin ba la phog khyim pa dag gis mthong ste/ de dag gis ci yin zhes dris pa dang/ sbom dga' mos smras pa ci
- 151a
yin pa mi shes na ma la dris shig sring mo la dris shig ces smras pa dang/ de dag 'phya ba las bcas/ yang dge slong ma gang smre gab mi 'chad na ltung ba'o/ /dge slong mas smre gab mi 'chad na thams cad du ltung bar 'gyur ro/ /ltung ba brgya bzhi bcu lnga pa rdzogs so// //ston pa mnyan du yod pa na ste/ sbom dga' mo btsun mo phreng ldan ma'i dge sbyong ma smre gab 'chad na gnang bar thos nas/ dge slong mas spyi la smre gab kyis rgyu gos sna tshogs las mang du bkur ba dang/ de dag thams cad sbom dga' mos bdag gir byed pa las bcas/ yang dge slong ma gang tshogs kyi gos bdag gir byed na ltung ba'o/ /yang dge slong ma gang zhes bya ba ni sbom dga' mo'o/ /tshogs zhes bya ba ni dge slong ma'i dge 'dun so/ /gos zhes bya ba ni smre gab kyis gos so/ /dge slong mas dge 'dun gyi spyi la bsngos par shes bzhon du bdag gir byas na ltung bar 'gyur ro/ /ltung ba brgya bzhi bcu drug pa rdzogs so// //ston pa mnyan du yod pa na ste/ sbom dga' mos tshul nas byung ba'i 'og tu gtan pa bting ba'i dus la bab pa dang/ khyim bdag dbul po nad pa zhig gi gan du song ste/ bzhin bzangs dge 'dun la gtang ba'i gos phul zhes bsgo ba dang/ des smras pa bdag gi dbul zhing nad pa bas chos gos mi 'byor te zhes smras pa dang/ sbom dga' mos smras pa tshod pa la snga bskyin gyis la rin phyis bcol zhes smras nas/ tshong pa'i gan du khrid de gtugs nas ras rin po che zhig khyer ro/ /de nas dus phyi zhig na khyim bdag nad pa des ras rin mo khar nas des bzung te nyin tshan btags pas ma dang cing 'phya ba las bcas/ yang dge slong ma gang dbul po'i rgyud gos kyi sbyin pa yang dag par 'dzin du 'jug na ltung ba'o/ /dge slong mas gtan gting ba'i gos khyim pa dbul po'am nad pa sbyor mi bzod pa la slong zhing spyod du
- 151b
'jug na ltung bar 'gyur ro/ /ltung ba brgya bzhi bcu bdun pa rdzogs so// //ston pa mnyan du yod pa na ste/ bka' stsal pa dge slob ma dag chom po dag gis bcom ste/ glo bur du lhags na gtan pa glo bur du phyung la dge slong ma de dag la'ang gos byin cig gtan pa 'byin pa'i tshe 'ang dge slong ma thams cad 'dus shig ces bka' stsal pa las/ sbom dga' mo 'du mi btub pa las bcas/ yang dge slong ma gang gtan par 'phyin par mi 'dun ltung ba'o/ /dge slong ma dge 'dun glo bur du gtan pa 'byin pa'i tshe mi 'dun ltung bar 'gyur ro/ /ltung ba brgya bzhi bcu brgyad pa rdzogs so// //ston pa mnyan du yod pa na ste/ bka' stsal pa/ zla ba lnga tshang kyang dus su gtan pa phyung la dge slong ma thams cad 'dus te rnyed pa gos shig ces gsungs pa las/ sbom dga' mo 'dur mi btub pa las bcas/ yang dge slong ma chos gos kyi rnyed pa bgo bsha' byed par mi 'dun ltung ba'o/ /gtan pa phyung ba'i 'og tu gos kyi rnyed pa bgo bsha' byed par mi 'dun ltung ba'o/ /len par mi 'dor na ma 'dus kyang nyes pa med do/ ltung ba brgya bzhi bcu dgu pa rdzogs so// //mdor bstan pa ni/ tshur shog rnam par zhi bya dang/ /bor nas 'gro bar byed pa dang/ /gtsug lag bslab par mi byar pa/ /mi sbyin kha zas mi btsong dang/ /khyim gyi so nam mi bya dang/ /khri 'dug bsnyen bkur byed pa dang/ /bal bkal bar yang mi bya dang/ /gdugs dang mchil lham mi bcad do/ /ston pa mnyan du yod pa na ste/ sbom dga' mos slob ma dang nye gnas dag gis 'thab bcugs byas nas de dag 'thab par gyur pa dang/ slar bcug par mi byed do/ /dge slong ma dag gis 'thab pa ci'i phyir mi bcugs zhes byas na/ sbom dga' mos smras pa/ 'di dag 'thab 'dod na ci'i phyir mgos mgo bo mi brdung/ 'thabs kyang sla'o zhes zer ba dang don nyung ngu mas 'phya ba las bcas/ yang dge slong ma gang gcugs nus
- 152a
la 'thab mo zhi bar mi byed na ltung ba'o/ /dge slong mas slob ma dang nye gnas gang 'thab kyang rung ste/ gcugs nus bzhin du gcugs par mi byed dam/ ched du gtsugs byas te 'thab na'ang ltung ba'o/ /ltung ba brgya lnga bcu pa rdzogs so// //ston pa mnyan du yod pa na ste/ dge slong ma sbom dga' mos gtsug lag khang sgo bcad de lde mig khyog po thogs bzhin du ljongs rgyu song ba las/ dge slong ma gzhan gyis sgom phyed de mi shor pa las bcas/ yang dge slong ma gang dbyar mo khang por te 'gro na ltung ba'o/ /dge slong mas gtsug lag khang sgo bcad de/ lde mig gzhan la ma bzhag par ljongs rgyur 'gro na ltung ba'o/ /lde mig bzhag pa brjed dam bar chad brgyad byung ba la nyes med de/ /ltung ba brgya lnga bcu gcig pa rdzogs so// //ston pa mnyan du yod pa na ste/ sbom dga' mo snga dro bsod snyoms la zhugs pa las/ spos 'tshong gi khye'u 'jig rten gyi rig pa slob pa mthong ba dang de la chags par gyur nas bdag la rig pa slobs shig ces smras pa dang/ spos 'tshong gi khye'u yis mo la bslabs te/ si ri b+hu si ri b+hu si ri swAhA/ sbom dga' mo yang lobs bzhin du da dung nga la slobs shig ces yang nas yang du slob pa las spos 'tshong khye'u yang khros nas/ gtum mo mgo reg ma khyod dgos pa med do zhes smras shing langs te song ngo/ /dge slong ma gzhan dag gis smras pa ci'i phyir lobs bzhin du yang slob ces dris pa dang/ de las chags pas na lhan cig 'dug na bdag dga' bo zhes zer ba las 'phya ste bcas/ yang dge slong ma khyim pa las gtsug lag slob na ltung ba'o/ /dge slong mas skyes pa la chags pa'i phyir de la bdag nyid rig pa slob na ltung ba'o/ /ltung ba brgya lnga bcu gnyis pa rdzogs so// //ston pa mnyan du yod pa na ste/ sbom dga' mo skyes pa
- 152b
gzhan zhig dang phrad pa dang de la chags nas tshur shog ngas khyod la rig pa bslab po zhes sngar lobs pa de skyes pa de yang slob po/ /des smras pa bdag lobs so zhes byas pa dang/ mos smras pa/ da dung yang slobs shig ces byas pa dang/ de yang khros nas mgo reg ma gtum ma khyod dang rig pa 'di gnyi ga ngal dgos pa med do zhes te song ba las bcas yang dge slong ma gang skyes pa la gtsug lag slob na ltung ba'o/ /dge slong ma gang skyes pa la chags pa'i phyir rig pa slob tu 'jug na ltung ba'o/ /ltung ba brgya lnga bcu gsum pa rdzogs so// //ston pa mnyan du yod pa na ste/ sbom dga' mo bsod snyoms mang du rnyed nas/ kha zas gsher ba dag ni za/ phye la sogs pa skam po dag gis gos dag nyo bar byed pa las don nyung ngu ba'i dge slong ma dag 'phya ba las bcas/ yang dge slong ma gang kha zas 'tshong na ltung ba'o/ /dge slong mas phye la sogs pa bsod snyoms kyi kha zas kyis gos nyo bar byed na ltung ba'o/ /ltung ba brgya lnga bcu bzhi pa rdzogs so// //ston pa mnyan du yod pa na ste/ sbom dga' mos snga dro bsod snyoms la zhugs pa dang/ /khyim zhig gi sgor phyin pa dang bud med gzhon nu ma zhig du zhing 'dug pa mthong nas/ khyod ci'i phyir du zhes dris pa dang/ bdag ni khyim gsar du phug pa zhig khyim gyi bya ba dag 'tshal te du'o zhes smras pa dang/ sbom dga' mos smras pa dang/ nga la bsod snyoms mang du byin na khyim gyi bya ba rnams ngas bya'o zhes smras pa dang/ des kyang bsod snyoms mang du byin nas sbom dga' mos kyang de'i khyim phyag dar byas chag chag gis btab snod byad dag bkrus te legs par bzhag nas slar bsod snyoms khur te song ngo/ /phyis skye dgu'i bdag mo yang bsod snyoms la zhugs pa dang khyim bdag mo des smras pa 'phags ma khyim gyi bya ba bdag mdzod cig ces byas pa dang/ skye dgu'i bdag mos smras pa/ sngon rab tu ma byung ba'i tshe rgyal po zas gtsang ma'i khyim gyi bya ba rnams ngas byas pa ma
- 153a
gtogs par gzhan gyi bya ba byed ma myong ba'i steng du/ dge slong mas khyod kyi khyim gyi bya ba byed na khyod la bsod nams ma yin pa mang du 'phel lo zhes smras pa dang/ des smras pa/ 'o na sbom dga' mos nga'i khyim gyi bya ba mang du byas so zhes rgyas par smras so/ /de nas don nyung ngu mas 'phya ba las bcas yang dge slong ma gang khyim gyi bya ba byed na ltung ba'o/ /dge slong mas khyim gyi bya ba byed ltung bar 'gyur ro/ /bdag gi gnyen yin na nyes med do/ /ltung ba brgya lnga bcu lnga pa rdzogs so// //ston pa mnyan du yod pa na ste/ sbom dga' mo nyin mo gnas pa'i sar khri'u dang khri stan dag slob ma dang nye gnas dag la bkur zhing de la bdag 'dug na bsnyen bkur byed pa bdag gir byed pa las don nyung ngu mas 'phya ba las bcas/ yang dge slong ma gang khri la 'dug cing bsnyen bkur byed pa bdag gir byed na ltung ba'o/ /dge slong ma dge slong dang nye gnas dang slob ma dag khri stan yan man du bskyed cing de la bdag 'dug par byed dam de la bdag gis bsnyen bkur nyams su len pa la ltung ba'o/ /na ba dang rgan mo la nyes med do/ /ltung ba brgya lnga bcu drug pa rdzogs so// //ston pa mnyan du yod pa na ste/ gtsug dga' mo las bcas te/ de'i gleng gzhi yang gong ma khyim gyi bya ba byed pa dang 'dra ste/ dge slong mas bal 'khal na ltung bar 'gyur ro/ /lkog tu dben par 'dug ste/ rgya tsang dang/ lcag pod dang glegs thag tsam 'khal zhing 'thag ste/ dge slong pha'i bya bar bsams na nyes med do/ /yang dge slong bal 'khal na ltung ba'o/ /ltung ba brgya lnga bcu bdun pa rdzogs so// //ston pa mnyan du yod pa na ste/ sbom dga' mos gdugs thogs shing grong du 'jug pa las khyim pas 'phya ste bcas/ yang dge slong ma gang gdugs 'chad na ltung ba'o/ /dge slong mas gdugs thogs shing grong du
- 153b
'gro na ltung ba'o/ /ltung pa brgya lnga brgyad pa rdzogs so// //ston pa mnyan du yod pa na ste/ dge slong ma sbom dga' mos mchil lham rtse ma ri mo khra bos bris pa gyon nas khyim pa'i grong du 'jug pa las khyim pas 'phya ste bcas/ yang dge slong ma gang mchil lham khra bo byas te 'chad na ltung ba'o/ /dge slong mas mchil lham rtse ma ri mo can khra bor byas te 'chad dam gyon na ltung bar 'gyur ro/ /ltung ba brgya lnga bcu dgu ba rdzogs so// //mdor bstan pa ni/ lag pa 'brum bu byung ba dang/ / dge slong ma yi 'phyo ma dang/ /dge slong ma ni phyir mi gzhug /dge slong ma dang dge tshul ma/ /khyim bdag mo yang phyir mi gzhug /kun tu rgyu mo de bzhin no/ /spos dang til gyi tshigs mas skud/ /drag tu bsug par mi bya'o/ /ston pa yul mnyan du yod pa na ste/ de'i dus na dge slong ma gtsug dga' mo dpung pa la rma zhig byung ba las/ de sman pa la 'chid du bcug pa las sman pa de la chags te/ yang dang yang 'chid zhing 'grol tu bcug pa las/ sman pa khros te mgo reg ma khyod la sman byed pa su spro zhes langs te song ngo/ /de nas dge slong ma dag gis gtsug dga' mo la khyod ci'i phyir de ltar byed ces dris pa dang/ des smras pa skyes pa dang cung zhig lhan cig 'dug cing na bde'o zhes smras pa dang/ don nyung ngu ba'i dge slong ma dag khyod gtsubs shing dang 'dra ste/ 'di ltar chags so zhes 'phya ba las bcas/ yang dge slong ma lag pa la 'brum bu byung ba skyes pa la yang dang yang bcing ba 'grol du bcug na ltung ba'o/ /dge slong ma lus la rma byung ba chags pa'i sems kyis skyes pa la yang dang yang bcings pa 'grol du bcug na thams cad duAng ltung bar 'gyur ro/ /pha dang bu dang gnyen pa'i dran pas 'chid du bcug na nyes med do/ /ltung ba brgya drug cu pa rdzogs so// //ston pa mnyan du yod pa na ste/ sbom dga' mos bud med smad 'tshong ma zhig rab tu byung ngo/ /de nas bud med de rab tu byung ngo zhes sngon rtse rtse ba'i
- 154a
skyes bu dag thos pa dang/ da ni gos dang zas dang sbyar mi dgos par yongs su spyod do zhes dge slong ma'i dbyar mo khang du 'ongs nas de dang steg cing dus dag 'debs pa las don nyung ngu mas 'phya ba las bcas/ yang dge slong ma gang bud med 'phyo ma rab tu 'byin na ltung ba'o/ /mi shes pa la nyes med de rab tu phyung ba'i 'og tu yul gzhan du bkar bar bya'o/ /ltung ba brgya drug cu gcig pa rdzogs so// //ston pa yul mnyan du yod pa na ste/ sbom dga' mos dge slong ma grogs mo bdag gi lus mar dang bag phyes 'phyir bcug pa dang/ de dag gis ci byas zhes dris na/ 'di ltar phyis na lus 'jam zhing dkar bas 'dod pa can dag gis snying dgar gzhug go zhes smras pa dang/ don nyung ngu ma dag gis 'phya ba las bcas/ yang dge slong ma gang dge slong ma lus phyir 'jug na ltung ba'o/ /dge slong mas bzang du 'dod pa'i phyir dge slong ma lus phyir 'jug na ltung ba'o/ /ltung ba brgya drug cu gnyis pa rdzogs so// //ston pa mnyan du yod pa na ste/ sbom dga' mos dge slong ma lus 'phyir bcug pa las bcas/ yang dge slong ma gar dge slong ma lus 'phyir 'jug na ltung ba'o/ /'di yang ltung ba'i khyad par gong ma dang 'dra'o/ /ltung ba brgya drug cu gsum pa rdzogs so// //ston pa mnyan du yod pa na ste/ sbom dga' mos dge slong ma lus phyir 'jug pa las bcas/ yang dge slong ma gang lus 'phyir 'jug na ltung ba'o/ /'di yang ltung ba'i khyad par ni gong ma dang 'dra'o/ /ltung ba brgya drug cu bzhi pa rdzogs so// //ston pa mnyan du yod pa na ste/ sbom dga' mos bsams pa dge slong ma dang dge slong ma dang dge tshul ma las 'phyir 'jug tu ni bcom ldan 'das kyis ma gnang na/ khyim bdag mo 'phyir 'jug na nyes med do snyam du bsams te/ khyim bdag mo lus 'phyir bcug pa dang/ dge slong ma dag gis ci byas
- 154b
zhes dris na/ sbom dga' mos smras pa/ khyim mi mos phyis pa la nyes med do zhes smras pa dang/ don nyung ngu ma dag gis 'phyas te bcas so/ /yang dge slong ma gang khyim bdag mo 'phyir 'jug na ltung ba'o/ /dge slong mas khyim bdag mo 'phyir 'jug na ltung ba'o// bzang du re ba'i bsams pas phu nu mo dag 'jug na'ang ltung ba'o/ /ma dad phu nu mo dang bu mo bdag na ba la phan pas 'phyir bcug pa la nyes med/ ltung ba brgya drug cu lnga pa rdzogs so// //ston pa mnyan du yod pa na ste/ sbom dga' mos kun tu rgyu mo la lus 'phyir bcug pa las bcas/ yang dge slong ma gang kun tu rgyu mo 'phyir bcug na ltung ba'o/ /'di'i khyad par yang gong dang 'dra'o/ /kun tu rgyu mo zhes bya ba ni mu stegs grangs can las rab tu byung ngo/ /ltung ba brgya drug cu drug pa rdzogs so// // ston pa mnyan du yod pa na ste/ sbom dga' mos lus la spos kyis bskus pa dang/ dge slong ma dag gis nyug ste ci bya zhes dris pa dang/ sbom dga' mos smras pa/ ngas kyes pa dag 'dod pa bskyed du gzhug go zhes smras pa dang/ don nyung ngu ma dag 'phya ba la bcas/ yang dge slong ma gang spos kyis nyug na ltung ba'o/ /dge slong ma lus la spos bskus na thams cad du ltung bar 'gyur ro/ /na ba la phan pa 'am dri mi zhim par gyur pa la nyes med do/ /ltung ba brgya drug cu bdun pa rdzogs so// //ston pa mnyan du yod pa na ste/ sbom dga' mos til gyi tshigs mas lus bskus zhing mnyes pa dang/ dge slong ma dag gis ci byas zhes dris pa dang/ 'dis bskus na lus mnyen cing gzhan dag 'dod pa skyed du gzhug gis smras pa dang/ don nyung ngu ma dag gis 'phya ba las bcas/ yang dge slong ma gang til gyi tshigs sam nyug na ltung ba'o/ /dge slong mas til gyi tshigs mas lus la nyug na ltung ba'o/ /nad la phan na nyes med do/ /ltung ba brgya drug cu brgyad pa rdzogs so// //ston pa mnyan du yod pa na ste/ dge slong
- 155a
ma bcu gnyis sde dag khrus byed cing drag tu yang nas yang du bsug go /de ltar byed pa dge slong dag gis ci byas zhes bris pa dang/ gong du smos pa mar dang bag phye dang til gyi bskur ni bcom ldan 'das kyis ma gnang ste/ de chus drag tu bsug cing bkrus la lus 'jam zhing dkar bar bya'o zhes smras pa dang/ don nyung ngu ma dag 'phya ba las bcas/ yang dge slong ma gang drag tu bsug na ltung ba'o/ /dge slong mas lus dkar por byas pa'i phyir chus drag tu bsug cing bkrus na ltung ba'o// ltung ba brgya drug cu dgu pa rdzogs so// //mdor bstan pa ni/ skabs ma phye bar 'dri ba dang/ khyim pa rgyan rnams mi bcang dang/ /lag pa sprel zhing 'khru ba dang/ /gar byed glu len rol mo bkrol/ /dge slong ma yis gnas khang nas/ /gcig pu spa brang byed ma 'gro/ /u shi ra dang so mangs dang/ /smrig bshad chos kyi rgyan mi bcang/ /ston pa mnyan du yod pa na ste/ sbom dga' mos dge slong pha'i gnas khang du song nas dge slong zhig la de skabs ma phye bar chos dag bris nas dge slong des lan ma thebs te sma bab par gyur pa bcom ldan 'das kyi snyan du bdas nas/ nga phyin chad dge slong mas skabs ma phye bar dge slong pha la chos ma 'dri zhig ces bslab pa bcas so/ /yang dge slong ma gang skabs ma phye bar dge slong pha la dri ba 'dri na ltung ba'o/ dge slong mas dge slong gi chos bshad par gnang ba'i skabs ma phye bar shes bzhin du chos 'dri na ltung ba'o/ /sngar bshad par gsol te gnang ba las chos brtags shing 'dri rtog byed pa la nyes med do/ /ltung ba brgya bdun cu pa rdzogs so// // ston pa mnyan du yod pa na ste/ sbom dga' mo snga dro bsod snyoms la song ba las/ khyim bdag phyug po zhig gi sgor phyin nas khyim bdag de dag gi rgyan bkrol te bzhag pa mthong nas blangs te/ bdag gi lus rgyan pa dang/ khyim bdag gis deng rgyan
- 155b
dag gis brgyan te ci byas zhes dris pa dang/ sbom dga' mos smras pa/ ngas ci tsam du bzang ba lta'o zhes byas pa dang/ mgo reg ma khyod la rgyan ci dgos rgyan yang bzang ba med ces 'phya zhing ma dad pa las bcas/ yang dge slong ma gang khyim pa'i rgyan 'chad na ltung ba'o/ /dge slong ma khyim pa'i nang du 'gro zhing rgyan gyis brgyan na thams cad du ltung bar 'gyur ro/ /rgyan ces bya ba ni mgo rgyan dang dpung rgyan dang rgyan sna tshogs la bya'o/ /ltung ba brgya bdun cu gcig pa rdzogs so// //ston pa mnyan du yod pa na ste/ bcu gnyis sde dag khyim mi mo dang lhan cig chu bo a tsir ra dir khrus byed par chu'i nang du zhugs de/ lag pa dag sprel zhing khrus byed de/ khyim mi mo de dag gis mo mtshan la mdzub tshugs dag byed cing gcig la gcig 'phyas btags pa las/ khyim mi mo rnams ma dad cing 'phya ba las bcas yang dge slong ma gang lag sbrel te/ khrus byed na ltung ba'o/ /dge slong mas khyim mi mo dang lhan cig khrus byed na ltung bar 'gyur ro/ /ltung ba brgya bdun cu gnyis pa rdzogs so// // ston pa rgyal po'i khab na ste/ de'i dus na rgyal rigs dang bram ze'i rigs mdza' ste de dag 'dus shing rtse ste/ 'phong rtsal dang/ las sna tshogs dag gis 'gran no/ /de ltar 'gran pa las rgyal rigs rnams ni dmag 'gyed pa la mkhas so/ /bram ze'i rigs rnams ni glu dang gang la mkhas so/ /de nas rgyal rigs rnams bram ze la gar ma thub nas de dag sbom dga' mo'i gan du dong ste/ 'phags ma gar mkhyen nam zhes dris so/ /sbom dga' mo ngas shes so zhes smras pa dang/ de dag gis bdag cag la bslab du gsol zhes byas pa dang/ nga la rngan pa yod na rung ngo zhes smras pa dang/ de dag gi kyang rngan pa mang du byin no/ /de nas sbom dga' mos gar sha rdza ga dang/ ke'ur la sogs pa sna tshogs bslabs pas/ rgyal rigs kyis bram ze la 'gran thub pas/
- 156a
bram ze rnams sbom dga' mo la 'phya zhing ma dad pa las bcas/ yang dge slong ma gang gar byed na ltung ba'o/ /dge slong mas bdag gar byed na ltung ba'o/ /gzhan byed du bcug na ltung ba'o/ /gar byed pa la lta ba la'ang ltung ba'o/ /dkon mchog gsum la mchod pa'i phyir byed du bcug pa la nyes med/ ltung ba brgya bdun cu gsum pa rdzogs so// //ston pa rgyal po khab na ste/ sbom dga' mos rgyal rigs dag la glu bslabs pa las/ bram ze dag ma dad de 'phya ba las bcas yang dge slong ma gang glu len na ltung ba'o/ /ltung ba'i khyad par ni gong ma dang 'dra'o/ /der ma klog pa'i tshe gtad rag snyan par zer ba nyes med/ ltung ba brgya bdun cu bzhi pa rdzogs so// //ston pa rgyal po'i khab na ste/ sbom dga' mos rgyal rigs rnams la rol mo'i cha spyad dkrol zhing len pa sna tshogs bslabs pa las bram ze rnams ma dad nas bcas/ yang dge slong gar rol mo'i cha spyad dkrol na ltung ba'o/ /ltung ba'i khyad par ni gong dang 'dra'o/ /ltung ba brgya bdun cu lnga pa rdzogs so// //ston pa mnyan du yod pa na ste/ dge slong ma gtsug dga' mo snga dro bsod snyoms la zhugs pa las/ des skyes pa zhig bsdus te dbyar mo khang du dus btab po/ /de nas skyes pa de de'i ni nub mo dbyar mo khang du 'ongs pa dang/ der ma bde nas gtsug dga' mos smras pa 'dir ni mi bde'o zhes byas pa dang/ skyes pa na re nga'i khang par 'dod zhes zer ro/ /gtsug dga' mos smras pa khyod kyis gnya' bar bskyon na der 'dod zhes byas pa dang/ des kyang gnya' par bskyon no/ /de nas gtsug dga' mos bsams pa/ da ltar btsun par bya zhing kha drag bya ba yang tshul khrims 'di yod pa'i phyir bya bar zad de/ tshul khrims med na kun gyis brnyas smad par 'gyur zhes bsams nas/ nga ni rkun pos khyer ro
- 156b
zhes brkus btab pa dang/ byi ba 'ang? khros nas shin tu brdegs te song ngo/ /de nas dge slong ma dag gis ci nyes smras pa dang/ ji ltar ba zhib tu smras pa dang/ don nyung ngu ma dag gis 'phya ba las bcas/ yang dge slong ma gang gcig pu phyi rol gyi phyogs su 'gro na ltung ba'o/ /dge slong ma gcig pu phyi rol tu 'gro na chung ngu na snam phyi sar song na'ang ltung ba'o/ /khang pa rtseg ma'i yang tog tu gcig pu 'gro na nyes med do/ /ltung ba brgya bdun cu drug pa rdzogs so// //ston pa mnyan du yod pa na ste/ bcu gnyis sde dag u shi ri'i so mangs 'chang zhing skra shang de phyil phyil por byas pa las/ dge slong ma dag gis ci'i phyir de ltar byed/ gzhan dag 'dod pa bskyed bskyed pa'i phyir ro zhes byas pa dang/ don nyung ngu dag 'phya ba la bcas/ yang dge slong ma gang u shi ra'i so mangs 'chang na ltung ba'o/ /dge slong ma u shi ra'i mo mangs 'chad na ltung ba ste/ u shi ra zhes bya ba ni bres? ma'i rtsa ba las byas so/ /ltung ba brgya bdun cu bdun pa rdzogs so// //ston pa mnyan du yod pa na ste/ bcu gnyis sde mo rnams u shi ra'i so mangs 'chang du ma ster ba dang/ so mangs gzhan dag bcangs pa las bcas/ yang dge slong gang so mangs 'chang na ltung ba'o/ /ltung pa'i khyad par ni gong ma dang 'dra bas bshad pa ma byas so// ltung pa brgya bdun cu brgyad pa rdzogs so// //ston pa mnyan du yod pa na ste/ bcu gnyis sde mo rnams so mangs sngam? dag ma gnang ba dang smyig shang bcangs na nyes pa med do snyam du bsams te 'chang ba las bcas so/ /yang dge slong ma gang smyig shang 'chang na ltung ba'o/ /ltung ba'i khyad par ni gong ma dang 'dra ste/ smyig shang ces bya ba ni smyig ma'i rtsa bshad shang po la bya'o/ /ltung ba brgya bdun cu dgu pa rdzogs so// //ston pa mnyan du yod pa na ste/ sbom dga' mos
- 157a
bsams pa/ bdag gis sngan chad gzhan ni ci yang byas na chos kyi rgyan gyis ma brgyan to snyam nas des bdag gi lus skur byug pa la sogs pa byas te rgyan nas khang pa'i sgor smad 'tshong ma'i rgyal mtshan bsgrengs pa dang/ des skyes pa dag 'ongs te kye bzang mo nyin gla ji tsam zhes dris pa dang/ des smras pa/ karSha pa Na lnga brgya'o zhes byas pa dang/ de dag gis karSha pa Na lnga brgya byin nas khang pa'i nang du 'dod zhes byas pa dang/ sbom dga' mos bsams pa/ bdag da ltar kun gyis btsun par bya zhing bsnyen bkur byed pa thams cad kyang tshul khrims 'di yod pa'i yon tan te/ gal te tshul khrims 'di bral na ni kun gyis smad cing brnyas par 'gyur ro snyam bsams nas/ karSha paN khyer bzhin du bros pa las de dag gis bsnyegs te zin nas thor to las drangs pa dang skra brnyan lhung bas mgo reg ma ma rungs ma 'di zhes mi snyan pa zer ba las dge slong ma dag gis thos nas 'phya ba las bcas so/ /yang dge slong ma gang chos kyi rgyan 'chang na ltung ba'o/ /de la chos kyi rgyan zhes bya ba ni skra brnyan par bya ste/ dge slong mas skra brnyan 'chad dam byas na ltung bar 'gyur ro/ /ltung ba brgya brgyad cu pa rdzogs so// //brgya rtsa brgyad po 'di dag la/ /gzhan yang bcu bdun gnyis kyis bsnan/ /dge slong ltung ba bsdoms na ni/ /brgya dang brgyad cur 'dres pa yin/ /skrod pa dang ni yang yang dang/ /bzang po gnas dang sman byed gnas gnyis dang/ /gdeng med lo ma tshang dang ras chan dang/ /dgu bcu po las bco brgyad 'di bkol te// bud med kyi dang thun mong ma yin no/ /lhag ma 'di dag bya bar bya'o zhes bya ba ni dge slong ma'i ltung ba brgya brgyad cur bzhag pa de/ dge slong gi ltung ba dgu bcu las logs shig tu thun mongs ma yin pa'i ltung ba brgya rtsa brgyad yod par bstan
- 157b
cing/ dge slong gis ltung ba dgu bcu las/ gang dag gi dge slong ma'i bslab pa yin/ gang dag ni ma yin par dbye zhing brgya brgyad cur bsdu ba'i tshul bstan pa'i phyir tshigs su bcad pa 'di dag smos so/ /de la brgya rtsa brgyad po 'di dag la/ gzhan yang bdun cu gnyis kyis bsnan ces bya ba ni dge slong gi bslab pa dang thun mong ma yin pa sgog skya za na ltung bar 'gyur ba man chad brgya rtsa brgyad yod pa'i steng du/ dge slong gi ltung ba dgu bcu las bco brgyad bton te bdun cu gnyis kyis bsnan na/ brgya brgyad cur bstan pa yin te/ ltung ba dgu bcu las bco brgyad bton na ni thun mong ma yin pa la brgya rtsa brgyad du med de/ ci'i phyir zhe na/ yang dge slong ma gang zla ba phyed phyed cing chos gos byin gyis mi slob na ltung ba'o zhes pa de/ sngar gong du spang ba'i ltung ba'i skabs su yang bshad zin la/ de nyid sdom gyi tshigs su bcad pa las kyang mi 'byung ste/ ltung ba de gcig lhag pa'i phyir brgya rtsa brgyad du med do/ /'og nas gdeng med gtogs par bco brgyad bkol zhes 'byung mod? kyi gdeng med na bkol du mi rung ste/ ci'i phyir zhe na/ gong du sdom gyi tshigs su bcad pa las kyang 'byung la/ lhag ma med pa'i phyir te de ltar na thun mong ma yin pa brgya rtsa bdun gyi steng du thun mong gi ltung ba bdun cu rtsa gsum gyi bsnan cing brgya brgyad bcur bsgang dgos so/ /skrod pa dang ni yang yang dang// bzang po'i gnas dang smyan byed gnas gnyis dang/ /gdeng med lo mo tshangs dang ras chen dang/ /dgu bcu pa las bco brgyad 'di bkol te zhes bya ba ni dge slong gi ltung ba dgu bcu las bcu bud gnyis las dge slong ma'i tshogs kyi steng du brgyad po 'di bsnan te/ spyir bco brgyad bkol bar bya'o zhes bstan pa ste/ gdeng med bkol du mi rung ba'i gtan tshigs ni sngar bshad pa bzhin no/ /ci'i phyir 'di rnams bkol zhe na/ de'i phyir bud med kyis dang thun mong ma yin no zhes bya ba yin te/ bco brgyad po de dag dge slong ma
- 158a
dang thun mong ma yin pa'i phyir ro zhes bstan pa'o/ /lhag ma 'di dag bya ba bya'o zhes bya ba ni bco brgyad po de dag las gzhan pa rnams ni dge slong ma'i bslab gtogs par bstan pa'o/ /'phags ma dag bdag gis ltung ba brgya brgyad bcu dag bshad zin to zhes bya ba ni mjug bsdu zhing nyan pa'i 'khor rnams spro pa bskyed pa'o/ /de la bdag gis 'phags ma dag la ci 'di na yongs su dag par gnas sam zhes dri'o/ /ci 'di na yongs su dag par gnas sam zhes lan gnyis lan gsum du dri'o/ /'di na 'phags ma dag yongs su dag na gang gi phyir cang mi smra bar de bzhin du 'dzin to zhes bya ba ni yongs su dag pa dri ba te go sla ba ma bshad do/ /ltung ba'i dngos po rnams bstan pa la rnam pa lngar phye ba'i gsum te ltung ba'i sde'i bshad pa rnams rdzogs so// //ltung ba'i dngos po bstan pa la rnam pa lngar phye ba'i bzhi pa ste/ so sor bshags pa'i sde zhes bya ba 'dir ston te/ de'i phyir mdor bstan pa ni/ 'o ma zho dang mar sar dang/ /mar dang 'bru mar bu ram dang/ /sbrang rtsi dang ni sha dang nya/ /sha skam slob pa des byas pa'o zhes gsungs te/ de la 'o ma zhes bya ba ni gling gzhi ni ston pa mnyan du yod pa na zhugs so// //de'i tshe bcu gnyis sde mo dag bud med kyi yeb rngam gyis gzhan gyi khyim nas 'o ma blangs te yongs su spyod de'o ma slong ba'i phyir lung 'bogs pa dang klog pa dang/ kha ton dang rnal 'byor dang yid la byed pa dang/ rang gi sems kyis zhi gnas gtong bar gyur nas/ don nyung du ma'i dge slong ma dag 'phya bar gyur pa'i bar du ste/ de lta bu'i rnam pa dag bcom ldan 'das la gsol to/ /bcom ldan 'das kyis bka' stsal pa/ bslang bar mi bya'o/ /phyis nyo bar byed do/ /de nyid nyes par gyur te/ bcom ldan 'das kyis bka' stsal pa/ nyo bar mi bya'o/ /gnyen rnams la slong bar byed pa dang/ de nyid nyes pa'i dmigs
- 158b
su gyur nas bka' stsal pa/ blang bar mi bya'o zhes pa nas dge slong ma nad pa gzhan zhig sman pas 'o ma 'thungs shig ces bsgo ba dang/ des smras pa/ bzhin bzangs bdag shi'o/ /sman pas smras pa ci'i phyir des smras pa/ bcom ldan 'das kyis ma gnang ngo/ /sman pas smras pa/ khyod kyis ston pa ni thugs rje can de gnang bar 'gyur ro/ /de lta bu'i rnam pa dge slong ma gang gis bcom ldan 'das la gsol to/ /bcom ldan 'das kyis bka' stsal pa/ na bar gyur na sman pa'i lung gis sman ni yongs su spyad par bya'o zhes bya ba'i bar du'o/ /de nas sbom dga' mo na'ang rung min 'ang rung gzhan gyi khyim nas 'o ma blangs te yongs su spyad do/ /de lta bu'i rnam pa bcom ldan 'das la gsol pa nas/ bcom ldan 'das kyis byung ba 'di nas bslab pa bcas pa'i bar du ste/ yang dge slong ma gang min par bdag gi phyir/ gzhan gyi khyim nas 'o ma blangs te 'thungs na dge slong ma de dge slong ma'i dbyar mo khang du song ste/ dge slong ma rnams 'phags ma dag bdag smad pa'i/ gnas su gyur nas mi rigs pa so sor bshad pa'i chos de so sor bshags par bya'o zhes so sor bshags par bya ste/ chos 'di so sor bshags par bya'o/ /yang dge slong ma zhes bya ba ni sbom dga' mo'o/ /bdag gi phyir zhes bya ba ni lus kyi phyir ro/ /min ba ni nad med pa'o/ /khyim ni bram ze dang/ khyim bdag gi gnas so/ /'o ma ni 'o ma lnga ste/ ba'i 'o ma dang/ ma ha 'o ma dang/ rnga mo dang ra dang/ lug gi 'o ma dang lnga'o/ /bslangs pa ni gsol ba btab pa'o/ 'thungs zhes bya ba ni mid par mid pa'o/ /dge slong ma de zhes pa ni gang dge slong mar gyur pa'o/ /dbyar mo khang du song zhes bya ba ni gtsug lag khang du'o/ /dge slong ma rnams la zhes pa ni chos 'di la so sor bshags par bya'o/ /bdag smad pa'i gnas su gyur ces bya ba ni 'di dge slong mas bya ba ma yin pas so/ /mi rigs pa ni dge slong mas byas
- 159a
par mi rigs pa'o/ /so sor bshags par bya ba'i chos de so sor bshags par bya'o zhes so sor bshags par bya ste zhes pa ni kun las bshags pa'i phyir ro/ /chos 'di so sor bshags par bya'o zhes pa ni nges par bshags par bya ba'i phyir ro/ /de la nyes pa ji lta bur 'gyur zhe na/ dge slong mas ji tsam du 'o ma blangs pas thams cad nyes byas su 'gyur ro/ /thob na nyes byas so/ /yongs su spyad na nyes pa so sor bshags par 'gyur ro/ /las dang po pa dang smyos pa dang sems 'khrugs pa tshor bas nyen pa rnams la nyes med do// //gleng gzhi ni ston pa mnyan du yod pa na ste/ nam bcom ldan 'das kyis dge slong ma rnams la 'o ma ma gnad ba de na phyis zho slong bar byed pa nas bslabs pa bcas pa'i bar du ste/ zho slong du mi gnang ba yang sngar smos pa bzhin no/ /de la 'o ma lnga ni 'dir zho sngar rgyas par bya'o/ /gleng bzhi mnyan du yod pa na ste/ de bzhin du mar sar slong ba las bslab pa bcas pa'i bar du ste/ mar sar lnga yang gong du smos pa yi'o/ /gleng gzhi mnyan du yod pa na ste/ mar slong bar gyur pa las bslab pa bcas te/ mar rnam pa lnga yang gong du smos pa yi'o/ /gleng gzhi mnyan du yod pa na ste/ 'bru mar slong ba las bcas te/ 'bru mar ni 'bru'i mar ro/ /gleng gzhi ni mnyan du yod pa na ste/ bu ram slong bar gyur pa las bcas ste/ bu ram ni bu ram nyid do/ /gleng gzhi ni mnyan du yod pa na ste/ phyis sbrang rtsi slong bar gyur pa las/ phyis sbrang rtsi ni mdar ba'o/ /gleng gzhi mnyan du yod pa na ste/ phyis nya sha slong bar gyur pa las bcas te/ nya sha ni chu la spyod pa rnams kyi'o/ /gleng gzhi mnyan du yod pa na ste/ de nas phyis sha gzhan slong bar gyur pa las bslab pa bcas te/ sha ni phyugs la sogs pa'i sha'o/ /gleng gzhi mnyan
- 159b
du yod pa na ste/ phyis sha skam slong bar gyur pa las bcas te/ sha skam ni sha skam po'o/ /ltung ba'i rim pa dang gzhan ni 'o ma'i skabs su smos pa dang mthun no/ /yul yangs pa can na nam gyi tshe ded dpon seng ge bden pa mthong nas bcom ldan 'das kyis bka' stsal te/ dge 'dun gyis kyang sdom pa bcas pa'i bar du'o/ /de nas bcu gnyis sde mo de dag khyim der 'gro zhing bsod snyoms len par byed do/ /de nas dge slong ma dag gis che zhe dag bcom ldan 'das kyi khyim 'dir bslab pa'i sdom pa bcas sam smras pa dang/ de dag gis 'di skad ces smras so/ /dge slong rnams la bcas kyi dge slong ma la ni ma yin no/ /de nas don nyung ngu ma'i dge slong ma dag 'phya bar gyur nas de lta bur gyur pa bcom ldan 'das la gsol to/ /bcom ldan 'das kyis byung ba de las bslab pa bcas pa'i bar du ste/ gang dge 'dun gyi slob pa'i khyim 'di 'dra bar bslab pa'i sdom pa byin pa shes pa rnams su sngar ma bos par song ste/ rang gi lag gis bca' ba dang bza' ba bslangs nas chos sam zos na dge slong ma de dag dge slong ma'i dbyar mo khang du song ste/ dge slong ma rnams la 'phags ma dag bdag smad pa'i gnas su gyur pa mi rigs par so sor bshags par bya ba'i chos te/ so sor bshags par bya'o zhes so sor bshags par bya ste/ chos 'di yang so sor bshags par bya'o/ /gang zhes bya ba ni bcu gnyis sde'o/ /dge 'dun gyis zhes bya ba ni de bzhin gshegs pa'i nyan thos kyi dge 'dun gyi'o/ /slob pa'i khyim zhes bya ba ni bden pa mthong ba'o/ /bslab pa'i sdom pa byin par shes pa ni gsol pa dang gnyis so/ /sngar ma bos pa ni sbyin bdag gis ma bos pa'o/ /song ste zhes bya ba ni slob ma'i khyim du'o/ /rang gis lag gis zhes bya ba ni bdag nyid kyi lag gis so/ /bca' ba dang bza' ba ni bca' ba lnga dang bza' ba lnga'o/ /'chos skam zos pa ni
- 160a
mid? par mid pa'o/ /dge slong ma de zhes bya ba ni gang dge slong mar gyur pa'o/ /dbyar mo khang du zhes pa ni gtsug lag khang du'o/ /dge slong ma rnams ma zhes bya ba ni chos 'di la zhugs pa'o/ /'phags ma dag bdag smad pa'i gnas su gyur pa zhes bya ba ni dge slong mas bya ba ma yin pa'i phyir ro/ /mi rigs pa zhes bya ba ni dge slong ma la rigs par mi 'gyur ba'i phyir te rang bzhin ltar mi 'jug pa'o/ /gzhan ni gong du bshad pa bzhin no/ /de la nyes pa ji lta bu zhe na ci tsam du dge slong mas slob pa'i khyim du bslab pa'i sdom pa byin par shes bzhin du snga ma bos par bdag nyid song ste/ bca' ba dang bza' ba chos sam zos na thams cad so sor bshags par 'gyur ro/ /gal te sngar bos sam bslab pa'i sdom pa bshigs par gyur pa dang/ las dang po ba dang/ smyos pa dang/ sems 'khrugs pa dang/ nad kyi gzir ba la nyes med do/ /'phags ma dag bdag gis so sor bshags par bya ba'i chos bcu gcig po dag bshad zin to// zhes bya ba la sogs pa go sla bas ma bshad do/ /ltung ba'i dngos po bstan pa la rnam pa lngar phye ba'i bzhi pa ste/ so sor bshags par bya ba'i sde'i bshad pa rnams rdzogs so// //ltung ba'i dngos po rnams bstan pa la rnam sngar phye ba'i tham ste/ nyes byas kyi sde bslab pa'i chos mang po rnams 'dir ston te/ de'i phyir/ mdor bstan pa ni/ chos gos sdams pa g.yogs pa dang/ mchod pa dang lus bsgyur dang/ 'dug par bya dang rkang pa dag /mang po yang dag bsdus pa yin zhes bya ba gsungs so/ /sangs rgyas bcom ldan 'das yul na ti ka'i 'ol ma se'i gnas na bzhugs te/ de na skye dgu'i bdag mo chen mo gau ta mi dang shAkya mo lnga brgya tsam skra bregs nas gos ngur smrig gyon te yul na ti ka gang na ba
- 160b
der rgyu zhing song ngo/ /rims kyis spyod pa spyod cing yul na ti ka'i 'ol ma ser phyin to/ /nam gyi tshe bcom ldan 'das kyis skye dgu'i bdag mo gau ta mi la brten na chos dang 'dul ba 'di la dge slong ma rnams rab tu byung bsnyen par rdzogs par gnad pa de na/ de dag bdag cag gi gos ji ltar bgo ba mi shes nas de lta bur gyur pa dge slong rnams la smras so/ /dge slong ma rnams kyis bcom ldan 'das la gsol nas/ bcom ldan 'das kyis bka' stsal pa/ sham thabs ha cang rtsengs pa ma yin/ ha cang 'jol ba ma yin/ zlum por bgo ba bslab par bya'o/ /nam gyi tshe bcom ldan 'das kyis sham thabs 'di lta bur bgo bar bya'o zhes bka' stsal ba de na skye dgu'i bdag mo la sogs pa dge slong ma rang bzhin du gnas pa rnams ni de bzhin du gyon no/ /de nas dus gzhan zhig na dge slong bcu gnyis sde mo dag sham thabs ha cang rtsengs par gyon pa dang/ de la dge slong ma dag gis ci'i phyir khyed cag ha cang rtsengs par gyon ces smras pa dang/ de dag gis smras pa/ khyim na gnas pa nas bdag cag 'di ltar goms so/ /de nas bcom ldan 'das kyis bka' stsal pa sham thabs ha cang rtsengs par yang bgo bar mi bya'o/ /de bzhin du ha cang 'jol bar yang bgo bar mi bya'o zhes bslab pa bcas pa dang/ de dag dpyi mgo las dma' bar sham thabs gyon pa dang/ dge slong ma dag gi ci'i phyir khyed dpyi mgo las dma' bar sham thabs gyon ces smras pa dang/ de dag 'di skad du khyim mi mo rnams 'di ltar gyon no/ /dge slong ma de dag gis ci khyed khyim mi mo 'am zhes smras so/ /de lta bur gyur pa dge slong ma rnams kyis bcom ldan 'das la gsol pa nas bka' stsal pa/ ha cang rtsengs pa yang ma yin/ ha cang 'jol ba yang ma yin pa dang/ dpyi mgo las sham thabs dma' bar mi bgo ba dang/ zlum por bgo bar bslab par bya'o/ /gleng gzhi ni mnyan du yod pa na ste/ de nas bcu gnyis sde
- 161a
mo dag sham thabs glang po che'i sna ltar bgos pa dang/ dge slong ma dag gis ci'i phyir che zhe khyed sham thabs glang po che'i sna ltar gyon zhes pa dang/ de dag 'di skad du nor can dang/ tshong dpon dang ded dpon rnams 'di ltar gyon ne zhes smras pa nas/ bcom ldan 'das kyis bka' stsal pa'i bar du ste/ glang po che'i sna ltar ma yin pa dang/ ta la'i lo ma ltar ma yin pa dang/ nas can gyi phur ma ltar ma yin pa dang/ sprul mgo'i gdengs ka ltar ma yin par sham thabs bgo bar bslab par bya'o/ /chos gos kyang sham thabs kyi gleng gzhi dang mthun par sbyar ro/ /gleng gzhi ni mnyan du yod pa na ste/ de nas bcu gnyis sde mo dag dpung pa sgren mor phyung ste/ khyim gyi nang du 'gro ba dang/ de la dge slong ma dag gis smras pa/ che zhe khyed ci'i phyir dpung ba sgren mor phyung ste 'gro /de dag la 'di skad ces smras so/ /'phyon ma 'di dag gis mthong na snying dga' ba'i phyir ro zhes pa nas/ bcom ldan 'das kyis bka' stsal pa/ shin tu bsdams te/ khyim du 'gro bar bslabs par bya'o zhes pa'i bar du'o/ /khyim gyi nang du yang sgra mthon po dang/ sgra chen por byed cing 'gro ba dang/ bcom ldan 'das kyis bka' stsal pa/ sgra bskyungs te 'gro bar bya'o/ /de nas phyis phan tshun lta zhing 'gro ba dang/ bcom ldan 'das kyis bka' stsal pa/ mig phab te 'gro bar bya'o/ /de nas mdun gyi mi mthong bar 'gro bar byed pa nas/ bcom ldan 'das kyis bka' stsal pa/ shin tu bsdams te khyim pa'i khyim du 'gro bar bslab par bya'o/ /legs par bgos pa dang/ sgra bskyung pa dang/ mig bzums par mi bya ba dang/ gnya' shing gang tsam du lta zhing khyim pa'i khyim du 'gro bar bslab par bya'o zhes pa'i bar du'o/ /de nas bcu gnyis sde mo dag khyim gyi nang du mgo g.yogs te 'gro ba dang de la khyed ci'i phyir 'di ltar 'gro zhes dris pa dang/ de dag gis
- 161b
'di skad ces smras so/ /nged sngon gyi bag sar du gyur pa na 'di 'dra ba'i phyir ro/ /de dag gis smras pa ci khyed da ltar yang khyim gyi bag sar mo 'am/ de dag gis smras pa/ khyed gang mi shes pa de bsal bar 'gyur zhing khyed kyang bslab pa la slob par 'gyur ro/ / zhes pa nas bcom ldan 'das kyis bka' stsal pa/ mgo mi g.yogs par khyim gyi nang du 'gro bar bya'o zhes bya ba'i bar du'o/ /de nas bcu gnyis sde mo rnams lag pa gnyis kyis gong lugs brjes te 'gro ba dang/ de dag gis ci'i phyir khyed 'di ltar 'gro zhes dris pa dang/ de dag gis 'di skad ces smras so/ /bag sar mo dag 'di ltar 'gro'o/ /de dag gis smras pa ci khyed bag sar mo 'am/ bcu gnyis sde mo dag gis 'di skad ces smras so/ /gang mi shes pa de spangs par 'gyur zhing khyed kyang bslab pa la slob par 'gyur bar bya ba'i phyir ro zhes pa nas/ bcom ldan 'das kyis bka' stsal pa/ brjes kyis khyim gyi nang du 'gro bar mi bya'o zhes pa'i bar du'o/ /de nas bcu gnyis sde mo dag chos gos phrag pa la gzar te 'gro ba nas/ phyug rdzi la sogs 'di ltar 'gro'o zhes pa'i bar du ste/ bcom ldan 'das kyis bka' stsal pa nas gzar bar bya'o zhes pa'i bar du'o/ /de nas bcu gnyis sde mo dag chos gos gnya' gong du bsnol te khyim du 'gro ba nas/ byis pa dag byis pa'i slob pa na slob pa'i tshe 'di ltar byed ces pa'i bar te/ bcom ldan 'das kyis bka' stsal pa/ gnya' gong du mi bsnol bar bya'o zhes pa'i bar du'o/ /de nas bcu gnyis sde mo dag phrag pa gnyi ga la gzar te khyim du 'gro ba nas/ zham 'bring ba dag 'di ltar 'gro'o zhes smras pa'i bar du nas/ bcom ldan 'das kyis bka' stsal pa/ mgo mi g.yogs pa dang/ mi brdze ba dang/ mi gzar ba dang/ gnya' gong du mi bsnon pa dang/ phrag pa la gzar ba dang/ phrag pa gnyi ga la mi gzar bar khyim pa'i khyim du 'gro bar bslab par bya'o zhes pa'i bar du'o/ /
- 162a
de nas bcu gnyis sde mo khyim gyi nang du rkang pa'i brang pas 'gro ba nas nal gyi bu dag 'di ltar 'gro zhes pa'i bar du ste/ bcom ldan 'das kyis bka' stsal pa/ brang bas 'gro bar mi bya'o zhes pa'i bar du'o/ /de nas bcu gnyis sde mo dag khyim gyi nang du 'jal thabs su 'gro ba nas shing rkang can dag 'di ltar 'gro'o zhes pa'i bar du ste/ bcom ldan 'das kyis bka' stsal pa/ 'jal thabs su 'gro bar mi bya'o zhes pa'i bar du'o/ /de nas bcu gnyis sde mo dag khyim gyi nang du tsog bus 'gro ba nas/ thun bu thu ba 'di ltar 'gro'o zhes pa'i bar du ste/ bcom ldan 'das kyis bka' stsal pa/ 'gro bar mi bya'o zhes pa'i bar du'o/ /de nas bcu gnyis sde mo dag khyim gyi nang du sgu ste 'gro ba nas/ khyim phug pa dag 'di ltar 'gro'o zhes pa'i bar du ste/ bcom ldan 'das kyis bka' stsal pa/ 'gro bar mi bya'o zhes pa'i bar du'o/ /de nas bcu gnyis sde mo dag khyim gyi nang du bkur brtan te 'gro ba nas nor can dang tshong dpon dag ni 'di ltar 'gro'o zhes pa'i bar du ste/ bcom ldan 'das kyis bka' stsal pa/ brang bas ma yin pa dang/ 'jal thabs su ma yin pa dang/ tseg pus ma yin pa dang/ spu ste ma yin pa dang/ bkur mi brtan par khyim pa'i khyim du 'gro bar bslab par bya'o zhes pa'i bar du'o/ /de nas bcu gnyis sde mo dag lus bsgyur zhing 'gro bar byed pa nas/ ba glang mo dag 'di ltar 'gro'o zhes pa'i bar du ste/ bcom ldan 'das kyis bka' stsal pa/ lus mi bsgyur bar khyim gyi nang du 'gro bar bya'o zhes pa'i bar du'o/ /de nas bcu gnyis sde mo dag lag pa kyog cing khyim gyi nang du 'gro ba nas/ nor can dang tshong dpon dag 'di ltar 'gro'o zhes pa'i bar du ste/ bcom ldan 'das kyis bka' stsal pa/ 'gro bar mi bya'o zhes pa'i bar du'o/ /de nas bcu gnyis sde mo dag mgo sgyur zhing khyim gyi nang du 'gro ba nas/ srog chags rtsangs pa dag ni 'di ltar byed do zhes pa'i bar du ste/ bcom
- 162b
ldan 'das kyis bka' stsal pa/ 'gro bar mi bya'o zhes pa'i bar du'o/ /de nas bcu gnyis sde mo dag phrag pa sbrang cing khyim du 'gro ba nas/ ne'u ldangs dag 'di ltar 'gro'o zhes pa'i bar du ste/ bcom ldan 'das kyis bka' stsal pa/ 'gro bar mi bya'o zhes pa'i bar du'o/ /de nas bcu gnyis sde mo dag lag pa sbrel te khyim du 'gro ba nas/ nal gyi bu dag 'di ltar 'gro'o zhes pa'i bar du ste/ bcom ldan 'das kyis bka' stsal pa/ lus mi bsgyur pa dang/ lag pa mi kyog pa dang/ mgo mi bsgyur ba dang/ phrag pa mi sprad pa dang/ lag pa mi sprel bar khyim pa'i khyim du 'gro bar bslab par bya'o zhes pa'i bar du'o/ /de nas bcu gnyis sde mo dag bram ze dang khyim bdag gi khyim du ma bsgo bar stan la 'dug par byed pa dang/ de dag 'phya bar gyur pa nas/ bcom ldan 'das kyis bka' stsal pa 'dug par mi bya'o zhes pa'i bar du'o/ /bcom ldan 'das kyis u da yi las brten te ma brtags par stan la 'dug par mi bya'o zhes bslab pa'i tshig bcas pa'i tshe/ de nas bcu gnyis sde mo dag khyim gyi nang du stan la brtags par 'dug pa nas bcom ldan 'das kyis bka' stsal pa/ 'dug par mi bya'o zhes pa'i bar du'o/ /nam bcom ldan 'das kyis ser skya'i gnas su u da yi nyid las brten te lus thams cad ljid kyis phab ste 'dug par mi bya ba'i bslab pa'i tshig bcas pa'i tshe bcu gnyis sde mo dag khyim pa'i khyim du lus thams cad ljid kyis phab ste 'dug pa las bcom ldan 'das kyis bka' stsal pa/ 'dug par mi bya'o zhes pa'i bar du'o/ /de nas bcu gnyis sde mo dag rkang pas rkang pa mnan te khyim pa'i khyim du 'dug pa nas/ nal gyi bu dag 'di ltar 'dug go zhes pa'i bar du ste/ bcom ldan 'das kyis bka' stsal pa/ 'dug par mi bya'o zhes pa'i bar du'o/ /de nas bcu gnyis sde mo dag brla gong du brlas mnan te/ khyim pa'i nang du 'dug par byed pa na nas nor can tshong dpon 'di ltar
- 163a
'dug go zhes pa'i bar du'o/ /bcom ldan 'das kyis bka' stsal pa/ 'dug par mi bya'o zhes pa'i bar du'o/ /de nas bcu gnyis sde mo dag long bus long bu mnan te 'dug nas mya ngan can 'di ltar 'dug go zhes pa'i bar du ste/ bcom ldan 'das kyis bka' stsal pa/ 'dug par mi bya'o zhes pa'i bar du'o/ /de nas bcu gnyis sde mo dag rkang pa bkug ste khyim gyi nang du 'dug pa dang/ bram ze dang khyim bdag gi chung ma 'ongs te rkang pa la phyag byas pa dang/ de rkang pa bkug pas de dag mgo sa la thug par gyur pa nas 'phya ba'i bar du ste/ bcom ldan 'das kyis bka' stsal pa/ rkang pa bkug ste 'dug par mi bya'o zhes pa'i bar du'o/ /de nas bcu gnyis sde mo dag khyim pa'i khyim du rkang pa gdangs te/ 'dug pa dang/ bram ze dang khyim bdag gi chung ma dag lhags te/ rkang pa la phyag byas nas bcu gnyis sde mo dag a rok+Sha phyed las mi stor to/ /de dag gis 'di skad ces smras so/ /ci'i phyir a rok+Sha rdzogs par mi zer/ bcu gnyis sde mos smras pa khyed ci'i phyir rkang pa gcig la phyag 'tshal/ de dag rkang pa gnyis po la phyag 'tshal zhing 'phya bar gyur pa nas/ bcom ldan 'das kyis bka' stsal pa/ rkang pa gdangs te 'dug par mi bya'o zhes pa'i bar du'o/ /de nas bcu gnyis sde mo dag khyim du 'doms snang bar stan la 'dug pa nas bram ze dang khyim bdag chung ma dag phyag byed pa'i tshe 'phya bar gyur pa'i bar du ste/ bcom ldan 'das kyis bka' stsal pa/ ma bsgo bar khyim pa'i khyim du stan la mi 'dug pa dang/ stan la ma brtags pa dang/ lus thams cad kyis ljid kyis mi dbab pa dang/ rkang pa mi bsnol ba dang/ brla mi bsnol ba dang/ long bu'i steng du long bu mi bzhag pa dang/ rkang pa mi dgug pa dang/ rkang pa mi gdang ba dang/ 'doms mi snang bar khyim pa'i khyim du stan la 'dug par bya'o zhes pa'i bar du'o/ /mdor bstan pa ni/ legs
- 163b
par byas dang ma 'ongs dang/ /tsug tsug 'bru byed mkhur ba sped/ /lag pa dang ni phyag 'dogs dang/ ma bting ba dang 'greng ste min/ /sangs rgyas bcom ldan 'das yul brga na sbal ka ri'i nags tshal 'jigs 'jigs lta na bzhugs te/ de'i tshe na rgyal bu rtogs ldan gyis sbal kar ri'i khang bzangs sar ba ko ka na de lta bu byas te/ der sangs rgyas bcom ldan 'das dge slong dang dge slong ma thabs gcig tu spyan drangs te de nas rgyal bu rtogs ldan gyi khyim tshes ma dad pa sha stag ste/ de dag gis 'bras chan gyi gong bus dge slong ma rnams lhung bzed lag na shor ba'i tshul byed do/ /de nas gnas de na bcu gnyis sde mo dag 'khod do/ /de dag phan tshun du 'di skad ces smras so/ /skye dgu'i bdag mo dang gnyen dga' mo dag bu gsod ma'i bu 'di dag bdag cag gis bskyang bar bya'o/ /gang gi tshe kha zas 'drim pa de'i tshe lhung bzed de ltar byas te/ kha zas kyis 'bras chan gyi gong bu de yang sa la lhung ngo/ /don nyung ngu ma'i dge slong ma dag 'phya bar gyur pa nas bcom ldan 'das kyis bka' stsal pa/ legs par zas blang bar bya'o zhes pa'i bar du'o/ /de bzhin du gzhan zhig gi khyim du spyan drangs pa nas/ 'bras chan dang/ tshod ma lhung bzed nas sa la bo ba'i phyir zhes pa'i bar du'o/ /mu dang khad chad? du ma yin par zas blang bar bya'o zhes pa'i bar du'o/ /mnyan du yod pa na khyim bdag gzhan zhig gis zhes pa nas/ khyim gyi nang du spyan drangs te bcu gnyis sde mo dag 'bras chan dang tshod ma mnyam par brims pa las phyis kyang slong ba'i bar du ste/ bcom ldan 'das kyis bka' stsal pa/ zas tshod ma dang ran par bza' par bya'o zhes pa'i bar du'o/ /de nas bcu gnyis sde mo dag khyim bdag gzhan zhig gi khyim du zas za ba'i tshe/ tshod ma dag 'drim pa mi lan te phyis ring du song ba dang song nas blangs pas tshod ma 'khrul par gyur te/ mi dga' bar gyur pa'i bar du ste/
- 164a
bcom ldan 'das kyis bka' stsal pa/ zas mthar chags su bslang bar bya'o zhes pa'i bar du'o/ /de nas bcu gnyis sde mo dag bca' ba dang bza' ba ma 'ongs par lhung bzed bzed par byed nas ma dad pa 'phya ba'i bar du ste/ bcom ldan 'das kyis bka' stsal pa/ bca' ba dang bza' ba ma 'ongs par lhung bzed bzed par mi bya'o zhes pa'i bar du ste/ de nas bcu gnyis sde mo dag bza' ba dang bca' ba'i steng du lhung bzed bzhag par byed pa nas/ dad pa'i khyim bdag dag gtsang sbrar mi rung ngo zhes 'phya ba'i bar du ste/ bcom ldan 'das kyis bka' stsal pa/ bca' ba dang bza' ba'i steng du lhung bzed mi bzed par bya'o zhes pa'i bar du'o/ /mnyan du yod pa ni khyim bdag gzhan zhig gis khyim gyi nang du spyan drangs pa las ngan? 'bras khu ba ni mang tshod ma ni nyung ngu gyur nas 'bras chan gyi tshod ma bkab ste phyis yang slong bar byed pa nas/ bcom ldan 'das kyis bka' stsal pa/ 'bras can gyi tshod ma mi dgab par bya'o zhes pa'i bar du'o/ /de bzhin du gzhan zhig tu tshod ma ni mang 'bras chan ni nyung bar gyur pa dang/ yang 'dod pa'i phyir tshod mas 'bras chan dgab pa nas/ bcom ldan 'das kyis bka' stsal pa/ tshod mas 'bras chan mi dgab par bslab par bya'o zhes pa'i bar du'o/ /mnyan du yod pa na ste/ de nas bcu gnyis sde mo dag slem? 'phyo zhing zan za nas dad pa'i khyim bdag gis 'di bzhin du gzugs kyis 'tsho ba dag za ste mi rigs so zhes 'phya ba'i bar du ste/ bcom ldan 'das kyis bka' stsal pa/ legs par zas bza' bar bslab par bya'o zhes pa'i bar du'o/ /de nas bcu gnyis sde mo dag 'bras chan gcig gam gnyis nas 'brum bus khar 'jug pa nas/ yig 'chus pa dag zas zan 'di ltar byed do zhes smras pa'i bar du ste/ bcom ldan 'das kyis bka' stsal pa/ kham ha cang chung ba
- 164b
ma yin no zhes pa'i bar du'o/ /de nas bcu gnyis sde mo dag kham lhag par bskyed de khar bcug pa nas/ zhing pa dag 'di ltar za'o zhes pa'i bar du ste/ bcom ldan 'das kyis bka' stsal pa/ kham ha cang chen po yang ma yin pa dang/ kham ran par bza' bar bslab par bya'o zhes pa'i bar du'o/ /de nas bcu gnyis sde mo dag grong du zas za ba'i tshe/ dge slong ma rab tu byung ma rgan mo zhig kha gdangs shing 'dug par gyur pa dang/ de nas sbom dga' mos de'i khar bong ba bcug pa nas/ bcom ldan 'das kyis bka' stsal pa/ kham ma gzas par kha mi gdang bar bslab par bya'o zhes pa'i bar du'o/ /de nas bcu gnyis sde mo dag za zhing smra bar byed de/ de nas dge slong ma dag gis smras pa/ che zhe khyed ci'i phyir de ltar byed/ de dag gis smras pa ming brjed par mi 'gyur par bya ba'i bar du ste/ bcom ldan 'das kyis bka' stsal pa/ kham gyi bkang ste mi smra bar bslab par bya'o zhes pa'i bar du'o/ /de nas bcu gnyis sde mo dag tsug tsug byed cing zas za ba dang/ de nas dge slong ma dag gis khyed ci'i phyir de ltar byed ces smras pa dang/ de dag gis smad 'tshong ma dag 'di ltar za'o zhes bya ba'i bar du ste/ bcom ldan 'das kyis bka' stsal pa/ tsug tsug mi bya bar zas bza' bar bslab par bya'o zhes pa'i bar du'o/ /mnyan du yod pa na ste/ khyim bdag gzhan zhig gis spyan drangs pa las khyim bdag de snod nyung pas 'bras chen sgrom bu blugs pa dang dbyar gyi dus su drod che bar gyur to/ /bcu gnyis sde mo dag gis de bsting pa'i phyir 'bras chan 'di grang gi dbugs kyis bsro'o zhes pa nas/ khyim bdag des thos nas skyengs shing ma dga' bar gyur pa'i bar du ste/ bcom ldan 'das kyis bka' stsal pa/ hu hu mi bya bar bslab par bya'o zhes pa'i bar du'o/ /de bzhin du khyim bdag gzhan zhig gis spyan drangs pa las khyim bdag de dbul po zhig ste/ des dgun
- 165a
gyi dus kha zas grang mo brims pa dang/ de dag gis bsting? pa'i phyir phu phu zhes byas te za'o/ /de nas khyim bdag de mgo smad nas 'di skad ces smras so/ /'phags ma dag bdag gis 'tshal mod kyi/ bdag dbul bas ji ltar bgyi zhes pa nas bcom ldan 'das kyis bka' stsal pa/ phu phu mi bya bar zas bza' bar bya bar bslab par bya'o zhes pa'i bar du'o/ /de nas bcu gnyis sde mo dag gzhan zhig gis spyan drangs pa dang/ des de dag la kha zas ngan pa zhig byin pa dang/ de dag de la kha zas kyi sngags pa brjod do/ /gzhan zhig gis de dag la kha zas bzang po zhig byin pa dang/ de la 'phyas 'dogs par byed pa nas/ bcom ldan 'das kyis bka' stsal pa/ sngags pa dang 'phyas mi gdags par zas bza' bar bslab pa'o zhes ba'i bar du'o/ /de nas bcu gnyis sde mo dag maN+Dal gyi steng du kha zas gtor te/ 'brum bu re re nas btus te khar bcug pa dang/ dge slong ma dag gis ci'i phyir 'di ltar byed ces dris pa dang/ de dag gis smras pa khyim bya dag 'di ltar gtor ba la thu bo zhes pa nas/ bcom ldan 'das kyis bka' stsal pa/ 'bru nas tha dad du mi bya'o zhes pa'i bar du'o/ /de nas bcu gnyis sde mo dag kham phyed tsam ldang de lce'i rtse mor bzhag nas gcig la gcig ston te yang ldang ngam zhes nas/ bcom ldan 'das kyis bka' stsal pa/ lce phyung ste zas bza' bar mi bya'o zhes ba'i bar du'o/ /bcu gnyis sde mo dag rkan gtog cing zan za bas/ bcom ldan 'das kyis bka' stsal pa/ rkan gtogs te zan mi bza' bar bslab par bya'o zhes pa'i bar du'o/ /de nas bcu gnyis sde mo dag zan kham gyi gcod cing za ste/ de dag kham cig ni khang bcug /gnyis pa ni lag pa na/ gsum pa ni lhung bzed na 'dug pa nas/ bcom ldan 'das kyis bka' stsal pa/ kham 'phror mi bcad par
- 165b
bslab par bya'o zhes pa'i bar du'o/ /de nas bcu gnyis sde mo dag zas za ba'i tshe mkhur nas mkhur bar spo ba nas/ nad pa 'di dag 'di ltar za'o zhes pa'i bar du ste/ de nas bcu gnyis sde mo dag zas za ba'i tshe mkhur ba nas mkhur bar spo ba nas/ nad pa 'di dag 'di ltar za'o zhes ba'i bar du ste/ bcom ldan 'das kyis bka' stsal pa/ mkhur bar mi spo bar zas bza' bar bslab par bya'o zhes pa'i bar du'o/ /de nas bcu gnyis sde mo dag ljongs rgyu zhing spyod pa las chu 'gram zhig gi drung du phyin te/ de dag gi gnas der chos gos dag sprugs rkang lag bkrus te zas kyi bya ba byed pa la zhugs so/ /de nas chu 'gram gyi pha rol tu gcer bu ma dag kyang phyin te/ zas kyi bya ba byed pa la zhugs pa'i bar du ste/ de nas bcu gnyis sde mo dag rtse bar byas pa'i bsam pas 'od srungs rdzogs byed kyi ming nas phyung ste/ zan gyi mchod rten byas nas la phug gi srog shing btsugs te gcer bu ma de dag la khyed kyi ston pa'i mchod rten 'di yin no zhes smras so/ /de nas mchod rten de la bcad cing za ste/ tshig gcig tu 'di skad ces rdzogs byed kyi mchod rten zhig go /de nas gcer bu ma de dag yid mi dga' ba skyes te/ bdag cag gi ston pa dus las 'das so zhes pa nas/ bcom ldan 'das kyis bka' stsal pa/ mchod rten 'dra bar brus te mi bza' bar bslab par zas bza' bar bya'o zhes pa'i bar du'o/ /de nas bcu gnyis sde mo dag kha zas yid bzhin du la ga ba bldag par byed pa nas/ bcom ldan 'das kyis bka' stsal pa/ lag pa mi bldag par zas bza' bar bslab par bya'o zhes pa'i bar du'o/ /de bzhin du lhung bzed byog par byed pa dang/ bcom ldan 'das kyis bka' stsal pa/ lhung bzed byog par mi bya'o zhes pa'i bar du'o/ /de sbom dga' mos kham khar bcug ste lag ba sprugs pa nas/ bcom ldan 'das kyis bka' stsal pa/ lag pa sprugs par mi bya'o zhes pa'i bar du'o/ /de nas bcu gnyis
- 166a
sde mo bdag khyim gzhan zhig tu spyan drangs pa dang/ de nas sbom dga' mos phye zhig thob nas lhung bzed bsigs te nga'i lhung bzed kyis bslangs pa'i tshad 'di yin gyi da rung byin cig ces smras pa dang/ bcom ldan 'das kyis bka' stsal pa/ lhung bzed mi skyom bar zas bza' ba bslab par bya'o zhes pa'i bar du'o/ /de nas khyim 'dag gzhan zhig gi khyim du dge slong ma'i dge 'dun spyan drangs te/ de nas bza' ba dang bca' ba mang du sbyar te brims so/ /de nas bcu gnyis sde mo dag gis nad na dge slong ma rgan zhugs zhig kyang 'dug par gyur to/ /khyim bdag des kyang thog mar dge slong ma'i dge 'dun la mar dang phye brims te/ de nas bcu gnyis sde mo dag gis phye mang du bslangs so/ /de nas khyim bdag des kyang rgan rims su kha zas sna nyi shu rtsa brgyad brims so/ /de nas rgan zhugs de rgan rims rnams la blta bar byed pa dang/ bcu gnyis sde mo dag gis rgan zhugs de'i mdun du zan gong spungs te bzhag nas 'di skad ces smras so/ /rgyal po nga la byin gyi tshe rin po che'i char bab ces grag na khyod bsod nams can zhig ste/ zan gong gi char bab po zhes pa nas/ bcom ldan 'das kyis bka' stsal pa/ lhung bzed la brtags te zas bza' bar bslab par bya ba'i bar du'o/ /de nas bcu gnyis sde mo dag drung na 'dug pa'i dge slong ma'i lhung bzed la ltas 'di la ni mang du byin no/ /de lan nyung ngu byin no/ /'khod par gyur pa nas bcom ldan 'das kyis bka' stsal pa/ drung na 'dug pa'i dge slong ma'i lhung bzed la 'phyas gdags pa'i phyir lta bar mi bya'o zhes ba'i bar du'o/ /de nas khyim bdag gzhan zhig gi dge slong ma'i dge 'dun spyan drangs te/ mos pa dang bsnyen dga' mo dag gis nang du dge slong ma gzhan zhig sbyar ma dung kha gyon pa zhig 'dug pa dang/ de dag gis lhung bzed bkrus pa'i chus sbyar ma ma rungs bar byas pa nas 'phyas gdags pa'i bar du
- 166b
ste/ de dag gis smras pa nyon mongs pa ngan? pa khyod 'ba' zhig la sbyar ma 'di lta bu yod dam zhes pa nas/ bcom ldan 'das kyis bka' stsal pa/ zas la 'bags pa'i chus drung na 'dug pa'i dge slong ma la mi gtor bar bslab par bya'o zhes pa'i bar du'o/ /de nas bcu gnyis sde mo dag lag pa zas dang 'bags pas chu snod la 'dzin par byed pa dang/ zas kyis bsgos pa sbrang ma dag 'du bar byed pa dang/ khyim ba dag gis mthong nas 'phya bar gyur pa nas/ bcom ldan 'das kyis bka' stsal pa/ lag pa zas dang 'bags pas chu snod la mi bzung par bslab par bya'o zhes pa'i bar du'o/ /nam gyi tshe sbal ka rir khang bzangs ko ka na da las glengs te/ khyim gyi nang du zas dang 'bags pa'i chu dor du mi gnang ba dang/ khyim bdag gzhan zhig la brten na khyim bdag yod pa la dris nas dor du rung bar gnad pa las/ de nas bcu gnyis sde mo dag ma dris par khyim gyi nang du dor ba dang/ bcom ldan 'das kyis bka' stsal pa/ khyim pa 'dug pa la mi dris par chu zas dang 'bags pa khyim du mi dbo bar bslab par bya'o zhes pa'i bar du'o/ /mnyan du yod pa na bram ze'i bu zhig sems 'khrug par gyur pa las dze ta'i tshul du phyin nas dge slong gzhan zhig gi lhung bzed kyis chus gtor ba dang/ de slar rang gi sems rnyed par gyur to/ /de nas bram ze gzhan zhig gi bu yang sems 'khrugs par gyur nas/ de nas bram ze de bram ze'i las thos nas/ dge slong ma'i dbyar mo khang du song ba nas/ sbom dga' mo las lhung bzed kyi chu blangs pa'i bar du'o/ /des kyang dge 'dun ma'i zas kyi lhag mas bkang ste phyung ba dang/ bram ze des kyang brangs te nga'i bu shi yang bla'i brtsog par mi bya'o zhes pa'i bar du ste/ bcom ldan 'das kyis bka' stsal pa/ lhung bzed kyi nang du lhag ma blugs te mi dor bar bslab par bya'o zhes pa'i bar du'o/ /bcu gnyis sde mo dag 'og gzhi med pa'i sa la lhung bzed 'jog pa nas/ bcom ldan 'das kyis bka' stsal pa/ 'og gzhi med pa'i
- 167a
sa phyogs su lhung bzed mi bzhag par bya'o zhes pa'i bar du'o/ /de nas bcu gnyis sde mo dag 'greng ste lhung bzed dbyung ba nas/ bcom ldan 'das kyis bka' stsal pa/ 'greng ste lhung bzed mi dbyung bar bslab par bya'o zhes pa'i bar du'o/ /dge slong gzhon nu ma gzhan zhig 'greng ste lhung bzed 'khru ba dang/ dge slong ma dag gis smras pa/ phu nu mo 'greng ste lhung bzed ma 'khru/ des smras bcir 'gyur lhung bzed 'khru ba las lag pa nas lhung ste/ lhung bzed chag pa dang/ de dag gis de ltar 'gyur ro zhes smras pa dang/ bcom ldan 'das kyis bka' stsal pa/ 'greng ste lhung bzed bkru bar mi bya'o zhes pa'i bar du ste/ de nas bcu gnyis sde mo dag lhung bzed lam kar bzhag pa nas/ bcom ldan 'das kyis bka' stsal pa/ lhung bzed lam kar bzhag par mi bya'o zhes pa'i bar du'o/ /de nas bcu gnyis sde mo dag lhung bzed gang khar bzhag pa dang/ de nas lhung bzed bkru bar mi bya'o zhes ba'i bar du ste/ de nas bcu gnyis sde mo dag lhung bzed lam kar bzhag pa nas/ bcom ldan 'das kyis bka' stsal pa/ lhung bzed pa'i bar du'o/ /de bzhin g.yang sar 'jog pa dang/ dkan gzar por 'jog pa dang/ bkru ba dang/ skems pa dang/ 'bab chu drag po rgyun las bzlog ste lhung bzed kyis chu bcu bar byed pa las/ bcom ldan 'das kyis bka' stsal pa/ gad kar ma yin pa dang/ g.yangs sar ma yin pa dang/ dkan gzar por ma yin bar lhung bzed bzhag pa dang/ 'khru ba dang/ bskams pa dang/ 'bab chu drag po'i rgyun las bzlog ste lhung bzed kyis mi bcu par bslab par bya'o zhes pa'i bar du'o/ /mdor bstan pa ni/ 'greng ste ma yin mgo g.yogs min/ /glang chen do ker lag na min/ /rtswa dang chu la bshad mi bya/ /shing la mi gang mthor mi 'jog /da nas bcu gnyis sde mo dag 'greng ste 'dug pa la chos bshad par byed nas/ bcom ldan 'das kyis bka'
- 167b
stsal pa/ bshad par mi bya'o zhes pa nas/ nad pa 'ongs te bka' stsal pa/ mi na bar 'dug pa la 'greng ste chos bshad par mi bya'o zhes pa'i bar du'o/ /de bzhin du 'dug ste nyal ba la chos bshad pa nas bka' stsal pa mi na bar nyal ba la 'dug ste bshad par mi bya'o/ zhes pa'i bar du'o/ /de bzhin du stan dma' ba nas mthon po la 'jug pa la chos bshad pa nas/ bka' stsal pa/ mi na bar stan mthon po la 'dug pa la stan dma' ba la 'dug ste chos mi bshad par bslab par bya'o zhes pa'i bar du'o de bzhin du lam du 'gro ba la lam gyi 'gram nas 'gro zhing chos ston pa las/ bka' stsal pa lam du 'gro ba la lam gyi 'gram nas 'gro zhing nad pa ma yin pa la chos bshad par mi bya'o zhes pa'i bar du'o/ /de bzhin du mdun du 'gro ba la phyi nas 'gro zhing chos bshad pa las bka' stsal pa/ mi na bar mdun du 'gro ba la phyi nas 'gro zhing chos bshad mi bya'o zhes pa'i bar du'o/ /de nas bcu gnyis sde mo dag mgo g.yogs pa las chos bshad par byed pa nas/ bka' stsal pa/ mi na bar mgo g.yogs pa la chos bshad par mi bya'o zhes pa nas mi gnang can 'ongs te bka' stsal pa/ nad pa la chos bshad par bya'o zhes pa'i bar du'o/ /de bzhin du brdzes pa la chos bshad par mi byed pa nas bka' stsal pa/ brdzes pa la chos bshad par mi bya'o zhes pa nas/ brdzes pa na ba dag 'ongs nas bka' stsal pa nad pa la bshad par bya'o zhes pa'i bar du'o/ /de bzhin du gzar ba dang/ gnya' gong du bsnol ba dang/ phrag pa gnyi ga la gzar ba la chos bshad par mi bya'o/ /zhes pa nas lag pa na bdag 'ongs nas bka' stsal pa nad pa la bshad bar bya'o zhes pa'i bar du'o/ /de nas bcu gnyis sde mo dag do ker can la bshad pa dang bka' stsal pa/ do ker can la chos bshad par mi bya'o zhes pa'i bar du'o/ /rgyal po dag 'ongs nas bka' stsal pa/ bshad par bya'o zhes pa'i bar du'o/ /de bzhin du zhwa gon
- 168a
ba dag lhags nas chos bshad pa dang/ bka' stsal pa/ zhwa gon pa la bshad par mi bya'o zhes pa nas nad pa dag 'ongs te/ bka' stsal pa nad pa la chos bshad par bya'o zhes pa'i bar du'o/ /de bzhin du cod pan dag lhags nas chos bshad pa dang/ bka' stsal pa/ cod pan can la bshad par mi bya'o zhes pa nas/ bka' stsal pa/ nad pa la bshad par bya'o zhes pa'i bar du'o/ /de bzhin mgo phreng ba can dag lhags nas chos bshad pa dang/ bka' stsal pa/ mgo phreng ba can la bshad bar mi bya'o zhes pa nas nad pa la bshad par bya'o zhes pa'i bar du'o/ /de bzhin du thod bcings pa dag lhags nas chos bshad pa dang/ bka' stsal pa/ thod bcings min ba la chos mi bshad par bslab par bya'o zhes pa nas/ nad pa la chos bshad par bya'o zhes pa'i bar du'o/ /glang po che la zhon pa dag la chos bshad pas/ bka' stsal pa min bar glang po che zhon pa la chos bshad par mi bya'o zhes pa nas/ de nas glang po che zhon pa dmag 'gro ba dag cig chos bshad par gsol ba dang/ de dag gis babs dang bshad do zhes pa las/ de dag gis smras pa bdag cag lag song ba'i phyir rgol ba phyi bzhin du 'ong ngo zhes pa nas/ bka' stsal ba/ nad pa zhes bya ste/ chos bshad par bya'o zhes ba'i bar du'o/ /de bzhin du rta zhon pa dang khyogs dang bzhon pa gang yang rung ba'i steng na 'dug pa dang/ lham mthon po gyon pa la chos bshad pa dang/ bka' stsal pa/ rta zhon pa dang/ khyogs na 'dug pa dang/ zhon pa'i steng na 'dug pa dang/ lham mthon po gyon pa la chos mi bshad par bslab par bya'o zhes pa nas brtan pa dang nad pa la bshad par bya'o zhes bka' stsal pa'i bar du'o/ /de nas bcu gnyis sde mo dag lag na dbyig pa thogs pa la chos bshad pa dang/ bka' stsal pa/ mi na bar lag na dbyig pa thogs pa
- 168b
la chos bshad par mi bya'o zhes pa nas nad pa dang rgan mo 'khar ba med par 'gro mi nus pas da dag la chos bshad par bya'o zhes pa'i bar du'o/ /de bzhin de dag gi lag na gdugs thogs pa la sogs pa la chos bshad pa dang/ bka' stsal pa/ lag na gdugs thogs pa dang/ lag na mtshon cha thogs pa dang/ go cha gon pa la chos mi bshad par bslab par bya'o zhes pa nas/ nad pa dang dgra la rgol du 'gro ba rnams la bshad par bya'o zhes pa'i bar du'o/ bcu gnyis sde mo dag 'greng ste bshang gci byed pas/ mi na bar 'greng ste bshad gci mi bya bar bslab par bya'o zhes bslab pa bcas te/ nad pa dag 'dug mi nus pas nad pa la rjes su gnang ngo/ /gleng gzhi ser skya na ste/ sbom dga' mos rang gi btso blag mthong nas/ kye nga rab tu byung na khyed kyis nga la ji skad du 'bod/ des smras pa jo mo zhes 'bod do/ /'o na da nga'i chos gos ci'i phyir mi bkru/ khyod rab tu byung ba dang bdag bya ba mi cig go zhes bkrur ma btub pa dang/ sbom dga' mos de la gnod par bya ba'i phyir bkru sman 'thungs nas dmyangs pas go ral bkang ste/ gos 'khru ba'i rdzing du blugs so/ /de nas btso blag mkhan gyis der gos bkrus pa dang/ gos kun mnam zhing ma rung par gyur to/ /sbom dga' mo der 'ongs nas/ kye nang rje khyod kyis gos de dag ci nyes dri re zhim/ des smras pa/ 'phags ma gyis sam/ bkren pa khyod de ltar mi dga' bar bya'o zhes pa dang/ dge slong ma dag 'phya ba las bcas te/ mi na bar chu'i nang du bshad gci dang/ mchil ma dang/ snabs dang/ skyugs pa dang/ sna nas zag pa mi dor bar bslab par bya'o zhes bka' stsal pa nas/ nad pa la rjes su gnang ba'i bar du'o// gleng gzhi snga ma bzhin te/ ldum pa la ci'i phyir khyod nga la tshong ma dang/ me tog dang sha tshe dag 'bul bar mi byed/ des smras pa/ nam khyod kyis bdag la 'tshal ma dang rang pa stsal pa'i dus na bdag gis kyang phyag brjad bgyid na/ da khyod ni rab tu byung/ bdag
- 169a
ni khyim pa lags pas zham ring rdo mi thog pas mi 'bul lo zhes byas pa dang/ sbom dga' mos de la gnod par bya ba'i phyir snga ma bzhin du dmyangs pas gyo ral bkang nas phyags ma thogs te/ ldum rar song nas ldum ra thams cad mi gtsang bas bskus so/ /mi gtsang ba'i dri des wa dang khyi dag lhags te/ der 'gres pas ldum kun ma rungs par byas/ ldum pa mi dga' bar gyur pa sbom dga' mos der song ste/ kye khyod kyi ldum ra dri re zhim/ ldum dang shad rtse dang me tog dag re mang/ des smras pa/ 'di ni 'phags ma khyod kyis bgyis so/ /des bgod de/ de ltar khyod shes par bya'o zhes ston pa la gsol nas/ bka' stsal pa/ min bar sngon po yod pa'i sa phyogs su bshang gci dang/ mchil ma dang/ snabs dang skyugs pa dang/ sna nas zag pa mi dor bar bslab par bya'o zhes pa nas nad pa la rjes su gnang ba'i bar du'o/ /bcom ldan 'das kyis mnyan du yod par khang skyong la glengs nas shing la 'dzeg tu mi gnang ba'i bslab pa bcas pa las phyis sbom dga' mos don cung zad tsam gyi phyir yang shing la 'dzeg pas dge slong ma dag gis che zha bcom ldan 'das kyis bslab pa ma bcas sam/ des smras pa/ de yang dge slong dag la bcas kyi dge slong ma dag la ma yin no zhes zer ba ston pa la gsol nas bka' stsal pa/ gnod pa byung ba ma gtogs par shing la mi gang tsam las mthor mi 'dzeg par bslab par bya'o zhes gsungs so/ /'phags ma dag bdag gis bslab pa'i chos mang po rnams bshad zin to zhes pa la sogs pa'i bshad pa ni snga ma bzhin no/ /ltung ba'i dngos po rnams bstan pa la rnam pa lnga phye ba'i tha ma nyes byas kyi sde bslab pa'i chos mang po rnams kyis bshad pa rdzogs te/ ltung ba'i dngos po rnams bstan pa zhes bya ba bshad zin to/ /'di
- 169b
man chad ni bslab pa'i dngos la rnams bstan pa zhes bya ba la rnam pa gnyis su phye ba'i gnyis pa ste/ rtsod pa'i gnyen po rnams bstan zhes bya ba ston to/ /'di la yang rnam pa gnyis su byed pa ste/ rtsod pa rnam bstan pa dang/ zhi bar byas pa'i chos rnams bstan pa'o// de la rtsod rnams bstan pa zhes bya ba la rnam pa lngar dbye ste/ rtsod pa rnams kyis gleng gzhi dang/ de dag gi mtshan nyid dang/ de dag gi rgyu dang/ de dag gi dge ba la sogs par rnam par bzhag pa dang/ de dag gis rnam par dbye ba bstan pa'o/ /de la rtsod pa rnams kyi gleng gzhi ni ston pa ser skya'i gnas n+ya gro lha'i tshal na ste/ bcom ldan 'das kyis shAkya bden pa la bkod pa de na/ de dag bcom ldan 'das lta ba'i phyir dus gsum du 'ongs pas/ bcom ldan 'das kyis kyang rtag tu chos bshad do/ /rgyal po zas gtsang ma yang shAkya bdag gis bskor nas/ dus gsum du bcom ldan 'das la lta ba'i phyir rtag tu 'dod par goms te dus gzhan zhig na bcom ldan 'das kyis 'khor brgya phrag tu ma'i mdun du tsha ba'i tshe sbrang rtsi tshigs ma med pa lta bu'i chos bshad pas/ de dag kyang dngar ba'i chos bshad pa la mig gi dbang po mi 'dzum par nyan to/ /de nas rgyal po zas gcang ma la sogs chos nyan nas slar dong ba dang/ shAkya ming chen gyis rang gi khyim du phyin nas/ e ma'o sangs rgyas chos/ dge 'dun sangs rgyas 'byung ba ni bdag gis 'bras bur gyur to zhes smras pa/ de la chung mas dris pa/ 'phags pa'i sras de ci lags/ di ring bcom ldan 'das kyis chos bshad pa srog chags brgya stong du ma khyad par chen po chung bar gyur zhes smras so/ /de'i chung mas sangs rgyas byung bas bdag cag gis 'bras bur gyur to zhes smras pa de mad de/ khyed cag la ni 'bras bur gyur gyi bdag cag la ni ma lags so/ /de ci'i phyir zhe na/ skyes pa rnams kyi phyir bcom ldan 'das 'jig rten du byung gi bud med kyi phyir ni ma yin no/ /des smras pa de skad ma zer zhig /bcom ldan 'das ni sems can
- 170a
thams cad la phan pa dang/ rjes su brtse ba yin gyi khyed cag kyang nged chos nyon cig ces byas pa dang/ lha dag ni shAkya mang pos bskor nas bcom ldan 'das la gzigs par bzhung pas/ bdag cag bud med lha'i spyan sngar chos nyan du ngo tshan/ des te lha dag ni snga dro chos nyan/ bdag cag ni slang ngo chos nyan par gnang na mchi'o/ /de nas ming chen gyis bsams pa bdag gis rgyal po zas gtsang ma la smras pa ni mnyan par mi 'gyur bas skye dgu'i bdag mo chen mo la bcol lo snyam nas de la bcol ba dang/ des kyang rgyal po la gsol nas de bzhin gnang ngo/ /de nas skye dgu'i bdag mo chen mo shAkya'i chung ma lnga brgyas bskor te/ chos nyan pa'i phyir n+ya gro d+ha'i kun dga' ra bar dod do/ /de'i tshe shAkya ming chen gyi chung ma rgyan thams cad kyis brgyan nas de dag dang lhan cig song ba dang/ de gzugs bzang zhing gzhon pa rgyan thams cad kyis brgyan pas na/ /'dod chags dang ma bral ba dag yid 'phrog par byed pa tshe dang ldan pa kun dga' bos mthong nas/ sring mo khyed ni yongs kyis kyang dbyibs legs la blta na sdug cing bzang na rgyan thams cad kyis brgyan lta ci smos te/ khyed rgyan gyis klubs te 'ongs pa ni ma lags so/ /de ci'i phyir zhe na/ mthu bo che 'di dag thams cad ni 'dod chags dang bral ba ma yin no zhes byas pa dang/ de ngo tsha bar gyur nas rgyan thams cad 'phog ste de la nu mo mdag gzhug ma skud pa can zhes bya ba chos nyan pa'i phyir dang lhan cig 'ongs pa rgyas 'di dag khyim du skyol cig byas pa dang/ des kyang bskyal nas slar 'ongs so/ /de nas bcom ldan 'das kyis chos bshad pa dang/ shAkya mo gzhon nu ma zhig chos 'chad pa'i tshe rang gi mgul na yod pa'i mu tig gi se mo do la chags pas yang dang yang du lta zhing lag pas kyang nam mo de las bcom ldan 'das kyis mi rtag pa'i chos bshad na yang 'on kyang ma btang ba
- 170b
dang/ ming chen gyi chung mas gzhon nu ma de rang gis mo? do la chags par mthong nas 'di snyam du bsams te/ ston pas 'dus byas mi rtag par bshad na yang rang gi se mo do la rab tu chags nas yang dang yang du lta na/ 'dis gal te bdag gi se mo do de mthong na ni/ de'i dregs pa thams cad med par 'gyur ro snyam du shes nas mdag gzhug ma skud pa can la nga'i mu tig gi se mo do longs shig ces bsgo ba dang/ de chos nyan pa'i skabs med par gyur nas yid la 'di snyam du bsams so/ /e ma'o bdag chos 'di lta bu bshad pa las rje mos mngags te btang bas bar chad du gyur te bran du gyur pa ni dka' bar shes nas sdug bsngal zhing yid blong ste sme sngags gton nas tshigs su brjod de smras pa/ bran gyur ngan pa sdug bsngal mang la gzhan gyi dbang/ /bdag 'cho ngan pa sngon byas chos kyang thob/ /sdig pas rgyal ba'i zhal la lta ma gyur/ /dri med chos ni bde gshegs las ma thos zhes smras pa dang/ bcom ldan 'das kyis dgongs pa 'di yang sngon sangs rgyas la bya ba byas pa zhig ste/ tshe thung bas 'khor bar rgyu ba dbyung bar bya'o snyam nas rdzu 'phrul gyi tshigs su bcad pa gcig grog la bris te de la byin no/ /skye ba rnams ni 'jig par 'gyur/ /dge mas tshe yang rig par byos/ /nan tan 'dug ste dge la nyon/ /nga bdag gi ni bshad pa la'o/ /bu mo de yang dga' nas tshigs bcad de zlos shing sangs rgyas dran bzhin du song ba las/ tshe bud pa'i las kyis dus la bab pas lam du ba drus ma zhig gis 'tsho ba dang bral lo/ /de sangs rgyas dran bzhin du 'chi ba'i dus byas pas sing ga la'i gling du sing ga la'i rgyal po'i bu mor skyes so/ /de bltam pa dang bcas pa'i tshe? mu tig gi char bab pas ming yang mu tig mar btags so/ /de nas dus gzhan zhig na mnyan du yod pa'i tshong pa gcig rgya mtsho'i gling du gru chen po bshams te rgya mtshor zhugs pa las rlung gis mthus sing ga la'i gling du
- 171a
phyin to/ /de nas rgyal po'i pho brang dang mi ring ba zhig na gnas te/ de nas tho rangs la gleng gzhi dang bden pa mthong ba dang/ gnas brtan ma'i tshigs su bcad pa dang/ thub pa'i tshigs su bcad pa dang/ don mang po'i mdo sde dag rgyas par dbyangs kyis kha ton tu byas pa dang mu tig ma khyim na 'dug pa gar khung nas thos nas rgyal po la yab dbus kyi yul na mchis pa dag ni glu rab tu mkhas so zhes gsol to/ /de nas de dag bkug ste glu long zhes byas pa dang/ lha mo bdag cag ni glu mkhan ma lags kyis tshigs su bcad pa kha ton bgyis pa lags so/ /mu tig mas sangs rgyas zhes bya ba sngon ma thos pas thos ma dag tu spu zing zhes byed de the tshom skye nas sangs rgyas zhes bya ba ci zhes dris so/ /de dag gis kyang sangs rgyas kyi che ba'i yon tan bsngags pa la zhugs te/ lha mo gangs kyi ri dang nye ba na chu bo ba gir ta'i dogs ser skya'i gnas drang srong ngal bso ba'i gnas nas mi ring ba na shAkya las gzhon nu zhig byung ste/ bram ze dang ltas mkhan dang skar mkhan dag gis lung bstan pa ni de ste khyim na gnas na ni 'khor los sgyur ba'i rgyal por 'gyur/ rab tu byung na ni de bzhin gshegs pa dgra bcom pa yang dag par rdzogs pa'i sangs rgyas zhes bya bar 'gyur ro zhes sgra grags pa de ni 'di ltar sangs rgyas zhes bya'o zhes smras pa dang/ mu tig mas de dag la khyed nam 'dod pa'i tshe bdag la spron cing/ de dag 'gro kar sbran pa dang/ des bcom ldan 'das la sprid yig bris te gsol pa lha ma yin dang lha mis phyag byas pa/ /skye dang na ba'i 'jigs las mngon du bral/ /grags pa chen po bsngags pa kun tu grags/ /drang srong bdud rtsa'i dngos po mnyan med bdag la'o/ /de nas tshong pa de dag gis sprid yig de khyer nas bcom ldan 'das la phul b dang/ bka' stsal pa/ tshod pa khyad nam sing ga la'i gling du 'gro ba'i tshed la
- 171b
spron cig /de dag 'gro gar gsol pa dang/ bcom ldan 'das kyis nyid kyi sku'i tshad ri mong bris te/ de'i 'og tu gsum la skyabs su 'gro ba dang/ bslab pa'i dngos po lnga dang/ rten cing 'brel par 'byung ba lugs dang mthun pa dang/ mi mthun pa dang/ 'phags pa'i lam gyi yan lag rnams bris nas gong du tshigs su bcad pa/ brtsam par bya zhing 'byung bar bya'o zhes bya ba nas sdug bsngal mdza' mar 'byin par 'gyur zhes bya ba'i bar du bris nas bskur ro/ /de nas mu tig mas 'di ci yin zhes tshong pa dag la smras pa dang/ de dag gis re re nas zhib tu smras so/ /mu tig mas rten cing 'brel par 'byung ba'i yan lag bcu gnyis rjes su sems pa la zhugs te/ lan gsum du ma bzlas par bden pa mthong bar gyur te/ tshigs su bcad de smras pa/ sangs rgyas ring na bzhugs bzhin du/ /shes rab kyis ni mig sbyangs te/ /gang gi mig ni 'di 'dra ba/ /sman mkhas de la phyag 'tshal lo/ /sangs rgyas ring na bzhugs bzhin du/ /lta ba'i zug rngu rtsa nas phyung/ /zug rngu 'byin par byed pa can/ /sman mkhas nga la phyag 'tshal lo zhes smras nas/ tshong ba dag la byed nam 'gro ba na bdag la gyis shig /de dag gis spran pa dang/ mu tig mas de dag la bdag gi tshigs bcom ldan 'das kyis zhabs la phyag bgyis te 'di skad du gsol cig /mi bde ba chung ngam myur du bzhengs sam/ gnod pa ma mchis sam/ mthu dang ldan nam/ bde bar spyod dam zhes smros la/ yang 'di skad du gsol cig /btsun pa dge ba'i bshes gnyen bcom ldan 'das la brten pa na/ bdag sems can dmyal ba dang/ byol song dang/ yi dags las ni phyung/ lha dang mi'i gnas su bzhag /'khor ba ni mthar bgyis/ mchi ma dang/ khrag gi rgya mtsho ni skams/ rus pa'i ri las ni brgal/ thog ma ma mchis pa tshun chad bsags pa 'jig tshogs mang por lta ba'i rtse mo ni ye shes kyis rdo rjes bcom nas/ rgyun du zhugs pa'i 'bras bu mngon du bgyis te/
- 172a
btsun pa bdag brgal to/ /mngon du brgal to/ /da ni bcom ldan 'das dang/ dge slong gi dge 'dun la skyabs su mchi yis nam 'tsho'i bar du bdag dge bsnyen mar gzung du gsol/ mu tig bra gsum po 'di yang khyer la sangs rgyas chos dang dge 'dun la phul cig de nas de dag gis de bzhin du bcom ldan 'das la gsol nas/ mu tig kyang phul lo/ /bcom ldan 'das kyis kun dga' bo la bka' stsal pa/ kun dga' bo shAkya ming chen gyi bran mo skud pa can de las chos nyan te song ba las lam du bas bsad pa mthong ngam/ btsun pa mthong ngo/ /der la sems dang bzhin du dus las 'das te/ sing ga la'i rgyal po'i bu mor skyes nas ming mu tig mar btags te/ bden ba mthong ba des skyes 'di bskur ro/ /'di la sangs rgyas kyi sku skal gyis na dro gtsang khang du skyang nul byos shig /chos kyi sku skal ni chos 'dzin pa'i gang zag rnams la'o/ /dge 'dun gyis ni dge 'dun 'dus la gos shig /ston pas chos kyi sku skal gang yin pa de chos 'dzin pa'i gang zag rnams la'o zhes gsungs pa dang/ de'i tshe mdo sde 'dzin pa'i gang zag rnams la'o zhes gsungs pa dang/ de'i tshe mdo sde 'dzin pa rnams bdag cag ni bcom ldan 'das kyis mdo sde ma lus par 'dzin pas rnyed pa 'di bdag cag dbang ngo zhes zer/ 'dul ba 'dzin pa rnams ni bdag cag bcom ldan 'das kyi nang gi mdzod srung ba yin te 'dul ba ma lus par 'dzin pas rnyed pa 'di bdag cag dbang po zhes zer/ ma lta bu 'dzin pa dag gis bdag cag ni mdo sde dang 'dul ba bdag gi rang dang spyi'i mtshan nyid 'dzin pas rnyed pa 'di bdag cag dbang ngo zhes zer bas/ mdo sde dang/ 'dul ba dang/ ma mo 'dzin pa dag de'i tshe 'thab cing gsha ba dang/ 'khon cing 'khrugs par gyur pa dang/ bcom ldan 'das kyis bka' stsal pa/ dge slong dag
- 172b
'thab cing smod par ma byed cig /'khon cing 'khrugs par ma byed cig /dge slong ngag rtsod pa la rnam pa bzhi ste/ mi mthun par smra ba las rtsod pa dang/ lung bsgo ba med pa las rtsod pa dang/ nyes pa las rtsod pa dang/ bya ba las rtsod pa zhes gsungs te/ 'di ni gleng gzi'o// //de la mi mthun par smra ba'i phyir rtsod pa zhes bya ba ni/ gang gi chos smra ba las zang zing zhig rnyed na/ kha cig 'di chos kyis phyir phul bas chos dbang ngo zhe 'am chos smra ba'i gang zag la phul bas chos 'chad pa'i gang zag dbang ngo zhes gang gi phyir rtsod par gyur pa 'am/ chos kyi lta ba la sogs pa mi mthun par smra ba las rtsod par gyur pa'o/ /lung bsgo ba med pa las rtsod pa zhes bya ba'i gang zag gtsang ma nyes pa med pa la/ glengs pa'i mi rigs pa las nyes pa med pa la/ glang ba'i mi rigs pa las nyes pa byas so zhes ngan par glengs pas na/ mkhan po slob dpon gyis de las klog pa dang/ kha ton la sogs pa'i lung ston pa med pa las rtsod par gyur pa ste/ ji ltar gyang bu nor las sa can dang mdza' bos skur pa bzhin no/ /nyes pa las rtsod pa zhes bya ba ni ltung ba sde lnga'i nyes pa byung nas gleng ba'i dge slong gis glengs pa las khas mi len mi 'chags pa'am/ nyes pa gzhan la gzhan gyis glengs pa'i phyir rtsod pa'i gleng gzhir gyur pa'o/ /bya ba las rtsod pa zhes bya ba ni gsol ba'i las la sogs pa brgya rtsa gcig las gang yang rung ba zhig byed pa'i tshe rtsod pa'i gleng gzhir gyur pa ste/ 'di ni rtsod pa rnams kyi mtshan nyid bstan pa zhes bya'o/ /de la mi mthun par smra ba las rtsod pa'i rgyu ni nyi shu ste/ 'khrug pa'i rtsa ba drug dang/ dbyen byed pa'i dngos po bcu bzhi'o// de la 'khrug pa'i rtsa ba drug ni khro zhing mkhon du 'dzin pa dang/ 'chab cing 'tshig ba dang/ phrag dog cing ser sna byed pa dang/ sgyu dang g.yo byed pa dang/ ngo tsha mi shes shing khral gyis dogs pa dang/ sdig pa la mos shing log par lta ba bdag tu smra ba bsnyems
- 173a
pa'o/ /dbyen byed pa'i bcu bzhi ni chos so zhes smra pa dang/ chos ma yin no zhes smra pa dang/ de bzhin du 'dul ba'o/ /'dul ba ma yin no/ /nyes pa'o/ /nyes pa med pa'o/ /lci ba'o yang ba'o/ /lhag ma lus pa'o/ /lhag ma ma lus pa'o/ /bsdam par bya'o/ /bshag par bya'o/ /'dul ba las 'da' ba' o/ /ngan par smra par 'gyur pa'o/ zhes bya ba rnams te/ mi mthun par smra pa'i phyir rtsod pa thams cad ni drug dang bcu bzhi'o/ /'di dag las 'byung ba'i phyir rgyu zhes bya'o/ /lung bsgo ba med pa la rtsod pa'i rgyu/ gcig lung mi ston pa nyid la bya'o/ /de ni dge 'dun la lung ma ston cig ces zer ba dang/ lung mi ston pa dang/ lung mi ston par 'jog pa ste/ de lta bu'i phyir 'thab cing gshe ba dang/ 'khon cing 'khrug pa 'di ni lung bsgo ba med pa la rtsod pa'i rgyu ba zhes bya'o/ /nyes pa las rtsod pa'i rgyu ni lnga ste/ ltung ba sde lnga po phas pham pa nas nyes byas kyi bar du gang yang rung ba zhig byas pa'o/ /rgyu lnga po de dag kyang ngag dang sems kyis ma yin gyi lus 'ba' zhig las 'byung ba yang yod de/ ji ltar bsnyen par rdzogs pa'i gang zag phyir ma byung ba las phyir byung bar 'du shes te nyal ba 'am/ nyal ba'i 'og tu skyes pa phyis 'ongs nas khyim gcig tu nyal ba 'am/ gnyid log pa las mal stan chen po'i steng du bzhag pa lta bu lus dang sems kyis ma yin gyi dag 'ba' zhig las byung ba yang yod do/ /ji ltar skyes pa la ma bsams bzhin du tshul drug gam bdun las 'das par chos bshad pa lta bu'o/ ngag gi ma yin gyi lus dang sems gnyi ga las byung ba yang yod do/ /ji ltar dge slong mas byol song du gyur pa'i srog chags 'tsho ba dang phral na ji ltar bdag gi bsad pa bzhin du gzhan la srog chags 'tsho ba dang phrol cig ces tshig tu ni mi smra la/ de ltar bsad na legs par bsad pa yin no snyam du sems pa ste/ de bzhin du ma byin par len
- 173b
pa dang/ mi tshangs par spyod pa dang/ myos pa'i khu ba 'thung pa'i tshe tshig tu smra ba lta bu'o/ /lus kyi ma yin gyi dag dang sems gnyi ga las byung ba yang yod de/ ji ltar bsams pa bzhin du skyes pa la tshig las 'das par chos bshad pa lta bu'o/ /lus dang ngag dang sems gsum char las 'byung ba yang yod de/ ji ltar srog bcad pa dang/ ma byin par len pa dang/ mi changs par spyod pa dang/ myos pa'i khu ba 'thung pa de nyid la tshig gis kyang bsngags pa lta bu'o/ /bya ba la rtsod pa'i rgyu ni brgya rtsa gcig yod de/ gsol ba'i las nyi shu rtsa bzhi dang/ gsol ba dang gnyis kyi las bzhi bcu rtsa bdun dang/ gsol ba dang/ bzhi'i las sum cu bo rnams ste/ 'di ni rtsod pa'i de dag gyi rgyu bstan pa zhes bya'o// //mi mthun par smra ba las rtsod pa de ni dge ba zhes kyang bya mi dge ba zhes kyang bya/ lung du mi ston pa zhes kyang bya ste/ gang dge 'dun gyi don du bya ba dang/ don du sems pa dang/ dge ba'i don gyi phyir 'thab pa dang/ gshe ba dang/ 'khon pa dang/ 'khrug pa de ni dge ba zhes bya'o/ /gang dge 'dun gyi don du ma yin pa dang/ don du mi sems pa dang/ mi dge ba'i don gyi phyir 'thab pa la sogs pa de ni mi dge ba zhes bya'o/ /gang dge 'dun gyi don yang ma yin/ don ma yin pa yang ma yin/ don du sems pa yang ma yin/ mi sems pa yang ma yin/ dge ba'i don du yang ma yin/ mi dge ba'i don du yang ma yin par 'thab pa la sogs pa de ni lung du mi ston pa zhes bya'o/ /mi mthun par smra ba'i rtsod pa ji lta bar lung bsgo ba med pa las rtsod pa dang/ nyes pa la rtsod pa dang/ bya ba la rtsod pa rnams kyang dge ba dang mi dge ba dang/ lung du mi ston par rnam par bzhag ste/ dge bar 'dod pa dang mi dge bar 'dod pa dang/ de gnyi gar mi 'dod pa ni rims bzhin du sbyar zhing bshad par bya ste/ 'di ni rtsod pa de dag dge ba'i la sogs par rnams par bzhag pa bstan pa zhes bya'o/ /de la mi mthun par smra ba'i rtsod pa la rnam pa bzhi yod de/
- 174a
mi mthun par rtsod pa med pa dang/ mthun pa la rtsod pa dang/ mi mthun pa la rtsod pa dang/ mthun pa la mi rtsod pa'o/ /mi mthun pa la rtsod pa med pa ni gang tha dad du smra ba ni yod la/ 'thab cing gshe ba dang/ khon pa ni med pa'o/ /mthun pa la rtsod pa ni lung bsgo ba med pa dang/ nyes pa dang bya ba'i rtsod pa ni yod la mi mthun par smra ba'i rtsod pa ni med pa'o/ /mi mthun pa la rtsod pa ni gang dge 'dun tha dad tu smra ba dang/ 'khrug par mi mthun par bya ba dang/ ma gus par byed pa dang/ gcig tu ma yin par de ltar phyir 'thab cing gshe ba dang/ khon par gyur pa'o/ /mthun pa mi rtsod pa ni rnam pa de drug ma gtogs pa'o/ /skabs 'dir ni mi mthun par smra ba la rtsod pa zhes bya ba ni gsum gzung ngo/ /lung bsgo ba med pa'i phyir rtsod pa yang rnam pa bzhi ste/ lung mi bsgo ba la rtsod pa med pa dang/ rtsod pa la lung bsgo ba dang/ lung mi bsgo ba la rtsod pa med pa'o/ /de la lung mi bsgo la rtsod pa med pa ni gang? dge 'dun lung ston du mi 'jug pa dang/ lung ston pa ni yod la 'thab pa la sogs pa ni med pa'o/ /rtsod la lung bsgo ba ni mi mthun par smra ba dang/ nyes pa dang bya ba'i rtsod pa yod la/ lung mi ston pa'i phyir rtsod pa ni med pa'o/ /lung yang mi bsgo la rtsod pa ni gang dge 'dun lung ston du mi 'jug pa dang/ lung mi ston pa dang/ lung ston du mi 'jug pa de'i phyir 'thab cing gshe ba dang/ 'khon cing 'khrug par gyur pa'o/ /lung yang bsgo la rtsod pa med pa ni rnam pa de dag ma gtogs pa ste/ skabs 'dir lung bsgo ba med pa'i phyir rtsod pa zhes bya ba ni gsum pa bzung ngo/ /nyes pa'i phyir rtsod pa la yang rnam pa bzhi yod de/ nyes pa yod pa la rtsod pa med pa dang/ nyes pa med pa la rtsod pa dang/ nyes pa yod la rtsod pa dang/ nyes pa med la rtsod pa med pa dang/ de la nyes pa yod la rtsod pa med pa ni phas pham pa nas nyes byas kyi bar gyi nyes pa ni byung la 'thab pa la sogs pa ni med pa'o/ /nyes pa med
- 174b
pa la rtsod pa ni mi mthun par smra ba dang/ lung bsgo ba med pa dang/ bya ba'i rtsod pa ni yod la nyes pa'i phyir rtsod pa med pa'o/ /nyes pa yod la rtsod pa ni phas pham pa nas nyes byas kyi bar du byang la/ de'i phyir 'thab cing gshe ba dang/ 'khon cing 'khrug par 'gyur ba'o/ / nyes pa med pa la rtsod pa med pa ni rnam pa de dag ma gtogs pa ste/ 'dir nyes pa'i rtsod pa zhes bya ba ni gsum bzung ngo// //bya ba'i phyir rtsod pa la yang rnam pa bzhi yod de/ bya ba yod la rtsod pa med pa dang/ rtsod pa yod la bya ba med pa dang/ bya ba yod yang yod la rtsod pa dang/ bya ba med la rtsod pa'o/ /de la bya ba yod la rtsod pa med pa ni gang gsol ba'i las la sogs pa'i bya ba ni yod la/ 'thab pa la sogs pa'i bya ba ni med pa'o/ /rtsod pa yod la bya ba med pa ni mi mthun par smra pa dang/ lung bsgo ba med pa dang/ nyes pa'i rtsod pa ni yod la bya ba'i phyir rtsod pa ni med pa'o/ /bya ba yang yod la rtsod pa ni gang gsol pa la sogs pa'i las kyi phyir 'thab cing gshe ba dang/ 'khon cing 'khrug par gyur pa'o/ /bya ba yang med la rtsod pa med pa ni rnam pa de dag ma gtogs pa ste/ 'di bya ba'i phyir rtsod pa zhes bya ba ni gsum pa bzung ngo/ /'di ni rtsod pa de dag gi rnam par dbye ba bstan pa zhes bya ba ste/ rtsod pa ni gnyen po rnams bstan pa zhes bya ba la gnyis su phye ba'i dang po rtsod pa rnams bstan pa zhes bya ba bshad zin to// //'dir ni zhi bar bya ba'i chos rnams bstan pa zhes bya ba bstan to/ /'di la yang rnam pa bzhir dbye ste/ zhi bar bya ba'i chos de dag gi gnas bstan pa dang/ bslab pa'i dngos po so so'i mtshan nyid bstan pa dang/ mjug bsdu ba dang/ yongs su dag pa dri ba dang/ de dag gi gnas bstan pa ni/ rtsod pa zhi bar bya ba'i chos bdun po 'di dag ni zla ba phyed phyed cing so sor thar pa'i mdo 'don pa las 'byung ngo zhes gsungs pa'o/ /bslab pa'i dngos po nyid kyi mtshan nyid bstan pa yang gnyis su dbye ste/ mdor bstan pa dang/
- 175a
de nyid kyis rnam par bshad pa'o/ /de la mdor bstan pa zhes bya ba ni/ mdor bstan pa ni/ mngon sum dran pa ma myos dang/ /de bzhin gang mang ngo bo nyid/ /rtswa rnams bkram pa lta bu dang/ /khas blang bar yang bya ba'o/ /zhes gsungs pa'o/ de nyid kyis rnam par bshad pa zhes bya ba ni mngon sum du 'dul bar 'os pa la mngon sum du 'dul ba sbyin/ dran pas 'dul bar 'os pa la dran pas 'dul ba sbyin no/ /ma myos pas 'dul bar 'os pa la ma myos pas 'dul ba sbyin no/ /gang tshul shing mang po sbyin par 'os pa la tshul shing mang po sbyin no/ /de'i ngo bo nyid tshol du gzhug par 'os pa la de'i ngo bo nyid btsal bar sbyin no/ /rtswa bkram pa lta bur 'os pa las rtswa bkram blta bu sbyin no/ /khas blang bar 'ongs pa la khas blang bar bya'o zhes gsungs pa'o/ /'di dag kyang gang gi gang zhi bar bya ba dang/ so so'i mtshan nyid bstan pas ston te/ de la mi mthun par smra bas rtsod na gnyis kyis zhi bar bya ste/ mngon sum du 'dul ba dang tshul shing mang po len pas so/ /de la mngon sum du 'dul ba zhes bya ba ni gang zag gsum ste/ rgol ba dang/ lan 'debs pa dang/ gzu bo mngon sum du gyur pa'o/ /rgol bas don rnam pa bcu drug po 'di las bsams nas gleng bar bya ste/ bden pa dang/ dus dang/ tshod dang/ don du ldan pa dang/ mthong ba dang/ thos pa dang/ dogs pa dang/ lus dang ngag dang/ grong dang/ dgon pa dang/ mtshan mo dang/ nyin par byas pa dang/ lhag ma lus pa dang/ lhag ma ma lus pa dang/ slongs par nus pa'o/ /rgol bas glengs kyang de'i tshig mi btsan par rnam pa lnga ste/ don bstan la ma phebs pa dang/ gcig nas gcig tu rgyud pa'i tshig dang/ bsnyen par rdzogs pa'i tshig las don du 'dzin pa dang/ mdo sde mi shes pa dang/ gnas mi shes pa'o/ /slar zlog pa lnga ni btsan no/ /lan 'debs
- 175b
pas kyang rnam pa bcu drug po 'di rnams las bsams nas skabs dbye bar bya ste/ ci 'di tshul khrims dang ldan pa yin nam/ 'gyod pa can nam/ mang du thos pa 'am/ 'dul ba bstan la 'bebs pa yin nam/ ci mthong ba las gleng par byed dam zhes bya ba la sogs pa bcu gnyis ni snga ma bzhin no/ /lan 'debs pa'i tshig mi brtsan par bya ba rnam pa lnga ste/ mtshams sbyor bar mi smra ba dang/ gzhan las gzhan du 'gyur ba dang/ phyogs la brten de nyes pa khas len pa las kyang ma nyes par smod pa dang/ dge slong ma rnams la skur pa 'debs pa dang/ rim gro med pa'o/ /slar zlog pa lnga ni btsan par bya'o/ /rgol ba dang lan 'debs pa gnyis rtsod pa'i nyes dmigs de zhi ba'i yon tan du bstan na/ de gnyis kyi gzu bo chos drug dang ldan pa btsal bar bya ste/ tshul khrims dang ldan pa dang/ slob pa la 'dod pa dang/ mang du thos pa dang/ 'dul ba la mkhas pa dang/ gzu bo chos bzhin ma 'dres pa dang/ 'dod pas mi 'gro ba dang/ zhe sdang gis mi 'gro ba dang/ gti mug gis mi 'gro ba dang/ 'jigs pas mi 'gro ba dang/ las byas pa dang/ ma byas par shes pa dang/ 'dod chags kyis rgyal ba'i bka' las mi 'da' ba dang/ ma bcas pa mi 'cha' ba dang/ bcas pa las mi 'gyur ba dang/ rtsod pa de zhi bar nus pa dang/ nyes pa las slongs par nus pa'o/ /gzu bo la rnam pa gsum ste/ phyogs gnyi ga'i thad du bdag nyid song nas dkrug par byed pa dang/ gang dag mi sdam pa ste/ phrin las la sbyor ba dang/ lus dang ngag gnyi ga sdom pa ste/ gong ma gnyis las bzlog pa'o/ /de bas ni lus ngag gnyis sdom pa'i gzu ba bsgo bar bya'i/ snga ma gnyis ni ma yin no/ /gzhan yang chos lnga dang ldan na gzu bo bus pa lta bu zhes bya ste/ chos ma yin pa'i phyogs su 'jug pa dang/ rtsod pa 'phel bar byed pa dang/ gzu bo gzhan la mdo sdes bsngo ba dang/ so sor thar pas dge slong ma rnams la smod pa
- 176a
pa dang/ rim gro med pa'o/ /de nas bzlog pa ni gsal ba'o/ /gzu bos rtsod pa zhi bar bya bar khas blangs na/ rnam pa brgyad kyi bdag nyid la brtag par bya ste/ ci bdag gis rtsod pa'i gzhi thog ma ci las byung ba shes sam/ bdag gi grogs mo gzu bo chos bzhin byed pa yin nam/ sngon dris par gyur pa ma yin nam/ ci bdag gi tshig btsan par 'gyur ram/ nyes pa de dag rnam par spyad nus sam/ lan glan par nus sam/ chos bzhin du byang bar nus sam/ ci mi dge ba las slong ba la mkhas sam zhes brtag par bya'o/ /de nas rnam pa brgyad kyis gzhan la brtag par bya ste/ 'di na 'di ltar rgyal ba'i gsung skud pa/ mdo sde dang/ 'dul ba dang/ ma mo 'dzin pa lta yod dam/ gang 'phyas 'tshol ba la slar zlog pa'i gnas brtan ma yod dam/ de gnyis rgyal po la brten pa ma yin nam/ blon po la brten pa ma yin nam/ khyim bdag la brten pa ma yin nam/ phyi rol pa ma yin gyi dge 'dun nyid la zhi bar sbyor ba lta yod dam zhes brtag par bya'o/ /de nas gzu bo de dag gis mngon sum du 'dul bar rtsod pa de zhi bar bya'o/ /mngon sum du bya ba ni rnam pa gnyis te/ gang zag mngon sum dang/ chos mngon sum mo/ /de la gang zag mngon sum du bya ba ni gang la zhi bar bya ba dang/ gang gis zhi bar byed pa de dag mngon sum du gyur pa'o/ /chos mngon sum bya ba ni chos ji ltar chos dang 'dul ba bzhin no/ /gzu bo rnams kyis rgol ba la rnam pa brgyad du brtag par bya ba ste/ chog dang/ spyod yul dang/ mdza' bo dang/ grogs mo dang/ lus kyi las dang/ ngag gi las dang/ 'tsho ba dang/ thos pa ste/ gal te brgyad po de dag sdig pa can du gyur na ma smra zhig ces bsgo bar bya'o/ /rgol ba la ji ltar lan 'debs pa la yang rnam pa brgyad tu brtag par bya ste/ gal te brgyad po de sdig pa can du gyur na khyod kyis
- 176b
lus dang ngag dang yid kyi las thog ma ji lta bu yin/ zhes dris pa la ji ltar khas blangs pa bzhin du byed du gzhug go /ci ste cho ga la sogs pa dge ba can zhig yin na lan 'debs pa la ni 'jam por smros shig /rgol ba la ni shes par byos la rtsod pa de zhi bar bya'o// gzhan yang rnam pa bcu drug du sbyar bar bya ste/ rgol ba nyid rig par bya ba dang/ brtag pa dang/ 'byung ba dang/ dri ba dang/ dam 'char gzhug pa dang/ spro bar bya ba ste rgol ba la drug tu sbyar ba bzhin lan 'debs pa la yang drug ste bcu gnyis dang/ lan ldon pas/ dam bcas pa bzung ba dang/ mdo sde dang sbyar/ 'dul ba dang sbyar/ ma mo dang sbyar zhing rtsod pa rma bar bya'o/ /chos lnga dang ldan pa'i gzu bos rtsod pa de zhi bar byed mi nus te/ rjes su bstan pa'i tshig lnga dang/ mngon sum du mi shes pa'i phyir ro/ /lnga gang zhe na rgol ba dang/ lan 'debs pa dang/ chos bzhin du brtag pa dang/ chos bzhin du ma yin par rtogs pa dang/ dam bca' ba bzhin mi 'dzin pa'o/ /gzhan yang rnam pa lnga ste/ rtsod pa'i rang bzhin dang/ 'byung ba dang/ gzung ba dang/ bcad pa dang/ gzhi gnas pas mi 'byung bar mi shes pa'o/ /gzhan yang rnam pa lnga ste/ 'khrul pa dang/ gsang ste smra ba dang/ nor bar smra ba dang/ glo bur du smras pa 'dzin pa dang/ smras pa yang lan gsum gyi bar du dam 'cha' bar mi 'jug pa'o/ /gzu bo 'dul ba 'dzin pas gnas bcu drug gis 'dul ba shes par byas nas/ gnas bcu drug gi nyes pa brjod par bya ste/ lci ba dang/ yang ba dang/ lhag ma ma lus pa dang/ gnas ngan len pa dang/ lus kyi dang/ ngag gi dang/ dge ba dang/ mi dge ba dang/ lung du mi ston pa dang/ bcas pa dang/ ma bcas pa dang/ bshags par bya ba dang/ bsdam par bya dang/ ngan du smras pa dang/ 'dul ba'i las 'das par gyur pa'i rnam pa ste/ de ltar gnas bcu drug po de dag gis nyes pa brjod nas/ gnas bcu drug gis chad pa'i las kyis sma dbab par
