Text

ff. 1a–401a · 801 folio sides

  1. 1a

    gsang 'dus rgyud 'grel kun snying ma'i dum bu gsum pa bzhugs/

  2. 1b

    bcom ldan 'das kyis skyes bu chen po'i dam tshig de skad stsal to/ /zhes bya ba ni/ bcom ldan 'das ni ston pa mi skyod rdo rje 'dzin du smos so/ /de'i don ni mdun du bshad pa bzhin du 'dir sbyar ro/ /skyes bu chen po ni thugs kyi rigs nyid la skyes bu chen por ming btags pa khro bo'i zhe sdang rdo rjer smos so/ /dam tshig ni thugs rje chen po zhe sdang gi tshul gyis/ tshul ji ltar smos pas ma rungs pa'i dgra rnams gsad par bya ba de ni dam tshig yin par smos so/ /bka' stsal to//

  3. 2a

    zhes pa ni mdun du smos pa'i tshul du sgrub pa pos khro bo'i rgyal po chen po rnams bskyed nas/ de'i 'og tu de dang gnyis su med pa'i nga rgyal du bsgom pa bya ba yin no/ /de ston pa mi bskyod rdo rje 'dzin gyis bka' stsal pa'o/ /de sdud pa pos smos pa'o/ /nga ni rnam par snang mdzad la sogs pa rigs lnga'i de bzhin gshegs pa 'khor lo dang/ rdo rje dang rin po che dang/ pad+ma dang ral gri dang/ de ltar gdan gyi ngo bo dkyil 'khor dang bcas pa lnga/ lnga dang bcas pa'i sgom pa bya ba'i cho ga'i don bstan

  4. 2b

    par bya ste/ ye shes 'khor lo can rnams kyi/ /'khor lo snying ga'i dbus su bsgom/ /gsal ba'i dkyil 'khor dbus gnas par/ /'khor lo'i sngags don sgom par bya/ /zhes bya ba'i don bshad par bya ste/ ci ltar yin na ye shes 'khor lo can rnams kyi/ /'khor lo snying ga'i dbus su bsgom ni/ sgrub pa pos dang po mdun du smos pa'i cho ga bzhi'i tshul gyis/ ye shes 'khor lo can du ming btags pa rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes lha mo dang/ gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa de bzhin du 'dir sbyar ro/ /de lta bu'i ngo bo rnam par snang mdzad kyi sku phyag rgyar gyur ma thag tu de

  5. 3a

    dang gnyis su med pa'i nga rgyal du bsgom par bya'o/ /de ma thag tu nyid kyi gsang ba'i thugs ka'i dbus gnas su sngags sa bon yig 'bru b+h+ruM bsam mo// yang na sngags sa bon yig 'bru oM bsam pa yang mi 'gal lo/ /de kha dog ser po chos kyi dbyings kyi ye shes kyi ngo bo gzi brjid phung po bzhin du 'bar zhing 'od du zhu nas ye shes kyi khu ba'i ngo bor gyur ro/ /ye shes kyi sa bon de las 'khor lo rtsibs bzhir gyur ro/ /de kha dog ser po chos kyi dbyings kyi ye shes kyi ngo bo'i gzi brjid kyis 'bar ba'o/ /gdan 'khor lo gyur ma thag tu rnam par snang mdzad dang gnyis su med pa'i nga rgyal gyis gdan 'khor lo'i steng gi dbus su gnas par smos so// de ltar ye shes 'khor lo can rnams kyi/ 'khor lo snying ga'i dbus su bsgom gyi don du gsungs so/ /gsal ba'i dkyil 'khor dbus gnas par/ /'khor lo'i

  6. 3b

    sngags don bsgom par bya zhes pa ni/ sgrub pa pos mdun du smos pa ye shes 'khor lo can du ming btags pa rnam par snang mdzad dang gnyis su med pa'i nga rgyal du sgom pa'i ngo bos gdan 'khor lo'i dbus na gnas pa'i de'i dus su nyid kyi gsang ba'i thugs ka ye shes sems pa'i gnas su sngags sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bor gzi brjid kyis 'bar zhing 'od du zhu nas ye shes kyi khu ba'i ngo bor gyur ro/ /sa bon de las gsal ba'i 'khor du ming btags pa zla ba'i dkyil 'khor gyi ngo bor gyur par bsam mo/ /de'i steng gi dbus su sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur ro/ /ye shes kyi sa bon de las mi skyod pa'i sku phyag rgyar bskyed bar bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos de bzhin du 'dir sbyor ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu rnam par snang mdzad kyi mdun du 'khor lo'i rtsibs kyi dbus su pad+ma'i dkyil mo tshul du gnas par bsam mo/ /de'i

  7. 4a

    'og tu zla ba'i dkyil 'khor gyi steng gi dbus gnas su sngags sa bon yig 'bru swa bsam mo/ /de kha dog ser po mnyam pa nyid kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur ro/ /ye shes kyi sa bon de las rin chen 'byung ldan gyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa yin no/ /de'i cha lugs phun sum tshogs pa thams cad ni mdun du ci ltar smos pa de bzhin du 'dir sbyar ro/ /de lta bu'i ngo bo rin chen 'byung ldan gyi sku phyag rgya bskyed ma thag tu rnam par snang mdzad kyi g.yas su 'khor lo'i rtsibs kyi dbus kyi steng du pad mo'i dkyil mo'i tshul gyis gnas par bsam mo/ /de'i 'og tu zla ba'i dkyil 'khor gyi dbus gnas kyi steng du sngags sa bon yig 'bru a bsam mo/ /de kha dog dmar po so sor rtogs pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur ro/ /ye shes kyi sa bon de las snang ba mdza' yas kyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa de bzhin du 'dir sbyar ro/ /de lta bu'i ngo bo snang ba mdza' yas kyi sku phyag rgya bskyed ma thag tu rnam par snang

  8. 4b

    mdzad kyi rgyab kyi 'khor lo'i rtsibs kyi dbus kyi steng du pad+ma'i skyil mo'i tshul gyis gnas par bsam mo/ /de'i 'og tu zla ba'i dkyil 'khor gyi dbus kyi steng du sngags sa bon yig 'bru hA bsam mo/ /kha dog ljang gu bya ba la nan tan gyi ye shes kyi ngo bor gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /ye shes kyi sa bon de las don yod grub pa'i sku phyag rgya skyed par bya'o/ /de nyid kyi shes rab ma ye shes kyi lha mo dang gnyis su med pa'i 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa de bzhin du 'dir sbyar ro/ /de lta bu'i ngo bo don yod grub pa'i sku phyag rgya bskyed ma thag tu rnam par snang mdzad kyi g.yon gyi 'khor lo'i rtsibs kyi steng gi dbus su pad+ma'i skyil mo tshul gyis gnas par bsam mo/ /bstan par bya ste/ ye shes 'khor lo can du ming btags pa rnam par snang mdzad smos so/ /de'i dkyil 'khor gyi ngo bo mdun du smos pa'i de bzhin gshegs pa bzhi'i so sor skyed pa'i sngags sa bon yig 'bru rnams rim pas zla ba'i dkyil 'khor gyi dbus bu ci ltar smos pa'i tshul du bsgom par bya'o/ /de sgom pa byas pas chos kyi dbyings kyi ye shes dang gnyis su med pa'i ngo bo bla na med pa'i byang chub kyi 'bras bu 'grub par 'gyur bar bstan to/ /mdor bsdus pa de ltar gsal ba'i dkyil 'khor dbus gnas par/ /'khor lo'i sngags don bsgom par bya ba'i don du gsungs so/ /da ni mi bskyod pa 'khor lnga dang ldan pa'i dkyil 'khor gyi bsgom pa bya ba'i don bstan par bya ste/ ye shes rdo rje can rnams kyi/ /rdo rje snying ga'i dbus su bsgom/ /rdo rje dkyil 'khor dbus gnas par/ /rdo rje'i sngags don bsgom par bya/ /zhes bya ba'i don bshad par bya ste/ ci ltar yin na/ ye shes rdo rje can rnams kyi/ /rdo rje snying ga'i dbus su bsgom/ zhes pa ni sgrub pa bos dang po mdun du

  9. 5a

    smos pa'i cho ga bzhi'i tshul gyis ye shes rdo rje can du ming btags pa mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ / de'i cha lugs phun sum tshogs pa thams cad ni mdun du ci ltar smos pa de bzhin du 'dir sbyar ro/ /de lta bu'i ngo bo nyid mi bskyod pa'i sku phyag rgyar gyur ma thag tu de dang gnyis su med pa'i nga rgyal du sgom par bya'o/ /de ma thag tu nyid kyi gsang ba'i thugs ka'i dbus gnas su sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid phung po bzhin du 'bar zhing 'od du zhu nas ye shes kyi khu ba'i ngo bor gyur ro/ /ye shes kyi sa bon de las rdo rje rgya gram du gyur ro/ /de kha dog sngon po me long lta bu'i ye shes kyi ngo bo gzi brjid kyis 'bar ba yin no/ /de ltar gdan rdo rjer gyur ma thag tu snub pa po mi bskyod pa dang gnyis su med pa'i nga rgyal gyis gdan rdo rje'i steng gi dbus su gnas par smos so/ /de ltar ye shes rdo rje can rnams kyi rdo rje snying kha'i dbus su bsgom gyi don du gsungs so/ /rdo rje'i dkyil 'khor dbus gnas par/ /rdo rje'i sngags don bsgom par bya zhes pa ni/ sgrub pa pos mdun du smos pa'i ye shes rdo rje can du ming btags pa mi bskyod pa de dang gnyis su med pa'i ngo bor bsgom pas/ gdan rdo rje'i dbus kyi steng na gnas pa'i dus su/ nyid kyi gsang ba'i thugs ka ye shes sems dpa' i gnas su sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur ro/ /sa bon de las dkyil 'khor du ming btags pa rdo rje rtse lnga'i ngo bor gyur par bsam mo/ /de'i steng du dbus su sngags sa bon yig 'bru oM bsam mo/ /

  10. 5b

    de kha dog dkar po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur ro/ /ye shes kyi sa bon de las rnam par snang mdzad kyi sku phyag rgya bskyed par bya'o/ /de nyid kyi shes rab ma ye shes kyi rtsa? mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa de bzhin du 'dir sbyar ro/ /de lta bu'i ngo bo nyid rnam par snang mdzad kyi sku phyag rgya bskyed ma thag tu/ mi bskyod ba'i mdun du rdo rje rtse lnga rgya gram gyi rtse mo'i dbus su padmo'i tshul du gnas par bsam mo/ /gzhan yang rin chen 'byung ldan dang/ snang ba mdza' yas dang don yod grub pa'i sku phyag rgya ni/ rnam pa'i snang mdzad kyi dkyil 'khor gyi dus su/ ci '? sngags kyi sa bon yig 'bru las bskyed pa/ nyid nyid kyi shes rab ma ye shes kyi lha mo dang gnyis su med par 'khyud ba'i cha lugs phun sum tshogs pa thams cad dang ldan par rdo rje'i dkyil 'khor gyi steng gi dbus su bskyed par bya'o/ /de ma thag tu gdan rdo rje rgya gram gyi nyid nyid kyi phyogs na gnas pa yin no/ /bstan par bya ste/ mi bskyod pa'i g.yas dang rgyab dang g.yon du rdo rje rgya gram gyi steng gi dbus su padmo'i skyil mo'i tshul gyis gnas par bsam mo/ /bstan par bya ste/ ye shes rdo rjer ming btags pa mi bskyod pa dkyil 'khor gyi 'khor gyi ngo bo mdun du smos pa'i de bzhin gshegs pa bzhi/ so so'i skyed pa'i sa bon gyi sngags kyi yig 'bru rim pas rdo rje'i dkyil 'khor gyi dbus su/ tshul ci ltar smos par sgom par bya'o/ /de bsgom pa byas pas me long lta bu'i ye shes dang gnyis su med pa'i ngo bo bla na med pa'i byang chub kyi 'bras bu thob bar 'gyur bar bstan to/ /mdor bsdus pa de ltar rdo rje'i dkyil 'khor dbus gnas par/ rdo rje sngags don bsgom par bya ba'i don du gsungs so/ /da ni rin chen 'byung

  11. 6a

    ldan 'khor bzhi dang ldan pa'i dkyil 'khor gyi sgom pa bya ba'i don bstan par bya ste/ rin chen ye shes can rnams kyi/ /rin chen snying ga'i dbus su bsgom/ /rin chen dkyil 'khor dbus gnas par/ /rin chen sngags don bsgom par bya/ /zhes bya ba'i don bshad par bya ste/ ci ltar yin na/ rin chen ye shes can rnams kyis/ /rin chen snying ga'i dbus su bsgom ni/ sgrub pa pos mdun du smos pa'i cho ga bzhi'i tshul gyis rin chen ye shes can du ming btags pa rin chen 'byung ldan gyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa bzhin du 'dir sbyar ro/ /de lta bu'i ngo bo rin chen 'byung ldan gyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de ma thag tu nyid kyi gsang ba'i thugs ka'i dbus gnas su sngags sa bon yig 'bru swa bsam mo/ /de kha dog ser po mnyam pa nyid kyi ye shes kyi ngo bo gzi brjid kyis 'bar zhing 'od du zhu nas/ ye shes kyi khu ba'i ngo bor gyur to/ /ye shes kyi sa bon de lam rin po che 'dzam bu nA da zur bzhi par gyur to/ /de kha dog ser po mnyam pa nyid kyi ye shes kyi ngo bo gzi brjid kyis 'bar ba yin no/ /gdan rin po cher gyur ma thag tu sgrub pa po rin chen 'byung ldan dang gnyis su med pa'i nga rgyal gyi ngo bos gdan rin po che'i dbus su gnas par sgom mo/ /de ltar ye shes rin chen can rnams kyi/ /rin chen snying ga'i dbus su bsgom gyi don du gsungs so/ /rin chen dkyil 'khor dbus gnas par/ /rin chen sngags don bsgom par bya zhes bya ba ni/ sgrub pa pos mdun du smos pa'i ye shes rin chen can du ming

  12. 6b

    btags pa rin chen 'byung ldan dang gnyis su med pa'i nga rgyal du bsgom pa'i ngo bos/ gdan rin po che dbus kyi steng du gnas pa de'i dus su nyid kyi gsang ba'i thugs ka ye shes sems dpa' i gnas su sngags sa bon yig 'bru swa bsam mo/ /de kha dog ser por mnyam pa nyid kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /sa bon de las kyi dkyil 'khor du ming btags pa'i ngo bo rin po che 'dzam bu na da zur brgyad par gyur to/ /de'i steng gi dbus gnas su sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur ro/ /ye shes kyi sa bon de las mi bskyod pa'i sku phyag rgya bskyed par bya'o/ /de nyid ye shes ? ye shes kyi lha mo dang gnyis su med par 'khyud pa'i sbyor ba yin no/ /de'i cha lugs phun sum tshogs pa thams cad mdun du ci ltar smos pa bzhin du 'dir sbyar ro/ /de lta bu'i ngo bo mi bskyod pa'i sku phyag rgya skyed ma thag tu/ rin chen 'byung ldan gyi mdun du rin po che 'dzam bu na da'i zur gyi steng gi dbus su pad mo'i skyil mo'i tshul gyis gnas par bsam mo/ /gzhan yang rnam par snang mdzad dang/ snang ba mdza' yas dang/ don yod grub pa'i sku phyag rgya ni/ rnam par snang mdzad dang/ mi bskyod pa'i dkyil 'khor gyi dus su nyid nyid kyi sngags sa bon yig 'bru las skyed par byas pa nyid nyid kyi shes rab ma ye shes kyi lha mo dang gnyis su med par 'khyud pa'i sbyor ba dang cha lugs phun sum tshogs pa thams cad dang ldan bar/ rin po che'i dkyil 'khor gyi dbus su bskyed ma thag tu/ gdan rin po che'i 'dzam bu na da'i zur gyi steng du nyid nyid kyi phyogs su gnas pa yin no/ /bstan par bya ste/ /rin chen 'byung ldan gyi g.yas dang/ rgyab dang g.yon du rin po che 'dzam bu na da'i steng gi dbus gnas su pad mo'i skyil

  13. 7a

    mo'i tshul gyis gnas par bsam mo/ /bstan par bya ste/ ye shes rin chen du ming btags pa rin chen 'byung ldan gyi dkyil 'khor gyi 'khor gyi ngo bo mdun du smos pa'i de bzhin gshegs pa bzhi'i nyid nyid kyi skyed pa'i sa bon sngags kyi yig 'bru rim pas/ rin po che 'dzam bu na da dkyil 'khor gyi dbus su ci ltar smos pa'i tshul du sgom par bya'o/ /de sgom pa byas pas mnyam pa nyid kyi ye shes dang/ gnyis su med pa'i ngo bo bla na med pa'i byang chub kyi 'bras bu thob par 'gyur bar stan to/ /mdor bsdus pa de ltar rin chen dkyil 'khor dbus gnas par/ /rin chen sngags don bsgom par bya'i don du gsungs so/ /da ni snang ba mdza' yas 'khor bzhi dang ldan pa'i dkyil 'khor gyi sgom pa bya ba'i don bstan par bya ste/ pad+ma'i ye shes can rnams kyi/ /pad+ma'i snying ga'i dbus su bsgom/ /chos kyi dkyil 'khor dbus gnas par/ /pad+ma'i sngags don bsgom par bya/ zhes bya ba'i don bshad par bya ste/ ci ltar yin na/ pad+ma'i ye shes can rnams kyi/ /pad+ma'i snying ga'i dbus su bsgom ni/ sgrub pa pos dang po mdun du smos pa'i cho ga bzhi'i tshul gyis/ ye shes padmo can du ming btags snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa bzhin du 'dir sbyar ro/ /de lta bu'i ngo bo snang ba mdza' yas kyi sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de ma thag tu gsang ba'i thugs ka'i dbus su spar sa bon yig 'bru a bsam mo/ /de kha dog dmar po so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi

  14. 7b

    khu ba'i ngo bor gyur ro/ /ye shes kyi sa bon de las pad+ma 'dab ma bzhi par gyur ro/ /kha dog dmar po so sor rtogs pa'i ye shes kyi ngo bo gzi brjid kyis 'bar ba'o/ /pad+ma'i gdan der gyur ma thag tu sgrub pa pos snang ba mdza' yas dang gnyis? su med? pa'i nga rgyal gyis pad+ma'i gdan gyi steng gi dbus su gnas par smos so de ltar pad+ma'i ye shes can rnams kyi/ pad+ma snying ga'i dbus su bsgom gyi don du gsungs so/ /chos kyi dkyil 'khor dbus gnas par/ /pad+ma'i sngags don sgom par bzhes pa ni/ sgrub pa pos mdun du smos pa'i tshul gyi ye shes padmo can du ming btags pa'i snang ba mdza' yas dang gnyis su med pa'i nga rgyal du bsgom pas/ gdan pad+ma'i steng gi dbus su gnas pa de'i dus su/ nyid kyi gsang ba'i thugs ka ye shes ?? gnas su sngags sa bon yig 'bru a bsam mo/ /de kha dog dmar po so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur/ /sa bon de las chos kyi dkyil 'khor du ming btags pa? pad+ma 'dab brgyad du gyur par bsam mo/ /de'i steng gi dbus su sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur ro/ /ye shes kyi sa bon de las mi bskyod pa'i sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa bzhin du 'dir sbyar ro/ /de lta bu'i ngo bo mi bskyod pa'i sku phyag rgya bskyed ma thag tu snang ba mdza' yas kyi mdun du pad+ma 'dab ma'i dbus kyi steng du pad+ma'i skyil mo'i tshul du gnas par bsam mo/ /gzhan yang rnam par snang mdzad dang rin chen 'byung ldan dang don yod grub pa'i sku

  15. 8a

    phyag rgya ni/ ci ltar rnam par snang mdzad dang mi bskyod pa dang/ rin chen 'byung ldan gyi dkyil 'khor gyi dus su nyid nyid kyi sngags sa bon yig 'bru las bskyed ba/ nyid nyid kyi shes rab ma ye shes kyi lha mo dang gnyis su med par 'khyud pa cha lugs phun sum tshogs pa thams cad dang ldan par pad+ma'i dkyil 'khor gyi dbus su bskyed par bya'o/ /de ma thag tu pad+ma'i gdan la nyid nyid kyi phyogs kyi gnas su gnas pa yin no/ /bstan par bya ste/ snang ba mdza' yas kyi g.yas dang/ rgyab dang g.yon du pad+ma'i steng gi dbus su/ pad+ma'i skyil mo'i tshul gyis gnas par bsam mo/ /bstan par bya ste/ ye shes pad+ma can du ming btags pa snang ba mdza' yas kyi dkyil 'khor gyi ngo bo mdun du smos pa'i de bzhin gshegs pa bzhi'i nyid nyid kyi bskyed pa'i sa bon yig 'bru las rim par gdan pad+ma'i dkyil 'khor gyi dbus su ci ltar smos pa'i tshul du bsgom par bya'o/ /de bsgom pa byas so sor rtogs pa'i ye shes dang gnyis su med pa'i ngo bo bla na med pa'i byang chub kyi 'bras bu thob bar 'gyur bar bstan to/ /mdor bsdus pa de ltar chos kyi dkyil 'khor dbus gnas par/ pad+ma'i sngags don bsgom par bya ba'i don du gsungs so/ /da ni don yod grub pa 'khor bzhi dang ldan pa'i dkyil 'khor gyi sgom pa bya ba'i don bstan par bya ste/ ye shes ral gri can gyis ni/ /ral gri snying ga'i dbus su bsgom/ /dam tshig dkyil 'khor dbus gnas par/ /ral gri sngags don bsgom par bya/ /zhes bya ba'i don bshad par bya ste/ ci ltar yin na/ ye shes ral gri can gyi ni/ /ral gri snying ga'i dbus su bsgom ni/ sgrub pa pos dang po mdun du smos pa'i cho ga bzhi'i tshul gyis/ ye shes ral gri can du ming btags pa don yod grub pa'i sku phyag rgyar

  16. 8b

    gyur par bya'o/ /de nyid shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad dang ni mdun du ci ltar smos pa de bzhin du 'dir sbyar ro/ /de lta bu'i ngo bo don yod grub pa'i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de ma thag tu nyid kyi gsang ba'i thugs ka'i dbus gnas su sngags sa bon yig 'bru ha bsam mo/ /de kha dog ljang gu bya ba la nan tan gyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur ro/ /ye shes kyi sa bon de las ral gri rgya gram gyi tshul du 'gyur ro/ /de kha dog ljang gu bya ba nan tan gyi ye shes kyi ngo bo gzi brjid kyis 'bar ba'o/ /gdan ral gri der gyur ma thag tu sgrub pa po don yod grub pa dang gnyis su med pa'i nga rgyal du bsgom pas gdan ral gri'i steng gi dbus su gnas par smos so/ /de ltar ral gri ye shes can rnams kyi/ /ral gri snying ga'i dbus su bsgom gyi don du gsungs so/ /dam tshig dkyil 'khor dbus gnas par ral gri'i sngags don bsgom par bya zhes pa ni sgrub pa pos mdun du smos pa'i tshul gyi ye shes ral gri can du ming btags pa don yod grub ba de dang gnyis su med pa'i nga rgyal du bsgom pa'i ngo bos/ gdan ral gri'i dbus kyi steng na gnas pa de'i dus su/ nyid kyi gsang ba'i thugs ka ye shes sems dpa' i gnas su sngags sa bon yig 'bru ha bsam mo/ /de kha dog ljang gu bya ba la nan tan gyis ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor 'gyur ro/ /sa bon de las dam tshig gi dkyil 'khor du ming btags pa mdun du smos pa'i gdan gyi ngo bo ral gri rgya gram gyi tshul du gyur par bsam mo/ /de'i steng gi dbus su sngags sa bon yig 'bru hUM bsam mo/ /de kha dog sngon po me long lta

  17. 9a

    bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur ro/ /ye shes kyi sa bon de las mi bskyod pa'i sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa yin no/ /de'i cha lugs phun sum tshogs pa thams cad ni mdun du ci ltar smos pa de bzhin du 'dir sbyar ro/ /de lta bu'i ngo bo mi bskyod pa'i sku phyag rgya bskyed ma thag tu don yod grub pa'i mdun du ral gri'i steng gi dbus su padmo'i skyil mo'i tshul gyis gnas par bsam mo/ /gzhan rnam par snang mdzad dang/ rin chen 'byung ldan dang/ snang ba mdza' yas kyi phyag rgya ni/ ci ltar rnam par snang mdzad dang/ mi bskyod pa dang rin chen 'byung ldan dang/ snang ba mdza' yas kyi dkyil 'khor du/ ci ltar nyid nyid kyi sngags kyi sa bon yig 'bru las bskyed pa nyid nyid kyi shes rab ma ye shes kyi lha mo dang gnyis su med par 'khyud ba/ cha lugs phun sum tshogs pa thams cad dang ldan par ral gri'i dkyil 'khor ni dbus su bskyed par bya'o/ /de ma thag tu nyid nyid kyi phyogs kyi gnas su gnas pa yin no/ /bstan par bya ste/ don yod grub pa'i g.yas dang/ rgyab dang g.yon du/ ral gri'i gdan gyi dbus kyi steng du pad+ma'i skyil mo'i tshul gyis gnas par bsam mo/ / bstan par bya ste/ ye shes ral gri can du ming btags pa don yod grub pa'i dkyil 'khor gyi 'khor gyi ngo bo/ mdun du smos pa'i de bzhin gshegs pa bzhi nyid nyid kyi skyed pa'i sngags sa bon yig 'bru rim pas gdan ral gri'i dkyil 'khor gyi dbus ci ltar smos pa'i tshul du bsgom par bya'o/ /de sgom pa byas pas bya ba nan tan gyi ye shes dang gnyis su med pa'i ngo bo bla na med pa'i byang chub kyi 'bras bu thob par 'gyur bar bstan to/ /mdor bsdus pa de ltar dam tshig dkyil 'khor dbus

  18. 9b

    gnas par/ /ral gri'i sngags don bsgom par bya ba'i don du gsungs so/ /dkyil 'khor kun gyi gnas rnams su/ /sangs rgyas lnga rnams dgod par bya/ /'od gzer lnga'i bye brag gis/ /spros na byang chub thob par 'gyur zhes bya ba'i don bshad par bya ste ci ltar yin na/ dkyil 'khor kun gyi gnas rnams su/ /sangs rgyas lnga rnams dgod bya ni/ /rnam par snang mdzad la sogs pa rigs lnga'i bye brag gi de bzhin gshegs pa'i dkyil 'khor ? pa bshad par bya'o/ /de rnams ci ltar smos pa'i ? du bdag po dang bcas pa/ phyogs rnams su 'khor gyi ngo bo de bzhin gshegs pa bzhi dgod par bya ba yin no/ /de ltar dkyil 'khor kun gyi gnas rnams su/ sangs rgyas lnga rnams dgod par bya ba'i don du gsungs so/ /'od zer lnga'i bye brag gis bsgom?? byang chub 'thob par 'gyur zhes pa ni/ dkyil 'khor lnga'i bdag po rnams dang/ 'khor thams cad dang bcas pa'i dkyil 'khor bskyed ma thag tu sgrub pa pos gnyis su med pa'i nga rgyal gyis bsgom par byed pa'i dus su/ sku phyag rgya las kun nas nyid nyid kyi kha dog dang ldan pa'i ye shes kyi 'od zer gyi dra ba spro bar bya'o/ /gzhan yang nyid nyid kyi rigs kyi bye brag gi ye shes kyi 'od zer gyi don bstan par bya ste/ sku'i rigs kyi 'od zer gyi bye brag kha dog dkar po chos kyi dbyings kyi ye shes kyi ngo bor smos so/ /rdo rje'i rigs kyi 'od zer gyi bye brag kha dog sngon po me long lta bu'i ye shes kyi ngo bor smos so/ /rin po che'i rigs kyi 'od zer gyi bye brag kha dog ser po mnyam pa nyid kyi ye shes kyi ngo bor smos so/ /gsung gi rigs kyi 'od zer gyi bye brag kha dog dmar po so sor rtog pa'i ye shes kyi ngo bor smos so/ /las kyi rigs kyi 'od zer gyi bye brag kha dog ljang gu bya ba la nan tan gyi ye shes kyi ngo bor smos so/ /de ltar rigs lnga'i bye brag gi ye shes kyi 'od zer spro bar bya ba'i don du shes par bya'o/ /bshad par bya ste/ sgrub pa pos ci ltar smos

  19. 10a

    pa'i tshul gyis bsgom pa byas pas bla na med pa'i byang chub kyi 'bras bu thob par 'gyur bar bstan to/ /mdor bsdus pa de ltar 'od zer lnga'i bye brag gis/ spros na byang chub thob par 'gyur gyi don du gsungs so/ /gzhan yang mdun du smos pa'i rigs lnga'i dkyil 'khor rnams kyi nang na/ gang la smos pa bsgom par bya ba'i don dus su spro ba dang bsdu ba'i bye brag gnyis su khyad par du bsgom par bya ba'i don bstan par bya ste/ sngags rnams thams cad spro ba ni/ /bye brag rnam pa gnyis su gsungs/ /sku gsung rdo rje'i bye brag gis/ /bsdus pa ni spro bar bya/ zhes bya ba'i don bshad par bya ste/ ci ltar yin na/ sngags rnams thams cad spro ba ni/ /bye brag rnam pa gnyis su gsungs ni/ mdun du smos pa'i ye shes kyi 'od zer gyi dra ba spros pa de bsku bar bya'o/ /de ma thag tu sgrub pa pos dkyil 'khor gyi bdag po'i gnyis su med pa'i nga rgyal 'chang pas rigs lnga'i bye brag gi de bzhin gshegs pa'i sngags sa bon yig 'bru sprin bzhin du bye brag rnam pa gnyis su spro bar bya ste/ nang dang gsang ba'i tshul lo/ /de la nang gi spro ba dang/ bsdu ba'i tshul bstan par bya ste/ gsang ba'i thugs ka ye shes sems dpa' i gnas su/ oM hUM a swAhA/ sngags sa bon yig 'bru rnams nyid nyid kyi rigs kyi bye brag gi kha dog dang ye shes dang ldan pa skar ma bzhin du 'bar zhing/ ba spu'i bu ga'i lam gyi sgo nas sprin bzhin du nam ka'i dbyangs thams cad du spro bar bya'i/ de skad cig tsam bsam mo/ /de'i 'og tu sngags sa bon yig 'bru sprin lta bu de spro ba'i lam nas spros pa'i gnas su gnyis su med par bsdu bar bya'o/ /de ma thag tu ye shes gong bu'i ngo bor gyur par brtag go /ye shes kyi gong bu de sngags sa bon yig 'bru oM A(rgyud 'grel): hUM gsum du gyur ro/ /sa bon de rnams las rdo rje gsum du ming btags pa sku rnam par snang mdzad dang/ gsung rdo rje snang ba mdza' yas dang thugs rdo rje mi bskyod pa dang de ltar sku gsum ye shes lnga

  20. 10b

    dang gnyis su med pa'i ngo bo phung po lnga dang ldan pa'i nyid nyid kyi rigs kyi bye brag sprin bzhin du bskyed par bya'o/ /de dag nyid nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa/ cha lugs phun sum tshogs pa thams cad mdun du ci ltar smos pa de bzhin du 'dir sbyar ro/ /de lta bu'i ngo bo sku phyag rgya sprin bzhin du/ ba spu'i bu ga'i lam gyi sgo nas nam mkha' i dbyings thams cad du khyad par spro bar bya'o/ /de skad cig tsam bsam mo/ /de'i 'og tu sku phyag rgya sprin lta bu de lam nas spros pa'i gnas su/ /?? pa'i ngo bor bsdus nas ye shes sems dpa' la thim par gyur par bsam mo/ /tshul de ltar nang gi spro ba dang bsdu ba'i sgom pa bya ba'i don du shes par bya'o/ /de nas gsang ba'i spro ba dang bsdu pa'i don bstan par bya ste mdun du spros pa'i dkyil 'khor ?? rigs kyi bye brag gi shes rab ma blang ngo/ /de mdun du smos pa'i yon tan gyi ngo bo dang ldan pa'o/ /shes rab ma de dkyil 'khor gyi bdag po'i shes rab ma ye shes kyi lha mo dang gnyis su med pa'i ngo bor byin gyis brlab par bya'o/ /de ma thag tu sgrub pa don 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas/ shes rab ma'i b+ha ga'i dbus gnas su khu ba'i ngo bo byang chub sems 'od du zhu'o/ /de ma thag tu zla ba'i dkyil 'khor gyi ngo bor gyur par bsam mo/ /de'i gnas nas oM A(rgyud 'grel): hUM swAhA sngags kyi sa bon yig 'bru rnams nyid nyid kyi bye brag gi kha dog dang ye shes dang ldan pa/ skar ma bzhin du 'bar zhing ba spu'i bu ga'i lam gyi sgo nas sprin bzhin du nam ka'i dbyings thams cad du khyab par spro bar bya'o/ /de skad cig tsam bsam mo/ /de'i 'og tu sngags sa bon yig 'bru de spro ba'i lam las spro ba'i gnas su/ byang chub sems dpa' zla ba'i dkyil 'khor la gnyis su med par bsdu bar bya'o/ /de ma thag tu gsang ba dang ye shes gnyis su

  21. 11a

    med pa'i ngo bor gnas/ der sngags sa bon yig 'bru oM A(rgyud 'grel): hUM gsum du gyur to/ /sa bon de las sku gsum du ming btags pa/ sku rdo rje rnam par snang mdzad dang/ gsung rdo rje snang mdza' dang/ thugs rdo rje mi bskyod pa dang gsum/ ye shes lnga dang gnyis su med pa'i ngo bo'i phung po lnga dang ldan pa/ nyid nyid kyi bye brag dang ldan pa sprin bzhin du bskyed par bya'o/ /de dag nyid nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa bzhin du 'dir sbyar ro/ /de lta bu'i ngo bo'i sku phyag rgya sprin bzhin du/ ba spu'i bu ga'i lam gyi sgo nas nam mkha' i dbyings kun nas khyab par spro bar bya'o/ /de skad cig tsam bsam mo/ /de'i sku phyag rgya sprin lta bu de spro ba'i lam nas spro ba'i gnas su byang chub sems zla ba'i dkyil 'khor la gnyis su med par bsdu bar bya'o/ /de ma thag tu byang chub sems zla ba'i dkyil 'khor de stong pa'i ngo bor gyur par rtag go /bye brag de ltar gsang ba'i spro ba dang bsdu ba'i bsgom pa bya ba'i don du shes par bya'o/ /bshad par bya ste/ sngags thams cad ni rigs lnga'i de bzhin gshegs pa'i sngags kyi sa bon yig 'bru rnam pa lnga mdun du smos pa'i tshul du bye brag rnam pa gnyis su spro ba dang bsdu ba byas las/ rigs gsum gyi sku phyag rgya sprin bzhin du bskyed par byas pa de ye shes lnga'i phung po lnga dang ldan pa yin no/ /don des sngags rnams thams cad gsungs pa'o/ /mdor bsdus pa de ltar sngags rnams thams cad spro ba ni/ /bye brag rnam pa gnyis su gsungs kyi don du gsungs so/ /sku gsum rdo rje'i bye brag gis/ /bsdu ba dang ni spro bar bya zhes ba ni/ ci ltar smos pa'i sngags thams cad spro ba dang bsdu ba byas ma thag tu/ sku dang gsung dang thugs rdo rje'i rigs gsum gyi sku phyag rgya mdun du spros pa'i 'og tu bsdus pa'o/ /de'i

