Text
ff. 1a–353a · 689 folio sides
- 1a
*/ (/gsang 'dus kyi 'grel chen kun snying ma'i dum bu bzhi pa bzhugs//)
- 1b
de bzhin du lus kun la rgyan gyi bye brag sna tshogs kyis brgyan par bya'o/ /de ltar byas pa'i 'og tu pra dbab bar bya ba'i snod kyi ngo bor brtag par bya bar brtag go /mdor bsdu ba de ltar mtshan nyid thams cad yongs rdzogs pa/ / bzung nas dbab par rab tu brtag gi don du gsungs so/ /cho ga thams cad byas nas ni/ /las rnams thams cad 'grub par 'gyur zhes pa ni/ cho ga thams cad ni pra dbab par bya ba'i gnas dang/ dkyil 'khor dang/ de'i
- 2a
gnas su me tog la sogs pa tshul ji ltar smos pa'i mchod pa phun sum tshogs pa dang/ gzhan yang bu mo 'am khye 'u'i lus kyi gnas gsum du sku gsung thugs kyi rigs gsum gyi sngags kyi sa bon yig 'bru dgod par bya ba dang/ cho ga'i thabs de bya ba'i cho gas lha thams cad dang/ sa'i lha mo phab nas gnas gcig tu 'dug par bya ba dang/ de dag la sogs pa cho ga thams cad kyi tshul ma nor bar byas nas/ de'i 'og tu pra dbab pa'i las kyi bsgrub pa bya bar bstan to/ /de ltar cho ga thams cad byas nas ni/ /las rnams
- 2b
thams cad 'grub par 'gyur gyi don du gsungs so/ /rnam pa gzhan du byas na ni/ khams gsum skye bos dpyas par 'gyur/ /zhes bya ba ni/ sgrub pa pos rgyud 'di'i nang nas smos pa'i rigs 'dzin phyag mtshan rdzas kyi sbyor ba las bsgrub pa bya ba dang/ /rig pa 'dzin ri lu'i rdzas kyi sbyor ba la sogs pa thams cad kyi nang nas gang sgrub pa'i gong du/ mdun du smos pra dbab par bya'o/ /bstan par bya ste/ pra ma phab par sgrub pa byas nas/ gal te dngos grub kyi 'bras bum grub na de skyon gyi khams gsum na gnas pa'i lha dang mi la sogs pa sems can thams cad kyi gsang sngags kyi sgrub pa la 'phya bar 'gyur ro/ /pra phab nas sgrub pa bya bar mos pa de ni bsgrub pa po blo 'bring por bstan to/ /mdor bsdu ba de ltar rnam pa gzhan du byas nas ni/ /khams gsum skye bos dpyas
- 3a
par 'gyur gyi don du gsungs so/ /de la snying po ni 'di rnams so/ /hUM a dzhai/ zhes bya ba ni/ sngags kyi snying po 'di bzhi la/ pra dbab par bya ba'i snod bu mo 'am/ khyi'u yi lus kyi gnas gsum du dgod par bya ba'i tshul tu gong du bstan pa dang/ sngags kyi snying po dzhai'i? don ni 'og nas 'chad do/ / nam mkha' i khams ni sems med cing/ rtog pa thams cad rnam spangs dang/ /rdo rje sems dpa' bdag nyid kyang/ /cho ga bzhin du byas na 'bab/ zhes bya ba'i don bshad par bya ste/ ci ltar yin na/ pra dbab pa'i snod kyi ngo bo de la ci ltar smos pa'i tshul gyi sngags kyi yig 'bru bkod pa la sogs pa'i cho ga thams cad byas pa'i 'og tu/ sgrub pa pos phyin ci log gi rnam par rtog pa spangs nas bsgom par bya ba yin no/ /de byas pas nam mkha' i khams
- 3b
gang ba'i lha dang mi la sogs pa sems can thams cad sems med par zhes pa dran bzhin du 'bab par gyur par bstan to/ /de ltar nam mkha' i khams ni sems med cing/ rtog pa thams cad rnam spangs pa'i don du gsungs so/ /rdo rje sems dpa' bdag nyid kyang/ /cho ga bzhin du byas na 'bab ces pa ni/ gong du smos pa'i cho ga'i bye brag ma nor bar bsgom par byas na/ /de bzhin gshegs pa thams cad kyi dpal rdo rje sems dpa' de nyid kyang nges par 'babs par 'gyur ro/ /tshig des phyi'i ci ltar smos pa'i lha dang mi la sogs pa mngon par shes pa dang ldan pa 'bab par 'gyur ba ni/ ngo mtshar mi che bar bstan to/ /de ltar rdo rje sems dpa' bdag nyid kyang/ /cho ga bzhin du byas na 'bab kyi don du gsungs so/ /hUM ni rdo rje sems dpa' i bdag /ha ni sku'i rdo rje can/ /a ni chos 'dzin rgyal po ste/ / 'di ni gsang ba'i gnas brtan pa'o/ /zhes bya ba'i don bshad par bya ste/ ci ltar yin na/ hUM ni rdo rje sems dpa' i bdag /ni gong du smos pa'i pra dbab pa'i snod bu mo 'am/ khye'u lus la sngags sa bon yig 'bru hUM snying ga'i nang du zla ba'i dkyil 'khor du gyur par byas pas de ni dpal rdo rje sems dpa' nyid kyi ye shes kyi bdag nyid yin te/ de la phyi lha thams cad dang/ sa'i lha mo dbab pa'i gnas
- 4a
su smos so/ /de ltar hUM ni rdo rje sems dpa' i bdag gi don du gsungs so/ /ha ni sku'i rdo rje can zhes pa ni/ pra dbab par bya ba'i snod kyi spyi bor sngags kyi sa bon yig 'bru a bkod pa de ni sku'i rigs rnam par snang mdzad kyi ye shes dang gnyis su med pa'i ngo bo yin te/ de mdun du smos pa'i bzhin du bkod pas khams gsum na gnas pa'i lha thams cad/ ci ltar smos pa'i tshul gyis bkug nas snying ga'i zla ba'i dkyil 'khor gyi gnas su bsdus pa smos so/ /de ltar ha ni sku'i rdo rje can gyi don du smos so/ /a ni chos 'dzin rgyal po ste/ zhes pa ni/ pra dbab par bya ba'i snod kyi mgul par sngags kyi sa bon yig 'bru a bkod pa de ni/ chos 'dzin rgyal por ming btags pa snang ba mdza' yas yin te/ de'i ye shes kyi ngo bo mdun du smos pa'i bzhin du bkod pas sa 'og na gnas pa'i sa'i lha mo ci ltar smos pa'i tshul gyis bkug nas mdun du smos pa'i snying ga'i zla ba'i dkyil 'khor gyi gnas su bsdus par smos so/ /de ltar a ni chos 'dzin rgyal po ste'i don du gsungs so/ /'di ni gsang ba gnas brtan pa'o zhes pa ni/ gong du smos pa'i sku dang gsung dang thugs gsum gyi ye shes kyi sngags kyi yig 'bru de gsum ni/ ci ltar smos pa'i nyan thos dang rang sangs rgyas la sogs pa la mi bstan pa'o/ /don des gsang bar smos so/ /gnas ni rigs lnga'i bye brag gi
- 4b
sangs rgyas de dag thams cad ni don dam par bla na med pa'i ye shes kyi 'bras bu'i ngo bo/ de ci ltar smos pa'i tshul gyi sngags kyi sa bon yig 'bru gsum yin te/ don des gnas su smos so/ /brtan pa ni gong du smos pa'i sngags kyi sa bon yig 'bru de gsum grub pa'i 'og tu ?? gnas pa bsgrub pa pos ci ltar smos pa'i 'bras bu de nges par mi 'gyur ba yin no/ /don des brtan par smos so/ /dzhai na bskul bar byed pa ste/ 'gul ba dang ni 'dar bar gsungs/ /'di ni bskul ba thams cad kyi/ /gsang ba yin par rab tu bshad/ /ces bya ba'i don bshad pa'i? ?? ji ltar yin no/ dzhai ni bskul bar byed pa ste/ 'gul ba dang ni 'dar bas gsungs ni gong du smos pa'i pra dbab par bya ba'i snod kyi snying ga'i nang gi zla ba'i dkyil 'khor de'i 'og tu sngags kyi sa bon yig 'bru dzhai bsam mo/ /de dus 'dir kha dog ljang ser bya ba nan tan gyi ?? ?? ngo bo gzi brjid chen po 'bar ba'i 'od kyis 'bar bar bsam mo/ /sa bon de las dbang chen gyi dkyil 'khor du gyur par brtag go /dbang chen gyi dkyil 'khor de'i 'og tu sngags kyi sa bon yig 'bru raM bsam mo/ /yang na sngags kyi sa bon hUM bsam yang mi 'gal lo/ /de kha dog ? po? ye shes lnga'i ngo bo gzi brjid chen po 'bar ba'i 'od kyis 'bar bar bsam mo/ /sa bon de las nyi ma'i dkyil 'khor du gyur par brtag go /gzhan yang pra dbab pa'i bya ba'i snod kyi rkang pa gnyis kyi 'og tu sngags kyi sa bon yig 'bru yaM bsam mo/ /de kha dog sngo skya'i dus 'dir bya ba nan tan gyi ye shes kyi ngo bo 'og sa bon de las rlung gi dkyil 'khor du gyur par brtag go /bstan par bya ste/ dbang chen gyi dkyil 'khor gyi sbyor ba byas pas pra dbab par bya ba'i snod de bskul ba zhes bya ba'i bzla ba'i dkyil 'khor gyi dbus su gnas pa'i lha thams cad dang/ sa'i lha mo de dag kun 'khrug par gyur par bstan to/ /de nas rlung gi dkyil 'khor gyi sbyor ba byas pas pra dbab par bya ba'i snod de'i yang dang yang du shugs cher 'khor bar gyur par bstan to/ /de nas nyi ma'i dkyil 'khor gyi sbyor ba byas pas pra dbab par bya ba'i snod kyi lus shin tu 'dar bar 'gyur bar gsungs so/ /mdor bsdus pa de
- 5a
ltar ? ni skul bar byed pa ste/ /'bul ?? ni ?? kyi gsungs kyi don du gsung ngo/ 'di ni skul ba thams cad kyi gsang ba yin par rab tu bshad ces pa ni/ gong du smos pa'i pra dbab pa bya ba skul bar ming btags pa yin no?/ phyi'i kri ya'i rgyud kyi bye brag gis sku la nas pra dbab par smos pa thams cad dang/ phyi'i tir ti ka'i chos kyi tshul gyi pra dbab par bya bar smos pa'i nang na/ pra dbab par bya ba'i cho ga'i tshul 'di ni cho ga ste/ gsang ba zhes pa/ ston pa mi bskyod pa rdo rje 'dzin nyid kyis bshad pa yin no/ /gzhan yang gong du smos pa'i tshul gyi pra dbab pa'i bsgom pa bya??? ??? sngags kyi bzlas pa'i bsnyen pa bya ba bstan par bya ste/ hUM ha a dzhe/ de ltar de bzhin gshegs pa bzhi'i sngags kyi yig 'bru bzhi sngags rigs kyi tshul gyi bsnyen pa'i bzlas pa grangs kyi tshad 'bum phrag gcig bya bar smos so/ /de ltar 'di ni bskul ba thams cad kyi/ gsang ba yin par rab tu bshad kyi don du gsungs so/ /khru gang tsam mam khru do 'am/ khru lnga tsam mam brgyad tsam du/ rdo rje rgyal pos bskul nas ni/ /'jigs shing skrag nas 'phags par 'gyur/ /zhes bya ba'i don bshad par bya ste/ ci ltar yin na/ khru gang tsam mam khru do 'am/ /khru lnga tsam mam brgyad tsam du ni/ /gong du smos pa'i cho ga'i tshul gyi bsgom pa dang/ /sngags kyi bzlas pa'i bsnyen pa byas nas/ pra dbab pa'i dngos grub du gyur pa'i dus su/ pra dbab pa'i snod du mo 'am/ khye'u yi lus dang po khru gang tsam du ni/ gyen du 'phags na de'i dus su sgrub pa po la zhi ba'i las kyi bsgrub pa'i 'bras bu 'grub par 'gyur ba'i don smra bar bshad do/ /gal te khru do tsam gyen du 'phags na de'i dus su bsgrub pa po la rgyas pa'i las kyi bsgrub pa'i 'bras bu 'grub par 'gyur ba'i don smra bar bshad do/ /gal te khru lnga tsam gyen du 'phags na de'i dus su sgrub pa po la dbang gi las kyi sgrub pa'i 'bras bu 'grub par 'gyur ba'i don smra bar bshad do/ /gal te khru brgyad tsam gyen du 'phags na de'i dus su sgrub pa po la drag po la sogs pa'i las kyi sgrub pa'i 'bras bu'i don ci snyed brtan pa de kun 'grub par 'gyur ba'i don smra bar
- 5b
bshad do/ /mdor sdu ba de ltar khru gang tsam mam khru do 'am/ /khru lnga 'am brgyad tsam du'i don du gsungs so/ /rdo rje rgyal pos bskul nas ni/ /'jigs shing skrag nas 'phags par 'gyur zhes pa ni/ gong du smos pa'i tshul gyi pra dbab pa bya ba'i snod de'i lus ci ltar smos pa'i phyi'i lha thams cad dang/ sa'i lha mo dang gnyis su med pa'i ngo bo thams cad dbang chen gyi dkyil 'khor gyi sbyor ba dang/ nyi ma'i dkyil 'khor gyi sbyor ba dang/ /rlung gi dkyil 'khor gyi sbyor ba dang/ de dag byas pas 'jigs pas skrag par gyur pa yin no/ /bstan par bya ste/ dus 'dir rdo rje rgyal po ni sku'i rigs kyi de bzhin gshegs pa dang gsung gi rigs kyi de bzhin gshegs pa dang/ thugs kyi rigs kyi de bzhin gshegs pa dang/ las kyi rigs kyi de bzhin gshegs pa'o/ /de dag gi sgrub pa po la pra dbab pa'i dngos grub rtsol ba'i phyir bskul bas steng du 'phags par smos so/ /gzhan yang pra dbab pa'i dngos grub kyi 'bras bu grub pa'i 'og tu sgrub pa pos skad cig tsam stong pa'i ngo bor bsgom par bstan to/ /de ltar rdo rje rgyal pos bskul ba yis/ /'jigs shing skrag nas 'phags par 'gyur gyi don du gsungs so/ /snga ma bzhin du thams cad 'gyur/ /'di ni gsang ba thob pa'o/ /zhes bya ba ni/ snga ma bzhin du thams cad 'gyur ni/ snga ma bzhin du zhes pa pra dbab pa'i bsgrub pa'i 'bras bu grub pa de bzhin du/ 'og nas 'byung ba bsgrub pa thams cad dang/ gnyis su med pa'i ngo bo'i 'bras bu 'grub par 'gyur bar bstan to/ /de ltar snga ma bzhin du thams cad 'gyur gyi don du gsungs so/ /'di ni gsang ba thob pa'o zhes pa ni/ gsang ba ni ci ltar smos pa'i sgrub ba thams cad dang gnyis su med pa'i 'bras bu'i ngo bo yin te/ bla na med pa'i 'bras bu yin par 'gyur bar bstan to/ /de ltar 'di ni gsang ba thob pa'i don du gsungs so// pra dbab pa'i bsgrub pa'i don bshad pa'i 'og tu/ da ni 'og nas 'byung ba'i dgra gsad par bya ba'i cho ga'i las bshad pa'i phyir/ rnam par snang mdzad la sogs pa de bzhin gshegs pa thams cad kyi thugs kyi dgyes pa chen pos ston pa mi bskyod pa rdo rje 'dzin la bstod pa'i tshul gyis
- 6a
gsol ba btab pa'i don bstan par bya ste/ /de nas rgyal po rdo rje 'dzin/ /de bzhin gshegs pa kun gyi bdag /sku gsum gnas ni yongs dag pas/ /gsung ni 'di skad bka' stsal to/ /zhes bya ba'i don bshad par bya ste/ ci ltar yin na/ da nas ni gong du smos pa'i tshul gyi de bzhin gshegs pa thams cad kyis ston pa mi bskyod pa rdo rje 'dzin pa bstod pa'i ngo bos 'og nas 'byung ba'i don thos par bya ba'i phyir gsol ba 'debs pa'i don mtshon par smos so/ /rdo rje 'dzin zhes pa ni/ le'u bzhi pa'i skabs su ci ltar bshad pa bzhin du 'dir sbyar ro/ /rgyal po de bzhin gshegs pa kun gyi bdag ces pa ni/ gong du bshad bas 'dir bshad mi dgos so/ /sku gsum gnas ni yongs dag pas zhes pa ni/ chos kyi sku dang longs spyod rdzogs pa'i sku dang sprul pa'i sku ste/ de'i don gong du rgyas par bstan to/ /sku gsum de don dam par gnyis su med pa'i gnas kyi ngo bo ston pa mi bskyod pa rdo rje 'dzin pa nyid yin no/ /bstan par bya ste/ sten pa mi bskyod rdo rje 'dzin de ni thog ma med pa'i dus nas nyon mongs pa thams cad sdig pa dri ma dang bral ba'o/ /don des dag par smos so/ /de ltar sku gsum gnas ni yongs su dag pa'i don du gsungs so/ gsung ni 'di skad bka' stsal to/ /zhes pa ni/ ci ltar smos pa'i yon tan gyi ngo bo ston pa mi bskyod pa rdo rje 'dzin gyis 'og nas 'byung ba'i don bka' stsal pa zhes bshad du gsol zhes pa'o/ /da ni de bzhin gshegs pa thams cad kyi bstod pa'i tshul gyis gsol ba btab pa de ston pa mi bskyod pa rdo rje 'dzin gyis gsan ma thag tu/ thugs rje chen po bskyed nas lha dang mi la sogs pa ma rungs pa thams cad gzhom par mdzad pa'i don bshad bar bstan par bya ste/ rtse gcig ma gyur ba yis ni/ /brtul zhugs brtan pas 'di dag bya/ /las rnams gzhan du mi bya ba/ /gdug pa thams cad gzhom pa'o/ /zhes bya ba'i don bshad par bya ste/ ci ltar yin na/ rtse gcig ma gyur pa yis ni/ /brtul zhugs brtan
- 6b
pas 'di dag bya ni sgrub pa pas sems rtse gcig pas ma rungs pa thams cad brtul zhugs brtan pa zhes pa theg pa chen po gsang sngags kyi sbyor ba spyad cing gzhom pa zhes pa gsang bar bya ba'i las smos so/ /las rnams mnyam du mi bya ba/ /gdug? pa thams cad gzhom par zhes pa ni/ bsgrub pa pos mi dang mi ma yin pa ma rungs pa ci snyed yod pa de dag thams cad gzhom pa zhes pa gsad pa'i las gong du smos pa'i theg pa chen po gsang sngags kyi spyod pa sdud cing bya'o/ /gzhan yang khro bo'i rgyal po a mri ta kuN+Da li la sogs par ??/ ba dang gnyis su med pa'i nga rgyal du bsgom pa dang/ sngags kyi bzlas pa'i bsten pa'i las kyi sbyor bas gsad par bya'o/ /bstan Fpar bya ste/ ci ltar smos pa'i sbyor ba ma gtogs pa gzhan gyi sbyor bas byed na/ de skyon gyis gsad pa'i las kyi 'bras bu mi 'grub par bstan to/ /mdor bsdu ba de ltar las rnams gzhan du mi bya ba/ /gdug pa thams cad gzhom pa'i don du gsungs so/ /dgra'i gzugs brnyan byas nas ni/ /mi bsregs sol ba 'bras shun sogs/ /skrar shig gcer bur byung nas ni/ /'jig rten gsum yang 'jig par byed/ /zhes bya ba'i don bshad par bya ste/ ci ltar yin na/ dgra'i gzugs brnyan byas nas ni/ /mi bsregs sol ba 'bras rgyan pa sogs ni bsgrub pa pos dur khrod kyi gnas su khro bo'i rgyal po a mri ta kuN+Da li'i bsgom pa dang sngags rings kyi bzlas pa'i bsnyen pa bya'o/ /yang na mtshan ma gcig pa'i gnas su bya yang ni 'gal lo/ /gnas der dang po'i 'og nas 'byung ba'i dkyil 'khor gru gsum pa kun tu khru re ba bdud rtsi lngas bsku bar bya'o/ /de'i 'og tu bsgrub pa pos de'i steng du brtson 'grus chen po'i sems dga' bas brtan pa bskyed nas 'dug go /de'i 'og tu mdun du smos pa'i chos bzhi'i tshul gyis ston pa mi bskyod pa rdo rje 'dzin gyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor bar ldan pa'o/ /de'i cha lugs phun sum tshogs pa thams cad ci ltar mdun du smos pa'i bzhin du 'dir bya'o/ /de lta bu'i ngo bo ston pa mi bskyod pa
- 7a
rdo rje 'dzin gyi sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo ci ltar smos pa'i mtshan dang yon tan thams cad dang ldan pa blang ngo/ /shes rab ma de ye shes kyi lha mo mA ma kI dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos zhe sdang chen po'i sems dga' bas gnyis su med par 'khyud pa'i sbyor bas thabs dang shes rab rol ba bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas de rgya mtsho dang mnyam par 'gyur bar bsam mo/ /de'i steng du sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid chen pos 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po a mri ta kun Da li'i sku phyag rgya bskyed par bya'o/ /de khro mo'i rgyal mo ral pa gcig ma dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bcu bzhi pa'i sngags rings kyis bskrad pa'i las bya ba'i dus su ci ltar smos pa bzhin du dus 'dir bya'o/ /de lta bu'i khro bo'i rgyal po a mri ta kuN+Da li'i sku phyag rgya bskyed ma thag tu/ skyed par mdzad mkhan ston pa mi bskyod rdo rje 'dzin gyi sku phyag rgya khro bo'i rgyal po a mri ta kun Da li'i spyi bor dbang skur ba'i tshul du bzhugs par bsam mo/ /tshul de ltar khro bo'i rgyal po a mri ta kun Da li'i sku phyag rgya bskyed pa'i 'og tu sgrub pa pos de dang gnyis su med pa'i nga rgyal du bsgom par bya'o/ /de'i dus su dur khrod du mi ro bsregs pa'i sol ba sar pa blang ngo/ /gzhan yang 'bras kyi shun pa dang/ grog mkhar gyi sa dang/ chu 'gram gnyis kyi sa dang/ dug thams cad blangs la de dag gcig tu bsres la btags te rdo rje'i chu dang/ dkrug par bya'o/ /rdzas des dgra'i gzugs brnyan khro bo'i rgyal po a mri ta kuN+Da li'i sngags rings khro bo chen po'i zhe sdang gi sems bskyed nas bzla zhing bya ba yin/ /de'i 'og tu sgrub pa pos
- 7b
khro bo chen po'i stobs kyis rkang pa g.yon pa brkyang ba'i tshul gyis dgra'i gzugs brnyan gyi snying gar bzhag go /rkang pa g.yas pa bskum ba'i tshul gyis rked par bzhag go /gzhan yang skra bshig la/ gcer bur bya'o/ /de ltar cho ga'i sbyor ba'i tshul gyis zhe sdang chen po'i sems bskyed nas khro bo'i rgyal po a mri ta kuN+Da li'i sngags rings bsgom pa dang ldan par grangs kyi tshad 'bum phrag gsum du bsnyen pa'i bzlas pa bya bar bstan to/ /de ltar byas nas gsang pa'i las grub pa'i dus su mtshan ma gnyis 'byung ste/ dang po ni dgra'i gzugs brnyan 'bar ro/ /de'i 'og tu 'gul lo/ /bstan bar bya ste/ de ltar gsad pa'i las kyi sbyor ba byas pas 'jig rten gsum na gnas pa'i sems can thams cad skad cig tsam gyis dus gcig tu med par nus na/ dgra gcig bu song par 'gyur pa ni ngo mtshar yang mi che bar bstan to/ /mdor bsdu ba de ltar dgra'i gzugs brnyan byas nas ni/ mi bsregs sol ba 'bras shun sogs kyi don du gsungs so/ /skra bshig gcer bur byung na ni/ /'jig rten gsum yang 'jig par byed ces pa ni/ gong du bshad zin to/ /da ni las kyi sbyor ba gzhan las dgra gsad pa'i las bya ba'i don bstan par bya ste /bsregs pa'i thal bas dur khrod du/ /dgra'i gzugs brnyan byas nas ni/ /brgya stong brgyad brgya bzlas pa yis/ /'chi bar 'gyur ba gdon mi za/ /zhes bya ba'i don bshad par bya ste/ ci ltar yin na/ bsregs pa'i thal bas dur khrod du/ /dgra'i gzugs brnyan byas nas ni/ /gong du smos pa'i phyi'i gnas su cho ga de dang/ gzhan yang ci ltar smos pa'i bsgom pa'i cho gas khro bo'i rgyal po a mri ta kuN+Da li'i sku phyag rgya bskyed par bya'o/ /de ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dus su dur khrod du mi ro bsregs ma thag gi thal ba dron po dang gnas de nyid kyi sa blangs la/ de gnyis bsres la rdo rje'i chus dkrugs te rdzas des dgra'i gzugs brnyan khro bo'i rgyal po a mri ta kun Da li'i sngags rings khro bo chen po'i zhe sdang gi sems bskyed nas bzla zhing bya'o/ /de'i 'og tu sgrub pa pos khro bo chen po'i stobs kyis/ gong du smos pa'i tshul du dgra'i gzugs
- 8a
brnyan gyi gnas gnyis su rkang pa gnyis brkyang skum gyis mnan no/ /gzhan yang gong du smos pa'i khro bo'i rgyal po a mri ta kun Da li'i sngags rings bsgom pa dang ldan par 'bum phrag gsum gyi grangs kyi tshad du bzlas pa'i bsnyen par bya bar bstan to/ /de ltar byas pas gsang ba'i las grub pa'i dus su ci ltar smos pa'i mtshan ma gnyis 'byung ste/ dgra'i gzugs 'bar ba dang/ 'gul ba'o/ /mdor bsdu ba de ltar bsregs pa'i thal bas dur khrod du dgra'i gzugs brnyan byas na ni'i don du gsungs so/ /brgyad stong brgyad brgya bzlas pa yis/ /'chi bar gyur par gdon mi za zhes pa ni/ gong du smos pa'i mtshan ma gnyis 'byung ba'i 'og tu/ gzhan yang khro bo chen po'i zhe sdang gi sems bskyed nas khro bo'i rgyal po a mri ta kun Da li'i sngags rings stong phrag brgyad brgya sgra chen por bzlas bar bya'o/ /bstan par bya ste/ bzlas pa de rdzogs ma thag tu dgra gdon mi za bar 'chi bar 'gyur bar bstan to/ /de ltar brgyad stong brgyad brgya bzlas pa yis/ /'chi bar gyur par gdon mi za'i don du gsungs so/ /da ni rdzas kyi sbyor ba gzhan gyis dgra gsad pa'i las kyi sbyor ba'i don bstan par bya ste/ ba lang sha 'am rta'i sha/ /khyi'i sha 'am sna tshogs kyis/ /dkyil 'khor gru gsum byas pa yis/ /rdo rje'ang gdon mi za bar 'jig /ces bya ba'i don bshad par bya ste/ ci ltar yin na/ /ba lang sha 'am rta'i sha/ /khyi yi sha 'am sna tshogs kyis ni phyi'i gnas der mdun du smos pa'i cho ga dang/ gzhan yang ci ltar smos pa'i cho gas khro bo'i rgyal po a mri ta kun Da li'i sku phyag rgya bskyed par bya ste/ de ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dbus su sgrub pa pos bshad ba dang dug thams cad bsres la bong bu'i chu dang dkrugs la/ rdzas des nyid kyi mdun du dkyil 'khor gru gsum du khru re sku ba bya'o/ /de'i nang du phag gi khrag dang btsag bsres la
- 8b
bsku'o/ /de ltar byas pa'i 'og tu ba lang gi sha dang/ rta sha dang/ khyi sha dang/ gzhan yang sna tshogs zhes pas sems can gyi rigs kun gyi sha blangs la cig tu brtag go /de dang grog mkhar gyi sa blangs la gcig tu bsres nas bong bu'i chu dang dkrugs? la rdzas des gong du smos pa'i dkyil 'khor gyi nang du dgra'i gzugs brnyan khro bo'i rgyal po a mri ta kun Da li'i sngags rings khro bo chen po'i zhe sdang gi sems bskyed nas bzla zhing bya'o/ /de'i 'og tu bsgrub pa pos khro bo chen po'i stabs kyis ci ltar smos pa'i dgra'i gzugs brnyan gyi gnas gnyis brkyang bskum gyi tshul gyis bzhag go /gzhan yang sgrub pa pos nyid kyi gsang ba'i thugs ka ye shes sems dpa' i gnas nas sngags kyi sa bon yig 'bru hUM las khro bo'i rgyal po a mri ta kun Da li nyid kyi sku phyag rgya cha lugs phun sum tshogs pa thams cad dang ldan pa de dang/ 'dra ba'i khro bo'i sku phyag rgya'i tshogs 'bar ba'i 'od kyis 'bar ba nam mkha' i dbyings su spro bar bya'o/ /de'i dus su khro bo'i tshogs kyis rdo rje dang/ 'khor lo dang/ ral gri la sogs pa rdo rje'i mtshon cha'i bye brag sna tshogs dgra'i gzugs brnyan gyi steng du phab bas yan lag dang nying lag thams cad la brdeg par bsam mo/ /tshul de ltar bsgom pa'i sbyor ba dang ldan par khro bo'i rgyal po a mri ta kun Da li'i sngags rings 'bum phrag gsum gyi grangs kyi tshad du bzlas pa'i bsnyen pa bya'o/ /de ltar byas pas gsad pa'i las grub pa'i dus su mtshan ma gnyis 'byung ste/ dang po ni dgra'i gzugs brnyan 'bar ro/ /de'i 'og tu ni 'gul lo/ /mdor bsdu ba de ltar ba lang sha 'am rta'i sha/ /khyi sha 'am sna tshogs kyi don du gsungs so/ /dkyil 'khor gru gsum du bya ba ni gong du bshad zin to/ /rdo rje 'ang gdon mi za bar 'jig ces pa ni/ gong du smos pa'i gsad pa'i las kyi sbyor ba byas pas/ rdo rje zhes pa/ dpal rdo rje sems dpa' nyid de yang 'jig par
- 9a
bstan to/ /de ni la dor ba'i tshig tu smos so/ /gzhan yang phyi'i mi dang mi ma yin pa dgra rim pas mi za bar grub par 'gyur ba ni ngo mtshar mi che bar bstan to/ /de ltar rdo rje yang gdon mi za bar 'jig gi don du gsungs so/ /da ni sbyor ba gzhan gyis dgra gsad par bya ba'i don bstan par bya ste/ sha chen gyis ni thams cad la/ /rdo rje las byung 'jig par bshad/ /'di ni gdug pa thams cad la/ /rol pa shin tu mi bzad yin/ /zhes bya ba'i don bshad par bya ste/ ci ltar yin na/ sha chen gyis ni thams cad la/ rdo rje las byung 'jig par bshad ni/ bsgrub pa pos ri'i rtse mo'i steng du khro bo'i rgyal po ya man ta ka'i bsgom pa dang sngags kyi bzlas pa'i bsnyen pa bya'o/ /yang na ma mo khang bar bya ba yang mi 'gal lo/ /gnas der dang po dkyil 'khor gru gsum kun tu khru re ba bdud rtsi lngas bsku ba bya'o/ /yang gru bzhi par bya yang mi 'gal lo/ /de'i 'og tu bsgrub pa pos de'i steng du brtson 'grus chen po'i sems bstan pa skyed nas 'dug go /de'i 'og tu mdun du smos pa'i cho ga bzhi'i tshul gyis sku'i rigs rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa thams cad ci ltar mdun du smos pa de bzhin du 'dir bya'o/ /de lta bu'i ngo bo'i sku'i rigs rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su sku'i rigs kyi bye brag gi bram ze'i rigs kyi bu mo mtshan dang yon tan ci ltar smos pa thams cad dang ldan pa blang ngo/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ de'i 'og tu bsgrub pa pos zhe sdang chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas/ bde bar gyur pa'i dus su rdo rje'i lam gyi sgo nas shes rab ma'i
- 9b
b+ha ga'i dbus su byang chub sems char gyi rgyun bzhin du 'od du zhu'o/ /de rgya mtsho dang mnyam par gyur bar bsam mo/ /de'i steng du sngags kyi sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bo gzi brjid chen pos 'bar bas 'bar zhing 'od du zhu nas/ ye shes kyi khu ba bzhin du byang chub sems kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po ya man ta ka'i sku phyag rgya bskyed par bya'o/ /de khro mo'i rgyal mo ro langs ma dang gnyis su med par 'khyud pa'i sbyor ba dang ldan pa'o// sku phyag rgya'i cha lugs phun sum tshogs pa gzhan na le'u bcu bzhi pa'i nang nas sngags rings kyi tshul gyis dgug pa'i las bya ba'i dus su/ ci ltar smos pa bzhin du 'dir bstan to/ /de lta bu'i ngo bo khro bo'i rgyal po yan man ta ka'i sku phyag rgya bskyed ma thag tu bskyed par mdzad mkhan sku'i rigs rnam par snang mdzad kyi sku phyag rgya khro bo'i rgyal po ya man ta ka'i sku phyag rgya'i spyi bor dbang bskur ba'i tshul du gnas par bsam mo/ /tshul de ltar khro bo'i rgyal po ya man ta ka'i sku phyag rgya bskyed pa'i 'og tu bsgrub pa pos de dang gnyis su med pa'i nga rgyal du bsgom bar bya'o// de'i dus su skyes bu g.yul 'gyed pa'i gnas su mtshon phag nas shi ba'i sha blang ngo/ /gzhan yang dug thams cad dang/ grog mkhar gyi sa dang/ dur khrod kyi thal ba blangs la/ gcig tu bsres te/ bong bu'i chu dang dkrugs la rdzas de las dgra'i gzugs brnyan khro bo'i rgyal po ya man ta ka'i sngags rings khro bo chen po'i zhe sdang gi sems bskyed nas bzla zhing bya'o/ /de'i 'og tu sgrub pa pos khro bo chen po stobs kyis rkang pa g.yon pa brkyang pas dgra'i gzugs brnyan gyi snying gar mnan/ /g.yas bskums pas rked par mnan no/ /gzhan yang sgrub pa pos nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bo gzi brjid chen po'i 'bar ba'i 'od kyis 'od du zhu nas ye shes kyi khu ba bzhin du gyur par bsam mo/ /sa bon de las khro bo'i rgyal po'i sku phyag rgya bskyed par bya ste/
- 10a
phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ gzhan sku phyag rgya'i cha lugs phun sum tshogs pa thams cad khro bo'i rgyal po ya man ta ka nyid kyi sku phyag rgya ci ltar smos pa de lta bu'i sku phyag rgya 'bar ba chen po'i 'od kyis 'bar ba/ nam mkha' i dbyings thams cad du khyab par spro bar bya ste/ de ma thag tu dgra gang gsad par bya ste/ de skad cig gis rdo rje kyo bas ni snying ga nas bzung/ rdo rje zhags pas mgul ba nas bcings te/ tshul de ltar bkug nas/ de ma thag tu rdzas kyi dgra'i gzugs brnyan la dgra thim par bsam mo/ /de'i dus su 'gugs par mdzad mkhan gyi khro bo'i rgyal po'i sku phyag rgya bsgrub pa po nyid kyi spro ba'i gnas su gnyis su med par bsdu bar bya'o/ /de ltar cho ga'i sbyor ba'i tshul gyis zhe sdang chen po'i sems bskyed nas/ khro bo'i rgyal po ya man ta ka'i sngags rings bsgom pa dang ldan pas 'bum phrag gsum gyi grangs kyi tshad du bzlas pa'i bsnyen pa bya bar bstan to/ /de ltar byas pas gsad pa'i dus su mtshan ma gnyis byung ste/ dang po dgra'i gzugs brnyan 'bar ro/ /de'i 'og tu 'gul lo/ /bstan par bya ste/ de ltar gsad pa las kyi sbyor ba byas pas/ rdo rje las byung bar ming btags pa/ dpal rdo rje sems dpa' las 'khor gyi ngo bo ye shes kyi lha thams cad 'byung bar bstan pa de dag kyang med par 'gyur bar bshad do/ /de ni la dor ba'i tshig tu smos so/ /gzhan yang phyi'i lha dang mi la sogs pa dgra thams cad 'jig par 'gyur ba ni ngo mtshar mi che'o/ mdor bsdu ba de ltar sha chen gyis ni thams cad la/ /rdo rje las byung 'jig par bshad kyi don du gsungs so/ /'di ni gdug pa thams cad la/ /rol pa shin tu mi bzad yin zhes pa ni/ gong du smos pa'i gsad pa'i las kyi sbyor ba de ni 'jigs pa chen por byed pa'o/ /gzhan yang gdug pa thams cad ces pa rdo rje slob dpon smod par byed pa dang/ theg pa chen po gsang sngags la smod pa ste/ 'byung po dang/ gnod sbyin dang/ srin po dang/ klu dang/ mkha' 'gro pho mo la sogs pa bgegs gnod pa byed pa thams cad dgug pa yin no/ /de dag thams cad dus gcig tu drag po'i las kyis med par 'gyur
- 10b
bar smos so/ /mdor bsdu ba de ltar 'di ni gdug pa thams cad la/ /rol pa shin tu mi bzad yin gyi don du gsungs so/ /da ni drag po hoM gyi sbyor ba byas pas dgra gsad pa'i las kyi don bstan par bya ste/ dgra'i gzugs brnyan byas nas ni/ /bshang ci dag gi chos mchog gi/ tsher ma'i me la khros nas bsreg /sangs rgyas dag kyang nges par 'jig /ces bya ba'i don bshad par bya ste/ ci ltar yin na/ dgra'i gzugs brnyan byas nas ni/ /bshang ci dag gis chos mchog gis ni/ gong du smos pa'i phyi'i gnas kyi cho ga dang gzhan yang cho ga ci ltar smos pas/ khro bo'i rgyal po a mri ta kun da li'i sku phyag rgya bskyed par bya ste/ sgrub pa pos de dang gnyis su med pa'i nga rgyal du bsgom par bya'o/ /de'i dus su sgrub pa pos rang gi bshang ci chos zhes pa ni/ gong du smos pa'i rdzas kyi sbyor ba thams cad ni chos yin la/ de'i nang na bshang ci 'di ni gsad par bya ba'i chos kyi mchog ste/ myur bar dngos grub kyi 'bras bur gyur par byed do/ /de lta bu'i ngo bo dam rdzas bshang ci de ba nang mtshan thams cad dang ldan pa'i nang du blang ngo/ /gzhan yang dur khrod kyi thal ba dang/ sa blangs la/ de kun gcig tu bsres nas rdo rje'i chus dkrugs te/ rdzas des dgra'i gzugs brnyan 'og nas 'byung ba'i khro bo'i rgyal po a mri ta kun da li'i sngags rings khro bo chen po'i zhe sdang gi sems bskyed nas bzla zhing bya'o/ /de'i 'og tu sgrub pa pos khro bo chen po'i zhe sdang gi sems bskyed nas bzla zhing bya'o/ /de'i 'og tu bsgrub pa pos khro bo chen pos stabs kyis rkang ba g.yon brkyang bas dgra'i gzugs brnyan gyi snying gar mnan/ g.yas bskum pas rkang par gnan no/ /gzhan yang bsgrub pa po nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo 'od du zhu nas ye shes kyi khu ba lta bur gyur par bsam mo// mngon de las khro bo'i rgyal po'i sku phyag rgya bskyed par bya ste/ phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ gzhan yang sku phyag rgya'i cha lugs phun sum tshogs pa thams cad ni khro bo'i rgyal po a mri ta kun da li nyid kyi sku phyag rgya cha lugs phun sum tshogs
- 11a
pa thams cad dang ldan par ci ltar smos pa'i de lta bu dang ldan par sku phyag rgya 'bar bar nam mkha' i dbyings su spro bar bya'o/ /de ma thag tu skad cig tsam gyis dgra gsad par bya ba de rdo rje kyo bas snying ga nas bzung/ rdo rje zhags pas mgul pa nas bcings te/ de tshul de ltar dgug go /de ma thag tu dgra rdzas kyi gzugs brnyan la gnyis su med par gyur par bsam mo/ /de'i dus su dgug par mdzad mkhan gyi khro bo'i rgyal po'i sku phyag rgya sgrub pa pos spro ba'i gnas su med par bsdu bar bya'o/ /de ltar cho ga'i sbyor ba byas nas zhe sdang chen po'i sems bskyed nas/ 'og nas 'byung ba'i khro bo'i rgyal po a mri ta kun da li'i sngags rings bsgom pa dang ldan par 'bum phrag gsum du brgyad brgyas mchog pa'i grangs kyi tshad du bzlas pa bya bar bstan to/ /tshul de ltar bsgom pa dang/ sngags kyi bzlas pa'i bsnyen pa rdzogs ma thag tu bsgrub pa pos rang dang dgra'i gzugs brnyan gyi mdun du hoM khung zur gsum kun tu khru re dang/ sor lnga pa bya'o/ /zabs su khru gang brko bar bya'o/ /kha khyer gyi mthon dman dang zheng ka dus 'dir ni sor dgu dgur bya'o/ /bstan par bya ste/ hoM khung gi nang gi dbus su btsag dang phag gi khrag bsres pas rdo rje rgya raM bri'o/ /hoM gi kha khyer la dur khrod kyi sol ba'i tshon gyis rdo rje rtse dgu gdengs pa'i phreng ba bri'o/ /de'i 'og tu shing dug can tsher ma can thams cad kyis hoM khung dgang ngo/ /de nas rigs ngan tsan da li'i khyim nas me blangs la/ dus 'dir sngags kyi yig 'bru ram phaT phu zhes khro bo chen po'i stobs kyis hoM shing la me spar bar bya'o/ /de'i dus su khro bo chen po zhe sdang gi sems bskyed nas/ lag pa g.yas par rdo rje thob bzung la/ sna tshogs kyi bye brag gi khro bo'i stabs bya zhing sngags hUM phaT/ a mo ki sha tru na ma ra ya brjod cing dgra'i gzugs brnyan de/ rdo rje thobs phye mar bya/ de nas bsdus la spungs te/ sgrub pa pos khro bo chen po'i sems kyi rdzas des hoM bzar ban d+ha'i dum bus 'og nas 'byung ba'i khro bo'i rgyal po a mri ta kun da li'i sngags rings grangs kyi tshad brgyad brgya dgra'i ming dang spel ba'i tshul gyis bsreg bar bya'o
- 11b
bstan par bya ste/ gong du smos pa'i tshul gyi drag po'i hoM de rdzogs ma thag tu gsad pa'i las grub pa'i dus su mtshan ma gnyis 'byung ste/ dang po ni nam mkha' la sngags kyi yi ge'i sgra chen po lan mang por grag par 'gyur ro/ /de'i 'og tu dgra'i gzugs brnyan byas pa'i gnas kyi sa gzhi 'bar ba'i 'od kyis 'bar ba'o/ de ltar drag po'i hoM gyi las kyi sbyor ba byas pas/ sangs rgyas zhes pa sku'i rigs rnam par snang mdzad la sogs pa/ sangs rgyas smos pa de dag kyang 'jig par bstan to/ /de ni la dor ba'i tshig tu smos pa'o/ /ci ltar smos pa'i dgra 'jig par 'gyur ba ni ngo mtshar mi che'o/ /mdor bsdu ba de ltar dgra'i gzugs brnyan byas nas ni/ /gshang ci dag gi chos mchog gis kyi don du gsungs so/ tsher ma'i me la khros nas bsreg /sangs rgyas dag kyang nges par 'jig ces pa'i don ni gong du bshad zin to/ /da ni rdzas kyi sbyor ba gzhan gyis dgra gsad par bya ba'i las bya ba'i don bstan par bya ste/ ring thung 'bring gi tshad tsam du/ /dgra'i gzugs brnyan byas nas ni/ yan lag thams cad til 'bru tsam/ /dug las byung ba'i tshed ma yis/ zhes bya ba'i don bshad par bya ste/ ci ltar yin na/ ring thung 'bring gi tshad tsam du/ /dgra'i gzugs brnyan byas nas ni/ /mdun du smos pa'i phyi'i gnas kyi cho ga dang/ gzhan yang ci ltar smos pa'i cho gas kho bo'i rgyal po a mri ta kun da li'i sku phyag rgya bskyed par bya'o/ /de ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dus su chu 'gram gnyis kyi sa dang/ grog mkhar gyi sa dang/ dur khrod kyi thal ba sa dang bcas pa dang/ sems can thams cad kyi rus pa blangs la/ /de kun cig tu bsres nas btags te bong bu'i chu dang dkrugs la/ /rdzas nges dgra'i gzugs brnyan 'og nas 'byung ba'i khro bo'i rgyal po a mri ta kunda li'i sngags rings khro bo chen po'i zhe sdang gi sems bskyed nas bzla zhing bya'o/ /de'i yan lag dang nying lag kun skyes bu 'bring po'i tshad du gzugs brnyan bya bar bstan to/ /de'i 'og tu sgrub pa pos khro bo chen po'i stabs kyis rkang pa g.yon pa brkyang ba'i stabs kyis/ dgra'i gzugs brnyan gyi snying gar mnan no/ /g.yas bskum pa'i tshul gyis rked par mnan no/ /gzhan yang bsgrub pa
- 12a
pos nyid kyi gsang ba'i thugs ka ye shes sems pa'i gnas su sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo ye shes kyi khu ba bzhin du gyur par bsam mo/ /sa bon de las khro bo'i rgyal po'i sku phyag rgya bskyed par bya'o/ /phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ gzhan sku phyag rgya'i cha lugs phun sum tshogs pa thams cad ni/ khro bo'i rgyal po a mri ta kun Da li nyid kyi sku phyag rgya'i ci ltar smos pa de lta bu'i sku phyag rgya 'bar ba chen po'i 'od kyis 'bar ba nam mkha' i dbyings thams cad du khyab par spro bar bya'o/ /de ma thag tu skad cig tsam gyis dgra gsad par bya ba de rdo rje'i kyo bas snying ga nas bzung/ rdo rje zhags pas mgul pa nas bcings te/ tshul de ltar bkug par mdzad ma thag tu/ dgra rdzas kyi gzugs brnyan la gnyis su med par thim par gyur par bsam mo/ /de'i dus su 'gugs par mdzad mkhan khro bo'i rgyal po'i sku phyag rgya sgrub pa po nyid kyi spro ba'i gnas su gnyis su med par bsdu bar mdzad do/ /de ltar sbyor ba'i cho ga'i tshul gyis 'og nas 'byung ba'i khro bo'i rgyal po a mri ta kun Da li'i sngags rings bsgom pa dang ldan par zhe sdang chen po'i sems bskyed nas 'bum phrag gsum gyi grangs kyi tshad du bzlas pa'i bsnyen pa bya bar bstan to/ /gzhan yang bsgom pa dang sngags kyi bzlas pa'i bsnyen pa bya ba'i 'og tu dgra'i gzugs brnyan gyi yan lag dang nying lag thams cad ma lus par til gyis 'bru tsam yang mi bzhag par shing dug can thams cad kyi tsher ma blangs la/ khro bo chen po'i zhe sdang gi sems bskyed nas/ ci ltar smos pa'i sngags rings sgra drag por bskul ba'i tshig gis bzla zhing dgang bar bya'o/ /de ltar byas pas dgra gsad pa'i las grub pa'i dus su mtshan ma gnyis 'byung ste/ dang po ni dgra'i gzugs brnyan de 'bad do/ /de'i 'og tu de 'gul lo/ /bstan par bya ste/ de ltar gsad pa'i las kyi sbyor ba byas pas/ sangs rgyas sku'i rigs rnam par snang mdzad la sogs pa rigs lnga'i bye brag sangs rgyas smos pa de dag thams cad kyang med par 'gyur bar bstan to/ /de ni la dor ba'i tshig tu smos so/ /gzhan yang phyi'i lha dang mi la sogs pa dgra thams cad med par 'gyur pa ni ngo
- 12b
mtshar mi che bar bstan to/ /mdor bsdu ba de ltar ring thung 'bring gi tshad tsam du/ /dgra'i gzugs brnyan byas nas ni'i don du gsungs so/ /yan lag thams cad til 'bru tsam/ /dug las byung ba'i tsher ma yis/ /bskul ba'i tshig dang bcas par dgang/ /sangs rgyas dag kyang nges par 'jig/ ces bya ba'i don ni gong du bshad pas 'dir bshad mi dgos so/ /da ni gzhan yang tsha ba'i rdzas kyi sbyor bas dgra'i gzugs brnyan byas nas gsad pa'i las bya ba'i don bstan par bya ste/ /ske tse lan tsha 'bru mar dang/ /dug dang da dur dag ni/ /sangs rgyas thams cad gsad pa la/ /'di dag mchog tu 'gyur bar bshad/ /ces bya ba'i don bshad par bya ste/ ci ltar yin na/ ske tse lan tsha yungs mar dang/ dug dang da dur dag ni gsung gi rigs kyi phyi'i gnas chu 'gram du bzlas pa'i bsnyen pa bya'o/ /yang na gnas khang stong du bya yang mi 'gal lo/ /gnas der dang por dkyil 'khor zur gsum pa kun tu khru gang ba bdud rtsi lngas bsku ba bya'o/ / de'i 'og tu sgrub pa pos de'i steng du brtson 'grus chen po'i sems bstan pa bskyed nas 'dug go /de'i 'og tu mdun du smos pa'i cho ga bzhi'i tshul gyis gsung gi rigs stang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa thams cad ci ltar mdun du smos pa de bzhin du 'dir bya ba yin no/ /de lta bu'i ngo bo gsung gi rigs snang ba mdza' yas kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su gsung gi rigs kyi bye brag gi gar mkhan gyi rigs kyi bu mo ci ltar smos pa'i mtshan dang yon tan thams cad dang ldan pa blang ngo/ /shes rab ma de ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de'i 'og tu sgrub pa pos zhe sdang chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas de rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo//
- 13a
de kha dog dmar po ban du ka'i me tog lta bur so sor rtog pa'i ye shes kyi ngo bo gzi brjid chen po 'bar bas 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po pad man ta ka'i sku phyag rgya bskyed par bya'o/ /de khro mo'i rgyal mo khro gnyer ma dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni ci ltar le'u bzhi pa las sngags rings kyi tshul gyis dug thams cad med par bya ba'i las bya ba'i dus su smos pa de bzhin du 'dir bstan to/ /de lta bu'i ngo bo khro bo'i rgyal po pad man ta ka'i sku phyag rgya bskyed ma thag tu skyed par mdzad mkhan gsung gi rigs snang ba mdza' yas kyi sku phyag rgya khro bo'i rgyal po pad ma ta ka'i spyi bor dbang bskur ba'i tshul du gnas par bsam mo/ /tshul de ltar khro bo'i rgyal po pad man ta ka'i sku phyag rgya bskyed pa'i 'og tu sgrub pa pos de dang gnyis su med par bsgom par bya'o/ / de'i dus su lan tsha dang/ ske rtse dang/ yungs kar gyi mar dang/ dug thams cad dang/ da tu ra'i 'bras bu dang/ gzhan yang chu 'gram gnyis kyis dang/ grog mkhar gyi sa dang/ dur khrod kyi thal ba dang sa dang/ de dag thams cad blangs la gcig tu bsres nas btags te/ bong bu'i chu dang dkrugs te/ rdzas de las dgra'i gzugs brnyan hUM phaT a mo kaM ma ra naM ka ru sngags 'di khro bo chen po'i sems bskyed nas bzla zhing bya'o/ /de'i 'og tu khro bo chen po'i stabs kyis rkang pa g.yon pa brkyang pa'i tshul gyis dgra'i gzugs brnyan gyi snying gar bzhag go /g.yas bskum pa'i tshul gyis rked par bzhag go /gzhan yang sgrub pa pos nyid kyi gsad pa'i thugs ka ye shes sems pa'i gnas su sngags sa bon yig 'bru hUM bsam mo//
- 13b
de kha dog dmar po ban du ka'i me tog lta bu so sor rtog pa'i ye shes kyi khro bo gzi rjid chen po'i 'bar bas 'bar zhing 'od du zhu nas ye shes kyi khu ba bzhin du gyur par bsam mo/ /sa bon de las khro bo'i rgyal po'i sku phyag rgya bskyed par bya'o/ /phyag g.yas dang po na rdo rje'i kyo ba 'dzin/ g.yon dang po na rdo rje zhags pa 'dzin/ gzhan sku phyag rgya'i cha lugs phun sum tshogs pa thams cad ni khro bo'i rgyal po pad man ta ka nyid kyi ci ltar smos pa/ de lta bu 'bar ba chen po'i 'od kyis 'bar ba/ nam mkha' i dbyings thams cad du spro bar bya'o/ /de ma thag tu skad cig tsam gyis dgra gang gsad par bya ba rdo rje kyo bas snying ga nas bzung/ rdo rje zhags pas mgul pa nas bcings te/ tshul de ltar dgug par bya'o/ /de ma thag tu dgra rdzas kyi gzugs brnyan de la gnyis su med par thim par gyur par bsam mo/ /de'i 'og tu 'gugs par mdzad mkhan gyi khro bo'i rgyal po'i sku phyag rgya sgrub pa po nyid kyi spro ba'i gnas su gnyis su med par bsdu bar bya'o/ /de ltar sbyor ba'i cho ga'i tshul gyis zhe sdang chen po'i sems bskyed nas/ khro bo'i rgyal po'i bsgom pa dang ldan par sngags hUM phaT a mo kaM ma ra naM ku ru zhes 'bum phrag gsum gyi grangs kyi tshad du bzlas pa'i bsnyen pa bya bar bstan to/ /de rdzogs ma thag tu dgra'i gzugs brnyan la tsha ba'i sbyor ba bya ba yin no/ /bstan par bya ste/ mdun du smos pa'i rdzas ske rtse dang/ lan tsha dang/ yungs kar gyi mar dang/ dug thams cad dang/ shing tog da dur dang/ de dag blangs la gcig tu btags te/ rdo rje'i chu dang dkrug par bya'o/ /rdzas des khro bo chen po'i zhe sdang gi sems kyis gang du smos pa'i sngags bzla zhing dgra'i gzugs brnyan kun bsku bar bya'o/ /de ltar byas pas gsad ba'i las grub pa'i dus su mtshan ma gnyis 'byung ste/ dang po dgra'i gzugs brnyan 'bar ba yin no/ /de'i 'og tu
- 14a
'gul la/ /bstan par bya ste/ de ltar gsad pa'i las kyi sbyor ba byas pas sangs rgyas thams cad du smos pa ston pa mi bskyod pa rdo rje 'dzin nyid la sogs pa sangs rgyas thams cad kyang 'chi bar 'gyur bar bstan to/ /de ltar la dor ba'i tshig? tu smos so/ /gzhan yang phyi'i lha dang mi la sogs pa sems can thams cad 'chi bar 'gyur ba ni ngo mtshar yang mi che par bstan to/ /gzhan yang gsad ba'i las kyi sbyor ba thams cad kyi nang na tsha ba'i sbyor bas gsad ba'i las ni mchog tu smos so/ /mdor bsdu ba de ltar ske rtse lan tsha 'bru mar dang/ dang da tu ra dang gi don du gsungs so/ /sangs rgyas thams cad gsad ba 'di ni mchog tu 'gyur bar bshad ces pa'i don ni gong du bshad pas 'dir bshad mi dgos so/ /da ni gzhan yang khro bo chen po'i cha lugs kyi sbyor bas gsad bar bya ba'i las kyi cho ga'i don bstan par bya ste/ sol khus gsher ba'i gos dag ni/ /gyon te sems ni khros nas su/ rkang pas mtshan ma mnan na ni/ srin pos khyer bar gdon mi za/ /zhes bya ba'i don bshad par bya ste/ ci ltar yin na/ sol khus gsher ba'i gos dag ni/ /gyon te sems ni khros nas su/ gong du khro bo'i rgyal po a mri ta kun Da li'i bsnyen pa dang sbyor bas gsad ba'i las kyi bsgrub pa bya ba'i dus su/ phyi'i gnas ci ltar smos pa der dus 'dir yang bya bar bstan to/ /gzhan yang khro bo'i rgyal po a mri ta kuN+Da li'i sku phyag rgya bskyed pa'i cho ga'i tshul ci ltar smos pa'i de bzhin du dus 'dir khro bo 'dod pa'i rgyal po'i sku phyag rgya bskyed par bya'o/ /de khro mo 'dod pa'i dbang phyug ma dang gnyis su med par 'khyud pa'i sbyor ba dang ldan pa'o/ /gzhan yang sku phyag rgya'i cha lugs phun sum tshogs pa thams cad ni le'u bcu bzhi pa'i nang nas sngags rings kyi tshul gyis sngags thams cad dgug pa'i las bya ba'i dus su ci ltar smos pa de bzhin du dus 'dir bstan to/ /de lta bu'i ngo bo khro bo 'dod pa'i rgyal po'i sku phyag rgya bskyed pa'i 'og tu/ sbrul
- 14b
pa pos de dang gnyis su med pa'i nga rgyal du bsgom par bya'o/ /de'i dus su cha 'gram gnyis kyis dang/ grog mkhar gyi sa dang/ dur khrod kyi thal bas dang bcas pa blangs la gcig tu bsres te/ bong bu'i chu dang dkrugs te rdzas de la dgra'i gzugs brnyan Ta ki hUM dza hUM phaT a mo kaM ma ra naM ku ru/ sngags de khro bo chen po'i zhe sdang gi sems bskyed nas bzla zhing bya'o/ /de'i 'og tu sgrub pa pos khro bo chen po'i stabs kyis rkang pa g.yas bskum pas mtshan ma mnan/ g.yon brkyang pas snying gar mnan no/ /de'i dus su dur khrod kyi gos sam yang na bud med bu byung ba'i dus kyi gos blangs kyang mi 'gal lo/ /dur khrod kyi sol ba blangs la btags te/ rdo rje'i chu dang dkrugs la gos de gsher bar byas la/ khro bo chen po'i sems bskyed nas rgyab du gon la thu ba gnyis mgul bar mdud do/ /de'i 'og tu sgrub pa pos nyid kyi gsad pa'i thugs ka ye shes sems dpa' i gnas su sngags kyi sa bon yig 'bru hUM bsam mo/ de kha dog nag po me long lta bu'i ye shes kyi ngo bo ye shes kyi khu ba bzhin du gyur par bsam mo/ /sa bon de las khro bo'i rgyal po'i sku phyag rgya phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin gzhan yang sku phyag rgya'i cha lugs phun sum tshogs pa thams cad ni khro bo 'dod pa'i rgyal po nyid kyi sku phyag rgya'i ci ltar smos pa de lta bu'i sku phyag rgya 'bar ba chen po'i 'od kyis 'bar bar/ bskyed par bya ste/ nam mkha' i dbyings thams cad spro bar bya'o/ /de dag gis skad cig tsam gyis dgra gsad par bya ba rdo rje kyo bas snying ga nas bzung/ rdo rje zhags pas mgul ba nas bcings te/ tshul de ltar dgug go /de ma thag du dgra rdzas kyi gzugs brnyan la gnyis su med par thim par gyur par bsam mo/ /de'i dus su 'gugs par mdzad mkhrin khro bo'i rgyal po'i sku phyag rgya sgrub pa pos nyid kyi spro ba'i gnas su gnyis su med par bsdu bar bya'o/ /de ltar cho ga'i sbyor ba'i tshul gyis zhe sdang chen po'i sems bskyed nas/ khro bo 'dod pa'i rgyal po'i sngags rings bsgom pa dang ldan par sngags Ta ki hUM dza hUM phaT a mo kaM ma raM na ku ru zhes bya ba grangs kyi tshad 'bum phrag
- 15a
gsum du bzlas pa'i bsnyen pa bya'o/ /de ltar byas pas gsad pa'i las grub pa'i dbus su mtshan ma gnyis 'byung ngo/ /dang po dgra'i gzugs brnyan dang mtshan ma 'bar ro/ /de'i 'og tu gzugs brnyan dang mtshan ma 'gul lo/ /bstan par bya ste/ de ltar gsad pa'i las kyi sbyor ba byas pas srin pos khyer ba zhes pa/ srin po'i gdon gyis nges par gsod pa yin no/ /mdor bsdu ba de ltar sol khus gsher ba'i gos dag ni/ gon te sems ni khros nas kyi don du gsungs so/ /rkang pas ling ga mnan na ni/ srin pos khyer ba gdon mi za'i don ni gong du bshad zin to/ /da ni rdzas kyi sbyor ba gzhan gyis dgra gsad par bya ba'i las kyi don bstan par bya ste/ rus phye khrag dang dug rnams kyi/ /gzugs brnyan rab tu byas na ni/ /drag pos rdo rje sems dpa' yang/ /myur ba dag tu 'khyer bar 'gyur/ /zhes bya ba'i don bshad par bya ste/ ci ltar yin na/ rus phye khrag dang dug rnams kyi gzugs brnyan rab tu byas na ni/ gong du smos pa'i phyi'i gnas kyi cho ga dang/ gzhan yang gong du smos pa'i cho gas khro bo 'dod pa'i rgyal po'i sku phyag rgya bskyed par bya'o/ /de ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dus su chu 'gram gnyis kyis dang/ grog mkhar gyi sa dang/ sems can thams cad kyi rkang rjes kyi sa dang/ /gzhan yang mi rus kyi phye ma dang/ mi la sogs pa sems can thams cad kyi khrag gcig tu bsres la bong bu'i chu dang dkrugs par bya'o/ /rdzas des dgra'i gzugs brnyan Ta ki hUM dza hUM phaT a mo kaM ma ra naM ku ru/ sngags de khro bo chen po'i zhe sdang gi sems bskyed nas bzla zhing bya'o/ /de'i 'og tu khro bo chen po'i stabs kyis rkang pa g.yon pa brkyang pas dgra'i gzugs brnyan gyi snying gar bzhag go /gzhan yang sgrub pa pos nyid kyi gsang pa'i thugs ka ye shes sems pa'i gnas su sngags kyi sa bon yig 'bru hUM bsam mo/ /de kha dog nag po me long lta bu'i ye shes kyi ngo bo ye shes kyi khu ba bzhin du gyur par bsam mo/ /sa bon de las khro bo'i rgyal po'i sku phyag rgya bskyed par bya ste/ phyag g.yas dang po na rdo rje kyo ba 'dzin/ g.yon
- 15b
dang po na rdo rje zhags pa 'dzin pa/ gzhan sku phyag rgya'i cha lugs phun sum tshogs pa thams cad khro bo 'dod pa'i rgyal po nyid kyi sku phyag rgya ji ltar smos pa de lta bu'i sku phyag rgya 'bar ba chen po'i 'od kyis 'bar ba nam mkha' i dbyings thams cad du spro bar bya'o/ /de ma thag tu skad cig tsam gyis dgra gsad par bya ba rdo rje kyo bas snying ga nas bzung/ rdo rje zhags pas mgul ba nas bcings te/ tshul de ltar dgug par bya'o/ /de ma thag tu dgra rdzas kyi gzugs brnyan la gnyis su med par thim par bsam mo/ /de'i dus su dgug par mdzad mkhan khro bo'i rgyal po'i sku phyag rgya sgrub pa pos nyid kyi spro ba'i gnas su gnyis su med par bsdu bar bya'o/ /de ltar sbyor ba'i cho ga'i tshul gyis zhe sdang chen po'i sems bskyed nas/ khro bo 'dod pa'i rgyal po'i sngags rings sgom pa dang ldan par/ Ta ki hUM dza hUM phaT a mo kaM ma ra naM ku ru zhes grangs kyi tshad 'bum phrag gsum gyi bzlas pa'i bsnyen pa bya bar bstan to/ /de ltar byas pas gsad pa'i las grub pa'i dus su mtshan ma gnyis 'byung ste/ dang po ni dgra'i gzugs brnyan 'bar ba yin no/ /de'i 'og tu ni 'gul lo/ /bstan par bya ste/ de ltar gsad pa'i las kyi sbyor ba byas pa gong du smos pa drag por ming btags ba grub ma thag tu dpal rdo rje sems dpa' nyid kyang bzung zhes pa 'chir yin no/ /de ni la dor ba'i tshig tu smos so/ /mdun du smos pa'i dgra gzung bar ming btags pa/ srin po'i gdon gyis gsod par 'gyur ba ni ngo mtshar mi che bar bstan to/ /mdor bsdu ba de ltar rus phya khrag dang dug rnams kyi/ /gzugs brnyan rab tu byas na ni'i don du gsungs so/ /drag pos rdo rje sems dpa' yang/ /myur ba dag tu bzung bar 'gyur zhes pa'i don ni gong du bshad pas 'dir bshad mi dgos so/ /da ni gzhan yang tsha ba'i rdzas kyi sbyor bas dgra gsad par bya ba'i las kyi don bstan par bya ste/ ling ga ske rtser sbyar ba la/ /bshang cis yongs su yog par ni/ /blugs? la rkang pas rab mnan na/ /rab tu che bas btab par 'gyur/ zhes bya ba'i don bshad par bya ste/ ci ltar yin na/ ling ga ske rtse sbyar ba la/ /bshang cis yongs su yog par ni/ gong du smos pa'i phyi'i gnas kyi cho ga dang
- 16a
gzhan yang gong du smos pa'i cho ga'i tshul gyis khro bo'i rgyal po a mri ta kuN+Da li'i sku phyag rgya bskyed par bya'o/ /de ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dus su chu 'gram gnyis kyi sa dang/ grog 'khar gyi sa dang/ dur khrod kyi thal ba dang bcas pa dang/ de dag blangs la gcig tu bsres la bong bu'i chu dang dkrugs ste/ rdzas des dgra'i gzugs brnyan 'og nas 'byung ba'i khro bo'i rgyal po a mri ta kuN+Da li'i sngags rings khro bo chen po'i zhe sdang gi sems bskyed nas bzla zhing bya'o/ /de'i 'og tu dur khrod kyi thal ba sa dang bcas pa blangs la ske rtse dang bsres nas btags te/ rdzas de la mtshan ma byas te/ zlum po ring thugs khru gang sbom phra sor nyi shu rtsa lnga bya'o/ de ma thag tu sgrub pa pos rang gi bshang gci ban da'i nang du blangs la gong du smos pa'i sngags rings bzla zhing spyi bo nas rtsa ba yan chad dgang bar bya'o/ /de'i 'og tu bsgrub pa pos khro bo chen po'i stabs kyis rkang pa g.yas pa brkyang pas ling ga mnan/ g.yon pa skum pas dgra'i gzugs brnyan gyi snying gar mnan no/ /de ltar byas pa'i 'og tu sgrub pa pos nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi khu ba bzhin du gyur par bsam mo/ /sa bon de las khro bo'i rgyal po'i sku phyag rgya bskyed par bya ste/ phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ gzhan sku phyag rgya'i cha lugs phun sum tshogs pa khro bo'i rgyal po a mri ta kuN+Da li nyid kyi ltar smos pa de lta bu'i sku phyag rgya 'bar ba chen po'i 'od kyis 'bar ba nam mkha' i dbyings thams cad spro bar bya'o/ /de ma thag tu skad cig tsam gyis dgra gang gsad par bya ba de rdo rje kyo bas snying nas bzung/ rdo rje zhags pas mgul ba nas bcings te/ tshul de ltar dgug go /de ma thag tu dgra rdzas kyi gzugs brnyan la gnyis su med par thim par gyur par bsam mo/ /de'i dus su dgug par mdzad mkhan khro bo'i rgyal
- 16b
po'i sku phyag rgya sgrub pa po nyid kyis spro ba'i gnas su gnyis su med par bsdu bar bya'o/ /de ltar sbyor ba'i cho ga'i tshul gyi zhe sdang chen po'i sems bskyed nas/ 'og nas 'byung ba'i khro bo'i rgyal po a mri ta kuN+Da li'i sngags rings bsgom pa dang ldan par grangs kyi tshad 'bum phrag gsum du bzlas pa'i bsnyen pa bya'o/ /de ltar byas pas gsad pa'i las grub dus su mtshan ma gnyis 'byung ste/ dang po ni dgra'i gzugs brnyan dang ling ga 'bar ba'o/ /de'i 'og tu ni de gnyis 'bul ba'o/ /de ltar gsad pa'i las kyi sbyor ba byas pas dgra tsha ba chen pos myur du 'chi bar nges par 'gyur ro// mdor sdu ba de ltar ling+ga ske rtse ldan pa la/ /bshang gcis yongs su yog pa'i don du gsungs so/ /blugs la rkang pa rab mnan na/ /rab tu tsha bas btab par 'gyur gyi don ni gong du bshad zin to/ /da ni khro bo'i rgyal po a mri ta kun Da li'i bsgom pas gong du dgra gsad pa'i las ci snyed bya ba'i dus su sngags rings bzla bar bstan pa de bstan par bya ste/ de la 'di ni de bzhin gshegs pa thams cad kyi khro bo chen po'i dam tshig gi snying po'o/ /na ma sa man+ta/ ka ya bak+tsit+ta? badzra naM/ oM hu lu hu lu/ tishtha tishtha/ ban d+ha ban d+ha/ ha na ha na/ da ha da ha/ g+hardza g+hardza/ bi spo ta ya bi spo ta ya/ sarba big+ha nan/ big na ya kaM ma ha ga pa ti/ 'dzaM bi tan tA ka ra ya phaT/ ces bya ba'i don bshad par bya ste/ ci ltar yin na/ de la 'di ni de bzhin gshegs pa thams cad ni/ ston pa mi bskyod pa rdo rje 'dzin nyid la sogs pa'i rigs lnga'i de bzhin gshegs pa grangs med pa thams cad du smos so/ /khro bo chen po zhes pa ni/ gong du smos pa'i de bzhin gshegs pa de dag thams cad don dam par ston pa mi bskyod pa rdo rje 'dzin dang gnyis su med pa'i ngo bo yin no/ /bstan par bya ste/ ston pa mi bskyod pa rdo rje 'dzin gyis thugs rje chen pos khros te/ phung po'i bdud la sogs pa bdud dang bgegs ma rungs pa'i tshogs thams cad gzhom par mdzad pa'i phyir zhe sdang gi thugs bskyed nas me long lta bu'i ye shes kyi ngo bo'i cho 'phrul gyi bye brag sna tshogs sprul pa'i don des dam tshig tu smos so/ /snying po zhes pa ni/ khro bo'i rgyal po a mri ta kuN+Da li'i dam tshig gong du smos pa de dang gnyis su med pa'i ngo bor snying por ming btags
- 17a
pa sngags rings su smos so/ /mdor bsdu ba de ltar snying po'i don du gsungs so/ /sngags rings kyi don ni sngar bshad pas 'dir bshad mi dgongs so/ /ho 'am yang na bsam gtan gyis/ /lus dang ngag sems 'jig pa ste/ /ma yengs pa'i sems kyis bya/ /'di ni gsad ba dam pa'o/ /zhes bya ba'i don bshad par bya ste/ /ci ltar yin na/ to 'am yang na bsam gtan gyis/ /ma yengs pa'i sems kyis bya ni/ gong du smos pa'i tshul gyis drag po'i ho bshad pa de bya ba'i dus su dang/ yang na rdzas kyi sbyor ba dang ldan pas gsad pa'i bsam gtan smos pa de bya ba'i dus du gong du smos pa'i khro bo'i rgyal bo a mri ta kuN+Da li'i sngags rings bzlas pa bya bas lha dang mi la sogs pa dgra'i bye brag sna tshogs pa de dag thams cad kyi lus dang ngag dang yid kyi ngo bo'i gzugs kyi phung po 'jigs pa ni med par 'gyur ba smos so/ /de ltar hoM 'am yang na bsam gtan gyis/ / lus dang ngag sems 'jig pa'i don du gsungs so/ /ma yengs pa'i sems kyis bya/ /'di ni gsad pa dam pa'o zhes pa ni/ gong du smos pa'i tshul gyi gsad pa'i las kyi cho ga'i sbyor ba bshad pa thams cad bya ba'i dus su sems rnam par rtog pa'i g.yeng bas mi bya'o/ /sgrub pa pos gsad pa'i las thams cad kyi nang na/ gsad pa'i las 'di dam pa yin no/ /bstan par bya te/ sgrub pa pos/ ci ltar smos pa'i gsad pa'i las kyi sbyor ba bya ba'i dus su/ /phyin ci log gi rnam par rtog pa spangs nas sems rtse gcig tu gyur pas dgra gsad pa'i las bya ba yin no/ /tshul de ltar byas na dgra sod pa'i dngos grub kyi 'bras bur 'gyur/ /de ltar ma yengs pa'i sems kyis bya/ /'di ni gsad pa dam pa'i don du gsungs so/ /da ni khyad bar gyi bsgom pa'i cho gas dgra gsad pa'i las bya ba'i don bstan par bya ste/ rdo rje sems dpa' gtum po che/ /rnam par dgrad ba 'jigs 'jigs lta/ /sta re tho ba phyag na bsnams/ /bsams nas bsam gtan rab tu bya/ /zhes bya ba'i don bshad par bya ste/ /ci ltar yin na/ rdo rje sems dpa' gtum po che/ /rnam par dgrad pa 'jigs 'jigs lta ni/ /khro bo'i rgyal po a mri ta kuN+Da li phyi'i gnas ci
- 17b
ltar smos pa'i gnas der dus 'dir yang dgra gsad pa'i las bya ba yin no/ /gnas der dang po dkyil 'khor gru gsum kun tu khru re bdud rtsi lngas bsku ba bya'o/ /de'i 'og tu sgrub pa pos de'i steng du brtson 'grus chen po'i sems brtan pas bskyed nas mos pa'i skyil mos 'dug go / de'i 'og tu mdun du smos pa'i cho ga bzhi'i tshul gyis dpal rdo rje sems dpa' i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud ba'i sbyor ba dang ldan pa'o/ /de'i sku phyag rgya'i cha lugs phun sum tshogs pa ci ltar mdun du smos pa'i de bzhin du 'dir bya'o/ /de lta bu'i ngo bo dpal rdo rje sems dpa' i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su zhe sdang chen po'i khro bor gyur par brtag go /de ni zhe sdang rdo rje yin no/ /gzhan yang zhe sdang rdo rje'i dus 'di'i cha lugs bstan par bya ste/ sku mdog sprin nag po lta bu me long lta bu'i ye shes kyi 'bar ba chen po'i 'od kyis bskal pa'i me bzhin rab tu 'bar ba/ ral pa gyen du brjes pa sbrul gyis bcings pa'o/ /don des gtum por smos so/ /gzhan yang sku che ba dang/ spyan dmar ba dang/ smin ma yang dang yang bskyod par mdzad pa'o/ /don des rnam par dgrad par smos so/ /gzhan yang khro bo'i rgyan gyis brgyan pa dang/ mche ba'i phreng ba dang ldan pa dang/ ljags 'dril ba dang/ khros te phyogs bcur gzigs pa'o/ /bstan par bya ste/ gong du smos pa'i cha lugs phun sum tshogs pa'i ngo bo'i sku phyag rgya des bdud dang bgegs kyi tshogs thams cad 'jigs par mdzad par bstan to/ /mdor bsdu ba de ltar rdo rje sems dpa' gtum po che/ /rnam par bgrad pa 'jigs 'jigs lta'i don du gsungs so/ /sta ri tho ba phyag na bsnams zhes pa ni/ dpal rdo rje sems dpa' i dus na phyag g.yas dang po na rdo rje rtse lnga 'dzin pa de ni rdo rje'i sta rer gyur par brtag go /g.yon dang Spo na rdo rje dril bu 'dzin par smos pa de ni rdo rje tho ba'i ngo bor gyur par brtag go /phyag mtshan gzhan ni dpal rdo rje sems dpa' nyid kyi ci ltar smos pa de bzhin du 'dir bstan to/ /tshul de ltar dpal rdo rje sems dpa' i sku phyag rgya zhe
- 18a
sdang rdo rje'i ngo bor bsgom par bya ba yin no/ /de ltar sta re tho ba phyag na bsnams kyi don du gsungs so/ /bsams nas bsam gtan rab tu brtag ces pa ni/ sgrub pa pos gong du smos pa'i zhe sdang rdo rje'i sku phyag rgyar gnyis su med par bsgom zhing/ /gzhan yang bsam gtan bya ste/ de gsal bar bstan par bya ste/ /sgrub pa pos nyid kyi gsad ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid 'bar ba'i 'od kyis 'bar zhing ye shes kyi khu ba bzhin du gyur pa bsam mo/ /sa bon de las khro bo'i rgyal po a mri ta kuN+Da li'i sku phyag rgya bskyed par bya'o/ /de'i phyag g.yas dang po na rdo rje kyo ba 'dzin no/ /g.yon dang po na rdo rje zhags pa 'dzin no/ /phyag mtshan la sogs pa sku phyag rgya'i cha lugs phun sum tshogs pa gzhan ni dus 'dir zhe sdang rdo rje nyid kyi ci ltar smos pa de dang 'dra ba'i sku phyag rgya 'bar ba chen po'i 'od kyis 'bar ba nam mkha' i dbyings de'i dus su chu 'gram gnyis kyi sa dang/ grog mkhar gyi sa dang/ dur khrod kyi thal ba sa dang bcas pa dang/ de dag blangs la gcig tu bsres te/ bong bu'i sku? dang dkrugs te/ rdzas de la dgra'i gzugs brnyan a mu kaM ma ra naM ku ru zhes sngags bzla zhing bya'o/ /de'i 'og tu bsgrub pa pos khro bo chen po'i stabs kyis rkang pa g.yon brkyang bas snying gar bzhag go /g.yas bskum pas rked bar bzhag go /de ltar byas pa'i 'og tu bsgrub pa pos nyid kyi gsang ba'i thugs ka ye shes sems dpa' i gnas su gong du smos pa'i cha lugs phun sum tshogs pa dang ldan pa'i khro bo'i rgyal po a mri ta kuN+Da li'i sku phyag rgya bskyed par bya'o/ /de 'bar ba chen po'i 'od kyis 'bar ba nam mkha' i dbyings thams cad spro bar bya'o/ /de ma thag tu skad cig tsam gyis mi dang mi ma yin pa'i dgra de dag thams cad rim pa nas rdo rje kyo bas snying ga nas bzung/ rdo rje zhags pas mgul ba nas bcings te/ tshul de ltar bkug nas/ sgrub pa po nyid kyi mdun gyi gzugs brnyan la thim
- 18b
par gyur par bsam mo/ /de'i dus su 'gugs par mdzad mkhan khro bo'i rgyal po a mri ta kuN+Da li'i sku phyag rgya bsgrub pa po nyid kyis spro ba'i gnas su gnyis su med par bsdu bar bya'o/ /de'i 'og tu mdun du smos pa'i tshul gyis cho ga'i gnas su sngags kyi sa bon yig 'bru dang kha dog dang/ ye shes dang gzi brjid dang/ khu ba'i ngo bor gyur pa'i bsgom pa byas nas/ sa bon de las rnam par snang mdzad la sogs pa rigs lnga'i bye brag gi sangs rgyas thams cad nam mkha' i dbyings gang bar spro bar bya'o/ /bstan par bya ste/ mdun du smos pa'i tshul gyi ye shes kyi mtshon cha'i bye brag sna tshogs 'dzin pa dang/ zhe sdang chen pos khros te 'bar ba chen po'i 'od kyis 'bar ba'o/ /gzhan yang man ngag gis bstan par bya ste/ mdun du smos pa'i tshul gyi ye shes kyi mtshon cha'i bye brag sna tshogs 'jigs pa dang/ dus 'dir ni 'bar ba'i 'od kyi nang nas nyid nyid kyi gnas nas phyag na rdo rje dang/ byams pa dang/ nam mkha' i snying po dang/ 'jig rten dbang phyug dang/ sgrib pa thams cad rnam par sel ba la sogs pa'i sku phyag rgya sprin bzhin du spro bar bya ste/ so so'i sku mdog dang ldan pa dang/ zhal gsum phyag drug pa/ dus 'dir ye shes kyi mtshon cha'i bye brag sna tshogs 'dzin pa/ rgyan gyi bye brag sna tshogs kyis brgyan pa/ zhe sdang chen pos khros te/ /'bar ba chen po'i 'od kyis 'bar ba'o/ /tshul de ltar nam mkha' i dbyings kyi gnas su sangs rgyas dang byang chub sems dpas rnam par gang bar bsgom par bya'o/ /mdor bsdu ba de ltar sangs rgyas byang chub sems dpa' yis/ /yongs su gang bar bsgoms nas ni'i don du gsungs so/ /gdug pa thams cad brdeg na ni/ /rdo rje 'dzin pa nyid kyang 'chi zhes ba ni/ gong du smos pa'i tshul du sangs rgyas dang byang chub sems dpa' thams cad spros ma thag tu/ de dag gis dus gcig tu bsgrub pa po'i dgra ci ltar smos pa'i sbyar ba'i ngo bo mdun na 'dug pa de'i steng du khro bo chen pos/ ye shes kyi mtshon cha 'bar ba phab pas brdeg par bsgom mo/ /bstan par bya ste/ de ltar ye shes kyi mtshon chas brdeg ma thag tu rdo rje 'dzin ston pa mi skyod pa rdo rje 'dzin nyid kyang 'chi'o/ /de ni la dor ba'i tshig tu smos so//
- 19a
gzhan phyi'i dgra ma rungs pa mi dang mi yin pa thams cad 'chi pa ni ngo mtshar yang mi che'o/ /de ltar gdug pa thams cad brdeg na ni/ rdo rje 'dzin pa nyid kyang 'chi'i don du gsungs so/ /da ni gong du smos pa'i thams cad spro'o/ /de ma thag tu skad cig tsam gyis dgra gsad bar bya ba de rdo rje kyo bas snying ga nas gzung/ rdo rje zhags pas mgul pa nas bcings te/ bkug nas bsgrub pa pos nyid kyi mdun du bzhag par bsam mo/ /de'i dus su 'gugs par mdzad mkhan khro bo'i rgyal po a mri ta kuN+Da li'i sku phyag rgya sgrub pa po nyid kyi spro ba'i gnas su gnyis su med par bsdu bar bya'o/ /tshul de ltar dgra dgug pa'i bsam gtan rab tu bya bar smos so/ /de ltar bsam nas bsam gtan rab tu bya ba'i don du gsungs so/ /de la 'di ni khro bo gtum po'i dam tshig go /nam mkha' sangs rgyas thams cad kyis/ /yongs su gang bar rab tu bsgom/ /gdug pa de yis brdeg par ni/ /bsams na de ma thag tu 'chi/ /zhes bya ba'i don bshad par bya ste/ ci ltar yin na/ de la 'di ni khro bo gtum po chen po'i dam tshig go ni/ /gtum po zhes pa bdud dang bgegs ma rungs pa'i tshogs thams cad 'joms par mdzad mkhan dpal rdo rje sems dpa' nyid kyi thugs bskul nas khros te zhe sdang rdo rje'i ngo bor bstan pa'o/ /khro bo dam tshig ces pa ni/ rnam par snang mdzad la sogs pa sangs rgyas thams cad du smos pa de dag 'og nas 'byung ba'i dgra gsad par bya ba'i phyir khro bo'i tshul du sprul pa'o/ /don des 'di ni khro bo'i dam tshig tu smos so/ /nam mkha' sangs rgyas thams cad kyis yongs su gang bar rab tu bsgom zhes pa ni/ sgrub pa pos nyid kyi gsang ba'i thugs ka ye shes sems dpa' gnas su sngags kyi sa bon yig 'bru oM hUM A swAhA rnams nyid nyid kyi rigs kyi kha dog dang ye shes dang ldan pa gzi brjid kyi 'bar ba'i 'od kyis 'bar ba ye shes kyi khu ba bzhin du gyur par bsam mo/ /sa bon de las rnam par snang mdzad la sogs pa rigs lnga'i bye brag gi /sangs rgyas thams cad nam mkha' i dbyings gang bar spro bar bya'o/ /bstan par bya ste/
- 19b
de dag thams cad so so'i sku mdog dang tshul ci ltar smos pa'i zhal gsum dang/ phyag drug dang/ dus 'dir ye shes kyi mtshon cha'i bye brag sna tshogs 'dzin pa dang/ rgyan gyi bye brag sna tshogs kyis brgyan pa dang/ zhe sdang chen pos khros pa/ 'bar ba chen po'i 'od kyis 'bar ba tshul de ltar rab tu bsgom par bya bar smos so/ /de ltar nam mkha' sangs rgyas thams cad kyis/ /yongs su gang bar rab tu bsgom gyi don du gsungs so/ /gdug pa de yis brdeg par ni/ bsams na de ma thag tu 'chi zhes pa ni/ mdun du smos pa'i tshul gyi sangs rgyas thams cad smos ma thag tu de dag gis dus gcig tu bsgrub pa po'i mdun na dgra gnas pa de'i steng du khro bo chen pos ye shes kyi mtshon cha 'bar ba phab pa'i tshul gyis brdeg par bsgom mo/ /bstan pa bya ste/ gong du smos pa'i tshul gyi ye shes kyi mtshon chas brdeg ma thag tu/ dgra 'chi bar gyur pa yin no/ /bshad par bya ste/ /yun rings por bsgoms pas 'chi bar 'gyur ba ni ngo mtshar mi che'o/ /de ltar gdug pa de yis brdeg par ni/ /bsams na de ma thag tu 'chi'i don du gsungs so/ /de ni gong du smos pa'i bsad pa'i las bya ba'i dus su khyad par gyi bsgom pa'i sbyor ba gzhan bya ba'i don bstan par bya ste/ /sangs rgyas byang chub sems dpa' yis/ /yongs su gang bar bsgoms nas ni/ /gdug pa thams cad brdegs na ni/ /rdo rje 'dzin pa nyid kyang 'chi/ zhes bya ba'i don bshad par bya ste/ /ci ltar yin na/ sangs rgyas byang chub sems dpa' yis/ /yongs su gang bar bsgoms na ni/ /gong du smos pa'i tshul du zhe sdang rdo rje sku phyag rgya bskyed par bya'o/ /de'i 'og tu sgrub pa pos de dang gnyis su med pa'i nga rgyal du bsgom par bya'o/ /gsad pa'i las bya ba'i dus su bsgom pa'i sbyor ba gzhan yang bya ba'i don bstan par bya ste/ sangs rgyas gnod byed dgra rnams ni/ /sngags mkhan gyi ni mdun du ni/ /'jigs skrag 'khrugs bar rab bsams na/ /rdo rje 'dzin pa nyid kyang 'chi/ /zhes bya ba'i sgra bshad par bya ste/ ci ltar yin na/ gong du smos pa'i bsang pa'i las bya ba'i dus su ci ltar smos pa'i mi dang mi ma yin pa'i dgra thams cad bkug ma thag tu/ sngags pa ni
- 20a
sgrub pa po nyid yin te/ des rang gi mdun du skad cig tsam gyis sangs rgyas la gnod pa byed pa zhes pa rdo rje slob dpon nyid sangs rgyas yin te/ de la smos pa la sogs pa gnod pa'i bye brag sna tshogs byed pa dang/ gzhan yang theg pa chen po gsang sngags la smod pa'i dgra thams cad la 'jigs shing skrag nas sems 'khrugs te/ lus rdul ba dang/ shin tu 'dar ba dang/ kha nas khrag skyug cing rdzas kyi gzugs brnyan la gnyis su med par thim par gyur par bsam mo/ /da ni gzhan yang khyad par du bsgom pa'i sbyor ba'i cho gas dgra bsad par bya ba'i las kyi don bstan par bya ste/ srin po khro bo sna tshogs pa/ /gtum zhing khro bo mi bzad pas/ /des ni skrag par byas sgoms na/ /rdo rje 'dzin pa nyid kyang 'chi/ /zhes bya ba'i don bshad par bya ste/ ci ltar yin na/ srin po khro bo sna tshogs pa/ / gtum zhing khro bo mi bzad pa ni/ mdun du smos pa'i tshul gyis zhe sdang rdo rje'i sku phyag rgyar gyur par bya'o/ /de ma thag tu bsgrub pa pos de dang gnyis su med pa'i nga rgyal du bsgom par bya'o/ /de'i dus su mdun du smos pa'i rdzas kyi sbyor ba las dgra'i gzugs brnyan hUM phaT a mo kaM sha truM mar naM hUM ku ru zhes sngags rjod cing bya'o/ /de'i 'og tu sgrub pa pos khro bo chen po'i stabs kyis mdun du smos pa'i tshul gyis rkang pa g.yas dang g.yon gyi dgra'i gzugs brnyan mnan par bya'o/ /de'i 'og tu sgrub pa pos nyid kyi gsang ba'i thugs ka ye shes sems dpa' i gnas su ci ltar smos pa'i tshul gyi cha lugs phun sum tshogs pa dang dan pa'i khro po'i rgyal po a mri ta kun Da li'i sku phyag rgya bskyed par bya'o/ /de 'bar ba chen po'i 'od kyis 'bar ba nam mkha' i dbyings thams cad du spro bar bya'o/ /de ma thag tu skad cig tsam gyis mi dang mi ma yin pa'i dgra thams cad rim par rdo rje'i kyo bas snying ga nas bzung/ rdo rje zhags pas mgul pa nas bcings te/ sgrub pa po nyid kyi mdun na rdzas kyi gzugs brnyan la thim par gyur par bsam mo/ /de'i dus su 'gug par mdzad
- 20b
mkhan khro bo'i rgyal po a mri ta kuN+Da li'i sku phyag rgya sgrub pa po nyid kyis spro ba'i gnas su gnyis su med par bsdu bar bya'o/ /de'i 'og tu nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /da ni dus 'dir kha dog sna tshogs pa dang ldan pa/ me long lta bu'i ye shes kyi ngo bo ye shes kyi khu ba bzhin du gyur par bsam mo/ /sa bon de las sna tshogs zhes pas rdo rje srin po la la ni nag po/ la la ni ser po/ la la ni dkar po/ la la ni ljang gu/ gzhan la la ni mgo cig pa/ la la mgo gnyis pa/ la la ni mgo gsum pa/ la la ni mgo bzhi pa/ la la ni mgo bcu pa/ la la ni mgo bcu gcig pa'o/ /gzhan yang la la ni lag pa gnyis pa/ la la ni lag pa bzhi pa/ la la ni lag pa drug pa/ la la ni lag pa brgyad pa/ la la ni lag pa nyi shu pa/ la la ni lag pa nyi shu rtsa gnyis pa'o/ /de dag kun kyang skra ral pa gyen du brdzes pa/ shin tu 'bar ba/ rgyan med pa mche ba'i phreng ba dang ldan pa/ sku che ba'o/ /de dag gis rdo rje dang ral gri dang/ dgra sta la sogs pa mtshon cha'i bye brag sna tshogs 'dzin pa/ de lta bu'i bye brag sprin bzhin du nam mkha' i dbyings thams cad gang bar spro bar bya'o/ /bstan par bya ste/ gtum po zhes pa ni/ dgra ma rungs pa thams cad med par bya ba'i phyir zhe sdang gi sems dang ldan pa yin no/ /mi bzad pa zhes pa ni/ /sku che ba de 'bar ba chen po'i 'od kyis 'bar ba yin no/ /khro bo zhes pa ni/ gong du smos pa'i tshul gyi sku phyag rgya'i cha lugs phun sum tshogs pa/ 'jigs par byed pa'i ngo bo ldan pa'o/ /don des khro bar smos so/ /mdor bsdu ba de ltar srin po khro bo sna tshogs pa/ /gtum zhing khro ba mi bzad pa'i don du gsungs so/ /de ni skrag par byas bsgoms na/ /rdo rje 'dzin pa nyid kyang 'chi/ /zhes pa ni/ gong du smos pa'i tshul du rdo rje srin po spros ma thag tu/ sgrub pa po'i dgra thams cad dang gnyis su med pa'i ngo bo ci ltar smos pa'i rdzas kyi sbyor ba las byas pa'i gzugs brnyan mdun du bzhag pa de'i steng du de dag dus cig tu babs pas dgra thams cad skrag par byas par bsgom pa yin no/ /de ltar bsgom pa byas pas rdo rje 'dzin pa ston pa mi bskyod pa nyid kyang 'chi'o/ de ni la dor ba'i tshig du smos so/ /gzhan phyi'i ci ltar smos pa'i
- 21a
dgra thams cad 'chi ba ni ngo mtshar mi che bar bstan to/ /de ltar nges ni skrag par byas bsgoms na/ rdo rje 'dzin pa nyid kyang 'chi ba'i don du gsungs so/ /da ni gzhan yang khyad par gyi bsgom pa'i cho ga'i sbyor bas dgra gsad pa'i las bya ba'i don bstan par bya ste/ 'ug pa khwa dang bya rgod dang/ /mchu rings dang ni spyang ki yis/ /zos bar bya bar bsgom na ni/ /sangs rgyas dag kyang nges par 'jig /ces bya ba'i don bshad par bya ste/ ci ltar yin na/ 'ug pa khwa dang bya rgod dang/ /mchu rings dang ni spyang ki yis ni/ mdun du smos pa'i chul gyis zhe sdang rdo rje'i sku phyag rgyar gyur par bya'o/ /de ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dus su sgrub pa pos nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo ye shes kyi khu ba bzhin du gyur bar bsam mo/ /sa bon de las khro bo'i rgyal po a mri ta kuN+Da li'i sku phyag rgya bskyed par bya'o/ /de'i phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ mtshon cha la sogs pa sku phyag rgya'i cha lugs phun sum tshogs pa gzhan ni mdun du ci ltar smos pa bzhin du 'dir bya'o/ /de 'bar ba chen po'i 'od kyis 'bar ba nam mkha' i dbyings thams cad du spro bar bya'o/ /de ma thag tu skad cig tsam gyis gong du smos pa'i dgra thams cad rim pa nas rdo rje kyo bas snying gnas bzung/ rdo rje zhags pas mgul pa nas bcings te/ tshul de ltar bkug nas sgrub pa po nyid kyi mdun du bzhag par bsam mo/ /de'i dus su 'gugs par mdzad mkhan khro bo'i rgyal po a mri ta kuN+Da li'i phyag rgya bsgrub pa pos nyid kyi spro ba'i gnas su gnyis su med par bsdu bar bya'o/ /de'i 'og tu gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de dus 'dir kha dog sna tshogs dang ldan pa'o/ /me long lta bu'i ye shes kyi ngo bo ye shes kyi khu ba bzhin du gyur par bsam mo/ /sa bon de las rdo rje 'ug pa thal ba'i kha dog lta bu lus che ba/ gshog pa che ba/ mig dmar ba/
- 21b
mchu rno bsra ba/ 'bar ba chen pos 'bar ba'o/ /gzhan yang rdo rje khwa ta ni/ kha dog sngon po lus che ba gshegs pa che ba/ mig ser ba/ mchu rno bsra ba/ 'bar ba chen pos 'bar ba'o/ /gzhan yang rdo rje bya rgod ni kha dog dkar ser/ lus che ba/ gshog pa che ba/ mig nag pa/ mchu rno bskra dmar ba/ 'bar ba chen pos 'bar ba/ gzhan yang rdo rje spyang ki kha dog sna tshogs/ lus che ba/ ral pa dang spu gyen du phyogs pa/ mig dmar ba/ mche ba'i gzhan yang mchu rings zhes pa rdo rje kang ka /kha dog shin tu dkar ba/ lus che ba/ gshog pa che ba/ mig dmar ser/ mchu rno ba ske ba ring ba dmar ba mdog dmar ba/ 'bar ba chen pos 'bar ba'o/ /phreng ba dang ldan pa/ 'bar ba chen pos 'bar ba'o/ /de lta bu'i bye brag tu bskyed ma thag tu rdo rje mkha' 'gro'i sprin nam mkha' i dbyings thams cad du khyab par gang bar spro bar bya'o/ /mdor bsdu ba de ltar 'ug pa khwa ta bya rgod dang/ /mchu rings dang ni spyang ki yis kyi don du gsungs so/ /zos par bya bar bsgoms na ni/ sangs rgyas dag kyang nges par 'jig ces pa ni/ gong du smos pa'i tshul gyis rdo rje mkha' 'gror spros ma thag tu/ de dag gis dus gcig tu sgrub pa po nyid kyi dgra thams cad mdun du bzhag pa de'i steng du bab ste/ de ma thag tu 'jigs pa chen po'i sgra sgrogs shing dgra thams cad kyi lus za ba byed par bsgom mo/ /de ltar bsgom pa byas pas sangs rgyas zhes pa rnam par snang mdzad la sogs pa'i rigs lnga'i bye brag gi sangs rgyas smos pa de dag kyang nges par 'jig par gyur ro/ /de ni la dor ba'i tshig tu smos so/ / gzhan ci ltar smos pa'i dgra thams cad 'jig par 'gyur ba ni ngo mtshar mi che bar smos so/ /de ltar zos bar bya bar bsgoms na ni/ sangs rgyas dag kyang nges par 'jig gi don du gsungs so/ /da ni gzhan yang bsgom pa'i khyad bar gyi bsgom pas dgra gsad par bya ba'i las kyi don bstan par bya ste/ sbrul nag rab tu gtum pa ni/ /'jigs pa dag kyang 'jigs byed pa/ /dug gi dam tshig mchog 'di ni/ /'phral bar bsams na 'jigs par 'gyur/ zhes bya ba'i don bshad par bya ste/ ci ltar yin na/ sbrul nag rab tu gtum pa ni/ /'jigs pa dag kyang 'jigs par byed
- 22a
na/ gong du smos pa'i tshul gyis zhe sdang rdo rje sku phyag rgyar gyur par bya'o/ /de ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dus su nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo ye shes kyi khu ba bzhin du gyur par bsam mo/ /sa bon de las khro bo'i rgyal po a mri ta kuN+Da li'i sku phyag rgya bskyed par bya'o/ /de'i phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin gzhan phyag 'tshan la sogs pa sku phyag rgya'i cha lugs phun sum tshogs pa kun ni mdun du ci ltar smos pa bzhin du 'dir bya'o/ /de 'bar ba chen po'i 'od kyis 'bar zhing nam mkha' i dbyings thams cad du spro bar bya'o/ /da ma thag tu skad cig tsam gyis gong du smos pa'i dgra de dag thams cad rim pa nas rdo rje kyo bas snying ga nas bzung/ rdo rje zhags pas mgul pa nas bcings te bkug nas sgrub pa po nyid kyi mdun du 'dug par bsam mo/ /de'i dus su 'gugs par mdzad mkhan khro bo'i rgyal po a mri ta kuN+Da li'i sku phyag rgya bsgrub pa pos nyid kyi spro ba'i gnas su gnyis su med par bsdu par bya'o/ /de'i 'og tu nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /yang na sngags kyi sa bon yig 'bru hUM bsam yang mi 'gal lo/ /de kha dog shin tu nag pa me long lta bu'i ye shes kyi ngo bo ye shes kyi khu ba bzhin du gyur par bsam mo/ /sa bon de las rdo rje sbrul bskyed par bya ste/ kha dog shin tu nag pa/ lus che ba/ dug gis gang ba/ mig dmar ser/ mche ba'i phreng ba can/ lce 'dril ba/ 'bar ba chen pos 'bar ba'o/ /de lta bu'i rdo rje sbrul bskyed ma thag tu/ nam mkha' i dbyings thams cad du khyab par spro bar bya'o/ /bstan par bya ste/ rab tu gtum par ming btags pa ni dgra ma rungs pa thams cad med par byed pa'i zhe sdang chen po'i sems dang ldan pa ste/ don des gsum par smos so/ /'jigs pa dag kyang 'jigs byed pa zhes pa ni/ mi dang mi ma yin pa'i dgra thams cad kyis
- 22b
gnod pa'i bye brag sna tshogs byed pa de dag gi 'jigs pa med par byed pa yin no/ /don des 'jigs pa dag kyang 'jig byed par smos so/ /dug gi dam tshig mchog 'di ni/ 'phral bar bsams na 'jigs par 'gyur zhes pa ni gong du smos pa'i tshul gyis rdo rje'i sbrul de bskyed nas spros ma thag tu/ /sgrub pa po'i mdun na dgra gnas pa'i de'i steng du khro bo chen pos bsam ma thag tu/ dug gi dam tshig gi mchog tu ming btags pa dgra rnams kyi 'phral bar rim pa nas kha nas dug gtor zhing mche bas 'dzin par sgom par bya'o/ /de ltar dug gi dam tshig mchog 'di ni/ 'phral bar bsam na 'jigs par 'gyur gyi don du gsungs so/ /sbrul de yis ni zos na ni/ /sangs rgyas dag kyang nges par 'jig /ces bya ba'i tshul ci ltar smos pa'i rdo rje sbrul nag po chen po des 'phral bar dug gtor zhing gzung bas gdong ba kun mche bas bzung nas za bar bsgom pa byas pas/ sangs rgyas rnam par snang mdzad la sogs pa rigs lnga'i bye brag gi sangs rgyas de dag kyang nges par 'jig par 'gyur ro/ /de ni la dor ba'i tshig tu smos so/ /gzhan yang phyi ci ltar smos pa'i sgra thams cad med par 'gyur ba ni ngo mtshar mi che bar smos so/ /de ltar sbrul de yis ni thos na ni/ sangs rgyas dag kyang nges par 'jig gi don du gsungs so/ /phyogs bcu'i sems can thams cad las/ /'tshe zhing gnod pa 'byung ba yi/ /dgra rnams 'jig par bya ba la/ 'di ni gsad pa'i mchog yin no/ /zhes bya ba'i don bshad par bya ste/ ci ltar yin na/ mdun du smos pa'i tshul gyi rdo rje'i sbrul nag po chen po bsgom pa'i sbyor bas/ /phyogs bcu'i 'jig rten gyi khams thams cad na gnas pa'i sems can thams cad ces pa de dgra ma rungs ba thams cad yin te/ de dag la ji ltar smos pa'i sbrul spros nas gsad pa'i las bya bas gnod pa'i 'jigs pa 'byung bar bya bas dgra thams cad dus gcig tu med par bya'o/ /bstan par bya ste/ gsad pa'i las thams cad kyi nang na rdo rje sbrul nag po spro ba'i bsgom pa'i sbyor bas gsad pa'i las bya ba 'di ni mchog yin par bstan to/ /da ni bsgom pa'i sbyor ba'i cho ga'i khyad par gzhan gyi
- 23a
dgra gsad pa'i las bya ba'i don bstan par bya ste/ tho ba rab tu drag po yis/ /brtul zhugs can gyi brla brdegs na/ /rdo rje chos kyi bka' ? bzhin du/ /dgra'i srog ni med par 'gyur/ zhes bya ba'i don bshad par bya ste/ ci ltar yin na/ tho ba rab tu drag po yis/ /brtul zhugs can gyis brla brdegs na ni/ /gong du smos pa'i tshul gyis zhe sdang rdo rje'i sku phyag rgyar gyur par bya'o/ /de ma thag tu bsgrub pa pos de dag gnyis su med pa'i nga rgyal du bsgom par bya'o/ /de'i dus su dur khrod kyi thal ba dang/ grog mkhar gyi sa dang/ dug thams cad gcig tu bsres nas bong bu'i chu dang dkrugs te rdzas de las dgra'i gzugs brnyan bsngags hUM phaT a mo kaM sha truM ma ra naM ku ru/ zhes brjod cing bya'o/ de'i 'og tu sgrub pa pos khro bo chen pos stobs kyis rkang pa g.yon pa brkyang bas dgra'i gzugs brnyan gyi snying gar bzhag go / g.yas bskum pas rked par gzhag go /de ltar byas nas nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo ye shes kyi khu ba bzhin du gyur bar bsam mo/ /sa bon de las khro bo'i rgyal po a mri ta kuN+Da li'i sku phyag rgya bskyed par bya'o/ /de'i phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin gzhan mtshon cha la sogs pa sku phyag rgya'i cha lugs phun sum tshogs pa thams cad mdun du ci ltar smos pa bzhin tu 'di bya'o/ /de 'bar ba chen po'i 'od kyis 'bar ba nam mkha' i dbyings thams cad du spro bar bya'o/ /de ma thag tu skad cig tsam gyis gong du smos pa'i dgra de dag rim pa nas rdo rje kyo bas snying ga nas bzung/ rdo rje zhags pas mgul ba nas bcings te/ tshul de ltar dgug pa la/ sgrub pa po nyid kyi mdun na rdzas kyi gzugs brnyan de dang dgra gnyis su med par thim par gyur par bsam mo/ /de'i dus su 'gugs par mdzad mkhan khro bo'i rgyal po a mri ta kun Da li'i sku phyag rgya sgrub pa po nyid kyis spro ba'i gnas su gnyis su med par bsdu bar bya'o/ /de'i 'og tu
- 23b
brtul zhugs can du ming btags pa sgrub pa po yin te/ de ma grub kyi bar du ci ltar smos pa'i gsang sngags kyi spyad pa spyod pa'i don des brtul zhugs can du smos so/ /bstan par bya ste/ tshul ci ltar smos pa'i lcags las rdo rje tho ba bya ste/ dus 'dir tho ba'i spyi bo'i dbus su sngags kyi sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid kyis 'bar zhing tho ba la gnyis su med par thim par gyur par bsam mo/ /de ma thag tu tho ba 'bar ba chen po'i 'od kyis 'bar bar brtag go /don des tho ba rab tu drag por smos so/ /de lta bu'i tho ba sgrub pa pos khro bo'i chen po'i zhe sdang gi sems bskyed nas lag pa g.yas par bzung la hUM phaT a mu kaM sha truM ma ra naM ku ru zhes sngags brjod cing khro bo'i stabs kyis bye brag sna tshogs kyis dgra'i gzugs brnyan gyi brla gnyis brdungs la phye mar bya'o/ /de las byas bas gsad pa'i las bya ba grub pa'i dus su ci ltar smos pa'i mtshan ma gnyis 'byung ste/ dang po ni dgra'i gzugs brnyan 'bar pa'o/ /de'i 'og tu 'gul ba'o/ /mdor bsdu ba de ltar tho ba rab tu drag po yis/ /brtul zhugs can gyis brla gnyis brdeg gi don du gsungs so// rdo rje chos kyi bka' bzhin du/ /dgra'i srog ni med par 'gyur/ /zhes pa ni mdun du smos pa'i gsang pa'i las kyi sbyor ba byas ba/ rdo rje chos su ming btags pa snang ba mdza' yas yin te/ des khros te tshig brjod ma thag tu bdud dang bgegs kyi tshogs ma rungs pa thams cad kyi srog med par ci smos pa de bzhin du dgra'i srog med par 'gyur bar bstan to/ /de ltar rdo rje chos kyi bka' bzhin du/ /dgra'i srog ni med par 'gyur gyi don du gsungs so/ /da ni bsgom pa'i cho ga gzhan gyis dgra gsad pa'i las bya ba'i don bstan par bya ste/ rdo rje sta re la sogs pas/ / bsgyel nas brdungs shing btubs bsams na/ /sku gsum gyi ni mchog sbyin pa/ /rdo rje sems dpa' 'ang drag pos 'chi/ /zhes bya ba'i don bshad par bya ste/ ci ltar yin na/ rdo rje sta re la sogs pas/ /bsgyel nas brdung zhing btub bsams na/ /mdun du smos pa'i tshul gyis zhe
- 24a
sdang rdo rje phyag rgya bskyed par bya'o/ /de ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dus su nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi khu ba bzhin du gyur par bsam mo/ /sa bon de las khro bo'i rgyal po a mri ta kuN+Da li'i sku phyag rgya skyed par bya'o/ /de'i phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ gzhan mtshon cha la sogs pa sku phyag rgya'i cha lugs phun sum tshogs pa thams cad mdun du ci ltar smos pa bzhin du 'dir bya'o/ /de 'bar ba chen po'i 'od kyis 'bar ba nam mkha' i dbyings thams cad spro bar bya'o/ /de ma thag tu skad cig tsam gyi dgra gang dgug par bya ba de rdo rje kyo bas snying ga nas bzung/ rdo rje zhags pas mgul pa nas bcings te/ tshul te ltar bkug nas sgrub pa po nyid kyi mdun du bzhag par bsam mo/ /de'i 'og tu 'gugs par mdzad mkhan khro bo'i rgyal po a mri ta kuN+Da li'i sku phyag rgya sgrub pa po nyid kyi spro pa'i gnas su gnyis su med par bsdu bar bya'o/ de'i 'og tu nyid kyi gsang ba'i thugs ka ye shes sems dpa' i gnas su sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo ye shes kyi khu ba bzhin du gyur par bsam mo/ /de sa bon de las rdo rje zhe sdang rdo rje nyid yin te/ de'i sprul pa'i sku phyag rgya bskyed par bya'o/ /de dus 'dir phyag g.yas dang po na gtun shing 'dzin/ bar ma na 'khor lo 'dzin/ tha ma na rdo rje sta re'o/ /g.yon dang po na rdo rje ral gri/ /bar ma rdo rje dbyug pa/ tha ma na khro bo'i rdo rje rtse dgu pa'o/ /de dag la sogs pa'i mtshon cha dang ldan par sgrub pa pos mdun du spro bar bya'o/ /de ma thag tu mdun du smos pa'i tshul du dgra bkug nas/ mdun du bzhag pa de khro bo chen pos gtun shing 'dzin pa'i phyag gis bsgyel bar bsam mo/ /de'i 'og tu gtun shing gis brdung ba yin no/ /de'i 'og tu rdo rje sta res yan lag dang nying lag thams cad bcad par
- 24b
bya'o/ /de dag la sogs pa rdo rje mtshon cha thams cad kyis brdegs par bsam mo/ /tshul de ltar bsgom par bya zhing/ sngags hUM phaT a mu kaM sha truM ma ra naM ku ru zhes grangs kyi tshad 'bum phrag gsum du bzlas pa'i bsnyen pa bya'o/ /de ltar byas pas gsad pa'i las grub pa'i dus su mtshan ma gnyis 'byung ngo/ /dang po ni nam mkha' las sngags kyi yig 'bru'i sgra chen po grangs mang du grag par 'gyur ro/ /de'i 'og tu sgrub pa po'i mdun gyi sa gzhi 'bar ba chen po'i 'od kyis 'bar bar smos so/ /mdor bsdu ba de ltar rdo rje sta re la sogs pas/ bsgyel nas brdung zhing btubs bsams na'i don du gsungs so/ /sku gsum gyi ni mchog sbyin pa/ /rdo rje sems dpa' 'ang drag pos 'chi zhes pa ni gong du smos pa'i tshul gyis chos kyi sku dang/ longs spyod rdzogs pa'i sku dang/ sbrul pa'i sku gsum don dam par gnyis su med pa'i ngo bo dpal rdo rje sems dpa' i sku phyag rgya yin no/ /de ni mchog tu ming btags pa de dngos grub thams cad kyi 'bras bur smos so/ /bstan par bya ste/ sgrub pa po la dpal rdo rje sems dpa' mnyes par gyur pa'i dus su sgrub pa pos ci ltar 'dod pa'i mchog de sbyin no/ /de lta bu'i ngo bo dpal rdo rje sems dpa' de yang mdun du smos pa'i gsad pa'i las kyi sbyor ba drag por ming btags pa 'jigs pa chen pos 'chi bar 'gyur ba yin no/ /de ni la dor ba'i tshig tu smos so/ /gzhan phyi'i dgra mi dang mi ma yin pa gang yang rung ba 'chi bar 'gyur ba ni ngo mtshar mi che bar bstan to/ /de ltar sku gsum gyi ni mchog sbyin pa/ /rdo rje sems dpa' dang drag pos 'chi'i don du gsungs so/ /da ni sgom pa'i sbyor ba'i cho ga gzhan gyis dgra bsad pa'i las bya ba'i don bstan par bya ste/ srung ba la sogs bsngags rnams dang/ /lha rnams kyang ni phur bus gdab/ /'di ni gsang ba'i mchog gi mchog /dam tshig shin tu 'da' dka' ba'o/ /zhes bya ba'i don bshad par bya ste/ ci ltar yin na/ srungs pa la sogs sngags rnams dang/ /lha rnams kyang ni phur bus gdab ni/ mdun du smos pa'i tshul gyis zhe sdang rdo rje'i sku phyag rgyar gyur par bya'o/ /de ma thag tu sgrub
- 25a
pa pos de dang gnyis su med pa'i nga rgyal du bsgom par bya'o/ /de'i dus su nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo ye shes kyi khu ba bzhin du gyur par bsam mo/ /sa bon de las khro bo'i rgyal po a mri ta kun Da li'i sku phyag rgya bskyed par bya'o/ /de'i phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin no/ /gzhan mtshon cha la sogs pa sku phyag rgya'i cha lugs phun sum tshogs pa thams cad mdun du ci ltar smos pa bzhin du 'dir bya'o/ /de 'bar ba chen po'i 'od kyis 'bar ba nam mkha' i dbyings kyi gnas thams cad du spro bar bya'o/ /de ma thag tu skad cig tsam gyis dgra gang gsad par bya ba de rdo rje kyo bas snying ga nas bzung/ rdo rje zhags pas mgul ba nas bcings te/ bkug nas sgrub pa po nyid kyi mdun du gzhag par bsam mo/ /de'i dus su 'gugs par mdzad mkhan gyi khro bo'i rgyal po a mri ta kun Da li'i sku phyag rgya bsgrub pa pos nyid kyi spro ba'i gnas su gnyis su med par bsdu bar bya'o/ /de ma thag tu gsang ba'i thugs ka ye shes sems dpa' gnas nas sngags kyi yig 'bru hUM phaT me dpung bzhin du 'bar ba grangs med par spro bar bya'o/ /de dgra'i lus kyi steng du 'khrug pa'i tshul du khyab par bsam mo/ /de ltar sngags kyi yig 'bru spro ba'i sbyor bas dgra de srung ba'i lha dang/ de'i sngags kyi byin gyis brlabs kyis stobs 'joms par 'gyur bar bstan no/ /de'i 'og tu gzhan yang gsang ba'i thugs ka ye shes sems dpa' i gnas su tshul ci ltar smos pa'i sngags kyi sa bon yig 'bru las khro bo'i rgyal po a mri ta kun Da li'i sku phyag rgya bskyed par bya'o/ /de'i phyag g.yas dang po na rdo rje tho ba 'dzin/ g.yon dang po rdo rje phur bu 'dzin no/ /sku phyag rgya'i cha lugs phun sum tshogs pa gzhan ni mdun du ci ltar smos pa bzhin du 'dir bya'o/ /de lta bu'i ngo bo khro bo'i rgyal po a mri ta kun Da li'i sku phyag rgya skyed ma thag
- 25b
tu spro bar bya ste/ de dgra'i spyi bo'i steng du gnas nas khro bo chen pos yang nas yang dgra'i dpral bar rdo rje tho bas rdo rje phur bu brdung ba'i tshul gyis gdab par bya'o/ /de ltar phur bu'i sbyor ba byas pas dgra'i lus la lha gang yang rung ba gnyis su med par gnas par phur bu btab pas 'joms bar 'gyur ba yin no/ /de bcom ma thag tu dgra nges par 'chi'o/ /mdor bsdu ba de ltar srung ba la sogs sngags rnams dang lha rnams kyang ni phur bus gdab kyi don du gsungs so/ /'di ni gsad pa'i mchog ces pa ni/ gong du gsad pa'i las ci snyed smos pa thams cad ni mchog tu bstan te/ de dag gi nang na bsgom pa'i sbyor bas gsang pa'i las bya ba 'di ni mchog du smos so/ /dam tshig shin tu 'da' dka' ba'o/ /zhes pa'i don ni sngar bshad pa bzhin du sbyar ro/ /da ni bsgom pa'i sbyor ba'i cho ga gzhan gyis dgra gsad pa'i las bya ba'i don bstan par bya ste/ rdo rje phung po ci tsam pa/ sems can dkyil 'khor gnas pa la/ /bdag nyid gsod par bsams na ni/ /mnyes par 'gyur te gzhan du min/ /zhes bya ba'i don bshad par bya ste/ ci ltar yin na/ rdo rje'i phung po ci tsam pa/ sems can dkyil 'khor gnas pa la ni/ mdun du smos pa'i tshul gyis zhe sdang rdo rje'i sku phyag rgyar gyur par bya'o/ /de ma thag tu bsgrub pa pos de dang gnyis su med pa'i nga rgyal du bsgom par bya'o/ /de'i dus su nyid kyi gsang ba'i thugs ka ye shes sems dpa' i gnas su sngags sa bon yig 'bru hUM bsam mo/ /de kha dog sngon po med long lta bu'i ye shes kyi ngo bo ye shes kyi khu ba bzhin du gyur par bsam mo/ /sa bon de las khro bo'i rgyal po a mri ta kun Da li'i sku phyag rgya bskyed par bya'o/ /phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ gzhan yang mtshon cha la sogs pa sku phyag rgya'i cha lugs phun sum tshogs pa thams cad ci ltar mdun du smos pa bzhin du 'dir bya'o/ /de 'bar ba chen po'i 'od kyis 'bar zhing 'jig rten gyi khams thams cad la dkyil 'khor du ming btags pa der khyab par sprin bzhin du spro bar bya'o/ /de ma thag tu skad cig tsam gyis rdo rje phung por ming btags pa mi
- 26a
dang mi ma yin pa sems can ma rungs pa ci snyed pa thams cad kyi phung po ma rungs pa chen po'i sa bon gyis skyed mi bzad pa/ rdo rje'i ngo bor gnas pa de dag thams cad dus gcig tu/ rdo rje kyo bas snying ga nas bzung/ rdo rje zhags pas mgul ba bcings nas bkug te/ sgrub pa po nyid kyi mdun du bzhag par bsam mo/ /de'i dus su 'gugs par mdzad mkhan khro bo'i rgyal po a mri ta kun Da li'i sku phyag rgya sprin lta bu sgrub pa pos nyid kyi spro ba'i gnas su gnyis su med par bsdu bar bya bar bstan to/ /mdor bsdu ba de ltar rdo rje'i phung po ci tsam pa/ sems can dkyil 'khor gnas pa la'i don du gsungs so/ /bdag nyid gsod par bsams na ni/ /mnyes par gyur te gzhan du min zhes pa ni/ gong du smos pa'i tshul gyi 'jig rten gyi khams thams cad kyi dkyil 'khor na gnas pa'i sems can ma rungs pa thams cad bkug nas sgrub pa pos nyid kyi mdun du bzhag pa de dag thams cad kyi lag pa g.yas pa na/ la las ral gri 'dzin/ la las shag ti 'dzin/ la las ni ka ta ri 'dzin/ la las ni 'khor lo 'dzin pa la sogs pa mtshon cha'i bye brag sna tshogs pa 'dzin par btag go /bstan par bya ste/ ci ltar smos pa'i mtshon cha de dag gis rang rang gi snying ga la sogs par brdeg par bsam mo/ /de ltar bsgom pa'i sbyor ba bya'i dus su khro bo'i rgyal po a mri ta kun Da li'i sngags rings mdun du smos pa'i 'bum phrag gsum gyi grangs kyi tshad du bzlas pa'i bsnyan pa bya'o/ /de ltar byas pas gsad pa'i las grub pa'i dus su mtshan ma gnyis 'byung ste dang po ni nam mkha' i phyogs nas sngags kyi yig 'bru hUM gi sgra lan mang por grag par 'gyur ro/ /de'i 'og tu sgrub pa po'i mdun gyi sa gzhi 'bad ba chen po'i 'od kyis 'bar ba yin no/ /de ltar drag po'i bsgom pa'i sbyor ba dang sngags kyi bzlas pa byas pas the tsom med par mnyes par 'gyur ro/ /sgrub pa po la zhe sdang rdo rje mnyes par 'gyur ba'i dus su mdun du smos pa'i dgra gsad pa'i las
- 26b
kyi 'bras bu 'grub par 'gyur bar smos so/ /de ltar bdag nyid gsod par bsams na ni/ /mnyes par 'gyur te gzhan du min gyi don gsungs so/ /da ni mdun du smos pa'i tshul gyis sgom pa'i sbyor bas dgra gsad pa'i las kyi 'bras bu'i khyad par gyi yon tan gyi don bstan par bya ste/ ston pa sangs rgyas rdo rje 'dzin/ /rdo rje chos dang 'khor lo can/ /rdo rje thugs kyi bka' bzhin du/ /bsam gtan sbyor bas 'chi bar 'gyur/ /zhes bya ba'i don bshad par bya ste/ ci ltar yin na/ ston pa sangs rgyas rdo rje 'dzin/ /rdo rje chos dang 'khor lo can ni/ dgra gsad pa'i phyir bsam gtan gyi sbyor ba byas pas ston pa sangs rgyas rdo rje 'dzin du ming btags pa de bzhin gshegs pa thams cad kyi bdag po ston pa mi bskyod pa rdo rje 'dzin nyid yin no/ /rdo rje chos zhes pa ni gsung gi rigs snang ba mdza' yas yin no/ /'khor lo can zhes pa ni sku'i rigs rnam par snang mdzad kyis phyag mtshan 'khor lo 'dzin pas don des 'khor lo can du smos so/ /de ltar sku gsung thugs kyi rigs gsum gyi de bzhin gshegs pa yang 'chi ba yin no/ /de ni la dor ba'o/ /gzhan yang dgra thams cad 'chi ba ni ngo mtshar mi che bar bstan to/ /mdor bsdu ba de ltar ston pa sangs rgyas rdo rje 'dzin/ rdo rje chos dang 'khor lo can gyi don du gsungs so/ bsam gtan sbyor bas 'chi bar 'gyur gyi don ni bshad zin to/ /rdo rje thugs kyi bka' bzhin du zhes pa ni/ rdo rje thugs ni dpal rdo rje sems dpa' nyid yin no/ /des khros te sngags kyi yig 'bru phaT brjod ma thag tu ci ltar bdud dang bgegs ma rungs pa'i tshogs thams cad kyi srog med par 'gyur ba de bzhin du/ dus 'dir sgrub pa pos bsam gtan gyi sbyor ba byas pas/ dgra'i srog nges par bde? par 'gyur ba bstan to/ /de ltar rdo rje thugs kyi bka' bzhin du'i don du gsungs so/ bcom ldan 'das gtum po chen po'i dam tshig rdo rje khro bos de skad bka' stsal to/ /zhes bya ba ni/ bcom ldan 'das ni ston pa mi bskyod pa rdo rje 'dzin nyid kyi yon tan gyi stong pa'i mtshan bcom ldan 'das yin pa sdud pa pos smos so/ /de'i don mdun du ci ltar smos pa bzhin du 'dir bstan to/ /de ltar bcom ldan 'das kyi
- 27a
don du gsungs so/ /gtum po chen po zhes pa ni gong du smos pa'i mi dang mi ma yin pa'i bye brag gis gnod pa byed pa de la zhe sdang chen po'i thugs dang ldan pa yin no/ /don des gtum po chen por smos so/ /dam tshig rdo rje khro bo zhes pa ni/ rdo rje zhes pa ni ston pa mi bskyod pa yin no/ /khro bo zhes pa ni/ sgrub pa po'i dgra la sogs pa bdud dang bgegs ma rungs pa'i tshogs thams cad 'joms par mdzad pa'i phyir ston pa mi bskyod pa khro bo'i gzugs su gyur pa zhe sdang rdo rjer bstan to/ /dam tshig ces pa ni/ zhe sdang rdo rjes thugs rje chen pos khro bor thugs bskyed nas me long lta bu'i ye shes kyi ngo bo ci ltar smos pa'i tshul gyi sa bon gyi cho gas khro bo'i rgyal po a mri ta kuN+Da li'i sku phyag rgya spros pas gong du smos pa'i tshul gyis bdud dang bgegs ma rungs pa'i tshogs thams cad bkug nas bcom pa 'am gsad pa yin no/ /de'i don ston pa mi bskyod pa rdo rje 'dzin gyis bka' stsal pa yin no/ /da ni rnam par snang mdzad la sogs pa brjod du yod pa dang brjod du med pa'i 'khor gyi ngo bo sangs rgyas de dag thams cad kyis dus gcig mgrin gcig tu thugs dgyes pa chen pos mdun du smos pa'i gsang ba'i las kyi bsgrub pa thams cad kyi don thos ma thag tu gzhan yang las phra mor ming btags pa dug gi rnam pa'i bye brag med par bya ba'i sgrub pa'i don thos par bya ba'i phyir/ ston pa mi skyod ba rdo rje 'dzin stong pa'i tshul gyis gsol ba btab pa'i don bstan par bya ste/ de nas rgyal po rdo rje 'dzin/ / thams cad nam mkha' i thub chen po/ /thams cad dbang skur rdzogs sangs rgyas/ ye shes rdo rje'i tshig gsungs pa/ /zhes bya ba'i don bshad par bya ste/ ci ltar yin na/ de nas ni gong du smos pa'i tshul gyis de bzhin gshegs pa thams cad kyis ston pa mi bskyod pa rdo rje 'dzin pa stong pa'i ngo bos 'og nas 'byung ba'i don thos par bya ba'i phyir gsol ba btab pa'i don mtshon pa'o/ /de ltar de nas kyi don du gsungs so/ /rgyal po rdo rje 'dzin zhes pa'i don ni mdun du ci ltar bshad pa bzhin du 'dir bstan to/ /thams cad nam mkha' i thub chen po/ /zhes pa
- 27b
ni/ nam mkha' thams cad du ming btags pa 'jig rten gyi khams grangs med pa thams cad kyi gnas yin te/ gnas de na gnas pa'i lha dang mi la sogs pa sems can de dag thams cad ston pa mi bskyod pa rdo rje 'dzin gyi sku dang gsung dang thugs rdo rje'i ye shes kyi cho 'phrul spros nas byin gyis brlabs kyi stobs kyi thabs kyis btul nas bran bzhin du dbang du mdzad pa yin no/ /dus de nas gzung nas ci ltar smos pa'i lha dang mi la sogs pa sems can thams cad kyis ston pa mi bskyod pa rdo rje 'dzin la mchod pa'i bye brag sna tshogs kyis mchod pa yin no/ /don des thams cad nam mkha' i thub chen por smos so/ /thams cad dbang skur rdzogs sangs rgyas/ zhes pa ni/ dus 'dir rnam par snang mdzad la sogs pa rigs lnga'i bye brag gi de bzhin gshegs pa thams cad smos pa de dag gi sku phyag rgya'i spyi bo'i gnas su/ ston pa mi skyod pa rdo rje 'dzin gyi sku phyag rgya nyid kyi shes rab ma ye shes kyi lha mo mA ma kI dang gnyis su med par 'khyud pa'i sbyor ba dang ldan pa sems can thams cad kyi don mdzad pa'i phyir mnyam pa'i ting nge 'dzin la snyoms par zhugs pa'i tshul gyis rdzogs pa'i sangs rgyas su ming btags pa gnas pa bdag po'i ngo bo yin no// gzhan yang thams cad dbang bskur gyi don du mdun du ci ltar bshad pa bzhin du 'dir bstan to/ /mdor bsdu ba de ltar thams cad dbang bskur rdzogs sangs rgyas kyi don du gsungs so/ /ye shes rdo rje'i tshig gsungs pa zhes pa'i don ni mdun du ci ltar bshad pa bzhin du 'dir bstan to// e ma 'o ngo bo nyid kyis dag /rdo rje theg pa bla na med/ /ma skyes pa yi chos rnams la/ /rgyal ba rnams kyis skye bar gsungs zhes bya ba'i don bshad par bya ste/ ci ltar yin na/ e ma 'o ni mdun du smos pa'i gsad pa'i las thams cad kyis bsgrub pa byas pa'i 'bras bu'i don thas pas mdun du smos pa'i sangs rgyas thams cad kyi thugs ngo mtshar du gyur par smos so/ /ngo bo nyid kyis dag ces pa ni/ don dam par chos thams cad thog ma med pa'i dus nas phyin ci log gi rnam par rtog pa'i sdig pa'i dri ma dang bral ba yin no/ /don des dus 'dir gsang pa'i las
- 28a
thams cad smos pa de byas par sdig par mi 'gyur ba yin no/ /gzhan yang 'bras bu bla na med pa thob bo/ /don des chos thams cad ngo bo nyid kyis dag par smos so/ /rdo rje theg pa bla na med pa zhes pa ni/ theg pa thams cad kyi nang na rdo rje theg par ming btags pa gsang sngags kyi theg pa yin no/ /bstan par bya ste/ gsang sngags kyi theg pa la brten ma thag pa'i dus nas spyod pa spyad pa'i dam tshig gi stobs kyi shugs kyis bla na med pa'i byang chub skad cig tsam gyis thob pa 'am/ phyin pa yin no/ /don des theg pa thams cad kyi nang na rdo rje theg pa bla na med par smos so/ /mdor bsdu ba de ltar rdo rje theg pa bla na med kyi don du gsungs so/ /ma skyes pa'i chos rnams la/ /rgyal ba rnams kyis skye bar gsungs/ /zhes pa ni ston pa mi bskyod pa/ rdo rje 'dzin nyid kyi mdun du smos pa'i tshul gyis bye brag sna tshogs kyi cho 'phrul spros nas 'chi bdag gi bdud la sogs pa bdud bzhi bam par mdzad pas rgyal ba thob pa yin no/ /don des rgyal bar smos so/ /don gzhan yang mdun du bshad pas bde ste 'dir bshad mi dgos so/ /da ni mdun du smos pa'i tshul rnam par snang mdzad la sogs pa brjod du yod pa dang/ brjod du med pa'i 'khor gyi ngo bo'i sangs rgyas thams cad kyis gsol ba btab ma thag tu de'i don ston pa mi bskyod pa rdo rje 'dzin gyis gsan ma thag tu 'og nas 'byung ba'i don bshad par mdzad pa'i don bstan par bya ste/ de 'di ni las phran tshegs kyi gsang ba'o/ /rdo rgyus dag gam sol bas bri/ /sprul ni mi sdug 'jigs byed pa/ /nag po 'bar ba 'khrug cing khro/ /lce gnyis mche ba'i phreng ba can zhes bya ba'i don bshad par bya ste/ ci ltar yin na/ de la 'di ni las phran tshegs kyi gsang ba'o/ ni 'og nas 'byung ba'i sgrub pa'i don mtshon par smos so/ /rdo rgyus dag gam sol bas bri/ /sprul ni mi sdug 'jigs byed pa zhes pa ni/ gsung gi rigs kyi bye brag gi phyi'i gnas chu 'gram du sgom pa'i sbyor ba dang sngags kyi bzlas pa'i bsnyen pa bya'o/ /yang na khang stong
- 28b
du bya yang mi 'gal lo/ /gnas? der dang po dkyil 'khor gsum pa kun tu khru gang bdud rtsi lngas bsku bar bya'o/ /de'i 'og tu sgrub pa pos de'i steng du brtson 'grus chen po'i sems brtan pa bskyed nas 'dug go /de'i 'og tu mdun du smos pa'i cho ga bzhi'i tshul gyis gsung gi rigs snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa thams cad mdun du ci ltar smos pa bzhin du 'dir bya'o/ /de lta bu'i ngo bo gsung gi rigs snang ba mdza' yas kyi sku phyag rgyar gyur ma thag tu/ /de dang gnyis su med pa'i nga rgyal du sgom par bya'o/ /de'i dus su gsung gi rigs kyi bye brag gi gar mkhan gyi rigs kyi bu mo ci ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo ni bza' dkar mo dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos zhe sdang chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur ba'i dus su rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas de rgya mtsho dang mnyam par gyur par bsam mo/ /de'i steng tu sngags kyi sa bon yig 'bru hUM bsam mo/ /de kha dog dmar po ban du ka'i me tog lta bu so sor rtog pa'i ye shes kyi ngo bo 'bar ba chen po'i gzi brjid kyis 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par zim par 'gyur ro/ /sa bon de las khro bo'i rgyal po a mri ta kun Da li'i sku phyag rgya bskyed par bya'o/ de khro mo'i rgyal mo khro gnyer ma dang gnyis su med par 'khyud ba'i sbyor ba dang ldan pa'o/ /gzhan sku phyag rgya'i cha lugs phun sum tshogs pa thams cad ni le'u bcu bzhi pa'i nang nas sngags rings kyi tshul gyis dug thams cad bkug nas med par bya ba'i las smos pa bzhin du 'dir bstan to/ de lta bu'i ngo bo khro bo'i
- 29a
rgyal po pad man ta ka'i sku phyag rgya skyed ma thag tu skyed par mdzad mkhan gsung gi rigs snang ba mdza' yas kyi sku phyag brgya khro bo'i rgyal po pad man ta ka'i spyi bo la dbang skur ba'i tshul du gnas par bsam mo/ /tshul de ltar khro bo'i rgyal po pad man ta ka'i spyi bo la dbang skur ba'i tshul du gnas par bsam mo/ /tshul de ltar khro bo'i rgyal po pad man ta ka'i sku phyag rgya bskyed pa'i 'og tu sgrub pa pos de dang gnyis su med pa'i nga rgyal du bsgom par bya'o/ /de'i 'og tu zhe sdang chen po'i khro bo'i rgyal po'i 'dod chags kyi sems dga' bas mdun du smos pa'i shes rab ma dang gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas de zla ba'i dkyil 'khor gyi ngo bor gyur par bsam mo/ /de'i 'og tu byang chub sems zla ba'i dkyil 'khor gyi steng gi dbus su dur khrod kyi sol ba bzhag go /yang na rdo rgyus bzhag pa yang mi 'gal lo/ /de ltar bsgom pa'i sbyor ba bya zhes brtson 'grus chen pos khros te sems brtan pas khro bo'i rgyal po pad man ta ka'i sngags rings 'bum phrag gsum gyi grangs kyi tshad du bzlas pa'i bsnyen pa bya'o/ /yang na sngags kyi sa bon yig 'bru h+ri bzlas pa'i bsnyen pa bya ba yang mi 'gal lo/ /de ltar byas pas dur khrod kyi sol ba'am rdo rgyus 'brus par 'gyur bar bstan to/ /de grub pa'i dus su mtshan ma gnyis 'byung ngo/ /shes rab ma'i b+ha ga'i nang gi dur khrod kyi sol ba 'am/ rdo rgyus gang bsgrub par bya ba de las dang po du ba 'byung ngo/ /de'i 'og tu 'bar bar bstan to/ /de 'bar ma thag tu sgrub pa pos zhe sdang chen po'i sems khro bas shes rab ma'i b+ha ga'i nang gi bsgrub pa'i rdzas re? blang ngo/ /de'i 'og tu sgrub pa pos nyid kyi mdun du sprul lus chen po bri ste/ mi sdug pa zhes pa ni 'khyog pa'i tshul gyis sems can thams cad 'jigs par byed par smos so/ /mdor bsdu ba de ltar rdo rgyus dag gam
- 29b
sol bas bri/ /sbrul ni mi sdug 'jigs byed pa'i don du gsungs so/ /nag po 'bar ba 'khrug cing khros te/ lce gnyis mche ba'i phreng ba can zhes pa ni/ mdun du smos pa'i tshul gyi sbrul bris pa de ni kha dog nag pa ring ba mgo mjug kun 'bar ba 'khrug pa'i tshul du bri'o/ / khro bo ni mdog gdengs pa'i tshul kha gdengs nas lce nag po gnyis 'dril zhing mche ba'i phreng ba'i tshul can du bri bar bya'o/ /de ltar nag po 'bar ba 'khrug cing khro/ /lce gnyis mche ba'i phreng ba can gyi don du gsungs so/ /de la 'di ni klu khro bo skul ba'i snying po/ /kham kha'i dbus na 'dug cing bsam mo/ /mi zad par ni gyur pa'i dug /sreg pa me'i kha dog bzhin/ /sgoms na 'gul par gdon mi za/ /zhes bya ba'i don bshad par bya ste/ ci ltar yin na/ de la 'di ni kla khro bo bskul ba'i snying po'o/ /mi 'og nas 'byung ba'i klu'i rgyal po nag po dang klu'i rgyal po rag sha dang/ klu'i rgyal po mdza' yas dang/ klu'i rgyal po e la'i 'dab ma dang/ klu'i rgyal po sog ma med la sogs pa klu'i rgyal po brgyad po kun gyi snying po bskul bar bya ba'i phyir sngags kyi sa bon yig 'bru khaM bsam mo/ /khaM kha'i dbus na 'dug par bsam/ /mi zad par ni 'gyur ba'i dug ces pa ni mdun du smos pa'i tshul gyi sprul bris pa de'i kha'i nang gi dbus su sngags kyi sa bon yig 'bru khaM bsam mo/ /de kha dog nag po chung zad ser ba/ /gzhan yang ci ltar dug mi bzad pa zhes smos pa de dang 'dra ba'i ngo bor sngags kyi sa bon yig 'bru khaM 'bar bar brtag go /de ltar kha'i dbus na 'dug par bsam/ /mi bzad par ni 'gyur ba'i dug gi don du gsungs so/ /sreg par me'i kha dog bzhin/ /bsgoms na 'gul bar gdon mi za zhes pa ni mdun du smos pa'i sngags kyis bon yig 'bru khaM de'i byin gyis brlabs kyis sbrul gyi lus kun me'i kha dog ci lta ba bzhin du 'bar ba yin no/ /tshul de ltar bsgom pa byas pas/ ci ltar smos pa'i bsgrub pa'i rdzas kyis sa la sbrul bris pa de srog dang ldan nas nges par 'gul bar 'gyur bar bstan to//
- 30a
mdor bsdu ba de ltar sreg pa'i me'i kha dog bzhin bsgoms na 'gul bar gdon mi za'i don du gsungs so/ /da ni thugs rje chen po'i thugs bskyed nas sems can thams cad la dug gi gnod pa med par bya ba'i phyir khams gsum na gnas pa'i dug thams cad dgug pa'i sgom pa'i sbyor ba bya ba'i don bstan par bya ste/ de la 'di ni du ba thams cad dgug pa'i snying po'o/ /h+ri rnam pa sna tshogs las byung dug /khams gsum na ni gnas pa kun/ /de yis phrogs par bsgoms pa ni/ /de'i kha la 'dus par bsam/ / zhes bya ba'i don bshad par bya ste/ ci lta yin na/ de la 'di ni dug thams cad dgug pa'i snying po'i ni 'og nas 'byung ba'i khams gsum na gnas pa'i dug thams cad dgug par bya ba'i phyir thams cad kyi ngo bor stabs ngo bor sngags kyi sa bon yig 'bru h+ri bsam mo/ /h+ri/ rnam pa sna tshogs las byung dug/ khams gsum la ni gnas pa kun zhes pa ni/ mdun du smos pa'i sbrul de'i kha nang gi lce gnyis kyi rtse mo'i dbus su sngags kyi sa bon yig 'bru h+ri bsam mo/ /de kha dog dmar po so sor rtog pa'i ye shes kyi ngo bo gzi brjid kyis 'bar pa'o/ /de'i 'bar ba'i 'od kyis nang na zla ba stong dang mnyam pa'i 'od zer gyi tshogs grangs med pa kyo ba'i ngo bos 'jig rten gyi khams thams cad du khyab par spro'o/ /de ma thag tu rtsa ba dang/ sems can gyi dug gi bye brag sna tshogs gnas pa la reg pa'i tshul gyis 'od gzer gyi tshogs dang gnyis su med par bsdu bar bya'o/ /de ltar byas pa'i 'og tu 'od gzer gyi tshogs dug dang gnyis su med pa'i ngo bo de/ slar sngags kyi sa bon yig 'bru h+ri spro ba'i gnas de la gnyis su med par bsdu bar bya'o/ /de ltar byas pa'i 'og tu sngags kyi sa bon yig 'bru h+ri ci ltar smos pa'i tshul gyi dug thams cad dang gnyis su med pa'i ngo bo de sbrul gyi khal thim par gyur bar bsam mo/ /de'i 'og tu sbrul gyi kha dug gi rgya mtsho dang mnyam par gyur par brtag go /mdor bsdu ba de ltar h+ri rnam pa sna tshogs las byung dug /khams
- 30b
gsum na ni gnas pa'i don du gsungs so/ /de yis phrogs par bsgoms na ni/ de'i kha la 'dus par bsam zhes pa ni mdun du smos pa'i tshul gyi rtsa ba dang sems can gyi bye brag gi dug thams cad phrog zhes pa bkug pa de ma thag tu ci ltar smos pa'i tshul gyis sprul gyi kha la thim par gyur par bsgom par bya ba smos pa'o/ /de ltar de yis phrogs par bsgom pa ni/ de'i kha la 'dus par bsam gyi don du gsungs so/ /nga ni mdun du smos pa'i sbyor bas sbrul sgrub par byas pa de grub pa'i dus su yon tan gyi ngo bor gyur pa'i don bstan par bya ste/ da ni de ma thag tu yang/ /mi bzad dug gi rgya mtshor 'gyur/ /reg ma thag tu 'jig rten kun/ /'chi bar gyur pa dogs pa med/ /zhes bya ba'i don bshad par bya ste/ ci ltar yin na/ de ni de ma thag tu yang/ mi bzad dug gi rgya mtshor 'gyur ni/ mdun du smos pa'i tshul gyis dug thams cad bkug nas bsdu ba'i bsgo ba byas pas sbrul dug gi rgya mtsho mi bzad par 'gyur bar smos so/ /reg ma thag tu 'jig rten kun/ /'chi bar 'gyur ba dogs pa med ces pa ni/ gong du smos pa'i sbrul grub ma thag tu sgrub pa pos nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog dmar po ban tu ka'i me tog lta bu so sor rtog pa'i ye shes kyi ngo bo ye shes kyi khu ba bzhin du gyur par bsam mo/ /sa bon de las khro bo'i rgyal po'i sku phyag rgya bskyed par bya ste/ phyag g.yas dang po na rdo rje kyo ba 'dzin g.yon dang po na rdo rje zhags pa 'dzin/ gzhan sku phyag rgya'i cha lugs phun sum tshogs pa thams cad khro bo'i rgyal po pad man ta ka nyid kyi sku phyag rgya'i cha lugs dang ldan par smos pa de lta bur smos pa'i sku phyag rgya 'bar ba chen po'i 'od kyis 'bar ba/ nam mkha' i dbyings thams cad du spro bar bya'o/ /de ma thag tu skad cig tsam gyis dgra gang bsad par bya ba rdo rje kyo bas snying ga nas bzung/ rdo rje zhags pas mgul pa nas bcings te/ tshul de ltar bkug nas bsgrub pa po nyid kyi mdun du bzhag par bsam mo/ /de'i dus
- 31a
su 'gugs par mdzad mkhan khro bo'i rgyal po'i sku phyag rgya bsgrub pa po nyid kyi spro ba'i gnas su gnyis su med par bsdu bar bya'o/ /de ltar byas pa'i 'og tu mdun du smos pa'i sbrul des dgra'i snying gar mche ba'i phreng bas snying gar bzung bar bstan to/ / mche ba'i phreng ba des reg ma thag tu/ 'jig rten gyi khams thams cad kyang 'chi na/ dgra thams cad 'chi ba ni ngo mtshar mi che'o/ /de ltar reg ma thag tu 'jig rten kun 'chi bar 'gyur ba dogs pa med pa'i don du gsungs so/ /da ni sems can gang yang rung ba rtsa ba dang sems can gyi dug gis zin pa'i dug dbyung ba'i sgom pa'i sbyor bas byas pa'i cho ga'i don bstan par bya ste/ sdig pa sbal pa la sogs dang/ /sprul rnams sna tshogs pa la yang/ /sbyor ba 'byung ba'i mtshan nyid kyis/ /cho ga bzhin du rab tu bya/ /zhes bya ba'i don bshad par bya ste/ ci ltar yin na/ sdig pa ni sbrul gdug pa dang ldan pa/ la la kha dog nag po la la kha dog dmar ser te/ dug dang ldan pa'o/ /spal ba ni chu'i nang na gnas pa dang/ skams la gnas pa ste/ dug dang ldan pa kha dog ser po'o/ /de dag la sogs pa sems can gyi bye brag sna tshogs dug dang ldan pa smos so/ /sbrul rnams sna tshogs pa la yang zhes pa ni tshul gnas pa dang skam la gnas pa ste/ dug gi ngo bo'o/ /gzhan yang bram ze'i rigs ni kha dog dkar po/ /rgyal rigs kyi bye brag ni ser po/ /rje'u rigs kyi bye brag ni dmar po'o/ /dmang rigs kyi bye brag ni sngon po 'am nag po yin no/ /de dag la sogs pa rigs dang kha dog sna tshogs pa dang ldan pa'i sbrul rnams smos so/ /sbyor ba 'byung ba'i mtshan nyid kyis cho ga bzhin du rab tu bya zhes pa ni/ gong du bstan pa'i sems can dug can de las/ gang gis sems can gang dug gis zin pa de 'og nas 'byung ba'i cho ga'i tshul gyi sgom pa'i sbyor pa'i mtshan nyid kyis bkug nas dug sos par bya ba'i sgrub pa pos snying rje chen po'i sems bskyed nas bya bar bstan to/ /de ltar sbyor ba 'byung ba'i mtshan nyid kyis/ cho ga bzhin du rab tu bya'i don du gsungs so/ /
- 31b
da ni mdun du smos pa'i dug bkug nas med par bya ba'i bsgom pa'i sbyor ba'i cho ga'i don bstan par bya ste/ de la 'di ni dug thams cad 'byin pa'i snying po'o/ /oM/ lta ba'i rdo rje'i dug la sogs/ /gzhan yang mi bzang ba'i dug /ye shes rdo rjes bkug nas ni/ /nam mkha' i khams su gtor bar bya/ /zhes bya ba'i don bshad par bya ste/ ci ltar yin na/ de la 'di ni dug thams cad 'byin pa'i snying po'o ni/ gong du smos pa'i sems can thams cad kyi dug de dag bkug nas med par bya ba'i phyir thams cad kyi stobs kyi ngo bor sngags kyi sa bon yig 'bru oM smos pa'o/ /lta ba'i rdo rje dug la sogs/ /gzhan yang mi bzang pa'i dug zhes pa ni gong du smos pa'i sems can dug can thams cad smos pa de'i nang nas gang gis sems can dag dug gis bzung ba de'i dus su/ ci ltar smos pa'i cho ga khro bo'i rgyal po'i sku phyag rgya bskyed par bya'o/ /de ma thag tu sgrub pa po de dang gnyis su med pa'i nga rgyal du bsgom par bya'o/ /de'i 'og tu lag pa g.yas par pad ma dkar po rtsa ba dang lo mar bcas pa gzung bar bya'o/ /pad ma de'i lte ba'i dbus su sngags kyi sa bon yig 'bru oM bsam mo/ /yang na pad ma ma rnyed na sgrub ba po nyid kyi lag pa g.yas pa'i dbus su sngags kyi sa bon yig 'bru paM bsam mo/ /de dus 'dir kha dog dkar po so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba bzhin du gyur par sa bon de las rang gi lag pa g.yas pa pad ma dkar po 'dab ma brgyad pa'i ngo bor gyur par rtag go /de'i dbus su sngags kyi sa bon yig 'bru oM bsam mo/ /de chos kyi dbyings kyi ye shes la sogs pa ye shes lnga'i ngo bo yin no/ /de'i nang nas kha dog dkar po dang/ sngon po dang/ ser po dang/ dmar po dang/ ljang gu dang/ de ltar rigs lnga'i ye shes kyi kha dog gi ngo bo 'od gzer gyi tshogs grangs med pa spro bar bya'o/ /bstan par bya ste/ lta ba'i rdo rje zhes pa gong du smos pa'i sgom pa'i tshul gyis 'od gzer gyi tshogs grangs med pa spro bar bya ba'i dus su
- 32a
sgrub pa pos khro bo'i rgyal po pad man ta ka dang gnyis su med pa'i nga rgyal du sgom pas rang gi mig so sor rtog pa'i ye shes rdo rje'i mig yin pa des thugs rje chen po'i sems khro ba bskyed nas dug gis zin pa'i sems can la lta zhing ci ltar smos pa'i 'od gzer gyi tshogs blangs med po lus la thim par gyur par bsam mo/ /de thim pa'i 'og tu 'od zer thams cad rigs lnga'i ye shes kyi kyo ba'i ngo bor rtog go /thabs des dug ma lus par bkug par bsam mo/ /de bkug ma thag tu pad ma'i lte ba'i dbus su sngags kyi sa bon yig 'bru'i gnas su med par bsdu bar bstan to/ /mdor bsdu ba de ltar oM lta ba'i rdo rje'i dug la sogs gzhan yang mi zad pa'i dug gi don du gsungs so/ /ye shes rdo rjes bkug nas ni/ /nam mkha' i khams su gtor bar bya zhes pa ni/ ye shes rdo rjer ming btags pa mdun du smos pa'i tshul gyi rigs lnga ye shes kyi ngo bo'i 'od gzer gyi tshogs grangs med pa yin no/ /dgug pa'i don ni mdun du bshad pa yin no/ /bstan par bya ste/ dug dgug par bya ba'i dus su le'u bcu bzhi pa'i nang gi khro bo'i rgyal po pad man ta kas dug thams cad med par bya ba'i sngags rings smos pa de dus 'dir khro bo chen pos grangs mang por bzlas par bya'o/ /de ltar bsgom pa'i sbyor ba'i cho ga dang/ bzlas pa byas pas mi bzad pa'i dug ces pa ha la ha la'i dug yin te/ de yang med par 'gyur ro/ /gzhan yang sbal pa dang/ sdig pa la sogs pa dug phra mo thams cad med par 'gyur ba ni ngo mtshar mi che ba yin no/ /gzhan yang mdun du smos pa'i tshul du dug bkug nas 'dus par mdzad ma thag tu pad ma'i lte ba'i dbus kyi sngags kyi sa bon yig 'bru oM de'i gnas su bsdus pa de nam mkha' i dbyings su gtor bar bya ba yin no/ /yang na sgrub pa po nyid kyi dgra'i steng du gtor yang mi 'gal lo/ /de ma thag tu dgra 'chi bar 'gyur ro/ /de ltar ye shes rdo rje bkug nas ni/ nam mkha' i khams su gtor bar bya ba'i don du gsungs so/ /bcom ldan 'das kyis dug chen po'i dam tshig rdo rje de skad bka' stsal to/ /zhes bya
- 32b
pa ni/ bcom ldan 'das ni ston pa mi bskyod pa rdo rje 'dzin nyid kyi yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du ci ltar bshad pa bzhin du 'dir bstan to/ /dug chen po zhes pa ni/ ha la ha la yin no/ /de la sogs pa mdun du bstan pa'i dug thams cad do/ /dam tshig ces pa ni/ ci ltar smos pa'i dug bkug nas med par bya ba'i phyir thugs rje chen po'i sems bskyed nas/ bsgom pa'i sbyor ba'i cho ga'i tshul byas pa'i don de dam tshig tu smos so/ /rdo rje zhes pa ni dug med par bya ba'i phyir rdo rjer ming btags pa khro bo'i rgyal po pad man ta ka yin no/ /de'i don ston pa mi bskyod pa rdo rje 'dzin gyis bka' stsal ba'o/ /da ni gzhan yang bsgom pa'i sbyor ba'i cho gas dug med par bya ba'i don bshad par bya ste/ de la 'di ni dus gso ba'i rdo rje'i snying po'o/ /hUM/ snying gar rdo rje chen po 'di/ /kha dog dkar por rnam par bsgom/ /'od gzer sprin ni 'bar ba che/ /zla ba'i 'od bzhin dri ma med/ /ces bya ba'i don bshad par bya ste/ ci ltar yin na/ de la 'di ni dug gso ba'i rdo rje snying po'o/ /ni mdun du smos pa'i tshul gyis sems can dug gis zin pa thams cad gso ba'i phyir de'i thabs kyi stobs kyi ngo bor rdo rje'i //snying por ming btags pa rdo rje'i rigs kyi bye brag gi me long lta bu'i ye shes kyi gzungs sngags? kyi sa bon yig 'bru hUM sems so/ /hUM snying gar rdo rje chen po 'di/ /kha dog dkar po rnam par sgom zhes pa ni mdun du smos pa'i tshul gyi dug gi ngo bo'i sems can thams cad smos pa de'i nang nas gang gi dug gi sems can gang zin pa de'i dus su mdun du smos pa'i cho gas khro bo'i rgyal po pad man ta ka'i sku phyag rgya bskyed par bya'o/ /de ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dus su sems can dug gis zin pa de'i snying ga'i dbus su sngags kyi sa bon yig 'bru hUM bsam mo/ /de me long lta bu'i ye shes kyi gzi brjid kyi 'bar zhing 'od du zhu nas ye shes kyi khu ba bzhin du gyur to/ /sa bon de las rdo rje chen por ming btags pa zla ba'i dkyil 'khor gyi gzugs su gyur par bsam mo/ /yang na rdo rje rtse lnga pa
- 33a
/'greng bar gyur par bsam yang mi 'gal lo/ /da ni me long lta bu'i ye shes kyi ngo bo kha dog dkar po'o/ /de'i nang nas 'od gzer gyi sprin kha dog dkar po 'bar pa chen pos 'bar ba ci ltar zla ba'i dkyil 'khor gyi 'od gzer dri ma med pa lta bu spros pas dug gis zin pa'i sems can gyi lus kun la thim par gyur par bsam mo/ /de thim ma thag tu rtsa'i lam thams cad du thim pas dug bskul bar gyur par bsam mo/ /mdor bsdu ba de ltar hUM snying gar rdo rje chen po 'di/ /kha dog dkar por rnam par bsgom gyi don du gsungs so/ /'od gzer sprin ni 'bar ba che/ /zla ba'i 'od bzhin dri ma med/ /ces pa ni/ de'i don mdun du bshad do/ /gnas bzhi dag tu sbyor ba yin/ /de ma thag tu ldang bar 'gyur/ /lan gsum rab tu bsgom pa ni/ /skyugs pa dag tu rnam par bsam/ zhes bya ba'i don bshad par bya ste/ ci ltar yin na/ /gnas bzhi dag tu sbyor ba yis/ de ma thag tu ldang bar 'gyur ni/ mdun du smos pa'i bsgom pa byas pa'i 'og tu gzhan yang dug gis zin pa'i sems can gyi gnas bzhir bsgom pa'i sbyor ba byas pa yin no/ /de gsal bar bstan par bya ste/ dang po snying ga'i nang gi dbus su sngags kyi sa bon yig 'bru hUM bsam mo/ /de kha dog dkar po me long lta bu'i ye shes kyi ngo bo gzi brjid kyis 'bar zhing snying ga'i nang du thim par gyur par bsam mo/ /de'i 'og tu mgul pa'i dbus su gong du smos pa'i tshul gyi kha dog dang ye shes kyi ngo bor sngags kyi sa bon yig 'bru hUM bsam mo/ /de gzi brjid kyis 'bar zhing mgul pa'i nang du thim par gyur par bsam mo/ /de'i 'og tu dpral ba'i dbus su mdun du smos pa'i tshul gyi kha dog dang ye shes kyi ngo bo sngags kyi sa bon yig 'bru hUM bsam mo/ /de gzi brjid kyis 'bar zhing dpral ba'i nang du thim par gyur par bsam mo/ /de'i 'og tu spyi bo'i dbus su mdun du smos pa'i tshul gyi kha dog dang ye shes kyi ngo bo sngags kyi sa bon yig 'bru hUM bsam mo/ /de gzi brjid kyis 'bar zhing spyi bo'i nang du thim par gyur par bsam mo/ /tshul de ltar
- 33b
gnas bzhir sngags kyi sa bon yig 'bru bkod pa'i bsgom pa byas pas yig 'bru hUM las gzi brjid kyi 'bar ba kyo ba'i ngo bos mdun du smos pa'i cho ga bzhin du lus kun la dug thim pa de bskul bas dug thams cad snying ga dang/ mgul pa dang/ dpral ba dang/ spyi bo dang gnas bzhir 'dus so/ /de ma thag tu dug gis zin pa'i sems can de langs nas 'chag par 'gyur ro/ /mdor bsdu ba de ltar gnas bzhi dag tu sbyor ba yis/ /de ma thag tu ldang bar 'gyur gyi don du gsungs so/ /lan gsum legs par bsgom pa ni/ skyugs pa dag tu rnam bsams ni zhes pa ni/ mdun du smos pa'i tshul du gnas bzhir lan gnyis dang gsum bsgom pa byas pas/ gnas bzhir dug 'dus pa de dag thams cad khar skyugs par bsam mo/ /de ltar cho ga'i sgom pa byas pas skyugs ma thag tu sos par gyur par bstan to/ /nam mkha' i khams kun gang ba yang/ /de ma thag tu med par 'gyur/ /zhes pa ni ci ltar smos pa'i tshul gyi bsgom pa'i sbyor ba byas pas dug ha la ha las nam mkha' i khams gang ba yang med par 'gyur na/ gzhan dug phra mo med par 'gyur ba ni/ ngo mtshar mi che bar smos so/ /de ltar nam mkha' i khams kun gang ba yang/ /de ma thag tu med par 'gyur ba'i don du gsungs so/ /da ni sgom pa'i sbyor ba'i cho ga gzhan gyis nye ba'i dug med par bya ba'i don bstan par bya ste/ de la 'di ni nye ba'i dug thams cad 'byin pa'i snying po'o/ /a/ 'bras dang phol mig 'gas pa dang/ de la gzhan pa'i nad rnams kyang/ /phyag na rdo rje'i bka' bzhin du/ /sbyor ba tsam gyis med par 'gyur/ /zhes bya ba'i don bshad par bya ste/ ci ltar yin na/ de la 'di ni nye ba'i thams cad 'byin pa'i snying po ni/ 'og nas 'byung ba'i tshul gyi nang dug thams cad med par bya ba'i phyir thabs kyi stobs kyi ngo bor dug dgug par bya ba'i snying po ye shes pa dang gnyis su med pa'i gzungs sngags kyi sa bon yig 'bru a bsam mo/ /a 'bras dang po la mig gas pa dang/ de las gzhan pa'i nad rnams kyang zhes pa ni/ sems can gang yang rung ba'i lus
- 34a
la bgegs kyi sbyor bas nad 'bras sra ba che ba shin tu na bar? byed pa'o/ /phol mig ni dang po sra ba de nas rim pas ches 'gyur nas rim pas khrag rnag tu gyur nas brdol nas dri mi zhim pa dang/ shin tu na bar byed pa'o/ /gas pa ni yan lag dang nying lag thams cad dang po gas pa dang/ skabs skabs su za bar byed pa dang/ skrangs? par byed pas na ba chen por byed pa'o/ /de las gzhan pa'i nad rnams kyang zhes pa ni/ bad kan dang/ mkhris pa dang/ mi 'ju ba dang/ skams par byed pa dang/ skrangs par byed pa dang/ rims la sogs pa nad ci snyed skye bar gsungs pa'o/ /mdor bsdu ba de ltar 'bras dang phol mig gas pa dang/ de las gzhan pa'i nad rnams kyi don du gsungs so/ /phyag na rdo rje'i bka' bzhin du zhes pa ni/ ci ltar smos pa'i bsgom pa'i sbyor ba byas bas/ /phyag na rdo rjer ming btags pa ston pa mi bskyod pa nyid yin te/ des mdun du smos pa'i don gyi ngo bo me long lta bu'i ye shes kyi gzugs mtshon rdo rje rtse lnga pa bdud dang bgegs ma rungs pa'i dpung thams cad 'joms pa mdzad pa'i phyir phyag g.yas dang po na 'dzin pa yin no/ /don des ston pa mi bskyod pa'i tshul na phyag na rdo rjer smos so/ /de lta bu'i ngo bo phyag na rdo rje nges khro bo'i tshig brjod ma thag tu bgegs ma rungs pa'i gnod pa'i dug thams cad med par smos ba de bzhin du/ mdun du smos pa'i nad thams cad med par bstan to/ /de ltar phyag na rdo rje'i bka' bzhin du'i don du gsungs so/ /sbyor ba tsam gyis med par 'gyur zhes pa ni/ /mdun du smos pa'i 'bras dang/ phol mig dang/ gas pa la sogs pa nad ci snyed pa de dag thams cad 'og nas 'byung ba'i tshul gyis bsgom pa'i sbyor ba byas ma thag tu med par 'gyur bar bstan to/ /de ltar sbyor ba tsam gyis med par 'gyur gyi don du gsungs so/ /pad ma chen po 'dab ma brgyad/ /zla ba bzhin du dri med pa/ /de'i dbus na 'dug bsam pa/ /'od gzer lngas ni gang ba'o/ /zhes bya ba'i don bshad par bya ste/ ci ltar yin na/ pad ma chen po 'dab ma
- 34b
brgyad/ /zla ba bzhin du dri ma med ni/ /mdun du smos pa'i tshul gyis nad kyi gnod pa'i 'dus kyi sems can gang yang rung ba zin pa'i dus su mdun du smos pa'i cho gas khro bo'i rgyal po pad man ta ka'i sku phyag rgya skyed par bya'o/ /de ma thag tu sgrub pa pos de dang gnyis su med pa'i nga rgyal du bsgom par bya'o/ /de'i lag pa g.yas par pad ma dkar po zla ba'i dri ma med par smos pa bzhin du dri ma med pa'i don des pad ma chen por bstan to/ /de ni rtsa ba dang lo mar bcas pa 'dzin pa'o/ /pad ma de'i lte ba'i dus su gong du smos ba'i sngags kyi sa bon yig 'bru a bsam mo/ /der so sor rtog pa'i ye shes la sogs pa ye shes lnga'i ngo bo'o/ /pad ma med na sgrub pa po nyid kyi lag pa g.yas pa'i dbus su sngags sa bon yig 'bru paM bsam mo/ /de'i dus 'dir kha dog dkar po so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba bzhin du 'gyur ro/ /sa bon de las rang gi lag pa g.yas pa pad+ma dkar po 'dab brgyad par gyur par bsam yang mi 'gal lo/ /de'i dbus su sngags kyi sa bon yig 'bru a bsam mo/ /de kha dog dkar po dang/ sngon po dang/ ser po dang/ dmar po dang/ ljang gu dang/ de ltar rigs lnga'i ye shes kyi kha dog gi ngo bo dang ldan pa 'od gzer gyi tshogs grangs med pa spro bar bya'o/ /de ltar rigs lnga'i ye shes kyi 'od gzer 'phro ba'i ngo bo'i pad ma des ci ltar smos pa'i tshul gyi sems can nad pa de'i lus la khyab bar bya'o/ /de'i dus su 'od gzer gyi tshogs de lus kun la thim nas gang bar gyur par bsgom par bya bar bstan to/ /mdor bsdu ba de ltar pad ma chen po 'dab ma brgyad/ /zla ba bzhin du dri ma med kyi don du gsungs so/ /de'i dbus na 'dug bsam pa/ /'od gzer lngas ni gang ba'o/ /zhes pa'i don ni gong du bshad do/ /sdud pa na ni dam tshig gnag /skul ba na ni dkar po'i mdog /'di ni ye shes dri med kyi/ /bsam gtan gnas ni gsungs pa'o/ /zhes bya ba'i don bshad par bya ste/ ci ltar yin na/ sdud pa na ni dam tshig gnag /skul
- 35a
ba na ni dkar mo'i mdog ni /gong du smos pa'i tshul gyi rigs lnga'i ye shes kyi 'od zer gyi tshogs de thim ma thag tu nad kyi gnod pa dug lus kyi gnas kun la thim pa de/ 'bras bu 'byung ba'i ni 'bras kyi rtse mor 'dus par bsam mo/ /phol mig 'byung ba ni mig gi rtse mor 'dus par bsam mo// gas pa ni gsang ba'i gnas su 'dus par bsam mo/ /gzhan yang bad kan dang/ mkhris pa dang/ mi 'ju ba dang/ skems par byed pa dang/ rims la sogs pa'i ci snyed 'byung ba de ni khar 'dus par bsam mo/ / yang na gshang pa'i sgor 'dus par bsam yang mi 'gal lo/ /de ltar gnas kyi bye brag la nad kyis gnod pa'i dug dam tshig ces pa 'dus ma thag tu kha dog nag por gyur par bsgom pa yin no/ /bstan par bya ste/ mdun du smos pa'i tshul gyi rigs lnga'i ye shes kyi 'od gzer gyi tshogs nad pa'i lus kun la thim par bsgom pa'i dus su/ 'od gzer ye shes kyi kyo ba'i ngo bos gnod pa'i nad kyi dug bskul bar bsam mo/ /de'i dus su dug de kha dog dkar por gyur par bsgom par bya bar bstan to/ /de bsgom pa byas pa'i dus su khro bo'i rgyal po pad man ta ka'i sngags rings bsgoms pa dang bzlas pa bya bar bstan to/ /mdor bsdu ba de ltar sdud pa na ni dam tshig gnag /bskul ba na ni dkar po'i mdog gi don du gsungs so/ /'di ni ye shes dri med kyi/ bsam gtan gnas ni gsang ba'i zhes pa'o/ /mdun du smos pa'i tshul gyi nad kyi gnod pa'i dug med par bya ba'i bsgom pa'i sbyor ba de ni gsung gi rigs snang ba mdza' yas la sogs pa don dam par de bzhin gshegs pa thams cad kyi gsang ba'i gnas yin te/ /de ltar man ngag gi bsgom pa ni theg pa 'og ma pa'i sems can la mi bstan pa yin te/ don des gsang bar smos so/ /bstan par bya ste/ mdun du smos pa'i sgom pa'i sbyor ba'i ye shes de ni rang bzhin gyis byin ci log gi rnam par rtog pa'i gnod pa'i dug dang/ sdig pa'i dri ma tsam gos pa'i don des ye shes dri med du
- 35b
smos so/ /de ltar 'di ni ye shes dri med kyi bsam gtan gnas ni gsang ba'i don du gsungs so/ /da ni gzhan yang bsgom pa'i sbyor ba'i cho gas phyi dang nang gi nad thams cad gso bar bya ba'i don bstan par bya ste/ de la 'di ni phyi nang gi nang gso ba'i rdo rje'i snying po'i sngags kyi yi ge'i tshig rnams so/ /dzi na dzig /a ro lig /badzra d+h+rig /yi ge'i tshig ni gang 'dod pa/ /dad pa skyes pas yon tan thob/ /nad kyi rdo rje bskul ba yi/ /de'i dri'i gzugs ni bsgom bar bya/ /zhes bya ba'i don bshad par bya ste/ /ci ltar yin na/ de la 'di ni phyi nang gi nang gso ba'i rdo rje snying po'i sngags kyi yig 'bru'i tshig rnams so ni/ 'og nas 'byung ba'i tshul gyi phyi dang nang du ming btags pa phyi ni dus 'dir sems can thams cad do/ /nang gi gsang sngags kyi sbyor ba spyad? pa'i bsgrub pa po nyid yin no/ /de ltar phyi dang nang gyi nang thams cad sos par bya ba'i phyir thabs kyi ngo bor nad thams cad med par bya ba'i snying po sngags kyi yig 'bru'i tshig tu ming btags pa sku dang gsung dang thugs rdo rje gsum ni sngags kyi sa bon yig 'bru'i tshig smos/ /dzi na dzig/ a ro lig /badzra d+h+rig /yi ge'i tshig ni gang 'dod la/ dad pas yon tan thob pa yin zhes pa ni/ phyi'i sems can gang yang rung ba 'am/ yang na bsgrub pa po nyid mdun du smos pa'i nad thams cad kyi nang nas gang gis bzung ba de'i dus su bsgrub pa pos sku dang gsung dang thugs rdo rje gsum gyi rigs kyi sngags kyi yig 'bru gang 'dod pa zhes pa gang sems smos pa de'i bsgom pa'i byin gyi brlabs kyi sbyor bas shin tu dad pa bskyed nas sngags kyi bzlas pa bya'o/ /dad pa de skyed pas nad thams cad med pa'i 'bras bu thob pa yin no/ /de'i don gsal bar bstan par bya ste/ gal te sku rdo rje la dad pa skyes na sgrub pa pos dang po nad pa'i mdun du sa gzhi gtsang bar bya'o/ /de'i gnas su ga pur dang/ gur ku ma la sogs pa rdzas dri dang ldan pa thams cad gcig tu bsres nas btags la chu dang dkrugs te/ dri'i chu des dkyil 'khor gru bzhi kun tu khru re bsku ba bya'o/ /de'i
- 36a
'og tu sgrub pa pos thugs rje chen po'i sems bskyed nas/ de'i steng du mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis sku rdo rje rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /gzhan sku phyag rgya'i cha lugs phun sum tshogs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin 'dir bya'o/ /de lta bu'i ngo bo'i sku phyag rgyar gyur ma thag tu de dang gnyis su med pa'i nga rgyal du sgom par bya'o/ /de'i dus su sgrub pa pos nyid kyi gsang ba'i thugs ka ye shes sems pa'i gnas nas sngags kyi sa bon yig 'bru oM kha dog dkar po chos kyi dbyings kyi ye shes kyi ngo bo gzi brjid kyis 'bar ba sprin bzhin du spros par bya'o// de ma thag tu sngags kyi sa bon yig 'bru oM sprin lta bu de sems can nad pa'i lus kun la thim par gyur par bsam mo/ /tshul de ltar sgom pas spro ba dang byin gyis brlab pa'i sbyor ba byas pa'i dus su le'u dang po las 'byung ba'i sku rdo rje rnam par snang mdzad kyi gsang ba'i mtshan gyi ngo bo sngags de sems brtan pas gsal bar bzlas pa bya'o/ /dzin dzig /bstan par bya ste/ mdun du smos pa'i tshul gyi sgom pa dang spro bas byin gyis brlab pa dang/ bzlas pa byas pas sems can nad pa'i nad thams cad med pa dang sos par 'gyur bar bstan to/ /gzhan yang gal te sgrub pa po gsung rdo rje snang ba mdza' yas la dad pa skyes nas dang po nad pa'i mdun du gong du smos pa'i tshad dang dbyibs kyi dkyil 'khor bya'o/ /de'i 'og tu sgrub pa pos thugs rje chen po bskyed nas de'i steng du mos pa'i skyil mos 'dug go/ de ma thag tu mdun du smos pa'i cho ga bzhi'i tshul gyis gsung rdo rje snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /gzhan sku phyag rgya'i cha lugs phun
- 36b
sum tshogs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin du 'dir bya ba yin no/ /de lta bu'i sku'i ngo bo'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su sgrub pa po nyid kyi gsang ba'i thugs ka ye shes sems pa'i gnas nas sngags kyi sa bon yig 'bru a kha dog dmar po so sor rtog pa'i ye shes kyi ngo bo gzi brjid 'bar ba sprin bzhin du spro bar bya'o/ /de ma thag tu sngags kyi sa bon yig 'bru a'i sprin de sems can nad pa'i lus kun la thim par gyur par bsam mo/ /tshul de ltar bsgom pa dang/ spros pas byin gyis brlabs pa'i/ sbyor ba bya ba'i dus su le'u dang po las 'byung ba'i don gyi ngo bo gsung rdo rje snang ba mdza' yas kyi gsang ba'i mtshan sngags kyi de sems brtan pas gsal bar bzlas par bya'o/ /a ro lig bstan par bya ste/ gong du smos pa'i bsgom pa dang/ spro bas byin gyis brlab pa dang/ bzlas pa byas pas sems can nad pa'i nad thams cad med pa dang por sos par 'gyur bar bstan to/ /gzhan yang gal te thugs rdo rje mi bskyod pa la dad pa skyes na dang po nad pa'i mdun du gong du smos pa'i tshad dang dbyibs kyi dkyil 'khor bya'o/ /de'i 'og tu sgrub pa pos thugs rdo rje chen po'i sems skyed nas 'dug go/ de ma thag tu mdun du smos pa'i cho ga bzhi'i tshul gyis thugs rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /gzhan sku phyag rgya'i cha lugs phun sum tshogs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin du 'dir bya'o/ /de lta bu'i ngo bo'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su bsgrub pa po nyid kyi gsang ba'i thugs ka ye shes sems pa'i gnas nas/ sngags kyi sa bon yig 'bru hUM kha dog sngon po me long lta bu'i/ ye shes kyi ngo bo