- 177a
bya'o/ /bcu drug po ni 'di lta ste/ nyes pa dor brjod pa dang/ 'phyas 'dogs pa dang/ bsgo ba bzhin mi mnyan pa dang/ cad mi smra zhing mi mnyan pa dang/ sdig pa dang/ bkrad pa dang/ slar bsdum pa dang/ smad pa dang/ ma mthong ba'i phyir spang ba dang/ gnyen po la mi brten pa'i phyir spang ba dang/ sdig pa'i lta ba mi gtong ba'i phyir spang ba dang/ chad pa dang/ gzhi nas bslad pa'i chad pa dang/ yid mgu bar bya ba dang/ gzhi nas bslang ba'i yid mgu ba dang/ gzhi nas bslang ste smos pa'o/ /de ltar chad pa'i las kyis sma phab nas/ gnas rnam pa bcu drug gi las byas te/ mngon sum du gyur pa dang/ skabs bye ba dang/ mthong bas glengs pa dang/ thos pas glengs pa dang/ dogs pas glengs pa dang/ mthong bas dran par byas pa dang/ thos pas dran par byas pa dang/ dogs pas dran par byas pa dang/ rang gi khas blangs pa dang/ gzhan gyis bskul nas khas blangs pa dang/ brtag mi dgos pa dang/ dri ba dang/ dri mi dgos pa dang/ khas len du ma bcug kyang rung ba las bya'o/ /de ltar rnam pa bcu drug gis rtsod pa zhi bar byas nas legs par zhi ba yin te/ chos bzhin du las byas pa dang/ dge 'dun gyis bsgo ba dang/ rgyal po'i gsungs bzhin mthun pa dang/ rgol ba dang lan 'debs pa la bsgo ba dang/ rgol ba 'dul ba las mi 'gal ba dang/ nyes pa mi 'chab pa dang/ byung ba dang/ bcas pa dang/ rjes su bcas pa dang/ gnang ba dang/ mi gnang ba dang/ mi gnang bar sbyor ba dang/ rgol ba dang lan 'debs pa'i dam bca' ba 'dzin pa dang/ mdo sde ston pa dang/ 'dul bar mthun pa dang/ chos kyi tshul 'phel ba dang/ chos dang 'dul ba bzhin zhi bar byed pa'o/ /slar log pa ni legs par zhim ma yin te ma zhi ba'o/ /gal te des kyang zhi bar ma nus na dge 'dun la slar dbul bar bya ste/ dge 'dun gyis mngon sum du 'dul bas zhi bar bya'o/ /des kyang zhi bar mi nus na yang
- 177b
mang du thos pa gsol ba yon tan dang ldan pa'i gzu bo mchog bskos te/ des mngon sum du 'dul bas zhi bar bya'o/ /de dag gis kyang ma nus na mchog gi yang mchog la gtad de/ de dag gis mngon sum du 'dul bas zhi bar bya'o/ /de dag gis kyang zhi bar ma nus na slar yang dge 'dun la dbul bar bya'o/ /de nas dge 'dun gyi rtsod pa spo zhing/ gtod par byed pa'i dge slong ma chos lnga dang ldan pa zhig bsgo bar bya ste/ 'dod chags dang/ zhe sdang dang/ gti mug dang/ 'jigs pas mi 'gro ba dang/ spos pa dang/ ma spos pa shes pa las bsko zhing nges gang na gnas brtan ma dang/ so sor thar pa dang bcas pa'i dge 'dun la thog mar ci las rtsod pa rgyas par smros la gtod cig /dge 'dun de dag gi zla ba drug gi bar du dge 'dun dang/ gang zag dang/ chos mngon sum gyis zhi bar bya'o/ /de dag gi kyang zhi bar ma nus na rtsod pa spo bar byed pa la slar gtong cig /des kyang mdo sde la sogs pa 'dzin pa la spo bar bya ste/ de dag gis gang zag dang/ chos mngon sum gyis 'dul zhing zhi bar bya'o/ /gal te ma nus na slar yang rtsod pa spo ba la gtod cig /des kyang gang na gnas brtan ma grags pa dang ldan pa la thog ma nas smos pa la gtod cig /des kyang de dag la ci yang blang bar mi bya/ kha ton la sogs pa yang sbyin par mi bya/ mdun nam rgyab tu 'dug la/ 'di skad du 'phags ma dag 'thab par ma byed cig /gnyi ga la rgyal bar mi 'gyur gyi/ gcig pu la'o zhes smros shig /de zhi bar gyur na legs pa zhi bar zhes byas te/ de ltar mngon sum du 'dul ba yin no/ /gal te gnas brtan mas kyang zhi bar ma nus na rtsod pa spo bar byed slar gtod la/ des kyang dge 'dun la slar dbul bar bya ste/ dge 'dun gyis kyang tshul shing mang po len du bcug nas rtsod pa de zhi bar bya'o/ /de la tshul shing 'drim pa la rnam pa bzhi ste/ gang la gnas brtan ma chos bzhin smra ba mi mang na dgab par bya ba dang/ chos
- 178a
bzhin smra ba mang na dgab par mi bya ba dang/ rna bar bshub pa ste/ khyod kyi mkhan po dang slob dpon la sogs pas ni chos bzhin gyi tshul shing blangs kyis khyod kyis kyang long shig ces bsgo ba dang/ gang na nad pa mang zhing dge 'dun thams cad kyi dang bzhi'o/ /chos bzhin ma yin par tshul shing len pa rnam pa bcu yod de/ chos bzhin ma yin par len pa dang/ 'dul bar mi mthun pa dang/ ma 'dus par len pa dang/ cung zad cig gi nyes pa chung ngus dbye bar dogs pa dang/ gnas brtan ma'i mthar ma phyin pa sbyor zlog pa dang/ shes par ldan pa kha lo sgyur bar mi byed cing 'dul ba 'dzin pa la sogs pa la mi 'dri ba dang/ dge 'dun dbye bar bya'o snyam du shes pa dang/ chos bzhin ma yin par smra ba mang por 'dod pa dang/ dge 'dun dbye bar 'dod pa dang/ chos ma yin par smra bar 'gyur ro snyam pa'o/ /de las zlog pa rnam pa bcu'i chos bzhin blangs pa zhes bya'o/ /tshul shing 'drim pas tshul shing rnam pa gnyis su bya ste/ chos bzhin smra ba'i tshul shing ni dbyibs dang/ kha dog gzugs su ldan pa'o/ /chos ma yin par smra ba'i tshul shing ni slar zlog pa'o/ /de nas tshul shing 'drim pas chos bzhin smra ba'i tshul shing ni lag pa g.yas pas khyer cig /chos bzhin ma yin par smra ba'i tshul shing ni lag pa g.yon pas khyer la/ dge 'dun gyis mdun du chos bzhin smra ba'i tshul shing la ni bsngags par bya ste/ 'di ni chos bzhin smra ba'i tshul shing ste/ gye gu med pa/ mi 'khyor ba/ drang ba/ kha dog sdug pa yin gyis long zhig ces bsgrag par bya'o/ /chos ma yin par smra ba'i tshul shing la ni smad par bya ste/ 'di ni chos bzhin ma yin pa'i tshul shing ste/ gye gu can 'khyor ba/ mi drang ba/ kha dog mi sdug pa/ rig na mi bde ba yin gyis long zhig ces brjod par bya'o/ /gang yang rung
- 178b
chos ma yin pa'i tshul shing lag pa brkyang na tshig dang po dang gnyis pa la mi byin par gsum pa la sbyin par bya ste/ 'dul ba las 'das pa'i nyes byas kyang 'chags su chug cig /de nas slar bsdus te grongs la gal te mnyam par gyur na gnas brtan cang shes ba kau ? n+yi'i phyir tshul shing zhig long la chos bzhin smra ba'i tshul shing gi steng du bstan te mang bar gyur na chos bzhin smra ba rgyal ba yin pas/ ma dad du mi gnang bar rtsod pa de zhi bar bya ste/ gang gi bskyos pa de ltung bar 'gyur ro/ /gal te gcig pu ngas bsnan kyang chos bzhin ma yin par smra ba'i mang bar gyur na/ dge ba'i phyogs btang na rtag tu rtsod par mi rigs so snyam du soms la/ sdig pa la lta bzhin zhog la des zhi bar byos shig /gang gis skyab pa de'i nyes byas so/ /zhus pa las ni btsun pa bcom ldan 'das kyis tshul shing ma spos rtsod pa zhi bar byas pa las/ gang gi phyogs su tshul shing gcig gis lhag par gyur na/ de'i phyogs tshul shing gcig gis lhag par gyur na/ de'i phyogs des rnam par zhi bar bya'o zhes gsungs na/ btsun pa gal te phyogs gnyi ga tshul shing mnyam par gyur na gang gi dbang gis rtsod pa rnam zhi bar bgyi/ utpa la'i phyogs gi dge slong dag mang du thos pa'o/ /gnyi ga gzhung la mtshungs par gyur na gang gi tshig gzung bar bgyi/ gang byang ba'i yin no/ /gal te gnyi ga byang bar gyur na/ gang gi gzung bar bgyi/ gal te phal cher byang ba'i shas che ba yin no zhes gsungs so/ /lung bsgo ba med pa'i phyir rtsod pa la rnam pa gsum gyis zhi bar bya ste/ mngon sum dang/ dran pa dang/ ma myos pas 'dul ba'o/ /de la mngon sum du 'dul ba'i mtshan nyid ni sngar bshad bzhin nor bzhin dran pas 'dul ba ni ji ltar gyad bu nor las can dang mdza' bos skur ba btab pa las dge 'dun gyi gsol ba dang gnyis kyi las kyis gyad bu nor la nyes pa byas pa dran nam zhes smras na/ dran te ma byas so zhes
- 179a
smras pa de nyid kyis rtsod pa de zhi bar gyur ba lta bu ste/ de dang 'dra ba gzhan yang bden pa mthong ba 'am/ ngo tsha shes pa dang ldan pa'i gang zag zhig la gzhan gyi nyes pa byas so glengs pa'i mi rigs pa la glengs par gyur na dge 'dun gyi de la nyes pa 'di lta bu byas pa dran nam zhes gsol ba dang/ gnyis kyi las kyis smra ba byas te/ gal te bdag gi nyes pa byas par mi dran no zhes zer na/ de gnyis kyi rtsod pa de zhi bar bya ba dang/ nyes pa gzhan byung na gzhan gyi glengs pa dang/ nyes pa slar chos bzhin du byas pa la yang ngo/ /ma myos pas 'dul ba ni ji ltar dge slong bye ma can smyos pa'i tshe nyes pa byas pa gzhan gyi glengs pa'i phyir dge 'dun gyis gsol ba dang gnyis kyi las kyi bye ma can la khyod myos pa sangs te dran tshun chad nyes pa byas pa dran nam zhes smras pa las/ sangs te dran tshun chad nyes pa byas pa med do zhes smras pa de nyid kyis rtsod pa de zhi bar gyur pa lta bu'o/ /gzhan yang de dang 'dra ba la de bzhin du zhi bar bya'o/ /chos bzhin ma yin par dran pas 'dul ba byin pa gsum ste/ nyes pa tha ma byung ba dang/ smyos pa'i tshe nyes pa byung pa dang nyes pa byung ba bsnyen cing khas len pa'o/ /de la dang po ni ma rung bar bya ba'i rigs/ gnyis pa ni ma myos pas 'dul ba sbyin pa'i rigs gsum pa ni de'i ngo bo nyid tshol du gzhug pa'i rigs pa'i phyir ro/ /chos bzhin ma yin par ma myos pas 'dul ba sbyin pa ni gcig ste/ gang myos pa ma yin pa las bdag smyos zhes khas len pa ste/ de ni nyes pa gsum pa de nyid byed du gzhug pa'i rigs pa'i phyir ro/ /nyes pa'i phyir rtsod pa la rnam pa bzhis zhi bar bya ba ste/ khas blangs pa dang/ mngon sum dang/ de'i ngo bo nyid tshol du gzhug pa dang/ rtswa bkram pa lta bu'i 'dul bas zhi bar bya ste/ de la khas blangs pas 'dul ba ni ji ltar nyes pa
- 179b
byung ba la glengs kyang rung/ dran par byas sam/ dran par ma byas kyang rung ste/ dge slong ma'i mdun du nyes pa 'chags shing tshul bzhin byed pa'o/ /de la chos bzhin ma yin par khas len pa rnam pa bcu ste/ nyes pa'i rigs lnga byung ba las ma byung ngo zhes khas len pa dang/ ma byung ba las byung ngo zhes khas len pa ste/ gong ma lnga ni khas blangs kyang changs pa sbyin pa'i rigs pa'i phyir ro/ /slar zlog pa bcu ni chos bzhin du byas pa'o/ /mngon sum du 'dul ba ni ri dags sgra'i bu nag po las brtsams te/ 'di ni mtshan nyid kyang sngar bshad pa bzhin no/ /de'i ngo bo nyid tshol du gzhug pa ni dge 'dun gyi nang du glengs pa pos glengs pa'i tshe/ nyes pa khas blangs pa las slar bsnyon pa las slar khas len/ khas len pa la yang bsnyon na/ dge 'dun gyis gsol ba dang/ gnyis kyi las kyis bsnyon du mi gnang bar nyes pa'i ngo bo nyid gang yin pa tshol du gzhug ste/ de'i ngo bo nyid gtan la ma phab kyi bar du kha ton dang/ gso sbyin la sogs pa yang dgag cing nam nyes pa'i ngo bo nyid rnyed de khas blangs na chos bzhin du byed du gzhug pa ste/ de nyid kyis zhi bar bya'o/ /de la rtswa bkram pa lta bu ni dge 'dun phyogs gnyis su chad de rtsod pa las/ phyogs kyi gtso bo gnyis kyis rang rang gi phyogs la/ bdag cag dge ba'i phyir rab tu byung na rtag tu rtsod pa mi rigs pas/ phyogs pha rol po la bzod pa byos la nyes pa yang bshags par bya'o zhes bsgo ste/ nam phyogs gcig gi phyogs gnyis po la spu zhol bar byed/ 'byung ba rtsol/ phyag 'tshal bar ston cing/ phyogs cig shos kyis kyang de bzhin bya ste/ phan tshun nyes pa glengs par bya ste/ dper na rtswa bcad na rad rod med cing bsnol ma nyal ba bzhin/ phan tshun nyes pa gleng bar mi byed pa'i phyir rtswa bkram pa lta bus rtsod pa zhi bar byas pa yin no/ /bya ba'i phyir rtsod pa ni gcig pu nges pas dge 'dun pas dngos po gang la rtsod pa de'i
- 180a
gnyen po zhi bar bya'o/ /ji ltar tshangs pa de ltar gcig bu ste/ ji ltar brgya byin de ltar gnyis po yin/ ji ltar rgyal po de ltar gsum ste/ de las 'das pa dag ni ca co pa'o/ /zhus pa las zhi bar bgyi ba bdun ma chis kyang rtsod pa zhi bar 'gyur ba mchis sam/ yod de gal te gnyis las gcig dus las 'das sam/ khyim pa la sogs par gyur tam/ nad yun rings su btab bam/ yul gzhan du song ba'o/ /de lta bus na gang gis tshigs su bcad pa gcig klags kyang rung des chos kyi rnyed pa yongs su spyad par bya ste/ de la the tshom ma byed cig ces gsungs so/ /gang gi gang zhi bar bya ba dang/ so so'i mtshan nyid bstan pas bslab pa'i dngos po nyid kyi mtshan nyid bstan pa zhes bya ba bshad zin to/ /de ni mjug bsdu zhing yongs su dag pa dri ba phyir/ rtsod pa byung bar gyur pa'i rnams/ rtsod bzhi bar bya ba'i chos 'di dag gis chos dang/ 'dul ba dang/ ston pa'i bstan pa bzhin du 'dul bar bya zhi bar bya rnam par zhi bar bya'o/ /zhes pa nas/ de de bzhin du 'dzin to zhes bya ba'i bar du gsungs/ de ni go slabs? ma bshad do/ /rtsod pa'i gnyen po rnams bstan pa zhes bya ba la/ gnyis su phye ba'i tha ma zhi bar bya'o chos rnams bstan pa zhes bya ba bshad zin to/ /so sor thar pa'i bsdus pa'i don rnam pa brgyad phye ba'i gnyis pa bslab pa'i dngos po rnams bstan pa zhes bya ba'i rgya cher bshad pa rnams rdzogs so// //da ni bslab pa'i dngos po rnams kyi don bsdu ste/ bstan pa zhes bya ba ston te/ de'i phyir 'phags ma dag ces bya ba nas dga' ba la rab tu brtson par bya'o zhes bya ba'i bar du gsungs so/ /'di la yang rnam pa gsum du dbye ste/ so sor thar pa'i las su bsru ba dang/ ston pa'i bstan par bsdu ba la rjes su mthun pa'i chos la yang bslab par gzung ba'o/ /de la so sor thar pa'i lus su bsdu ba zhes bya ba ni/ 'phags
- 180b
ma dag bdag gis so sor thar pa'i mdo bshad pa'i gleng gzhi bshad zin to/ /phas pham pa'i chos brgyad dang/ dge 'dun lhag ma'i chos nyi shu dang/ spang ba'i ltung ba'i chos sum cu rtsa gsum dang/ ltung ba brgya brgyad cu dang/ so sor bshags par bya ba'i chos bcu gcig dang/ bslab pa'i chos mang po dang/ rtsod ba zhi bar bya ba'i chos bdun po dag bshad zin to zhes bya ba yin te dge slong mas bslab par bya ba ni 'di rnams yin pas 'di ni so sor thar pa'i lugs yin no/ /de lta bas na dge slong mas gang gi gleng gzhi las byung ba de'i mtshan ma yongs su spang bar bya'o/ /des kyang zhi bar ma nus na dug gsum gyi gnyen po yid la bya ba dang/ dkon mchog gsum la mchod cing bsnyen bkur gyi las byas pa dang/ zas bsnyung ba la sogs pas dbral bar bya ste/ des kyang ma nus na tshul khrims rnam par ma dag bzhin dad pas byin pa yongs su spyad pa'i mi rigs kyi bslab pa dbul bar bya'o/ /ston pa'i bstan par bsdu ba zhes bya ba ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i mdor gtogs shing mdor 'dus pa ni 'di snyed do zhes bya ba yin te/ de'i mdor gtogs zhes bya ba ni tshig tu gtogs pa'o/ /mdor 'dus zhes bya ba ni don 'dir 'dus pa'o/ /'di snyed do zhes bya ba ni gong du bstan pa'i rnams so// gzhan ni sngar bshad pa dang mthun pas ma bshad do// //rjes su mthun pa'i chos la yang bslab par gzung pa zhes bya ba ni/ gang gzhan nas 'byung ba chos kyi rjes su mthun pa'i chos de la yang khyed rnams 'dun pa dang/ mthun pa dang/ dga' ba dang mi rtsod par sems kun tu bsrung ba dang/ dran pa dang/ dga' ba la rab tu brtsod par bya'o/ zhes bya ba yin te/ de la gang gzhan nas 'byung ba zhes bya ba ni 'dul ba dngos po la sogs pa'i gzhung las 'byung ba'o/ /chos kyi rjes su mthun pa'i chos de la
- 181a
yang zhes bya ba ni mya ngan las 'das pa'i chos dang mthun par de dag la yang nan tan du bya'o/ /khyed rnams shes bya ba ni nyan thos kyi dge slong ma rnams so/ /'dum pa zhes bya ba ni cho ga dang mtshan ma mthun pa la sogs pa ni gong du smos pa drug po las 'byung bzhin du bsgrubs shig pa'o/ /mthun pa zhes bya ba ni sngar bstan pa bzhi ste tshul cig tu gyur pa'o/ /dga' ba zhes bya ba ni dge ba'i phyogs mngon par 'phel ba la dga' ba'o/ /mi rtsod pa ni phan tshun lta ba dang zang zing 'dod pa mi mthun pa'i rtsod pa spangs pa'o/ /sems kun du bsrungs pas ni 'dod pa'i yon tan lnga ste/ dbang po lnga'i dmigs pa la sems mi gtong ba'o/ /yang gcig gis yid cig gis srung ba'o/ /dran pa ni bya ba'i rigs pa dang/ mi rigs pa'i rnams shes shing rjes su bsrung ba'o/ /dga' las rab tu brtson par bya'o/ /zhes bya ba ni kho na ma tho ba spong ba la nan tan tu rgyun mi 'chad par gyis shig ces bya ba'i tha tshig go /bcom ldan 'das kyis thog ma nas gnang ba yang ma lags spangs pa yang ma lags de la ji lta bur bsgrub par bgyi/ ji ltar 'dul ba mdo phra mo las 'byung ba 'dul ba'i mdo bsdus pa dran par bya ste/ dge slong ma rnams ngas thog ma nas gnang ba yang med spangs pa yang med pa de gal te rung ba dang mthun la mi rung ba dang mi mthun na rung pa'o snyam du soms la spyad par bya'o/ /mi rung ba dang mthun la rung pa dang mi mthun na ni mi rung ba'o snyam du soms la spangs par bya'o zhes gsungs so/ /so sor thar pa'i bsdus pa'i don rnam pa brgyad du phye ba'i gsum pa bslab pa'i dngos po rnams kyi don bsdu ba zhes bya ba bshad zin te/ /sngon gyi tshul bstan pa zhes bya ba 'dir ston te/ 'di yang rnam pa gnyis su dbye ste/ sangs rgyas bdun gyis 'dul ba bstan pa dang/ de dag ston pa gang dag gi gsung rab yin pa'i khungs? bstan pa'o/ /de la sangs rgyas bdun gyi
- 181b
'dul ba bstan pa zhes bya ba ni bzod pa dka' thub dam pa bzod pa ni ces bya ba nas/ drang srong gsungs pa'i lam ni thob par 'gyur zhes bya ba'i bar du gang gsungs so/ /bskal pa bzang po 'di'i snga rol bskal pa dgu bcu rtsa gcig gi snga rol na skye dgu rnams tshe lo brgyad khri thub pa'i tshe sangs rgyas rnam par gzigs zhes bya ba 'jig rten du byung ste/ ston pa de'i ring la nyan thos rnams mu stegs can gyi dka' thub spyod de/ dka' thub la nan tan byed cing de'i 'bras bu dang dka' thub ston pa la mos te/ lam rnying pa rnams ni dka' thub kyis sbyangs/ gsar pa ni ma byas te dkag pas chu lon bzhin te de ltar na tshe phyi mar zag pa med/ zag pa med pas na sdug bsngal zad cing mya ngan las 'da' o zhes de lta bur ston pa ni yang dag pa'i dge sbyong yin no/ /zhes gsungs pa la mos shing gzhan la yang ston par gyur ste/ dka' thub kyis nyon mongs pa spong bar mi nus pas de'i gnyen por bzod pa dka' thub dam pa bzod pa ni/ mya ngan 'das pa mchog ces sangs rgyas gsung/ /rab tu byung ba gzhan la gnod pa dang/ /gzhan la 'tshe ba dge sbyong ma yin no zhes gsungs so/ 'di la yang rnam pa gsus du dbye ste/ dka' thub la nan tan byad pa'i gnyen po dang/ de'i 'bras bu la mos pa'i gnyen po dang/ gzhan la dka' thub ston par mos pa'i gnyen po bstan pa'o/ /de la dka' thub la nan tan byed pa'i gnyen po bstan pa ni/ bzod pa dka' thub dam pa bzod pa ni zhes bya ba ste/ mu stegs can lta bu lus nyon mongs shing gdung bar byed pa ni dka' thub kyi dam pa ma yin gyi/ sems gdung pas bya ba de gnyis shin tu dka' ba'i phyir dka' thub kyi dam pa ni sems kyis bzod pa ste/ chos la rtog pa'i bzod pa'o/ /dka' thub de'i 'bras bu la mos pa'i gnyen po bstan pa ni mya ngan las 'das pa mchog ces sangs rgyas gsung zhes bya ba yin te/ lus la 'tshe ba'i dka' thub kyis mya ngan las mi 'da' ba' i chos la rtog par bzod
- 182a
pa de'i don ni mya ngan las 'das pa zhes bya ste/ de la brten nas mya ngan las 'dar ba'i phyir ro/ /de lta bas na chos la rtog pa'i ye shes kyis mya ngan las 'da' ba thob par 'gyur gyi/ dka' thub kyis ni ma yin no zhes bstan par 'gyur ro/ /gzhan la dka' thub ston par mos pa'i gnyen po bstan pa ni/ rab tu byung ba gzhan la gnod pa ni gzhan la 'tshe ba dge sbyong ma yin no zhes bya'o/ /de la rab tu byung ba zhes bya ba ni khyim med par rab tu byung ba'o/ /gzhan la gnod pa ni lus nyon mongs shing don med pa'i dka' thub la gzhan dag 'dzud cing nyon mongs pa'i phyir gzhan la gnod pa zhes bya'o/ /gzhan la 'tshe ba dge sbyong ma yin no zhes bya ba ni log par sbyor ba gzhan dag la 'dzud cing nyon mongs par byed pa nyid yang dag pa'i dge sbyong ma yin pa'i phyir ro/ /dge spyod zhes bya ba ni sdig pa zhi bar bya ba la spyod cing legs par spyod pas na dge sbyong zhes bya ste/ dngos su na 'phags pa rab tu byung ba rnams dang/ de'i rjes su rab tu byung ba rnams la bya'o/ /de bas na nyon mongs pa dang bde bar spyod pa'i mdza' gnyis spangs pa chos la rtog pa'i ye shes kyis mya ngan las 'da' i dka' thub kyis ni ma yin zhes gsungs so/ /bskal ba dgu bcu rtsa gcig gi snga rol skye dgu rnams tshe lo bdun khri thub pa na sangs rgyas gtsug tor zhes bya ba 'jig rten du byung ste/ ston pa de'i ring la nyan thos phal cher mtho ris su smon lam 'debs shing tshangs par spyod pa la mos par gyur te/ mtho ris nyid ngan 'gror log par ltung ba yin pas de las bzlog par bya ba'i gnyen por/ mig dang ldan pas g.yang sa bzhin/ /thob par bya ba yod pa na/ mkhas pas 'tsho bar 'jig rten 'dir/ /sdig pa dag ni yongs su spong zhes bya ba gsungs te/ ji ltar skyes bu mig dang ldan pas g.yang sa dang/ lam mi bde ba spong bar byed pa de bzhin du/ gang dag shes rab kyis mig dang ldan pas kyang mtho ris g.yeng sa dang 'dra ba spong zhing
- 182b
thob par bya ba'i gnas mya ngan las 'da' ba' i grong khyer du 'jug par bya'o zhes bstan pa'i phyir/ mig dang ldan pas yang bzhin/ thob par bya ba yod pas na zhes bya ba gsungs so/ /de la shes rab ni nig? lta bu'o/ /ldan pa zhes bya ba ni thob pa'o/ /bzhin zhes bya ba ni sgra'i rnam pa gnyis su 'dres te/ shes rab ni mig dang 'dra bas mig can bzhin no zhes kyang 'dren/ yang gcig tu na mtho ris g.yang sa yang ba bzhin no zhes kyang 'dren pa'i phyir ro/ /mkhas pa zhes bya ba ni thabs la mkhas pa'i/ /'tsho ba ni tshe dang bcas pa'o/ /'jig rten sngar bshad pa bzhin no/ /'dir zhes bya ba ni che 'di nyid la'o/ /sdig pa dag ni yongs su spong zhes bya ba i mtho ris su smon pa las slar zlog ste/ sdig pa'i skye mched mtho ris su mos la de sdig pa spangs pa ma yin pa'i phyir ro/ /de lta bas na yang dag pa'i shes rab kyi mig dang ldan pas g.yang sa dang 'dra ba'i mtho ris de thabs la mkhas pas spang bar bya'o zhes gsungs so// //bskal pa sum cu rtsa gcig 'das pa'i snga rol skye dgu rnams tshe lo drug khri thub pa na sangs rgyas thams cad skyob ces bya ba 'jig rten du byung ste/ ston pa de'i ring la nyan thos rnams tshul khrims tsam gyis chog par 'dzin cing/ gzhan dag ngan du smra bar zhugs pa rnams la dag gis skur ba 'debs shing yid kyis gnod par byed de/ bdag nyid tshul khrims tsam gyis chog par 'dzin pas kyang dge sbyong gi 'bras bu thob par mi 'gyur la/ gzhan la ngan du smra zhing gnod par byed pa yang skyes bu dam pa'i tshul ma yin pas de dag las zlog pa'i gnyen por skur pa mi gdab gnod mi bya zhes bya ba la sogs pa gsungs so/ /'di la yang rnam pa gsum dbye ste/ dag gi skur ba 'debs pa'i gnyen po dang/ yid kyis gnod par byed pa'i gnyen po dang/ tshul khrims tsam gyis dge sbyong gi 'bras bu thob par 'dzin pa'i gnyen po bstan pa'o/ /de la dag
- 183a
gis skur pa 'debs pa'i gnyen po bstan pa zhes bya ba ni/ skur pa mi gdab ces bya ba yin te/ mu stegs can la sogs pa dang tshul ngan pa mi dge ba spyod pa rnams la tshul khrims la mi gnas shing/ sdig pa can no zhes ngan du brjod par mi bya'o/ /yid kyis gnod par mi byed pa'i gnyen po bstan pa zhes bya ba ni/ gnod pa mi bya zhes bya ba yin te/ gzhan dang tshul ngan pa can rnams kyis gnod par mi bsam pa'o/ /tshul khrims tsam gyis dge sbyong gi 'bras bu thob pas 'dzin pa'i gnyen po bstan pa zhes bya ba ni so sor thar pa bsdam par bya/ zas kyi tshong kyang rig par bya'o/ /bas mdza' i gnas su gnas par bya/ lhag pa'i sems la yang dag 'jug /'di ni sangs rgyas bstan pa'o zhes bya ba yin te/ de la so sor thar pa zhes bya ba ni mya ngan las 'das pa'i tshul khrims te/ ltung pa sde lnga'i nyes pa las bzlog pa'o/ /bsdam par bya ba ni lus dang ngag dang yid kyis nyes pa rnams so/ /zas 'di tshong kyang rig par bya zhes bya ba ni 'dod pa la bde bar spyod pa'i mdza' spangs pa ste/ so sor thar pa bsdam pa'i thog mar 'gro ba ni zas kyi tshong rig par bya ba yin te/ de la zas tshong rig par bya ba ji lta bu zhe na/ dbang po rnams bsdams nas/ so sor brtags shing zas za bar byed la/ rnam par rtog pa'i phyir ma yin/ rgyags pa'i phyir ma yin/ brgyan pa'i phyir ma yin gyi lus 'di gnas par bya ba dang/ 'tsho bar bya ba dang/ bkres pa gsal ba dang/ tshangs par spyad pa la phan par bya ba dang mtshor ba rnying rnams spang bar bya ba dang/ gsar rnams mi skye bar bya ba dang/ bdag 'tsho zhing stobs dang ldan pa dang/ kha na ma tho ba med pa dang/ bde ba la reg par gnas par yang 'gyur ro snyam du sems pa yin te nga ni zas kyis tshod? rig pa nyid ces bya'o/ bas mdza' i gnas su gnas par bya zhes bya ba ni bdag
- 183b
nyid nyon mongs par sbyor ba'i mdza' spangs pa ste/ de ltar zas kyis tshong rig par byas nas kyang/ 'du 'dzi nang du gnas par bya ba ma yin gyi 'du 'dzi las ring du gyur pa bas mdza' i gnas su sems dben par bya dgos pa'i phyir te/ de la bas mdza' i gnas su gnas par bya ba ji lta bu zhe na/ gnas mal dben pa dgon pa dang/ shing drung dang/ khang stong dang/ ri khrod dang/ ri phub dang/ rtswa gseb dang/ bla gab med pa dang/ dud khrod dang/ nags 'dab dang/ bas mdza' i gnas mal gang yang rung ba dag tu gnas par byed cing/ sgrib pa lnga po 'dod pa la bdun pa dang/ gnod sems dang/ rmugs pa dang/ gnyid dang/ rgod pa dang/ 'gyod pa dang/ the tshom dag las sems rnam par sbyong zhing de sgrib pa de dag las sems rnam par sbyangs nas sgrib pa med pas ting nge 'dzin gyi nyams bde ba la nye bar gnas pa dag yin no/ /de la bas mdza' i gnas su gnas par bya zhes smos pa ni sa 'dzin tsam du zad de/ gong du bstan pa'i gnas mal dben pa gang yang rung ba'o/ /lhag pa'i sems la yang dag 'jug ces bya ba la/ lhag pa'i sems ni so so'i skye bo'i srid pa dang bcas pa'i sems las lhag par gyur pa ste/ zag pa med pa'i ting nge 'dzin la bya'o/ /yang dag 'jug ces bya ba ni de sbyor bar byed pa'o/ /de lta bas na mya ngan las 'da' ba' i tshul khrims la gnas te 'dod pa las bde bar spyod pa dang/ bdag nyid nyon mongs par sbyor ba'i mdza' gnyis spangs la zhi ba'i gnas su zhugs te/ zhi gnas la brten na thar pa thob par 'gyur ro zhes bstan par 'gyur ro/ /'di ni sangs rgyas bstan pa'o/ /zhes bya ba ni 'di skad du ston pa thams cad skyob kyis gsungs so// //bskal pa bzang po 'di la sangs rgyas stong 'jig rten du 'byung ba la/ dang po ni yang dag par rdzogs pa'i sangs rgyas log par dang sel lo/ /tha ma ni de bzhin gshegs pa myos pa zhes bya ba 'byung ngo/ /de la de bzhin
- 184a
gshegs pa log par dang sel dang/ gser thug dang/ 'od srungs dang/ shAkya thub pa dang/ bzhi ni 'das zin te/ yang dag par rdzogs pa'i sangs rgyas log par dang sel ni skye dgu rnams tshe lo bzhi khri thub na 'jig rten du byung ste/ ston pa de'i ring la nyan thos rnams phal cher rnyed pa dang bkur sti la lhag par chags par 'gyur bas de las bzlog pa'i gnyen por/ ji lta bung ba me tog bzhin/ /kha dog dri la mi gnod par/ /khu ba gzhibs nas 'phur ba ltar/ /de bzhin thub pa grong du rgyu zhes gsungs so/ /'di'i don ni dpe las rig par bya ste/ ji ltar bung ba me tog gi kha dog dang dri la mi gnod par khu ba tsam blangs nas de nyid du chags shing mi gnas par mngon gyi gnas su 'phur zhing 'gro ba de bzhin du/ rab tu byung ba rnams kyis kyang sgo gsum sdom zhing grong gi longs spyod la mi gnod par bsod snyoms tsam blangs te/ rnyed pa dang/ bkur sti la mi chags par rang gi gnas su 'gro bar bya'o zhes pa'i tha tshig go /de la bung ba zhes bya ba ni rab tu byung ba rnams so/ /me tog ni grong ngo/ /kha dog dri la mi gnod pa ni tshul khrims kyi kha dog dang/ ting nge 'dzin gyi dri gnod par mi bya ste/ tshig 'di gnyis kyis ni rnyed pa dang/ bkur sti la chags pa las bzlog par byas te/ de yang rnyed pa las chags pas ni tshul khrims kyi kha dog la gnod par gyur pa dang/ bkur sti la chags pa ni ting nge 'dzin gyi dri la gnod par 'gyur ba'i phyir ro/ /de bas rnyed pa ni kha dog gi sgrar bstan la bkur sti ni dri'i sgrar bstan te/ khu ba gzhibs zhes bya ba ni grong gi longs spyod la mi gnod par bsod snyoms tsam blangs pa'o/ /'phur ba ni de nyid du mi gnas pa'o/ /thub pa zhes bya ba ni lus dang/ ngag dang/ yid gsum thub pa'o/ /grong du rgyu zhes bya ba ni yon tan gong ma rnams dang ldan pas grong bsod snyoms blangs te/ de nyid du mi gnas par
- 184b
gnas mal dben pa dag tu bag yod par bsgrubs shig pa'o/ /bskal pa bzang po 'di nyid la skye dgu rnams tshe lo sum khri thub pa na/ sangs rgyas gser thub ces bya ba 'jig rten du byung ste/ ston pa de'i sku'i ring la nyan thos rnams phal cher skyes bu dam pa'i chos ma yin pa la zhugs par gyur te/ de dag bdag nyid la ni bstod/ /gzhan la ni smod cing thos pa'i longs spyod pa dang/ tshul khrims kyi longs spyod la zhugs te/ gzhan dag la mi mthun par brjod cing bya ba dang mi bya bar sbyor ba'i nyes pa la rtog na de'i gnyen por bdag gi rigs dang mi rigs zhes bya ba la sogs pa gsungs so/ /'di la yang rnam pa gnyis su dbye ste/ thos pa'i longs spyod kyi rjes la gzhan dag la mi mthun par brjod pa'i gnyen po bstan pa dang/ tshul khrims kyi longs spyod la zhugs te des gzhan dag la bya ba dang/ mi bya bar sbyor ba'i nyes pa la rtog pa'i gnyen po bstan pa'o/ /de la thos pa'i longs spyod kyi rjes la gzhan dag la mi mthun par brjod pa'i gnyen po bstan pa zhes bya ba ni bdag gi rigs dang mi rigs la/ brtag par bya zhes gzhan rnams kyi/ mi mthun pa dang zhes bya ba yin te/ bdag gi rigs dang mi rigs la/ /brtag par bya ste zhes bya ba ni bdag gis legs par spyad pa dang nyes par spyad pa la brtag par bya'o/ /gzhan rnams kyis mi mthun pa dang zhes bya ba ni bdag gis thos pa dang shes pa'i longs spyod ni bzang/ gzhan dag gi thos pa dang shes pa ni de lta ba ma yin no zhes mi mthun pa rnams la 'phyas gdags par mi bya'o/ /min zhes bya ba ni 'dir yang yod par sbyar ro/ /tshul khrims kyi longs spyod la zhugs te/ des gzhan dag la bya ba dang mi bya ba sbyor ba'i nyes pa la rtog pa'i gnyen po bstan pa zhes bya ba ni/ gzhan dag gis byas pa dang ma byas rnams la min zhes bya ba yin te/ bdag gis tshul khrims bsrungs pa dang/ ma bsrungs pa dang/ dge ba byas pa dang/ ma byas rnams la brtag
- 185a
par bya ba'i gzhan dag gis bsrungs ba dang/ ma bsrungs pa dang/ byas pa dang ma byas pa rnams la brtag par mi bya'o// //bskal pa bzang po 'di nyid la skye dgu rnams tshe lo nyi khri thub pa na/ sangs rgyas 'od srungs zhes bya ba 'jig rten du byung ste/ ston pa de'i ring la nyan thos rnams las phal cher sred pa dang bcas pa'i ting nge 'dzin gyi ro la chags par gyur te/ des nyon mongs pa bstan nas spong bar mi 'gyur bas de las bzlog pa'i gnyen por/ lhag pa'i sems la bag bya ste zhes bya ba la sogs pa gsungs so/ /'di la yang rnam pa bzhir dbye ste/ sred pa'i ting nge 'dzin gyi ro myong ba las bzlog pa dang/ bden pa rnams mngon sum du rig par bya ba la gzung ba dang/ bden pa mthong ba'i yon tan bstan pa dang/ kun tu sbyor ba'i lhag ma yang spang ba'i rim pa bstan pa'o/ /de la sred pa'i ting nge 'dzin gyi ro myong ba las bzlog pa zhes bya ba ni lhag pa'i sems la bag bya ste zhes bya'o/ /de la lhag pa'i sems zhes bya ba ni skye bo ma rabs 'du 'dzi can las lhags pa ste/ sred pa dang bcas pa'i ting nge 'dzin la bya'o/ /bag bya ste zhes bya ni de zag pa dang bcas pa'i rgyu yin pa'i phyir 'chags pa mi bya'o zhes bya ba'i tha tshig go /bden pa rnams mngon sum du rig par bya ba la gzung dang bya zhes bya ba ni thub pa'i thub gnas rnams la bslab ces bya ba yin te/ de la thub pa zhes bya ba ni sku dang gsung thub pa'i phyir thub pa zhes bya ste sangs rgyas rnams la bya'o/ /thub gnas zhes bya ba ni 'phags pa'i bden pa bzhi ste/ dus gsum du gshegs pa'i de bzhin gshegs pa rnams kyi rgyu 'am thub pa'i skye mched du gyur pa'i phyir 'phags pa'i bden pa rnams la thub gnas zhes bstan to/ /bslab ces bya ba ni mngon sum du rig par bya'o/ /bden pa mthong ba'i yon tan bstan pa zhes pa ni/ nyer bzhi rtag tu
- 185b
dran ldan pa/ skyob pa mya ngan mi mnga' o zhes bya ba yin te/ de la nyer zhi rtag tu dran ldan pa zhes bya ba ni de ltar thub pa'i skye ma chad du gyur pa/ 'phags pa'i bden pa rnams la bslab pas mthong bas spang bar bya ba'i nyon mongs pa rnams nye bar zhi ba'i phyir nyer zhi zhes bya la/ de ltar nye bar zhi na khams gsum gyi mthong bas spang bar bya ba'i nyon mongs brgyad cu spangs nas/ bden pa mthong ba'i 'bras bu 'thob par 'gyur te/ de ni mi brjed pa'i chos can yin pas rtag tu dran ldan pa zhes bya'o/ /skyob pa mya ngan mi mnga' o zhes bya ba ni/ mthong bas spangs par bya ba'i nyon mongs pa rnams spangs nas/ nyon mongs pa'i dbang du ma gyur pa nyid sems kyi rgyud skyob pa yin te/ de la ni mthong bas spangs par bya ba'i nyon mongs pa med pa'i phyir ro/ /de bas na de ni 'di skad du zag pa dang bcas pa'i ting nge 'dzin kyang de ni skad cig nyon mongs pa med mod kyi/ tshe phyi ma la yang skye zhing zhi bar mi 'gyur bas/ dran pa dang ldan pa ma yin te/ thub pa'i skye mched du 'gyur ba'i 'phags pa'i bden pa rnams la bslabs na/ rtag tu dran pa dang ldan zhing sems kyi rgyud skyabs spang bar bya ba'i nyon mongs pa rnams med do zhes bstan par 'gyur ro/ /kun tu sbyor ba'i lhag ma spang ba'i rim pa bstan pa zhes bya ba ni/ byin pas bsod nams rab tu 'phel zhes bya ba la sogs pa yin te/ 'di la yang khams kyi bye brag gis rnam pa gnyis su dbye ste/ 'dod pa'i khams kyi sgom pas spang bar bya ba'i nyon mongs pa'i gnyen po bstan pa dang/ khams gong ma gnyis kyis sgom pas spang bar bya ba'i nyon mongs pa rnams kyi gnyen po bstan pa'o/ /de la 'dod pa'i khams kyi sgom pas spang bar bya ba'i nyon mongs pa'i gnyen po bstan pa ni/ byin pas bsod nams rab tu 'phel/ /bsdams pas dgra sogs mi 'gyur ro/ /dge dang ldan pas sdig pa spong zhes bya ba ste/ 'di dag gis ni 'dod pa'i khams kyi sgom pas spang bar bya ba'i nyon mongs
- 186a
pa 'dod chags dang/ khong khro dang/ ma rig pa dang/ nga rgyal dang/ bzhi spong ste/ de yang ji ltar spong zhe na/ byin pas bsod nams rab tu 'phel zhes bya ba ni 'dod chags spong bar byed de/ sbyin pa ni 'dod chags kyi gnyen po yin pas/ sbyin pa byas na ser sna'i dri ma kun nas dkris pa dang bral zhing gtong ba bskyed de/ bsod nams 'phel bar 'gyur ba'i phyir ro/ /bsdams pas dgra sogs mi 'gyur ro zhes bya ba'i khong khro ba'i gnyen po yin pas/ khong khro ba spong bar byed de/ lus dang ngag dang yid gsum bsdams shing gal te gzhan dag gis smad dam/ khros sam/ spyos kyang rung/ lag pa dang/ bong ba dang/ dbyug pa dang/ mtshon cha'i reg pa rnams kyis bsnun kyang rung ste/ bdag la bar chad du gyur na mi rung ngo snyam nas sems sdang bar mi byed cing sdig pa'i tshig mi 'byin te/ de nyid la dmigs nas byams pa dang ldan pa'i sems kyis phyogs thams cad du khyab par byas te gnas na/ de bzhi des tshe 'di la bdag dang gzhan gyi rgyud la yod pa'i 'khon rab tu zhi bar gyur pa dang/ phyi ma la yang gnod pa med pa'i 'jig rten du skye bar 'gyur la/ 'khon pa mang bar mi 'gyur zhing 'gran zla mang bar mi 'gyur te/ 'jig rten gyis mthong na dga' bar 'gyur zhing/ zhe sdang gi dgra mi sogs pa'i phyir ro/ /dge dang ldan pas sdig pa spong zhes bya ba'i ma rigs pa dang/ nga rgyal gnyis spong ste/ de la dge ba dang ldan pa zhes bya ba ni lhag pa'i sems la bya ste/ ma rig pa dang/ nga rgyal gyi bag chags phra zhing spang dka' ba'i phyir lhag pa'i sems kyis spong ngo/ /sdig pa spong zhes bya ba ni ma rigs pa dang nga rgyal gyi bag chags la sdig pa zhes bya ste/ de gnyis kyang lhag pa'i sems la brten nas lhag pa'i shes rab skye ste/ bden pa mngon par rtogs pa'i dus na ngan song du 'gro ba'i sdig pa'i rgyu de gnyis spong bar 'gyur ba'i phyir ro/ /khams gong ma gnyis kyi bsgoms pas
- 186b
spang bar bya ba'i nyon mongs pa rnams kyis gnyen po bstan pa zhes bya ba ni/ nyon mongs zad pas mya ngan 'das zhes bya ba yin te/ 'di ni gzugs dang gzugs med pa'i khams kyis bsgom pas spang bar bya ba'i nyon mongs pa 'dod chags dang/ ma rig pa dang/ nga rgyal khams gcig la yang gsum gsum ste/ drug spong bar byed de/ de yang khams gong ma gnyis kyis bsgom pas spang bar bya ba'i nyon mongs pa rnams 'phags pa'i lam gyi yongs su gtugs nas phung po'i lhag ma dang bcas pa dang phung po lhag ma med pa'i mya ngan las 'das pa'i dbyings su mya ngan las 'da' bar 'gyur ba'i phyir ro/ /bskal pa bzang po 'di nyid la skye dgu rnams la tshe lo brgya thub pa na/ sangs rgyas shAkya thub pa 'jig rten du byung ste/ ston pa 'di'i ring la nyan thos rnams phel cher nyon mongs pa mang bas sdig pa rnams sogs par byed cing dge ba'i phyogs cung zad ma gyis chog par 'dzin te/ des 'bras bu chen po 'grub par 'dod/ 'dod pa la nye bar bsgrubs shing sems nang du 'jog mi nus pas nyes pa de dag las bzlog par bya ba dang/ gzhan yang de'i nyan thos rnams la phan gzhan ma byung bas lo bcu gnyis kyi bar du so sor thar pa'i mang ngo/ /sdig pa thams cad mi bya ste zhes bya ba nas/ drang srong gsungs pa'i lam ni 'thob par 'gyur zhes bya ba'i bar 'di dag gsungs so/ /'di yang rnam pa gsum du dbye ste/ sdig pa spang ba dang/ sdig pa spang ba'i thabs bstan pa dang/ de la zhugs pa rnams dran pa mi nyams par bya ba'i thabs bstan pa'o/ /de la sdig pa spang zhes bya ba ni/ sdig pa thams cad mi bya ste/ dge ba phun sum tshogs pa bya/ /rang gi sems ni yongs su gdul/ /'di ni sangs rgyas bstan pa'o zhes bya ba'o/ /'di la yang rnam pa gsum du dbye ste/ sdig pa rnams sogs pa'i gnyen po dang/ dge ba'i phyogs cung zad tsam gyis chog par 'dzin cing des 'bras bu chen por 'dod pa'i gnyen po dang/
- 187a
'dod pa la nye bar bsgrubs shing sems nang du 'jog mi nus pa'i gnyen po bstan pa ste/ 'di gsum tshigs su bcad pa'i rkang pa dang po gsum dang rims bzhin no/ /de la dang po sdig pa thams cad mi bya ste/ thams cad mi bya zhes bya ba ni lus kyi nyes pa gsum spang bar bya'o/ /dge ba phun sum tshogs par spyad ces bya ba ni dag gi nyes pa bzhi spang bar bya'o/ /rang gi sems ni yongs su gdul zhes bya ba ni yid kyi nyes pa gsum spang ba'o/ /yang sdig pa thams cad mi bya ste zhes bya ba ni lus kyi nyes pa rnams spang ba'i phyir lhag pa'i tshul khrims so/ /dge ba phun sum tshogs par bya zhes pa ni dag gi nyes pa rnams spang ba'i phyir lhag pa'i shes rab bo/ /rang gi sems ni yongs su gdul zhes bya ba ni yid kyi nyes pa rnams spang ba'i phyir lhag pa'i sems la bya'o/ /'di ni sangs rgyas bstan pa'o zhes bya ba ni de ltar bsgrubs shig pa'o/ /sdig pa spang ba'i thabs bstan pa zhes bya ba ni/ lus kyi sdom pa legs pa ste/ /ngag gi sdom pa legs pa yin no/ /yid kyi sdom pa legs pa ste/ /thams cad du ni sdom pa legs/ /kun tu bsdams pa'i dge slong ni/ /sdug bsngal kun las rab tu grol zhes bya ba yin ste/ sngar bstan pa'i lus dang ngag dang yid kyi nyes pa rnams spang ste/ sdom pa dang ldan na so so'i nyes pa las grol zhing thar pa thob par 'gyur bas legs so zhes bsngags pa'o/ /de la thams cad du ni sdom pa legs zhes bya ba gcig bsdams na yang legs pa yin na thams cad lta ci smos zhes bstan pa'o/ /gzhan ni go slabs ma bshad do/ /de la zhugs pa'i rnams dran pa mi nyams par bya ba'i thabs bstan pa zhes bya ba ni/ dag rnams bsrung zhing yid kyi rab bsdams te/ lus kyi mi dge ba dag mi byed cing/ /las lam gsum po 'di dag rab sbyangs na/ /drang srong gsungs pa'i lam ni thob par 'gyur/ zhes bya ba yin te/ de la dag rnams bsrungs shing bya
- 187b
ba'i gleng gzhi'i dge slong mas glengs pa'i tshe nyes pa chos bzhin du byed pa'o/ /yid kyi rab bsdams zhes bya ba ni yid kyi nyes pa rnams bsdam par bya zhing gzhan gyis gces na yang khong khro bar mi byed pa'o/ /lus kyi mi dge ba dag mi byed ces bya ba ni spyod yul ma yin pa sngar mi 'gro ba ste rgyal po'i pho brang dang/ chang 'tshong ba dang/ gzugs kyis 'tsho ba dang/ rol mo mkhan dang/ rigs ngan gyi khyim rnams su mi 'gro ba dang/ gzhan yang bsod snyoms spyod pa'i zas ma brtags pa rnams mi blangs pa dang/ lus kyi gzhan dag la 'tsho bar mi byed pa'o/ /las lam gsum zhes bya ba la/ de la las ni 'du byed sems pa yin te/ sems pa de yang brnab sems dang/ gnod sems dang/ log par lta ba gsum gyis dbang du 'gro zhing mngon par 'du byed pas na/ 'di gsum ni las kyi lam zhes bya'o/ /srog gcod pa la sogs pa lus dang ngag gi las rnams bdun ni las nyid kyang yin la las 'di rnams slong zhing bskyed pa'i sems pa de yang de dag la brten cing 'jug pas na las kyi lam yang yin no/ /rab sbyangs zhes bya ba ni de dag gis sdom pa dang ldan pa'o/ /drang srong zhes bya ba ni sngar bshad pa bzhin no/ /de bzhin gshegs rnams la bya'o/ /lam zhes bya ba ni 'phags pa'i lam ste/ de yang las lam gsum po dag sbyangs pas 'thob par 'gyur ba'i phyir ro/ /sngon gyi tshul bstan pa zhes bya ba la/ rnam pa gnyis su phye ba'i tha ma de dag ston pa gang gi gsung rab yin pa'i khungs bstan pa zhes bya ba 'dir ston te/ de'i phyir sangs rgyas rnam gzigs gtsug tor thams cad skyob/ /log par dad sel gser thub 'od srungs dang/ /shAkya thub pa gau ta ma lha yi lha/ /mi 'dul kha lo sgyur ba bla na med/ /'jig rten mgon po skyob pa mchog /sangs rgyas dpa' bo bdun po dag /grags ldan rnams kyis so sor thar/ /'di ni rab tu rgyas par bshad ces bya ba
- 188a
gsungs te/ 'di ni yang dag par sdud par byed pas/ sngar gong du bstan pa'i sangs rgyas bdun gyi 'dul ba de dag ston pa gang dag gi gsung rab yin pa ma 'ongs pa'i skye bo rnams kyis mi shes kyis dogs pa'i phyir smos te/ sangs rgyas bdun gyi 'dul ba sngar bstan pa dang ston pa 'di bdun rim bzhin du sbyar ro zhes bya ba'i tha tshig go /de las sangs rgyas drug gi mtshan bshad pa ni/ /gzhan nas 'byung ba bzhin du sbyar ro/ /shAkya thub pa zhes bya ba ni nam rgyal bu don grub lum bi na'i tshal du bstams te/ rin po che sna bzhi las byas pa'i khyogs kyi steng du bzhag nas skye bo mang po dang lha dag gis bskor cing bsti stang byas te/ grong khyer ser skya'i gnas su gshegs pa'i tshe/ shAkya rnams ni nga rgyal can/ kha drag pa mi 'jigs pa yin na/ de gzhon nu grong khyer du gshegs pas de dag thub pa bzhin du 'khod par gyur pa dang/ rgyal po zas gtsang mas gzhon nu 'di shAkya rnams thub pa na/ shAkya thub pa zhes mtshan gsol ba'i phyir ro/ /yang na sku dang/ gsung thub pa'i phyir thub pa zhes bya'o/ /gau ta ma zhes bya ba ni gau'u sgra las drangs na/ tshig dang/ phyogs dang/ sa dang/ 'od dang/ rdo rje dang/ ba lang dang/ mtho ris la sogs pa rnam pa du ma la snyegs mod kyi/ skabs 'dir ni rus la bya'o/ /lha'i lta zhes zhes bya ba ni lha la rnam pa gnyis te rnam par dag pa'i tha dang/ tshe'i lha'o/ /de la sangs rgyas thams cad ni rang byung ba'i phyir rnam par dag pa'i lha zhes bya/ de las gzhan rnams ni skye ba'i phyir tshe'i lha zhes bya ba ste/ rnam par dag pa'i lha rnams kyi nang na de bzhin gshegs shAkya thub pa ni snyigs ma lnga po sems can dang/ tshe dang bskal ba dang/ nyon mongs pa dang/ lta ba rnams rnyog pa'i dus su 'dul dka' ba'i rnams gdul zhing kha lo sgyur ba'i phyir lha'i lha zhes bya'o/ /yang na yum gyis lhums su bltams pa'i tshe 'jig rten gyi
- 188b
lha thams cad kyis phyag byas pa'i phyir yang lha'i lha zhes bya'o/ /yang lha'i lha zhes bya ba ni shAkya rnams kyis lha gnod sbyin shAkya skyed pa zhes bya ba zhig yod de/ shAkya dag su yang rung bu pho dang bu mo dag phyung na/ de dag gis thog mar gnod sbyin shAkya skyed pa'i drung du de'i rkang pa la phyag 'tshal ba'i phyir khrid par byed de/ nam rgyal bu don grub bltams pa'i dus de na yang rgyal po zas gtsang mas blon po rnams la kye ded la/ gzhon nu 'di gnod sbyin shAkya skyed pa'i rkang pa la phyag 'tshal du chu gcig ces bsgo ba dang/ blon po rnams kyis kyang de bzhin du de'i mdun du khrid do/ /de nas gnod sbyin shAkya skyed pas byang chub sems dpa' rgyang nas mthong ba dang/ de rtabs bzhin myur zhing rings pa'i 'gros su song nas byang chub sems dpa' i zhabs la phyag byas so/ /de nas rgyal po zas gtsang mas kye gnod sbyin shAkya skyed pas kyang gzhon nu 'di'i zhabs la phyag byas pas 'di ni lha'i nang na yang lha ste/ gzhon nu 'di'i ming lha'i lha zhes gdags so zhes mtshan gsol pa'i phyir ro/ /de la mi 'dul kha lo sgyur ba bla na med ces bya ba ni/ de bzhin gshegs pa rnams ngan song rnams 'dul ba'i phyir yang rjes su 'dzin mod kyi/ ngan song gi lus de nyid kyis 'phags pa'i bden pa snod du mi 'gyur bas na/ de gdul ba zhes ma bshad de 'phags pa'i bde ba chud pa'i gnas ni mi yin pas mi 'dul zhes bstan to/ /de yang ji ltar 'dul zhing kha lo sgyur zhe na/ sor mo'i phreng ba la sogs pa zhe sdang che ba dang/ dga' bo la sogs pa 'dod chags che ba dang/ lteng rgyas 'od srungs la sogs pa gti mug che ba 'dul ba'i sems can rta rgod dang 'dra ba gdul dka' ba'i rnams 'jam po gdul par 'os pa yang 'jam pos btul/ drag pos gdul bar 'os pa rnams kyang drag pos btul/ gnyi gas gdul bar 'os pa rnams kyang gnyi gas btul te/ thabs bzang zhing sla bas
- 189a
thabs bzhin du btul nas sgrub pa'i mchog mya ngan las 'das pa'i gnas su kha lo sgyur zhing 'jog pas na mi 'dul kha lo sgyur ba bla na med ces bya'o/ /bla na med ces bya ba ni gong na med pa'i phyir ro/ /'jig rten mgon po skyob pa mchog ces bya ba ni/ brgya byin dang tshangs pa la sogs pa 'jig rten gyi mgon po skyob pa yin med kyi/ de bzhin gshegs pa rnams ni sems can rnams ngan song gsum las skyob cing mya ngan las 'das pa'i gnas su 'jog pas na khyad par du bstan pa'i phyir skyob pa mchog ces bya'o/ /sangs rgyas dpa' bo bdun po ces bya ba ni bdud bzhi las rgyal ba'i phyir te rnam par gzigs la sogs pa'o/ /grags ldan rnams kyis so sor thar/ 'di ni rab tu rgyas par bshad ces bya ba la grags ldan zhes bya ba ni de bzhin gshegs pa bdun po de dag go /gzhan ni go sla bas bshad pa ma byas so/ /so sor thar pa'i bsdus pa'i don rnams pa brgyad du phye ba'i bzhi pa sngon gyi tshul bstan pa zhes bya ba bshad zin to// //da ni so sor thar pa nyid kyi 'bras bu bstan pa zhes bya ba 'dir ston te/ de'i phyir/ 'di la sangs rgyas rnams dang zhes bya ba la sogs pa gsungs so/ /'di la yang rnam pa gsum du dbye ste/ so sor thar pa nyid kyi 'bras bu mdor bstan pa dang/ spro ba bskyed pa dang/ so sor thar pa nyid la nan tan byed pa'i legs par brjod pa'o/ /de la so sor thar pa nyid kyi 'bras bu mdor bstan pa zhes bya ba ni/ /'di las sangs rgyas rnams dang gang/ /sangs rgyas nyan thos rnams kyang gus/ /'di la gus bcas gyur pa ni/ /'dus ma byas pa thob par 'gyur zhes bya ba yin te/ /'di la zhes bya ba ni so sor thar pa 'di nyid la'o/ /sangs rgyas rnams dang sangs rgyas kyi nyan thos kyang gus zhes bya ba ni/ /so sor thar pa 'di nyid la dus gsum du gshegs pa'i sangs rgyas rnams dang de dag gi nyan
- 189b
thos rnams kyang gus par mdzad de/ thams cad kyang 'di nyid la brten nas chos kyi sku dang rnam par grol ba brnyes shing thob par gyur pa'i phyir ro/ /'di la gus dang bcas pa ni/ /'dus ma byas pa thob par 'gyur zhes bya ba ni sangs rgyas dang nyan thos ma yin pa su yang rung so sor thar pa 'di la zhes bskyed de nyams su blangs na mya ngan las 'das pa rnam pa gnyis thob par 'gyur ro zhes so sor thar pa'i 'bras bu mdor bstan pa'o/ /spro ba bskyed pa zhes bya ba ni/ brtsam par bya zhing dbyung bar bya zhes bya ba la sogs pa'o// 'di la yang rnam pa gsum du dbye ste/ rab tu dbyung bar bskul ba dang/ mthong ba'i lam bskyed pa dang/ bsgom pa'i lam bskyed pa'o/ /de la rab tu dbyung bar bskul ba zhes bya ba ni/ brtsam par bya zhing dbyung bar bya zhes gsungs so/ /brtsam par bya zhes bya ba ni rab tu dbyung bar brtsal ba'o/ /'byung ba zhes bya ba ni khyim nas khyim par rab tu 'byung ba'o/ /rab tu byung ba la yon tan bcu yod de/ bu dang chung ma dang nor la sred pa med par 'gyur/ de 'dod pa med pa yongs su 'dzin par 'gyur/ dgon par gnas pa la dga' bar 'gyur/ dkon mchog gsum la ri mo dang bcas par 'gyur/ byis pa'i spyod yul rnam par spong bar byed/ ngan 'gror 'gro ba'i chos rnams spong bar byed/ bde 'gror 'gro ba'i chos rnams yongs su tshol bar byed/ lha dang mi rnams kyang rtag tu smon par byed/ de bzhin gshegs pa'i gsung rab la rab tu byung bar 'gyur/ myur du yongs su mya ngan las 'da' bar 'gyur te/ de bas na rab tu byung ba la brtson par bya'o/ /mthong ba'i lam bskyed pa zhes bya ba ni/ sangs rgyas bstan la 'jug par bya/ zhes bya ba yin te/ de ltar rab tu byung bas mi tshig? gis/ sangs rgyas kyi bstan pa 'phags pa'i bden pa rnams la 'jug cing mthong ba'i lam bskyed nas/ mthong bas spang ba'i bya ba'i nyon mongs pa rnams spongs shig pa'o/ /bsgom pa'i lam bskyed pa zhes bya ba ni/ /'dam bu'i khyim la
- 190a
glang chen bzhin/ /'chi bdag sde rnams gzhom par bya zhes bya ba yin te/ ji ltar glang po ches 'dam bu'i khyim brdzis na rdul du bshig ste med par byed pa de bzhin du/ mthong ba'i lam gyi gong du bsgom pa'i lam bskyed nas/ 'khor ba'i nyes dmigs 'chi bdag gi bdud dang/ de'i rgyu ma rig pa la sogs pa bcom ste/ mya ngan las 'das pa thob par bya'o zhes bstan pa'o/ /de la 'chi bdag sde rnams zhes bya la 'chi bdag ni gtso bo ste rgyal po lta bu'o/ /sde rnams zhes bya ba ni skye ba la sogs pa yan lag bcu gcig po rnams te/ de dag ni 'chi bdag de'i 'khor yin pas de dag kyang spang bar bya'o zhes bstan pa'o/ /so sor thar pa nyid la nan tan byed pa'i legs pa brjod pa zhes bya ba ni/ gang zhig bar du bag yod par/ /chos 'dul 'di la spyod 'gyur ba/ skye ba'i 'khor ba rab spangs nas/ /sdug bsngal tha mar byed bar 'gyur zhes gsungs so/ /de la gang zhig ces bya ba ni su yang rung ba'o/ /bag yod pa zhes bya ba ni bag med pa'i gnyen po ste/ ma chags pa nas brtson 'grus kyi bar la gnas nas mi dge ba'i chos spong zhing de'i gnyen po dge ba'i chos rnams kyang bsgom pa'o/ /chos 'dul 'di la spyod 'gyur ba zhes bya ba ni so sor thar pa'i chos 'dul ba 'di la'o/ /skye ba'i 'khor ba zhes bya ba ni nye bar len pa'i phung po rnams so/ /rab spangs zhes bya ba ni gtan du'o/ /sdug bsngal tha mar byed pa ni skye ba'i 'khor ba spong zhing mya ngan las 'da' bar 'thob pa'i phyir ro/ /so sor thar pa bsdus pa'i don rnam pa brgyad du phye ba'i lnga pa so sor thar pa nyid kyi 'bras bu bstan pa zhes bya ba bshad zin to/ /da gso sbyong gi dgos pa bstan pa zhes bya ba ston te/ /de'i phyir/ phan tshun tshul khrims bsrung ba dang/ /bstan pa 'phel bar bya ba'i phyir/ /so sor thar pa bshad pas na/ /dge 'dun gyis ni gso sbyong byas zhes bya ba gsungs so/ /phan tshun gcig gi nyes pa las gcig
- 190b
'byin cing tshul khrims bsrung ba dang/ de bzhin gshegs pa rnams kyis bstan pa 'jig rten na yun ring du gnas shing rgyas par bya ba'i phyir/ zla ba phyed phyed cing dge 'dun 'dus te so sor thar pa'i mdo bton nas gso sbyong chos bzhin du byed pa yin te/ 'di ni gso sbyong gi dgos pa'o/ /tshig nyer gzhan ni sngar bstan pa dag dang 'dra bas ma bshad do// //so sor thar pa'i bsdus pa'i don rnam pa brgyad du phye ba'i drug la gso sbyong gi dgos pa bstan pa zhes bya ba bshad zin to/ /tshul khrims ji ltar bsrung ba'i tshul bstan zhes bya ba ston te/ de'i phyir gang gi phyir ni mdo bshad dang/ gang phyir gso sbyong byas gyur pa/ tshul khrims de ni bsrung bya ste/ yag rnga'i rtse mo ji bzhin no zhes bya ba gsungs so/ /de ltar so sor thar pa'i mdo bshad cing/ gso sbyong byed pa yang tshul khrims bsrung bar bya ba'i phyir byed pa yin te/ tshul khrims de yang ji ltar bsrung bar bya zhe na/ ji ltar gangs kyi g.yag ces bya ba de rnga ma'i nyag ma gcig shing dag la 'thogs na/ de bsrung ba'i phyir ma shi bar du sdod pa de bzhin du/ nyes byas phra mo yan chad la yang srog lus la mi lta bar bsrung bar bya'o zhes bya ba'i don to/ /so sor thar pa'i bsdus pa'i don rnam pa brgyad du phye ba'i bdun pa tshul khrims ji ltar bsrung bar bya ba'i tshul bstan pa zhes bya ba bshad zin to// //da ni so sor thar pa bsdus pa'i don brgyad du phye ba'i tham 'jig rten yongs la bsod nams bsngo ba zhes bya ba bstan pa'i phyir/ so sor thar pa bshad pa yi/ /bsod nams grub pa gang yod pa/ /de ni 'jig rten ma lus pa/ /thub dbang go 'phang thob par shog ces gsungs so/ /'di ni yang dag par sdud par byed pa dag gi brtsam pa'i mthar phyin nas 'gro ba yongs la bsod nams bsngo ba'o/ /de la thub pa ni nyan thos dang rang rgyal ba rnams so/ /thub pa de dag gi dbang po ni de bzhin gshegs pa dgra bcom pa yang dag par rdzogs pa'i sangs rgyas rnams te/ de ltar so sor thar pa'i
- 191a
mdo ston pa'i dge ba'i rtsa ba ci yod pa de dag kyang gzhan du mi bsngo'i 'gro ba rnams pa na med pa'i go 'phang thob par gyur cig ces bsngo ba'o/ /so sor thar pa'i bshad sbyar 'di/ /'dul ba rgya mtsho las btus pa'i/ /bsod nams cung zad gang skyes des/ /'gro rnams sangs rgyas 'grub par shog /'phags pa thams cad yod par smra ba'i rtsa ba'i dge slong ma'i so sor thar pa'i mdo'i 'grel pa rdzogs so// (//'dul ba gzhi rgya cher 'grel ba slob dpon dge legs bshes gnyen gyis mdzad pa bzhugs so//) //rgya gar skad du/ bi na ya bastu TI kA/ bod skad du/ 'dul ba gzhi rgya cher 'grel ba// //bam po dang po/ dkon mchog gsum la phyag 'tshal lo/ /bskal pa grangs med pa gsum du dka' ba spyad pa sna tshogs dpag tu med pa spu zing zhes byed pa brgya stong mdzad pas ston ka'i chu'i rgyun ltar dri ma med cing ches dkar ba'i yon tan gyi tshogs nye bar sgrubs pa'i gzhi gcig gis gtso bor gyur pa yang dag par rdzogs pa'i sangs rgyas la phyag 'tshal lo/ /dpal ldan gsung gi 'od zer dkar po yis/ /'gro ba'i gti mug mun pa sel mdzad cing/ /mu stegs skar ma rnams kyi snang ba dag /zil gyis gnon par mdzad la brtson gyur pa/ /ye shes dkyil 'khor rgya cher yangs pa dang/ /zab mo dri ma med pa mchog mda' zhing// rab tu 'bar yang mig dang mthun pa yi/ /rdzogs sangs nyi ma de la phyag 'tshal te/ /bdag la gang dag 'dul ba gzhi yi tshig /mi gsal snang bar gyur pa gang yin pa/ /de dag rgya cher 'grel bar spros bral ba/ /gsal ba 'dus pa tsam zhig brtsam par bya/ /thub pa nyid kyi spyod yul gang yin pa/ /bde bar gshegs pa'i bka' lung zab mo la/ /bdag 'dras tshig gi rnam bshad byed pa 'di/ /des par bab col byed pa'ang yin mod kyi/ /bla ma rnams kyi lung la brten byas nas/ /blo gros dman
- 191b
pa rnams kyi don gyi phyir/ /bdag gi 'bad pa 'di 'dra 'di skyes te/ /'di la mkhas pa dga' bar ga la 'gyur/ /bdag 'dra glen pa'i blo dang ldan pa rnams/ /thub pa'i gsung la brten par byed gyur na/ /blo gros phun sum tshogs pa ldan gyur pas/ /de dag rnams kyi don phyir bdag gis brtsam/ /mod rtul chen po nyid dang ldan gyur kyang/ /'phags pa lam phran pa yis nges par ni/ /rdul 'phyag dri ma 'phyag pa'i sbyor ba yis/ /nyon mongs nges pa zad pa'ang brnyes par 'gyur/ /mkha' la nam mkha' lding dag 'phur ba na/ /bye'u rtsol bar byed pa ji bzhin du/ /shes rab yangs pa can dag dga' 'gyur na/ /rgya che 'grel ba byed ltar bdag gis byas/ /dkon mchog gsum la phyag 'tshal lo/ /gang gis 'chid rnams yang dag rab bcad cing/ /mu stegs tshogs rnams thams cad rab bcom ste/ /sde dang bcas pa'i bdud rnams des bcom nas/ /byang chub 'di brnyes de la phyag 'tshal lo/ /zhes bya ba ni 'dul ba 'dzin pa dag gis dang por phyag 'tshal ba'i rgyud smras pa yin no/ /khyim don che chung spangs te dang por rab byung thob nas yul spyad dag gis dga' thob dka' / /mngon dga' ji bzhin don bskyed yang dag byed pa dka' / /ngur smrig gos 'chad mkhas pa tshul las nyams pa dka' / /zhes bya ba de la je dang po kho nar brjod par bya ba dang/ /dgos pa dang/ 'brel ba dang/ dgos pa'i dogs pa rnams brjod par bya ste/ 'di ltar rtog pa dang ldan pa dag ni bstan bcos kyi ming thos pa nyid nas 'dir ci zhig brjod par bya ba la the tshom skye'o/ /de'i 'og tu 'di'i don ci yin zhes dgos pa kun tu rmongs par 'gyur ro/ /de nas bstan bcos 'dis don de yang dag par 'grub pa 'am/ 'on te mi 'grub ces 'brel pa la dogs par 'gyur ro/ /de nas 'grub na yang don des khyad cir 'gyur zhes dgos pa'i dgos pa la the tshom za bar 'gyur bas de'i phyir brjod par bya ba
- 192a
med par the tshom skye ba gsal ba'i brjod par bya ba bstan to/ /don med par kun tu rmongs pa gsal ba'i phyir dgos pa bstan to/ /thangs med par dogs pa gsal ba'i phyir 'brel pa bstan to/ /'dod pa'i don grub par bya ba'i phyir dgos pa'i dgos pa bstan to/ /de la brjod par bya bzhi/ rab tu 'byung ba dang/ gso sbyong dang/ dgag dbye dang/ dbyar dang/ ko lpags dang/ sman dang/ gos dang/ chos gos bstan pa dang/ kau sham bi pa dang/ las dang/ dmar ser can dang/ gang zag dang/ yongs su gnas pa dang/ gso sbyong ?bzhag pa dang/ gnas mal dang/ rtsod pa dang/ dge 'dun gyi dbyen zhes bya ba'i gzhi bcu bdun po dag don gyis dag nyid kyis spang ba dang/ blang ba'i bye brag gnyis su dbye bar bya'o/ /de la spang ba ni 'di lta ste/ dge slong gis bran rab tu dbyung bar mi bya'o/ /zhes gsungs pa la sogs pa lta bu'o/ /blang ba ni 'di lta ste/ de lta bas na dge slong rnams kyis deng phyin chad nas 'dug pa'i bya ba dang/ gso sbyong la tron bya'o zhes gsungs pa la sogs pa'o/ /dgos pa ni brjod par bya ba de'i ngo bo nyid bstan pa ni de bzhin gshegs pa'i dgos pa ste 'di ltar bya ba bstan pas 'jug pa'i 'bras bus dgos pa bstan to/ /de yang bcom ldan 'das kyis 'di ltar bya ba dge slong rnams la bstan par rtsol bas de'i phyir de'i ngo bo nyid bstan pa ni dgos pa yin par gnas so/ /'brel pa ni de'i ngo bo nyid bstan pa de yang gzhi zhes bya ba'i bstan bcos sgra'i bdag nyid thabs su gyur pa/ 'dis byed pas de'i phyir bstan bcos sgra'i bdag nyid thabs su gyur pa/ 'dis don gyi bdag nyid thabs las byung ba'i ngo bo nyid yongs su shes pas de'i phyir bstan bcos dang/ dgos pa thabs dang thabs las byung ba'i ngo bo nyid kyis 'brel pa yin te/ 'di ltar bstan bcos 'dis gzhi bcu bdun pa de dag gi ngo bo nyid ston par byed de/
- 192b
thabs su gyur pa ma yin pa'i bstan bcos kyis ni gzhi rnams kyi ngo bo nyid yongs su shes par mi 'gyur bas de'i phyir bstan bcos thabs yin/ dgos pa ni thabs las byung ba yin par gnas te/ de nyid 'bras bu dang/ rgyu'i mtshan nyid kyis 'brel ba dang/ de bzhin du bsgrub par bya ba dang/ sgrub pa'i mtshan nyid kyis 'brel pa yang yin no/ /dgos pa'i dgos pa ni gal te 'ga' zhig na re gzhi yongs su shes pa des ci bya ste de ni gar yang dgos pa med de/ bya rog gi so brtag pa dang 'dra bar gnas ma yin pa la/ / yongs su ngal bar 'gyur ro zhes zer na de'i phyir dgos pa'i dgos pa yang brjod par bya ste/ gzhi la sogs pa'i 'dul ba yongs su shes na tshul khrims yongs su dag par 'gyur la de yongs su dag na 'jig rten pa'i thos pa las byung ba'i shes rab mngon par 'phel bar 'gyur zhing/ de nas bsam pa dang/ bsgom pa las byung ba'i shes rab dang/ mi sdug pa dang/ dbugs rdub pa dang/ 'byung ba dran pa dang/ dran pa nye bar gzhag pa dang/ dro bar gyur pa dang/ rtse mo dang/ bzod pa dang/ chos mchog dang/ shes pa dag skye bar 'gyur la/ de nas 'dod pa na spyod pa'i nyon mongs pa mthong bas spang bar bya ba rnams nas bzung ste/ srid pa'i rtse mo'i nyon mongs pa bsgom pas spang bar bya ba'i rnam pa chu ngu'i bar dag spangs pas/ rdo rje lta bu'i ting nge 'dzin gyi mjug thogs su zad pa dang/ mi skye ba shes pa'i mtshan nyid kyi byang chub thob nas/ sdug bsngal ma lus par zhi ba gcig pu'i mtshan nyid phung po lhag ma med pa'i mya ngan 'das pa'i dbyings thob par 'gyur ba 'di dgos pa'i dgos pa yin no/ /de ltar na 'dir tshig gi don 'di 'byung ste/ 'dir brjod par bya ba ni gzhi rnams so/ /dgos pa ni de dag gi ngo bo nyid bstan pa'o/ /'brel pa ni gang gi ngo bo nyid ston pa de yang bstan bcos de yang bstan bcos 'dis byed pas thabs dang thabs las byung ba'i mtshan nyid
- 193a
'brel pa'o/ /dgos pa'i dgos pa ni gzhi la sogs pa 'dul ba yongs su shes pas tshul khrims yongs su dag na 'phags pa'i lam bsgoms pas mya ngan las 'das pa 'thob bo/ /de na re zhig spyi'i don no/ /da ni yan lag gi don bshad par bya ste/ yang dag par sdud par byed pas rab tu 'byung ba'i gzhi'i zhar la rab tu 'byung ba dang/ dga' ba dang/ byed pa dang/ nyams pa'i ngo bo nyid kyi rnam pa bzhi dka' bar bstan pa'i phyir dang/ dge slong rnams spro bar bya ba'i phyir/ khyim don che chung spangs te dang por rab 'byung dka' / zhes bya ba la sogs pa stag rnam par rtsen pa lta bu'i tshigs su bcad pa gcig gsungs so/ /de la re zhig rnam pa dang po dka' bar bstan pa'i phyir/ khyim don che chung spangs te dang por rab 'byung dka' / zhes gsungs to/ khyim spangs to dang po rab tu 'byung bar dka' o zhes sbyar ro/ /khyim ji lta bu zhig ce na/ de'i phyir khyim don che chung zhes bya ba gsungs te/ khyim gyi don chen po zhes bya ba ni nor dang 'bru dang nga? byig dang/ gser dang/ glang po che dang/ rta dang/ ba lang dang/ ma he la sogs pa mang po dag go /khyim gyi don chung ngu zhes bya ba ni de dag nyung ba'o/ /de dag spangs te zhes bya ba ni sdug bsngal thams cad kyi gnas su gyur pa'i khyim gyi gnas yongs su spangs te'o/ /de ltar yang/ nor bcas nor ni med pa yi/ /khyim na gnas pa sdug bsngal che/ /gcig ni bsrung ba'i chogs phyir te/ /gnyis pa sgrub pa'i tshogs phyir 'o/ zhes gsungs pa yin no/ /dang por zhes bya ba ni rab tu 'byung ba dang/ /dga' ba dang/ byed pa dang/ nyams pa zhes bya ba rnam pa bzhi po dag las dang por rab tu 'byung ba dka' ba 'am/ sdig pa thams cad spongs pa'i mtshan nyid mya ngan las 'das pa thob pa'i rgyur gyur ba rdzogs par bsnyen pa 'am/ sdug bsngal thams cad spang ba'i mya ngan las 'das pa bas dang por rab tu 'byung bar dka' o zhes bya bar sbyar ro//
- 193b
rab tu 'byung ba ces bya ba ni rab tu 'byung ste khyim yongs su spang pa'o/ /de ji ltar dka' zhe na/ 'di ltar khyim na gnas pa ni shin tu goms pa'i phyir dang/ rab tu 'byung ba ni ma goms pa'i phyir khyim yongs su spang pa bya dka' ba'i phyir ro/ /de ltar yang/ 'dod pa'i 'dod chags rjes 'jug pa/ /dben pa la ni ma goms pa'i/ /mi rnams phal cher rab 'byung la/ /g.yang sa bzhin du sems par byed/ /ces gsungs pa yin no/ /'on kyang shAkya'i rgyal po 'phags pa bzang ldan la sogs pa khyim gyi don chen po dang ldan pa rnams kyis rab tu 'byung ba ni dka' mod/ /khyim gyi don chung ngu dang ldan pa rnams kyis rab tu 'byung ba ji ltar dka' zhe na/ bden mod kyi 'on kyang de tsam la lhag par chags pa'i rgyu yin pa'i phyir de dag gi phyir de dag gi khyim yongs su spang ba yang dka' ste/ de'i phyir bcom ldan 'das kyis kyang mi dbul po'i dbang du mdzad nas/ mdo sde las/ 'di ltar khyim gyi 'ching ba gang dag gis bcings pa'i mi des ni khyim gyi 'ching ba de dag spang ste/ rab tu 'byung bar mi nus so zhes bya ba la sogs pa bka' stsal to/ /rnam pa gnyis pa dka' bar bstan pa'i phyir/ rab 'byung thob nas yul spyad dag gis dga' thob dka' zhes bya ba gsungs te/ rab tu 'byung ba thob nas dga' ba thob par dka' o zhes bya bar sbyar ro/ /rab 'byung thob nas zhes bya ba ni rab tu 'byung ba thob nas so/ /de thob nas dga' ba thob par dka' ste/ su dag gis zhe na/ yul spyad dag gis zhes bya ba gsungs so/ /gzugs dang/ sgra dang/ dri dang/ ro dang/ reg bya zhes 'dod pa'i yon tan lnga po dag nye bar spyad pa'i gang zag gis so/ /de dag gis ci zhig thob par dka' zhe na/ de'i phyir dka' thob dka' zhes bya ba gsung ste/ bcom ldan 'das kyis gsungs pa'i bslab pa'i gzhi gsung pas dge slong gi nang du mngon par dga' ba thob par dka' o zhes bya ba'i tha tshig ste/
- 194a
thog ma med pa'i dus nas goms pa nyon mongs pa can gyi bde ba'i ro myang bar byed pas nyon mongs pa can ma yin pa'i bde ba'i ro myang ba thob par dka' ba'i phyir ro/ /de ltar yang/ skye bo 'dod pa lhag bcad pa/ /rab tu byung nas de dran na/ /'dod chags las byung gdung ba yin/ /sems gdung gyur pas sdug bsngal thob ces gsungs pa yin no/ /rnam pa gsum pa dka' bar bstan pa'i phyir/ mngon dka' ji bzhin don skyed yang dag phyed pa dka' / zhes bya ba gsungs te/ mngon par dga' ba yod kyang yang dag pa'i byed pa dka' o zhes bya bar sbyar ro/ /mngon dga' zhes bya ba ni bcom ldan 'das kyis gsungs pa'i bslab gzhi sung pas dge slong gi nang du mngon par dga' ba yod du zin kyang ngo/ /de la ci zhig dka' zhes na yang dag pa'i byed pa dka' ste/ yang dag pa'i byed pa ji lta bu zhig ce na/ de'i phyir ji bzhin don bskyed ces bya ba gsungs te/ ji bzhin don zhes bya ba ni mya ngan las 'das pa ste don dam pa'i dge ba yin pa'i phyir ste/ thar pa ni don dam pa'i dge ba yin no zhes gsungs pa'i phyir ro/ /de bskyed pa ni thob par byed pa'o/ /de gang yin zhe na/ de'i phyir yang dag byed pa zhes bya ba gsungs te/ yang dag pa'i phyin ci ma log par ji skad du gsungs pa'i tshul khrims bsrungs pas kha na ma tho ba phra rab dag la yang 'jigs par lta ba'i mtshan nyid kyis rjes su bsgrub pa gang yin pa'o/ /de yang dka' o zhes bya ba sbyar te/ ji ltar yang/ dge slong tshul la gnas gyur cing/ /dbang po rnams kyis bsdams pa dang/ /zas kyi tshod kyang rigs pa dang// mi nyal ba la sbyor ba dang/ /nyin mtshan g.yel ba med par ni/ /de ltar brtun cing gnas gyur pa/ /de ni yongs su mi nyal shing/ /mya ngan 'das la nye ba yin/ /zhes gsungs pa yin no/ /rnam pa bzhi pa dka' bar bstan pa'i phyir/ /ngur smrig gos
- 194b
'chad mkhas pa tshul las nyams pa dka' / zhes bya ba gsungs te/ chos gos ngur smrig gyon pa mkhas pa tshul las nyams pa yang dka' o zhes bya bar sbyar ro/ /ngur smrig gos 'chang/ zhes bya ba ni gos ngur smrig du kha bsgyur ba gyon pa'o/ /mkhas pa zhes bya ba shes rab dang ldan pa'o/ /tshul las nyams pa zhes bya ba'i bslag pa'i gzhi las 'bral bas nyams pa 'am 'bab pas nyams pa'o/ /de yang dka' o zhes bya bar sbyar te/ blo dang ldan pa ni de bzhin gshegs pa'i bslab pa'i gzhi las 'das par dka' / ste/ rab dka' bslab par 'dod pa'i rigs kyi bu gang dag rang gi srog gi phyir yang bslab dag las rnam par mi 'da' ba yod do zhes gsungs pa'i phyir ro/ /de ltar yang/ yon tan ldan pa chu bo'i ma/ /rjes 'jug mthu dang ldan pa dag/ shin tu snying dga' 'phags pa'i ma/ /srog bde'i phyir mi spong ba bzhin/ /sdug bsngal la ni gnas gyur kyang/ /dam bcas pa ni gtong mi byed ces gsungs pa yin no/ /'di skad ces bstan te/ /khyim don chen po 'am/ /chung ngu yang rung ba spangs te/ /dang por rab tu 'byung bar khas len pa yang dka' o/ /rab tu byung nas bstan pa la dga' ba bskyed pa yang dka' o/ /mngon par dga' bar yod kyang bslab pa'i gzhi srung ba rjes su bsgrub par byed pa yang dka' o/ /blang ba dang dor ba shes shing nus pa'i bslab pa'i gzhi 'bral pa yang dka' ste/ /de dag las dang po gsum ni skyes bu dam pa ma yin pa rnams la dka' o/ /tha ma ni skyes bu dam pa rnams la dka' ste/ de'i phyir skyes bu dam pa ma yin pa'i spyod pa spangs te/ skyes bu dam pa'i tshul la 'jug par bya'o zhes bya ba'i tha tshig go /de ltar yang de mdo sde las/ kye sha ri bu 'phags pa'i chos 'dul ba la ci zhig dka' / /'dzam bu'i grib ma can rab tu 'byung ba'o/ /kye shA ri'i bu rab tu 'byung ba la ci dka' / 'dzam bu'i grib ma can mngon par dga' ba'o/ /kye shA ri'i bu mngon par dga' la ci dka'
- 195a
'dzam bu'i grib ma can dge ba'i chos rnams sgom pa rtag tu byed pa'o/ /zhes bya ba la sogs pa gsungs pa yin no/ /gzhi rnams kyi spyi don la/ zhes bya ba la/ gzhi zhes bya ba ni rten te/ de'i phyir rab tu 'byung ba la sogs pa'i rten du gyur pa nye bar ston pa'i gzhung ni rab tu 'byung ba'i gzhi la sogs pa'i sgrar gsungs so/ /rnams kyis zhes bya ba ni gzhi bcu bdun po rnams kyi'o/ /spyi sdom zhes bya ba ni rab tu 'byung ba'i gzhi la sogs pa'i spyi'i tshul 'og nas 'byung ba rnams kyi zur tsam kyi phyogs re re bsdus pa yin no/ /rab tu 'byung ba'i gzhi'i spyi sdom la/ zhes bya ba ni rab tu 'byung ba'i gzhi 'ba' zhig gi sdom gyi tshigs su bcad pa 'og nas 'byung ba rnams kyi zur tsam gyi phyogs re re bsdus pa yin no/ /sdom la zhes bya ba ni rab tu 'byung ba'i gzhi nyid kyi 'byung ba rnams bsdus pa yin no/ /de la thams cad kyang 'don pa rnams kyis mi brjed par bya ba'i phyir yang dag par bsdus pa byed pa'i tshig yin te/ 'di ltar tshe dang ldan pa dag ma 'ongs pa'i dus na dge slong brjed ngas pa rgyud nyams chung ba gang dag sdom gyi tshigs su bcad pa med par mdo sde dang/ 'dul ba dang/ chos mngon pa rnams 'dzin mi nus pa dag 'byung bar 'gyur bas de dag gi phyir bdag cag gis snga dro sdom gyi tshigs su bcad pa dag sbyar bar bya zhing/ phyi dro mdo snga dang/ 'dul ba dang/ chos mngon pa rnams yang dag bsdu bar bya'o/ /zhes yang dag par sdud pa byed pa'i dus na gsungs pa yin no/ /byang chub sems dpa' dga' ldan gyi gnas na bzhugs pa na zhes bya ba la/ byang chub ces bya ba ni zad pa dang/ mi skye bshes pa shin tu bsgoms pa bla na med pa'i byang chub ste/ mi shes pa ma lus pa dang/ bral ba'i phyir dang/ bdag gi don byas pa rtogs pa'i phyir dang/ yang byer? med pa rtogs pa'i phyir ro/ /sems pa zhes bya ba ni
- 195b
gang la sems pa'i bsam pa yod pa ste/ de ni byang chub sems dpa' o/ /gzhan dag ni byang chub sems dpa' i mtshan nyid spyir brjod de/ 'di ltar gang gi bde la sems ma chags/ /rtag tu gzhan phan rtson byed cing/ /rab 'byung bsam gtan lhur len pa/ /byang chub sems dpar rab tu bsgrags zhes zer do/ /dga' ldan zhes bya ba ni chos kyi ro'i yongs su dga' ba dang ldan pas dus thams cad du yid dga' ba dang ldan pa'o/ /de dag gi gnas ni gzhal med khang ngo/ /de na gnas pa ni dga' ldan gyi gnas na bzhugs pa ste/ de'i tshe na zhes bya ba'i tha tshig go /yul ang gdag na zhes bya ba ni/ ang ga zhes bya ba'i mi rgyal rigs rnams gnas pa'i yul ang ga zhes bya ba dag na'o/ /rgyal po zhes bya ba ni chos kyi skye dgu dga' bar byed pa'i phyir te mi'i bdag po'o/ /ang gar byung ba ces bya ba ni rgyal po'i mir ste/ rgyal po pad+ma chen po zhes bya ba dang 'dra'o/ /rgyal srid ces bya ba ni rje dpon dang/ blon po dang/ yul 'khor dang/ ljongs dang/ mdzod dang/ dpung dang/ mdza' shes dag yan lag bdun dang ldan pa ni rgyal srid yin te/ de ltar yang/ rje dpon blon po yul 'khor ljongs/ /mdzod dang dpung dang mdza' shes kyi/ /yan lag bdun ldan rgyal srid de/ /sems can blo la brten pa yin/ /zhes gsungs pa yin no/ /'byor pa zhes bya ba ni/ dbyig dang gser la sogs pas so/ /rgyas pa zhes bya ba ni/ grong dang grong khyer la sogs pas so/ /bde ba ces bya ba ni gnod pa med pas so/ /lo legs pa zhes bya ba ni bza' ba dang/ btud pa dang/ gos mang pas so/ /skye bo dang/ mi mang pos gdab ces bya ba ni skye bo ces bya ba glang po che dang rta la sogs pa dbung phun sum tshogs pa dang/ mi zhes bya ba rgyal pos nye bar 'tsho ba'i skyes pa dang/ bud med dang/ ma ning phun sum tshogs pa ste/ des rgyal srid de skye bo mang pos gang ba dang mi mang pos gang ba yin no/ /byed du bcug go ces bya ba ni grogs phun
- 196a
sum tshogs pas rjes su grub pa ste rgyal po grogs med pas ni gang du lan 'ga' cung zad kyang byed mi nus so/ /de ltar yang/ rgyal po 'jig rten phan 'dogs pa'i/ /g.yog 'khor rnams dang bral gyur pa/ /nyi ma gzi brjid ldan pa yang/ /'od zer bral ba mi mdzes bzhin/ /zhes gsungs pa yin no/ /yul ma ga d+ha dag na zhes bya ba ni/ /ma ga d+ha zhes pa'i mi rgyal rigs rnams gnas pa'i yul ma ga d+ha zhes bya ba dag na'o/ /pad+ma chen po ni rgyal po'i ming ste/ rgyal po ang gar byung ba ces bya ba dang 'dra'o/ /res 'ga' zhes bya ba ni dus lan 'ga' na'o/ /dpung dang mthu che ba ces bya ba la/ dpung zhes bya ba ni dpung gi tshogs yan lag bzhi pa'o/ /mthu zhes bya ba ni spro ba dang nus pa'o/ /che ba ces bya ba ni lhag ma'o/ /gang gi che zhes bya ba ni dus gang gi tshe'o/ /zhes de'i tshe zhes bya ba ni dus de'i tshe'o/ /dpung gi tshogs zhes bya ba ni glang po che dang rta la sogs pa'i tshogs so/ /yan lag bzhi pa zhes bya ba ni yan lag bzhi dang ldan pa ste/ phye ma yan lag lnga dang ldan pa bzhin no/ /de'i nyid glang po che'i tshogs bya ba la sogs pas ston no/ /dpung bu chung ngu zhes bya ba ni rkang thang ngo/ /go bskon te zhes bya ba ni ci la ma reg par char bcug ste'o/ /rgyal po'i khab ces bya ba ni grong khyer te/ klu gnas pa'i phyogs su grong khyer rtsigs pas brtsigs so cog klu'i rgyal pos bshig cing rgyal po mang pos bkur gyi khyim 'ga' zhig ma bshig par rig nas/ blon po rnams kyis grong khyer thams cad la rgyal po'i ming du byas pas de'i phyir rgyal po'i khab ces bya'o/ /kha cig na re/ rgyal po chen po bzhis byas pas rgyal po'i khab ces bya'o/ zhes kyang zer ro/ /ma gtogs pa bcom nas zhes bya ba ni/ rgyal po'i khab 'ba' zhig ma gtog pa ma ga d+ha ba'i grong khyer la sogs pa gzhan
- 196b
thams cad bcom nas so/ /phyir ldog par byed do ces bya ba ni 'gro bar byed zhes bya ba'i tha tshig go /tsam pa zhes bya ba ni grong khyer te/ klu'i rgyal po tsam pa'i gnas kyi drung du brtsigs pas tsam pa zhes bya'o/ /kha cig na re shing tsam pa'i tshul du brtsigs pas tsam pa zhes bya'o zhes zer ro/ /de nas shes pa ni de'i 'og tu'o/ /dus gzhan zhig na zhes bya ba ni dus gzhan gyi 'og tu'o/ /gyur nas zhes bya ba ni red nas so/ /brtsams pa zhes bya ba ni bshams pa'o/ /sbron pa dag ces bya ba ni mi snyan par sbron pa'i mi mngags pa dag go /thos nas zhes bya ba ni de'i tshigs mnyan nas so/ /'phags so zhes bya ba ni mngon du song ba'o/ /de ni zhes bya ba ni de'i tshe na'o/ /phrogs zhes bya ba ni khyer ba'o/ /pham pa zhes bya ba ni zil gyis mnan pa ste/ snying tshoms gtso bo dag sgyel ba'i phyir ro/ /skrag pa zhes bya ba ni bred pa ste/ /brtan pa nyams pa'i phyir ro/ /bcom pa zhes bya ba ni g.yul ngo nas phyir log pa'o/ /gzhan rgyal ba ces bya ba ni g.yul gyi sa nas phyir log pa'o/ /rgyad kyi phyogs par byas te zhes bya ba ni 'bros par brtsams pas te/ g.yul gyi sa nas phyir de'i rgyab bsten ces bya ba'i tha tshig go /sbrengs nas zhes bya ni bskor te srung bar byed ces bya ba'i tha tshig go /pho nya zhes bya ba ni 'phrin skyel ba'o/ /btang zhes bya ba ni mngags te'o/ /rjes zhes bya ba'i sgra ni go rim gyi don to/ /de lta na legs zhes bya ba ni de lta na bzang ba'o/ /ci ste zhes bya ba gal ste'o/ /steng gi nam mkha' la 'gro na zhes bya ba ni rkang mthil brku ba la sogs pa'i thabs kyis so/ /mda'i brgyud pas/ zhes bya ba ni mnga' phyi brgyud kyis so/ /mchil ba zhes bya ba ni smig ma'i rtse mo la tha gu ring po btags pa'i sna la lcags kyo rtse rnon btags pa'o/ /de drang ba'i tshul gyis zhes bya ba ni bya ba'i bye brag de lta bus so/ /re'i rtse mo zhes bya ba ni ri'i
- 197a
sgang ngo/ /de zhes bya ba ni rgyal po pad+ma chen po'o/ /mi bde bar gyur te zhes bya ba ni/ /'jigs pa 'am sdug bsngal bar gyur te'o/ /lag pa la 'gram pa gtad nas zhes bya ba ni lag mthil la skom tshugs bcas nas so/ /sems khong du chud cing 'dug 'dug nas zhes bya ba ni sems mi dga' zhing 'dug 'dug nas so/ /shes ldan zhes bya ba ni bod pa'i phyir rje sa'i tshig yin te/ shes pa de dag la yod pa'i phyir ro/ /'dug pa zhes bya ba ni lus kyi stobs kyis so/ /pha rol gnon pa zhes bya ba ni grogs kyi sdom gyis so/ /'di dang 'di skad ces bya ba ni gal te je phyir 'byung na de ltar na legs/ gal te phyir mi 'byung na ji ste steng gi nam mkha' la 'gro na ni mda' brgyud pas khyod ltung bar bya'o zhes bya ba la sogs pa'i rnam pa dag yod pas tshigs su bzlas so/ /ji ltar bsgrub par bya zhes bya ba ni ji ltar nan tan bya zhes bya'o/ /tshigs su bcad pa zhes bya ba ni tshul ma nges pa ste/ ji skad du/ sdeb sbyor 'bri zhing skye ba dang/ /rtsa ba dag kyang ma nges dang/ /tshig phrad dag gis gang brjod pa/ /de ni tshigs su bcad pa bstan/ /ces brjod pa lta bu'o/ /yul dang srog la gnod gyur na/ zhes bya ba/ yul ni grong dang grong khyer la sogs pa'i yul lam/ gzugs la sogs pa'i yul lnga'o/ srog ni srog gi dbang po'o/ /kun zhes bya ba ni 'bad pas so/ /bsrung zhes bya ba ni bskyang bar bya'o/ /blo yis zhes bya ba ni shes rab kyis so/ /gnyi ga zhes bya ba ni yul dang srog la gnod par gyur pa gnyis ka'o/ /dpyad byas na zhes bya ba ni brtags na'o/ /yul ni yang rnyed ces bya ba ni lan cig yang yang phyir 'thob tu rung ba'o/ /srog rnams min zhes bya ba ni lan cig bcad nas yang phyir gsor ming rung ba'o/ /mgul du thogs te zhes bya ba ni gnya' bar thogs
- 197b
te'o/ 'dud pa la bsnun par mi byed do zhes rgyal po'i tshul las 'byung zhes grags go /lo thang zhes bya ba ni grong khyer la sogs pa nas 'byung ba'o/ /dbya' zhes bya ba ni sho gam gyi gnas la sogs pa nas 'byung ba'o/ /phab ste zhes bya ba ni khyed kyis tshad 'di tsam gzhal bar bya'o zhes thang bcad de'o/ /bcom ldan 'das byang chub sems dpa' zhes bya ba la/ 'dir bcom ldan 'das zhes smras pa ni phyis 'byung ba'i mtshan las bsams nas smos pa yin te/ 'dir da dung des bdud bzhi ma bcom pas dper na 'bras can 'tsheng do zhes pa'i tshul dang 'dra'o/ /yang na legs pa ba rnam pa drug po rang sa dbang dang/ rab tu sbyangs pa dang/ gzugs bzang ba dang/ grags pa dang/ dpal ldan dang/ che ba nyid tshogs pa la bya ste/ sgra nges par sbyor ba las ji skad du/ rang dbang dang ni rab sbyangs dang/ gzugs bzang ba dang grags pa dang/ dpal dang che ba nyid tshogs pa/ drug po rnams la legs zhes bshad/ ces 'byung ba lta bu'o/ /gzigs pa lnga po dag la/ zhes bya ba ni brtag pa'i gnas lnga po dag ste/ rigs dang/ yul dang/ dus dang/ rus dang/ bud med la gzigs pa dag la'o/ /'dod pa na spyod pa'i lha drug /ces bya ba ni rgyal po chen po bzhi dang/ sum cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed dang ces bya ba ni 'dod pa spyod pa dbang phyug sna tshogs dag gis bstsal pa grub pa dag go /lan gsum bsgo ba mdzad de/ ces bya ba ni mi'i 'jig rten du skye ba'i phyir lan gsum bsgo ba mdzad pa ste/ de ltar yang 'og nas bzod ldan dag nga ni dga' ldan gyi lha'i ris 'di nas shi 'phos te/ mi rnams gyi nang du rgyal po zas gtsang gis btsun mo dam pa'i mngal du de'i bu nyid du skye ba len par byed cing bdud rtsi thob par bya ste/ bdud rtsi thob nas 'gro ba tshim par byed kyis khyed cag las gang bdud rtsi 'dod pa des yul
- 198a
dbus su skye ba long zhig ces bya ba la sogs pa 'byung ba yin no/ /glang po che ltar snang bar bsgyur te zhes bya ba ni rmi lam du dge ba'i mtshan ma bstan pa'i phyir bdag nyid glang po che mche ba drug par bstan par gyur te/ zhes bya ba'i tha tshig go /'jig rten 'di'i zhes bya ba ni stong gsum gyi stong chen po'i 'jig rten 'di'o/ kha dag gi mthu bos zhes bya ba ni kha dog gis grangs mangs pas so/ /snang ba rgya chen pos/ zhes bya ba ni gsal ba chen pos so/ /khyab par gyur ces bya ba ni thams cad du khyab pa ste/ de ltar yang byang chub sems dpa' bar ma'i srid pa la gnas pa ma'i mngal du zhus pa na gling bzhi pa ther 'bum snang bar gyur to zhes gsungs pa yin no/ /'jig rten gyi bar zhes bya ba ni gling bzhi pa'i 'jig rten gyi 'khor yug gi bar dag na grang ba'i dmyal ba'i gnas dag na yod pa zhes bya ba'i tha tshig go /rdzu 'phrul che ba zhes bya ba ni dbang phyug dang ldan pa'i phyir ro/ /mthu che ba zhes bya ba ni gzhan la phan pa byed pa'i phyir ro/ /'od dpag ces bya ba ni rang gi 'od dag go /nyams su mi myong ba ces bya ba ni snang bar mi byed pa zhes bya ba'i tha tshig go /mun pa zhes bya ba ni mi snang ba'o/ /gang gis mi snang zhe na/ de'i phyir mun nag ces bya ba gsungs te/ mun nag gis mi snang ba yin gyi mig med pas mi snang ba ma yin no/ /brgyal ba dang rmongs pa la sogs pas kyang mug nag tu 'gyur zhing mi mthong ba yod pas de las bye brag tu bstan pa yin pa'i phyir/ mun par byed pas gnag par gyur pa/ zhes bya ba gsungs te/ mun par byed pa nyid kyis bsgribs shing gnag par gyur pas mi mthong ba yin gyi/ brgyal ba dang rmongs pa la sogs pas mi gtong bar gyur pa ni ma yin no zhes bya ba'i tha tshig go /rang gi lag pa brkyang ba yang mi mthong ba zhes bya ba ni rang gi lag
- 198b
pa brkyang ba tsam yang mi mthong na rang gi lus gzhan lta smos kyang ci dgos pa'o/ /gcig gi gcig ces bya ba ni phan tshun no/ /shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so/ /zhes bya ba ni sems can gzhan mthong bas rangs pa'i phyir tshig lan gnyis su bzlas so/ /yang na sems can sdug bsngal ba gzhan dag mthong bas yid chad pa'i tshig lan gnyis su bzlas so/ /mnyan yod ces bya ba ni grong khyer te/ drang srong mnyan pa dang/ yod pa zhes bya ba gnyis kyis brtsigs pa'i phyir ro/ /rtsibs kyis 'phur tshangs byin zhes bya ba la rtsibs kyis 'phur ba zhes bya ba la rtsibs kyis 'phur ba zhes bya ba ni de'i dus yin la tshangs byin zhes bya ba ni ming yin no/ /'phags rgyal zhes bya ba yang grong khyer te/ 'phags rgyal zhes bya bas brtsigs pa'i phyir ro/ /kau shAm ba'i zhes bya ba yang grong khyer te/ kau shA m+bI zhes bya bas brtsigs pa'i phyir ro/ /nyi ma'i gzugs zhes bya ba ni nyi ma'i gzugs brnyan no/ /btsun mo gzugs can zhes bya ba ni btsun mo chen po'i ming ngo/ /gsal ba gsal ba zhes bya ba ni gsal ba dag pas kyang ches dri ma med cing gsal ba te rdul dang zhes bya ba'i tha tshig go /gsal rgyal zhes bya ba ni gsal byed do/ /rab snang zhes bya ba ni skar mda'o/ /rigs dang mthun par zhes bya ba ni rigs dang 'tsham par ro/ /ma ma brgyad po zhes bya ba la sogs pa la/ pang na 'tsho ba'i ma ma zhes bya ba ni 'tsho ba'i bud med do/ /nu ma bsnun pa'i ma ma zhes bya ba ni 'o ma ldud pa'o/ /dri ma phyi ba'i ma ma zhes bya ba ni khrus dang/ dril 'phyis la sogs pa byed pa'o/ /rtsed grogs kyi ma ma zhes bya ba ni rtser 'jug par byed pa gang yin pa'o/ /gnyis gnyis sko ba ni brel ba nyid kyi phongs par mi 'gyur bar bya ba'i phyir ro/ /mar gyi snying khu zhes bya ba
- 199a
zhun mar gyi snying po'o/ /yo byad kyi bye brag ces bya ba ni yo byad khyad par can dag go /gtso bo gtso bo dag ces bya ba ni gos dang rgyan dang/ byug pa la sogs pa bzang po dag ste/ rnam pa'i tshigs tu lan gnyis smos so/ /srid bar byed ces bya ba ni srid du'o/ /skyed par byed ces bya ba ni sboms su'o/ /rdzing na gnas pa zhes bya ba ni rdzing gi nang na gnas pa'o/ /pad+ma zhes bya ba ni pad+ma dang/ utpa la sngon po la sogs pa dag go /myur du zhes bya ba ni skyen par ro/ /yi ge zhes bya ba ni yig 'bru dag go /grangs zhes bya ba ni yid kyi bgrang ba'o/ /rtsis zhes bya ba ni tshig gis brtsis pa ste rtsis su bya ba'o/ /lag rtsis zhes bya ba ni lag pa'i tha snyad do/ /'byung ba zhes bya ba ni sprog ma la sogs pa nas rdzas 'byung ba'o/ /gzhug pa zhes bya ba ni de nyid kyi nang du gzhug pa'o/ /bzhag pa zhes bya ba ni phyi rol tu bzhag pa'o/ /nye bar zhugs na zhes bya ba ni bslab pa'i phyir nges par sbyar nas so/ /'byed pa zhes bya ba ni yi ge 'dri ba 'am bstan bcos kyi gnas la mkhas pa'o/ /klog pa zhes bya ba ni yi ge klog pa'o/ /mkhas pa zhes bya ba ni don shes pa'o/ /spyod pa gsal ba zhes bya ba ni grim pa'o/ /brtag pa zhes bya ba ni rin po che la sogs pa'i yon tan dang skyon dpyad pa'o/ /gzhi zhes bya ba ni sa gzhi'o/ /mkhas par gyur to zhes bya ba ni byang bar gyur to/ /rgyal rigs zhes bya ba ni skye dgu bsrung ba'i phyir te lhur len pa'o/ /spyi bor dbang bskur ba zhes bya ba ni skye bo'i steng du bzhag pa'i phyir ro/ /ljongs kyi dbang phyug ces bya ba ni yul bsrung ba'o/ /mthu zhes bya ba ni stobs so/ /brtson 'grus zhes bya ba ni mngon spro ba ste de gnyis thob pa'o/ /mngon par rgyal ba byas te/ zhes bya ba ni phab ste'o/ /gnas pa zhes bya ba ni nye bar spyod pa ste bsrung ba zhes bya ba'i tha tshig go /bzo'i gnas zhes bya ba la/ bzo zhes bya ba ni las la mkhas pa'o/ /de'i gnas ni yul lo/ /las kyi gnas zhes bya
- 199b
pa la/ las zhes bya ba ni yongs su sbyang ba rjes su sgrub cing byed pa'o/ /de'i gnas ni yul te/ de bdag nyid glang po che'i gnya' bar zhon pa la sogs pas ston to/ /tha dad par gyur pa zhes bya ba ni so so ba'o/ /glang po che'i gnya' bar zhon pa zhes bya ba ni glang po che dag gi gnya' bar bzhon pa'i phyir bslab pa'o/ /rtol bzhon pa zhes bya ba yang rta bzhon pa'i phyir bslab pa'o/ /shing rta'i thabs zhes bya ba ni shing rta bzhon pa'i phyir bslab pa'o/ /ral gri'i thabs zhes bya ba ni ral gri'i gzung ba shes pa'o/ /'phong zhes bya ba ni mda' gzu'i thabs shes pa'o/ /phyir bsnur ba zhes bya ba ni g.yul ngo nas phyir 'gyed pa'o/ /mdun du bsnur ba zhes bya ba ni g.yul ngor 'jug pa'o/ /lcags kyos bsgyur thabs zhes bya ba ni lcags kyus gzung ba shes pa'o/ /zhags pa gdab pa zhes bya ba ni zhags pas gzung ba zhes pa'o/ /mda' bo che'i 'phen thabs zhes bya ba ni/ mda' bo che 'phang ba shes pa ste/ mda' bo che zhes bya ba ni/ mtshon mdung gi rnam pa lta bu mdung rtse can yu ba sbom po thung ngu zhes bya'o/ /'dzin stangs zhes bya ba ni mda''phang pa la dgos pa'o/ /go stabs zhes bya ba ni 'khor lo 'phang ba la sogs pa la dgos pa'o/ /thor tshugs zhes bya ba ni g.yul la sogs pa la dgos pa'i skra bcing pa'o/ /bcad pa zhes bya ba ni go cha'i sgro gu la sogs pa'o/ /dral ba zhes bya ba ni go chal sogs pa'o/ /dbyug pa zhes bya ba ni ri la sogs pa'o/ /gnas lnga po zhes bya ba la/ kha cig na re glang po che dang/ rta dang/ shing rta bzhon pa'i mtshan nyid ni gnas gcig go /ral gri'i thabs dang 'phong gi yul shes pa ni gnyis pa'o/ /g.yul ngor phyin ba bsnun pa dang/ mdun du bsnun pa ni gsum mo/ /lcags kyos bsgyur thabs la sogs pa'i yul la sgyel ba'i thab me zhes bya ba ni bzhi pa'o/ /bcad pa la sogs pa'i yul la mtshon gyi las shes pa ni lnga pa'o zhes zer ro/ /gzhan dag na re phyir
- 200a
bsnur ba la sogs pa ni gcig go /lcags kyos bsgyur thabs la sogs pa gnyis so/ /'dzin stangs la sogs pa ni gsum pa'o/ /rgyang nas phog pa ni bzhi pa'o/ /tshabs che ba ni lnga pa'o zhes zer ro/ /kha cig na re bcad pa ni dang po'o/ /dral ba ni gnyis pa'o/ /dbug pa ni gsum pa'o/ /'dzin stangs la sogs pa ni bzhi pa'o/ /sgra grag par phog par la sogs pa ni lnga pa'o/ /zhes zer ro/ /kha cig na re 'dzin stangs la sogs pa'i 'og tu gnas lnga po 'di lta ste/ rgyang nas phog pa dang/ sgra sgrag par phog pa dang/ gnad du phog pa dang/ mi 'tshor bar phog pa dang/ tshabs che ba zhes smos pas rgyang nas phog pa ni gnas dang po yin no/ /sgra grag par phog pa ni gnyis pa'o/ /gnad du phog pa ni gsum pa'o/ /mi 'tshor bar phog pa ni bzhi'o/ /tshabs che ba ni lnga pa'o zhes zer te/ skabs 'dir ni rnam pa tha ma 'di gzung bar rigs par bya'o/ /rgyang nas phog pa zhes bya ba ni/ thag ring po nas phog pa'o/ /sgra grag par phog pa zhes bya ba ni sgra'i rjes su 'brang bas phog pa'o/ /gnad du phog zhes bya ba ni 'chi ba'i phyogs dag du phog pa'o/ /mi 'tshor bar phog pa zhes bya ba ni gdon mi za bar phog pa'o/ /tshabs che ba zhes bya ba ni mthu dang ldan par phog pa'o/ /byang bar gyur to zhes bya ba ni legs par lobs par gyur pa'o/ / bzo sbyang ba bco brgyad ces bya ba ni bzo'i rig pa'i gnas bco brgyad de/ tshong ba dang/ rdzong mkhan dang/ phreng ba mkhan dang/ chang 'tshong dang/ phyugs btsa' ba dang/ 'deg mkhan dang/ 'bru mar 'tshir ba dang/ mgar ba dang/ shing mkhan dang phywa mkhan dang/ tha ga pa dang/ ko lpags mkhan dang/ rgyal chen po dang/ btso blag mkhan dang/ smyig ma mkhan dang/ shan pa dang/ gdol ba'i las dang/ shing rta mkhan zhes bya ba dag go /bcug na zhes byed pa ni de dag slob du bcug nas so/ /zho
- 200b
shas 'tsho ba dag ces bya ba ni dpya phul ba'i mi dag gam/ mtshon chas pa dag go /sdud pa zhes bya ba ni len pa'o/ /lo thang 'bul ba zhes bya ba ni lo thang nges pa 'bul lo/ /rgyus mi shes pa zhes bya ba ni mi shes pa'o/ /ma bzlog gam zhes bya ba ni dri ba'o/ /mtshams chen bcad par bya'o zhes bya ba ni chad pa'o/ /gnas yod par 'gyur gyis zhes bya ba ni srid kyis zhes bya ba'o/ /chas zhes bya ba ni nas la sogs pa'i 'bru'o/ /'ba' zhig ces bya ba ni gzhan med pa'o/ /mthu zhes bya ba ni dral ba la sogs pa nus pa'o/ /dpung zhes bya ba ni dmag dang ldan pa'o/ /brtson 'grus zhes bya ba ni spro ba dang bcas pa'o/ /pha rol gnon pa zhes bya ba ni dmag mi'o/ /ma nyams par gyis shig ces bya ba ni ma bri bar gyis shig pa'o/ /yul 'khor gzhom par byas zhes bya ba ni rgyal srid gzhig par bya'o/ /khyim dpal zhes bya ba ni khyim khol gyis shig pa'o/ /lte ba zhes bya ba ni shing rta'i dkyil lo/ /rtsibs zhes bya ba ni shing rta'i rtsibs so/ /steng gi khang bzangs kyi gzhir gtogs pa zhes bya ba ni stong gi khang bzangs kyi gzhi'o/ /phru ma zhes bya ba ni pho brang gi gnas so/ /byer zhes bya ba ni skrag nas phan tshun du zos pa'o/ /pho nya rta pa zhes bya ba ni rta zhon pa'o/ /'tsho ba'i rgyu zhes bya ba ni grong dang longs spyod la sogs pa 'tsho ba'i rgyu'o/ /gnas skabs zhes bya ba ni gzugs brnyan na mchad pa'o/ /yongs su ma grub pa zhes bya ba'i don no/ /thab mo zhes bya ba ni phyi rol gyi yul 'khor dang 'khon pa'o/ /'thab pa zhes bya ba ni rang gi yul 'khor dang 'khon pa'o/ /phyi dgra zhes bya ba ni phyi rol gyi dmag tshogs kyis byas pa'i 'khrug pa'o/ /nang 'khrug ces bya ba ni rang gi dmag tshogs kyis byas pa'i 'khrug pa'o/ /kha cig na re gnod par byed pa'i gnod sbyin no/ /phyi dgra zhes ni brjod par bya/ /gnod sbyin gnod par byed pa'i tshogs/ /gtso dang bcas pa nang 'khrug yin/ zhes kyang zer ro/ /choms rkun zhes bya ba
- 201a
ni g.yon can no/ /mu ge zhes bya ba ni bza' ba dang/ /btung ba dkon no/ /nad ces bya ba ni yams kyi nad la sogs pa'o/ /sA lu'i phreng ba zhes bya ba ni 'bras sA lu'i zhing gi tshar ro/ /bu ram shing gi phreng ba zhes bya ba ni bu ram shing gi tshar ro/ /chos dang ldan pa zhes bya ba ni sbyin pa dang tshul khrims la sogs pa'i chos spyod pa'i phyir ro/ /chos kyi rgyal po zhes bya ba ni rigs par rgyal srid thob pa'i phyir ro/ /chos kyi rgyal srid byed du bcug go ces bya ba ni mi rigs pa'i chang ba la sogs pas skye bo la gnod par mi byed pas blon po'i tshogs rnams rgyal srid byed du bcug pa yin no/ /shed bu zhes bya ba ni bram ze gzhon nu ste/ bram ze lo bzhi bcu ma lon pa zhes bya ba'i tha tshig go /gsang tshig ces bya ba ni dug la sogs pa gsal ba la sogs pa skyes bu ches bshad pa'i rigs byed dang/ gsang sngags so/ /'dod pa zhes bya ba ni sems kyis so/ /tshol ba zhes bya ba ni lus dang ngag gi bya bas so/ /zhig ces bya ba ni 'jig rten la ni ming grag pa 'am ming gtso ba yin pa'o/ /yul dbus nas zhes bya ba ni bcom ldan 'das nyid kyis nye bar 'khor yul gyi dbul kyi mtshams ni shar du ni grong khyer li khar shing 'phel zhes bya ba ni mdun gyi nags li kha ra'i shing tshang tshing can zhes bya'o// lhor ni grong khyer 'dam bu can zhes bya ba'i lhor ni chu klung 'dam bu can zhes bya ba'o/ /nub tu ni bram ze'i grong ka ba dang/ /nye ba'i ka ba zhes bya ba gnyis so/ /byang du ni u shi ri'i ri zhes bya ba'o/ /zhes gsungs pas de'i nang nas so/ /rig byed ces bya ba ni nges brjod kyi rigs byed dang/ mchod sbyin gyi rig byed dang/ snyan tshig gi rig byed dang/ srid srung gi rig byed ces bya ba bzhi po dag go /rig byed kyi yan lag ces bya ba ni bslab pa dang/ cho ga dang/ brda sprod pa dang/ sdeb sbyor dang/
- 201b
nges pa'i tshig dang/ skar ma zhes bya ba'i bstan bcos drug po dag go /pha rol du son pa zhes bya ba ni mkhas pa'o/ /ston par gyur pa zhes bya ba ni rten du gyur pa'o/ /zhi ba zhes bya ba ni mi rgod pa'o/ /spyod lam bzhis shes par bya ba ni cha lugs kyis so/ /zhabs la srid zhu bgyis par zhes bya ba ni bla ma la mchod par byed par ro/ /klag pa zhes bya ba ni gdon pa'o/ /kun du spyod pa zhes bya ba ni rtag tu grags pa'o/ /mi klag pa zhes bya ba ni mi 'don pa ste/ de skad du bram ze dag gis/ tshes brgyad mkhan po nyams 'gyur te// bcu bzhi slob ma nyams par 'gyur/ /bco lnga ldob skyen nyams 'gyur bas/ /de'i phyir dus tshigs spang bar bya/ zhes smras pa yin no/ /chu ngogs zhes bya ni rje dpon smin drug skyes kyi chu ngogs la sogs pa bsod nams kyi gnas dag go /nye reg ces bya ba ni khrus byas pa dang/ byin blugs la sogs pa'i las so/ /grong khyer lta zhes bya ba ni grong khyer blta ba'i phyir ro/ /yam sreg shing zhes bya ba ni sbyin sreg bya ba'i bud shing rgya skyegs kyi shing la sogs pa'o/ /bar skabs kyi gtam brjod pa zhes bya ba ni bar skabs kyi gtam zer ba'o/ /ku sa'i rigs zhes bya ba la sogs pa mi rigs kyi sgra ste/ drang song ku sa dang bad sa la sogs pa'i rigs rgyud yin pa'i phyir ro/ /blo can zhes bya ba ni shes rab can no/ /yon byed ces bya ba ni sbyin pa dang rim gro dang/ bkur sti la sogs pa byed pa 'am gzhan gyi sems rjes su bsrung ba'o/ /phra ma can zhes bya ba ni dbye bar 'dod pa'i tshig smra ba'o/ /tshig rtsub ces bya ba ni tshig rtsub po smra ba'o/ /mchog ces bya ba ni gtso bo'o/ /slongs mo brgyas zhes bya ba ni zan gyi phyir rgyu ba mang po ste/ 'dis ni brtul zhugs nges pa dang ldan pa'i skye bo mang po rgyu ba bstan to/ /dbus pa'i skye bo zhes bya ba ni skye bo dge ba'o/ /mdza' 'khob pa'i skye bo zhes bya ba ni kla klo'o/ /drag shul gyis las byed pa'o/ /skye bo mkhas pa zhes bya ba ni/ skye bo 'dzangs pa'o/ /kha rje zhes bya ba ni 'jig
- 202a
rten pa'i don grub pa'o/ /bsod nams zhes bya ba ni bde 'gro 'grub pa'o/ /bkris zhes bya ba ni sdig pa nyams par byed pa 'am/ 'dod pa'i don 'grub pa'i rgyu yin pa'o/ /gtsang ba zhes bya ba ni rang nyid skyon med cing dben pa'i phyir ro/ /gtsang ba nyid kyi gnas su grags zhes bya ba ni gzhan dag gi sdig pa'i las spong ba'i phyir ro/ /'gram gnyis nas rlan 'phyo ma zhes bya ba ni skye bo mang po la 'kho ba nyid kyi chus gang bas ngogs kyi mu gnyis ka nas chu'i dbyings spyad du rung ba'o/ /bsti gnas zhes bya ba ni drang srong gi gnas so/ /chu 'gyur bco brgyad 'bab pa zhes bya ba ni gya gyur 'bab pa'i gling bco brgyad kyis mtshon pa'i yul lo/ /kha cig na re drang srong gya gyur bco brgyad pa zhes bya ba ni gnas yin no zhes kyang zer ro/ /dka' thub spyad na zhes bya ba ni tshangs par spyod spyad na ste/ du ba rdub pa dang dka' thub lnga la sogs pa'i dka' thub spyad na'o/ /rang gi lus nyid kyis mtho ris su 'dod pa zhes bya ba ni de dag dka' thub spyod pa nyid ni yid bde ba dang ldan pa bzhin du dus byas nas bar ma do'i srid pas mtho ris su 'dod par shes par bya'o/ /gzhan du na bar ma do'i srid pa bkag par 'gyur ro/ /mkhas par bgrang ba zhes pa mang du thos par grags pa'o/ /snyan par smra ba'i zhes bya ba ni snyan par smra ba'o/ /smra ba'i khyu mchog ces bya ba ni smra ba'i gtso bo ste/ /smra ba'i dpa' bo zhes bya ba'i tha tshig go /bsngags pa zhes bya ba ni rang bzhin gyis bden pa brjod pa'o/ /sa dang sa gzhi zhes bya ba ni sa nyid do/ /mdzes pa mdzes pa dag ces bya ba ni bzang po dag gi rnam grangs so/ /bsnyen bkur bgyi zhes bya ba ni bsten par bya ba'am blta bar bya ba'o/ /tshar bcad par bgyi zhes bya ba ni pham par bya ba'o/ /slob ma la rjes su chags pa dang zhes bya ba ni slob ma la dga' ba'o/ /'khor nyung ba zhes bya ba ni g.yog 'khor nyung ba'am khyim gyi yo byad nyung ba'o/ /g.yang gzhi dag ces