  22. 11b

    don mdun du gsal bar bshad pa'o/ /de ltar sku gsum rdo rje'i bye brag gis/ spro ba dang ni bsdu bar bya'i don du gsungs so/ /gzhan yang mdun du smos pa'i dkyil 'khor gyi bdag por gnyis su med pa'i nga rgyal du sgom pas sku dang gsung dang thugs rdo rje'i rigs gsum gyi sku phyag rgya sprin bzhin du spro ba dang bsdu ba byas pa'i 'og tu/ dkyil 'khor gyi bdag po'i sku dang gsung dang thugs dang/ gsum du bsgrub pa po nyid kyi lus dang sems dang ngag gnyis su med par bsgom par bya ba'i don bstan par bya ste/ lus kyis sku'i ngo bo nyid/ sems kyis thugs kyi ngo bo nyid/ ngag gis gsung gi ngo bo nyid/ mchod na mchod pa'i gnas su 'gyur/ /zhes bya ba'i don bshad bar bya ste/ ci ltar yin na/ lus kyis sku'i ngo bo nyid ni sgrub pa po nyid kyi lus dkyil 'khor gyi bdag po'i sku phyag rgya dang gnyis su med pa'i ngo bor gyur par rtag go /de ni don dam par de bzhin gshegs pa thams cad kyi sku rdo rjer gnyis su med pa chos kyi dbyings kyi ye shes kyi ngo bor smos so/ /de ltar lus kyis sku'i ngo bo nyid kyi don du gsungs so/ /sems kyis thugs kyi ngo bo nyid ni sgrub pa po nyid kyi sems dkyil 'khor gyi bdag po'i sku phyag rgya'i gnyis su med pa'i thugs dang gnyis su med pa'i ngo bor gyur par brtag go /de ni don dam par de bzhin gshegs pa thams cad kyi thugs rdo rje gnyis su med pa me long lta bu'i ye shes kyi ngo bor smos so/ /de ltar sems kyis thugs kyi ngo bo nyid kyi don du gsungs so// dag? gis gsung gi ngo bo nyid ces pa ni/ sgrub pa po nyid kyi ngag bdun du smos pa'i dkyil 'khor gyi bdag po'i sku dang gsung dang thugs gnyis su med pa'i ngo bo'i gsung dang gnyis su med pa'i ngo bor gyur par brtag go /de ni don dam par de bzhin gshegs pa thams cad kyi gsung rdo rje gnyis su med par so sor rtog pa'i ye shes kyi ngo bor smos so/ /de ltar ngag gis gsung gi ngo bor nyid kyi don du gsungs so/ /mchod na mchod pa'i dngos grub pa'i gnas su gyur zhes pa ni/ sgrub pa pos mdun du smos pa'i tshul du sku dang gsung dang thugs kyi dkyil 'khor gyi

  23. 12a

    bdag po dang gnyis su med pa'i bsgom pa byas pa'i 'og tu/ lha mo gzugs rdo rje ma la sogs pa'i mchod pa'i lha mo 'dod pa'i yon tan lnga'i ngo bo gsang ba'i tshul du sprin bzhin du spro ba bya'o/ /de nas spro bar bya ba'i cho ga'i tshul gyi don bstan par bya ste/ mdun du smos pa'i dkyil 'khor gyi bdag po'i rigs kyi bye brag gi shes rab ma blang ngo/ /de dang gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i gyi sgo nas/ shes rab ma'i b+ha ga'i dbus gnas su khu ba'i ngo bo byang chub sems 'od du zhu'o/ /de ma thag tu zla ba'i dkyil 'khor gyi ngo bor gyur to/ /de'i steng du lha mo gzugs rdo rje ma la sogs pa lnga'i rim par so so'i sngags sa bon yig 'bru bsam mo/ /de nyid nyid kyi kha dog dang ye shes dang ldan pa'o/ /sngags sa bon yig 'bru de bstan par bya ste/ dza(rgyud 'grel): hUM baM ho(rgyud 'grel): khaM dza lha mo gzugs rdo rje ma bskyed pa'i sa bon no/ /hUM lha mo sgra rdo rje ma bskyed pa'i sa bon no/ /baM lha mo dri rdo rje ma bskyed pa'i sa bon/ /ho lha mor rdo rje ma bskyed pa'i sa bon no/ khaM lha mo reg rdo rje ma bskyed pa'i sa bon no/ /de ltar sngags sa bon yig 'bru rnams skar ma bzhin du gzi brjid kyis 'bar zhing 'od du zhu nas ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /gsang ba'i ye shes kyi sa bon de las/ gzugs rdo rje ma la sogs pa lnga'i sku phyag rgya rim pa bzhin du bskyed par bya'o/ /de'i cha lugs phun sum tshogs pa thams cad mdun du ci ltar smos pa de bzhin du 'dir sbyar ro/ /de lta bu'i ngo bo sku phyag rgya sprin bzhin du/ ba spu'i bu ga'i lam gyi sgo nas sgrub pa po nyid kyi mdun du spro bar bya'o/ /de ma thag tu nyid nyid kyi mchod pa'i rdzas kyis bye brag sna tshogs kyis stabs kyis/ sgrub pa po nyid dkyil 'khor gyi bdag po dang gnyis su med pa'i ngo bor bsgom pa la/ 'dod pa'i yon tan lnga'i mchod pa chem pos mchod par brtag go /

  24. 12b

    tshul de ltar mchod par skad cig tsam brtags pa'i 'og tu/ mchod pa'i lha mo'i sku phyag rgya sprin lta bu de spros pa'i lam du bsdu bar bya'o/ /gsang ba'i thugs ka ye shes sems pa dang gnyis su med pa'i ngo bor gyur par bsam mo /bshad par bya ste/ mdun du smos pa'i tshul bsgoms nas mchod pa byas pas/ sgrub pa po dkyil 'khor gyi bdag po dang gnyis su med pa'i ye shes kyi dngos grub kyi 'bras bu grub par 'gyur bar smos so/ /don des sgrub pa pos mchod pa'i gnas kyi ngo bor gyur bar bstan no/ /mdor bsdu ba de ltar mchod na mchod pa'i gnas su gyur gyi don du gsungs so/ /da ni zhi ba dang rgyas pa dang/ dbang dang drag po dang/ las bzhi bsgrub par bya ba'i phyir/ dkyil 'khor bzhi bskyed nas bsgom par bya ba'i cho ga'i don bstan par bya ste dkyil 'khor chen po 'khor lo yi/ /rdo rje lnga rnams sgom par bya/ /dbus su bdag po bsgom na ni/ /rdo rje'i sku can bdag gi gzugs /zhes bya ba'i don bshad par bya ste/ ci ltar yin na/ dkyil 'khor chen po 'khor lo yi/ /rdo rje lnga rnams sgom par bya ni/ dkyil 'khor chen por ming btags pa ni le'u bzhi pa thugs kyi dkyil 'khor du smos so/ /ci ltar dkyil 'khor chen po'i bdag po mi bskyod pa rdo rje 'dzin la sogs pa/ rdo rje sngar ming btags pa de bzhin gshegs pa rigs lnga'i dkyil 'khor gyi nang rdo rje ra bas bskor ba'i tshul gyi re'u mig dgu'i dbus su/ bdag po mi bskyod pa rdo rje 'dzin chos kyi 'khor lo bskor bar mdzad pa'i phyir gnas ba'o/ don des dkyil 'khor chen po'i 'khor lor smos so/ /bshad bar bya ste/ dkyil 'khor gyi bdag po'i mdun du dang/ g.yas dang/ rgyab dang/ g.yon dang/ de ltar phyogs bzhir de bzhin

  25. 13a

    gshegs pa rnam par snang mdzad dang/ rin chen 'byung ldan dang/ snang ba mdza' yas dang/ /don yod grub pa dang/ de ltar dkyil 'khor gyi bdag po dang bcas pa'i rdo rje lnga ni nyid nyid kyi sngags kyi sa bon yig 'bru las skyed pa dang/ gzhan yang sku phyag rgya'i cha lugs phun sum tshogs pa thams cad 'dir zhi ba la sogs pa dkyil 'khor bzhi'i las kyi dus su/ sku phyag rgya de bzhin du bskyed par bya'o/ /de dang gnyis su med pa'i de rgyal du sgom par bya'o/ /don des rdo rje lnga rnam par bsgom par bya bar smos so/ /mdor bsdu ba de ltar dkyil 'khor chen po'i 'khor lo'i/ rdo rje lnga rnams bsgom par bya'i don du gsungs so/ /dbus su bdag por bsgoms na ni/ / rdo rje'i sku can bdag gi gzugs/ zhes pa ni zhi ba'i la sogs pa dkyil 'khor bzhi'i dbus su/ so so'i bdag po nyid nyid kyi ye shes dang gnyis su med pa'i ngo bo'o/ /don des rdo rje'i sku can du ming btags pa'o/ /de rnams kyi gzugs so so'i dkyil 'khor gyi bsgom pa bya ba'i dus su/ sgrub pa pos nyid dang gnyis su med pa'i nga rgyal du bsgom par bya'o/ /de ltar dbus su bdag po bsgoms na ni/ /rdo rje'i sku can bdag gi gzugs kyi don du gsungs so/ /rang sngags rdo rje'i gzugs dag ni/ /dkyil 'khor rnam pa bzhi dag tu/ /kha dog rnam bzhir kun brtags la/ /snying gar sngags don bsgom par bya/ /zhes bya ba'i don bshad par bya ste/ ci ltar yin na/ rang sngags rdo rje'i gzugs dag ni/ /dkyil 'khor rnam bzhi dag tu ni/ /zhi ba la sogs pa dkyil 'khor bzhir ming btags pa/ 'khor lo dang rin po che dang/ pad+ma dang rdo rje dang/ de ltar bzhi'i gdan gyi ngo bo'i gzugs nyid nyid kyi sngags

  26. 13b

    sa bon yig 'bru las bskyed par bya'o/ /gzhan yang dkyil 'khor bzhi'i bdag po de bzhin gshegs pa bzhi'i rdo rjer ming btags pa rnams/ mdun du smos pa le'u bzhi pa thugs kyi dkyil 'khor chen po'i dus su nyid nyid kyi sngags sa bon yig 'bru las bskyed par bya bar ci ltar smos pa bzhin du 'dir sbyar ro/ /de ltar rang sngags rdo rje'i gzugs dag ni/ dkyil 'khor rnam pa bzhi ngag tu'i don du gsungs so/ /kha dog rnam bzhir kun btags la/ snying gar sngags don bsgom par bya zhes pa ni/ zhi ba'i dkyil 'khor gyi gzugs ni kha dog dkar po'o/ /rgyas pa'i dkyil 'khor gyi gzugs ni kha dog ser po'o/ /dbang gi dkyil 'khor gyi gzugs ni kha dog dmar po'o/ /drag po'i dkyil 'khor gyi gzugs ni kha dog nag po'o/ /de ltar kha dog bzhi dang ldan par brtag go /snying gar sngags don bsgom par bya ba ni/ mdun du smos pa'i dkyil 'khor bzhi sgrub pa pos nyid kyi gsang ba'i thugs ka'i gnas su nyid nyid kyi sngags sa bon yig 'bru las bskyed nas sdom par bya'o/ /don des snying gar sngags don bsgom par smos so/ /de ltar kha dog rnam bzhir kun brtags la/ snying gar sngags don bsgom par bya'i don du gsungs so/ /rdo rje rnam pa bzhi'i las/ /bsam gtan rdo rje can dag byed/ /'di ni? sngags rnams? thams cad kyi/ /gsang ba rab tu nges pa yin/ /zhes bya ba'i don bshad par bya ste/ ji ltar yin na/ rdo rje'i rnam pa bzhi yi las/ /bsam gtan rdo rje can dag byed ni/ /rdo rjer ming btags pa ni/ nyid nyid kyi ye shes kyi ngo bo dkyil 'khor bzhi'i bdag po yin te/ de rnams sgrub pa pos ci ltar smos pa'i tshul gyis gnyis su med pa'i nga rgyal du bsgom pas/ zhi ba la sogs pa las bzhi bsgrub pa bya bar smos so/ /de ltar rdo rje rnam pa bzhi'i las/ /bsam gtan rdo rje can

  27. 14a

    dag byed kyi don du gsungs so/ /'di ni sngags rnams thams cad ni/ gsang ba rab tu nges pa yin zhes pa ni/ mdun du smos pa'i zhi ba la sogs pa/ dkyil 'khor bzhi'i las bzhi sgrub pa bya ba'i bsgom pa de ni sngags kyi sgrub pa thams cad kyi nang na gsang ba yin no/ /bshad par bya ste ci zhi ba la sogs pa las bzhi'i sgrub pa'i 'bras bu grub ma thag tu/ de ni nges pa mi 'gyur bar grub par 'gyur ro/ /de ltar 'di ni sngags rnams thams cad kyi/ gsang ba rab tu nges pa yin gyi/ don du gsungs so/ /de ni zhi ba la sogs pa dkyil 'khor bzhi'i bdag po 'khor phun sum tshogs pa thams cad dang bcas pa bskyed pa dang bsgom pa'i cho ga'i tshul gyi don bstan par bya ste/ zhi ba la ni spyan gyis byas/ /rgyas pa rdo rje padmo can/ /dbang la rnam par snang mdzad gnas/ /rdo rje khro bo drag po la'o/ zhes bya ba'i don bshad par bya ste/ ci ltar yin na/ zhi ba la ni spyan gyis byin/ zhi ba'i las bya ba'i sgrub pa gnas ri'i rtse mor bya bar smos so/ /de yang mnyam pa/ rtsa dur ba la sogs pa 'jam pa snum pa dang ldan pa'o/ /de bzhin du mtsho dang mtshe'u la sogs pa chu gtsang ma yod pa de lta bu'i gnas su sgrub pa pos bram ze'i rigs kyi skyes bu g.yul du mtshon phog nas shi ba'i banda blang ngo/ /de dum bu gsum la/ sdug pa mnyam pa shin tu dkar ba'o/ /de'i nang du dri chen bzhag go /phyi'i rdzas dri zhim po ka pu ra dang bsre'o/ /rdo rje'i chu dang dkrug par bya'o/ /de'i 'og tu sgrub pa po rang gi sems zhi ba'i ngo bor byas nas/ sangs rgyas spyan gyi sngags rigs zla zhing dkyil 'khor zlum po kun tu khru gang gi tshang du byas la bku'o/ /de'i 'og tu thugs kyi dkyil 'khor chen po'i dus su tshon dkar po de lta bus 'khor lo rtsibs bzhi pa dkyil 'khor bkus pa de dang mnyam pa bri'o/ /de'i 'og tu phyi'i mchod pa'i bye

  28. 14b

    brag rnam pa lnga bya'o/ /de gsal bar bstan par bya ste/ me tog dang spos dang/ mar me dang dri dang/ lha bshos dang/ de la me tog ni pad+ma dang/ ud pa la dang/ ku mu ta dang/ ma li ka la sogs pa dkar po dri thams cad dang ldan pa'o/ /spos ni kar pu ra dang/ a ka ru la sogs pa'o/ /mar me ni ba'i mar dang/ til mar te ras bag le ma sa pa la sdong bu byas so/ /dri ni tsan dan dang/ gur gum dang/ pad+ma dang/ ud+pa la dang/ ku mu ta la sogs pa'i ze'u 'bru btags nas bsres la chu dang dkrugs pa'o/ /lha bshos ni 'bras dkar po dang/ 'bras dang 'o ma bsres pa'i thug pa dang/ til gyi khur ba'o/ /de ltar rdzas kyi bye brag lngas mchod par bya'o/ /de ltar byas pa'i 'og tu dkyil 'khor gyi mdun du phyi'i stan bde ba 'jam pa la 'dug ste/ de ma thag tu zhi ba'i tshul du sems dga' ba skyed par bya'o/ /de'i 'og tu mdun du smos pa'i cho ga bzhi'i tshul gyis sku'i rigs rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa de bzhin du 'dir sbyar ro/ /de lta bu'i ngo bo rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de ma thag tu nyid kyis gsang ba'i thugs ka'i dbus gnas su sngags sa bon yig 'bru oM bsam mo/ /de kha dog shin tu dkar po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /ye shes kyi sa bon de las 'khor lo rtsibs bzhi par 'gyur ro/ /de kha dog shin tu dkar po chos kyi dbyings ye shes kyi ngo bo gzi brjid kyis 'bar ba'o/ /de'i steng du sngags sa bon yig 'bru lam bsam mo/ /de kha dog dkar po chos kyi dbyings kyi ye shes kyi ngo bo gzi brjid kyis 'dar zhing 'od du zhu nas ye shes kyi khu ba'i ngo bor gyur to/ /sa bon de las sangs rgyas spyan gyi sku phyag rgya bskyed par bya'o/ /de sku

  29. 15a

    mdog dkar mo chos kyi dbyings kyi ye shes kyi ngo bo zhal gsum pa/ zhal dbus ma sku dang mthun/ g.yas nag po g.yon shin tu dmar ba/ thor tshugs lha'i me tog gi bye brag sna tshogs kyis phreng bas bcings ba/ zhal cung zad bzhad pa/ rgyan thams cad kyis brgyan pa/ phyag drug phyag mtshan drug la/ g.yas dang po na 'khor lo ni rtsibs brgyad kha dog dkar po rin po che sna tshogs kyis spras pa 'dzin/ bar man rdo rje rtse lnga pa/ tha ma na utpal dkar po/ /g.yon dang po na rin po che yal ga bar man rdo rje dril bu/ tha man rdo rje ral gri'o/ /de lta bu'i ngo bo sangs rgyas spyan gyi sku phyag rgya bskyed ma thag tu/ skyed par mdzad mkhan rnam par snang mdzad kyi sku phyag rgya/ sangs rgyas spyan gyi spyi bo la dbang bskur ba'i tshul du gnas par bsam mo/ / de'i 'og tu de dang gnyis su med pa'i nga rgyal du sgom pas mdun du smos pa'i gdan gyi ngo bo 'khor lo rtsibs bzhi pa de'i steng gi dbus su dkyil 'khor gyi bdag po'i tshul du pad+ma'i dkyil mo'i gnas pa yin no/ /de'i dus su nyid kyi gsang ba'i thugs ka ye shes kyi sems dpa' i gnas su sngags sa bon yig 'bru hUM bsam mo/ /de kha dog sngon po me long lta bu ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /ye shes kyi sa bon de las mi bskyod pa'i sku phyag rgya bskyed par bya'o/ /de'i sku mdog sngon po me long lta bu ye shes kyi ngo bo nyid kyi shes rab ma ye shes kyi lha mo dang gnyis su med par 'khyung pa'i sbyor ba dang ldan pa'o/ /zhal gsum pa/ zhal dbus ma sku dang 'thun/ g.yas dmar po g.yon dkar po'o/ /sgra'i thor tshugs kyis dbu brgyan pa/ zhal cung zad bzhad pa/ rin po che sna tshogs kyi rgyan gyis brgyan pa/ phyag drug phyag mtshan drug go /phyag g.yas kyi dang po na rdo rje rtse lnga 'dzin/ bar man 'khor lo rtsibs brgyad/ tha ma ma