- 37a
gzi brjid kyis 'bar ba sprin bzhin du spro bar bya'o/ /de ma thag tu sngags kyi sa bon yig 'bru hUM sprin de sems can nad pa'i lus kun la thim par gyur par bsam mo/ tshul de ltar bsgom pa dang spro bas byin gyis brlabs pa'i sbyor ba bya ba'o/ / dus su le'u dang po las thugs rdo rje mi bskyod pa'i gsang ba'i mtshan gyi sngags de sems brtan pas gsal bar bzlas par bya'o/ /badzra d+h+rig /bstan par bya ste/ gong du smos pa'i bsgom pa dang/ spro bas byin gyis brlabs pa dang bzlas pa byas pa sems can nad pa'i nad thams cad med pa dang sos par 'gyur bar bstan to/ /gzhan yang sgrub pa po nyid ci ltar smos pa'i nad gang gis zin pa'i dus su sems can pha rol gyi nad thams cad med par bya ba'i phyir bsgom pa dang spro ba dang byin gyis brlab pa'i sbyor ba dang/ sngags kyi bzlas pa bya bar/ ci ltar smos pa de bzhin du bya'o/ /de'i yon tan gyis nad pa'i 'bras bu thob par 'gyur bar smos so/ /mdor bsdu ba de ltar/ dzi na dzig /a ro lig /badzra d+h+rig /yi ge'i tshig ni gang 'dod pa/ dad pa skyes nas yon tan 'thab kyi don du gsungs so/ /nad kyi rdo rje skul ba yi/ /de 'dra'i gzugs ni sgom par bya zhes pa ni/ mdun du smos pa'i bsgom pa dang/ byin gyis brlab pa'i sbyor ba byas pa'i 'og tu/ 'og nas 'byung ba'i tshul gyis spre'u lta bu 'am yang na khyi lta bu'i gzugs spro ba yang mi 'gal lo/ /rdo rjer ming btags pa ni/ des bdag dang gzhan gyis lus kyi nad thams cad bskul bar byed par brtag go /de ltar nad kyi rdo rje skul ba yi/ /de 'dra'i gzugs ni bsgom par bya ba'i don du gsungs so/ /dam tshig spre'u dang 'dra ba 'am/ /yang na khyi 'byung ba yang rung// bdag gis lus dang ngag sems las/ /'byung ba dag tu rnam par brtag /ces bya ba'i don bshad par bya ste/ ci ltar yin na/ dam tshig spre'u 'dra ba 'am yang na khyi byung ba yang rung ni/ sgrub pa pos rang gi lus dang ngag dang yid kyi gnas nas spre'u yi gzugs 'dra ba 'byung
- 37b
bar brtag go /yang na khyi'i gzugs 'dra ba 'byung bar brtag par yang mi 'gal lo/ /don des gsal bar bstan par bya ste/ sgrub pa po rang gi snying ga'i gnas su sngags kyi sa bon yig 'bru hUM bsam mo/ /de kha dog nag po me long lta bu'i ye shes kyi ngo bo ye shes kyi khu ba bzhin du gyur par bsam mo/ /sa bon de las khro bo'i ngo bo spre'u yi gzugs bskyed par bya'o/ /de kha dog nag po me long lta bu'i ye shes kyi ngo bo ral pa dang spu'i tshogs gyen du rdzes pa/ 'bar ba chen po'i 'od kyis 'bar ba/ gdong gcig pa lag pa gnyis pa/ mig dmar pa mche ba'i 'phreng ba can/ kha gdengs pa/ de ltar rdo rje'i rigs las spre'u ni gzugs bskyed nas 'byung bar bstan to/ /gzhan yang de'i 'og tu lce'i dbus su sngags kyi sa bon yig 'bru a bsam mo/ /de kha dog dmar po so sor rtog pa'i ye shes kyi ngo bo ye shes kyi khu ba bzhin du gyur bar bsam mo/ /sa bon de khro bo'i ngo bo spre'u'i gzugs skyed par bya'o/ /de kha dog dmar po so sor rtog pa'i ye shes ngo bo ral pa dang spu'i tshogs gyen du rdzes pa 'bar ba chen po'i 'od kyis 'bar ba/ gdong gcig pa lag pa gnyis pa mig nag pa mche ba'i phreng ba can la gdangs pa'o/ /de ltar gsung gi rigs las spre'u'i gzugs bskyed nas byung bar bstan to/ /gzhan yang de'i 'og tu spyi bo'i dbus su sngags kyi sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo ye shes kyi khu ba bzhin du gyur par bsam mo/ /sa bon de las khro bo'i ngo bo spre'u gzugs bskyed par bya'o/ /de kha dog dkar po chos kyi dbyings kyi ye shes kyi ngo bo ral pa dang spu'i tshogs gyen du rdzes pa 'bar ba chen po'i 'od kyis 'bar ba/ gdong gcig pa /lag pa gnyis pa/ mig ser ba/ mche ba'i phreng ba can/ kha gdangs pa'o/ /de ltar sku'i rigs kyi bye brag las spre'u yi gzugs bskyed nas 'byung bar smos so/ /gzhan yang sgrub pa pos gal te khyi'i gzugs 'byung bar byed na/ sku dang gsung dang thugs kyi bye brag gi kha dog dang/ gdong dang/ lag pa la sogs pa cha lugs/
- 38a
gong du ci ltar smos pa de bzhin du bya bar bstan to/ /tshul de ltar bsgom pa de ni nad pa'i nad med par bya ba'i phyir tshul de ltar bsgom pa ni thugs rje chen po'i dam tshig yin par smos so/ /mdor bsdu ba de ltar dam tshig spre'u dang 'dra ba 'am/ yang na khyi byung yang rung gi don du gsungs so/ /bdag gi lus dang ngag sems las 'byung ba dag du rnam par brtag ces pa ni/ de'i don gong du bshad pas 'dir bshad mi dgos so/ /'khor lo 'am ni rdo rje 'ang rung/ /bsgom nas rdo rje'i ni gnas/ /lus dang ngag sems dam tshig rnams/ /des phye mar brlag par bsgom/ zhes bya ba'i don bshad par bya ste/ ci ltar yin na/ 'khor lo 'am rdo rje 'ang rung/ bsgoms nas rdo rje yi ni gnas ni/ gong du smos pa'i tshul gyi khro bo'i ngo bo spre'u yi gzugs sam/ yang na khyi'i gzugs lus ngag yid gsum gyi gnas gsum du rig? gsum gyi bye brag gi sa bon dang ye shes las skyed nas spros pa de dag gi lag pa g.yas pa na 'khor lo rtsibs brgyad pa 'dzin par bsgom pa yin no/ /yang na rdo rje rtse lnga gdengs par 'dzin par bsgom yang mi 'gal lo/ /de'i don gsal bar bstan bar bya ste/ spre'u 'am yang na khyi'i lag pa g.yas pa'i dbus su sngags kyi sa bon yig 'bru oM bsam mo/ de kha dog dkar po gzi brjid kyis 'bar zhing 'od du zhu nas ye shes kyi khu ba bzhin du gyur pa'i sa bon de las 'khor lo rtsibs brgyad pa bskyed de/ de gzi brjid 'bar ba 'dzin par bsgom mo/ /yang na lag pa g.yas pa'i dbus su sngags kyi sa bon yig 'bru hUM bsam mo/ /de kha dog sngon po gzi brjid kyis 'bar zhing 'od du zhu'o/ /sa bon de las rdo rje rtse lnga pa gdengs pa bskyed do/ /de gzi brjid kyis 'bar ba 'dzin par bsgom pa yin no/ /de ltar bsgom pa byas pa'i 'og tu rdo rje gnas par ming btags pa rdo rje'i spre'u yi lus kyi gzugs sam/ /yang na rdo rje khyi'i gzugs yin no/ /de lta bu'i rdo rje gnas kyi ngo bo gnyis gang
- 38b
la sgrub pa po nyid mos pa'i nga rgyal 'chad bar bstan to/ /mdor bsdu ba de ltar 'khor lo 'am/ rdo rje 'ang rung/ bsgom nas rdo rje gnas kyi don du gsungs so/ /lus dang ngag sems dam tshig rnams/ des ni phye mar brlag par bsgom zhes pa ni/ sems can nad pa'i lus ngag yid gsum gyi gnas la dam tshig tu ming btags pa nad yi dwags kyi ngo bor 'byung bar bsam mo/ /de'i gsal bar bstan par bya ste/ nad pa'i snying ga'i gnas nas sems kyi yi dwags kyi gzugs kyi ngo bo de ni thal ba'i mdog can no/ /de'i 'og tu lce'i gnas nas ngag gi nad yi dwags kyi gzugs kyi ngo bo de ni mdog dmar ser ro/ /de'i 'og tu spyi bo'i gnas nas lus kyi nang yi dwags kyi gzugs kyi ngo bo de ni mdog dkar dmar ro/ /bye brag de ltar sems can nad pa'i nad kyi dam tshig tu ming btags pa yi dwags kyi gzugs kyi ngo bo de ni mdog dkar dmar ro/ /bye brag de ltar sems can nad pa'i nad kyi dam tshig tu ming btags pa yi dwags kyi gzugs kyi ngo bo smos pa de sgrub pa pos thugs rje chen po'i zhe sdang gi sems khro ba bskyed nas tshul ci ltar smos pa'i ye shes kyi mtshon cha 'dzin pa des yi dwags kyi gzugs kyi ngo bo nad de rim pa nas phye ma bzhin du gyur par bsgom pa yin no/ /de ltar bsgom pa'i sbyor ba byas pas sems can nad pa'i lus la nad thams cad med par rgyas pa dang gzi brjid dang ldan par 'gyur bar bstan to/ /de ltar lus dang ngag sems dam tshig rnams/ /de ni phye mar brlags kyi don du gsungs so/ /de'i mdun du smos pa'i bsgom pa'i sbyor ba byas pas sgrub pa po dang sems can nad pa la/ sangs rgyas dang byang chub sems dpa' rnams mnyes par gyur nas ye shes kyis byin gyis brlab par mdzad pa bstan par bya ste/ 'on kyang rdzogs pa'i sangs rgyas dang/ /byang chub sems dpa' grags chen rnams/ /byin brlabs go phang dam pa dag /dgyes pa'i thugs kyis rab tu stsol/ /zhes bya ba'i don bshad par bya ste/ ci ltar yin na/ 'on kyang rdzogs pa'i sangs rgyas dang/ byang chub
- 39a
sems dpa' grags chen rnams ni/ /sgrub pa pos gong du spros pa'i tshul du/ bdag dang gzhan gyi don byas pa'i dus su ston pa mi bskyod pa rdo rje 'dzin nyid la sogs pa tshul ci ltar smos pa'i tshul gyi brjod du yod pa dang brjod tu med pa'i rdzogs pa'i sangs rgyas thams cad dang/ gzhan yang grags chen du ming btags pa phyag na rdo rje dang 'jig rten dbang phyug dang/ 'jam dpal la sogs pa brjod du yod pa dang brjod du med pa'i byang chub sems dpa' thams cad yin te/ de ltar sangs rgyas dang byang chub sems dpa' rnams bye brag tu smos pa'o/ /de ltar 'on kyang rdzogs pa'i sangs rgyas dang byang chub sems dpa' grags chen gyi don du gsungs so/ /byin brlabs go 'phang dam pa dag /dgyes pa'i thugs kyis rab tu stsol zhes pa ni/ mdun du smos pa'i sangs rgyas dang byang chub sems dpa' de dag thams cad dus gcig tu mnyes par 'gyur ro/ /de'i dus su sgrub pa po me long lta bu'i ye shes la sogs pa ye shes lngas byin gyis brlab pa'i cho 'phrul gyi stobs kyi 'bras bu stsol ba yin no/ /bstan par bya ste/ tshul ci ltar smos pa'i tshul gyis 'bras bu stsal ma thag tu dam pa zhes pa rang gi lus dang sems can nad pa'i lus nad thams cad med de/ rgyas pa dang gzi brjid dang ldan pa dang/ gzhan yang de'i dus nas 'thung ste/ bdud dang bgegs ma rungs pa'i gnod pa thams cad med par nus par 'gyur ba bstan to// de ltar byin brlabs go phang dam pa dag /dgyes pa'i thugs kyis rab tu stsol gyis don du gsungs so/ /da ni gzhan yang mdun du smos pa'i tshul gyi bsgom pa dang/ byin gyis rlob pa'i sbyor ba dang/ sngags kyi bzlas pa byas nas/ bdag dang gzhan gyi nad thams cad med par byas pa'i dus su khyad par gyi bsgom pa'i sbyor ba bya ba de'i don bstan par bya ste/ lus dang ngag sems rdo rje la/ /sangs rgyas sprin dag rnam par bsam/ rdo rje rgyal po sprin chen po/ /bsgoms pas nad las thar par bya/ /zhes bya ba'i don bshad par bya ste/ ci ltar yin na/ lus dang
- 39b
ngag sems rdo rje la/ /sangs rgyas sprin dag rnam par bsam ni/ /ci ltar smos pa'i tshul gyis sems can nad pa'i nad med par gyur pa'i dus su/ sgrub pa po rang gi lus dang ngag dang sems rdo rje dang gnyis su med pa'i ngo bor brtag go/ de'i 'og tu gnas su sku dang gsung dang thugs rdo rje'i rigs gsum gyi bye brag gi sangs rgyas sprin dag spro bar rnam par bsam pa yin no/ /de'i don gsal bar bstan par bya ste/ sgrub pa pos dang po spyi bo'i dbus gnas su sngags kyi sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba lta bu'i nang du thim par gyur pa'i sa bon de las sku rdo rje rnam par snang mdzad kyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /gzhan sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o/ /de lta bu'i ngo bo rnam par snang mdzad kyi sku phyag rgya de ni sku dang gsung dang thugs rdo rje gnyis su med pa'i ngo bo'o/ /de skyed ma thag tu nam mkha' i dbyings su sprin bzhin du spro bar bya'o/ /de'i 'og tu mgul pa'i dbus su sngag kyi sa bon yig 'bru a bsam mo/ /de kha dog dmar po so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba lta bu de mgul pa'i nang du thim par gyur pa'i don de las gsung rdo rje snang ba mdza' yas kyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /gzhan yang sku phyag rgya'i cha lugs phun sum tshogs pa thams cad ni ci ltar le'u bzhi pa thugs kyi dkyil 'khor gyi dus su smos pa bzhin du 'dir bya'o/ /de lta bu'i ngo bo snang ba mdza' yas kyi sku phyag rgya de ni sku dang gsung dang thugs rdo rje gnyis su med pa'i ngo bor skyed ma thag tu/ /nam mkha' i dbyings su sprin bzhin du spro bar bya'o/ /de'i 'og tu snying ga'i dbus su sngags kyi sa bon yig 'bru
- 40a
hUM bsam mo/ /de kha dog sngon po me long lta bu'i ye shes kyi gzi brjid kyi 'bar ba'i? 'od du zhu nas ye shes khu ba lta bu'i snying ga'i nang? du thim par gyur pa'i sa bon ?? thugs rdo rje mi bskyod pa'i sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /gzhan yang sku phyag rgya'i cha lugs phun sum tshogs pa thams cad ji ltar le'u bzhi pa thugs kyi dkyil 'khor gyi dus su smos pa de bzhin du 'dir bya'o/ /de lta bu'i ngo bo mi bskyod pa'i sku phyag rgya de ni sku dang gsung dang thugs rdo rje gnyis su med pa'i ngo bo bskyed ma thag tu nam mkha' i dbyings su sprin bzhin du spro bar bya'o/ /de ltar rigs gsum gyi bye brag gi sangs rgyas sprin bzhin du spros ma thag tu sems can nad pa'i lus la gnas gsum gyi lam nas gnyis su med par thim par gyur par bsam par bstan to/ /de gsal bar bstan par bya ste/ sku rdo rje rnam par snang mdzad kyi sku phyag rgya sprin lta bu de ni sems can nad pa'i spyi bo'i lam du thim par gyur par bsam mo/ /de'i 'og tu gsung rdo rje snang ba mdza' yas kyi sku phyag rgya sprin lta bu de ni sems can nad pa'i mgul pa'i lam du thim par gyur par bsam mo/ /de'i 'og tu thugs rdo rje mi bskyod pa'i sku phyag rgya sprin lta bu de ni sems can nad pa'i snying ga'i lam nas thim par gyur par bsam mo/ /de ltar sgom pa'i sbyor bas byin gyis brlab pa byas pas sems can nad pa'i nad thams cad dang/ /nyon mongs pa'i sdug bsngal thal ba bzhin du med par gyur par bstan to/ /mdor bsdu ba de ltar lus dang ngag sems rdo rje la sangs rgyas de? dag rnam par bsam gyi don du gsungs so/ /rdo rje rgyal po sprin chen po/ bsgom pas nad las thar bar bya zhes pa ni/ /mdun du smos pa'i tshul gyis sku dang gsung dang thugs kyi rigs gsum gyi sku phyag rgya sprin bzhin du spro ba dang/ byin gyis brlab pa byas pa'i 'og tu sgrub pa pos thugs rje chen po'i sems zhi ba ngo bo bskyed par bya ste/ sems can
- 40b
nad pa'i snying ga'i dbus su sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyis 'bar zhing 'od du zhu nas/ /ye shes kyi khu ba lta bu'i snying ga'i nang du thim par gyur par bsam mo/ /sa bon de las rdo rje rgyal por ming btags pa dus 'dir dpal rdo rje sems dpa' nyid yin te/ de'i sku phyag rgya skyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /gzhan sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su ci ltar smos pa bzhin du 'dir bya'o/ /de lta bu'i ngo bo dpal rdo rje sems dpa' i sku phyag rgya de ni sku dang gsung dang thugs rdo rje gnyis su med pa'i ngo bo skyed ma thag tu sems can nad pa'i steng du nam mkha' i dbyings su sprin bzhin du spro bar bya'o/ /de'i dus su sku phyag rgya sprin lta bu de so so'i sku phyag rgya'i gnas kun nas ye shes kyi 'od zer sprin bzhin du spro bar bya bar bsam mo/ /'od gzer de re re las ye shes kyi lha mo mA ma kI'i sku phyag rgyar gyur par brtag go /de'i g.yas g.yon dang po gnyis ni ye shes kyi bum pa kha dog ser po rin po che sna tshogs kyis spras pa/ ye shes kyi bdud rtsi'i chus bkang ba thugs ka nas 'dzin pa'o/ /gzhan sku phyag rgya'i cha lugs phun sum tshogs pa thams cad dpal rdo rje sems dpa' nyid kyi ci ltar smos pa bzhin du ldan pa'o/ /de lta bu'i ngo bo'i sku phyag rgya sprin bzhin du gyur ma thag tu/ dus gcig tu sems can nad pa'i spyi bo'i steng du/ bum pa ye shes kyi bdud rtsi'i chus phab nas dbang bskur ro/ /de ltar byas nas dpal rdo rje sems dpa' i sku phyag rgya'i sprin lta bu de lha mo mA ma kI dang bcas par sems can nad pa'i lus la gnyis su med par thim par gyur par bsgom mo/ /tshul de ltar sgom pa byas pas sems can nad pa nang las thar pa zhes/ /ji srid 'tsho'i bar du nad kyi sdug bsngal dang bral bar smos so/ /de ltar rdo rje rgyal po sprin chen po bsgom pas nad las thar bar bya ba'i don du gsungs so /da ni gzhan yang
- 41a
bdud dang bgegs ma lus pa'i cho gas thams cad kyis sems can thams cad la gnod pa'i bye brag sna tshogs byed pas nang skye bar byed ba de dag thams cad gsad par bya ba'i phyir bsgom pa'i sbyor ba bya ba bstan par bya ste/ phyogs bcu'i sangs rgyas thams cad dang/ blo ldan rdo rje sems dpa' dag /de la khros par bsgoms na ni/ gsad par bya ba dam tshig yin/ /zhes bya ba'i don bshad par bya ste/ ci ltar yin na/ phyogs bcu'i sangs rgyas thams cad dang blo ldan rdo rje sems dpa' dag ni/ sgrub pa pos dang po zhe sdang chen po'i sems bskyed nas mdun du smos pa'i tshul du zhe sdang rdo rje'i sku phyag rgyar bskyed par bya'o/ /de ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dus su nyid kyi gsang pa'i thugs ka ye shes sems dpa' i gnas su sngags kyi sa bon yig 'bru hUM oM A swAhA/ rnams so so'i ye shes dang kha dog dang ldan pa bsam mo/ /de rim pa nas gzi brjid kyis 'bar zhing 'od du zhu nas ye shes kyis khu ba bzhin du gyur pa'i sa bon de las dpal rdo rje sems dpa' nyid la sogs pa rigs lnga'i bye brag gi sangs rgyas grangs med pa thams cad bskyed par bya'o/ /de dag nyid kyi kha dog dang ye shes dang ldan pa zhal gsum dang phyag drug dang/ zhe sdang chen pos khros pa/ dus 'dir ral pa gyen du brdzes pa/ smin ma bskyod par mdzad pa 'bar ba chen po'i 'od kyis 'bar ba'o/ /gzhan yang khro bo'i rgyan thams cad kyis brgyan pa'o/ /de dag gi mtshon cha'i bye brag bstan par bya ste/ dpal rdo rje sems dpa' i phyag g.yas dang po na rdo rje rtse lnga 'bar ba 'dzin/ gzhan mtshon cha'i bye brag sna tshogs 'bar bar smos so/ /rnam par snang mdzad kyi phyag g.yas dang po na 'khor lo rtsibs brgyad 'bar ba 'dzin/ gzhan mtshon cha'i bye brag sna tshogs 'bar ba'o/ /rin chen 'byung ldan gyi phyag g.yas dang po na rin po che 'dzam bu nad 'bar ba 'dzin/ gzhan
- 41b
mtshon cha'i bye brag sna tshogs 'bar ba'o/ /snang ba mdza' yas kyi phyag g.yas dang po na pad ma dmar po 'dab brgyad 'bar ba 'dzin/ /gzhan mtshon cha'i bye brag sna tshogs pa 'bar ba'o/ /don yod grub pa'i phyag g.yas dang po na rdo rje ral gri 'bar ba 'dzin/ gzhan mtshon cha'i bye brag sna tshogs pa 'bar ba 'dzin no/ /de lta bu'i tshul gyi ngo bo sangs rgyas thams cad dang rdo rje sems dpa' blo ldan gyi ming btags pa'i sgrub pa pos rim pa ma nor bar bsgom par bya'o/ /de phyogs bcu'i 'jig rten gyi khams ma lus pa thams cad du khyab par spro bar bstan to/ /mdor bsdu ba de ltar phyogs bcu'i sangs rgyas thams cad dang/ rdo rje sems dpa' blo ldan gyi don du gsungs so/ /de la khros pas bsgoms na ni/ /gsad par bya ba dam pa yin zhes pa ni/ phyogs bcu'i 'jig rten gyi khams ma lus pa thams cad na gnas pa'i bdud dang bgegs kyi tshogs ma rungs pa thams cad kyis bye brag sna tshogs kyis gnod pa byed pa de dag gi steng du mdun du smos pa'i tshul gyis dpal rdo rje sems dpa' la sogs pa sangs rgyas khro bo'i ngo bo thams cad spro bar byas pa de dag gis mtshon cha phab pas brdegs par mdzad par sgom pa yin no/ /de byas pas ci ltar smos pa'i bdud dang bgegs ma rungs pa'i tshogs thams cad dus gcig tu 'chi ba yin no/ /bstan par bya ste/ gsad pa'i las bya ba thams cad kyi nang na gsad pa'i las kyi bsgom pa bya ba 'di ni mchog tu smos so/ /de ltar de la khro bar bsgoms na ni gsad par bya ba dam pa yin gyi don du gsungs so/ /da ni gzhan yang gong du smos pa'i tshul gyis bsgom pa dang sbyor bas gsang ba'i las bya ba'i dus su bzlas pa bya ba'i tshad dang/ gzhan yang ci ltar smos pa'i ma rungs pa'i 'chi ba'i nyi ma'i grangs kyi tshad bstan par bya ste/ bsam gtan sbyor ba 'di dag gis/ /las dang sdig las skyes pa dag /sbyor ba'i bzlas pa brgyad brgya yis/ /nyi ma bdun gyis 'jig par 'gyur/ /zhes bya ba'i don bshad par bya ste/ ci ltar
- 42a
yin na/ bsam gtan sbyor ba 'di dag gis/ /las dang sdig las skyes pa dag ni/ mdun du smos pa'i tshul gyi dpal rdo rje sems dpa' la sogs pa sangs rgyas khro bo ngo bo de dag thams cad spro ba'i sgom pa'i sbyor ba byas pas/ las las skyes pa zhes pa zhe sdang chen po'i dbang gis srog gcod pa la sogs pa sdig pa'i las kyi bye brag sna tshogs byas pa'i sa bon gyi bgegs ma rungs pa la sogs pa gnod pa byed pa thams cad skyo ba'i sbyor bar 'gyur bar smos so/ /de dag thams cad gsad par bya bar bstan to/ /de ltar bsam gtan sbyor ba 'di dag gis/ las dang sdig las skyes pa dag gi don du gsungs so/ /sbyor ba'i bzlas pa brgyad brgya yis/ /nyi ma bdun gyis 'jig par 'gyur zhes pa ni/ mdun du smos pa'i tshul gyis dpal rdo rje sems dpa' la sogs pa sangs rgyas thams cad spro ba'i sgom pa byas pa'i dus su khro bo chen po'i zhe sdang gi sems bskyed nas sku dang gsung dang thugs rdo rje'i rigs gsum gyi gsang ba'i mtshan gyi ngo bo'i sngags sgrub pa pos gang la mos pa spel ba'i tshul gyis grangs kyi tshad brgyad brgya'i bzlas pa'i bsnyen pa bya ba yang mi 'gal lo/ /sngags bstan bar bya ste/ dzi na dzig /hUM phaT/ sarba dushTaM big naM ma ra bai rig naM/ ma ra naM ku ru hUM phaT/ a ro lig hUM phaT/ sarba dushTaM big naM ma ra bai ri ga naM ku ru hUM phaT/ badzra d+h+rig hUM phaT/ sarba dushTaM big naM ma ra bai ri ga nam ma ra naM ku ru hUM phaT/ sngags kyi bzlas pa brgyad brgya ci ltar smos pa'i sgom pa'i sbyor bas brnyen pa byas pa rdzogs ma thag tu/ mdun du smos pa'i bdud dang bgegs ma rungs pa'i dgra'i dpung de dag thams cad nyi ma bdun du rdzogs ma thag tu 'jig par smos so/ /de ltar sbyor ba'i bzlas pa brgyad brgya yis/ /nyi ma bdun gyis 'jig par 'gyur gyi don du gsungs so/ /da ni gzhan yang mdun du smos pa'i tshul gyis sgom pa dang sngags kyi bzlas pa'i sbyor ba'i bsnyen pa bya ba de rdzogs ma thag tu rdo rje'i bsam
- 42b
gtan bya ba'i don bstan par bya ste/ yang na sngags kyi rgyal po yis/ /rdo rje'i bsam gtan tshogs so/ /'di ni nad rnams thams cad kyi/ /dam tshig shin tu 'da' dka' o/ /zhes bya ba'i don bshad par bya ste/ ci ltar yin na/ yang na sngags kyi rgyal po yis/ /rdo rje bsam gtan tshogs so ni mdun du smos pa'i tshul gyi sku dang gsung dang thugs rigs kyi gsang ba'i mtshan gyi ngo bo sngags de gsum gyi sngags kyi rgyal po yin no/ /de bzlas pa'i bsnyen pa rdzogs ma thag tu/ rdo rje bsam gtan gyi cho ga zhes pa dus 'dir phyi dang nang cho ga zhes pa dus 'dir phyi nang gi chos thams cad stong pa'i ngo bor sgom par gsungs so/ /rdo rje bsam gtan cho ga'i don du gsungs so/ /de ltar yang na sngags kyi rgyal po yis/ /rdo rje bsam gtan cho ga'i don du gsungs so/ /'di ni nad rnams thams cad kyi zhes pa ni/ ci ltar smos pa'i tshul gyi bsgom pa dang bzlas pa byas pas sgrub pa po nyid dang sems can gzhan la nad thams cad kyi gnod pa'i sdug bsngal nges par med par 'gyur bar bstan to/ /de ltar 'di ni nad rnams thams cad kyi don du gsungs so/ /dam tshig shin tu 'da' dka' i don sngar bshad pas 'dir bshad mi dgos so/ /da ni dkyil 'khor la sogs pa dkyil 'khor gang yang rung ba bri ba'i dus dang/ gzhan yang rgyud 'di'i nang nas sgrub thabs ci snyed gsungs pa de dag bya ba'i dus su sgrub pa pos dang po rang 'ga' ba' i lha'i ting nge 'dzin sgom pa dang bcas par sngags kyi sa bon bzlas pa byas nas nyal te/ rmi lam bzang ngan lta bar bya ba'i don thos bar bya ba'i phyir/ rnam par snang mdzad la sogs pa brjod du yod pa dang/ brjod du med pa'i 'khor sangs rgyas thams cad kyi dus gcig tu mgrin cig gis ston pa mi bskyod pa rdo rje 'dzin la stong pa'i tshul gyis gsol ba btab pa'i don bstan par bya ste/ de nas rgyal po rdo rje 'dzin/ /ye shes kyo ba gzi brjid che/ /'dod pa thar pa rdo rje ches/ /gsung ni 'di skad bka' stsal to/ /zhes bya ba'i don bshad par bya ste/ ci ltar yin na/ de nas ni gong du smos pa'i tshul gyi de bzhin gshegs pa thams cad kyis ston pa mi
- 43a
bskyod pa rdo rje 'dzin la bstod pa'i ngo bos 'og nas 'byung ba'i phyir gsol ba btab pa'i don mtshon par smos so/ /rgyal po rdo rje 'dzin gyi don ni mdun du ci ltar bshad pa bzhin du 'dir bstan to/ /ye shes kyi kyo ba gzi brjid che zhes pa ni/ ston pa mi bskyod pa rdo rje 'dzin thugs rje chen pos bskul ba'i dbang gis sku phyag rgya kun nas me long lta bu'i ye shes la sogs pa ye shes lnga'i ngo bo 'od zer gyi dra ba grangs med pa spro bar mdzad do/ /des 'jig rten gyi khams thams cad du khyab bo/ /de ma thag tu lha dang mi la sogs pa sems can ma lus pa thams cad la rag pas kyo ba lta bus bkug par mdzad pa de nyid kyi phyag rgya gnas su gnyis su med par bsdu bar mdzad do/ /bstan par bya ste/ ye shes kyi 'od zer gyi dra ba kyo ba'i ngo bo spro ba dang bsdu ba mdzad pa'i dus su ston pa mi bskyod pa rdo rje 'dzin gyi sku phyag rgya gzi brjid kyi phung po'i ngo bor gyur te/ don des ston pa rdo rje 'dzin gyi khyad par gyi mtshan du smos so/ /mdor bsdu ba de ltar ye shes kyi gzi brjid che'i don du gsungs so/ /'dod pa thar pa rdo rje che zhes pa ni/ 'dod pa ni dus 'dir bsgrub pa pos bla na med pa'i byang chub kyi 'bras bu la sogs pa dngos grub kyi 'bras bu gang dang gang 'dod pa ston pa mi bskyod pa rdo rje 'dzin gyis stsol ba yin no/ /thar ba ni 'dod chags dang zhe sdang dang gti mug la sogs pa nyon mongs pa thams cad kyis bcings pas sems can thams cad bcings par 'gyur ba de ston pa mi bskyod pa rdo rje 'dzin gyis grol bar mdzad pa yin no/ /rdo rje ni mdun du smos pa'i bla na med pa'i byang chub kyi 'bras bu la sogs pa dngos grub kyi 'bras bu thams cad dang gnyis su med pa ma skyes pa stong pa nam mkha' lta bu thams cad la khyab nas gnas pa/ rdo rje chen por ming btags pa chos kyi sku yin no/ /gzhan yang 'dod pa dang/ grol ba dang/ rdo rje chen po'i don mdun du bshad pa de ni don dam pas ston pa mi bskyod pa rdo rje 'dzin nyid du bstan to/ /mdor bsdu ba de ltar 'dod pa thar pa rdo rje che'i don du gsungs so/ /gsung
- 43b
ni 'di skad bka' stsal to/ /zhes pa'i don mdun du ci ltar bshad pa bzhin du 'dir bstan to/ /da ni gong du smos pa'i rnam par snang mdzad la sogs pa brjod du yod pa dang/ brjod du med pa'i khor gyi sangs rgyas thams cad kyis dus gcig tu mgrin gcig tu ston pa mi bskyod pa rdo rje 'dzin la stong pa'i tshul gyis gsol ba btab pa de gsan ma thag tu rmi lam gyi don bshad par mdzad pa de'i don bstan par bya ste/ /chos rnams rmi lam lta bu ni/ /ngo bo nyid kyis ma skyes pa/ /de nyid ngo bo nyid dag la/ /'khrul par rdo rjes rab tu gsungs zhes bya ba'i don bshad par bya ste/ ci ltar yin na/ chos rnams rmi lam lta bu ni/ /ngo bo nyid kyis ma skyes pas ni/ phyi dang nang gi chos thams cad mi brtan pa/ skad cig ma ngo bo med pa yin no/ /gzhan yang sems kyi rnam par rtog pa spangs nas brtag par bya'o/ /de'i 'og tu chos thams cad rang bzhin gyis ma skyes par smos so/ /de ltar chos rnams rmi lam lta bu ni/ /ngo bo nyid kyis ma skyes pa'i don du gsungs so/ /de nyid ngo bo nyid dag la zhes ba ni/ mdun du smos pa'i tshul gyis chos thams cad don dam par ngo bo nyid kyis ma skyes par smos pa dang/ gzhan yang thog ma med pa'i dus nas nyon mongs pa thams cad kyi sdig pa dri mas ma gos pa yin no/ /don des chos thams cad ngo bo nyid kyis dag par smos so/ /de kho na nyid ni ci ltar smos pa'i ngo bo nyid ma skyes pa'i dang/ rang bzhin gyis dag pa de ni don dam par de bzhin gshegs pa thams cad kyi ye shes kyi dngos grub kyi 'bras bu thams cad gnyis su med par 'dus pa'i ngo bo chos kyi sku yin no/ /don des de kho na nyid du smos so/ /de ltar de nyid ngo bo nyid dag pa'i don du gsungs so/ /'khrul pa rdo rjes? rab tu gsungs zhes pa ni/ ji ltar smos pa'i chos thams cad rmi lam lta bu dang/ gzhan yang ngo bo nyid kyis ma skyes pa/ ston pa nam mkha' lta bu dang/ gzhan yang ngo bo nyid kyis mi skyes pa stong pa nam mkha' lta bu de ni ngo bo nyid kyis dag pa yin no/ /de lta bu'i ngo bo don dam par chos
- 44a
smos pa de la rmi lam ci ltar brtag par bya ba bstan par bya ste/ mdun du smos pa'i tshul gyi dkyil 'khor bri ba'i dus dang/ gzhan yang bsgrub pa gang yang rung ba bya ba'i dus su 'khrul pa zhes pa gal te sgrub pa po la bdud dang bgegs kyi byin gyis brlabs pa'i dbang gis 'grub pa'i sems kyi rnam par rtog pa skye ba de'i phyir/ dpal rdo rje sems dpa' la sogs pa'i de bzhin gshegs pa gang yang rung ba rang dga' ba'i lha'i ting nge 'dzin dang bcas par sngags kyi bzlas pa byas pa'i rmi lam bzang ngan brtag par bya'o/ de'i don rdo rje zhes pa ston pa mi bskyod pa rdo rje 'dzin gyis gsungs pa bshad pa'o/ /de ltar 'khrul pa rdo rje rab tu gsungs kyi don du gsungs so/ /bsam gtan bzlas la 'bad pa yi/ /sgrub pa pos ni rtag tu mthong/ /sangs rgyas byang chub sems dpa' rnams/ /bye brag rnam pa gnyis su mthong/ /zhes bya ba'i don bshad par bya ste/ ci ltar yin no/ bsgrub pa pos mdun du smos pa'i tshul du bsam gtan dang bzlas pa byin ci log gi rnam par rtog pa spangs nas sems brtan pa bskyed de nam phyed tsam du bya'o/ /de'i 'og tu dkyil 'khor bri ba'i sa gzhi'i dbus su bstan ba de ba 'jam pa la shar phyogs su sngas bstan te/ blo g.yas pas nyal te/ de yang sgrub pa byas pa'i dus su dang po dkyil 'khor gru bzhi pa bdud rtsi lngas bsku ba bya'o/ /de'i steng du mdun du smos pa'i cho gas nyal lo/ /gzhan yang sgrub pa pos ci ltar smos pa'i tshul gyi ting nge 'dzin dang bzlas pa'i dus brtag tu bya zhing nyal lo/ /tshul de ltar nyal nas gnyid kyis log pa'i dus su 'og nas 'byung ba'i bye brag gnyis su ston pa mi bskyod pa rdo rje 'dzin nyid la sogs pa rigs lnga'i bye brag gi sangs rgyas smos pa'i nang nas gang rung pa'i sku phyag rgya'i gzugs mthong ba yin no/ /gzhan yang de'i dus su phyag na rdo rje la sogs pa rigs gsum gyi bye brag gi byang chub sems dpa' brgyad smos pa de'i nang nas gang yang rung ba'i phyag rgya'i gzugs mthong bar bstan to/ /da ni mdun du smos pa'i tshul gyi rmi
- 44b
lam mthong pa'i 'bras bur 'gyur bar bstan par bya ste/ /de la 'di ni rmi lam gyi dam tshig chen po'o/ /byang chub ye shes mchog thob pas/ /sangs rgyas 'od dang ldan pa mthong/ /sangs rgyas longs spyod rdzogs pa'i sku/ /bdag nyid 'dra zhing bdag med mthong/ /zhes bya ba'i don bshad par bya ste ci la 'di ni rmi lam gyi dam tshig chen po ni/ bsgrub pa pos mdun du smos pa'i tshul du dam tshig chen por ming btags pa ting nge 'dzin dang bzlas pa'i dus rtag tu brtson par bya ste/ de'i 'og tu nyal ba'i dus su 'og nas 'byung ba'i rmi lam gyi 'bras bu bzang po thob par 'gyur bar mtshon par smos so/ /byang chub ye shes mchog thob pas/ /sangs rgyas 'od dang ldan pa mthong zhes pa ni ci ltar smos pa'i tshul gyis bye brag gnyis su ston pa mi bskyod pa rdo rje 'dzin la sogs pa rigs lnga'i sangs rgyas smos pa'i nang nas gang yang rung ba'i sku phyag rgya'i gzugs nyid kyi ye shes kyi gzi brjid kyi 'od dang ldan pa rmi lam gyi dus su mthong na/ de'i yon tan gyi 'bras bu don dam pa de bzhin gshegs pa thams cad kyi ye shes dang gnyis su med pa'i ngo bo mchog tu ming btags pa bla na med pa'i byang chub kyi 'bras bu'o de thob pa yin no/ /bstan par bya ste/ yang na mdun du smos pa'i tshul gyi phyag na rdo rje la sogs pa rigs gsum gyi bye brag byang chub sems dpa' brgyad smos pa de'i nang nas gang yang rung ba'i sku phyag rgya'i gzugs de nyid kyi rigs kyi ye shes kyi gzi brjid kyi 'od dang ldan pa gal te rmi lam du mthong na de'i yon tan gyis mdun du smos pa'i 'bras bu thob par bstan to/ h/mdor bsdu ba de ltar byang chub ye shes mchog thob pas/ sangs rgyas 'od dang ldan pa mthong ba'i don du gsungs so/ /sangs rgyas dlongs spyod rdzogs pa'i sku/ /bdag nyid pra zhing bdag nyid mthong zhes pa ni sangs rgyas longs spyod pa'i sku ni sku rdo rje rnam par snang mdzad do/ /de ni byang chub sems dpa' thams cad kyi 'khor gyis bskor ba'o/ /gzhan yang phyi'i brgya byin dang/ tshangs pa dang/ khyab 'jug dang/ dbang phyug chen po dang nyid
- 45a
ma dang zla ba la sogs pa sems can thams cad kyis lha dang mi'i bye brag sna tshogs kyis mchod pa dang/ bstod pa dang/ phyag 'tshal ba mthong na/ de'i yon tan gyis bsgrub pa pos dang po stong chen po'i 'jig rten gyi khams thams cad du chos kyi 'khor lo bskor bar byed do/ /de'i 'og tu sku rdo rje rnam par snang mdzad nyid dang gnyis su med pa'i dngos grub kyi 'bras bu 'thob par smos so/ /gzhan yang bsgrub pa pos gal te bdag nyid phra zhes pa dang ye shes kyi gzi brjid kyi ngo bo yungs kar gyi 'bru'i tshad tsam du gyur par mthong ngo/ /de ma thag tu til 'bru'i tshad tsam du mthong ba dang/ de ma thag tu 'od zer gyi ngo bo rdul phra mo'i tshad tsam du mthong ba dang/ de ma thag tu dngos po med pa stong pa nam mkha' bzhin du mthong ba'o/ /de'i yon tan gyis sgrub pa po bla na med pa'i ye shes chen po'i stong pa'i nam mkha' bzhin du thams cad la khyab nas gnas pa de ni/ ci ltar smos pa'i don gyis chos kyi sku yin te/ de dang gnyis su med pa'i dngos grub kyi 'bras bur gyur par bstan to/ /de ltar sangs rgyas longs spyod rdzogs pa'i sku/ /bdag nyid phra zhing bdag med mthong gi don du gsungs so/ /gzhan yang gal te dus 'dir rmi lam ngan pa mthong na/ de'i don bstan par bya ste/ ma he dang spre'u gyi bye brag gnyis mthong de'i skyon gyis mdun du smos pa'i tshul gyis bla na med pa'i byang chub kyi 'bras bu bstan pa de med par 'gyur par bstan to/ /gzhan yang gcer bu ska gyen du phyogs pa thal ba'i mdog can rid pa de lta bur bdag dang gzhan mthong na de'i skyon gyis sku rdo rje rnam par snang mdzad dang/ gnyis su med pa'i ngos grub kyi 'bras bu bstan pa de nyams par 'gyur ro/ /gzhan yang gal te sgrub nag po dang sbrang bu mang po mthong na/ de'i skyon gyis chos kyi sku dang gnyis su med pa'i dngos grub kyi 'bras bu bstan pa de med par 'gyur bar bstan to/ /nga ni rmi lam bzang po'i don bstan par bya ste/ khams gsum sems can chen po yis/ mchod pa
- 45b
byed par des mthong ngo/ /sangs rgyas byang chub sems dpa' yis/ /'dod pa'i yon tan lnga rnams kyis/ /zhes bya ba'i don bshad par byas ste/ ci ltar yin na/ /khams gsum sems can chen po yis/ /mchod pa byed par de mthong ngo ni/ /'dod pa'i khams dang/ gzugs kyi khams dang/ gzugs med pa'i khams na gnas pa'i sems can chen por ming btags pa lha'i dbang po brgya byin dang tshangs pa dang/ khyab 'jug dang/ dbang phyug chen po dang/ gzhan yang mi'i rgyal po la sogs pa cho 'phrul dang/ sgyu ma dang/ stobs dang ldan pa'i sems can thams cad kyis/ lha dang mi'i mchod pa'i rdzas kyi bye brag sna tshogs kyis sgrub pa po nyid la mchod pa byed par mthong na/ de'i yon tan gyis sgrub pa po bla na med pa'i shes rab ye shes dang gnyis su med pa'i ngo bo byang chub sems dpa' 'jam dpal ci ltar smos pa'i tshul gyi chos ston pa'i dus su sems can thams cad kyis mchod pa byed pa de dang gnyis su med pa'i dngos grub kyi 'bras bur gyur par bstan to/ /de ltar khams gsum sems can chen po yis/ /mchod pa byed pa des mthong ba'i don du gsungs so/ /sangs rgyas byang chub sems dpa' yis/ /'dod pa'i yon tan lnga rnams kyis zhes pa ni/ sangs rgyas rnam par snang mdzad la sogs pa sangs rgyas thams cad dang byang chub sems dpa' phyag na rdo rje la sogs pa byang chub sems dpa' thams cad kyis/ ci ltar smos pa'i tshul gyi 'dod pa'i yon tan lnga'i mchod pa'i rdzas phun sum tshogs pas bsgrub pa po nyid la mchod pa byed pa mthong na/ de'i yon tan gyis ci ltar ston pa mi bskyod pa rdo rje 'dzin nyid gsang sngags kyi theg pa chen po'i chos kyi rgyud bka' stsal ba'i dus su sangs rgyas dang byang chub sems dpa' thams cad kyis mchod pa byed pa de dang gnyis su med pa'i ngo bor dngos grub kyi 'bras bur nges par 'gyur bar bstan to/ /de ltar sangs rgyas byang chub sems dpa' yis/ 'dod pa'i yon tan lnga rnams kyi don du gsungs so/ /gzhan yang gal te rmi lam ngan pa mthong na de'i don bstan par bya ste/ khwa ta
- 46a
dang bya rgod dang 'ug pa dang/ kang ka la sogs pa bya'i tshogs kyis sgrub pa po nyid la bskor ba mthong na/ de'i skyon gyis gong du smos pa'i tshul gyi byang chub sems dpa' 'jam dpal dang gnyis su med pa'i 'bras bu de med par bstan to/ /gzhan yang sgrub pa po nyid kyi lha cha rdo rje dang/ rdo rje dril bu dang/ spos phor la sogs pa mchod pa mchod pa'i rdzas gal te mi snang ba mthong na/ de'i skyon gyis gong du smos pa'i tshul gyis ston pa mi bskyod pa rdo rje 'dzin nyid dang gnyis su med pa'i 'bras bu bstan pa de med par gyur par bstan to/ /nga ni rmi lam bzang po mthong bas sku dang gsung dang thugs kyi 'bras bu 'grub pa de bstan par bya ste/ ye shes chen po'i 'od dang mnyam/ /gzugs ni mchod pa byas par mthong/ /rdo rje sems pa'i gzugs chen dang/ /chos kyi rdo rje grangs chen po/ /zhes bya ba'i don bshad par bya ste/ ci ltar yin na/ ye shes chen po'i 'od dang mnyam/ gzugs ni mchod pa byas par mthong ni/ ye shes chen por ming btags pa/ chos kyi dbyings kyi ye shes la sogs pa don dam par ye shes lnga dang gnyis su med pa'i ngo bo yin no/ /dus 'dir sku rdo rje rnam par snang mdzad kyi sku phyag rgya kha dog dang ldan pa'i ye shes chen po'i 'od dang mnyam pa'o/ /de ltar bu'i ngo bo sku rdo rje rnam par snang mdzad des ci lta smos pa'i tshul gyi 'dod pa'i yon tan lnga'i mchod pa'i rdzas phun sum tshogs pas sgrub pa po nyid kyi gzugs la mchod pa byed par mthong na/ de'i yon tan gyis sku rdo rje rnam par snang mdzad kyi sku phyag rgya ye shes chen po'i 'od dang ldan par smos so/ /de dang gnyis su med pa'i dngos grub kyi 'bras bur gyur par bstan to/ /de ltar ye shes chen po'i 'od dang mnyam/ /gzugs ni mchod pa byas par mthong gi don du gsungs so/ /rdo rje sems dpa' i gzugs chen dang/ /chos kyi rdo rje grags chen po zhes pa ni/ dpal rdo rje sems dpa' i sku phyag rgya'i gzugs de ni tshul de ltar smos pa'i de bzhin gshegs pa thams cad kyi bdag po yin no/ /don des gzugs chen
- 46b
por smos so/ /des ci ltar smos pa'i tshul gyi 'dod pa'i yon tan lnga'i mchod pa'i rdzas phun sum tshogs pa las sgrub pa po nyid la mchod pa byed par mthong na de'i yon tan gyis sgrub pa po thugs rdo rje dpal rdo rje sems dpa' de bzhin gshegs pa thams cad kyi bdag por smos pa? de dang gnyis su med pa'i ngo bo'i dngos grub kyi 'bras bur gyur par bstan to/ /gzhan yang chos kyi rdo rje grags chen zhes pa gsung rdo rje snang ba mdza' yas kyi sku de ni 'jig rten gyi khams thams cad du lha dang mi la sogs pa sems can thams cad kyis stong tshig gi bye brag sna tshogs kyi tshig gis dus rtag tu bdag po bzhin du grags par byed do/ /don des chos kyi rdo rje grags chen por smos so/ /des ci ltar smos pa'i tshul gyi 'dod pa'i yon tan lnga'i mchod pa'i rdzas phun sum tshogs pas sgrub pa po nyid la mchod par byed par mthong na/ de'i yon tan gyis ci ltar gsung rdo rje snang ba mdza' yas ci ltar sems can thams cad kyis grags par byed pa de dang gnyis su med pa'i ngo bor bsgrub pa po dngos grub 'bras bur 'gyur bar bstan to/ /de ltar rdo rje sems dpa' i gzugs chen dang/ chos kyi rdo rje grags chen gyi don du gsungs so/ /gzhan yang gal te rmi lam ngan pa mthong na ni de'i don bstan par bya ste/ bong bu mang pos sgrub pa po bskor ba mthong na/ de'i skyon gyis gong du smos pa'i tshul gyis sku rdo rje rnam par snang mdzad dang gnyis su med pa'i 'bras bu bstan pa de med par 'gyur bar bstan to/ /gzhan yang glang po ches sgrub pa po bskrad par mthong na/ de'i skyon gyis gong du smos pa'i thugs kyi rdo rje dpal rdo rje sems dpa' dang gnyis su med pa'i 'bras bu bstan pa de med par 'gyur bar bstan to/ /gzhan yang khyi nag po mang pos sgrub pa po bskor bar mthong na/ de'i skyon gyis mdun du smos pa'i tshul gyi rdo rje chos gsung rdo rje snang ba mdza' yas dang gnyis su med pa'i 'bras bu bstan pa de med par 'gyur bar bstan to/ /da ni gong du smos pa'i sku dang gsung dang thugs rdo rje rigs gsum gyi bye brag gi rmi lam
- 47a
bzang po mthong bas 'bras bu khyad par can 'thob pa'i don bstan par bya ste/ rmi lam dag na rang gzugs mthong/ /rdo rje gsang ba grags chen po/ /byang chub sems dpa' rdo rje can/ /sangs rgyas chen pos phyag 'tshal ba/ /zhes bya'i don bshad par bya ste/ ci ltar yin na rmi lam dag na rang gzugs mthong/ /rdo rje gsang ba grags chen po ni/ /rdo rje gsang bar ming btags pa tshul ci ltar smos pa ston pa mi bskyod pas byin gyis brlab par mdzad nas de bzhin gshegs pa thams cad kyi sku dang gsung dang thugs rdo rje'i snying por smos pa rgyu'i ngo bor de shes rab ma ye shes kyi lha mo mA ma kI'i b+ha ga'i nang gi dbus su byung nas rgyud bshad par mdzad pa'i phyir dang po ston pa byang chub sems dpa' rdo rje'i sku phyag rgya'i gzugs yin te/ de ni stong pa chen po'i 'jig rten gyi khams thams cad tu lta dang mi la sogs pa sems can thams cad kyis bstod pa'i tshig gi bye brag sna tshogs kyi dus rtag tu bdag po ltar grags par byed do/ /don des rdo rje gsang ba grags chen por smos so/ /de lta bu'i sku phyag rgya'i gzugs der sgrub pa bo rang gi lus rmi lam du mthong ngo/ /mdor bsdu ba de ltar rmi lam dag na rang gzugs mthong/ /rdo rje gsang ba grags chen po don du gsungs so/ /byang chub sems dpa' rdo rje can/ /sangs rgyas chen pos phyag 'tshal ba zhes pa ni/ mdun du smos pa'i tshul gyi sgrub pa po nyid kyi lus ston pa byang chub kyi sems rdo rje'i sku phyag rgya dang gnyis su med pa'i ngo bor rmi lam du mthong ba'i dus su sangs rgyas chen po zhes pa ston pa mi bskyod pa rdo rje 'dzin nyid do/ /de la sogs pa sangs rgyas thams cad kyis 'dod pa'i yon tan lnga'i mchod pa'i rdzas phun sum tshogs pas bsgrub pa po la mchod pa byed cing/ phyag 'tshal ba bstan to/ /byang chub sems dpa' ni phyag na rdo rje la sogs pa rigs gsum gyi bye brag gi byang chub sems dpa' brgyad kyis gong du smos pa'i mchod pa'i
- 47b
rjes phun sum tshogs pas sgrub pa po la mchod cing phyag 'tshal bar bstan to/ /rdo rje can ni dus 'dir khro bo'i rgyal po'i rgyal po ya man ta dang/ prad nyan ta ka la sogs pa rigs gsum gyi bye brag gi khro bo'i rgyal po bcus gong du smos pa'i mchod rdzas phun sum tshogs pas sgrub pa po la mchod cing phyag 'tshal bar bstan to/ /bstan par bya ste/ gong du smos tshul gyis ngo bo sgrub pa pos rmi lam du mthong na/ de'i yon tan gyis tshe 'di la ston pa byang chub kyi sems rdo rje rang gnyid su med pa'i phyag rgya chen po'i dngos grub kyi 'bras bu 'thob par bstan to/ / gzhan yang gal te/ rmi lam ngan pa mthong na de'i don bstan par bya ste/ sgrub pa pos yi dags mang pos bskor bar mthong na/ de'i skyon gyis gong du smos pa'i phyag rgya chen po'i ngo bo tshe 'di la ston pa byang chub kyi sems rdo rje dang gnyis su med pa'i 'bras bu bstan pa de med par 'gyur bar bstan to/ /de ltar byang chub sems dpa' rdo rje can/ /sangs rgyas chen pos phyag 'tshal ba'i don du gsungs so/ /rmi lam 'di 'dra mthong gyur na/ /sku gsung thugs kyi dngos grub thob/ /ces pa ni sgrub pa pos gong du smos pa'i rmi lam gyi bye brag mthong na/ de'i yon tan gyis sku dang gsung dang thugs rdo rje gsum gyi ye shes dang gnyis su med pa'i dngos grub kyi 'bras bu 'thob par 'gyur bar bstan to/ /da ni gzhan yang rmi lam bzang po mthong na de'i don bstan par bya ste/ rgyan rnams thams cad yongs rdzogs pa'i/ /lha'i bu mo yid 'ong dang/ /khye'u bu mo dag mthong na/ /de ni dngos grub thob par 'gyur/ /zhes bya ba'i don bshad par bya ste/ ci ltar yin na/ rgyan rnams thams cad yongs su rdzogs pa'i/ /lha'i bu mo yid 'ong ni/ lha'i bu mo rdzu 'phrul dang ldan pa/ lha'i gos gyon pa/ gzi brjid kyis 'bar ba/ rin po che bai DUrya dang pad ma rA ga dang/ mar ka dang/ de dag la sogs pa/ lha'i rgyan thams cad kyis yan lag dang nying lag thams cad brgyan pa de lta bu'i lta'i bu dang bu mo rmi lam du mthong na/ de'i yon tan gyis sha tsi la sogs pa lha mo dang lha'i bu mo thams cad bran mo bzhin
- 48a
du dbang du 'gyur ba'i 'bras bu sgrub pa pos 'grub par bstan to/ /de ltar rgyan rnams thams cad yongs rdzogs pa'i/ /lha'i bu mo yid 'ong gi don du gsungs so/ /khye'u dang bud med dag mthong na/ de'i dngos grub thob par 'gyur zhes pa ni/ khye'u 'am bu mo de ni rigs mthon por skyes pa/ lo bcu lon pa/ mdog me tog tsam pa ka lta bu dang ldan pa/ gzugs mdzes pa/ rgyan thams cad kyis brgyan pa/ gos dkar po gyon pa 'dzum pa'o/ /de lta bu'i khye'u 'am bu mo rmi lam du mthong na/ de'i yon tan gyis zhi ba dang rgyas pa la sogs pa gang sgrubs pa 'di'i dngos grub kyi 'bras bu sgrub pa pos 'grub par 'gyur bar bstan to/ /de ltar khye'u dang bu mo dag mthong na/ de ni dngos grub thob par 'gyur gyi don du gsungs so/ /gzhan yang gal te rmi lam ngan pa mthong na/ de'i don bstan par bya ste/ bud med lus ring ba/ mdog nag pa/ gcer bu skra gyen du brdzes pa/ rgyan med pa de lta bu'i gzugs rmi lam du mthong na/ de'i skyon gyis gong du smos pa'i sha tsi la sogs pa lha mo dang lha'i bu mo thams cad bran mo bzhin du dbang du gyur pa'i dngos grub bstan pa de med par 'gyur ba bstan te/ /gzhan yang mi lus thung ba thal ba'i mdog can/ skra bshig pa/ gcer bu rgyan med pa/ de lta bu'i khye'u 'am bu mo'i gzugs rmi lam du mthong na/ de'i skyon gyis gong du smos pa'i zhi ba dang rgyas pa la sogs pa'i dngos grub kyi 'bras bu thams cad thob par smos pa de med par 'gyur bar bstan to/ /da ni gzhan yang rmi lam bzang po mthong bar bstan par bya ste/ phyogs bcu'i sangs rgyas thams cad kun/ /zhing na gnas pa nges par mthong/ /thugs ni dgyes par gyur nas kyang/ /chos mdzod yid du 'ong ba stsol/ /zhes bya ba'i don bshad par bya ste/ ci ltar yin na/ phyogs bcu'i sangs rgyas thams cad kun/ zhing na gnas pa nges par mthong na/ phyogs bcu'i 'jig rten gyi khams kyi so so'i zhing khams na sangs rgyas thams cad kyis til gyi gang bu bzhin du gang bar gnas pa rmi lam du
- 48b
mthong na/ de'i yon tan gyis gong du smos pa'i zhing khams na gnas pa'i sangs rgyas thams cad thugs rje chen po'i kyo bas bskul bas thugs dgyes par gyur nas chos mdzod du ming btags pa'i dus 'dir gsang sngags kyi rgyud rnams kyi sdud pa pos phyag na rdo rje smos pa de dang gnyis su med par sgrub pa po la dngos grub kyi 'bras bu stsol ba 'grub par smos so/ /mdor bsdu ba de ltar phyogs bcu'i sangs rgyas thams cad kun/ zhing na gnas pa nges par mthong gi don du gsungs so/ /thugs ni dgyes par gyur nas kyang/ /chos mdzod yid du 'ong ba stsol/ zhes pa'i don gong du bshad zin to/ /gzhan yang gal te rmi lam ngan pa mthong na/ de'i don bstan par bya ste/ phyogs bcu'i 'jig rten gyi khams yi dags dang/ byi la dang spre'u dang sbrul dang 'ug pa la sogs pas gang bar mthong na/ /de'i skyon gyis gong du smos pa'i tshul gyi chos kyi mdzod dang gnyis su med pa'i 'bras bu bstan pa de med par 'gyur bar bstan to/ /gzhan yang rmi lam bzang po mthong ba bstan par bya ste/ chos kyi 'khor lo sgyur ba'i sku/ /sems can kun gyis yongs bskor ba/ /bsam gtan rdo rje la gnas pa'i/ sbyor ba'i dus su mthong bar 'gyur/ /zhes bya ba'i don bshad par bya ste/ ci ltar yin na/ chos kyi 'khor lo sgyur ba'i sku/ /sems can kun gyis yongs bskor ba ni/ sgrub pa pos rang gi lus rin po che gzhal yas khang chen po'i nang gi dbus na/ seng ge'i gdan khri 'am/ yang na rin po che'i gdan khri 'am yang na pad ma 'dab ma mdza' yas pa/ kha dog sna tshogs pa'i gdan gang yan rung ba'i steng na 'dug pa/ dus 'dir lha dang mi la sogs pa sems can thams cad kyis thal mo sbyar nas bskor te de'i nang nas chos ston pa/ mdor bsdu ba de ltar chos kyi 'khor lo sgyur ba'i sku/ /sems can kun gyis yongs su bskor ba'i don du gsungs so/ /bsam gtan rdo rje la gnas pa'i/ /sbyor ba'i dus su mthong bar 'gyur zhes pa ni/ sgrub pa pos dang po bsgom pa sbyor ba byas nas de'i 'og tu gnyid log pa'i dus su gong du smos pa'i rmi lam
- 49a
mthong na/ de'i yon tan gyis bsam gtan rdo rje zhes pa dpal rdo rje sems dpa' la sogs pa rang dga' ba'i lha de bzhin gshegs pa gang yang rung ba dang gnyis su med par bsgom par byas pa'i ye shes kyi dngos grub kyi 'bras bu thob par smos so/ / de ltar bsam gtan rdo rje la gnas pa'i sbyor ba'i dus su mthong bar 'gyur gyi don du gsungs so/ /gzhan yang gal te rmi lam ngan pa mthong ba de'i don bstan par bya ste/ sgrub pa pos rang gi lus khang pa stong pa zhig pa'i nang gi dbus na gcer bu stan med pa/ ma he dang rnga mo dang/ bong bu dang/ de la sogs pa mang pos bskor bar mthong na/ de'i skyon gyis gong du smos pa'i bsam gtan rdo rjer ming btags pa dang dga' ba'i lha'i ye shes kyi dngos grub kyi 'bras bu bstan pa de med par bstan to/ /gzhan yang da ni rmi lam bzang po mthong ba de bstan par bya ste/ sna tshogs kun dga' skyed smos tshal/ /lha'i bu mo la sogs brgyan/ /sangs rgyas kun gyis byin brlabs pas/ /bsam gtan dus su mthong bar 'gyur/ /zhes bya ba'i don bshad par bya ste/ ci ltar yin na/ skyed mos tshal ni/ shing a shwadtha? dang/ ma du dang/ ba ku la dang/ par ka ti dang/ sa la dang/ a 'bras dang/ a ru dang/ 'ang dim? dang/ na li ke ri dang/ b+hi tsa pu ra dang/ ta la dang/ ta li dang/ ka ta li dang/ dra khra dang/ pa li dang/ de dag la sogs pa shing gi bye brag sna tshogs pa/ me tog dang/ shing tog dang ldan pa'o/ /de lta bu'i kun dga' ra ba skyed mos tshal gyi gnas lha'i bu mo rin po che thams cad kyis brgyan pa dang/ de bzhin du lha'i gos gon pa de lta bu'i lha'i bu mo dang/ klu'i bu mo dang/ mi'i bu mo la sogs pa mang pos kun dga' ra ba skyed mos tshal gyis brgyan pa de lta bur sgrub pa pos dang po bsam gtan byas nas nyal ba'i dus su mthong na/ de'i yon tan gyis sangs rgyas thams cad kyis byin gyis brlab pa zhes pa/ dpal rdo rje sems dpa' nyid la sogs pa rigs lnga'i bye brag gis sangs rgyas thams cad
- 49b
smos pa dwe drag nyid nyid kyi ye shes kyis sgrub pa po byin gyis brlab par mdzad de/ de'i 'og tu ye shes lnga gnyis su med pa'i ngo bo phyag rgya chen po'i dngos grub kyi 'bras bu 'grub par 'gyur bar bstan to/ /mdor bsdu ba de ltar/ gzhan yang gal te rmi lam ngan pa mthong na de'i don bstan par bya ste/ gong du smos pa'i skyed mos tshal de'i shing phun sum tshogs pa de dag skams par mthong ngam/ yang na shing gi me tog dang/ shing tog thams cad chom pos phrogs par mthong na/ de'i skyon gyis gong du smos pa'i ye shes lnga dang gnyis su med pa'i ngo bor phyag rgya chen po'i dngos grub kyi 'bras bu bstan pa de med par 'gyur bar bstan to/ /da ni gzhan yang rmi lam bzang po mthong na de'i don bstan par bya ste/ sangs rgyas byang chub sems dpa' yis/ /de ni mngon par dbang skur mthong/ /rig pa 'dzin pa rgyal po ches/ /mchod pa byed pa des mthong ngo/ /zhes bya ba'i don bshad par bya ste/ ci ltar yin na/ sangs rgyas byang chub sems dpa' yis/ /de ni mngon par dbang skur mthong ni/ mdun du smos pa'i tshul gyis/ sgrub pa pos dang po rang dga' ba'i lta dang gnyis su med par bsgom pa byas nas de'i 'og tu nyal ba'i dus su/ sangs rgyas su ming btags pa rnam par snang mdzad la sogs pa rigs lnga'i bye brag grangs med pa'o/ /byang chub sems dpa' ni phyag na rdo rje la sogs pa rigs gsum gyi bye brag grangs med pa'o/ /de dag la sogs pa sangs rgyas dang byang chub sems dpa' la sogs pa nyid nyid kyi ye shes kyi gzi brjid kyis 'bar ba dang/ gzhan yang so so'i rigs kyi bye brag gi sku mdog dang ldan pa/ zhal gsum dang/ phyag drug dang/ de dag thams cad kyi phyag g.yas g.yon dang po gnyis na ye shes kyi rin po che'i bum pa ye shes kyi bdud rtsi'i chus gang ba 'dzin pa'o/ /phyag mtshan gzhan ni so so'i rigs kyi bye brag gi 'dzin pa'o/ /tshul de lta bu'i sangs rgyas dang byang chub sems dpa' dus mnyam du bsgrub pa po'i spyi bo'i steng du/ ye shes kyi rin po che'i bum pa/ ye shes kyi bdud rtsi phab pa'i
- 50a
tshul gyis dbang bskur ba mthong na/ de ni yon tan gyis sgrub pa pos 'khor ba'i nyon mongs pa'i sdug bsngal skye ba dang/ 'chi ba dang bral nas bla na med pa'i byang chub kyi 'bras bu 'thob par bstan to/ /mdor sdu ba de ltar sangs rgyas byang chub sems dpa' yis/ /de ni mngon par dbang bskur mthong gi don du gsungs so/ /rig pa 'dzin gyi rgyal po ches/ /mchod pa byas pa des mthong ngo/ /zhes bya ba ni/ sgrub pa pos gong du smos pa'i tshul du bsgom pa'i sbyor ba byas nas de'i 'og tu nyal ba'i dus su sgrub pa po nyid rin po che'i gdan ni/ yang na seng+ge'i gdan la lha'i dbang po brgya byin bzhin du 'dug nas/ rig pa 'dzin thams cad kyi rgyal po rnams kyis glu'i bye brag sna tshogs dang/ rnga dang/ gar dang/ na bza' dang/ me tog gi phreng ba la sogs pa mchod pa chen pos mchod pa byed par mthong na/ de'i yon tan gyis stong gsum gyi stong chen po'i 'jig rten gyi khams thams cad na gnas pa'i lha dang mi la sogs pa/ sems can thams cad la byang chub sems dpa' 'jam dpal yun ring por chos ston par mdzad pa de'i 'og tu/ sangs rgyas kyi 'bras bu 'thob par smos pa de dang gnyis su med pa'i 'bras bu bsgrub pa pos thob par bstan to/ /de ltar rig pa 'dzin pa'i rgyal po ches/ /mchod pa byed par nges mthong ngo'i don du gsungs so/ /gzhan yang gal te rmi lam ngan pa mthong na/ de'i don bstan par bya ste/ sgrub pa po nyid gcer pur yul stong na gnas pa'i steng gi nam mkha' i phyogs na gnod sbyin dang/ srin po la sogs pa mi ma yin pa'i ma rungs pa gzugs kyi bye brag sna tshogs dang ldan pa grangs med pa thams cad kyis khrag 'bebs par byed na/ de'i skyon gyis gong du smos pa'i tshul gyis 'khor ba'i nyon mongs pa skye shi'i sdug bsngal dang bral ba'i bla na med pa'i byang chub kyi 'bras bu thob par bstan pa de med par 'gyur bar bstan to/ /gzhan yang gal te rmi lam ngan pa mthong na/ de'i don bstan par bya ste bsgrub pa pos rang gi
- 50b
khyim na gnas sam/ gnas gang yang rung ba na rang gi lus la gos dang/ rgyan gyi bye brag sna tshogs kyis brgyan pa'i gos dang/ rgyan rnams sems can ma rungs pas/ phrogs nas khyer ba mthong na/ de'i skyon gyis gong du smos pa'i tshul gyi/ byang chub sems dpa' 'jam dpal dang gnyis su med pa'i ngo bo'i/ dngos grub kyi 'bras bu thob par bstan pa de/ med par 'gyur bar bstan to/ /gzhan yang da ni gong du smos pa'i rmi lam bzang po mthong ba thams cad kyi 'bras bu khyad par can du 'gyur ba dus gcig du bstan par bya ste/ rdo rje las byung sna tshogs pa'i/ /rmi lam dri med de mthong na/ /sku gsung thugs kyi rdo rje las/ /byung ba blang na med pa 'grub/ /ces bya ba'i don bshad par bya ste/ ci ltar yin na/ rdo rje las byung sna tshogs pa'i/ rmi lam dri ma med de mthong na ni/ rmi lam bzang po'i bye brag sna tshogs mthong ba de ni/ rdo rje'i rigs la sogs pa rigs gsum gyi bye brag gi ye shes las 'byung ba'o/ /de ni dri ma med par ming btags pa/ nges par rdzun du mi 'gyur bas rmi lam mthong ba de'i 'bras bur 'gyur bar bstan to/ /mdor bsdu ba de ltar/ rdo rje las byung sna tshogs pa'i/ rmi lam dri med de mthong na'i/ /don du gsungs so/ /sku gsung thugs kyi rdo rje las/ /'byung ba bla na med pa 'grub ces pa ni/ don mdor bsdu ba gong du smos pa'i tshul gyi rmi lam thams cad mthong ba'i 'bras bu sgrub pa pos sku gsung thugs rdo rje las byung bar ming btags pa/ don dam par de bzhin gshegs pa thams cad kyi sku dang gsung dang thugs rdo rje gsum gnyis su med pa'i ngo bo tshul ci ltar smos pa'i chos kyi sku yin te/ de las byung ba'i de dang gnyis su med pa'i ngo bo bla na med pa'i 'bras bu 'grub par smos so/ /de ltar sku gsung thugs kyi rdo rje las/ byung ba bla na med pa 'grub kyi don du gsungs so/ /gzhan du ni rmi lam bzang po mthong bar bstan par bya ste/ gdol pa khyi'i sbyor la sogs/ /rdo rje blo ldan gyis mthong na/ /des ni rdo rje sems dpa' yi/ /sems kyi gnas ni 'grub par 'gyur//
- 51a
zhes bya ba'i don bshad par bya ste/ ci ltar yin na/ gdol pa khyi'i sbyor la sogs/ /rdo rje blo ldan gyis mthong na ni gong du smos pa'i tshul du sgrub pa pos/ /rang dga' ba'i lha dang gnyis su med pa'i ngo bor sgom pa'i sbyor ba byas nas de'i 'og tu nyal ba'i dus su rigs ngan dang/ khyi'i sbyor bar ming btags pa bsgrub pa po nyid rigs ngan tsan da li'i bud med dang/ thabs dang shes rab rol pa byas par gal te mthong ngam/ yang na rdo rje blo ldan du ming btags pa sgrub pa po dus rtag tu rdo rje blo ldan pa'i ngo bo byang chub sems dpa' 'jam dpal/ rang gi blos sgom par byed pas/ don des rdo rje blo ldan du smos so/ /des gal te khyi mo dang gnyis su med par thabs dang shes rab rol pa byas par mthong na/ de'i yon tan gyis gnas zhes pa bsgrub pa pos dpal rdo rje sems dpa' me long lta bu'i ye shes gnas yin te/ de dang gnyis su med par sgrub pa po rdo rje blo dang ldan pa des/ dngos grub kyi 'bras bu 'grub par 'gyur bar bstan to/ /gzhan yang da ni gal te rmi lam ngan pa mthong na de'i don bstan par bya ste/ sgrub pa pos gong du smos pa'i tshul du rigs ngan tsan da li/ bud med dang thabs shes rab rol pa bya ba 'am/ khyi mo dang byas pa'i dus su gal te phyin ci log gi rnam par rtog pa skyes na/ de'i skyon gyis gong du smos pa'i tshul gyi dpal rdo rje sems dpa' don dam pa me long lta bu'i ye shes 'bras bu'i gnas kyi ngo bo/ /'grub par bstan pa de med par 'gyur bar bstan to/ /de la 'di ni rmi lam rnam par dpyad pa'i dam tshig gi snying po'o/ /rang gi sems ni brtag pa la/ /chos rnams thams cad rab tu gnas/ /nam mkha' i rdo rje la nas chos/ /chos dang chos nyid med pa'o/ /zhes bya ba'i don bshad par bya ste/ /ci ltar yin na/ de 'di ni rmi lam rnam par spyad pa'i dam tshig gi snying po ni/ bsgrub pa po/ /'og nas 'byung ba'i tshul gyi don dam pa'i bsgom pa byas nas /rmi lam brtag pa zhes pa/ rang gi sems bzang ba dang ngan pa yin no/ /dam tshig gi snying po ni/ rmi lam brtag par byas pa'i 'og tu phyi nang gi
- 51b
chos thams cad brtag pa yin no/ /rang gi sems ni brtag pa la/ /chos rnams thams cad rab tu gnas zhes pa ni/ sgrub pa pos mdun du smos pa'i tshul du rmi lam thams cad brtag pa byas pa'i 'og tu rang gi sems don dam par de bzhin gshegs pa thams cad kyi thugs rdo rje yin pa de dang gnyis su med pa'i ngo bor bsgom pa bya bar brtag go /brtan par bya ste/ tshul ci ltar smos pa'i de bzhin gshegs pa thams cad kyi rdo rje'i thugs de ni phyi nang gi chos thams cad ma skyes par gnyis su med par ngo bor gnas par bstan to/ /de ltar rang gi sems ni brtag pa la chos rnams thams cad rab tu gnas kyi don du gsungs so/ /nam mkha' rdo rje la gnas chos/ chos dang chos nyid med pa'o zhes pa ni/ gong du smos pa'i rmi lam bzang ngan gyi chos thams cad ni/ nam mkha' rdo rje zhes pa ci ltar don dam par de bzhin gshegs pa thams cad kyi rdo rje thugs su smos pa de ni stong pa nam mkha' i ngo bor gnyis su med par gnas pa yin no/ /chos dang chos nyid med pa zhes pa ni/ gong du smos pa'i rmi lam bzang ngan mthong ba'i chos thams cad ni rang bzhin gyis ma skyes pa nam mkha' lta bu yin te/ don des chos med pa ma yin par bstan to/ /bstan par bya ste/ sgrub pa po gnyid sang ma thag tu ci dang ci mthong ba de dag thams cad sgyu ma lta bur ston pa'i ngo bor gyur par yin no/ /don des chos nyid med par bstan to/ /gong du smos pa'i tshul gyi rmi lam gyi chos de brtag pa ci'i phyir zhe na/ bstan par bya ste/ sgrub pa pos sems can 'bring dang tha ma dang ma nges pa'i phyir rmi lam gyi chos brtag par bstan to/ /mdor bsdu ba de ltar nam mkha' rdo rje la gnas chos/ /chos dang chos nyid med pa'i don du gsungs so/ /da ni gong du smos pa'i tshul du rnam par snang mdzad la sogs brjod du yod pa dang brjod du med pa'i 'khor gyi de bzhin gshegs pa thams cad kyis/ ci ltar smos pa'i tshul gyis ston pa mi bskyod pa rdo rje 'dzin la rmi lam gyi chos mnyan pa'i phyir gsol ba btab ma thag tu/ ston pa mi bskyod pa rdo rje 'dzin gyis rmi lam gyi chos kyi don gyi mgo mjug bshad par mdzad pa'i tshul de thos ma thag tu/ de bzhin
- 52a
gshegs pa thams cad kyi thugs ngo mtshar du gyur nas/ 'og nas 'byung ba'i don thos par bya ba'i phyir dus gcig mgrin gcig gis gsol ba btab pa de'i bstan par bya ste/ bcom ldan 'das de bzhin gshegs pa thams cad ngo mtshar du gyur rmad du gyur nas/ de bzhin gshegs pa thams cad kyi sku dang gsung dang thugs kyi the tsom gcod pa'i rdo rje sems dpa' la zhum pa/ zhes bya ba ni/ de nas ni/ gong du smos pa'i tshul gyi de bzhin gshegs pa thams cad kyis ston pa mi bskyod pa rdo rje 'dzin pa 'og nas 'byung ba'i don thob par bya ba'i phyir gsol ba 'debs pa'i don mtshon par smos so/ /bcom ldan 'das de bzhin gshegs pa thams cad zhes pa ni/ /rnam par snang mdzad la sogs pa rigs lnga'i bye brag gi de bzhin gshegs pa de dag thams cad kyi ye shes kyi cho 'phrul bye brag sna tshogs spros pa'i byin gyis brlabs kyi thabs kyis stobs kyis bdud kyi dpung thams cad 'joms par mdzad pa'i don gyis/ /de bzhin gshegs pa thams cad bcom ldan 'das su smos so/ /ngo mtshar du gyur /rmad du gyur zhes pa ni/ ston pa mi bskyod pa rdo rje 'dzin gyi gong du smos pa'i tshul gyi rmi lam gyi chos bshad pa thams cad gsan pas thugs ngo mtshar du gyur/ rmad du gyur bar bstan to/ /de bzhin gshegs pa thams cad kyi sku dang gsung dang thugs the tsom gcod pa'i rdo rje sems dpa' la zhus pa zhes pa ni/ ston pa rdo rje sems dpa' khyod ci ltar smos pa'i de bzhin gshegs pa thams cad kyi sku dang gsung dang thugs gsum don dam par gnyis su med pa'i ngo bo yin te/ de dag thams cad dang gnyis su med pa'i bdag nyid rdo rje sems dpa' / phyi nang gi chos thams cad kyi don mi shes pa'i the tsom gcod par mdzad mkhan khyod la/ 'og nas 'byung ba'i tshul/ de bzhin gshegs pa thams cad kyis dus gcig mgrin gcig gis zhu bar bstan to/ /da ni de bzhin gshegs pa thams cad kyis the tshom skyes pa'i don zhus pa bstan
- 52b
pa bya ste/ /'di ci bcom ldan 'das kyis ni/ /chos rnams ngo bor med pa la/ /chos kyi de nyid kun bshad par/ /e ma'o ngo mtshar las byung ba/ /nam mkha' la ni nam mkha' bsgom/ /zhes bya ba'i don bshad par bya ste ci ltar yin na/ 'di ci zhes pa gong du smos pa'i tshul gyi de bzhin gshegs pa thams cad kyis rmi lam gyi chos kyi don thos ma thag tu thugs la ngo mtshar skyes pa'o/ /bcom ldan 'das zhes pa ni/ ston pa mi bskyod pa rdo rje 'dzin gyi yon tan gyi bstan pa'i mtshan bcom ldan 'das yin pa sdud pa pos smos so/ /de'i don mdun du ci ltar smos pa bzhin du 'dir sbyar ro/ /chos rnams ngo bo med pa la/ /chos kyi de nyid kun bshad pa ni/ ston pa mi bskyod rdo rje 'dzin gyis gong du phyi nang gi chos thams cad don dam par ma skyes pa dngos po med pa nam mkha' lta bu yin te/ chos kyi de nyid kun bshad pa/ rmi lam gyi chos thams cad dngos po med par bshad de/ de kho na nyid du ming btags pa rmi lam mthong ba'i phyir 'bras bur 'gyur bar bstan to/ /mdor bsdu ba de ltar/ chos rnams ngo bo med pa la/ /chos kyi de nyid kun bshad pa'i don du gsungs so/ /e ma ngo mtshar las byung ba/ /nam mkha' la ni nam mkha' bsgom zhes pa ni/ phyi nang gi chos thams cad ni rang bzhin gyis stong pa nam mkha' i ngo bo yin no/ /bstan par bya ste/ bsgom pa'i sems de ni rang bzhin gyis nam mkha' i ngo bo lta bu yin no/ /sems de dang rmi lam gyi chos de ni don dam par nam mkha' lta bu yin te/ de dngos grub kyi 'bras bur 'gyur ba de ltar bsgom pa ston pa mi bskyod pa rdo rje 'dzin gyis bshad pa de'i phyir de bzhin gshegs pa thams cad kyis e ma'o zhes pa/ thugs la ngo mtshar shin tu skyes par gyur bar bstan to/ /mdor bsdu ba de ltar e ma 'o ngo mtshar las byung ba/ /nam mkha' la ni nam mkha' bsgom gyi don du gsungs so/ /da ni ston pa mi bskyod pa rdo rje 'dzin gyis gong du bstan pa'i rmi lam gyi chos kyi don bshad par de bzhin gshegs pa thams cad kyis gsan nas thugs ngo mtshar skyes nas the tshom du gyur pa de gcad pa'i phyir chos bshad pa'i don bstan par bya ste/ de
- 53a
nas bcom ldan 'das sku dang gsung dang thugs rdo rje de bzhin gshegs pas/ /de bzhin gshegs pa thams cad la 'di skad ces gsungs so/ /bcom ldan 'das de bzhin gshegs pa thams cad/ /nam mkha' ni chos gang dang yang mi ldan/ gang dang yang ma bral ba ste/ nam mkha' nyid kyang med de/ thams cad yang khyab la/ thams cad kyi rjes su lta'o snyam du yang mi sems so/ /zhes bya ba'i don bshad par bya ste/ ci ltar yin na/ de nas bcom ldan 'das sku dang gsung dang thugs rdo rje de bzhin gshegs pas/ de bzhin gshegs pa thams cad la 'di skad ces gsungs so/ /de nas ni gong du smos pa'i tshul gyi rnam par snang mdzad la sogs pa de bzhin gshegs pa thams cad kyis/ ston pa mi bskyod pa rdo rje 'dzin la gsol ba btab pa de gsan ma thag tu the tshom gcod par mdzad pa'i don mtshon par smos so/ /bcom ldan 'das ni ston pa mi bskyod pa rdo rje 'dzin nyid kyi yon tan gyi bstod pa'i mtshan bcom ldan 'das yin par sdud pa pos so/ /sku dang gsung dang thugs rdo rje de bzhin gshegs pa zhes pa ni/ don dam par de bzhin gshegs pa thams cad sku dang gsung dang thugs rdo rje gsum gnyis su med pa'i ngo bo yin no/ /de dang gnyis su med pa'i ngo bo ston pa mi bskyod pa rdo rje 'dzin gyi sku phyag rgya yin no/ /de ni de bzhin gshegs pa la 'og nas 'byung ba'i don bka' stsal pa'i phyir bos par smos so/ /bcom ldan 'das de bzhin gshegs pa thams cad nam mkha' ni chos gang dang yang mi ldan pa zhes pa ni/ rnam par snang mdzad la sogs pa thams cad gcig tu gong du smos pa'i tshul du bcom ldan 'das kyi don du smos pa de dag ston pa mi bskyod pa rdo rje 'dzin gyis ngos te/ de ma thag tu don dam par ngo bo med pa'i chos bshad par mdzad pa yin no/ /phyi'i kun rdzob dngos po can du smos pa'i chos thams cad ni nam mkha' dang mi ldan pa yang yin no/ /gang dang yang ma bral zhes pa ni/ phyi'i dngos po can smos pa'i chos thams cad ni nam mkha' dang gnyis su med par ldan pa yin no/ /don des nam mkha' dang chos thams cad
- 53b
gnyis su med pa'i ngo bor smos so/ /nam mkha' nyid kyang med de zhes pa ni/ nam mkha' la gzugs kyi dngos po med de rang bzhin gyis stong pa yin no/ /thams cad du yang khyab la zhes pa ni/ rang bzhin gyis stong pa'i phyir phyi'i dngos po thams cad la khyab par smos so/ /thams cad kyi rjes su lta'o/ /snyam du yang mi sems so zhes pa ni/ phyi'i 'gro ba dang mi 'gro ba'i dngos po can thams cad la lta ba ni/ nam mkha' dang gnyis su med pa'i ngo bor smos so/ /de bzhin du bcom ldan 'das de bzhin gshegs pa thams cad/ rmi lam lta bu/ rmi lam 'dra ba las 'byung bar rig par bya'o/ /zhes pa ni bcom ldan 'das de bzhin gshegs pa thams cad kyi/ don ni sngar bshad pa dang sbyar ro/ /rmi lam lta bu/ rmi lam 'dra ba las byung bar rig par bya'o/ zhes pa ni gong du smos pa'i tshul gyi chos thams cad rang bzhin gyis ma skyes pa stong pa nam mkha' lta bu yin no/ /de dang gnyis su med pa'i ngo bo don dam par de bzhin gshegs pa thams cad kyi thugs rdo rje yin no/ /de dang gnyis su med pa'i ngo bor sgrub pa po nyid kyi sems brtag go /de ltar bye brag gsum gyis de bzhin gshegs pa thams cad kyi ye shes kyi dngos grub kyi 'bras bu dang gnyis su med pa'i ngo bo de ni rmi lam du ming btags pa/ ma skyes pa/ ngo bo med pa/ skad gcig mar bstan to/ /bstan par bya ste/ gong du smos pa'i bye brag sna tshogs kyi rmi lam thams cad las byung ba dam tshig tu ming btags pa sgrub pa pos ci ltar smos pa'i tshul gyis mthong ba de ni bye brag rnams kyis don dam par rmi lam gyi ngo bor smos pa de bzhin du gnyis su med pa'i ngo bor de bzhin gshegs pa thams cad rig par bya bar bstan to/ /bcom ldan 'das de bzhin gshegs pa thams cad 'di lta ste dper na/ nam mkha' la brtag tu med/ ltar mi snang ba/ de bzhin du bcom ldan 'das de bzhin gshegs pa thams cad chos thams cad kyang de ltar rig par bya'o/ /zhes bya ba ni/ bcom ldan 'das de bzhin gshegs pa thams cad kyi don ni gong du bshad pa bzhin du sbyar ro/ /'di lta ste dper na zhes
- 54a
pa ni/ gong du smos pa'i tshul gyi don dam pa'i chos thams cad dang/ rmi lam gyi chos thams cad gnyis su med par bshad pa'i 'og tu/ ston pas don gzhan gyis bshad par mdzad pa'i phyir/ de bzhin gshegs pa thams cad bskul bar mdzad pa yin no/ /nam mkha' brtag tu med pa ltar mi snang ba de bzhin du zhes pa ni/ de khyod de bzhin gshegs pa thams cad nyon cig /nam mkha' ni rang bzhin gyis gzugs med pa yin te/ don des ma skyes pa brtag tu med pa'o/ /ltar mo snang ba zhes pa rang bzhin gyis stong pa'i ngo bo yin te/ don des ltar med par bstan to/ /de bzhin du bcom ldan 'das de bzhin gshegs pa thams cad chos thams cad kyang rig par bya'o/ /zhes pa de bzhin du zhes pa ni/ gong du don dam par chos thams cad nam mkha' i ngo bor bshad par mdzad pa'i 'og tu/ de bzhin gshegs pa thams cad ci ltar smos pa'i tshul gyi don dam pa'i chos la sems brtan pa dang/ nges pa bskyed par bstan to/ /bcom ldan 'das de bzhin gshegs pa thams cad zhes pa'i don mdun du bshad pa bzhin du 'dir sbyar ro/ chos thams cad kyang rig par bya'o/ /zhes pa ni/ gong du ci ltar nam mkha' brtag tu med pa dang/ ltar med pa bstan pa de bzhin du/ khyed de bzhin gshegs pa thams cad kyis chos thams cad rig par gyis shig par bstan to/ /bcom ldan 'das de bzhin gshegs pa thams cad 'di lta ste/ dper na chos thams cad sku dang gsung dang thugs rdo rje'i gnas dam tshig ni/ thams cad kyi rjes su song ba/ ngo bo nyid gcig pa'i phyir/ de 'di lta ste/ sems kyi ngo bo nyid do/ /lus dang ngag dang sems kyi khams gang yin pa dang/ nam mkha' i khams de dag ni gcig te gnyis su med do/ /zhes bya ba'i don bshad par bya ste/ ji ltar yin na/ bcom ldan 'das de bzhin gshegs pa thams cad 'di lta ste/ dper na ni gong du bshad pas bde ste/ bshad mi dgos so/ /chos thams cad sku dang gsung dang thugs rdo
- 54b
rje'i gnas dam tshig thams cad kyi rjes su song ba zhes pa ni/ gong du chos thams cad nam mkha' i ngo bo smos pa de ni dam tshig tu ming btags pa de bzhin gshegs pa thams cad kyi don dam par sku dang gsung dang thugs rdo rje gsum gyi gnas yin te/ de ni gnyis su med par gnas pa'o/ /bstan par bya ste/ gong du smos pa'i chos de dag thams cad ni de bzhin gshegs pa'i sku dang gsung dang thugs gsum dang gnyis su med pa'i ngo bo de ni thams cad kyi rjes su song ba khyab par gnas pa yin no/ /ngo bo nyid gcig pa'i phyir 'di lta ste sems kyi ngo bo nyid do/ /zhes pa ni gong du smos pa thams cad dang/ de bzhin gshegs pa thams cad kyi sku dang gsung dang thugs rdo rje gsum dang nam mkha' dang/ 'gro dang mi 'gro'i 'jig rten gyi khams thams cad dang/ de dag thams cad kyi rang bzhin ma skyes pa dang/ ngo bo med pa dang stong pa'o/ /gzhan yang so sor khyab nas gnas pa ste/ de'i phyir ngo bo nyid gcig par bstan to/ /'di lta ste sems kyi ngo bo nyid do zhes pa na/ de ltar ngo bo nyid gcig pa'i gnyis su med pa de ni sgrub pa po nyid kyi sems brtag par bya ba yin no/ /lus dang ngag pa sems kyi khams gang yin pa dang/ nam mkha' i khams de dag gcig ste/ gnyis su med do zhes pa'i don ni/ gong du bshad zin no/ /bcom ldan 'das de bzhin gshegs pa thams cad 'di lta ste/ dper na sems can thams cad ni nam mkha' i khams la gnas te/ nam mkha' i khams de yang 'dod pa'i khams na mi gnas/ gzugs kyi khams na mi gnas/ gzugs med pa'i khams na yang mi gnas te/ chos gang khams gsum na mi gnas pa de ni skye ba med do zhes bya ba'i don bshad par bya ste/ ci ltar yin na/ bcom ldan 'das de bzhin gshegs pa thams cad 'di lta ste/ dper na'i don du bshad pas 'dir bshad mi dgos so/ /sems can thams cad ni nam mkha' i khams la gnas te zhes pa ni/ 'jig rten gyi khams thams cad na gnas pa'i lha dang mi la sogs pa sems can de dag thams cad ni khyab pa'i
- 55a
tshul gyis nam mkha' i dbyings dang 'jig rten gyi khams thams cad gnyis su med pa'i ngo bo yin te/ don des nam mkha' i khams na sems can thams cad gnas par smos so/ /nam mkha' i khams de yang 'dod pa'i khams na yang mi gnas/ / gzugs kyi khams na yang mi gnas/ gzugs med pa'i khams na yang mi gnas te/ chos gang khams gsum na mi gnas pa de ni skye ba med do zhes pa ni/ gong du chos thams cad dang nam mkha' gnyis su med pa'i ngo bor smos pa de ni khams gsum na mi gnas pa yin no// de ci'i phyir zhe na/ nam mkha' i rang bzhin ma skyes pa stong pa'i ngo bo yin te/ don des nam mkha' i dngos po grub pa'i tshul du mi gnas par smos so/ /de bas na bcom ldan 'das de bzhin gshegs pa thams cad/ chos thams cad ni ngo bo nyid med pa'o/ zhes bya ba ni de bzhin gshegs pa thams cad kyi don ni gong du bshad pas 'dir bshad mi dgos so/ /chos thams cad ni ngo bo nyid med pa'o/ /zhes pa ni/ don mdor bsdu ba'i phyir 'gro dang mi 'gro ba'i tshul gyi chos thams cad ni don dam par nam mkha' lta bur ngo bo med par/ khyed de bzhin gshegs pa thams cad kyis shes par gyis shig pa'o/ /bcom ldan 'das de bzhin gshegs pa thams cad 'di lta ste/ dper na byang chub kyi sems ni de bzhin gshegs pa thams cad kyi ye shes 'byung bar byed pa ste/ byang chub kyi sems de yang lus la mi gnas/ ngag la mi gnas/ sems la mi gnas so/ /chos gang khams gsum na mi gnas pa de skye ba yang med pa de/ 'di ni de bzhin gshegs pa thams cad kyi ye shes 'byung ba rdo rje'i gnas de yin no/ /bcom ldan 'das de bzhin gshegs pa thams cad rmi lam de ni bdag gis khams gsum du rmi lam mthong bar bya'o/ snyam du mi sems so/ /skyes bu de yang bdag gis rmi lam mthong bar bya'o/ snyam du mi sems te/ khams gsum gyi bya ba de rnams kyang rmi lam 'dra ba rmi lam las 'byung ba'o/ zhes bya ba'i don bshad par bya ste/ ci ltar yin na/ bcom ldan 'das de bzhin gshegs pa
- 55b
thams cad kyi don mdun du bshad pas 'dir bshad mi dgos so/ /byang chub kyi sems de ni de bzhin gshegs pa thams cad kyi ye shes 'byung bar byed pa ste/ zhes pa/ gsang sngags kyi tshul gyi byang chub kyi sems bsgom pa dpal rdo rje sems dpa' nyid la sogs pa rigs lnga'i bye brag gi de bzhin gshegs pa thams cad smos pa de dag gi nyid nyid kyi ye shes yin te/ de'i 'bras bu 'byung bar 'grub par byed par bstan to/ /gzhan yang de bzhin gshegs pa thams cad kyi ye shes dang gnyis su med pa'i byang chub kyi sems yin no/ /byang chub kyi sems de yang lus la mi gnas/ ngag la mi gnas sems la mi gnas so/ /zhes pa ni/ gong du chos thams cad stong pa nam mkha' i ngo bor bstan pa re bzhin du don dam par byang chub sems lus dang/ ngag dang yid gsum la ci'i phyir mi gnas par bstan zhe na/ byang chub sems de rang bzhin nam mkha' dang gnyis su med pa yin te/ don des byang chub kyi sems dngos po'i tshul du mi gnas par bstan to/ /chos gang khams gsum na mi gnas pa de skye ba med de zhes pa ni/ gong du smos pa'i tshul gyis chos thams cad nam mkha' dang gnyis su med pa'i ngo bo de la skye ba med pa'i nam mkha' i ngo bo stong pa de bzhin du don dam pa byang chub sems nam mkha' dang gnyis su med pa'i ngo bo ma skyes pa yin no/ /don des gnas khams gsum na mi gnas par bstan to/ /'di ni de bzhin gshegs pa thams cad kyi ye shes 'byung ba rdo rje'i gnas de yin no/ /zhes pa ni/ 'di ni zhes pa don dam pa byang chub kyi sems de ni dpal rdo rje sems dpa' nyid la sogs pa rigs lnga'i bye brag gi de bzhin gshegs pa thams cad smos pa de dag gis gong du smos pa'i ye shes kyi 'bras bu rdo rjer ming btags pa don stong pa'i ngo bo bla na med pa'i gnas chos kyi sku yin te/ de 'byung bar byed pa'o/ /gzhan yang de bzhin gshegs pa thams cad kyi ye shes dang gnyis su med pa'i ngo bor byang chub sems bstan to/ /bcom ldan 'das de bzhin gshegs pa thams cad rmi lam de ni bdag gis khams gsum
- 56a
du rmi lam mthong bar bya'o snyam du mi sems so/ zhes pa ni/ bcom ldan 'das de bzhin gshegs pa thams cad kyi don ni bde ste/ bshad mi dgos so/ /gong du smos pa'i rmi lam de mthong ma thag tu rang bzhin gyis ngo bo med par gyur pa yin no/ /rmi lam de bdag gis khams gsum du rmi lam mthong bar bya'o snyam du mi sems so zhes pa/ sgrub pa po nyid dang bcas pa gnas khams gsum ni ston pa mi bskyod pa rdo rje 'dzin gyis 'jig pa dang/ ngo bo med pa dang/ skad cig mar blta bar bya bar gsungs so/ /don des rmi lam yin par shes par bya'o/ /skyes bu de yang bdag gis rmi lam mthong bar bya'o snyam du mi sems so zhes pa skyes bu ni sgrub pa po ste/ rmi lam mthong ba de nyid kyang/ ye nas mi rtag pa dang/ 'jig pa dang/ skad cig ma yin te/ don des rmi lam mthong nas rmi lam ngo bo med par nga rgyal bya bar bstan to/ /khams gsum gyi bya ba de rnams kyang rmi lam lta bu/ rmi lam dang 'dra ba/ rmi lam las byung ba'o/ zhes pa'o/ don des mdor bsdu ba gong du smos pa'i 'dod khams dang/ gzugs khams dang/ gzugs med pa'i khams dang/ de ltar khams gsum thams cad na/ 'gro dang mi 'gro'i bya ba dang byed pa ci snyed pa thams cad ci rmi lam gyi ngo bo'i don du shes par bya'o yin no/ /gzhan yang ci ltar smos pa'i khams gsum gyi bya ba thams cad rmi lam lta bu yin no/ /bstan par bya ste/ bla na med pa'i byang chub kyi sems de chos thams cad dang gnyis su med pa chos kyi sku yin te/ de ni rang bzhin gyis ma skyes pa/ ngo bo med pa stong pa/ nam mkha' lta bu rmi lam gyi ngo bor smos pa/ de'i gnas nas phyi nang gi chos thams cad 'byung bar bstan to/ /de bzhin du bcom ldan 'das de bzhin gshegs pa thams cad/ phyogs bcu'i 'jig rten gyi khams kyi sangs rgyas dang/ byang chub sems dpa' ci snyed pa rnams dang/ sems can ci snyed pa thams cad kyang/ bdag med pa'i gnas su rig par bya'o/ /zhes bya ba ni/ de bzhin du bcom ldan 'das/ de bzhin gshegs pa thams cad kyi don mdun du
- 56b
bshad pas 'dir bshad mi dgos so/ /phyogs bcu'i 'jig rten gyi khams kyi sangs rgyas dang byang chub sems dpa' ci snyed pa rnams dang/ sems can ci snyed thams cad kyang zhes pa ni/ 'og nas 'byung ba'i tshig gi don gyis bstan par bya ste/ de'i phyir bshad mi dgos so/ / bdag med pa'i gnas su rig par bya'o/ zhes pa ni/ gong du ci snyed ces smos pa/ phyogs bcu kun gyi stong chen po'i 'jig rten gyi khams grangs med pa gang gA'i bye ma ltar tshad med grangs med pa'i zhing khams na gnas pa'i sangs rgyas dang byang chub sems dpa' grangs med pa dang gzhan yang lha dang mi la sogs pa sems can ma lus pa yin no/ /de dag thams cad kun so sor bdag med pa yin no/ /de gsal bar bstan par bya ste/ sangs rgyas dang byang chub sems dpa' la bdag med par smos pa ni don dam par stong pa ye shes kyi ngo bo yin no/ /gzhan yang phyi'i lha dang mi la sogs pa sems can thams cad bdag med pa ni las kyi bye brag sna tshogs kyi stobs kyi sa bon gyis/ bskal pa grangs med pa'i bar du 'jig pa yin no/ /tshul de lta bu'i ngo bor bdag med pa'i gnas su rig par bya'o/ /mdor bsdu ba de ltar bdag med pa'i gnas su rig par bya ba'i don du gsungs so/ /bcom ldan 'das de bzhin gshegs pa thams cad 'di lta ste/ dper na yid bzhin gyi nor bu rin po che ni/ rin po che thams cad kyi gtso bo yon tan thams cad ldan pa ste/ de la sems can rnams kyis gser ram rin po che 'am/ dngul gang 'dod pa de dag thams cad bsams pa tsam gyis 'byor bar byed do/ /rin po che la sogs pa de dag kyang/ sems la mi gnas/ yid bzhin gyi nor bu la yang gnas pa ma yin no/ /zhes bya ba'i don bshad par bya ste/ ci ltar yin na/ bcom ldan 'das de bzhin gshegs pa thams cad kyi mdun du bshad pa 'dir mi dgos so/ /yid bzhin gyi nor bu rin po che thams cad kyi gtso bo/ /yon tan thams cad dang ldan pa ste/ de la sems can rnams kyis/ gser ram rin po che 'am/ /dngul gang 'dod pa de dag thams cad bsams pa tsam gyis 'byor bar byed do zhes
- 57a
pa ni/ phyi'i sgrub pa'i rdzas chen po khyad par can yid bzhin gyi nor bu rin po che zhes bya ba zhig yod de/ de ni rin po che bai DUrya dang/ pad ma ra ga dang/ 'dzam bu na da dang/ in+d+ra nI la dang/ a ma gang ba dang/ mu sa ra gar ba la sogs pa rin po che'i bye brag sna tshogs yon tan gyi bye brag sna tshogs dang ldan pa rin thang chen por smos pa de dag thams cad kyi gtso bo yid bzhin gyi nor bu rin po che yin no/ /bstan par bya ste/ gong du smos pa'i rin po che yon tan dang ldan pa de dag thams cad pas yid bzhin gyi nor bu rin po che yon tan grangs med pa dang ldan pa yin no/ /don des rin po che thams cad kyi gtso bor yid bzhin gyi nor bu rin po che smos so/ /de lta bu'i ngo bo yon tan thams cad dang ldan pa'i yid bzhin gyi nor bu rin po che de sems can bsod nams kyi stobs kyi skal ba dang ldan pa gang gis rnyed pa des de na bzung ste/ sems kyi bsams pa tsam gyis gser la sogs pa 'byor pa thams cad kyi dngos grub kyi 'bras bu 'byor bas byed do/ /mdor bsdu ba rin po che la sogs pa de dag kyang sems la mi gnas/ yid bzhin gyi nor bu la yang gnas pa ma yin no/ /zhes pa ni/ gong du smos pa'i tshul gyi rin po che la sogs pa nad thams cad kyi dngos grub kyi 'bras bu 'byor bas byed do/ /mdor bsdu ba rin po che la sogs pa de dag kyang sems la mi gnas/ yid bzhin gyi nor bu la yang gnas pa yin no/ zhes pa ni/ gong du smos pa'i tshul gyi rin po che la sogs pa nor thams cad kyi dngos grub kyi 'bras bu thob pa bstan pa de ni sems las ma gtogs pa yid bzhin gyi nor bu rin po che la gnas pa yang ma yin no/ /bstan par bya ste/ sems can gyi bsod nams kyi skal ba'i stobs dang yid bzhin gyi nor bu rin po che'i yon tan rin po che'i byin gyis rlabs kyis gong du smos pa'i rin po che la sogs pa nor thams cad kyi 'bras bu thob par smos te/ sems can dang yid bzhin gyi nor bu rin po che dang/ dngos grub kyi 'bras bu thob
- 57b
pa dang/ gsum ni don dam par rang bzhin gyis ma skyes par dngos po med par smos so ni/ de bzhin du bcom ldan 'das de bzhin gshegs pa thams cad /chos thams cad dang/ sangs rgyas kyi chos kyang rjes su ring par bya'o/ /zhes bya ba ni/ de bzhin du bcom ldan 'das de bzhin gshegs pa thams cad kyi don mdun du bshad pas 'dir bshad mi dgos so/ /chos thams cad dang/ sangs rgyas kyi chos kyang rjes su rig par bya'o/ /zhes pa ni/ don mdor bsdu ba ji ltar smos pa'i phyir chos thams cad ni/ don dam par ci ltar sangs rgyas kyi chos ma skyes pa/ ngo bo med pa stong pa/ nam mkha' lta bu kun la khyab nas gnas pa/ gzhan yang 'bras bu'i dus su nges par bstan pa/ mi 'gyur ba/ de bzhin du khyed de bzhin gshegs pa thams cad kyis rig par bya'o/ /da ni ston pa mi bskyod pa rdo rje 'dzin gyis gong du phyi nang gi chos thams cad kyi don rang bzhin med par bshad pa de thos ma thag tu rnam par snang mdzad la sogs pa de bzhin gshegs pa thams cad the tshom bcad nas/ sems dga' ba chen por gyur nas tshig brjod pa'i don bstan par bya ste/ de nas bcom ldan 'das de bzhin gshegs pa de dag thams cad rab tu dgyes pa'i spyan gdangs nas de bzhin gshegs pa thams cad kyi sku dang gsung dang thugs rdo rje'i de bzhin gshegs pa la 'di skad ces gsol to/ bcom ldan 'das gang nam mkha' i rjes su 'byung ba'i chos thams cad la/ sangs rgyas kyi chos rnams rjes su 'breng ba'o/ /zhes bya ba'i don bshad par bya ste/ ci ltar yin na/ de nas ni gong du ston pa mi bskyod pa rdo rje 'dzin gyis chos bshad pa de bzhin gshegs pa thams cad kyis gsan ma thag tu/ 'og nas 'byung ba'i don gsad pa'i phyir/ gsol ba btab pa'i mtshon par smos so/ /bcom ldan 'das de bzhin gshegs pa thams cad kyi don ni gong du bshad pa'o/ /rab tu dgyes par spyan gdengs nas zhes pa ni/ rnam par snang mdzad la sogs pa gong du smos pa'i de bzhin gshegs pa thams cad kyis rang bzhin med pa'i don gsan nas shin tu thugs dgyes te/ ci ltar nyi ma shar ba'i dus su me tog pad ma
- 58a
kha bye ba de bzhin du spyan phye ba'o/ /de bzhin gshegs pa thams cad kyi sku dang gsung dang thugs rdo rje de bzhin gshegs pa zhes pa ni/ ci ltar smos pa'i de bzhin gshegs pa thams cad kyi sku dang gsung dang thugs rdo rje gsum don dam par gnyis su med pa'i ngo bo yin te/ de dang gnyis su med pa'i ngo bo ston pa mi bskyod rdo rje 'dzin gyi sku phyag rgya yin no/ /de ni de bzhin gshegs pa thams cad skyed par mdzad mkhan bdag po yin no/ /don des ston pa'i mtshan sku dang gsung dang thugs rdo rje de bzhin gshegs pa yin par smos so/ / 'di skad ces gsol to zhes pa ni/ bshad mi dgos so/ /ngo mtshar to/ bcom ldan 'das nam mkha' i rjes su 'byung ba'i chos thams cad la zhes pa ni/ rnam par snang mdzad la sogs pa de bzhin gshegs pa thams cad kyis ston pa mi bskyod pa rdo rje 'dzin la sems dga' ba bskyed nas tshig brjod pa yin no/ /bstan par bya ste/ phyi nang gi chos smos pa thams cad ni/ nam mkha' i dbyings dang gnyis su med pa'i ngo bo rang bzhin gyis stong pa yin no/ /don des chos thams cad nam mkha' i rjes su 'byung bar smos so/ /sangs rgyas kyi chos rnams rjes su 'breng ba'o zhes pa ni/ ci ltar nam mkha' i rjes su phyi nang gi chos thams cad gnyis su med par rjes su 'byung bar smos pa de bzhin du/ sangs rgyas kyi chos phyi dang nang gi tshul rjes su 'brang bar shes par bya'o/ /tshig gi don de ltar rnam par snang mdzad la sogs pa de bzhin gshegs pa thams cad la gsungs so// da ni gzhan yang gong du smos pa'i de bzhin gshegs pa thams cad kyis ston pa phyag na rdo rje la thal mo sbyar nas zhabs la phyag 'tshal te/ 'og nas 'byung ba'i chos nyan pa'i phyir gsol ba'i don bstan par bya ste/ de nas yang sangs rgyas dang/ byang chub sems dpa' thams cad kyis/ bcom ldan 'das phyag na rdo rje de bzhin gshegs pa'i zhabs gnyis la phyag 'tshal nas 'di skad ces gsol to/ /zhes pa ni/ de nas yang zhes pa/ gong du smos pa'i chos thos ma thag tu yang rnam par snang mdzad la sogs pa rigs lnga'i bye brag gi de
- 58b
bzhin gshegs pa thams cad dang/ gzhan yang phyag na rdo rje dang/ 'jig rten dbang phyug dang/ 'jam dpal la sogs pa rigs gsum gyi bye brag gi byang chub sems dpa' thams cad kyis dus gcig tu nyid nyid kyis stan las langs? nas bstan to/ /bcom ldan 'das phyag na rdo rje de bzhin gshegs pa'i zhabs gnyis la phyag 'tshal nas 'di skad ces gsol to zhes pa ni/ ci ltar smos pa'i sangs rgyas dang byang chub sems dpa' de dag thams cad langs te/ thal mo sbyar nas pus mo g.yas pa'i lha nga sa la btsugs nas spyi bo sa la btud de/ bcom ldan 'das phyag na rdo rje de bzhin gshegs pa zhes pa mi bskyod pa nyid yin te/ de'i zhabs la lan mang por phyag 'tshal nas 'og nas 'byung ba'i chos thos par bya ba'i phyir gsol ba btab pa'o/ /da ni sangs rgyas dang byang chub sems dpa' thams cad kyis gsol ba btab pa'i tshig gi don bstan par bya ste/ gang bcom ldan 'das kyis sngags thams cad kyi rdo rje'i dngos grub mdor bsdus te gsungs ba/ sngags thams cad dang rdo rje mdor bsdus pa'i dngos grub de dag gang la gnas/ zhes bya ba ni/ gang bcom ldan 'das ni gong du smos pa'i tshul du sangs rgyas dang byang chub sems dpa' thams cad kyis ston pa mi bskyod pa rdo rje 'dzin la gsol ba gdab pa'i phyir/ yon tan gyis bstod pa'i mtshan bcom ldan 'das yin pa dang po brjod pa'o/ /sngags thams cad ces pa ni/ dpal rdo rje sems dpa' la sogs pa rigs lnga'i bye brag gi de bzhin gshegs pa bskyed pa'i sngags dang/ bzlas pa'i sngags dang/ de bzhin du shes rab ma ye shes kyi lha mo rnams kyi sngags dang/ de bzhin du byang chub sems dpa' thams cad kyi sngags dang/ de bzhin du sems ma rdo rje ma rnams kyi sngags dang/ de bzhin du khro bo rgyal po thams cad kyi sngags dang/ de bzhin du khro mo'i rgyal mo thams cad kyi sngags dang/ gzhan yang zhi ba dang rgyas pa la sogs pa las thams cad kyi bsgrub pa bya ba'i sngags rgyud 'di las smos pa ci snyed pa thams cad do/ /rdo rje'i dngos grub ces pa ni/ de bzhin gshegs pa
- 59a
thams cad kyi sku dang gsung dang thugs kyis ye shes gsum don dam par rdo rje yin te/ de gnyis su med pa dus gcig tu 'grub par 'gyur bar bstan to/ /mdor bsdus pa zhes pa ni gong du smos pa'i sngags de dag thams cad kyi dngos grub kyi 'bras bu bsdus pa zhes pa/ de bzhin gshegs pa thams cad kyi sku dang gsung dang thugs don dam par gnyis su med pa'i ngo bo 'dus pa yin no/ /don des bsdus par smos so/ /gsungs pa zhes pa ni/ sangs rgyas dang byang chub sems dpa' thams cad kyis ston pa phyag na rdo rje la gsol ba btab pa'i don bshad par bskul ba yin no/ /sngags thams cad kyi rdo rje mdo btus pa'i dngos grub de dag gang la gnas zhes pa'i don ni bshad mi dgos so/ /de ni sangs rgyas dang byang chub sems dpa' thams cad kyis gsol ba btab pa gsan ma thag tu/ ston pa phyag na rdo rje gsol ba btab pa'i don de bshad pa'i don bstan par bya ste/ /de nas phyag na rdo rjes/ de bzhin gshegs pa thams cad dang/ byang chub sems dpa' de dag thams cad la/ legs so zhes bya ba gsungs nas/ de bzhin gshegs pa thams cad la 'di skad ces gsungs so/ /bcom ldan 'das de bzhin gshegs pa thams cad sngags thams cad kyi dngos grub ni/ sku dang gsung dang thugs rdo rje la gnas so/ /zhes bya ba'i don bshad par bya ste/ ci ltar yin na/ de nas ni gong du smos pa'i tshul gyi de bzhin gshegs pa thams cad dang/ byang chub sems dpa' thams cad kyis/ gsol ba btab pa gsan ma thag tu/ ston pa phyag na rdo rjes gsol ba btab pa'i/ don bshad par mdzad pa mtshon par mos so/ /phyag na rdo rje zhes pa ni/ ston pa nyid do/ /de bzhin gshegs pa thams cad dang/ byang chub sems dpa' de dag thams cad la legs so/ /zhes bya ba gsungs nas/ de bzhin gshegs pa thams cad la 'di skad ces gsungs so/ /zhes bya ba ni /ci ltar smos pa'i gsol ba 'debs mkhan de bzhin
- 59b
gshegs pa dang/ byang chub sems dpa' thams cad la ston pa phyag na rdo rjes legs so zhes tshig brjod nas 'khor thams cad kyi nang na gtsor smos pa rnam par snang mdzad la sogs pa rigs lnga'i bye brag gi de bzhin gshegs pa thams cad la dgyes pa chen pos bos pa'o/ /bcom ldan 'das de bzhin gshegs pa thams cad ces pa'i don ni gong du bshad pas bde ste bshad mi dgos so/ /sngags thams cad kyi dngos grub ni sku dang gsung dang thugs rdo rje la gnas so/ /zhes pa ni/ gong du sngags thams cad kyi dngos grub kyi 'bras bu gang la gnas zhes gsol ba btab pa'i the tshom de gcad pa'i don gyi tshig de/ sngags thams cad kyi dngos grub kyi 'bras bu ni don dam par de bzhin gshegs pa thams cad kyi sku dang gsung dang thugs rdo rje'i ye shes smos pa de dang gnyis su med par gnas par bstan to/ /de ltar mdor bsdus pa sngags thams cad kyi dngos grub sku dang gsung dang thugs rdo rje la gnas pa'i don du gsungs so/ /de ci'i phyir zhe na/ bcom ldan 'das de bzhin gshegs pa thams cad/ sngags kyi dngos grub thams cad dang/ sangs rgyas kyi chos thams cad ni/ bdag gi lus dang ngag dang sems rdo rje la gnas so/ /zhes bya ba'i don bshad par bya ste/ /ci ltar yin na/ de ci'i phyir zhe na/ ston pa phyag na rdo rjes nyid kyis the tshom bcad pa'i tshig gi don mtshon par smos so/ /bcom ldan 'das de bzhin gshegs pa thams cad ces pa'i don ni mdun du bshad pas 'dir bshad mi dgos so/ /sngags kyi dngos grub thams cad dang sangs rgyas kyi chos thams cad lus dang ngag dang sems la gnas so/ /zhes pa ni/ ci ltar smos pa'i sngags thams cad kyi dngos grub kyi 'bras bu dang/ de bzhin du sangs rgyas kyi chos thams cad don dam par gnyis su med pa yin no/ /de ltar mdor bsdus pa sgrub pa pos don dam pa'i don rtogs ma thag tu nyid kyi lus dang ngag dang yid gsum rdo rje la gnyis su med pa'i ngo bor gnas par smos so/ /lus dang ngag dang sems rdo rje de dag kyang/ 'dod pa'i khams na mi gnas/
- 60a
gzugs kyi khams la mi gnas so/ /gzugs med pa'i khams na mi gnas so/ /sems kyang lus la mi gnas so/ /lus kyang sems la mi gnas/ ngag kyang sems la mi gnas sems kyang dag la mi gnas so/ /zhes bya ba'i don bshad par bya ste/ ci ltar yin na/ lus dang ngag dang sems rdo rje de dag kyang/ 'dod pa'i khams na mi gnas zhes pa ni/ /gong du smos pa'i tshul gyi sngags thams cad kyi dngos grub kyi 'bras bu don dam par de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ngo bor smos pa de ni phyi'i 'gro'i tshul gyi 'dod pa'i khams na gnas pa ma yin no/ /de ci'i phyir zhe na/ sngags thams cad kyi dngos grub kyi 'bras bu dang sku dang gsung dang thugs rdo rje gsum ni/ rang bzhin gyis ma skyed pa/ stong pa nam mkha' lta bu dngos po dang bral ba'o/ /don des mi gnas par smos so/ /gzugs kyi khams na mi gnas /gzugs med pa'i khams na mi gnas pa yang/ ci ltar 'dod khams na mi gnas pa'i don smos pa bzhin du shes par bya'o/ /sems kyang lus la mi gnas zhes pa ni/ don dam par rdo rje'i thugs de ni sgrub pa po'i lus la mi gnas pa yin no/ /de ci'i phyir zhe na/ rdo rje thugs dang sgrub pa po'i lus kyi rang bzhin ma skyes pa stong pa nam mkha' lta bu'o/ /don des dngos po can ma yin te/ de'i phyir mi gnas par smos so/ /mdor bsdu ba de ltar sems kyang lus la mi gnas pa'i don du gsungs so/ /lus kyang sems la mi gnas/ ngag kyang sems la mi gnas/ sems ngag la mi gnas so/ /zhes pa ni/ gong du smos pa lus la mi gnas pa'i don ci ltar smos pa de bzhin gshegs par bya'o/ /ci'i phyir zhe na/ nam mkha' bzhin du rang bzhin gyis dag pa yin pa'i phyir ro/ zhes bya ba ni/ de ci'i phyir zhe na ni ston pa phyag na rdo rjes nyid kyis the tshom gcod pa'i tshig gi don mtshon par smos so/ nam mkha' bzhin du rang bzhin gyis dag pa yin pa'i phyir ro zhes pa ni/ gong du smos pa'i sku dang gsung dang thugs rdo rje gsum
- 60b
'dod khams la sogs pa gnas khams gsum dang/ sgrub pa po'i lus ngag yid gsum la sogs pa de dag la mi gnas par smos pa de ci'i phyir zhe na/ don dam par sku gsung thugs rdo rje gsum ni nam mkha' bzhin du stong pa'o/ /de'i yon tan gyis gdon dus nas nyon mongs pa'i sdig pa'i dri ma thams cad dang bral ba yin no/ /don des rang bzhin gyis dag par smos so/ /de ltar mdor bsdus pa nam mkha' rang bzhin gyis dag pa'i don du gsungs so/ /de nas yang/ de bzhin gshegs pa de dag thams cad kyis/ de bzhin gshegs pa thams cad kyi sku dang gsung dang thugs rdo rje de bzhin gshegs pa la 'di skad ces gsol to/ /bcom ldan 'das de bzhin gshegs pa thams cad kyi chos gang na gnas/ gang nas byung/ zhes bya ba'i don bshad par bya ste/ ci ltar yin na/ de nas yang ni/ ston pa phyag na rdo rjes gong du smos pa'i chos bshad pa de/ de bzhin gshegs pa thams cad kyis gsan ma thag tu/ 'og nas 'byung ba'i don thos par bya ba'i phyir gsol ba btab pa'i don mtshon par smos so/ /de ltar de nas kyi don du gsungs so/ /de bzhin gshegs pa thams cad ces pa ni/ rnam par snang mdzad la sogs pa rigs lnga'i bye brag brjod du yod pa dang/ brjod du med pa 'khor gyi de bzhin gshegs pa thams cad smos so/ /de bzhin gshegs pa thams cad kyi sku dang gsung d+dang thugs rdo rje zhes pa ni/ ci ltar smos pa'i de bzhin gshegs pa thams cad don dam par sku dang gsung dang thugs rdo rje gsum dang gnyis su med pa'i ngo bo yin no/ /de dang gnyis su med pa'i ngo bo ston pa phyag na rdo rje'i sku phyag rgya'o/ /de ni ci ltar smos pa'i stshul gyi de bzhin gshegs pa thams cad skyed par mdzad mkhan bdag po'o/ /don des ston pa'i mtshan sku dang gsung dang thugs rdo rje de bzhin gshegs pa yin par smos so/ /'di skad ces gsol to zhes pa'i don ni/ bde ste bshad mi dgos so/ /bcom ldan 'das de bzhin gshegs pa thams cad kyi chos gang na gnas zhes pa ni/ de bzhin gshegs pa
- 61a
thams cad kyi ches zhes bya ba ni mdun du smos pa'i sngags thams cad kyi dngos grub kyi 'bras bu de ni sku dang gsung dang thugs rdo rje gsum dang gnyis su med pa'i ngo bo don dam pa'i chos yin te/ de gang na gnas pa 'khor gyi de bzhin gshegs pa thams cad kyis bcom ldan 'das ston pa phyag na rdo rje la gsol ba btab pa'o/ /gang nas byung zhes pa/ gong du smos pa'i de bzhin gshegs pa thams cad kyi chos don dam de nas gang nas byung ba gsol ba btab pa'o/ /da ni de bzhin gshegs pa thams cad kyis gsol ba btab pa de ston pa rdo rje 'dzin gyis gsan ma thag tu bshad par mdzad pa'i don bstan par bya ste/ rdo rje 'dzin gyis bka' stsal pa/ bdag gi lus ngag dang dang sems la gnas so/ /lus dang ngag dang sems las byung ngo/ /zhes bya ba ni/ rdo rje 'dzin ni ston pa nyid do/ /de'i don mdun du ci ltar bshad pa de bzhin du 'dir sbyar ro/ /bka' stsal pa ni/ ston pa rdo rje 'dzin gyis ci ltar smos pa'i 'khor gyi de bzhin gshegs pa thams cad kyis gsol ba btab pa bshad par mdzad pa mtshon par smos so/ /bdag gi lus dang ngag dang sems la gnas so/ /zhes pa ni gong du smos pa'i de bzhin gshegs pa thams cad kyi chos dang/ sngags thams cad kyi dngos grub kyi 'bras bu don dam par sku dang gsung dang thugs rdo rje gsung dang gnyis su med pa'i ngo bor smos pa da ni/ /sgrub pa pos dpal rdo rje sems dpa' la sogs pa de bzhin gshegs pa thams cad kyi nang na rang gang la dga' ba la yi dam gyi lha byas te/ /de dang gnyis su med pa'i nga rgyal du bsgom pa byas nas de'i dus su rang dga' ba'i lha'i sku dang phyag rgya ci ltar smos pa'i tshul gyi de bzhin gshegs pa thams cad kyi sku dang gsung dang thugs rdo rje gsum gnyis su med pa yin par rtag go /de'i 'og tu sgrub pa pos rang gi lus dang ngag dang yid gsum gyi gnas su gnyis su med par gnas par bsam mo/ /don des de bzhin gshegs pa thams cad kyi chos/ /rang gi lus dang ngag dang yid gsum
- 61b
la gsum par smos so/ /lus dang ngag dang sems las byung ngo/ /zhes pa ni/ gong du smos pa'i tshul gnyis su med pa'i ngo bor bsgom pa byas pas/ tshul ci ltar smos pa'i tshul gyi de bzhin gshegs pa thams cad kyi sku dang gsung dang thugs rdo rje gsum don dam par gnyis su med pa'i 'bras bu smos pa de sgrub pa po nyid kyi lus dang ngag dang yid gsum dang/ gnyis su med par 'byung ba zhes pa 'grub par 'gyur bar bstan to/ /da ni the tshom dang the tshom bcad pa'i don bstan par bya ste/ /bcom ldan 'das de bzhin gshegs pa thams cad kyi sems gang na gnas/ nam mkha' la gnas so/ /nam mkha' gang na gnas/ gang na yang mi gnas so/ /zhes bya ba'i don bshad par bya ste/ ci ltar yin na/ bcom ldan 'das ni ston pa mi bskyod pa rdo rje 'dzin pa nyid yin te/ de'i don mdun du ci ltar bshad pa bzhin du 'dir sbyar ro/ /bshad par bya ste/ rnam par snang mdzad la sogs pa 'khor gyi de bzhin gshegs pa thams cad kyis ston pa rdo rje 'dzin la yon tan gyis bstod pa'i mtshan bcom ldan 'das zhes brjod nas gsol ba btab pa'o/ /de ltar bcom ldan 'das kyi don du gsungs so/ / de bzhin gshegs pa thams cad kyi sems gang na gnas zhes pa ni/ ci ltar smos pa'i de bzhin gshegs pa thams cad kyis de bzhin gshegs pa thams cad kyi bdag po ston pa rdo rje 'dzin la gsol ba btab pa yin no/ /ci ltar yin na/ de bzhin gshegs pa thams cad kyi don dam pa byang chub sems de gang na gnas par smos so/ /nam mkha' la gnas so zhes pa ni/ /mdun du smos pa'i tshul gyi nam mkha' i rang bzhin ma skyes pa/ dngos po med pa/ stong pa yin par smos so/ /gzhan yang de bzhin gshegs pa thams cad kyi don dam pa byang chub sems de ni sngags thams cad kyi ye shes kyi dngos grub kyi 'bras bu dang gnyis su med pa'i ngo bo'o/ /de ni rang bzhin gyis ma skyes pa dngos po med pa stong pa ste/ don des nam mkha' stong pa'i gnas la gnyis su med par gnas par bstan to/ /de ltar nam mkha' la gnas sa'i don du
- 62a
gsungs so/ nam mkha' gang na gnas zhes pa ni/ tshig 'di ni rnam par snang mdzad la sogs pa 'khor gyi de bzhin gshegs pa thams cad kyis gong du smos pa'i don thos ma thag tu the tshom skyes nas ston pa mi bskyod pa rdo rje 'dzin la gsol ba btab pa'o/ /de ltar nam mkha' gang na gnas kyi don du gsungs so/ gang na yang mi gnas so zhes pa ni/ gong du smos pa'i tshul gyi 'khor lo'i de bzhin gshegs pas gsol ba btab pa de'i the tshom gcod pa'i tshig bshad par bya ste/ nam mkha' gnas gang na yang mi gnas pa yin no/ /de ci'i phyir zhe na/ nam mkha' tshul ci ltar smos pa'i stong pa dang/ gzhan yang phyi'i 'gro dang mi 'gro'i chos thams cad rang bzhin gyis ma skyes pa dang/ skad cig ma dang 'jig par 'gyur ba dang/ stong pa yin no/ /de'i nam mkha' dang/ de bzhin gshegs pa thams cad kyis don dam pa byang chub sems gnyis su med pa'i ngo bo nas gang na yang mi gnas pa yin no/ /gzhan du thams cad la bya ba nas gnas par smos so/ /mdor bsdu ba de ltar gang na yang mi gnas pa'i don du gsungs so/ /de ni ston pa rdo rje 'dzin gyi 'khor gyi ngo bo sangs rgyas dang byang chub sems dpa' thams cad kyis gong du smos pa'i tshul gyi gsol ba btab pa'i don bshad pa de thos pa'i 'og tu/ 'khor gyi ngo bo sangs rgyas dang byang chub sems dpa' de dag gi sems ngo mtshar du gyur/ rmad du gyur te/ rang gi sems don dam par chos thams cad ye shes dang gnyis su med pa'i ngo bo'i don shes par gyur nas/ de dang gnyis su med par gnas pa'i don bstan par bya ste/ de nas sangs rgyas dang byang chub sems dpa' de dag thams cad/ ngo mtshar du gyur rmad du gyur nas/ rang gi sems kyi chos kyi gnas sems shing cang mi smra ba dag nas par gyur to/ /zhes bya ba'i don bshad par bya ste/ ci ltar yin na/ /de nas ni gong du smos pa'i tshul gyis ston pa rdo rje 'dzin gyis chos bshad pa/ 'khor gyi sangs rgyas dang/ /byang chub sems dpa' thos ma thag tu/ 'og nas 'byung ba'i sems dang gnyis su
- 62b
med pa'i bsgom pa'i don mtshon par smos so/ /de ltar de nas kyi don du gsungs so/ /sangs rgyas dang byang chub sems dpa' de dag thams cad ces pa ni/ sangs rgyas ni rnams par snang mdzad la sogs pa rigs lnga'i bye brag gi sangs rgyas thams cad dang/ byang chub sems dpa' ni phyag na rdo rje la sogs pa rigs gsum gyi byang chub sems dpa' thams cad smos so/ /ngo mtshar du gyur rmad du gyur nas zhes pa ni/ /ston pa rdo rje 'dzin gyis ci ltar smos pa'i chos thams cad ma skyes pa/ rang bzhin med pa stong pa nam mkha' lta bu yin te/ de ni de bzhin gshegs pa thams cad kyi don dam pa byang chub sems dang gnyis su med pa'i ngo bo ma skyes pa/ dngos po med pa stong pa/ nam mkha' lta bu don gyi tshul de 'khor gyi sangs rgyas dang byang chub sems dpa' thams cad kyis thos ma thag tu/ /sems ngo mtshar du gyur/ rmad du gyur par smos so/ /rang gi sems kyi chos kyi gnas sems shing/ zhes pa ni/ sangs rgyas dang byang chub sems dpa' thams cad ngo mtshar rmad du gyur pa'i dus su/ rang gi sems zhes pa don dam pa byang chub sems de ci ltar smos pa'i chos thams cad dang gnyis su med pa'i ngo bo de dang gnyis su med pa'i sgom pas gnas par smos so/ /mdor bsdu ba de ltar rang gi sems kyi chos kyi sems dpa' i don du gsungs so/ /cang mi smra bar gnas par gyur to/ /zhes pa'i don ni bde ste bshad mi dgos so/ /rgyud kyi rgyal po chen po dpal gsang ba 'dus pa'i rgya cher 'grel ba/ mkhas pa chen po rdo rje slob dpon 'phags pa kun dga' i snying pos mdzad pa'i le'u bco lnga pa rdzogs so// //le'u bco lnga pa'i 'og tu/ da ni le'u bcu drug pa dngos grub thams cad kyi dkyil 'khor rdo rje'i dngos por byang chub pa'i le'u bshad par bya ste/ de nas bcom ldan 'das de bzhin gshegs pa thams cad yang 'dus nas/ bcom ldan 'das de bzhin gshegs pa thams cad kyi/ sku dang gsung dang thugs rdo rje de bzhin gshegs pa/ de bzhin gshegs pa thams cad kyi sku dang gsung dang thugs rdo rje'i
- 63a
tshig gis gsol ba btab nas/ de bzhin gshegs pa thams cad kyi rdo rje rin chen gyi mchod pa'i bkod pas mchod pa byas so/ /zhes bya phyir don bshad par bya ste/ ci ltar yin na/ de nas ni rnam par snang mdzad la sogs pa rigs lnga'i bye brag gi 'khor brjod du yod pa dang/ brjod du med pa'i de bzhin gshegs pa de dag thams cad kyis thugs rje chen po'i thugs bskyed nas/ sgrub pa po la sogs pa sems can thams cad kyis 'og nas 'byung ba'i dkyil 'khor gyi dngos grub kyi 'bras bu thob par bya ba'i phyir/ le'u bcu drug pa bshad par ston pa la bskul bar smos so/ /bcom ldan 'das de bzhin gshegs pa thams cad ces pa'i don ni mdun du bshad pas bde ste bshad mi dgos so/ /yang 'dus nas zhes pa ni/ ston pa mi bskyod pa rdo rje 'dzin gyis le'u bco lnga pa bshad pa rdzogs ma thag tu/ gong du smos pa'i rnam par snang mdzad la sogs pa 'khor brjod du yod pa dang/ brjod du med pa'i de bzhin gshegs pa de dag thams cad gcig tu 'dus par smos so/ /gzhan yang 'dus pa'i don le'u dang po las ci ltar bshad pa de bzhin du 'dir sbyar yang mi 'gal lo/ /bcom ldan 'das zhes pa ni/ ston pa mi bskyod pa rdo rje 'dzin gyi yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du bshad pa bzhin du sbyar ro/ /de bzhin gshegs pa thams cad kyi sku dang gsung dang thugs rdo rje de bzhin gshegs pa la zhes pa ni/ rnam par snang mdzad la sogs pa de bzhin gshegs pa thams cad don dam par sku dang gsung dang thugs rdo rje gsum gnyis su med pa'i ngo bo yin no/ /de dang gnyis su med pa'i ngo bo ston pa mi bskyod pa rdo rje 'dzin gyis sku phyag rgya yin no/ /de ni bzhin gshegs pa thams cad skyed par mdzad mkhan bdag po'o/ /don des ston pa'i mtshan sku dang gsung dang thugs
- 63b
rdo rje de bzhin gshegs pa yin par smos so/ /de bzhin gshegs pa thams cad kyi sku dang gsung dang thugs rdo rje'i tshig gis gsol ba btab nas/ /zhes pa ni gong du smos pa'i rnam par snang mdzad la sogs pa 'khor gyi de bzhin gshegs pa thams cad gcig tu 'dus nas thal mo sbyar nas/ bus mo g.yas pa'i lha ngas la btsugs nas/ lan mang por phyag 'tshal nas/ le'u bzhi pa las smos pa'i tshul gyi de bzhin gshegs pa thams cad kyi sku dang gsung dang thugs rdo rjer ming btags pa'i ston pa'i tshig gis ston pa mi bskyod pa rdo rje 'dzin la gsol ba btab pa'o/ /de nas le'u bzhi pa las 'byung ba'i bstod pa'i tshig bstan par bya ste/ de bzhin gshegs pa kun zhi ba/ /de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bshad du gsol/ /de'i don ni le'u bzhi pa las rgyas par ji ltar bshad pa bzhin du 'dir sbyar ro/ /mdor sdu ba de ltar de bzhin gshegs pa thams cad kyi sku dang/ gsung dang thugs rdo rje'i tshig gis gsol ba btab pa'i don du gsungs so/ /de bzhin gshegs pa thams cad kyi rdo rje rin chen gyi mchod pa bkod pas mchod par bya'o/ /zhes pa ni/ rnam par snang mdzad la sogs pa 'khor gyi de bzhin pa de dag thams cad kyi sems dga' ba chen po bskyed nas bye brag rnam pa gnyis kyi mchod pa chen po byas te/ nad dang gsang ba'o/ /de la nang gi rnam par snang mdzad la sogs pa de bzhin gshegs pa thams cad kyis nyid nyid kyis gsang ba'i thugs ka ye shes sems pa'i gnas nas nyid nyid kyi kha dog dang/ ye shes dang ldan pa'i sngags kyi sa bon yig 'bru rnams gzi brjid kyis 'bar ba sprul nas/ de dag ye shes kyi khu ba bzhin du 'od du zhu bar 'gyur ro/ /sa bon de las rigs lnga'i bye brag gi ye shes kyi rin po che'i me tog gi sprin bkod pa spro bar byas so/ /gzhan yang ye shes kyi rin po che rnams kyi so so'i rigs bye brag
- 64a
gi kha dog dang ye shes dang ldan pa gsal ba bstan par bya ste/ sku'i rigs kyi bye brag gi kha dog dkar po/ rin po che shel lta bu'o/ /de zla ba bzhin du gzi brjid kyis 'bar ba/ chos kyi dbyings kyi ye shes kyi ngo bor smos so/ / thugs kyi rigs kyi bye brag gi kha dog sngon po/ rin po che in+d+ra nI la lta bu'o/ /de nyi ma lta bu gzi brjid kyis 'bar ba me long lta bu'i ye shes kyi ngo bo/ /rin po che'i rigs kyi bye brag gi kha dog ser po rin po che 'dzam bu nad lta bu'o/ /de nyi ma lta bu gzi brjid kyis 'bar ba mnyam pa nyid kyi ye shes kyi ngo bo'o/ /gsung gi rigs kyi bye brag gi kha dog dmar po/ rin po che pad ma ra ga lta bu'o/ /de nyi ma bzhin du gzi brjid kyis 'bar ba so sor rtog pa'i ye shes kyi ngo bo/ las kyi bye brag gi kha dog ljang gu rin po che baiDUrya lta bu'o/ /de nyi ma bzhin du gzi brjid kyi 'bar ba bya ba nan tan gyi ye shes kyi ngo bo/ /tshul de ltar rigs lnga'i bye brag gi nang gi ye shes kyi rin po che'i mchod pa chen po bya ba'i don du shes par bya'o/ /de nas gsang ba'i bye brag gi bstan par bya ste/ rnam par snang mdzad la sogs pa de bzhin gshegs pa thams cad kyis 'dod chags chen po'i so so'i shes rab ma'i ye shes kyi lha mo gnyis su med par 'khyud pa'i sbyor ba'i thabs dang shes rab rol pa byas nas/ bde bar gyur pa'i dus su rdo rje'i lam gyi sgo nas/ shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas/ de zla ba'i dkyil 'khor gyi ngo bor gyur par byas nas/ zla ba'i dkyil 'khor de'i steng du rnam par snang mdzad la sogs pa de bzhin gshegs pa thams cad kyi rim par nyid nyid kyi sngags kyi sa bon yig 'bru kha dog dang ye shes dang ldan pas byin gyis brlab pa byas so/ /de ma thag tu sngags kyi sa bon yig 'bru rnams ye shes kyi khu ba bzhin du byang chub sems zla ba'i dkyil 'khor la gnyis su med par thim par
- 64b
/'gyur ro/ /sa bon rnam las gong du ci ltar smos pa'i tshul gyi kha dog dang/ ye shes dang ldan pa'i rigs lnga'i bye brag gi ye shes kyi rin po che me stag lta bu'i sprin bkod pa spro bar byas pa de bzhin du bstan pa'o/ /tshul de ltar rigs lnga'i bye brag gi gsang ba'i rin po che'i mchod pa chen po byas pa'i don du shes par bya'o/ /de nas rdo rje ni rnam par snang mdzad la sogs pa de bzhin gshegs pa thams cad kyis gong du spros pa'i tshul gyi rin po che'i sprin bkod pa mchod pa spros pa'i 'og tu/ ci ltar smos pa'i tshul du thabs dang shes rab rol par byas nas b+ha ga'i dbus su/ byang chub sems zla ba'i dkyil 'khor gyi ngo bor gyur par byas so/ /zla ba'i dkyil 'khor de'i steng du lha mo'i gzugs/ rdo rje ma la sogs pa 'dod pa'i yon tan lnga'i mchod pa'i lha mo lnga'i rim pas nyid nyid kyi sa bon yig 'bru ye shes dang kha dog dang ldan pas byin gyis brlabs so/ /de nas sngags kyi sa bon yig 'bru rnams bstan par bya ste/ dzA gzugs rdo rje'i ma'i 'o/ /hUM sgra rdo rje ma'i'o/ /baM dri rdo rje ma'i'o/ /ho ro rdo rje ma'i'o/ /kha reg rdo rje ma'i'o/ de ltar sngags kyi yig 'bru rnams kyis byin gyis brlabs ma thag tu/ ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /sa bon de las ci ltar le'u gsum pa'i nang nas 'dod pa'i yon tan lnga'i lha mo'i sku phyag rgya kha dog dang/ zhal dang/ phyag dang/ rgyan dang nyid kyi mchod pa'i rdzas dang ldan par smos pa de bzhin du dus 'dir bstan to/ /de lta bu'i ngo bo rdo rjer ming btags pa 'dod pa'i yon tan lnga'i mchod pa'i lha mo lnga'i sprin bkod pa'i spros nas/ ston pa mi bskyod pa rdo rje 'dzin la mchod pa byas par smos so/ /mdor bsdu ba de ltar de bzhin gshegs pa thams cad kyi rdo rje rin chen gyi mchod pa bkod pas mchod pa byas pa'i don du gsungs so/ /da ni rnam par snang mdzad la sogs pa 'khor gyi de bzhin gshegs pa thams cad
- 65a
kyi gong du smos pa'i tshul gyis ston pa rdo rje 'dzin la nang dang gsang ba'i bye brag gi mchod pa chen po byas ma thag tu/ ston pa rdo rje 'dzin mi bskyod pa thugs mnyes shing dgyes pa chen por gyur nas 'og nas 'byung ba'i don bshad ba'i phyir/ dang po ting nge 'dzin la snyoms par zhugs pa'i don bstan par bya ste/ de nas bcom ldan 'das phyag na rdo rje de bzhin gshegs pa/ rdo rje'i dkyil 'khor thams cad kyi seng ge'i dam tshig gis rgyal po bkod pa zhes bya ba'i ting nge 'dzin la snyoms par zhugs nas/ zhes bya ba'i don bshad par bya ste/ de nas ni rnam par snang mdzad la sogs pa 'khor gyi de bzhin gshegs pas bye brag gnyis kyi mchod pa chen po byas ma thag tu ston pa mi bskyod pa rdo rje 'dzin la snyoms par zhugs pa/ mtshon par smos so/ /bcom ldan 'das zhes pa ni/ ston pa nyid kyi yon tan gyi bstod pa'i mtshan bcom ldan 'das yin par stad pa pos smos so/ /de'i don mdun du ci ltar bshad pa bzhin du sbyar ro/ /phyag na rdo rje de bzhin gshegs pa zhes na ci ltar mdun du bshad bzhin du 'dir sbyar ro/ /de ltar phyag na rdo rje'i don du gsungs so/ /rdo rje'i dkyil 'khor thams cad ces pa ni/ rdo rje ni rnam par snang mdzad la sogs pa 'khor kyi ngo bo brjod du yod pa dang/ brjod du med pa'i de bzhin gshegs pa dang/ byang chub sems dpa' la sogs pa 'khor thams cad ni rdo rje thams cad du smos so/ /dkyil 'khor zhes pa ni/ dus 'dir theg pa chen po gsang sngags kyi chos kyi 'khor lo bskor ba'i gnas kyi ngo bo ye shes kyi gzhal yas khang de/ gong du smos pa'i tshul gyis rdo rjer ming btags pa de dag gis shin tu gang bar gnas pa yin no/ /don des ye shes kyi gzhal yas khang rdo rje thams cad kyi dkyil 'khor du smos so/ /de ltar rdo rje thams cad kyi dkyil 'khor gyi don du gsungs so/ /seng ge'i dam tshig gi rgyal
- 65b
po bkod pa zhes bya ba'i ting nge 'dzin la snyoms par zhugs nas zhes pa ni/ ston pa phyag na rdo rjes de bzhin gshegs pas ci ltar smos pa'i tshul gyi 'khor phun sum tshogs pa thams cad kyi nang du zhe sdang chen po'i thugs dgyes pas nyid kyi shes rab ma ye shes kyi lha mo mA ma kI dang gnyis su med par 'khyud pa'i sbyar bas thabs dang shes rab rol pa mdzad nas/ bde bar gshegs pa'i dus su rdo rje lam gyi sgoms shes rab ma'i b+ha ga'i dbus su/ byang chub sems char gyi rgyan bzhin du 'od du zhu nas rgya mtsho dang mnyam par 'gyur bar mdzad do/ /de'i steng du sngags kyi sa bon gyi yig 'bru hUM gis byin gyis brlabs so/ /de kha dog nag po chos kyi dbyings kyi ye shes kyi ngo bo gzi brjid chen pos 'bar zhing 'od du zhu nas de ma thag tu sngags kyi sa bon yig 'bru hUM ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po ya man ta ka'i sku phyag rgya bskyed par mdzad do/ /de'i sku mdog dang/ zhal dang phyag dang phyag mtshan dang rgyan dang/ shes rab ma 'khyud pa dang/ de ltar phun sum tshogs pa thams cad ci ltar le'u bzhi ba thugs kyi dkyil 'khor gyi dus su smos pa de bzhin du 'dir ldan par bstan to/ /de lta bu'i ngo bo khro bo'i rgyal po ya man ta ka'i sku phyag rgya sprin bkod pa 'jig rten gyi khams su spro bar mdzad par bstan to/ /de'i 'og tu smos pa'i byang chub sems kyi rgya mtsho la sngags kyi sa bon yig 'bru hUM gis byin gyis brlab bo/ de kha dog shin tu dkar ba me long lta bu'i ye shes kyi ngo bo gzi brjid chen pos 'bar zhing 'od du zhu nas/ de ma thag tu sngags kyi sa bon yig 'bru hUM ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon nges khro bo'i rgyal po prad nyan gnyis su sku phyag rgya skyed par mdzad do/ /de'i sku mdog dang/ zhal dang/ phyag dang phyag mtshan dang/ rgyan dang/ shes rab ma la 'khyud pa dang/ de ltar cha lugs
- 66a
phun sum tshogs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin du 'dir ldan par bstan to/ /de lta bu'i khro bo'i rgyal po prad nyan ta ka'i sku phyag rgya'i sprin bkod pa 'jig rten gyi khams thams cad khyab par spro bar mdzad par smos so/ /de'i 'og tu mdun du smos pa'i byang chub sems kyi rgya mtsho la sngags kyi sa bon yig 'bru hUM gis byin gyis rlabs so/ /de kha dog dmar po/ baM du ka'i me tog lta bur rdo rje? pa'i ye shes kyi ngo bo gzi brjid chen pos 'bar zhing 'od du zhu'o/ /de ma thag tu sngags kyis don yig 'bru hUM ye shes kyi khu ba bzhin du byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po pad man ta ka'i sku phyag rgya bskyed par mdzad do/ /de'i sku mdog dang/ zhal dang phyag dang phyag mtshan dang/ rgyan dang/ shes rab ma 'khyud pa dang/ de ltar cha lugs phun sum tshogs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin du 'dir bstan to/ /de lta bu'i ngo bo khro bo'i rgyal po pad man ta ka'i sku phyag rgya'i sprin bkod pa 'jig rten gyi khams thams cad du khyab par spro par mdzad par smos so/ /de'i 'og tu byang chub sems kyi rgya mtsho la sngags kyi sa bon yig 'bru hUM gis byin gyis brlabs so/ /de kha dog mthing ga a ta sa'i me tog lta bu me long lta bu'i ye shes kyi ngo bo gzi brjid 'bar zhing 'od du zhu'o/ /de ma thag tu sngags sa bon yig 'bru hUM ye shes kyi khu ba bzhin du byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po big nan ta ka'i sku phyag rgya skyed par mdzad do/ /de'i sku mdog dang/ zhal dang phyag dang/ phyag mtshan dang/ rgyan dang shes rab mas 'khyud pa dang/ de dag cha lugs phun sum tshogs pa thams cad le'u bzhi pa thugs kyi dkyil 'khor gyi dus su smos pa de bzhin du 'dir ldan par bstan to/ /de lta bu'i ngo bo khro
- 66b
bo'i rgyal po big nan ta ka'i sku phyag rgya sprin bkod pa 'jig rten gyi khams thams cad kyi gnas su khyab par spro bar mdzad par bstan to/ /tshul de ltar khro bo'i rgyal po bzhi'i sku phyag rgya sprin bkod pa spros ma thag tu/ 'chi bdag gi bdud la sogs pa bdud bzhi 'khor dang bcas pa 'joms par mdzad pa yin no/ /de'i don gsal bar bstan par bya ste/ khro bo'i rgyal po ya man ta ka'i sku phyag rgya'i sprin bkod pas rdzu 'phrul gyi byin gyis brlab kyi thabs kyi stobs kyi 'chi bdag gi bdud gshin rje 'khor dang bcas pa 'joms par mdzad par bstan to/ / khro bo'i rgyal po prad nyan ta ka'i sku phyag rgya'i sprin bkod pa'i rdzu 'phrul gyi byin gyis brlabs kyi thabs kyi stobs kyis nyon mongs pa'i bdud tshangs pa 'khor dang bcas pa 'joms par mdzad par bstan to/ /khro bo'i rgyal po pad man ta ka'i sku phyag rgya'i sprin bkod pas rdzu 'phrul gyi byin gyis rlabs kyi thabs kyi stobs kyis/ /lha'i bu'i bdud ka ma de ba 'khor dang bcas pa 'joms par mdzad par bstan to/ /khro bo'i rgyal po big nan ta ka'i sku phyag rgya'i sprin bkod pas rdzu 'phrul gyis byin gyi brlabs kyi thabs kyi stobs kyis phung po'i bdud bgegs kyi rgyal po bi na ya ka 'khor dang bcas pa 'joms par mdzad par bstan to/ /bshad par bya ste/ ci ltar phyi'i dud 'gro'i rgyal po seng ge khro ba chen po'i brtson 'grus kyi stobs kyis ri dwags la sogs pa dud 'gro'i tshigs thams cad 'joms pa dang 'jigs par byed pa de bzhin du/ sgra brda'? skad ya man ta ka la sogs pa khro bo'i rgyal po bzhi seng ge dang 'dra ba de dag gis khro bo chen po'i zhe sdang gi thugs kyi brtson 'grus kyi thabs kyi stobs kyis/ dud 'gro'i tshogs dang 'dra ba'i bdud bzhi'i 'khor dang bcas pa med par mdzad par bstan to/ /dam tshig ces pa ni/ dus 'dir gong du smos pa'i tshul gyi/ ston pa phyag na rdo rjes thabs dang shes rab rol pa mdzad nas bde bar gyur pas byang chub sems byung ba de/ tshul ji ltar smos pa'i sngags kyi sa bon gyis byin gyis brlabs par mdzad pa'i sa bon de las khro
- 67a
bo'i rgyal po ya man ta ka la sogs pa bzhi'i sku phyag rgya sprin bkod pa'i cho 'phrul gyi sprul ba spro bar mdzad pa yin no/ /don des dam tshig du smos so/ /rgyal po ni khro bo'i rgyal po ya man ta ka la sogs pa bzhi'o/ /bkod pa zhes pa ni ngar bshad pas 'dir bshad mi dgos so/ /gon du smos pa'i tshul gyi khro bo'i rgyal po rnams kyis cho 'phrul gyis bsgyings pas bdud bzhi bcom pa mdzad pa'i 'og tu/ khro bo'i rgyal po rnams kyi sku phyag rgya'i sprin bkod pa kun spro ba'i gnas su bsdu bar mdzad do/ /tshul ci ltar smos pa'i spro ba dang bsdu bar mdzad pa'i don de ting nge 'dzin tu bstan to/ /bshad par bya ste/ ston pa phyag na rdo rje ting nge 'dzin mdzad pa'i dus su thugs rtse gcig tu gyur pas gnas pa yin no/ /don des snyoms par zhugs par smos so/ /mdor sdu ba de ltar seng ge'i dam tshig gi rgyal po bkod pa zhes bya ba'i ting nge 'dzin la snyoms par zhugs nas kyi don du gsungs so/ /ting nge 'dzin gyi mdzad pa'i 'og tu/ da ni dkyil 'khor dang/ rdo rje'i sku rnam par snang mdzad kyi ngo bo'i don gyi cho ga'i tshul bstan par bya ste/ rdo rje'i sku'i dkyil 'khor 'di nyid kyi sku dang/ gsung dang thugs rdo rje las phyung ngo/ /zhes bya ba ni/ rdo rje sku'i dkyil 'khor ni/ rdo rje ni chos kyi dbyings kyi ye shes so/ /dkyil 'khor ni mdun du smos pa'i rigs lnga'i bye brag gi de bzhin gshegs pa thams cad kyi sku rdo rje don dam par gnyis su med pa'i ngo bo yin no/ /de dang gnyis su med pa'i ngo bo rnam par snang mdzad kyi dkyil 'khor yin te/ don des sku rdo rje'i dkyil 'khor du smos so/ /'di nyid sku dang gsung dang zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gcig pa'i ngo bor smos so/ /sku dang gsung dang thugs rdo rje de gsum dang gnyis su med pa'i ngo bor sku rdo rje rnam par snang mdzad bstan pa'o/ /rdo rje zhes pa ni sku rdo rje dang gsung rdo rje dang thugs rdo rje gnyis su med par bshad pa de bzhin du 'dir bstan to/ /phyung ngo
- 67b
zhes pa ni ston pa phyag na rdo rjes sku rdo rje rnam par snang mdzad kyi dkyil 'khor 'di ci ltar smos pa'i tshul gyi sku dang gsung dang thugs rdo rje gsum dang gnyis su med pa'i ngo bo bstan pa yin no/ /de nas sku'i dkyil 'khor mchog /thugs kyi rdo rje rab 'dra ba/ /dkyil 'khor rnams ni kun gyi mchog /legs par rab tu bshad par bya/ /zhes bya ba'i don bstan par bya ste/ ci ltar yin na/ de nas ni gong du smos pa'i tshul gyi ting nge 'dzin mdzad pa'i 'og tu/ ston pa phyag na rdo rjes bshad par bya zhes pa ni/ ston pa phyag na rdo rjes dkyil 'khor gyi don legs par bshad par 'khor phun sum tshogs pa'i nang du bka' stsal pa'o/ /da ni dkyil 'khor gyi phyi dang nang gi tshad bstan par bya ste/ khru ni bcu drug tshad du bya/ /gru bzhi lham pa rab tu mdzes/ /sangs rgyas kun gyi dkyil 'khor de/ /sku'i rdo rje rab tu gnas/ /zhes bya ba'i don bshad par bya ste/ ci ltar yin na/ khru bcu drug gi tshad du bya ba ni/ dkyil 'khor gyi nang re'u mig dgu'i phyogs bzhi khru bcu drug gi tshad du bya'o/ /de'i phyi rol zlum po'i tshul rdo rje rabs bskor bar bya'o/ /bshad par bya ste/ nang gi re'u mig dgu'i rdo rje ra ba'i phyir grwa bzhi'i tshad ni/ gong ma las blta ba ste/ khru sum cu rtsa gnyis kyi tshad du bya'o/ /gru bzhi'i phyi rol mchod rten bzhi'i rtse mo'i mtshams ni sum 'gyur te/ khru bzhi bcu rtsa brgyad kyi tshad du bya'o/ /de ni dkyil 'khor chen po'i tshad du bstan to/ /gzhan yang yon bdag gis dkyil 'khor chen po mi lcogs na/ ci ltar bya ba bshad par bya ste/ gong du smos pa'i dkyil 'khor gyi nang re'u mig dgu'i phyogs bzhi khru brgyad dam yang na khru bzhi 'am yang na khru gnyis su bya'o/ /rim pa de'i phyi tshad ni gong du smos pa'i tshul du bya'o/ /tshad de las chung bar byas na 'gal te sgrub pa nyams par 'gyur ro/ /de ltar khru ni bcu drug tshad du bya ba'i don du gsungs so/ /gru bzhi lham pa rab tu mdzes zhes pa'i don ni/ le'u bzhi pa thugs kyi dkyil 'khor gyi skabs su ci ltar smos pa de bzhin du 'dis
- 68a
bya bar bstan to/ /sangs rgyas kun kyi dkyil 'khor de/ sku'i rdo rje rab tu gnas zhes pa/ sangs rgyas thams cad kyi dkyil 'khor du ming btags pa ni brjod du yod pa dang brjod med pa ste/ dus 'dir brjod du yod pa ni/ mi bskyod rdo rje dang/ rin chen 'byung ldan dang/ snang ba mdza' yas dang/ don yod grub pa yin no/ /brjod du med pa ni/ rdo rje mi bskyod pa la sogs pa de bzhin gshegs pa de bzhin nyid nyid kyi sku phyag rgya'i kun nas/ nyid kyi sku mdog dang/ zhal dang phyag dang/ phyag mtshan dang/ nyid kyi shes rab ma ye shes kyi lha mo 'khyud pa dang ldan par ci ltar smos pa'i de lta bu'i sangs rgyas kyi sku phyag rgya sbyin bzhin du spro bar mdzad pa yin no/ /de ltar brjid du med pa'i sangs rgyas su smos so/ /bstan par bya ste/ tshul ci ltar smos pa'i sangs rgyas de dag gi dkyil 'khor du ming btags pa zhugs pa'i gnas yin te/ don nges sangs rgyas kyi dkyil 'khor du smos so/ /sku'i rdo rje rab tu gnas pa ni gong du smos pa'i tshul gyi 'khor gyi sangs rgyas de dag gi nang na skya? rdo rje rnam par snang mdzad gtso bo yin te/ de bzhugs pa yin no/ /gzhan yang nang gi dkyil 'khor gyi tshad kyi don bstan par bya ste/ sku'i rigs kyi bye brag gi bram ze'i rigs las skyes pa'i bu mo sngar smos sku rdo rje rnam par snang mdzad kyi dkyil 'khor gyi don bshad par mdzad pa mtshon par smos so/ /de ltar de nas kyi don du gsungs so/ /sku'i dkyil 'khor mchog ces pa/ gong du smos pa'i de bzhin gshegs pa thams cad kyi sku rdo rje rnam par snang mdzad nyid kyi skur gnyis su med pa'i ngo bo'o/ /de ltar sku'i dkyil 'khor de bzhin gshegs pa thams cad kyi ye shes kyi dngos grub thams cad kyi 'bras bu'i ngo bo ste/ de'i phyir mchog tu smos so/ /thugs kyi dkyil 'khor rab 'dra ba zhes pa ni/ dang po rdo rje rnam par snang mdzad kyi dkyil 'khor bri ba'i phyi gnas ri'i rtse mo steng du ste/ /ci ltar le'u
- 68b
bzhi ba las smos pa'i tshul gyi ston pa thugs rdo rje mi bskyod pa'i dkyil 'khor bri ba'i dus su gnas gzung ba dang/ de'i yon tan dang/ rgyan phun sum tshogs pa dang/ gzhan yang dkyil 'khor gyis gzhi spyad par bya ba'i cho ga'i tshul dang sa'i lha mo dpa' bo bya ba'i cho ga'i tshul dang/ gzhan yang tshul ci ltar smos pa'i dkyil 'khor gyi sta gon la gnas pa'i cho ga dang/ /gzhan yang bdud dang bgegs ma rungs pa thams cad kyi gnod pa med par bya ba'i phyir/ tshul ji ltar smos pa'i bsrung ba'i 'khor lo'i cho ga dang/ /dkyil 'khor gyi sa gzhi tshul ci ltar smos pa ye shes kyi sa gzhir gyur par bya ba'i bsgom par bya ba'i cho ga dang/ don dam pa'i sgom pa bya ba'i cho ga dang/ de dag la sogs pa bye brag sna tshogs kyi sgom pa dang/ sngags kyi bzlas pa dang/ ye shes kyi cho 'phrul spro bsdu dang/ mchod pa phun sum tshogs pa thugs rdo rje'i dkyil 'khor bri ba'i dus su ci ltar smos pa bzhin du 'dir bya bar bstan to/ /gzhan yang thugs rdo rje'i dkyil 'khor de bzhin gshegs pa lnga'i ye shes dang gnyis su med pa'i ngo bo gzugs dang/ de'i nang du ye shes kyi lta'i grangs kyi tshad de dag bskyed par bya'i bsgom pa dang/ dgod par bya ba'i cho ga'i tshul dang/ gzhan yang thig skud bya ba dang/ thig gdab par bya ba'i cho ga dang/ tshon rtsi bya ba'i rgyu'i bye brag gi cho ga'i tshul dang/ tshon dgyes pa'i bsgom pa dang/ sngags kyi zlas pa bya ba'i cho ga'i tshul dang/ de dag la sogs pa thugs rdo rje'i dkyil 'khor gyi mgo mjug gi 'phrin las kyi cho ga'i tshul ci ltar smos pa de bzhin du 'dir bya bar bstan to/ /mdor bsdu ba thugs kyi dkyil 'khor rab 'dra ba'i don du gsungs so/ /dkyil 'khor rnams ni kun gyi mchog ces pa ni/ rnam par snang mdzad la sogs pa de bzhin gshegs pa thams cad kyi dkyil 'khor gyi bdag po/ thugs rdo rje yin te/ don des thugs kyi dkyil 'khor mchog tu smos so/ /de 'dra ba kun rigs rnam par snang mdzad kyi dkyil 'khor yin no/ /de ltar
- 69a
dkyil rnams ni kun gyi mchog gi don du gsungs so/ /legs par rab tu bshad par bya zhes pa ni/ gong du smos pa'i mtshan dang/ yon tan thams cad dang ldan pa lo bcu drug lon pa'o/ /de ma rnyed na de las lo grangs kha cig gis mang yang mi 'gal lo/ /de ltar tshad kyi don du bstan to/ /dbyibs bstan par bya ste/ /brda' skad gru bzhi ni bram ze'i rigs las skyes pa'i bu mo nga ni sangs rgyas spyan dang gnyis su med pa'i ngo bo de'i lus de bzhin gshegs pa bzhin te/ ye shes kyi lha mo dang gnyis su med par bstan to/ /gzhan yang zur bzhi dang/ sgo bzhi dang/ twa ra na bzhi mchod rten bzhi dang ldan pa dang/ rgyan phun sum tshogs pa dang ldan pa'o/ /de dag la sogs pa'i don ci ltar le'u bzhi pa thugs kyi dkyil 'khor gyi dus su smos pa de bzhin du bstan to/ /mdor bsdu ba de ltar sangs rgyas kun gyi dkyil 'khor de/ sku'i rdo rje rab tu gnas kyi don du gsungs so/ /gzhan yang nang gi dkyil 'khor du ming btags pa/ ye shes kyi gzhal yas khang yin te/ de'i gang na sa bon las bskyed pa dang/ sa bon las sa bon bskyed pa bstan par bya ste/ sku'i dkyil 'khor ye shes kyi gzhal yas khang gi gdan bskyed par bya ste/ gsang pa'i thugs ka ye shes sems dpa' i gnas nas sngags kyi sa bon yig 'bru paM bsam/ yang na sngags kyi sa bon yig 'bru a yang mi 'gal ba dus 'dir kha dog dkar po pad ma chen po 'dab ma mdza' yas pa chos kyi dkyil 'khor du ming btags pa bskyed par bya'o/ /de'i steng gi lte ba'i 'bus su sngags kyi yig 'bru oM gzugs che ba dus 'dir kha dog gser lta bu ye shes kyi khu ba'i ngo bor 'od du zhu nas rgya mtsho chen po dang mnyam par gyur par bsam mo/ /sa bon de las sngags kyi sa bon yig 'bru hUM bskyed par bya'o/ /de ni sangs rgyas la sogs pa de bzhin gshegs pa bzhi'i ye shes kyi lha mo dang gnyis su med pa'i ngo bo kha dog bzhi dang ldan par bsam mo/ /bshad par bya ste/ sngags kyi
- 69b
sa bon yig 'bru hUM las dus 'dir chos kyi dbyings kyi ye shes la sogs pa ye shes lnga'i ngo bo so so'i rigs kyi bye brag gi kha dog dang ldan pa'i ye shes kyi rdo rje rtse lnga pa sprin bzhin du 'phro bar bsgom mo/ /sa bon de las dkyil 'khor ye shes kyi gzhal yas khang du gyur par bya bar bstan to/ /gzhan yang dkyil 'khor ye shes kyi gzhal yas khang gi ngo bo de che chung bsgom pa bstan par bya ste/ kun tu bye ba bcu'i tshad du smos so/ /de'i dbus bdag po la sogs pa lha dgu'i re'u mig dgu thugs kyi dkyil 'khor gyi tshul gyi don gyis/ /zlum po rdo rje ra bas bskor ba dkyil 'khor gyi bdag po sku rdo rje rnam par snang mdzad 'khor lo sgyur ba bzhugs pa'i gnas 'khor lor ming btags pa de'i tshad ni phyogs bzhig dpag tshad brgya brgya'o/ /de ltar ye shes kyi gzhal yas khang de bskyed pa'i 'og tu phyi'i rdul tshon gyi dkyil 'khor la/ ci ltar thugs kyi dkyil 'khor gyi dus gnyis su med par thim nas/ ye shes kyi rgya mtsho bzhin du gyur par bsgom par bstan pa de bzhin du dus 'dir bya ba bstan to/ /gzhan yang gsang ba'i dkyil 'khor shes rab ma lha mo 'di ba'i tshad kyi don bstan par bya ste/ /bdag po sku rdo rje'i shes rab ma ye shes kyi lha mo sangs rgyas spyan gsang ba'i dkyil 'khor gyi gnas kyi ngo bo brda skad kyi tshad ni nyid dang bcas pa lha mo bcu drug gnyis su med par gnas pa'o/ /de gsal bar bstan par bya ste/ /sangs rgyas spyan nyid dang/ mA ma kI dang/ gos dkar mo dang/ dam tshig sgrol ma dang/ gzhan yang byang chub sems dpa' brgyad kyi lha mo brgyad ni/ ci ltar thugs kyi dkyil 'khor gyi dus su don smos pa de bzhin 'dir bstan to/ /gzhan yang khro mo'i rgyal mo ro langs ma dang/ gzhan gyis mi thub ma dang/ khro gnyer ma dang ral pa gcig ma'o/ /de dag tshul ji ltar smos par gnyis su med par gnas par sangs rgyas kyi sku phyag rgya'i ngo bo brtag go /gsang pa'i dkyil 'khor
- 70a
gyi tshad ni don du de ltar shes par bya'o/ /gzhan yang gsang ba'i dkyil 'khor gyi brda skad kyi dbyibs gru bzhi dang/ zur bzhi dang/ sgo bzhi ha ra na dang bcas pa'i don ni ci ltar le'u bzhi pa'i thugs kyi dkyil 'khor gyi dus su smos pa de bzhin du 'dir bstan to/ /gzhan yang dkyil 'khor gyi bdag po sku rdo rje rnam par snang mdzad la sogs pa dkyil 'khor gyi lha kun gyi gdan phun sum tshogs pa bri bar bya ba bstan par bya ste/ dkyil 'khor gyi bdag po sku rdo rje rnam par snang mdzad la sogs pa de bzhin gshegs pa lnga zla ba'i steng du dus 'dir 'khor lo rtsibs brgyad pa de'i steng du pad ma dmar po 'dab ma brgyad do/ /de bzhin du byang chub sems dpa' brgyad kyang bri bar bya'o/ /de bzhin gshegs pa'i lha mo rnams kyi gdan ni pad ma de'i steng du dus 'dir zla ba/ de'i steng du 'khor lo rtsibs brgyad pa kha dog dkar po bri bar bya'o/ /de bzhin du byang chub sems dpa' brgyad kyi lha mo yang bri bar bya'o/ /don gzhan yang bshad par bya ste/ /bdag po la sogs pa de bzhin gshegs pa rnam pa lnga dang/ byang chub sems dpa' brgyad kyi gdan zla ba gcig bu bri ba yang mi 'gal lo/ /de bzhin gshegs pa rnams kyi lha mo dang/ byang chub sems dpa' brgyad kyi lha mo rnams kyi pad ma cig pu bri yang mi 'gal lo/ /gzhan yang ya man ta ka la sogs pa khro bo'i rgyal po brgyad ni/ le'u bzhi pa'i thugs kyi dkyil 'khor gyi dus su smos pa bzhin du 'dir bya ste/ pad ma 'dab brgyad pa'i steng du nyi ma'i dkyil 'khor bri bar bya'o/ /de ni dkyil 'khor gyi bdag po sku rdo rje rnam par snang mdzad la sogs pa dkyil 'khor gyi lha thams cad kyi phyag mtshan dgod par bya ba'i cho ga'i don bstan par bya ste/ /de'i nang du 'khor lo ni/ /rdo rje'i cho gas bri bar bya/ /sngags rnams kyi ni gsang ba'i mchog /phyag na rdo rje gnas su dgod/ ces bya ba'i don bshad par bya ste/ ci
- 70b
ltar yin na/ de'i nang ni gong du smos pa'i gru bzhi dang/ zur bzhi dang/ sgo bzhir bcas pa de'i nang du lha dgu 'dri bar bya'o/ /'khor lo 'dri bar bya zhes pa ni/ dus 'dir 'khor lo sgyur ba'i sku rdo rje rnam par snang mdzad bzhugs pa'i gnas bri bar bya'o/ /rdo rje tshogs bri bar bya zhes pa ni/ /cho ga ni ci ltar le'u bzhi pa thugs kyi dkyil 'khor gyi dus su zlum po rdo rjer bas bskor ba yin no/ /rdo rjer ming btags pa ni/ dkyil 'khor gyi bdag po sku rdo rje rnam par snang mdzad la sogs pa ye shes kyi lha thams cad kyi grangs kyi tshang thugs kyi dkyil 'khor gyi dus su so so'i gnas su cho ga'i tshul gyis bya bar smos pa de bzhin du dus 'dir bya bar bstan to/ /de sngar rdo rje'i cho gas bri bar bya ba'i don du gsungs so/ /phyag rgya rdo rje'i gnas su dgod ces pa ni/ gong du smos pa'i dkyil 'khor gyi rim pa gnyis pa thig gdab pa dang/ chon dgye ba rdzogs ma thag tu lha rnams kyi so so'i phyag mtshan dgod par bya ba yin no/ /rdo rje'i gdan zhes pa ni/ dkyil 'khor gyi rdo rje slob dpon gyis/ dkyil 'khor gyi bdag po sku rdo rje dang gnyis su med pa'i nga rgyal du sgom pas sku dang gsungs dang thugs kyi sngags kyi yig 'bru gsum dkyil 'khor bri ba ma rdzogs kyi bar du rgyun mi 'chad par rnam par rtog pa thams cad spangs nas sems dga' nas bzlas par bya'o/ /oM hUM A/ de ltar bsgom pa dang bzlas pa bya zhing dkyil 'khor gyi bdag po rnam par snang mdzad kyi phyag rgya dang po dgad par bya'o/ /de'i 'og tu rdo rje mi bskyod pa la sogs pa de bzhin gshegs pa bzhi'i phyag mtshan g.yas nas skor ba'i tshul gyis dgod par bya'o/ /de bzhin du sprul pa'i sangs rgyas spyan la sogs pa'i lha mo'i phyag mtshan dgod par bya ba yin no/ /gzhan yang sa'i snying po la sogs pa byang chub sems dpa' brgyad kyi phyag mtshan g.yas nas bskor ba'i tshul gyis dgod par bya'o/ /de bzhin du gzugs kyi lha mo la sogs pa sems ma brgyad kyi phyag mtshan dgod par bya ba'o/ /
- 71a
gzhan yang ya man ta ka la sogs pa sgo srungs khro bo'i rgyal po bzhi'i phyag mtshan g.yas nas bskor ba'i tshul gyi dgod par bya'o/ /de bzhin du zur bzhir 'dod pa'i rgyal po la sogs pa khro bo'i rgyal po bzhi'i phyag mtshan dgod par bya'o/ /gzhan yang pad ma kun Da li dang badzra hUM ka ra gnyis kyi phyag mtshan dgod par bya ba ni le'u bzhi pa thugs kyi dkyil 'khor gyi dus su ci ltar smos pa bzhin du bstan te/ /gzhan yang dkyil 'khor gyi bdag po sku rdo rje rnam par snang mdzad la sogs pa dkyil 'khor gyi lha kun gyi phyag mtshan phun sum tshogs pa bstan par bya ste/ dkyil 'khor gyi re mig dgu'i nang dkyil 'khor gyi bdag po sku rdo rje rnam par snang mdzad bzhugs pa'i gnas kyi gdan gyi dbus su 'khor lo rtsibs brgyad bri bar bya ste/ de ni phyin ci log gi gti mug chen po dang/ gti mug las skyes pa ma rig pa'i dra ba gcod par mdzad pa'o/ /gzhan yang chos kyi dbyings kyi ye shes kyi gtso bo rdo rje rtse lnga'i gzugs 'bar bas brgyan pa'o/ /de nas dkyil 'khor gyi bdag po sku rdo rje rnam par snang mdzad kyi mdun gyi re'u mig rdo rje mi bskyod pa'i gdan gyi steng du rdo rje rtse lnga pa bri bar bya'o/ /de'i don rgyas par ci ltar le'u bzhi pa thugs kyi dkyil 'khor du bshad pa bzhin du 'dir bstan to/ bstan par bya ste/ rdo rje mi bskyod pa la sogs dkyil 'khor gyi lha 'khor gyi ngo bo'i phyag mtshan ci ltar dgod par bya ba ni le'u bzhi pa thugs kyi dkyil 'khor gyi dus su cho ga'i don smos pa de bzhin du 'dir bstan to/ /mdor bsdu ba de ltar phyag rgya rdo rje gnas su bya ba'i don du gsungs so/ /sngags rnams kyi ni gsang ba'i mchog ces pa ni/ gong du smos pa'i dkyil 'khor gyi bdag po sku rdo rje rnam par snang mdzad la sogs pa dkyil 'khor gyi lha kun gyi nyid nyid kyi gnas kyi gdan la sngags kyi phyag rgya ma nor bar dgod par bya ba yang mi 'gal lo/ /de'i don bstan?