- 202b
bya ba ni ri dags la sogs pa'i pags pa dag go /shing shun dag ces bya ba ni shing ljon pa'i shun pa dag go /dbyug gu dag ces bya ba ni 'khar ba dag go /blugs gzar ces bya ba ni sbyin sreg rgyu ldugs par byed pa'i gzar bu yu ba ring po'o/ /dgang gzar zhes bya ba ni sbyin sreg rgyus dgang bar bya ba'i gzar bu chen po'o/ /ril ba dag ces bya ba ni bkru bshal bya ba'i snod do/ /rgol ba'i shing rta zhes bya ba ni/ rgol bar tshod bcad pa dag gis drang bar bya ba'i shing rta'o/ /kha cig ni mgor thal ba'i bum pa dag gis bsnan zhes bya ba ni rgol bas pha ma na tshar bcad pa'i phyir mgor thal bas bkang ba'i bum pa gcog par byed pa'o/ /kha cig ni 'phong gi dpong sar kha bzhin du thag ring po nas yongs su spong bar byed ces bya ba ni/ gang dag mkhas par grags pa de dag gis ni shes pa lhag par gyur pa yin no snyam du sems pas 'phong gi spong sar kha byol ba bzhin du thag ring por 'byol bar byed pa'o/ /kha cig ni gdugs dang rgyal mtshan dang ba dan dag gis bsu bar byed ces bya ba ni 'di ni shes pas phyug pa yin no snyam du rig nas gdugs la sogs pas mdun du bsu bar byed pa'o/ /kha cig ni slob pa nyid du khas len par byed ces bya ba ni 'di ni rig byed kyi pha rol tu son pa gtso bo yin pas bdag cag gi mkhan por rung ba'o snyam du shes nas slob pa nyid khas len par byed pa'o// mthar gyis shig bya ba ni rkang pa ni bsku ba la sogs pas thod rgal ma yin par ro/ /grong zhes bya ba ni skye bo'i tshogs gnas pa zod bkram pa dang gcer ba med pa'o/ /grong khyer zhes bya ba ni bam po 'byed par byed pa'i gnas chen po zod bkram pa dang gcer ba dang ldan pa'o/ /grong rdal zhes bya ba ni grong khyer dang 'dra ba chung ngu zod bkram pa dang/ gcer ba dang ldan pa'o/ /dbye tshongs zhes bya ba ni 'brog pa 'brog na gnas pa'i gnas chen por nyo tshong byed pa'i gnas so/ /tshod ldan zhes bya ba ni chu klung chen po'i 'gram
- 203a
gyi grong khyer nyo tshong byed pa'i gnas so/ /'dul zhing zhes bya ba ni pham par byed cing ngo/ /yal ga zhes bya ba ni lcug ma'o/ /lo ma zhes bya ba ni yal ga phre'u'o/ /nyug par bya zhes bya ba ni nom par bya ba'o snyam nas zhes bya ba ni rnam par rtog pa'o/ /rgyal ba dang tshe spel ba byas te zhes bya ba ni khyod rgyal bar gyur cig khyod tshe ring bar gyur cig ces shis ba brjod pas spel ba'i gtam byas te'o/ /de ltar yang/ rgyal po tshe dang kha dog dang/ /dpung dang dpal gyi 'phel gyur cig / dgra bo'i tsher mas ma rmas par/ /rgya mtsho'i mthas btugs sa skyong shig /ces brjod pa yin no/ /bka' mchid rnam par gtan la dbab pa zhes bya ba ni gtam rnam par gtan la dbab par bya'o/ /zhugs lta bu'i shes pas zhes bya ba ni me dang 'dra ba'i shes pa ste/ shes pa thams cad la mthus thog pa med pa'i phyir ro/ /rang gi smra ba gsal bar bgyid pa zhes bya ba ni rang gi gzhung lugs rab tu bzhag pa'o/ /gzhan gyi smra ba tshar gcod pa zhes bya ba ni/ gzhan gyi gzhung lugs dgag pa'o/ /bstan bcos gnas len kyi pa zhes bya ba ni gnas len gyi bu zhes bya bas byas pa'i phyir bstan bcos kyi ming yang gnas len gyi bu zhes bya ste tshul gyi bstan bcos so/ /kha cig na re skar ma'i bstan bcos zhes kyang zer ro/ /nye bar sbyar te zhes bya ba ni byas pa'o/ /rdo ci thogs pas zhes bya ba ni ci nus pas so/ /rgol ba'i dkyil 'khor zhes bya ba ni zhal che'i mi dag go /phyogs zhes bya ba ni rang gi gzhung lugs dam 'cha' ba' o/ /gzhan gyi phyogs zhes bya ba ni gzhan gyi gzhung lugs dam 'cha' ba' o/ /phyogs snga ma zhes bya ba ni rang gi gzhung lugs dam 'cha' ba sngar byed pa'o/ /mgron po zhes bya ba ni glo bur du 'ongs pa ste/ de nyid mchod par bya ba yin no/ /de ltar yang/ glo bur 'ongs pa'i mgron la ni/ /gang yang rung bas bsnyen bkur bya/
- 203b
zhes bya ba dang/ b+ha ra d+hwa dza mgron la bsnyen bkur bya ba zhes bya ba la sogs pa gsungs pa yin no/ /rgyud chags zhes bya ba'i bstan bcos so/ /lnga brgya zhes bya ba ni gzhung gzhung lnga brgya'i tshad do/ /rigs pa med pa zhes bya ba ni lung 'gal ba'o/ /mi mthu bya ba zhes bya ba ni snga phyi 'gal ba'o/ /mi 'thad pa zhes bya ba ni rigs pa dang 'gal ba'o/ /ci yang smra bar mi 'dug go zhes bya ba ni kha dog par 'dug pa'o/ /tshar bcad pa'i gnas zhes bya ba ni pham pa'i rgyu'o/ /lan la spobs pa med pa zhes bya ba ni lan gyi skabs su cang mi smra bar 'dug pa ste/ /brgal bar khas blangs nas spobs pa med pas kyang cang mi smra ba ni tshar bcad pa'i gnas yin no zhes zer ba'i phyir ro/ /tha? chang? ces bya ba ni smad pa'o/ /su rgyal zhes bya ba ni gang rgyal zhes bya'o/ /yid dga' ba zhes bya ba ni sems dga' ba'o/ /rnyed pa zhes bya ba ni rgyal srid skye bo mkhas pas gang ba'o/ /legs par rnyed do zhes bya ba ni phas kyi rgol ba tshar gcod nus pa'i phyir ro/ /rangs pa zhes bya ba ni sbu gyen du 'greng ba'o/ /dga' ba zhes bya ba ni lus kyi bde ba dang ldan pa'o// mchog tu dga' ba zhes bya ba ni yid kyi bde ba dang ldan pa'o/ /'byor pa 'dod pa zhes bya ba ni phun sum tshogs pa la dga' ba'o/ /rigs mnyam pa las zhes bya ba ni thab rigs 'bab pa las so/ /chung ma zhes bya ba ni khyo ma'o/ /de dang zhes bya ba ni chung ma dang ngo// rtse bar byed ces bya ba ni rgyan po dang pho long la sogs pas so/ /dga' bar byed ces bya ba ni glu dang bro dang 'o dang 'khyung ba la sogs pas so/ /dga' mgur spyod par byed ces bya ba ni sprod pa las byung bas bdag nyid kyi kun tu spyod par bsnyen bkur byed du 'jug pa'o/ /ro stod ring ba zhes bya ba ni de'i lus kyi ro stod kyi cha ring ba zhes bya ba'i tha tshig go /gtsas pa zhes bya ba ni mngal gyi gnas nas btsas nas so/ /'dus shing zhes bya ba ni nyen 'khor na 'khod pa dag 'dus shing ngo/ /lhags nas zhes bya ba ni thag ring
- 204a
po na 'khor pa dag lhags nas so/ /nyi ma bdun gsum gyi nyi shu rtsa gcig zhes bya ba ni bdun pa dang po dang/ gnyis pa dang/ gsum pa la bcos ston chung ngu dang/ 'bring dang/ chen po byed du bcug pa nyid kyi nyi ma ni bdun gsum yang yin la/ spyir bsdoms na nyi shu gcig kyang yin pa'o/ /btsas ston zhes bya ba ni btsas pa'i mchod pa ste/ bang zan no/ /rgya cher zhes bya ba ni yo lang cher ro/ /ming zhes bya ba ni ming du gdags pa'o/ /stong ring zhes bya ba ni ro stod ring pa'o/ /bram ze'i zhes bya ba ni bram ze dang 'brel pa'i'o/ /sbyod tshul zhes bya ba ni 'gro ba dang/ 'greng ba dang/ 'dug pa dang/ nyal ba dang bral ba'i cha lugs so/ /spyod pa zhes bya ba ni 'gro ba la sogs pa'i bya ba'o/ /gtsang sbra zhes bya ba ni gnas skabs kyi tshul gyis yan lag dag par byed pa'o/ /kun du spyod pa zhes bya ba gus par smra ba la sogs pa rjes su sgrub pa'o/ /thal ba blang zhes bya ba ni thal bas bya ba gang yin pa de blang ba rjes su mthun par sgrub pa'o/ /'og ma dag la yang de bzhin du sbyar ro/ /byam bum zhes bya ba ni chu snod kyi ril pa'o/ /sa blang ba zhes bya ba ni 'dag rdzas kyi rgyu gang nas ji snyed ji ltar blang pa'o/ /lag stangs zhes bya ba ni lag pa bzhag pa'i thabs so/ /thor tshugs zhes bya ba ni skra bcings pa'i thabs so/ /rab sngags zhes bya ba ni oM zhes bya ba skye dgu srung pa'i thabs te/ de ji ltar srid pa de ltar bslabs par bya'o/ /kye zhes bya ba ni mchod sbyin byed pa'i tshe bram ze rnams bod pa'i phyir legs par sbyar bas bong pa bya ba'o/ /des brjod kyi rig byed ces bya ba ni tshig gi tshang nges pa ste/ shes par skyed pa'i tshig go /mchod sbyin gyi rig byed ces bya ba ni/ /tshig sbyar ba'i tshang nges par dag pa dag go /snyan tshig gi rig byed ces bya ba ni brgya byin dang/ tshangs pa la sogs pa la bstod pa'i tshig dag go /srid srung gi rig byed ces bya ba ni skye dgu srung ba'i thabs ston pa'o/ /mchod sbyin byed pa/ zhes
- 204b
bya ba ni bdag nyid mchod sbyin la sogs pa'i bya ba byed pa'o/ /mchod sbyin byed du 'jug pa zhes bya ba ni gzhan mchod sbyin la sogs pa'i bya ba byed du 'jug pa'o/ /klog pa zhes bya ba ni bdag nyid tshig gdon pa'o/ /klog du 'jug pa zhes bya ba ni gzhan tshig 'don du 'jug pa'o// sbyin pa zhes bya ba ni bram ze dag la sbyin pa'o/ /len pa zhes bya ba ni bram ze las bram ze dang/ rgyal rigs dang/ dmangs rigs dang/ gsum gyi len pa'o/ /mkhas pa zhes bya ba ni las drug po de dag ltur len pa'o/ /yang zhes bya ba ni phyi yang ngo/ /sha ri ka zhes bya ba ni ri skegs so/ /yig 'bru'i yi ge zhes bya ba ni lag yig la sogs pa'i yi ge gzhan dag kyang yod pas btsal ba'i phyir/ yig 'bru zhes bya ba smos te/ yig 'bru kho na'i yi ge'o/ /zhes bya ba ni tha tshig go /nyes par sbyar nas zhes bya ba ni slob tu bcug nas so/ /dam zhes bya ba ni bzod pa'o/ /da 'das nas zhes bya ba ni med nas te shi nas zhes bya ba'i tha tshig go /'jig rten rgyang 'phan zhes bya ba ni med pa'i bstan bcos zhes bya ba'i tha tshig go /bzung ba zhes bya ba ni klag pa'o/ /gzhung gsar zhes bya ba ni gzhung gsar du klag pa'o/ /byed pa gsal ba zhes bya ba ni la 'dir byed pa zhes bya ba ni lce dang/ rkan dang/ mgul dang/ mchu la sogs pa dag ste/ de dag gsal ba na de'i tshig 'khrul pa med pa'i phyir ro/ /tshig 'greng ba zhes bya ba ni sgra dka' bas rgyud chags 'don pa ste/ dper na 'dam rdzab rkang pa 'greng par rkang pa mi tshugs pa dang 'dra bar sgra dka' ba brjod na myur du brda mi phrad cing mi thebs pa'o/ /mchis shing lhags zhes bya ba la mchis shing zhes bya ba ni sngar 'dus pa'o/ /lhags pa zhes bya ba ni phyis 'ongs pa'o/ /longs spyod kyi ba dan zhes bya ba ni rgyal ba'i longs spyod kyi rtags su'o/ /bzang mo zhes bya ba ni snyan pa'i tshig bong pa'o/ /khyim gyi so nam zhes bya ba ni khyim gyi so chis so/ /phan mang du btags zhes bya ba ni phas kyi rgol ba tshang gcod pa la sogs pa'o/ /zil gyis non zhes bya ba ni brnyas pa'o/ /dgra bo zhes bya ba ni
- 205a
dgra'o/ /srog dang bral ba zhes bya ba ni gsod pa'o/ /dpal gyis 'byor pa chen pos zhes bya ba ni longs spyod chen po phun sum tshogs pas so/ /kun du rgyu zhes bya ba ni mu stegs can gyi rnam pa ste/ rab tu byung ba zhes bya ba'i tha tshig go/ sen rings zhes bya ba ni lus kyi ro stod ring zhing sen mo yang mi 'breg par 'jog pa'i phyir ro/ /srid pa tha ma zhes bya ba ni skye ba tha ma pa'o/ /spyod pa tshol ba zhes bya ba ni/ lam gyi spyod pa tshol bar byed pa'o/ /thar pa'i snying po bzung ba zhes bya ba ni thar pa'i cha dang mthun pa 'phangs pa'o/ /mya ngan las 'das pa la phyogs pa zhes bya ba ni thar pa mngon par 'dod pa'o/ /'khor ba las phyir phyogs pa zhes bya ba ni kha phyir phyogs par gyur pa'o/ /srid pa'i 'gro ba thams cad du 'chi 'pho dang skye ba don du mi gnyer ba zhes bya ba ni srid pa'i ngo bo nyid 'gro ba lnga po thams cad du 'chi 'pho ba skye ba la mi bltos pa zhes bya ba'i tha tshig go /skyes bu dam pa'i 'gro ba bdun btsal ba'i phyir srid pa'i nyes pa smos so/ /bde 'gro bsdu ba'i phyir thams cad ces smos so/ /lus tha ma 'dzin pa zhes bya ba ni srid pa bar ma'i lus tha ma 'ba' zhig 'dzin pa zhes bya ba'i tha tshig go /zhig kyang zhes bya ba ni ming ma grags pa'i sems can zhig kyang ngo/ /lha'i ris zhes bya ba ni lta'i gnas so/ /bzang po zhig nas zhes bya ba ni yul gsal ba zhig nas so// zhugs so zhes bya ba ni 'babs pas so/ /rmis ltas zhes bya ba ni/ rmi lam bzang ngan ston pa'i bstan bcos so/ /lo brgyad gnyis zhes bya ba ni lo bcu drug go /sbyor ba gang yin pa zhes bya ba ni 'brel pa gang yin pa zhes bya ba ni 'brel pa gang yin zhes bya'o/ /zla ba brgyad dam dgu zhes bya ba la gang dag zla ba ngo tshang ba la 'ba' zhig zla ba nyid du bgrang zhing zla ba phyed la sogs pa yongs su spong bar byed pa de dag gi lugs ltar ni zla ba brgyad ces smos so/ /gang dag zla ba phyed pa la sogs pa'i bsam pas kyang zla ba nyid du bsnan te 'grang
- 205b
bar byed pa de dag gi lugs ltar ni zla ba dgu smos so/ /'das nas zhes bya ba ni yol nas so/ /btsas pa las zhes bya ba ni mngal na gnas pa btsas pa las so/ /gzugs bzang ba zhes bya ba ni kha dog gis so/ /blta na sdug pa zhes bya ba ni dbyibs kyis so/ /mdzes pa zhes bya ba ni dga' zhing sdug pa'i rgyur gyur pa'o/ /gsal ba gser gyi mdog 'dra ba zhes bya ba ni gser gyi mdog 'dra ba nyid kyis gsal ba ste/ sngo bsangs la sogs pa bsal ba yin no/ /mgo gdugs lta bu dang ldan pa zhes bya ba ni mgo gdugs ltar zlum pa dang ldan pa'o/ /lag pa ring ba zhes bya ba ni lag pas pus mor slob pa'o/ /dpral ba'i dbyes che ba zhes bya ba ni dpral ba yangs pa'o/ /smin ma 'dzar ba zhes bya ba ni smin ma'i spu rnams nang 'dzar zhing 'dab chags su 'byor pa'o/ /sna'i gzengs ma tho ba zhes bya ba sna'i gzengs kyi phang mtho ba'o/ /byung ngo zhes bya ba ni mngal nas byung ba'o/ /mes po zhes bya ba ni ma'i pha'o/ /pha las drangs te zhes bya ba ni pha las glengs te'o/ /rig pa'i gnas thams cad ces bya ba ni rtog ge dang/ lung dang gso ba dang/ sgra dang/ las dang/ bzo'i rig pa dag go /yab ces bya ba ni pha la bong pa'o/ /gsang tshig gi gzhi zhes bya ba ni rig byed kyis tshig go /sngon gyi drang srong zhes bya ba ni brgyad pa la sogs pa drang srong chen po rnams so/ /bstod pa zhes bya ba ni rab tu bsngags pa'o// bsgrags pa zhes bya ba ni gzhan dag la smras pa'o/ /yang dag par sbyar ba zhes bya ba ni phan tshun sbyar ba'o/ /rjes su sgrogs ba zhes bya ba snyan tshig gi rig byed sgrogs pas bstod pa byed pa'o/ /rjes su brjod pa zhes bya ba ni mchod sbyin gyi rig byed dang/ des brjod kyi rig byed dang/ srid srung gi rig byed brjod pas brjod par byed pa'o/ /yang na rjes su sgrogs zhes bya ba ni yi ge'i sgo nas so/ /rjes su brjod ces bya ba ni don gyi sgo nas so/ /gzhung srong bar bya ba zhes bya ba ni tshig gtso bo gsal bar bya'o/ /khyad par
- 206a
lhag par rnyog par bya ba zhes bya ba ni bye brag tu ches gsal bar bya'o/ /klog tu 'jug pa zhes bya ba ni 'don du 'jug pa pa'o/ /rig byed ring po dag yin pa de dag ni tshig dang yi ge phyi zhing thung ngur rnam par bzhag go zhes bya bar sbyar ro// rig byed thung ngu thung ngu gang dag yin pa de dag ni don dad nges pa'i tshig tu ring por rnam par bzhag go zhes bya bar sbyar ro/ /de la rig byed ring po dag yin pa de dag ni tshig zlos bu phri bas/ de dag las tshig zos bu phri ba na tshig phri zhing thung ngur rnam par bzhag pa yin no/ /gcig gi tshig dang gnyis kyi tshig dang mang po'i tshig rnams las gcig gi tshig 'ba' zhig bzhag ste gnyis kyi tshig don 'dra ba gnyis phri ba ni yi ge phri zhing thung ngur rnam par bzhag pa yin no/ /thung ngu gang dag yin pa de dag ring por rnam par bzhag pa ni tshig dang yi ge'i sgo nas ma yin gyi 'di ltar don dang nges pa'i tshig gi sgo nas te tshig thung ngu gcig la yang don mang por drangs te bskyed pa'i don dang nges pa'i tshig gi sgo nas rnam par bzhag pa yin no// // bam po gnyis pa/ /grong shing thags can zhes bya ba ni/ shing thags kyis mtshon pa'i phyir ro/ /mdun na 'don zhes bya ba ni bsod nams bya ba la/ rgyal po'i bla ma'o/ /phyug pa zhes bya ba ni sA lu la sogs pa nang gi yo byad 'byor pa'o/ /nor mang ba zhes bya ba ni dbyig dang gser la sogs pa'i nor 'byor ba'o/ /longs spyod che ba zhes bya ba ni ba lang dang/ ma he dang/ ra dang/ grong la sogs dag gis so/ /yongs su gzung ba zhes bya ba'i sgra ni yangs pa dang rgya che ba gnyi ga dang so sor sbyar ro/ /de nas yongs su bzung ba yangs zhes bya ba ni bran dang bran mo dang/ las byed pa la sogs pa yo byad mi dag gis so/ /yongs su bzung ba rgya che ba zhes bya ba ni khang khyim gyi gtos rgya che ba'o/ /rnam thos kyi bu'i nor dang ldan pa zhes bya ba ni grangs dang rin che ba'i nor
- 206b
dang ldan pa'i phyir ro/ /rnam thos kyi bu la nor gyis 'gran pa zhes bya ba ni nor mnyam pa gzhan mi snang bas rnam thos kyi bu la nor gyis 'gran pa'i phyir ro/ /kha cig na re rnam thos kyi bu yang sbyin pa sbyin pas zang par mi 'gyur la bdag kyang sbyin pa sbyin pas zad par mi 'gyur ro/ /zhes 'gran pa'i phyir ro zhes kyang zer ro/ /bu mngon par 'dod pas zhes bya ba ni bu yod par 'dod pas so/ /zhi ba zhes bya ba ni lha chen po'o/ /chu lha zhes bya ba ni chu'i lha'o/ /lus ngan zhes bya ba ni rnam thos kyi bu'o/ /sogs pa zhes smos pas ni yul 'khor bsrung la sogs pa dag bsdu'o/ /gsol ba 'debs zhes bya ba 'tshol ba'o/ /lha'i bye brag ces bya ba ni lha'i rnam pa'o/ /kun dga' ra ba zhes bya ba ni 'bras bu dang ldan pa'i shing ljon pa'i gnas so/ /tshal zhes bya ba ni 'bras bu med pa'i shing ljon pa'i gnas so/ /bzhi mdo zhes bya ba ni lam gyi bzhi mdo'i gnas so/ /sum mdo zhes bya ba ni lam gyi sum mdo'i gnas so/ /gtor ma len pa zhes bya ba ni khyim gyi lta dag go /lhan cig skyes pa dag ces bya ba ni dus gcig tu byung bsrung par byed pa gnod sbyin la sogs pa dag go /chos mthun pa dag ces bya ba ni bstan bcos mthun pa dag ste/ dge ba bya ba la mthun par mngon par dga' ba dag go /rtag tu rjes su 'brang ba zhes bya ba ni rtag tu phyi bzhin 'ong ba'o/ /gtam zhes bya ba ni grags pa'o/ /'khor lo sgyur ba zhes bya ba ni gser gyi 'khor lo nam mkha' la 'gro bas rgyal srid byed du 'jug pa gang la spyod pa'o/ /gnas gsum po dag ces bya ba ni rgyu gsum po dag go /mngon du gyur pa las zhes bya ba ni nye bar gyur pa las so/ /pha dang ma gnyis chags par gyur cing 'dus pa zhes bya ba ni gnas gcig ste chags par gyur cing 'dus pa zhes bya ba ni 'dod chags mngon sum du gyur pa'o/ /'dus pa zhes bya ba ni bya ba cig rtsom zhing sbyor ba ste/ sprod pa las byung brtsams pa'o/ /ma dus la bab cing zla mtshan dang
- 207a
ldan pa zhes bya ba ni gnyis pa ste/ dus la bab cing zhes bya ba ni 'dod chags kyis yid bde zhing mngal na gnas pa 'dzin nus pa'o/ /zla mtshan dang ldan pa zhes bya ba ni khrag gi thigs pa gnyis sam gsum tsam gyi gnas skabs dang ldan pa ste/ me tog dang ldan pa zhes bya ba ni tha tshig go /dri za nye bar gnas shing 'jug 'dod pa zhes bya ba ni gnas gsum pa ste/ dri za zhes bya ba ni srid pa bar ma'i sems can te/ zas su dri bza' ba'o/ /nye bar gnas shing zhes bya ba ni 'jug pa'i phyir nye bar 'ongs shing ngo/ /'jug 'dod pa'o zhes bya ba ni mngal du 'jug 'dod pa'o/ /de'i zhes bya ba ni bram ze de'i 'o/ /skye dgu'i bdag mo zhes bya ba ni/ skye dgu zhes bya ba bu'i tshogs te de'i bdag mo yin pa'i phyir ro/ /bud med kyi yul zhes bya ba ni mo btsun te/ bud med ces bya ba ni bu bskyed pa'i phyir ro/ /yul zhes bya ba ni longs spyod par bya ba'i phyir ro/ /de ltar na bud med kyang yin la yul yang yin pas bud med kyi yul zhes bya bar rnam par sbyar ro/ /mkhas pa'i rang bzhin can zhes bya ba ni shes rab dang ldan pa'o/ /la la la zhes bya ba ni 'ga' zhig la ni thams cad la ma yin te/ dge ba dag gi nang nas phyogs la la la gnas pa 'ga' zhig la zhes bya ba ni tha tshig go /ma 'dres pa zhes bya ba ni thun mong ma yin pa'o/ /chos zhes bya ba ni dngos po'o/ /skyes pa chags par gyur pa shes shing chags pa dang bral ba shes pa zhes bya ba ni chags par gyur pa dang/ chags pa dang bral ba'i gnas skabs shes pa'i phyir chos gcig go /dus shes shing zla mtshan shes pa zhes bya ba ni bdag nyid kyi ngo bo nyid shes pa'i phyir chos gnyis pa ste/ dus zhes bya ba ni mngal na gnas pa'i yongs su 'dzin pa'i dus la bab pa'i dus so/ /zla mtshan zhes bya ba ni khrag gi dri ma zags pa'i lhag ma khrag gi thigs pa gnyis gsum tsam ste/ me
- 207b
tog zhes bya ba'i tha tshig go /mngal na gnas pa zhugs pa shes pa zhes bya ba ni mngal na gnas pa zhes bya ba bu mngal du zhugs shing chags par shes pa'i phyir chos gsum pa yin no/ /gang lar mngal na gnas pa zhugs de shes pa zhes bya ba ni mngal na gnas par 'jog par byed pa'i skyes pa gang las mngal na gnas pa rang gi rum du zhugs pa'i skyes pa'i bye brag shes pa'i phyir chos bzhi pa'o/ /khye'u shes shing bu mo shes pa zhes bya ba ni mngal na gnas pa'i bye brag shes pa'i phyir chos lnga pa'o/ /khye'u dang bu mo shes pa'i bud med kyi shes pa'i rgyu bstan pa'i phyir/ gal te zhes bya ba la sogs pa gsungs so/ /khye'u yin na dku g.yas par brten cing 'dug ces bya ba ni 'dod chags ston pa yin pas ma'i dku g.yas rol na ma'i lto logs su rgyab bsten cing sgal tshigs logs su mdun bstan 'dug pa'o/ /bu mo yin na dku g.yon par brten cing 'dug ces bya ba ni 'dod chags bsten par bya ba yin pas ma'i dku g.yon rol na ma'i lto logs su mdun bstan sgal tshigs logs su rgyab bsten cing 'dug pa'o/ /yid dga' zhing yid dga' nas zhes bya ba ni yid mgu ba ste rnam pa'i phyir tshig gnyis su smos so/ /khyim thab ces bya ba ni khyo'o/ /sems can zhugs pa zhes bya ba ni mngal na gnas pa chags pa'o/ /nges par zhes bya ba ni gdon mi za bar gor ma chags par ro/ /dgyes pa bskyed du gsol zhes bya ba ni shis pa brjod pa'i tshig ste/ dgyes pa zhes bya ba ni dga' ba de 'phel bar gyis shig ces bya ba ni tha tshig go /de yang zhes bya ba ni khyim thab de yang ngo/ /ro stod srang ste zhes bya ba ni spyi bo la sogs pa stod de'o/ /lag pa g.yas pa brkyang nas zhes bya ba ni bteg nas so/ /'di skad ces bya ba ni legs su smon pa'o/ /kho bo dang mthun par skye zhing mi mthun par mi skye ba zhes bya ba ni kho bo'i rjes su skye la tshig nyan par 'gyur zhing tshig nyan par mi 'gyur ba ma yin no/ /bya ba dag byed pa zhes bya ba
- 208a
ni khyim gyi bya ba dag go /gsos pas zhes bya ba ni gsos pas so/ /phyir gso ba zhes bya ba ni bus pha dag la lan du phan 'dogs shing phyir gso ba'o/ /bgo skal la spyod pa zhes bya ba ni skal ba sbyin pa'i rigs kyi nor? la longs spyod par byed pa ste/ khyim gyi nor chung mi gson par byed pa zhes bya ba'i tha tshig go /rigs brgyud ces bya ba ni rigs kyi rgyun no/ /yun ring du gnas par byed pa ste/ /yun ring du gnas par sgrub pa zhes bya ba ni dus yun ring du gnas par byed pa ste/ bu dang tsha bo la sogs pa bskyed pa'i phyir ro/ /bdag cag ces bya ba ni pha dang ma dag go /shi shing zhes bya ba ni bar ma dor ma yin par 'chi bas shi ba'o/ /dus la bab pa zhes bya ba ni tshe zad cing 'chi bas shi ba'o/ /sbyin pa dag ces bya ba ni phan 'dogs par byed pa'i phyir ro/ /bsod nams dag ces bya ba ni mchod pa byed pa'i phyir ro/ /yang na sbyin pa dag ces bya ba ni sbyin pa las byung ba'i bsod nams bya ba'i gzhi dag go /bsod nams dag ces bya ba ni tshul khrims las byung ba dang/ bsgom pa las byung ba'i bsod nams bya ba'i gzhi dag go /'di zhes bya ba ni sbyin pa dag byin zhing bsod nams dag byas pa'o/ /'gro zhing zhes bya ba ni 'khor ba'i lam du mtshams sbyor zhing ngo/ /rjes 'gro bar gyur cig ces bya ba ni rjes su 'thob par gyur cig ces so/ /ming gis yon bshad pa byed par gyur cig ces bya ba ni bdag cag gi ming nas 'byin cing yon gnas dag la mchod pa bya ba'i phyir yon dbul ba la sogs pa byed cing smon lam 'debs par gyur cig ces bya ba'i tha tshig go /ched du brjod pa ched du brjod par byed do zhes bya ba ni mgu ba'i tshig brjod par byed pa ste/ yid bde ba tshig tu brjod par byed ces bya ba ni tha tshig go /yongs su sbyin par bya ba'i phyir zhes bya ba ni gso pa'i phyir ro/ /steng gi zhes bya ba ni/ khang steng gi steng phyogs su rnam par lta bas bsang ba'i phyir dang/ dben
- 208b
pa nyid du bya ba'i phyir steng rim gror byed du 'jug pa'o/ /gzhir zhes bya ba ni sa gzhir ro/ /grang ba na zhes bya ba ni grang ba'i dus na'o/ /dro ba zhes bya ba ni dro ba'i dus na'o/ /sman pas bcas pa'i zhes bya ba ni sman pas bstan pa'i 'o/ /zas ha cang mi kha ba zhes bya ba la sogs pa dang/ kha ba la sogs pa rnam par spangs pa ni rlung la sogs pa'i rnam par 'gyur ba yongs su spang ba'i phyir ro/ /de skad du/ tsha dang kha dang bska bas ni/ /rlung dag 'khrug par byed pa yin/ /tsha dang skyur dang lan tshas ni/ /mkhris pa 'khrug par byed pa yin/ /mngar dang skyur dang len tshwas ni/ /bad kan 'khrug par byed pa yin/ zhes 'byung ba'i phyir ro/ /do shal zhes bya ba ni mu tig gi ngo shal 'phyad pa'o/ /se mo ngo zhes bya ba ni mu tig gi ngo shal gyi phyed nu ma dag gi steng na gnas pa'o/ /rgyan gyis klubs pa'i lus zhes bya ba ni rgyan gyis brgyan pa'i lus so/ /dga' ba'i tshal zhes bya ba ni sum cu rtsa gsum pa'i lha rnams kyis so/ /rnam par spyod pa zhes bya ba ni rgyu ba'o/ /khri nas khrir zhes bya ba la sogs pa ni gcig gi steng nas gcig gi steng du rjes su rgyu ba'o/ /shod kyis gzhir mi 'bab pa zhes bya ba ni ngal ba yongs su spang ba'i phyir ro/ /sgra yid du mi 'ong ba cung zad kyang mi thos par zhes bya ba ni mi mi dga' bar mi 'gyur bya ba'i phyir ro/ /gnod pa med pa nyid du zhes bya ba ni nyam nga ba med pa nyid du'o/ /ris gro byed du 'jung ngo zhes bya ba ni srel bar byed pa ste/ rnam pa de dag thams cad lus gnas na bde ba dang/ yid bde ba skye la de skye ba'i rgyur bstan pa yin no/ /lha dbang du blangs nas zhes bya ba ni snying la bsam te/ lha la gsol ba btab nas zhes bya ba'i tha tshig go /maung+gal bu yi'i rigs yin pas maung+gal gyi bu zhes bya ba ni dang srong maung+gal gyi bu ni maung+gal yin la/ maung+gal ya'i rigs ni bang? nas skyes yin pas maung+gal gyi bu zhes bya'o/ /spa bkong zhes bya ba ni zhum pa'i phyir mi dga' bar lta ba'o/ /mi dga' ba zhes bya ba ni mthu med pa'i phyir ro/ /mi 'jigs pa med ces
- 209a
bya ba ni sems zhums pas 'jigs pa dang bcas pa'o/ /bsam pa zhes bya ba ni sems kyi bsams pa'o/ /skad mdog dbang po'i rnam pa dag ces bya ba la skad kyi rnam pa ni/ chags pa'i mi'i skad ni dang dang po/ /sdang ba'i mi'i skad ni rtsub pa yin/ /smongs pa'i mi'i skad ni 'khrugs par 'gyur/ /tshangs par rnga sgra 'di ni sangs rgyas te/ /khyim thab de ni gzhon nu mi bsten gyis/ /phyir log rang gi sdum pa nyid du 'dod/ /zhes ji skad gsungs pa lta bu'o/ /mdog gi rnam pa ni/ skyes bu chags pa'i rjes ni gsal mi 'gyur/ /zhe sdang ldan pa'i rjes ni zab pa yin/ /rmongs par gyur pa'i rjes ni nogs par gyur/ /shin tu chags bral rjes ni 'di 'dra ste/ /khyim thab de ni gzhon nu mi bsten gyis/ /phyi rol rang gi sdum pa nyid du 'dod zhes ji skad gsungs pa lta bu'o// dbang po'i rnam pa ni/ chags pa'i mig ni rig rig lta bar byed/ /sdang ba'i mig ni dug drag sprul bzhin blta/ /rmongs pa'i mig ni mun khrod rtog bzhin blta/ /shin tu chags bral gnya' shing tsam du blta/ /khyim thab de ni gzhon nu mi bsten gyis/ /phyir log rang gi sdum pa nyid du 'dod/ zhes ji skad du gsungs pa lta bu'o/ /rnam par sba bar zhes bya ba ni bcab bar ro/ /skabs de zhes bya ba ni byung ba'i mdza' de'o/ /ches shes rab can zhes bya ba ni shes rab ches che ba'o/ /rigs kyis rgan pa zhes bya ba ni rigs kyi thu bo'o/ /lhag ma rnams la yang de bzhin du shes par bya'o/ /don du gnyer bas zhes bya ba ni thos pa tshol bas so/ /bgo bshal zhes bya ba ni mgron bya ba'o/ /ji bya snyam nas zhes bya ba ni/ /mchid lung nod pas so/ /klu'i rgyal po ri bo dang/ /yid 'ong gnyis kyis dus ston zhes bya ba ni klu'i rgyal po de gnyis kyi phyir dus ston byed pa ste/ /de nyid gzhung 'di las 'og nas 'byung ngo/ /nyams su myong bar byed ces bya ba ni bro dang glu dang rol mo la sogs pa blta bas dga' ba nyams su myong bar byed pa'o/ /ma skyes dgra zhes
- 209b
bya ba ni ming sde ma'i mngal na gnas pa nyid nas pha'i rgyab kyi sha za ba la sogs pas ming de skad btags te/ /de yang gzhung 'di nyid las 'og nas 'byung ngo/ /bya ba cung zhig ces bya ba ni dgos pa chung ba'i phyir ming ma smos so/ /rgol ba'i stan zhes bya ba ni/ /gang du rgol ba 'dug pa'o/ /mchog thob pa'i stan zhes bya ba ni bram ze klog pa phun sum tshogs pa dang ldan pa gang de la rgyal pos grong la sogs pa mchog phul ba de'i ston no/ /mchog thob pa'i stan la dbyug gu dang/ /ril ba zhog ste/ zhes bya ba ni klog pa phun sum tshogs pa dang ldan pa yin pas khyod dang 'dra ba gzhan med pa'i mchog thob par 'gyur ro zhes bsams pa'o/ /rgol ba'i stan la 'dug cig ces bya ba ni rgol thams cad pas khyad par du 'phags pa khyod dang 'dra bar gzhan med pa'i phyir/ rgol ba'i stan thob par 'gyur ro/ /zhes bya bar bsams pa yin no/ /to ta ka zhes bya ba ni glu dbyangs kyi sdeb sbyor gyi ming ngo/ /dbang po dag phyir blan te zhes bya ba ni mi g.yeng ba'i phyir mig gi dbang po nang du bsdus pa'o/ /blun po chen po zhes bya ba ni ltad mo la 'ongs la mi lta bar 'jug pa'i phyir ro/ /shes pas mi 'khrug pa zhes bya ba ni nye bar zhi ba'i phyir bskyod par mi nus pa'o/ /gang gis mthong ba 'am thos pa la snang ngo zhes bya ba ni kho bos ni ma mthong ma thos so zhes bya bar bsams pa'o/ /dbang po dag nang du bsdus pas ma mthong ba ni bden na zhes bya ba ni mig gi dbang po nang du bsdus pas ma mthong ba ni rung na zhes bya ba'i tha tshig go /mig gi dbang po'i rgyun mang du 'byung ba'i phyir mang po'i tshig tu gsungs so/ /ji ltar ma thos zhes bya ba ni rna ba ni ma bkag na sgra ji ltar ma thos zhes bya ba'i tha tshig go / shi lpags zhes bya ba ni rda pa Ta ha la sogs pa'o/ /shi ba'i rgyus pa zhes bya ba ni pi wang la sogs pa'o/ /'chir 'gyur bzhad gang ba zhes bya ba ni 'chi bar 'gyur ba smon thabs mkhan nam ltad mo pa'o/ /'chir 'gyur 'jo sgeg pa zhes bya ba ni 'chi bar
- 210a
'gyur ba'i sgeg dag gam gar mkhan nam/ /glu mkhan dag go /'chi ba'i skye bo 'dus pa la zhes bya ba ni 'chi bdag gis zin pa'i sems can 'dus pa 'di la'o/ /mkhas pa su zhig ces bya ba ni shes rab dang ldan pa su zhig go /bag med byed ces bya ba ni bag med par gal bde byed ces bya ba ni tha tshig go /'di skad bstan te/ ko lpags dang/ chu rgyus gang dag yin pa dag thams cad ni shi ba dang 'brel pa yin la/ bzhad gang dang/ 'jo sgeg pa gang dag yin pa dag thams cad ni 'chi bar 'gyur ba'i chos can yin te/ de lta'i skye bo 'chi bdag dang 'brel ba 'dus pa 'di la shes rab dang ldan pa su zhig bag med pa byed de ltar mi byed do zhes bya ba ni tha tshig go /rgyan ces bya ba ni mgul gdub dang/ /gdu bu rgyan can dang/ dpung rgyan la sogs pa'o// khur yin te zhes bya ba ni gnod pa byed pa'i phyir ro/ /thod 'tsham pa zhes bya ba ni gzhad gad du gyur pas smyon pa dang 'dra ba'i phyir ro/ /bkyal ba bya ste zhes bya ba ni tshig bkyal bar smras pa'i phyir ro/ /mi rtag nyid yin no zhes bya ba ni mi brtan pa'i phyir ro/ /yang dag pa kho nar zhes bya ba ni phyin ci ma logs pa nyid du'o/ /dad pas zhes bya ba ni yid ches pa bskyed pas so/ /khyim nas zhes bya ba ni khyim pa'i khyim nas so/ /khyim med par zhes bya ba ni khyim yongs su spangs pa'i ngo bo nyid kyi rab tu 'byung ba khas blang par ro/ /gang gi don du zhes bya ba ni gang gi phyir ro/ /mchod sbyin sbyin par byed ces bya ba ni rtas bsang ba la sogs pas mchod sbyin byed pa'o/ /sbyin sreg sreg par byed ces bya ba ni rgyun du mer sbyin srag byed pa'o/ /dka' thub kyi gdung bar byed ces bya ba ni du brdub pa la sogs pa dka' thub drag par byed pa'o/ /lag mthil du 'ongs zhes bya ba ni lag tu thob pa'o/ /ji bzhin byed ces bya ba ni ji yang mi byed pa'o/ /yongs su bzung bas zhes bya ba ni rta dang/ glang po che dang/
- 210b
nye du dang mdza' shes dang/ dbyig dang/ gser la sogs pa'o/ /shing shun zhes bya ba ni ldon pa'i shun pa'o/ /rtswa gyon zhes bya ba ni rtswa dar ba'i gos so/ /ri dags gdug pa zhes bya ba ni seng ge stag la sogs pa gcan zan no/ /'jig rten pha rol 'jigs pa gyid pa'i zhes bya ba ni ngan 'gros 'jigs par lta ba'o/ /rgyal srid slad du ni zhes bya ba ni rgyal srid kyi phyir ro/ /gsod ces bya ba ni gsod pa'o/ /'chid zhes bya ba ni su 'dod dang/ khong sgril la sogs pa'i 'chid pa'o/ /brdeg pa zhes bya ba ni khu tshur dang thal lcag la sogs pas brdeg go /sdug pa zhes bya ba ni rnam par shes pa lnga dang rjes su mthun pa'i phyir ro/ /yid du 'ong ba zhes bya ba ni yid kyi rnam par shes pa dang rjes su mthun pa'i phyir ro/ /bzod pa zhes bya ba ni bzod pa dang ldan pa ste/ /tshig nyan pa zhes bya ba'i tha tshig go / mthong na mi mthun pa med pa zhes bya ba ni zhe 'gras pa med pa ste/ /bde ba byed pa zhes bya ba'i tha tshig go /mi 'dod bzhin du 'bral ba kho na yin zhes bya ba ni mi dga' bzhin du 'bral ba'o/ /bu gzhon nu zhes bya ba bu thu bo la dga' ba'i tshig gis bod pa'o// shes par gyis shig ces bya ba ni 'og nas 'byung ba'i tshig 'di dag khong du chud par gyis shig ces bya ba'o/ /shin tu gzhon pa zhes bya ba ni lus kyi yon tan gyis so/ /bde ba 'dod pa zhes bya ba ni sems kyi yon tan gyis so/ /khyod kyis sdug bsngal mi shes te zhes bya ba ni khyod kyis sdug bsngal gyi rgyus mi shes te zhes bya ba'o/ /tshangs par spyod pa zhes bya ba ni mi tshangs par spyod pa spangs pa'o/ /spyad dka' ba zhes bya ba ni bsgrub dka' ba'o/ /rab tu dben pa zhes bya ba ni lus dang dben pa'o/ /brgya la rab tu dben par byas na de la sems dpa' bar 'gyur ro zhe na/ de'i phyir/ gcig pu nyid la mngon par dga' bar dka' o zhes gsungs te/ gcig pu nyid la mngon par dga' bar bskyed pa dka' o/ /kha cig dgon par grogs dang bcas pa la mngon par dga' ba
- 211a
skye'o snyam du dgos pa de'i phyir/ /gnas mal dgon pa nags khrod dang/ ri drung dang/ bas mdza' dag tu gnas pa khong du chud par dka' o zhes bya ba gsungs te/ /gnas mal zhes bya ba ni 'dug pa'i gnas te/ /skabs 'dir ni dgon pa zhes bya ba dang sbyar te/ gnas mal dgon pa de yang gang zhe na/ /'og nas nags khrod dang/ /ri klung dang/ bas mdza' dag ces 'byung ba dang sbyar ro/ /de la gnas mal zhes bya ba ni 'dug pa'i gnas so/ /dgon pa zhes bya ba ni skye bo mi gnas pa'i gnas so// nags khrod ces bya ba ni shing ljon pa thibs po'o/ /ri drung zhes bya ba ni ri dang thag nye bar na/ /chu klung ngam/ dam grog gi phyogs gcig go /bas mdza' zhes bya ba ni rab tu thag ring ba'i mdza' 'o/ /gnas mal dgon pa nags khrod la sogs pa de dag ni yid kyis kyang bzod par dka' ste/ /gang dag yid kyis kyang bzod par dka' ba de dag du ni grogs gzhan gyis kyang ci bya ste/ des na de dag tu grogs yod kyang dka' bar mi 'gyur ro/ /ci'i phyir gnas mal dgon pa de dag tu gnas pa khong du chud par dka' zhe na/ de'i phyir gcig pur dgon par gnas pa sdug bsngal zhes bya ba gsungs te/ cig pu dgon par gnas pa yang sdug bsngal lo zhes bya ba ni tha tshig go /gzhan gyis byin pas 'tsho bar bya dgos so zhes bya ba ni gzhan dag gi sbyin pa'i bza' ba dang tung ba dang/ gos la sogs pas 'tsho bar bya dgos pa ste/ gzhan gyi dor lta dgos so zhes bya ba'i tha tshig go /mi'i 'dod pa dag las zhes bya ba ni gzugs dang/ sgra dang/ dri dang/ ro dang/ reg bya zhes bya ba'i longs spyod kyi yo byad dag las so/ /dben par zhes bya ba ni bar chad do/ /dga' ba dang rtsed mo dag las zhes bya ba 'dod pa'i longs spyod dngos las so/ /dga' ba zhes bya ba ni bud med dag la yid kyis chags pa'o/ /rtsed mo zhes bya ba ni bud med la reg pa'i longs spyod do//
- 211b
nye du zhes bya ba ni gnyen shes so/ /ne'u ldang zhes bya ba ni na tshong mnyam zhing snying du sdug pa'i grogs so/ /zhi ba zhes bya ba ni dga' ba'i tshig gis bod pa ste/ zla ba dang 'dra bar zhi ba'i tha tshig go /mkhas pas bsngags pa zhes bya ba ni ye shes 'byam klas pa dag gis bsngags so/ /slar ldog pa zhes bya ba ni phyir khyim du 'ongs pa'o/ /'bras bu'i rin gyis zhes bya ba ni 'bras bu zhes bya ba 'bras bsngos pa'i thub pa'i rnam pa ste/ dan po de btung ba'i rin gyis so/ /zan bcad par byas pas ni chang drod chung bas dang por de 'thungs na me'i khams skye bar 'gyur ba'i phyir ro/ /de ltar yang brdos pa'i 'bras kyi thug pa ni/ smin dang drod skye 'phrod par 'gyur/ /zhes 'byung ba'i phyir ro/ /mthu zhes bya ni bstan pa nyid do/ /stobs zhes bya ba ni 'ong ba dang 'gro ba la sogs pa'i nus pa'o/ /brtson 'grus zhes bya ba ni yid kyi spo ba'o/ /bskyed de zhes bya ba ni byas te'o/ /dben pa la dga' bas zhes bya ba ni lus dang sems dben pa la dga' bas so/ /legs pa byed pa zhes bya ba ni legs par 'gyur ba'o/ /'ching ba dam po zhes bya ba ni rdzas mang po nye bar bsags pa nyid kyis dga' bar 'gyur ba dpyad dka' ba'i phyir ro/ /'chid ba bstan pa zhes bya ba ni thog ma med pa'i dus nas 'dod chags bsgos pas 'phral la spang dka' ba'i phyir ro/ /'ching ba ma bul ba zhes bya ba ni rdzas bsrungs pa'i thabs mang po dag gis myur du za bar mi 'gyur ba'i phyir ro/ /gags shing sboms pa zhes bya ba ni pha ma dang/ nye du dang/ mdza' bshes dang blon po dang/ bran dang bran mo la sogs pa 'khor mang po dang rjes su 'brel bas rang gir bsgrub tu med pas shing gi gags shing sbom pos gnya' bar bzhag pa dang 'dra ba'o/ /'ching ba stobs med pa zhes bya ba ni ming dam pa'i phyir ro/ /'ching ba stobs chung ba zhes bya ba ni mi bstan pa'i phyir ro/ /'ching ba rul ba zhes bya ba ni bsrung ba med pa'i phyir
- 212a
ro/ gags shing phra ba zhes bya ba ni nye du'i tshogs nyung ba'i phyir ro/ /tshe dang ldan pa zhes bya ba ni tshe don yod pa ste de'i 'bras bu'i rjes su zhugs pas da ltar nyid du brjod par 'dod pa'i phyir ldan pa zhes smos so/ /smon lam zhes bya ba ni bsgrub pa'o/ /rtag tu rang byung mang bar shog ces bya ba ni rtag tu rab tu 'byung ba la gzhol bar shog cig ces bya ba'o/ /bram ze rab tu grags pa dag ces bya ba ni gtso bor grags pa dag go /gang yang rung bar zhes bya ba ni legs par gsung ba'i chos 'dul ba ma gtogs pa gzhan la bab col du'o/ /rdzogs byed la sogs pa ston pa drug po zhes bya ba ni 'gro skyong gi bu rdzogs byed la sogs pa drug go /ston pa zhes bya ba ni phan pa dang gnod pa nye bar ston pa'o/ thams cad mkhyen pa ma yin par thams cad mkhyen pa mngon pa'i nga rgyal can zhes bya b ni ngo bo nyid kyi dngos po thams cad mi shes bzhin du log pa'i mngon pa'i nga rgyal gyis bdag nyid thams cad mkhyen pa yin no snyam du sems pa'i phyir ro/ /'gro skyong gi bu rdzogs byed ces bya ba la/ 'gro skyong gi bu zhes bya ba ni rigs yin la rdzogs byed ni dpag mid yin no/ /gnag lhas kyi bu kun tu rgyu zhes bya ba ni yang gnag lhas kyi bu zhes bya ba ni ma'i ming yin la/ kun tu rgyu zhes bya ba ni rang ming yin no/ /smra 'dod kyi bu mo'i bu yang dag rgyal ba can zhes bya ba yang/ smra 'dod kyi bu mo'i bu zhes bya ba ni ming ming yin la/ /yang dag rgyal ba can zhes bya ba ni rang gi ming yin no/ /mi pham skra'i la ba can zhes bya ba la/ mi pham zhes bya ba ni rang gi ming yin/ /skra'i la ba can zhes bya ba ni de'i brtul zhugs te/ /skra las byas pa'i la ba gyon pa'i phyir ro/ /kA tyA'i bu nog can zhes bya ba la/ /kAtyA'i bu zhes bya ba ni rigs yin la nog can zhes bya ba ni rang gi ming yin no/ /gnyen gyi bu gcer bu zhes bya ba la/ gnyen gyi bu zhes bya ba ni ma'i ming
- 212b
yin la/ gcer bu zhes bya ba ni rang gi ming ste/ /rab tu 'byung ba'o/ /nye bar brtan cing gnas so zhes bya ba ni 'dug pa'o/ /chos kyi tshul zhes bya ba ni dngos po'i tshul te lung rnam par bzhag pa'o/ /slob ma gdams pa zhes bya ba ni lan bstan pa'o/ /tshangs par spyod pa zhes bya ba ni dka' thub kyi'o/ /'bras bu ni gang yin zhes bya ba ni/ dngos kyi 'bras bu las bsams te/ 'bras bu'i gtso bo mya ngan las 'das pa gang yin zhes bya ba'o/ /phan yon ni gang yin zhes bya ba ni zhar la byung ba'i 'bras bu las bsams pa ste gtso bo ma yin pa'i 'bras bu mtho ris la sogs gang yin zhes bya'o/ /'di ltar lta zhing zhes bya ba ni shes pa ste nang gi don nyid kyis so/ /'di skad smras te zhes bya ba ni tshig gis te gzhan la ston pas so/ /sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do/ /zhes bya ba'i tshig lngas ni rgyu'i dngos po 'gog par byed/ /de la byin pa zhes bya ba ni gzhan la phan gdags pa'i phyir byin pa'o/ /mchod sbyin zhes bya ba ni mchod pa'i phyir sbyin pa'o/ /sbyin sreg ces bya ba ni mer drugs pa'o/ /yang na byin pa zhes bya ba ni byin par bya ba'i dngos po'o/ /mchod sbyin zhes bya ba ni len pa'o/ /sbyin sreg ces bya ba ni sbyin par byed pa'o/ /yang na byin pa zhes bya ba ni yid kyis gtang ba gang yin pa'o/ /mchod sbyin zhes bya ba ni las kyi gdung ba gang yin pa'o/ /sbyin sreg ces bya ba ni len pa pos zos pa gang yin pa'o/ /legs par spyad pa zhes bya ba ni srog gcod pa la sogs pa spong ba'o/ /nyes par spyad pa zhes bya ba ni srog gcod la sogs pa'o/ /rgyu la skur pa 'deb pa'i log par lta ba 'di ni kun 'byung ba mthong bas spang bar bya ba yin no/ /'di'i kun nas slong ba ni bye brag ba'i gzhung las rtog ge pa dang/ snyoms par 'jug pa gnyis la lta ba'i rnam pa 'di 'byung bar brjod do/ /de la re zhig rtog ge ba ngag gi
- 213a
ni ser sna can rab tu mi sbyin pa'i ngang tshul can kha cig kyang 'byor pa dang longs spyod chen po dang ldan pa mthong la/ sbyin pa la mos pa rab tu sbyin pa'i ngang tshul can kha cig kyang dbul ba dang/ longs spyod chung ngu dang ldan par mthong nas de dag 'di snyam du sems te/ gal te sbyin pa'i 'bras bu yod par gyur na ser sna can rab tu mi sbyin pa'i ngang tshul can dbul ba dang/ longs spyod chung ngu dang ldan par 'gyur zhing/ sbyin pa la rab tu sbyin pa'i ngang tshul can dag ni 'byor pa dang/ longs spyod chen po dang ldan par 'gyur bar rigs na de lta ma yin te/ log par snang bas de'i phyir sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do/ /zhes de dag de ltar la zhing de skad smra'o// snyoms par 'jug pa dag gis ni ser sna can rab tu mi sbyin pa'i ngang tshul can kha cig kyang 'byor pa dang longs spyod chen po dang ldan pa'i khyim dag tu skye bar mthong la sbyin pa la mos pa rab tu sbyin pa'i ngang tshul can kha cig kyang dbul ba dang/ longs spyod chung ngu ldan pa'i khyim dag tu skye bar mthong nas de dag 'di snyam du sems te/ gal te sbyin pa'i 'bras bu spyod par gyur na ser sna can rab tu mi sbyin pa'i ngang tshul can dag dbul ba dang/ longs spyod chung ngu dang ldan pa'i khyim dag tu skye bar 'gyur zhing/ sbyin pa la mos pa rab tu sbyin pa'i ngang tshul can dag gi 'byor pa dang/ longs spyod chen po dang ldan pa'i khyim dag tu skye bar 'gyur ba'i rigs na de lta ma yin te/ log par snang bas de'i phyir sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do zhes de dag de ltar lta zhing de skad smra'o/ /legs par spyad pa dang nyes par spyad pa'i las rnams kyis 'bras bu dang rnam par smin pa med do zhes bya ba ni 'bras bu 'gog par byed do//
- 213b
nga la 'bras bu zhes bya ba ni bdag po'i 'bras bu'o/ /rnam par smin pa zhes bya ba ni rnam par smin pa'i 'bras bu'o/ /'bras bu skur pa 'debs pa'i log par lta ba 'di ni sdug bsngal mthong bas spang bar bya ba yin no/ /'di'i kun nas slong ba yang bye brag pa'i gzhung las rtog ge pa dang/ snyoms par 'jug pa gnyis la lta ba'i rnam par smin pa'i 'bras bu'o/ /de la re zhig rtog ga pa dag gis ni kha cig srog gcod kyang tshe ring ba dang/ ma byin pa len kyang longs spyod che ba dang/ gzhan la gnod pa byed kyang nad nyung bar mthong la kha cig srog mi gtsang kyang tshe thung ba dang/ ma byin par mi len kyang longs spyod chung ba dang/ gzhan la gnod pa mi byed kyang nang mang bar mthong nas de dag 'di snyam du sems te/ gal te legs par spyad pa dang/ nyes par spyad pa'i las rnams kyis 'bras bu dang/ rnam par smin pa yod par gyur na srog gcod pa ni tshe thung ba dang/ ma byin bar len pa ni longs spyod chung ba dang/ gzhan la gnod par byed pa ni nang mang bar 'gyur zhing/ srog mi gcod pa ni tshe ring ba dang/ ma byin pa ni mi len pa'i longs spyod che ba dang/ gzhan la gnod pa mi byed pa ni nad nyung bar 'gyur ba'i rigs na de lta ma yin te/ log par snang bas de'i phyir legs par spyad pa dang/ nyes par spyad pa'i las kyi 'bras bu dang/ rnam par smin pa med do zhes de dag de ltar lta zhing de skad smra'o/ /snyoms par 'jug pa dag gis ni kha cig srog gcod pa dang/ ma byin par len par dang/ gzhan la gnod pa byed kyang mtho ris dag tu skye bar mthong la/ kha cig srog mi gcod pa dang/ ma byin par mi len pa dang/ gzhan la gnod pa mi byed kyang ngan song dag tu skye bar mthong nas de dag 'di snyam du sems te/ gal te legs par spyad pa dang/ nyes par spyad pa'i las rnams kyis 'bras bu dang/ rnam par smin pa yod par gyur na/ srog gcod pa dang/ ma byin par len pa dang/ gzhan pa gnod par
- 214a
byed pa'i ngan song dag tu skye bar 'gyur zhing/ srog mi gcod pa dang/ ma byin par mi len pa dang/ gzhan la gnod pa mi byed pa ni mtho ris dag tu skye bar 'gyur ba'i rigs na de lta ma yin te/ log par snang bas de'i phyir legs par spyad pa dang nyes par spyad pa'i las kyi 'bras bu dang/ rnam par smin pa med do zhes de dag de ltar lta zhing de skad smra'o/ /'jig rten 'di med do/ /'jig rten pha rol med do/ /ma med do/ /pha med do/ sems can brdzus te skye ba med do/ zhes bya ba'i tshig lngas ni/ rgyu dang 'bras bu'i dngos po gnyis kar 'gog par byed do/ /de la 'jig rten 'di med do zhes bya ba ni 'jig rten 'di'i tshe phyi ma rgyu nyid du mi 'gyur ba'o/ /'jig rten pha rol med do zhes bya ba ni tshe phyi ma tshe 'di'i 'bras bu nyid du mi 'gyur pa'o// de ltar na rgyu dang 'bras bu'i dngos pos 'jig rten 'di dang 'jig rten pha rol gnyi ga mang ngo zhes bya ba'i tha tshig go /yang na 'jig rten 'di med do zhes bya ba ni tshe 'di la myong bar 'gyur ba'i las bskur pa 'debs so/ /'jig rten pha rol med do zhes bya ba ni skyes nas myong bar 'gyur pa dang/ lan grangs gzhan la myong bar 'gyur ba'i las la skur pa 'debs pa'o/ /rgyu dang 'bras bu la skur pa'i log pa'i lta ba 'di ni kun 'byung ba mthong bas spang bar bya ba dang/ sdug bsngal mthong bas spang par bya ba yin no/ /'di'i kun nas slong ba'i bye brag pa'i gzhung las mu stegs can snga na med pa dang/ zhig nas med par lta ba dag la lta ba'i rnam pa 'di 'byung bar brjod de/ de dag gis 'byung ba rnams snga na med pa la las 'byung zhing/ byung nas kyang zhig par mthong nas/ de dag 'di snyam su sems te/ ji ltar 'byung ba 'di dag ma byung ba las 'byung ba de bzhin du byung nas kyang 'jig par 'gyur ro snyam nas de'i phyir 'jig rten 'di med do/ /'jig rten pha rol med do zhes de dag de ltar lta zhing de
- 214b
skad smra'o/ /ma med do/ pha med do/ zhes bya ba ni bu yod par 'gyur ba'i las la skur pa 'debs so/ /yang na pha ma la lan du phan 'dogs pa'i rgyu las byung ba'i bsod nams la skur pa 'debs pa yin no/ /rgyu dang 'bras bu la skur pa 'debs pa'i log pa'i lta ba 'di ni kun 'byung ba mthong bas spang bar bya ba yin no/ /'di'i kun nas slong ba ni bye brag pa'i gzhung las mu stegs can gcig la cig med par lta ba dag la lta ba'i rnam pa 'di 'byung bar brjod de/ de dag 'di snyam du sems te/ pha ma gnyis kyis sprod pa las byung ba byed 'dod pa'i bsam pas phrad par gyur pa na mi 'dod bzhin du de las bu byung bar zad do/ /dper na lci ba dang/ mi gtsang ba dang/ ljan ljin dang/ 'dam rdzab dang/ rtswa dang/ chu dang/ rtswa sngon po la sogs pa dag tu srog chags dag skye ba de dag la pha yang med/ ma yang med pa bzhin no snyam ste/ de ltar yang/ dbang po rnams ni g.yo ba dang/ /bud med rnams ni dga' 'dod pas/ /zla mtshan dus su bdag skyes te/ /de la khyod kyis ci zhig byas zhes ji skad zer ba lta bu'o/ /sems can brdzus te skye ba med do zhes bya ba ni bar ma do'i srid pa 'gog par byed do/ /rgyu dang 'bras bu la skur pa 'debs pa'i log par lta ba 'di ni kun 'byung ba mthong bas spang bar bya ba dang/ sdug bsngal mthong bas spang bar bya ba yin no/ /'di'i kun nas slong ba'i bye brag pa'i gzhung las mu stegs can gtan med par lta ba la lta ba'i rnam pa 'di 'byung bar brjod do/ /'di dag gis sems can brdzus te skye ba gtan ma mthong nas/ de dag 'di snyam du sems te bar ma do'i srid pa de gtan med do snyam nas de'i phyir sems can brdzus te skye ba med do/ /zhes de dag de ltar lta zhing de skad smra'o/ /'jig rten na dgra bcom pa yang dag par rtogs pa yang dag par sgrub pa gang dag tshe 'di la rang gi mngon par shes pas 'jig rten 'di dang/ 'jig rten pha rol mngon sum
- 215a
du byas nas bsgrubs te/ bdag cag ni skye ba zad do/ /tshangs par spyad pa brten to/ bya ba byas so/ /srid pa 'di las gzhan mi shes so/ zhes go bar byed pa dag med do/ zhes bya ba ni thar pa'i lam 'gog par byed do/ /de la dgra bcom pa zhes bya ba ni khams gsum pa'i nyon mongs pa'i dgra bcom pa'i phyir rim 'gro ba mdza' dag gis mchod par 'os pa'i phyir ro/ /'phags pa'i lam la skur pa 'debs pa'i log pa'i lta ba 'di ni lam mthong ba las spang bar bya ba yin no/ / dgra bcom pa de'i bye brag bstan pa'i phyir yang dag par rtogs pa yang dag par bsgrub pa zhes bya ba gsungs te/ yang dag par rtogs pa zhes bya ba ni dgra bcom pa yang dag pa'i ye shes dang ldan pa rnams kyi rtog pa ni mya ngan las 'das pa yin no// mya ngan las 'das pa la skur pa 'debs pa'i log pa'i lta ba 'di ni 'gog pa mthong bas spang bar bya ba yin no/ /yang dag par bsgrub pa zhes bya ba ni lam bzhi po mdo sde las mngon par shes pa bul ba dka' ba'i lam yang yod/ mngon par shes pa bul ba sla ba'i lam yang yod/ mngon par shes pa myur ba dka' ba'i lam yang yod/ mngon par shes pa myur ba sla ba'i lam yang yod ces gsungs pa de dag phyin ci log par bsgrub pa la zhugs pa'i phyir ro/ /lam bsgrub pa bzhi po dag la skur pa 'debs pa 'di yang 'phags pa'i lam la skur pa 'debs pa'i log pa'i lta yin te/ lam mthong bas spang bar bya ba yin no/ /de dag gi bye brag bstan pa'i phyir/ gang dag tshe 'di nyid la bya ba la sogs pa gsungs te/ gang dag ces bya ba ni dgra bcom pa dag go /tshe 'di nyid la zhes bya ba ni mngon gsum gyi tshe nyid la'o/ /rang gi mngon par shes pas zhes bya ba ni bdag nyid kyis shes pa'o/ /'jig rten 'di dang 'jig rten pha rol zhes bya ba ni tshe 'di dang/ tshe byi ma 'am/ tshe 'di/
- 215b
la myong bar 'gyur pa'i las dang/ skye nas myong bar 'gyur ba dang/ lan grangs gzhan las myong par 'gyur ba'i las so/ /mngon sum byas nas zhes bya ba ni mngon sum du byas nas zhes bya ba ni mngon sum du shes par byas nas te/ 'dis ni shes pa mngon sum du bya ba bstan to/ /bsgrubs te zhes bya ba ni shes pa dang ldan par gyur pa ste/ 'dis ni shes pa'i thob pa'i mngon sum du bya ba bstan to/ /bdag cig ni zhes bya ba ni nga cag gi zhes bya'o/ /skye ba zang ngo zhes bya ba ni 'dis ni sdug bsngal gyi bden pa bstan to// tshangs par spyad pa brten to/ /zhes bya ba ni 'phags pa'i lam spyad pa ste/ 'dis ni lam gyis bden pa bstan to/ /bya ba byas so zhes bya ba ni nyon mongs pa spangs pa ste/ 'dis ni 'gog pa'i bden pa bstan to/ /srid pa 'di las gzhan mi shes so zhes bya ba ni las kyi srid pa ste/ 'dis ni kun 'byung gi bden pa bstan to/ /go bar byed pa zhes bya ba ni shes par byed pa ste/ ci zhig shes par byed ce na/ bdag cag ni skye ba zang ngo/ /tshangs par spyad pa bstan to/ /bya ba byas so/ /srid pa 'di las gzhan mi shes so/ zhes bya ba de dag shes par byed do/ /de ltar na bdag ni skye ba zang ngo zhes bya ba la sogs pa 'dis ni dgra bcom pa rnams kyis zad pa dang mi skye ba shes pa bstan to/ /da ltar dgra bcom pa rnams kyi shes pa dang/ mthong ba la skur pa 'debs pa'i log pa'i lta ba 'di ni lam mthong bas spang bar bya ba yin no/ /'di'i kun nas slong ba ni bye brag pa'i gzhung las rtog ge dang/ snyoms par 'jug pa gnyis la lta ba'i rnam pa 'di 'byung bar brjod do/ /de la re zhig rtog ge pa dag gis dngos po rnams rtogs dang/ /brtan dang/ g.yung drung dang/ mi 'gyur ba dang/ rga shi med pa dang/ rga shis ma bcom par mthong nas de dag 'di snyam du sems te/ dngos po thams cad rtog pa dang/ brtan pa dang/ g.yung drung dang/ mi 'gyur ba dang/ rga shi med pa dang/ rga shis ma bcom pa'i yin no snyam nas de'i
- 216a
phyir 'jig rten na dgra bcom pa yang dag par sgrubs pa gang dag tshe 'di nyid la rang gi mngon par shes pas 'jig rten 'di dang/ 'jig rten pha rol mngon sum du byas nas bsgrubs te/ bdag cag ni skye ba zang ngo/ /tshangs par spyad pa bstan to/ /bya ba byas so/ /srid pa 'di las gzhan mi shes so/ /zhes go bar byed pa dag med do zhes de dag de ltar lta zhing de skad smra'o/ /snyoms par 'jug pa dag gis ni snyoms par 'jug pas bsam gtan dang po thob pa gang yin pa de bsam gtan gnyis pa thob pa dang/ 'du shes med 'du shes med min skye mched kyi bar du thob pa gang dag yin pa de dag gi yul nyams su ma myong bas/ de bsam gtan dang po de la dgra bcom pa'i 'du shes skye zhing/ gang gi tshe de de las yongs su nyams nas 'dod pa'i khams su skye ba dang/ bsam gtan dang po skye ba mthong ba de'i tshe na/ de 'di snyam du sems te 'jig rten na dgra bcom pa med do snyam nas de'i tshe 'jig rten na dgra bcom pa yang dag sgrub pa gang dag tshe 'di nyid la rang gi mngon par shes pas 'jig rten 'di dang 'jig rten pha rol mngon sum du byas nas bsgrubs te/ bdag cag ni skye ba zang ngo/ /tshangs par spyad pa bsten to/ /bya ba byas so/ /srid pa 'di las gzhan mi shes so/ zhes go bar byed pa dag med do de dag ltar lta zhing de skad smra'o// ji ltar ma byin pa la sogs pa med cing de dag med pa 'di la rgyu gang zhe na/ de'i phyir srog ni 'di nyid la 'tsho zhing de phyis chad par 'gyur zhig par 'gyur te/ shi ba'i 'og tu mi 'gyur ro zhes bya ba smras te/ gang gi phyir srog dag ni tshe 'di nyid la 'tsho 'dug cing srog de phyis 'jug tu shes pa'i bdag nyid kyis zhig cing zad par 'gyur la/ gzugs kyi bdag gyis zhig cing chung za bar 'gyur te/ shi ba'i 'og tu shes pa'i bdag nyid dang/ gzugs kyi bdag nyid gnyi ga chad par 'gyur
- 216b
zhing mi 'byung ba 'am yang na bya bas chad par 'gyur la/ lus kyi zhig par 'gyur te/ shi ba'i 'og tu yang skye ba mi len pa'i mi 'byung ba de'i phyir byin pa la sogs pa med do/ /zhes bya ba'i tha tshig go /'o na de gang du 'gro bar 'gyur zhe na/ de'i phyir skyes bu'i lus ni 'byung ba chen po bzhi las 'gyur ba yin te/ de ni gang gi tshe dus byed pa de'i sa'i lus ni sa'i bag la zha/ chu'i lus ni chu'i/ me'i lus ni me'i/ rlung gi lus ni rlung gi bag la zha bar 'gyur ro/ /dbang po rnams ni nam mkha' i rjes su 'gro bar 'gyur ro// skyes bu'i ro ni khri dang lnga'i mi dag gis khyer te/ dur khrod du 'gro zhing bsregs phan chad mi mngon par 'gyur ro/ /bsreg bya bag ni thal bar 'gyur ro/ /rus pa dag ni thi ba'i mdog 'dra bar gnas so/ /zhes bya bar smra ste/ re zhig bdag ni chad par 'gyur na skyes bu'i lus 'di gar 'gro zhe na/ skyes bu'i lus 'byung ba chen po bzhi las 'dus byas pa gang yin pa de ni 'chi ba'i dus ni 'byung ba chen po bzhi po bag la zha bar 'gyur ro/ /mig la sogs pa dbang po rnams ni nam mkha' i bag la zha bar 'gyur te/ dbang po snang ba'i rang bzhin rnams rten gyi 'byung bo chen po dang bral ba na nam mkha' i khams gsal ba'i rang bzhin can gyis rjes su 'gro ste dper na shing ljon pa rdib pa na bya dag nam mkha' la/ 'gro ba bzhin no/ /ro ni ro bzhag pa'i khri dang de 'degs pa'i mi bzhi khri dang/ lnga'i mi dag gis khyer te dur khrod du mer bsregs phan chad mi mngon par 'gyur ro/ /khrag dang sha la sogs pa bsreg bya dag ni thal bar 'gyur ro/ /bsregs pa'i lhag ma so la sogs pa'i rus pa'i rus pa bsnum bag can dag ni thi ba'i mdog 'dra bar gnas la/ snum bag med pa dag ni dung gi mdog 'dra bar gnas te/ skyes bu'i 'gro ba ni de lta bu yin no/ /de lta bas na byed pa po dang/ za ba po dang shes pa po'i lus ni 'di nyid du zhig ste/ 'jig rten pha rol tu mi 'gro bas de'i phyir 'bras bu zab mo med pas/ byin
- 217a
pa la sogs pa med do/ /'o na sbyin pa dang/ len pa dag gsum dag bstan ce na/ de'i phyir 'di ltar rmongs pa nye bar bstan pa ni sbyin la mkhas pa nye bar bstan pa ni legs so zhes bya ba smras te/ rmongs pa zhes bya ba ni blun pa'o/ /nye bar bstan pa zhes bya ba ni dang po 'ga' zhig gi sbyin pa byin cig ces nye bar bstan pa ste/ de ni rmongs pa yin pas dang po 'ga' zhig gis nye bar bstan pa'i dring 'jog cing mi phan bzhin sbyin par byed do/ /mkhas pa zhes bya ba ni shes rab can no/ nye bar bstan pa zhes bya ba ni dang po 'ga' zhig gis long zhig ces nye bar bstan pa ste/ de ni mkhas pa yin pas dang po 'ba' zhig gis nye bar bstan pa rjes su 'brang zhing 'phral gyi thob rgyal gyi zug zug du len par byed do/ /zhes bya ba'i tha tshig go /'o na yod par smra ba dag gis 'jig rten pha rol la sogs pa ma bstan nam zhe na/ de la gang dang yod par smra ba de dag thams cad ni gso ba/ gsog rdzun du smra ba dag yin no/ /zhes bya ba smras te/ yod pa ra smra pa zhes bya ba ni 'jig rten pha rol la sogs pa yod par smra'o/ /gsob ces bya ba ni brjod par bya bas stong pa'i phyir ro/ /gsog ces bya ba ni dgos pa'i snying po med pa'i phyir ro/ /rdzun zhes bya ba ni log par 'du shes pa'i phyir ro/ /'o na da lta 'dzangs ngan la sogs pa med dam zhe na de'i phyir 'di ltar byis pa dang mkhas pa de gnyis ni phyis chang par 'gyur zhig par 'gyur te/ shi ba'i 'og tu mi 'byung ngo/ zhes bya smras te/ chad par 'gyur zhes bya ba ni bar ma do'i srid pa la gnas pa'o/ /zhig par 'gyur zhes bya ba ni dus snga mi'i srid pa la gnas pa'o/ /mi 'byung zhes bya ba ni skye ba'i srid pa gnas pa'o/ /de ltar lta ba 'di dag ni chad par lta ba'i log pa'i ngo bo nyid yin te kun 'byung ba mthong bas spang bar bya ba yin no/ /'di'i kun nas slong ba ni bye brag
- 217b
pa'i gzhung las mu stegs can chad par smra ba lta ba dag la lta ba'i rnam pa 'di 'byung bar brjod do/ /de dag yang 'byung ba'i srid pa ni med de mngal na gnas pa'i skye ba'i dngos po yi/ 'chi ba ni skye ba'i tha ma yin par lta bas de dag la yang 'byung ba'i srid par phan par byed pa'i sems rtas pa mi byad cing/ sems can rnams kyi tshe phyi ma med par sems pas de'i phyir srog ni 'di nyid la 'tsho zhing/ de phyis chad par 'gyur zhig par 'gyur te/ shi ba'i 'og tu mi 'gyur ro/ zhes bya ba la gogs pa de ltar lta zhing de skad smra'o/ /lam gol bar zhugs pa zhes bya ba ni yang dag pa'i shes pa spangs par 'gyur ba'o/ /lam ngan pa legs par bsgrub zhes bya ba ni lam log pa lus dang ngag gnyis kyi rjes su sgrub par byed ces bya ba'i tha tshig go /lam 'jigs pa dang bcas pa ji ltar bzhin du zhes bya ba ni der song nas 'jigs pa dang phrad par 'gyur bas len? de snga nas spang bar bya dgos pa bzhin du'o/ /blo ngan zhes bya ba ni shes pa ste nang gi de kho na nyid kyis so/ /log par ston par byed pa zhes bya ba ni tshig gis te/ gzhan la ston pas so/ /dman pa zhes bya ba ni byis pa'o/ /ston par grags pa ste/ zhes bya ba ni ston pa ma yin par grags pa'o/ /gang zhig zhes bya ba ni ston pa de'o/ /chos 'di de 'dra ba zhes bya ba ni med pa nyid dang chad par lta ba'o/ /de'i chos min ci zhig 'dra zhes bya ba ni chos de bas chos dman pa'i chos ma yin pa med pa'i phyir de'i chos ma yin pa mi srid do/ zhes bya ba'i tha tshig go /zhes smras pa zhes bya ba ni de skad ces nas smras so/ /snod stong pa bzhin du brdabs te zhes bya ba ni rdzas kyi stong pa'i snod sor mo la sogs pas brdabs te/ sgra phyung na nang na rdzas med par shes pa bzhin du ston pa de yang brgal zhing brtag pa'i tshig gis brdabs te/ rang gi gzhung lugs smras pa'i sgra byung na blo'i nang na don gyi rjes med par shes so/ zhes bya ba'i
- 218a
tha tshig go /rdzogs byed kyi lta ba'i rnam pa bshad zin to/ /sems can rnams kun nas nyon mongs par 'gyur ba la rgyu med rkyen med do/ /sems can rnams rgyu med rkyen med par kun nas nyon mongs par 'gyur ro/ zhes bya ba 'dis ni 'jug pa'i rgyu 'gag par byed do/ /de la kun nas nyon mongs par 'gyur ba la zhes bya ba ni skye ba la sogs pa'i sdug bsngal du 'gyur ba la'o/ rgyu med ces bya ba ni nang gi goms pa la sogs pa'i byed rgyu med pa'o/ /rkyen med ces bya ba ni pha rol gyi dam pa ma yin pa'i chos nyon pa la sogs pa'i byed rgyu med pa'o/ /'jug pa'i rgyu 'gog pa'i log pa'i lta ba 'di ni kun 'byung mthong bas spang bar bya ba yin no/ /'di'i kun nas slong pa'i bye brag tu smra ba'i gzhung las mu stegs can rgyu med par lta ba dag la lta ba'i rnam pa 'di 'byung bar brjod de/ 'di ni mu stegs can kha cig gis dgon pa na 'dug pa dag kun nas nyon mongs par 'gyur zhing grong na 'dug pa dag rnam par 'gyur bar mthong nas de dag 'di snyam du sems te/ gal te kun nas nyon mongs par 'gyur ba rgyu dang bcas pa yin na grong na 'dug pa dag kun nas nyon mongs par 'gyur zhing/ dgon pa na 'dug pa dag rnam par dag par 'gyur ba'i rigs na/ de lta ma yin te/ log par snang bas/ de'i phyir sems can rnams kun nas nyon mongs par gyur pa la rgyu med rkyen med do/ /sems can rnams rgyu med rkyen med par kun nas nyon mongs par 'gyur zhes de dag de ltar lta zhing/ de skad smra'o/ /sems can rnams rnam par dag par 'gyur ba la rgyu med rkyen med do/ /sems can rnams rgyu med rkyen med par dag par 'gyur ro/ zhes bya ba 'dis ni log pa'i rgyu 'gog par byed do/ /de la rnam par dag par 'gyur ba la zhes bya ba ni 'khor ba las rnam par grol bar 'gyur ba la'o/ /log pa'i rgyu 'gog pa'i lta ba 'di ni lam mthong bas spang bar
- 218b
bya ba yin no/ /'di'i kun nas slong ba ni bye brag tu smra ba gzhung las mu stegs can rgyu med par lta ba dag la lta ba'i rnam pa 'di 'byung bar brjod de/ 'di na mu stegs can kha cig gis grong na 'dug pa dag rnam par dag par 'gyur zhing dkon pa na 'dug pa dag? kun nas nyon mongs par mthong nas de dag 'di snyam du sems te/ gal te rnam par dag par 'gyur ba rgyu dang bcas pa yin na/ dgon pa na 'dug pa dag rnam par dag par 'gyur zhing grong na 'dug pa dag kun nas nyon mongs par 'gyur ba'i rigs na de lta ma yin te/ log par snang bas de'i phyir sems can rnams rnam par dag par 'gyur ba la rgyu med rkyen med do/ /sems can rnams rgyu med rkyen med par rnam par dag par 'gyur ba'o/ /zhes de dag de ltar lta zhing de skad smra'o/ /sems can rnams shes pa med par 'gyur ba dang mthong ba med par 'gyur ba la rgyu med rkyen med do/ /sems can rnams rgyu med rkyen med par shes pa med pa dang mthong ba med par 'gyur ro/ zhes bya ba 'dis ni 'jug pa'i rgyu nyid du 'dod pa shes pa med pa dang/ mthong ba med pa rgyu nyid ma yin par 'gog par byed do/ /de la shes pa med pa zhes bya ba ni ngo bo nyid mi rtogs pas so/ /mthong ba med pa zhes bya ba ni bye brag mi rtogs pa'o/ /shes pa med pa dang/ mthong ba med pa 'jug pa'i rgyu nyid ma yin par 'gog pa'i log pa'i lta ba 'di ni kun 'byung ba mthong bas spang bar bya ba yin no/ /'di'i kun nas slong ba ni bye brag tu smra ba'i gzhung las mu stegs can 'jug pa'i rgyu med par lta ba dag la lta ba'i rnam pa 'di 'byung bar brjod de/ 'di ni mu stegs can kha cig gis shes pa med pa dang/ mthong ba med par bya ba'i phyir 'ga' yang rtsol bar mi byed kyang sems can rnams shes pa med pa dang/ mthong ba med par 'gyur bar mthong nas de dag 'di snyam du sems te/ sems can rnams shes pa
- 219a
med pa dang/ mthong ba med pa 'gyur ba la rgyu med rkyen med do/ /snyam nas de'i phyir sems can rnams shes pa med par 'gyur ba dang/ mthong ba med par 'gyur ba la rgyu med rkyen med do/ /sems can rgyu med rkyen med par shes pa med pa dang/ mthong ba med par 'gyur ro/ /zhes de dag de ltar lta zhing de skad smra'o/ /sems can shes par 'gyur ba dang/ mthong bar 'gyur ba la rgyu med rkyen med do/ /sems can rnams rgyu med rkyen med par shes pa dang/ mthong bar 'gyur ro/ zhes bya ba 'dis ni ldog pa'i rgyu nyid du 'dod pa shes pa dang/ mthong ba rgyu nyid ma yin pa 'gog par byed do/ /de la shes pa zhes bya ba ni ngo bo nyid rtogs pa'o/ /mthong ba zhes bya ba ni bye brag rtogs pa'o/ /shes pa dang mthong ba ldog pa'i rgyu nyid ma yin 'gog pa'i log pa'i lta ba 'di ni lam mthong bas spang bar bya ba yin no/ /'di'i kun nas slob pa ni bye brag tu smra ba'i gzhung las mu stegs can ldog pa'i rgyu med par lta ba dag la lta ba'i rnam pa 'di 'byung bar brjod de/ 'di ni mu stegs can kha cig gis shes pa dang mthong bar bya ba'i phyir kha cig gis bsal kyang sems can 'gas kyang shes pa dang mthong ba thob par ma mthong nas de dag 'di snyam du sems te/ sems can rnams shes pa dang mthong bar 'gyur ba la rgyu med rkyen med do/ snyam nas de'i phyir sems can rnams shes par 'gyur ba dang/ mthong bar 'gyur ba la rgyu med rkyen med do/ /sems can rnams rgyu med rkyen med par shes pa dang/ mthong bar 'gyur ro/ /zhes de dag de ltar lta zhing de skad smra'o/ /stobs med do// brtson 'grus med do/ /stobs dang brtson 'grus med do/ /zhes bya ba la sogs pa la stobs zhes bya ba ni lus kyi nus pa'o/ /brtson 'grus zhes bya ba ni yid kyi spro ba'o/ /de gnyis ka bsdus pa ni stobs dang brtson 'grus so/ /skyes bu'i rtsal ces
- 219b
bya ba ni skyes bu'i zho sha ste/ rang gis nus pa'o/ /pha rol gnon pa zhes bya ba ni thabs kyi nus pa'o/ /de gnyis ka bsdus pa ni skyes bu'i rtsal dang pha rol gnon pa'o/ /bdag gis rtsal zhes bya ba ni bdag nyid kyis nus pa'o/ /gzhan gyi rtsal zhes bya ba ni pha rol gyi nus pa'o/ /de gnyis ka bsdus pa ni bdag gi rtsal dang gzhan gyi rtsal lo/ /'dis ni rang dang gzhan dang gnyis kas byas pa'i bde ba dang sdug bsngal bsal bar shes par bya'o/ /gal te gzhan gyis byas pa bkag na de nas de nyes pa med do/ zhes zer ro/ /rang gi las kyi bya ba bkag pa ni kun 'byung ba mthong bas spang bar bya ba'i log pa'i lta ba yin no/ /sems can zhes bya ba ni lha dang mi ste/ snying stobs dang ldan pa'i phyir ro/ /srog chags zhes bya ba ni dud 'gro'i skye gnas su skyes pa'i srog chags te/ srog tsam 'dzin pa'i phyir ro/ /'byung po zhes bya ba ni yi dags la sogs pa mi snang ba'i srog chags te/ yang dag pa'i don ston pa'i phyir ro/ /mthu med ces bya ba ni yid kyi stobs dang bral ba'o/ /stobs med ces bya ba ni lus kyi stobs dang bral ba'o/ /dbang po med ces bya ba ni 'dod pa'i stobs dang bral ba'o/ /brtson 'grus med ces bya ba ni spro ba dang bral ba'o/ /pha rol gnon pa med ces bya ba ni thabs kyi stobs dang bral ba'o/ /'gro ba mtshams sbyor ba'i srid pa bdag nges par gyur to/ zhes bya ba la/ 'gro ba mtshams sbyor ba'i srid pa zhes bya ba ni 'gro ba drug pa dag 'khor bar mtshams sbyor ba'i srid pa'o/ /nges par zhes bya ba ni bstan pa ste/ lha gang dag yin pa de dag kyang lha nyid du mtshams sbyor ba/ mi gang dag yin pa de dag kyang mi nyid du mtshams sbyor ba la sogs pas/ 'gro ba nang 'khrul ba med pa'o/ /gyur to zhes bya ba ni de ltar rnam par gnas so/ zhes bya ba'i tha tshig go /gang gi phyir de lta ma yin pa'i phyir 'byung po thams cad
- 220a
ni 'di ltar 'gro ba drug po dag tu bde ba dang sdug bsngal so sor myong bar 'gyur ro/ zhes bya ba smras te/ nang 'khrul pa med par so sor 'khor zhes bya ba'i tha tshig go /'di lta ma yin gyi 'gro ba ni drug pa yin no/ /de dag gis chos thams cad kyi nus pa 'gog par byed do/ /de la bde ba zhes bya ba ni bde ba'i tshor ba'o/ /sdug bsngal zhes bya ba ni sdug bsngal gyi tshor ba'o/ /so sor myong bar 'gyur ro/ /zhes bya ba ni nyams su myong bar 'gyur ro/ /de dag gang du nges par 'gyur zhes na/ de'i phyir 'di ltar 'gro ba ni drug po dag tu zhes bya ba smras so/ /bye brag tu smra ba'i gzhung las ni rigs btsun pa drug pa dag ces 'byung ste/ de la rigs btsun pa drug ni nag po'i rig btsun pa ni bshad pa la sogs pa'o/ /sngon po'i rigs btsun pa ni rab tu 'byung ba gcer bu ba dag go /ser po'i rigs btsun pa ni rab tu 'byung ba gcer bu pa zhes bya ba dag go /ser po'i rigs btsun pa ni rab tu 'byung ba kun tu 'tsho zhes bya ba dag go /dmar po'i rigs btsun pa ni shAkya'i sras kyi dge slong dag go /dkar po'i rigs btsun pa ni kun tu 'tsho ba'i nyan thos khyim pa dag go /mchog tu dkar pa'i rigs btsun pa ni nan dan dang/ bad sya dang/ kri gi dang/ su kri ki dang/ gnag lhas kyi bu kun tu rgyu zhes bya ba dag go /de ltar na sems can de dag ni rigs btsun pa drug po de dag tu bde ba dang/ sdug bsngal so sor myong bar 'gyur zhes bya ba'i tha tshig go /de ltar na 'dis ni zag pa'i stobs dang brtson 'grus bkag ste/ de'i phyir log pa'i lta ba 'di ni kun 'byung ba mthong bas spang bar bya ba yin no/ /zag pa med pa'i stobs dang/ brtson 'grus 'gog par byed pa'i log pa'i lta ba ni lam mthong bas spang bar bya ba yin no/ /'di'i kun nas slong ba ni bye brag tu smra ba'i gzhung las mu stegs can chos thams cad kyi nus pa 'gog par byed pa dag la lta ba'i rnam pa
- 220b
'di 'byung bar brjod de/ 'di na mu stegs can de dag gi kha cig longs spyod kyi dbang phyug sgrub pa'i phyir brtsal ba chen po byed kyang de dag gis mi 'grub la/ kha cig brtsal ba mi byed pas kyang longs spyod kyi dbang phyug 'grub par mthong nas de dag 'di snyam du sems te/ stobs med do/ /brtson 'grus med do/ /stobs dang brtson 'grus med do/ /skyes bu'i rtsal med do/ /pha rol gnon pa med do/ /skyes bu'i rtsal dang pha rol gnon pa med do/ /bdag gi rtsal med do/ /gzhan gyi rtsal med do/ /bdag gi rtsal dang gzhan gyi rtsal med do/ /sems can thams cad dang/ srog chags thams cad dang/ 'byung po thams cad mthu med do/ /stobs med/ dbang med/ brtson 'grus med/ pha rol gnon pa med do/ /'gro ba mtshan sa sbyor ba'i srid pa dag nges par gyur to/ /'di ltar 'gro ba drug po dag tu bde ba dang/ sdug bsngal so sor myong bar 'gyur ro/ zhes de dag de ltar lta zhing de skad smra'o/ /de'i phyir mu stegs can dag /gang gis tsher ma rnon por byas/ /bya dang ri dags gang gis bris/ /'byung ba 'di kun rgyu med do/ /'jig rten dbang med 'dod byed min shes zer ro/ /chos 'di de 'dra ba zhes bya ba ni rgyu las skur pa 'debs ba dang/ lam la skur pa 'debs pa dang/ thar pa la skur pa 'debs pa zhes bya ba'i tha tshig go /kun tu rgyu ba'i lta ba'i rnam pa bshad zin to// //bam po gsum pa/ /byed pa dang byed du 'jug pa zhes bya ba la sogs pa la/ byed pa zhes bya ba ni/ srog gcod pa la sogs pa dag gis byed pa'o/ /byed du 'jug pa zhes bya ba ni srog gcod pa la sogs pa gzhan du byed du 'jug pa ste/ de la gzhi de las sdig pa yang med/ gzhi de las sdig par 'gyur ba yang med do/ zhes 'gog nas 'byung ba'i byed pa'i tshig de dang sbyar bar bya ste/ sogs pa med pa'i phyir sdig pa med pa la/ sdig pa skye ba med pa'i phyir sdig par gyur pa yang med do/ /zhes bya ba'i tha tshig go /gcod pa dang gcod du 'jug pa la
- 221a
sogs pa lhag ma rnams la yang de bzhin du sbyar ro/ /gcod pa dang gcod du 'dud pa la sogs pa lhag ma rnams la yang de bzhin du sbyar ro/ /gcod pa dang gcod du 'dud pa zhes bya ba'i lag pa dang/ shing ljon pa la sogs pa'o sreg pa dang sreg du 'jud pa zhes bya ba ni sems so/ /brdeg pa dang brdeg du 'jud pa zhes bya ba ni dbyug pa la sogs pas so/ /srog chags la 'tsho ba zhes bya ba ni dug la sogs pas gsod par byed pa'o/ /ma byin par len pa zhes bya ba ni rku sems kyis len pa'o/ /'dod pa dag la log par spong ba zhes bya ba ni/ 'dod pa dag la log par g.yem pa'o/ /shes bzhin du rdzun smra ba zhes bya ba ni blo sngon du btang te rdzun smra ba'o/ /myos par 'gyur ba'i btung ba 'thung ba zhes bya ba ni chad dang/ bcos pa'i chang myos par 'gyur ba bag med pa'i gnas 'thung pa'o/ /khyim 'bigs pa zhes bya ba ni khyim dang ra ba la sogs pa'i rtsig pa 'bigs pa'o/ /mdud pa 'grol ba zhes bya ba ni shing thags la sogs pa'i sgo 'byed pa dang/ sprogs ma la sogs pa'i 'byed pa'o/ /ril gyis 'phrog pa zhes bya ba ni ma lus par 'phrog pa'o/ /lam 'gog cing 'dug pa zhes bya ba ni gags byed pa 'am/ lam gol bar song bar 'joms pa'o/ /grong 'joms par byed pa zhes bya ba ni zong bkram pa med pa'i gnas 'joms par byed pa'o/ /grong khyer 'joms par byed pa zhes bya ba ni zod bkram pa yod pa'i gnas 'joms par byed pa'o/ /yul 'joms par byed pa zhes bya ba ni yul ma rungs par byed pa'o/ /'khor lo'i spu gri las byas pas zhes bya ba ni spu gri'i so dang 'dra bar rnon pos zhes bya ba'i tha tshig go /gcod pa zhes bya ba ni thad kar gcod pa'o/ /'tsheg pa zhes bya ba ni tshal gnyis su 'tsheg pa'o/ /brdung pa zhes bya ba ni til bzhin du phyi mar
- 221b
brdung ba'o/ /'dral ba zhes bya ba ni gzhog pa'o/ /thang ma zhes bya ba ni bkram pa'i phung po'o/ /tshogs zhes bya ba ni bshigs pa'i phung po'o/ /bungs zhes bya ba ni tshoms dag gi phung po'o/ /phung po zhes bya ba ni zlum po las gzhan pa'i tshoms so/ /chu klung gang+gA'i lho nas zhes bya ba ni/ chu klung gaM gA dang nye ba'i lho'i ngos nas zhes bya ba'i tha tshig go /byang nas zhes bya ba yang chu klung gaM gA dang nye bya'i byang gi ngos nas so/ sbyin pa zhes bya ba ni rdzas gtong pa'o/ /mchod sbyin zhes bya ba ni rtas gsang gi mchog sbyin la sogs pa byed pa'o/ dul ba zhes bya ba ni ting nge 'dzin to/ /yang dag par sdom pa zhes bya ba ni tshul khrims so/ /don spyod pa zhes bya ba ni gzhan la phan 'dogs par byed do/ /don mthun pas zhes bya ba ni 'bras bu mthun pa nyid kyis so/ /da ltar byed pa yang zhes bya ba la sogs pa ni da sbyin pa la sogs pa byed pa yang bsod nams mi byed pa kho na yin no/ zhes bya ba'i tha tshig go /de ltar rgyu dang 'bras bu la skur pa 'debs pa'i log par lta ba 'di ni kun 'byung ba dang sdug bsngal mthong bas spang bar bya ba yin no/ /'di'i kun nas slong pa ni bye brag tu smra ba'i gzhung las mu stegs can rgyu dang 'bras bu la skur pa 'debs pa dag la lta ba'i rnam pa 'di 'byung bar brjod de/ de dag 'di skad ces chu klung gaM gA'i ngos gnyis nas lha'i gnas nas gnod sbyin gyi gnas na yod pas chu klung gaM gA'i lho nas kun tu spyod par byed/ kun tu 'tsheg par byed kun tu brdung bar byed/ kun tu 'dral bar byed cing 'gro ba ni gnod sbyin gyis byed du bcug pa yin pas gzhi de las sdig pa dang sdig par 'gyur ba yang med do/ /chu klung gaM gA'i byang nas sbyin pa byed/ mchod sbyin byed cing 'gro ba ni lhas byed du bcug pa yin pas gzhi de las bsod nams dang bsod nams 'gyur ba yang med do/ /zhes de dag de ltar lta zhing de dag smra'o/ /de chos 'di 'dra ba zhes bya ba bsod nams dang sdig pa med pa dang/ rgyu dang 'bras bu la skur pa
- 222a
'debs zhes bya ba'i tha tshig go /yang dag par rgyal ba can gyi lta ba'i rnam par bshad zin to/ /lus bdun po zhes bya ba ni cha bdun po 'am dngos po bdun po ste/ yod pa'i sgrar brjod par bya zhes bya ba'i tha tshig go /ma byas pa zhes bya ba ni tshangs pa la sogs pa 'byin pa ba rang gi ma byas pa'o/ /byas pas ma byas pa zhes bya ba ni tshangs pa pas byas pa'i skye dgu'i bdag po la sogs pas ma byas pa'o/ /ma sprul pa zhes bya ba ni tshangs pa la sogs rgyu med par 'dod pa'i dbang gi ma blang ba'o/ /sprul pas ma byas pa zhes bya ba ni tshangs pa la sogs pas sprul pa'i skye dgu'i bdag po la sogs pas rgyu med par 'dod pa'i dbang gi ma bslang pa'o/ /gnod par bya ba ma yin pa zhes bya ba ni bsnun par mi nus pa'o/ /ji ltar zhen de'i phyir ther zug tu gnas pa zhes bya ba gsungs te/ ngo bo nyid gcig tu gnas pa bstan pa'i phyir gnod pa bya ba ma yin zhes bya ba'i tha tshig go /ka ba bzhin du gnas pa zhes bya ba ni ka'i rnam pa ltar mi 'gyur ba'o/ /srog gson pa nyid ces bya ba ni nang gi skyes bu srog gi rang bzhin du gson pa'o/ /bsod nams su 'gyur ba'i phyir zhes bya ba ni phan 'dogs pa'i sgo nas/ bsod nams su 'gyur ba'i phyir ro/ /sdig par 'gyur ba'i phyir zhes bya ba'i gnod pa med pa'i sgo nas sdig par 'gyur ba'i phyir ro// bsod nams dang sdig par 'gyur ba'i phyir ro/ /zhes bya ba ni phan 'dogs pa dang gnod pa byed pa'i sgo nas gnyis kar 'gyur ba'i phyir ro/ /g.yo bar mi byed ces bya ba ni 'gul bar mi byed pa'o/ /rnam par 'gyur bar mi byed ces bya ba ni gzhan du 'gyur ba mi byed pa'o/ /gcig la gcig gnod par mi byed ces bya ni phan tshun gnod par mi byed do/ /'o na brdeg pa la sogs pas rnam par 'gyur snang ngo/ /snyam du dogs pa'i phyir skyes bu gang gis zhes bya ba la sogs pa smras so/ /g.yo ba zhes bya ba ni
- 222b
mi la sogs pa sems pa dang bcas pa'o/ /gnas pa zhes bya ba ni shing ljon pa la sogs pa sems pa med pa'o/ /ji ltar na skyes bu skyes bu'i mgo gcod par byed pas 'jig rten na g.yo ba 'am gnas pa la gnod pa cung zad kyang mi byed na/ de'i phyir lus bdun po dag la bar med par mtshon thal byung du 'gro zhes bya ba la sogs pa smras te/ bar med pa zhes bya ba ni bu gu med par ro/ /gang gi phyir lus bdun po rtag pa dag la bar ma byas pa nyid du mgo gcod par byed pa'i mtshon thal byung du 'gro ba dang gang phyir de la gnas srog chags gnod pa byar mi nus so/ /dus nges pa yin pa de'i phyir gnod pa cung zad kyang mi byed do/ /da ltar gnod pa med na lus rnam pa bdun po de dag la gnod par byed pa yang med par bstan pa'i phyir de la gsod par byed pa 'am/ zhes bya ba la sogs pa smras so/ /gsod par byed pas zhes bya ba ni rang gi lag pas so/ /gsod du bcug pa zhes bya ba ni gzhan gyi lag pas so/ /skul bar byed pa zhes bya ba ni bskul bas brdeg pa la sogs pa la 'jug pa'o/ /bskul du bcug pa zhes bya ba ni gzhan gyis so/ /dran par byed pa zhes bya ba ni bsod nams bya ba 'am/ sdig pa bya ba nyid kyis mi brjed pa byed pa'o/ /dran par byed du bcug pa zhes bya ba ni gzhan gyis so/ /rnam par rig par byed pa zhes bya ba ni rang nyid smra ba'o/ /rnam par rig par byed du bcug pa ni gzhan gyis so/ /de ltar de dag ni mdza' 'dzin pa'i lta ba rtag par lta bas bsdus pa ste/ sdug bsngal mthong bas spang bar bya ba yin no/ /'di'i kun nas slong ba'i bye brag tu smra ba'i gzhung las mu stegs can dag gis 'byung ba chen po'i rgyud dang/ bde ba dang/ sdug bsngal gyi rgyu la rag las pa dang/ rkyen la rag las pa dang/ byed rgyu la rag las pa dang/ gzhan dang gzhan ma yin pa ma dmigs shing/ rnam par shes pa srog gi 'ang shes pa srog gi 'ang shes pa srog gi 'du shes can rnams la lta ba'i rnam pa 'di 'byung bar brjod do/ skye nas gtso
- 223a
bo dang ldan pa khri bzhi stong zhes bya ba ni gnas kyi gtso bo dag ste/ ji ltar bdag cag gi skye gnas gtso bo sgo nga las skye ba la sogs pa bzhi po dag tu sems can skye bar 'gyur ba de bzhin du mu stegs can rnams kyi skye nas gtso bo dang pa dang/ khu byug dang/ khrung khrung la sogs pa skye gnas nas skye pa khri bzhi stong 'dod de/ sems can re res kyang de dag tu skye bar bya dgos so zer ro/ /rtog pa chen po drug khri dang drug brgya zhes bya ba ni lta ba'i rnam pa gtso bo drug khri dang/ drug brgya ste/ sems can re res kyang de dag skye bar bya dgos so/ /lta ba'i rnam pa la rtog pa zhes bya ste/ log par rtogs pa'i phyir ro/ /las lnga zhes bya ba ni skye gnas gtso bo de dag thob par byed pa'i las lnga'o/ /bram ze gsod pa dang/ ba lang gsod pa dang/ gser rku ba dang/ bla ma'i chung ma'i gnas su 'gro ba dang/ chang 'thung ba sdig to chen po lnga dag go /gzhan de dag gi las la ste/ 'deg pa dang/ 'jog pa dang/ brkyang pa dang/ bskum pa dang/ 'gro ba'o/ /lam gsum po zhes bya ba ni lus dang/ ngag dang/ yid kyi nyes pa dag go/ las gnyis zhes bya ba ni/ rang gis byas pa dang/ gzhan gyis byas pa'o/ /gzhan yang las gnyis te/ sems pa'i las dang/ bsams pa'i las so/ /las dang las byed ces bya ba ni ji ltar bdag gi las gnyis pa'o/ /ris mthun pa'i 'phen pa'i las dang/ ris mthun pa rdzogs par byed pa'i las gnyis dang 'dra bar de dag gis las gnyis te/ zung dang zung ma yin pa'o/ /de la zung ni bsams pa dang/ byas pa gang yin pa ste de ni las so/ /zung ma yin pa ni bsam pa nyid yin la/ ma byas pa gang yin pa ste/ de ni las phyed yin no/ /yang sdig to'i las dang/ sdig to nye ba'i las de/ de la sdig to'i las ni 'di lta ste/ bram ze gsod pa dang/ ba lang gsod pa dang/ gser rku ba dang/ bla ma'i chung ma'i gan du 'gro
- 223b
ba dang/ chang 'thung ba ste/ de ni las yin no/ /sdig to dang nyes pa'i las ni de la gzhan pa dag ste/ de ni mngon las phyed yin no/ /lam drug cu rtsa gnyis zhes bya ba ni bdag cag gi rnam par dag pa'i lam bzhi po mngon par shes pa 'bul ba dka' ba'i lam dang/ mngon par shes pa myur ba dka' ba'i lam dang/ mngon par shes pa bul ba sla ba'i lam dang/ mngon par shes pa myur ba sla ba'i lam dang 'dra bar de dag gis rnam par dag pa'i lam drug cu rtsa gnyis te zan mi za ba dang/ mer 'jug pa dang/ ri las mchong ba dang/ chur 'jug pa dang/ ral ba thog pa dang/ thal ba skud pa dang/ g.yang gzhi thog pa dang/ dbyug pa thogs pa la sogs pa mtho ris la sogs pa'i thabs dag go /rtog pa bar ma drug cu rtsa gnyis zhes bya ba ni de dag gi rtag pa dang/ chang pa'i mdza' dang ldan pa'i lta ba'i rnam pa gtso bo ma yin pa drug cu rtsa gnyis so/ /kha cig na re mi rnams kyi 'phel ba dang/ 'grib pa'i chos de bar gyi bskal pa drug cu rtsa gnyis la bya'o/ /zhes kyang zer ro/ /sems can dmyal ba brgya nyi shu zhes bya ba ni yang sos la sogs pa'i sems can dmyal ba chen po brgyad dang de dag re re la yang 'khor me mar mur la sogs pa drug bcu drug bcu yod pa spyir bsdoms na brgya nyi shu yod do/ /dbang po brgya nyi shu zhes bya ba ni/ ji ltar bdag cag gi dbang po nyi shu rtsa gnyis dang 'dra ba de dag gi dbang po brgya nyi shu ste/ de la mig gnyis dang rna ba gnyis dang/ sna gnyis dang/ lce dang lus dang/ yid dang srog dang/ bde ba dang/ sdug bsngal dang/ yid bde ba dang/ yid mi bde ba dang/ btang snyoms pa dang/ dad pa dang/ brtson 'grus dang/ dran pa dang/ ting nge 'dzin dang/ shes rab kyi dbang po nyi shu 'dod pa de dag 'gro ba drug du bsgres na brgya nyi shur 'gyur te/ sems can gcig gis kyang de dag bskyed bya dgos so/ /rdul gyi khams drug cu rtsa gnyis zhes bya ba ni ji ltar bdag
- 224a
cag gis kun tu sbyor ba'i gnas phra rgyas dgu bcu rtsa brgyad dang 'dra bar de dag gis kun tu sbyor ba'i gnas su drug cu rtsa gnyis te/ brgya byin gyi gnas la sogs pa bde ba'i gnas dag go /klu'i rigs bzhi khri dgu stong zhes zhes bya ba ni ji ltar bdag cag gi klu'i rigs bzhi po sgo nga las skye ba dang/ drod gsher las skye ba dang/ brdzus te skye ba dang 'dra bar de dag gi klu'i rigs bzhi khri dgu stong yod do/ /sems can gcig gis kyang de dag tu skye bar bya dgos so/ /nam mkha' lding gi rigs bzhi khri dgu stong zhes bya ba ni/ ji ltar bdag cag gi klu'i rigs bzhi po sgo nga las skyes pa dang/ mngal las skyes pa dang/ drod gsher las skyes pa dang/ brdzus te skye ba dang/ 'dra bar de dag gi nam mkha' lding gi rigs bzhi khri dgu stong yod do/ /sems can gcig gi kyang de dag tu skye bar bya dgos so/ /kun tu rgyu ba'i rigs bzhi khri dgu stong zhes bya ba dag gi ni mu stegs can gyi gnas te/ sems can gcig gis kyang de dag thams cad du rab tu 'byung bar bya dgos so/ /kun tu 'tsho ba'i rigs bzhi khri dgu stong zhes bya ba de dag ni mo'i las la sogs pa gzo'i gnas dag ste/ sems can gcig gis kyang de dag thams cad bslab par bya dgos so/ /gcer bu'i rigs bzhi khri dgu stong zhes bya ba de dag kyang/ mu stegs can gyi gnas te/ sems can gcig gis byang de dag rab tu 'byung bar bya dgos so/ /'du shes can gyi gnas bdun zhes bya ba ni de dag gi 'du shes can gyis snyoms par 'jug pa bdun te/ sems can gcig gis kyang de dag bskyed bar bya dgos so/ /gcer bu'i gnas bdun zhes bya ba de dag ni sbyor ba'i lam ste ston sa? par 'jug pa de dag gi sems nye bar gtod pa ste/ de dag gis snyoms par 'jug pa de dag la sems nye bar gtod par byed do/ /lha ma yin bdun dang/
- 224b
sha za bdun zhes bya ba ni de dag nar sems can re res kyang lha ma yin rnams kyi nang du lan bdun dang/ sha za rnams kyi nang du lan bdun skye bar bya dgos so/ /zhes zer ro/ /lha bdun dang/ mi bdun zhes bya ba yang de dag na re sems can re res kyang lha rnams kyi nang du lan bdun dang/ mi rnams kyi nang du lan bdun skye bar bya dgos so/ zhes zer ro/ /mtsho chen po bdun zhes bya ba ni ma dros pa la sogs pa'i mtsho chen pa dag go /mtsho bdun brgya zhes bya ba ni de dag las gzhan pa'i mtsho dag go /de dag gi bsod nams kyi chu ngogs dag ste/ sems can gcig gis kyang de dag thams cad kyi khrus bya dgos so/ /rmi lam chen po bdun zhes bya ba ni rmi lam yun ring po dag go /rmi lam bdun brgya zhes bya ba ni de las gzhan pa'i rmi lam yun thung ngu dag go /de dag ni sems can gcig gis kyang thams cad lta bar bya ste/ gang gi skye gnas gang du skye bar bya ba des rmi lam de lta bu nyid mthong bar 'gyur ro/ /'bri ba chen po bdun dang/ 'bri ba bdun brgya zhes bya ba de dag ni yon tan yongs su nyams pa dag ste/ sems can re re la yang de dag nyams par 'gyur ro/ /'phel ba bdun brgya pa zhes bya ba de dag ni yon tan 'phel ba dag ste/ sems can re re kyang de dag thams cad bskyed par bya dgos so/ /sad pa chen po bdun zhes bya ba ni tshangs pa'i 'jig rten zhes bya ba ni tshangs pa'i 'jig rten la sogs pa'o/ /sad pa bdun brgya zhes bya ba ni 'dod pa'i lha dag go /sems can re res kyang yon tan de dag bskyed par bya dgos so/ /g.yang sa chen po bdun zhes bya ba ni dam grog chen po dag go /g.yang sa bdun brgya zhes bya ba ni de dag las gzhan pa dag go /sems can re res kyang de dag tu lus btang bar bya dgos so/ /rigs btsun pa drug ces bya ba ni sngar bstan pa'i gnas de dag tu rigs btsun pa drug gdags par bya ste/ nag po'i rigs btsun
- 225a
pa dang/ sngon po'i rigs btsun pa dang/ dmar po'i rigs btsun pa dang/ mchog tu dkar po'i rigs btsun pa'o/ /de la nag po'i rigs btsun pa ni/ bshad pa la sogs pa'o/ /sngon po'i rigs btsun pa ni/ kun tu 'tsho ba'i nyan thos khyim bdag go /ser po'i rigs btsun pa ni kun tu 'tsho ba'i nyan thos rab tu 'byung ba dag go /dmar po'i rigs btsun pa ni shAkya'i sras kyi dge sbyong dag go /dkar po'i rigs btsun pa ni gcer bu'i rab tu 'byung ba dag go /mchog tu dka' ba'i rigs btsun pa ni 'di lta ste/ nan dang sad pa dang/ kri ki dang/ skring ki dang gnag lhas kyi bu kun tu rgyu yin no/ /mngon par mtho ba bcu zhes bya ba ni bdag cag gi mi slob pa'i chos bcu dag dang 'dra ba de dag gi 'dod chags dang bral ba'i lam bcu'o/ /kha cig na re mngon par mtho ba dang bcu zhes bya ba ni mi'i rgyal po chen po bzhi dang/ lha'i rgyal po chen po bzhi dang/ brgya byin nyid dang/ bdun nyid do/ zhes kyang zer ro/ /skyes bu chen por brgyad ces bya ba ni ji ltar bdag cag gis sa brgyad po bsam gtan bzhi dang/ gzugs med pa bzhi po dag dang 'dra bar de dag gis tshangs pa'i gnas gzhan brgyad yod do de dag tu sems can re res kyang skye bar bya dgos so/ /yang na skyes bu chen pos brgyad ni gtso bo nyid dang/ dbang phyug nyid dang/ phra ba nyid dang/ chen po nyid dang/ thag ring po mthong ba dang/ thos pa dang/ dran pa dang/ rnam par shes pa'o/ /de dag yod na bya ba bzhir 'gyur te/ thams cad shes pa nyid dang/ brda sprod pa nyid dang/ ci 'dod par spyod pa nyid dang/ thogs pa med pa nyid do/ /mtshams sbyor zhing zhes bya ba ni bar ma do'i srid pas so/ /'khor nas zhes bya ba ni skye ba'i srid pas so/ /sdug bsngal mthar byed do/ zhes bya ba ni thar ba thob par byed pa'o/ /skud pa dru bu zhes bya ba
- 225b
ni skud pa'i gong bu'o/ /steng gi nam mkha' las 'phangs pa zhes bya ba ni ri'i sgang nas 'phangs pa'o/ /gzangs pa zhes bya ba ni brgyad pa na'o/ /sa la bab pa zhes bya ba ni sa la 'gro ba'o/ /de bzhin du byis pa 'am mkhas pa gang yin pa dag yin pa dag kyang de dag tu bskal pa chen po brgyad khri bzhi stong du mtshams sbyor zhing 'khor nas sdug bsngal mthar byed do/ /zhes bya ba ni dper na skud pa'i dru bu yang ba steng gi nam mkha' las 'phangs pa gzangs pa na bar skabs su mi thogs par sa la bab pa de bzhin du byis pa 'am/ mkhas pa gang dag yin pa de dag kyang/ skyes nas gtso bo dang ldan pa khri bzhi stong la sogs ji skad bstan pa de dag tu spyir bskal pa chen po brgyad khri bzhi stong du mtshams sbyor zhing 'khor nas sdug bsngal mthar byad cing grol bar 'gyur ro/ zhes bya ba'i tha tshig go/ kha cig na re nag po'i rigs btsun pa bskal pa chen po bzhi stong 'khor zhing mtshams sbyor la de bzhin du sngon po'i rigs btsun pa dang/ ser po'i rigs btsun pa dang/ dmar po'i rigs btsun pa dang/ dkar po'i rigs btsun pa dang/ mchog tu dkar pa'i rigs btsun pa dag tu yang bskal pa chen po bzhi stong 'khor zhing mtshams sbyor ba de dag spyir bsdoms na bskal pa chen po brgyad khri bzhi stong du 'gyur ro/ zhes kyang zer ro/ /gal te dus zang pas grol ba yin na/ 'o na ci'i phyir tshul khrims la sogs pa spyod par byed snyam su dogs pa'i phyir de la dge sbyong ngam bram ze gang 'di skad ces zhes bya ba la sogs pa smras so/ /tshul khrims zhes bya ba ni 'tshe ba la sogs pa las ldog pa'o/ /brtul zhugs zhes bya ba ni mtshan mo za ba la sogs pa'i nges pa'o/ /dka' thub ces bya ba ni du ba rdub pa la sogs pa tshangs par spyod pa las ldog pa'o/ /yongs su ma smin pa zhes bya ba ni 'bras bu ma 'gyur ba'o/ /yongs su smin par bya zhes bya ba ni 'bras bu ma 'gyur ba'o//
- 226a
yongs su smon par bya zhes bya ba ni 'bras bu sbyar bar bya ba'o/ /reg par byas nas zhes bya ba ni spyad nas so/ /byang bar bya'o/ zhes bya ba ni zad par bya'o/ bde ba dang sdug bsngal 'di ni nges pa yin no/ zhes bya ba ni mthar thug par bya'o/ /skye ba dang mar 'grib pa ni mi srid de/ zhes bya ba la yar skye ba zhes bya ba ni bsngal pa chen po brgyad khri bzhi steng las lhag pa'o/ /mar 'grib zhes bya ba ni de dag pas nyung ba ste/ des na gnyis ka yang mi srid de/ de kho na'i mdza' myong nas grol bar 'gyur ro/ zhes bya ba'i tha tshig go /'di lta bu nyid dang gzhan ma yin pas zhes bya ba la/ 'di lta bu nyid ces bya ba ni yar skye ba'o/ /gzhan zhes bya ba ni mar 'grib pa'o/ /ma yin pas zhes bya ba ni mi srid pas so/ /yang na 'di lta bu nyid ces bya ba ni kho bos sngar ji skad brjod pa'i rim pas so/ /gzhan ma yin pas zhes bya ba ni gal te de skad mi brjod na rnam pa gang gis kyang de brjod par mi 'gyur ro/ zhes bya ba'i tha tshig go /'khor ba gzhal lo/ zhes bya ba ni rnam par phye ba'o// chos 'di de 'dra zhes bya ba ni dus kyi ngo bo nyid kyis grol par smra ba dang/ mthar 'dzin par lta ba zhes bya ba'i tha tshig go /mi pham gyi lta ba'i rnam pa bshad zin to// //gal te 'ga' zhig kho bo'i gan du 'ongs te 'di skad ces 'jig rten pha rol yod dam zhes 'dri na zhes bya ba la sogs pa la/ yod dam zhes bya ba ni dri ba gcig ste/ rtag par 'dzin pa'o/ /'di lta zhi ba'i 'jig rten gzhan du 'gro bar lta ba'i phyir ro/ /med dam zhes bya ba ni dri ba gnyis pa ste chad par 'dzin pa'o/ /'di ltar shi ba'i 'og tu bdag chad par lta ba'i phyir ro/ /yod pa dang med pa yin nam zhes bya ba ni dri ba gsum pa ste/ lhag pa dang chad par 'dzin pa'o/ /'di ltar dag tu 'dod pa'i 'jig rten la rtag pa dang chad par 'dzin pa'i phyir te/ dper na sprul pa po'i tshangs
- 226b
pa gang yin pa de ni rtag pa yin la/ nges sprul pa gang yin pa de ni mi rtag pas/ kha cig ni rtag pa yin la/ kha cig ni mi rtag pa yin no/ zhes tshangs pa'i dri ba'i mdo las rgya cher gsungs pa yin no/ /yod pa yang ma yin med pa yang ma yin nam zhes bya ba ni dri ba bzhi pa ste/ rtag pa la rtag pa nyid dang/ mi rtag pa nyid gnyis ka ma rigs pa'i phyir gnas skabs su gtogs pa'i dri ba'o/ /de dag ni re zhig yod pa tsam dri ba yin no/ /bye brag tu dri ba de dag gi dbang du byas nas de bzhin du gal te zhes bya ba la sogs pa dri ba bzhi smras so 'jig rten pha rol 'di lta bu nyid dang 'di lta bu nyid ma yin nam zhes bya ba ni bye brag tu dri ba gcig te/ 'di lta bu nyid ces bya ba ni rnam pa 'di lta bu nyid do/ /deng zhes bya ba'i sgra ni 'am zhes gang yang rung ba gcig gzung ba'i don du mi lta'o/ /dang zhes bya ba'i sgra nyid kyis gnyis ka bsdu ba'i don du lta'o/ /ma yin pa zhes bya ba'i sgra ni dgag pa'i don to/ /des na 'jig rten pha rol 'jig rten 'di'i rnam pa dang 'dra ba 'di lta bu nyid kyang yin la/ 'jig rten 'di'i rnam pa dang 'dra ba 'di lta nyid kyang ma yin te/ cung zhig mi 'dra ba nyid kyang yod pa'i phyir ro/ zhes 'dra ba yang yin no/ /mi 'dra ba yang yin nam zhes 'dri'o/ /'jig rten pha rol gzhan nyid dang/ gzhan ma yin nam zhes bya ba ni bye brag tu dri ba gnyis pa ste/ 'jig rten pha rol 'jig rten 'di las gzhan pa nyid kyang yin la/ gzhan pa nyid kyang ma yin te/ cung zad 'dra ba yang yod pa'i phyir ro/ zhes gzhan yang yin la/ gzhan pa nyid kyang ma yin no/ zhes 'dri'o/ /'jig rten pha rol gzhan ma yin pa nyid ma yin nam/ zhes bya ba ni bye brag tu dri ba gsum pa ste/ 'jig rten pha rol 'jig rten 'di las gzhan pa nyid kyang yin la/ gzhan ma yin nyid kyang ma yin pa'ang yin te/ gzhan yin dang/ gzhan ma yin pa nyid gnyis ka yang mnyam du yod pa'i phyir ro//
- 227a
zhes gzhan ma yin pa yang yin la/ gzhan ma yin pa nyid kyang ma yin nam zhes 'dri'o/ /'jig rten pha rol de nyid dang/ de nyid ma yin pa ma yin nam zhes bya ba ni bye brag tu dri ba bzhi pa ste/ 'jig rten pha rol 'jig rten 'di nyid kyang yin la/ 'di nyid ma yin pa yang yin te/ de nyid dang de nyid ma yin pa gnyis ka yang mnyam du yod pa'i phyir ro/ /zhes de nyid kyang yin la de nyid ma yin pa yang yin nam zhes 'dri'o/ /de la dri ba dang po la ni 'di lta bu nyid gtso che'o/ /gnyis pa la ni gzhan nyid gtso che'o/ /gsum pa la ni gzhan nyid dang/ gzhan ma yin pa nyid mnyam pa'o/ /bzhi pa la ni de nyid dang/ de nyid ma yin pa mnyam par shes par bya'o/ /'di'i kun nas slong ba ni bye brag tu smra ba'i gzhung la mu stegs can lha mi spong bar smra ba dag dman zhing mod rtul ba yin la/ gzhan gyi tshig dang/ 'gal bar byed mi nus shing gcig bzung ba mi bzang ngo/ /snyam du sems shing cha gcig bzung nas pha rol po'i yid mi 'ga' zhing gnod par gyur na bdag gis lhar skye ba spangs par 'gyur bas bdag la mi mthun par smra ba bla'o/ /snyam nas gal te 'ga' zhig kho bo'i gan du 'ongs te/ 'di skad ces 'jig rten pha rol yod dam zhes dri ba 'dri na kho bo de la 'jig rten pha rol yod do/ zhes lan 'debs par byed do/ 'jig rten pha rol med dam zhes dri ba 'dri na de la kho bo med do/ /zhes lan 'debs par byed do/ /'jig rten pha rol yod pa dang med pa yin nam zhes dri ba 'dri na de la kho bo yod pa dang med pa yin no/ /zhes lan 'debs par byed do/ /'jig rten pha rol yod pa yang ma yin med pa yang ma yin nam zhes dri ba 'dri na/ de la kho bo yod pa yang ma yin med pa yang ma yin no/ zhes lan 'debs par byed do/ zhes yod pa tsam du 'dri ba dang/ de dag bye brag dri ba rgya cher 'di skad du bstan pa de ltar
- 227b
lta zhing de skad smra'o/ /zhes 'byung de/ /chos 'di 'dra ba zhes bya ba ni kun tu rmongs pa mang ba'i phyir rtag pa dang chad par smra ba dang/ bdag tu smra ba zhes bya ba'i tha tshig go /nog can gyi lta ba'i rnam pa bshad zin to// //skyes bu gang zag ces bya ba ni sems can no/ /so sor myong ba zhes bya ba ni bde ba dang sdug bsngal nyams su myong ba'o/ /sngon byas pa'i rgyu las byung ba zhes bya ba ni sngon gyi las kyi rgyu las byung ba'o/ /dka' thub kyis 'byang bar 'gyur la zhes bya ba ni brtul zhugs drag pos 'byang bar 'gyur ba'o/ /mi bya bar chu lon gyi bzlog pa zhes bya ba ni/ lhag par ma spyad pas 'jug par mi bya'o/ /zag pa med do/ zhes bya ba ni/ las kun tu mi spyod pa'o/ /sdug bsngal mthar byed pa zhes bya ba ni mya ngan las 'das pa'o/ /'di'i kun nas slong ba ni bye brag tu smra ba'i gzhung las mu stegs can dag gi byed pa don med pa dang/ las mi byed pa'i ngang tshul can mi dga' phyug pa nor mang ba longs spyod che bar mthong nas/ de dag 'di snyam du sems te skyes bu gang zag gi so sor myong bar 'gyur ba gang yin pa de dag thams cad ni sngon byas pa'i rgyu las byung ba yin no/ /las rnying pa rnams ni dka' thub kyis 'byang bar 'gyur ba las sar pa rnams ni ma byi bar chu lon gyis bzlog par bya ste/ de ltar na phyi ma la zag pa med do/ /zag pa med na las zad do/ /las zad na sdug bsngal zad do/ /sdug bsngal zad na sdug bsngal mthar byed par 'gyur ro/ /zhes de dag de ltar lta zhing de smra'o/ /zhes 'byung ngo/ /'o na chos 'di pa yang sngon byas pa'i rgyu las byung bar 'dod na/ ci'i phyir de dag lta ba'i rnam par mi 'gyur la mu stegs can rnams la ni lta ba'i rnam par 'gyur zhe na/ chos 'di pa dag ni kha cig sngon byas pa'i rgyu las byung bar 'dod la/ kha cig de ltar gyi skyes bu'i rtsal las byung bar 'dod pas de dag la ni lta ba'i rnam par mi 'gyur gyi/ mu