  30. 15b

    pad+ma 'dab brgyad do/ /g.yon dang po na rdo rje dril bu/ bar ma na yid bzhin gyi nor bu zur lnga pa/ tha ma na rdo rje ral gri ud pa la sngon po'i 'dab ma lta bu'o/ /de lta bu'i ngo bo mi bskyod pa'i sku phyag rgya bskyed ma thag tu/ sangs rgyas spyan gyi mdun du 'khor lo'i rtsibs kyi dbus su padmo'i skyil mo'i tshul gyis gnas par bsam mo/ /de'i 'og tu gsang ba'i thugs ka ye shes sems pa'i gnas su sngags sa bon yig 'gru swa bsam mo/ /de kha dog ser po mnyam pa nyid kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /ye shes kyi sa bon de las rin chen 'byung ldan gyis sku phyag rgya skyed par bya'o/ /de sku mdog ser po mnyam pa nyid kyi ye shes kyi ngo bo nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa/ zhal gsum pa/ zhal dbus ma sku dang mthun/ g.yas nag po/ /g.yon dkar po/ /thor tshugs kyis dbu rgyan pa/ zhal cung zad bzhad pa/ rin po che sna tshogs kyi rgyan gyis brgyan pa/ phyag drug phyag mtshan drug go /phyag g.yas dang po na yid bzhin gyi nor bu rin po che zur lnga pa/ bar ma na rdo rje rtse lnga pa/ tha ma na 'khor lo rtsibs brgyad/ g.yon dang po na rdo rje dril bu/ bar ma na pad+ma ser po 'dab brgyad/ tha ma na rdo rje ral gri ud pa la sngon po'i 'dab ma lta bu'o/ /de lta bu'i ngo bo rin chen 'byung ldan gyis phyag rgya sgyed? ma thag tu/ sangs rgyas spyan gyi g.yas su 'khor lo'i rtsibs kyi dbus su padmo'i skyil mo'i tshul du gnas par bsam mo/ /de'i 'og tu nyid kyi gsang ba'i thugs ka ye shes sems pa'i gnas su sngags sa bon yig 'bru a bsam mo/ / de kha dog dkar po so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /ye shes kyi sa bon de las snang ba mdza' yas kyi sku phyag rgya bskyed par bya'o/ /de sku mdog dmar po so sor rtog pa'i ye shes kyi

  31. 16a

    ngo bo nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan pa'o/ /zhal gsum pa/ zhal dbus ma sku dang mthun/ g.yas nag po/ g.yon dkar po/ /thor tshugs kyis dbu brgyan pa/ zhes? ? bzhad pa/ rin po che sna tshogs kyi rgyan gyis brgyan pa/ phyag drug phyag mtshan drug go /phyag g.yas dang po na pad+ma dmar po'i 'dab brgyad 'dzin/ bar na rdo rje rtse lnga/ tha ma na 'khor lo rtsibs brgyad/ g.yon dang po na rdo rje dril bu/ bar ma ni yid bzhin gyi nor bu zur brgyad pa/ tha ma na rdo rje ral gri ud pa la sngon po'i 'dab ma lta bu'o/ /de lta bu'i ngo bo snang ba mdza' yas kyi sku phyag rgya bskyed ma thag tu sangs rgyas spyan gyi rgyab tu 'khor lo rtsibs brgyad kyi dbus kyi steng du padmo'i skyil mo'i tshul du gnas par bsam mo/ de'i 'og tu gsang ba'i thugs ka ye shes sems dpa' i gnas su sngags sa bon yig 'bru ha bsam mo/ /de kha dog ljang gu bya ba la nan tan gyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur te/ /ye shes kyi sa bon de las don yod grub pa'i sku phyag rgya bskyed par bya'o/ /sku mdog ljang gu /bya ba la nan tan gyi ye shes kyi ngo bo nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /zhal gsum pa/ zhal dbus ma sdu dang mthun/ g.yas nag po/ /g.yon dkar po thor tshugs kyis dbu brgyan pa/ zhal cung zad bzhad pa/ rin po che sna tshogs kyi rgyan gyis brgyan pa/ phyag drug phyag mtshan drug go /g.yas dang po na rdo rje ral gri utpal sngon po'i 'dab ma lta bu 'dzin/ bar ma na rdo rje rgya gram/ tha ma na gser gyi kha dog lta bu'i 'khor lo rtsibs brgyad/ g.yon dang po na rdo rje dril bu/ bar ma na pad+ma sngon po 'dab brgyad/ tha ma

  32. 16b

    na yid bzhin gyi nor bu zur brgyad do/ /de lta bu'i ngo bo don yod grub pa'i sku phyag rgya skyed ma thag tu/ sangs rgyas spyan gyi g.yon du 'khor lo rtsibs steng gi dbus su padmo'i dkyil mo'i tshul gyis gnas par bsam mo/ /tshul de ltar zhi ba'i las kyi bsgrub pa bya ba'i dkyil 'khor skyed ma thag tu/ mdun du smos pa'i tshul gyi sangs rgyas spyan dang/ gnyis su med pa'i nga rgyal du bsgom pas sngags kyi bzlas pa'i bsnyen pa bya'o/ /sngags bstan par bya ste/ oM li a hUM shan ting ku ru swAhA/ /de ? phrag gsum gyi grangs kyi tshad du bsnyen pa bya'o/ /de la bzlas pa bya ba'i dus su/ sngags kyi yi ge 'bru myur bar mi bzla/ bul bar mi bzla/ gsal dang skar ma bzhin du gzi brjid kyis 'bar zhing bzlas pa bya'o/ /mdor bsdu ba de ltar zhi ba'i las kyi bsgrub pa'i dkyil 'khor gyi bsgom pa dang bzlas pa'i bsnyen pa bya ba'i don du smos so/ /de ltar zhi ba la ni spyan gyis bya ba'i don du gsungs so/ /nga ni zhi ba'i las kyi sgrub pa'i bsgom pa bya ba'i cho ga'i don bstan par bya ste/ hom khung zlum po phyogs kun tu khru gang dang por cig tu bya'o/ /yang na sor gsum gyis che bar bya ba yang mi 'gal lo/ /de'i zhabs su khru gang dang sor gcig gam/ yang na sor gsum yang mi 'gal te 'og tu brko bar bya'o/ /hom khung gi kha'i bang rim zheng sor gsum du bya'o/ /yang na sor lngar bya yang mi 'gal lo/ / mthon dman gyi tshad ni gong ma dang mnyam mo/ /gzhan yang dkyil 'khor gyi tshul du tshon rdzas dkar po la bya'o/ /tshon des hom khung gi nang du 'khor lo rtsibs brgyad bri'o/ /hom khung gi kha'i bang rim la 'khor lo'i phreng ba bri'o/ /gzhan yang mdun du smos pa'i bye brag lngas mchod pa bya'o/ /de nas mchod rdzas phyi dang nang gi bye brag tu bstan par bya ste/ 'bras dang til dang/ mud ga dkar po dang/ yungs kar dang 'bras dang 'o ma'i thug pa dang/ de rnams cha mnyam la cig tu bsre'o/ /de ltar phyi'i mchod rdzas so/ /nang gi

  33. 17a

    mchod rdzas ni/ bshang ba dang/ byang chub sems dang/ khyi sha'o/ /de rnams cha mnyam la cig tu bsres la/ dam rdzas de rnams mdun du smos pa'i phyi'i rdzas dang gcig tu bsres bar bya'o/ /de ltar rdzas thams cad pa'i mar dang bsre bar bya'o/ /da ltar mchod rdzas phyi nang gi bya bar smos so/ /de nas bum pa'i cho ga bstan par bya ste/ rnam par rgyal ba'i bum pa gcig pu ste/ dngul la bya'o/ /dngul gyi bum pa ma rnyed na/ rdzam la bya ste tshon dkar pos sgyur ro/ /bum pa'i nang du kar pu ra dang/ tsan dan dang/ gur gum la sogs pa rdzas dri zhim po thams cad dang nang gi bdud rtsi rnam pa lnga dang/ chus dgang bar bya'o/ /de nas de'i nang du rin po che shel dang/ ma ra ga ta dang/ in+d+ra nI la dang pad+ma ra ga dang/ beDUrya dang lnga gzhug par bya'o/ /rin po che lnga ma rnyed na/ gser dang dngul dang/ byu ru dang/ mthing shing dang/ mu tig dang/ de ltar rin po che'i ngo bo lnga gzhug kyang mi 'gal lo/ /gzhan yang sa la dang/ pa la sha dang/ tsam pa ka la sogs pa byang chub kyi shing gi yal ga bum pa'i kha brgyan du gzhug par bya'o/ /de nas ras bag leb dkar po yug gis mgul chings bya'o/ /des na bum pa'i phyogs cig tu kar bu ras sngags sa bon yig 'bru laM bri bar smos so/ /de ltar bum pa'i cho ga'i don du bstan to/ /gzhan yang hom khung gi phyogs bzhi dang/ nang dang lngar ras dkar po'i gdan lnga gzhag par bya'o/ /gzhan yang hom gyi bdag po'i dkyil 'khor gyi sgom pa'i chog bstan par bya ste/ mdun du ci ltar gdan bskyed pa dang/ gzhan yang bdag po la sogs pa 'khor gyi ngo bo de bzhin gshegs pa bzhi par nyid nyid kyi sngags kyi sa bon yig 'bru las cha lugs phun sum tshogs pa dang ldan pa de bzhin du

  34. 17b

    bskyed par bya'o/ /de ma thag tu ci ltar smos pa'i tshul du bsgom par bya'o/ /de'i 'og tu sgrub pa pos gtso mo sangs rgyas spyan dang gnyis su med par bsgom par bya ba'i dus su/ nyid kyi thugs ka'i gnas su sngags sa bon yig 'bru laM bsam mo/ / de? kha dog dkar po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas khu ba'i ngo bor gyur to/ /sa bon gyi ngo bo de'i gnas nas 'od gzer gyi sprin grangs med pa kha dog dkar po ba spu'i du ga'i lam gyi sgo nas nam mkha' i dbyings kun tu khyab par spro'o/ /de'i 'og tu phyi'i me lha drang srong 'khor thams cad dang bcas pa rang rang gi chung ma dang bcas pa/ 'od zer gyi sprin gyis reg pa'i tshul gyis byin gyis brlabs te/ de ma thag tu shar lho'i mtshams kyi gnas su gang du spros pa'i 'khor thams cad kyis bskor ba ye shes kyi 'od zer dang bcas par 'ong bar bsam mo/ /de nas me lha'i cha lugs phun sum tshogs pa bshad par bya ste/ kha dog dmar po/ mgo gcig pa ral pa gyen du rdzes pa/ lus kun 'bar ba'i phreng bas rab tu 'bar ba/ rgyan med pa lag pa gnyis la/ g.yas na gser gyi phreng ba 'dzin pa/ g.yon na gser gyi 'gu 'de 'dzin pa/ ra skyes la zhon pa/ de lta bu'i ngo bo me lha 'ongs ma thag tu/ hom khung gi nang gi 'khor lo'i rtsibs brgyad kyi steng gi dbus su bdag po'i tshul du dkyil 'khor thams cad kyis bskor ba/ zhi ba'i ngo bo kha gdangs pa'i thabs kyis gnas par bsam mo/ /de'i dus su sgrub pa pos zhi ba dga' ba'i sems kyis gar bur la sogs pa rdzas dri zhim pa'i tshul arga sbyin no/ /oM ag ne ye/ sarba ri shi pa ri bar sa hi hi badzrod kaM ad ma g+h+ri na to/ /de nas yon chab byin ma thag tu mdun du smos pa'i mchod pa'i bye brag lngas mchod par bya'o/ /de'i 'og tu sgrub pa pos zhi ba'i sems kyis gtso mo sangs rgyas spyan dang gnyis su med pa'i nga rgyal du bsgom pas

  35. 18a

    tshul ci ltar smos par sngags kyis bzlas pa'i bsnyen pa bya'o/ /de nas sngags bstan par bya ste/ oM laM a hUM ag ne ye shan tid ku ru swAhA/ de grangs brgyad brgya'i tshad du bzlas par bya'o/ /de ltar sngags kyi bzlas pa'i bsnyen pa byas pa'i 'og tu/ sgrub pa po la gal te bdud dang bgegs rnams kyis gnod pa byed pa'i sems kyi rtog pa skye na/ ci ltar bya zhe na/ gnod pa de gzhom par bya ba'i thabs bstan par bya ste/ le'u bzhi pa thugs kyi dkyil 'khor bri ba'i mdun du/ ci ltar bsrung ba'i 'khor lo'i thabs kyis bdud dang bgegs thams cad kyis gnod pa gzhom par bya ba ci ltar bshad pa de bzhin du 'dir bya bar smos so/ /de nas hom gyi mchod rdzas kyis grangs kyi tshad bstan par bya ste/ blugs gzar dang dgang gzar shings la dang pa la sha la sogs pa la khru gang sor gsum du bya'o/ /yu ba'i rtsa ba dang dkyil dang/ rtse mor 'khor los brgyan par bya'o/ /blugs gzar dang dgang gzar ma rnyed na/ sgrub pa po nyid kyi lag pa g.yas pa g.yas pa'i srin lag gsang ba'i rdo rjes brgyan pas mchod rdzas kyis mchod par bya'o/ /de nas mchod pa bya ba'i dus su/ dang po pa'i mar gyis lan bdun mchod par bya'o/ /de nas mdun du smos pa'i rdzas rnams kyis brgyad brgya bya bar smos so/ /de rdzogs pa dang ba mar gyis lan bdun gang bar mchod do/ /de'i 'og tu mdun du smos pa'i mchod pa bya'o/ /de'i 'og tu rnam par rgyal ba'i bum pa'i chus gtsang mar blug go /yang na 'bab chu'i nang du blug kyang mi 'gal lo/ /de ma thag tu me lha drang srong chung ma dang bcas pa thams cad/ hom khung gi nang gi dbus nas mi snang bar gyur par bsam mo/ /de ni ting ba'i tshul lo/ /de ltar zhi ba'i las kyi bsgrub pa'i hom bya ba'i cho ga'i don du shes par bya'o/ /da ni rgyas pa'i las kyi bsgrub pa'i dkyil 'khor bsgom pa dang/ bsnyen pa'i bzlas pa bya ba'i cho ga'i don bstan par bya ste/ rgyas pa rdo rje pad mo can zhes bya ba rgyas pa las kyi bsgrub pa'i bya ba'i phyi'i gnas skyed mos tshal du bya bar smos so/ /de

  36. 18b

    sa la dang/ b+ha ta dang/ bil ba dang/ 'ang tim dang/ a 'bras dang/ tsam pa ka dang/ ta la dang/ na li ki ri la sogs pa/ shing gi bye brag sna tshogs me tog dang/ shing phun sum tshogs pa dang ldan pa yod pa dang/ gzhan yang mtsho dang/ mtshe'u dang/ chu dong la sogs pa chu gtsang ma yod pa'o/ /de bzhin du ne tso dang/ khu byug dang/ skra kha dang/ ka la pingka dang/ bung ba rkang drug pa la sogs pa bye brag sna tshogs kyi bya'i tshogs skad snyan pa 'byin pa'o/ /de lta bu'i ngo bo'i gnas su/ sgrub pa pos rgyal rigs g.yul du mtshon phog nas shi ba'i ban da dum bu bzhi pa blang ngo/ /mtshan ni zhi ba'i las kyi sgrub par bya ba'i dus su ci ltar smos pa de bzhin no/ /de'i nang du pad+ma rag ta bzhag go /gzhan yang phyi'i rdzas dri zhim po tsan dan bsres nas rdo rje'i chu dang bkrug par bya'o/ /de'i 'og tu sgrub pa pos nyid kyi sems rgyas pa'i ngo bor byas bas rdo rje pad mos can du ming btags pa snang ba mdza' yas kyi sngags kyi yig 'bru sku rdo rje dang thugs rdo rje'i sngags kyi yig 'bru dang bcas par bzla zhing dkyil 'khor phyogs bzhir khru re ba gru bzhir bsku bar bya'o/ /de nas sngags bstan par bya ste/ a oM hUM/ de'i 'og tu thugs kyi dkyil 'khor chen po'i dus su tshon ser pos bri bar smos pa de lta bu'i tshon ser pos/ dkyil 'khor bkus pa de dang mnyam par rin po che'i 'dzam bu na da zur bzhi pa bri'o/ /de'i 'o ta phyi mi tshod pa'i bye brag lngas mchod par bya'o/ /de nas mchod pa'i rdzas gsal bar bstan par bya ste/ me tog dang spos dang/ mar me dang/ dri dang lha bshos so/ /de la me tog pad ma dang/ ud pa la dang/ tsam pa ka la sogs pa ser po dri zhim pa dang ldan pa thams cad do/ /spos ni sha lo ka'i sen mo dang/ tsan dan dang/ gur gum la sogs pa'o/ /de nas mar me ni bser mo'i mer ? gsungs kar dang/ til gyi mar te/ ngas bag le gur kum mas kha dog bsgyur la snying po bya'o/ /de nas dri ni tsan dan dmar po dang/ gur kum dang/ pad+ma dang/ utpal la sogs pa me tog dri thams cad dang ldan pa'i ze'u 'bru sres la chu dang bkrug pa'o/ /de nas lha bshos ni 'bras gur

  37. 19a

    ku mas mdog sgyur la bya'o/ /gro dang 'o ma'i thug pa dang til dang/ mud ga'i khur ba la bya'o/ /de ltar mchod pa'i rdzas kyi bye brag lngas mchod par bya'o/ /de ltar byas pa'i 'og tu dkyil 'khor gyi mdun du phyi'i stan bde ba 'jam pa'i steng 'od du 'dug go /de ma thag tu rgyas pa'i tshul du sems dga' ba bskyed par bya'o/ /de'i 'og tu sgrub pa pos dang po mdun du smos pa'i cho ga'i bzhi'i tshul gyis gsung gi rigs snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci lta ba de bzhin du 'dir sbyar ro/ /de lta bu'i ngo bo snang ba mdza' yas kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de ma thag tu mdun du smos pa'i gdan rin po che 'dzam bu na da zur bzhi pa'i steng gi dbus su/ dkyil 'khor gyi bdag po'i tshul du pad+ma'i skyil mos gnas par bya'o/ /de'i dus su gsang ba'i thugs ka ye shes sems dpa' i gnas su mi bskyod pa dang/ rnam par snang mdzad dang/ rin chen 'byung ldan dang/ don yod grub pa ci ltar zhi ba'i las kyi sgrub pa'i dkyil 'khor bya ba'i dus su/ nyid nyid kyi sngags sa bon yig 'bru las bskyed pa de bzhin du bskyed par bya'o/ /gzhan yang nyid nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de bzhin du so sor sku mdog dang zhal dang/ phyag dang/ phyag mtshan dang/ rgyan rnams dang ldan par smos pa de bzhin du 'dir sbyar ro/ /de lta bu'i ngo bo'i sku phyag rgya rim par skyed ma thag tu/ nyid nyid kyi phyogs su rin po che'i gdan gyi steng gi dbus su padmo'i dkyil mo'i tshul gyis gnas par bsam mo/ /bstan par bya ste/ snang ba mdza' yas kyi mdun du mi bskyod pa'o/ /g.yas su rnam par snang mdzad do/ /rgyab tu rin chen 'byung ldan no/ /g.yon du don yod grub pa'o/ /tshul de ltar gdan rin po che'i zur gyi