- 71b
par bya ste/ so so'i sku phyag rgya bskyed pa'i sngags kyi sa bon yig 'bru smos pa de so so'i rigs kyi bye brag gi kha dog dang ldan par dgod par bya'o/ /oM hUM A swAhA/ laM maM paM taM/ thliM dzriM/ khaM gaM/ k+ShaM saM meM muM/ dzA(rgyud 'grel): hUM/ baM ho(rgyud 'grel): khaM raM/ meM meM hUM/ bstan par bya ste/ sngags kyi sa bon yig 'bru oM de ni/ /dkyil 'khor gyi bdag po sku rdo rje rnam par snang mdzad kyis dgod par bya ba yin ni/ sngags kyi sa bon yig 'bru hUM de ni rdo rje mi bskyod pa'i dgod par bya'o/ /sngags kyi sa bon yig 'bru a de ni snang ba mdza' yas kyi dgod par bya'o/ /sngags kyi sa bon gyi yig 'bru swa? de ni rin chen 'byung ldan gyi dgod par bya'o/ /sngags kyi sa bon yig 'bru hA de ni don yod grub pa'i dgod par bya ba'o/ /sngags kyi sa bon yig 'bru laM de ni sangs rgyas spyan gyi dgod par bya'o/ / sngags kyi sa bon yig 'bru maM de ni mA ma kI dgod par bya ba'o/ /sngags kyi sa bon yig 'bru baM de ni na bza' dkar mo'i dgod par bya'o/ /sngags kyi sa bon yig 'bru taM de ni dam tshig sgrol ma'i dgod par bya'o/ /sngags kyi sa bon yig 'bru thliM de ni sa'i snying po'i dgod par bya'o/ /sngags kyi sa bon yig 'bru dzriM de ni phyag na rdo rje dgod par bya ba'o/ /sngags kyi sa bon yig 'bru khaM de ni nam mkha' i snying po'i dgod par bya ba'o/ /sngags kyi sa bon yig 'bru gaM de ni spyan ras gzigs kyi dbang phyug gi dgod par bya'o/ sngags kyi sa bon yig 'bru k+ShaM de ni sgrib pa thams cad rnam par sel ba dgod par bya'o/ /sngags kyi sa bon yig 'bru saM de ni kun tu bzang po'i dgod par bya'o/ /sngags kyi sa bon yig 'bru mai de ni byams pa'i dgod par bya ba'o/ /sngags kyi sa bon yig 'bru mAM de ni 'jam dpal gyi dgod par bya ba'o/ /sngags kyi sa bon yig 'bru dzA de ni gzugs rdo rje ma'i'o/ /sngags kyi sa bon yig 'bru hUM de ni sgra rdo rje ma'i'o/ /sngags kyi sa bon yig 'bru baM de ni dri rdo rje ma'i'o/ /sngags kyi sa bon yig 'bru ho de
- 72a
ni ro rdo rje ma'i'o/ /sngags kyi sa bon yig 'bru khaM de ni reg rdo rje ma'i'o/ /sngags kyi sa bon yig 'bru raM de ni kun tu bzang mo'i dgod par bya ba'o/ /sngags kyi sa bon yig 'bru mai de ni lha mo byams ma'i dgod par bya ba'o/ sngags kyi sa bon yig 'bru maM de ni lha mo snying rje ma'i dgod par bya ba'o/ /sngags kyi sa bon yig 'bru hUM de ni ya man ta ka la sogs pa khro bo'i rgyal po brgyad kyi dgod par bya ba yin no/ /khro bo'i rgyal po pad ma kun da li dang/ badzra hUM ka ra gnyis kyi ni gong du smos pa'i tshul du dkyil 'khor gyi nang dang phyi rol du bskor ba'i tshul du rdo rjer ba gnyis dgod par bya'o/ /bstan par bya ste/ /gong du smos pa'i tshul gyi sngags de rnams ni/ phyag mtshan gyi ngo bo yin te/ /de ni gsang ba'i mchog tu ming btags pa don dam par dkyil 'khor gyi dngos grub kyi 'bras bu dang gnyis su med pa'i ngo bo sngags dang phyag mtshan yin te/ don des sngags dang phyag mtshan gsang ba'i mchog tu smos so/ /mdor bsdu ba de ltar sngags rnams kyi ni gsang ba'i mchog gi don du gsungs so/ / dbus su rnam par snang mdzad gnas/ /mi bskyod pa la sogs pa bri/ /rdo rje sku gsung thugs mchog ma/ /grwa rnams kun tu dgod par bya/ /zhes bya ba'i don bshad par bya ste/ ci ltar yin na/ dbus su rnam par snang mdzad ni mdun du smos pa'i tshul gyi dkyil 'khor gyi nang re'u mig dbu ma'i dbus su bdag po rnam par snang mdzad kyi smos pa'i phyag mtshan dgod par bya'o/ /de'i don bzhin mdun du bshad pas 'dir bshad mi dgos so/ /mi bskyod pa la sogs pa bri zhes pa ni/ dkyil 'khor gyi bdag po rnam par snang mdzad kyi mdun la sogs pa phyogs bzhi'i gnas su rdo rje mi bskyod pa la sogs pa de bzhin gshegs pa bzhi'i tshul ci ltar smos pa'i phyag mtshan bri bar bya'o/ /de'i don gzhan ni mdun du bshad pas 'dir bshad mi dgos so/ /
- 72b
rdo rje sku gsung thugs mchog ma/ /grwa kun tu ni bri bar bya zhes pa ni/ sku'i rigs kyi bye brag gi sangs rgyas spyan dang/ thugs kyi rigs kyi bye brag gi mA ma kI dang/ gsung gi rigs kyi bye brag gi ni na bza' dkar mo dang/ rdo rje rigs kyi bye brag gi dam tshig sgrol ma dang/ de dag la rdo rje mchog mar ming btags pa ni/ rnam par snang mdzad la sogs pa'i thabs kyi ngo bo de bzhin gshegs pa lnga bde bar byed pa ste/ de'i phyir mchog ma shes rab ma yin no/ /de lta bu'i ye shes kyi lha mo bzhi'i tshul ci ltar smos pa'i grwa bzhi'i gnas su dgod par bri bar bya'o/ /de'i don gzhan mdun du bshad pas 'dir bshad mi dgos so/ /de ltar rdo rje sku gsung thugs mchog ma/ grwa rnams kun tu bri bar bya ba'i don du gsungs so/ /stobs chen pha rol gnon pa'i/ / khro bo rnams kyang sgor bri'o/ /rdo rje gsang ba rab sgom pa'i/ sngags de shes pa'i mchod pa bya/ zhes bya ba'i don bshad par bya ste/ ci ltar yin na stobs chen pha rol gnon pa'i/ /khro bo rnams kyang sgong bri'o ni sku'i rigs kyi khro bo'i rgyal po ya man ta ka dang/ rdo rje rigs kyi khro bo'i rgyal po prad nyan ta ka dang/ gsung gi rigs kyi khro bo'i rgyal po pad man ta ka dang/ rdo rje'i rigs kyi khro bo rgyal po bzhi stobs dang rtsal dang/ pha rol gyi gnon par ming btags pa stobs chen po'i 'jig rten gyi khams na gnas pa'i lha dang mi la sogs pa'i sems can stobs dang rtsal dang/ cho 'phrul dang ldan pa de dag thams cad kyi stobs 'gyur dang khro bo'i rgyal po re re ldan pa yin no/ /de lta bu'i khro bo'i rgyal po bzhi tshul ci ltar smos pa'i dkyil 'khor sgo bzhir bri bar bya'o/ don gzhan ni mdun du bshad pas 'dir bshad mi dgos so/ /bstan par bya ste/ ya man ta ka la sogs pa mdun du smos pa'i phyag mtshan rim pas dgod par bya ba'i dus su khro bo chen pos so so'i sngags rigs khro bo chen pos bzlas
- 73a
par bya bar bstan to/ /tshul de ltar bsgom pa dang/ sngags kyi bzlas pa byas nas dkyil 'khor gyi lha kun gyi phyag mtshan dgod pa rdzogs pa'i 'og tu phyi dang nang dang gsang ba'i tshul gyi mchod pa chen po bya'o/ /de la phyi'i mchod pa'i rdzas phun sum tshogs pa bya ba ni le'u bzhi pa thugs kyi dkyil 'khor gyi dus su ci ltar smos pa'i bzhin du 'dir bstan to/ /gzhan yang gong du smos pa'i mchod pa chen po bya ba'i dus su sngags shes pa'i dkyil 'khor gyi rdo rje slob dpon gyi dus 'dir rdo rje gsang bar ming btags pa dkyil 'khor gyi bdag po sku rdo rje rnam par snang mdzad nyid kyi shes rab ye shes kyi lha mo gnyis su med par 'khyud pa'i sbyor ba dang ldan pa de dang gnyis su med pa'i nga rgyal du bsgom par bya'o/ /de'i dus su bram ze'i rigs las skyes pa'i bu mo lo bcu drug lon pa/ mdun du smos pa'i mtshan dang yon tan thams cad dang ldan pa de dang gnyis su med par 'khyud pa'i sbyor ba bya ste/ /tshul de ltar rdo rje gsang ba rab tu bsgom par bya ba bstan to/ /tshul de ltar bsgom pa'i cho ga'i tshul gyi bye brag gi mchod pa chen po rdzogs pa'i 'og tu dkyil 'khor gyi bdag sku rdo rje rnam par snang mdzad la sogs pa lha thams cad spyan drang bar bya ste/ /spyan drang ba zhes pa ni sku phyag rgya bskyed par bya ste/ /de ma thag tu mdun du smos pa rdul tshon gyi dkyil 'khor la so so'i phyag mtshan gyi gnas su gnyis su med par thim par bya bar bstan to/ /de'i don rgyas par le'u bzhi pa thugs kyi dkyil 'khor gyi dus su ci ltar smos pa de bzhin du 'dir bstan pa/ gzhan yang dkyil 'khor gyi bdag po sku rdo rje rnam par snang mdzad la sogs pa dkyil 'khor gyi lha thams cad mnyes par bya ba'i rdzas dbul ba bstan par bya ste/ 'di ni 'khor lo thams cad kyi/ /dam tshig shin tu 'da' dka' ba'i/ /gshang dang ci ba la sogs pa/ /bye brag tu ni nges par dbul/ /zhes bya
- 73b
ba'i don bshad par bya ste/ ci ltar yin na/ 'di ni 'khor lo thams cad kyi dam tshig ces pa ni/ 'og nas 'byung ba gshang gci la sogs pa nang gi dam tshig bdud rtsi lnga dang/ de bzhin du glang po'i sha dang/ sha chen la sogs pa phyi'i dam rdzas kyo ba lnga yin te/ /de ni 'khor lo thams cad du ming btags pa thugs kyi dkyil 'khor la sogs pa dkyil 'khor thams cad yin te/ de dag gi lha thams cad mnyes par bya ba'i phyir gong du smos pa'i dam rdzas thams cad dbul bar bya ba yin no/ /de'i don rgyas par le'u bzhi pa thugs kyi dkyil 'khor gyi dus su ci ltar smos pa de bzhin du 'dir bstan to/ /de ltar 'di ni 'khor lo thams cad kyi dam tshig gi don du gsungs so/ /shin tu 'da' bar dka' ba zhes pa'i don ni mdun du bshad pas 'dir bshad mi dgos so// gshang dang gci ba la sogs pa bye brag tu ni nges par 'bul zhes pa ni/ dkyil 'khor gyi rdo rje slob dpon gyis dkyil 'khor gang yang rung ba 'dri ba'i dus su de la tshul ji ltar smos pa'i dam rdzas bcu dbul bar bya'o/ /bstan par bya ste/ /phyi'i kha zas kyi bye brag sna tshogs kyi nang na/ gshang ci la sogs pa gong du smos pa'i dam rdzas thams cad nges par dbul zhes pa dkyil 'khor gyi rdo rje slob dpon slob ma dang bcas pas bzla bar bya bar bstan to/ mdor bsdu ba de ltar bshang dang gci ba la sogs pa/ bye brag tu ni nges par dbul ba'i don du gsungs so/ /'di ni sngags rnams thams cad kyi/ sku'i rdo rje dam tshig go /zhes pa ni/ gong du smos pa'i dam rdzas thams cad 'di ni sngags thams cad du ming btags pa bsgrub pa po'i sems gang la mos pa'i dkyil 'khor gang yang rung/ ba'i bdag po bsgrub pa de dang gnyis su med pa'i nga rgyal du bsgoms pas sngags kyis byin gyis brlabs nas bza' bar bya ba yin no/ /don des sngags thams cad kyi dam tshig tu smos so/ /sku'i rdo rje zhes pa ni gong du smos pa'i sgrub pa pos dkyil 'khor gyi lha gang la
- 74a
smos de bsgrub par bya ba'i dus su/ tshul ji ltar smos pa'i dam rdzas thams cad bza' bar bya ba de'i yon tan gyi dkyil 'khor gyi bdag po sku rdo rje rnam par snang mdzad dang gnyis su med pa'i dngos grub kyi 'bras bu 'grub par 'gyur bar bstan to/ /da ni gzhan yang gong du smos pa'i dam rdzas bcu phul ba'i 'og tu dkyil 'khor gyi bdag po sku rdo rje rnam par snang mdzad la sogs pa thams cad kyi sngags kyi bzlas pa bya ba'i don bstan par bya ste/ oM hUM A swAhA/ de dag la sogs pa dkyil 'khor gyi lha thams cad kyi sngags kyi bzlas pa bya ba'i tshul dang grangs kyi tshad ni/ ci ltar le'u bzhi pa thugs kyi dkyil 'khor gyi dus su smos pa de bzhin du 'dir bstan to/ /de bzhin gshegs pa thams cad kyi sku'i dkyil 'khor ro/ /zhes bya ba ni/ de bzhin gshegs pa thams cad ni ston pa phyag na rdo rje nyid la sogs pa rigs lnga'i bye brag gi de bzhin gshegs pa grangs med pa thams cad du smos so/ /sku'i dkyil 'khor ro zhes pa ni/ gang du smos pa de bzhin gshegs pa de dag thams cad sku don dam par gnyis su med pa yin no/ /de gnyis su med par rnam par snang mdzad kyi sku phyag rgya yin no/ /gong du smos pa'i dkyil 'khor de sku rdo rje rnam par snang mdzad kyi dkyil 'khor yin te/ don des de bzhin gshegs pa thams cad kyi sku'i dkyil 'khor du smos so/ / gzhan yang da ni gsung rdo rje snang ba mdza' yas kyi dkyil 'khor gyi don bstan par bya ste/ /de nas bcom ldan 'das phyag na rdo rje de bzhin gshegs pa/ gsung rdo rje thams cad kyi dam tshig sprin bkod pa zhes bya ba'i ting nge 'dzin la snyoms par zhugs nas zhes bya ba'i don bstan par bya ste/ ci ltar yin na/ /de nas ni ston pa phyag na rdo rjes gong du sku rdo rje rnam par snang mdzad kyi dkyil 'khor gyi don bshad par mdzad pa rdzogs ma thag tu/ /gsung rdo rje snang ba mdza' yas kyi dkyil 'khor gyi don bshad par bya ba'i phyir
- 74b
ting nge 'dzin la snyoms par zhugs pa mtshon par smos so/ /de ltar de nas de'i don du gsungs so/ /bcom ldan 'das zhes pa ni/ ston pa nyid kyi yon tan gyi bstod pa'i mtshan bcom ldan 'das yin pa sdud pa pos smos so/ /de'i don mdun du bshad pa 'dir bshad mi dgos so/ /phyag na rdo rje de bzhin gshegs pa zhes pa ni mdun du bshad pa bzhin du 'dir bstan to/ /gsung rdo rje thams cad ces pa ni/ ston pa phyag na rdo rje nyid la sogs pa de bzhin gshegs pa grangs med par smos pa de dag thams cad kyi gsung don dam par gnyis su med pa yin te/ de dang gnyis su med pa gsung rdo rje snang ba mdza' yas yin te/ de'i dkyil 'khor gyi don bshad pa'i phyir ston pa phyag na rdo rje dang po ji ltar smos pa'i tshul 'khor thams cad kyi nang du ting nge 'dzin la snyoms par zhugs pa'i don smos so/ /de ltar gsung rdo rje thams cad kyi don du gsungs so/ /dam tshig sprin bkod pa zhes bya ba'i ting nge 'dzin la snyoms par zhugs nas/ zhes bya ba'i don ni/ gong du sku rdo rje rnam par snang mdzad kyi dkyil 'khor ma bshad pa'i gong du ting nge 'dzin mdzad pa'i don smos pa de bzhin 'dir bstan to/ /ting nge 'dzin mdzad pa'i 'og tu/ da ni dkyil 'khor dang gsung rdo rje snang ba mdza' yas kyi ngo bo'i don gyi cho ga'i tshul bstan par bya ste/ gsung rdo rje'i dkyil 'khor 'di nyid kyi sku dang gsung dang thugs rdo rje las phyung ngo zhes bya ba ni/ gsung rdo rje'i dkyil 'khor ni/ rdo rje ni so sor rtog pa'i ye shes so/ /gsung gi dkyil 'khor ni mdun du smos pa'i rigs lnga'i bye brag gi de bzhin gshegs pa thams cad kyi gsung rdo rje don dam par gnyis su med pa'i ngo bo yin no/ /de dang gnyis su med par snang ba mdza' yas kyi dkyil 'khor ro/ /don des gsung gi dkyil 'khor du smos so/ /nyid kyi sku dang gsung thugs rdo rje zhes pa ni/ /ston pa phyag na rdo rje nyid kyi sku phyag rgya sku dang gsung dang thugs rdo rje gsum gcig pa'i ngo bor smos so/ /de
- 75a
ltar sku dang gsung thugs gnyis su med pa gsung rdo rje snang ba mdza' yas so/ /rdo rje zhes pa ni gong du sku rdo rje dang/ gsung rdo rje dang/ thugs rdo rje gnyis su med par bshad pa de bzhin du 'dir bstan to/ /phyung ngo zhes pa ni/ ston pa phyag na rdo rjes gsung rdo rje snang ba mdza' yas kyi dkyil 'khor de ji ltar smos pa'i tshul gyi sku dang/ gsung dang thugs rdo rje gnyis su med pa'i ngo bo byung ba yin no/ /de nas gsung gi dkyil 'khor mchog /thugs kyi dkyil 'khor rab tu 'bar/ dkyil 'khor rnams ni kun gyi mchog /legs par rab tu bshad par bya/ zhes bya ba'i don bshad par bya ste/ ji ltar yin na/ de nas ni gong du smos pa'i tshul gyi ting nge 'dzin la snyoms par zhugs pa'i 'og tu ston pa phyag na rdo rje gsung rdo rje snang ba mdza' yas kyi dkyil 'khor gyi don bshad par mdzad pa mtshon par smos so/ /de ltar de nas kyi don gsungs so/ /gsung gi dkyil 'khor mchog ces pa ni mdun du smos pa'i de bzhin gshegs pa thams cad kyi gsung ni gsung rdo rje snang ba mdza' yas nyid kyi skur gnyis su med pa'i ngo bo'o/ / gsung gi dkyil 'khor de bzhin gshegs pa thams cad kyi ye shes kyi dngos grub thams cad kyis 'bras bu'i ngo bo yin te/ de'i phyir mchog du smos so/ /thugs kyi dkyil 'khor rab tu 'dra zhes pa ni/ dang po gsung rdo rje snang ba mdza' yas kyi phyi'i dkyil 'khor bri ba'i gnas/ 'bab chu chen po'i 'gram du bya'o/ /de yang le'u bzhi pa las smos pa'i ston pa thugs rdo rje mi bskyod pa'i dkyil 'khor bri bar bya'i dus su gnas gzung ba dang/ de'i yon tan mdzes pa phun sum tshogs pa dang ldan pa dang/ dkyil 'khor gyi sa gzhi sbyar ba'i cho ga'i tshul la sogs pa cho ga bya ba'i tshul thams cad le'u bzhi pa thugs kyi dkyil 'khor bri ba'i dus su smos pa de bzhin du sku'i dkyil 'khor bri ba'i dus su bya bar bstan to/ /de bzhin du gsung gi dkyil 'khor bya bar bstan to/ /mdor
- 75b
sdu ba de ltar thugs kyi dkyil 'khor rab tu 'dra'i don du gsungs so/ /dkyil 'khor rnams ni kun gyi mchog ces pa ni/ gong du smos pa'i tshul gyi rnam par snang mdzad la sogs pa de bzhin gshegs pa thams cad kyi dkyil 'khor gyi bdag po thugs rdo rje yin te/ don des thugs kyi dkyil 'khor mchog tu smos so/ /de dang 'dra ba gsung gi rigs snang ba mdza' yas kyi dkyil 'khor yin no/ /de ltar dkyil 'khor rnams ni kun gyi mchog gi don du gsungs so/ /legs par rab tu bshad par bya zhes pa ni/ ston pa phyag na rdo rje dkyil 'khor gyi don legs pa gsal bar bshad par mdzad pa dang po 'khor phun sum tshogs pa'i nang du brjod pa'o/ /da ni dkyil 'khor gyi phyi nang gi tshad kyi bye brag dang/ dbyibs kyi don bshad par bya ste/ khru ni nyi shu'i tshad du bya/ /gru bzhi lham pa cho ga bzhin/ /grwa bzhi pa la sgo bzhi pa/ /rdo rje bsgom pas thig gdab bo/ /zhes bya ba'i don bshad par bya ste/ ji ltar yin na/ khru ni nyi shu'i tshad du bya/ dkyil 'khor gyi nang re'u mig dgu'i phyogs bzhi ga khru nyi shu'i tshad du bya/ de zlum por rdo rje ra bas bskor bar bya'o/ /bshad par bya ste/ nang gi re'u mig dgu pa rdo rjer bas bskor ba de'i phyi dbyibs gru bzhi/ ldab du khru bzhi bcu bya'o/ /de'i phyi gru bzhi mchod rten bzhi'i rtse mo'i mtshams ni sum ldab te khru drug cur bya'o/ /de ni dkyil 'khor chen po'i tshad du bstan to/ /gzhan yang yon bdag gis dkyil 'khor chen po'i mi lcogs na ci ltar bya ba bstan par bya ste/ gong du smos pa'i nang gi dkyil 'khor re'u mig dgu'i phyogs bzhig so sor khru brgyad dam/ bzhi 'am gnyis gnyis su bya'o/ /de'i phyi yang gong du smos pa'i tshul du bya'o/ /tshad de las chud na 'gal te dngos grub nyams par 'gyur bar bstan to/ /de ltar khru ni nyi shu'i tshad du bya ba'i don du gsungs so/ /gru bzhi lham pa cho ga bzhin/ gru bzhi pa la sgo bzhi pa/ zhes pa'i don ni le'u
- 76a
bzhi pa thugs kyi dkyil 'khor gyi dus du ci ltar smos pa bzhin du 'dir bstan to/ /rdo rje sgom pas thig gdab bo/ /zhes pa ni/ mdun du smos pa'i thig gdab pa'i dus su bsgrub pa pos rdo rjer ming btags pa gsung rdo rje snang ba mdza' yas la sogs pa rigs lnga'i bye brag gi de bzhin gshegs pa rim par bsgom par bya zhing thig gdab par bya'o/ /don des rdo rjer bsgom par smos so/ /gzhan yang nang gi tshad dang dbyibs kyi don bstan par bya ste/ gsung rdo rje'i rigs kyi bye brag gi gar mkhan gyi rigs kyi bu mo blang ngo/ /de ni mdun du smos pa'i tshul gyi mtshan dang yon tan thams cad dang ldan pa/ lo nyi shu lon pa'o/ /de ma rnyed na lo 'gas mang yang mi 'gal lo/ /de ltar tshad du gsungs so/ /dbyibs bstan par bya ste/ brda skad gru bzhi ni na bza' dkar mo dang gnyis su med pa'i ngo bo gar mkhan gyi bu mo de ni de bzhin gshegs pa bzhi'i ye shes kyi lha mo dang gnyis su med pa'i lus su bstan to/ /gzhan yang grwa bzhi dang sgo bzhi dang/ twa ra na bzhi/ mchod rten dang bcas pa rgyan phun sum tshogs pa dang ldan pa la sogs pa'i don thugs kyi dkyil 'khor gyi dus su ji ltar smos pa de bzhin du 'dir bstan to/ /gzhan yang nang gi dkyil 'khor ye shes kyi gzhal yas khang yin te/ de'i sa bon las gdan bskyed pa dang/ sa bon las sa bon bskyed par bstan par bya ste/ gsung gi dkyil 'khor ye shes kyi gzhal yas khang gi gdan bskyed par bya ste/ sngags kyi sa bon yig 'bru paM las sam/ yang na sngags kyi sa bon yig 'bru a yang mi 'gal lo/ /gsang ba'i thugs ka ye shes sems pa'i gnas su pad ma chen po kha dog dmar po 'dab ma mdza' yas ba chos kyi dkyil 'khor du ming btags pa de bskyed par bya'o/ /de'i steng gi lte ba'i dbus su dus 'dir sngags kyi sa bon yig 'bru a kha dog gser lta bu gzugs
- 76b
che ba ye shes kyi khu ba bzhin du 'od du zhu nas/ rgya mtsho chen po bzhin gyur par bsam mo/ /sa bon de las sngags kyi sa bon yig 'bru b+h+ruM bskyed par bya'o/ /de mdun du smos pa'i tshul gyi sangs rgyas spyan la sogs pa de bzhin gshegs pa bzhi'i lha mo bzhi'i ye shes dang gnyis su med pa'i ngo bo kha dog bzhi dang ldan par bsam mo/ /bshad par bya ste/ sngags kyi sa bon yig 'bru b+h+ruM las dus 'dir so sor rtog pa'i ye shes la sogs pa ye shes lnga'i ngo bo rigs so so'i bye brag gi kha dog dang ldan pa/ sngar smos pa'i tshul gyi ye shes kyi rdo rje rtse lnga'i ngo bo sprin bzhin du 'phro bar sgom par bya'o/ /de lta bu'i sa bon las dkyil 'khor ye shes kyi gzhal yas khang du gyur par bya ba bstan to/ /gzhan yang dkyil 'khor ye shes kyi gzhal yas khang gi ngo bo'i khyon gyi tshad bsgom par bya ba bstan par bya ste/ thugs kyi dkyil 'khor gyi dus su khyon dpag tshad bya ba bcur smos pa de bzhin du 'dir bstan to/ /de'i dbus gnag po la sogs pa lha dgu'i re'u mig dgu'i ni/ thugs kyi dkyil 'khor dang/ sku'i dkyil 'khor gyi don zlum po rdo rjer bas bskor bas/ dkyil 'khor gyi bdag po gsung rdo rje snang ba mdza' yas 'khor los sgyur ba bzhugs pa'i gnas 'khor lor ming btags pa de'i tshad phyogs bzhig dpag tshad brgya brgya'o/ /de ltar ye shes kyi gzhal yas khang bskyed pa'i 'og tu phyi'i rdul tshon gyi dkyil 'khor la/ ji ltar thugs kyi dkyil 'khor dang/ sku'i dkyil 'khor gyi dus su gnyis su med par thim/ ye shes kyi rgya mtsho lta bur gyur par sgom par bstan pa de bzhin du 'dir bya bar bstan to/ /gzhan yang gsang ba'i dkyil 'khor shes rab ma lha mo'i tshad kyi don bstan par bya ste/ bdag po gsung rdo rje'i shes rab lha mo na bza' dkar mo gsang ba'i dkyil 'khor gyi gnas kyi ngo bo de'i tshad kyi brda skad ni/ nyid dang bcas par lha mo nyi shu gnyis su med par gnas so/ /de'i don gsal bar
- 77a
bstan par bya ste/ sku'i dkyil 'khor gyi dus su lha mo bcu drug smos pa de'i steng du/ khro bo 'dod pa'i rgyal po dang/ khro bo dbyug pa sngon po dang/ khro bo stobs po che dang/ /khro bo arya a tsa la bzhi'i shes rab ma/ /khro mo'i rgyal mo bzhi yin te/ de ltar lha mo nyi shu ji ltar smos pa'i tshul gyis gnyis su med pa na bza' dkar mo'i sku phyag rgyar brtag go/ /gsang ba'i dkyil 'khor gyi tshad kyi don tshul de ltar shes par bya'o/ /gzhan yang gsar ba'i dkyil 'khor gyi dbyibs brda skad gru bzhi dang/ grwa bzhi dang sgo bzhi'i don ni thugs kyi dkyil 'khor dang/ sku'i dkyil 'khor gyi dus su ji ltar smos pa de bzhin du 'dir bstan to/ /gzhan yang dkyil 'khor gyi bdag po gsung rdo rje snang ba mdza' yas la sogs pa dkyil 'khor gyi lha thams cad kyi gang na phun sum tshogs pa bri bar bya ba bstan par bya ste/ dkyil 'khor gyi bdag po gsum rdo rje snang ba mdza' yas la sogs pa de bzhin gshegs pa lnga'i zla ba/ zla ba'i steng du dus 'dir rdo rje rgya gram/ de'i steng du pad ma dmar po 'dab brgyad do/ /gdan gyi tshul de ltar bri bar bya'o/ /de bzhin du byang chub sems dpa' brgyad kyi yang bri bar bya'o/ /gzhan yang de bzhin gshegs pa'i lha mo rnams kyi pad ma/ de'i steng du dus 'dir 'khor lo rtsibs brgyad pa/ de'i steng du zla ba'i dkyil 'khor gyi ngo bo'o/ /gdan gyi tshul de ltar bri bar bya'o/ /de bzhin du byang chub sems dpa' brgyad kyi lha mo rnams kyi yang bri bar bya ba smos so/ /don gzhan yang bshad par bya ste/ bdag po la sogs pa de bzhin gshegs pa lnga'i dus 'dir gdan pad ma gcig pu bri ba yang mi 'gal lo/ /byang chub sems dpa' brgyad kyi yang bri bar bya'o/ /gzhan yang de bzhin gshegs pa'i lha mo rnams kyi dus 'dir zla ba gcig pu bri bar bya bar yang mi 'gal lo/ /de bzhin du byang chub sems dpa' brgyad kyi lha
- 77b
mo rnams kyang bri bar bya bar smos so/ /gzhan yang ya man ta ka la sogs pa khro bo rgyal po brgyad kyi ni thugs kyi dkyil 'khor dang/ sku'i dkyil 'khor gyi dus su smos pa de bzhin du 'dus 'dir bstan to/ /pad ma 'dab brgyad kyi steng du nyi ma'i dkyil 'khor bri bar bya ba smos so/ /nyid kyi sku'i dkyil 'khor gnas/ /rdo rje sku'i yon tan thob/ /rgyal po chen po rdo rje chos/ /rig pa'i dbang mo gzhug par bya/ zhes bya ba'i don bshad par bya ste/ ji ltar yin na/ nyid kyi sku'i dkyil 'khor gnas/ /rdo rje sku'i yon tan thob nas ni dus 'dir dang po dkyil 'khor gyi rdo rje slob dpon gyis nyid kyi lus longs spyod rdzogs pa'i dkyil 'khor gyi ngo bo'i gnas su bsgom pa'i thabs kyis gyur par bya'o/ /de'i don gsal bar bstan par bya ste/ le'u bcu gnyis pa'i nang du nye ba'i bsgrub pa'i cho gas gyur par bya ba'i dus su rdo rje skye mched rtag par bya ba'i tshul gyis lha sum cu'i grangs kyi tshad du gnyis su med pa'i ngo bor sgom par smos pa de bzhin du dus 'dir bsgom pa'i cho ga bya bar bstan te/ /bshad par bya ste/ de ltar byas pa'i yon tan gyi tshul ji ltar smos pa'i don dam par de bzhin gshegs pa thams cad kyi sku rdo rje gnyis su med pa'i ngo bo chos kyi dbyings kyi ye shes kyi 'bras bu 'thob pa yin no/ /don des rdo rje'i yon tan 'thob par smos so/ /mdor bsdu ba de ltar nyid kyi sku yi dkyil 'khor gnas/ rdo rje sku'i yon tan 'thob kyis don du gsungs so/ /rgyal po chen po rdo rje chos/ /rig pa'i dbang mo zhugs par bya/ zhes pa ni/ sgrub pa pos rang gi lus gong du smos pa'i tshul gyi lha sum cu dang/ gnyis su med pa'i dkyil 'khor gyi ngo bor bsgom pa byas pa'i 'og tu/ rdo rje chos su ming btags pa snang ba mdza' yas yin te/ de ni dus 'dir dkyil 'khor gyi bdag po ste/ don des rgyal po chen por smos so/
- 78a
de ltar bsgrub pa pos rdo rje chos snang ba mdza' yas kyi sku phyag rgyar tshul ji ltar smos pa'i cho ga bzhin gyur par bya'o/ /de ma thag tu de dang gnyis su med pa'i nga rgyal du bsgom par bya'o/ /de'i 'og du rig pa'i dbang phyug mar ming btags pa snang ba mdza' yas nyid kyi shes rab ma ye shes kyi lha mo na bza' dkar mo yin te/ de gzhug par bya zhes pa/ sgrub pa pos gang mkhan gyi bu mo lo nyi shu lon pa/ gzhan yang mdun du smos pa'i mtshan dang yon tan dang ldan pa blang ngo/ /ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de ma thag tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya ste/ rol pa'i gsang ba'i mchod pa des dkyil 'khor gyi bdag po rdo rje chos snang ba mdza' yas nyid mnyes par 'gyur ro/ /mdor bsdu ba de ltar/ rgyal po chen po rdo rje chos/ /rig pa'i dbang mo gzhug par bya ba'i don du gsungs so/ /gzhan yang da ni dkyil 'khor gyi bdag po gsung rdo rje snang ba mdza' yas la sogs pa'i phyag mtshan bkod pa'i cho ga'i don bstan par bya ste/ /de'i dbus su 'khor lo che/ /zlum por kun tu bri bar bya/ /phyag rgya thams cad rim pa bzhin/ /cho ga bzhin du bri bar bya/ /zhes bya ba'i don bshad par bya ste/ ji ltar yin na/ de'i dbus su ni/ gong du smos pa'i gru bzhi dang/ grwa bzhi dang/ sgo bzhi dang bcas pa de'i nang gi dbus su re'u mig dgu la lha dgu'i gnas bri bar bstan to/ /'khor lo zhes pa ni/ dus 'dir 'khor los sgyur ba gsung rdo rje snang ba mdza' yas bzhugs pa'i gnas su smos so/ /zlum por kun tu bri bar bya zhes pa ni/ /thugs kyi dkyil 'khor dang/ /sku'i dkyil 'khor gyi dus su rdo rjer bzlum por bskor ba yin no/ /phyag rgya thams cad rim pa bzhin/ /cho ga
- 78b
bzhin du bri bar bya zhes pa ni/ mdun du smos pa'i dkyil 'khor rim pa gnyis pa/ thig gdab pa dang/ tshon dgye ba rdzogs ma thag tu/ lha kun gyi so so'i phyag mtshan dgod par bya ba yin no/ /cho ga bzhin du zhes pa ni/ dkyil 'khor gyi rdo rje slob dpon gyi bdag po gsung rdo rje snang ba mdza' yas dang gnyis su med pa'i nga rgyal du bsgom par bya ba dang/ de bzhin du sku dang gsung dang/ thugs kyi sngags kyi yig 'bru gsum dkyil 'khor ma rdzogs kyi bar du rgyun mi 'chad par rnam par rtog pa thams cad spangs nas/ sems dga' bas bzlas par bya'o/ /A oM hUM de ltar bsgom pa dang/ bzlas pa bya zhing dang po dkyil 'khor gyi bdag po gsung rdo rje snang ba mdza' yas kyi phyag mtshan dgod par bya'o/ /de'i 'og tu shar du rdo rje mi bskyod pa dang/ lher rnam par snang mdzad do/ nub du rin chen 'byung ldan dang/ byang du don yod grub pa dang/ de ltar de bzhin gshegs pa bzhi'i phyag rgya g.yas bskor ba'i tshul gyis dgod par bya'o/ /de bzhin du mA ma kI la sogs pa de bzhin gshegs pa bzhi'i lha mo'i phyag rgya dgod par bya'o/ /yang thugs kyi dkyil 'khor dang/ /sku'i dkyil 'khor gyi dus su g.yas nas bskor ba'i tshul gyis phyag rgya dgod par smos pa de bzhin du 'dir bstan to/ /gzhan yang dkyil 'khor gyi bdag po gsung rdo rje snang ba mdza' yas la sogs pa dkyil 'khor gyi lha thams cad kyi phyag rgya phun sum tshogs pa bstan par bya ste/ dkyil 'khor gyi nang re'u mig dgu'i bdag po gsung rdo rje snang ba mdza' yas bzhugs pa'i gnas kyi steng du pad ma dmar po 'dab brgyad pa bri'o/ /de ni byin ci log gi 'dod chags med par byed pa'o/ /gzhan yang so sor rtog pa'i ye shes kyis pad ma rA ga'i 'od kyis 'bar ba dgod par bya ba bstan to/ /de nas
- 79a
dkyil 'khor gyi bdag po gsung rdo rje snang ba mdza' yas kyi mdun gyi re'u mig la dus 'dir rdo rje mi bskyod pa'i gnas kyi gdan gyi steng du/ thugs kyi dkyil 'khor gyi dus su rdo rje rtse lnga bri bar smos pa de bzhin du dus 'dir dgod par bya'o/ /bstan par bya ste/ rdo rje mi bskyod pa la sogs pa dkyil 'khor gyi ngo bo'i lha thams cad kyi phyag rgya dgod par bya ba ni thugs kyi dkyil 'khor dang/ sku'i dkyil 'khor gyi dus su cho ga'i tshul gyi don ji ltar smos pa de bzhin du dus 'dir bstan to/ /gzhan yang dkyil 'khor gyi bdag po la sogs pa dkyil 'khor gyi lha thams cad kyi phyag rgya so so'i bskyed pa'i sngags kyi sa bon yig 'bru phyag rgyar ming btags pa de gdan gyi steng du rim pa ma nor bar dgod par bya ba yang mi 'gal lo/ /sngags kyi sa bon yig 'bru de dag thams cad sku'i dkyil 'khor gyi dus su ji ltar smos pa de bzhin du dus 'dir bstan to/ /dang po gsung rdo rje snang ba mdza' yas kyi sngags kyi sa bon yig 'bru a dkar po dgod par bya'o/ / gzhan yang tshul ji ltar smos par shes par bya'o/ /gzhan yang ya man ta ka la sogs pa khro bo'i rgyal po bcu rnams kyi phyag mtshan dgod par bya'o ba'i dus su rim pa ma nor bar so so'i sngags rings khros te sgra chen pos bzlas par bya'o/ / mdor bsdus pa de ltar phyag rgya thams cad rim pa bzhin/ cho ga bzhin du bri bar bya ba'i don du gsungs so/ /tshe dpag med kyi phyag rgya che/ de'i dbus su gzhug par bya/ /rdo rje yid 'ong gnas nyid du/ /thams cad yongs su brtag par bya/ / zhes bya ba'i don bshad par bya ste/ ji ltar yin na/ tshe dpag med kyi phyag rgya che/ de'i dbus su gzhug par bya ni/ tshe dpag med ni dkyil 'khor gyi bdag po nyid yin no/ /phyag rgya chen por ming btags pa ni bla na med pa'i 'dod chags kyi ngo
- 79b
bo so sor rtog pa'i ye shes kyi dngos grub kyi 'bras bu thob par byed pa yin te/ don des phyag rgya chen por smos so de'i dbus su gzhug par bya ba ni thugs kyi dkyil 'khor dang/ sku'i dkyil 'khor gyi dus su dkyil 'khor gyi bdag po nyid kyi sku phyag rgya sngags kyi sa bon yig 'bru las bskyed par bya ste/ de ma thag tu ci ltar smos pa'i tshul gyi phyag rgya chen po'i ngo bo pad ma de'i dbus su gnas su gzhug par zhes pa thim par gyur par bsam par smos so/ de ltar tshe dpag med kyi phyag rgya che/ de'i dbus su gzhug par bya ba'i don gsungs so/ /rdo rje yid 'ong gnas nyid du/ thams cad yongs su brtag par bya zhes pa ni/ gong du dkyil 'khor gyi bdag po'i sku phyag rgya bskyed nas ji ltar smos pa'i gnas dang gdan la phyag mtshan dang gnyis su med pa'i ngo bor zhugs par bya bar smos pa de bzhin du rdo rje mi bskyod pa dang/ rnam par snang mdzad dang/ rin chen 'byung ldan dang/ don yod grub pa la sogs pa dkyil 'khor gyi lha thams cad so so'i sngags kyi sa bon yig 'bru las sku phyag rgya bskyed ma thag tu rdo rje'i gnas yid du mi 'ong bar ming btags pa ji ltar smos pa'i rim pa ma nor bar ye shes kyi phyag rgya smos pa de dag thams cad kyi dbus su brtag pa thim par gyur par bsam par bstan to/ /mdor bsdu ba de ltar rdo rje yid du 'ong ba'i gnas de nyid du thams cad yongs su brtag par bya ba'i don du gsungs so/ /gzhan yang da ni gong du smos pa'i rdul mtshon gyi dkyil 'khor ye shes kyi dkyil 'khor du gyur par bsgom pa byas pa'i 'og tu/ dkyil 'khor gyi bdag po la sogs pa dkyil 'khor gyi lha thams cad mnyes par bya ba'i phyir gsang ba'i mchod pa bya ba'i don bstan par bya ste/ yongs su gsal bar cho ga bzhin/ /dkyil 'khor dam pa byas nas ni/ /de nas gsang ba'i mchod pa bya/ /'on tang rdo rje can
- 80a
dag mnyes/ /zhes bya ba'i don bshad par bya ste/ ji ltar yin na/ yongs su gsal bar cho ga bzhin/ /dkyil 'khor dam pa byas nas ni/ gong du thugs kyi dkyil 'khor dang/ sku'i dkyil 'khor cho ga'i tshul gsal bar bya ba ji ltar smos de bzhin du/ gsung gi dkyil 'khor 'di dam pa yin te/ de bya ba bri bar bya ba bstan to/ /de ltar yongs su gsal bar cho ga bzhin/ dkyil 'khor dam pa byas nas kyi don du gsungs so/ /de nas gsang ba'i mchod pa bya/ 'on tang rdo rje can dag mnyes zhes pa ni/ dkyil 'khor gyi rdo rje slob dpon gyi dus 'dir dkyil 'khor gyi bdag po gsung rdo rje snang ba mdza' yas nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa de dang gnyis su med pa'i nga rgyal du bsgom par bya'o/ /de'i dus su gar mkhan gyi bu mo lo nyi shu lon pa mdun du smos pa'i mtshan dang yon tan dang ldan pa blangs nas/ gnyis su med par 'khyud pa'i sbyor ba bya'o/ /de'i 'og tu 'dod chags chen po'i sems dka' bas thabs dang shes rab kyi tshul de byas pas ji ltar smos pa'i dkyil 'khor gyi bdag po rdo rje can du ming btags pa dus 'dir gsung rdo rje snang ba mdza' yas la sogs pa dkyil 'khor gyi lha thams cad mnyes par 'gyur ro/ de mnyes par 'gyur pa'i yon tan gyi dkyil 'khor gyi 'bras bu nges par 'grub par 'gyur ro/ /gzhan yang phyi dang nang gi tshul gyi mchod pa'i tshogs kyi ngo bo bya ba'i cho ga thugs kyi dkyil 'khor dang/ sku'i dkyil 'khor gyi dus su ji ltar smos pa de bzhin du 'dir bya bar bstan to/ /mdor bsdu ba de ltar/ de nas gsang ba'i mchod pa bya/ 'on tang rdo rje can dag mnyes kyi don du gsungs so/ /gzhan yang da ni dkyil 'khor gyi bdag po gsung rdo rje snang ba mdza' yas la sogs pa dkyil 'khor
- 80b
gyi lha thams cad mnyes par bya ba'i mchod pa'i rdzas bstan par bya ste/ gshang ci khu ba'i dam tshig gis/ /mchod na dngos grub thob par 'gyur/ /'di ni sangs rgyas thams cad kyi/ dam tshig shin tu 'da' dka' o/ /zhes bya ba'i don bshad par bya ste/ ji ltar yin na/ bshang gci khu ba'i dam tshig gis mchod na dngos grub thob par gyur ni/ /dkyil 'khor gyi rdo rje slob dpon gyis tshul ji ltar smos pa'i nang gi dam rdzas bshang ba dang/ /gci ba dang khu ba la sogs pa bdud rtsi lnga dang/ gzhan yang glang po che'i sha dang/ sha chen la sogs pa phyi'i dam rdzas kyo ba'i ngo bo lnga blangs la de dag gcig tu ban d+ha'i nang du gzhag go /de'i 'og tu dkyil 'khor gyi bdag po la sogs pa dkyil 'khor gyi lha thams cad mnyes par bya ba'i phyir thugs kyi dkyil 'khor dang/ sku'i dkyil 'khor du mchod pa ji ltar dbul ba de bzhin du 'dir bya ba bstan to/ /bshad par bya ste/ dam rdzas kyi mchod pa phul bas gong du smos pa'i dkyil 'khor gyi dngos grub kyi 'bras bu 'thob par 'gyur ro/ /de ltar bshang gci khu ba'i dam tshig gis/ mchod na dngos grub thob par 'gyur gyi don du gsungs so/ /'di ni sangs rgyas thams cad kyi/ /dam tshig shin tu 'da' dka' ba'o/ /zhes pa'i don ni gong du bshad zin te/ bde ste bshad mi dgos so/ /de bzhin gshegs pa thams cad kyi gsung gi dkyil 'khor ro/ /zhes bya ba ni/ de bzhin gshegs pa thams cad ni ston pa phyag na rdo rje nyid la sogs pa rigs lnga'i bye brag gi de bzhin gshegs pa grangs med pa thams cad yin no/ /mdor bsdus pa de bzhin gshegs pa thams cad kyi don du gsungs so/ /gsung gi dkyil 'khor ro zhes pa ni/ gong du smos pa'i de bzhin gshegs pa de dag thams cad kyi gsung don dam par gnyis su med par smos pa de dang gnyis su med pa'i ngo bo snang ba mdza' yas kyi sku phyag rgya yin no/ /gong du
- 81a
smos pa'i dkyil 'khor de gsung rdo rje snang ba mdza' yas kyi dkyil 'khor yin te/ don des de bzhin gshegs pa thams cad kyi gsung gi dkyil 'khor du smos so/ /mdor bsdu ba de ltar gsung gi dkyil 'khor gyi don du gsungs so/ /gzhan yang da ni lha thams cad mnyam pa mchog du gsang ba'i rgyal po'i dkyil 'khor gyi don bstan par bya ste/ de nas bcom ldan 'das phyag na rdo rje de bzhin gshegs pa kun tu sprin rdo rje bkod pa zhes bya ba'i ting nge 'dzin la snyoms par zhugs nas/ zhes bya ba ni/ de nas ni ston pa phyag na rdo rje gong du smos pa'i tshul gyi gsung rdo rje snang ba mdza' yas kyi dkyil 'khor gyi don bshad pa rdzogs ma thag tu/ mchog tu gsang ba'i rgyal po'i dkyil 'khor gyi don bshad par mdzad pa'i phyir ting nge 'dzin la snyoms par zhugs pa'i don mtshon par smos so/ /de ltar de nas kyi don du gsungs so/ /bcom ldan 'das phyag na rdo rje de bzhin gshegs pa zhes pa'i don ni gong du ji ltar bshad pa bzhin du 'dir bstan to/ /kun tu sprin rdo rje bkod pa zhes bya ba'i ting nge 'dzin la snyoms par zhugs nas zhes pa ni/ ston pa phyag na rdo rje de bzhin gshegs pas ji ltar smos pa'i 'khor phun sum tshogs pa'i nang du 'dod chags chen po'i thugs dgyes pas nyid kyi shes rab ma ye shes kyi lha mo/ /mA ma kI dang gnyis su med par 'khyud pa'i sbyor bas thabs dang shes rab rol pa mdzad nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems mang po 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur pa'i mdzad do/ /de'i steng du thugs rdo rje dang/ /sku rdo rje dang gsung rdo rje gsum ma gtogs pa/ rin chen 'byung ldan dang/ don yod grub pa la sogs pa dkyil 'khor gyi lha thams cad rim pas so so'i sa bon yig 'bru kha dog dang ye shes dang ldan
- 81b
bar rim pa ma nor bar gzi brjid che bas 'bar zhing 'od tu zhu nas/ de ma thag tu sngags kyi yig 'bru kun ye shes kyi khu ba bzhin du byang chub sems zla ba'i dkyil 'khor la gnyis su med par thim par mdzad do/ /sa bon de las rin chen 'byung ldan dang/ don yod grub pa la sogs pa dkyil 'khor gyi lha thams cad kyi sku phyag rgya rdo rje ming btags nyid kyi ye shes dang gnyis su med pa'i ngo bo de bzhin du sku mdog dang zhal dang phyag dang phyag mtshan dang/ rgyan rnams dang/ nyid nyid kyi shes rab ma ye shes kyi lha mo 'khyud pa dang/ cha lugs phun sum tshogs pa le'u bzhi pa thugs kyi dkyil 'khor gyi dus su ji ltar smos pa de bzhin du 'dir ldan par bstan to/ /de lta bu'i ngo bo dkyil 'khor gyi lha thams cad kyi sku phyag rgya gzi brjid kyi 'bar ba'i 'od dang ldan pa kun tu zhes pa rim par 'jig rten gyi khams thams cad du sprin bkod pa grangs med par khyab par spro ba yin no/ /de spros ma thag tu lha dang mi la sogs pa sems can ma lus par byin gyis brlabs pas/ sems can thams cad kyis 'dod chags zhe sdang la sogs pa nyon mongs pa'i dbang gis sdig pa bsags pa bcom par bstan to/ /bstan par bya ste/ gong du smos pa'i tshul du byin gyis brlab par mdzad pa'i 'og tu/ sku phyag rgya'i sprin grangs med pa bkod pa thams cad ma lus par spro ba'i gnas su slar bsdu bar mdzad do/ /tshul ji ltar spro ba dang/ sems can byin gyis brlab pa dang/ slar bsdu bar mdzad pa'i don des ting nge 'dzin tu smos so/ /bshad par bya ste/ ston pa phyag na rdo rje ting nge 'dzin mdzad pa'i dus su thugs rtse gcig par gyur par gnas pa'o/ /don des snyoms par zhugs par smos so/ /mdor bsdu ba de ltar kun tu sprin rdo rje bkod pa zhes bya ba'i ting nge 'dzin la snyoms par zhugs nas kyi don du gsungs so/ /da ni ting nge 'dzin mdzad pa'i don du/ mchog tu gsang ba'i rgyal po'i dkyil
- 82a
'khor gyi ngo bo'i don gyi cho ga'i tshul bstan par bya ste/ mchog tu gsang ba'i rgyal po'i dkyil 'khor 'di nyid kyi sku dang gsung dang thugs rdo rje las byung ngo/ /zhes pa ni/ mchog tu gsang ba'i rgyal po'i dkyil 'khor ni/ 'og nas 'byung ba'i rin po che 'byung ldan dang/ don yod grub pa la sogs pa gong du smos pa'i tshul gyi dkyil 'khor gyi lha thams cad kyi nang nas sgrub pa po gang la mos pa rang dga' ba'i lha yin te/ de'i sku phyag rgya la dkyil 'khor gyi bdag po bya'o/ /de'i yon tan gyis mchog tu gsang bar ming btags pa don bsdus pa de bzhin gshegs pa thams cad kyi sku dang gsung dang thugs gsum don dam par gnyis su med pa'i ngo bo mchog dngos grub kyi 'bras bur gyur pa yin no/ /rgyal po'i dkyil 'khor zhes pa ni/ lha gang la dkyil 'khor gyi bdag po byed pa de rgyal po yin no/ /de ltar mchog tu gsang ba'i rgyal po'i dkyil 'khor gyi don du gsungs so/ /'di nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya/ sku dang gsung dang thugs rdo rje gsum gcig pa'i ngo bor smos so/ /de ltar sku dang gsung dang thugs rdo rje gsum dang gnyis su med pa'i ngo bod dkyil 'khor gyi bdag po gang yod pa de smos so/ /de ltar nyid kyi sku dang gsung dang thugs rdo rje'i don du gsungs so/ /rdo rje zhes pa ni/ gong du sku rdo rje dang thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /byung ngo zhes pa ni/ ston pa phyag na rdo rjes dkyil 'khor gyi bdag po gang la bya ba des ji ltar smos pa'i tshul gyi sku dang gsung dang thugs rdo rje dang gnyis su med pa'i ngo bo phyung ba yin no/ /de ltar phyung ngo'i don du gsungs so/ /rdo rje 'dzin mchog gang yin pa'i/ /gzugs ni dbus su bri bar bya/ /de ni dkyil 'khor gnas su
- 82b
gyur/ /sku gsung thugs kyi gsang bas bskyed/ ces bya ba'i don bshad par bya ste/ ji ltar yin na/ rdo rje 'dzin mchog gang yin pa'i/ gzugs ni dbus su bri bar bya ste/ sgrub pa pos dang po ji ltar thugs kyi dkyil 'khor dang/ gsung gi dkyil 'khor bri ba'i dus su phyi'i gnas ji ltar smos pa bzhin du dus 'dir sku dang gsung dang thugs kyi rigs kyi bye brag gi gnas/ de gsum gyi nang na gang la mos pa'i gnas der dkyil 'khor bri bar bya'o/ /gnas de yang gong du smos pa'i tshul gyi me tog dang/ shing tog dang/ rtswa dang/ chu la sogs pa bye brag sna tshogs kyi yon tan dang/ mdzes pa phun sum tshogs pa dang ldan pa'o/ /gzhan yang dkyil 'khor gyi sa gzhi sbyar ba'i cho ga'i tshul la sogs pa thams cad ji ltar bya ba thugs kyi dkyil 'khor dang/ sku'i dkyil 'khor dang/ gsung gi dkyil 'khor bri ba'i dus su ji ltar smos pa de bzhin du dus 'dir bya bar bstan to/ /gzhan yang dkyil 'khor gyi phyi dang nang gi tshad dang dbyibs bstan par ste/ sgrub pa pos dus 'dir gal te rdo rje'i rigs kyi bye brag gi lha la dkyil 'khor gyi bdag po byed na/ thugs kyi dkyil 'khor gyi tshad dang dbyibs ji ltar smos pa de bzhin du dus 'dir bya bar bstan to/ /gzhan yang sgrub pa pos gal te sku'i rigs kyi bye brag gi lha la dkyil 'khor gyi bdag po byed na/ sku'i dkyil 'khor gyi tshad dang dbyibs ji ltar smos pa de bzhin du 'dir bya bar bstan to/ /gzhan yang sgrub pa pos gal te gsung gi rigs kyi bye brag gi lha la dkyil 'khor gyi bdag po byed na/ gsung gi dkyil 'khor gyi tshad dang dbyibs ji ltar smos pa de bzhin du 'dir bya bar bstan to/ /de ltar bye brag gsum gyi don de ni/ byang chub sems dpa' sa'i snying po dang/ phyag na rdo rje dang/ 'jig rten dbang phyug la sogs pa byang chub sems
- 83a
pa brgyad yin no/ /de rdo rje 'dzin mchog tu ming btags pa ni/ nyid nyid kyi rigs kyi bye brag gi ye shes kyi ngo bo'i sku phyag rgya 'dzin pa yin no/ /gzhan yang khro bo'i rgyal po ya man ta ka dang/ prad nyan ta ka dang/ pad man ta ka la sogs pa khro bo'i rgyal po bcu de yang gong du smos pa'i tshul gyis rdo rje 'dzin mchog tu ming btags pa nyid nyid kyi rigs kyi bye brag gi ye shes kyi ngo bo'i sku phyag rgya 'dzin par smos so/ /gzhan yang gal te dus 'dir de bzhin gshegs pa rin chen 'byung ldan dkyil 'khor gyi bdag po byed na/ thugs kyi dkyil 'khor gyi tshad dang/ dbyibs ji ltar smos pa de bzhin du 'dir bya bar bstan to/ /gzhan yang gal te dus 'dir don yod grub pa dkyil 'khor gyi bdag po byed na/ de ni thugs kyi dkyil 'khor dang/ sku'i dkyil 'khor dang/ gsung gi dkyil 'khor gsum gang la mos pa de'i tshad dang dbyibs ji ltar bya bar smos pa de bzhin du 'dir bya bar bstan to/ /bshad par bye ste/ de bzhin gshegs pa don yod grub pa rdo rje ye shes kyi las thams cad gnyis su med pa'i ngo bo yin te/ don des gong du smos pa'i dkyil 'khor gsum gang la mos pa'i bdag po bya bar mi 'gal bar bstan to/ /gzhan yang gsang ba'i dkyil 'khor gyi brda skad shes rab ma lha mo'i ngo bo'i tshad kyi don bstan par bya ste/ gong du smos pa'i thugs kyi dkyil 'khor dang/ sku'i dkyil 'khor dang/ gsung gi dkyil 'khor gyi dus su ji ltar smos pa de bzhin du 'dir rigs kyi bye brag gang gi dkyil 'khor gyi bdag po byed pa'i byang chub sems dpa' dang/ /khro bo'i rgyal po de nyid kyi shes rab ma lha mo blangs la de ji ltar smos pa'i tshul gyis brlabs nas gsang ba'i dkyil 'khor gyi ngo bo bya bar bstan to/ /gzhan yang
- 83b
gsang ba'i dkyil 'khor gyi dbyibs kyi brda skad gru bzhi dang/ grwa bzhi dang/ sgo bzhi'i don ni thugs kyi dkyil 'khor dang/ sku'i dkyil 'khor dang gsung gi dkyil 'khor la ci ltar smos pa de bzhin du dus 'dir bstan to/ /gzhan yang gong du smos pa'i tshul du sku dang gsung dang/ thugs rigs gsum gyi bye brag gi byang chub sems dpa' 'am/ khro bo'i rgyal po'i nang na gang yang rung ba la dkyil 'khor gyi bdag po byed na/ de'i rigs kyi bye brag gi gdan phun sum tshogs pa gtso bo la sogs pa 'khor dang bcas pa bya bar bstan to/ /gong du smos pa'i tshul du dkyil 'khor gyi rim pa gnyis pa thig gdab pa dang/ tshon dgye pa rdzogs pa'i 'og tu cho ga ci ltar smos pas dkyil 'khor gyi rdo rje slob dpon gyis dkyil 'khor gyi bdag po gang yin pa de dang/ gnyis su med pa'i nga rgyal du sgom pa dang/ de bzhin du sku dang gsung dang thugs kyi sngags kyi yig 'bru gsum gyi dkyil 'khor bri ba ma rdzogs kyi bar du rnam par rtog pa thams cad spangs pa'i sems dga' bas rgyun mi 'chad par bzla bar bya'o/ /de ltar bsgom pa dang/ /bzlas pa bya zhing dkyil 'khor gyi bdag po gang la byed pa de re'u mig dgu'i dbus su ji ltar smos pa'i gdan gyi steng du dang po phyag mtshan gyi gzugs bri bar bya ba yin no/ /gzhan yang dkyil 'khor gyi bdag po'i shar phyogs su rdo rje mi bskyod pa'i bya bar bstan to/ /gzhan yang dkyil 'khor gyi lha thams cad kyi thugs kyi dkyil 'khor dang/ sku'i dkyil 'khor dang/ gsung gi dkyil 'khor gyi dus su phyogs dang gnas dang/ gdan smos pa de bzhin du 'dir rim pa ma/ nor bar bya bar bstan to/ /gzhan yang ya man ta ka la sogs pa khro bo'i rgyal po bcu'i phyag mtshan mdun du smos pa'i tshul du dgod par bya ba'i dus su rim ba ma nor bar so so'i sngags rings khro bo chen pos sgra chen por bzlas pa bya'o/ /gzhan yang thugs
- 84a
kyi dkyil 'khor dang/ sku'i dkyil 'khor dang/ gsung gi dkyil 'khor gyi dus su dkyil 'khor gyi bdag po la sogs pa dkyil 'khor gyi lha thams cad nyid nyid kyi sngags kyi sa bon yig 'bru las cho ga'i tshul ci ltar smos pas phyag rgya bskyed par bya ba yin no/ /de ma thag tu rim pa ma nor bar rdul tshon gyi dkyil 'khor la nyid nyid kyi gnas kyi gdan gyi steng gi dbus su phyag mtshan la gnyis su med par thim par gyur par bsam mo/ /mdor bsdu ba de ltar rdo rje 'dzin mchog gang yin pa'i/ gzugs ni dbus su bri bar bya ba'i don du gsungs so/ /de ni dkyil 'khor gnas su gyur/ /sku gsung thugs kyi gsang bas bskyed ces pa ni/ gong du smos pa'i cho ga'i tshul gyis slob ma gzhug pa dang / dbang sbyin pa'i phyir ram/ yang na slob dpon nyid kyi dkyil 'khor gyi sgrub pa bya ba'i phyir/ dkyil 'khor byas nas de'i 'og tu dkyil 'khor de ci ltar smos pa'i mchod pa dang/ de bzhin du sgom pa dang/ bzlas pa'i bsnyen pa bya ba yin no/ / de ltar byas pas/ rdo rje slob dpon slob ma dang bcas pas dkyil 'khor gyi gnas su ming btags pa dngos grub kyi 'bras bur gyur pa yin no/ /bstan par bya ste/ dkyil 'khor gyi 'bras bu de ni dpal rdo rje sems dpa' la sogs pa de bzhin gshegs pa thams cad kyi sku dang gsung dang/ thugs rdo rje gsum don dam par gnyis su med pa'i ngo bor bstan pa de ni gsang bar ming btags pa ci ltar smos pa'i tshul gyis chos sku 'byung bar 'grub par bstan to/ /de ltar de ni dkyil 'khor gnas su gyur/ sku gsung thugs kyi gsang ba 'byung gi don du gsungs so/ /'di ni de bzhin gshegs pa thams cad kyi sku dang gsung dang thugs rdo rje'i gnas ye shes kyi gsang ba yin te/ rab tu gsang ba'o/ /zhes bya ba ni/ de bzhin gshegs
- 84b
pa thams cad ni/ ston pa phyag na rdo rje la sogs pa rigs lnga'i bye brag gi de bzhin gshegs pa grangs med pa thams cad yin no/ /de ltar de bzhin gshegs pa thams cad kyi don du gsungs so/ /sku dang gsung dang thugs dang rdo rje'i gnas zhes pa ni/ gong du smos pa'i de bzhin gshegs pa thams cad kyi sku dang gsung dang thugs don dam par gnyis su med pa de ni ji ltar smos pa'i rdul tshon gyi dkyil 'khor dang gnyis su med pa'i ngo bo'i gnas su ming btags pa ni sgom pa'o/ /de ltar sku dang gsung dang thugs rdo rje'i gnas kyi don du gsungs so/ /ye shes kyi gsang ba yin te zhes pa ni/ /ci ltar smos pa de bzhin gshegs pa thams cad kyi ye shes de ni nyan thos la sogs pa sangs rgyas kyi theg pa 'og ma la zhugs pa dang/ /gzhan yang phyi'i tir ti ka thams cad kyis de bzhin gshegs pa thams cad kyi ye shes mi mthong ba'o/ /yang na rdo rje slob dpon gyis ming bstan pa'o/ /de ltar de bzhin gshegs pa thams cad kyi ye shes dang gnyis su med pa'i ngo bo rdul tshon gyi dkyil 'khor bsgom par bya bar bstan to/ /de ltar ye shes kyi gsang ba'i don du gsungs so/ /rab tu gsang ba'o zhes pa ni/ gong du smos pa'i tshul gyi rdul tshon gyi dkyil 'khor de ye shes gsang ba'i ngo bor gnyis su med par bsgom pa dang/ sngags kyi bzlas pa'i bsnyen pa byas pa de'i yon tan gyis rab tu gsang bar ming btags dngos grub thams cad kyi ngo bo chos kyi sku 'grub par gyur par bstan to/ /de ltar rab tu gsang ba'i don du gsungs so/ /da ni gong du smos pa'i thugs kyi dkyil 'khor dang/ sku'i dkyil 'khor dang/ gsung gi dkyil 'khor dang/ gzhan yang de bzhin gshegs pa rin chen 'byung ldan dang/ de bzhin gshegs pa don yod grub pa dang/ gzhan yang sa'i snying po dang/ phyag na rdo rje la sogs pa byang chub sems
- 85a
dpa' brgyad dang/ de bzhin du ya man ta ka la sogs pa khro bo'i rgyal po bcu dang/ de dag thams cad kyi ji ltar smos pa'i dkyil 'khor de dag thig gdab pa'i dus su sngags kyi zlas pa bya ba'i sngags de gsung par mdzad pa'i phyir/ ston pa phyag na rdo rje de bzhin gshegs pa dang po ting nge 'dzin la snyoms par zhugs pa de'i don bstan par bya ste/ de nas bcom ldan 'das phyag na rdo rje de bzhin gshegs pa dkyil 'khor thams cad kyi 'khor lo 'byung ba zhes bya ba'i ting nge 'dzin la snyoms par zhugs nas/ zhes bya ba ni/ de nas ni ston pa phyag na rdo rje de bzhin gshegs pas mdun du smos pa'i tshul gyi dkyil 'khor thams cad kyi don bshad pa'i 'og tu/ dkyil 'khor de dag thams cad kyi thig gdab pa'i dus su bzlas par bya ba'i sngags gsum pa'i phyir ting nge 'dzin la snyoms par zhugs par mdzad pa mtshon par smos so/ /de ltar de nas kyi don du gsungs so/ /bcom ldan 'das phyag na rdo rje de bzhin gshegs pa zhes pa'i don ni mdun du ji ltar bshad pa bzhin du 'dir bstan to/ /dkyil 'khor thams cad kyi 'khor lo 'byung ba zhes bya ba'i ting nge 'dzin la snyoms par zhugs nas zhes pa ni/ ston pa phyag na rdo rje de bzhin gshegs pas tshul ji ltar smos pa'i 'khor phun sum tshogs pa thams cad kyi nang du 'dod chags chen po'i thugs dgyes pas nyid kyi shes rab ma ye shes kyi lha mo mA ma kI dang/ gnyis su med pas 'khyud pa'i sbyor bas thabs dang/ shes rab rol pa mdzad nas bde bar gyur pa'i dus su rdo rje lam gyi sgo nas shes rab ma mA ma kI de'i b+ha ga'i dbus su byang chub kyi sems 'o ma'i rgyun mang po bzhin du 'od du zhu nas zla ba'i dkyil 'khor gyi ngo bo gyur par mdzad do/ /de'i steng du thugs rdo rje dang/ sku rdo rje dang/ gsung rdo rje dang/ gzhan yang byang chub sems dpa' sa'i snying po dang/ phyag na rdo rje dang/ 'jig rten
- 85b
dbang phyug la sogs pa rigs gsum bye brag gi byang chub sems pa brgyad dang/ gzhan yang khro bo'i rgyal po ya man ta ka dang/ khro bo'i rgyal po prad nyan ta ka dang/ khro bo'i rgyal po pad man ta ka la sogs pa rigs gsum gyi bye brag gi khro bo rgyal po bcu dang/ de ltar dkyil 'khor gyi bdag po ji ltar smos pa'i tshul gyi 'khor gyi lha thams cad dang bcas pa rim pa ma nor bar so sor sngags kyi sa bon yig 'bru kha dog dang/ ye shes dang ldan pa gzi brjid chen pos 'bar zhing 'od du zhu nas de ma thag tu sngags kyi sa bon yig 'bru kun ye shes kyi khu ba bzhin du byang chub sems zla ba'i dkyil 'khor la gnyis su med par thim par gyur pa mdzad do/ /sa bon de las thugs rdo rje dang/ sku rdo rje dang/ gsung rdo rje la sogs pa gong du smos pa'i tshul gyis dkyil 'khor gyi bdag po thams cad 'khor thams cad dang bcas pa'i sku phyag rgya rim pa ma nor bar nyid nyid kyi ye shes dang gnyis su med pa'i ngo bo de bzhin du sku mdog dang/ zhal dang phyag dang/ phyag mtshan dang/ rgyan dang/ nyid nyid kyi shes rab ma ye shes kyi lha mo dang gnyis su med par 'khyud pa dang/ de ltar cha lugs phun sum tshogs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin du 'dir ldan par bstan to/ /de lta bu'i dkyil 'khor gyi bdag po rnams 'khor thams cad dang bcas pa'i sku phyag rgya gzi brjid kyi 'bar ba'i 'od dang ldan pa rim par 'jig rten gyi khams thams cad kyi gnas su sprin bkod pa grangs med pa khyab par spro bar mdzad do/ /de ma thag tu lha dang mi la sogs pa sems can ma lus par thams cad byin gyi brlab par mdzad de/ /sems can de dag thams cad kyis 'dod chags dang zhe sdang la sogs pa nyon mongs pa thams cad kyi dbang gis sdig pa bcom par gyur to/ /bstan par bya ste/ de ltar byin gyis brlab par mdzad
- 86a
pa'i 'og tu/ tshul ji ltar smos pa'i dkyil 'khor gyi lha sprin bkod pa grangs med pa ma lus pa kun spro ba'i gnas su slar bsdu bar mdzad do/ /ji ltar smos pa'i spro ba dang/ sems can byin gyis brlab pa dang/ slar bsdu ba mdzad pa'i don de ting nge 'dzin du smos so/ /bshad par bya ste/ ston pa phyag na rdo rje ting nge 'dzin mdzad pa'i dus su thugs rtse gcig par gyur pas gnas pa'o/ /don des snyoms par zhugs par smos so/ /mdor bsdu ba de ltar dkyil 'khor thams cad kyi 'khor 'byung ba zhes bya ba'i ting nge 'dzin la snyoms par zhugs nas kyi don du gsungs so/ /dkyil 'khor thams cad kyi sku dang/ gsung dang thugs kyi gsang ba 'di nyid kyi sku dang/ gsung dang thugs rdo rje las phyung ngo/ /zhes bya ba ni/ dkyil 'khor thams cad kyi sku dang/ gsung dang thugs kyi gsang ba ni/ gong du smos pa'i dkyil 'khor thams cad kyi bdag po kun 'khor thams cad dang bcas pa de dag ma lus pa kun ni don dam par de bzhin gshegs pa thams cad kyi sku dang/ gsung dang thugs rdo rje gsum gnyis su med pa ye shes kyi ngo bo yin te/ de ni bla na med pa'i 'bras bu tshul ci ltar smos pa'i gsang ba'i ngo bo yin no/ /de ltar dkyil 'khor thams cad kyi sku dang gsung dang/ thugs gsang ba'i don du gsungs so/ /'di nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang/ gsung dang thugs rdo rje gsum gcig pa'i ngo bor smos/ de ltar sku dang gsung dang thugs rdo rje gsum dang gnyis su med pa'i ngo bo 'og nas 'byung ba'i ngo bo sngags kyi yig 'bru gsum smos so/ /de ltar nyid kyi sku dang gsung thugs rdo rje'i don du gsungs so/ /rdo rje zhes pa ni/ to/ /de ltar rdo rje'i don du gsungs so/ /phyung ngo zhes pa
- 86b
gnyis su med par ci ltar bshad pa de bzhin du 'dir bstan to/ /de ltar rdo rje'i don du gsungs so/ /phyung ngo zhes pa ni/ ston pa phyag na rdo rjes ji ltar smos pa'i tshul gyi dkyil 'khor bstan pa de dag thams cad kyi thig gdab par bya ba'i dus su sngags kyi bzlas pa bya ba'i yi ge gsum de re re sku dang gsung dang thugs rdo rje gsum dang gnyis su med pa'i ngo bo phyung bar mdzad pa'o/ /de ltar phyung ba'i don du gsungs so/ /da ni dkyil 'khor thams cad kyi thig gdab par bya ba'i dus su sngags kyi bzlas pa'i yig 'bru gsum gyi ngo bo bstan par bya ste/ de la 'di ni rdo rje'i dkyil 'khor gyi sngags kyi snying po thig gdab pa'i yig ge'i tshogs rnams so/ /hUM oM A/ /zhes bya ba ni/ de la 'di ni zhes pa'i don ni bde ste bshad mi dgos so/ /rdo rje'i dkyil 'khor zhes pa ni/ gong du smos pa'i dkyil 'khor de dag thams cad kyi bdag po ni rdo rjer ming btags pa nyid nyid kyi rigs kyi bye brag gi ye shes kyi ngo bo yin te/ don des rdo rje'i dkyil 'khor du smos so/ /rdo rje'i dkyil 'khor gyi don du gsungs so/ /sngags kyi snying po thig gdab pa'i yi ge'i tshig rnams so/ /zhes pa ni/ tshul ji ltar smos pa'i dkyil 'khor thams cad kyi thig gdab pa'i dus su bzlas pa bya ba'i sngags kyi snying po'i tshig tu ming btags pa'i yig 'bru gsum bzlas pa bya ba'i sgra brjod par bya'o/ /sgra thos pa'i bdud dang bgegs ma rungs pa'i tshogs thams cad kyis gnod pa byed pa de 'joms par 'gyur bar bstan to/ /de ltar sngags kyi snying po'i thig gdab pa'i yi ge rnams kyi don du gsungs so/ /hUM oM A(rgyud 'grel): zhes pa/ sngar le'u bzhi pa thugs kyi dkyil 'khor gyi dus su/ thig gdab pa'i dus su hUM oM A(rgyud 'grel): de ltar sngags kyi yig 'bru bzlas bya bar bstan to/ /gzhan yang gsung gi dkyil 'khor gyi thig gdab pa'i dus su A(rgyud 'grel): hUM oM/ de ltar sngags kyi bzlas pa bya bar bstan to/ /
- 87a
gzhan yang rin chen 'byung ldan gyi dkyil 'khor thig gdab pa'i dus su gong du smos pa'i sngags kyi yig 'bru gsum dang spel pa'i tshul bstan par bya ste/ /swa hUM oM A:/ de ltar sngags kyi yi ge bzlas pa bya bar bstan to/ / gzhan yang don yod grub pa'i dkyil 'khor gyi thig gdab pa'i dus su gong du smos pa'i sngags kyi yig 'bru gsum dang spel ba'i tshul bstan par bya ste/ ha hUM oM A(rgyud 'grel): de ltar sngags kyi yig 'bru bzlas pa bya bar bstan to/ /gzhan yang thugs kyi rigs kyi byang chub sems dpa' thams cad kyi dkyil 'khor gyi thig gdab pa'i dus su hUM oM A(rgyud 'grel): de ltar sngags kyi bzlas pa bya bar bstan to/ /gzhan yang sku'i rigs kyi bye brag gi byang chub sems dpa' thams cad kyi thig gdab pa'i dus su/ /oM hUM A:/ de ltar sngags kyi yig 'bru'i bzlas pa bya bar bstan to/ /gzhan yang gsung gi rigs kyi bye brag gis byang chub sems dpa' spyan ras gzigs kyi dbang phyug gi dkyil 'khor gyi thig gdab pa'i dus su/ A hUM oM/ de ltar sngags kyi yig 'bru'i bzlas pa bya bar bstan to/ /gzhan yang thugs kyi rigs kyi bye brag gi khro bo'i rgyal po thams cad kyi dkyil 'khor gyi thig gdab pa'i dus su hUM oM A:/ de ltar sngags kyi bzlas pa bya bar bstan to/ /gzhan yang sku'i rigs kyi bye brag gis khro bo'i rgyal po ya man ta ka'i dkyil 'khor gyi thig gdab pa'i dus su/ oM hUM A:/ de ltar sngags kyi yig 'bru bzlas pa bya bar bstan to/ /gzhan yang khro bo'i rgyal po pad man ta ka'i dkyil 'khor gyi thig gdab pa'i dus su/ A hUM oM/ de ltar sngags kyi yig 'bru'i bzlas pa bya bar bstan to/ /mdor bsdu ba de ltar hUM oM A'i don du gsungs so/ /rdo rje'i thig ni gdab pa dang/ tshon rtsi rnams ni dgye pa dag /sngags kyi sems pas mi bya ste/ /byas na byang chub rnyed par dka' / zhes bya ba'i
- 87b
don bshad par bya ste/ ji ltar yin na/ rdo rje'i thig ni gdab pa dang/ tshon rtsi rnams ni dgye ba dag ni/ gong du smos pa'i dkyil 'khor thams cad kyi thig rdo rje thig tu ming btags pa ni/ le'u bzhi pa thugs kyi dkyil 'khor gyi dus su byin gyis brlab pa dang/ bsgom par bya ba ji ltar smos pa de bzhin du dus 'dir bya bar bstan to/ /don des rdo rje'i thig tu smos so/ /de lta bu'i ngo bo rdo rje thig de dkyil 'khor la 'das pa'i dus su gong du smos pa'i sngags kyi yig 'bru bzlas pa bya ba yin no/ /bstan par bya ste/ thig gdab par bya ba'i dus su sngags kyi bzlas pa bya bar ci ltar smos pa de bzhin du cho ga'i tshul gyis tshon dgye bar bya ba'i dus bzlas pa bya bar bstan to/ /mdor bsdu ba de ltar rdo rje thig ni gdab pa dang/ tshon rtsi rnams ni dgye ba dag gi don du gsungs so/ /sngags kyi sems bas mi bya ste/ byas na byang chub rnyed par dka' zhes pa ni/ sngags su ming btags pa ci ltar smos pa'i cho ga bzhis dkyil 'khor gyi bdag po sku bskyed ma thag tu/ dkyil 'khor gyi rdo rje slob dpon gyis gnyis su med pa'i nga rgyal gyis bsgom par bya'o/ /don des dus 'dir sngags kyi sems par smos so/ /de ltar sngags kyi sems pas de'i sgom pa dang bzlas pa gcig pu byas nas thig gdab pa dang/ tshon dgye ba mi bya'o/ /bshad par bya ste/ gal te sngags kyi sems pas thabs dang shes rab gnyis su med pa'i gsang ba'i rol pa dang/ mi ldan par dkyil 'khor gyi thig 'debs sam tshon dgye na/ byang chub kyi 'bras bu thob pa dka' bar bstan to/ /de ltar sngags kyi sems pas mi bya ste/ byas na byang chub rnyed par dka' ba'i don du gsungs so/ /da ni dam tshig sems pa'i bsgom pa dang/ byin gyis brlabs par bya ba'i don bstan par bya ste/ de bas dam tshig tshul shes pas/ /sngags kyi lha rnams bzhugs bya ste/ /byin rlabs nas kyang rab bsgom la/ /dkyil
- 88a
'khor rnams na rnam par brtag /ces bya ba'i don bshad par bya ste/ ci ltar yin na/ de bas dam tshig tshul shes pas/ /sngags kyi lha rnams gzhug bya ste/ de ni gong du smos pa'i don sngags kyi sems dpa' gcig pu'i bsgom pa byas pas dkyil 'khor gyi 'bras bu mi 'grub par smos pa de bas na/ dam tshig sems dpa' dang/ gnyis su med pa'i nga rgyal du bsgom pa byas nas/ thig gdab pa dang tshon dgye ba bya ba yin no/ /dam tshig sems dpa' i don gsal bar bstan par bya ste/ mdun du smos pa'i tshul gyi sngags kyi sems dpa' i ngo bo nyid kyis bsgom pa bya ba'i dus su dkyil 'khor gyi rdo rje slob dpon de ji ltar smos pa'i dam tshig du ming btags pa ni thams cad shes rab gnyis su med pa'i rol ba bya ba'i cho ga shes par bya ba yin no/ /don des dkyil 'khor gyi rdo rje slob dpon dam tshig shes par smos so/ /des lha gang gi dkyil 'khor byed pa de'i rigs kyi bye brag gi bdag po'i shes rab ma blang ngo/ /de mdun du smos pa'i tshul gyi mtshan dang yon tan dang ldan pa'i/ shes rab ma de blangs pa'i 'og tu dkyil 'khor gyi bdag po'i shes rab ma ye shes kyi lha mo dang gnyis su med pa'i ngo bor byin gyis brlab par bya'o/ /de ltar byin gyis brlab pa byas nas/ sngags kyi lhar ming btags pa ni dkyil 'khor gyi bdag po'i shes rab ma ye shes sems dpa' i bsgom pa dang/ spyod pa'i don gyi cho ga'i tshul bstan par bya ste/ rnam par snang mdzad rgyal po che/ /de la spyan ni zhugs par bya/ /sku'i dkyil 'khor yid 'ong gnas/ /sku'i rdo rje'i yon tan 'thob/ ces bya ba'i don bshad par bya ste/ ci ltar yin na/ rnam par snang mdzad rgyal po che/ /de la spyan ni gzhug par bya ni rnam par snang mdzad rgyal po cher ming btags pa ni/ dkyil 'khor gyi dus su rdo rje mi bskyod pa dang/ rin chen 'byung ldan dang/ snang ba mdza' yas dang/
- 88b
don yod grub pa la sogs pa dkyil 'khor gyi lha thams cad kyi bdag po bskyed par mdzad mkhan yin pas/ don des rnam par snang mdzad rgyal po chen po smos so/ /de la spyan ni gzhug par bya ni ci ltar smos pa'i dkyil 'khor thig gdab pa dang/ tshon ma bkye ba'i 'og tu bram ze'i rigs kyi bu mo mdun du smos pa'i mtshan dang yon tan thams cad dang ldan pa blang ngo/ /de lta bu'i shes rab ma blang ba'i 'og tu dkyil 'khor gyi bdag po rnam par snang mdzad kyi shes rab ma ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de ltar byin gyis brlab pa byas nas ji ltar smos pa'i tshul du sangs rgyas spyan gzhug par bya bar smos so /bstan par bya ste/ mdun du smos pa'i dkyil 'khor gyi bdag po rnam par snang mdzad kyi shes rab ma ye shes kyi lha mo sangs rgyas spyan dang gnyis su med pa'i ngo bor byin gyis brlabs ma thag tu/ shes rab ma'i lus la gnas lngar rim pa ma nor bar rigs lnga'i de bzhin gshegs pa'i sngags kyi sa bon yig 'bru lnga bkod nas byin gyis brlab par bya'o/ /tshul de ltar byin gyis brlab pa'i bsgom pa byas ma thag tu dkyil 'khor gyi rdo rje slob dpon gyis 'dod chags chen po'i sems dga' bas lag pa g.yon pas gzung nas gnyis su med par 'khyud pa'i sbyor bas thabs dang shes rab rol pa byas nas/ bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas/ zla ba'i dkyil 'khor gyi ngo bor gyur par bsam smo/ /de'i 'og tu ji ltar smos pa'i tshul du shes rab ma'i b+ha ga'i dbus su byang chub sems zla ba'i dkyil 'khor du gyur par byas pa de blangs la/ ji ltar smos pa'i mtshan thams cad dang ldan pa'i nang du gzhag go /byang chub sems de dkyil 'khor gyi rdo rje slob dpon gyis nyid kyi lus gong du smos pa'i longs spyod rdzogs pa'i dkyil 'khor du bsams nas/ oM swa b+ha ba shud+d+ha sarba d+harma swa b+ha
- 89a
ba shud+d+ho haM/ zhes sngags kyi tshig brjod cing bza' bar bya'o/ /byang chub sems dam tshig gi ngo bor ming btags pa de longs spyod rdzogs pa'i dkyil 'khor la thim par gyur par brtag go /mdor bsdu ba de ltar de bas dam tshig tshul shes pas/ sngags kyi lha rnams gzhug par byas te'i don du gsungs so/ /byin gyis brlabs gnas kyang rab bsgoms la zhes pa ni/ mdun du smos pa'i shes rab ma de dkyil 'khor gyi bdag po'i shes rab ma ye shes kyi lha mo dang gnyis su med pa'i ngo bor byin gyis brlabs ma thag tu/ shes rab ma'i lus la le'u dang po dang/ le'u brgyad pa'i nang nas gnas lngar rim pa ma nor bar rigs lnga'i de bzhin gshegs pa'i sngags kyi yig 'bru lnga bkod pa'i tshul gyis byin gyis brlab bo/ /tshul de ltar byin gyis brlab pa'i sgom pa byas ma thag tu/ dkyil 'khor gyi rdo rje slob dpon gyis 'dod chags chen po'i sems dga' bas shes rab ma lha mo lag pa g.yon pas gzung nas/ gnyis su med par 'khyud pa'i sbyor bas thabs dang shes rab rol par byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de ltar byin gyi brlabs nas kyang rab bsgom la'i don du gsungs so/ /dkyil 'khor rnams ni rnam par brtag ces pa ni tshul ji ltar smos pa'i shes rab ma b+ha ga'i dbus su byang chub sems zla ba'i dkyil 'khor gyi ngo bor gyur par byas pa de/ ji ltar smos pa'i ban d+ha mtshan thams cad dang ldan pa'i nang du bzhag go /byang chub sems de dkyil 'khor du rnam par brtag ces pa ni/ dkyil 'khor gyi rdo rje slob dpon gyis nyid kyi lus longs spyod rdzogs pa'i dkyil 'khor gyi ngo bor bsam mo/ /de'i 'og tu ban d+ha'i nang gi byang chub sems de/ oM swa b+hA ba shud d+ha sarba
- 89b
d+harma swa b+ha ba shud d+ho haM/ zhes sngags de brjod cing bza' o/ /byang chub kyi sems de dam tshig tu ming btags pa longs spyod rdzogs pa'i dkyil 'khor la thim par brtag go/ de ltar bsgom pa'i cho ga'i tshul gyis zos pas dkyil 'khor gyi bdag po gang yin pa mnyes par 'gyur ro/ /bstan par bya ste/ gong du smos pa'i tshul gyi bsgom pa dang/ dam tshig gi spyod pa de ni dus 'dir dam tshig sems dpa' i don du smos so/ /dam tshig sems dpa' sgom pa dang/ spyod pa byas pas bla na med pa'i byang chub kyi 'bras bu tshe 'di la bde ba thob par bstan to/ /bshad par bya ste/ dam tshig sems dpa' dang/ gnyis su med pa'i sgom pa dang spyod pa bya zhing gong du smos pa'i dkyil 'khor gyi thig gdab pa dang/ tshon dgye ba bya bar bstan to/ /mdor bsdu ba de ltar dkyil 'khor rnams ni rnam par brtag gi don du gsungs so/ /da ni sku'i rigs rnam par snang mdzad kyi dkyil 'khor la sogs pa rigs gsum gyi dkyil 'khor rnams thig gdab pa dang/ tshon dgye ba'i dus su dam tshig snang mdzad rgyal po che/ de la spyan ni gzhug bar bya ba'i don du gsungs so/ /sku'i dkyil 'khor yid 'ong gnas/ sku'i rdo rje'i yon tan 'thob ces pa ni/ sku'i dkyil 'khor gyi gnas su ming btags pa sku rdo rje rnam par snang mdzad nyid 'khor dang bcas pa gzhug pa'i gnas yin no/ /don des sku rdo rje rnam par snang mdzad kyi ji ltar smos pa'i bzhugs pa'i gnas yin bstan to/ /yid du 'ong ba ni sku rdo rje rnam par snang mdzad kyi dkyil 'khor te bsgom pa byas pas/ yid du 'ong ba zhes pa dang po nyon mongs pa'i sdug bsngal thams cad dang sdig pa med par 'gyur ro/ / don des sku rdo rje rnam par snang mdzad kyi dkyil 'khor yid du 'ong bar smos so/ /de ltar sku'i dkyil 'khor yid du 'ong gnas kyi don du gsungs so/ /rdo rje sku'i yon tan 'thob pa ni mdun du smos pa'i dkyil 'khor 'dri ba dang/ mchod pa dang/ bsgom pa dang/
- 90a
sngags kyi bzlas pa'i bsnyen pa bya ba la sogs pas sku rdo rje rnam par snang mdzad du yon tan du ming btags pa chos kyi dbyings kyi ye shes dang gnyis su med pa'i ngo bo de bzhin gshegs pa thams cad kyi ye shes kyi 'bras bu tshe 'di la 'thob pa 'am/ 'grub bar gyur par bstan to/ /de ltar sku'i rdo rje yon tan 'thob kyi don du gsungs so/ /rdo rje chos ni rgyal po che/ /nyid kyi rigs ma zhugs par bya/ /'di ni sngags rnams thams cad kyi/ /gsang ba mchog ni nges pa yin/ zhes bya ba'i don bshad par bya ste ci ltar yin na/ rdo rje chos ni rgyal po che/ /nyid kyi rig ma gzhug par bya/ /de ni rdo rje chos su ming btags pa/ rdo rje ni so sor rtog pa'i ye shes so/ /chos don dam par de bzhin gshegs pa thams cad kyi gsung de ni/ chos rig pa thams cad kyi ngo bo yin no/ /de dang gnyis su med pa'i ngo bo snang ba mdza' yas so/ /don des rdo rje chos su smos so/ /rgyal po che zhes pa ni/ dkyil 'khor gyi dus su rdo rje mi bskyod pa dang/ rnam par snang mdzad dang/ rin chen 'byung ldan dang/ don yod grub pa la sogs pa dkyil 'khor gyi bdag po thams cad kyi bdag po bskyed par mdzad mkhan yin te/ don des rgyal po chen por smos so/ /nyid kyi rig ma gzhug par bya/ zhes pa ni/ gong du smos pa'i dkyil 'khor thig gdab pa dang/ tshon dgye ba ma byas kyi gong du gar mkhan gyi rigs kyi bu mo mdun du smos pa'i mtshan dang yon tan thams cad dang ldan pa blang ngo/ /de lta bu'i ngo bo shes rab ma blangs pa'i 'og tu/ dkyil 'khor gyi bdag po rdo rje chos snang ba mdza' yas nyid kyi shes rab ma rig par ming btags pa ye shes kyi lha mo na bza' dkar mo dang gnyis su med pa'i ngo bor byin gyis brlabs par bya'o/ /de ltar byin gyis brlab par byas nas ji ltar smos pa'i tshul gyi na bza' dkar mo zhugs par gyur par bstan to/ /bshad par bya ste/ mdun du smos pa'i rdo rje
- 90b
chos snang ba mdza' yas dkyil 'khor gyi bdag po de'i shes rab ma ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de ltar byin gyis brlab par byas nas/ ji ltar smos pa'i tshul gyis na bza' dkar mo zhugs par gyur bar bstan to/ /bshad par bya ste/ mdun du smos pa'i rdo rje chos snang ba mdza' yas dkyil 'khor gyi bdag po de'i shes rab ma ye shes kyi lha mo na bza' dkar mo dang gnyis su med pa'i ngo bor byin gyis brlabs ma thag tu shes rab ma'i lus la mdun du smos pa'i tshul du rig pa ma nor bar gnas lngar rigs lnga'i de bzhin gshegs pa'i sngags kyi yig 'bru lnga bkod nas byin gyis brlab par bya'o/ /tshul de ltar byin gyis brlab pa'i bsgom pa byas ma thag tu dkyil 'khor gyi rdo rje slob dpon des 'dod chags chen po'i sems dga' bas/ shes rab ma lag pa g.yon pas gzung nas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas/ shes rab ma'i b+ha ga'i dbus su byang chub sems 'o ma'i rgyu? bzhin du 'od du zhu nas/ de zla ba'i dkyil 'khor gyi ngo bor gyur par bsam mo/ /de'i 'og tu tshul ji ltar smos pa'i shes rab ma'i b+ha ga'i dbus kyi byang chub sems zla ba'i dkyil 'khor gyi ngo bor gyur bar byas pa de gong du smos pa'i ban d+ha mtshan thams cad dang ldan pa'i nang du blangs la gzhag go /byang chub sems de'i dkyil 'khor gyi rdo rje slob dpon gyis nyid kyi lus ji ltar smos pa'i longs spyod rdzogs pa'i dkyil 'khor gyi ngo bor bsgom par byas nas/ oM swa b+hA ba shud+d+ha sarba d+harma swa b+hA ba shud d+ho haM/ zhes sngags kyi tshig brjod cing bza' bar bya ste/ byang chub sems de gong du smos pa'i tshul gyis dam tshig gi ngo bor ming btags pa/ longs spyod rdzogs pa'i sku la thim par gyur par brtag go /de ltar rdo rje chos ni rgyal po che/ nyid kyi rig ma gzhug par bya
- 91a
ba'i don du gsungs so/ /'di ni sngags rnams thams cad kyi/ gsang ba'i mchog ni nges pa'i zhes pa ni/ zhi pa dang rgyas pa la sogs pa rgyud 'di las/ sngags kyi sgrub pa ci snyed smos pa de dag gi nang 'di ni zhes pa dkyil 'khor 'di'i bdag po dang/ gnyis su med pa'i sgom pas dam tshig gi spyod pa thams cad shes rab kyi rol pa byas nas byang chub sems 'byung pa de bza' bas dkyil 'khor gyi thig gdab pa dang tshon dgye bar bya ba yin no/ /don des dus 'dir sngags thams cad kyi nang na dam pa'i thabs dang/ shes rab rol pa'i spyod pas byang chub sems bza' bar bya ba de ni/ de bzhin gshegs pa thams cad kyi gsang bar smos so/ /bstan par bya ste/ gong du smos pa'i de bzhin gshegs pa thams cad kyi gsang ba de ni/ bla na med pa'i 'bras bu'i ngo bos so/ /gzhan yang grub pa'i 'og tu nges par mi 'gyur ba so sor rtog pa'i ye shes la sogs pa ye shes lnga dang gnyis su med pa'i ngo bo yin te/ don des mchog tu nges par smos so/ /de ltar 'di ni sngags rnams thams cad kyi/ gsang ba'i mchog ni nges pa yin gyi don du gsungs so/ /rdo rje sems dpa' rgyal po che/ /mA ma kI yang gzhug par bya/ /'di ni sngags rnams thams cad kyi/ /gsang mchog rmad du byung ba'o/ /zhes bya ba'i don bshad par bya ste/ ji ltar yin na/ rdo rje sems dpa' rgyal po che/ mA ma kI yang gzhug par bya ni/ rdo rje sems dpa' ni ston pa mi bskyod pa rdo rje 'dzin nyid yin no/ /rgyal po che zhes pa ni/ gong du smos pa bzhin bstan to/ /mA ma kI ni yang gzhug par bya ni/ gong du dkyil 'khor gyi thig gdab pa dang/ tshon dgye ba ma byas pa'i mdun du khrus mkhan gyi bu mo ji ltar smos pa'i mtshan dang yon tan dang ldan pa blang ngo/ /de lta bu'i shes rab ma blangs pa'i 'og tu/ de dkyil 'khor gyi bdag po dpal rdo rje sems dpa' i shes rab ma ye shes kyi lha mo mA
- 91b
ma kI dang gnyis su med pa'i ngo bor byin gyis brlab par bya'o/ /de ltar byin gyis brlab par byas nas/ ci ltar smos pa'i tshul du mA ma kI zhugs par 'gyur bar bstan to/ /bstan par bya ste/ gong du smos pa'i dkyil 'khor gyi bdag po dpal rdo rje sems dpa' i shes rab ma ye shes kyi lha mo mA ma kI dang gnyis su med pa'i ngo bor byin gyis brlabs ma thag tu shes rab ma'i lus la gnas lngar mdun du smos pa bzhin du rim ma nor bar de bzhin gshegs pa rigs lnga'i yig 'bru dgod pas byin gyis brlab par bya'o// tshul de ltar byin gyis brlab pa dang bsgom pa byas ma thag tu/ dkyil 'khor gyi rdo rje slob dpon gyis 'dod chags chen po'i sems dga' bas shes rab ma lha mo lag pa g.yon pas gzung nas gnyis su med par 'khyud pa'i sbyor bas thabs dang shes rab rol pa byas nas/ bde bar gyur pa'i dus su rdo rje lam gyi sgo nas shes rab ma'i b+ha ga'i dbus byang chub sems 'o ma'i rgyun bzhin du zhu nas zla ba'i dkyil 'khor gyi ngo bor gyur par bsam mo/ /de'i 'og tu ji ltar smos pa'i shes rab ma'i b+ha ga'i dbus su byang chub kyi sems su zla ba'i dkyil 'khor du gyur par byas te/ ban d+ha mtshan tham cad dang ldan pa'i nang du blang la bzhag go /de dkyil 'khor gyi rdo rje slob dpon gyis/ nyid kyi lus de ltar smos pa'i tshul du/ longs spyod rdzogs pa'i dkyil 'khor gyi ngo bor bsams la/ oM swa b+hA ba shud d+ha sarba d+harma swa b+hA ba shud d+ho haM/ zhes sngags kyi tshig brjod cing bza' bar bya'o/ /byang chub sems de ni mdun du smos pa'i tshul gyi dam tshig tu ming btags pa longs spyod rdzogs sku la thim par gyur par btag go /mdor bsdu ba de ltar rdo rje sems dpa' rgyal po che/ mA ma kI yang gzhug par bya'i don du gsungs so/ /'di ni sngags rnams thams cad kyi/ gsang mchog rmad du byung ba'o/ /zhes pa'i don ni sngar ji ltar bshad pa bzhin du 'dir bstan to/ /de ltar mdor bsdu ba 'di ni sngags
- 92a
rnams thams cad kyi/ gsang mchog rmad du byung ba'i don du gsungs so/ /de ltar byas na byin gyis rlob/ /yid las byung ba nyid byon no/ /rab tu dgyes par gyur nas ni/ /gsang ba'i mchog gis bri bar bya/ zhes bya ba'i don bshad par bya ste/ ji ltar yin na/ de ltar byas na zhes pa/ mdun du smos pa'i dam tshig gi ngo bo thabs dang shes rab rol pa bya ba'i thabs kyis byang chub sems phyung nas bza' bar bya'o/ /byin gyis rlob/ yid las byung zhes pa ni tshul ji ltar smos pa'i bsgom pa dang/ dam tshig spyod pa byas pas byin gyis brlab ces pa dkyil 'khor gyi rdo rje slob dpon nyid dang dkyil 'khor gyi yon bdag slob mas yid la ci dang ci 'dod pa'i dngos grub kyi 'bras bu de nges par 'grub par 'gyur bar smos so/ /de ltar byin gyis rlob yid de las byung ba'i don du gsungs so/ /nyid byon nas rab tu dgyes par gyur nas ni/ gsang ba mchog gis bri bar bya zhes pa ni/ dkyil 'khor gyi slob dpon gyis gsang ba'i spyod pa sbyang nas byang chub sems gsol ma thag tu thabs dang shes rab rol pa byas pa'i gnas kyi mal nas langs te/ gsang pa'i rol pa byas pas bde bar gyur pas sems dga' bas thig gdab pa dang/ tshon dgye ba dang/ dkyil 'khor rdzogs par bya bar bstan to/ /da ni tshon dgye ba rdzogs ma thag tu dkyil 'khor gyi bdag po la sogs pa sangs rgyas thams cad mchod pa bya ba'i don bstan par bya ste/ sngags kyi bsgrub pa bya ba yang/ /rdo rje gsang ba rmad po che/ /khro bo'i rgyal pos bkug nas ni/ /sangs rgyas thams cad mchod par bya/ /zhes bya ba'i don bshad par bya ste/ ci ltar yin na sngags kyi bsgrub pa bya ba yang/ rdo rje gsang ba rmad po che ni/ dkyil 'khor gyi rdo rje slob dpon gyis dang po gong du smos pa'i thugs dang/ sku dang/ gsung la sogs pa rim par dkyil 'khor smos pa thams cad kyi nang na rdo rje gang gi dkyil 'khor bri bar bya ba
- 92b
de'i rigs kyi bye brag gi phyi'i shes rab ma blang ngo/ /de mdun du smos pa'i mtshan dang yon tan thams cad dang ldan pa'o/ /gzhan yang rgyan thams cad kyis brgyan par bya'o/ /de bzhin du pad ma dang/ ku mu ta dang/ ud pa la dang/ tsam pa ka la sogs pa / dri sna tshogs dang ldan pa'i me tog gi phreng bas brgyan no/ /de lta bu'i shes rab ma blangs pa'i 'og tu dkyil 'khor gyi bdag po gang yin pa'i shes rab ma ye shes kyi lha mo dang/ gnyis su med par byin gyis brlab par bya'o/ /mdun du smos pa'i rim pa ma nor bar shes rab ma'i lus kyi gnas lngar/ de bzhin gshegs pa lnga'i sngags kyi yig 'bru lnga dgod par byin gyis brlab par bya'o/ /tshul de ltar byin gyis brlabs pa'i ting nge 'dzin byas pa'i 'og tu dkyil 'khor gyi rdo rje slob dpon gyis 'dod chags chen po'i sems dga' bas shes rab ma lha mo lag pa g.yon pas bzung nas/ gnyis su med par 'khyud pa'i sbyor bas thabs dang shes rab rol pa byas nas/ bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid chen po 'bar ba'i 'od kyis 'bar zhing 'od du zhu'o/ /de ma thag tu sngags kyi sa bon hUM ye shes kyi khu ba bzhin du byang chub sems kyi rgya mtsho la gnyis su med par thim par gyur bar bsam mo/ /sa bon de las khro bo'i rgyal po a mri ta kun Da li'i sku phyag rgya skyed par bya'o/ /de'i phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ gzhan sku mdog dang zhal dang/ phyag dang phyag mtshan dang/ rgyan rnams ni mdun du ji ltar smos pa dang sbyar ro/ /de lta bu'i khro bo'i rgyal po a mri ta kun Da li'i sku phyag rgya sprin bzhin du 'jig rten gyi khams thams cad du spro bar bya'o/ /de ma thag tu mdo sde la
- 93a
sogs pa'i zhing khams thams cad na gnas pa'i sangs rgyas de dag thams cad rdo rje skyo ba dang zhags pas dgug par bya'o/ /de'i 'og tu dgug par mdzad mkhan khro bo'i rgyal po dang bcas par spro ba'i gnas su bsdu bar bya'o/ /bstan par bya ste/ sngags kyi bsgrub pa bya bar ming btags pa ni gong du smos pa'i sngags kyi sa bon yig 'bru hUM las khro bo'i rgyal po a mri ta kun Da li'i sku phyag rgya sprin bzhin du spros pa yin no/ /de spro ba'i dus su rdo rjer ming btags pa dkyil 'khor gyi bdag po dang gnyis su med par bsgom par bya'o/ /gsang ba zhes pa ni/ gong du smos pa'i tshul du thabs dang shes rab rol pa byas nas byang chub sems gsang ba'i sa bon bskyed pa de sngags kyi yig 'bru ye shes kyi sa bon dang gnyis su med par gyur pa las ji ltar smos pa'i khro bo'i rgyal po a mri ta kun Da li'i sku phyag rgya bskyed nas spros pa'o/ /de ltar bskyed pa'i tshul gyi cho ga de ni rmad po che'i don du gsungs/ /mdor bsdu ba de ltar sngags bsgrub pa bya ba yang/ rdo rje gsang ba rmad po che'i don du gsungs so/ /khro bo'i rgyal pos bkug nas ni zhes pa'i don ni gong du smos bshad pas 'dir bde ste/ bshad mi dgos so/ /sangs rgyas thams cad mchod par bya zhes pa ni/ gong du smos pa'i tshul gyi sangs rgyas thams cad gsang ba'i gnas su bsdus ma thag tu/ ji ltar smos pa'i tshul du dkyil 'khor gyi rdo rje slob dpon gyis 'dod chags chen po'i sems dga' ba'i brtson 'grus kyis sngags hUM phaT ces brjod cing dal nas dal nas rdo rje dang pad ma bskyod pas thabs dang shes rab rol pa byas nas/ bde bar gyur pa'i dus su rdo rje lam gyi sgo nas/ sangs rgyas thams cad kyi spyi bo'i steng du byang chub sems 'o ma'i rgyun bzhin du 'od du zhu bar bya ba yin no/ /mchod pa de byas ma thag tu phyi dang gsang ba'i tshul du mnyam pa'i bsgom pa bya ba'o/ /de gsal ba
- 93b
bstan par bya ste/ tshul ji ltar smos pa'i phyir dang gsang ba'i mchod pa byas pa'i 'og tu rdo rje dang pad ma'i gnas gnyis nas ye shes lnga'i ngo bo'i 'bar ba chen po'i 'od 'byung bar bsam mo/ /de'i tsha bas sangs rgyas thams cad kyi sku phyag rgya dus gcig tu 'od du zhu nas ye shes kyi khu ba bzhin du rgya mtsho chen po dang mnyam par gyur par bsam mo/ /ye shes khu ba'i rgya mtsho de ye shes lnga'i ngo bo gzi brjid kyi gang du kha dog lnga dang ldan par gyur par btag go /gzi brjid kyi gong bu de rdo rje mi bskyod pa la sogs pa rigs lnga'i sa bon yig 'bru nyid nyid kyi kha dog dang ye shes dang ldan par lngar gyur to/ /hUM oM a swAhA/ /sngags kyi sa bon yig 'bru de dag las rdo rje mi bskyod pa la sogs pa rigs lnga'i de bzhin gshegs pa'i sku phyag rgya sprin bzhin du spro bar bya'o/ /sku phyag rgya de dag gi cha lugs phun sum tshogs pa ni/ le'u bzhi pa thugs kyi dkyil 'khor gyi dus su ji ltar smos pa de bzhin du 'dir bya bar bstan to/ /de lta bu'i ngo bo'i sku phyag rgya sprin bzhin du spros ma thag tu rdul tshon gyi dkyil 'khor du bdag po la sogs pa rigs lnga'i de bzhin gshegs pa rnams kyi nyid nyid kyi gnas su gdan la phyag mtshan la gnyis su med par thim par gyur par bsam mo/ /de ltar bye brag tu phyi dang gsang ba mnyam pa bsgom pa bya ba'i don du shes par bya'o/ /gzhan yang gong du smos pa'i bsgom pa byas ma thag tu/ 'phags pa ye shes zhags kyis bshad pa'i gsang ba'i mchod pa bya ba'i don bstan par bya ste/ ci ltar smos pa'i rigs lnga'i de bzhin gshegs pa'i sku phyag rgya sprin bzhin du tshul ma nor bar rdul tshon gyis dkyil 'khor la gnyis su med par thim par byas pa'i 'og tu/ dkyil 'khor gyi rdo rje slob dpon gyis 'dod chags chen po'i sems dga' bas/ thabs dang shes rab rol par byas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /byang chub sems de
- 94a
shes rab ma'i b+ha ga'i nang nas blangs nas ji ltar smos pa'i ban d+ha'i nang du gzhag go /de ltar byas nas ban d+ha'i nang du byang chub sems gzhag pa de/ oM swa b+hA ba shud d+ha sarba d+harma swa b+hA ba shud d+ho haM/ zhes sngags kyi tshig brjod cing bza' bar bya'o/ /de ltar byas pas sangs rgyas thams cad mchod par 'gyur ro/ /de ltar mchod pa byas pas sangs rgyas thams cad kyis dkyil 'khor gyi rdo rje slob dpon slob ma dang bcas pa byin gyis brlob par mdzad pas dkyil 'khor gyi dngos grub nges par thob par 'gyur ro/ /de ltar sangs rgyas thams cad mchod pa bya ba'i don du gsungs so/ /da ni gzhan yang gsang ba'i mchod pa bya ba'i bye brag gi don bstan par bya ste/ rdo rje dri med gsum dag gi /dam tshig mchod pa dus gsum du/ rdo rje gsum gyi sbyor bas bya/ /sngags kyi dngos grub thob par byed/ /ces bya ba'i don bshad par bya ste/ ci ltar yin na rdo rje dri med gsum dag gi /dam tshig mchod pa dus gsum du ni/ gong du smos pa'i tshul gyi gsang ba'i mchod pa bstan par bya te rdul tshon gyi dkyil 'khor gyi las kun ma rdzogs pa'i bar du nyin mtshan du lan gsum gsum mchod pa byang chub sems bza' bar bya'o/ /de bya ba'i dus su bsgom pa'i cho ga'i tshul bstan par bya ste/ /gsang ba'i mchod pa'i rdzas byang chub sems de ni rdo rje gsum du ming btags pa sku rdo rje dang/ gsung rdo rje dang/ thugs rdo rje gsum dang/ gnyis su med pa'i ngo bor bsgom par bya'o/ /sku dang gsung dang thugs rdo rje gsum de ni rdo rje can du ming btags pa ye shes gsum don dam par phyin ci log gi rnam par rtog pa'i nyon mongs pa'i dri ma dang bral ba yin no/ /don des gsang ba'i dam tshig gi mchod pa'i rdzas byang chub sems dri ma med pa yin no/ /mdor bsdu ba de ltar rdo rje dri med gsum dag gi /dam tshig mchod pa dus gsum gyi don du gsungs so/ /rdo rje gsum gyi sbyor bas bya/ sngags
- 94b
kyi dngos grub thob par byed ces pa ni/ gong du smos pa'i tshul gyi gsang ba'i mchod pa bya ba'i dus su dkyil 'khor gyi rdo rje slob dpon gyis dkyil 'khor gyi bdag po gang la bya ba de dang/ gnyis su med pa'i nga rgyal du bsgom pas de'i sku phyag rgya rdo rje gsum gyi sbyor bar ming btags pa/ sku rdo rje dang gsung rdo rje dang/ thugs rdo rje gsum dang gnyis su med pa'i ngo bor bsgom par bya ba bstan te/ /sngags kyi dngos grub thob par 'gyur zhes pa/ ci ltar smos pa'i tshul gyi gsang pa'i spyod pa spyad pas/ dkyil 'khor gyi dngos grub kyi 'bras bu thob pa 'am 'grub par 'gyur bar bstan to/ /de ltar rdo rje gsum gyi sbyor bas bya/ sngags kyi dngos grub thob par 'gyur gyi don du gsungs so/ /da ni gong du smos pa'i tshul du gsang ba'i mchod par byas ma thag tu/ mchod pa rmad du byung ba'i gtor ma dbul bar bya ba'i don bstan par bya ste/ sngags rnams thams cad nyid la yang/ /rmad du 'byung ba'i gtor ma dbul/ /bshang gci sha dang 'bru mar dang/ /lnga pa sems las byung ba dang/ /zhes bya ba'i don bshad par bya ste/ ci ltar yin na/ sngags rnams thams cad nyid la yang/ rmad du 'byung ba'i gtor ma dbul ba ni/ gtor ma'i snod dang/ rdzas phun sum tshogs pa dang/ spyan drang ba dang/ sangs rgyas thams cad la sogs pa dkyil 'khor gyi lha kun gyi/ sngags kun gyis byin gyis brlab pa dang/ yon chab dbul ba la sogs pa le'u bzhi pa thugs kyi dkyil 'khor gyi dus su don gsal ba ltar bshad pa de bzhin du 'dir bstan to/ /de ltar sngags rnams thams cad nyid la yang/ rmad du 'byung ba'i gtor ma dbul pa'i don du gsungs so/ /bshang gci sha dang 'bru mar dang/ lnga pa sems las byung ba dang zhes pa'i don ni mdun du bshad pas bde ste 'dir bshad mi dgos so/ khu ba dag gi sngags rnams kun/ /mnyes par 'gyur bar kun tu bshad/ /'di ni dam tshig mchog yin te/ /sangs rgyas byang chub rab rdzogs byed/ ces bya
- 95a
ba'i don bshad par bya ste/ ci ltar yin na/ khu ba dag gi sngags rnams kun/ /mnyes par 'gyur bar kun tu bshad ni/ khu bar ming btags pa byang chub sems te/ de ni gtor ma phul ba'i mdun du gsang ba'i yon chab yin te/ sngags thams cad dang bcas pa'i sbyor bas dbul bar bya'o/ /de'i cho ga'i tshul gyi don thugs kyi dkyil 'khor gyi dus su gsal bar ci ltar bshad pa de bzhin du 'dir sbyar ro/ /de ltar khu ba dag gi sngags rnams kun/ mnyes par 'gyur bar kun du bshad kyi don du gsungs so/ /'di dam tshig mchog yin te/ sangs rgyas byang chub rab rdzogs byed kyi don thugs kyi dkyil 'khor gyi dus su rgyas par ci ltar smos pa de bzhin du 'dir bstan to/ /thig gdab pa'i cho ga 'di/ /bdag nyid gal te spyod pa na/ rnam par snang mdzad rab tu sgom/ /yang na rdo rje sems dpa' bsgom zhes bya ba'i don bshad par bya ste/ ci ltar yin na/ thig gdab pa'i cho ga 'di/ bdag nyid gal te spyod na ni/ /mdun du smos pa'i rdul tshon gyi dkyil 'khor la dang po thig gdab par bya ba'i dus su/ rdo rje slob dpon nyid kyis gal te/ spyod pa zhes pa thig gdab bo/ /rnam par snang mdzad rab tu bsgom/ /yang na rdo rje sems dpa' bsgom zhes pa ni/ mdun du smos pa'i tshul gyi thig gdab par bya ba'i dus su/ dkyil 'khor gyi rdo rje slob dpon gyis/ dus 'dir sku rdo rje rnam par snang mdzad kyi sku phyag rgya cho ga bzhi'i tshul gyis gyur par byas nas/ de dang gnyis su med pa'i nga rgyal du bsgom pa byas nas thig gdab par bya'o/ /yang na de'i dus su/ dpal rdo rje sems dpa' nyid kyi sku phyag rgyar cho ga bzhis gyur par byas nas/ de dang gnyis su med pa'i nga rgyal du bsgom par bya zhing/ thig gdab pa yang mi 'gal lo/ /mdor bsdu ba de ltar rnam par snang mdzad rab tu bsgom/ yang na rdo rje sems dpa' bsgom gyi don du gsungs so/ /rdo rje bdud rtsi bsgom par bya/ /slob ma rdo rje gzi brjid che/ /
- 95b
sangs rgyas thams cad khyad par du/ las kyi go 'phang bsgom par bya/ /zhes bya ba'i don bshad par bya ste/ ci ltar yin na/ rdo rje bdud rtsi bsgom par bya/ slob ma rdo rje gzi brjid che ni/ gong du smos pa'i tshul du/ dkyil 'khor gyi rdo rje slob dpon gyis dkyil 'khor gyi thig gdab pa'i dus su/ nyid kyi slob ma thig gdab pa'i g.yog bya'o/ /de khro bo'i rgyal po a mri ta kun Da li'i sku phyag rgya ci ltar smos pa'i tshul du bskyed nas de dang gnyis su med pa'i nga rgyal du bsgom pa bya zhing rdo rje slob dpon thig 'debs pa'i g.yog bya'o/ /bstan par bya ste/ slob ma de ni gong du dbang thams cad rdzogs pa/ las thams cad grub pa'i snang ba thob pa/ shes rab thab pa dang rno ba dang ldan pa/ rnam par rtog pa spangs pa/ dkyil 'khor gyi las thams cad la mkhas pa/ snying rje che ba/ gsang ba'i spyod pa spyod cing bsgom pa dang sngags kyi zlas pa brtson 'grus kyis byed pa/ lus kyi gzi brjid dang ldan pa/ de dag la sogs pa yon tan mang po dang ldan par smos so/ /mdor bsdu ba de ltar/ rdo rje bdud rtsi bsgom par bya/ slob ma rdo rje gzi brjid che'i don du gsungs so/ /sangs rgyas thams cad khyad par du/ /las kyi go 'phang bsgom par bya zhes pa ni/ ci ltar smos pa'i yon tan dang ldan pa'i slob ma des thig gdab pa la sogs pa dkyil 'khor gyi las thams cad kyi go 'phang bya'o/ /de'i dus su khro bo'i rgyal po rdo rje bdud rtsi 'khyil ba dang/ gnyis su med pa'i nga rgyal du bsgom pa de ston pa phyag na rdo rje nyid la sogs pa rigs lnga'i bye brag gi sangs rgyas thams cad smos pa de dag thams cad dang/ khro bo'i rgyal po rdo rje bdud rtsi 'khyil pa gnyis su med pa'i ngo bo yin te/ de ltar slob ma las kyi rdo rje des bsgom par bya ba'i tshul gyi bsnyen pas bsgrub pa bya bar bstan to/ /de ltar sangs rgyas thams cad khyad par du/ las kyi go 'phang bsgom par bya'i don du gsungs so/ /sangs rgyas rgyal po lnga rnams ni/ /rdo rje thig skud
- 96a
dag la bkod/ /'dis ni sangs rgyas thams cad kyi/ /gsang ba rab tu ngo mtshar ba'o/ /zhes bya ba'i don bshad par bya ste/ ci ltar yin na/ sangs rgyas rgyal po lnga rnams ni/ /rdo rje thig skud dag la dgod ni/ thugs kyi dkyil 'khor dang/ sku'i dkyil 'khor dang/ gsung gi dkyil 'khor dang/ rin po che'i dkyil 'khor dang/ las kyi dkyil 'khor la sogs pa dkyil 'khor thams cad kyi rim pa ma nor bar thig gdab par bya ba'i dus su phyi nang gi bye brag gi kha dog dang/ sngags kyi byin gyis rlabs par bya ba dang/ rdo rje dgod par ming btags pa/ rdo rje mi bskyod pa la sogs pa rigs lnga'i bye brag gi sangs rgyas kyi ye shes kyi thig gi ngo bor gyur pa'i sgom pa'i cho ga'i don gsal bar bstan par bya ste/ dang po tshul ji ltar smos pa'i phyi'i thig skud lnga bya'o/ /de nas rim par tshon gyi kha dog sgyur bar bya'o/ /thugs kyi dkyil 'khor gyi dus su hUM oM a swAhA/ de ltar sngags yig 'bru bzla zhing tshon sngon por bsgyur bar bya'o/ /sku'i dkyil 'khor gyi dus su/ oM hUM a swAhA/ de ltar sngags kyi yig 'bru bzla zhing tshon dkar pos bsgyur bar bya'o/ /gsung gi dkyil 'khor gyi dus su a hUM oM swAhA/ de ltar sngags kyi yig 'bru bzla zhing tshon dmar pos bsgyur bar bya'o/ /de nas rin po che rigs kyi dkyil 'khor gyi dus su swA hUM oM a hA/ de ltar sngags kyi yig 'bru bzlas pa bya zhing tshon ser pos bsgyur bar bya'o/ /las kyi rigs kyi dkyil 'khor gyi dus su/ hA hUM oM a swa/ de ltar sngags kyi yig 'bru bzlas par bya zhing tshon ljang gus bsgyur bar bya'o/ /gzhan yang thugs kyi rigs kyi bye brag gi byang chub sems dpa' rnams dang/ de bzhin du khro bo'i rgyal po rnams kyi dkyil 'khor gyi dus su hUM oM a swa hA/ de ltar sngags kyi yig 'bru bzla zhing nyid nyid kyi dkyil 'khor gyi bdag po sku mdog dang mthun pa'i
- 96b
tshon gyis bsgyur bar bya'o/ /gzhan yang sku'i rigs kyi bye brag gi byang chub sems dpa' rnams dang/ de bzhin du khro bo'i rgyal po'i dkyil 'khor gyi dus su oM hUM A swahA/ /de ltar sngags kyi yig 'bru bzla zhing dkyil 'khor gyi bdag po nyid nyid kyi sku mdog dang mthun pa'i tshon gyis bsgyur bar bya'o/ /gzhan yang gsung gi rigs kyi bye brag gi byang chub sems dpa' dang de bzhin du khro bo'i rgyal po'i dkyil 'khor gyi dus su A hUM oM swahA/ /de ltar sngags kyi yig 'bru bzla zhing dkyil 'khor gyi bdag po nyid nyid kyi sku mdog dang mthun pa'i tshon gyis bsgyur bar bya'o/ /cho ga'i tshul de ltar thig skud lnga byas pa'i 'og tu gcig tu bsgril bar bya'o/ /de ltar cho ga'i tshul gyis dkyil 'khor thams cad bya ba'i dus su dkyil 'khor gyi bdag po nyid nyid kyi rigs kyi bye brag gi ci ltar smos pa'i sngags bzla zhing tshon gyis bsku bar bya'o/ /de ltar phyi'i thig gdab par bya'o/ /gzhan yang nang gi ye shes kyi thig gi ngo bor bya ba bstan par bya ste/ dang po dkyil 'khor gyi rdo rje slob dpon gyi sa gzhi'i shar phyogs su stan bde ba 'jam pa la mos pa'i skyil mo krung 'dug go /de'i 'og tu gong du smos pa'i thig skud de lnga mdun gyi gnas su brkyang la gzhag go /de ma thag tu thugs kyi dkyil 'khor gyi bdag po mi bskyod pa nyid kyi sku phyag rgyar mdun du smos pa'i cho ga bzhi'i tshul gyis gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan rnams dang/ nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de ltar sku phyag rgya'i cha lugs phun sum tshogs pa mdun du ji ltar smos pa de bzhin du 'dir sbyar ro/ /de lta bu'i ngo bo'i sku phyag rgya bskyed ma thag tu de dang gnyis su med pa'i nga rgyal du bsgom par bya'o/ /de ma thag tu nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog sngon po rin po che in+d+ra nI la lta bu/ gzi brjid kyis 'bar zhing
- 97a
'od du zhu nas ye shes kyi khu ba bzhin du gyur par brtag go /sa bon de las ye shes kyi thig skud kyi ngo bor gyur par bya'o/ /de kha dog sngon po me long lta bu'i ye shes kyi ngo bor spro bar bya'o/ /de ma thag tu thugs kyi rigs kyi phyi'i thig de la gnyis su med par thim par gyur par bsam mo/ /de'i dus su phyi'i thig ye shes kyi thig dang gnyis su med pa'i ngo bor gyur par brtag go /de byas pa'i 'og tu gsang ba'i thugs ka ye shes sems dpa' i gnas su sngags kyi sa bon yig 'bru oM bsam mo/ /de kha dog dkar po rin po che shel lta bu'o/ /de gzi brjid kyis 'bar zhing 'od du zhu nas ye shes kyi khu ba bzhin du gyur par brtag go /sa bon de las ye shes kyi thig gi ngo bor gyur par bya'o/ /de kha dog dkar po chos kyi dbyings kyi ye shes kyi ngo bo de spros ma thag tu/ sku'i rigs kyi phyi'i thig la gnyis su med par thim par gyur par bsam mo/ /de'i dus su phyi'i thig de ye shes kyi thig dang gnyis su med par gyur par brtag go /de byas pa'i 'og tu gsang ba'i thugs ka ye shes sems dpa' i gnas su sngags kyi sa bon yig 'bru A bsam mo// de'i kha dog dmar po rin po che pad ma rA ga lta bu'o/ /de gzi brjid kyis 'bar zhing 'od du zhu nas ye shes kyi khu ba bzhin du gyur par brtag go /sa bon de las ye shes kyi thig gi ngo bor gyur par bya'o/ /de kha dog dmar po so sor rtog pa'i ye shes kyi ngo bor spro bar bya'o/ /de ma thag tu gsung gi rigs kyi bye brag gi phyi'i thig la gnyis su med par thim par gyur par bsam mo/ /de'i dus su phyi'i thig de ye shes kyi thig dang gnyis su med pa'i ngo bor gyur par brtag go /de byas pa'i 'og tu gsang ba'i thugs ka ye shes sems dpa' i gnas su sngags kyi sa bon yig 'bru swa bsam mo/ /de kha dog ser po rin po che 'dzam bu nad lta bu'o/ /de gzi brjid kyis 'bar zhing 'od du zhu nas ye shes kyi khu ba bzhin du gyur par brtag go /sa bon de las ye shes kyi thig gi ngo bor gyur par bya'o/ /de kha dog
- 97b
ser po mnyam pa nyid kyi ye shes kyi ngo bo de spro bar bya'o/ /de ma thag tu rin po che'i rigs kyi bye brag gi phyi'i thig la gnyis su med par thim par gyur par brtag go /de'i dus su phyi'i thig de ye shes kyi thig dang gnyis su med pa'i ngo bor gyur par brtag go /de byas pa'i 'og tu gsang ba'i thugs ka ye shes sems dpa' i gnas su sngags kyi sa bon yig 'bru ha bsam mo/ /de kha dog ljang gu rin po che bai DUrya lta bu gzi brjid kyis 'bar zhing 'od du zhu nas ye shes kyi khu ba bzhin du gyur par brtag go /sa bon de las ye she kyi thig gi ngo bor gyur par bya'o/ /de kha dog ljang gu bya ba nan gyi ye shes kyi ngo bo spro bar bya'o/ /de ma thag tu las kyi rigs kyi bye brag gi phyi'i thig de la gnyis su med par thim par gyur par bsam mo/ /de'i dus su phyi'i thig de ye shes kyi thig dang gnyis su med par gyur par brtag go /gzhan yang thugs kyi rigs kyi bye brag gi byang chub sems dpa' rnams dang/ khro bo rnams kyi dkyil 'khor bya ba'i dus su thugs kyi dkyil 'khor mi bskyod pa rdo rje 'dzin nyid kyi ye shes thig tu gyur par bya bar ci ltar smos pa de bzhin du cho ga'i tshul gyis gyur par bya bar bstan to/ /gzhan yang sku'i rigs kyi bye brag gi byang chub sems dpa' rnams dang/ khro bo'i rgyal po ya man ta ka'i dkyil 'khor bya ba'i dus su gong du smos pa'i sku rdo rje rnam par snang mdzad nyid kyi ye shes kyi thig tu gyur par bya bar ji ltar smos pa de bzhin du cho ga'i tshul gyis gyur par bya bar bstan to/ /gzhan yang gsung gi rigs kyi bye brag gi byang chub sems dpa' 'jig rten dbang phyug dang/ khro bo'i rgyal po pad man ta ga'i dkyil 'khor bya ba'i dus su gong du smos pa'i gsung gi rdo rje snang ba mdza' yas nyid kyi ye shes kyi thig du gyur par bya bar ci ltar smos pa de bzhin du cho ga'i tshul gyis gyur par bya bar bstan to/ /mdor bsdu ba de ltar nang gi dkyil 'khor thams cad kyi ye shes kyi thig tu gyur par bya ba'i don gyi cho ga'i tshul du shes par bya'o/ /gzhan yang gong du smos pa'i
- 98a
tshul gyis gsang pa'i dkyil 'khor thams cad la gsang ba'i thig bya ste/ ci ltar le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya bar bstan to/ /gsang ba'i sngags thams cad bsgom pa'i sbyor? ba bya ba'i nang na gsang ba'i cho ga'i thig gi tshul du gyur par bya ba yin ngo mtshar du gyur par bya ba yin no/ /thig gdab pa'i 'og tu/ da ni tshon dgye ba'i bye brag dang/ tshad kyi bsgom pa bya ba'i cho ga'i don bstan par bya ste/ nyi shu rtsa lnga'i bye brag tu/ /tshon rtsi dag kyang rab tu bsgom/ /'di ni rdo rje thams cad kyi/ /gsang ba byang chub dam pa yin/ /zhes bya ba'i don bshad par bya ste/ ci ltar yin na/ nyi shu rtsa lnga'i bye brag tu/ /tshon rtsi dag kyang rnam par sgom ni/ thugs kyi dkyil 'khor dang/ sku'i dkyil 'khor dang/ gsung gi dkyil 'khor la sogs pa gong du ji ltar smos pa'i dkyil 'khor thams cad ci nang na gang bri ba de'i dkyil 'khor gyi bdag po la sogs pa 'khor de dag gi nyid nyid kyi gnas dang gdan gyi steng du nyid nyid kyi kha dog gi tshon rtsis sku phyag rgya'i mtshan ma'i ngo bo bri bar smos pa de ni nyi shu rtsa lnga'i bye brag tu gnyis su med par bsgom par bya ba yin no/ /de'i don gsal bar bstan par bya ba ste/ dkyil 'khor gyi bdag po la sogs pa dkyil 'khor gyi lha thams cad kyi sku phyag rgya'i phung po lnga dang khams lnga dang/ dbang po lnga dang/ yul lnga'o/ de so sor bye brag tu bshad par bya ste/ gzugs kyi phung po dang tsho? pa'i phung po dang/ 'du shes kyi phung po dag 'du byed kyi phung po dang/ rnam par shes pa'i phung po lnga'o/ /khams lnga ni/ sa'i khams dang/ chu'i khams dang/ me'i khams dang/ rlung gi khams dang/ nam mkha' i khams so/ /dbang po lnga ni/ mig gi dbang po dang/ rna ba'i dbang po dang/ sna'i dbang po dang/ lce'i dbang po dang/ lus kyi dbang po dang lnga'o/ /yul lnga ni/ gzugs dang/ sgra dang/ dri dang/ ro dang/ reg dang lnga'o/ /gzhan yang nang gi bye brag tu khyad
- 98b
par du bstan par bya ste/ phung po lnga dang gnyis su med pa'i ngo bor sangs rgyas lngar brtag go /gzugs kyi phung po dang gnyis su med pa'i ngo bor rnam par snang mdzad brtag go /tshor ba'i phung po dang gnyis su med pa'i ngo bor rin chen 'byung ldan brtag go /'du shes kyi phung po dang gnyis su med pa'i ngo bor snang ba mdza' yas brtag go /'du byed kyi phung po dang gnyis su med pa'i ngo bor don yod grub pa brtag go /rnam par shes pa'i phung po dang gnyis su med pa'i ngo bor rdo rje mi bskyod pa brtag go /khams lnga dang gnyis su med pa'i ngo bor sangs rgyas lnga'i shes rab ma ye shes kyi lha mo lnga brtag ste/ sa'i khams dang gnyis su med pa'i ngo bor sangs rgyas spyan brtag go /chu'i khams dang gnyis su med pa'i ngo bor mA ma kI brtag go /me'i khams dang gnyis su med pa'i ngo bor na bza' dkar mo brtag go /rlung gi khams dang gnyis su med pa'i ngo bor dam tshig sgrol ma brtag go /nam mkha' i khams dang gnyis su med pa'i ngo bor chos kyi dbyings kyi dbang phyug ma de ni nam mkha' i dbyings kyi ngo bo ston pa mdun du smos pa'i lha mo bzhi la khyab par gnas par brtag go /gzhan yang dbang po lnga dang gnyis su med pa'i ngo bor byang chub sems dpa' lnga brtag ste/ mig gi dbang po dang gnyis su med pa'i ngo bor sa'i snying po brtag go /rna ba'i dbang po dang gnyis su med pa'i ngo bor phyag na rdo rje brtag go /sna'i dbang po dang gnyis su med pa'i ngo bor nam mkha' i snying por brtag go /lce'i dbang po dang gnyis su med pa'i ngo bor 'jig rten dbang phyug brtag go /lus kyi dbang po dang gnyis su med pa'i ngo bor sgrib pa thams cad rnam par sel ba brtag go /gzhan yang yul lnga dang gnyis su med pa'i ngo bor byang chub sems dpa' lnga'i shes rab ma ye shes kyi lha mo sems ma rdo rje ma lnga brtag ste/ yul gzugs dang gnyis su med pa'i ngo bor gzugs rdo rje ma brtag go /yul sgra dang gnyis su med pa'i ngo bor sgra rdo rje ma brtag go /yul dri dang gnyis su med pa'i ngo bor dri rdo rje ma brtag go /yul ro dang gnyis su med pa'i ngo bor
- 99a
ro rdo rje ma brtag go /yul reg dang gnyis su med pa'i ngo bor reg rdo rje ma brtag go /da ni gzhan ni gong du smos pa'i lha nyi shu'i bye brag smos pa de me long lta bu'i ye shes ye shes la sogs pa ye shes lnga dang/ gnyis su med pa'i ngo bo'i bye brag du bstan par bya ste/ thugs rdo rje mi bskyod pa dang/ gzhan yang de'i rigs mA ma kI dang/ dam tshig sgrol ma dang/ byang chub sems dpa' phyag na rdo rje dang/ nam mkha' i snying po dang/ sgrib pa thams cad rnam par sel ba dang/ gzhan sgra rdo rje ma dang/ dri rdo rje ma dang/ reg rdo rje ma la sogs pa thams cad ni me long lta bu'i ye shes dang gnyis su med pa'i ngo bor brtag par bya'o/ /de nas sku'i rdo rje rnam par snang mdzad dang/ de'i rigs sangs rgyas spyan dang/ byang chub sems dpa' sa'i snying po dang/ gzhan yang gzugs rdo rje ma dang/ de dag ni chos kyi dbyings kyi ye shes dang gnyis su med pa'i ngo bor brtag go /de nas gsung rdo rje snang ba mdza' yas dang/ gzhan yang de'i rigs na bza' dkar mo dang/ byang chub sems dpa' 'jig rten dbang phyug dang/ ro rdo rje lha mo dang/ de dag so sor rtog pa'i ye shes dang gnyis su med pa'i ngo bor brtag go /de nas nga rgyal gyi rigs rin chen 'byung ldan ni mnyam pa nyid kyi ye shes dang gnyis su med pa'i ngo bor brtag go /de nas phrag dog gi rigs don yod grub pa ni/ bya ba nan tan gyi ye shes dang gnyis su med pa'i ngo bor brtag go /de ltar ye shes lnga dang bcas pa nyi shu rtsa lnga'i bye brag gi tshig la/ rnam par bsgom par bya bar bstan to/ /gzhan yang 'phags pa zhabs dkar pos nyi shu rtsa lnga'i bye brag du tshon la bsgom pa bshad pa'i don 'dir bstan par bya ste/ thugs kyi rigs kyi sngon pa rdo rje 'dzin nyid kyi rigs kyi dkyil 'khor gyi lha thams cad dang bcas pa me long lta bu'i ye shes dang gnyis su med pa'i ngo bor smos pa de ni me long lta bu'i
- 99b
ye shes ye shes gzhan bzhi dang gnyis su med par bstan to/ /gzhan yang sku rdo rje rnam par snang mdzad nyid kyi rigs kyi dkyil 'khor gyi lha thams cad dang bcas pa chos kyi dbyings kyi ye shes dang gnyis su med par smos pa de ni/ chos kyi dbyings kyi ye shes ye shes gzhan bzhi dang gnyis su med par ldan par bstan to/ /gzhan yang gsung rdo rje snang ba mdza' yas nyid kyi rigs kyi dkyil 'khor gyi lha thams cad dang bcas pa so sor rtog pa'i ye shes dang gnyis su med par smos pa de ni so sor rtog pa'i ye shes ye shes gzhan bzhi dang gnyis su med par ldan par bstan to/ /gzhan yang nga rgyal gyi rigs rin chen 'byung ldan mnyam pa nyid kyi ye shes dang gnyis su med pa'i ngo bor smos pa de ni mnyam pa nyid kyi ye shes ye shes gzhan bzhi dang/ gnyis su med par ldan par bstan to/ /gzhan yang phrag dog gi rigs don yod grub pa bya ba nan tan gyi ye shes dang gnyis su med pa'i ngo bor smos pa de ni bya ba nan tan gyi ye shes ye shes gzhan bzhi dang/ gnyis su med par ldan par bstan to/ /de ltar dus 'dir nyi shu rtsa lnga'i bye brag rdul tshon la bsgom par bya ba'i don du gsungs so/ /mdor bsdu ba de ltar nyi shu rtsa lnga'i bye brag tu tshon rtsi dag kyang rnam par bsgom gyi don du gsungs so/ /'di ni rdo rje thams cad kyi/ /gsang ba byang chub dam pa yin zhes pa ni/ rdo rje thams cad du ming btags pa dang sku dang gsung dang/ thugs kyi rigs gsum de ni tshul ji ltar smos pa nyid nyid kyi dkyil 'khor gyi lha dang bcas par smos pa dang gzhan yang nga rgyal gyi rigs rin chen 'byung ldan dang/ de bzhin du phrag dog gi rigs don yod grub pa dang/ de dag rdo rje thams cad du smos so/ /gsang ba byang chub dam pa yin zhes pa ni/ mdun du smos pa'i rdo rje thams cad kyi rdul tshon gyi dkyil 'khor bris pa'i dus su nyi shu rtsa lnga'i bye brag tu rdul tshon la bsgom pa byas pas don dam pa gsang ba'i ngo bo bla na med pa'i byang chub kyi 'bras bu thob par bstan to/ /de ltar 'di ni rdo rje thams cad kyi/ /gsang ba byang
- 100a
chub dam pa yin gyi don du gsungs so/ /da ni khyad par du bsgom pa bya ba'i man ngag gi bstan par bya ste/ sngags rnams thams cad nyid la yang/ /rdo rje hUM mdzad bsgom par bya/ /sku gsung thugs kyi dam tshig mchog /gnas lnga? dag tu bsgom par bya/ /zhes bya ba'i don bshad par bya ste/ ci ltar yin na/ sngags rnams thams cad nyid la yang/ /rdo rje hUM mdzad bsgom par bya ni/ sngags rnams thams cad du ming btags pa gong du smos pa'i thugs kyi dkyil 'khor dang/ sku'i dkyil 'khor dang/ gsung gi dkyil 'khor la sogs pa ci ltar smos pa'i dkyil 'khor thams cad kyi nang na/ gang yang rung ba bris nas slob ma bcug gi bar du/ gal te rlung byung ba dang/ sa 'og nas chu byung ba dang/ gzhan yang nam mkha' las char drag po bab? pa? dang/ gzhan yang slob dpon dang/ /slob ma la rims la sogs pa nad rnams kyis 'debs pa la sogs pa gnod pa'i bye brag sna tshogs byung na/ de med par bya ba'i phyir dkyil 'khor gyi rdo rje slob dpon gyis dkyil 'khor gyi bdag po dang gnyis su med pa'i nga rgyal du bsgoms pas nyid kyi gsang ba'i snying ga'i gnas su sngags kyi sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu nas/ ye shes kyi khu ba bzhin du 'gyur ro/ /sa bon de las khro bo'i rgyal po badzra hUM ka ra'i sku phyag rgya chen po skyed par bya'o/ /de'i phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ gzhan sku mdog dang/ zhal dang/ phyag dang/ phyag mtshan dang/ rgyan rnams la sogs pa sku phyag rgya'i cha lugs phun sum tshogs pa ni/ le'u bzhi pa thugs kyi dkyil 'khor du ji ltar smos pa de bzhin du 'dir bya bar bstan to/ /de lta bu'i khro bo'i rgyal po chen po badzra hUM ka ra'i sku phyag rgya bskyed ma thag tu/ steng
- 100b
gi phyogs su btang bar bya'o/ /de'i dus su klu ma rungs pa la sogs pa gnod pa byed pa'i bdud dang bgegs kyi tshogs de dag thams cad rim pas rdo rje kyo bas snying ga nas bzung/ rdo rje zhags pas mgul pa nas bcings te/ tshul de ltar dgug par bsam mo/ /de ma thag tu rdul tshon gyi dkyil 'khor gyi dbus su bdag po'i sku phyag rgya la 'gugs par mdzad mkhan dang bcas par gnyis su med par thim par gyur par bsam mo/ /de ltar byas pa'i 'og tu gong du smos pa'i gnas nas cho ga'i tshul de bzhin du khro bo'i rgyal po badzra hUM ka ra'i sku phyag rgya bskyed par bya'o/ /de mdun du smos pa'i tshul gyi sku phyag rgya'i cha lugs phun sum tshogs pa thams cad dang ldan pa'o/ /de lta bu'i ngo bo khro bo'i rgyal po chen po badzra hUM ka ra'i sku phyag rgya bskyed ma thag tu dkyil 'khor gyi 'og gi sa 'og gi phyogs su btang bar bya'o/ /de'i dus su ba ru na la sogs pa bdud dang/ /bgegs kyi tshogs gnod pa byed pa thams cad rim pas rdo rje kyo bas snying ga nas bzung/ rdo rje zhags pas mgul ba nas bcings te/ tshul de ltar bkug par bsam mo/ / de ma thag tu rdul tshon gyi dkyil 'khor la bdag po'i mdun du 'khor gyi de bzhin gshegs pa'i dbus su sku phyag rgya la 'gugs par mdzad mkhan dang bcas par thim par gyur par bsam mo/ /de ltar byas pa'i 'og tu mdun du smos pa'i gnas nas cho ga'i tshul de bzhin du khro bo'i rgyal po badzra hUM ka ra'i sku phyag rgya chen po bskyed par bya'o/ /de mdun du smos pa'i sku phyag rgya'i cha lugs phun sum tshogs pa thams cad dang ldan pa'o/ /de lta bu'i ngo bo'i khro bo'i rgyal po chen po badzra hUM ka ra'i sku phyag rgya bskyed ma thag tu 'jig rten gyi khams thams cad du btang bar bya'o/ /de'i dus su rlung gi rgyal po be ram ba la sogs pa bdud dang bgegs kyi tshogs gnod pa byed pa thams cad rim pas rdo rje kyo bas snying ga nas bzung/ rdo rje zhags pas mgul pa nas bcings te/ tshul de ltar dgug
- 101a
par bsam mo/ /de ma thag tu rdul tshon gyi dkyil 'khor du/ bdag po'i g.yas phyogs su de bzhin gshegs pa'i dbus su sku phyag rgya la dgug par mdzad mkhan dang bcas pa gnyis su med par thim par gyur par bsam mo/ / de ltar byas pa'i 'og tu mdun du smos pa'i gnas nas cho ga'i tshul de bzhin du khro bo'i rgyal po chen po badzra hUM ka ra'i sku phyag rgya bskyed par bya'o/ /de ni mdun du smos pa'i tshul gyi sku phyag rgya'i cha lugs phun sum tshogs pa thams cad dang ldan pa'o/ /de lta bu'i ngo bo khro bo'i rgyal po chen po badzra hUM ka ra'i sku phyag rgya bskyed ma thag tu 'jig rten gyi khams thams cad du btang bar bya'o/ /de'i dus su nam mkha' la gnas pa'i rlung ma rungs pa la sogs pa bdud dang bgegs kyi tshogs gnod pa byed pa thams cad rim pa nas rdo rje kyo bas snying ga nas bzung/ rdo rje zhags pas mgul pa nas bcings te/ tshul de ltar bkug par bsam mo/ /de ma thag tu rdul tshon gyi bdag po'i rgyab phyogs su 'khor gyi ngo bo'i de bzhin gshegs pa'i dbus su sku phyag rgya la 'gugs par mdzad mkhan dang bcas par gnyis su med par thim par gyur par bsam mo/ /de ltar byas pa'i 'og tu mdun du smos pa'i gnas nas cho ga'i tshul de bzhin du khro bo'i rgyal po badzra hUM ka ra'i sku phyag rgya bskyed par bya'o/ /de mdun du smos pa'i tshul gyi sku phyag rgya'i cha lugs phun sum tshogs pa thams cad dang ldan pa'o/ /de lta bu'i khro bo'i rgyal po chen po badzra hUM ka ra'i sku phyag rgya'i sku phyag rgya skyed ma thag tu/ 'jig rten gyi khams thams cad du btang bar bya'o/ /de'i dus su bgegs kyi rgyal po byin ya ga la sogs pa bdud dang bgegs kyi tshogs ma rungs pa/ gnod pa thams cad rim pas rdo rje kyo bas snying ga nas bzung/ rdo rje zhags pas mgul pa nas bcings te/ tshul de ltar bkug par bsam mo/ /de ma thag tu rdul tshon gyi dkyil 'khor du
- 101b
bdag po'i g.yon du 'khor gyi de bzhin gshegs pa'i dbus su dgug par mdzad mkhan dang bcas par gnyis su med par thim par gyur par bsam mo /mdor bsdu ba de ltar sngags rnams thams cad nyid la yang /rdo rje hUM mdzad bsgom par bya ba'i don tu gsungs so/ /sku gsung thugs kyi dam tshig mchog /gnas lnga dag tu sgom par bya zhes pa ni/ gong du smos pa'i khro bo'i rgyal po chen po hUM ka ra'i sku phyag rgya lan lnga spro bar byas pa de ni don dam par ci ltar smos pa'i de bzhin gshegs pa de dag thams cad kyi sku dang gsung dang thugs rdo rje gnyis su med pa'i ngo bor smos so/ /dam tshig ces pa/ dkyil 'khor gyi rdo rje slob dpon gyis snying rje chen po zhe sdang gi sems bskyed nas/ dkyil 'khor la gnod pa byed pa'i bdud dang bgegs kyi tshogs thams cad dgug pa 'am gzhom par bya ba'i phyir/ ci ltar smos pa'i tshul gyi khro bo'i rgyal po chen po badzra hUM ka ra'i spros pa'i don de dam tshig du smos so/ /gnas lnga dag tu bsgom par bya/ zhes pa ni/ dkyil 'khor gyi bdag po la sogs pa de bzhin gshegs pa lnga'i gong du smos pa'i gnas kyi stan gyi dbus su phyag rgya la khro bo'i rgyal po chen po badzra hUM ka ra'i sku phyag rgya dgug pa'i sems can dang bcas pa gnyis su med par thim par gyur par bsgom par bstan to/ /mdor bsdu ba de ltar sku gsung thugs kyi dam tshig mchog /gnas lnga dag tu bsgom par bya ba'i don du gsungs so/ /da ni gong du smos pa'i bsgom pa byas pa'i 'bras bur 'gyur ba'i don bstan par ste/ de ltar rab tu byas na ni/ /rdo rje mi phyed gsum la skyed/ /rdo rje sems dpa' blo ldan pa/ /'jigs shing skrag nas byin gyis rlob/ ces bya ba'i don bshad par bya ste/ ci ltar yin na/ de ltar rab tu byas na ni/ rdo rje mi phyed gsum la skyes ni/ gong du smos pa'i tshul gyi khro bo'i rgyal po chen po badzra hUM ka ra'i sku phyag rgya lan lnga spros pas bdud dang bgegs kyi tshogs gnod pa byed pa thams cad
- 102a
bkug nas gnas lngar gnyis su med par thim par byas par bsgoms pa de'i yon tan gyis/ byin gyis rlob pa zhes pa/ dpal rdo rje sems dpa' la sogs pa de bzhin gshegs pa thams cad kyi sku dang gsung dang thugs gsum don dam gnyis med dkyil 'khor gyi rdo rje slob dpon slob ma dang bcas pas/ rdo rjer ming btags pa dkyil 'khor gyi bdag po de ci ltar smos pa'i sku dang gsung dang thugs rdo rje gsum gnyis su med pa'i ngo bo'i 'bras bu skyes pa 'grub par 'gyur ro/ /de ltar rab tu byas na ni/ rdo rje mi phyed gsum las skyes pa'i don du gsungs so/ /rdo rje sems dpa' blo ldan pa/ 'jigs shing skrag nas byin gyis rlob ces pa ni/ gong du smos pa'i tshul dngos grub kyi 'bras bu de ni dpal rdo rje sems dpa' la sogs ba rigs lnga de dag gi thugs rje chen po'i dam tshig gis thugs skul bas 'jigs pa 'am skrag par gyur nas/ blo dang ldan pa'i rdo rje slob dpon de la byin gyis rlob pa dngos grub kyi 'bras bu gsol bar gsungs so/ /de ltar rdo rje sems dpa' blo ldan pas 'jigs shing skrag nas byin gyis rlob kyi don du gsungs so/ /de ni rdo rjer ming btags pa dkyil 'khor gyi bdag po la sogs pa dkyil 'khor gyi lha thams cad kyi bum pa phun sum tshogs pa bya ba'i cho ga'i tshul bstan par bya ste/ rdo rje bum pa gzhag pa ni/ sngags dang sbyor ba gsungs pa yang/ /rdo rje sems dpa' i ting 'dzin gnas/ /bstan pa'i glos ni gzhag par bya/ /zhes bya ba'i don bshad par bya ste/ ci ltar yin na/ rdo rje bum pa bzhag pa ni/ /sngags dang sbyor bas gsungs pa yang ni/ bum pa'i bya ba'i rdzas dang de rigs lnga'i bye brag gi kha dog dang/ grangs kyi tshad dang gzhan yang dkyil 'khor gyi bdag po la sogs pa lha thams cad kyi nyid nyid kyi bskyed pa'i sa bon gyi yig 'bru bri ba las/ de bri ba'i rdzas dang
- 102b
bum pa rnams kyi nang du chu dang rdzas kyis dgang ba dang/ phyi'i rdzas dri dang ldan pa thams cad nang du gzhug pa dang/ rigs lnga'i bye brag gi rin po che sna lnga dang kha rgyan me tog dang/ shing tog dang ldan pa'i shing gi yal ga dang/ de bzhin du pad ma dang/ ud pa la la sogs pa me tog dri dang ldan pa thams cad gzhug go /gzhan yang rigs lnga'i bye brag gi kha dog dang ldan pa'i ras yug gis bcing ngo/ /mdor bsdu ba cho ga'i tshul gyi don de lta bu bum pa'i sngags dang sbyor ba gsungs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin du dus 'dir bya bar bstan te/ /mdor bsdu ba de ltar rdo rje'i bum pa bzhag pa ni/ /sngags dang sbyor ba gsungs pa'i don tu gsungs so/ /rdo rje sems dpa' i ting 'dzin gnas/ /brtan pa'i blos ni gzhag par bya zhes pa ni/ mdor bsdu ba ni gong du smos pa'i tshul du bum pa kun la sngags dang sbyor ba dgod par bya ba'i dus su dkyil 'khor gyi rdo rje slob dpon gyis dpal rdo rje sems dpa' ni/ ston pa mi bskyod pa rdo rje 'dzin nyid yin te/ de dang gnyis su med pa'i nga rgyal gyis/ sems mi g.yo ba rtse gcig pa'i ting nge 'dzin la gnas pas/ rnam par rtog pa thams cad spangs nas/ sems brtan pas dkyil 'khor thams cad la/ nyid nyid kyi bdag po la sogs pas dkyil 'khor gyi lha thams cad kyi gong du smos pa'i tshul ma nor bar nyid nyid kyi gnas su sku dang gsung thugs kyi yig 'bru gsum bzla/ zhing bum pa bzhag pa 'am dbul bar bya ba yin no/ /gzhan yang bum pa'i yon tan gyi 'bras bu phun sum tshogs pa ni/ le'u bzhi pa thugs kyi dkyil 'khor gyi dus su ci ltar smos pa de bzhin du 'dir 'gyur bar bstan to/ /de ltar rdo rje sems dpa' i ting nge 'dzin gnas/ bstan pa'i blos ni bzhag pa'i don du gsungs so/ /gzhan yang bstan par bya ste/ mdun du smos pa'i bum pa kun bkod pa'i 'og du phyi dang nang dang gsang ba'i tshul gyi
- 103a
mchod pa chen po le'u bzhi pa thugs kyi dkyil 'khor gyi ji ltar smos pa de bzhin du/ sku rdo rje'i dkyil 'khor dang/ gsung rdo rje'i dkyil 'khor la sogs pa dkyil 'khor thams cad la khyab par bstan to/ /da ni zhi ba dang rgyas pa dang dbang dang/ drag po la sogs pa hom rnams byas ba'i 'og tu/ nang gi hom 'di dkyil 'khor gyi slob ma dbang phun sum tshogs pa bskur ba rdzogs pa'i 'og tu byas par bstan par bya ste/ dngos grub kun gyi 'bras 'dod pa'i/ /sngags shes pas ni sbyin bsreg bya/ /bshang gci 'bru mar shal sogs/ /sbyin sreg rab tu dbul bar bya/ /mi phyed rdo rje 'khor lo can/ /rdo rje gsang ba'i sbyin sreg dbul/ /dbus su lha yi gzugs bsams te/ /de yi zhal du dbab par bya/ /zhes bya ba'i don ni le'u bzhi pa thugs kyi dkyil 'khor gyi dus su rgyas par ci ltar bshad pa de bzhin du 'dir bstan to/ /gzhan yang man ngag gis bstan par bya ste/ sku'i dkyil 'khor dang gsung gi dkyil 'khor la sogs pa dkyil 'khor thams cad kyi nang nas gang bri ba de'i bdag po dang/ gnyis su med pa'i nga rgyal du bsgom ba bya zhing nang gi hom gyi cho ga'i tshul du bya bar bstan to/ /dbang po gnyis kyi dam tshig mchog /blo dang ldan pas brgyad brgya mchod/ /'di ni sangs rgyas thams cad kyi/ /dam tshig shin tu 'da' dka' ba'o/ /zhes bya ba'i don bshad par bya ste/ /dbang po gnyis kyi dam tshig mchog ni/ nang gi sbyin sreg bya ba'i dus su dkyil 'khor gyi bdag po'i gang yin pa de'i rigs kyi bye brag gi phyi'i bu mo blangs la dkyil 'khor gyi bdag po nyid kyi shes rab ma ye shes kyi lha mo dang gnyis su med par byin gyis brlab par bya'o/ /de'i 'og tu 'dod chags chen po'i sems dga' bas 'khyud nas/ gsang ba'i dbang po gnyis mnyam par sbyar bar bya bar bstan to/ /de ltar dbang po gnyis kyi dam tshig mchog tu gsungs so/ /tshig
- 103b
gzhan gsum gyi don le'u bzhi pa thugs kyi dkyil 'khor gyi dus su ji ltar smos pa bzhin du 'dir sbyar ro/ /da ni man ngag gi bsgom pa bya ba'i don bstan par bya ste/ rnam par snang mdzad sbyor ba yis/ /slob ma rdo rje gsum las byung/ /a ni lus dang ngag sems la/ /bsgoms nas rdo rje gzung bar bya/ /zhes bya ba'i don bshad par bya ste/ ci ltar yin na/ rnam par snang mdzad sbyor ba yis/ /rdo rje slob ma gsum las byung ni/ sku rdo rje rnam par snang mdzad kyi dkyil 'khor du slob ma gzhug pa'i mdun du dkyil 'khor gyi rdo rje slob dpon gyi sbu rdo rje rnam par snang mdzad kyi sbyor ba zhes pa ji ltar smos pa'i tshul du gnyis su med pa'i nga rgyal du bsgom par bya'o/ /de ma thag tu byams pa dang/ snying rje chen pos phas bu la ji ltar byed pa bzhin du sems bskyed nas nyid kyi mdun du bzhag par bya'o/ / slob ma'i spyi bo'i steng gi dbus su sngags kyi sa bon yig 'bru oM bsam mo/ /de kha dog dkar po chos kyi dbyings kyi ye shes kyi gzi brjid kyi phung po bzhin du 'bar zhing 'od du zhu nas ye shes kyi khu ba bzhin du spyi bo'i nang gi dbus su thim par gyur par bsam mo/ / de ltar byas pa'i 'og tu slob ma lus sku rdo rje rnam par snang mdzad kyi sku phyag rgya dang gsung dang thugs rdo rje gsum dang gnyis su med par smos pa de bzhin du gyur par brtag go /mdor bsdu ba de ltar rnam par snang mdzad sbyor ba yis/ /slob ma rdo rje gsum las byung gi don du gsungs so/ /a ni lus? dang ngag sems la/ /bsgoms nas rdo rjes bzung bar bya zhes pa ni/ gsung rdo rje snang ba mdza' yas kyi dkyil 'khor du slob ma gzhug pa'i 'og tu dkyil 'khor gyi rdo rje slob dpon gyis ji ltar smos pa'i tshul gyis gsung rdo rje snang ba mdza' yas dang gnyis su med pa'i nga rgyal du sgom par bya'o/ /de ma thag tu byams pa chen po dang/ snying rje chen po phas bu la byed pa bzhin du bskyed nas nyid kyi mdun du gzhag /slob ma'i spyi bo'i steng gi dbus su sngags kyi sa bon yig 'bru a bsam mo/ /de kha dog
- 104a
dmar po so sor rtog pa'i ye shes ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du spyi bo'i nang gi dbus su thim par gyur par bsam mo/ /de ltar byas pa'i 'og tu slob ma'i lus ji ltar gsung rdo rje snang ba mdza' yas kyi sku phyag rgya dang gsung dang thugs rdo rje gnyis su med pa'i ngo bor ci ltar smos pa de bzhin du rdo rje lta bur/ dkyil 'khor gyi rdo rje slob dpon gyis rdo rje sems kyis bzung ba zhes pa gyur par bsgom pa yin no/ /de ltar a ni lus dang ngag sems la/ bsgoms nas rdo rjes gzung bar bya'i don du gsungs so/ /gzhan yang mdun du smos pa'i tshogs thugs kyi rigs rdo rje sems dpa' la sogs pa rim pa ma nor bar dkyil 'khor thams cad smos pa de dag nyid nyid kyi dkyil 'khor bris pa'i dus su dkyil 'khor gyi bdag po nyid kyi sku phyag rgya bskyed pa'i sngags kyi sa bon gyi yig 'brus/ slob ma'i lus byin gyis brlab pa byas nas mdun du smos pa'i tshul gyi sku dang gsung dang thugs rdo rje gsung dang gnyis su med pa'i ngo bor gyur par bya bar bsgom par bya bar bstan to/ /da ni mdun du smos pa'i tshul gyi slob ma sngags kyi byin gyis brlab pa byas pas 'bras bur 'gyur ba'i don bstan par bya ste/ rgyal chen rdo rje sems dpa' dang/ /grags chen rnam par snang mdzad dang?/ / sku gsung thugs kyi dam tshig du/ byin gyis brlabs ni rab tu stsol/ zhes bya ba'i don bshad par bya ste/ /ci lta yin na/ rgyal chen rdo rje sems dpa' dang/ /grags chen rnam par snang mdzad ni/ /dkyil 'khor bdag po de dag thams cad kyi bdag po bskyed par mdzad mkhan rgyal po'i ngo bo rgyud 'di la rdo rje sems dpa' yin te/ don des rgyal po chen por smos so/ /gzhan yang dpal rdo re sems dpa' nyid la sogs pa de bzhin gshegs pa de dag thams cad kyi sku rdo rje don dam par gnyis su med pa'i ngo
- 104b
po rnam par snang mdzad yin no/ /nges sems can thams cad chos kyi dbyings kyi ye shes kyis byin gyis brlab pa mdzad pas nyon mongs pa thams cad kyi sdug bsngal gyi nad med de/ de'i 'og du bde ba zhi ba thams cad kyi ngo bor 'gyur ro/ /don des rnam par snang mdzad grags chen por smos so/ /mdor bsdu ba de ltar rgya chen rdo rje sems dpa' dang grags chen rnam par snang mdzad kyi don du gsungs so/ /sku gsung thugs kyi dam tshig tu/ byin gyis brlab ni rab tu gsol zhes pa ni/ gong du smos pa'i tshul du slob ma dkyil 'khor du ma bcug pa'i 'og tu ji ltar smos pa'i cho ga'i tshul gyi sngags kyi byin gyis brlabs pa byas pa'i 'og tu/ rdo rje sems dpa' dang/ rnam par snang mdzad dang/ gzhan yang dkyi 'khor thams cad kyi bdag po rnams kyis thugs rje chen po'i thugs bskyed nas/ sku dang gsung dang thugs kyi dam tshig tu ming btags pa chos kyi dbyings kyi ye shes dang/ so sor rtog pa'i ye shes dang/ me long lta bu'i ye shes dang/ de ltar sku gsung thugs kyi ye shes gsum gyis slob ma'i lus dang ngag yid gsum byin gyis rlob par mdzad do/ /de'i yon tan gyis slob ma dkyil 'khor gang du zhugs pa de'i bdag pos sku dang gsung dang thugs rdo rje gnyis su med par ngo bo'i 'bras bu stsol bar grub par bstan to/ /de ltar sku gsung thugs kyi dam tshig tu byin gyis brlabs ni rab tu gsol gyi don du gsungs so/ /da ni gzhan yang slob ma dkyil 'khor du gzhug pa'i sngags kyi tshig gi cho ga'i don bstan par bya ste/ de la 'di ni dkyil 'khor chen por 'jug pa'i rdo rje'i tshig go /a khaM b+hi ra hUM/ zhes bya ba'i don bshad par bya ste/ ci ltar yin na/ de la 'di ni dkyil 'khor chen por 'jug pa'i rdo rje'i tshig gi don ni bde ste bshad mi dgos so/ /a khaM b+hi ra hUM/ zhes bya ba ni/ sngags kyi sa bon yig 'bru a de ni dpal rdo rje sems dpa' nyid la sogs pa/ de bzhin gshegs pa thams cad kyi
- 105a
don dam par gsung rdo rje dang gnyis su med pa'i ngo bo de ni so sor rtog pa'i ye shes kyi gzugs yin no/ /gzhan yang phyi dang nang gi chos thams cad dang rig pa thams cad kyi gnas rtsa ba'i snying po'o/ /de brjod pas ma rig pa'i dra ba gti mug chen po'i rtsa ba gcod par byed pa'o/ /de'i 'og tu ji ltar smos pa'i chos thams cad dang/ rig pa'i gnas rnams rtogs pa'i ye shes kyi 'bras bur gyur par brtan to/ /de nas bi zhes bstan pa ni/ gong du smos pa'i de bzhin gshegs pa thams cad kyis sems can thams cad kyi don gyi bye brag sna tshogs grub par mdzad pa'i phyir thugs rje chen po rtsa ba'i ngo bo 'phrin las yin te/ de ni bya ba nan tan gyi gzugs nyid kyi ye shes kyi gzugs yin no/ /gzhan yang de brjod pas 'phrin las kyi dngos grub kyi 'bras bu thams cad du 'gyur bar bstan to/ /de nas khaM zhes bya ba ni/ ji ltar smos pa'i de bzhin gshegs pa'i de bzhin gshegs pa thams cad kyis ji ltar smos pa'i tshul gyis 'phrin las mdzad pa'i yon tan gyis ye shes kyi dngos grub kyi 'bras bur gyur pa'i ngo bo mnyam pa nyid kyi ye shes kyi gzugs yin no/ /gzhan yang de brjod pas gnod pa med de/ lha dang mi la sogs pa sems can thams cad bran bzhin du dbang du 'gyur bar bstan to/ /de nas ra zhes bya ba ni/ gong du smos pa'i de bzhin gshegs pa thams cad kyi sku rdo rje dang/ don dam par gnyis su med pa'i ngo bo de ni chos kyi dbyings kyis ye shes kyi gzugs yin no/ /gzhan yang de brjod pas ji bdag gi bdud pham par gyur pa'i ngo bo rdo rje'i skur gyur par bstan to/ /de nas hUM zhes bya ba ni/ don dam par de bzhin gshegs pa thams cad kyi thugs rdo rje dang gnyis su med pa'i ngo bo de ni me long lta bu'i ye shes kyi gzugs yin no/ /gzhan yang de brjod pas de bzhin gshegs pa thams cad kyi ye shes kyi thugs dkyil 'khor dang gnyis su med pa'i bla na med pa'i
- 105b
'bras bur ngo bor gyur par bstan to/ /tshul de ltar yon tan ji ltar smos pa dang ldan pa'i sngags kyi yig 'bru lnga rdo rje'i tshig gi sngags brjod cing dkyil 'khor gyi shar phyogs kyi sgo'i mtshams su slob ma me tog gis thal mo dgang bar bya'o/ /de'i dus su 'thus le'u bzhi pa/ thugs kyi dkyil 'khor gyi dus su dkyil 'khor gyi phyogs bzhi ga'i gos kyi sol bas skad cig tsam bsgrib pa dang/ gzhan yang dkyil 'khor gyi rdo rje slob dpon gyis las kyi rdo rje la bka' stsal nas/ de thos ma thag tu slob ma ji ltar smos pa'i tshul gyis rdo rje slob dpon gyi spyan sngar dkyil 'khor du 'jug pa dang/ dbang mnod pa'i phyir gsol ba gdab pa'i don gyi tshul ji ltar smos pa de bzhin du dus 'dir bya bar bstan to/ /mdor bsdu ba de ltar a khaM b+ha ri hUM gi don du gsungs so/ /gzhan yang bstan par bya ste/ dus 'dir sngags a khaM b+hi ra hUM slob mas brjod pa dang/ me tog thal mos bzung ba'i tshul gyis dkyil 'khor du gzhug par mos pa 'di bzhin du/ le'u bzhi pa thugs kyi dkyil 'khor gyi dus su bya bar bstan to/ /gzhan yang gong du smos pa'i tshul du slob ma bcug mthag tu rdo rje slob dpon gyi zhabs gnyis la thal mo'i me tog gtor nas lan mang por phyag bya'o/ /de'i 'og tu ci ltar smos pa'i zhes pa'i cha lugs phun sum tshogs pa byas nas dkyil 'khor du 'jug pa dang/ dbang nod pa'i phyir rdo rje slob dpon la gsol ba btab par bstan pa de bzhin du dus 'dir bya bar bstan to/ /gzhan yang mdun du smos pa'i tshul gyis slob mas rdo rje slob dpon la gsol ba btab pa'i 'og tu rdo rje slob dpon gyis thugs rje chen po'i thugs dgyes pa bskyed nas slob ma rnams dkyil 'khor du gzhug pa dang/ dbang bskur ba sbyin pa'i phyir theg pa chen po gsang sngags kyi chos spyod pa'i snod du gyur par bya ba'i rdo rje chu sku dang gsung dang thugs rigs gsum gyi sngags bzla zhing gtor bas byin gyis brlab pa thugs kyi dkyil 'khor du ji ltar smos pa de bzhin du dus 'dir bya bar bstan
- 106a
to/ /rdo rje chus slob ma la gtor ma thag tu langs te/ rdo rje slob dpon la bka' drin che zhes tshig brjod cing phyag bya'o/ /de'i slob ma dkyil 'khor nas skad cig tsam phyir btang bar bya'o/ /de'i skabs su dkyil 'khor gyi phyogs bzhi'i yol ba dgrol bar bya'o/ /de'i 'og tu dkyil 'khor gyi shar phyogs kyi sgo nas g.yas su bskor te/ bsgo bzhi ga rdo rje slob dpon gyis khro bo'i rgyal po ya man ta ka la sogs pa sgo srungs kyi khro bo'i rgyal po bzhi dang/ rim pa gnyis su med pa'i nga rgyal du bsgom pa bya ba dang/ sngags rings bzlas pa bya zhing khro bo'i stang thabs kyi tshul gyis sgo dbye ba'i cho ga bya ba thugs kyi dkyil 'khor gyi dus su ji ltar smos pa de bzhin du dus 'dir bya bar bstan to/ /de ltar khro bo'i stang thabs kyi tshul gyis rdo rje sgo bzhi bye ba'i 'og tu/ rdo rje slob dpon gyis dkyil 'khor gyi bdag po gang yin pa de dang gnyis su med pa'i nga rgyal du bsgom pas thugs rje chen po bskyed nas/ sems dga' bas mdun du smos pa'i gnas su stan la 'dug go /de ma thag tu rdo rje slob dpon gyis las kyi rdo rje la bka' stsal pa/ thugs kyi dkyil 'khor gyi dus kyi cho ga'i tshul gyis dbang mnod pa'i phyir slob ma dkyil 'khor du gzhug par ji ltar smos pa de bzhin du dus 'dir bya bar bstan to/ /gzhan yang gong du smos pa'i tshul du slob ma bcug ma thag tu /rdo rje slob dpon gyi zhabs gnyis la me tog dang rin po cher bcas pa thal mos gtor bar bya'o/ /de'i 'og tu lan mang por phyag bya'o/ /de'i 'og tu pus mo gnyis sa la btsugs te/ thal mo sbyar nas btud la gnas par bya'o/ /de'i 'og tu rdo rje slob dpon gyis thugs rje chen po'i sems dga' ba bskyed nas slob ma dang po dkon mchog gsum la skyabs su gsol ba dang/ sdig pa thams cad bshags pa dang/ bsod nams thams cad kyi rjes su yi rang bar byas pa la sogs pa thugs kyi
- 106b
dkyil 'khor gyi dus su ci ltar byas pa de bzhin du 'dir byed du gzhug go /de'i don rgyas par le'u bzhi pa thugs kyi dkyil 'khor gyi dus su bshad pa de bzhin du 'dir sbyar ro/ /da ni gzhan yang gong du smos pa'i tshul du slob ma dkon mchog gsum la skyabs su gsol ba dang/ sdig pa thams cad bshags pa dang/ bsod nams thams cad kyi rjes su yi rang ba dang de dag byas pa'i 'og tu rdo rje slob dpon gyis rdo rje chen po'i dbang du ming btags pa rdo rje chu'i dbang bskur nas/ gdong g.yogs dgrol bar bya ba'i don bstan par bya ste/ 'di ni dam tshig thams cad kyi sku dang gsung dang thugs rdo rje snying po'i sngags so/ /de la 'di ni rdo rje chen po'i dbang bskur gsang ba'i ye shes kyi gsang ba'o/ /zhes bya ba ni/ 'di ni dam tshig tham cad kyi sku dang gsung dang thugs rdo rje snying po'i sngags so ni/ ston pa mi bskyod pa rdo rje 'dzin nyid la sogs pa rigs lnga'i bye brag gi de bzhin gshegs pa thams cad kyi sku dang gsung dang thugs gsum don dam par gnyis su med pa'i ngo bo dam tshig tu ming btags pa ji ltar smos pa'i tshul gyis dkyil 'khor gyi sdom pa thugs rje chen po'i thugs bskyed nas/ slob ma byin gyis brlab par bya ba yin no/ /don de dam tshig tu smos so/ /snying po sngags zhes pa ni/ a khaM b+hi ra hUM/ sngags kyi yig 'bru de ltar brjod pas mdun du smos pa'i tshul gyis 'bras bu 'byung ba'i snying po gnas kyi ngo bo yin te/ don des snying po'i sngags su smos so/ /rdo rje zhes pa ni/ mdun du smos pa'i sngags kyi snying po de lnga ni/ nyid nyid kyi rigs kyi bye brag gi ye shes dang gnyis su med pa'i ngo bo yin te/ don des rdo rjer smos so/ /mdor bsdu ba de ltar 'di ni dam tshig thams cad kyi sku dang gsung dang thugs rdo rje'i snying po'i sngags kyi don du gsungs so/ /de la 'di ni rdo rje chen po'i dbang bskur ba'i gsang ba'i ye shes kyi gsang ba'o/ /zhes pa ni/
- 107a
rdo rje'i dbang bskur ba/ zhes pa thugs kyi dkyil 'khor gyi dus su ban d+ha'i nang du rdo rje'i chu bzhag pa de ji ltar smos pa'i cho gas slob ma'i gdong du gtor nas mig bkab la dkrol bar bstan pa/ de bzhin du 'dir bya bar bstan to/ /de nas gsang ba'i ye shes su ming btags pa de ni mdun du smos pa'i rdo rje chu'i dbang bskur ba de ni/ dpal rdo rje sems dpa' la sogs pa'i rigs lnga'i bye brag gi de bzhin gshegs pa smos pa de dag thams cad don dam pa'i 'bras bu gsang ba'i ye shes su smos so/ /de nas gsang bar ming btags pa ni ci ltar smos pa'i rdo rje chu'i dbang de ni theg pa 'og ma pa nyan thos dang rang sangs rgyas la sogs pa dang/ tir ti ka rnams la mi bstan pas gsang ba yin no/ /don des rdo rje chu'i gsang bar smos so/ / de ltar de la 'di ni rdo rje chen po'i dbang bskur ba'i gsang ba'i don tu gsungs so/ /da ni gzhan yang rdo rje chu'i dbang gis mig bkab pa phye ba'i 'og tu rdo rje slob dpon gyis skad cig tsam dkyil 'khor gyi steng gi nam mkha' i dbyings kyi gnas su dpal rdo rje sems pa la sogs pa sangs rgyas grangs med pa thams cad kyi ye shes kyi ngo bo'i rda dang/ dri la sogs pa bye brag sna tshogs kyi mchod pa'i sprin chen po rnams kyis mchod pa bya ba'i bsgom pa'i don bstan par bya ste/ sangs rgyas kun gyi nam mkha' i khams/ /yongs su gang bar rab tu bsgom/ /rdo rje rigs ni 'dzin pa yis/ /rda dang dri'i sprin chen bsgom/ /zhes bya ba'i don bshad par bya ste/ ci ltar yin na/ sangs rgyas kun gyis nam mkha' i khams yongs su gang bar rab tu bsgom pa ni/ stan bde ba la mos pa'i skyil mos sems rtse gcig pas 'dug go/ de'i 'og tu dkyil 'khor gyi bdag po dang gnyis su med pa'i nga gyal du bsgom pas nyid kyi gsang ba'i thugs ka ye shes sems dpa' i gnas su dpal rdo rje sems dpa' la sogs pa rigs lnga'i bye brag gis nyid nyid kyi sngags kyi sa bon yig 'bru rnams nyid
- 107b
nyid kyi rigs kyi ye shes dang kha dog dang ldan par bsam mo/ /sa bon yig 'bru de rnams rim pa ma nor bar gzi brjid kyis 'khor zhing 'od du zhu nas ye shes kyi khu ba bzhin du gyur par bsam mo/ /sa bon de las dpal rdo rje sems dpa' la sogs pa rigs lnga'i bye brag gi sangs rgyas grangs med pa thams cad sprin bzhin du so sor sku mdog dang zhal dang/ phyag dang phyag mtshan dang/ rgyan dang/ nyid nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa de lta bu'i sku phyag rgya nam mkha' i dbyings gang bar spro bar bya bar rab tu bsgom par bya bar bstan to/ /de ltar sangs rgyas kun gyi nam mkha' i khams/ yongs su gang bar rab tu bsgom gyi don du gsungs so/ /rdo rje'i rigs ni 'dzin pa yis/ /rda dang dri yi sprin chen bsgom/ zhes pa ni/ mdun du smos pa'i tshul gyis sangs rgyas thams cad kyi sku phyag rgya sprin bzhin du spros pa de dag thams cad kyi nyid nyid kyi sku phyag rgya'i gnas kun nas rigs 'dzin du ming btags pa nyid nyid kyi rigs kyi bye brag gi byang chub sems dpa' i sku phyag rgya sprin bzhin du bsgom par bya'o/ /de'i don gsal bar bstan par bya ste/ sa'i snying po dang/ phyag na rdo rje dang/ nam mkha' i snying po dang/ 'jig rten dbang phyug dang/ sgrib pa thams cad rnam par sel ba la sogs pa'i sku phyag rgya sprin bzhin du spro bar bsam mo/ /de dag thams cad kyi phyag g.yas dang po na/ la las gdugs 'dzin/ la las rgyal mtshan 'dzin/ la las zo rda 'dzin/ la las me tog sna tshogs kyi phreng ba 'dzin/ la las ni spros 'dzin pa la sogs pa bye brag sna tshogs kyi mchod pa'i rdzas 'dzin par bsam mo// gzhan yang sku phyag rgya thabs kyi sku mdog dang zhal dang/ phyag dang phyag mtshan dang/ rgyan dang/ nyid nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de lta bu'i sku phyag rgya'i cha lugs phun sum tshogs pa thams
- 108a
cad le'u bzhi pa/ thugs kyi dkyil 'khor gyi dus su ji ltar smos pa de bzhin du dus 'dir bya bar bstan to/ /gzhan yang 'phags pa ye shes zhabs kyi bzhed kyis bshad pa'i don bstan par bya ste/ gong du smos pa'i tshul gyis byang chub sems dpa' sprin lta bu thams cad kyi sku phyag rgya'i gnas kun nas nyid nyid kyi rigs kyi bye brag gi 'dod pa'i yon tan lnga'i lha mo'i sku phyag rgya sprin bzhin du spro bar bya'o/ /de gsal bar bstan pa bya ste/ lha mo gzugs rdo rje ma dang/ lha mo sgra rdo rje ma dang/ lha mo dri rdo rje ma dang/ lha mo ro rdo rje ma dang/ lha mo reg rdo rje ma dang/ de dag la sogs pa sku phyag rgya sprin bzhin du spro bar bsam mo/ /de dag kun gyi phyag g.yas g.yon dang po gnyis na rang rang gi mchod pa'i rdzas kyi rtags 'dzin pa'o/ /de'i don gsal bar bstan par bya ste/ lha mo gzugs rdo rje mas me long 'dzin to/ /lha mo sgra rdo rje mas rgu bo rgyud mangs 'dzin no/ /lha mo dri rdo rje mas dud phor dri dang ldan pa 'dzin no/ /lha mo ro rdo rje mas dud phor chen po zhal zas ro thams cad dang ldan pas gang ba 'dzin to/ / lha mo reg rdo rje mas tshul ji ltar smos pa'i lha'i na bza' 'dzin no/ /bstan par bya ste/ tshul de ltar spro ba'i dus su byang chub sems dpa' sprin lta bu thams cad kyi sku phyag rgya'i spyi bo'i gnas su rdo rjer ming btags pa nyid nyid kyi rigs kyi bdag po'i sku phyag rgya 'dzin bar bsgom pa yin no/ /gzhan yang 'dod pa'i yon tan lnga'i mchod pa'i rdo rje lha mo thams cad kyi spyi bo'i gnas su ji ltar smos pa'i rigs kyi bdag po 'dzin pa sgom par bya'o/ /tshul de mdor bsdu ba'i don ye shes kyi sprul pa'i ngo bo mchod pa chen po'i sprin grangs med pa smos pa de mchod pa byed mkhan dkyil 'khor gnas su babs nas/ thugs dgyes pa chen pos 'gying ba'i tshul gyi gar gyi stabs kyis dkyil 'khor la mchod pa mdzad do/ /de ltar byas pa'i 'og tu stong par sgom pa 'am/ yang na sangs rgyas thams
- 108b
cad dang/ mchod pa byed mkhan thams cad spros pa'i gnas gnyis su med pa'i ngo bor bsdu bar bya ba yang mi 'gal bar bstan to/ /mdor bsdu ba de ltar/ rdo rje'i rigs ni 'dzin pa yis/ /rda dang dri'i sprin chen bsgom gyi don du gsungs so/ /da ni gzhan yang nang gi ye shes kyi sprul pa'i tshul gyi mchod pa chen po bya ba'i bsgom pa de rdzogs pa'i 'og tu rdo rje slob dpon gyis khro bo'i stangs thabs kyis sku dang gsung dang thugs kyi sngags kyi yig 'bru gsum bzla zhing dam tshig can du ming btags pa'i slob ma de la bgegs thams cad kyi gnod pa med pa dang/ bskrad pa'i phyir lan grangs nyi shu rtsa gcig tu yungs kar gyis gdab pa 'am/ yang na khro bo'i rgyal po a mri ta kuN+Da li'i sngags rings bzla zhing gdab pa yang mi 'gal lo/ /des gdab pa'i 'og tu slob ma la nad dang phyi'i bum pa'i dbang bskur bar bya ba'i don bstan par bya ste/ rdo rje gsum sngags dam tshig gis/ /yungs kar dag gis gdab par bya/ /de la de yi tshe na ni/ /bdag nyid dbang bskur rab tu gsol/ zhes bya ba'i don bshad par bya ste/ ci ltar yin na/ rdo rje gsum sngags dam tshig gis/ yungs kar dag gis gdab par bya ni/ dam tshig can du ming btags pa slob ma rgan pa la sogs pa slob ma thams cad yin no/ /de dag rgan rims nas/ slob dpon nyid kyi mdun du thal mo sbyar nas btung pa'i tshul du gzhag go /de ltar byas pa'i 'og tu rdo rje slob dpon nyid kyis dkyil 'khor gyi bdag po'i rigs kyi bye brag gi shes rab ma mtshan dang/ yon tan thams cad dang ldan pa g.yas phyogs su gzhag go /shes rab ma des sku dang gsung dang thugs rdo rje gsum gyi sngags/ /oM A hUM sems brtan pas khros te bzla zhing snod ban d+ha mtshan dang ldan pa yungs kar dang bcas pa lag pa gnyis kyi snyim pa dbus kyi steng du bzung ba yin no/ /cho ga'i tshul de ltar rdo rje slob dpon gyis dam tshig gi sngags su ming btags pa/
- 109a
dam tshig bdud rtsi lnga khro bo chen po'i stobs kyi bza' zhing sku gsung thugs rdo rje gsum gyi sngags/ oM A hUM bzla zhing shes rab mas snod ban d+ha yungs kar dang bcas pa 'dzin pa de nas yungs kar blangs la lan nyi shu rtsa gcig gdab par bya'o/ /yang na khro bo'i rgyal po a mri ta kuN+Da li'i sngags kyis sku gsung thugs rdo rje gsum gyi ye shes dang gnyis su med par bsgoms nas bzla zhing gdab par bya ba yang mi 'gal lo/ /de ltar sngags bzla zhing yungs kar gyis gdab pa'i 'og tu slob ma dkyil 'khor tu gzhug pa dang dbang nod pa'i dus su bgegs kyi gnod pa med par 'gyur ro/ /mdor bsdu ba de ltar rdo rje gsum sngags dam tshig gis/ yungs kar dag gis gdab par bya'i don du gsungs so/ /de la de'i tshe na ni/ bdag gis dbang bskur rab tu gsol zhes pa ni mdun du smos pa'i tshul du sngags zhing yungs kar gyis btab ma thag tu bum pa'i dbang la sogs pa ji ltar smos pa'i tshul gyi slob ma la dbang rnams/ bdag nyid du ming btags par rdo rje slob dpon gyis dkyil 'khor gyi bdag po dang gnyis su med pa'i nga rgyal du sgoms pas sbyin par bya bar bstan to/ /don gzhan yang bstan par bya ste/ dbang ma mnos pa'i 'og tu slob ma rgan pa la sogs pa kun gyis dbang mnod pa'i phyir/ rdo rje slob dpon la gsol ba gdab par bya ba'i cho ga /le'u bzhi pa/ thugs kyi dkyil 'khor gyi dus su ci ltar smos pa de bzhin du dus 'dir bya bar gsungs/ /gzhan yang gsol ba btab pa'i 'og tu rdo rje slob dpon gyi thugs rje chen po'i sems bskyed nas/ bye brag bzhi'i dam tshig gi sdom pa'i don bshad par bya bar yang mi 'gal lo/ /de'i 'og tu tshul ji ltar smos pa'i dbang kun bskur bar bya'o/ /mdor bsdu ba de ltar/ de la de'i tshe na ni/ bdag nyid dang dbang bskur rab tu gsol gyi don du gsungs
- 109b
so/ /da ni nang gi bum pa'i dbang sbyin par bya ba'i cho ga'i don bstan par bya ste/ rdo rje sems dpa' i ting nge 'dzin gyis/ sangs rgyas kyang ni bsgom par bya/ /bum pa dam tshig la sogs mchog /mkhas pa dag gis gzung bar bya/ zhes bya ba'i tshig 'di bzhi'i don le'u bzhi pa/ thugs kyi dkyil 'khor gyis dus su rgyas par ci ltar bshad pa de bzhin du dus 'dir bstan to// //gzhan yang de bzhin du phyi'i bum pa'i dbang bskur bar bya'o/ /da ni gzhan yang bye brag rnam pa gnyis kyi dbang bskur ba'i dus su slob ma'i lus rnam par snang mdzad dang gnyis su med par sku dang gsung dang thugs kyi yig 'bru gsum gyis byin gyis brlab par bya ba'i don bstan par bya ste/ rdo rje rnam par snang mdzad bsam/ /slob ma de bzhin blo brtan pa/ /sku gsung thugs la rdo rje can/ /sngags shes pas ni dgod par bya/ /zhes bya ba'i don bshad par bya ste/ /rdo rje rnam par snang mdzad bsam/ /slob ma de bzhin blo brtan la ni/ slob ma rdo rje slob dpon gyi mdun du padmo'i skyil mor bcar gzhug la bzhag go /dang po de'i spyi bo'i steng du sngags kyi sa bon yig 'bru oM bsam mo/ /de kha dog dkar po chos kyi dbyings kyi ye shes kyi gzi brjid kyis 'bar zhing 'od du zhu nas ye shes kyi khu ba bzhin du spyi bo'i nang du thim par bsam mo/ /de'i 'og tu mgul ba'i dbus su sngags kyi sa bon yig 'bru a bsam mo/ / de kha dog dmar po so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba lta bu mgul pa'i nang du/ thim par gyur par bsam mo/ /de'i 'og tu sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyis 'bar zhing 'od du zhu nas/ ye shes kyi khu ba lta bu snying ga'i nang du thim par gyur par bsam mo/ /tshul de ltar sngags bkod nas byin gyis brlab pa byas pa'i slob ma blo brtan pa de sku dang gsung dang thugs rdo rje gsum dang/ gnyis su
- 110a
med pa'i ngo bo sku rdo rje rnam par snang mdzad kyi sku phyag rgya de bzhin du gyur par bsgom par bya bar bstan to/ /mdor bsdu ba de ltar/ rdo rje rnam par snang mdzad bsam/ slob ma de bzhin blo brtan la don du gsungs so/ /sku gsung thugs ni rdo rje can/ sngags shes pas ni dgod par bya zhes pa'i don ni mdun du bshad pa bzhin du 'dir bde ste bshad mi dgos so/ /da ni gzhan yang mdun du smos pa'i tshul du slob ma rgan pa la sogs pa dkyil 'khor du gzhug par bya ba rnams rim pa nas/ lus sngags kyis byin gyis brlab pa byas pas sku rdo rje rnam par snang mdzad kyi sku phyag rgya'i gzugs dang gnyis su med pa'i ngo bor gyur ma thag tu slob ma rgan pa la sogs pa slob ma kun gyis lhan cig tu/ ci ltar le'u bzhi pa thugs kyi dkyil 'khor gyi dus su phyag 'tshal ba dang/ bstod pa bya ba dang/ mchod pa bya ba'i tshul gyis gsang ba'i sdom pa'i mchog gi bye brag bzhi mnod pa'i phyir rdo rje slob dpon la gsol ba gdab par smos pa de bzhin du dus 'dir bya bar bstan to/ /gzhan yang ji ltar smos pa'i tshul gyi cho gas gsol ba gdab pa rdzogs pa'i 'og tu slob dpon thams cad ces pa gang gi spyan sngar dbang nod pa'i slob dpon des thugs rje chen po'i thugs skyed nas dkyil 'khor gyi bdag po dang/ gnyis su med pa'i nga rgyal du sgom pas sems brtan pas 'gying bag gi tshul gyis rdo rje gsor zhing/ rgyud 'di'i nang nas smos pa'i dbang rnams kyi gsang ba'i don sbyin pa'i yon tan dang ldan pa'i tshig brjod par bya ba de'i don bstan par bya ste/ de la 'di ni dbang bskur ba thams cad kyi gsang ba/ slob dpon thams cad kyis rdo rje'i tshig tu smra bar bya'o/ /sangs rgyas rnams ni thams cad kyi/ /rdo rje gsang ba gsum las byung/ /khams gsum rnams kyi phyag byas pas/ /'khor lo'i dbang bskur chen po sbyin/ zhes bya ba'i don bshad par bya ste/ ci ltar yin na/ de la 'di ni zhes pa/ gong nas
- 110b
'byung ba'i bum pa'i dbang la sogs pa rgyud 'di las ji ltar smos pa'i dbang rnams yin te/ de dag gi yon tan bstan pa ni/ ston pa rdo rje mi bskyod pa nyid la sogs pa rigs lnga'i bye brag gi de bzhin gshegs pa de dag thams cad kyi don dam par ye shes kyi dngos grub kyi 'bras bu'i ngo bo mdun du smos pa'i tshul gyi gsang bar smos so/ /de gsal bar bstan par bya ste/ dbang kun gyi grangs kyi tshed smos pa ni le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o/ /dbang de rnams ni dkyil 'khor gyi rdo rje slob dpon gyis/ don dam par de bzhin gshegs pa thams cad kyi gsung rdo rje gnyis su med pa'i ngo bo sdang ba mdza' yas yin te/ rdo rje'i gsung de dang gnyis su med par bsgom pa'i rdo rje lce'i lam nas dbang thams cad kyi yon tan gyi don brjod par bya ba smos so/ /de ltar de la 'di ni dbang bskur ba thams cad kyi gsang ba/ slob dpon thams cad kyis rdo rje'i tshig tu brjod par bya ba'i don du gsungs so/ /khams gsum kun gyis phyag byas pa/ / 'khor lo'i dbang bskur chen po sbyin/ zhes pa ni/ rdo rje slob dpon gyis thugs rje chen po'i thugs bskyed nas/ 'dzum pa'i tshul gyis tshig snyan cing gsal bar brjod par bya ba yin no/ /bstan par bya ste/ bum pa'i dbang la sogs pa/ rgyud 'di'i nang nas smos pa'i dbang gi bye brag rnams slob ma la sbyin par bya ba'i thabs kyi ngo bo 'khor lo chen por ming btags pa rdul tshon gyi dkyil 'khor de ni ye shes kyi dkyil 'khor dang gnyis su med pa yin te/ 'khor lor ming btags pa ye shes kyi dkyil 'khor de la khams gsum na gnas pa'i lha dang/ mi la sogs pa'i sems can thams cad kyis bye brag sna tshogs kyi mchod pa dang/ bstod pa'i tshig brjod cing phyag 'tshal bar smos so/ /de ltar khams gsum gyis phyag byas pa'i 'khor lo'i dbang
- 111a
bskur chen po sbyin gyis don du gsungs so/ /sangs rgyas rnams ni thams cad kyi/ /rdo rje gsang ba gsum las byung zhes pa ni/ mdun du smos pa'i dkyil 'khor yon tan dang ldan pa de ni/ ston pa mi bskyod pa rdo rje 'dzin nyid la sogs pa'i rigs lnga'i bye brag gi sangs rgyas smos pa de dag thams cad gsang ba gsum du ming btags pa don dam par sku'i gsang ba dang/ gsung gi gsang ba dang/ thugs kyi gsang ba dang gsum smos so/ /bstan par bya ste/ mdun du smos pa'i gsang ba de gsum dang gnas su med pa'i gnas kyi ngo bo tshul ji ltar smos pa'i/ dkyil 'khor las dbang thams cad 'byung ba yin no/ /gzhan yang sangs rgyas thams cad ji ltar smos pa'i tshul gyi sku dang gsung dang thugs gsang ba gsum dang gnyis su med pa'i ngo bo yin te/ dus 'dir dkyil 'khor de'i nang du slob ma rnams la dbang sbyin par bya ba smos so/ /mdor bsdu ba de ltar/ sangs rgyas rnams ni thams cad kyi/ /rdo rje gsang ba gsum las byung gi don du gsungs so/ /da ni gzhan yang le'u bzhi pa thugs kyi dkyil 'khor gyi dus su bye brag bzhi'i gsang ba'i sdom pa mchog nod pa'i phyir/ rdo rje slob dpon la gsol ba gdab par bya ba bstan pa mdun du smos pa de'i don bstan par bya ste/ de la 'di ni slob ma thams cad kyis/ rdo rje chen po la gsol bar bya ba'i cho ga gsang ba'o/ /byang chub rdo rje sangs rgyas la/ /ci ltar che la che stsal bzhin/ /bdag kyang rab tu bsgral ba'i phyir/ /nam mkha' i rdo rje tshe dag gsol/ zhes bya ba'i don bshad par bya ste/ ji ltar yin na/ de la 'di ni zhes pa/ 'og nas 'byung ba'i gsang ba'i sdom pa bzhi mnod pa'i phyir/ slob ma rgan pa la sogs pa slob ma thams cad kyis rdo rje chen por ming btags pa/ dkyil 'khor gyi bdag po dang/ gnyis su med pa'i ngo bo dkyil 'khor gyi rdo rje slob dpon nyid yin te/ de ni ji ltar smos pa'i cho gas phyag 'tshal ba dang/
- 111b
bstod pa bya ba dang/ mchod pa byas nas gsang bar ming btags pa sdom pa bzhi'i don ni thos pa dang/ gzung ba dang/ spyad par bya ba'i phyir smos so/ /de ltar de la 'di ni slob ma thams cad kyis rdo rje chen po la gsol ba bya ba'i cho ga gsang ba'i don du gsungs so/ byang chub rdo rje sangs rgyas la/ /ci ltar che la che stsal bzhin zhes pa ni/ byang chub rdo rjer ming btags pa rgyud 'di'i le'u dang po nas gzung ba le'u gsum pa la sbyor ba gnyis gcig tu bsdus pa yan chad kyi ston pa byang chub sems rdo rje nyid yin te/ des ji ltar le'u dang po la ye shes sgron ma'i ting nge 'dzin mdzad pa'i 'og tu/ /badzra d+h+rig /dzi na dzig a ro lig /prad nyan d+h+rig /de ltar rig lnga'i bye brag gi sangs rgyas rnams la gsang ba'i ye shes kyi dbang po'o/ /sangs rgyas de dag gi don dam par ston pa byang chub sems rdo rje dang gnyis su med pa'i ngo bo nyid yin te/ don de sangs rgyas thams cad chen po yin no/ /bstan par bya ste/ chen po gnyis pa'i sgra ni bum pa'i dbang dang/ gsang ba'i dbang la sogs pa rgyud 'di nas dbang ji ltar ji snyed smos pa de dang/ gnyis su med pa'i ngo bo gsang ba'i ye shes kyi gzugs bdag po'i sku phyag rgya de'i spyi bo'i gnas su byin gyis brlab par bstan pa yin no/ /don des dbang chen por ming smos so/ /mdor bsdu ba de ltar byang chub rdo rje sangs rgyas la/ ci ltar che la che stsal bzhin gyi don du gsungs so/ /bdag kyang rab tu bsgral ba'i phyir/ /nam mkha' i rdo rje'i tshe bdag stsol zhes pa ni/ gong du ji ltar smos pa'i tshul tu sangs rgyas rnams la dbang gsal bas don dam pa'i ye shes chen po dang/ gnyis su med pa'i ngo bor gyur pa de bzhin du bdag /ces pa gsol ba 'debs mkhan slob ma rgan pa la sogs pa dkyil 'khor du 'jug pa'i slob ma kun yin no/ /bstan par bya ste/ skyabs su gsol ba'i don du slob ma kun gyis rdo rje slob dpon la gsol ba btab pa/ bdag cag 'dod chags dang zhe sdang la sogs pa nyon
- 112a
mongs pa thams cad kyi dbang gis sdig pa bsags pa'i sa bon gyis srid pa'i 'khor ba na gnas pas bskal pa grangs med par sems can gyi bye brag sna tshogs skye bar 'gyur zhing 'khor ba'o/ /gzhan yang de lta bu'i 'khor pa'i 'dam du lhung ba'i 'jigs pa chen po las skyabs su gsol ba'i don du/ gsang ba'i sdom pa'i bye brag bzhi'i don bstan par mdzod ces pa'o/ /gzhan yang ji ltar smos pa'i dbang thams cad stsal mdzod ces pa yin no/ /de byin pas de'i yon tan gyis nam mkha' i rdo rjer ming btags pa dus 'dir don dam pa'i tshul dpal rdo rje sems dpa' gnyis su med pa'i ngo bo'o/ /gzhan yang de bzhin gshegs pa thams cad kyi dngos grub kyi 'bras bu thams cad gnas pa skye ba'i snying po chos kyi skur smos so/ /tshe bdag la stsol zhes pa gong du smos pa'i yon tan gyi ngo bo nam mkha' i rdo rje de'i tshe'i don mdor bsdu ba skye ba dang 'chi ba'i 'jigs pa med pa yin no/ /de'i 'bras bu'i ngo bo bdag cag slob ma rnams la gsol zhes pa'o/ /de ltar bdag kyang rab tu bsgral ba'i phyir/ nam mkha' i rdo rje tshe bdag gi don du gsungs so/ /da ni gong du smos pa'i tshul du slob ma rnams kyis gsol ba btab ma thag tu 'khor ba'i 'jigs pa chen po las bskyab pa'i thabs kyi don bstan par bya ste/ de nas de la dbang bskur ba/ /rab tu dgyes nas stsol bar mdzad/ /lha'i gzugs kyi sbyor ba yis/ /snying gar bdag po gzhag par bya zhes bya ba'i don bshad par bya ste/ ji ltar yin na/ de nas de la dbang bskur ba/ /rab du dgyes nas gsol bar mdzad ni/ gong du smos pa'i tshul gyis slob ma thams cad la/ rdo rje slob dpon gyis thugs rje chen po'i thugs dgyes pa bskyed nas/ tshul ji ltar smos pa'i dbang kun stsol bar smos so/ /de ltar de nas de la dbang bskur ba/ rab tu dgyes nas gsol bar mdzod kyi don du gsungs so/ /lha'i gzugs kyi sbyor ba yis/ /snying gar bdag
- 112b
po bzhag par bya zhes pa ni/ dbang thams cad dbang bskur ba rdzogs ma thag tu/ slob ma rnams la rang rang gi dga' ba'i lha'i sku phyag rgya'i gzugs rdo rje slob dpon gyis nyid kyi gsang ba'i thugs ka ye shes sems dpa' i gnas su nyid nyid kyi sa bon yig 'bru las ji ltar smos pa'i cho ga'i tshul gyis bskyed par bya ste/ nyid kyi rigs kyi bye brag gi sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med pa'i 'khyud pa'i sbyor ba dang ldan pa'o/ /de lta bu'i tshul gyi sku phyag rgya cha lugs phun sum tshogs pa thams cad dang ldan pa tshad mthe bo tshad nyid nyid kyi gzi brjid kyis 'bar ba skyed par bya'o/ /de ma thag tu bdag por ming btags pa rang dga' ba'i lha slob ma'i snying ga'i gnas su thim par bya bas gzhag par bya bar smos so/ /mdor bsdu ba de ltar lha'i gzugs kyi sbyor ba yis/ snying gar bdag po bzhag par bya'i don du gsungs so/ /da ni gzhan yang rdo rje slob dpon gyis slob ma rnams la man ngag gi cho ga'i don bstan par bya ste/ sngags kyi yi ge'i tshig rnams la/ cho ga bzhin du dam tshig sbyin/ /rdo rje slob ma blo ldan la/ /dkyil 'khor dag ni bstan par bya/ /zhes bya ba'i don bshad par bya ste/ ji ltar yin na/ sngags kyi yi ge'i tshig ?? sbyin pa ni gong du smos pa'i tshul du slob ma rnams kyi snying ga'i gnas su bdag por ming btags pa rang dga' ba'i lha gzhag ma thag tu slob mas bzlas pa byas pa'i phyir dbang bskur ba'i ngo bor sngags kyi yig 'bru'i tshig sbyin no/ /de'i don gsal bar bstan par bya ste/ hUM oM a 'di ni rdo rje sems dpa' i 'o/ /oM a? h+ri? sku? rdo rje'i 'o// a/ hUM oM gsung rdo rje'i 'o/ /hUM swa oM a rin chen 'byung ldan gyi'o/ /hUM ha a oM/ don yod grub pa'i'o/ /gzhan yang byang chub sems dpa' brgyad kyi bstan par bya ste/ oM k+Shi hUM a/ byang chub sems dpa' ba' i? snying po'i'o/ /hUM badzra a? yo byad?