- 228a
stegs can dag ni thams cad sngon byas pa'i rgyu las byung bar 'dod la/ de dag lta ba'i rnam par 'gyur ro/ /chos 'di de 'dra ba zhes bya ba ni skyes bu'i rtsal la skur pa 'debs pa dang/ dka' thub kyi bdag pa dang/ shes pa la skur pa 'debs pa zhes bya ba'i tha tshig go/ gcer bu 'di lta ba'i rnam pa bshad zin to// //mu stegs can gyi gnas zhes bya ba la/ mu stegs can zhes bya ba ni gang dag la chu klung du 'jug pa'i thar pa'i lam yod pa de dag ni mu stegs can no/ /de dag gi gnas ni rten te 'byung ba'i gnas zhes bya ba'i tha tshig go /yang dag rgyal ba can zhes bya ba ni ston pa'i ming ngo/ /byung nas ring po ma lon zhes bya ba ni byung ma thag go /yang dag 'jig ces bya ba ni dpen par gnas pa'o/ /kye ma zhes bya ba ni ngo mtshar che ba'i tshig yin no// yun ring mo ring mo shig nas zhes bya ba ni gus pa'i phyir lan gnyis su bzlas so/ /tshul dang mthun zhes bya ba ni bzang ba'o bsam gtan zhes bya ba ni dge ba'i don la sems pa'o/ /dbang po rnams tshim par gyur zhes bya ba ni ting nge 'dzin gyis brtas par gyur pa'o/ /byad bzhin zhes bya ba ni mig la sogs pa'i dbang po rnams dang bas nye bar zhi ba nyid do/ /yon tan dag ces bya ba ni tshul khrims la sogs pa'o/ /bden pa'i bsam pas rab tu byung ba zhes bya ba la/ bden pa zhes bya ba ni rdzun gyi tshig dang bral ba'o// de'i phyir gang la bden pa'i bsam pa yod pa'i de'i rab tu byung ba ni bden pa'i bsam pas rab tu byung ngo/ /chos thams cad mi 'tshe ba'i gzhi las byung ba zhes bya ba ni mi 'tshe ba gtso bor byed pa ste/ mi 'tshe ba ni srog gcod pa spang pa'o/ /'dis ni sems can la 'tshe ba spangs pa bstan te/ de yang snying rje las 'gyur bas de'i phyir dag pa'i chos thams cad kyi gtso bo ni snying rje yin par bstan to/ /zhi ba zhes bya ba ni legs par byed pa'i phyir ro/ /rga ba med pa zhes bya ba ni rga ba dang bral ba'i phyir ro/ /'chi ba med pa zhes bya
- 228b
ba ni mi 'chi ba'i chos nyid yin pa'i phyir ro/ /nyams pa med pa zhes bya ba ni re zhig nyams pa med pa'i phyir ro/ /gnas zhes bya ba ni yod pa nyid dang ldan pa'i phyir ro/ /mya ngan las 'das pa zhes bya ba ni nyon mongs pa'i me zhi bar byed pa'i phyir ro/ /rnam grangs zhes bya ba ni rgyu tha dad pa ma yin pa don gcig la sgra'i rnam grangs su brjod pa'o/ /de ni tshangs pa'o/ /zhes bya ba ni mya ngan las 'das pa gang yin pa de ni tshangs pa yin te/ don dam pa'i dge ba yin pa'i phyir dang/ sdug bsngal med pa'i phyir te/ gzhan ci yang ma yin no/ /zhes bya ba'i tha tshig go /tshangs pa'i 'jig rten du gzhol bar bya ba zhes bya ba ni tshangs pa'i 'jig rten du skye ba'i phyir thams cad don du gnyer ba nyid yod pa'i phyir ro/ /tshangs pa'i 'jig rten du 'bab pa zhes bya ba ni de thob par bya ba'i phyir 'bad pa chen po byed pa'i phyir ro/ /tshangs pa'i 'jig rten du babs pa zhes bya ba ni 'bad pa chen po byed pa mi slong ba'i phyir ro/ /tshangs pa'i 'jig rten yang de lta bu yin zhes bya ba la yang zhes bya ba'i sgra ni yid ches pa yin no/ /de lta bu zhes bya ba'i sgra ni da 'dra ba zhes bya ba'i don yin no/ /de na 'dir tshangs pa'i 'jig rten yang mya ngan las 'das pa de lta bu yin par yid ches zhes bya ba'i tha tshig go /de 'dra ba yin no/ /zhes bya ba ni rnam pa de 'dra ba yin no/ zhes bya ba'i tha tshig go /de lta bu yin zhes bya ba dang 'dra ba yin zhes bya ba'i tshig gnyis smos pa ni tshangs pa'i 'jig rten gyi yon tan yang dag par bstan pa'i phyir ro/ /tshangs pa'i 'jig rten dang skal pa mnyam pa zhes bya ba ni tshangs pa'i 'jig rten gyi nang du'o/ /sgrub pa zhes bya ba ni thob par byed pa'o/ /mya ngan las 'das pa thob pa'o/ /thams cad du zhes bya ba ni kun tu'o/ /sgra zhes bya ba ni sngags so/ /grangs zhes bya ba ni thos pa'o/ /rnyed pa zhes bya ba ni chos gos la sogs
- 229a
pa'o/ /bkur sti zhes bya ba ni mchod pa'o/ /byung bar gyur te zhes bya ba ni skyes par gyur pa'o/ /sman zhes bya ba ni nad zhi bar bya ba'i thabs su gyur pa'i ci'o/ /rtsa ba zhes bya ba ni gla sgang la sogs pa'o/ /sdong bu zhes bya ba ni tsan dan la sogs pa'o/ /'dab ma zhes bya ba ni ko sha tag ki la sogs pa'o/ /me tog ces bya ba ni shing nim? pa'i me tog la sogs pa'o/ /'bras bu zhes bya ba ni a ru ra la sogs pa'o/ /'jam pa zhes bya ba ni cung zad rgod pa'o/ /rgyu ma mchis zhes bya ba ni rgyu med pa ste/ /nang gi byed rgyu med pa'i phyir ro/ /rkyen ma mchis zhes bya ba ni phyi rol gyi byed rgyu med pa'i phyir ro/ /mi mdzad na zhes bya ba ni mi byed na'o/ /mi phung zhes bya ba ni me spar ba'i phung po'o/ /'dod pa'i rgyu zhes bya ba ni phra rgyas ma spangs pa'i phyir ro/ /'dod pa'i gzhi zhes bya ba ni yul nye bar gnyer bar gnas pa'i phyir ro/ /'dod pa'i gnas zhes bya ba ni tshul bzhin ma yin pa yid la byed pa nye bar gnas pa'i phyir ro/ /kha cig na re lhag mar chags pa chung ngu dang 'bring dang chen po'i gnas skabs yin no// zhes zer ro/ /sdug bsngal zhes bya ba ni srog nyams pa la sogs pa'o/ /dus zhes bya ba ni ston gyi dus la sogs pa'o/ /bdud rtsi zhes bya ba ni mya ngan las 'das pa'o/ /don du gnyer zhes bya ba ni yid kyis so/ /'di nyid kyi zhes bya ba ni dus de nyid kyi'o// lha zhes bya ba ni lha nyid do/ /rgyu ba zhes bya ba ni phan tshun 'gro ba'o/ /gangs kyi ngos dang nye bar zhes bya ba ni ri gangs kyi lho phyogs kyi ngos dang nye ba'o/ /chu grung skal ldan shing rta'i 'gram zhes bya ba ni chu klung gaM gA'i pha rol te/ ha cang yang mi ring ha cang yang mi nye ba'i bar zhes bya ba'i tha tshig go /shAkya zhes bya ba ni gzhan gyis mi nus pa'i las byed pa'i phyir nus pa zhes bya'o/ /bltas pa zhes bya ba ni skar ma brtsi ba ste/ ltas kyi bstan bcos kyi mtshan ma spyod pa'i phyir ro/ /mtshan mkhan zhes bya ba
- 229b
ni mtshan gyi bye brag go /'khor los sgyur ba'i rgyal po zhes bya ba ni gser gyi 'khor lo nam mkha' la 'gro bas rgyal srid sgyur bar byed pa'i phyir ro/ /mdza' bzhir zhes pa ni rgya mtsho bzhi'i mthar ro/ /rgyal ba zhes bya ba ni dpa' ba' o/ /chos kyi rgyal po zhes bya ba ni rigs pas rgyal srid bdag gir byas pa'i phyir ro/ /chos dang ldan pa zhes bya ba ni chos sbyod pa'i phyir ro/ /rin po che sna bdun dang ldan pa zhes bya ba ni rin po che sna bdun gyi dbang phyug go /ldan pa zhes bya ba'i sgra ni 'dir dbang ba la bya'i 'thob pa ni ma yin no// gzhan du sems can du bgrang ba ma yin pa dag dang ldan par 'gyur bas de ltar mi bzhed de thob pa dang thob pa med pa ni rang gi rgyud du gtogs pa yin no/ zhes gsungs pa'i phyir te/ de lta bas na de dag la de 'dod dgur dbang byed pa yin no/ zhes bye brag du smra ba'i gzhung las 'byung ngo/ /nor bu rin po che zhes bya ba ni sgron ma'i ched kyi nor bu rin po che'o/ /khyim bdag rin po che zhes bya ba ni mdzod kyi bdag po'o/ /dmag dpon rin po che zhes bya ba ni dmag gi bdag po'o/ /glang po che la sogs pa sems can du bgrang ba dag ji ltar gzhan gyi las kyis 'byung bar 'gyur zhe na/ dga' yang gzhan gyi las kyis 'byung ste/ 'di ltar de dang 'brel las kyis 'phangs par zad kyi de dag 'byung ba rang gi las kyis tshogs kho na las 'byung ngo/ zhes bye brag tu smra ba rnams kyi gzhung las 'byung ngo/ /dpa' ba zhes bya ba ni 'jigs pa'o/ /brtul phong pa zhes bya ba ni mthu phun sum tshogs pa'o/ /yan lag mchog gi gzugs dang ldan pa zhes bya ba ni yan lag mdzes pa mchog gi gzugs dang ldan pa'o/ /pha rol du sde rab tu 'joms pa zhes bya ba ni pha rol gyi sgrub pa pham par byed pa ste/ rang gi las la bag yod ces bya ba'i tha tshig go /ma lus pa zhes bya ba ni thams cad dam bcug med pa'o/ /gnod par sngo ba med cing zhes bya ba ni 'gran zla med
- 230a
pa'o/ /'tshe ba med pa zhes bya ba ni gnod pa med pa'o/ /chad pa med cing zhes bya ba ni nor 'phrog pa med cing ngo/ /mtshon gyis 'da' ba med la zhes bya ba ni gsod pa med la'o/ /chos dang mthun pa zhes bya ba ni/ /chom rkun la sogs pa shom pa med pa'i rigs pa dang mthun zhing ngo/ /snyoms pas zhes bya ba ni sdig pa dang 'dres pa dang/ chos bstan pas so/ /gnas par 'gyur ro/ /zhes bya ba ni skyong bar 'gyur ro/ /skra dang kha spu bregs te zhes bya ba ni 'dod chags bral ba'i rjes su mthun par byed pa'i phyir dang/ mi 'bral bar bya ba'i phyir gnyis ka bregs de'o/ /bgos nas zhes bya ba ni gyon nas so/ /de bzhin gshegs pa zhes bya ba ni dngos po thams cad kyi ngo bo nyid ji lta ba de bzhin du gshegs pa dang/ sems can 'dul ba ji lta ba bzhin du gshegs pa dang/ nyes pa bag chags dang bcas pa yang mi 'byung ba ji lta ba de bzhin du gshegs pa yang/ smon lam ji ltar gyur pa de bzhin du mdzad pa ma lus par mdzad par gyur pas de bzhin gshegs pa zhes bya'o/ /dgra bcom pa zhes bya ba ni 'gro ba mdza' dag gis mchod par 'os pa'i phyir ro/ /yang mi skye ba'i chos can yin pa'i phyir/ nyon mongs pa'i bag chags dang bcas pa'i dgra bcom pa'i phyir dgra bcom pa zhes bya'o/ /yang dag par rdzogs pa'i sangs rgyas zhes bya ba ni yang dag par rdzogs par sangs rgyas pa zhes bya ba ste/ mi bslu ba'i mkhyen pa'i phyin ci ma log pa yang dag par shes pa'i don ma lus pa mdza' dag rdzogs par thugs su chud cing sangs rgyas pa mkhyen pa'i mthu thogs pa kha bye ba dang ldan pas rang nyid kyi sangs rgyas pad+ma kha bye ba lta bu dang/ nyon mongs pa can dang nyon mongs can ma yin pa'i kun tu rmongs pa'i gnyid du gtan du bral ba'i phyir mi gnyid sangs pa 'dra bar sangs rgyas pa'o/ /rnam par grags pa'i sgra dang
- 230b
ldan pa zhes bya ba ni grags pa snyan pa dang ldan pa'o/ /lung bstan zhes bya ba ni rgya cher bstan pa'o/ /rigs smra ba zhes bya ba ni bram ze ni rigs mchog yin no/ zhes bya ba la sogs pa smra ba'o/ /rus smra ba zhes bya ba ni kauN+Di n+ya'i rigs mchog yin no/ zhes bya ba la sogs pa smra ba'o/ /shed bur smra ba zhes bya ba ni bram ze gzhon nu lo bzhi bcu ma lon pa brtul zhugs dang klog pa la sogs pa mtho bar smra'o/ /rgyags pa dang nga rgyal nges par bcom pa dag gis zhes bya ba la/ rgyags pa zhes bya ba ni rang gi yon tan la bltos pas khengs par byed pa'o/ /nga rgyal zhes bya ba ni gzhan las khyad du zhugs par rtogs pas khengs par byed pa'o/ /de ltar na rgyags pa dang/ nga rgyal nges par bcom zhing yongs su spangs pa dag gis zhes bya ba'i tha tshig go /bsags pa zhes bya ba ni tshogs pa'i rang bzhin no/ /de dag kun gyi mdza' zad cing zhes bya ba ni mthar zad cing 'gyur ba'o/ /mthon pa'i zhes bya ba ni dngos po'i phang mtho ba rnams so/ /de rnams kyi mdza' ltung bar 'gyur zhes bya ba ni mthar rdib par 'gyur ba'o// phrad pa zhes bya ba ni tshogs pa'o/ /de'i mdza' ni 'bral ba'o/ zhes bya ba ni mthar 'bye bar 'gyur ba'o/ /gson po zhes bya ba ni srog gi dbang po dang ldan pa'o/ /de'i mdza' ni 'chi bar 'gyur ba yin no/ /dus kyi chos dang ldan par gyur to/ /zhes bya ba la/ dus zhes bya ba ni 'tsho ba'i dus te 'chi ba'i chos zhes bya ba ni ngo bo nyid de/ dus kyi chos de dang ldan par gyur to/ /zhes bya ba ni shi'o/ zhes bya ba'i tha tshig go /khyogs zhes bya ba ni 'dir khri yin no/ /rgyan te zhes bya ba ni mdzes par byas pa'o/ /bskyal nas zhes bya ba ni khyer nas so/ /mya ngan bsad ba byas nas zhes bya ba la mya ngan byas bya ba ni nang gi gdung ba'o/ /de bsang ba ni/ kye ma 'du byed mi rtag ste/ /skye zhing 'jig pa'i chos can yin/ /skye nas 'jig par 'gyur ba ste/ /de dag nye bar zhi ba bde/ zhes bya ba la sogs
- 231a
pa'i chos la so sor brtags pas bsang ba byas so/ /zhugs zhes bya ba ni 'ongs pa'o/ /ngo mtshar ces bya bas ni sngon ma mthong ba'i phyir ro/ /rmad du byung ba zhes bya ba ni sngon ma thos pa'i phyir ro/ /slob dpon gyi dpe ma khyung ces bya ba ni snying po'i blos bzung ba'i bstan bcos gya tshom du gzhan la mi ston pa ste/ khu tshur shin tu bcangs pa dang 'dra'o/ /shin tu zhes bya ba ni te por ro/ /lha'i mig ces bya ba ni thag ring ba dang/ cha phra ba dang/ bsgribs pa mthong ba'i phyir ro// yul gzhan na 'dug pa'i gzugs ces bya ba ni gser gling na rgyal po gser bdag dus la bab pa'i chung ma mer mchongs pa la sogs pa'o/ /lha'i rna ba las zhes bya ba ni thag ring ba dang/ cha phra ba dang bsgribs pa'i sgra thos pa'i phyir ro// sgra yid du 'ong ba dang ces bya ba ni lha dag steng gi bar snang du rgyu ba'i sgra la sogs pa'o/ /khrims su bya ba zhes bya ba ni rnam par bzhag par bya ba'o/ /ljongs rgyur zhes bya ba ni yul gzhan du 'gyur ro/ /'dod pa dag la ma rol te zhes bya ba ni yul rnams la ma spyad de zhes bya ba'i tha tshig go /thugs byung nas zhes bya ba ni dga' ba dang bral ba'o/ /dka' ba byed pa zhes bya ba ni dbugs 'gog pa la sogs pa dka' thub drag pa'o/ /ci yang med pa zhes bya ba ni 'bras bu med pa'o/ /ji bder zhes bya ba la sogs pa ni dbugs rdub pa dang dbugs 'byung ba'i rgyu las byung ba khong spom pa'i bsam gtan las phyir ldog pa'i phyir ro/ /dbugs rdub pa zhes bya ba ni rlung nang du 'jug pa'o/ /dbugs 'byin pa zhes bya ba ni rlung phyir 'byung ba'o/ /'bras can zhes bya ba ni nas brdungs pa'i chan te/ tshal tshol gyi chan zhes bya ba'i tha tshig go /rgya chen po zhes bya ba ni rgyu mthun pa che ba'i phyir dang/ tshad che? ba'i phyir ro/ /de nyid 'bras can la sogs pa bstan te/ 'bras can
- 231b
'brum bu gcig la sogs gsol pa las phyir ldog pa'i phyir ro/ /zhun mar dang 'bru mar dag gi sku dag kyang skud par mdzad ces bya ba ni dri ma dang rdzab 'chang ba'i brtul zhugs las phyir log pa'i phyir ro/ /chu dron po zhes bya ba ni cung zad dro ba'o// grong sde 'dod ces bya ba ni grong gi ming ngo/ /lan bcu drug bzlas zhes bya ba ni stong dang/ lnga brgya dang/ nyis brgya lnga bcu dang/ brgya nyi shu rtsa lnga dang/ drug cu rtsa gsum dang/ sum cu rtsa gnyis dang/ bcu drug dang brgyad po dag bzho ba dang/ blud pa gnyis gnyis bzlas pa'i rims kyis lan bcu drug du 'gyur te/ 'di ltar ba stong bzhos nas de dag gi 'o ma stod po de dag nyid la blud nas yang ba de dag bzhos pa'i 'o ma ba lnga brgya la blud pa dang/ lnga brgya bzhos pa'i 'o ma nyis brgya lnga bcu la blud pa dang/ nyis brgya lnga bcu bzhos pa'i 'o ma brgya nyi shu rtsa lnga la blud pa dang/ brgya nyi shu rtsa lnga bzhos pa'i 'o ma drug cu rtsa gsum la blud pa dang/ drug cu rtsa gsum bzhos pa'i 'o ma sum cu rtsa gnyis la blud pa dang/ sum cu rtsa gnyis bzhos pa'i 'o ma bcu drug la blud pa dang/ bcu drug bzhos pa'i 'o ma brgyad la blud pa dang/ brgyad bzhos pa'i 'o ma byang chub sems dpa' i mgur du gsol lo/ zhes bya bar sbyar ro/ /'o ma sbrang rtsi dang bsres pa zhes bya ba ni 'o thug sbrang rtsi dang bsres pa'o/ /mngon par bstod pa na zhes bya ba ni/ thub pa dag gis mngon mthong ba'i/ /sangs rgyas de dag rdzu 'phrul che/ /de dag dang ni khyod mthong na/ /tha dad bgyi ba ma mchis so/ /zhes bya ba la sogs pa gzhung 'di nyid las 'og nas 'byung ba dag gis mngon par bstod ba na'o/ /rtswa bkra shis 'tshong pa zhes bya ba ni/ rtswa bkra shis bya ba 'tshong pa'i mi'o/ /byang chub gzhi zhes bya ba ni rdo rje'i gdan no/ /rtsa ma 'khrugs pa zhes bya ba ni rtsa'i kha phyogs gcig blta ba'o/ /dran pa kun tu ma 'khrul ba zhes bya ba ni lang lang du ma
- 232a
gyur pa'o/ /skyil mo krung bcas te zhes bya ba ni skyil mo krung byas te'o/ /sku drang por bsrangs nas zhes bya ba ni drang por rnam par bzhag nas te/ ting nge 'dzin dang rjes su mthun par mdzad ces bya ba'i tha tshig go /dran pa phyogs pa bzhag te zhes bya ba ni mi mthun pa'i phyogs las phyir phyogs pa dang/ dmigs pa la phyogs par brtson pa ste/ sna'i rtse mor gtad cing dbugs 'byung ba dang/ rdub pa'i dmigs pa'o/ /zag med ces bya ba ni 'dod pa dang/ gzugs dang/ gzugs med pa na spyod pa'i nyon mongs pa zag pa zhes bya ba ni 'khor ba 'jog pa'i mtshan nyid dag gi gnyen po bsgoms pas de dag zad pa gang yin pa'o/ /thugs bskyed ces bya ba ni bsam pa brten par bsgrub pa'i phyir ro/ /gsung brjod ces bya ba ni lha rnams la spang gzugs pa'i phyir ro/ /byams pa'i stobs zhes bya ba ni kye ma sems can rnams bde bar gyur cig ces bya ba la sogs pa zhe sdang med pa'i rnam pas zhugs pa'i byams pa'i stobs kyis so/ /bla na med pa'i mkhyen pa thugs su chud nas zhes bya ba ni thams cad las khyad par du 'phags pa zad pa dang/ mi skye ba shes pa'i mtshan nyid kyis thams cad shes pa'i ye shes brnyes nas so/ /tshangs pas gsol to/ zhes bya ba ni tshangs pas gsol ba btab ste'o/ /ba ra NA si zhes bya ba ni chu klung ba ra gas? mtshon pa'i phyir ro/ /lam gsum du bzlas te zhes bya ba ni 'di ni sdug bsngal lo/ /'di ni kun 'byung ba'o/ /'di ni 'gog pa'o/ /'di ni lam mo/ /zhes bya ba ni bzlas pa dang po ste/ mthong ba'i lam sdug bsngal de yongs su shes par bya'o/ /kun 'byung ba spang bar bya'o/ /'gog pa mngon sum du bya'o/ /lam bsgom par bya'o/ /zhes bya ba ni bzlas pa gnyis pa ste bsgom pa'i lam mo/ /sdug bsngal yongs su shes so/ /kun 'byung ba la spangs so/ /'gog pa mngon
- 232b
sum du byas so/ /lam bsgoms so/ zhes bya ba ni bzlas pa gsum pa ste/ mi slob pa'i lam mo/ /rnam pa bcu gnyis su zhes bya ba ni kha cig na re bzlas pa re re la yang sdug bsngal dang/ kun 'byung ba dang/ 'gog pa dang/ lam gyi rnam pa bzhi bzhi yod pa'i phyir ro/ /yang na lan gsum du bzlas te rnam pa bcu gnyis su zhes bya ba ni bzlas pa dang po mthong ba'i lam las 'di ni sdug bsngal lo/ zhes bya ba yang/ mig dang/ shes pa dang/ rigs pa dang/ blo skye ba'i rnam bzhi yod la bzlas pa gnyis pa bsgom pa'i lam la sdug bsngal yongs su shes par bya'o/ /zhes bya ba yang mig dang/ shes pa dang/ rigs pa dang/ blo skye ba'i rnam pa bzhi yod cing/ bzlas pa gsum pa mi slob pa'i lam la sdug bsngal de yongs su shes so/ zhes bya ba la yang mig dang/ shes pa dang/ rigs pa dang/ blo skye ba'i rnam pa bzhi yod do/ /de bzhin du bzlas pa dang po mthong ba'i lam la 'di ni kun 'byung ba'o/ zhes bya ba la yang mig dang/ shes pa dang/ rig pa dang/ blo skye ba'i rnam pa bzhi yod la/ bzlas pa gnyis bsgom pa'i lam la kun 'byung ba spang bar bya'o/ /zhes bya ba la yang/ mig dang/ shes pa dang rig pa dang/ blo skye ba'i rnam pa bzhi yod cing/ bzlas pa gsum pa mi slob pa'i lam la kun 'byung ba spangs so/ /zhes bya ba la yang/ mig dang/ shes pa dang/ rigs pa dang/ blo skye ba'i rnam pa'i bzhi yod de/ de bzhin du bzlas pa dang po mthong ba'i lam la 'di ni 'gog pa'o/ zhes bya ba la yang/ mig dang/ shes pa dang/ rigs pa dang/ blo skye ba'i rnam pa bzhi yod la/ bzlas pa gnyis pa bsgom pa'i lam la 'gog pa mngon sum du bya'o/ zhes bya ba la yang/ mig dang/ shes pa dang rig pa dang/ blo skye ba'i rnam pa bzhi yod cing/ bzlas pa gsum pa mi slob pa'i lam la/ 'gog pa mngon sum du byas so/ zhes bya ba la yang mig dang/ shes pa dang/ rig
- 233a
pa dang/ blo skye ba'i rnam pa bzhi yod do/ /de bzhin du bzlas pa dang po mthong ba'i lam la 'di ni lam mo/ zhes bya ba la yang mig dang/ shes pa dang/ rig pa dang/ blo skye ba'i rnam pa bzhi yod la bzlas pa gnyis pa bsgom pa'i lam la lam bsgom par bya'o/ zhes bya ba la yang/ mig dang/ shes pa dang/ rig pa dang/ blo skye ba'i rnam pa bzhi yod cing/ bzlas pa gsum pa ni mi slob pa'i lam la lam bsgoms so/ /zhes bya ba la yang mig dang shes pa dang/ rig pa dang/ blo skye ba'i rnam pa bzhi yod do/ /de ltar byas nas mthong ba dang/ bsgom pa dang/ mi slob pa'i lam dag la bden pa dbye bas ni bzlas pa bcu gnyis yod la/ mig dang/ shes pa dang/ rig pa dang/ blo'i dbye bas ni rnam pa bzhi bcu rtsa brgyad yod do/ /'o na de ltar lan gsum du bzlas te/ rnam pa bcu gnyis su zhes gsungs pa nyams par 'gyur ro/ /zhes na bden mod kyi 'on kyang bye brag tu smra ba'i gzhung las gsum pa dang/ bcu gnyis dang/ chos mthun pas spang ba re re yongs su brtag na/ gsum dang/ bcu gnyis las mi nyams te/ 'di ltar sdug bsngal gyi bden pa yongs su brtag pa la yang/ mthong ba dang/ bsgom pa dang/ mi slob pa'i lam gyis bzlas pa gsum dang/ mig dang shes pa dang/ rig pa dang/ blo skye ba'i rnam pa bcu gnyis yod pa la/ kun 'byung ba'i bden pa yongs su brtag pa la yang/ mthong ba dang/ sgom pa dang mi slob pa'i lam gyis bzlas pa gsum pa dang/ mig dang/ shes pa dang/ rig pa dang/ blo skye ba'i rnam pa bcu gnyis yod cing/ lam gyi bden pa yongs su brtag pa yang/ mthong ba dang/ bsgom pa dang/ mi slob pa'i lam gyi bzlas pa gsum gyi dang/ mig dang shes pa dang/ rig pa dang/ blo skye ba'i rnam pa bcu gnyis yod/ lam gyi bden pa yongs su brtag pa la yang
- 233b
mthong ba dang/ bsgom pa dang/ mi slob pa'i lam gyis bzlas pa gsum pa dang/ mig dang/ shes pa dang/ rig pa dang/ blo skye ba'i rnam pa bcu gnyis yod do/ /de ltar na gsum dang bcu gnyis dang/ chos mthun pas/ lan gsum du bzlas te/ rnam pa bcu gnyis su zhes gsungs te/ gnyis dang bdun gyi gnas la mkhas pa bstan pa bzhin no/ zhes 'byung ngo/ /chos dang ldan pa'i zhes bya ba ni mya ngan las 'das pa'i chos kyi rjes su mthun pa'i phyir ro/ /chos kyi 'khor lo/ zhes bya ba ni mthong ba'i lam te/ myur du 'gro ba dang/ 'dor zhing gnod pa dang/ ma phebs pa 'phebs pa dang/ phebs par gnas pa dang/ 'phar zhing 'bab pa dang 'dra ba'i phyir ro/ /chos kyi 'khor lo mthong ba'i lam ste/ rtsibs la sogs pa myur du 'gro ba'i phyir ro/ zhes kyang gsungs pa'i phyir ro/ /bskor ba zhes bya ba ni gzhan gyi rgyud la don ji lta ba bzhin du shes par byed pa bskyed pa'i phyir ro/ /'o na de ltar chos kyi 'khor lo mthong ba'i lam la 'ba' zhig yin na/ ji ltar sgom pa dang mi slob pa'i gnyis dang bcas pa la lan gsum du bzlas te/ rnam pa bcu gnyis su zhes gsungs she na bden mod kyi 'on kyang mthong ba'i lam gtso bo yin pa'i phyir ro/ /chos kyi 'khor lo yin par gsungs te/ de'i 'bras bu ni bsgom pa'i lam dang/ mi slob pa'i lam gnyis yin pas 'gal ba med do/ /de'i phyir/ de ni gtso phyir dang po'i phyir ro/ /grol ba'i rgyu phyir chos 'khor lo/ /gsum las rnam pa bcu gnyis kyi/ /chos kyi 'khor lo gang gsungs pa/ mthong ba'i lam las de yod pas/ 'bras bur bcas pa yongs su bzung zhes gsungs pa yin no// //bam po bzhi pa/ /lnga po zhes bya ba ni lha'i? tshogs kyis spyod pa'i phyir te/ de dag kyang 'phags pa kun shes kauN+Di n+ya dang/ rta thul dang/ bzang ldan dang/ rlangs pa dang/ ming chen zhes bya ba dag go /nye lnga zhes bya ba ni lnga pa dang/ nye
- 234a
bar zhugs pa'i phyir te/ de dag ni grags pa dang/ gang po dang/ dri med dang/ ba lang bdag dang/ lag bzang zhes bya ba dag go /mtho ba mtho ba ces bya ba ni gtso bo dag pas kyang/ gtso bo dag ste/ rnam pa'i phyir lan gnyis su smos so// btul zhes bya ba ni 'phags pa'i lam bskyed pas lam dul bar mdzad pa'o/ /rab tu byung ba zhes bya ba ni sdom pa yang ma yin/ /sdom pa ma yin pa'i ngo bo nyid kyi rab tu 'byung bar thob par mdzad pa'o/ /rdzogs par bsnyen pa zhes bya ba ni sdig pa thams cad spong ba'i mtshan nyid dge slong gi dngos po la rnam par bzhag pa mdzad do/ /de la rdzogs pa zhes bya ba ni don thams cad yang dag par grub pa'i dpal te/ mya ngan las 'das pa zhes bya ba'i tha tshig go /de skad du yang/ dri ma thams cad bcom byas shing/ /mya ngan 'das pa rdzogs pa thob/ /sdug bsngal tha mar byed pa ste/ /thams cad rdzogs par gyur pa yin/ zhes ji skad gsungs pa yin no/ /der bsnyen pa ni de dang nye ba'i sgra yin te/ rdzogs pa dang/ nye ba ni rdzogs par bsnyen pa ste/ dge slong gi sdom pa zhes bya ba'i tha tshig go /'di ltar rdzogs pa dang nye bar rnam par gnas pa yin pa de ni khang nye ba nyid kyis mya ngan las 'das pa la gnas pa yin no/ /de ltar yang nga'i dge slong gi tshul khrims dang ldan pa de ni mtho ris ni dar gyis bsgribs pa tsam yin no/ /thar pa ni yol bas bsgribs pa tsam yin no/ zhes gsungs pa'i phyir ro/ /rdzogs par bsnyen pa de thob par mdzad pa ni rdzogs par bsnyen pa zhes bya ba'i tha tshig go /kar pi sa'i tshal gseb ces bya ba de ni shing ljon pa zhes mang pa'i ming yin na/ bzang sde'i tshogs zhes bya ba ni bzang po mdzes pa'i tshogs te/ des 'gro ba dang 'ongs pa la sogs pas rnam par gnas pa'i phyir ro/ /bden pa dag la zhes bya ba ni sdug bsngal dang/ kun 'byung ba dang/
- 234b
'gog pa dang/ lam zhes bya ba ni phyin ci ma log pa'i mtshan nyid dag la'o/ /bkod do/ zhes bya ba ni shes pa mi g.yo ba bskyed pa nyid kyis so/ /lteng rgyas zhes bya ba ni grong gi ming ngo/ /ga ya go'i mchod rten zhes bya ba ni grong khyer ga yar lha khang brtsigs pas de'i phyogs gtso bo yin pa'i phyir ro/ /cho 'phrul gsum gyis zhes bya ba ni rdzu 'phrul gyi kun brjod pa dang/ rjes su bstan pa'i ngo bo nyid kyis ya mtshan bskyed pa dag gis te/ cho 'phrul zhes bya ba ni zhe 'gras pa dang/ tha mal pa rnams kyi yid 'phrog cing sdud par byed pa'i phyir ro/ /gdams pa zhes bya ba ni rjes su bstan pa'o/ /shin tu mthar thug pa zhes bya ba ni nyon mongs pa zad par 'dod pa'i mthar thug pa'i phyir dang/ yang bya ba nyid med pa'i phyir ro/ /grub pa dang/ bde ba zhes bya ba la/ grub pa zhes bya ba ni sngon ma thob pa'i nyon mongs pa spangs pa'o/ /bde ba zhes bya ba ni de thob pa mi snyam pa ste/ de ni grub pa yang yin la/ bde ba yang yin te/ yongs su mi nyams pa'i ngo bo nyid ces bya ba'i tha tshig go /shar ba'i tshal zhes bya ba ni smyug ma phra shar shar po'i tshal lo/ /'od ma'i tshal zhes bya ba ni 'od ma mang po'i gnas zhes bya ba'i tha tshig go /bzhes te zhes bya ba ni gnas kyi don dang sbyin pa po rnams kyi sbyin par bya ba chos yongs su longs spyod pa'i don du zhal gyis bzhes te'o/ /de na zhes bya ba ni 'od ma'i tshal na'o/ /sangs rgyas bcom ldan 'das zhes bya ba ni lag mthil du skyu ru ra bzhag pa bzhin du 'das pa dang/ ma 'ongs pa bzhin du/ da ltar byung ba'i chos thams cad thugs su chud pa'i phyir sangs rgyas yin la/ bdud bzhi bcom pa'i phyir bcom ldan 'das so tshig gnyi ga smos pa ni yang dag par sdud par byed pa'i tshig ste/ gus pa bskyed pa'i phyir ro/ /'di la 'dul ba bye brag tu smra ba dag mu bzhir byed de/ sangs rgyas yin la bcom ldan 'das ma yin pa yang yod/ bcom
- 235a
ldan 'das yin la sangs rgyas ma yin pa yang yod/ sangs rgyas kyang yin la bcom ldan 'das kyang yin pa yang yod/ /sangs rgyas kyang ma yin la bcom ldan 'das kyang ma yin pa yang yod do/ /de la sangs rgyas yin la bcom ldan 'das ma yin pa ni 'di lta ste/ rang sangs rgyas dang/ nyan thos kyi sangs rgyas dag go /bcom ldan 'das yin la sangs rgyas ma yin pa ni 'di lta ste/ byang chub sems dpa' srid pa tha ma pa'o/ /sangs rgyas kyang yin la bcom ldan 'das kyang ma yin pa ni 'di lta ste/ de bzhin gshegs pa dgra bcom pa yang dag par rdzogs pa'i sangs rgyas so/ /sangs rgyas kyang ma yin la/ bcom ldan 'das kyang ma yin pa ni 'di lta ste/ so so'i skye bo thams cad do/ /'dir brgal ba ci'i phyir mdo sde dang chos mngon pa gnyis kyi gleng gzhir ni 'di skad bdag gis thos pa'i dus gcig na bcom ldan 'das zhes smos la/ 'dul ba'i gleng gzhir ni sangs rgyas bcom ldan 'das zhes smos zhe na/ ya mtshan can dgu bcu rtsa drug gi gnyen po'i phyir te/ ya mtshan can dgu bcu rtsa drug po dag la ni thams cad bcom ldan 'das zhes bya ba'i sgra grags te/ legs ldan rdzogs byed dang/ legs ldan brgya byin dang/ legs ldan tshangs pa zhes bya ba la sogs par brjod la/ de dag la sangs rgyas zhes bya ba'i sgra ni med pas de dag las ni rnam par bcad pa'i phyir sangs rgyas zhes bya ba'i sgra smos so/ /gal te de lta na mdo sde dang/ chos mngon pa gnyis la yang sangs rgyas zhes bya ba'i sgra smos par bya ba'i rigs na ci'i phyir ma smos she na/ mdo sde dang chos mngon pa gnyis ni nyan thos dang/ rang sangs rgyas dang/ lha dang/ drang srong sprul pa dag dang lhan cig thun mong du bstan pa yin la/ bslab pa'i gzhi bca' ba la ni
- 235b
'phags pa shA ri'i bu la sogs pa dgra bcom pa dag la yang dbang med na gzhan dag la lta smos kyang ci dgos te/ de'i phyir bslab pa'i gzhi bca' ba ni thun mong ma yin pa'i sde snod la mtshan mar bya ba'i phyir sangs rgyas bcom ldan 'das zhes smos so/ /mdo sde dang chos mngon pa gnyis la ni/ 'di skad bdag gis thos pa'i dus gcig na/ bcom ldan 'das zhes smos so/ /zhes 'dul ba bye brag tu smra ba dag zer ro/ /rgyal po'i khab na zhes bya ba ni nye ba'i dbang du mdzad nas gsungs pa yin te/ dper na chu klung ya mo na pho brang 'dug go /zhes bya ba dang 'dra'o/ /ka lan+ta ka'i gnas na zhes bya ba ni ka lan+ta ka zhes bya srog chags bya phra mo dag gi gnas na ste/ de nyid gleng gzhi gzhung 'di las 'og nas 'byung ngo/ /bzhugs so/ zhes bya ba ni gnas pa ste/ spyod lam bzhi mdzad pa'i phyir ro/ /tshem me tshems so/ zhes bya ba ni yongs su g.yo ba dang bral ba ste/ tshem me bas kyang ches tshems so 'dug pa'i phyir rgyu gnyis kyis shes so/ /pha rol gyi dmag tshogs kyis 'jigs pa zhes bya ba la/ pha rol gyi dmag tshogs zhes bya ba ni pha rol gyi yul 'khor ba 'ongs pa'o/ /des 'jigs pa na grong khyer na gnas pa'i mi dag mi g.yo bar tshem me tshems se 'khod pa na grong khyer yang rgyun lugs med cing tshem med cing tshem me tshems ser gnas par 'gyur ba'o/ /dge sbyong zhes bya ba ni rab tu byung ba 'am sdig pa zhi ba'i phyir ro/ /bram ze zhes bya ba ni rigs dang ldan pa'i phyir ram sdig pa spangs pa'i phyir ro/ /dbang che bar grags pa zhes bya ba ni bsod nams dang ldan pa'o/ /gnas pa zhes bya ba ni 'dug pa'o/ /de 'dug pa nyid kyis na de'i mthus zhi ba nyid du 'gyur ro/ /snyam nas zhes bya bar ro/ /re zhig pha rol gyi gnas tshogs kyis 'jigs pa med pas zhes bya ni rgyu gnyis po dag las zhes bya bar tshig khong nas 'byung ngo/ /sang
- 236a
zhes bya ba ni sang nang par ro/ /dpral ris gsum zhes bya ba ni dpral ba'i phyogs su thal ba'i ri bo gsum byas pa'o/ /spyod yul du zhes bya ba ni don gyi phyi rol du 'dong ba'i sar ro/ /phyi bzhin du phyi bzhin zhes bya ba ni rjes bzhin du ste/ bzlas pa'i phyir tshig gnyis su smos so/ /phyir gyur te zhes bya ba ni phyir log ste'o/ /de la skabs su zhes bya ba ni de'i skabs su'o/ /mi mkhyen pa zhes bya ba ni ye shes kyis sam/ 'jig rten pa'i mkhyen pas so/ /ma gzigs pas zhes bya ba ni spyan gyis sam/ 'jig rten las 'das pa'i mkhyen pas so/ /ma rig pa zhes bya ba ni/ snyan gyis sam/ thag ring po'i gzugs gzigs pas so/ /rnam pa mi mkhyen pa zhes bya ba ni yid kyis rnam par shes pas sam/ cha phra zhing bsgribs pa'i gzugs gzigs pas so/ /rnam par mi mkhyen pa zhes bya ba ni yid kyi rnam par shes pas so/ /cha phra zhing gzugs gzigs pas so/ /yang na sdug bsngal dang/ kun 'byung ba dang/ 'gog pa dang/ lam mkhyen pa dag gis go rim bzhin no/ /sangs rgyas bcom ldan 'das zhes bya ba dang/ rnams kyi chos nyid ni nyin lan gsum mtshan lan gsum sangs rgyas kyis 'jig rten la rnam par gzigs nas mkhyen pa dang gzigs pa 'jug go zhes 'og nas 'byung ba dang sbyar ro/ /'tsho zhes bya ba ni yongs su mya ngan las 'das par mi mdzad pa'o/ /bzhugs pa zhes bya ba ni bsam gtan dang/ ting nge 'dzin la snyoms par 'jug pa'i bde ba yongs su spangs te/ 'jig rten pa phan pa mdzad pa rjes su bsgrub par mdzad pa'o/ /gson zhes bya ba ni mngon par mi dga' ba'i phung po lnga po khung du gyur pa de dag bsnams pas sdug bsngal bsnams pa'o/ /bzhes zhes bya ba ni thugs rje chen po dang ldan pas mngon par mi dgyes pa'i dngos po thams cad dang du ba zhes shing ba zhes pa'o thugs rje
- 236b
chen po dang ldan pa zhes bya ba ni thugs rje bla na med pas bskyod pa'o/ /'jig rten la phan par zhugs pa zhes bya ba ni rjes su bsgrubs pas so/ /srung ba gcig pu pa la zhes bya ba ni rtag tu dran pa nye bar gzhag pa'i sgo bsrungs dang ldan pa'o/ /nyag gcig pa na zhes bya ba ni grogs la mi bltos pa'o/ /gnyis pa med pa zhes bya ni 'dra ba gnyis pa med pa'o/ /gnyis su mi gsung ba zhes bya ba ni shin tu nges par gsungs pa ste/ snga phyi 'gal bar mi gsung ba'o/ /zhi gnas dang lhag mthong gis bzhugs pa zhes bya ba la/ zhi gnas zhes bya ba ni ting nge 'dzin te/ nyes pa zhi bar byed pa'i phyir ro/ /lhag mthong zhes bya ba ni shes rab mkhas pa ste/ lhag mthong gis skyes bu mkhas par byed pa'i phyir ro/ /rig pa gsum gsal bar mdzad pa zhes bya ba ni sngon gyi gnas dang/ 'chi 'pho dang/ skye ba dang/ zag pa zad pa mkhyen pa'i rig pa gsum ston par mdzad pa'o/ /bslab pa gsum la legs par bslab pa zhes bya ba ni lhag pa'i tshul khrims dang/ lhag pa'i sems dang/ lhag pa'i shes rab kyi bslab pa gsum rjes su bsgrub pa'o/ /dul ba'i gnas gsum gyi gzhi la mkhas pa zhes bya ba ni gcig tu 'jam pa dang/ gcig tu rtsub pa dang 'jam rtsub 'dren mas 'dul ba rnam gsum la mkhas pa'o/ /chu bo bzhi las mkhas pa'o/ /zhes bya ba ni 'dod pa dang/ srid pa dang/ lta ba dang/ ma rig pa'i chu bo las brgal ba'o/ /rdzu 'phrul gyi rkang pa bzhis spyod pa'i gzhi la legs par gnas pa zhes bya ba ni 'dun pa'i ting nge 'dzin spongs pa'i 'du byed dang ldan pa'i rdzu 'phrul gyi rkang pa dang/ sems dang/ brtson 'grus dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa la'o/ /bsdu ba'i dngos po gzhi la yun ring po nas yongs su spyad pa mdzad pa zhes bya ba ni sbyin pa dang/ snyan par smra ba dang/ don mthun pa dang/ don spyod pa la yun ring po nas goms par
- 237a
mdzad pa'o/ /mi 'jig pa bzhis bsnyel ba mi mnga' ba zhes bya ba ni yang dag par rdzogs pas sangs rgyas pa nyid dang/ zag pa zad pa nyid dang/ nges par 'byung ba'i lam ston pa nyid dang/ bar du gcod pa'i de bzhin du bstan pa la/ bsnyel pa mi mnga' zhing khyu mchog rlabs po che'i gnas su dam bca' la 'khor gyi nang du seng ge'i sgra yang dag par sgrogs pa'o/ /yan lag lnga spangs pa zhes bya ba ni 'dod pa 'dul ba dang/ gnod sems dang/ rmugs pa dang/ gnyid dang/ 'gyod pa dang/ rgod pa dang/ lta ba dang/ the tshom zhes bya ba 'khor bar byed pa'i yan lag lnga po dag spangs pa'o/ /'gro ba lnga las yang dag par 'das pa zhes bya ba ni/ lha dang mi dang/ sems can dmyal ba dang/ dud 'gro dang/ yi dags kyi 'gro ba lnga las so/ /yan lag drug dang ldan pa zhes bya ba ni rdzu 'phrul gyi yul dang/ lha'i rna ba dang/ sems kyi rnam grangs dang/ sngon gyi gnas dang/ 'chi 'pho dang/ skye ba dang/ zag pa zad pa/ shes pa dag brnyes pa'o/ /pha rol du phyin pa drug yongs su rdzogs pa zhes bya ba ni sbyin pa dang/ tshul khrims dang/ bzad pa dang/ brtson 'grus dang/ bsam gtan dang/ shes rab kyi pha rol tu phyin pa yongs su dag pa rdzogs pa ste/ de dag 'phel ba'i phyir ro/ /rtag tu gnas pa drug gis gnas pa zhes bya ba ni mig dang/ rna ba dang/ sna dang/ lce dang/ lus dang/ yid kyis rnam par shes par bya ba'i yul drug po dag la rtag tu dran pa dang/ shes bzhin gyi gnas so/ /byang chub kyi yan lag bdun gyi me tog gis chu ba zhes bya ba ni dran pa yang dag byang chub kyi yan lag dang/ chos rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag go /lam gyi yan lag brgyad ston pa zhes bya ba ni yang dag pa'i lta ba dang/
- 237b
yang dag pa'i rtog pa dang/ yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin gyi ngo bo nyid kyi 'phags pa'i lam ston par mdzad pa'o/ /mthar gyis gnas pa'i snyoms par 'jug pa dgu la mkhas pa zhes bya ba ni bsam gtan bzhi dang/ gzugs med pa bzhi dang/ 'gog pa'i snyoms par 'jug pa la'o/ /stobs bcu'i stobs dang ldan pa zhes bya ba ni gnas dang gnas ma yin pa mkhyen pa'i stobs dang las bdag gir bya ba mkhyen pa'i stobs dang/ bsam gtan dang/ rnam par thar pa dang/ ting nge 'dzin la snyoms par 'jug pa'i stobs dang/ dbang po mchog dang/ mchog ma yin pa mkhyen pa'i stobs dang/ khams sna tshogs pa mkhyen pa'i stobs dang/ tha mas du 'gro ba'i lam mkhyen pa'i stobs dang/ sngon gyis gnas rjes su dran pa mkhyen pa'i stobs dang/ 'chi 'pho dang/ skye ba mkhyen pa'i stobs dang/ zag pa zad pa mkhyen pa'i stobs dang ngo/ /phyogs bcur snyan pas yang dag par rgyas pa zhes bya ba la/ phyogs bcu zhes bya ba ni phyogs bzhi dang/ phyogs mtshams bzhi steng dang/ 'og go /brgya phrag bcur dbang sgyur ba las khyad par du 'phags pa zhes bya ba la/ brgya phrag bcu zhes bya ba ni grangs kyi khyad par te/ stong gi 'jig rten gyi khams so/ /der dbang sgyur ba ni 'khor gyi bdag po de/ stong gi 'jig rten gyi khams su dbang sgyur ba'i tshangs pa'o/ /de las khyad par du 'phags pa ni mthus lhag pa'o/ /chos nyid ces bya ba ni dngos po'i tshul te/ gdon mi za bar sku don rjes su 'grub pa zhes bya ba'i tha tshig go /nyin lan gsum mtshan lan gsum zhes bya ba ni nyin par snga dro dang/ gung dang phyi dro'i cha gsum dang/ mtshan mo'i thun dang po dang/ gung dang/ tha ma gsum mo/ /sangs rgyas kyi spyan gyis zhes bya ba ni thams cad mkhyen pa'i ye shes kyis so/ /'jig rten la zhes bya ba ni
- 238a
khams gsum pa'i 'gro ba'o/ /rnam par gzigs nas zhes bya ba ni so sor brtags nas so/ /nyams par 'gyur zhes bya ba ni dad pa la sogs pa dge ba'i chos dag las ltung ba'o/ /'phel bar 'gyur zhes bya ba ni dad pa la sogs pa dge ba de dag gis nye bar gsog par 'gyur ba'o/ /gnod pa zhes bya ba ni lus kyi sdug bsngal ba'o/ /nyam nga ba zhes bya ba ni sdug pa dang bral ba'i sdug bsngal lo/ /kha cig na re gnod pa zhes bya ba ni/ 'byung dka' ba'i phyir ro/ /nyam nga ba zhes bya ba ni phyir bcos pa'i skabs med pa'i phyir ro/ /mi bde ba zhes bya ba ni gnod pa'i bdag nyid yin pa'i phyir ro/ zhes zer ro/ /gnod pa'i dang nyam nga ba dang/ mi bde ba zhes pa bsdus pa ni sdug bsngal 'byung ba yod pa'i phyir ro/ /gang ni ngan song la zhes bya ba la sogs pa dang/ ngan song zhes bya ba ni sems can dmyal ba la sogs pa'o/ /gzhol ba dang/ 'bab pa dang/ bab pa zhes bya ba ni chung ngu dang/ 'bring dang/ chen po rnam pas mngon par phyogs pa'o/ /kha cig na re gzhol zhes bya ba ni ngan song pa'i las kyi sbyor ba byed pa'i phyir ro/ /'bab pa zhes bya ba ni las kyis dngos gzhi yongs su rdzogs pa'i phyir ro/ /bab pa zhes bya ba ni las kyi mjug yongs su rdzogs pa'i phyir ro/ /mtho ris zhes bya ba ni lha'i 'jig rten no/ /thar pa zhes bya ba ni dus gsum las thar pa gsum pa ste/ mya ngan las 'das pa'o/ /'bras bu zhes bya ba ni dge sbyong gi tshul gyi 'bras bu'o/ /'dod pa'i 'dam zhes bya ba ni dngos po'i 'dod pa dang/ nyon mongs pa'i 'dod pa ste 'dam dang chos mthun pa'i phyir ro/ /'phags pa'i nor zhes bya ba ni zag pa med pa'i dad pa dang/ tshul khrims dang ngo tsha shes pa dang/ khrel yod pa dang/ thos pa dang/ gtong ba dang/ shes rab kyi nor bdun po dag go /'bras bu dang bcas pa zhes bya ba ni/ gnas la dad pa la sogs pa'i rim gyis so/ /dge
- 238b
pa'i rtsa ba dag ma bskyed pa zhes bya ba ni thar pa'i cha dang mthun pa dag ma spangs pa'o/ /yongs su smin par byed pa zhes bya ba ni mthus skyes shing spel ba'o/ /rnam par grol ba zhes bya ba ni 'bras bur 'gyur ba'o/ /mkhyen pa dang gzigs pa zhes bya ba la/ mkhyen pa zhes bya ba ni bya ba yongs su gcod pa'o/ /yang na rang gi ngo bo rtogs pa'o/ /gzigs pa zhes bya ba ni rtog pa ste bye brag tu so sor rtog pa'o/ /kha cig na re mkhyen pa zhes bya ba ni yid kyis mkhyen par phya ba'i dngos po mkhyen pa'o/ /gzigs pa zhes bya ba ni spyan gyis gzigs par bya ba'i dngos po gzigs pa'o/ /yang na med pa la med par mkhyen pa dang/ yod pa la yod par gzigs pa ste go rim bzhin no/ /yang na mkhyen pa ni zag pa med pa yul mkhyen pa'o/ /gzigs pa ni 'jig rten pa'i yul gzigs pa'o// zhes zer ro/ /smra ba zhes bya ba ni yang dag par sdud pa stod pa byed pa las so/ /chu srin gnas kyi dug can pa zhes bya ba ni rgya mtsho chen po'o/ /de chu srin gyi gnas kyang yin la/ dug can pa yang yin pa'i phyir ro/ /chu srin smos pa ni mtshon pa tsam ste/ nya chen dang nya chen mid dang/ nya chen mid chen po la sogs pa srog chags 'byung po gzhan gyi gnas kyang yin no/ /chu srin gyi gnas dang dug can pa zhes bya ba'i tha tshig /gnyi ga smos pa ni rgyal ba dug can gyis bsgos pa'i chu klung dang/ rdzing bu gzhan dag kyang yod pas de las dgar bar bya ba'i phyir/ dus las zhes bya ba ni dus gsum du rlabs byung ba'i dus las so/ /'da' bar 'gyur ba zhes bya ba ni yol bar 'gyur ba'o/ /gdul ba zhes bya ba ni/ gdul ba'i skye bo la'o/ /byams pa zhes bya ba ni spyan ras gzigs kyis 'tsho ba'o/ /rtog cing zhes bya ba ni/ dus thams cad byams pa'i bsam pas nye bar gnas pas byed pa'o/ /de srog srung bar byed ces bya ba ni/ sbul dang/ dug dang/ tsher ma la sogs pa srog la gnod pa dag las kun tu srung bar byed pa'o/ /gdul ba'i skye
- 239a
po zhes bya ba ni gdul bar bya ba'i sems can gyi tshogs so/ /rtog par mdzad ces bya ba ni bu gcig pa la byams pa dang 'dra bar dus thams cad du byams par mdzad pa'o/ /de srog srung bar mdzad ces bya ba ni rgyud la 'phags pa'i lam skye ba'i rgyu dang mi mthun pa dag la kun tu srung bar mdzad pa'o/ /ji ltar de ltar rtog par mdzad ce na/ de'i phyir kun mkhyen zhes bya ba la sogs pa gsungs te/ gang gi phyir de bzhin gshegs pa'i rgyud la mnga' ba'i thugs rje ba bzhon ma gsum bu mnga' ba gang yin pa de 'dul ba'i 'khor ba'i btson rar 'khyams pa be'u lta bu dag tshol bas mi skyo ba de'i phyir de bzhin gshegs pa 'dul ba'i skye bo la rtog par mdzad cing de'i srog srung bar mdzad do/ zhes bya bar sbyar ro/ /de'i phyir gdul ba srid dang/ ngan 'gros nyams la byams pa'i/ rab nyams be'u la byams pa'i ba bzhin no/ zhes bya ba gsungs te/ de bzhin gshegs pa'i rgyud la mnga' ba'i thugs rje ni ba bzhon drus ma lta bu yin la 'dul ba'i skye bo srid pa dang/ ngan 'gro nyams pa ni be'u lta bu yin pas/ de bzhin gshegs pa'i thugs rjes gdul ba'i skye bo tshol bas mi skyo ba ni ba bzhon drus ma be'u tshol bas mi skyo ba dang 'dra'o/ /zhes bya ba'i tha tshig go /bya ba lhag par byas pa zhes bya ba ni thar pa'i cha dang mthun pa'i dge ba'i rtsa ba 'phangs pa'o/ /dge ba'i rtsa ba'i tshogs bsags pa zhes bya ba ni thar pa'i cha dang mthun pa'i dge ba'i rtsa ba yongs su rtas pa ste/ 'bras bu bskyed pa la mngon du phyogs zhes bya ba'i tha tshig go /de nyid 'bras bu yongs su smin pa mtshon gyis brtol ba la sdod pa lta bu zhes bya ba bstan to/ /ci 'di gnyis re zhig ston pas gdul ba yin nam/ 'on te nyan thos kyis gdul ba yin snyam du dgongs na zhes bya ba la sogs pa'i tshig de ni nyan thos kyis gdul ba thams cad gdul bar mi
- 239b
'gyur ba 'gag pa yin gyi ston pas gdul ba kha cig mi gdul bar dgag pa ni ma yin te/ 'di ltar ston pas ni gdul ba thams cad 'dul bar 'gyur pa'i phyir ro/ /sgo gang nas zhes bya ba ni gdul bar bya ba'i thabs gang nas so/ /'jug par 'gyur zhes bya ba ni bstan la 'jug par 'gyur ro/ /rdzu 'phrul zhes bya ba ni nam mkha' la 'gro ba la sogs pa'o/ /spyod lam zhes bya ba ni 'gro ba dang/ 'ong ba la sogs pa bya ba'i mtshan nyid do/ /yid sdud par byed pa zhes bya ba ni dang po skyed par byed pa'o/ /sems shig ces bya ba ni bltos shig ces bya ba'o/ /cang mi smra bas zhes bya ba ni kha dog pas so/ /blang pa zhes bya ba ni dang du blangs pas so/ /mngon par bstod pas zhes bya ba ni sems kyis khas blangs pa'o/ /rjes su yi rangs pa zhes bya ba ni da lta lags so/ /zhes tshig gis bstod pa'o/ /snga dro zhes bya ba ni gung tshigs bdun rol lo/ /sham thabs bgos zhes bya ba ni smad kyi gos pa bgos pa'o/ /'di ltar sham thabs ni snga nas kyang bgos zin mod/ 'od kyang spyod yul 'jug pa'i tshe legs par bcos pa ? yin pas nyes pa med do/ /kha cig na re sham thabs kyi gzan gyon po pa phud de spyod yul du 'jug khar sham thabs nyid bgos pa la bya'o/ zhes zer ro/ /lhung bzed thogs zhes bya ba ni lag na thogs pa'o/ /chos gos thogs zhes bya ba ni stod kyi gos bgos pa'o/ /'gro ba zhes bya ba ni phar 'gro ba'o/ /ldog pa zhes bya ba ni phyir ldog pa'o/ /cung zad blta ba zhes bya ba ni mdun du blta ba'o/ /rnam par blta ba zhes bya ba ni/ g.yas g.yon du blta ba'o/ /bskum pa zhes bya ba ni lag pa la sogs pa bskum pa'o/ brkyang pa zhes bya ba yang lag pa la sogs pa brkyang ba'o/ /snam sbyar zhes bya ba ni snam phran gyi glegs bu sbyar ba'i gos stong du bgo ba'o/ /chos gos zhes bya ba ni snam sbyar las gzhan pa bla gos la sogs pa'o/ /bya ba zhig gi phyir zhes bya ba ni don gtso
- 240a
bo ma yin pas ming mi smos so/ /gang gi phyir ni rab tu 'byung ba zhes bya ba ni rab tu byung ba mthong ngam/ thos pa'i phyir rab tu byung ba'o/ /dga' ba zhes bya ba ni 'dod pa'o/ /lam chen po zhes bya ba ni shing rta'i lam mo/ /de ni yangs yangs pa yod pas de'i phyir du ba zhes bya ba ni smos te/ srang dog pa bsgugs sla ba zhig na zhes bya bar sbyar ro/ /'gro ba dang ldog pas zhes bya ba ni chags pas so/ /shas cher zhes bya ba ni gtso cher te zhar la don gzhan yang byed pa'o/ /sdod cing zhes bya ba ni sdod pa'o/ /dge sbyong gau ta ma zhes bya ba smos pa ni gzhan bdag de skad zer ba'i tshig gi rjes bsnyeg pa yin gyis tshe dang ldan pa rta thul nyid ni ston pa la de skad ces mi brjod do/ /gau ta ma zhes bya ba ni drang srong gau ta ma zhes bya ba ni drang srong gau ta ma'i rgyud yin pa'i phyir ro/ /bla na med pa yang dag par rdzogs pa'i byang chub ces bya ba ni bla na med pa'i mkhyen pa'o/ /mngon par rdzogs pas sangs rgyas zhes bya ba ni brnyes par gyur pa'o/ /chos zhes bya ba ni bstan pa'i chos so/ /ston cig ces bya ba ni smos shig ces bya ba'o/ /na gzhon zhes bya ba ni na tshod gzhon pa'o/ /bstan pa zhes bya ba ni chos so/ /bslab ma yin te zhes bya ba ni mi nus te zhes bya ba'o/ /nga'i zhes bya ba ni ston pa'i 'o/ /chos gang byung zhes bya ba ni sogs pa la chos gang zhes bya ba ni gzugs la sogs pa 'dus byas kyi dngos po rnams so/ /rgyus 'byung zhes bya ba la rgyu las brten te/ byung ba 'bras bur gyur pa'i nye bar len pa'i phung po lnga po zhes bya ba'i tha tshig go /de ltar na 'dis ni sdug bsngal gyi bden pa bstan te de bzhin gshegs pas bka' stsal to/ zhes bya bar sbyar ro/ /de dag gi rgyu zhes bya ba ni sngar bstan pa thag pa'i chos gang dag rgyu las brten te/ byung ba de dag gi rgyu ste/ rgyur gyur pa'i nye bar len pa'i phung po zhes bya ba'i tha tshig go /de
- 240b
ltar na 'dis ni kun 'byung ba'i bden pa bstan te/ de yang de bzhin gshegs pas bka' stsal to/ zhes bya bar sbyar ro/ /de 'gog gang yin pa'ang zhes bya ba ni sdug bsngal te 'gog pa gang yin pa ste/ mya ngan las 'das pa zhes bya ba'i tha tshig go /de ltar na 'dis ni 'gog pa'i bden pa bstan te/ de yang de bzhin gshegs pa'i bka' stsal te zhes bya bar sbyar ro/ /dge sbyong chen po zhes bya ba ni dge sbyong gzhan dag pas gtso bor gyur pa te sdig pa zhi ba'i phyir ro/ /de skad gsungs zhes bya ba ni gsungs pa'i ngang tshul can te/ 'di ni lam gyi bden pa bstan te/ de skad ces pa'i sgra smos pa'i phyir ro/ /'di ltar de skad ces bya ba'i sgra ni de ltar zhes bya ba te de ltar sgra yang ji ltar zhes bya ba'i sgra dang sbyar ro/ /des na ji ltar sdug bsngal gyi bden pa rgyu dang bcas pa de bzhin gshegs pas bka' stsal pa/ de ltar 'gog pa'i bden pa'i bden pa yang rgyu dang bcas par de bzhin gshegs pas bka' stsal to/ /zhes sbyar ro/ /de ltar na tshigs su bcad pa 'dis ni 'phags pa'i bden pa bzhi bstan pa yin no/ /kha cig na re chos gang zhes bya ba 'dis ni sdug bsngal gyi bden pa ste/ rgyus zhes bya ba 'dis ni kun 'byung ba'i bden pa bstan to/ /'gog pa zhes bya ba 'dis ni 'gog pa'i bden pa dang/ lam gyi bden pa gnyis bstan te/ de gnyis 'brel pa'i phyir te/ 'di ltar bya ba bsgrub pas ni 'gog pa bstan te/ 'gog pa ni mya ngan las 'das pa yin no/ /byed pa bsgrub pas ni lam bstan te/ lam 'dis 'gog par byed pas na 'gog par byed pas ni lam yin no/ zhes zer ro/ /yang kha cig na re chos gang zhes bya ba ni sdug bsngal gyi bden pa bstan to/ /rgyu zhes bya ba ni kun 'byung ba'i bden pa bstan to/ /'gog pa zhes bya bas ni 'gog pa'i bden pa bstan to/ /'ang zhes bya ba'i sgras ni lam gyi bden pa bstan to/ /'di ltar 'ang zhes bya ba'i sgra 'di ni don bsdu ba'i don to//
- 241a
des na ji ltar sdug bsngal gyi rgyu dang bcas par gsungs pa de bzhin 'gog pa'i bden pa la rgyu dang bcas par gsungs zhes bya ba'i tha tshig go /lam ni 'gog pa'i rgyu nyid du rnam par bzhag gi /skyed pa'i nyid ni ma yin no/ zhes zer ro// chos kyi rnam grangs zhes bya ba ni chos kyi rnam pa 'am chos kyi go rim mo/ /bden pa bzhi'i mtshan nyid do/ /chos rnams la zhes bya ba ni 'phags pa'i bden pa bzhi mthong bas te/ rgyun tu zhugs pa'i 'bras bu zhes bya ba'i tha tshig go /rdul med ces bya ba ni phra rgyas med pa'i phyir ro/ /dri ma dang bral ba zhes bya ba ni kun nas dkris pa med pa'i phyir ro/ /yang na rdul med ces bya ba ni gsal bar snang ba'i phyir ro/ /dri ma dang bral ba zhes bya ba ni/ zag pa med pa'i phyir te/ ji skad du/ bsgom pa'i stobs kyis gsal ba te/ /'jigs la sogs pa snang ba bzhin/ /shes pa ma nor mi rtogs pa/ /gang yin de ni mngon sum mo/ zhes bya ba la sogs pa bshad pa lta bu'o/ /skyes so/ zhes bya ba ni thos pa zhes bya ba'i tha tshig go /chos mthong ba zhes bya bas ni sdug bsngal gyi bden pa bstan to/ /chos thob pa zhes bya bas ni 'gog pa'i bden pa bstan to/ /chos rig pa zhes bya bas ni kun 'byung ba'i bden pa bstan to/ /chos gting sleb zhes bya bas ni lam gyi bden pa bstan to/ /som nyi las brgal ba zhes bya ba ni thog ma med pa'i dus nas bag chags kyis bsgos pa chos rnams ma rtogs pa rtogs par 'dod pa dang bral ba'i phyir ro/ /the tshom brgal ba zhes bya ba ni bden pa'i yul yid gnyis dang bral ba'o/ /gzhan gyi dring mi 'jog pa zhes bya ba ni bdag nyid kyis chos rnams rtogs pa'i phyir gzhan gyi rkyen gyis mi 'gro ba'o/ /gzhan gyis mi bkri zhes bya ba ni gzhan gyis bkri bar mi nus pa'i phyir ro/ /ston pa'i bstan pa'i chos rnams la zhes bya ba ni bshad pa'i chos rnams la'o/ /mi 'jigs pa thob ces bya ba ni chos
- 241b
rnams kyi rang dang spyi'i mtshan nyid yongs su shes pa'i phyir mi 'jigs pa thob pa'o/ /bla gos zhes bya ba ni steng du bgo ba'i gos so/ /phrag pa gcig tu zhes bya ba ni phrag pa ya gcig tu'o/ /thal mo sbyar zhes bya ba ni lag mthil gnyis sbyar ba'o/ /btung te zhes bya ba ni brkyang ste'o/ /skyob pa rnams kyi zhes bya ba ni gdul ba'i skye bo yongs su srung ba la/ gzhol ba sangs rgyas bcom ldan 'das kyi'o/ /chos 'di yin zhes bya ba ni 'phags pa'i bden pa bzhi'i ngo bo nyid kyi chos 'di'o/ /bskal pa zhes bya ba ni bar gyi bskal pa la sogs pa dus kyi bye brag go /bye ba khrag khrig ces bya ba ni bye ba phrag khrag khrig te/ grangs kyi tshad kyi gnas bcu gnyis pa'o/ /sngan chad ma mthong zhes bya ba ni 'khor ba thog ma med nas/ lan 'ga' yang ma mthong ba'i phyir ro/ /ma thos zhes bya ba ni nye bar ston pa med pa'i phyir ro/ /'chi med ces bya ba ni yongs su nyams pa med pa'i phyir ro/ /mya ngan med pa zhes bya ba ni sdug bsngal med pa'i phyir ro/ /go 'phang zhes bya ba ni gnas te/ yon tan thams cad kyi gnas yin pa'i phyir ro/ /rjes su rtogs zhes bya ba ni da ltar shes par 'gyur ro/ /ga la bzhugs zhes bya ba dri ba'o/ /rnam par dang zhes bya ba ni shin tu gsal ba'o/ /yongs su dag ces bya ba ni mdangs dang ldan pa'o/ /yongs su dkar zhes bya ba ni ches bskrag pa dang ldan pa'o/ /da dung yang lan cig brjod cig ces bya ba ni ma rtogs pa'i phyir yang lan cig zlos su bcug pa'o/ /'khor la lta ba ni legs pa yin no/ zhes bya ba ni g.yog 'khor la lta ba bzang ba'o/ /nga zhes bya ba ni da ltar te 'grub pa'i dus so/ /de'i zhes bya ba ni rab tu 'byung ba zhes bya ba'i dgongs pa de'i 'o// shes par gyis shig ces bya ba ni khong du chud par byos shig ces bya'o/ /nyin mo spyod pa zhes bya ba ni nyin par dge ba'i phyogs byed pa'o/ /bsnyen bkur zhes bya ba'i mchod pa'o/ /'on te zhes bya ba ni spyad pa'o/ /'byung ba zhes bya ba ni skabs so/ /gang las bya ba ni
- 242a
nye bar ston pa las so/ /chos zhes bya ba ni 'jig rten gnyis ka dang mi 'gal ba'o/ /rnam par shes pa zhes bya ba ni rtogs par gyur pa'o/ /gus byas zhes bya ba ni rjes byas te'o/ /gtsang ma zhes bya ba ni khrus la sogs pas so/ /brgya phrag du ma zhes bya ba ni brgya phrag mang po'i tshad do/ /grog po zhes bya ba ni snying du sdug pa'o/ /tshogs yongs su sdud pa zhes bya ba ni tshogs yongs su srung ba ste/ tshogs mdza' dag sdud par byed pa'o/ /tshogs yongs su 'dren pa zhes bya ba ni gtso bor gyur phyir tshogs kyis mdun nas bdar ba'o/ /mchod pa'i tshig ste/ shin tu dge ba dang/ bde ba skyed pa'i phyir ro/ /nyan thos zung zhes bya ba ni zung cig ste/ gnyis zhes bya ba ni tha tshig go /zung gcig mchog ces bya ba ni nyan thos rdzu 'phrul dang ldan pa dang/ shes rab dang ldan pa rnams kyi mchog go /zung bzang po zhes bya ba ni tshogs chung ngus gdul ba dang/ gzhan la phan 'dogs pa'i phyir bzang ba'o/ /dgongs yul mdza' yas pa zhes bya ba ni thams cad mkhyen pa'i ye shes kyi yul mdza' yas pa dang ldan pa zhes pa'i tha tshig go /skyes bu'i dbang po mkhyen mthar byon zhes bya ba ni sems can rnams kyi dad pa la sogs pa'i dbang po mkhyen pa'i pha rol tu byon pa ste/ 'dis ni dbang po mchog dang/ mchog ma yin pa mkhyen pa'i stobs dang ldan par bstan to/ /srid pa mthar mdzad pas zhes bya ba ni srid pa gsum gyi mthar byon pas so/ /tshogs mchog ces bya ba ni dge slong gi dge 'dun no/ /lung bstan mdzad ces bya ba ni lung bstan par gyur pa'o/ /legs par gsungs pa zhes bya ba ni ji lta ba bzhin du gsungs pa'o/ /chos 'dul ba la zhes bya ba ni mya ngan las 'das pa'i don nye bar bstan pa'i gsung rab la'o/ /rdzogs par bsnyen pa dge slong gi dngos po zhes bya ba ni rdzogs par bsnyen pa'i mtshan nyid kyi dge slong gi dngos po'i
- 242b
tshig gnyi ga smos pa ni ming gi dge slong la sogs pa bslang ba'i phyir ro/ /dge slong tshur shog pas zhes bya ba ni bya ba gang la dge slong tshur shog ces bya ba ni yod pa de ni dge slong tshur shog pa'o/ /gang la khas blang ba bya ba dang byed du 'jug pa tsam kho nas rdzogs par bsnyen par 'gyur ba ste/ smon lam btab pa'i phyir slob dpon la sogs pa la mi bltos pas des zhes bya ba'i tha tshig go /dge slong dag ces bya ba ni phyis dge slong ma gyur pa la brten nas bka' stsal pa yin no/ /bka' i mjug kho nar zhes bya ba ni bka' stsal ma thag pa kho nar ro/ /lag pa lhung bzed dang bya ma bum gyis 'brel pas zhes bya ba ni lag na de dag bsrel ba'o/ /snam sbyar gyon pa'i lus dang ldan zhing zhes bya ba la/ snam sbyar zhes bya ba ni snam bur dras shing sbyar ba'i chos gos te/ gang lus la de gyon pa de ni snam sbyar gyon pa'i lus dang ldan pa'o/ /mod la dbang po rab nas gyur te/ zhes bya ba ni rab tu 'byung ba'i mod la dbang po rnams rab tu zhi bar gnas par gyur pa'o/ /dgongs pas zhes bya ba ni thugs la dgongs pas so/ /de dag gi ji zhig dgongs par gyur zhe na de'i phyir/ lus gzugs bkab par gyur ces gsungs te/ lus gzugs zhes bya ba ni rang bzhin du gnas pa'i lus kyi gnas skabs so/ /de bkab pa ni 'gebs shing g.yog par byed pa ste/ cha lugs so/ /cha lugs de dang ldan par gyur ces bya ba'i tha tshig go /rab tu mang po zhes bya ba ni gnyis las lhag pa ni mang po yin no/ /yang dag rgyal ba can gyi mu stegs can gyi gnas zhes bya ba ni ston pa yang dag rgyal ba can gyi slob ma mu stegs can gyi gnas kun tu rgyu nye rgyal dang/ pang nas skyes 'khor dang bcas pa'o/ /rab tu phyung zhing rdzogs par bsnyen nas zhes bya ba ni bcom ldan 'das kyi yang dag rgyal ba can gyi slob ma mu stegs can gyi gnas pa dag rab tu phyung zhing rdzogs par bsnyen par mdzad pa yin gyi yang dag rgyal ba can nyid ni ma yin te/ de ltar
- 243a
dus la bab pa'i phyir ro/ /ring po ma lon pas zhes bya ba ni rgyu des rgyal po khab kyi mi dag yid ma rangs shing mngon par mi dga' bar gyur to/ zhes bya bar sbyar ro/ /yid ma rangs zhes bya ba ni nang gi bdag nyid kyis yid ched pa'o/ /mngon par mi dga' zhes bya ba ni phyi rol nye bar ma zhi bas 'khrug pa'o/ /de dang de dag ces bya ba ni bzlas pa'i phyir lan gnyis su smos so/ /co 'dri zhes bya ba ni/ zher 'debs par byed pa'o/ /grong mchog ces bya ba ni grong khyer gtso bo'o/ /yang dag rgyal pa'i zhes bya ba ni de'i slob ma kun zhes bya ba sbyar ro/ /khrid na zhes bya ba ni rab tu phyung na'o/ /phyin chad ci zhig bkri bar bya zhes bya ba ni da yang gzhan ci zhig bkri bar byar yod khyed cag yang grong khyer tu lhags zhes bya bar bsams pa yin no/ /brgyus nas zhes bya ba ni bsod snyoms kyi phyir brgyu ba byas nas so/ /zas kyi bya ba byas te zhes bya ba ni zas kyi bya ba bsgrubs pas te/ zas sos te zhes bya ba'i tha tshig go /phyi ma'i zas kyi bsod snyoms las phyir log pas zhes bya ba la phyi ma'i zas zhes bya ba ni phyed yol phan chad de'i phyi dro'o/ /bsod snyoms las phyir log pas zhes bya ba ni bsod snyoms mi byed pas te/ tshig gi don spyir bsdu na/ phyi dro bsod snyoms la mi rgyu bas zhes bya ba'i tha tshig go /lhung bzed dang chos gos mkhos su phab nas zhes bya ba ni so sor nges pa'i gnas su rnam par bzhag nas so/ /sdug bsngal zhes bya ba ni lus kyi'o/ /mi bde bas zhes bya ba ni sems kyis te/ de gnyis ni bya ba'i bye brag yin no/ /'di la zhes bya ba ni bstan pa 'di la'o/ /dpa' chen zhes bya ba stobs bla na med pa dang ldan pa 'am bdud bzhi bcom pa'i phyir ro/ /chos kyis zhes bya ba ni dam pa'i chos kyis yin gyi nan zhugs kyis ma yin pa'o/ /mkhas pa zhes bya ba ni shes pa'o/ /mi bzod byed ces bya ba ni su zhig mi bzod pa skyed par byed ces bya'o/ /rlom pa tsam zhes bya ba
- 243b
ni khengs pa nyid do/ /spobs pa tsam zhes bya ba ni mi 'jigs pa nyid do/ /sgo ba zhes bya ba ni sgo srungs so/ /bzhin gyi gzugs zhes bya ba ni ngo shes par 'gyur ba'i mtshan ma kha dog dang/ dbyibs kyi mtshan nyid kyi rtags so/ /mngon du zhes bya ba ni mngon sum du'o// yang dag par dga' bar 'gyur ba zhes bya ba ni bsnyun gsol ba'i phyir ro/ /yang dag par mgu bar 'gyur ba zhes bya ba ni bde ba'i gtam thos pas mgu ba skyes pa'i phyir ro/ /sna tshogs zhes bya ba ni rnam pa du ma'o/ /byas te zhes bya ba ni phan tshun byas te'o// kye gau ta ma bdag ni thams cad mi bzod pa'o/ zhes bya ba la sogs pa ni gang rigs pas rig pa ma yin pa de dag mi 'dod de 'jig rten pha rol yod pa nyid la sogs pa ni rigs pas rig pa ma yin te/ mngon sum gyi yul ni dngos po mdun na 'dug pa yin la/ 'jig rten pha rol ni dbang po'i yul ma yin te/ dbang po'i yul ma yin pa la ni mngon sum gyi tshad ma ldog go /rjes su dpag pa'i yul ni spyi'i mtshan nyid yin pas/ yul gyi dngos po med pas tshad mar mi rung ba ste/ de ltar yang mngon sum du ma yin pa ni tshad ma ma yin no/ zhes zer ba de'i phyir bdag ni de mi 'dod do zhes bya ba'i tha tshig go /de ltar kun tu rgyu sen rings ni chad par lta ba yin pas de mngal na gnas pa ni skye ba dang po yin la/ 'chi ba ni skye ba tha ma yin te/ sems can shi ba'i 'og tu chad par 'gyur bar lta ba'i phyir dang 'phags pa shA ri'i bu rab tu byung bas yid mi bde bar gyur nas de la 'di lta bu'i sems skyes te shes pa mthar thug pa dag ni med pas re zhig ring du song ba'i blo can dag kyang/ bstan bcos las phyir log pas na shA ri'i bu bas dge sbyong gau ta ma ches mkhas pa/ de bas kyang gzhan zhig ches mkhas shing de bas kyang gzhan zhig ches mkhas par gor ma chag go /shA ri'i bu'i shes pa ni dge sbyong gau ta ma'i shes pas zil gyis non la/ de'i shes pa yang gzhan zhig gis zil gyis
- 244a
non par 'gyur zhing de'i yang gzhan gyis non par 'gyur bas de'i phyir shas pa mthar thug pa dag med do/ /phul du phyin pa'i khyad par can med do/ /snyam nas/ kye gau ta ma bdag ni thams cad mi bzod do/ zhes zer ro/ /de de skad ber? ba la bcom ldan 'das kyis mer 'jug gi bu yod kyis bdag cag thams cad mi bzod par lta ba gang yin pa'i lta ba de yang mi bzod do/ zhes bya ba bka' stsal te/ bdag ni thams cad mi bzod do/ zhes khyab pa'i tshig gis/ thams cad pas chad par lta ba nyid kyang bkag par gyur pa'i phyir ro/ /de nas sen rings kyis dam bcas pa nyams kyis dogs pas kye gau ta ma bdag ni thams cad bzod par lta bar gang yin pa de yang mi bzod do/ zhes bya ba gsol to/ /'di ni mthar 'dzin pa'i lta ba chad par lta bas bsdus pa yin te/ sdug bsngal mthong bas spang bar bya ba yin no/ /'di'i kun nas slob pa ni 'jig rten rgyang phan thob pa'i phyir dang/ 'phags pa shA ri'i bu rab tu byung bas yid ma bde ba'i phyir/ kye gau ta ma bdag ni thams cad mi bzod do/ /zhes de ltar lta zhing de skad smra ste/ de ni re zhig spyi'i don yin no/ /da ni yan lag gi don bshad par bya ste/ kye zhes bya ba ni bod pa'i tshig go /thams cad ces bya ba ni rtag par smra ba'i bdag nyid la sogs pa'o/ /mi bzod do/ zhes bya ba ni mi 'dod do/ /zhes bya ba'o/ /mer 'jug pa'i bu zhes bya ba ni mer 'jug gi rigs las skyes pa'i phyir ro/ /thams cad mi bzod par lta ba gang yin pa'i lta ba de yang mi bzod do/ zhes bya ba ni thams cad mi bzod pa'i khongs su chad par lta ba de yang 'dus pas khyed kyis chad par lta ba de yang mi bzod par rigs so/ zhes bka' stsal ba yin no/ /de nas sen rings dam bcas pa nyams kyis dogs pas bdag ni thams cad mi bzod par lta ba gang yin pa'i lta ba'i lta ba de yang mi bzod do/ /zhes khas blangs
- 244b
so/ /'o na zhes bya ba ni khas blangs na'o/ /sen rings kyi de ltar khas blangs nas/ de'i phan yon gang zhe na/ sen rings chad par lta ba yin pas gang gi tshe des thams cad mi bzod pa de'i tshe na/ des lta ba thams cad yongs su btang ba de nyid de'i phan yon chen po yin no/ zhes sbyar bar bya'o/ /de ltar zhes bya ba ni lta ba thams cad mi rigs pa nyid yin pas snga phyi 'gal bar shes shing ngo/ /de ltar mthong na zhes bya ba ni rigs pa'i sgo nas de ltar mthong na'o/ /lta ba de yang zhes bya ba ni chad par lta ba de yang ngo/ /lta ba zhes bya ba ni yid kyi rnam par shes pa dang mtshungs par ldan pa'i nyon mongs pa can gyi shes rab ste/ kun tu rtog pa'i bdag nyid yin pa'i phyir ro/ /spong ba zhes bya ba ni rnam par gnod pa'i sgo nas so/ /'dor ba zhes bya ba ni de'i 'thob pa'i chad pa'i phyir ro/ /med bar 'gyur ba zhes bya ba ni yang mi 'byung ba'i phyir ro/ /lta ba gzhan yang zhes bya ba ni chad par lta ba las gzhan yang de rgyu las byung ba'i lta ba gzhan dag go /mtshams mi sbyor ba zhes bya ba ni mngon sum du 'gyur ba med pa'i phyir ro/ /nye bar mi len pa zhes bya ba ni 'brel pa med pa'i phyir ro/ /mi 'byung bar 'gyur ro/ /zhes bya ba ni rgyun chad pa'i phyir ro/ /'di skad bstan te/ gal te khyod kyis lta ba thams cad mi rigs par shes na de'i tshe lta ba thams cad las ldog par 'gyur bas de nyid phan yon no/ / zhes bya ba'i tha tshig go /sen rings kyis phan yon legs par mnyan pas bcom ldan 'das kyi bka' bzlas pa'i phyir kye gau ta ma bdag gis de ltar shes shing de ltar mthong na zhes bya ba la sogs pa gsol te/ de de bzhin te bdag gis de ltar shes shing de ltar mthong na lta ba'i rnam pa thams cad ldog par 'gyur ro/ /zhes bya ba'i tha tshig go /gal te sen rings 'di snyam du lta ba thams cad dang bral bar gyur na de'i tshe bdag gi bar chad smra ba dang/ bye brag 'ga' yang med do/ /snyam du dogs pa'i phyir mer 'jug gi bu khyod ni
- 245a
skye bo phal bo che dang lhan cig ces bya ba la sogs pa gsungs te/ khyod ni skye bo phal po che lta ba mi bzod pa dag dang lhan cig lta ba mtshungs par 'gyur ro/ zhes ston to/ /mtshungs shing zhes bya ba ni rgyud las gzhan du 'gro ba'i phyir ro/ /'dra bar 'gyur te zhes bya ba dngos po gcig pa'i tshul gyis so/ /skye bo phal po che yang de ltar lta zhing de skad smra bas khyod kyang de dang 'dra ba kho nar 'gyur ro/ zhes bya ba ni rdzogs byed pa mang po gti mug gis kun nas dkris pa dag ni rnam pa de lta bu dag gis lta ba'i chu bo dang ldan pa yin gyi khyod ni shes rab can yin pas gal te de 'dra ba kho nar gyur na mi rigs so/ zhes bya ba'i tha tshig go /'di yang lta ba ngan pa yongs su spangs pa'i phan yon bstan pa'i phyir med 'jug gi bu 'jig rten zhes bya ba la sogs pa gsungs so/ /dge sbyong zhes bya ba ni 'di las phyi rol pa'i rab tu byung ba'o/ /lta ba 'di yang zhes bya ba ni chad par lta ba la sogs pa'o/ /'dor zhing zhes bya ba ni yongs su spong zhing ngo/ /lta ba gzhan yang zhes bya ba ni log par lta ba la sogs pa'o/ /nye bar mi len pa'i zhes bya ba ni mi 'dzin pa'o/ /nyung ba bas ches nyung ba zhes bya ba ni nyung ba bas ches nyung ba ste srab ces bya ba'i tha tshig go /'di skad bstan te/ sa gzhi la brten pa'i rdul ji snyed kyi sems can ni blo ma byang ba yin la sen mo'i rtse la brten pa'i rdul ji snyed pa de snyed kyi sems can ni blo byang ba yin pas de'i phyir khyod kyis kyang skye bo ya rabs ches nyung ba'i nang du bdag nyid 'jug par bya zhing lta ba'i rnam pa btang bar gyis shig ces bya ba'i tha tshig go /de nas sen rings lan rigs pa thos pa'i phyir dang/ rigs pa brjod pa'i phyir dang/ tshig 'jam pa bka' stsal pa'i phyir sems gtong ba la bcom ldan 'das kyis lta ba rnams kyi ngo bo nyid dang/ nyes dmigs dang phan yon bstan
- 245b
pa'i rim gyis mdo sde bstan pa stsal pa'i phyir mer 'jug gi bu gsum po 'di dag ni zhes bya ba la sogs pa gsungs so/ /lta ba'i gnas zhes bya ba ni lta ba rnams skye ba'i gnas te/ 'byung gnas zhes bya ba'i tha tshig go /gsum gang zhes bya ba ni dri ba'i tha tshig ste/ dri ba 'di yang kha cig tu bcom ldan 'das kyi skye bo mi 'jigs pa ma thob par mkhyen pa nas nyid kyi mdzad pa'i 'am/ yang na nyan pa'i 'jigs pa dang ldan pas rang gi byas pa shes par bya'o/ /'di la zhes bya ba ni lta ba yongs su brjod pa la'o/ /la la zhes bya ba ni 'ga' ste thams cad ma yin no/ zhes bya ba'i tha tshig go /thams cad bzod do/ zhes bya bas ni rtag par lta ba bstan to/ /gzhan yang zhes bya ba ni rnam grangs gzhan yang ngam/ dngos brjod pa'i tshig gi lhag ma'o/ /thams cad mi bzod do zhes bya bas ni chad par lta ba bstan pa'o/ /kha cig ni bzod la kha cig ni mi bzod do/ /zhes bya bas ni rtag par lta ba dang/ chad par lta ba gnyis ka bstan to/ /'o na gang zag de ni rtag par yang lta/ chad par yang lta bar ji ltar 'gyur zhe na/ 'di la gang zag la gzugs rtag par 'dzin pa de'i tshe na/ phung po bzhi chad par 'dzin to/ /yang na gzugs chad par 'dzin pa de'i tshe na phung po bzhi rtag par 'dzin pas 'gal ba med do/ zhes bye brag pa'i gzhung las 'byung ngo/ /mer 'jug gi bu de la zhes bya ba la sogs pa/ de la zhes bya ba'i sgra ni dmigs kyis bsal ba ste/ dmigs kyis bsal ba zhes bya ba ni rigs dang/ yon tan dang bya ba dag gis spyi las phyogs cig tha dad par dkar ba'o/ /de yang re re la rnam pa gsum gsum ste/ gang las dang/ gang gis dang/ dzi'i phyir ro/ /de la gang las dmigs kyis bsal zhe na lta ba gsum gyis ci las so/ /gang gis dmigs kyis bsal zhe na/ rtag pa nyid kyis rigs so/ /ci'i phyir dmigs kyis bsal zhe na/ ma grags pa'i chos shes par bya ba'i phyir te/ rnam pa
- 246a
gzhan dag la yang de bzhin du shes par bya'o/ /lta ba gang yin pa 'di ni rtag par lta ba'o/ /kun tu 'dod chags pa zhes bya ba ni 'dod chags kyi rgyun to/ /'gyur zhes bya ba ni rgyu'i dngos por 'gyur ba'o/ /kun tu zhe sdang ba dang/ kun tu gti mug pa yang de bzhin du shes par bya'o/ /gal te rang gi la kun tu zhe sdang bar ji ltar 'gyur zhe na ni 'dod chags kyi rgyun du/ 'gyur zhes bya ba ni rgyu'i dngos por 'gyur ba'o/ /de ltar mi 'gyur te/ 'di ltar gzhan gyi lta ba la zhe sdang bar 'gyur te/ 'di ltar rang gi lta ba la lhag par chags par gyur na de'i dgra bor gyur pa gzhan gyis lta ba la kun tu zhe sdang bar 'gyur ba'i phyir ro/ /kun tu sogs pa zhes bya ba ni yang 'byung bar byed pa'i las rnams rtas pa'o/ /kun tu sogs pa med pa zhes bya ba ni yang 'byung bar byed pa'i las rnams ldog pa'o/ /kun tu sbyor ba zhes bya ba ni yang 'byung bar byed pa'i phung po 'phangs pa rnams dang ldan kun tu sbyor ba'o/ /kun tu sbyor dang bral ba zhes bya ba ni de dag dang bral ba'o/ /kun nas nyon mongs pa zhes bya ba ni skye ba la sogs pa'i rgyu las byung ba'i sdug bsngal gyi rgyun no/ /rnam par byang ba zhes bya ba ni sdug bsngal las log pa'o/ /mngon par dga' ba zhes bya ba ni ma 'ongs par 'dod pa'o/ /nye bar len pa zhes bya ba ni de'i thob pa yongs su tshos ba las byung ba'i nyon mongs pa'o/ /lhag par chags pa zhes bya ba ni thob pa las lhag par chags pa'o/ /de dag las bzlog pa yang/ de bzhin du shes par bya'o/ /'o na lta ba'i rnam pa thams cad kyang kun tu 'dod chags la sogs par 'gyur ba yin na ci'i phyir rtag par lta ba 'ba' zhig kun tu 'dod chags la sogs par 'gyur la/ chad par lta ba ni kun tu 'dod chags la sogs par mi 'gyur bar bstan ce na/ 'di la bye brag tu smra bdag gis lan btab pa de ni dgongs te gsungs pa yin te/ mu stegs can rtag
- 246b
par lta ba la yang 'byung ba yod pas de ni yang 'byung ba 'phen pa'i sems rtas par byed do/ /mu stegs can chad par lta ba la ni yang 'byung ba med pas mngan la gnas pa ni de'i skye bo tha ma yin pas de ni yang 'byung ba 'phen pa'i sems rtas par mi byed do/ /de'i phyir de la dgongs nas/ rtag par lta ba ni kun tu 'dod chags par 'gyur la chad par lta ba ni kun tu 'dod chags pa la sogs par mi 'gyur bar bstan to/ /de lta bas na mu stegs can rtag par lta ba ni 'jig rten pha rol 'dod ba sngon du gtong bas de la nyon mongs pa dang nye ba'i nyon mongs pa thams cad 'byung ngo/ /mu stegs can chad par lta ba ni 'jig rten pha rol mi 'dod pas de la ni nyon mongs pa dag mi 'byung ngo/ /de ltar na 'dis lta ba rnams kyi ngo bo nyid dang/ nyes dmigs dang/ phan yon bstan pa yin no// //bam po lnga pa/ gal te sen rings 'di snyam du rtag par lta ba sngon du btang ba las/ nyon mongs pa dang/ nye ba'i nyon mongs pa thams cad 'byung bas chad par lta ba ni bzang ste/ mya ngan las 'das pa rjes su mthun pa'i phyir ro/ /de'i phyir phyi rol pa'i lta ba rnams kyi nang ni 'di lta ste/ bdag med do/ /bdag 'byung bar mi 'gyur ro/ /bdag gis 'byung bar mi 'gyur ro/ /zhes bya ba ni 'di ni mchog yin no/ zhes bstan to/ /snyam du dgongs pa de'i phyir de la 'phags pa'i nyan thos thos pa dang ldan pa ni zhes bya ba la sogs gsungs so/ /de la zhes bya ba ni dmigs kyis bsal ba yin no/ /'phags pa'i zhes bya ba ni sangs rgyas dang/ sangs rgyas kyi nyan thos sdig pa mi dge ba'i chos rnams las ring du gyur pa rnams kyi'o/ /de rnams kyi nyan thos zhes bya ba ni gus par nyan pa ste/ slob ma zhes bya ba'i tha tshig go /'di ltar so sor rtog par byed de zhes bya ba ni 'og nas 'byung ba ltar rtog par byed pa'o/ /rtsod pa zhes bya ba ni gnod par byed pa'i
- 247a
bsam pas gnas pa'o/ /'gyed ces bya ba ni rtsub po smra zhing lan 'debs pa'i bdag nyid de 'thab ces bya ba'i tha tshig go /rnam par 'tshe zhes bya ba khu tshur dang/ thal lcag la sogs pas bsnun pa'o/ /bdag la zhes bya ba ni 'phags pa'i nyan thos la'o/ /de lta na 'dis ni mngon par zhen pa dam pos bskyed pa'i lta ba rnam pa thams cad ni tshe 'di dang phyi ma'i gnod pa bskyed par byed pa yin pas rnam pa thams cad du thag bsring zhing spang bar bya'o/ /zhes bstan to/ /'khor ba na rtsod pa'i gzhi ni gnyis te/ lta ba la lhag par chags pa dang/ 'dod pa la lhag par chags pa'o/ /de gnyis las lta ba la lhag par chags pa yongs su spang pa'i phyir de la chos bstan nas/ de ni 'dod pa la lhag par chags pa yongs su spang ba'i phyir de la chos bstan pa brtsam par bya ste/ de'i phyir mer 'jug gi bu 'di ni zhes bya ba la sogs pa gsungs so/ /'di ltar 'dod pa la lhag par chags pa ni tshor ba'i dbang gis 'byung ste/ tshor ba'i ro myang ba'i dbang gis 'dod pa dag la mngon par chags par 'gyur ro/ zhes gsungs pa'i phyir ro/ /tshor ba'i ro myang ba yang dbang po dang bcas pa'i lus kyis 'grub pas de'i phyir lus la lhag par chags pa de bzlog pa'i phyir bshad pa'i phyir na 'di brtsams so/ /lus zhes bya ba ni 'byung ba dang 'byung ba las gyur pa'i tshogs 'jig pa'i bdag nyid do/ /gzugs zhes bya ba ni gnod par byar rung ba'i phyir gzugs te/ 'di la gzugs te yod pa'i phyir ro/ /rigs pa zhes bya ba smos pa ni bar ma do'i srid pa'i gzugs dgag pa'i phyir ro/ /'byung ba chen po bzhi la gyur pa zhes bya bas ni dbang phyug la sogs pas ma bskyed par bstan to/ /yang dang yang du zhes bya ba ni dus thams cad du'o/ /'byung ba dang 'jig par rjes su blta zhing gnas par bya'o/ zhes bya ba la 'byung ngo/ /zhes bya ba ni bskyed
- 247b
pa'o/ /'jig pa zhes bya ba ni 'gag pa'o/ /de gnyis su rjes su lta zhing zhes bya ba ni brtag cing ngo/ /yang na lus 'dus byas kyi mtshan nyid du bstan pa la skad cig la 'byung zhing 'jig par brtag par bya ba ste/ ji skad du dge slong khyod ni skad cig la skye ba dang/ rga ba dang 'chi ba dang/ nyams pa dang/ 'byung ba yin no/ /zhes gsungs pa'i phyir ro/ /de la lus la 'dun pa zhes bya ba la sogs pa ni yul tha dad par grags pa'i rnam grangs yin te/ 'di ltar bcom ldan 'das chos ston pa mdzad pa ni gdul ba gang dag sems g.yengs pas don de ma go ba de dag la bcom ldan 'das kyi don de nyid tshig gzhan bdag gis bstan pa yin no/ /yang na ming gi tshogs dang/ tshig gi tshogs dang/ yi ge'i tshogs gang dag gi don de bstan pa brdam phrad pa'i gdul ba don de nyid bstan pas gdul ba dag la bcom ldan 'das kyis ming gi tshogs dang/ tshig gi tshogs dang/ yi ge'i tshogs dang/ yi ge'i tshogs gzhan dag gis don de nyid bstan pa yin no/ /yang na de bstan pa'i snod du gyur pa phyis lhags pa ma thos pa rnams kyis thos par bya ba'i phyir te/ ji skad du bye brag tu smra ba'i gzhung las btsun pa glos mi 'bebs kyis bstan pa las/ bcom ldan 'das ni gdul ba snga ma dang/ 'brel pa'i bshad pa mthar phyin nas de bstan pas gdul ba'i 'dul ba gzhan bdag lhags pa na don de nyid ming gi tshogs dang/ tshig gi tshogs dang/ yi ge'i tshogs dang/ yi ge'i tshogs gzhan dag gis ston pa mdzad do/ /zhes gsungs pa lta bu'o/ /yang na bcom ldan 'das kyis ltar nyan pa'i skye bo blo rtul po rnam par bshad pa'i rnam pa'i tshig gcig don gyis 'dzin par mi nus par 'byung bar mkhyen nas/ de'i phyir rnam grangs kyi tshig mang bar bstan pa yin no/ /yang na lus la 'dun pa zhes bya ba ni bstan pa'i tshig yin la/ /lhag ma rnams ni bshad pa'i tshig yin te/ gong nas gong du rnam par bshad par gyur pa dag yin no/ /tshul
- 248a
'di ni 'og nas 'byung ba'i rnam grangs kyis tshig gzhan bdag la yang de bzhin du rig par bya'o/ /yang na de dag gi don tha dad par yang bshad par bya ste/ de la 'dun pa zhes bya ba ma 'ongs pa 'dod pa'i phyir ro/ /chags zhes bya ba ni 'dod pa de grub pa la nyon mongs pa can gyi dga' ba bskyed pa'o/ /dga' zhes bya ba ni yang dang yang du 'dod par byed pa'o/ /zhen pa zhes bya ba ni yul gzhan yongs su btang ba de la lhag par chags pa bskyed pa'i phyir ro/ /'chums pa zhes bya ba ni skad cig / kyang yongs su mi gtong ba'i phyir ro/ /lhags par chags pa zhes bya ba ni gzhan gyis bzlog pa zhe sdang bskyed pa'i phyir ro/ /de'i sems yongs su gtugs te ma gnas so/ /zhes bya ba ni lus la 'dun pa la sogs pa des de'i sems gtugs shing yongs su zad par byas te mi gnas so/ zhes bya ba'i tha tshig go /de ltar na 'dis ni 'dod pa na spyad pa'i lus la lhag par chags pa'i gzhi nyid du bstan pa'o/ /lus la lhag par chags pa te/ yang tshor ba'i ro myang ba'i dbang gis 'byung bas de'i phyir mer 'jug gi bu gsum pa 'di dag ni zhes bya ba la sogs pa gsungs so/ /tshor ba zhes bya ba ni myong ba'i ngo bo nyid do/ /bde ba zhes bya ba ni phan 'dogs pa'o/ /sdug bsngal zhes bya ba ni gnod par byed pa'o/ /sdug bsngal yang ma yin bde ba yang ma yin pa zhes bya ba ni gnyi ga ma yin pa ste/ btang snyoms zhes bya ba'i tha tshig go /de ltar na 'dis ni nyon mongs pa ma spangs pa rnams kyi tshor ba gang dag yin pa de dag ni 'dod pa la lhag par chags pa'i rgyu nyid du bstan pa'i phyir de dag bka' stsal te/ /de ni nyon mongs pa spangs pa rnams kyi tshor ba gang dag yin pa de dag ji ltar 'dod pa la lhag par chags pa'i rgyu nyid du mi 'gyur bar de ltar bstan pa'i phyir mer 'jug gi bu gang gi tshe zhes bya ba la sogs pa gsungs so/ /bde ba'i tshor ba ni dgra
- 248b
bcom pas kyang yul gyi dbang gis myong bar byed de/ lus kyis tshor ba 'byung ba'i phyir ro/ /de'i phyir dge sbyong dgra bcom zag pa zad pa gson zhing 'dug la 'tsho zhing sdod pa'i dbang po lnga pa sngon gyi mngon par 'du byed pa'i rkyen las byung ba dag ni ma 'gags te/ de las byung ba'i tshor ba bde ba dang/ sdug bsngal so sor myong bar byed do/ zhes gsungs so/ /la la dag tshor ba gsum char dus gcig tu myong bar 'gyur ro/ /snyam du dogs pa de'i phyir de'i tshe na de la sdug bsngal ba dang/ sdug bsngal yang ma yin bde ba yang ma yin pa'i tshor ba gnyis 'gag par 'gyur te zhes bya ba la sogs pa gsungs te/ 'ga' bar 'gyur te zhes bya ba ni so sor ma brtags pa'i 'gog pas so/ /dus gcig tu tshor ba rnam gsum myong bar mi rigs pas/ de'i tshe na 'phags pa nyan thos bde ba'i tshor ba 'ba' zhig myong ba byed de zhes gsungs te/ sems can rnams kyis rgyu ni re res nas 'byung ngo/ /zhes bstan bcos ye shes la 'jug pa las gsungs so/ /mi rtag pa zhes bya ba ni skad cig pa yin pa'i phyir ro/ /sdug bsngal zhes bya ba ni 'du byed kyi sdug bsngal dang/ 'gyur ba'i sdug bsngal gnyis kyis so/ /'gog pa'i chos can zhes bya ba ni rgyun gyi mi rtag pa dang ldan pa'i phyir ro/ /gzhi ni gang yin zhes bya ba ni dang po kun nas slong pa'i rgyu ste/ dper na bad kan gyi dang po kun nas slong ba'i rgyu grang ba dang/ snun pa dang mang rab dag lta bu'o/ /kun 'byung ba ni gang yin zhes bya ba ni rkyen gyi tshogs pas 'dus pa ste/ rkyen cig gis bskyed pa ni 'ga' yang med do/ zhes gsungs pa'i phyir ro/ /rigs mthun ni gang yin zhes bya ba ni 'dra ba'i rgyu bde ba'i tshor ba ni reg pa bde ba las 'byung la sdug bsngal gyi tshor ba yang reg pa sdug bsngal ba las 'byung gnyis kam yin pa'i tshor ba yang reg pa gnyis ka ma yin pa las 'byung ba lta bu'o/ /rab tu bskyed pa ni gang yin zhes bya ba ni bar chad med pa'i rgyu ste/ gang las 'bras bu mngon sum
- 249a
du skye ba'o/ /kha cig na re rgyu thag ring ba dang/ thag nye ba dang/ rgyun mi chad pa dang/ du ma las 'byung ba dang/ go rim bzhin no/ /zhes zer ro/ /kha cig na re rgyu med pa nyid dang/ rgyu gcig pa nyid dang/ rgyu rtag pa nyid dang/ rgyu 'gyur bar smra ba'i gnyen por go rim bzhin no/ /zhes zer ro/ /bzhi ni rig pa yin zhes bya ba la sogs pa la/ reg pa zhes bya ba ni dbang po dang yul dang/ rnam par shes pa gsum 'dus pa ste/ de ltar na 'dis ni reg pa'i rkyen gyis tshor ba zhes bstan pa yin no/ /reg pa dang de dang zhes bya ba ni bde ba'i tshor ba dang mthun pa dang/ sdug bsngal gyi tshor ba dang/ mthun pa dang/ sdug bsngal yang ma yin/ bde ba yang ma yin pa'i tshor ba dang mthun pa'i kun 'byung ba las zhes bya ba ni skyes pa las so/ /'gags pa las zhes bya ba 'dis ni reg pa 'gags pas tshor ba 'gag ces bstan pa yin no/ /de la 'gag pa zhes bya ba ni skad cig la 'jig pa'i phyir ro/ /nye bar zhi ba zhes bya ba ni srabs par gyur pa'i phyir ro/ /bsal ba zhes bya ba ni rgyun chad pa'i phyir ro/ /nub ba zhes bya ba ni yang mi 'gyur ba'i phyir ro/ /ro myang ba zhes bya ba ni nyon mongs can gyi bde ba bskyed pa'i phyir ro/ /nyes dmigs zhes bya ba ni mi rtag pa'i phyir ro/ /gang mi rtag pa de ni nyes dmigs yin no/ /zhes gsungs pa'i phyir ro/ /nges par 'byung ba zhes bya ba ni 'dun pa'i 'dod chags las yang dag par 'das pa'i phyir ro/ /mi rtag pa zhes bya ba ni skad cig pa nyid yin pa'i phyir ro/ /zad pa zhes bya ba ni rgyun gyis 'jig pa'i phyir ro/ /'jig pa zhes bya ba ni ngo bo nyid kyis 'jig pa'i phyir ro/ /'dod chags dang bral ba zhes bya ba ni rnam par gnod pa tsam gyi phyir ro/ /'gog pa zhes bya ba ni gnyen po zag pa med pa sgrub pa'i phyir ro/ /rab tu spong ba zhes bya ba ni phung po'i lhag ma med pa'i mya ngan las 'das pa thob pa'i phyir ro/ /'jig rten la cung zad kyang nye bar len par mi byed ces bya ba ni 'khor ba'i dngos po
- 249b
gdal yang snying po nyid du mi 'dzin pa'i phyir ro/ /kha cig na re sred pa mngon sum du mi byed pa'i phyir ro/ zhes zer ro/ /nye bar len par mi byed na zhes bya ba ni sred pa'i kun 'byung ba bzlog pa'i phyir ro/ /yongs su gdung bar mi 'gyur zhes bya ba ni 'phags pa'i lam skye ba la nyon mongs pa kun 'byung ba med pa'i phyir ro/ /rgyu la yongs su gdung ba mi skye'o/ /zhes bya ba'i tha tshig go /bdag nyid kho nas zhes bya ba ni rang nyid kyi so/ /yongs su mya ngan las 'da' bar byed ces bya ba phung po'i lhag ma dang bcas pa'i mya ngan las 'das pa thob par byed pa'o/ /de thob nas bdag gi skye bzang ngo/ /tshangs par spyod pa brten te/ /bya ba byas so/ /srid pa 'di las gzhan mi shes so/ /zhes go bar byed do/ zhes bya bar sbyar ro/ /lus kyi mdza' ba'i tshor ba zhes bya ba ni dbang po gzugs can lnga la brten pa ste/ lus kyi mdza' ni lus kyi mthar thug pa'i dbang po lnga'o/ /de'i tshor ba ni dbang po lnga la brten pa'i tshor ba zhes bya ba'i tha tshig go /de ltar yang tshe dang ldan pa sa ga'i tshor ba gang yin pa de la ni 'dod chags bag la nyal ba sdug bsngal gyi tshor ba gang yin pa de la ni khong khro ba bag la nyal sdug bsngal yang ma yin bde ba yang ma yin pa'i tshor ba gang yin pa de la ni gti mug bag la nyal lo/ zhes gsungs pas/ de la bag la nyal gyi ngo bo nyid kyi tshor ba dag ni mi 'byung gi lus kyi khur thogs pa tsam 'ba' zhig las byung ba'i tshor ba rgyud la 'byung ste/ de'i phyir lus tsam yod na de dag 'byung gi lus 'gags na de dag 'gag par 'gyur te/ dgra bcom pa dag la yang yul gyi dbang gis tshor ba 'byung ngo/ zhes gsungs pa'i phyir ro/ /myong ngo snyam du yang dag pa ji lta ba bzhin rab tu shes so/ zhes bya ba 'dis ni shes bzhin du spyod pa nyid bstan te/ shes bzhin du spyod pa nyid la ni nyon mongs pa kun du 'byung ba med do/ /srog gi mdza' pa'i tshor ba zhes bya ba ni yid tsam dang mtshungs par ldan pa btang snyoms kyi tshor ba
- 250a
ste/ 'di ltar ji srid du 'tsho ba de srid du yid tsam dang mtshungs par ldan pa btang snyoms kyi tshor ba med pa de'i rgyud la 'byung ngo/ /de'i phyir mdo sde las kyang dge slong gi sems tshor ba gsum po 'di dag las 'dod chags bral zhing rnam par grol ba ni de la lhag ma btang snyoms kyi tshor ba yongs su dag pa spongs bya ba tsam zhig yong zhes gsungs te/ de'i phyir de'i srog yod na/ btang snyoms kyi tshor ba kun tu 'byung ba yod na srog zad la/ de yang zad par gyur ro/ zhes bya ba'i tha tshig go /btang snyoms srog dang yid ldan na/ /des par gsum dang ldan pa yin/ /gzugs med pa nas 'chi ba na/ /srog yid btang snyoms 'gag par 'gyur zhes bshad pa'i phyir ro/ /lus zhig pa'i zhes bya ba ni lus shi ba'i'o/ /'og tu yongs su gtugs pas zhes bya ba ni yang 'byung bar byed pa'i las nye bar ma bsags pas mtshams sbyor ba med pa'i phyir ro/ /dus phyis mar srog kyang med pas zhes bya bar dgongs pa yin no/ /'di nyid du zhes bya ba ni tshe nyid du'o/ /de'i tshor ba thams cad ces bya ba ni bde ba dang/ sdug bsngal ba dang/ btang snyoms kyi tshor ba lus kyi mdza' ba dang/ srog gi mdza' pa thams cad do/ /ma lus par 'gyur zhes bya ba ni gnas lus dang/ srog gnyis thams cad du bsags pa'i phyir te/ phung po'i lhag ma med pa'i mya ngan las 'das pa thob pa'i phyir ro/ /ma lus par nub par 'gyur zhes bya ba ni gnas de gnyis kyang mi skye ba'i phyir ro/ /ma lus par yongs su zad par 'gyur zhes bya ba ni de gnyis las gzhan pa'i gnas med pa'i phyir ro/ /ma lus par yongs su gtugs par 'gyur zhes bya ba ni gnas med pa la tshor ba mi 'byung ba'i phyir ro/ /bdag med pa'i tshor ba myong ba'i byed pa na lus zhig par gyur pa de nyid sdug bsngal gyi mdza' yin no/ zhes bya ba la sogs pa ni 'chi ba'i tsho na 'chi ba'i mdza' i tshor ba dag ni
- 250b
sdug bsngal skye ba'i rgyur mi 'gyur bar dgongs te/ ji skad du tshangs spyod legs par spyad pa dang/ /lam nyid legs par bsgoms pa ni/ /tshe zad dga' bar gyur pa ste/ /nad dang bral ba ji bzhin no/ /tshangs spyod legs par spyad pa dang/ /lam nyid legs par bsgoms pa ni/ /tsha zad dga' bar 'gyur ba ste/ dug snod spangs pa ji bzhin no/ /tshangs spyod legs par spyod pa dang/ /lam nyid legs par bsgoms pa ni/ /'bar ba'i khyim nas thar pa ltar/ /'chi ba'i mdza' ni mya ngan med do/ /tshangs spyod legs par spyad pa dang/ /lam nyid legs par bsgoms pa ni/ /gang tshe 'jig rten shes rab kyis/ /rtswa dang shing 'drar mthong 'gyur ba/ /de'i tshe nying mtshams sbyor med las/ /gzhan pa 'dod par mi byed do/ zhes gsungs pa'i phyir ro/ /dgra bcom pa dag 'chi ba'i thar bde ba'i tshor ba dang/ sdug bsngal gyi tshor ba gnyis ni mi myong gi /sdug bsngal yang ma yin bde ba yang ma yin pa'i tshor ba ni myong bar 'gyur ste/ 'chi ba dang skye ba gnyis la ni btang snyoms kyi tshor ba yod do/ zhes gsungs pa'i phyir ro/ zhe na/ de bden mod kyi 'on kyang 'chi ba'i mdza' i skad cig ma gcig la ni btang snyoms kyi tshor ba 'ba' zhig yod la/ tshor ba gzhan na med kyi lus 'jig pa ni skad cig ma'i rgyun gyis yin pas de'i phyir skad cig ma'i rgyun gyis lus 'jig pa ni tshor ba gsum char yod pas nyes pa'i skabs med do/ /de bde ba'i tshor ba myong bar byed pa na mi ldan pa myong bar byed kyi ldan pa ni ma yin no/ zhes bya ba la sogs pa ni tshe dang ldan pa kun dga' bo/ kho bo la ni ston pa yongs su mya ngan las 'das shing gzhan du gyur kyang/ mya ngan dang smre sngags 'don pa dang/ sdug bsngal ba dang/ yid mi bde ba dang/ 'khrug pa dag mi 'byung ngo/ /zhes gsungs pa'i phyir ro/ /de la mi ldan pa zhes bya ba ni 'dod chags la sogs pa'i nyon mongs pa rnams spangs pa'i phyir ro/ /ldan pa zhes bya ba ni
- 251a
'dod chags la sogs pa'i nyon mongs pa rnams kun tu 'byung ba'i phyir ro/ /'dod chags dang/ zhe sdang dang/ gti mug dang mi ldan pa zhes bya ba ni gsum/ gtso bo yin pa'i phyir dang yang dang yang du kun tu 'byung ba'i phyir smos par zad kyi/ nyon mongs pa dang nye ba'i nyon mongs pa gzhan dag kyang 'dir bzung bar bya ba'o/ /skye ba zhes bya ba ni phung po mngon par 'grub pa'o/ /rga ba zhes bya ba ni phung po yongs su smin pa'o/ /na ba zhes bya ba ni lus kyi sdug bsngal ba'o/ /'chi ba zhes bya ba ni phung po 'dor ba'o/ /mya ngan zhes bya ba ni yid mi bde ba mtshungs par ldan pa'i rnam par rtog pa'o/ /smre sngags 'don pa zhes bya ba ni mya ngan gyis bslang ba'i tshig tu 'don pa'o/ /sdug bsngal zhes bya ba ni lus kyi tshor ba sdug bsngal glo bur du 'byung ba'o/ /yid mi bde ba zhes bya ba ni sems kyi tshor ba'o/ /'khrug pa zhes bya ba ni mya ngan dang bcas pa'i brang brdung ba la sogs pa lus rnam par 'gyur ba'o/ /sdug bsngal zhes bya ba sngar bstan pa spyi'i bdag nyid kyi sdug bsngal gyi chu bo 'am/ phung po'i khur thog pa las skye ba'i sdug bsngal lo/ /de ltar ni chos bstan pa des ni bcom ldan 'das kyis kun tu rgyu sren rings la lta ba la lhag par chags par gzugs dang/ gzugs med na spyod pa'i nyon mongs pa rnams kyi skye ba dang/ rga ba bstan la 'dod pa la lhag par chags pa ni 'dod pa na spyod pa'i nyon mongs pa rnams kyi skye ba dang 'gag pa bstan 'dod pa dang bral ba'i zag pa dang bcas pa'i tshor ba rnams ni 'dod pa la lhag par chags pa'i rgyur mi 'gyur ba dang/ 'khor ba'i rtsa ba yang ma yin par bstan to// bsil yab ces bya ba ni snga ma'o/ /chos de dang de dag gi zhes bya ba ni lus dang tshor ba dang reg pa dag gi ste/ bzlas pa'i phyir lan gnyis su smos so/ /spong ba zhes bya ba ni mya ngan las 'das pa ste/ nyon mongs pa rnams zad pa'i phyir ro/ /'dod chags
- 251b
dang bral ba zhes bya ba ni de la dmigs pa'i nyon mongs pa bzad pa'i phyir ro/ /'gog pa zhes bya ba ni nyon mongs pa'i ngo bo nyid zad pa'i phyir ro/ /rab tu spong ba zhes bya ba ni kha cig la mig la sogs pa spangs kyang kun tu 'byung ba yod pas kun tu 'byung ba de yang spangs pa'i phyir te/ 'dis ni phung po'i lhag ma med pa'i gnas skabs bstan to/ /len pa med par zag pa rnams las sems rnam par grol lo/ /zhes bya ba la zag pa rnams las zhes bya ba ni khams gsum pa'i nyon mongs pa rnams las te/ de rnams las sems rnam par grol lo/ /ji ltar rnam par grol zhe na/ de'i phyir len pa med par zhes bya ba gsungs te/ nyon mongs pa lhag ma rnams 'thob pa'i sgo nas gzung ste/ rnam par spangs zhes bya ba'i tha tshig go kha cig na re yongs su mi nyams pa'i chos nyid kyi zhes kyang zer ro/ /de la zag pa zhes bya ba'i nges pa'i tshig ni srid pa'i rtse man chad nas mnar med pa yan chad du skye mched kyi rma drug po dag nas 'dzag cing 'byung ba 'am 'khor bar gnas par gyur pa yin no/ /rnam par grol ba zhes bya ba ni khams gsum pa la chags pa med pa'i phyir ro/ nyon mongs pa spangs pas dgra bcom par gyur ces bya ba'i tha tshig go /gcig pu zhes bya ba ni grogs med pa ste lus kyis dben no/ /dben pa zhes bya ba ni sems kyis thag ring du gyur pa'o/ /bag yod pa zhes bya ba ni nan tan lhur len pa'o/ /brtun pa dang ldan pa zhes bya ba ni brtson 'grus dang ldan pa'o/ /bdag nyid btang ba zhes bya ba ni yid btang ba ste/ rtag tu dge ba'i phyogs 'dod ces bya ba'i tha tshig go /gnas so/ zhes bya ba ni 'dug par gyur pa'o/ /rigs kyi bu dag ces bya ba ni rigs su skyes pa'i mi dag go /gang gis phyir zhes bya ba ni gang gi don du'o/ /tshang par sbyor ba'i mdza' zhes bya ba ni lam gyi 'bras bu mya ngan las 'das pa'o/ /bla na med pa zhes bya ba ni mchog go /tshe de nyid la zhes bya ba ni mngon sum gyi tshe la'o/ /rang gi mngon par shes pas zhes bya ba ni rang gi shes
- 252a
pas so/ /mngon sum du byas te zhes bya ba ni shes par byas te 'o/ /bsgrubs nas zhes bya ba ni 'thob pa mngon sum du bya ba thob nas so/ /zad do/ zhes bya ba mthar thug pa'o/ /spyad do/ zhes bya ba ni spyad zin pa'o/ /bya ba byas so/ zhes bya ba ni nyon mongs pa spangs pa'o/ /srid pa 'di las gzhan mi shes so/ /zhes bya b ni bar ma do'i srid pa yang ngo/ /go bar byed cing zhes bya ba ni shes par byed cing ngo/ /ci zhig shes par byed cing zhen/ bdag gi skye ba zad do/ zhes bya ba la sogs pa sngar bstan pa dag go /kun shes pa dang ldan pa'i zhes bya ba ni zad pa dang mi skye ba shes pa thob pa'i ste/ bdag gis sdug bsngal yongs su shes par byar med do/ zhes bya ba la sogs pa'i kun shes rtogs pa gang la yod pa de ni kun shes pa dang ldan pa'o/ /dgra bcom pa zhes bya ba ni mchod par 'os pa dang yang mi skye ba dang/ nyon mongs pa'i dgra bcom pa'i phyir ro/ /sems shin tu rnam par grol ba zhes bya ba ni yongs su mi nyams pa'i chos nyid kyis so tang bar sdom zhes bya ba ni kye gau ta ma bdag thams cad mi bzad do/ /zhes bya ba la sogs pa mdo sde'i khongs su gtogs pa'i rnam grangs dag mi brjod par bya ba'i phyir tshigs su bcad pas mdor bsdus pa'o/ /so so yang dag rig pa thob pa zhes bya ba ni chos dang/ don dang/ nges pa'i tshig dang/ spobs pa so so yang dag par rig pa zhes bya ba'i phyir mi blogs pa'i ngo bo nyid kyis shes pa dag la tshegs chung dus kun tu spyod pa'i bdag po thob pa zhes bya ba'i tha tshig go /the tshom skyes nas zhes bya ba ni 'phags pa shA ri'i bu shes rab 'byam klas pa dang ldan pas dge slong rnams the tshom thams cad gcod pa zhes bya ba ni 'das pa dang/ ma 'ongs pa dang/ da ltar 'byung ba'i the tshom gyi dbye ba thams cad nges par mdzad pa'o/ /zhus pa zhes bya ba ni dris pa'o/ /las de'i rnam par smin pas
- 252b
zhes bya ba la/ las zhes bya ba ni dge ba zag pa dang bcas pa'o/ /rnam par smin pa zhes bya ba ni rgyu la 'bras bu btags pa ste/ 'bras bu skyed pa'i gnas skabs su gyur pa'i las nyid la bya ba'i 'bras bur smin pa'i gnas skabs ni ma yin no/ /shes rab rno ba zhes bya ba ni myur du don cha phra ba dag la 'jug pa'i phyir ro/ /shes rab zab pa zhes bya ba ni gzhan dag gis gting mi slebs pa'i shes rab dang ldan pa'i phyir ro/ /nges par 'byed pa'i shes rab ces bya ba ni nyon mongs pa spongs par byed pa'i phyir ro/ /tshogs rnyed pa zhes bya ba ni/ nang gi lhan cig byed pa'i rgyu dag rnyed pa'o/ /rkyen yongs su gyur pa zhes bya ba ni/ /phyi rol gyi grogs rjes su mthun par gyur pa'o/ /'od pa bzhin du nye bar gnas pas zhes bya ba ni chu'i 'od pa bzhin du rang gi bya ba byed pa la mngon du phyogs pa'o/ /gdon mi za bar 'byung bar gyur pa dag ces bya ba ni nges pa ste/ bcom ldan 'das kyis kyang bzlog par mi spyod dag go /byas shing zhes bya ba ni bslang zhing dam bsgrubs shing ngo/ /bsags pas zhes bya ba ni mthun pa'i tshogs kyis gsos pa 'am/ 'bras bur 'gyur bar nges par byas pa ste/ ched du bsams te byas pas so/ /bcom ldan 'das ni thugs rje'i bdag nyid can yin na/ nyid kyis ci'i phyir zhal gyis mi bzhes zhe na/ de'i phyir shA ri'i bu nyid kyis las byas shing bsags pa dag gzhan su zhig gis so sor myong bar 'gyur zhes bya ba gsungs te/ 'brel ba med pa'i phyir gzhan su zhig gis so sor myong bar 'gyur zhes bya ba gsungs te/ 'brel pa med pa'i phyir gzhan gyi rgyu la 'bras bu dag? tu mi gyur to/ /zhes bya bar dgongs so/ /rdzu 'phrul dang gsang sngags la sogs pa'i dbang gis phyi rol gyi dngos po dag las ci'i phyir 'byung bar mi mdzad ce na de'i phyir dge slong dag las byas shing bsags pa dag ni phyi rol gyi sa'i khams la rnam par smin par mi 'gyur zhes bya ba la sogs pa gsungs so/ /las dge ba zhes
- 253a
bya ba ni bzang pa'o/ /mi dge ba zhes bya ba ni ngan pa'o/ /zin pa zhes bya ba ni sems pas zin pa ste/ nang gi zhes bya ba'i tha tshig go /phung po zhes bya ba ni gzugs la sogs pa spungs pa'i mtshan nyid lnga'o/ /khams zhes bya ba ni mig gi khams la sogs pa 'byung gnas kyi mtshan nyid bcas brgyad do/ /skye mched dag la zhes bya ba ni mig gi skye mched la sogs pa rnam par shes pa skye ba'i sgo'i mtshan nyid bcu gnyis po dag la'o/ /rnam par smin par 'gyur te/ zhes bya ba 'dis ni lam rnams kyi phyi rol gyi sa'i khams la sogs pa sems pa med pa dag la rnam par smin par 'gyur bar dgag par bstan to/ /dus 'phongs pas ji ltar chud mi za bar 'gyur zhes na/ de'i phyir/ las rnams bskal pa brgyar yang ni// chud mi za ba'ang zhes bya ba la sogs pa gsungs te/ 'ang zhes bya ba'i sgra gnyis pas ni 'di ltar zhes bya ba'i sgra'i don la 'dug pa'i bye brag bstan te/ las rnams bskal pa brgyar yang chud mi za ba ni 'di ltar tshogs pa dang/ dus rnyed na lus can rnams la 'bras bu dag tu 'gyur ba nyid yin gyi/ tshogs pa dang/ dus ma rnyed na 'bras bu dag 'gyur par ma nges so/ zhes bya ba'i tha tshig go /tshogs zhes bya ba ni bskyed pa'i rgyu'i tshogs pa'o/ /dus zhes bya ba ni bar du gcod pa'i rgyu med pa'o// rnyed na zhes bya ba ni ldan na'o/ /lus can rnams la zhes bya ba ni sems can rnams la'o/ /'bras bu dag tu 'gyur ba zhes bya ba ni 'bras bu dag tu smin par 'gyur pa'o/ /nyid ces bya ba'i sgra ni nges par bzung ba ste/ gdon mi za ba zhes bya ba'i don to/ /de ltar na 'dir tshig gi don 'di 'byung te/ las nges pa rnams ni bskal pa brgya phrag 'das pa dag tu yang chud mi za ba yin te/ de yang 'di ltar rgyu'i tshogs pa dang/ bar du gcod pa'i rgyu med pa'i dus rnyed na byed pa po sems can lus