  38. 19b

    steng gi dbus su gnas par smos so/ /tshul de ltar rgyas pa'i las kyi bsgrub par bya ba'i dkyil 'khor bskyed ma thag tu/ mdun du smos pa'i tshul du snang ba mdza' yas dang gnyis su med pa'i nga rgyal du sgom par sngags kyi bzlas pa'i bsnyen pa bya'o/ /de nas sngags bstan par bya ste/ a oM hUM pushtid ku ru swAhA/ de 'bum phrag gsum gyi grangs kyi tshad du bzlas par bya'o/ /de la bzlas pa bya ba'i dus su sngags kyi yig 'bru myur bar mi bzla/ bul bar mi bzla ste/ gsal bar skar ma bzhin du gzi brjid kyis 'bar zhing bzlas pa bya'o/ /mdor bsdus pa de ltar rgyas pa'i las kyi sgrub pa'i dkyil 'khor gyi sgom pa dang/ sngags kyi bzlas pa'i don du smos so/ /de ltar rgyas pa'i rdo rje padmo can gyi don du gsungs so/ /da ni rgyas pa las kyi bsgrub pa'i hom bya ba'i cho ga'i don bstan par bya ste/ hom khung gru bzhi la phyogs re re khru re re dang sor re re'o/ /yang na sor gsum yang mi 'gal lo/ /zhabs su khru gang dang sor gcig gam/ yang na sor gsum yang mi 'gal te/ brko bar bya'o/ /hom khung gi kha'i bang rim sor lngar bya'o/ /yang na sor bdun yang ma 'gal lo/ /mthon dman gyi tshang ni gong ma dang 'dra'o/ /gzhan yang dkyil 'khor gyi tshul gyi tshon rtsi ser po la bya ste/ tshon des hom khung gi nang du rin po che 'dzam bu na da zur brgyad pa bri'o/ /de bzhin du hom khung gi kha'i bang rim la rin po che'i phreng ba bri'o/ /gzhan yang mdun du smos pa'i mchod pa'i bye brag lnga'o/ /de nas mchod rdzas phyi nang gi bstan par bya ste/ 'bras gung ku mas mdog sgyur ba dang/ til ser po dang/ mud ga ser po dang/ yungs kar ser po dang/ gro dang 'o ma'i thug pa dang/ de rnams cha mnyam la gcig tu bsre'o/ / de ltar phyi'i rdzas rdzas smos so/ /de nas nang gi mchod rdzas ni/ pad+ma rag ta dang bshang ba dang/ khyi sha rnams cha mnyam la gcig tu bsre'o/ /dam rdzas de mdun du smos pa'i phyi'i rdzas dang gcig tu bsre bar bya'o/ /de ltar dam rdzas thams cad til mar dang dkrug par bya'o/ /

  39. 20a

    de ltar phyi dang nang gi mchod rdzas kyis bya bar smos so/ /de nas bum pa'i cho ga bstan par bya ste/ rnam par rgyal ba'i bum pa gcig pu ste/ gser la bya'o/ /gser ma snyed na rdza ma la bya ste/ kha dog ser pos bsgyur ro/ /bum pa der tsan dan dmar po dang/ a ka ru dang/ rdzas dri zhim po thams cad dang/ nang gi bdud rtsi rnam pa lnga dang/ chus dgang bar bya'o/ /de nas de'i nang du rin po che mar ga ta dang 'dzam bu na dang/ a rma gar pa dang/ mu sa ra garba dang/ pad ma ra ga dang/ de ltar rin po che lnga gzhug par bya'o/ de nas rin po che lnga ma snyed na/ gser dang byu ru dang dung gi lte ba dang/ mthing shing dang/ shel dang de ltar rin po che lnga'i ngo bor gzhug par bya ba yang mi 'gal lo/ /gzhan yang a 'bras dang/ ma du dang bil ba dang/ 'da' 'de mi dang/ na li kir dang/ pi tsa pu ra la sogs pa shing gi yal ga shing tog dang ldan pa rgyan gyis ngo bor bum pa'i khar gzhug par bya'o/ /de nas ras bag le ma'i yug gis mgul chings bya'o/ /de nas bum pa'i ngos su rdzas gung ku mas sngags sa bon yig 'bru a bri bar bya'o/ /de ltar bum pa'i cho ga'i don du bstan to/ /gzhan yang hom khung gi phyogs bzhi dang/ nang dang lngar ras ser po'i ba dan lnga bzhag go /gzhan yang hom gyi bdag po'i dkyil 'khor gyi bsgom pa'i cho ga bstan par bya'o/ /mdun du ci ltar smos pa'i gdan bskyed pa dang/ bdag po la sogs pa 'khor gyi ngo bo de bzhin gshegs pa bzhi rim pas nyid nyid kyi sngags kyi sa bon yig 'bru las cha lugs phun sum tshogs pa thams cad dang ldan pa de bzhin du 'dir bskyed par bya'o/ /de ma thag tu ci ltar smos pa'i tshul du bsgom par bya ste/ mdun du ci ltar smos pa'i gdan bskyed pa bdag rdo rje padmo can du ming btags pa snang ba mdza' yas dang gnyis su med pa'i nga rgyal du bsgom pa bya ba'i dus su/ nyid kyi thugs ka'i gnas su sngags sa bon yig 'bru a bsam mo/ /de kha dog dmar po cung zad ser ba/ so sor rtog

  40. 20b

    pa'i ye shes kyi ngo bo gzi brjid kyis 'bar zhing 'od du zhu nas ye shes kyi bu ba'i ngo bor gyur to/ /sa bon gyi ngo bor gnas nas 'od zer gyi sprin grangs med pa kha dog dmar po cung zad ser ba/ ba spu bu ga'i lam gyi sgo nas nam mkha' i dbyings thams cad du khyab par spro bar bya'o de'i 'og tu phyi'i me lha mdun du smos pa'i 'khor phun sum tshogs pa thams cad dang bcas pa'i 'od zer gyi sbrin gyis reg pa'i tshul gyis byin gyis brlabs te/ de ma thag tu shar lho'i mtshams kyi gnas su ci ltar smos pa'i tshul gyis 'khor thams cad kyis bskor ba/ ye shes kyis 'od zer gyi sprin dang bcas par 'ong bar bsam mo/ /de nas me'i lha'i lus kyi cha lugs phun sum tshogs pa dang/ zhon pa dang bcas pa'i mdun du ci ltar smos pa bzhin du 'dir sbyar ro/ /de lta bu'i ngo bor me lha 'ongs ma thag tu/ hom khung gi nang gi rin po che 'dzam bu na da'i steng gi dbus su bdag po'i tshul du 'khor thams cad kyis bskor ba rgyas pa'i ngo bo cung zad bzhad pa/ kha gdangs pa'i stabs kyis gnas par bsam mo/ /de'i dus su sgrub pa pos rgyas pa'i sems dga' bas/ gur kum dang/ tsan dan la sogs pa me tog dri zhim thams cad kyi ze 'bru dang bcas pa'i chu'i arga sbyin no/ /oM ag ne ye sarba ri shi pi ra ba ra sa hi haM/ badzro ta ga argam 'grin to/ /de nas argaM byin ma thag tu mdun du smos pa'i mchod pa'i bye brag lngas mchod par bya'o/ / de'i 'og tu sgrub pa pos bdag po snang ba mdza' yas dang gnyis su med pa'i nga rgyal du bsgom pas/ rgyas pa'i sems kyis ci ltar smos pa'i tshul du sngags kyi bzlas pa'i bsnyen pa bya'o/ /de nas sngags bstan bar bya ste/ a oM hUM/ ag ne ye puSh+TiM ku ru swAhA/ de brgyad brgya'i grangs kyi tshad du bsnyen pa bya'o/ /de ltar sngags kyi bzlas pa'i bsnyen pa byas pa'i 'og tu/ sgrub pa po la gal te bdud dang bgegs kyis gnod pa byed pa'i sems kyis rtog pa skyes na ci ltar bya zhe na/ gnod pa de gzhom pa'i thabs bstan

  41. 21a

    bar bya ste/ mdun du smos pa'i tshul gyi bsrung ba'i 'khor lo thabs kyis bdud dang bgegs thams cad kyi gnod pa gzhom par ci ltar bshad pa de bzhin du 'dir bya bar smos so/ /de nas hom gyi mchod rdzas kyi grangs kyi ched bstan par bya ste/ sbyin sreg gi dgang gzar dang blugs gzar shing a shwadtha dang/ bil ba dang/ tsan dan la sogs pa khru gang rtsor lngar bya'o/ /de'i yu ba'i rtsa ba dang/ dkyil dang/ rtse mor rin po ches brgyan bar bya'o/ /de nas dgang gzar dang blugs gzar ma snyed na/ sgrub pa pos nyid kyis lag pa g.yas pa'i srin lag gsang ba'i rdo rjes brgyan pas mchod par bya'o/ /de nas mchod par bya ba'i dus su/ dang po til mar dang ba mar bsres nas lan bdun mchod pa bya'o/ /de ma thag tu mdun du smos pa'i mchod rdzas kyis brgyad brgya bya bar smos so/ /de rdzogs pa dang/ til mar dang ba mar bsres pas dgang ba'i mchod pa lan bdun bya'o/ /de'i 'og tu mdun du smos pa'i tshul gyi mchod pa bya'o/ /de'i 'og tu rnam par rgyal ba'i bum pa'i chus gtsang mar blug go /yang na 'bab chu'i nang du blugs kyang mi 'gal lo/ /de ma thag tu mdun du smos pa'i tshul gyi me lha drang srong thams cad chung ma dang bcas pa hom khung gi nang gi dbus nas mi snang bar gyur par bsam mo/ /de ni gtang ba'i tshul lo/ /de ltar rgyas pa'i las kyi sgrub pa'i hom bya ba'i cho ga'i don du shes par bya'o/ /nga ni dbang du bya ba'i las kyi bsgrub pa'i dkyil 'khor gyi sgom pa'i dang bzlas pa'i bsnyen pa bya ba'i cho ga'i don bstan par bya ste/ dbang la rnam par snang mdzad gnas/ zhes pa dbang du bya ba'i las sgrub pa'i phyi'i gnas/ tshul ci ltar smos pa'i lam gyi bzhi mdo 'am/ mtshan ma gcig par bya ba yang mi 'gal te/ gnas der sgrub pa pos/ gar mkhan gyi rigs kyi skyes bu g.yul du mtshon phog nas shi ba'i ba na da dum bu lnga pa 'am drug pa yang mi 'gal te/ blang ngo/ /mtshan

  42. 21b

    ni zhi ba dang rgyas pa'i las bya ba'i dus su ci ltar smos pa de bzhin du 'dir sbyar ro/ /de'i nang du byang chub sems dang/ /bshad ba bzhag go /gzhan yang phyi'i rdzas dri zhim pa gur gum dang/ a ga ru bsres nas rdo rje'i chu dang bkrugs par bya'o/ /de'i 'og tu sgrub pa po nyid kyi sems 'dod chags kyi ngo bo dbang du bsdu ba'i tshul gyis/ rnam par snang mdzad kyi sngags yig 'bru/ gsung rdo rje dang thugs rdo rje'i sngags kyi yig 'bru dang bcas pa bzla zhing kun tu khru re'i tshad du zla gam gyi tshul du dkyil 'khor bku'o/ /sngags bstan par bya ste/ oM a hUM de'i 'og tu thugs kyi dkyil 'khor chen po'i dus su/ tshon dmar po smos pa de lta bu'i tshon dmar pos dkyil 'khor bkus pa de dang mnyam pa pad+ma 'dab ma bzhi par bya'o/ /de'i 'og tu phyi'i mchod pa'i bye brag lngas mchod par bya'o/ /de la mchod pa'i rdzas gsal bar bya ste/ me tog dang/ spos dang/ mar me dang dri dang/ lha bshos so/ /de la me tog ni pad ma dang/ ud pa la dang/ ban du ka dang/ ka ra bi ra la sogs pa dmar po dri dang ldan pa thams cad dang/ spos ni gur gum dang/ gur gum la sogs pa'o/ /mar me ni ba mar dang/ til mar la sogs pa mar ci snyed dang/ bsre bar bya ste/ dur khrod kyi gos la snying po bya'o/ /dri ni tsan dan dmar po dang/ gur kum dang/ sha chen dang bsres nas chung pa dkrug par bya'o/ /lha bshos ni 'bras dmar po dang/ til dang/ mud ga dang 'o ma la thug pa bya'o/ /gzhan yang kha zas thams cad rgya skyegs la sogs pa tshon dmar pos sgyur bar bya'o/ /de ltar mchod pa'i rdzas kyi bye brag lngas mchod par bya'o/ /de ltar byas pa'i 'og tu dkyil 'khor gyi mdun du phyi'i stan bde ba 'jam pa'i steng du 'dug go /de ma thag tu dbang du bya ba'i tshul du sems dga' ba skyed do/ /de'i 'og tu sgrub pa pos dang po mdun du smos pa'i cho ga bzhin tshul gyis sku'i rigs rnam par snang mdzad kyi sku phyag rgyar gyur par bya'o/

  43. 22a

    de nyid kyi shes rab ma ye shes kyi lha mo dang gnyis su med par 'khyud par sbyor ba dang ldan pa'o/ /cha lugs phun sum tshogs pa thams cad ni mdun du ci ltar bshad pa de bzhin du 'dir sbyar ro/ /de lta bu'i ngo bo rnam par snang mdzad kyi sku phyag rgya gyur ma thag tu de dang gnyis su med pa'i nga rgyal du sgom par bya'o/ /de ma thag tu mdun du smos pa'i gdan gyi ngo bo pad+ma 'dab ma bzhi pa ngo'i steng gi dbus su dkyil 'khor gyi bdag po'i tshul du padmo'i skyil mos gnas pa'o/ /de'i dus su nyid kyi gsang ba'i thugs ka'i ye shes sems pa'i gnas su mi bskyod pa dang/ rin chen 'byung ldan dang/ snang ba mdza' yas dang/ don yod grub pa ste/ tshul de lta bu zhi ba dang/ rgyas pa'i las kyi bsgrub pa'i dkyil 'khor gyi dus su nyid nyid kyi sngags sa bon yig 'bru las skyed pa de bzhin du bskyed par bya'o/ /gzhan yang nyid nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de bzhin du so so'i sku mdog dang zhal dang phyag dang/ phyag mtshan dang/ rgyan rnams ci ltar smos pa bzhin du 'dir sbyar ro/ /de lta bu'i ngo bo'i sku phyag rgya rim pas skyed ma thag tu/ nyid nyid kyi phyogs su pad ma'i gdan gyi steng gi dbus su pad mo'i skyil mo'i tshul gyis gnas par bsam mo/ /bstan par bya ste/ rnam par snang mdzad kyi mdun du mi bskyod pa'o/ /g.yas su rin chen i' byung ldan no/ /rgyab tu snang ba mdza' yas so/ /g.yon du don yod grub pa'o/ /de ltar rim par gdan pad+ma'i 'dab ma'i steng gi dbus su gnas par smos so/ /tshul de ltar dbang du bya ba'i las kyi bsgrub pa'i dkyil 'khor bskyed ma thag tu mdun du smos pa'i tshul du rnam par snang mdzad dang gnyis su med pa'i nga rgyal du bsgom pas sngags kyi bzlas pa'i bsnyen pa bya'o/ /sngags bstan par bya ste/ oM A hUM ba shi ku ru swAhA/ de ltar 'bum phrag gsum gyi grangs kyi tshad du bzlas par bya'o/ /de nas bzlas pa byas pa'i dus su sngags kyi yig 'bru myur bar mi bzla bul bar

  44. 22b

    mi bzla ste/ gsal bar skar ma bzhin du gzi brjid kyis 'bar bar bzla bar bya'o/ /mdor bsdus pa de ltar dbang gi las kyi bsgrub pa'i dkyil 'khor gyi sgom pa dang sngags kyi bzlas pa'i bsnyen pa'i don du smos so/ /de ltar dbang la rnam par snang mdzad gnas kyi don du gsungs so/ /da ni dbang du bya ba'i las kyi bsgrub pa'i hom bya ba'i cho ga'i don bstan par bya ste/ hom khung zla gam la kun tu khru re dang sor gsum mo/ /yang na sor lngar bya yang mi 'gal lo/ /zabs? su khru gang dang sor gsum du bya'o/ /yang na sor lnga yang mi 'gal te bsgom bar bya'o/ /hom khung gi kha'i bang rim gyi zheng sor bdun du bya'o/ /yang na sor dgu yang mi 'gal lo/ /mthon dman gyi tshad kyang gong ma de'o/ /gzhan yang dkyil 'khor gyi tshon gyi tshul gyi tshon dmar po hom khung gi nang du pad ma 'dab brgyad bri'o/ /hom khud gi kha'i bang rim la pad+ma'i phreng ba bri'o/ /gzhan yang mdun du smos pa'i mchod pa'i bye brag lngas mchod do/ /de nas mchod rdzas phyi nang gi bye brag tu bya ba bstan par bya ste/ 'bras dmar po dang yungs kar gyi rgyal po dang/ gro dang til dang/ nya sha dang/ sha bsres la khur ba bya'o/ /ba da ri'i thog bu'i snying po dang/ pa la sha'i 'bras bu dang/ gur ku ma'i rtsa ba dang/ cha mnyam la gcig tu bsre'o/ /de ltar phyi'i mchod rdzas so/ /de nas nang gi mchod rdzas ni/ byang chub sems dang/ sha chen dang/ rta sha rnams cha mnyam la gcig tu bsre'o/ /dam rdzas de phyi'i rdzas dang gcig tu bsres la rdzas de dag thams cad yungs kar gyi mar dang dkrug par bya'o/ /de ltar phyi nang gi mchod rdzas bya bar smos so/ /de nas bum pa'i cho ga bstan par bya ste/ rnam par rgyal ba'i bum pa gcig bu ste/ zangs su ma la bya de ma rnyed na/ rdza ma la bya ste/ tshon dmar pos mdog sgyur ro/ /bum pa der a gu ra dang/ sha la ka'i sen mo dang/ gu gul dkar po dang/ rdzas dri zhim po thams cad nang gi bdud rtsi lnga dang bsres pa dang chus dag par bya'o/ /de nas