- 113a
chub sems dpa' phyag na rdo rje'i 'o/ /hUM khaM a oM/ byang chub sems dpa' nam mkha' i snying po'i 'o/ /a gaM hUM oM/ byang chub sems dpa' 'jig rten dbang phyug gi'o/ /hUM sh+kaM a oM/ byang chub sems dpa' sgrib pa thams cad rnam par sel ba'i 'o/ /oM saM hUM a/ byang chub sems dpa' kun tu bzang po'i 'o/ /oM mai hUM a/ byams pa'i 'o/ /hUM mUM a oM/ byang chub sems dpa' 'jam dpal gyi'o/ /de rnams kyi nang nas slob ma rang dga' ba gang yin pa de'i sngags kyi yig 'bru'i tshig dang dbang bskur ba'i phyir sbyin pa'o/ /man tra a bi she ke na ya/ a bi shiny+tsa ya me sha a/ gzhan yang gal te/ ya man ta ka la sogs pa khro bo'i rgyal po bcu las rang dga' ba'i lha gang yin pa de nyid kyi sngags kyi rigs sbyin par bya bar bstan to/ /tshul de ltar dus 'dir slob ma rnams la/ bsgom pa'i man ngag dang/ sngags kyi bzlas pa bya bar bstan pa de bzhin du thugs kyi dkyil 'khor gyi dus su sbyin par bstan to/ /mdor bsdu ba de ltar sngags kyi yi ge'i tshig rnams sbyin pa'i don du gsungs so/ /dam tshig cho ga bzhin du sbyin zhes pa ni/ mdun du smos pa'i tshul gyi bdag po rang dga' ba'i lha'i sku phyag rgya'i gzugs bsgom pa'i man ngag dang sngags kyi bzlas pa dang/ de ltar dbang sbyin ma thag tu dam rdzas kyi dbang sbyin par bya ba yin no/ /de'i don gsal bar bstan par bya ste/ nang dang phyi'i dam rdzas so/ /de la nang gi bdud rtsi rnam pa lnga'o/ /phyi'i ni sha rnam pa lnga ste/ de bcu ci ltar le'u lnga pa'i nang nas sngags kyis byin gyis brlabs pa'i bsgom pa bya bar smos pa de bzhin du 'dir ban d+ha mtshan dang ldan pa'i nang du gzhag par bya bar bstan to/ /de'i 'og tu sngags kyi byin gyis brlabs pa'i bsgom pa byas ma thag tu rdo rje slob dpon nyid kyis slob ma yid ches par bya ba dang/ gzhan yang phyin ci log gi rnam par rtog pa med par bya ba'i phyir/ oM sarba d+harma swa b+ha bi shud+d+ho haM/
- 113b
zhes sngags kyi tshig brjod cing dang po dam rdzas nyung zad bza' bar bya ba yin no/ /de ltar byas pa'i 'og tu lag pa g.yon pas b+han d+ha snying gar bzung lag pa g.yas pas rdo rje bzung nas/ khros te sgra chen pos sngags hUM phaT ces brjod par bya zhing/ ban d+ha'i nang gi dam rdzas de lan bdun dkrug par bya'o/ /de'i 'og tu dbang bskur ba'i ngo bo sngags kyi tshig brjod cing slob ma rgan rims nas zar gzhug par bya ba yin no/ /sa ma ya a bi she ka na a bi shin tsa ya mi/ a be sha a/ de ltar cho ga bzhin du dam tshig sbyin gyi don du gsungs so/ /rdo rje slob ma blo ldan la/ dkyil 'khor dag ni bstan par bya zhes pa ni/ gong du smos pa'i tshul du rang dga' ba'i lha'i sku phyag rgya'i gzugs kyi snying ga'i nang du gzhag pa dang/ de sngags kyi bzlas pa bya ba dang/ gzhan yang dam rdzas sbyin pa'o// tshul de ltar dbang bskur ba byin ma thag tu rdo rje slob mar ming btags pa ni/ rdo rje slob dpon gyis thugs rje chen po'i thugs bskyed nas dkyil 'khor du gzhug pa dang/ rang dga' ba'i lha gzhag pa dang/ de'i sngags kyi zlas pa dang/ dam rdzas sbyin par byas pa'i 'og tu/ slob ma la rdo rje ming btags pa yin no/ /don des rdo rje'i slob mar smos so/ /der lan dang ldan pa ni/ blo rno zhing zab pa dang ldan pa ste/ chos dang rigs pa thams cad dang shes pa'o/ /don des blo dang ldan par smos so/ /de lta bu'i yon tan gyi ngo bo'i rdo rje'i slob ma de la gong du smos pa'i tshul du mig dar gyis g.yogs pa de/ le'u bzhi pa thugs kyi dkyil 'khor gyi dus su ci ltar phye ba'i cho ga'i tshul gyis dkyil 'khor bstan par smos pa de bzhin du dus 'dir bya bar bstan to/ /mdor bsdu ba de ltar rdo rje slob ma blo ldan la/ dkyil 'khor dag ni bstan par bya ba'i don du gsungs so/ /da ni gsang ba'i sdom pa'i dam tshig gi bye brag rnam pa bzhi bsgrag pa'i cho ga'i tshig bstan par bya ste/ sangs rgyas kun gyis gsungs pa yi/ /dam tshig gsang ba bsgrag par bya//
- 114a
khyod kyis srog chags gsad par bya/ /rdzun gyi tshig kyang smra bar bya/ /ma byin par yang blang bar bya/ /bud med dag kyang bsten par bya/ /zhes bya ba'i don bshad par bya ste/ tshig 'di yi don rgyas par le'u bzhi pa thugs kyi dkyil 'khor gyi dus su ci ltar smos pa de bzhin du dus 'dir bya bar bstan to/ /de ltar gsang ba'i dam tshig gi sdom pa'i bye brag bzhi'i don bsgrags pa bshad par bya ba'i 'og tu/ gong du smos pa'i dbang gi bye brag rnam pa bzhi slob ma la bskur bar bya ba'i cho ga'i tshul gyi don bstan par bya ste/ bum pa'i dbang ni dang po ste/ /gnyis pa la ni gsang ba'i dbang/ /gsum pa shes rab dbang yin te/ ye shes dbang ni bzhi pa'o/ /de ltar dbang gi cho ga bzhi bya ba dang/ gzhan yang de'i don bshad pa/ le'u bzhi pa thugs kyi dkyil 'khor gyi dus su ji ltar bstan pa de bzhin du 'dir bstan to/ /rdo rje lam ni de dag gis/ /sems can thams cad bskur bar bya/ /'di ni sangs rgyas thams cad kyi/ /dam tshig yang dag rmad po che/ /zhes bya ba'i don bshad pa bya ste/ ci ltar yin na/ 'di ni zhes pa mdun du smos pa'i tshul gyi gsang ba'i dam tshig gi sdom pa'i bye brag bzhi yin te/ de ni don dam par de bzhin gshegs pa thams cad kyi ye shes lnga dang gnyis su med pa'i ngo bo ste/ don des rdo rje'i lam du smos so/ /sems can thams cad bskul bar bya zhes pa/ rang gi lus la gnas pa'i sems can gyi ngo bo ma rungs pa thams cad bskul ba/ bskrad pa gzhom par bya ba yin no/ /de'i don gsal bar bya ba bstan par bya ste/ phyin ci log gi zhe sdang ma rungs pa sems can gyi ngo bo de ni nyon mongs par ming btags pa yin no/ /phyin ci log gi gti mug ma rungs la sems can gyi ngo bo de ni nyon mongs par ming btags pa yin no/ /phyin ci log gi 'dod chags ma rungs pa sems can gyi ngo bo de nyon
- 114b
mongs par ming btags pa yin no/ /phyin ci log gi nga rgyal ma rungs pa sems can gyi ngo bo de nyon mongs par ming btags pa yin no/ /phyin ci log pa'i phrag dog ma rungs pa sems can gyi ngo bo ni nyon mongs par ming btags pa yin no/ /tshul de ltar nyon mongs pa lnga gtsor smos pa la sogs pa nyon mongs pa'i phung po brgyad khri bzhi stong dus gsum du ston pa bcom ldan 'das kyis lung bstan pa yin no/ /gzhan yang gong du smos pa'i nyon mongs pa'i phung po thams cad bskul bar ming btags pa rtsa ba nas dbyung ba 'am/ gzhom par bya ba'i thabs bstan par bya ste/ thugs kyi dkyil 'khor la smos pa'i tshul gyis don gyi brda skad srog gcad par bya ba gsang ba'i dam tshig gi sdom par bya ba'i dus su phyin ci log gi zhe sdang spangs nas ma grub kyi bar du sems can ma rungs pa sems can gyi ngo bo de rnams kyis bye brag sna tshogs kyis smod pa dang gnod pa byed pa rnams la byams pa'i sems bskyed nas bzod pa chen po bsgom pa yin no/ /de byams pas rang gi lus grong khyer gyi ngo bo'i gnas nas phyin ci log gi zhe sdang dgra'i ngo bo ma rungs pa chen pos gnas pa rdo rje mi bskyod pas bla na med pa'i zhe sdang dang me long lta bu'i ye shes kyi kyo ba'i ngo bo'i thabs kyis byin gyis brlabs par mdzad pas rang gi gnas nas bskul ba dang/ bskrad pa dang/ 'joms par 'gyur bar smos so/ /gzhan yang mdun du smos pa'i tshul gyi don gyi dus su/ brda' skad du ming btags pa rdzun du smra ba'i gsang ba'i dam tshig gi sdom pa spyad pa dang/ bsrung bar bya ba'i dus su/ dus 'dir phyin ci log gi nga rgyal spangs nas ma grub kyi bar du/ bla na med pa'i bden pa'i tshig theg pa chen po sngags kyi gsang ba'i chos sems la snod kyi rim pa bzhin du bstan par bya ba yin no/ /gzhan yang sems can ma rungs pas rdzun gyi bye brag sna tshogs kyi sdom pa'i tshig smra bas
- 115a
sems 'khrul ba dang/ gnod pa bya ba phyir phyin ci log gi nga rgyal skye ba sems can ma rungs pa rdzun smra ba'i dus su rdzun gyi tshig de rang dga' ba'i lha la sogs pa dkyil 'khor gyi lha thams cad kyi sngags kyi tshig gi ngo bor bsgom par bya ba yin no/ /de byas pas rang gi lus grong khyer gyi ngo bo'i gnas su phyin ci log gi nga rgyal ma rungs pa chen po dgra'i ngo bo gnas pa de/ de bzhin gshegs pa rin chen 'byung ldan gyis bla na med pa'i nga rgyal mnyam pa nyid kyi ye shes kyi ngo bo'i kyo ba'i thabs kyis byin gyis brlab par mdzad pas rang gi gnas nas bskul ba dang/ bskrad pa dang 'joms par 'gyur bar smros so/ /gzhan yang mdun du smos pa'i don gyi tshul gyi dus su brda' skad du ming btags pa/ ma byin par blangs pa'i dam tshig gi gsang ba'i sdom pa spyod pa bsrung ba'i dus 'dir phyin ci log gi gti mug spang ba ma grub kyi bar du sems can ma rungs pas thabs kyi bye brag sna tshogs kyi nor phrogs pas gnod pa byed pa rnams la phyin ci log gi gti mug gis phyir nor phrogs pa'i sems bskyed do/ /gzhan yang de'i dus su mnyam pa chen po sgom par bya ba yin no/ /de byas pas rang gi lus grong khyer gyi ngo bo'i gnas na phyin ci log gi gti mug ma rungs pa chen po dgra'i ngo bo gnas pa de/ de bzhin gshegs pa rnam par snang mdzad kyis bla na med pa'i gti mug chos kyi dbyings kyi ye shes kyi ngo bo kyo ba'i thabs kyis/ byin gyis brlabs par mdzad pas rang gi gnas nas bskul ba dang/ bskrad pa dang/ 'joms par 'gyur bar smos so/ /gzhan yang mdun du smos pa'i tshul gyi don brda' skad du ming btags pa 'dod chags kyis bud med bsten par bya ba'i gsang ba'i dam tshig gi sdom pa spyad pa dang/ bsrung ba'i dus su/ dus 'dir phyin ci log gi 'dod chags spangs nas yang/ ma grub kyi bar du sems can ma rungs
- 115b
pa chen po lha'i bu ka ma de ba phaM par bya ba'i thabs bla na med pa'i 'dod chags kyi sems bskyed nas/ ci ltar smos pa'i tshul gyis thabs dang shes rab rol pa bya zhing zhi ba chen po bde ba'i sgom pa bya ba yin de byas pas rang gi lus grong khyer gyi ngo bo'i gnas na phyin ci log pa'i 'dod chags ma rungs pa chen po dgra bo'i ngo bo gnas pa de/ de bzhin gshegs pa snang ba mdza' yas kyis bla na med pa'i 'dod chags so sor rtog pa'i ye shes kyi kyo ba'i ngo bo'i thabs kyis byin gyis brlab par mdzad pas rang gi gnas nas bskul ba dang/ bskrad pa dang/ 'joms par 'gyur bar smos/ gzhan yang nang gi dam rdzas lnga dang/ phyi'i sha rnam pa lnga kyo bar ming btags pa dang/ dam rdzas bcu ci ltar smos pa'i cho ga'i sgom pas sngags kyis byin gyis brlabs pa'i sgom pa byas nas ma grub kyi bar du bza' bar bya ba yin no/ /de bza' ba'i dus su phyin ci log gi rnam par rtog pa chen po spangs nas bza' bar bya'o/ /dam rdzas zos nas rigs lnga dang/ gnyis su med pa'i ngo bo'i 'bras bu thob par 'gyur ro/ /de'i 'og tu gong du smos pa'i phyin ci log gi rnam par rtog pa chen po dgra bo ngo bo phrag dog 'joms par 'gyur ba yin no/ /de'i dus su brtson 'grus chen po brtan pa dang/ rang bzhin gyis rnam par dag pa'i sems bskyed nas bsgom pa yin no/ /de ltar byas pas rang gi lus grong khyer gyi ngo bo'i gnas na phyin ci log gi rnam par rtog pa chen po dang/ gnyis su med pa'i phrag dog dgra'i ngo bo gnas pa de/ de bzhin gshegs pa don yod grub pa bla na med pa'i phrag dog bya ba nan tan gyi ye shes kyi ngo bo kyo ba'i thabs kyis rang gi gnas nas gong du smos pa'i tshul gyis bskul ba dang/ bskrad pa dang 'joms par 'gyur bar smos so/ /de ltar rdo rje'i lam ni de dag gis sems can thams cad bskul bar bya ba'i don du gsungs so/ /'di ni sangs rgyas thams cad kyi/ /dam tshig yang dag rmad po che zhes pa ni/ 'di ni zhes pa gong du smos pa'i don gyi tshul gyis
- 116a
srog gcod pa la sogs pa gsang ba'i dam tshig gi sdom pa'i bye brag rnam pa bzhi spyad pa 'am bsrung ba yin no/ /gzhan yang phyi dang nang gi tshul gyi dam rdzas bcu bza' bar bya ba yin pa 'di 'dir smos so/ /sangs rgyas thams cad ces pa ni/ ston pa mi bskyod pa rdo rje 'dzin nyid la sogs pa rigs lnga'i bye brag gi sangs rgyas smos pa de dag gi dam tshig gong du smos pa de yin no/ /bstan par bya ste/ gong du smos pa'i cho ga'i tshul gyi bsgom pas spyod pa dang/ bsrung ba byas pas tshul ji ltar smos pa'i ye shes thams cad dang gnyis su med pa'i 'bras bu'i ngo bo 'grub par 'gyur ba yin no/ /don des rmad du rmad du byung ba thams cad kyi nang na 'di ni rmad du byung ba'i mchog tu smos so/ /de ltar 'di ni sangs rgyas thams cad kyi/ gsang ba yang dag rmad po che'i don du gsungs so/ /da ni gzhan yang rdo rje slob dpon gyis/ slob ma rnams la dus rtag tu dam rdzas sngags kyis byin gyis brlabs nas bza' bar bya ba'i man ngag sbyin par bya ba'i don bstan par bya ste/ sngags kyi bskul ba smra ba yis// de la sngags kyi sbyin par bya/ /sngags kyi rgyal po'i ting nge 'dzin/ /gsang ba byin la brtsam par bya/ /zhes bya ba bshad par bya ste/ ci ltar yin/ de la sngags ni sbyin par byin/ mdun du smos pa'i cho ga'i tshul gyis slob ma rnams la dbang bskur ba'i 'og tu slob ma rnams la sngags su ming btags pa 'og nas 'byung ba'i tshul gyis bla na med pa'i cho 'phrul gyi 'bras bu grub pa'i ngo bo dam rdzas su bstan to/ /sbyin pa zhes pa/ rdo rje slob dpon gyis thugs rje chen po'i thugs bskyed nas dam rdzas bza' bar bya ba'i man ngag sbyin par bya ba yin no/ /sngags kyi skul bar smra ba yis/ zhes pa ni 'og nas 'byung ba'i tshul gyi sngags kyi yig 'bru 'di ni gong du smos pa'i dam rdzas rnams bskul zhes pa bza' ba'i dus su sngags kyi sa bon yig 'brus byin gyis
- 116b
brlab par bya ba yin no/ /de byin gyis brlab cing zos pas bla na med pa'i cho 'phrul gyi la sogs pa ci ltar 'dod pa'i dngos grub kyi 'bras bu bar chad med pa grub par gyur par bstan to/ /sngags kyi rgyal po'i ting nge 'dzin/ gsang ba byin la brtsam par bya zhes pa ni/ sngags thams cad kyi nang na/ dam rdzas byin gyis brlab par bya ba'i sngags kyi sa bon gyi yig 'bru ni sngags kyi rgyal po yin te/ sngags de'i ting nge 'dzin bya'o/ /de'i man ngag gi don sbyin par bya'o/ /bstan par bya ste/ mdun du smos pa'i tshul gyi dam rdzas rnams sngags kyi byin gyis brlabs pa'i ting nge 'dzin gyi man ngag bya ba'i 'og tu/ gsang ba brtsam par bya zhes pa/ slob ma rnams kyis dad pa chen po'i sems bskyed nas phyin ci log gi rnam par rtog pa thams cad spangs nas/ dam rdzas sngags kyi byin gyis brlabs pa'i ting nge 'dzin byin pa'i 'og tu/ ma grub kyi bar du dam rdzas rnams bza' bar bya ba rtsam pa yin no/ /de ltar sngags kyi rgyal po'i ting nge 'dzin/ /gsang ba byin la rtsam par bya'i don du gsungs so/ /khu ba dang ni bshad pa la/ cho ga bzhin du bsngags nas ni// rdo rje'i blo ldan zar ru gzhug /'on tang dngos grub rnyed mi dka' / /zhes bya ba'i don bshad par bya ste/ ji ltar yin na/ khu ba'i ngang ni bshad pa la/ /cho ga bzhin du sngags nas ni/ /dkyil 'khor gyi rdo rje slob dpon gyis/ dkyil 'khor gyi bdag po'i sngags kyi bye brag gi shes rab ma mdun du smos pa'i tshul gyi/ lo'i tshad dang mtshon dang yon tan dang ldan pa blang ngo/ /de lta bu'i shes rab ma blangs pa'i 'og tu dkyil 'khor gyi bdag po'i shes rab ye shes kyi lha mo dang gnyis su med pa'i ngo bor byin gyis brlab par bya'o/ /de ma thag tu 'dod chags chen po'i sems dga' bas/ gnyis su med pa'i 'khyud pa'i sbyor bas thabs dang shes rab rol pa byas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun
- 117a
bzhin du 'od du zhu'o/ /de sngags hUM phaT brjod nas b+ha ga'i nang nas blangs nas/ ji ltar smos pa'i ban da'i nang du bzhag go /de dus 'dir sngags kyi sa bon yig 'bru oM gyis byin gyis brlab par bya'o/ /oM de kha dog dkar po chos kyi dbyings kyi ye shes kyi ngo bo gzi brjid chen po'i 'bar bas 'bar zhing 'od du zhu nas ye shes khu ba bzhin du byang chub kyi sems la gnyis su med par thim par bsam mo/ /de ltar sngags kyi byin gyis brlabs pa byas pa'i 'og tu rdo rje slob dpon nyid kyis slob ma yid ches pa dang/ nges par bya ba'i phyir ban d+ha'i nang gi byang chub sems bza' bar bya'o/ /de'i 'og tu/ oM swa b+ha bi shud d+he sarba d+harma swa b+ha bi shud d+ho haM/ zhes sngags kyi tshig brjod cing byang chub sems slob mas zar gzhug par smos so/ /gzhan yang rdo rje slob dpon gyis rang gi bshang ba blangs la gong du smos pa'i ban d+ha'i nang du gzhag go /de dus 'dir sngags kyi sa bon yig 'bru oM gyis byin gyis brlab par bya'o/ /oM kha dog dkar po chos kyi dbyings kyi ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba bzhin du dam rdzas bshad ba la gnyis su med par thim par gyur par bsam mo/ /de ltar sngags kyis byin gyis brlab pa byas pa'i 'og tu/ sngar smos pa'i tshul rdo rje slob dpon nyid kyis slob ma yid ches pa dang nges par bya ba'i phyir ban d+ha'i nang bshang ba bza' bar bya'o/ /de'i 'og tu/ oM swa b+hA ba bi shud d+ha sarba d+harma swa b+hA bi shud d+ho haM/ /zhes sngags kyi tshig brjod cing slob ma dam rdzas bshang ba zar gzhug par smos so/ /bstan par bya ste/ gong du smos pa'i sngags kyis byin gyis brlab pa'i bsgom pa'i cho ga byas pas rdo rje slob dpon gyis rdo rje blo ldan du ming btags pa'i slob ma rnams la tshul ji ltar smos pa'i dam rdzas zur gzhug pa'i de'i yon tan gyis/ slob dpon dang slob ma gnyis ka tshul ji ltar smos pa'i dngos grub
- 117b
kyis 'bras bu tshe 'di la bde ba 'thob par 'gyur bar bstan te/ de ltar mdor bsdus pa/ khu ba dag ni bshad pa la/ /cho ga bzhin du sngags nas ni/ /zhes pa'i don du gsungs so/ /rdo rje blo ldan zad du gzhug/ /'on tad dngos grub rnyed mi dka' i don ni bde ste/ bshad mi dgos so/ /rnam pa 'di bzhi gsang chen te/ /rdo rje can ni kun gyis gsang/ /sngags kyi 'khor lo bud med gzugs/ /sems can don spyod phyir gnas pa'o/ /zhes pa'i don bshad par bya ste/ ji ltar yin na/ rnam pa 'di bzhi gsang chen te ni/ gsang bar smos pa'i cho ga'i tshul gyis srog bcad par bya ba la sogs pa gsang ba'i dam tshig gi sdom pa bzhin yin no/ /de ltar gsang chen gyi don du gsungs so/ /rdo rje can ni kun gyi gsang zhes pa ni/ dam tshig gi sdom pa de ni gsang ba thams cad kyi nang na gsang ba chen po yin no/ /gzhan yang theg pa 'og ma bsten pa'i sems can thams cad la ma grub kyi bar du gsang ba'i dam tshig gi sdom pa'i sbyong ba'i don shin tu gsang bar smos so/ /bstan par bya ste/ rdo rje can kun ming btags pa/ ston pa phyag na rdo rje nyid la sogs ba mdun du smos pa'i tshul gyi dkyil 'khor thams cad kyi bdag po smos pa de dag thams cad 'khor thams cad dang bcas pa nyid kyi rigs kyi bye brag gi ye shes dang gnyis su med pa'i ngo bo'i sku phyag rgya 'dzin pa yin no/ /don des rdo rje can du kun tu smos so/ /de dag thams cad kyi gsang ba'i ngo bo don dam pa'i ye shes kyi dngos grub kyi 'bras bu thams cad ni gsang ba'i dam tshig gi sdom pa bzhi bsrung ba dang spyad pas 'thob par bstan to/ /mdor bsdu ba de ltar/ rdo rje can ni kun gyi gsang gi don du gsungs so/ /sngags gyi 'khor lo bud med/ /gzugs sems can don sbyong phyir gnas pa zhes pa ni/ gong du smos pa'i rdo rje can kun gyi don dam pa'i gsang pa de ni bud med kyi gzugs la gnyis su med pa'i ngo bo khyab nas gnas pa yin no/ /de'i don gsal bar bstan par bya
- 118a
ste/ bud med kyi gzugs bye brag rnam pa gnyis su smos te/ ye shes kyi tshul dang phyi'i tshul lo/ /de la ye shes kyi tshul ni bsgrub pa pos rang dga' ba'i lha gang yin pa'i shes rab ma ye shes kyi lha mo'o/ /phyi'i ni rang dga' ba'i lha'i rigs kyi bye brag gi tshul ji ltar smos pa'i mtshan dang yon tan dang lo'i tshad dang ldan pa blangs te/ de dang thabs dang shes rab rol ba bya ba'i dus su gong du smos pa'i ye shes kyi tshul gyi shes rab ma lha mo dang gnyis su med pa'i ngo bor byin gyis brlabs pa bya ba yin no/ / de lta bu'i bud med kyi gzugs de ni/ sngags kyi 'khor lor ming btags pa ye shes kyi 'khor lo dang gnyis su med pa'i ngo bo sgrub pa po rang dga' ba'i lha'i sku phyag rgya yin no/ /de'i mdun du smos pa'i bud med kyi gzugs su ming btags pa shes rab ma'i gzugs la gnyis su med par 'khyud pa'i sbyor ba'i tshul gyis gnas par brtag go /bstan par bya ste/ shes rab ma dang gnyis su med pa'i ngo bo sgrub pa pos gnyis su med pa'i nga rgyal gyis thabs dang shes rab rol pa bya zhing gsang ba'i longs spyod kyi sku phyag rgya'i ngo bor rang dga' ba'i lha bsgom par bya ba yin no/ /de'i yon tan gyis gong du smos pa'i rdo rje can thams cad don dam pa'i gsang ba'i 'bras bu'i ngo bo yin te/ de bud med kyi gzugs sngags kyi 'khor lo la gnyis su med par gnas pa sems can gyi don mdzad pa'i phyir de spyad pas grub par 'gyur bar bstan to/ /de ltar sngags kyi 'khor lo bud med gzugs/ sems can don spyod phyir gnas pa'i don du gsungs so/ /da ni gzhan yang dam rdzas rnams bza' bas dngos grub kyi 'bras bur 'gyur ba'i don bstan par bya ste/ de la 'di ni rdo rje dkyil 'khor thams cad kyi sngags mnyes par bya ba'i gsang ba'o/ /glang po'i sha dang rta'i sha /sha chen dag khyad bza' bar bya/ /sngags rnams kun la dbul bar bya/ /de ltar byas na bdag po mnyes/ /zhes bya ba'i don bshad par bya ste/ ci ltar yin na/ de la 'di ni zhes pa 'og nas 'byung
- 118b
ba'i dam rdzas rnams yin no/ /rdo rje'i dkyil 'khor thams cad ces pa/ thugs rdo rje mi bskyod pa dang/ sku rnam par snang mdzad dang/ gsung rdo rje snang ba mdza' yas dang/ de la sogs pa byang chub sems dpa' brgyad dang/ khro bo'i rgyal po bcu dang/ de ltar rdo rje thams cad du smos pa de dag tshul ji ltar smos pa'i so so bdag po 'khor thams cad dang bcas pa'i dkyil 'khor gang la sems mos pa de la bya'o/ /don des dkyil 'khor thams cad rdo rje'i dkyil 'khor du smos so/ /sngags mnyes par bya ba gsang ba zhes pa ni/ gong du smos pa'i rdo rje'i dkyil 'khor de dag gi nang na gang sgrub par byed pa de'i sngags kyi tshul gyis bsgom pa dang sngags kyis byin gyis brlabs nas 'og nas 'byung ba'i dam rdzas rnams bza' bas dkyil 'khor gyi bdag po la sogs pa dkyil 'khor gyi lha thams cad dang bcas pa dus gcig du mnyes pa 'grub par 'gyur ba yin no/ /bstan par bya ste/ mnyes par bya ba'i sngags dang/ rdzas kyi sbyor ba'i nang na 'og nas 'byung ba'i rdzas 'di rnams tshul ji ltar smos pa'i gsang ba dam par smos so/ /de ltar mdor bsdus pa sngags mnyes par bya ba'i gsang ba'i don du gsungs so/ /glang po'i sha dang zhes pa/ thugs kyi rigs kyi dkyil 'khor gyi bsgrub pa bya ba'i dus su/ phyi'i glang po che'i sha blangs la/ ci ltar smos pa'i mtshan thams cad dang ldan pa'i ban d+ha'i nang du gzhag go /de'i 'og tu le'u lnga pa la sogs pa nas sngags kyis byin gyis brlabs pa'i cho ga'i ji ltar 'byung ba byas nas bza' bar bya ba yin no/ /de ltar glang po sha'i don du gsungs so/ /rta sha zhes pa ni/ gsung gi rigs kyi dkyil 'khor gyi bsgrub pa bya ba'i dus su phyi'i rdzas rta sha blangs la gong du smos pa'i ban d+ha'i nang du gzhag go /de'i 'og tu ji ltar smos pa'i sngags kyis byin gyis brlabs pa'i cho ga byas nas bza' bar bya ba yin no/ /de ltar rta sha'i don du gsungs so/ /sha chen zhes pa sku'i rigs kyi dkyil 'khor gyi bsgrub par bya ba'i
- 119a
dus su phyi'i dam rdzas sha chen blangs la gong du smos pa'i ban d+ha'i nang du gzhag go /de'i 'og tu ji ltar smos pa'i sngags kyis byin gyis brlabs pa'i cho ga byas nas bza' bar bya ba yin no/ de ltar sha chen gyi don du gsungs so/ /de ltar bza' bar bya ba'i don ni mdun du smos pas bde ste bshad mi dgos so/ /sngags rnams kun la dbul bar bya zhes pa sgrub pa pos gong du smos pa'i dkyil 'khor gyi lha kun gyis nang na gang sgrub par byed pa'i bdag po la sogs pa 'khor gyi lha thams cad smos so/ /bstan par bya ste/ dkyil 'khor gyi bdag po la sogs pa lha de dag kun gyi so so'i bskyed pa'i sngags kyi sa bon yig 'bru rnams rim pa ma nor bar lan gsum gsum gong du smos pa'i band+ha dam rdzas dang bcas pa de lag pa g.yon pas snying gar bzung la sngags kun bzlas pa bya ba yin no/ /tshul de ltar sngags thams cad bzlas pa bya ba rdzogs ma thag tu rdo rje slob dpon gyis thugs rje chen po'i thugs bskyed nas/ slob ma la dam rdzas byin la zar gzhug par smos so/ /de ltar sngags rnams kun la dbul bar bya ba'i don du gsungs so/ /de ltar byas na bdag po mnyes zhes pa ni/ gong du smos pa'i cho gas dam rdzas sngags kyis byin gyis brlabs pa dang bsgoms pas tshul ji ltar smos pa'i sngags thams cad kyi bzlas bas slob ma la dam rdzas byin nas zar bcug pas dkyil 'khor gyi bdag po mnyes pa yin no/ /de mnyes pas tshul ji ltar smos pa'i dkyil 'khor gyi 'bras bu 'khor thams cad dang bcas pas byin gyis brlabs pa mdzad pa 'grub par 'gyur ro/ /de ltar byas na bdag po mnyes kyi don du gsungs so/ /rdo rje slob ma'i yid ches pa/ /mkhas pas dkyil 'khor bstan par bya/ /bshang gci sha'i spyod pa dang/ /rdo rje gsang ba'i gnas dag gis/ /zhes bya ba'i don bshad par bya ste/ ci ltar yin na/ rdo rje slob ma yid ches pa/ mkhas pas dkyil 'khor bstan par bya ni/ gong du smos pa'i dkyil 'khor gyi/ rdo rje
- 119b
slob dpon gyis dam rdzas rnams sngags kyis byin gyis brlab pa'i bsgom pa byas nas/ slob ma la ma byin pa'i gong du/ rdo rje slob dpon nyid kyis bshang gci dang/ nang gi sha blangs la gong du smos pa'i ban d+ha dam rdzas dang ldan pa de ma yin pa'i ban d+ha gzhan mtshan dang ldan ba zhig mdun du gzhag la/ de'i 'og tu rdo rje gsang ba'i gnas su ming btags pa dkyil 'khor gyi bdag po'i rigs kyi bye brag gi shes rab ma mtshan dang yon tan thams cad dang ldan pa blang ngo/ /de dkyil 'khor de dkyil 'khor gyi bdag po shes rab ma ye shes kyi lha mo dag dang gnyis su med pa'i ngo bor byin gyis brlab par bya'o/ /de ltar byas pa'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'od du zhu'o/ /byang chub sems de b+ha ga'i dbus nas blangs la gong du smos pa'i ban d+ha'i nang gi dam rdzas bshang gci dang sha bzhag pa de dang bsre bar bya'o/ /gzhan yang pad ma rak+ta ci ltar smos pa'i tshul gyis blangs la bsre bar bya'o/ /de ltar bdud rtsi lnga gcig tu bsres ma thag tu rdo rje slob dpon gyis ban d+ha lag pa g.yon pas blangs la snying gar gzung/ lag pa g.yas par rdo rje rtse lnga bzung nas hUM phaT ces lan gsum brjod nas/ de'i slob ma yid ches bar bya ba dang/ dad pa bskyed par bya ba dang/ rnam par rtog pa spang bar bya ba'i phyir rdo rje slob dpon nyid kyis dang po bdud rtsi lnga'i phyed tsam/ oM swa b+hA wa bi shud d+ha sarba d+harma swa b+ha wa bi shud d+ho haM/ zhes sngags kyi tshig brjod cing bza' bar bya'o/ /de'i 'og tu bdud rtsi lnga de gong du smos pa'i phyi'i dam rdzas glang po che'i sha dang/ rta sha dang/ sha chen gsum ban d+ha'i nang du sngags kyis byin gyis brlabs pa'i cho ga byas nas gzhag pa de dang/ 'dir gcig tu bsre bar bya'o/ /de ni rdul tshon gyi dkyil 'khor du bstan pa las gnas gzhan du mi bya'o/ /cho ga'i tshul de ltar byas ma thag du slob ma la byin la zar gzhug
- 120a
par bstan to/ /de ltar rdo rje slob ma yid ches pa/ mkhas pas dkyil 'khor bstan par bya yi don du gsungs so/ /bshang gci sha'i spyod pa dang/ /rdo rje gsang ba'i gnas kyi don ni mdun du bshad pas 'dir bde ste bshad mi dgos so/ da ni phyi nang gi dam rdzas rnams khyad par du sngags kyis brlab par bya ba'i cho ga'i don bstan par bya ste/ /sngags rnams kun gyi yi ge oM/ /bsgoms na de ma thag tu 'bar/ /zhes bya ba ni/ sngags rnams kun gyi yi ge oM/ /bsgoms na ni mdun du smos pa'i tshul du daM rdzas rnams sngags kyis byin gyis brlabs pa'i bsgom pa byas pa'i 'og tu brda skad dam rdzas rnams sngags thams cad dang gnyis su med pa'i ngo bor 'gyur bar bsam mo/ /de rdo rje slob dpon gyis bza' ba dang/ slob ma zar gzhug pa'i dus su /dam rdzas rnams la sngags kyi sa bon yig 'bru oM kha dog dkar po chos kyi dbyings kyi ye shes la sogs pa ye shes lnga dang gnyis su med pa'i ngo bo bsam mo/ /don des sngags kyi sa bon yig 'bru oM de sngags thams cad gnyis su med pa'i ngo bo'i gzugs smos so/ /de ye shes lnga'i gzi brjid kyis 'bar ba yis 'od kyis 'bar zhing 'od du zhu nas ye shes kyi khu ba bzhin du dam rdzas rnams la gnyis su med pa'i ngo bor thim par 'gyur bar skad cig tsam bsgom par bya bar bstan to/ /de ltar sngags rnams kun gyi yig ge oM bsgom pa'i don tu gsungs so/ /de ma thag tu 'bar zhes pa ni/ gong du smos pa'i cho ga'i tshul gyis sa bon yig 'bru oM/ de bsgoms pa'i yon tan gyi dngos grub kyi 'bras bur 'gyur te/ dang po mtshan ma 'byung ste/ dam rdzas rnams chos kyi dbyings kyi ye shes la sogs pa ye shes lnga'i gzi brjid 'bar ba'i 'od kyis 'bar bar gyur pa smos so/ /de ltar dam rdzas rnams ye shes kyi bdud rtsi'i khu ba'i ngo bor gyur ma thag tu bla na med pa'i 'bras bu 'grub par 'gyur bar bstan to/ /de ltar de ma thag tu 'bar ba'i don du
- 120b
gsungs so/ /bcom ldan 'das rig pa chen po skyes bu rdo rjes de skad ces bka' stsal to/ /zhes bya ba ni/ bcom ldan 'das ni/ ston pa phyag na rdo rje nyid yin no/ /de'i yon tan gyi bstod pa'i mtshan bcom ldan 'das yin pa sdud pa pos smos so/ /de'i don mdun du bshad pas 'dir ba de ste bshad mi dgos so/ /de ltar bcom ldan 'das kyi don du gsungs so/ /rig pa chen po zhes pa ni/ 'khor gyi ngo bo dkyil 'khor gyi lha de dag thams cad bskyed pa'i yum lta bu shes rab ma ye shes kyi lha mo mA ma kI ming rig pa chen por smos so/ /de ltar rig pa chen po'i don tu gsungs so/ /skyes bu rdo rje zhes pa ni/ 'khor gyi ngo bo dkyil 'khor gyi lha de dag gi bdag po bskyed par mdzad mkhan ston pa phyag na rdo rje nyid yin te/ de ni me long lta bu'i ye shes la sogs pa ye shes lnga dang gnyis su med pa'i ngo bo'i sku phyag rgya'o/ /tshul de lta bu'i skyes bu'i rdo rje des rig pa chen por ming btags pa nyid kyi shes rab ma ye shes kyi lha mo mA ma kI dang/ gnyis su med par 'khyud pa'i sbyor bas gnas pa yin no/ /don des rigs pa'i skyes bu chen po rdo rjer smos so/ /rig pa'i skyes bu'i don gzhan yang rgyas par le'u dang po las/ /ji ltar bshad pa de bzhin du 'dir sbyar ro/ /mdor bsdu ba de ltar skyes bu rdo rje'i don du gsungs so/ /bka' stsal to/ /zhes pa ni gong du smos pa'i tshul gyi rig pa'i skyes bu chen po rdo rjer ming btags pa ston pa phyag na rdo rje de nyid kyis tshul ji ltar smos pa'i cho ga thams cad kyi rim pa ma nor bar rdul tshon gyi dkyil 'khor bri bar bya ba'i nang du slob ma gzhug pa dang/ tshul ji ltar smos pa'i dbang thams cad sbyin pa dang/ gzhan yang dam rdzas thams cad zad gzhug pa'i don du gsungs so/ /de ni gzhan yang mi snang ba dang brtson 'grus dang stobs dang/ dgug pa la sogs pa 'og nas 'byung ba'i rgyu'i ngo bo dam rdzas rnams bsgrub par bya ba'i don bstan par bya ste/ /dngos grub thams cad bsgrub pa dang/ /dam tshig chen po bsgrub
- 121a
pa dang/ /sangs rgyas byang chub nyid dag kyang/ /nan tan du ni bsgrub par bya/ /zhes bya ba'i don bshad par bya ste/ /ci ltar yin na/ dngos grub thams cad bsgrub pa ni/ mi snang ba dang bsgrub pa dang stobs tshad med pa'i bsgrub pa dang/ shin tu brtson 'grus kyi bsgrub pa dang/ lha dang mi pho mo dgug par bya ba'i bsgrub pa smos so/ /de ltar dngos grub pa dang gi don du gsungs so/ /dam tshig chen po'i bsgrub pa dang zhes pa ni/ mdun du smos pa'i tshul gyi bsgrub pa de thams cad bsgrub par bya ba'i dus su daM tshig chen por ming btags pa sgrub pa pos tshul ji ltar smos pas thabs dang shes rab rol pa bya bar smos so/ /de ltar dam tshig chen po bsgrub pa dang gi don du gsungs so/ /sangs rgyas byang chub nyid dag kyang/ /nan tan du ni bsgrub par bya zhes pa ni/ mdun du smos pa'i tshul gyi bsgrub pa de dag thams cad ni/ dam tshig chen po thabs dang shes rab gnyis su med pa'i ngo bo'i thabs kyis bya ba gzhan dang/ sems g.yeng ba spangs nas/ sems rtse gcig tu nan tan du bsgrub par bya ba bstan to/ /tshul de ltar bsgrub pa byas na ci ltar smos pa'i sangs rgyas dang byang chub nyid du ming btags pa tshe 'di la bla na med pa'i ye shes kyi 'bras bu 'grub par 'gyur na/ mdun du smos pa'i dngos grub kyi 'bras bu gzhan thams cad 'grub par 'gyur ba ni/ ngo mtshar mi che bar bstan pa'o/ / de ltar sangs rgyas byang chub nyid kyang nan tan du ni bsgrub par bya'i don tu gsungs so/ /mi snang stobs dang brtson 'grus dang/ /rdo rje dgug pa'i mchog dag kyang/ /rdo rje sku'i bka' bzhin du/ /dkyil 'khor dag gis thams cad 'grub/ ces bya ba'i don bshad par bya ste/ ji ltar yin na/ rdo rje dgug pa ni/ mdun du smos pa'i tshul gyi dkyil 'khor gyi nang du dbang thams cad nod pa'i gnas der lha dang mi la sogs pa kun gyi pho dang mo gang la mos pa de dgug pa'i bsgrub pa bya ba yin no/ /de'i don gsal bar bstan par bya
- 121b
ste/ bsgrub pa pos dkyil 'khor gyi shar phyogs su dam rdzas bshang gci dang/ phyi'i ka pu ra dang/ gung ku ma la sogs pa rdzas dri dang ldan pa thams cad bsres pa de ban d+ha dum bu lnga pa'i nang du gzhag la/ rdzas de chu dang dkrugs pas dkyil 'khor gru bzhi khru gang gi tshad du bya'o/ /de'i 'og tu pad ma dang/ ku mu ta dang/ ud pa la dang/ tsam pa ka la sogs pa me tog dri dang ldan pa thams cad dgram par bya'o/ /de ltar byas pa'i 'og tu/ dkyil 'khor gyi steng du bsgrub pa po stan bde ba 'jam pa la mos pa'i skyil mos 'dug go /de'i 'og tu mdun du smos pa'i cho ga bzhi'i tshul gyis/ dkyil 'khor gyi bdag po'i sku phyag rgyar gyur par byas la/ de dang gnyis su med pa'i nga rgyal du bsgom par bya'o/ /de'i dus su 'og nas 'byung ba'i dam rdzas ni rdza ma kha 'bu'i nang du bzhag la/ de rdza ma kham bu gzhan gyi kha dgab bo/ /de ltar byas nas bsgrub pa po rang gi mdun du gzhag go /de lta bu'i tshul gyis dgug par bya ba'i sngags kyi bzlas pa bsnyen pa grangs kyi tshad 'bum phrag gsum bya'o/ /sngags kyi ngo bo bstan par bya ste/ oM hUM a swa hA a kar sha nam ku ru/ gzhan yang man ngag gi tshul bstan par bya ste/ lha dang mi la sogs pa sems can thams cad pho dang mo gang dgug par bya ba de'i ming dang spel ba'i sngags kyis bzlas pa bya'o/ /oM hUM a sha rtsi a kar sha na ma swA hA/ de ltar sha rtsi la sogs pa sems can gyi rigs gang yang rung ba'i ming shes pa de'i ming dang mdun du smos pa'i de'i tshul du spel bar bya'o/ /gzhan yang dgug par bya ba'i sems can de'i ming mi shes na ji ltar bya zhes na/ bstan par bya ste/ oM hUM a/ a mo ka ma a kar sha na ma ku ru swAhA// de ltar sngags kyi bzlas pa'i cho ga'i tshul gyis dgug par bya'o/ /dgug par bya ba'i dus su mtshan ma gnyis su 'byung ngo/ /de bstan par bya ste/ dang po rdza ma bu kha dka' ba de dam rdzas dang bcas par 'bar bar 'gyur ro/ /de'i 'og tu kham bu kha bkab pa de 'phar bar 'gyur ro/ /
- 122a
de'i 'og tu bsgrub pa pos sems dga' ba chen pos brtson 'grus kyis rdza ma kham bu'i nang gi dam rdzas rnams grub pa de gsum du bsgoms la gnyis bza' bar bya'o/ /dus de ma thag tu tshul ji ltar smos pa'i pho dang mo gang bsgrub pa de 'jigs pa chen pos 'dar zhing rdul nas/ thal mo sbyar te khugs par 'gyur ro/ /de ma thag tu bsgrub pa po'i zhabs drung du btud nas mos pa'i tshul gyis gnas pa yin no/ /de'i dus su bsgrub pa pos sems brtan pa dang rtse gcig pas dgug pa'i sems can de la khro bo chen pos lta zhing skad cig tsam gong du bzlas pa byas pa'i sngags de zlas pa bya'o/ /de'i 'og tu bsgrub pa pos dam rdzas rnams zes pa'i lhag ma yod pa'i sems can dgug pa de zar gzhug go /de ltar byas pa'i 'og tu mo ni chung ma bzhin du spyang par bya'o/ /pho bsgrubs na ji ltar 'dod pa bran bzhin du dus rtag tu spyod do/ /mdor bsdus pa de ltar rdo rje dgug pa'i don du gsungs so/ /de nas stobs zhes pa ni/ gong du bsgrub pa'i dgug bya ba'i dus su ji ltar smos pa'i rdul tshon gyi dkyil 'khor gyi shar phyogs kyi gnas su phyi nang gi dam rdzas phun sum tshogs pa ban d+ha dum bu lnga pa'i nang du bzhag pa chu dang bsres nas dkyil 'khor gru bzhi pa khru gcig pa bya bar mos pa de bzhin du dus 'dir bya bar bstan to/ /de'i 'og tu mdun du smos pa'i tshul gyi me tog phun sum tshogs pa dkyil 'khor du bkram nas de'i steng du stan pa de ba 'jam pa la bsgrub pa po mos pa'i skyil mos 'dug go /de'i 'og tu mdun du smos pa'i cho ga bzhi'i tshul gyis dkyil 'khor gyi bdag po'i sku phyag rgyar gyur par bya'o/ /de'i 'og tu de dang gnyis su med pa'i nga rgyal du bsgom par bya'o/ /dkyil 'khor gyi bdag po rigs kyi bye brag gi shes rab ma mdun du smos pa'i mtshan dang yon tan dang ldan pa blangs la/ de dkyil 'khor gyi bdag po'i shes rab ma ye shes kyi lha mo dang gnyis su med pa'i ngo bor byin gyis brlab
- 122b
par bya'o/ /de'i 'og tu shes rab ma de dang gnyis su med pa'i 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas de rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog dkar po me long lta bu'i ye shes kyi ngo bo gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par gyur par bsam mo/ /sa bon de las khro bo'i rgyal po gzhan gyis mi thub pa'i sku phyag rgya bskyed par bya'o/ /de'i sku mdog dang/ zhal dang phyag dang phyag mtshan dang/ rgyan dang nyid kyi shes rab ma khro mo'i rgyal mo 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad/ le'u bzhi pa thugs kyi dkyil 'khor gyi dus su ci ltar smos pa de bzhin du dus 'dir bstan to/ /de lta bu'i ngo bo khro bo'i rgyal po gzhan gyis mi thub pa'i sku phyag rgya bskyed ma thag tu bskyed par mdzad mkhan dkyil 'khor gyi bdag po'i sku phyag rgya khro bo'i rgyal po gzhan gyis mi thub pa'i sku phyag rgya'i spyi bo'i gnas su dbang bskur ba'i tshul du bsam mo/ /tshul de ltar khro bo'i rgyal po gzhan gyis mi thub pa'i sku phyag rgya bskyed ma thag tu bsgrub pa pos de dang gnyis su med pa'i nga rgyal du bsgom par bya'o/ /de'i dus su gong du dgug pa'i bsgrub pa bya ba'i dus su dam rdzas rnams rdza ma khaM bu kha bkab pa rang gi mdun du ji ltar bzhag pa bstan pa de bzhin du 'dir bya bar bstan to/ /tshul de ltar rdo rje'i stobs tshad med pa'i bsgrub pa bya ba'i sngags kyi bzlas pa'i bsnyen pa grangs kyi tshad 'bum phrag gsum du bya'o/ /gzhan yang sngags kyi ngo bo bstan par bya ste/ hUM oM a/ sa ha hUM badzra ba laM ku ru/ de ltar sngags kyi bzlas pa'i cho ga'i tshul gyis rdo rje'i stobs bsgrub par bya'o/ /de grub pa'i dus su mtshan ma gnyis
- 123a
'byung ngo/ /bstan par bya ste/ dang po rdza ma bu kha bkab pa/ dam rdzas dang bcas pa de 'bar bar 'gyur ro/ /de'i 'og tu 'bar bar 'gyur ro/ /de ma thag tu bsgrub pa pos sems dga' ba chen po'i brtson 'grus kyis rdza ma kham bu'i dam rdzas rnams grub pa de ma lus par bza' bar bya bar smos so/ /de ltar byas pa'i 'og tu stong chen po 'jig rten gyi khams thams cad kyi lha dang mi la sogs pa sems can thams cad stobs ji snyed yod pa de de'i stong 'gyur dang/ khro bo'i rgyal po gzhan gyis mi thub pa gcig pu rdo rje'i stobs dang ldan pa yin no/ /de lta bu'i rdo rje'i stobs dang mnyam zhing gnyis su med par bsgrub pa po 'grub par 'gyur ro/ /de'i 'og tu bsgrub pa pos bdud kyi stobs thams cad med par byed do/ /de'i 'og tu tshul ji ltar smos pa'i bla na med pa'i byang chub kyi 'bras bu 'thob par bstan to/ /mdor bsdu ba de ltar stobs kyi don du gsungs so/ /de nas brtson 'grus zhes pa ni/ gong du dgug pa'i bsgrub pa dang/ rdo rje'i stobs bsgrub par bya ba'i dus su rdul tshon gyi dkyil 'khor gyi shar phyogs kyi gnas su phyi nang gi rdzas phun sum tshogs pa ban d+ha dum bu lnga pa'i nang du bzhag pa dang/ rdzas de chu dang dkrugs pas dkyil 'khor gru bzhi pa khru gang bar bya bar smos pa de bzhin du dus 'dir bya bar bstan to/ /de'i 'og tu mdun du smos pa'i tshul du me tog phun sum tshogs pa dkyil 'khor du bkram nas/ de'i steng du bsgrub pa po bstan bde ba 'jam pa la mos pa'i skyil mos 'dug go /de'i 'og tu mdun du smos pa'i cho ga bzhi'i tshul gyi bdag po'i sku phyag rgyar gyur par bya'o/ /de'i 'og tu de dang gnyis su med pa'i nga rgyal du bsgom pa bya'o/ /dkyil 'khor gyi bdag po'i rigs kyi bye brag gi shes rab ma blang ngo/ /de mdun du smos pa'i tshul gyis mtshan dang yon tan thams cad dang ldan pa'o/ /de ltar shes rab ma blangs pa'i 'og tu dkyil 'khor gyi bdag po'i
- 123b
shes rab ma ye shes kyi lha mo dang gnyis su med pa'i ngo bor byin gyis brlab par bya'o/ /de'i 'og tu shes rab ma dang gnyis su med pa'i 'khyud pa'i sbyor bas thabs dang shes rab rol pa byas nas bde bar gyur pa'i dus su/ /rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas de rgya mtsho dang mnyam par gyur bar bsam mo/ /de'i sdeng du sngags kyi sa bon yig 'bru hUM bsam mo/ /de kha dog dmar po so sor rtog pa'i ye shes kyi ngo bo gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur par bsam mo/ /sa bon de las khro bo'i rgyal po par man ta ka'i sku phyag rgya bskyed par bya'o/ /de'i sku mdog dang zhal dang phyag dang phyag mtshan dang/ rgyan dang phyag mtshan dang/ rgyan dang/ nyid kyi shes rab ma khro mo'i rgyal mo 'khyud pa'i sbyor ba dang ldan pa dang tshul de ltar sku phyag rgya'i cha lugs phun sum tshogs pa thams cad/ le'u bzhi pa thugs kyi dkyil 'khor gyi dus su ci ltar smos pa de bzhin du 'dir bstan to/ /de lta bu'i ngo bo khro bo'i rgyal po pad man ta ka'i sku phyag rgya bskyed ma thag tu bskyed par mdzad mkhan dkyil 'khor gyi bdag po'i sku phyag rgya khro bo'i rgyal po pad man ta ka'i sku phyag rgya la gnyis su med par thim par bsam mo/ /tshul de ltar khro bo'i rgyal po pad man ta ka'i sku phyag rgya bskyed ma thag tu bsgrub pa pos de dang gnyis su med pa'i nga rgyal du bsgom par bya'o/ /de'i dus su gong du smos pa'i dgug par bya ba'i bsgrub pa dang rdo rje'i stobs kyi bsgrub pa bya ba'i dus su dam rdzas rnams rdza ma kham bu kha bkab pa rang gi mdun du bzhag par smos pa de bzhin du 'dir bya bar bstan to/ /tshul de ltar tshad pa'i rdo rje'i brtson 'grus kyi bsgrub pa bya ba'i sngags kyi bzlas pa'i bsnyen pa grangs kyi tshad 'bum phrag gsum bya'o/ /gzhan yang sngags kyi bzlas pa'i ngo bo bstan par bya ste/ a hUM oM swAhA/ huM badzra biryad ku ru/ de ltar sngags kyi bzlas pa'i cho ga'i tshul
- 124a
gyis rdo rje brtson 'grus kyi sgrub pa bya'o/ /de grub pa'i dus su mtshan ma gnyis 'byung ngo/ /bstan par bya ste/ dang po rdza ma kham bu kha bkab pa dam rdzas dang bcas pa de 'bar bar 'gyur ro/ /de'i 'og tu de 'phar bar 'gyur ro/ /de ma thag tu bsgrub pa pos sems dga' ba chen pos brtson 'grus kyis rdza ma kham bu kha bkab pa'i nang gi dam rdzas grub pa de ma lus pa bza' bar bya'o/ /de ltar byas pa'i 'og tu stong chen po 'jig rten gyi khams thams cad kyi gnas su rlung chen po be ram pas skad cig gis khyab par phyin pa de'i stong 'gyur dang khro bo'i rgyal po pad man ta ka rdo rje'i brtson 'grus dang ldan pa yin no/ /de lta bu'i brtson 'grus dang mnyam zhing gnyis su med par sgrub pa po 'grub par 'gyur ro/ /de'i 'og tu bsgrub pa pos 'jig rten gyi khams thams cad du so sor rtog pa'i ye shes kyi ngo bo'i cho 'phrul gyi bye brag sna tshogs sprul par byas pas skad cig gis khyab par bya ba yin no/ /de'i 'og tu bdud dang bgegs kyi dpung ma rungs pa thams cad 'dul ba dang 'joms par byed do/ /gzhan yang sems can thams cad byin gyis rlob po/ / de byin gyis brlabs pas nyon mongs pa thams cad kyi dbang gis sdig pa bsags pa thams cad med par 'gyur ro/ /de'i 'og tu ji ltar smos pa'i tshul gyis bla na med pa'i byang chub kyi 'bras bu 'thob par bstan to/ /mdor bsdu ba de ltar brtson 'grus kyi don du gsungs so/ /mi snang ba zhes pa ni/ gong du ji ltar smos pa'i dgug ba'i bsgrub pa la sogs pa bsgrub pa gsum bya ba'i dus su/ rdul tshon gyi dkyil 'khor gyi shar phyogs kyi gnas su phyi nang gi dam rdzas phun sum tshogs pa ban d+ha dum bu lnga pa'i nang du bzhag nas chu dang dkrugs bas dkyil 'khor gru bzhi khru gang bar smos pa de bzhin du dus 'dir bya bar bstan to/ /de'i 'og tu gong du smos pa'i tshul du me tog phun sum tshogs pa dkyil 'khor du bkram nas/ de'i steng du sgrub pa po stan bde ba 'jam pa la mos pa'i skyil mos 'dug go /de'i 'og
- 124b
tu mdun du smos pa'i cho ga bzhi'i tshul gyis dkyil 'khor gyi bdag po'i sku phyag rgyar gyur par bya'o/ /de'i 'og tu de dang gnyis su med pa'i nga rgyal du bsgom par bya ste/ dkyil 'khor gyi bdag po'i rigs kyi bye brag gi shes rab ma mdun du smos pa'i mtshan dang yon tan thams cad dang ldan pa blang ngo/ /de lta bu'i shes rab ma blangs pa'i 'og tu dkyil 'khor gyi bdag po'i shes rab ma ye shes kyi lha mo dang/ gnyis su med pa'i ngo bor byin gyis brlab par bya'o/ /de'i 'og tu shes rab ma dang gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub kyi sems char gyi rgyun bzhin du 'od du zhu nas de rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bo gzi brjid chen po'i 'bar ba'i 'od kyis 'bar zhing 'od du zhu nas ye shes kyi khu ba bzhin du byang chub kyi sems rgya mtsho la gnyis su med par thim par gyur par bsam mo/ /sa bon de las khro bo'i rgyal po ya man ta ka'i sku phyag rgya bskyed par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma khro mo'i rgyal mo 'khyud pa'i sbyor ba dang ldan pa'o/ /tshul de lta bu'i sku phyag rgya'i cha lugs phun sum tshogs pa thams cad/ le'u bzhi pa thugs kyi dkyil 'khor gyi dus su ji ltar smos pa de bzhin du dus o'dir bstan to/ /de lta bu'i ngo bo khro bo'i rgyal po ya man ta ka'i sku phyag rgya bskyed ma thag tu bskyed par mdzad mkhan dkyil 'khor gyi bdag po'i phyag rgya'i ngo bo'i rgyal po ya man ta ka'i sku phyag rgya la gnyis su med par thim par gyur par bsam mo/ /tshul de ltar khro bo'i rgyal po'i ya man ta ka'i sku phyag rgya bskyed ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dus su mdun du smos pa'i tshul gyi dgug pa'i bsgrub pa dang/ rdo rje stobs
- 125a
kyi bsgrub pa dang/ rdo rje brtson 'grus kyi bsgrub pa bya ba'i dus su dam rdzas rnams rdza ma kham bu kha sbyar ba rang gi mdun du gzhag pa ji ltar smos pa de bzhin du 'dir bstan to/ /tshul de ltar mi snang ba'i bsgrub pa thams cad kyi nang na mi snang ba 'dir mchog yin no/ /de'i bsgrub pa bya ba'i sngags kyi bzlas pa'i bsnyen pa grangs kyi tshad 'bum phrag gsum du bya'o/ /sngags kyi ngo bo bstan par bya ste/ /oM hUM a swAhA/ hUM an tar ta naM ku ru/ de ltar sngags kyi zlas pa'i tshul gyis mi snang ba'i bsgrub pa bya'o/ /de grub pa'i dus su mtshan ma gnyis 'byung ngo/ /bstan par bya ste/ dang po rdza ma kham bu kha bkab pa dam rdzas dang bcas pa de 'bar bar 'gyur ro/ /de'i 'og tu 'phar ba yin no/ /de ma thag tu bsgrub pa bos sems dga' ba chen po'i brtson 'grus kyis rdza ma kham bu'i nang gi dam rdzas grub pa de ma lus par bza' bar bya bar bstan to/ /de ltar byas pa'i 'og tu stong chen po'i 'jig rten gyi khams ma lus pa thams cad na gnas pa'i lha dang mi la sogs pa'i sems can thams cad kyis rje bo la bran bzhin du bskor nas gnas pa yin no/ /bstan par bya ste/ mdun du smos pa'i 'jig rten gyi khams thams cad na gnas pa'i sems can de dag thams cad chos kyi dbyings kyi ye shes kyi ngo bo'i cho 'phrul gyi bye brag sna tshogs sbrul pas byin gyis brlab par bya'o/ /de byin gyis brlab pa byas pas bsod nams kyi phung po'i ngo bor 'gyur ro/ /de ltar byas pa'i 'og tu bsgrub pa pos tshul ci ltar smos pa'i bla na med pa'i byang chub kyi 'bras bu thob par 'gyur bar bstan to/ /mdor bsdu ba de ltar mi snang ba'i don du gsungs so/ /rdo rje sku'i bka' bzhin du/ /dkyil 'khor dag gis thams cad 'grub ces pa ni/ mdun du smos pa'i cho ga'i tshul gyis dgug par bya ba dang/ rdo rje'i stobs bsgrub par bya ba dang/ rdo rje brtson 'grus kyis bsgrub pa bya ba dang/ mi snang ba'i
- 125b
bsgrub pa bya ba la sogs pa sku rdo rje rnam par snang mdzad kyi bka' byung ma thag tu/ bsgrub pa thams cad kyi 'bras bu 'grub par ji ltar smos pa de bzhin du gong du smos pa'i rdul tshon gyi dkyil 'khor gyi nang du byas pas 'grub par 'gyur bar bstan to/ /de ltar rdo rje sku'i bka' bzhin du/ /dkyil 'khor dag gis thams cad 'grub kyi don du gsungs so/ /bshang gci dang ni sha chen rnams/ /cha ni mnyam par byas nas su/ /kham por sbyar mar bzhag na ni/ /sangs rgyas kun dang lhan cig 'khod/ /ces bya ba'i don bshad par bya ste/ ci ltar yin na/ gong du smos pa'i dgug pa'i sgrub pa bya ba'i dus dang/ rdo rje stobs kyis bsgrub pa dang/ rdo rje brtson 'grus kyi bsgrub pa bya ba dang/ mi snang ba'i bsgrub pa bya ba'i dus su/ de bsgrub pa bya ba'i dam rdzas bsgrub pa pos bshad gci blang ba dang/ de bzhin du phyi'i dam rdzas sha chen blangs la/ de cha mnyam pa zhes pa/ srad phyed phyed mnyam par blangs la/ de tshul ji ltar smos pa'i rdza ma kham bur bzhag la kha sbyar nas/ gong du smos pa'i tshul gyi bsgom pa'i sbyor ba dang/ sngags kyi bzlas pa'i bsnyen pa byas nas/ bsgrub pa byar bar bstan to/ /de ltar mdor bsdu ba bshang gci dang ni sha chen rnams/ /cha ni mnyam par sbyar nas su'i don du gsungs so/ /kham por sbyar mar bzhag na ni/ /zhes pa bde ste bshad mi dgos so/ /sangs rgyas kun dang lhan cig 'khod ces pa ni/ /dgug pa'i bsgrub pa la sogs pa sgrub pa bzhi ni nang nas gang bsgrub pa de'i 'og tu zhing khams grangs med pa na gnas pa'i sangs rgyas de dag dang lhan cig tu zhes pa tshul ji ltar smos pa'i bla na med pa'i byang chub kyi 'bras bu thob par bstan to/ /de ltar mdor bsdus pa sangs rgyas kun dang lhan cig 'khod kyi don du gsungs so/ /da ni gzhan yang rdo rje phyag brnyan gyi bsgrub pa bya ba'i cho ga'i don bstan par bya ste/ de la 'di ni gsang ba thams cad kyi rdo rje phyag brnyan rab tu bsgrub pa'i gnas
- 126a
mchog go /h+ri ni 'bar ba'i 'od bzang po/ /nam mkha' i rdo rje dbus su bsam/ /sangs rgyas kun gyis nam mkha' i khams/ /yongs su gang bar rnam par bsgom/ /zhes bya ba'i don bshad par bya ste/ ci ltar yin na/ de la 'di ni/ gsang ba thams cad ni gong nas 'byung ba'i tshul gyi rdo rje phyag brnyan gyi bsgrub pa bya ba'i cho ga de ni/ de bzhin gshegs pa thams cad kyi gsang ba thams cad kyi ngo bor smos so/ /de ltar mdor bsdus pa de la 'di ni gsang ba thams cad kyi don du gsungs so/ /rdo rje phyag brnyan rab tu bsgrub pa'i gnas mchog go /zhes pa'i don ni mdun du smos pa bde ste bshad mi dgos so/ /h+ri ni 'bar ba'i 'od bzang po/ nam mkha' i rdo rje'i dbus su bsam zhes pa ni/ bsgrub pa pos 'og nas 'byung ba'i phyi'i gnas su sa gzhi mnyam par bya'o/ /de'i 'og tu ji ltar smos pa'i mtshan dang ldan pa'i ban d+ha'i nang du dam rdzas bshang gci dang pad ma rag ta bzhag la/ de phyi'i rdzas dri dang ldan pa thams cad dang bsre bar bya'o/ /rdzas de chu dang dkrugs pas dkyil 'khor gru bzhi khru gang gi tshad du bya'o/ /de'i 'og tu pad ma dang/ ku mu ta dang/ ud pa la dang/ tsam pa ka la sogs pa/ me tog dri dang ldan pa thams cad bkram par bya'o/ /de ltar byas pa'i 'og tu sgrub pa pos dkyil 'khor de'i steng du stan bde ba 'jam pa la mos pa'i skyil mos 'dug go /de'i 'og tu mdun du smos pa'i cho ga bzhi'i tshul gyis dpal rdo rje sems dpa' dang/ rnam par snang mdzad dang/ snang ba mdza' yas gsum gang la mos pa'i sku phyag rgyar gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad/ le'u bzhi pa/ thugs kyi dkyil 'khor gyi dus su ji ltar smos
- 126b
pa de bzhin du 'dir bya bar bstan te/ de lta bu'i ngo bo'i sku phyag rgya gyur ma thag tu de dang gnyis su med pa'i nga rgyal du bsgom pa bya'o/ /gzhan yang de'i 'od tu rang gi snying ga'i dbus gnas su sngags kyi sa bon yig 'bru h+ri bsam mo/ /de kha dog dmar po so sor rtog pa'i ye shes la sogs pa ye shes lnga dang gnyis su med pa'i ngo bor brtag go /gzhan yang sngags kyi sa bon yig 'bru h+ri de so sor rtog pa'i ye shes la sogs pa ye shes lnga'i ngo bo 'bar ba'i 'od kyis 'bar bar bsam mo/ /gzhan yang 'bar ba'i 'od de'i nang nas rdo rje mi bskyod pa la sogs pa rigs lnga'i bye brag gi sangs rgyas grangs med pa thams cad nyid nyid kyi cha lugs phun sum tshogs pa/ tshul ji ltar smos pa dang ldan pa'i sku phyag rgya ye shes kyi 'od zer gyi tshogs 'phro ba nam mkha' i dbyings gang bar spro bar bya'o/ /de spros ma thag tu sangs rgyas thams cad kyi 'od zer gong du smos pa'i kyo ba'i ngo bo'i thabs kyis lha'i dbang po brgya byin dang/ tshangs pa dang/ khyab 'jug dang dbang phyug chen po dang/ de dag la sogs pa sems can ma lus pa thams cad dgug par bya'o/ /de bkug ma thag tu 'gugs par mdzad mkhan sangs rgyas thams cad dang bkug pa'i sems can ma lus pa thams cad gcig tu spro ba'i gnas sngags kyi sa bon yig 'bru h+ri de la gnyis su med par bsdus par bsam mo/ /gzhan yang tshul de ltar bsdus ma thag tu sngags kyi sa bon yig 'bru h+ri de 'bar ba'i 'od kyis nyi ma stong dang mnyam par 'bar bar gyur par skad cig tsam brtag go /de'i 'og tu sngags kyi yig 'bru ri 'bar ba chen po'i 'od kyi ngo bo'i sa bon de las/ rdo rje phyag brnyan gyi gzugs su gyur par bsam mo/ /de kha dog dmar po zhal gcig pa/ ral pa gyen du rdzes pa spyan nag pa/ bsgrub pa po la gzigs pa sku gzi brjid kyis 'bar ba/ rgyan thams cad kyis brgyan pa/ phyag gnyis pa/ phyag g.yas na rdo rje kyo ba 'dzin/ g.yon
- 127a
na rdo rje zhags pa 'dzin pa/ khro bo chen po'i ngo bo'o/ /de ltar bsgom pa'i cho ga'i tshul gyis rdo rje'i phyag brnyan gyi sku phyag rgya bskyed par bya bar bstan to/ /de ltar mdor bsdus pa/ h+ri ni 'bar ba'i 'od bzang po/ nam mkha' i rdo rje dbus su bsam gyi don du gsungs so/ /sangs rgyas kun gyis nam mkha' i khams/ yongs su gang bar rnam par bsgom zhes pa'i don ni mdun du smos pas bde ste bshad mi dgos so/ /da ni gzhan yang rdo rje phyag brnyan gyi phyag rgya'i sku dang/ gsung dang thugs kyi gnas gsum du/ sku dang gsung dang thugs kyi sngags kyi yig 'brus rdo rje byin gyis brlab pa'i bsgom pa'i cho ga'i don bstan par bya ste/ de'i sku gsung thugs kyi gnas/ /der ni sngags kyis dbab par bya/ /de la 'di ni sku gsung thugs kyi sngags rdo rje'i byin gyis brlab pa'i gnas so/ / a khaM kha zhes bya ba'i don bshad par bya ste/ ji ltar zhe na/ de'i sku gsung thugs kyi gnas/ der na sngags kyi dam par bya ni/ ji ltar smos pa'i tshul gyi rdo rje'i phyag brnyan gyi sku phyag rgya'i gnas gsum ste/ spyi bo'i gnas dang/ mgul pa'i gnas dang/ snying ga'i gnas te/ de ltar gnas gsum du 'og nas 'byung ba'i sngags kyi yig 'bru dbab pa zhes pa/ bkod nas byin gyis brlab pa'i bsgom pa bya ba yin no/ /de ltar mdor bsdus pa de'i sku gsung thugs kyi gnas/ der ni sngags kyi dbab par bya'i don du gsungs so/ / de la 'di ni sku gsung thugs kyi sngags rdo rje'i byin gyis brlab pa'i gnas so zhes pa ni/ sngags kyi sa bon yig 'bru a ni gsung rdo rje'i gnas yin no/ /sngags kyi sa bon yig 'bru khaM ni dus 'dir sku rdo rje gnas so/ /sngags kyi sa bon yig 'bru kha ni dus 'dir thugs rdo rje'i gnas yin no/ /tshul de lta bu'i sku dang gsung dang thugs rdo rje gsum/ rdo rje phyag brnyan gyi gnas gsum du tshul ji ltar smos par bkod nas byin gyis brlab pa bya ba bstan to/ /de ltar mdor bsdus pa/ de la 'di ni sku gsung thugs kyi sngags rdo rje byin
- 127b
gyis rlob pa'i gnas so'i don du gsungs so/ /a khaM kha zhes pa/ dang po rdo rje phyag brnyan gyi mgul bar sngags kyi sa bon yig 'bru a bsam mo/ /de kha dog dmar po so sor rtog pa'i ye shes kyi ngo bo gzi brjid kyis phung po bzhin du 'bar zhing du 'bar zhing mgul ba'i gnas su gnyis su med par thim par 'gyur bar bsam mo/ /de'i 'og tu rdo rje phyag brnyan gyi spyi bo'i gnas su sngags kyi sa bon gyi yig 'bru khaM bsam mo/ /de kha dog dkar po chos kyi dbyings kyi ye shes kyi ngo bo gzi brjid kyis phung po bzhin du 'bar zhing spyi bo'i gnas su gnyis su med par thim par gyur par bsam mo/ /de'i 'og tu rdo rje phyag brnyan gyi snying ga'i gnas su sngags kyi sa bon yig 'bru kha bsam mo/ /de kha dog sngon po'i me long lta bu'i ye shes kyi ngo bo gzi brjid kyi phung po bzhin du 'bar zhing snying ga'i gnas su gnyis su med par thim par 'gyur bar bsam mo/ /cho ga'i tshul de lta bu'i bsgom pas sku gsung thugs rdo rje gsum gyi yig 'bru gsum gyis rdo rje phyag brnyan gyi sku phyag rgya'i gnas gsum du sku gsung thugs kyi ngo bor gyin gyis brlab par bya ba yin no/ /de byas pa'i yon tan gyi byin rlabs kyi stobs kyis gong bu smos pa'i lha'i dbang po brgya byin dang/ tshangs pa dang/ khyab 'jug dang/ dbang phyug chen po la sogs pa sems can de dag thams cad kyi lus ngag yid gsum 'khrugs pa dang/ myos par 'gyur ro/ /mdor bsdu ba de ltar a khaM kha'i don du gsungs so/ /gzhan yang da ni/ rdo rje phyag brnyan gyi gsang ba'i gnas su ming btags pa snying ga'i nang gi gnas su de ma thag tu ma lus pa bsgom pa'i sbyor ba bya ba'i don bstan par bya ste/ phyag na rdo rje'i gzugs chen dang/ /phyag na pad mo gzi brjid che/ /gzhan gyis mi thub gzugs chen dag /bsgoms nas gsang ba'i gnas su gzhag /ces bya ba'i don bshad par bya ste/ ci ltar yin na/ phyag na rdo rje gzugs chen ni/ /ston pa nyid zhe sdang rdo rje'i ngo bo'o/ /des ji ltar smos pa'i tshul gyis khros te phyag na rdo rje 'dzin pa'o/
- 128a
don des phyag na rdo rje yin no/ /de sku phyag rgya'i gzugs su smos so/ /de ltar mdor bsdus pa phyag na rdo rje gzugs chen dang gi don du gsungs so/ /phyag na pad mo gzi brjid che zhes pa ni/ khro bo'i rgyal po pad man ta ka des khros te/ phyag na pad ma chen po 'dab ma sna tshogs pa 'dzin pa'o/ /don des khro bo'i rgyal po pad man ta ka nyid la dus 'dir phyag na pad mar mtshan btags pa'o/ /gzhan yang de'i sku phyag rgya so sor rtog pa'i ye shes kyi gzi brjid chen po dang ldan par smos so/ /de ltar mdor bsdus pa phyag na pad ma gzi brjid che'i don du gsungs so/ /gzhan gyis mi thub gzugs chen zhes pa ni/ /mdun du smos pa'i bdud dang bgegs kyi tshogs ma rungs pa gnod pa'i bye brag sna tshogs pa byed pa thams cad pham par mdzad pas/ don des khro bo'i rgyal po gzhan gyis mi thub pa'i sku phyag rgya gzugs chen por smos so/ /de ltar mdor bsdus pa/ gzhan gyis mi thub gzugs chen dag gi don du gsungs so/ /bsgoms nas gsang pa'i gnas su bzhag ces pa ni/ gong du smos pa'i phyag na rdor ming btags pa zhe sdang rdo rje dang/ phyag na pad mor ming btags pa khro ba'i rgyal po pad man ta ka dang/ gzhan gyis mi thub par ming btags pa khro bo'i rgyal po prad nyan ta ka dang/ de gsum gang la mos pa'i sku phyag rgya sgrub pa pos gsang ba'i thugs ka ye shes sems dpa' i gnas su bskyed par bya ba yin no/ /de bstan par bya ste/ sngags kyi yig 'bru hUM bsam mo/ /de kha dog dkar po nyid kyi ye shes dang ldan pa gzi brjid chen po 'bar ba'i 'od kyis 'bar ba 'od du zhu nas ye shes kyi khu ba bzhin du gyur par bsam mo/ /sa bon de las gong du smos pa de gsum gang la mos pa'i sku phyag rgya bskyed par bya'o/ /de'i sku mdog dkar po nyid kyi ye shes kyi ngo bo dang ldan pa'o/ /gzhan yang zhal dang/ phyag dang/ phyag mtshan dang/ rgyan dang/ sku phyag rgya'i cha lugs phun sum tshogs pa thams cad/ le'u bzhi
- 128b
pa/ thugs kyi dkyil 'khor gyi dus su ji ltar smos pa de bzhin du dus 'dir bya bar bstan to/ /de lta bu'i sku phyag rgya bskyed ma thag tu gzi brjid chen po 'bar ba'i 'od kyis 'bar ba de bskyed pa'i gnas nas phyung nas/ rdo rje phyag brnyan gyi gsang ba'i gnas su ming btags pa snying ga yin te/ gnas der gzhag par bya bar smos so/ /tshul de ltar bsgom pa'i sbyor ba byas pas gong du smos pa'i tshul gyi lha'i dbang po brgya byin dang tshangs pa dang/ khyab 'jug dang/ dbang phyug chen po la sogs pa ma lus par bkug pa de sngags kyi sa bon h+ri las gnyis su med pa'i ngo bor bsdu bar bya ba'i 'og tu/ sa bon de las tshul ji ltar smos pa'i rdo rje phyag brnyan gyi sku phyag rgya'i gzugs su gyur pa de'i thugs kar mdun du smos pa'i sku phyag rgya gzhag par bya ba'i sbyor bas phyi'i lha'i dbang po brgya byin la sogs pa ji ltar smos pa'i sems can thams cad snying gar gzer ba dang/ gnon pa dang/ 'khrug par gyur par smos so/ /mdor bsdu ba de ltar bsgoms nas/ gsang ba'i gnas su gzhag gi don du gsungs so/ /da ni gzhan yang rdo rje phyag brnyan gyi snying gar bskur bar bya ba'i cho ga'i tshul bstan par bya ste/ de la 'di ni rdo rje gsang ba'i gnas so/ /nyi ma'i dkyil 'khor dbus gnas par/ /mi bskyod pa ni rab tu brtag /tshe dpag med pa'i 'khor lo che/ /rdo rje snang mdzad de bzhin te/ /zhes bya ba'i don bstan par bya ste/ ci ltar yin/ de la 'di ni rdo rje gsang ba'i gnas ni/ 'og nas 'byung ba'i tshul gyi rdo rje mi bskyod pa la sogs pa sku gsung thugs rdo rje gsum gyi rigs kyi de bzhin gshegs pa la rdo rjer ming btags pa yin no/ /de dag gis rdo rje phyag brnyan gyi snying gar gsang ba'i gnas su ming btags pa de bskul pa bsgrub par bya bar smos so/ /de ltar mdor bsdu ba de la 'di'i rdo rje gsang ba'i gnas so'i don du gsungs so/ /nyi ma'i dkyil 'khor dbus gnas par/ /mi bskyod pa ni rab tu brtag /ces pa ni/ bsgrub pa pos nyid kyi
- 129a
gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin gyur par bsam / sa bon de las nyi ma'i dkyil 'khor du gyur par bsam mo/ /de 'bar ba chen po'i 'od kyis 'bar ba'o/ /de'i steng du sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du gyur par bsam mo/ /sa bon de las mi bskyod pa'i sku phyag rgya bskyed par bya'o/ /de bskyed ma thag tu khro bo'i gzugs zhe sdang rdo rje'i sku ngo bor gyur pas brtag go /de'i phyag g.yas dang po na dus 'dir mtshon rtse gsum pas mtshan pa'i kyo ba 'dzin/ gzhan sku mdog dang/ phyag dang/ phyag mtshan dang/ brgyan dang/ nyid nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad/ le'u bzhi pa thugs kyi dkyil 'khor gyi dus su rdo rje mi bskyod pa'i ci ltar smos pa de bzhin du dus 'dir bstan to/ /de ltar nyi ma'i dkyil 'khor dbus gnas par/ mi bskyod pa ni rab tu brtag gi don du gsungs so/ /tshe dpag med pa'i 'khor lo che zhes pa ni sngar smos pa'i nyid kyi gsang ba'i thugs ka ye shes sems dpa' i gnas su sngags kyi sa bon yig 'bru oM bsam mo/ /yang ni sngags kyi sa bon yig 'bru hUM bsam yang mi 'gal lo/ /de dus 'dir kha dog dkar po chung zad ser ba/ chos kyi dbyings kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du gyur par bsam mo/ /sa bon 'di las 'khor lo chen po rtsibs brgyad pa/ gzi brjid kyi 'bar bas 'bar zhing kha dog dkar po cung zad ser por gyur bar bsam mo/ /de'i steng du sngags kyi sa bon A bsam mo/ /de kha dog
- 129b
dmar po so sor rtog pa'i ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du 'bar bar bsam mo/ /sa bon de las snang ba mdza' yas kyi sku phyag rgya bskyed par bya'o/ /de dus 'dir phyag g.yas dang po na rdo rje kyo ba 'dzin/ gzhan sku mdog dang zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad/ le'u bzhi pa thugs kyi dkyil 'khor gyi dus su ji ltar smos pa de bzhin du 'dir bstan to/ /de ltar tshe dpag med pa'i 'khor lo che'i don du gsungs so/ /rdo rje snang mdzad de bzhin te/ zhes pa ni/ mdun du smos pa nyid kyi gsang ba'i thugs ka ye shes sems dpa' i gnas su cho ga'i tshul ji ltar smos pas gdan 'khor lo rtsibs brgyad pa/ gzi brjid kyis 'bar ba'i 'od kyis 'bar bar gyur par bya'o/ /de'i steng du sngags kyis sa bon oM bsam mo/ /de kha dog dkar po chos kyi dbyings kyi ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du gyur par bsam mo/ /sa bon de las rdo rje rnam par snang mdzad kyi sku phyag rgya bskyed par bya'o/ /de'i phyag g.yas dang po na dus 'dir 'khor lo kyo ba 'dzin/ yang na bye brag sna tshogs kyi kyo ba 'dzin pa yang mi 'gal lo/ /gzhan yang sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar phyag rgya'i cha lugs phun sum tshogs pa thams cad/ le'u bzhi pa thugs kyi dkyil 'khor gyi dus su ci ltar smos pa de bzhin du dus 'dir bstan to/ /de ltar rdo rje snang mdzad de bzhin de'i don du gsungs so/ /sdug bsngal mi bzad gzi brjid ches//
- 130a
thams cad snying gar bsgom par bya/ /zhes bya ba ni/ bsgrub pa po gong du smos pa'i tshul gyis mi bskyod pa la sogs pa rigs gsum gyi bye brag gi de bzhin gshes pa gsum smos pa de gang la mos pa'i sku phyag rgya'i ci ltar smos pa'i tshul gyis bskyed bar bya'o/ /de bskyed ma thag du gzi brjid chen po'i 'od kyis 'bar ba de bskyed pa'i gnas nas phyung ste/ ci ltar smos pa'i gdan dang bcas par rdo rje phyag brnyan gyi spyi bor gnas pa yin no/ /de'i 'og tu ji ltar smos pa'i kyo ba gzi brjid du ming btags pas 'bar ba des rdo rje phyag brnyan gyi snying gar brtson 'grus chen po'i stobs kyis bskul ba yin no/ /bstan par bya ste/ de ltar bskul ba'i sbyor bas lha'i dbang po brgya byin dang/ tshangs pa dang/ khyab 'jug dang/ dbang phyug chen po la sogs pa sems can thams cad kyi snying gar bskul par 'gyur ro/ /de ltar thams cad snying gar bskul bar bya ba'i don du gsungs so/ /sdug bsngal mi bzad gzi brjid ches zhes pa ni kyo ba 'bar ba'i 'od kyis 'bar ba des ci ltar smos pa'i rdo rje phyag rnyan bskul bar byas pas sems can thams cad dus gcig tu sdug bsngal gyis nyams par 'gyur bar smos so/ /de la 'di ni snying po thams cad bskul ba'o/ /o/ rtse mo che dang rdo rje che/ /kyo ba dam pa sna tshogs kyis/ /rdo rje'i go cha bzhin du gdab / sangs rgyas byang chub rab tu 'grub/ /ces bya ba'i don bshad par bya ste/ /ji ltar yin na/ de la 'di ni rdo rje snying pos thams cad bskul ba'o/ /o ni gong du smos pa'i bsgom pa byas nas rdo rje phyag brnyan gyi snying ga bskul bar bya ba'i dus su/ rdo rje thams cad du ming btags pa thabs kyi rigs mi bskyod pa la sogs pa/ rigs lnga'i bye brag gi de bzhin gshegs pa smos pa de dag gi ye shes dang gnyis su med pa'i ngo bo yin no/ /sngags kyi sa bon yig 'bru oM smos pa de ni khro bo chen po'i brtson 'grus kyis rdo rje phyag
- 130b
brnyan gyi dngos grub ma grub kyi bar du bzlas pa bya bar bstan to/ /de ltar mdor bsdus pa de la 'di ni rdo rje snying pos thams cad bskul ba'i don du gsungs so/ /rtse mo che dang rdo rje che/ kyo ba dam pa sna tshogs kyis zhes pa ni/ de'i don gong du rigs gsum gyi phyag g.yas dang po na 'dzin pa'i kyo ba des rdo rje phyag brnyan yi thugs kar skul ba'i sbyor ba des/ ci ltar smos pa'i sems can thams cad kyi snying gar bskul bar 'gyur ro/ /don des mtshon thams cad kyi nang na kyo ba 'di dam par smos so/ /de ltar mdor bsdus pa/ rtse mo che dang rdo rje che/ /kyo ba dam pa sna tshogs kyi don du gsungs so/ /rdo rje'i cho ga bzhin du gdab/ /sangs rgyas byang chub rab tu 'grub ces pa ni/ gong du smos pa'i kyo bas/ rdo rjer ming btags pa/ rdo rje phyag brnyan yin te/ de'i snying gar ci ltar smos pa'i tshul gyis gdab par bya ba'i bsgom pa bya ba yin no/ /de ltar mdor bsdu ba bsgom pa'i cho ga bya ba dang/ sngags kyi sa bon yig 'bru aM bzlas pa bya bas sangs rgyas dang byang chub kyi ngo bo bla na med pa'i 'bras bu rab du 'grub par 'gyur ro/ /gzhan rdo rje phyag brnyan gyi dngos grub kyi 'bras bu 'grub par 'gyur ba ni ngo mtshar mi che'o/ /bstan par bya ste/ rdo rje phyag brnyan gyi dngos grub kyi 'bras bu 'grub pa'i dus su mtshan ma gnyis 'byung ngo/ /dang po ni bsgrub pa byas pa'i gnas kyi phyogs kun du dpag tshad bcu gnyis kyi tshad kyi sa gzhi shin tu g.yo bar 'gyur ro/ /de'i 'og tu steng gi nam mkha' i phyogs nas sngags kyi yig 'bru hUM gi sgra chen po lan mang por grag pa yin no/ /gzhan yang de'i dus su lha'i dbang po brgya byin la sogs pa lha thams cad dang/ dri za dang/ mi 'am ci dang/ rig pa 'dzin pa dang/ klu dang/ de dag la sogs pa sems can cho 'phrul dang bsod nams kyi mthu dang ldan pa de dag thams cad phyag brnyan gyi tshul gyis bsgrub pa byas pas gong du smos pa'i tshul du sa g.yos par gyur pa'i ngo mtshar dang nam mkha' i phyogs na sngags kyi yig
- 131a
'bru hUM gi/ sgra lan mang por grag pa de thos pa'i ngo mtshar gyis 'jigs pa chen pos skrag par gyur nas/ gcig tu 'dus te/ nam mkha' las lha'i me tog dang/ dri dang/ na bza' dang/ rnga la sogs pa mchod pa'i bye brag sna tshogs sgrub pa pos steng du byed do/ /de'i dus su sgrub pa po sku dang gsung dang thugs rdo rje rigs gsum dang/ gnyis su med pa'i ngo bor 'grub par 'gyur ro/ /gzhan yang mdun du smos pa'i tshul gyis sems can thams cad 'khor gyi phyag brnyan gyi ngo bor grub par 'gyur ro/ /mdor bsdu ba de ltar rdo rje'i cho ga bzhin du gdab/ sangs rgyas byang chub rab tu bsgrub kyi don du gsungs so/ /da ni gzhan yang mdun du smos pa'i rdo rje'i phyag brnyan gyi bsgrub pa bya ba'i phyi'i gnas phun sum tshogs pa bstan par bya ste nyams dga' ba'i ri dag dang/ /chu gling dang ni sna tshogs su/ /zla ba phyed ni tshun chad kyis/ /sangs rgyas thob pa gdon mi za/ /zhes bya ba'i don bshad par bya ste/ ji ltar yin na/ nyams dga' ba'i ri ni/ gong du smos pa'i rdo rje phyag brnyan gyi bsgrub pa gal te sku'i rigs rnam par snang mdzad kyi bsgom pas byed na/ phyi'i ri'i rtse mo nyams dga' ba zhes pa/ chu gtsang ma dang/ rtswa 'jam ba snum pa dang/ me tog dri dang ldan pa la sogs pa phun sum tshogs pa dang ldan pa yid du 'ong ba yin no/ /de ltar mdor bsdus pa nyams dga' ba'i ri dag dang gi don tu gsungs so/ /chu gling zhes pa ni/ chu klung gnyis kyi bar gyi sa gzhi skam pa 'am/ yang na chu klung gcig gi dkyil na yod pa yang mi 'gal te/ de ni gal te gsung gi rigs snang ba mdza' yas kyi sgom pa'i sgom pas rdo rje phyag brnyan gyi bsgrub pa byed na/ phyi chu gling de rtsa 'ji ba dang/ snum pa dang/ me tog dri dang ldan pa dang/ de la sogs pa'i rgyan gyi ngo bo dang ldan pa'o/ /de ltar chu gling gi don du gsungs so/ /sna tshogs zhes pa ni/ dur khrod dang ma mo'i khang pa dang//
- 131b
bzhi mdo dang/ shing gcig pa dang/ skyed mos tshal dang/ yul stong pa la sogs pa gnas kyi bye brag sna tshogs la smos pa gang la mos pa'i gnas su thugs kyi rigs mi bskyod pa la sogs pa sgom pas rdo rje phyag brnyan gyi bsgrub pa bya yang mi 'gal bar smos so/ / de ltar sna tshogs kyi don du gsungs so/ /zla ba phyed ni tshun chad kyis zhes pa ni/ gong du smos pa'i tshul gyi bsgom pa dang/ sngags kyi bzlas pa'i cho ga byas pas rdo rje phyag brnyan gyi dngos grub kyi 'bras bu zla ba phyed rdzogs ma thag tu 'og nas 'byung ba'i ngo bor nges par 'grub par 'gyur bar smos so/ /de ltar zla ba phyed ni tshun chad kyis kyi don du gsungs so/ /sangs rgyas thob pa gdon mi za zhes pa ni/ de'i don sngar bshad pas 'dir bshad mi dgos so/ /da ni gzhan yang rdo rje phyag brnyan gyi dngos grub kyi 'bras bu grub pa'i 'og tu yon tan du 'gyur pa'i ngo bo'i don bstan par bya ste/ ri rab sum cu rtsa drug gi /rdul phran ji snyed yod pa yi/ /'khor gyi tshogs dang lhan cig du/ /'khor lo can gyi byang chub 'grub/ /ces bya ba'i don bshad par bya ste/ ji ltar yin na/ mdun du smos pa'i tshul gyi/ rdo rje phyag brnyan gyi bsgrub pa byas pa'i bsgrub pa pos ci ltar smos pa'i sangs rgyas kyi ngo bo'i 'bras bu grub pa'i 'og tu/ ri rab sum cu rtsa drug ces pa/ dus 'dir stong chen po'i 'jig rten gyi khams thams cad ni/ lha'i gnas sum cu rtsa drug dang ldan pa de'i rdul phra mo'i tshad kyi grangs ci snyed pa de dang mnyam pa'i lha dang mi la sogs pa sems can gnas pa de dag thams cad ma lus 'khor lo can gyi byang chub tu ming btags pa ji ltar smos pa'i dngos grub kyi 'bras bu thob pa'i bsgrub pa po yin te/ de'i phyag brnyan gyi ngo bo'i 'khor gyi tshogs kyi tshul du 'grub pa dbang du 'gyur bar smos so/ /de ltar mdor bsdus pa ri rab sum cu rtsa drug gi rdul phran ji ltar snyed yod pa yi'i don du gsungs so/ /'khor gyi tshogs dang lhan cig tu/ /'khor lo can gyi byang
- 132a
chub 'grub/ /ces pa de'i don mdun du smos pas/ 'dir bde ste bshad mi dgos so/ /da ni gzhan yang ye shes chen po dang/ bsod nams kyi ngo bor khyad par du 'gyur ba'i don bstan par bya ste/ /phyogs bcu'i sangs rgyas thams cad kyi/ /sangs rgyas zhing du 'gro bar 'gyur ro/ /zab mo'i chos kyang thos par 'gyur/ /sangs rgyas sa yang thob par 'gyur/ /zhes bya ba'i don bshad par bya ste/ /ci ltar yin na gong du smos pa'i phyogs bcu'i sangs rgyas stong chen po'i 'jig rten gyi khams thams cad kyi gnas nas sangs rgyas kyi zhing khams na gnas pa grangs med pa gang gA'i bye ma'i grangs kyi tshad dang mnyam pa khyab par gnas pa de dag ni bla na med pa'i sangs rgyas kyi sa'i 'bras bu thob pa bsod nams dang ye shes kyi ngo bo yin no/ /de dag rdo rje phyag brnyan gyi bsgrub pa byas pa'i sbyor ba'i thabs kyis bla na med pa'i 'bras bu grub pa'i bsgrub pa po de la chos zab mo zhes pa/ theg pa chen po gsang sngags kyi chos kyi don gsan pa yin no/ /de thos pa'i 'og tu bsod nams dang ye shes kyi phung po'i gzugs kyi phung po/ /de dag bshad par mdzad mkhan dang bcas par dus gcig tu stong pa'i ngo bo chos kyi sku dang gnyis su med par gyur par bstan to/ /de ltar mdor bsdus pa/ phyogs bcu'i sangs rgyas thams cad kyi/ sangs rgyas zhing du 'gro bar 'gyur gyi don du gsungs so/ /zab mo'i chos kyang thos par 'gyur/ /sangs rgyas sa yang 'thob par 'gyur gyi don mdun du smos pas bde ste bshad mi dgos so/ /bcom ldan 'das dam tshig chen po rdo rjes de skad bka' stsal to/ /zhes bya ba'i don ni/ /bcom ldan 'das ni ston pa phyag na rdo rje nyid yin no/ /de'i yon tan gyi bstod pa'i mtshan bcom ldan 'das yin pa sdus pa pos so/ /de'i don mdun du bshad pa bzhin du sbyar ro/ /de ltar bcom ldan 'das kyi don du gsungs so/ /dam tshig chen po zhes pa ni/ ci ltar smos
- 132b
pa'i tshul du dus rtag tu theg pa chen po gsang sngags kyi tshul gyis grub pa'i 'bras bur 'gyur bar bya ba'i lam mthong bar bya ba'i thabs/ thabs dang shes rab rol pa bya bar bstan to/ /gzhan yang thugs rje chen po dang/ gnyis su med pa'i ngo bor smos so/ /de ltar dam tshig chen po'i don du gsungs so/ /rdo rjes de skad bka' stsal to/ /zhes pa ni/ dus 'dir ston pa phyag na rdo rje nyid me long lta bu'i ye shes la sogs pa ye shes lnga dang gnyis su med pa'i ngo bo'i sku phyag rgya yin te/ don des ston pa dam tshig rdo rjer bstan to/ /de lta bu'i ston pa dam tshig rdo rje des gong du smos pa'i tshul gyi rdo rjer bstan to/ /phyag brnyan gyi bsgrub pa bya ba'i thabs kyi bla na med pa'i sangs rgyas kyi 'bras bu thob par 'gyur ba'i don de bka' stsal pa smos so/ /de ltar rdo rjes bka' stsal to'i don du gsungs so/ /da ni gzhan yang gong du smos pa'i rdo rje phyag brnyan bskul bar bya ba'i bsgom pa'i sbyor ba'i don bstan par bya ste/ de la 'di ni phyag brnyan thams cad kyi gsang ba'i gsang ba'o/ /rdo rje sems dpa' i ye shes che/ /de bzhin gsung gi rdo rje 'dzin/ /rdo rje sku chen bzhag nas ni/ /phyag brnyan rtag tu bskul bar bya/ zhes bya ba'i don bshad par bya ste/ ci ltar yin na/ de la 'di ni phyag brnyan thams cad kyi gsang ba'i gsang pa ni/ gong du smos pa'i tshul gyi rdo rje phyag brnyan gyi bsgrub pa bya ba'i thabs kyi sbyor bas sems can thams cad phyag brnyan gyi ngo bor 'grub par 'gyur ba'i don des rdo rje phyag brnyan gcig bu phyag brnyan thams cad dang gnyis su med pa'i ngo bor smos so/ /bstan par bya ste/ gong du rdo rje phyag brnyan gyi bsgrub pa bya ba'i cho ga'i tshul bshad pa dang/ gzhan yang 'og nas 'byung ba'i tshul gyi bsgom pa'i don de nyid mdor bsdus pa gsang ba yin no/ /de lta bu'i gsang ba de ni sku gsung thugs rdo rje'i rigs gsum la sogs pa/ de bzhin gshegs pa thams cad kyi ci ltar smos pa'i don gyi ye shes kyi gsang ba
- 137a
mchog de byang chub sems dpa' 'jam dpal gyi sku phyag rgya'i ngo bos 'dzin pa yin no/ /de lta bu'i ngo bo byang chub sems dpa' 'jam dpal gyi sku phyag rgya sgrub pa pos gnyis su med pa la nga rgyal du bsgom par bsam mo/ /de ltar rdo rje gsung mchog 'dzin pa che/ /gsang ba chen po 'di bsam mo'i don du gsungs so/ /'jam dpal rdo rje stobs po che/ /nam mkha' i ngo bo dbus su bsam/ /mnga' lnga'i sbyor ba dag gis ni/ /dbu rgyan rtse mor spro par bya/ zhes bya ba'i don bshad par bya ste/ ci ltar yin na/ 'jam dpal rdo rje stobs po che/ nam mkha' i rdo rje'i dbus su bsam ni/ bsgrub pa pos dang po'i gnas skyed mos tshal bye brag sna tshogs kyi me tog dang/ shing tog dang ldan pa'i shing phun sum tshogs pa dang/ gzhan yang khu byug dang/ ri skegs dang/ ne tso dang/ ka la ling ka la sogs pa/ bya phun sum tshogs pa dang/ gzhan yang mtshe'u la sogs pa chu gtsang ma phun sum tshogs pa dang/ de dag la sogs pa phun sum tshogs pa thams cad dang ldan pa'i gnas skyed mos tshal gyi dbus su sa gzhi mnyam par bya'o/ /de'i 'og tu ji ltar smos pa'i tshad dang ldan pa'i ban d+ha'i nang du dam rdzas bshang gci dang/ byang chub sems dang pad ma rak+ta bzhag go /de'i phyir kar pu ra dang/ gur kum dang/ du ru ska dang/ tsan dan la sogs pa rdzas dri zhim po thams cad dang bsres nas chu dang bsres pas bsku ba'i dkyil 'khor zur gsum khru gang ba bya'o/ /de'i 'og tu pad+ma dang/ ku mu ta dang/ ud pa la dang/ tsam pa ka la sogs pa me tog dri dang ldan pa thams cad dgram par bya'o/ /de'i 'og tu dkyil 'khor de'i steng du bsgrub pa po bstan bde zhing 'jam par mos pa'i skyil mos 'dug go /de'i 'og tu mdun du smos pa'i cho ga bzhi'i tshul gyis dpal rdo rje sems dpa' i sku phyag rgyar gyur par bya'o/ /de'i sku mdog dang/ zhal
- 137b
dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang/ gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad/ le'u bzhi pa thugs kyi dkyil 'khor gyi dus su ji ltar smos pa de bzhin du dus 'dir bstan to/ /de lta bu'i sku phyag rgya'i ngo bor gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo 'am/ yang na rigs dman pa gang yang rung ba las skyes pa'i bu mo yang mi 'gal te/ mtshan dang yon tan thams cad dang ldan pa'i lo bcu gnyis lon pa blangs la/ de ye shes kyi lha mo mA ma kI dang gnyis su med pa'i ngo bor byin gyis brlab par bya'o/ /de'o 'og tu 'dod chags chen po'i sems dga' bas shes rab ma gnyis su med pa'i 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas/ shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas/ de zla ba'i dkyil 'khor gyi ngo bor gyur par bsam mo// de'i steng du sngags kyi sa bon yig 'bru mUM bsam mo/ /de dus 'dir kha dog dmar por me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med par thim par gyur par bsam mo/ /sa bon de las 'jam dpal rdo rje'i sku phyag rgya bskyed par bya'o/ /de stobs po cher ming btags pa ni/ stong chen po 'jig rten gyi khams thams cad na gnas pa'i lha dang mi la sogs pa sems can ma lus pa thams cad kyi stobs smos pa'i stong 'gyur dang ldan pa 'jam dpal rdo rje yin no/ /don des byang chub sems dpa' 'jam dpal rdo rje stobs po che smos so/ /de'i sku phyag rgya'i cha lugs phun sum tshogs pa bstan par bya ste/ /dus 'dir sku mdog rin po che pad ma rA ga lta bu'o/ /phyag g.yas dang po na rdo rje mnga' rtse
- 138a
mo ud pa la dmar pos mtshan pa 'dzin/ /g.yon dang po na gzhu 'dzin no/ /gzhan yang zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo 'khyud pa'i sbyor ba dang ldan pa dang sku phyag rgya'i cha lugs phun sum tshogs pa ni le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o/ /de skyed par mdzad mkhan dpal rdo rje sems dpa' i sku phyag rgya/ byang chub sems dpa' 'jam dpal gyi sku phyag rgya'i spyi bo la dbang bskur ba'i tshul du bsam mo/ /de lta bu'i ngo bo byang chub sems dpa' 'jam dpal yi rdo rje'i sku phyag rgya bskyed ma thag tu de dang gnyis su med pa'i nga rgyal du bsgom par bya'o/ /de'i dus su gong du smos pa'i shes rab ma de byang chub sems dpa' 'jam dpal nyid kyis shes rab ma ye shes kyi lha mo thugs rdo rje ma dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas shes rab ma gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus nas su byang chub sems char gyi rgyun bzhin du 'od du zhu nas de rgya mtsho dang mnyam par gyur par bsam mo/ /de'i steng du sngags kyi sa bon yig 'bru b+h+rUM bsam mo/ /de'i dbus su 'dir kha dog dmar po chos kyi dbyings kyi ye shes la sogs pa ye shes lnga dang gnyis su med pa'i ngo bo gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur bar bsam mo/ /sa bon de las gdan 'khor lo rtsibs bzhi bskyed par bya'o/ /de kha dog dmar po 'bar ba chen po'i 'od kyis 'bar ba'o/ /de lta bu'i gdan 'khor lo bskyed ma thag tu sgrub pa po nyid de'i steng gi lte ba'i dbus su 'dug par brtag go /de'i 'og tu sngar smos pa'i shes rab ma dang ldan par
- 138b
'dod chags chen po'i sems dga' bas khros te/ brtson 'grus kyi thabs dang shes rab rol pa byas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bo gzi brjid kyis 'bar ba'i 'od kyis 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur par bsam mo/ /sa bon de las rdo rje gtum por ming btags pa khro bo'i rgyal po ya man ta ka yin te/ de'i sku phyag rgya bskyed par bya'o/ /de'i phyag g.yas dang po na dus 'dir rdo rje kyo ba 'dzin/ g.yon dang po na rdo rje zhags pa 'dzin/ gzhan sku mdog dang zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang khro mo'i rgyal mo ro langs ma gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa ni le'u bzhi pa thugs kyi dkyil 'khor gyi dus su ji ltar smos pa de bzhin du dus 'dir sbyar ro/ /de lta bu'i ngo bo khro bo'i rgyal po ya man ta ka'i sku phyag rgya bskyed ma thag tu bsgrub pa pos rang gi mdun gyi 'khor lo'i rtsibs kyi steng gi dbus su gnas pa yin no/ /de'i 'og tu gong du smos pa'i cho ga'i tshul gyis khro bo'i rgyal po ya man ta ka'i sku phyag rgya gnyis pa bskyed par bya'o/ /sku phyag rgya de'i cha lugs phun sum sogs pa thams cad ci ltar smos pa'i tshul du bya'o/ /de lta bu'i ngo bo khro bo'i rgyal po ya man ta ka'i sku phyag rgya bskyed ma thag tu sgrub pa po nyid kyi g.yas su 'khor lo'i rtsibs kyi steng gi dbus su gnas pa yin no/ /de'i 'og tu sngar smos pa'i cho ga'i tshul des khro bo'i rgyal po ya man ta ka'i sku phyag rgya gsum pa bskyed par bya'o/ /sku phyag rgya de'i cha lugs phun sum tshogs pa thams cad ji ltar smos
- 139a
pa'i tshul du bstan to/ /de lta bu'i khro bo'i rgyal po ya man ta ka'i sku phyag rgya bskyed ma thag tu bsgrub pa po nyid kyi rgyab du 'khor lo'i rtsibs kyi steng gi dbus su gnas pa yin/ /de'i 'og tu mdun du smos pa'i cho ga'i tshul gyis khro bo'i rgyal po ya man ta ka'i sku phyag rgya bzhi pa bskyed par bya'o/ /phyag rgya de'i cha lugs phun sum tshogs pa thams cad ci ltar smos pa'i tshul du bya'o/ /de lta bu'i ngo bo'i rgyal po ya man ta ka'i sku phyag rgya bskyed ma thag tu bsgrub pa po nyid kyi g.yon du 'khor lo'i rtsibs kyi steng gi dbus su gnas pa yin no/ /de lta bu'i cho ga'i tshul gyis bdag po la sogs pa phyag rgya lnga'i gzugs dang bcas pa'i dkyil 'khor gyi ngo bo bskyed pa'i 'og du bsgrub pa pos rang gi mdun du phyi'i dam rdzas bshad ba blangs la ban d+ha dum bu lnga pa'i nang du gzhag go /rdzas des dkyil 'khor gru bzhi kun tu khru re ba bsku bar bya'o/ /de'i steng du pho mo gang dbang du bya ba de'i gzugs bya'o/ /de bya ba'i rdzas phun sum tshogs pa bstan par bya ste/ chu 'gram gnyis kyi sa dang/ lam gyi bzhi mdo'i sa dang/ dur khrod kyi thal bas dang bcas pa dang/ shes rab ma'i pad ma rag ta dang/ phag gi khrag rnams gcig tu bsres nas/ rdo rje rlung dang dkrugs la rdzas des gong du smos pa de khro bo ya man ta ka'i sngags bzla zhing shin tu legs par bya'o/ /de'i 'og tu khro bo chen po'i brtson 'grus kyis sgrub pa pos nyid kyi gsang ba'i thugs ka ye shes sems dpa' i gnas su sngags kyi sa bon yig 'bru mUM bsam mo/ /de dus 'dir kha dog dmar po gzi brjid kyis 'bar zhing 'od du zhu nas ye shes kyi khu ba bzhin du gyur pa'i sa bon de las ye shes kyis sprul pa'i sku phyag rgya bskyed par bya'o/ /de'i phyag g.yas dang po na/ rdo rje kyo ba 'dzin/ g.yon dang po na zhags pa 'dzin/ gzhan sku mdog dang/ zhal dang/ phyag dang/ phyag mtshan dang/ rgyan dang/ de sku phyag rgya'i
- 139b
cha lugs phun sum tshogs pa ni bsgrub pa'i bdag po bskyed par mdzad mkhan gyi ci ltar smos pa de bzhin du ldan par bya'o/ /de lta bu'i sku phyag rgya sprin bzhin du bskyed par byas ma thag tu 'jig rten gyi khams thams cad du khyab par spro bar bya'o/ /de ma thag tu lha dang mo la sogs pa sems can ma lus pa thams cad rdo rje kyo bas snying ga nas gzung/ rdo rje zhags pas mgul pa nas bcings te/ tshul de ltar dgug par bya'o/ /de ltar bkug ma thag tu sems can thams cad mdun du smos pa'i rdzas kyi sbyor ba las gzugs brnyan byas pa de'i nang du gnyis su med par thim par gyur par bsam mo/ /gzhan yang dgug par mdzad mkhan ni spro ba'i gnas de nyid du gnyis su med par bsdu bar bya'o/ /gzhan yang 'khor gyi ngo bo khro bo'i rgyal po ya man ta ka'i gzugs phyogs bzhin ci ltar smos pa'i gdan la gnas de dag gi so so'i sku phyag rgya'i gnas spro ba'i gnas kyi ngo bo bdag po'i sku phyag rgya'i cha lugs phun sum tshogs pa lta bu sprin bzhin du 'jig rten gyi khams thams cad du spro bar bya'o/ /de ma thag tu 'chi bdag gshin rje 'khor dang bcas pa bdud dang bgegs kyi tshogs ma lus pa thams cad rdo rje kyo bas snying ga nas bzung/ rdo rje zhags pas mgul pa nas bcings te/ tshul de ltar dgug par bya'o/ /de bkug ma thag tu 'gugs par mdzad mkhan dang/ bkug pa'i sems can du bcas par spro ba'i gnas bzhir gnyis su med pa'i ngo bor bsdu bar bsam mo/ /mdor bsdu ba de ltar 'jam dpal rdo rje stobs po che nam mkha' i rdo rje dbus su bsam gyi don du gsungs so/ /mda' lnga'i sbyor ba dag gis ni/ /dbu rgyan rtse mor spro bar bya zhes pa ni/ sngar spro ba smos pa'i spro ba dang/ bsdu ba'i bsgom pa'i cho ga byas pa'i 'og tu sgrub pa po nyid sgrub pa'i bdag po 'jam dpal rdo rje dang gnyis su med pa'i nga rgyal du sgom pa'i sbyor bas gnas pa'i sku phyag rgya de'i dbus ye shes kyi rin po che'i dbu rgyan gyis
- 140a
brgyan pa'i dpral ba'i thad ka dbu rgyan bcings pa'i mtshams nas/ mnga' sbyor ba zhes pa/ dus gcig tu rdo rje'i mnga' rnon po gzi brjid kyis 'bar ba spro bar gsungs so/ /de ltar mnga' lnga'i sbyor ba dag gis ni/ /dbu rgyan rtse mor spro bar bya'i don du gsungs so/ /da ni gzhan yang rdo rje'i mnga' dbab pa'i tshul gyis brdeg pa'i gnas bsgom pa bya ba'i cho ga'i tshul bstan par bya ste/ /sngags shes pas ni gnas lnga ru/ /rdo rje gtum pos rab tu dbab/ /sngags shing brgyal bar bsgom pa ni / gzhon nu'i blo na grags chen gyis/ zhes bya ba'i don bshad par bya ste/ ci ltar yin na/ sngags shes pas ni gnas lnga ru/ /rdo rje gtum pos rab tu dbab ces pa ni/ rdo rje gtum por ming btags pa 'jam dpal rdo rje'i 'khor khro bo'i rgyal po ya man ta ka'i sku phyag rgya tshul ji ltar smos pa'i gdan 'khor lo rtsibs bzhi'i steng gi dbus na gnas pa de dag gi phyag rgya'i gnas lngar gong du smos pa'i tshul gyi rdo rje'i mnga' lnga spro bar bya ba dbab pa'i tshul grangs med pa rgyun mi 'chad par dbab pa zhes pa brdeg pa yin no/ /gnas lnga gsal bar bstan par bya ste/ dpral ba dang/ mgul ba dang/ snying ga dang/ lte ba dang/ rked pa'i dbus dang/ de ltar gnas lngar gong du smos pa'i tshul du rdo rje mnga' brdeg par bsgom mo/ /de sngags zhes pa rgyud las byung ba'i tshul gyi sngags kyi bsgrub pa'i bsgom pa'i man ngag gi mi rjed par shes par bya'o/ /don des sngags shes par smos so/ /mdor bsdu ba de ltar/ sngags shes pas na gnas lnga ru/ rdo rje gsum pos rab tu dbab kyi don du gsungs so/ sngags shing brgyal bar bsgom pa ni/ gzhon nu'i blo ni grags chen gyis/ zhes pa ni/ /gong du smos pa'i khro bo'i rgyal po ya man ta ka'i sku phyag rgya'i gzugs de bzhi /gzhon nu'i blo can rags chen du ming btags pa ni/ 'jam dpal rdo rje'i phyag
- 140b
rgya gzhon nu 'dra ba yin no/ /blo zhes pa ni/ bla na med pa'i shes rab dang ldan pa'o/ /don des 'jig rten gyi khams thams cad du lha dang mi la sogs pa sems can thams cad kyis bstod pa'i tshig gis grags par byed do/ /de lta bu'i yon tan gyi ngo bor 'jam dpal rdo rje des rdo rje'i mda' spro ba'i sbyor bas brdeg par mdzad pas khro bo'i rgyal po ya man ta ka'i ji ltar smos pa sems can ma rungs pa thams cad dang bcas pa'i gzugs de bzhi nyam thag nas brgyal bar gyur par bsgom par bya ba yin no/ /gzhan yang ya man ta ka'i don bstan par bya ste/ sgom pa de'i bar bar du sgrub pa pos rang 'jam dpal rdo rje dang gnyis su med par gnas pa des rang gi mdun na rdzas? kyi sbyor ba las gzugs brnyan bya pa ran bzhin du dbang du byed pa'i gzugs de'i ci ltar smos pa'i gnas lngar rdo rje'i mdas rgyun mi 'chad par brdeg par bsam mo/ /gzhan yang mdun du smos pa'i tshul gyi bsgom pa'i sbyor ba bya zhing sngags kyi bzlas pa'i bsnyen pa grangs kyi tshad 'bum du bya ba yin no/ /sngags kyi ngo bo bstan par bya ste/ hUM hUM mUM a mo kam pa sham ku ru/ yang na khro bo'i rgyal po ya man ta ka'i sngags bzlas pa bya ba yang mi 'gal lo/ /de ltar sngags shing rgyal bar bsgom pa ni/ gzhon nu'i blo ni grags chen gyi don du gsungs so/ /da ni gong du smos pa'i sgom pa'i sbyor ba bya ba'i nyin mtshan gyi grangs kyi tshad dang dus bstan par bya ste/ bsam gtan 'di ni zla byed du/ /gsang ba'i skul ba dag gis bsgom/ /rdo rje kun gyi rab gsang ba/ /rdo rje'i don ni chud pas gsungs/ /zhes bya ba'i don bshad par bya ste/ ci ltar yin na/ bsam gtan 'di ni zla phyed du/ /gsang pa'i bskul bdag gis bsgom ni/ gang du smos pa'i tshul gyi bsgom pa'i sbyor ba de ni/ gsang ba'i bskul ba zhes pa ni/ sgrub pa pos dbang gi sgrub pa'i 'bras bu ma grub kyi bar du ci ltar smos pa'i rigs kyi bye brag gi shes rab de dang gnyis su med pa'i sbyor
- 141a
bas thabs dang shes rab kyi pha rol ba nyin mtshan lan gsum gsum du bya'o/ /de ltar gsang ba'i mchod ba bya ba bsam gtan du ming btags pa zla ba phyed bya'o/ /de ltar byas pa'i yon tan gyis don dam pa'i gsang ba dkyil 'khor de bskul bar 'gyur ro/ /de'i 'og tu dpal rdo rje sems dpas ye shes kyis rlob par mdzad bas bsgrub pa'i 'bras bu thob pa yin no/ /de ltar dbang gi dngos grub grub pa'i dus su mtshan ma gnyis 'byung ste/ dang po ni rdzas kyi sbyor ba'i gzugs brnyan de 'gul bar 'gyur ro/ /de'i 'og tu gzugs brnyan de 'bar bar 'gyur ro/ /de'i 'og tu bsgrub pa po nyid 'jam dpal rdo rje dang gnyis su med pa'i ngo bor grub par 'gyur ro/ /dus de nas bzung ste/ tshig gi la dor ba sangs rgyas rnams par snang mdzad dam/ dpal rdo rje sems dpa' nyid la sogs pa de bzhin gshegs pa thams cad kyang dbang du 'gyur te/ de dag gis sgrub pa po'i don thams cad kyi 'bras bu grub par mdzad na/ gzhan yang ji ltar smos pa'i phyi'i sems can thams cad dbang du 'gyur ba ni/ ngo mtshar mi che ba yin no/ /de ltar bsam gtan 'di ni zla ba phyed du gsang ba'i bskul ba dag gis bsgom gyi don du gsungs so/ /rdo rje kun gyi rab gsang ba/ rdo rje'i don ni chung bas gsungs zhes pa ni/ gong du smos pa'i dbang bya ba'i bsgrub pa'i 'bras bu de ni rdo rje kun zhes pa/ ci ltar smos pa'i don dam pa'i gsang ba'i ngo bo yin no/ /bstan par bya ste/ gong du smos pa'i gsang ba'i ngo bo bla na med pa'i 'bras bu de ni/ rdo rje sems dpa' yin te/ sgrub pa byed pas sgrub pa po blo dang ldan pa'o/ /de'i 'og gong du smos pa'i 'jam dpal rdo rje bsgom pa'i sbyor bas dbang gi bsgrub pa bya ba'i don de ston pa phyag na rdo rjes smos so/ /de ltar rdo rje kun gyi rab gsang ba/ rdo rje'i don ni chud pas gsungs kyi don du gsungs so/ /da ni gzhan yang lha'i mig bsgrub par bya ba'i bsgom pa'i sbyor pa'i man
- 141b
ngag gi don bstan par bya ste/ sangs rgyas dkyil 'khor mchog dag ni/ /nam mkha' i rdo rje'i dbus bsam pa/ /rdo rje'i sngags la sogs pas hUM/ /rdo rje gsum sogs rab bsgom pa'o/ /zhes bya ba'i don bshad par bya ste/ ci ltar yin na/ sangs rgyas dkyil 'khor mchog dag ni/ nam mkha' i rdo rje dbus su bsam ni/ sgrub pa pos dang po mdun du smos pa'i tshul gyi mdzes ba phun sum tshogs pa dang ldan pa'i gnas ri'i rtse mo'i steng du bsgrub pa bya'o/ /gnas der sa gzhi mnyam par bya'o/ /de'i 'og tu ji ltar smos pa'i mtshan dang ldan bai ban d+ha'i nang mdun smos pa'i dam rdzas dang/ de bzhin phyi'i rdzas dri dang ldan pa thams cad gcig tu bsres la gzhag ste/ rdzas de chu dang dkrugs pas bsku pa'i dkyil 'khor gru bzhi khru gar ba bya'o/ /de'i steng du dus 'dir me tog dkar po dri dang ldan pa thams cad bkram mo/ /de ltar byas pa'i 'og tu dkyil 'khor de'i steng du sgrub pa pos stan bde zhing 'jam pa la mos pa'i skyil mos 'khor mos 'dug go /de'i 'og tu mdun du smos pa'i cho ga bzhi'i tshul gyis/ sku rdo rje rnam par snang mdzad kyi sku phyag rgya gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyis lha mo 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su ji ltar smos pa de bzhin du dus 'dir bya bar bstan to/ /de lta bu'i ngo bo'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su sku'i rigs kyi bye brag bram ze'i rigs kyi bu mo lo bcu drug lon pa mtshan dang yon tan thams cad du ldan pa blang ngo/ /de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas shes
- 142a
rab ma gnyis su med par 'khyud pa'i sbyor bas thabs dang shes rab rol pa byas pas bde bar 'gyur ba'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas de zla ba'i dkyil 'khor gyi ngo bor gyur par bsam mo/ /de'i steng du sngags kyi sa bon yig 'bru h+rIM? bsam mo/ /yang sngags kyi sa bon yig 'bru k+ShiM bsam yang mi 'gal lo/ /de kha dog dkar po chos kyi dbyings kyi ye shes kyi ngo bo gzi brjid kyi 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med par thim par bsam mo/ /sa bon de las byang chub sems dpa' sa'i snying po'i sku phyag rgya bskyed par bya'o/ /de'i sku mdog dang zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang gnyis su med par 'khyud pa'i sbyor ba dang/ de ltar sku phyag rgya'i cha lugs phun sum tshogs pa le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o/ /de ltar bskyed ma thag tu bskyed par mdzad mkhan gyi sku phyag rgya byang chub sems dpa' sa'i snying po'i sku phyag rgya'i spyi bo la dbang bskur pa'i tshul du bsam mo/ /de lta bu'i ngo bo byang chub sems dpa' sa'i snying po'i sku phyag rgya skyed ma thag tu/ de dang gnyis su med pa'i nga rgyal du bsgom par bya'o/ /de'i dus su gong du smos pa'i shes rab ma de byang chub sems dpa' sa'i snying po'i shes rab ye shes kyi lha mo gzugs rdo rje ma dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med pa'i 'khyud pa'i sbyor bas thabs dang shes rab rol ba byas nas bde bar 'gyur ba'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin tu 'od du zhu'o/ /de'i steng du sngags kyi sa bon yig 'bru oM bsam mo/ /yang na
- 142b
sngags kyi sa bon yig 'bru A bsam yang mi 'gal lo/ /de dus 'dir chos kyi dbyings kyi ye shes kyi ngo bo kha dog dkar po gzi brjid kyis 'bar zhing 'od du zhu nas ye shes kyi khu ba lta bu byang chub sems la gnyis su med par thim par gyur par bsam mo// sa bon de pas sangs rgyas dkyil 'khor du ming btags pa gdan zla ba'i dkyil 'khor bskyed par bya'o/ /de gzi brjid kyis 'bar ba'i 'od kyis 'bar ba'o/ /de ltar gdan zla ba'i dkyil 'khor bskyed ma thag tu de'i steng gi dbus su bsgrub pa po nyid 'dug par brtag go /gzhan yang sangs rgyas dkyil 'khor mchog ces pa/ sku'i rigs kyi shes rab ma ye shes kyi lha mo'i b+ha ga'i nam mkha' i gnas kyi dkyil 'khor thams cad kyi nang na/ dus 'di'i byang chub sems dpa' sa'i snying po'i gdan byang chub sems zla ba'i dkyil 'khor 'di ni 'og nas 'byung ba'i bsgrub pa'i 'bras bu 'grub par byed pas mchog tu smos so/ /mdor bsdu ba de ltar sangs rgyas dkyil 'khor mchog dag ni/ nam mkha' i rdo rje dbus su bsam gyi don tu gsungs so/ /rdo rje'i sngags la sogs pa hUM/ rdo rje gsum sogs rab bsgom pa'o/ /zhes pa ni/ lha'i mig bsgrub pa po'i dus su bdud dang bgegs kyi tshogs ma rungs pa thams cad kyis gnod pa'i bye brag sna tshogs byed pa de med par bya ba'i thabs khro bo'i rgyal po chen po badzra hUM ka ra'i cho 'phrul rnam pa gsum spro ba dang/ bsdu ba'i bsgom pa bya'o/ /de'i don gsal bar bstan par bya ste/ rdo rje hUM zhes pa ni/ khro bo chen po badzra hUM ka ra yin no/ /sngags la sogs zhes pa ni/ sngags kyi sa bon yig 'bru hUM dang/ sku phyag rgya dang/ mtshon cha rdo rje'o/ /rnam pa de gsum gyi cho 'phrul yin no/ /de la dang po gsang ba'i thugs ka ye shes sems dpa' i gnas su/ sngags kyi sa bon yig 'bru hUM bsam mo/ /de kha dog me long lta bu'i ye shes kyi ngo bo gzi brjid chen po'i 'bar ba'i 'od kyis 'bar bar brtag go /de'i gnas nas
- 143a
sngags kyi sa bon yig 'bru hUM grangs med pa sprin bzhin du gong du smos pa'i ye shes dang kha dog dang ldan pa/ gzi brjid chen po'i 'bar ba'i 'od kyis 'bar ba 'jig rten gyi khams thams cad du spro bar bya'o/ /de ma thag tu bdud dang bgegs ma rungs pa thams cad byin gyis brlabs pas 'ong ba 'gro ba'i sgyu ma'i thabs gnon par 'gyur ro/ /de'i 'og tu sngags kyi sa bon yig 'bru hUM grangs med pa sprin lta bu grangs med pa de spro ba'i gnas kyi sngags kyi sa bon yig 'bru hUM de gnyis su med par bsdu bar bya'o/ /de'i 'og tu sa bon yig 'bru hUM de'i gnas nas ye shes kyi rdo rje rtse lnga pa kha dog nag po me long lta bu'i ye shes kyi ngo bo gzi brjid chen po 'bar ba'i 'od kyi 'bar ba grangs med pa'i sprin bzhin du 'jig rten gyi khams su khyab par spro bar bya'o/ /de ma thag tu gong du smos pa'i bdud dang bgegs kyi tshogs ma rungs pa thams cad byin gyis brlabs pas mos pa dang stobs med par 'gyur ro/ /de'i 'og tu rdo rje grangs med pa sprin lta bu de spro ba'i gnas kyi sngags kyi sa bon yig 'bru hUM de la gnyis su med par bsdu ba bya'o/ /de'i 'og tu sngags kyi sa bon yig 'bru hUM de 'od du zhu nas ye shes kyi khu ba bzhin du gyur to/ /sa bon de las khro bo'i rgyal po chen po badzra hUM ka ra'i sku phyag rgya bskyed par bya'o/ /sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor du bsrung ba'i 'khor lo bya ba'i dus su ji ltar smos pa de bzhin du dus 'dir bya bar bstan to/ /de ltar khro bo'i rgyal po chen po badzra hUM ka ra'i sku phyag rgya bskyed ma thag tu de 'bar ba chen po'i 'od kyis 'bar ba grangs med pa sprin bzhin du 'jig rten gyi khams thams cad du khyab par spro bar bya'o/ /de ma thag tu gong du smos pa'i bdud dang bgegs kyi tshogs ma rungs pa thams cad byin gyis brlabs pas de dag gi lus 'bar ba chen po'i 'od kyis bsregs par bsam mo/ /de'i 'og tu khro
- 143b
bo'i rgyal po badzra hUM ka ra'i sku phyag rgya'i sku phyag rgya grangs med pa sprin lta bu de spro ba'i gnas ye shes sems pa la gnyis su med par bsdu bar bya'o/ /bstan par bya ste/ de ltar bye brag rnam pa gsum gyi spro ba dang bsdu ba bya ba'i dus su sngags kyi sa bon yig 'bru hUM dang rdo rje'i mtshon cha dang sku phyag rgya dang/ de ni rdo rje gsum du ming btags pa rdo rje sku dang/ gsung rdo rje dang/ thugs rdo rje gsum dang/ gnyis su med pa'i ngo bor bsgrub pa pos rab tu bya bar smos so/ /de dag rdo rje sngags la sogs pas hUM/ rdo rje gsum sogs rab bsgom pa'i don du gsungs so/ /da ni khyad par du sngags kyi bsgom pa'i sbyor ba'i cho ga bya ba'i don bstan par bya ste/ /oM ni mig tu bsams nas ni/ /de dag cho ga bzhin du bstan/ /sngags rnams kun gyi gzugs dag ni/ /sku gsum rdo rje can du mthong/ zhes bya ba'i don bshad par bya ste/ ci ltar yin na/ oM ni mig tu bsams nas ni/ 'di dag cho ga bzhin du bstan ni/ sngar smos pa'i spro ba dang bsdu ba byas pa'i 'og tu/ sgrub pa pos rang gi mig gnyis ga'i dkyil gyi steng du sngags kyi sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid chen po zla ba khri dang/ mnyam par 'bar ba mig gnyis la gnyis su med par thim par bsam mo/ /de ltar bsgom pa byas pas dngos grub kyi 'bras bu thob pa'i dus su 'og nas 'byung ba'i don gyi cho ga'i tshul gyis rang gi mig lha'i mig gi ngo bor gyur te/ des kun mthong bar 'gyur ro/ /de ltar oM ni mig tu bsams nas ni/ 'di dag cho ga bzhin du bstan gyi don du gsungs so/ /sngags rnams kun gyi gzugs dag ni/ /sku gsung rdo rje can du mthong zhes pa ni/ gong du smos pa'i tshul gyi bsgom pa'i sbyor ba byas pas lha'i mig gi dngos grub kyi 'bras bur gyur pa'i dang po ni/ sngags kun du ming btags pa dpal rdo rje sems dpa' la sogs pa rgyud 'di las smos pa'i ye shes
- 144a
kyi lha thams cad bskyed pa'i sngags kyi sa bon yig 'bru ye shes kyi gzi brjid kyis skar ma bzhin du 'bar bas nam mkha' i dbyings kun gang bar mthong ngo/ /de mthong ba'i yon tan gyis sgrub pa po'i lus byang chub sems dpa' sa'i snying po'i sku phyag rgya chos kyi dbyings kyi ye shes kyi ye shes dang gnyis su med par smos pa de bzhin du 'gyur bar bstan to/ /de ltar gyur pa'i 'og tu gzugs sku gsung rdo rje can zhes pa/ gong du smos pa'i dpal rdo rje sems dpa' la sogs pa ye shes kyi lha de dag gi sku phyag rgya sku rdo rje dang/ gsung rdo rje dang thugs rdo rje dang ldan pa de dag thams cad kyi sku phyag rgya'i gzugs gzi brjid kyi 'bar ba'i 'od kyis 'bar bas nam mkha' i dbyings kun gang bar mthong ngo/ /de mthong ba'i yon tan gyis sku rdo rje rnam par snang mdzad kyi sku phyag rgya ji ltar smos pa de bzhin du 'grub par 'gyur ba bstan to/ /de grub pa'i 'og tu 'jig rten gyi khams thams cad gang yang rung ba na yod pa'i rdzas gang rung ba yungs kar gyi 'bru'i brgya'i cha tsam yang lag mthil gyi bzhin du mthong ba yin no/ / de ltar grub pa'i 'og tu/ bla na med pa'i ye shes kyi 'bras bu thob pa yin no/ /de ltar mdor bsdus pa sngags rnams kun gyi gzugs dag ni sku gsung rdo rje can du mthong gi don du gsungs so/ /da ni gzhan yang rgyud 'di'i mgo mjug nas/ dkyil 'khor gyi sgrub pa la sogs pa tshul ji ltar smos pa'i bsgrub thabs thams cad kyi nang nas bsgrub pa pos gang sgrub par byed pa'i dus su rang gi bza' ba dang btung ba med pas bkres sgom gyis sdug bsngal du gyur pa dang/ gzhan yang bgegs kyi rgyal po byi na ya ka la sogs pa bgegs ma rungs pa thams cad kyis sgyu ma'i thabs kyis byin gyis brlabs nas sgrub pa pos zas za ba dang/ skom 'thung bas shin tu bkres pa dang skom par gyur nas lus shin tu ring par gyur pa de med par bya ba'i thabs kyi sgom pa'i
- 144b
sbyor ba bya ba bsam par bya ba'i don bstan par bya ste/ bkres skom la sogs nyon mongs ches/ /sbyor ba 'di ni rnams bsams na/ /rdo rje thugs kyi bka' bzhin du/ /sdug bsngal thams cad med par 'gyur/ /zhes bya ba'i don bshad par bya ste/ ci ltar yin na/ bkres skom la sogs nyon mongs ches/ /sbyor pa 'di ni rnam bsams na ni/ 'og nas 'byung ba'i tshul du sngags kyi sa bon yig 'bru b+ha dang/ oM dang gnyis bsgom pa'i sbyor ba bya bar bstan to/ /rdo rje thugs kyi bka' bzhin du/ /sdug bsngal thams cad med bar 'gyur bar bstan to/ /zhes bya ba ni gong du smos pa'i bsgom pa'i sbyor ba byas pas bkres pa dang skom pa la sogs pa lus la yod pa'i sdug bsngal thams cad ci ltar thugs rdo rje ston pa mi bskyod pa'i bka' byung ma thag tu/ sems can thams cad la ji ltar smos pa'i sdug bsngal thams cad med par 'gyur ba de bzhin du 'gyur bar bstan to/ /de ltar mdor bsdus pa rdo rje thugs kyi bka' bzhin du sdug bsngal thams cad med par 'gyur gyi don du gsungs so/ /rnam par snang mdzad gzugs chen po/ /bsgoms na don rnams thams cad 'grub/ /b+ha ni kha'i nang du bsgom/ /oM ni lce la bsgom par bya/ /zhes bya ba'i don bshad par bya ste/ ji ltar yin na/ rnam par snang mdzad gzugs chen po/ /bsgoms na don rnams thams cad 'grub ni/ gong du smos pa'i bkres skom la sogs pa sdug bsngal thams cad med par bya ba'i dus su/ bsgrub pa pos dang po mdun du smos pa'i cho ga bzhi'i tshul gyis sku rdo rje rnam par snang mdzad gyis sku phyag rgyar 'gyur bar bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar gzugs chen por ming btags pa sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su
- 145a
ji ltar smos pa de bzhin du dus 'dir bya'o/ /de lta bu'i ngo bo'i sku phyag rgyar gyur ma thag tu de dang/ gnyis su med pa'i nga rgyal du bsgom par bya'o/ /de'i dus su rnam par snang mdzad kyi sku phyag rgya'i gzugs de skye shi med par byed pa dang/ bdud rtsi la sogs pa dngos grub kyi 'bras bu thams cad phun sum tshogs pa'i ngo bor bsgrub pa pos bstan to/ /de ltar rnam par snang mdzad gzugs chen po/ bsgoms na don rnams thams cad grub kyi don du gsungs so/ /b+ha ni kha nang du bsgom zhes pa ni bsgrub pa pos mdun du smos pa'i rnam par snang mdzad kyi sku phyag rgyar gnyis su med par bsgoms pa byas ma thag tu rang gi kha'i nang gi rkan gnyis kyi dbus su sngags kyi sa bon yig 'bru b+ha bsgom par bya'o/ /de kha dog dkar po cung zad ser ba/ chos kyi dbyings kyi ye shes kyi ngo bo gzi brjid kyi phung po bzhin du 'bar zhing 'od du zhu nas de lha dang mi la sogs pa 'jig rten gyi khams kyi bza' ba dang btung ba la sogs pa 'jig rten gyi bza' ba dang btung ba ro drug dang ldan par gyur pa brtag go /de ltar b+ha ni kha'i nang du bsgom pa'i don du gsungs so/ /oM ni lce la bsgom par bya zhes pa ni/ de ltar sngags kyi sa bon yig 'bru b+ha bsgom par byas ma thag tu/ lce'i rtse mo'i dbus su sngags kyi sa bon gyi yig 'bru oM bsam mo/ /de kha dog chos kyi dbyings kyi ye shes kyi ngo bo gzi brjid kyis 'bar ba'i 'od kyis 'bar zhing gong gi bza' ba dang btung ba'i ngo bor gyur pa de la gnyis su med par thim par gyur par bsam mo/ /de ltar bsgom pa byas pas ci ltar smos pa'i bza' ba dang btung ba'i ngo bo de ye shes kyi bdud rtsi lce'i rtse mo'i dbus su mdor bsdu ba mi zad par gyur par bstan to/ /de ltar bsgom pa'i cho gas bdud rtsir gyur pa de lce'i lam nas lus kun la thim par gyur par bstan to/ /mdor bsdus pa de ltar oM ni lce la bsgom par bya'i don du gsungs so/ /da ni gong du smos pa'i
- 145b
bsgom pa'i 'bras bu yon tan gyi don bstan par bya ste/ /bza' bar bya ba kun gyi gnas/ /yid bzhin nor bus brgyan pa ste/ /zhi ba sdug bsngal thams cad sel/ /ye shes rdo rje rab bsgom pa'o/ /zhes bya ba'i don bshad par bya ste/ ci ltar yin na/ bza' bar bya ba kun gyi gnas/ /yid bzhin nor bus brgyan pa ste/ ni ci ltar skyes bu yid bzhin gyi nor bu rin po ches brgyan pa'i dus su/ don thams cad kyi 'bras bu 'grub par byed par smos pa de bzhin du/ ye shes kyi bdud rtsi'i bsgom pa'i sbyor ba byas pas gyur par bstan pa de grub pa'i 'og tu mdun du smos pa'i bza' ba kun dang/ sman thams cad 'byung ba'i gnas pa'i ngo bor smos so/ /de ltar bza' bar bya ba kun gyi gnas/ /yid bzhin nor bus brgyan pa ste'i don du gsungs so /zhi ba sdug bsngal thams cad sel/ ye shes rdo rje rab bsgom pa zhes pa ni/ ye shes rdo rje zhes pa/ gong du smos pa'i sngags kyis sa bon yig 'bru b+ha dang/ oM gnyis ka chos kyi dbyings kyi ye shes kyi ngo bo yin te/ don des ye shes smos so/ /de bsgom pa byas pa'i yon tan gyis 'khor ba'i sdug bsngal thams cad kyang med par gyur na/ gzhan bkres sgom gyi sdug bsngal kun med par 'gyur ba ni ngo mtshar mi che bar bstan to/ /bstan par bya ste/ gong du smos pa'i med par gyur ma thag tu/ zhi ba zhes pa 'khor ba'i skye shi dang bral nas bla na med pa'i 'bras bu chos kyi sku dang gnyis su med par 'thob par bstan to/ /mdor bsdu ba de ltar zhi ba sdug bsngal thams cad sel/ ye shes rdo rje rab bsgom pa'i don du gsungs so/ /bcom ldan 'das yid bzhin gyi nor bu rdo rje de skad bka' stsal to/ /zhes bya ba ni/ bcom ldan 'das ni ston pa phyag na rdo rje nyid yin te/ de'i yon tan gyi mtshan bcom ldan 'das yin pa sdud pa pos smos so/ /de'i don mdun du bshad pas 'dir bde ste bshad mi dgos so/ /de ltar bcom ldan 'das kyi
- 146a
don du gsungs so/ /yid bzhin gyi nor bu zhes pa ni/ ji ltar yid bzhin gyi nor bus don thams cad kyi 'bras bu grub par byed pa'i yon tan de dang 'dra ba/ ston pa phyag na rdo rje nyid yin te/ des ye shes thams cad kyi dngos grub kyi 'bras bu 'grub par mdzad pa yin no/ /de ltar yid bzhin gyi nor bu'i don du gsungs so/ /rdo rjes de skad bka' stsal to/ /zhes pa ni/ gong du smos pa'i tshul du dus 'dir ston pa phyag na rdo rje nyid me long lta bu'i ye shes la sogs pa ye shes lnga dang gnyis su med pa'i ngo bo'i sku phyag rgya yin to/ /des ci ltar smos pa'i bsgrub pa po'i lus bza' ba dang/ btung ba thams cad kyi ngo bo ye shes kyi bdud rtsir 'gyur bar grub pa'i thabs kyis zhi ba'i ngo bo bla na med pa'i 'bras bu thob par 'gyur ba'i don bka' stsal pa smos so/ /de ltar rdo rje'i don du gsungs so/ /da ni gzhan yang dpa' o rdo rjer ming btags pa/ zhe sdang rdo rje yin te/ de bsgom pa'i sbyor ba byas las thams cad 'grub pa tsam bsgrub par gyur pa'i don bstan par bya ste/ de nas bcom ldan 'das phyag na rdo rje de bzhin gshegs pas/ dpal chen po rdo rje de bzhin gshegs pa/ rdo rje bsgom pa'i gnas kyis mchog nyid kyi sku dang gsung dang thugs rdo rje las byung ngo/ /zhes bya ba ni/ de nas ni gong du smos pa'i tshul gyis bsgrub pa'i 'og tu don bka' stsal pa 'og tu 'byung ba'i bsgrub pa bya ba'i don mtshon pa'o/ /de ltar de nas kyi don tu gsungs so/ /bcom ldan 'das zhes pa ni/ stong pa nyid kyi yon tan gyi bstod pa'i mtshan bcom ldan 'das yin pa sdud pa pos smos so/ /de'i don mdun du bshad pas 'dir bde ste bshad mi dgos so/ /phyag na rdo rje de bzhin gshegs pa zhes pa'i don ni sngar ci ltar bshad pa de bzhin du 'dir bstan to/ /de ltar phyag na rdo rje'i don du gsungs so/ /dpa' bo chen po rdo rje de
- 146b
bzhin gshegs pa zhes pa/ dpa' bo chen po ni ya man ta ka dang/ prad nyan ta ka la sogs pa/ khro bo'i rgyal po kun yin te/ de dag gi bdag po badzra hUM ka ra yin no/ /de'i bdag po ni rdo rje de bzhin gshegs par ming btags pa ston pa phyag na rdo rje nyid khro bo'i gzugs zhe sdang rdo rje'i sku phyag rgyar bstan to/ /de ltar dpa' bo chen po rdo rje de bzhin gshegs pa'i don du gsungs so/ /rdo rje bsgom pa'i gnas kyi mchog ces pa/ rdo rje ni dus 'dir ya man ta ka dang/ prad nyan ta ka dang/ pad man ta ka dang/ big+hA nan ta ka dang/ khro bo'i rgyal po/ /de bzhi spro ba dang bsdu ba'i gnas zhes pa/ zhe sdang rdo rje nyid kyi sku phyag rgya yin te/ don des mchog tu smos so/ /de ltar rdo rje bsgom pa'i gnas kyi don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid sku phyag rgya sku gsung thugs gcig pa'i ngo bor smos so/ /sku dang gsung dang thugs rdo rje de gsum dang gnyis su med pa'i ngo bo ni zhe sdang rdo rje yin no/ /de sku dang gsung dang thugs kyi don du gsungs so/ /rdo rje zhes pa ni/ gong du sku rdo rje dang gsung rdo rje dang thugs rdo rje gnyis su med par bshad pa de bzhin tu 'dir bstan to/ /de ltar rdo rje las kyi don du gsungs so/ /phyung ngo zhes pa ni ston pa phyag na rdo rjes 'og nas 'byung ba'i zhe sdang rdo rje'i sngags kyi sa bon yig 'bru de ci ltar smos pa'i sku rdo rje dang gsung rdo rje dang thugs rdo rje gnyis su med pa'i ngo bo phyung ba yin no/ /de ltar phyung ngo'i don du gsungs so/ /b+hi/ sangs rgyas dkyil 'khor 'od bzang po/ /nam mkha' i rdo rje'i dbus su bsam/ /rdo rje sku gsum sbyor ba yis/ /'di ni 'grub par rnam par bsam/ zhes bya ba'i don bshad par bya ste/ ci ltar yin na/ /b+hi/ sangs rgyas dkyil 'khor 'od bzang po/ /nam mkha' i rdo rje'i dbus su bsam ni/ bsgrub pa pos dang po gnas dben pa chen por bsgrub pa bya'o/ /yang na gnas dur khrod du bsgrubs kyang mi 'gal lo/ /gnas der sa gzhi mnyam par bya'o/ /de'i 'og tu bshang gci dang/ byang chub sems dang/ pad ma rag
- 147a
ta dang/ gzhan yang kar pur dang/ gur ku ma dang/ sha ka la'i sen mo la sogs pa phyi'i rdzas dri zhim pa thams cad blangs la gcig tu bsres la ji ltar smos pa'i mtshan thams cad dang ldan pa'i ban d+ha'i nang du bzhag go /rdzas de shes rab ma'i pad ma'i chu dang dkrugs pas bsku pa'i dkyil 'khor gru bzhi khru gang ba bya'o/ /de'i steng du me tog dri dang ldan pa thams cad dgram par bya'o/ /de nas dkyil 'khor de'i steng bsgrub pa po stan bde ba 'jam pa la mos pa'i skyil mos 'dug go /de'i 'og tu mdun du smos pa'i cho ga bzhi'i tshul gyis dpal rdo rje sems dpa' i sku phyag rgyar gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa le'u bzhi pa thugs kyi dkyil 'khor 'khor gyi dus su ci ltar smos pa/ de bzhin du 'dir bstan par bya bar smos so/ /de lta bu'i ngo bo'i sku phyag rgyar gyur par byas ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan ni rigs kyi bu mo lo bcu gnyis lon pa mtshan dang yon tan thams cad dang ldan pa blang ngo/ /shes rab ma de ye shes kyi lha mo mA ma kI dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas shes rab ma gnyis su med par 'khyud pa'i sbyor bas thabs dang shes rab rol ba byas pas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu'o/ / rgya mtsho dang mnyam par gyur par bsam mo/ /de'i steng du dus 'dir sngags kyi sa bon yig 'bru b+hi/ bsam mo/ /de kha dog ser po pad ma'i ze 'thu lta bu me long lta bu'i ye shes kyi ngo bo gzi brjid kyis 'bar ba'i don gyis 'bar zhing 'od du zhu nas ye shes kyi khu ba
- 147b
lta bu byang chub sems kyi rgya mtsho la gnyis su med pa thim par bsam mo/ /sa bon de las zhe sdang rdo rje'i sku phyag rgya bskyed par bya'o/ /de dus 'dir ci ltar smos pa'i sku mdog dang ye shes dang ldan pa'o/ /gzhan yang zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang zhe sdang dga' ma gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa kun le'u bzhi pa/ thugs kyi dkyil 'khor la bsrung ba'i 'khor lo bsgom pa'i dus su ci ltar smos pa de bzhin du 'dir bya'o/ /de bskyed ma thag tu bskyed par mdzad mkhan dpal rdo rje sems dpa' i phyag rgya zhe sdang rdo rje sems dpa' sku phyag rgyal gnyis su med par thim par bsam mo/ /de lta bu'i ngo bo zhe sdang rdo rje'i skur phyag rgya bskyed ma thag tu de dang gnyis su med pa'i nga rgyal du bsgom par bya'o/ /de'i dus su gong du smos pa'i shes rab ma de zhe sdang dga' ma dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas shes rab ma gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du zhu nas/ de zla ba'i dkyil 'khor gyi ngo bor gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog sngon po me long lta bu'i ye shes la sogs pa ye shes lnga'i ngo bo gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med par thim par bsam mo/ /sa bon de las gdan rdo rje rgya gram bskyed par bya'o/ /de kha dog sngon po 'bar ba chen po'i 'od kyis 'bar ba'o/ /de lta bu'i gdan rdo rje rgya gram bskyed ma thag tu de'i steng gi bum pa'i dbus su bsgrub pa po nyid 'dug par brtag go /de'i 'og tu
- 148a
mdun du smos pa'i shes rab ma dang ldan par 'dod chags chen po'i sems dga' bas thabs dang shes rab rol ba byas nas bde bar gyur pa'i dus su rdo rje lam gyi sgo nas/ shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas de zla ba'i dkyil 'khor gyi ngo bor gyur par bsam mo/ de'i steng du sngags kyi sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du byang chub sems zla ba'i dkyil 'khor la gnyis su med par thim par bsam mo/ /sa bon de las sangs rgyas zhes pa/ sku rdo rje rnam par snang mdzad kyi sku phyag rgya bskyed par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin du 'dir bya'o/ /de lta bu'i ngo bo sku rdo rje rnam par snang mdzad kyi sku phyag rgya bskyed ma thag tu sgrub pa nyid kyi mdun du rdo rje rgya gram gyi steng gi dbus su 'dug pa yin no/ /de'i 'og tu mdun du smos pa'i cho ga'i tshul gyis de bzhin gshegs pa rin chen 'byung ldan gyi sngags kyi sa bon yig 'bru swA'i byin brlabs las sku phyag rgya bskyed par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin du 'dir bya'o/ /de lta bu'i ngo bo de bzhin gshegs pa rin chen 'byung ldan gyi sku phyag rgya bskyed ma thag tu bsgrub pa pos nyid kyi phyag g.yas su rdo rje rgya
- 148b
gram gyi steng gi dbus su 'dug pa yin no/ /de'i 'og tu mdun du smos pa'i cho ga'i tshul gyis gsung gi rigs de bzhin gshegs pa snang ba mdza' yas kyi sngags kyi sa bon yig 'bru A'i byin gyis brlabs las sku phyag rgya bskyed par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa dang ldan pa dang/ de ltar sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o/ /de lta bu'i ngo bo gsung gi rigs de bzhin gshegs pa snang ba mdza' yas kyi sku phyag rgya bskyed ma thag tu sgrub pa po nyid kyi rgyab tu rdo rje rgya gram gyi steng gi dbus su 'dug pa yin no/ /de'i 'og tu mdun du smos pa'i cho ga'i tshul gyis las kyi de bzhin gshegs pa don yod grub pa'i sku phyag rgya sngags kyi sa bon yig 'bru ha'i byin gyi brlabs las bskyed par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med pas 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad ci ltar le'u bzhi pa thugs kyi dus su smos pa de bzhin du 'dir ldan par bya'o/ /de lta bu'i ngo bo las kyi rigs de bzhin gshegs pa don yod grub pa'i sku phyag rgya bskyed ma thag tu sgrub pa po nyid kyi g.yon du rdo rje rgya gram gyi steng gi dbus su 'dug pa yin no/ /cho ga'i tshul de ltar bdag po la sogs pa'i rigs lnga'i de bzhin gshegs pa'i sku phyag rgya'i gzugs gzi brjid kyis 'bar ba dkyil 'khor gyi ngo bo de bskyed ma thag tu gong du smos pa'i tshul gyi zhe sdang rdo rje dang/ gnyis su med par bsgom par bya'o/ /bstan par bya ste/ sgrub pa pos bsgrub pa'i bdag po zhe sdang rdo rje dang/ gnyis su med pa'i nga rgyal du bsgom pa'i sbyor ba nyid
- 149a
kyi gsang ba'i thugs ka ye shes sems dpa' i gnas nas khro bo'i rgyal po ya man ta ka dang/ prad nyan ta ka dang/ pad man ta ka dang/ big nan ta ka dang/ bzhi sngags kyi sa bon yig 'bru hUM las bskyed par bya ste/ sngags kyi sa bon yig 'bru hUM de ni so so'i bye brag gi kha dog ye shes dang ldan par bsam mo/ /gzi brjid kyi 'bar ba'i 'od kyis 'bar zhing 'od du zhu nas/ ye shes kyi khu ba bzhin du 'gyur ro/ /sa bon de las rim pa ma nor bar khro bo'i rgyal po bzhi'i sku phyag rgya dus 'dir mtshon cha'i bye brag sna tshogs 'dzin pa sprin bzhin du 'jig rten gyi khams thams cad khyab par spro bar bya'o/ /de spros ma thag tu bdud dang bgegs kyi tshogs ma rungs pa'i tshogs thams cad byin gyis brlabs te bcom nas khro bo'i rgyal po rnams kyi phyag rgya sprin lta bu de spro ba'i gnas su slar bsdu bar bya'o/ /mdor bsdu ba de ltar b+hi sangs rgyas dkyil 'khor 'od bzang po/ /nam mkha' i rdo rje'i dbus su bsam gyi don du gsungs so/ /rdo rje sku gsum sbyor ba yis/ 'di ni 'grub par rnam par bsam zhes pa ni/ gong du smos pa'i sku rdo rje rnam par snang mdzad la sogs 'khor gyi ngo bo de bzhin gshegs pa de bzhi'i sku phyag rgya'i gnas thams cad nas rdo rje sku gsum sbyor bar ming btags par sku rdo rje rnam par snang mdzad dang/ gsung rdo rje snang ba mdza' yas dang/ thugs rdo rje mi bskyod pa dang/ de ltar rdo rje sku gsum gyi sku phyag rgya ci ltar smos pa'i cha lugs phun sum tshogs pa thams cad dang ldan pa sprin bzhin du 'jig rten gyi khams thams cad du spro bar bya'o/ /de ma thag tu lha dang mi la sogs pa sems can thams cad la reg pa'i tshul gyi byin gyis brlab pa nyid nyid kyi sku phyag rgya la gnyis su med pa'i ngo bor bsdu bar bya'o/ /de ltar byas nas sku gsung thugs rdo rje gsum gyi sku phyag rgya sems can thams cad dang gnyis su med pa'i ngo bo spro ba'i
- 149b
gnas su bsdu bar bya'o/ /de ltar sku gsum rdo rje sbyor ba yis/ 'di ni grub par rnam par bsam gyi don du gsungs so/ /rgyan rnams thams cad yongs rdzogs pa/ /ser po rdo rje bsgyings pa ni/ /zhi ba thor tshugs dbu rgyan can/ /bsgoms nas thams cad brtsam par bya/ /zhes bya ba'i don bshad par bya ste/ ci ltar yin na/ rgyan rnams thams cad yongs rdzogs pa/ /ser po rdo rje bsgyings pa ni/ mdun du smos pa bsgrub pa'i bdag po zhe sdang rdo rje de'i sku yan lag dang nying lag la zhi ba dang khro bo'i rgyan thams cad rdzogs par bsam mo/ /de'i sku mdog ni gong du smos pa'i ser po'o/ /de lta bu'i ngo bo zhe sdang rdo rje bsgyings pa zhes pa/ 'khor de bzhin gshegs pa bzhi dang bcas par zhi ba dang khro bo rnams spro ba dang/ bsdu ba'i bsgom pa bya bar bstan to/ /don des bsgyings bar smos so/ /de ltar rgyan rnams thams cad yongs rdzogs ba ser po rdo rje bsgyings pa'i don du gsungs so/ /zhi ba thor tshugs dbu rgyan can/ bsgoms nas thams cad brtsam par bya zhes pa ni/ dus 'dir zhe sdang rdo rje des ji ltar rdo rje mi bskyod pas thor tshugs dbu rgyan 'dzin par smos pa de lta bu 'dzin to/ /zhi zhes pa ni/ zhe sdang rdo rje'i sku mdog ser po/ /pad ma'i ze'u 'bru 'dra ba des zhi bar smos so/ /de lta bu'i zhe sdang rdo rje'i sku phyag rgya sgrub pa pos bsgom zhing thams cad brtsam par bya zhes pa/ rgyud 'dir las smos pa'i bsgrub pa thams cad kyi nang na gang bsgrub par bya ba de 'grub bar 'gyur bar bstan to/ /mdor bsdu ba de ltar zhi ba thor tshugs dbu rgyan can/ /bsgoms nas thams cad brtsam par bya yi don gsungs so/ /rdo rje dpa' bo rlabs kyi phreng ba zhes bya ba'i ting nge 'dzin to/ /zhes bya ba ni/ dpa' bo ni gong du smos pa'i ya man ta ka la sogs pa zhe sdang rdo rje'i khro bo'i rgyal po bzhi yin no/ /de ltar dpa' bo'i don du gsungs so/ /rdo rje zhes pa ni/ bsgrub pa'i bdag po zhe sdang rdo rje nyid yin no/ /de ltar rdo rje'i don du gsungs so/ /rlabs kyi phreng
- 150a
pa zhes pa ni/ mdun du smos pa'i tshul gyi zhe sdang rdo rje bsgom pa bya ba'i dus su 'khor dang bcas pa/ spro ba dang bsdu ba'i don de rlabs kyi phreng bar smos so/ /de ltar rlabs kyi phreng ba'i don du gsungs so/ /ting nge 'dzin zhes pa ni/ gong du smos pa'i bsgom pa bya ba mgo mjug gi don mdor bsdu ba ting nge 'dzin du smos so/ /de ltar ting nge 'dzin gyi don du gsungs so/ /da ni gzhan yang rdo rje rigs ye shes kyi lha mo tsun da zhes bya ba'i bskyed pa'i sngags kyi sa bon yig 'bru dang bsgrub pa bya ba'i tshul gyi cho ga'i don bstan par bya ste/ tsuM/ de nas bcom ldan 'das phyag na rdo rje de bzhin gshegs pa thams cad kyi dbyangs rdo rje zhes bya ba'i ting nge 'dzin la snyoms par zhugs nas zhes bya ba ni/ de nas ni ston pa phyag na rdo rjes gong du smos pa'i bsgrub pa kun bya ba'i thabs kyis ngo bo zhe sdang rdo rje bsgom par bya ba'i don de rdzogs ma thag tu ye shes kyi lha mo tsun de'i bsgrub pa bshad pa'i phyir ting nge 'dzin la snyoms par zhugs pa mtshon pa'o/ /de ltar de nas kyi don du gsungs so/ /bcom ldan 'das zhes pa ni ston pa nyid kyi yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du bshad pas 'dir bde ste bshad mi dgos so/ /phyag na rdo rje de bzhin gshegs pa zhes pa ni/ mdun du ji ltar bshad pa bzhin du 'dir ston to/ /thams cad du dbyangs zhes pa ni/ ston pa phyag na rdo rjes ye shes kyi lha mo tsun pa'i bsgrub pa bya ba bshad pa'i don ci ltar smos pa'i 'khor thams cad kyi nang du ting nge 'dzin la snyoms par zhugs pa'i don smos pa'o/ /de gsal bar bstan par bya ste/ ston pa phyag na rdo rje thugs rje chen po'i thugs dgyes pas nyid kyi shes rab ma ye shes kyi lha mo mA ma kI dang gnyis su med par 'khyud pa'i sbyor ba dang ldan pas thugs rtse gcig par gyur nas gnas pa de ma thag tu nyid kyi gsang
- 150b
ba'i thugs ka ye shes sems dpa' i gnas nas/ rnam par snang mdzad la sogs pa rigs lnga'i bye brag gi sku phyag rgya grangs med pa sprin bzhin du nyid nyid kyi sngags kyi sa bon yig 'bru las thams cad ces pa/ 'jig rten gyi khams thams cad du khyab par spro bar bya'o/ /de spros ma thag tu lha dang mi la sogs pa sems can ma lus pa thams cad byin gyis brlabs pas 'dod chags zhe sdang la sogs pa nyon mongs pa thams cad kyi dbang gis bskal pa grangs med par sdig pa bsags pa thams cad bcom par gyur to/ /de ltar byas nas de bzhin gshegs pa grangs med pa thams cad kyi sku phyag rgya sprin lta bu'i de spro ba'i gnas su slar bsdu bar bya'o/ /dbyangs zhes pa ni/ gong du smos pa'i spro ba dang bsdu ba'i tshul du rgyun mi 'chad par bya'o/ /don des thams cad kyi dbyangs kyi don du gsungs so/ /bshad par bya ste de ltar thams cad dbyangs kyi don du gsungs so/ /rdo rje zhes bya ba'i ting nge 'dzin la snyoms par zhugs nas zhes pa ni/ rdo rje ni me long lta bu'i ye shes la sogs pa ye shes lnga'i ngo bo'i cho 'phrul spro ba dang bsdu ba'i don de ting nge 'dzin du smos so/ /bshad par bya ste/ ston pa phyag na rdo rje ting nge 'dzin mdzad pa'i dus su thugs rtse gcig par gyur pas gnas pa'i don de snyoms par zhugs par smos so/ /de ltar mdor bsdus pa rdo rje ting nge 'dzin la snyoms par zhugs nas kyi don du gsungs so/ /ting nge 'dzin mdzad pa'i 'og du/ da ni ye shes kyi lha mo tsun da'i ngo bo'i don gyi cho ga'i tshul bstan par bya ste/ rdo rje chen po bsgom pa'i gnas 'di nyid kyi sku dang gsung dang thugs rdo rje las phyung ngo/ /zhes pa ni/ rdo rje chen po zhes pa/ me long lta bu'i ye shes la sogs pa ye shes lnga dang gnyis su med pa'i ngo bo ye shes kyi lha mo tsun da'i sku phyag rgyar smos so/ /bsgom pa'i gnas zhes pa/ ye shes kyi lha mo tsun da'i sku phyag rgya de ni/ bsgrub pa pos bsgom par bya ba'i gnas yin te/ sgrub pa pos tsun da dang gnyis su med pa'i nga rgyal du bsgom pas bsgrub par bya'o/ /don des
- 151a
bsgom pa'i gnas su smos so/ /de ltar mdor bsdus pa /rdo rje chen po gnas kyi don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum pa'i ngo bos smos so/ /sku dang gsung dang thugs rdo rje de gsum dang gcig pa'i ngo bor lha mo tsun da smos so/ /de ltar sku dang gsung dang thugs kyi don du gsungs so/ /rdo rje zhes pa ni ci ltar sku rdo rje gsung rdo rje dang thugs rdo rje gnyis su med par bshad pa de bzhin du 'dir bstan to/ / de ltar rdo rje'i don du gsungs so/ /phyung ngo zhes pa ni/ ston pa phyag na rdo rjes ye shes kyi lha mo tsun da'i sku phyag rgya bskyed par bya ba'i sngags kyi sa bon yig 'bru dang/ gzhan yang bskyed pa'i tshul gyi cho ga bsgom pa'i don de tshul ji ltar smos pa'i sku dang gsung dang thugs rdo rje gsum dang/ gnyis su med pa'i ngo bo phyung bar smos so/ /de ltar phyung ngo'i don du gsungs so/ /da ni ye shes kyi lha mo tsun da bskyed par bya pa'i sngags kyi sa bon yig 'bru dang bskyed par bya ba'i cho ga'i bsgom pa bya ba'i don bstan par bya ste/ tsuM/ nyi ma'i dkyil 'khor dam pa ni/ /nam mkha' i rdo rje'i dbus su bsam/ /sangs rgyas sprin gyi cho ga yis/ /rdo rje gsum gyi grangs chen ni/ /zhes bya ba'i don bshad par bya ste/ ci ltar yin na/ tsuM/ nyi ma'i dkyil 'khor dam pa ni/ nam mkha' i rdo rje dbus su bsam ni/ sgrub pa pos dang po gnas dben pa chen por bsgrub par bya'o/ /yang na ci ltar smos pa'i yon tan phun sum tshogs pa dang ldan pa'i gnas skyed mos tshal du bya ba mi 'gal lo/ /gnas der sa bzhi mnyam par bya'o/ /de'i 'og tu bshang gci dang/ byang chub sems dang/ pad ma rag ta dang/ gzhan yang ka pu ra dang/ gur kum dang/ sha ka la'i sems mo la sogs pa phyi'i rdzas dri dang ldan pa kun blangs la gcig du bsres te/ ci ltar smos pa'i mtshan thams cad
- 151b
dang ldan pa'i ban d+ha'i nang du gzhag la/ rdzas de shes rab ma'i pad ma'i chu dang/ dkrugs pas bskus pa'i dkyil 'khor gru bzhi kun tu khru gang bar bya'o/ /de'i steng du me tog dri dang ldan pa thams cad bkram par bya'o/ /de nas dkyil 'khor de'i steng du sgrub pa po stan bde ba 'jam pa la mos pa'i skyil mos 'dug go /de'i 'og mdun du smos pa'i cho ga bzhi'i tshul gyis/ dpal rdo rje sems dpa' i sku phyag rgyar gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyis dus su ci ltar smos pa de bzhin du 'dir bstan par bya'o// de ltar bu'i ngo bo'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo mtshon dang yon tan thams cad dang ldan pa lo bcu gnyis su lon pa blang ngo/ /de shes rab ma de ye shes kyi lha mo mA ma kI dang gnyis su med pa'i ngo bor byin gyis brlab par bya'o/ /de'i 'og du 'dod chags chen po'i sems dga' pas shes rab ma gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de'i steng du dus 'dir sngags kyi sa bon yig 'bru tsum bsam mo/ /de kha dog dkar po me long lta bu'i ye shes kyi ngo bo gzi brjid kyi 'bar ba'i 'od kyis 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med par thim par gyur par bsam mo/ /sa bon de las ye shes kyi lha mo tsun da'i sku phyag rgya bskyed par bya'o/ /de sku
- 152a
mdog dkar mo me long lta bu'i ye shes kyi ngo bo gzi brjid chen pos 'bar ba zhal gsum pa zhal dbus ma sku'i kha dog dang mthun/ zhal g.yas pa ud pa la mthing ga'i 'dab ma'i kha dog lta bu/ g.yon pa ni dus 'dir dmar ba'o/ /zhal gsum ga spyan gsum gsum/ rab tu bzhad pa/ tshems kyi phreng ba shin tu dkar ba/ gzi brjid kyis 'bar ba/ zla ba lta bu/ phyag drug phyag mtshan drug go /rgyan thams cad kyis brgyan pa/ dus 'dir phyag g.yas dang po na mi 'jigs pa'i tshul gyis me tog a sho ka lo ma dang bcas pa 'dzin/ bar ma na ral gri /tha ma na phreng ba'o/ /g.yon dang po na yid bzhin gyi nor bu rin po che/ bar ma na pad ma/ tha ma na snying gar sdigs mdzub bca' ba 'am/ yang na shes rab kyi pha rol tu phyin pa'i po ti 'dzin pa yang mi 'gal lo/ /de ltar sku phyag rgya'i cha lugs phun sum tshogs pa'i ngo bor bskyed ma thag tu skyod par mdzad mkhan dpal rdo rje sems dpa' i sku phyag rgya ye shes kyi lha mo tsun da'i spyi bo la dbang bskur ba'i tshul du gnas par bsam mo/ /de lta bu'i ye shes kyi lha mo tsun da sku phyag rgya bskyed ma thag tu de dang gnyis su med pa'i nga rgyal du bsgrub par bya'o/ /de'i dus su sgrub pa pos rang gi mdun du sngags kyi sa bon yig 'bru paM bsam mo/ /de kha dog dmar po so sor rtog pa'i ye shes kyi ngo bo gzi brjid kyis 'bar ba'o/ /sa bon de las pad ma 'dab brgyad du gyur to/ /de ma thag tu pad ma'i lte ba'i steng gi dbus su sngags kyi sa bon yig 'bru hUM bsam mo/ /de dus 'dir kha dog dmar po me long lta bu'i ye shes kyi ngo bo gzi brjid kyis 'bar ba'o/ /sa bon de las nyi ma'i dkyil 'khor du gyur par bsam mo/ /de'i steng du bsgrub pa po tsun da dang gnyis su med pa'i ngo bos mos pa'i skyil mos 'dug go /bstan bar bya ste/ gdan thams cad kyi nang na nyi ma'i dkyil
- 152b
'khor dam par smos so/ /mdor bsdu ba de ltar/ tsuM/ nyi ma'i dkyil 'khor dam pa ni/ nam mkha' i rdo rje dbus su bsam gyi don du gsungs so/ /sangs rgyas sprin gyi cho ga yis/ /rdo rje gsum gyi grags chen zhes pa ni/ gong du smos pa'i pad ma dang nyi ma'i dkyil 'khor gyi gdan la 'dug ma thag tu/ cho ga zhes pa nyid kyi gsang ba'i thugs ka ye shes sems dpa' i gnas su dpal rdo rje sems pa la sogs pa rigs lnga'i bye brag gi sangs rgyas rnams so so'i sngags kyi sa bon yig 'bru las ci ltar smos pa'i tshogs sku mdog dang ye shes dang ldan pa bskyed par bya'o/ /de dag so so'i sku phyag rgya'i cha lugs phun sum tshogs pa thams cad le'u bzhi pa'i thugs kyi dkyil 'khor gyi dus su ci ltar smos pa de bzhin du dus 'dir ldan par bya'o/ /de lta bu'i ngo bo sangs rgyas thams cad kyi sku phyag rgya bskyed ma thag tu 'jig rten gyi khams thams cad du sprin bzhin du khyab par spro bar bya'o/ /de spros ma thag tu sprin bzhin du khyab par spro bar de spros ma thag tu lha dang mi la sogs pa sems can thams cad byin gyis brlabs par bsam mo/ /de byin gyis brlabs pa byas pas sems can thams cad kyis 'dod chags dang zhe sdang la sogs pa nyon mongs pa thams cad kyi dbang gi bskal pa grangs med par sdig pa bsags pa bcom par 'gyur ro/ /de ltar byas nas spro ba'i gnas tsun da'i sku phyag rgya sku dang gsung dang thugs dang rdo rje gsum dang gnyis su med pa'i ngo bo de la/ sangs rgyas thams cad kyi sku phyag rgya sprin lta bu de slar bsdu bar bya'o/ /bstan par bya ste/ gong du smos pa'i tshul gyi sangs rgyas thams cad spro bar bya ba'i dus su de dag gi sku phyag rgya rdo rje gsum du ming btags pa sku rdo rje dang/ gsung rdo rje dang/ thugs rdo rje gsum dang/ gnyis su med pa'i ngo bor brtag par bya'o/ /grags pa chen po ni/ dpal rdo rje sems dpa' la sogs pa rigs lnga'i bye brag
- 153a
gi sangs rgyas sprin lta bur spros pa de dag so so'i yon tan gyi bye brag phun sum tshogs pa dang ldan pa'i phyir/ 'jig rten gyi khams thams cad kyi sems can thams cad kyis dad pa chen po'i sems kyis bstod pa byed pa'i dus kyis sangs rgyas rnams grags pa chen por smos so/ /de ltar sangs rgyas sprin gyi cho ga yis/ rdo rje gsum gyi grangs chen gyi don du gsungs so/ /sku dang gsung dang thugs la dbab/ /tsun da rdo rje ma bsgom mo/ /rgyan rnams thams cad yongs rdzogs pa/ /sku mdog dkar mo rab tu bsgom/ zhes bya ba'i don bshad par bya ste/ ci ltar yin na/ sku dang gsung dang thugs la dbab/ /tsun da rdo rje ma bsgom mo ni/ gong du smos pa'i tshul gyi spro ba dang bsdu ba bya ba'i ngo bo ye shes kyi lha mo tsun da rdo rje ma de sgrub pa pos gnyis su med par rab tu bsgom par bya ba yin no/ /de ltar mdor bsdus pa sku dang gsung dang thugs la dbab/ tsun da rdo rje ma bsgom pa'i don du gsungs so/ /rgyan rnams thams cad yongs rdzogs pa/ sku mdog dkar po rab tu bsgom zhes pa'i don ni mdun du smos pas 'dir bde ste bshad mi dgos so/ /rdo rje sems dpa' rgyal po che/ bsgoms la sngags kyi tshig dgong ngo/ /zhes pa ni/ rdo rje sems dpa' rgyal po che ni/ sku rdo rje rnam par snang mdzad la sogs pa brjod du yod pa dang brjod du med pa'i lha thams cad smos pa de dag gi /ston pa skyed par mdzad mkhan bdag po rgyal po'o/ /don des rdo rje sems dpa' rgyal po che zhes smos so/ /de ltar rdo rje sems dpa' i rgyal po che'i don du gsungs so/ /bsgoms la sngags kyi tshig dgong ngo zhes pa ni/ gong du bstan pa'i ye shes kyi lha mo tsun da'i sku phyag rgya bskyed par bya ba'i dus su/ ci ltar smos pa'i tshul gyi dpal rdo rje sems dpa' i sku phyag rgya bskyed pa'i 'og tu sgrub pa pos de dang gnyis su med pa'i nga rgyal du bsgom pa'i sbyor ba
- 153b
byas nas ye shes kyi lha mo tsun da'i sku phyag rgya ci ltar smos pa'i tshul gyis bskyed pa'i gsang ba'i sa bon byang chub sems gnyis su med par byin gyis brlab pa bya ba'i nyid kyi sngags kyi sa bon yig ge tsuM/ dgong par bsam pa'o/ /gzhan yang bzlas pa'i bsnyen pa bya ba'i sngags kyi ngo bo bstan par bya ste/ hUM tsuM oM A swAhA/ /yang na rgyud kyi rgyal po rnam par snang mdzad kyi sgyu 'phrul dra ba las 'byung ba'i sngags bzlas pa bya ba yang mi 'gal te/ oM tsa le tsu len tsun de swAhA/ /da ltar bsgom pa dang sngags kyi bzlas pa'i bsnyen pa'i cho ga'i tshul bya bar lha mo tsun da bsgrub par bya'o/ /de ltar bsgoms pa las sngags kyi tshig dgong kyi don du gsungs so/ /tsun da'i dam tshig ye shes kyi 'od zer zhes bya ba'i ting nge 'dzin to/ /zhes pa ni/ tsun da ni gong du smos pa'i ye shes kyi lha mo tsun da'i phyag rgya'o/ /de ltar tsun da'i don du gsungs so/ /dam tshig ces pa ni/ dpal rdo rje sems dpa' thugs rje chen po'i thugs bskyed nas sems can thams cad grub par bya ba'i phyir/ ye shes kyi lha mo tsun da'i bsgrub pa bya ba'i cho ga'i tshul gyi don bstan pa'o/ /de ltar dam tshig gi don du gsungs so/ /ye shes kyi 'od gzer zhes pa ni/ gong du smos pa'i tsun da'i bsgrub pa bya ba'i dus su rnam par snang mdzad la sogs pa rigs lnga'i bye brag gi sku phyag rgya grangs med pa sprin bzhin du spro ba dang bsdu ba bya ba'i dus su de dag gi sku phyag rgya'i gnas nas nyid nyid kyi gzi brjid kyi 'od zer gyi tshogs 'phro bar smos so/ /de ltar ye shes kyi 'od zer gyi don du gsungs so/ /ting nge 'dzin zhes pa ni/ ci ltar smos pa'i mgo mjug gi bsgom par bya ba mdor bsdu ba ting nge 'dzin du smos so/ /de ltar ting nge 'dzin gyi don du gsungs so/ /de ni rdo rje rigs kyi rdo rje gnod sbyin du ming btags pa dzam b+ha la'i nor gyi bsgrub pa bya ba'i cho ga'i tshul bstan par bya ste/ de nas bcom ldan 'das phyag na rdo
- 154a
rje de bzhin gshegs pas re ba thams cad 'grub pa rdo rje longs spyod pa zhes bya ba'i ting nge 'dzin la snyoms par zhugs nas/ zhes bya ba ni/ de nas ni ston pa phyag na rdo rjes gong du smos pa'i ye shes kyi lha mo tsun da'i bsgrub pa'i don bshad pa rdzogs ma thag tu rdo rje gnod sbyin dzam b+ha la'i bsgrub pa bya ba bshad pa'i phyir/ ting nge 'dzin la snyoms par zhugs pa'i don mtshon pa'o/ /de ltar de nas kyi don du gsungs so/ /bcom ldan 'das zhes pa ni/ ston pa nyid kyi yon tan gyi ston pa'i mtshan bcom ldan 'das yin pa sdud pa pos smos so/ /de'i don mdun du bshad pas 'dir bde ste bshad mi dgos so/ /phyag na rdo rje de bzhin gshegs pas zhes pa ni/ mdun du ji ltar bshad pa bzhin du 'dir bstan to/ de ltar phyag na rdo rje de bzhin gshegs pa'i don du gsungs so/ /re ba thams cad 'grub pa rdo rje'i longs spyod ces pa ni/ ston pa phyag na rdo rjes rdo rje gnod sbyin dzam b+ha la'i bsgrub pa bya ba'i don bshad pa'i phyir ji ltar smos pa'i 'khor thams cad kyi nang du ting nge 'dzin la snyoms par zhugs pa'i don smos so/ /de gsal bar bstan par bya ste/ /ston pa phyag na rdo rje thugs rje chen po'i thugs bskyed nas nyid kyi shes rab ma ye shes kyi lha mo mA ma kI dang gnyis su med pa'i sbyor ba dang ldan pas thugs rtse gcig bar gnas par gyur to/ /de ma thag tu nyid kyi gsang ba'i thugs ka na ye shes sems dpa' i gnas nas me long lta bu'i ye shes kyi ngo bo 'od zer gyi sprin grangs med pa 'jig rten gyi khams thams cad du khyab par spro bar mdzad do/ /de spros ma thag tu sems can dbul po thams cad byin gyis brlabs pa mdzad pas re ba thams cad grub pa dang/ bsod nams kyi dpal gyi ngo bor gyur par byas ye shes kyi 'od zer grangs med pa'i sprin lta bu de spro ba'i gnas su bsdus nas/ ye shes kyi gong bu
- 154b
gcig du gyur par mdzad do/ /'od zer gyi gong bu de sngags kyi sa bon yig 'bru dzaM du gyur to/ /de gzi brjid chen pos 'bar ba'i sa bon de las rdo rje gnod sbyin dzam b+ha la'i sku phyag rgya grangs med pa sprin bzhin du de 'jig rten gyi khams thams cad du khyab par spro bar mdzad do/ /de spros ma thag tu sems can dbul po kun ma lus par byin gyis brlabs pas dbul po'i sdug bsngal dang bral te/ rdo rje'i longs spyod ces pa/ rdo rje gnod sbyin dzam b+ha la nyid nor thams cad kyi longs spyod dang ldan pa de bzhin du gyur to/ / don des re ba thams cad 'grub pa'i rdo rje longs spyod du smos so/ /de ltar re ba thams cad 'grub pa'i rdo rje longs spyod kyi don du gsungs so/ /ting nge 'dzin zhes pa ni/ gong du smos pa'i tshul gyi me long lta bu'i ye shes kyi ngo bo'i cho 'phrul spro ba dang bsdu ba mdzad pa'i don de ting nge 'dzin du smos so/ /de ltar mdor bsdus pa zhes bya ba'i ting nge 'dzin gyi don du gsungs so/ /snyoms par zhugs pa'i don ni gong du bshad pa'o/ /ting nge 'dzin mdzad pa'i 'og tu/ de ni rdo rje gnod sbyin dzam b+ha la'i ngo bo'i don gyi cho ga'i tshul bstan par bya ste/ ting nge 'dzin 'khor lo'i tshul 'di nyid kyi sku dang gsung dang thugs rdo rje las phyung ngo/ /zhes bya ba'i don bshad par bya ste/ ting nge 'dzin zhes pa ni/ rdo rje gnod sbyin dzam b+ha la'i sku phyag rgya me long lta bu'i ye shes smos so/ /'khor lo'i tshul gyi zhes pa ni/ dzam b+ha la'i nor gyi bsgrub pa bya ba'i cho ga'i rim pha ma nor ba'o/ /de ltar ting nge 'dzin 'khor lo'i tshul don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum dang gcig pa'i ngo bo smos so/ /de ltar sku dang gsung dang thugs de gsum dang gnyis su med pa'i ngo bor rdo rje gnod sbyin dzam b+ha la smos so/ /de ltar sku dang gsung dang thugs kyi don du gsungs so/ /rdo rje zhes pa ni/ gong du ji ltar sku rdo rje dang gsung rdo rje dang
- 155a
thugs rdo rje gnyis su med par bshad pa de bzhin du 'dir bstan to/ /de ltar rdo rje las kyi don du gsungs so/ /phyung ngo zhes pa ni/ ston pa phyag na rdo rjes rdo rje gnod sbyin dzam b+ha la'i sku phyag rgya bskyed par bya ba'i sngags kyi sa bon yig 'bru dang/ gzhan yang bskyed par bya ba'i cho ga'i tshul gyi bsgom pa'i don ji ltar smos pa'i sku dang gsung dang thugs rdo rje gsum dang/ rgnyis su med pa'i ngo bo phyung bar smos so/ /de ltar phyung ba'i don du gsungs so/ /da ni rdo rje gnod sbyin bskyed par bya ba'i sngags kyi sa bon yig 'bru dang/ bskyed par bya ba'i cho ga'i tshul gyi bsgom pa'i don bstan par bya ste/ /dzAM/ sangs rgyas dkyil 'khor dam pa dag /nam mkha' i rdo rje dbus su bsam/ /sangs rgyas kun gyi cho ga yis/ /rdo rje'i bsgom pas dbab par bya/ zhes bya ba'i don bshad par bya ste/ ci ltar yin na/ dzAM/ /sangs rgyas dkyil 'khor dam bdag /nam mkha' i rdo rje dbus su bsam ni/ sgrub pa pos dang po gnas chu 'gram du bsgrub pa bya'o/ /yang na ci ltar smos pa'i mdzes pa phun sum tshogs pa dang ldan pa'i skyed mos tshal du bsgrub pa bya ba mi 'gal lo/ /gnas de dus gzhi mnyam par byas la/ de'i 'og tu ci ltar smos pa'i mtshan dang ldan pa'i ban d+ha'i nang du smos pa'i dam rdzas dang/ de bzhin du phyi'i rdzas dri dang ldan pa thams cad gcig tu bsres la gzhag ste/ rdzas de chu dang/ dkrugs pas bsku ba'i dkyil 'khor gru bzhi kun tu khru gang bsku bar bya'o/ /de'i 'og tu dus 'dir me tog dri dang ldan pa thams cad 'gram par bya'o/ /de nas de dkyil 'khor de'i steng du sgrub pa po stan bde zhing 'jam pa la mos pa'i skyil mos 'dug go /de'i 'og tu mdun tu smos pa'i cho ga bzhi'i tshul gyis dpal rdo rje sems dpa' i sku phyag rgyar gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de
- 155b
ltar sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su ji ltar smos pa de bzhin du 'dir sbyar ro/ /de lta bu'i ngo bo'i dpal rdo rje sems dpa' i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo mtshan dang yon tan thams cad dang ldan pa lo bcu gnyis lon pa blang ngo/ /shes rab ma de ye shes kyi lha mo mA ma kI dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su/ byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags kyi sa bon yig 'bru dzaM bsam mo/ /de kha dog sngon po cung zad ser ba me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyis khu ba bzhin du byang chub sems zla ba'i dkyil 'khor la thim par bsam mo/ /sa bon de las rdo rje gnod sbyin dzam b+ha la'i sku phyag rgya bskyed par bya'o/ /de sku mdog dkar po cung zad ser ba/ zhal gsum pa/ spyan gsum gsum/ zhal dbus ma sku dang mthun/ g.yas dkar po/ g.yon dmar po/ dbu skra'i thor tshugs rin po che phreng ba bcings pa'o/ /rgyan thams cad kyis brgyan pa/ phyag drug phyag mtshan drug go /phyag g.yas dang po na shing tog bi dza pu ra 'dzin/ bar ma dkur rten pa/ tha ma na phreng ba dang/ rdo rje rtse lnga bcas par 'dzin/ g.yon dang po ni/ ne'u le 'dzin/ bar ma na yid bzhin gyi nor bu rin po che/ tha ma na pad ma kha dog sna tshogs 'dab ma mdza' yas pa'o/ /de'i sku gzi brjid kyi 'bar ba'i 'od kyis 'bar pa'o/ /de bskyed ma thag
- 156a
tu bskyed par mdzad mkhan/ dpal rdo rje sems dpa' i sku phyag rgya/ rdo rje gnod sbyin dzam b+ha la'i sku phyag rgya'i spyi bor dbang bskur ba'i tshul du bsam mo/ /de lta bu'i ngo bo rdo rje dzam b+ha la'i sku phyag rgya bskyed ma thag tu/ de dang gnyis su med pa'i nga rgyal du bsgom par bya'o/ /de'i 'og tu sgrub pa pos rang gi snying ga'i nang/ nam mkhar ming btags pa'i gnas der dus 'dir sngags kyi sa bon yig 'bru hUM bsam mo/ /yang na sngags kyi sa bon yig 'bru A bsam yang mi 'gal lo/ /de kha dog dkar po dus 'dir me long lta bu'i ye shes la sogs pa ye shes lnga dang gnyis su med pa'i ngo bor gzi brjid kyis 'bar zhing 'od du zhu nas ye shes kyi khu ba bzhin du gyur pa'i sa bon de las gdan zla ba'i dkyil 'khor bskyed par bya'o/ /gzi brjid kyis 'bar ba'i 'od kyis 'bar ba'o/ /de lta bu'i gdan zla ba'i dkyil 'khor bskyed ma thag tu de'i steng gi dbus su sgrub pa po nyid 'dug par brtag go /bstan par bya ste/ sangs rgyas dkyil 'khor dam pa zhes pa dus 'dir rnam par snang mdzad la sogs pa/ 'khor gyi rigs de dag gi gdan zla ba'i dkyil 'khor yin te/ de dag gis sgrub pa po la rgyas pa chen po'i grub pa'i 'bras bu grub pa mdzad pas don des gdan thams cad kyi nang na zla ba'i dkyil 'khor dam par smos so/ /mdor bsdu ba de ltar/ /dzaM/ sangs rgyas dkyil 'khor dam pa ni/ /nam mkha' i rdo rje dbus su bsam gyi don du gsungs so/ /sangs rgyas kun gyi cho ga yis/ /rdo rje bsgom pas dbab par bya zhes pa ni/ gong du smos pa'i tshul du gdan zla ba'i dkyil 'khor la 'dug ma thag tu nyid kyi gsang ba'i thugs ka ye shes sems dpa' i gnas su cho ga ming btags pa zhes pa/ dpal rdo rje sems dpa' nyid la sogs pa rigs lnga'i bye brag gi sangs rgyas kun/ nyid nyid kyi sngags kyi sa bon yig 'bru las ci ltar smos pa'i cho gas sku mdog dang ye shes dang ldan
- 156b
pa'i sku phyag rgya bskyed par bya ste/ /de dag gi so so'i sku phyag rgya'i cha lugs phun sum tshogs pa thams cad ni le'u bzhi pa thugs kyi dkyil 'khor gyi dus su ci ltar smos ba de bzhin du dus 'dir ldan par brtag go /de lta bu'i ngo bo'i sangs rgyas thams cad kyi sku phyag rgya bskyed ma thag tu 'jig rten gyi khams thams cad du khyab par spro bar bya'o/ /de spros ma thag tu sems can thams cad ma lus par byin gyis brlabs pas sems can thams cad rgyas pa chen po dang/ dbang phyug chen po dang/ bde ba dang/ yid/ bde pa thob par 'gyur ro/ /de ltar byas nas sangs rgyas thams cad kyi sku phyag rgya sprin lta bu de dbab ba zhes pa/ spros pa'i gnas su slar bsdu bar bya'o/ /bstan par bya ste/ /rdo rje bsgom pa ming btags pa zhes pa/ /rdo rje'i rigs rdo rje gnod sbyin dzaM b+ha la'i yin te/ /de dang gnyis su med par bsgoms pas/ gong du smos pa'i sangs rgyas thams cad kyi sku phyag rgya sprin bzhin du spro ba dang bsdu bar bstan to/ /de ltar sangs rgyas kun gyi cho ga yis/ /rdo rje bsgom pas dbab par bya'i don du gsungs so/ /dzam b+ha la ni don bsgrub pa/ /gnod sbyin chen po bskyed par bya/ /zhi ba gnod sbyin gzugs 'dzin pa/ /thor tshugs dbu rgyan rdo rje can/ zhes bya ba'i don bshad par bya ste/ ci ltar yin na/ dzam b+ha la ni nor bsgrub pa/ /gnod sbyin chen po bskyed par bya ba ni/ gong du smos pa'i tshul gyi bsgom pa'i cho gas gnod sbyin chen por ming btags pa/ phyi'i gnod sbyin gyi rgyal po thams cad 'khor dang bcas par 'dul bar byed pa'i rgyal por gyur pas don des gnod sbyin chen po'o/ /de lta bu'i rdo rje gnod sbyin chen po dzam b+ha la'i sku phyag rgya sgrub pa pos bskyed nas bsgom par bya ba yin no/ /mdor bsdu ba de ltar dzam b+ha la ni nor sgrub pa/ /gnod sbyin chen po bskyed par bya'i don du gsungs so/ /zhi ba gnod sbyin gzugs 'dzin pa/ /thor tshugs dbu rgyan rdo rje can zhes pa ni/ ji sltar smos pa'i
- 157a
tshul gyi thor tshugs dbu rgyan 'dzin pa'o/ /gnod sbyin gyi gzugs zhes pa/ phyi'i gnod sbyin gyi lus sbom de lta bu rdo rje gnod sbyin dzam b+ha las sku phyag rgya 'dzin to/ /zhi ba ni sku phyag rgya'i cha lugs phun sum tshogs pa kun mdzes pa'o/ /yon tan nges zhi bar smos so/ /rdo rje can du ming btags pa ni/ rdo rje'i rigs me long lta bu'i ye shes kyi ngo bo dzaM b+ha la yin te/ don des rdo rje can du smos so/ /de ltar mdor bsdus pa zhi ba gnod sbyin gzugs mdzes pa thor tshugs dbu rgyan rdo rje can gyi don du gsungs so/ /da ni gzhan yang khyad par du bsgom pa'i man ngag gi don bstan par bya ste/ sangs rgyas lnga'i cho ga yis/ /gnas lnga dag tu bsgom par bya/ /rdo rje bdud rtsi chu dag ni/ /de'i bsam gtan gnas nas sbyin/ zhes bya ba'i don bshad par bya ste/ ci ltar yin na/ sangs rgyas lnga'i cho ga'i yis/ /gnas lnga dag tu bsgom par bya ni/ sgrub pa pos rang gi snying ga'i nang gi gnas su/ sngags kyi sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du gyur to/ /sa bon de las sku rdo rje rnam par snang mdzad kyi sku phyag rgya bskyed par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de lta bu sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su ci ltar smos pa de bzhin du dus 'dir ldan par bya'o/ /de lta bu'i ngo bo sku rdo rje rnam par snang mdzad kyi sku phyag rgya bskyed ma thag tu sgrub pa pos nyid kyi mdun du gdan zla ba'i dkyil 'khor gyi steng gi dbus su bzhugs so/ /de'i 'og tu snying ga'i nang gi dbus su sngags kyi sa bon yig 'bru swA bsam mo/ /de kha dog ser
- 157b
po mnyam pa nyid kyi ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du sbyar ro/ /sa bon de las rin chen 'byung ldan gyi sku phyag rgya bskyed par bya'o/ /de'i sku mdog dang zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang/ gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su smos pa de bzhin du 'dir bya'o/ /de lta bu'i ngo bo rin chen 'byung ldan gyi sku phyag rgya bskyed ma thag tu sgrub pa po'i g.yas su gdan zla ba'i dkyil 'khor gyi dbus su bzhugs so/ /de'i 'og tu snying ga'i nang gi dbus su sngags kyi sa bon yig 'bru A bsam mo/ /de kha dog dmar po so sor rtog pa'i ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du 'gyur ro/ /sa bon de las snang ba mdza' yas kyi sku phyag rgya bskyed par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin du 'dir bya'o/ /de lta bu'i ngo bo snang ba mdza' yas kyi sku phyag rgya bskyed ma thag tu bsgrub pa nyid kyi rgyab du gang na zla ba'i dkyil 'khor gyi steng gi dbus su bzhugs so/ /de'i 'og tu snying ga'i nang gi dbus sngags kyi sa bon yig 'bru ha bsam mo/ /de kha dog ljang gu bya ba nan tan gyi ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du 'gyur ro sa bon de las don yod grub pa'i sku phyag rgya bskyed par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma
- 158a
ye shes kyi lha mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o/ /de lta bu'i ngo bo don yod grub pa'i sku phyag rgya bskyed ma thag tu sgrub pa po'i g.yon du zla ba'i dkyil 'khor gyi steng gi dbus su bzhugs so/ /cho ga'i tshul de ltar dkyil 'khor gyi ngo bor 'gyur bar byas pa'i 'og du sngar smos pa'i tshul du bdag po gnod sbyin dzam b+ha la dang gnyis su med pa'i nga rgyal du bsgom par bya'o/ /gzhan yang 'phags pa ye shes zhabs kyis/ sangs rgyas lnga bsgom pa'i cho ga'i don bshad pa de 'dir bstan par bya ste/ mdun du smos pa'i tshul du/ dpal rdo rje sems dpa' rdo rje gnod sbyin dzam b+ha la'i spyi bor dbang bskur ba'i tshul du bzhugs par smos so/ /gzhan yang dpral ba'i dbus su/ sku rdo rje rnam par snang mdzad kyis sku phyag rgya mdun du smos pa bskyed nas gnas par bsam mo/ /gzhan yang ldan pa g.yas kyi dbus su rin chen 'byung ldan gyi sku phyag rgya mdun du smos pa'i cho ga'i tshul gyis bskyed nas gnas par bsam mo/ /ltag pa'i dbus su snang ba mdza' yas kyi sku phyag rgya mdun du smos pa'i cho ga'i tshul gyis bskyed nas gnas par bsam mo/ /ldan pa g.yon gyi dbus su don yod grub pa'i sku phyag rgya mdun du smos pa'i cho ga'i tshul gyis bskyed nas gnas par bsam mo/ /cho ga'i tshul de ltar rdo rje gnod sbyin dzam b+ha la'i dbu la sangs rgyas lnga dbu rgyan gyi ngo bo bsgom par smos so/ / mdor bsdu ba de ltar sangs rgyas lnga'i cho ga yis/ gnas lnga dag tu bsgom par bya'i don du gsungs so/ /rdo rje bdud rtsi chu dag ni/ /de'i bsam gtan gnas nas dbul zhes pa ni/ gong du smos pa'i tshul gyi bsgom pa bya zhing ma grub kyi bar du sgrub pa
- 158b
pos sngags dang bcas pas rdo rje bdud rtsi chu dbul pa'i bsnyen pa bya'o/ /sngags dang rdo rje bdud rtsi'i chu bstan par bya ste/ /hUM dzaM b+ha la dzA len+d+ra ye swAhA/ /rdo rje bdud rtsi chu ni gser dang dngul dang zangs ma la sogs pa pa'i snod du sgrub pa pos rang gi rdo rje chu dang/ / phyi'i chu bsres pas bkang la/ pad ma dang/ ud pa la dang/ tsam pa ka la sogs pa/ me tog dri dang ldan pa thams cad rdo rje bdud rtsi chu steng du bkram par bya'o/ /de ltar bu'i rdo rje bdud rtsi'i chu de gong du smos pa'i sngags bzla zhing/ skyor bas grangs kyi tshad brgyad brgya bzla zhing dus gsum du dbul bar gsungs so/ /gzhan yang gsang ba'i man ngag bstan par bya ste/ rdo rje ni sgrub pa po nyid kyi gsang ba'i rdo rje'o/ /bdud rtsi ni sgrub pa pos rdo rje rigs kyi bye brag gi shes rab ma ji ltar smos pa'i mtshan dang ldan pa blang ste/ shes rab ma de ye shes kyi lha mo mA ma kI dang gnyis su med pa'i ngo bor byin gyis brlabs par byas nas 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'od du zhu ba de bdud rtsir ming btags pa ni 'chi bdag gi bdud la sogs pa/ bdud bzhi bcom nas skye ba dang 'chi ba med par byed pa'o/ /don des rdo rje bdud rtsir smos so/ /gzhan yang chu ni sgrub pa po nyid kyi gcin gsang ba'i rdo rje'i lam nas byung ba'o/ /don des rdo rje'i chung smos so/ /de ltar rdo rje bdud rtsi'i chu de gong du smos pa'i tshul du phyi'i chu dang bsres nas rdo rje gnod sbyin dzam b+ha la la dbul bar bya'o/ /de ltar rdo rje gnod sbyin chu dag ni/ /de'i bsam gtan gnas nas dbul gyi don du gsungs so// rdo rje sems dpa' i cho gas ni/ /de'i dbul bsam par bya/ /dzam b+ha la ni 'od po che/ /'on tang gnod sbyin dbang po mnyes/ zhes bya ba'i don bshad par bya ste/ ci ltar yin na/ rdo rje sems dpa' i cho gas ni/ de'i dbu la bsam par bya ni/ rdo rje gnod sbyin dzam b+ha la'i
- 159a
dbu rgyan gyi dbus gnas su gong du smos pa'i tshul du rdo rje sems dpa' i sku phyag rgya bsam par smos so/ /de ltar mdor bsdus pa/ rdo rje sems dpa' i cho gas ni/ /de'i dbu la bsam bar bya'i don du gsungs so/ /de nas dzam b+ha la ni 'od po cha// 'on tang gnod sbyin dbang po mnyes/ zhes pa ni/ gong du smos pa'i mdor bsdu ba bsgom pa dang/ sngags kyi bzlas pa bya zhing rdo rje bdud rtsi'i chu phul bas rdo rje gnod sbyin de/ ci ltar smos pa'i phyi'i gnod sbyin gyi rgyal po thams cad kyi dbang por ming btags pa bdag po rgyal po'i ngo bo yin te/ de me long lta bu'i ye shes la sogs pa rigs lnga'i ye shes kyi 'od zer gyi tshogs 'phro bas sku phyag rgya gzi brjid chen po'i ngo bor smos so/ /de lta bu'i gnod sbyin gyi dbang po dzam b+ha la mnyes so/ /de mnyes par gyur pa'i 'og tu rdo rje gnod sbyin dzam b+ha la de nyid rin po che'i bye brag sna tshogs pa la sogs pa/ nor grangs med pa mi zad pa'i dbang phyug tu smos pa de bzhin du 'bras bu 'grub par bstan to/ /de ltar mdor bsdu ba/ dzam b+ha la ni 'od po che/ 'on tang gnod sbyin dbang po mnyes kyi don du gsungs so/ /rdo rje dam tshig gi phyag rgya'i tog gi dpal zhes bya ba'i ting nge 'dzin to/ /zhes bya ba ni/ rdo rje sems dpa' nyid do/ /de ltar rdo rje'i don du gsungs so/ /dam tshig ni/ rdo rje sems dpa' sems can dbul po thams cad kyi re ba thams cad rdzogs pa'i nor gyi bsgrub pa mdzad pa'i phyir thugs rje chen po'i dam tshig gi thugs bskyed nas/ rdo rje gnod sbyin dzam b+ha la'i bsgrub pa bya ba'i cho ga'i tshul gyi don bstan pa'o/ /de ltar dam tshig gi don tu gsungs so/ /phyag rgya'i tog gi dpal zhes pa ni/ me long lta bu'i ye shes kyi ngo bo rdo rje gnod sbyin dzam b+ha la sku phyag de ni sems can thams cad kyi dbul ba'i sgra 'pham par mdzad pas rgyal ba thob pa'i rtags rtog gi ngo bo'o/ /gzhan yang dpal zhes pa ni/ rgyas pa chen
- 159b
po nor thams cad phun sum tshogs par bya ba'i ngo bo yin te/ de rdo rje sems dpas sprul pa yin no/ /de ltar phyag rgya'i tog gi dpal gyi don tu gsungs so/ /ting nge 'dzin zhes pa ni/ ci ltar smos pa mgo mjug gi bsgom pa bya ba'i don mdor bsdu ba ting nge 'dzin du smos so/ /de ltar ting nge 'dzin gyi don du gsungs so/ /da ni gzhan yang 'dod pa'i yon tan lnga'i nye bar longs spyod bya ba'i phyir gnod sbyin gyi bsgrub pa bya ba'i cho ga'i don bstan par bya ste/ de nas bcom ldan 'das phyag na rdo rje de bzhin gshegs pa 'dod pa lnga la nye bar longs spyod pa'i dpal zhes bya ba'i ting nge 'dzin la snyoms par zhugs nas/ zhes bya ba ni/ ston pa phyag na rdo rje gnod sbyin dzam b+ha la'i bsgrub pa'i don bshad ma thag tu/ ci ltar smos pa'i tshul gyi gnod sbyin gyi bsgrub pa bshad pa'i phyir/ ting nge 'dzin la zhugs pa mtshon pa'o/ /de ltar de nas kyi don du gsungs so/ /bcom ldan 'das zhes pa ni/ ston pa nyid kyi yon tan gyi mtshan bcom ldan 'das yin pa sdud pa pos smos so/ /de'i don mdun du bshad pas 'dir bshad mi dgos so/ /phyag na rdo rje de bzhin gshegs pa zhes bya ni/ sngar ji ltar bshad pa bzhin du 'dir sbyor ro/ /'dod pa lnga la nye bar longs spyod pa'i dpal zhes pa ni/ ston pa phyag na rdo rjes gnod sbyin gyi thabs kyis bsgrub pa bya ba'i don bshad pa'i phyir tshul ji ltar smos pa'i 'khor thams cad kyi nang du ting nge 'dzin la snyoms par zhugs pa'i don mdzad par smos so/ /de gsal bar bstan par bya ste/ ston pa phyag na rdo rjes thugs rje chen po'i thugs dgyes pas nyid kyi shes rab ma ye shes kyi lha mo mA ma kI dang gnyis su med par 'khyud pa'i sbyor bas thugs rtse gcig par gnas par gyur to/ /de ma thag tu nyid kyi gsang ba'i thugs ka ye shes sems dpa' i gnas nas me long lta bu'i ye shes kyis ngo bo 'od zer gyi sprin grangs med pa 'jig rten gyi khams thams cad du khyab par spro par mdzad
- 160a
do/ /de spros ma thag tu gnod sbyin gyi rigs lus pa thams cad byin gyis brlabs nas gnod sbyin gyi rigs su smos pa/ de dag thams cad kyi dran pas med par gyur to/ /de ltar byas nas ye shes kyi 'od zer grangs med par gnyis su med par slar bsdu bar mdzad do/ /de 'od zer gyi gong bur gyur par mdzad do/ /'od zer gyi gong bu de sngags kyi sa bon yig 'bru k+ShiM du gyur par mdzad do/ /de gzi brjid chen po'i 'bar ba'o/ /sa bon de las rdo rje gnod sbyin mo'i sku phyag rgya grangs med pa sprin bzhin du nam mkha' i dbyings thams cad khyab par gang bar spro par mdzad do/ /de spros ma thag tu gong du smos pa'i gnod sbyin gyi rigs thams cad ma lus par byin gyis brlab par mdzad pas/ de dag gi cho 'phrul dang sgyu ma'i thabs kyi stobs la sogs pa sbyor ba thams cad med par gyur to/ /gzhan yang gong du smos pa'i rdo rje gnod sbyin mo'i sku phyag rgya grangs med pa sprin lta bu spros pa de dag thams cad kyi sku phyag rgya'i gnas nas 'dod pa'i yon tan lnga'i mchod pa'i le'u gsum pa las 'byung ba'i tshul gyi mchod pa bya ba dpal gyi ngo bo spro bar bstan to/ /de ltar 'dod pa lnga nye bar longs spyod pa'i dpal gyi don du gsungs so/ /ting nge 'dzin la snyoms par zhugs nas zhes pa ni/ gong du smos pa'i tshul gyi me long lta bu'i ye shes kyi ngo bo cho 'phrul spro ba dang bsdu ba'i don de ting 'dzin du smos so/ /de ltar ting nge 'dzin la snyoms par zhugs kyi don du gsungs so/ /ting nge 'dzin mdzad pa'i 'og tu/ da ni rdo rje gnod sbyin mo'i ngo bo'i cho ga'i don bstan par bya ste/ gnod sbyin mo thams cad kyi rdo rje dam tshig gi tshig 'di nyid kyi/ sku dang gsung dang thugs rdo rje las phyung ngo/ /zhes bya ba ni/ phyi'i 'jig rten gyi khams thams cad na gnas pa'i gnod sbyin mo de dag thams cad gcig gam kun bsgrub par bya'o/ /de'i dam tshig gi rdo rje'i tshig ces pa/
- 160b
rdo rje gnod sbyin mo bsgrub par bya ba'i thabs kyi sku phyag rgya bskyed par bya ba'i sngags kyi sa bon 'og nas 'byung ba yin no/ /gzhan yang phyi'i gnod sbyin mo thams cad kyi srog gi dbang po brda' skad yig 'bru k+ShiM yin no/ /de nang gi sngags kyi sa bon yig 'bru k+ShiM rdo rje'i rigs me long lta bu'i ye shes kyi ngo bor smos so/ /nyid kyi sku dang/ gsung dang/ thugs zhes pa ni ston pa phyag na rdo rje nyid kyis sku phyag rgya sku dang gsung dang thugs rdo rje gsum dang gcig pa'i ngo bor smos so/ /sku dang gsung dang thugs rdo rje de gsum dang/ gnyis su med pa'i ngo bo rdo rje gnod sbyin mo yin no/ /rdo rje zhes pa ni mdun du ji ltar sku rdo rje dang gsung rdo rje dang thugs rdo rje gnyis su med par bshad pa de bzhin du 'dir bstan to/ /phyung ngo zhes pa ni ston pa phyag na rdo rjes rdo rje gnod sbyin mo'i sku phyag rgya bskyed pa'i sngags kyi sa bon yig 'bru dang/ bskyed pa'i tshul gyi cho ga'i bsgom pa'i don tshul ji ltar smos pa'i sku dang gsung dang thugs rdo rje gsum dang/ gnyis su med pa'i ngo bo phyung ba'o/ /da ni rdo rje gnod sbyin mo bskyed pa'i sngags kyi sa bon yig 'bru dang bskyed pa'i tshul gyi cho ga bsgom pa'i don bstan par bya ste/ khriM/ nam mkha' rdo rje dbus gnas par/ /gru bzhi lham pa rab tu bzang/ /thams cad rin chen bzhi dang ldan/ /me tog dri'i kun tu 'khrigs/ zhes bya ba'i don bshad par bya ste/ ci ltar yin na/ khriM/ nam mkha' rdo rje dbus gnas par/ /gru bzhi lham pa rab tu bzang ni/ bsgrub pa pos gnas su dur khrod du bsgrub pa bya'o/ /yang na ma mo'i khang pa yang mi s'gal lo/ /gnas der dang po sa gzhi mnyam par bya'o/ /de'i 'og tu ji ltar smos pa'i mtshan dang ldan pa'i ban d+ha'i nang du sngar smos pa'i dam rdzas dang/ /de bzhin du phyi'i rdzas dri dang ldan pa thams cad gcig tu bsres la/ rdzas de chu dang dkrugs pas dkyil 'khor gru bzhi kun tu khru gang ba
- 161a
bsku bar bya'o/ /de nas thams cad rin chen bzhi dang ldan/ me tog dri yis kun tu 'khrugs zhes pa ni/ gong du smos pa'i dkyil 'khor de'i phyogs bzhir rin po che bzhi gzhag par bya'o/ /bstan par bya ste/ shar phyogs su rin po che in+d+ra nI la gzhag go /lho phyogs su rin po che ma rag ta gzhag go /nub phyogs su rin po che pad ma ra ga gzhag go /byang phyogs su rin po che bai DUrya gzhag go /tshul de ltar dkyil 'khor kun tu rin po che bye brag bzhi dgram pas brgyan par bya'o/ /gzhan yang dkyil 'khor du pad ma dang/ ku mu ta dang/ ud pa la dang/ tsam pa ka dang/ ma li ka dang/ yu ti ka dang/ ba ku la dang/ de dag la sogs pa me tog dri dang ldan pa thams cad dgram par bya'o/ /gzhan yang kar phur dang/ gur kum dang/ tsan dan dang/ sha la ka'i sen mo la sogs pa rdzas dri dang ldan pa thams cad btags te gcig tu bsres nas chu dang dkrugs pas dkyil 'khor la gtor bar bya'o/ /tshul de ltar me tog dang dris dkyil 'khor 'khrigs pa zhes pa/ dkyil 'khor stug par dgang bar bya'o/ /de ltar byas pas sgrub pa'i gnas dkyil 'khor bzang bar smos so/ /de ltar byas pa'i 'og tu dkyil 'khor de'i steng du stan bde ba 'jam pa sgrub pa pos mos pa'i skyil mos 'dug go /de'i 'og tu mdun du smos pa'i cho ga bzhi'i tshul gyis dpal rdo rje sems dpa' i sku phyag rgyar gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su ji ltar smos pa de bzhin du 'dir bya'o/ /de lta bu'i ngo bo'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i