- 253b
can rnams la 'dod pa dang mi 'dod pa'i 'bras bu dag tu 'gyur ba nyid yin te/ 'dir don ni 'di yin no/ /'phags pa shA ri'i bus gang gis tshe las dag byas shing ji ltar byas she na/ de'i phyir dge slong dag sngon byung ba zhes bya ba la sogs pa gsungs te/ sngon byung bar gyur pa de bsnyed par bya'i da ltar gyi dus kyi na ma yin no/ zhes bya ba'i tha tshig go /nyon mongs pa dag gis zhes bya ba ni 'dod chags la sogs pas so/ /gnod par gyur nas zhes bya ba ni gzir bar gyur nas so/ /dgon pa'i sman dag gis zhes bya ba ni dgon po nas 'byung pa'i sman rtsa ba sdong bu la sogs pa dag gis so/ /'tshor bar zhes bya ba ni stobs dang ldan par ro/ /cig car ces bya ba ni dus gcig tu'o/ /tshig brjod pa zhes bya ba ni tshig smra ba'o/ /sdig pa zhes bya ba ni 'bras bu mi 'dod pa dang ldan pa'o/ /dam pa ma yin pa'i chos zhes bya ba ni skyes bu dam pa ma yin pa rnams kyi chos te/ nyes par spyod pa'i mtshan nyid 'dzin pa'i phyir chos ma yin pa yang chos kyi sgrar brjod do/ /lhan gcig ces bya ba ni cig car ro/ /yon tan gyi tshogs zhes bya ba ni yon tan chen po ste/ 'dir ni shes pa'i bye brag yin no/ /mdza' gcig tu zhes bya ba ni skye bo med pa'i gnas su'o/ /mkhan po med pa zhes bya ba ni 'dir chos rnam par 'chad pa med pa'i phyir ro/ /slob dpon med pa zhes bya ba ni lam nye bar ston pa med pa'i phyir ro/ /byang chub kyi phyogs dang mthun pa zhes bya ba ni zad pa dang mi skye ba shes pa'i byang chub kyi phyogs dang rjes su mthun pa'o/ /chos sum cu rtsa bdun zhes bya ba ni dran pa nye bar gzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i yan lag brgyad pa dag bsdoms na sum cu rtsa bdun yin no/ /bskyed nas zhes bya ba ni mngon sum du byas nas so/ /rang byang chub ces bya ba ni zad pa dang mi skye ba shes pa'i dbang po 'brid gis bsdus pa'o//
- 254a
mngon sum du byas so/ zhes bya ba ni 'thob pa dang shes pa mngon sum du bya ba gnyis kyi mngon sum byas pa ste/ rang sangs rgyas su gyur ces bya ba'i tha tshig go /bdag nyid chen po dag ni lus kyis chos ston gyi tshig gis mi ston pas zhes bya ba la/ lus kyi zhes bya ba ni lus brten pa 'bar ba dang/ gsal ba la sogs pas so/ /chos ston ces bya ba ni chos nye bar ston pa'o/ /'o na chos ston pa zhes bya ba ni tshig gi bye brag yin na lus kyis ji ltar chos ston du rung zhe na bden mod kyi 'on kyang nye bar gdags pa la nyes pa med do/ /ji ltar tshig gis chos ston pas 'bras bu 'dod pa bskyed pa dang 'dra bar lus kyi cho 'phrul ston pa 'dis kyang 'bras bu 'dod pa skyed pas 'bras bu rgyu btags nas 'di la chos ston pa zhes bya ste/ dper na mi blun po la ba lang zhes bya ba bzhin no/ /tshig gis mi ston pas zhes bya ba ni tshig gis chos mi ston pas so/ /'o na bdag nyid chen po de dag ni snying rjes bskyed pa'i rgyu dang ldan pa dang/ so so yang dag par rig pa bzhi thob pa dang/ sems can gyi spyod pa yongs su shes pa la mkhas pa yin na/ ci'i phyir de dag gi tshig gis chos mi ston ce na/ bden mod kyi de dag ni dus dpag tu med pa nas goms pa'i dbang gis dben pa la mos pa nyid kyis mchog tu zab pa'i chos bzung ba'i phyir sems can rnams la bya ba byed par mi spro ste/ 'di ltar sems can 'di dag ni thog ma med pa'i dus nas bsags pa'i nyon mongs pa'i rgyun gyis 'khor ba'i rgyun phyogs su 'dod pa yin pas de dag 'khor ba'i rgyun las zlog phyogs su bkri ba ni bla na med pa yang dag par rdzogs pa'i sangs rgyas rnams ma gtogs pa gzhan gyis bye dka' o/ snyam pa'i phyir ro/ /yang na skye bo ma lus pa la rjes su ston par 'gyur ba yongs su spangs pa'i phyir te/ rnam par g.yeng
- 254b
ba sna tshogs la brten pas 'jigs shing skrag pa'i phyir ro/ /'dab ma brkyang ba zhes bya ba ni gshog pa 'phyar ba'o/ /nam mkha' la zhes bya ba ni bar snang la'o/ /mngon par 'phags nas zhes bya ba ni gyen du song nas so/ /'bar ba zhes bya ba ni me la mos pa'i phyir ro/ /gsal zhes bya ba ni 'od zer la mos pa'i phyir ro/ /char 'bebs pa zhes bya ba ni de nyid la mos pa'i phyir ro/ /glog 'byin pa zhes bya ba ni snang ba la mos pa'i phyir ro/ /so so'i skye bo zhes bya ba ni de kho na nyid ma mthong ba'o/ /sems gtong pa zhes bya ba ni rjes su mthun par byed pa'o/ /shing ljon pa zhes bya ba ni shing skye ba'o/ /rtsa ba nas bcad pa zhes bya ba ni drung pa nas bcad pa'o/ /mkho ba bstabs pa zhes bya ba ni bza' ba dang/ btung ba dang/ gos la sogs pas bkur sti bya ba'o/ /mi 'dod bzhin du dag par bya na zhes bya ba ni mi 'dod bzhin du yang gso bar bya na'o/ /smos kyang ci dgos kyi zhes bya ba ni bsam ci dgos kyis zhes bya'o/ /chen po la 'os pa zhes bya ba gtso bo zhes bya ba'i tha tshig go /rno ba rno bar gcod ces bya ba ni myur du don yongs su gcod pa'i phyir ro/ /zab mo zab mor 'bigs zhes bya ba ni thag ring por 'bigs pa'i phyir ro/ /shes rab zab mo zhes bya ba ni don cha phra mo yongs su gcod pa'i phyir ro/ /thal byung thal byung du 'gro zhes bya ba ni rim pa gnyis pa las thug par 'gro ba'o/ /nges par 'byed pa'i shes rab ces bya ba ni ma lus pa'i don yongs su gcod pa'i phyir ro/ /de dge slong dag de ltar na zhes bya ba la sogs pa na skabs kyi mjug bsdu ba'i phyir ro/ /de la zhes bya ba'i sgra ni dmigs kyis gsal ba'o/ /de'i tshe zhes bya ba ni bskal pa'i bye brag go /de'i dus zhes bya ba ni 'phags pa shA ri'i bus mtshon pa'i dus na'o/ /skabs 'dir gzhung kha cig las dge slong dag 'di ji snyam du sems zhes kyang 'byung ste/ de'i gzhung nyams pa yin
- 255a
pas de ltar mi bzung ste/ 'di ltar mdo sde la sogs pa gzhung gzhan las dge slong dag 'di ji snyam du sems de'i tshe de'i dus na che ge mo zhig gang yin pa de gzhan zhig yin snyam du khyed yid gnyis dang the tshom za na/ de ltar mi blta ste/ de ci'i phyir zhe na/ che ge mo nyid de'i tshe de'i dus na che ge mo de yin pa'i phyir ro/ zhes 'byung ba'i lugs ltar ni/ 'di snyam du sems zhes bya ba de rung gi /'dir 'dul ba'i sde snod kyi skabs su/ dge slong dag de la de 'tshe/ de'i dus na/ bram ze'i bu mo zhi ba mo gang yin pa de ni dge slong shA ri'i bu nyid yin te zhes bya ba la sogs pa'i skabs ni/ 'di ji snyam du sems zhes bya ba de 'brel pa med pa'i phyir mi gzung ngo/ /mchod pa zhes bya ba ni/ mchod pa'i bye brag ste/ bza' ba dang/ btung ba la sogs pa'i mchod pa'o/ /de ltar na zhes bya ba ni de ltar na'o/ /las gcig tu gnag pa rnams kyi zhes bya ba ni las rnam pa thams cad du mi dge ba rnams kyi'o/ /rnam par smin pa ni gcig tu gnag pa yin zhes bya ba ni 'bras bu mi 'dod pa yin no/ /las gcig tu dkar pa rnams kyi zhes bya ba ni las rnam pa thams cad tu dge ba rnams kyi'o/ /rnam par smin pa yang gcig tu dkar ba yin/ zhes bya ba ni 'bras bu 'dod pa yin pa'o/ /dge slong dag de lta bas na zhes bya ba ni mjug bsdu ba'i rgyu'i tshig yin no/ /na zhes bya ba'i sgra ni yang zhes bya ba'i don to/ /brtsal bar bya ste zhes bya ba ni bsam par bya ste'o/ /khyed kyis zhes bya ba ni khyed cag gis so/ /bslab par bya'o/ /zhes bya ba ni brtson par bya rjes su bsgrub par bya zhes bya ba'i tha tshig go /chos dang chos ma yin pas zhes bya ba la/ chos zhes bya ba ni srog gcod pa spong ba la sogs pa'o/ /chos ma yin pa zhes bya ba ni srog gcod pa ste/ 'dren mas zhes bya ba'i tha tshig go /sems can dmyal bar 'gre bar 'gyur zhes bya ba la sems
- 255b
can dmyal ba zhes bya ba ni dga' bar 'gyur ba'i dngos po med pa'i phyir dang/ gcig tu sdug bsngal ba'i phyir ro/ /der 'gro bar 'gyur ba ni ltung bar 'gyur zhes bya ba'i tha tshig go /legs par gsungs pa'i chos 'dul ba zhes bya ba la/ drang srong rnams kyi chos ni lam gyi mtshan nyid gang yin pa'o/ /'dul ba zhes bya ba ni kun tu spyod pa'i tshul la/ /spros te zhes bya ba ni bsdigs te'o/ /slong phor zhes bya ba ni gyo du ma 'am/ kham phor ro/ /rgyu ba zhes bya ba ni 'phyan pa'o/ /bzhin bzang zhes bya ba ni snyan pa'i tshig gis bod pa'o/ /chos gos zhes bya ba ni/ rab tu byung ba'i tshul dang mthun pa'i chos gos so/ /bsti gnas zhes bya ba ni rab tu byung ba'i 'dug nas so/ /mngon par shes pa lnga zhes bya ba ni rdzu 'phrul gyi yul dang/ lha'i rna ba dang/ sems kyi rnam grangs dang/ sngon gyi gnas rjes su dran pa dang/ 'chi 'pho dang/ skye ba shes pa'o/ /dul ba dang bcas pas zhes bya ba ni 'dun pa dang bcas pas so/ /dge ba'i rtsa ba zhes bya ba ni chags pa med pa la sogs pa'o/ /smon lam gyi dbang gis zhes bya ba ni smon lam gyi rgyus so/ /bskal pa bzang po zhes bya ba ni dus kyi bye brag ste/ de bzhin gshegs pa lnga brgya 'byung ba'i phyir bzang ba yin no/ /ston pa zhes bya ba ni ji lta ba bzhin du ston pa'i phyir ram/ gtan du ston pa'i phyir ro/ /kha cig na re gzhan gyi don la shes pas brtson pa mtshan nyid kyi ston pa yod pa'i phyir rgyu las 'bras bu btags pa ste/ gzhan gyi don shes brtson pa ste/ /de'i phyir thugs brtse ston pa yin/ /zhes bshad pa'i phyir ro/ zhes zer ro/ /ston pa ji lta bu zhig ce na de'i phyir de bzhin gshegs pa zhes bya ba la sogs pa gsungs so/ /rig pa dang zhabs su ldan pa zhes bya ba ni mi slob pa'i rig pa gsum dang/ mi slob pa'i lus kyi sdom pa dang/ dag gi sdam pa dang/ yang dag pa'i 'tsho ba'i spyod pa dag dang ldan pa'o/ /bde
- 256a
bar gshegs pa zhes bya ba ni kun tu gzigs pa la sogs pa'i spyod pa mdzes pas gshegs pa dang ldan pa'o/ /kha cig na re bkra shis pa dang yang mi ldog pa dang/ ma lus par gshegs pa'i phyir ram/ de kho na nyid dang/ brtan pa nyid dang/ lhag ma med pa'i bye brag mkhyen pa'i phyir ro/ /zhes kyang zer ro/ /'jig rten mkhyen pa zhes bya ba ni/ sems can 'khor ba thugs su chud pa'i phyir ro/ /kha cig na re 'jig rten zhes bya ba ni nye bar len pa'i phung po lnga la sogs pa'o/ /de dag mkhyen pa ni mi rtag pa la sogs pa ni ji lta ba bzhin du mkhyen pa ste/ thugs su chud ces bya ba'i tha tshig go /zhes zer ro/ /skyes bu 'dul ba'i kha lo sgyur ba bla na med pa zhes bya ba ni 'jam pa dang/ rtsub pa dang/ gnyi ga'i rang bzhin gyis 'dul ba rnam pa gsum gyi 'dul ba skyes bu lta bu dag phyin ci ma log par 'dul bar mdzad pa'i phyir ro/ /lha dang mi rnams kyi ston pa zhes bya ba ni yang dag pa ji lta ba bzhin du bden pa ston par mdzad pa'i phyir ro/ /nyi tshe ba'i ston pa ni ma yin pa ste/ 'di ltar mi dang/ lha dang bcas pa'i ston pa yin te/ ji skad du dge slong dag nga'i chos 'dul ba legs par gsungs pa gsal ba rnam par phye ba rgyu ba bcad pa ni lha dang mi'i bar dag la yang dag par rab tu bstan to/ /zhes gsungs pa yin no/ /'od srungs zhes bya ba ni 'od srung gi rigs las 'khrungs pa'i phyir ro/ zhes sgra grags so/ zhes bya ba ni sgra grags pa'o/ /'jig rten du byung ste zhes bya ba ni khams gsum pa'i 'gro ba thams cad du 'byung ba'o/ /bstan pa la zhes bya ba ni phan pa dang gnod pa nye bar bstan pa dang ldan pa bstan pa'i chos la'o/ /yon gnas zhes bya ba ni yon dbul bar 'os pa'o/ /bla na med pa zhes bya ba ni/ sems can thams cad kyi mchog go /
- 256b
bram ze'i khye'u bla ma la zhes bya ba la sogs pa la bram ze'i khye'u bla ma rab tu byung ba'i gtam ni gzhung 'di nyid las 'og nas 'byung ba'o/ /shAkya thub pa zhes bya ba ni byang chub sems dpar gyur pa na grong khyer du gshegs pa'i tshe/ shAkya gtum po rnams thub pa dag bzhin du 'khod pa'i phyir ram nyon mongs pa can gyi tshig mi gsungs pa'i phyir ro/ /shAkya'i seng ge zhes bya ba la/ shAkya zhos? bya ba ni mang pos bkur ba'i rgyud yin pa'i phyir ro/ /seng ge zhes bya ba ni mi 'jigs pa bzhin bsnyengs pa mi mnga' ba'i phyir ro/ /seng ge bzhin du bsnyengs pa mi mnga' ba ste/ mu stegs can gyi ri dags tshogs ma lus pa skrag par mdzad pa'i phyir ro/ /shAkya'i rgyal po gtso bo zhes bya ba ni shAkya'i rgyal po gang dag yin pa de dag gi gtso bo ste/ chos kyi rje yin pa'i phyir ro/ /rdzu 'phrul che ba zhes bya ba ni nyan thos thams cad las khyad par du 'phags pa'i rdzu 'phrul dang ldan pa'i phyir ro/ /mthu che ba zhes bya ba ni bsod nams dang ldan pa'o/ /byams pa'i bdag nyid can zhes bya ba ni byams pa thob pa'o/ /snying rje dang ldan pa zhes bya ba ni snying rje thob pa'o/ /sems can la byams pa zhes bya ba ni byams pa'i bsam pa dang ldan pa'o/ /nyon mongs pa zhes bya ba ni yon tan dang/ nor nyams pa ste/ dbul po zhes bya ba'i tha tshig go /tshegs chen pos zhes bya ba ni sdug bsngal bas so/ /'tsho ba zhes bya ba ni 'tsho ba'i thabs so/ /'di ltar zhes bya ba ni rnam pa 'di ltar ro/ /rab tu 'byung bar 'dod pa zhes bya ba ni rab tu 'byung ba don du gnyer ba'o/ /rgyun chad cing dus la bab ces bya ba ni ris mthun pa spangs pas shi ba yin gyi skad cig gis zhig pa'i phyir ni ma yin no/ /kye ma zhes bya ba ni thugs brtse ba'o/ /dge 'dun thams cad ces bya ba'i tshig ni dkyil 'khor sa phyogs gcig gi dge 'dun 'dus pa dgag pa'i don to/ /'di skad bstan te mtshams de na dge slong ji snyed gnas pa de dag thams
- 257a
cad las kyi gnas der lhags pa yin pas de'i phyir dge 'dun thams cad ces bya ba'o/ /'dus pa na zhes bya ba ni tshogs pa na'o/ /cha lugs 'di bzhin byas zhes bya ba ni rab tu 'byung ba dang/ rdzogs par bsnyen par 'dod pa des chos 'di rab tu 'byung ba dang/ rdzogs par bsnyen pa'i cha lugs ci 'dra ba de bzhin byas pa ste/ gang gi skra dang/ kha spu dag bregs shing chos gos gsum bgos par gyur pa de'i tshe na/ cha lugs 'di bzhin byas zhes bya'o/ /rgan rims la zhes bya ba dge 'dun la rabs gnyis te/ gzhon rims dang/ rgan rims yod pas/ dge slong rgan pa rnams kyi rabs ni rgan rims te/ der phyag 'tshal du bcug te zhes bya ba'i tha tshig go /phyag 'tshal du bcug ste zhes bya ba ni bcom ldan 'das kyis dge slong rnams kyi phyag gnyis gnang ste/ yan lag lngas phyag 'tshal ba dang/ sgyid pa nas 'khyung pa zhes bya ba gsungs pa las 'dir ni yan lag lngas phyag 'tshal tu bcug ste zhes bya ba'i tha tshig go /thal mo sbyar nas zhes bya ba ni de thal mo sbyor ba'i tshul dang ldan par byas nas so/ /tsog tsog por 'dug tu bcug ste/ zhes bya ba ni tsog bus 'dug du bcug pa ste/ stan la mi bzhag par pus mos gnyis gyen du tsog tsog por gyur pas 'dug tu bcug ste'o/ /lan gsum gsol ba 'debs su bcug nas zhes bya ba ni gsol ba gdab pa'i tshig 'og nas 'byung ba ni lan gsum zlos su bcug nas te/ rang gi don du sngags brjod pas thams cad ni/ lan gsum du gnas so/ /zhes gsungs pa'i phyir ro/ /gsol ba byas te las bya'o/ zhes bya ba ni gsol ba dang bzhi'i las kyis cig car rab tu 'thung ba dang/ rdzogs par bsnyen pa nye bar bsgrub par bya ba'o/ /las gang la las brjod pa gsum dang gsol ba dang bzhi byed pa de ni/ gsol ba dang bzhi'i las
- 257b
yin no/ /'di skad brjod par byas ste zhes bya ba ni lan gsum gsol ba 'debs so gzhug pa'i tshig yin no/ /dge 'dun zhes bya ba ni spyi la bong ba'o/ /btsun pa rnams zhes bya ba ni so so nas sems gtong du zhugs pa'i phyir bod pa'o/ /gsan du gsol ba zhes bya ba ni rna ba gtong cig ces bya ba'o/ /bdag ming 'di zhes bgyi ba zhes bya ba ni bdag nyid nye bar ston par byed pa'o/ /thugs brtse ba zhes bya ba ni gang gi phyir dge 'dun sdug bsngal gyi 'dam bu bying ba rnams yongs su skyob par mdzad pa de'i phyir thugs brtse ba can yin no/ /thugs brtse ba'i slad du zhes bya ba ni thugs brtse ba sngon du btang nas te/ lan du phan 'dogs pa'i blos ni ma yin no/ zhes bya ba'i tha tshig go /bdag ces bya ba ni sdom pa 'dod pa nyid du bstan to/ /rab tu 'byung du gsol/ rdzogs par bsnyen par mdzad du gsol zhes bya ba ni dge 'dun la bskul ba bstan to/ /gsol ba byas te zhes bya ba ni dge 'dun la go bar byas te'o/ /las bya'o/ zhes bya ba ni gsol pa dang/ bzhi'i las bya ba'o/ /dus la bab cing zhes bya ba ni rigs pa'i tshul yin zhing ngo/ /bzod na zhes bya ba ni/ rab tu byung ba dang/ rdzogs par bsnyen par bya ba'i rigs pa'i tshul yin par gnang na ste/ 'dod na zhes bya ba'i tha tshig go /dge 'dun gyi gnad bar mdzod cig dang/ zhes bya ba ni rigs par gnang na de'i phyir dge 'dun gyis gnang bar mdzod cig ces bya ba ste/ 'dis ni lam byed pa go bar bstan to/ /bzod pa de dag ni zhes bya ba ni 'dod pa de dag ni'o/ /cang ma gsung zhig ces bya ba ni cang mi smra bas dang du long zhig ces bya ba'o/ /gang dag mi bzod pa de dag gsungs shig ces bya ba ni gang dag mi 'dod pa de dag gis ni mi rung ngo/ zhes gyis shig ces bya'o/ /las brjod pa zhes bya ba ni las kyi skabs kyi don brjod pa ste/ bzlas pa zhes bya ba'i tha tshig go /dge 'dun gyis bzod cing gnang nas zhes bya ba la sogs pa ni mjug bsdu ba'i
- 258a
tha tshig yin no/ /de ni sngon gyi cho ga'o/ zhes bya ba ni de ltar cho ga bas sngar cho ga rigs pa rnam pa de lta bu byung ngo/ zhes bya ba'i tha tshig go /'dir la la dag 'di skad ces gal te/ sngon gyi cho gas rab tu 'byung ba dang/ rdzogs par bsnyen par 'gyur pa'i rgyu'i dngos po bsgrub par 'gyur na ni da ltar gyi cho gas ci bya/ gal te da ltar gyi cho ga kho nas rgyu'i dngos po sgrub par 'gyur na yang/ sngon cho gas ci bya ste/ gcig kho nas bya ba'i phyir ro zhe na/ de la nyes pa med do/ /gnyi ga yang rgyu'i dngos po sgrub par 'gyur ba yin mod gyi/ 'on kyang gdul ba'i sems can gyi bye brag las cho ga gnyis rnam par bzhag ste/ 'di ltar dang po? mngon par rdzogs par byang chub pa'i dus kyi tshe na ni sems can rnam par dag pa she stag byung bas 'dul ba'i rim pa la mi bltos shing mkhan po dang/ slob dpon la sogs pa la ma bltos par tshegs chung ngu kho nas/ bcom ldan 'das kyi bka' rdzogs par byed pa dang/ de dag bsod nams byas pa yin pas nad med pa dang/ ci ste de dag las nad cig 'byung du zin yang de dag gis nad g.yog la sogs pa rnyed par 'gyur ro/ /da ltar de lta bu'i rgyu rnam par dag pa dag med pas des na da ltar gyi cho ga rnam par bzhag go /mkhan po dang slob dpon med pas zhes bya ba ni dge 'dun gyis rab tu phyung zhing rdzogs par bsnyen pa'i phyir de dag la mkhan po dang slob dpon med pas so/ /legs par ma sbyangs pa zhes bya ba ni sham thabs legs par ma sbyangs pa'o/ /legs par ma bgos pa zhes bya ba ni stod kyi chos gos legs par ma gos so/ /sgra mthon po zhes bya ba ni sgra gcig gi rgyun 'byin pa'i phyir ro/ /sgra chen po zhes bya ba ni sgra mang po dag 'byin pa'i phyir ro/ /yang sgra mthon po zhes bya ba ni sgra'i gsang mthon pos so/ /sgra chen po zhes bya ba ni ku tso'i sgras
- 258b
so/ /rgod bag gi spyod lam gyis zhes bya ba ni nye bar ma zhi bar 'gro ba dang ldog pa la sogs pa'i bya bas so/ /khyim bdag gi khyim dag tu zhes bya ba ni khyim dag gi mchod ston nas khyim bdag gi rje dpon dag gi gan du'o/ /bstan pa dang 'gal ba zhes bya ba ni bstan pa dang mi mthun pa'o/ /gzhan dag ces bya ba ni gshe ba dang brdeg pa la sogs pa'o/ /shAkya'i bu'i dge sbyong zhes bya ba ni bcom ldan 'das kyi slob ma nyid du khas blangs ste/ chos kyi sras nyid du nye bar brtags pa'i phyir ro/ /mgo reg ces bya ba ni gtsug pud bregs pas nye du rnams kyis nye du'i bral nas phyung ba'i phyir te/ 'jig rten na smad pa zhes bya ba'i tha tshig go /bsod snyoms zhes bya ba ni zas so/ /sbyin pa zhes bya ba ni gsos byas pa'i ngo bo nyid yongs su btang ba'o/ /bya ba zhes bya ba ni de'i phyir g.yos gzhan bya ba'o/ /smod par byed ces bya ba ni ming nas 'byin cing nyes pa sgrogs pa'o/ /'phyar ka gtong bar byed ces bya ba ni gzhogs kyis snyad 'dogs pas so/ /kha zer bar byed ces bya ba ni spyo bar byed pa'o/ /gcig gis gcig bsdu ba'i phyir zhes bya ba ni pha dang bu'i tha snyad kyis gcig gis gcig la byams pa bskyed pa'i phyir ro/ /dge tshul gyi slob dpon zhes bya ba ni dge tshul gyi sdom pa byin pa'i phyir ro/ /skyabs su 'gro ba zhes bya ba la/ skyabs zhes bya ba ni 'dir thar pa dang/ lam thob par bya ba'i rten du gyur pa dkon mchog gsum zhes bya ba'i dngos po'o/ /skyabs su 'gro ba zhes bya ba ni skyabs de la skyabs su 'gro ba ste/ skyabs 'jug pa'o/ /bslab pa'i gzhi dag zhes bya ba la/ bslab pa zhes bya ba ni bslab par bya bas bslab pa ste/ nyon mongs pa spong ba'o/ /gzhi dag ces bya ba ni gnas dang rten ces bya ba'i tha tshig ste/ 'di ltar de la rnam par gnas na mya ngan las 'das pa 'thob pa'i phyir ste/ ji skad du mkhas pa tshul la gnas byas ste/ /sems dang shes rab sgom byed pa/ /brtun ldan rtag tu 'grus byed pa'i/ /dge slong sdug bsngal
- 259a
zad pa 'thob/ /ces tshigs su bcad pa gsungs pa'i phyir ro/ /yang na bslab par bya ba'i gzhi ni bslab pa'i gzhi ste/ srog gcod pa spong ba la sogs pa'o/ /gsangs te ston pa zhes bya ba ni dben pa stong pa'i phyogs su bar chad kyi chos dris pa'i phyir ro/ /gsangs te ston pa zhes bya ba ni/ dben par bkar te bar chad kyi chos dris pa'o/ las byed pa zhes bya ba ni rdzogs par bsnyen pa'i tshe gsol ba dang bzhi'i las byas pa'o/ /bzhi'i las bya ba ni bya ba gang la las brjod pa gsum dang/ gsol ba dang bzhi byed pa'o/ /gnas sbyin pa'i slob dpon zhes bya ba ni gnas sbyin par byed pa ste/ de la gnas pas dge ba'i tshogs 'phel ba'i phyir ro/ /zhag gcig tsam yang gnas pas 'dug pa zhes bya ba ni mtshams gcig gi nang du gnas gcig pa nyid kyi phyir/ zhag cig tsam yang de'i drung du 'dug pa ste/ yang zhes bya ba'i sgra ni mdza' bstan pa yin no/ /klog pa'i slob dpon zhes bya ba ni gtsug lag gi tshig klog tu 'jug pa'o/ /tshig bzhi pa'i tshigs su bcad pa tsam yang lan gsum bzlas te/ gzung ba zhes bya ba la/ tshig bzhi zhes bya ba ni gzhung gdan tshig bzhi yod pa ste/ dper na sdig pa thams cad mi bya ste/ zhes bya ba ni tshig gcig yin/ dge ba phun sum tshogs par bya/ zhes bya ba ni tshig gnyis pa yin/ rang gi sems ni yongs su gdul zhes bya ba ni tshig gsum pa yin/ 'di ni sangs rgyas bstan pa yin/ zhes bya ba ni tshig bzhi pa yin pa lta bu'o/ /tshigs su bcad pa 'di ni de'i tshad dang mnyam pa'i gzhung rkyang pa'i dbe yin par bstan pa'i phyir tshigs su bcad pa zhes bya ba gsungs te/ tshig bzhi pa'i tshigs su bcad pa yang rung/ de dang tshad mnyam pa tsam gyi gzhung rkyang ba yang rung ngo/ zhes bya ba'i tha tshig ste/ 'dir de nyid yang gtsug lag gi gzhung yin par
- 259b
shes par bya'o/ /lan gsum bzlas te zhes bya ba ni lan gcig dang/ lan gnyis kyis ni bzlas pa'i mthar phyin kyang/ rdzogs pa ma yin pas slob dpon du mi 'gyur gyi/ lan gsum bzlas na klog pa mthar thug pa yin pas des na slob dpon du gyur pa yin no/ /de ltar yang bcom rlag du yang dag par sdud pa las kyang klog pa'i slob dpon gang zhe na/ gang las tshig bzhi pa'i tshigs su bcad pa tsam yang lan gsum bzlas te/ bzung ba yin no/ zhes 'byung la/ da ltar gyi gtsug lag las kyang de skad 'byung bas sngon gyi 'dul ba 'dzin pa dag gi lugs mthun te/ tha na tshig bzhi pa'i tshigs su bcad pa dang/ de tsam gyi gzhung rkyang ba yan chad nas/ gzhung mang po mdza' yas pa'i bar dag lan gsum bzlas na de klog pa'i mthar thug pa yin pas/ de na slob dpon du gyur pa yin gyi lan gnyis bzlas pas mi 'gyur ro/ /gzung ba zhes bya ba ni klog pa'i slob dpon gyis smras pa zlos par byed pas rjes su bzlas pa yin no/ /klog pa'i bsam ba med pas brjod pa ni klog pa nyid ma yin pa slob dpon du mi 'gyur ro/ /rab tu 'byin par byed pa gang yin pa dang/ rdzogs par bsnyen par byed pa gang yin pa zhes bya ba ni gang zag gcig gis de gnyis ka byas na yang de mkhan po yin la/ gang zag gnyis kyis byas na yang de gnyis ka mkhan po yin no// //bam po drug pa/ /des zhes bya ba ni/ dang po'i mkhan por gyur pa nges so/ /de la bar chad kyi chos rnams dris nas zhes bya ba la/ 'dir bar chad kyi chos rnams zhes bya ba ni ma bsad pa la sogs pa yin par 'dod de/ rab tu 'byung ba la bar du gcod par byed pa'i phyir ro/ /bar chad kyi chos rnams ni rnam pa gnyis te/ kha cig ni sdom pa skye ba la bar chad byed pa ste/ 'di lta ste/ ma bsad pa la sogs pa'o/ kha? cig? ni mdzes pa nyid la rab
- 260a
tu gcod pa ste/ 'di lta ste lag rdum? la sogs pa'o/ /gzhan yang bar chad kyi chos rnams ni rnam pa gnyis te/ kha cig ni lta ba'i rnam pa ste/ 'di lta ste mu stegs can ma yin nam zhes bstan pa la sogs pa'o/ /kha cig ni bya ba te/ 'di lta ste rgyal pos bkabs pa ma yin nam zhes bya ba la sogs pa'o/ /de dag kyang rab tu byung ba'i gzhi 'di nyid bsdu bar bya ba'i skabs dang/ des 'phangs pa phran tshegs la sogs pa ma gsungs pa thams cad go rim bzhin du dri bar bya'o/ /dris nas gzung bar bya'o/ zhes bya ba ni dris nas yongs su dag pa la/ skabs dbye bar bya ba ste/ gal te dge slong 'ga' zhig gi gan du rab tu 'byung bar 'dod pa zhig 'ong zhing/ rab tu 'byung bar gsol na/ de'i tshe dge slong des de la bar chad kyi chos rnams dri bar bya ste/ gal te bar chad de dag med na de'i 'og tu yongs su dag pa de la dang po'i mkhan por 'gyur ba nyid kyis ngas khyod rab tu dbyung ngo/ zhes skabs dbye zhing khas blangs par bya ba'o/ /'di skad ces brjod par bya ste/ zhes bya ba ni tshig 'di skad ces brjod du gzhug par bya ba'o/ /btsun pa zhes bya ba ni bod pa'o/ /dgongs su gsol zhes bya ba ni sems gtong cig ces bya ba'o/ /bdag ming 'di zhes bgyi ba zhes bya bas ni bdag nyid nye bar ston par byed do/ /dus 'di nas gzung ste zhes bya ba ni dus gang gi tshe gsum la skyabs su 'gro ba dang/ sdom pa len par brtsom pa'i dus 'di nas btsams te'o/ /ji srid 'tsho'i bar du zhes bya ba ni/ ji srid ris mthun pa ma spangs kyi bar du'o/ /rkang gnyis rnams kyi mchog ces bya ba ni rang? dang gzhan gyi don phun sum tshogs pa'i mtshan nyid kyi yon tan dag dang ldan pa'i phyir/ sems can thams cad las khyad du 'phags pa'o/ /sangs rgyas la zhes bya ba ni mi slob pa la ste/
- 260b
sangs rgyas su byed pa zad pa dang/ mi skye ba shes pa la'o/ /skyabs su mchi'o/ zhes bya ba ni sdug bsngal las yongs su bskyab pa'i phyir rten nyid du khas blang pa'o/ /'dod chags dang bral ba rnams kyi mchog ces bya ba ni 'jig rten pa'i lam gyis 'dod chags dang bral ba rnam pas zag pa med pa'i lam 'thob pa'i phyir dang/ yongs su mi nyams pa'i phyir dang/ dge ba dang rtag pa'i phyir mchog go /chos la zhes bya ba ni mya ngan las 'das pa'o/ /tshogs rnams kyi mchog ces bya ba ni rab tu 'byung ba dang/ rab tu ma byung ba'i tshogs rnams pas mi phyed pa'i phyir dang/ bsod nams kyi zhing bla na med pa yin pa'i phyir mchog go /dge 'dun la zhes bya ba ni/ slob pa dang mi slob pa la ste/ dge 'dun du byed pa la'o/ /de ltar 'dis ni mya ngan las 'das pa'i bsam pa brtan po med par sdom pa mi skye bas skyabs su 'gro bas mya ngan las 'das pa'i bsam pa brtan po sgrub par byed de/ ji ltar zhe na/ rkang gnyis rnams kyis mchog /sangs rgyas la skyabs su mchi'o/ zhes bya ba 'dis ni lam nye bar ston par mdzad pa la yang dag par brten par byed/ 'dod chags dang bral ba rnams kyi mchog /chos la skyabs su mchi'o/ /zhes bya ba 'dis ni chos kyi mchog mya ngan las 'das pa la yang dag par brten par byed/ tshogs rnams kyi mchog /dge 'dun la skyabs su mchi'o/ /zhes bya ba 'dis ni mya ngan 'das pa'i grong khyer du 'gro ba'i zla grogs la yang dag par brten par byed pa'i phyir te/ de ltar skyabs su 'gro bas ni mya ngan las 'das pa'i bsam pa brtan po sgrub par byed la/ mya ngan las 'das pa'i bsam pa brtan pos ni sdom pa 'thob par 'gyur bar shes par bya'o/ /bdag ji srid 'tsho'i bar du dge bsnyen du btsun pas gzung du gsol zhes bya ba ni dge bsnyen nyid du khas blangs pa yin no/ /de la dge bsnyen zhes bya ba ni/ dkon mchog gsum
- 261a
la bsnyen bkur byed pa'i phyir dang/ dge ba'i chos la bsnyen bkur byed pa'i phyir dang/ bslab pa'i gzhi ji skad gsungs pa dag /yongs su srung bar byed pa'i phyir ro/ /btsun pas gzung du gsol/ zhes bya ba ni thugs su chud par mdzod cig gi ces bya ba'o/ /de bzhin du lan gnyis lan gsum du bzlas/ zhes bya ba ni lhag por ma gtogs pa rang gi don gyi sngags brjod pa ni lan gsum mo/ zhes 'byung bas 'dir gsum la skyabs su 'gro ba dang/ dge bsnyen nyid du khas blangs pas/ dge bsnyen gyi sdom pa sbyin pa yang lan gsum brjod dgos pas/ ji ltar brjod pa dang po sngar bstan pa de bzhin du brjod pa gnyis pa dang/ brjod pa gsum pa yang brjod par bya'o/ /zhes bya ba'i tha tshig go/ tshig gsum pa la slob dpon gyis shes brjod par bya'o/ /zhes bya ba ni btsun pas gzung du gsol/ zhes bya ba ni brjod pa dang po dang/ gnyis pa la ni btsun pas gzung du gsol/ zhes brjod par bya'i brjod pa gsum pa la ni btsun pas zhes mi bya bar slob dpon gyis gzung du gsol zhes brjod par bya ba'o/ /de ci'i phyir zhe na/ de'i dus ni slob dpon du yang 'gyur la/ slob mas kyang sdom pa thob pa'i phyir ro/ /de yang dge bsnyen nyid du nye bar bsgrub pa la sogs pa'i don grub na slob dpon de nyid la sogs par gyur pa nyid ni brjod pa tha ma gang yin pa'i cha gsum pa la grub pa nyid yin pas/ brjod pa dang po dang/ gnyis pa la ni dge bsnyen nyid du yang ma grub la/ slob dpon nyid yang ma gyur pas btsun pas gzung du gsol zhes brjod par bya'o/ /brjod pa tha ma gang yin pa'i cha gsum pa la ni dge bsnyen nyid du grub cing/ slob dpon nyid du yang gyur pas de'i phyir slob dpon gyis gzung du gsol zhes brjod par bya'o/ /'di ltar dge bsnyen gyi sdom pa sbyin pa'i
- 261b
dus na/ don gyi mtshams gnyis te/ skyabs su 'gro ba dang/ dge bsnyen nyid du khas blangs pa yin mod kyi/ 'on kyang cha gsum du bya bar nus te/ skyabs su 'gro ba ni cha gcig go /bdag ji srid 'tsho'i bar du dge bsnyen nyid du zhes bya ba ni cha gnyis pa'o// slob dpon gyis gzung du gsol/ zhes bya ba ni cha gsum pa'o/ /'o na brjod pa tha ma gang ba'i cha gsum pa'i dus de yang gang yin par shes par bya zhes na/ bdag ji srid 'tsho'i bar du dge bsnyen du zhes bya ba'i 'og tu slob dpon gyis zhes bya ba'i sgra brjod pa'i gong du zhes bya ba'i tha tshig go /de lta bas na de'i 'og tu slob dpon gyis gzung du gsol zhes brjod par bya'i/ btsun pas gzung du gsol zhes brjod par mi bya'o/ /dge tshul nyid du nye bar sgrub pa la sogs pa las thams cad la yang cho ga 'di bzhin du blta bar bya'o/ /slob dpon gyis thabs yin no/ zhes brjod par bya'o/ /zhes bya ba ni gal te gang zag gis rang don du brjod na/ gsol ba btab pas mjug du thabs yin no/ /zhes brjod par bya'o/ zhes gsungs pa'i phyir te/ gal te gang zag gis rang gi don tsam brjod pa'i phyir brjod na gsol ba btab pa'i gang zag gis de sngags brjod du bcug pa'i mjug du thabs yin no/ zhes brjod par bya'o/ /thabs las byung ba ni thabs yin te/ khyod kyis de ltar byas pa ni don de bsgrub pa'i thabs yin no/ zhes bya ba'i tha tshig go /dge bsnyen gyis legs so/ zhes brjod par bya'o/ zhes bya ba ni/ de'i rjes de la cig shes kyis legs so/ zhes brjod par bya'o/ zhes gsungs pa'i phyir te/ gsol ba btab pa'i gang zag de thabs yin no/ zhes brjod pa de'i rjes la gsol ba 'debs par byed pa'i gang zag cig shos kyis legs so/ zhes brjod par bya ba'o/ /thabs yin no/ zhes gang smras pa de legs te/ de ni thabs yin no/ zhes bya ba'i tha tshig go /rab tu 'byung ba la sogs
- 262a
pa gang zag gis rang gi don du brjod pa thams cad la yang cho ga 'di bzhin lta bar bya'o/ /de ltar na dge bsnyen nyid du khas len du bcug nas de'i 'og tu ci bya zhe na/ de'i 'og tu bslab pa khas blang ba'i tshul gyis bya'o/ /zhes gsungs te/ de'i 'og tu zhes bya ba ni dge bsnyen nyid du khas blang ba'i cho ga brjod ma thag pa de'i 'og tu'o/ /bslab pa brjod pa zhes bya ba ni bslab pa'i brjod pa ni bslab pa brjod pa ste/ dge bsnyen rnams kyi bslab pa'i gzhi la'o/ /'di skad bstan te/ bdag ji srid 'tsho ba'i bar du dge bsnyen du slob dpon gyis gzung du gsol zhes bya ba'i tshig de'i 'og tu de nyid la bslab pa'i gzhi gang dag yin pa de dag brjod par bya'o/ /ji ltar de ci bya ba'i tshul gyis 'di dang 'di spong ngo/ zhes sam 'on te dgag pa'i tshul gyis 'di dang 'di mi bya'o/ /zhes she na/ de'i phyir khas blang ba'i tshul gyis bya'o/ /ces gsungs te/ bya ba'i tshul gyis bya'o/ /'di ltar bya ste/ zhes bya ba la sogs pa la/ 'phags pa zhes bya ba ni sdig pa mi dge ba'i chos rnams las ring du gyur pa'i phyir ro/ /de dag gang zhe na/ de'i phyir dgra bcom pa de dag ces bya ba gsungs te/ des na ji ltar 'phags pa dgra bcom pa de dag gis sems can thams cad la thugs brtse ba nyid dang/ sems can thams cad la dmigs pa dang spong ba'i dgongs pas/ ji srid 'tsho'i bar du srog gcod pa spangs te/ srog gcod pa las slar log pa de bzhin du bdag gis kyang de ltar bgyi'o/ zhes bya ba'i tha tshig go /srog gcod pa zhes bya ba ni ched du bsams te/ srog gi skad cig ma ma 'ongs pa rnams kyi rgyun gcod cing 'jig par byed pa'o/ /spangs te zhes bya ba ni yang dag par len pa'i dus na/ srog chags gsod pa yid kyis btang ste'o/ /srog gcod pa las slar log pa zhes bya ba ni dus phyis kyang lus dang/ ngag dang/ yid
- 262b
gis phyir log par gyur pa'o/ /yan lag dang po 'dis zhes bya ba ni/ mya ngan las 'das pa 'thob pa'i rjes su mthun pa'i srog gcod pa spangs pas te/ tshul khrims ni mya ngan las 'das pa 'thob pa'i rgyu yin pa'i phyir ro/ /rjes su bslab po/ zhes bya ba ni ji ltar de dag thar pa'i dgongs pas/ bslab pa slob pa de bzhin du bdag kyang de dag gi bslab pa la rjes su bslab po zhes bya ba'i tha tshig go /rjes su sgrub po zhes bya ba ni thar pa'i bsam pas zhugs pas sems can la yang gnod pa mi bya bar bsgrub pa'o/ /rjes su bgyid? do/ zhes bya ba ni bcom ldan 'das kyis gsungs pa'i bslab pa'i gzhi rnams srog dang bsngo zhing yongs su srung bar byed pa'o/ /ma byin par len pa zhes bya ba ni gzhan gyi rdzas bdag gir byed pa'o/ /'dod pa la log par g.yem pa zhes bya ba ni bgrod pa ma yin pa dang/ yan lag ma yin pa dang/ yul ma yin pa dang/ dus ma yin pa dag tu smad pa'i 'dod pa bsten pa'o/ /rdzun du smra ba zhes bya ba ni bslu ba'i phyir gzhan du ston pa'o/ /'bru'i chad zhes bya ba ni bas kyi chad do/ /bcos pa'i chad zhes bya ba ni rdzas kyi ched do/ /de gnyis kyis kyang myos par 'gyur ba zhes bya ba ni ra ro bar 'gyur ba'i rdzas so/ /bag med pa'i gnas zhes bya ba ni 'bru'i chad dang/ bcos pa'i chad gi mtshan nyid de/ bag med pa zhes bya ba'i don ni nyams la don ma yin pa ni 'phel ba'o/ /de'i gnas zhes bya ba ni de'i rgyu zhes bya ba'i tha tshig go /dge bsnyen gyi sdom pa byin pa'i 'og tu ji ltar rab tu dbyung bar bya zhe na/ de'i phyir de'i 'og tu gang gis de zhu bar byed pa'i dge slong la gtad par bya'o/ zhes bya ba gsungs te/ dge slong gang gi rab tu 'gyur bar 'dod pa de dge 'dun la zhu bar byed pa'i dge 'dun la gtad par bya ste/ 'di dge 'dun la zhus shig ces bya ba'i tshig gis bkri bar bya'o/ zhes bya ba'i tha tshig go /'di zhu bas ci zhig bya zhe na/ de'i phyir zhu ba'i dge slong gis
- 263a
khyod kyi chos rnams dris sam/ zhes dri bar bya'o/ zhes bya ba gsungs te/ gang gis dge bsnyen nyid du nye bar bsgrub pa'i dge slong la dri bar bya'o/ /'gal tsha bas can zhes bya ba ni/ nyes pa dang bcas pa ste/ nyes byas kyi ltung ba dang ldan zhes bya ba'i tha tshig go /de'i 'og tu zhu ba'i dge slong gi zhu bar bya'o/ zhes bya ba ni bar chad kyi chos rnams dag na zhu bar bya'o/ /gnas mal bsham pa byas nas/ zhes bya ba ni stan dag go rim bzhin du bting nas so/ /gaN+Di brdungs te/ zhes bya ba ni dge 'dun bsdu ba'i phyir ro/ /dris pa'i tshig gis zhes bya ba ni gaN+Di brdungs pa na gzhan dag gis ci'i phyir gaN+Di de brdungs zhes dris pa'i lan du de dang mthun pa'i tshig brjod pa ni/ dris pa'i tshig ste des so/ /dge slong rnams la yang dag par bskul nas/ zhes bya ba ni dge slong rnams bsdu ba'i phyir bsgo nas so/ /'dug cing zhes bya ba ni nye bar zhugs pa'o/ /mthun par gyur/ zhes bya ba ni bya ba mthun pa nyid du gyur pa'o/ /gnas khang so so na 'khod pa zhes bya ba ni gnas khang so so so so na gnas pas 'khor pa'o/ /gnyis kar yang rung zhes bya ba'i sgra smos pa ni rnam pa gnyis kar bstan pa'i tshig te/ rnam pa 'dis zhung yang rung la/ /rnam pa 'dis zhur yang rung ba'o/ /'di skad bstan te/ dge 'dun thams cad phyogs gcig tu 'dus par gyur pa de'i tshe zhur yang rung/ yang na gang gi tshe dge 'dun du gyur pa'i dge slong dag rang rang gi gnas gang na gnas pa'i tshe gnas khang so sor song ste/ de dag gi mdun du zhur yang rung ngo/ /zhes bstan to/ zhu bar byed pas 'di skad ces brjod par bya ste/ zhes bya ba ni zhu bar byed pa'i dge slong gis sngags 'di brjod par bya ba yin gyi/ /rab tu 'byung bar 'dod pas bzlas par ni mi bya'o/ /khyim pa zhes bya ba ni khyim ma spangs pa ste/ de la khyim yod pa'i phyir ro/ /ming tsam gyi khyim yin nam zhe na/ de'i phyir gos
- 263b
dkar po can/ zhes bya ba gsungs te/ gos dkar go gyon pa'o/ /yang na khyim pa zhes bya ba ni/ bstan pa'i tshig yin la gos dkar po can zhes bya ba ni bshad pa'i tshig yin no/ /gang dag gi mdun du zhu bar bya ba de dag gi chog gang yin pa de bstan pa'i phyir/ de dag thams cad kyis gal te yongs su dag na'o/ zhes brjod par bya'o/ zhes bya ba gsungs te/ dge 'dun du gyur pa'i dge slong ma lus pa de dag thams cad kyi gal te rab tu 'byung bar 'dod pa de bar chad kyi chos rnams yongs su dag par gyur na de'i rab tu 'byung bar bya'o/ zhes bya ba'i tha tshig go /de'i 'og tu mkhan por gsol bar bya'o/ zhes bya ba ni zhus pa'i 'og tu rab tu 'byung bar 'dod pas mkhan por gsol bar bya ba'o/ /'di skad ces brjod par bya ste/ zhes bya ba ni slob ma zlos su gzhug pa'o// bdag ming 'di zhes bgyi ba zhes bya ba ni bdag nyid nye bar bstan pa'o/ /tshig gsum la mkhan pa'o/ zhes brjod par bya'o/ zhes bya ba ni de'i tshe na khas blangs pa'i bdag nyid kyi mkhan por gyur pa'i phyir ro/ /'dir mkhan por 'gyur ba ni mkhan por gsol ba khas blangs pa na der gyur pa yin te/ ji srid du dge tshul nyid du mi byed pa'am/ ji srid du rdzogs par bsnyen par mi byed kyi bar du mi 'gyur ba ma yin no/ /de'i 'og tu gang gis de'i skra dang kha spu dag 'breg par byed pa'i dge slong la bcol bar bya'o/ zhes bya ba ni mkhan por bskos pa'i 'breg mkhan gyis skra dang kha spu dag 'breg par byed na de ltar na yang nyes pa med par bstan pa yin gyi/ nus na mkhan po nyid kyis breg par bya ba yin no/ /gtsug phud bzhag par bya zhes bya ba ni dgos pa ni rab tu 'byung bar 'dod pa'i rab tu 'byung bar nges pa yin na ma zhes dri bas yongs su shes par bya ba'i phyir ro/ /de'i gtsug pud gang gi tshe breg par bya zhe na/ de'i phyir gtsug pud breg gam zhes dri bar bya zhing gal te bregs shig ces zer na
- 264a
breg par bya'o/ /de'i 'og tu khrus byed du gzhug te zhes bya ba ni rab tu 'byung bar 'dod pa de skra dang kha spu bregs pa'i 'og tu dus dang mthun pa'i chus khrus byed du gzhug go /zhes bya ba'i tha tshig go /de'i 'og tu mkhan pos gos ngur smrig ngag sbyin par bya zhes bya ba ni khrus byas pa'i 'og tu mkhan pos rab tu 'byung ba de la rab tu 'byung ba'i tshul dang mthun pa'i tshon gyis kha sgyur ba'i gos dag sbyin par bya ba'o/ /des kyang rkang pa gnyis la gtugs te blang bar bya'o/ /zhes bya ba ni rab tu 'byung bar 'dod pa des kyang mkhan po la phyag btsal te/ gos de dag blang bar bya ba'o/ /de'i 'og tu mkhan pos bskon par bya zhes bya ba ni mkhan po rang gis rab tu byung bar 'dod pa de la gos de dag bskon par bya ba'o/ /bskon pa na mkhan po rab tu 'byung bar 'dod pa des mtshan med pa 'am/ mtshan gnyis pa 'am gle 'dams pa ma yin nam zhes brtag par bya'o/ zhes bya ba ni za ma dang/ ma ning dang/ mtshan med pa dang/ mtshan gnyis pa dang/ gle 'dams pa la sogs pa'i skyon yongs su spang ba'i phyir ro/ /mtshan med pa zhes bya ni dbang po med pa'o/ /mtshan gnyis pa zhes bya ba ni pho dang mo'i dbang po gnyis ka yod pa'o/ /gle 'dams pa zhes bya ba ni bshad pa dang gci ba'i lam gnyis gcig tu gyur pa'o/ /mtshor bar brtag par bya'o/ /zhes bya ba ni ci nas kyang rab tu 'byung bar 'dod pa des bdag gi mtshan mkhan pos mthong ngo/ /snyam du mi shes pa de ltar brtag par bya'i/ sgren par phung ste ni ma yin no/ /rab tu dbyung ba'i dus kho nar mtshan brtag par nges pa ni ma yin no/ /'di ltar gang tshun chad kho bos rab tu dbyung ngo/ /zhes mkhan po nyid du khas blangs pa de tshun chad nas sham thabs bskon pa'i bar dag bzung ngo/ /mkhan po rang kho nas nges par bya ba yang ma yin te/ gal te dge slong yid ches pa las de byas pa de las mkhan pos thos par gyur na yang las
- 264b
mkhan po nyid kyi byas pa yin par khong du chud par bya'o/ /de'i 'og tu skyabs su 'gro ba rtsom pas rab tu 'gyur ba nye bar bsgrubs par bya ba'o/ zhes bya ba ni de ltar rab tu 'byung bar 'dod pa za ma la sogs pa'i skyon dang bral bar shes nas de'i 'og tu rab tu 'byung ba nye bar bsgrub par bya'o/ /ji ltar nye bar bsgrub par bya zhe na/ skyabs su 'gro ba rtsom pa ste/ rab tu 'byung bar nye bar bsgrub pa de'i dang po rtsom pa de ni skyabs su 'gro ba rtsom pa ste/ 'di skad bstan te/ dang po skyabs su 'gro ba sbyin par bya zhing phyis rab tu 'byung ba yang dag par len du gzhug go /'di skad ces brjod par bya ste zhes bya ba ni/ mkhan pos zlos su gzhug par bya ba'o/ /khyim pa'i rtags zhes bya ba ni gos dkar po gyon pa dang skra dang kha spu ring por 'jog pa la sogs pa'o/ /rab tu 'byung ba'i rtags zhes bya ba ni gos ngur smrig gyon pa dang/ skra dang kha spu ring por mi 'jog pa la sogs pa'o/ /de'i 'og tu dge tshul nyid du nye bar sgrub par byed pa'i dge slong la gtang bar bya'o/ zhes bya ba ni mkhan pos rab tu phyung ba'i gang zag de de la gtang par bya'o/ /dge tshul nyid du nye bar sgrub par byed pa'i zhes bya ba ni gang gis de la dge tshul gyi sdom pa sbyin par byin pa ste/ dge tshul nyid du nye bar sgrub pa'i dang tshul gang la yod pa de ni dge tshul nyid du sgrub par byed pa'o/ /dge slong la zhes bya ba ni gsol pa dang bzhi'i las gyis rdzogs par bsnyen pa'i dge slong de la'o/ /gtad par bya'o/ zhes bya ba ni sbyin par bya'o/ zhes bya ba'i tha tshig go /nges kyang rtsa yongs su dag gam zhes dris nas yongs su dag ni skyabs su 'gro ba dang dge tshul nyid du khas blangs pas dge tshul nyid du nye bar sgrub pa'o/ /zhes bya ba ni dge tshul nyid nye bar bsgrub par byed par nges pa ni bya ba yin no/ /ci yongs su dag gam zhes bya ba ni ci 'di la bar chad kyi chos rnams med dam zhes bya ba'i tha tshig go /dris nas zhes bya ba ni gtod par byed pa'i dge slong de la dris nas/
- 265a
so/ /gal te 'di skad ces 'di ni yongs su dag go /zhes zer na de'i tshe gang zag de yongs su dag pa yin pas skyabs su 'gro ba dang/ dge tshul nyid du khas blang pa'i cho ga 'og nas 'byung bas dge tshul nyid nye bar bsgrub par bya'i ma dag na ni mi bya'o/ /dge tshul gyi bslab pa'i gzhi ni bcu ste/ de dag las dang po lnga ni dge bsnyen dang thun mong yin no/ /lnga na thun mong ma yin te/ de la glu gar dang rol mo'i sgra spong ba ni bslab pa'i gzhi gcig ste/ rgod bag gi rang bzhin yin pa'i phyir ro/ /phreng ba dang spos nyug pa dang rgyan dang kha dog 'chang ba spong ba ni bslab pa'i gzhi gnyis pa ste/ rgyags pa bskyed pa'i phyir ro/ /de la spos nyug pa bya ba ni rdzas dri zhim po dag gis lus thams cad nyug pa'o/ /rgyan zhes bya ba ni mgul rgyan dang/ gdu bu rgyan can dang/ /dpung rgyan la sogs pa thogs pa'o/ /kha dog 'chang ba zhes bya ba ni gur kum dang ga pur la sogs pas rang gi lus la ri mo byed pa'o/ khri stan mthon po dang/ khri stan chen po spong ba ni bslab pa'i gzhi gsum pa ste/ 'dod chen che ba yin pa'i phyir ro/ /de la khri stan mthon po/ zhes bya ba ni khru tshad las lhag pa'o/ /khri stan chen po zhes bya ba ni dbyig dang gser la sogs pa las byas pa'o/ /dus ma yin pa'i zas spong ba ni bslab pa'i gzhi bzhi pa ste/ brtul zhugs kyi ngo bo nyid yin pa'i phyir ro/ /gser dngul len pa spong ba ni bslab pa'i gzhi lnga pa ste/ yo byad don med pa'i phyir ro/ /'di la gser dngul zhes bya ba ni rin po che gzhan dag gi dpe yin no/ /len pa zhes bya ba bdag gir byed pa'o/ /'di ltar bslab pa'i gzhi de dag la ni re re la yang rnam pa du ma yod mod kyi de dag mad ches pas bsrung bar mi nus so/ /snyam du spa bkod pa dag bstan sla par bya ba'i phyir bslab pa'i gzhi bcur bstan te/ dper na 'phags pa rgya gar bu la bslab pa gsum bstan pa dang
- 265b
'dra'o/ /de ltar dge tshul nyid kyi cho ga rnam par bshad nas/ da ni rdzogs par bsnyen pa'i cho ga brjod pa bya ste/ de'i phyir de'i 'og tu gal te de lo nyi shu tshang na zhes bya ba la sogs pa gsungs te/ /dge tshul de lo nyi shu tshang na'o/ /rdzogs par bsnyen pa ni dge 'dun kho na las 'gyur gyi/ ji ltar rab tu byung ba dang dge tshul nyid gang zag kho na 'gyur ba ltar gang zag las ni ma yin no/ /thabs gang gis dge 'dun las rdzogs par bsnyen par 'gyur zhe na/ de'i phyir de'i lhung bzed dang chos gos dag btsal bar bya zhing zhes bya ba la sogs pa gsungs te/ mkhan po nyid du phyogs par gyur pas slob ma de'i lhung bzed dang chos gos dag btsal bar bya'o/ zhes bya bar sbyar ro/ /las byed pa dang/ gsang ste ston pa dang/ gang dag de'i las kyi gnas su 'jug pa'i dge slong dag la gsol ba gdab par bya'o/ zhes bya ba yang mkhan po nyid du phyogs par gyur pa de nyid kyis de dag bya'o/ zhes par sbyar ro/ /las kyi gnas su zhes bya ba ni de rdzogs par bsnyen par byed pa'i las kyi mtshams su ste/ dge 'dun thams cad 'dug cing mthun par gyur pa'i mtshams sam/ dkyil 'khor ba'i mtshams su'o/ /dge slong rang bzhin du gnas pa ma yin pas tshogs kyi kha bskang bar mi bya'o/ zhes gsungs pas 'dir de bsal ba pa'i phyir dge slong gang dag de'i las kyi gnas su 'jug par 'gyur ba de dag gis kyang zhes bya ba la sogs pa gsungs so/ /der 'du bar gyur pa'i tshe zhes bya ba ni dge slong rnams de rdzogs par bsnyen par bya ba'i phyir 'du ba gang yin pa'i las kyis gnas der 'du ba'i mdun rol du 'du ba la sbyor ba'i tshe'o/ /zla ba phyed 'das pa'i nyes pa zhes bya ba ni de'i mdun rol tu zla ba phyed kyi gso sbyong gang 'das pa phan chad kyi nyes pa ni gso sbyong de nyid kyi tshe bsdam pa dang bshags pa la sogs pa byas zin pas de la ni so sor brtag mi dgos kyi de tshun chad kyi nyes pa la so sor
- 266a
brtag par bya'o/ zhes bya bar sbyar ro/ /nyes pa de yang gang zhe na/ de'i phyir bsdam par bya ba dang/ bshags par bya ba dang/ byin gyis brlab par bya ba dag ces bya ba gsungs te/ bsdam par bya ba zhes bya ba ni yid kyi nyes byas phra mo'o/ bshag par bya ba zhes bya ba ni ltung byed dang/ so sor bshags par bya ba dang/ bshags pa'i nyes byas so/ /byin gyi brlab par bya ba dag ces bya ba ni/ dge 'dun lhag ma dang/ spang ba'i ltung byed dag go /de dag las so sor brtag par bya zhing// zhes bya ba ni bdag la nyes pa dag gang byung ba la so sor brtag par bya zhing ngo/ /ci so sor nas ltung ba phyir ma bcos pa kho nar 'dug par bya 'am zhe na/ de'i phyir nyes pa shes bsdams pa'am bshags pa'am byin gyis brlab pas phyir bcos te 'dug par bya'o/ zhes bya ba gsungs te/ gal te sdom? par bya ba'i nyes pa dag shes na bsdam pas phyir bcos pas 'dug par bya'o/ /bshags par bya ba'i nyes pa dag shes nas bshags pas phyir bcos te 'dug par bya'o/ /byin gyis brlab par bya ba'i nyes pa dag shes na byin gyis brlabs pas phyir bcos te 'dug par bya'o/ /'dir ltung byed la sogs pa bshags par gsungs pa ni nyi ma de nyid la phyir bcos par nus pa yin pas de dag ni byin gyis brlabs pas dag pa nyid du mi 'gyur ro/ /zhes bstan to/ /dge 'dun lhag ma dang spang ba dag byin gyis brlabs par gsungs pa ni nyi ma de nyid la phyir bcos pa mi nus pa yin pas byin gyis brlabs pas dag pa nyid du 'gyur ro/ zhes bstan to/ /de ltar na ji skad bstan pa'i cho ga 'dis ni thams cad lta ba mthun pa/ tshul khrims yongs su dag pa 'dug cing mthun par gyur pa dag gis gso sbyong dang/ dgag dbye dang/ gsol ba dang/ gsol ba dang gnyis dang/ gsol ba dang bzhi'i las
- 266b
bya'o/ zhes gsungs pa bsdus pa yin no/ /de'i las kyi mtshams par zhe na/ de'i phyir dge 'dun thams cad 'dug cing mthun par gyur pa 'am/ dkyil 'khor pa la yang rung ste/ zhes bya ba gsungs te/ dge 'dun thams cad 'dug cing mthun par gyur pa 'am/ zhes bya ba ni gzhi'i cho ga nyid bstan te/ mtshams gcig na dge 'dun ji snyed bzhugs pa thams cad 'dug cing mthun par gyur pa las rdzogs par bsnyen par bya ba'o/ /dkyil 'khor la yang rung ste/ zhes bya ba ni gzhi'i tshe gnyid? la bsten par mi nus na dkyil 'khor pa'i mtshams su dge 'dun du gyur pa'i dge slong phyogs gcig tu bcad pa dag las rdzogs par bsnyen par byar yang rung bar bstan te/ dge 'dun ma gyur pa dag gis las mi bya'o/ /zhes gsungs pas 'dir rdzogs par bsnyen bar bya ba'i las las la du dag dge 'dun nyid yin zhe na/ de'i phyir yul dbus dge slong bcu la sogs pa'i tshogs sam zhes bya ba la sogs pa gsungs te/ yul dbus kyi mtshan ma shar du ni li kha ra shing 'phel gyi 'dun gyi nags li kha re'i shing tshang tshing can zhes bya ba'o/ /lhor ni grong khyer 'dam bu can gyi lho na chu klung 'dam bu can zhes bya ba'o/ /nub tu ni bram ze'i grong kha ba dang nyi? ba'i ka ba zhes bya ba gnyis so/ /byang du ni u shi ri'i ri? zhes bya ba'o/ zhes bya ba'o/ zhes gsungs pa de dag gi khongs su gtogs pa ni yul dbus te/ dge slong yul dbus su rdzogs par bsnyen pa'i bya ba'i las la ni/ dge slong bcu la sogs pa dge 'dun nyid yin no/ /mdza' 'khob dag tu gzhan med na 'dul ba 'dzin pa dang/ lnga la sogs pa'i tshogs la yang rung ste/ zhes bya ba ni yul dbus kyi phyogs bzhi'i mtshams kyi mtshan ma sngar smos pa de dag phan chad ni yul mdza' 'khob ste/ dge slong yul mdza' 'khob tu rdzogs par bsnyen par bya ba'i las la ni dge slong bcu la sogs pa gzhan med na 'dul
- 267a
ba 'dzin pa zhes bya ba las gyed pa nyid gtogs par lnga la sogs pa dge 'dun nyid yin no/ /yod na ni gzhi'i cho ga kho na la brten par bya ste/ cho ga las 'das na las mi chags so/ zhes gsungs pa'i phyir ro/ /dang por dge slong re re la phyag gsum gsum 'tshal du gzhug go /zhes bya ba ni rdzogs par bsnyen par bya ba'i phyir 'dus pa'i dang po dge slong dang phrad do cog thams cad la rdzogs par bsnyen par bya ba des phyag lan gsum bya bar rigs pa yin te/ 'di ltar phyag byas pas bdag nyid dge 'dun gyi nang du 'jug par ston cing bsam pa drag pos drang por 'jug par rigs pas de'i phyir 'dir dang por phyag lan gsum bya bar gsungs so/ /phyag lan gsum 'tshal du bcug nas/ de'i 'og tu ci zhig bya zhe na/ de'i phyir de'i 'og tu mkhan por gsol ba bya'o/ zhes bya ba gsungs te/ rdzogs par bsnyen par 'dod pas dge 'dun gyis dbus de nyid mkhan por gsol bar bya'o/ /pha gu'i steng du rtswa bting ba la rting pa gnyis kyis mnan te tsog tsog por 'dug du bcug te/ zhes bya ba la pha gu'i steng du rting pa gnyis kyis mnan nas tsog tsog por 'dug tu gzhug pa yun ring tsog tsog por 'dug pa sdug bsngal ba de'i phyir 'di rjes su gnad ste/ /rdzogs par bsnyen par byed pa na chos gos dang lhung bzed byin gyis brlab pa dang/ gsang ste ston pa ma gtogs par mkhan por gsol ba dang/ rdzogs par bsnyen par gsol pa dang/ las kyis slob dpon gyi bar chad dri ba mnyan pa dang/ de'i lan 'debs pa dang/ rdzogs par bsnyen par bya ba la sogs pa'i skabs thams cad du rdzogs par bsnyen par bya? ba'i gang zag de pha gu'i steng du rkang pa gnyis kyis 'dug tu gzhug par bya'o/ /'dir pha gu zhes bya ba ni bod pa yin par shes par bya'o/ /rtswa bting ba la rting
- 267b
pa gnyis kyis ma? ?nas tsog tsog por 'dug tu gzhug pa ni chos gos ma rung bar 'gyur ba yongs su spang ba'i phyir ro/ zhes 'dul ba 'dzin pa dag gis man ngag las khong du chud par bya'o/ /ci rigs par brjod par bya'o/ zhes bya ba ni gang kho na la gnas ste/ rab tu byung ba de kho na la gnas te/ rdzogs par bsnyen par des pa ma yin gyi 'di ltar 'dod pas 'dug par rigs par bya ste/ de'i phyir gal te dang po'i mkhan po nyid la mkhan par gsol na ni de'i tshe 'di skad ces/ mkhan po dgongs su gsol/ bdag ming 'di zhes bgyi ba mkhan po la mkhan por gsol gyis/ mkhan po dag gis mkhan po mdzad du gsol/ mkhan po mkhan pos rdzogs par bsnyen pa'i phyir ro/ zhes brjod par bya'o/ /dge tshul gyi slob dpon la sogs pa slob dpon la mkhan por gsol na ni de'i tshe 'di skad ces slob dpon dgongs su gsol/ bdag ming 'di zhes bgyi ba slob dpon la mkhan por gsol gyis slob dpon bdag gi mkhan po mdzad du gsol slob dpon mkhan pos rdzogs par bsnyen par bgyi'o/ zhes brjod cing tshig gsum pa la mkhan po/ zhes brjod par bya'o/ /dge slong gzhan zhig la mkhan po la ni de'i tshe btsun pa dgongs su gsol zhes bya ba la sogs pa gzhung nyid las 'byung ba bzhin du brjod par bya'o/ /mkhan por gsol ba'i 'og tu mkhan pos ci zhig bya zhe na/ de'i phyir de'i 'og tu mkhan po rang gis de la chos gos gsum byin gyis brlabs par bya'o/ /zhes bya ba gsungs te/ mkhan po zhes bya ba ni rdzogs par bsnyen par 'gyur pa'i mkhan po la bsnyegs te/ 'das ma thag tu bstan pa'i phyir ro/ /'o na rang gi zhes bya ba smos mi dogs te/ mkhan pos de las chos gos gsum byin gyis brlab par bya'o/ zhes bya ba 'di gnyis kyis kyang don rtogs pa'i phyir rang gis zhes bya ba smos ci dgos she na/ de ni 'di lta ma yin
- 268a
te/ rang gis smos pa ni bcol ba'i cho ga spang ba'i phyir te/ 'di ltar dper na sgra dang kha spu breg pa dang/ mtshan brtag pa la sogs pa dag gzhan gyis byed na yang nyes pa med pa lta bu cho ga ma nges pa ni bcol ba'i cho ga zhes bya'o/ /'dir ni chos gos byin gyis brlab pa mkhan po nyid kyis rang gis bya ba yin gyi/ gzhan byed du mi gzhug pa de'i don du rang gis zhes bya ba'i sgra nye bar brjod pa byas so/ /de la zhes bya ba ni rdzogs par bsnyen par bya ba la'o/ /de ltar na 'dir tshig gis don 'di 'byung ste/ mkhan po de rang gis rdzogs par bsnyen par bya ba de la chos gos gsum dras shing drubs pa dag yod cing bdog pa 'am/ med cing bdog na rgyu gzhan la yang byin gyis brlabs par bya'o/ /byin gyis brlabs pa'i 'og tu bskon par bya ste/ chos gos byin gyis brlabs pa ni cha lugs kyi don du yin pa'i phyir ro/ /chos gos dras shing drubs pa dag ces bya ba ni snam sbyar rnam pa dgu pa glegs bu phyed dang gsum pa dang/ bla gos rnam pa bdun pa glegs bu phyed dang gsum pa dang/ mthar gos rnam pa lnga pa glegs bu phyed dang gnyis dras shing drubs zin pa dag go /gnyis ka 'greng ste lag pa las chos gos snam sbyar bzung nas zhes bya ba ni chos gos la sogs pa gos byin gyis brlabs pa ni 'greng ba'i mdun du 'greng ste/ gnyi ga'i lag pas rdzas de bzung nas byin gyis brlabs pa'i sngags gdon par bya ba yin pa'i phyir ro/ /bgyis zhes bya ba ni thag pas so/ /lag pa zhes bya ba ni bkru ba dang/ /bcom pa dang/ kha bsgyur ba la sogs pas so/ /rung bas zhes bya ba ni rnga mo'i bal dang/ ri dwags kyi bal la sogs pa dang bral ba'o/ /spyad par 'os pa zhes bya ba ni spyad bzod pa ste/ bgo bzas yod pa zhes bya ba'i tha tshig go /byin gyis brlab po zhes
- 268b
bya ba ni sngags sngon du btang bas bdag gir bya ba'o/ /mthang gos zhes bya ba ni smad du bgo ba'o/ /de'i 'og tu chos gos bskon par bya zhes bya ba ni byin gyis brlab pa'i 'og tu mkhan po nyid kyis sam mkhan pos bskos pa'i dge slong dag gis de la chos gos dag pa skon par bya ste/ chos gos byin gyis brlab pa ni cha lugs kyi don du yin pa'i phyir ro/ /des kyang snam sbyar dang bcas pa nyid yin na der 'dus pa'i dge 'dun la phyag bya'o/ zhes bya ba ni rdzogs par bsnyen par byed pa'i gang zag la mkhan pos chos gos gsum byin gyis brlab tu bcug ste/ snam sbyar dang bcas pa nyid du gyur pa na/ des bdag nyid rdzogs par bsnyen par bya ba'i phyir 'dun pa'i dge 'dun la phyag bya ba nyid du rigs pa'o/ /chos gos dras shing drubs pa dag med na rgyu la byin gyis brlab par bya'o/ zhes bya ba ni brtad pa'i dbang gis gsungs pa yin te/ 'di ltar rdzogs par bsnyen pa'i tshogs pa rnyed pa'i tshe chos gos dras shing drubs pa dag med na spyi rdzogs par bsnyen par bya ba'i tshogs pa rnyed par dka' 'o/ snyam du bsams nas gang nas su las kyang rung ste/ chos gos ma dras shing ma drubs pa kha ma bsgyur bdag rnyed na de'i tshe ma dras pa ma drubs pa'i sngags kyis byin gyis brlab te rdzogs par bsnyen pa'i las byas la/ phyis gos de dag dras shing drubs te byin gyis brlab par bcom ldan 'das kyis dgongs so/ zhes 'dul ba 'dzin pa dag gi man ngag las shes par bya'o/ /'o na dras shing drubs pa chos gos nyid du byin gyis brlab par bya'o/ zhes gsungs pa dang ji ltar mi 'gal zhe na/ de ni gzhung las btsun pa chos gos ma dras pa las byin gyis brlab du rung ngam nye bar 'khor mi rung ste/ rkyen de lta bu dag yod na ni rung ngo/ zhes gsungs pa las khong du chud par bya ste/ rdzogs par bsnyen par 'dod pa la brtad pa'i rkyen byung ngam/ dge slong
- 269a
gis gos brogs sam/ gos brlag gam/ gos tshig gam/ gos rlung gi khyer ram/ gos chus khyer ba'i rkyen de lta bu dag yod na snam sbyar yang ma bras pa la byin gyis brlab par gnad la/ rkyen de lta bu dag med na snam sbyar ni ma dras pa la byin gyis brlab du mi gnang ngo/ /blo gos dang mthang gos ni dras shing drubs pa dag med na rkyen da lta bu dag yod kyang rung med kyang ma dras pa la byin gyis brlab du rung ngo/ /lung las kyang chos gos zhes bya ba ni snam sbyar yin par gsungs te/ de ltar yang ma mo las nye bar 'khor gyis zhus pa las/ bcom ldan 'das kyis snam sbyar ni nges par dras te'o/ /bla gos dang mthang gos ni nges pa med do/ zhes gsungs so/ /'dul ba'i tshig le'u byas pa byed pas kyang snam sbyar nges par dras te bcad/ /gzhan dag ma nges gang gi phyir/ /'dod chung gang gi chos gos kyi/ /las kyis sdug bsngal 'gyur phyir ro/ /zhes smras so/ /de dag gi tshad ci tsam zhe na/ snam sbyar dang/ bla gos dang/ mthang gos byin gyis brlab tu rung ba chen po dag ni tshad gcig te/ zheng du khru gsum chur khru lnga'o/ /chung ngu dag gi tshad ni zheng du khru phyed dang gsum chung khru phyed dang lnga'o/ /'bring rnams kyi tshad ni che chung gnyis kyi bar ma'o/ /yang mthang gos kyi tshad ni zheng du khru ngo/ /chur khru lnga yang yin zhing zheng du khru ngo/ /chur khru bzhi yang yin 'khor gsum khebs pa nyid kyang yin no/ /'tshal la zhes bya ba ni 'dod na'o/ /bar chad ma byung na zhes bya ba ni srog dang tshangs par yod pa'i bar chad med na'o/ /snam phran dgu par bgyis te zhes bya ba ni tshal bu dgu par bya'o/ zhes bya ba'i tha tshig ste/ 'di snam phran zhes bya ba'i sgra ni tshal bu la bya'i/ glegs bu dang glegs bu phyed la ni mi bya'o/ /glegs bu phyed dang gsum par bgyi'o/ zhes bya ba ni snam phran dgu pa la glegs bu phyed dang gsum par bya ba'o/ /de ni mtshon?
- 260b
pa tsam du zad de snam sbyar gyi snam phran dag ni dgu yan chad nyi shu rtsa lnga man chad de zung ma gtogs so/ /de yan chad ni tshem bu'o/ /snam phran de dag la glegs bu dang glegs bu phyed ji ltar rnam par bzhag ce na/ dang po gsum la ni de dag gi glegs bu phyed dang gsum pa nyid do/ /gnyis pa la ni glegs bu phyed dang bzhi pa nyid do/ /gsum pa la ni glegs bu phyed dang lnga pa nyid do/ /bkru'o/ zhes bya ba ni bkru bshal bya ba'o/ brkyang ngo zhes bya ba ni gding bar bya ba'o/ /dra'o zhes bya ba ni gnyis su bcad par bya ba'o gdab po zhes bya ba ni dras pa phan tshun sbyar bar bya ba'o/ /gzungs gdab po/ zhes bya ba ni bsdebs pa skud pas gzungs gdab par bya ba'o/ /drub po ces bya ba ni gzungs btab pa btsam par bya ba'o/ /kha bsgyur ro/ zhes bya ba ni kha bsgyur ba gsum po sngon po 'am/ dmar po 'am/ ngur smrig las gang yang rung bar kha bsgyur bar bya ba'o/ /yang na 'di lhan thabs su glan no/ zhes bya ba ni chos gos ma dras pa 'di'i steng du gzhan gyi snam phran dang/ glegs bu dang/ glegs bu phyed kyis lhan thabs su glan par bya'o/ /yang na gal te ldang na gos de nyid la dras te snam phran dang/ glegs bur sbyar bar bya'o/ /rkyen ji lta ba bzhin du bgyi ste/ zhes bya ba ni bdag nyid kyi chos gos gzhan rnyed na 'di gang las re zhig g.yar por blangs pa de la phyir sbyin par bya ba la sogs pa'o/ /snam phran bdun par bgyis te glegs bu phyed dang gsum par bgyi'o/ zhes bya ba ni bla gos so/ /snam phran lnga par bgyis te glegs bu phyed dang gnyis par bgyi'o/ /zhes bya ba ni mthang gos so/ /de gnyis ni chos gos byin gyis brlab pa'i sngags 'di las shes par bya'i/ bcom ldan 'das kyis bla gos dang mthang gos gnyis kyi snam phran gyi tshad ni snam sbyar gyi tshad ltar gang du yang bka' ma stsal to/ /chos gos kyi sngags dbyung ba yang 'greng ba'i mdun du bgreng ste/ gnyis
- 270a
kas lag pas bzung nas dbyung bar bya'o/ /chos gos byin gyis brlab pa dang dbyung ba ni chos gos nye bar gnas na dge slong nye bar mi gnas kyang rang gis yid kyis rnam par brtag pas kyang byar rung ngo/ /chos gos dbyung ba la ni chos gos nye bar mig nas kyang dbyung ba 'grub po kho nar 'gyur ro/ /de ltar chos gos byin gyis brlabs te bskon nas der 'dus pa'i dge 'dun la phyag 'tshal du gzhug pa de'i 'og tu de'i lhung bzed bstan par bya'o/ zhes bya bar sbyar ro/ /btsun pa 'am tshe dang ldan pa zhes bya ba ni gal te rgan na btsun pa zhes bod cing/ gzhon na tshe dang ldan pa zhes bong ba yin gyi/ 'dir gnyis ka brjod par bya ba ma yin no/ /dge 'dun la lhung bzed bstan pa ci'i phyir zhe na de'i phyir mi chung ngam zhes bya ba la sogs pa dri ba'i phyir ste/ byin gyis brlab tu rung ba'i lhung bzed gsum las mi chung ngam zhes bya ba ni mi dman nam zhes bya ba'i tha tshig go /mi che 'am zhes bya ba ni tshad gsum po dag las tshad ma lhag gam zhes bya ba'o/ /mi skye 'am zhes bya ba ni lhung bzed dkar po ngam gyur tam zhes bya ba'o/ /byin gyis brlab du rung ba'i lhung bzed che chung gsum gyi tshad ji tsam zhe na/ dge slong gis lhung bzed kyi tshe tshad byin gyis brlab du rung ba ni 'bras thug po che bgrus pa skam yul ma ga d+ha'i bre'u chung ngo btsos pa'i chan de'i rkyen gyi tshe ngam gang yang rung ba dang bcas pa blugs na mthe bo'i lto gang gis ma gang ba yin no/ /lhung bzed chung tshad ni de'i phyed blugs na mtho bo'i lto gang gis ma gang ba yin no/ /lhung bzed 'bring tshad ni de nyid kyi bar yang rung ba shod pa'o/ /'bras thug po che drus pa skam yul ma ga d+ha'i bre'u chung gang la ni 'bras thug po che drus pa skam yul ma ga d+ha pa'i srad? bcu drug ste/ yul ma ga d+ha pa'i srad gcig la bod kyi srad gnyis yod do/ /de ltar 'bras thug po che drus skam
- 270b
yul ma ga b+ha pa'i bre'u chung gang la bod kyi srad tshad du brtsin ni srad sum cu rtsa gnyis yod do/ /phul tshad du brtsin ni bdun phul do dang khyod gang yod do/ /ma ga d+ha'i bre'u chung ngo la ni de'i gnyis 'gyur yod do/ /mtho bo'i lto gang zhes bya ba ni mthe bo'i sor gcig ste/ mthe bo'i tshigs dang po'i phyogs gcig nas brtsams te/ tshigs de nyid kyi phyogs gcig gi bar du lto rol nas gzhal ba ni mthe bo'i lto gang zhes bya ste/ de ni mthe bo'i sor gcig yin no/ /lhung bzed bstan pa'i 'og tu dge slong de dag gis ji skad brjod par bya zhe na/ de'i phyir dge slong thams cad kyang lhung bzed de lta bu nyid ma yin na re re nas gzhal ba ni mthe bo'i lto gang zhes bya ste/ de ni mthe bo'i sor gcig yin no/ /lhung bzed bstan pa'i 'og tu che ba dang/ skya ba lta bu'i skyon can ma yin no/ /re re nas zhes bya ba ni lhung bzed ston pa'i dge slong gis reng 'dus pa'i dge slong re re'i mdun du de skad dris pa na dge slong de dag gis kyang re re nas phral phral la lan 'di skad brjod par bya'o// lhung bzed bzang ngo/ zhes bya ba ni mdzes pa ste/ byin gyis brlab tu rung ba yin no/ zhes bya ba'i tha tshig go /lhung bzed bstan pa'i 'og tu mkhan pos ji zhig bya zhe na/ de'i phyir de'i 'og tu mkhan po rang gis de la lhung bzed byin gyis brlab par bye'o/ zhes bya ba gsungs so/ /gnyis ga 'greng ste lag pa g.yon par lhung bzed bzhag la lag pa g.yas pas bkab nas zhes bya ba ni lhung bzed dang sman byin gyis brlab pa ni 'greng ba'i mdun 'greng ba la/ lag pa g.yon par bzhag ste lag pa g.yas pas bkab nas brjod par bya ba yin pa'i phyir ro/ /sman ni sngags dbyung ba ni de'i rjes su 'bran pas cho ga 'di bzhin du bya bar shes par bya'o/ /lhung bzed kyi sngags dbyung ba ni lag pas steng nas g.yog pa btang ste/ lag pa
- 271a
ya res kha nas bzung ste bya'o/ /gser dngul la sogs la reg par bya ba ma yin pa nyid la ni bdun du bzhag ste byin gyis brlab par bya'o/ /zas la spyad par 'os pa zhes bya ba ni zas kyi bya bal spyad bzod pa'o/ /drang srong gi snod ces bya ba ni drang srong yang dag par rdzogs pa'i sangs rgyas dang/ rang sangs rgyas dang/ nyan thos rnams kyi snod yin pa'o/ /blang ba'i snod du zhes bya ba ni zas blang ba'i ched du'o/ /lhung bzed byin gyis brlab pa'i 'og tu ci zhig bya zhe na/ de'i phyir de'i 'og tu rdzogs par bsnyen par bya ba de thos pa'i nyen kor nas bkar te mthong ba'i nyen kor du thal mo spyod du bcug nas tshogs la mngon du phyogs par bzhag par bya'o/ zhes bya ba gsungs te/ thos pa'i nyen kor nas bkar te/ zhes bya ba ni dkyil 'khor ba'i gnas nas phyir phyung nas/ thag ji srid du bkar bar bya zhe na/ gsang ste ston pa'i phyir las gang byed pa de mi thos pa de srid du bkang bar bya ba'i dkyil 'khor ba'i mtshams kyis phyi rol du bzla par mi bya'o/ /mthong ba'i nyen kor du zhes bya ba ni gang du dge slong rnams kyi mig rnam par shes pa ma nyams par skye bar ro/ /thal mo sbyor du bcug nas zhes bya ba ni thal mo sbyar ba byed du bcug nas so/ /tshogs la mngon du phyogs par zhes bya ba ni gang nas des dkyil 'khor ba'i dge slong rnams mthong ba nas dge 'dun gyi tshogs de la kha tshur bstan te'o/ /bzhag par bya'o/ zhes bya ba ni de lta bu'i spyod lam gyis 'greng ste 'dud pa dang bcas pas bzhag par bya'o/ /de ni sems dang pa bskyed par bya ba'i phyir dang/ las thos pa yongs su spang bar bya ba'i phyir ro/ /de'i 'og tu dge slong las byed pas gsang ste ston pa'i dge slong la gzhung las 'byung ba'i sngags kyis gang yin zhes dri bar bya'o/ /de'i 'og tu gsang ste ston pa gang yin pa des bdag ming 'di zhes bya'o/ /zhes brjod
- 271b
par bya'o/ /de'i 'og tu dge slong las byed pas gsang ste ston pa'i dge slong las gzhung las 'byung ba'i sngags kyis spyod lam zhes spro bar bya'o/ /de'i 'og tu gsang ste ston pa des kyang gal te bdag nyid spro na spro zhes brjod par bya'o/ /de dang de ltar byas nas de'i 'og tu dge slong las byed pas gsang ste ston pa de dge 'dun las gsol ba bya ba'i phyir gsol ba 'ba' zhig las bya'o/ /gsol ba 'ba' zhig gi las zhes bya ba ni las brgya rtsa gcig ni las gsum gyis bsdus ste/ gsol ba 'ba' zhig gi las dang/ gsol ba dang gnyis kyi las dang/ gsol ba dang bzhi'i las kyis so/ zhes gsungs pa la/ las gang la las brjod pa med cing dge 'dun la go bar bya ba 'ba' zhig yod pa de ni gsol ba 'ba' zhig las shes bya'o/ /'dug la zhes bya ba ni las ni 'dug pa nyid kyis bya'o/ /zhes gsungs pa'i phyir ste/ gsol ba dang/ gsol ba dang gnyis dang/ gsol ba dang bzhi'i las thams cad ni 'dug pa nyid kyis bya'o/ /spyod lam bzhis mi bya bas de'i phyir 'dug la zhes bya ba gsungs te/ las gzhan gyi skabs thams cad du yang las ni 'dug pa nyid kyis bya bar shes par bya'o/ /dge 'dun la gsol ba'i 'og tu gsang ste ston pas rdzogs par bsnyen par bya ba de lkog tu rjes su bstan par bya ste/ /de'i phyir de'i 'og tu gsang ste ston pa'i dge slong gis dkyil 'khor ba'i phyi rol du song ste/ rdzogs par bsnyen par bya bdag la phyag 'tshal du bcug nas mdun du tsog tsog por 'dug tu bcug ste thal mo sbyor du bcug nas 'di skad ces brjod par bya te zhes bya ba la sogs pa gsungs so/ /bden pa'i 'du shes zhes bya ba ni 'di ni bden pa'i dus te/ bden par smros shig ces bya ba'i tha tshig go /byung ba'i dus zhes bya ba ni byung ba'i mdza' i gang yin pa de dang smra ba'i dus yin no/
- 272a
zhes bya ba'i tha tshig go /ma 'dzem par byos la zhes bya ba ni mi 'jigs par byos la zhes bya ba'o/ /smros shig ces bya ba ni khas long zhig ces bya ba'o/ /lan thob cig ces bya ba ni spongs shig ces bya ste/ de ltar na yin pa la'ang yin zhes khas long shig /ma yin pa la yang ma yin zhes spongs shig ces bya ba'i tha tshig go /khyod skyes pa yin nam zhes bya ba la sogs pa ni mgo gcig pa'i tshul gyis dris pa yin par rig par bya'o/ /skyes pa lags zhes bya ba la sogs pa ni 'dud pa'i tshul gyis lan gdab pa yin par rig par bya'o/ /bran zhes bya ba ni khyim nas skyes pa'o/ /bskus pa zhes bya ba ni gzhan gyi rgyal srid las gya tsom du mthus bkug pa'o/ /rnyed btson zhes bya ba ni gta'i tshul gyis byin pa'o/ /rtsod pa can zhes bya ba ni bskyin? pa la sogs pa blangs nas phyis 'tsho ba ma nus pa bran pa nyid du bgos pa'o/ /btsongs pa zhes bya ba ni tshod gis thob pa'o/ /rgyal pos bkrabs pa zhes bya ba ni blon po'i mchog gam ru pa'o// rgyal po la sdig pa zhes bya ba ni dgra nyid gnas pa'o/ /rgyal po la gnod pa'i las byed pa zhes bya ba ni rgyal po la gnod pa byed pa'i phyir 'jug pa'o/ /byas sam zhes bya ba ni bdag nyid kyis so/ /byed du bcug pa zhes bya ba ni gzhan no/ /chom rkun par grags pa zhes bya ba ni 'jig rten thams cad chom rkun par grags pa ste rgyal mtshan btsugs pa dang 'dra'o/ zhes bya ba'i tha tshig go /za ma zhes bya ba ni rlig pa phyung ba'i nyes pas mthu nyams pa 'am sa bon med pa'o/ /ma ning zhes bya ba ni rnam pa lnga ste/ skyes nas ma ning dang/ zla ba phyed pa'i ma ning dang/ 'khyud nas sdang ba'i ma ning dang/ phrag dog can gyi ma ning dang/ nyams pa'i ma ning ngo/ /de la skyes nas ma ning zhes bya ba ni skyes pa'i tshe nyid nas pho'i
- 272b
dbang po yod pa'i phyir bud med nyid kyang ma yin la/ mo'i dbang po yod pa'i phyir skyes pa nyid kyang ma yin pa ste/ 'jig rten na mtshan gnyis pa zhes bya ba gang yin pa'o/ /zla ba phyed pa'i ma ning zhes bya ba gang yin pa ni zhag bco lnga ni bud med kyi 'dod chags kyis gnod par 'gyur la/ zhag bco lnga ni skyes pa'i 'dod chags kyis gnod par 'gyur ba gang yin pa'o/ /'khyud nas sdad pa'i ma ning zhes bya ba ni skyes pa gzhan gyis brtsal nas dbang po las su rung ba ldang bar 'gyur ba 'am bud med la sogs pas brtsal ba na dbang po las su rung ba ldang bar gyur pa gang yin pa'o/ /phrag dog can gyi ma ning zhes bya ba ni gzhan gyis brtsal ba'i bud med la sogs pa mthong ba de'i tshe khro na phrag dog gis dbang po las su rung bar 'gyur ba/ gzhan gyi tshe? cha ni mi 'gyur ba gang yin pa'o/ /nyams pa'i ma ning zhes bya ba ni pho'i dbang po bcad pa la sogs pas nyams par 'gyur ba gang yin pa'o/ /dge slong ma sun phyung zhes bya ba ni dge slong ma pham par 'gyur ba ma phyur ba la mi tshangs par spyod pas sun phyung ba'o/ /rku thabs su gnas pa zhes bya ba ni bdag nyid rdzogs par bsnyen pa'i cho ga ma byas pa nyid dam ma chags pa nyid du shes la/ lan gnyis su dge 'dun dang lhan cig las nyams su myong ba nyid gang yin pa'o/ /tha dad du gnas pa zhes bya ba ni gnas nas phyung ba'i las byas pa 'am/ lhas byin lta bu chos ma yin pa la dmigs pa'i blo dang ldan pa'o/ /gnas par mi bya zhes bya ba ni nyams pa'o/ mu stegs can zhes bya ba ni lta ba gzhan dang ldan pa'o/ /mu stegs can zhugs pa zhes bya ba ni mu stegs can gang gis rab tu 'byung ba 'di yang dag pa blangs la mu stegs can gyi lta ba dang ldan zhing/ chos gos 'di bor te mu stegs can gyi rgyal mtshan des mu stegs can gyi gnas su skya reng shar ba dang/ mu stegs can gang gis
- 273a
rab tu 'byung ba 'di yang dag par blangs la mu stegs can gyi lta ba de dang ldan zhing lan gnyis su dge 'dun dang lhan cig las nyams par 'gyur ba gang yin pa'o/ /pha bsad pa zhes bya ba ni pha mi'i 'gro bar skyes pa bsad pa'o/ /ma bsad pa zhes bya ba yang ma mi'i 'gro bar skyes pa bsad pa'o/ /dgra bcom pa bsad pa zhes bya ba ni mi slob pa bsad pa'o/ /dge 'dun gyi dbyen byas pa zhes bya ba ni ston pa las dbye bar 'dod pas dge slong brgyad la sogs pa kha gnyis su phye ba'o/ /de bzhin gshegs pa la ngan sems kyis khrag phyung ba zhes bya ba ni de bzhin gshegs pa bsad pa'i bsam pa'i ngan sems kyis khrag phyung ba'o/ /sprul pa zhes bya ba ni klu la sogs pa dud 'gro'i skye gnas su skyes pa mi'i gzugs su 'dug pa'o/ /khyod la la la'i bu lon mang yang rung nyung yang rung cung zad chags pa med dam zhes bya ba ni bu lon ni gzhal bar bya ba yin pas de'i phyir bu lon can rab tu dbyung ba dang rdzogs par bsnyen par mi bya'o// bu lon can thams cad rab tu dbyung ba dang rdzogs par bsnyen par mi bya ba yang ma yin te/ 'di ltar gal te/ rdzogs par bsnyen nas 'jal nus so/ /zhes zer na de rab tu dbyung ba dang rdzogs par bsnyen par bya'o/ /sngon rab tu byung ba ma yin nam zhes bya ba ni de ltar khyim pa las rab tu byung bar gsol pa dang/ dge tshul las rdzogs par bsnyen par gsol ba de'i mdun rol na khyim pa gyur pa de'i sngon rol du lan 'ga' rab tu byung ba ma yin nam zhes dri ba ste/ skyes pa 'di lan bdun rab tu 'byung bar gnad pa'i phyir ro/ /khyod pham par 'gyur pa bzhi las ltung ba gang yang rung ba zhig byung ba ma yin nam zhes bya ba ni sngon khyim pa'i 'dun rol du rab tu 'byung ba de'i tshe na pham par 'gyur ba bzhi las ltung ba gang yang rung ba zhig ma byung
- 273b
ngam zhes dri ba yin no/ /gang yang rung ba cig ces smos pa ni gcig gis kyang skye ba'i chos nyid mod pa yin no/ zhes bya ba'i don to/ /'babs pa na bslab pa legs par phul lam zhes bya ba ni sngon rab tu byung ba las rab tu khyim par 'babs pa na dge slong rang bzhin du gnas pa la sogs pa la bslab pa legs par phul lam zhes dri bar bya'o/ /ji ltar khyod de ltar rab tu byung ba yin nam/ zhes bya ba ni khyod da ltar rdzogs par bsnyen par gsol ba 'di'i mdun/ mkhan po las cho ga bzhin rab tu 'byung zhing slob dpon las dge tshul gyi sdom pa blangs pa yin nam zhes dri ba'o/ /tshangs par spyod pa zhes bya ba ni bslab pa dag go /legs par spyad dam zhes bya ba ni legs par spyad par byas sam zhes bya ba'o/ /don gyi slad du zhes bya ba ni dgos pa'i dbang gis so/ /mdze zhes bya ba ni 'brum du rdol pa rnag khrag 'dzag pa'o/ /'bras zhes bya ba ni 'brum bu 'bru chen po dag yod pa'o/ /phol mig ces bya ba ni 'brum bu 'bru phra mo dag yod pa'o/ /'brum phran zhes bya ba ni 'brum bu 'bru phra mo dag yod pa dag gi bar bar du yod rdol cing rma byung ba'o// sha bkra zhes bya ba ni lus thams cad la khra khra bor yod pa ste/ sha gzi gu zhes bya ba'i tha tshig go /byi rde/ zhes bya ba ni g.yan pa ste/ rnag 'dzag pa'i phyir ro/ /g.ya' ba zhes bya ba ni g.yan pa'i rnam pa nyid de rnag mi 'dzag pa'i phyir ro/ /glog pa zhes bya ba ni g.ya' ba ni glog pa lngad pa'o/ /rkang shu zhes bya ba ni ma dpal lo/ /skem nad ces bya ba ni khong skem mo/ /skem pa zhes bya ba ni skem nang ngo/ /brjed byed ces bya ba ni rlung dang mkhris pa dang bad kan 'khrugs pa las dran pa nyams pa'i bdag nyid kyi nad byung ba 'am/ gdon gyis brlams pa'i rnam par 'gyur ba'o/ /bkres dam ces bya ba ni bsres pa'i nad do/ /skya rbab ces bya ba ni lus thams cad kyi pags pa'i mdog skya'o/ /rkang 'bam
- 274a
zhes bya ba ni rkang pa'i nad do/ /mtshan par rdol zhes bya ba ni bshad pa dang/ gci ba gnyis lam gcig nas 'ong ba'o/ /rim zhes bya ba ni spyi'i rang bzhin te/ nang du bag la zhi ba'i phyir ro/ /rims drag po/ zhes bya ba ni rab tu gdud pa'i phyir ro/ /rims nyin gcig pa zhes bya ba ni rims nyi ma gcig gis 'byung ba'o/ /nyin gnyis pa dang/ nyin gsum pa dang/ nyin bzhi pa zhes bya ba ni rims sam nyi ma gcig dang/ gnyis dang/ gsum dang/ bzhi dag gis 'byung ba'o/ /'dus pa zhes bya ba ni rlung dang mkhris pa dang bad kan zhugs pa'o/ rims nyin re ba zhes bya ba ni nyi ma re re la lan re 'debs pa dang/ 'tshe ba gnyis byed pa'o/ /rjes su bstan pa'i 'og tu gsang ste ston pas rdzogs par bsnyen par bya ba de la khyod ma bos par du ma 'ongs par sdod cig ces bsgo bar bya'o// /bam po bdun pa/ /de ltar gsang ste ston cing bsgo nas dge 'dun la rdzogs par bsnyen par bya ba'i de'i yongs su dag pa go bar bya ba dang/ 'ong ba zhu ba'i phyir de'i 'og tu gsang ste ston pa'i dge slong gis rgan pa'i mdza' logs su 'greng ste 'dud pa dang bcas pas 'di skad ces brjod par bya ste zhes bya ba la sogs pa gsungs so/ /rgan pa'i mdza' logs su 'greng ste 'dud pa dang bcas pas zhes bya ba ni dge 'dun la gzhan gyi don du brjod pa gang yin pa de ni rgan pa'i mdza' logs su 'ged ste 'dud pa dang bcas pas brjod par byas te/ zhes gsungs pa'i phyir ste/ 'di lta ste zhu bdag dang/ 'dun pa yongs su dag pa dang/ dgag dbye brjod pa dge 'dun gyi phyogs la bya ba dang/ dbyar gnas pa'i dge 'dun gyis dgag dbye mdzad lags so zhes go bar bya ba dang/ khrims su bya ba bzang po brjod pa dang/ rtsod pa mi bskyed pa nyid dang/ tshul shing gi grangs dang/ gnas mal la sogs par longs spyad pa nyid dge 'dun
- 274b
la go bar bya ba dag ni rgan pa mdza' logs su 'greng ste 'dud pa dang bcas brjod par bya'o/ /gzhung kha cig las gsang ste ston pa ni lam gyi dbus nas 'greng ste 'dud pa dang bcas pas brjod par bya'o zhes kyang 'byung ste/ de yang rung ba nyid yin par lta'o/ /de bar chad kyi chos rnams yongs su dag go zhes kho na nyid mchi na zhes bya bas ni rdzogs par bsnyen par bya ba de'i yongs su dag pa dge 'dun la go bar bya ba bstan to/ /ci mchir zhig gam zhes bya bas ni rdzogs par bstan par bya ba de'i 'ong ba dge 'dun la zhu bar bya ba bstan to/ /'ong ba zhus pa'i 'og tu dge 'dun thams cad kyis yongs su dag na'o/ /zhes brjod par bya'o zhes bya ba la/ thams cad kyis zhes bya ba na lan med pa ma yin par bstan pa'i phyir ro/ /gal te yongs su dag na'o zhes bya ba ni gal te rdzogs par bsnyen par bya ba de bar chad kyis chos rnams yongs su dag na'o zhes bya ba'i sgra ni brjod ma thag pa'i de nyid la snyeg pa'i don te/ de kho na skad brjod par bya ba'i lhag ma ma yin no/ /zhes bya ba'i tha tshig go /brjod par bya'o/ zhes bya ba ni smra bar bya'o zhes bya ba'i don to/ /dge 'dun la yongs su dag pha go bar bya ste/ 'ong bar gnad pa de'i 'og tu de ji ltar bya zhe na/ de'i phyir de'i 'og tu rdzogs par bsnyen par bya ba de nyid dkyil 'khor par bkug nas/ rgan pa'i mdza' logs su phyag 'tshal du bcug ste zhes bya ba gsungs so/ /gang gi dge 'dun gyis gnang ste rdzogs par bsnyen par bya ba dge 'dun gyi nang du zhugs pa de'i tshe na/ dge slong las byed pas ci zhig bya zhe na/ de'i phyir dge slong las byed pas rdzogs par bsnyen par gsol du gzhug par bya'o zhes bya ba gsungs te/ dge slong las byed pas rdzogs par bsnyen par bya ba de rdzogs par bsnyen par bya ba'i dge slong la gsol du gzhug bya'o zhes bya ba'i tha tshig go /dge 'dun btsun pa rnams kyis bdag drang bar gsol zhes
- 275a
bya ba ni phyag brkyang ba'i tshul gyis sam tshul khrims 'chal ba'i tshogs bcad pa'i phyir ro/ /bdag rjes su gzung du gsol zhes bya ba ni sngon sdom pa ma byin pa'i phyir ro/ /bdag la rjes su bstan du gsol zhes bya ba ba ni 'khor ba'i sdug bsngal las bsgral ba'i phyir ro/ /gsol ba'i 'og tu dge slong las byed pas ci zhig bya zhe na/ de'i phyir de'i 'og tu dge slong las byed pas dge 'dun gyi nang du bar chad dri ba'i gsol ba 'ba' zhig gi las bya'o zhes bya ba gsungs so/ /de dge 'dun gyi nang du bdag nyid kyis rdzogs par bsnyen par bya ba de bar chad dri ba'i phyir dge 'dun la gsol ba 'ba' zhig gi las kyis go bar bya'o/ /nang du bar chad dri ba'i phyir gsol ba 'ba' zhig gi las bya ba 'di ni rdzogs par bsnyen par bya ba'i gang zag gis thos par bya ste/ de ltar yang nang du dri ba'i phyir gsol ba la sogs pa ni rdzogs par bsnyen par bya bas thos par bya'o zhes gsungs so/ /de nas las byed pa'i slob dpon gyis dge 'dun gyi nang du bar chad kyi chos rnams srid pa'i phyir gsol ba 'ba' zhig gi las bya ba dang/ gsol ba dang bzhi'i las kyis rdzogs par bsnyen par bya ba'i las de dag ni rdzogs par bsnyen par bya ba'i gang zag des thos pa dang bcas par bya'o/ /de las gzhan pa'i las ni des thos par mi bya'o/ /de ltar nang du bar chad dri ba'i gsol ba byas nas de'i 'og tu ci zhig bya zhe na/ de'i phyir de'i 'og tu dge slong las byed pas dge dun gyi nang du bar chad dri bar bya'o zhes gsungs so/ /ci gsang ste bstan pa dang/ cho ga 'dra ba 'am zhe na/ mi 'dra ste zhes de'i phyir 'di ltar dri bar bya ste zhes bya ba la sogs pa gsungs so/ /rdzogs par bsnyen par byed pa na gsang ste bstan pa dang/ chos gos dang lhung bzed byin gyis brlab pa ma gtogs pa
- 275b
de dag las gzhan pa'i las thams cad mdun du pha gu'i steng du rtswa bting ba la rting pa gnyis kyis mnan nas tsog tsog por 'dug du bcug ste thal mo sbyor du bcug nas bya ba yin par gsungs so/ /nang du bar chad dris pa'i 'og tu rdzogs par bsnyen pa nye bar bsgrub par bya ba ste/ de'i phyir de'i 'og tu dge slong las byed pas gsol ba bya ste las bya'o zhes bya ba gsungs so/ /las byed pas rdzogs par bsnyen par bya ba de gsal ba dang bzhi'i las kyis rdzogs par bsnyen par nye bar bsgrub par bya/ yang dag par thob par bya rab tu gnas par bya zhe bya ba'i tha tshig go /de'i 'og tu grib tshod gzhal bar bya'o zhes bya ba ni rdzogs par bsnyen par nye bar bsgrubs pa de'i 'og tu dge slong gang yang rung bas grib ma gzhal bar bya zhing grib ma de'i tshe rdzogs par bsnyen pa'i gang zag la da lta grib ma 'di tsam du gyur te zhes rigs par bya'o/ /gzhal pa de yang ci zhig gis bya zhe na/ de'i phyir thung ma sor bzhi tsam gyis gzhal bar bya zhes bya ba gsungs te/ grib ma gzhal ba de na thur ma sor bzhi'i tshad tsam gyis gzhal na gyur zhing bla bar rig par bya'o/ /rkang pa la sogs pas ni bul bar gyur gyi thur mas ni myur te/ de'i phyir thur mas bcal na bzang gis gzhan gyis ni mo bzang ngo/ /grib chod gzhal ba de ni ge slong gang yang rung ba gzhan gyis bya'i/ dge slong las byed pas mi bya ste/ 'di ltar de ni gnas brjod pa la sogs pa skabs lhag ma dag bya dgos pas stan las ldang bar mi rigs pa'i phyir ro/ /ming ma grags pa gzhan gyis tha snyad bstan pa'i phyir/ thur ma ji tsam yod pa de tsam la skyes bu zhes brjod par bya'o zhes bya ba gsungs te/ thur ma de'i tha snyad ni skyes bu zhes byas te/ thur mar gzhal ba'i grib ma thur byung ba re re la grib tshod skyes bu re re zhes bya sor re re zhing rtsa ba re re zhes brjod par bya'o/ /grid tshod 'ba'
- 276a
zhig gzhal bya ba ma yin gyi/ gzhan yang de'i 'og tu nyin mtshan gyi brjod par bya ste zhes bya ba la/ nyin zhes bya ba ni nyin par dang mtshan mo'i de'i cha ni snga dro dang gung dang phyi dro zhes bya ba la sogs pa ste/ snga dro grib tshod skyes bu dang rtsa ba 'di rnyed do zhe'am/ gung gi grib tshod skyes bu dang rtsa ba 'di rnyed do zhe 'am/ phyi dro'i grib tshod skyes bu dang rtsa ba 'di rnyed do zhes brjod par bya ste/ snga dro dang gung gi tshigs kyis bar du ni grib tshod gang mang ba la snga la/ gung tshigs nas snga dro'i bar du ni grib tshod gang nyung ba snga dro/ skya rang dang po la sogs pa'o/ /nyi ma brgyad cha shar ba zhes bya ba ni nyi ma'i dkyil 'khor gyi brgyad cha shar ba'o/ /nyi ma bzhi cha shar ba zhes bya ba yang nyi ma'i dkyil 'khor gyi bzhi cha shar ba'o/ /kha cig na re nyi ma shar ba nas nub pa'i bar du lam ji srid yod pa'i brgyad dang bzhi cha shar ba'o zhes kyang zer ro/ /gung tshigs ma yol ba zhes bya ba ni ma 'das pa'o/ /de'i 'og tu dus tshod brjod par bya ste zhes bya ba ni lo tshigs shes par bya ba'i phyir te/ de na dus tshigs lnga po dag ni zla ba 'di'i tshes grangs 'di la nyi ma'i cha 'di'i grib tshod skyes bu dang rtsa ba 'di tsam la zhe 'am/ mtshan mo'i cha 'di tsam la khyod rdzogs par bsnyen to zhes brjod par bya ba yin no/ /'o na dus tshod de dag du yod ce na/ de'i phyir dus tshod ni lnga ste zhes bya ba gsungs so/ /de dag kyang gang zhe na/ de'i phyir dgun gyi dus dang/ dpyid kyi dus dang/ dbyar thung ngu'i dus dang/ dbyar ring po'i dus so zhes bya ba gsungs te/ dgun gyi dngos po ni dgun gyi dus so/ /dpyid kyi dngos po ni dpyid kyi dus so/ /dbyar rnams kyi dngos pa ni dbyar gyi dus so/ /dus thung ngur gnas pa'i phyir shig dang 'dra bas dang thung ngu yang de yin la dbyar kyang de yin pa ni dbyar thung ngu'i dus so/ /dus ring pa'i phyir ring po yang
- 276b
de yin la dbyar kyang de yin pa ni dbyar ring ba'i dus so/ /de dag gi tshad brjod par bya ba'i phyir/ de la dgun gyi dus ni zla ba bzhi'o zhes bya ba la sogs pa gsungs te/ ston tha chung nya nas dpyid zla ra ba nya'i bar gyi zla ba bzhi ni dgun gyi dus so/ dpyid kyi dus kyang zla ba bzhi'o zhes bya ba ni dpyid zla ra ba nya nas dbyar zla 'bring po nya'i bar gyi zla ba bzhi'o/ /dbyar gyi dus ni zla ba gcig go zhes bya ba ni dbyar zla 'bring po nya nas dbyar zla tha tshungs nya'i bar gyi zla ba gcig go /dbyar thung ngu dus ni nyin zhag gcig go zhes bya ba ni dbyar zla tha chungs tshes bcu drug gi nyin zhag cig go /dbyar ring po'i dus ni nyin zhag gcig gis zla ba gsum du mchog pa zhes bya ba ni dbyar thung ngu'i dus kyi nyin zhag gcig po de nyid kyi zla ba gsum du mchog pa ste/ dbyar zla tha chungs tshes bcu bdun nas ston zla tha chung ba'i bar gyis zla ba gnyis dang zhag nyi shu rtsa dgu'o/ /dus tshod brjod pa de'i 'og tu gnas rnams brjod par bya ba ni rdzogs par bsnyen pa'i 'og tu las byed pas rdzogs par bsnyen pa de la gnas rnams brjod par bya'o/ /de dag kyang gang zhe na/ bzhi ste/ phyag dar khrod pa dang bsod snyoms pa dang/ shing drung dang/ bkus te bor ba zhes bya ba gnas bzhi pa dag go /phyag dang bzhin du bor ba'i phyir phyag dar dang 'dra ba'i gos ni phyag dar khrod do/ /yang na phyag dar dag gi nang na 'dug pa'i gos phyag dar du bsags pa zhes bya ba'i tha tshig go /lhung bzed la sogs pa'i nang du zas bcug cing blugs pa ni bsod snyoms so/ /shing ljon pa'i drung ni shing drung ngo/ /chags kyis btsags pa ni bkus te bor ba'o/ /yang na bkus pa yang yin la bor ba yang yin pa ni bkus te bor ba'o/ /bzhi po de dag ni tshangs par spyod pa'i gnas par khong du chud par bya'o/ /mkhyen zhes bya bas ni 'jig rten pa'i mkhyen pas so/ /gzigs zhes bya ba ni 'jig rten las 'das pa'i mkhyen
- 277a
pas so/ /phyag dar khrod ces bya ba ni phyag dar bzhin du bor phyag dar dang 'dra ba'i gos ni phyag dar khrod do/ /yang na phyag dar dag gi nang na 'dug pa'i gos phyag dar du bsags pa zhes bya ba'i tha tshig go /rung ba zhes bya ba ni kha na ma tho ba med pa'i phyir ro/ /rnyed kyang sla ste zhes bya ba ni brtsal chung ngus rnyed pa'i phyir/ dar zhes bya ba ni dar gyi srin bu las byung ba'i bye brag yug khyim ring pa'o/ /ras yug chen zhes bya ba ni ras bal las byas pa khru bcu gnyis kyi tshang ngo/ /be'u ras zhes bya ba ni be'u ras spu can no/ /dar la zhes bya ba ni dar srab mo rgyu spun sang ba gcan zhes bya ba'i tha tshig go /mon dar zhes bya ba ni dar gyi srin bu las byung ba'i rdzas so/ /be'u ras yug chen zhes bya ba ni ras kyi rnam pa spu can chen po'o/ /be'u ras dmar po zhes bya ba ni be'u ras kyi rnam pa dmar po'o/ /be'u phrug ces bya ba ni ras kyi rnam pa spu can phra mo'o/ /la dmar zhes bya ba ni la ba'i rnam pa srin bu dmar po'i mdog 'dra ba'o/ /kha cig na re srin bu nag po'i mdog 'dra ba zhes kyang zer ro/ /yul ka shi ka'i ras phran zhes bya ba ni yul ka shi dag tu btags pa'i ras shin tu phra zhing bzang po'o/ /kha dog ngan pa zhes bya ba ni sngon po dang ser po dang ngur smrig gsum gyi cha mnyam pa'o/ /kha dog ngan pa zhes bya ba ni sngon po 'am ser po 'am ngur smrig gcig tu kha bsgyur pa'o/ /bal gos zhes bya ba ni bal las byas pa'o/ /sha na'i ras zhes bya ba ni rtsa'i bye brag sha na phra mo'i ras so/ /zar ma'i ras zhes bya ba ni rtsa'i rnam pa zar ma zhes bya ba ni shun pa las byas pa'o/ /ras gos zhes bya ba ni ras bal las byas pa'o/ /du gu la'i ras zhes bya ba ni rtswa'i rnam pa du gul 'i zhes bya phra mo las byas pa'i ras phran no/ /ko tam pa'i ras zhes bya ba ni rtswa'i rnam pa ko tam pa zhes bya ba phra mo las byas pa 'dis phran no/ /kha cig na re rgyu ni
- 277b
ras bal las byas la/ spun ni srin bral las byas pa'i ras phran ni ko tam pa'i ras zhes zer ro/ /nyi 'og gi gos zhes bya ba ni rgya yul la sogs pa nas 'ongs pa'i gos so/ /tshod zin par gyis shig ces bya ba ni blang ba'i tshod shes par gyis shig pa'o/ dam 'cha''am zhes bya ba ni khas len tam zhes bya ba'o/ /bsod snyoms zhes bya ba ni lhung bzed la sogs pa'i nang du zas bcug cing blugs pa'o/ /'bras chan zhes bya ba ni 'bras bcos pa la sogs pa'i zas so/ /skyo ma zhes bya ba ni phye dang/ chu dang/ zhun mar dang/ bal bo se'u la sogs pa las byas pa'o/ /thug pa zhes bya ba ni 'o ma la sogs pa las byas pa'i ltung ba'o/ /lnga ston zhes bya ba zhag lnga zhing sbyor ba'o/ /brgyad ston zhes bya ba ni tshes brgyad la sbyar ba'o/ /bcu bzhi ston zhes bya ba ni tshes bcu bzhi la sbyor ba'o/ /nya ston zhes bya ba ni tshes bco lnga la sbyor ba'o/ /rtag res 'khor zhes bya ba ni dus rtag tu sbyor ba'i zas so/ /mgron du pos pa zhes bya ba ni lan 'ga' lan 'ga' 'byung ba'o/ /phral la bos pa zhes bya ba ni glo bur du bos pa'o/ /spags pa zhes bya ba ni phog pa'o/ /gnas mal zhes bya ba ni 'dir nyal bas mal sa ste khri la sogs pa'o/ /'dir 'dug pas stan ste khri'u la sogs pa'o/ /shing drung zhes bya ba ni shing ljon pa'i drung ngo/ /khang pa zhes bya ba ni gnas kyi khyad par chung ngu'o/ /snga khang zhes bya ba ni 'khor gyi khyams so/ /khang brtsegs pa zhes bya ba ni ka bas mtshon pa shing yon po bcug pa'i khyams so/ /bsil khang zhes bya ba ni bdun brtsegs pa gang du dge slong tshabs gdungs pa dag 'khod na bsil bar 'gyur pa'o/ /sab mos bkor ba zhes bya ba ni khor khor yug du sab mos bskor ba'o/ /ba gam zhes bya ba ni gtsang khang phyur bu'i rnam pa ltar byas pa'o/ /khang bzang zhes bya ba ni khor khor yug tu 'khor sa'i srang gis bskor ba'i khang bzangs so/ /sgo khang steng gi bsal khang
- 278a
gi steng du gnas kyi bye brag gnyis brtsegs sam gsum brtsegs pa'o/ /khang steng gi yol khang zhes bya ba ni khang thog tu shing yon po yol bas g.yogs pa'o/ /yol khang zhes bya ba ni gnas kyi rnam pa spyad skyabs 'dra ba shing dag la khor khor yug tu yol bas g.yogs pa'o/ /spang leb khang zhes bya ba ni shing gi spang leb las byas pa'i gnas so/ /sa phug ces bya ba ni tshang du byas pa'o/ /brag phug dang ri phug ces bya ba ni chad du ma byas pa'o/ /rtswa'i spyil bu zhes bya ba ni rtswa las byas pa'i spyil bu'o/ /lo ma'i spyil bu zhes bya ba ni shing lo la sogs pa las byas pa'i spyil bu'o/ /'chags sar byas pa zhes bya ba ni mi'i las kyis bsgrubs pa'o/ /'chags sar ma byas pa zhes bya ba ni gzhan gyis btsol ba las mi bltos bar 'chags pa'i tshe na rang grub pa'o/ /bya skyibs su byas pa zhes bya ba ni ri las bang rim 'dra bar phyir byung ba mi'i las kyis bsgrubs pa'o/ /bya skyibs? su ma byas pa zhes bya ba ni ri las bang? rim 'dra bar phyir byung ba gzhan gyi btsal ba la mi bltos bar 'chags pa'i tshe na rang grub pa'o/ /bkus te bor ba zhes bya ba ni tshags kyis btsags te bor ba'o/ /yang na bkus pa yang yin pa por ba yang yin pa ni bkus te bor ba'o/ /zhun mar zhes bya ba ni mar bzhus pa 'khyags pa'o/ /'bru mar zhes bya ba ni til mar la sogs pa'o/ /sbrang rtsi zhes bya ba ni sbrang bu tshang rtsi'o/ /bu dmar gyi dbu ba zhes bya ba ni bu ram la sogs pa'o/ /dus su rung ba zhes bya ba ni snga dro bza' ba rgun 'brum la sogs pa gang yin pa'o/ /thun tshod du rung ba zhes bya ba ni rgun chu la sogs pa thun tshod kyi mdza' tshun tshod du byin gyis brlabs te btung ba gang yin pa'o/ /zhag bdun pa zhes bya ba ni zhag bdun par byin gyis brlabs te bza' ba 'bru mar la sogs pa'o/ /'tsho ba'i bar du bca' ba zhes bya ba
- 278b
ni dus thams cad du byin gyis brlabs te bza' ba bca' ba la sogs pa'o/ /rtsa ba zhes bya ba ni shu dag la sogs pa'o/ /sdong bu zhes bya ba ni tsan dan la sogs pa'o/ /lo ma zhes bya ba ni ko sha ta gi la sogs pa'o/ /'bras bu zhes bya ba ni a ru ra la sogs pa'o/ /gnas bzhi po de dag rdzogs par bsnyen ma thag tu brjod par bya ba ni sems las su rung ba'i phyir ro/ /de'i 'og tu lhur par 'gyur ba'i chos rnams brjod par bya ste zhes bya ba ni las byed pas brjod par bya'o zhes bya bar sbyar ro/ /dge slong gi dngos po'i ltung ba dang rjes su mthun pa'i phyir ltung bar 'gyur ste/ de dag kyang mi tshangs par spyod pa la sogs pa bzhi 'og nas 'byung ba dag go /byas na zhes bya ba ni spyad na'o/ /byas ma thag tu zhes bya ba ni spyad ma thag tu'o/ /dge slong du mi rung bar 'gyur zhes bya ba ni dge slong gi dngos po yongs su dag pa med pa'i phyir te/ gnas pa dang longs spyod du mi dbang zhes bya ba'i tha tshig go /dge sbyong du mi rung zhes bya ba ni 'jig rten na dge sbyong zhes bya ba ni zhi ba'i bdag nyid la bya na/ de ni lus dang ngag dang yid ma zhi bar kun tu spong ba des dge sbyong smad pa yin pa'o/ kha cig na re cha lugs tsam gyi lha ma lus pa'i phyir sems can shi ba dang/ shing tshig pa dang/ mag la med pa'i 'khor lo dang rdzing skums pa dang/ sa bon rul ba dang 'dra'o zhes zer ro/ /shAkya'i sras kyi mi rung zhes bya ba ni shAkya'i sras bcom ldan 'das kyi slab ma yongs su dag par mi rung ba ste/ de'i bka' lung rjes su mi 'grub pa'i phyir ro/ /dge slong gi dngos po las nyams par 'gyur te zhes bya ba ni bslab pa las nyams par 'gyur ba ste lhod par rjes su sgrub pa'i phyir ro/ /de'i dge slong gi tshul zhig par 'gyur zhing zhes bya ba ni dge slong gi sdom pa ral bar 'gyur ba te/ bshags pa'i sems mi skye ba'i phyir ram 'phags pa'i lam 'thob pa'i skal pa med pa'i phyir ro/ /nyams pa zhes bya ba ni chung zos pa ste/
- 279a
bshags pa'i sems bskyed du zin kyang gshags par mi rung ba'i phyir ro/ /bcom pa zhes bya ba ni dkrugs pa te/ tshe de nyid la nyon mongs pa bzlog pa'i mthu med pa'i phyir ro/ /ltung ba zhes bya ba ni sems kyi rgyun la nyon mongs pa bzlog pa'i nus pa skye ba'i mthu med pa'i phyir ro/ /pham par gyur pa zhes bya ba ni nyon mongs pa'i dgra dag gis zil gyis gnan pa'i phyir ro/ /ji ltar na dge sbyong du mi rung zhes na/ de'i phyir de'i dge sbyong gi tshul phyir blang du med par 'gyur ro/ zhes bya ba gsungs te/ phyir blang du med pa zhes bya ba ni ma dag pa'i sa nas bslang ste dag pa'i sar bzhag tu med pa ste/ dge 'dun lhag ma'i ltung ba byung ba la sogs pa'i phyir bcos pas spyad pas phyir blang du rung ba ltar phyir blang du mi rung pa zhes bya ba'i tha tshig go /'dir dper bstan pa 'di lta ste/ dper na zhes bya ba la sogs pa gsungs so/ /shing ta la'i zhes bya ba ni shing ljon pa'i rigs tA la zhes bya ba'o/ /mgo bcad na zhes bya ba ni rtse mo bcad na'o/ /sngon par 'gyur zhes bya ba ni rlon pa nyid du 'gyur du'o/ /mi rung la zhes bya ba ni mi btub la'o/ /'phel zhing zhes bya ba ni myu gu skye ba'o/ /rgyas pa zhes bya ba ni gnam 'phang du skye ba'o/ /yangs par zhes bya ba ni spoms kyi khyon du'o/ /'dod pa zhes bya ba ni gzugs la sogs pa 'dod pa'i yon tan lnga po dag go /rnam grangs du mas zhes bya ba ni rnam pa mang pos so/ /smad do zhes bya ba ni bshungs pa'o/ /spangs par zhes bya ba ni ma 'ongs par dag mi 'dod pa'o/ /bor ba zhes bya ba ni da ltar byung ba dag la kun tu spyod pa bzlog pa'o/ /bsal ba zhes bya ba ni ma 'ongs pa dag la bltos pa dang bcas pa nyid med pa'o/ /zad pa zhes bya ba ni de la de dmigs pa zad pa'o/ /'dod chags dang bral ba zhes bya ba ni de'i ngo bo nyid zad pa'o/ /'gog pa zhes bya ba ni gnyen po