  45. 23a

    de'i nang du rin po che pad+mar ga dang/ bai DUrya dang/ mu sa ra garba dang/ tsan tra gan ti dang/ in+d+ra nI la dang/ de ltar rin po che lnga gzhug par bya'o/ /de ltar rin po che lnga ma rnyed na/ byu ru dang/ mthing shing dang/ mu tig dang zangs dang khang ba dang/ rin po che ldi? ngo bo gzhug kyang mi 'gal lo/ /gzhan yang phyi'i ga bur dang/ par ka ti dang pa nas dang/ nim pa dang/ de la sogs pa shing gi yal ga me tog dang ldan pa brgyan gyi ngo bor bum pa'i khar gzhug go /de nas ras dmar po yu ga gis mgul chings bya'o/ /de nas bum pa'i ngos gcig tu pad+ma rag tas sngags sa bon yig 'bru oM bri'o/ /de ltar bum pa'i cho ga'i don du bstan to/ /gzhan yang hom khung gi phyogs bzhi dang/ dbus dang lnga ras dmar po'i ba dan lnga bzhag go /gzhan yang hom gyi bdag po'i dkyil 'khor gyi sgom ba bya ba'i cho ga'i don bstan par bya ste/ mdun du ci ltar gdan bskyed pa dang/ gzhan yang bdag po la sogs pa 'khor gyi de bzhin gshegs pa bzhi rim par nyid nyid kyi sngags sa bon yig 'bru las cha? lugs? sum tshogs pa dang ldan pa de bzhin du bskyed par bya'o/ /de ma thag tu ci ltar smos pa'i tshul du bsgom par bya'o/ /de'i 'og tu sgrub pa pos bdag po rnam par snang mdzad dang gnyis su med pa'i nga rgyal du sgom par bya ba'i dus su nyid kyis gsang ba'i thugs ka'i gnas su sngags sa bon yig 'bru oM bsam mo/ /de kha dog dkar po cung zad dmar ba/ chos kyi dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /sa bon gyi ngo bo de'i gnas nas 'od zer gyi sprin grangs med pa kha dog dkar po cung zad dmar ba/ ba spu'i bu ga'i lam gyi sgo nas nam mkha' i dbyings kun tu khyab par spro'o/ /de'i 'og tu phyi'i me lha mdun du smos pa'i 'khor phun sum tshogs pa thams cad dang bcas pa 'od zer gyi sprin gyis reg pa'i tshul gyis byin gyis brlabs te/

  46. 23b

    de ma thag tu shar lho'i mtshams kyi gnas su ci ltar smos pa'i 'khor thams cad kyis bskor ba ye shes kyi 'od zer gyi sprin dang bcas pa 'od bar bsam mo/ /de nas me lha'i lus kyi cha lugs phun sum tshogs pa thams cad dang/ zhon pa dang bcas pa'i ci ltar mdun du spos pa de bzhin du 'dir sbyar ro/ /de lta bu'i ngo bo mi lha 'ongs ma thag tu/ hom khung gi nang gi pad+ma dmar po 'dab brgyad kyi steng gi dbus su bdag po'i tshul du 'khor thams cad kyis bskor ba dbang du bsdu ba'i tshul du rgod pa/ /kha gdengs pa'i stabs kyis gnas par bsam mo/ de'i dus su sgrub pos dbang du bya ba'i 'dod chags kyi sems dga' bas kar pu ra dang/ a ga ru dang/ sha la ka'i sen mo dang/ klu'i me tog gi ze'u 'bru dang bcas pa'i chu'i arga sbyin no/ /oM ag ne ye sarba ri shi pa ri pa ra sa hi taM badzra ta ka argaM g+h+ri na to/ /de ltar arga byin pa'i 'og tu mdun du smos na chod pa'i bye brag lnga bya'o/ /de'i 'og tu sgrub pa pos dbang du bsdu ba'i sems kyis bdag po'i rnam par snang mdzad dang gnyis su med pa'i nga rgyal du sgom pas ci ltar smos pa'i sngags kyi bzlas pa'i bsnyen pa bya'o/ / sngags bstan par bya ste/ oM A hUM/ agne ye b+ha shin+taM ku ru swAhA/ de brgyad brgya'i grangs kyi tshad du bzlas par bya'o/ /de ltar sngags kyi bzlas pa'i bsnyen pa byas pa'i 'og tu/ sgrub pa po la bral te bdud dang bgegs kyis gnod pa'i sems rnam par rtog pa skyes na ci ltar bya zhe na/ gnod pa de gzhom pa'i thabs bstan par bya ste/ mdun du smos pa'i tshul du bsrung ba'i 'khor lo'i thabs kyis bdud dang bgegs thams cad kyi gnod pa gzhom par ci ltar bshad pa de bzhin du 'dir bya bar smos so/ /de nas hom gyi mchod rdzas kyi grangs tshad bstan par bya ste/ sbyin sreg gi dgang gzar dang/ blugs gzar seng ldeng dang/ zangs ma la khru gang dang sor dgur bya'o/ /yu ba'i rtsa ba dang dkyil dang/ rtse mo pad+mas brgyan par bya'o/ /de nas dgang gzar dang blug gzar

  47. 24a

    ma rnyed na/ mdun du smos pa'i sgrub pa po nyid kyi lag pa g.yas pa'i srin lag gsang ba'i rdo rjes brgyan pas mchod par bya'o/ /de nas mchod pa'i bya ba'i dus su dang po yungs mar dang ba mar bsres pas lan bdun mchod par bya'o/ /de ma thag tu mdun du smos pa'i mchod rdzas las brgyad brgya bya bar smos so/ /de rdzogs pa dang yungs mar dang ba mar bsres pas lan bdun dgang ba'i mchod pa bya'o/ /de'i 'og tu mdun du smos pa'i mchod pa bya'o/ /de'i 'og tu rnam par rgyal ba'i bum pa'i chu sa gtsang mar blug go /yang na 'bab chur blug kyang mi 'gal lo/ /de ma thag tu mdun du smos pa'i tshul gyi me lha drang srong thams cad dang chung ma dang bcas pa hom khur nang gi dbus gnas su mi snang bar gyur par bsam mo/ /de ni gtang ba'i tshul lo/ /de ltar dbang du bya ba'i las kyi sgrub pa'i hoM bya ba'i cho ga'i don du shes par bya'o// //da ni drag po'i las kyi bsgrub pa'i dkyil 'khor gyi sgom pa dang/ bsnyen pa'i bzlas pa bya ba'i cho ga'i don bstan par bya ste/ rdo rje khro bo drag po la'o/ /zhes pa drag po las kyi bsgrub pa phyi'i gnas ci ltar smos pa'i tshul gyi dur khrod du bya bar smos so/ /gnas der bsgrub pa pos rigs dan tsa da li la sogs pa gang yang rung ba'i skyes bu g.yul du mtshon phog nas shi ba'i ban da slang ngo/ /dum bu drug pa la sogs pa ci tsam du dum bu mang po'o/ /gzhan yang zhi ba la sogs pa'i las kyi sgrub pa'i dus su smos pa'i mtshan bzang po dang/ nang na pad+ma'i tshul gyi ri mo yod pa dang/ dud gi tshul gyi ri mo dang/ 'khor lo'i tshul gyi ri mo dang/ ba'i rmig pa'i tshul gyi ri mo dang/ shing gi tshul gyi ri mo dang/ g.yas su 'khyil ba'i ri mo yod pa dang/ tshul de lta bu'i mtshan bzang por smos pa dang mi ldan pa'o/ /phyin ci log

  48. 24b

    gi mtshan dang ldan pa ste/ bstan par bya'o/ /ban da dum bu mang ba dang/ mdog dmar ser dang/ dbyibs zlum pa dang/ srab pa dang/ 'bar 'bur can blangs te/ de'i nang du nang gi sha lung pa'i ngo bo dang/ pad+ma rag ta dang/ dri chen bzhag go /gzhan yang phyi'i rdzas dri zhim pa thams cad dang gcig tu sres la rdo rje'i chu dang dkrug par bya'o/ /de'i 'og tu sgrub pa pos rang gi sems zhe sdang gi ngo bos gsang par bya ba'i tshul gyis rdo rje khro bo zhe sdang rdo rjer smos pa nyid dang/ yang na badzra hUM ka ra la sogs pa rdo rje'i rigs kyi khro bo'i rgyal po brgyad kyi nang na gang mos pa la/ drag po'i las kyi bsgrub pa'i dkyil 'khor gyi bdag po bya'o/ /de'i sngags yig 'bru hUM phaT dang ldan pa'i sngags bzla zhing/ kun tu khru gang gi tshad du dkyil 'khor zur gsum gyi dbyibs su bku'o/ / sngags bstan par bya ste/ hUM phaT/ de'i 'og tu thugs kyi dkyil 'khor chen po'i dus su tshon sngon pos bya bar smos pa de lta bu'i tshon gyis dkyil 'khor bkus pa de dang mnyam par rdo rje rgya gram bri bar bya'o/ /de'i 'og tu phyi'i mchod pa'i bye brag lnga bya'o/ /de nas mchod rdzas gsal bar bstan par bya ste/ me tog dang/ spos dang/ mar me dang/ dri dang lha bshos so/ /de la me tog ni pad+ma sngon po dang/ utpal sngon po dang/ d+ha tu da la sogs pa dug gi me tog thams cad sngon po la bya'o/ /spos ni phyi'i gu ku la sogs pa rdzas kha ba dri dang ldan pa dang sha chen dang bcas pa la bya'o/ /mar me ni phyi'i yungs kar gyi mar dang/ til chen bsres la bud med sbrum ma bu 'byung ba'i dus kyi gos kyi dum bu dang/ dur khrod kyi gos dum bu la snying po bya'o/ /dri ni rdzas dri zhim pa thams cad ma? bya'o/ /lha bshos ni 'bras dmar po dang 'bru thams cad kyi khu ba dang de bzhin du sha thams cad dang rta sha la bya ste/ lha bshos kyi bye brag de tshon nag pos mdog sgyur ro/ /de ltar mchod pa'i rdzas kyi bye brag lngas mchod pa bya'o/ /de ltar byas pa'i 'og tu

  49. 25a

    dkyil 'khor gyi mdun du phyi'i stan bde ba 'jam pa'i steng du 'dug go /de ma thag tu gsang par bya ba'i tshul du sems dga' bas bskyed do/ /de'i 'og tu dang po mdun du smos pa'i cho ga bzhi'i tshul gyis rdo rje'i rigs nyid kyi zhe sdang rdo rje'i sku phyag rgyar gyur par bya'o/ /de nyid kyi shes rab me ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa de bzhin du'o/ /de lta bu'i ngo bo zhe sdang rdo rje'i sku phyag rgyar gyur ma thag tu/ de dang gnyis su med pa'i nga rgyal du sgom par bya'o/ /de ma thag tu gdan gyi ngo bo rdo rje rgya gram gyi steng gi dbus su padmo'i skyil mos gnas pa yin no/ /de'i dus su nyid kyi gsang ba'i thugs ka ye shes sems dpa' i gnas su rnam par snang mdzad dang/ rin chen 'byung ldan dang/ snang ba mdza' yas dang/ don yod grub pa rnams/ rim pas zhi pa dang/ rgyas pa dang dbang la sogs pa'i las kyi bsgrub pa'i dkyil 'khor bya ba'i dus su nyid nyid kyi sngags sa bon gyi yig 'bru las bskyed pa de bzhin du bskyed par bya'o/ /gzhan yang nyid nyid kyi shes rab me ye shes kyi lha mo dang gnyis su med par 'khyud pa'i sbyor ba dang ldan pa'o/ /de bzhin du nyid nyid kyi sku mdog dang/ zhal dang/ phyag dang phyag mtshan dang rgyan rnams dang ldan par smos pa de bzhin du 'dir sbyar ro/ /de lta bu'i ngo bo'i sku'i phyag rgya rim par bskyed ma thag tu nyid nyid kyi phyogs phyogs su rdo rje rgya gram gyi rtse lnga'i steng gi dbus su pad+ma'i skyil mo'i tshul gyi gnas par bsam mo/ /bstan par bya ste/ zhe sdang rdo rje'i mdun du rnam par snang mdzad do/ /g.yas su rin chen 'byung ldan no/ /rgyab tu snang ba mdza' yas so/ /g.yon du don yod grub pa'o/ /de ltar rim pas gdan rdo rje rgya gram gyi rtse lnga'i dbus na gnas par smos so/ /gzhan yang sgrub pa pos gal te

  50. 25b

    badzra hUM ka ra la sogs pa rdo rje'i rigs kyi khro bo'i rgyal po brgyad kyi nang na gang la smos pa dang gnyis su med pa'i nga rgyal du bsgom pas dkyil 'khor gyi las kyi sgrub pa byed na/ de'i dus su dang po mdun du smos pa'i tshul du zhe sdang rdo rje'i sku phyag rgya gyur par bya'o// de ma thag tu de dang gnyis su med pa'i nga rgyal du bsgom pa byas nas/ dkyil 'khor gyi bdag po khro bo'i rgyal po'i sku phyag rgya ci ltar smos pa'i tshul du sngags sa bon yig 'bru las bskyed par bya'o/ /de nyid kyi shes rab ma khro mo'i rgyal mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni dkyil 'khor gyi dus su ci ltar smos pa de bzhin du 'dir sbyar ro/ /de lta bu'i ngo bo khro bo'i rgyal po'i sku phyag rgya skyed ma thag tu skyed par mdzad mkhan zhe sdang rdo rje'i sku phyag rgya dkyil 'khor gyi bdag po khro bo'i rgyal po'i sku phyag rgya'i spyi bo la dbang bskur ba'i tshul du bsam mo/ /de'i 'og tu mdun du smos pa'i gdan gyi dbus su de dang gnyis su med pa'i nga rgyal du bsgom pas dkyil 'khor gyi bdag po'i tshul du phyed dkyil du gnas pa yin no/ /de'i dus su gsang ba'i thugs ye shes sems dpa' i gnas su rdo rje'i rigs kyi khro bo'i rgyal po prad nyan ta ka la sogs pa bzhi/ ci ltar smos pa'i tshul du sngags sa bon yig 'bru hUM las skyed par bya ste/ nyid nyid kyi shes rab khro mo'i rgyal mo dang gnyis su med par 'khyud pa'i sbyor ba dang ldan pa'o/ /cha lugs phun sum tshogs pa thams cad ni mdun du ci ltar smos pa bzhin du 'dir sbyar/ /de lta bu'i ngo bo bskyed ma thag tu nyid nyid kyi phyogs su rim par mdun du smos pa'i gdan gyi dbus su gnas pa yin no/ /bstan par bya ste/ khro bo'i rgyal po chen po badzra hUM ka ra'i mdun du ni/ khro bo'i rgyal po prad nyan ta ka'o/ /g.yas su ni khro bo'i rgyal po big nan ta ka'o/ /rgyab tu ni khro bo'i rgyal po chen po Ta ki rA dza'o/ /g.yon du ni khro bo'i rgyal po ni la dan da'o/ /

  51. 26a

    gzhan yang drag po'i las kyi bsgrub pa'i dkyil 'khor gyi bdag po gal te khro bo'i rgyal po prad nyan ta ka la byed na/ de'i 'khor phun sum tshogs pa'i bye brag bstan par bya ste/ khro bo'i rgyal po prad nyan ta ka'i mdun du ni khro bo'i rgyal po big nan Ta ka'o/ /g.yas su ni khro bo'i rgyal po Tak+kir dza'o/ /rgyab tu ni khro bo'i rgyal po ni la dan da'o/ /g.yon du ni khro bo'i rgyal po maha pa la'o/ /gzhan yang drag po'i las kyi bsgrub pa'i dkyil 'khor gyi bdag po gal te khro bo rgyal po big nan ta ka la byed na/ de'i 'khor phun sum tshogs pa'i bye brag bstan par bya ste/ khro bo'i rgyal po big nan ta ka'i mdun du ni khro bo'i rgyal po Tak+ki rA dza'o/ /g.yas su ni khro bo'i rgyal po ni la dan da'o/ /rgyab tu ni khro bo'i rgyal po ma ha pa la'o/ /g.yon du ni khro bo'i rgyal po arya a tsa la'o/ /gzhan yang drag po las kyi sgrub pa'i dkyil 'khor gyi bdag po gal te khro bo'i rgyal po Tak+ki ra tsa la byed na de'i 'khor phun sum tshogs pa'i bye brag bstan par bya ste/ khro bo'i rgyal po Taki ra tsi'i mdun du ni khro bo'i rgyal po ni la daN da'o/ /g.yas su ni khro bo'i rgyal po mahA pa la'o/ /rgyab tu ni khro bo'i rgyal po arya a tsa la'o/ /g.yon du ni khro bo'i rgyal po pad ma kunda li'o/ /gzhan yang drag po'i las kyi bsgrub pa'i dkyil 'khor bdag po gal te khro bo'i rgyal po ni la dan Da la byed na/ de'i 'khor phun sum tshogs pa'i bye brag bstan par bya ste/ khro bo'i rgyal po ni la dan da'i mdun du ni khro bo'i rgyal po Tak+kir tsa'o/ /g.yas su ni khro bo'i rgyal po ma ha pa la'o/ rgyab tu ni khro bo'i rgyal po arya a tsa la'o/ /g.yon du ni khro bo'i rgyal po pad+ma kun da la'o/ /gzhan yang drag po las kyi sgrub ba'i dkyil 'khor gyi bdag po gal te khro bo'i rgyal po chen po maha pa la byed na/ de'i 'khor phun sum tshogs pa'i bye brag bstan par bya ste

  52. 26b

    khro bo'i rgyal po maha pa la'i mdun du ni khro bo'i rgyal po Tak+ki ra tsa'o/ /g.yas su ni khro bo'i rgyab po ni la dan da'o/ /rgyab tu ni khro bo'i rgyal po arya a tsa la'o/ /g.yon du ni khro bo'i rgyal po pad ma kun da li'o/ /gzhan yang drag po las kyi sgrub pa'i dkyil 'khor gyi bdag po gal te khro bo'i rgyal po arya a tsa la byed na/ de'i 'khor phun sum tshogs pa'i bye brag bstan par bya ste/ khro bo'i rgyal po arya a tsa la'i mdun du ni khro bo'i rgyal po Tak+ki ra tsa'o/ /g.yas su ni khro bo'i rgyal po ni la dan da'o/ /rgyab tu ni khro bo'i rgyal po maha pa la'o/ /g.yon du ni khro bo'i rgyal po pad+ma gung da li'o/ /gzhan yang drag po las kyi bsgrub pa'i dkyil 'khor gyi bdag po gal te khro bo'i rgyal po pad+ma kun da lis byed na/ de'i 'khor phun sum tshogs pa'i bye brag bstan par bya ste/ khro bo'i rgyal po pad ma kun da li mdun du ni khro bo'i rgyal po Tak+ki ra tsa'o/ /g.yas su ni khro bo'i rgyal po ni la dan da'o/ /rgyab tu ni khro bo'i rgyal po maha pa la'o/ /g.yon du ni khro bo'i rgyal po arya a tsa la'o/ /mdor bsdus pa de ltar rdo rje'i rigs kyi bye brag gi khro bo'i rgyal po smos pa rnams kyi nang na bsgrub pa po gang la mos pa'i dkyil 'khor gyi nga rgyal du bsgoms pas drag po las kyi bsgrub pa bya bar bstan to/ /bshad par bya ste/ zhe sdang rdo rje dang gnyis su med pa'i nga rgyal du bsgoms pas khro bo'i rgyal po chen po badzra hUM ka ra bskyed pa de bzhin du badzra hUM gar dang gnyis su med pa'i nga rgyal du bsgoms pas ci ltar mdun du smos pa'i tshul gyi sngags sa bon yig 'bru hUM las khro bo'i rgyal po prad nyan ta ka la sogs pa dkyil 'khor gyi bdag po mdun du ci ltar smos pa'i tshul gyi nyid nyid kyi dkyil 'khor dang bcas pa skyed par bya'o/ / de nyid nyid kyi shes rab ma khro mo'i rgyal mo dang gnyis su med par 'khyud pa'i sbyor ba dang ldan pa'o/ /cha lugs phun sum tshogs pa thams cad ni ci ltar le'u bzhi pa thugs kyi dkyil 'khor gyi dus su smos pa de bzhin du 'dir sbyar ro/ /tshul de ltar drag po las kyi sgrub pa'i dkyil