- 161b
dus su rdo rje'i rigs kyi bye brag gi khrus mkhan gyi rigs kyi bu mo mtshan dang yon tan thams cad dang ldan pa lo bcu gnyis lon pa blang ngo/ /de ye shes kyi lha mo mA ma kI dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas she srab ma'i b+ha ga'i dbus su byang chub sems 'o ma'i rgyun bzhin du 'od du zhu nas/ de zla ba'i dkyil 'khor gyi ngo bor gyur to/ /de'i steng du sngags kyi sa bon yig 'bru mUM bsam mo/ /de dus 'dir kha dog dmar po cung zad ser ba me long lta bu'i ye shes kyi ngo bo gzi brjid kyis 'bar zhing 'od du zhu nas/ ye shes kyi khu ba bzhin du byang chub sems zla ba'i dkyil 'khor la gnyis su med par thim par gyur to/ /sa bon de las byang chub sems dpa' 'jam dpal gyi sku phyag rgya bskyed par bya'o/ /de sku mdog dmar po cung zad ser ba/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o// de lta bu'i ngo bo'i sku phyag rgya bskyed ma thag tu bskyed par mdzad mkhan dpal rdo rje sems dpa' i sku phyag rgya byang chub sems dpa' 'jam dpal gyi spyi bor dbang bskur ba'i tshul du bsam mo/ /de lta bu'i ngo bo byang chub sems dpa' 'jam dpal gyi sku phyag rgya bskyed ma thag tu de dang gnyis su med pa'i nga rgyal du bsgom par bya'o/ /de'i 'og tu sgrub pa pos nyid kyi gsang ba'i thugs ka nam mkha' i rdo rje'i dbyings su smos pa de'i dbus su tshul ji ltar smos pa'i ye shes sems dpa' gnas pa de'i gnas su sngags kyi sa bon yi ge khrim bsam
- 162a
mo/ /de kha dog dmar po chung zad ser po me long lta bu'i ye shes kyi ngo bo gzi brjid kyi 'bar zhing 'od du zhu nas/ ye shes kyi khu ba bzhin du 'gyur ro/ /sa bon de las rdo rje gnod sbyin mo'i sku phyag rgya bskyed par bya'o/ /de kha dog dmar po cung zad ser ba/ zhal gcig pa skra 'khril pa/ sku 'gying ba/ lha'i na bza' bsnams pa phyag gnyis pa/ phyag g.yas na pad ma'i kyo ba 'dzin/ g.yon na sdigs mdzub la zhags pa dkris pa khro bo'i stobs kyis snying gar gzhag pa/ gzhan yang rgyan sna tshogs kyi bye brag gis brgyan pa/ cung zad bzhad pa/ gzi brjid kyi phung po bzhin du 'bar ba'o/ /de lta bu'i ngo bo rdo rje gnod sbyin mo'i sku phyag rgya bskyed ma thag tu grangs med par sprin bzhin du nam mkha' i dbyings khyab par gang pas spro bar bya'o/ /de spros ma thag tu gnod sbyin mo thams cad byin gyis brlab par bsam mo/ /de byin gyis brlabs pas sgyu ma dang/ cho 'phrul gyi thabs kyi stobs la sogs pa kun bcom pas gyur to/ /de ltar byas nas rdo rje gnod sbyin mo'i sku phyag rgya grangs med pa sprin lta bu de spro ba'i gnas gzugs gcig la bsdu bar bya'o/ /bstan par bya te/ rdo rje gnod sbyin mo'i sku phyag rgya'i gzugs gcig tu gyur ma thag tu gzugs de/ rdo rje gsum gyi sbyor bar ming btags pa'i sku rdo rje dang gsung rdo rje dang thugs rdo rje gsum dang gnyis su med pa'i ngo bor bsam par bya'o/ /mdor bsdu ba de ltar thams cad rin chen bzhi dang ldan/ me tog dri yis kun tu 'khrigs kyi don du gsungs so/ /gnod sbyin mo ni thams cad kyi/ /nam mkha' dbyings ni gang bar bsgom/ /rdo rje gsum gyi sbyor ba ni/ /gzugs gcig tu ni bsdu bar bsam /zhes pa'i tshig 'di bzhi don gong du bshad zin to/ /las gsum rdo rje'i bye brag gi /de'i bsam gtan bsam par bya'o/ /rdo rje 'jam pa'i ting 'dzin gnas/ /dbu rgyan la ni khro bo'i brtag /ces bya
- 162b
ba'i don bshad par bya ste/ ci ltar yin na/ las gsum rdo rje'i bye brag gis/ /de'i bsam gtan bsam par bya ni/ mdun du smos pa'i cho ga'i tshul gyis rdo rje gnod sbyin mo sku phyag rgya'i gzugs su gyur par byas ma thag tu/ byang chub sems dpa' 'jam dpal rdo rje'i bsam gtan du gnas pa'i bsam gtan de ma btang ba'i gsang ba'i thugs ka ye shes sems dpa' i gnas su sa bon yig 'bru hUM bsam mo/ /de kha dog nag po chos kyi dbyings kyi ye shes kyi gzi brjid kyis 'bar zhing 'od du zhu nas ye shes kyi khu ba bzhin du gyur pa'i sa bon de las khro bo'i rgyal po 'jam dpal gshin rje bshed kyi sku phyag rgya bskyed par bya'o/ /de dus 'dir phyag g.yas dang po na kyo ba 'dzin/ g.yon dang po na rdo rje zhags pa 'dzin/ gzhan sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma khro mo'i rgyal mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa thams cad ci ltar le'u bzhi pa thugs kyi dkyil 'khor gyi dus su ci ltar smos pa de bzhin du 'dir bstan to/ /de lta bu'i ngo bo bskyed ma thag tu bskyed pa mdzad mkhan byang chub sems dpa' 'jam dpal gyi sku phyag rgya khro bo'i rgyal po ya man ta ka'i spyi bor dbang bskur ba'i tshul tu bsam mo/ /de lta bu'i tshul gyi ngo bo khro bo rgyal po ya man ta ka'i sku phyag rgya bskyed ma thag tu rdo rje gnod sbyin ma'i sku phyag rgya'i spyi bor dbang bskur ba'i tshul du gnas par rtag go /cho ga'i tshul de ltar byas nas sgrub pa pos rdo rje gnod sbyin mo dang gnyis su med pa'i nga rgyal du bsgom par smos so/ /gzhan yang las gsum rdo rje'i bye brag gis bsam gtan gyi don bstan par bya ste/ dang po cho ga bzhi'i tshul gyis dpal rdo rje sems dpa' i sku phyag rgyar gyur par byas nas de dang gnyis su med par nga rgyal du bsgom par bya bar smos pa de
- 163a
ni gsang sngags kyi tshul gyi rdo rje las kyi ngo bo yog yin par bstan to/ /gzhan yang dpal rdo rje'i sems dpa' i sku phyag rgyar gnyis su med pa'i nga rgyal du bsgom pas sngar smos pa'i chul du thabs dang shes rab rol pa byas nas gsang ba'i sa bon byang chub sems ye shes kyi sngags kyi sa bon yig 'bru mUM gyis byin gyis brlabs pa nas gnyis su med pa'i sa bon las byang chub sems dpa' 'jam dpal gyi sku phyag rgya bskyed nas de dang gnyis su med pa'i nga rgyal du bsgom par bya bar smos pa de ni gsang sngags kyi chul gyi rdo rje las kyi ngo bo ma hA yo ga yin par bstan to/ /gzhan yang byang chub sems dpa' 'jam dpal gyi sku phyag rgya dang gnyis su med pa'i nga rgyal du bsgoms pas sngar smos pa'i tshul du bsam gtan gyi ngo bo rdo rje gnod sbyin ma'i sku phyag rgya bskyed nas de ma thag tu ci ltar smos pa'i tshul gyi khro bo'i rgyal po ya man ta ka'i sku phyag rgya bskyed nas rdo rje gnod sbyin ma'i spyi bor dbang bskur ba'i tshul du gnas par brtag pa de'i 'og tu sgrub pa pos rdo rje gnod sbyin ma dang gnyis su med par nga rgyal du bsgom par bya bar smos pa de ni gsang sngags kyi tshul gyi rdo rje las kyi ngo bo a nu yo ga yin par brtag go /mdor bsdu ba de ltar rdo rje gsum gyi las kyi ngo bo'i tshul yo ga gsum gyi bsgom pa'i bye brag gis rdo rje gnod sbyin ma dang gnyis su med par bsgom pa'i sbyor bas phyi'i gnod sbyin thams cad kyi nang na/ sgrub pa po gang yang smos pa grub par bya ba de nges par 'gyur bar smos so/ /mdor bsdu ba de ltar las gsum do rje'i bye brag gis/ de'i bsam gtan bsam par bya'i don du gsungs so/ /rdo rje 'jam pa'i ting nge 'dzin gnas/ /dbu rgyan la ni khro bo brtag ces pa ni/ don ni mdun du bshad do/ /da ni gzhan yang sngags kyi bzlas pa'i bsnyen par bya ba'i cho ga gnod sbyin ma grub dus bya ba'i don bstan par bya ste/ snying gar
- 163b
sngags kyi tshig bsgoms la/ /rdo rje'i sbyor bas brtsam par bya/ zhes pa ni/ snying gar sngags kyi tshig bsgom pa ni/ mdun du smos pa'i tshul gyis rdo rje gnod sbyin mo bsgom pa'i sbyor bas sgrub pa pos ma grub kyi bar du snying gar sngags kyi sa bon yig 'bru hUM bsam par bya'o/ /de kha dog sngon po me long lta bu'i ye shes kyi ngo bo gzi brjid kyis nyi ma stong dang mnyam par 'bar ba'o/ /de ltar bsgom pa'i sbyor pas sngags kyi bzlas pa'i bsnyen pa bya'o/ /hUM oM khriM sngags de myur bar mi bzla dbul bar mi zla ste/ gsal bar bzla bar bya'o/ /de ltar snying gar sngags kyi tshig bsgoms pa'i don du gsungs so/ /rdo rje'i sbyor bas brtsam par bya zhes pa ni/ gong du smos pa'i tshul gyis bsgom pa dang sngags kyi bzlas pa byas pas gnod sbyin mo grub par 'gyur ro/ /bstan par bya ste/ gnod sbyin ma grub pa'i dus su dang po mtshan ma gnyis 'byung ste/ dang po bsgrub pa byas pa'i gnas kyi sa gzi kun tu dpag tshad brgya'i g.yo ba chen por 'gyur ro/ /de'i 'og du steng gi nam mkha' i gnas nas sngags kyi sa bon yig 'bru hUM gi /sgra chen po lan mang du grags par 'gyur ro/ /de'i dus su gnod sbyin mo gang bsgrub pa de lus 'bar ba chen po'i 'od kyis 'bar ba thal mo sbyar nas bsgrub pa po'i mdun du 'ong ngo/ /de ma thag tu sgrub pa pos brtson 'grus chen pos 'dod chags kyi sems brtan pa'i dga' bas sngags hUM phaT brjod cing/ khro mo'i rgyal mo ro langs ma dang gnyis su med par byin gyis rlab par byas nas/ rdo rje'i sbyor ba zhes pa thabs dang shes rab rol pa bya ba yin no/ /de brtsam pa zhes pa/ ci ltar smos pa'i cho ga'i tshul gyis spyad par bya'o/ /de byas pa'i 'og tu rtag par chung ma bzhin du gnas par 'gyur ro/ /mdor bsdu ba de ltar rdo rje sbyor bas rtsam par bya ba'i don du gsungs so/ /gnod sbyin mo thams cad dang mnyam pa nyid du sbyor ba'i bsgom
- 164a
pa rdo rje zhes bya ba'i ting nge 'dzin to/ /zhes bya ba ni/ gnod sbyin mo thams cad ni 'jig rten khams thams cad na gnas pa'i gnod sbyin mo cho 'phrul chen po dang ldan pa thams cad smos so/ /mnyam pa nyid du sbyor ba'i bsgom pa zhes pa ni/ gang du smos pa'i bsgom pa bya ba'i tshul de ni ci ltar smos pa'i gnod sbyin mo de dag thams cad bsgrub par bya ba'i phyir bsgrub pa pos mdun du smos pa'i bsgom pa sbyor ba byas pas mnyam par 'grub par smos so/ /rdo rje zhes pa ni/ me long lta bu'i ye shes kyi ngo bo rdo rje gnod sbyin mo'i sku phyag rgya bskyed nas phyi'i gnod sbyin mo bsgrub pa'i thabs su smos/ /ting nge 'dzin zhes pa ni/ ci ltar smos pa'i tshul gyi mgo mjug gi bsgom pa bya ba de don mdor bsdu ba ting nge 'dzin du smos so/ /da ni gzhan yang phra mo'i ting nge 'dzin du ming btags pa/ mi snang ba'i sgrub pa la sogs pa 'phra mo'i grub pa'i bya ba'i don bstan par bya ste/ de nas bcom ldan 'das phyag na rdo rje de bzhin gshegs pas/ rdo rje thams cad kyi sngags sprul pa 'byung ba rdo rje zhes bya ba'i ting nge 'dzin la snyoms par zhugs nas/ zhes bya ba ni/ de nas ni ston pa phyag na rdo rjes gong du smos pa'i tshul gnod sbyin mo'i bsgrub pa bya ba'i don bshad pa rdzogs ma thag tu ci ltar smos pa'i mi snang ba'i sgrub pa la sogs pa 'phra mo'i bsgrub pa bya ba'i ting nge 'dzin la snyoms par zhugs pa mtshon pa'o/ /de ltar de nas don du gsungs so/ /bcom dan 'das zhes pa ni/ ston pa nyid kyi yon tan gyi ston pa'i mtshan bcom ldan 'das yin pa sdud pa pos smos so/ /de'i don mdun du bshad mi dgos pas 'dir bde ste bshad mi dgos so/ /phyag na rdo rje de bzhin gshegs pa zhes pa ni/ sngar ci ltar bshad pa bzhin du 'dir bstan to/ /rdo rje thams cad ces pa ni/ ston pa phyag na rdo rjes ming snang ba'i bsgrub pa la sogs pa phra mo sgrub
- 164b
pa'i don bshad pa'i phyir tshul ji ltar smos pa'i dkyil 'khor thams cad kyi nang du ting nge 'dzin la snyoms par zhugs pa'i don no/ /de gsal bar bstan par bya ste/ ston pa phyag na rdo rjes thugs rje chen po'i thugs dgyes pas nyid kyi shes rab ma ye shes kyi lha mo mA ma kI dang gnyis su med par 'khyud pa'i sbyor ba dang ldan par thugs rtse gcig par gnas par gyur to/ /de ma thag tu gsang ba'i thus ka ye shes sems dpa' i gnas su rdo rje thams cad ces pa/ dpal rdo rje sems dpa' nyid la sogs pa rigs lnga'i bye brag gi de bzhin gshegs pa thams cad yin te/ de dag nyid nyid kyi kha dog dang ye shes dang ldan pa'i 'od zer gyi sprin grangs med pa 'jig rten gyi khams kun tu khyab par spros te/ de ma thag tu lha dang mi la sogs pa sems can ma lus pa thams cad byin gyis brlabs pas sems can thams cad nyon mongs pa thams cad kyi sdug bsngal med pas zhi ba dang bde ba'i ngo bor gyur to/ /de ltar byas nas ye shes kyi 'od zer grangs med pa sprin lta bu de spro ba'i gnas su slar bsdus te/ de 'od zer de gcig tu gong bur gyur par smos so/ /de ltar rdo rje thams cad kyi don du gsungs so/ /sngags kyi sprul pa 'byung ba zhes pa ni/ gong du smos pa'i 'od zer gyi gong bur gyur par byas pa de sngags kyi sa bon yig 'bru mUM grangs med par sprin lta bur gyur par mdzad do/ /sa bon de las byang chub sems dpa' 'jam dpal gyi sku phyag rgya ci ltar smos pa'i sku mdog dang/ ye shes dang ldan pa grangs med pa sprin bzhin du 'jig rten gyi khams thams cad du khyab par spro bar bya'o/ /de spros ma thag tu lha dang mi la sogs pa sems can ma lus pa thams cad rig pa'i tshul gyis byin gyi brlab par bya'o/ /de nyid kyi sku phyag rgya gnyis su med par bsdu bar bya'o/ /de ltar byas nas byang chub sems dpa' 'jam dpal gyi
- 165a
sku phyag rgya spro ba dang bsdu pa de ni me long lta bu'i ye shes kyi ngo bo yin na/ don des rdo rjer smos so/ /ting nge 'dzin zhes pa ni gong du smos pa'i tshul gyis me long lta bu'i ye shes kyi ngo bo cho 'phrul spro ba dang bsdu ba bya ba'i ting nge 'dzin du smos so/ /ting nge 'dzin mdzad pa'i 'og tu/ de na byang chub sems dpa' 'jam dpal gyi ngo bo'i don gyi cho ga'i tshul bstan par bya ste/ rab dang 'bring dang tha ma yi/ /dngos grub 'di nyid kyi sku dang gsung dang thugs rdo rje las phyung ngo// zhes bya ba ni/ dngos grub tha ma ni dbang du 'gyur ba'o/ /dngos grub 'bring ni 'gug par byed pa'o/ /dngos grub rab ni dus 'dir mi snang bar 'grub pa'o/ /de gsum ga byang chub sems dpa' 'jam dpal gyi sku phyag rgya bsgoms nas 'grub par bya ba mi 'gal lo/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku dang gsung dang thugs rdo rje gsum dang gcig pa'i ngo bor smos so/ /de ltar sku gsung thugs rdo rje gsum dang gnyis su med pa'i ngo bor byang chub sems dpa' 'jam dpal smos so/ /zhes pa ni/ gong du sku rdo rje dang gsung rdo rje dang thugs rdo rje gnyis su med par bshad pa de bzhin du 'dir bstan to/ /phyung ngo zhes pa na/ ston pa phyag na rdo rjes byang chub sems dpa' 'jam dpal gyi sku phyag rgya bskyed pa'i cho ga'i tshul gyis bsgom pa'i don ci ltar smos pa'i sku dang gsung dang thugs rdo rje gsum dang gnyis su med pa'i ngo bor phyung ngo/ /da ni rab 'bring tha ma'i bsgrub pa bya ba'i ngo bo byang chub sems dpa' 'jam dpal gyi bsgom pa'i cho ga'i tshul gyi don bstan par bya ste/ sku dang gsung thugs kun grub pa/ /sangs rgyas gzugs 'dzin 'od bzang po/ /'dzam bu na da'i 'od 'dra ba/ /dngos grub 'phra mo dga' la gnas/ zhes bya ba'i don bshad par bya ste/
- 165b
ci ltar yin na/ sku dang gsung thugs kun grub pa/ /sangs rgyas gzugs 'dzin 'od bzang po ni/ byang chub sems dpa' 'jam dpal gyi sku phyag rgya de ni sku dang gsung dang thugs rdo rje gsum dang gnyis su med pa'i ngo bor bsgom par bya ba yin no// de'i yon tan gyis mi snang ba'i sgrub pa la sogs pa ji ltar smos pa'i tshul gyi sgrub pa rab 'bring tha ma gsum 'grub par 'gyur ro/ /gzhan yang sangs rgyas zhes pa ni/ dus 'dir rin chen 'byung ldan yin te/ de'i sku phyag rgya sku mdog dang/ zhal dang/ phyag dang/ phyag mtshan dang/ rgyan dang/ gzi brjid kyi 'od la sogs pa dang ldan par ji ltar smos pa de dang 'dra bar byang chub sems dpa' 'jam dpal gyi sku phyag rgya'i gzugs phun sum tshogs pa dang ldan par bya ba yin no/ /don des byang chub sems dpa' 'jam dpal sangs rgyas dang 'od 'dzin par smos so/ /gzhan yang byang chub sems dpa' 'jam dpal sku phyag rgya bskyed pa'i tshul bstan par bya ste/ sgrub pa po'i dang por gnas dben pa chen por bsgrub pa bya'o/ /yang na mtshan ma gcig pa'i gnas su bya yang mi 'gal lo/ /gnas der sa gzhi mnyam par bya'o de'i 'og tu ci ltar smos pa'i mtshan dang ldan pa'i ban d+ha'i nang du gong du smos pa'i dam rdzas dang/ gzhan yang phyi'i rdzas dri dang ldan pa thams cad gcig tu bsras la gzhag go /rdzas de chu dang dkrugs pas bsku ba'i dkyil 'khor gru bzhi khru gang ba bya'o/ /dkyil 'khor de'i steng du sgrub pa po stan bde pa 'jam pa la mos pa'i skyil mos 'dug go /de'i 'og tu mdun du smos pa'i cho ga bzhi'i tshul gyis dpal rdo rje sems dpa' i sku phyag rgyar gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs
- 166a
phun sum tshogs pa ji ltar le'u bzhi pa thugs kyi dkyil 'khor gyi dus su smos pa de bzhin du 'dir bya'o/ /de lta bu'i ngo bo'i sku phyag rgyar gyur ma thag tu de dang gnyis su med pa'i sku phyag rgyar bsgom par bya'o/ /de'i dus su rdo rje rigs kyi bye brag gis khrus mkhan gyi rigs kyi bu mo lo bcu gnyis lon pa mtshan dang yon tan thams cad dang ldan pa blang ngo/ /shes rab ma ye shes kyi lha mo mA ma kI dang gnyis su med pa'i ngo bor byin gyis brlabs par bya'o/ /de'i 'og tu 'dod chags chen po'i sems dpa' dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub kyi sems 'o ma'i rgyun bzhin du 'od du zhu nas/ de zla ba'i dkyil 'khor du gyur par bsam mo/ /de'i steng du sngags kyi sa bon mUM bsam mo/ /de dus 'dir kha dog ser po rin po che 'dzam bu na da lta bu ye shes kyi ngo bo gzi brjid kyi 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med par thim par gyur par bsam mo/ /sa bon de las 'jam dpal gyi sku phyag rgya bskyed par bya'o/ /de'i sku mdog ser po rin po che 'dzam bu na da lta bu'o/ /de'i zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa kun ci ltar le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o/ /de lta bu'i ngo bo'i sku phyag rgya bskyed ma thag tu bskyed par mdzad mkhan/ dpal rdo rje sems dpa' i sku phyag rgya byang chub sems dpa' 'jam dpal gyi spyi bor dbang bskur ba'i tshul du bsam mo/ /de lta bu'i ngo bo byang chub sems dpa' 'jam dpal gyi sku phyag rgya bskyed ma thag tu/ de
- 166b
dang gnyis su med pa'i nga rgyal du bsgom par bya'o/ /mdor bsdu ba de ltar sku dang gsung dang thugs grub pa/ sangs rgyas gzugs 'dzin 'od bzang po'i don du gsungs so/ /'dzam bu na da'i 'od 'dra ba'i don ni mdun du smos pas 'dir bde ste/ bshad mi dgos so/ /dngos grub phra mo dag la gnas zhes pa ni/ gong du smos pa'i byang chub sems dpa' 'jam dpal gyi sku phyag rgya gnas zhes pa ni de dang gnyis su med pa'i nga rgyal du bsgoms pas dngos grub phra mo zhes pa mi snang ba la sogs pa dngos grub kyi bye brag gsum gyi nang na gong bsgrub pa de 'grub par 'gyur ro/ /de ltar dngos grub phra mo dag la gnas kyi don du gsungs so/ /da ni gong du smos pa'i bsgom pas bsgrub pa byas pa'i yon tan bstan par bya ste/ /mi snang la sogs kun 'grub pa/ /'jam dpal 'od dang 'dra bar 'gyur/ /gnod sbyin rgyal po la sogs 'grub/ /rig pa 'dzin gyi bdag po 'gyur/ zhes bya ba'i don bshad par bya ste/ ji ltar yin ni/ mi snang la sogs pa kun 'grub pa/ /'jam dpal 'od dang 'dra bar 'gyur ni/ mi snang ba'i sgrub pa la sogs pa 'phra mo bsgrub pa'i nang na gang bsgrub pa de grub pa'i 'og tu sgrub pa pos byang chub sems dpa' 'jam dpal ye shes kyi gzi brjid 'od dang ldan par ci ltar smos pa de bzhin du gnyis su med par 'grub par 'gyur ro/ /de ltar mi snang ba la sogs pa kun 'grub pa/ 'jam dpal 'od dang 'dra bar 'gyur gyi don du gsungs so/ /gnod sbyin gyi rgyal po la sogs 'grub/ rig pa 'dzin gyi bdag por 'gyur ni/ gong du smos pa'i mi snang ba'i sgrub pa la sogs pa phra mo'i bsgrub pa rnams gnod sbyin gyi rgyal mor ming btags pa nor gyi bdag po dzam b+ha la smos pa/ de'i phyag rgya sngar smos pa'i tshul du bskyed nas de dang gnyis su med pa'i nga rgyal du bsgom pa byas nas bsgrub pa bya ba yang mi 'gal lo/ /bstan par bya ste/ dzam b+ha la'i
- 167a
bsgom pa bya bas mdun du ci ltar ri lu'i bsgrub pas rig pa 'dzin gyi bdag po smos pa de bzhin du dus 'dir sgrub pa pos 'grub par bstan to/ /de ltar gnod sbyin rgyal po la sogs grub/ rig pa 'dzin gyi bdag po 'gyur gyi don du gsungs so/ /de la 'di ni rdo rje thams cad kyi dngos grub gyi gzugs gsang ba'i sngags kyi dngos grub po/ /zhes bya ba ni/ de'i don bshad par bya ste/ ci ltar yin na/ gong du smos pa'i tshul gyi mi snang ba'i sgrub pa la sogs pa phra mo'i sgrub pa rnams ni rdo rje thams cad kyi bsgrub par ming btags pa yin no/ /de rnams grub pa'i 'og tu 'bras bu yon tan gyi ngo bo ni 'og nas 'byung ngo/ /gsang ba'i sngags kyi dngos grub ces pa ni/ gong du smos pa'i sngags kyi dngos grub de thams cad sgrub pa pos bsgrub par bya ba'i dus su theg pa 'og ma pa'i sems can thams cad la ming bstan pa yin no/ /gzhan yang don dam pa'i 'bras bu'i ngo bo ci ltar smos pa'i de bzhin gshegs pa thams cad kyi gsang bar bstan to/ /sngags kyi dngos grub thob pa yis// mdzes pa'i gzugs rnams thams cad ni/ /de ni 'jig rten thams cad kyis/ /mthong bas kun tu dga' bar 'gyur/ /zhes bya ba'i don bshad par bya ste ci ltar yin na/ sngags kyi dngos grub thob pa yis/ /mdzes pa'i gzugs rnams thams cad ni/ /stong chen po'i 'jig rten gyi khams thams cad na gnas pa'i sangs rgyas kyi dngos grub la sems mos pa'i lha dang mi'i tshul gyi sems can smos pa de dag gi lus mdzes pa'i gzugs zhes pa/ skyes bu'i mtshan thams cad dang ldan pa'o/ /gzhan yang gsang sngags kyi dngos grub bsgrub par bya ba'i sems dad pa dang ldan pa'o/ /don des mdzes pa'i gzugs su smos so/ /de ltar mdor bsdus pa/ sngags kyi dngos grub thob pa yis/ mdzes pa'i gzugs rnams thams cad kyi don tu gsungs so/ /
- 167b
de ni 'jig rten thams cad kyis/ /mthong bas kun tu dga' bar 'gyur zhes pa ni/ gong du smos pa'i mi snang ba'i bsgrub pa la sogs pa phra mo'i bsgrub pa byas pas byang chub sems dpa' dang gnyis su med pa'i ngo bo'i 'bras bu thob par smos pa dang/ yang na gnod sbyin gyi rgyal por ming btags pa dzam b+ha la dang/ gnyis su med pa'i 'bras bu thob pa'i sgrub pa po dus 'dir gsang sngags kyi bsgrub pa bya ba'i sems dad pa dang ldan pa de 'jig rten gyi khams thams cad na/ gnas pa'i lha dang mi la sogs pa sems can de dag thams cad kyis mthong ma thag tu sems dga' ba chen po skye bar 'gyur ro/ /de'i 'og bran bzhin du dbang du 'dus nas 'khor gyi ngo bor gyur par bstan to/ /da ni gzhan yang gtsug tor zhes pa/ khro bo'i rgyal po chen po badzra hUM ka ra smos pa de bsgoms pas sgrub pa thams cad kyi dngos grub kyi 'bras bur 'gyur ba'i don bstan par bya ste/ gtsug tor dngos grub thams cad ni/ /yid bzhin nor bu'i bdag por gyur/ /sangs rgyas byang chub byed pa'i mchog /sangs rgyas rdo rje rab bsgom pa'o/ /zhes bya ba'i don bshad par bya ste/ ci ltar yin no/ gtsug tor dngos grub thams cad ni/ /yid bzhin nor bu'i bdag por gyur na/ gong du smos pa'i mi snang ba'i bsgrub pa la sogs pa bsgrub pa thams cad ni/ gtsug tor du ming btags pa/ khro bo chen po badzra hUM ka ra yin te/ de bsgom pas bsgrub pa byas par bstan to/ /bsgom pa bya ba'i cho ga'i tshul bstan par bya ste/ sgrub pa pos dang po gnas dben pa chen por bsgrub par bya'o/ /yang na dur khrod du yang ma 'gal lo/ /gnas der sa ga'i mnyam par bya'o/ /de'i 'og tu ji ltar smos pa'i mtshan dang ldan pa'i ban d+ha'i nang du mdun du smos pa'i dam rdzas dang/ de bzhin du phyi'i rdzas dri dang ldan pa thams cad gcig tu bsres la bzhag
- 168a
go/ rdzas de chu dang dkrugs pas bsku ba'i dkyil 'khor gru bzhi kun tu khru gang ba bya'o/ /dkyil 'khor de'i steng du bstan bde ba 'jam pa la sgrub pa po mos pa'i skyil mos 'dug go /de'i 'og tu mdun du smos pa'i cho ga bzhi'i tshul gyis dpal rdo rje sems dpa' i sku phyag rgyar gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa dang/ de ltar phyag rgya'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su smos pa de bzhin du 'dir bstan to/ /de lta bu'i ngo bo'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo lo bcu gnyis lon pa mtshan dang yon tan thams cad dang ldan pa blang ngo/ /de ye shes kyi lha mo mA ma kI gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas shes rab ma gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par gyur par bsam mo/ /sa bon de las gtsug tor du ming btags pa khro bo'i rgyal po chen po badzra hUM ka ra'i sku phyag rgyar bskyed par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab
- 168b
ma khro mo'i rgyal mo gnyis su med par 'khyud pa'i sbyor ba dang ldan pa dang/ de ltar sku phyag rgya'i cha lugs phun sum tshogs pa ci ltar le'u bzhi pa thugs kyi dkyil 'khor gyi dus su/ ci ltar smos pa de bzhin 'dir bstan to/ /de lta bu'i ngo bo sku phyag rgya bskyed ma thag tu bskyed par mdzad mkhan dpal rdo rje sems dpa' i sku phyag rgya khro bo'i rgyal po badzra hUM ka ra'i sku phyag rgya'i spyi bor dbang bskur ba'i tshul du bsam mo/ /de lta bu'i khro bo'i rgyal po chen po badzra hUM ka ra'i sku phyag rgya bskyed ma thag tu de dang gnyis su med pa'i nga rgyal du bsgom par bya'o/ /tshul de ltar bsgom pa byas pas rin po che thams cad kyi gtso bo yid bzhin gyi nor bu rin po che thams cad kyi yon tan dang gnyis su med par ldan pa de bzhin du me long lta bu'i ye shes kyi 'bras bu thob pa de dngos grub thams cad dang gnyis su med par smos so/ /mdor bsdu ba de ltar gtsug tor dngos grub thams cad ni/ yid bzhin nor bu bdag por 'gyur gyi don du gsungs so/ /sangs rgyas byed pa'i mchog sangs rgyas rdo rje rab bsgom pa'o/ /zhes pa ni/ gong du smos pa'i yon tan dang ldan pa'i yid bzhin gyi nor bu rin po che dang 'dra bar me long lta bu'i ye shes kyi 'bras bu smos pa de thob ma thag du ci ltar smos pa'i sangs rgyas dang byang chub dngos grub thams cad kyi nang na mchog tu smos pa'i de dang gnyis su med pa'i me long lta bu'i ye shes kyi 'bras bu yin no/ /bstan par bya ste/ sangs rgyas rdo rje zhes pa/ dus 'dir dpal rdo rje sems dpa' nyid yin no/ /gzhan yang rdo rje zhes pa/ me ltong lta bu'i ye shes de dang gnyis su med pa'i sku khro bo'i rgyal po chen po badzra hUM ka ra yin no/ /de'i sku phyag rgya sgrub pa pos ci ltar smos pa'i tshul gyi sgom pa byas pas bla na med pa'i 'bras bu sangs rgyas dang byang chub thob par bstan to/ /de ltar sangs rgyas byang chub byed pa'i mchog sangs
- 169a
rgyas rdo rje rab bsgom pa'i don du gsungs so/ /bcom ldan 'das re ba thams cad yongs su rdzogs pa'i rdo rjes de skad bka' stsal to/ /zhes bya ba ni/ bcom ldan 'das ni ston pa phyag na rdo rje nyid yin te/ de'i yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun bshad pas 'dir bde ste bshad mi dgos so/ /re ba thams cad yongs su rdzogs pa zhes pa ni/ ston pa phyag na rdo rje nyid kyis thabs sna tshogs kyi bye brag gi dus gsum du sems can thams cad re ba rdzogs par mdzad par smos so/ /rdo rje ji skad bka' stsal to/ /zhes pa ni/ dus 'dir ston pa phyag na rdo rje me long lta bu'i ye shes la sogs pa ye shes lnga dang gnyis su med pa'i ngo bo sku phyag rgya yin te/ des mdun du smos pa'i tshul gyi mi snang ba'i bsgrub pa la sogs pa phra mo'i bsgrub pa thams cad bya ba thabs kyis sangs rgyas dang byang chub kyi 'bras bu bla na med pa 'thob par 'gyur ba'i don de bka' stsal pa smos so/ /gzhan yang de ni rig pa'i rtul zhugs su ming btags pa gsang ba'i spyod pa thabs dang shes rab rol pa bya ba'i tshul gyis sangs rgyas kyi 'bras bu bsgrub par bya ba'i don ston par bya ste/ de nas bcom ldan 'das phyag na rdo rje de bzhin gshegs pas/ de bzhin gshegs pa thams cad kyi sku dang gsung dang thugs kyi rigs pa'i rtul shugs yang dag par len pa'i spyod pa 'di nyid kyi sku dang gsung dang thugs rdo rje las byung ngo/ /zhes pa ni/ de nas ni mdun du smos pa'i tshul gyi bsgrub pa'i don bshad par mdzad pa'i 'og tu/ 'og nas 'byung ba'i tshul gyi bsgrub pa bya'o don mtshon par bstan to/ /de ltar de nas kyi don du gsungs so/ /bcom ldan 'das zhes pa ni/ ston pa nyid kyi yon tan gyi bstod pa'i mtshan bcom ldan 'das yin pa sdud pa pos smos so/ /de'i 'og don mdun du bshad pas
- 169b
'dir bde ste bshad mi dgos so/ /phyag na rdo rje de bzhin gshegs pa'i don ni mdun du ji ltar bshad pa de bzhin du 'dir bstan to/ /de bzhin gshegs pa thams cad kyi sku dang gsung dang thugs rdo rje zhes pa ni/ ston pa phyag na rdo rje nyid la sogs pa rigs lnga'i bye brag gi de bzhin gshegs pa grangs med pa smos pa de dag gi sku dang gsung dang thugs gsum don dam par gnyis su med pa'i ngo bo yin no/ /rig pa'i rtul zhugs yang dag par len pa'i spyod pa zhes pa ni/ rig pa zhes pa/ ji ltar smos pa'i tshul gyi sku'i rigs rnam par snang mdzad la sogs pa de bzhin gshegs pa rnams kyi re ba ye shes kyi lha mo yin no/ /de'i brtul zhugs bsgrub pa pos sangs rgyas kyi 'bras bu ma grub kyi bar du 'og nas 'byung pa'i tshul gyi dus 'dir brtul zhugs su ming btags pa'i phyi'i bram ze'i rigs kyi bu mo rnams blangs nas thabs dang shes rab gsang ba'i spyod pa dang bsgom pa dang bcas par rol pa bya bar smos so/ /'di nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum dang gcig pa'i ngo bor smos so/ /sku dang gsung dang thugs rdo rje de gsum dang gnyis su med pa'i ngo bo sangs rgyas spyan dang mA ma kI yin no/ /de bsgrub pa pos thabs dang shes rab rol pa bya ba'i dus su phyi'i shes rab ma dang gnyis su med pa'i ngo bor brtag par bya bar bstan to/ /rdo rje zhes pa ni/ sku rdo rje dang/ gsung rdo rje dang/ thugs rdo rje gnyis su med par ci ltar bshad pa de bzhin du 'dir bstan to/ /phyung ngo zhes pa ni/ ston pa phyag na rdo rjes thabs dang shes rab rol pa bya ba'i bsgom pa'i cho ga bya ba'i don ? zhes pa bka' stsal pa'o/ /sku gsung thugs kyi rdo rje rnams/ /lus dang ngag sems bsgom pa ni/ de'i gzugs su bya ba ste/ /de'i dngos grub thob par 'gyur/ zhes bya
- 170a
pa'i don bshad par bya ste/ ci ltar yin na/ sku gsung thugs kyi rdo rje rnams/ /lus dang ngag sems bsgom pa ni/ /gong du smos pa'i shes rab ma sku gsung thugs kyi rigs gsum gyi bye brag gi smos pa rnams kyi lus sku gsung thugs gsum dang gnyis su med pa'i ngo bor byin gyis brlabs pa'i bsgom pa bya bar smos so/ /de'i gzugs su bya ba de/ de yis dngos grub thob par 'gyur zhes pa ni/ gong du smos pa'i tshul du shes rab ma byin gyis brlab pa bya bas shes rab ma'i lus/ de'i gzugs su zhes pa/ sangs rgyas spyan la sogs pa rigs gsum gyi shes rab ma ye shes lha mo'i nang na/ sgrub pa pos gang sgrub par byed pa de dang gnyis su med pa'i nga rgyal du bsgom par bya ba yin no/ /de ltar bsgom pa'i sbyor ba byas pas/ sku dang gsung dang thugs gsum dang gnyis su med pa'i 'bras bu thob par bstan to/ /de la 'di ni sku dang gsung dang thugs rdo rje rigs pa'i brtul zhugs so/ /thor tsugs dbu rgyan can gyi gzugs/ /chen po kha dog dkar po 'dra/ /sngags kyi sdom pas kun du bsdams/ cho ga bzhin du thams cad bya/ /zhes bya ba'i don bshad par bya ste/ ci ltar yin na/ de la 'di la ni sku dang gsung dang thugs rig pa'i brtul zhugs ni/ gong du smos pa'i rig par ming btags pa shes rab ma yin te/ de ni brtug zhugs zhes pa ma grub kyi bar kun du brtan pa rnam par rtog pa spangs pa'i sems kyis rgyun mi 'chad par brtul zhugs kyi ngo bo thabs dang shes rab rol pa bya'o/ /sku dang gsung dang thugs ga zhes pa 'og nas 'byung ba'i sku rdo rje rnam par snang mdzad kyi sku phyag rgya sku dang gsung dang thugs gsum dang gnyis su med pa'i ngo bo bsgom par bya bar smos so/ /de ltar de ltar 'di ni sku dang gsung thugs rig pa'i brtul zhugs kyi don du
- 170b
gsungs so/ /thor tsugs dbu rgyan can gyi gzugs/ /chen po kha dog dkar po 'dra/ zhes pa/ ri'i rtse mo'i gnas su bsgrub par bya'o/ /yang na gnas gang yang rung bar bsgrub pa bya yang mi 'gal lo/ /gnas der sa gzhi mnyam par bya'o/ /de'i 'og du ci ltar smos pa'i mtshan dang ldan pa'i b+han d+ha'i nang du/ gong du smos pa'i dam rdzas dang/ de bzhin du phyi'i rdzas dri dang ldan pa thams cad gcig tu bsres la gzhag go /rdzas de chu dang dkrugs pas dkyil 'khor gru bzhi kun du khru gang ba bsku bar bya'o/ /dkyil 'khor de'i steng du stan bde ba 'jam pa la mos pa'i skyil mos 'dug go /de'i 'og du mdun du smos pa'i cho ga bzhi'i tshul gyis sku rdo rje rnam par snang mdzad kyi sku phyag rgyar gyur par bya'o/ /de'i sku mdog zla ltar dkar ba/ dbu rgyan thor tshugs 'dzin pa/ zhal gsum pa phyag drug pa/ phyag mtshan drug pa/ rgyan thams cad kyis brgyan pa/ de'i phyag mtshan ni le'u bzhi pa thugs kyi dkyil 'khor gyi dus su smos pa'i de bzhin du 'dir bya'o/ /gzhan yang de shes rab ma ye shes lha mo gnyis su med par 'khyud pa'i sbyor ba dang ldan pa'o/ /de lta bu'i ngo bo'i sku phyag rgyar gyur ma thag du de dang gnyis su med pa'i nga rgyal du bsgom par bya'o/ /de'i dus su mdun du smos pa'i tshul gyi sku'i rigs kyi bye brag gi bram ze'i rigs kyi bu mo blang ngo/ /de ci ltar smos pa'i sangs rgyas spyan dang gnyis su med pa'i ngo bor byin gyis brlab par bya'o/ /de byas ma thag tu sgrub pa po lag pa g.yon pas 'khyud nas 'dod chags chen po'i sems dga' bas thabs dang shes rab rol pa bya bar mos so/ /de ltar thor tshugs dbu rgyan can gyi gzugs/ chen po kha dog dkar po 'dra'i don du gsungs so/ /sngags kyi sdom pas kun du bsdams/ /cho ga bzhin du thams cad bya zhes pa ni/ gong du smos pa'i tshul gyi sku rdo rje rnam par snang mdzad gyi bsgom pas/ thams cad ces pa/ bram ze'i rigs kyi
- 171a
bu mo de sangs rgyas spyan du byin gyis brlabs pa'i chogs thabs dang shes rab rol pa bya'o/ /gzhan yang sngags kyi sdom pas kun du bsdams zhes pa/ thabs dang shes rab rol pa byas pas bde bar gyur pa'i dus su tshul ji ltar smos pa'i byang chub sems 'od du zhu ba de/ le'u lnga pas bshad pa bzhin du sngags kyis byin gyis brlab pa'i bsgom pa sbyor bas bza' bar bstan to/ /mdor bsdu ba de ltar sngags kyi sdom pas kun du bsdams/ cho ga bzhin du thams cad bya'i don du gsungs so/ /da ni gzhan yang mdun du smos pa'i rigs par ming btags pa shes rab ma de'i dus kyi lo'i tshad dang lus kyi byang bstan par bya ste/ lo grangs bcu drug lon pa ni/ /rgyan rnams kun gyis rnam par klubs/ /bzhin sdug mig gi dkyus ring ba/ rnyed nas rig pa'i rtul zhugs spyad/ ces bya ba'i don bshad par bya ste/ ci ltar yin na/ lo grangs bcu drug lon pa ni/ rgyan rnams kun gyis rnam par klubs na mdun du smos pa'i sku'i rigs kyi bye brag gi bram ze'i rigs kyi bu mo lo grangs bcu drug lon pa/ gzhan yang yan lag dang nying lag la/ rna ba'i rgyan dang mgul ba'i rgyan dang/ dpung pa'i rgyan dang/ lag pa'i rgyan dang/ sor mo'i rgyan dang/ rked pa rgyan dang/ rkang pa'i rgyan dang/ de ltar bye brag du gser la sogs pa rgyan gyi bye brag sna tshogs kyis shes rab ma'i lus brgyan par smos so/ /bzhin sdug mig gi dkyus ring ba/ /rnyed nas rig pa'i rtul zhugs spyad/ /ces pa ni/ gong du smos pa'i shes rab ma de bzhin sdug pa zhes pa/ ngo mi ring ba/ mi thung ba/ mi tshe ba/ mi ring pa/ de la sogs pa skyon med pas bzhin sdug pa'o/ /gzhan yang mig pad ma'i 'dab ma 'dra ba'o/ /don des mig gi dkyus ring bar smos so/ /bstan par bya ste/ gong
- 171b
du smos pa'i shes rab ma rig par ming btags pa rnyed ma thag du gsang sngags kyi rtul zhugs zhes pa/ thabs dang shes rab rol pa bya bar smos so/ /spyan gyi go 'phang longs spyod cing/ /rdo rje'i mtshan rnams sgom par bya/ /phyag rgya sngags kyi cho ga shes/ sngags kyi sbyor ba legs par slob/ /ces bya ba'i don bshad par bya ste/ ji ltar yin na/ spyan gyi go 'phang longs spyod cing/ rdo rje'i mtshan rnams bsgom par bya ni/ gong du smos pa'i tshul gyi yon tan dang ldan pa'i shes rab ma blangs pa'i 'og tu de'i lus sku rdo rje rnam par snang mdzad kyi shes rab ma lha mo sangs rgyas spyan dang gnyis su med pa'i ngo bor gyis brlabs par bya'o/ /de ma thag du spyan gyi go 'phang longs spyod ces pa/ go 'phang ni sku rdo rje rnam par snang mdzad dang/ gnyis su med par 'khyud pa'i sbyor ba byas pa yin no/ /longs spyod ni sgrub pa pos 'dod chags chen po'i sems dga' bos rnam par snang mdzad dang gnyis su med pa'i nga rgyal du bsgoms pas sangs rgyas spyan gyi ngo bo shes rab ma dang gsang ba'i longs spyod rol pa bya bar smos/ rdo rje zhes pa ni/ sku rdo rje rnam par snang mdzad yin no/ /mtshan ma zhes pa de/ ye shes kyi lha mo sangs rgyas spyan yin no/ /de dang gnyis su med pa'i ngo bor gong du smos pa'i rol pa bya ba'i dus su/ bsgom pa'i bya bar smos so/ /mdor bsdu ba de ltar spyan gyi go 'phang longs spyod cing/ rdo rje'i mtshan rnams bsgom par bya'i don du gsungs so/ /phyag rgya sngags kyi cho ga shes/ sngags kyi sbyor ba legs par bslab ces pa ni/ gong du smos pa'i shes rab ma de rang dga' ba'i lha'i sku phyag rgyar gnyis su med par bsgom pa'i cho ga'i tshul rab tu shes pa dang/ de bzhin du rang dga' ba'i lha'i skyed pa'i sngags kyi yig 'bru dang/ bzlas pa'i sngags shes rab dang gzhan yang bsgrub pa bya ba'i sngags thams cad shes pa dang/ de bzhin du bsgrub pa
- 172a
thams cad bya ba'i cho ga'i tshul rgyud las 'byung ba/ rdo rje slob dpon gyi spyan sngar bzlas pa'o/ /don mdor bsdu ba shes rab ma de de ltar yon tan dang ldan pa blangs nas/ bsgrub pa pos spyad par bya bar bstan to/ /de ltar phyag rgya sngags kyi cho ga shes/ sngags kyi sbyor ba legs par bslabs kyi don du gsungs so/ /de bzhin gshegs pa'i btsun mo ni/ /sangs rgyas byang chub rab gnas la/ /rtul zhugs chen por dus bzhin ni/ /gsang ba'i mchod pa rab tu bya/ zhes bya ba'i don bshad par bya ste/ ji ltar yin na/ de bzhin gshegs pa'i btsun mo ni/ sangs rgyas byang chub rab gnas la/ /gong du smos pa'i yon tan dang ldan pa'i shes rab ma de blangs pa'i 'og tu/ de dang thabs dang shes rab rol pa bya ba'i dus su/ de bzhin gshegs pa zhes pa ni/ sku rdo rje rnam par snang mdzad yin te/ de'i btsun mo zhes pa/ ye shes kyi lha mo sangs rgyas spyan yin te/ de dang gnyis su med pa'i ngo bor ji ltar smos pa'i tshul du byin gyis brlab par bya ba yin no/ /bstan par bya ste/ mdun du smos pa'i tshul gyis byin gyis brlab pa dang bsgom pa'i cho ga byas pas/ sangs rgyas gzhan byang chub gnas zhes pa/ ji ltar smos pa'i tshul gyis bla na med pa'i 'bras bur gyur par bstan to/ /de ltar de bzhin gshegs pa'i btsun mo ni/ sangs rgyas rab gnas pa'i don du gsungs so/ /brtul zhugs chen por dus bzhin ni/ /gsang ba'i mchod pa rab tu bya zhes bya ba ni/ brtul zhugs chen po zhes pa ni/ gsang sngags kyi spyod pa spyod pa'i sgrub pa pos yin no/ /des le'u bcu gnyis pa las dus bzhi smos pa de bzhin du dus 'dir gsang ba'i mchod pa bya'o/ /de byas pa'i yon tan gyis/ mdun du smos pa'i sangs rgyas dang byang chub kyi ngo bo bla na med pa'i 'bras bu 'grub par 'gyur
- 172b
par bstan to/ /de ltar mdor bsdus pa/ brtul zhugs chen pos dus bzhir ni/ gsang ba'i mchod pa rab tu bya'i don du bya'o/ /sdong bu rtsa ba 'bras bu yi/ /bza' bca' thams cad spyad par bya/ /'on tang myur du sangs rgyas 'gyur/ /bdag po ye shes rgya mtsho che/ zhes bya ba'i don bshad par bya ste/ ji ltar yin na/ sdong bu rtsa ba 'bras bu yin/ bza' bca' thams cad spyad par bya ba ni/ gong du smos pa'i shes rab ma dang ldan par gsang ba'i mchod pa bya zhing bsgrub pa chen po bya'o/ / de'i dus su bza' ba'i bye brag gnyis smos te/ phyi dang nang ngo/ /de la phyi'i skyed mos tshal du skyes pa'i kan da'i bye brag a lo la sogs pa'o/ /gzhan yang sman gyi bye brag sna tshogs pa'i rtsa ba yin no/ /gzhan yang shing tog a 'bras dang/ pa na sa la sogs pa shing tog thams cad smos so/ /de dag thams cad zas su bza' bar sbyar bar bya'o/ /gzhan yang nang gi kan da zhes pa ni/ sha chen la sogs pa'i sha rnam pa lnga la bya'o/ /rtsa ba zhes pa ni/ bsgrub pa po rang gi lus las byung ba'i dam rdzas bshang gci la sogs pa bdud rtsi rnam pa lnga la bya'o/ /'bras bu zhes pa ni/ bya dang nya'i sha yin no/ /de ltar nang gi sdong bu dang/ rtsa ba dang/ 'bras bur ming btags pa'i dam rdzas thams cad ma grub gyi bar du zas su bza' bar sbyar bar bya bar bstan to/ /mdor bsdu ba de ltar/ sdong bu rtsa ba 'bras bu yin/ bza' bca' thams cad spyad par bya'i don du gsungs so/ /'on tang myur du sangs rgyas 'gyur/ bdag po'i ye shes rgya mtsho che zhes pa ni/ dgong bu smos pa'i tshul gyi bsgom pa dang/ gsang ba'i mchod pa bya ba dang/ zas bza' ba dang/ de ltar tshul ji ltar smos pa'i byas pas sangs rgyas zhes pa/ sku rdo rje rnam par snang mdzad yin te/ de dang gnyis su med pa'i ngo bor sgrub pa po tshe 'di la myur du grub par 'gyur ro/ /bstan par bya ste/ ye shes chen po zhes
- 173a
pa/ chos kyi dbyings kyi ye shes la sogs pa ye shes lnga yin no/ /de ni de bzhin gshegs pa thams cad kyi sku phyag rgya'i ngo bor ro/ /de dang gnyis su med pa'i ngo bor sku rdo rje rnam par snang mdzad kyi sku phyag rgya smos so/ /don des dus 'dir ye shes chen po'i rgya mtsho'i ngo bo sangs rgyas rnam par snang mdzad yin no/ /de ni khams gsum thams cad na gnas pa'i lha dang mi la sogs pa sems can thams cad kyi bdag po 'dul ba po yin no/ /de lta bu'i yon tan gyis ngo bo rnam par snang mdzad de dang gnyis su med pa'i ngo bor bsgrub pa po 'grub par 'gyur ro/ /de ltar 'on kyang myur du sangs rgyas par 'gyur/ bdag po ye shes rgya mtsho che'i don du gsungs so/ /zla ba drug gi de dag kun/ /gdon mi za bar thob par 'gyur/ /zhes bya ba ni/ bsgrub pa bya ba'i cho ga de zla drug du bya ba yin no/ /de rdzogs ma thag du de dag kun zhes pa/ dngos grub kyi 'bras bu kun dang gnyis su med pa'i ngo bo ji ltar smos pa'i sangs rgyas rnam par snang mdzad do/ /de dang gnyis su med pa'i the tshom med par thob par smos so/ /da ni gzhan yang khyad par gyi man ngag gi bsgom pa'i don du bstan par bya ste/ rtag tu gzhan gyis nor 'phrog cing/ /rmad du byung ba gsang ba dang/ /'dod chags rdo rje'i gnas spyad pa/ /sdom par 'dir ni kun tu snga mas pa zhes bya ba'i don du bshad par bya ste/ ji ltar yin na/ rtag par gzhan gyis nor phrogs pa ni/ bye brag rnam pa gsum ste/ phyi nang gsang ba'o/ /de la phyi'i pha rol gyi nor 'phrog pa'i thabs kyis tshul gyi don du bstan par bya ste/ sgrub pa pos dus 'dir mdun du smos pa'i tshul gyi sku rdo rje rnam par snang mdzad dang gnyis su med pa'i nga rgyal du bsgom pas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang
- 173b
chub sems char gyi rgyun bzhin du 'od du zhu nas/ rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog nag po skal pa'i me ltar rab tu 'bar zhing 'od du zhu nas/ ye shes kyi khu ba bzhin du byang chub sems kyi rgya mtsho la gnyis su med par thim par bsam mo/ /sa bon de las khro bo'i rgyal po ya man ta ka'i sku phyag rgya bskyed par bya'o/ /de'i sku mdog sprin nag po lta bu/ zhal gsum pa/ ral pa gyen du brdzes pa/ sku bskal pa'i me ltar rab tu 'bar ba/ smin ma myur bar bskyod pa/ mche ba'i 'phreng ba can/ sbrul gyi rgyan gyis brgyan pa/ stag gi pags pas smad bgos pa/ sku che ba gsus pa che ba/ gad mos bzhad pa/ khros te phyogs bcur gzigs pa/ phyag drug /phyag mtshan drug go /phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ phyag mtshan gzhan ni le'u bzhi pa thugs kyi dkyil 'khor gyi dus su ci ltar smos pa/ de bzhin du dus 'dir bya'o/ /yang na dus 'dir phyag mtshan mtshon cha'i bye brag sna tshogs kyang mi 'gal lo/ /de lta bu'i ngo bo khro bo'i rgyal po ya man ta ka'i sku phyag sprin bzhin du bskyod par bya'o/ /de 'jig rten gyi khams thams cad du khyab par spro bar bya'o/ /de ma thag tu lha dang klu dang/ gnod sbyin dang dri za dang/ lha ma yin dang/ nam mkha' lding dang/ srin po dang/ gza' dang/ skar ma dang/ mi la sogs pa thams cad dgug par bya ba yin no/ /de dag dran bzhin du dbang du bya'o/ /bstan par bya ste/ gong du smos pa'i cho ga'i tshul gyis sgom pa'i sbyor ba bya zhing dgug pa'i sngags kyi zlus pa'i bsnyen pa grangs kyi tshad 'bum gsum bya'o/ /sngags kyi ngo bo bstan par bya ste/ oM hUM sarba sa twaM shwa a ka ra ma ni ku ru swAhA/ de ltar bsgom pa dang/ sngags kyi bzlas pa
- 174a
byas pas/ sems can thams cad 'grub par 'gyur ro/ /de'i dus su de dag thams cad kyi nor thams cad dus rtag tu dbrog par bya bar bstan to/ /de nas nang gi nor dbrog par bya ba'i thabs kyi tshul bstan par bya ste/ gzhan zhes pa/ dgra yin te/ de nang gis tshul du bsgrub pa po rang gi lus la gnas te/ nyon mongs pa lnga yin no/ /gang zhe na/ gti mug dang/ zhe sdang dang/ nga rgyal dang/ 'dod chags dang/ phrag dog go /dags? chen po lnga'i bye brag de ltar smos so/ /de rnams gzhom par bya ba'i man ngag bstan par bya ste/ gti mug gi ngo bo ni tshangs pa yin no/ /zhe sdang gi ngo bo ni bdud kyi rgyal po ru tra yin no/ /yang na lha ma yin gyi rgyal po pra la ta yin no/ /nga rgyal gyi ngo bo ni/ lha'i dbang po brgya byin yin no/ / 'dod chags kyi ngo bo ni lha'i bu ka ma de ba yin no/ /phrag dog gi ngo bo ni dbang phyug chen po yin no/ /yang na bgegs kyi rgyal po byin ya ka yin par smos so/ /de lngas sems can thams cad rang rang gi sgyu ma'i thabs kyi stobs kyi byin gyis brlabs kyi pham par byed do/ /gzhan yang de rnams pham par bya ba'i thabs kyi don bstan par bya ste/ sgrub pa pos ji ltar smos pa'i tshul du zhe sdang rdo rje dang gnyis su med pa'i nga rgyal du bsgom pas mdun du smos pa'i dgra pham par bya ba dang/ de dag gi nor 'phrog par bya ba yin no/ /bstan par bya ste/ nor phun sum tshogs pa'i ngo bo bdud rtsi lnga yin no/ /de bsgrub pa po rang gi lus la yod do/ de ji ltar smos pa'i tshul gyi rang gi lus las blang ngo/ /de ji ltar le'u lnga pa las smos pa'i cho ga'i tshul gyis sngags kyis byin gyis brlabs pa'i bsgom pas longs spyod par bya'o/ /de ltar/ bla na med pa'i nor de dgra nyon mongs pa lngas srung bar byed do/ /de mdun du smos pa'i tshul gyis sgom pa dang/ sngags kyis byin gyis brlabs pas/ bza' ba'i
- 174b
thabs kyis 'phrog pa zhes pa/ ma grub kyi bar du dus rtag tu bsgrub par bya ba bstan to/ de ltar nang gi gzhan gyi nor dbrog par bya ba'i thabs su bstan to/ /de nas gsang ba'i tshul gyis gzhan gyi nor 'phrog par bya ba'i thabs kyi tshul gyis don bstan par bya ste/ gzhan zhes pa dgra yin no/ de mo'i gsang ba'i dbang po dang/ skyes bu'i gsang ba'i dbang po'o/ de ltar dbang po gnyis sred pa'i dbang por smos so/ /dbang po de gnyis kyi lam gyis sgo nas bla na med pa'i ye shes kyi 'bras bu'i ngo bo rdzas 'byung ba'o/ /mo'i dbang po'i lam gyi sgo nas me tog du ming btags pa khrag 'byung ngo/ /skyes bu'i dbang po'i lam gyi sgo nas byang chub sems su ming btags pa 'dod chags kyi khu ba 'byung ngo/ /de bla na med pa'i nor de dgra'i ngo bo phyin ci log gi rnam par rtog pa chen po srung bar byed do/ /rtog pa chen po dgra'i ngo bo de ming gtong bar byed pa ni/ bgegs kyi rgyal po byin ya ka dang/ de'i chung ma bgegs kyi dbang phyug ma yin no/ /de pham par bya ba'i thabs kyi don bstan par bya ste/ sgrub pa pos ji ltar smos pa'i tshul du zhe sdang rdo rje dang gnyis su med pa'i nga rgyal du bsgoms pas 'dod chags chen po'i sems dga' bas thabs dang shes rab rol pa bya'o/ /de'i dus su gong du smos pa'i sred pa'i dbang po gnyis gzhom par bya ba'i phyir bsgom pa'i sbyor ba bya'o/ /thabs kyi sred pa'i dbang po bgegs kyi rgyal po byin ya ka'i ngo bo rtag go /shes rab ma'i sred pa'i dbang po ni/ bgegs kyi rgyal po byin ya ga'i chung ma bgegs kyi dbang phyug ma rtag go /dgra'i ngo bo de gnyis bsgrub pa pos bran bzhin du dbang du bya'o/ /ji ltar yin na/ thabs kyi gsang ba'i rdo rje ni khro bo'i rgyal po a mri ta la'i ngo bor sred pa'i dbang po gzhom pa'i ngo bor bsgom par bya'o/ /shes rab ma'i pad+ma ni/ khro mo'i rgyal mo ral pa gcig ma'i ngo bor
- 175a
sred pa'i dbang po gzhom pa'i gnyen por bsgom par bya'o/ /de ltar cho ga'i tshul gyis thabs dang shes rab rol pa byas nas/ bde bar gyur pa'i dus rdo rje lam gyi sgo nas shes rab ma'i b+ha ga'i dbus su byang chub sems 'od du zhu'o/ /bla na med pa'i nor de ji ltar smos pa'i dgra rnams las phrog pa zhes pa/ oM swa b+hA ba shud+ha sarba d+harma swa b+hA ba bi shud d+ho haM/ zhes sngags kyi tshig brjod cing bza' bar bya'o/ /de ma grub kyi bar du dus rtag tu sems kyi rnam par rtog pa spangs nas phrog pa zhes pa/ gsang ba'i daM rdzas bza' bar bya bar smos te/ mdor bsdu ba de ltar rtag tu gzhan gyi nor dbrog pa'i don du gsungs so/ /rmad du byung ba gsang ba zhes pa bye brag rnam pa gsum ste/ phyi nang gsang ba'o/ /de la phyi ni sgrub pa la gnod pa'i bye brag sna tshogs byed pa'i rmad du byung ba'i sems can ma rungs pa thams cad re bsal bar bstan par bya ste/ gnod sbyin dang srin po dang/ 'byung po dang/ grul bum dang/ dri ba dang/ lha ma yin dang/ mkha' 'gro dang/ klu dang/ de dag la sogs pa chung ma dang bcas pa sgrub pa pos gsang bar bya'o/ /de rnams gsang bar bya ba'i thabs kyi don bstan par bya ste/ sgrub pa pos mdun du smos pa'i tshul du zhe sdang rdo rje dang gnyis su med pa'i nga rgyal du sgom pas thugs rje chen po zhe sdang gi khro bo'i sems bskyed par bya'o/ /de'i 'og du thabs dang/ shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas/ rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog nag po gzi brjid kyi 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med
- 175b
par thim par gyur par bsam mo/ /sa bon de las khro bo'i rgyal po chen po badzra hUM ka ra'i sku phyag rgya bskyed par bya'o/ /de'i sku mdog nag po zhal gsum pa/ ral pa gyen du brdzes pa/ rab tu 'bar ba/ smin ma bskyod pa/ sprul gyis brgyan pa/ khro mo thugs rje dbang phyug ma gnyis su med par 'khyud pa'i sbyod pa dang ldan pa/ phyag drug phyag mtshan drug go /phyag mtshan ci ltar le'u bzhi pa thugs kyi dkyil 'khor gyi dus su smos pa de bzhin du 'dir bya'o/ /de lta bu'i ngo bo khro bo'i rgyal po chen po/ badzra hUM ka ra'i sku phyag rgya bskyed ma thag tu bskyed par mdzad mkhan zhe sdang rdo rje'i sku phyag rgya khro bo'i rgyal po badzra hUM ka ra'i sku phyag rgya'i spyi bor dbang skur ba'i tshul du bsam mo/ /de lta bu'i ngo bo'i rgyal po chen po badzra hUM ka ra'i sku phyag rgya bskyed ma thag tu de dang gnyis su med pa'i nga rgyal du bsgom pa bya'o/ /de'i 'og tu ji ltar smos pa'i tshul du thabs dang shes rab rol pa byas nas bde bar byas pa'i 'og tu rdo rje lam gyi sgo nas shes rab ma khro mo thugs rje dbang phyug ma'i b+ha ga'i dbus su byang chub sems char gyi rgyun bzhin du gnyis su med par 'od du zhu nas/ de rgya mtsho dang gnyis su med par gyur par bsam mo/ /de'i steng du sngags kyi sa bon yi ge hUM bsam mo/ /de kha dog nag po gzi brjid kyis 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par bsam mo/ /sa bon de las khro bo'i rgyal po a mri ta kuN+Da li'i sku phyag rgya bskyed par bya'o/ /de'i sku mdog sprin nag po lta bu zhal gsum/ spyan gsum pa/ ral pa gyen du brdzes pa/ rab tu 'bar ba/ sprul gyis bcings pa/ glang po che'i pags pas smad g.yogs pa/ sprul nag pos bcings pa/ gzhan yang khro bo'i rgyan thams cad kyis brgyan pa khro mo'i rgyal mo ral pa gcig ma dang
- 176a
gnyis su med par 'khyud pa'i sbyor ba dang ldan pa/ gsus pa che ba/ phyag drug phyag mtshan drug go /phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ gzhan ni dus 'dir mtshon cha'i bye brag sna tshogs su rtag go /de lta bu'i ngo bo khro bo'i rgyal po a mri ta kuN+Da li'i sku phyag rgya bskyed ma thag du grangs med pa sprin bzhin du 'jig rten gyi khams thams cad khyab par spro bar bya'o/ /de ma thag du gnod sbyin dang srin po dang/ 'byung po dang/ mkha' 'gro la sogs pa bdud dang bgegs ma rungs pa'i dpung sgrub pa po la gnod pa byed pa thams cad bkug nas nyid kyi mdun du gzhag par bsam mo/ /de'i dus dus su 'gugs par mdzad mkhan khro bo'i rgyal po grangs med pa sprin lta bu de dag gis rdo rje mtshon cha'i bye brag sna tshogs kyis btags nas bsad par bsam mo/ /de'i 'og tu de dag gi srog gi dbang po srin bu me khyer lta bu sgrub pa pos nyid kyi lus la thim par gyur par bsam mo/ /de'i 'og tu 'gugs par mdzad mkhan khro bo'i rgyal po sprin lta bu de spro ba'i gnas su bsdu bar bya'o/ /de ltar phyi'i rmad du byung ba bsad par bya ba'i don du gsungs so/ /de nas nang gi rmad du byung ba'i gsang par bya ba'i don bstan par bya ste/ sgrub pa po'i rang gi lus phung po lnga'i ngo bo gnas pa'i 'dod chags dang/ zhe sdang la sogs pa nyon mongs pa lnga de rmad du byung ba zhes pa dgra'i ngo bo yin no/ /de rnams spong du mi ster ba phyi'i 'jig rten gyi lta? lngas cho 'phrul dang sgyu mas bsgrub pa po byin gyis brlabs nas nyon mongs pa lngas bran bzhin du dbang du gyur pa/ de lta bu'i dgra de gsang par bya ste/ bsgrub pa pos dang po ji ltar smos pa'i tshul du gnyis su med pa'i nga rgyal du bsgoms pas thabs dang shes rab rol pa bya zhing bdud rtsi lnga bza'
- 176b
bar bya'o/ /bdud rtsi lnga bza' ba'i dus su nyid kyi gsang ba'i thugs ka ye shes sems dpa' i gnas nas gong du smos pa'i tshul gyi khro bo'i rgyal po a mri ta kun da la'i sku phyag rgya bskyed par bya'o/ /de ma thag tu 'jig rten gyi mes po tshangs pa dgug par bya ba'i phyir gtad bar bya'o/ /de btang ma thag tu ji ltar smos pa'i tshul gyis tshangs pa bkug nas dam rdzas bshad pa gnyis med par thim par gyur par bsam mo/ /de'i 'og tu yang khro bo'i rgyal po a mri ta kun da li'i bdud kyi rgyal po ru tra dgug par bya ba'i phyir gtang bar bya'o/ /yang na lha ma yin gyi rgyal po pra la ta dgug par bya ba yang mi 'gal lo/ /de btang ma thag tu ji ltar smos pa'i tshul gyis bkug pa de dam rdzas gci ba la gnyis su med par bsam mo de'i 'og tu yang khro bo'i rgyal po a mri ta kun da li'i lha'i dbang po brgya byin dgug par bya ba'i phyir gtang bar bya'o/ /de btang ma thag tu ci ltar smos pa'i tshul gyis lha'i dbang po brgya byin bkug nas dam rdzas pad ma rag ta la gnyis su med par thim par gyur par bsam mo/ /de'i 'og tu yang khro bo'i rgyal po a mri ta kun da lis lta'i bu ka ma de ba bkug par bya ba'i phyir gtang par bya'o/ /de btang ma thag tu ji ltar smos pa'i tshul gyis lha'i bu ka ma de ba bkug nas/ de dam rdzas byang chub sems la gnyis su med par thim par gyur par bsam mo/ / de ltar byas pa'i 'og tu yang khro bo'i rgyal po a mri ta kun da li dbang phyug chen por dgug par bya ba'i phyir gtang bar bya'o/ /de gtang ma thag tu ji ltar smos pa'i tshul gyis dbang phyug chen po bkug nas/ de dam rdzas nang gi sha la gnyis su med par thim par 'gyur bar bsam mo/ /gzhan yang 'phags pa ye shes zhabs kyis dgug par bya'i cho ga'i tshul gyi don nyid kyi 'brel pa las bshad pa de'i don 'dir bstan par bya ste/ nang gi brda' skad du bla na med pa'i gti mug gi ngo bo rnam par snang mdzad
- 177a
kyi ji ltar smos pa'i sku phyag rgya spros nas tshangs pa dgug par bya'o/ /de nas bla na med pa'i zhes sdang gi ngo bo rdo rje mi bskyod pa'i ji ltar smos pa'i tshul gyi sku phyag rgya spros nas/ bdud kyi rgyal po ru tra dgug par bya'o/ /yang na lha ma yin gyi rgyal po pral ta dgug pa yang mi 'gal lo/ /de nas bla na med pa'i nga rgyal rin chen 'byung ldan gyi ji ltar smos pa'i sku phyag rgya spros nas/ lha'i dbang po brgya byin dgug par bya'o/ /de nas bla na med pa'i 'dod chags kyi ngo bo snang ba mdza' yas kyi ji ltar smos pa'i tshul gi sku phyag rgya spros nas lha'i bu ka ma de ba dgug par bya'o/ /de nas bla na med pa'i phrag dog gi ngo bo don yod grub pa'i ji ltar smos pa'i tshul gyi sku phyag rgya spros nas dbang phyug chen po dgug par bya'o/ / yang na bgegs kyi rgyal po byi na ya ka dgug par bya pa yang mi 'gal lo/ /tshul de ltar bkug bya ba yang mi 'gal lo/ /tshul de ltar bkug ma thag tu gong du smos pa'i dam rdzas rnams la so sor thim par bsam mo/ /de ltar bsgom pa'i sbyor ba bya ba'i 'og tu bdud lnga de rmad du byung bar ming btags pa de lnga gnyis su med pa'i ngo bo rnam par rtog pa spangs pa'i sems kyis/ oM swa b+hA ba shud+d+ha sarba d+ha rmi swa b+hA ba shud+d+ho haM/ /zhes sngags kyi tshig brjod cing bza' bar bya'o de ltar nang gi rmad du byung ba gsang pa'i don du gsungs so/ /de nas gsang ba'i rmad du byung ba'i bsad par bya ba'i don bstan par bya ste/ mdun du smos pa'i tshul du thabs dang shes rab rol pa bya zhing bdud rtsi lnga bza' ba'i dus su gal te phyin ci log gi rnam par rtog pa skye na/ de ma trang ka ru tra'i ngo bo yin te/ de bsad par bya ba'i cho ga'i thabs kyi don bstan par bya ste/ ma trang ka ru tra de lus che ba mdog nag cung zad dmar ba mgo bdun la rmig gsum gsum pa/ ral pa gyen du brjes pa thod pa'i 'phreng ba'i rgyan
- 177b
gyis brgyan pa/ mi'i pags pa gon pa glang po che'i pags pas smad g.yogs pa gon pa sbrul gyis bcings pa/ mche ba bsnol ba/ lce 'dril zhing 'jigs par byed pa/ gar byed/ gad mos rgod pa lus bskal pa'i me bzhin du 'bar ba/ lag pa bcu gnyis pa/ mtshon cha bcu gnyis te/ lag pa g.yas pa dang po na/ tri shul 'dzin/ gnyis pa na ban d+ha/ gsum pa na cang te'u/ bzhi pa na thod phreng/ lnga pa na zhags pa drug pa na ral gri/ g.yon dang po na kha TwAM ga 'dzin/ gnyis pa na rgyu ma'i phreng ba/ gsum pa na me dpung/ bzhi pa na dbyug pa/ lnga pa na kyo pa/ drug pa na ka ta ri'o/ /de ltar rmad du byung bar ming btags pa/ ma trang ka ru tra yin te/ de gsad par bya ste bsgrub pa pos gong du smos pa'i tshul du zhe sdang rdo rje dang gnyis su med pa'i nga rgyal du sgom pas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub kyi sems char gyi rgyun bzhin du 'od du zhu nas de rgya mtsho dang mnyam par gyur par bsam mo/ / de'i steng du sngags kyi sa bon hUM bsam mo/ /de nyi ma stong dang mnyam par rab tu 'bar ba/ /kha dog dmar po cung zad nag pa/ /'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par gyur par bsam mo/ /sa bon des rdo rje ru trar ming btags pa dus 'dir khro bo'i rgyal po ha ya grI ba yin te/ de'i sku phyag rgya bskyed par bya'o/ /de'i sku mdog dmar po cung zad nag pa ral pa gyen du brdzes pa sku che ba/ gsus pa 'phyang ba/ zhal bcu gcig pa mche ba bsnol ba ljags 'dril ba 'jigs par byed pa/ gang mo bshad pa/ zhal kun la spyan gsum gsum mo/ /ban da'i phreng bas dbu brgyan pa mgul pa sbrul nag pos brgyan pa/ zhal dang po gsum sku'i kha dog dang mthun/ de'i steng gi zhal nag po/ de'i steng gzhi la gsum ser po/
- 178a
de'i steng gi zhal gsum rin po che in tra ni la lta bu de'i steng na rta dbu ljang gu'o/ /zhal kun smin ma bskyod pa/ glang po che'i pags pa bsnams pa/ pags chen se ral khar bcings pa/ stag lpags kyi sa smad g.yogs pa/ sems can thams cad kyi thod pa'i phreng bas bcings pa/ yan lag dang nyid lag kun/ sems can thams cad kyi rus pa'i rgyan gyis brgyan pa/ thabs sna tshogs su grang mdzad pa/ sku bskal pa'i me ltar rab tu 'bar ba/ phyag nyi shu gnyis so/ /phyag g.yas dang po na pad ma mdza' yas 'dzin/ gnyis pa na rdo rje/ mtshon rtse gsum pa 'dzin gsum pa na rdo rje kha TwAM ga/ bzhi pa na ban d+ha/ lnga pi na cang te'u ti/ drug pa ni 'khor lo/ /bdun pa na rdo rje rgya gram/ brgyad pa na thod pa'i phreng ba/ dgu pa na dbyug pa/ bcu pa na sti ra bcu gcig pa'i pa na rdo rje mda'o/ /g.yon dang po rdo rje ral gri/ gnyis pa na rdo rje kha TwAM ga /gsum pa na ban d+ha zlum po/ /bzhi pa na rdo rje tho ba/ lnga pa na ko ba rlon pa / drug pa na thod pa rlon pa/ bdun pa na me dpung 'bar ba brgyad pa na kra ta ri/ dgu pa na rdo rje gtun shing/ bcu pa sdigs mdzub kyi phyag rgya snying gar bcas pa/ bcu gcig na rdo rje gzhu'o/ /de lta bu'i ngo bo rdo rje ru tra'i sku phyag rgya skyer ma thag tu/ de ma thad ka ru tra dgug par bya ba'i phyir gtang bar bya'o/ /de'i dus su ma ka ru tra bkug nas/ bsgrub pa pos ji ltar smos pa'i tshul du zhe sdang rdo rje dang gnyis su med par bsgom pas gnas pa thabs dang shes rab gnyis su med par dbang po gnyis su mnyam par bya ba'i gsang pa'i sa gzhir ming btags pa de'i gnas su gzhag par brtag go /de'i 'og tu ma tang ka ru med par bya ba'i las kyi cho ga'i tshul bstan par bya ste/ rdo rje ru tras khro bo chen po'i stabs kyis/ ma tang ka ru tra
- 178b
bzung nas bskyur ba dang/ de'i 'og tu ma tang ka ru tra'i 'ong ba dang 'gro ba'i cho 'phrul rdo rje zhags bas bcings pa dang/ de'i 'og tu rdo rje tho bas brdungs pa dang/ de'i 'og tu rdo rje dbyug pas brdegs pa dang/ de'i 'og tu rdo rje gtun shing gis brdungs pa dang de'i 'og tu rdo rje ral gris bcad pa dang/ rdo rje me dpung gis bsreg pa dang/ de lta bu'i tshul gyis ye shes kyi mtshon cha'i bye brag sna tshogs kyis bsang pa'i las bya ba yin no/ /de ltar bsad pa'i las byas ma thag tu/ sgrub pa pos snying rje chen po'i sems bskyed nas zhi ba'i tshul gyis thabs dang shes rab rol pa byas nas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su ma tang ka ru ta bsad pa'i rol li steng du byang chub sems char gyi rgyun bzhin 'od du zhu nas de rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de so sor rtog pa'i ye shes la sogs pa ye shes lnga dang/ gnyis su med pa'i ngo bo kha dog dmar po bskal pa'i me bzhin rab tu 'bar ba'o/ /sa bon de las rdo rje nyi mar gyur par bsam mo/ /de'i che ba'i byin gyis brlabs kyis ma tang ka ru tra'i ro 'od du zhu nas byang chub sems kyi rgya mtsho las gnyis su med par thim par gyur par brtag go /de dam tshig gi rdo rje bdud rtsi khu ba'i ngo bo nge shes rab ma zhe sdang dga' ma dang gnyis su med pa'i ngo bo'i b+ha ga tshang med par che ba de gang bar bsam mo/ /de'i 'og tu bsgrub pa pos sngags kyi sa bon yig 'bru hUM phaT/ khro bo'i brtson 'grus sgra chen pos brjod cing lag pa g.yas pa'i sor mo gsum rdo rje'i ngo bor brtag pa'i thabs kyis shes rab ma'i b+ha ga'i dbus nas dam tshig rdo rje bdud rtsi 'khur ba'i ngo bo de blangs nas ji ltar smos pa'i mchod dang ldan pa'i ban d+ha dum bu gsum pa'i nang du
- 179a
bzhag ste le'u lta pa'i nang nas byung ba'i tshul du sngags kyis byin gyis brlab pa'i bsgom pa bya'o/ /de'i 'og tu oM swa b+hA ba shud d+ha sarba d+ha ra ma swa b+hA ba bi shud d+ho haM/ zhes sngags kyi tshig brjod cing rma du dbyung bar ming btags pa bza' bar bya bar bstan to/ /mdor bsdu ba de ltar rmad du byung ba gsang par bya ba'i don du gsungs so/ /'dod chags rdo rje gnas spyad pa zhes pa ni/ bye brag rnam pa gsum ste phyi dang nang dang gsang ba'o/ /de la phyi'i 'dod chags ni bsgrub pa pos snying rje chen po'i sems bskyed nas thabs kyi bye brag sna tshogs kyis sems can thams cad kyi re ba skongs par byed pa'o/ /de ltar phyi'i 'dod chags kyi don du gsungs so/ /de nas nang gi 'dod chags kyi don bstan par bya ste/ sgrub pa pos mdun du smos pa'i tshul du zhe sdang rdo rje dang gnyis su med pa'i nga rgyal du sgom pa 'am/ yang na rang dga' ba'i lha gang yin dang/ gnyis su med pa'i nga rgyal du bsgom pa yang mi 'gal te/ nyid kyi gsang ba'i thugs ka ye shes sems dpa' i gnas su/ sku rdo rje rnam par snang mdzad la sogs pa rigs lnga'i bye brag gi sangs rgyas thams cad smos pa dang/ gzhan yang sa'i snying po la sogs pa rigs gsum gyi bye brag gi byang chub sems dpa' thams cad smos pa'i sangs rgyas dang byang chub sems dpa' thams cad rim pa ma nor so so'i sngags kyi sa bon yig 'bru dang/ so so'i ye shes kyi ngo bo'i sku phyag rgya dang/ so so'i cha lugs phun sum tshogs pa thams cad le'u bzhi pa thugs kyi dkyil 'khor gyi dus su ji ltar smos pa de bzhin du ldan pa'i sku phyag rgya grangs med pa sprin bzhin du gzi brjid kyis 'bar ba 'jig rten gyi khams thams cad du khyab par spro bar bya'o/ /de ma thag tu lha dang mi la sogs pa'i sems can ma
- 179b
lus ba thams cad gnyis su med pa'i ngo bor byin gyis brlab par bsam mo/ /de byin gyis brlab pa byas ma thag tu/ sems can thams cad sangs rgyas dang byang chub sems dpa' i ngo bor 'gyur bar brtag go /de ltar nang gi 'dod chags kyi don du bstan to/ /de nas gsang ba'i 'dod chags kyi don bstan par bya ste/ sgrub pa pos mdun du smos pa'i tshul du zhe sdang rdo rje dang gnyis su med pa'i nga rgyal du bsgom pa 'am/ yang na rang dga' ba'i lta gang yin pa dang/ gnyis su med pa'i nga rgyal du bsgom pa yang mi 'gal lo/ /de bsgom pa bya zhing ji ltar smos pa'i tshul gyis 'dod chags chen po'i sems dga' bas phyag rgya chen po'i 'bras bu'i ngo bo ma grub kyi bar du thabs dang shes rab rol pa bya'o/ /de las byung ba'i byang chub sems ni mdun du smos pa'i sangs rgyas dang byang chub sems dpa' rnams kyi sngags kyi sa bon yig 'bru gnyis su med par byin gyis brlab par bya'o/ /sa bon de las sangs rgyas dang byang chub sems dpa' i sku phyag rgya mdun du smos pa'i cha lugs phun sum tshogs pa dang ldan pa grangs med pa sprin bzhin du gzi brjid kyis 'bar ba 'jig rten gyi khams thams cad du khyab par spro'o/ /de ma thag tu lha dang mi la sogs pa'i sems can ma lus pa thams cad gnyis su med pa'i ngo bor byin gyis brlab par bsam mo/ /de byin gyis brlabs ma thag tu sems can thams cad sangs rgyas dang byang chub sems dpa' i ngo bor gyur par brtag go/ de ltar gsang ba'i 'dod chags kyi don du bstan to/ /gzhan yang mdor bsdus nas bshad par bya ste/ thabs sna tshogs kyi bye brag gi dus rtag tu sems can thams cad kyi re ba thams cad skongs par don bya ste/ de ni chags pa yin no/ /'dod pa ni gong du smos pa'i tshul du 'dod chags kyi sbyod pa spyod pas bla na med pa'i ye shes kyi 'bras bur gyur par
- 180a
brtag go /rdo rje zhes pa ni/ zhe sdang rdo rje yin no/ /yang na rang dga' ba'i lha gang yang rung ba yang mi 'gal te/ de bsgom pa bya zhing sems can thams cad la sems brtan par snying rje brtan par bya'o/ /de byas pas rdo rjer mir btags pa bla na med pa'i ye shes kyi 'bras bur gyur par bstan to/ /gnas spyad pa zhes pa ni/ zhe sdang rdo rje dang gzhan yang de bzhin gshegs pa thams cad kyi gsang ba'i rol pa bya ba'i gnas nyid nyid kyi shes rab ma ye shes kyi lha mo yin no/ /de dang gnyis su med par phyi'i shes rab ma byin gyis brlabs nas rol pa bya ba'i tshul gyis sbyad par bya bar bstan to/ /gzhan yang gnas zhes pa shes rab ma'i b+ha ga yin no/ /longs spyod ces pa bsgrub pa pos thabs dang shes rab rol pa byas nas 'dod chags kyi bu ba'i ngo bo byang chub sems 'od du zhu ba de le'u lnga pa nas 'byung ba'i tshul du sngags kyis byin gyis brlab pa byas nas/ de ye shes kyi bdud rtsi'i khu ba'i ngo bor gyur par bsams la ji ltar smos pa'i tshul gyis blangs la longs spyod pa zhes pa/ bza' bar bya bar bstan te/ /yang gnas sbyad pa zhes pa/ don gzhan gyi bshad par bya ste/ mdun du smos pa'i don mdor bsdus pa/ 'gro ba'i don byas pa dang/ bsgom pa byas pa dang/ gsang ba'i spyod pa byas pas gnas zhes pa /sangs rgyas dang byang chub sems dpa' rnams kyis thams cad kyi 'bras bu dus gcig tu thob pa yin no/ /spyad ces pa/ ye shes kyi longs spyod pa spyod pa yin/ /yang lha dang mi la sogs pa thams cad kyi sus thams cad du dad pa chen pos lha dang mi la sogs pa'i mchod pa'i bye brag sna tshogs pas mchod pa byed do/ /de ltar phyi'i longs spyod du smos so/ /mdor bsdu ba de ltar 'dod chags rdo rje gnas sbyad pa'i don du gsungs so/ /sdom pa 'dis ni kun tu bsdams zhes pa ni/ sngar smos
- 180b
pa'i brda skad tu gzhan nas dbrog pa dang/ rmad du byung ba gsang pa dang/ 'dod chags rdo rje gnas spyad pa dang/ de ltar bye brag gsum gyi dam tshig gi sdom pa'i ngo bo de bsgrub pa pos ma grub kyi bar du sbyad pa dang bsrung ba bya ba yin no/ /don des dam tshig gi sdom par smos so/ /de ltar mdor sdus pa sdom pa 'dis ni kun tu bsdams kyis don du gsungs so/ /da ni gzhan yang bsgom pa'i man ngag gi don bshad par bya ste/ 'dod chags rdo rje kyo ba mo/ btsun mo/ yon tan phreng ba mA ma kyi/ gsung gi rdo rje mchog sems la/ 'di ni rnam pa kun rig ma/ zhes bya ba'i don bshad par bya ste/ ci ltar yin na/ 'dod chags rdo rje kyo ba mo/ yon tan phreng ba mA ma kyi ni dus 'dir 'dod chags kyi don ni gong du bshad pa'o/ /rdo rje kyo ba mo zhes pa/ rgyud 'di'i ston pa rdo rje mi bskyod pa'o/ /kyo ba ni gnyis su med par sbyor bas rol bar mdzad pas bde ba chen por gyur pa rdo rje mi bskyod pa yin no/ /gzhan yang bsgrub po dngos grub thams cad kyis 'bras bu 'gugs pa dang/ bsgrub par byed pa'o/ /brtsun mo zhes pa/ ston pa rdo rje mo bskyod pa nyid kyi rigs kyis shes rab ma mA ma kyi de bla na med pa'i 'dod chags kyis bde bar 'gyur bar byed pa'i don gyis btsun mor smos so/ /gzhan yang yon tan phreng ba zhes pa ston ba rdo rje mi bskyod pas gsang ba'i tshul gyis bye brag sna tshogs me long lta bu'i ye shes lnga'i ngo bo'i cho 'phrul spros pas sems can thams cad byin gyis brlab pa'i don ma dpor mdzad ba'o/ /gzhan yang sgrub pa pos mA ma kI bsgom pa dang sngags kyis zlas pa'i bsnyen pa byas pas dngos grub thams cad kyi 'bras bu grub par mdzad pa'o/ /don des lha mo mO sa kI yon tan gyi 'phreng bar smos/ de lta bu'i ngo bo rdo rje'i rigs kyis shes rab ma lha mo mA ma kI de gong du smos pa'i tshul gyis brda skad de dam tshig gi sdom pa spyad par bya ba dang/ srung
- 181a
bar bya ba'i dus su phyi'i rdo rje'i rigs kyi bye brag gi shes rab ma blang ba de dang gnyis su med pa'i ngo bor byin gyis rlab par bya ste/ de ma thag tu thabs dang shes rab rol pa bya bar smos so/ /mdor bsdu ba de ltar 'dod chags rdo rje kyo ba mo/ /yon tan 'phreng ba mA ma kI'i don du gsungs so/ /gsung gi rdo rje mchog sems la/ 'di ni rnam pa kun rig ma zhes pa ni/ gsung rdo rje zhes pa snang ba mdza' yas yin no/ /de'i shes rab ma ye shes kyi lha mo na bza' dkar mo de sgrub pa pos bsgom pa dang sngags kyi bzlas pa byas pas dngos grub thams cad kyis 'bras bu 'grub par byed do/ /don des na bza' dkar mo mchog tu smos so/ /de lta bu'i ngo bo gsung gi rigs kyi shes rab ma lha mo na bza' dkar mo des/ gong du smos pa'i brda skad bsrung ba dang spyad par bya ba'i dus su/ phyi'i gsung gi rigs kyi bye brag gi shes rab ma blangs la de dang gnyis su med pa'i ngo bor byin gyis brlabs par bsam mo/ /de ma thag tu thabs dang shes rab rol par bya'o/ /de ltar sgrub pa pos ma grub kyi bar du dus thams cad du bsgom pa'i sbyor ba bya bar smos so/ /de ltar gsung gi rdo rje mchog sems la 'di ni rnam pa kun rigs ma'i don du gsungs so/ /da ni gzhan yang bsgom pa'i man ngag gi khyad par gyis don bstan par bya ste/ rdo rje can gyis yi ge gsum/ /bsgom pa rang gi phyag rgya bsam/ 'on kyang sangs rgyas kun mkhyen pa/ /mnyes par 'gyur ba gdon mi za/ /zhes bya ba'i don bshad par bya ste/ ci ltar yin na/ rdo rje can gyi yi ge gsum sgom pa rang gi phyag rgya bsam ni/ mdun du smos pa'i tshul gyis dam tshig gi sdom pa spyad pa dang srung ba bya ba'i dus su sku dang gsung dang thugs rdo rje gsum gyi sku phyag rgya'i nang na sgrub pa po gang la mos pa'i sku phyag rgya la rang dga' ba'i lha bya'o/ /don des rang gi phyag rgyar smos so//
- 181b
bstan par bya ste/ mdun du smos pa'i rang dga' pa'i lha yis sku phyag rgya sgom par bya ba'i dus su/ rdo rje can gyi yi ge gsum zhes pa/ sku rdo rje rnam par snang mdzad dang/ gsung rdo rje snang ba mdza' yas dang thugs rdo rje mi bskyod pa'o/ /de ltar rdo rje can du smos so/ /yi ge gsum ni/ oM A(rgyud 'grel): hUM sngags kyi yi ge oM ni/ sku rdo rje rnam par snang mdzad/ skyed pa'i sa bon yin no/ /sngags kyi sa bon yig 'bru A(rgyud 'grel): ni gsung rdo rje snang ba mdza' yas bskyed pa'i sa bon yin no/ /sngags kyi sa bon yig 'bru hUM ni thugs rdo rje mi bskyod pa bskyed pa'i sa bon yin no/ /de ltar yi ge gsum rdo rje can du smos so/ /sgrub pa pos de rnams rang gi lus kyis gnas gsum du sngags kyi ye shes sgom pa'i sbyor ba bya ste/ dang po spyi bo'i gnas su sngags kyi sa bon yi ge oM bsam mo/ /de kha dog dkar po chos kyis dbyings kyi ye shes kyi ngo bo gzi brjid kyi phung po bzhin du 'bar zhing spyi bo'i nang du thim par gyur par bsam mo/ /de nas mgul pa'i dbus su sngags kyi sa bon yig 'bru A(rgyud 'grel): bsam mo/ de kha dog dmar po so sor rtog pa'i ye shes kyi ngo bo gzi brjid kyi phung po bzhin du 'bar zhing mgul pa'i nang du thim par gyur par bsam mo/ /de nas snying ga'i dbus su sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bor gzi brjid kyi phung po bzhin du 'bar zhing snying ga'i nang du thim par gyur par bsam mo/ /de ltar rdo rje can gyi yi ge gsum sngags kyi ye shes sgom pa'i sbyor ba byas pas sgrub pa po'i lus sku gsung thugs rdo rje gsum dang gnyis su med pa'i ngo bor gyur par smos so/ /mdor bsdu ba de ltar rdo rje can gyi yi ge gsum/ sgom par rang gi phyag rgyar bsam gyi don du gsungs so/ /'on kyang sangs rgyas kun mkhyen pa/ /mnyes par gyur par gdon mi za zhes pa ni/ 'on kyang zhes pa/ gong du smos pa'i tshul gyi sku dang gsung dang thugs rdo rje gsum ni
- 182a
sngags kyi ye shes kyi sgom pa'i sbyor ba byas pas sangs rgyas kun mkhyen pa zhes pa/ ston pa mi bskyod pa rdo rje 'dzin yin te/ de sgrub pa po la mnyes par 'gyur ro/ /de'i yon tan gyis/ bla na med pa'i byang chub kyi 'bras bu gsol ba yin no/ /de ltar 'on kyang sangs rgyas kun mkhyen pa/ mnyes par gyur pas gdon mi za'i don du gsungs so/ /da ni gzhan yang mdun du smos pa'i sgom pa'i sbyor ba byas pas dang po ye shes kyi byin gyis brlabs kyi 'bras bu skyed pa'i don du bstan par bya ste/ sgrub pa po ni blo brtan pas/ /nags tshal dag tu bsod snyoms bslang/ /bzang pos brgyan nas kha zas dag /'jigs shing skrag nas ster bar 'gyur/ zhes bya ba'i don bstan par bya ste/ ci ltar yin na/ bsgrub pa po ni blo brtan pas nags tshal dag tu bsod snyoms bslang ni/ sgrub pa po gong du smos pa'i tshul gyi bsgom pa'i sbyor ba dang/ gsang ba'i spyod pa spyad pas ye shes kyis mthu mngon du gyur pa'i dus su dang po nyams gsang pa'i spyod par bya ste/ sgrub pa pos nags tshal du gnas la ci ltar smos pa'i mtshan dang ldan pa'i banda lag pa g.yon par gzung la/ sems brtan pas phyin ci log gi rnam par rtog pa spangs nas de bzhin du spyi'i spyod pa thams cad spangs te/ theg pa chen po gsang sngags kyi spyod pa dang/ sems mi g.yo ba bskyed nas/ sngags hUM phaT rjod cing ma grub kyi bar du dus rtag tu bsod snyoms slang ngo/ /de ltar grub pa po blo brtan pas/ /nags tshal dag tu bsod snyoms bslang gi don du gsungs so/ /bzang pos rgyan nas kha zas dag /'jigs shing skrag gnas ster bar 'gyur zhes pa ni/ gong du smos pa'i bsod snyoms bya ba'i dus su shing gi lha mo rnams kyi lha'i gos gyon pa dang/ lha'i rgyan gyi bye brag sna tshogs kyi lus brgyan pa/ lus gzi
- 182b
brjid kyi 'bar ba 'jigs pa chen pos skrag nas gser gyi snod rin po ches spras pa/ lha'i zhal zas ro drug dang ldan bsgrub pa po la phyag byas nas dbul bar byed do/ /de la sogs pa rim pas bla na med pa'i 'bras bu grub par 'gyur ro/ / mdor bsdu ba de ltar bzang pos brgyan nas kha zas dag /'jigs shing skrag nas ster bar 'gyur gyi don du gsungs so/ /'das na rdo rje bdag nyid kyang/ /rdo rje yi ge ma rungs 'gyur/ /zhes bya ba ni mdun du smos pa'i tshul du sgrub pa pos bsod snyoms byas nas/ rdo rje gsum gyi bdag nyid zhes pa/ sku rdo rje dang gsung rdo rje dang/ thugs rdo rje dang/ de ltar rdo rje gsum don dam par gnyis su med pa'i ngo bo ston pa mi bskyod pa rdo rje 'dzin nyid la sogs pa de bzhin gshegs pa thams cad yin te/ de dag gis sgrub pa po la 'das na zhes pa/ bsod snyoms ma ster na de'i skyon gyis rdo rje'i yi ge zhes pa/ gong du smos pa'i hUM phaT yin te/ rdo rje'i yi ge'i sngags de brjod pas ma rungs par 'gyur ba ni/ la dor ba'i tshig tu smos so/ /sngags kyi yig hUM phaT brjod pas shing gi lha mo nges par ma rungs par 'gyur ba ni ngo mtshar mi che bar smos so/ /de ltar 'das na rdo rje bdag nyid kyang/ rdo rje yi ges ma rungs par 'gyur/ zhes pa'i don du gsungs so/ /da ni gzhan yang gsang ba'i spyod pa spyad pa'i khyad par gyis sbyor ba'i tshul ston par bya ste/ lha mo klu mo gnod sbyin mo/ /lha ma yin gyi mi mo ni/ /rig ma rnyed nas rtul shugs bya/ /rdo rje gsum gyi ye shes bsten/ /zhes bya ba'i don bshad bar bya bar bya ste/ ci ltar yin no/ lha mo ni lha'i dbang po brgya byin gyi chung ma sha tsam? la sogs pa lha mo thams cad du smos so/ /klu mo ni pad ma dang pad ma chen po dang/ tag sha ka dang/ ba su ki dang/ a nan ta dang/ de dag la sogs pa klu'i rgyal po thams cad kyi chung ma klu'i rgyal po thams cad smos
- 183a
so/ /gnod sbyin mo zhes pa ni/ be sh+ra ma dang/ he de ma ma dang/ 'bar ba'i gdong can dang/ de dag la sogs pa/ gnod sbyin gyi rgyal po thams cad kyi chung ma/ gnod sbyin mo thams cad smos so/ /lha ma yin mo zhes pa ni/ 'bar li dang/ dza ra san ti dang/ ka na sa dang/ shi sho ba la dang/ pra la ta dang/ de dag la sogs pa/ lha ma yin gyi rgyal po'i chung ma lha ma yin mo thams cad smos so/ /mi mo zhes pa ni/ bram ze'i rigs dang/ rje'u rigs dang/ dmangs rigs la sogs pa'i mi mo smos so/ /rig ma rnyed nas rtul shugs bya/ /rdo rje gsung gi ye shes bsten/ /zhes pa ni/ mdun du smos pa'i lha mo la sogs pa mo thams cad sgrub pa pos ye shes kyis byin gyis rlabs kyis dbang du gyur na ci ltar bya na/ le'u dang po las smos pa'i tshul gyi rig par ming btags ba/ sangs rgyas spyan la sogs pa de bzhin gshegs pa bzhi'i shes rab ma lha mo'i ngo bo yin par brtul shugs zhes pa/ gsang ba'i rol pa bya'o/ /brtan par bya ste/ thabs dang shes rab rol pa spyad pa'i dus su/ rdo rje gsum gyi ye shes zhes pa/ sku rdo rje dang/ gsung rdo rje dang/ thugs rdo rje'o/ /de dag gi ye shes gsum bstan pa zhes pa/ sgrub pa po rang dang/ shes rab ma'i lus dang/ gnyis su med pa'i ngo bor bya bar bstan to/ /da ni gzhan yang gong du smos pa'i sgom pa dang/ spyod pa byas pas yon tan gyis 'bras bur gang 'gyur ba bstan par bya ste/ 'di ni sngags rnams thams cad kyi/ /de nyid gsang ba'i tshul chen yin/ /'khor lo rdo rje gsum las byung/ /sangs rgyas byang chub rab 'jug go /zhes bya ba'i don bshad par bya ste/ ci ltar yin na/ 'di ni sngags rnams thams cad kyis/ de nyid gsang ba'i tshul chen yin ni/ rgyud 'di las smos pa'i bsgrub pa thams cad ni gnyis su
- 183b
med pa'i ngo bo'o/ /'di ni zhes pa/ gong du smos pa'i bsgom pa dang/ gsang ba'i rol pa bya bar smos pa de ni/ spyod pa thams cad kyi nang na tshul chen po'o/ /de nyid ces pa/ bla na med pa'i 'bras bu'i ngo bor 'grub par bstan to/ /de ltar 'di ni sngags rnams thams cad kyis/ de nyid gsang ba'i tshul chen po yin gyi don du gsungs so/ /'khor lo rdo rje gsum las byung/ sangs rgyas byang chub rab 'jug pa'o zhes pa ni/ gong du smos pa ni bla na med pa'i 'bras bu de/ 'khor lo rdo rje gsum zhes pa/ sku rdo rje dang/ gsung rdo rje dang/ thugs rdo rje dang gnyis su med pa'i sgom pa byas pa sangs rgyas byang chub ces pa/ don dam par rdo rje gsum gyi ye shes kyi ngo bo yin te/ 'jug pa zhes pa/ gong du smos pa'i gsum gyis 'khor lo'i sgom pa byas pas/ bsgrub pa po 'byung ba 'grub pa 'gyur bar bstan to/ /de ltar 'khor lo gsum las byung/ sangs rgyas byang chub rab 'jug pa'i don du gsungs so/ /bcom ldan 'das de bzhin gshegs pa thams cad kyi rig pa'i brtul zhugs kyi dam tshig de kho na nyid kyi rdo rjes de skad ces bka' stsal to/ /zhes bya ba ni/ bcom ldan 'das ni ston pa phyag na rdo rje nyid kyi yon tan bstod pa'i mtshan bcom ldan 'das yin pa sdud pa pos smos so/ /de'i don mdun du bshad pas 'dir bde ste bshad mi dgos so/ /de bzhin gshegs pa thams cad kyi rig pa'i brtul zhugs zhes pa ni/ rnam par snang mdzad la sogs pa grangs med pa de dag thams cad don dam par gnyis su med pa'i ngo bo ston pa phyag na rdo rje'i phyag rgyar bstan to/ /rig pa zhes pa/ gong du smos pa'i rnam par snang mdzad la sogs pa de bzhin gshegs pa thams cad kyi shes rab ma ye shes kyi lha mo don dam par gnyis su med pa'i ngo bo mA ma kI yin te/ de ni ston pa phyag na rdo rje nyid kyi shes rab ma lha mo'o/ /gzhan yang de ni dkyil 'khor gyi lha mo thams cad skyed pa'i gnas yum
- 184a
gyi ngo bo yin no gzhan yang rig pa'i don le'u dang po las ji ltar smos pa de bzhin du 'dir bstan to/ /brtul zhugs zhes pa ni/ ston pa phyag na rdo rje dang lha mo mA ma kI gnyis dus rtag tu gnyis su med par 'khyud pa'i sbyor bas bde ba'i spyod pas mdzad cing bzhugs pa yin no/ /don des gsang ba'i brtul zhugs smos so/ /dam tshig zhes pa ni/ ston pa phyag na rdo rjes/ sems can thams cad kyi don mdzad pa'i phyir/ thugs rje chen po bskyed pa'o/ /don des dus 'dir dam tshig du smos so/ /de kho na nyid kyi rdo rjes de skad bka' stsal to/ /zhes pa ni/ me long lta bu'i ye shes la sogs pa ye shes lnga dang gnyis su med pa'i ngo bo don dam pa 'bras bu de kho na nyid yin no/ /de dang gnyis su med pa'i ngo bo ston pa phyag na rdo rje nyid kyi sku phyag rgya yin no/ /don des de kho na nyid kyi rdo rjer smos so/ /des mdun du smos pa'i sgom pa dang gsang ba'i spyod pa'i don bka' stsal pa yin no/ /rgyud kyi rgyal po chen po dpal gsang ba 'dus pa'i rgya cher 'grel ba'i/ /mkhas che ba chen po rdo rje slob dpon 'phags pa kun dga' i snying pos mdzad pa/ le'u bcu drug pa/ rdzogs so// de nas da ni le'u bcu drug pa'i 'og tu/ le'u bcu bdun pa de bzhin gshegs pa thams cad kyi dam tshig gi sdom pa'i rdo rje byin gyis brlabs kyi rgyal po zhes bya ba'i le'u bshad par bya ste/ de nas bcom ldan 'das de bzhin gshegs pa thams cad yang 'dus nas bcom ldan 'das de bzhin gshegs pa thams cad kyi sku dang gsung dang thugs rdo rje'i de bzhin gshegs pa la gsol ba btab pa'o/ /zhes bya ba'i sgra bshad par bya ste/ ci ltar yin na/ de nas ni rnam par snang mdzad la sogs rigs lnga'i bye brag brjod du yod pa dang/ brjod du med pa'i 'khor gyi ngo bo'i de bzhin gshegs par thugs rje chen po'i thugs dgyes pa skyed nas
- 184b
sgrub pa po rnams kyis dngos grub kyi 'bras bu bla na med pa thob par bya ba'i phyir/ le'u bcu bdun pa bshad par mdzad pa'i phyir/ 'og nas 'byung ba'i bstod pa'i tshig gi tshul gyis ston pa bskul bar smos so/ /de ltar de nas kyi don du gsungs so/ /bcom ldan 'das de bzhin gshegs pa thams cad du zhes pa ni/ mdun du bshad pas bde ste 'dir bshad mi dgos so/ /yang 'dus nas zhes pa ni/ ston pa mi bskyod pa rdo rje 'dzin gyi le'u bcu drug pa bshad pa'i de rdzogs ma thag du/ mdun du smos pa de rnam par snang mdzad la sogs pa brjod du yod pa dang brjod du med pa'i 'khor gyis ngo bo de bzhin gshegs pa gcig tu 'dus par smos so/ /gzhan yang 'dus pa'i don le'u dang po las ji ltar bshad pa de bzhin du 'dir sbyar ba yang mi 'gal bar smos so/ /de ltar yang 'dus nas kyi don du gsungs so/ /bcom ldan 'das zhes pa ni/ ston pa mi bskyod pa'i rdo rje 'dzin nyid kyi yon tan gyis bstod pa'i mtshan bcom ldan 'das yin par sdud pa pos so/ /de'i don mdun du bshad pas bde ste 'dir bshad mi dgos so// de bzhin gshegs pa thams cad kyi sku dang gsung dang thugs rdo rje de bzhin gshegs pa la zhes pa ni/ rnam par snang mdzad la sogs pa'i de bzhin gshegs pa thams cad don dam par sku dang gsung dang thugs rdo rje gsum gnyis su med pa'i ngo bo yin no// de dang gnyis su med pa'i ngo bo ston pa mi bskyod pa rdo rje 'dzin gyi sku phyag rgya yin no/ /de ni de bzhin gshegs pa thams cad bskyed par mdzad mkhan bdag po'i/ don des ston pa'i mtshan sku dang gsung dang thugs de bzhin gshegs pa'i yin par smos so/ /de ltar de bzhin gshegs pa thams cad kyi sku dang gsung dang thugs rdo rje de bzhin gshegs pa'i don du gsungs so/ /gsol ba btab po zhes pa ni/ mdun du smos pa'i tshul gyi rnam par snang mdzad la sogs pa'i 'khor gyi ngo bo
- 185a
de bzhin gshegs pa thams cad gcig tu 'dus nas de ma thag tu thal mo sbyar nas pus mo g.yas pa'i lta nga sa la btsugs te/ lan mang por phyag byas nas/ de'i 'og tu 'og nas 'byung ba'i bstod pa'i tshul gyis tshig brjod cing ston pa mi bskyod pa rdo rje 'dzin la gsol ba btab par smos so/ /de ltar gsol ba btab pa'i don du gsungs so/ /da ni bstod pa'i ngo bor bstan par bya'o/ /rdo rje mi bskyod ye shes che/ /rdo rje dbyings ni blo chen po'i/ /rdo rje gsum mchog dkyil 'khor gsum/ / gsang ba'i dbyings phyag 'tshal lo/ /rnam par snang mdzad dag chen po/ /rdo rje zhi ba dgyes pa che/ /rang bzhin gyis ni 'od gsal chos/ /rdo rje ston la phyag 'tshal lo/ /rin chen rgyal po rab tu zab/ /rdo rje nam mkha' dri ma med/ /dngos nyid dag pas gos pa med/ /rdo rje sku la phyag 'tshal lo/ /rdo rje bdud rtsi rgyal chen po/ /mi rtog nam mkha' rdo rje 'dzin/ /'dod chags pha rol phyin pa brnyes/ /rdo rje'i gsung la phyag 'tshal lo/ /rdo rje don grub rdzogs sangs rgyas/ /bsam pa thams cad yongs rdzogs byed/ /sangs rgyas ngo bo nyid las byung/ /rdo rje sems la phyag 'tshal lo/ /zhes bya ba'i sgra bshad par bya ste/ ci ltar yin na/ rdo rje mi bskyod ye shes che/ /rdo rje dbyings ni blo chen po ni/ /ston pa mi skyod rdo rje 'dzin nyid ye shes chen por ming btags pa'i me long lta bu'i ye shes la sogs pa ye shes lnga dang gnyis su med pa'i sku phyag rgya yin no/ /de nas rdo rje dbyings su ming btags pa ni/ dus 'dir sangs rgyas spyan la sogs pa de bzhin gshegs pa thams cad kyi shes rab lha mo rnams dang/ de bzhin du byang chub sems dpa' thams cad kyi shes rab ma lha mo rnams dang gnyis su med pa'i ngo bo rdo rje rigs kyi shes rab lha mo mA ma kI'i sku phyag rgya yin no/ /gzhan yang rdo rje dbyings su ming btags pa ni/ rnam par snang mdzad la sogs pa dkyil 'khor gyi lha thams cad nyid nyid kyi ye shes rdo rje'i ngo bo de
- 185b
dag gi skyed pa'i gnas kyi yum lta bu mA ma kI'o/ /don des rdo rje dbyings su smos so/ /de lta bu'i rdo rje dbyings kyi ngo bo'i lha mo mA ma kI de ni gnyis su med par 'khyud pa'i sbyor bas/ gnas pa yin no/ /de nas blon chen po ming btags pa ni/ mdun du smos pa'i yon tan gyi ngo bo ston pa rdo rje mi bskyod pa de phyi dang nang gi tshul gyis chos thams cad rigs mkhyen pa yin no/ /don des blon chen por smos so/ /mdor bsdus pa de ltar rdo rje mi skyod ye shes che/ rdo rje dbyings ni blon chen po'i don du gsungs so/ /rdo rje gsum mchog dkyil 'khor gsum/ /gsang ba'i dbyings la phyag 'tshal lo/ /zhes pa ni/ mdun du smos pa'i yon tan gyis ngo bo ston pa mi skyod pa'i sku phyag rgya de ni/ don dam par sku'i dkyil 'khor dang/ gsung gi dkyil 'khor dang/ thugs kyi dkyil 'khor dang/ de ltar rgyud las gtsor smos pa'i dkyil 'khor gsum dang gnyis su med pa'i ngo bor ldan pa yin no/ /gzhan yang sku rdo rje dang gsung rdo rje dang/ thugs rdo rje de ltar gsum dang gnyis su med pa ngo bor ston pa mi bskyod pa'i sku phyag rgya yin no/ /bstan par bya ste/ mdun du smos pa'i sku dang gsung dang thugs rdo rje gsum de ni/ bla na med pa'i 'bras bu'i ngo bo nyid yin no/ /don des rdo rje gsum mchog tu smos so/ /de dbyings su ming btags pa ni/ dus 'dir ston pa nyid ni de bzhin gshegs pa thams cad kyi ye shes kyi 'bras bu bskyed pa'i gnas su smos so/ /de nas gsang bar ming btags pa ni/ mdun du smos pa'i sku dang gsung dang thugs rdo rje gsum de ni/ bla na med pa'i 'bras bu ma skyes pa'i chos kyi sku dang gnyis su med pa'i ngo bo kun la khyab nas gnas so/ /gzhan yang de ni nyan thos dang rang sangs rgyas dang lha dang mi la sogs pa sems can gang gis kyang ming ma thob pas/ don de'i phyir gsang bar smos so/ /phyag 'tshal lo zhes pa ni/ mdun du smos pa'i yon tan gyi ngo bo'i don dang ldan pa ston pa rdo rje mi bskyod pa yin no/ /
- 186a
de la ji ltar smos pa'i tshul gyis lus dang ngag dang yid gsum gyi phyag 'tshal bar smos so/ /mdor sdu ba de ltar rdo rje gsum mchog dkyil 'khor gsum/ gsang ba'i dbyings la phyag 'tshal lo/ /de'i don du gsungs so/ / rnam par snang mdzad dag chen po/ /rdo rje zhi ba dgyes pa che/ /zhes pa ni/ chos kyi dbyings kyi ye shes ngo bo rnam par snang mdzad de ni/ gdod ma'i dus nas phyi ci log pa'i nyongs pa'i sdig pa'i dri ma dang bral ba'o/ /don des dag chen por smos so/ /de lta bu ngo bo rnam par snang mdzad de ni ston pa rdo rje mi skyod pa'i sku phyag rgya dang gnyis su med pa'i ngo bo yin no/ /rdo rje zhi bar ming btags pa rdo rje ni dus 'dir sku'i rigs rnams par snang mdzad de'i zhi ba bde ba bla na med pa'i ngo bo yin no/ /dgyes pa chen por ming btags pa ni/ sangs rgyas spyan ni mdun du smos pa'i zhi ba bde ba bla na med pa de bskyed par mdzad mkhan no/ /gzhan yang sangs rgyas spyan de ni ston pa rdo rje mi skyod pa nyid kyi shes rab lha mo mA ma kI gnyis su med par 'khyud pa'i de ni sku phyag rgya'i sra ba'i ngo bor gnas pa yin no/ /de ltar rnam par snang mdzad dag chen po/ rdo rje zhi ba dgyes pa che ba'i don du gsungs so/ /rang bzhin gyis ni 'od gsal chos/ /rdo rje ston la phyag 'tshal lo/ /zhes pa ni sangs rgyas kyi chos phyi dang nang thams cad kyi don dam pa byang chub sems kyi ngo bo de ni rang bzhin gyi ye shes lnga'i gzi brjid kyi 'od gsal ba'o/ /de'i snang bas ci ltar nyi ma'i 'od kyis phyi'i mun pa 'joms pa de bzhin du/ sems can thams cad byin gyis brlabs pas nang gi nyon mongs pa'i gti mug gi mun pa 'joms par mdzad pa yin no/ /don des mdun du smos pa'i chos rang bzhin gyis 'od gsal bar smos so/ /rdo rje ston du ming btags pa'i mdun du smos pa'i tshul ston pa rdo rje mi skyod pa'i de ni gsang sngags
- 186b
ston par mdzad par smos so/ /phyag 'tshal lo/ /ni ji ltar smos pa'i yon tan gyi ngo bo'i don dang ldan pa ston pa yin te/ de la ji ltar smos pa'i tshul gyis lus dang ngag dang yid gsum gyi phyag byas par smos so/ /mdor sdu ba de ltar rang bzhin gyis ni 'od gsal chos/ /rdo rje ston la phyag 'tshal lo'i don du gsungs so/ /rin chen rgyal po rab tu zab/ /rdo rje nam mkha' dri ma med pa zhes pa ni/ rin po cher ming btags pa ni/ nga rgyal gyi rigs de bzhin gshegs pa rin chen 'byung ldan yin no/ /rgyal por ming btags pa'i ni mnyam pa nyid kyi ye shes kyi ngo bo rin chen 'byung ldan de'i dus 'dir ye shes thams cad dang gnyis su med par gnas pa'o/ /des byin gyis brlabs pas lha dang mi la sogs pa'i sems can thams cad kyi phyin ci log pa'i nga rgyal 'joms pa yin no/ / don des rin chen 'byung ldan rgyal po'i ngo bor smos so/ /rab tu zab par ming btags pa ni/ ji ltar rgya mtsho chen po'i chu zab par smos pa de bzhin du de bzhin gshegs pa thams cad bye brag sna tshogs kyi yon tan dang ldan pa'o/ /de'i ngo bor rin chen 'byung ldan smos so/ /don des zab par smos so/ /nam mkha' rdo rje dri ma med du ming du btags pa rdo rje mnyam pa nyid kyi ye shes te/ de ni ji ltar phyi'i nam mkha' stong pa'i ngo bo lta bu ste/ de'i phyir dag pa yin no/ /de bzhin du gdod ma'i dus nas mnyam pa nyid kyi ye shes te/ mdor sdu ba nyon mongs pa'i sdig pa'i dri ma thams cad dang bral ba yin no/ /don des rdo rje nam mkha' dri ma med par smos so/ /de ltar mdun du smos pa'i de bzhin gshegs pa thams cad kyi yon tan gyi ngo bo thams cad dang ldan pa nga rgyal gyi rigs rin chen 'byung ldan de ni mnyam pa nyid kyi ye shes te mdor sdu ba de ni ston pa mi bskyod pa'i nga rgyal du smos so/ /de ltar rin chen rgyal po rab tu zab/ rdo rje nam mkha' dri med kyi don du gsungs so/ /dngos nyid dag pas dri ma med/ /rdo rje sku la phyag 'tshal lo/ /zhes pa ni mdun du smos pa'i de bzhin gshegs
- 187a
pa thams cad kyi ye shes kyi yon tan thams cad sems can thams cad kyi don mdzad pa'i thabs de ni/ rang bzhin gyis phyi'i nyon mongs pa thams cad dang/ rnam par rtog pa'i dri mas mi gos pa yin no/ /don des ston pa rdo rje mi bskyod pa'i yon tan mdun du bstan pa'i dri ma med smos so/ /rdo rje'i skur ming btags pa ni/ ci ltar smos pa'i ston pa mi bskyod pa'i sku phyag rgya rdo rje'i ngo bo yin no/ /phyag 'tshal lo/ /zhes pa ni mdun du smos pa'i ye shes kyi yon tan nga rgyal chen po de ni ston pa mi skyod pa rdo rje 'dzin gyi sku la ldan no/ /de la ci ltar smos pa'i tshul gyis lus dang ngag dang yid gsum gyis phyag byas par smos so/ /mdor sdu ba de ltar dngos nyid dag pas dri ma med/ rdo rje'i sku la phyag 'tshal lo/ don du gsungs so/ /rdo rje bdud rtsi rgyal chen po/ mi rtog nam mkha' rdo rje 'dzin zhes pa ni/ rdo rje bdud rtsir ming btags pa'i dus 'dir de bzhin gshegs pa thams cad du don dam par gsang ba'i tshul gyis sems can thams cad kyi don mdzad pa de/ bla na med pa'i 'dod chags gsum gyi rigs snang ba mdza' yas te/ de ni so sor rtog pa'i ye shes dang gnyis su med pa'i ngo bo/ de ltar bla na med pa'i 'dod chags de nyid ston pa rdo rje mi bskyod pa'i sku la phyag rgya dang gnyis su med par gnas pa yin no/ /bstan par bya ste/ dus 'dir so sor rtog pa'i ye shes kyi ngo bo bla na med pa'i 'dod chags su smos pa des byin gyis brlabs pas ji ltar 'khor los sgyur ba'i rgyal pos sems can thams cad bran bzhin du 'dul bar smos pa de bzhin du phyin ci log pa'i 'dod chags bcom nas 'dul bar mdzad pa yin no/ /don des snang ba mdza' yas nyid rdo rje bdud rtsi'i rgyal po chen por smos so/ /mi rtog par ming btags pa mdun du smos pa'i bla na med pa'i 'dod chags de ni/ ye nas phyin ci log pa'i rnam
- 187b
par rtog pa thams cad med pa yin no/ /gzhan yang bsgrub pa pos gsang ba'i spyod pa spyad pa'i dus su phyin ci log pa'i rnam par rtog pa spang bar bya'o/ /de'i yon tan gyis bla na smed pa'i 'dod chags so sor rtog pa'i ye shes dang gnyis su med pa'i 'bras bu thob par smos so/ /nam mkha' rdo rje ming btags pa bla na med pa'i 'dod chags so sor rtog pa'i ye shes kyi ngo bo de ni don dam par nam mkha' bzhin du stong pa'i ngo bo rdo rje snang ba mdza' yas yin no/ /'dzin par ming btags pa ni/ ci ltar brtags pa'i ston pa mi bskyod pa rdo rje 'dzin gyi shes rab ma lha mo mA ma kI dang gnyis su med par 'khyud par ldan pa de'i sku phyag rgya'i dro ba'i ngo bor na bza' dkar mor gnas par smos so/ /de ltar rdo rje bdud rtsi rgyal chen po/ /mi rtog nam mkha' rdo rje 'dzin gyi don du gsungs so/ /'dod chags pha rol byin pa brnyes/ /rdo rje'i gsung la phyag 'tshal lo/ /zhes pa ni/ ston pa mi bskyod pas rdo rje 'dzin gyi dus 'dir 'dod chags su ming btags pa thams cad kyi bye brag sna tshogs kyi sems can thams cad kyi don mdzad pa'o/ /de mdzad pa'i phyir thugs rje chen pos chags par mdzad pa'o/ /don des 'dod chags su smos so/ /pha rol phyin pa brnyes su ming btags pa ci ltar smos pa'i 'dod chags de la ston pa rdo rje mi bskyod pas bskal pa mang po dang lan thabs mang pos thugs rjes chen po'i kyo bas bskul nas sems can gyi don grub par mdzad pa yin no/ /don des 'dod chags pha rol phyin pa brnyes par smos so/ /rdo rje gsung du ming btags pa don dam par de bzhin gshegs pa mdza' thams cad kyi gsung rdo rje gnyis su med pa'i ngo bo yin no/ /de dang gnyis su med pa'i ngo bo gsung gi rigs snang ba mdza' yas yin no/ /gsung rdo rje de ni ston pa rdo rje mi bskyod pa'i gsung rdo rje'i ngo bo/ /phyag 'tshal lo ni/ mdun du smos pa'i bla na med pa'i 'dod chags gsung rdo rje dang gnyis su med pa'i ngo bo de ni/ ston pa rdo rje mi bskyod pa nyid la
- 188a
ldan pa'o/ /de ltar smos pa'i tshul gyis lus dang ngag dang yid gsum gyis phyag byas par smos so/ /mdor sdu ba de ltar 'dod chags pha rol phyin pa brnyes/ /rdo rje'i gsung la phyag 'tshal lo'i don du gsungs so/ /rdo rje don grub rdzogs sangs rgyas// bsam pa thams cad yongs rdzogs byed/ /zhes pa ni dpal rdo rje sems dpa' phyi dang nang dang gsang ba'i tshul gyis thugs rje chen po'i thugs bskyed nas dus su rtag tu sems can thams cad kyi don tu mdzad pa'i phyir don yod du ming btags pa 'phrin las mdzad pa yin no/ /rdo rjer ming btags pa'i mdun du smos pa'i 'phrin las de ni bya ba nan tan gyi ye shes ngo bo'o/ /rdzogs sangs rgyas su ming btags pa mdun du smos pa'i tshul gyis bya ba nan tan gyi ye shes kyi ngo bor 'phrin las mdzad pa de ni/ dpal rdo rje sems dpas dkyil 'khor gyi ngo bo rdzogs pa'i sangs rgyas don grub pa'i sku phyag rgya sprul pa yin no/ /bsam pa thams cad yongs rdzogs byed ni/ ci ltar smos pa'i 'phrin las dang ye shes gnyis su med pa'i ngo bo don yod grub pa de ni sems can thams cad kyi bsam pa thams cad bye brag sna tshogs kyi thabs kyi tshul gyis rdzogs par byed par smos so/ /de ltar rdo rje don grub rdzogs sangs rgyas/ /bsam pa thams cad rdzogs byed kyi don du gsungs so/ /rang bzhin dag pa las byung ba/ rdo rje sems la phyag 'tshal lo/ /zhes pa ni/ don dam par de bzhin gshegs pa thams cad dang gnyis su med pa'i ngo bo de ni/ ston pa dpal rdo rje sems dpa' yin no/ /de ni rang bzhin dag pa chos kyi sku yin te/ gnas de nas sems can thams cad kyi don mdzad pa'i phyir dpal rdo rje sems dpa' 'byung ba yin no/ /rdo rje sems la phyag 'tshal lo/ /zhes pa ni/ bstod pa 'di yi don mgo mjug du ci ltar smos pa'i tshul de'i yon tan gyi ngo bo dang gnyis su med par ston pa dpal rdo rje sems dpa' nyid do//
- 188b
de la ji ltar smos pa'i tshul gyis lus dang ngag dang yid gsum gyi phyag 'tshal ba bya bar smos so/ /mdor sdu ba de ltar rang bzhin dag las byung ba/ rdo rje sems la phyag 'tshal lo'i don du gsungs so/ /gzhan yang da ni mdun du smos pa'i bstod pa'i yon tan gyi ngo bo 'bras bur gyur pa de'i don bstan par bya ste/ sangs rgyas kun gyis bskul ba yin/ /bstod tshig zhi ba 'di rnams kyis/ /rdo rje longs spyod bstod na ni/ /de yang sangs rgyas mnyam par 'gyur zhes bya ba'i don bshad par bya ste/ ci ltar yin na/ sangs rgyas kun gyi bskul ba yis/ /bstod tshig zhi ba 'di rnams kyis ni/ /mdun du smos pa'i de bzhin gshegs pa rnam par snang mdzad la sogs pa 'khor gyi ngo bo de dag thams cad kyis/ ston pa phyag na rdo rjes bstod par byas pa de'i bstod pa'i tshig gi ngo bo'i don gyis sdug bsngal thams cad med pas zhi bar ming btags pa bla na med pa'i 'bras bu'i ngo bo yin no/ /bstan par bya ste rnam par snang mdzad la sogs pa'i ci ltar smos pa'i sangs rgyas de dag thams cad kyi gcig tu 'dug nas/ mgrin gcig tu bstod pa byas pa'i thabs kyi tshig gis ston pa phyag na rdo rjes le'u bcu bdun pa bshad pa'i phyir sku la smos so/ /de ltar sangs rgyas kun gyis skul ba yi/ bstod tshig zhi ba 'di ni rnams kyi gong gi don du gsungs so/ /rdo rje longs spyod stong na ni de yang sangs rgyas mnyam par 'gyur zhes pa ni/ mdun du smos pa'i bstod pa'i ngo bo de dag gsang sngags grub pa pos nyin mtshan du dad ba chen po'i sems kyis lan gsum gsum du ston pa phyag na rdo rje mnyes par bya ba'i phyir rdo rje longs spyod du ming btags pa'i thabs dang shes rab rol ba bya zhing stong pa brjod par bya ba yin no/ /sgrub pa pos des brjod pa'i yon tan gyis sangs rgyas su ming btags pa sangs rgyas thams cad kyi bdag nyid kyi ngo bo ston pa phyag na rdo rje yin no/ /de dang mnyam pa'i ngo bor grub
- 189a
par gyur bar smos so/ /mdor sdu ba de ltar rdo rje longs spyod bstod na ni/ /de yang sangs rgyas mnyam par 'gyur gyi don du gsungs so/ /de nas ston pa rdo rje 'dzin/ /sangs rgyas kun la thugs brtse bas/ /rdo rje gsang ba'i gsung dag pas/ /rdo rje'i gsung ni yang dag gsungs so/ /zhes bya ba'i sgra bshad par bya ste/ ci ltar yin na/ de nas ni rnam par snang mdzad la sogs pa'i mdun du smos pa'i de bzhin gshegs pa thams cad kyis bstod pa bya ba'i 'og tu slar le'u bcu bdun pa bshad par bya ba'i phyir ston pa rdo rje 'dzin de la yon tan gyi ngo bo'i bstod pa brjod pa'i tshul gyis gsol ba btab par byas pa de mtshon pa yin no/ /de ltar nges nas kyi don du gsungs so/ /ston pa rdo rje 'dzin zhes pa ni/ de'i don ci ltar le'u bcu gnyis pa'i nang nas bshad pa de bzhin du dus 'dir bstan to/ /de ltar ston pa'i rdo rje 'dzin gyi don du gsungs so/ /sangs rgyas kun la thugs brtse ba zhes pa ni/ dus 'dir sangs rgyas kun gyi rnam par snang mdzad la sogs pa 'khor gyi ngo bo sangs rgyas grangs med pa kun yin te/ thugs brtse bar ming btags pa sems can thams cad kyi don mdzad pa'i phyir de dag la ci lta bu 'dod pa'i don sems brtse ba bskyed nas sgrub par byed ba smos pa de bzhin du bstan to/ /de ltar sangs rgyas kun la thugs brtse ba'i don du gsungs so/ / rdo rje gsang ba'i gnas dag bas zhes ba ni/ rdo rjer ming btags pa dus 'dir don dam pa stong pa chen po'i ye shes yin no/ /de ni don dam pa'i gsang ba'i ngo bo mdun du smos pa'i don gyis so/ /gnas su ming btags pa ji ltar smos pa'i stong pa chen po'i ye shes don dam pa gsang ba de ni chos kyi sku'i ngo bo'o/ /de bzhin gshegs pa thams cad kyi ye shes kyi 'bras bu 'byung ba'i gnas yin no/ /de dag par ming btags pa mdun du smos pa'i chos kyi sku'i ngo bo de ni don gdod
- 189b
ma'i dus nas nyon mongs pa dang rnam par rtog pa'i dri ma dang bral ba yin no/ /don des dag par smos so/ /bstan par bya ste/ ci ltar smos pa'i tshul gyis yon tan gyis bstod pa'i don de yang gnyis su med pa'i ngo bo ston pa rdo rje 'dzin nyid du bstan to/ /mdor sdu ba de ltar rdo rje gsang ba'i gnas dag pa'i don du gsungs so/ /rdo rje gsung gi yang dag gsungs zhes pa ni/ rnam par snang mdzad la sogs pa de bzhin gshegs pa thams cad kyi gsung rdo rje don dam par so sor rtog pa'i ye shes dang gnyis su med pa'i ngo bo'o/ /de ni ston pa rdo rje 'dzin gyi gsung rdo rjer 'dzin gyi gsung rdo rjer gnyis su med pa ste/ phyi dang nang gi rig pa ci snyed pa thams cad kyi snying po'i gnas so/ /de lta bu'i ngo bo gsung rdo rjes mdun du smos pa'i gsol ba btab pa'i don de yang dag par bshad par mdzod ces smos so/ /de ltar rdo rje'i gsung ni yang dag gsung gi don du gsungs so/ /e ma 'o sangs rgyas thams cad kyis/ /chos kyi dbyings kyi yi ge che/ /rang bzhin 'od gsal yongs su dag /nam mkha' i dbyings bzhin dri ma med ces bya ba'i sgra bshad par ste/ ci ltar yin na/ e ma 'o sangs rgyas thams cad kyis/ /chos kyi dbyings ni yi ge che ni/ mdun du smos pa'i tshul gyis rnam par snang mdzad la sogs pa sangs rgyas grangs med pa thams cad kyis/ ci ltar smos pa'i tshul gyis ston pa rdo rje 'dzin bstod pa yin no/ /bstod pa'i yon tan gyi ngo bo don de ni don dam pa de bzhin gshegs pa'i thams cad kyi ye shes kyi 'bras bu de chos kyi dbyings kyi ye shes dang gnyis su med pa'i ngo bo'o/ /yi ge che bar ming btags pa mdun du smos pa'i don dam pa'i ye shes kyi 'bras bu de mi 'gyur ba'i ngo bo yin te/ don de chos kyi dbyings kyi yi ge chen por smos so/ /bstan par bya ste/ mdun du smos pa'i bstod pa'i don ni bstod pa'i don dang stod par byed mkhan sangs rgyas thams
- 190a
cad ni sems ngo mtshar du gyur par bstan to/ /mdor bsdu ba de ltar e ma 'o sangs rgyas thams cad kyi chos kyi dbyings ni yi ge che'i don du gsungs so/ /rang bzhin 'od gsal yongs su dag ces pa/ de'i don mdun du bshad pas bde ste 'dir bshad mi dgos so/ /nam mkha' i dbyings bzhin dri ma med ces pa ni/ mdun du smos pa'i don de bzhin gshegs pa thams cad kyi ye shes kyi 'bras bu de ni/ rang bzhin ma skyes pa'i stong pa nyon mongs pa thams cad sdig pa'i dri ma dang bral ba yin no/ don des dpal rdo rje sems dpa' dang gnyis su med pa'i ngo bo de bzhin gshegs pa thams cad kyi ye shes kyi 'bras bu de ni nam mkha' bzhin du dri ma med par smos so/ /de ltar nam mkha' i dbyings bzhin dri ma med kyi don du gsungs so/ /da ni gzhan yang mdun du smos pa'i tshul gyi rnam par snang mdzad la sogs pa'i 'khor gyi ngo bo de bzhin gshegs pa thams cad kyis bstod pa bya ba'i tshul gyis ston pa rdo rje 'dzin gyis skul bar byas pa de ma thag tu/ ston pa rdo rje 'dzin gyis bshad par brtsam par mdzad pa de'i don bstan bar bya ste/ de nas rdo rje phyag na rdo rje de bzhin gshegs pa thams cad kyi bdag pos/ sangs rgyas thams cad kyi sku rdo rje'i dam tshig 'di nyid kyi sku dang gsung dang thugs rdo rje las phyung ngo/ zhes bya ba'i sgra bshad par bya ste/ ci ltar yin na/ de nas ni mdun du sangs rgyas thams cad kyi ston pa rdo rje 'dzin la bstod pa byas pa'i 'og tu/ ston pa rdo rje 'dzin gyis bshad par brtsams pa de'i don mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag po zhes pa ni/ de'i don mdun du bshad pas bde ste 'dir bshad mi dgos so/ /sangs rgyas thams cad kyi
- 190b
sku rdo rje'i dam tshig 'dir zhes pa ni rnam par snang mdzad la sogs pa sangs rgyas grangs med pa thams cad yin no/ /de dag don dam par chos kyi dbyings kyi ye shes dang gnyis su med pa'i ngo bo'i sku rdo rje'o/ /de dang gnyis su med pa'i ngo bo sku rdo rje rnam par snang mdzad yin no/ /'di ming btags pa de'i dam tshig 'og nas 'byung ba'i tshul bsgrub pa'i rdzas su smos so/ /de ltar sangs rgyas kyi sku rdo rje'i dam tshig gi don du gsungs so/ /nyid kyi sku dang gsung dang thugs zhes pa ni ston pa phyag na rdo rje nyid kyi sku phyag rgya'i sku dang gsung dang thugs rdo rje gsum gcig pa'i ngo bor smos so/ /de ltar sku dang gsung dang thugs rdo rje gsum dang gcig pa'i ngo bo dam tshig gi dam rdzas su smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang gsung rdo rje dang thugs rdo rje dang gnyis su med par bshad pa de bzhin du/ 'dir bstan to/ /de ltar rdo rje'i don du gsungs so/ /las phyung ngo/ zhes pa ni/ ston pa phyag na rdo rjes ji ltar mos pa'i tshul gyi sku rnam par snang mdzad kyi bsgrub pa bya ba'i rdzas phyung ba'i ming btags pa gsungs par smos so/ /de ltar las phyung ba'i don du gsungs so/ /gzhan yang da ni dam rdzas kyi ngo bo bstan par bya ste/ dam tshig bzhi ni bsrung bar bya/ /sangs rgyas ye shes rgya mtsho'i 'od/ /sha chen dag ni rtag tu bza' / /'di ni dam tshig dam pa'o/ /zhes bya ba'i sgra bshad par bya ste/ ci ltar yin na/ dam tshig bzhi ni bsrung bar bya/ sangs rgyas ye shes rgya mtsho'i 'od ni/ 'og nas byung ba'i dam rdzas sha chen de bsgrub pa pos le'u lnga pa las gsungs pa'i tshul gyi sngags kyi byin gyis rlabs pa'i sgom pa byas nas/ bza' bar smos de bzhin du 'dir bya bar bstan to/ /de ltar dam tshig gi rdzas bza' bar bya ba'i thabs kyi ye shes sgrub pa bya ba'i dus su/ dam tshig bzhir ming smos pa'i srog gcod par bya ba dang/ rdzun
- 191a
du smra bar bya ba dang/ ma byin par blang bar bya ba dang/ bud med sten par bya ba dang/ de ltar bye brag bzhi dam tshig de ni le'u bcu drug pa'i nang nas 'byung ba de rnams kyi srung ba 'am spyad par bya ba bsgrub pa pos ma grub kyi bar gyi dus de tsam du sha chen bza' bar bya'o/ /gzhan yang dam tshig bzhi'i don rgyas pa ji ltar le'u bzhi pa las thugs kyi dkyil 'khor gyi dus su bshad pa de bzhin du 'dir bstan to/ /bstan par bya ste mdun du smos pa'i dam tshig thams cad kyi nang na sha chen 'di ni dam pa yin no/ /de bza' bar bya ba'i dus su bsgrub pa pos sangs rgyas rnam par snang mdzad kyi sku ci ltar smos pa'i cho ga bzhi'i tshul gyis gyur par bya ba yin no/ /sku phyag rgya de'i cha lugs su phun sum tshogs pa thams cad ci ltar le'u bzhi pa thugs kyi dkyil 'khor gyi dus su bya bar smos pa bzhin du 'dir sbyar bar bstan to/ /de lta bu'i ngo bo sangs rgyas rnam par snang mdzad kyi sku phyag rgya 'gyur bar byas pa de ma thag tu de dang gnyis su med pa'i nga rgyal du sgom par bya ba yin no/ /de byas pa'i yon tan gyis sangs rgyas rnam par snang mdzad nyid ci ltar smos pa'i tshul gyis ye shes rgya mtsho smos pa dang/ gzhan yang de'i sku phyag rgya chos kyi dbyings kyi/ ye shes la sogs pa'i ye shes lnga'i gzi brjid kyi 'od kyis 'bar ba'o/ /de lta bu'i yon tan dang ldan pa'i ngo bo/ /sangs rgyas rnam par snang mdzad de dang gnyis su med par bsgrub pa pos 'bras bu thob par smos so/ /mdor bsdu ba de ltar dam tshig bzhi ni bsrung bar bya/ /sangs rgyas ye shes rgya mtsho'i 'od kyi don du gsungs so/ /sha chen dag ni rtag tu bza' / /'di ni dam tshig dam pa'o/ /zhes pa ni/ de'i don mdun du bshad pas bde ste 'dir bshad mi dgos so/ /da ni gzhan yang gsung gi rigs kyis dam rdzas kyi bsgrub pa bya ba'i cho ga'i tshul gyis don bstan par bya ste/ de nas phyag na rdo rje de bzhin gshegs pa thams
- 191b
cad kyi bdag pos/ sangs rgyas thams cad kyi gsung rdo rje'i dam tshig 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i sku rigs rnam par snang mdzad kyi dam rdzas kyi sgrub pa byas pa'i bshad par mdzad pa'i 'og tu gsung gi rigs snang ba mdza' yas kyi dam rdzas kyi bsgrub pa bshad par brtsam par mdzad pa de'i don mtshon par bstan to/ /de ltar de nas kyis don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste/ bshad mi dgos so/ /sangs rgyas thams cad kyi gsung rdo rje'i dam tshig 'di zhes pa ni/ snang ba mdza' yas nyid la sogs pa sangs rgyas grangs med pa thams cad yin no/ /don dam par de dag so sor rtog pa'i ye shes dang gnyis su med pa'i ngo bo gsung rdo rje'o/ /de dang gnyis su med pa'i ngo bo gsung rdo rje'i snang ba mdza' yas yin no/ /'di ming btags pa'i de'i dam tshig 'og nas byung ba'i tshul gyi bsgrub pa'i rdzas su smos so/ /de ltar sangs rgyas thams cad kyi gsung rdo rje'i tshig gi don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gcig pa'i ngo bor smos so/ /de ltar sku dang gsung dang thugs rdo rje gsum dang gnyis su med pa'i ngo bo dam rdzas su smos so/ /de ltar 'di nyid kyi sku dang gsung dang thugs kyi don du gsungs so/ /rdo rje zhes pa ni ji ltar sku rdo rje dang gsung rdo rje dang thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni ston pa phyag na rdo rjes ji ltar smos pa'i tshul gyi gsung rdo rje snang ba mdza' yas kyi sgrub pa'i rdzas phyung par ming btags pa gsungs par smos so/ /da ni gzhan yang dam rdzas kyi ngo bo bstan par bya ste/ dam tshig bzhi ni bsrung bar bya/ /gsung gi rdo rje
- 192a
yi ge che/ /bshang ci rtag tu bza' bar bya/ /'di ni gsang ba rmad po che/ /zhes bya ba'i sgra bshad par bya ste/ ji ltar yin na/ dam tshig bzhi ni bsrung bar bya ni/ de'i don ji ltar mdun du smos pas 'dir bde ste bshad mi dgos so/ / gsung gi rdo rje yi ge che ba zhes pa ni/ 'og nas 'byung ba'i dam rdzas de bsgrub par bya ba'i dus su/ bsgrub pa pos dang po ni mdun du smos pa'i cho ga bzhi'i tshul gyi gsung rdo rje snang ba mdza' yas kyi sku phyag rgyar gyur par bya'o/ /sku phyag rgya de'i cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi dus su smos pa de bzhin du 'dir bya bar bstan to/ /de lta bu'i ngo bo gsung rdo rje snang ba mdza' yas kyi sku phyag rgyar gyur ma thag tu de dang gnyis su med pa'i nga rgyal du sgom par bya ba yin no/ /de bsgoms pas gsung gi rdo rje yi ge cher ming btags pa so sor rtog pa'i ye shes so/ /de dang gnyis su med pa'i ngo bo sngags kyi sa bon yig 'bru A smos pa de bzlas par bya bar stan to/ /de ltar gsung gi rdo rje yi ge che'i don du gsungs so/ /bshang gci rtag tu bza' bar bya/ /'di ni gsang ba rmad po che zhes pa ni mdun du smos pa'i bsgom pa dang sngags kyis bzlas pa bya zhing sgrub pa pos le'u lnga pa nas 'byung ba'i tshul gyis sngags kyis byin gyis brlabs pa'i cho ga byas nas/ dam rdzas bshang gci ma grub kyi bar du rtag tu bza' bar bya ba yin no/ /bstan bar bya ste/ de ltar mdun du smos pa'i tshul gyis bsgom pa dang sngags ni bzlas pa dang dam rdzas bza' bar bya ba ni gsang ba rmad po che'o/ de ltar bsgrub pa byas pas sgrub pa pos gsung rdo rje snang ba mdza' yas dang gnyis su med pa'i dngos grub kyi 'bras bu 'grub par gyur par smos so/ /de ltar bshang gci rtag tu bza' bar bya/ 'di ni gsang ba rmad po che'i don du gsungs so/ /da ni
- 192b
gzhan yang thugs kyi rigs kyi dam rdzas kyi bsgrub pa bya ba'i cho ga'i tshul gyi don bstan par bya ste/ de nas phyag na rdo rje de bzhin gshegs pa thams cad kyi bdag pos/ rdo rje 'dzin thams cad kyi dam tshig 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i gsung gi rigs snang ba mdza' yas kyis dam rdzas bsgrub par bya ba'i don bshad par mdzad pa'i 'og tu thugs kyi rigs rdo rje 'dzin gyi dam rdzas bsgrub par bya ba bshad par bya brtsams pa de'i don mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag po zhes pa ni/ de'i don mdun du bshad pas bde ste 'dir bshad mi dgos so/ /rdo rje 'dzin thams cad kyi dam tshig 'di zhes pa ni/ ston pa phyag na rdo rje nyid la sogs pa sangs rgyas grangs med pa de dag thams cad ni ji ltar smos pa'i tshul gyis rdo rje 'dzin du ming btags pa yin no/ /de dag gi thugs don dam par me long lta bu'i ye shes yin te/ de dang gnyis su med pa'i ngo bo rdo rje 'dzin du ming btags pa thugs rdo rje ston pa nyid yin no/ /'di ming btags pa de'i dam tshig 'og nas 'byung ba'i bsgrub pa bya ba'i rdzas su bstan to/ /de ltar rdo rje 'dzin thams cad kyi dam tshig 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku dang gsung dang thugs rdo rje gsum ni gcig pa'i ngo bor smos so/ /de ltar sku dang gsung dang thugs rdo rje gsum dang gnyis su med pa'i ngo bo dam rdzas su smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang gsung rdo rje dang thugs rdo rje gsum dang gnyis su med pa bshad pa'i de bzhin du 'dir bstan to/ /de ltar rdo rje'i don du gsungs so/ /las phyung ngo/ zhes pa ston pa phyag na rdo rjes ci ltar smos pa'i tshul gyi rdo rje 'dzin du ming btags pa thugs
- 193a
rdo rje ston pa nyid kyis bsgrub par bya ba'i rdzas phyung ba'i phyir ming btags par gsungs par smos so/ /de ltar las phyung ngo'i don du gsungs so/ /da ni gzhan yang dam rdzas nyid kyi ngo bo bstan par bya ste/ dam tshig 'di ni bsrung bar bya// rdo rje sems dpa' brtul zhugs che/ /khrag dang khu ba sbyar ba dag /brtul zhugs bstan pas rtag tu bza' / zhes bya ba'i sgra bshad par bya ste/ ci ltar yin na/ dam tshig bzhi ni bsrung bar bya ni de'i don mdun du bshad pas bde ste/ 'dir bshad mi dgos so/ /rdo rje sems dpa' rdzu 'phrul che zhes pa ni/ 'og nas 'byung ba'i tshul gyis dam rdzas kyi bsgrub pa bya ba'i dus su/ dang po ni mdun du smos pa'i cho ga bzhi'i tshul des/ rdo rje sems dpa' rdzu 'phrul cher ming btags pa me long lta bu'i ye shes la sogs pa ye shes lnga'i ngo bo sems can gyi don gyi phyir/ bye brag sna tshogs kyi cho 'phrul nas spros bar mdzad pa yin no/ /don des rdo rje sems dpa' rdzu 'phrul cher smos so/ /de lta bu'i ngo bo rdo rje sems dpa' i sku phyag rgyar gyur bar bya'o/ /sku phyag rgya de'i cha lugs phun sum tshogs pa thams cad ji ltar le'u bzhi pa las thugs kyi dkyil 'khor gyi dus su smos pa de bzhin du 'dir bstan to/ /de lta bu'i ngo bo rdo rje sems dpa' i phyag rgyar gyur ma thag du de dang gnyis su med pa'i nga rgyal du bsgom par bya ba yin no/ /de'i dus su mdun du smos pa'i dpal rdo rje sems dpa' i sems kyi don gyi phyir bye brag sna tshogs kyis cho 'phrul gyi sprul pa de ni/ sngags kyi sa bon yig 'bru hUM dang gnyis su med pa'i ngo bo yin no/ / sngags kyi sa bon yig 'bru hUM/ de bzlas par bya ba bstan to/ /de ltar dam tshig bzhi ni bsrung bar bya/ rdo rje sems dpa' rdzu 'phrul che'i don du gsungs so/ /khrag dang khu ba sbyar ba dag brtul zhugs bstan pas rtag tu bza' zhes bya ba ni
- 193b
mdun du smos pa'i sgom pa dang sngags kyi bzlas pa bya zhing sgrub pa pos le'u lnga pa las smos pa'i tshul gyi sngags kyis byin gyis rlab pa'i cho ga byas nas/ shes rab ma'i pad ma rag ta dang gzhan yang thabs dang shes rab rol pa byas pas byung ba'i byang chub sems dang dam rdzas de gcig tu bsres nas ma grub kyi dus de tsam du rtag tu bza' bar yin no/ /bstan par bya ste/ de ltar mdun du smos pa'i sgom pa dang sngags kyi bzlas pa byas nas gzhan yang ma grub kyi bar gyis dus tsam du bstan pa dang sems rnam par rtog pa spangs nas brtul zhugs su ming btags pa dam rdzas rgyun mi 'chad par bza' bar bya ba yin no/ /de ltar bsgrub pa byas pas grub ba pos rdo rje 'dzin dpal rdo rje sems dpa' nyid dang gnyis su med pa'i 'bras bu 'grub par 'gyur bar smos so/ /de ltar khrag dang khu ba sbyar ba dag /brtul zhugs bstan pas rtag tu bza' zhing don du gsungs/ sku gsung thugs kyi rdo rje yis/ /dam tshig 'di ni rmad po che/ /sangs rgyas kun gyis bstan pa 'di/ /rdo rje 'dzin gyis bsrung bar bya/ /zhes bya ba'i sgra bshad par bya ste/ ci ltar yin na/ sku gsung thugs kyi rdo rje yin/ dam tshig 'di ni rmad po che ni/ sku rdo rje rnam par snang mdzad dang gsung rdo rje snang ba mdza' yas dang/ thugs rdo rje mi bskyod pa dang/ de ltar rdo rje gsum gyi mdun du smos pa'i nyid nyid kyis dam rdzas kyi ngo bo yin no/ /dam tshig thams cad kyi nang na dam tshig 'di ni mdun du smos pa'i 'bras bu 'grub par byed pa'o/ /don des rmad po cher smos so/ /mdor sdu ba de ltar sku dang gsung dang thugs ni rdo rje yi/ dam tshig 'di ni rmad po che'i don du gsungs so/ /sangs rgyas kun gyis bstan pa 'di zhes pa ni/ rnam par snang mdzad la sogs pa/ sangs rgyas smos pa/ de dag thams cad kyi nyid nyid kyi rigs kyi bye brag gi dam rdzas sems can gyi
- 194a
don gyi phyir bstan pa yin no/ /de ni don dam ji ltar smos pa'i tshul gyi 'bras bu mi 'gyur ba'i ngo bo/ don des sku gsung thugs kyi dam tshig nges par smos so/ /de ltar sangs rgyas thams cad bstan pa'i don du gsungs so/ /rdo rje 'dzin gyis bsrung bar bya/ zhes pa ni/ rdo rje 'dzin du ming btags pa ni/ dus 'dir bsgrub pa po yin no/ /bstan par bya ste/ mdun du smos pa'i sku dang gsung dang thugs gsum gyi nang na gang la mos pa de ni nyid dga' ba'i lha'i ngo bor gnyis su med pa'i sgom par bya ba dang sems kyis gzung ba yin no/ /don des dus 'dir bsgrub pa po rnams rdo rje 'dzin par smos so/ /de rnams kyi mdun du smos pa'i dam rdzas ma grub kyi dus de tsam du bsrung bar bya bar ming btags pa bza' ba'i tshul gyi bsgrub par bya bar bstan to/ /de ltar rdo rje 'dzin gyis bsrung bar bya ba'i don du gsungs so/ /da ni gzhan yang mdun du smos pa'i dam tshig bsrung ba dang/ bsgrub par bya ba de'i yon tan gyi ngo bo 'bras bur gyur pa de'i don bstan par bya ste/ gang zhig dam tshig srung ba ni/ /rdo rje sems dpa' gzi brjid che/ /'di ni sku gsung thugs nyid pas/ /de ma thag tu sangs rgyas 'gyur/ zhes bya ba'i sgra bshad par bya te/ ci ltar yin na/ gang zhig dam tshig srung ba ni/ rdo rje sems dpa' gzi brjid che ni/ gang gis 'di ni ming btags pa'i mdun du smos pa'i dam tshig de rnams bsgrub pa po gang gis/ bsrung ba de mdun du smos pa ma grub kyi bar gyi dus de tsam tu/ rtag tu dam tshig bzhi po bsrung bar bya zhing ci ltar smos pa'i rigs kyi bye brag gi dam rdzas rnams bza' bar bya ba yin no/ /de ltar byas pas ci ltar dpal rdo rje sems dpa' nyid kyi sku phyag rgya me long lta bu'i ye shes la sogs pa ye shes lnga'i ngo bo'i gzi brjid chen po dang ldan par smos pa de bzhin du
- 194b
bsgrub pa po 'grub par 'gyur bar bstan to/ /mdor bsdu ba de ltar gang zhig gis dam tshig gsungs pa ni/ rdo rje sems dpa' gzi brjid che'i don du gsungs so/ /'di ni sku gsung thugs nyid bas de ma thag tu sangs rgyas 'gyur zhes pa ni/ sgrub pa po la dam tshig gi dngos grub kyi 'bras bu mdun du smos pa dang/ gzhan yang ji ltar don dam pa sku dang gsung dang thugs gsum gnyis su med pa'i ngo bo sangs rgyas su ming btags pa'i dus 'dir sku rdo rje rnam par snang mdzad yin te/ de bzhin du de'i dam tshig dang/ gnyis su med pa'i ngo bo de ma thag ming btags pa sgrub pa po tshe 'di la 'grub par 'gyur bar smos so/ /de ltar 'dir ni sku gsung thugs nyid pas/ de ma thag du sangs rgyas 'gyur ni'i don du gsungs so/ /de ni gzhan yang sangs rgyas kyi dam tshig brda' skad kyis sems can thams cad la thugs rje chen po'i thugs bskyed nas/ de bzhin gshegs pa rnam pa lnga'i sku phyag rgya'i cho 'phrul sprul nas spros pas sems can thams cad gnyis su med pas byin gyis brlabs pa'i bsgom par bya ba de'i don bstan par bya ste/ de nas phyag na rdo rje de bzhin gshegs pa thams cad kyi bdag po rang sangs rgyas kyi dam tshig 'di nyid kyi sku dang gsung dang thugs rdo rje las byung ngo/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i rigs gsum gyi dam tshig gi bsgrub pa bya ba'i don yon tan dang bcas pa bshad pa'i 'og tu 'og nas 'byung ba'i dam tshig gi don bshad par brtsams pas de'i don mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag po zhes pa ni/ de'i don mdun du bshad pas bde ste bshad mi dgos so/ /rang sangs rgyas kyi dam tshig 'di zhes ni/ bsgrub pa pos snying rje chen po'i sems skyes nas sems can thams cad mnyam par byin gyis brlab par bya'o/ /dang po ni mdun du smos pa'i cho ga bzhi'i tshul gyis
- 195a
dpal rdo rje sems dpa' i sku phyag rgyar gyur par bya'o/ /de'i sku mdog dang/ zhal dang phyag dang phyag mtshan dang rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor pa dang ldan pa'o/ /de lta bu'i ngo bo'i sku phyag rgya'i cha lugs phun sum tshogs pa thams cad ci ltar le'u bzhi pa las thugs kyi dkyil 'khor du smos pa/ de bzhin du 'dir bstan to/ /de lta bu'i ngo bor dpal rdo rje sems dpa' i sku phyag rgyar gyur ma thag tu/ de dang gnyis su med pa'i nga rgyal du sgom par bya ba yin no/ /de'i dus su nyid kyi gsang pa'i thugs ka ye shes sems dpa' i gnas su/ 'og nas 'byung ba'i tshul gyi rang sangs rgyas su ming btags pa de bzhin gshegs pa lnga'i sku phyag rgya grangs med pa 'jig rten gyi khams thams cad kyi gnas su/ sems can thams cad byin gyis rlabs pa'i phyir/ khyab par spro bar bya ba yin no/ don de rang sangs rgyas kyi dam tshig gsang ba'i tshul du smos so/ /de ltar rang sangs rgyas kyi dam tshig gi don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum ni gcig pa'i ngo bor smos so/ /de ltar sku dang gsung dang thugs rdo rje gsum dang/ gnyis su med pa'i ngo bo mdun du smos pa'i rang sangs rgyas kyi sku phyag rgyar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang gsung rdo rje dang thugs rdo rje dang gnyis su med par bshad pa'i de bzhin du 'dir bstan to/ /de ltar rdo rje don du gsungs so/ /las phyung ngo// zhes ba ni ston pa phyag na rdo rje ci ltar smos pa'i tshul gyis rang sangs rgyas de'i dam tshig gi don du byung ba'am bshad par smos so/ /de ltar las phyung ngo'i don gsungs so/ /da ni gzhan yang sangs rgyas kyi dam tshig gi ngo bo'i don bstan par bya ba ste/
- 195b
de dag lus kyi ston pa ni/ /rdo rje'i sku la rab tu gnas/ /sems can gzung pa'i tshul khrims de/ /dam tshig rab tu nges pa'o/ /zhes bya ba'i sgra bshad par bya ste/ ci ltar yin na/ de dag lus kyi ston pa ni rdo rje sku la rab tu gnas ni/ dben pa chen po la sogs pa gang la smos pa'i gnas su bsgom pa bya ba yin no/ /sgom pa'i tshul gyi don bstan par bya ste/ sgrub pa pos mdun du smos pa dpal rdo rje sems dpa' i sku phyag rgyar gyur bar bya'o/ /de ma thag tu de dang gnyis su med pa'i nga rgyal du bsgom par bya'o/ /de'i dus su nyid kyi gsang ba'i thugs ka ye shes pa'i gnas su de bzhin gshegs pa lnga'i sngags kyi sa bon yig 'bru rnams rim pas nyid nyid kyi rigs kyi kha dog dang ye shes dang ldan par smos so/ /oM A hUM swAhA/ rim pa de ltar gzi brjid kyi phung po rang bzhin du 'bar zhing 'od du zhu'o/ /ye shes kyi khu ba bzhin du 'gyur ro/ /sa bon de las rang sangs rgyas su ming btags pa rnam par snang mdzad la sogs pa rigs lnga'i de bzhin gshegs pa'i sku phyag rgya bskyed par bya'o/ /de dag nyid nyid kyi sku mdog dang/ zhal dang/ phyag dang/ phyag mtshan dang/ rgyan dang nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de lta bu'i sku phyag rgya'i cha lugs phun sum tshogs pa thams cad ji ltar le'u bzhi pa las thugs kyi dkyil 'khor gyi dus su smos pas de bzhin du rtag go /de lta bu'i ngo bo'i sku phyag rgya bskyed ma thag du 'jig rten gyi khams thams cad kyi gnas su khyab par spro bar bya'o/ /bstan par bya ste/ spro bar bya ba'i dus su sku phyag rgya'i kun nas nyid nyid ye shes kyi lha mo ngo bo 'bar ba chen po'i 'od spro ba yin no/ rig pa de ltar spros ma thag tu sems can thams cad la sku rdo rjer ming btags pa'i mdun smos pa'i rig lnga'i bye brag gi sku phyag rgyar sprin bzhin du spro bar smos pa de dag gi don dam par de bzhin gshegs pa thams cad kyi sku rdo rje chos kyi dbyings kyi ye shes
- 196a
dang gnyis su med pa'i ngo bo yin te/ de dang gnyis su med pa'i ngo bor brtag par bya'o/ /don du nges sprul pa'i sku rdo rje'i ngo bor smos so/ /de nas gnas par ming btags pa mdun du smos pa'i sprul pa'i sku ngo bo sku phyag rgya sems can thams cad dang gnyis su med par 'dus par bya bar rtag go /gzhan yang so sor rig pas 'dus par bya ba'i don bstan par bya ste/ rnam par snang mdzad kyi sku phyag rgya sprin lta bu'i gnas su lha thams cad dang dri za thams cad dang/ mi 'am ci thams cad dang/ rig pa 'dzin thams cad dang/ de dag 'khor dang bcas pa thams cad 'dus par rtag par bya bar smos so/ /de nas mi bskyod pa rdo rje 'dzin gyi sku phyag rgya sprin lta bu'i gnas su lha ma yin thams cad 'dus par brtag par bya ba yin no/ /de nas rin chen 'byung ldan gyi sku phyag rgya sprin lta bu'i gnas su mi'i rigs thams cad 'du bar rtag par bya bar smos so/ /de nas snang ba mdza' yas kyi sku phyag rgya sprin lta bu'i gnas su klu'i rigs thams cad 'dus par brtag par bya bar smos so/ /de nas don yod par grub pa'i sku phyag rgya'i sprin lta bu'i gnas su sems can mdun du smos par ma 'dus pa de dag thams cad dang gzhan yang srin po la sogs pa'i sems can thams cad ma lus par thams cad 'dus par bya bar rtag par smos so/ /don mdor bsdus pa de ltar rdo rje'i sku la rab tu gnas par bstan to/ /de ltar de dag lus kyi ston pa ni/ rdo rje'i sku la rab tu gnas kyi don du gsungs so/ /sems can gzung ba'i tshul khrims de/ /dam tshig rab tu nges pa'o/ /zhes pa ni/ mdun du smos pa'i brda skad kyis bstan pa/ rang sangs rgyas kyi ngo bo rigs lnga'i de bzhin gshegs pa lnga'i sku phyag rgya sprin bzhin du spro bar byas pa de dag sku phyag
- 196b
rgya'i gnas su ji ltar smos pa'i tshul gyis sems can thams cad 'dus par byas pa yin no/ /'di ni sgrub pa po'i gsang sngags kyi tshul khrims su smos so/ /dam tshig rab tu nges par ming btags pa mdun du smos pa'i tshul gyis de bzhin gshegs pa'i sku phyag rgya spros pas sems can ma lus pa thams cad gnyis su med par mnyam pa'i ngo bor 'jug pa 'am 'dus par bya ba yin no/ /de ltar byas pa'i yon tan gyis ye shes lnga dang gnyis su med pa'i 'bras bu nges par 'grub par 'gyur bar smos so/ /de ltar ma bu gzung pa'i tshul khrims de/ /dam tshig rab tu nges pa'i ngo bo'i don du gsungs so/ /da ni gzhan yang nyan thos slob pa'i brda skad kyis dus 'dir bsgrub pa po rnams kyis gsang sngags kyi spyod pa spyad par bya ba yin no/ da ni gsang sngags kyi tshul gyi dge ba bcu'i lam bya ba'i dam tshig gi ngo bo de'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ nyan thos kyis bslab pa'i dam tshig 'di/ nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ba'i ngang/ ci ltar yin na/ de nas ni mdun du smos pa'i rang sangs rgyas kyi brda skad kyis rigs lnga'i de bzhin gshegs pa'i sprul pa'i sku phyag rgya sprul nas sems can thams cad byin gyis brlabs pa dang/ gnyis su med pa'i bsdu bar bya ba'i cho ga'i don bshad par mdzad pa'i 'og tu/ 'og nas 'byung ba'i nyan thos kyi bslab pa'i dam tshig gi don bshad par brtsams pa de'i don mtshon par smos so/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni de'i don du bshad pas bde ste/ 'dir bshad mi dgos so/ /nyan thos kyi bslab pa'i dam tshig 'di zhes pa ni/ mdun du smos pa'i gsang sngags kyi spyod pa
- 197a
sgrub pa pos spyad par bya ba yin no/ /gzhan yang bslab par ming btags pa nang gi bdud rtsi lnga dang phyi'i sha rnam pa lnga'o/ /tshul de ltar dam rdzas bcu de ni bslab pa yin no/ /de dag le'u lnga pa las 'byung ba'i tshul gyis sngags kyi byin gyis brlab pa dang/ bsgom pa ma grub kyi bar dus de tsam du rtag tu bza' bar bya'o/ /de nas dam tshig ni mdun du smos pa'i dam rdzas bcu po bza' ba'i dus su nyid dga' ba'i lha'i rigs kyi bye brag gis shes rab ma blang ngo/ /de ni mtshan dang yon tan thams cad dang ldan pa yin no/ /de nyid dga' ba'i lha'i shes rab ma ye shes kyi lha mo dang gnyis su med pa'i ngo bor byin gyis brlab par bya'o/ /de'i 'og du 'dod chags chen po'i sems dga' bas shes rab ma de dang gnyis su med par 'khyud pa'i sbyor bas thabs dang shes rab rol pa bya ba yin no/ /don des gsang sngags kyi tshul gyis brda skad kyi nyan thos kyi bslab pa'i dam tshig du smos so/ /mdor bsdu ba de ltar nyan thos kyi bslab pa'i dam tshig 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya'i sku dang gsung dang thugs rdo rje gsum gcig pa'i ngo bor smos so/ /de lta bu'i sku dang gsung dang thugs rdo rje gsum dang gnyis su med pa'i ngo bo mdun du smos pa'i nyan thos pa'i bslab pa'i brda skad kyi dam rdzas bcu yin no/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang gsung rdo rje dang thugs rdo rje gnyis su med pa'i bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni ston pa phyag na rdo rjes ji ltar smos pa'i tshul gyi nyan thos kyi bslab pa'i dam tshig gi don du phyung ba 'am bshad par mdzad par smos so/ /de ltar las phyung
- 197b
po'i don du gsungs so/ /da ni gzhan yang gsang sngags kyi brda skad kyi tshul gyis nyan thos par smos pa de'i bslab pa'i dam tshig gi ngo bo'i don bstan par bya'o/ /de dge ba bcu'i chos rnams ni/ byed pa ye shes med pa'o/ /mos pa chung du thams cad kyi/ /dam tshig 'di ni rmad po che/ /zhes bya ba'i sgra bshad par bya ste/ ci ltar yin na/ dge ba bcu'i chos rnams ni/ /byed pa ye shes med pa'o/ /ni phyi'i sde snod gsum gyi tshul gyis dge ba bcu'i chos ni/ sku gsung thugs kyi bye brag gi ye shes dang mi ldan pas med pa'o/ /bstan par bya ste/ mdun du bstan pa'i dge ba bcu'i chos de ni mi'i theg pa yin no/ /de'i chos kyi spyod pa 'dir gsang sngags kyi bsgrub pa pos spyod par bya bar smos so/ mdun du smos pa'i dam rdzas bcu spyad pa 'am bsgrub par bya bar smos so/ /mdor sdu ba de ltar dge ba bcu'i chos rnams ni byed pa ye shes med pa'o/ /de'i don du gsungs so/ /mos pa chung du thams cad kyi/ /dam tshig 'di ni rmad po che zhes pa ni/ mdun du smos pa'i phyi'i sde snod gsum gyi bye brag pa'i nyan thos pa'i mos pa chung du ma thams cad sangs rgyas par smos te/ de dag gis dam tshig 'di ni ming btags pa/ dam rdzas bcu spyad pa 'am bsgrub par byed mi nus te/ don des dam rdzas bcu ni rmad po cher smos so/ /de ltar mos pa chung du thams cad kyi/ /dam tshig 'di ni rmad po che'i don du gsungs so/ / da ni gzhan yang phyi'i brda skad tshangs pa yin pa de ni gsang sngags kyi tshul gyis rnam par snang mdzad du smos so/ /de'i ngo bo'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ tshangs pa'i dam tshig 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ de nas ni nyan thos kyi bslab pa'i brda skad kyi dam tshig gi don bshad par mdzad pa'i 'og tu/ 'og nas 'byung ba'i tshangs pa'i dam tshig gi don bshad par brtsams
- 198a
pa'i don mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa'i thams cad kyi bdag pos zhes pa ni de'i don mdun du bshad pas bde ste 'dir bshad mi dgos so/ /tshangs pa'i dam tshig ces pa ni/ brda skad de sku rdo rje rnam par snang mdzad yin no/ /de'i dam tshig 'og nas 'byung ba'i 'di'i smos so/ /de ltar tshangs pa'i dam tshig 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku dang gsung dang thugs rdo rje gsum gyi ngo bo gcig tu smos so/ /de ltar sku dang gsung dang thugs rdo rje gsum dang gnyis su med pa'i ngo bo 'og nas 'byung ba'i phyin ci log pa'i gti mug med par byed pa'i gnyen po ngo bo brda skad de gti mug gi rigs/ rnam par snang mdzad kyi bsgom pa dang/ dam rdzas bshad pa bza' bar bya bar smos so/ /de ltar nyid kyi sku dang gsung dang thugs rdo rje'i don du gsungs so/ /rdo rje zhes pa ni/ ci ltar sku rdo rje dang gsung rdo rje dang thugs rdo rje gnyis su med par bshad pa'i de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni ston pa phyag na rdo rjes ci ltar smos pa'i tshul gyis tshangs pa 'di tshig gi don du phyung ba 'am bshad par mdzad par smos so/ /de ltar las phyung ngo'i don du gsungs so/ /da ni gzhan yang gsang sngags kyi tshul gyi brda skad kyi tshangs pa ni sku rdo rje rnam par snang mdzad yin te de'i dam tshig gi ngo bo'i don bstan par bya ste/ gti mug lam gyis lam gang rnams/ /byed pa 'jigs shing mi sdug pa/ /sangs rgyas byang chub ston pa ste/ /sku'i rdo rje nyid du 'gyur/ /zhes bya ba'i don bshad par bya ste/ ci ltar yin na/ gti mug lam gyi lam gang rnams/ /byed pa 'jigs shing mi sdug pa ni/ phyin ci log pa'i gti mug gi dbang gis mi dge ba'i lam ji snyed byas pa de'i
- 198b
sa bon gyi de ba'i 'bras bu bskal ba mang por/ mnar med pa la sogs pa dmyal ba thams cad du byed pa 'jigs shing mi sdug par ming btags pa bye brag sna tshogs kyi grang ba dang che ba'i ngo bo'i sdug bsngal du 'gyur ba yin no/ /de lta bu'i dmyal ba'i sdug bsngal med par byed pa'i don gyi cho ga'i tshul bstan par bya ste/ sgrub pa pos mdun du smos pa'i cho ga bzhi'i tshul gyis gti mug gi rigs sku rdo rje rnam par snang mdzad kyi sku phyag rgyar gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes lha mo gnyis su med par 'khyud pa'i sbyor ba dang ldan pa yin no/ /de lta bu'i sku phyag rgya'i cha lugs phun sum tshogs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin du 'dir sbyar ba yin no/ /de lta bu'i ngo bo'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /sgom pa de byas shing dam rdzas bshad pa de mdun du smos pa'i sngags kyi byin gyis brlabs pa'i sbyor ba'i cho gas bza' bar bya'o/ /de ltar byas pas mdun du smos pa'i dmyal ba'i sdug bsngal thams cad med par 'gyur ro/ /de'i dus su sangs rgyas byang chub rab ston par/ ming btags pa ji ltar smos pa'i tshul gyis bla na med pa'i 'bras bu sangs rgyas dang byang chub gnyis su med pa'i ngo bo gti mug gi rigs su rnam par snang mdzad 'grub par 'gyur bar smos so/ /mdor sdu ba'i de ltar gti mug lam gyi las gang rnams/ byed pa 'jigs shing mi sdug pa'i don du gsungs so/ /sangs rgyas byang chub ston pa ste/ /rdo rje sku la rab tu gnas/ /zhes pa ni/ de'i don mdun du bshad pa bde ste 'dir bshad mi dgos so/ /da ni gzhan yang brda skad kyis phyi'i drag por smos pa de ni gsang sngags kyi tshul gyis gsung rdo rje snang ba mdza' yas su smos so/ /de'i ngo bo'i don bstan par bya ste/ de nas phyag na rdo rje de bzhin gshegs pa thams cad kyi bdag pos/
- 199a
drag po dam tshig 'di nyid kyi sku dang gsung dang thugs rdo rje las byung ngo/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i brda' skad kyis tshangs par ming btags pa smos pa de'i dam tshig bshad par mdzad pa'i 'og tu 'og nas 'byung ba'i drag po'i dam tshig gi don bshad par brtsams pa de'i don mtshon par bstan to/ /de ltar des ni don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ don mdun du bshad pas bde ste/ 'dir bshad mi dgos so/ /drag po'i dam tshig 'di zhes pa ni brda skad de snang ba mdza' yas yin no/ /de'i dam tshig ni 'og nas 'byung ba'i tshul 'di smos so/ /de ltar drag po'i dam tshig 'di'i don du gsungs so/ / nyid kyi sku dang gsung dang thugs zhes pa ni ston pa phyag na rdo rje nyid kyi sku phyag rgya'i sku dang gsung dang thugs gsum gcig pa'i ngo bor smos so/ /de ltar sku dang gsung dang thugs rdo rje gsum dang gnyis su med pa'i ngo bo 'og nas 'byung ba'i phyin ci log pa'i 'dod chags med par byed pa'i gnyen pos ngo bo 'dod chags kyi rigs snang ba mdza' yas bsgoms nas byang chub sems bza' bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang gsung rdo rje dang thugs rdo rje gnyis su med pa bshad pa de bzhin du 'dir bstan to/ /de ltar rdo rje'i don du gsungs/ /las phyung ngo/ zhes pa ni/ ston pa phyag na rdo rjes ci ltar smos pa'i tshul gyis drag po'i dam tshig gis don phyung ba 'am bshad par smos so/ /de ltar las phyung ngo bo'i don du gsungs so/ /da ni gzhan yang gsang sngags kyi tshul gyis brda' skad kyis drag pos smos pa gsung rdo rje snang ba mdza' yas yin te/ de'i dam tshig ngo bo'i don bstan par bya ste/ khams
- 199b
gsum dag na gnas pa yi/ /dkyil 'khor rdo rje gsum phyung rnams/ /dngos po gsum gyis spyad par bya/ /dam tshig 'di ni smad po che/ /zhes bya ba'i sgra bshad par bya ste/ ci ltar yin na/ khams gsum dag na gnas pa yi/ /dkyil 'khor rdo rje gsum phyung rnams ni/ sgrub pa pos mdun du smos pa/ cho ga bzhi'i tshul gyis drag por ming btags pa snang ba mdza' yas yin te/ de'i sku phyag rgya bstan par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de ltar sku phyag rgya'i cha lugs phun sum tshogs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin du 'dir sbyar ba yin no/ /de lta bu'i ngo bo'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su nyid kyi gsang ba'i thugs ye shes pa'i gnas su sngags kyi sa bon yig 'bru A bsgom mo/ /de kha dog dmar po so sor rtog pa'i ye shes kyis ngo bo gzi brjid chen po'i 'bar ba'i 'od kyis 'bar bar rtag go /gnas de nas ye shes kyi 'od zer grangs med pa sprin bzhin du khams gsum gyi gnas ma lus pa thams cad du khyab par spros pa yin no/ /de ma thag tu lha dang mi la sogs pa thams cad kyi chung ma dang bu mo byin gyis brlabs par bya ba de kyo ba'i ngo bos dgug par bsam mo/ /brtan par bya ste mdun du smos pa'i chung ma dang bu mo de dag thams cad ni bkug pas de dag thams cad kyi lus dkyil 'khor rdo rje gsum du ming btags pa sku rdo rje dang gsung rdo rje dang thugs rdo rje dang/ de ltar rdo rje gsum yin no/ /dkyil 'khor ni ci ltar rdo rje gsum gyi dkyil 'khor gyi dus su/ 'khor gyi ngo bo sangs rgyas dang byang chub sems dpa' dang khro bo dang de dag gi shes rab ma ye
- 200a
shes kyi lha mo de thams cad 'byung bar smos pa de'i ngo bor brtag go /mdor bsdu ba de ltar khams gsum dag na gnas pa'i/ dkyil 'khor rdo rje gsum byung rnams kyi don du gsungs so/ /dngos po gsum gyi spyad par bya/ /dam tshig 'di ni rmad po che zhes pa ni/ mdun du smos pa'i tshul du dam tshig tu ming btags pa/ sems can thams cad kyi chung ma dang bu mo de dag thams cad ni/ bsgrub pa pos 'dod chags chen po'i sems dga' ba bskyed nas/ gnyis su med par 'khyud pa'i sbyor pas spyad par bya ba yin no/ /de nas dngos po gsum du ming btags pa ni/ sangs rgyas spyan la sogs pa de bzhin gshegs pa bzhi'i lha mo'i ngo bor spyad par bya ba yin no/ /la la ni gzugs rdo rje ma la sogs pa/ byang chub sems dpa' brgyad kyi lha mo'i ngo bor spyad par bya ba yin no/ /la la ni khro mo'i rgyal mo ro langs ma la sogs pa'i khro bo'i rgyal po bcu'i lha mo'i ngo bor spyad par bya ba yin no/ /bstan par bya ste/ ci ltar ye shes kyi lha mo rnams kyis sku phyag rgya'i sku dang gsung dang thugs rdo rje gsum gnyis su med pa'i ngo bor smos pa de bzhin du spyad par bya ba'i dus su bsgom par bya ba yin no/ /de ltar dgug pa'i tshul gyi dam tshig gi bsgrub pa bya'o/ /de ni dam tshig thams cad kyi nang na mchog /rmad po cher smos so/ /de ltar dngos po gsum gyi spyad par bya/ dam tshig 'di ni rmad po che'i don du gsungs so/ /da ni gzhan yang brda skad kyis phyi ni khyab 'jug yin te/ da ni gsang sngags kyi tshul gyis thugs rdo rje mi bskyod par smos pa de'i ngo bo'i don du bstan par bya ste/ de nas phyag na rdo rje de bzhin gshegs pa thams cad kyi bdag po khyab 'jug gi dam tshig 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i brda skad kyi drag por smos pa'i de'i dam tshig gi don bshad
- 200b
par mdzad pa'i 'og tu/ 'og nas 'byung ba'i khyab 'jug gi dam tshig gi don du bshad par brtsams pa de ni don mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de ni don mdun du bshad mi dgos so/ /de nas khyab 'jug gi dam tshig ces pa ni/ brda skad de thugs rdo rje mi bskyod pa yin te/ de'i dam tshig 'og nas 'byung ba'i tshul 'di smos so/ /de ltar khyab 'jug gi dam tshig 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje'i sku dang gsung dang thugs rdo rje gsum gyis ngo bo gcig du smos so/ /de ltar sku dang gsung dang thugs rdo rje gnyis su med pa'i 'og nas byung ba'i zhe sdang phyin ci log pa'i zhe sdang med par byed pa'i gnyen po'i ngo bo thugs kyi rigs rdo rje mi bskyod pa'i bsgom pas dam rdzas gci ba bza' bar bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang gsung rdo rje dang thugs rdo rje gnyis su med par bshad pa de bzhin du 'dir bstan to/ /de ltar rdo rje don du gsungs so/ /las phyung ngo/ zhes pa ni/ ston pa phyag na rdo rjes ci ltar smos pa'i tshul gyi khyab 'jug gi dam tshig gi don chung ba'am bshad pa smos so/ /de ltar las phyung ngo'i don du gsungs so/ /da ni gzhan yang gsang sngags kyi tshul gyi brda skad kyis khyab 'jug ni mi bskyod pa yin no/ /de'i dam tshig gi ngo bo'i don bstan par bya ste/ sems can las phyung ci snying po/ /dbyer med sku gsum la gnas pa/ /bsam gtan rdo rjes bsad par bya/ /de ni nam mkha' dbyings bdag nyid do/ /zhes bya ba'i sgra bshad par bya ste/ ci ltar yin na/ sems can las byung ci snying? po/ /dbyer med sku gsum la gnas pa ni/ ji ltar 'jig rten gyi khams thams cad kyi gnas su lha dang mi la sogs pa sems
- 201a
can ma lus pa thams cad byung nas gnas pa yin no/ /de ni sku dang gsung dang gnyis su med pa'i ngo bo thugs rdo rje mi bskyod par smos so/ /de ni don dam par stong ba nam mkha' lta bu'i chos kyi sku'i ngo bo'i sems can thams cad dang mi phyed par khyab par gnas par smos so/ /de ltar sems can las byung ci snying po/ /dbyer med sku gsum la gnas pa'i don du gsungs so/ /bsam gtan rdo rjes gsang par bya ste/ de ni mkha' dbyings bdag nyid do zhes pa ni/ mdun du smos pa'i sems can ma lus pa de dag thams cad ni bsgrub pa pos snying rje chen po'i sems bskyed nas gsang par bya ba yin no/ /gzhan yang gsang par bya ba'i cho ga'i tshul bstan par bya ste/ bsgrub pa pos mdun du smos pa'i cho ga bzhi'i tshul gyis brda' skad kyis khyab 'jug mi bskyod bar smos pa de'i sku phyag rgyar gyur par bya'o/ de'i sku mdog dang/ zhal dang phyag dang/ phyag mtshan dang/ rgyan dang nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa'o/ /de ltar sku phyag rgya'i cha lugs phun sum tshogs pa thams cad le'u bzhi pa'i las thugs kyi dkyil 'khor gyi dus su ji ltar smos pa de bzhin du 'dir bya ba yin no/ /de lta bu'i ngo bo'i sku phyag rgyar gyur ma thag tu de dang gnyis su med pa'i nga rgyal du sgom par bya'o/ /de'i dus su nyid kyi gsang pa'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog nag po me long lta bu'i ye shes kyis ngo bo gzi brjid chen po 'bar ba'i 'od kyi 'bar zhing 'od du zhu nas ye shes kyi khu ba bzhin du gyur to/ /sa bon de las khro bo'i rgyal po a mri ta kun d+ha li'i sku phyag rgya bskyed par bya'o/ /de'i g.yas dang sa bon ni rdo rje kyo ba 'dzin/ g.yon dang po na rdo rje zhags pa 'dzin/ gzhan yang sku mdog dang/
- 201b
zhal dang/ phyag dang/ phyag mtshan dang/ rgyan dang/ de dag ci ltar le'u bzhi pa las thugs kyi dkyil 'khor gyi dus su smos pa'i/ de bzhin du 'dir bya ba yin no/ /de lta bu'i ngo bo'i sku phyag rgya bskyed par byas ma thag du sprin lta bur grangs med par 'jig rten gyi khams thams cad kyi gnas su khyab par spros par byas pa yin no/ /de ma thag du lha dang mi la sogs pa'i sems ci snyed gnas pa de dag rdo rje kyo bas snying ga nas gzung/ de bzhin du rdo rje zhags pas mgul ba nas bcings te/ tshul de ltar dgug par bya'o/ /sgrub pa pos nyid kyi mdun du nam mkha' i dbyings gang ba'i ngo bor bzhag par bya'o/ /de'i dus su 'gugs par mdzad mkhan khro bo'i rgyal po a mri ta kun d+ha li'i sku grangs med par spros pa de dag thams cad kyis ye shes kyi mtshon cha'i char phab pa'i tshul gyis sems can bkug pa de dag thams cad rten par bsam mo/ /de ma thag tu sems can thams cad shi ba yin no/ /de dag thams cad kyi srog gi dbang po srin bu me khyer lta bu de sgrub pa po nyid kyi lus la gnyis su med par 'dus pa bya ba yin no/ /gzhan yang 'gugs par mdzad mkhan khro bo'i rgyal po a mri ta kun Da li'i sku phyag rgya de dag thams cad ni spros pa'i gnas su 'dus par bya bar smos so/ /bstan par bya ste/ mdun du smos pa'i tshul gyis sems can thams cad gsang ba'i las byas pa de ni/ bsam gtan rdo rje gsad par bya bar smos so/ /gzhan yang mdun du smos pa'i gsad ma thag tu sgrub pa pos/ dam rdzas gci ba ji ltar smos pa'i tshul gyi sngags byin gyis brlabs pa'i sgom pa'i ma grub kyi bar dus de tsam du bza' bar bya smos so/ /mdor bsdu ba de ltar bsam gtan rdo rjes gsang par bya/ de ni mkha' dbyings bdag nyid de'i don du gsungs so/ /da ni gzhan yang sku dang gsung dang thugs rdo rje gsum ni/ brda' skad kyis tshangs pa 'am/ dbang phyug dang khyab 'jug
- 202a
yin te/ de dag gnyis su med pa'i ngo bor bsgom pa'i dam tshig gi don bstan par bya ste/ de nas phyag na rdo rje de bzhin gshegs pa thams cad kyi bdag pos/ rdo rje gsum gyi dam tshig 'di/ nyid kyi sku dang gsung dang thugs rdo rje las phyung ngo/ zhes bya ba'i sgra bshad par bya ste/ ci ltar yin na/ de nas mdun du smos pa'i khyab 'jug gi brda skad kyi de'i dam tshig gis don bshad par mdzad pa'i 'og tu/ 'og nas 'byung ba'i rdo rje gsum gyis dam tshig gi don bshad par brtsams pa de'i don mtshon par bstan to/ /de ltar de nas kyis don du gsungs so/ /phyag na rdo rje de bzhin gshegs pa thams cad kyi bdag po zhes pa ni/ de'i don mdun du bshad pas bde ste 'dir bshad mi dgos so/ /rdo rje gsum gyi dam tshig ni zhes pa ni/ brda' skad de sku rdo rje dang gsung rdo rje dang thugs rdo rje yin no/ /de dag gi dam tshig 'og nas 'byung ba'i tshul la smos so/ /nyid kyi sku dang gsung dang thugs zhes pas ni/ ston pa phyag na rdo rje nyid kyi sku phyag rgya'i sku dang gsung dang thugs rdo rje gsum gyi ngo bo gcig par smos/ de ltar sku dang gsung dang thugs gsum dang gnyis su med pa'i ngo bor 'og nas byung ba'i sgrub pa po nyid kyi lus bye brag gsum gyis gnyis su med pa'i ngo bor sgom par smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang gsung rdo rje dang thugs rdo rje gnyis su med par bshad pa'i de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni ston pa phyag na rdo rjes ci ltar smos pa'i tshul gyis rdo rje gsum gyi dam tshig gi don du phyung ba 'am bshad par smos so/ /de ltar las byung ba'i don du gsungs so/ /da ni gzhan yang gsang sngags kyi tshig tshul gyis brda skad kyis tshangs pa dang dbang phyug dang/ khyab 'jug dang/
- 202b
de ltar gsum ni rnam par snang mdzad dang snang ba mdza' yas dang/ mi bskyod pa yin no/ da rnams kyi dam tshig gi ngo bo'i don du bstan par bya ste/ sku'i rdo rje tshangs pa ste/ /gsung ni rdo rje dbang phyug che/ /thugs kyi rdo rje 'dzin rgyal po/ /de ni gtogs 'dod sgyu 'phrul che/ /zhes bya ba'i sgra bshad par bya ste/ ci ltar yin na/ sku'i rdo rje tshangs pa ste ni/ brda skad kyi tshangs pa sa ni/ sku rdo rje rnam par snang mdzad yin no/ /de ni thog ma med pa'i dus bzung ba nas/ phyi'i nyon mongs pa thams cad kyi dri ma dang bral ba'i yin no/ /don des tshangs par smos so/ /gzhan yang sku rdo rje rnam par snang mdzad de ni sems can thams cad kyi don mdzad pa'i phyir dus rtag tu chos kyi dbyings kyi ye shes kyi ngo bo'i cho 'phrul sprul pa'i ting nge 'dzin gyis sems can thams cad byin gyis brlabs pas/ de dag thams cad kyi nyon mongs pa thams cad kyi sdig pa'i dri ma bsags pa de dag 'joms pa yin no gzhan yang sku rdo rje rnam par snang mdzad de ni don dam par de bzhin gshegs pa thams cad la sogs pa'i dkyil 'khor gyi lha thams cad kyi sku'i ngo bor gnas par smos so/ /de ltar mdun du smos pa'i don gyis sku rdo rje rnam par snang mdzad de ni tshangs par ming btags pa'i yin par bstan to/ /de ltar sku rdo rje tshangs pa'i don du gsungs so/ /gsung gi rdo rje dbang phyug che zhes pa ni/ dbang phyug ni gsung rdo rje snang ba mdza' yas yin no/ /de ni lha dang mi la sogs pa sems can ma lus par thams cad la theg pa chen po gsang sngags kyi chos ston par mdzad pas bran bzhin du 'khor gyi ngo bor mdzad pa'o/ /gzhan yang so sor rtog pa'i ye shes kyi cho 'phrul sprul nas ting nge 'dzin gyis mdun du smos pa'i sems can thams cad byin gyis brlabs par mdzad do/ /byin gyis brlabs pas phyi dang nang gis tshul gyi sbyor ba phun sum
- 203a
tshogs pa'i dbang por gsung rdo rjer snang ba mdza' yas su gyur par bstan to/ /mdun du smos pa'i don de ltar dus 'dir ni gsung rdo rje snang ba mdza' yas de ni/ dbang phyug yin par ming btags pa yin par mi bstan to/ / de ltar gsung gi rdo rje dbang phyug che'i don du gsungs so/ /thugs kyi rdo rje 'dzin rgyal po/ /de ni gtogs 'dod sgyu 'phrul che zhes pa ni/ brda' skad kyis gtogs 'dod ni/ rdo rje 'dzin rgyal po ste thugs rdo rje ston pa mi bskyod pa nyid yin no/ /de ni don dam par ma skyes pa stong pa nam mkha' lta bur kun la khyab nas gnas pa stong pa chen po ye shes kyi ngo bo yin no/ /don des dus 'dir khyab 'jug du smos so/ /gzhan yang sgyu 'phrul cher ming btags pa ston pa rdo rje mi bskyod pas/ theg pa chen po gsang sngags kyi chos kyi 'khor lo bskor ba mdzad pa'i dus su me long lta bu ye shes la sogs pa'i ye shes lnga'i cho 'phrul sprul nas spros pa'i bye brag sna tshogs kyis sems can thams cad kyi don du mdzad pa'o/ /don des ston pa thugs rdo rje mi bskyod pa/ khyab 'jug tu ming btags pa sgyu 'phrul cher smos so/ /mdor bsdus pa de ltar thugs kyi rdo rje 'dzin rgyal po de ni/ gtogs 'dod sgyu 'phrul che'i don du gsungs so/ /gzhan yang 'phags pa ye shes zhabs kyi nyid kyi 'grel pa las bshad pa de'i don 'dir bstan par bya ste/ phyi'i lha tshangs pa de ni thog ma med pa'i dus nas 'gro ba'i 'jig rten skyed par byed mkhan yin no/ /de lta bu'i lha tshangs pa de ni/ bsgrub pa pos sku dang gsung dang thugs rdo rje gnyis su med pa'i sgom pa bya ba'i dus su sku rdo rje rnam par snang mdzad kyi sku phyag rgya ci ltar smos pa'i cha lugs phun sum tshogs pa dang ldan pa'i sku phyag rgya spros par bya'o/ /de ma thag tu tshangs pa byin gyis brlabs par byas nas sku phyag rgya la gnyis su
- 203b
med pa'i ngo bor 'dus par bsam mo/ /de'i 'og du rnam par snang mdzad dang lha tshangs pa gnyis su med pa'i ngo bor sgrub pa pos nyid kyi lus su gnyis su med par bsdu bar smos so/ /de ltar byas pa'i 'og tu phyi'i lha dbang phyug chen po de ni bye brag sna tshogs kyi tshul gyi ye shes kyi sgyu ma'i cho 'phrul gyi stobs kyi thabs dang ldan pa'o/ /gzhan yang lha dang mi la sogs pa sems can thams cad bran bzhin du dbang du mdzad nas/ 'khor gyi ngo bor byas pa'o/ /de lta bu'i ngo bo lha dbang phyug chen po de ni bsgrub pa pos mdun du smos pa'i sgom pa bya ba'i dus su nyid kyi mgul pa'i gnas nas gsung rdo rje snang ba mdza' yas kyi sku phyag rgya ci ltar smos pa'i cha lugs phun sum tshogs pa dang ldan pa'i sku phyag rgyar spro bar bya'o/ /de ma thag tu dbang phyug chen po byin gyis brlabs pa byas nas sku phyag rgya la gnyis su med pa'i ngo bor 'dus par bsam mo/ /de'i 'og tu gsung rdo rje snang ba mdza' yas dang lha dbang phyug chen po gnyis su med pa'i ngo bor sgrub pa pos nyid kyis mgul pa gnyis su med par bsdu bar smos so/ /de ltar byas pa'i 'og tu phyi'i lha khyab 'jug de ni rang gi chos kyi bstan pa'i don las smos pa ye shes chen po'i ngo bo'i yon tan gyis 'gro ba dang mi 'gro ba'i 'jig rten gyi khams thams cad la khyab nas gnas pa yin no/ /yang na 'gro ba dang mi 'gro ba'i 'jig rten thams cad dang gnyis su med pa'i ngo bor khyab 'jug smos so/ /bstan par bya ste/ khyab 'jug ni sgyu 'phrul chen po dang ldan pa'o/ /de'i stobs kyis thabs kyi lha la sogs pa mi ma yin pa thams cad pham par bye brag yin no/ /de lta bu'i ngo bor lha khyab 'jug de ni sgrub pa bos mdun du smos pa'i sgom pa bya ba'i dus su/ nyid kyi snying ga'i gnas nas thugs rdo rje'i mi bskyod pa'i sku phyag rgya ji ltar smos pa'i cha lugs phun sum tshogs pa dang ldan par spro bar bya'o/ /de ma thag tu lha khyab 'jug byin gyis brlabs nas sku phyag
- 204a
rgyal gnyis su med pa'i ngo bor 'dus par bya bar bsam mo/ /de'i 'og tu thugs rdo rje mi bskyod pa dang lha khyab 'jug gnyis su med par bsgrub pa pos gnyis su med pa'i ngo bor nyid kyi snying ga'i gnas su sdu bar bsam mo/ /man ngag gi don gyi bye brag gzhan yang bstan par bya'o/ /mdun du smos pa'i tshul du bsgom pa bya zhing sku dang gsung dang thugs rdo rje gsum gyis dam rdzas gsum ni ci ltar mos pa'i sngags byin gyis brlabs nas bza' bar bya'o/ /bshad ba dang byang chub sems dang dri chu dang de dag rim pa ma nor bas sgrub pa pos bsgoms pas/ phyin ci log pa'i gti mug dang 'dod chags dang zhe sdang dang de ltar nyon mongs pa'i dug gsum med par 'gyur ro/ /de'i dus su sku dang gsung dang thugs rdo rje gsum dang gnyis su med pa'i ngo bo bla na med pa'i ye shes kyi 'bras bu 'grub par 'gyur bar smos so/ /mdor bsdu ba de ltar sku dang gsung dang thugs rdo rje gsum gyis bsgrub pa bya ba'i don du shes par bya'o/ /da ni gzhan yang phyi'i gnod sbyin thams cad kyis bsgrub pa bya ba'i dam tshig gi don bstan par bya ste/ de nas phyag na rdo rje de bzhin gshegs pa thams cad kyi bdag po/ gnod sbyin mo thams cad kyi dam tshig 'di/ nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ des na mdun du smos pa'i sku dang gsung dang thugs rdo rje gsum gyis tshangs pa dang/ dbang phyug chen po dang khyab 'jug dang/ de rnams dam tshig bshad par mdzad pa'i 'og tu 'og nas 'byung ba'i gnod sbyin mo thams cad kyi dam tshig gi don bshad par brtsams pa de ni don mtshon par bstan to/ /de ltar de nas don du gsungs so /phyag na rdo rje de bzhin gshegs pa thams cad bdag po zhes pa ni/ de'i don mdun du bshad pas bde ste/ 'dir
- 204b
bshad mi dgos so/ /gnod sbyin mo thams cad kyi dam tshig 'di zhes pa ni/ gnod sbyin mo chen mo 'bar ba'i mgo can dang/ gnod sbyin mo chen mo rdo rje che ba can dang/ gnod sbyin mo chen mo dpal gyi blo gros ma dang/ de dag la sogs pa dpal gyi rdzu 'phrul dang ldan pa'o/ /gzhan yang dus rtag tu sems can la gnod pa byed pa sha dang khrag dron po za bar byed pa yin no/ /tshul de lta bu'i ngo bor gnod sbyin mo de dag thams cad kyi dam tshig 'og nas 'byung ba'i tshul du smos so/ /de ltar gnod sbyin mo? thams cad kyi dam tshig gi don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku dang gsung dang thugs rdo rje gsum dang/ gcig pa'i ngo bor smos so/ /de ltar sku dang gsung dang thugs rdo rje gsum dang gnyis su med pa'i ngo bor spyad par bya ba'i dus su brtag par smos so/ /de ltar sku dang gsung dang thugs kyi don du gsungs so/ /rdo rje zhes pa ni ji ltar sku rdo rje gsung rdo rje thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so// las phyung ngo/ /zhes pa ni ston pa phyag na rdo rje ci ltar smos pa'i tshul gyis gnod sbyin mo thams cad bsgrub par bya ba'i dam tshig gi chung ba 'am bshad par smos so/ /de ltar las phyung ngo'i don du gsungs so/ /da ni gzhan yang gnod sbyin mo thams cad bsgrub par bya ba'i dam tshig gis ngo bo'i don bstan par bya ste/ sha khrag dag dang tshil za ba/ /mos mi rtag tu 'dod chags spyod/ /dam tshig ldan pa 'di rnams kyis/ /rdo rje chen po mnyes par bya/ zhes bya ba'i sgra bshad par bya ste/ ci ltar yin na/ sha khrag dag dang tshil za ba/ /mos ni rtag tu 'dod chags spyod ni/ sgrub pa pos phyi'i ma mo'i khang ba'i gnas su gnod sbyin mo'i sgrub pa bya'o/ /yang na dur khrod kyi gnas su bsgrub pa bya ba yang mi 'gal lo/ /gnas de sa gzhi mnyam par bya'o/ /de'i 'og tu bshang gci dang/ phag gi khrag dang rdzas de dag
- 205a
snod ban d+ha dum bu brgyad par bzhag nas/ chu dang dkrug par bya'o/ /rdzas des dkyil 'khor khru gang zur gsum gyi ngo bo'i tshul gyi tshad du dkyil 'khor bsku bar bya ba yin no/ /gzhan yang ka ra pur dang gung gu la sogs pa'i rdzas dri zhim po thams cad chu dang dkrug par byas nas rdzas des dkyil 'khor la gtor ro/ /de bzhin du pad ma dang ku mu ta dang/ ud pa la dang tsam pa ka la sogs pa me tog dri dang ldan pa thams cad dkyil 'khor gyi steng du dgram par bya'o// de'i 'og tu bsgrub pa pos dkyil 'khor de'i steng gi dbus gnas su mos pa'i bskyil mos 'dug go /de ma thag tu rdo rje chen por ming btags pa ston pa phyag na rdo rje nyid mdun du smos pa'i cho ga bzhi'i tshul gyis sku phyag rgyar gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi dus su smos pa/ de bzhin du 'dir bya ba yin no/ /de lta bu'i ngo bor ston pa phyag na rdo rje'i sku phyag rgyar gyur ma thag tu/ de dang gnyis su med pa'i nga rgyal du sgom par bya'o/ /de'i 'og tu gsang ba'i thugs ka ye shes sems dpa' i gnas su sngags kyi sa bon yig 'bru ksh+riM bsam mo/ kha dog dmar po cung zad ser ba me long lta bu'i ye shes kyi ye shes kyi ngo bo gzi brjid kyi 'bar zhing 'od du zhu'o/ /de ye shes kyi khu ba bzhin du gyur to/ /sa bon de las gnod sbyin mo'i sku phyag rgya bskyed par bya'o/ /de kha dog dmar po cung zad ser ba/ zhal gcig pa skra 'khril ba/ de ni rin po che'i 'phreng bas bcings pa/ zhal bzhad pa/ spyan gsum pa smin ma 'khrug pa/ sku thams cad 'bar ba'i 'od kyi 'bar ba rin
- 205b
po che sna tshogs kyi rgyan gyis brgyan pa/ phyag gnyis pa/ phyag g.yas pa rdo rje'i kyo ba 'dzin/ phyag g.yon pa na/ rdo rje'i zhags pa 'dzin pa/ de lta bu'i ngo bo gnod sbyin mo'i sku phyag rgya grangs med du sprin bzhin du nam mkha' i dbyings thams cad kyi gnas su khyab par spro bar bya ba yin no/ /de ma thag tu phyi'i gnod sbyin mo thams cad rdo rje'i kyo bas snying ga nas gzung/ rdo rje ? pas 'gul pa nas bcings te/ tshul de ltar gnod sbyin mo thams cad dgug go /de bkug nas nyid kyi gsang ba'i thugs kyi ye shes sems dpa' i gnas su 'gugs par byed mkhan dang bcas pa'i gnyis su med pa'i ngo bor bsdu bar bya bar smos so/ /de ltar spro ba dang sdu ba'i sgom pa'i sbyor ba ma grub kyi bar gyi dus de tsam du dus rtag tu bya ba yin no/ /gzhan yang gnod sbyin mo bsgrub par bya ba'i dus su sha chen la sogs pa sha thams cad dang tshil dang khrag thams cad bza' bar bya ba yin no/ /gzhan yang dus rtag tu 'dod chags kyi spyod pa spyad par bya ba yin no/ /mdor bsdus pa de ltar sha khrag dag dang tshil za ba/ / mos shing rtag tu 'dod chags spyod kyi don du gsungs so/ /dam tshig dka' ba 'di rnams kyis/ /rdo rje sems dpa' mnyes par bya zhes pa ni/ dam tshig dka' bar mi btags pa/ mdun du smos pa'i sha chen dang tshil la sogs pa khrag rnams btung bar bya'o/ /gzhan yang ji ltar smos pa'i tshul gyis 'dod chags spyod pa spyad par byed pa de lta bu'i dam tshig dka' ba yin no/ dam tshig de spyad pa dang bsrung bar byas pas/ gnod sbyin mo sgrub par bya ba yin no/ /bstan par bya ste/ sgrub pa pos gnod sbyin gang sgrub par bya ba de grub pa'i dus su mtshan ma gnyis su bya ba yin no/ /dang po ni bsgrub par byed pa sa gzhi dkyil 'khor gyi gnas de g.yo bar 'gyur ro/ /de'i 'og tu nam mkha' i gnas nas sngags kyi yi ge 'bru hUM gi sgra lan mang por grag
- 206a
par 'gyur ro/ /de ma thag tu gnod sbyin mo'i lus 'bar ba chen pos 'bar zhing thal mo sbyar nas 'ong bar 'gyur ro/ /de'i dus su sgrub pa pos sngags hUM phaT ces lan mang por brjod par bya'o/ /de'i 'og tu rdo rje'i rigs shes rab ma ye shes kyi lha mo mA ma kI dang gnod sbyin mo gnyis su med pa'i ngo bor byin gyis brlabs par bya ba yin no/ /de ma thag tu sems brtan pa chen po rnam par rtog pa spangs te/ 'dod chags chen po'i sems dga' bas bskyed nas mdun du smos pa'i sngags brjod cing gnod sbyin mo gnyis su med par 'khyud pa'i sbyor bas spyad par bya ba yin no/ /de'i 'og tu gnod sbyin ma ji ltar ngang gi chung mas don thams cad grub par smos pa de bzhin du 'gyur bar bstan to/ /mdun du smos pa'i ston pa phyag na rdo rje bsgom par byas pa de ni dus 'dir rdo rje chen po yin no/ /de mnyes par byas pa grub ste/ gnyis su med pa'i nga rgyal du bya'o/ /'on kyang de mnyes pas gnod sbyin ma thams cad 'gugs pa 'grub par 'gyur ro/ /de la dam tshig dga' ba 'di rnams kyis/ rdo rje chen pos mnyes par bya ba'i don du gsungs so/ /da ni gzhan yang phyi'i klu'i rgyal po thams cad 'gugs pa'i sgrub pa'i dam tshig gis don bstan par bya ste/ de nas phyag na rdo rje de bzhin gshegs pa'i thabs kyi bdag pos klu'i rgyal po thams cad kyi dam tshig 'di/ nyid kyi sku dang gsung dang thugs rdo rje las phyung ngo/ zhes sgra bshad par bya'o/ /ci ltar yin na/ de nas ni mdun du smos pa'i gnod sbyin mo thams cad kyi dam tshig gi don bshad par mdzad pa'i 'og tu/ klu'i rgyal po thams cad kyi don bshad par bya rtsams pa de'i don mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyis bdag po zhes pa ni/ de'i don mdun du bshad mi dgos so/ /klu'i rgyal po thams cad kyi dam tshig 'di zhes pa ni/
- 206b