- 279b
zag pa med pa thob pa'o/ /nye bar zhi ba zhes bya ba ni 'gags pa rnams kyang mi skye ba'o/ /nub pa zhes bya ba ni rgyun chad pa ste/ phung po'i lhag ma med pa'i mya ngan las 'das pa zhes bya ba'i tha tshig go /bstod ces bya ba ni ngo bo nyid yon tan bsgrags pas so// bkur zhes bya ba ni 'bras bu'i sgo nas yon tan bsgrags pas so/ /bsngags zhes bya ba ni gzhan gyis dris pa la lan legs par 'debs pas so/ /snyan par brjod pas ces bya ba ni lkog nas yon tan brjod pa la rjes su yi rang bas so/ mig gtang de mig gis blta bar yang mi bya na/ zhes bya ba ni ched du bsams nas mig gtang de mig gis blta bar yang mi byed pa yin gyi/ glo bur du thang gzung mig blta ba ni ma yin te des na gal te glo bur du thang gzung mig gis bud med mthong ba de'i tshe na ni nyes pa med kyis gang gi tshe mig rgyun chags su 'byung bas yang dang yang du blta gang 'dod pas yul de la mig gtad de mig gis blta na nyes par 'gyur bas de'i phyir mig gtad de zhes bya ba gsungs so/ /gnyis kyis gnyis sprad de zhes bya ba ni skyes pa dang bud med gnyis kyis skyes pa dang bud med kyi dbang po sprad de'o/ /mi tshangs par spyod pa zhes bya b ni tshangs pa zhes bya ba mya ngan las 'das pa thob par bya ba'i phyir/ spyod pa 'phags pa'i lam gang yin pa de ni tshangs par spyod pa yin la/ de dang mi mthun pa ni mi tshangs par spyod pa ste/ rang bzhin dang bcas pa'i kha na ma tho ba dang bcas par 'gyur ba'i nyon mongs pa can lhag par spyod pa'o/ /sprod pa las byung ba'i chos shes bya ba la pho dang mo gnyis kyis sprod pa ste/ reg pa'i mtshan nyid do/ /de las byung ba ni/ sprod pa las byung ba ste/ nyon mongs pa can gyi bde ba lhag par spyod pa/ bcug reg? nyams su myong bar byed pa tshor ba'i mtshan nyid do/ /chos zhes bya ba ni chos ma yin pa chos kyi sgrar brjod pa ste/ sdig pa'i mtshan nyid 'dzin pa'i phyir ro//
- 280a
bsten pa lta zhes bya ba ni bya ba lta'o/ /smos kyang ci dgos zhes bya ba ni bsam yang ci dgos zhes bya ba'o/ /yang dge slong gang dge slong rnams dang lhan cig bslab pa mtshungs? par gyur pas bslab pa ma phul/ bslab pa nyams par ma byas par mi tshangs par spyod pa spros pa las byung ba'i chos bstan na/ tha na dud 'gro'i skye gnas su skyes pa dang lhan cig kyang rung ste/ dge slong de pham par gyur pa yin gyis gnas par mi bya'o/ zhes bya ba ni so sor thar pa'i mdo las gsungs pa yin te/ de la yang bya ba ni phyi ma'i don to/ /dge slong zhes bya ba ni gsol ba dang bzhi las mi g.yo ba bzhag par mi 'os pas rdzogs par bsnyen pa'i dge slong ngo/ /gang zhes bya ba ni spyi'i tshig go /de nas 'dir don ni 'di 'byung ste/ dge slong las dang po ma gtogs pa yang phyis gsol ba dang bzhi'i las/ mi g.yo ba bzhag par mi 'os pas rdzogs par bsnyen pa'i dge slong gang yang rung bas nyes pa 'di byas na/ de la ltung ba 'dir 'gyur ro zhes bya ba'i tha tshig go /dge slong rnams dang lhan cig ces bya ba ni de las gzhan pa chos mthun pa tshangs par spyod pa rnams dang ngo/ /bslab pa mtshungs par gyur pa zhes bya ba ni bslab pa gang la rdzogs par bsnyen nas lo brgyad lon pa'i dge slong gis bslab par bya ba de la de rdzogs par bsnyen pas kyang bslab par bya ba dang/ ded rdzogs pa'i bsnyen par dge slong gis bslab pa gang la bslab par bya ba de la rdzogs par bsnyen nas lo brgyad lon nas kyang bslab par bya ba nyid kyis tshul khrims nyid kyis mnyam pa dang/ bslab pa nyid kyis mnyam pa dang/ so sor thar pa'i mdo 'don pa nyid kyis mnyam pa gang yin pa de ni bslab pa mtshungs pas zhes bya'o/ /bslab pa ma phul ba zhes bya ba ni bslab pa 'am/ sangs rgyas sam/ chos sam dge 'dun nam/ mdo sde 'am/ 'dul ba 'am/ ma mo 'am/ slob
- 280b
dpon nam/ mkhan 'bul lo zhes bya ba lta bu 'am/ bdag khyim pa 'am/ dge tshul lam/ za ma 'am ma ning dam dge slong ma sun phyung ba 'am/ rku thabs su gnas pa 'am/ tha dad du gnas pa 'am/ gnas par mi bya ba 'am/ mu stegs can nam mu stegs can zhugs pa 'am/ ma bsad pa 'am/ pha bsad pa 'am/ dgra bcom pa bsad pa 'am/ dge 'dun gyi dbyen byas pa 'am/ de bzhin gshegs pa la ngan sems kyis khrag phyung bar bzung du gsol zhes bya ba lta bu 'am/ bdag tshangs pa mtshungs par spyod pa khyed cag dang lhan cig gnas pa 'am/ longs spyod pas chog go zhes bya ba lta bu'i tshig gis bslab pa ma phul ba'o/ /bslab pa nyams par ma byas par zhes bya ba ni/ tshe dang ldan pa mkhyen par mdzod cig tshangs par spyod pa spyad dka' o/ /rab tu dben pa bya dka' o/ /gcig pu nyid la mngon par dga' bar dka' o/ /gnas mal dgon pa nags khrod dang/ ri drung dang/ bal mdza' dag tu gnas pa khong du chud par dka' o/ /gcig pu dgon par gnas pa sdug bsngal lo/ /pha ma dang/ phu nu dang/ bu sring ldan no/ /bdag bzo dag slob du chug cig /bdag gi las kyi mdza' dag tshol cig /bdag khyim bzang po dag tu gtong cig ces bya ba lta bu'i tshig gis bslab pa nyams ma byas par ro/ /de la bslab pa phul ba zhes bya ba ni bslab pa dbul ba bslab pa nyams par bya ba med par byed pa ste/ de'i rgyu ma bstan pa'i phyir yongs su rdzogs pa ma yin pas bslab pa phul zhes smos par zad kyis/ bslab pa phul na bslab par nyams par ma byas su zin kyang/ de la dge slong gi dngos po nyid med do/ /bslab pa nyams par byas ba zhes bya ba ni bslab pa nyams par bya ba bslab pa dbul ba med par byed pa ste/ de'i ni 'bras bu ma bstan pa'i phyir yongs su rdzogs pa ma yin pas bslab pa nyams par bya ba zhes smos par zad kyis/ bslab pa nyams par bya bslab pa ma
- 281a
phul du zin kyang de la dge slong gi dngos po med do/ /bslab pa nyams par yang byas la bslab pa phul ba ni dge slong gi dngos po nyid pa gang yin pa de'i rgyu yang bstan la 'bras bu yang bstan pa'i phyir yongs su rdzogs pa yin pas bslab pa nyams par yang byas la bslab pa phul ba zhes smos te/ de la yang dge slong gi dngos po nyid med do/ /bslab pa ma phul zhing bslab pa nyams par ma byas pa ni dge slong gi dngos po nyid med par 'gyur ba'i rgyu'i rgyu de gnyis gang yang ma byas pas de la ni dge slong gi dngos po nyid yod pa yin no/ /'di skad bstan te mu bzhi po de dag las dang po gsum la ni dge slong gi dngos po nyid med la/ mu tha ma la ni dge slong gi dngos po yod do zhes bya ba'i tha tshig ste/ des na bslab ma phul bslab pa nyams par ma byas par nyes pa 'di byas na de la ltung ba 'dir 'gyur ro/ zhes gsungs so/ /mi tshangs par spyod pa sprod pa las byung ba'i chos bsten na zhes bya ba ni byas na'o/ /tha na dud 'gro'i skye gnas su skyes pa dang lhan cig kyang rung ste zhes bya ba ni spra mo 'am gzhan yang de lta bu gang yin pa dang/ lhan cig mi tshangs par spyod pa sprod pa las byung ba'i chos bsten kyang rung ste'o/ /tha na zhes bya ba ni mdza' bstan pa ste/ tha na dud 'gro'i gnas su skyes pa dang lhan cig kyang rung ste/ lha dang mi la sogs pa'i 'gro bar skyes pa dang lta smos kyang ci dgos zhes bstan to/ /dge slong de zhes bya ba ni gang gis mi tshangs par spyod pa sprod pa las byung ba'i chos bsten pa de ste/ dge slong zhes bya ba ni gang la dge slong gi dngos po gsol ba dang bzhi las mi g.yog par bzhag par mi 'os pas rdzogs par bsnyen pa'i sdom pa yod pa'o/ /de zhes bya ba ni nye bar bstan pa dang kun tu bstan pa'i tshig bla dags te'o/ /'dir dge slong zhes smos pa ni phyogs gcig pos 'khrugs kyang dge slong gi dngos po lhag ma
- 281b
dang ma bral ba'i phyir te/ phyogs gcig 'khrugs pas ni sdom pa mdza' dag yongs su gtong par mi rigs so/ /de ltar yang/ /ji ltar phyogs gcig blangs gyur pas/ /mdza' dag blangs par mi bzhed ltar/ /de bzhin phyogs gcig 'khrugs gyur pas mdza' dag 'khrugs par ji ltar 'gyur zhes gsungs pa dang/ bu lon nor bzhin kha che rnams/ /byung ba la ni gnyis su 'dod/ /ces bshad pa'i phyir ro/ /pham par 'gyur pa yin gyis zhes bya ba ni pham par byed pas pham par gyur pa ste/ nyams pa zhes bya ba'i tha tshig go /'dis ni tshe phyi ma'i nyes dmigs bstan to/ /gnas par mi bya'o zhes bya ba ni dge slong rnams kyis de dang gso sbyong dang dgag dbye dang las dang gnas dang zas la sogs pa'i longs spyod dag la gnas pa mi bya ba dang de gang zag gi las bcu gnyis dag tu bsko bar mi bya ba ste/ 'dis ni tshe 'di'i nyes dmigs bstan to/ /spyad pa ma yin pa zhes bya ba ni sbyor bas spang ba'o/ /bya ba ma yin pa zhes bya ba ni dngos kyis spang pa'o/ /spyad pa ma yin pa spang ba zhes bya ba ni mjug gis spang pa'o/ /de ltar na sbyor ba dang dngos po dang mjug gis spangs pa'i nyes pa med pa de la dran pa dang bag yod pas sems shin tu bsrung bar brtson par gyis shig ces bya bar sbyar ro/ /de la dran pa zhes bya ba ni mi brjed pa'o/ /bag yod pas zhes bya ba ni dge ba'i chos bsgom pas so/ /sems zhes bya ba ni sems pa'o/ /shin tu zhes bya ba ni rgya cher ro/ /bsrung bar zhes bya ba ni yongs su bskyed par ro/ /brtson par gyis shig ces bya ba ni rnal 'byor du gyis shig pa'o/ /don ni 'di yin te sems bsrung bar byed pa ni rngal ba dang bag yod pa gnyis yin te/ 'di ltar dge ba'i chos bsgoms pa la ni dran pa nyams par mi skye la/ dge ba'i chos ma bsgoms pa ni bag med par spong bas bsgom par byed do des na/ dge ba'i chos bsgoms pa ni yongs su bsrungs pa dge ba'i chos ma bsgoms pa ni
- 282a
sgom par byed pas sems shin tu bsrung bar 'gyur zhing sems bsrung ba de la dran pa dang bag yod pas mgo dang gos la me 'bar ba ltar brtson par gyis shig ces bstan to/ /ji ltar gnas 'di lta bu la mi spyod dam? zhes bya ba ni 'di ltar 'dod pa bsten pa'i gnas 'di lta bu la spyod par mi byed mod ces dri ba'o/ /til gyi phub ma zhes bya ba ni til gyi shun pa'o/ /ma sha ka lnga zhes bya ba ni/ ka ka ni bzhi la ma sha ka gcig ste/ ka ka ni zhes bya ba ni bo di ka zhes bya ste/ de yang 'gron bu nyi shu'i rin thang gi ming yin no/ /ka ka ni bzhi la ni ma sha ka gcig ste/ 'gron pu brgyad cu'i rin thang gi ming yin no/ /ma sha ka lnga las 'gron bu bzhi brgya yod de/ ma sha ka lnga ni karSha pa Na 'di bzhi cha gcig dang thang mnyam mo/ /ma sha ka lnga las lhag pa zhes bya ba ni ma sha ka lnga'i tshad las lhag pa'o/ /yang dge slong gang gzhan dag gis grong na 'dug pa 'am/ dgon pa na 'dug pa ma byin pa rku ba'i grangs su gtogs pa blangs ji tsam ma byin par blangs pas de rgyal po 'am blon po chen pos bzung nas de la 'di skad ces kye mi khyod ni rkun ma'o/ /byis pa'o blun pa'o/ /rku ba'o zhes zer zhing gsod dam 'ching ngam spyugs kyang rung ste dge slong de ltar ma byin par len na dge slong de yang pham par 'gyur ba yin gyis gnas par mi bya'o zhes bya ba ni so sor thar pa'i mdo las gsungs pa yin te/ de la yang dge slong zhes bya ba ni snga ma bzhin no/ /gzhan dag gi zhes bya ba ni skyes pa dang bud med dang ma ning dag gi'o gong na 'dug pa 'am/ zhes bya ba ni ra ba'i nang na 'dug pa ste/ bdag gir byas pa zhes bya ba'i tha tshig go /dgon pa na 'dug pa zhes bya ba ni ra ba'i phyi rol na 'dug pa ste/ bdag gir ma byas pa zhes bya ba'i tha tshig go /ma byin pa zhes bya ba ni de las skyes pa'am/ bud med dam/ ma ning gang gis kyang ma byin pa'o/ /rku ba'i
- 282b
grangs su gtogs pa zhes bya ba ni ma byin pa gang yin pa rku ba'i grangs su gtogs pa yang yin no/ /blangs na zhes bya ba ni lam na'o/ /ji tsam ma byin par blangs pa zhes bya ba ni ma sha ka lnga 'am/ ma sha ka lnga las lhag pas so/ /de zhes bya ba ni dge slong des rgyal po 'am zhes bya ba ni bud med rgyal srid la dbang bskur bar gyur na/ de yang rgyal po rgyal rigs spyi bo nas dbang bskur ba yin la/ rgyal rigs dang/ bram ze dang/ rje'u'i rigs dang/ dmangs rigs rgyal srid la dbang bskur bar gyur na de yang rgyal po rgyal rigs spyi bo nas dbang bskur ba yin no/ /blon po chen pos zhes bya ba ni rgyal po las gzhan pa blon po dang/ rtsis mkhan dang/ sna chen po la gtogs pa rgyal srid byed pa gsang tshig mthun pas 'tsho ba gang dag rgyal po la brten nas 'tsho bar byed pa dag gis so/ /gzung nas zhes bya ba ni blangs nas so/ /de la zhes bya ba ni dge slong de la'o/ /'di skad ces kye mi khyod ni zhes bya ba ni bong pa'o/ /rkun ma'o zhes bya ba ni 'jab bus brkus pa'o/ /byis pa'o zhes bya ba ni rang gis mi shes pa'o/ /blun po zhes bya ba ni lung phog pa mi zhes pa'o/ /rku ba'o zhes bya ba ni mthus rku ba'o/ /zhes zer zhing zhes bya ba ni brjod cing ngo/ /gsod dam zhes bya ba ni srog dang bral bar byed pa'o/ /'ching ngam zhes bya ba ni 'chings ma gsum po lcags las byas pa dang/ shing las byas pa dang/ rtswa las byas pa dag gis so/ /sbyugs kyang rung ste zhes bya ba ni yul med par byed kyang rung ste'o/ /dge slong de yang pham par gyur pa yin gyi gnas par mi bya'o zhes bya ba ni snga ma bzhin no/ /grog spur zhes bya ba ni srog chags kyi bye brag shin tu phra ba'o// mir chags pa zhes bya ba ni ma'i ltor lus dang srog dang yid kyi dbang po thob pa ste/ mi rgyu zhes bya ba'i tha tshig go /yang dge slong gang mi 'am mir chags pa bsams bzhin du rang gi lag dang te srog bcad dam de la mtshon byin nam/ de la mtshon thogs
- 283a
pa gnyer tam de 'chir bcug gam de la 'chi ba'i sngags pa brjod kyang rung ste/ de la 'di skad ces mi khyod 'tsho ba sdig pa mi gtsang ba ngan pa 'dis ci zhig bya/ kye mi khyod gson pa bas shi bla'o/ zhes zer zhing sems kyi 'dod pa dang sems kyi kun tu rtogs pa dag gis rnam grangs du mas de 'chir bcug gam de la 'chi ba'i bsngags pa brjod de/ de yang rtsom pa des dus byas nas dge slong de yang pham par gyur pa yin gyis gnas par mi bya'o/ /zhes bya'o zhes bya ba ni so sor thar pa'i mdo las gsungs pa yin te/ de la yang dge slong gang zhes bya ba ni snga ma bzhin no/ /mi 'am ci zhes bya ba ni gang gis ma'i ltor dbang po drug po 'di lta ste mig dang/ rna ba dang/ sna dang/ lce dang/ lus dang/ yid kyi dbang po thob par gyur pa'o/ mir chags pa la zhes bya ba la gang gis ma'i ltor dbang po gsum po 'di lta ste/ lus dang/ srog dang/ yid kyi dbang po thob par gyur pa la'o/ /bsams bzhin du zhes bya ba ni rnam par brtags nas so/ /rang gi lag dar te zhes bya ba ni lag pas lag pa dar te'o/ srog bcad dam zhes bya ba ni de'i srog bcad par gyur na'o/ /de la mtshon byin nam zhes bya ba ni ral gri 'am/ spu gri 'am cha gri la sogs pa bul pa'o/ /de la mtshon thogs pa gnyer tam zhes bya ba ni skyes pa 'am bud med dam/ ma ning ngo// de 'chir bcug gam zhes bya ba ni 'chir gzhug pa ni rnam pa gsum ste/ tshul khrims 'chal ba dang/ tshul khrims dang ldan pa dang/ nad pa'o/ /de gsum las lhung bzed la sogs pa thob tu re bas 'chir bcug ste/ shi na? pham par 'gyur ro/ /de 'chir ma btub na sbyor ba snga ma de nyid kyis nyes pa sbom por 'gyur ro/ /de 'chir bcug nas dge slong 'gyod pa skyes te/ khyod ma 'chi zhig ces phyir bzlog na/ de ltar na yang sbyor ba snga ma de nyid kyis nyes pa sbom por 'gyur ro/ /de'i phyir bzlog
- 283b
kyang ma btub ste/ shi na yang sbyor ba snga ma de nyid kyis nyes pa sdom por 'gyur ro/ /de la 'chi ba'i bsngags pa brjod kyang rung te zhes bya ba ni 'chi bar mngon par mi dga' ba'i mdun du 'chi ba'i sngags pa brjod pa'o/ /de la 'di skad ces kye'i mi khyod ces bya ba ni bong ba'i tshig bla dags so/ /'tsho ba zhes bya ba ni gson pa'o/ /sdig pa zhes bya ba ni sdig pa'i 'bras bu 'am sdig pa'i rgyu'o/ /mi gtsang ba zhes bya ba ni lus kyi gzhi mi gtsang ba'o/ /na ba zhes bya ba ni 'tsho ba sdig pa mi gtsang ba ngan pa 'dis ci zhig bya thod zhig ces bya ba'o/ /gson pa bas ni shi bla'o zhes bya ba ni gson pa smad cing 'chi ba'i bsngags pa brjod pa'o zhes zer shing zhes bya ba ni brjod cing ngo/ /sems kyis 'dod pa zhes bya ba ni gsod sems kyis mi de 'chi bar mngon par 'dod pa'o/ /sems kyis kun tu rtog pa dag gis zhes bya ba ni lhung bzed dang/ chos gos dang/ dra ba dang/ phur bu dang/ ska rags la sogs pa 'tsho ba'i yo byad 'thob tu re ba'i rnam par rtogs pa dag gis so/ /rnam grangs du mas zhes bya ba ni rnam pa mang pos so/ /de 'chir bcug gam de la 'chi ba'i bsngags pa brjod de/ zhes kyang smos pa ni 'chi bar mngon par mi dga' ba'i mdun du rnam grangs du mas 'chi ba'i bsngags pa brjod pa de bzlas pa'i phyir bsnan pa'o/ /de yang zhes bya ba ni mi de yang ngo/ /rtsom pa des zhes bya ba ni sbyor ba'i rtsom pa de nyid kyis so/ /dus byas nas zhes bya ba ni shi na'o/ /dge slong de yang pham par 'gyur ba yin gyis gnas par mi bya'o zhes bya ba ni snga ma bzhin no/ /tha na bzhad gang bya bar bsams te zhes bya ba ni bzhad gang bya ba'i bsam pas so/ /yang dge slong gang mngon par mi shes shing yongs su mi shes la mi'i chos bla ma mdza' dang 'phags pa'i bye brag thob pa dang shes pa dang mthong ba dang reg par spyod pa med la/ med bzhin du 'di shes so/ /'di mthong ngo/ /zhes khas 'ches pa
- 284a
la de ltung ba rnam par dag par 'dod nas dus gzhan zhig na dris kyang rung ma dris kyang rung/ 'di skad ces tshe dang ldan pa dang dag bdag gis ni mi shes so zhes smras/ ma mthong bar mthong ngo zhes smras/ ma mthong bar mthong ngo zhes smras te/ gsob gsog rdzun tu smra ba zhes zer na mngon pa'i nga rgyal ma gtogs te dge slong de yang pham par gyur pa yin gyis gnas par mi bya'o zhes bya ba so sor thar pa'i mdo las gsungs pa yin te/ de yang dge slong gang zhes bya ba ni snga ma bzhin no/ /mngon par mi shes shing zhes bya ba ni bsam gtan dang gzugs med pa'i sa pa'i shes pa zag pa dang bcas pas gzugs mngon par mi shes pa dang/ tshor ba dang/ 'du shes pa dang/ 'du byed rnams dang/ rnam par shes pa mngon par mi shes shing ngo/ /yongs su mi shes la zhes bya ba ni bsam gtan dang/ gzugs med pa'i sa pa'i shes pa zag pa med pa'i gzugs yongs su mi shes pa dang/ tshor ba dang/ 'du shes dang 'du byed rnams dang/ rnam par shes pa yongs su mi shes pa'o/ /mi'i chos bla ma zhes bya ba la mi'i chos zhes bya ba ni mi rnams kyi chos mya ngan las 'das pa ste/ de mi rnams kyis 'thob kyi za ma dang/ ma ning dang mtshan gnyis ba dag gis kyang mi 'thob na/ sems can dmyal ba dang/ dud 'gro dang/ yi dags rnams kyis lta smos kyang ci dgos pa'i phyir ro/ /bla ma zhes bya ba ni 'dod pa'i khams pas gzugs kyi khams bla ma yin la/ gzugs kyi khams pas gzugs med pa'i khams bla ma yin pa'o/ /yang na mi'i chos zhes bya ba ni sgrib pa lnga po 'dod pa la 'dun pa dang/ gnod sems dang/ rmugs pa dang/ gnyid dang 'gyod pa dang/ rgod pa dang/ the tshom dag go /bla na zhes bya ba ni de dag spangs pa gang yin pa'o/ /mdza' zhes bya ba ni mya ngan las 'das pa ste/ mthar thug pa
- 284b
yin pa'i phyir ro/ /'phags pa'i bye brag thob pa zhes bya ba ni zag pa med pa thob pa ste/ 'phags pa zhes bya ba ni sangs rgyas dang/ sangs rgyas kyi nyan thos rnams yin no/ /bye brag thob pa zhes bya ba ni dge slong gi 'bras bu bzhi po dag ste/ rgyun tu zhugs pa'i 'bras bu dang lan cig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid do/ /shes pa zhes bya ba ni shes pa bzhi pa dag ste/ sdug bsngal shes pa dang/ kun 'byung ba shes pa dang/ 'gog pa shes pa dang/ lam shes pa ste/ rjes su mi tshol ba'i shes rab po/ /mthong ba zhes bya ba ni mthong ba bzhi po dag ste/ sdug bsngal mthong ba dang/ kun 'byung ba mthong ba dang/ 'gog pa mthong ba dang/ lam mthong ba ste/ rjes su tshol ba'i shes rab po/ reg par spyod pa zhes bya ba ni bsam gtan bzhi po dag la bde bar gnas pa ste/ snyoms par 'jug pa las yin gyi/ skye ba las ma yin no/ /med la zhes bya ba ni dngos po med pa ste/ mngon sum du ma gyur pa 'am mi srid pa'o/ /med bzhin du zhes bya ba ni bdag nyid la med bzhin du ste/ ma thob pa'o/ /'di shes so zhes bya ba la/ ji zhig shes so zhe na/ sdug bsngal dang/ kun 'byung ba dang/ 'gog pa dang/ lam shes so zhes so/ /'di mthong ngo zhes bya ba la/ ci zhig mthong ngo zhes she na/ lha rnams dang/ klu rnams dang/ gnod sbyin rnams dang/ nam mkha' lding rnams dang/ dri za rnams dang/ mi 'am ci rnams dang/ lto 'phye chen po rnams dang/ yi dags rnams dang/ sha za rnams dang/ grul bum rnams dang/ srul po rnams dang/ lus srul po rnams mthong ngo zhes zer ba dang/ de rnams kyi sgra thos so zhes zer ba dang bdag de rnams lta ba'i phyir 'gro'o zhes zer ba dang/ de rnams bdag la ltar 'ong ngo? zhes zer ba dang/ bdag de rnams dang lhan cig gtam 'dre bar byed/ thebs par smra bar byed so sor kun dga' bar byed/ rtag tu yang lhan cig gnas pas byed do zhes zer ba
- 285a
dang/ de rnams dang bdag dang lhan cig gtam 'dre bar byed/ phebs par smra bar byed so sor kun dga' bar byed/ rtag tu yang lhan cig gnas par byed do zhes zer pa dang/ bdag gi 'du shes nyi shu dang/ bsam gtan bzhi pa dang/ tshad med bzhi dang/ gzugs med pa'i snyoms par 'jug pa bzhi dang/ dge sbyong gi 'bras bu bzhi dang/ mngon par shes pa drug dang/ rnam par thar pa brgyad la bsam gtan pa dang/ gnyis ka'i cha las rnam par grol ba ma thob bzhin du thob po zhes zer ba ste/ de dag kyang mngon sum du gyur pa nyid kyis mthong ba dang 'dra ba'i phyir dang mthong ba'i sgras bsdus so/ /khas 'ches pa las zhes bya ba ni khas blangs pa las so/ /de zhes bya ba ni dge slong de'o/ /ltung ba byung ba zhes bya ba ni gzhi de'o/ /rnam par dag par 'dod nas zhes bya ba ni rnam par ldang bar 'dod nas so/ /dus gzhan zhig zhes bya ba ni dus gzhan na'o/ /dris kyang rung zhes bya ba ni gzhan dag gis glengs kyang rung ngo/ /ma dris kyang rung zhes bya ba ni gzhan dag gis ma glengs par de dag nyid 'gyod pa dang/ cung zad 'gyod pa dang/ rnam par 'gyod pa dang/ rab tu 'gyod pa skyes pas so/ /'di skad ces tshe dang ldan pa dag bdag gis ni mi shes par shes so zhes smras zhes bya ba ni yid kyi rnam par shes pas so/ /ma mthong bar mthong ngo zhes smras te zhes bya ba ni mig gi rnam par shes pas so/ /gsob gsog rdzun du smras so zhes shes pa de dag ni smras pa'i rnam grangs kyi tshig yin te gsob ces bya ba ni don des stong pa'o/ /gsog ces bya ba ni de'i sa bon gyis stong pa ste/ grib ma tsam dang bral ba'o/ /rdzun zhes bya ba ni der 'du shes pa dang bral ba'o/ /zer na zhes bya ba ni brjod na'o/ /mngon pa'i nga rgyal ma gtogs te zhes bya ba ni mngon pa'i nga rgyal bzhag ste'o/ /mngon pa'i nga rgyal zhes bya ba ni grib ma tsam mthong ba las yon tan thob par nga rgyal byed pa'o/
- 285b
ma gtogs te zhes bya ba ni mngon pa'i nga rgyal can gyi don rdzun pa yang dag pa'i 'du shes kyis brjod pa la ltung ba med pa'i phyir ro/ /dge slong de yang pham par gyur pa yin gyis gnas par mi bya'o zhes snga ma bzhin no/ /sdug bsngal shes so zhes bya ba ni mi rtag pa dang/ sdug bsngal ba dang/ stong pa dang/ bdag med pa'i rnam pa dag gis skyes pa zag pa med pa'i shes pa'o/ /kun 'byung ba shes so zhes bya ba ni rgyu dang kun 'byung ba dang/ rab tu skye ba dang/ rkyen gyi rnam pa dag gis skyes pa zag pa med pa'i shes pa'o// 'gog pa shes so zhes bya ba ni 'gog pa dang/ zhi ba dang/ gya nom pa dang/ nges par 'byung ba'i rnam pa dag gis skyes pa zag pa med pa'i shes pa'o/ /lam shes so zhes bya ba ni lam dang rigs pa dang/ sgrub pa dang nges par 'byin pa'i rnam pa dag gis skyes pa zag ba med pa'i shes pa'o/ /lha zhes bya ba ni brgya byin la sogs pa'o/ /klu zhes bya ba ni klu'i phra mo rnams so/ /gnod sbyin zhes bya ba ni lha'i gnas su mtshod? par bya ba gtor ma len pa rnams so/ /nam mkha' lding zhes bya ba ni 'dab bzang rnams so/ /dri za zhes bya ba ni lha rnams kyi glu dang rol mo byed pa rnams so/ /mi 'am ci zhes bya ba ni dud 'gro mi'i rnam pa can shin tu gzugs bzang po dang ldan pa rnams so/ /lto 'phye chen po zhes bya ba ni klu chen po ste/ dga' bo dang/ nye dga' la sogs pa klu'i bdag po rnams so/ /yi dags zhes bya ba ni rkang pa phyir lta ba ltogs pa rnams so/ /sha za zhes bya ba ni yi dags kyi bye brag ste/ sha dang khrag za ba nag po chen po la sogs pa dag go grul bum zhes bya ba ni yi dags kyi rnam pa nyid do/ /de dag gi yan lag gi rnam pa 'bras bu bum pa 'dra ste/ bum sna la sogs pa dag go /srul po zhes bya ba ni yi dags kyi bye brag nyid do/ /lus srul po zhes bya ba yang yi dags kyi bye brag nyid de/ thung ngu lus dri nga ba/ seg dang re lde la sogs pa gyon pa dag go /gtam 'dre bar byed ces bya ba ni tshur
- 286a
shog 'ongs pa legs so zhes bya ba la sogs pas gtam 'dre bar byed pa'o/ /phebs par smra bar byed ces bya ba ni yid 'bebs par byed pa'i mtshan nyid kyis so/ /so sor kun dga' bar byed ces bya ba ni de'i yon tan gyi tshogs legs par bsgrags pas phan tshun kun dga' bar byed pa'o/ /rtag tu yang lhan cig gnas par byed ces bya ba ni rgyun nyid kyi lhan cig na 'dug pa'o/ /mi rtag pa'i 'du shes bya ba ni 'du byed thams cad mi rtag go zhes bya bar zhugs pa bsam gtan gyi dngos gzhi'i sa pa'i 'du shes so/ /mi rtag pa la sdug bsngal ba'i 'du shes zhes bya ba ni zag pa dang bcas pa mi rtag gang yin pa sdug bsngal ba'o zhes bya ba bsam gtan gyi dngos gzhi'i sa pa'i 'du shes so/ /sdug bsngal la bdag med pa'i 'du shes zhes bya ba ni zag pa dang bcas pa sdug bsngal gang yin pa de la rang dbang med do zhes bya bar 'du shes pa bsam gtan gyi dngos gzhi'i sa pa'i 'du shes so/ /zas la mi mthun pa'i 'du shes zhes bya ba ni zas la mi phyogs pa'i 'du shes so/ /'jig rten thams cad la mngon par mi dga' ba'i 'du shes zhes bya ba ni 'jig rten gsum po dag la mi phyogs pa'i 'du shes so/ /nyes dmigs kyi 'du shes zhes bya ba ni yongs su 'gyur ba'i nyes pa la dmigs pa'o/ /spong ba'i 'du shes shes bya ba ni zhe sdang la sogs pa nyon mongs pa dang/ nye ba'i nyon mongs pa 'gags pa la dmigs pa'o/ /'dod chags dang bral ba'i 'du shes zhes bya ba ni 'dod chags 'gog pa la dmigs pa'o/ /'gog pa'i 'du shes zhes bya ba ni gzugs la sogs pa spong ba la dmigs pa'o/ /'chi ba'i 'du shes zhes bya ba ni tshe'i 'du byed 'gag pa la dmigs pa'o/ /mi sdug pa'i 'du shes zhes bya ba ni rus pa'i keng rus la dmigs pa'i 'du shes so/ /rnam par dngos po'i 'du shes zhes bya ba ni lus rul cing sngon por gyur pa la dmigs
- 286b
pa'o/ /rnam par rnags pa'i 'du shes zhes bya ba ni rnag 'dzag pa la dmigs pa'o/ /rnam par bam pa'i 'du shes zhes bya ba ni skrangs shing thos pa la dmigs pa'o/ /rnam par 'bus gzhigs pa'i 'du shes zhes bya ba ni srin bus gzhig pa la dmigs pa'o// rnam par zos pa'i 'du shes zhes bya ba ni sha bar bar du zos pa la dmigs pa'o/ /rnam par dmar ba'i 'du shes zhes bya ba ni dmar ba'i rnam pa la dmigs pa'o/ /rnam par mthor ba'i 'du shes zhes bya ba ni yan lag rnam par 'thong ba la dmigs pa'o// dul gong gi 'du shes zhes bya ba ni thod pa la sogs pa la dmig pa'o/ /stong pa nyid du so sor rtog pa'i 'du shes zhes bya ba ni 'gro ba la brtag pa'i chos kyi bdag nyid dang/ gang zag gi bdag nyid kyis stong par sems ba bsam gtan gyi dngos gzhi'i sa ba'i 'du shes so/ /bsam gtan dang po zhes bya ba ni rtog pa dang bcas shing dpyod pa dang bcas pa'o/ /gnyis pa zhes bya ba ni rtog pa med cing dpyod pa med pa'o/ /gsum pa zhes bya ba ni dga' ba med cing bde ba'o/ /bzhi pa zhes bya ba ni sdug bsngal yang med bde ba yang med pa'o/ /byams pa zhes bya ba ni kye ma sems can rnams bde bar gyur cig ces smos pa las byung ba bsam gtan gyi dngos gzhi'i sa pa'i zhe sdang med pa ste/ mdza' bshes dag las 'byung ba'i phyir ro/ /snying rjes zhes bya ba ni kye ma sems can rnams ni sdug bsngal lo zhes bya bar mos pa las bsam gtan gyi dngos gzhi'i sa pa'i zhe sdang med pa'o/ /dga' ba zhes bya ba ni kye ma sems can rnams dga' bar gyur ces mos pa las byung ba bsam gtan gyi dngos gzhi'i sa pa'i yid bde ba'o// btang snyoms zhes bya ba ni 'di dag ni sems tsam mo zhes mos pa las byung ba bsam gtan gyi dngos gzhi'i sa pa'i 'dod pa med pa'o/ /nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched dang zhes bya ba
- 287a
ni nam mkha' mdza' yas so/ /rnam par shes pa mdza' yas so/ /bdag gi ni gang na cung zad kyeng med do zhes bya ba sbyor ba las byung ba'i phung po bzhi pa'o/ /'du shes med 'du shes med min gyi skye mched ces bya ba ni de 'du shes kyi bya ba mi byed pa'i phyir/ 'du shes kyang ma yin la rdzas su yod pa'i phyir 'du shes med min pa yang ma yin pas gtso che ba'i phung po bzhi pa'o/ /rgyun du zhugs pa'i 'bras bu zhes bya ba la/ rgyun zhes bya ba ni 'phags pa'i lam ste/ des mya ngan las 'das pa'i rgya mtshor 'jug pa'i phyir ro/ /der zhugs pa ni rtogs pa ste/ khams gsum pa'i nyon mongs pa mthong bas spang bar bya ba rnams spangs pas zag pa med pa'i lam gyis sems kyis skad cig ma bcu drug thob pa 'dus byas dang 'dus ma byas kyi bye brag gis rnam pa gnyis so/ /lan cig phyir 'ongs pa'i 'bras bu zhes bya ba ni gang dag lan cig ces bya ba res gcig mi'i 'gro bar 'gyur zhing lhag ma med pa de dag ni lan cig phyir 'ong ba dag ste/ 'dod pa na spyod pa'i nyon mongs pa bsgom pas spang bar bya bdag gi rnam pa drug yangs shing mthong ba'i lam las langs pa'i 'phags pa'i gang zag rnams so/ /de dag gi 'bras bu ni lan cig phyir 'ongs pa'i 'bras bu ste/ khams gsum pa'i nyon mongs pa mthong bas spang bar bya ba rnams spangs pa dang/ 'dod pa na spyod pa'i nyon mongs pa bsgom pas spang bar bya ba dag gi rnam pa drug spangs pas zag pa med pa'i lam thob pa 'dus byas dang/ 'dus ma byas kyi bye brag gis rnam pa gnyis so/ /phyir mi 'ong ba'i 'bras bu zhes bya ba ni gang dag 'dod pa'i khams su skyes pa'i don du yang phyir mi 'ong ba 'dod pa na spyod pa'i nyon mongs pa bsgom pas spang bar bya ba dag gi rnam pa dgu pa yang spang ba'i phyir ro/ /de dag gi 'bras bu ni phyir mi 'ong ba'i 'bras bu ste/ khams gsum pa'i nyon mongs pa'i mthong bas
- 287b
spang bar bya ba rnams spangs pa dang/ 'dod pa na spyod pa'i nyon mongs pa bsgom pas spang bar bya ba dag spangs pas/ zag pa med pa'i lam thob pa 'dus byas dang/ 'dus ma byas kyi bye brag gis rnam pa gnyis so/ /dgra bcom pa nyid kyi 'bras bu zhes bya ba la/ dgra bcom pa nyid ces bya ba ni 'gro ba mdza' dag gis mchod par 'os pa dang/ yang mi skye ba dang/ nyon mongs pa'i dgra rnams bcom pa nyid do/ /de nyid 'bras bu yin pas dgra bcom pa nyid kyis 'bras bu ste/ khams gsum pa'i mthong ba dang bsgom pas spang bar bya ba'i nyon mongs pa ma lus par spangs pas zad pa dang mi skye ba thob pa 'dus byas dang 'dus ma byas kyi bye brag rnam pa gnyis so/ /rdzu 'phrul zhes bya ba ni nam mkha' la 'gro ba dang/ dngos po 'byung ba dang/ bsgyur ba dang/ byin gyis brlab pa dang/ ka ba la sogs pa la 'jug pa dang/ 'byung ba'i yon tan ni rdzu 'phrul yin no/ /shes pa gang la rdzu 'phrul gyi yul de yod pa de ni rdzu 'phrul gyi yul dang ldan pa ste/ bsam gtan gyi dngos gzhi'i sa pa'i ting nge 'dzin to/ /lha'i rna ba zhes bya ba ni ting nge 'dzin las skyes pa'i rna bas thag ring po dang/ cha phra ba dang/ bsgribs pa thos pa'o/ /sems kyi rnam grangs zhes bya ba ni gzhan gyi sems shes pa ste/ sems kyi bye brag shes pa zhes bya ba'i tha tshig go /kha cig na re 'dis sems yongs su shes par byed pa'i phyir sems yongs su shes pa zhes bya ba ste/ des chags pa dang sdang ba dang/ rmongs pa'i sems shes par byed pa 'am/ lan 'ga' chags pa dang/ lan 'ga' sdang ba dang/ lan 'ga' rmongs par gyur pa'i go rims yongs su shes par byed pa'i phyir ro zhes zer ro// sngon gyi gnas zhes bya ba ni sngon gyi skye ba dran pa ste/ sngon gyi gnas shes par byed pa'i phyir ro/ /'chi 'pho dang skye ba zhes bya ba ni lta'i mig ste/ 'chi 'pho dang skye ba mthong bar byed pa'i phyir ro/ /zag pa zad pa zhes bya ba ni zad pa shes pa ste/ zag pa zad pa
- 288a
shes par byed pa'i phyir ro/ /rnam par thar pa brgyad la bsam gtan pa zhes bya ba ni/ rnam par thar pa brgyad ni gzugs can gzugs rnams la lta ba dang/ nad gzugs med par 'du shes pas phyi rol gyi gzugs la lta ba dang/ sdug pa'i rnam par thar pa dang/ gzugs med pa bzhi dang 'gog pa'i snyoms par 'jug pa'o/ /de dag la bsam gtan pa zhes bya ba ni gang rnam par thar pa brgyad po de dag la snyoms par 'jug pa'o/ /gnyis ka'i cha las rnam par grol ba zhes bya ba ni nyon mongs pa'i sgrib pa dang/ snyoms par 'jug pa'i sgrib pa las rnam par grol ba gang yin pa'o// //bam po brgyad pa/ /de ltar ltung bar 'gyur ba'i chos rnams brjod nas/ de'i 'og tu ci zhig bya zhe na/ de'i phyir/ de'i 'og tu dge sbyong du byed pa'i chos rnams brjod par bya ste zhes bya ba gsungs so/ /de dag kyang gang zhe na/ gshe yang slar mi gshe bar bya ba dang khros kyang slar mi khro bar bya ba dang/ brdeg kyang slar mi brdeg par bya ba dang/ mtshang brus kyang slar mtshang mi 'bru bar bya ba dag go /'di ltar de dag ni gzhan la gnod pa med pa'i phyir dge sbyong du byed pas na dge sbyong byed pa ste/ de ltar yang rab tu byung ba gzhan la gnod pa dang gzhan la 'tshe ba dge sbyong ma yin no/ /zhes gsungs pa dang/ dge slong chos dang ldan pa ni gshe yang slar gshe bar mi byed pa dang/ khros kyang slar khro bar mi byed pa dang/ brdeg kyang slar brdeg par mi byed pa dang/ mtshang brus kyang slar mtshang 'bru bar mi byed de/ de tsam gyis na dge sbyong gi chos la rnam par gnas pa yin no/ /zhes gsungs pa'i phyir ro/ /gshe zhes bya ba ni sbyor ba'o/ /khro zhes bya ba ni zher 'debs pa'o/ /brdeg ces bya ba ni bsnun pa'o/ /mtshang 'bru zhes bya ba ni co 'dri ba'o/ /de'i 'og tu ci zhig bya zhe na/ de'i phyir de'i 'og tu
- 288b
mchog tu 'dod par bya ba yang dag pa nyid kyis rdzogs pa nyid brjod par bya ste/ zhes bya ba gsungs te/ mchog tu 'dod par bya ba zhes bya ba ni rab tu 'dod par bya ba 'dod par gyur pa'i dngos po ste/ khyod sngon bdag legs par gsungs pa'i chos 'dul ba la rab tu byung ba dang/ rdzogs par bsnyen pa dge slong gi dngos po thob kyang ci ma rung snyam du smon pa gang yin pa de zhes bya ba ni mchog tu bya ba'i dngos po'o/ /yang dag pa nyid kyis zhes bya ba la/ yang dag pa'i dngos po ni yang dag pa nyid de yang dag pa nyid des da khyod mkhan po 'os pa dang/ slob dpon 'os pa gnyis dang/ dge 'dun mthun pa dang/ gsol ba dang bzhi'i las mi g.yo bar bzhag par mi 'os pas zhes bya bas so/ /rdzogs pa nyid ces bya ba ni mchog tu 'dod par bya ba'i dngos po de rdzogs pa nyid gang yin pa yongs su rdzogs pa dang/ yongs su rgyas pa ste/ rab tu byung zhing rdzogs par bsnyen to zhes bya ba'o/ /sman pa zhes bya ba ni 'dod pa'o/ /'os pas zhes bya ba ni rdzogs par bsnyen pa dang bcas shing ma nyams pa'o/ /mthun pa zhes bya ba ni tshang pa'o/ /mi g.yo ba zhes bya ba ni yang bya ba med pa'i phyir te/ mchog las 'das pa zhes bya ba'i tha tshig go /bzhag par mi 'os pas zhes bya ba ni 'gog par byed pa'i phyir ro/ /de'i 'og tu ci zhig bya zhe na/ de'i phyir de'i 'og tu tshul khrims kyis mnyam par gyur pa nyid sgrubs pa la nges par sbyar bar bya ste zhes bya ba gsungs te/ tshul khrims kyi mnyam par gyur pa nyid ces bya ba ni tshul khrims kyi rgyu mtshan gyis mnyam par rang bzhin gang yin pa de ni tshul khrims kyis mnyam par gyur pa nyid de/ rdzogs par bsnyen nas lo brgya lon pa'i dge slong gis bslab pa gang la bslab par bya ba de la de ring rdzogs par bsnyen pas kyang bslab po/ /de ring rdzogs par bsnyen pa'i dge slong gis bslab pa gang la bslab par bya ba
- 289a
de la rdzogs par bsnyen nas lo brgya lon pas kyang bslab po zhes bya ba'o/ /de bsgrub pa ni nan tan du bya ba ste de la nges par sbyar bar bya ste zhes bya ba ni de ltar na tshul khrims kyis mnyam pa dang/ bslab pa nyid kyis mnyam pa dang/ so sor thar pa'i mdo 'don pa nyid kyis mnyam pa de khyod kyis deng phyin chad bsgrub par bya ba'i mi bsgrub par mi bya'o/ /zhes bya ba'i tha tshig gis so/ /de ring rdzogs par bsnyen pas zhes bya ba ni nyi ma de nyid la rdzogs par bsnyen pas so/ /tshul khrims nyid kyis mnyam pa zhes bya ba ni rang bzhin gyis kha na ma tho ba dang bcas pa spong bas mnyam par gyur pa'i phyir ro/ /bslab pa nyid kyis mnyam pa zhes bya ba ni bcad pa'i kha na ma tho ba dang bcas pa spong bas mnyam par gyur pa'i phyir ro/ /so sor thar pa'i mdo 'don pa nyid kyis mnyam pa zhes bya ba ni gso sbyong lhan cig byed pa'i phyir te/ chos kyi longs spyod kyi mnyam par gyur pa zhes bya ba'i tha tshig go /de la so sor thar pa zhes bya ba dang por thar ba ste/ nges dang por thar pa las thar pa'i phyir ro/ /de las byung ba 'am de la yod pa ni so sor thar pa'o/ /de nyid mdo sde 'dul ba mdza' dag gi cho ga'i don mdor smos pa'i phyir ro/ /de 'don pa zhes bya ba ni so sor thar pa'i mdo 'don pa lnga po gleng gzhi gdon pa dang/ pham par 'gyur ba gdon pa dang/ dge 'dun lhag ma gdon pa dang/ ma nges pa gdon pa dang/ ril gyis gdon pa ste/ de dge 'dun gyi nang du kha thon du 'don zhes bya ba'i tha tshig go /bsgrub par bya zhes bya ba ni bslab par bya ba'o/ /mi bsgrub par mi bya zhes bya ba mi nyams par mi bya ba'o/ /de'i 'og tu ci zhig bya zhes na/ de'i phyir de'i 'og tu tshul dang/ 'brel ba'i gzugs brnyan la nges par sbyar bar bya ste zhes bya ba gsungs te/ tshul dang 'brel pa zhes bya ba ni 'jig rten gyi tha snyad dang 'brel ba ste/ 'jig rten gyi pha ma lta bur 'brel ba zhes bya ba'i tha tshig go /de'i gzugs brnyan zhes
- 289b
bya ba ni gzugs brnyan lta bur 'dra bar bsgrub pa ste deng phyin chad khyod kyis mkhan po la/ pha'i 'du shes nye bar bzhag pa'o/ /mkhan pos kyang khyod la bu'i 'du shes nye bar bzhag par bya'o zhes bya ba'o/ /de la nges par sbyar bar bya ba ni khyod kyis deng phyin chad mkhan po la ji srid 'tsho'i bar du bsnyen bkur bya'o/ /mkhan pos kyang khyod shi 'am sos kyi bar du nad g.yogs bya'o zhes bya ba'i tha tshig go /de ni na ba la sogs pa'i gnas skabs dag na re ba dang bcas pa nyid du bya ba'i phyir ro/ /de'i 'og tu ci zhig bya zhe na/ de'i phyir de'i 'og tu dul bar gnas pa nyid la nges par sbyar bar bya ste zhes bya ba gsungs te/ dul ba zhes bya ba ni nye bar zhi ba ste mi rgod pa'o/ /de dul bar gnas pa ni dul bar gnas pa'o/ /de'i dngos po ni dul bar gnas pa nyid do/ /de la nges par sbyar bar bya ba ni deng phyin chad khyod kyis tshangs pa mtshungs par spyod pa rnams dang/ gnas brtan rnams dang bar ma rnams dang/ gsar bu rnams la gus pa dang bcas pa dang/ zhes dang bcas pa dang/ 'jigs pa dang bcas pa'i dbang du ma gyur par gnas par bya'o zhes bya bas so/ /gus pa dang bcas pa zhes bya ba ni yon tan rnams dang/ yon tan dang ldan pa rnams la yon tan 'dod pa nyid sngon du btang bas gus pa dang bcas pa ste/ ngo tsha dang bcas pa zhes bya ba'i tha tshig go /zhes dang bcas pa zhes bya ba ni rje dpon gyi bas ba dang bcas pa'o/ /'jigs pa dang bcas pa'i dbang du 'gyur bar zhes bya ba ni thams cad la rje dpon nyid du sems pas 'jigs pa'i dgos pa dang bcas pa'i dbang du 'gyur bar ro/ /de'i 'og tu ci zhig bya zhe na/ de'i phyir de'i 'og tu dgos pa rjes su bsgrub pa la nges par sbyar ba bya ste zhes bya ba gsungs te/ dgos pa zhes bya ba ni klag pa dang kha ton dang/ mkhas pa dang/ tshul bzhin du yid la bya ba la sogs pa'o/ /de rjes su bsgrub pa la nges par sbyar bar bya ba ni deng phyin chad khyod kyis lung gnod par bya/ bklag par bya/
- 290a
kha ton du bya'o zhes bya ba la sogs pa'i gzhung gis so/ /lung gnod par bya zhes bya ba ni klag pa'i kha ton du lung nod pa dang/ lung dbog par bya ba'o/ /klag par bya zhes bya ba ni lung nod pa rnams kha ton du bya ba'i phyir klag par bya ba'o/ kha ton bya'o/ zhes bya ba ni klags pa lobs pa rnams mi brjed par bya ba'i phyir kha ton bya ba'o/ /phung po la mkhas pa zhes bya ba ni zag pa dang bcas pa dang/ zag pa med pa'i dbye bas phung po rnams la mkhas par bya'o/ /khams la mkhas pa dang/ skye mched la mkhas pa zhes bya ba yang zag pa dang bcas pa dang/ zag pa med pa'i dbye bas phung po rnams la mkhas pa bya ba'o/ /khams la mkhas pa dang skye mched la mkhas pa zhes bya ba yang zag pa dang bcas pa dang/ zag pa med pa'i dbye ba de dag la mkhas pa'o/ /rten cing 'brel bar 'byung ba la mkhas pa zhes bya ba ni 'di lta ste/ 'di yod pas 'di 'byung la 'di skyes pa'i phyir 'di skye ba ste/ 'di lta ste ma rig pa'i rkyen gyis 'du byed rnams zhes bya ba nas/ de ltar na sdug bsngal gyi phung po chen po 'ba' zhig pa 'di 'byung bar 'gyur ro zhes bya ba'i bar dang/ 'di lta ste 'di med pas 'di mi 'byung la/ 'di ma skyes pa'i phyir 'di mi skye ba ste/ 'di lta ste ma rig pa 'gags pas 'du byed rnams 'gag ces bya ba nas/ de ltar na sdug bsngal gyi phung po chen po 'ba' zhig pa 'di 'byung bar 'gyur ro zhes bya ba'i bar gyi dbye bas lugs su 'byung ba dang/ lugs su mi 'byung ba la mkhas pa'o/ /gnas dang gnas ma yin pa la mkhas pa zhes bya ba ni lus kyis legs par spyad pa'i 'bras bu dang/ rnam par smin pa 'dod pa dang/ sdug pa dang/ dga' ba dang/ yid du 'ong bar 'gyur ba ni gnas yin zhing skabs yin la/ lus kyi nyes par spyad pa'i 'bras bu dang/ rnam par smin par 'dod pa dang/ sdug pa dang/ dga' ba dang/
- 290b
yid du 'ong bar 'gyur ba ni gnas ma yin zhing skabs ma yin no zhes bya ba la sogs pas srid pa dang mi srid pa'i gnas la mkhas pa'o/ /ma thob pa thob par bya ba zhes bya ba ni tshul khrims kyi phung po ma thob pa thob par bya ba'i phyir ro/ /ma rtogs pa rtogs par bya ba zhes bya ba ni ting nge 'dzin gyi phung po ma rtogs pa rtogs par bya ba'i phyir ro/ /mngon du ma byas pa mngon du bya ba'i phyir zhes bya ba ni shes rab kyi phung po mngon du ma byas pa mngon du bya ba'i phyir ro/ /brtson pa zhes bya ba ni brtson 'grus so/ /mi 'dod bar bya'o zhes bya ba ni yongs su btang bar bya'o/ /de'i 'og tu ci zhig bya zhe na/ de'i phyir de'i 'og tu ma brjod pa yang dag par slangs pa yongs su shes pa'i sgrub par 'gyur ba nyid kyang brjod par bya ste zhes bya ba gsungs ste ma brjod pa zhes bya ba ni go bar ma byas shing ma smras pa'o/ /yang dag par blangs pa zhes bya ba ni mnos shing yang dag par blangs pa ste/ dge 'dun lhag ma la sogs bslab pa'i gzhi rnams so/ /de ni ma brjod pa yang yin la/ yang dag par blangs pa yang yin pas/ ma brjod pa yang dag par blangs pa'o/ /de'i yongs su shes pa ni ma brjod pa yang dag par blangs pa yongs su shes par bya'o/ /de'i sgrub par 'gyur ba nyid ni de bsgrub bya ba nyid 'byung? bar 'gyur ba'i thabs te/ de dag brjod par bya ba ni 'di dag ni kho bos khyod la bslab pa'i gzhi tshe long tsam zhig brjod par zad de/ gzhan dag ni zla ba phyed cing so sor thar pa'i mdo gdon pa 'don pa'i tshe thos par 'gyur ro/ /gzhan dag kyang slob dpon dang mkhan po dang/ mkhan po gcig pa dang/ slob dpon gcig pa dang/ gtam 'dres pa dang/ phebs par smra ba dang/ smos 'drin dang /grogs bshes rnams kyang rgya cher ston par 'gyur ro zhes bya bas so/ /'di skad bstan te/ de ltar kho bos ltung bar 'gyur tsam zhig brjod par zad de/ bslab pa'i gzhi lhag ma ma brjod pa yang dag
- 291a
par blangs pa de dag khyod kyis yongs su shes par bya ba ni mkhan po la sogs pa las sgrub par 'gyur ro zhes bstan to/ tshe long tshe long zhes bya ba ni gtso bo dag pas kyis ches gtso bo dag go /gzhan dag ces bya ba ni dge 'dun lhag mal sogs pa dag go /zla ba phyed phyed cing so sor thar pa'i mdo gdon pa'i che zhes bya ba ni gso sbyong bcu bzhi pa 'am bco lnga pa'i tshe'o/ /thos par 'gyur ro zhes bya ba ni lobs par 'gyur ba'o/ /gtam 'dres pa zhes bya ba ni tshur shog 'ongs pa legs so zhes bya ba la sogs pa'i gtam 'dres dga' bar 'gyur ba'o/ /phebs par smra ba zhes bya ba ni yid gtsugs pa smra bas shes par gyur pa'o/ /smos 'drin zhes bya ba ni ngo shes mi dang rus la sogs pas 'dzin pas snying du sdug par gyur pa'o// grogs bshes zhes bya ba ni lam gcig tu 'gro ba la sogs pa'i bya bas bshes pa cung zad skyes pa'o/ /de'i 'og tu ci zhig bya zhe na/ de'i phyir de'i 'og tu gus pa la yang nges par sbyar bar bya ste/ zhes bya ba gsungs te/ gus pa zhes bya ba ni rdzogs par bsnyan pa de bslab pa dag la gus par bya ba ste/ de la nges par sbyar bar bya ba ni/ shes rab mchog gi bstan pa la/ /khyod ni rdzogs par bsnyen par gyur/ /dal dang 'byor pa rnyed dka' bas/ /'di dag ji lta bzhin du bsgrubs/ /mdzes pa rab tu dbyung ba dang/ yongs su dag pa rdzogs snyen pa/ /rdzogs sangs rgyas kyis rab mkhyen te/ ma? dren? ba'i mtshan gyis bka' stsal to/ /zhes bya ba'i tshigs su bcad pas so/ /shes rab mchog gi zhes bya ba ni mkhyen rab bla na med pa dang ldan pa'i 'o/ /bstan pa la zhes bya ba ni ji skad gsungs pa'i gsung rab la'o/ /khyod ni rdzogs par bsnyen par gyur ces bya ba ni dge slong gi sdom pa yang dag par blangs pas phun sum tshogs pa thams cad rdzogs pa'i mya ngan las 'das pa dang khad? nye bar gyur pa'o/ /dal dang
- 291b
'byor pa rnyed dka' bas zhes bya ba ni mi khom pa brgyad spangs pa'i khom pa dal ba dang/ bdag gi 'byor pa dang/ gzhan gyis 'byor ba la sogs pa tshogs kyi lam rnyed pa ni bskal ba chen po grangs pa dag gis kyang rgya mtsho chen por rus sbal zhar ba'i mgrin pa gnya' zhing gi mig tu chung pa dang 'dra bar shin tu dka' bas so/ /'di dag ji lta bzhin du bsgrubs zhes bya ba ni bslab pa 'di dag ji skad gsungs pa bzhin du ma nyams par sgrubs shig ces bya ba'o/ /'di skad bstan te/ bcom ldan 'das kyi bstan pa la khyod rdzogs par bsnyen par gyur gyis ci nas kyang mi khom pa brgyad spangs pa dang/ bdag gi 'byor pa la sogs pa'i 'byor pa chung ma zos pa de ji ltar ji skad gsungs pa'i bslab pa'i gzhi dag la ma shi'i bar du mgo dang gos la me 'bar ba ltar yongs su brkyang zhing rjes su sgrub pa lhur long zhig ces bstan to/ /mdzes pa rab tu dbyung ba dang zhes bya ba 'dis ni rigs dang lus la skyon chags pa nyid sel bar byed do/ /yongs su dag pa rdzogs par bsnyen par zhes bya ba 'dis ni ma bsad pa la sogs pa bar chad nyid dag bar byed do/ /'dir gnyi ga la gnyi ga yod par shes par bya ste/ rab tu dbyung ba la yang mdzes pa dang/ yongs su dag pa gnyis ka dgos la/ rdzogs par bsnyen pa la yang mdzes pa dang yongs su dag pa la gnyis ka dgos par bka' stsal to zhes bya bar shes par bya ba'o/ /rdzogs sangs rgyas kyis zhes bya ba ni yang dag par rdzogs pa'i sangs rgyas yin pa'i phyir te/ des so/ rab mkhyen te zhes bya ba ni dngos po thams cad mkho bar mkhyen pa'i phyir rab tu mkhyen te'o/ /bden pa'i mtshan gyis zhes bya ba ni gang gi ming bden pa de ni bden pa'i mtshan te/ rdzogs sangs rgyas kyis zhes bya ba des so/ /bka' stsal to zhes bya ba ni gsungs pa'o/ /de'i 'og tu ci zhig bya zhe na/ de'i phyir de'i 'og tu bsgrub par bya ba thabs brjod pa dang bcas pa
- 292a
la nges par sbyar bar bya ste/ zhes bya ba gsungs te/ bsgrub par bya ba zhes bya ba ni don gang gi phyir rab tu 'byung ba dang/ rdzogs par bsnyen pa dge sbyong gi tshul te/ tshe dang ldan pa khyod rdzogs par bsnyen zin gyis zhes bya ba'o/ /don de bsgrub par bya ba'i thabs gang zhe na/ bag yod pa zhes bya ba'o/ /de brjod pa dang bcas pa la nges par sbyar bar bya ba ni bsgrubs shig ces bya ba'o/ /bag yod par bsgrubs shig ces bya ba ni bag yod pa'i mtshan nyid dge ba'i chos bsgom pa'i thabs su gyur pa des bsgrubs shig ces bya ba'i tha tshig ste/ de ltar yang de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub dang/ gzhan yang gang dag de lta bu dang mthun pa dge ba'i chos byang chub kyi phyogs rnams kyang bag yod pas 'thob po zhes gsungs pa'i phyir ro/ /'o na skyabs su 'gro ba med par ni mya ngan las 'das pa'i bsam pa brtan po mi 'grub la/ mya ngan las 'das pa'i bsam pa brtan pa med par ni sdom pa mi skye na 'dir rdzogs par bsnyen pa'i skabs su skyabs su 'gro bar khas blangs pa'i tshig ci'i phyir mi brjod ce na rdzogs par bsnyen pa'i dus na ni rdzogs par bsnyen zhes bya ba'i sgra kho na las mya ngan las 'das pa'i bsam pa brtan por rtogs par bya ste/ 'di ltar rdzogs par bsnyen pa zhes bya ba la/ rdzogs pa zhes bya ba ni gnod pa thams cad dang 'bral ba phun sum tshogs pa thams cad rdzogs pa'i mya ngan las 'das pa yin la/ bsnyen pa zhes bya ba'i sgra ni nye ba'i tshig yin te/ de nas dge slong gi sdom pa yang dag par blangs na bsam pa thams cad kyis mya ngan las 'das pa dang/ khang nye bar gyur pa ni rdzogs par bsnyen pa yin pas 'dir dge slong gi sdom pa yang dag par blang ba'i bsam pas ni mya ngan las 'das pa'i bsam pa brtan po 'grub la/ mya ngan las 'das pa'i
- 292b
bsam pa brtan pos sdom pa skye bas 'dir rdzogs par bsnyen pa'i skabs su 'gro bar khas blangs pa'i tshig brjod par bya mi dgos so/ /dge slong rdzogs par bsnyen pa zhes bya ba'i chog rgya cher 'grel pa rdzogs so// //da ni gnas kyi skabs brjod par bya ste/ de ni gnas pa gnas la ma zhus par bya ba mi bya ba dang/ gzhan yang gnas kyi lhung bzed kyi las dang/ chos gos kyi las dang/ nad g.yog bya ba dang/ 'gyod pa gsal ba dang/ sdig pa can gyi lta ba'i rnam pa spangs pa dang/ dge 'dun gyis nan tur gyi las bdun byed par 'dod pa dang/ nan tur gyi las bdun byas pa dge 'dun la bzod par gsol ba dang/ dge 'dun lhag ma'i ltung ba byung na yongs su gnas pa sbyin pa dang/ yongs su gnas pa spyad pa mgu bar bya ba sbyin pa dang mgu bar bya ba spyad pa dbyung bar bya ba rnam pa bcu la brtson pa shas chen pos bsgrub par bya ba dang/ gnas kyis kyang gnas pa la zhu ba ma gtogs pa lhag ma bcu gsum po dag bya ba la brtson pa shas chen pos bsgrub par bya ba'o/ /de'i phyir bar sdom la/ ma zhus chos gos lhung bzed dang/ /nad g.yog 'byor dang lta ba dang/ /nan tur bzod dang yongs gnas dang/ /mgu dang dbyung ba rnam pa bcu zhes bya ba gsungs so/ /gnas pas gnas lam zhus par bya ba mi bya ba'i dbyung ba'i mdza' bstan pa'i phyir de dag de ltar rab tu byung zhing rdzogs par bsnyen pa na zhes bya ba la sogs pa gsungs so/ /zhu bar mi byed/ yongs su zhu bar mi byed/ gus par mi byed ces bya ba ni las kyi mdza' chung ngu dang/ 'bring dang/ chen po 'am/ las kyi sbyor ba dang/ dngos po dang/ mjug dang/ go rim bzhin no/ /lhan cig gnas pa zhes bya ba ni slob ma'o/ /nye nas zhes bya ba ni gnas byin pa la sogs pas 'brel ba'o/ /kun tu spyod pa'i zhes bya ba ni nyin gcig bzhin du tha snyad du bya ba la dgos pa'i 'o/ /chos dag ces bya ba ni rjes su bsgrub par dngos po dag go /bca' bar bya ste zhes bya ba ni bzhag
- 293a
pa 'am/ bstan par bya ste'o/ /ma zhus par zhes bya ba ni ma dris bar ro/ /chag chag ces bya ba ni chus gdab pa'o/ /phyag dar zhes bya ba ni sa phyag pa'o/ /ba lang gi lci ba sar pas byug pa zhes bya ba ni de'i byug pas byug pa'o/ /lhung bzed kyi las zhes bya ba ni sreg pa dang glen pa la sogs pa'o/ /chos gos kyi las zhes bya ba ni drub pa dang kha bsgyur ba la sogs pa'o/ /dge slong de 'dra ba zhes bya ba ni rab tu byung ba skyon chags pa ste/ tshul khrims 'chal ba pham par gyur pa zhes pa'i tha tshig go / de yang shes pa 'am dogs pa'o/ /mkhos su dbab pa zhes bya ba ni gnas khang du 'jug du gzhug pa'o/ /bdag rdzas zhes bya ba lci skam gyi phye la sogs pa'o/ /so shing zhes bya ba ni so 'dud pa dang/ bad kan drang ba'i shing bu'o/ /bstabs zhes bya ba ni dbul ba'o/ kha ton zhes bya ba ni gnyis kyis kha ton bya ba'o/ /dmigs kyis dri ba zhes bya ba ni don brjod pa'i the tshom dri ba'o/ /ma zhus par las thams cad mi bya ste zhes bya ba ni gnas pas gnas la ma zhus par bya ba gang yang mi bya ba'o/ /de ltar spyir btang ba bstan nas/ da ni dmigs kyis gsal ba bstan pa'i phyir/ bshang ba dang/ gci ba dang/ so shing dor ba dang/ chu btung ba dang/ nye 'khor dang bcas pa'i gtsug lag khang du mchod rten la phyag bya ba dang/ gtsug lag khang nas 'dom bzhi bcu rtsa dgu'i mdza' tshun chad du 'gro ba ni ma gtogs so zhes bya ba gsungs te/ de dag ni gnas pas gnas la ma zhus par bya bar gnang ngo/ /nye 'khor dang bcas pa'i gtsug lag khang zhes bya ba ni nye 'khor dang bcas par gnas pa ste/ gtsug lag khang de na mchod rten gang yod pa de la phyag bya ba ni ma zhus par bya'o/ /gtsug lag khang gang na? 'dru ba dang/ 'tshed pa dang/ zab la sogs pa'i bya bas khyab pa'i bgreng sa gang yod pa de ni gtsug lag khang de'i nye 'khor yin par rig par bya ste/ de na mchod rten gang yod pa de la phyag
- 293b
bya ba ma gtogs so zhes bya ba'i tha tshig go /gtsug lag khang na 'dom bzhi bcu rtsa dgu'i mdza' tshun chad du 'gro ba zhes bya ba la/ gtsug lag khang ni rnam pa gnyis su rig par bya ste/ rabs bskor ba dang/ ra bas ma bskor ba'o/ /de la gal te gtsug lag khang ra bas bskor ba nas 'gro na ni de'i tshe ra ba'i phyi rol nas brtsams nas 'dom bzhi bcu rtsa dgu'i mdza' tshun chad du 'gro bar bya'o/ /ra bas ma bskor ba nas 'gro na ni gtsug lag khang gi rtsig drung nas brtsams te bgrang bar bya'o/ /de yang bcag par bya ba'i phyir bstan pa yin gyi/ mchod rten la phyag bya ba'i phyir ni ma zhus par 'gro bar mi bya'o/ /gal te bcag pa'i bsam pa kha nas 'gro ba na lam khar mchod rten la phyag 'tshal bar byed na ni de'i tshe nyes par mi 'gyur ro zhes bya ba'i tha tshig go /'dir gnas pas gnas la ma zhus par bya ba mi bya'o zhes bya ba la gnas par zhes bya ba ni slob ma dang nye gnas kyis so/ /gnas la zhes bya ba ni mkhan po dang slob dpon la'o/ /ma zhus par zhes bya ba ni ma dris par ro/ /bya ba zhes bya ba ni chag chag dang/ phyag dar dang/ byug pa dang/ lhung bzed dang chos gos kyi las la sogs pa ste/ de mi bya ba'o/ /bya ba yang rnam pa gnyis te/ gang sbyor ba chen pos rtsom pa ni 'di lta ste/ lhung bzed dang chos gos kyi las la sogs pa ste/ de ni ma zhus par mi bya'o/ /gang sbyor ba chung ngus de'i mdo kho na la bya ba ni 'di lta ste/ gtam 'dre ba dang/ phebs par smra ba dang/ phan tshun kun dga' bar bya ba dang/ lan gdab pa dang/ 'ongs pa legs so zhes bya ba la sogs pa dang/ lag pa chur smyug pa dang rkang lag dag byug pa dang/ gos la rdul chags pa sprug pa dang/ de lta bu la sogs pa ste de ni ma zhus par yang bya ste/ de dag zhus na bzhad gang kyi gzhir gyur pa'i phyir ro/ /dge slong tshul khrims 'chal pa'i yul la ni de dag thams cad kyang zhu bar bya ba yin te/ slob dpon dang/ mkhan po dang/ dge slong nad pa la ni ma gtogs so/ /da ni gnas
- 294a
pa'i tshul khrims brjod par bya ste/ de'i phyir 'di lta ste bya ba la sogs pa gsungs te/ 'di dag ni srid pa yin gyi 'byung ba'i mdza' las gyur pa ni ma yin no/ /nye bar gnas par gyur na zhes bya ba ni byung bar gyur na'o/ /e ma'o bdag cag gis zhes bya ba ni 'dod pa'i tshul gyis sgrub par byed pa ston to/ /bya'o zhes bya ba ni bdag nyid kyis so/ /byed du gzhug go zhes bya ba ni gzhan no/ /de ltar brtson pa shas chen po bsgrub par bya ba ni 'bad pa chen po rab tu bsgrub par bya ba ste/ nan tan bya'o zhes bya ba'i tha tshig go /nad g.yog ces bya ba ni 'phrod pa dang/ sman sbyin pa la sogs pa'o/ 'gyod pa zhes bya ba ni yid la gcags pa ste/ nyes byas la sogs pa'i ltung ba lhag par spyad pa'i phyir yid la gcags pa skyes pa gang yin pa'o/ /sdig pa can gyi lta ba'i rnam pa zhes bya ba la sdig pa can zhes bya ba ni rnam par smin pa mi 'dod pa'o/ /lta ba'i rnam pa zhes bya ni rtag pa dang chad pa'i mdza' lta ba la sogs pa'i rnam pa ste bcom ldan 'das kyis bar du gcod pa'i chos su gsungs gang dag yin pa de dag ni bar du gcod par mi 'gyur zhes bya ba dang/ de lta bu la sogs pa lta ba'i rnam pa dag go /nan tur gyi las zhes bya ba ni chad pa'i las te/ yongs su dag pa'i sa nas nyams par byas te sa 'og mar 'jog par byed pa'i phyir ro/ /bsdigs pa'i las zhes bya ba ni dge slong dmar ser can dag la sogs pa gang zag 'thab krol byed pa la gsol ba dang bzhi'i las kyis bsdigs par bya'o/ /smad pa'i las zhes bya ba ni dge slong dge ldan la sogs pa gang zag dge 'dun lhag ma'i ltung ba rgyun du 'byin cing snga ma phyir ma bcos par yang dang yang du 'byin pa la gsol ba dang bzhi'i las kyis smad par bya ba'o/ /bskrad pa'i las zhes bya ba ni dge slong 'gro 'gyogs dang na bas so la sogs pa gang zag khyim sun 'byin pa ma btang
- 294b
ba dang/ de'i phyir 'du ba mi sbyin pa dang/ skabs mi sbyin pa dang/ ltung ba ma mthong zhes zer ba la gsol pa dang bzhi'i las kyis bskrad par bya ba'o/ /phyir 'gyed pa'i las zhes bya ba ni dge slong dam pa la sogs pa gang zag khyim pa la brnyad thabs byed pa la gsol ba dang bzhi'i las kyis phyir 'gyed par bya ba'o/ /ma mthong bas gnas nas dbyung ba'i las zhes bya ba ni dge slong 'dun pa la sogs pa gang zag ltung ba ma mthong zhes zer zhing phyir bcos pa rjes su sgrub par mi 'dod pa la gsol ba dang bzhi'i las gyis gnas nas dbyung bar bya ba'o/ /phyir mi 'chos pas gnas dbyung ba'i las zhes bya ba ni dge slong 'dun pa la sogs pa'i gang zag ltung ba grags pa phyir ma bcos pa bsdam pas phyir bcos su mi rung ba chos bzhin du phyir mi 'chos pa la gsol ba dang bzhi'i las kyis gnas nas dbyung bar bya'o/ /sdig pa can gyi lta ba'i rnam pa mi gtong bas gnas nas dbyung ba'i las zhes bya ba ni dge slong 'chi ltas la sogs pa gang zag sdig pa can gyi lta ba'i rnam pa mi gtong ba la gsol ba bzhi'i las kyis gnas nas dbyung bar bya ba'o/ /byed 'dod par gyur na zhes bya ba ni byed par brtsom na'o/ /nan tur gyi las 'di lta bur byas pa zhes bya ba ni byas zin par gyur pa ste/ de dag la dge 'dun gyis bzod par bya ba'o zhes brtson pa shas chen po bsgrub par bya'o zhes bya bar sbyar ro/ /nan tur gyi las byas pa ji ltar gyur pa dag la dge 'dun gyis bzod par bya zhe na/ gshe ba dang khro ba dang spyo ba nyid mi 'dzin pa dang/ dge 'dun gyi rnyed pa med pa dang/ gnas med par bya bar sems pa nyid mi 'dzin pa dang/ bla'i gra dang/ 'og zur dang/ nye du'i gang zag rten nyid du mi 'dzin pa dang/ dge 'dun rten ma yin pa nyid du mi 'dzin pa dang/ khyim pa dang mu stegs can gyi rgyal mtshan 'chad bar mi byed pa dang/ mu stegs can la bsten pa dang/ cho ga ma yin pa spyod par mi byed pa dang/ dge slong gi bslab pa
- 295a
dag mi bslab bar mi byed skra 'greng bar gyur/ skra 'phyar bar gyur cing dge 'dun la spu snyol bar byed/ 'byung bar bskyod/ mtshungs pa nye bar ston la mtshams kyi nang du 'ongs te bzod pa gsol zhing rgyu gang gis nan tur gyur gyi las byas pa de yang spong ba dag la bzod pa bya'o zhes brtson pa shas chen pos bsgrub par bya'o/ /zhes bya bar sbyar ro/ de la skra 'greng bar gyur ces bya ba ni skra dag gyen du rnam par 'greng bar gyur pa nyid do/ /skra 'phyang bar gyur ces bya ba ni skra dag thang kar rnam par 'phyar pa nyid do/ /de gnyis kyis ni rma bab pa nyid du bstan pa yin te/ 'di ltar rma bab pa ni skra 'greng bar gyur pa dang/ skra 'phyar bar 'gyur pa yin no zhes grags pa'i phyir ro/ /dge 'dun la spu snyol bar byed ces bya ba ni dge 'dun gyi yul la spu 'khums par byed pa'o/ /des ni rgyags pa med pa nyid du bstan te 'di ltar rgyags pa dang bcas pa ni spu dag te por shin du spungs par ston pa'i phyir ro/ /'byung bar bskyod ces bya ba ni nan tur gyi las byas pa nyid ces bya ba rigs pa ma yin pa dag pa ma yin pa smad pa zhes bya ba'i gnas skabs kyi bye brag de nas rnam par dag pa'i lam du gnas par 'byung ba sgrub par bskyod pa'o/ /mtshungs par nye bar ston zhes bya ba la/ mtshungs pa zhes bya ba ni yang dag pa nyid du gyur par 'jug pa ste/ dge 'dun dang 'dre zhing dge 'dun lhan cig mtshungs par 'jug pa'o/ /der nye bar ston pa ni gang gis 'di bdag cag dang mtshungs par gyur to zhes bya bar shes par 'gyur bar lus 'dun pa dang bcas pa dang/ rjes dang bcas pas mnyen zhing rjes su 'thun pa'i bya ba dang/ mdza' bar gyur pa'i spyod pa dang ldan zhing gus pa dang rjes gnyis kyis bdag nyid du gyur pa'i nang du gnas shing tha dad du gyur pa las phyir mi ldog par ston pa'o/ mtshams kyi nang du 'ongs te zhes bya ba
- 295b
ni dge 'dun gyi mtshams kyi nang du 'ongs te/ bzod pa gsol zhing zhes bya ba ni dge 'dun la bzod pa gsol ba'i bsngags pa lan gsum zlas shing ngo/ /rgyu gang gis nan tur gyi las byas pa de yang spong ba zhes bya ba ni 'thab krol byed pa nyid la sogs pa'i rgyu gang gis de la bsdigs pa la sogs pa'i nan tur gyi las byas par gyur pa'i rgyu de las phyir ldog pa'o/ /de lta bu dag la dge 'dun gyis gsol ba dang gnyis kyi las kyis bzod par bya'o zhes brtson pa shas chen pos bsgrub par bya'o/ /yongs su gnas pa zhes bya ba ni dge 'dun lhag ma'i ltung ba byung ba la bcas pa'i rgyus chad pa'i las kyi bye brag du gzhug pa'o/ /gzhi nas yongs su gnas pa zhes bya ba ni yongs su gnas pa byed bzhin pa las yang bar du de dang mthun pa'i dge 'dun lhag ma byung ba la yongs su gnas pa bzhi nas brtsams te byed du gzhug pa'o/ /'di la yang yang gzhi nas bslangs te yongs su gnas pa yang yod de de ni gzhi nas yongs su gnas pa byed bzhin pa las yang rab tu de dang mthun pa'i dge 'dun ma byung ba la yongs su gnas pa yang gzhi nas bslangs te byed du gzhug pa'o/ /mgu bar bya zhes bya ba zhes bya ba ni yongs su gnas pa gnas pa spyad zin pa las dbyung ba'i rgyur zhag drug chad pa'i las kyi bye brag byed du gzhug pa'o/ /gzhi nas mgu bar bya ba zhes bya ba ni mgu ba la spyod bzhin pa las yang par du de dang mthun pa'i dge 'dun lhag ma byung ba la mgu bar bya ba bzhi nas brtsams te byed du gzhug pa'o/ /'di la yang gzhi nas bslang ste mgu bar bya ba yang yod de/ de ni gzhi nas mgu bar bya ba byed bzhin pa las yang bar du de dang mthun pa'i dge 'dun lhag ma byung ba la mgu bar bya ba yang gzhi nas bslang ste byed du gzhug pa'o/ /dbyung ba zhes bya ba ni dge 'dun lhag ma'i ltung ba'i zug rngu dbyung ba ste/ ltung ba las bslang ba zhes bya ba'i tha tshig go /gnas pa'i tshul khrims bstan nas/
- 296a
da ni gnas kyi tshul khrims brjod par bya ste de'i phyir dge slong lhan cig gnas pa dang nye gnas rnams kyis mkhan po dang slob dpon dag la ji ltar bsgrub par bya ba de bzhin du mkhan po dang slob dpon dag gis kyang lhan cig gnas pa dang nye gnas rnams la bsgrub par bya ste/ zhu ba ni ma gtogs so zhes bya ba gsungs te/ gnas pas gnas kyi lhung bzed kyi las la sogs pa rnam pa bcu la brtson pa shas chen pos bsgrub par bya ba de bzhin du gnas kyis gnas pa'i lhung bzed kyi las la sogs pa rnam pa bcu po de dag la brtson pa shas chen po bsgrub ba bya ste/ ma zhus par bya ba mi bya'o zhes bstan pa 'ba' zhig bstan pa ma gtogs so/ /gnas pas gnas pa la ma zhus par bya ba mi bya'o zhes bstan pa de'i zhar la/ rdzogs par bsnyen nas ji srid lon pa yon tan du ma dang ldan pas mkhan po nyid la sogs pa bya bar gnang pa dang mi gnang pa'i byung ba'i mdza' dang bye brag bstan pa'i phyir sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra bar dbyar gnas par zhal gyis bzhes so/ /de la rgyal byed kyi tshal zhes bya ba ni rgyal bu rgyal byed ces bya ba las bya ba bkram pas nyos pa'i skyed mos 'tshal lo/ /mgon med zas sbyin gyi kun dga' ra bar zhes bya ba ni khyim bdag mgon med zas byin zhes bya bas der gtsug lag khang brtsigs par ro/ /dbyar gnas par zhal gyis bzhes so zhes bya ba ni sngags sngon du btang bas dbyar gnas gcig tu gnas par zhal gyis bzhes pa'o/ /ljongs su zhes bya ba ni yul gnas du'i lo gcig lon nas zhes bya ba ni rdzogs par bsnyen nas so/ /lhan cig gnas pa zhes bya ba ni phyis der 'gyur ba'i ming smos pa yin no/ /lo gnyis lon pa zhes bya ba ni de'i tshe na tshe dang ldan pa nye sde rdzogs par bsnyen nas lo gnyis
- 296b
lon pa'o mdza' gcig tu zhes bya ba ni phyogs gcig tu'o/ /'dug go zhes bya ba ni 'greng bzhin du sdod pa'o/ /dang po kho nar zhes bya ba ni thog ma kho nar ro/ /tshogs bsdu bar bsams zhes bya ba ni lo gcig lon pa kho nas 'khor nye bar bzhag pa'i phyir bsam pa byas pa'o/ /rab tu dbyung bar mi bya rdzogs par bsnyen par mi bya zhes bya ba ni mkhan po nyid mi bya ba'o/ /gnas sbyin par mi bya/ dge tshul nye bar bzhag par mi bya ba zhes bya ba ni gnas nyid mi bya ba'o/ /dge tshul nye bar bzhag par mi bya zhes bya ba ni sngags sngon du btang ste gnas sbyin par mi bya'o/ /kha cig na re nye bar bzhag pa zhes bya ba'i sgra ni sngags med par nye bar bzhag pa la bya ste/ 'di ltar gnas sbyin pa zhes gsungs pa'i 'og kho nar dge tshul nye bar bzhag par zhes gsungs pas/ bcom ldan 'das kyis de dang de dag dge tshul nye bar bzhag pa sngags med par yang gnang bas 'dir ni 'di nyid yin par gzung ste/ gzhan du gnas sbyin par gsungs pa'i 'og tu dge tshul nye bar bzhag par bya zhes gsungs pa'i tshig de don med pa'i skyon du 'gyur ro/ /bdag nyid kyang mi gnas par 'dug par mi bya'o zhes bya ba ni rang yang gzhan la gnas ma bcas par 'dug par mi bya'o/ /lo bcu lon pas zhes bya ba ni rdzogs par bsnyen nas lo bcu tshang bas so/ /bye brag med par zhes bya ba ni bye brag ma rtogs par ro/ /de nyid bstan pa'i phyir byis pa zhes bya ba la sogs pa gsungs te/ byis pa zhes bya ba ni mdo sde dang/ 'dul ba dang/ chos mngon pa dag la blo mi byang ba'o/ /rmongs pa zhes bya ba ni de dag la blo sbyong na byang bar mi nus pa'o/ /mi gsal ba zhes bya ba ni 'dul ba'i don gyi de kho na nyid bsgrub par mi nus pa'o/ /mi mkhas pa zhes bya ba ni 'dul ba'i don nyid ma 'dres par bzhag pa la mi mkhas pa'o/ /yang na de dag ni lhan cig skyes pa dang/ thos pa dang bsams pa dang bsgoms pa las byung ba'i shes rab dang bral ba ste go rim bzhin no/ /kye
- 297a
ma zhes bya ba ni mi srid par bstan pa'i tshig yin no/ /ma dul ba zhes bya ba ni lus kyis so/ /de ni gnas med la zhes bya ba ni de lta bu mi srid la zhes bya ba'i tha tshig go /ma zhi ba zhes bya ba ni dag gis so/ /ma grol ba zhes bya ba ni 'dod chags dang zhe sdang dang gti mug dag las so/ /yongs su mya ngan las ma 'das pa zhes bya ba ni de las gzhan pa'i nyon mongs pa ma zhi ba'o/ /yang na de dag dbang po sdom pa dang/ yid sdom pa dang/ 'phags pa'i lam dang/ dgra bcom pa nyid med pa ste/ go rim bzhin no/ /'dam las ma brgal ba zhes bya ba ni tshul khrims 'chal pa'i 'dam las so/ /rgan zhugs zhes bya ba ni yun ring zhig lon nas rab tu byung ba'o/ /gzhan mu stegs can zhes bya ba ni chos 'dul ba 'di las gzhan pa'i mu stegs can khas blangs pa'o/ /dus dang dus su zhes bya ba ni dang po'i dus dang/ 'brel pa'i dus gzhan du'o/ /gdams ngag ces bya ba ni gnod pa dgag pa'o/ /rjes su bstan pa zhes bya ba ni phan pa la bzhugs pa'o/ /yang na de gnyis ni lam bsgom pa bstan pa dang bya ba dang ni mi bya ba slabs pa ste go rim bzhin no/ /nyams par gyur ces bya ba ni khyim pa'i sdug bsngal gyi nang du 'bab pa khas blangs pa ste/ dge slong gi dngos po las nyams shing/ khyim par babs zhes bya ba'i tha tshig go /lo bcu lon pa chos lnga dang ldan pas zhes bya ba ni dge slong rdzogs par bsnyen nas lo bcu lon pa thams cad kyis mkhan po nyid dang gnas nyid dang mi gnas par 'dug pa nyid bya ba ma yin te/ rdzogs par bsnyen nas lo bcu lon du zin kyang gal te 'og nas 'byung ba'i yon tan lhan cig sbyar ba'i lnga pa nyi shu rtsa gcig po dag las lnga pa gcig dang yang mi ldan na de mkhan po nyid dang gnas nyid dang mi gnas par 'dug pa nyid bya ba mi bya'o/ /gang rdzogs par bsnyen nas lo bcu yang lon la lnga pa gcig dang
- 297b
yang ldan na/ des ni mkhan po nyid dang gnas nyid dang mi gnas par 'dug nga nyid kyang bya'o zhes bya ba'i tha tshig go /de'i phyir rab tu dbyung bar bya/ rdzogs par bsnyen par bya/ gnas sbyin par bya/ dge tshul nye bar bzhag par bya zhing bdag nyid kyang mi gnas par 'dug par bya'o zhes bya ba gsungs so/ /lnga pa nyi shu rtsa gcig gang zhe na/ lo bcu lon pa dang/ nad g.yog dang/ 'gyod pa skyes pa sel ba dang sdig pa can gyi lta ba'i rnam pa byung ba spong ba dang/ gnas mngon par mi dga' ba dor bar byed dam byed du 'jug nus pa zhes gsungs pa ni lnga pa gcig yin no/ /de la lo bcu lon pa zhes bya ba ni rdzogs par bsnyen nas lo bcu lon pa'am lhag pa ste/ de ni 'dir lnga pa dang po yan lag dang po yin te/ des 'dul ba la gnas pa'i don nyid kyang bstan to/ /lnga pa lhag ma rnams kyi ni yul yin par ston te/ gang la lo bcu lon pa nyi dang/ 'dul ba la gnas pa'i don nyid gnyis po de dag yod pa des ni mkhan po nyid la sogs pa gsum po dag bya ste/ 'di ltar de ni mkhan po nyid la sogs pa dag gi gtso bo'i rgyu yin pa'i phyir ro/ /slob pa nyid la sogs pa'i yan lag lhag ma ni bye brag du gyur pa nyid yin te/ de med kyang mkhan po nyid la sogs pa'i rgyur rung bas de'i phyir lo bcu lon pa nyid dang 'dul ba la gnas pa'i don nyid ni bzla bar bya ba ma yin pa'i yan lag yin no/ /don 'di bstan pa'i phyir dang por lo bcu lon pa nyid smos so/ /nad g.yog ces bya ba 'dis ni snying rje dang ldan pa nyid dang/ sdug bsngal la ji mi snyan pa nyid bstan te/ gang la de gnyis yod pa des ni nad g.yog byed nus so/ /'gyod pa skyes pa sel ba zhes bya ba 'dis ci bdag ltung ba dang bcas par gyur tam 'on te ma yin zhes 'gyod par gyur pa de bsal ba ste/ de byed dam byed du 'jug nus pa yin no/ /yan lag 'dis ni 'dul ba la gnas pa'i don nyid bstan te/ 'di ltar gang la la zhig gis ltung ba dang/ ltung ba ma yin pa mngon par shes shing de las
- 298a
bslang ba yang mngon par shes pa des ni de dag gi 'gyod pa sel ba kho na yin pa'i phyir ro/ /sdig pa can gyi lta ba'i rnam pa byung ba spong ba zhes bya ba la sogs pas ni chos mngon pa la mkhas pa nyid bstan to/ /gnas mngon par mi dga' ba dor ba zhes bya ba la sogs pas ni bsam pa shes pa nyid bstan to/ /'di ltar byed du 'jug pa zhes bya ba smos mod kyi 'on kyang gang la yan lag bzhi pa de dag rang gis byed pa'i mthu med na gzhan byed du gzhug pa'i mthu yod du zin kyang nges gsum po de dag mi bya ste/ de lta ma yin du zin na 'dul ba la gnas pa'i don nyid ces bya ba'i yan lag bzla bar bya ba ma yin pa de yang bzlas par 'gyur ro/ /gal te de lta na byed du gzhug pa zhes bya ba smos pa ci'i phyir zhe na/ 'dul ba la bltos pa'i phyir te/ la la gdul ba ni la las nus kyis thams cad kyis thams cad nus pa ni ma yin pa'i phyir ro/ /tshul khrims dang ldan pa dang/ mang du thos pa dang/ mdo sde 'dzin pa dang/ 'dul ba 'dzin pa dang/ ma mo 'dzin pa zhes bya ba lnga pa gnyis pa'o/ /de la tshul khrims dang ldan pa zhes bya ba ni gang la tshul khrims yod pa de ni tshul khrims dang ldan pa ste/ 'di la tshul khrims 'chal pa'i skabs med pa'i phyir des 'di ni dge ba zhes bya bar shes pa de ni tshul khrims dang ldan pa nyid yin par rig par bya'o/ /mang du thos pa zhes bya ba ni gang la mang du thos pa yod pa de ni mang du thos pa ste/ bstan bcos mang po shes pa nyid do/ /'di man chad lnga pa gang la mdo sde dang 'dul ba dang/ ma mo'i sde snod mngon par shes pa nyid yod pa der ni mang du thos pa nyid gzhan gyi bstan bcos kyi yul can yin no/ /gang du sde snod mngon par shes pa ma bsdus pa der ni mang du thos pa nyid rang gi grub pa'i mdza' i yul can yin par rig par bya'o/ /mdo sde 'dzin pa dang/ 'dul ba 'dzin pa dang/ ma mo 'dzin pa dang
- 298b
zhes bya ba ni mdo la sogs pa gzung ba mi brjed pa'o/ /tshul khrims dang ldan pa dang/ mang du thos pa dang/ sde snod la mkhas pa dang/ 'dul ba la mkhas pa dang/ ma mo la mkhas pa zhes bya ba ni lnga pa gsum pa'o/ /de la mdo sde la sogs pa la mkhas pa zhes bya ba ni sde snod gsum phan tshun 'grel bas 'dres par gnas pa la so sor gnas par nus pa'o/ /tshul khrims dang ldan pa dang/ mang du thos pa dang/ mdo sde rig pa dang/ 'dul ba rig pa dang/ ma mo rig pa zhes bya ba ni lnga pa bzhi pa'o/ /de la mdo sde la sogs pa rig pa zhes bya ba ni mngon sum du rjes su dpag pa'i tshad ma gnyis dang/ lung gis mdo sde la sogs pa sbyor nus pa'o/ /tshul khrims dang ldan pa dang/ mang du thos pa dang/ mdo sde ma gsal ba dang/ 'dul ba la gsal ba dang/ ma mo la gsal ba zhes bya ba ni lnga pa lnga pa'o// de la mdo sde la sogs pa la gsal ba zhes bya ba ni lung dang rigs pa gnyis kyis mdo sde la sogs pa sbyar te/ gzhan la go bar byed nus pa gang yin pa'o/ /tshul khrims dang ldan pa dang/ mang du thos pa dang/ mdo sde 'dzin du 'jug nus pa dang/ 'dul ba 'dzin du 'jug nus pa dang/ ma mo 'dzin du 'jug nus pa zhes bya ba ni lnga pa drug pa'o/ /de la mdo sde la sogs pa 'dzin du 'jug nus pa zhes bya ba ni sde snod de dag don gyis bdag nyid kyis gzhan 'dzin du gzhug cing go bar byed nus pa nyid do/ /de ni sde snod mngon par shes pa nyid du de kho na'i bye brag gzhan yin te/ de lta ma yin du zin na gal te de rang gis mngon par mi shes par ji ltar don gyi bdag nyid kyis gzhan 'dzin du gzhug par nus pa dang/ 'dul ba la gnas pa'i don nyid kyang shin tu bzlas par 'gyur ro/ de lta bas na sde snod mngon par shes pa'i gang zag nyid kyis gzhan la go bar byed nus pa gang yin pa de ni de'i brjod pa yin par rig par bya'o/ /tshul khrims dang ldan pa dang/ mang du thos pa dang lhag pa'i tshul khrims kyi bslab pa la slob pa dang/ lhag
- 299a
pa'i sems kyi bslab pa la slob pa dang/ lhag pa'i shes rab kyi bslab pa la slob pa dang zhes bya ba ni lnga pa bdun pa'o/ /de lhag pa zhes bya ba'i sgra ni lhag pa'i don dang dbang du bya ba'i don to/ /tshul khrims zhes smos pas de ni 'dul bar gtogs pa'i bslab pa'i gzhi thams cad bzung ba yin no/ /sems zhes smos pas ni bsam gtan bzhi pa dag bzung ste/ de dag ni sems 'dul bar byed pa yin pa'i phyir ro/ /shes rab ces smos pas ni zag pa med pa'i lam bzung ngo/ /slob ba zhes bya ba ni slob par byed pa'o/ /tshul khrims dang ldan pa dang/ mang du thos pa dang/ lhag pa'i tshul khrims kyi bslab pa la slob du 'jug nus pa dang/ lhag pa'i sems kyi bslab pa la slob du 'jug nus pa dang/ lhag pa'i shes rab kyi bslab pa la slob du 'jug nus pa zhes bya ba ni lnga pa brgyad pa'o/ /'di ni snga ma nyid kyi bye brag yin par rig par bya'o/ /'di ltar rang nyid lhag pa'i tshul khrims la sogs pa lam bslangs par gzhan slob du 'jug nus pa ni 'ga' yang med pa'i phyir te/ bdag nyid ma thul bar gzhan 'dul bar byed pa ni gnas med do zhes gsungs pa'i phyir ro/ /slob du 'jug nus pa zhes bya ba ni gzhan lhag pa'i tshul khrims la sogs pa slob du 'jug nus pa nyid do/ /tshul khrims dang ldan pa dang mang du thos pa dang lhag pa'i spyod pa la slob pa dang/ lhag pa'i 'dul ba la slob pa dang/ lhag pa'i so sor thar pa la slob pa zhes bya ba ni lnga pa dgu pa'o/ /de la lhag pa'i spyod pa zhes bya ba ni 'dul ba las 'gro ba dang 'ong ba la sogs pa yin par gsungs te/ rtag tu lhag par spyod pa yin pa'i phyir ro/ /lhag pa'i 'dul ba zhes bya ba ni so sor thar pa'i bslab pa'i rnam par obshad par gyur pa rnam par 'byed pa dang gzhi dang phran tshegs la sogs pa'o/ /lhag pa'i so sor thar pa zhes bya ba ni so
- 299b
sor thar par gtogs pa'i bslab pa'i gzhi rnams so/ /tshul khrims dang ldan pa dang mang du thos pa dang/ lhag pa'i spyod pa la slob du 'jug nus pa dang/ lhag pa'i 'dul ba la slob du 'jug nus pa dang/ lhag pa'i so sor thar pa la slob du 'jug nus pa zhes bya ba ni lnga pa bcu pa'o/ /'di yang snga ma de nyid kyi bye brag yin par rig par bya ste/ 'di ltar rang nyid lhag pa'i spyod pa la sogs pa la ma bslabs par gzhan slob du 'jug nus pa ni 'ga' yang med pa'i phyir ro/ /slob tu 'jug nus pa zhes bya ba ni gzhan lhag pa'i spyod pa la sogs pa la slob tu 'jug nus pa nyid do/ /dad pa phun sum tshogs pa dang/ tshul khrims phun sum tshogs pa dang/ thos pa phun sum tshogs pa dang/ gtong ba phun sum tshogs pa dang/ shes rab phun sum tshogs pa zhes bya ba ni lnga pa bcu gcig pa'o/ /nga la dad pa zhes bya ba ni dkon mchog gsum la sogs pa dag la sems dang ldan pa'i mtshan nyid do/ /tshul khrims zhes bya ba ni rang bzhin dang bcas pa'i kha na ma tho ba dang bcas pa spong ba'i mtshan nyid do/ /thos pa zhes bya ba smos pas ni 'dir 'dul ba 'byung? ba yin te/ 'dul ba la gnas pa'i don nyid shin tu bzla bar bya ba ma yin pa'i phyir ro/ /gtong ba zhes bya ba ni ma chags pa'i ngo bo nyid do/ /shes rab ces bya ba ni chos rab tu rnam par 'byed pa'o/ /phun sum tshogs pa zhes bya ba dad pa la sogs pas phun sum tshogs pa ni dad pa la sogs pa phun sum tshogs pa ste ldan pa zhes bya ba'i tha tshig go /tshul khrims phun sum tshogs pa dang/ ting nge 'dzin phun sum tshogs pa dang/ shes rab phun sum tshogs pa dang/ rnam par grol ba phun sum tshogs pa dang/ rnam par grol ba shes pa dang mthong ba phun sum tshogs pa zhes bya ba ni lnga pa bcu gnyis pa'o/ /'dir yang tshul khrims phun sum tshogs pa zhes smos pas ni 'dul ba mngon par shes pa nyid ston to/ /ting nge 'dzin zhes bya ba ni sems rtse gcig pa'i mtshan nyid de/ 'di sems dang
- 300a
sems las byung bdag ting nge 'dzin du byed pa'i phyir ro/ /shes rab ces bya ba ni 'dir yang chos rab tu rnam par 'byed pa'i mtshan nyid do/ /rnam par grol ba zhes bya ba ni nyon mongs pa spangs pa ste/ 'dir ni mi slob pa'i rnam par grol ba la bya'o/ /rnam par grol ba'i shes pa dang/ mthong ba zhes bya ba ni rnam par grol ba shes pa dang/ mthong ba ste/ rnam par grol ba shes pa ni zad pa dang mi skye ba shes pa zhes bya'o/ /de mthong ba ni mi slob pa'i lta ba'o/ /tshul khrims dang ldan pa dang/ thos pa dang/ brtson 'grus brtsams pa dang/ shes rab dang ldan pa dang/ dran pa dang ldan pa zhes bya ba ni lnga pa bcu gsum pa'o/ /brtson 'grus brtsams pa zhes bya ba ni dge ba'i chos bskyed pa dang/ dgag pa byas pa la sogs pa'o/ /dran pa dang ldan pa zhes bya ba ni dran pa nye bar bzhag pa dang ldan pa'o/ /tshul khrims dang ldan pa dang/ mang du thos pa dang/ brtson 'grus brtsams pa dang/ shes rab dang ldan pa dang/ nang du yang dag gzhag pa zhes bya ba ni lnga pa bcu bzhi pa'o/ /nang du yang dag bzhag pa zhes bya ba ni rab tu dben par gyur pa nyid ces bya ba'i tha tshig go /tshul khrims dang ldan pa dang/ mang du thos pa dang/ brtson 'grus brtsams pa dang/ shes rab dang ldan pa dang/ mnyam par bzhag pa zhes bya ba ni lnga pa bco lnga pa'o/ /mnyam par bzhag pa zhes bya ba ni mi rgod pa nyid ces bya ba'i tha tshig go /thams cad du yang mang du thos pa nyid ces smos pas ni 'dul ba la gnas pa'i don nyid ston to/ /slob pa'i tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i shes pa dang/ mthong ba'i phung po dang ldan pa zhes bya ba ni lnga pa bcu drug pa'o/ /slob pa zhes bya ba ni zag pa med pa'i lam gyis nyon mongs pa spang ba'i phyir slob pa'i ngang tshul can te/ slob pa zhes bya ba'i sgra ni rgyur
- 300b
'jug pa yin pas slob pa zhes bya ba'o/ /slob pa'i tshul khrims kyi phung po zhes bya ba ni gang zag bdun gyi rgyud la yod pa slob pa'i sdom pa zag pa med pa'o/ /slob pa'i ting nge 'dzin gyi phung po zhes bya ba ni 'phags pa'i gang zag bdun gyi rgyud la skyes pa slob pa'i ting nge 'dzin zag pa med pa'o/ /slab pa'i shes rab kyi phung po zhes bya ba ni 'phags pa'i gang zag gi rgyu las byung ba slob pa'i yang dag pa'i lta ba zag pa med pa'o/ /slob pa'i rnam par grol ba'i phung po zhes bya ba ni slob pa yid la byed pa dang/ mtshungs par ldan pa slob pa'i mos pa'o/ /slob pa'i rnam par grol ba shes pa dang mthong ba'i phung po zhes bya ba ni bslab par bya ba mos par bya ba zhes bya ba'i rnam par grol bar gyur na shes pa dang mthong ba 'byung ba ste/ slob pa'i chos zhes pa la sogs pa ni shes pa'o/ /chos shes pa'i bzod pa la sogs pa shes rab ni mthong ba ste/ de'i phyir rnam par grol ba'i shes pa dang mthong ba zhes bya ba'o// //bam po dgu pa/ /mi slob pa'i tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i shes pa dang/ mthong ba'i phung po dang ldan pa zhes bya ba ni lnga pa bcu bdun pa'o/ /mi slob pa zhes bya ba ni nyon mongs pa spangs pa'i phyir mi slob pa ste dgra bcom pa nyid do/ /'dis ni dgra bcom pa'i rgyud la yod pa'i tshul khrims la sogs pa'i yan lag lnga po de dag nyid bsdus pa yin no/ /'o na lnga pa gong ma dang/ 'di gnyis kyis 'dul ba la gnas pa'i don nyid ma bstan pa shin tu zla bar bya ba ma yin pa'i yan lag ji ltar bzla bar rung/ 'di ltar 'dul ba yongs su shes pa med par yang slob pa dang/ mi slob pa nyid ni srid pa kho na yin la/ zag pa med pa'i tshul khrims kyi yu la 'di ni bya ba'o/ /'di ni bya ba ma yin no zhes yongs su shes pa gang yin pa ni mngon par rtogs pa las byung pa kho na ste/ 'phags pa'i lam gyis yin la/ ltung ba rnam
- 301a
par bzhag pa la ni so sor thar pa la sogs pa yongs su shes pa dgos pa'i phyir ro zhe na/ de la nyes pa med do lo bcu lon pa nyid pa'i phyir te/ 'di ltar de gnyis ni 'phags pa yin pas lo bcu po dag la 'dul ba la gdon mi za bar 'bad pa byas pa yin pa'i phyir ro/ /bcom ldan 'das kyis lo bcu lon pa nyid ces gsungs pas ni rang dbang yod par bstan pa yin pas/ gal te de gnyis la 'dul ba la gnas pa'i don nyid med par gyur na/ de gnyis ji ltar rang dbang can du 'gyur/ de lta bas na lo bcu lon pa nyid ces smos pas 'dul ba la gnas pa'i don nyid bstan pa yin no/ /de ltar mdo sde las gang zag lta ba phun sum tshogs pa bsams bzhin du bslab pa las 'da' bar byed pa ni gnas med skabs med do zhes gsungs pa'i phyir ro/ /'byung ba shes pa dang/ bcas pa shes pa dang/ rjes su bcas pa shes pa dang/ bkag pa shes pa dang/ gnang ba shes pa zhes bya ba ni lnga pa bco brgyad pa'o/ /de la byung ba zhes bya ba ni bslab pa'i gzhi rnams gang las byung bar gyur pa'i 'byung ba de'i gzhi dang/ rgyu mtshan dang byed rgyu gang yin pa ste/ de ni 'byung ba zhes bya ba'i sgras brjod do/ /bcas pa zhes bya ba ni bslab pa'i gzhi rnams rnam par bzhag pa'o/ /nyes pa sbom po ni dge slong 'di snyed cig gi mdun du bshags par bya'o zhes bya ba la sogs pa yang bcas pa zhes smos pas bzung bar rig par bya'o/ /rjes su bcas pa zhes bya ba ni sngar gnang ba'i gzhi la bkag pa dang/ sngar bkag pa la gnang ba gang yin pa de ni rjes su bcas pas dper na mchil lham gnyis gnang ba mdzad pa la yang de gnyis kyi bye brag dgag pa mdzad de/ sgra skrog skrog mi zer ba dang/ sgra tug tug mi zer bar bya'o zhes bya ba la sogs pa lta bu ni gnang ba la yang bkag pa'o/ /bkag pa la yang gnang ba ni dper na dus ma yin pa'i
- 301b
zas sngar bkag pa nad pa la gnang ba lta bu ste de na bkag pa la yang gnang ba'o/ /bkag pa zhes bya ba ni srog la bab kyang gzhi 'di rnam pa thams cad du mi bya ba ste/ dper nang la ston par smra ba rnams kyis tha na rtswa'i mchog mas kyang chang mi blud mi btung ngo zhes gsungs pa dang/ srog gcod pa la sogs pa rang bzhin gyis kha na ma tho ba dang bcas pa mi bya'o zhes gsungs pa lta bu'o/ /gnang ba zhes bya ba ni ci dgar spyad pa'i yul la bya ba gang yang rung ba zhig mi byed dam byed na ltung ba zhes bya ba'i nyes pa med pa ste/ dper na las kyis rgol ba tshar bcad pa'i phyir phyi rol gyi bstan bcos blang ba ngas rjes su gnang ngo/ /zhes gsungs pa lta bu'o/ /lnga pa 'di dag dang 'og nas ltung ba shes pa zhes bya ba la sogs pa'i lnga pa 'ba' zhig mngon par shes pa nyid bstan to/ /bar du gcod pa shes pa dang/ bar du gcod pa ma yin pa shes pa dang/ smra ba po dang rjes su ston pa dang/ gnas 'char gzhug nus pa zhes bya ba na lnga pa bcu dgu pa'o/ /de la bar du gcod pa zhes bya ba ni 'dul ba las srog gcod pa zhes bya ba ma yin pa gang yin pa ste/ de ni bar du gcod par nus pa'i phyir bar du gcod pa'o/ /bar du gcod pa ma yin pa zhes bya ba ni bya ba gang yin pa ste/ de ni bar du gcod pa ma yin no/ /bar du gcod pa dang bar du gcod pa ma yin pa mngon par shes pa nyid ces bya ba yan lag gnyis po 'dis ni 'dul ba la gnas pa'i don nyid bstan to/ /smra ba po zhes bya ba ni smra bar byed pas smra ba po ste/ bar du gcod pa dang bar du gcod pa ma yin par shes pa'i yan lag gnyis po de dag nyid gzhan dag la ston pa 'am go bar bya ba la mkhas par gyur cing nus pa gang yin pa de ni smra ba po zhes bya'o/ /rjes su ston pa zhes bya ba ni slob ma la sogs pa dag bya ba ma yin pa dag las legs par 'jog pa dang rjes su mthun pa rnam par bzlog pa dang/ rjes su mthun par smra ba nyid dang/ bya ba dag la rjes su bsgrub pa la 'jug pa dang
- 302a
rjes su mthun par smra ba nyid de 'dis slob ma rnams rjes su ston par byed pa'i phyir ro/ /gnas 'char gzhug nus pa zhes bya ba ni gal te mkhan po gzhan du 'gro na lhan cig gnas pa dang nye gnas rnams gzhan la gnas 'char gzhug nus pa'o/ /bar du gcod pa shes pa dang/ bar du gcod pa ma yin pa dang/ smra ba po dang rjes su ston pa dang/ de zhig gi gnas 'char gzhug nus pa zhes bya ba ni lnga pa nyi shu pa'o/ /de la re zhig gi gnas 'char gzhug nus pa zhes bya ni gal te mkhan po re zhig pa'i bsam pa gzhan du 'gro ba 'am/ de nyid na yongs su gnas pa la sogs pa'i dgos pa'i dbang gis 'dug pa na/ lhan cig gnas pa dang nye gnas rnams gzhan la re zhig gi gnas 'char gzhug nus pa'o/ /ltung bar shes pa dang/ ltung ba ma yin par shes pa dang/ yang ba shes pa dang/ lci ba shes pa dang/ so sor thar pa'i mdo gdon pa dang/ rgyas par bklags pa dang/ thon pa zhes bya ba ni lnga pa nyi shu gcig pa'o/ /de la ltung ba dang ltung ba ma yin pa shes pa ni slob ma la sogs pa bya ba dang/ bya ba ma yin pa la sbyar ba dgos so/ /yang ba dang lci ba shes pa ni nyes pa spom po bshags pa la dgos te/ 'di ltar nyes pa spom po kha cig ni mtshams kyi nang du dge 'dun thams cad tshogs pa la bshags par bya ba yin/ kha cig ni mtshams kyi phyi rol du/ kha cig ni bdun la/ kha cig lnga la/ kha cig ni bzhi la bshags par bya ba yin pa'i phyir ro/ /so sor thar pa'i mdo gdon pa dang/ rgyas par bklags pa dang/ thon pa zhes bya ba ni 'dul ba la gnas pa'i don nyid bstan te/ so sor thar pa'i mdo gdon pa la lnga pa dag go /rgyas par zhes smos pas ni 'dul ba mdza' dag bsus pa yin par rig par bya ste/ 'dul ba mdza' dag ni so sor thar pa rgyas par gyur pa yin pa'i phyir ro/ /'dir so sor thar pa'i mdo gdon
- 302b
pa dang/ rgyas par bklags pa dang/ thon pa ni tshig las rig par bya'o/ /don las ni ltung ba dang/ ltung ba ma yin pa la sogs pa nyid kyis grub pa'i phyir ro/ /bklags pa zhes smos pas ni 'dir so sor thar pa'i mdo gdon pa dang/ rgyas pa gnyis ka slob dpon dang/ mkhan po la sogs pa las klag pa'i bsam pa las bzung bstan to/ /thon pa zhes smos pas ni so sor thar pa'i mdo gdon pa kha gdon du rnam par bzhag pa nyid ston to/ /gtsug lag khang gang na dge slong lo bcu lon pa 'am/ de bas lhag pa lnga pa gang dang yang mi ldan pa 'ba' zhig 'khod pa gtsug lag khang de na rgan pa lnga pa dang ldan pa med na de ji ltar bsgrub par bya ba bstan pa'i phyir sangs rgyas bcom ldan 'das la tshe dang ldan pa nye bar 'khor gyis zhus pa zhes bya ba la sogs pa gsungs so/ /de la ji skad ces bgyi zhes bya ba ni tha snyad ji skad ces brjod par bgyi zhes bya ba'o/ /gnas brtan byis pa zhes bya ba ni rgan pa'i phyir gnas brtan zhes bya la/ 'dul ba mngon par mi shes pa'i byis pa zhes bya'o/ /ches rgan pa med na ches gzhon pa la gnas pas 'dug par bya'o zhes bya ba ni gal te rgan ba lnga pa gang yang rung ba gcig dang yang mi ldan par gyur na de'i cho ga ni de yin no/ /ches rgan pa zhes bya ba ni lnga pa dang ldan pa'o/ /ches gzhon pa zhes bya ba ni lo grangs kyis gzhon pa la bya'i lnga pa dang mi ldan pa ni ma yin te/ des lo bcu lon pa dang ldan pa nyid bzung ngo/ /ci nye gnas kyi tshul khrims thams cad bya 'am zhe na/ de'i phyir thams cad bya ste/ btung ba 'ba' zhig ma gtogs so zhes bya ba gsungs te/ rgan pas gzhon pa la btung de phyag bya ba 'ba' zhig ma gtogs pa gnas pa'i tshul khrims de las gzhan pa dag la rjes su gnas par bya'o zhes bya ba'i tha tshig go /dge slong gnas na gnas pas ji ltar rjes su bstan na/ lam du zhugs pas kyang ci de dag nyid la rjes su gnas par bya ba'am zhen ma yin te/ de'i 'byung ba'i mdza' bstan pa'i phyir sangs rgyas bcom
- 303a
ldan 'das rgyal po'i khab tu 'od ma'i tshal ka lan da ka'i gnas su dbyar gnas par zhal gyis bzhes so zhes bya ba la sogs pa gsungs so/ /myur du ldog pa zhes bya ba ni mkhan po dang slob dpon dag 'di na bdag cag yul gzhan du 'khod du mi rung bas myur du phyir ldog dgos pa'i phyir ro/ /rkyen par ldog dgos pa zhes bya ba ni bdag cag mkhan po dang slob dpon dag la byams pas lam nas ldog pa'i tshe yang brtad par ldog dgos pa'i phyir ro/ /btsal bar bya dgos pa'i phyir ro zhes bya ba ni gnas kyi slob dpon btsal bar bya dgos pa'i phyir ro/ /'khor nyung shas shig ces bya ba ni 'khor nyung du zhig go /sku thams cad kyis zhes bya ba ni thams cad du gus par mdzad pa'i bya bas 'gyur bar mdzad pa'i phyir ro/ /g.yas nas zhes bya ba ni sku dang gsung dang thugs kyi phrin las mchog pa dang ldan pa'i phyir ro/ /glang po che'i lta stangs kyis zhes bya ba ni de bzhin gshegs pa'i sku'i tshigs klu ltar 'brel pa'i phyir glang po che'i gtso bo bzhin du sku thams cad kyi g.yas nas snam logs su bskor te rnam par gzigs pa'o/ /ci'i phyir rmed par mdzad ce na/ de'i phyir sangs rgyas rnams ni mkhyen bzhin du rmed par mdzad pa ste zhes bya ba la sogs pa gsungs te/ sangs rgyas bcom ldan 'das rnams ni thams cad mkhyen pa yin pa'i phyir ro/ /mkhyen pa kho na yin mod kyi don dang bcas pa 'ga' zhig gi phyir rmed par mdzad de/ 'jig rten pa'i tha snyad kyi phyir rmed par mdzad kyi mi mkhyen pa'i phyir rmad pa ni ma yin no/ / zhes bya ba'i tha tshig go /mkhyen bzhin du rmed pa zhes bya ba ni gal te mkhyen na ci'i phyir rmed par mdzad ce na/ skur pa 'debs pa dgag pa'i phyir te/ gal te bcom ldan 'das kyi dge slong nyes pa dang phan yon mi shes pa de dag la ma
- 303b
rmas par bslab pa'i gzhi bcas pa 'am gnang bar gyur na dge slong dag bcom ldan 'das la su nyes pa 'am/ legs pa ci byas na bcom ldan 'das kyis bslab pa'i gzhi bca' ba 'am/ gnang ba mdzad ces skur ba 'debs par 'gyur bas de'i phyir mkhyen bzhin du rmed par mdzad do/ /mkhyen kyang mi rmed pa zhes bya ba ni gang gi phyir gzhan gyi don ma gzigs na mkhyen kyang mi rmed pa ste/ /'dul ba nyid med pa'i phyir ro/ dus su rmed pa zhes bya ba ni bya bas g.yon? spyo ba med pa dag dang/ ma 'dres pa'i dus su rmed par mdzad pa'o/ /dus las yol bar mi rmed par zhes bya ba ni snga ma las bzlog pa'i dus su mi rmed pa ste/ dgos pa med pa'i phyir ro/ /don dang ldan pa rmed pa zhes bya ba ni bden pa mthong bar bya ba la sogs pa'i dgos pa dang ldan pa rmed par mdzad pa'o/ /don dang mi ldan pa mi rmed pas zhes bya ba ni dgos pa med pa'i phyir ro/ /sangs rgyas bcom ldan 'das kyis shes bya chu shing gi rim pa snyed thugs su chud kyang rim pa gcig tsam las bka' ma stsal to zhes bya ba'i phyir ro/ /chu lon gyis ldog par mdzad pa zhes bya ba ni chu lon lta bus mi mdzad par zlog par mdzad pa ste/ thugs rjes dang mkhyen pa gnyis kyis rtag tu nye bar gnas pa'i phyir ro/ /dus mkhyen pa yin pas zhes bya ba la/ gal te dus mkhyen pa nyid kyis ci zhig ston par byed ce na/ sangs rgyas kyi mdzad pa skra'i rtse mo brgyar bshags pa tsam yang nyams par mi mdzad de/ bcom ldan 'das ni 'dul ba la brten te/ nyin mtshan lan drug rnam par gzigs pa 'ba' zhig du ma zad kyi 'di ltar bstan pa gnas par bya ba'i phyir yang 'di la ngas rjes su gnang bar byed pa gang yin pa de ni rjes su gnang bar bya ba la phyir dgag par bya ba gang yin pa de ni phyir dgag par bya'o snyam du bstan pa la yang rnam par gzigs pa bstan to/ /lo lnga lon pa chos lnga dang ldan pas mi gnas par ljongs rgyun
- 304a
'gro bar rjes su gnang ngo zhes bya ba ni gal te lo lnga yang lon pa lnga pa nyi shu rtsa gcig sngar bstan pa'i lnga pa tha ma dang yang ldan na gnas pa bcas par yang 'gro zhing rgyu bar bya'o/ /ci 'dir lo lnga lon pa nyid gtso bo yin nam/ 'on te lnga pa tha ma dang yang ldan pa nyid gtso bo yin zhe na/ 'dir gnyis ka yang gtso bo yin par bstan pa'i phyir sangs rgyas bcom ldan 'das la tshe dang ldan pa nye bar 'khor gyis zhus pa zhes bya ba la sogs pa gsungs te/ gal te lnga pa tha ma dang ldan yang lo lnga ma lon na des kyang 'gro bar mi bya la/ ci ste lo lnga lon yang lnga pa tha ma dang mi ldan na de lta na yang 'gro bar mi bya'o/ /gsum rig pa zhes bya ba ni rig pa gsum po sngon gyi gnas dang 'chi 'pho dang/ skye ba dang/ zag pa zad par shes pa dag dang ldan pa'o/ /dri ma gsum spangs la zhes bya ba ni 'dod chags dang zhe sdang dang/ gti mug gsum spangs pa la'o/ /lo lnga ma lags shing zhes bya ba ni rdzogs par bsnyen nas so/ /chos lnga dang mi ldan na zhes bya ba ni lnga pa tha ma dang ngo/ /nye bar 'khor mi bya'o zhes bya ba ni gal te lo lnga ma lon nam/ lo lnga lon yang lnga pa tha ma dang mi ldan na rig pa gsum po sngon gyi gnas dang/ 'chi 'pho dang/ skye ba dang/ zag pa zad pa shes pa dag dang ldan du zin kyang de lta na des nas ma bcas par ljongs rgyu zhing 'gro bar mi bya ste/ de lta bas 'dir ji ltar gsum rig pa yang ma gnang ba bzhin du gzhan la yang de kho na bzhin no/ /bar sdom la zhes bya ba ni sngar lnga pa nyi shu rtsa gcig bstan pa man chad dang go rim bzhin du sbyar ro/ /sngar sdom gyi tshigs su bcad pa las/ shA ri'i bu dang rab 'byung dang/ /rdzogs par bsnyen pa gnas pa dang/ /nye sdes tshogs ni bsdus pa dang/ /lnga pa'i sde tshan bsdus pa yin/ /zhes smos pa'i sde tshan bshad zin to/ /gnas kyi skabs rgya cher 'grel pa rdzogs so// //
- 304b
'ba' zhig gi gan du rab tu 'byung bar 'dod pa 'ongs na des de la bar chad kyi chos rnams dris nas gzung bar bya'o zhes gang gsungs pa de'i phyir 'di man chad ni bar chad rnams brjod par bya'o/ /bar chad kyi chos rnams ni rnam pa gnyis ste/ kha cig na sdom ba skye ba la bar chad byed pa ste/ 'di lta ste ma gsod pa la sogs pa'o/ /kha cig ni mdzes pa la bar du gcad pa ste/ 'di lta ste lag ldum pa la sogs pa'o/ /gzhan yang bar chad kyi chos rnams ni rnam pa gnyis ste/ kha cig na lta ba'i rnam pa ste/ 'di lta ste mu stegs can ma yin nam zhes bya ba la sogs pa'o/ kha cig ni bya ba ste/ 'di lta ste rgyal pos bkrabs pa ma yin no/ zhes bya ba la sogs pa'o/ /de dag thams cad go rim bzhin du ston to/ /sdom la zhes bya ba ni sngar rab tu 'byung ba'i bzhi'i spyi sdom las mu stegs can zhes smos pa'i sdom gyi tshigs su bcad pa yin par rig par bya'o/ /mu stegs can rab tu/ byung pa dang rdzogs par bsnyen par mi bya'i byung ba'i mdza' bstan pa'i phyi sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ zhes bya ba la sogs pa gsungs so/ /rtsod pa zhes bya ba ni 'thab mo'o/ /song zhes bya ba ni bros pa ste/ de'i rjes su zhugs pa'i phyir ro/ /mi gti mug can zhes bya ba ni ma shes pa'o/ /gal te sangs rgyas bcom ldan 'das ni rjes su chags pa dang/ khong khro ba spangs pa yin na/ ci'i phyir bcom ldan 'das kyi gti mug can zhes smad pa'i tshig gis smad pa mdzad ce na/ bcom ldan 'das ni gdul ba'i rgyud dag la dgongs pas lag par bsgrubs pa mi mnga' mod kyi/ 'on te bya ba rnam par bzlog pa'i phyir smod par mdzad de mkhan po dang slob dpon dag slob ma dang nye gnas dag bsam pas log par bsgrub pa med kyang tshig drag po dag gis smos par byed pa dang 'dra'o/ /gya nom pa zhes bya ba na? ?