  53. 27a

    'khor bskyed ma thag tu/ gong du smos pa'i zhe sdang rdo rje la sogs pa rdo rje'i rigs kyi khro bo'i rgyal po rnams kyi nang na gang la mos pa de dang gnyis su med pa'i nga rgyal du bsgom pa dang sngags kyi bzlas pa'i bsnyen pa bya'o/ /de nas sngags bstan bar bya ste/ hUM phaT sarba dushTaM ba'i rim mar naM ku ru/ de grangs kyi tshad 'bum phrag gsum du bzlas pa bya'o/ /de la bzlas pa bya ba'i dus su sngags yig 'bru myur bar mi bzla bul lnga yang? mi bzla ste gsal ba skar ma bzhin du gzi brjid kyis 'bar bar bzla bar bya'o/ /mdor bsdus pa de ltar gsad par bya ba'i las kyi bsgrub pa'i dkyil 'khor gyi sgom pa dang sngags kyi bzlas pa'i bsnyen pa'i don du smos so/ /de ltar rdo rje khro bo drag po la'o yi don du gsungs so/ /da ni drag po las kyi bsgrub pa'i hoM bya ba'i cho ga'i don bstan par bya ste/ hom khung gi dbyibs zur gsum ste/ phyogs re re khru re re dang sor bdun bdun no/ /zabs su yang khru gang sor bdun brko bar bya'o/ /gzhan yang hom khung gi kha'i bang rim sor bdun du bya'o/ /yang na sor bcu gcig kyang mi 'gal lo/ /mthon dman yang de dang mnyam par bya'o/ /gzhan yang dkyil 'khor gyi dus su smos pa'i tshon nag po la tshon bya ste/ tshon des hom khung gi nang du rdo rje rgya gram bri'o/ /hom khung gi kha'i bang rim la rdo rje rtse dgu'i phreng ba bri'o/ / gzhan yang mdun du smos ba'i mchod pa'i bye brag lngas mchod par bya'o/ /de nas mchod rdzas phyi dang nang gi bye brag bstan par bya ste/ 'bras dmar po dang 'bru'i rigs gzhan thams cad dang/ lung thang gi 'bras bu dang/ d+ha du ri'i 'bras bu dang/ dug thams cad kyi rtsa ba dang/ nga rnams che mnyam la/ gcig tu bsre bar bya'o/ /de ni phyi'i mchod rdzas su smos so/ /de nas nang gi mchod rdzas ni/ bdud rtsi rnam pa lnga dang/ sha lnga'o de rnams cha bsnyams nas gcig tu bsre bar bya'o/ /dam rdzas de phyi'i rdzas dang/ gcig tu

  54. 27b

    bsres la til chen dang dkrug par bya'o/ /de ltar phyi dang nang gi mchod rdzas bya bar smos so/ /de nas bum pa'i cho ga bstan par bya ste/ rnam par rgyal ba'i bum pa gcig pu ste lcags la bya'o/ /de nas gal te lcags ma rnyed na rdza ma la tshon nag pos mdog sgyur la bya'o/ / bum pa dang a ga ru dang/ tsan dan dmar po la sogs brdzas dri zhim pa thams cad dang/ nang gi bshang gci dang chu bsres par dgang bar bya'o/ /de nas de'i nang du rin po che en+d+ra nI la dang/ a sma garba dang/ ma ra ga ta dang/ mthing shing dang/ an dar chen po dang/ de ltar rin po che lnga gzhug go /rin po che lnga ma? rnyed na/ dung dang/ mu tig dang/ lcags dang byu ru dang/ gser dang rin po che lnga'i ngo bo gzhug kyang mi 'gal lo/ /gzhan yang ru tra k+Sha dang/ lung tad dang/ bil ba dang/ kan ta ka ri dang/ par ka til sogs pa shing me tog? dang?/ shing me tog dang ldan pa'i yal ga rgyan gyi ngo bor gzhug go /ras bag leb nag po'i yug gis mgul chings bya'o/ /bum pa'i ngos gcig tu dri chen gyis sngags sa bon yig 'bru hUM bri'o/ /de ltar bum pa'i cho ga'i don du bstan to/ /gzhan yang hom khung gi phyogs bzhi dbus dang lngar ras nag po ba dan lnga gzugs so/ /gzhan yang hom gyi bdag po'i dkyil 'khor gyi bsgom pa bya ba'i cho ga'i don bstan par bya ste/ mdun du ci ltar gdan bskyed pa dang/ gzhan yang bdag po la sogs pa 'khor gyi ngo bo bzhi ltar smos pa'i tshul du rim par sngags sa bon yig 'bru las cha lugs phun sum tshogs pa thams cad dang ldan par ci ltar smos pa de bzhin du 'dir skyed par bya'o/ /de ma thag tu ci ltar smos pa'i tshul du bsgom par bya'o/ /de'i 'og tu bsgrub pa pos/ bdag po zhe sdang rdo rje la sogs pa gang las mos pa dang gnyis su med pa'i nga rgyal du bsgom pa bya ba'i dus su/ nyid kyi gsang pa'i thugs ka'i gnas su sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor

  55. 28a

    gyur to/ /ye shes kyi sa bon gyi gnas de nas 'od zer gyi sprin grangs med pa kha dog nag po/ ba spu'i bu ga'i lam gyi sgo nas nam mkha' i dbyings kun tu khyab par spro bar bya'o/ /de'i 'og tu phyi'i me lha mdun du smos pa'i 'khor phun sum tshogs pa dang bcas pa 'od gzer gyi sprin gyis reg pa'i tshul gyis byin gyis brlabs te/ de ma thag tu shar lho'i mtshams kyi gnas su/ ci ltar smos pa'i tshul gyi 'khor phun sum tshogs pa thams cad kyis bskor ba/ ye shes kyi 'od gzer gyi sprin dang bcas pa 'ong bar bsam mo/ /de nas me lha lus kyi cha lugs phun sum tshogs pa thams cad dang gzhon pa dang/ bcas pa mdun du ci ltar smos pa de bzhin du 'dir sbyar ro/ /de lta bu'i ngo bo me lha 'ongs ma thag tu hom khung nang gi rdo rje rgya gram gyi steng gi dbus su 'khor thams cad kyis bskor ba bdag po'i tshul du drag po bya ba'i ngo bo khro bo'i tshul du dgod pa kha gdangs pa'i stabs kyis gnas par bsam mo/ /de'i dus su sgrub pa pos drag po'i las bya ba'i zhe sdang gi sems kyis ka pu ra dang/ sha la ka'i sen mo la sogs pa rdzas dri zhim po thams cad kyi chu'i argaM sbyin no/ /oM ag ne ye sarba ri shi pa ri b+ha ra sa hi taM badzro ta kA ArgaM 'grin to/ /de ltar argaM byin pa'i 'og tu mdun du smos pa'i bye brag lngas mchod par bya'o/ /de'i 'og tu sgrub pa pos drag po'i sems kyis bdag po zhe sdang rdo rje la sogs pa ci ltar smos pa'i tshul dang gnyis su med pa'i nga rgyal du bsgom pas sngags kyi bzlas pa'i bsnyen pa bya'o/ /sngags bstan par bya ste/ hUM phaT ag ne ye sarba duSh+TaM bI raM mi ra naM ku ru/ sngags de brgyad brgya'i grangs kyi tshad du bzlas pa bya'o/ /de ltar sngags kyi bzlas pa'i bsnyen pa bya ba'i 'og tu/ sgrub pa po gal te bdud dang bgegs kyis gnod pa byed pa'i sems rnam par rtog pa skye na ci ltar bya zhe na/ gnod pa de gzhom par bya ba'i

  56. 28b

    thabs bstan par bya ste/ mdun du smos pa'i tshul gyi srung ba'i 'khor lo'i thabs kyis bdud dang bgegs kyi gnod pa gzhom par bya bar ci ltar bshad pa bzhin du 'dir bya'o/ /de nas hom gyi mchod rdzas bya ba'i grangs kyi tshad bstan par bya ste/ mchod pa bya ba'i blugs gzar dang/ dgang gzar mdun du smos pa'i tshul gyi ban da la bya'o/ /gzhan yang blugs gzar shing re shTa la lung thang gi shing khru gang dang sor bcu gcig tu bya'o/ /de'i yu ba'i rtsa ba dang dkyil dang rtse mo khro bo'i rdo rje rtse dgus brgyan par bya'o/ de nas dgang gzar dang blugs gzar ma rnyed na/ mdun du smos pa'i tshul du sgrub pa po nyid kyi lag pa g.yas pa'i srin lag gsang ba'i rdo rjes brgyan pas mchod par bya'o/ /de nas mchod pa bya ba'i dus su dang po til chen dang yungs kar gyi mar bsres nas lan bdun mchod par bya'o/ /de ma thag tu mdun du smos pa'i mchod pa'i rdzas kyis brgyad pa rgya mchod do/ /de rdzogs pa dang til chen dang yungs mar bsres pas lan bdun dgang ba'i mchod pa bya'o/ /de'i 'og tu mdun du smos pa'i mchod pa bya'o/ /de'i 'og tu rnam par rgyal po'i bum pa'i chus gtsang mar blug go /yang na tu klung kyang mi 'gal lo/ /de ma thag tu mdun du smos pa'i me lha drang srong chung ma dang bcas pa thams cad/ hom khung gi nang gi dbus nas mi snang bar gyur par bsam mo/ /de ni btang ba'i tshul du smos so/ /de ltar drag po'i las bya ba'i hom gyi cho ga'i don du shes par bya'o/ /gzhan yang zhi ba la sogs pa'i hom byas pa'i sgrub pa'i mtshan ma byung ba'i so sor bstan par bya ste/ zhi ba'i hom gyi mchod pa rdzogs pa'i 'og tu me 'bar ba'i kha dog dkar ba dang rgyal mtshan lta bu ste/ de lta bu'i ni 'grub pa'i mtshan mar smos so/ /de nas rgyas pa'i hom gyi rmchod pa rdzogs pa'i 'og tu me 'bar ba mdog ser ba dang/ gdugs 'dra ba ste/ de lta bu ni 'grub pa'i mtshan mar smos so/ /de nas dbang du bya ba'i hom gyi mchod pa rdzogs pa'i 'og tu me

  57. 29a

    'bar ba kha dog dmar ba dang g.yas su 'khyil ba/ ba dan 'dra ste/ de lta bu ni 'grub pa'i mtshan mar smos so/ /de nas drag po hom gyi mchod pa rdzogs pa'i 'og tu me 'bar bar kha dog nag po 'khrugs pa khro bo'i ral pa 'dra ba ste/ de lta bu ni 'grub pa'i mtshan mar smos so/ /gzhan yang zhi ba la sogs pa'i hom btsam pa'i dus so sor bstan par bya'o/ /zhi ba'i hom brtsam pa'i dus ni nyi ma nub pa na'o/ /rgyas pa'i hom brtsam pa'i dus ni skya rengs shar ba'o/ /dbang gi hom brtsam pa'i dus ni nyi ma phyed na'o/ /drag po'i hom brtsam pa'i dus ni nam phyed na'o/ /da ni zhi ba dang rgyas pa dang dbang dang drag po'i las bzhi 'grub pa de ltar byas pas sgrub pa po grub pa'i dus su/ dngos grub pa'i dus su dngos grub kyi 'bras bu khyad par du 'gyur ba bstan par bya ste/ 'di ni sngags rnams thams cad kyi sku gsung gsang ba las byung ba/ rdo rje kun gyi sprul pa ste/ byed ba'i rol mos mtshan pa'o/ /zhes bya ba'i don bshad par bya ste/ ci ltar yin na 'di ni sngags rnams thams cad kyi/ sku gsum gsang ba las byung ba ni/ zhi ba la sogs pa las bzhi'i bsgrub pa byas pa'i sngags ni mdor bsdu ba thams cad yin no/ /bstan par bya ste/ mdun du smos pa'i sngags thams cad ni sku gsum gsang ba'i gnas nas byung ba yin no/ /de la sku gsum gsang ba'i bye brag rnam pa gnyis te/ don dam pa'i bye brag dang/ ye shes kyi bye brag go /de la don dam pa'i bye brag ni chos kyi sku stong pa ma skyes pa'i ngo bo longs spyod rdzogs pa'i sku sprul pa'i sku dang gnyis su med pa'i bdag nyid du smos so/ /de ltar don dam pa sku gsum gnyis su med pa'i gnas nas zhi ba'i las kyi sgrub pa'i bdag po la sogs pa bzhi ni sngags kyi sa bon yig 'bru las byung bar bstan to/ /de nas ye shes kyi bye brag ni mdun du smos pa'i zhi ba la sogs pa'i

  58. 29b

    las kyi sgrub pa'i bdag po bzhi ni sku gsum gnyis su med pa'i ngo bo yin no/ /bshad par bya ste/ dkyil 'khor gyi bdag po'i sku phyag rgya ni longs spyod rdzogs pa'i sku'i ngo bo'o/ /sku phyag rgya de las gsung gnyis su med par gnas pa'i sprul pa'i sku'i ngo bo'i sku dang gsung la thugs gnyis su med par gnas pa ni chos kyi sku'i ngo bo'o/ /de ltar ye shes kyi tshul gyi sku gsum gnyis su med pa'i ngo bo'i gnas nas ci ltar smos pa'i tshul gyi so so'i 'khor phun sum tshogs pa byung bar bstan to/ /de nas gsang ba'i don bstan par bya ste/ mdun du smos pa'i ye shes kyi bye brag dang don dam pa'i bye brag gnyis su med pa'i ngo bo gong bu smos pa de ni nyan thos dang rang sangs rgyas dang/ gzhan yang phyi'i tshangs pa dang/ khyab 'jug dang dbang phyug chen po la sogs pa lha thams cad kyis skal pa dang ma ldan pas mi mthong ba yin no/ /don des gsang bar smos so/ /mdor bsdu ba de ltar 'di ni sngags rnams thams cad kyi sku gsum gsang ba las 'byung ba'i don du gsungs so/ /rdo rje can kun sbrul ba ste/ /spyad pa'i rol mos mtshan pa'o/ /zhes pa ni ston pa mi skyod ba rdo rje 'dzin de ni don dam par rdo rje tsan du ming btags par rnam par snang mdzad la sogs pa rigs lnga dang gnyis su med pa'i ngo bo'i sku phyag rgyar smos so/ /des sgrub pa po rnams kyis mdun du smos pa'i las kyi dngos grub kyi 'bras bu thob par bya ba'i phyir/ zhi ba'i las kyi sgrub pa'i bdag po la sogs pa bdag po bzhi 'khor dang bcas pa rdo rje kun tu ming brtags pa sprul te don des spyad pa'i rol mo ye shes kyi ngo bor smos so/ /bshad par bya ste/ sgrub pa pos las bzhi'i dngos grub kyi 'bras bu grub pa'i dus su mdun du ci ltar smos pa'i don dam pa'i bye brag dang/ ye shes kyi bye brag gi gsang ba sku gsum gnyis su med pa'i ngo bor smos pa de bzhin du gnyis su med par gyur par bstan to/ /de ltar rdo rje can du kun sbrul pa ste/ byed pa'i rol mos mtshan pa'o/ /

  59. 30a

    de'i don du gsungs so/ /da ni drag po las kyis gang gang gsad pa'i bye brag bstan par bya ste/ sems can dad pa med pa dang/ rdo rje slob dpon smod pa dang/ gdug pa'i sems can gzhan rnams la'ang/ rab tu bskul pa 'di bya'o// zhes bya ba'i don bshad par bya ste/ ci ltar yin na/ sems can dad pa med pa ni/ mu stegs pa dang bram ze la sogs pa phyi'i chos spyod pa'i sems can te/ de ni sangs rgyas kyi bstan pa la dad pa med pa'i dbang gis smod par byed pa dang/ de bzhin du khyad par du theg pa chen po gsang sngags kyi chos la bye brag sna tshogs kyis dpya sems kyis smod par byed pa'o/ /de ltar dad pa med pa'i sems can gyi don du gsungs so/ /rdo rje slob dpon smod pa ni/ theg pa chen po gsang sngags ston par byed pa ni/ rdo rje can rdo rje sems dpa' me long lta bu'i ye shes la sogs pa ye shes lnga gnyis su med pa'i ngo bo'i sku phyag rgya rnam par snang mdzad la sogs pa de bzhin gshegs pa grangs med pa thams cad dang/ gzhan yang phyag na rdo rje dang byams pa la sogs pa 'khor grangs yod pa dang/ grangs med pa thams cad skyed par mdzad mkhan/ ma 'ongs pa'i sems can thams cad kyi don mdzad pa'i phyir rgyud 'chad pa'i ston pa yin par smos so/ /de lta bu'i ngo bo rdo rje sems dpa' de dang gnyis su med pa'i yon tan dang ldan pa'i don gyis rdo rje slob dpon du smos so/ /bshad par bya ste/ rdo rje slob dpon la/ rang gi slob mas smad pa phra mo byas na yang sdig pa chen po dang ldan na/ shin tu smod pa lta ci smod te/ rdo rje slob dpon smad pas ni/ mdun du smos pa'i rnam par snang mdzad la sogs pa de bzhin gshegs pa brjod du yod pa dang brjod du med pa dang/ de bzhin du 'khor phun sum tshogs pa thams cad dang gnyis su med pa'i ngo bor dpal rdo rje sems dpa' smos te/ smos par 'gyur te/ de ni bdud chen po dang 'dra bar bstan par bya'o/ /mdor bsdus pa