klu'i rgyal po taksha ka zhes bya ba dang/ klu'i rgyal po pad ma zhes bya ba dang/ klu'i rgyal po pad ma chen po zhes bya ba dang/ klu'i rgyal po a nan ta zhes bya ba dang/ klu'i rgyal po ba su ka zhes bya ba dang/ klu'i rgyal po chen po dung gtsug ces bya ba dang/ klu'i rgyal po che nag po sog ma med ces bya ba dang/ klu'i rgyal po chen po a ba la zhes bya ba dang/ de dag la sogs pa sgyu ma dang cho 'phrul chen po'i stobs kyis thabs dang ldan pa klu'i rgyal po grangs med pa/ smos pa de dag gis dam tshig 'og nas 'byung ba'i tshul smos so/ /de ltar klu'i rgyal po thams cad kyi dam tshig 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gyi ngo bor gcig pa smos so/ /de ltar sku dang gsung dang thugs rdo rje gsum dang gnyis su med pa'i ngo bor 'og nas 'byung ba'i klu'i rgyal po rnams kyis dgug pa'i bsgrub pa pos nyid kyi lus bsgom pa bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni ji ltar sku rdo rje dang gsung rdo rje dang thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo/ zhes pa ni/ ston pa phyag na rdo rje ji ltar smos pa'i tshul gyis klu'i rgyal po thams cad kyis dam tshig sgrub pa'i don phyung ba 'am/ bshad par smos so/ /de ltar las phyung ngo'i don du gsungs so/ /da ni gzhan yang klu'i rgyal po thams cad kyis bsgrub par bya ba'i dam tshig gi don bstan par bya ste/ 'o ma 'thung ba phra ma can/ /de dag 'dod dang dri la 'bad/ /dam tshig 'dis ni 'grub par bya/ /gzhan du nges par 'gug mi 'gyur/ /zhes bya ba'i sgra bshad par bya ste/ ci ltar yin na/ 'o ma 'thung ba phra ma can de dag 'dod dang dri la 'bad ni/ klu rnams kyis nyid kyi rigs kyis spyod pa'i ngo
- 207a
bo so sor phra ma byed do/ /'o ma 'thung ba la dga' bar byed do/ /sems 'dod pa can yin no/ /de ltar rtag tu 'dod pa dang/ dri la dga' ba klu rnams kyi rang gi spyod par smos so/ /de ltar 'o ma 'thung pa phra ma can/ de ltar 'dod dang dri la 'bad kyi don du gsungs so/ /dam tshig 'dis ni bsgrub par bya gzhan du nges par 'gug mi 'gyur zhes pa ni/ sgrub pa pos phyi'i chu klung gi gnas su klu'i rgyal pos bsgrub par bya'o/ /yang na mtsho 'gram du sgrub pa bya yang mi 'gal lo/ /gnas der sa gzhi mnyam par bya'o/ /de'i 'og tu ba ser mo'i lci ba dang/ ga pur dang/ tsan dan dang/ na ga ge sar gyi se'u 'bru dang/ rdzas de dag rdza ma kha spub pa'i nang du gzhag go /de chu dang dkrug bar bya'o/ /rdzas des dkyil 'khor gru bzhi'i ngo bo khru gang gi tshang du bsku bar bya ba yin no/ /de'i steng du me tog pad ma dang/ me tog ku mu da dang/ ud pa la dang/ nag pus pa la sogs pa'i me tog dri dang ldan pa thams cad dgram par bya'o/ /de'i 'og tu dkyil 'khor gyi mdun du chu 'gram gnyis kyi sa dang/ grog mkhar gyi sa dang/ dug thams cad dang/ lan tshwa dang/ de dag la sogs pa rdzas blangs nas klu'i gzugs brnyan bya'o/ /gzugs brnyan de'i mdun du klu dga' ba'i rdzas rnams gzhag par bya'o/ /rdza ma kha spub kyi snod nang du ba'i 'o ma gzhag go /na ga bus pa la sogs pa'i me tog dri dang ldan pa thams cad dang/ ga pur dang/ tsan dan dang gu gum la sogs pa dri dang ldan pa de dag rdzas dang bcas pa'i snod rdza ma kha spub kyi nang du bzhag pa yin no/ /de ltar klu dga' ba'i rdzas de dag ma gtogs pa'i/ des par klu'i gnas su rgyal po bsgrub pa'i bsgrub par mi 'gyur ro/ /de ltar byas ma thag tu sgrub pa pos dkyil 'khor gyi steng gi dbus nas su mos pa'i skyil mos 'dug go
- 207b
de ma thag tu mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar 'gyur bar bya'o/ /de'i sku mdog dang/ zhal dang phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa'i thams cad ci ltar le'u bzhi pa las thugs kyi dkyil 'khor kyi dus su smos pa de bzhin du bstan to/ /de lta bu'i ngo bo rdo rje mi bskyod pa'i sku phyag rgyar gyur par byas ma thag tu de dang gnyis su med pa'i nga rgyal du bsgom mo/ /de'i 'og tu nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid kyi 'bar zhing 'od du zhu'o/ /ye shes kyi khu ba bzhin du gyur to/ /sa bon de las khro bo'i rgyal po ma ha ba la'i sku phyag rgya bskyed par bya'o/ /de phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ gzhan yang sku mdog dang zhal dang/ phyag dang/ phyag mtshan dang/ rgyan dang/ nyid kyi shes rab ma khro mo'i rgyal mo dang gnyis su med par 'khyud pa'i sbyor ba dang ldan pa'o/ de ltar cha lugs phun sum tshogs pa thams cad ji ltar le'u bzhi pa las thugs kyi dkyil 'khor gyi dus su smos pa de bzhin du 'dir bya ba yin no/ /de lta bu'i khro bo'i rgyal po ma ha ba la'i sku phyag rgya grangs med pa sprin lta bu sa 'og gi 'jig rten gyi gnas su khyab par spro ba yin no/ /de ma thag tu klu'i rgyal po ji snyed yod pa de dag rdo rje kyo bas snying ga nas gzung/ de bzhin du rdo rje zhags pas mgul pa nas bcings te/ tshul de ltar klu'i rgyal po de dag thams cad dgug go /de'i mdun du smos pa'i gzugs brnyan rdzas la byas pa de/ de dag gnyis su med pa'i ngo bo dgug par byas pa/ klu'i rgyal po thams cad thim par
- 208a
'gyur bar bsam mo/ /tshul de ltar bsgom pa bya zhing khro bo'i rgyal po ma hA ba? la'i sngags rings klu'i snying po dang spel ba'i tshul gyis khro bo'i stangs thabs kyis sgra chen pos 'bum phrag gsum gyi grangs med kyi tshad du bsnyen pa bya ba yin no/ /gzhan yang sngags kyi bstan par bya ste/ na ma sa man+ta kA ya bAk+tsit+ta badzra naM/ oM hUM hUM hUM naM/ phaT phaT phaT/ oM u kra shu la pa ne/ hUM hUM hUM naM/ phaT phaT phaT/ oM badzrho ti nir na ta/ hUM hUM hUM naM/ phaT phaT phaT/ oM ma ha ba la sa ma ya sarba na ga ra d+hi? shwa a kar sha na ma ku ru swAhA/ de ltar sbyor pa'i bsgom pa dang/ sngags kyi bzlas pa'i bsnyen pa byas pas grub pa pos klu'i rgyal po gang yang rung ba bsgrub par byed pa de 'grub pa'i dus su mtshan ma gnyis 'byung ba yin no/ /dang po ni rdzas la klu'i rgyal po'i gzugs brnyan byas pa de 'grub par 'gyur ro/ /de'i 'og tu gzugs brnyan de 'bar bar 'gyur ba yin no/ /de ma thag tu klu'i rgyal po lus 'bar ba chen pos 'bar nas thal mo sbyar nas 'ong bar 'gyur ro/ /dus de nas bzung nas dus thams cad du bran bzhin du dbang du 'gyur ro/ /gzhan yang bsgrub pa pos ci ltar 'dod pa thams cad skad cig tsam gyi 'grub bar byed par smos so/ /mdor sdu ba de ltar dam tshig 'dis ni bsgrub par bya/ gzhan du nams kyang 'gug mi 'gyur gyi don du gsungs so/ /da ni gzhan yang phyi'i lha ma yin gyis bu mo dgug par bya ba'i bsgrub par bya ba'i bsgrub pa pos dam tshig gis don bstan par bya ste/ de nas phyag na rdo rje de bzhin gshegs pa thams cad kyi bdag pos lha ma yin gyis bu mo thams cad kyi dam tshig 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ de nas ni mdun du bshad pa'i klu'i rgyal po thams cad kyi dam tshig gi don bshad par mdzad pa'i 'og tu lha ma yin gyi bu thams
- 208b
cad kyi dam tshig gi don bshad par brtsams pa'i de'i don mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag po zhes pa ni/ de'i don mdun ru bshad pas/ bde ste 'dir bshad mi dgos so/ /lha ma yin gyi bu mo'i dam tshig 'di zhes pa ni/ lha ma yin gyi bu mo/ /gtsug phud can zhes bya ba dang/ lha ma yin gyi bu mo zla ba'i gdong can zhes bya ba dang/ lha ma yin gyi bu mo sems 'phrog par byed ma zhes bya ba dang/ lha ma yin gyi bu mo mos par byed ma zhes bya ba dang/ lha ma yin gyi bu mo don thams cad grub par byed ma zhes bya ba de dag la sogs pa'i sgyu ma dang sgyu 'phrul chen po'i thabs dang ldan pa grangs med pa'i lha ma yin gyi bu mo smos pa de dag gis dam tshig dam tshig 'og nas byung ba'i tshul 'di smos so/ /de ltar lha ma yin gyi bu mo'i dam tshig gi don du gsungs so/ /nyid kyi sku dang gsung dang thugs zhes pa ni ston pa phyag na rdo rje nyid kyi sku dang gsung dang thugs rdo rje gsum ni ngo bo gcig par smos so/ /de ltar sku dang gsung dang thugs rdo rje gnyis su med pa'i ngo bo 'og nas 'byung ba'i lha ma yin gyi bu mo dgug pa'i bsgrub pa bya ba'i dus su bsgrub pa pos nyid kyi lus bsgom pa bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes bya ba ni/ ci ltar sku rdo rje dang gsung rdo rje dang thugs rdo rje gnyis su med pas bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni/ ston pa phyag na rdo rjes ci ltar smos pa'i tshul gyis lha ma yin gyi bu mo thams cad kyi bsgrub pa bya ba'i dam tshig gi don phyung ba 'am bshad par smos so/ /de ltar las phung po ngo bo'i don du gsungs so/ /da ni gzhan yang lha ma yin gyi bu mo sgrub par bya ba'i dam tshig gi
- 209a
ngo bo'i don bstan par bya'o/ /khro zhing nga rgyal 'cha' bas non/ /dri dang me tog spyod las skyes/ /rdo rje sa 'og dam tshig ste/ /gdul ka rdo rje 'jigs pa'o/ /zhes bya ba'i sgra bshad par bya ste/ ci ltar yin na/ khro zhing nga rgyal 'cha' bas gnod/ /dri dang me tog spyod las skyes ni/ lha ma yin gyi bu mo ni rang gi rigs ni spyad pa'i ngo bo so sor khro bar byed pa dang/ phyin ci log pa'i 'dod chags kyi nga rgyal 'dzin pa yin no/ /gzhan yang nga lha dang mi'i gnas nas/ dri dang ldan pa'i rdzas dang dri dang ldan pa'i me tog bskyed pa de longs spyod byed pas dga' bar 'gyur ro/ /de ltar ma yin gyis bu mo'i bu mo rnams kyi rang gi rigs kyi ngo bor smos so/ /de ltar khro zhing nga rgyal 'cha' bas gnon/ dri dang me tog spyod las skyes kyi don du gsungs so/ /rdo rje 'og dam tshig ste/ gdul dka' rdo rje 'jigs pa'o/ /zhes pa ni/ bsgrub pa pos phyi'i bur khrod kyi gnas su lha ma yin gyi bu mo'i bsgrub pa bya'o/ /yang na mtshan ma gcig pa'i gnas su bsgrub pa bya ba yang mi 'gal lo/ /gnas des sa gzhi mnyam par bya'o/ /de'i 'og tu pad ma rag ta dang/ byang chub sems dang/ gci ba dang/ gzhan yang ga pur dang/ gu kum dang/ tsan dan dang/ pad ma la sogs pa'i me tog dri dang ldan pa thams cad kyi bre'u 'bru dang/ rdzas de dag thams cad gcig tu bsres nas ban d+ha dum bu lnga pa'i snod du gzhug go /de chu dang dkrug par bya'o/ /rdzas des dkyil 'khor khru gang gi tshad du zur gsum gyis ngo bo bsku bar bya ba yin no/ /der dri dang ldan pa me tog thams cad dkyil 'khor gyi steng du dgram par bya'o/ /de'i 'og tu dkyil 'khor gyi mdun du dur khrod kyi thal pas dang bcas pa dang/ lam gyi bzhi mdo'i sa dang/ mi rus pa'i phye ma dang/ rdzas de dag blangs
- 209b
nas phag gi khrag dang dkrug par bya'o/ /rdzas des lha ma yin gyi bu mo'i gzugs brnyan bya'o/ /gzugs brnyan de ga pur la sogs dri zhim po thams cad chu dang dkrugs nas bsku bar bya'o/ /gzhan yang pad ma la sogs pa'i rdzas dri zhim po thams cad dgram par bya'o/ /de ltar byas ma thag tu sgrub pa pos dkyil 'khor de'i steng gi dbus su mos ba'i skyil mos 'dug go /de ma thag tu mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar 'gyur bar bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi dus su ci ltar smos pa de bzhin du/ 'dir bya ba yin no/ /de lta bu'i ngo bo rdo rje mi bskyod pa'i sku phyag rgya gyur ma thag tu de dag gnyis su med pa'i nga rgyal du bsgom par bya ba yin no/ /de'i 'og tu nyid kyi gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid chen pos 'bar zhing 'od du zhu nas ye shes kyi khu ba bzhin du 'gyur ro/ /sa bon de las gdul dka' rdo rje 'jigs par ming btags pa khro bo rgyal po a tsa la'i sku phyag rgya bskyed par bya'o/ /de'i phyag g.yas dang po na rdo rje kyo ba 'dzin g.yon dang po na rdo rje zhags pa 'dzin/ gzhan yang sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma khro mo'i rgyal mo gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi dus su smos pa de bzhin du sbyar ba yin no/ /de lta
- 210a
bu'i ngo bo khro bo'i rgyal po Arya a tsa la'i sku phyag rgya grangs med pa mdud du smos pa'i don gyis rdo rje sa 'og tu gnas der khyab par spro bar bya'o/ /de ma thag tu sa 'og gi dam tshig tu ming btags pa phyi'i lha ma yin gyi bu mo yod pa de dag thams cad rdo rje kyo bas ba ga'i gnas nas bzung rdo rje zhags pas mgul pa nas bcings te/ tshul da ltar lha ma yin gyi bu mo thams cad dgug pa de ni mdun du smos pa'i lha ma yin gyi bu mo gzugs brnyan rdzas las byas pa'i de dang gnyis su med pa'i ngo bor lha ma yin gyi bu mo bkug pa thams cad thim par 'gyur bar bsam mo tshul de ltar lha ma yin gyi bu mo sgom pa bya zhing khro bo'i rgyal po Arya a tsa la'i sngags rings lha ma yin gyi bu mo'i ming dang spel ba'i tshul gyis khro bo'i stabs kyi sgra chen po'i 'bum phrag gsum gyis grangs kyi tshad du bzlas pa'i bsnyen pa bya ba yin no/ /gzhan yang sngags kyi ngo bo bstan par bya ste/ na ma sa man ta kA ya bAk+tsit+ta badzra nan/ a tsa la ka nan ta/ mo ta mo ta/ ha ha/ mo ha mo ha/ sa ha sa ha/ ha na ha na/ d+ha ha d+ha ha/ ti shwa ti shwa/ a b+hi shwa a b+hi shwa/ ma ha man tra ba la ka /d+hu na d+hu na/ ki ni ki ni/ kha d+ha kha d+ha/ b+he ga nan ma ra ma ra/ du shta na b+ha ga khrag /sarbaM ku ru ku ru/ ki ri ki ri/ ma ha d+he sha ma badzra sO ta ya sO ta ya/ hUM hUM tri ba yi ta/ ra ga barta ka /oM ha ha/ a tsa la te tsa/ spo ta ya spo ta ya/ hUM a sa ma tri ka ra ta/ ma ha pa la sha ta ya/ sa ma ya/ maM traM haM/ shud ta to la ka/ to sh+ya to/ badzra na ma to/ pra ti ha ta ba? li/ bya badzra la ta ya tra tra/ a sa ha na ma sa ze a burya ka/ n+ya? shtsa/ a kar sha na ma ku ru swAhA/ de ltar sbyor ba'i bsgom pa dang/ sngags kyi bzlas pa'i bsnyen pa byas pas/ sgrub pa pos lha ma yin gyi bu mo/ gang sgrub par byed pa
- 210b
des/ 'grub pa'i dus su mtshan ma gnyis byung ba yin no/ /dang po ni rdzas la lha ma yin gyi bu mo gzugs brnyan byas pa de/ 'gul bar 'gyur ro/ /de'i 'og tu gzugs de 'bar bar 'gyur ro/ /de ma thag tu lha ma yin gyi bu mo lus 'bar zhing thal mo sbyar nas 'ong bar 'gyur ro/ /de'i dus su bsgrub pa pos hUM phaT ces sngags kyi sgra lan mang por brjod par bya'o/ /de'i 'og tu rdo rje'i rigs kyi shes rab ma ye shes kyi lha mo mA ma kI dang gnyis su med pa'i ngo bor lha ma yin gyi bu mo byin gyis brlabs bar bya ba yin no/ /de ma thag tu sems brtan pa rnam par rtog pa spangs te/ 'dod chags chen po'i sems dga' bar skyed de/ khro bo chen pos mdun du smos pa'i sngags brjod cing lha ma yin gyi bu mo gnyis su med par 'khyud pa'i sbyor bar spyod par bya'o/ /de'i 'og tu ni lha ma yin gyi bu mos ji ltar rang gi chung mas/ dgos pa'i don thams cad bsgrub par bya ba smos pa/ de bzhin du byed par bstan to/ /de ltar rdo rje sa 'og dam tshig gdul dka' rdo rje 'jigs pa bo'i don du gsungs so/ /de ni gzhan yang phyi'i srin mo dgug pa'i sgrub pa bya ba'i dam tshig gi don bstan par bya ste de nas phyag na rdo rje de bzhin gshegs pa thams cad kyi bdag pos srin mo rnams kyi dam tshig 'di/ nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i lha ma yin gyi bu mo'i dam tshig gi don bshad par brtsams pa de'i don mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste/ 'dir bshad mi dgos so/ /srin mo'i dam tshig ces pa'i ni/ srin mo mi'i gdong can bya ba dang/ srin mo rta'i gdong can zhes bya ba dang/ srin
- 211a
mo phag gi gdong can zhes bya ba dang/ srin mo mche ba'i phreng ba can zhes bya ba dang/ de dag la sogs pa sgyu ma/ sgyu 'phrul chen po'i thabs dang ldan pa grangs med pa'i srin mo'i chung ma thams cad smos so/ /de dag gis dam tshig 'og nas 'byung ba yin no/ /de ltar srin mo'i dam tshig gi don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya'i sku dang gsung dang thugs rdo rje gsum gyi ngo bo gcig par smos so/ /de ltar sku dang gsung dang thugs rdo rje gsum dang gnyis su med pa'i ngo bo'i gnas nas 'byung ba'i srin mo dgug pa'i sgrub pa bya ba'i dus su sgrub pa pos nyid kyis lus bsgom ba bya bar smos so/ /de ltar nyid kyi sku dang gsung dang thugs kyi don du gsungs so// rdo rje zhes pa ni/ ji ltar sku rdo rje dang gsung rdo rje dang thugs rdo rje dang gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo/ zhes pa ni/ ston pa phyag na rdo rjes ji ltar smos pa'i srin mo thams cad kyi bsgrub pa'i dam tshig don chung ba 'am bshad par smos so/ /de ltar las phyung ngo'i don du gsungs so/ /da ni gzhan yang srin mo'i bsgrub pa bya ba'i dam tshig gi ngo bo'i don bstan par bya ste/ thod rus gdug pa lus dmar gyis/ /tshil chen dam tshig dag gis dga' bar 'gyur/ /'byung po kun gyi dam tshig ste/ /gtsang ma rdo rje don chen byed/ /ces bya ba'i sgra bshad par bya ste/ ci ltar yin na/ thong dus gdug pa lus dmar gyis/ tshil chen dag gis dga' bar 'gyur ni/ phyi'i lam gyi bzhi mdo'i gnas su srin mo'i bsgrub par bya'o/ /yang na shing gcig gi gnas su bsgrub pa bya ba yang mi 'gal lo/ /gnas der sa gzhi mnyam par bya'o/ /de'i 'og tu bong bu'i khrag dang bshang gci dang/ de dag snod ban d+ha dum bu lnga par gzhag
- 211b
go /rdzas des dkyil 'khor khru gang gi tshad du zur gsum gyi ngo bo'i tshul du sku bar bya ba yin no/ /da tu ra'i me tog dang/ me tog ka ra bi ra dang/ me tog de dag dkyil 'khor du dgram par bya'o/ /da'i 'og tu dkyil 'khor gyi mdun du g.yul bkye ba'i sa/ mi khrag dang bcas pa dang/ lam gyi bzhi'i mdo gnas kyis sems can thams cad kyi rkang rjes kyi sa dang/ ma te'i rus pa'i phye ma dang/ rdzas de dag phag gi khrag dang dkrug par bya'o/ /rdzas des srin mo'i gzugs brnyan bya'o/ / gzugs brnyan de'i mdun du mi'i rus pa dang/ mi'i mar dang tshil dang khrag de dag la srin mo rnams dga' bas rdzas des yongs su sreg par bya'o/ /de ltar byas ma thag tu bsgrub pa pos dkyil 'khor gyi steng gi dbus gnas su mos pa'i skyil mos 'dug go /de ma thag du mdun du smos pa'i cho ga bzhi'i tshul gyis/ rdo rje mi bskyod pa'i sku phyag rgyar gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi dus su smos pa de bzhin du 'dir yang bya ba yin no/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i 'og tu nyid kyi gsang ba'i thugs ka'i ye shes sems dpa' i gnas su sngags kyi sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba bzhin du 'gyur ro/ /sa bon de las khro bo 'dod pa'i rgyal po sku phyag rgya bskyed par bya'o/ /de'i phyag g.yas dang po na rdo rje kyo ba 'dzin pa/ phyag g.yon dang po na rdo rje zhags pa 'dzin/ gzhan yang
- 212a
sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma khro mo'i rgyal mo dang/ gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi skabs su smos pa'i de bzhin du 'dir bya ba yin no/ de lta bu'i ngo bo khro bo 'dod pa'i rgyal po sku phyag rgya grangs med pa sprin lta bu nam mkha' i dbyings kyi gnas su spro bar bya ba yin no/ /de ma thag tu phyi'i srin mo ci snyed yod pa de dag thams cad rdo rje kyo bas b+ha ga'i gnas nas bzung/ rdo rje zhags pas mgul pa nas bcings te/ tshul de ltar dgug go /srin mo thams cad dgug pa de ni mdun du smos pa'i srin mo'i gzugs brnyan byas pa de dang gnyis su med pa'i ngo bor srin mor dgug par bya ba thams cad thim par bya bar bsam mo/ /tshul de ltar bsgom pa bya zhing khro bo 'dod pa'i rgyal po'i sngags rings srin mo'i ming dang spel ba'i tshul gyis khro bo'i stabs kyi sgra chen pos 'bum phrag gsum gyi grangs kyi tshad du bzlas pa'i brnyen pa bya ba yin no/ /gzhan yang sngags kyi ngo bo bstan par bya ste/ na ma sa man ta kA ya bAk+tsi ta badzra naM dzi ta ki hUM/ sarba raksha sIM shwa a kar sha naM/ ku ru de ltar bsgom pa'i sbyor ba dang sngags kyi bzlas pa byas pas/ /bsgrub pa pos srin mos gang yang rung ba'i bsgrub par byas pa de ni 'grub pa'i dus mtshan ma gnyis byung ba yin no/ /dang po rdzas las byas pa'i srin mo'i gzugs brnyan de 'gul bar 'gyur ro/ /de'i 'og du gzugs brnyan de 'bar bar 'gyur bar yin no/ /de'i 'og du srin mo'i lus 'bar zhing thal mo sbyar nas 'ong bar 'gyur ro/ /de'i dus su bsgrub pa pos sngags kyi sgra hUM phaT ces lan mang por brjod par bya'o/ /de'i 'og du rdo rje'i rigs shes rab ma lha mo mA ma
- 212b
kI dang/ gnyis su med pa'i ngo bor byin gyis brlab par bya ba yin no/ /de ma thag tu brtan pas rnam par rtog pa spangs te/ 'dod chags chen po'i sems dga' ba skyed nas/ khro bo chen pos mdun du smos pa'i sngags brjod cing srin mo dang gnyis su med par 'khyud pa'i sbyor bas med par bya ba yin no/ /de'i dus su bsgrub pa pos sha chen po dang tshil chen dang khrag chen dang/ de dag srin po dang gzhan yang 'byung po thams cad kyi rang gi dga' ba'i rdzas gtsang ma 'am/ dag pa bsgrub pa po'i don thams cad 'grub pa'i 'bras bu 'grub par byed pa'o/ /don des don chen po byed par smos so/ /de dag bza' bar bya bar bstan to/ /mdor sdu ba de ltar thod dus gdug pa 'bru mar gyis tshil chen dag gis dga' bar 'gyur gyi don du gsungs so/ /'byung po kun gyi dam tshig ste/ gtsang ma rdo rje don chen byed ces pa ni/ de'i don du mdun du bshad pas bde ste/ 'dir bshad mi dgos so/ /da ni gzhan yang phyi'i mkha' 'gro ma thams cad dgug pa'i sgrub pa bya ba'i dam tshig gi don bstan par bya ste/ de nas phyag na rdo rje de bzhin gshegs pa'i thams cad kyi bdag pos/ /mkha' 'gro ma thams cad kyi dam tshig 'di/ nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ /ci ltar yin na/ de nas ni mdun du smos pa'i srin po thams cad kyi dam tshig gi don bshad par mdzad pa'i 'og tu/ mkha' 'gro ma thams cad kyi dam tshig gi don bshad par brtsams pa de'i don mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag po zhes pa ni/ de'i don mdun du bshad pas bde ste/ 'dir bshad mi dgos so/ /mkha' 'gro ma thams cad kyi dam tshig 'di zhes pa ni/ mkha' 'gro ma byi li'i mgo can dang/ /mkha' 'gro ma srin mo'i mgo can zhes bya ba
- 213a
dang/ mkha' 'gro ma dur bya'i mgo can zhes bya ba dang/ mkha' 'gro ma bya rgod mgo can zhes bya ba dang/ de dag la sogs pa'i sgyu ma dang cho 'phrul chen po'i thabs dang ldan pa grangs med pa'i mkha' 'gro ma smos so/ /de dag gi dam tshig 'og nas 'byung ba'i tshul la bstan to/ /de ltar mkha' 'gro ma thams cad kyi dam tshig 'di'i don du gsungs so/ /sku dang gsung dang thugs zhes pa ni ston pa phyag na rdo rje nyid kyi sku phyag rgya sku dang gsung dang thugs rdo rje gsum gyi ngo bo gcig par smos so/ /de ltar sku dang gsung dang thugs rdo rje gsum dang gnyis su med pa'i ngo bo 'og nas 'byung ba'i mkha' 'gro ma dgug pa'i bsgrub pa bya ba'i dus su sgrub pa pos nyid kyis lus bsgom par bya bar smos so/ /de ltar sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang gsung rdo rje dang thugs rdo rje dang gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las byung ngo/ zhes pa ni/ ston pa phyag na rdo rje ci ltar smos pa'i tshul gyis mkha' 'gro ma thams cad kyi/ dam tshig gi don phyung ba 'am bshad par smos so/ /de ltar las phyung ngo bo'i don du gsungs so/ /da ni mkha' 'gro ma'i bsgrub pa bya ba'i dam tshig gi ngo bo'i don bstan par bya ste/ bshang gci dang ni khrag dag bza' / /chang la sogs pa rtag tu btung/ /bsgrub pa pos mkha' 'gro ma'i bsgrub pa bya ba'i dus su nyid kyi bshang gci blang ngo/ /gzhan yang phyi'i khrag ni g.yul bkye? ba'i gnas nas/ blang ngo/ rdzas dang de dag gcig tu bsre ba'i yin no/ /de ni ji ltar smos pa'i snod ban d+ha mtshan dang ldan pa'i nang du gzhag go /de'i 'og tu mdun du smos pa'i rdzas le'u lnga pa las smos pa'i tshul gyis sgom pa'i cho ga byas
- 213b
nas bza' bar bya'o/ /gzhan yang ma grub kyi bar gyi dus de tsam du rtag du bu ram gyi chang dang rgun chang la sogs pa'i bye brag sna tshogs kyi chang btung bar bya bar smos so/ /de ltar bshang gci dang ni khrag dag bza' / chang la sogs pa'i rtag tu btung gi don du gsungs so/ /rdo rje mkha' 'gro'i sbyor ba yis/ /gnas kyi mtshan nyid bshad par bya zhes pa ni/ sgrub pa pos phyi'i mtshan ma gcig pa'i gnas su mkha' 'gro ma'i bsgrub pa bya'o/ /yang na ma mo'i khang pa'i gnas su bya ba yang mi 'gal lo/ / gnas des mnyam par gzhag par bya'o/ /de'i 'og tu bshang gci dang/ mi'i khrag dang/ de dag snod ban d+ha dum bu lnga pa'i nang du gzhag go /rdzas des dkyil 'khor khru gang gi tshang du zur gsum gyi ngo bor bsku bar bya'o/ /me tog ke ta ki dang/ me tog pa ta li dang/ de dag la sogs pa'i me tog dkyil 'khor gyi steng du dgram par bya'o/ /de'i 'og tu dkyil 'khor gyi mdun du dur khrod kyi thal ba'i sa dang bcas pa dang/ grog mkhar gyi sa dang/ mi'i rus pa'i phye ma dang/ sems can thams cad kyi rkang rjes kyi sa dang/ shing e ran ta'i tog bu dang/ rdzas de dag bong bu'i bdud rtsis dkrug par bya'o/ /rdzas de la mkha' 'gro ma'i gzugs brnyan bya'o/ /de ltar byas ma thag tu sgrub pa pos dkyil 'khor steng gi dbus gnas su mos pa'i skyil mos 'dug go /de ma thag tu mdun du smos pa'i cho ga bzhi'i tshul gyi rdo rje mi bskyod pa'i sku phyag rgyar 'gyur bar bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ji ltar le'u bzhi pa 'am thugs kyi dkyil 'khor gyi dus su bya bar smos pa de bzhin du 'dir bya ba yin no/ /de lta bu'i
- 214a
ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom pa bya ba yin no/ /de'i 'og tu nyid kyi gsang ba'i thugs ka ye shes sems dpa' i gnas su sngags kyi sa bon yig 'bru ho bsam mo/ / de'i kha dog dung ka me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba bzhin du gyur to/ /sa bon de las rdo rje mkha' 'gro mar ming btags pa khro mo'i rgyal mo ral pa gcig pa'i sku phyag rgyar gyur par bya'o/ /de sku mdog dung kha lta bu ral pa gcig pa/ gyen du rjes pa ral ba'i rtsa ba sbrul gyis bcings pa zhal gsum pa zhal dbus ma sku dang mthun pa g.yas dkar po/ /g.yon dmar po/ dus 'dir spyan gsum gsum/ smin ma skyod par mdzad pa/ mche ba'i 'phreng ba can/ sku dang gsus pa che ba/ sku kun nas bskal pa'i me lta bu rab tu 'bar ba'o/ /khro bo'i rgyan thams cad kyis brgyan pa/ phyag drug phyag mtshan drug go /phyag g.yas dang po na rdo rje kyo ba 'dzin pa/ phyag g.yon dang po na rdo rje zhags pa 'dzin pa/ gzhan yang mtshon cha'i bye brag sna tshogs 'dzin par rtag par bya bar smos so/ /de lta bu'i ngo bo rdo rje mkha' 'gro mar ming btags pa khro mo'i rgyal mo ral pa gcig ma'i sku phyag rgya grangs med pa sprin bzhin du 'jig rten gyi khams thams cad kyi gnas su khyab par spro bar bya ba yin no/ /de ma thag tu phyi'i mkha' 'gro ma ji snyed yod pa de dag thams cad rdo rje kyo bas b+ha ga nas bzung/ rdo rje zhags pas mgul pa nas bcings te/ tshul de ltar mkha' 'gro ma thams cad dgug par byas pa de ni/ mdun du smos pa'i mkha' 'gro ma'i gzugs brnyan rdzas la byas pa de dang gnyis su med pa'i ngo bor dgug par byas pa'i mkha' 'gro ma thams cad thim pas gyur par bsam mo/ /de ltar byas pa'i
- 214b
'og tu sgrub pa pos dgra gang dgug par bya ba yod pa de ni mdun du smos pa'i tshul du dgug par bya'o/ /de ma thag du gnas kyi mtshan mar ming btags pa mkha' 'gro ma'i gzugs brnyan de dang gnyis su med par thim par gyur par bsam mo/ /de'i dus su dgug par mdzad mkhan gyi sku phyag rgyar grangs med pa sprin lta bur smos pa de dag bye brag sna tshogs kyi rdo rje'i mtshon cha sna tshogs kyi char phab pa'i tshul gyi mkha' 'gro ma'i gzugs brnyan rdzas la byas pa de'i steng du rdegs? par bya bar bsam par bya'o/ /tshul de ltar bsgom pa'i sbyor ba byas pas dgra thams cad 'chi bar 'gyur ro/ /gzhan yang mdun du smos pa'i sgom pa bya zhing khro mo'i rgyal mo ral pa gcig pa'i sngags rings mkha' 'gro ma'i ming dang spel ba'i tshul gyis/ khro bo'i stabs kyi sgra chen pos 'bum phrag gsum gyi grangs kyis tshad du bzlas pa'i bsnyen pa bya ba yin no/ /gzhan yang sngags kyi bstan par bya ste/ oM shu li ni sarba da ni ma a kur sha ni ku ru swAhA/ de ltar sbyor ba dang/ sgom pa dang/ sngags kyi bzlas pa'i bsnyen pa byas pas mkha' 'gro ma gang bsgrub par bya ba de ni 'grub pa'i dus su mtshan ma gnyis 'byung ba yin no/ /dang po ni rdzas la mkha' 'gro ma'i gzugs de 'gul bar 'gyur ro/ /de'i 'og tu gzugs brnyan de 'bar bar 'gyur ro/ /de ma thag tu mkha' 'gro ma'i lus 'bar zhing thal mo sbyar nas 'od bar 'gyur ro/ /de'i dus su bsgrub pa pos sngags hUM phaT/ ces lan mang por brjod par bya'o/ /de'i 'og tu rdo rje rigs kyi shes rab ma ye shes kyi lha mo mA ma kI dang/ gnyis su med pa'i ngo bor mkha' 'gro ma byin gyis brlabs par yin no/ /de ma thag du sems brtan pas rnam par rtog par spangs nas/ 'dod chags chen po'i sems dga' ba bskyed nas khro bo chen pos mdun du smos pa'i
- 215a
sngags brjod pas mkha' 'gro ma gnyis su med par 'khyud ba'i sbyor bas spyad par bya'o/ /de spyod par byas pa'i dus su bsgrub pa pos mdun du smos pa'i bshang gci dang/ khrag dang rdzas des bza' bar bya'o/ /gzhan yang ji ltar smos pa'i chang gi bye brag btung bar bya ba yin no/ /tshul de ltar grub pa'i 'og tu ji ltar rang gi chung mas don thams cad bsgrub par byed par smos pa de bzhin du 'grub par bstan to/ /de ltar rdo rje mkha' 'gro mi'i sbyor ba yis/ gnas kyi mtshan nyid gsang pa'i don du gsungs so/ /da ni gzhan yang lha dang mi la sogs pa'i sems can khams gsum pa'i gnas thams cad na gnas pa de dag thams cad kyi dam tshig tu ming btags pa chung mthing smos so/ /de dgug pa'i bsgrub ba bya ba'i dam tshig gi don bstan par bya ste/ ngo bo nyid kyi kun 'byung ba/ /khams gsum dag na gnas par spyod/ /sems can kun la phan 'dod pa'i/ /dam tshig ma lus spyad par bya/ /ci ltar zhes bya ba'i sgra bshad par bya ste/ ci ltar yin na/ ngo bo nyid kyi kun 'byung ba/ khams gsum dag na gnas par spyod ni/ mdun du smos pa'i mkha' 'gro ma'i dgug pa'i sgrub pa bya ba'i dus su/ ci ltar phyi'i bsgrub pa'i bya ba'i gnas dang/ sbyor ba'i rdzas phun sum tshogs pa dang/ sgom pa sbyor ba dang/ sngags kyi bzlas pa'i bsnyen pa bya bar smos pa de bzhin du 'di'i bya bar bstan to/ /gzhan yang sems can thams cad kyi dam tshig tu ming btags pa chung ma yin te/ de dag dgug pa'i bsgrub pa bya ba'i dus su bstan par bya ste/ sgrub pa pos dpal rdo rje sems dpa' dang gnyis su med par bsgoms pas nyid kyi gsang ba'i thugs ka nas ye shes sems pa'i ga nas su mdun du smos pa'i sngags kyi sa
- 215b
bon yig 'bru las/ khro mo'i rgyal mo ral pa gcig ma'i sku phyag rgya skyed par bya'o/ /de'i cha lugs thams cad phun sum tshogs pa ci ltar mdun du bstan pa bzhin du 'dir bya ba yin no/ /de lta bu'i ngo bo khro mo'i rgyal mo ral pa gcig ma'i sku phyag rgya grangs med par sprin bzhin du 'jig rten gyi khams thams cad du gnas su khyab par spro ba yin no/ /de ma thag tu lha dang mi la sogs pa'i sems can de dag thams cad ni/ nyid nyid kyi las kyi sa bon gyi ngo bos 'khor bar 'byung bar smos so/ /de dag ni gnas khams gsum thams cad na gnas par smos par/ de dag thams cad kyis chung ma rdo rje kyo bas b+ha ga'i gnas nas bzung/ rdo rje zhags pas mgul pa nas bcings te/ tshul de lta bus dam tshig tu ming btags pa sems can thams cad kyi chung ma dgug par bya'o/ /de ci ltar mdun du smos pa'i mkha' 'gro ma'i gzugs brnyan rdzas la ji ltar byas pa de bzhin du bya'o/ /de la gnyis su med par thim par gyur par bsam mo/ /tshul de ltar bsgom pa bya zhing khro mo'i rgyal mo ral pa gcig ma'i sngags rings dam tshig thams cad kyi ming dang spel ba'i tshul gyis khro bo'i stabs kyis sgra chen pos 'bum phrag gsum gyis grangs kyi tshad du bzlas pa'i bsnyen pa bya ba yin no/ /gzhan yang sngags kyi ngo bo bstan par bya ste/ oM shu li ni sarba sa ma yaM shtsa/ a kar sha naM ku ru swA hA/ de ltar sbyor ba dang/ sgom pa dang/ sngags kyi bzlas pa'i bsnyen pa byas pas bsgrub pa pos sems can gyi rigs gang yang rung ba'i chung ma bsgrub par byas pa/ de ni 'grub par 'gyur ba'i dus su mtshan ma gnyis 'byung ba 'gyur ba yin no/ /dang po ni rdzas la sogs pa sems can chung ma'i gzugs brnyan de dag 'gul bar 'gyur ro/ /de'i 'og tu gzugs brnyan de 'bar bar 'gyur ba yin no//
- 216a
de ma thag tu sems can gang gi chung ma bsgrub par byas pa de bskrag pa chen pos 'dar zhing thal mo sbyar nas 'ong bar 'gyur ro/ /de'i dus su bsgrub pa pos sngags hUM phaT ces lan mang por brjod par bya'o/ /de'i 'og tu rdo rje rigs kyi shes rab ma lha mo mA ma kI dang gnyis su med pa'i ngo bor sems can gyi chung ma byin gyis brlab pa yin no/ /de ma thag tu sems can brtan pas rnam par rtog pa spangs te/ 'dod chags chen po'i sems dga' ba skyed nas khro ba chen pos mdun du smos pa'i sngags brjod cig dgug par bya ba'i chung ma de dang gnyis su med par 'khyud pa'i sbyor bas sems can kun la phan 'dod par ming btags pa'i bsgrub pa pos yin te/ nges par spyad par bya'o/ /tshul de lta bu'i grub pa'i 'og tu sems can gyi chung ma des/ ci ltar rang gi chung mas don thams cad de sgrub par byed pa bzhin du 'gyur par bstan to/ /mdor bsdus te de ltar ngo bo nyid kyi kun 'byung ba khams gsum dag na gnas par spyod kyi don du gsungs so/ / sems can kun la phan 'dod pa'i/ /dam tshig ma lus spyad par bya zhes pa ni/ de'i don mdun du bshad pas bde ste 'dir bshad mi dgos so/ /khams gsum thams cad kyi rdo rje'i dam tshig gnas pa zhes bya ba'i ting nge 'dzin to/ /zhes bya ba ni khams gsum thams cad ni mdun du smos pa'i tshul gyis khams gsum thams cad kyi gnas na gnas/ lha dang mi la sogs pa'i sems can so sor rang rang gi gnas par smos so/ /de ltar khams gsum thams cad kyi don du gsungs so// rdo rje dam tshig ces pa ni/ ston pa mi bskyod pa yin no/ /de dang gnyis su med pa'i bsgom par byas pas mdun du smos pa'i dam tshig tu ming btags pas/ lha dang mi la sogs pa de dag thams cad kyis chung ma'i dam tshig yin no/ /de grub pa'i 'og
- 216b
bsgrub pa pos rdo rje mi bskyod pa dang gnyis su med pa'i nga rgyal gyis sems can thams cad kyi chung ma dam tshig tu ming btags pa de sprad ba byar bstan to/ /de ltar rdo rje dam tshig gi don du gsungs so/ /gnas zhes pa ni ji ltar smos pa'i sems can thams cad kyi chung ma yin no/ /de ltar gnas kyi don du gsungs so/ /zhes bya ba'i ting nge 'dzin gyis don mdun du smos pa'i tshul du sgrub pa pos rdo rje mi bskyod pa dang gnyis su med pa'i nga rgyal du sgoms pas sems rtse gcig par byas nas/ khro mo'i rgyal mo ral pa gcig ma'i sku phyag rgya grangs med par sprin bzhin du spros pas/ dam tshig tu ming btags pa'i sems can de dag thams cad kyi chung ma de dag dgug pa 'am bsgrub pa bya ba yin pas don des dus 'dir/ zhes bya ba'i ting nge 'dzin gyi don du gsungs so/ /da ni gzhan yang sku rigs kyis sgrub pa'i dam tshig gi tshul gyis/ /lus sgrub par bya ba'i de'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ sku'i dngos grub kyi dam tshig 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na de nas mdun du smos pa dam tshig tu ming btags pa/ sems can thams cad chung ma/ de dag gi don bshad par mdzad pa'i 'og tu/ sku'i rigs bsgrub par bya ba'i dam tshig gi don bshad par brtsams pa de'i don mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag po zhes pa ni/ de'i don mdun du bshad pas bde ste/ 'dir bshad mi dgos so/ /sku'i dngos grub dam tshig rdo rje 'di zhes pa ni/ sgrub pa pos nyid kyi Dlus rdo rje rnam par snang mdzad dang gnyis su med par sgom pas bsgrub par bya'o/ /dam tshig ces pa ni/ de'i don 'og nas 'byung ba'i tshul la bstan to/ /de ltar sku'i dngos grub rdo rje dam tshig gi
- 217a
don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gyis ngo bo gcig par smos so/ /de ltar sku dang gsung dang thugs rdo rje gsum dang gnyis su med pa'i ngo bo 'og nas 'byung ba'i sku rnam par snang mdzad kyi sgom pa bya ba'i dus su sgrub pa po lus bsgom pa bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang gsung rdo rje dang thugs rdo rje gnyis su med pa'i de bzhin du 'dir bstan to/ /de ltar rdo rje'i don du gsungs so/ /las phyung ngo/ /zhes pa ni/ ston pa phyag na rdo rjes ci ltar smos pa'i tshul gyis bsgrub pa po'i lus 'grub par bya ba'i dam tshig gi don phyung ba 'am bshad par smos so/ / de ltar las phyung ngo'i don du gsungs so/ /da ni gzhan yang rnam par snang mdzad kyi bsgrub pa bya ba'i dam tshig gi ngo bo'i don bstan par bya ste/ sku'i rnam pa thams cad ni/ /rdo rje 'byung bar rab tu bya/ /sems can khams ni thams cad du/ / rtag tu sangs rgyas sku byed pa'o/ /zhes bya ba'i sga bshad par bya ste/ ci ltar yin na/ sku'i rnam pa thams cad ni/ /rdo rje 'byung ba rab tu byin sgrub pa pos nyid kyis 'grub par bya ba'i phyir/ thams cad du ming btags pa sku rdo rje rnam par snang mdzad bye brag rnam pa gsum gyi ma grub kyi dus de thams cad kyi rdo rje 'byung bar ming btags pa rdo rje sems dpa' i sgom pa'i rnam par snang mdzad kyi sku phyag rgya bskyed par bya'o/ /de'i 'og tu bsgom pa'i bya ba yin no/ /gzhan yang bsgom pa bya ba'i cho ga'i don bstan par bya ste/ dang po ni phyi'i ri'i rtse mo gnas su bsgrub pa bya'o/ /yang na yid du 'ong ba'i gnas gang yang rung bar bsgrub pa yang mi 'gal lo/ /gnas de sa gzhi mnyam par bya'o/ /de'i 'og tu dam tshig rdzas bshad pa de ni/
- 217b
snod ban d+ha mtshan thams cad dang ldan par gzhag par bya'o/ /gzhan yang phyi'i ga pur dang/ gu gum dang/ tsan dan dang/ de dag la sogs pa'i dri zhim po thams cad bsre bar bya'o/ /de chu dang bkrug par byas nas rdzas des dkyil 'khor gru bzhi ngo bo'i tshul khru gang gis tshad du bsku ba'i bya ba yin no/ /de'i 'og tu pad ma dang/ ku ma ta dang/ ud pa la la sogs pa me tog dri zhim po thams cad dkyil 'khor steng du dgram par bya'o/ /de ltar byas ma thag tu sgrub pa pos dkyil 'khor gyi steng dbus gnas su mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis rdo rje sems dpa' i sku phyag rgyar gyur par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ji ltar le'u bzhi pa las thugs kyi dkyil 'khor gyi dus su smos pa de bzhin du 'dir yang bya ba yin no/ /de lta bu'i ngo bo rdo rje sems dpa' i sku phyag rgyar gyur ma thag tu de dang gnyis su med pa'i nga rgyal du bsgom pa bya ba yin no/ /de'i dus su phyi'i rdo rje'i rigs kyi bye brag khrus mkhan gyi rigs kyi bu mo blang ba'o/ /de'i mdun du smos pa'i mtshan nyid dang yon tan thams cad dang ldan pa'o/ /de ye shes kyi lha mo mA ma kI dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas shes rab ma de gang dang gnyis su med par 'khyud pa'i sbyor bas thabs dang shes rab kyi rol pa bya'o/ /de byas pas bde bar 'gyur ba'i dus su rdo rje'i lam gyis sgo nas shes rab ma'i b+ha ga'i dbus su 'o ma'i rgyun bzhin du byang chub sems 'od du zhu'o/ /de zla ba'i dkyil 'khor gyi ngo bor gyur par bsam
- 218a
mo/ /de nas de'i steng du sngags kyi sa bon yig 'bru oM bsam mo/ /de kha dog dkar po chos kyi dbyings kyi ngo bo gzi brjid kyi 'bar zhing 'od du zhu nas/ ye shes kyi khu ba bzhin du gyur to/ /byang chub sems de zla ba'i dkyil 'khor la gnyis su med par thim par bsam mo/ /sa bon der yang sku rdo rje rnam par snang mdzad kyi sku phyag rgyar bskyed par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi dus su smos pa bzhin du 'dir bya ba yin no/ /de lta bu'i ngo bo sku rdo rje rnam par snang mdzad kyi sku phyag rgya bskyed ma thag tu bskyed par mdzad mkhan dpal rdo rje sems dpa' i sku phyag rgya sku rnam par snang mdzad kyi spyi bo'i gnas su dbang bskur ba'i tshul du gnas par bsam mo/ /de lta bu'i ngo bo sku rdo rje rnam par snang mdzad kyi sku phyag rgya bskyed par byas pa'i 'og tu sgrub pa pos de dang gnyis su med pa'i nga rgyal du sgom par bya'o/ /de'i dus su sku'i rigs kyi bye brag bram ze'i bu mo blang ngo/ /de ni mdun du smos pa'i tshul gyis mtshan dang yon tan thams cad dang ldan pa'o/ /de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas shes rab ma gnyis su med par 'khyud pa'i sbyor ba bya'o/ /de byas pas bde bar gyur ba'i dus su rdo rje lam gyi sgo nas shes rab ma'i b+ha ga'i dbus su 'o ma'i rgyun bzhin du byang chub sems 'od du zhu'o/ /de zla ba'i dkyil 'khor gyis ngo bor gyur par bsam mo/ /de'i steng du sngags kyi sa bon yig 'bru oM bsam mo//
- 218b
de mdun du smos pa'i mdog dang ye shes kyi ngo bo dang ldan pa'o/ /de gzi brjid kyi 'bar zhing 'od du zhu nas ye shes kyi khu ba bzhin du gyur to/ /de byang chub sems zla ba'i dkyil 'khor la gnyis su med pa'i ngo bor thim par 'gyur bar bsam mo/ /sa bon de las sku rdo rje rnam par snang mdzad kyi sku phyag rgya bskyed par bya'o/ /de'i cha lugs phun sum tshogs pa thams cad ji ltar mdun du smos pa'i de bzhin du 'dir bya ba yin no/ /de lta bu'i ngo bo sku rnam par snang mdzad kyi sku phyag rgya grangs med pa'i sprin bzhin du 'jig rten gyi khams thams cad kyi gnas su khyab par spro bar bya'o/ /de ma thag tu lha dang mi la sogs pa'i sems can thams cad la reg pa'i tshul gyis byin gyis brlab par byas nas/ nyid nyid kyi sku phyag rgya la gnyis su med par 'dus par bya bar bsam mo// de ltar byas nas slar sku rdo rje rnam par snang mdzad kyi sku phyag rgya sprin lta bu grangs med pa de ni/ sems can thams cad dang gnyis su med pa'i ngo bo de dag ni spro ba'i gnas su gnyis su med pa'i bsdu bar bya ba yin no/ /de ma thag tu bsgrub pa pos mdun du smos pa'i tshul du thabs dang shes rab rol pa bya'o/ /de byas pa'i gsang ba'i dang po gnyis ka chos kyi dbyings kyi ye shes 'bar ba'i 'od kyis 'bar ba'o/ /de'i tsha ba chen pos sku rdo rje rnam par snang mdzad dang sems can thams cad gnyis su med pa'i sku phyag rgya'i ngo bor 'dus par byas te/ shes rab ma'i b+ha ga'i dbus gnas su dus mnyam du de dag thams cad 'od du zhu bar brtag go /de ye shes kyi bdud rtsi'i khu ba'i rgya mtsho dang mnyam par 'gyur bar smos so/ /de'i steng na thabs dang shes rab rol pas bde bar 'gyur ba'i dus su rdo rje lam gyi sgo nas shes rab ma'i b+ha ga'i dbus su/ /ye shes kyi bdud rtsi'i khu ba'i rgya mtsho'i steng du 'o ma'i rgyun bzhin byang chub sems 'od du zhu'o/ /de dag gnyis su med pa'i ngo bor gyur par bsam mo/ /de'i steng du sngags kyi sa bon yig 'bru oM bsam mo/ de'i
- 219a
mdun du smos pa'i tshul du sku mdog dang ye shes gzi brjid kyi 'bar zhing 'od du zhu'o/ /ye shes kyi bdud rtsi'i khu ba'i rgya mtsho dang gnyis su med par thim par gyur par bsam mo/ /sa bon de las sku rdo rje rnam par snang mdzad kyi sku phyag rgya bskyed par bya'o/ /de'i cha lugs phun sum tshogs pa thams cad ci ltar mdun du smos pa de bzhin du 'dir bya ba yin no/ /de lta bu'i ngo bo sku rdo rje rnam par snang mdzad kyi sku phyag rgya bskyed par byas pa'i 'og tu sgrub pa pos de dang gnyis su med pa'i nga rgyal du sgom par bya bar smos so/ /bstan par bya ste/ mdun du smos pa'i sku rnam pa gsum gyis ming btags pa dang po ni rdo rje sems dpa' i bsgom pas sku rdo rje rnam par snang mdzad kyi sku phyag rgya bskyed par byas pa dang/ rnam par snang mdzad de'i bsgom pas sprul pa'i sku'i ngo bo sku rdo rje rnam par snang mdzad kyi sku phyag rgya de ni sems can thams cad byin gyis brlabs pa'i phyir dang spro ba dang bsdu ba byas pa yin no/ /gzhan yang spro ba dang/ bsdu ba byas pa'i 'og tu ci ltar smos pa'i cho ga'i tshul gyis sku rdo rje rnam par snang mdzad sems can thams cad dang gnyis su med pa'i ngo bo sku phyag rgyar bskyed par byas pa de dang gnyis su med pa'i ngo bor bsgom par bya ba yin no/ /de ltar sku'i bye brag gsum du ming btags pa dag dang gzhan gyi don bsgrub par bya ba'i bye brag gsum gyis sku rdo rje rnam par snang mdzad kyi bsgom pa bya bar smos so/ /mdor bsdu ba de ltar sku'i rnam pa thams cad ni/ rdo rje 'byung bar rab tu bya'i don du gsungs so/ /sems can khams ni thams cad du// rtag tu sangs rgyas sku byed pa'o/ /zhes pa ni/ sangs rgyas su ming btags pa ni/ sku rdo rje rnam par snang mdzad yin no/ /rtag tu sangs rgyas sku byed par ming btags pa ni/ bsgrub pa pos nyid kyis lus dang mdun du smos pa'i sangs rgyas
- 219b
rnam par snang mdzad gnyis su med par bsgom pa'i bsgom par bsgrub pa byas pa yin no/ /'jig rten gyi khams rnams thams cad du ming btags pa mdun du smos pa'i 'jig rten gyi khams thams cad kyi gnas na gnas pa'i sems can de dag thams cad kyi sprul pa'i sku phyag rgya spro bas byin gyis brlabs par byas nas/ gnyis su med pa'i ngo bor 'dus pa'i byas pa de ma thag tu/ ji ltar smos pa'i tshul gyis sangs rgyas sku rdo rje rnam par snang mdzad kyi sku phyag rgya gnyis su med pa'i ngo bor bskyed par byas nas ma grub kyi bar gyi dus de tsam du rtag tu bsgom par bya ba yin no/ /bstan par bya ste/ mdun du smos pa'i tshul du bsgom pa byas pas sku rdo rje rnam par snang mdzad dang gnyis su med pa'i ngo bo 'bras bu 'grub par 'gyur bar smos so/ /de ltar sems can khams rnams thams cad du/ rtag tu sangs rgyas sku byed pa'i don du gsungs so/ /da ni gzhan yang gsung gi rigs kyi dam tshig gi tshul gyis ngag gi ngo bor bsgrub par bya ba'i de'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ gsung gi dngos grub kyi rdo rje'i dam tshig 'di/ nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i sku'i rigs kyi dngos grub kyi dam tshig gi don bshad par mdzad pa'i 'og tu/ gsung gi rigs kyi dngos grub kyi bsgrub pa'i dam tshig gi don du bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste/ 'dir bshad mi dgos so/ /gsung gi dngos grub kyis dam tshig rdo rje 'di zhes pa ni/ bsgrub pa pos gsung rdo rje snang ba mdza' yas bsgom pa bsgrub par bya'o/ /
- 220a
dam tshig ni 'og nas 'byung ba'i tshul la bstan to/ /de ltar gsung gi dngos grub dam tshig rdo rje don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku dang gsung dang thugs rdo rje gcig pa'i ngo bor smos so/ /de ltar sku dang gsung dang thugs rdo rje gsum dang gnyis su med pa'i ngo bor 'og nas 'byung ba'i gsung rdo rje snang ba mdza' yas kyi bsgom pa bya ba'i dus su bsgrub pa pos gnyis su med pa'i ngo bor bsgom par bya ba smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang/ gsung rdo rje dang/ thugs rdo rje dang/ gnyis su med par bshad par de bzhin du 'dir bstan to/ /de ltar rdo rje don du gsungs so/ /las phyung ngo/ zhes pa ni/ ston pa phyag na rdo rje ci ltar smos pa'i bsgrub pa po'i gsung gi dngos grub kyi dam tshig gi don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang gsung rdo rje snang ba mdza' yas kyis bsgrub pa bya ba'i dam tshig gi rngo bo'i don bstan par bya ste/ tshig gi lam gnas ma lus par/ /'jig rten gsum ni dri med bya/ /yid 'ong gsung gi dngos grub 'di/ /dam tshig shin tu 'da' dka' ba'o/ /zhes bya ba'i sgra bshad par bya ste/ ci ltar yin na/ tshig gi lam gnas ma lus par 'jig rten gsum gyis dri med bya ni/ sgrub pa pos dang po ni phyi'i ci ltar smos pa'i yon tan dang ldan pa'i chu klung gi 'gram gyi gnas su bsgrub pa bya'o/ /yang na yid du 'ong ba'i gnas gang yang rung bar bsgrub pa bya ba yang mi 'gal lo/ / gnas der sa gzhi mnyam par bya'o/ /de'i 'og tu dam rdzas byang chub sems de ni mtshan thams cad dang ldan pa'i ban da'i snod du gzhag go /gzhan yang phyi'i gar bur dang/ gur gum dang/ tsan dan dang/ de ltar rdzas dri zhim po thams cad bsre bar bya'o//
- 220b
rdzas des dkyil 'khor khru gang gi tshad du 'khor gru bzhi'i ngo bo'i tshul du bsku bar bya ba yin no/ /de'i 'og tu mdun du smos pa'i tshul gyis me tog dri dang ldan pa thams cad dkyil 'khor steng du dgram par bya'o/ /de ltar byas ma thag tu sgrub pa pos/ dkyil 'khor steng gi dbus gnas su mos pa'i dkyil mos 'dug go /de ma thag mdun du smos pa'i cho ga bzhi'i tshul gyis rdo rje sems dpa' i sku phyag rgyar gyur par bya'o/ /sku phyag rgya de'i cha lugs phun sum tshogs pa thams cad ci ltar mdun du smos pa'i rnam par snang mdzad kyi sku phyag rgyar bskyed par bya ba'i dus su smos pa de bzhin du 'dir sbyar ba yin no/ /de lta bu'i ngo bo rdo rje sems dpa' i sku phyag rgyar gyur ma thag du de dang gnyis su med pa'i nga rgyal du bsgom par bya'o/ /de'i dus su phyi'i rdo rje rigs kyi bye brag khrus mkhan gyi rigs kyi bu mo blang ngo/ /de ni mdun du smos pa'i mtshan dang yon tan thams cad dang ldan pa'o/ /de ye shes kyi lha mo mA ma kI dang gnyis su med pa'i ngo bor byin gyis brlabs pa bya ba yin no/ /de'i 'og tu sgrub pa pos 'dod chags chen po'i sems dga' bas shes rab ma dang gnyis su med par 'khyud pa'i sbyor bas thabs dang shes rab rol pas bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus gnas su 'o ma'i rgyun bzhin du byang chub sems 'od du zhu'o/ /de byang chub sems zla ba'i dkyil 'khor gyis ngo bor gyur par bsam mo/ /de'i 'og tu de'i steng du sngags kyi sa bon yig 'bru a bsam/ de kha dog dmar po so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba bzhin du 'gyur ro/ /de byang chub sems zla ba'i dkyil 'khor la gnyis su med pa'i ngo bor thim par gyur bar bsam mo/ /sa bon de las gsung rdo rje snang ba mdza' yas kyi sku phyag rgya bskyed par bya'o/ /
- 221a
de'i sku mdog dang/ zhal dang phyag dang phyag mtshan dang/ rgyan dang/ nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ji ltar le'u bzhi pa las thugs kyi dkyil 'khor gyi dus su smos pa de bzhin du 'dir bya ba yin no/ /de lta bu'i ngo bo gsung rdo rje snang ba mdza' yas kyi sku phyag rgya bskyed ma thag tu bskyed par mdzad mkhan rdo rje sems dpa' i sku phyag rgya'i spyi bor gnas su dbang skur ba'i tshul du bsam mo de lta bu'i ngo bo gsung rdo rje snang ba mdza' yas kyi sku phyag rgya bskyed par byas pa'i 'og tu/ sgrub pa pos de dang gnyis su med pa'i nga rgyal du bsgom par bya'o/ / bstan par bya ste/ tshig gi lam gnas ma lus par ming btags pa phyi dang nang gi tshul gyis chos thams cad smos pa de ni don dam par de bzhin gshegs pa thams cad kyi gsung gnyis su med pa'i ngo bo so sor rtog pa'i ye shes kyi ngo bo yin no/ /de dang gnyis su med pa'i ngo bo lam ni chos kyi gnas gsung rdo rje snang ba mdza' yas kyi sku phyag rgya ste/ de ni gdod ma'i dus nas gzung pa nas ma rig pa'i sdig pa'i dri ma dang bral bas bstan to/ /gzhan yang 'jig rten gsum gyis gnas na gnas pa'i lha dang mi la sogs pa'i sems can de dag thams cad ni ma rig pa'i sdig pa'i dri mas bsgribs de sprul pa'i sku phyag rgya spro ba dang/ byin gyis brlabs par 'joms par byas pa yin no/ /phyi'i gsung gi rigs kyi bye brag gi gar mkhan gyi rigs kyi bu mo blang ngo/ /de ni mdun du smos pa'i mtshan dang yon tan thams cad dang ldan pa blang ngo/ /de ye shes kyi lha mo na bza' dkar mo dang gnyis su med pa'i ngo bor byin gyis brlab par bya ba yin no/ /
- 221b
de'i 'og tu sgrub pa pos 'dod chags chen po'i sems dga' bas shes rab ma de dang gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus nas su 'o ma'i rgyun bzhin du byang chub sems 'od du zhu'o/ /de zla ba'i dkyil 'khor lta bur gyur par bsam mo/ /de'i 'og tu de'i steng du sngags kyi sa bon yig 'bru a bsam mo/ /de'i mdun du smos pa'i kha dog tu ye shes kyi ngo bo dang ldan pa'o/ /de gzi brjid kyi 'bar zhing 'od du zhu nas/ ye shes kyi khu ba bzhin du byang chub sems zla ba'i dkyil 'khor la gnyis su med par thim par gyur par bsam mo/ /sa bon de las gsung rdo rje snang ba mdza' yas kyi sku phyag rgya bskyed par bya'o/ /de'i cha lugs phun sum tshogs pa thams cad ji ltar mdun du smos pa'i sems can gyis bskal pa grangs med pa'i bar du ma rig pa'i sdig pa'i dri mas bsgribs pas de dag med par 'gyur ro/ /mdor bsdu ba de ltar tshig gi lam gnas ma lus par/ 'jig rten gsum gyi dri med bya'i don du gsungs so/ /yid 'ong gsum gyi dngos grub 'di/ /dam tshig shin du 'da' dka' ba'o/ zhes pa ni/ mdun du smos pa'i phyi dang nang gi chos thams cad ni don dam par de bzhin gshegs pa ma lus par thams cad kyi gsung so sor rtog pa'i ye shes dang gnyis su med pa'i ngo bor smos so/ /de'i dngos grub kyi gnas su ming btags pa gsung rdo rje snang ba mdza' yas kyi sku phyag rgya gnyis su med pa'i ngo bo bsgom pa bya ba yin no/ /don des snang ba mdza' yas gsung gi dngos grub kyi gnas su smos/ yid du 'ong ba ni mdun du smos pa'i tshul du thugs rje chen po'i thugs bskyed nas sems can thams cad kyi don byas pa'i dam tshig gi ngo bo/ /de sgrub par byed pa'i sgrub pa po gsung rdo rje snang ba mdza' yas dang gnyis su med pa'i ngo bo'i 'bras bu grub par 'gyur ba yin no/
- 222a
don des gsung gi dngos grub yid du 'ong bar smos so/ /dam tshig shin tu 'da' dka' ba'o/ /zhes pa ni/ de'i don du bshad pas bde ste/ 'dir bshad mi dgos so/ /de ltar yid gsung gi dngos grub 'di/ dam tshig shin tu 'da' dka' ba'i don du gsungs/ /da ni gzhan yang thugs kyi rigs kyi dngos grub dam tshig gi tshul gyis thugs kyi ngo bo bsgrub par bya ba de'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ thugs rdo rje'i dam tshig gis dngos grub 'di nyid kyi sku dang gsung dang thugs rdo rje las phyung ngo/ zhes bya ba'i sgra bshad par bya ste/ ci ltar yin na/ de nas ni mdun du smos pa'i gsung gi rigs kyi dngos grub kyi bsgrub pa'i dam tshig gi don bshad par 'og tu thugs kyi rigs kyi dngos grub sgrub pa'i dam tshig gi don bshad par brtsams pa de mtshon par bstan to/ /de ltar de nas kyis don du gsungs so/ /phyag na rdo rje de bzhin gshegs pa thams cad kyi bdag pos/ zhes pa ni/ de'i don mdun du bshad pas bde ste/ 'dir bshad mi dgos so/ /thugs rje'i dam tshig gi dngos grub 'di zhes pa ni/ sgrub pa pos thugs rdo rje mi bskyod pa'i bsgom pa byas nas/ bsgrub pa bya'o/ /dam tshig ni de'i don 'og nas 'byung ba'i tshul la bstan to/ /de ltar thugs rdo rje'i dam tshig dngos grub 'di'i don du gsungs so/ /sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gcig pa'i ngo bor smos so/ /de ltar sku dang gsung dang thugs rdo rje gnyis su med pa'i ngo bo'i 'og nas 'byung ba'i thugs rdo rje mi bskyod pa'i sgom pa bya ba'i dus su bsgrub pa pos gnyis su med pa'i ngo bor bsgom pa bya bar smos so/ /de ltar sku dang gsung dang thugs kyi don du gsungs so/ /rdo rje zhes pa ni/ ci
- 222b
ltar sku rdo rje dang/ gsung rdo rje dang/ thugs rdo rje gnyis su med par bshad pa'i de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni/ ston pa phyag na rdo rje ci ltar smos pa'i tshul gyi thugs rje'i dam tshig gi bsgrub pa'i don phyung ba 'am bshad par smos so/ /de ltar las phyung ngo/ /don du gsungs so/ /de ni gzhan yang thugs rdo rje mi bskyod pa'i sgrub pa bya ba'i dam tshig gi don bstan par bya ste/ yid kyi rdo rje dam tshig kun/ /rdo rje bstan par 'dzin pas bsgom/ /rdo rje mi phyed gsum dang ldan/ /dam tshig bshad pa 'di yin no/ /zhes bya ba'i sgra bshad par bya ste ci ltar yin na/ yid kyi rdo rje rang bzhin kun/ /rdo rje brtan par 'dzin pas sgom ni/ bsgrub pa pos dang po ni phyi'i ci ltar smos pa'i yon tan dang ldan pa'i bde ba chen po'i gnas su bsgrub pa bya'o/ /yang na yid du 'ong ba'i gnas gang yang rung bar bsgrub pa bya ba yang mi 'gal lo/ /gnas der sa gzhi mnyam par bya'o/ /de'i 'og tu dam rdzas dri chu de ni snod ban da mtshan dang ldan pa'i nang du gzhag go /gzhan yang phyi'i kar pur ra dang/ gur kum dang tsan dan dang/ de dag la sogs pa'i rdzas dri zhim po thams cad bsre bar bya'o/ /rdzas des dkyil 'khor khru gang gi tshad du gru bzhi'i tshul gyis ngo bor bsku bar bya ba yin no/ /de'i 'og tu mdun du smos pa'i tshul gyis me tog dri dang ldan pa'i thams cad dkyil 'khor gyi steng du dgram par bya'o/ /de ltar byas ma thag tu sgrub pa pos dkyil 'khor gyi steng gi dbus su gnas su mos pa'i skyil mos 'dug go /de ma thag du mdun du smos pa'i cho ga bzhi'i tshul gyis dpal rdo rje sems dpa' i sku phyag rgyar gyur par bya'o/ /sku phyag rgya de'i cha lugs phun sum tshogs pa thams cad ji ltar mdun du sku rdo rje rnam par snang mdzad dang/ /gsung rdo rje snang ba mdza' yas kyi sku phyag rgya bskyed par bya ba'i dus su smos
- 223a
pa'i de bzhin du 'dir bya ba yin no/ /de lta bu'i ngo bo rdo rje sems dpa' i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su phyi'i rdo rje rigs kyi bye brag khrus mkhan gyi rigs kyi bu mo blang ngo// de'i mdun du smos pa'i tshul gyis mtshan dang yon tan thams cad dang ldan pa'o/ /de ye shes lha mo mA ma kI dang gnyis su med pa'i ngo bor byin gyis brlab par bya ba yin no/ /de'i 'og tu sgrub pa pos 'dod chags chen po'i sems dga' ba bskyed nas shes rab ma de dang gnyis su med par 'khyud pa'i sbyor bas thabs dang shes rab rol par bya'o/ /de byas pas bde bar 'gyur ba'i dus su rdo rje lam gyi sgo nas shes rab ma'i b+ha ga'i dbus gnas su 'o ma'i rgyun bzhin du byang chub sems 'od tu zhu'o/ /de zla ba'i dkyil 'khor gyi ngo bor gyur par bsam mo/ /de'i 'og tu/ de'i steng du sngags sa bon yig 'bru hUM bsam mo/ /de kha dog mthing ga me long lta bu'i ye shes kyi ngo bo gzi brjid kyi 'bar zhing 'od du zhu nas/ ye shes kyi khu ba bzhin du 'gyur ro/ /de byang chub kyi sems zla ba'i dkyil 'khor la gnyis su med pa'i ngo bor thim par gyur par bsam mo/ /sa bon de las rdo rje mi bskyod pa'i sku phyag rgya bskyed par bya'o/ /de'i cha lugs phun sum tshogs pa thams cad de ltar mdun du smos pa'i de bzhin du 'dir bya ba yin no/ /de lta bu'i ngo bo thugs rdo rje mi bskyod pa'i sku phyag rgya grangs med pa sprin lta bur 'jig rten gyi khams thams cad du spro bar bya'o/ /de ma thag tu lha dang mi la sogs pa sems can thams cad kyi lus la spros pa'i sku phyag rgya gnyis su med par thim par 'gyur ba yin no/ /de'i dus su sgrub pa pos nyid kyis yid kyi bsgom pas mdun du smos pa'i tshul gyi sems can thams cad gnyis su med pa'i ngo bor byin gyis brlabs pa de dag thams cad rdo rje'i
- 223b
rang bzhin du ming btags pa rdo rje sems dpa' i ngo bor sems mnyam pa bskyed nas ma grub kyi bar gyi dus de tsam du rtag tu rdo rje 'dzin par ming btags pa dus 'dir rdo rje sems dpa' i yid dang gnyis su med par sgrub pa pos blo brtan par 'dzin par bsgom pa bya bar smos so/ /mdor bsdu ba de ltar yid kyi rdo rje'i rang bzhin kun/ rdo rje brtan pas 'dzin par bsgom gyis don du gsungs so/ /mi phyed rdo rje gsum ldan gyi/ /dam tshig bshad pa 'di yin no/ /zhes pa ni/ dam tshig 'di ni ming btags pa mdun du smos pa'i spro ba dang byin gyis brlabs par byas pas sems can thams cad rdo rje sems dpa' i ngo bor gyur par bsgom par bya bar smos so/ /de ni thugs rje mnyam pa'i dam tshig yin te/ bstan par bya ste/ mdun du smos pa'i tshul gyi dam tshig gi bsgom par bya ba smos pa de ni/ dam tshig ni rdo rje gsum mi phyed pa rdo rje can du ming btags pa rnam par snang mdzad la sogs pa'i rigs lnga'i bye brag gi de bzhin gshegs pa thams cad yin te/ /de dag thams cad kyi sku rdo rje dang/ gsung rdo rje dang/ thugs rdo rje dang/ de ltar rdo rje gsum mi phyed pa'i ngo bor smos so/ /de ltar dam tshig gi bsgom pa byas pas sgrub pa pos rdo rje gsum mi phyed pas rdo rje can gnyis su med pa'i bdag po nyid ngo bo thugs rdo rje yin no/ /de dang gnyis su med pa'i ngo bo'i 'bras bu 'grub par 'gyur ro/ /de ltar rdo rje mi phyed gsum ldan gyi/ dam tshig bshad pa 'di yin no/ /don du gsungs so/ /bcom ldan 'das dam tshig de kho na nyid/ sems dpa' rdo rjes de skad ces bka' stsal to/ /zhes bya ba ni/ bcom ldan 'das ni ston pa phyag na rdo rje nyid yin no/ /de'i yon tan gyi stod ba'i mtshan bcom ldan 'das yin par sdud pa pos smos so/ /de'i don mdun du bshad pas bde ste/ 'dir bshad mi dgos so/ /de ltar bcom ldan 'das kyi don du gsungs so/ /dam tshig de kho na nyid ces pa ni/ ston
- 224a
pa phyag na rdo rje nyid kyis sems can thams cad kyi don mdzad pa'i phyir/ thugs rje chen po'i thugs bskyed nas mdun du smos pa'i sku rdo rje la sogs pa'i dam tshig gi bsgrub pa'i don thang bshad pa de ni/ thams cad gnyis su med pa'i ngo bo ston pa nyid yin no/ /de ltar dam tshig gi don du gsungs so/ /sems dpa' rdo rjes de skad bka' stsal to/ /zhes pa ni/ me long lta bu ye shes la sogs pa ye shes lnga dang gnyis su med pa'i ngo bo rdo rjer ming btags pa dus 'dir dngos po med pa'i mi 'dzin pa yin no/ /de nyid don dam pa'i 'bras bu yin no/ /don mdor sdu ba ston pa phyag na rdo rje nyid kyi sku phyag rgya'o/ /don des dam tshig de nyid sems dpa' rdo rjer smos so/ /des mdun du smos pa'i dam tshig gi sgrub pa thams cad kyi don bka' stsal ba bshad par bstan to/ mdor sdu ba de ltar de nyid sems dpa' i rdo rje bka' stsal to/ /de'i don du gsungs so/ /da ni gzhan yang sngags thams cad kyi rdo rje'i dam tshig gi don gyis ngo bo bstan par bya ste/ /de nas phyag na rdo rje de bzhin gshegs pa thams cad kyi bdag pos/ sngags thams cad kyi rdo rje'i dam tshig 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na de nas ni mdun du smos pa'i thugs kyi rigs kyi dngos grub bsgrub pa bya ba'i dam tshig gi don bshad par mdzad pa'i 'og tu/ sngags thams cad kyi rdo rje'i dam tshig gi bsgom pa'i don bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste/ 'dir bshad mi dgos so/ /sngags thams cad kyi rdo rje'i dam tshig 'di zhes pa ni/ sngags thams cad kyi rdo rje'i dam tshig du ming btags pa rgyu 'di ni'i nang nas ston pa
- 224b
phyag na rdo rje nyid la sogs pa'i 'khor gyi ngo bo'i ye shes kyi lha thams cad yin no/ /de dag thams cad kyi sngags smos pa de dang gnyis su med pa'i ngo bo sku dang gsung dang thugs rdo rje gsum yin no/ /sku dang gsung dang thugs rdo rje gsum de ni dus rtag tu bsgrub pa pos gnyis su med par bsgom par bya'o/ /dam tshig ni de'i don du 'og nas phyung ba'i tshul la bstan to/ /de ltar sngags thams cad kyi rdo rje'i dam tshig tu 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya'i sku dang gsung dang thugs rdo rje gsum dang gcig pa'i ngo bor smos so/ /de ltar sku dang gsung dang thugs rdo rje gsum dang gnyis su med pa'i ngo bor 'og nas smos pa'i rigs gsum gyi nang nas gang las mos pa sgom par byed pa'i dus su bsgrub pa pos gnyis su med pa'i ngo bor bsgom par bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku dang gsung dang thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ / las phyung ngo/ zhes pa ni ston pa phyag na rdo rjes/ ci ltar smos pa'i tshul gyis/ sgrub pa pos sku dang gsung dang thugs rdo rje gsum dang gnyis su med par bsgom pa'i dam tshig gi don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang sku dang gsung dang thugs rdo rje gsum dang gnyis su med par sbyor ba'i bsgrub pa bya ba'i dam tshig gi don bstan par bya ste/ sangs rgyas byang chub sems dpa' dang/ /nyan thos rang rgyal de bzhin te/ /sku gsung thugs kyi sbyor ba yis/ phyag 'tshal na ni 'jig par gyur/ /zhes bya ba'i sgra bshad par bya ste/ ci ltar yin na/ sangs rgyas byang chub sems dpa' dang/ nyan thos rang rgyal de bzhin te ni/ mdun du smos pa'i tshul gyis sku dang gsung dang thugs rdo rje gsum dang gnyis su med par bsgom
- 225a
pa'i sbyor bas bsgrub pa pos bsgrub par bya ba yin no/ /de bya zhing phyi'i sangs rgyas dang byang chub sems dpa' dang/ rang sangs rgyas dang/ nyan thos dang/ de dag la sogs pa'i gzugs brnyan de/ lugs ma dang brdungs pa dang/ rkos pa dang/ lder sor byas pa dang/ ri mor bris pa dang/ de dag la sogs pa'i bye brag la phyag mi bya'o/ /gzhan yang phyi'i ta re ti ka'i gzugs brnyan la phyag mi bya ni ngo mtshar yang mi che ba yin no/ /gzhan yang theg pa 'og ma la brten pa'i sems can la phyag mi bya ba ni/ nan tan du bya ba yin no/ /de dag la ci'i phyir phyag mi bya zhes pa/ de'i don gsal bar bstan par bya ste/ mdun du smos pa'i sangs rgyas kyi gzugs brnyan la sogs pa gzugs brnyan thams cad dang gzhan yang theg pa 'og ma la brten pa'i sems can de dag gis ci ltar smos pa'i tshul gyis sku dang gsung dang thugs rdo rje gsum dang gnyis su med pa'i ngo bor bsgom par sbyor bas/ de ltar sngags thams cad kyi dam tshig yin pas de sgrub par byed pa des gal te phyag byas na de ma thag tu 'jig par 'gyur ro/ /gzugs brnyan zhig par gyur pas gzhan yang sems can ni rims nad la sogs pas btab nas 'chi bar 'gyur ro/ /de ltar sgrub pa po mang pos sngags kyi ye shes kyi byin mngon du gyur pa de rnams kyis gzugs brnyan dang sems can la phyag byas pas mang por med par 'gyur bar smos so/ /mdor sdu ba de ltar sangs rgyas byang chub sems dpa' dang/ nyan thos rang rgyal de bzhin te'i don du gsungs so/ /sku gsung thugs su sbyor ba yis/ phyag 'tshal ni 'jigs par 'gyur zhes pa ni/ de'i don du mdun du bshad pa bde ste 'dir bshad mi dgos so/ /da ni nyid kyi sku dang gsung dang thugs rdo rje gsum dang gnyis su med pa'i ngo bo bsam gtan gyi dam tshig bsgrub par bya ba de'i dam tshig gi ngo bo'i don bstan par bya ste/ de nas phyag na
- 225b
rdo rje de bzhin gshegs pa thams cad kyi bdag pos/ /nyid kyi lus dang ngag dang yid gsum rdo rje bsam gtan gyi dam tshig 'di nyid sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i sngags thams cad kyi rdo rje'i dam tshig gi bsgom pa bya ba'i don bshad par mdzad pa'i 'og tu/ ston pa phyag na rdo rje nyid kyi sku dang gsung dang thugs rdo rje gsum gnyis su med pa'i ngo bo bsam gtan bya ba'i dam tshig gi don bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste/ 'dir bshad ma dgos so/ /nyid kyi lus dang ngag dang yid gsum rdo rje bsam gtan gyi dam tshig 'di zhes pa ni/ nyid kyi lus dang ngag dang yid gsum du ming btags pa sgrub pa pos rang gi lus dang ngag dang yid gsum de ni rdo rje bsam gtan du ming btags pa rdo rje ni ston pa nyid yin no/ /bsgrub pa pos de bsam gtan byed pa de ni dam tshig yin no/ /de bya ba'i dus su don gyi tshul ci lta bas ston pa phyag na rdo rje nyid kyi sku dang gsung dang thugs rdo rje gsum dang gnyis su med par smos pa de bzhin du sgrub pa pos bsgom par bya ba yin no/ /dam tshig ni de'i don du bshad pa 'am/ gzhan yang 'og nas 'byung ba'i tshul la bstan to/ /de ltar nyid kyi lus dang ngag dang yid gsum rdo rje bsam gtan gyis dam tshig 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gyi ngo bor gcig por smos so/ /de ltar sku dang gsung dang thugs gsum dang gnyis su med pa'i ngo bor mdun du smos pa'i bsgrub pa pos ston pa phyag na rdo rje nyid kyi sgom pa bya bar brtag go /de ltar sku dang gsung dang thugs kyi don du gsungs so/ /rdo rje zhes pa ni/ ci ltar sku
- 226a
rdo rje dang/ gsung rdo rje dang/ thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo/ /zhes pa ni/ ston pa phyag na rdo rje ci ltar smos pa'i tshul gyis sgrub pa po'i lus dang ngag dang yid gsum rdo rjer gnyis su med pa'i ngo bor bsgom pa'i dam tshig gi don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang bsgrub pa pos nyid kyi lus dang ngag dang yid gsum de ni rdo rje sems dpa' i sku dang gsung dang thugs rdo rje gsum dang gnyis su med par mnyam par sbyor ba'i bsgom pas bsgrub par bya ba'i dam tshig gi ngo bor don bstan par bya ste/ kun tu rdo rje sems dpa' yis/ /sku gsung thugs kyi dkyil 'khor la/ /bsam gtan rdo rje gsum sbyor ba/ /sngags kyi 'khor lo can gyi bsgom/ /zhes bya ba'i sgra bshad par bya ste/ ci ltar yin na kun tu rdo rje sems dpa' yi/ /sku gsung thugs kyi dkyil 'khor la/ /phyag na rdo rje 'gro ba dang mi 'gro ba'i dngos po thams cad smos pa de ni/ don dam par ma skyes pa'i chos kyi sku ston pa'i ngo bo de ni/ sku dang gsung dang thugs rdo rje gsum dang gnyis su med pa'i ngo bo dpal rdo rje sems dpa' des kun la khyab nas gnas pa'o/ /de ltar don thams cad dam pa'i tshul gyi sku dang gsung dang thugs kyi ngo bo'i dkyil 'khor yin par smos so/ /de ltar kun tu rdo rje sems dpa' yis/ sku dang gsung dang thugs kyis dkyil 'khor lo'i don du gsungs so/ /bsam gtan rdo rje gsum sbyor ba/ /sngags kyi 'khor lo can gyis bsgom/ zhes pa ni/ mdun du smos pa'i don dam pa'i tshul gyis dpal rdo rje sems dpa' i sku dang gsung dang thugs rdo rje gsum dang gnyis su med pa'i dkyil 'khor yin pa de sgrub pa pos nyid kyis lus bsam gtan du ci ltar dpal rdo rje sems dpa' i sku dang gsung dang thugs de bzhin du sbyor bas sngags su ming btags pa gsang ba'i
- 226b
bsgrub pa yin no/ /'khor lo can du ming btags pa gsang sngags sgrub par byed pa'i sgrub pa po yin no/ /de nyid kyi lus dang ngag dang yid gsum mdun du smos pa'i dpal rdo rje sems dpa' i sku dang gsung dang thugs rdo rje gsum dang gnyis su med pa'i ngo bor bsgom par bya ba yin no/ /don des mnyam par sbyor ba'i bsgom pas dam tshig gi bsgrub par smos so/ /bstan par bya ste/ mdun du smos pa'i sgom pa byas pas sgrub pa pos dpal rdo rje sems dpa' i don dam pa'i sku dang gsung dang thugs rdo rje gsum gnyis su med pa'i ngo bor ye shes kyi 'bras bu de 'grub par 'gyur ba smos so?/ mdor sdus pa de ltar bsam gtan rdo rje gsum sbyor ba/ sngags kyi 'khor lo can gyi bsgom gyi don du gsungs so/ /da ni gzhan yang rdo rje sngags sgrub pa'i dam tshig gi sdom pa'i ngo bo'i don bstan pa bya ste/ de nas phyag na rdo rje de bzhin gshegs pa thams cad kyi bdag pos/ rdo rje sngags bsgrub pa'i dam tshig gi sdom pa'i nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ de nas mdun du smos pa'i dpal rdo rje sems dpa' i don dam pa'i sku dang gsung dang thugs rdo rje gsum dang gnyis su med pa'i mnyam par sbyor ba'i bsgom pa'i bsgrub pa bya ba'i dam tshig gi don bshad par mdzad pa'i 'og tu/ rdo rje sngags bsgrub pa'i dam tshig bsrung bar bya ba'i don bshad par brtsams pa'i don mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pas thams cad kyi bdag pos zhes pa ni/ de'i don mdun du bshad pas bde ste/ 'dir bshad mi dgos so/ /rdo rje sngags bsgrub pa'i dam tshig gi sdom pa'i 'di zhes pa ni/ rdo rje sngags bsgrub pa btags pa sku dang gsung dang thugs zhes pa ni/ rdo rje gsum gyi sngags rdo rje ye shes kyi ngo bo yin te/ de bsgrub pa pos bsgrub par bya ba ni/ dam tshig gi sdom pa yin no/ /gzhan yang dam tshig gi sdom pa'i don 'og nas
- 227a
'byung ba'i tshul la bstan to/ /de ltar rdo rje sngags bsgrub pa'i dam tshig gi don du gsungs so/ /nyid kyi sku dang gsung dang thugs zhes pa ni ston pa phyag na rdo rje nyid kyi sku phyag rgya'i sku dang gsung dang thugs rdo rje gsum gyi ngo bo gcig par smos so/ / de ltar sku dang gsung dang thugs rdo rje gsum dang gnyis su med pa'i ngo bo 'og nas 'byung ba'i tshul du bsgrub pa pos de'i dus su gnyis su med pa bsgom pa bya bar smos so /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang gsung rdo rje dang/ thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo zhes bya ba ni/ ston pa phyag na rdo rjes ci ltar smos pa'i bsgrub pa pos rdo rje sngags bsgrub pa'i dam tshig sdom pa bsgrub par bya bar don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang rdo rje'i sngags bsgrub pa'i dam tshig gis sdom pa'i sgrub pa bya ba'i ngo bo'i don bstan par bya ste/ sems can khams rnams rim bzhin du/ /bsam gtan rdo rjes bskul bar bya/ /rdo rje gsum gyi phyag 'tshal mchog /dam tshig rdo rje las phyung ba'o/ /zhes bya ba'i sgra bshad par bya ste/ ci ltar yin na/ sems can khams rnams rim bzhin du/ /bsam gtan rdo rjes bskul par bya ba ni bsgrub pa pos yid du 'ong ba'i gnas su bsgrub pa bya'o/ /dang po ni sku dang gsung dang thugs kyi rigs gsum gyi nad na gang la mos pa de mdun du smos pa'i cho ga bzhi'i tshul gyis sku phyag rgyar gyur par bya'o/ /sku phyag rgya de'i cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi dus su smos pa de bzhin du 'dir bya ba yin no/ /de lta bu'i ngo bo'i sku phyag rgyar gyur ma thag du de dang gnyis su med pa'i nga rgyal du sgom par bya'o/ /de'i dus su phyi'i rigs gsum
- 227b
gyi nang na gang gi sku phyag rgya bsgom par byed pa de'i rigs kyi bye brag gi shes rab ma blang ngo/ /de'i mdun du smos pa'i mtshan dang yon tan thams cad dang ldan pa blang ngo/ /shes rab ma de nyid kyi rigs kyi ye shes kyi lha mo dang gnyis su med par byin gyis brlab par bya'o/ /de'i 'og du sgrub pa pos 'dod chags chen po'i sems dga' bas shes rab ma de dang gnyis su med par 'khyud pa'i sbyor ba thabs dang shes rab rol pa bya'o/ /des byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su gnas su 'o ma'i rgyun bzhin du byang chub sems 'od du zhu nas/ de zla ba'i dkyil 'khor gyi ngo bor gyur par bsam mo/ /de'i 'og tu sku dang gsung dang thugs rdo rje'i rigs gsum gyi sngags kyi sa bon yig 'bru rnams rim pas bsam mo/ /de dag nyid nyid kyi rigs kyi bye brag gi ye shes dang/ kha dog dang ldan par brtag go /de rim pas gzi brjid kyis 'bar zhing 'od du zhu nas ye shes kyi khu ba bzhin du 'gyur ro/ /de rim pas byang chub sems zla ba'i dkyil 'khor la gnyis su med par thim par gyur par bsam mo/ /sa bon de las mdun du smos pa'i sku dang gsung dang thugs rdo rje'i rigs gsum gyi sku phyag rgyar rim par bskyed par bya'o/ /de rnams kyi cha lugs phun sum tshogs pa thams cad ci ltar le'u bzhi pa las thugs kyi dkyil 'khor du smos pa de bzhin du 'dir bya ba yin no/ /de lta bu'i ngo bo sku dang gsung dang thugs kyi rigs gsum gyi ngo bo'i sku phyag rgya grangs med par sprin bzhin du 'jig rten gyi khams thams cad kyi gnas su khyab par spro ba yin no/ /de ma thag tu lha dang mi la sogs pa sems can gyi khams thams cad ma lus pa la rig pa'i tshul gyis byin gyis brlabs par bya'o/ /de ma thag tu ci ltar smos pa'i tshul gyis sems can thams cad dus mnyam par
- 228a
bsam gtan rdo rjer ming btags pa sprul nas spro pa'i sku phyag rgya des dga' ba chen po'i brtson 'grus kyi 'khrugs par bskul bar gyur par bsam mo/ /mdor sdu ba de ltar sems can khams rnams rim bzhin du bsam gtan rdo rjes bskul bar bya'i don du gsungs so/ /rdo rje gsum gyi phyag 'tshal mchog /dam tshig rdo rje las phyung ba'o/ /zhes pa ni/ mdun du smos pa'i bsam gtan rdo rjes ming btags pa sbrul nas sbrul pa'i sku phyag rgya des ci ltar smos pa'i tshul gyis sems can gyi khams thams cad bskul bar gyur ma thag tu mchog tu ming btags pa brgya byin dang/ tshangs pa dang/ khyab 'jug dang/ dbang phyug chen po dang gzhan yang klu'i rgyal po thams cad ni/ gnod sbyin gyi rgyal po thams cad dang/ dri za'i rgyal po thams cad dang mi 'am ci'i rgyal po thams cad dang/ rig pa 'dzin gyi rgyal po thams cad dang/ lha ma yin gyi rgyal po thams cad dang/ srin po'i rgyal po thams cad dang/ grul bum gyi rgyal po thams cad dang/ mkha' 'gro ma'i rgyal po thams cad dang/ mi'i rgyal po thams cad dang/ de dag la sogs pa sems can gyi rigs thams cad kyi rgyal po thams cad mchog yin par smos so/ /de dag thams cad kyi mchog gi mchog tu mdun du smos pa'i sku dang gsung dang thugs rdo rje'i rigs gsum gyi phyag rgya de ni/ ci ltar smos pa'i tshul gyis sems can gyi khams skul bar mdzad mkhan yin no/ /de dag nyid kyi phyi mchog tu ming btags pa sems can thams cad kyi rigs kyi rgyal po yin no/ /de dag 'khor dang bcas pa thams cad kyi phyag byed par rtag go /bstan par bya ste/ mdun du smos pa'i tshul gyis sbrul nas/ spro ba dang byin gyis brlabs pa'i sgom pa bya ba de ni/ ci ltar smos pa'i tshul gyi dam tshig yin no/ /rdo rje las phyung ba ni mdun du smos pa sprul nas spros
- 228b
pa sku phyag rgya de ni sgrub pa pos sku dang gsung dang thugs rdo rje gsum dang/ gnyis su med pa'i bsgom pas thabs dang shes rab rol pa byas pa byang chub sems rdo rje'i sa bon las byung bar smos so/ /de ltar bsgom pa byas pas sku dang gsung dang thugs rdo rje gsum dang gnyis su med pa'i ye shes kyi 'bras bu 'grub par 'gyur ro/ /de'i 'og tu sems can gyi khams thams cad kyis mchod pa 'am phyag byed pa yin no/ /de ltar rdo rje gsum gyi phyag 'tshal mchog /dam tshig rdo rje las phyung ba'i don du gsungs so/ /da ni gzhan yang bsnyen pa dang nye ba'i snyen pa dang/ bsgrub pa dang bsgrub pa chen po dang/ de ltar bye brag bzhi'i ngo bo sdom pa byas pa lta ba chen po khyad par du sgom pas dam rdzas bshang gci la sogs pa'i bza' bas bsgrub par bya ba'i de'i don bstan par bya ste/ de nas phyag ni rdo rje de bzhin gshegs pa thams cad kyi bdag pos/ bsnyen pa dang/ nye ba'i bsnyen pa dang bsgrub pa dang/ bsgrub pa chen po'i sdom pas 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i rdo rje'i sngags kyi bsgrub pa'i dam tshig gi sdom pa bsrung bar bya bar bshad par mdzad pa'i 'og tu bsnyen pa dang/ nye bar bsgrub pa dang/ sgrub pa chen po dang/ bye brag bzhi'i ngo bo'i sdom pa bya ba'i lta ba chen po khyad par du bshang gci la sogs pa bdud rtsi lnga dam tshig gi bsgrub pa bya ba'i mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa/ de'i don mdun du bshad pas bde ste/ 'dir bshad mi dgos so/ / bsnyen pa dang/ nye bar bsnyen pa dang sgrub pa dang/ sgrub pa chen po'i sdom pa zhes pa ni/ bsnyen pa la sogs pa yan lag bzhi'i tshul gyis sgrub pa pos dus 'dir sku dang gsung dang thugs rdo rje'i rigs gsum gyi nang na gang la mos pa de'i sku phyag rgya bskyed par
- 229a
bya'o/ /de ltar bsnyen pa la sogs pa yan lag bzhi'i ngo bo sdom pa yin no/ /gzhan yang bsnyen pa la sogs pa yan lag bzhi'i don rgyas par le'u bcu gnyis pa'i nang nas/ ci ltar bshad pa de bzhin du 'dir sbyar bar smos so/ /de ltar bsnyen pa dang nye bar bsnyen pa sgrub pa chen po'i sdom pa'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gyis ngo bor gcig par smos so/ /de ltar sku dang gsung dang thugs rdo rje gsum dang gnyis su med pa'i ngo bor 'og nas 'byung ba'i tshul du bsgrub pa pos bsgom par bya ba'i dus su med par sgom par bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang gsung rdo rje dang thugs rdo rje gnyis su med pa'i bshad pa de bzhin du 'dir bstan to/ /de ltar rdo rje'i don du gsungs so las phyung ngo zhes pa ni ston pa phyag na rdo rjes ci ltar smos pa'i tshul gyis sgrub pa pos bsnyen pa dang nye ba'i bsnyen pa dang bsgrub pa dang/ sgrub pa chen po'i dam tshig gi sdom pa byed ba de'i don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang bsnyen pa la sogs pa'i yan lag bzhi'i tshul gyis sdom pa'i dam tshig gi ngo bo'i don bstan par bya ste/ rdo rje bshang gci nam mkha' i khams/ /yongs su gang bar rnam par bsgom /dus gsum rdo rje dag la dbul /dam tshig 'di ni rmad po che/ /zhes bya ba'i sgra bshad par bya ste/ ci ltar yin na/ rdo rje bshang gci nam mkha' i khams/ yongs su gang bar rnam par bsgom ni/ sgrub pa pos yid du 'ong ba'i gnas su bsgom pa bya'o/ /dang pos ni bsgrub pos dus 'dir sku dang gsung dang thugs rdo rje rigs gsum gyi nang na gang la mos pa
- 229b
de'i sku phyag rgyar mdun du smos pa'i cho ga bzhi'i tshul gyis gyur par bya'o/ /sku phyag rgya de'i cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi dus su smos pa/ de bzhin du 'di bya ba yin no/ /de lta bu'i ngo bo'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su sems can thams cad kyi bshang gci la sogs pa dam rdzas lnga'i bdud rtsi de ni/ nam mkha' i dbyings gang ba yin no/ /dam rdzas de dag rdo rje ye shes kyis ngo bo sku dang gsung dang thugs rdo rje gsum dang gnyis su med pa'i ye shes kyi bdud rtsi yin par bsgom par bya bar smos so/ /mdor bsdu ba de ltar rdo rjes bshang gci nam mkha' i khams/ yongs su gang bar rnam par bsgom gyi don du gsungs so// dus gsum rdo rje dag la dbul/ dam tshig 'di ni rmad po che zhes pa ni/ dus gsum rdo rje dag la 'bul du ming btags pa mdun du smos pa'i tshul gyis gsang sngags kyi tshul gyis sku dang gsung dang thugs rdo rje gsum dang gnyis su med pa rigs lnga'i bye brag gi de bzhin gshegs pa'i smos pa'i de dag thams cad ni/ bsgrub pa pos nyid kyi gzugs kyi phung po la sogs pa phung po lnga dang gnyis su med pa'i ngo bor rtag par bya ba yin no/ /sgom pa'i tshul de ltar bya zhing ci ltar smos pa'i snod ban da mtshan dang ldan par nyid kyi bshang gci la sogs pa dam rdzas bdud rtsi lnga gzhag go /gzhan yang mdun du smos pa'i sems can thams cad kyi bshang gci la sogs pa dam rdzas bdud rtsi lnga nam mkha' i khams thams cad kyi gnas gang bar bsgom par smos pa de ni snod ban dar gzhag pa'i bdud rtsi de la rgyun gyi tshul gyis thim par gyur par bsam mo/ /bdud rtsi lnga mnyam par gnyis su med par byas pa'i 'og tu le'u lnga pa'i/ smos pa'i tshul du sngags kyi byin gyis brlabs pa'i
- 230a
bsgom pa ma grub kyi bar gyi dus de tsam du bar mi 'chad par rtag tu bya ba yin no/ /de ltar byas pas bsgrub pa po de bzhin gshegs pa thams cad kyi ye shes dang gnyis su med pa'i 'bras bu'i ngo bo grub par 'gyur ro/ /don des ngo mtshar che bar smos so/ /de ltar dus gsum rdo rje dga' la dbul/ dam tshig 'di ni rmad po che'i don du gsungs so/ /de ni gzhan yang rdo rje thams cad du ming btags pa rigs lnga'i bye brag gi de bzhin gshegs pa thams cad smos pa de dag gi dam rdzas kyi mi snang ba'i bsgrub pa bya ba de'i don bstan par bya ste/ de nas phyag na rdo rje de bzhin gshegs pa thams cad kyi bdag po/ rdo rje thams cad kyi mi snang ba'i dam tshig 'di nyid kyi sku dang gsung dang thugs rdo rje las phyung ngo zhes bya ba'i sgra bshad par bya ste/ ci ltar yin na/ de nas ni mdun du smos pa'i/ bsnyen pa dang/ nye bar sgrub pa dang/ sgrub pa dang/ sgrub pa chen po'i sdom pa bya ba/ khyad par gyi lta ba chen pos bshang gci la sogs pa'i bdud rtsi lnga'i dam tshig gi bsgrub pa bya ba'i don bshad par mdzad pa'i 'og tu/ rdo rje thams cad mi snang ba'i dam tshig gi bsgrub pa bya ba'i don bshad par brtsams pa de mtshon par bstan to/ /de ltar de nas kyis don du gsungs so/ /phyag na rdo rje de bzhin gshegs pa thams cad kyi bdag po zhes pa ni/ de'i don mdun du bshad bas bde ste/ 'dir bshad mi dgos so/ /rdo rje thams cad kyi mi snang ba'i dam tshig ces pa ni/ rdo rje thams cad du ming btags pa rigs lnga'i bye brag gi de bzhin gshegs pa smos pa de'i dam rdzas lnga yin te dam rdzas de'i sbyor ba bsgom pas mi snang ba'i bsgrub pa bya bar smos so/ /de ltar rdo rje thams cad kyi mi snang ba'i dam tshig gi don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang
- 230b
gsung dang thugs rdo rje'i ngo bo gcig par smos so/ /de ltar sku dang gsung dang thugs rdo rje gsum dang gnyis su med pa'i ngo bo 'og nas 'byung ba'i tshul du bsgrub pa pos de bzhin gshegs pa lnga'i gang gi bsgom pa byed pa'i dus su gnyis su med par bsgom par bya bar smos/ de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang gsung rdo rje dang thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo// zhes ba'i ni/ ston pa phyag na rdo rjes ci ltar smos pa'i tshul du bsgrub pa pos rdo rje thams cad kyi mi snang ba'i dam tshig gis bsgrub pa byas pa de'i don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang rdo rje snang ba thams cad kyi dam tshig gi bsgrub pa bya ba'i ngo bo'i don bstan par bya ste/ dus bzhir ci ltar cho ga bzhin rdo rje can gyis nyin re sbyang/ yang na nor kyang rtag tu 'phrog /dam tshig rdo rjer rdzogs byed pa'o/ /zhes bya ba'i sgra bshad par bya ste/ ci ltar yin na/ dus bzhir ji ltar cho ga bzhin/ /rdo rje can gyis nyin re spyad ni/ sgrub pa pos yid du 'ong ba'i gnas su bsgom pa bya'o/ /dang po ni bsgrub pa pos dus 'dir mdun du smos pa'i cho ga bzhi'i tshul gyis rigs lnga'i de bzhin gshegs pa'i nang na gang la mos pa de'i sku phyag rgyar gyur par bya'o/ /sku phyag rgya de'i cha lugs phun sum tshogs pa thams cad ci ltar le'u bzhi ba'i thugs kyi dkyil 'khor gyis dus su bya bar smos pa de bzhin du 'dir bya ba yin no/ /de lta bu'i ngo bo'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su de bzhin gshegs pa gang ga'i sku/ phyag rgya bsgom par byed pa de'i rigs kyis bye brag gi shes rab ma blang ngo/ de ni mdun du smos pa'i mtshan dang yon tan thams cad
- 231a
dang ldan pa'o/ /shes rab ma de nyid kyis rigs kyi ye shes kyi lha mo dang gnyis su med pa'i ngo bor byin gyis rlab par bya ba yin no/ /dus 'dir rdo rje can du ming btags pa bsgrub pa pos yin no/ /de'i 'og tu des ma grub kyi bar du dus de tsam du shes rab ma 'dod chags chen po'i sems dga' bas nyin re bzhin du dus rtag tu le'u bcu gnyis pa las smos pa'i tshul du dus bzhir gnyis su med par 'khyud pa'i sbyor bas thabs dang shes rab rol pa bya'o// de byas pas bde bar gyur pa'i dus su rdo rje lam gyis sgo nas shes rab ma'i b+ha ga'i dbus gnas su 'o ma'i rgyun bzhin du byang chub sems 'od du zhu'o/ /de shes rab ma'i b+ha ga'i nang nas blang ngo/ /ji ltar smos pa'i snod ban d+ha mtshan dang ldan pa'i nang du gzhag go /gzhan yang bshang gci dang/ pad ma rag ta dang nang gi sha dang dam rdzas de rnams byang chub sems dang bsre bar bya'o/ /de ltar dam rdzas de lnga ni bsgrub pa pos mdun du gzhag pa yin no/ /man ngag gi tshul gzhan yang bstan par bya ste/ mdun du smos pa'i tshul du nyin re dus bzhir rtag tu thabs dang shes rab rol pa byas pas/ byang chub sems blangs te de'i phyed oM swa b+hA wa bi shud d+ha sarba d+harma swa b+ha wa bi shud d+ho haM/ de ltar sngags kyi tshig brjod cing bza' bar bya'o/ /phyed phyi ma de snod ban da'i dam rdzas lnga'i nang du gzhag go /gzhan yang snod ban da'i dam rdzas lnga de ni nyin re dus bzhir rnam par snang mdzad la sogs pa'i de bzhin gshegs pa'i sngags sa bon yig 'bru'i rim pa'i byin gyis rlabs pa'i bsgom par bya'o/ /de'i don gsal bar bstan par bya ste/ dang po ni dam rdzas rnams kyi steng du sngags kyi sa bon yig 'bru oM bsam mo/ /de kha dog dkar po chos kyi dbyings kyi ye shes
- 231b
kyi ngo bo gzi brjid kyis 'bar zhing 'od du zhu nas/ ye shes kyi khu ba bzhin du 'gyur ro/ /de dam rdzas lnga la gnyis su med par thim par gyur par bsam mo/ /de'i 'og tu sngags kyi sa bon yig 'bru a bsam mo/ /de kha dog dmar po so sor rtog pa'i ye shes kyi ngo bo gzi brjid kyis 'bar zhing 'od du zhu nas/ ye shes kyi khu ba bzhin du 'gyur ro/ /dam rdzas lnga la gnyis su med par thim par 'gyur bar bsam mo/ /de'i 'og tu sngags sa bon yig 'bru hUM bsam mo/ /de kha dog mthing ga me long lta bu'i ye shes kyi ngo bo gzi brjid kyis 'bar zhing 'od du zhu nas/ ye shes kyi khu ba bzhin du 'gyur ro/ /de dam rdzas lnga la gnyis su med par thim par gyur bar bsam mo/ /de'i 'og tu sngags sa bon yig 'bru swA bsam mo/ /de kha dog ser po mnyam pa nyid kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba bzhin du 'gyur ro/ /de dam rdzas lnga la gnyis su med par thim par gyur par bsam mo/ /gzhan yang mdun du smos pas rigs lnga'i de bzhin gshegs pa'i sngags bzlas pa'i bsnyen pa bya'o/ /oM A(rgyud 'grel): hUM swAhA/ /de ltar bsgom pa dang sngags kyis bzlas pa'i bsnyen pa byas pas dam rdzas grub pa'i dus su mtshan ma gnyis 'byung ngo/ /dang po ni snod ban d+ha na yod pa'i dam rdzas de'i nang nas du ba 'byung bar 'gyur ro/ /de'i 'og tu dam rdzas de 'bar bar 'gyur bar smos so/ /de ltar mtshan ma gnyis byung ma thag tu bsgrub pa pos dga' ba chen po'i sems dga' ba'i brtson 'grus kyis/ dam rdzas bsgrub pa'i ngo bo de sngags kyi tshig oM swa b+hA wa bi shud+d+ha sarba d+harmma swa b+hA wa bi shud d+ho haM/ zhes brjod cing bza' bar bya bar smos so/ /mdor bsdu ba de ltar dus bzhir ci ltar cho ga bzhin/ rdo rje can gyis nyin re spyad kyi don du gsungs so/ /yang na nor yang rtag tu 'phrog /dam tshig rdo rje rdzogs byed pa'o/ /zhes pa
- 232a
ni mdun du smos pa'i dam rdzas lnga mi snang ba'i 'bras bu grub pa'i 'og tu sgrub pa pos lha dang klu dang/ gnod sbyin dang lha ma yin la sogs pa sems can thams cad kyi gtor la sogs pa'i nor gang yang rung ba'i yin no/ / de'i drug cha'i tshul du dus rtag tu 'phrog par byed pa yin no/ /don des sbyin pa dang longs spyod bya ba yin no/ /gzhan yang dam tshig rdzogs byed par ming btags pa bsgrub pa pos dam tshig mi snang pa'i sbyin pa dang/ longs spyod byas pas rim pas rdo rje ni stong pa chen po'i ye shes kyi ngo bo bla na med pa'i 'bras bu rdzogs pa 'am 'grub par gyur par smos so/ /de ltar yang na nor yang rtag tu 'phrog /dam tshig rdo rje rdzogs byed pa'i don du gsungs so/ /da ni gzhan yang nam mkha' i rig pa 'dzin gyi dam tshig gi bsgrub pa bya ba'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ nam mkha' i rig pa'i dam tshig 'di/ nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ji ltar yin na/ de nas ni mdun du smos pa'i rdo rje thams cad kyi mi snang ba'i dam tshig gi bsgrub pa bya ba'i don bshad par mdzad pa'i 'og tu nam mkha' i rig pa 'dzin gyi dam tshig bsgrub pa bya ba'i don bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos/ zhes pa ni/ de'i don mdun du bshad pas bde ste/ 'dir bshad mi dgos so/ /nam mkha' i rig pa 'dzin gyi dam tshig 'di zhes pa ni/ 'og nas 'byung ba'i tshul la smos so/ /don des 'dir bde ste/ bshad mi dgos so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gyi ngo bo gcig par smos so/ /de ltar sku dang gsung
- 232b
dang thugs rdo rje gsum dang gnyis su med pa'i ngo bo nam mkha' i rig pa 'dzin gyi bsgrub pa bya ba'i dus su byang chub sems dpa' 'jam dpal dang gnyis su med pa'i ngo bor bsgom pa bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang/ gsung rdo rje dang/ thugs rdo rje gnyis su med par bshad pa de'i bzhin du 'dir bstan to/ /de ltar de nas kyi don du gsungs so/ /las phyung ngo zhes pa ni/ ston pa phyag na rdo rjes ci ltar smos pa'i tshul du bsgrub pa pos nam mkha' i rig pa 'dzin gyi dam tshig gi bsgrub pa bya ba de'i don phyung ba 'am bshad par smos so/ /de ltar las phyung ngo'i don du gsungs so/ /da ni nam mkha' i rig pa 'dzin gyi dam tshig bsgrub pa bya ba de'i ngo bo'i don bstan par bya ste/ sku gsung thugs kyi rdo rje ni/ dbu rgyan dag la bsam gtan bsam/ /dam tshig rdo rje gsum kun gyi/ /khros pa rnams kyis mi thub po/ /zhes bya ba'i sgra bshad par bya ste/ ji ltar yin na/ sku gsung thugs kyi rdo rje ni/ dbu brgyan la ni bsam gtan bsam ni/ bsgrub pa pos yid du 'ong ba'i gnas su bsgom pa bya'o/ /dang po ni mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /sku phyag rgya de'i cha lugs phun sum tshogs pa thams cad /ci ltar le'u bzhi pa las thugs kyi dkyil 'khor gyi dus su smos pa de bzhin gshegs pa 'dir bya ba yin no/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya ba yin no/ /de'i dus su rdo rje rigs kyi bye brag khrus mkhan gyi rigs kyi bu mo blang ngo/ /de mdun du smos pa'i mtshan dang yon tan phun sum tshogs pa thams cad dang ldan pa'o/ /shes rab ma de ye shes kyi lha mo mA ma kI dang gnyis su med pa'i ngo bor byin gyis brlab par bya'o/ /de 'og tu 'dod chags chen po'i sems dga' bas shes rab
- 233a
ma dang gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus gnas su byang chub sems 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru muM bsam mo/ /de kha dog mthing kha me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba bzhin du 'gyur ro/ /de byang chub sems zla ba'i dkyil 'khor la gnyis su med par thim par 'gyur bar bsam mo/ /sa bon de las byang chub sems dpa' 'jam dpal gyi sku phyag rgya bskyed par bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang/ gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi dus su bya bar smos pa de bzhin du 'dir bya ba yin no/ /de lta bu'i ngo bor byang chub sems dpa' 'jam dpal gyi sku phyag rgya bskyed ma thag tu/ bskyed par mdzad mkhan rdo rje mi bskyod pa'i sku phyag rgya/ byang chub sems dpa' 'jam dpal yi sku phyag rgya'i dpral ba'i dbus su dbang bskur ba'i tshul du gnas par bsam mo/ /de'i 'og tu rna ba g.yas kyi steng gi dbus su sngags kyi sa bon yig 'bru oM sam mo/ /de kha dog dkar po chos kyi dbyings kyi ye shes kyi ngo bo gzi brjid kyis 'bar ba yin no/ /sa bon de las sku rdo rje rnam par snang mdzad kyi sku phyag rgya bskyed nas gnas par bsam mo/ /sku phyag rgya de'i cha lugs phun sum tshogs pa thams cad dang ldan pa ni/ mdun du smos pa'i tshul du bstan to/ /de ltar byas pa'i 'og tu rna ba g.yon pa'i steng du dbus gnas su sngags
- 233b
kyi sa bon yig 'bru a bsam mo/ /de kha dog dmar po so sor rtog pa'i ye shes kyi ngo bo gzi brjid kyis 'bar ba yin no/ /sa bon de las gsung rdo rje snang ba mdza' yas kyi sku phyag rgya bskyed nas gnas par bsam mo/ /sku phyag rgya de'i cha lugs phun sum tshogs pa thams cad ni/ mdun du smos pa'i tshul du bstan to/ /tshul de ltar sku dang gsung dang thugs rdo rje gsum yi sku phyag rgya byang chub sems dpa' 'jam dpal gyi dbu brgyan gyi ngo bor bsam gtan bya ba bsam pa yin no/ /tshul de ltar bsam gtan byas pa'i 'og tu sgrub pa pos byang chub sems dpa' 'jam dpal dang gnyis su med pa'i nga rgyal du bsgom pa bya ba yin no/ /gzhan yang mdun du smos pa'i tshul du thabs dang shes rab rol pa bya'o/ /de byas pas bde bar gyur pa'i de dus su/ rdo rje lam gyi sgo nas shes rab ma'i b+ha ga'i dbus gnas su 'o ma'i rgyun bzhin du byang chub sems 'od du zhu'o/ /de shes rab ma'i b+ha ga'i dbus gnas nas blang ngo/ /blangs nas ci ltar smos pa'i snod ban d+ha mtshan dang ldan par gzhag go /gzhan yang dam rdzas byang chub sems bshang gci dang bsre bar bya'o/ /de ltar gsum bsgrub pos mdun du gzhag pa yin no/ /gzhan yang de ltar gsum gyi tshul bstan par bya ste/ mdun du smos pa'i thabs dang shes rab rol pa'i byang chub sems de'i phyed blangs nas/ /oM swa b+hA wa bi shud d+ha sarba d+harmma swa b+hA wa bi shud d+ho haM/ de ltar sngag kyi tshig brjod cing bza' bar bya'o/ /phyi ma phyed po de snod ban d+ha'i nang gi dam rdzas gsum gyi nang du gzhag go /gzhan yang snod ban d+ha'i dam rdzas gsum ni nyin re bzhin du rnam par snang mdzad la sogs pa rigs gsum gyi de bzhin gshegs pa'i sngags sa bon yig 'bru'i rim pas mdun du smos pa'i cho gas byin gyis brlabs pa'i bsgom pa bya ba yin no/ /gzhan yang mdun du smos pa'i
- 234a
tshul du rigs gsum gyi de bzhin gshegs pa'i sngags kyi bzlas a'i bsnyen pa bya'o/ /oM A hUM/ de ltar bsgom pa dang/ sngags kyi bzlas pa'i brnyen pa byas pas dam rdzas grub pa'i dus su mdun du smos pa'i tshul du mtshan ma gnyis 'byung ste/ de ltar mtshan ma gnyis byung ma thag tu sgrub pa pos sems dga' ba chen po'i brtson 'grus kyis dam rdzas grub pa'i ngo bo ni/ oM swa b+hA ba shud+d+ha sarba d+harmma swa b+hA ba shud+d+ho haM/ de ltar sngags kyi tshig brjod cing bza' bar bya bar smos so/ /mdun du smos pa'i tshul du sgom pa dang/ sngags kyi bzlas pa'i bsnyen pas dam rdzas bsgrub pa byas pa bsgrub pa'i 'bras bu phyi'i nam mkha' thams cad du 'gro ba'i rigs pa 'dzin gyi rgyal po thams cad smos pa de dag thams cad kyi bdag por 'gyur bar smos so/ /de ltar sku dang gsung dang thugs rdo rje ni/ dbu rgyan dag la bsam gtan bsam gyi don du gsungs so/ /dam tshig rdo rje gsum kun gyi/ /khros pa rnams kyis mi thub bo/ /zhes pa ni/ rdo rje gsum du ming btags pa ni/ rnam par snang mdzad sku dang gsung dang thugs rdo rje gsum gyi rigs yin no/ /de ni rnam par snang mdzad dang snang ba mdza' yas dang/ mi bskyod par smos so/ /de rnams kyi dam tshig tu ming btags pa/ dus 'dir thugs rje chen po zhe sdang gi thugs bskyed nas/ nyid nyid kyi rigs kyi bye brag gi ye shes kyi ngo bo'i sku phyag rgya gshin rje gshed la sogs pa khro bo'i gyal po bcu ni ma rungs pa'i bgegs dang bdud kyi tshogs thams cad med pa'i phyir sbrul pa yin no/ /de ltar khro bo'i rgyal po bcu ni/ rdo rje gsum gyi dam tshig yin par ming btags pa smos so/ /khro bo'i rgyal po de dag thams cad kyi dus mnyam du khros te/ bsgrub pa po mdun du smos pa'i rig pa 'dzin gyi dngos grub kyi 'bras bu de med par bya ba'i phyir
- 234b
g.yul bkye na yang pham par mi nus pa yin no/ /de ltar la dor ba'i tshig tu smos so/ /gzhan yang phyi'i lha la sogs pa mi ma yin pa thams cad kyis pham par mi nus pa'i ngo mtshar mi che bar bstan to/ /mdor bsdu ba de ltar dam tshig rdo rje gsum kun gyi/ khros pa rnams kyi mi thub pa'i don du gsungs so/ /da ni gzhan yang bsgrub pa po las dang po pas gsang sngags kyi sgrub pa byed na/ dan po ni spyod pa dang/ bsgom pa dang/ sku dang gsung dang thugs rdo rje rigs gsum gyi sbyor ba byas pa'i dam tshig gi bsgrub pa bya ba de'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ sngags thams cad 'dzin pa las dang po ba thams cad kyi dam tshig 'di nyid kyi sku dang gsung dang thugs rdo rje las phyung ngo/ zhes bya ba'i sgra bshad par bya'o/ /ci ltar yin na/ de nas ni mdun du smos pa'i nam mkha' i rig pa 'dzin gyi sgrub pa'i don bshad par mdzad pa'i 'og tu/ sngags 'chang las dang po pa thams cad kyi dam tshig gi bsgrub pa'i don bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag po zhes pa'i ni/ de'i don mdun du bshad pas bde ste/ 'di bshad mi dgos so// sngags thams cad 'dzin pa las dang po pa thams cad kyi dam tshig ces pa ni/ sngags thams cad du ming btags pa ni rgyud 'di'i ? mjug gi nang nas sngags thams cad kyi bsgrub pa bya ba'i tshul gyi sngags smos pa'i de dag thams cad bsgrub par bya ba'i phyir slob dpon gyi man ngag gi tshul thos pa'i don mi brjed par zlos 'dzin pa yin no/ /don des sngags thams cad 'dzin par bsgrub ba smos so/ /las dang po pa'i dam tshig gi don gyi 'og nas 'byung ba'i tshul la bstan
- 235a
to/ /de ltar sngags thams cad 'dzin pa las dang po'i don du gsungs so/ /nyid kyi sku dang thugs zhes pa ni/ ston pa phyag na rdo rje nyid kyi sku phyag rgya nyid kyi sku dang gsung dang thugs gcig pa'i ngo bor smos so/ /de ltar sku dang gsung dang thugs rdo rje de gsum dang gnyis su med pa'i ngo bo bsgrub pa po las dang po pas dam tshig gi bsgrub pa bya ba'i dus su sku dang gsung dang thugs rdo rje rigs gsum dang gnyis su med pa'i ngo bor sgom par bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang/ gsung rdo rje dang/ thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni/ ston pa phyag na rdo rje ji ltar smos pa'i tshul gyi sgrub pa pos de las dang po pas sngags thams cad 'dzin pa'i dam tshig gi sgrub pa byed pa de'i don phyung ba 'am bshad pa'i don du gsungs so/ /da ni gzhan yang sngags thams cad 'dzin pa'i las dang po pa'i dam tshig gi bsgrub pa bya ba'i ngo bo'i don bstan par bya ste/ sku'i rdo rje kha zas dang/ /phyi rol rdo rje 'dzin pa dang/ /rdo rje chos la brtan par ni/ /cho gas sbyor ba bye bar bya'o/ /zhes bya ba'i sgra bshad par bya ste/ /ji ltar yin na/ sku'i rdo rje kha zas dang ni/ sgrub pa pos dus rtag tu phyi'i kha zas ci za ba dang/ gzhan yang nang gi bdud rtsi rnam pa lnga po de dag za ba'i dus su nyid kyi ngo bor sku rdo rje rnam par snang mdzad bsgom par bya ba yin no/ /gzhan yang rdzas za ba thams cad kyi ngo bor chos kyi dbyings kyi ye shes kyi ngo bo yin par brtag go /tshul de ltar kha zas gyi rgyu dang/ za bar byed mkhan ni/ rnam par snang mdzad nyid yin par smos so/ /de ltar lus kyi rdo rje'i kha zas dag gi don du gsungs so/ /phyi rol rdo rje 'dzin pa dang zhes pa
- 235b
ni/ bsgrub pa pos mdun du smos pa'i tshul gyi kha zas zos pa'i 'og tu de zhu ba'i 'og tu phyi sar ming btags pa 'chag pa'i skabs su rdo rje 'dzin pa'i sku phyag rgya bsgrub pa po gnyis su med pa'i ngo bor bsgom pa bya bar smos so/ /de ltar phyi'i rdo rje'i 'dzin pa'i don du gsungs so/ /rdo rje chos la brtag par ni/ /cho gas sbyor ba dbye bar bya zhes pa ni/ mdun du smos pa'i tshul du bshad pa gcig pa'i 'og tu dam rdzas bshad pa de ni le'u lnga pa'i tshul gyis sngags kyis byin gyis brlab pa dang/ bsgom par bza' bar bya'o/ / de'i dus su bshad pa'i ro myong ba de ni rdo rje chos su ming btags pa gsung gi rig sngags snang ba mdza' yas yin te/ de so sor rtog pa'i ye shes so/ /de'i ngo bo bshad pa'i ro'o/ /de ltar dus rtag tu bsgom par bya'o/ /gzhan yang cho gas bzhin du spro bar bya bar ming btags pa/ mdun du smos pa'i bye brag gsum zas su za ba'i dus su gsang sngags kyi bsgom pa bya bar spyad par bya zhing/ sbyor ba ni 'dod chags dang zhe sdang la sogs pa nyon mongs pa'i dgra thams cad yin te/ de dag rtsa ba nas phyung ba 'am med par byed pa'i cho ga'i tshul byas pa ni mdun du smos pa'i don der smos so/ /gzhan yang sbyor ba ni brda' skad de/ gsang ba'i dkyil 'khor ni/ shes rab ma'i b+ha ga yin te/ de cho ga'i sbyor ba ming btags pa bsgrub pa pos mdun du smos pa'i bye brag gsum gyi kha zas gsang sngags kyi spyod pas/ bsgom pa'i cho ga bya zhing rdo rje chos kyi snang ba mdza' yas yin te/ de dang gnyis su med pa'i nga rgyal gyis thabs dang shes rab rol pa bya ba yin no/ /bstan pa'i bya ste/ mdun du smos pa'i gsang ba'i dkyil 'khor shes rab ma'i b+ha ga'i ngo bo de ni/ sbyor bar ming btags pa'i gsang ba'i rdo rje bcug nas rol pa bya ba'i stabs kyis b+ha ga'i kha dbye bar bya bar smos so/ /de ltar bza' ba'i dus su bsgom pa'i cho ga dang gsang ba'i rol
- 236a
pa byas pas bsgrub pa po sku dang gsung dang thugs rdo rje gsum dang gnyis su med pa'i ye shes kyi 'bras bu 'grub par 'gyur bar smos so/ /mdor bsdu ba de ltar rdo rje chos la brtag par ni/ cho gas sbyor ba dbye bar bya'i don du gsungs so/ /bcom ldan 'das rang bzhin gyis/ /dag pa'i rdo rjes de skad bka' stsal to/ zhes bya ba ni/ ston pa phyag na rdo rje nyid yin no/ /de'i yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du bshad pas bde ste/ 'dir bshad mi dgos so/ /de ltar bcom ldan 'das kyi don du gsungs so/ /rang bzhin gyis dag pa zhes pa ni/ sku dang gsung dang thugs rdo rje'i ye shes kyi 'bras bu de ni don dam par nyon mongs pa thams cad kyi rnam par rtog pa'i sdig pa'i dri ma dang rang bzhin gyis bral ba yin no/ /de nyid kyis sems can thams cad kyi don mdzad pa'i phyir/ ston pa phyag na rdo rje ji ltar smos pa'i tshul gyis dag pa'i ngo bo'o/ /ci ltar rang bzhin gyis dag pa'i don du gsungs so/ /rdo rjes bka' stsal to/ zhes pa ni me long lta bu'i ye shes sogs pa'i ye shes lnga dang gnyis su med pa'i ngo bo/ dus 'dir rdo rjes ming btags pa'i dngos po med pa 'jigs par mi 'gyur ba yin no/ /don mdor bsdu ba de ltar ston pa phyag na rdo rje nyid kyi sku phyag rgya yin no/ /don des ston pa phyag na rdo rje nyid kyi mtshan gyi khyad par rang bzhin gyis dag pa'i rdo rjes smos so/ /des mdun du smos pa'i kha zas kyi bye brag gsum gyi bsgom pas bsgrub ba bya ba'i don bka' stsal par smos so/ /mdor bsdus pa de ltar bka' stsal to/ don du gsungs so/ /da ni gzhan yang ston pa phyag na rdo rje ci yang mi gsung bar gyur pa de'i don bstan par bya'o/ /de nas phyag na rdo rje de bzhin gshegs pa thams cad kyi bdag pos/ rdo rje 'dzin pa thams cad kyi sku dang thugs kyi snying po rdo rje mnyam pa nyid rnam par bsams
- 236b
nas cang mi gsung bar bzhugs par gyur to/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i sngags thams cad 'dzin pa'i las dang po pa'i dam tshig gi bsgrub pa'i don ston pa de bzhin gshegs pa thams cad kyi ye shes dang gnyis su med par mnyam pa'i ngo bo'i thugs mdzad pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag po zhes pa ni/ de'i don mdun du bshad pas bde ste/ 'dir bshad mi dgos so/ /rdo rje 'dzin pa thams cad kyi sku dang gsung dang thugs rdo rje snying po zhes pa na/ rdo rje ming btags pa ni/ rnam par snang mdzad la sogs pa rigs lnga'i bye brag gi de bzhin gshegs pa thams cad yin no/ /'dzin par ming btags pa mdun du smos pa'i de bzhin gshegs pa de dag thams cad kyis/ nyid nyid kyi rdo rje'i sku phyag rgyas ngo bos 'dzin pa'o/ /don des de bzhin gshegs pa thams cad rdo rje 'dzin par smos so/ /sku dang gsung dang thugs rdo rje'i snying por ming btags pa mdun du smos pa'i de bzhin gshegs pa de dag don dam par sku dang gsung dang thugs rdo rje ye shes de ni dus 'dir don dam pa byang chub sems snying po ngo bor smos so/ /de ltar rdo rje 'dzin pa thams cad kyi sku dang gsung dang thugs kyi snying po'i don du gsungs so/ /rdo rje mnyam pa nyid rnam par bsam nas zhes pa ni/ mdun du smos pa'i tshul gyi rdo rje snying po yin pa de ni/ rdo rjer ming btags pa don dam pa'i stong pa chen po'i ye shes rdo rje yin no/ /mnyam par ming btags pa ni dus 'dir phyi dang nang gi chos thams cad ni mnyam pa stong pa'i ngo bo ji ltar smos pa'i tshul gyi rdo rje 'dzin pa thams cad kyi sku dang gsung dang thugs rdo rje snying po de dang gnyis su med pa'i ngo bo/ ston pa phyag na rdo rjes bsams par smos so/ /de ltar rdo rje mnyam pa nyid rnam
- 237a
par bsams nas kyi don du gsungs so/ /cang mi gsung bar bzhugs par gyur to/ /zhes pa ni/ don mdun du smos pa de'i phyir/ ston pa phyag na rdo rje de ci yang mi gsung bar gnas par gyur pa smos so/ /de ltar ci yang mi gsung bar bzhugs par gyur to'i don du gsungs so/ /de nas de'i skabs su brjod du yod pa dang/ brjod du med pa'i sangs rgyas kyi zhing gi rdul phra mo dang mnyam pa'i byang chub sems dpa' sems dpa' chen po rnams kyi/ de bzhin gshegs pa thams cad la phyag 'tshal nas 'di skad ces bka' stsal to/ /bcom ldan 'das de bzhin gshegs pa thams cad kyi bdag po ci'i slad du de bzhin gshegs pa thams cad dang/ byang chub sems dpa' thams cad kyi nang du cang mi gsung bar bzhugs/ zhes bya ba'i sgra bshad par bya ste/ ji ltar yin no/ de nas de'i skabs su ni/ mdun du smos pa'i tshul gyi sngags thams cad 'dzin pa'i las dang po pa'i dam tshig gi bsgrub pa bya ba'i don bshad par mdzad ma thag tu ston pa phyag na rdo rje ci yang mi gsung bar gyur pa yin no/ /de'i skabs su de ma thag tu byang chub sems dpa' 'jam dpal la sogs pa 'og nas 'byung ba'i tshul gyi byang chub sems dpa' thams cad kyis dus mnyam par sems ngo mtshar du the tsom skyed pa de ni/ de nas de'i skabs su mtshon par bstan to/ /de ltar de nas kyi don du gsungs so/ /brjod du yod pa dang/ brjod du med pa'i sangs rgyas kyi zhing zhes pa ni/ rnam par snang mdzad la sogs pa'i brjod du yod pa dang/ brjod du med pa'i sangs rgyas le'u dang po las smos pa yin no/ /zhing du ming btags pa dus 'dir theg pa chen po gsang sngags kyi chos kyi 'khor lo bskor ba'i gnas kyi ngo bo gzhal yas khang yin te/ gnas de na mdun du smos pa'i tshul gyis sangs rgyas
- 237b
bzhugs pa'o/ /don de dus 'dir ye shes kyi gzhal yas khang sangs rgyas kyi zhing gi ngo bor smos so/ /mdor bsdus pa de ltar brjod du yod pa dang/ brjod du med pa'i sangs rgyas kyi zhing gi don du gsungs so/ /rdul phra mo dang mnyam pa'i byang chub sems dpa' sems dpa' chen po rnams kyis de bzhin gshegs pa thams cad la phyag 'tshal nas 'di skad ces gsol to/ /zhes pa ni/ ci ltar mdun du smos pa'i sangs rgyas brjod du yod pa dang/ brjod du med pa 'khor gyi ngo bo'i tshul ye shes kyi gzhal yas khang sangs rgyas kyi zhing gi ngo bo na gnas par smos pa de bzhin du byang chub sems dpa' 'jam dpal la sogs pa'i rigs gsum gyi bye brag gi byang chub sems dpa' smos pa'i de'i sku phyag rgya rdul phra mo dang mnyam pa'i ngo bo/ /gzhan yang brjod du yod pa dang/ brjod du med pa'i tshul du gnas so/ /de lta bu'i ngo bo byang chub sems dpa' sems dpa' chen po rnams kyis mdun du smos pa rnam par snang mdzad la sogs pa 'khor gyi ngo bo de dag la phyag 'tshal nas/ de ma thag tu 'di skad ces gsol to/ /ming btags pa the tsom dri bar smos so/ /de ltar rdul phra mo dang mnyam pa'i byang chub sems dpa' sems dpa' chen po rnams kyis de bzhin gshegs pa thams cad la phyag 'tshal nas/ 'di skad ces gsol to'i dus su gsungs so/ /bcom ldan 'das de bzhin gshegs pa thams cad kyi bdag po 'di ci'i slad du zhes pa ni/ bcom ldan 'das de bzhin gshegs pa thams cad kyi bdag po zhes pa ni/ ston pa phyag na rdo rje nyid yin no/ /de'i don mdun du bshad pas bde ste/ 'dir bshad mi dgos so/ /de bzhin gshegs pa thams cad dang byang chub sems dpa' thams cad 'khor gyi nang na cang mi gsung bar bzhugs zhes pa ni/ rnam par snang mdzad la sogs pa'i mdun du
- 238a
smos pa'i tshul gyi de bzhin gshegs pa thams cad dang/ gzhan yang ci ltar smos pa'i tshul gyi bdag cag byang chub sems dpa' dang mdor bsdus pa 'khor gnyis kyi nang du sngags thams cad 'dzin pa'i las dang po pa'i bsgrub pa bya ba'i don du ston pa phyag na rdo rjes bshad pa de rdzogs ma thag tu/ ci'i slad du cang mi gsung bar bzhugs par gyur zhes smos so/ /mdor bsdus pa de ltar de bzhin gshegs pa thams cad dang/ byang chub sems dpa' thams cad kyi 'khor gyi nang na cang mi gsung par bzhugs kyi don du gsungs so/ /da ni gzhan yang byang chub sems dpa' 'jam dpal la sogs pa byang chub sems dpa' thams cad kyi the tsom dris pa de thos ma thag tu mdun du smos pa'i tshul gyi rnam par snang mdzad la sogs pa'i 'khor gyi ngo bo'i de bzhin gshegs pa thams cad kyis the tsom dris pa de'i lan du byas ba de'i don bstan par bya ste/ de nas bcom ldan 'das de bzhin gshegs pa thams cad kyis/ byang chub sems dpa' thams cad la 'di skad ces bka' stsal to/ /rigs kyi du sku dang gsung dang thugs rdo rje'i ngo bo nyid dmigs su med pa'i yi ge'i tshig la/ de bzhin gshegs pa thams cad kyi sku dang gsung dang thugs kyi bdag po'i 'di/ ngo bo nyid med pa'i yi ge'i tshig brjod nas/ cang mi gsung bar bzhugs so/ /rigs kyi bu de bzhin gshegs pa thams cad kyi bdag po 'di sum du gyur to/ /sku mi 'gyur ba'i gnas ma skyes pa dang gsung dang thugs dmigs su med pa nam mkha' i rdo rje dang 'dra bar brtag pa/ yang dag pa la log par zin to/ /snyam mo/ zhes bya ba'i sgra bshad par bya ste/ ci ltar yin na/ de nas ni mdun du smos pa'i byang chub sems dpa' 'jam dpal la sogs pa byang chub sems dpa' thams cad kyis the tsom skyes nas dris pa de gsan ma thag tu rnam par snang mdzad la sogs pa'i 'khor gyi ngo bo'i
- 238b
de bzhin gshegs pa thams cad kyi the tsom dris pa de'i lan bshad par brtsams pa de'i don mtshon par bstan to/ /de ltar de nas kyi don du gsungs so/ /bcom ldan 'das de bzhin gshegs pa thams cad kyis/ /byang chub sems dpa' thams cad la 'di skad ces bka' stsal to/ /zhes pa ni/ mdun du smos pa'i rnam par snang mdzad la sogs pa 'khor gyi ngo bo'i de bzhin gshegs pa thams cad kyi yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du bshad pas bde ste/ 'dir bshad mi dgos so/ /de lta bu'i yon tan gyi mtshan gyi ngo bo dang ldan pa'i de bzhin du smos pa/ de dag thams cad kyis dus gcig tu mgrin gcig gis byang chub sems dpa' 'jam dpal la sogs pa'i mdun du smos pa'i byang chub sems dpa' the tshom dri ba po de dag rnams la 'di skad ces bka' stsal to/ /ming btags pa the tsom dri bar byas pa'i de'i don bshad par mdzad par brtsams par bstan to/ /de ltar bcom ldan 'das de bzhin gshegs pa thams cad kyis/ /byang chub sems dpa' de dag thams cad la 'di skad ces bka' stsal to'i don du gsungs so/ /rigs kyi bu sku dang gsung dang thugs rdo rje'i ngo bo nyid dmigs su med pa'i yi ge'i tshig la zhes pa ni/ ston pa phyag na rdo rje ci yang mi gsung bar gnas par 'gyur ba de ni/ don dam par sku dang gsung dang thugs rdo rje gsum dmigs su med pa'i bsam gtan te/ yi ge'i tshig du ming btags pa stong pa chen po'i ye shes dang gnyis su med par 'jug pa zhugs pa'i ngo bo yin no/ /rigs kyi bur ming btags pa/ de bzhin gshegs pa thams cad kyis mdun du smos pa'i don bshad par brjod pa'i dus su byang chub sems dpa' 'jam dpal la sogs pa thams cad la rigs kyi bu yin pa'i tshig gis bos par smos so/ /de ltar rigs kyi bu sku dang gsung dang
- 239a
thugs rdo rje'i ngo bo nyid med pa yi ge'i tshig la'i don du de bzhin gshegs pa thams cad sku dang gsung dang thugs rdo rje dmigs su med pa'i yi ge'i tshig la ngo bo nyid med pa'i yi ge'i tshig brjod nas cang mi gsung bar bzhugs so/ zhes pa ni/ de bzhin gshegs pa thams cad kyi sku dang gsung dang thugs rdo rje'i bdag po ni/ ci ltar smos pa'i tshul gyi ston pa phyag na rdo rje nyid yin no/ /de'i don mdun du bshad pas bde ste/ 'dir bshad mi dgos so/ /dmigs su med pa'i yi ge'i tshig la ngo bo nyid med pa'i yi ge'i tshig brjod nas ni mdun du smos pa'i don gyi ngo bo med pa de ni/ don dam pa de bzhin gshegs pa thams cad kyi sku dang gsung dang thugs rdo rje'i ye shes don dam pa byang chub sems snying po'i ngo bo ste/ stong pa chen po'i ye shes rdo rje yin no/ /de phyi dang nang gi chos thams cad mnyam par stong pas ci ltar smos pa'i sku dang gsung dang thugs rdo rje'i snying po/ de dang gnyis su med pa ston pa phyag na rdo rje yi ge'i tshig tu ming btags ba stong pa chen po'i ye shes brjod nas gnas par gyur to/ /de'i phyir ci yang mi gsung bar bdag po gnas par gyur pas smos so/ /mdor bsdus pa de ltar de bzhin gshegs pa thams cad kyi sku dang gsung dang thugs rdo rje'i bdag po 'di ngo bo nyid med pa'i yi ge'i tshig brjod nas cang mi gsung bar bzhugs so'i don du gsungs so/ /rigs kyi bu de bzhin gshegs pa thams cad kyi bdag po 'di/ sems pa na 'di snyam du gyur to/ /zhes pa ni/ byang chub sems dpa' 'jam dpal la sogs pa'i byang chub sems dpa' thams cad rigs kyi bu yin te/ de dag la rnam par snang mdzad la sogs pa de bzhin gshegs pa thams cad kyis 'di ming btags pa ston pa phyag na rdo rje de bzhin gshegs pa thams cad kyi bdag po de ni/ mdun du gnas
- 239b
par gyur pa'i don du shes par bya'o/ /sems dpa' na 'di snyam du gyur to ni/ bsgom pa la gnas par gyur to bar smos so/ /de ltar rigs kyi bu de bzhin gshegs pa thams cad kyi bdag po 'di/ sems pa ni 'di snyam du gyur to'i don du gsungs so/ / sku mi 'gyur ba'i gnas ma skyes pa dang/ gsung dang thugs dmigs su med pa/ nam mkha' i rdo rje dang 'dra brtag pa/ yang dag pa la log par zin to snyam ma zhes pa ni rnam par snang mdzad la sogs pa de bzhin gshegs pa thams cad kyis byang chub sems dpa' thams cad la mdun du smos pa'i ston pa de bzhin gshegs pa thams cad kyi bdag po yang mi gsung bar gyur par gnas pa de'i don gzhan khyad par du bshad pa yin no/ /de'i don bstan par bya ste/ sku mi 'gyur ba'i gnas ma skyes par ming btags pa'i/ ston pa de bzhin gshegs pa thams cad kyi bdag po la sogs pa dang bdag cag 'khor phun sum tshogs pa thams cad kyi lus kyi ngo bo jdon dam par ma skyes pa yin no/ /yang lus dang gnyis su med pa dag dang sems gnyis yin no/ /de ni gnyis su med pa'i ngo bo'o/ /de ci'i phyir na ci ltar smos pa'i tshul gyis gzugs de don dam par ma skyes pa yin no/ /don des ngag dang yid gnyis kyang dmigs su med par smos so/ /nam mkha' rdo rje dang 'dra brtag pa ni mdun du smos pa'i lus dang ngag dang yid gsum gci ltar nam mkha' i ngo bo med pa dang/ ma skyes pa stong pa thams cad la khyab nas gnas par smos pa de bzhin du/ rdo rjer ming btags pa stong pa chen po'i ye shes dang gnyis su med pa sku dang gsung dang thugs rdo rje gsum rang bzhin med par rtag pa bsgom par bya ba yin no/ /yang dag pa la log par zin to/ snyam mo/ zhes pa ni/ phyi dang nang gi chos thams cad dngos po can du bsgom pa ni phyin ci log pa yin no/ /mdor bsdu ba de ltar sku mi 'gyur ba'i gnas ma skyes pa dang/ gsung dang thugs
- 240a
dmigs su med pa ni nam mkha' rdo rje dang 'dra ba rtag pa yang dag pa la log par zin to snyam pa'i don du gsungs so/ /da ni gzhan yang the tsom dris pa'i don rnam par snang mdzad la sogs pa yang de bzhin gshegs pa thams cad kyis bshad pa thos ma thag tu byang chub sems dpa' 'jam dpal la sogs pa byang chub sems dpa' thams cad sems la the tshom skyes pa gzhan ma de dag de bzhin gshegs pa thams cad la dris pa de'i don bstan par bya ste/ de nas 'jam dpal la sogs pa byang chub sems dpa' chen po rnams kyis/ de bzhin gshegs pa thams cad la phyag 'tshal nas 'di skad ces gsol to/ /bcom ldan 'das gsung rdo rje'i tshig la phyin ci log kun 'byung ba mi brtag tu gsol/ /de bzhin gshegs pa thams cad kyi rdo rje dbyings ngo bo nyid spyod pa'i rjes su 'gro ba'o/ /de ci'i slad du zhe na/ de bzhin gshegs pa thams cad kyi bdag po 'di ni tshangs pa la sogs pa byang chub sems dpa' chen po mngon par shes pa chen po'i ye shes thob pa rnams chos thams cad kyi mtshan nyid kyi ngo bo nyid mi shes nas 'di snyam du ston to/ zhes bya ba'i sgra bshad par bya ste/ ji ltar yin na/ de nas ni mdun du smos pa'i byang chub sems dpa' chen po thams cad kyis the tshom dris ba'i don/ rnam par snang mdzad la sogs pa de bzhin gshegs pa thams cad kyis bshad par mdzad pa de thos ma thag tu byang chub sems dpa' 'jam dpal la sogs pa byang chub sems dpa' thams cad kyis sems the tshom skyes pa dri ba'i phyir/ rnam par snang mdzad la sogs pa de bzhin gshegs pa thams cad la dris ba de mtshon par bstan to/ /de ltar de nas kyi don du gsungs so/ /'jam dpal la sogs pa byang chub sems dpa' chen
- 240b
po rnams kyi de bzhin gshegs pa thams cad la phyag 'tshal nas/ 'di skad ces gsol to/ zhes pa ni/ mdun du ji ltar smos pa'i tshul gyi byang chub sems dpa' 'jam dpal la sogs pa 'khor gyi ngo bo'i byang chub sems dpa' thams cad yin te/ de dag gis dus gcig tu mgrin gcig gis rnam par snang mdzad la sogs pa de bzhin gshegs pa thams cad la 'di skad ces gsol bar ming btags pa the tshom dris par smos so/ /de ltar 'jam dpal la sogs pa byang chub sems dpa' chen po rnams gyis/ de bzhin gshegs pa thams cad la phyag 'tshal nas/ 'di skad ces gsol to'i don du gsungs so/ /bcom ldan 'das gsung rdo rje'i tshig la phyin ci log kun 'byung ba mi rtag tu gsol zhes pa ni/ bcom ldan 'das kyi don mdun du bshad pas bde ste/ 'di bshad mi dgos so/ /gsung rdo rje'i rigs la phyin ci log kun 'byung ba mi brtag tu gsol/ zhes pa ni/ kun rdzob dang don dam pa'i chos thams cad ni/ rang bzhin gyis ma skyes pa ngo bo med pa/ nam mkha' bzhin du stong pa chen po'i ye shes kyi ngo bo yin te/ /de dang gnyis su med pa'i ngo bo de bzhin gshegs pa thams cad kyi bdag po ston pa phyag na rdo rje nyid du smos so/ /de'i phyir mdun du smos pa'i sku dang gsung dang thugs rdo rje 'dzin pa thams cad rdo rje'i snying po'o rdo rje mnyam pa nyid de ni sgom pa dang bsgom par bya ba'i tshul so sor bstan pa/ de bzhin gshegs pa thams cad kyi gsung rdo rje'i tshig gi don la phyin ci log pa kun 'byung ba mi brtag par gsol to/ /de 'gal bar smos so/ /de ltar bcom ldan 'das gsung rdo rje'i tshig la phyin ci log kun 'byung ba mi brtag tu gsol gyi don du gsungs so/ /de bzhin gshegs pa thams cad kyi rdo rje'i dbyings ngo bo nyid spyod par 'gyur ba'i rjes su 'gro ba'o/ /de ci'i slad du zhe na/ de bzhin gshegs pa thams cad kyi bdag po 'di ni tshangs pa la
- 241a
sogs pa byang chub sems dpa' mngon par shes pa chen po'i ye shes thog pa rnams chos thams cad kyi mtshan nyid kyi ngo bo nyid mi shes nas/ 'di snyam du ston to/ /zhes pa ni/ mdun du smos pa'i rnam par snang mdzad la sogs pa 'khor gyi ngo bo'i de bzhin gshegs pa thams cad yin te/ de dag thams cad la byang chub sems dpa' 'jam dpal la sogs pa byang chub sems dpa' thams cad kyis/ the tshom mdzad pa'i tshul gyis don 'di gsol ba yin no/ / bstan par bya ste/ rdo rje'i dbyings kyi ni nyid kyi ngo bo'i don dam pa'o/ /rdo rje ni dus 'dir de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ye shes yin no/ /dbyings ni mdun du smos pa'i rdo rje gsum gyi ye shes de'i 'og nas 'byung ba'i don gyi tshul gyis/ rang bzhin gyis dag pa dang/ gzhan yang bdag med pa dang/ stong pa gnas med pa'o/ /de ni bla na med pa'i byang chub yin te/ de lta bu'i tshul gyi ngo bo rdo rje dbyings su smos so/ /de lta bu'i ngo bo rdo rje dbyings de bzhin gshegs pa thams cad kyi bdag po ston pa nyid yin no/ /de'i phyir ston pa'i de bzhin gshegs pa thams cad kyi bdag po/ spyod pa par gyur pa'i rjes su 'gro bar ming btags pa mdun du smos pa'i ting nge 'dzin gyi ngo bo la 'jug par mdzad pas ci yang mi gsung bar gnas te/ de phyin ci log pa 'gal ba yin no/ /gzhan yang byang chub sems dpa' sems dpa' chen po 'jam dpal la sogs pa'i byang chub sems dpa' thams cad kyis/ rnam par snang mdzad la sogs pa de bzhin gshegs pa thams cad la/ dpe mtshon pa de'i don bstan par bya ste/ phyi'i tshangs pa yod pa dang brgya byin dang/ khyab 'jug dang/ dbang phyug la sogs pa lha thams cad kyi gtso bo dang/ gzhan
- 241b
yang sangs rgyas kyi bstan pa nyid kyi theg pa chen po'i mdo sde las 'byung ba/ rim pa ma nor bar ci ltar smos pa'i chos kyi spyod par byas pa dang/ 'jig rten dbang phyug dang/ kun du bzang po de/ de dag la sogs pa byang chub sems dpa' sems dpa' chen po thams cad smos so/ /de nyid nyid kyi ji ltar smos pa'i tshul gyi mngon par shes pa chen po'i ye shes thob pa rnams yin no/ /bstan par bya ste/ mdun du smos pa'i lha dang byang chub sems dpa' rnams mngon par shes pa dang/ ye shes chen po thob pa'i 'bras bu dang ldan bzhin du/ de dag gis don dam pa dang kun rdzob kyi mtshan nyid kyi don mi shes te/ tshul de ltar brtag par bya'o/ /mdor bsdu ba de ltar de bzhin gshegs pa thams cad kyi rdo rje'i dbyings de bzhin gshegs pa thams cad kyi bdag po 'di ni/ ngo bo nyid spyod par gyur pa'i rjes su 'gro ba'o/ /de ci'i slad du zhe na/ tshangs pa la sogs pa byang chub sems dpa' sems dpa' chen po mngon par shes pa chen po'i ye shes thob pa rnams chos thams cad kyi ngo bo nyid shes nas/ 'di snyam du rtog ste'i don du gsungs so/ /de ci'i phyir zhe na/ de bzhin gshegs pa thams cad kyi rdo rje chen po'i bdag nyid 'di/ chos rdo rje de kho na nyid mngon par mi shes nas/ gsang ba'i yi ge rnams 'chad dam ci snyam du sems dpa' yang ma mchis so/ /zhes bya ba ni/ de ci'i phyir zhe na ming btags pa byang chub sems dpa' thams cad ngo mtshar skyes pa'i tshig yin te/ tshig de brjod cing rnam par snang mdzad la sogs pa 'khor gyi ngo bo'i de bzhin gshegs pa thams cad la the tsom bskul ba yin no/ /bstan par bya ste/ khyed de bzhin gshegs pa'i thams cad ni/ rdo rje chen por ming btags pa me long lta bu'i ye shes la sogs pa'i/ ye shes lnga don dam pa'i ngo bo stong pa chen po'i ye shes rdo rje yin te/ de dang gnyis su med pa'i bdag nyid de bzhin gshegs pa thams cad
- 242a
yin no/ /chos rdo rje'i de kho na nyid ni don dam pa byang chub kyi sems te/ de ni rang bzhin gyis ma skyes pa yin no/ /dus de 'dir chos su smos so/ /rdo rje ni don dam par sku dang gsung dang thugs rdo rje gsum gnyis su med pa'i ngo bo yin te/ /de gnyis su mi phyed pa gcig pa'i ngo bo'o/ /de kho na nyid ni ji ltar smos pa'i tshul gyi de bzhin gshegs pa thams cad kyi ye shes kyi dngos grub bla na med pa'i 'bras bu de ni mdun du smos pa'i chos rdo rje'i ngo bo yin no/ /mi shes pa ni mdun du smos pa'i don gyi ngo bo chos rdo rje de nyid kyi don de khyed thams cad kyis ma rtogs pas mi shes pa yin no/ /de'i phyir gsang ba'i yi ge'i tshig dus 'dir mdun du smos pa'i bla na med pa'i 'bras bu'i don mi mkhyen bzhin du khyed de bzhin gshegs pa thams cad kyis 'chang par mdzad pa ni mi rigs pa yin par smos so/ /mdor bsdu ba de ltar/ de ci'i phyir zhe na/ de bzhin gshegs pa thams cad kyi rdo rje chen po'i bdag nyid 'di/ chos rdo rje'i de kho na nyid mngon par mi shes nas gsang ba'i yi ge rnams 'chad dam ji snyam du sems pa yang mchis so'i don du gsungs so/ /da ni gzhan yang byang chub sems dpa' 'jam dpal la sogs pa byang chub sems dpa' thams cad kyis the tsom dris pa de gsan ma thag tu/ rnam par snang mdzad la sogs pa'i de bzhin gshegs pa thams cad kyis the tsom dri ba de slar bsal ba'i don bstan par bya ste/ de nas bcom ldan 'das de bzhin gshegs pa thams cad kyi bdag pos/ byang chub sems dpa' de dag la 'di skad ces bka' stsal to/ /sdod cig bcom ldan 'das byang chub sems dpa' chen po khyed rnams dang/ bdag gcig de bzhin gshegs pa thams cad/ sku dang gsung dang thugs rdo rje yang pa'i yi ge thob pa yang sku
- 242b
dang gsung dang thugs kyi byang chub mi shes so/ /de ci'i phyir zhe na/ ngo bo nyid med pa'i yi ge las byung ba'o/ /skye ba med pa'i rdo rje mngon par byang chub pa ni rigs kyi bu sems can chen po du 'dus pa khongs su gtogs pa ci snyed yod pa de dag thams cad byang chub la gnas pa'i sangs rgyas rdo rje'o/ /ci'i phyir zhe na/ sku dang gsung dang thugs rdo rje'o'i ye shes thob pa'i sems can de dag byang chub la gnas pa'i sangs rgyas rdo rje'o/ /zhes bya ba'i sgra bshad par bya ste/ ci ltar yin no/ /de nas ni mdun du smos pa'i byang chub sems dpa' 'jam dpal la sogs pa byang chub sems dpa' thams cad kyis the tshom dris pa de gsan ma thag tu rnam par snang mdzad la sogs pa 'khor gyi ngo bo de bzhin gshegs pa thams cad kyis the tshom dri ba de gcad par bya ba'i don bshad par brtsams pa de mtshon par bstan to/ /de ltar de nas kyi don du gsungs so/ /bcom ldan 'das de bzhin gshegs pa'i de dag thams cad kyis/ byang chub sems dpa' de dag la 'di skad ces bka' stsal to/ /zhes pa ni/ rnam par snang mdzad la sogs pa 'khor gyi ngo bo de bzhin gshegs pa de dag thams cad kyi yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du bshad pas bde ste/ 'dir bshad mi dgos so/ /de ltar yon tan gyi mtshan gyi ngo bo dang ldan pa'i de bzhin gshegs pa'i smos so/ /de dag thams cad kyis dus gcig gis mgrin gcig gis/ de dag du ming btags pa'i byang chub sems dpa' 'jam dpal la sogs pa'i byang chub sems dpa' the tshom dri ba po rnams yin te 'di skad bka' stsal bar ming btags pa the tshom dris pa de'i yon tan bshad par brtsams par smos so/ /de ltar bcom ldan 'das de bzhin gshegs pa thams cad kyis byang chub sems dpa' de dag la 'di skad ces
- 243a
bka' stsal to'i don du gsungs so/ /sdod cig bcom ldan 'das byang chub sems dpa' sems dpa' chen po khyed rnams zhes pa ni/ sdod cig tu ming btags pa de bzhin gshegs pa thams cad kyis/ ci ltar mos pa'i byang chub sems dpa' thams cad la nyon cig pa'i brda'o/ /bcom ldan 'das zhes pa'i don ni ji ltar de bzhin gshegs pa'i thams cad la sogs pa de bzhin du sdud pa pos yon tan gyi ston pa'i mtshan du smos so/ /don mdun du smos pas bde ste 'dir bshad mi dgos so/ byang chub sems dpa' sems dpa' chen po ni/ ji ltar le'u dang po las bshad pa de bzhin du 'dir bstan to/ /mdor bsdu ba de ltar sdod cig bcom ldan 'das byang chub sems dpa' sems dpa' chen po khyed rnams dang gi don du gsungs so/ /bdag cag de bzhin gshegs pa thams cad kyis sku dang gsung dang thugs rdo rje gsang ba'i yi ge thob pa yang/ sku dang gsung dang thugs kyi byang chub mi shes so/ zhes pa ni/ bdag cag gi don ni rnam par snang mdzad la sogs pa 'khor gyi ngo bo de bzhin gshegs pa nyid yin no/ /gzhan yang byang chub sems dpa' 'jam dpal la sogs pa the tshom dris pa pos byang chub sems dpa' rnams nyid yin te/ tshul de ltar bdag cag gi don du smos so/ /don dam par de bzhin gshegs pa thams cad kyi sku dang gsung dang thugs rdo rje gsum gnyis su med pa'i ngo bo de ni/ nam mkha' bzhin du stong pa chen po'i ye shes dang/ don dam pa byang chub sems dang gnyis su med pa'i rdo rje snying po yin no/ /gsang ba'i yi ge thob pa ni/ mdun du smos pa'i don gyi tshul gyi ngo bo don dam pa gsang ba'i ye shes kyi 'bras bu'o/ /de bdag cag 'khor phun sum tshogs pa thams cad
- 243b
kyis ming btags pa rang bzhin gyis grub par gyur par ming btags pa yin no/ /sku dang gsung dang thugs kyi byang chub mi shes so ni mdun du smos pa'i don dam pa de bzhin gshegs pa thams cad kyi sku dang gsung dang thugs rdo rje gsum dang gnyis su med pa de ni/ nam mkha' lta bu'i stong pa chen po'i ye shes don dam pa byang chub sems rdo rje'i snying po de/ gsang ba'i ye shes kyi 'bras bu gnyis su med pa smos pa de ni/ bdag cag thams cad kyi sku dang gsung dang thugs gsum dang gnyis su med pa mi phyed par gnas pa'o/ /byang chub sems de ni gzhan ma yin no/ /de ci'i phyir na/ khyed byang chub sems dpa' rnams kyis mi shes par smos pa'o/ /mdor bsdu ba de ltar bdag cag de bzhin gshegs pa thams cad kyis sku dang gsung dang thugs rdo rje gsang ba'i yi ge thob pa yang/ sku dang gsung dang thugs rdo rje gsang ba'i yi ge byang chub mi shes so'i don du gsungs so/ /de ci'i phyir zhe na/ ngo bo nyid med pa'i yi ge las byung ba/ skye ba med pa'i rdo rje mngon par byang chub pa zhes pa ni/ mdun du bstan pa'i byang chub gang yin pa de ni/ /rang bzhin gyis ngo bo med pa'i yi ge yin te/ /'byung bar ming btags pa sems can thams cad kyi don gyi phyir ye shes kyi cho 'phrul gyi thabs kyi ngo bo bdag cag la sogs pa ye shes kyi cho 'phrul thams cad sprul pa snang ba'i ngo bo 'byung bar smos so/ /bstan par bya ste/ mdun du smos pa'i ye shes kyi cho 'phrul sprul pa snang ba'i ngo bo de dag thams cad ni/ don dam par sku dang gsung dang thugs rdo rje gsum dang gnyis su med pa'i ngo bo ji ltar smos pa'i tshul gyi rdo rje gsum dang gnyis su med pa'i ngo bo ci ltar smos pa'i tshul gyis rdo rje mngon par byang chub pa yin no/ /de ni rang bzhin gyis ma skyes par smos so/ /de ltar de ji ltar de ci'i phyir
- 244a
na/ ngo bo nyid med pa'i yi ge las byung ba'i skye ba med pa'i rdo rje mngon par byang chub pa'i don du gsungs so/ /rigs kyi bu sems can chen por 'dus pa khongs su gtogs pa ji snyed pa de dag thams cad byang chub sems la gnas pa'i sangs rgyas rdo rje zhes pa ni/ rigs kyi bu ni byang chub sems dpa' 'jam dpal la sogs pa byang chub sems dpa' thams cad la sbyar ba yin no/ /sems can ji snyed yod pa ni lha dang mi la sogs pa'i sems can ma lus pa thams cad yin no/ /sems can chen po ni tshangs pa la sogs pa sems can thams cad kyi rigs kyi bdag po'i ngo bo sems can chen po yin no/ /khongs su 'dus pa gtogs pa ni/ mdun du smos pa'i sems can bdag po dang 'khor gyi tshul de dag thams cad ni/ rang bzhin don dam par gcig tu 'dus pa yin no/ /byang chub la gnas pa ni/ mdun du smos pa'i tshul gyi sems can thams cad ni/ gsang sngags bla na med pa'i chos rab tu shes pa bsgom pa byas pas 'grub pa'i dus su mdun du smos pa'i byang chub la gnas pa yin no/ /bstan par bya ste/ /sangs rgyas ni/ ston pa la sogs pa sangs rgyas thams cad do/ /rdo rjer ming btags pa don dam pa sangs rgyas thams cad kyi sku dang gsungs dang thugs rdo rje gsum dang gnyis su med pa'i ngo bo mdun du smos pa'i byang chub de dang gnyis su med pa'i ngo bo'o/ /don bsdus pa sems can thams cad 'grub par 'gyur bar ston to/ /de ltar rigs kyi bu sems chen po 'dus pa khongs su gtogs pa'i sems can ji snyed yod pa de dag thams cad byang chub la gnas pa'i sangs rgyas rdo rje'i don du gsungs so/ /ci'i phyir zhe na/ sems can de dag gi ni sku gsung thugs rdo rje yin
- 244b
pa'i phyir zhes ni/ sems can lus pa thams cad mdun du smos pa'i don gyi tshul gyis bshad pa de'i thams cad kyis grub pa'i 'og tu/ tshul du ji ltar smos pa'i sku dang gsung dang thugs kyi rdo rje ye shes par 'gyur bar bstan to/ /de ltar de ci'i phyir zhe na/ sems can de dag gi sku gsung thugs rdo rje'i ye shes thob pa yin pa'i phyir gyi don du gsungs so/ /sku gsum rdo rje'i chos nyid yin pa'i phyir zhes pa ni/ chos kyi sku dang longs spyod rdzogs pa'i sku dang sprul pa'i sku yin no/ /rdo rje ni don dam pa stod pa la sogs pa de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ye shes chen po yin no/ /de'i don rgyas par ni mdun du bshad pa'o/ /chos nyid yin pa'i phyir ni mdun du smos pa'i sku gsum rdo rje dang gnyis su med pa'i ngo bo don dam pa'i tshul du ji ltar smos pa'i sems can thams cad 'grub pa yin no/ /mdor bsdus pa de ltar sku gsum rdo rje'i chos nyid yin pa'i phyir gyi don du gsungs so/ /bstan par bya ste/ mdun du smos pa byang chub sems dpa' 'jam dpal la sogs pa'i 'khor gyi ngo bo'i byang chub sems dpa' thams cad dang/ gzhan yang rnam par snang mdzad la sogs par 'khor gyi ngo bo'o/ /de bzhin gshegs pa thams cad de dag gis so sor the tshom dris pa dang/ bshad par byas pa de ni ston pa phyag na rdo rje nyid kyi byin gyis brlabs kyis bskul ba mdzad pa'i tshul bstan to/ /da ni gzhan yang ston pa de nyid kyis ci ltar smos pa'i de bzhin gshegs pa thams cad dang/ gzhan yang byang chub sems dpa' de dag thams cad la don dam pa'i chos kyi rang bzhin gyi man ngag gi don bshad par mdzad pa de bstan par bya ste/ de nas phyag na rdo rje de bzhin gshegs pa thams cad kyi sku dang gsung dang thugs rdo rje bdag pos/ de bzhin gshegs pa thams cad
- 245a
dang/ byang chub sems dpa' de dag thams cad la 'di skad ces bka' stsal to/ /rang bzhin dag par dag med cing/ /chos kyi dbyings kyi gnas med pa/ /rdo rje las byung rtogs pa ni/ /yang dag smra ba ma yin no/ /zhes bya ba'i sgra bshad par bya ste/ ji ltar yin na/ de nas ni mdun du smos pa'i byang chub sems dpa' 'jam dpal la sogs pa 'khor gyi ngo bo'i byang chub sems dpa' thams cad dang/ de bzhin du rnam par snang mdzad la sogs pa 'khor gyi ngo bo'i de bzhin gshegs pa thams cad so sor the tshom dris pa dang/ bshad par mdzad pa de rdzogs ma thag tu de dag thams cad la bstod pa phyag na rdo rjes don dam pa chos kyi man ngag gi don bshad par brtsams pa don mtshon par bstan to/ de ltar de nas kyi don du gsungs so/ /phyag na rdo rje de bzhin gshegs pa thams cad kyi sku dang gsung dang thugs rdo rje'i bdag pos zhes pas ni/ de'i don mdun du bshad pas bde ba ste/ 'dir bshad mi dgos so/ /de bzhin gshegs pa thams cad dang/ byang chub sems dpa' de dag thams cad la 'di skad ces bka' stsal to/ zhes pa ni/ ston pa phyag na rdo rje de ni mdun du smos pa'i don dam pa'i chos kyi ye shes kyi ngo bo gnyis su med pa'i ting nge 'dzin la snyoms par zhugs pa'i tshul gyis ci yang mi gsung bar bzhugs pa de las bzhengs nas/ rnam par snang mdzad la sogs pa de bzhin gshegs pa thams cad/ gzhan yang 'jam dpal la sogs pa'i byang chub sems dpa' de dag thams cad la 'di skad ces bka' stsal to/ /ming btags po 'og nas 'byung ba'i chos bshad par brtsams pa de mtshon par smos so/ /de ltar de bzhin gshegs pa thams cad dang byang chub sems dpa' de dag thams cad la 'di
- 245b
skad bka' stsal to'i don du gsungs so/ rang bzhin bdag med cing/ chos kyi dbyings ni gnas med pa zhes pa ni/ don bsdu na de bzhin gshegs pa thams cad kyi sku dang gsung dang thugs rdo rje gsum gnyis su med pa'i ngo bo'i ni/ nam mkha' lta bu stong pa chen po'i ye shes dang/ don dam pa byang chub sems dang/ rdo rje'i snying po de ni don dam pa gsang ba'i ye shes kyi 'bras bu'o/ /mdor bsdus nas smos pa'i tshul de dag thams cad ni dus 'dir chos kyi dbyings kyi ngo bo yin no/ /bstan par bya ste/ chos kyi dbyings kyi gdod ma'i dus nas nyon mongs pa thams cad kyi rnam par rtog pa'i sdig pa dri ma dang bral ba yin no/ /don des chos kyi dbyings rang bzhin gyis dag par smos so/ /bdag med pa dang gnas med pa ni/ ngo bo med pa stong pa de chos kyi dbyings kyi ngo bo yin no/ /mdun du smos pa'i don gyi chos kyi dbyings ni gnas med par smos so/ /de bstan par bya ste/ phyogs gcig dang/ rdzas gcig dang sems can gcig dang/ 'jig rten gyi khams gcig dang/ de dag la sogs pa gnas kyi ngo bo de dag la chos kyi dbyings mi gnas pa'o/ /de ci'i phyir zhe na/ mdun du smos pa'i chos kyi dbyings bdag med pa dang/ ngo bo med pa stod pa yin no/ /don des chos kyi dbyings bdag med pa gnas med par smos so/ / mdor bsdu ba de ltar rang bzhin dag pa bdag med cing/ chos kyi dbyings ni gnas med pa'i don du gsungs so/ /rdo rje las byung rtog pa ni/ yang dag smra ba ma yin no/ zhes pa ni/ ston pa nyid la sogs pa'i 'khor phun sum tshogs pa thams cad dang/ gzhan yang ye shes kyi cho 'phrul sprul pa snang ba'i ngo bo smos pa de dag thams cad ni/ sems can thams cad kyi don gyi phyir/ don dam pa sku dang gsung dang thugs rdo rje gsum dang gnyis su med pa'i ngo bo de las byung ba yin no/ /mdun du
- 246a
smos pa'i don gyis de'i rang bzhin gyi ngo bo chos kyi dbyings yin par rtog go /yang dag par smra ba ma yin par ming btags pa'i don dam pa'i chos kyi tshul gyi don bshad pa kun rdzob ma yin par smos so/ /de ltar rdo rje las byung rtog pa ni/ yang dag par smra ba ma yin pa'i don du gsungs so/ /da ni gzhan yang rnam par snang mdzad la sogs pa'i 'khor gyi ngo bo'i de bzhin gshegs pa thams cad kyis/ de bzhin gshegs pa thams cad kyi sku dang gsung dang thugs rdo rje dngos grub kyi ngo bor gnas pa de bshad par mdzad pa'i phyir ston pa phyag na rdo rje la gsol ba btab pa de'i don bstan par bya ste/ de nas bcom ldan 'das de bzhin gshegs pa thams cad kyis/ bcom ldan 'das phyag na rdo rje chen po la phyag 'tshal nas 'di skad ces gsol to/ /bcom ldan 'das de bzhin gshegs pa thams cad kyi sku dang gsung dang thugs rdo rje'i dngos grub ci las byung/ gang la gnas/ zhes bya ba'i sgra bshad par bya ste/ ji ltar yin na de nas ni mdun du smos pa'i ston pa phyag na rdo rjes don dam pa'i chos kyi ngo bo'i man ngag gi don nges par bshad par mdzad pa de ma thag tu/ rnam par snang mdzad la sogs 'khor gyi ngo bo'i de bzhin gshegs pa thams cad kyis/ sems can thams cad kyi don gyi phyir/ don dam par de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i dngos grub kyi don mnyan pa'i phyir gsol ba btab pa/ de mtshon par bstan to/ de ltar de nas kyi don du gsungs so/ /bcom ldan 'das de bzhin gshegs pa thams cad kyis zhes pa ni/ rnam par snang mdzad la sogs pa 'khor gyi ngo bo'i de bzhin gshegs pa thams
- 246b
cad yin no/ /de bcom ldan 'das kyi don ni mdun du bshad pas bde ste/ 'dir bshad mi dgos so/ /bcom ldan 'das de bzhin gshegs pa phyag na rdo rje chen po la phyag 'tshal nas/ 'di skad ces gsol to/ /zhes pa ni bcom ldan 'das ni ston pa phyag na rdo rje nyid yin no/ /de'i yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du bshad pas bde ste/ 'dir bshad mi dgos so/ /de bzhin gshegs pa phyag na rdo rje chen po ni/ mdun du smos pa'i don dang ldan pa'i ston pa nyid yin no/ /phyag 'tshal nas 'di skad ces gsol to ni/ ji ltar smos pa'i rnam par snang mdzad la sogs pa 'khor gyi ngo bo'i de bzhin gshegs pa thams cad kyis/ dad pa chen pos thal mo sbyar nas/ ji ltar smos pa'i tshul ? gyis ston pa phyag na rdo rje de bzhin gshegs pa la phyag 'tshal nas/ 'di skad ming btags pa mdun du smos pa'i don mnyan pa'i phyir gsol ba btab pa bstan to/ /mdor bsdu ba de ltar bcom ldan 'das phyag na rdo rje de bzhin gshegs pa chen po la phyag 'tshal nas/ 'di skad ces gsol to'i don du gsungs so/ /bcom ldan 'das de bzhin gshegs pa thams cad kyi dngos grub ci las byung/ gang la gnas zhes pa ni/ bcom ldan 'das ni ston pa phyag na rdo rje nyid du smos so/ /de bzhin gshegs pa thams cad ni ston pa phyag na rdo rje nyid la sogs pa'i de bzhin gshegs pa thams cad yin no/ /sku dang gsung dang thugs rdo rje'i dngos grub ni/ de ltar gsol ba btab pa'i tshig gi ngo bo/ mdun du smos pa'i ngo bo ston pa phyag na rdo rjes don dam pa'i chos kyi rang bzhin gyi man ngag don bshad par mdzad pa de ni/ sgrub pa po rnams kyis shes rab bya ba'i phyir/ 'dir mtshon pa yin no/ /ci las byung gang la gnas kyi don ni bde ste bshad mi dgos so/ /mdor bsdu ba de ltar bcom
- 247a
ldan 'das de bzhin gshegs pa thams cad kyi rdo rje'i dngos grub ci las byung gang la gnas kyi don du gsungs so/ /de ni gzhan yang rnam par snang mdzad la sogs pa'i 'khor gyi ngo bo'i de bzhin gshegs pa thams cad kyis gsol ba btab pa de/ ston pa rdo rje 'dzin gyis gsan ma thag tu gsol ba btab pa'i don bshad par mdzad pa de bstan par bya ste/ de bzhin gshegs pa thams cad kyi bdag po rdo rje 'dzin pas gsungs so/ /nyid kyi sku dang gsung dang thugs kyi rgyun rdo rje las byung ba/ bcom ldan 'das de bzhin gshegs pa thams cad kyi dngos grub dang rdo rje'i ye shes ci snyed pa thams cad khams gsum na gnas pa yin no/ /zhes bya ba'i sgra bshad par bya ste/ ci ltar yin na / de bzhin gshegs pa thams cad kyi bdag pos rdo rje 'dzin pas gsungs/ tshig de ni sdud pa pos smos so/ /de'i don mdun du bshad pas bde ste/ 'dir bshad mi dgos so/ /nyid kyi sku dang gsung dang thugs kyi rgyud rdo rje las byung zhes pa ni/ ston pa rdo rje 'dzin gyis bshad pa de ni de bzhin gshegs pa thams cad/ byang chub sems dpa' thams cad dang/ de dag la sogs pa ye shes kyi lha'i 'khor gyi ngo bo thams cad smos so/ /gzhan yang sgrub pa pos gang yang rung ste/ de dag thams cad kyi nyid kyi sku dang gsung dang thugs gsum gyi ngo bo'i sku de'i rgyud du min btags pa gnas kyi ngo bo tshul rdo rjer ming btags pa mdun du smos pa'i don dam pa de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ngo bo bla na med pa'i 'bras bu de ni/ de nyid las byung bar gyur par smos so/ /de ltar nyid kyi sku dang gsung dang thugs kyi rgyud rdo rje las byung ba'i don du gsungs so/ /bcom ldan 'das de bzhin gshegs
- 247b
pa thams cad kyi dngos grub dang/ rdo rje'i ye shes ji snyed pa thams cad thams cad gsum na gnas pa'o/ zhes pa ni/ rnam par snang mdzad la sogs pa'i 'khor gyi ngo bo'i de bzhin gshegs pa de dag thams cad la/ ston pa rdo rje 'dzin kyis bcom ldan 'das zhes mdun du smos pa'i yon tan gyi bstod pa'i mtshan brjod cing pos pa'i tshul gyis 'og nas 'byung ba'i don bshad par mdzad pa'o/ /de bstan par bya ste/ mdun du smos pa'i don dam pa'i de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ngo bo'i dngos grub de thams cad ni/ rdo rje thams cad du ming btags pa'i de bzhin gshegs pa thams cad yin no/ /de dag thams cad kyi ye shes smos pa/ dngos grub thams cad kyi ngo bo gcig pa yin no/ /bstan par bya ste/ mdun du smos pa'i de de bzhin gshegs pa thams cad kyi sku dang gsung dang thugs rdo rje gsum gyi dngos grub thams cad de bzhin gshegs pa'i thams cad kyi ye shes dang/ gnyis su med pa'i ngo bo'i sku de ni khams gsum ji snyed pa ma lus pa thams cad la stong pa chen po'i chos kyi dbyings de'i tshul gyis khyab nas gnas par smos so/ /mdor bsdu ba de ltar bcom ldan 'das de bzhin gshegs pa thams cad kyi dngos grub dang/ rdo rje'i ye shes ji snyed pa thams cad khams gsum na gnas pa yin no/ /de'i don du gsungs so/ /da ni gzhan yang rnam par snang mdzad la sogs pa 'khor gyi ngo bo'i de bzhin gshegs pa thams cad kyi mdun smos pa'i tshul gyis de bzhin gshegs pa thams cad kyi sku dang gsung dang thugs dang rdo rje'i dngos grub kyi don thos nas/ gzhan yang sems can thams cad nges par bya ba'i phyir/ gsol ba btab pa de'i don bstan par bya ste/ de bzhin gshegs pa thams cad kyis slar gsol pa/ bcom ldan 'das de bzhin gshegs pa thams
- 248a
cad kyi sku dang gsung dang thugs rdo rje'i dngos grub dang/ khams gsum thams cad gang na gnas/ zhes bya ba ni/ de bzhin gshegs pa thams cad kyis slar gsol pa ni/ mdun du smos pa'i rnam par snang mdzad la sogs pa'i 'khor gyi ngo bo'i de bzhin gshegs pa thams cad yin no/ /de dag gis gsol bar ming btags pa 'og nas 'byung ba'i tshul gyis don gsol ba btab par byas par smos so/ /de ltar de bzhin gshegs pa thams cad kyis slar gsol ba'i don du gsungs so/ /bcom ldan 'das ni ston pa rdo rje 'dzin nyid yin no/ /de'i don ni mdun du bshad do/ /de bzhin gshegs pa thams cad kyi sku dang gsung dang thugs rdo rje'i dngos grub dang khams gsum zhes pa ni/ gsol ba btab pa'i tshig gi ngo bo yin te/ de'i don bde ste bshad mi dgos so/ /gang la gnas ni mdun du smos pa'i don gyi ngo bo rdo rje'i dngos grub khams gsum thams cad dang gnyis su med pa'i ngo bo gang la gnas pa bstan par brjod ces smos so/ /de ltar gang la gnas kyi don du gsungs so/ /da ni gzhan yang mdun du smos pa'i tshul gyi rnam par snang mdzad la sogs pa 'khor gyi ngo bo'i de bzhin gshegs pa thams cad kyis gsol ba btab pa ston pa rdo rje 'dzin gyis gsan ma thag tu gsol ba btab pa'i don bshad par mdzad pa de'i don bstan par bya ste/ de bzhin gshegs pa thams cad kyi rdo rje ye shes kyi bdag pos slar gsungs pa/ bcom ldan 'das de bzhin gshegs pa thams cad de bzhin gshegs pa thams cad kyi sku dang gsung dang thugs rdo rje'i dngos grub dang/ khams gsum thams cad ni nam mkha' i dbyings la gnas so/ zhes sgra bshad par bya ste/ ci ltar yin ni/ de bzhin gshegs pa thams
- 248b
cad kyi rdo rje'i ye shes kyi bdag pos slar gsungs pa ni/ rnam par snang mdzad la sogs pa rigs lnga'i bye brag gi de bzhin gshegs pa thams cad yin no/ /rdo rje ye shes kyi bdag po ni mdun du smos pa'i de bzhin gshegs pa de dag thams cad kyi sku dang gsung dang thugs rdo rje gsum yin te/ de'i ye shes su smos so/ /bstan par bya ste/ mdun du smos pa'i sku dang gsung dang thugs rdo rje gsum gyi ye shes dang gnyis su med pa'i ngo bo ston pa rdo rje 'dzin nyid yin no/ /de ni mdun du smos pa'i de bzhin gshegs pa thams cad skyed mkhan yin no/ /don des de bzhin gshegs pa thams cad rdo rje ye shes kyi bdag po ston pa rdo rje 'dzin nyid kyi mtshan sdud pa pos smos so/ /gsungs so/ /ni mdun du smos pa'i rnam par snang mdzad la sogs pa 'khor gyi ngo bo'i de bzhin gshegs pa thams cad kyis gsol ba btab pa de bzhin brtsams par smos so/ /de ltar de bzhin gshegs pa thams cad kyis ye shes kyi bdag pos gsung so'i don du gsungs so/ /bcom ldan 'das de bzhin gshegs pa thams cad kyi zhes pa ni/ rnam par snang mdzad la sogs pa 'khor gyi ngo bo'i de bzhin gshegs pa de dag thams cad la ston pa rdo rje 'dzin gyis/ /bcom ldan 'das zhes mdun du smos pa'i yon tan gyi ston pa'i mtshan brjod cing bod pa'i tshul gyis 'og nas 'byung ba'i tshul gyi don bshad par mdzad par bstan to/ /de ltar bcom ldan 'das de bzhin gshegs pa thams cad kyi don du gsungs so/ /de bzhin gshegs pa thams cad kyi sku dang gsung dang thugs kyi dngos grub dang/ khams gsum thams cad ni nam mkha' i dbyings la gnas so/ /zhes pa ni/ don dam par de bzhin gshegs pa thams cad kyi sku dang gsung dang thugs rdo rje'i dngos grub khams gsum thams cad la khyab pa/ gnyis
- 249a
su med pa'i ngo bo yin te/ de ni nam mkha' i dbyings la gnyis su med pa'i ngo bor khyab nas/ gnas par smos so/ /de ltar de bzhin gshegs pa thams cad kyi sku dang gsung dang thugs kyi dngos grub dang/ khams gsum thams cad ni/ nam mkha' i dbyings la gnas so'i don du gsungs so/ /de ni gzhan yang rnam par snang mdzad la sogs pa 'khor gyi ngo bo'i de bzhin gshegs pa thams cad kyis/ mdun du smos pa'i de bzhin gshegs pa thams cad kyi don dam pa'i sku dang gsungs dang thugs rdo rje'i dngos grub kyi don thos nas/ slar sems can thams cad kyis nges par bsdom shes par bya ba'i phyir/ gsol ba btab pa'i don bstan par bya ste/ /de bzhin gshegs pa thams cad kyis gsol pa/ nam mkha' gang la gnas/ zhes bya ba'i sgra ni/ de bzhin gshegs pa thams cad kyis gsol pa ni/ mdun du smos pa'i rnam par snang mdzad la sogs pa'i 'khor gyi ngo bo'i de bzhin gshegs pa thams cad yin no/ /de dag gis gsol par ming btags pa 'og nas 'byung ba'i tshig gi don gsol ba btab par smos so/ /de ltar de bzhin gshegs pa thams cad kyis gsol pa'i don du gsungs so/ /nam mkha' gang la gnas pa'i don ni bde ste bshad mi dgos so/ /da ni gzhan yang mdun du smos pa'i rnam par snang mdzad la sogs pa 'khor gyi ngo bo'i de bzhin gshegs pa thams cad kyis gsol ba btab pa de/ /ston pa rdo rje 'dzin gyis gsan ma thag tu gsol ba btab pa'i don bstan par bya ste/ rdo rje 'dzin gyis gsungs pa gang la yang mi gnas so/ /zhes bya ba ni/ rdo rje 'dzin gyis gsungs pa ni ston pa nyid kyis so/ /de rnam par snang mdzad la sogs pa 'khor gyi ngo bo'i de bzhin
- 249b
gshegs pa thams cad kyis gsol ba btab pa'i don de bshad par brtsams so/ /de ltar rdo rje 'dzin gyis gsungs pa'i don du gsungs so/ /gang la yang mi gnas so/ zhes pa ni/ mdun du smos pa'i tshul gyis don dam pa de bzhin gshegs pa thams cad kyi sku dang gsung dang thugs rdo rje'i dngos grub de ni nam mkha' i dbyings dang gnyis su med pa'i ngo bor khyab nas gnas pa de ni mdun du bshad pa yin no/ /nam mkha' i dbyings de ni ngo bo med pa'i stong pa ste/ de'i phyir phyogs gcig dang/ rdzas gcig dang/ 'jig rten gyi khams gcig dang/ de dag la sogs pa gnas la mi gnas pa yin no/ /gzhan yang nam mkha' i khams stong pa'i ngo bo'i tshul du thams cad khyab nas gnas par smos so/ /de ltar gang la yang mi gnas pa'i don du gsungs so/ /da ni gzhan yang mdun du smos pa'i tshul gyis rnam par snang mdzad la sogs pa 'khor gyi ngo bo'i de bzhin gshegs pa thams cad kyis sems can thams cad kyi don gyi phyir/ ston pa rdo rje 'dzin la gsol ba btab pa'i de'i don rim pas bshad pas de rdzogs ma thag tu/ rnam par snang mdzad la sogs pa de bzhin gshegs pa thams cad dang/ byang chub sems dpa' thams cad ngo mtshar du gyur/ rmad du byung ba'i tshig gi ngo bo dang ldan pa de'i don bstan par bya ste/ de nas de bzhin gshegs pa thams cad dang/ byang chub sems dpa' de dag sems ngo mtshar du gyur/ rmad du gyur nas 'di skad dam pa'i tshig brjod do/ /e ma'o rdo rje e rdo rje/ /e ma rdo rje'i chos gsungs pa// gang la sku dang gsung thugs med/ de ru gzugs ni rnam mi bsgom/ zhes bya ba'i sgra bshad par bya ste/ ji ltar yin na/ de nas ni mdun du smos pa'i rnam par snang mdzad la sogs pa'i de bzhin gshegs pa thams cad dang/ byang chub
- 250a
sems dpa' thams cad kyis ji ltar smos pa'i gsol ba btab pa'i don ston pa rdo rje 'dzin gyis bshad par mdzad pa de gsan ma thag tu thugs ngo mtshar du gyur/ rmad du gyur pa'i tshig gis ngo bo'i don dang ldan pa brjod pa de mtshon par bstan to/ /de ltar de nas kyi don du gsungs so/ /de bzhin gshegs pa thams cad dang byang chub sems dpa' de dag ngo mtshar du gyur/ rmad du gyur zhes pa'i don mdun du bshad pas bde ste/ 'dir bshad mi dgos so/ /'di skad dam pa'i tshig brjod do zhes pa ni/ mdun du smos pa'i rnam par snang mdzad la sogs pa'i 'khor gyi ngo bo'i de bzhin gshegs pa thams cad dang/ byang chub sems dpa' thams cad kyis/ dus gcig du mgrin gcig gis 'og nas 'byung ba'i tshul gyi ngo bo ngo mtshar du gyur/ rmad du gyur pa bstod pa'i ngo bo byams pa brjod par smos so/ /de ltar 'di skad dam pa'i tshig brjod do'i don du gsungs so/ /e ma 'o rdo rje zhes pa ni/ mdun du smos pa'i tshul gyi rdo rje ni/ don dam pa'i ngo bo de bzhin gshegs pa thams cad sku dang gsung dang thugs rdo rje'i dngos grub po/ /de ni bla na med pa'i byang chub sems dang/ gnyis su med pa ma skyes pa/ nam mkha' lta bu thams cad la khyab nas gnas pa yin no/ don de gsan ma thag tu/ rnam par snang mdzad la sogs pa'i 'khor gyi ngo bo'i de bzhin gshegs pa thams cad dang/ byang chub sems dpa' de dag thams cad/ e ma'o/ ming btags pa thugs dgyes pa'i ngo mtshar bar smos so/ /de ltar e ma'o/ /rdo rje'i don du gsungs so/ /de nas e rdo rje zhes pa ni/ mdun du smos pa'i tshul gyi don dam pa rdo rje'i don bshad par mdzad pa de ni/ sgrub pa po rnams kyi rgyud la gnyis su med par sgom par
- 250b
byas bas 'bras bu'i ngo bo de grub par 'gyur ba yin no/ /don de ltar shes pas rnam par snang mdzad la sogs pa'i 'khor gyi ngo bo'i de bzhin gshegs pa thams cad dang/ byang chub sems dpa' de dag thams cad ni/ e ma'o/ ming btags pa thugs dgyes pas ngo mtshar rmad du gyur par smos so/ /de ltar e ma'o'i don du gsungs so/ /de ni e ma'o rdo rje'i chos gsungs pa zhes pa ni/ rdo rje'i ming btags pa'i ni ston pa nyid yin no/ /des mdun du smos pa'i tshul gyis rim pas rdo rje'i don du gsungs par mdzad pa'o/ /gzhan yang ji ltar smos pa'i don dam pa'i 'bras bu bsgom par byas pas rgyu'i ngo bo yin pa de dang gnyis su med pa cig pa'i ngo bo ston pa rdo rje 'dzin nyid yin no/ /de nyid bla na med pa'i yon tan gyi 'bras bu gsung bar mdzad pa yin no/ /don de ltar shes pas rnam par snang mdzad la sogs pa'i 'khor gyi ngo bo'i de bzhin gshegs pa thams cad dang/ byang chub sems dpa' de dag thams cad e ma'o/ /ming btags pa sems dga' ba skyes nas/ ngo mtshar du gyur/ rmad du gyur par smos so/ /de ltar e ma'o/ /rdo rje'i chos gsungs pa'i don du gsungs so/ /gang la sku dang gsung dang thugs med de ru gzugs ni mi snang bsgom mo/ /zhes pa ni/ 'gro ba dang mi 'gro ba'i tshul gyi gzugs thams cad kyi ngo bo yod pa dang/ mthong ba de ni don dam par mdun du smos pa'i tshul gyi de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ngo bo de bsgom par bya bar ma gtogs par phyi dang nang gi tshul gyi gzugs mi bsgom par smos so/ /mdor sdus pa de ltar gang la sku dang gsung dang thugs med de/ gzugs ni mi bsgom pa'i don du gsungs so/ /da ni gzhan yang rnam
- 251a
bar snang mdzad la sogs pa'i 'khor gyi ngo bo'i de bzhin gshegs pa thams cad dang/ byang chub sems dpa' de dag thams cad kyis dus gcig tu mgrin gcig gis thugs rje chen po'i thugs bskyed nas/ sems can thams cad kyi don gyi phyir 'og nas 'byung ba'i bsgom pa bya ba'i don bshad par mdzad pa'i 'og du bstod pa'i tshig gi tshul gyis gsol ba btab pa de'i don bstan par bya ste/ de nas ston pa rdo rje 'dzin/ /sangs rgyas kun gyis phyag byas pa/ /rdo rje gsum mchog chen po'i mchog /rdo rje gsum gyi dbang phyug mchog /rig pa'i skyes bu bsgom pa'i phyir/ /dngos grub thams cad bshad du gsol/ zhes bya ba'i sgra bshad par bya ste/ ji ltar yin pa/ de nas ni mdun du smos pa'i rnam par snang mdzad la sogs pa'i 'khor gyi ngo bo'i de bzhin gshegs pa thams cad dang/ byang chub sems dpa' de dag thams cad kyis mdun du smos pa'i chos rab tu shes par gyur nas/ thugs ngo mtshar dang rmad du gyur ba'i tshig gi ngo bo brjod ma thag tu/ 'og nas 'byung ba'i tshul gyi don bshad par mdzad pa'i phyir/ ston pa la gsol ba btab pa'i de'i don gyi ngo bo'i tshig bshad pa de'i don mtshon par bstan to/ /de ltar de nas kyi don du gsungs so/ /ston pa rdo rje 'dzin pa zhes pa ni/ de'i don ji ltar le'u bcu bzhi pa la sogs pa las mdun du bshad pa de bzhin du 'dir bstan to/ /de ltar ston pa rdo rje 'dzin gyi don du gsungs so/ /sangs rgyas kun gyis phyag byas ba zhes pa ni/ thog ma med ba'i dus nas dus gsum gyi tshul du/ dus rtag tu phyogs bcu'i zhing khams rab 'byams na/ gnas pa'i sangs rgyas grangs med pa smos pa de dag thams cad gyis ston pa rdo rje 'dzin la phyag byed pa'o/ /gzhan
- 251b
yang bdag cag 'khor phun sum tshogs ba thams cad kyis phyag byed pa ni ngo mtshar mi che bar smos so/ /de ltar sangs rgyas kun gyis phyag byas pa'i don du gsungs so/ /rdo rje gsum mchog chen po'i mchog /rdo rje gsum gyi dbang phyug mchog /ces pa ni mdun du smos pa'i tshul gyi don dam pa de bzhin gshegs pa thams cad kyi sku dang gsung dang thugs rdo rje gsum de ni mchog gi ngo bo yin no/ /de nas chen po'i mchog tu ming btags pa rgyud 'di la sogs pa rgyud thams cad kyi nang na sngags dang/ sbyor ba dang/ dkyil 'khor gyi sgom pa dang/ bsgrub pa'i dngos grub kyi 'bras bu dang/ de dag la sogs pa'i mchog mang po smos pa'i ngo bo yin te/ de ltar smos pa'i sku dang gsung dang thugs rdo rje gsum mchog yin no/ don des chen po'i mchog tu gsungs so/ /de nas mchog tu ming btags pa ni/ mdun du smos pa'i don gyis mchog chen po yin pa de ni/ de bzhin gshegs pa thams cad kyi bdag po ston pa rdo rje 'dzin nyid bdag po yin no/ /don des chen po'i mchog gi mchog gi mtshan du smos so/ /rdo rje gsum gyi dbang phyug ni mdun du smos pa'i tshul gyis/ don dam pa de bzhin gshegs pa thams cad kyi sku dang gsung dang thugs rdo rje gsum yin pa de dang gnyis su med pa'o/ /bdag nyid ston pa rdo rje 'dzin de ni/ dus rtag tu sku dang gsung dang thugs rdo rje'i ye shes kyi ngo bo'i cho 'phrul nas/ spros pas bye brag sna tshogs kyis thugs rje'i 'phrin las mdzad pa yin no/ /de gsal bar bstan par bya ste/ sems can la la cho 'phrul 'phrul nas/ spros pa'i bye brag byin gyis brlabs kyis/ bran bzhin du 'dul ba dang/ sems can la la cho 'phrul sprul pa'i byin gyis
- 252a
brlabs kyis mos bar mdzad pa dang/ sems can la la cho 'phrul sprul pa'i phyir byin gyis brlabs kyis/ gnon par mdzad pa dang/ sems can la la cho 'phrul sprul nas spros pa'i byin gyis brlabs kyis 'gugs par mdzad pa dang/ sems can la la cho 'phrul sprul nas/ spros pa'i byin gyis brlabs kyis bskrad par mdzad ba dang/ sems can la la cho 'phrul sprul nas spros pa'i byin gyis brlabs kyis/ gsod par mdzad pa dang sems can la la cho 'phrul sprul nas spros pa'i byin gyis brlabs kyis nyon mongs pa thams cad kyi sdig pa'i dri ma sdug bsngal 'joms par mdzad pa dang/ sems can la la cho 'phrul sprul nas spros pa'i byin gyis brlabs kyis bsgrub par byed pa de'i don dam pa sku dang gsung dang thugs rdo rje gsum dang gnyis su med pa'i 'bras bu 'grub par mdzad pa yin no/ /de dag la la sogs pa bye brag sna tshogs kyis sku dang gsung dang thugs gsum gyi ye shes kyi ngo bo'i cho 'phrul gyi sprul pa spros ni thugs rje'i 'phrin las dus gsum gyi tshul du mdzad pa yin no/ /ston pa rdo rje 'dzin nyid kyi sku phyag rgya ji ltar yid bzhin nor bu rin po che la/ rin po che la sogs pa bye brag sna tshogs kyis dngos grub rdzogs pa'o/ /de bzhin du/ sku dang gsung dang thugs rdo rje'i ye shes rin po che gnyis su med pa'i ngo bo'i gnas yin no/ /tshul de ltar ston pa rdo rje 'dzin de ni/ rdo rje gsum gyi dbang phyug gi ngo bor smos so/ /mdor bsdus pa de ltar rdo rje gsum mchog chen po'i mchog /rdo rje gsum gyi dbang phyug mchog gi don du gsungs so/ /rig pa'i skyes bu bsgom pa'i phyir/ dngos grub thams cad bshad du gsol zhes pa ni/ rig pa'i skyes
- 252b
bu la don rgyas par le'u dang po/ las ci ltar bshad pa'i de bzhin du dus 'dir bstan to/ /rig pa'i skyes bu de'i bsgom pa byas pas dngos grub thams cad dang gnyis su med pa'i ngo bo/ byang chub phyag rgya chen po'i 'bras bu smos pa de thob par 'gyur ba yin no/ /gzhan yang rig pa'i skyes bu'i bsgom pa bya ba'i cho ga'i tshul du bshad du gsol bar ming btags pa ston pa rdo rje 'dzin dang khyod kyis bka' stsal par mdzod cig pa'o/ /tshig gi don de ltar smos pa'i 'khor thams cad kyis gsol ba bstan to/ /de ltar rig pa'i skyes bu bsgom pa'i phyir/ dngos grub thams cad bshad du gsol gyi don du gsungs so/ /de ni gzhan yang rnam par snang mdzad la sogs pa 'khor gyi ngo bor de bzhin gshegs pa thams cad dang/ byang chub sems dpa' thams cad kyi mdun du smos pa'i don gyi phyir ston pa rdo rje 'dzin la gsol ba btab pa de gsan ma thag tu/ rig pa'i skyes bu bsgom pa bya ba'i cho ga'i tshul gyi don bshad par mdzad pa de'i don bstan par bya ste/ /mkha' dbyings rdo rje'i dbus gnas par/ /sangs rgyas dkyil 'khor bsgom par bya/ /rdo rje'i sku ni rab bsgoms nas/ /spyi bor rdo rje rab tu bsgom/ zhes bya ba'i sgra bshad bar bya ste/ ji ltar yin na/ mkha' dbyings rdo rje'i dbus gnas par/ /sangs rgyas dkyil 'khor dam bsam ni/ /de ni don ji ltar le'u gsum pa nas bshad pa de bzhin du 'dir bstan to/ /de ltar mkha' dbyings rdo rje'i dbus gnas bar/ sangs rgyas dkyil 'khor bsgom par bya ba'i don du gsungs so/ /rdo rje'i sku ni rab bsgoms nas/ /spyi bor rdo rje rab du sgom zhes pa ni/ bsgrub pa pos dang po ni mdun du smos pa'i cho ga bzhi'i tshul gyis rdo rjer
- 253a
ming btags pa'i rdo rje mi skyod pa'i phyag rgyar 'gyur bar bya'o/ /de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes lha mo dang gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ni/ ji ltar le'u bzhi pa las thugs kyi dkyil 'khor gyi dus su smos pa de bzhin du 'dir bya ba yin no/ /de lta bu'i ngo bo rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom par bya ba yin no/ /de'i dus su rdo rje'i rigs kyi bye brag khrus mkhan gyi rigs kyi bu mo blang ngo/ /de ni mtshan dang yon tan thams cad dang ldan pa'o/ /shes rab kyi lha mo mA ma kI dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas shes rab ma de dang gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar 'gyur ba'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru oM bsam mo/ /de kha dog dkar po'o/ /chos kyi dbyings kyi ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du gyur te/ byang chub sems zla ba'i dkyil 'khor la gnyis su med par thim par gyur par bsam mo/ /sa bon de las sku rdo rje rnam par snang mdzad kyi sku phyag rgya bskyed par bya'o/ /de'i phyag g.yas pa na rdo rje 'khor lo rtsibs brgyad gzi brjid kyis 'bar ba chad/ gzhan yang sku mdog dang/ zhal dang/ phyag dang/ phyag mtshan dang/
- 253b
rgyan dang/ nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de ltar sku phyag rgya'i cha lugs phun sum tshogs pa thams cad le'u bzhi pa las thugs kyi dkyil 'khor gyi dus su bya bar smos pa de bzhin du 'dir bya ba'i yin no/ /de lta bu'i ngo bo sku rdo rje rnam par snang mdzad kyi sku phyag rgya bskyed ma thag tu/ rdo rjer mtshan btags pa bskyed par mdzad mkhan rdo rje mi bskyod pa'i sku rdo rje rnam par snang mdzad kyi spyi bo'i gnas su dbang bskur ba'i tshul du rab tu bsgom pa yin no/ /de lta bu'i ngo bo sku rdo rje rnam par snang mdzad kyi sku phyag rgya bskyed par bya ba'i 'og tu/ sgrub pa pos de dang gnyis su med pa'i nga rgyal du bsgom pa bya ba smos so/ /mdor bsdu ba de ltar rdo rje'i sku ? bsgroms nas/ spyi bor rdo rje rab tu bsgom gyi don du gsungs so/ /zhal gsum sku gsum las byung ba/ /rnam par 'phro bar bsgom par bya/ /rdo rje 'khor lo bsams nas ni/ /byang chub myur du thob par 'gyur zhes bya ba'i sgra bshad par bya ste/ ji ltar yin na/ zhal gsum ni/ de'i cha lugs phun sum tshogs pa dang bcas pa mdun du bshad pas bde ste/ 'dir bshad mi dgos so/ /sku gsum las byung ba zhes pa ni/ chos kyi sku dang longs spyod rdzogs pa'i sku dang/ sprul pa'i sku'o/ /de ltar sku gsum dang gnyis su med par ldan pa'i rdo rje mi bskyod pa yin no/ /de las byung ba mdun du smos pa'i sku rdo rje rnam par snang mdzad kyi sku phyag rgya'o/ /gzhan yang sku rdo rje rnam par snang mdzad nyid kyi sku phyag rgya sku gsum dang gnyis su med par lan pa yin no/ /de nas sku gsum gyi don du ci ltar rgyas par bshad pa de bzhin du 'dir bstan to/ /de ltar sku gsum las byung ba'i don du gsungs/ /rnam par 'phro ba'i bsam