- 305a
ba ste/ mtho ris dang byang grol gyi bde ba bskyed pa'i phyir ro/ /yang na kun tu mdzes pa'i phyir ram thog ma dang bar ma dang/ tha mar dge ba'i phyir ro/ /lta zhes bya ba ni smad pa'i tshig go /bkres pa'i nyam chung la yongs su gzir ba zhes bya ba la/ bkres pa zhes bya ba ni zas 'dod pa ste/ bru ba tsha ba zhes bya ba'i tha tshig go /de'i nyam chung ba zhes bya ba ni ltogs pa nyid/ des yong su gzir ba zhes bya ba ni rmya ba'am ldan pa'o/ /bza' ba zhes bya ba ni la tu la sogs pa'o/ /bca' ba zhes bya ba ni la phug la sogs pa'o/ /gya nom pa zhes bya ba ni zhim po zhes bya ba'i tha tshig go /bshad pa zhes bya ba ni phyi sa'o/ /shAkya ma gtogs pa ni de dag nye du la byams pas bcos ma ma yin pa'i rnam pas bcom ldan 'das kyi bstan pa la 'jug pa'i phyir ro/ /me pa ral pa can ma gtogs pa ni de dag las smra ba nyid la sogs pa'i rgyus bcom ldan 'das kyis bstan pa mngon par dga' ba bskyed pa'i phyir ro/ /me pa zhes bya ba ni me la dad pas me pa ste/ me pa'i rigs dang dad pas yongs su sbyor bar zhugs pa dang/ mngon par brtson par gyur pa na mi pa zhes bya'o/ /ral ba can zhes bya ba ni skra ral par 'jog pa'i phyir ro/ nye du'i yongs su spang ba zhes bya ba ni yongs su spangs par bya ba gzhan dag las nye du rnams tha dad par bya'o/ /mkhan pos sbyar ba zhes bya ba ni mkhan pos sbyin pa'o/ /gnas pa zhes bya ba ni sems mgu bar bya ba'i phyir dge 'dun gyi drang du btag pa'i ched du gzhug par bya'o/ /'di skad ces brjod par bya'o zhes bya ba ni dge 'dun la gsol pa'i sngags 'og nas 'byung ba lan gsum bzlas pa dang sbyar ro/ /gsol bar bya ste las bya'o/ zhes bya ba ni gsol ba dang bzhi'i las so/ /zla ba bzhi po dag la zan dang gos gang nas sbyin par bya zhe na/ de'i phyir de'i zan ni dge 'dun las so/ zhes bya bar gsungs te/ mu stegs can
- 305b
zhes pa byin pa de'i zas ni dge 'dun gyi las sbyin par bya'o/ /gos gang nas she na/ de'i phyir gos ni mkhan po las so zhes bya ba gsungs te/ gos ni mkhan pos sbyin par bya'o/ /zan dang gos 'byor nas des ci zhig bya zhe na/ de'i phyir las ni dge tshul gyi gral rims bzhin du bya'o/ /zhes bya ba gsungs te/ de dge tshul dag pas kyang ches gzhon pa'i phyir gzhon pa thams cad kyi las su bsgo ba gang yin pa de des bya'o/ /sems mgu bar ma gyur pa'i mu stegs can rab tu dbyung ba dang rdzogs par bsnyan par mi bya'o zhes gsungs na/ de ji tsam gyis na sems mgu bar gyur par rig par bya zhe na/ de bstan pa'i phyir/ sangs rgyas bcom ldan 'das la tshe dang ldan pa nye bar 'khor gyis zhus pa zhes bya ba la sogs pa gsungs so/ /sangs rgyas kyis bsngags pa brjod par bya zhes bya ba ni yon tan yang dag pa ji lta ba bzhin du brjod par bya ba ste/ 'di ltar bcom ldan 'das ni zhes bya ba la sogs pa'o/ /chos kyi bsngags pa yang dag par brjod par bya zhes bya ba yang yon tan yang dag pa ji lta ba bzhin du brjod par bya ba ste/ bcom ldan 'das kyi chos rnams ni legs par gsungs pa zhes bya ba la sogs pa'o/ /dge 'dun gyi bsngags pa yang dag par brjod bar bya zhes bya ba ni yang yon tan yang dag pa ji lta ba bzhin du brjod par bya ba ste/ bcom ldan 'das kyis nyan thos kyi dge 'dun ni legs par zhugs pa zhes bya ba la sogs pa'o/ /mu stegs can rnams kyi bsngags pa ma yin pa yang dag par brjod par bya zhes bya ba ni skyon yang dag pa ji lta ba bzhin du brjod par bya ba ste/ nyes par bshad pa'i chos can zhes bya ba la sogs pa'o// gnad par byed/ 'khrug par byed/ khong khro bar byed ces bya ba ni g.yo ba'i rgyu chung ngu dang/ 'bring dang/ chen po'i bye brag go /yul yul por 'dug par byed ces bya ba ni bya ba dag la bag 'khums shing sems zhum par 'dug pa'o/ /khro ba skyes par byed
- 306a
ces bya ba ni khro ba yang dang yang du mngon du byed pa'o/ /de ci'i phyir zhe na zhes bya ba ni gzhi de don gang gi phyi zhes bya ba ste/ de'i rgyu gang yan zhes bya ba'i tha tshig go /las smra ba zhes bya ba ni sngon gyi las dge ba dang mi dge ba'i 'bras bu smra ba'i phyir ro/ /bya ba smra ba zhes bya ba ni skyes bu'i rtsal gyi 'bras bu bskyed pa/ lus dang/ ngag dang/ yid kyi las kyi ngo bo nyid kyi bya ba smra ba'i phyir ro/ /rgyu smra ba zhes bya ba ni/ 'bras bu rgyu bas/ sngar 'byung ba dang/ lhan cig 'byung ba dang/ skad cig ma gsum la sogs pas bar du chod pa 'gog pa smra ba'i phyir ro/ /kha cig na re rtag pa'i rgyu dang mi mthun pa'i rgyu dang/ mthong ba'i rgyu dang/ 'og par smra ba'i phyir ro/ /zhes zer ro/ /brtson 'grus smra ba zhes bya ba ni/ bskyed pa'i rgyu'i tshogs pa smra ba'i phyir ro/ /'di skad ces bstan te/ rab tu 'byung ba'i phyir/ nye bar 'ongs pa la/ mu stegs can/ ma yin nam/ zhes dri bar bya zhing rdzogs par bsnyen par byed pa dag gis kyang dris par bya ste dris pa na/ gal te de bdag mu stegs can yin no zhes zer na/ shAkya dang me pa ral pa can ma gtogs pa sems mgu bar ma gyur pa'i mu stegs can rab tu dbyung ba dang rdzogs par bsnyen par mi bya'o/ /ji tsam gyis sems mgu bar rig par bya zhe na/ dkon mchog rnams kyi sngags pa dang/ mu stegs can rnams kyi bsngags ma yin pa yang dag par brjod pa na mi g.yo ba nyid ni sems mgu bar gyur pa nyid yin no/ /sems mgu bar gyur pa nyid yin na dge bsnyen nyid du byas te/ de la dge 'dun gyi las kyis gnas byin la/ zla ba bzhir gnas par bya'o/ /de'i 'og tu rab tu dbyung zhing rdzogs par bya'o/ /shAkya dang me pa ral pa can ni rab tu dbyung ba'i phyir nye bar 'ongs na/ rab tu dbyung zhing rdzogs par bsnyen par bya'o zhes bstan to/ gang gi phyir bar chad rnam pa gnyis po re zhig pa dang/ gtan du ba zhes gsungs pa la/
- 306b
de re zhig pa bstan par bya ste/ de gal lo nyi shu mtshang ba rdzogs par bsnyen par mi bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs sa zhes bya ba la sogs pa gsungs so/ /sar pa zhes bya ba ni rdzogs par bsnyen na sa ring po ma lon pa'i phyir ro/ skyes phran zhes bya ba ni lus las su rung ba'o/ /gzhon nu zhes bya ba ni na tshod gsar pa'o/ /bcu bdun sde'i tshogs zhes bya ba ni bcu bdun po dag bsdebs shing 'grog pa pa'i tshogs so/ /tho rangs kyi dus zhes bya ba ni skya rengs dang po 'char dus zhes bya ba'i tha tshig go /kun dga' ra ba'i nang na zhes bya ba ni gtsug lag khang gi nad na'o/ /sdig sprul zhes bya ba ni sprul la sogs pa'o/ /tshig gi lam zhes bya ba ni thal mo'i lam zhes bya ba'i tha tshig go /ngan pa smra ba zhes bya ba ni mi snyan par zher 'debs pa'i ngo bo nyid do/ /ngan pa 'ongs pa zhes bya ba ni skur pa 'debs pa'i rang bzhin no/ /sdug bsngal zhes bya ba ni mi 'dod pa'o/ /mi bzad pa zhes bya ba ni shas chen po dang ldan pa'o/ rtsub pa zhes bya ba ni dang po byung ba mnag par mi bzod pa'o/ /tsha ba zhes bya ba ni mthar yang nag par mi bzod pa'o/ /yid du 'ongs pa zhes bya ba ni dran pa'i dus na yid ma bde ba bskyed pa'o/ /srog 'phrog par byed pa zhes bya ba ni srog gi dbang po 'phrog par byed pa'o/ / byung ngo cog ces bya ba ni mthar chags su 'byung ba dang ldan pa'o/ /mi bzod ces bya ba ni lus kyis so/ /zag pa zhes bya ba ni 'dod chags la sogs pa nyon mongs pa dag go /ji mnyam pa zhes bya ba ni brtsal ba'o/ /nyes dmigs zhes bya ba ni nyes pa'o/ /'gal tshabs can zhes bya ba ni nyes pa dang bcas pa'o/ /lo bco lnga ma lon pa rab tu dbyung bar mi bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyis kun dga' ra ba na bzhugs so
- 307a
zhes bya ba la sogs pa gsungs so/ /nyi ma gnyis sam gsum zhes bya ba ni nyi ma rangs par bgrang pas ni gnyis so/ /nyi ma dum bu bgrang bas ni gsum mo/ /kun tu spyad pa'i zhes bya ba ni kun du tha snyad bya pa'i 'o/ /chos dag ces bya ba ni cho ga dag go /ri dags zhes bya ba rab tu byung ba rnams ri bdag dang 'dra ba'i phyir ro/ /rgya chel zhes bya ba ni go skabs spangs pa bstan to/ /rang gi spyod yul zhes bya ba ni bkag pa med par bstan to/ /spyod yul ni yul lo/ /yab kyi yin gyis zhes bya bas ni ston pas rjes su gnang ba nyid bstan to/ /bsod snyoms bsgrubs la zhes bya ba ni slongs mo'i zas bsgrubs la zhes bya ba'o/ /'tshe bar gyis shig ces bya ba ni srog ba zung bar gyis shig ces bya ba'o/ /srang zhes bya ba ni tshong 'dus so/ /khur ba zhes bya ba ni bag chos kyi bye brag go /yab ces bya ba ni pa'o/ /rin ma mchis par zhes bya ba ni de bzhin du'o/ /karSha pa Na zhes bya ba ni pa Na'o bye brag ste/ mngon mtshan can yin ni dngul las byas pa yin no/ /bsogs pa zhes bya ba ni khyim pa'i tshe'o/ / 'ga' zhig gi gan du rab tu 'byung bar 'dod pa 'ongs na des de la lo bco lnga lon nam zhes dri bar bya'o zhes dri bar bya ba ni rab tu 'byung bar 'dod pa rab tu 'byung ba'i phyir ro/ /'ongs pa la mkhan pos ci khyod lo bco lnga lon nam zhes dri bar bya zhing lo bco lnga ma lon pa rab tu 'byung bar mi bya'o/ /lo bco lnga ma lon pa bya rog skrod mi nus pa dang/ bya rog skrod nus lo bdun ma lon pa rab tu dbyung bar mi bya ba'i byung ba'i mdza' ni 'og nas ston to/ /sdom la/ dge tshul gnyis dang bran dang ni zhes bya ba la sogs pa ni sngar rab tu 'byung ba'i gzhi'i spyi sdom las dge tshul gnyis dang zhes smos pa'i sdom gyi tshigs su bcad pa yin par rig par bya'o/ /ci dper na gnas gcig gis gnas rdzogs par bsnyen pa mang po dag nye bar 'jog par byed pa de
- 307b
bzhin du des dge tshul mang po dag kyang bzhag par bya 'am zhe na ma yin te/ de'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /gzhog ste ces bya ba ni ha cang brtad par mi 'jug cing btsun spu ma nyams par 'do? sgeg dang kun tu rtse ba la sogs pa lus dang ngag gi las so/ /'phyar g.yeng zhes bya ba ni shin tu brtad par 'jug cing 'khyung pa dang 'o phyed pa la sogs pa'i rtal bag byed pa'i/ /lus la brdegs pa zhes bya ba ni phan tshun bzhad gang byed pas lag pas brdeg par byed pa'o/ /de nyid bstan pa'i phyir 'di lta ste dper na zhes bya ba la sogs pa gsungs so/ dge tshul gnyis nye bar bzhag par mi bya'o zhes bya ba ni dge tshul gcig las lhag pa dge tshul gnyis pa la sogs pa nye bar bzhag par mi bya ba'o/ /'di ni drung du nye bar 'jog pa bkag pa yin gyi rab tu dbyung ba bkag pa ni ma yin no/ /ji ltar dge tshul gnyis pa la sogs pa nye bar bzhag pa bkag pa ltar ji ltar rab tu dbyung ba yang gnyis pa la sogs pa mi bya 'am zhe na/ ma yin te/ de'i byung ba'i mdza' bsten pa'i phyir gzhan spun gnyis shig 'ongs te zhes bya ba la sogs pa gsungs so/ /gal te spun gnyis shig 'ongs te bdag cag gnyis cig car lhan cig tu rab tu dbyung bar bya'o zhes des par byas te lhags na rab tu dbyung bar bya'o zhes bya ba ni rab tu 'byung bar 'dod pa gnyis shig bdag cag gnyis cig car lhan cig tu rab tu 'byung bar bya'o zhes de ltar nges par bya ba ste/ rab tu 'byung ba'i phyir 'ongs pa de gnyis gal te so so tha dad par rab tu byung bar mi 'dod de'i tshe gnyis ka rab tu dbyung bar bya ba'o/ /rab tu byung nas gal te lo nyi shu ma lon na rdzogs par bsnyen par bya'o zhes bya ba ni gnyis ka'o/ /gal te gcig lo nyi shu lon na de rdzogs
- 308a
par bsnyen par bya zhes bya ba ni gnyis ka rab tu phyung nas dge tshul nas rgan shos rdzogs par bsnyen par bya'o/ /gal te rgan du zin kyang lo nyi shu lon na de'i tshe ji ltar bya zhe na/ de'i phyir gal te gnyis ka lo nyi shu ma lon na gcig bdag nyid kyis nye bar bzhag par bya zhing cig shes dge slong grogs po 'ga' la gtad par bya'o zhes bya ba gsungs te/ dge tshul gang yang rung ba de rgan du zin kyang gal te lo nyi shu ma lon par gyur na de'i che de gnyis las gcig dge slong gzhan la re zhig gi gnas kyi don du gtad par bya'o/ /ci de gang la re zhig gi gnas kyi don du gtad pa de'i yin pa kho nar 'gyur ram zhe na/ mi 'gyur te/ de'i phyir de gang gi yin pa des rdzogs par bsnyen par bya'o zhes bya ba gsungs te/ dge tshul de thog ma rab tu 'byin pa'i mkhan po gang yin pa des rdzogs par bsnyen par bya'i gang la gtad pa des dbrog par mi bya'o/ /gal te mi ster na ji ltar bya zhe na/ de'i phyir mi ster ba las mthus dgug par bya'o zhes bya ba gsungs te/ mi ster ba las mthus dgug ste/ dang po'i mkhan po nyid kyis rdzogs par bsnyen pa'o zhes bya bar sbyar ro// //bran rab tu dbyung ba dang rdzogs par bsnyen par mi bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /mkhas pa zhes bya ba ni myur du byed pa dang ldan pa'o/ /le lo med pa zhes bya ba ni le lo can ma yin pa'o/ /sgrub phod pa zhes bya ba ni bya ba dag la rtsom pa'i phyir mthu dang ldan pa'o/ /'phral gyi bya ba zhes bya ba ni bya ba phran tshegs so/ /sngon du 'gro ba zhes bya ba ni thog mar 'gro pa'o/ /spyis zhes bya ba ni smad pa'o/ /mgu dka' ba zhes bya ba ni sems gzar bar mi nus pa'o/ /gzhon nu'i
- 308b
yongs su spangs pa zhes bya ba ni rgyal po'i bu dang 'dra bar zil gyis non pa yongs su spang ba'o/ /brtson pa zhes bya ba ni dgra bcom pa nyid thob par bya ba'i phyir lung nod pa nyan pa'o/ /'bad pa zhes bya ba ni lung mnos pa de sems pa'o/ /brtsal ba zhes bya ba ni lung mnos pa de bsgom pa'o/ /dgra bcom pa zhes bya ba ni nyon mongs pa'i dgra bcom pa 'am yang mi skye ba 'am 'dod chags dang bcas pa thams cad kyis mched par 'os pa'o/ /de ci 'dra ba zhig ce na/ de'i phyir/ khams gsum pa las 'dod chags pa bral zhes bya ba la sogs pa gsungs te/ 'dod pa dang/ gzugs dang gzugs med pa zhes bya ba'i khams gsum po dag tu spyod pa dang/ bsdus pa dang/ 'gro ba'i phyir khams gsum pa ste 'gro ba mdza' dag go /de las 'dod chags dang bral zhes bya ba ni khams gsum pa las 'dod chags dang bral ba'o/ /bong ba dang gser du mnyam pa zhes bya ba ni gang la bong ba dang gser dag mnyam pa'i blo yod pa'o/ /nam mkha' dang lag mthil du mtshungs pa'i sems dang ldan pa zhes bya ba ni gang la nam mkha' dang lag mthil du mtshungs pa'i sems yod pa ni bdag dang bdag gi la chags pa med pas de ni nam mkha' dang lag mthil du mtshungs pa'i sems dang ldan pa yin no/ /tsan dan bzhag pa lta bu zhes bya ba ni tsan dan bdar ba zhag lon pa bsil bar gyur pa dang 'dra bar nyon mongs pa nyid kyis bsil bar gyur pa de ni tsan dan bzhag pa lta bu zhes bya'o/ /rig pas zhes bya ba ni zag pa med pa'i shes pas so/ /sgo nga'i spubs zhes bya ba ni 'khor ba sgo da lta bu'i spubs zhes bya ba dkris pa ma rig pa'i mtshan nyid do/ /dral bar gyur cing zhes bya ba ni bcom par gyur pa ste/ gang gi zag pa med pa'i shes pas 'khor ba sgo nga'i spubs g.yogs bcom par gyur pa de ni rig pas sgo nga'i spubs dang? la 'gyur pa zhes bya ba'o/ /rig pa zhes bya ba ni gsum mo/ /mngon par shes pa zhes bya ba ni
- 309a
drug go /so so yang dag par rig pa zhes bya ba ni bzhi'o/ /thob pa zhes bya ba ni gang gi rig pa gsum dang/ mngon par shes pa drug dang/ so so yang dag par rig pa bzhi thab pa de ni rig pa dang/ mngon par shes pa dang/ so so yang dag par rig pa thob pa'o/ /min pa dang 'dod pa'i rnyed pa dang bkur sti la rgyab kyi phyogs pa zhes bya ba ni srid pa dag dang 'dod pa'i rgyur gyur pa'i rnyed pa dag dang bkur bsti dag la mi phyogs par gyur pa'o/ /dbang po zhes bya ba ni brgya byin no/ /nye dbang zhes bya ba ni nyi ma bcu gnyis dang/ nor lha brgyad dang/ tha skar gyi bu gnyis dang/ drag po bcu gcig ste/ spyir sum cu rtsa gsum mo zhes 'jig rten pa dag zer ro/ /mchod par bya ba ni chos gos la sogs pa dag gis te/ mchod par 'os pa yin pa'i phyir ro/ /brjod par bya ba zhes bya ba ni phyag la sogs pa dag gis so/ /mngon du smra bar bya ba zhes bya ba ni gus par smra ba la sogs dag gis so/ /'gyod pa skyes nas zhes bya ba ni yid la gcags par gyur pa'o/ /bya ba thams cad kyi mnga' bdag ces bya ba ni don thams cad la dbang thob pa'o/ /khrig ma nas shes bya ba ni khrig ma'i tshigs nas so/ /dge sbyong gi tshul zhes bya ba ni thar pa'i thabs su gyur pa'i dal ba'o/ /tshig pa zhes bya ba ni chud zos pa'o/ /bram ze'i tshul zhes bya ba ni lus dang ngag yid kyis nyes par spyod pa spangs pa'o/ /bran rab tu dbyung bar mi bya'o zhes bya ba ni 'ga' zhig gi gan du rab tu 'gyur bar 'dod pa 'ongs na des de la bran ma yin nam zhes dri bar bya zhing rdzogs par bsnyen par byed pa dag gis kyang dri bar bya ste bran rab tu dbyung ba dang/ rdzogs par bsnyen par mi bya'o/ /bu lon can rab tu dbyung ba dang rdzogs par bsnyen par mi bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs
- 309b
so zhes bya ba la sogs pa gsungs so/ /bu lon chags pa zhes bya ba ni bu lon gzhal bar bya ba'o/ /dngos zhes bya ba ni gzhi'o/ /bskyed ces bya ba ni 'phel lo/ /mtshor ba kho nar zhes bya ba ni ma sgo bar te gya chom du zhes bya ba'i tha tshig go /mgu dka' bar gyur pas zhes bya ba ni mthu dang ldan pas de tha snyad bya ba'i phyir drung du 'gro dka' bas zhes bya ba'i tha tshig go /bu lon chags pa ma yin nam zhes dri bar bya'o zhes bya ba ni 'ga' zhig gi gan du rab tu dbyung bar 'dod pa 'ongs na des nga la khyod la la la'i bu lon mang yang rung nyung yang rung cung zad chags pa med dam zhes dri bar bya zhing rdzogs par bsnyen par byed pa dag gis dri bar bya ste/ bu lon can rab tu dbyung ba dang rdzogs par bsnyen par mi bya'o/ /bu lon can thams cad rab tu dbyung bar mi bya ba yang ma yin te/ gang 'di skad du rab tu byung ngam/ rdzogs par bsnyen nas phyis bu lon 'jal nus so zhes dam 'cha' bar byed pa de ni rab tu dbyung bar bya'o/ /bye brag 'di ni bar chad dri ba'i sngags las snang ste/ sngags las 'di skad ces khyod la la la'i bu lon mang yang rung nyung yang rung cung zad chags? pa med dam rab tu 'byung dam rdzogs par bsnyen nas 'ja' nus sam/ zhes gsungs pa'i phyir ro/ /rab tu 'byung bar 'dod pa pha ma gson zhing de gnyis kyis ma gnang ba yul thag mi ring ba zhag bdun bsral bar bya ba dang/ pha mas gnang ba dang/ pha mas gnang ba yul thag ring ba 'phral du rab tu 'byung bar bya ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi cha la mgon med zas sbyin gyi kun dga' ra ba na bzhugs so zhes bya ba la sogs pa gsungs so/ skyabs su 'gro ba dang bslab pa'i gzhi dag byin nam zhes bya ba ni dag bsnyen du nye bar bsgrubs nas so/ /khye'u 'di 'dra zhes bya ba ni/ bdag dang dbyibs kyi sgo nas rnam pa 'di 'dra ba zhig go /spu gri thogs pa 'ba' zhig gis sdod dam zhes bya ba ni
- 310a
spu gri 'ba' zhig thogs te sdod na/ khyed cag la las gzhan med dam zhes bya ba'i tha tshig go /kye ma zhes bya ba ni 'dod pa'i tha tshig go /rab tu 'byung bar 'dod pa pha ma gson zhing de gnyis kyis ma gnang ba 'ongs na zhag bdun nam brgyad bsrel bar bya'o zhes bya ba ni rab tu 'byung bar 'dod pa'i gang gi pha ma gnyis gson zhing de gnyis kyis ma gnang ba 'ong na zhag bdun bsrel bar bya ste/ 'ongs ma thag tu rab tu dbyung bar mi bya ba'i tha tshig go / gal te pha ma gnyis las gcig gson zhing des ma gnang na yang de'i tshe kho na bzhin du bsgrub par bya'o/ /yul thag ring ba zhes bya ba ni yul gang du rgyal po'i tshig mngon sum 'am/ brgyud pa 'da' bar byed pa'i yul de nas skyes pa'o/ /pha mas gtam yang mi thos pa zhes bya ba ni yul thag ring ba nas skyes pa'i phyir pha mas gtam dris kyang ma thos pa'o/ /rab tu dbyung bar bya ste/ zhes bya ba ni pha mas gnang ba dang/ pha mas ma gnang ba yul thag ring po pha mas gtam yang mi thos pa gang dag 'ongs pa de dag ni zhag bdun bsrel mi dgos par 'ongs ma thag tu rab tu dbyung bar bya'o zhes bya ba'i tha tshig go /rab tu dbyung bar 'dod pa dge 'dun la ma zhus par rab tu dbyung bar mi bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /bu lon 'jal bar byed pa zhes bya ba ni bu lon khor bar byed pa'i phyir ro/ /nor spyod pa zhes bya ba ni nor la longs spyod par byed pa'i phyir ro/ /zod zhes bya ba ni btsod bar bya ba'i rdzas so/ /tshul ma yin pas sdug bsngal bar gyur ces bya ba ni mi rigs pa 'ga' zhig gis shi bar gyur pa'o/ /nye du'i mthu zhes bya ba ni nye du dag las bslangs
- 310b
pa'o/ /lag mthus zhes bya ba ni dog pa bkal ba la sogs pas nor bsgrubs pas so/ /bsod snyoms ces bya ba ni zas dang skom la sogs pas bde bar bstabs pa'o/ /gsos zhes bya ba ni rtas dang rgyu khrus dang/ dril phyis dang/ sku mnye la sogs pa dag gis rtas par byas pa'o/ /bskyed ces bya ba ni phyi rol gyi gnod pa dag las legs par gsungs pa'o/ /phyi rol gyi bstan bcos zhes bya ba ni rda sprod pa la sogs pa'o/ /bdag nyid las byung ba'i ngo tsha shes pa ni bdag nyid la ltos pa yin pa'i phyir ro/ /phyi rol las byung ba'i khrel yod pa zhes bya ba ni khrel yod pa gzhan la ltos pa yin pa'i phyir ro/ /shed bskyed ces bya ba ni dga' bar byed pa'o/ /dka' thub kyi tshal zhes bya ba ni bsti gnas stong pa dag go /mu stegs kyi gnas zhes bya ba ni rab tu byung ba'i gnas stong pa dag go /dge 'dun la ma zhus par rab tu 'byung bar mi bya'o zhes bya ba ni rab tu dbyung bar 'dod pa pha ma gson zhing de gnyis ma gnang ba yul thag mi ring ba zhag bdun bsrel ba dang/ yul thag ring ba yang dge 'dun la ma zhus par rab tu dbyung bar mi bya ba'o/ /dge 'dun la zhu ba ni rkun po zhes bya ba'i tshig gis skur pa 'debs pa spang pa'i phyir ro/ /kha cig na re dge 'dun la zhu ba ni dge 'dun tshogs pa la zhu dgos pas dge 'dun ma tshogs kyi bar du bsdad pa dang/ tshogs pa'i tshe yang dge slong kha cig phyir ldog pa la sogs pa byed pas dus 'gyangs la de'i tshe pha ma 'ongs nas dris nas ster na rab tu dbyung bar bya/ mi ster na phyir gtang bar bya ba'i phyir dge 'dun la zhu ba bka' stsal to zhes zer ro/ /nad pa rab tu dbyung ba dang rdzogs par bsnyen par mi bya ba'i byung ba'i mdza' bstan pa'i phyir/ sangs rgyas bcom ldan 'das rgyal po'i khab na 'od ma'i tshal bya ka lan da ka'i gnas na bzhugs so zhes bya ba la sogs pa gsungs so/ bor zhes bya ba ni spangs te'o/ /'tsho byed ces bya ba ni rgyal po gzugs can
- 311a
snying po 'tsho 'am zhes bya ba'i tshig gis kun tu spyod pa'i phyir ro/ /gzhon nus gsos zhes bya ba ni rgyal bu gzhon nu 'jigs med kyis gsos pa'i phyir ro/ /de'i ming gzhan de nyid gzhung 'di las 'og nas byung ngo/ /gso zhes bya ba ni nad par bya'o/ /gso dka' zhes bya ba ni bsgrub dka' ba'o/ /rigs mchog ces bya ba ni rigs kyi gtso bo ste bram ze zhes bya ba'i tha tshig go /rigs sna tshogs can zhes bya ba ni bram ze dang/ rgyal rigs dang/ rje'u rigs dang/ dmangs rigs dang ldan pa'o/ /rtswa ka sha zhes bya ba ni rtswa'i rnam pa'o/ /ku sha zhes bya ba ni rtswa'i rnam pa rnon po ste/ rtswa dar b+ha zhes bya ba'i tha tshig go /'khun zhes bya ba ni 'khun sgra 'byin pa'o/ /mi dga' zhes bya ba ni yid la gcags pa'o/ /nad brang zhes bya ba ni nad pa'i brang ngo/ /ma blangs pa zhes bya ba ni ma thogs pa'o/ /len par mi byed ces bya ba ni thogs par mi byed pa'o/ /blangs pa zhes bya ba ni thogs pa'o/ /mthar phyin par byed ces bya ba ni gnas su phyin par byed pa'o/ /lci zhes bya ba ni ngan pa ste/ gso dka' ba zhes bya ba'i tha tshig go /dge slong gi 'bras bu bzhi zhes bya ba ni rgyun du zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa nyid do/ /de la dge sbyong ni zag pa med pa'i lam mo/ /des nyon mongs pa zad par byas pa ni 'bras bu ste/ 'dus byas dang 'dus ma byas kyi bye brag gis rnam pa gnyis so/ /dad pas sbyin par bya ba zhes bya ba ni dad pa can dag gis dad pas byin pa ste zas la sogs pa'o/ /chud gzan nas zhes bya ba ni bu lon bskyed pas gzan nas so tshul ma yin pas sdug bsngal skyed par byed ces bya ba ni legs par gsungs pa'i chos 'dul ba las nyams pas sems can dmyal ba la sogs pa'i sdug bsngal skyed par byed ces bya ba'i tha tshig go /de'i tshig ma yin par byas te zhes bya
- 311b
ba ni de'i tshig bcag ste'o/ /byas pa shes pas zhes bya ba ni drin gzos pas so/ /'di ni bdag gi bya ba yin gyis zhes bya ba ni bdag gi las kho na yin pas ste/ bcom ldan 'das kyi spyan sngar smra bar bya ba kho na yin gyis zhes bya ba'i tha tshig go /mdzod ces bya ba ni dbyig dang gser la sogs pa'i mdzod do/ /bde ba zhes bya ba ni 'bras la sogs pa'i 'bru'i bang ba'o/ /srabs zhes bya ba ni 'gribs pa nyid kyis so/ /yongs su pas zhes bya ba ni rgyud chad pas so/ /yongs su gtugs zhes bya ba ni gzhan mi 'byung bas so// ngal zhes bya ba ni bya ba mang bas so/ /dge ba'i phyogs kyang yongs su nyams par 'gyur bas zhes bya ba ni bsam gtan dang bklag pa dag yongs su nyams par 'gyur bas so/ /dran par bgyi zhes bya ba ni bslab pa'i gzhi bca' ba ste 'dis dran par byed pa'i phyir ro/ /nad pa ma yin nam zhes dri bar bya'o/ zhes bya ba ni 'ga' zhig gan du rab tu 'byung bar 'dod pa 'ongs na des de la nad pa ma yin nam zhes dri bar bya'o/ /khyod la gang yang rung ba med dam zhes byar yang rung ngo/ /rdzogs par bsnyen par byed pa dag gis ni bye brag tu dri bar bya ste/ de yang bar chad dri ba'i sngags las mi rnams la lus kyi nad rnam pa 'di lta bu 'byung ba 'di lta ste/ mdze dang/ 'bras dang zhes bya ba la sogs pa'i bye brag tu dris dgos pa'i phyir ro/ /rab tu 'byung bar 'dod pa pha mas ma gnang ba rab tu dbyung mi bya ba dang/ pha mas ma gnang ba yul thag ring po ni rab tu dbyung bar bya ba'i byung ba'i mdza' bstan pa'i phyir/ sangs rgyas bcom ldan 'das ser skya'i gnas n+ya gro d+ha'i kun dga' ra ba na bzhugs so zhes bya ba la sogs pa gsungs so// ser skya'i gnas zhes bya ba ni grong khyer te/ drang srong ser skyas gnas par byas pa'i phyir ro/ /n+ya gro d+ha'i kun dga' ra ba na zhes bya ba ni gtsug lag khang ste/ shing ljon pa'i n+ya gro d+has mchod pa'i skyed mos chel du gtsug lag khang brtsigs pa'i phyir ro/ /
- 312a
de dag kyang gzhung 'di nyid las 'og nas 'byung ngo/ /khyim dag nas re re nas zhes bya ba ni khyim re re nas re re rab tu phyung ba'o/ /shAkya mo zhes bya ba ni shAkya'i chung ma'o/ /non zhes bya ba ni gdungs nas so/ /snying rje rje skad du zhes bya ba ni shin tu yid la gcags shing ngo/ /zas gtsang zhes bya ba ni btsas pha'i tshe phas slongs mo pa dag la zas 'ba' zhig gi sbyin pa sbyin pa'i phyir ro/ /bdag la dam pa 'os so zhes bya ba ni bdag la yid la bsams pa'i don 'grub pa'i dam pa brtsal bar 'os? so zhes bya ba ste/ 'di ltar bdag ni khyod kyi yab yin la/ bdag kyang rigs pa gsol ba'i phyir ro snyam du bsams pa'o/ /dam pa las 'das pa zhes bya ba ni de bzhin gshegs pa rnams ni dam pa sbyin pas 'dul ba rnams rjes su 'dzin par mi mdzad de/ de dag ni dam pa sbyin pa'i lha dang drang srong la sogs pa dag las 'das pa'i phyir/ kho na zhes bya ba ni nges par gzung ba'o/ /'phags pa rnams kyis bsnyes sla ba gang lags pa'o zhes bya ba ni sangs rgyas bcom ldan 'das rnams kyis stsal spyod pa'i dngos po gang lags pa ste/ 'phags pa dag rigs kyi bu mo pha mas ma gnang ba rab tu 'byin par mi byed pa de ni rgyal po'i yid la bsams pa yin la/ de ni 'phags pa rnams kyis stsol spyod do zhes bya ba'i tha tshig go /nam mkha' i ngos na rgyu zhing zhes bya ba ni nam mkha' i dkyil nas 'gro zhing ngo/ /gling bzhi dag du zhes bya ba ni 'dzam bu'i gling dang/ shar gyi lus 'phags dang/ nub kyi ba lang spyod dang/ byang gi sgra mi snyan zhes bya ba dag tu'o/ /rjes su 'chi 'o snyam pas zhes bya ba ni 'gro'o snyam pa ste/ phab nas longs spyad par bya'o snyam pas zhes bya ba'i tha tshig go /bde ba zhes bya ba ni lus kyi'o/ /yid bde ba zhes bya ba ni sems kyi'o/ /mi chung ba zhes bya ba ni chen po'o/ /ma mchis par gyur to zhes bya ba ni med par gyur pa'o/ /re ba tsam
- 312b
gyur pa zhes bya ba ni re ba cung zad byung ba'o/ /stobs kyis 'khor los sgyur ba zhes bya ba ni dpung gi tshogs dang ldan pas 'dzam bu'i gling du rgyal srid byed 'jug pa'o/ /sgra gcan zin bzang po zhes bya ba ni sgra gcan nyid do/ /dngos btsan pa zhes bya ba ni bsod nams kyi mthu dngos 'jug na yul dbus su rgyal srid byed du 'jug nus pa ste/ mthu stobs dang ldan pa zhes pa'i tha tshig go /bag dro bar gyur pa zhes bya ba ni byams pa'i 'am yid rton pa'o/ /'dir don ni 'di yin te/ ji ltar bdag bu dang tsha bo dag la re zhig byams pa bzhin du gzhan dag kyang de bzhin pas/ de'i phyir pha mas gnang na rab tu dbyung bar rigs so zhes bya ba'i tha tshig go /pha mas ma gnang ba yul thag ring po pha mas gtam yang mi thos pa dag las 'ongs pa de dag ni rab tu dbyung bar bya ste zhes bya ba ni 'ga' zhig gi gan du rab tu 'byung bar 'dod pa 'ongs na des de la pha mas gnang ngam zhes dri bar bya zhing/ rdzogs par bsnyen par byed pa dag gis kyang dri bar bya ste/ pha mas ma gnang ba rab tu dbyung ba dang rdzogs par bsnyen par mi bya'o/ /yul thag ring ba ni ma gtogs so/ /sdom la bya rog skrod ces bya ba la sogs pa ni sngar rab tu dbyung ba'i gzhi'i spyi sdom las/ bya rog skrod ces gsungs pa'i sdom gyi tshigs su bcad pa yin par sbyar ro/ /rab tu 'byung bar 'dod pa lo bdun ma lon pa bya rog skrod mi nus rab tu mi nus pa rab tu dbyung bar mi bya zhing/ de las bzlog pa rab tu dbyung bar gnang ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /'phags skyes po zhes bya ba ni phyis mos ma la 'dis ko sa la'i rigs rnam par 'phel bar 'gyur ro zhes smras pa'i phyir ro/ /'khon med pa zhes bya ba ni yid sdang ba med pa'o
- 313a
mi 'gran pa zhes bya ba ni gnod pa mi byed pa'o/ /mi 'khu ba zhes bya ba ni mi rku ba'o/ /de dang de na zhes bya ba ni lam po che la sogs pa na'o/ /zong bsgyur nas zhes bya ba ni tsong btsongs nas so/ /mchi mas brnangs zhes bya ba ni mchi ma dang bcas par du bas mgul ba brdzangs pa'o/ /sdud ces bya ba ni 'jog pa'o/ /phyir 'byung na zhes bya ba ni grong khyer la sogs pa nas so/ /lhung bzed kyi lhag ma zhes bya ba ni pham babs so/ /skya bo bseng bseng po zhes bya ba ni nang las gyur pa bzhin du mdog skya por gyur pa'o/ /ring pa zhes bya ba ni ma rgyas pa'o/ /nyam chung ba zhes bya ba ni stobs nyams pa'o/ /rke ba zhes bya ba ni pags pa skams pa'o/ /skam pa zhes bya ba ni sha nyams pa'o/ /lus ma thob pa zhes bya ba ni brtson pa med pa'o/ /rab tu 'byung bar 'dod pa dge 'dun gyis zan sbyin par rjes su gnang ngo zhes bya ba ni zhag bdun bsrel bar bya ba la sogs pa'i skabs su dge 'dun zan byin na rung ba'o/ /skos ma la zhes bya ba ni spyi bungs kyi gnas sam tshang mang ngo/ /lo bdun pa bya rog skrong nus pa yongs su spang bas rab tu dbyung bar rjes su gnang ngo zhes bya ba ni rab tu dbyung bar 'dod pa lo bco lnga ma lon pa lo bdun lon pa bya rog skrong nus na de rab tu dbyung bar gnang ba'o/ /'di skad bstan te/ rab tu dbyung bar 'dod pa lo bco lnga ma lon pa bya rog skrong mi nus pa rab tu dbyung bar mi bya'o/ /bya rog skrong nus kyang lo bdun ma lon na rab tu dbyung bar mi bya'o/ /gal te lo bco lnga 'am lo bdun lon la bya rog skrong kyang nus na de ni rab tu dbyung bar bya'o/ /yid byung ba ni bsdigs pa'o/ /gcod pa zhes bya ba ni thad kar gcod pa'o/ /'chag pa zhes bya ba ni tshal ba gnyis su 'cheg pa'o/ /brdung ba zhes bya ba ni til bzhin du phye mar brdung ba'o/ /'dral ba zhes bya ba ni bzhog
- 313b
pa'o/ /sogs pa zhes bya ba'i sgras ni lcags kyi thu lum 'bar ba za ba dang/ zangs khu bskol ba ldud pa la sogs pa dag bsdu'o/ /le los zhes bya ba ma yin pa la lhag par chags? pas so/ /'da' bar byed pa zhes bya ba ni dus yol bar byed pas so/ /shi zhes bya ba ni skad cig gis 'jig pa'o/ /dus la bab ces bya ba ni ris mthun pa spangs pa'o/ /'di dag ces bya ba ni sems can dmyal bar skye ba'i bdag nyid do/ /gzhan dag ces bya ba ni zil gyis gnon pa la sogs pa'o/ /gzengs bstod ces bya ba ni spro bar byed pa'o/ /pi wang zhes bya ba ni ku ba'i pi wang ngo/ /'od ma zhes bya ba ni ku ba 'od ma can rgyud btags pa la 'od ma zhes bya'i gling bu ni ma yin te/ de la rgyud kyi sbyor ba med pa'i phyir ro/ /ba la ri dang/ ma ha ti dang/ su g+ho sha ka zhes bya ba dag kyang rgyud can gyi bye brag yin no/ /gzhal med khang zhes bya ba ni khang pa brtsegs pa'o/ /lha'i bu mo zhes bya ba ni lha mo'o/ /'di dag dang zhes bya ba mtho ris 'grub pa'i mtshan nyid do/ /gzhan dag kyang zhes bya ba ni mya ngan las 'das pa thob pa'i bdag nyid do/ /gling bzhi dang yang dag par ldan pa zhes bya ba ni mdo sde'i mtshan te/ rgyu dang yang dag par ldan pa zhes bya'i don to/ /rgyud du gtogs pa zhes bya ba ni mdo sde'i rgyud du gtogs pa ste/ skabs sam le'u zhes bya ba'i tha tshig go /de nyid bstan pa'i phyir bcom ldan 'das kyis zhes bya ba la sogs pas mdo sde'i tshig nyi shu rtsa bzhi bstan to/ /de la sems can dmyal bar rnams kyi nang nas shi 'phos te/ sems can dmyal ba dang/ dud 'gro dang/ yi dags rnams kyi nang du skye ba mang zhing sems can dmyal ba rnams kyi nang nas shi 'phos te/ mi rnams kyi nang du skye ba nyung bar sbyar ba la mdo sde gsum mo/ /yang sems can dmyal ba rnams kyi nang nas shi 'phos te/ sems can dmyal ba dang/ dud 'gro dang yi dags rnams kyi nang du skye ba mang zhing sems can dmyal ba rnams kyi nang du shi 'phos te/ lha rnams
- 314a
kyi nang du skye ba nyung bar sbyar ba la mdo sde gsum mo/ /yang dud 'gro rnams kyi nang nas shi 'phos te dud 'gro dang/ sems can dmyal ba dang/ yi dwags rnams kyi nang du skye ba mang zhing/ dud 'gro rnams kyi nang nas shi 'phos te mi rnams kyi nang du skye pa yang nyung ba sbyar ba la mdo sde gsum mo/ /yang dud 'gro rnams kyi nang nas shi 'phos te dud 'gro dang/ sems can dmyal ba dang/ yi dwags rnams kyi nang du skye ba mang zhing/ dud 'gro rnams kyi nang nas shi 'phos te lha rnams kyi nang du skye ba nyung bar sbyar ba la mdo sde gsum mo/ /yang yi dwags rnams kyi nang nas shi 'phos te/ yi dwags dang/ sems can dmyal ba dang/ dud 'gro rnams kyi nang du skye ba mang zhing/ yi dwags rnams kyi nang nas shi 'phos te mi rnams kyi nang du skye ba yang nyung bar sbyar pa la mdo sde gsum mo/ /yang yi dwags rnams kyi nang nas shi 'phos te/ yi dwags dang/ sems can dmyal ba dang/ dud 'gro rnams kyi nang du skye ba mang zhing/ yi dwags rnams kyi nang nas shi 'phos te/ lha rnams kyi nang du skye ba nyung bar sbyar ba la mdo sde gsum mo/ /yang lha rnams kyi nang nas shi 'phos te sems can dmyal ba dang/ dud 'gro dang/ yi dwags rnams kyi nang du skye ba mang zhing/ lha rnams kyi nang nas shi 'phos te lha rnams kyi nang du skye pa nyung bar sbyar ba la mdo sde gsum mo/ /yang mi rnams kyi nang nas shi 'phos te/ sems can dmyal ba dang/ dud 'gro dang yi dwags rnams kyi nang du skye ba mang zhing/ mi rnams kyi nang nas shi 'phos te mi rnams kyi nang du skye ba nyung bar sbyar ba la mdo sde gsum ste/ de dag gcig nas brtags na mdo sde nyi shu rtsa bzhi yod do/ /gnas pa zhes bya ba ni 'dug pa'o/ /rdul zhes bya ba ni sa rdul lo/ /rtse mo zhes bya ba ni mdza' o/ /mi zhes bya ba ni yid dang sems shas che ba'i phyir ro/ /'jig rten pa dag nang skye dgu'i bdag po shes kyi bu yin pa'i phyir shed bu zhes kyang zer ro/ /dud
- 314b
'gro zhes bya ba ni dud cing 'gro ba'i phyir ro/ /yi dwags zhes bya ba ni ltogs pas nyen pa'i phyir ro/ /'khor lo bzhin du sbyar ba zhes bya ba la/ 'khor lo bzhin du zhes bya ba ni sems can rnams sems can dmyal ba dang/ dud 'gro dang/ lha dang mi rnams kyi nang du 'khor lo bzhin du 'khor ba'o/ /sbyar ba zhes bya ba ni tshig snga ma bzhin du mdor bsdu zhing sbyar ba ste/ des na mdo sde'i tshogs gang la tshig mdor bsdu ba yang dang yang du 'khor lo bzhin du 'khor ba yod pa de ni 'khor lo bzhin du sbyar ba'i mdo zhes bya ba'o/ /spags pa dang zhes bya ba ni khur phog pa spags pa dang ngo/ /rgyun chad par ma gyur pa zhes bya ba ni ma spangs pa'o/ /zo chun rgyud mo'i tshul gyis zhes bya ba ni chu bcu pa'i zo chun rgyud mo zhes bya ba 'khrul 'khor gyi bye brag de'i zo ba kha cig ni 'byung zo ba kha cig ni nub par gyur pa de bzhin du brdzus te skye ba'i sems can dag 'gro ba lnga pa'i 'khor bar 'khor bar gyur pa'o/ /yid byung nas zhes bya ba ni skyo nas so/ /tshigs su bcad pa smras pa zhes bya ba la sogs pa la/ gang phyir mi gnas zhes bya ba ni gang gi phyir 'chi 'pho dang/ skye ba'i sdug bsngal yod de'i phyir mi gnas pa yin no/ /lha rnams zhes bya ba ni 'dod pa na spyod pa rnams so/ /mi bzang pa zhes bya ba ni dgag pa'o/ /'tsho ba 'thung ba zhes bya ba ni tshe thung ba'o/ /gang na med srid pa zhes bya ba ni gzugs dang gzugs med pa'i khams kyi srid pa na ste/ mi rtag pa'i phyir zhi ba'i bde ba med do/ /mya ngan las 'das pa mchog ces pa ni gya nom pa'i phyir dang/ rtag pa'i phyir dang/ dge ba'i phyir ro/ /'di skad ces bstan te/ gang gi phyir lha dang mi rnams la thams cad na sdug bsngal yod pa de'i phyir mya ngan las 'das pa ni sdug bsngal thams cad dang bral ba'i phyir dang/ zhi ba'i phyir dang/ chos thams cad kyi mchog yin pa'i phyir bde bar gshegs pas mchog ces gsungs te/ de thob na de dag thams cad nye bar zhi bar 'gyur ro zhes bya ba'i
- 315a
tha tshig go /brtsam pa zhes bya ba ni mdor bsdu ba 'am/ rgyas par chos bstan pa'i rtsam pa'o/ /bag la nyal zhes bya ba ni 'dod chags la sogs pa nyon mongs pa'o/ /khams zhes bya ba ni nyan thos la sogs pa'i rigs sam/ 'jam po la sogs pa'i chos bstan pas 'dul ba'o/ /rang bzhin zhes bya ba ni dad pa la sogs pa'i dam po rnams kyi rno pa nyid la sogs pa'o/ /lhung bzed nag po zhes bya ba ni drang srong gi snod do/ /legs par gsungs pa zhes bya ba ni legs bka' stsal pa'o/ /bslab pa'i gzhi bca' ba mdzad pa zhes bya ba ni rab tu dbyung bar 'dod pa lo bco lnga ma lon pa rab tu dbyung bar mi bya'o zhes bca' ba mdzad pa'o/ /bag yongs su mdzad ces bya ba ni glod pa ste/ lo bdun lon na bya rog skrod nus pa rab tu dbyung bar gnang ba'i phyir ro/ /drang srong smra ba zhes bya ba ni dus thams cad drang srong yang dag par rdzogs pa'i sangs rgyas dang/ rang sangs rgyas dang/ nyan thos rnams kyi zhal du gyur pa'i phyir te/ de ltar yang nas de ni sangs rgyas rnams dang/ rang sangs rgyas rnams dang/ nyan thos rnams dang/ /drang srong rnams kyis mi stong/ gang gi tshe sangs rgyas bcom ldan 'das rnams ma byung ba de'i tshe na ni rang sangs rgyas dag gnas la/ gang gi tshe rang sangs rgyas ma byung ba de'i tshe na drang srong mngon par shes pa lnga dang ldan pa dag de na gnas pa dang/ gang gi tshe sangs rgyas byung ba de'i tshe na bcom ldan 'das nyan thos kyi dge 'dun dang bcas pa de na bzhugs pa'i phyir ro zhes brjod do/ /yang na drang srong yang dag pa sangs rgyas bcom ldan 'das rnams kyis der dang po kho nar chos kyi 'khor lo bskor bas drang srong smra ba ste/ gnas gang du drang srong chen pos chos kyi 'khor lo bskor ba de ni drang srong smra ba ste/ de ltar yang/ ka shi phur mdzes pa'i ri dags nags/ /sngon
- 315b
gyi sangs rgyas gnas de dran par gyis/ /der ni dang por sangs rgyas de dag gis/ /chos mchog zhi ba'i 'khor lor bskor bar gyur/ /ces gsungs pa yin no/ /ri dwags kyi nags zhes bya ba ni byang chub sems dpa' ri dwags rnams kyi nang du skyes pas rgyal po tshangs byin btul nas/ de'i phyir rgyal pos ri dwags rnams bag yongs su bya ba'i phyir rtswa dang lo ma dang shing ljon pa mang po dang bcas pa'i yul dang de ri dwags rnams la yongs su btang ba'i phyir ro/ /de dag gzhung 'di nyid las 'og nas 'byung ngo/ /lung bstan zhes bya ba ni sangs rgyas nyid du 'gyur ro// //bam po bcu pa/ /'di man chad dge slong ma sun phyung ba la sogs pa sdom pa skye ba la bar chad byed pa dag bstan par bya ste/ de dag la ni sdom pa skye ba'i chos nyid med par 'dra la/ de lta bu rab tu byung ba dang dge tshul dang rdzogs par bsnyen pa'i rtags can ni bsnyil bar bya'o zhes bya bar sbyar ro/ /de la gang zag dge slong ma sun phyung ba rab tu dbyung bar mi bya zhing/ de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya ba'i byung ba'i mdza' bstan pa'i phyir/ sangs rgyas bcom ldan 'das yul ka shi dag tu ljongs rgyu zhing gshegs pa ni zhes bya ba la sogs pa gsungs so/ /'dzum pa zhes bya ba ni zhal cung zad bzhad pa'o/ /'od zer zhes bya ba ni 'od 'phro ba'o/ /yang sos zhes bya ba ni bsad cing yang 'tsho ba rnams so/ /thig nag ces bya ba ni gshegs pa la sogs pa'i phyir thig nag po 'debs pa'o/ /bsdus 'dzoms zhes bya ba ni bsdus te 'dzoms pa'i sdug bsngal mang po dang ldan pa dag go /ngu 'bod ces bya ba ni rtag tu du ba'o/ /ngu 'bod chen po zhes bya ba ni ngu 'bod pas kyang ches rtag tu du ba'o/ /tsha ba zhes bya ba ni rtag tu me 'bar bas tsha ba'o/ /rab tu tsha ba zhes bya ba ni tsha ba bas kyang ches mchog tu tsha ba'o/ /mnar med pa zhes bya ba ni thams cad du mes khyab pas
- 316a
bde ba'i mtshams kyi bar skabs stong pa med pa dang/ sdug bsngal chad pa med pa'o/ /yang sos la sogs pa de dag ni tsha ba'i sems can dmyal ba chen po brgyad do/ /chu bur can zhes bya ba ni chu bur 'bus pa'i rnam pa ltar lus skrangs pa'o/ /chu bur rdol zhes bya ba ni chu bur rnams gas pa'i phyir ro/ /so tham tham zhes bya ba ni rtag tu kha dang so dag las sgra tham tham zer ba 'byung ba'i phyir ro/ /kye hud zer ba bya ba ni rtag tu kye hud ces bya ba'i sgra 'byin pa'i phyir ro/ /a cu zer zhes bya ba ni rtag tu a cu zer pa'i sgra 'byin pa'i phyir ro/ /utpa la ltar gas pa zhes bya ba ni lus utpa la ltar 'dab chags su gas pa'i phyir ro/ /pad+ma ltar gas pa zhes bya ba ni lus pad+ma ltar 'dab chags su gas pa'i phyir ro/ /pad+ma ltar gas pa chen po zhes bya ba ni pad+ma ltar gas pa bas kyang ches lus pad+ma ltar 'dab chags su gas pa'i phyir ro/ /chu bur can la sogs pa de dag ni grang ba'i sems can dmyal ba chen po brgyad do/ /tsha ba zhes bya ba tsha ba'i sems can dmyal ba brgyad po la sogs pa'o/ /grang ba zhes bya ba'i grang ba'i sems can dmyal ba brgyad po la sogs pa'o/ /gnod pa'i bye brag ces bya ba ni myong bar 'gyur bar ma nges pa'i las kyi 'bras bu nyam nga ba dag go /'di nas shi 'phos zhes bya ba ni sems can dmyal ba'i 'gro ba nas so/ /gzhan du skyes zhes bya ba ni shal ma la'i tshal la sogs pa 'khor gyi gnas gzhan du'o/ /bden pa dag gi zhes bya ba ni sdug bsngal la sogs pa 'phags pa'i bden pa bzhi po dag gi'o/ /snod du gyur pa zhes bya ba ni snod du rung ba'o/ /rgyal chen bzhi pa zhes bya ba ni rgyal po chen po bzhi'i gnas na gnas pa'i phyir ro/ /sum cu rtsa gsum pa zhes bya ba la/ sum cu rtsa gsum zhes bya ba ni dbang po gcig dang/ nye dbang sum cu rtsa gnyis te/ de dag la nyan
- 316b
ba'i phyir sum cu rtsa gsum pa zhes bya ba'o/ /'thab bral zhes bya ba ni skabs 'dir thun sgrogs shes kyang bya ste/ thun brgyad po dag tu bsod nams la spro ba'i sgra sgrogs pa'i phyir ro/ /kha cig na re thun re re zhing/ a la la bde'o/ /a la la bde'o zhes bya ba'i sgra sgrogs pa'i phyir ro/ zhes zer ro/ /dga' ldan zhes bya ba ni rtag tu dga' ba dang ldan pa'i phyir ro/ /'phrul dga' zhes bya ba ni ci dgar sprul ba dag gis mngon par dga' ba'i phyir ro/ /gzhan 'phrul dbang byed ces bye ba ni gzhan dag gis sprul pa dag la dbang byed pa'i phyir ro/ /tshangs ris zhes bya ba ni tshangs pa'i 'khor yin pa'i phyir ro/ /tshangs pa mdun na 'don zhes bya ba ni tshangs pa dang nye ba'i 'khor ro/ /tshangs chen zhes bya ba ni tshangs pa'i 'jig rten na bdag po yin pa'i phyir ro/ /'od chung dang tshad med 'od dang/ 'od gsal zhes bya ba ni bdag ni 'od chung dang 'bring dang chen po nyid dang ldan pa'i bye brag gis go rim bzhin no/ /dge chung dang/ tshad med dge dang/ dge rgyas zhes bya ba dag kyang/ dge ba chung ngu dang/ 'bring dang/ chen po nyid kyi bye brag gis go rim bzhin du shes par bya'o/ /sprin med ces bya ba ni dbugs rdub pa dang/ dbyugs 'byung ba la sogs pa bar chad kyi sprin med pa'i phyir ro/ /bsod nams skyes zhes bya ba ni yang dang yang du dge ba rtsom pa'i phyir ro/ /'bras bu che zhes bya ba ni rnam par smin pa rgya che zhing rab tu zhi ba'i phyir ro/ /mi che ba zhes bya ba ni zag pa med pa'i chos rtogs pa'i phyir 'bad pa klod pas ched du sgrim pa mi che ba'i phyir ro/ /mi gdung zhes bya ba ni lus dang sems la gdung ba med pa'i phyir ro/ /gya nom snang zhes bya ba ni shes rab gya nom pa snang ba'i phyir ro/ /shin du mthong zhes bya ba ni srid pa tha ma pa nyid kyis shis pa mthong ba'i phyir ro/ /'og min zhes bya ba ni gzugs can thams cad kyi thu bo yin pa'i phyir ro/ /mi rtag pa zhes bya ba ni skye ba dang 'jig pa'i chos can
- 317a
yin pa'i phyir ro/ /sdug bsngal ba zhes bya ba ni sdug bsngal gsum dang ldan pas mi 'dod pa nyid yin pa'i phyir ro/ /stong pa zhes bya ba ni bdag med pa'i phyir ro/ /bdag med pa zhes bya ba ni rang gi bdag nyid dang/ gzhan la bdag po med pa'i phyir ro/ /sgrog par byed ces bya ba ni smra bar byed pa ste/ bcom ldan 'das gsung bar bzhed pa'i dbang gis sgra sgrogs par byed kyi/ gzhan du na 'od zer las sgra mi 'byung ba'i phyir ro/ /brtsam par bya zhing zhes bya ba ni brtsom par gyis shig pa'o/ /'byung bar bya zhes bya ba ni 'khor ba las nges par 'byung bar gyis shig pa'o/ /sangs rgyas bstan la zhes bya ba ni bden pa bzhi bstan pa la'o/ /'jug par bya zhes bya ba ni mgo dang gos la me 'bar pa ltar mngon par brtson par gyis shig pa'o/ /'dam bu'i khyim la glang chen bzhin zhes bya ba ni 'chi bdag sde ni gzhom par bya zhes bya ba'i dpe yin te/ 'dam bu'i khyim zhes bya ba ni 'dam bu las byas pa'i khyim mo/ /glang chen zhes bya ba ni glang po che'o/ /des na ji ltar glang po ches 'dam bu'i khyim phye mar glog pa bzhin du 'chi bdag sde ni gzhom par bya zhes bya bar sbyar ste/ 'chi bdag ces bya ba ni 'chi ba'o/ /sde zhes bya ba ni sred pa la sogs pa 'khor ro/ /gzhom par bya ba ni gzhig par gyis shig ces bya ba'o/ /phan yon bstan pa'i phyir/ /gang zhig rab tu bag yod pa/ /chos 'dul 'di la spyod gyur pa/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba gsungs te/ rab tu bag yod par zhes bya ba ni rab tu bag med pa spangs pas so/ /chos shes bya ba ni 'phags pa'i lam yan lag brgyad pa'o/ /'dul ba zhes bya ba ni yang dag par sgrub pa'i mtshan nyid do/ /spyod 'gyur zhes bya ba ni rjes su sgrub par 'gyur ba'o/ /skye ba'i 'khor ba zhes bya ba ni skye ba gtso bo yin pa'i
- 317b
phyir ro/ /'khor ba'i sdug bsngal gyi rtsa ba yin pa'i phyir ro/ /de ltar yang skye 'di don med gang phyir skye ba yod na rga shi dang/ /nad dang sdug bsngal sdad dang bcings la sogs pa'i dgra dag yod/ /gal te 'jigs med skye ba med na don med de mi 'byung/ /shing skyes med na nags me rlung gis rdib par mi 'gyur bzhin/ zhes bshad pa'i phyir ro/ /rab spangs nas zhes bya ba ni gtan spangs nas so/ /sdug bsngal zhes bya ba ni skye ba la sogs pa'o/ /tha mar byed par 'gyur zhes bya ba ni rgyun chad par 'gyur ba'o/ /stong gsum gyi stong chen po zhes bya ba ni gcig rnams kyi stong pa dang/ stong rnams kyi stong dang/ stong rnams kyi stong dag ste/ de dag ni gling pa 'am/ 'dod pa na spyod pa'i lha'i ris dang/ tshangs ris kyi 'jig rten stong la ni stong chung ngu gcig go /stong chung ngu stong la ni stong 'bring po gcig go /stong 'bring po stong la ni stong chen po gcig ste/ de ni stong yang yin la chen po yang yin pas stong chen po'o/ /de ni stong gsum yang yin la chen po yang yin pas stong gsum gyi stong chen po ste/ gling bzhi pa la sogs pa ther 'bum gyi tshad ces bya ba'i tha tshig go /'jig rten gyi khams zhes bya ba ni 'dug pa'i gnas so/ /nyul nas zhes bya ba ni bskor nas so/ /'dir stong gsum gyi stong chen po'i 'jig rten gyi khams zhes smos pa ni de'i tsha na gnas pa rnams la bskal pa yod pa'i phyir ro/ /yang na de ni mtshon pa tsam du zad de/ 'jig rten gyi khams mdza' yas mu med pa thams cad du yang de bzhin no/ /'das pa'i las lung ston par bzhed ces bya ba ni gang la 'bras bu thams cad 'das pa'o/ /ma 'ongs pa'i las lung ston par bzhed ces bya ba ni gang la 'bras bu nyid ma 'ongs pa'o/ /thal mo sbyar te zhes bya ba ni thal mo 'jab 'jab por sbyar te'o/ /rgyu ma mchis zhes bya ba ni 'jig rten pa'i dgos pa med pa'o/ /rkyen ma mchis par zhes bya ba ni 'jig rten las 'das pa'i dgos pa
- 318a
med par ro/ /tshigs su bcad pa yang gsol ba zhes bya ba la sogs pa la/ tshogs rnams zhes bya ba ni 'od zer gyi tshogs rnams so/ /zhal gyi sgo nas zhes bya ba ni zhal gyi sgo nas so/ /rgod pa la zhes bya ba ni rgod pa spangs pa'o/ /zhum zhes bya ba ni sems zhum pa nyid do/ /rgyags pa zhes bya ba ni rang gi yon tan la bltos pas khengs pa'o/ /de gnyis la 'grol ba ni zhum pa dang/ rgyags pa rab spangs pa ste/ de dag ni bong ba'i tshig go /mchog gi rgyur gyur pa zhes bya ba ni mya ngan las 'das pa'i rgyu'i ngo bo nyid do/ /rgyal ba zhes bya ba nyon mongs pa thams cad las rgyal ba'i phyir ro/ /dgra thul zhes bya ba ni bdud bzhi'i dgra thul ba'o/ /byed rgyu ma mchis par zhes bya ba ni rgyu med par te/ 'di la rgyu gang lags zhes bya ba'i tha tshig go /rtsa lag ces bya ba ni pad+ma'i rtsa lag myu gu'i mtshan nyid du gnas pa'o/ /dud? zhes bya ba ni dung nyid do/ /pad+ma'i rtsa lag dang dud ltar dkar zhes bya ba ni zhal bzhad pa'i tshems kyi 'dzum pa ste/ /'dzum pa zhes bya ba ni cung zad bzhad pa'o/ /de slad ces bya ba ni de'i phyir zhes bya ba'i tha tshig go /brtan pa zhes bya ba ni bong pa'o/ /rang blos zhes bya ba ni rang gi ye shes kyis so/ /dus mkhyen nas zhes bya ba ni lung bstan pa'i dus mkhyen nas so/ /thub pa khyu mchog ces bya ba yang bong pa'i tshig ste/ thub pa zhes bya ba ni slob pa dang mi slob pa dag go /de dag gi khyu mchog ni gtso bo yin pa'i phyir ro/ /dge sbyong kye dbang po zhes bya ba yang bong pa'i tshig ste/ dge slong gi skye ba zhes bya ba ni 'phags pa'i gang zag brgyad do/ /de dag gi dbang po ni gtso bo yin pa'i phyir ro/ /nyan pa'i skye bo zhes bya ba ni kun shes par 'dod pa'i skye bo'o/ /som nyi ldan rnams la zhes bya ba ni the tshom can rnams la'o/ /de rnams la the tshom skyes pa bsal du gsol zhes bya bar sbyar ro/ /tshig ji lta bu dag gis gsal
- 318b
zhes na/ de'i phyir gsung tshig brtan pa dang/ dam pa dge ba dag gis zhes bya ba gsungs te/ brtan pa zhes bya ba ni mi g.yo ba'o/ /dam pa zhes bya ba ni don gyi mchog yin pa'i phyir dang/ zab pa'i phyir ro/ /dge ba zhes bya ba ni bzang ba'i phyir dang/ kha na ma tho ba med pa'i phyir ro/ /tshwa chu zhes bya ba ni rgya mtsho'o/ /ri rgyal zhes bya ba ni ri'i rgyal po ri rab po/ /de gnyis lta bur bstan pa gang yin pa de ni tshwa chu ri rgyal lta bur brtan pa dag go /de dag gang zhe na/ sangs rgyas mgon rnams zhes bya ba dag go/ glo bur zhes bya ba ni thad zur ro/ /de de bzhin no de de bzhin te zhes bya ba ni mthun par bka' stsal pa ste/ gus par mdzad pa'i slad du lan gnyis su bzlas so/ /g.yon can zhes bya ba ni sgyu thabs kyis chom rkun byed pa'o/ /lus bskyod pas sun phyung zhes bya ba ni yan lag dang nying lag sprad pa ma byas par yan lag rnam par yan lag rnam pa bcug pa 'ba' zhig gis mi tshangs par spyod de sun phyung ba'o/ /gzhan du na lus la reg pa la sogs pas dge slong ma pham par gyur zin pas/ de la mi tshangs par spyad kyang dge slong ma sun phyung ba'i nyes par mi 'gyur ba'i phyir ro/ /dge slong zhig gis zhes bya ba ni gtso bo ma yin pa dag gis so/ /mi skye ba'i chos can zhes bya ba ni sdom pa skye ba'i chos nyid med pa'o/ /de ltar skye ba'i chos nyid med pa rab tu byung na ji ltar bya zhe na/ de'i phyir bsnyil bar bya'o zhes bya ba gsungs te/ gnas dang longs spyod pa spang bas mig lam du snad par bzhag par bya'o/ /gang zag rku thabs su gnas pa rab tu dbyung bar mi bya zhing/ de la sdom pa skye ba'i chos nyid med pa dang/ de lta bu la rab tu byung ba'i rtags can bsnyil par bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs
- 319a
pa gsungs so/ /'dod chags dang bral ba med pa ni zhes bya ba ni nyon mongs pa spang pa ma byas pa na'o/ /dge 'dun lhag ma zhes bya ba ni khu ba 'byin ba la sogs pa ste/ ltung ba de gso ba'i lhag ma dge 'dun tsam zhig la las ba ste/ de sbyar ba'i phyir chad pa'i las dge 'dun las 'thob ces bya ba'i tha tshig go /chos bzhin du sgrub par byed ces bya ba ni 'dul ba dang/ mthun par chags pa'o/ /drug sde zhes bya ba ni mi drug phan tshun sde zhing gnas pa ste/ de dag kyang dga' bo dang/ nye dga' dang/ 'char ka dang/ 'gro mgyogs dang/ nabs so dang/ 'dun pa zhes bya ba dag go /thabs kyi rnam pa zhig bya'o zhes bya ba ni gnyen po zhig bsam par bya'o/ /mkhas pa'i rang bzhin can zhes bya ba ni skyes nas thob pa'i shes rab dang ldan pa yin gyi lung dang rtogs pa las skyes pa'i shes rab dang ldan pa ni ma yin no/ /mdza' 'khob ces bya ba ni yul dbus nas thag ring ba ste skye bo ya rabs rgyu ba nyul ba'o/ /chos kyi rje zhes bya ba ni sangs rgyas bcom ldan 'das te chos rnams kyi mnga' bdag tu gyur pa'i phyir ro/ /lha'i gzugs dag ces bya ba ni brgya byin dang/ tshangs pa la sogs pa'o/ /snang ba zhes bya ba ni 'ong ngo/ /lha'i sgra zhes bya ba ni brgya byin dang/ tshangs pa la sogs pa'i 'o/ /kun shes pa brda sprod pa zhes bya ba la kun shes pa zhes bya ba ni mi slob pa'i shes pa zag pa med pa'o/ /de brda sprod pa ni bdag gi skye ba zad do/ /tshangs par spyod pa bsten to zhes bya ba la sogs pas go bar byed pa'o/ /zang zing gi longs spyod ces bya ba ni mgron du bong ba la sogs pa'i longs spyod do/ /chos kyi longs spyod ces bya ba chos nyan pa la sogs pa'i longs spyod do/ /dus bskyed pa ni zhes bya ba ni drag tu bskul ba na'o/ /yon bshad pa zhes bya ba ni sbyin pa'i 'bras bu'i
- 319b
bsngags pa brjod do/ /snam sbyar gyi rgyal mtshan 'chang ba rnams kyi mchog ces bya ba la/ snam sbyar gyi rgyal mtshan 'chang ba zhes bya ba ni dge slong rnams so/ /de rnams kyi mchog tu bstan pa ni dang por zag pa med pa'i chos thob pas dge slong gi sdom pa skyes pa'i phyir ro/ /rku thabs su gnas pa zhes bya ba ni 'dir rang gis rtags blangs pa sdom pa ma thob pa'o/ /kha cig na re des dge slong rang bzhin du gnas pa dag dang lhan cig gso sbyong la sogs pa las dag lan gnyis sam gsum myong ba yin no zhes zer ro/ /se gol gyi sgras zhes bya ba ni sor mo gtog pa'i sgras so/ /bskrad ces bya ba ni stan las bslang ba'o/ /rab byung zhes bya ba ni gzhan gyi man ngag med par rdzogs par byang chub pa'i phyir ro/ /dge slong rang bzhin du gnas pa dag ces bya ba ni tshul khrims dang ldan pa dag go /gso sbyong gis las dag ces bya ba la gso sbyong zhes bya ba ni tshul khrims gso zhing rtas par byed pas te/ de'i ngo bo nyid kyi las dag ni gso sbyong gi las te/ so sor thar pa'i mdo 'don pa'i bdag nyid dag ces bya'o// 'dir gso sbyong gi las dag ces smos pa ni mtshon pa ste/ las brgya rtsa gcig po thams cad kyang de bzhin no/ /lan gnyis lan gsum nyams su myong bar gyur na zhes bya ba la lan gnyis kyis ni rku thabs su gnas pa nyid du 'grub po/ /lan gsum zhes bya ba ni rgyun brtan pa'i phyir te/ de phan chad kyang rku thabs su gnas pa nyid yin no/ /gang zag ma ning rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /skyes pa 'dra ba zhes bya ba ni skyes pa'i rnam pa 'dra ba'o/ /bud med
- 320a
kyang ma yin skyes pa yang ma yin pa zhes bya ba ni mtshan gnyis pa'o/ /mtshan ma ston par byed ces bya ba ni sor mo la sogs pas brda byed pa'o/ /yongs su gdungs pas zhes bya ba ni skyo bas so/ /dbang po 'byung bar 'gyur ba zhes bya ba ni las su rung bar 'gyur ba'o/ /rtsol ba zhes bya ba ni mi tshangs par mi spyod pa'o/ /'gyur ba mi bsten na zhes bya ba ni gzhan la rtsol 'dod pa'i 'dun pa la sogs pa mi 'byung ba'o/ /btang snyoms su bya'o zhes bya ba ni bsnyil bar mi bya'o/ /sprul pa rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu dbyung ba'i rtags can bsnyil bar bya ba la sogs pa 'byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /bye ma me'i mdog lta bu zhes bya ba ni bye tshan no/ /rus pa'i keng rus zhes bya ba ni rus pa'i phung po'o/ /brnags zhes bya ba ni bzod pa dang du blangs pa'o/ /ris mthun pa zhes bya ba ni skye ba'o/ /bskal par gnas pa zhes bya ba ni 'dir bskal pa bar ma bzhi bcu la bskal par shes par bya'o/ /sa 'dzin pa zhes bya ba ni sa yongs su skyong ba'o/ /'dab chags kyi rgyal po 'dab bzangs zhes bya ba ni nam mkha' lding ngo/ /dbyung bar mi nus zhes bya ba ni zil gyis mi non pa'o/ /klu phra mo zhes bya ba ni klu chung ngu'o/ /bsam gtan la brtson zhes bya ba ni bsam gtan bzhi po dag la'o/ /klog pa la brtson zhing zhes bya ba ni bklag pa la'o/ /rnal 'byor la brtson zhing zhes bya ba ni ting nge 'dzin du grub pa la'o/ /yid la byed pa la brtson zhing zhes bya ba ni sbyor ba las byung ba ting nge 'dzin la'o/ /dgon pa pa zhes bya ba ni dgon pa na gnas pa'o/ /bshan pa zhes bya ba ni ba lang gsod pa la
- 320b
sogs pa'o/ /gcig las 'phros pa zhes bya ba ni chos kyi rnam grangs gcig nas brtsams te/ brgya'i bar du bsgreng pa'i lung ngo/ /de yang gcig las 'phros pa'i lung zhes bya ba'i rgyud du gtogs pa yin te/ gcig las 'phros pa'i lung ni chos kyi rnam grangs gcig nas brtsams te/ brgya'i bar du thug pa de lta bu'i rgyud mang po bstan pa yin par gzhan las 'byung ngo/ /deng sang ni gcig las 'phros pa'i lung las chos kyi rnam grangs gcig nas brtsams te bcu'i bar du thug pa de lta bu'i rgyud dag cig 'byung ste/ de ni lung nyams pa yin te/ dper na rgyu drug bstan pa'i mdo sde'i rnam par dbye ba deng sang mi snang ba dang 'dra'o/ zhes bye brag tu smra ba'i gzhung las 'byung ngo/ /kha ton du lhogs nas zhes bya ba ni lobs nas so/ /mi gang ste zhes bya ba ni mig mgu ste'o/ /bdud rtsi zhes bya ba ni zas dang po zhun mar 'dra pa'o/ /zos shing zos shing zhes bya ba ni bzlas pa'i phyir lan gnyis smos so/ /gnyid che ba zhes bya ba ni gnyid lhag par che ba'o/ /bsod snyoms glo bur pa zhes bya ba ni rgyud la sogs pa'i tshegs med pa ste/ cig car du rnyed pa zhes bya ba'i tha tshig go /mgar ba'i zhes bya ba ni gser mgar la sogs pa'o/ /gtan pa'i bu ga nas zhes bya ba ni lde mig khyog po gzhug pa nas so/ /myur ba myur ba kho nar zhes bya ba ni rings pa rings pa kho nar te/ brtad pa'i phyir tshig lan gnyis su smos so/ /rang bzhin gyi cha lugs zhes bya ba ni lhan cig skyes pa'i lus gzugs so/ /sprul pa'i cha lugs zhes bya ba ni 'phral la sprul pa'i lus gzugs so/ /phung po 'di dag gis zhes bya ba ni sprul pa 'di dag gis sam/ dud 'gro dag gis so/ /yon tan gyi tshogs zhes bya ba ni mthong ba'i lam la sogs pa zag pa med pa 'am dge slong gi sdom pa'o/ /ma 'tshe bar zhes bya ba ni mi bde ba la reg par mi byed par te/ gnod pa ma byed
- 321a
par zhes bya ba'i tha tshig go /sa la'i dgon pa zhes bya ba ni shing ljon pas mtshon pa'i nags dgon pa'o/ /rta babs zhes bya ba ni lam po che'i sgo'o/ /mthon po zhes bya ba ni bsgreng ba'o/ /mthong khung zhes bya ba ni snang ba'i mthong ngo skar khung dra ba can zhes bya ba ni rlung 'jug pa'i gnas dra ba can no/ /lan kan zhes bya ba ni rgyu ba'i don du la kha khyer gyis bskor ba'o/ /brgyan pa zhes bya ba ni mdzes par byas pa'o/ /snying dang mig 'phros par byed pa zhes bya ba ni sems dang mig 'dren par byed pa'o/ mtho ris kyi them skas su gyur pa zhes bya ba ni de la brten na mtho ris su 'gro ba'i phyir ro/ /khri dang khri'u dang yo byad phun sum tshogs pa zhes bya ba ni chos gos dang bsod snyoms dang gnas mal dang na ba'i rkyen dang sman gyi yo byad la sogs pa thams cad dang ldan pa'o/ /sprul te zhes bya ba yang dag pa ma yin pa de'i bya ba byed nus pa ci dgar phyung ste'o/ /mgo spra ba'i me tog skya ba zhes bya ba ni mgo'i skra spra ba'i me tog rgyas pa ltar dkar pa'o// smin ma 'phyad pa zhes bya ba ni smin ma'i spu ring zhing thur du 'phyad pa'o/ /byon pa legs so byon pa legs so zhes bya ba ni gus pa'i phyir lan gnyis su bzlas so/ /zhal ta byed pa zhes bya ba ni las byed pa'o/ /thos pa zhes bya ba ni mthong ba dang thos pa nyams su myong ba'o/ /yun ji srid kyis 'brel ba spang bar bya zhes bya ba ni bdag cag gis sgo 'phar brgya snyed dag 'das shing bsod snyoms sgrub pa'i 'brel pa tshogs chen po de nam du brnags par bya snyam du bsam pa'o/ /gnas ngan len kun tu spyod pa zhes bya ba ni thams cad du smad pa'i kun tu spyod pa dang ldan pa ste/ tral po che zhes bya ba'i tha tshig go /'dul ba yang mi snang zhes bya ba ni 'byung khung gi sgo mi mngon pa'i phyir ro/ /'god pa yang mi snang zhes bya ba ni longs spyod kyang
- 321b
'bri par mi mngon pa'i phyir ro/ /grangs dag 'debs su gzhug go zhes bya ba ni 'du 'god rtsis su sbyor du bcug ste sdom gzung bar bya'o snyam du bsams pa'o/ /nyams pa zhes bya ba ni 'tsho ba mi bde ba'o/ /sgo 'phang zhes pa ni glegs kyi gzhi'o/ /des pa nges pa zhes bya ba ni nges pa dag pas kyang ches nges pa ste/ mi gya nom pa zhes bya ba'i tha tshig go/ phyogs zhes bya ba ni grogs so/ /rtsa nas gdon to zhes bya ba ni drungs dbyung ngo zhes bya ba'i tha tshig go /mi snang bar byas nas zhes bya ba ni mig lam du mi snang bar bzhag nas so/ /'gram du zhes bya ba ni dogs su'o/ /sgre bo zhes bya ba ni skam po'o/ /rdo rgyus zhes bya ba ni shod ri bri ba'o/ /bstan pa mthar thug gi bar du zhes bya ba ni bstan pa nub pa'i dus kyi bar du'o/ /tshod rig par bya'o zhes bya ba ni grangs gdab pa la gzhol bar bya'o/ /chos smra ba zhes bya ba ni chos kyi gtam smra ba lhur len pa'o/ /kha cig na re chos smra ba zhes bya ba ni skabs su bab par chos kyi gtam bya ba shis pa'o zhes zer ro/ /rdzubs pas zhes bya ba ni gcig las 'phros pa'i lung las gzhan mi shes pas gcig las 'phros pa'i lung 'ba' zhig gis zhes bya ba'i tha tshig go /kha cig na re skabs skabs su mi dran pas shes kyang zer ro/ /sde snod gsum zhes bya ba ni mdo sde dang/ 'dul ba dang/ chos mngon pa'i tshogs dag ste/ de yang stong phrag brgya'i tshad do/ /de ltar yang dge slong sde snod kyi tshad ji tsam zhe na/ stong phrag brgya'o zhes gsungs pa'i phyir ro/ /rigs pa'i stobs can zhes bya ba ni rigs dang ldan pa'i don ston pa'i phyir ro/ /grol ba'i spobs pa can zhes bya ba ni don thags thogs med par ston pa'i phyir ro/ /bzlog gam ci na zhes bya ba ni mi mthun par byas sam ci na zhes bya ba'i tha tshig go /klu'i gnas su yang skabs mi rnyed do snyam nas zhes bya ba ni skyon dang bcas na'o snyam du bsams pa yin no/ /de'i dor mthon du
- 322a
pos ba la ni ltung ba med do zhes bya ba ni dge slong de nyid gtso bo byas te/ dge slong dag mgron du bos na ma gsol bar des las bstan pa la nyes pa med do/ /'phags pa drug sde dag gi dor dge slong dag mgron du bos pa ma yin la de dag la ma gsol bzhin du de dag gis chos bsten pa las bca' ba mdzad pa'i phyir ro/ /gdul ba bltos pas zhes bya ba ni gdul ba zhes bya ba ni gdul ba la sems pas so/ /nges pa skal pa dang ldan pa nyid ces bya ba ni nges par dgra bcom pa nyid du rung ba nyid do/ /rtsa ka sha'i byings sam ku shi'i byings nas zhes bya ba ni de dag gi 'byung gnas so/ /thabs yin no zhes bya ba ni khas blangs pa ste/ de ltar gyis shig ces bya ba'i tha tshig go /'dzum pa sngon du btang ste/ zhes bya ba ni sngar 'dzum phyung ste'o/ /'jigs pa med cing zhes bya ba ni bag tsha ba med cing ngo/ /bzhin nyams pa med pa zhes bya ba ni byings gyur pa med pa'o/ /dman pa med pas zhes bya ba ni kha dog nyams pa med pas so/ /lung bzhi zhes bya ba ni yang dag par ldan pa dang/ bar ma dad gcig las 'phros pa dang/ ring po zhes bya ba dag go /rgya mtsho chen por 'dod pa'i brong zhes bya ba ni gling gzhan dag tu mkho ba 'am/ 'gro ba lam 'ong ba la dgos pa'o/ /'jig pa du mas kun du gang ba zhes bya ba na nyi chen dang nya tshe na ming dang ming la sogs pa'i 'jigs pa dang ldan pa'o/ /bde legs zhes bya ba ni dge ba'o/ /spyad par brtsams te zhes bya ba brtag par brtsams te'o/ /ne'u ldangs zhes bya ba ni sheng mthun pa'o/ /lhan cig skyes pa zhes bya ba ni nyi ma gcig la brtsams pa'am grong khyer gcig tu skyes pa'o/ /sa rdul la lhan gcig rtse rtse ba zhes bya ba ni rgyun du mdza' ba'i phyir ro/ /gsol ba gdab par bya'o zhes bya ba ni bcol bar bya ba'o/ /rang dbang med ces bya ba ni bdag la dbang med pa'o/ /'jigs
- 322b
pa zhes bya ba ni 'jigs pa rgyu gnod sbyin 'jigs su rung ba'i gzugs can la sogs pa'o/ /dge mtshan zhes bya ba ni gsungs pa'i phyir gi wad dang/ tshon sna lnga'i skud pa dang/ yungs kar la sogs pa lag pa la sogs pa la 'dogs pa'o/ /bkra shis zhes bya ba ni me tog dkar po dang/ zho dang/ ba lang dang/ snod gsar pa dang/ sha rlon pa la sogs pa mthong ngo/ /bde legs su gyur pa zhes bya ba ni mer sbyin reg byed pa dang/ bram ze klog tu 'jug pa la sogs pas zhi bar 'gyur pa'o/ /khung dag ces bya ba ni phrag rdang gi khur dag go /sbyang dag ces bya ba ni rtsa dang sog ma la sogs pa la byas pa dag go /gle dag ces bya ba ni 'dam bu dang/ smig tshal la sogs pa las byas pa zhal ba'i snod do/ /rnying pa zhes bya ba ni di na ra'i bye brag go /gru bo che zhes bya ba ni rgya mtshor 'jug pa'i gru'o/ /sbyar nas zhes bya ba ni nyos nas so/ /zho shas 'tsho ba zhes bya ba ni nor bsgrub pa'i phyir zho shas 'tsho ba'o/ /stobs par byed pa zhes bya ba ni zas la sogs pa dbul ba'o/ /sel bar byed pa zhes bya ba ni lhag ma la sogs pa 'dor ba'o/ /rkyal chen zhes bya ba ni chu'i nang du 'jug pa'o/ /gru bo zhes bya ba ni gru'i las byed pa'o/ /rlung yor thogs pa zhes bya ba ni rlung yor gyi ba dan gyis lam dang lam ma yin pa rdog po'o/ /lan gsum dril bsgrags nas zhes bya ba ni/ rgya mtsho chen por song ba'i phan yon dang nyes dmigs yang dag pa lan re brjod cing dril lan re bsgrag te nyag thag re re bcang nas so/ /de ltar brtsams pa zhes bya ba ni/ rgya mtshor mchod par brtsams pa'o/ /mi mdzad ci mdzad ces bya ba ni brtad pa'i phyir lan gnyis su bzlas so/ /bzlog du zhes bya ba ni bkag bzhin du'o/ /ya mtshan skyes nas mig tshugs su blta zhing zhes bya ba ni shin tu rangs pa skyes nas mig bgrang de blta zhing ngo/ /sangs rgyas rnam par gzigs la
- 323a
sogs pa'i/ dri gtsang khang zhes bya ba ni de dag gi phyir bsngos pa yin gyi/ de dag gi dus kyi ni ma yin te/ 'di nas bskal pa chen po dgu bcu rtsa gcig 'das pa'i mdun rol du sangs rgyas rnam par gzigs 'jig rten du byung ba la sogs pa'i tshul gyis/ 'jig pa'i bskal pa dag gis 'jig rten 'di zhig par gyur pa'i phyir ro/ /dri gtsang khang zhes bya ba ni bzhugs pa'i gnas te/ dad pa can dag gis rdzas dri zhim po dag gis byug pa'i phyir ro/ /mchod rten zhes bya ba ni de bzhin gshegs pa'i stobs mi 'jigs pa la sogs pa che ba'i/ yon tan dag gis gzugs brnyan nyid kyis bkra ba 'am/ /dran pa nye bar gzhag pa la sogs pa'i/ yon tan de dag gi gzugs brnyan nyid du bsags par 'os so/ /rab tu gnas zhes bya ba ni don dang tshig gis sgo nas sems kyi rgyu la rab tu gnas par gyur pa'o/ /mi khom par skyes zhes bya ba ni dud 'gro'i skye gnas su skyes pa'i phyir ro/ /log par ltung ba'i lus dang ldan pa zhes bya ba la ldan pa zhes bya ba ni lus ngan song du song ba dang ldan pa yin gyi sems log par ltung ba ni ma yin pa'o/ /mdo sde'i mdza' zhes bya ba ni nges pa'i don gyi mdo sde'o/ /sprul pa des zhes bya ba ni drug sde dag gi tho btsams pa rgya mtsho chen por zhugs pa gang yin pa des so/ /yang dag par ldan pa zhes bya ba ni phung po dang/ skye mched dang/ gling gzhi la sogs pa'i rgyud du gtogs pa dang yang dag par ldan pa'i phyir ro/ /bar ma zhes bya ba ni mdo sde bar ma dag yod pa'i phyir ro/ /ring po zhes bya ba ni mdo sde ring po ring po dag yod pa'i phyir ro/ /brjed pa'i skabs zhes bya ba ni mi dran pa'i skabs so/ /gsal bar bya'o zhes bya ba ni dran par bya'o/ /bag chags zhes bya ba ni goms pa'o/ /'dzin ces bya ba ni mi brjed pa'o/ /mig gdug pa zhes bya ba ni mthong na sreg par 'gyur
- 323b
ba'i phyir ro/ /dbugs dang/ reg pa dang/ mche ba gdug pa zhes bya ba yang de dag gis reg na sreg par 'gyur ba'i phyir ro/ /ming tsam zhig lus pa zhes bya ba ni ming nas ming tsam zhig grag pa'o/ /lhan cig ces bya ba ni ma tshang ba med pa'o/ /tshogs shing zhes bya ba ni/ bya ba cig la zhugs shing ngo/ /kun dga' zhes bya ba ni thams cad dga' bzhin du'o/ /bcom ldan 'das kyis zhes bya ba la sogs pa ni yang dag par sdud par byed pa'i tshig yin no/ /blta ba chog mi shes zhes bya ba ni blta bas ngoms mi shes pa ste/ de la lta ba ni mig gi blo gzhan du mi 'gro zhes bya ba'i tha tshig go /mthong na mi mi mthun pa med pa zhes bya ba ni mthong na bde ba bskyed pa'i phyir ro/ /cang shes zhes bya ba ni rnam pa dang mnyen pa dang/ bzod pa dang nges pa la sogs pa'i yon tan dang ldan pa'i phyir ro// gzhon sha can zhes bya ba ni lus shin tu gzhon sha chags pa'i phyir ro/ /dub pas zhes bya ba ni dal bas so/ /stug pos zhes bya ba ni chen pos so/ /khal dag ces bya ba glang po la sogs pa'o/ /phrog nas zhes bya ba ni gdungs nas so/ /snying stobs che ba zhes bya ba ni brtan pa'o/ /lam srang zhes bya ba ni lam phran no/ /thob ces bya ba mtshon rtse gcig pa'o/ /nyen nas zhes bya ba ni zil gyis non nas so/ /nyam thag pa'i skad ces bya ba ni ya na a tsha zhes bya ba la sogs pa zhun pa'i skad do/ /yid ches par dga' bas zhes bya ba ni yid mi ches pa'i rang bzhin no/ /zan gyi gral du zhes bya ba ni dge 'dun gyi skad sar ro/ /nyi tshe ba'i sems can dmyal ba zhes bya ba ni thams cad dang thun mong ma yin pa kha cig gi sdug bsngal gyi gnas so/ /snum bag gi rnyed pa zhes bya ba ni 'o ma dang zho dang/ mar dang nya sha dang sha dang sha skam mo/ /yul ngan zhes bya ba ni char bab pa la sogs pa'o/ /ma rungs par gyur pa zhes bya ba ni chung zos pa'o/ /'bar zhes bya ba ni cung zad 'bar ba'o/ /rab tu 'bar ba zhes bya ba ni 'bring du 'bar ba'o/ /kun tu rab
- 324a
tu 'bar zhes bya ba ni cher 'bar ro/ /me lce 'bar ba'i lus gcig tu gyur pa'o/ /tshul khrims 'chal ces bya ba ni pham par gyur pa'o/ /sdig pa'i tshogs can zhes bya ba ni ngo tsha shes pa dang khrel yod pa nyams pa ste/ nyin gcig mi chad par mi 'dod pa'i las byed pa'i phyir ro/ /yon spyod pa zhes bya ba ni mya ngan las 'das pa'i bsam pas rab tu byung ba tshul khrims dang ldan pa la ni gos stong phrag brgya ba dang/ zas ro brgya pa dang khang pa brtsegs pa lnga brgya pa yang 'os pa dang/ dge 'dun gyi rjes dang/ mi slob pa man chad kyi rdzas la yang longs spyod du dbang ba'i phyir ro/ /de'i zhar gyis zhes bya ba ni de'i g.yam la'o/ /bslab pa 'dod pa zhes bya ba ni tshul khrims dang ldan pa'o/ /'dir kha cig slob dang/ mi slob ba mang po bsregs pas zhes kyang zer te de ni mi rung ste/ 'di ltar mi slob pa bsod na mtshams med pa byas pas sems can dmyal ba chen po mnar med par skye bar 'gyur la/ slob pa bsad na mtshams med pa dang/ nye ba byas pas sems can dmyal ba chen po gzhan dag tu skye bar 'gyur ba yin na/ 'dir las de'i rnam par smin pas nyi tshe ba'i sems can dmyal ba rnams kyi nang du skyes te zhes gsal bar smos pa'i lus nyid dang 'gal bar mi rung ngo/ /sems can ka ba 'dra ba dag ces bya ba la sogs pa ni ka la sogs pa'i dbyibs 'dra ba'o/ bsti gtas shes bya ba ni gnas so/ /bsod nams 'dod pa zhes bya ba ni dge ba 'dod pa 'am/ snying rje can no/ /gtsang sbra can zhes bya ba ni phyag dar la sogs pa byed pa'o// myos zhes bya ba ni dkrugs pa'o/ /bram ze dang yang dag par ldan pa zhes bya ba ni bram ze rnams kyis sgrub pa dang yang dag par ldan pa'i rgyud du gtogs pa'o/ /som nyi ma brgal zhes bya ba la sogs pa ni 'di skad bstan te/ 'phags pa'i bden
- 324b
pa dag la som nyi ma spangs na gcer bu'i spyod pa la sogs pas mi dag gi sdig pa byed par mi 'gyur bas bram ze dag gis tshul khrims dang brtul zhugs mchog 'dzin pa de ni lam ma yin no/ /gang 'byung bo kun la 'tshe ba rnam par spangs te chos spyod pa la sogs pa de ni rgyan gyis brgyan kyang dge sbyong dang/ bram ze dang/ dge slong yin pas chos 'di pa dag gi snying rje dang tshul khrims dang/ tshangs par spyod pa ni la ma yin zhes ston to/ /de las som nyi ma brgal zhes bya ba ni 'phags pa'i bden pa dag la the tshom dang ma bral na'o/ /gcer bu'i spyod pa zhes bya ba ni/ gos med par rgyu ba'o/ /ral pa zhes bya ba ni skra'i ral pa'i khur thogs pa'o/ /rdzab ces bya ba ni chu'i rdzob kyi nang na 'dug pa 'am thal bas skud pa'o/ /sna tshogs zas zhes bya ba i utpa la'i rtsa ba la sogs pa'i zas sna tshogs za ba'o/ /thang la nyal zhes bya ba ni sa sgre bo la nyal ba 'am/ lci bas byugs ma thag pa'i sa la nyal ba'o/ /rdul zhes bya ba ni sa rdul gyis skud pa'o/ /dri ma zhes bya ba ni rdul la sogs pa las gyur pa'i dri ma 'chad pa'o/ /tsog pu'i spong bas zhes bya ba ni tsog tsog por 'dug pa'i spyod lam gyis bud med dang blang po che 'dug pa la sogs pa yongs su spong bar byed pa 'am tsog tsog por 'dug pa'i spyod lam gyis brtson 'grus byed pas so/ /mi dag ces bya ba ni mi'i 'jig rten dag go /byang mi 'gyur zhes bya ba ni sdig spong bar mi 'gyur ba'o/ 'byung po kun la zhes bya ba ni sems can mdza' bshes dang/ dgra bo dang/ tha mal pa thams cad la'o/ /'tshe ba zhes bya ba ni gsod sems kyi bsam pa'o/ /rnam spangs te zhes bya ba ni gtan spangs te'o/ /chos spyod ces bya ba ni lus dang ngag dang/ yid kyi las legs par spyod pa'o/ /zhi zhes bya ba ni dbang po sdom pa'o/ /dul zhes bya ba ni yid sdom pa'o/ /yang dag sdom zhes bya ba ni tshul khrims gong na med pa dang ldan pa'o/ /tshangs spyod ldan
- 325a
pa zhes bya ba ni tshangs par spyod pa dang ldan pa ste/ /lam tshol ba lhur len pa'o/ /rgyan gyis brgyan gyur kyang ces bya ba ni mgo rgyan la sogs pa dang ldan par gyur du zin kyang ngo/ /de nyid bram ze dge sbyong dge slong yin zhes bya ba ni/ 'byung po kun la 'tsho ba rnams spangs te/ zhes bya ba la sogs pa yon tan sngar bstan pa de dag dang ldan pa de nyid bram ze dang/ dge sbyong dang/ dge slong yin gyi/ ming tsam gyis ni ma yin no zhes bya ba'i tha tshig go /grong khyer lta bu'i mdo zhes bya ba ni mdo sde gang gi dpe grong khyer las blangs pa'o/ /gdon par brtsams pa zhes bya ba ni kha dog tu gdon par brtsams te 'o/ /sdom rdzogs pa'i byang chub mngon par sangs rgyas pa'i tshe zhes bya ba ni mngon par rdzogs par sangs ma rgyas pa'i sngon bla na med pa'i ye shes ma rnyed pa'i tshe'o/ /gcig pu zhes bya ba ni grogs med pa'o/ /dben par song te zhes bya ba ni khyim gyis stong par song ste'o/ nang du yang dag bzhag pa na zhes bya ba ni dben par 'dug pa na'o/ /sems la zhes bya ba ni bdag ma yin pa la'o/ /sems kyi yongs su rtog pa zhes bya ba ni mu stegs can dag chu dang 'o ma 'dres pa bzhin du bdag dang sems can mtshungs par ldan pa las rtog pa 'byung ngo zhes zer ba dgag pa'i phyir sems kyi yongs su rtog pa zhes smos te/ bdag gi yongs su rtog pa ma yin no zhes bya ba'i tha tshig go /'dir yongs su rtog pa zhes bya ba ni kha nang du bltas pa cha phra mo la dmigs pa ste/ rnam par rtog pa zhes bya ba'i tha tshig go /'di lta bu zhes bya ba ni 'og nas 'byung ba lta bu'o/ /kye ma zhes bya ba ni thugs brtse ba'o/ /'jig rten 'di zhes bya ba ni khams gsum pa'i 'gro ba'o/ /sdug bsngal bar zhes bya ba ni nyam nga ba'i gnas su'o/ /gyur te zhes bya ba ni thob ste'o/ /ji ltar sdug bsngal bar gyur ce na de'i phyir
- 325b
'di lta ste/ zhes bya ba la sogs pa gsungs te/ 'di lta ste zhes bya ba ni nye bar bstan pa'i tha tshig go /skye bar 'gyur zhes bya ba ni nye bar len pa'i phung po lnga skye bar 'gyur ba'o/ /dga' bar 'gyur zhes bya ba ni dbang po yongs su smin par 'gyur ba'o/ /'chi bar 'gyur zhes bya ba ni ris mthun pa yongs su spong bar 'gyur ro/ /nyams par 'gyur zhes bya ba ni skad cig ma re re la nyams par 'gyur ba'o/ /de dag gis ni skye ba gcig la skye ba dang/ rga ba dang 'chi ba dang/ skad cig gis nyams par 'gyur ba bstan to/ /'byung bar 'gyur yang zhes bya ba ni ris mthun pa gzhan yongs su len par 'gyur yang ngo/ /'on kyang sems can 'di dag gis zhes bya ba ni 'di ltar rga shis sdug bsngal bar gyur pa dag gis so/ /bla na yod bzhin du zhes bya ba ni khyad par du 'phags pa mya ngan las 'das pa yod bzhin nges par 'byung ba zhes bya ba ni gnyen po 'phags pa'i lam mo/ /yang dag pa ji lta ba ni ma nor ba'o/ /nga zhes bya ba ni sems kyi gnas skabs de lta bu thob pa'o/ /gang yod na zhes bya ba ni nye bar len pa'i rgyu yod na'o/ /rkyen gang gis zhes bya ba ni grogs byed pa'i rkyen gang gis so/ /tshul bzhin yid la byed pa zhes bya ba ni dngos po'i de kho na ji lta ba bzhin yid la byed pa na'o/ /mngon par rtogs par gyur to/ zhes bya ba ni 'jig rten pa'i shes pas mngon sum du gyur pa'o/ /de la rga shi zhes bya ba ni de ltar byung ba'i ming dang gzugs dang skye mched drug dang/ reg pa dang tshor ba'i gnas skabs gang yin pa de ni ma 'ongs pa'i rga shi ste/ phung po lnga'i gnas skabs so/ /ci'i phyir byang chub sems dpa' rga shi dang por byas ste/ rten cing 'brel bar 'byung ba la rtog pa byed cing ma rig pa dang por byas te mi byed ce na/ rtog pa'i rim pa 'di ni byang chub sems dpa' gang gA'i glung gi bye ma snyed dag gi nges par gnas pa yin te/ byang chub sems dpa' rga shi dang por byas te rten cing 'brel par 'byung ba la rtogs par
- 326a
byed pas 'di la nyes pa med do/ /yang yongs su rtog pa'i rjes su mthun pa'i phyir te/ byang chub sems dpa' rgan po dang nad pa dang bdag mthong nas yid byung ste nags su song ngo zhes gsungs pa'i phyir ro/ /de dag mthong nas kyang de 'di snyam du sems te/ gang yod rga shi 'byung shing rkyen gang gis rga shi 'byung snyam du de tshul bzhin yid la byed pa na/ 'di ltar skye ba yod na rga shi 'byung zhes skye ba'i rkyen gyis rga shi 'byung ngo snyam du yang dag pa ji blta ba bzhin mngon par rtogs par gyur to zhes bya ba la sogs pa rgya cher gsungs so/ /'o na ci'i phyir 'dir rkyen gang gis zhes rkyen 'ba' zhig smos la rgyu ma smos she na/ gal te rgyu 'ba' zhig smos la rkyen ma smos par gyur na/ de'i tshe rgyu'i rkyen 'ba' zhig gzung bar 'gyur gyis rkyen gzhan bzung bar mi 'gyur ro/ /rkyen zhes smos pas ni rkyen bzhi po dag bzung bar 'gyur ro/ /yang na rkyen zhes smos pas ni rgyu dang bye brag med de/ de ltar yang bye brag tu smra ba'i gzhung las kun dga' bo de lta bas na rga shi'i rgyu ni 'di yin rkyen ni 'di yin/ gzhi ni 'di yin te/ 'di lta ste skye bo zhes mdo sde las gsungs pa'i phyir ro/ /zhes 'byung ngo/ /skye ba zhes bya ba ni da ltar byung ba'i rnam par shes pa'i gnas skabs gang yin pa de ni ma 'ongs pa'i skye ba ste/ phung po lnga ni gnas skabs so/ /srid pa zhes bya ba ni yang 'byung ba'i phyir srid pa sems pa na/ lus dang ngag dang yid kyis rnam par rig par byed pa gang yin pa de ni srid pas te/ phung po lnga'i gnas skabs so/ /len pa zhes bya ba ni longs spyod dag tshol ba na gang gi tshe phyogs bzhir rgyug pa gang yin pa de ni lan pa ste/ phung po lnga'i gnas skabs so/ /sred pa zhes bya ba ni de'i gnas skabs na tshor ba gsum po thams cad 'byung zhing 'dod pa dang/ spyod pa las byung ba'i 'dod chags kun tu spyod 'dod pa gang yin pa de ni srid pa ste/
- 326b
phung po lnga'i gnas skabs so/ /tshor ba zhes bya ba ni gang gi tshe bde ba dang sdug bsngal yongs su gcod pa na gnod par byed pa'i rgyu yongs su spong zhing me la 'dzin par mi byed mtshon gyis 'debs par mi byed mi gtsang ba bsten par mi byed par zas kyi sred pa skyes par byed cing/ spyod pa zhes byung ba'i 'dod chags skyes par mi byed pa/ gang yin pa de ni tshor ba ste/ phung po lnga'i gnas skabs so/ /reg pa zhes bya ba ni dbang po dang/ yul dang/ rnam par shes pa dag 'dus pa las reg pa 'byung zhing bde ba dang sdug bsngal yongs su gcod par yang mi byed/ gnod par 'gyur ba spong bar mi byed me la 'dzin par yang mi byed/ dug dang mtshon dang/ mi gtsang ba sten par yang mi byed pa gang yin pa de ni reg pa ste/ phung po lnga'i gnas skabs so/ /skye mched drug ces bya ba ni/ mig dang rna ba dang/ sna dang lce dang/ lus dang yid ces bya ba'i skye mched drug dod cing/ ji srid du dbang po dang/ yul dang rnam par shes pa gsum 'dus pa las reg pa ma byung ba gang yin pa de ni skye mched drug ste phung po lnga'i gnas skabs so/ /ming dang gzugs zhes bya ba nying mtshams sbyor ba na skye mched drug ma dod pa'i bar skabs su mer mer po dang/ nur nur po dang/ mkhrang bar gyur pa rkang lag 'gyus pa'i gnas skabs gang yin pa de ni ming dang gzugs te phung po lnga'i gnas skabs so/ /rnam par shes pa zhes bya ba ni ma'i mngal du rnam par shes pa nying mtshams 'byor pa gang yin pa ste phung po lnga'i gnas skabs so/ /nga'i yid rnam par shes pa nas phyir log cing zhes bya ba ni rnam par shes pa shes nas de kho na nas sems phyir log cing ngo/ /de phan chad du 'jug par mi byed de zhes bya ba ni rnam par shes pa phan chad du sems 'jug par ma gyur pa ste/ rnam par shes pa'i rgyu ni 'du byed kyi mtshan nyid yin la/ 'du byed kyi rgyu ni ma rig pa'i mtshan nyid yin pa shes par bya ba'i phyir de'i sems 'jug par ma gyur to zhes bya ba'i tha
- 327a
tshig go /'o na ci'i phyir byang chub sems dpas yan lag gnyis po ma rig pa dang 'du byed gnyis ma brtags she na/ sngar brtags zin pa'i phyir te/ 'di ltar srid pa'i yan lag gsum po ma rig pa dang/ sred pa dang len pa ni nyon mongs pa'i ngo bo nyid yin pas/ gang gi tshe sred pa dang len pa brtags par gyur pa de'i tshe na ma rig pa yang brtags zin to/ /srid pa'i yan lag gnyis po 'du byed dang/ srid pa ni las kyi ngo bo yin pas gang gi tshe srid pa brtags par gyur pa de'i tshe na 'du byed kyang brtags zin to/ /'o na ji ltar srid pa'i yan lag bdun po rnam par shes pa dang/ ming dang gzugs dang/ skye mched drug dang/ reg pa dang/ tshor ba dang skye ba dang/ rga shi ni las dang nyon mongs pa'i gzhi yin pa'i phyir gzhi'i ngo bo nyid yin pas/ gang gi tshe rga shi brtags par gyur pa de'i tshe na/ ming dang gzugs dang/ skye mched drug dang/ reg pa dang/ tshor ba yang brtags zin la/ gang gi tshe skye ba brtags par gyur pa de'i tshe na/ rnam par shes pa yang brtags zin pa yin na ci'i phyir de dag kyang rtog par byed ce na/ sngar rga shi dang skye ba mdor bsdus te brtags nas/ phyis de nyid rgya cher brtags pa'i phyir ming dang gzugs la sogs pa dang rnam par shes pa la rtog par byed pas 'di la nyes pa med do/ /'o na rnam par shes pa la mdor bsdus pa dang/ rgyas par dbye ba gnyis med na/ ci'i phyir rnam par shes pa la lan gnyis su brtags par gyur ce na/ byang chub sems dpa' na skye bas 'jigs pas de'i phyir rnam par shes pa la lan gnyis su brtags par gyur te/ 'di ltar de rga shi yid la 'byung ba na don med pa 'di ci las byung zhes rtog pa na skye ba las byung bar mthong ngo/ /skye ba yang gang gi mngon par bsgrubs shes rtog pa na las kyis mngon bsgrubs par mthong ngo/ /las kyang gang gis kun nas bslangs zhes rtog pa na/ nyon mongs
- 327b
pas kun nas bslang zhing nyon mongs pa ni gzhi la rten par mthong ngo/ /gzhi yang gang gis mngon par bsgrubs shes rtog par gyur na skye bas mngon par bsgrubs par mthong nas de 'di snyam du sems te/ don med pa 'di dag thams cad ni skye ba las byung ngo snyam du sems pas de'i phyir skye bas yid byung bas rnam par shas pa la gnyis su brtags pa gyur te/ sdug bsngal 'di dag thams cad skye bas bskyed pas de'i phyir de'i yid rnam par shes pa nas log cing de phan chad du 'jug par mi byed do/ /de ltar na zhes bya ba ni mjug bsdu ba'o/ /sdug bsngal gyi phung po chen po zhes bya ba 'di ni yams kyi nad dang/ gnod pa dang/ 'og pa'i nad dang/ 'khrug pa dag gi tshig bla dwags yin no/ /'ba' zhig pa zhes bya ba 'di ni blangs pa dang mthar phyin pa dang/ yongs su rdzogs pa'i tshig bla dags yin no/ /'di zhes bya ba 'di ni kun tu bstan pa dang/ nye bar bstan pa'i tshig bla dags yin no/ /'byung bar 'gyur ro zhes bya ba ni skye bar 'gyur ba'o/ /'du byed rnams zhes bya ba ni skye ba snga ma'i bsod nams dang/ bsod nams ma yin pa'i las kyi gnas skabs gang yin pa de ni 'di'i 'du byed rnams te phung po lnga'i gnas skabs so/ /ma rig pa zhes bya ba ni skye ba snga ma'i nyon mongs pa'i gnas skabs gang yin pa de ni 'di'i ma rig pa ste phung po lnga'i gnas skabs so/ /'o na ci'i phyir byang chub sems dpas 'jug pa'i phyogs la ni srid pa'i yan lag bcu brtags par 'gyur la/ ldog pa'i phyogs la ni bcu gnyis brtags par gyur ce na/ byang chub sems dpa' ni 'jug pa'i phyogs la sdad la/ lho phyogs la dga' zhing 'dod pas de'i phyir ldog pa'i phyogs la yan lag bcu gnyis brtags par gyur te/ 'di la nyes pa med do zhes bye brag tu smra ba'i gzhung las 'byung ngo// //bam po bcu gcig pa/ /sngon gyi zhes bya ba ni snga rabs kyi'o/ /lam zhes bya ba ni lam po che'o/ /bgrod pa zhes bya ba ni
- 328a
bgrod pa gcig pa'o/ /lam srol zhes bya ba ni shing rta 'gro ba'i phang los grangs pa'i rjes so/ /de dag gis ni lam po che nyid du bstan te/ de ltar yang lam 'dis chu bo las brgal bar gyur cing/ brgal bar 'gyur ba rgal bar byed do zhes gsungs pa'i phyir ro/ /sngon gyi drang srong rnams gshegs shing rjes su 'dod ba zhes bya ba ni sngon gyi drang srong de bzhin gshegs pa dang/ rang sangs rgyas dang nyan thos rnams sngar gshegs shing de dag gi rjes su nyan thos dag phyis 'dod ba'o/ /'di ni lam ste chen po dag gis brtul ba nyid bstan te/ nags mchog ces bya ba ni nags mchog tu thag ring ba'o/ /bzang ba zhes bya ba ni mdzes pa'o/ /nags dang ldan pa zhes bya ba ni tshang tshing dang spang spun gyi gang ba'o/ /dga' bar 'gyur ba zhes bya ba ni yid dang mthun pa'o// de grong khyer bgyid du rtsol la zhes bya ba ni grong khyer rnying pa de sar par byed du chug cig ces bya'o/ /'phags pa'i lam yan lag brgyad pa zhes bya ba la 'phags pa zhes bya ba ni zag pa med pa'i phyir ro/ /yang dag pa'i lta ba zhes bya ba ni zag pa med pa'i yid la byed pa dang mtshungs par ldan pa shes rab zag pa med pa'o/ /yang dag pa'i rtog pa zhes bya ba ni zag pa med pa'i yid la byed pa dang/ mtshungs par ldan pa nges par 'byung ba la sogs par rtogs pa zag pa med pa'o/ /yang dag pa'i dag ces bya ba ni/ log pa'i 'tsho bar 'gyur ba gang gi nyes pa spyod pa bzhi ma gtogs pa de las gzhan pa'i dag gi nyes par spyod pa spangs pa zag pa med pa'o/ /yang dag pa'i las kyi mdza' zhes bya ba ni log pa'i 'tsho bar 'gyur ba lus kyi nyes par spyod pa gsum ma gtogs pa de las gzhan pa'i lus kyi nyes par spyod pa spangs pa zag pa med pa'o/ /yang dag pa'i 'tsho ba zhes bya ba ni log pa'i 'tsho ba spangs pa zag pa med pa'o/ /yang dag pa'i rtsol ba zhes bya ba ni zag pa med pa'i brtson 'grus so/ /yang dag pa'i
- 328b
dran pa zhes bya ba ni zag pa med pa'i dran pa'o/ /yang dag pa'i ting nge 'dzin zhes bya ba ni zag pa med pa'i ting nge 'dzin to/ /rga shi zhes bya ba ni rga shi'i ngo bo nyid de des ni sdug bsngal gyi bden pa ston to/ /rga shis kun 'byung ba zhes bya ba ni rga shi'i rgyu skye ba ste/ des ni kun 'byung ba'i bden pa bstan to/ /rga shi'i 'gog pa zhes bya ba ni rga shi'i 'gags pa mya ngan las 'das pa ste/ des ni 'gog pa'i bden pa bstan no/ /rga shi 'gog par 'gro ba'i lam zhes bya ba ni rga shi 'gags pa'i mya ngan las 'das pa grong khyer dang 'dra bar 'gro ba'i lam ste/ des? ni lam gyi bden pa bstan to/ /skye ba la sogs pa yan lag lhag ma rnams la yang de bzhin du ci rigs par sbyar ro/ /'o na ci'i phyir ma rig pa'i rnam pa bzhi ma bstan zhe na/ skye ba snga ma'i nyon mongs pa'i gnas skabs gang yin pa de ni 'di'am rig pa yin par sngar bstan pas 'dir ma rig pa'i shes pa bzhi logs shig ma gsungs te/ de ltar yang shes pa'i dngos po bzhi bcu rtsa bzhi bstan pa'i mdo las/ dge slong dang khyed la shes pa'i dngos po bzhi bcu rtsa bzhi bstan par byas/ de'i phyir legs par rab tu nyon la yid la zung shig dang/ ngas khyed la bshad par bya'o/ /dngos po bzhi bcu bzhi gang zhe na rga shi zhes bya ba ni dngos po dang/ rga shi kun 'byung dang/ rga shi 'gog par 'gro ba'i lam shes pa'i dngos po dang/ skye ba dang/ srid pa dang/ len pa dang/ srid pa dang/ tshor ba dang/ reg pa dang/ skye mched drug dang/ ming dang gzugs dang rnam par shes pa dang/ 'du byed rnams shes bya ba'i dngos po dang/ 'du byed rnams kun 'byung ba dang/ 'du byed rnams 'gog par 'gro pa'i lam shes pa'i dngos po'o zhes gsungs te/ de yang ma rig pa shes pa'i dngos po bzhi ma bstan to/ /mngon par rdzogs par byang chub nas zhes bya ba ni thugs su chud nas so/ /mu stegs can zhes bya ba ni gcer bu pa'i zad byed dag go /spyod pa can zhes bya ba ni mu stegs kyi rnam pa rab tu byung ba dag go /yang dag
- 329a
par bsgrub pa na zhes bya ba ni nan tan byed pa na'o/ /sgrub par byed pa zhes bya ba ni sgrub pa po'o/ /rigs dang ldan pa zhes bya ba ni mya ngan las 'das pa ste/ rigs pa dang ma bral ba'i phyir ro/ /chos dang ldan pa zhes bya ba ni chos thams cad kyi chog tu gyur pa'i phyir ro/ /dge ba zhes bya ba ni sdug bsngal thams cad nye bar zhi bar 'gyur ba'i phyir te/ thar pa ni don dam pa'i dge ba yin no zhes gsungs pa'i phyir ro/ /tshangs par spyad pa zhes bya ba ni lam bstan pa'o/ /rgya che ba zhes bya ba ni rgya chen por gyur pa'o/ /skye bo mang po la phan pa zhes bya ba ni skye bo mang po la mkho ba'o/ /yangs par gyur pa zhes bya ni ches rgya cher nye bar gyur pa ste/ nyan tho rnams kyis kyang gzhan dag gi rgyud la lam bskyed pa'i phyir ro/ /lha dang mi'i bar dag la zhes bya ba ni lha dang mi'i bar dag la rab tu bstan pa'i phyir ro/ /yang dag par zhes bya ba ni phyin ci ma log par ro/ /rab tu bstan zhes bya ba ni rgya cher nye bar bstan pa'i phyir ro/ /de ltar yang mdo sde las dge slong dag de ltar na de bzhin gshegs pa dgra bcom pa yang dag par rdzogs pa'i sangs rgyas rnams ni lam ma brnyes pa tshangs par spyod pa ma bcas pa 'chad pa ste/ dge slong dag de bzhin gshegs pa dgra bcom pa yang dag par rdzogs pa'i sangs rgyas rnams ni lam mkhyen pa lam rig pa lam ston pa lam gsung ba lam 'dren pa yin no/ /nyan thos rnams ni phyis ldan zhing lam gyi rjes su 'dod pa'i ston pa'i bstan pa bzhin du byed pa ste/ de dag de ltar bstan pa la yang dag par bsgrub pa na sgrub pa byed pa yin zhing rig pa dang ldan pa chos dang ldan pa dge ba sgrub par byed do zhes gsungs so/ /mjug tu zhes bya ba ni rdzogs pa na'o/ /'byung po gang dag ces bya ba ni lha dang klu dang/ gnod sbyin la sogs pa sems can gang dag go /'dir ni zhes bya ba ni dam pa'i chos bstan pa'i gnas su'o/ /lhags gyur zhes bya ba ni 'ongs par
- 329b
gyur pa'o/ /bar snang zhes bya ba ni nam mkha' o/ /skye dgu rnams la zhes bya ba sems can rnams la'o/ /chos zhes bya ba ni srog gcod spong pa la sogs pa legs par spyod pa'o/ /spyod par gyur cig ces bya ba ni yongs su skyong bar gyur cig ces bya ba'o/ /yongs su bsngos zhes bya ba ni 'bras bu sbyin pa la bzhag pa'o/ /bden pa mthong ba rtogs ma thag tu phyin mi 'ong ba'i 'bras bu thob ste zhes bya ba ni sngar 'jig rten pa'i lam gyis 'dod pa na spyod pa'i nyon mongs pa rnams spangs pa'i phyir bden pa mthong ma thag tu phyir mi 'ong ba'i 'bras bu mngon du byas so/ /rdzu 'phrul yang mngon par bsgrubs so zhes bya ba ni bsam gtan gyi dngos gzhi dag la brten nas bskyed pa'o/ /legs par gsungs so/ /legs par gsungs so zhes bya ba ni gus pa'i phyir lan gnyis su bzlas so/ /mgrin gcig tu zhes bya ba ni don brjod pa'i sgra dus gcig tu'o/ /sgra zhes bya ba ni skad do/ /rdzu 'phrul mngon par 'du bya ba zhes bya ba ni/ rdzu 'phrul sgrub cing skyed par byed pa'i ting nge 'dzin dag go /brtul zhes bya ba ni btang ba'o/ /'byor pa rnyed zhes bya ba ni sgrub pa'i don grub pa'i phyir ro/ /rgya chen po zhes bya ba ni che ba'o/ /zhum pa med pa zhes bya ba ni 'jigs pa med pa'o/ /dge ba zhes bya ba bzang ba'o/ /phan yon lnga zhes bya ba yon tan lnga'o/ /yang dag par rjes su mthong ba'i zhes bya ba ni shes pa'o/ /rab tu 'byung ba la mos par bya ba kho nar rigs zhes bya ba rab tu 'byung bar bya ba kho nar rigs pa ste/ rigs zhes bya ba ni 'os shing bzang ba zhes bya ba'i tha tshig go /rang gi don zhes bya ba ni mya ngan las 'das pa'i mtshan nyid do/ /ma 'dres pa zhes bya ba ni rgyal po la sogs pa dang thun mong ma yin no/ /rjes su thob pa zhes bya ba ni 'grub po'o/ /bran zhes bya ba ni nye bar spyad par bya ba ste bran dang brkus pa dang/ rnyed brtson dang/ rtsod pa can dang btsong ba dag go /mngag gzhug pa zhes bya ba ni lkog gi las su bsko bar bya ba ste/ nor gyis glas
- 330a
shing bsgo ba'i mngag gzhug byed pa'o/ /bsgo ba zhes bya ba ni mngon sum gyi las su bsgo bar bya ste blon po la sogs pa'o/ /rang dbang med pa zhes bya ba ni gzhan la rag las pa ste/ chabs 'og gi rgyal phran la sogs pa'o/ /dga' mgur 'gror med pa zhes bya ba ni ci dgar spyod du med pa ste blon po chen po/ /'di ltar de ni rgyal po'i drung du rtag tu brtan du yang med la gzhan du 'gror yang med pa'i phyir ro/ /mchod par bya ba zhes bya ba ni chos gos la sogs pa'o/ /bstod par bya ba zhes bya ba ni tshig gis so/ /grub pa dang bde ba zhes bya ba la grub pa zhes bya ba ni sngar thob pa'o/ /bde ba zhes bya ba ni thob pa mi nyams pas te de ni grub pa yang yin la/ bde ba yang yin pas grub pa dang bde ba ste/ mya ngan las 'das pa zhes bya ba'i tha tshig go /bla na med pa zhes bya ba ni chos thams cad kyi mchog yin pa'i phyir ro/ /'thob pa las nyams na zhes bya ba ni 'thob par bya ba las nyams shing 'thob na ste/ mya ngan las 'das pa las ma thob pa'i yongs su nyams pas na'o// dam pa zhes bya ba ni drang srong chen po rnams so/ /yang dag par rtogs pa zhes bya ba ni mi slob pa rnams so/ /yang dag par sgrub pa zhes bya ba ni slob pa rnams so/ /skyes bu dam pa rnams kyis zhes bya ba ni so so'i skye bo dge ba rnams kyis so/ /nyam nga bar gyur te zhes bya ba ni 'dir mi bde bar gyur pa'o/ /bdag mthus zhes bya ba ni bdag gi nus pas so/ /gzings lta bur gyur zhes bya ba ni/ dper na gzings kyi gzhan bsgral nas bdag nyid bsgral bar mi nus pa de bzhin du bdag gi mthus 'di dag gis phyir mi 'ong ba'i 'bras bu dang rdzu 'phrul mngon par bsgrubs par gyur na/ bdag ni so so'i skye bo nyid du gnas shing rdzu 'phrul med pa lta snyam du bsams pa'o/ /yung tsam zhes bya ba ni 'dir dus ji srid kyis bsams pa'i don 'grub
- 330b
pa'i yul la bya ba'o/ /mang du thos pa zhes bya ba ni mdo sde dang/ 'dul ba dang chos mngon pa la sogs pa dam pa'i bstan bcos la mkhas pa'o/ /gzhan la rag ma las pa zhes bya ba ni rang la rag las ba'o/ /chos gos kyi grwa zhes bya ba ni mdza' ma'o// 'dab ma brkyang ba zhes bya ba ni gshog pa phyar bya ba'o/ /rdzas 'khos su 'bebs par byed pa ni nang du 'dzud par byed pa'am zungs su rtsig par byed pa na'o/ /skyes zhes bya ba ni dbul ba'o/ /dus yol zhes bya ba ni 'das pa'o/ /re ba med par gyur zhes bya ba ni re ba chad pa'o/ /dam gzhag pa zhes bya ba ni zla ba phyed cing las su bskos pa ste phyag rgya ba zhes bya ba'i tha tshig go /'bru mar gyi tshigs ma zhes bya ba ni til gyi tshigs ma'o/ /kun nas dkris pa drag pos zhes bya ba ni sems kyi zhe sdang ba drag pos so sdig pa sdig pa las shog cig ces bya ba ni nyes pa nyid du shog cig pa'o/ /bsrabs pa nyid ces bya ba ni las myong bar ma nges pa rnams kyi sbyor ba las byung ba rnam par mnan pa'o/ /yongs su zad pa zhes bya ba ni dngos gzhi'i dus su byung ba rnams rnam par mnan pa'o/ /yongs su mthar thug ces bya ba ni mjug gi dus byung ba rnams rnam par mnan pa'o/ /rnyed pa stobs pa zhes bya ba ni dgun dang dbyar la sogs pa'i rnyed pa 'drim par byed pa ste gsar bu rgod po la sogs pa'o/ /bsgyur zhes bya ba ni bzhag pa'o/ /zhal lta byed pa zhes bya ba ni las byed pa'o/ /khyim gyi stong pa zhes bya ba ni khyim dag med pa'o/ /ri sul zhes bya ba ni chu'i 'dod pas bzas pa'i ri sul lo/ /rtsa spyil zhes bya ba ni rtswa'i spyil po'o/ /phyis zhes bya ba ni yongs su mya ngan las 'das pa'i 'og tu'o/ /ri rab kyi bang rim zhes bya ba ni ri rab las phyi rim mthon pa bzhi yod pa ni ri rab kyi bang rim zhes bya ba'o/ /gser gyi ri bdun zhes bya ba ni gnya' sha'i 'dzin dang/ gshol mnga' 'dzin dang/ seng? lngar? can dang/ blta? na sdug dang/ rta rna ri dang/ rnam
- 331a
par 'dud dang/ mu khyung 'dzin zhes bya ba dag go /mtsho chen po ma gros pa dang rdzing bu ngal gyis 'bab na zhes bya ba ni de dag gi drung na gnas yod pa na'o/ /drangs zhes bya ba ni khyer ba'o/ /mi snang bar byed pa zhes bya ba ni lus mi snang bar byed pa na'o/ /lhung bzed thogs pa zhes bya ba ni bkru ba la sogs pa'i phyir ro/ /'bras chan gyi gzegs ma gcig ces bya ba ni 'bru gcig go /smon lam log pa zhes bya ba ni dge ba'i rtsa ba log par bsngos pa'o/ /las shin tu chen po zhes bya ba ni bsags pa'o/ /yongs su rdzogs pa zhes bya ba ni tshogs pa dang/ dus dang ldan pa'o/ /kha cig na re shin tu chen po zhes bya ba ni bsam pa'i bye brag dang ldan pa'o/ /yongs su rdzogs pa zhes bya ba ni bsags pa'i phyir ro/ /zhes zer ro lus brje ba zhes bya ba ni 'chi ba'o// sems 'di thag ring gyur pa ste zhes bya ba ni bzlog pa'i mthu nyams pa'i phyir ro/ /de nyid du skyes zhes bya ba ni shi 'phos nas so/ /mu stegs can zhugs pa rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /zhag bri bar gyur nas zhes bya ba ni sum cu mi thub par gyur pa ste/ dgun dang srog dbyar rnams kyi/ /zla ba phyed dang gnyis 'das pa'i/ /lhag ma zla ba phyed po dag /mkhas pas zhag ni dbri bar bya/ zhes bshad pa'i phyir ro/ /des pa zhes bya ba ni bgrungs pa dang ldan pa'o/ /'grogs na bde ba zhes bya ba ni spro ring ba'o/ /rang tshul ngan pa zhes bya ba ni spro thung pa yin gyi spyod pa nyams pa ni ma yin no/ /tshul shing phyung bar gyur zhes bya ba ni bgrang ba'i don gyi thur ma yang bor bar 'gyur ro/ /spang leb khye'u yang bsgyur bar 'gyur zhes bya ba ni tshangs pa mtshungs pa