- 254a
bar bya ba ni/ mdun du smos pa'i ngo bo sku rdo rje rnam par snang mdzad kyi sku phyag rgya de bsgom par bya ba'i dus su chos kyi dbyings kyi ye shes kyi 'od zer gyi dra ba rnam par spro bar bsam pa yin no/ /'od zer gyi dra ba de ni 'jig rten gyi khams thams cad kyi gnas su khyab pa yin no/ /de ma thag tu lha dang mi la sogs pa sems can thams cad byin gyis brlabs par bya'o/ /de dag phyin ci log pa'i gti mug la sogs pa'i nyon mongs pa thams cad kyi dbang gis sdig pa bsags pa de 'joms par 'gyur ro/ /de ltar rnam par 'phro bar bsam par bya'o'i don du gsungs so/ /rdo rje 'khor lo 'dzin bsam na zhes pa ni/ mdun du smos pa'i cho ga'i tshul gyi phyag g.yas dang po ni/ rdo rje 'khor lo 'dzin par smos pas de'i don bde ste bshad mi dgos so/ /myur du byang chub thob par gyur zhes pa ni/ mdun du smos pa'i cho ga'i tshul gyis sku rdo rje rnam par snang mdzad kyi sku phyag rgyar bsgom par byas bas myur par ming btags pa tshe 'di la phyag rgya chen po'i ngo bo'i tshul bla na med pa'i byang chub thob ba'am 'grub par 'gyur bar smos so/ /de ltar myur du byang chub 'thob par 'gyur gyi don du gsungs so/ /da ni gzhan yang bsgom pa'i man ngag gi don du bstan par bya ste/ rigs kyi bye brag thams cad ni/ /gsang ba'i don ni rnam par bsam/ /gzhan du rnam par bsgom na ni/ /dam pa'i dngos grub 'grub mi 'gyur zhes bya ba'i sgra bshad par bya ste/ ji ltar yin na/ rigs kyi bye brag thams cad ni/ gsang ba 'di ni rnam par bsam ni/ ji ltar mdun du smos pa'i cho ga'i tshul gyis sku rdo rje rnam par snang mdzad kyi sku phyag rgya rdo rje mi bskyod pa gnyis su med pa'i bsgom pas gsang ba'i rol pa byas bas bskyed nas bsgom pa bya ba
- 254b
smos pa de bzhin du rin chen 'byung ldan dang/ snang ba mdza' yas dang/ don yod grub pa la sogs pa nyid nyid kyi sku sngags sa bon yig 'bru dang/ kha dog dang ye shes kyi ngo bo dang/ zhal dang/ phyag dang/ phyag mtshan dang/ rgyan dang/ nyid nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa dang/ tshul de ltar rim pa ma nor bar cha lugs phun sum tshogs pa'i thams cad dang ldan pa'i sku phyag rgya bskyed nas gnyis su med pa'i nga rgyal du bsgom par bya ba yin no/ /gzhan yang de dag thams cad kyi spyi bo'i gnas su bskyed par mdzad mkhan rdo rje mi bskyod pa'i sku phyag rgyar dbang bskur ba'i tshul du gnas par bsgom par bya'o/ /gsang ba 'di ni rnam par bsam du ming btags pa sku phyag rgya bskyed nas/ bsgom par bya bar smos so/ /de ltar rigs kyi bye brag thams cad ni/ gsang ba 'di ni rnam par bsam gyi don du gsungs so/ /gzhan du rnam par bsgoms na ni/ dam pa'i dngos grub grub mi 'gyur zhes pa ni/ mdun du smos pa'i cho ga'i tshul du bsgom pa ma rtogs pa/ gal te bsgrub pa pos rang mos pa'i tshul du sgom par byed na/ /de'i skyon gyi dam pa'i dngos grub phyag rgya chen po ni ngo bo'i tshul bla na med pa'i byang chub kyi 'bras bu mi 'thob par smos so/ /de ltar gzhan du rnam par bsgoms nas ni/ dam pa'i dngos grub 'grub mi 'gyur gyi don du gsungs so/ /bcom ldan 'das rigs pa'i skyes bu rdo rje gsang bas bka' stsal to/ /zhes bya ba ni/ bcom ldan 'das ni ston pa rdo rje 'dzin nyid yin no/ /de'i yon tan gyis bstod pa'i mtshan bcom ldan 'das yin par sdud pa pos smos so/ /de'i don mdun du bshad pas bde ste
- 255a
'dir bshad mi dgos so/ /de ltar bcom ldan 'das kyi don du gsungs so/ /rig pa'i skyes bu zhes pa ni/ de'i don ji ltar le'u dang po las bshad pa de bzhin du dus 'dir bstan to/ /de ltar rig pa'i skyes bu'i don du gsungs so/ /rdo rje gsang bas de skad bka' stsal to/ /dus 'dir rdo rje ni ston pa rdo rje 'dzin nyid yin no/ /de ni don dam pa me long lta bu'i ye shes la sogs pa ye shes lnga dang gnyis su med pa'i ngo bo/ ma skyes pa dang/ ngo bo med pa dang/ stong ba dang/ med par mi 'gyur ba dang/ thams cad la khyab nas gnas pa de'i phyir/ ji ltar smos pa'i tshul gyis don dam pa gsang ba yin no/ /mdor bsdus pa'i don de ltar ston pa rdo rje 'dzin nyid kyi sku phyag rgya yin pa'i don des ston pa rdo rje 'dzin pa'i khyad par gyi mtshan rig pa'i skyes bu rdo rje gsang bas smos so/ /des mdun du smos pa'i rig pa'i skyes bu'i bsgom pa bya ba'i don bshad par bstan to/ /mdor bsdus pa de ltar rdo rje gsang bas de skad bka' stsal to'i don du gsungs so/ /da ni gzhan yang mdun du smos pa'i rig pa'i skyes bu'i bsgom pa bya ba'i khyad par gyi man ngag dang/ de'i yon tan gyi dngos grub kyi 'bras bur gyur pa'i don bstan par bya ste/ rang bzhin dbyings las gyur pa/ rgyal mo chen mo mnyes bsam na/ rdo rje sku gsum gyis mtshan pa'i/ /khyu mchog 'on tang mnyes par 'gyur/ zhes bya ba'i sgra bshad par bya ste/ ji ltar yin na/ rang bzhin dbyings las gyur pa'i/ rgyal mo chen po mnyes bsam na ni/ mdun du smos pa'i tshul du sgrub pa pos rig pa'i skyes bu bsgom par bya ba'i dus su/ rang bzhin las gyur bar ming btags pa dbyings
- 255b
kyi bye brag rnam pa lnga yin no/ /sa'i khams dang chu'i khams dang/ me'i khams dang/ rlung gi khams dang/ nam mkha' i dbyings kyi khams dang/ de ltar phyi'i khams lngar smos so/ /gzhan yang nang gi bstan par bya ste/ khams lnga'i ngo bo nang gi ye shes kyi lha mo lnga'i ngo bo yin no/ /de gsang bar bstan par bya ste/ sa'i khams ni sangs rgyas spyan du smos so/ /chu'i khams de ni mA ma kIr smos so/ /me'i khams de na bza' dkar mor smos so/ /rlung gi khams de ni dam tshig sgrol mar smos so/ /nam mkha' i khams de ni ci ltar smos pa'i tshul gyi lha mo bzhi'i sku phyag rgya'i ngo bo la gnyis su med par khyab nas gnas par smos so/ /gzhan yang gsang ba'i tshul gyis bstan par bya ste/ sgrub ba pos sku rdo rje rnam par snang mdzad la sogs pa'i rigs lnga'i de bzhin gshegs pa'i nang nas/ gang la smos pa de dang gnyis su med par bsgom pas thabs dang shes rab rol pa bya'o/ /de bya ba'i dus su nyid kyi rigs bye brag gi shes rab ma blang ngo/ /de ni mdun du smos pa'i mtshan dang yon tan thams cad dang ldan pa'o/ /shes rab ma de nyid kyi bye brag gi ye shes kyi lha mo dang gnyis su med pa'i ngo bor byin gyis brlab par bya'o/ /de ma thag tu 'dod chags chen po'i sems dga' bas gnyis su med par 'khyud pa'i sbyor bar thabs dang shes rab smos par bya'o/ /de'i dus su shes rab ma'i lus kyi sra ba'i ngo bo de ni/ sangs rgyas spyan yin par brtag go /gzhan yang de'i gsher ba'i ngo bo de ni mA ma kI yin par brtag go /gzhan yang de'i dri ba'i ngo bo de ni na bza' dkar mo yin par brtag go /gzhan yang de'i brkyang ba dang bskum pa dang/ bskyod pa dang/ g.yo'i ba'i ngo bo de ni/ dam tshig sgrol ma yin par brtag go /
- 256a
gzhan yang nam mkha' i khams su ming btags pa de ni/ chos kyi dbyings kyi dbang phyug ma yin no/ /mdun du smos pa'i tshul gyis ye shes kyi lha mo bzhi dang gnyis su med pa'i ngo bor khyab nas gnas par brtag go /de ltar gsang ba'i tshul gyis ye shes kyi lha mo lnga dang gnyis su med pa'i ngo bor bsgom par bya ba'i don du bstan to/ /rgyal mo chen mo ni mdun du smos pa'i sangs rgyas spyan la sogs pa de bzhin gshegs pa bzhi'i lha mo smos pa de rnams dus 'dir bsgom pa bya ba'i rigs kyi de bzhin gshegs pa de dag gi nyid nyid kyi ye shes kyi lha mo la rig pa'i rgyal mo zhes bya bar smos so/ /don des rgyal mo chen mor bstan to/ mnyes bsam ni mdun du smos pa'i ngo bo'i shes rab ma rgyal mo chen mor smos pa de dang gnyis su med pa'i ngo bor byin gyis brlabs nas/ ci ltar smos pa'i tshul gyis thabs dang shes rab rol pa bya ba'i tshul gyis/ bsgrub pa pos shes rab ma mnyes par byas pa de mnyes pas nyid bde bar gyur par bsam mo/ /mdor bsdu ba de ltar rang bzhin dbyings las gyur pa'i/ rgyal mo chen mor mnyes par bya'i don du gsungs so/ /rdo rje sku gsung gis mtshan pa/ khyu mchog 'on tang mnyes par 'gyur zhes pa'i ni 'on tang tu ming btags pa shes rab ma byin gyis brlabs pa'i bsgom pa byas pas/ khyu mchog tu ming btags pa sku rdo rje rnam par snang mdzad la sogs pa'i rigs lnga'i bye brag gi de bzhin gshegs pa yin no/ /de dag gi ni rdo rje gsum gyis mtshan pa'i sku rdo rje'i ngo bo dang/ gsung rdo rje'i ngo bo dang/ thugs rdo rje'i ngo bo dang/ tshul de ltar gsum gyis mtshan pa'i sku phyag rgya'i ngo bor smos pa/ de dag thams cad ni mnyes par
- 256b
'gyur ro/ /de mnyes par 'gyur ba'i 'og tu 'og nas 'byung ba'i tshul gyi dngos grub kyi 'bras bu gyur par smos so/ /mdor bsdu ba'i de ltar rdo rje sku gsum gyis mtshan pa'i/ khyu mchog 'on tang mnyes par 'gyur gyi don du gsungs so/ /gang zhig 'di dag bsgom pa'i byang chub sems dpa' grags chen rnams/ nyi ma bdun gyis 'od 'phro ba'i/ sku gsum dngos grub 'thob par 'gyur zhes bya ba'i sgra bshad par bya ste/ ci ltar yin na/ gang zhig 'di dag bsgom pa yi/ byang chub sems dpa' grags chen rnams ni/ mdun du smos pa'i tshul du rig pa'i skyes bu bsgom par byas pa de ni/ bsgrub pa po ji ltar grags pa chen po dang ldan par/ byang chub sems dpa' 'jam dpal dang/ byang chub sems dpa' phyag na rdo rje dang/ byang chub sems dpa' 'jig rten dbang phyug smos pa/ de bzhin du bsgrub pa pos smos so/ /de ltar gang zhig 'di dag bsgom pa ni/ byang chub sems dpa' grags chen rnams kyi don du gsungs so/ /nyi ma bdun gyi 'od 'phro ba'i sku gsum dngos grub 'thob par 'gyur zhes pa ni/ mdun du smos pa'i rig pa'i skyes bu bsgom pa byas pas/ bsgrub pa pos chos kyi sku dang longs spyod rdzogs pa'i sku dang/ sprul pa'i sku dang/ tshul de ltar sku gsum yin no/ /don dam par gnyis su med pa'i ngo bo de ni/ ye shes lnga'i gzi brjid chen po dang ldan pa nyi ma bdun rdzogs pa'i 'og tu dngos grub kyi 'bras bu 'thob par 'gyur ro/ /mdor bsdu ba'i de ltar nyi ma bdun gyis 'od 'phro pa'i/ sku gsum dngos grub 'thob par gyur gyi don du gsungs so/ /da ni gzhan yang sku dang gsung dang thugs rdo rje 'dus pa gsang ba'i gsang ba sku dang gsung dang thugs kyi dam tshig gi bsgom pa bya ba'i cho ga'i don
- 257a
bstan par bya ste/ de nas phyag na rdo rje de bzhin gshegs pa thams cad kyi bdag pos/ yang sku dang gsung dang thugs rdo rje 'dus pa'i gsang ba'i gsang ba 'di/ nyid kyi sku dang gsung dang thugs rdo rje las phyung ngo/ zhes bya ba'i sgra bshad par bya ste/ ji ltar yin na/ de nas ni mdun du smos pa'i rig pa'i skyes bu bsgom par bya ba'i don bshad par mdzad pa'i 'og tu/ sku dang gsung dang thugs rdo rje 'dus pa gsang ba'i gsang ba bsgrub ba'i bya ba de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste/ 'dir bshad mi dgos so/ /yang sku dang gsung dang thugs rdo rje 'dus pa gsang ba'i gsang ba 'di zhes pa ni/ ston pa phyag na rdo rjes mdun du smos pa'i sku dang gsung dang thugs rdo rje'i rigs gsum gyi dam tshig gi bsgrub pa bya ba'i don bshad par mdzad pa de yang khyad par du bsgom pa bshad par yin no/ don des yang du smos so/ /sku dang gsung dang thugs rdo rje 'dus pa ni/ don dam pa de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ngo bor smos so/ /da ni de bzhin gshegs pa thams cad kyi dngos grub kyi 'bras bu gnyis su med pa'i 'dus pa'i ngo bo yin no/ /don des 'dus par smos so/ /gsang ba'i gsang ba ni/ mdun du smos pa'i rig pa'i skyes bu'i bsgom pa de ni/ bsgom pa'i rgyu gsang ba yin no/ /de grub pa'i dus su 'bras bu don dam pa'i gsang ba'i ngo bo yin no/ /mdor bsdu ba de ltar yang sku dang gsung dang thugs rdo rje 'dus pa'i gsang ba de'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo
- 257b
rje nyid kyi sku phyag rgya sku dang gsung dang thugs rdo rje gsum dang gcig pa'i ngo bor smos so/ /de ltar sku dang gsung dang thugs rdo rje gsum dang gnyis su med pa'i 'og nas 'byung ba'i tshul du bsgrub pa pos/ de bzhin gshegs pa rigs gang gis bsgom pa byed pa'i de'i dus su gnyis su med pa bsgom par bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang/ gsung rdo rje dang/ thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni/ stan pa phyag na rdo rjes ji ltar smos pa'i tshul du bsgrub pa pos sku dang gsung dang thugs rdo rje 'dus pa'i gsang ba sgrub par byed pa de'i don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang sku dang gsung dang thugs rdo rje 'dus pa gsang ba'i gsang ba bsgrub pa bya ba'i ngo bo'i don bstan par bya ste/ sku gsung thugs kyi dam tshig gi /phyag rgya chen por brtag par bya/ /thams cad cho ga bzhin bsgoms nas/ /myur du sangs rgyas 'thob par 'gyur zhes bya ba'i sgra bshad par bya ste/ ji ltar yin na/ sku gsung thugs kyi dam tshig gi /phyag rgya chen por brtag par bya ni sku dang gsung dang thugs rigs gsum gyi dam tshig ste/ bye brag gnyis te/ rdzas kyi dam tshig dang/ rol pa byas pa'i dam tshig go /de gsal bar byas par bstan to/ mdun du smos pa'i tshul du sku rdo rje rnam par snang mdzad kyi sku phyag rgya bsgom par bya ba'i dus su/ dam rdzas bshad pa de ni/ ci ltar smos pa'i sngags kyis byin gyis brlabs nas bza' bar bya ba yin no/ /de ltar rdzas kyis dam tshig tu smos so/ /gzhan yang rol pa byas pa'i dam tshig ni mdun du smos pa'i
- 258a
cho ga'i tshul du bsgom pas dam rdzas bshad pa bza' bar bya ba'i dus su phyir sku'i rigs kyi bye brag bram ze'i rigs kyi bu mo mtshan dang yon tan dang ldan pa blang ngo/ ji ltar smos pa'i sangs rgyas dang gnyi su med pa'i ngo bor byin gyis brlabs par bya'o/ /de ma thag tu bsgrub pa pos gnyis su med par 'khyud pa'i sbyor bas thabs dang shes rab rol pa bya ba yin no/ /de ltar pha rol pa'i dam tshig tu smos so/ /gzhan yang gsung rdo rje snang ba mdza' yas kyi sku phyag rgya bsgoms par bya ba'i dus su dam rdzas byang chub sems de ni/ ji ltar smos pa'i sngags kyis byin gyis brlabs nas bza' bar bya ba yin no/ /de ltar rdzas kyis dam tshig tu smos so/ /gzhan yang tshul bzhin du bsgoms pa'i cho gas dam rdzas byang chub sems bza' bar bya ba'i dus su/ phyi'i gsung gi rigs kyi bye brag gi gar mkhan kyi rigs kyi bu mo mtshan dang yon tan dang ldan pa thams cad blang ngo/ /de ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de ma thag tu sgrub pa pos gnyis su med par 'khyud pa'i sbyor bas thabs dang shes rab rol pa bya ba yin no/ /de ltar rol pa byas pa'i dam tshig tu smos so/ /gzhan yang mdun du smos pa'i tshul gyi tshogs thugs rdo rje mi bskyod pa'i sku phyag rgya bsgom par bya ba'i dus su/ dam rdzas bshang ba de ni ji ltar smos pa'i sngags kyis byin gyis brlabs nas bza' bar bya ba yin no/ /de ltar rdzas kyis dam tshig tu smos so/ /gzhan yang mdun du smos pa'i tshul gyis cho gas dam rdzas gcig btung ba'i dus su phyi'i rdo rje'i rigs kyi bye brag gi khrus mkhan gyi rigs kyi bu mo ci ltar smos pa'i/ mtshan dang yon tan
- 258b
thams cad dang ldan pa de blang ngo/ /de ye shes kyi lha mo mA ma kI dang gnyis su med pa'i ngo bor byin gyis brlab par bya'o/ /de ma thag tu bsgrub pa pos gnyis su med pa'i 'khyud pa'i sbyor bas thabs dang shes rab rol pa bya ba yin no/ /de ltar rol pa bya ba'i dam tshig tu smos so/ /mdun du smos pa'i bsgom pa dang/ dam rdzas bza' bar bya zhing thabs dang shes rab rol pa bya bar smos pa de ni/ phyag rgya chen po bsgom pa'i don yin te brtag par bstan to/ /mdor bsdu ba de ltar sku gsung thugs kyi dam tshig gi phyag rgya chen po'i don brtag par bya ba'i don du gsungs so/ /thams cad cho ga bzhin bsgoms na/ myur du sangs rgyas 'grub par 'gyur zhes pa ni/ cho ga'i tshul du mdun du smos pa'i bzhin du ma grub kyi bar du dus thams cad rtag du bsgom pa byas pas myur du ming btags pa sgrub pa pos tshe 'di la sangs rgyas rnam par snang mdzad la sogs pa yin pa ji lta bu de bzhin du gnyis su med pa'i 'bras bu'i thob pa 'am 'grub par gyur par smos so/ /de ltar thams cad cho ga bzhin bsgom na/ myur du sangs rgyas 'thob par 'gyur gyi don du gsungs so/ /da ni gzhan yang gsang ba'i rnal 'byor chen po'i tshul gyis khyad par gyi lta ba'i bsgom pa bya ba de'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ yang bsgrub pa pos thams cad kyi lus dang ngag dang sems gsang ba 'di nyid kyi sku dang gsung dang thugs rdo rje las phyung ngo zhes bya ba'i sgra bshad par bya ste/ ci ltar yin no/ de nas ni mdun du smos pa'i sku gsung thugs rdo rje'i 'dus pa'i bsgrub pa bya ba'i don bshad par mdzad pa'i 'og tu gsang ba'i rnal 'byor chen po'i lta ba'i tshul khyad par du bsgom pa bya ba'i
- 259a
don bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste 'dir bshad mi dgos so/ /yang bsgrub pa pos thams cad kyi lus dang ngag dang sems gsang ba 'di zhes pa ni ston pa phyag na rdo rjes bsgrub pa pos gang rung ba de dag thams cad 'og nas 'byung ba'i tshul de bzhin gshegs pa thams cad kyi don dam par sku dang gsung dang thugs kyi gsang ba'i don bshad pa de bsgom pa bya ba'i don gyi tshul gyi khyad par gzhan yang bshad pa yin no/ /don des yang du smos so/ /de ltar yang bsgrub pa pos thams cad kyi lus dang ngag dang sems gsang ba'i don du gsungs so/ /nyid kyi sku dang gsung dang thugs zhes pa ni ston pa phyag na rdo rje nyid kyi sku dang gsung dang thugs rdo rje gsum gyi ngo bo gcig par smos so/ /de ltar nyid kyi sku dang gsung dang thugs kyi rdo rje gsum dang gnyis su med pa'i ngo bo 'og nas 'byung ba'i tshul gyi sgrub pa po nyid kyi lus gnyis su med pa'i ngo bor bsgom par bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang/ gsung rdo rje dang/ thugs rdo rje gnyis su med pa'i bshad pa de bzhin du 'dir bstan to/ /de ltar rdo rje'i don du gsungs so/ /las byung ngo zhes pa ni/ ston pa phyag na rdo rjes ji ltar smos pa'i tshul gyis bsgrub pa po'i gsang ba'i rnal 'byor chen po'i tshul gyi lta ba khyad par du bsgom pa'i don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang gsang ba'i rnal 'byor chen po'i lta bu'i tshul khyad par du bsgom pa bya ba'i ngo bo'i
- 259b
don bstan par bya ste/ gal te byang chub mchog 'dod na lag pa'i phyag rgya mi bcing ngo/ thams cad sngags kyi dam tshig 'di/ rgyal ba kun kyang mi 'da' o zhes bya ba'i sgra bshad par bya ste/ ji ltar yin na gal te byang chub mchog 'dod na/ lag pa'i phyag rgya mi bcing ngo/ /rgyud 'di'i nang nas smos pa'i sgrub pa de dag thams cad bya ba'i dus su sgrub pa pos mchog don dam pa'i 'bras bu'i ngo bo byang chub gal te 'dod na/ de'i phyir rgyud gzhan ma'i bye brag sna tshogs pa las kyi sgrub pa'i don du lag pa'i phyag rgya bcing bar smos pa de ni/ 'di las mi bcing bar smos so/ /yon tan des ji ltar smos pa'i tshul gyi 'bras bu 'thob par 'gyur par yin no/ /de ltar gal te byang chub mchog 'dod na/ lag pa'i phyag rgya mi bcing ngo'i don du gsungs so/ /thams cad sngags kyi dam tshig ni/ rgyal ba kun kyang mi 'da' o zhes pa ni/ mdun du smos pa'i sngags thams cad kyi sgrub pa dam tshig gi ngo bo de sku dang gsung dang thugs rdo rje gsum dang gnyis su med pa'i ngo bo bsgom pa byas nas/ sgrub pa thams cad kyis 'bras bu bsgrub pa pos bsgrub par bya'o/ /tshul de ltar bsgom pa byas pas sngags thams cad kyi bsgrub pa'i rgyal pa rnams su ming btags pa/ rnam par snang mdzad la sogs pa rigs lnga'i bye brag gi de bzhin gshegs pa thams cad yin no/ /gzhan yang rgyal ba'i don mdun du bshad pas bde ba ste/ 'dir bshad mi dgos so/ /de lta bu'i ngo bo rgyal ba kun gyis 'da' bar mi mdzad/ de ni la ngor ba'o/ sgrub pa po rnams kyi 'da' bar mi bya ba ni/ ngo mtshar mi che ba yin no/ de ltar thams cad sngags kyi tshig ni/ /rgyal ba kun kyang mi 'da' ba' i don du gsungs so/ /da ni gzhan yang sangs rgyas su ming btags pa'i sku rdo rje rnam
- 260a
par snang mdzad yin te/ de'i bsgom pas dam rdzas bza' ba'i tshul gyi bsgrub pa bya ba de'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ yang sangs rgyas kyi dam tshig 'di nyid kyi sku dang gsung dang thugs rdo rje las phyung ngo/ zhes bya ba'i sgra bshad par bya ste/ ji ltar yin na/ de nas ni mdun du smos pa'i gsang ba rnal 'byor chen po'i bsgom pa'i khyad par gyi tshul gyi lta ba'i don bshad par mdzad pa'i 'og tu/ sangs rgyas sku rdo rje rnam par snang mdzad yin pa de'i bsgom pas dam rdzas ji ltar smos pa'i tshul du bsgrub pa bya ba'i don bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste 'dir bshad mi dgos so/ /yang sangs rgyas kyi dam tshig zhes pa ni/ 'og nas 'byung ba'i tshul la smos so/ /de ltar sangs rgyas kyi dam tshig 'di'i don du gsungs so/ /sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gcig pa'i ngo bor smos so/ /de ltar nyid kyi sku dang gsung dang thugs rdo rje gsum dang gnyis su med pa'i ngo bo bsgrub pa pos 'og nas 'byung ba'i tshul du sku rdo rje rnam par snang mdzad dang/ gnyis su med par bsgom pa bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang/ gsung rdo rje dang/ thugs rdo rje gsum dang gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni/ ston pa phyag na rdo rjes ji ltar smos pa'i tshul gyi sangs rgyas sku rdo
- 260b
rje rnam par snang mdzad kyi bsgom pas/ dam rdzas bsgrub par bya ba'i de'i don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang sangs rgyas sku rdo rje rnam par snang mdzad du bsgom pas/ dam rdzas ? bsgrub pa bya ba de'i don bstan par bya ste/ bshad gci khu ba khrag rnams ni/ /smad pa dag tu yong mi bya/ /cho ga bzhin du rtag tu bza' / /rdo rje gsang ba gsum las byung/ /zhes bya ba'i sgra bshad par bya ste/ ci ltar yin na/ bshang gci khu ba khrag rnams ni/ smad pa dag tu yod mi bya ni/ dang po ni phyi'i gnas ji ltar yon tan dang ldan par smos pa'i ri'i rtse mor bsgrub par bya'o/ /yang na yid du 'ong ba'i gnas gang yang rung bar bsgrub pa bya ba yang mi 'gal lo/ /gnas nges gzhi mnyam par bya'o/ /de'i 'og tu dam rdzas bshad pa de snod ban d+ha mtshan thams cad dang ldan pa'i nang du gzhag go /gzhan yang phyi'i kar bu ram dang/ gur kum dang/ tsan dan dang/ de dag la sogs pa'i rdzas dri zhim po thams cad bsres nas/ chu dang dkrug par bya'o/ /rdzas des dkyil 'khor gru bzhi'i ngo bo khru gang gi tshad du bsku ba yin no/ /de'i 'og tu pad ma dang/ ku mu ta dang/ ud pa la dang/ rdzas dri zhim po'i me tog thams cad kyi dkyil 'khor gyi steng du dgra ma par bya'o/ /de ltar byas ma thag tu sgrub pa pos dkyil 'khor gyi steng du mos pa'i skyil mos 'dug go /de ma thag tu sku rdo rje rnam par snang mdzad sku phyag rgya mdun du smos pa'i cho ga bzhin tshul gyis gyur par bya'o/ /de'i sku mdog dang zhal dang/ phyag dang phyag mtshan dang/ rgyan dang nyid kyi shes rab ma ye shes kyi lha mo dang gnyis su med par 'khyud pa'i sbyor ba de'i ldan pa'o/ /de ltar cha lugs phun sum tshogs pa'i thams cad ji ltar le'u bzhi pa las thugs kyi dkyil 'khor gyi dus
- 261a
su smos pa de bzhin du 'dir bya ba yin no/ /de lta bu'i ngo bo sku rdo rje rnam par snang mdzad kyi sku phyag rgyar gyur ma thag tu/ de dang gnyis su med pa'i nga rgyal du bsgom par bya ba yin no/ /de'i dus su snang ban d+ha mtshan thams cad dang ldan pa'i nang du/ bsgrub pa pos bshang gci dang khu bar ming btags pa/ byang chub sems dang/ khrag tu ming btags pa shes rab ma'i pad ma rag ta yin no/ /gzhan yang nang gi sha dang de ltar dam rdzas lnga gcig tu gzhag go /de le'u lnga pa'i nang nas sngags kyi byin gyis brlabs pa'i bsgom pa'i cho ga smos pa'i de bzhin du 'dir bya ba yin no/ /de byas pas phyin ci log pa'i rnam par rtog par spangs nas/ oM swa b+ha wa bi shud d+ha/ sarba d+harmma swa b+hA wa bi shud d+ha haM/ /de ltar sngags kyi cho ga brjod cing/ ma grub kyi bar gyi dus de tsam du dus rtag tu bza' bar bya bar smos so/ /mdor bsdu ba de ltar bshang gci khu ba khrag rnams ni/ smad pa dag tu yeng? mi bya'i don du gsungs so/ /cho ga bzhin du rtag tu bza' 'di ni rdo rje gsang gsum 'byung zhes pa ni/ 'di'i ming btags pa mdun du smos pa'i tshul du sku rdo rje rnam par snang mdzad dang gnyis su med pa'i nga rgyal du bsgoms pas/ dam rdzas bza' bar bya bar smos pa de ni/ bsgrub pa pos dam rdzas bza' bar bya ba'i dus su sku rdo rje dang/ gsung rdo rje dang/ thugs rdo rje dang/ de ltar rdo rje gsum las byung bar brtag go /de ltar byas pas 'bras bu grub ma thag tu 'bras bu ni don dam bar de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ngo bo gsang bar smos pa de'i gnas las byung ba 'thob par gyur par bstan to/ /gzhan yang cho ga bzhin du rtag tu bza' ba'i don
- 261b
mdun du bshad pas bde ste/ 'dir bshad mi dgos so/ /de ltar cho ga bzhin du rtag tu bza' / 'di ni rdo rje gsang gsum 'byung gi don du gsungs/ da ni gzhan yang gsung rdo rje snang ba mdza' yas kyi bsgom pas dam tshig gsang ba'i spyod pa spyad cing sgrub par byed pa de ni don bstan par bya ste de nas phyag na rdo rje de bzhin gshegs pa thams cad kyi bdag pos/ yang gsung rdo rje'i dam tshig 'di nyid kyi sku dang gsung dang thugs rdo rje las phyung ngo/ zhes bya ba'i sgra bshad par bya ste/ ci ltar yin na de nas ni mdun du smos pa'i sangs rgyas sku rdo rje rnam par mang? mdzad kyi dam rdzas kyi bsgrub pa bya ba'i don bshad pa'i 'og tu/ gsung rdo rje snang ba mdza' yas kyi bsgom pas/ ji ltar smos pa'i tshul du dam tshig bsgrub pa bya bshad par brtsams pa de mtshon par bstan to/ /da ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad mi dgos so/ /yang gsung rdo rje dam tshig ces pa ni/ 'og nas 'byung ba'i tshul la smos so/ /de ltar yang gsung rdo rje'i dam tshig 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum ngo bo gcig par smos so/ /de ltar nyid kyi sku dang gsung dang thugs rdo rje gsum dang gnyis su med pa'i ngo bo sgrub pa pos/ 'og nas 'byung ba'i gsung rdo rje snang ba mdza' yas dang gnyis su med pa'i ngo bo bsgom par bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang gsung rdo rje dang gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /phyung ngo zhes pa ni/ ston
- 262a
pa phyag na rdo rjes ji ltar smos pa'i tshul gyi gsung rdo rje snang ba mdza' yas kyi bsgom pas dam tshig gsang ba'i spyod pas bsgrub pa bya ba'i don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang gsung rdo rje snang ba mdza' yas kyi bsgom pas dam tshig gsang ba'i spyod pas bsgrub pa bya ba'i don bstan par bya ste/ /khams gsum dag gi lam mchog na/ /mo rnams ci snyed yod pa dag /thams cad cho ga bzhin du spyad/ /gsung gi rdo rje mi smad do/ zhes bya ba'i sgra bshad par bya ste/ ji ltar yin na/ /khams gsum dag gi lam mchog na/ mo rnams ji snyed yod pa dag ni/ dang po ni ci lta ba'i phyi'i gnas yon tan dang ldan pa'i tshu 'gram du bsgrub pa bya'o/ /yang na nyams su dga' ba'i gnas gang yang rung bar bsgrub pa bya ba yang mi 'gal lo/ /gnas der sa gzhi mnyam par bya'o/ /dam rdzas gci ba dag gi byang chub sems de ni/ snod band+ha mtshan thams cad ldan pa'i nang du gzhag go/ gzhan yang phyi'i ka ra bu ram dang/ gur kum dang/ tsan dan dang/ de dag la sogs pa rdzas dri zhim po thams cad bsre bar bya'o/ /de chu dang dkrug go /rdzas des dkyil 'khor gru bzhi pa'i ngo bor khru gang gi tshad du bsku bar bya ba yin no/ /de'i 'og tu pad ma dang ku mu ta dang/ u pa la la sogs pa me tog dri zhim po thams cad dkyil 'khor steng du dgram par bya'o/ /de ltar byas ma thag tu sgrub pa pos dkyil 'khor gyi steng gi dbus gnas su mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis gsung rdo rje snang ba mdza' yas kyi sku phyag rgyar gyur par bya'o/ /de'i sku mdog dang zhal dang phyag dang phyag mtshan dang/ rgyan dang/ nyid kyi shes rab ma
- 262b
ye shes kyi lha mo dang gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ji ltar le'u bzhi pa las thugs kyi dkyil 'khor gyi dus su bya bar smos pa de bzhin du 'dir bya ba yin no/ /de lta bu'i ngo bo gsung rdo rje snang ba mdza' yas kyi sku phyag rgyar gyur ma thag tu de dang gnyis su med pa'i ngang du bsgom pa bya ba yin no/ /de'i dus su bsgrub pa pos nyid kyi gsang ba'i thugs ka ye shes sems dpa' i gnas su sngags sa bon yig 'bru a bsam mo/ /de kha dog dmar po so sor rtog pa'i ye shes kyi ngo bo gzi brjid kyi 'bar zhing 'od du zhu nas ye shes kyi khu ba bzhin du gyur to/ /sa bon de las gsung rdo rje snang ba mdza' yas kyi sku phyag rgya bskyed par bya'o/ /de'i phyag g.yas dang po na pad ma'i kyo ba 'dzin pa/ g.yon dang po na rdo rje zhags pa 'dzin gzhan yang sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de lta bu'i ngo bo cha lugs phun sum tshogs pa thams cad ni ci ltar le'u dang po las smos pa de bzhin du 'dir bstan to/ /de lta bu'i ngo bo gsung rdo rje snang ba mdza' yas kyi sku phyag rgya grangs med pa sprin bzhin du 'jig rten gyi khams thams cad kyi gnas su khyab par spro ba yin no/ /de ma thag tu lha dang mi la sogs pa sems can thams cad kyi chung ma de dag pad ma'i kyo bas b+ha ga nas bzung/ rdo rje zhags pas mgul pa nas bcings te/ tshul de ltar mo thams cad du ming btags pa sems can thams cad kyi chung ma yin te/ de dag dgug par bya'o/ /de bkug ma thag tu sgrub pa po nyid kyi mdun du dul ba chen po'i tshul gyis thal mo sbyar nas 'dug pa yin no/ /de'i dus su phyi'i gsung gi rigs kyi
- 263a
bye brag gar mkhan gyi rigs kyi bu mo blang ngo/ /de ni mtshan dang yon tan thams cad dang ldan pa'o/ /shes rab ma de ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o// de ma thag tu sgrub pa pos 'dod chags chen po'i sems dga' bar shes rab ma de dang gnyis su med par 'khyud pa'i sbyor bas thabs dang shes rab rol pa bya'o/ /de'i dus su mdun du smos pa'i sems can thams cad kyi chung ma dgug par byas nas/ mdun du gzhag pa de dag thams cad shes rab ma'i lus la gnyis su med par thim par gyur par bsam mo/ /cho ga'i tshul de ltar thabs dang shes rab rol pa byas pas bde bar 'gyur ba'i dus su/ rdo rje'i lam gyi sgo nas shes rab ma'i b+ha ga'i dbus gnas su/ byang chub sems 'od du zhu'o/ /de bsgrub pa pos rnam par rtog pa spangs na/ rang gi lce de ni gsung rdo rje snang ba mdza' yas kyi rdo rje ljags kyi ngo bor brtag go /ljags de'i thabs kyi tshul gyis oM swa b+hA wa bi shud d+ha sarba d+harma swa b+hA wa bi shud d+ho haM/ /zhes sngags kyi tshig brjod cing shes rab ma'i b+ha ga'i nang gi byang chub sems blangs nas bza' bar bya'o/ /de ltar bsgoms pas dam tshig gsang ba'i spyod pa spyad pas ci ltar smos pa'i tshul gyi sems can thams cad kyi chung ma bran mo bzhin du 'grub par 'gyur ro/ /de'i dus su mtshan ma gnyis 'byung ste/ dang po ni bsgrub pa po gnas pa'i phyogs thams cad kun tu dpag tshad du sa gzhi g.yo bar 'gyur ro/ /de'i 'og tu steng gi nam mkha' i gnas nas sngags yig 'bru hUM gi sgra lan mang por grag pa yin no/ /de ma thag tu khams gsum dag gi lam mchog thams cad du ming btags pa khams gsum gyi gnas thams cad na gnas pa'i sems can thams
- 263b
cad kyi chung ma ji snyed smos pa de dag thams cad thal mo sbyar nas 'ong bar 'gyur ro/ /de'i dus su bsgrub pa pos sngags hUM phaT ces lan mang por brjod par bya'o/ /de'i 'og tu gsung gi rigs kyi lha mo na bza' dkar mo dang gnyis su med pa'i ngo bor sems can thams cad kyi chung ma byin gyis brlab par bya'o/ /de ma thag tu mdun du smos pa'i cho ga'i bsgom pas thams cad rim par brtan pas 'dod chags chen po'i sems dga' ba bskyed nas khro bo chen pos mdun du smos pa'i sngags brjod cing rim pas gnyis su med par 'khyud pa'i sbyor bas spyad par bya'o/ /de'i 'og tu sems can thams cad kyi chung mas ji ltar rang gi chung ma'i don thams cad grub par byed par smos pa'i de bzhin du 'gyur bar bstan to/ /mdor bsdu ba'i de ltar khams gsum dag gi lam mchog na/ mo rnams ji snyed yod pa dag gi don du gsungs so/ /thams cad cho ga bzhin du spyad/ /gsung gi rdo rje mi smad do zhes pa ni/ de'i don mdun du bshad pas bde ste 'dir bshad mi dgos so/ /da ni gzhan yang thugs rdo rje mi bskyod pa'i bsgom pas dam tshig gi spyod pa spyad cing bsgrub pa bya ba de'i don bstan par bya ste/ de na phyag na rdo rje de bzhin gshegs pa thams cad kyi bdag pos yang thugs dam tshig 'di nyid kyi sku dang gsung dang thugs rdo rje las phyung ngo zhes bya ba'i sgra bshad par bya ste/ /ji ltar yin na/ de nas ni mdun du smos pa'i gsung rdo rje snang ba mdza' yas kyi dam tshig gi bsgrub pa bshad pa'i 'og tu/ thugs rdo rje mi bskyod pa'i ci ltar smos pa'i tshul gyis dam tshig gi bsgrub pa bya ba de'i bsgom pa'i don bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste 'dir bshad mi dgos
- 264a
so/ /yang thugs rdo rje'i dam tshig 'di zhes pa ni/ 'og nas 'byung ba'i tshul la smos so/ /de ltar yang thugs rdo rje'i dam tshig 'di'i don du gsungs so/ /nyid kyi sku dang/ gsung dang/ thugs zhes pa ni/ ston pa phyag na rdo rje nyid kyi sku dang gsung dang thugs rdo rje gsum gyi ngo bo gcig par smos/ /de ltar nyid kyi sku dang gsung dang thugs rdo rje gsum dang gnyis su med pa'i ngo bor bsgrub pa pos 'og nas 'byung ba'i tshul du rdo rje mi bskyod pa dang gnyis su med par bsgom par bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang/ gsung rdo rje dang/ thugs rdo rje dang/ gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni/ ston pa phyag na rdo rje ji ltar smos pa'i tshul gyis thugs rdo rje mi bskyod pa'i bsgom pas dam tshig gi spyod pa spyad cing bsgrub pa bya ba'i de'i don phyung ba 'am bshad par smos so/ /de ltar las phyung ngo'i don du gsungs so/ /de ni gzhan yang thugs rdo rje mi bskyod pa bsgom par dam tshig gi spyod pa spyad cing bsgrub pa bya ba de'i don bstan par bya ste/ sku gsum rdo rje la gnas pa'i/ dam tshig ci snyed yod pa kun mgu zhing tshim pa dag tu bya/ /thugs kyi rdo rje mi smad do/ /zhes bya ba'i sgra bshad par bya ste/ ji ltar yin na/ sku gsum rdo rje la gnas pa'i/ dam tshig ci snyed yod pa kun ni/ dang po ni phyi'i ci ltar smos pa'i yon dang ldan pa'i dben pa chen po'i gnas su bsgrub pa bya'o/ /yang na yid du 'ong ba'i gnas gang yang rung bar bsgrub pa bya ba yang mi 'gal lo/ /gnas dar sa gzhi mnyam par bya'o/ /bshang gci dang/ byang chub sems dang/ dam rdzas de dag snod band+ha mtshan thams cad dang ldan pa'i
- 264b
nang du gzhag go /gzhan yang phyi'i ka ra bu ram dang/ gur kum dang/ tsan dan dang de dag la sogs pa'i rdzas dri zhim po thams cad gcig tu bsres nas chu dang dkrug par bya'o/ /rdzas des dkyil 'khor gru bzhi'i ngo bo'i tshul du khru gang gi tshad du bsku bar bya ba yin no/ /de'i 'og tu pad ma dang ku mu ta dang/ ud pa la sogs pa me tog dri zhim po thams cad dkyil 'khor gyi steng du dgram par bya'o/ /de ltar byas ma thag tu sgrub pa pos dkyil 'khor gyi steng gi dbus gnas su mos pa'i dkyil mos 'dug go /de ma thag tu mdun du smos pa'i cho ga bzhi'i tshul gyis thugs rdo rje mi bskyod pa'i sku phyag rgyar gyur par bya'o/ de'i sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi dus su smos pa de bzhin du 'dir bya ba yin no/ /de lta bu'i ngo bo thugs rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom pa bya ba yin no/ /de'i dus su bsgrub pa pos nyid kyi gsang ba'i thugs ka ye shes sems dpa' i gnas su/ rdo rje gsum la gnas par mtshan btags pa sku rdo rje rnam par snang mdzad dang/ gsung rdo rje snang ba mdza' yas dang/ thugs rdo rje mi bskyod pa dang/ tshul de ltar rdo rje gsum du smos so/ /de dag gi sku phyag rgya gnyis su med pa'i ngo bo'i dam tshig tu ming btags pa de bzhin gshegs pa thams cad kyi rigs gsum gyi bye brag gi shes rab ma lha mo yin no/ /de'i don gsal bar bstan par bya ste/ sangs rgyas spyan gyi sku'i rigs kyi shes rab ma lha mo yin no/ /na bza' dkar mo ni gsung gi rigs kyi shes rab ma
- 265a
lha mo yin no/ /mA ma kI ni thugs kyi rigs kyi shes rab ma lha mo yin no/ /de ltar shes rab ma ye shes kyi lha mo rnams ni nyid nyid kyi bdag mo'i sku phyag rgya dang gnyis su med pa'i gnas pa yin no/ /rim pa de dag gi sngags kyi sa bon yig 'bru bsam par bya'o/ /de nyid kyi kha dog dang ye shes kyi ngo bor gzi brjid kyi 'bar zhing 'od du zhu nas/ ye shes kyi khu ba bzhin du gyur to/ /sa bon de las rim pas sangs rgyas spyan dang/ mA ma kI dang na bza' dkar mo'i sku phyag rgyar bskyed par bya'o/ /sangs rgyas spyan gyi phyag g.yas dang po na 'khor lo'i kyo ba 'dzin/ phyag g.yon dang po na rdo rje zhags pa 'dzin/ gzhan yang na bza' dkar mo'i phyag g.yas dang po na pad ma'i kyo ba 'dzin/ g.yon dang po na rdo rje'i zhags pa 'dzin/ gzhan yang mA ma kI'i phyag g.yas dang po na rdo rje'i kyo ba 'dzin/ phyag g.yon dang po rdo rje'i zhags pa 'dzin/ gzhan yang gsum ga'i sku mdog dang zhal dang/ phyag dang/ phyag mtshan dang/ rgyan dang/ de lta bu'i ngo bo'i cha lugs phun sum tshogs pa thams cad/ ci ltar le'u bzhi pa las thugs kyi dkyil 'khor gyi dus su smos pa de bzhin du 'dir bya ba yin no/ /de lta bu'i ngo bo rigs gsum gyi bye brag gi shes rab ma ye shes kyi lha mo'i sku phyag rgya grangs med pa sprin bzhin du 'jig rten gyi khams thams cad kyi gnas su khyab par spro bar bya ba yin no/ /de ma thag tu dam tshig ji snyed kun du ming btags pa'i ye shes kyi lha mo rnams kyis/ lha dang mi la sogs pa sems can thams cad kyi chung ma de dag ni kyo ba rnams kyis b+ha ga'i gnas nas bzung/ rdo rje zhags pas mgul ba nas bcings te/ tshul de ltar dam tshig kun dgug par bya'o/ /gzhan yang dgug
- 265b
pa'i bye brag bstan par bya ste/ sangs rgyas spyan gyi sku phyag rgya grangs med pa sprin lta bus lha mo thams cad dgug par bya bar bsam mo/ /gzhan yang na bza' dkar mo'i sku phyag rgya grangs med pa sprin lta bus mi mo thams cad dgug par bsam mo/ /gzhan yang mA ma kI'i sku phyag rgya grangs med pa sprin lta bus/ gnod sbyin dang srin po dang/ lha ma yin dang/ klu dang/ de dag la sogs pa/ /mi ma yin pa thams cad kyi chung ma thams cad dgug par bsam mo/ /tshul de ltar bkug ma thag tu/ sgrub pa pos rang gi mdun du dul ba chen po'i tshul gyis thal mo sbyar nas gnas par bsam mo/ /de'i dus su phyi'i rdo rje rigs kyi bye brag khrus mkhan gyi rigs kyi bu mo blang ngo/ /de mtshan dang yon tan thams cad dang ldan pa'o/ /shes rab ma de ye shes kyi lha mo mA ma kI dang gnyis su med pa'i ngo bor byin gyis brlab par bya ba yin no/ /de ma thag tu sgrub pa pos 'dod chags chen po'i sems dga' bas shes rab ma dang gnyis su med par 'khyud pa'i sbyor bas/ thabs dang shes rab rol pa bya'o/ /de'i dus su mdun du smos pa'i dam tshig thams cad du ming btags pa sems can thams cad kyi chung ma dgug par byas pas mdun na gnas pa'i de dag thams cad shes rab ma'i lus la gnyis su med pa'i ngo bor thim par gyur par bsam mo/ /cho ga'i tshul de ltar thabs dang shes rab rol pa byas pas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus gnas su byang chub sems 'od du zhu'o/ /de bsgrub pa pos thugs mi smod do/ /ming btags pa rnam par rtog pa spangs nas mdun du smos pa'i tshul du rang gi lce ni thugs rdo rje mi bskyod pa'i ljags kyi ngo bor brtag go /ljags de'i thabs kyi tshul gyi/ oM swa b+hA wa bi shud d+ha sarba d+harma swa b+hA wa bi shud d+ho nyahaM/ /de
- 266a
ltar sngags kyi tshig brjod cing/ shes rab ma'i b+ha ga'i nang nas byang chub sems de blangs nas bza' bar bya'o/ /de ltar byas pas rdo rje dam tshig tu ming btags pa'i mdun du smos pa'i rigs gsum gyi shes rab ma ye shes kyi lha mo sangs rgyas spyan dang/ na bza' dkar mo dang/ mA ma kI dang/ de dag dga' zhing mgu bar 'gyur ro/ /de'i yon tan gyis ci ltar smos pa'i tshul du phyi'i dam tshig thams cad du ming btags pa sems can thams cad kyi chung ma bran mo bzhin du 'grub par 'gyur ro/ /de'i dus su mtshan ma gnyis 'byung ngo/ /dang po ni sgrub pa po'i gnas nas phyogs thams cad kun du dpag tshad brgya phrag gcig gi tshad du sa gzhi g.yo bar 'gyur ro/ /de'i 'og tu steng gi nam mkha' i phyogs nas sngags sa bon yig 'bru hUM gi sgra lan mang por grag pa yin no/ /de ma thag tu dam tshig thams cad du ming btags pa sems can thams cad kyi chung ma 'jig rten gyi khams thams cad na gnas pa de dag thams cad thal mo sbyar nas 'ong bar 'gyur ro/ /de'i dus su sgrub pa pos hUM phaT/ sngags lan mang por brjod par bya'o/ /de'i 'og tu rdo rje'i rigs kyi shes rab ma ye shes kyi lha mo mA ma kI dang gnyis su med pa'i ngo bor byin gyis brlab par bya ba yin no/ /de ma thag tu mdun du smos pa'i cho ga'i sgom pas thams cad rim pas brtan pas 'dod chags chen po'i sems dga' ba skyed nas/ khro bo chen pos mdun du smos pa'i sngags brjod cing rim pa nas gnyis su med par 'khyud pa'i sbyor bas spyad par bya'o/ /de'i sems can thams cad kyi chung mas/ ci ltar rang gi chung mas don thams cad grub par byed pa smos pa de bzhin du 'gyur bar bstan to/ /mdor bsdu pa de ltar rdo rje sku gsum la gnas pa'i/
- 266b
dam tshig ci snyed yod pa kun gyi don du gsungs so/ /mgu zhing tshim pa dag tu bya/ thugs kyi rdo rje mi smod do/ /zhes pa ni/ de'i don mdun du bshad pas bde ste 'dir bshad mi dgos so/ bcom ldan dam tshig chen po'i rdo rjes de bka' stsal to/ /zhes bya ni/ bcom ldan 'das ni ston pa phyag na rdo rje nyid yin no/ /de'i yon tan gyi bstod pa mtshan bcom ldan 'das yin par sdud pa pos smos so/ /de'i don mdun du bshad pas bde ste/ 'dir bshad mi dgos so/ /de ltar bcom ldan 'das kyi don du gsungs so/ /dam tshig chen po zhes pa ni/ rgyud 'di nang nas dam tshig smos pa thams cad kyi nang na/ sku dang gsung dang thugs rigs gsum gyi dam tshig gi bsgrub pa bya ba 'di ni/ 'bras bu'i ngo bo ston pa phyag na rdo rje nyid yin no/ /don des dam tshig chen por smos so/ /de ltar dam tshig chen po'i don du gsungs so/ /rdo rjes de skad bka' stsal to/ zhes pa ni/ mdun du smos pa'i tshul gyi phyag na rdo rje yin no/ /de'i mtshan gyi khyad par dam tshig chen po'i rdo rje'o/ /des ci ltar smos pa'i tshul gyi sku dang gsung dang thugs kyi rigs gsum gyi dam tshig gi bsgrub pa'i don bshad par mdzad par bstan to/ /mdor bsdu ba de ltar rdo rjes de skad bka' stsal to'i don du/ gsungs so/ /da ni gzhan yang ston pa phyag na rdo rje nyid la sogs pa'i de bzhin gshegs pa thams cad kyi gsang ba'i rdo rjer mtshan btags pa'i sku phyag rgya gnyis su med pa'i gzugs de/ bsgrub pa po rnams kyis bsgrub par bya ba'i phyir bshad pa de'i don bstan par bya ste/ de nas phyag na rdo rje de bzhin gshegs pa thams cad kyi bdag pos yang de bzhin gshegs pas thams cad kyi sku dang gsung dang thugs rdo rje gsang ba'i rdo rje 'di nyid kyi sku dang gsung dang
- 267a
thugs rdo rje las phyung ngo/ zhes bya ba'i sgra bshad par bya ste/ ji ltar yin na/ de nas ni mdun du smos pa thugs rdo rje mi bskyod pa'i dam tshig gi bsgrub pa bya ba'i don bshad par mdzad pa'i 'og tu/ ji ltar mos pa'i tshul ni/ de bzhin gshegs pa thams cad kyi gsang ba'i rdo rje'i ngo bor mtshan btags pa sku phyag rgya gnyis su med pa'i gzugs bsgom pas/ bsgrub pa bya ba de'i don bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste 'dir bshad mi dgos so/ /yang de bzhin gshegs pa thams cad kyi gsang ba'i rdo rje zhes pa ni/ / 'og nas 'byung ba'i tshul la smos so/ /de ltar yang de bzhin gshegs pa thams cad kyi gsang ba'i rdo rje 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gyi ngo bor cig par smos so/ /de ltar nyid kyi sku dang gsung dang thugs rdo rje gsum dang gnyis su med pa'i ngo bo/ /bsgrub pa pos rigs lnga'i de bzhin gshegs pa'i nang na gang la mos pa de 'og nas 'byung ba'i tshul du bsgom par bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang/ gsung rdo rje dang/ thugs rdo rje dang/ gsum gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni/ ston pa phyag na rdo rjes ji ltar smos pa'i tshul gyis de bzhin gshegs pa thams cad gsang ba'i rdo rjer mtshon btags pa gnyis su med pa'i gzugs bsgom par bya ba
- 267b
de'i don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang mdun du smos pa'i de bzhin gshegs pa thams cad kyi gsang ba'i rdo rje ngo bo bsgoms pas bsgrub par bya ba de'i don du bstan par bya ste/ /phung po lnga rnams rim pas ni/ /sangs rgyas lnga ni rab tu bsgrags/ /rdo rje skye mched rnams dag kyang/ /byang chub sems dpa' i dkyil 'khor mchog ces bya ba'i sgra bshad par bya ste/ ji ltar yin na/ phung po lnga rnams rim pas ni/ /sangs rgyas lnga ni rab tu bsgrags ni/ bsgrub pa pos mdun du smos pa'i cho ga bzhi'i tshul gyis rigs lnga'i nang na gang la mos pa de'i sku phyag rgyar gyur par bya'o/ /de ma thag tu de dang gnyis su med pa'i nga rgyal du bsgom par bya ba yin no/ /de'i dus su bsgrub pa pos nyid kyi gzugs kyi phung po lnga'i ngo bo de ni/ phung po lnga'i rim pa ma nor ba'i tshul gyis rnam par snang mdzad la sogs pa rigs lnga'i sangs rgyas dang gnyis su med pa'i ngo bor bsgom par bya bar smos so/ /gzhan yang de'i don rgyas par le'u bcu gnyis pa nas bsnyen pa la sogs pa yan lag bzhi'i dus su ji ltar bshad pa de bzhin du 'dir bstan to/ /mdor bsdu ba de ltar phung po lnga rnams rim pas ni/ /sangs rgyas lngar ni rab tu bsgrags kyi don du gsungs so/ /rdo rje skye mched rnams dag kyang/ /byang chub sems dpa' i dkyil 'khor mchog ces pa ni/ dkyil 'khor mchog tu ming btags pa phyi'i rdul tshon gyi dkyil 'khor la sogs pa dkyil 'khor thams cad kyi nang na ci ltar smos pa'i ston pa phyag na rdo rje nyid la sogs pa rigs lnga'i bye brag gi de bzhin gshegs pa thams cad kyi sku phyag rgya rdo rje ye shes gnyis su med pa dkyil 'khor gyi ngo bo yin no/ /don des dkyil 'khor mchog tu smos so/ /bstan par bya ste mdun du smos
- 268a
ba'i dkyil 'khor mchog gi ngo bo sku phyag rgya de'i rdo rje skye mched kyi gnas su gnyis su med pa'i ngo bor byang chub sems dpa' sa'i snying po la sogs pa drug yin no/ /gzhan yang de'i don rgyas par le'u bcu gnyis pa'i nang nas bsnyen pa la sogs pa yan lag bzhi'i dus su ji ltar bshad pa de bzhin du 'dir bstan to/ /de ltar rdo rje'i skye mched rnam dag kyang/ byang chub sems dpa' i dkyil 'khor mchog gi don du gsungs so/ /da ni gzhan yang khams gsum gyi 'gro dang mi 'gro ba'i tshul gyis phyi dang nang gi ngo bo 'byung ba lngar ming btags pa rnam par snang mdzad la sogs pa de bzhin gshegs pa bzhi'i shes rab ma ye shes kyi lha mo dam tshig gi 'khor lo ni/ bsgom par bya ba'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ khams gsum gyi dam tshig 'khor lo 'di/ nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i de bzhin gshegs pa thams cad kyi gsang ba'i rdo rje'i ngo bor ming btags pa sku phyag rgya gnyis su med pa'i gzugs de bsgom par bya ba'i don bshad par mdzad pa'i 'og tu/ ci ltar smos pa'i tshul gyi khams gsum gyi dam tshig gi 'khor lo ming btags pa rnam par snang mdzad la sogs pa de bzhin gshegs pa bzhi'i shes rab ma ye shes kyi lha mo rnams kyi bsgom pa bya ba de'i don bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste 'dir bshad mi dgos so/ /yang
- 268b
khams gsum gyi dam tshig 'khor lo zhes pa ni/ de'i don mdun du bshad pa dang 'og nas 'byung ba'i tshul smos so/ /de ltar khams gsum gyi dam tshig gi 'khor lo 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gyi ngo bor gcig par smos so/ /de ltar nyid kyi sku dang gsung dang thugs rdo rje gsum dang gnyis su med pa'i sgrub pa pos de bzhin gshegs pa bzhi'i shes rab ma ye shes kyi lha mo sangs rgyas spyan la sogs pa de dag gi bsgom pa bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang/ gsung rdo rje dang/ thugs rdo rje gnyis su med par bshad pa/ de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni/ ston pa phyag na rdo rjes ci ltar smos pa'i tshul gyi khams gsum gyi dam tshig gi 'khor lor ming btags pa de bzhin gshegs pa bzhi'i shes rab ma ye shes kyi lha mo sangs rgyas spyan la sogs pa bzhi bsgom pa bya ba'i ngo bo'i don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang mdun du smos pa'i khams gsum gyi dam tshig gi 'khor lor ming btags pa de bzhin gshegs pa bzhi'i shes rab ye shes kyi lha mo bzhi'i bsgom pa bya ba'i ngo bo'i don bstan par bya ste/ /sa ni spyan zhes bya ba yin/ /chu'i khams ni mA ma kI/ /me ni gos dkar zhes bya ste/ /rlung ni sgrol mar rab tu bsgrags/ /zhes bya ba'i sgra bshad par bya ste/ ci ltar yin na/ sa ni spyan zhes bya ba yin no/ bsgrub pa pos mdun du smos pa'i tshul du nyid dga' ba'i lha dang gnyis su
- 269a
med par nyid kyi shes rab ma ye shes kyi lha mo dang ldan par bsgom par bya ba'i dus su/ phyi'i sa gzhi de ni sangs rgyas spyan gyi ngo bo yin par smos so/ /gzhan yang nang gi thabs dang shes rab gnyis kyi lus kyi sra ba'i ngo bo gang yang rung ba de ni/ sangs rgyas spyan gyi ngo bo yin par smos so/ /de ltar sa ni spyan zhes bya ba yin gyi don du gsungs so/ /chu'i khams ni mA ma kI zhes pa ni/ mdun du smos pa'i tshul du bsgom pa bya ba'i dus su phyi'i chu'i khams de ni mA ma kI yin par smos so/ /gzhan yang nang gi thabs dang shes rab kyi lus gnyis kyi gsher ba'i ngo bo gang yang rung ba de ni mA ma kI yin par smos so/ /de ltar chu'i khams ni mA ma kI'i don du gsungs so/ /me ni gos dkar zhes bya ste/ mdun du smos pa'i tshul du bsgom pa bya ba'i dus su/ phyi'i me'i khams de ni na bza' dkar mo'i ngo bo yin par smos so/ /de ltar ma ni gos dkar mor bsgrags kyi don du gsungs so/ /rlung ni sgrol mar rab tu bsgrags zhes pa ni/ mdun du smos pa'i tshul du bsgom par bya ba'i dus su phyi'i rlung de ni dam tshig sgrol ma'i ngo bo yin par smos so/ /gzhan yang nang gi thabs dang shes rab kyi lus brkyang ba dang bskum pa dang bskyod pa la sogs pa thams cad bya ba'i tshul gyi skabs de ni/ dam tshig sgrol ma'i ngo bo yin par smos so/ /de ltar ni sgrol mar rab tu bsgrags kyi don du gsungs so/ /gzhan yang sangs rgyas spyan la sogs pa de bzhin gshegs pa bzhi'i shes rab ma ye shes kyi lha mo de rnams kyi don rgyas par le'u bcu gnyis pa'i nang nas bsnyen pa la sogs pa yan lag bzhi'i dus su/ ci ltar bshad pa de bzhin du 'dir bstan to/ /da ni gzhan yang ston pa rdo rje 'dzin la sogs pa de bzhin gshegs pa thams cad kyi don
- 269b
dam pa'i dam tshig gi ngo bo'i don bstan par bya ste/ mkha' dbyings rdo rje'i dam tshig ni/ /rdo rje 'dzin nyid yin par gsungs so/ zhes pa ni/ mkha' dbyings rdo rje'i dam tshig ni/ mkha' dbyings rdo rjer ming btags pa'i phyi'i nam mkha' i dbyings ? chos kyi dbyings kyi dbang phyug ma'i ngo bo yin par smos so/ /gzhan yang nang gi mdun du smos pa'i sangs rgyas spyan la sogs pa de bzhin gshegs pa bzhi'i shes rab ma ye shes kyi lha mo bzhi yin no/ /de dag la gnyis su med par khyab nas gnas pa de ni/ don dam pa lha mo bzhi'i ye shes rdo rje gnyis su med pa'i ma skyes pa ngo bo med par/ rang bzhin gyis stod pa yin no/ /de ltar don dam par de bzhin gshegs pa thams cad kyi chos kyi dbyings kyi dbang phyug ma dam tshig gi ngo bor smos so/ / de ltar mkha' dbyings rdo rje dam tshig ni'i don du gsungs so/ /rdo rje 'dzin nyid yin par gsungs zhes pa ni/ mdun du smos pa'i cho ga'i tshul gyis don dam pa dam tshig gi ngo bo'i don bshad pa de ni/ dam tshig ni ston pa rdo rje 'dzin nyid kyi don dam pa'i bde ba chen po'i ngo bo'i dam tshig yin bar gsungs so/ /de ltar rdo rje 'dzin nyid yin par gsungs kyi don du gsungs so/ /bcom ldan 'das de bzhin gshegs pa thams cad kyi gnas kyi dbang phyug /rdo rje sems dpa' chen pos de skad bka' stsal to/ /zhes bya ba ni/ bcom ldan 'das ni ston pa phyag na rdo rje nyid yin no/ /de'i yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du bshad pas bde ste/ 'dir bshad mi dgos so/ de ltar bcom ldan 'das kyi don du gsungs so/ /de bzhin gshegs pa thams cad kyi gnas kyi dbang phyug chen po zhes pa ni/ rnam par snang mdzad la sogs pa rigs lnga'i bye brag gi de bzhin gshegs pa smos pa de dag thams cad kyi gnas
- 270a
su ming btags pa bskyed pa'i gnas kyi ngo bo dpal rdo rje sems dpa' yin no/ /gnas kyi dbang phyug tu ming btags pa mdun du smos pa'i rnam par snang mdzad la sogs pa rigs lnga'i bye brag gi de bzhin gshegs pa yin pa de dag thams cad kyis nyid nyid kyi ye shes kyi cho 'phrul spros nas byin gyis brlabs pas 'dul ba dang/ dbang du 'gyur ba dang/ mos par 'gyur ba dang/ de dag la sogs pa bye brag sna tshogs kyis sems can thams cad kyi don mdzad pa de ni ye shes kyi cho 'phrul don dam pas ston pa rdo rje sems dpa' nyid yin no/ /bstan par bya ste/ rnam par snang mdzad la sogs pa'i rigs lnga'i de bzhin gshegs par dag ni/ ston ba rdo rje sems dpa' i sku phyag rgya gnyis su med pa'i ngo bo yin no/ /rnam par snang mdzad sku'i ngo bo yin no/ /snang ba mdza' yas gsung gi ngo bo yin no/ /mi bskyod pa nyid thugs kyi ngo bo yin no/ /rin chen 'byung ldan yon tan gyi ngo bo yin no/ /don yod grub pa 'phrin las kyi ngo bo yin no/ /tshul de ltar dus 'dir ston pa rdo rje sems dpa' de bzhin gshegs pa thams cad kyi gnas kyi dbang phyug chen por smos so/ /mdor bsdu ba de ltar de bzhin gshegs pa thams cad gyi gnas kyi dbang phyug chen po'i don du gsungs so/ /rdo rje sems dpas de skad bka' stsal to zhes pa ni/ mdun du smos pa'i phyag na rdo rje yin no/ /de'i mtshan kyi sku khyab par de bzhin gshegs pa thams cad kyi dbang phyug chen po'o/ /des mdun du smos pa'i tshul du bsgom par bya ba'i don bshad par mdzad pa bstan to/ mdor bsdu ba de ltar rdo rje sems dpas de skad ces bka' stsal to'i don du gsungs so/ /da ni gzhan yang ston pa de bzhin gshegs pa thams cad kyi sku dang gsung dang thugs rdo rje de
- 270b
bzhin gshegs pa de bzhin gshegs pa thams cad kyi mnyam pa nyid spyod pa zhes bya ba'i ting nge 'dzin la snyoms par zhugs so'i ngo bo'i don bstan par bya ste/ de nas bcom ldan 'das de bzhin gshegs pa thams cad kyi sku dang gsung dang thugs rdo rje de bzhin gshegs pa/ de bzhin gshegs pa thams cad kyi mnyam pa nyid spyod pa zhes bya ba'i ting nge 'dzin la snyoms par zhugs so/ /snyoms par zhugs nas kyang de bzhin gshegs pa thams cad kyi 'khor gyi dkyil 'khor la gzigs nas ci yang mi gsung bar gyur to zhes bya ba'i sgra bshad par bya ste/ ji ltar yin na/ de nas ni mdun du smos pa'i phung po lnga dang gnyis su med pa'i ngo bor sangs rgyas lnga sgom par bya ba dang/ gzhan yang rdo rje skye mched dang gnyis su med pa'i ngo bor byang chub sems dpa' drug bsgom par bya ba dang/ gzhan yang phyi dang nang gi tshul gyis 'byung ba lnga dang gnyis su med pa'i ngo bor de bzhin gshegs pa de bzhin gshegs pa bzhi'i shes rab ma ye shes kyi lha mo ji ltar smos par bsgom pa bya ba de'i don bshad par mdzad pa'i 'og tu/ 'og nas 'byung ba'i ting nge 'dzin la snyoms par zhugs pa de mtshon par bstan to/ de ltar de nas kyi don du gsungs so/ /bcom ldan 'das zhes pa ni ston pa phyag na rdo rje nyid yin no/ /de'i yon tan gyi bstan pa'i mtshan bcom ldan 'das yin par sdud pa pos smos so/ /de'i don mdun du bshad pas bde ste 'dir bshad mi dgos so/ /de ltar bcom ldan 'das kyi don du gsungs so/ /de bzhin gshegs pa thams cad kyi sku dang gsung dang thugs rdo rje de bzhin gshegs pa zhes pa ni rnam par snang mdzad la sogs pa rigs lnga'i bye brag gi de bzhin gshegs pa smos pa de dag thams cad don dam par sku dang gsung dang thugs rdo rje gsum gnyis su med pa'i ngo bo rdo rje de bzhin gshegs pa mtshan btags pa ston pa phyag na rdo rje nyid yin no//
- 271a
de ltar de bzhin gshegs pa thams cad kyi sku dang gsung dang thugs rdo rje de bzhin gshegs pa'i don du gsungs so/ /de bzhin gshegs pa thams cad kyi mnyam pa nyid spyod pa zhes pa ni ston pa phyag na rdo rje de ni rnam par snang mdzad la sogs pa rigs lnga'i bye brag gi de bzhin gshegs pa smos pa de dag thams cad kyis dus mnyam par ting nge 'dzin mdzad pa yin no/ /de'i don gsal bar bstan par bya ste/ ston pa phyag na rdo rjes nyid kyi gsang ba'i thugs ka ye shes sems dpa' i gnas nas rnam par snang mdzad la sogs pa rigs lnga'i bye brag gi de bzhin gshegs pa'i sku phyag rgya grangs med pa'i sprin bzhin du 'jig rten gyi khams thams cad kyi gnas su khyab par spro bar mdzad do/ /de dag thams cad kyi sku phyag rgya'i cha lugs phun sum tshogs pa thams cad ji ltar le'u bzhi pa las thugs kyi dkyil 'khor gyi dus su bya bar smos pa de bzhin du 'dir bya ba yin no/ /de lta bu'i ngo bo sku phyag rgya nyid nyid kyi ye shes kyi gzi brjid gyi 'od dang ldan par spros nas/ de ma thag tu lha dang mi la sogs pa sems can ma lus pa thams cad la reg pa'i tshul gyis byin gyis brlabs pa yin no/ /de brlabs par mdzad pas 'dod chags dang/ zhe sdang la sogs pa nyon mongs pa lnga'i dbang gis/ bskal pa mang po'i bar du sdig pa la sogs pa de dag 'joms par 'gyur ro/ /de ltar mdzad pa'i 'og tu/ de bzhin gshegs pa grangs med pa sprin lta bu de spro ba'i gnas su slar gnyis su med par 'dus par mdzad par smos so/ /mdor bsdu ba de ltar de bzhin gshegs pa thams cad kyi mnyam pa nyid spyod pa'i don du gsungs so/ /zhes bya ba'i ting nge 'dzin la snyoms par zhugs so/ /zhes pa ni de'i don du bshad pas bde ste 'dir bshad mi dgos so/ /snyoms par zhugs
- 271b
nas kyang/ de bzhin gshegs pa thams cad kyi 'khor gyi dkyil 'khor la gzigs nas/ cad mi gsung bar gyur to zhes pa ni/ mdun du smos pa'i de bzhin gshegs pa thams cad kyi mnyam pa nyid spyod pa zhes bya ba'i ting nge 'dzin la zhugs pa de'i thabs kyis thugs rje chen po'i thugs bskyed nas/ ji ltar smos pa'i tshul du sems can thams cad mnyam pa'i tshul gyi ngo bos rigs lnga'i bye brag gi ye shes kyis byin gyis brlabs par mdzad pa de ma thag tu ston pa phyag na rdo rjes zhal rab tu 'dzum pas nyi ma stong dang mnyam pa'i 'od spro bar mdzad pa'i tshul gyis ye shes kyi spyan gyi dkyil 'khor du ming btags pa gnas ye shes kyi gzhal yas khang de yin no/ /de ni rnam par snang mdzad la sogs pa brjod du yod pa dang brjod du med pa'i 'khor gyi ngo bo'i de bzhin gshegs pa tshang til gyi 'bru dang mnyam pa til gyi gang bu bzhin du sku phyag rgya'i gzugs kyis gang ba yin no/ /de lta bu'i tshul gyis ngo bo'i 'khor gyi dkyil 'khor smos pa de dag kun la gzigs par mdzad do/ / de'i 'og tu ston pa phyag na rdo rje ci yang mi gsung bar gyur par zhes par ming btags pa/ stong pa chen po'i ye shes kyi ngo bo'i ting nge 'dzin la thugs rtse gcig pas snyoms par zhugs par smos so/ /mdor bsdu ba de ltar snyoms par zhugs nas kyang/ de bzhin gshegs pa thams cad kyi dkyil 'khor la gzigs nas cang mi gsung bar gyur to'i don gsungs so/ /da ni gzhan yang mdun du smos pa'i tshul gyi ngo bo ston pa phyag na rdo rje nyid cang mi gsung bar gyur pa'i dus skabs de ma thag tu byang chub sems dpa' byams pa la sogs pa 'khor gyi ngo bo'i byang chub sems dpa' thams cad kyis/ rnam par snang mdzad la sogs pa 'khor gyi ngo bo'i de bzhin gshegs pa thams cad la gsol ba btab pa'i de'i don bstan par bya
- 272a
ste/ de nas yang de'i skabs su byang chub sems dpa' sems dpa' chen po byams pa la sogs pas/ de bzhin gshegs pa thams cad la phyag 'tshal nas 'di skad ces gsol to/ /bcom ldan 'das de bzhin gshegs pa thams cad nyid kyi sku dang gsung dang thugs rdo rje gsang ba 'dus pa mngon par dbang bskur ba'i slob dpon la/ de bzhin gshegs pa thams cad dang/ byang chub sems dpa' thams cad kyis/ ji ltar blta bar bgyi zhes bya ba'i sgra bshad par bya ste/ ji ltar yin na/ de nas yang de'i skabs su ni/ mdun du smos pa'i tshul gyi ngo bo'i ting nge 'dzin mdzad pa'i phyir ston pa phyag na rdo rje ci yang mi gsungs par gyur par yin no/ dus dang skabs de ma thag tu byang chub sems dpa' sems dpa' chen po byams pa la sogs pa 'khor gyi ngo bo'i byang chub sems dpa' thams cad kyis dus mnyam par sems the tshom skyes pa de ni/ de nas su mtshon par bstan to/ /de ltar de nas kyi don du gsungs so/ /byang chub sems dpa' sems dpa' chen po byams pa la sogs pa/ de bzhin gshegs pa thams cad la phyag 'tshal nas 'di skad ces gsol to/ zhes par ni/ rnam par snang mdzad la sogs pa 'khor gyi ngo bo de bzhin gshegs pa thams cad la byang chub sems dpa' byams pa la sogs pa 'khor gyi ngo bo'i byang chub sems dpa' sems dpa' chen po de dag thams cad kyis ji ltar smos pa'i tshul du phyag 'tshal nas de ma thag tu/ 'di ces gsol to/ zhes pa ming btags pa 'og nas 'byung ba'i don gyi phyir gsol ba btab par smos so/ de ltar byang chub sems dpa' sems dpa' chen po byams ba la sogs pas de bzhin gshegs pa thams cad la phyag
- 272b
'tshal nas 'di skad ces gsol to'i don du gsungs so/ /bcom ldan 'das de bzhin gshegs pa thams cad nyid kyi sku dang gsung dang thugs rdo rje gsang pa 'dus pa zhes bya ba ni/ de ni rgyud kyi ngo bo yin no/ /don gzhan ni bde ste bshad mi dgos so/ /mngon par dbang bskur ba'i slob dpon la zhes pa ni/ bcom ldan 'das ni/ rnam par snang mdzad la sogs pa 'khor gyi ngo bo'i de bzhin gshegs pa de dag thams cad la yon tan gyi bskyod pa'i mtshan bcom ldan 'das yin par sdud pa pos smos so/ /de'i don mdun du bshad pas bde ste bshad mi dgos so/ /de ltar yon tan gyi bstod pa'i mtshan brjod cing byang chub sems dpa' sems dpa' chen po byams pa la sogs pa byang chub sems dpa' thams cad kyis ci ltar ba lta bar bgyi zhes pa ni/ slob dpon yon tan gyi ngo bo'i don dris pa'i tshig yin no/ /de'i don mdun du bshad pas bde ste bshad mi dgos so/ /da ni gzhan yang byang chub sems dpa' byams pa la sogs pa thams cad kyi slob dpon gyi ngo bo'i don shes par bya ba'i phyir gsol ba btab pa de gsan ma thag tu/ mdun du smos pa'i tshul du rnam par snang mdzad la sogs pa 'khor gyi ngo bo'i de bzhin gshegs pa thams cad kyis gsol ba btab pa'i don bshad pa de bstan par bya ste/ de bzhin gshegs pa thams cad kyis bka' stsal pa/ rigs kyi bu de bzhin gshegs pa thams cad dang/ byang chub sems dpa' thams cad kyis/ byang chub rdo rje bzhin du blta' bar bya'o/ /de ci'i phyir zhe na/ slob dpon de ni byang chub sems dang mi gnyis shing/ rnam pa gnyis su dbyer med do/ /rigs kyi bu mdor bstan na phyogs bcu'i 'jig rten gyi khams nas/ sangs rgyas dang byang pchub sems dpa' ci snyed cig 'khor cing 'tsho ba de
- 273a
dag thams cad lhags nas/ dus gsum du slob dpon la de bzhin gshegs pa thams cad kyi mchod pas mngon par mchod do/ /nyid nyid kyi sangs rgyas kyi zhing der yang 'gro zhing gsung rdo rje'i yi ge yang 'di skad ces brjod do/ /bdag cag de bzhin gshegs pa thams cad kyi ma yin no/ /bdag cag de bzhin gshegs pa thams cad kyi ston pa yin no/ /'di lta ste dper na rigs kyi bu sangs rgyas bcom ldan 'das phyogs bcu na ci snyed cig bzhugs pa dang/ sangs rgyas bcom ldan 'das de dag gi sku dang gsung dang thugs kyi bsod nams kyi phung po bsod nams kyi phung po de bas phyag slob dpon gyi ba spu'i ba ga 'phags so/ /de ci'i phyir zhe na/ rigs kyi bu byang chub sems dpa' rdo rje de ni sangs rgyas thams cad kyi ye shes kyi snying po 'byung ba'o/ /skye ba'i gnas su gyur pa'o/ /thams cad mkhyen pa'i ye shes kyi ngo bo yin pa'i bar du'o/ zhes bya ba'i sgra bshad par bya ste/ ci ltar yin na/ de bzhin gshegs pa thams cad kyis bka' stsal pa ni/ rnam par snang mdzad la sogs pa 'khor gyi ngo bo'i de bzhin gshegs pa smos pa de dag thams cad kyis/ dus gcig tu mgrin gcig gis byang chub sems dpa' de dag la ming btags pa mdun du smos pa'i byams pa la sogs pa byang chub sems dpa' sems dpa' chen po gsol ba 'debs mkhan yin no/ /de dag la bka' stsal bar ming btags pa/ gsol ba btab pa de'i don bshad par brtsams par smos so/ /de ltar de bzhin gshegs pa thams cad kyis bka' stsal to'i don du gsungs so/ /rigs kyi bu de bzhin gshegs pa thams cad dang/ byang chub sems dpa' thams cad kyis/ byang chub sems rdo rje bzhin du blta bar bya'o zhes pa ni/ byang chub sems rdo rje de ni rgyud 'di'i ci ltar
- 273b
smos pa'i tshul gyi ston pa dang po yin no/ /de dang 'dra ba 'am mnyam pa gsung ba 'dus pa'i dkyil 'khor 'dir dbang bskur pa'i slob dpon la/ bdag cag de bzhin gshegs pa thams cad dang/ rigs kyi bu khyed byang chub sems dpa' thams cad kyis blta bar bya bar smos so/ /de ltar rigs kyi bu de bzhin gshegs pa thams cad dang/ byang chub sems dpa' thams cad kyis byang chub sems rdo rje bzhin du lta bar bya'i don du gsungs so/ /de ci'i phyir zhe na/ slob dpon de ni/ byang chub dang mi gnyis shing rnam pa gnyis su dbyer med do/ zhes pa ni/ mdun du smos pa'i tshul gyi ston pa byang chub sems rdo rje de ni don dam pa byang chub sems dang gnyis su med pa yin no/ /byang chub sems de dang gnyis su med par mdun du smos pa'i slob dpon rnam pa gnyis su dbyer med par bsten to/ /de ltar ci'i phyir ni/ slob dpon de na byang chub sems dang gnyis shing rnam pa gnyis su med de'i don du gsungs so/ /rigs kyi bu mdor bstan na zhes pa ni/ mdun du smos pa'i slob dpon gyi yon tan gyi ngo bo'i don rigs kyi bur ming btags pa byang chub sems dpa' de dag thams cad la mdor bsdus nas bstan pa bshad par smos so/ /de ltar rigs kyi bu mdor bstan na ni'i don du gsungs so/ /phyogs bcu'i 'jig rten gyi khams na/ sangs rgyas dang byang chub sems dpa' ci snyed cig 'khor cing 'tsho ba de dag thams cad ces pa ni/ phyogs bcu'i 'jig rten gyi khams ma lus pa ci snyed pa thams cad kyi/ sangs rgyas kyi zhing khams thams cad kyi gnas su/ sangs rgyas dang byang chub sems dpa' de dag thams cad 'khod par ming btags pa/ byang chub sems dpa' mnyam pa'i ting nge 'dzin la gnas pa yin no/ /'tsho bar ming btags pa'i sangs rgyas dang byang chub sems dpa' de dag
- 274a
thams cad ni/ nyid nyid kyi zhing khams kyi gnas na grangs med pa gang gA klung gi bye ma'i grangs snyed dang tshad mnyam par gnas pa yin no/ /ljag par ming btags pa mdun du smos pa'i zhing khams thams cad na gnas pa'i sangs rgyas dang byang chub sems dpa' de dag thams cad kyis/ nyid nyid kyi sku'i gnas nas ye shes kyi sku'i ngo bo sangs rgyas dang byang chub sems dpa' i sku'i phyag rgya'i gzugs gnas med pa spro ba dang bsdu ba de ni/ sems can thams cad byin gyis brlabs pa'i phyir/ so sor 'jig rten gyi khams thams cad kyi gnas su khyab par bya ba yin no/ /de ltar phyogs bcu'i 'jig rten gyi khams na/ sangs rgyas dang byang chub sems dpa' ji snyed cig 'khor cig 'tsho ba de dag thams cad lhag nas kyi don du gsungs so/ /dus gsum du slob dpon la de bzhin gshegs pa thams cad kyi mchod pas mngon par mchod de zhes pa ni/ mdun du smos pa'i tshul du sangs rgyas dang byang chub sems dpa' thams cad 'khor ba dang 'tsho ba de dag lhags nas/ nyin mtshan du lan gsum gsum du dus rtag tu ye shes kyi cho 'phrul gyi thabs kyi rgyud kyi rgyal po gsang ba 'dus pa 'di'i dkyil 'khor du dbang bskur ba'i slob dpon smos pa de'i drung du 'ongs nas/ nam mkha' i gnas nas rigs lnga'i bye brag gi de bzhin gshegs pa thams cad kyi mchod pa/ nyid nyid kyi sku phyag rgya'i gnas nas 'dod pa'i yon tan lnga'i ngo bo gzugs rdo rje ma la sogs pa mchod pa'i lha mo lnga po de dag nyid nyid kyi mchod pa mdzad pa'i rdzas lag pas bzung ba sprin bzhin du spro bar bya ba yin no/ /gzhan yang ye shes kyi ngo bo'i gdugs dang/ rgyal mtshan dang/ tog dang/ ba dan dang/ de dag la sogs pa bye brag sna tshogs kyi kha dog rang la/
- 274b
dbyibs dang ldan pa sprin bzhin du spro bar bya ba yin no/ /mdor bsdu ba de ltar de bzhin gshegs pa thams cad kyi ye shes kyi mchod pas mchog gi ngo bo yin no/ /de ltar mchod pa phun sum tshogs pa thams cad spros nas slob dpon la mngon par mchod par smos so/ /de ltar slob dpon la dus gsum du de bzhin gshegs pa thams cad kyi mchod pas mngon par mchod de'i don du gsungs so/ /nyid kyi sangs rgyas kyi zhing der slar yang 'gro zhing/ gsung rdo rje'i yi ge yang 'di skad ces brjod do/ /bdag cag de bzhin gshegs pa thams cad kyi pha yin no/ /bdag cag de bzhin gshegs pa thams cad kyi ma yin no/ /bdag cag de bzhin gshegs pa thams cad kyi ston pa yin no/ zhes pa ni/ mdun du smos pa'i tshul du mchod pa'i ngo bo phun sum tshogs pa byas pa'i 'og tu/ mchod pa byed mkhan gyi sangs rgyas dang byang chub sems dpa' thams cad dus mnyam par slar nyid nyid kyi sangs rgyas kyi zhing khams kyi gnas su 'gro bas 'gro zhing 'di skad du ming btags pa 'og nas 'byung ba'i slob dpon gyi yon tan gyi bstod pa'i ngo bo/ yi ge'i gsung rdo rje'i lam gyi sgo nas brjod par smos so/ /de'i don bstan par bya ste/ de bzhin gshegs pa thams cad kyi phar ming btags pa don dam pa ye shes lnga dang gnyis su med pa'i ye shes chen po ni ma skyes pa/ nam mkha' lta bu stong pa'i ngo bo chos kyi sku yin no/ /de las de bzhin gshegs pa thams cad skyes so/ /de dang gnyis su med pa'i ngo bo slob dpon gyi thugs so/ /don des bdag cag de bzhin gshegs pa thams cad kyi pha'i ngo bor slob dpon smos so/ /gzhan yang de bzhin gshegs pa thams cad kyi mar ming btags pa don dam pa chos kyi dbyings kyi dbang phyug ma de ni/ mdun du smos pa'i tshul du ye shes chen po dang
- 275a
gnyis su med pa chos kyi sku yin no/ /de dang gnyis su med par ldan pa bzhugs pa'i gnas su smos so/ /gnas de nas de bzhin gshegs pa thams cad skyes pa yin no/ /de dang gnyis su med pa'i ngo bor dus 'dir slob dpon gyi shes rab pa'o/ /gzhan yang dge ba'i bshes gnyen kha cig gis 'chad pa thugs rje chen po'i ngo bo la ma yin no zhes pa'o/ /don des de bzhin gshegs pa thams cad kyi mthong ngo bor slob dpon smos so/ /gzhan yang de bzhin gshegs pa thams cad kyi ston par mtshan btags pa mdun du smos pa'i don dam pa pha dang ma gnyis su med pa'i ngo bo de nyid las ci ltar smos pa'i rgyud 'di la dang po ston pa rdo rje mi bskyod pa'i sku phyag rgya byung ba dang/ gzhan yang ston pa rdo rje mi bskyod pa ye shes dang gsang ba'i byin gyi brlabs pa'i thabs kyis ston pa byang chub sems rdo rje'i sku phyag rgya'i ngo bo skyed pa'o/ /de ni brjod du yod pa dang brjod du med pa'i sangs rgyas dang byang chub sems dpa' 'khor gyi ngo bo thams cad don dam par gnyis su med pa'i ngo bor smos so/ /de ltar ston pa byang chub sems rdo rje de dang gnyis su med pa'i ngo bo slob dpon gyi gzugs kyi phung po'o/ /don des slob dpon de bzhin gshegs pa thams cad kyi ston pa'i ngo bor smos so/ /mdor bsdu ba de ltar nyid kyi sangs rgyas kyi zhing der slar yang 'gro zhing/ /gsung rdo rje'i yi ge yang 'di skad brjod do/ /bdag cag de bzhin gshegs pa thams cad kyi pha'o/ /bdag cag de bzhin gshegs pa thams cad kyi ma'o/ / bdag cag de bzhin gshegs pa thams cad kyi ston pa'o'i don du gsungs so/ /'di lta ste/ dper na rigs kyi bu sangs rgyas bcom ldan 'das phyogs bcu na ci steng cig bzhugs pa dang/ sangs rgyas bcom ldan 'das de dag gi sku dang gsung dang /
- 275b
thugs kyi bsod nams kyi phung po/ bsod nams kyi phung po bas kyang slob dpon gyi ba spu'i bu ga 'phags so/ /zhes pa ni/ rigs kyi bur ming btags pa ci ltar smos pa'i 'dri ba po 'khor gyi ngo bo'i byang chub sems dpa' thams cad yin no/ /da dag la mdun du smos pa'i yon tan gyi ngo bo dang/ gzhan yang slob dpon de'i yon tan gyi ngo bo'i don gyi khyad par bshad pa yin no/ /mdun du smos pa'i tshul gyi phyogs bcu'i 'jig rten gyi khams thams cad kyi zhing khams kyi sangs rgyas bcom ldan 'das ci snyed cig bzhugs par smos pa de dag go /bcom ldan 'das grangs med pa'i sku dang gsung dang thugs gnyis su med pa'i ngo bo'i bsod nams kyi phung po de dag thams cad gcig tu bsdus pa'i ngo bo yin no/ /bstan par bya ste mdun du smos pa'i tshul gyi sku dang/ gsung dang/ thugs gnyis su med pa'i bsod nams kyi phung po de ni/ sangs rgyas bcom ldan 'das thams cad gcig tu 'dus par smos pa de bzhin thams cad gcig tu 'dus pa'i bsod nams kyi phung po'i ngo bo de bas/ slob dpon gyi sku'i ba spu'i bu ga'i gnas gcig khyad par du 'phags par ming btags pa mnyam pa zhes kyang khyad par du 'phags pa yin no/ /de ltar 'di lta ste/ dper na rigs kyi bu sangs rgyas bcom ldan 'das phyogs bcu na ci snyed cig bzhugs pa dang/ sangs rgyas bcom ldan das de dag gi sku dang gsung dang thugs kyi bsod nams kyi phung po/ bsod nams kyi phung po bas kyang slob dpon gyi ba spu'i bu ga gcig 'phags pa'i don du gsungs so/ /de ci'i phyir zhe na/ rigs kyi bu byang chub sems dpa' de ni sangs rgyas thams cad kyi ye shes kyi snying por 'gyur ba'o/ /skye ba'i gnas su gyur pa'o/ /thams cad mkhyen pa'i ye shes kyi ngo bo yin pa'i bar du'o/ zhes
- 276a
pa ni/ rigs kyi bur ming btags pa'i ltar smos pa'i tshul gyi ngo bo 'khor gyi byang chub sems dpa' sems dpa' chen po 'dri ba po thams cad yin no/ /de dag la ci'i phyir zhes pa'i tshig gis bstan pa/ don dam pa byang chub sems kyi ngo bo'i yon tan dang/ ci ltar smos pa'i tshul gyi slob dpon dang gnyis su med par smos so/ /gzhan yang yon tan ngo bo dang ldan pa de gsal bar bstan par bya ste/ don dam pa byang chub sems de ni stan pa phyag na rdo rje nyid la sogs pa rigs lnga'i bye brag gi sangs rgyas smos pa de dag thams cad kyi ye shes dang gnyis su med pa'i ye shes kyi ngo bo byang chub sems yin no/ /de dang gnyis su med pa'i ngo bor slob dpon gyi thugs smos so/ /snying po ni de nyid kyi le'u dang po las dang po de bzhin gshegs pa thams cad kyi sku dang gsung dang thugs rdo rje'i snying por smos so skye ba'i gnas su gyur pa'o/ /thams cad mkhyen pa'i ye shes kyi ngo bo yin pa'i bar du'o/ /ming btags pa dus 'dod thams cad mkhyen pa'i ni/ ston pa byang chub sems rdo rje yin no/ /mdun du smos pa'i snying po'i ngo bo de ni gsang ba'i ye shes kyi sku phyag rgya bskyed pa'i rgyu'i ngo bo yin no/ /de ltar mdun du smos pa'i yon tan gyi ngo bo dang ldan pa byang chub sems ci ltar de bzhin du rgyud gsang ba 'dus pa'i dkyil 'khor 'dir dbang bskur ba'i 'og tu slob dpon de'i thugs dang/ byang chub sems gnyis su med par ldan par 'gyur ro/ /de'i 'og tu ci ltar ston pa byang chub sems rdo rje de bzhin gshegs pa thams cad kyi bdag po yin pa de bzhin du/ de dang mnyam pa'i ngo bor slob dpon blta bar bya bar smos so/ /mdor bsdu ba de ltar/ de ci'i phyir zhe na/ rigs kyi bu byang chub sems de ni sangs rgyas thams cad kyi ye shes kyi
- 276b
snying por gyur pa'o/ /skye ba'i gnas su gyur pa'o/ /thams cad mkhyen pa'i ye shes kyi ngo bo yin pa'i bar du gsungs so/ /da ni gzhan yang mdun du smos pa'i tshul gyis slob dpon gyi yon tan gyi ngo bo'i don rnam par snang mdzad la sogs pa'i 'khor gyi ngo bo'i de bzhin gshegs pa thams cad kyis bshad pa de thos ma thag tu 'khor gyi ngo bo'i byang chub sems dpa' sems dpa' chen po'i byams pa la sogs pa dris pa po thams cad/ ci ltar gyur pa de'i don bstan par bya ste/ de nas de'i skabs su byang chub sems dpa' sems dpa' chen po byams pa la sogs pa sems 'jigs shing skrag nas ci yang mi smra bar gyur to/ zhes bya ba ni/ de nas de'i skabs su/ mdun du smos pa'i tshul gyis de bzhin gshegs pa thams cad kyis/ slob dpon gyi yon tan gyi ngo bo'i don bshad pa de'i skabs su de ma thag tu/ byang chub sems dpa' sems dpa' chen po byams pa la sogs pa byang chub sems dpa' de dag thams cad ni/ dus mnyam par 'og nas 'byung ba'i tshul du ji ltar gyur pa de'i don mtshen par bstan to/ /de ltar de nas de'i skabs su'i don du gsungs so/ /byams pa la sogs pa byang chub sems dpa' sems dpa' chen po zhes pa ni/ de'i don mdun du bshad pas bde ste 'dir bshad mi dgos so/ /sems 'jigs shing skrag nas cad mi smra bar gyur to zhes pa ni/ ci ltar smos pa'i tshul gyi ston pa de bzhin gshegs pa thams cad kyi sku dang gsung dang thugs rdo rje'i bdag po byang chub sems dpa' rdo rje yin no/ /gzhan yang ci ltar smos pa'i yon tan gyi ngo bo dam pa byang chub sems dang de gnyis su mnyam pa 'am/ 'dra ba sems can gyi rigs kyi lus su skyes pa/ sha dang rus pa dang/ khrag dang pags pa dang/ mi gtsang bas gang ba'i
- 277a
snod kyi ngo bo'o/ /gzhan yang 'dod chags dang/ zhe sdang la sogs pa nyon mongs pa thams cad skye ba dang/ gnas pa'i tshul can gyi slob dpon de yin no/ /de'i mdun du smos pa'i yon tan gyi ngo bo'i don thams cad thos ma thag tu/ byang chub sems dpa' sems dpa' chen po byams pa la sogs pa byang chub sems dpa' thams cad sems shin tu 'jigs shing skrag nas cang mi gsung bar 'gyur bar ming btags pa dbang po thams cad mog mog po'i ngo bo dang mos par 'gyur ba yin no/ /tshul de ltar ma 'ongs pa'i sems can slob dpon la dang pa shin tu bskyed pa'i phyir smos so/ /de ltar sems 'jigs shing skrag nas cang mi smra bar gyur to'i don du gsungs so/ /da ni gzhan yang mdun du smos pa'i byang chub sems dpa' sems dpa' chen po byams pa la sogs pa 'khor gyi ngo bo'i byang chub sems dpa' de dag thams cad kyis/ ji ltar smos pa'i don thos nas sems rtog pa skyes te/ 'jigs shing skrag nas cang mi smra bar mos par gyur pa de bsal bar bya ba'i phyir de bzhin gshegs pa'i mi bskyod pa nyid la sogs pa'i rigs lnga'i bye brag gi de bzhin gshegs pa 'og nas 'byung ba'i tshul gyi ting nge 'dzin mdzad pa dang/ gzhan yang mdun du smos pa'i slob dpon gyi yon tan gyi khyad par gyi ngo bo'i don bstan par bya ste/ de nas de'i skabs su/ mi bskyod pa de bzhin gshegs pa dang/ rin chen tog de bzhin gshegs pa dang/ tshe dpag tu med pa de bzhin gshegs pa dang/ gdon mi za bar grub pa de bzhin gshegs pa dang/ rnam par snang mdzad de bzhin gshegs pa rnams/ rdo rje 'dzin thams cad kyi dngos grub kyi dam tshig la dmigs pa rdo rje zhes
- 277b
bya ba'i ting nge 'dzin la snyoms par zhugs nas/ byang chub sems dpa' de rnams la bos te bka' stsal pa zhes bya ba'i sgra bshad par bya ste/ ji ltar yin na/ de nas de'i skabs su mdun du smos par byang chub sems dpa' thams cad gyur ba de mi thag tu/ de'i skabs su byams pa chen po'i thugs bskyed nas/ 'khor gyi ngo bo rdo rje mi bskyod pa la sogs pa de bzhin gshegs pa grangs med pa'i rigs lnga'i bye brag gi sku'i phyag rgya de dag ni/ 'og nas 'byung ba'i tshul du/ dus mnyam par ting nge 'dzin mdzad pa de'i don mtshon par bstan to/ /de ltar de nas de'i skabs su'i don du gsungs so/ /mi bskyod pa de bzhin gshegs pa dang/ rin chen tog de bzhin gshegs pa dang/ tshe dpag tu med pa de bzhin gshegs pa dang/ gdon mi za bar grub pa de bzhin gshegs pa dang/ rnam par snang mdzad de bzhin gshegs pa'i sgra'i don bde ste/ bshad mi dgos so/ /rdo rje 'dzin thams cad kyi dngos grub kyi dam tshig la dmigs pa zhes pa/ rdo rje zhes pa ni/ mdun du smos pa mi bskyod pa la sogs pa'i rigs lnga'i bye brag gi de bzhin gshegs pa de bzhin gshegs de dag dus mnyam par/ rdo rje 'dzin du ming btags pa ston pa phyag na rdo rje nyid yin no/ /de'i dngos grub thams cad kyi ngo bo me long lta bu'i ye shes la sogs pa ye shes lnga dang gnyis su med par bstan to/ /dam tshig la dmigs par ming btags pa rigs lnga'i bye brag gi de bzhin gshegs pa rnams kyis dang po ni nyid nyid kyi shes rab ma ye shes kyi lha mo 'dod chags chen po'i thugs dgyes pas gnyis su med par 'khyud pa'i sbyor bas thabs dang shes rab rol pa mdzad pa yin no/ /de mdzad pas bde bar gyur pa'i dus su rdo rje lam gyi sgo nas nyid nyid kyi shes rab ma ye shes kyi lha mo'i b+ha ga'i dbus
- 278a
nas su byang chub sems 'od du zhu'o/ /de zla ba'i dkyil 'khor gyi ngo bor gyur par mdzad pa'o/ /de ltar byang chub sems de zla ba'i dkyil 'khor de ni mdun du smos pa'i ston pa phyag na rdo rje 'dzin gyi dngos grub thams cad du ming btags pa me long lta bu'i ye shes la sogs pa ye shes lnga dang gnyis su med pa'i ngo bo yin no/ /de lta bu pa'i ngo bo byang chub sems zla ba'i dkyil 'khor de ni mdun du smos pa'i tshul du bskyed ma thag tu/ dmigs par ming btags pa thugs rtse gcig pas 'dzin pa yin no/ /de'i don gsal bar bstan par bya ste/ de bzhin gshegs pa'i mi bskyod pa la sogs pa rigs lnga'i bye brag gi de bzhin gshegs pa nyid nyid kyis/ gsang ba'i thugs kar ji ltar smos pa'i byang chub sems zla ba'i dkyil 'khor gyi gnas nas/ ye shes lnga'i ngo bo'i 'od zer de ni/ nyid nyid kyi rigs kyi bye brag gis kha dog dang ldan pa grangs med pa sprin bzhin du spro bar mdzad do/ /de spros ma thag tu mdun du smos pa'i byang chub sems dpa' sems dpa' chen po byams pa la sogs pa byang chub sems dpa' de dag thams cad kyis ci ltar smos pa'i don thos nas/ sems rnam par rtog pa skye ste/ 'jigs shing skrag nas/ cang mi gsung bar gyur par ming btags pa mos par gyur pa de dag thams cad kyi sku'i gnas su thim par gyur pa'i tshul gyis/ byin gyis brlabs pa yin no/ /de byin gyis brlabs pas mdun du smos pa sems rnam par rtog pas 'jigs pa dang skrag pa dang/ ci yang mi gsung par mos par gyur pa dang/ tshul de ltar skyon thams cad bsal to/ /de ma thag tu dang po thams cad stobs dang rgyas par gyur pa yin no/ /rdo rjer ming btags pa ni dus 'dir ye shes lnga'i ngo bo'i
- 278b
'od zer spro bar bstan to/ /mdor bsdu ba de ltar rdo rje 'dzin pa thams cad kyi dngos grub kyi dam tshig la dmigs pa'i rdo rje'i don du gsungs so/ /zhes bya ba'i ting nge 'dzin la snyoms par zhugs pa ni de'i don bde ste bshad mi dgos so/ /byang chub sems dpa' de rnams la bos te bka' stsal ba zhes pa ni/ mdun du smos pa'i cho ga'i tshul du ting nge 'dzin mdzad ma thag tu mi bskyod pa de bzhin gshegs pa la sogs pa/ de bzhin gshegs pa thams cad kyis dus gcig du mgrin gcig gis/ byang chub sems dpa' sems dpa' chen po byams pa la sogs pa byang chub sems dpa' thams cad la/ slob dpon gyi yon tan gyi ngo bo'i khyad par gyi don bshad par mdzad pa'i phyir bos par smos so/ /de ltar byang chub sems dpa' de rnams la bos te bka' stsal pa'i don du gsungs so/ /da ni gzhan yang de bzhin gshegs pa thams cad kyis/ byang chub sems dpa' thams cad la bos te/ de'i 'og tu ci ltar bshad pa de'i don bstan par bya ste/ byang chub sems dpa' khyed nyon cig /gang phyogs bcu sangs rgyas bcom ldan 'das dus gsum gyi rdo rje'i ye shes las byung ba de rnams kyang/ gsang ba 'dus pa'i slob dpon dang phrad na/ mchod pa byed cing phyag 'tshal lo/ /de ci'i phyir zhe na/ de nyid ston pa bcom ldan 'das rdo rje 'dzin pa chen po yin no/ /sangs rgyas thams cad kyi ye shes kyi bdag po yin pa'i phyir ro/ /zhes bya ba'i sgra bshad par bya ste/ ji ltar yin na/ byang chub sems dpa' khyed thams cad nyon cig ni/ de'i don bde ste 'dir bshad mi dgos so/ /gang phyogs bcu'i sangs rgyas bcom ldan 'das dus gsum gyi rdo rje'i ye shes las byung ba zhes pa ni/ mdun du smos pa'i tshul gyi phyogs bcu'i 'jig rten gyi khams thams cad kyi/ nyid nyid
- 279a
kyi sangs rgyas kyi zhing khams na gnas pa'i sangs rgyas bcom ldan 'das/ de dag thams cad legs pa'i yon tan dang ldan pa'o/ /gzhan yang 'chi bdag gi bdud la sogs pa bdud bzhi'i dpung bcom par mdzad nas gnas pa yin no/ /de'i don des phyogs bcu'i 'jig rten gyi khams thams cad na/ sangs rgyas kyi zhing khams na gnas pa'i sangs rgyas thams cad ni/ bcom ldan 'das su mtshan btags pa bstan to/ /bstan par bya ste/ mdun du smos pa'i sangs rgyas de dag thams cad ni/ gdod ma'i dus nas dus thams cad du ston pa'i bdag por rdzogs pa'i sangs rgyas su smos so/ /de dag ni dus gsum du ming btags pa tshul so sor dus 'dir bstan to/ /rdo rje ni sku dang gsung dang thugs rdo rje gsum dang gnyis su med pa'i ngo bo ye shes las byung bar ming btags pa phyogs bcu'i 'jig rten gyi khams kyi zhing khams la gnas par grub par gyur par smos so/ /mdor bsdus pa de ltar gang phyogs bcu'i sangs rgyas bcom ldan 'das dus gsum gyi rdo rje ye shes las byung ba'i don du gsungs so/ /de rnams kyang gsang ba 'dus pa'i slob dpon dang phrad na/ mchod pa byed cing phyag 'tshal lo/ /zhes pa ni/ dus gsum gyi tshul du bstan pa'i bdag po sangs rgyas thams cad dang/ gzhan yang de dag gi sku dang gsung dang thugs rdo rje gsum gyi ye shes las byung ba/ phyogs bcu'i 'jig rten gyi khams thams cad kyi sangs rgyas kyi zhing khams na gnas pa ma lus pa mdun du smos pa'i tshul du dus mnyam par gsang ba 'dus pa'i dkyil 'khor du dbang bskur ba'i slob dpon gyi drung du byon nas/ ji ltar smos pa'i mchod pa'i ngo bos mchod pa dang/ phyag 'tshal bar byed bar smos so//
- 279b
de ltar de rnams kyang gsang ba 'dus pa'i slob dpon dang phrad na mchod cing phyag 'tshal lo'i don du gsungs/ de ci'i phyir zhe na/ de nyid ston pa bcom ldan 'das rdo rje 'dzin pa yin sangs rgyas thams cad kyi ye shes kyi bdag yin pa'i phyir ro/ /zhes pa ni/ ji ltar smos pa'i tshul du sangs rgyas thams cad kyis slob dpon la mchod pa dang/ phyag 'tshal bar byed par smos pa de ci'i phyir zhe na/ bstan par bya ste/ ji ltar rgyud 'di 'chang par mdzad mkhan bcom ldan 'das rdo rje 'dzin pa chen po sangs rgyas thams cad kyi ye shes kyi bdag po'o/ /de bzhin du de dang 'dra ba 'am mnyam pa slob dpon yin no/ /bstan par bya ste/ slob dpon gyis rim par theg pa chen po gsang sngags kyi rgyud rnams bstan par mdzad pas/ sangs rgyas kyi bstan pa rgyas par mdzad do/ /mi nub par mdzad do/ /de ci'i phyir slob dpon ston pa bcom ldan 'das rdo rje 'dzin chen po'o/ /sangs rgyas thams cad kyi ye shes kyi bdag po dang 'dra ba 'am mnyam par smos so/ /mdor bsdu ba de ltar de ci'i phyir zhe na/ de nyid ston ba bcom ldan 'das rdo rje 'dzin pa yin/ sangs rgyas thams cad kyi ye shes kyi bdag po yin pa'i phyir ro'i don du gsungs so/ /da ni gzhan yang mdun du smos pa'i tshul du/ slob dpon gyi mtshan gyi khyad par yon tan gyi ngo bo'i don thos ma thag du byang chub sems dpa' sems dpa' chen po de dag thams cad sems dga' ba skyes nas/ 'og nas 'byung ba'i don gyi phyir dang/ gzhan yang mdun du smos pa'i de bzhin gshegs pa thams cad la the tshom gcad par gsol ba btab pa de'i don bstan par bya ste/ de nas byang chub sems dpa' sems dpa' chen po de dag thams cad kyis/ de bzhin gshegs pa de dag thams cad la 'di skad ces gsol to/ /bcom ldan 'das de bzhin gshegs pa thams cad kyi sku dang
- 280a
gsung dang thugs kyi dngos grub ci la gnas/ zhes bya ba'i sgra bshad par bya ste/ ji ltar yin nam mdun du smos pa'i slob dpon gyi bstod pa'i mtshan gyi ngo bo'i khyad par gyi don bshad pa de rdzogs ma thag tu/ de'i skabs kyi dus su 'og nas 'byung ba'i don gyi phyir/ byang chub sems dpa' sems dpa' chen po thams cad kyis the tshom bcad pa'i phyir/ gsol ba btab pa de mtshon par bstan to/ /de ltar de nas kyi don du gsungs so/ /byang chub sems dpa' sems dpa' chen po de dag thams cad kyis/ de bzhin gshegs pa de dag thams cad la 'di skad ces gsol to/ zhes pa ni/ ji ltar smos pa'i tshul gyi rnam par snang mdzad la sogs pa de bzhin gshegs pa thams cad la 'di skad ces gsol to/ /ming btags pa 'og nas 'byung ba'i tshig gi don dris pa mtshon par smos so/ /de ltar byang chub sems dpa' sems dpa' chen po de dag thams cad kyis/ de bzhin gshegs pa thams cad la 'di skad ces gsol to/ /bcom ldan 'das de bzhin gshegs pa thams cad kyi sku dang gsung dang thugs kyi dngos grub ci la gnas zhes pa ni don dam pa de bzhin gshegs pa thams cad kyi sku dang gsung dang thugs gnyis su med pa'i ngo bo bla na med pa'i dngos grub yin no/ /bcom ldan 'das ni/ ji ltar smos pa yon tan gyi bstod pa'i ngo bo'i tshig brjod cing rnam par snang mdzad la sogs pa 'khor gyi ngo bo de bzhin gshegs pa thams cad la/ byang chub sems dpa' thams cad kyis the tshom dris pa/ de ji ltar yin na mdun du smos pa'i bla na med pa'i dngos grub ci la gnas pa gsol ba btab par smos so/ /de ltar bcom ldan 'das de bzhin gshegs pa thams cad kyi sku dang gsung dang thugs kyi dngos grub ci la
- 280b
gnas kyi don du gsungs so/ /da ni gzhan yang mdun du smos pa'i don gyi phyir/ byang chub sems dpa' sems dpa' chen po de dag thams cad kyis gsol ba btab pa'i don de/ de bzhin gshegs pa thams cad kyis 'chad par mdzad pa de bstan par bya ste/ de bzhin gshegs pa thams cad kyis bka' stsal pa/ gsang ba gsum gyi sku dang gsung dang thugs ni/ rdo rje slob dpon gyi lus dang ngag dang sems la gnas so/ /zhes pa ni/ de bzhin gshegs pa thams cad kyis the tshom dris pa de ci ltar yin na mdun du smos pa'i bla na med pa'i dngos grub ci la gnas pa gsol ba btab par smos so/ /bka' stsal pa ni/ mdun du smos pa'i tshul du byang chub sems dpa' sems dpa' chen po de thams cad kyis the tshom bcad pa'i tshig de gsan ma thag tu/ rnam par snang mdzad la sogs pa de bzhin gshegs pa thams cad kyis 'og nas 'byung ba'i tshig gi don gyi ngo bo de bka' stsal par ming btags pa bshad par brtsams pa de mtshon par bstan to/ /de ltar de bzhin gshegs pa thams cad kyis bka' stsal pa'i don du gsungs so/ /gsang ba gsum gyi sku dang gsung dang thugs rdo rje slob dpon zhes pa ni/ mdun du smos pa'i slob dpon gyi yon tan gyi ngo bo yin no/ /de ni don dam pa'i tshul gyi dkyil 'khor sku dang gsung dang thugs gsang ba gsum gyi ngo bo'o/ /don gzhan yang de bzhin gshegs pa thams cad kyi sku rdo rje dang/ gsung rdo rje dang/ thugs rdo rje'o/ /de ltar gnyis su med pa bla na med pa'i dngos grub thams cad ye shes chen po'i ngo bo yin no/ /de ni phyi'i nyan thos dang rang sangs rgyas dang/ gzhan yang 'jig rten gyi lha rnams te/ brgya byin dang/ tshangs pa dang/ khyab 'jug dang/ dbang phyug chen po dang/ de dag la sogs pa thams cad kyis mi mthong mi shes so//
- 281a
don de sku dang gsung dang thugs gsang ba gsum smos so/ /gzhan yang dkyil 'khor gyi tshul de bzhin gshegs pa thams cad kyi thugs rdo rje'i dkyil 'khor dang/ de bzhin gshegs pa thams cad kyi gsung rdo rje'i dkyil 'khor dang/ de bzhin gshegs pa thams cad kyi sku rdo rje'i dkyil 'khor dang de ltar dkyil 'khor gsum ni slob ma dbang bskur ba'i phyir bri ba dang/ byin gyis brlab par bya ba'i dus su slob ma las ma togs pa sems can gzhan yang rung ba la mi bstan no/ /don des sku dang gsung dang thugs kyi dkyil 'khor gsum gsang bar smos so/ /bstan par bya ste/ mdun du smos pa'i tshul gyi don dam pa'i tshul gyi dkyil 'khor gsum gyi rim pa sku dang gsung dang thugs rdo rje gsum gsang ba'i ngo bo yin no/ /de ni ston pa rdo rje 'dzin nyid de bzhin gshegs pa thams cad kyi ye shes kyi bdag po'o/ /de dang gnyis su med pa'i ngo bor mdun du smos pa'i don gyis rdo rje slob dpon bstan to/ /mdor bsdu ba de ltar rdo rje gsang ba gsum gyi sku dang gsung dang thugs ni rdo rje slob dpon gyi don du gsungs so/ /lus dang ngag dang sems la gnas so/ /zhes pa ni/ mdun du smos pa'i yon tan dang ldan pa'i ngo bo'i rdo rje slob dpon yin no// de ni bye brag gnyis te/ ma grub kyi bar dang/ gzhan yang grub par bya ba'i dus gzung ba nas/ de'i 'og dus lus dang ngag dang sems gsum las sku dang gsung dang thugs rdo rje gsum dang gnyis su med pa'i ngo bo'i dngos grub gnas pa yin no/ /de'i don gsal bar bstan par bya ste/ rgyud 'di'i rim pa ma nor bar/ slob dpon gyis dkyil 'khor du dbang nos pa'i dus de nas bzung nas ma grub kyi bar du don dam pa rdo rje 'dzin de bzhin gshegs pa thams cad kyi bdag po de'i sku
- 281b
dang gsung dang thugs rdo rje gsum dang gnyis su med pa'i ngo bo'i sku phyag rgya de dang gnyis su med pa'i nga rgyal gyi tshul du bsgom pa gnas pa yin no/ /gzhan yang mdun du smos pa'i slob dpon gyis sku dang gsung dang thugs rdo rje gsum dang gnyis su med pa'i ngo bo stan pa rdo rje 'dzin de bzhin gshegs pa thams cad kyi bdag po sku phyag rgya gnyis su med par bsgom par byas pas 'grub par 'gyur ba yin no/ /de'i 'og tu de bzhin gshegs pa thams cad kyi ye shes thams cad kyi dngos grub bla na med pa'i 'bras bu de ni sku dang gsung dang thugs rdo rje gsum dang/ gnyis su med par gnas par smos so/ /de ltar bye brag gnyis kyi rdo rje slob dpon gyi lus dang ngag dang yid kyi ngo bo gnyis su med par gnas par smos so/ / mdor bsdus pa de ltar lus dang ngag dang yid gsum la gnas so'i don du gsungs so/ /da ni gzhan yang byang chub sems dpa' sems dpa' chen po thams cad kyis mdun du bstan pa'i don nges par bya ba'i phyir gsol ba btab pa de bstan par bya ste/ byang chub sems dpa' rnams kyis gsol ba lus dang ngag dang sems gang la gnas zhes bya ba ni/ tshig 'di ni mdun du smos pa'i sku dang gsung dang thugs rdo rje gsum gyi gnas kyi ngo bo nges par bya ba'i phyir smos so// don gzhan ni bde ste bshad mi dgos so/ /da ni gzhan yang byang chub sems dpa' thams cad kyis ci ltar smos pa'i don du gsol ba btab pa'i de byang chub sems dpa' thams cad kyis thos ma thag tu sku dang gsung dang thugs rdo rje gsum gyi gnas kyi ngo bo nges par bshad pa de'i don bstan par bya ste/ gang la mi gnas so/ zhes bya ba'i don bstan par bya ste/ mdun du smos pa'i tshul du don dam pa de bzhin gshegs pa thams cad kyi sku dang gsung dang thugs rdo rje gsum de ni
- 282a
mdun du smos pa'i nam mkha' i dbyings dang gnyis su med pa khyab nas gnas pa yin no/ /nam mkha' i dbyings de ni ngo bo med pa stong pa de'i phyir phyogs gcig dang/ rdzas gcig dang 'jig rten gyi khams gcig dang de dag la sogs pa gang la yang mi gnas pa yin no/ /gzhan yang nam mkha' i dbyings stong pa'i ngo bo'i tshul gyis kun la khyab nas gnas par smos so/ /de ltar gang la yang mi gnas kyi don du gsungs so/ /de nas byang chub sems dpa' de rnams ngo mtshar du gyur/ rmad du gyur nas cang mi smra bar 'khod do/ /zhes bya ba ni/ de nas ni mdun du smos pa'i rdo rje slob dpon sku dang gsung dang thugs rdo rje gsum dang gnyis su med par gnas pa'i don/ byang chub sems dpa' byams pa la sogs pa byang chub sems dpa' thams cad kyis gsol ba btab pa/ de gsan ma thag tu/ 'og nas 'byung ba'i tshig gi tshul gyis gnas par gyur pa'i ngo bo mtshon par bstan to/ /de ltar de nas kyi don du gsungs so/ /byang chub sems dpa' de ngo mtshar du gyur rmad du gyur zhes pa ni/ byang chub sems dpa' byams pa la sogs pa byang chub sems dpa' thams cad kyis ji ltar smos pa'i tshul du nyid nyid kyis gsol ba btab pa'i don de thos nas/ sems ngo mtshar du gyur par ming btags pa'i dga' bar gyur pa yin no/ /gzhan yang dus 'dir rmad du gyur par ming btags pa sems bde pa'i ngo bo thob pa yin no/ /mdor sdu ba de ltar byang chub sems dpa' de rnams ngo mtshar du gyur/ rmad du gyur pa'i don du gsungs so/ /cang mi smra bar 'khod do zhes pa ni/ mdun du smos pa'i tshul du byang chub sems dpa' thams cad ngo mtshar du gyur ma thag tu/ ci yang mi gsung bar ming btags pa dus 'dir mdun du smos pa'i don dam pa de
- 282b
bzhin gshegs pa thams cad kyi sku dang gsung dang thugs rdo rje gsum gyi don ci ltar thos pa de'i ngo bo'i bsgom pa la dus gcig tu mnyam par gnas par gyur par smos so/ /de ltar cir mi smra bar 'khod de'i don du gsungs so/ /bstan par bya ste/ mdun du smos pa'i tshul du byang chub sems dpa' byams pa la sogs pa 'khor gyi ngo bo'i byang chub sems dpa' thams cad dang/ gzhan yang rnam par snang mdzad la 'khor gyi ngo bo'i de bzhin gshegs pa thams cad kyis/ so sor the tshom dris pa dang/ gsol ba btab pa de ni ston pa phyag na rdo rje nyid kyis byin gyis brlabs nas bskul ba'i tshul du bstan to/ /da ni gzhan yang ston pa nyid kyis ji ltar smos pa'i tshul gyis de bzhin gshegs pa thams cad dang/ byang chub sems dpa' thams cad dang/ mdun du smos pa'i ngo bo gsang ba'i rdo rjer ming btags pa zhes bya ba'i ting nge 'dzin mdzad pa de las bzhengs nas/ 'khor thams cad la zhal 'dzum mdzad de/ ye shes kyi spyan gyis gzigs pa de ma thag tu/ dkyil 'khor chen por ming btags pa nang gi'o/ /bdag dang gzhan la dbang bskur ba'i phyir bskyed nas bsgom pa bya ba'i don bshad par mdzad pa'i phyir bos pa de bstan par bya ste/ de nas bcom ldan 'das phyag na rdo rje de bzhin gshegs pa gsang ba'i rdo rje'i ting nge 'dzin las bzhengs nas/ bcom ldan 'das de bzhin gshegs pa thams cad dang/ byang chub sems dpa' thams cad la bos te bka' stsal pa/ de bzhin gshegs pa thams cad/ byang chub sems dpa' kun 'byung ba rdo je zhes bya ba'i ting nge 'dzin gyi dkyil 'khor chen po nyon cig /ces bya ba ni/ bshad bar bya ste/ ji ltar yin na/ de nas ni mdun du smos pa'i tshul gyi byang chub sems dpa'
- 283a
byams pa la sogs pa 'khor gyi ngo bo'i byang chub sems dpa' thams cad dang/ gzhan yang rnam par snang mdzad la sogs pa 'khor gyi ngo bo'i de bzhin gshegs pa de dag thams cad kyis/ so sor the tshom 'dri ba dang/ gsol ba btab pa de rdzogs ma thag tu/ ston pa phyag na rdo rjes ji ltar smos pa'i ting nge 'dzin mdzad pa de las bzhengs nas 'og nas byung ba'i tshul gyi dkyil 'khor chen po man ngag gi don bshad par brtsams pa de mtshon par bstan to/ /de ltar de nas kyi don du gsungs so/ /bcom ldan 'das zhes pa ni ston pa nyid yin no/ /de'i yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du bshad pas bde ste bshad mi dgos so/ /de ltar bcom ldan 'das kyis don du gsungs so/ /phyag na rdo rje de bzhin gshegs pa gsang ba'i rdo rje 'dzin las bzhengs nas zhes pa de'i don bde ste bshad mi dgos so/ /de bzhin gshegs pa thams cad dang byang chub sems dpa' thams cad la bos te bka' stsal pa zhes pa ni/ ston pa phyag na rdo rjes 'og nas 'byung ba'i tshig brjod pa'i tshul gyis dkyil 'khor chen po'i bsgom par bya ba'i don/ de bzhin gshegs pa thams cad dang/ byang chub sems dpa' thams cad la dus mnyam par bshad pa'i phyir bos par smos so/ /de ltar de bzhin gshegs pa thams cad dang/ byang chub sems dpa' thams cad la bos so/ /bka' stsal pa'i don du gsungs so/ /bcom ldan 'das de bzhin gshegs pa thams cad dang/ byang chub sems dpa' thams cad kyi zhes pa ni/ mdun du smos pa'i 'khor gyi ngo bo de bzhin gshegs pa thams cad/ byang chub sems dpa' thams cad la bos pa de ma
- 283b
thag tu/ ston pa phyag na rdo rjes ji ltar smos pa'i nyid kyi de bzhin gshegs pa thams cad dang/ byang chub sems dpa' thams cad 'byung ba'i rdo rjer ming btags pa nyid nyid kyi ye shes rdo rje'i sngags kyi sa bon yig 'bru las/ sgrub pa pos ting nge 'dzin byas nas dkyil 'khor chen po bskyed de bsgrub par bya bar bstan to/ /de ltar bcom ldan 'das de bzhin gshegs pa thams cad dang/ byang chub sems dpa' khyed thams cad kyi don du gsungs so/ /de bzhin gshegs pa thams cad dang byang chub sems dpa' kun 'byung ba rdo rje bya ba'i ting nge 'dzin gyi dkyil 'khor chen po nyon cig ces pa ni/ de'i don mdun du bshad pas bde ste 'og nas 'byung bas bde ste 'dir bshad mi dgos so/ /da ni gzhan yang de bzhin gshegs pa thams cad dang byang chub sems dpa' thams cad la myur ba myur bar zhes sa'i tshig ston pa phyag na rdo rje'i dkyil 'khor chen po bsgom pa'i don bshad par bya ba'i phyir/ bskul bar byas pa bstan par bya ste/ de nas de'i skabs su de bzhin gshegs pa de dag dang/ byang chub sems dpa' thams cad kyis thal mo sbyar nas/ bcom ldan 'das la 'di skad ces gsol to/ /bcom ldan 'das bstan du gsol bde bar gshegs pa dkyil 'khor chen po de bstan du gsol/ /de nas de'i skabs su ni ston pa phyag na rdo rjes de bzhin gshegs pa de dag dang/ byang chub sems dpa' thams cad la bos pa de'i 'og tu/ dkyil 'khor chen po'i bsgom pa'i don bshad par mtshon pa de ma thag tu de'i skabs su de bzhin gshegs pa thams cad dang/ byang chub sems dpa' thams cad kyis sems can thams cad kyi don ? ba'i phyir/ mdun du smos pa'i tshul gyis ston pa phyag na rdo rje bskul bar brtsams pa de mtshon par bstan to/ /de ltar de nas de'i skabs su'i don gsungs so/ /de bzhin gshegs pa de dag dang/
- 284a
byang chub sems dpa' thams cad zhes pa ni/ de dag dus mnyam du nyid nyid kyi stan las langs? te pus mo g.yas pa sa la btsugs nas/ lag pa gnyis thal mo sbyar nas tshul de ltar lan mang por phyag 'tshal nas ston pa de la yon tan gyi bstod pa'i mtshan bcom ldan 'das zhes pa dang/ gzhan yang ci ltar smos pa'i bde bar gshegs pa zhes de ltar mtshan mnyam du mgrin gcig gis brjod cing dkyil 'khor chen po de bstan du gsol bar tshul de ltar bstan pas bskul bar smos so/ /de ltar de bzhin gshegs pa de dag dag /byang chub sems dpa' thams cad kyi don du gsungs so/ /thal mo sbyar nas bcom ldan 'das la 'di skad ces gsol to/ /bcom ldan 'das bstan du gsol/ bde bar gshegs pa dkyil 'khor chen po de bstan du gsol zhes pa ni/ de'i don mdun du bshad pas bde ste 'dir bshad mi dgos so/ /da ni gzhan yang mdun du smos pa'i de bzhin gshegs pa thams cad dang/ byang chub sems dpa' thams cad kyis ston pa phyag na rdo rje bskul ba de ma thag tu/ dkyil 'khor chen po bshad par mdzad pa de'i don bstan par bya ste/ nam mkha' i dbyings kyi dbus bsam pa/ gru bzhi lham pa rab tu mdzes/ /sangs rgyas dkyil 'khor sbyor ba yis/ / bsam gtan rdo rjes bskul bar bya/ zhes bya ba'i sgra bshad par bya ste/ ji ltar yin na/ nam mkha' i dbyings kyis dbus bsam pa/ gru bzhi lham pa rab tu mdzes ni/ phyi'i gnas skyed mos tshal du bsgom pa bya'o/ /gnas de ni mdun du smos pa'i yon tan dang mdzes pa phun sum tshogs pa'i ngo bo dang ldan pa yin no/ /yang na sgrub pa po yid du 'ong ba'i gnas su bsgom pa bya ba yang mi 'gal lo/ /gnas der sa gzhi mnyam par bya'o/ /de'i 'og tu bshang gci la sogs
- 284b
pa dam rdzas bdud rtsi lnga snod b+han d+ha mtshan thams cad dang ldan pa'i nang du gzhag go /phyi'i ka ta bu ra dang/ gur gum dang/ tsan dan dang/ de dag la sogs pa rdzas dri zhim pa thams cad bskyes nas/ chus? dkrugs par bya'o/ /rdzas de? dkyil 'khor gru bzhi'i tshul gyis ngo bo khru gang gi tshad du bsku bar bya ba yin no/ /de'i 'og tu pad ma dang/ ku mu ta dang/ ud pa la dang/ tsam pa ka la sogs pa'i rdzas dri dang ldan pa'i me tog thams cad dkyil 'khor gyi steng du ? par bya'o/ de ltar byas ma thag tu bsgrub pa pos dkyil 'khor steng gi dbus gnas su mos pa'i dkyil mos 'dug par bya'o/ /de ma thag tu sangs rgyas su ming btags pa sku rdo rje rnam par snang mdzad kyi mdun du smos pa'i cho ga bzhi'i tshul gyis/ sku phyag/ rgyar gyur par bya'o/ /sku phyag rgya de'i cha lugs phun sum tshogs pa thams cad/ ji ltar le'u bzhi pa las/ /thugs kyi dkyil 'khor gyi dus su ji ltar smos pa de bzhin du 'dir bya ba yin no/ /de lta bu'i ngo bo sku rdo rje rnam par snang mdzad kyi sku phyag rgya ma gyur ma thag tu/ de dang gnyis su med pa'i nga rgyal du bsgom pa bya'o/ /de'i dus su phyi'i sku'i rigs kyi bye brag bram ze'i rigs kyi bu mo blang ngo/ /de ni mdun du smos pa'i tshul gyis mtshan dang yon tan phun sum tshogs pa thams cad dang ldan pa'o/ /shes rab ma de ye shes kyi lha mo sangs rgyas can dang gnyis su med pa'i ngo bor byin gyis rlabs par bya ba yin no/ /de'i 'og tu sgrub pa pos 'dod chags chen po'i sems dga' bas shes rab ma dang gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus gnas su 'o ma'i rgyun bzhin du byang chub sems 'od du zhu'o/ /de byang chub
- 285a
sems zla ba'i dkyil 'khor gyi ngo bor gyur par bsam mo/ /de'i steng du sngags sa bon brum bsam mo/ /de'i tshad dang kha dog dang ye shes kyi ngo bo ji ltar le'u brgyad pa las gsungs pa la sogs pa'i de'i bzhin du 'dir brtag go /de gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba'i ngo bo gser gyi kha dog lta bu rgya mtsho dang mnyam par 'gyur bar bsam mo/ /sa bon de las nam mkha' dbyings kyi dbus gnas su/ ming btags pa/ dus 'dir shes rab ma'i b+ha ga'i nam mkha' i ngo bo de ni tshad med par che ba'o/ /de'i dbus gnas su sangs rgyas dkyil 'khor du ming btags pa ye shes kyi gzhal yas khang bskyed par bya ste/ de ni gru bzhi'i ngo bo rab tu mdzes par smos so/ /bstan par bya ste/ ye shes kyi gzhal yas khang de ni dpag tshad 'bum phrag brgya'i grangs kyi tshad dang/ gzhan yang phyogs bzhi'i sgo bzhi'i steng na ye shes bzhi'i rin po che bzhi'i kha dog dang ldan pa mchod rten gyi ngo bo rang bzhin gyis dag pa dri ma med pa yin no/ /rin chen sna bzhi'i mchod rten la/ /'od zer phreng bas rnam par brgyan/ /ye shes rgya mtsho dus gsum gyi/ /gnas de yin par rnam par bsam/ tshig de'i don ci ltar le'u brgyad pa las rgyas par bshad pa/ de bzhin du 'dir bya ba yin no/ /de lta bu'i ngo bo ye shes kyi gzhal yas khang de ni sangs rgyas sku rdo rje rnam par snang mdzad kyi yin no/ /de'i dkyil 'khor du ming btags pa de bzhin gshegs pa thams cad kyi bzhugs pa'i gnas de skyed ma thag tu/ dus 'dir mdun du smos pa'i sangs rgyas spyan dang gnyis su med pa'i ngo bo shes rab ma de ye shes kyi gzhal yas khang la gnyis su med par thim par 'gyur bar bsam mo/ /de'i dus bsgrub pa
- 285b
po ye shes kyi gzhal yas khang gi dbus gnas su 'dug par bsam mo/ /tshul de ltar dkyil 'khor chen po'i ngo bo ye shes gzhal yas khang de'i dbus gnas su bsgrub pa pos sku rdo rje rnam par snang mdzad kyi sgom pa'i sbyor bas gnas so/ gzhan yang bsam gtan rdo rjes bskul bar bya bar ming btags pa bsgrub pa po'i phyi'i rdo rje rigs kyi bye brag khrus mkhan gyi rigs kyi bu mo blang ngo/ de ni mdun du smos pa'i tshul du mtshan dang yon tan thams cad dang ldan pa'o/ /shes rab ma de ye shes kyi lha mo mA ma kI dang gnyis su med pa'i ngo bor byin gyis brlab par bya ba yin no/ /de'i 'og bsgrub pa pos 'dod chags chen po'i sems dpa' bas shes rab ma de dang gnyis su med par 'khyud pa'i sbyor bas thabs dang shes rab rol pa bya'o/ / de byas pas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus gnas su 'o ma'i rgyun bzhin du byang chub sems 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog mthing ga me long lta bu'i ye shes kyi ngo bo gzi brjid kyi phung po bzhin du 'bar zhing 'od du zhu nas/ ye shes kyi khu ba bzhin du gyur to/ /de byang chub sems zla ba'i dkyil 'khor la gnyis su med par thim par gyur par bsam mo/ /sa bon de las rdo rje mi bskyod pa'i sku phyag rgya bskyed par bya'o/ /de'i sku mdog dang/ zhal dang/ phyag dang/ phyag mtshan dang/ rgyan rang nyid kyi shes rab ma ye shes kyi lha mo dang/ gnyis su med par 'khyud pa'i sbyor ba dang ldan pa'o/ /de ltar sku phyag rgya'i cha lugs phun sum tshogs pa thams cad ci ltar le'u bzhi pa las/ thugs kyi dkyil 'khor gyi dus su bya bar smos pa de bzhin du 'dir bya ba yin no/ /rdo rje lta bu'i ngo bo rdo rje sems dpa' i sku phyag rgya
- 286a
bskyed ma thag tu/ bskyed par mdzad mkhan rnam par snang mdzad kyi phyag rgya rdo rje sems dpa' i sku phyag rgya'i ngo bo la gnyis su med par thim par gyur par bsam mo/ /de tshul de ltar rdo rje sems dpa' i sku phyag rgya bskyed par byas ma thag tu/ de dang gnyis su med pa'i nga rgyal du bsgom par bya'o/ /bstan par bya ste/ mdun du smos pa'i dkyil 'khor chen po'i dbus gnas su rdo rjer ming btags pa dpal rdo rje sems dpa' nyid yin no/ /bsam gtan du ming btags pa rdo rje sems dpa' i sgrub pa pos bsam gtan bya ba yin no/ /bskul bar bya bar ming btags pa mdun du smos pa'i bsam gtan rdo rje'i sbyor bas nyid dang pha rol dbang bskur bar bya ba'i phyir rigs lnga'i bye brag gi sangs rgyas thams cad spro bar skul bar bya bar smos so/ /mdor bsdu ba de ltar nam mkha' i dbyings kyi dbus bsam pa gru bzhi lham pa rab tu mdzes kyi don du gsungs so/ /sangs rgyas dkyil 'khor sbyor ba yis/ /bsam gtan rdo rje bskul bar bya zhes pa ni/ de'i don mdun du bshad pas bde ste 'dir bshad mi dgos so/ /da ni gzhan yang mdun du smos pa'i dkyil 'khor chen po sangs rgyas dkyil 'khor du ming btags pa de ni/ rdo rje sems dpa' bdag po'i tshul gyis bsgrub pa pos gnyis su med par bsgom pa bya ba'i dus su dkyil 'khor gyi ngo bor gyur pa de ni/ de'i dus su nyid dang gzhan la dbang bskur ba'i cho ga'i tshul gyi don bstan par bya ste/ rdo rje bsam gtan dkyil 'khor gyis/ /rdo rje can kun gzhug par bya/ / mchod pa'i cho ga de nyid kyis/ /blo dang ldan pas rtag tu bya/ zhes bya ba'i sgra bshad par bya ste/ ci ltar yin na/ rdo rje dkyil 'khor bsam gtan gyis rdo rje can kun gzhug par bya ni/ mdun du smos pa'i sgrub pa pos dpal rdo rje
- 286b
sems dpa' i sbyor bas khrus mkhan gyi bu mo dang gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus gnas su 'o ma'i rgyun bzhin du byang chub sems 'od du zhu'o/ /de ni zla ba'i dkyil 'khor gyi ngo bo gyur par bsam mo/ /de'i 'og tu de'i steng du dpal rdo rje sems dpa' nyid la sogs pa rigs lnga'i bye brag las rdo rje can du ming btags pa de bzhin gshegs pa thams cad yin no// de rnams kyi rim pas sngags kyi sa bon yi ge 'bruM bsam mo/ /de nyid nyid kyi kha dog dang/ ye shes kyi ngo bor brtag go /gzhan yang de rnams ni gzi brjid kyi phung po bzhin du 'bar zhing 'od du zhu nas ye shes kyi khu ba bzhin du gyur to/ / de byang chub sems zla ba'i dkyil 'khor la gnyis su med par thim par gyur par bsam mo/ /sa bon de las rdo rje sems dpa' nyid la sogs pa rigs lnga'i bye brag la rdo rje can du ming btags pa de bzhin gshegs pa thams cad yin no/ / de dag gi sku phyag rgya grangs med pa skyed par bya'o/ /gzhan yang de dag gi sku phyag rgya'i gnas nas byang chub sems dpa' phyag na rdo rje la sogs pa'i rigs gsum gyi bye brag gi byang chub sems dpa' brgyad kyi sku phyag rgya spro bar bya bar smos so/ de dag thams cad kyi sku mdog dang/ zhal dang/ phyag dang/ phyag mtshan dang/ rgyan dang/ nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de ltar sku phyag rgya'i cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi dus su smos pa de bzhin du 'dir bya ba yin no/ /de lta bu'i ngo bo de bzhin gshegs pa thams cad kyi sku phyag rgya de ni/ thams cad sku dang/ gsung dang/ thugs rdo
- 287a
rje gsum dang gnyis su med par ldan pa'i ngo bo'o/ /don des rdo rje can du smos so/ /de dag gi sku phyag rgya grangs med pa'i bskyed par byas ma thag tu spro bar bya ste/ mdun du smos pa'i dkyil 'khor chen por ming btags pa'i ngo bo ye shes kyi gzhal yas khang de'i gnas su gang bar gnas par bsam gtan bya bar smos so/ /mdor bsdu ba de ltar/ rdo rje dkyil 'khor bsam gtan gyis/ /rdo rje can kun gzhug par bya ba'i don du gsungs so/ /mchod pa cho ga bzhin du ni/ blo dang ldan pas rtag du bya zhes pa ni/ mdun du smos pa'i tshul du de bzhin gshegs pa grangs med pa thams cad spros pa'i 'og tu/ slob dpon gyi man ngag sngags dang bsgom pa'i sbyor ba la sogs pa de'i don mi brjed par 'dzin pa ste/ don des sgrub pa pos blo dang ldan par smos so/ /des ci ltar smos pa'i tshul gyis mchod pa'i bye brag gnyis bya ba yin no/ /gsal bar bstan par bya ste/ dang po ni ci ltar smos pa'i khrus mkhan gyi bu mo shes rab ma dang gnyis su med par 'khyud pa'i sbyor bas thabs dang shes rab rol pa bya'o/ /de byas par bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus gnas su 'o ma'i rgyun bzhin byang chub sems 'od du zhu nas zla ba'i dkyil 'khor gyi ngo bor gyur par bsam mo/ /de'i 'og du de'i steng du lha mo gzugs rdo rje ma la sogs pa mched pa'i lha mo lnga'i nyid nyid kyi sngags sa bon de yig 'bru rim par bsam mo/ /de ni nyid nyid kyi kha dog dang ye shes kyi kha dog dang ye shes kyi ngo bor brtag go /gzhan yang de rnams kyis 'bar zhing 'od du zhu nas ye shes kyi khu ba bzhin du gyur te/ de byang chub sems zla ba'i dkyil 'khor la gnyis su med par thim par gyur par bsam mo/ /sa bon de las gzugs rdo rje
- 287b
ma la sogs pa mchod pa'i lha mo lnga'i sku phyag rgya grangs med par sprin bzhin du spro bar bya ba yin no/ /gzhan yang de dag thams cad kyi sku phyag rgya'i cha lugs phun sum tshogs pa thams cad/ ci ltar le'u gsum pa'i nang nas smos pa'i de bzhin du 'dir bstan to/ /tshul de lta bu'i ngo bo 'dod pa'i yon tan lnga'i ngo bo mchod pa'i lha mo spros ma thag tu de dag thams cad kyi nyid nyid kyi mchod pa byed pa'i rdzas lag pas 'dzin pa des/ sgrub pa po nyid la sogs pa ye shes kyi gzhal yas khang na de bzhin gshegs pa thams cad kyis gang bar gnas pa de dag thams cad cho ga'i tshul bzhin du mchod pa'i byed par bsam mo bstan par bya ste/ dang po thabs dang shes rab rol pa byas pa de ni gsang ba'i mchod par smos so/ /de'i 'og tu ci ltar smos pa'i cho ga'i tshul gyi 'dod pa'i yon tan lnga'i ngo bo'i mchod pa chen po bya bar smos so/ /tshul de ltar bye brag gnyis kyis mchod pa'i don du bstan to/ /de ltar mchod pa'i cho ga de nyid kyis/ /blo dang ldan pas rtag tu bya ba'i don du gsungs so/ /da ni gzhan yang dbang bskur ba'i bsgom pa bya ba'i don bstan par bya ste/ slob dpon snying gar bsgoms nas ni/ /dbang bskur ba ni brtsam par bya/ /sangs rgyas kun gyi nam mkha' i khams/ /yongs su gang bar rnam par bsgom/ /zhes bya ba'i sgra bshad par bya ste/ ji ltar yin na/ slob dpon snying gar bsgoms nas ni/ /dbang bskur ba ni bsgom par bya ba'i thabs kyis dbang bskur bar bya'o/ /de'i dus su nyid kyi rdo rje slob dpon mdun du gang la byas pa de ni/ zhal
- 288a
mdzum bag dang ldan pa dang/ gzhan yang bye brag sna tshogs kyis rgyan gyis brgyan pa dang/ de bzhin du lha'i na bza' bsnams pa yin no/ /de ltar rdo rje slob dpon rdo rje sems dpa' i ngo bo 'dra ba nyid snying ga'i dbus gnas su bsgom par bya'o/ /gzhan yang pha rol tu ming btags slob ma yin no/ /de la ci ltar smos pa'i tshul gyis bsgom pa bya ba'i thabs kyis gsang ba'i ye shes kyi dbang sbyin par bya'o/ /de'i dus su dbang nod pa'i slob mas nyid kyi snying ga'i dbus gnas su mdun du smos pa'i cho ga'i tshul gyis ngo bos dbang bskur bar mdzad pa rdo rje slob dpon de ni bsgom par bya bar smos so/ /tshul de ltar bye brag gnyis kyis rdo rje slob dpon de'i snying ga'i dbus gnas su bsgom par bya ba'i dus su dbang bskur bar brtsam par bya bar smos so/ /mdor bsdu ba de ltar slob dpon snying gar bsgoms nas ni/ dbang bskur ba ni brtsams par bya ba'i don du gsungs so/ /sangs rgyas kun gyi nam mkha' i khams/ /yongs su gang bar rnam par bsgom zhes pa ni/ mdun du smos pa'i tshul gyi ngo bos dkyil 'khor chen por ming btags pa ye shes kyi gzhal yas khang yin no/ /de'i nang gi gnas kun gyi/ nam mkha' i dbyings su bstan to/ /de ltar nam mkha' i dbyings kyi gnas der mdun du smos pa'i rigs lnga'i bye brag gi sangs rgyas thams cad spro bar bya ba de ni gang ba'i tshul gyis gnas pa yin no/ /de dag ni 'dir bsam par bya bar smos so/ /de ltar sangs rgyas kun gyi nam mkha' i khams/ yongs su gang bar rnam par bsgom gyi don du gsungs so/ /da ni gzhan yang sku dang/ gsung dang/ thugs kyi rigs gsum gyi bye brag gis shes rab ma ye shes kyi lha mo sangs rgyas spyan la sogs pa bzhi spro ba'i bsgom pas dbang bskur ba bya ba'i cho ga'i ngo bo
- 288b
bstan par bya ste/ dbang bskur ba'i rigs gsum gyis/ /thams cad cho ga bzhin du dbab/ /de yi byang chub thob pa ni/ /sems can kun phan 'dod pa'o/ /zhes bya ba'i sgra bshad par bya ste/ ci ltar yin na/ dbang bskur ba'i rigs gsum gyis/ thams cad cho ga bzhin du dbab ni/ ci ltar smos pa'i tshul du bsgrub pa pos nyid rdo rje sems dpa' dang gnyis su med pa bdag po'i ngo bo de dag la sogs pa dang/ gzhan yang ye shes kyi gzhal yas khang gi gnas su mdun du smos pa'i tshul du gang bar gnas pa yin no/ /gzhan yang mdun du smos pa'i byang chub sems dpa' thams cad kyi sku phyag rgya gnas pa'o/ /de dag thams cad kyi sku phyag rgya'i gnas nas/ sku dang/ gsung dang/ thugs rdo rje'i rigs gsum gyi bye brag gi shes rab ma ye shes kyi lha mo sangs rgyas spyan dang mA ma kI dang na bza' dkar mo dang/ /dam sgrol ma'o/ /de bzhi'i sku phyag rgya grangs med pa sprin bzhin du spro bar bsam mo/ /de dag thams cad kyi phyag g.yas g.yon dang po gnyis ka ye shes kyi rin po che'i ngo bo'i bum pa ye shes kyi bdud rtsi'i chus gang ba 'dzin pa yin no/ /gzhan yang nyid nyid kyi rigs kyi bye brag gi kha dog dang ye shes kyi ngo bo dang ldan pa'o/ /sangs rgyas spyan gyis 'dzin pa'i bum pa de ni/ dkar po rin po che shel lta bu chos kyi dbyings kyi ye shes kyi ngo bo'o/ /ye shes de'i bdud rtsi'i chus gang par smos so/ /de nas mA ma kIs 'dzin pa'i bum pa de ni/ kha dog sngon po rin po che in dra ni la lta bu me long lta bu'i ye shes kyi ngo bo'o/ / ye shes de bdud rtsi'i chus gang bar smos so/ /de nas na bza' dkar mos bum pa 'dzin pa de ni kha dog dmar por rin po che pad ma rag lta bu so sor rtog pa'i ye shes kyi ngo bo'o/ /ye shes de'i bdud rtsi'i chus gang bar smos so/ /de nas dam
- 289a
tshig sgrol mas bum pa 'dzin pa de ni kha dog ser po rin po che 'dzam bu na da lta bu me long lta bu'i ye shes kyi ngo bo bdud rtsi'i chus gang bar smos so/ /gzhan yang shes rab ma ye shes kyi lha mo bzhi'i grangs med pa thams cad sprin bzhin du de dag nyid nyid kyi sku mdog dang/ zhal dang/ phyag dang/ phyag mtshan dang/ rgyan dang/ de ltar cha lugs phun sum tshogs pa thams cad ci ltar le'u bzhi pa/ thugs kyi dkyil 'khor gyi dus su smos pa de bzhin du dus 'dar bya bar bstan to/ de lta bu'i ngo bo shes rab ma ye shes kyi lha mo rnams kyis sku phyag rgya spro bar byas pa de dag thams cad ye shes kyi gzi brjid kyis 'bar ba yin no/ /de ni bsgrub pa pos nyid kyi steng du nam mkha' i gnas su bzhag par bsam mo/ /bstan par bya ste/ de dag thams cad kyis dus mnyam par 'gying bag gi sku'i tshul gyis gang par bya ba'i stabs kyis lha mo bum pa'i ye shes kyis bdud rtsi bsgrub pa po nyid kyi spyi bo'i steng gi gnas su dbab par bsgom par bya ba yin no/ /gzhan yang slob ma la gal te/ dbang bskur bar byed na/ de'i dus su slob ma'i spyi bo'i steng gi gnas su dbab par slob dpon gyis bsgom par bya bar smos so/ /mdor bsdus pa'i de ltar dbang bskur ba'i gnas gsum gyi/ thams cad cho ga bzhin du dbab kyi don du gsungs so/ /de yis byang chub thob pa ni/ /sems can kun la phan pa 'dod pa'o zhes pa ni/ sangs rgyas spyan la sogs pa ye shes kyi lha mo bzhis de dag ni sems can thams cad la phan pa'i don byams pa'i sems kyis mdzad do/ /de yis zhes su ming btags pa mdun du smos pa'i shes rab ma ye shes kyi lha mo bzhis dbang bskur bar byas pas bla na med pa'i byang chub kyi 'bras bu 'thob pa 'am 'grub par
- 289b
'gyur bar smos so/ /de ltar de yis byang chub 'thob pa ni/ sems can kun la phan 'dod pa'i don du gsungs so/ /sku gsung thugs kyi dngos grub ni/ /ngo mtshar chen po thams cad 'grub/ /sangs rgyas dang byang chub sems dpa' thams cad kyi 'khor lo zhes bya ba bsam gtan gyi dkyil 'khor ro zhes bya ba'i sgra bshad par bya ste/ ci ltar yin na/ sku gsung thugs kyi dngos grub ni/ ngo mtshar chen po thams cad 'grub ni/ zhi ba dang rgyas pa la sogs pa'i rgyud 'di'i nang nas dngos grub ci snyed smos pa'i thams cad de'i nang na sku dang gsung dang thugs rdo rje gsum gyi ye shes dang gnyis su med pa'i ngo bo bdun du smos pa'i bla na med pa'i byang chub kyi 'bras bu de ni ngo mtshar che ba yin no/ /de ltar ye shes chen po'i 'bras bu de ni mdun du smos pa'i tshul gyis gsang ba'i ye shes kyi dbang bskur ba'i bsgom pa byas pas 'grub par 'gyur bar smos so/ /de ltar sku gsung thugs kyi dngos grub ni/ ngo mtshar chen po'i thams cad 'grub kyi don du gsungs so/ /sangs rgyas dang byang chub sems dpa' thams cad kyi 'khor lo zhes bya ba bsam gtan gyi dkyil 'khor ro zhes bya ba ni/ ci ltar smos pa'i sgrub pa po nyid rdo rje sems dpa' dang gnyis su med par bdag po'i ngo bo thabs dang shes rab rol pa byas nas/ ji ltar smos pa'i cho ga'i rgyu'i sa bon las/ rdo rje sems dpa' nyid la sogs pa'i rigs lnga'i bye brag gi de bzhin gshegs pa grangs med pa thams cad sprin bzhin du spros pa'i sangs rgyas yin no/ /de nas byang chub sems dpa' thams cad ni mdun du smos pa'i tshul gyi sangs rgyas thams cad spro bar byas pa de dag thams cad kyi sku phyag rgya'i gnas nas nyid nyid rigs kyi bye brag gi byang chub sems dpa' sems dpa' chen po phyag na rdo rje la sogs pa ci ltar smos pa'i byang chub sems dpa' thams cad spro bar byas pa'i
- 290a
byang chub sems dpa' yin no/ /de nas 'khor lo'i zhes bya bar ming btags pa mdun du smos pa'i dkyil 'khor chen po de ni bsam gtan gyis bskyed par bya'o/ /bstan par bya ste/ 'khor lor ming btags pa bsam gtan gyi dkyil 'khor de ni ye shes kyi gzhal yas khang gi ngo bo gsang ba'i ye shes kyi dbang bskur ba bsgom pa bya ba'i phyir/ ji ltar smos pa'i tshul gyis sangs rgyas thams cad dang byang chub sems dpa' thams cad smos so/ /mdor bsdu ba de ltar sangs rgyas dang/ byang chub sems dpa' thams cad kyi 'khor ro/ zhes bya ba bsam gtan gyi dkyil 'khor 'khor lo'i don du gsungs so/ /da ni gzhan yang sku dang gsung dang thugs kyi snying po gnas kyi yig 'bru gsum gyis byin gyis brlabs pas ma rungs pa sems can thams cad kyi khams dus mnyam par bye brag gsum gyis dam tshig gi dkyil 'khor du ming btags par gyur par byas pa de ni bza' bar bya ba'i don bstan par bya ste/ de nas phyag na rdo rje de bzhin gshegs pa thams cad kyi bdag pos yang de bzhin gshegs pa thams cad kyi rdo rje'i sbyor ba/ sku dang gsung dang thugs kyi gsang ba 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i dbang bskur ba'i bsgom pa bya ba'i don bshad par mdzad pa'i 'og tu/ sku dang gsung dang thugs kyi snying po sngags kyi yig 'bru rnams kyis byin gyis brlabs pas ma rungs pa'i sems can thams cad kyi khams dus mnyam du bye brag gsum gyis dam tshig gi dkyil 'khor du ming btags pa'i de'i ngo bor gyur par byas nas bza' bar bya ba'i tshul gyis bsgrub par
- 290b
pa'o/ /de'i bsgom pa'i don bshad par brtsams pa mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste 'dir bshad mi dgos so/ /yang de bzhin gshegs pa thams cad kyi rdo rje sbyor ba sku dang gsung thugs kyi gsang ba'i 'di zhes pa ni/ de'i don 'og nas 'byung ba'i tshul la smos so/ /de'i phyir bde ste bshad mi dgos so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gyi ngo bor gcig par smos so/ /de ltar nyid kyi sku dang gsung dang thugs rdo rje gsum dang gnyis su med pa'i ngo bo bsgrub pa pos 'og nas 'byung ba'i tshul tu rdo rje sems dpa' dang gnyis su med pa'i bsgom pa bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang gsung rdo rje dang/ thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung zhes pa ni/ ston pa phyag na rdo rjes ji ltar smos pa'i tshul tu rdo rje sems dpa' i bsgom pas sems can ma rungs pa'i khams thams cad dus mnyam par bye brag gsum gyis dam tshig gi dkyil 'khor du ming btags pa'i ngo bor gyur par bya ba dang/ bza' ba'i tshul gyis bsgrub par bya ba de'i don gyi ngo bo sngags kyi yig 'bru gsum phyung ba 'am bshad par smos so/ /de ltar las phyung ngo bo'i don du gsungs so/ /da ni gzhan yang sku dang gsung dang thugs kyi snying po sngags yig 'bru gsum gyis byin gyis brlabs pas ma rungs pa'i sems can thams cad kyi khams dus mnyam du bye brag gsum gyis dam tshig gi dkyil 'khor du ming btags pas gyur pa de
- 291a
bza' ba'i tshul gyis bsgrub par bya ba de'i don bstan par bya ste/ hUM h+ri khaM/ sha rus la sogs dkyil 'khor ni/ /nam mkha' i dbyings kyi dbus su bsam/ /sku dang gsung thugs gsum snying po/ /rdo rje sems dpa' sgom par bya zhes bya ba'i sgra bshad par bya ste/ ji ltar yin na/ hUM h+raM khaM/ sha rus la sogs pa'i dkyil 'khor ni/ /nam mkha' i dbyings kyi dbus su bsam ni/ bsgrub pa pos mdun du smos pa'i cho ga'i tshul du dpal rdo rje sems dpa' dang gnyis su med pa'i nga rgyal du bsgoms nas mi g.yo ba'i tshul gyis dang po ni gsang ba'i thugs ka ye shes sems dpa' i gnas su dpal rdo rje sems dpa' nyid kyi sngags sa bon yig 'bru hUM bsam mo/ /de kha dog mthing ga me long lta bu'i ye shes kyi ngo bo gzi brjid kyis 'bar ba 'od zer gyi tshogs spro zhing de lta bu'i ngo bo rdo rje sems dpa' i ngo bo snying po sngags sa bon yig 'bru hUM de ni/ grangs med pa sprin bzhin du spro bar byas nas/ nam mkha' i dbyings kyi dbus gnas su khyab par bsam pa yin no/ /de ltar spro bar byas pa'i 'og tu/ snang ba mdza' yas kyi snying po sngags sa bon yig 'bru h+ri de ni kha dog dmar po so sor rtog pa'i ye shes kyi ngo bo gzi brjid kyi 'bar zhing 'od zer tshogs spro zhing/ de lta bu'i ngo bor snang ba mdza' yas kyi snying po sngags sa bon/ yig 'bru h+ri de grangs med pa'i sprin bzhin du spro bar byas nas/ nam mkha' i dbyings kyi dbus gnas su khyab par bsam pa yin no/ /de ltar spro bar byas pa'i 'og tu rnam par snang mdzad kyi snying po sngags sa bon yig 'bru khaM de ni kha dog dkar po chos kyi dbyings kyi ye shes kyi ngo bo gzi brjid kyis 'bar zhing 'od zer gyi tshogs spro zhing/ de ltar bu'i ngo bo rnam par snang mdzad kyi snying po sngags sa bon yig 'bru khaM de grangs med par sprin bzhin du spro bar byas nas nam mkha' i dbyings kyi dbus
- 291b
gnas su khyab par bsam mo/ /tshul de lta bu'i ngo bo de bzhin gshegs pa thams cad kyi rdo rje'i snying po sku dang gsung dang thugs de ni don dam par gsang ba yin no/ /sngags kyi sa bon yig 'bru gsum po de grangs med pa sprin bzhin du/ ji ltar smos pa'i gnas su khyab par spros ma thag tu/ 'od zer gyi tshogs de dag thams cad kyo ba'i ngo bor gyur to/ /de dag gis 'jig rten gyi khams thams cad na gnas pa'i sems can ma rungs pa bgegs dang bdud kyi tshogs thams cad la reg pa'i tshul gyis bsgrub pa po'i steng gi nam mkha' i dbus gnas su dgug par bsdu bar bya ba yin no/ /de ma thag tu sems can re re'i lus kyi gnas gsum du mdun du smos pa'i sngags kyi sa bon yig 'bru gsum rim pas thim par gyur par byas par bsam mo/ /de thim par gyur pa'i cho ga'i tshul gsal bar bya ste/ rdo rje sems dpa' i snying po sngags sa bon yig 'bru hUM de ni ci ltar smos pa'i tshul du 'bar zhing snying ga'i nang gi gnas su thim par gyur par bsam mo/ /de'i 'og tu snang ba mdza' yas kyi snying po sngags sa bon yig 'bru h+ri de ni ji ltar smos pa'i tshul du 'bar zhing mgul ba'i nang gi dbus gnas su thim par gyur par bsam mo/ /de'i 'og tu rnam par snang mdzad kyi snying po sngags kyi sa bon yig 'bru khaM de ni/ ci ltar smos pa'i tshul du 'bar zhing spyi bo'i nang gi dbus gnas su thim par gyur par bsam mo/ /tshul de ltar ma nor bas ma rungs pa'i sems can bgegs dang bdud kyi tshogs thams cad kyi lus la de bzhin gshegs pa thams cad kyi sku dang gsung dang thugs gsum ni/ dus 'dir snying po sngags kyi sa bon yig 'bru hUM h+ri khaM/ de ltar sa bon rnams thim pa de ma thag tu de byin gyis brlabs pas ye shes rdo rje'i sbyor ba'i stobs kyi thabs kyis thams cad dus mnyam par zhig par 'gyur ro/ /bstan par bya ste/ snying po
- 292a
sngags sa bon yig 'bru hUM des byin gyis brlabs pas me long lta bu'i ye shes rdo rje sbyor ba'i stobs kyis thabs kyis sha phye bar byas pa de ni nam mkha' i dbyings kyi dbus gnas su zlum po'i tshul du dkyil 'khor ngo bor ming btags par gyur par bsam mo/ /gzhan yang snying po'i sngags sa bon yig 'bru khaM des byin gyis brlabs pas chos kyi dbyings kyi ye shes rdo rjer sbyong ba'i stobs kyis thabs kyis rus pa phye bar byas pa de ni mdun du smos pa'i sha'i dkyil 'khor gyi phyir rol tu/ zlum po'i tshul tu dkyil 'khor gyi ngo bor ming btags par gyur par bsam mo/ /gzhan yang snying po sngags kyi sa bon yig 'bru h+ri des byin brlabs pas so sor rtog pa'i ye shes rdo rjer sbyor ba'i stobs kyi thabs kyis khrag bye bar byas pa de ni rus pa'i dkyil 'khor gyi phyi rol du zlum po'i tshul du dkyil 'khor gyi ngo bor ming btags par gyur par bsam mo/ /mdor bsdu ba de ltar hUM h+ri khaM/ sha rus la sogs pa'i dkyil 'khor ni/ /nam mkha' i dbyings kyi dbus gnas su bsam mo'i don du gsungs so/ /sku dang gsung thugs gsum snying po rdo rje sems dpa' bsgom par bya zhes pa ni/ de'i don mdun du bshad pas bde ste 'dir bshad mi dgos so/ /da ni gzhan yang mdun du smos pa'i tshul du sha dang rus pa dang khrag dang/ de ltar dam rdzas kyi dkyil 'khor gsum du gyur par byas pa de bza' bar bya ba'i phyir khro bo rdo rje mkha' 'gro'i sku phyag rgya bskyed nas bsgom par bya ba de'i don bstan par bya ste/ drag po mi sdug khros pa ni/ /ud pal sngon po'i kha dog 'dra/ /phyag bzhi pa ni cho ga bzhin/ /phyag na ban da bsnams par bsgom/ zhes bya ba'i sgra bshad par bya ste/ ji ltar yin na/ drag po mi sdug 'jigs pa ni/
- 292b
ud pal sngon po'i kha dog 'dra ni/ mdun du smos pa'i tshul du rdo rje sems dpa' dang gnyis su med pa'i nga rgyal du bsgom pas mi g.yo ba'i tshul gyis gsang ba'i thugs ka ye shes sems dpa' i gnas su/ sngags kyi sa bon yig 'bruM hUM bsam mo/ / de kha dog mthing ga me long lta bu'i ye shes kyi ngo bo gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba bzhin du gyur to/ /sa bon de las khro bo rdo rje mkha' 'gro'i sku phyag rgya bskyed par bya'o/ /de'i sku mdog ud dpal mthing ga'i kha dog lta bu'o/ /shin tu khros pa'i zhal gsum pa ral pa gyen du brdzes pa/ spyan dmar pos phyogs bcu'i gnas su gzigs pa/ smin ma bskyod par mdzad pa/ khro bo'i rgyan thams cad kyis brgyan pa/ stag gi pags pas smad dkris pa/ pags chen se ral khar bsnams pa/ gzhan yang kun nas bskal pa'i me lta bu rab tu 'bar ba/ thugs rje'i zhe sdang gi ngo bo/ /don des drag por smos so/ /de nas mi sdug par ming btags pa/ zhal gsum gam che ba'i phreng ba dang ldan pa ldang ba'i tshul stobs can no/ /don des mi sdug par smos so/ /khro bor ming btags pa'i dus 'dir mdun du smos pa'i sku phyag rgya'i cha lugs phun sum tshogs pa thams cad bstan pa'i don des khro bor smos so/ /mdor bsdu ba de ltar drag po mi sdug khros pa ni/ ud pal sngon po'i kha dog 'dra ba'i don du gsungs so/ /phyag bzhi pa ni cho ga bzhin/ phyag na ban d+ha bsnams par bsgom zhes pa ni/ mdun du khro bo rdo rje mkha' 'gro de ni phyag bzhi par smos so/ /gzhan yang/ phyag bzhi pa'i mtshon cha'i rim pa bstan par bya ste/ phyag g.yas dang po na khro bo rdo rje rtse dgu pa 'dzin pa/ da ni tshangs par gyen du 'dzin pa'i tshul gyis snying gar bzhag pa'o/ /g.yas tha ma na rdo rje rtse gsum 'dzin/ phyag g.yon dang po na band+ha
- 293a
'dzin de ni snying ga'i gnas su mdun du smos pa'i phyag g.yas na rdo rje 'dzin pa de'i 'og tu gzhag go /g.yon tha ma na rdo rje/ zhags pa 'dzin/ tshul de ltar khro bo rdo rje mkha' 'gro'i phyag mtshan bzhi dang ldan par smos so de lta bu'i ngo bo rdo rje mkha' 'gro'i sku phyag rgya bskyed ma thag tu/ skyed par mdzad mkhan rdo rje sems dpa' i sku phyag rgya khro bo rdo rje mkha' 'gro'i sku phyag rgya spyi bo'i gnas su dbang bskur ba'i tshul gyis gnas par bsam mo/ /de lta bu'i ngo bo khro bo rdo rje mkha' 'gro'i sku phyag rgya bskyed ma thag tu/ de dang gnyis su med pa'i nga rgyal du bsgom par bya'o/ /de ltar phyag bzhi pa ni cho ga bzhin/ phyag na band+ha bsnams par bsgom gyi don du gsungs so/ /da ni gzhan yang mdun du smos pa'i sha dang rus pa dang khrag dang de ltar bye brag gsum la dam tshig gi dkyil 'khor du ming btags pa'i ngo bo/ nam mkha' i dbyings kyi dbus gnas su gyur par byas pa de bza' bar byas pa'i tshul gyi don bstan par bya ste/ 'od zer lnga po snang ba can bdag gi lce la brtul zhugs bsgom/ /bsam gtan rdo rje'i sbyor ba yis/ /khrag sogs drangs pa mchog yin no/ /zhes bya ba'i sgra bshad par bya ste/ ji ltar yin na/ 'od zer lnga po snang ba can/ bdag gi lce la brtul zhugs bsgom ni mdun du smos pa'i tshul du khro bo rdo rje mkha' 'gro ma'i bsam gtan sbyor bar ming btags pa bsgrub pa pos ji ltar smos pa'i tshul du nga rgyal du bsgom pa bya'o/ /de ma thag tu de nyid kyi lce'i rtse mo'i dbus gnas su sngags kyi sa bon yig 'bru hUM bsam mo/ /de kha dog dmar po nyi ma stong dang mnyam par gzi brjid kyi 'bar ba'i 'od kyis 'bar ba yin no/ /da ni nang gi gnas nas so sor rtog pa'i ye shes la sogs pa ye shes lnga'i nyid nyid kyi rigs kyi bye brag
- 293b
gi kha dog dang ldan pa'i 'od zer grangs med par sprin bzhin du nam mkha' i dbyings kyi dbus gnas su mdun du smos pa sha dang rus pa dang khrag dang dam rdzas kyi dkyil 'khor gyi ngo bor gyur par byas pa de dag la khyab par spro bar bya ba yin no/ /snang ba des nam mkha' i dbyings thams cad kyi gnas su nyi ma stong shar ba dang mnyam par snang bar gyur to/ /cho ga'i de ltar brtul zhugs can du ming btags pa gsang sngags kyi spyod pa spyad pa'o/ /don des sgrub pa po brtul zhugs can yin no// des mdun du smos pa'i cho ga'i tshul du bsgom pa bya bar smos so/ /mdor bsdu ba de ltar 'od zer lnga'i rnam pa can/ bdag gi lce la brtul zhugs bsgom gyi don du gsungs so/ /bsam gtan rdo rje'i sbyor ba yis/ /khrag sogs drang pa'i mchog yin no zhes pa ni bsam gtan du ming btags pa'i mdun du smos pa'i tshul du ye shes lnga'i rdo rje'i sbyor ba'i bsgom pa 'od zer grangs med pa sprin bzhin du spro bar bya ba yin no/ /'od zer de dag gi snang ba'i tsha bas sha'i dkyil 'khor dang/ rus pa'i dkyil 'khor 'od du zhu nas/ khrag gi dkyil 'khor la khu ba'i ngo bor gnyis su med par thim par gyur pa brtag go /de ma thag tu sgrub pa pos tri du d+hi raM a kar sha ya a kar sha ya/ sngags de khro de bzlas par bya'o/ /de'i dus su khrag dgug par ming btags pa/ nam mkha' i dbyings kyi dbus gnas su/ ji ltar smos pa'i tshul du khrag gi dkyil 'khor gyi ngo bor gyur pa byas pa de ni chu klung 'bab pa lta bu'i tshul gyis phyag g.yon gyi dang po na band+ha 'dzin par smos pa/ de'i nang du 'bab pa yin par bsam mo/ /de 'bab pas phyag g.yas dang po na rdo rje 'dzin pa des/ khro bo'i stabs kyis dkrug cing 'thung bar bsgom par bya ba yin no/ /bstan par bya ste/ mdun du smos pa'i cho ga'i tshul gyis bsgom
- 294a
pa dang/ sngags kyi bsnyen pa byas pas phyi'i ma rungs pa'i bgegs dang bdud kyi tshogs thams cad kyi zhe sdang dang gti mug dang/ 'dod chags dang de ltar nyon mongs pa gsum ni dug gsum gyi ngo bor smos pa de'i dbang gis bskal pa mang po'i bar du skye ba rjes pa'i tshul gyis sdig pa bsags pa de dag 'joms par gyur par smos so/ /gzhan yang sgrub pa po nyid rdo rje sems dpa' dang gnyis su med pa'i dngos grub kyi 'bras bu 'grub par 'gyur pa bstan to/ /de ltar bsam gtan rdo rje'i sbyor ba yis/ khrag sogs drang ba'i cho ga yin no'i don du gsungs so/ /da ni gzhan yang bsgrub pa po la mi dang mi ma yin pa'i bgegs gang yang rung ba yod pa de ni rdo rje phur bu'i las byas pas gsad par bya ba de'i don bstan par bya ste/ tri shul rdo rje'i dam tshig dang/ phur bu drag po mchog dag gis/ /sangs rgyas kyi ni sku dag kyang/ /rdo rje sbyor bas gdab par bya/ zhes bya ba'i sgra bshad par bya ste/ ji ltar yin na/ tri shul rdo rje dam tshig dang/ /phur bu drag po'i mchog dag gis ni/ mdun du smos pa'i tshul du rdo rje dam tshig tu ming btags pa'i khro bo rdo rje mkha' 'gro dang gnyis su med pa'i nga rgyal du bsgom pa/ mi g.yo ba'i tshul du gsang ba'i thugs ka ye shes sems dpa' i gnas su sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid kyi 'bar ba chen po'i 'od kyis 'bar zhing 'od du zhu nas ye shes kyi khu ba bzhin du gyur to/ /sa bon de las drag por ming btags pa rdo rje phur bu khro bo'i sku bskyed par bya'o/ /de gsal bar bstan par bya ste/ stod ni khro bo'i ngo bo'o/ /de sku mdog nag po zhal gsum pa/ spyi bo'i gnas nas tri shul 'byung ba'o/ /spyan dmar ba khros te phyogs bcur
- 294b
gzigs pa'i smin ma bskyod pa/ mche ba'i phreng ba can khro bo'i rgyan thams cad kyis brgyan pa/ phyag g.yas pa na rdo rje'i kyo ba 'dzin pa/ gzhan ni mtshon cha'i bye brag sna tshogs 'dzin par smos so/ /tshul de ltar lte ba'i gnas nas bzung khro bo lta bu'i ngo bo'i/ /gzhan lte ba'i 'og gi phyogs nas bzung ba nas/ rdo rje gcig gi ngo bo yin no/ /sku kun nas bskal pa'i me lta bu rab tu 'bar pa'o/ /de lta bu'i ngo bo rdo rje phur bu khro bo lta bu bskyed ma thag tu/ lag pa g.yas g.yon gnyis kyi chad pa'i nad du khro bo chen po zhe sdang gi sems bskyed nas/ gzung ba yin no/ /de lta bu'i drag po'i ming btags pa mdun du smos pa'i cha lugs phun sum tshogs pa yin no/ /don des phur bu drag po smos so/ /de nas mchog tu ming btags pa mdun du smos pa'i sku'i rigs kyi phur bu dang/ gsung gi rigs kyi phur bu de dag gi nad na thugs kyi rigs kyi phur bu 'di ni mchog tu smos so/ /mdor bsdu ba de ltar tri shul rdo rje'i dam tshig dang/ phur bu drag po'i mchog dag gi don du gsungs so/ /sangs rgyas kyi ni sku dag kyang/ /rdo rje'i sbyor bas gdab par bya zhes pa ni/ rdo rje'i sbyor bas ming btags pa rdo rje sems dpa' i me long lta bu'i ye shes kyi ngo bo mdun smos pa'i rdo rje phur bu'i gzugs yin te/ de'i bsgom pa'i sbyor bas mi dang mi ma yin pa'i dgra gang yang rung pa yod pa de'i lus kyi gzugs bsgrub pa po nyid kyi mdun du bsam par bya'o/ /de'i lus kyi gzugs kyi snying ga'i gnas nas bzung ba nas yan lag gis gnas thams cad rdo rje phur bus btab par bya ba yin no/ /de ltar gdab par bya ba'i dus su pad ma dang/ kun da li'i sngags rings sku dang gsung dang thugs rdo rje'i rigs gsum gyi rdo rje phur bu'i las kyi ye shes kyi don gyi ngo bo de ni khro bo chen pos bzlas pa
- 295a
bya bar smos so/ /de nas sngags kyi ngo bo bstan par bya ste/ oM g+ha g+ha/ g+ha ta ya g+ha ta ya/ sarba du staM phaT phaT/ ki la ya ki la ya/ sarba pA paM phaT phaT/ hUM hUM hUM badzra ki la ya/ badzra nga ro ad nya pa ya ti ka ya bag tsita badzra/ ki la ya hUM phaT/ gzhan yang sgrub pa pos rdo rje phur bu'i bsgom pa'i sbyor ba dang/ sngags kyi bzlas pa bya ba'i dus su phyi'i lcags kyi phur bu byas nas bzung bar bya'o/ /de'i mdun du smos pa'i khro bo'i ngo bo rdo rje phur bu smos pa de dang gnyis su med pa'i ngo bor bsgom par bya ba yin no/ /tshul de ltar rdo rje'i phur bu btab pas/ sangs rgyas su mtshan btags pa rnam par snang mdzad nyid la sogs pa rigs lnga'i bye brag gis sangs rgyas de dag gi sku 'jigs par gyur pa de ni la dor ba'i tshig tu smos so/ /gzhan yang phyi'i mi ma yin pa'i dgra'i lus gzer nas 'jigs par 'gyur ba ni ngo mtshar yang mi che bar smos so/ /de ltar sangs rgyas kun gyi sku dag kyang/ rdo rje sbyor bas gdab par bya ba'i don du gsungs so/ /de ni gzhan yang bsgrub pa pos dga' ba'i lha dang gnyis su med pa'i nga rgyal du bsgom pa byas pas ma grub kyi bar gyi dus de tsam du/ dus rtag tu rdo rje'i kha zas su ming btags pa'i dam rdzas bdud rtsi lnga dang/ gzhan yang phyi'i sha chen la sogs pa'i sha rnam pa lnga bza' bar bya ba'i don de bsgom pa'i cho ga'i don bstan par bya ste/ de nas phyag na rdo rje de bzhin gshegs pa thams cad kyi bdag pos yang kha zas kyi dam tshig bya ba 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ji ltar yin na/ de nas ni mdun du smos pa'i rdo rje phur bu'i las bya ba'i bsgom pas ci ltar smos pa'i dgra gsad par bya ba'i don bshad par brtsams pa'i 'og tu
- 295b
rdo rje kha zas su ming btags pa dam rdzas bdud rtsi lnga bza' bar bya bas phyag rgya chen po bsgrub par bya ba de'i don bshad par brtsams pa mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag po zhes pa ni/ de'i don mdun du bshad pas bde ste 'dir bshad mi dgos so/ /yang rdo rje'i kha zas dam tshig gi bya ba'i 'di zhes pa ni/ de'i don 'og nas 'byung ba'i tshul la smos so/ /de'i phyir 'dir bde ste bshad mi dgos pa/ nyid kyi sku dang gsung dang thugs zhes pa ni ston pa phyag na rdo rje nyid kyi sku phyag rgya sku dang gsung dang thugs rdo rje gsum gyi ngo bo gcig par smos so/ /de ltar sku dang gsung dang thugs rdo rje gsum dang gnyis su med pa'i ngo bo bsgrub pa pos rtag tu dam rdzas bdud rtsi lnga dang/ gzhan yang phyi'i sha chen la sogs pa sha rnam pa lnga dam rdzas kyi ngo bo de dag bza' i dus su bsgom par bya bar smos so/ /de ltar nyid kyi sku dang gsung dang thugs rdo rje gsum dang gnyis su med par bshad par de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni ston pa phyag na rdo rjes ci ltar smos pa'i tshul du dpal rdo rje sems dpa' la sogs pa'i rgyud 'di'i dkyil 'khor gyi lha'i nang na gang la mos pa nyid dga' ba'i lha dang gnyis su med pa'i bsgom pas mdun du smos pa'i rdo rje kha zas su ming btags pa dam rdzas rnams bza' bar bya ba'i de'i don gyi ngo bo phyung ba 'am bshad par smos so/ /de ltar las phyung ba'i ngo bo'i don du gsungs so/ /da ni gzhan yang dam rdzas bdud rtsi lnga dang/ sha chen la sogs pa'i sha rnam pa lnga bza' bar bya ba'i cho gas byin gyis brlabs nas brtags pa'i don bstan par bya ste/ bza' ba am yang na btung ba 'ang rung/ /brtul zhugs can gyis gang bza' ba/ bshang gci sha'i sbyor ba yis/ /cho
- 296a
ga bzhin du yongs su brtag /ces bya ba'i sgra bshad par bya ste/ ji ltar yin na/ bza' ba 'am yang na btung ba'ang rung/ /brtul zhugs can gyis gang bza' ba ni theg pa chen po gsang sngags kyi tshul gyi bsgrub pa pos/ bla na med pa'i ye shes kyi 'bras bu'i ngo bo'i phyag rgya chen po gal te sgrub par 'dod na de ma grub kyi bar du rtag tu bshang gci la sogs pa dam rdzas bdud rtsi lnga dang/ gzhan yang sha chen la sogs pa phyi'i sha rnam pa lnga dang/ de ltar dam rdzas bcu po/ de ji ltar le'u lnga pa'i nang nas smos pa'i tshul du sngags kyis byin gyis brlabs pa dang/ bsgom pa byas pas bza' ba de bzhin du 'dir bstan to/ /gzhan yang gal te sha chen la sogs pa dam rdzas sha lnga mi rnyed na ji ltar bya zhe na/ bstan par bya ste/ bsgrub pa pos kha zas gang yang rung ba bza' bar bya ba de phyi'i sha chen la sogs pa sha rnam pa lnga dang gnyis su med pa'i ngo bor brtags nas/ ji ltar smos pa'i cho gas bza' bar bstan to/ /gzhan yang btung ba'i bye brag gang yang rung ba de ni bshang gci la sogs pa bdud rtsi lnga'i ngo bo yin par brtags nas/ ji ltar smos pa'i tshe btung bar bya bar smos so/ /cho ga de ltar bsgom pa byas nas/ brtul zhugs can du ming btags pa bsgrub pa po des bza' ba dang btung bar bya bar bstan to/ /mdor bsdu ba de ltar bza' ba dang btung ba 'ang rung/ brtul zhugs can gyis gang bza' ba'i don du gsungs so/ /bshang gci sha'i sbyor ba yis/ /cho ga bzhin du yongs su brtag ces pa ni/ de'i don mdun du bshad pas bde ste bshad mi dgos so/ /da ni gzhan yang mdun du smos pa'i tshul du dam rdzas bcu de ni bza' ba'i mchod pa'i ngo bor brtags nas/ bza' ba'i dus su mchod pa'i yo byad lngar ming btags pa 'dod pa'i yon tan lnga'i mchod pa'i
- 296b
bya ba'i ngo bo de'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ yang de bzhin gshegs pa thams cad kyi sku dang gsung dang thugs rdo rje'i mchod pa'i mchog 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ji ltar yin na de nas ni mdun du smos pa'i dam rdzas bcu bza' bar bya ba'i sngags kyis byin gyis brlabs pa dang/ bsgom pa'i don bshad par mdzad pa'i 'og tu/ mchod pa'i yo byad lngar ming btags pa 'dod pa'i yon tan lnga'i mchod pa bya ba de'i don bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don du bshad pas bde ste 'dir bshad mi dgos so/ /yang de bzhin gshegs pa thams cad kyi sku dang gsung dang thugs rdo rje mchod pa'i mchog ces pa ni ston pa phyag na rdo rje nyid la sogs pa rigs lnga'i bye brag gi de bzhin gshegs pa smos pa de thams cad/ don dam par sku dang gsung rdo rje gsum gnyis su med pa'i ngo bo rdo rje'i mchod par ming btags pa gsang ba'i rol pa'i byas nas/ 'dod pa'i yon tan lnga'i mchod pa spro bar bya'o/ /mchod pa'i de'i phyir mchod pa bya ba thams cad kyi nang na/ gsang ba'i rol pa bya ba'i thabs kyi mdun du smos pa'i mchod pa spro bar byas pa 'di ni mchog yin no/ /de ltar yang de bzhin gshegs pa thams cad kyi sku dang gsung dang thugs rdo rje'i mchod pa'i mchog 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gyi ngo bo gcig par smos so/ /de ltar sku dang gsung dang thugs rdo rje gsum dang gnyis su med pa'i ngo bo bsgrub
- 297a
pa pos ji ltar smos pa'i tshul du mchod pa bya ba'i tshul dus su bsgom par bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni ci ltar sku rdo rje dang/ gsung rdo rje dang thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo/ zhes pa ni/ ston pa phyag na rdo rjes mdun du smos pa'i mchod pa'i yo byad lngar ming btags pa rdo rje'i mchod pa mchog bya ba'i ngo bo'i don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang yo byad lngar ming btags pa rdo rje'i mchod pa'i ngo bo'i cho ga'i don bstan par bya ste/ mchod pa'i yo byad mchog lnga yis/ /de dag mchod pa rab tu brtag /'di ni rdo rje thams cad kyis/ dam tshig shin tu 'da' ba' o/ /zhes bya ba'i sgra bshad par bya ste/ ji ltar yin na mchod pa'i yo byad mchog lnga yis/ de dag mchod pa rab tu brtag ni/ mdun du smos pa'i dam rdzas bcu bca' bar byas ma thag tu/ sgrub pa pos nyid dga' ba'i lha'i rigs kyi bye brag gi shes rab ma blang ngo/ /de ni mdun du smos pa'i mtshan dang yon tan thams cad dang ldan pa'o/ /shes rab ma de nyid dga' ba'i lha'i rigs kyi bye brag gi ye shes kyi lha mo dang gnyis su med pa'i ngo bor byin gyis brlabs par bya'o/ /de ma thag tu bsgrub pa pos 'dod chags chen po'i sems dga' bas shes rab ma dang gnyis su med par 'khyud pa'i sbyor bas thabs dang shes rab rol pa bya ba yin no/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus gnas su byang chub sems 'o ma'i rgyun bzhin du zhu nas/ de zla ba'i dkyil 'khor gyi ngo bor gyur par bsam mo/ /
- 297b
de nas de'i steng du lha mo gzugs rdo rje ma la sogs pa mchod pa'i lha mo lnga de dag nyid nyid kyis sngags sa bon yig 'bru rim par ma nor bar bsam mo/ /de nyid nyid kyi kha dog dang ye shes kyi ngo bor brtag go /gzhan yang de dag ye shes kyi gzi brjid kyis 'bar zhing 'od du zhu nas ye shes kyi khu ba bzhin du gyur to/ /de byang chub sems zla ba'i dkyil 'khor la gnyis su med par thim par gyur bar bsam mo/ /sa bon de las lha mo gzugs rdo rje ma la sogs pa mchod pa'i lha mo lnga'i sku phyag rgya grangs med pa sprin phung bzhin du spro bar bya'o/ /de dag thams cad kyi sku phyag rgya'i cha lugs phun sum tshogs pa mdun du ci ltar smos pa de bzhin du 'dir bstan to/ /tshul de lta bu'i ngo bo 'dod pa'i yon tan lnga'i mchod pa'i lha mo spros ma thag tu/ de dag thams cad kyi yo byad lngar ming btags pa/ nyid nyid kyi mchod pa byed pa rdzas lag pas 'dzin ba de ni/ bsgrub pa po nyid lha dang gnyis su med pa'i ngo bor mchod par byed pa brtag /bstan par bya ste/ phyi'i mchod pa thams cad kyi nang na / mchod pa'i tshul 'di ni mchog tu smos so/ /de ltar mchod pa'i yo byad mchog lnga yis/ /de ltar mchod pa rab tu brtag gi don du gsungs so/ /'di ni rdo rje thams cad kyi dam tshig shin tu 'da' dka' ba'o/ /zhes pa ni/ 'di ni ming btags pa mdun du smos pa'i mchod pa byed pa'i tshul yin no/ /de ni rdo rje thams cad de dpal rdo rje sems dpa' nyid la sog pa de bzhin gshegs pa thams cad yin no/ /de dag thams cad kyi mchod pa'i dam tshig tu smos pa'i de ni shin tu 'da' dka' bar ming btags pa sgrub pa pos ma grub kyi bar du rtag tu rgyun mi 'chad par bya bar bstan to/ /de ltar 'di ni rdo rje thams cad kyi/ dam tshig shin tu 'da' dka' o'i don du gsungs so/ /da ni gzhan yang gsang ba'i mchod pa byas nas/ gsang
- 298a
ba'i dam rdzas byang chub sems bza' ba'i bsgrub bya ba'i cho ga'i tshul bstan par bya ste/ de nas phyag na rdo rje de bzhin gshegs pa thams cad kyi bdag pos/ yang de bzhin gshegs pa thams cad kyi sku dang gsung dang thugs kyi gsang ba'i mchod pa 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ji ltar yin na/ de nas ni mdun du smos pa'i yo byad lngar ming btags pa rdo rje'i mchod pa 'dod pa'i yon tan lnga'i ngo bo'i don bshad par mdzad pa'i 'og tu gsang ba'i mchod ba byas nas/ gsang ba'i rdzas byang chub sems bza' ba'i mchod pa bsgrub par byas pa de'i don bshad par brtsams pa de mchod bar bstan to/ /de ltar de nas kyi don du gsungs so/ / phyag na rdo rje'i de bzhin gshegs pa thams cad kyi bdag po zhes pa ni/ de'i don mdun du bshad bas bde ste/ bshad mi dgos so/ /yang de bzhin gshegs pa thams cad kyi sku dang gsung dang thugs kyi gsang ba'i mchod pa 'di zhes pa ni/ ston pa phyag na rdo rje nyid la sogs pa rigs lnga'i bye brag gi de bzhin gshegs pa smos pa de dag thams cad don dam par sku dang gsung dang thugs gnyis su med pa'i ngo bo gsang ba'i mchod par ming btags pa'i ming mdun du smos pa'i gsang ba'i mchod pa thabs dang shes rab rol pa byas nas gsang ba'i rdzas byan chub sems de 'od du zhu ma thag tu/ bza' ba'i mchod pa'i tshul gyis bsgrub par bya bar smos so/ /de ltar yang de bzhin gshegs pa thams cad kyi sku dang gsung dang thugs kyi gsang ba'i mchod pa 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gyi ngo bo gcig par smos so/ /de ltar sku dang
- 298b
gsung dang thugs rdo rje gsum dang gnyis su med pa'i ngo bo grub pa pos/ ji ltar smos pa'i bza' ba mchod pa bya ba'i dus su bsgom par smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang gsung rdo rje dang thugs rdo rje dang gnyis su med par bshad pa de bzhin du 'dir stan par bya'o/ /de ltar rdo rje'i don du gsungs so/ /las phyung ngo zhes pa ni/ ston pa phyag na rdo rjes mdun du smos pa'i gsang ba'i rdzas byang chub sems bza' ba'i mchod pa bya ba'i tshul gyis sgrub pa bya ba'i don gyi ngo bo phyung ba 'am bshad par smos so/ /de ltar las phyung ngo'i don du gsungs so/ /de ni gzhan yang gsang ba'i mchod pa byas nas/ gsang ba'i rdzas byang chub sems bza' ba'i mchod pas bsgrub pa bya ba'i ngo bo'i cho ga'i don bstan par bya ste/ dbang po gnyis kyi sbyor ba yis/ /bdag gi khu ba blangs nas ni/ /cho ga bzhin du kun mchod na/ /sangs rgyas byang chub thob par 'gyur/ /zhes bya ba'i sgra bshad par bya ste/ ci ltar yin na ngo bo gnyis kyi sbyor ba yis/ /bdag gi khu ba blangs nas ni/ /bsgrub pa pos nyid dga' ba'i lha'i rigs kyi bye brag gi shes rab ma blang ngo/ /de'i mdun du smos pa'i mtshan yon tan phun sum tshogs pa thams cad dang ldan pa'o/ /shes rab de nyid dga' ba'i rigs kyi bye brag gi lha mo dang gnyis su med pa'i ngo bor byin gyis brlab par bya'o/ /de ma thag du bsgrub pa pos dbang po gnyis mnyam par sbyar bar ming btags pa shes rab ma dang ldan par 'dod chags chen po'i sems dpa' bas gnyis su med par 'khyud pa'i sbyor bas/ gsang ba dbang po gnyis mnyes par sbyor ba'i tshul gyi stobs kyis thabs dang shes rab rol par bya'o/ /de byas pas bde bar gyur pa'i dus su rdo rje lam gyi sgo nas shes rab ma dang dus/
- 299a
mnyam du b+ha ga'i dbus su gnas su 'o ma'i rgyun bzhin du byang chub sems 'od du zhu'o/ /de zla ba'i dkyil 'khor gyi ngo bor gyur par bsam mo/ /de byang chub sems zla ba'i dkyil 'khor de'i nang nas me long lta bu'i ye shes la sogs pa'i ye shes lnga'i 'od zer gyi dra ba nyid nyid rigs kyi bye brag gi kha dog dang ldan pa yin no/ /'jig rten gyi khams thams cad kyi gnas su khyab par spro'o/ /de ma thag tu lha dang ma la sogs pa'i sems can ma lus pa thams cad la reg pa'i tshul gyis byin gyis brlab par bya'o/ /de byin gyis brlabs pas sems can thams cad kyi 'dod chags dang zhe sdang la sogs nyon mongs pa thams cad kyi dbang gis skye ba mang por rjes pa'i bar du sdig pa bsags pa de dag 'joms pa yin no/ /de byas pa'i 'og tu ye shes kyi 'od zer gyi dra ba spro ba'i gnas su slar gnyis med par bsdu bar bya'o/ /de byas ma thag tu mdun du smos pa'i byang chub sems zla ba'i dkyil 'khor gyi ngo bo de ni nyid kyi khu bar ming btags pa'i thabs dang shes rab gnyis ka dus mnyam du 'dod chags kyi khu ba ci ltar smos pa'i rol pa byas pa'i thabs kyis 'od du zhu ba de shes rab ma'i b+ha ga'i nang gi gnas nas blang ngo/ /de oM swa b+ha shud d+ha sarba d+harma swa b+hA ba shud d+ho haM/ de ltar sngag kyi tshig brjod cing bsgrub pa pos byang chub sems bza' bar bya bar smos so/ /mdor bsdu ba de ltar dbang po gnyis ni sbyor ba yis/ /bdag gi khu ba blangs pa ni don gsungs so/ /cho ga bzhin du kun mchod na/ /myur du byang chub 'thob par 'gyur zhes pa ni/ mdun du smos pa'i mchod pa bya ba'i ngo bo gsang ba'i rdzas byang chub sems des bsgrub pa pos nyid dga' ba'i lha la sogs pa de bzhin gshegs pa thams cad
- 299b
dang gnyis su med par bsgom pas ma grub kyi bar gyi dus de tsam du/ ji ltar smos pa'i cho gas mchod pa bya bar smos so/ /de byas pas bla na med pa'i ye shes kyi 'bras bu sangs rgyas dang byang chub gnyis su med pa'i ngo bo yin pa de 'thob par ming btags pa 'grub par 'gyur bar smos pa yin no/ /de ltar cho ga bzhin du kun mchod na/ /sangs rgyas byang chub 'thob par 'gyur gyi don du gsungs so/ /da ni gzhan yang de bzhin gshegs pa thams cad kyi gsang ba'i spyod pa mnyam par gnyis su med pa'i sdom pa'i ngo bo bsgrub par bya ba de'i cho ga'i tshul gyi don bstan par bya ste/ de nas phyag na rdo rje de bzhin gshegs pa thams cad kyis bdag pos/ yang de bzhin gshegs pa thams cad kyi spyod pa sku dang gsung dang thugs kyi sdom pa 'di/ nyid kyi sku dang gsung dang thugs rdo rjes las byung ngo/ /zhes bya ba'i sgra bshad par bya ste/ ji ltar yin na/ de nas ni mdun du smos pa'i gsang ba'i mchod pa byas nas/ gsang ba'i rdzas byang chub sems de bza' ba'i mchod pas bsgrub par bya ba'i ngo bo'i don bshad par mdzad pa'i 'og tu/ de bzhin gshegs pa thams cad kyi gsang ba'i spyod pa gnyis su med par mnyam pa'i sdom pa'i ngo bo de bsgrub par bya ba bshad par brtsam pa mtshon par bstan to/ de ltar de nas kyi don du gsungs so/ /phyag na rdo rje de bzhin gshegs pa smos pa de dag thams cad kyi bdag pos zhes pa ni/ de'i don mdun du bshad pas bde ste bshad mi dgos so/ /yang de bzhin gshegs pa thams cad kyi spyod pa sku dang gsung dang thugs kyi sdom pa'i 'di zhes pa ni/ ston pa phyag na rdo rje nyid la sogs pa rigs lnga'i bye brag gi de bzhin gshegs pa smos pa de dag thams cad don dam par sku dang gsung dang thugs gnyis su med pa'i bsgom pas 'og nas 'byung ba'i tshul du/
- 300a
mnyam pa nyid gnyis su med pa'i sems kyi lta ba'i rnam par dag par ming btags pa'i thabs dang shes rab rol pa bya dang/ bsrung ba'i sdom po'i ngo bo yin no/ /tshul de ltar bsgrub par bya bar smos so/ /de ltar yang de bzhin gshegs pa thams cad kyi spyod pa sku dang gsung dang thugs kyi sdom pa 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gyi ngo bo gcig par smos so/ /de ltar sku dang gsung dang thugs rdo rje gsum dang gnyis su med pa'i ngo bo'i bsgrub pa pos ci lta smos pa'i tshul gyi gsang ba'i spyod pa'i sdom pa srung ba bya ba'i ngo bo bsgrub par bya ba'i dus su bsgom par bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang gsung rdo rje dang thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni/ ston pa phyag na rdo rjes mdun du smos pa'i gsang ba'i spyod pa'i sdom pa srung bar bya ba'i ngo bo bsgrub par bya ba'i don phyung ba 'am bshad par smos so/ /de tar las phyung ba'i ngo bo'i don du gsungs so/ /da ni gzhan yang gsang ba'i spyod pa mnyam pa gnyis su med pa'i sdom pa'i srung ba'i ngo bo bsgrub pa bya ba'i cho ga'i don bstan par bya ste/ sems can khams rnams mdza' yas kyi/ /dam tshig 'dzin pa rnams la ni/ /dam tshig gsum ni rdo rje spyan/ /sdom pa di ni rmad po che/ /zhes bya ba'i sgra bshad par bya ste/ ji ltar yin na/ sems can khams rnams mdza' yas kyi/ /dam tshig 'dzin pa rnams la ni/ /phyi'i gnas dben pa dang/ skyed pos tshal gyi gnas dang/ ri'i rtse mo'i gnas dang/ dur khrod kyi gnas dang/ de ltar gnas bzhi
- 300b
nyid nyid kyi rigs kyi bye brag tu bstan par bya ste/ phyi'i gnas dben pa chen po ni rdo rje rigs kyi bye brag gi yin no/ /skyed mos tshal gyi gnas ni/ gsung gi rigs kyi bye brag gi yin no/ /ri rtse'i gnas ni sku'i rigs kyi bye brag yin no/ /dur khrod kyi gnas de ni las kyi rigs kyi bye brag gi yin no/ /de ltar gnas de bzhi ni nyid nyid kyi yon tan gyis mdzes pa phun sum tshogs pa dang ldan pa'i ngo bo'i mdun du smos pa'i de bzhin du 'dir bstan to/ /de lta bu'i gnas bzhi'i nang na nyid dga' ba'i lha'i rigs kyi bye brag gi bsgrub pa bya ba yin no/ /gnas der sa gzhi mnyam pa bya'o/ /de'i 'og tu bshang gci la sogs dam rdzas bdud rtsi lnga snod ban da mtshan thams cad dang ldan pa'i nang du gzhag go /gzhan yang phyi'i ka ra pu ra dang gur kum dang tsan dan dang/ de dag la sogs pa'i rdzas dri zhim po thams cad bsre bar bya'o/ /rdzas des dkyil 'khor gru bzhi'i ngo bo khru gang gi tshad du bsku bar bya ba yin no/ /de'i 'og tu pad ma dang ku mu da dang/ ud pa la dang/ tsam pa ka dang/ de dag la sogs pa me tog dri dang ldan pa thams cad dkyil 'khor gyi steng gi dgram par bya'o/ /de ltar byas ma thag tu bsgrub pa pos dkyil 'khor gyi steng gi dbus gnas su mos pa'i bskyil mos 'dug go /de ma thag tu mdun du smos pa'i cho ga'i tshul gyis dpal rdo rje sems dpa' la sogs pa rigs lnga'i de bzhin gshegs pa'i nang na nyid dga' ba'i lha la mos pa de'i sku phyag rgyar gyur par bya'o/ /sku phyag rgya de'i cha lugs phun sum tshogs pa thams cad ci ltar le'u bzhi pa las/ thugs kyi dkyil 'khor gyi dus su bya ba smos pa'i de bzhin du 'dir bya ba yin no/ /de lta bu'i ngo bo nyid dga' ba'i lha'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i
- 301a
dus su phyi nyid dga' ba'i lha'i bye brag gi shes rab ma blang ngo/ /de mdun du smos pa'i mtshan dang yon tan phun sum tshogs pa thams cad dang ldan pa'o/ /de lta bu'i ngo bo'i shes rab ma'i bsgrub pa po nyid kyi mdun du skad cig tsam gzhag go /de'i 'og tu bsgrub pa pos nyid kyi gsang ba'i thugs ka ye shes kyi sems dpa' i gnas su sngags sa bon yig 'bru hUM bsam mo/ /de kha dog mthing ga me long lta bu'i ye shes kyi ngo bo gzi brjid chen pos 'bar zhing 'od du zhu nas ye shes kyi khu ba bzhin du gyur to/ /sa bon de las khro bo'i rgyal po a mri ta kuN+Da la'i sku phyag rgya bskyed par bya'o/ /phyag g.yas dang po na kyo ba 'dzin pa/ g.yon dang po na rdo rje zhags pa 'dzin pa/ gzhan yang sku mdog dang zhal dang/ phyag dang phyag mtshan dang/ rgyan dang nyid kyis shes rab ma khro mo'i rgyal mo dang/ gnyis su med par 'khyud pa'i sbyor ba dang ldan pa'o/ /de ltar cha lugs phun sum tshogs pa thams cad/ ci ltar le'u bzhi pa las/ thugs kyi dkyil 'khor gyi dus su bya bar smos pa de bzhin du 'dir bya ba yin no/ /de lta bu'i ngo bo khro bo'i rgyal po a mri ta'i sku phyag rgya grangs med pa sprin bzhin du 'jig rten gyi khams thams cad kyi gnas su khyab par spro bar bya'o/ /de ma thag tu lha dang mi la sogs pa sems can gyi khams mdza' yas pa de dag thams cad kyi dam tshig tu ming btags pa chud par smos so/ /de dag thams cad kyi b+ha ga gnas nas rdo rje kyo bas bzung/ rdo rje'i zhags pas mgul pa nas bcings te/ tshul de ltar dgug par bya'o/ /sems can gyi khams thams cad kyi dam tshig tu ming btags pa chung ma mdza' yas ma lus pa dgug par gyur ma
- 301b
thag tu/ de'i mdun du smos pa'i bsgrub pa po'i mdun du shes rab ma gzhag pa de'i lus la gnyis su med par thim par gyur par bsam mo/ /gzhan yang dgug par mdzad mkhan gyi sku phyag rgya grangs med pa sprin lta bur smos pa de ni spro ba'i gnas su gnyis su med par 'dus par bsam mo/ /tshul de ltar spro ba dang bsdu ba byas pa'i 'og tu/ nyid dga' ba'i lha'i rigs kyi bye brag gi ye shes kyi lha mo dang shes rab ma'i lus gnyis su med pa'i ngo bor byin gyis brlabs par bya'o/ /bstan par bya ste/ mdun du smos pa'i tshul gyis ngo bo'i shes rab ma de ni/ ci ltar smos pa'i tshul gyi sems can gyi khams mdza' yas pa de dag thams cad kyi dam tshig tu ming btags pa'i chung ma'i lus 'dzin par rtag go /don des dam tshig 'dzin par shes rab ma smos so/ /gzhan yang shes rab mar ming btags pa bsgrub pa pos shes rab ma spyad pa'i tshul gyis bla na med pa'i sangs rgyas kyi zhing gi nas su skyed pa 'grub par 'gyur ba yin no/ /gzhan yang 'phags pa ye shes zhabs kyis nyid kyi 'brel pa las bshad pa de'i don 'dir bstan par bya'o/ /mdun du smos pa'i shes rab ma de'i sgrub pa pos 'khor bar skye bar byed pa'i gnas kyi ngo bo rang gi ma blang ngo/ /de ji ltar smos pa'i cho ga'i tshul du byin gyis brlab par byas nas/ ci phyi ci log gi rnam par rtog pa spangs te/ bla na med pa 'bras bu 'grub pa'i phyir/ grogs shes rab ma bya ba yang mi 'gal bar smos so/ /mdor bsdu ba de ltar sems can khams rnams mdza' yas kyi/ dam tshig 'dzin pa rnams ni'i don du gsungs so/ /dam tshig gsum gyi rdo rjes spyad/ sdom pa 'di ni rmad po che zhes pa ni/ mdun du smos pa'i cho ga'i tshul gyis shes rab ma byin gyis brlab par byas ma thag tu/ sgrub pa pos 'dod chags chen po'i sems dga'
- 302a