- 331b
spyod pa rnams kyi nang du stan bting ba gnas nas bton par 'gyur pa'o/ /slong phor yang khas phub par 'gyur zhes bya ba ni khrims su bca' bas longs spyod nyams par byed cing zas kyi snod kyang nyams par byed pa'o/ /slong phor zhes bya ba ni mu stegs can gyi lhung bzed kyi ming ngo/ /khar ba yang bor bar 'gyur zhes bya ba ni khar ba yang gnas nas phyi rol tu bor bar 'gyur ba'o/ /tshangs pa mtshungs par spyod pa rnams kyi nang nas kyang phyung bar 'gyur zhes bya ba ni de dag gi nang nas bskrad par 'gyur ba'o/ /dge ba sgos zhes bya ba ni gsar bu rgan po la sogs pa ste/ rdzas bsrung bar bskos pa'i phyir ro/ /bsngos pa zhes bya ba ni bgrangs pa na'o/ /'dun pa zhes bya ba ni bsam pa brjod pa'o/ /rgyal mtshan 'di zhes bya ba ni de bzhin gshegs pas gsungs pa'i dge slong gi rtags so/ /lta ba de la zhes bya ba ni mu stegs can gyi lta ba'o/ /der zhes bya ba ni mu stegs can gyi gnas su'o/ /skya reng 'char bar byed na zhes bya ba ni skya reng dang po'o/ /gang ma bsad pa rab tu dbyung bar mi bya ba dang/ de la sdom pa skye ba'i chos nyid med pa dang de lta bu rab tu byung ba'i rtags can bsnyil bar bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so// khyim zhes bya ba ni khang pa'o/ /thog tag ces bya ba ni thams cad do/ sgo zhes bya ba ni byung ba'o/ /rten pa zhes bya ba ni spyod pa'o/ /snying rje med pa zhes bya ba ni snying brtse ba med pa'o/ /mgo drungs pa nas bcad ces bya ba ni mgrin pa nas bcad pa'o/ /'dar zhes bya ba ni 'gul ba'o/ /bdag bu mo dang gnyis zhes bya ba ni rje gol gnyis so/ /yon tan dag mngon par mi shes zhes bya ba ni bu'i pha ma gnyis ni ka ba byed pa zhes bya ba la sogs pa'i phan yon mi shes pa'o/ /gnas skabs zhes bya ba ni chad pa'o//
- 332a
bkur sti byas te zhes bya ba ni bsregs te'o/ /bsten pa zhes bya ba ni mngon par dga' ba'o/ /sdig pa'i las zad par 'gyur zhes bya ba ni ma bsad pa'i las 'byed? bar 'gyur pa'o/ /thabs zhes bya ba ni rgyu'o/ /nges par 'byung ba'i thabs zhes bya ba ni ji ltar bsams pa'i don 'grub pa'i rgyu'o/ /dge ba yis ni 'gog byed de zhes bya ba ni dge bas 'byung bar 'gyur ba'o/ /de smad 'gyur zhes bya ba ni sdig pa bsrabs pa'i lus ni gsal bar 'gyur ba'i phyir ro/ /rjes su 'jug par bya zhes bya ba ni dad par byas pa'o/ /bsro gang zhes bya ba ni khrus kyi cho ga yo byad dang bcas pa'o/ /chos kyi 'khor sdud sdud pa zhes bya ba ni bsdu ba'i dngos po bzhis so/ /'od zer dag gis zhes bya ba ni me lce dag gis so/ /skal chad ces bya ba ni bsod nams chung ba'o/ /dge ba'i sems kyis zhes bya ba ni bsro gang byed du bcug pas so/ /lha'i bu mo zhes bya ba ni lha mo'o/ /yongs su gnas pa bsten te zhes bya ba ni zhag lon te'o/ /rna cha gdub 'khor g.yo zhing dri ma med pa thogs te zhes bya ba la/ rna cha gdub 'khor zhes bya ba ni rna brgyan gdub la 'khor can no/ /g.yo zhing zhes bya ba ni yang ba'o/ /dri ma med pa zhes bya ba ni 'od gsal ba'o/ /thogs te zhes bya ba ni des de nyid do/ /thu ba zhes bya ba ni bla gos kyi gra'o/ /kha dog shin tu 'das pa zhes bya ba ni mi las shin tu 'das pa'i kha dog dang ldan pa'i phyir ro/ /mtshan mo la bab pa zhes bya ba ni nam sros pa'o/ /'jig tshogs la lta ba'i ri'i rtse mo nyi shu ma thob zhes bya ba la/ 'jig tshogs la lta ba zhes bya ba ni nye bar len pa'i phung po lnga'i yul la bdag dang bdag gir shes pa'o/ /ri'i rtse mo zhes bya ba ni 'jig tshogs la lta ba de nyid gzhig dka' ba'i phyir ri dang 'dra'o/ /nyi shu zhes bya ba ni bdag gzugs yin te bdag po dang 'dra ba dang bdag gzugs dang ldan te rgyan dang 'dra ba dang/ gzugs bdag gi yin te bran dang
- 332b
'dra ba dang/ gzugs la bdag gnas te snod dang 'dra ba dang/ bdag tshor ba yin te bdag po dang 'dra ba dang bdag tshor ba dang ldan te/ rgyan dang 'dra ba dang/ tshor ba bdag yin te bran dang 'dra ba dang/ tshor ba la bdag gnas te snod dang 'dra ba dang/ bdag 'du shes yin te bdag po 'dra ba dang/ bdag 'du shes dang ldan te rgyan dang 'dra ba dang/ 'du shes bdag gi yin te bran dang 'dra ba dang/ 'du shes la bdag gnas te snod dang 'dra ba dang/ bdag 'du byed yin te bdag po dang 'dra ba dang/ bdag 'du byed dang ldan te rgyan dang 'dra ba dang/ 'du byed bdag gi yin te/ bran dang 'dra ba dang/ 'du byed la bdag gnas te snod dang 'dra ba dang/ bdag rnam par shes pa yin te bdag po dang 'dra ba dang/ bdag rnam par shes pa dang 'dra ste rgyan dang 'dra ba dang/ rnam par shes pa bdag gi yin te/ bran 'dra ba dang rnam par shes pa bdag la gnas te snod dang 'dra ba zhes bya ba bdag tu lta ba'i rnam pa nyi shu po dag go /ye shes kyi rdo rje zhes bya ba ni mthong ba'i lam te mthong bas spang bar bya ba'i nyon mongs pa cig car 'dzoms pa'i phyir ro/ /'o na bzod pas 'jig tshogs la lta ba 'dzoms kyi shes pas ma yin te/ srid rtse las skyes bzod pa yis/ /gzhom bya mthong bas spang bya nyid/ /lhag skyes mthong dang sgom gnyis kyis/ /bzod pas gzhom min sgom kho nas/ zhes bshad na/ ji ltar ye shes rdo rjes 'dzoms she na/ bden mod kyi 'on kyang bzod pa dag ni shes pa'i 'khor yin pas shes pa la nye bar gdags te/ rgyal po'i 'khor rgyal po la nye bar gdags pa dang 'dra bas nyes pa med do/ /'phags pa'i bden pa bzhi yang dag par so sor rtogs par byed pa zhes bya ba ni bden pa bzhi khong du chud par byed pa'o/ /sngon gyi pha mes zhes bya ba ni mes po la sogs pa nye du sngon shi ba dag go /mdza' bshes zhes bya ba ni grogs po la sogs pa'o/ /rtsa lag ces bya ba ni mes po ces bya ba la sogs pa nye du'o/ /bsgoms zhes bya ba ni yang dag par
- 333a
'gyur ba med pa'i phyir ro/ /bsgral zhes bya ba ni yang sogs par 'gyur ba med pa'i phyir ro/ /bkum zhes bya ba ni spang der 'jug pa'i phyir ro/ /phye zhes bya ba ni der 'gro ba'i phyir ro/ /khyod mthus zhes bya ba ni khyod kyis phan btags pa'i mthus so/ /rab drag ces bya ba ni rab tu 'jigs pa'o/ /nyes pa mang ldan pa zhes bya ba ni/ mtshon dang me dang tsher ma la sogs pa nyes pa dang ldan pa'o/ /ngan song shul zhes bya ba ni yang sos la sogs pa'i sgo'o/ /bkag ces bya ba ni bcad pa'o/ /bsod nams rab ldan pa zhes bya ba ni shin tu bzang ba'o/ /mtho ris 'gro ba zhes bya ba ni rgyal chen bzhi la sogs pa'i mtho ris kyi lam mo/ /phye zhing zhes bya ba ni bstan cing ngo/ /mya ngan las 'das pa'i shul zhes bya ba ni 'phags pa'i lam mo/ /thob par gyur zhes bya ba ni shes par gyur pa'o/ /shin tu rnam dag ces bya ba ni bod pa'i tshig ste/ bcom ldan 'das kyis nyon mongs pa bag chags dang bcas pa spangs pa'i phyir ro/ /skyon bral zhes bya ba ni zag pa med pa'o/ /dag pa zhes bya ba ni ma nor ba'o/ /thob cing zhes bya ba ni rnyed cing ngo/ /go 'phang zhi ba zhes bya ba ni mya ngan las 'das pa ste/ sdug bsngal zhi ba'i phyir ro/ /'phags par gyes pa zhes bya ba ni 'phags pa rnams bzhad pa'o/ /sdug bsngal rgya mtsho'i pha rol brgal bar 'gyur zhes bya ba ni 'khor ba'i cha las brgal bar gyur pa ste/ srid pa bdun pa las med pa'i phyir ro/ /'gro bar lha min mi dang lhas mchod pa/ /skye dang rga dang na 'chi bral ba po/ /srid pa stong du mthong ba rab dkon pa/ /thub pa zhes bya ba dag ni bod pa'o/ /'gro bar zhes bya ba ni khams gsum pa'i 'khor bar ro/ /btung byas zhes bya ba ni zhabs gnyis la phyag byas pa ste/ zhabs gnyis la yan lag lngas btung ba byas nas zhes bya ba'i tha tshig go /do shal rab 'chad pa zhes bya ba ni do shal dang se mo dos brgyan pa'i lus kyis so/ /dgra thul g.yas nas
- 333b
yongs su bskor byas te zhes bya ba ni bcom ldan 'das kyi g.yas phyogs nas song ba ste/ g.yas phyogs nas bskor zhes bya ba'i tha tshig go /mkha' la song zhes bya ba ni bar snang la song zhes bya ba'i tha tshig go /tshong ba khe spogs rnyed pa lta bu zhes bya ba la sogs pa ni dga' ba'i khyad par thob pa'i dpe'o/ /cha lugs gang gis zhes bya ba ni rna cha gdub 'khor g.yo zhing dri ma med pa thogs te/ do shal dang se mo dos brgyan pa'i lus kyis zhes sngar bstan pa nyid kyis so/ /'khar phor zhes bya ba ni 'khar ba las byas pa'i snod do/ /kye ma sangs rgyas kyi ma chos kyo ma dge 'dun kye ma chos kyis legs par gsungs pa nyid ces bya ba ni sangs rgyas dang chos dang dge 'dun dang bstan pa'i chos kyi legs par gsungs pa thun mong pa spyir na phan 'dogs pa nyid de/ mtshar che'o zhes bya ba'i tha tshig go /ched du brjod pa zhes bya ba'i thun mong gi yon tan spyir bstod pa'o/ /rangs zhes bya ba ni bzhin rab tu dang bas so/ /mgu zhes bya ba ni mngon par 'dod pa'i 'bras bu thob pa'i phyir ro/ /mchog tu dga' ba zhes bya ba ni skad rab tu gsal bas so/ /dri ba'i lan gdab pa'o/ zhes bya ba ni dris par bstan pa'o/ /dus ma yin gyis zhes bya ba ni de na skye bo mang po med la/ dge 'dun gyi nang na skye bo mang po yod pa'i phyir ro/ /skabs de zhes bya ba ni mkhan po dge ba'i sems kyis dus la bab nas rgyal chen bzhi'i ris kyi lha rnams kyi nang du skyes shing 'phags pa'i bden pa mthong bar gyur pa'i skabs te'o/ /gang zag pha bsad pa rab tu dbyung bar mi byed la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya ba'i byung ba'i mdza' bstan pa'i phyir ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so zhes bya ba la sogs pa gsungs so/ /tshig gi don gzhan ni snga ma bzhin no/ /sdom la dgra bcom bsad dang zhes bya ba la sogs pa ni sngar? rab tu
- 334a
'byung ba'i gzhi'i spyi sdom las dgra bcom bsad pa dang zhes smos pa'i sdom gyi tshigs su bcad pa yin par sbyar ro/ /gang zag dgra bcom pa bsad pa rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya ba'i byung ba'i mdza' bstan pa'i phyir/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /zhes bya ba la sogs pa gsungs so/ ko sa lar byung ba zhes bya ba'i yul ko sa lar skyes pa'o/ /gzhon nu'i dpe'i mdo sde zhes bya ba ni rgyal po chen po 'di dag ni gzhon nu khyad du bsad par mi bya zhing gzhon nu zil gyis mnan par mi bya'o/ /bzhi gang zhe na/ rgyal po chen po rgyal rigs gzhon du khyad du bsad par mi bya zhing gzhon du zil gyis mnan par mi bya ba dang/ rgyal po chen po brang 'gro gzhon nu khyad du bsad par mi bya zhing/ gzhon nu zil gyis mnan par mi bya ba dang/ rgyal po chen po me chung ngu khyad du bsad par mi bya zhing me chung ngu zil gyis mnan par mi bya ba dang/ rgyal po chen po dge slong gzhon nu khyad du bsad par mi bya zhing gzhon nu zil gyis mnan par mi bya'o/ /de ci'i phyir zhe na/ rgyal po chen po dge slong gzhon nu yin yang de ni rdzu 'phrul che zhing mthu che ba yin pa'i phyir ro/ /zhes bya ba la sogs pa gzhon nu las dpe blangs pa'i mdo sde ste de nyid gzhung 'di las dge 'dun gyi dbyen gyi gzhi'i skabs nas 'og nas 'byung ngo/ /btul ces bya ba ni dul bar byas pa ste/ dkon mchog gsum la dad par byas zhes bya ba'i tha tshig go /sa mtshams kyi bar zhes bya ba ni mtshams kyi bar ro/ /sel ba dang bcas pa zhes bya ba ni dpung dang bcas pa'o/ /bya ma rta zhes bya ba ni nyan rna ste byar ba zhes bya ba'i tha tshig go /btang snyoms zhes bya ba ni
- 334b
rtsol ba chung ngu'o/ /ma bsams par zhes bya ba ni so sor ma btags par ro/ /skra yegs zhes bya ba ni skra 'greng ba dang/ skra 'phyar bar gyur ba'o/ /ku co 'don zhes bya ni ngu ba'i sgra 'byin pa'o/ /bag yangs su zhes bya ba ni bag tsha ba med par ro/ /gson bor bzung ste zhes bya ba ni srog dang ldan bzhin du bzung ste'o/ /lam po che zhes bya ba ni shing rta'i lam mo/ /srang zhes bya ba ni lam dog pa'am tshong 'dus kyi dbus so/ /rjes su sgrogs shing zhes bya ba ni gang dag bya ba ma yin pa byed pa de dag la chad pa 'di lta bu bya'o/ /zhes thams cad du go bar byed cing ngo/ /bsangs zhes bya ba ni bsad pa'i gnas te dur khrod la sogs pa'o/ /rgyud pa zhes bya ba ni dpal med pa'o/ /'byor ba zhes bya ba ni phun sum tshogs pa'o/ /ci'i phyir 'byor pa kun tu skyo bar 'gyur ba'i gnas yin zhe na/ rgyal po dang rkun po la sogs pa dang thun mong ma yin pas gnod pa dang/ mi brtan pa nyid kyis kun tu skyo bar 'gyur ba dang/ rang gi las kyis 'phangs pas gzhan la bsgyur du med pa'i phyir las la kun tu skyo bar 'gyur ba'i phyir de dag kyang snyems pa rnams dang/ zhum pa rnams kun tu skyo ba bskyed pa'i phyir ro/ /gang zag dge 'dun gyi dbyen byas pa rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu dbyung ba'i rtags can bsnyil bar bya ba bstan pa'i phyir gang gis sngon rab tu byung ba na/ de bzhin gshegs pa'i nyan thos kyi dge 'dun phye ba de zhes bya ba la sogs pa gsungs te/ 'di ni byung ba'i mdza' las bcas pa ni ma yin gyi zhus pa'i skabs nas bshad pa yin no/ /dge 'dun gyi dbyen zhes bya ba ni lhas byin dang sbom dga' mo lta bus dge 'dun brgyad la sogs pa gnyis su phye ba ste de byas nas sdom pa btang ste/ bsams mas yang rab tu 'byung bar 'dod na de rab tu byung ba dang rdzogs par bsnyen par mi bya zhing/ de la sdom pa skye ba'i chos nyid
- 335a
med pa dang/ de lta bu rab tu byung ba'i rtags can bsnyil bar gsungs so/ /dge 'dun gyi dbyen ni khyim pas byed par mi nus pas 'dir sngon rab tu byung ba na zhes smos te/ skyes pa rab tu 'byung ba la bar chad 'di dri bar bya'i bud med la ni dri mi dgos te/ bud med sngon rab tu byung ba la lan gnyis su rab tu 'byung ba bkag zin pa'i phyir ro/ /gang zag de bzhin gshegs pa la ngan sems kyis khrag byung ba rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya ba bstan pa'i phyir/ gang gis de bzhin gshegs pa la ngan sems kyis khrag phyung ba de zhes bya ba la sogs gsungs te/ 'di yang byung ba'i mdza' las bcas pa ni ma yin gyi zhus pa'i skabs gnas bshad pa yin no/ /ngan sems kyis khrag phyung ba zhes bya ba ni bsad pa'i bsam pas ngan sems kyis khrag phyung ba ste/ 'di ni khyim pas kyang byar rung bas 'dir sngon rab tu byung ba ni zhes ma smos te skyes pa dang bud med gang gis de byas par rab tu dbyung bar mi bya rdzogs par bsnyen par mi bya zhing de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar gsungs te/ 'di ni skyes pa dang bud med gnyis la dri bar bya'o/ /gang zag pham par 'gyur ba bzhi las ltung ba gang yang rung ba byung ba rab tu dbyung bar mi bya zhing de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar bya bar bstan pa'i phyir/ gang sngon rab tu byung ba na pham par 'gyur ba bzhi las lhung ba gang yang rung ba de zhes bya ba la sogs pa gsung ste/ 'di yang byung ba'i mdza' las bcas pa ni ma yin gyi/ zhus pa'i skabs nas bshad pa yin no/ /gang yang rung ba zhes bya ba smos pa ni gcig gis kyang skye ba'i chos nyid med pa yin no/ zhes bya bar ston to/ /'di yang skyes pas sngon rab tu byung
- 335b
bas de byas nas babs te yang rab tu dbyung bar 'dod na de rab tu dbyung ba dang/ rdzogs par bsnyen par mi bya zhing/ de la sdom pa skye ba'i chos nyid med pa dang/ de lta bu rab tu byung ba'i rtags can bsnyil bar gsungs par skye ba rab tu 'byung ba la bar chad 'di 'dri bar bya'i/ bud med la ni dri mi dgos te bud med sngon rab tu byung ba lan gnyis su rab tu 'byung ba bkag zin pa'i phyir ro/ /bud med pham par 'gyur ba thun mong ma yin pa bzhi las gang yang rung ba byung ba mtshan gyur nas yang rab tu 'byung bar 'dod na de ni sdom pa'i zhing yin pas rab tu dbyung bar bya'o/ /gang zag rgyu las bzlog pa'i chad pa khas mi len pa dag rab tu dbyung ba dang rdzogs par bsnyen par mi bya ba bstan pa'i phyir gang zag ma mthong ba nas phyung ba babs pa zhig ces bya ba la sogs pa gsungs te/ dge slong ltung ba ma mthong bas gnas nas phyung ba dang/ phyir mi chod pas gnas nas phyung ba dang/ sdig pa can gyi lta ba'i rnam pa ma gtong bas gnas nas phyung ba babs pa zhig rgyu gang gis sngon gnas nas phyung ba'i rgyu de las bzlog pa'i chad pa khas mi len pa yang rab tu 'byung bar 'dod na rab tu dbyung bar mi bya'o/ /khas len nas rab tu dbyung bar bya'o/ /rdzogs bar bsnyen na bzod par gsol zhing pa yin pas yang bzod par gsol mi dgos so/ /gal te rdzogs par bsnyen nas khas mi len pa ni tshogs pa yod na yang chad pas bcad do/ /gal te ma mthong ngo zhes brdzun zer na ltung byed du 'gyur ro/ /ma mthong bas gnas nas phyung ba gsum ji lta ba bzhin du nan thur gyi las bsdigs pa la sogs pa gzhan yang de bzhin no/ /sdom la lag rdum dag dang/ zhes bya ba la sogs pa ni sngar rab tu byung ba'i gzhi'i spyi sdom las lag rdum gyi sde mtshan yang dag par bsdus pa yin zhes smos pa'i sdom gyi tshigs su bcad pa yin par sbyar ro/ /de la gang gi lag pa 'khrig ma phan chad pa de dag ni lag rdum dag go /
- 336a
gang dag gi rkang pa long bu man chad pa de dag ni rkang rdum dag go /gang dag gi lag pa'i sor mo sbrul gyi gdengs ka 'dra ba de dag ni sor zlum por 'jas pa dag go /gang dag gi mchu gnyis med pa de dag ni mchu med dag go /gang gi lus la rma mtshan dag yod pa de dag ni lus la rma mtshan can dag ste/ snag tshal sogs pas lag pa la bris pa ni lus la rma mtshan can yin te/ khab la sogs pas brtsabs shing khyi rdzes la sogs pa'i mngon mtshan dag gis mtshan btab pa'i phyir ro/ /lcags la sogs pas zhus pa'i rma mtshan yang yin no/ /rgas pas sbyor mi bzod pa dag ni rgan ches pa dag go /lo bco lnga lon pa bya rog skrod mi nus bdag dang/ bya rog skrod nus pa lo bdun ma lon pa dag ni gzhon ches bdag go/ rkang pa 'then zhing leg leg por 'gro ba ni then pa'o/ /brla'i phyogs rlung bya rgod 'gros kyis kun du nyams par gyur pa ni smad 'tshal lo/ /mig ya gcig pa ni zhar pa'o/ /gang gi khrig ma'i phyogs na mtshan ma tsam gyi lag pa yod cing cung zad kyang byed mi nus pa ni lag sor rdum pa'o/ /brang dang sgal tshigs zhom pa ni rgur po'o/ /ha cang lus chung bar grags pa ni mi'u thung ngo/ /gang gi lkog ma la lce ba yod pa de ni lba ba can no/ /smra mi nus pa ni lkug pa'o/ /don dang bcas pa'i sgra thos par mi nus pa ni 'on pa'o/ /gang lag pa gnyis lag rten la brten nas gzugs bzhis 'phye ba ni rten 'phye'o/ /mi gnyis pa ni grum po zhes kyang bya'o/ /gang gi rkang pa la nang kyi rigs rkang 'bam yod pa de ni rkang 'bam mo/ /bud med dag shas cher bsten pas mthu dang gzi brjid zad cing lus mi bde bud med kyis du ba pa dag ni bud med kyis dub pa dag go/ de bzhin du mi bzod pa'i khur thogs pa'i phyir khur gyis dub pa dga' o/ /lam du 'gro ba drags pa'i phyir lam gyis
- 336b
dub pa rnams so/ /ya zam lug ces bya ba ni gang dag la ji ltar zos pa ma zhu bar thur du 'byung ba'o/ /gzhan dag ni 'di skad zer te/ gang gi rkang pa lcags sgrog gis nyams pa lcags sgrog las bkrol yang bcings pa bzhin du 'gro ba ni sgrog bkrol zhes bya zhes zer ro/ /de la dang po ni kha zas la sogs pa thur du 'dzag pa de ni ? za mi lug go /phyogs phyi ma la ni lcags sgrog gis 'ching ba las bkrol bas sgrog bkrol bas sgrog bkrol zhes bya'o/ /yang na bkrol yang lcags sgrog tu bcug pa bzhin du rkang pa khris khris por 'gro ba'i phyir sgrog bkrol zhes bya'o/ /rtags pa zhes bya ba ni gang dag lang tsho la ma bab pa kho nar nad la sogs pas de ltar nyams par gyur cing te por rgas pas nyams pa bzhin du bya ba cung zad kyang byed mi nus pa ste/ 'byung ba nyid nas de dag gi lang tsho nyams par gyur zhes bya ba'i tha tshig go /de lta bu'i zhes bya ba ni rnam pa de lta bu'i 'o/ /mi rnams ni zhes bya ba lag rdum la sogs pa'i mi rnams so/ /drang srong chen pos zhes bya ba ni de ni drang srong yang yin la chen po yang yin pas drang srong chen po ste des so/ /dgag pa mdzad ces bya ba ni rab tu dbyung ba dang rdzogs par bsnyen pa'i phyir bkag pa'o/ /'di dag gis mtshon pa rab tu dbyung ba'i gzhi'i skabs su 'dul ba phran tshegs la sogs pa las skra ser la sogs pa dang/ sen mo gcig pa la sogs pa dang/ rgyal pos bkrabs pa la sogs pa dang/ rgyal pos ma gnang ba yul thag mi ring ba dang/ chom rkun par grags pa dang/ phung khrol ba dang/ lham mkhan dang/ gdol ba dang/ g.yung po la sogs pa dang mi ma yin pa'i 'gro ba dang/ byang gi sgra mi snyan pa dang/ mtshan lan gsum gyur pa dang/ skyes pa 'dra ba'i bud med dang/ bud med 'dra ba'i skyes pa dang/ sdig sdig lta bu'i mtshan nyid dang/ gling gzhan nas skyes pa tshul byad mi 'dra ba la sogs pa rigs dang lus la skyon chags pa dag ni
- 337a
rab tu dbyung bar yang mi bya la/ rab tu byung na yang nye bar bzhag par mi bya'o/ /de'i phyir zhe na/ mdzes pa rab tu dbyung ba dang yongs su dag pa rdzogs bsnyen par rdzogs sangs rgyas kyis rang mkhyen te/ bden pa'i mtshan gyis bka' stsal to/ /zhes bya ba gsungs so/ /bsdu par bya ba'i skabs so zhes bya ba ni rigs dang lus la skyon chags pa ma yin pa rab tu 'byung bar bya ba'i skabs te/ rigs pa skyon chags pa ni lham mkhan dang/ gdol pa dang g.yung po'i rigs so/ lus la skyon chags pa ni rnam pa gnyis te/ dbyibs las dang kha dog las so/ /de la dbyibs las skyon chags pa ni lag rdum la sogs pa'o/ /kha dog las skyon chags pa ni lus rma mtshan la sogs pa'o/ /rab tu 'byung ba'i gzhi rgya cher 'grel pa rdzogs so// //de ltar rab tu 'byung ba'i gzhi rgya cher bshad nas/ nga ni gso sbyong gi gzhi bshad par bya'o/ /de'i phyir gso sbyong gi gzhi'i spyi sdom la zhes bya ba la sogs pa gsungs te/ 'dis ni gso sbyong gi gzhi thams cad sdud par byed do/ bcom ldan 'das kyis gso sbyong ni rnam pa gnyis su gsungs te/ zhi nas kyi gso sbyong dang mthun pa'i gso sbyong ngo/ /de la gtso bo yin pa'i phyir dang/ brjod par bya ba nyung ba'i phyir dang/ je dang por zhi gnas kyi gso sbyong rnam par bshad par bya'o/ de'i phyir sdom la/ mu stegs can dang zhes bya ba la sogs pa gsungs te/ 'di ni gso sbyong gi gzhi'i spyi sdom las mu stegs can dang zhes sngar smos pa'i sdom gyi tshigs su bcad pa yin par sbyar ro/ /nad par nad zhing zhes bya ba ni nyi ma re re zhing dam nang par sngar ro/ /blta dang bsnyen bkur bya ba'i phyir zhes bya ba ni phyag bya ba dang/ de'i lus rjes su bsgrub pa'i phyir ro/ /yid dang 'thad pa zhes bya ba ni yid kyi dus thams cad yon tan dag yang dag par rjes su dran par bya ba'o/ /kun dga' ra
- 337b
pa na zhes bya ba ni mu stegs can dag gi 'dug gnas so/ /'dug pa zhes bya ba ni rkub btsos bzhag nas rnal 'byor la 'dug ste rku ba tsos gzhag ste 'dug pas ting nge 'dzin bsgom par byed pa'i phyir ro/ /bya ba zhes bya ni dge 'dun tshogs pa'i gsol ba dang/ gsol pa dang gnyis dang/ gsol ba dang bzhi'i las dang dge ba'i bya ba'o/ /gso sbyong zhes bya ba ni so sor thar pa'i mdo 'don pa dang/ mu stegs can gyi gso sbyong ngo/ /yod ces bya ba ni byed pa'o/ /mngon par bstod par yang mi byed ces bya ba ni bsngags pa brjod par yang mi byed pa ste/ skyon chags pa'i phyir ro/ /phyir zlog par yang mi byed ces bya ba ni phyir 'gog par yang mi byed pa ste/ de bya ba ma yin par nges pa med pa'i phyir ro/ /bdag cag pa yang zhes bya ba ni bstan pa la ste/ dge slong la zhes bya ba'i tha tshig go /bca' bar gsol zhes bya ba ni rnam par gzhag par gsol pa'o/ /tron bya bar zhes bya ba ni rjes su bsgrub par bya'o/ /rnal 'byor zhes bya ba ni ting nge 'dzin te lus dran pa nye bar gzhag pa la sogs pa'o/ /rkang pa'i mthil yan chad ces bya ba ni rkang mthil gnyis yan chad nas so/ /klad pa'i skra man chad ces bya ba ni skras mtshon pa'i klad pa man chad do/ /pags pa la thug pa'i zhes bya ba ni lugs pa'i mdza' 'o/ /bar du zhes bya ba ni chu zheng gnyis gar ro/ /ji ltar gnas pa zhes bya ba ni rtag tu mi gtsang ba'i gzhi nyid du rnam par gnas pa'o/ /ji ltar byas pa zhes bya ba ni zas dang skom gyis glo bur du mi gtsang ba bsags pa'o/ /de nyid bstan pa'i phyir lus 'di la zhes bya ba la sogs pa gsungs te/ de dag ni nang gi so so'i bdag nyid la chags pa'i gnas yin pa'i phyir dang/ rang gi lus kyi skyon la so sor brtag pa'i phyir dang por bstan to/ /spyod yul du zhugs na yang zhes bya ba ni bsod snyoms la 'gro ba na yang ngo/ /'khrul ba zhes bya ba ni shug dang
- 338a
ldan pa'o/ /lhan gcig phrad ces bya ba ni 'dom pa 'am thug pa'o/ /'gyel zhes bya ba ni lus thams cad 'gyel ba'o/ /thub ces bya ba ni lus phyed bub pa'o/ /spyod yul du zhugs pas rnal 'byor bsgom par mi bya'o zhes bya 'dis ni goms par byed pa bkag pa yin gyi gdul ba'i don du rdzu 'phrul rnam par 'phrul ba la sogs pa bstan pa'i phyir sems rtse gcig nyid mngon du bya ba ni bkag pa ma yin te/ de la skyon chags pa med pa'i phyir ro/ /sgo gang dang khyams su bsgom par mi bya'o zhes bya ba ni mngon par 'du pa'i gnas yin pa'i phyir bkag pa yin te/ sgo bcad na ni sgo gang dang khyams su mngon par 'du ba nyid rgyun chad par 'gyur bas der rnal 'byor bsgom pa la nyes pa med do/ /gnas khang ni rnam par g.yeng ba yin la/ dgon pa ni gtum po'i gnas yin pa dang/ grong dang nye ba ni gya tshom pa dag gi gnas yin pas de dag tu bsgom pa dgag pa mdzad do/ /yal ga zhes bya ba ni shing ljon pa'i mgo lcogs so/ /seg ces bya ba ni smin ma la sogs pa'i thags ma gru bzhi'o/ /re lde zhes bya ba ni de nyid khrun ring ba'o/ /ma tu lung ga zhes bya ba ni lung ngo/ /spong khang zhes bya ba bsam gtan sgom pa'i gnas so/ /khang pa gnyis kyi bar du srang gtod pa zhes bya ba ni ngos ya gcig tu yang gnas khang brtsigs la ngos ya cig tu yang gnas khang cig brtsigs shing bar du khyams rgyud mo'i srang gtod pa'o/ /gnas khang bcu 'am bcu gnyis kyi srang gtong pa zhes bya ba ni ngos ya gcig tu gnas khang lnga brtsigs la ngos ya gcig tu yang gnas khang sngar brtsigs shing bar du mtshams rgyud mo'i srad gtong pa dang/ ngos ya gcig tu gnas khang drug brtsigs la/ ngos ya gcig tu yang gnas khang drug brtsigs shing bar du khyams rgyud mo'i srad btong ba ste gnyis pa ni chung tshad do/ /bzhi pa yan
- 338b
chad bcu pa man chad ni 'bring tshad do/ /bcu gnyis pa ni che tshad do/ /sbyang zhes bya ba ni 'bru la sogs pa'i sgo dang skar khung med pa'o/ /sgo glegs zhes bya ba ni spang leb ces bya ba'i shing ste/ des sgo dang skar khung gcod par byed pa'o/ /lag gzungs zhes bya ba ni sgo glags nang du 'dren pa lcags las byas pa'o/ /ras ma zhes bya ba ni gos kyi dum bu'o/ /gong du sum cha bor ba zhes bya ba ni rtsig ngos kyi gong gi cha gsum cha bor zhing zhing 'og tu sum gnyis lus pa'i phyogs su'o/ /rgya mtsho'i rnam pa lta bu zhes bya ba dbyibs rgya mtsho'i rnam pa 'dra ba ste byin gyis yangs pa'o/ /de nyid bstan pa'i phyir phyir rub la nang yangs pa zhes bya ba gsungs te/ de'i phyi rol gyi kha zhum la nang logs yangs pa'o/ /skar khung dra ba can zhes bya ba ni bya rgya can no/ /trem bu ga zhes bya ba srog chags kyi bye brag phra mo zhig go /tre la lta zhes bya ba ni de nyid kyi rigs chen po'o/ /sgo glegs zhes bya ba ni skad khung gcod spang leb po/ /'phreng gtan zhes bya ba ni sgo bcad pa'i sgo gtan gyi shing ring po 'phreng du bsnyal te pha tog tshun tog rtsig pa'i spubs su gzhug pa ste/ sgo gtan zhes kyang bya'o/ /gnam gzer zhes bya ba ni sgo'i ya gu gas dang 'brel ba gzer bu la sogs pa ste gnam gtan zhes bya ba'i tha tshig go /'khor gtan zhes bya ba ni sgo glegs bcad pa'i thabs su gyur pa yin te/ sgo glegs kyi dkyil gyi phyogs su shing gi gtan bu khru gang gi tshad tsam gdags shing sgo skyes la de'i gzungs lcags kyuAm bu gu gdod do/ /gtan bu de 'khor lo bzhin du bskor gzungs der gzhug par bya ste/ des na 'khor gtan zhes bya'o/ /dbug gu skam kha zhes bya ba dbug gu ra rkang 'dra ba kha brag ste des skar khung 'phreng gtan 'dzud pa dang 'byin par byed do/ /sa'i stegs bu dag bya'o zhes bya ba ni 'dug par bya ba'i ched du sa las byas pa'i stegs bu dag bya ba'o/ /'khrad par gyur nas zhes bya ba ni
- 339a
'og nas sra bar gyur nas so/ /khye'u bya'o zhes bya ba ni yang 'dug par bya ba'i ched du'o/ /kho ra khor yug du khru bzhis 'khor ba zhes bya ba khri'u gru bzhi ngos re la khru re'i tshad du bya'o/ /de thags mas sla bar bya'o/ /zhes bya ba ni khri'u de'i steng thags mas dra bar sla bar bya ba'o/ /thags mas rgyu rung bar grags pa lnga bstan pa'i phyir/ mun mdza' i dang/ sha na'i dang/ gres ma'i dang/ ras ma'i dang/ spa phra mo'i 'o zhes bya ba gsungs te/ 'di dag gis thag gu la sogs pa bkag pa ni ma yin par shes par bya'o/ /der stan nang tshangs can dag gding bar bya'o zhes bya ba ni khye'u de'i steng du ras bal la sogs pa brdzangs pa'i stan nang tshangs can dag gding bar bya ba'o/ /srid du khru bzhi pa zheng du khru ngo yod pa nyid ltab tu byas te srub par bya'o zhe bya ba ni stan nang tshangs can gyi rgyu de rked ltab tu byas na gru bzhi'i ngos re la khru do do yod par bya zhing de khri'u gru bzhi ngos re la khru re yod pa'i steng du gting na kho ra khor yug tu mtho re lhag par bya ba'o/ /de'i nang du shing bal gyis dag par bya'o zhes bya ba ni stan nang tshangs can de'i nang du'o/ /shing bral dag ni lnga ste bya ba ni grags pa bstan pa'i phyir de dag smos par zad kyi grangs de dag tu chad pa ni ma yin te/ des na shing bal gzhan dag gis bkad na yang rung ba kho na'o/ /mdo mdor srubs bya rog rkang gi gzungs gdab par bya'o/ /zhes bya ba de dag ni shing bal de dag phyogs gcig tu mi 'chug cing stan nang tshangs can gyi phyogs thams cad du snyoms par byas pa'i phyir steng gi mdo na dor srubs bya rog gi rkang pa dang 'dra ba dag gis zungs gdab par bya'o zhes bya ba'i tha tshig go /gdos bu zhes bya ba ni gnyid sel bar byed pa shing la sogs pa la byas pa'i gdos bu'o/ /dbyug gus gzugs par bya'o zhes bya ba ni spong ba pa yur na spong pa'i zhal ta pas dbyug gus gzugs
- 339b
par bya ba'o/ /smu gu'i bcad 'phro lta bu zhes bya ba ni bsegs bcad pa'o/ /bre'i bcad 'phro lta bu zhes bya ba ni bre zhes bya ba gzhal snod kyi rnam pa de'i zhabs ltar mnyam pa'o/ /ras ma dag gis dkris nas zhes bya ba ni bre'i bcad 'bro ltar byas pa de yang ras ma dag gis dkri bar bya'o/ /dal bus khang gis gzugs par bya'o zhes bya ba ni ci nas kyang de'i sems gnas pa nyid 'dogs par mi 'gyur ba de ltar dal bus gzugs par bya ba'o/ /pho long 'bad par bya'o zhes bya ba ni spong pa pa yur ba las spong ba pa'i zhal ta bas pho long zhes bya ba skud pa la sogs pa'i tshogs zlum po 'phang bar bya ba'o/ /'khyams nas zhes bya ba ni mi snang nas so/ /thag gus btags te 'phang bar bya zhing de nas yang phyir drang bar bya'o zhes bya ba ni spong ba'i zhal ta bas pho long de yang phyir dran par bya ba'i phyir thag gu phra ring pos btags te 'phang bar bya ba'o/ /mdun du mar me bzhag par bya'o zhes bya ba ni 'on kyang yur na spong ba'i zhal ta bas de'i mdun du mar me bzhag par bya ba'o/ /rkang pa gcig brkyang bar bya'o zhes bya ba 'on kyang gnyid ma sangs na rkang pa ya gcig brkyang par bya ba'o/ /rkang pa ya gcig kyang brkyang bar bya'o zhes bya ba ni 'on kyang gnyid ma sangs na'o/ /langs te bcag par bya'o zhes bya ba ni 'on kyang gnyid ma sangs na langs te 'chag sar phan tshun bcag par bya ba'o// 'thom nas zhes bya ba ni dge slong spong ba pa mun khung na 'chag pa lam mi rtsol zhing 'thom na'o/ /phreng thag la 'ju bar bya'o zhes bya ba ni 'chabs sa mgo mjug slebs pa'i phreng thag thang chad rab tu brkyangs pa de lta bu la lag pas 'ju zhing bcag par bya ba'o/ /lag pas chang brgyud byed nas zhes bya ba ni phreng thag la chad pas mkhyung de brgyud cing 'chag pa na chang la nod nas so/ /spu bu bskon la skud pas btags pa la 'jus te btags par bya ba'o zhes bya ba ni phreng thag la spu gu bskon pa la thag
- 340a
gus btags pa la 'jus te bcag par bya ba'o/ /mchil lham can gyis bcag par mi bya'o/ zhes bya ba mchil lham dang bcas par bcag par byed pa na sgra 'byung bar spong ba gzhan la gnod pa dang ma gus pa'i tshul yin pas dgag pa mdzad de/ 'di ni spong pa po nyid tsher ma zad kyi gzhan thams cad kyis kyang mi bya'o/ /rdul gyi rkang pa ma rung nas shes bya ba ni 'chag pa'i tshe rkang pa gnyis la rdul gos shing rkang pa rdul can gyis skyil mo krung bcas pa ni gos ma rung bar gyur nas so/ /par tang gding bar bya'o zhes bya ba ni 'chags sar thags ma khra bo gding par bya ba ste/ 'ding par tang zhes smos pa ni g.yam po dang stan gzhan dag gi dpe yin no/ /bsgrubs par gyur nas zhes bya ba ni rkang pa bkrus nas 'bru mar la sogs pas ha cang snum por byas pas 'chags sa'i stan la sogs pa bsnubs par gyur nas so/ /spong ba pas zhag gsum zhing gsum zhing rkang pa gnyis bsku bar bya'o zhes bya ba ni zhag gsum zhing gsum zhing rkang pa gnyis bsku bar bya ba'o/ 'dir bsku ba tsam du gsungs par zad kyi 'bru mar la sogs pas ha cang snum por bya ba ni ma yin te/ 'di ltar dang sang yang yul dbus na dang por rkang pa gnyis bkru zhing phyis cung zad tsam skud par byed de/ des na gos la sogs pa snum po nyid du mi 'gyur ro/ /de dag der mi shong nas zhes bya ba ni spong ba po de dag spong khang der mi shong nas so/ /steng du rim khang gnyis pa bya'o zhes bya ba ni spong khang gi steng du khang mo cha'am yang thog bya ba'o/ /them skas bya'o zhes bya ba ni 'dzeg pa'i phyir der them skas zhes bya ba'i tha tshig go /kha khyer gyis bskor bar bya'o zhes bya ba ni me dag mi ltung bar bya ba'i phyir them skas la kha khyer gyis bskor bar bya'o/ /lcags kyi gzer bu dag gis gdab par bya'o zhes bya ba ni kha khyer de mi 'phrul bar
- 340b
bya ba'i phyir lcags kyi gzer bu dag gis gdag par bya'o/ /phyi rol tu spong khang chen po bya'o zhes bya ba ni 'on kyang mi shong na spong khang gi phyi rol tu spong khang chen po 'am gnas khang gi tshar dag brtsig par bya ba'o/ /sgo spyod ces bya ba ni sgo byang bstan du 'bab pa'o/ /sgo bsnol ma zhes bya ba ni sgo bzur ba'o/ /sgo gang bya'o zhes bya ba ni spong khang la sgo gang bya ba'o/ /phug kyang bya'o zhes bya ba ni de'i nye 'khor gyi ched dus phug la sogs pa yang bya ba'o/ /sgo drung du snam bu 'am ras sbyangs te nyal bar bya zhes bya ba ni gnyis brab bsang bar mi nus na rnal 'byor gyi gnas der sgo bcad de nyal ba la nyes pa med do/ /sgo bcad pa 'di ni gzhan dag ma dag ma dad par 'gyur ba dang mthe 'tsham pa spang ba'i phyir ro/ /spong ba'i zha lta byed pa bsko bar bya ste/ zhes bya ba na dge slong spong ba rnams kyi phyir zhal te byed pa ni slong ba'i zhal ta byed pa zhes bya ste/ dge 'dun gyis gsol ba dang gnyis kyi las kyis bsgo bar bya ba'o/ /mdun pas 'gro ba zhes bya ba ni sred pa'i dbang gis so/ /zhe sdang gas 'gro ba zhes bya ba ni 'khon gyis rgyus so/ /gti mug gis 'gro ba zhes bya ba ni mi shes pas so/ /'jigs pas 'gro ba zhes bya ba ni skrag pa ston pas so/ /spong ba la tron byas dang ma byas pa mi shes pa zhes bya ba ni brjed ngas pa'i phyir ro/ /spong ba'i zhal ta byed pa'i kun tu spyod pa'i chos zhes bya ba ni spong khang du chag chag gdab pa la sogs pa'o/ /gaN+Di brdung bar bya'o zhes bya ba ni rnal 'byor gyi gnas der spong ba dag bsdu ba'i phyir gaN+Di brdung bar bya'o/ /dngangs nas zhes bya ba ni skrag nas so/ /rnam par 'tshe ba la tron mdzad kyi zhes bya ba ni mtho 'tsham pa la brtson par byed ces bya ba'i tha tshig go /gaN+Di de ni lnga ste zhes bya ba ni gaN+Di brdung pa'i rtsis mgo ni rnam pa lnga ste/ de dag brdung ba'i gnas ni khang steng la sogs pa phyogs mthon po dag yin no/ /dge 'dun bsdu ba'i gaN+Di de ni rgyud gsum dang togs
- 341a
gsum mo zhes bya ba ni 'dus pa chen po'i tshe dge 'dun thams cad bsdu ba'i phyir gaN+Di brdung ba la bzlas pa'i rgyud lan gsum brdung zhing mjug tu tog sgra chen pa yang lan gsum bya ba'o/ /las kyi gaN+Di de ni rgyud gcig dang tog gsum mo zhes bya ba ni las bya ba'i don du gaN+Di brdung ba la ni bzlas pa'i rgyud lan cig brdung zhing mjug tu tog sgra chen po lan gsum bya ba'o/ /kha cig la ni rgyud gsum dang tog gnyis so zhe'o/ /shi ba'i gaN+Di de ni byi ba'o/ zhes bya ba ni shi ba'i phyir 'dul zhing khyogs phyag pas 'debs pa la sogs pa'i don du gaN+Di brdung ba ni byi bo ste/ rgyud nyi tshe brdung zhing mjug tu tog mi brdung ba yin no/ /kha cig las ni rgyud gcig dang tog gcig go zhe'o/ /spong ba'i gaN+Di de ni 'khar bsil lo zhes bya ba ni dge slong spong pa la 'du ba'i 'khar gsil gyis gaN+Di byas te 'khar gsil gsil bar bya'o/ zhes bya ba'i tha tshig go /kha cig las ni gaN+Di de chung ngu zhe'o/ /gnod pa byung ba'i gaN+Di ni ji tsam gyi chog pa'o/ zhes bya ba ni chom rkun la sogs pa gnod pa 'byung ba'i tshe gaN+Di brdung ba ni ji tsam gyis chog pa de tsam gyis brdung bar bya ste nam zhi bar gyur gyi bar du brdung ngo zhes bya ba'i tha tshig go /zan gyi phyir 'du ba'i don du ni gaN+Di dang gaN+Di chung ngu gnyis ka brdung ste/ sngar gaN+Di chung ngu brdungs la khang skyod dang gtsang sbyor la sogs pas sangs rgyas mchod pa dang/ lhung bzed bkru ba la sogs pa'i las byas nas de'i 'og tu gdugs tshed la bab pa'i gaN+Di chen po brdung zhing dge 'dun thams cad zan gyi phyir 'du bar bya'o/ /'dus pa che ba'i tshe gaN+Di brdung bas go bar mi 'gyur ba lta na dung bsgril te bud pa dang rnga bo tshe dag kyang brdung bar bya'o/ /gaN+Di brdungs par mi 'go bar mi bya zhing mi myur bar yang mi bya'o/ /dus rting la thug pa zhes bya ba ni gdugs tshod la bab pa la thug pa'o/ /ci bder
- 341b
byed nas zhes bya ba ni spang ba'i zhal ta byed pas dge slong rnams bsod snyoms la sogs pa la yang sbyar ba'i tshe che dang ldan pa dag dang ci bder spyod cig ces brjod pa'o/ /de dge 'dun las 'thob pa zhes bya ba ni dge 'dun gyi nang du zan za ba'o/ /rgyud chags gsum pa 'don par bya'o zhes bya ba ni 'gyes kar dkon mchog gsum gyi rgyud dang/ mdo sde'i rgyud dang/ bsngo? ba'i rgyud chags gsum gdon par bya'o/ /de yang dper na kun tu rgyu dag gi ril ba'i rgyu shing bu gsum la brten pa dang/ 'dra bar dam pa'i chos gdon pa'i gzhi ni rgyud chags gsum po 'di yin pas de'i phyir rgyud chags gsum zhes bya ba'o/ /ran bar gdon par bya'o zhes bya ba ni ha cang mang ba yang ma yin te/ ha cang nyung ba yang ma yin par cir na cig gdon par bya ba'o/ /yon bshad par bya'o/ zhes bya ba ni rgyud chags gsum pa bton pa'i 'og tu sbyin pa'i phan yon bshad par bya'o/ /gal te rkyen de lta bu byung na zhes bya ba ni dge sbyong gi tshul dang srog dang tshangs par spyod pa'i bar chad du 'gyur ba la sogs pa zhig byung na'o/ /lde mig ces bya ba ni lde mig khyogs po la sogs pa'o/ /de ni 'dug pa'o/ /zhes bya ba ni zhi gnas gyi gso sbyong ngo// //bam po bcu gnyis pa/ /nga ni gso sbyong gi gzhi las mthun pa'i gso sbyong gi skabs brjod par bya ste/ de la dang por mthun pa'i gso sbyong gi gnas la blo mthun par bya ba'i zhar la las bstan pa'i phyi bya ba gang zhe na zhes bya ba la sogs pa gsungs so/ /gsol ba zhes bya ba ni las gang la gsol ba 'ba' zhig byed pa ste/ 'di lta ste gsang ste ston pa bsko ba la sogs pa'o/ /gsol ba dang gnyis zhes bya ba ni las gang la las brjod pa gcig dang/ gsol ba dang gnyis bya ba la ste/ 'di lta ste gso sbong gi gnas la blo mthun par bya ba la sogs pa'o/ /gsol ba dang bzhi'i las zhes bya ba ni las gang la las brjod pa
- 342a
gsum dang gsol ba dang bzhi byed pa ste/ 'di lta ste rdzogs par bsnyen par bya ba la sogs pa'o gso sbyong zhes bya ba ni tshul khrims gso zhing sbyong ba ste gso bar byed ces bya ba ni tha tshig go /zla ba phyed phyed cing gdon par bya'o zhes bya ba ni bcu bzhi pa 'am bco lnga pa'i dus su'o/ /so sor thar pa'i mdo gdon pa gdon par bya'o zhes bya ba ni sems drang por bsgrub pa la sogs pa dang rgyu 'gal ba bzlog pa la sogs pa'i rnam pa gzhan gyis kyang tshul khrims gso bar byed pa yod pas de dag gsal ba'i phyir so sor thar pa'i mdo gdon par bya'o zhes gsungs so/ /so sor thar pa'i mdo gdon pa'i ni rnam pa lnga ste/ gleng gzhi gdon pa dang pham par 'gyur ba gdon pa dang dge 'dun lhag ma gdon pa dang ma nges pa gdon pa dang/ ril gyis gdon pa'o/ /dge 'dun gyi gnas brtan gyis zla ba phyed phyed cing so sor thar pa'i mdo gdon par bya'o zhes bya ba ni so sor thar pa'i mdo gdon pa ni 'dun gyi gnas brtan gyi las yin no/ /des mi nus na gnas brtan gnyis pa'i 'o/ /des kyang mi nus na gsum pa'i 'o/ /des kyang mi nus na res kyis bya'o/ /res bab pas mi nus na gzhan la bcol bar bya'o/ /bcol te ma btub na dge 'dun gyis bcol bar bya'o/ /'don brdugs na gzhan gyis gdon no// dam dum 'dzin pa nyid yin na ji snyed kyis gzhung srongs pa dag gis gzhung bsrang ste gdon par bya'o zhes bya ba la sogs pa skabs 'og nas kyang 'byung ngo/ /gso sbyong gi gnas la blo mthun par bya'o zhes bya ba ni gnas gang du gso sbyong mngon du byed pa'i gnas de ni gso sbyong gi gnas zhes bya ste/ gnas der gso sbyong bya bar dge 'dun gyis gsol ba dang gnyis kyis las kyis blo mthun par bya ba'o/ /gso sbyong gi gnas ji lta bu de la blo mthun par bya zhe na/ de phyir gnas thams cad
- 342b
grub pa 'am byas pa 'am zin pa nang mtshams dang phyi rol nye 'khor 'dom gang dang bcas pa dge 'dun gso sbyong gi gnas su 'dod pa gang yin pa de la blo mthun par bya'o zhes bya ba gsungs te/ gnas thams cad grub pa zhes bya ba ni 'chags pa'i skal pa'i tshe rang grub pa 'am de'i 'og tu te ba chad pa la sogs pas rang grub pas te dper na bya skyibs la sogs pa lta bu ste gzhan gyis btsal ba la mi bltos pa'i phyir ro/ /byas pa zhes bya ba ni skyes bu'i byed pas mngon par bsgrubs pa'o/ /zin pa zhes bya ba ni bya ba byed pa'i gnas la sogs pa rung ba'o/ /nang mtshams dang bcas pa zhes bya ba ni nang na chu la sogs pa'i bar chad med pas ste/ mtshams gcig dang ldan pa zhes bya ba'i tha tshig go /phyi rol nye ba khor 'dom gang dang bcas pa zhes bya ba ni phyi rol tu gyur pa'i nye 'khor 'dom gang tsam dang bcas pa gang ba ste/ de dag gis ni gso sbyong gi gnas rnam pa thams cad yongs su grub pa bstan to/ /ci dge 'dun mi 'dod bzhin du yang de la blo mthun par bya 'am zhe na ma yin te/ de'i phyir dge 'dun gso sbyong gi gnas su 'dod pa zhes bya ba gsungs te/ las brjod pa'i skabs su ni gnas thams cad grub pa 'am lag pa 'am bgyis pa zhes tshig gsum char smos par mi bya bar de gsum las gang yin pa gcig brjod par bya'o/ /dgag dbye zhes bya ba ni dbyar gnas par khas blangs pa'i dge slong rnams kyis mthong ba dang/ thos pa dang/ dogs pa'i gnas gsum gyis gleng ba'i skabs 'byed pa'o/ /mi mthun par byed ces bya ba ni kha? skyong bdag ma tshogs pa dang 'dun pa la sogs ba ma blangs par las byed pa'o/ /sdom la ka phyi na dang/ zhes bya ba la sogs pa ni gso sbyong gi gzhi'i spyi sdom las ka pa na zhes smos pa'i sdom gyi tshigs su bcad pa yin par sbyar ro/ /sde can ma'i phyug ces bya ba ni gtsug lag khang gi ming ste/
- 343a
sde can mas byed du bcug pa'i phyir/ gso sbyong gcig pa'i gnas kyi sdom pas zhes bya ba ni dge 'dun gcig tu 'du zhing gso sbyong bya ba'i sdom pas ste/ nyams su myong ba zhes bya ba'o/ /bya ba dag ces bya ba ni nges pa nyid du gnas pa ste/ gsol ba la sogs pa'i las so/ /byed pa dag ces bya ba ni dus gzhan na 'byung ba yongs su gnas pa la sogs pa'o/ /rtag tu dag pa zhes bya ba ni lus dang ngag dang yid kun tu spyod ba rtag tu dag pa ste nyes pa med pa zhes bya ba'i tha tshig go /snying po ste zhes bya ba ni snying po dang ldan pa ste/ tshul khrims yongs su dag pa zhes bya ba'i tha tshig go /rtag tu dag pa gso sbyong yin zhes bya ba ni rtag tu rgyud dag pa ni gso sbyong yin no/ /gtsang ma'i las ni dag gyur pa zhes bya ba ni tshul khrims la kha na ma tho ba med pa'o/ /de'i brtul zhugs 'grub par 'gyur zhes bya ba ni spong ba'i mtshan nyid bdun gyi tshul khrims 'grub par 'gyur zhes bya ba'i tha tshig go /dag cing zhes bya ba ni rang bzhin gyis kha na ma tho ba med pa'i phyir ro/ /mchog tu dag pa zhes bya ba ni bcas pa'i kha na ma tho ba med pa'i phyir ro/ /ma byung ngam zhes bya ni dri ba'o/ /mi 'gro bar mi byed par zhes bya ba ni mnan pa'i phyir dang dag pa gnyis smos so/ /mtshams chen po bcad par rjes su gnang ngo zhes bya ba ni gso sbyong la sogs pa gnas gcig tu bsdu ba'i phyir dpag tshad phyed dang gsum tshun chad kyi mdza' tshun chad du gsol ba dang gnyis kyis mtshams bcad par bya'o/ /gnas pa zhes bya ba ni dus thung ngur gnas pa phyi nang gi rgyus mi shes pa'o/ /gnyug mar gnas pa zhes bya ba ni dus yun ring du gnas pa phyi nang gi rgyus shes pa'o/ /brtan po zhes bya ba ni brtan pa ste bcos pa ma yin zhes bya ba'i tha tshig go /mtshan ma zhes bya ba ni mngon mtshan no/ /gzugs par bya'o zhes bya ba ni brtag par bya ba'o/ /mtshams bcad pa'i las ni mtshams
- 343b
brtag pa'i phyir byed pa yin pas de'i phyir mtshan ma bcugs na mtshams ma brtags pa yin pas de'i phyir mtshan ma brtan por gzugs par bya'o zhes gsungs so/ /brjod par bya'o zhes bya ba ni bsgrag par bya'o/ /nang du zhes bya ba ni de tshun chad du'o/ /gnas bsdu ba zhes bya ba ni gso sbyong la sogs pa'i las lhan cig tu bya ba ste/ des na mtshams de'i nang na gnas dge slong rnams las kyi gnas su ma tshogs sam/ /de dag gi mdun pa ma blangs par byed na ni mi mthun par byed pa yin pas las mi 'chags so/ /dge slong rnam bde ba la reg par gnas pa zhes bya ba ni las 'grub pa dang/ kha na ma tho ba med par 'gyur pa'i phyir ro/ /grong dang grong gi nye 'khor ma gtogs pa zhes bya ba ni mtshams chen po de'i nang na grong dang grong gi nye 'khor gang dag yod pa de dag mtshams kyi khongs su mi brtsi bar 'khol du dbyung bar bya ba'o/ /de nas grong dang grong gi nye 'khor lnga na yod na yang de mtshams su ma 'gyur la phyis brtsigs na yang mtshams su ma gtogs par 'gyur ro/ /dgon pa la thug pa zhes bya ba ni dpag tshad phyed dang gsum gyi mdza' tshun chad do/ /gnas la thug pa zhes bya ba ni gtsug khang la thug pa'o/ /skyo bar gyur ces bya ba ni gnod par gyur pa'o/ /mtshams chen po'i nang du dge slong thams cad kyi chos gos dag dang mi 'bral ba'i gnang ba sbyin par bya'o zhes bya ba ni mtshams der gal te chos gos dag dang mi 'bral ba'i gnang ba byas par gyur na/ bzod chos gos dang mi 'bral ba yin gyi mtshams bcad pa tsam gyis 'bral bar mi 'gyur ba ni ma yin no zhes bya ba'i tha tshig go /stod g.yogs dang smad g.yogs dang bcas pa zhes bya ba ni chos gos stod g.yogs smad g.yogs dang bcas pa ste/ snam sbyar med par zhes bya ba'i tha tshig go /bzhi yi tshogs kyis las bya ba zhes bya ba ni pham par 'gyur ba'i nyes pa sbom po yang bshags pa'o/ /lnga yi tshogs kyis las bya ba zhes bya ba ni
- 344a
dge 'dun lhag mar 'gyur ba'i nyes pa sbom po lci ba bshags pa'o/ /kha cig na re bzhi'i tshogs kyi las bya ba ni gso sbyong gi las so/ /lnga'i tshogs kyis las bya ba ni dgag dbye'i las so/ /zhes zer ro/ /bcu yi tshogs kyis las bya ba zhes bya ba ni yul dbus su rdzogs par bsnyen pa'i las so/ /mtshams bu chung zhes bya ba ni dkyil 'khor ba ste/ de'i phyir mtshams bu chung bcad cing dkyil 'khor bar blo mthun par bya'o zhes gsungs so/ /dze? dang por mtshams chen po dgrol bar bya'o zhes bya ba ni snga ma bag yangs su ma byas par bcad pa gzhan mi 'chags pa'i phyir ro/ /srol gtod pa zhes bya ba ni rol la sogs pa'i srol gtod pa'o/ /mtshan ma brtan po gzugs par bya'o zhes bya ba ni phyogs bzhir seng ldeng gi phur bu btab pa 'am srad bu bres pa 'am rdo bzhag pa 'am srol btod pa la sogs pa'i mtshan ma brtan po de shes pa'i dge slong yul de na gnas pa 'am/ gnyug mar gnas pa rnams kyis dang por brtag cig mtshan ma gzugs par bya ba'o/ /mtshan ma brtan po brjod par bya'o zhes bya ba ni mtshan ma de dag brtags shing gtsugs pa'i 'og tu dge 'dun gyi mtshan ma brtan po de dag brjod par bya'o/ /de'i 'og tu dge slong gcig gi gsol ba byas te las bya'o zhes bya ba ni phyogs bzhi'i mtshan ma brtan po de dag brjod pa'i 'og tu mtshams bcad pa'i las bya'o/ /mtshams bu chung bcad par chos gos dag dang 'bral bar mi 'gyur ba'i gnang ba sbyin par bya 'am zhe na/ 'di la nges pa med de/ 'di ltar zhus pa las/ btsun pa mtshams bu chung bu yang chos gos dag dang/ mi 'bral bar blo mthun pa bgyi 'am/ gal te 'dod na blo mthun par bya'o zhes gsungs pa'i phyir ro/ /de'i 'og tu mtshams chen bcad par bya'o zhes bya ba ni sngar mtshams bu chung ma bcad nas de'i 'og tu mtshams bu chung gcod par
- 344b
'dod na mtshams chen po sngar bcad pa bkrol la mtshams bu chung bcad par bya'o/ /mtshams bu chung bcad nas yang mtshams chen po bcad par 'dod na de'i 'og tu yang mtshams chen pos bcad par bya'o/ /de'i 'og tu mtshams chen po'i nang du dge slong thams cad kyi chos gos dag dang mi 'bral ba'i gnang ba sbyin par bya'o/ /zhes bya ba ni mtshams bu chung bcad pa'i 'og tu mtshams chen po phyis bcad pa der yang gnang bar byas na chos gos dang 'bral bar mi 'gyur ba de bya ba'o/ /btsun pa las bgyis pa gcig gis gsol ba gcig dang las brjod pa gcig gis mtshams kyi sgo nas dang slad rol dang bcas pa skyung ba dang/ bskyed par rung ngam zhes zhus pa dang/ lan brtsal ba'i skabs kyis ni mtshams chen po dang mtshams bu chung gnyis la byed pa gcig gis gsol ba gcig dang/ las brjod pa gcig gis cig car dgrol du yang rung la cig car bcad du yang rung bar ston to/ /de la mtshams kyi sgo nang dang bcas pa zhes bya ba ni mtshams bu chung ngo/ /mtshams sgo slad rol dang bcas pa zhes bya ba ni mtshams chen po'o/ /bskyung ba zhes bya ba ni mtshams bu chung bcad pa'o/ /bskyed pa zhes bya ba ni mtshams chen po bcad pa ste/ des na gal te mtshams che chung gnyis ka dus gcig tu bskyung ba dang/ skyed par byed na yang mi rigs pa med do/ /de ltar byas te zhes bya ba la sogs pa ni las byed pa gcig gis gsol ba gcig dang las brjod pa gcig gis mtshams che chung gnyis dus gcig tu dgrol ba dang dus gcig tu bcad pa'i las ston to/ /mtshams gnyis kar dge 'dun bkod de zhes bya ba ni mtshams che chung gnyis kar ro/ /shing la sogs pas mnan nas zhes bya ba de dag gis mnan na gcig tu 'gyur pa'i phyir de skad gsungs so/ /'di la gal te 'dod na bskyed pa yang bya'o/ /gal te mi 'dod na bskyung ba yang bya'o/ /zhes bya ba ni las byed pa gcig gis gsol ba gcig dang/ las byed pa gcig
- 345a
gis mtshams che chung gnyis ka dus gcig tu bcad pa dang dgrol bar bya ba 'di la gal te 'dod na de ltar bya'i gal te mi 'dod na de ltar mi bya'o/ zhes bstan pa yin no/ /rtsig pas bskor ba yin rtsig pa mtshams yin zhes bya ba ni mtshams ma bcad pa'i gnas gang yin pa der las bya ba'i yul la gtsug lag khang gi rtsig pa nying mtshams yin pa'o/ /rtsig pas ma bskor na wa kha nas chu 'dzag pa gang du bab pa tshun de zhes bya ba ni mtshams ma bcad pa'i gnas rtsig pas ma bskor ba la ni wa kha nas chu 'dzag pa'i sna gang du 'dzag pa tshun chad las mtshams yin pa bstan to/ /dge slong de na 'khod pa rnams kyis der 'dug ste gso sbyong bya zhing dgag dbye dang gsol ba dang/ gsol ba gnyis dang gsol ba dang bzhi'i las bya'o/ zhes bya ba 'di ni las kyi bzhi spyir ba las brgya rtsa gcig cher smos par zad kyi 'dir las brgya rtsa gcig po dag nye tshe bzung bar ma zad de 'dul ba dang ldan pa'i las thams cad bsdus par rig par bya'o/ /chos gos dang mi 'bral ba'i mtshams ni ma gtogs te/ de ni sngar las kyis mtshams bcad pa nyid yin pa'i phyir ro/ /nye 'khor mdza' tshun chad de zhes bya ba ni grong la ni grong gi nye 'khor gyi mdza' tshun chad de mtshams ni yin pa'o/ /rgyang grags kyi mdza' tshun chad de zhes bya ba ni dgon pa la ni phyogs phyogs su rgyang grags kyi mdza' tshun chad mtshams yin pa'o/ /btsun pa gso sbyong gi las du mchis zhes bya ba ni chos dang chos ma yin pa dang ma mthun pa dang mi mthun pa'i mtshan nyid ston to/ /chos ma yin pas zhes bya ba ni 'don par bya ba dang/ de'i tshad dang dus dang/ 'don par byed pa rnams de kho na bzhin nye bar bzung ba ste/ de la gdon par bya ba de kho na bzhin nye bar ma bzung ba ni so sor thar pa'i mdo las gzhan phran tshegs la sogs pa 'don pa'o/ /de'i tshad de kho na bzhin nye bar ma bzung ba ni gleng gzhi'i mi 'don zhing lhag ma rnams
- 345b
kyang thos bsgrags pas bsgrub mi byed pa'o/ /de'i dus de kho na bzhin nye bar ma bzung ba ni gso sbyong gi dus las gzhan pa'i dus su byed pa'o/ /'don par byed pa de kho na bzhin nye bar ma bzung ba ni gang zag dag gi dbang du gso sbyong byed pa rdzogs par bsnyen pa dang bcas pa lta ba dang tshul khrims dag gis ris mthun pa de dag las gzhan pas byed pa'o/ /yang na gang gdon par bya ba dang/ ji snyed gdon par bya ba dang/ gang gi tshe gdon par bya ba dang/ gang dag gis gdon par bya ba de dag yongs su spangs te/ gdon par bya ba dang tshad dang dus dang gdon par byed pa gzhan nyid nye bar 'dzin par byed pa de ni 'dir mi 'chags par byed pa yin pas chos ma yin par shes par bya'o/ /de las bzlog pa ni chos kyis byed pa yin no/ /mi mthun par byed pa zhes bya ba ni las kyi mtshams su gtogs pa'i dge slong rnams lus sam 'dus pa dang gsol ba ma brjod par 'don pa'o/ /de las bzlog pa ni mthun par byed pa yin no/ /btsun pa so sor thar pa'i mdo 'don pa du mchis zhes bya ba ni so sor thar pa'i mdo 'don pa rnam pa lnga ston te/ gleng gzhi gdon pa dang/ pham par 'gyur ba gdon pa dang/ dge 'dun lhag ma gdon pa dang/ ma nges pa gdon pa dang/ ril gyis gdon pa'o/ /sdom la gnas dang dbyar sngar phyi ma dang/ zhes bya ba la sogs pa ni sngar phyi sdom las gnas dang zhes smos pa'i sdom gyi tshigs su bcad pa yin par sbyar ro/ /che ge mo zhig la zhes bya ba la sogs pa snang ngo zhes bya ba ni kha ton thon pa ste/ bzlas pa'i phyir lan gnyis su smos so/ /gnas bstabs pa zhes bya ba ni gnas khang las mi dbral ba'o/ /gnas mal bstabs pa zhes bya ba ni mal cha dang stan la sogs pa las mi dbral ba'o/ /las bstabs pa zhes bya ba ni las su mi bsgo ba'o/ /rnyed pa bstabs pa zhes bya ba ni las su bskos pa'i rnyed pa dbang ba do las ma byas kyang sbyin pa na'o/ /bsnyen bkur ba bstabs pa zhes bya ba ni de'i bsnyen bkur ba
- 346a
las su mi bsgo ba'o/ /dbyar snga ma zhes bya ba ni dbyar zla 'bring po'i tshes bcu drug go /gso sbyong bco lnga ba de nyid la zhes bya ba ni dbyar snga ma nye bar bsgrub pa dbyar zla 'bring po tshes bco lnga'o/ /dbyar phyi ma zhes bya ba ni dbyar zla tha chung tshes bcu drug go /gso sbyong bco lnga pa de nyid la nye bar bsgrubs pa dbyar zla ba chung tshes bco lnga la'o/ /zla ba gnyis zhes bya ba ni dbyar zla tha chung nya nas ston zla ra ba'i nya'i bar gyi zla ba gcig dang/ ston zla ra ba nya nas ston zla 'bring po nya'i bar gyi zla ba gcig go /so sor brtags te zhes bya ba ni bcom ldan 'das kyis dbyar nye bar bsgrub pa ni gnyis bka' stsal gyi/ gsum pa ni med pas dgag dbye snga ma shos nyid btsal bar bya'o snyam du so sor brtags te'o/ /gso sbyong gzhan la zhes bya ba ni ston zla 'bring po gnas ston gyi gso sbyong la sogs pa la'o/ /mdo sde 'dzin pa zhes bya ba la sogs pa ni don gyi sgo dang tshig gi sgo nas 'dzin pa'o/ /don du zhes bya ba ni ched du'o/ /khyams zhes bya ba ni gtsug lag khang gi sgo'i bar gyi bang rim mo/ /dag gi bshes pa'i tshig gis zhes bya ba ni byon pa legs so zhes bya ba la sogs pa tshig snyan pas so/ /khrus bya zhes bya ba ni sku mnye dang dril phyis bya zhing dus dang mthun pa'i chus khrus bya ba'o/ /dge 'dun la yang snum bag gi rnyed pa dbul bar bya'o zhes bya ba ni de'i phyir dge 'dun thams cad la yang snum bag gi rnyed pa dbul bar bya ba'o/ /chos mnyan par bya'o zhes bya ba ni der thams cad kyis spro ba bskyed par bya zhing seng ge'i khri bsham pa la sogs pa thams cad kyis brjod par mi bya ste ca cor 'gyur pa'i phyir ro/ / la la zhig ces bya ba dge slong phrag dog can la la zhig go /rab tu byung ba dag tu 'dran zhes bya ba ni ji skad bstan pa'i cho gas rab tu byung ba dag tu 'dra ba'i phyir ro/ /ston pa 'das pa'i gsung rab la zhes bya ba ni bcom ldan yongs su mya ngan las
- 346b
'das pa'i bstan pa'i chos la ste/ ma 'ongs pa'i dus na 'byung ba las bltos nas ston pa 'das pa'i zhes gsungs kyi zhal bzhugs pa'i dus las bltos pa ni ma yin no/ /'di ni ston pa'o zhes bya ba ni nye bar btags pa'o/ /'di ni rten te zhes bya ba ni 'di las byas dang/ bya ba ma yin pa yongs su shes pa 'grub pa'i phyir rten yin no/ /rnam pa dag gis kyang gnang bar mi bya'o zhes bya ba ni ye mi gnang bar bya ba'o/ /gnas brtan dang bcas pa zhes bya ba ni dge 'dun gyi gnas brtan nyid so sor thar pa'i mdo gdon par byed pa'o// sor thar pa dang bcas pa zhes bya ba ni/ gsar bu so sor thar pa'i mdo gdon par byed pa'o/ /des na 'dir don 'di yin te/ nang na gnas brtan nyid so sor thar pa'i mdo gdon pa der 'gro bar bya'o/ /gang na gsar bu so sor thar pa'i mdo gdon pa der ni 'gro bar mi bya'o/ /gnas brtan so sor thar pa'i mdo gdon pa med na ni gang na so sor thar pa'i mdo gdon pa der yang 'gro bar bya'o/ /kha cig na re gnas brtan nyid dang bcas so sor thar pa dang bcas zhes bya ba ni dge 'dun gyi gnas brtan nyid kyang yod cing de nyid so sor thar pa'i mdo gdon par byed pa yin te/ des na gang na gnas brtan kyang yod cing de nyid so sor thar pa'i mdo gdon par yang byed pa der 'gro bar yang bya'i de gnyis yar gyur par ni 'gro bar mi bya'o/ zhes zer te/ tshul khrims dang ldan pa zhes bya ba la sogs pas ni spyod pas ni spyod pa bzang po dang ldan pa nyid bstan to/ /de las gzhan du 'jug na zhes bya ba ni mkhan po la sogs pas bsgo ba de las gzhan du slob ma la sogs pa 'gro na'o/ /bro 'tshal ba zhes bya ba ni nad yod pa'i phyir ro/ /sdug bsngal ba zhes bya ba ni nad ni sdug bsngal gyi rgyu yin pa'i phyir te/ sdug bsngal dang ldan pa zhes bya ba ni tha tshig go /bro tshabs che ba zhes bya ba ni nad shin tu tshabs chen po dang ldan pa ste/ khri la nyal ba zhes bya ba'i tha tshig go /de'i yongs su dag pa blang bar bya'o zhes bya ba ni tshul khrims dang
- 347a
lta ba phun sum tshogs pa gnyis kyis gso sbyong nyams su myong bar rung ba nyid yin la/ tshul khrims dang lta ba phun sum tshogs pa mtshams kyi nang na gnas pa dag gis las nyams su myong bar rung gis gzhan gyi mi rung ba'i phyir ro/ /de'i phyir 'og nas kyang 'gro ba'i bla mas dge slong des bdag nyid rnam par dag par bya ba'i phyir yongs su dag pa phul lo/ zhes bya ba la sogs pa gsungs par 'byung ngo/ /phung nas zhes bya ba ni bzhag nas so/ /bar chad kyi chos rnams zhes bya ba ni pham par 'gyur ba la sogs pa'o/ /brjod do zhes bya ba ni khyod la brjod par bya'o zhes bya ba'o/ /rig par bgyid do zhes bya ba ni brgyud pas dge 'dun la yang rig par byed pa'o/ /lus kyi rnam par rig byed kyis zhes bya ba ni mgo gcog pa la sogs pas so/ /blang bar bya'o zhes bya ba ni bkur bar bya ba'o/ /brgyug par mi bya'o zhes bya ba ni brgyug cing 'gro bar mi bya ba'o/ /mgyogs par mi bya'o zhes bya ba ni brgyugs par cung zad dal ba'i 'gros kyis 'gro bar mi bya ba'o/ /mchod par mi bya'o zhes bya ba ni mchongs pa mi bya'o/ /phyi rol la mchod par mi bya'o zhes bya ba ni gtsug lag khang gi phyi rol gyi rtsig pa dang/ sa sgal la mchod par mi bya ba'o/ /'obs la mchod par mi bya'o zhes bya ba ni mtshams kyi 'obs la sogs pa'o/ /bang rim la mchod par mi bya'o zhes bya ba ni phyi rol gyi khyams kyi bang rim la'o/ /nam mkha' la 'dug par mi bya'o zhes bya ba ni nam mkha' la 'dug pa 'am 'gro bar mi bya'o/ /mtshams kyi phyi rol tu 'gro bar mi bya'o zhes bya ba ni mtshams kyi phyi rol tu 'gro bar mi bya'o/ /gom pa gcig gis skas kyi rim pa gnyis la thod rgal du 'dzag par mi bya'o zhes bya ba ni skas kyi gdang bu gzhan thod rgal du bzhag ste/ gzhan thod rgal du gom pa dor bar mi bya ba'o/ /gom pa gcig gis them skas kyi them pa gnyis la thod rgal du 'dzeg par mi bya'o/ zhes bya ba ni them skas gzhan bzhag nas gzhan du gom pa dor
- 347b
bar mi bya ba'o/ /chu lkog ma nub tsam la 'bog par mi bya'o/ /zhes bya ba ni 'gro ba'i lam gzhan yod na ste med na ni nyes pa med do/ /gnyid log par byed pa dang snyoms par 'jug par byed pa ni rgyu gnyis kyis smad par bya ba yin te/ zhes bya ba la/ ngo tsha med pa nyid ces bya ba ni bla ma dang yon tan can dag la mi gus pa'i phyir ro/ /ma klas pa nyid ces bya ba ni bstan pa de la the tshom za ba nyid dang/ ma nges pa nyid dang ma mos pa nyid dang/ ma gus pa nyid kyi bar ma don g.yel bar du ldom pa'o/ /ma lhags pa rnams kyi zhes bya ba ni mtshams kyi nang na 'khod pa dge 'dun gyi nang na ma 'dus pa rnams kyi'o/ /lan gsum du 'das zhes bya ba ni gang zag la bzlas pa'i sngags so/ /dge 'dun la bzlas pa ni lan gcig gis chog go /khyim pa nyid du zhes bya ba ni la sogs pa la/ dbyar gyi 'che ba zhes bya ba ni dam 'cha' ba' i steng khas len zhes bya ba'i tha tshig go /ji ltar khyim pa la sdom pa med pa de bzhin du bdag kyang sdom pa med pa nyid du khas len pa'i phyir des 'dun pa dang yongs su dag pa ma blangs pa yin no/ /ji ltar dge tshul dge slong gi las dag la mi rigs pa de bzhin du bdag kyang khas len pa'i phyir dang/ ji ltar za ma nyid nas rgyu thabs su gnas pa nyid bar dag sdom pa'i zhing du gyur pa ma yin pa de bzhin du bdag kyang khas len pa'i phyir dang/ ji ltar tha dad par gnas pa nyid rab tu byung ba thams cad las tha dad par gyur cing khyim pa dang 'dra ba de bzhin du bdag kyang tha dad par gyur pa nyid du khas len pa'i phyir dang/ ji ltar gnas par mi bya ba nyid nyams pa'i phyir cho ga 'khrugs shing sdom pa nyams pa de bzhin du bdag kyang khas len pa'i phyir de dag gis kyang 'dun pa dang/ yongs su dag pa ma blangs pa yin no/ /blangs pa yin te zhes bya ba la sogs pa la dge 'dun gyi nang du 'ongs te ma brjod na de ji ltar 'dun pa dang yongs su dag pa brjod par bya zhe na/ 'di la blangs pa nyid du khyed kyi the tshom med par khong du chud par
- 348a
bya'o zhes bstan pa'i phyir brjod par byed pa yin pas de dge 'dun gyi nang du 'ongs pa nyid kyis thams cad la the tshom med par gyur pas des na nyes pa'i skabs med do/ /de lta bas na blangs pa nyid du 'du shes pa las byed na ma brjod du zin kyang ltung bar mi 'gyur gyi gzhan du na ltung bar 'gyur ba kho nar rig par bya'o/ /yongs su dag pa la ji lta ba bzhin du 'dun pa la yang de bzhin du rig par bya'o/ /dge slong yongs su dag pa zhes bya ba ni ji skad bstan pa'i tshul khrims dang ldan pa'o// lta ba mthun pa zhes bya ba ni lta ba'i rnam pa drug cu rtsa gnyis ma bskyed pa'i phyir ro/ /de dge 'dun gyi gso sbyong bco lnga pa yin no zhes bya ba la/ gso sbyong bco lnga zhes smos pa ni gso sbyong bcu bzhi pa'i dpe ste/ ji skad du mdo las gso sbyong ni gnyis te/ bcu bzhi pa dang bco lnga pa'o/ /zhes gsungs pa'i phyir ro/ /byin gyis brlab po zhes bya ba ni dus gzhan du bya ba'i phyir dang/ bzhag par bya ba'o/ /rim pa zhes bya ba ni go rim ste/ de ni dge 'dun med pa'i phyir ro/ /'og ma dag la yang de bzhin du shes par bya'o/ /gcig la gcig brjod par bya'o zhes bya ba ni gcig la gcig gso sbyong zhing byin gyis brlab par bya ba'o/ /gsol ba byas te gso sbyong bya'o zhes bya ba ni byin gyis brlab pa'i gso sbyong yang yod pas de la dgar ba'i phyir te/ las dang bcas pa'i gso sbyong bya'o zhes bya ba'i tha tshig go /der ni nad pa yongs su dag pa'i blang bar mi bya'o zhes bya ba ni dge 'dun ma tshang ba'i phyir de'i yongs su dag pa blang ba dgag par mdzad de/ dge 'dun tshang na ni nad pa'i yongs su dag pa blang bar bya'o/ /sdom pa rgyal pos dge slong bzung ba dang zhes bya ba la sogs pa ni sngar spyi sdom la rgyal po zhes smos pa'i sdom gyi tshigs su bcad pa yin par sbyar ro/ /gsod pa zhes bya ba ni gshed ma'o/ /phyir rgol ba zhes bya ba ni longs spyod dbrog pa'i
- 348b
phyir brtson pa'o/ /dgra bo zhes bya ba ni khon gyi sha glon pa'i phyir brtson pa'o/ /dkyil 'khor bar do ste zhes bya ba ni dge slong bzung med mtshams kyi nang na 'dug na mi mthun pa spang ba'i phyir de skad gsungs pa yin gyi de mtshams kyi nang na mi 'dug na dkyil 'khor bar 'dod mi dgos so/ /de'i 'dun pa blang bar bya'o zhes bya ba la/ /gal te 'dun pa dang yongs su dge ba gnyis la bye brag ci yod ce na/ 'dun pa dbul ba la ni las mthun pa bsgrub pa'i phyir ro/ /yongs su dag pa dbul ba ni bdag nyid kyis gso sbyong nyams su myong bar bya ba'i phyir ro/ /de'i phyir dge slong des bdag nyid yongs su dag par bya ba'i phyir yongs su dag pa dbul bar bya zhing dge 'dun gyi las mthun par bya ba'i phyir de'i 'dun pa yang blang bar bya'o zhes gsungs pa yin no/ /de lta bas na gso sbyong dang/ dgag dbye gnyis la ni dge slong gi 'dun pa dang yongs su dag pa gnyis ka blang bar bya ba la/ mtshams bcad pa ma gtogs pa'i las gzhan la ni 'dun pa 'ba' zhig blang bar bya ste/ nye bar 'khor mtshams bcad pa ma gtogs pa'i las gzhan thams cad ni 'dun pa dang bcas pa yin no/ zhes gsungs pa'i phyir ro/ /sgren mo zhes bya ba ni 'doms ma g.yogs pa'i phyir ro/ /smyos zhes bya ni smyos byed kyi tha snyad nyams pa'i phyir ro/ /sems 'khrugs zhes bya ba ni rlung la sogs pas rang bzhin gyis sems nyams pa'i phyir ro/ /res 'ga' zhes bya ba ni dus lan 'ga' o/ /ltung ba zhes bya ba ni nyes byas la sogs pa'o/ /chos bzhin du phyir bya ba ni rnam par dag pa bsgrub pa'i phyir te ltung ba dang bcas pa las nyams su myong ba bkag pa'i phyir te/ 'og nas kyang thams cad yongs su dag pa lta ba mthun pa 'dug cing mthun par gyur pa dag gis gso sbyong bya'o zhes bya ba'o zhes bya ba la sogs pa 'byung ngo/ /dag pa'i mdza' tshun chad nas bzung ste zhes bya ba ni ltung ba med pa'i gnas skabs kyi mdza' tshun chad nas so//
- 349a
mthol lo zhes bya ba ni ming brjod par bya ba'o/ /'chags so zhes bya ba ni rigs brjod par bya ba'o/ /mi 'chab po zhes bya ba ni tshig tu brjod pa tsam 'ba' zhig tu ma zad kyi bdag yid kyis kyang ming chab pa'o/ /bde ba la reg pa zhes bya ba ni rnam par dag pa thob pa ste/ ltung ba dang bral ba'i rgyus yid yongs su dga' ba'o/ /phyin chad ces bya ba ni ma 'ongs pa'i dus na'o/ /sdom zhes bya ba ni mi byed pa'o/ /bar bcad pa zhes bya ba ni 'dir mi bya'o/ /dgos pa zhes bya ba ni gzhan gyis byas pa'i the tshom mo/ /yid gnyis zhes bya ba ni rang gis byas pa'i the tshom mo/ /bsal nas zhes bya ba ni yongs su spangs nas so/ /rang gis sems kyis byin gyis brlab par bya zhes bya ba ni las byed pas so/ /dge slong gzhan gyis ni dge drung na 'dug pa'i mdun bya'o/ /'di dang snga ma'i byin gyis brlab pa'i skabs dag tu ha cang yun rings na mi mdzes pas sngags lan re bzlas pas chog ste lan gsum ni mi dgos so/ /snang ba'i phyogs su zhes bya ba ni khyams la sogs par ro/ /mi 'dod bzhin du zhes bya ba ni mi dga' bzhin du'o/ /gleng bar mi bya zhes bya ba ni nyes pa bsgrags pas so/ /dran par mi bya zhes bya ba ni bshags pa'i dus dang grogs brjod pas so/ /sdom la sbyar ba mang dang zhes bya ba ni sogs pa ni sngar spyi sdom la sbyar ba mang zhes smos pa'i sdom gyi tshigs su bcad pa yin par sbyar ro/ /dge slong gang dag ma lhags pa zhes bya ba ni mtshams kyi nang na gnas pa gang dag las kyi gnas der ma lhag pa dag go /rung ngo snyam nas zhes bya ba ni rigs so snyam nas so/ /rtogs pas don du gnyer ba zhes bya ba la/ rtog pa zhes bya ba ni sgyu thabs so/ /de don du gnyer ba na sgyu thabs kyis 'jug pa'i las nges gso sbyong don du gnyer zhing byed 'dod pa'o/ /rtog pa'i yo byad can zhes bya ba ni sgyu thabs de nyid yo byad dang rgyur sbyar nas gso sbyong gi las la 'jug pa gang la yod
- 349b
dag go /de dag gis zhes bya ba ni snga ma dag gis te/ de dag gis sgyu thabs la sogs pa'i gso sbyong legs par ma byas pa de'i phyir phyis lhags pa dag gi don du yang gso sbyong bya ba kho nar rig par bya'o/ /rtog pa'i nyer bsdogs las zhes bya ba ni sgyu thabs las sbyor ba'i rgyu las so/ /'gal tshabs can du 'gyur ro/ /zhes bya ba ni las mi 'chags par byed pa'i nyes byas su 'gyur ba'o/ /yid gnyis kyis don du gnyer ba zhes bya ba la yid gnyis zhes bya ba ni the tshom za ba'o/ /des don du gnyer ba la ni the tshom gyis 'jug pa'i las des gso sbyong don du gnyer zhing byed 'dod pa'o/ /yid gnyis kyi yo byad can zhes bya ba ni the tshom de nyid yo byad dang rgyur byas nas gso sbyong gi las la 'jug pa gang la yod pa dag go /yid gnyis kyis nyer bsdogs las zhes bya ba ni the tshom la sbyor ba'i rgyu las so/ /med kyang rung zhes bya ba ni mi snang ba ni 'dug kyang rung snyam pa'o/ /de nyid 'dug kyang rung zhes bya ba ni gang nas 'ongs pa de nyid du 'dug kyang rung snyam pa'o/ /so sor gyur kyang rung zhes bya ba ni las tha dad par gyur kyang rung snyam pa'o// thag ring por gyur kyang rung snyam nas zhes bya ba ni thos pa'i nye 'khor du yang ma 'dug kyang rung snyam nas so/ /dbyen gyi don du gnyer ba zhes bya ba la/ dbyen zhes bya ba ni las dbye ba dang 'khor lo dbye ba'i bsams pa dang sbyor ba'o/ /des don gnyer ba ni dbyen gyi bsam pa dang sbyor bas 'jug pa'i las des gso sbyong don du gnyer zhing byed 'dod pa'o/ /dbyen gyis yo byad can zhes bya ba ni bsam pa dang sbyor ba de nyid yo byed dang rgyur byas nas gso sbyong gi las la 'jug pa gang la yod pa dag go /dbyen gyi nyer bsdogs las/ /zhes bya ba ni dbyen bya bar sems pa dang sbyor ba'i rgyu las so/ /nyes pa sbom por 'gyur ro zhes bya ba ni dge 'dun gyi dbyen byed pa'i dge 'dun lhag ma'i skabs kyi nyes pa sbom por 'gyur ba'o/ /sbyor ba mang po 'di la 'gres brgyad cu rtsa gcig
- 350a
yod de/ gnyug mar gnas pa dag 'dug cing mthun par gyur pa dag tu gnyug mar gnas pa nyung ngu dang mnyam pa dang/ mang po dag nyid lhags pa'i dbye bas 'gres gsum la rtog pa dang/ yid gnyis dang dbyen gyi bye brag gis gsum gsum dgur 'gyur te/ de ni dgu pa gcig go /gnyug mar gnas pa dag 'dug cing mthun par gyur pa dag tu glo bur du 'ongs pa nyung ngu dang mnyam pa dang/ mang po dag lhags pa'i dbye bas 'gres gsum la rtog pa dang/ yid gnyis dang/ dbyen gyi bye brag gis gsum gsum dgur 'gyur te/ de ni dgu gnyis pa'o/ /gnyug mar gnas pa dag 'dug cing mthun par gyur pa dag tu glo bur du 'ongs pa dag dang gnyug mar gnas pa 'dren ma nyung ngu dang/ mnyam pa dang/ mang po dag lhags pa'i dbye bas 'gres gsum la rtog pa dang/ yid gnyis dang/ dbyen gyi bye brag gi gsum gsum dgur 'gyur te/ de ni dgu pa gsum pa'o/ /glo bur du 'ongs pa dag 'dug cing mthun par gyur pa dag tu glo bur du 'ong ba dang gnyug mar gnas pa 'dren ma nyung ngu dang/ mnyam pa dang mang po dag lhags pa'i dbye bas 'gres gsum la rtog pa dang/ yid gnyis dang dbyen gyi bye brag gis gsum gsum dgur 'gyur te/ de ni dgu pa bzhi pa'o/ /glo bur 'ongs pa dag 'dug cing mthun par gyur pa dag tu gnyug mar gnas pa nyung ngu dang/ mnyam pa dang/ mang po dag lhags pa'i dbye bas 'gres gsum la rtog pa dang/ yid gnyis dang/ dbyen gyi bye brag gis gsum gsum dgur 'gyur te de ni dgu pa lnga pa'o/ /glo bur du 'ongs pa dag 'dug cing mthun par gyur pa dag tu glo bur du 'ongs pa dang/ gnyug mar gnas pa 'dren ma nyung ngu dang/ mnyam pa dang/ mang po dag lhags pa'i dbye bas 'gres gsum ma rtog pa dang yid gnyis dang/ dbyen gyi bye brag gis
- 350b
gsum gsum dgur 'gyur te/ de ni dgu pa drug pa'o/ /glo bur du 'ongs pa dang/ gnyug mar gnas pa dag 'dren mar 'dug cing mthun par gyur pa dag tu glo bur 'ongs pa dang/ gnyug mar gnas pa 'dren ma nyung ngu dang/ mnyam pa dang/ mang po dang lhags pa'i dbye bas 'gres gsum ma rtog pa dang/ yid gnyis dang/ dbyen gyi bye brag gi gsum gsum dgur 'gyur te/ de ni dgu ba bdun pa'o/ /glo bur du gnyug mar gnas pa dag 'dren mar 'dug cing mthun par 'gyur ba dag glo bur du 'ongs pa nyung ngu dang/ mnyam pa dang mang po dag lhags pa'i dbye bas 'gres gsum la rtog pa dang/ yid gnyis dang/ dbyen gyi bye brag gis gsum gsum dgur 'gyur te/ de ni dgu pa brgyad pa'o/ /glo bur du 'ongs pa dang gnyug mar gnas pa dag 'dren mar 'dug cing mthun par gyur pa dag tu gnyug mar gnas pa nyung ngu dang/ mnyam pa dang/ mang po dag lhags pa'i dbye bas 'gres gsum la rtog pa dang/ yid gnyis dang dbyen gyi bye brag gis gsum gsum dgur 'gyur te de ni dgu pa dgu pa'o/ /de ltar na 'dir 'gres dgu dgu brgyad cu rtsa gcig tu 'gyur ro/ /chos kyi 'du shes can zhes bya ba ni gso sbyong gi cho ga nyams par mi 'dod pa'i phyir ro/ /mthun pa'i 'du shes can zhes bya ba ni dge sbyong 'ga' dang yang mi mthun par mi 'dod pa'i phyir te/ gang dag mtshams kyi nang na gnas pa de dag thams cad der tshogs par sems pa'o/ /de dag gis zhes bya ba ni gnyug mar gnas pa sngar 'dug cing mthun par gyur pa dag gis so/ /gral rims bzhin du zhes bya ba ni rgan rims bzhin du'o/ /de dag dang zhes bya ba ni phyis lhags pa dag dang ngo/ /tshig 'di ni phyis lhags pa dag dang mi dga' bar 'gyur ba spang ba'i phyir te/ 'di ltar dge slong gnyug mar gnas pa dag phyi rol du dong ba na de dag gis gso sbyong brtsams shing de'i 'og tu gnyug mar gnas pa de dag phyir lhags pa na/ de dag
- 351a
'di snyam du bdag cag phyi rol du dong ba na 'di dag gis ma sdad par gso sbyong bya bar brtsams so/ zhes mi dga' bar 'gyur bas de spang pa'i phyir ro/ /de bas na de dag gis chos dang mthun pa'i 'du shes kyi gso sbyong byed pa na phyis lhags pa rnams kyi ched du yang gso sbyong bya ba 'di ni 'dod pas 'jug pa yin gyi nges pa ni ma yin no/ /'khor de ma lang sa shing dge slong dag ma dong bar zhes bya ba la/ 'khor de zhes bya ba gang zhe na/ dge slong dag go /ji ltar ma langs shing zhe na/ de'i phyir ma dong bar zhes bya ba gsungs te/ thos pa'i nye 'khor nas ma 'das shing gso sbyong gi gnas ma btang na zhes bya ba'i tha tshig go /de dag gi don du zhes bya ba ni phyis lhags pa dag gi don du ste/ 'di ni tshogs bas las bya bar rigs par nges pa yin gyi/ 'dod pas 'jug pa ni ma yin par rig par bya'o/ /de dag gis zhes bya ba ni snga ma dag gis so/ /tshogs pa zhes bya ba ni dong ba rnams yang gso sbyong gi gnas su phyir bsdu ba'o/ /'di ni 'dod pas 'jug pa yin gyis nges pa ni ma yin no/ /de dag gis dkyil 'khor bar dong ste zhes bya ba ni phyis lhags pa dag gis ste/ 'di ni mthun pa spang ba'i phyir ro/ /'di la 'dres bdun cu rtsa gnyis yod de/ gnyug mar gnas pa dag 'dug mthun par gyur pa dag rtag tu gnyug mar gnas pa nyung ngu dang mnyam pa dag nyid lhags pa'i dbye bas 'gres gnyis la gral rims dang/ gsol pa dang/ tshogs pa dang/ dkyil 'khor ba'i bye brag gis gnyis bzhi brgyad du 'gyur te de ni brgyad pa gcig go /gnyug mar gnas pa dag 'dug cing mthun par 'gyur ba dag tu glo bur du 'ongs pa nyung ngu dang mnyam pa dag lhags pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor
- 351b
pa'i bye brag gi gnyis bzhi brgyad du 'gyur te/ de ni brgyad pa gnyis pa'o/ /gnyug mar gnas pa dag cing mthun par gyur pa dag glo bur du 'ongs pa dang gnyug mar gnas pa 'dres ma nyung ngu dang mnyam pa dag lhags pa'i dbye bas 'dres gnyis la gral rims dang/ gsol pa dang/ tshogs pa dang/ dkyil 'khor ba'i bye brag gis gnyis bzhi brgyad du 'gyur te/ de ni brgyad pa gsum pa'o/ /glo bur du 'ongs pa dag 'dug cing mthun par gyur pa dag glo bur du 'ongs pa dang nyung ngu dang mnyam pa dag nyid lhags pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor ba'i bye brag gis gnyis bzhi brgyad du 'gyur te/ de ni brgyad pa bzhi pa'o/ /glo bur du 'ongs pa dag 'dug cing mthun par gyur pa dag glo bur du 'ongs pa dang/ gnyug mar gnas pa 'dren ma nyung ngu dang mnyam pa dag lhags pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor ba'i bye brag gnyis bzhi brgyad du 'gyur te/ de ni brgyad pa lnga pa'o/ /glo bur du 'ongs pa dag 'dug cing mthun par gyur pa dang gnyug mar gnas pa 'dren ma nyung dang mnyam pa dag lhags pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor pa'i bye brag gnyis bzhi brgyad du 'gyur te de ni brgyad pa drug pa'o/ /glo bur du 'ongs pa dang/ gnyug mar gnas pa dag 'dren mar 'dug cing mthun par gyur pa dag glo bur du 'ongs pa dang/ gnyug mar gnas pa 'dren ma nyung ngu dang mnyam pa dag lhags pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor pa'i bye brag gis gnyis bzhi brgyad du 'gyur te de ni brgyad pa bdun pa'o/ /glo bur du gnas pa dang gnyug ma pa gnas
- 352a
pa dag 'dren mar 'dug cing mthun par gyur pa dag tu gnyug mar gnas pa nyung ngu dang mnyam pa dag lhag pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor pa'i bye brag gnyis bzhi brgyad du 'gyur te de ni brgyad pa brgyad pa'o/ /glo bur du 'ongs pa dang/ gnyug mar gnas pa dag 'dren mar 'dug cing mthun par gyur pa dag tu glo bur du 'ongs pa nyung ngu dang mnyam pa dag lhags pa'i dbye bas 'gres gnyis la gral rims dang/ gsol ba dang/ tshogs pa dang/ dkyil 'khor pa'i bye brag gis gnyis bzhi brgyad du 'gyur te/ de ni brgyad pa dgu pa'o/ /de ltar na 'dir 'dres brgyad dgu bdun cu rtsa gnyis su 'gyur ro/ /de dag gis yang gsol ba byas te zhes bya ba la sogs pa la de dag gis zhes bya ba ni snga ma dag gis so/ /'gres bzhi po 'di la ni gsol ba dang/ ma dong ba dang/ kha cig dong ba dang/ thams cad dong ba'i bye brag gis rnam par bzhag go /las bya ba ni 'gres snga ma dag la nyung ngu dang mnyam pa phyis lhags pa dag ni 'dod pas 'jug pa yin no/ /'gres 'di la mang po phyis lhag pa dag ni ngas pa yin te/ 'di ltar mang po dag mthu che ba'i phyir ro/ /'di la 'gres sum cu rtsa drug yod de/ gnyug mar gnas pa dag 'dug cing mthun par gyur pa dag tu gnyug mar gnas pa mang po dag nyid lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong ba'i bye brag gis bzhir 'gyur te/ de ni bzhi pa gcig go /gnyug mar gnas pa dag 'dug cing mthun par gyur pa dag du glo bur du 'ongs pa mang po dag lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong pa'i bye brag gis bzhir 'gyur te/ de ni bzhi pa gnyis pa'o/ /gnyug mar
- 352b
gnas pa dag 'dug cing mthun par gyur pa dag tu glo bur du 'ongs pa dang/ gnyug mar gnas pa 'dren ma mang po dag lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong ba'i bye brag gis bzhir 'gyur te/ de ni bzhi pa gsum pa'o/ /glo bur du 'ongs pa 'dug cing mthun par gyur pa dag glo bur du 'ongs pa mang po dag nyid lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong ba'i bye brag gis bzhir 'gyur te de ni bzhi pa'o/ /glo bur du 'ongs pa dag 'dug cing mthun par gyur pa dag tu gnyug mar gnas pa mang po dag lhags pa'i dbye bas 'gres cig la gsol ba dang/ ma dong ba dang/ kha cig dong ba dang/ thams cad dong pa'i bye brag gis bzhir 'gyur te de ni bzhi pa lnga pa'o/ /glo bur du 'ongs pa dag 'dug cing mthun par gyur pa dag glo bur du 'ongs pa dang gnyug mar gnas pa 'dren ma mang po dag lhags pa'i dbye bas 'gres gcig la gsol ba dang/ ma dong ba dang kha cig dong ba dang/ thams cad dong ba'i bye brag gis bzhir 'gyur te/ de ni bzhi pa drug pa'o/ /glo bur du 'ongs pa dag gnyug mar gnas pa 'dren ma dag 'dug cing mthun par gyur pa dag tu glo bur du 'ongs pa dang gnyug mar gnas pa mang po dag nyid lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong ba'i bye brag gis bzhir 'gyur te de ni bzhi pa bdun pa'o/ /glo bur du 'ongs pa dang/ gnyug mar gnas pa dag 'dug cing mthun par gyur pa dag gnyug mar gnas pa mang po dag lhags pa'i dbye bas 'gres gcig la gsol ba dang/ ma dong ba dang/ kha cig dong ba dang/ thams cad dong ba'i bye brag gis bzhir 'gyur te/ de ni bzhi pa brgyad pa'o/ /glo bur du 'ongs pa dang gnyug mar gnas pa dag 'dug cing mthun par gyur pa dag glo bur du 'ongs pa mang po dag lhags pa'i dbye bas 'gres gcig la gsol ba
- 353a
dang/ ma dong ba dang/ kha cig dong ba dang/ thams cad dong ba'i bye brag gis bzhir 'gyur te/ de ni bzhi pa dgu pa'o/ /de ltar na 'dir 'gres dgu bzhi sum cu rtsa drug tu 'gyur ro/ /dge slong gnyug mar gnas pa dag gis ni tshes bco lnga yin la/ zhes bya ba la sogs pa ni tshes grangs mi mthun pas sam rgyu skar gyi rjes su 'byung bas so/ /rjes su 'jug par bya'o/ /zhes bya ba ni de dag gi tsheg gis gso sbyong bya ba 'am mi bya'o/ /'dir nyung ngus mang po dag gi rjes su 'jug par bya ba ni nges pa yin te/ mang po dag mthu tshe ba'i phyir ro/ /mnyam pa yin na ni gnyug mar gnas pa dag gi rjes su 'jug par bya ste/ gnyug mar gnas pa dag mthu chen pa'i phyir ro/ 'di la 'gres drug yod do/ gnyug mar gnas pa mang po dag gis tshes bco lnga yin la/ glo bur du 'ongs pa nyung ngu dag gi tshes bcu bzhi 'am/ tshes gcig yin pa dang/ gnyug mar gnas pa mnyam pa dag gi tshes bco lnga yin la glo bur du 'ongs pa mang po dag gi tshes bcu bzhi 'am/ tshes gcig yin pa dang/ glo bur du 'ongs pa mang po dag gis tshes bco lnga yin la gnyug mar gnas pa dag gi tshes bcu bzhi 'am/ tshes gcig yin pa dang/ glo bur du 'ongs pa mnyam pa dag gi tshes bco lnga yin la/ gnyug mar gnas pa 'am mnyam pa dag gi tshes bcu bzhi 'am/ tshes gcig yin pa dang/ glo bur du 'ongs pa nyung ngu dag gi tshes bco lnga yin la gnyug mar gnas pa mang po dag gi tshes bcu bzhi 'am/ tshes gcig pa yin pa'o/ /glo bur du 'ongs pa'i rnam pa zhes bya ba ni/ yo byad dag gnas pa ma yin par bzhag pa'o// glo bur du 'ongs pa'i rtags zhes bya ba ni/ yo byad dag phung po gcig tu byas pa'o/ /glo bur du 'ongs pa'i mtshan ma zhes bya ba ni mchil lham dang gos las byung ba'i rdul gyis rtswa dag la gos pa'o/ /gzhan gyi zhes bya ba ni gzhan gyi rgyud du rtogs
- 353b
pa'o/ /'khar ba zhes bya ba ni 'khar bsil lo/ /btur bu zhes bya ba ni chos gos kyi snod do/ /'bru mar snod ces ces bya ba ni/ 'bru mar gyi snod dam bum tshags gce'u can no/ /lhag pa'i bsam pas zhes bya ba ni sgyu med pas so/ /thos pa'i skabs su glo bur du 'ongs pa'i rnam pa zhes bya ba ni/ /gtang rag go /glo bur du 'ongs pa'i rtags zhes bya ba ni skad sel ba la sogs pa'i sgra'o/ /glo bur du 'ongs pa'i mtshan ma zhes bya ba ni de dag nyid kyi lang long nyid do/ /gtang rag ces bya ba ni sgra'i yon tan te/ snyan pa la sogs pa'o/ /gnyug mar gnas pa'i rnam pa zhes bya ba ni/ chag chag la sogs pa'o/ /gnyug mar gnas pa'i rtags zhes bya ba ni/ gnas mal bshams pa'o/ /gnyug mar gnas pa'i mtshan ma zhes bya ba ni 'bru mar gyi mar me sbar pa'o/ /'bru mar gyi mar me zhes bya ba ni 'bru mar gyi me mar ro/ /thos pa'i skabs su gnyug mar gnas pa'i rnam pa zhes bya ba ni/ skabs sel ba la sogs pa'i sgra'o/ /gnyug mar gnas pa'i rtags zhes bya ba ni lde mig dang lde mig kyog po la sogs pa'i sgra'o/ /gnyug mar gnas pa'i mtshan ma zhes bya ba ni gtang rag go /'di la yang 'dres bdun cu rtsa gnyis yod de/ gnyug mar gnas pa dag 'dug cing mthun par gyur pa dag tu glo bur du 'ongs pa nyung ngu dang mnyam pa dang mang po dag lhags pa mthong ba'i dbye bas 'gres gsum la dbyen dang yid gnyis dang mi mthun pa dang/ rtog pa dang/ ma rnyed pa dang/ rnyed pa'i bye brag gis gsum du bco brgyad du 'gyur te/ de ni bco brgyad pa gcig go /gnyug mar gnas pa dag 'dug cing mthun par gyur pa dag tu glo bur du 'ongs pa nyung ngu dang mnyam pa dang/ mang po dag lhags pa thos pa'i dbye bas 'gres gsum dbyen dang/ yid gnyis dang/ mi mthun pa dang/ rtog pa dang/ ma rnyed pa dang/ rnyed pa'i bye brag gis gsum drug bco brgyad du 'gyur te de ni bco brgyad pa gnyis pa'o/ /glo bur du 'ongs pa dag 'dug cing mthun par gyur pa
- 354a
dag tu gnyug mar gnas pa nyung ngu dang mnyam pa dang/ mang po dag lhags pa mthong ba'i dbye bas 'gres gsum la dbyen dang/ yid gnyis dang/ mi mthun pa dang/ rtog pa dang/ ma rnyed pa dang/ rnyed pa'i bye brag gis gsum drug bco brgyad du 'gyur te de ni bco brgyad pa gsum pa'o/ /glo bur du 'ongs pa dag 'dug cing mthun par gyur pa dag gnyug par gnas pa nyung ngu dang/ mnyam pa dang/ mang po dag lhags pa'i thos pa'i dbye bas 'gres gsum la dbyen dang/ yid gnyis dang mi mthun pa dang/ rtog pa dang/ ma rnyed pa dang/ rnyed pa'i bye brag gis gsum drug bco brgyad du 'gyur te de ni bco brgyad pa bzhi pa'o/ /de ltar na 'dir 'dres bco brgyad phrag bzhi la bdun cu rtsa gnyis su 'gyur ro/ /'gro bar bya'o zhes bya ba la sogs pa 'dis ni so sor thar pa'i mdo 'don pa med na dge slong de dag gis gnas der gso sbyong gzhan la gtang par mi bya zhing gnas der khas blangs par mi bya'o/ zhes bstan pa de'i dmigs kyis gsal ba bstan to/ /de nyid kyi bye brag bstan pa'i phyir/ dge slong dang bcas pa'i gnas nas zhes bya ba la sogs pa gsungs so/ /ci cho ga 'di mgo gcig tu gsungs pa yin na zhe na de'i phyir 'gro bar mi bya'o zhes bya ba la sogs pa gsungs so/ 'thab krol byed pa zhes bya ba ni rtsub mo smra ba'i mtshan nyid kyi 'thab krol byed pa'o/ /rtsod pa'i gzhi byed pa zhes bya ba la/ rtsod pa'i gzhi zhes bya ba ni 'thab mo'i gleng gzhi ste/ kun nas slong bar byed pa ni byed pa'o/ /so sor thar pa'i mdo 'don pa med kyang dge slong tshul khrims ston ka'i zla ba'i 'od zer gyi tshogs pas ches dkar ba tshul bzang po rnams kyi nang du tshul khrims yongs su gso ba 'grub pa ltar dge slong 'thab krol byed pa'i skyon gyi gnod pa'i 'dam rdzab can tshul ngan pa rnams kyi nang du so sor thar pa'i mdo 'don pa yod kyang tshul khrims yongs su dag
- 354b
pa gso ba 'grub par mi 'gyur bas de'i phyir dgag pa mdzad de 'og ma dag la yang de bzhin du ci rigs par shes par bya'o/ /gang du song na zhes bya ba la sogs pa la lus dang sems kyis bde ba la reg par 'gyur ba zhes bya ba ni shin tu sbyangs pa skye ba'o/ /gang gi phyir lus dang sems shin tu rnam par sbyangs pa gcig tu sems rab tu zhi zhing skye bo ngan pa'i 'du 'dzi dang bral ba tshul khrims yongs su gso ba ches lhags pa skyes pas de'i phyir 'di rjes su gnang te/ 'og ma dag la yang de bzhin du ci rig par shes par bya'o/ /gnod pa zhes bya ba ni dge slong gi tshul gyi bar chad do/ /dge slong med pa'i gnas na gnas pa ni bla'i dge slong dang bcas pa'i gnas na dge sbyong gi tshul dang srog gi bar chad kyi mtshan nyid kyi gnod pa 'byung bar 'gyur ba ni mi rung ngo/ /dge 'dun thams cad der 'gro ba zhes bya ba ni dge slong dang bcas pa nyid du 'gyur bas rjes su gnang ba ste/ 'og ma dag la 'ang de bzhin du shes par bya'o/ /las thams cad ni las/ brgya rtsa gcig go /yod pa'i zhes bya ba ni byed pa'o/ /las kha cig ces bya ba ni gsol ba la sogs pa'o/ /glo bur ba'i gnas pa zhes bya ba ni ya mtshan thams cad kyi thun mong gi gnas 'dug nas zhes bya ba'i tha tshig go /'di la 'gres bcu gnyis yod de/ dge slong dang bcas pa'i gnas nas dge slong dang bcas pa'i gnas tshul khrims dang lta ba dang ldan par 'gro bar bya ba ni 'gres gcig go /dge slong dang bcas pa'i gnas nas dge slong dang bcas pa'i gnas 'thab krol la sogs pa dang ldan par 'gro bar mi bya ba ni 'gres gnyis pa'o/ /dge slong dang bcas pa'i gnas nas dge slong dang bcas pa'i gnas dang/ dge slong dang bcas pa'i gnas ma yin pa tshul khrims dang lta ba dang ldan par 'gro bar bya ba ni gsum pa'o/ /dge slong dang bcas pa'i gnas nas dge slong dang bcas pa'i gnas dang/ dge slong dang
- 355a
bcas pa gnas ma yin pa 'thab krol byed pa la sogs par ldan par 'go bar mi bya ba ni bzhi pa'o/ /dge slong dang bcas pa'i gnas dang dge slong dang bcas pa gnas ma yin pa nas dge slong dang bcas pa'i gnas dang/ dge slong dang bcas pa gnas ma yin pa tshul khrims dang lta ba dang ldan par 'gro bar bya ba ni lnga pa'o/ /dge slong dang bcas pa'i gnas dang/ dge slong dang bcas pa'i gnas ma yin pa nas dge slong dang bcas pa'i gnas dang/ dge slong dang bcas pa'i gnas ma yin pa 'thab krol byed pa la sogs pa dang ldan par 'gro bar mi bya ba ni drug pa'o/ /dge slong dang bcas pa'i gnas ma yin pa dang/ dge slong dang bcas pa gnas dang ma yin pa nas dge slong med pa'i gnas shin tu sbyangs pa'i 'gro bar bya ba ni bdun pa'o/ /dge slong dang bcas pa gnas ma yin pa dang/ dge slong dang bcas pa gnas dang gnas ma yin pa nas dge slong med pa'i gnas su/ gnod pa byung ba la sogs pa ma gtogs par 'gro bar mi bya ba ni brgyad pa'o/ /dge slong dang bcas pa'i gnas dang/ dge slong dang bcas pa gnas ma yin pa dang/ dge slong dang bcas pa gnas dang gnas ma yin pa dang/ dge slong med pa'i gnas nas dge slong med pa'i gnas su shin tu sbyangs pa'i phyir 'gro bar bya ba ni dgu pa'o/ /dge slong dang bcas pa gnas ma yin pa dang/ dge slong dang bcas pa gnas dang gnas ma yin pa dang/ dge slong med pa'i gnas nas dge slong med pa'i gnas su gnod pa byung ba la sogs pa ma gtogs par 'gro bar mi ba bya ni bcu pa'o/ /dge slong dang bcas pa'i gnas dang dge slong dang bcas pa'i gnas ma yin pa dang/ dge slong dang bcas pa gnas pa dang/ gnas ma yin pa dang/ dge slong med pa'i gnas dang/ dge slong med pa gnas ma yin pa nas dge slong med
- 355b
pa gnas dang gnas ma yin par shin tu sbyangs pa'i phyir 'gro bar bya ba ni bcu gcig pa'o/ /dge slong dang bcas pa'i gnas dang/ dge slong dang bcas pa'i gnas ma yin pa dang/ dge slong dang bcas pa gnas dang gnas ma yin pa dang/ dge slong med pa'i gnas dang/ dge slong med pa gnas ma yin pa nas dge slong med pa gnas yin par gnod pa byung ba la sogs pa ma gtogs par 'gro bar mi bya ba ni bcu gnyis pa'o/ /sbyar ba mang po man chad 'di yan chad kyi 'gres thams cad spyir sdoms na 'gres nyis brgya bdun cu rtsa gnyis yod do/ /yongs su dag pa zhes bya ba ni bsdam par bya ba kha na ma tho ba dag gis kyang yongs su dag pa'o/ /'dul ba gzhi rgya cher 'grel ba mdo sde 'dzin pa dge legs bshes gnyen gyis nye bar sbyar ba las/ gso sbyong gi gzhi rgya cher 'grel pa rdzogs so// //bam po bcu gsum pa/ /sdom la/ dgag dbye rjes su gnang ba dang/ zhes bya ba la sogs pa ni dgag dbye'i bzhi'i spyi sdom las dgag dbye zhes smos pa'i sdom gyi tshigs su bcad pa yin par sbyar ro/ /tshul khrims nyams pa zhes bya ba ni rang bzhin gyis kha na ma tho ba dang bcas pa lhags par spyod pa'o/ /lta ba nyams pa zhes bya ba ni bdag tu lta ba la sogs kun tu spyad pa'o/ /cho ga nyams pa zhes bya ba ni bcas pa'i kha na ma tho ba dang bcas lhag par spyod pa'o/ /'tsho ba nyams pa zhes bya ba ni log par 'tsho ba'o/ /gtsang ma'i bum pa zhes bya ba ni rung ba'i chu dang zang zing gi chu snod do/ /chab khud sa'i bum pa zhes bya ba ni yongs su spyad pa'i chu snod de/ / gsol ces bya ba ni chu dgos pa shas shig yod pa'o/ /gsob ces bya ba ni chu mi dgos pa shas shig yod pa'o/ /chu med pa zhes bya ba ni chu gtan med pa'o/ /yang na gsog ces bya ba ni de ni gnas pa'i tshul med pa'o/ /gsob ces
- 356a
bya ba ni glo bur bsnan pa'i chu med pa'o/ /chu med pa zhes bya ba ni gnyis ga ye med pa'o/ /nus na zhes bya ba ni phong pa'o/ /lag brdas zhes bya ba ni lag pa'i mtshan ma bstan pas so/ /gnas ji lta ba bzhin du zhes bya ba ni gang gi gnas gang yin pa'o/ /gcig la gcig mi smra bar zhes bya ba ni tshig dang ldan par mi smra bar ro/ /dgra bo dang 'grogs pa bzhin du zhes bya ba ni dgra bo dang lhan cig 'khod pa bzhin du cang mi smra ba'o/ /mu stegs can gyi rgyal mtshan zhes bya ba ni mu stegs can gyi rtags ni mi smra ba yi dam mo/ /mi smra ba zhes bya ba ni tshig med par 'dug pa'o/ /mi smra ba'i yi dam bca' bar mi bya'o zhes bya ba ni yi dam bca' ba sngon du btang ste mi smra ba'i brtul zhugs blang bar mi bya'o/ /'gal tshabs can du 'gyur ro zhes bya ba ni nyes su 'gyur ba'o/ /dag pa dang grol bar lta bas yi dam 'cha' na ni dge 'dun gyi skabs su gtogs pa'i nyes pa sbom por 'gyur ro/ /'di ltar zhes bya ba la sogs pas ni dge slong de dag gis dbyar gnas par khas blangs nas dgag dbye ma byas par des na dgag dbye bya ba 'di rjes su gnang ngo/ /dogs pa zhes bya ba ni mtshan ma las byung ba'i shes pa'o/ /gnas zhes bya ba ni rgyu'o/ /zhag bcu 'am zla ba phyed kyis dgag dbye 'byung bar 'gyur ba na zhes bya ba ni de tsam gyi mdun nas so/ /kha cig las ni zhag bdun nas brgyad pa zhes 'byung ngo/ / spyod yul du zhes bya ba ni gtsug lag khang dang nye ba'i grong du'o/ /nyi ma 'di tsam na dge 'dun gyi dgag dbye 'byung bar 'gyur ro/ /zhes brjod par bya'o zhes bya ba ni phyin chad zhag 'di tsam na dge 'dun dgag dbye mdzad par 'gyur
- 356b
ba khyed cag la brjod pa yin no zhes brjod par bya ba'o/ /'di ni spyod yul na gnas pa'i sems can bsod nams la sbyar ba'i phyir gsungs pa yin no/ /dge slong gnas par bya ba dag gis zhes bya ba ni gnas la rag las pa dag gis te/ mkhan po dang slob dpon la brten pa dag gis shes pa'i tha tshig go /mchod pa'i dbang du byas pa zhes bya ba ni mchod pa rtsom pa ste/ gtsug lag khang brgyan pa dang/ khang pa brtsegs pa brtsigs pa dang/ mchod rten dag gso ba dang/ byi dor bya ba la sogs pa'o/ /byug pas byug par zhes bya ba ni gur gum la sogs pas bri bar bya ba 'am/ /ral pa dang 'drums pa la sogs pa bcos par bya ba'o/ /byi dor bya ba ni ras la sogs pas rdul la sogs pa phyi bar bya ba'o/ /gtsang khang phyur bu dag ces bya ba ni dri gtsang khang spyi cog ste/ bltams pa dang/ byang chub dang/ chos kyi 'khor lo dang/ yongs su mya ngan las 'das pa chen po zhes bya ba la sogs pa'o// brgyan par bya'o zhes bya ba ni ri mo 'bri ba dang/ gos la sogs pas brgyan par bya ba'o/ /chag chag gdab par bya ba la sogs pa/ yang mchod pa'i dbang du byas pa'i las yin no/ /mtshan thog thag tu chos mnyan pa sbyin par bya'o zhes bya ba ni tshes bcu bzhi la seng ge'i khri brgyan pa bshams nas do? nub mtshan thog thag chos mnyan pa 'byung bar 'gyur gyis dar tshe dang ldan pa dag gis tshogs pa sbyin par bya'o zhes spyod yul las su brjod nas// mdo sde dang/ 'dul ba dang/ ma mo 'dzin pa la sogs pa gdab pa dag gis tshes bcu bzhi'i mtshan thog thag tu kha ton du 'don pas chos mnyan pa sbyin par bya ba'o/ /gal te skya rengs ma shar bar dgag dbye mi nus par
- 357a
shes na shes par bya ste/ ci bder bya'o zhes bya ba ni tshes bco lnga'i nub mo mdo sde dang/ 'dul ba dang ma mo 'dzin pa de dag gis dgag dbye'i las la ma bab pa'i mdun rol tshun chad du chos dang ldan pa'i gtam rnam par gtan la dbab pas mtshan 'da' bar bya zhing dus ji tsam nas dgag dbye'i las brtsams pa'i las kyi mjug dang skya reng dang por mi phrad par de tsam du shes pa bya ste/ chos dang ldan pa'i gtam rnam par gtan la dbab pa ci bder bya zhing dgag dbye'i las kyi mgo brtsams par bya'o zhes bya ba'i tha tshig go /'di skad du bstan te dgag dbye'i las ni skya rengs dang por shar ba'i mdun du zin par bya dgos pas gal te skya reng ma shar bar dgag dbye'i las zin par mi nus par shes nas ji tsam gyis nus par shes pa tsam nas chos bshad pa bzhag cing las brtsam par bya ba'o/ /dge slong dgag dbye byed pa gcig gam gnyis sam rab tu mang po dag bsko bar bya'o/ zhes bya ba ni gal te gcig gis nus na gcig bsko bar bya'o/ /gcig gis mi nus na gnyis bsko bar bya'o/ /gnyis kyis mi nus na gsum bsko bar bya'o/ /bzhi yan chad ni bsko bar mi bya ste/ tshogs kyi las byar mi rung ba'i phyir ro/ /rtsa ku sha nye bar bzhag par bya zhing de'i 'og tu dgram par bya'o zhes bya ba ni dge slong dgag dbye byed pa des snga nas rtsa ku sha sta gon bya zhing de'i 'og tu dge 'dun thams cad la khyad par brims par bya'o/ /de ni dgag dbye go bar byed pa'i dus na dgag dbye bya ba dang/ dgag dbye ba gnyis ka'i lag pas phan tshun nas bzung bar bya ba yin te/ de ji ltar rtsa ku sha 'di gang 'dud par byed pa de bzhin du bdag kyang ltung ba chos bzhin du phyir bya ba'i phyir dge slong rnams la 'dud par byed do zhes bya ba ni don 'di bstan pa'i phyir bya'o zhes 'dul ba
- 357b
'dzin pa dag gis man ngag las shes par bya'o/ /gdams su gsol zhes bya ba ni bya bar 'os pa nyid du brjod cig pa'o/ /rjes su bstan du gsol zhes bya ba ni bya bar mi 'os pa mi bya ba nyid du brjod cig pa'o/ /shes shing zhes bya ba ni gzhan gyi rkyen gyis shes pa'o/ /mthong na zhes bya ba ni bdag nyid kyis brtag ste'o/ /chos bzhin zhes bya ba ni ltung ba'i ngo bo nyid las mi 'da' bar ro/ /'dul ba bzhin zhes bya ba ni 'dul ba bzhin phyir bcos pa las mi 'da' bar ro/ /slar bgyi'o zhes bya ba ni phyir bcos par bya ba'o/ /de tsam gyis nad pa ngal ba dang/ gnas phan tshun du 'gyur ba dang/ dus las yol ba dang/ gnod pa 'byung na lan gnyis bzlas so zhes bya ba ni lan gsum bzlas pa de tsam gyis nad pa la de ngal ba 'byung ba 'am/ gnas mal phan tshun du gyur pa byung ngam/ dus las yol ba byung ngam/ gnod pa byung ba lta na dgag dbye go bar bya ba'i sngags lan gnyis bzla bar bya'o/ /de'i 'og tu dge slong las byed pas dgag dbye byas te zhes bya ba ni des dge slong gi gral gyi dgag dbye rdzogs nas rang gi dgag dbye bya ba'o/ /legs par zhes bya ba ni mdzes shing kha na ma tho ba med par ro/ /shin tu zhes bya ba ni 'di la the tshom med do zhes bya ba'o/ /yang na legs par byas zhes bya ba ni rigs par ro/ /shin tu zhes bya ba ni bde ba'i rgyur ro/ /rdzas zhes bya ba ni khab la sogs pa'i rdzas so/ /'di lta bu byas kyang zhes bya ba ni chung ngus kyang ngo/ /dgag dbye bgyir rung ngo zhes bya ba ni mchod pa'i phyir mgron du gnyer du rung ba'o/ /'di ni sbyin par byed pa rnams kyi bsod nams kyi 'du ba'i sgo'i bye brag bstan pa'i phyir bcas te 'di ltar dgag dbye byas pa'i dge slong gi dge 'dun ni dge legs kyi bsam pa can yin pa'i phyir shin tu yongs su dag pa dang byams pa'i sems dang ldan pa'i phyir shin tu dad par 'gyur ba yin pas de'i phyir
- 358a
bsod nams kyi zhing ches khyad par 'phags pa yin pas de la sbyin pa byin na 'bras bu ches mang por 'gyur ro/ /de'i 'og tu dge tshul rnams la dgag dbye bya'o zhes bya ba ni rdzas kyi dgag dbye byas pa'i 'og tu dgag dbye byed pa des dge tshul rnams la dgag dbye byed pa'o/ /de'i 'og tu dge slong rnams la dgag dbye bya ba'o zhes bya ba ni dge tshul rnams la dgag dbye byas pa'i 'og tu dgag dbye byed pa des dge slong ma rnams la dgag dbye bya ba'o/ /rang gi phyogs ma rdzogs par phyogs gzhan la 'jug par mi rigs pas des na dge slong// //sarba mang+ga laM// //