bas brtan pa'i brtson 'grus kyis phyin ci log gi rnam par rtog pa spangs nas gnyis su med par 'khyud pa'i sbyor bas spyad par ming btags pa thabs dang shes rab rol par bya'o/ /de'i dus su sku dang gsung dang thugs rdo rje gsum dang dam tshig gi sbyor ba'i sgom pa bya ba yin no/ /gzhan yang bsgrub pa pos nyid kyi lus sku rdo rje rnam par snang mdzad yin par sbyor bar bsgom pa yin no/ /tshul de ltar gnyis su med par 'khyud par bya ba'i cho ga dus 'dir bstan to/ /gzhan yang 'khyud par bya ba'i 'og tu shes rab ma'i bu ga'i nang du gsang ba'i rdo rje gzhug par byas pa bskyod pa'i thabs kyis rol pa bya ba'i dus su/ shes rab ma'i b+ha ga de ni gsung rdo rje snang ba mdza' yas kyi shes rab ma ye shes kyi lha mo na bza' dkar mo'i b+ha ga yin par sbyor ba'i bsgom pa bya bar smos so/ gzhan yang bsgrub pa pos nyid gsang ba'i rdo rje gsung rdo rje snang ba mdza' yas kyi gsang ba'i rdo rje yin par sbyor ba'i bsgom pa bya bar smos so/ /gzhan yang mdun du smos pa'i tshul du rol pa byas pa'i 'og tu thabs dang shes rab gnyis ka gnyis su mnyam du bde bar gyur pa'o/ /de'i skabs su rdo rje lam gyi sgo nas dang de bzhin du pad ma'i lte ba'i sgo'i lam nas 'dod chags kyi khu ba byang chub sems su ming btags pa shes rab ma'i b+ha ga'i dbus gnas su 'od du zhu ba de'i dus su/ shes rab ma'i b+ha ga'i ci ltar smos pa'i 'dod chags kyi brlan pa de thugs rdo rje sems dpa' shes rab ma ye shes kyi lha mo mA ma kI'i b+ha ga'i ngo bo yin par sbyor ba'i bsgom pa bya bar smos so/ /gzhan yang sgrub pa pos mdun du smos pa'i tshul du rol pa byas pas bde bar gyur pa'i bde ba de ni thugs rdo rje/ rdo rje sems dpa' nyid kyi ngo bo yin par bsgom par bya bar smos so/ /mdor bsdu ba'i don de ltar rdo rje gsum gyi
- 302b
dam tshig gi sbyor ba'i bsgom pa'i ngo bo shes rab ma spyad par bya ba yin no/ /gzhan yang mdun du smos pa'i gsang ba'i spyod pa'i mnyam par gnyis su med par spyad par sdom pa'i ngo bo yin no/ /sdom pa thams cad kyi nang na sdom pa 'di ni/ mang po char bstan pa'o/ /de ltar dam tshig gsum gyi rdo rjes spyad/ sdom pa 'di ni rmad po che'i don du gsungs so/ /da ni gzhan yang mdun du smos pa'i tshul du thabs dang shes rab rol pa byas nas 'dod chags kyi khu ba byang chub sems su ming btags pa'i ngo bo 'od du zhu ba de bza' bar byas pas 'bras bur 'gyur ba de'i don bstan par bya ste/ /de nas phyag na rdo rje de bzhin gshegs pa thams cad kyi bdag po/ yang bsgrub pa pos thams cad kyi sdom pa rdo rje 'di nyid kyi sku dang gsung dang thugs rdo rje las byung ngo/ /zhes bya ba'i sgra bshad par bya ste/ ji ltar yin na/ de nas ni mdun du smos pa'i de bzhin gshegs pa thams cad kyi gsang ba'i spyod pa mnyam par gnyis su med pa spyod pa sdom pa'i ngo bo bshad par mdzad pa'i 'og tu spyod pa des 'byung ba'i ji ltar smos pa'i byang chub sems nges bza' bar byas 'grub pa'i 'bras bur gyur pa de'i don bshad par brtsams pa mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag po zhes pa de'i don mdun du bshad pas bde ste 'dir bshad mi dgos so/ /yang bsgrub pa pos thams cad kyi sdom pa'i rdo rje 'di zhes pa ni/ bsgrub pa pos thams cad du ming btags pa mi'i rigs kyi nang na man ngag gi bsgom pa'i tshul 'di mdun du smos pa'i tshul du bsgrub pa yin no/ /rdo rje ni sku dang gsung dang thugs rdo rje gsum dang gnyis su med par bsgom pas mdun du smos pa'i byang chub sems longs spyod bza' bar bya bar smos so/ /de ltar yang bsgrub pa pos thams cad kyi rdo
- 303a
rje'i sdom pa 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku dang gsung dang thugs rdo rje gsum gyi ngo bo gcig par smos so/ /de ltar sku dang gsung dang thugs rdo rje gsum dang/ gnyis su med pa'i ngo bo bsgrub pa pos 'og nas 'byung ba'i tshul du byang chub sems bza' bar bya ba'i dus su bsgom par bya ba smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni ji ltar sku rdo rje dang/ gsung rdo rje dang/ thugs rdo rje gsum gyi ngo bo gcig par smos so/ /de ltar sku dang gsung dang thugs rdo rje gsum dang gnyis su med pa'i ngo bo bsgrub pa pos 'og nas 'byung ba'i tshul du byang chub sems bza' bar bya ba'i dus su bsgom par bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang/ gsung rdo rje dang/ thugs rdo rje gnyis su med par bshad par de bzhin du 'dir bstan to/ /de ltar rdo rje'i don du gsungs so las phyung ngo zhes pa ni/ ston pa phyag na rdo rjes mdun du smos pa'i byang chub sems bza' bar byas pas grub pa'i 'bras bur gyur pa de'i don phyung ba 'am bshad par smos so/ /de ltar phyung ngo'i don du gsungs so/ /da ni gzhan yang ji ltar smos pa'i ngo bo'i byang chub sems bza' bar byas pas dngos grub gyi 'bras bur gyur pa de'i don bstan par bya ste/ sku gsung thugs kyi longs spyod ni/ /gsang gsum rdo rje'i gnas las 'byung/ /bzang po dag gis bsgrub par bya/ / sangs rgyas dngos grub 'thob par 'gyur zhes bya ba'i sgra bshad par bya ste/ ci ltar yin na/ sku gsung thugs kyi longs spyod ni/ /gsang gsum rdo rje'i gnas gyur las byung ni/ mdun du smos pa'i byang chub sems de shes rab ma'i b+ha
- 303b
ga'i nang du blangs nas/ smod ban d+ha mtshan thams cad dang ldan pa'i nang du gzhag go /de'i 'og tu sku dang gsung dang thugs kyi rdo rje gsum dang gnyis su med pa'i bsgom pa'i sbyor ba'i longs spyod du ming btags/ oM swa b+hA ba shud d+ha sarba d+harma swa b+hA ba shud d+ho haM/ de ltar sngags kyi tshig brjod cing byang chub sems bza' bar bya ba yin no/ /de nas gsang gsum rdo rje gnas las byung bar ming btags pa mdun du smos pa'i ma grub kyi bar de tsam du dus rtag tu byang chub sems bza' byas nas sku gsang ba dang gsung gsang ba dang/ thugs gsang ba dang/ de ltar gsang ba gsum gyi don/ don dam pa bla na med pa byang chub de ni gnas kyi ngo bo yin no/ /gnas de nas rdo rjer ming btags pa ci ltar smos pa'i tshul gyi steng pa chen po'i ye shes kyi ngo bo 'bras bu 'byung ba'i 'grub par 'gyur bar smos so/ /de ltar sku gsung thugs kyi longs spyod ni/ gsang gsung rdo rje'i gnas las byung gi don du gsungs so/ /bzang po dag gis bsgrub par bya/ sangs rgyas dngos grub thob par 'gyur zhes pa ni/ bzang por ming btags pa'i mdun du smos pa'i bla na med pa'i byang chub kyi 'bras bu'i ngo bo de ni/ rim pa ma nor bar bsgom pa'i sbyor ba'i cho gas bsgrub pa byas pa'i 'bras bu med par mi 'gyur bar/ bsgrub pa pos dus 'dir bsgrub pa byed pa de bar tshad med pas nges par tshe 'di la/ sangs rgyas su ming btags pa'i phyag rgya chen po'i ngo bo 'grub par 'gyur bar smos so/ /mdor bsdu ba de ltar bzang po dag gis bsgrub par bya/ sangs rgyas dngos grub thob par 'gyur gyi don du gsungs so/ /da ni gzhan yang rgyud 'di'i nang nas bsgrub pa smos pa thams cad kyi nang nas gang yang rung ba bsgrub pa pos sgrub par byed pa de'i dus su bkres pa dang skom pa'i skyon du gyur pa de med par bya ba'i bsgom
- 304a
par sdom par ming btags pa de'i cho ga'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ yang bsgrub pa po thams cad kyi rdo rje de kho na nyid kyi sdom pa 'di nyid sku dang gsung dang thugs kyi rdo rje las phyung ngo/ zhes bya ba'i sgra bshad par bya ste/ ji ltar yin na/ de nas ni mdun du smos pa'i de bzhin gshegs pa thams cad kyi gsang ba'i spyod pa'i mnyam pa gnyis su med pa'i spyod pa'i bsgom pa'i ngo bo'i sgrub pa ci ltar smos pa'i byang chub sems bza' bar byas pas bsgrub pa'i 'bras bur gyur pa de'i don bshad par mdzad pa'i 'og tu ji ltar smos pa'i tshul du bsgrub pa bya ba'i dus su bkres pa dang skom pa'i skyon du gyur pa de med par bya ba'i thabs kyis sgom pa'i sdom pa de'i cho ga'i don bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste 'dir bshad mi dgos so/ /yang bsgrub po thams cad kyi rdo rje de kho na nyid kyis sdom pa 'di zhes pa ni/ bsgrub pa po thams cad du ming btags pa mi'i rigs kyi nang na gang gis man ngag tshul gyis sdom pa bsgom pa 'di byed pa yin no/ /de ltar rdo rjer ming btags pa sku rdo rje rnam par snang mdzad kyi sngags kyi sa bon yig 'bru oM yin no/ /de ni chos kyi dbyings kyi ye shes rdo rje'i ngo bor bstan to/ /de nas de kho na nyid du ming btags pa mdun du smos pa'i sngags sa bon yig 'bru oM de ni 'og nas 'byung ba'i tshul du bdud rtsi lnga'i ye shes kyi khu ba'i ngo bor gyur pa sdom par ming btags pa bsgom par bya bar smos so/ /de ltar yang bsgrub pa po thams cad kyi rdo rje/ de kho na nyid kyi don du gsungs so//
- 304b
sku dang gsung dang thugs zhes pa ni/ ston pa phyag na rdo rje de nyid kyi sku phyag rgya sku dang gsung dang thugs rdo rje gsum gyi ngo bo gcig par smos so/ /de ltar sku dang gsung dang thugs rdo rje gsum dang gnyis su med par ngo bo bsgrub pa pos 'og nas 'byung ba'i tshul gyis nyid kyis lus rgyas par bya ba'i phyir bsgom pa bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang/ gsung rdo rje dang/ thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las byung ngo zhes pa ni/ ston pa phyag na rdo rjes mdun du smos pa'i lus rgyas par bya ba'i ngo bo sdom pa'i sgom pa'i don phyung ba 'am bshad par smos so/ /de ltar las phyung ba'i don du gsungs so/ /da ni gzhan yang ci ltar mdun du smos pa'i ngo bo'i lus rgyas par bya ba'i phyir sdom par ming btags pa bsgom pa bya ba'i ngo bo'i don bstan par bya ste/ mtho gang tsam gyis spags nas ni/ /spyi bor dkyil 'khor bzhag par bya/ /dbus kyi gnas su oM bsam nas/ /bdun rtsi lnga po dbab par bya zhes bya ba'i sgra bshad par bya ste/ ji ltar yin na/ mtho gang tsam gyis spags nas ni/ spyi bor dkyil 'khor brtag par bya ni/ sgrub pa pos ci ltar smos pa'i tshul du bsgrub pa bya ba'i dus su bza' ba dang/ btung ba med par 'gyur ba dang/ gzhan yang sgrub pa byed pa'i gnas kyi bdag po la sogs pa bgegs ma rungs pa thams cad kyi nang na gang yang rung ba'i sems can ma rungs pas byin gyis brlabs nas gnod pa byed pa de skyon gyis bsgrub pa po de'i lus bkres pa dang skom pa'i sdug bsngal gyis/ shin tu ring pa'i ngo bo nyam thag pa dang mdangs dang/ dbang po'i stobs dang/ de dag la sogs pa chung bar gyur na/ de'i dus su bsgrub pos nyid kyis lus kyi spyi bo'i steng du
- 305a
mtho gang tsam du spags pa'i tshad du nam mkha' i gnas su/ dang po ni sngags sa bon yig 'bru A bsam mo/ /yang na sngags sa bon yig 'bru hUM/ bsam pa yang mi 'gal lo/ /de'i dus 'dir kha dog dkar po me long lta bu'i ye shes la sogs pa ye shes lnga'i ngo bo gzi brjid kyis 'bar ba'i 'od kyis 'bar ba'o/ /sa bon de las zla ba'i dkyil 'khor gyi ngo bor 'gyur bar brtag go /mdor bsdu ba de ltar mtho gang tsam gyi spags pa dang/ spyi bor dkyil 'khor brtag par bya ba'i don du gsungs so/ /dbus kyi gnas su oM bsams nas/ bdud rtsi lnga po dbab par bya zhes pa ni/ dbus su ming btags pa mdun du smos pa'i zla ba'i dkyil 'khor du gyur par byas pa de'i dbus gnas su/ sngags sa bon yig 'bru oM bsam par bya ba yin no/ /de kha dog dkar po dus 'dir me long lta bu'i ye shes la sogs pa'i ye shes lnga gnyis su med pa'i ngo bo'o/ /gzi brjid chen po 'bar ba'i 'od kyis 'bar zhing 'od du zhu nas de bdud rtsi lnga'i khu ba'i ngo bor gyur to/ /de ma thag tu bsgrub pa pos nyid kyi spyi bo'i steng gi dbus su rgyun 'bab pa'i tshul du bab nas nyid kyi lus kyi nang du thim par gyur par bsam mo/ /de ltar dbus kyi gnas su oM bsams nas/ bdud rtsi lnga po dbab par bya ba'i don gsungs so/ /de ni gzhan yang mdun du smos pa'i rdo rje sbyor bar ming btags pa bsgom pa byas pas 'bras bur gyur pa de'i don bstan par bya ste/ rdo rje sbyor ba 'di yis ni/ skad cig dag gis gzi brjid 'gyur/ /lus dang ngag sems bde gnas par/ /'gyur bar 'di ni dogs pa med/ ces bya ba'i sgra bshad par bya ste/ ji ltar yin na/ rdo rje sbyor ba 'di yis ni/ skad cig dag gi gzi brjid 'gyur ni/ 'di ni ming btags pa mdun du smos pa'i bsgom pa'i
- 305b
don yin no/ /rdo rje'i sbyor ba'i ni me long lta bu'i ye shes la sogs pa ye shes lnga rdo rjer gnyis su med pa'i ngo bo zla ba'i dkyil 'khor dang/ sngags sa bon yig 'bru oM de ni bdud rtsi lnga'i khu ba'i ngo bor gyur par byas pa de ltar bsgom ? ? byas pa de rdo rje'i sbyor bar smos so/ /bstan par bya ste/ mdun du smos pa'i rdo rje sbyor ba'i byas ma thag tu bsgrub pa po'i lus kyi sha dang khrag skye bar 'gyur ba yin no/ /gzhan yang nyams dang shin tu ldan par 'gyur ro/ /de bzhin du mdangs? dang ldan par 'gyur ro/ /de bzhin du dbang po lnga'i stobs kyang 'gyur bar smos so/ /de ltar rdo rje'i sbyor ba 'di yis ni/ /skad cig tsam gyis gzi chen 'gyur gyi don du gsungs so/ /lus dang ngag sems bder gnas pa/ /'gyur bar 'di ni dag? pa med/ ces pa ni mdun du smos pa'i ngo bor bsgrub pa po'i lus de gzi brjid chen por gyur pa'i 'og tu rim gyis tshe 'di la de bzhin gshegs pa thams cad kyi don dam pa'i sku dang gsung dang thugs rdo rje gsum dang gnyis su med pa'i ngo bo bla na med pa'i ye shes kyi 'bras bu bde bar gnas pa dogs pa med par nges par 'thob pa 'am 'grub par 'gyur bar smos so/ /de ltar lus dang ngag dang sems bder gnas par/ 'gyur bar 'dir ni dogs pa med kyi don du gsungs so/ /da ni gzhan yang bsgrub pa po rnams la don dam pa'i sku dang gsung dang thugs kyi bsgom pa bya ba'i ngo bo'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ yang sngags 'dzin pa'i thams cad kyi sku dang gsung dang thugs kyi gsang ba 'di/ nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ji ltar yin na/ de nas ni mdun du smos pa'i bkres pa dang skom pa'i skyon de dag med par bya ba'i thabs kyis sdom pa'i
- 306a
ngo bo de'i don bshad par brtsams pa'i 'og tu sgrub pa po rnams la don dam pa'i bsgom pa bya ba'i ngo bo'i cho ga'i don bshad par brtsams pa mtshon par bstan to/ /de ltar de nas kyi don du gsungs so/ / phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste 'dir bshad mi dgos so/ /yang sngags 'dzin pa thams cad kyi sku dang gsung dang thugs kyi gsang ba 'di zhes pa ni/ ye shes kyi lha thams cad kyi bsgrub pa'i sngags thams cad smos pa de mdor bsdus pa de bzhin gshegs pa thams cad don dam par sku dang gsung dang thugs gsum dang gnyis su med pa'i ngo bo de ni stong pa chen po'i ye shes ci ltar smos pa'i tshul gyis don dam par byang chub sems gsang ba yin no/ /'dzin par ming btags pa bsgrub pa pos gnyis su med par bsgom pa de ni bzung 'dzin dang bral ba yin no/ /don des bsgrub pa pos sngags thams cad 'dzin pa/ sku dang gsung dang thugs gsang ba'i bsgrub pa byed par smos so/ /mdor bsdu ba de ltar yang sngags 'dzin pa thams cad kyi sku dang gsung dang thugs kyi gsang ba 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku dang gsung dang thugs rdo rje gsum dang gcig pa'i ngo bor smos so/ /de ltar sku dang gsung dang thugs rdo rje gsum dang gnyis su med pa'i ngo bo bsgrub pa pos 'og nas 'byung ba'i tshul du bsgom pa bya bar smos so/ /de ltar sku dang gsung dang thugs kyi don du gsungs so/ /rdo rje zhes pa ni/ ji ltar sku rdo rje dang/ gsung rdo rje dang/ thugs rdo rje gnyis su med par bshad pa de bzhin du/ 'dir bstan to/ /de ltar rdo rje'i don du gsungs so/ /las phyung ngo zhes pa ni/ ston pa
- 306b
phyag na rdo rjes 'og nas 'byung ba'i tshul du sku dang gsung dang thugs rdo rje'i don dam pa'i bsgom pa bya ba phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang sku dang gsung dang thugs don dam pa'i bsgom pa bya ba'i ngo bo'i don bstan par bya ste/ mchod rten dag gis las mi bya/ /glegs bam klag par mi bya zhing/ /dkyil 'khor dag kyang yong mi bri/ /rdo rje gsum mchog phyag mi bya/ /zhes bya ba'i sgra bshad par bya ste/ ci ltar yin na/ mchod rten dag gi las mi bya/ /glegs bam klag pa'ang mi bya zhing ni/ phyi'i theg pa 'og ma pa'i spyod pa ni bya ba dang/ gsang sngags kyi tshul gyi bsgrub pa pos sku dang gsung dang thugs don dam pa gnyis su med pa'i bsgom pa byed na/ des mchod rten gyi las mi bya ba dang/ theg pa 'og ma pa rnams kyis glegs bam la sogs pa gang yang rung ba phyi'i chos klag par mi bya bar smos so/ /de ltar mchod rten dag gi las mi bya/ glegs bam klag par mi bya dang gi don du gsungs so/ /dkyil 'khor dag ni yong mi bri// rdo rje gsum mchog phyag mi bya zhes pa ni/ bsgrub pa pos mdun du smos pa'i ngo bo phyir rdul tshon gyi dkyil 'khor sa las mi bya ba dang/ de bzhin du ras dang gyang la sogs pa la mi bya ba yin/ de nas rdo rje gsum mchog tu ming btags pa sku rdo rje rnam par snang mdzad nyid kyi rigs kyi 'khor dang bcas pa dang/ gsung rdo rje snang ba mdza' yas nyid kyi rigs kyi 'khor dang bcas pa dang/ thugs rdo rje mi skyod pa nyid kyi rigs kyi 'khor dang bcas pa dang/ tshul de lta bur rdo rje gsum ni brdungs pa dang/ rkos pa dang/ blugs pa dang/ lder sor byas pa dang/ ri mor byas pa dang/ de dag la sogs pa phyi'i gzugs brnyan gyi ngo bor byas pa de dag la phyag mi bya ba yin no/ /bstan par bya ste/ mdun du smos pa'i sgrub pa pos phyi'i
- 307a
theg pa 'og ma la sogs pa'i chos kyi spyod pa spyod par byed na/ de'i skyon gyis de bzhin gshegs pa thams cad kyis don dam pa sku dang gsung dang thugs gsum dang gnyis su med pa'i ye shes kyi 'bras bu de nyams par 'gyur bar smos so/ /bsdu ba de da ltar dkyil 'khor dag kyang yongs mi bri/ rdo rje gsum mchog phyag mi bya'i don du gsungs so/ /da ni gzhan yang rtsa ba dang sems can gyi dug smos pa thams cad 'og nas 'byung ba'i tshul gyis bye brag gsum gyis gso ba dang med par bya ba'i sgom pa'i cho ga'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ dug thams cad 'byin ba dang gnon pa dang/ 'dren pa'i gsang ba 'di nyid kyi sku dang gsung dang thugs rdo rje las phyung ngo/ /zhes bya ba'i sgra bshad par bya ste/ ji ltar yin na/ de nas ni mdun du smos pa'i sgrub pa po rnams la don dam pa'i bsgom pa bya ba'i cho ga'i don bstan par byas pa'i 'og tu rtsa ba dang sems can gyi dug gi tshul thams cad bye brag gsum gyis gso ba dang/ med par bya ba'i bsgom pa'i cho ga'i don bshad par brtsams pa mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyis bdag pos zhes pa ni/ de'i don mdun du bshad pas bde ste/ 'dir bshad mi dgos so/ /dug thams cad 'byin pa dang/ gnon pa dang/ 'dren pa gsang ba 'di zhes pa ni/ mdun du smos pa'i dug thams cad 'byin par bya ba dang/ gnon par bya ba dang/ 'dren par bya ba dang/ de ltar bya ba'i thabs kyi ngo bo gsang bar ming btags pa'i sa bon yig 'bru phruM dang/ gzhan yang dug sngags sa bon yig 'bru h+ri
- 307b
smos so/ /de ltar dug thams cad 'byin pa dang/ gnon pa dang/ 'dren pa gsang ba'i 'di'i don du gsungs so/ /nyid kyi sku dang gsung dang thugs zhes pa ni/ ston pa phyag na rdo rje nyid kyi sku phyag rgya sku dang gsung dang thugs rdo rje gsum gyi ngo bo gcig par smos so/ /de ltar sku dang gsung dang thugs rdo rje gsum dang gnyis su med pa'i ngo bo bsgrub pa pos bdag dang gzhan gyi dug thams cad sos par bya ba'i bsgom pa bya bar smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni ci ltar sku rdo rje dang gsung rdo rje dang/ thugs rdo rje dang gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni ston pa phyag na rdo rje 'og nas 'byung ba'i tshul du/ dug thams cad dbyung ba dang gnon pa dang/ 'dren par bya ba de ltar bya ba'i thabs kyi ngo bo gsang bar ming btags pa'i sngags sa bon yig 'bru gnyis kyi bsgom par bya ba'i cho ga'i ngo bo'i don phyung ba 'am bshad par smos so/ /de ltar las phyung ngo'i don du gsungs so/ /da ni gzhan yang dug thams cad ci ltar smos pa'i tshul gyis med par bya ba'i bsgom pa'i cho ga'i ngo bo'i don bstan par bya ste/ 'od zer dkar po 'bar ba'i phreng/ /'khor lo'i dbus su bzhag nas ni/ /'od zer ser po sprin lta bu/ /ser po'i mdog tu bsgom par bya/ zhes bya ba'i sgra bshad par bya ste/ ji ltar yin na/ 'od zer dkar po 'bar ba'i phreng/ /'khor lo'i dbus su bzhag nas ni/ /sems can gang yang rung ba'i rtsa ba dang/ sems can gyi dug gis zin pa de ni rtsa ba sems can gyi dug gi bye brag thams cad ci ltar mdun du bshad pa de bzhin du 'dir bstan to/ /de ltar thugs thams cad las gang yang rung ba sems can thams cad
- 308a
kyi nang nas gang yang rung bas zin pa de'i dus su/ sgrub pa pos snying rje chen po'i sems bskyed nas dug gsod par bya ba yin no/ /bstan par bya ste/ bsgrub pa pos dug gis zin pa'i sems can gyi drung du mos pa'i ?? mos 'dug pa/ de'i dus su khro bo'i rgyal po ha ya gri ba ci ltar smos pa'i tshul du sku phyag rgya skyed pa'o/ /bsgrub pa pos de dang gnyis su med pa'i nga rgyal du bsgom pa byas nas de'i 'og tu nyid kyi lag pa g.yas pa'i mthil gyi dbus gnas su/ gzhag par ming btags pa sngags sa bon yig 'bru phruM bsam mo/ /de ni dus 'dir kha dog dkar po chos kyi dbyings kyi ye shes kyi ngo bo'o/ de 'bar zhing 'od du zhu nas ye shes kyi khu ba bzhin du gyur to/ /sa bon de las ye shes kyi 'khor lo rtsibs brgyad kyi ngo bor gyur par brtag go /ye shes kyi 'khor lo ni chos kyi dbyings kyi ye shes kyi ngo bo 'od zer gyi 'bar ba'i phreng ba'i tshul gyis 'bar bar bsam mo/ /de ltar lag pa g.yas ye shes kyi 'khor lo dang ldan pa des dug gis zin pa'i lus bya ba po/ /de'i dus su ye shes kyi 'khor lo 'bar ba'i phreng bas 'bar ba de dug gis zin pa'i sems can gyi lus la thim par brtag go /de'i byin gyis brlabs pa'i thabs kyis yon tan gyis dug yan lag dang nyid lag thams cad kyi rtsa ba'i sgo nas mi khyab par gnon par 'gyur bar smos so/ /de ltar 'od zer dkar po'i 'bar ba'i phreng/ /'khor lo'i dbus su bzhag nas ni'i don du gsungs so/ /'od zer ser po sprin lta bu/ /ser po'i mdog tu bsgom par bya zhes pa ni/ mdun du smos pa'i dug gnon pa'i bsgom pa'i cho ga byas pa'i 'og tu ji ltar smos pa'i 'khor lo'i lte ba'i dbus gnas su sa bon yig 'bru h+ri bsam mo/ /de ni dus 'dir ser po'i mdog tu ming btags pa
- 308b
gser gyi kha dog lta bu'o/ /de so sor rtog pa'i ye shes kyi ngo bo'o/ /gzhan yang sngags sa bon yig 'bru h+ri de ni 'od zer ser po stug po sprin lta bur 'bar ba yin no/ /de ltar mdun du smos pa'i ye shes kyi 'khor lo de ni sngags sa bon yig 'bru h+ri dang ldan pa'o/ /ye shes des dug gis zin pa'i lus la khro bo'i rgyal po ha ya gri ba'i sngags rings khro bo chen pos zla zhing byas pa'o/ /de'i dus su ye shes kyi 'khor lo'i mdun du smos pa'i lte ba'i dbus gnas kyi sngags sa bon yig 'bru h+ri ci ltar smos pa'i kha dog dang ye shes kyi 'od zer grangs med pa'i sprin lta bu stug pa'i ngo bor 'bar bar dug gis zin pa'i sems can gyi lus la thim par gyur par brtag go /de byin gyis brlab pa'i thabs kyis yon tan gyis 'dren par ming btags pa skyug par byed pa yin no/ /bstan par bya ste/ gnon pa dang/ dgug par byas pas ci ltar smos pa'i dug thams cad 'byung bar ming btags pa dug med pas sems can sos par 'gyur bar smos so/ /gzhan yang ci ltar mdun du smos pa'i tshul gyis pha rol gyi sems can gyi dug sos par bsgom pa'i cho ga bya bar smos pa de bzhin du/ gal te bsgrub pa po nyid ci ltar smos pa'i dug gis zin pa'i cho ga de byas na sos par 'gyur bar bstan to/ /mdor bsdu ba de ltar 'od zer ser po sprin lta bu ser po'i mdog tu bsgom par bya ba'i don du gsungs so/ /da ni gzhan yang mdun du smos pa'i bsgom pa'i cho ga 'dug med par byas ma thag tu rdo rje gsum gyi sngags sa bon yig 'bru gsum dug gis zin pa'i sems can gyi lus kyi gnas gsum gyi rdo rje'i bye brag gsum gyis bsrung bar bya ba de'i don bstan par bya ste/ dam tshig 'od zer rdo rje gsum/ /gsang ba'i snying po las byung ba'o/ /zhes bya ba'i sgra bshad par bya ste/ rdo rje
- 313a
dang rgyan dang/ nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de ltar sku phyag rgya'i cha lugs phun sum tshogs pa thams cad ci ltar le'u bzhi pa las/ thugs kyi dkyil 'khor gyi dus su bya bar smos pa'i de bzhin du 'dir bya ba yin no/ /de lta bu'i khro bo'i rgyal po a mri ta kuN+Da li'i sku phyag rgya bskyed ma thag tu/ bskyed par mdzad mkhan rdo rje sems dpa' i sku phyag rgya khro bo'i rgyal po a mri ta kuN+Da li'i sku phyag rgya'i spyi bo'i gnas su dbang bskur ba'i tshul du gnas par bsam mo/ /de lta bu'i ngo bo'i khro bo'i rgyal po a mri ta kuN+Da li'i sku phyag rgya bskyed par byas pa'i 'og tu/ sgrub pa pos de dang gnyis su med pa'i nga rgyal du bsgom pa bya bar smos so/ /de ltar lam gyi bzhi mdo 'am shing gcig drung/ ma mo'i gnas sam zhi gnas su'i don du gsungs so/ /de ru rdo rje any+dza na ban da'i nang du dbab par bya zhes pa ni/ rdo rje any+dza nar ming btags pa 'og nas byung ba'i tshul gyi dam rdzas phun sum tshogs pa dbyung bar bya ba yin no/ /de ru zhes pa mdun du smos pa'i sgrub pa pos bsgom pa'i ngo bo a dza na'i bsgrub pa bya ba yin no/ /don des rdo rje a dza na de ru smos so/ /dbab par bya ba zhes ming btags pa 'og nas 'byung ba'i tshul gyi tshogs a dza na de khro bo'i rgyal po a mri ta kuN+Da li'i sngags rings dang spel ba'i tshul gyis bzla zhing/ snod ban d+ha dbab par bya ba bsgrub pa yin no/ /rtag du zhes ming btags pa a dza na gyur par byas ba'i 'og tu ma grub kyi bar du dus rtag tu ci ltar smos pa'i sgom pa dang sngags kyi bzlas pa'i bsnyen pa bya bar smos so/ /de ltar de ru rdo rje a dza na ban da'i nang du dbab par bya ba'i don du gsungs so/ /da ni gzhan yang rdo rje a dza na bsgrub par
- 313b
bya ba'i man ngag gi cho ga'i don bstan par bya ste/ til chen po dang/ khrag dang bshad ba dang/ pad ma'i skud pa dang/ ar ka'i shing gi bal la snying po bya'o/ /zla ba nag po tshes bcu bzhi'i nam phyed na/ rdo rje a dza na dbab par bya'o/ / zhes bya ba'i sgra bshad par bya ste/ ji ltar yin na/ til chen po dang/ khrag dang/ bshad pa dang/ pad ma'i skud pa dang/ ar ka'i shing gi snying po la lo snying po bya'o ni/ /bsgrub pa pos a mri ta kuN+Da li'i sngags rings khro bo chen po'i stabs kyis bzla zhing g.yul dgye ba'i gnas su skyes bu mtshon phog nas shi ba bzhi'i ban d+ha blang ngo/ /ban d+ha dus 'dir mtshan thams cad dang ldan par smos so/ /bstan par bya ste/ dang po ni ban d+ha'i snod gsum sgrub pa pos/ kha sbub du skyed pa'i tshul du bya'o/ /gzhan de'i steng du snod ban d+ha gcig kha sbub tu bzhag go /de ltar byas pa'i 'og tu phyi'i me tog pad ma'i rtsa ba bcad nas skur pa mang po blang ngo/ /gzhan yang brda' skad du ming btags pa'i pad ma'i skud pa shes rab ma'i b+ha ga'i phyi rol gyi steng na spu yod pa de blang ngo/ /'di'i don rdo rje 'jigs byed gsang ba'i rgyud kyi rgyal po'i nang nas smos so/ /de nas ar ka'i shing gi khyad par yin te/ de'i 'bras bu smin pa'i dus su de'i nang/ ras bag le lta bu'i spu yod pa yin no/ /de blangs nas mdun du smos pa'i pad ma'i skud pa dang bsre bar bya'o/ /rdzas des snying po'i tshad ring thung khru gsum dang spom 'phra bsgrub pa pos nyid kyis lag pa g.yas pa'i mdzub mo'i tshad du'o/ /gzhan yang snying po de ni g.yul bkye ba'i gnas su skyes bu mtshon phog nas shi ba'i de'i sha dang tshil dang/ glang pa dang/ rkang dang/ de dag blangs nas bsre bar bya'o/ /de btsos nas khu bar gyur pa de dus 'dir til chen du smos so/ /de nas khrag
- 314a
gis ci ltar smos pa'i skyes bu shi ba de'i dus su khrag blang ba yin no/ /de nas bshad pa ni/ sgrub pa po nyid kyi bshad pa blang ngo/ /de ltar til chen dang/ khrag dang bshang ba gcig tu bsres nas/ / mdun du smos pa'i snying po bsku bar bya ba yin no/ /de ltar byas pa'i 'og tu dur khrod kyi me sbar bar bya'o/ /yang ni rigs dman pa sdig pa chen po can gyi khyim nas me blangs te bsgrub pa'i rdzas snying po spar ba bya ba yang mi 'gal lo/ /de ma thag tu khro bo'i rgyal po a mri ta kun da li'i sngags rings bzla zhing a dza nar ming btags pa dung pa chen po'i steng du ban da kha sbub pa de'i nang du 'bab par bya ba yin no/ /bstan par bya ste/ zla ba nag po'i tshes bcu bzhi'i nam phyed kyi dus su mdun du smos pa'i a dzA na dbab par bya ba bstan to/ /gzhan yang ci ltar yin pa'i snying po de 'bar zhing tshig pa rdzogs ma thag tu a dzA na dang ldan ban da'i snod nges blangs nas/ bsgrub pa po nyid dam rdzas bshang gcis ban d+ha'i snod kyi a dzA na blangs nas ri lu'i ngo bo bya ba yin no/ /de ltar byas pa'i 'og tu bsgrub pa pos brtson 'grus chen po'i sems brtan pas khro bo'i rgyal po a mri ta kuN+Da la'i sngags rings de 'bum phrag gsum gyi grangs kyi tshad du bzlas par bya'i bsnyen pa bya'o/ / de ltar bsgom pa dang sngags kyis bzlas pa'i bsnyen pa'i dang rdzas kyi sbyor ba byas pas rdo rje a dzA na 'grub par 'gyur ro/ /de'i dus su mtshan ma gnyis 'byung ngo/ /dang po ni bsgrub pa pos gnas nas bzung ba phyogs thams cad du kun tu dpag tshad brgya phrag gcig tu sa gzhi g.yo bar 'gyur ro/ /de'i 'og tu ban d+ha'i snod a dza na dang ldan par de 'phar bar 'gyur ro/ /de'i 'og tu/ mdor bsdu ba de ltar til chen dang/ khrag dang bshad pa dang pad ma'i skud pa dang/ /ar ka'i shing
- 314b
gi bal la snying po bya'i don du gsungs so/ /zla ba nag po'i tshes bcu bzhi'i nam byed na/ rdo rje a dza na dbab par bya'o/ /de'i don mdun du bshad pas bde ste 'dir bshad mi dgos so/ /da ni gzhan yang yang man ngag gi cho ga bya ba de'i don bstan par bya ste/ de nyid la sngags brgyad brgya btab na/ dngos grub rnam pa gsum du 'gyur ro/ /zhes bya ba ni/ de nyid sngags brgyad brgya btab na ni/ mdun du smos pa'i tshul du 'grub par 'gyur ba'i mtshan ma gnyis 'byung ba'i 'og tu/ khro bo'i rgyal po a mri ta kun da li'i ci ltar smos pa'i sngags rings de ni/ brgyad brgya'i grangs kyi tshad du snod ban d+ha'i rdo rje a dza na dang ldan pa lag pa g.yon pas bzung nas bzlas pa bya bar smos so/ /de ltar de nyid la sngags brgyad brgya btab na'i don du gsungs so/ / dngos grub rnam pa gsum du 'gyur ro/ /zhes pa ni mdun du smos pa'i sngags rings brgyad brgya'i tshad du smos pa de byas pa'i yon tan gyis rdo rje a dza na dngos grub kyi 'bras bu rnam gsum du 'gyur ro/ /de gsal bar bstan par bya ste/ dang po rdo rje a dza na dro bar 'gyur ba bo rdo rje a dza na de'i 'og tu rdo rje a dza na'i nang nas du ba 'byung ba yin no/ /de'i 'og tu rdo rje a dza na 'bar bar 'gyur ba yin no/ /don gzhan bstan par bya ste/ rdo rje a dza na dro bar gyur pa des sgrub pa pos zangs ma'i thur mas nyid kyi mig gnyis rdo rje a dza nas bsku bar bya'o/ /de'i yon tan gyis sems can thams cad la bltas ma thag tu bran bzhin du dbang du 'du bar 'gyur ro/ /smos so/ /gzhan yang rdo rje a dza na'i nang nas du ba byung bar 'gyur ba des sgrub pa pos/ nyid kyi mig gnyis ci ltar smos pa'i thur mas rdo rje a dza nas sku bar bya'o/ /de'i yon tan gyis lha dang mi la sogs pa sems can thams cad gnon pa dang/ myos par 'gyur bar smos so/ /gzhan yang rdo rje a dza na 'bar
- 315a
bar gyur par des/ sgrub pa pos nyid kyi mig gnyis ci ltar smos pa'i zangs ma'i thur mas bsku bar bya'o/ /de'i yon tan gyis sgrub pa po mi snang bar 'gyur ro/ /gzhan yang man ngag gi don du bstan par bya ste/ rdo rje a na dza na de ni cha gsum gyi bye brag gis zangs ma la byas pa'i sprog ma'i snod du bzang ba yin no/ /a dza na de dro bar gyur pa'i dus su sum cha cig blangs nas ci ltar smos pa'i snod ban d+har blang ba yin no/ /gzhan yang du ba 'byung bar 'gyur ba'i dus su mdun du smos pa'i a dza na'i lhag ma de'i phyed blangs nas/ ci ltar smos pa'i snod du bzung ba yin no/ /gzhan yang 'bar bar gyur ba'i dus su snod ban d+ha'i nang nas a dza na blangs pa de'i lhag ma kun ci ltar smos pa'i snod du blangs nas gzung ba yin no/ /mdor bsdu ba de ltar dngos grub rnam pa gsum du 'gyur ro'i don du gsungs so/ /bcom ldan 'das kun tu bzang pos gsungs so/ /zhes bya ba ni/ bcom ldan 'das ni ston pa rdo rje 'dzin nyid yin no/ /de'i yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du bshad pas bde ste 'dir bshad mi dgos so/ /de ltar bcom ldan 'das kyi don du gsungs so/ /kun tu bzang pos gsungs so zhes pa ni kun du bzang po ni/ ston pa phyag na rdo rje nyid yin no/ /de'i don bstan par bya ste/ sku rdo rje rnam par snang mdzad la sogs pa ci ltar smos pa'i ngo bo'i tshul gyis 'khor phun sum tshogs pa thams cad dang gzhan yang de dag thams cad kyis bskyed pa'i sngags sa bon yig 'bru dang ye shes dang rgyud 'di'i dbu zhabs nas bye brag sna tshogs kyi tshul gyis ye shes kyi cho 'phrul spro ba dang bsdu ba'i ngo bo dang de bzhin du sgrub pa thams cad kyi 'bras bu'i ngo bo dang/ de
- 315b
dag la sogs pa'i bdag nyid kyi ngo bo ston pa phyag na rdo rje nyid yin no/ /don des kun tu bzang por smos so/ /de mdun du smos pa'i rdo rje a dza na'i bsgrub pa bya ba'i bsgom pa dang sngag kyis bzlas pa dang/ rdzas kyi sbyor ba dang/ de ltar cho ga'i tshul gyi don gsungs par bstan to/ /mdor bsdu ba de ltar kun tu bzang pos gsungs so'i don du gsungs so/ /da ni gzhan yang mdun du smos pa'i rdo rje a dza na'i bsgrub pa bya ba'i don bshad pa de rdzogs ma thag tu sku rdo rje rnam par snang mdzad la sogs pa 'khor gyi ngo bo'i de bzhin gshegs pa thams cad kyis/ thugs rje chen po'i thugs bskyed nas ma 'ongs pa'i sems can thams cad kyi don gyi phyir/ gsang ba'i yi ge gsum gyi don shes par bsgom pa bya ba de bshad pa'i phyir/ ston pa phyag na rdo rje de bzhin gshegs pa thams cad kyi bdag po la gsol ba btab pa de'i don bstan par bya ste/ de nas bcom ldan 'das de bzhin gshegs pa thams cad kyis/ phyag na rdo rje de bzhin gshegs pa thams cad kyi bdag po la 'di skad ces gsol to/ /bcom ldan 'das gsang ba'i yi ge du dang ldan na/ byang chub sems dpa' sems dpa' chen po de dag de bzhin gshegs pa thams cad kyi gsang ba'i dam tshig la dad cing bsgom par 'gyur zhes bya ba'i sgra bshad par bya ste/ ji ltar yin na/ de nas ni mdun du smos pa'i rdo rje a dza na'i bsgrub pa bya ba'i don ston pa phyag na rdo rjes bshad pa de rdzogs ma thag tu sku rdo rje rnam par snang mdzad la sogs pa 'khor gyis ngo bo'i de bzhin gshegs pa'i thams cad kyis/ mdun du smos pa'i don gyis phyir ston pa phyag na rdo rje de bzhin gshegs pa thams cad kyi bdag po la gsol ba btab par brtsams pa de mtshon par bstan to/ /de ltar de nas kyi don du gsungs so/ /bcom ldan 'das de bzhin gshegs
- 316a
pa thams cad kyi zhes pa ni/ mdun du smos pa'i sku rdo rje rnam par snang mdzad la sogs pa'i 'khor gyi ngo bo'i de bzhin gshegs pa thams cad yin no/ /de dag gi spyi'i yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du bshad pas bde ste/ 'dir bshad mi dgos so de ltar de bzhin gshegs pa thams cad kyi don du gsungs so/ /phyag na rdo rje de bzhin gshegs pa thams cad kyi bdag po la zhes pa ni// de'i don mdun du bshad pas bde ste/ 'dir bshad mi dgos so/ /'di skad ces gsol to zhes pa ni/ sku rdo rje rnam par snang mdzad la sogs pa 'khor gyi ngo bo'i de bzhin gshegs pa thams cad kyis 'og nas 'byung ba'i tshig gi ngo bo gsol ba btab pa bya bar bstan to/ /de ltar 'di skad ces gsol to'i don du gsungs so/ /bcom ldan 'das gsang ba'i yi ge du dang ldan na byang chub sems dpa' sems dpa' chen po dag ces pa ni/ ston pa phyag na rdo rje nyid la bcom ldan 'das yin par mdun du smos pa'i don gyi ngo bor ldan par sbyar ro/ /de la sku rdo rje rnam par snang mdzad la sogs pa de bzhin gshegs pa thams cad kyis du dang ldan par ming btags pa'i don dam par de bzhin gshegs par thams cad kyi gsang ba'i yi ge sangs rgyas kyi 'bras bur 'gyur ba'i ngo bor grangs tshad yod pa yin nam de ni 'khor gyi ngo bo'i byang chub sems dpa' thams cad la ched du smos pa'i gsang ba'i yi ge rnams bsgom pa la brten nas/ sangs rgyas kyi 'bras bu bsgrub par bya'o/ /tshig gi ngo bo de ltar gsol ba btab pa yin no/ /de nas sems dpa' chen po'i don ni/ ji ltar le'u dang po las bshad pa de bzhin du 'dir bstan to/ /mdor bsdu ba de ltar bcom ldan
- 316b
'das gsang ba'i yi ge du dang ldan na/ byang chub sems dpa' sems dpa' chen po de dag gi don du gsungs so/ /de bzhin gshegs pa thams cad kyi gsang ba'i dam tshig 'di la dad cing bsgom par 'gyur zhes pa ni/ dam tshig tu ma'i btags pa mdun du smos pa'i don dam pa de bzhin gshegs pa thams cad kyi gsang ba'i yi ge de ni sku dang gsung dang thugs rdo rje gsum dang gnyis su med pa'i ngo bo sangs rgyas kyi 'bras bu ni de 'grub pa yin no/ / don des 'grub pa'i dam tshig tu smos so/ /don gzhan ni bde ste bshad mi dgos so/ /de bzhin gshegs pa thams cad kyi gsang ba'i dam tshig 'di la sgom zhing dad par 'gyur gyi don du gsungs so/ /da ni gzhan yang sku rdo rje rnam par snang mdzad la sogs pas 'khor gyi ngo bo'i de bzhin gshegs pa thams cad kyis ci ltar smos pa'i don gyi phyir gsol ba btab pa de gsan ma thag tu/ ston pa phyag na rdo rje de bzhin gshegs pa thams cad kyi bdag po des gsol ba btab pa de'i don bshad par mdzad pa de bstan par bya ste/ de nas phyag na rdo rje de bzhin gshegs pa thams cad kyi bdag pos/ de bzhin gshegs pa de dag thams cad la 'di skad ces gsungs so/ /bcom ldan 'das de bzhin gshegs pa thams cad kyi gsang ba'i yi ge gsum dang ldan na/ byang chub sems dpa' sems dpa' chen po de dag de bzhin gshegs pa thams cad kyi spyod pa'i rdo rje la dad cing bsgom par 'gyur ro/ /zhes bya ba'i sgra bshad par bya ste/ de ci ltar yin na/ de nas ni mdun du smos pa'i don gyi phyir sku rnam par snang mdzad la sogs pa'i 'khor gyi ngo bo'i de bzhin gshegs pa thams cad kyi gsol ba btab pa de gsan ma thag tu ston pa phyag na rdo rje de bzhin gshegs pa thams cad kyi bdag po de
- 317a
gsol ba btab pa'i don de bshad par brtsams pa mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos de bzhin gshegs pa thams cad la 'di skad ces bka' stsal to/ /zhes pa ni/ de'i don bde ste bshad mi dgos so/ /bcom ldan 'das de bzhin gshegs pa thams cad kyi gsang ba'i yi ge gsum dang ldan pa dang byang chub sems dpa' sems dpa' chen po de dag ces pa ni/ ci ltar smos pa'i tshul gyi byang chub sems dpa' sems dpa' chen po yin pa de dag ni 'og nas smos pa'i tshul gyi de bzhin gshegs pa thams cad kyi sku rdo rje gsang ba'i yi ge ni oM du smos so/ /gzhan yang de bzhin gshegs pa thams cad kyi gsung rdo rje gsang ba'i yi ge ni a smos so/ /gzhan yang de bzhin gshegs pa thams cad kyi thugs rdo rje gsang ba'i yi ge ni hUM du smos so/ /de ltar yi ge gsum de ni/ /ci ltar smos pa'i tshul gyi don dam pa gsang ba'i ngo bo yin no/ /de bstan par bya ste/ mdun du smos pa'i gsang ba'i yi ge rnams ni/ byang chub sems dpa' sems dpa' chen po rnams ldan par grub par byed pa yin no/ /de nas bcom ldan 'das de bzhin gshegs pa thams cad la zhes pa/ tshig 'di ni ston pas/ yon tan gyi bstod pa'i ngo bo'i mtshan brjod de/ ji ltar smos pa'i 'khor gyi ngo bo de dag la mdun du smos pa'i don bshad par bstan to/ /mdor bsdu ba de ltar bcom ldan 'das de bzhin gshegs pa thams cad kyi gsang ba'i yi ge gsum dang ldan na/ byang chub sems dpa' sems dpa' chen po dag gi don du gsungs so/ /de bzhin gshegs pa thams cad kyi spyod pa'i rdo rje nyid la dad cing sgom par gyur zhes pa ni/ 'di ming btags pa mdun du smos
- 317b
pa'i gsang ba'i sngags kyi yi ge gsum yin te/ de rnams la sems dad pa chen po bskyed nas bsgom pa dang bzlas pa bya ba'i tshul gyis spyad par bya'o/ /de spyod pa de ni rdo rjer ming btags pa'i don dam pa'i de bzhin gshegs pa thams cad kyi ye shes rdo rje de spyod pa'i ngo bo yin no/ /de ltar spyod pa'i rdo rje spyod pas don dam pa sku dang gsung dang thugs rdo rje gsum dang/ gnyis su med pa'i ngo bo sangs rgyas kyi 'bras bu de 'grub par 'gyur bar smos so/ /de ni gzhan yang ci ltar smos pa'i 'khor gyi de bzhin gshegs pa thams cad kyis mdun du smos pa'i gsang ba'i yi ge gsum nges par bya ba'i phyir/ gsol ba btab pa de'i don bstan par bya ste/ de bzhin gshegs pa thams cad kyis gsol pa/ gsum gang lags zhes bya ba ni/ de bzhin gshegs pa thams cad kyis gsol ba ni de'i don bde ste bshad mi dgos so/ /gsum gang lags zhes pa ni/ ston pa phyag na rdo rje mdun du smos pa'i tshul gyis gsang ba'i yi ge gsum gang gang yin pa de gsal par bshad par mdzad do/ / tshul de ltar gsol ba btab par smos so/ /de ltar gsum gang lags kyi don du gsungs so/ /da ni gzhan yang mdun du smos pa'i 'khor gyi ngo bo de bzhin gshegs pa thams cad kyis gsol ba btab pa de gsan ma thag tu ston pa phyag na rdo rjes gsol ba btab pa de'i don bstan par bya ste/ phyag na rdo rjes bka' stsal pa/ de bzhin gshegs pa thams cad kyi sku rdo rje dang de bzhin gshegs pa thams cad kyi gsung rdo rje dang/ de bzhin gshegs pa thams cad kyi thugs rdo rje ste 'di gsum mo/ /zhes bya ba'i sgra bshad par bya ste/ ci ltar yin na/ tshig 'di'i don mdun du bshad pas bde ste bshad mi dgos so/ /da ni gzhan yang ci ltar smos pa'i gsol ba btab pa'i don bshad pa de rdzogs ma thag tu/ sku rdo rje rnam
- 318a
par snang mdzad la sogs pa 'khor gyi ngo bo'i de bzhin gshegs pa thams cad kyis thos ma thag tu thugs dgyes pa skyes nas/ dus mnyam par thams cad nyid nyid kyi stan las langs nas ston pa bcom ldan 'das phyag na rdo rje la ci ltar smos pa'i tshul gyis phyag byas nas/ de'i 'og tu nyid nyid kyi stan la gnas nas ci yang mi gsung ba'i ngo bo de'i don bstan par bya ste/ de nas de bzhin gshegs pa thams cad kyis/ bcom ldan 'das phyag na rdo rje'i zhabs la phyag 'tshal nas ci yang mi gsung bar gnas par gyur to zhes bya ba ni/ de nas ni mdun du smos pa'i ston pa phyag na rdo rjes gsang ba'i yi ge gsum gyi ngo bo gsal bar bshad par mdzad pa'i 'og tu/ sku rdo rje rnam par snang mdzad la sogs pa 'khor gyi ngo bo de bzhin gshegs pa thams cad kyis phyag 'tshal bar byed par brtsams pa mtshon par bstan to/ /de ltar de nas kyi don du gsungs so/ /de bzhin gshegs pa thams cad kyis bcom ldan 'das phyag na rdo rje'i zhabs la phyag 'tshal nas ci yang mi gsung par gnas par 'gyur ro/ /zhes pa ni/ de'i don mdun du bshad pas bde ste/ 'dir bshad mi dgos so/ /da ni gzhan yang ston pa phyag na rdo rje de bzhin gshegs pa thams cad kyi bdag pos/ mdun du smos pa'i gsang ba'i yi ge gsum gyi yon tan gyi 'bras bu 'thob pa'i ngo bo bshad par mdzad pa'i de'i don bstan par bya ste/ de nas phyag na rdo rje de bzhin gshegs pa thams cad kyi bdag pos/ de bzhin gshegs pa thams cad dang/ byang chub sems dpa' de dag la bos te gsungs ba/ bcom ldan 'das de bzhin gshegs pa rnams sngon byung ba ni/ brjod du yod pa dang brjod du med pa'i sangs rgyas kyi zhing gi rdul rab tu phra ba dang/ mnyam pa bskal pa yang 'das/ gang
- 318b
bcom ldan 'das mar me mdzad de bzhin gshegs pa dgra bcom pa yang dag par rdzogs pa'i sangs rgyas kyang 'das pa na 'od srungs thub pa chen po mngon par rdzogs par sangs rgyas pas kyang ma gsungs so/ /de ci'i phyir zhe na/ bcom ldan 'das kyis gsang ba chen po'i don ma gsungs pa/ de'i tshe de'i dus na sems can rnams la skal ba med pa'i phyir ro/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i sku rdo rje rnam par snang mdzad la sogs pa 'khor gyi ngo bo'i de bzhin gshegs pa thams cad kyis/ ci ltar smos pa'i tshul gyis ston pa phyag na rdo rje de bzhin gshegs pa thams cad kyi bdag po la phyag 'tshal bar byas nas nyid nyid kyi gdan la ci yang mi gsung bar gyur pas gnas par smos pa de ma thag tu/ ston pa phyag na rdo rje de bzhin gshegs pa thams cad kyi bdag po des mdun du smos pa'i gsang ba'i yi ge gsum gyi yon tan gyi 'bras bu thob pa'i ngo bo bshad par brtsams pa mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos/ de bzhin gshegs pa de dag thams cad dang/ byang chub sems dpa' de dag la pos te gsungs pa zhes pa ni/ de'i don bde ste bshad mi dgos so/ / bcom ldan 'das de bzhin gshegs pa rnams sngon byung ba ni/ zhes pa'i ni sngon byung bar ming btags pa bskal pa grangs med pa yin no/ /de'i dus su mdun du smos pa'i gsang ba'i yi ge gsum gyi bsgom pa'i man ngag gi ngo bo ma gsungs pa de'i lo rgyus bshad par mdzad pa'i phyir/ ston pa bcom ldan 'das de bzhin gshegs pa thams cad ces yon tan gyi bstod pa'i mtshan gyi ngo bo tshig brjod nas ci ltar smos pa'i 'khor gyi ngo bo de bzhin gshegs pa de dag thams cad la /
- 319a
dpe bstan pa'i tshul gyis bshad par mdzad pa yin no/ /de gsal bar bstan par bya ste/ mdun du smos pa'i gsang pa'i yi ge bsgom pa bya ba'i don bstan pa 'di ma rtogs pa brjod du yod pa ni/ mdun du smos pa'i phyogs bcu'i sangs rgyas kyi zhing khams so/ /de ni brjod du yod pa yin no/ /gzhan yang brjod du yod par ming btags pa stong chen po'i phyogs bcu'i 'jig rten gyi khams thams cad kyi gnas nas sangs rgyas kyi zhing khams yod pa de ni dus 'dir brjod du med pa yin no/ /mdor bsdu ba de ltar brjod du yod pa dang/ brjod du med pa'i sangs rgyas kyi zhing khams su smos so/ /bstan par bya ste/ mdun du smos pa'i zhing khams de ni/ rdul phra mo'i tshad dang mnyam pa'i sangs rgyas mngon par rdzogs par sangs rgyas pas gang bar gnas pa yin no/ /gzhan yang rdul phra mo dang mnyam par ming btags pa mdun du smos pa'i so sor mngon par rdzogs par sangs rgyas brdul phra mo dang mnyam pa 'das pa 'am thal ba yin no/ /bstan par bya ste/ gang bcom ldan 'das su ming btags pa mar me mdzad kyi yon tan gyi bstod pa'i mtshan brjod pa yin no/ /de ni ci ltar smos pa'i de bzhin gshegs pa'i mtshan yang yin no/ /gzhan yang mar me mdzad de ni/ des phyi dang nang gi tshul gyi dgra ming btags pa bdud kyi tshogs de dag thams cad ci ltar smos pa'i ye shes kyi cho 'phrul sprul nas spros pa'i thabs kyis byin brlabs pas 'joms pa yin no/ /don des mtshan dgra bcom par smos so/ /bstan par bya ste/ /mdun du smos pa'i dgra bcom pa'i yon tan gyis rdzogs pa'i sangs rgyas kyi 'bras bu thob pa yin no/ /don des mar me mdzad kyi mtshan rdzogs pa'i sangs rgyas su smos so/ /de ni 'das pa yin no/ /gzhan
- 319b
yang 'od srungs zhes bya ba ni/ thub pa thams cad kyi nang na sku dang gsung dang thugs gsum dang gnyis su med pa'i 'bras bu thob pa yin no/ /don des 'od srungs kyi mtshan thub pa chen po yin no/ /bstan par bya ste/ mdun du smos pa'i 'bras bu'i ngo bo thob ma thag tu mngon par rdzogs par sangs rgyas so/ /don des 'od srungs kyi mtshan mngon par rdzogs par sangs rgyas par smos so/ /de ltar mngon du smos pa'i zhing khams thams cad kyi gnas na gang bar gnas pa mar me mdzad dang 'od srungs so/ / mdor bsdu ba de dag thams cad 'das pa yin no/ /dus de dag thams cad du mdun du smos pa'i gsang ba'i yi ge de ma gsungs par smos so/ /mdor bsdu ba de ltar bcom ldan 'das de bzhin gshegs pa rnams 'das pa'i don du gsungs so/ /rjod du yod pa dang brjod du med pa'i sangs rgyas kyi zhing gi rdul rab tu phra ba dang/ mnyam pa'i skal pa yang 'das/ bcom ldan 'das mar me mdzad de bzhin gshegs pa dgra bcom pa yang dag par rdzogs pa'i sangs rgyas kyang 'das pa na 'od srungs thub pa chen po mngon par rdzogs par sangs rgyas pas ma gsungs so/ /zhes pa ni/ de'i don du mdun du bshad pas bde ste bshad mi dgos so/ /de ci'i phyir zhe na/ bcom ldan 'das/ de bzhin gshegs pa thams cad kyis gsang ba chen po'i don ma gsungs pa de'i tshe/ de'i dus na sems can rnams la skal ba med pa'i phyir ro zhes pa ni/ mdun du smos pa'i rdzogs pa'i sangs rgyas kyis 'das pa'i dus su ji ltar smos pa'i yi ge gsum bsgom pa bya ba'i don ma gsungs par smos so/ /de ci'i phyir zhe na/ mdun du smos pa'i sems can de dag skal ba dang mi ldan pa yin no/ /gzhan yang gsang sngags kyi chos sgrub par byed par dad pa ma skyes pas de'i phyir rgyud 'di las gsungs pa'i gsang ba chen po'i ngo bo sku dang
- 320a
gsung dang thugs rdo rje/ rigs gsum gyi sngags kyi yig 'bru'i bsgom pa'i don de'i dus skabs su ma gsungs pa sems can thams cad snod kyi ngo bo ma yin no/ /bcom ldan 'das de bzhin gshegs pa thams cad ces pa'i tshig 'di ni ston pas yon tan gyi bstod pa'i ngo bo'i mtshan nas brjod nas/ ji ltar smos pa'i 'khor gyi ngo bo de bzhin gshegs pa de dag la mdun du smos pa'i don bstan to/ /de ltar de ci'i phyir zhe na/ bcom ldan 'das de bzhin gshegs pa thams cad kyis gsang ba chen po'i don ma gsungs pa de'i tshe de'i dus na sems can rnams la skal pa med pa'i phyir ro'i don du gsungs so/ /da ni gzhan yang mdun du smos pa gsang ba'i yi ge gsum gyi bsgom pa byas pa'i yon tan gyi 'bras bu tshe 'di la ji ltar 'gyur ba de bstan par bya ste/ 'on kyang bcom ldan 'das de bzhin gshegs pa thams cad kyi gsang ba 'dus pa 'di la/ skad cig thang cig yid tsam gyi/ sangs rgyas dang/ byang chub rdzogs par byed do/ /gang+gA klung gi bye ma dang mnyam pa snyed kyi bskal par byang chub sems dpa' rnams kyis 'bar cing btsal kyang byang chub thob par mi 'gyur ba gang yin pa de/ gsang ba 'dus pa la dga' ba'i byang chub sems dpa' tshe 'di nyid la de bzhin gshegs pa thams cad du sangs rgyas su 'gro'o zhes bya ba'i sgra bshad par bya ste/ ci ltar yin na/ 'on kyang bcom ldan 'das de bzhin gshegs pa thams cad ni/ ston pa phyag na rdo rjes mdun du smos pa'i gsang ba'i yi ge gsum gyi bsgom pa byas pa'i yon tan gyi 'bras bu ci ltar smos pa'i ngo bor 'gyur ba de'i don bshad par mdzad pa'i phyir/ bcom ldan 'das de bzhin gshegs pa thams cad ces tshig de ltar ston pas
- 320b
yon tan gyi stod pa'i mtshan gyis ngo bo'i tshig brjod nas 'khor gyi ngo bo'i de bzhin gshegs pa thams cad la bskul bar smos so/ /de ltar 'on kyang bcom ldan 'das de bzhin gshegs pa thams cad kyi don du gsungs so/ /gsang ba 'dus pa 'di la skad cig thang cig yud tsam gyis/ sangs rgyas dang byang chub sems dpa' rdzogs par byed do zhes pa ni/ 'di ming btags pa gsang ba 'dus pa'i rgyud 'di nyid las ci ltar smos pa'i sku dang gsung dang thugs rdo rje'i rigs gsum gyi sngags kyi yig 'bru rnams bsgom pa byas pas tshe 'di la skad cig thang cig yud tsam gyis ci ltar smos pa'i sangs rgyas dang/ byang chub tu ming btags pa de bzhin gshegs pa thams cad don dam par sku dang gsung dang thugs rdo rje gsum dang gnyis su med pa'i ngo bo bla na med pa'i 'bras bu de rdzogs pa 'am 'grub par byed pa yin no/ /bstan par bya ste/ nyi ma gcig gam/ nyi ma bdun nam/ zla ba phyed dam/ zla ba gcig gam/ lo phyed dang/ lo gcig gam/ de dag la sogs pa lo mang por bsgoms pas mdun du smos pa'i 'bras bur 'gyur ba ni ngo mtshar yang mi che bar smos so/ /mdor bsdu ba de ltar gsang ba 'dus pa 'di la skad cig thang cig yud tsam gyis sangs rgyas byang chub rdzogs par byed do'i don du gsungs so/ /gang gA klung gi bye ma dang mnyam pa'i snyed kyi bskal par byang chub sems dpa' rnams kyis brtsal cing 'bar kyang byang chub thob par 'gyur ro/ /zhes pa ni/ de theg pa dman pa la brten pa mdo sde'i tshul du byang chub sems dpa' snyed du ming btags pa ni mang ba ste/ chu klung thams cad kyi nang na chu klung chen po gang gA gtsor smos so/ /de'i bye ma mang po yod pa de'i grangs kyi tshad dang mnyam pa ?? par byang chub sems dpa' skye ba rdzes pa'i tshul gyis
- 321a
sems can pha rol bo'i don du mgo dang mig dang sha dang khrag dang bu dang chung ma dang sbyin pa'i pha rol tu phyin pa de dag la sogs pa pha rol tu phyin pa bcu'i tshul gyis dge ba brtson 'grus kyis byed pa de byas pas byang chub kyi 'bras bu dka' ba thob par mi 'gyur bar smos so/ /de ltar gang gA klung gi bye ma dang mnyam pa snyed kyi bskal pa byang chub sems dpa' rnams kyis brtsal cing 'bad kyang byang chub 'thob par mi 'gyur ba'i don du gsungs so/ /gang yang yin pa de gsang ba 'dus pa la dga' ba'i byang chub sems dpa' tshe 'di nyid la de bzhin gshegs pa thams cad du sangs rgyas kyis grangs su 'gro'o/ /zhes pa ni/ gang yin pa de ming btags pa mdun du smos pa'i theg pa dman pa la brten pa'i mdo sde'i tshul gyi byang chub sems ci ltar smos pa'i tshul gyis dge ba byed pa de ni/ spang bar byas nas shes rab kyi rtog pa gal te skyes par 'gyur na/ de'i yon tan gyi thabs kyis rdo rje slob dpon gyi spyan sngar ci ltar smos pa'i tshul gyi ngo bor gsang ba 'dus pa gsang ba 'dus pa 'di las 'byung ba sku dang gsung dang thugs rdo rje rigs gsum gyi sngags yig 'bru rnams bsgom par bya ba'i man ngag de ni/ byang chub sems dpa' len dpa' dga' zhing dad pa chen pos brtan pa nges pa'i sems kyis sgom pa byed pa yin no/ de'i dge ba'i stobs kyis sku rdo rje rnam par snang mdzad la sogs pa'i rigs lnga'i bye brag gi /de bzhin gshegs pa de dag thams cad dang/ mnyam pa 'am 'dra ba sangs rgyas kyi ngo bo'i grangs su 'gro bar byang chub sems dpa' 'grub par 'gyur bar smos so/ /mdor bsdu ba de ltar gang yin pa de ni gsang ba 'dus pa la dga' ba'i byang chub sems dpa' tshe 'di nyid la de bzhin gshegs pa thams cad du sangs rgyas kyi grangs su 'gro ba'i don du gsungs so/ /da ni gzhan yang mdun du smos
- 321b
pa'i gsang ba'i yi ge gsum ston pa phyag na rdo rje de bzhin gshegs pa thams cad kyis bdag pos bsgom pa'i yon tan gyi ngo bor don bshad par mdzad pa de thos ma thag tu byang chub sems dpa' phyag na rdo rje dang/ byang chub sems dpa' 'jam dpal dang/ byang chub sems dpa' byams pa dang/ de dag la sogs pa ci ltar smos pa'i tshul gyi 'khor gyi ngo bo'i byang chub sems dpa' de dag dus mnyam du 'jigs pa chen po dang/ sdug bsngal gyi nang skyes nas du bar gyur pa de'i don bstan par bya ste/ de nas byang chub sems dpa' de dag gis/ gsung rdo rje'i yi ge'i tshig 'di thos nas rab tu dus so/ /zhes pa ni/ de nas ni mdun du smos pa'i yi ge gsum gyi bsgom pa'i yon tan gyi ngo bo'i don thos ma thag tu ci ltar smos pa ni tshul gyis 'khor gyi ngo bo de dag mdun du smos pa'i tshul du ci ltar gyur pa de'i don mtshon par smos so/ /de ltar de nas kyi don du gsungs so/ /byang chub sems dpa' de dag gis gsung rdo rje'i yi ge'i tshig 'di thos nas zhes pa ni/ mdun du smos pa'i tshul gyi gsang ba'i yi ge gsum gyi bsgom pa'i yon tan gyi ngo bo'i don yin pa de'i tshig gi ngo bo'i don rim pas ston pa phyag na rdo rje de bzhin gshegs pa thams cad kyi bdag bos/ ci ltar smos pa'i tshul gyis gsung rdo rje'i lam gyi sgo nas brjod pa de'i don mdun du smos pa'i byang chub sems dpa' thams cad kyis thos par smos so/ /de ltar byang chub sems dpa' de dag gis/ gsung rdo rje'i yi ge'i tshig thos nas kyi don du gsungs so/ /rab tu dus so zhes pa ni/ de'i don ston pa phyag na rdo rje de bzhin gshegs pa thams cad kyi bdag po nyid kyi ye shes kyis byin gyis rlabs pa'i sgyu ma'i thabs bstan to/ /de ci'i phyir zhe na/ ma 'ongs pa'i sems can theg pa dman pa la brten pa'i mdo sde'i tshul du
- 322a
dge ba byed pa de spang bar bya ba'i phyir/ theg pa chen po'i chos sngags kyi 'grub pa bya ba'i thabs dad pa bskyed pa dang/ spyod pa spyod par byed pa dang/ bsgom pa'i lam la 'jug pa'i tshul byang chub sems dpa' rnams la rab tu bstan to/ /de ltar rab tu dus so'i don du gsungs so/ /da ni gzhan yang ston pa phyag na rdo rje de bzhin gshegs pa thams cad kyi bdag po des mdun du smos pa'i 'khor gyi ngo bo byang chub sems dpa' thams cad la 'jigs pa chen po dang/ sdug bsngal skyed pa de dag med par bya ba'i phyir/ zhi ba'i ngo bor ci ltar gyur ba bshad par mdzad pa de'i don bstan par bya ste/ /de nas phyag na rdo rje de bzhin gshegs pa thams cad kyi bdag po byang chub sems dpa' de dag thams cad la 'di skad ces bka' stsal to/ /byang chub sems dpa' chen po rnams ma bu zhig sdug bsngal gsum ma bsgom zhig /ces bya ba'i sgra bshad par bya ste/ ci ltar yin na/ de nas ni mdun du smos pa'i byang chub sems dpa' de dag ci ltar smos pa'i don gyi phyir/ rab tu dus par gyur pa'i dus de ma thag tu/ ston pa de bzhin gshegs pa thams cad kyi bdag po des/ ma 'ongs pa'i sems can thams cad la theg pa chen po gsang sngags kyi chos kyi bsgrub pa po/ /ci ltar smos pa'i lam la gzhug par bya ba'i phyir/ thugs rje chen po'i thugs bskyed nas 'jigs pa chen po dang/ sdug bsngal gyi nad med par bya ba zhi ba'i ngo bo'i tshig brjod pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni/ de'i don mdun du bshad pas bde ste/ /'dir bshad mi dgos so/ byang chub sems dpa' de dag thams cad la 'di skad ces bka' stsal to/ /zhes pa ni/ tshig 'di'i don 'og nas 'byung ba'i tshul la
- 322b
bstan to/ /de ltar byang chub sems dpa' de dag thams cad la 'di skad ces bka' stsal to'i don du gsungs so/ /byang chub sems dpa' sems dpa' chen po rnams ma du bar sdug bsngal gsum ma sgom zhig ces pa ni/ ston pa de bzhin gshegs pa thams cad kyi bdag pos byang chub sems dpa' sems dpa' chen po yon tan gyi stong pa'i ngo bo'i tshig brjod cing/ ci ltar smos pa'i 'khor gyi ngo bo'i byang chub sems dpa' thams cad du ba dang/ sdug bsngal gsum gyi bsgom pa byed pa de med par bya bar bstan to/ /gzhan yang sdug bsngal gsum gyi bsgom par byed pa de bye brag rnam pa gnyis su bstan par bya ste/ dang po ni bskal pa mang por 'gro ba rigs drug tu 'khor ba'i tshul gyis skye ba blangs par gyur ba de/ sdug bsngal gyi ngo bo bsgom pa dang pos smos so/ /gzhan yang skye ba blangs pa'i 'og tu bdag gzhan gyi bye brag dang bde ba dang mi bde ba'i bye brag dang/ yod pa dang med pa'i bye brag dang/ de ltar bye brag sna tshogs kyis sdug bsngal du gyur to/ /de dag la sogs pa sdug bsngal gyi ngo bo'i bye brag gnyis par smos so/ /gzhan yang sems can ci srid 'tsho'i bar du/ des 'dod chags dang zhe sdang la sogs pa nyon mongs pa thams cad kyi dbang gis sdig pa bsags pa'i sa bon gyi ngo bos dmyal ba rnams su rim par skye bar 'gyur ro/ /de ltar sdug bsngal gyi ngo bo gsum par smos so/ /gzhan yang sdug bsngal gyi bye brag gsum gyi don bstan par bya ste/ dang po ni mi'i mthon por skye bar dka' bar 'gyur ba ste/ sdug bsngal gyi ngo bo bsgom pa dang po'o/ /gzhan yang der skyes pa'i 'og tu sangs rgyas dang chos dang dge 'dun la skyabs su gsol ba dang/ byang chub tu sems bskyed pa dang/ byang chub sems dpa' i spyod pa mi nyams par spyod pa dang/ de dag par gyur pa sdug bsngal gyi ngo bo bsgom pa gnyis pa'o/ /gzhan yang theg pa
- 323a
'og ma rnams spangs nas theg pa chen po gsang sngags kyi chos kyis bsgrub pa mdun du smos pa'i gsang ba'i yi ge gsum gyi bsgom pa thob pa dang/ shes rab gyur pa dga' ba sdug bsngal gyi ngo bo sgom pa gsum par smos so/ / de ltar sdug bsngal gyi bye brag gsum yin no/ /ma du zhig sdug bsngal gsum ma bsgom zhig ces pa'i tshig gi don ci ltar smos pa'i tshul gyis ma 'ongs pa'i sems can gyi don du bstan to/ /mdor bsdu ba de ltar byang chub sems dpa' rnams ma du zhig /sdug bsngal gsum gyi don ma sgom zhig gi don du gsungs so/ /gzhan yang ston pa de bzhin gshegs pa thams cad kyi bdag po des mdun du smos pa'i tshig gi don bshad par mdzad pa de thos ma thag tu/ ci ltar smos pa'i 'khor gyi ngo bo byang chub sems dpa' thams cad kyi ci ltar gsol ba btab pa de'i don bstan par bya ste/ de nas phyag na rdo rje de bzhin gshegs pa thams cad kyi bdag po la/ byang chub sems dpa' sems dpa' chen po rnams kyis 'di skad ces gsol to/ /bcom ldan 'das de bzhin gshegs pa thams cad kyi bdag pos ci ltar mi du bar gyi/ ci ltar sdug bsngal gsum sgom par mi bgyi/ de ci'i slad du zhe na/ bcom ldan 'das skal pa ma mchis/ gsang ba'i yi ge gsum gyi ming tsam thos skal ba yang ma mchis na ci ltar bgyi zhes bya ba'i sgra bshad par bya ste/ ji ltar yin na/ de nas ni ston pa phyag na rdo rje de bzhin gshegs pa thams cad kyi bdag po/ des mdun du smos pa'i tshul gyi don bshad par mdzad pa de thos ma thag tu/ gzhan yang gsang ba gsum gyi yi ge bsgom pa bya ba'i don nges par sems can thams cad kyis shes par bya ba'i phyir/ ji ltar smos pa'i 'khor gyi ngo bo'i byang chub sems dpa' thams cad kyis gsol
- 323b
pa btab pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag po la/ byang chub sems dpa' sems dpa' chen po rnams kyis 'di skad ces gsol to zhes pa ni/ tshig 'di'i don 'og nas 'byung ba'i tshig la bstan to/ /don gzhan ni bde ste bshad mi dgos so/ /bcom ldan 'das de bzhin gshegs pa thams cad kyi bdag pos/ ji ltar mi du bar bgyi/ ji ltar sdug bsngal gsum bsgom par mi bgyi zhes bya ba ni/ mdun du smos pa'i yon tan dang ldan pa'i ngo bo'i 'bras bu gsang ba'i yi ge gsum yin no/ /de'i skal ba dang mi ldan pa'i dbang gis thob par dka' ba yin no/ /don de ltar bcom ldan 'das de bzhin gshegs pa thams cad kyi bdag po/ ji ltar du bar mi bgyi ba dang/ gzhan yang sdug bsngal gsum ji ltar bsgom par mi bgyi bar smos so/ /de ltar bcom ldan 'das de bzhin gshegs pa thams cad kyi bdag po ji ltar mi du bar bgyi/ ji ltar sdug bsngal gsum bsgom par mi bgyi'i don du gsungs so/ /gzhan yang ji ltar smos pa'i tshul gyi byang chub sems dpa' sems dpa' chen po thams cad kyis ma 'ongs pa'i sems can bsgrub pa po'i rgyud la theg pa chen po gsang sngags kyi bsgrub pa bya ba'i dad pa chen po dang/ rtson 'grus bskyed pa'i phyir dman pa'i ngo bor smra sngags kyi tshig brjod pa de'i don bstan par bya ste/ de ci'i slad du zhes na bcom ldan 'das skal pa ma mchis/ gsang ba'i yi ge gsum gyi ming tsam thos pa'i skal ba yang ma mchis na/ ji ltar bgyi zhes pa ni/ ji ltar smos pa'i byang chub sems dpa' thams cad kyis/ dus gcig du mgrin gcig gis/ ston pa de bzhin gshegs pa thams cad kyi bdag po de nyid la/ yon tan gyi bstod pa'i ngo bo'i mtshan brjod
- 324a
nas/ dman pa'i ngo bo'i smre sngags kyi tshig gi tshul gyi mdun du smos pa'i yon tan gyi 'bras bu dang ldan pa'i 'bras bu'i ngo bo gsang ba'i yi ge gsum gyi bsgom pa bya ba skal pa dang mi ldan pa yin no/ /bstan par bya ste/ gsang ba'i yi ge gsum gyi bsgom pa'i skal ba dang mi ldan pa ni/ ngo mtshar yang mi che ba yin no/ /ji ltar smos pa'i tshul gyi ston pa de bzhin gshegs pa thams cad kyi bdag po la gsol ba btab pa ni/ bdag gis ming tsam yang mi thos pa ni/ skal pa dang ldan ba ma yin no/ /de'i phyir du ba dang sdug bsngal gsum bsgom par byed par smos so/ /mdor bsdu ba de ltar ci'i slad du zhe na/ bcom ldan 'das skal ba ma mchis/ gsang ba'i yi ge gsum gyi ming tsam yang thos pa'i skal pa ma mchis na/ ji ltar bgyi'i don du gsungs so/ /da ni gzhan yang mdun du smos pa'i tshul gyis ngo bo'i byang chub sems dpa' sems dpa' chen po thams cad kyis/ dman pa'i ngo bo smre sngags kyi tshig brjod nas gsol ba btab pa de gsan ma thag tu/ ston pa de bzhin gshegs pa thams cad kyi bdag po des gsang ba'i yi ge gsum don dam par mnyam pa'i ngo bo bshad par mdzad pa de'i don bstan par bya ste/ de bzhin gshegs pa thams cad kyi bdag pos bka' stsal pa/ rigs kyi bu de skad ma zer cig /yi ge ni thun mong ste/ khyed rnams kyis ci ltar mi shes pa dang/ ma thos pa de bzhin du 'di de bzhin gshegs pa thams cad dang/ byang chub sems dpa' thams cad kyis kyang/ gsang ba'i yi ge dag ma thob cing mngon par sangs ma rgyas so/ /de ci'i phyir zhe na/ gsang ba gsum gyis yi ge rnam par dag pa'i phyir ro zhes bya ba'i sgra bshad par bya ste/ ji ltar yin na/ de bzhin gshegs pa'i bdag pos bka' stsal pa'i
- 324b
ni/ 'og nas 'byung ba'i tshig gi don ji ltar smos pa'i tshul gyis 'khor gyi ngo bo'i byang chub sems dpa' thams cad la bshad par mdzad par smos so/ /de ltar de bzhin gshegs pa thams cad kyi bdag pos bka' stsal pa'i don du gsungs so/ /rigs kyi bu de skad ma zer cig yi ge ni thun mong ste zhes pa ni/ 'khor gyi ngo bo'i byang chub sems dpa' gsol ba 'debs par byed pa 'di dag thams cad ni/ sku dang gsung dang thugs rdo rje rigs gsum gyi ngo bor byung ba yin no/ /don des byang chub sems dpa' thams cad rigs kyi bu yin no/ /ston pa de bzhin gshegs pa thams cad kyi bdag po des bstod pa'i tshig gi brjod nas ci ltar smos pa'i don bshad par brtsams pa yin no/ /de skad ma zer cig yi ge ni mdun du smos pa'i gsang ba'i yi ge gsum bsgom par bya'i don de ni brjod du yod pa dang/ brjod du med pa'i 'khor gyi ngo bor de bzhin gshegs pa thams cad dang/ gzhan yang khyed byang chub sems dpa' thams cad ni thun mong ste/ mdun du smos pa'i bsgom pa bya ba'i don de mi shes pa/ de bas dus 'di ma gtogs pa mdun du smos pa'i tshul gyi 'das pa'i dus skabs su ma thos pa yin no/ /don des bsgom pa'i bya ba'i rab tu shes par 'gyur ro/ /de ltar rigs kyi bu de skad ma zer cig /yi ge ni thun mong ste'i don du gsungs so/ /khyed rnams kyis ji ltar mi shes pa dang/ /ma thos pa de bzhin gshegs pa thams cad dang/ byang chub sems dpa' thams cad kyis kyang gsang ba'i yi ge de dag ma thos shing mngon par sangs ma rgyas zhes pa ni/ mdor bsdu ba de bzhin gshegs pa thams cad dang/ byang chub sems dpa' thams cad ni 'khor phun sum tshogs pa'i ngo bo yin no/ /de dag thams cad mdun du smos pa'i tshul du sku dang gsung dang thugs rdo rje gsang ba'i yi ge gsum ni/
- 325a
A oM hUM de ltar yi ge bsgom pa'i don mi thob pa dang/ ji ltar smos pa'i tshul gyi dus su ma thob pa yin no/ /don des theg pa chen po gsang sngags kyi tshul gyis tshe 'di la skad cig yud tsam gyis rdzogs pa'i sangs rgyas kyi 'bras bu thob pa 'am 'grub par 'gyur bar smos so/ /tshig gi don de theg pa dman pa mdo sde'i tshul la bsten pa de'i sems spang bar bya ba mtshon pa'o/ /gzhan yang theg pa chen po gsang sngags kyi chos kyi bsgrub pa bya pa'i phyir/ sems dad pa skye ba 'jug pa'i tshul bstan to/ /mdor bsdu ba de ltar khyed rnams kyis ci khyed ltar mi shes pa dang/ ma thos pa de bzhin du/ de bzhin gshegs pa 'di dag thams cad dang/ byang chub sems dpa' thams cad kyis kyang/ gsang ba'i yi ge dag ma thob cing mngon par rdzogs par sangs ma rgyas so'i don du gsungs so/ /de ci'i phyir zhe na/ gsang ba gsum gyi yi ge rnams dag pa'i phyir ro/ /zhes pa ni/ de ci'i phyir na tshig gi don ni mdun du smos pa'i gsang ba gsum gyi yi ge rnams bsgom pa bya ba'i don de ni/ ma thob pa dang ma thos pa'i yin no/ /bstan par bya ste/ ji ltar smos pa'i tshul gyi de bzhin gshegs pa thams cad dang/ byang chub sems dpa' de dag gis nyid kyi blos don dam pa de bzhin gshegs pa de thams cad kyi sku dang gsung dang thugs rdo rje gsang ba gsum gyi yi ge'i ngo bo'i mtshan nyid mi shes pa de'i don 'og nas 'byung ba'i tshig las smos so/ /de gsal bar bstan par bya ste/ mdun du smos pa'i gsang ba gsum gyi yi ge'i tshig don dam par rkan dang/ mchu dang lce dang/ de dag phun sum tshogs pa'i tshul du brjod par byed pa ni mi rigs pa yin no/ /ma skyes pa dang dngos po med pa dang stong pa nam mkha' i lta bu thams cad la
- 325b
khyab nas gnas pa'o/ /gzhan yang de bzhin gshegs pa thams cad kyi ye shes kyi dngos grub kyi 'bras bu'i ngo bo mi phyed pa de ni rnam par dag pa'i don du bstan to/ /de ltar mdun du smos pa'i 'khor gyi ngo bo byang chub sems dpa' thams cad kyi gsang ba gsum gyi yi ge bsgom pa'i don shes par bya ba'i phyir/ rim pa ma nor bar gsol ba btab pa de'i don rim pas bshad par mdzad pa/ ston pa de bzhin gshegs pa thams cad kyi bdag po des ji ltar le'u dang po'i nang nas rgyud kyi gleng gzhi'i dus su smos pa legs ni legs na shes pa'i tshig gi don dus 'dir mtshon pa yin no/ /bstan par bya ste/ ji ltar le'u dang po'i nang nas gsang ba 'dus pa'i don bshad par mdzad na dus 'dir mdor bsdus pa/ gsang ba gsum gyi yi ge'i don nyid mtshon par bstan to/ /de ltar de ci'i phyir na gsang ba gsum gyi yi ge rnam par dag pa yin no'i don du gsungs so/ /da ni gzhan yang 'khor gyi ngo bo'i byang chub sems dpa' thams cad kyis/ gsang ba gsum gyi yi ge'i don/ don dam par nges par shes pas/ de'i dus de ma thag tu ji ltar gyur nas gnas pa tshul ston par bya ste/ de nas byang chub sems dpa' de dag cang mi smra bar gyur to zhes pa ni/ de nas ni mdun du smos pa'i tshul gyis 'khor gyi ngo bo'i byang chub sems dpa' thams cad kyis gsang ba gsum gyi yi ge'i don nges par shes pa de ma thag tu/ nyid nyid kyi stan la ci yang mi gsung bar gyur pa ming btags pa mdun du smos pa'i gsang ba'i yi ge don dam pa'i bsgom pa'i ngo bo gnyis su med par gyur pa mtshon par bstan to/ /de ltar de nas kyi don du gsungs so/ /byang chub sems dpa' de dag cang mi smra bar gyur to/ /zhes pa ni/ mdun du bshad pas bde ste 'dir bshad mi dgos so/ /de ltar byang chub sems dpa' de dag cang mi smra bar
- 326a
gyur to'i don du gsungs so/ /da ni gzhan yang ston pa phyag na rdo rje de bzhin gshegs pa thams cad kyi bdag po des/ mdun du smos pa'i gsang ba'i yi ge gsum po de don dam par gsang ba 'dus pa'i don gnyis su med pa'i ngo bor smos pa de rang bzhin gyis dag pa'i ngo bo'i tshul ye shes kyis byin gyis brlabs pa'i cho 'phrul gyi sgyu ma'i thabs kyis ye shes gsang ba'i dbang bskur bar bya ba'i 'khor phun sum tshogs pa thams cad mnyam par gnyis su med pa kun tu bzang po'i ngo bor smos pa de rang bzhin gyis dag pa'i ngo bo'i tshul ye shes kyi byin gyis brlabs pa'i cho 'phrul gyur par mdzad pa'i phyir/ bla na med pa'i 'dod chags kyi rol pa bya ba de'i don bstan par bya ste/ de nas bcom ldan 'das de bzhin gshegs pa thams cad/ de bzhin gshegs pa thams cad kyi sku dang gsung dang thugs rdo rje btsun mo'i b+ha ga la zhugs te zhes bya ba'i sgra bshad par bya ste/ ji ltar yin na de nas ni mdun du smos pa'i tshul gyi byang chub sems dpa' thams cad ci yang mi gsung bar gnas pa de ma thag tu/ ston pa phyag na rdo rje de bzhin gshegs pa thams cad kyi bdag po des/ ji ltar smos pa'i tshul gyi cho gas bla na med pa'i 'dod chags chen po'i rol pa mdzad pa de'i don mtshon par bstan to/ /de ltar de nas kyi don du gsungs so/ /bcom ldan 'das zhes pa ni/ sku rdo rje rnam par snang mdzad la sogs pa 'khor gyi ngo bo grangs yod par smos pa/ de dag ma togs pa grangs med pa'i ming btags pa'i til gyi gang bu bzhin du/ til 'bru dang mnyam pa grangs las 'das pa grangs med pa yin no/ /de dag gi yon tan gyi bstod pa'i mtshan bcom ldan 'das yin par sdud pa pos gsungs so/ /de'i don mdun du ci ltar ston
- 326b
pa la bshad pa de bzhin du 'dir bstan to/ /de ltar bcom ldan 'das kyi don du gsungs so/ /de bzhin gshegs pa thams cad kyi btsun mo'i b+ha ga la bzhugs te zhes pa ni/ mdun du smos pa'i tshul gyi ngo bo'i sku rdo rje rnam par snang mdzad la sogs pa 'khor gyi ngo bo'i de bzhin gshegs pas bgrang ba las 'das pa thams cad yin te/ de dag ma lus thams cad kyi sku dang gsung dang thugs rdo rje dus 'dir ston pa bcom ldan 'das de bzhin gshegs pa thams cad kyi bdag po nyid rdo rje 'dzin pa chen por smos so/ /de'i btsun mor mtshan btags pa nyid kyi shes rab kyi lha mo mA ma kI'o/ /de ni dus rtag tu ji ltar smos pa'i rdo rje 'dzin pa chen po gnyis su med par 'khyud nas/ gnas pa yin no/ /de'i b+ha ga de ni mdun du smos pa'i tshul gyi 'khor gyi ngo bo de bzhin gshegs pa thams cad skyed pa'i gnas yin no/ /de b+ha ga'i gnas su bzhugs nas gsang ba'i bde ba chen po'i tshul du bzhugs par smos so/ /de ltar de bzhin gshegs pa thams cad kyi sku dang gsung dang thugs rdo rje btsun mo'i b+ha ga la bzhugs so'i don du gsungs so/ /da ni gzhan yang mdun du smos pa'i rdo rje'i btsun mor mtshan btags pa shes rab ma ye shes kyi lha mo mA ma kI'i gsang ba'i b+ha ga gzhal yas khang gi ngo bo de'i gnas nas/ ji ltar smos pa'i de bzhin gshegs pa de dag thams cad ni/ ston pa bcom ldan 'das de bzhin gshegs pa thams cad kyi bdag po/ ston pa rdo rje 'dzin chen po des/ ye shes kyi byin gyis brlabs pa'i thabs kyis 'dul bar mdzad do/ /de ma thag tu le'u dang po las smos pa/ 'khor gyi ngo bo rig pa'i skyes bu'i tshul gyi ye shes kyi lha mo bzhi ste/ zhe sdang dga' ma dang/ gti mug dga' ma dang/ 'dod chags dga' ma dang/ rdo rje dga' ma yin no/ /gzhan yang de dag gi mtshan ni mA ma
- 327a
kI dang/ sangs rgyas spyan dang/ na bza' dkar mo dang/ dam tshig sgrol ma dang bzhi yin no/ /de rnams kyi ye shes kyi gzhal yas khang la gzigs na/ nyid nyid kyi rigs kyi bdag po'i tshul gyis de bzhin gshegs pa thams cad grangs med pa bkod pa'i ngo bo'i gzugs de med par stong par mthong ngo/ /de'i phyir ngo mtshar chen po skyes pa bla na med pa'i 'dod chags kyi kyo bas bskul bar gyur pa de'i dbang gis ston pa bcom ldan 'das de bzhin gshegs pa thams cad kyi bdag po rdo rje 'dzin pa chen po dgyes par bya ba'i bul ba'i cha lugs kyi tshig gi ngo bor rim pa ma nor bar brjod pas glu'i ngo bo bstod pa byas pa de'i don bstan par bya ste/ de bzhin gshegs pa thams cad kyi sku dang gsung dang thugs rdo rje'i btsun mo bcom ldan 'das de bzhin gshegs pa thams cad kyi bdag po rdo rje 'dzin pa chen po la dga' bas bstod pa/ zhes bya ba'i sgra bshad par bya ste/ ji ltar yin no/ de nas ni mdun du smos pa'i tshul gyis de bzhin gshegs pa de dag thams cad ni/ rdo rje btsun mor mtshan btags pa'i shes rab ma ye shes kyi lha mo mA ma kI'i gsang ba'i b+ha ga gzhal yas khang gi ngo bo de'i gnas su bzhugs ma thag tu/ mdun du smos pa'i tshul gyis tshul shes rab ma ye shes kyi lha mo bzhi po de dag gis rdo rje glu'i ngo bos ston pa la bstod par byas pa'i tshul mtshon par bstan to/ /de ltar de nas kyi don du gsungs so/ /de bzhin gshegs pa thams cad kyi sku dang gsung dang thugs rdo rje'i btsun mos zhes pa ni/ ston pa mi bskyod pa rdo rje 'dzin nyid la sogs pa'i rigs lnga'i bye brag gi /de bzhin gshegs pa smos pa de dag thams cad/ don dam par sku dang gsung dang thugs rdo rje gsum dang gnyis
- 327b
su med pa'i ngo bo yin no/ /de dag gi btsun mor mtshan btags pa nyid nyid kyi rigs kyi bye brag gi shes rab ma ye shes kyi lha mo mtshan du smos pa dang ldan par smos so/ /de ltar de bzhin gshegs pa thams cad kyi btsun mos kyi don du gsungs so/ /bcom ldan 'das de bzhin gshegs pa thams cad kyi bdag pos rdo rje 'dzin pa chen po la dga' bas stod pa zhes pa ni/ de'i don mdun du bshad pas bde ste/ 'dir bshad mi dgos so/ /da ni gzhan yang dang po zhe sdang dga' mar mtshan btags pa'i shes rab ma ye shes kyi lha mo mA ma kI yin no/ /de nyid kyi rigs kyi bdag po/ thugs rdo rje las rdo rje'i ngo bos bstod pa/ de'i ngo bo'i don bstan par bya ste/ sems can khams na gnas kyi dbang phyug khyod kyi rdo rje'i thugs/ dga' ba yid 'ong 'dod pas bdag la skyabs su gsol/ /mgon po gal te bdag ni de ring gson par mchis bzhed na/ /sems can yab chen gnyen mchog bdag la dgyes par mdzad du gsol zhes bya ba'i sgra bshad par bya ste/ ji ltar yin na/ sems can khams na gnas kyi dbang phyug khyod kyi rdo rje'i thugs ni/ khyod du ming btags ba ston pa rdo rje 'dzin nyid yin no/ /de nas thugs rdo rje ni sku rdo rje rnam par snang mdzad la sogs pa de bzhin gshegs pa thams cad kyi thugs don dam par gnyis su med pa'i ngo bo de ni/ rang bzhin gyis ma skyes pa dang/ dngos po med pa dang stong pa thams cad la khyab nas gnas pa'o/ /de la bgegs dang bdud kyi tshogs gang yang rung ba'i gnod pas med par mi 'gyur ba de/ me long lta bu'i ye shes dang gnyis su med pa'o/ /don des rdo rje'i thugs de ni/ ston pa rdo rje 'dzin pa nyid kyi sku phyag rgya'i gzugs gnas par smos so/ /sems can khams na gnas kyi dbang phyug tu ming btags pa mdun du smos pa'i tshul du rdo rje thugs
- 328a
kyi ngo bo ston pa rdo rje 'dzin pa chen po de ni gnas kyi dbang phyug bye brag gsum bu smos so/ /ye shes kyi tshul gyi ngo bo dang/ don dam pa'i 'bras bu'i tshul gyi ngo bo dang/ kun rdzob tu phyi'i 'jig rten gyi bdag po'i tshul gyi ngo bo'o/ /de'i don gsal bar bshad par bya ste/ ye shes kyi tshul gyi ngo bo ni/ gnas kyi dbang phyug tu ming btags pa ye shes gzhal yas khang de ni theg pa chen po'o/ /gsang sngags kyi chos kyi 'khor lo bskor bar mdzad pa'i gnas yin no/ / gnas de nas ston pa rdo rje 'dzin pa chen pos ji ltar smos pa'i brjod du yod pa dang/ brjod du med pa'i 'khor phun sum tshogs pa thams cad sprul par mdzad pa de'i 'og tu/ 'khor de'i nang du bdag po'i rgyal po'i ngo bo bye brag sna tshogs kyis ye shes kyi cho 'phrul sbrul pa spros pas byin gyis brlab pa dang/ 'dus par mdzad pas bsgyings pa'i thabs kyi rgyud 'di'i chos bshad par mdzad cing gnas pa yin no/ /de ltar ye shes kyi tshul gyi ngo bo gnas kyi dbang phyug gi don du gsungs so/ /gzhan yang don dam pa'i 'bras bu'i tshul gyis ngo bo la gnas kyi dbang phyug tu ming btags pa ni ston pa rdo rje 'dzin pa chen po nyid don dam par de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ngo bo bla na med pa'i 'bras bu'i byang chub sems chen po yin no/ /de ji ltar smos pa'i tshul gyi chos kyi/ dbyings kyi dbang phyug ma gnas la gnyis su med par khyab nas gnas pa yin no/ /bstan par bya ste/ gnas ni dus 'dir nam mkha' i khams thams cad kyi gnas su khyab pa chos kyi dbang phyug ma yin no/ /dbang phyug ni ston pa rdo rje 'dzin pa chen po de nyid ni mdun du smos pa'i tshul gyi 'bras bu'i ngo bo yin no/ /de ltar don dam pa'i 'bras bu'i tshul gyi ngo bo gnas kyi dbang phyug gi don du smos so/ /gzhan
- 328b
yang kun rdzob kyi phyi'i 'jig rten gyi bdag po'i tshul gyi ngo bo la gnas kyi dbang phyug tu ming btags pa rgyud kyi rgyal po 'di la sogs pa sngags kyi rgyud kyi rgyal po thams cad bshad par mdzad pa'i dus su ston pa rdo rje 'dzin pa chen po des/ me long lta bu'i ye shes la sogs pa ye shes lnga'i ngo bo bye brag sna tshogs kyi ye shes kyi cho 'phrul sprul nas spros pas byin gyis brlabs pas lha dang mi la sogs pa sems can thams cad 'dul bas bran bzhin du mdzad pa yin no/ /de gsal bar bstan par bya ste/ dang po ni ma rungs pa'i sems can la la myos par mdzad pa dang/ la la gnod par mdzad pa dang/ la la brgyal par mdzad pa dang/ la la skrag par mdzad pa dang/ la la bye brag sna tshogs kyis 'joms pa 'am med par mdzad par smos so/ /gzhan yang lha dang mi la sogs pa sems can thams cad la zhi ba'i tshul gyi ngo bo dang de dag la la'i sdig pa thams cad 'joms par mdzad pa dang/ de dag la la bde ba dang yid bde ba 'thob par mdzad pa dang de dag la la zhi bar gyur par mdzad pa dang/ de dag la la rgyas par 'gyur bar mdzad pa dang/ de dag la sogs pa bye brag sna tshogs kyis re ba rdzogs par mdzad pa yin no/ /bstan par bya ste/ gnas ni dus 'dir khams gsum gyi ngo bo'i 'jig rten gyi khams thams cad kyi gnas yin no/ /dbang phyug ni mdun du smos pa'i tshul gyis/ 'jig rten gyi khams thams cad kyi gnas na gnas pa'i lha dang mi la sogs pa'i sems can de dag thams cad ji ltar smos pa'i tshul gyis 'dul ba 'am bran bzhin du 'dul ba'i 'og tu/ bdag pos rgyal po'i ngo bo'i ston pa rdo rje 'dzin pa chen pos sems can gyi khams de dag mdzad pa yin no/ /mdor sdu ba de ltar na bye brag gsum gyis sems can khams na gnas kyi dbang phyug gi
- 329a
don du smos so/ /de ltar sems can khams na gnas kyi dbang phyug ma khyod ni rdo rje'i don du gsungs so/ /dga' ba yid 'ong don chen 'dod pas bdag la skyabs su gsol/ zhes pa ni/ bdag la skyabs su gsol zhes pa ming btags pa rdo rje thugs nyid gnas kyi dbang phyug gi ngo bo de ni ston pa rdo rje 'dzin pa chen po yin no/ /de la nyid kyi rigs kyis btsun mo shes rab ma de ye shes kyi lha mo mA ma kI de ni/ sems can thams cad kyi phyin ci log gi 'dod chags spangs nas bla na med pa'i 'dod chags spyad pa'i thabs kyis bla na med pa'i 'bras bu 'grub par bya ba'i phyir/ thugs rje chen po'i 'dod chags kyi kyo bas bskul bar gyur pa de'i tshul gyis myur ba myur bar bdag la skyabs su gsol ba'i tshig gi brjod nas/ glu sha rdza'i dbyangs kyis gsol ba btab pa yin no/ /bstan par bya ste dga' ba yid 'ong don chen 'dod pas su zhes pa ming btags pa'i/ de ltar byas pas don chen po mdun du smos pa'i tshul du sems can thams cad kyis 'bras bu 'grub par bya ba'i phyir/ yid 'ong dga' ba ni thabs dang shes rab rol pa byas nas bde ba dang dgyes par mdzod cig pa yin no/ /de ltar byas pas don chen por 'gyur bar smos so/ /de ltar dga' ba yid 'ong don chen 'dod pas bdag la skyabs su gsol gyi don du gsungs so/ /mgon po gal te/ de ring gson par mchis bzhed na/ sems can yab chen gnyen mchog bdag la dgyes par mdzad du gsol zhes pa ni/ ston pa rdo rje 'dzin pa chen po khyod ni thugs rje chen po'i ngo bo'i/ gzhan yang ci ltar 'khor ba'i tshul du gnyen mchog gi ngo bo ni bu'i pha yin no/ /de bzhin du yab tu ming btags pa ci ltar smos pa'i sems can thams cad la mnyam pa'i tshul gyis gnyen mchog yab kyi ngo bor smos so/ /tshul de ltar
- 329b
thugs rje gnyis su med pa'i ngo bo'i bdag nyid khyod kyis bdag rigs kyi btsun mo shes rab ma ye shes kyi lha mo mA ma kI yin no/ /de lta bu'i ngo bo'i mgon po kye/ /gal te bdag gson par mchis zhes pa/ bdag la spyad pa dang thabs dang shes rab rol pa mdzad cig pa yin no/ /tshul de ltar bral ba'i cha lugs kyi tshig brjod nas ci ltar smos pa'i dbyangs kyis glu blangs te gsol ba btab par smos so/ /mdor bsdu ba de ltar gal te mgon po bdag ni gson par mchis bzhed na/ sems can yang chen gnyen mchog bdag la dgyes pa mdzad du gsol gyi don du gsungs so/ /da ni gzhan yang gti mug dga' bar ming btags par shes rab ma ye shes kyi lha mo sangs rgyas spyan du smos so/ /de nyid kyi rigs kyi bdag po sku rdo rje la rdo rje'i glu'i ngo bos bstod pa'i don bstan par bya ste/ de nas rnam par snang mdzad de bzhin gshegs pa thams cad kyi btsun mos bcom ldan 'das de bzhin gshegs pa thams cad kyi bdag po rdo rje 'dzin pa chen po la/ rdo rje'i sku 'dod pa'i dga' ba'i mchod pa'i mchog yi ge'i cho? ga 'dis kun tu bstod do/ /zhes bya ba'i sgra bshad par bya ste/ ji ltar yin na de nas ni mdun du smos pa'i tshul gyis rdo rje'i rigs kyi btsun mor mtshan btags pa ye shes kyi lha mo mA ma kI 'dis bstod pa'i ngo bo rdo rje'i glu'i tshul gyis gsol ba btab pa de bshad par mdzad pa'i 'og tu/ de bzhin gshegs pa thams cad kyi sku rdo rje'i btsun mor mtshan btags pa shes rab ma ye shes kyi lha mo sangs rgyas spyan gyis ji ltar smos pa'i gsol ba btab pa de'i don bshad par brtsams pa mtshon par ston to/ /de ltar de nas kyi don du gsungs so/ /rnam par snang mdzad ni de bzhin gshegs pa thams cad kyi btsun mos zhes pa ni/ rnam par snang mdzad ni de bzhin gshegs pa thams cad kyi sku rdo rje dang gnyis su med pa'i ngo
- 330a
bo yin no/ /don des rnam par snang mdzad kyi shes rab ma ye shes kyi lha mo sangs rgyas spyan de ni de bzhin gshegs pa thams cad kyi btsun mor smos so/ /de ltar rnam par snang mdzad de bzhin gshegs pa thams cad kyis btsun mos kyi don du gsungs so/ /bcom ldan 'das de bzhin gshegs pa thams cad kyi bdag po rdo rje 'dzin pa chen po zhes pa ni/ de'i don bde ste bshad mi dgos so/ /rdo rje'i sku 'dod pa'i dga' ba'i mchod pa'i mchog yi ge'i tshig 'dis kun du bstod do/ /zhes pa ni mdun du smos pa'i de bzhin gshegs pa'i thams cad kyi bdag po yin pa de la rdo rje 'dod par mtshan btags pa dus 'dir sku rdo rjes rnam par snang mdzad yin no/ /des sems can thams cad kyi don thams cad sgrub par byed pa'i don gyis rnam par snang mdzad rdo rje 'dod par smos so/ /dga' bar ming btags pa ni sangs rgyas spyan gyis 'dod chags chen po'i rol pa mdzad pas rdo rje 'dod par ming btags pa nyid kyi rigs kyi bdag po rnam par snang mdzad dga' bas bde bar gyur par byed pa yin no/ /don des sangs rgyas spyan rdo rje 'dod pa dga' ba'i ngo bor smos so/ /de ltar mtshan btags pa'i ngo bo sangs rgyas spyan gyis rdo rje glu'i tshul gyis gsol ba btab pa'i yi ge'i tshig brjod pas mchod pa'i mchog gi ngo bo'i gnas 'byung ba'i tshul gyis ston par stod par smos so/ /de ltar rdo rje 'dod pas dga' ba'i mchod pa'i mchog 'dis kun tu bstod de'i don du gsungs so/ /da ni gzhan yang bstod pa'i ngo bo rdo rje glu'i tshul gyis gsol ba btab pa de'i don bstan par bya ste/ rdo rje'i sku khyod bka' i 'khor lo sems can la kun la phan/ /sangs rgyas don du byang chub mchog grub rab tu phan par gzigs/ /mgon po
- 330b
gal te bdag ni de ring gson par mchis bzhed na/ /'dod chags dam tshig chags pas bdag la dgyes pa mdzad du gsol/ /zhes bya ba'i sgra bshad par bya ste/ ji ltar yin na/ rdo rje'i sku khyod bka' i 'khor lo sems can kun la ban pa ni khyod du ming btags pa ni ston pa rdo rje 'dzin pa chen po nyid yin no/ /sku rdo rje'i ngo bo de dag la sogs pa'i de bzhin gshegs pa thams cad don dam par sku gnyis su med pa'i ngo bo de ni/ rang bzhin gyis ma skyes pa dngos po med pa stang pa kun la khyab nas gnas pa'o/ /de la bdud dang bgegs kyi tshogs gang gis gnod pas kyang med par mi 'gyur ba thugs dang gnyis su med pa'o/ /de chos kyi dbyings dang gnyis su med pa yin no/ /don des rdo rje'i sku'i ngo bo ston pa rdo rje 'dzin pa chen po nyid kyi sku phyag rgya phung po dang/ sku mdog dang snang ba'i ngo bo gzugs gnas par smos so/ /de nas bka' i 'khor lo sems can kun la phan du ming btags pa ni mdun du smos pa'i rdo rje'i sku'i ngo bo ston pa rdo rje 'dzin pa chen po dus rtag tu/ sems can kun ni 'gro ba rigs drug gis tshul gyis sems can grangs med pa thams cad yin no/ /de dag la thugs rje chen po'i dbang gi bye brag sna tshogs kyis thams cad kyis nyid nyid kyi bye brag sna tshogs kyi phan pa skyes pa de'i dngos grub kyi 'bras bu'o/ /'khor lo'i bka' bzhin du bsgrub pa mdzad par smos so/ /da ltar rdo rje'i sku khyod bka' i 'khor lo sems can kun la phan gyi don du gsungs so/ /sangs rgyas don du byang chub don dam par du rab tu zhes pa ni/ ston pa sku rdo rje dang gnyis su med pa rdo rje 'dzin pa chen po des/ ji ltar smos pa'i thugs rje'i dbang gi sems can de dag thams cad la/ sangs rgyas kyi don du ming btags pa dus 'dir theg pa chen po gsang sngags kyi chos kyi bsgrub pa bya ba'i phyir/ bsgrub pa'i sbyor ba
- 331a
dang sngags kyi bzlas pa'i bsnyen pa dang dam rdzas bdud rtsi lnga la sogs pa ci ltar smos pa'i sngags kyis byin gyis brlabs nas/ bza' bar bya ba la sogs pa gsang ba'i spyod pa spyod pa ma nyams pa'i tshul gyis sangs rgyas kyi don yin no/ /byang chub don dam rab tu ston ni/ mdun du smos pa'i tshul gyis sangs rgyas kyi don gyi ngo bor spyad par byas pas don dam pa byang chub bla na med pa'i 'bras bu'i ngo bo de'i phan pa ston par mdzad mkhan/ bsgrub pa thams cad kyi lung dang man ngag gi tshul rgyud 'di las bshad par mdzad par smos so/ /de ltar sangs rgyas don du byang chub don dam rab tu ston gyi don du gsungs so/ /mgon po gal te bdag ni de ring gson par mchis bzhed na/ 'dod chags dam tshig chags pas bdag la dgyes pa mdzad du gsol zhes pa ni/ ston pa rdo rje 'dzin pa chen po khyod ni thugs rje chen po'i ngo bo'o/ /de'i dbang gi 'dod chags skyes par gyur pa de'i thabs kyis/ mdun du smos pa'i tshul gyi mnyam pa'i thugs kyi sems can thams cad la ci ltar bla na med pa'i 'bras bur 'gyur ba de bzhin du mdzad pa yin no/ /bstan par bya ste/ dus 'dir 'dod pa ni ci ltar smos pa'i sems can thams cad la dus rtag tu bye brag sna tshogs kyi thabs kyi don mdzad pa yin no/ /de nas chags pa ni thugs rje chen po ming spong bar chags par mdzad pa de'i tshul gyi ni/ 'dod chags kyi thabs kyis dam tshig tu ming btags pa gsang ba'i spyod pa yin no/ /de'i spyod pa spyod pa'i ngo bo 'dod chags chen po'i bde ba 'byung ba'i 'dod chags nges khyod kyi bdag sku rdo rje'i rigs kyi btsun mo shes rab ma ye shes kyi lha mo sangs rgyas spyan de lta bu'i ngo bos kye mgon po gal te/ bdag gson par bzhed na bdag la spyad pa dang thabs dang shes
- 331b
rab rol pa mdzod cig ces pa yin no/ /tshul de ltar bral ba'i cha lugs kyi tshig brjod nas/ g+ha da ra'i dbyangs kyi glu blangs nas gsol ba btab par smos so/ /mdor bsdu ba de ltar mgon po gal te bdag gis gson par mchis bzhed na/ 'dod chags dam tshig chags pas bdag la dgyes pa mdzad du gsol gyi don du gsungs so/ /da ni gzhan yang 'dod chags dga' mar mtshan btags pa shes rab ma ye shes kyi lha mo na bza' dkar mo yin no/ /des nyid kyis rigs bdag pos 'jig rten dbang phyug tu ming btags pa rdo rje glu'i ngo bos bstod pa byas pa'i de'i ngo bo'i don bstan par bya ste/ de nas 'jig rten dbang phyug gi sku dang gsung dang thugs kyi spyan gyi bcom ldan 'das de bzhin gshegs pa thams cad kyi bdag po/ /rdo rje 'dzin chen po longs spyod thams cad kyi dam tshig gis bstod pa/ zhes bya ba'i sgra bshad par bya ste/ ci ltar yin na/ /de nas ni mdun du smos pa'i tshul gyis sku'i rigs kyi btsun mo shes rab ma ye shes kyi lha mo sangs rgyas spyan gyi bstod pa'i ngo bo rdo rje glu'i tshul gyis gsol pa btab pa de bshad par mdzad pa'i 'og tu de bzhin gshegs pa thams cad kyi gsung rdo rje'i btsun mor mtshan btags pa shes rab ma ye shes kyi lha mo na bza' dkar mos ci ltar smos pa'i tshul gyis bshad par brtsams pa mtshon par bstan to/ /de ltar de nas kyis don du gsungs so/ /'jig rten dbang phyug gi sku dang gsung dang thugs kyi spyan gyi zhes pa ni/ mdun du smos pa'i tshul gyis 'jig rten dbang phyug gi sku phyag rgya sku dang gsung dang thugs gsum dang gnyis su med pa'i ngo bo yin no/ de'i mtshan gyi don mdun du bshad pas bde ste de ni/ dus 'dir snang ba mdza' yas nyid yin no/ /de de bzhin gshegs pa thams cad kyi gsung/ rdo rje dang gnyis su med pa'i ngo bo yin no/ /de ni mdun du smos pa'i don gyis sangs rgyas spyan du mtshan btags pa'i snang ba mdza'
- 332a
yas kyis shes rab ma lha mo na bza' dkar mo de ni de bzhin gshegs pa thams cad kyi btsun mor smos so/ /de ltar 'jig rten dbang phyug gi sku dang gsung dang thugs kyi spyan gyis don du gsungs so/ /bcom ldan 'das de bzhin gshegs pa thams cad kyi bdag po rdo rje 'dzin pa chen po zhes pa ni/ de'i don bde ste bshad mi dgos so/ /'dod pa'i longs spyod thams cad kyis bstod pa zhes pa ni/ mdun du smos pa'i shes rab ma ye shes kyi lha mo na bza' dkar mos 'og nas 'byung ba'i tshul gyis rdo rje glu'i ngo bos bstod pa'i gsol ba btab pa'i 'og tu/ nyid kyi gsang ba'i thugs ka ye shes sems dpa' i gnas nas dam tshig du ming btags pa 'dod chags chen po'i ngo bo thabs dang shes rab rol pa byas pa yin no/ de bde bar 'gyur ba'i phyir/ 'dod pa'i longs spyod thams cad kyi mchod pa spro bar byas pa yin no/ /de gsal bar bstan par bya ste/ shes rab ma'i lha mo na bza' dkar mos nyid kyi thugs ka ye shes sems dpa' i gnas nas le'u gsum ba'i nang nas 'byung ba'i tshul gyis 'dod pa'i longs spyod lnga'i ngo bo gzugs rdo rje ma la sogs pa mchod pa'i lha mo lnga nyid kyi mchod pa mdzad pa'i rdzas phyag na 'dzin pa de ltar sprin bzhin du spro bar mdzad nas/ de bzhin gshegs pa thams cad kyi bdag po mchod pa dang/ gzhan yang 'og nas 'byung tshul gyis yi ge'i tshig gis rdo rje'i glu'i tshul gyis bstod pa byas pas smos so/ /de ltar 'dod pa'i longs spyod thams cad kyi don tshig gis bstod pa'i don du gsungs so/ / da ni gzhan yang stod pa'i ngo bo rdo rje glu'i tshul gyis gsol ba btab pa de'i don bstan par bya ste/ khyod ni rdo rje'i gsung ste kun la phan zhing thugs brtse ba/ 'jig rten dag gi dgos pa'i don mdzad pa la rtag tu brtson/ /mgon po gal te
- 332b
bdag ni de ring gson par mchis bzhed na/ /'dod pa'i longs spyod yang dag kun tu bzang pos bdag la dgyes pa mdzad du gsol/ zhes bya ba'i sgra bshad par bya ste/ ji ltar yin na/ khyod ni rdo rje'i gsung ste kun la phan zhing thugs brtse ba'i ni/ khyod du ming btags la ni ston pa rdo rje 'dzin pa chen po yin no/ /de'i gsung rdo rje de'i ngo bo de la sogs pa de bzhin gshegs pa thams cad don dam pa'i gsung gnyis su med pa'i ngo bo de ni rang bzhin gyis ma skyes pa/ ngo bo med pa/ stod pa thams cad la khyab nas gnas pa de la bgegs dang bdud kyi tshogs gang yang rung ba'i gnod pas ci ltar smos pa'i rdo rje'i thugs dang/ rdo rje'i sku bstan pa de bzhin du thugs dang sku gnyis su med par mi 'gyur ba de so sor rtog pa'i ye shes dang gnyis su med pa yin no/ /don des rdo rje'i gsum de ni ston pa phyag na rdo rje nyid kyis sku phyag rgya/ chos thams cad kyi rigs pa dang rab tu mkhyen pa dang 'byung ba snying po'i ngo bor gnas par smos so/ /de nas kun la thugs brtse bar mtshan btags pa ji ltar mdun du sems can thams cad la/ don mdzad pa'i thabs kyi ngo bo'i tshul yin pa de bzhin du 'dir bstan to/ /de ltar khyod ni rdo rje gsung ste/ kun la phan zhing thugs brtse ba'i don du gsungs so/ /'jig rten dag gi dgos pa'i don mdzad pa la rtag tu brtson zhes pa ni/ mdun du smos pa'i mA ma kI dang sangs rgyas spyan gyis ci ltar rdo rje glu'i bstod pa'i tshul gyis gsol ba btab pa de'i dus su/ ci ltar smos pa'i 'jig rten thams cad kyi don mdzad pa de bzhin du dus 'dir bshad par smos so/ /de ltar 'jig rten dag gi dgos pa'i don mdzad pa la rtag tu brtson gyi don du gsungs/ mgon po gal te/ de ring bdag ni gson par mchis bzhed nas/ 'dod pa'i spyod pa yang dag kun
- 333a
tu bzang pos bdag la dgyes pa mdzod ces pa ni/ ston pa rdo rje 'dzin pa chen po de nyid kun tu bzang po yin no/ /bstan par bya ste/ rnam par snang mdzad la sogs pa 'khor gyi ngo bo'i ye shes kyi lha ma lus thams cad kyi sngags sa bon yig 'bru dang/ sku phyag rgya de dag thams cad ni/ nyid nyid kyi ye shes kyi cho 'phrul gyis bsgyings pa dang/ gzhan yang ye shes dang gsang ba dang/ mtshon gyi rnam pa'i bye brag dang/ dkyil 'khor gyi ngo bo gsum mo/ /de bzhin du don dam pa ye shes thams cad kyi dngos grub kyi 'bras bu gnyis su med pa'i ngo bo yin no/ /de dang gnyis su med pa'i bdag nyid ston pa rdo rje 'dzin pa chen po nyid yin no/ /don des kun tu bzang por smos so/ /de lta bu'i ngo bo kun tu bzang po khyod kyis/ bdag gsung rdo rje rigs kyi btsun mo shes rab ma na bza' dkar mo la 'dod pa'i spyod pa yang dag tu ming btags pa gsang ba'i rol pa bde bar 'gyur bar byed pa'i ngo bo de'i thabs kyis/ mgon po gal te gson par bzhed na/ thabs dang shes rab kyi rol pa spyod mdzad ces pa yin no/ /de ltar bral ba'i cha lugs kyi tshig brjod nas sha rdza'i dbyangs kyi glu blangs nas gsol ba btab par smos so/ /mdor bsdu ba de ltar mgon po gal te bdag ni gson par mchis bzhed nas/ 'dod pa'i spyod pa yang dag kun tu bzang pos bdag la dgyes par mdzad kyi don du gsungs so/ /de ni gzhan yang rdo rje dga' mar mtshan btags pa ni shes rab ma ye shes kyi lha mo dam tshig sgrol ma yin no/ /des nyid kyi rigs kyi bdag po rdo rje chags par mtshan btags pa las kyi rigs don yod grub pa de la rdo rje'i glu'i ngo bor stong par byed pa de'i ngo bo'i don bstan par bya ste/ de nas de bzhin gshegs pa thams cad kyi sku dang gsung dang thugs kyi dam tshig gi rdo rje btsun mos/ /bcom
- 333b
ldan 'das de bzhin gshegs pa thams cad kyi bdag po rdo rje 'dzin pa chen po la/ de bzhin gshegs pa thams cad kyi bde ba dang yid bde ba'i dga' ba 'dis bstod do/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i tshul gyis gsung gi rigs kyi btsun mor mtshan btags pa shes rab ma ye shes kyi lha mo na bza' dkar mos bstod pa'i ngo bo rdo rje sku'i tshul gyi ? gsol ba btab ba bshad par bya ba'i 'og tu de bzhin gshegs pa thams cad kyi sku dang gsung dang thugs dam tshig rdo rje mtshan btags pa las kyi rigs don yod grub pa yin no/ /de'i btsun mor mtshan btags pa'i shes rab ma ye shes kyi lha mo dam tshig sgrol mas ci ltar smos pa'i tshul gyis gsol ba btab pa'i don bshad par brtsams pa de'i don mtshon par bstan to/ /de ltar de nas kyi don du gsungs so/ /de bzhin gshegs pa thams cad kyi sku dang gsung dang thugs kyi dam tshig rdo rje'i btsun mos zhes pa ni/ mdun du smos pa'i tshul gyis dam tshig rdo rjer mtshan btags pa las kyi rigs don yod grub pa'i sku dang gsung dang thugs gsum dang gnyis su med pa'i ngo bo yin no/ /de'i mtshan gyi don bshad pa ni ston pa rdo rje 'dzin pa nyid de/ de'i thugs rje chen po'i dam tshig bye drag sna tshogs kyis sems can thams cad kyi don mdzad pa'i phyir 'phrin las yin no/ /rdo rje ni mdun du smos pa'i 'phrin las de ni/ bya ba nan tan gyi ye shes kyi ngo bo dam tshig rdo rje de ni don yod grub pa'i btsun mo shes rab ma ye shes kyi lha mo dam tshig sgrol ma'o/ /de ni de bzhin gshegs pa thams cad kyi btsun mor smos so/ /de ltar de bzhin gshegs pa thams cad kyi sku dang gsung dang thugs dam tshig rdo rje'i btsun mos kyi don du gsungs so/ /bcom ldan 'das de bzhin gshegs
- 334a
pa thams cad kyi bdag po rdo rje 'dzin pa chen po la zhes pa ni/ de'i don bde ste bshad mi dgos so/ /de bzhin gshegs pa thams cad kyi bde ba dang yid bde ba'i dga' ba 'dis bstod do/ zhes pa ni de bzhin gshegs pa thams cad kyis thugs rje chen po'i thugs skyes nas/ 'dod chags kyis dgyes pas thabs dang shes rab kyi rol pa mdzad pas bde bar 'gyur ba yin no/ /bde ba dang yid bde bar ming btags pa ci ltar smos pa'i tshul gyis bde bar 'gyur ba'i 'og tu dus thams cad du thabs kyi bye brag sna tshogs kyis dngos grub kyi 'bras bu 'grub par mdzad pa yin no/ /de ltar mdzad pas dus 'dir yi bde bar gyur pa yin no/ /tshul de ltar bde ba dang yid bde bar 'gyur par bya ba'i phyir shes rab ma ye shes kyi lha mo dam tshig sgrol mas nyid kyi dgyes pas 'og 'byung ba'i yi ge'i tshig gis rdo rje glu'i tshul gyis ston pas smos so/ /de ltar de bzhin gshegs pa thams cad kyis bde ba dang yid bde ba'i dga' ba 'dis bstod de de'i don du gsungs so/ /da ni gzhan yang stod pa'i ngo bo rdo rje'i tshul gyis gsol ba btab par byas pa de'i don gsal bar bstan par bya ste/ /khyod ni rdo rje chags pa'i dam tshig phan don che/ / yang dag rdzogs sangs rgyas kyi gdung mchog mdzod/ /spu mnyam par thugs brtse ba mgon po gal te bdag ni gson par mchis bzhed na/ /yon tan rin chen mang po'i gter gyur bdag la dgyes par mdzod/ /ces bya ba'i sgra bshad par bya ste/ ci ltar yin na/ khyod ni rdo rje chags pas dam tshig mchog gi phan yon che ni/ khyod du ming btags pa ni ston pa rdo rje 'dzin pa chen po nyid yin no/ /de'i chags pa ni ci ltar mdun du smos pa'i shes rab
- 334b
ma ye shes lha mo gsum gyis rdo rje glu'i bstod pa'i tshul gyis gsol pa btab pa de'i dus su smos pa'i de bzhin du 'dir bstan to/ /gzhan yang chags pa ni rdo rje'i ngo bo de nyid la sogs pa de bzhin gshegs pa thams cad don dam par gnyis su med pa'i ngo bo de ni /rang bzhin gyis ma skyes pa/ ngo bo med pa/ stong pa thams cad la khyab nas gnas pa'o/ /de bya ba la nan tan gyi ye shes dang/ gnyis su med pa yin no/ /don des rdo rje chags pa ni/ ston pa rdo rje 'dzin pa nyid mdun du smos pa'i tshul du gnas pas mchog chags smos so/ /phan don chen po ming btags pa ni thugs rje chen po dang byams pa'i ngo bo'i thugs bskyed nas mdun du smos pa'i tshul gyis sems can thams cad kyi don bsgrub par mdzad pa'i phyir 'phrin las dus rtag tu mdzad pa de ni ci ltar smos pa'i dam tshig yin no/ /don des don thams cad mdzad pa'i nang nas dus 'dir don chen por smos so/ /de ltar khyod ni rdo rje chags pa dam tshig mchog gi phan don che'i don du gsungs so/ /yang dag rdzogs sangs rgyas kyi gdung mchog mdzod spu mnyam par thugs rtse ba zhes pa ni/ phyi dang nang gi tshul gyis rdzogs pa'i sangs rgyas kyi gdung mchog tu ming btags pa dus gsum gyi sangs rgyas kyi bstan pa yin no// tshul de ltar sangs rgyas kyi gdung mchog ni ci ltar ye shes kyi lha thams cad kyi gzugs kyi sku'i phyag rgya'i 'phrul pa'i dbus gnas na nyid kyi ye shes kyi mdzod spu rgyan gyi ngo bo de ni sems can thams cad kyis mthong ma thag tu bran bzhin du dbang du 'gyur ba'o/ /de ltar yon tan gyi ngo bo mdzod spu 'dzin par smos pa de bzhin du/ ston pa rdo rje 'dzin pa chen po mdzad spu'i ngo bo yin no/ /gzhan mdun du smos pa'i tshul gyis thugs rje chen po mnyam pa'i thugs kyis sems can thams cad
- 335a
la thugs brtse ba re ba thams cad dus rtag tu 'grub par mdzad par smos so/ /de ltar rdzogs pa'i sangs rgyas gdung mchog mnyam par thugs brtse'i don du gsungs so/ /mgon po gal te bdag gi ni de ring gson par mchis bzhed na/ yon tan rin chen mang po'i gter 'gyur bdag la dgyes par mdzad ces pa ni/ ston pa rdo rje 'dzin pa chen po khyod ni/ rin po che in dra ni la dang/ rin po che pad ma ra ga dang/ rin po che bai DUrya ta dang/ de dag la sogs pa yon tan mang po dang ldan pa/ rin thang dpag tu med pa/ bye brag sna tshogs kyi rin po che'i gter gang ba'i ngo bo smos pa de bzhin du/ ye shes kyi yon tan rin po che lta bu'i sku phyag rgya gter gyi ngo bo de ni/ sems can thams cad kyi don mdzad pa'i phyir smos so/ /bstan par bya ste/ mdun du smos pa'i tshul gyis ston pa rdo rje 'dzin pa chen po yon tan gyi gter dang gnyis su med pa'i ngo bo khyod kyis bdag las kyi rigs kyi btsun mo shes rab ma dam tshig sgrol ma la/ gsang ba'i rol pa ci ltar smos pa'i bde bar gyur pa de'i thabs kyis gal te/ bdag gson par bzhed nas/ kye mgon po bdag la spyad pa dang/ thabs dang shes rab rol pa mdzad ces pa yin no/ /tshul de ltar brel ba'i cha lugs kyi tshig brjod nas glu blangs te/ gsol ba btab par smos so/ /mdor bsdu ba de ltar mgon po gal te bdag ni gson par mchis bzhed nas/ /yon tan rin chen mang po'i gter gyur bdag la dgyes bar mdzod kyi don du gsungs so/ /da ni gzhan yang rdo rje rigs kyi shes rab ma ye shes kyi lha mo de bzhin gshegs pa bzhi'i btsun mor mtshan btags pa shes rab ma lha mo bzhis sems can thams cad kyis sangs
- 335b
rgyas byang chub sems dpa' i 'bras bu 'thob par bya ba'i phyir/ thugs rje chen po 'dod chags kyi thugs bskyed nas/ mdun du smos pa'i rdo rje'i glus bstod pa'i tshul gyis gsol ba btab pa de ni bral ba'i cha lugs kyi tshig brjod pa de ba rdzogs ma thag tu/ ston pa bcom ldan 'das phyag na rdo rje de bzhin gshegs pa de mnyes par 'gyur ro/ /de'i 'og tu rdo rje'i glu'i bstod pa'i tshul gyis gsol ba 'debs mkhan ci ltar smos pa'i shes rab ma ye shes kyi lha mo bzhi dga' bar bya ba'i phyir/ 'og nas 'byung ba'i ting nge 'dzin la zhugs pa de'i don bstan par bya te/ de nas bcom ldan 'das phyag na rdo rje de bzhin gshegs pas/ 'dod pa'i longs spyod thams cad la longs spyod pa rdo rje dpal zhes pa'i ting nge 'dzin la snyoms par zhugs nas/ de bzhin gshegs pa thams cad kyi btsun mo de dag la dam tshig rdo rje spyod cing cang mi gsung bar 'gyur ro zhes bya ba'i sgra bshad par bya ste/ ci ltar yin na/ de nas ni mdun du smos pa'i tshul gyi shes rab ma ye shes kyi lha mo mA ma kI la sogs pa de bzhin gshegs pa bzhi'i btsun mor mtshan btags pa ye shes kyi lha mo bzhis ji ltar smos pa'i tshul gyi ngo bos gsol ba btab pa de rdzogs ma thag tu/ ston pa bcom ldan 'das phyag na rdo rje de bzhin gshegs pa de'i 'og nas 'byung ba'i ting nge 'dzin la snyoms par zhugs pa de'i don mtshon par bstan to/ /de ltar de nas kyi don du gsungs so/ /bcom ldan 'das zhes pa ni ston pa phyag na rdo rje de bzhin gshegs pa nyid yin no/ /de'i yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du bshad pas bde ste bshad mi dgos so/ /de ltar bcom ldan 'das kyi don du gsungs so/ /phyag na rdo rje de bzhin gshegs
- 336a
par zhes pa ni/ de'i don bde ste bshad mi dgos so/ /'dod pa'i longs spyod thams cad la longs spyod pa zhes pa ni/ dus 'dir 'dod pa'i longs spyod thams cad ni ston pa phyag na rdo rje de bzhin gshegs pa nyid kyi shes rab ma ye shes kyi lha mo mA ma kI de ni/ dkyil 'khor gyi lha thams cad bskyed pa'i gnas yum gyi ngo bo de gnyis su med par 'khyud nas/ gnas pa yin no/ /de dang ldan par 'dod chags chen po'i thugs dgyes pas thabs dang shes rab rol pa mdzad pa yin no/ /don des 'dod pa'i longs spyod thams cad kyi ngo bo dus 'dir thabs dang shes rab rol pa mdzad pa yin no/ /de ltar 'dod pa'i longs spyod thams cad kyi don du gsungs so/ /rdo rje dpal zhes pa ni/ mdun du smos pa'i 'dod pa'i longs spyod thams cad kyi ngo bo'i tshul thabs dang shes rab kyi rol pa de byas pa'i dus su gsang ba'i dbang po'i rdo rje dang pad mo'i gnas nas/ me long lta bu'i ye shes la sogs pa ye shes lnga'i ngo bo'i 'od zer gyi sprin nyid nyid kyi rigs kyi bye brag gi kha dog dang ldan pa'i spro bar mdzad pa de ma thag tu/ mdun du smos pa'i de bzhin gshegs pa thams cad kyi btsun mor mtshan btags pa mA ma kI la sogs pa'i ye shes kyi lha mo bzhi la/ ci ltar smos pa'i don gyis gsol ba de rnams kyi sku phyag rgya'i gnas su thim par 'gyur ba'i tshul gyis byin gyis brlabs pa yin no/ /bstan par bya ste/ rdo rjer ming btags pa ci ltar smos pa'i ngo bo ye shes kyi 'od zer sprin bzhin du spro bar mdzad pa yin no/ /dpal du ming btags pa'i ye shes kyi 'od zer gyi sprin gyis shes rab ma ye shes kyi lha mo bzhi'i sku phyag rgya rig pa'i skyes bu'i ngo bo de ni/ thim pas byin gyis brlabs pa'i thabs kyi gsang ba'i
- 336b
spyod pa thabs dang shes rab rol pa mdzad pas bskul ba yin no/ /don gyi tshul des rdo rje dpal du smos so/ /mdor bsdu ba de ltar rdo rje dpal gyi don du gsungs so zhes bya ba'i ting nge 'dzin la snyoms par zhugs nas zhes pa ni ston pa phyag na rdo rje de bzhin gshegs pa des/ thugs rtse gcig par mdzad pa gang yin pa de ting nge 'dzin du smos so/ /de ltar zhes bya ba'i ting nge 'dzin la snyoms par zhugs nas kyi don du gsungs so/ /de bzhin gshegs pa thams cad kyi btsun mo de dag la dam tshig rdo rjes spyod cing zhes pa ni/ mdun du smos pa'i tshul gyis ston pa nyid la sogs pa'i rigs lnga'i bye brag gi de bzhin gshegs pa thams cad yin no/ /de dag la gnyis su med pa'i tshul gyis btsun mor mtshan btags pa'i shes rab ma ye shes kyi lha mo mA ma kI la sogs pa bzhi yin no/ /de rnams ni dus mnyam par ston pa phyag na rdo rje de bzhin gshegs pa des mdun du smos pa'i tshul du byin gyis brlabs pa de'i thabs kyis bskul bar 'gyur ba de'i 'og tu nyid nyid kyi rigs kyi bdag po ni skyes bur ming btags pa'i thams cad kyi ngo bo yin no/ /de ni le'u dang po'i nang nas smos pa'i tshul du gnyis su med par 'khyud pa'i sbyor bas gnas pa yin no/ /bstan par bya ste/ dam tshig ni dus 'dir gsang ba'i dbang po gnyis mnyam par sbyor ba'i tshul gyis gnas pa yin no/ /don des dam tshig tu smos so/ /rdo rje ni mdun du smos pa'i tshul gyis nyid nyid kyi rigs kyi bdag po'i sku phyag rgyas gnyis su med par 'khyud pa'i sbyor bas gnas par smos pa de nyid rdo rje yin no/ /de ltar bye brag gnyis mdor bsdus pa'i don gyis dam tshig rdo rje'i ngo bor smos pa de spyad par ming btags pa 'dod chags chen po'i thugs dgyes pas thabs dang shes rab rol pa mdzad par smos so/ /de ltar de bzhin gshegs pa thams cad kyi btsun mor de dag la
- 337a
dam tshig rdo rjes spyod cing gi don du gsungs so/ /cang mi gsung bar 'gyur ro/ /zhes pa ni/ ci ltar smos pa'i shes rab ma ye shes kyi lha mo bzhis rdo rje glus bstod pa'i tshul gyis gsol ba btab pa de'i yon tan gyis thabs dang shes rab rol pa mdzad nas bde bas dgyes par gyur pas ci yang mi gsung bar gnas par gyur par smos so/ /de ltar cang mi gsung bar gyur to'i don du gsungs so/ /da ni gzhan yang mdun du smos pa'i tshul gyi ston pa phyag na rdo rje de bzhin gshegs pa des 'dod pa'i longs spyod rdo rje dpal zhes bya ba'i ting 'dzin la snyoms par zhugs pa de'i thabs kyis ye shes kyi 'od gzer sprin lta bu spros pas byin gyis brlabs nas bskul bar mdzad pa'o/ /de bzhin gshegs pa thams cad kyi btsun mo rnams dam tshig rdo rjes spyod pa de'i yon tan gyi don grub pas ci ltar gyur pa de'i don bstan par bya ste/ de nas nam mkha' i dbyings 'di thams cad/ de bzhin gshegs pa thams cad kyi sku dang gsung dang thugs rdo rje dam tshig gi chus yongs su gang ste/ /rdo rje'i chus bum pa yongs su gang ba ltar gnas par gyur to/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i tshul gyis de bzhin gshegs pa thams cad kyi btsun mor mtshan btags pa shes rab ma ye shes kyi lha mo bzhi spyad par byas pas/ thabs dang shes rab rol pa spyad pas skyes bu thabs kyi ngo bor smos pa de dag dus mnyam par bde bar gyur pa de'i don mtshon par bstan to/ /de ltar de nas kyi don du gsungs so/ /nam mkha' i dbyings 'di thams cad ces pa ni/ dus 'dir nam mkha' i dbyings bye brag rnam pa gnyis su smos te/ ye
- 337b
shes kyi tshul dang gsang ba'i tshul lo/ /de gsal bar bstan par bya ste/ ye shes kyi tshul ni/ rgyud bshad pa'i gnas ci ltar smos pa'i tshul gyis ye shes gzhal yas khang gi nang de thams cad nam mkha' i dbyings kyi ngo bor smos so/ /de nas gsang ba'i tshul gyi mdun du smos pa'i tshul gyi shes rab ma ye shes kyi lha mo bzhi thabs dang shes rab rol pa bya ba'i tshul gyis spyod pa yin no/ /de dag gi gsang ba'i dbang po b+ha ga'i ngo bo de'i nang nam mkha' i dbyings thams cad kyi ngo bor smos so/ /mdor bsdu ba de ltar nam mkha' i dbyings thams cad kyi don du gsungs de bzhin gshegs pa thams cad kyi sku dang gsung dang thugs rdo rje'i dam tshig gi khu bas yongs su gang ste/ rdo rje chus bum pa yongs su bkang ba ltar gnas par gyur to zhes pa ni/ mdun du smos pa'i tshul du nam mkha' i dbyings su ming btags pa'i ngo bo shes rab ma ye shes kyi lha mo bzhi de dag gi gsang ba'i dbang po b+ha ga'i ngo bo de ni/ ci ltar rdul tshon gyi dkyil 'khor gyi dus su slob dpon gyis bum pa'i dbang bskur bar byed pa'i dus su/ bum pa de ci ltar rdo rje chus gang bar byed pa de bzhin du/ bum pa'i ngo bo b+ha ga dam tshig tu ming btags pa thabs dang shes rab kyi rol pa yin no// khu bar ming btags pa ni mdun du smos pa'i dam tshig thabs dang shes rab rol pa byas pas bde bar gyur pa'i dus de ma thag tu/ byang chub sems khu ba'i ngo bo des gang ba de ni/ dam tshig tu ming btags pa khu ba'i ngo bo byang chub sems de don dam pa de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ngo bo yin no/ /de gnas par gyur par smos so/ /de ltar de bzhin gshegs pa thams cad kyi sku dang gsung dang thugs
- 338a
rdo rje dam tshig gi khu bas yongs su gang ste/ rdo rje'i chus bum pa yongs su gang ba ltar gnas par gyur to'i don du gsungs so/ /da ni gzhan yang rdo rje ye shes kyi byin gyis brlabs par mdzad pas rdo rje gsum gyi gsang ba'i dbang du gyur pa de'i don bstan par bya ste/ de nas rdo rje nam mkha' i dbyings 'dir sems can chen po gang sku gsum gyi dam tshig las byung ba de/ rdo rje dpal gyis reg nas/ thams cad de bzhin gshegs pa dgra bcom pa yang dag par rdzogs pa'i sangs rgyas rdo rje gsum gyi ye shes su gyur to/ /de'i tshe nas sems can thams cad kun tu bzang po kun tu bzang po zhes grag nas/ de bzhin gshegs pa thams cad kyi sku dang gsung dang thugs thugs rdo rjes dbang bskur bar gyur to/ zhes bya ba'i sgra bshad par bya ste/ ci ltar yin na/ de nas ni mdun du smos pa'i thabs dang shes rab rol pa byas nas bde bar gyur pa'i 'bras bu'i ngo bo khu ba byang chub sems des ci ltar smos pa'i shes rab ma ye shes kyi lha mo bzhi'i b+ha ga bum pa lta bu'i ngo bor gyur pa de ma thag tu 'og nas smos par 'gyur ba'i don mtshon par bstan te/ /de ltar de nas kyi don du gsungs so/ /rdo rje nam mkha' i dbyings 'dir sems can chen po gang sku gsum gyi dam tshig las byung ba zhes pa ni/ mdun du smos pa'i bye brag rnam pa gnyis kyi nam mkha' i dbyings kyi don bshad pa de nyid kyi rdo rje nam mkha' i dbyings kyi ngo bor ming btags pa yin no/ /de gsal bar bshad par bya ste/ dus 'dir dang po ni ston pa phyag na rdo rje de bzhin gshegs pa nyid kyi shes rab ma ye shes kyi dam tshig las byung ba zhes pa ni mdun du smos pa'i bye brag rnam pa gnyis kyi nam mkha' i dbyings kyi don bshad pa de nyid kyi rdo rje nam mkha' i dbyings kyi ngo bor ming
- 338b
btags pa yin no/ /de gsal bar bshad par bya te/ dus 'dir dang po ni ston pa phyag nar rdo rje de bzhin gshegs pa nyid kyi shes rab ma ye shes kyi lha mo mA ma kI dang/ dus rtag tu gnyis su med par 'khyud pa'i sbyor bas gnas pa'o/ / de'i b+ha ga ji ltar smos pa'i tshul de de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ngo bo byang chub sems rdo rje snying por ming btags pa de'i bzhugs gnas so/ /don des rdo rje nam mkhar ming btags pa yin no/ /bstan par bya ste/ de lta bu'i ngo bo rdo rje nam mkha' i gnas na le'u dang po'i nang nas smos pa byang chub sems rdo rje'i snying por mtshan btags pa'i sa bon de las sems can chen po zhes pa don mdor bsdus pa brjod du yod pa dang brjod du med pa'i tshul gyis 'khor phun sum tshogs pa de dag thams cad ni/ sku gsung dang gnyis su med pa'i ngo bo ston pa nyid yin no/ /dus 'dir de'i dam tshig tu ming btags pa mdun du smos pa'i ngo bo byang chub sems rdo rje snying po yin no/ /sa bon de las byung ba'o/ /de ltar gsal ba'i tshul gyis rdo rje nam mkha' i dbyings kyi don du smos so/ /gzhan yang ye shes kyi bye brag gi rdo rje nam mkha' i dbyings ni mdun du smos pa'i tshul du rgyud bshad pa'i gnas ye shes kyi gzhal yas khang gsang ba'i nam mkha' i dbyings kyi gnas sku gsum gyi dam tshig gi sa bon las 'khor phun sum tshogs pa smos pa de dag thams cad kyi bzhugs gnas yin no/ /de ltar ye shes kyi tshul gyis rdo rje nam mkha' i dbyings kyi don du gsungs so/ /gzhan yang sems can chen po sku gsum gyi dam tshig las byung ba de'i don mdun du bshad pa bde ste 'dir bshad mi dgos so/ /mdor sdu ba de ltar rdo rje nam mkha' i dbyings 'dir sems can gang sku gsum gyi dam tshig las byung ba'i don du gsungs so//
- 339a
de rdo rje dpal gyis reg nas thams cad de bzhin gshegs pa dgra bcom pa yang dag par rdzogs pa'i sangs rgyas rdo rje gsum gyi ye shes su 'gyur ro/ /zhes pa ni/ de zhes ming btags pa mdun du smos pa'i tshul gyis sku gsum gyi dam tshig sa bon las byung ba 'khor phun sum tshogs pa thams cad yin no/ /de dag thams cad ni dus mnyam pa rdo rje dpal du ming btags pa ston pa phyag na rdo rje de bzhin gshegs pa de'i nyid kyi shes rab ma ye shes kyi lha mo mA ma kI de dus rtag tu gnyis su med par 'khyud pa'i spyod pas gnas pa de dag go /de dag la sogs pa de bzhin gshegs pa thams cad kyi btsun mor mtshan btags pa'i ye shes kyi lha mo bzhis/ rdo rje'i glus bstod pa'i tshul gyis gsol ba btab par byas pa de ltar lnga'i b+ha ga bum pa'i ngo bo de ni mdun du bshad pa'i dam tshig gi khu ba'i ngo bo byang chub sems des yongs su gang ba'i tshul gyis gnas par gur pa yin no// tshul de lta bu'i byang chub sems de'i gnas nas sku dang gsung dang thugs rdo rje gsum yi ngo bo ston pa phyag na rdo rje de bzhin gshegs pa des byin gyis brlabs par mdzad pa'i thabs kyis 'bar ba chen po'i 'od 'phro bar mdzad do/ /de ni rdo rje dpal du ming btags pa yin no/ /reg par ming btags par ci ltar smos pa'i rdo rje dpal gyi ngo bo 'bar ba chen po'i 'od spro bar mdzad pa de ma thag tu/ mdun du smos pa sems can chen por ming btags pa 'khor phun sum tshogs pa de dag thams cad dus mnyam par reg pa'i tshul gyis brlabs par smos so/ /de byin gyis brlabs par mdzad pa'i 'og tu/ de dag thams cad ci ltar smos pa'i don gyi ngo bo de bzhin gshegs pas
- 339b
bshad pa de dang 'dra bar 'gyur ro/ /bstan par bya ste/ ci ltar de bzhin gshegs pa thams cad gdod ma nas phyi dang nang gi tshul gyi dgra bcom pa de'i yon tan gyis/ dus 'dir rdo rje gsum gyi ye shes su ming btags pa sku rdo rje'i ye shes dang/ gsung rdo rje'i ye shes dang/ thugs rdo rje'i ye shes so/ /de ltar rdo rje gsum gyi ye shes dang gnyis su med pa'i ngo bo don dam pa de bzhin gshegs pa thams cad gnyis su med pa'i bdag nyid rdzogs pa'i sangs rgyas ston pa phyag na rdo rje nyid yin par smos so/ /de dang mnyam pa 'am 'dra bar gyur par bstan to/ /gzhan yang 'phags pa nag rdzu nas nyid kyi 'grel pa las thugs rje chen po'i ngo bor 'gyur bar mdzad pas/ bshad pa de'i don 'dir bstan par bya ste/ mdun du smos pa'i tshul tu sems can chen por ming btags pa 'khor phun sum tshogs pa thams cad la rdo rje'i dpal tu ming tu btags pa'i ngo bo 'bar ba chen po 'od des/ reg pa'i tshul gyis byin gyis brlabs par mdzad pa de'i tshul gyis 'jig rten gyi khams thams cad kyi gnas su ci ltar smos pa'i 'bar ba chen po'i 'od khyab par spro'o/ /de ma thag tu lha dang mi la sogs pa sems can ma lus pa thams cad la reg par mdzad pas/ byin gyis brlabs pa de'i thabs kyis/ rdo rje nam mkha' i dbyings ye shes kyi gzhal yas khang gi gnas su bsdus nas gzhag pa de'i dus su de dag thams cad ci ltar mdun du 'khor phun sum tshogs pa smos pa de bzhin tu mdzad par smos so/ /de ltar rdo rje dpal gyis reg nas thams cad de bzhin gshegs pa dgra bcom pa yang dag par rdzogs pa'i sangs rgyas su gyur to'i don du gsungs so/ /de'i dus nas sems can thams cad kun tu bzang po'i
- 340a
kun tu bzang po zhes grags pa zhes pa ni mdun du smos pa'i tshul du ye shes kyi cho 'phrul sprul nas spro bar mdzad nas byin gyis brlabs pa de'i thabs kyis rdo rje nam mkha' i dbyings su ming btags pa'i ye shes kyi gzhal yas khang gi gnas su sems can thams cad bsdus nas gzhag par mdzad pa de dag thams cad ci ltar mdun du 'khor phun sum tshogs pa thams cad de'i 'bras bu 'thob par smos pa de bzhin du grub par 'gyur ba yin no/ /dus de nas bzung ba'i 'og tu don gyi tshul ci ltar ston pa phyag na rdo rje de bzhin gshegs pa de nyid kun tu bzang po'i ngo bor smos pa de bzhin du gnyis su med par mnyam pa 'am 'dra bar sems can thams cad kun tu bzang po yin no/ /de ltar de'i dus nas sems can thams cad kun tu bzang po kun tu bzang po zhes grags kyi don du gsungs so/ /de bzhin gshegs pa thams cad kyi sku dang gsung dang thugs rdo rje dbang bskur bar gyur to zhes pa ni mdun du smos pa'i tshul du 'khor phun sum tshogs pa de dang gnyis su med pa'i ngo bo sems can thams cad do/ /mdor bsdus pa de ltar de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ngo bo/ shes rab ma ye shes kyi lha mo rgyal mo la sogs pa lnga po de rnams kyi b+ha ga bum pa'i ngo bo de ci ltar smos pa'i khu ba byang chub sems des yongs su gang bar gnas par smos pa de b+ha ga'i gnas nas rgyun mi 'chad par mang po 'bab pa'i tshul gyis byung ba ye shes kyi gzhal yas khang gi gnas de khu ba byang chub sems des gang bar 'gyur ba de'i dus su ye shes kyi gzhal yas khang ye shes kyi gsang ba'i rgya mtsho chen po'i ngo bo dang mnyam pa 'am 'dra bar gyur par smos so/ /bstan
- 340b
par bya ste/ mdun du smos pa'i tshul gyi ngo bo'i don byang chub kyi sems de ye shes kyi gsang ba'i rgya mtsho ngo bor gyur pa gsang ba'i dam rdzas kyis 'khor phun sum tshogs pa thams cad dang/ gzhan yang sems can de dag thams cad mnyam pa 'am 'dra ba'i ngo bor ci ltar smos pa'i tshul gyis gyur par mdzad pa tshul cig tu bsdus nas dbang bskur bar mdzad pa yin no/ /de ma thag tu byang chub sems ma lus pas dbang bskur ba de dag thams cad kyi sku phyag rgya'i gnas su thim par gyur pa yin no/ /don des sems can thams cad ci ltar smos pa'i tshul gyis kun tu bzang po'i ngo bo 'grub par 'gyur bar smos so/ /mdor bsdu ba de ltar de bzhin gshegs pa thams cad sku dang gsung dang thugs rdo rje dbang bskur bar gyur te'i don du gsungs so/ /da ni gzhan yang mdun du smos pa'i ye shes gsang ba'i dbang mnyam par bskur bas chos thams cad rnam par dag pa rdo rje ye shes kyi spyod pa'i tshul tu gyur par mdzad pa'i 'og tu/ ma 'ongs pa'i sems can gyis ye shes gsang ba'i dbang mnod pa dang/ gzhan yang sngags thams cad 'grub par bya ba'i dad pa chen po'i sems bskyed par bya ba'i phyir/ ston pa phyag na rdo rje de bzhin gshegs pa des 'khor gyi ngo bo'i de bzhin gshegs pa thams cad kyi sangs rgyas thams cad kyi chos mnyam pa'i ngo bo'i don smos pa de bstan par bya ste/ de nas phyag na rdo rje de bzhin gshegs pas de bzhin gshegs pa thams cad la 'di skad gsungs so/ /bcom ldan 'das de bzhin gshegs pa thams cad sangs rgyas thams cad kyi chos mnyam pa nyid mthong ngam de nas bcom ldan 'das de bzhin gshegs pa thams cad kyi phyag na rdo rje de bzhin gshegs pa thams cad kyi bdag po la 'di skad ces gsol to//
- 341a
bcom ldan 'das mthong lags so/ /bde bar gshegs pa mthong lags so/ /de bzhin gshegs pa thams cad rdo rje ye shes kyi spyod pa'o zhes bya ba'i sgra bshad par bya ste/ ci ltar yin na de nas ni mdun du smos pa'i tshul gyis ye shes gsang ba'i dbang mnyam pa chos thams cad rnam par dag pa rdo rje ye shes kyi spyod pa'i tshul du 'gyur bar mdzad pa'i 'og tu/ ma 'ongs pa'i sems can gyis ye shes gsang ba'i dbang mnod pa dang gzhan yang sngags thams cad kyi bsgrub pa bya ba'i dad pa chen po'i sems bskyed par bya ba'i phyir ston pa'i 'og nas 'byung ba'i don bshad par rtsams pas mtshon par bstan to/ /de ltar de nas kyi don tu gsungs so/ /phyag na rdo rje de bzhin gshegs pas zhes pa ni de'i don mdun du bshad pas bde ste bshad mi dgos so/ /de bzhin gshegs pa thams cad la 'di skad gsungs so zhes pa ni rnam par snang mdzad la sogs pa 'khor gyi ngo bo de bzhin gshegs pa grangs yod par smos pa de dag thams cad la ston pa phyag na rdo rje de bzhin gshegs pa des 'di skad gsungs so/ /zhes pa 'og nas 'byung ba'i tshig gi don bstan par bya ba'i phyir mtshon par bstan to/ /de ltar de bzhin gshegs pa de dag thams cad la 'di skad ces gsungs so'i don du gsungs so/ /bcom ldan 'das de bzhin gshegs pa thams cad kyi sangs rgyas thams cad kyi chos mnyam pa nyid mthong ngam zhes pa ni ston pa phyag na rdo rje de bzhin gshegs pa des ci ltar smos pa'i don dang ldan pa'i bcom ldan 'das yin pa'i yon tan gyi bstod pa'i tshig brjod nas 'khor gyi ngo bo de bzhin gshegs pa thams cad la don dam pa sangs rgyas thams cad kyi chos mnyam pa'i ngo bo'i
- 341b
don mthong ba yin nam zhes tshig brjod par smos so/ /de'i don gsal bar bstan par bya ste/ mdun du smos pa'i don gyi tshul gyi phyir/ de bzhin gshegs pa thams cad kyi btsun mor mtshan gdags pa shes rab ma ye shes kyi lha mo mA ma kI la stsogs pa bzhis rdo rje glus bstod pa'i tshul gyis gsol ba btab pa'o/ /de nas bzung nas 'khor phun sum tshogs pa thams cad dang gzhan yang ci ltar smos pa'i tshul gyis sems can thams cad byin gyis brlabs pa dang bkug nas bsdus pa de ma thag tu mnyam pa'i ngo bo ye shes gsang ba'i ngo bo'i dbang bskur ba'i thabs kyis/ kun tu bzang po'i ngo bor gyur pa'i tshul de ltar don dam pa sangs rgyas thams cad kyi chos mnyam pa'i ngo bor smos so/ mdor bsdu ba de ltar bcom ldan 'das de bzhin gshegs pa thams cad kyis sangs rgyas thams cad kyi chos mnyam pa nyid mthong ngam gyi don du gsungs so/ /de nas zhes pa ni ston pa phyag na rdo rje de bzhin gshegs pa des mdun du smos pa'i tshul gyi sangs rgyas thams cad kyi chos mnyam pa'i ngo bo bshad pa de thos pa'i 'og tu 'khor gyi ngo bo'i de bzhin gshegs pa thams cad kyis dus mnyam tu sangs rgyas thams cad kyi chos mnyam pa'i don rtogs par gyur pa de mtshon par bstan to/ /de ltar de nas kyi don du gsungs so/ /de bzhin gshegs pa thams cad kyis phyag na rdo rje de bzhin gshegs pa thams cad kyi bdag po la 'di skad ces gsol to/ /zhes pa ni de'i don bde ste bshad mi dgos so/ /bcom ldan 'das mthong lags so/ /bde bar gshegs pa mthong lags so/ /de bzhin gshegs pa thams cad kyi rdo rje ye shes kyi spyod pa'o zhes pa ni 'khor gyi ngo bo'i de bzhin gshegs pa thams cad kyis ston pa phyag na rdo rje de bzhin gshegs pa bcom ldan 'das yin par yon tan gyi bstod
- 342a
pa'i mtshan brjod nas mdun du smos pa'i chos mnyam pa'i don shes rab kyi spyan gyis mthong ngam rtogs par 'gyur bar gsol to/ /gzhan yang ci ltar smos pa'i don dang ldan pa'i de bzhin gshegs pa phyag na rdo rje yin pa la shin tu dga' bas tshig gnyis su mtshan brjod cing mthong ngo rtogs so bar gsol to/ /de bzhin gshegs pa thams cad kyi rdo rje ye shes kyi spyod par ming btags pa ston pa phyag na rdo rje de nyid ni/ don dam pa de bzhin gshegs pa thams cad gnyis su med pa'i bdag nyid yin no/ /de bzhin gshegs pa thams cad kyi sku dang gsung dang thugs gnyis su med pa'i ngo bo'o/ /ci ltar smos pa'i khu ba byang chub sems de'i dbang bskur bar mdzad pa'i spyod pa'i don/ rnam par dag pa mnyam par don tshul gyis 'khor phun sum tshogs pa thams cad dang/ sems can thams cad dus mnyam par kun tu bzang po'i ngo bor gyur par mdzad pa de ltar nges par mthong bar bstan to/ /mdor bsdu ba de ltar bcom ldan 'das mthong lags so/ /bde bar gshegs pa mthong lags so/ /de bzhin gshegs pa thams cad kyi rdo rje ye shes kyi spyod pa'i'i don du gsungs so/ /da ni gzhan yang mdun du smos pa'i tshul du brjod du med pa'i de bzhin gshegs pa thams cad kyi sku dang gsung dang thugs rdo rje'i btsun mo'i mtshan btags pa/ ston pa phyag na rdo rje nyid kyi shes rab lha mo mA ma kI de'i b+ha ga la zhugs nas bzhugs par smos pa de ni ye shes gsang ba'i dbang gi bde ba'i 'bras bu thob pa dang/ gzhan yang sems can thams cad mnyam pa'i tshul gyis 'bras bu chen po kun tu bzang po'i ngo bo 'grub pa/ de'i dus su skabs su zhus pa'i gnas nas slar byung ngo/ /de ma thag tu ci ltar gyur pa de'i don bstan par bya ste/ de nas
- 342b
bcom ldan 'das de bzhin gshegs pa thams cad/ de bzhin gshegs pa thams cad kyi sku dang gsung dang thugs rdo rje btsun mo'i b+ha ga las phyung ngo/ /bcom ldan 'das phyag na rdo rje de bzhin gshegs pa la 'di skad ces gsol to/ /gang 'dod chags kyi yi ge'i tshig la/ sangs rgyas kyi byang chub rjes su chud pa de/ bcom ldan 'das ngo mtshar to/ /bde bar gshegs pa ngo mtshar to/ /zhes bya ba'i sgra bshad par bya ste/ ci ltar yin na/ de nas ni mdun du smos pa'i tshul du sems can thams cad kyi don bsgrub pa'i phyir/ sangs rgyas kyi chos thams cad mnyam par bstan pa'i tshul dang/ rdo rje ye shes kyi don grub ma thag tu de'i dus skabs su ci ltar smos pa'i gnas nas de bzhin gshegs pa thams cad phyung ngo/ /de ma thag tu dus mnyam par sems ngo mtshar du gyur nas ston pa phyag na rdo rje de bzhin gshegs pa de'i don la ci ltar gsol ba de'i don mtshon par bstan to/ /de ltar de nas kyi don du gsungs so/ /bcom ldan 'das de bzhin gshegs pa thams cad de bzhin gshegs pa thams cad kyi sku dang gsung dang thugs rdo rje btsun mo'i b+ha ga nas phyung ngo zhes pa ni de'i don mdun du bshad pas bde ste bshad mi dgos so/ /bcom ldan 'das phyag na rdo rje chen po de bzhin gshegs pa la 'di skad ces gsol to/ /zhes pa ni mdun du smos pa'i gnas nas de bzhin gshegs pa phyung ma thag tu ci ltar zhes pa'i rim pa ma nor ba'i tshul gyis ston pa phyag na rdo rje de bzhin gshegs pa la bcom ldan 'das yin par yon tan gyis bstod pa'i mtshan brjod nas 'og nas 'byung ba'i tshig gi ngo bos gsol ba btab par smos so/ /de ltar bcom ldan 'das phyag na rdo rje chen po de bzhin gshegs pa la 'di skad ces gsol to'i don du gsungs so//
- 343a
gang 'dod chags kyi yi ge'i tshig la sangs rgyas kyi byang chub rjes su chud pa de bcom ldan 'das ngo mtshar to/ /bde bar gshegs pa ngo mtshar to zhes pa ni mdun du smos pa'i tshul gyi de bzhin gshegs pa thams cad kyi btsun mor mtshan btags pa'i shes rab ma ye shes kyi lha mo mA ma kI la sogs pa bzhis thugs rje chen po 'dod chags kyi thugs bskyed nas sems can thams cad kyi phyin ci log gi 'dod chags kyis spyod pa spangs par bya ba dang gzhan yang theg pa chen po gsang sngags kyi tshul du bla na med pa'i 'dod chags spyod par bya 'jug pa'i thabs kyis/ sangs rgyas dang byang chub kyi ngo bo bla na med pa'i 'bras bu 'grub par bya ba'i phyir rdo rje glus bstod pa'i tshul gyis gsol ba btab pa'i thabs kyis thugs rje chen po bla na med pa'i 'dod chags kyi ngo bo'i sems dang ldan pas ston pa de bzhin gshegs pa thams cad kyi bdag po rdo rje 'dzin pa chen po de skul bar byas pa de'i dus bzung nas ye shes gsang ba'i dbang bskur bas ci ltar smos pa'i 'khor phun sum tshogs pa thams cad dang sems can thams cad kun tu bzang po'i ngo bo sangs rgyas dang byang chub gnyis su med pa'i ngo bo bla na med pa'i 'bras bu de ni rjes su chud par ming btags pa 'grub par 'gyur ba yin no/ /de ltar 'dod chags kyi tshul gyi yi ge'i thabs kyis ci ltar smos pa'i 'bras bu 'grub par 'gyur ba'o/ /don des de bzhin gshegs pa thams cad thugs dgyes pa chen pos ngo mtshar du gyur pa'o/ /tshul de ltar bcom ldan 'das dang bde bar gshegs pa dang yon tan gyi bstod pa'i mtshan gyi ngo bo brjod nas mdun du smos pa'i don gyi phyir gsol ba btab par smos so/ /mdor bsdu ba de ltar gang 'dod chags kyi yi ge'i tshig la sangs rgyas kyi
- 343b
byang chub rjes su chud pa de bcom ldan 'das ngo mtshar to/ /bde bar gshegs pa ngo mtshar to'i don du gsungs so/ /de ni gzhan yang mdun du smos pa'i don gyi ngo bo 'khor gyi ngo bo grangs med pa'i de bzhin gshegs pa thams cad kyis gsol ba de gsan ma thag tu/ ston pa phyag na rdo rje de bzhin gshegs pa thams cad kyis bdag po des don dam pa chos thams cad kyi rang bzhin gyi ngo bo byang chub sems kyi don ci ltar le'u gnyis pa'i nang na sa bon dam pa byang chub sems kyi tshul gyi don smos pa de bzhin du dus 'dir bshad pa de bstan par bya ste/ de nas phyag na rdo rje de bzhin gshegs pa thams cad kyi bdag pos/ /de bzhin gshegs pa thams cad la 'di skad gsungs so/ /bcom ldan 'das de bzhin gshegs pa thams cad de skad ma gsung zhig de ci'i phyir zhe na chos thams cad ni nam mkha' i rdo rje'i dam tshig dang mtshungs pa'i phyir gzugs kyi phung po ma yin tshor ba'i phung po ma yin skye mched ma yin no de bzhin du 'dod chags ma yin zhe sdang ma yin gti mug ma yin chos ma yin pa yang ma yin no/ /zhes bya ba'i sgra bshad par bya ste ci ltar yin na de nas ni mdun du smos pa'i 'khor thams cad kyi ngo bo grangs med pa de bzhin gshegs pa thams cad rdo rje btsun mo'i b+ha ga nas phyung ma thag tu ci ltar gsol ba btab pa de gsan ma thag tu ston pa phyag na rdo rje de bzhin gshegs pa thams cad kyi bdag po des 'og nas 'byung ba'i tshig gi don bshad par brtsams pa de mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni de'i don bshad pas bde ste bshad mi dgos so/ /de bzhin gshegs pa thams cad la 'di skad ces gsungs so/ /bcom ldan 'das de bzhin
- 344a
gshegs pa thams cad la de skad ma gsung zhig ces pa ni ston pa phyag na rdo rje de bzhin gshegs pa thams cad kyi bdag po des 'khor gyi ngo bo de bzhin gshegs pa grangs med pa gsol ba 'debs mkhan de dag thams cad la bcom ldan 'das yin par yon tan gyi bstod par bya ba'i mtshan brjod nas ma gsung zhig tu ming btags pa mdun du smos pa'i 'dod chags kyi yi ge'i tshig gis sangs rgyas dang byang chub rjes su chud pas de skad smras pa de ni phyi nang gi tshul gyis rnam par rtog pa'i ngo bo'i don yin no/ /de rnam par dag par bya ba'i phyir 'og nas 'byung ba'i tshig gi don dam pa byang chub sems kyi ngo bo gnyis su med par bshad par smos so/ /de ltar de bzhin gshegs pa thams cad la 'di skad gsungs so/ /bcom ldan 'das de bzhin gshegs pa thams cad de skad ma gsung zhig gi don du gsungs so/ /de ci'i phyir zhe na/ chos thams cad nam mkha' i rdo rje'i dam tshig dang mtshungs pa'i phyir zhes pa ni phyi dang nang gi chos thams cad smos pa de ni rang bzhin gyis nam mkha' i ngo bo rdo rje ming btags pa dus 'dir nam mkha' i rdo rje ni chos kyi sku yin no/ /de'i dam tshig tu ming btags pa ming skyes pa ngo bo med pa stong pa nam mkha' lta bu yin no de dang 'dra ba 'am mnyam pa chos thams cad do/ /de'i phyir mdun du smos pa'i 'dod chags kyi yi ge'i tshig gis sangs rgyas dang byang chub kyi 'bras bu 'thob pa yin no/ /de ni rnam par rtog pa'i rang bzhin tsam du smos pa'i don gyi tshul du bstan to/ /de ltar de ci'i phyir zhe na chos thams cad ni nam mkha' i rdo rje'i dam tshig dang mtshungs pa'i phyir ro'i don du gsungs so/ /gzugs kyi phung po ma yin tshor ba'i phung po ma yin khams ma yin skye mched ma yin zhes pa ni gzugs kyi phung po la sogs pa phung po lnga
- 344b
yin no/ /mig gi khams dang gzugs kyi khams dang mig gi rnam par shes pa la sogs pa khams bco brgyad las ni mig gi skye mched dang gzugs kyi skye mched la sogs pa skye mched bcu gnyis yin no phung po dang khams dang skye mched dang de dag thams cad rim pa'i don rgyas par le'u gnyis pa byang chub sems kyi nang nas ci ltar bshad par smos pa de bzhin du 'dir bstan to/ /de ltar gzugs kyi phung po ma yin nas tshor ba'i phung po ma yin gyi don du gsungs so/ /'dod chags ma yin zhe sdang ma yin gti mug ma yin zhes pa ni mdun du smos pa'i tshul du don dam pa'i ngo bo phung po dang khams dang skye mched ma skyes pa yin no don des 'dod chags dang zhe sdang dang gti mug la sogs pa nyon mongs pa thams cad kyi sgrib pa med par smos so/ /gzhan yang chos ma yin chos ma yin pa yang ma yin zhes pa ni de ltar bye brag gnyis kyi don dam par ngo bo ma skyes pa'i ngo bor smos so/ /mdor bsdu ba de ltar 'dod chags ma yin zhe sdang ma yin gti mug ma yin chos ma yin chos ma yin pa yang ma yin gyi don du gsungs so/ /da ni gzhan yang mdun du smos pa'i don mdor bsdus pa'i ngo bo thos ma thag tu 'khor gyi ngo bo grangs med pa'i de bzhin gshegs pa thams cad ci ltar gyur pas de'i don bstan par bya ste/ de nas de bzhin gshegs pa thams cad cang mi gsung bar gyur to/ /zhes bya ba ni de nas ni mdun du smos pa'i ston pa phyag na rdo rje de bzhin gshegs pa thams cad kyi bdag po des chos thams cad don dam pa ma skyes pa rang bzhin gyis ngo bo med par bstan pa de'i don thos ma thag tu ci ltar smos pa'i de bzhin gshegs pa thams cad don dam pa'i bsgom pa'i
- 345a
stong pa chen po'i ngo bo gnyis su med pa la zhugs pa yin no/ /de'i tshul mtshon par bstan to de ltar de nas kyi don du gsungs so/ /de bzhin gshegs pa thams cad cang mi gsung bar gyur to zhes pa'i don ni bde ste bshad mi dgos so/ /da ni gzhan yang mdun du smos pa'i 'khor gyi ngo bo de bzhin gshegs pa thams cad kyis ci ltar smos pa'i don gyi phyir ci yang mi gsung bar gyur pas gnas pa de'i dus skabs su ston pa phyag na rdo rje nyid de nyid kyis rgyud kyi rgyal po chen po gsang ba 'dus pa 'di'i mgo mjug gi tshul gyis bshad pa de'i don rdzogs pa'i 'og tu ma 'ongs pa'i sems can thams cad kyi don gyi phyir mi'i 'jig rten 'dir rgyud 'byung bar mdzad pa'i thabs de bstan par bya ste/ de nas bcom ldan 'das phyag na rdo rjes de bzhin gshegs pa thams cad dang byang chub sems dpa' de dag thams cad la bos nas gsungs bcom ldan 'das de bzhin gshegs pa thams cad 'jig rten gyi khams thams cad du de bzhin gshegs pa thams cad kyi sku dang gsung dang thugs kyi rdo rje 'di bsgor gsal de ci'i phyir zhe na phyogs bcu na gnas pa'i byang chub sems dpa' de dag thams cad la skal ba mchis pa'i slad du'o/ zhes bya ba'i sgra bshad par bya ste ci ltar yin na de nas ni mdun du smos pa'i 'khor gyi ngo bo'i de bzhin gshegs pa grangs med pa de dag thams cad ni ci ltar smos pa'i don gyi phyir ci yang mi gsung ba'i gnas pa yin no/ /skabs de ma thag tu ston pa bcom ldan 'das phyag na rdo rje de nyid kyis mdun du smos pa'i don gyi phyir rgyud kyi rgyal po chen po gsang ba 'dus pa 'di mi'i 'jig rten du byung bar bya ba'i thabs mtshon par bstan to/ /de ltar de nas kyi don du gsungs so/ /bcom ldan 'das
- 345b
phyag na rdo rje zhes pa ni ston pa phyag na rdo rje nyid yin no de'i yon tan gyis bstod pa'i mtshan bcom ldan 'das yin par sdud pa pos smos so/ de'i don tu mdun du bshad pas bde ste bshad mi dgos so/ de ltar bcom ldan 'das phyag na rdo rje'i don du gsungs so/ /de bzhin gshegs pa thams cad dang byang chub sems dpa' thams cad la bos nas gsungs pa zhes pa ni ston pa bcom ldan 'das phyag na rdo rjes mdun du smos pa'i phyir brjod du yod pa dang brjod du med pa'i tshul gyis 'khor gyi ngo bo'i de bzhin gshegs pa dang byang chub sems dpa' thams cad la dus gcig tu tshig gcig gis bos nas gsungs par smos so/ /de ltar de bzhin gshegs pa thams cad dang byang chub sems dpa' thams cad la bos nas gsungs pa'i don du gsungs so/ /bcom ldan 'das de bzhin gshegs pa thams cad 'jig rten gyi khams thams cad du de bzhin gshegs pa thams cad kyi sku dang gsung dang thugs rdo rje 'dir bsgor gsol zhes pa ni ston pa phyag na rdo rje des mdun du smos pa'i 'khor gyi ngo bo'i de bzhin gshegs pa thams cad byang chub sems dpa' thams cad dang bcas pa la dus gcig tu tshig gcig gis bos pa de ma thag tu de dag thams cad la mnyam pa'i tshul gyis bcom ldan 'das yin par yon tan gyi bstod pa'i mtshan brjod nas bsgor gsol ba'i tshig gi don bka' stsal pa yin no de'i don bstan par bya ste de bzhin gshegs pa thams cad kyi sku dang gsung dang thugs rdo rje ni don dam par sku dang gsung dang thugs rdo rje gsum dang gnyis su med pa'i ngo bo'i ji ltar smos pa'i ye shes chen po'i tshul gyis 'bras bu de ni chos kyi sku'o/ de 'jig rten gyi khams thams cad kyi gnas su khyab
- 346a
nas gnas pa yin no/ /mdun du smos pa'i tshul de lta bu'i bla na med pa'i 'bras bu de ni ma 'ongs pa'i sems can thams cad kyis bsgrub pa'i phyir 'bras bu de dang gnyis su med pa'i ngo bo rgyud kyi rgyal po chen po gsang ba 'dus pa 'dis 'khor ba'i rgya mtsho las sgrol ba'i thabs gru'i ngo bo'o/ /gzhan yang bsgrub pa thams cad la sogs pa bla na med pa'i 'bras bu'o/ /de ltar bsgrub par bya ba rgyud 'di nyid kyi ngo bo yin par smos so/ /mdor bsdus pa de ltar bcom ldan 'das de bzhin gshegs pa thams cad 'jig rten gyi khams thams cad du de bzhin gshegs pa thams cad sku dang gsung dang thugs rdo rje 'di bskor gsol gyi don du gsungs so/ /de ci'i phyir zhe na phyogs bcu na gnas pa'i byang chub sems dpa' de dag chos kyi rnam grangs 'di la skal ba mchis pa'i slad du'o/ zhes pa ni byang chub sems dpa' ni phyogs bcu na gnas pa'i bye brag rnam pa gnyis so/ /bstan par bya ste ye shes gsang ba'i tshul dang phyi'i 'jig rten gyi tshul lo/ /de la ye shes gsang ba'i tshul ni phyag na rdo rje nyid dang byams pa dang 'jam dpal dang de dag la sogs pa'i 'khor gyi ngo bo brjod du yod pa dang brjod du med pa'i tshul gyis byang chub sems dpa' ye shes kyi gzhal yas khang gi gnas su kun tu khyab nas gnas pa rdo rje rigs gsum las skyes pa de dag thams cad snod kyi skal ba dang ldan par bya ba'i phyir mdun du smos pa'i tshul du ye shes dang gsang ba'i dbang skur bar smos so/ /gzhan yang phyi'i tshul gyis phyogs bcu'i 'jig rten gyi khams na gnas pa'i sems can de dag thams cad kyi dus nam yang rung ba'i tshe theg pa chen po gsang sngags kyi chos la dad pa dang byang chub sems skyes pa de'i 'og tu rdo rje
- 346b
slob dpon gyi spyan sngar ci ltar smos pa'i tshul gyis cho gas ye shes dang gsang ba'i dbang la sogs pa dbang thams cad nod pa'i de'i dus nas bzung ba nas snod kyi skal ba dang ldan pa 'gyur pa yin no/ /don des byang chub sems dpa' i ngo bo sems can thams cad smos so/ /bstan par bya ste/ mdun du smos pa'i ye shes dang gsang ba'i tshul gyis byang chub sems dpa' i ngo bor ci ltar smos pa de bzhin du sems can thams cad snod kyi ngo bo skal ba dang ldan pa 'dra ba 'am chos kyi rnam grangs 'di thos pa dang bsgom pa dang bsgrub par bya bar gyur pa'o/ /de'i phyir rgyud 'di mi'i 'jig rten du 'byung bar 'gyur ba'i thabs mdzad pa yin no/ /de ltar mdor bsdu ba'i don gyis ston pa phyag na rdo rje des mdun du smos pa'i tshul du 'khor phun sum tshogs pa thams cad la bos nas bka' stsal par smos so/ /de ltar de ci'i phyir zhe na/ phyogs bcu na gnas pa'i byang chub sems dpa' de dag chos kyi rnam grangs 'di la skal ba mchis pa'i slad du'o'i don du gsungs so/ /da ni gzhan yang rgyud kyi rgyal po gsang ba 'dus pa'i 'di mi'i 'jig rten gyi khams su 'byung bar bya ba'i thabs kyi ngo bo tshul gyis don bstan par bya ste/ de nas phyag na rdo rje de bzhin gshegs pa thams cad kyi bdag pos rdo rje chos la bos te gsungs pa rigs kyi bu de bzhin gshegs pa thams cad kyi dam tshig kho na nyid 'di zung zhig khyod kyang de bzhin gshegs pa thams cad kyi chos kyi dbang phyug rdo rje zhes bya bar dbang bskur ro zhes bya ba'i sgra bshad par bya ste ci ltar yin na de nas ni mdun du phyag na rdo rje des mdun du smos pa'i tshul du de bzhin gshegs pa thams cad dang byang chub sems dpa' de dag la bos so/ /de ma thag tu 'og nas 'byung ba'i don gyi phyir rgyud kyi rgyal po
- 347a
gsang ba 'dus pa 'di mi'i 'jig rten gyi khams su 'byung bar bya ba'i phyir gtad par mdzad pa'i thabs de mtshon par bstan pa'o/ /de ltar de nas kyi don du gsungs so/ /phyag na rdo rje de bzhin gshegs pa thams cad kyi bdag pos zhes pa ni de'i don bde ste bshad mi dgos so/ /rdo rje chos la pos te gsungs pa zhes pa ni ston pa phyag na rdo rje de bzhin gshegs pa thams cad kyi bdag po des zhal 'dzum bag gis tshul gyis zab pa dang snyan pa'i tshig brjod nas rdo rje'i chos la bos pa yin no/ /rdo rje'i chos kyi mtshan gyi don bstan par bya ste rdo rje ni rdo rje'i rigs yin no/ /gzhan yang rdo rje ni me long lta bu'i ye shes yin no/ /de ltar rdo rje de dang gnyis su med pa'i ngo bo byang chub sems dpa' phyag na rdo rje'o/ /chos su ming btags pa ni bla na med pa'i gsang sngags kyi rgyud kyi chos kun gnyis su med pa'i ngo bo ston pa phyag na rdo rje de bzhin gshegs pa thams cad kyi bdag po'i thugs yin no/ / de'i ye shes kyi cho 'phrul gyi stobs kyi ngo bo byang chub sems dpa' phyag na rdo rje de rgyud 'di la sogs gsang sngags kyi rgyud thams cad bsdu bar bya ba'i sprul pa yin no/ /gzhan yang de'i phyag dang po na rdo rje 'dzin pas de'i phyir phyag na rdo rje yin no/ /mdor bsdus pa'i don de ltar byang chub sems dpa' phyag na rdo rje nyid rdo rje chos su mtshan btags pa smos so/ /mdor bsdu ba de ltar rdo rje chos la pos te gsungs pa'i don du gsungs so/ /rigs kyi bu de bzhin gshegs pa thams cad kyi dam tshig gi de kho na nyid 'di bzung zhig ces pa ni sdud pa po rdo rje chos la rigs kyi bu yin par mdun du smos pa'i don gyis stod pa'i mtshan brjod nas don dam pa rang bzhin gshegs pa thams cad kyi de kho na
- 347b
nyid du ming btags pa thugs rje chen po'i dam tshig dang bsgrub pa thams cad bya ba'i rgyud kyi dam tshig dang bsgrub pa thams cad kyi 'bras bu'i ngo bo'i dam tshig go /de ltar bye brag gsum gyi dam tshig gnyis su med pa'i ngo bo de kho na nyid du ming btags pa rgyud kyi rgyal po chen po gsang ba 'dus pa 'di yin no/ /de lta bu'i ngo bo rgyud kyi rgyal po 'di ni ji ltar smos pa'i don gyi phyir blo dang shes rab kyis bzung zhing ming btags pa bdag gi gtad kyis khyod kyis zung zhig par smos so/ /de la rigs kyi bu de bzhin gshegs pa thams cad kyi dam tshig de kho na nyid 'di zung zhig gi don du gsungs so/ /khyod kyang de bzhin gshegs pa thams cad kyi chos kyi dbang phyug rdo rje zhes bya bar dbang bskur ro zhes pa ni rdo rje chos su ming btags la sdud pa po phyag na rdo rje de la ston pa phyag na rdo rje de bzhin gshegs pa thams cad kyi bdag po des don dam pa de bzhin gshegs pa thams cad kyi rgyu dang 'bras bu gnyis su med pa'i ngo bo'i chos ye shes 'di/ rgyud kyi rgyal po chen po gsang ba 'di dang gnyis su med pa'i ngo bor ldan pa yin no/ /don des chos kyi dbang phyug ston pa gnyis par smos so/ /rdo rjer ming btags pa chos kyi rdo rje de ni phyag na rdo rje ste sdud pa por smos so/ /gzhan yang rdo rje'i don bstan par bya ste/ rdo rje ni brtan pa dang mi 'jig pa mi 'gyur ba dang ston pa phyag na rdo rje nyid de bzhin gshegs pa thams cad kyi bdag po'o/ /bla na med pa'i shes rab de dang mnyam pa 'am 'dra bar 'gyur ba'i phyir chos kyi dbang phyug khyed ces tshig brjod cing chos la dbang ba'i ngo bo de bskur ba yin no/ /bstan par bya ste chos kyi dbang gi ngo bo de'i tshig brjod nas rgyud 'di sems can thams cad kyi don gyi phyir sdud pa po la bstod par smos so/ /mdor
- 348a
bsdu ba de ltar khyod kyang de bzhin gshegs pa thams cad kyis chos kyi dbang phyug rdo rje zhes bya bar dbang bskur ro'i don du gsungs so/ /da ni gzhan yang ston pa phyag na rdo rje de bzhin gshegs pa thams cad kyi bdag po des mdun du smos pa'i tshul du rgyud kyi rgyal po gsang ba 'dus pa bsdu ba ltar bya ba'i phyir gtad pa de ma thag tu rdo rje chos byang chub sems dpa' phyag na rdo rje des ci ltar mdzad pa de'i don bstan par bya ste/ de nas rdo rje chos byang chub sems dpa' sems dpa' chen pos de bzhin du bgyi'o zhes nas cang mi gsung bar gyur to ni zhes bya ba'i sgra bshad par bya ste/ ji ltar yin na de nas ni mdun du smos pa'i don gyi phyir ston pa phyag na rdo rje de bzhin gshegs pa thams cad kyi bdag po des rgyud kyi rgyal po 'di bsdu bar bya ba'i don du gtad pa'i tshul gyis gsung tshig gi dbang bskur bar mdzad pa de ma thag tu byang chub sems dpa' rdo rje chos kyis ci ltar khas blangs pa de'i don mtshon par bstan to/ /de ltar de nas kyi don du gsungs so/ /rdo rje chos byang chub sems dpa' sems dpa' chen pos de bzhin du bgyi'o zhes nas cang mi smra bar gyur to zhes pa ni byang chub sems dpa' sems dpa' chen po rdo rje chos kyis mdun du smos pa'i tshul du rgyud kyi rgyal po gtad pa'i dbang bskur ma thag tu nyid kyi gdan las bzhengs nas thugs dgyes pa chen pos zhal 'dzum bag dang ldan pas nga rgyal gyi 'gying bag gi stobs kyis pus mo g.yas pa'i lta nga sa la btsugs te lag pa gnyis thal mo sbyar nas ston pa bcom ldan 'das phyag na rdo rje de bzhin gshegs pa thams cad kyi bdag po de la lan mang por phyag 'tshal nas de bzhin du bgyi'o'i ngo bo snyan
- 348b
pa dang zab pa'i ngo bo'i tshig brjod nas rgyud kyi rgyal po chen po gsang ba 'dus pa 'di bsdu bar mdzad par zhal gyis bzhes pa yin no/ /de mdzad ma thag tu ci yang mi gsung bar gyur bar ming btags pa nyid kyi gdan la bzhugs nas rgyud kyi rgyal po 'di'i don ci ltar thos pa de bzhin du rim pa ma nor bar sdu bar bya ba'i phyir thugs rtse gcig pas bsam par mdzad par smos so mdor bsdu ba de ltar rdo rje chos byang chub sems dpa' sems dpa' chen po de bzhin du bgyi'o zhes nas cang mi smra bar gyur to'i don du gsungs so/ /da ni gzhan yang mdun du smos pa'i don gyi ngo bo sdud pa pos rgyud kyi rgyal po chen po 'di bsdu bar bya bar khas blangs pa'i de'i 'og tu sku rdo rje rnam par snang mdzad la sogs pa'i 'khor gyi ngo bo grangs yod pa'i de bzhin gshegs pa ma smos pa de dag thams cad dus mnyam par rdo rje gsum gyi de nyid la zhugs par ming btags pa mnyam pa'i ting nge 'dzin la gnas par gyur pa de'i don bstan par bya ste de nas bcom ldan 'das de bzhin gshegs pa thams cad kyis rdo rje gsum gyi yi ge sku dang gsung dang thugs la zhugs par gyur to/ /zhes bya ba'i sgra bshad par bya ste ci ltar yin ni de nas ni mdun du smos pa'i dus de'i skabs su sku rdo rje rnam par snang mdzad la sogs pa de bzhin gshegs pa de dag thams cad dus mnyam par yi ge gsum de kho na nyid la zhugs par ming btags pa mnyam pa'i ting nge 'dzin la gnas par 'gyur ba'i de mtshon par bstan te/ /de ltar de nas kyi don du gsungs so/ /bcom ldan 'das de bzhin gshegs pa thams cad ces pa ni mdun du smos pa'i 'khor gyi ngo bo yin no/ /de dag thams cad la mnyam par bcom ldan 'das yin par yon tan gyi bstod pa'i mtshan sdud pa pos
- 349a
smos so de'i don mdun du bshad pas bde ste 'dir bshad mi dgos so/ /de ltar bcom ldan 'das de bzhin gshegs pa thams cad kyi don du gsungs so/ /rdo rje gsum gyi de kho na nyid kyi yi ge sku dang gsung thugs la zhugs par gyur to zhes pa ni mdun du smos pa'i de bzhin gshegs pa de dag thams cad ni don dam pa rdo rje gsum ni sku rdo rje dang gsung rdo rje dang thugs rdo rje dang tshul de ltar rdo rje gsum yin no/ /de kho na nyid yi ge ming btags pa'i don mdor bsdus pa sku dang gsung dang thugs gsum dang gnyis su med pa'i ngo bo de ni yi ge'i rang bzhin gyis ma skyes pa don dam pa de kho na nyid kyi dngos grub thabs cad kyi 'bras bu'i ngo bo ston pa chen po'i ye shes cig po de ni khams gsum thams cad 'gro dang mi 'gro ba'i gnas la khyab nas gnas pa yin no/ /de lta bu'i ngo bo de kho na nyid kyi yi ge de dang gnyis su med par ci ltar smos pa'i de bzhin gshegs pa thams cad nyid sku dang gsung dang thugs gsum dang gnyis su med par zhugs par gyur pa ming btags pa mnyam pa'i ting nge 'dzin la thugs rtse gcig pa'i ngo bos gnas par gyur par smos so mdor bsdus pa'i de ltar rdo rje gsum gyi de kho na nyid kyi sku dang gsung dang thugs la zhugs par gyur to'i don du gsungs so/ /da ni gzhan yang rnam par snang mdzad la sogs pa 'khor gyi ngo bo brjod du yod pa'i de bzhin gshegs pa de dag thams cad dus mnyam par ci ltar smos pa'i don gyi ngo bo'i tshul gyis mnyam pa'i ting nge 'dzin la gnas par gyur pa de'i 'og tu 'khor gyi ngo bo rnam par snang mdzad rdo rje de bzhin gshegs pa 'khor gyi ngo bo rjod du med pa de nyid kyi rigs gnyis su med pa'i gnas su bzhugs par ming btags pa mnyam pa'i
- 349b
ting nge 'dzin la gnas par mdzad pa de dag pa'i don bstan par bya ste de nas rnam par snang mdzad rdo rje de bzhin gshegs pa khams gsum thams cad kyi sku rdo rje la zhugs shing de bzhin gshegs pa thams cad kyi sku mnyam pa nyid la dmigs nas cang mi gsung bar gyur to zhes bya ba'i sgra bshad par bya ste ji ltar yin na/ de nas ni mdun du smos pa'i 'khor gyi ngo bo de bzhin gshegs pa grangs med pa'i de dag thams cad ni ci ltar smos pa'i don gyi phyir ting nge 'dzin la gnas par 'gyur ba de'i 'og tu de dag la sku rdo rje gnyis su med par zhugs pa'i mnyam pa'i ting nge 'dzin gyi ngo bo ji ltar smos pa'i tshul gyis 'khor gyi ngo bo rnam par snang mdzad la sogs pa'i grangs med pa'i de bzhin gshegs pa des mdzad pa de'i don mtshan par bstan to/ /de ltar de nas kyi don du gsungs so/ /rnam par snang mdzad rdo rje de bzhin gshegs pa khams gsum thams cad kyi sku rdo rje la zhugs shing zhes pa ni mdun du smos pa'i tshul du 'khor gyi ngo bo grangs med pa'i rnam par snang mdzad rdo rje de bzhin gshegs pa'i sku phyag rgya til gyi gang bu bzhin du ye shes kyi gzhal yas khang gi gnas pa de dag thams cad dus mnyam par khams gsum thams cad kyi sku rdo rje la ming btags pa mdun du smos pa'i tshul gyi ngo bo 'khor gyi de bzhin gshegs pa grangs yod pa rnams la sku phyag rgya de khams gsum gnyis su med pa'i ngo bo yin no/ /de gsal bar bstan par bya ste/ mdun du smos pa'i don gyi tshul gyis de bzhin gshegs pa thams cad kyi sku rdo rje de ni gzugs khams kyi ngo bo ming btags par smos so/ /gzhan yang gsung rdo rje de ni gzugs med pa'i khams su ming btags par smos so/ /gzhan yang thugs rdo rje de ni 'dod pa'i khams kyi ngo bor ming
- 350a
btags par smos so/ /de lta bu'i khams gsum thams cad kyi gnas su don dam pa'i khams de bzhin gshegs pa thams cad kyi sku dang gsung dang thugs rdo rje gsum dang gnyis su med pa stong pa chen po'i ye shes bla na med pa'i 'bras bu'o/ /de ni chos kyi sku ste khyab nas gnas pa'i yin no/ /des sems can thams cad kyi don mdzad pa'i phyir 'khor gyi ngo bo'i de bzhin gshegs pa thams cad kyi sku phyag rgya'i gzugs bdag nyid gnas pa'o/ /de lta bu'i ngo bo sku rdo rje gnyis su med pa'i gnas su mdun du smos pa'i tshul gyis rnam par snang mdzad de bzhin gshegs pa'i sku phyag rgya de ni/ zhugs par ming btags pa dus mnyam par gnyis su med par mdzad par smos so/ /mdor bsdu ba de ltar rnam par snang mdzad rdo rje de bzhin gshegs pa khams gsum thams cad kyi sku rdo rje la zhugs shing gi don du gsungs so/ /de bzhin gshegs pa thams cad kyi sku mnyam pa nyid la dmigs nas cad mi gsung bar gyur to zhes pa ni mdun du smos pa'i tshul du sku rdo rje rnam par snang mdzad la sogs pa 'khor gyi ngo bo brjod du yod pa de dag gi sku phyag rgya ci ltar smos pa gnyis su med par 'dus par mdzad pa de ma thag tu don dam pa de bzhin gshegs pa thams cad kyi sku'i mnyam pa nyid la dmigs nas cang mi gsung bar 'gyur bar ming btags pa rgyud kyi rgyal po 'di'i don ci ltar ma nor ba'i tshul du thos pa de'i don ci yang mi gsung bar gyur pas thugs rtse gcig pas ting nge 'dzin la gnas par gyur par smos so/ /de ltar de bzhin gshegs pa thams cad kyi mnyam pa nyid la dmigs nas cad mi gsung bar gyur to'i don du gsungs so/ /de ni
- 350b
gzhan yang mdun du smos pa'i rnam par snang mdzad de bzhin gshegs pa 'khor gyi ngo bo grangs med pa des ci ltar smos pa'i rim pa ma nor bas bsdus pa'i tshul gyi sku mnyam pa'i ngo bo ting nge 'dzin mdzad pa'i 'og tu/ gsung rdo rje snang ba mdza' yas 'khor gyi ngo bo grangs med pa des nyid kyi rigs gnyis su med par zhugs pa ming btags pa mnyam pa'i ting nge 'dzin la gnas par byas pa de'i don bstan par bya ste/ /de nas gsung rdo rje de bzhin gshegs pa khams gsum thams cad kyi gsung rdo rje la zhugs shing de bzhin gshegs pa thams cad kyi gsung mnyam pa nyid la dmigs nas cad mi smra bar gyur to zhes bya ba'i sgra bshad par bya ste ci ltar yin na de nas ni mdun du smos pa'i tshul gyis rnam par snang mdzad de bzhin gshegs pa des sku rdo rje dang gnyis su med par zhugs nas mnyam pa'i ting nge 'dzin mdzad pa'i 'og tu gsung rdo rje de bzhin gshegs pas mdzad pa de'i don mtshon par bstan to/ /de ltar de nas kyi don du gsungs so/ /gsung rdo rje de bzhin gshegs pa khams gsum thams cad kyi gsung rdo rje la zhugs shing zhes pa ni mdun du smos pa'i 'tshul du 'khor gyi ngo bo grangs med pa'i de bzhin gshegs pa'i sku phyag rgya til gyi gang bu bzhin du ye shes kyi gzhal yas khang gi gnas na gnas pa de dag thams cad kyi dus mnyam par khams gsum thams cad kyi gsung rdo rjer ming btags pa mdun du smos pa'i 'khor gyi ngo bo grangs med pa de dag gi sku phyag rgya khams gsum dang gnyis su med par ming btags pa'i ngo bo yin no de ltar khams gsum gyi don ci ltar mdun du rnam par snang mdzad rdo rje dam pa de bzhin gshegs pa'i dus su smos pa de bzhin du dus 'dir bstan to/ /de ltar
- 351a
ci ltar smos pa'i 'khor gyi ngo bo de khams gsum thams cad kyi gnas su don dam pa de bzhin gshegs pa thams cad kyi sku dang gsung dang thugs gnyis su med pa ci ltar mdun du smos pa stong pa chen po'i ye shes bla na med pa'i 'bras bu de ni chos kyi sku'o/ /des khyab nas gnas pa'o de ni sems can thams cad kyi phyir 'khor gyi ngo bo de bzhin gshegs pa sku phyag rgya'i ngo bo de gnas pa yin no/ /de lta bu'i ngo bo gsung rdo rje gnas dang gnyis su med pa la mdun du smos pa'i gsung rdo rje de bzhin gshegs pa'i sku phyag rgya dus mnyam par zhugs par ming btags pa gnyis su med par 'dud par 'dzad par smos so/ /mdor bsdus pa de ltar gsung rdo rje de bzhin gshegs pa gsung rdo rje la bzhugs shing gi don du gsungs so/ /de bzhin gshegs pa thams cad kyi gsung mnyam pa nyid la dmigs nas cang mi gsung bar gyur to zhes pa ni mdun du smos pa'i tshul du gsung rdo rje snang ba mdza' yas la sogs pa 'khor gyi ngo bo brjod du yod pa de dag gi sku phyag rgya ci ltar smos par gnyis su med par bsdus par mdzad pa de ma thag tu don dam pa de bzhin gshegs pa thams cad kyi gsung mnyam pa nyid la dmigs nas mi gsung bar gyur bar ming btags pa rgyud kyi rgyal po 'di'i don ci ltar rim pa ma nor bar thos pa de'i don ci yang mi gsung par gyur par ming btags pa thugs rtse gcig pas mnyam pa'i ting nge 'dzin la zhugs par gyur par smos so/ /de ltar de bzhin gshegs pa thams cad kyi gsung mnyam pa nyid la dmigs nas cang mi gsung par gyur to'i don du gsungs so/ /da ni gzhan yang mdun du smos pa'i gsung rdo rje snang ba mdza' yas de bzhin gshegs
- 351b
pa'i 'khor gyi ngo bo grangs med pa des ci ltar smos pa'i sdus pa'i tshul gsung mnyam pa'i ngo bo ting nge 'dzin mdzad pa de'i 'og tu ston pa phyag na rdo rje de nyid dang/ gzhan yang de nyid kyi rigs dang gnyis su med pa'i ngo bo sku phyag rgya 'khor gyi ngo bo grangs med pa nyid kyi rigs kyi gnas su zhugs par ming btags pa mnyam pa'i ting nge 'dzin la gnas par mdzad pa de'i don bstan par bya ste/ de nas phyag na rdo rje de bzhin gshegs pa chen po khams gsum thams cad kyi thugs rdo rje la zhugs shing/ de bzhin gshegs pa thams cad kyi thugs mnyam pa nyid la dmigs nas cang mi gsung bar gyur to zhes bya ba'i sgra bshad par bya ste/ ci ltar yin na/ de nas ni mdun du smos pa'i tshul du gsung rdo rje snang ba mdza' yas des/ gsung rdo rje dang gnyis su med par mnyam pa'i ting nge 'dzin mdzad pa de'i 'og tu de bzhin du ston pa phyag na rdo rje dang/ gzhan yang de'i rigs dang gnyis su med pa'i ngo bo'i sku phyag rgya de dag zhugs par mdzad pa de'i don mtshon par bstan to/ /de ltar de nas kyi don du gsungs so/ /phyag na rdo rje de bzhin gshegs pa khams gsum pa thams cad kyi thugs rdo rje la zhugs shing zhes pa ni mdun du smos pa'i tshul du ston pa phyag na rdo rje de bzhin gshegs pa de'i sku phyag rgya de'i gnas su 'khor gyi ngo bo grangs med pa ston pa rdo rje de bzhin gshegs pa nyid kyi rigs dang gnyis su med pa'i sku phyag rgyar smos pa de dag thams cad gnyis su med pa'i sku phyag rgyar smos pa de dag thams cad gnyis su med par 'dus par mdzad pa yin no/ /de'i 'og tu ston pa phyag na rdo rje de bzhin gshegs pa de nyid sku phyag rgya de ni sngags sa bon yig 'bru hUM grangs med pa'i tshul
- 352a
du me long lta bu'i ye shes la sogs pa ye shes lnga'i ngo bo 'bar ba'i 'od kyis 'bar bar gyur pa yin no/ /de ma thag tu sngags sa bon yig 'bru hUM grangs med pa de ni dus mnyam par khams gsum thams cad thugs rdo rjer ming btags pa mdun du smos pa'i tshul du 'khor gyi ngo bo grangs med pa'i de bzhin gshegs pa de dag gi sku phyag rgyar khams gsum dang gnyis su med pa'i ngo bor ming btags pa yin no/ /khams gsum gyi don de ci ltar rnam par snang mdzad de bzhin gshegs pa dang/ gsung rdo rje snang ba mdza' yas la smos pa de bzhin du dus 'dir bstan to/ /de ci ltar smos pa'i ngo bo khams gsum thams cad kyi gnas su don dam pa de bzhin gshegs pa thams cad kyi sku dang gsung dang thugs rdo rje gsum dang gnyis su med par ci ltar mdun du smos pa'i stong pa chen po'i ye shes bla na med pa'i 'bras bu de ni chos kyi sku'o/ /des khyab nas gnas pa yin no/ /de ni sems can thams cad kyi don gyi phyir/ 'khor gyi ngo bo de bzhin gshegs pa thams cad kyi sku phyag rgya'i gzugs kyi bdag nyid du gnas pa yin no/ /de lta bu'i ngo bo thugs rdo rje gnas dang gnyis su med pa'i mdun du smos pa'i tshul gyis ngo bo ston pa phyag na rdo rje de bzhin gshegs pa de'i sku phyag rgya de ni/ ci ltar smos pa'i ngo bo sngags sa bon yig 'bru hUM grangs med pa smos pa de ni/ zhugs par ming btags pa de ni/ dus mnyam par gnyis su med par 'dus par smos so/ /mdor bsdu ba de ltar phyag na rdo rje de bzhin gshegs pa khams gsum thams cad kyi thugs rdo rje la zhugs shing gi don du gsungs so/ /de bzhin gshegs pa thams cad kyi thugs rdo rje la zhugs shing don
- 352b
du gsungs so/ /de bzhin gshegs pa thams cad kyi thugs mnyam pa nyid la dmigs nas cang mi gsung bar gyur to/ zhes pa ni/ mdun du smos pa'i tshul du sku rdo rje rnam par snang mdzad dang/ gsung rdo rje snang ba mdza' yas dang/ yon tan gyi rigs rin chen 'byung ldan dang/ las kyi rigs don yod grub pa dang/ /de ltar 'khor gyi ngo bo grangs yod pa de dag gi sku phyag rgya ci ltar smos pa gnyis su med par 'dus par mdzad pa de ma thag tu/ don dam pa de bzhin gshegs pa thams cad kyi thugs mnyam pa la dmigs pa/ ci yang mi gsung bar gyur par ming btags pa rgyud kyi rgyal po/ /'di'i don ci ltar rim pa ma nor ba'i tshul du thos pa de'i don la ci yang mi gsung par gyur pa thugs rtse gcig pa ting nge 'dzin la gnas par 'gyur par smos so/ /de ltar de bzhin gshegs pa thams cad kyi thugs mnyam pa la dmigs pa/ ci yang mi gsung bar gyur to'i don du gsungs so/ /da ni gzhan yang 'phags pa nag rdzun dang/ 'phags pa pad+ma'i rgyal po dang/ 'phags pa ye shes zhabs kyi nyid nyid kyi 'grel pa mdzad pa las bshad pa de'i don bstan par bya ste/ mdun du smos pa'i tshul gyi de bzhin gshegs pa rnam par snang mdzad dang/ de bzhin gshegs pa gsung rdo rje snang ba mdza' yas dang/ ston pa phyag na rdo rje de bzhin gshegs pa nyid ni/ ci ltar rim pa ma nor ba'i tshul gyi 'khor gyi ngo bo brjod du yod pa'i sku phyag rgya de'i gnas su gnyis su med pa'i ngo bo de bzhin gshegs pa'i rin chen 'byung ldan dang/ de bzhin gshegs pa'i don yod grub pa 'khor gyi ngo bo grangs med pa de ni til gyi gang bu bzhin du/ ye shes kyi gzhal yas kyi gnas na gnas pa de dag thams cad dus mnyam par zhugs par ming
- 353a
btags par 'dus pa yin no/ /de'i 'og tu 'dus par byas pa'i gnas kyi ngo bo de bzhin gshegs pa rnams smos pa de dag gi sku dang gsung dang/ thugs gsum dang gnyis su med par mnyam pa la dmigs nas cang mi gsung bar gyur par ming btags pa/ rgyud kyi rgyal po 'dir don ci ltar smos pa'i rim pa ma nor bar thos pa'i don ci yang mi gsung bar 'gyur pa thugs rtse gcig pas ting nge 'dzin la gnas par smos so/ /mdor bsdus pa de ltar rim pa ma nor ba'i rgyud kyi rgyal po 'di'i don du shes par bya'o/ /de skad ces dka' stsal to/ /zhes bya ba'i ni/ /tshig 'di'i don du/ rgyud kyi rgyal po 'di'i dbu zhabs kyi tshul ston pa nyid kyi bshad par mdzad pa de rdzogs pa yin no/ /tshig gi ngo bo de ltar sdud pa pos smos so/ /rgyud kyi rgyal po chen po dpal gsang ba 'dus pa'i rgya cher 'grel pa/ mkhas pa chen po rdo rje slob dpon 'phags pa kun dga' snying pos mdzad pa/ /le'u bcu bdun pa rdzogs so/ /yul yo ti bsod nams lhun grub rin chen brtsegs pa'i gzhal yas khang du/ paN+Di ta chen po 'phra ras kyis/ 'bal byams pa'i shes rab dang/ gnyan byang chub tshul khrims gnyis kyi don du bsgyur cing gtan la phab pa/ 'di'i bsod nams kyi phyogs bcu na bzhugs pa'i rigs 'dzin rnams dang/ rnal 'byor pa mdza' dag gi thugs dam skongs par gyur cig / bkra shis//