  60. 30b

    de ltar rdo rje slob dpon smod pa rang gi don du gsungs so/ /gdug pa'i sems can gzhan rnams la zhes pa ni/ bgegs kyi rgyal po ba'i na ya ka la sogs pa bdud dang bgegs thams cad kyis/ sgrub pa pos sgrub pa byed pa'i dus su/ rims la sogs pa gnod pa'i bye brag sna tshogs byed do/ /don des ma rungs par smos so/ /de ltar gdug pa'i sems can gzhan rnams la'i don du gsungs so/ /rab tu bskul ba 'di bya'o/ /zhes pa ni mdun du smos pa'i tshul gyis gsad par bya ba'i sems can de rnams bsad pa'i las kyis thabs kyi don mdun du bshad do/ /yang na 'og nas 'chad pa'o/ /de ltar rab tu bskul ba 'di bya'o yi don du gsungs so/ /bcom ldan 'das kyi ye shes chen po'i rdo rje de skad bka' stsal to/ /zhes bya ba ni/ bcom ldan 'das ni ston pa rdo rje mi bskyod pa ste/ de'i don mdun du bshad pa bzhin du sbyar ro/ /ye shes chen po ni mdun du smos pa'i zhi ba la sogs pa las bzhi'i bsgrub pa byas pa'o/ /don de ye shes chen por smos so/ /rdo rje zhes pa ni zhi ba la sogs pa dkyil 'khor gyi bdag po bzhi nyid nyid kyi 'khor phun sum tshogs pa dang bcas pa ste/ de nyid nyid kyi ye shes dang gnyis su med pa'i ngo bor brtag go /don des rdo rje smos so/ /de skad bka' stsal to zhes pa ni/ ci ltar smos pa'i tshul du sgrub pa pos zhi ba la sogs pa las bzhi'i bsgrub pa'i bdag po dang gnyis su med pa'i nga rgyal du bsgom par bsgrub par bya ba de ston pa mi bskyod pa rdo rje 'dzin gyis bka' stsal pa/ de sdud pa pos tshig tu smos pa'o/ /de ltar de skad bka' stsal to'i don du gsungs so/ /nga ni gong du smos pa'i sems can gsad par bya ba'i mdun du stong chen po'i khams gsum ma lus pa na gnas pa'i lha dang mi la sogs pa sems can thams cad bsrung bar bya ba dang/ gzhan yang gsang bar bya ba'i sems can la rang dga' ba'i lha dang sbyor bar ming btags pa de dang dbye bar bya ba'i don

  61. 31a

    bstan par bya ste/ khams gsum gnas pa'i sems can rnams/ /sangs rgyas skur ni rnam par bsgom/ /sbyor ba dbye bar byas nas su/ /de nas las ni rab tu bsgrub/ /ces bya ba'i don bshad par bya ste/ ci ltar yin na/ khams gsum gnas pa'i sems can rnams/ /sangs rgyas skur ni rnam par sgom ni/ sgrub po dang po mdun du smos pa'i cho ga bzhi'i tshul gyis/ /sku'i rigs rnam par snang mdzad kyi sku'i phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa bzhin du 'dir bya'o/ /de lta bu'i ngo bo rnam par snang mdzad kyi sku phyag rgya bskyed ma thag tu de dang gnyis su med pa'i nga rgyal du bsgom par bya'o/ / de'i dus su nyid nyid kyi gsang ba'i thugs ka ye shes sems dpa' i gnas su sngags sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur ro/ /sa bon de las rnam par snang mdzad kyi sku phyag rgya'i sprin grangs med pa bskyed par bya'o/ /sku phyag rgya de dag thams cad nyid nyid kyi shes rab ma ye shes kyi lha mo dang bcas pa cha lugs phun sum tshogs pa thams cad dang skyed par mdzad mkhan ldan par smos pa de bzhin du ldan par bstan to/ /de lta'i ngo bo'i sku phyag rgya'i sprin grangs med pa bskyed ma thag tu/ ba spu'i bu ga'i lam gyi sgo nas mdun du smos pa'i 'jig rten gyi khams su khyab par spro ba yin no/ /de ma thag tu ci ltar smos pa'i tshul du sems can ma lus pa thams cad kyi lus sangs rgyas kyi sku phyag rgya la gnyis su med par bsdu bar bya'o/ /de'i 'og tu sems can thams cad sangs rgyas rnam par snang mdzad dang gnyis su med pa'i sku rnam par bsgom par bya'o/ /mdor bsdus pa de ltar khams gsum gnas pa'i sems can rnams/

  62. 31b

    sangs rgyas sku ru rnam par sgom gyi don du gsungs so/ /sbyor ba'ang bye bar byas nas su zhes pa ni mdun du smos pa'i tshul sems can thams cad sangs rgyas kyi sku'i ngo bor gyur pa'i bsgom pa bya ba'i 'og tu nyid kyi gsang ba'i thugs ka ye shes sems dpa' i dbus gnas su sngags sa bon yig 'bru hUM bsam mo/ /de kha dog nag po chos kyi dbyangs kyi ngo bo nyi ma stong dang mnyam par gzi brjid kyi 'bar zhing 'od du zhu nas/ ye shes kyi khu ba'i ngo bor gyur ro/ /ye shes kyi sa bon de las khro bo'i rgyal po ? man ta ka sku? phyag rgya sprin bzhin du skyed par bya de nyid kyi shes rab ma ye shes kyi lha mo ro langs ma dang gnyis su med par 'khyud pa'i sbyor ba dang ldan pa'o/ /sku mdog sprin nag po lta bu zhal gsum la/ zhal dbus ma sku dang mthun/ g.yas dmar po/ g.yon dkar po/ ral pa gyen du brdzes pa rab tu 'bar ba'o/ /gsus? pa che ba me stag stug po 'phro ba mche ba dmar ba/ sku 'bar ba smin ma skyod pa/ mche ba rnam par brtsigs pa/ khro bo'i rgyan thams cad kyis brgyan pa/ phyag drug phyag mtshan drug go /phyag g.yas kyi dang po na rdo rje lcags kyu 'dzin/ g.yon dang po na zhags pa 'dzin phyag mtshan gzhan ni ji ltar le'u bzhi pa'i dkyil 'khor gyis dus smos pa de bzhin du 'dir sbyar ro/ /de lta bu'i ngo bo khro bo'i rgyal po ya man ta kA'i sku phyag rgya sprin bzhin du bskyed ma thag tu/ ba spu'i bu ga'i lam gyi sgo nas 'jig rten gyi khams thams cad du khyab par spro bar bya'o/ /de'i 'og tu mdun du smos pa'i slob dpon smod par byed pa la sogs pa sems can thams cad ma rungs pa thams cad rdo rje lcags kyus spyi bo nas gzung/ zhags pas mgul pa nas bcing ngo/ /mdor bsdus pa de ltar khro bo chen po'i brtson 'grus kyis dgug par bya ba yin no/ /de sgrub pa po nyid kyi mdun du gzhag par bsam mo/ /de ma thag tu rdo rje slob dpon smod par byed pa la sogs pa sems can ma rungs pa thams cad kyi spyi bo'i

  63. 32a

    gnas su sngags sa bon yig 'bru hUM bsam mo/ /de kha dog dmar po ye shes lnga dang gnyis su med pa'i ngo bo gzi brjid chen po'i 'bar bas 'bar zhing 'od du zhu nas ye shes kyi khu ba'i ngo bor gyur to/ /sa bon de las gdan gyi ngo bo nyi ma'i dkyil 'khor du gyur ro/ /de bskal pa'i me lta bur rab tu 'bar ro/ /de ma thag tu de steng gi dbus su/ sngags sa bon yi ge hUM bsam mo/ /de kha dog nag po me long lta bu'i ye shes kyi ngo bo nyi ma stong dang mnyam pa gzi brjid chen pos 'bar bas 'bar zhing 'od du zhu nas ye shes kyi khu ba'i ngo bor gyur to/ /sa bon de las khro bo'i rgyal po a mri ta kuN+Da li sku phyag rgya bskyed pa'o/ /de nyid kyi shes rab ma ye shes kyi lha mo ral pa gcig ma dang gnyis su med par 'khyud pa'i sbyor ba dang ldan pa'o/ /sku mdog nag po zhal gsum pa/ zhal dbus ma/ sku dang mthun pa/ g.yas dmar po/ g.yon dkar po ral pa gyen du brdzes pa gdengs pa'i tshul du rab tu 'bar ba/ me stag stug po 'phro bas sku rab tu 'bar ba/ spyan mi sdug par gzigs pa smin ma khro gnyer yang dang yang du bskyod/ mche ba mi sdug pa phur bu rgod pa khro bo'i rgyan thams cad kyis brgyan pa phyag drug phyag mtshan drug ste/ phyag g.yas dang po na rdo rje tho ba 'dzin/ g.yon dang po rdo rje phur bu/ phyag mtshan gzhan gyi le'u bzhi pa dkyil 'khor dus su ci ltar smos pa bzhin du sbyar ro/ /de lta bu'i khro bo rgyal po a mri ta kuN+Da li sku phyag rgya bskyed ma thag tu rdo rje slob dpon smod pa la sogs pa ma rungs ba'i sems can thams cad 'phral bar rim par khro bo'i brtson 'grus kyis rdo rje tho bas phur bu'i sngags hUM phaT ces brjod cing brdung bar bya'o/ /de ltar byas pas mdun du smos pa'i sems can ma rungs pa de rnams rang rang gi dga' ba'i lha bsrung bar byed pa de/ 'jigs pa chen pos gnas pa slong bar byed de/ lha'i ngo bo de'i rnam par shes pa de'i sems mar me lta bu de

  64. 32b

    'bros bar bsam mo/ /de'i 'og tu sems can ma rungs pa 'gugs par mdzad mkhan khro bo'i rgyal po ya man ta ka'i sku phyag rgya sprin lta bu dang/ gzhan yang ma rungs pa'i sems can gyi sbyor bar ming btags pa rang rang gi lha dang rdo rje phur bu'i sbyor ba mdzad mkhan khro bo rgyal po a mri ta kun da la'i sku phyag rgya de gsang ba'i thugs ka ye shes sems dpa' gnas su gnyis su med pa'i ngo bor bsdu bar bya'o/ /mdor bsdu ba de ltar sbyor ba dbye ba byas nas su'i don du gsungs so/ /de nas las ni rab tu bsgrub pa zhes ba ni/ mdun du smos pa'i tshul du sbyor ba dbye ba bya ba'i 'og tu/ ma rungs pa'i sems can khyad par rab tu gsad pa'i las kyi sgrub pa bya ba yin no/ /de ltar de nas las ni rab tu bsgrub kyi don du gsungs so/ /nam mkha' i dbyings kyi dbus ngag tu/ rdo rje rtse lnga zhal bzhi pa/ rnam pa'i mchog rnams kun dang ldan/ /rdo rje sems dpa' i rnam par bsgom/ zhes bya ba'i don bstan par bya ste/ ci ltar yin na/ nam mkha' i dbyings kyi dbus dag tu ni bye brag rnam pa gsum du bstan to/ /phyi dang nang gsang ba'o/ de la phyi ni 'byung ba chen po nam mkha' ste kun la khyab nas gnas pa'o/ /nang gi nam mkha' ni sgrub pa po nyid rnam par snang mdzad dang gnyis su med pa'i nga rgyal du bsgoms pas gnas pa'i thugs ka stong pa nam mkha' i ngo bor smos so/ /gsang ba'i nam mkha' ni/ sku'i rigs kyi bye brag gi bram ze'i rigs kyi bu mo mdun du smos pa'i tshul gyi yon tan gyi ngo bo thams cad dang ldan pa blang ngo/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu de dang gnyis su med par 'khyud pa'i sbyor ba bya ste/ de'i b+ha ga'i nang gi gnas stong pa tshad med pa'i nam mkha' bzhin du bsam mo/ /mdor bsdus pa de bzhin du nam mkha' i dbyings kyi dbus dag tu'i don du gsungs so/ /rdo rje rtse lnga zhal bzhi pa zhes pa ni/ mdun du smos pa'i shes

  65. 33a

    rab ma de dang ldan pas 'dod chags chen po sems zhe sdang gi ngo bos thabs dang shes rab rol pa byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du zhu nas/ rgya mtsho dang mnyam par 'gyur ro/ /de'i steng du sngags sa bon yig 'bru hUM bsam mo/ /de kha dog sngon po me long lta bu'i ye shes la sogs pa ye shes lnga dang gnyis su med pa'i ngo bo'o/ /de'i gzi brjid kyis 'bar zhing 'od du zhu nas ye shes kyi khu ba lta bu byang chub sems rgya mtsho la gnyis su med pa'i ngo bor thim par gyur to/ /sa bon de las me long lta bu'i ye shes la sogs pa ye shes lnga dang gnyis su med pa'i bdag nyid rdo rje rtse lnga'i ngo bor gyur par smos so/ /de nyi ma stong dang mnyam pa'i 'bar ba chen pos 'bar bar brtag go /de lta bu'i rdo rje de las dpal rdo rje sems dpa' i nyid kyi khro bo'i sku phyag rgya zhal bzhi pa bskyed par bya'o/ /de nyid zhe sdang rdo rje yin te/ nyid kyi shes rab ma ye shes kyi lha mo khro mo'i gzugs zhe sdang dga' ma yin pa de dang gnyis su med par 'khyud pa'i sbyor ba dang ldan pa'o/ /sku mdog nag po me long lta bu'i ye shes la sogs pa ye shes lnga dang gnyis su med pa'i ngo bo/ zhal gsum dbus ma sku dang mthun/ g.yas dmar/ g.yon dkar/ zhal bzhi pa ni zhal dbus ma'i steng na kha dog ser po'o/ /yang na ljang gu yang mi 'gal lo/ /ral pa gyen du brdzes pa rab tu 'bar ba khro bo chen po bzhad pa/ phyag drug phyag mtshan drug /rgyan thams cad kyis brgyan pa/ sku kun nas skal pa'i me bzhin du rab tu 'bar ba/ g.yon rab tu brkyang ba/ g.yas bskum pa'i stabs kyis gnas pa/ mche ba dmar ba phyag drug phyag mtshan drug go /de ltar rdo rje rtse lnga zhal bzhi pa'i don du gsungs so/ /rnam pa'i mchog rnams kun ldan pa zhes pa ni/ sku mdog dang zhal dang phyag dang phyag mtshan dang/ rgyan

  66. 33b

    rnams la sogs pa sku phyag rgya'i cha lugs phun sum tshogs pa thams cad rdzogs pa'i ngo bo yin no/ /de ltar zhe sdang rdo rje'i sku phyag rgya bskyed ma thag tu skyed par mdzad mkhan rnam par snang mdzad kyi sku phyag rgya/ zhe sdang rdo rje la gnyis su med pa'i ngo bor thim par gyur par bsam mo/ /don des rnam pa'i mchog dang ldan par smos so/ /de ltar rnam pa'i mchog rnams kun dang ldan pa'i don du gsungs so/ /rdo rje sems dpa' rnam par bsgom zhes pa ni/ mdun du smos pa'i tshul gyi dpal rdo rje sems pa nyid khro bo'i gzugs zhe sdang rdo rje yin pa de bsgom par bya bar smos so/ /de ltar rdo rje sems pa rnam par bsgom gyi don du gsungs so/ /da ni zhe sdang rdo rje mthu chen du ming btags pa'i 'khor lo la sogs pa'i phyag mtshan phun sum tshogs pa dang 'khor lo'i gnas nas/ 'khor lor ming btags pa'i rigs lnga'i bye brag gis sangs rgyas kyi sprin spro bar bya ba dang/ gzhan yang stong chen po'i 'jig rten na gnas pa'i lha dang mi la sogs pa sems can thams cad gnyis su med par gcig tu bsdu bar bya ba'i thabs kyis bsrung bar bya bar bsgom pa'i tshig gi don bstan par bya ste/ sangs rgyas 'khor lo stobs chen 'di/ /g.yas kyi phyag tu gzung bar bya/ /dug gsum dam tshig las byung ba/ /sangs rgyas 'khor lo rnam par bsgoms/ /zhes bya ba'i don bstan par bya ste/ ci ltar yin na/ sangs rgyas 'khor lo stobs chen 'di/ g.yas kyi phyag na gzung bar bya ba ni/ /mdun du smos pa'i dpal rdo rje sems dpa' i ngo bo zhe sdang rdo rje phyag g.yas kyi dang po na 'khor lo rtsibs brgyad pa de/ kha dog dkar po chos kyi dbyings kyi ngo bo nyi ma stong dang mnyam par gzi brjid kyis 'bar bas 'bar bar 'jug go /'khor lo de ni sangs rgyas rnam par snang mdzad kyi ye shes kyi ngo bo yin no/ /gzhan yang bdud dang bgegs kyi dpung thams cad 'joms pa dang gcod par byed pa'i mtshon yin no/ /don des sangs rgyas 'khor lo stobs chen du smos so/ /de lta bu'i ngo bo'i 'khor pa

  67. 34a

    lor bzung ngo/ /phyag mtshan ni skabs 'dir bye brag sna tshogs pa'o/ /de ltar sangs rgyas 'khor lo stobs chen 'di/ /g.yas kyi phyag tu gzung gi don tu gsungs so/ /de ni phyag mtshan phun sum tshogs pa'o/ /dus gsum dam tshig las byung ba/ sangs rgyas 'khor lo rnam par bsgom zhes pa ni/ theg pa chen po'i gsang sngags kyi dus gsum gyi don ci ltar le'u brgyad pa la bstan pa de bzhin du 'dir sbyar ro/ /dam tshig ni ma rungs pa'i sems can gsad pa'i las bya ba'i dus su dam tshig gi ngo bo'i thugs rje chen po'i thugs bskyed de/ ci ltar smos pa'i tshul sangs rgyas thams cad kyis sems can byin gyis brlabs nas bsdu ba'i thabs kyis bsrung bar bya bar smos so/ /las byung ba sangs rgyas 'khor lo rnam par bsgom zhes pa ni/ gong du bshad pa'i zhe sdang rdo rje'i phyag g.yas dang po na 'khor lo rtsibs brgyad pa 'dzin pa de'i dbus na rigs lnga'i bye brag gis sangs rgyas sprin bzhin du 'byung ba'o/ /bshad par bya ste/ mi bskyod pa dang/ rnam par snang mdzad dang/ rin chen 'byung ldan dang/ snang ba mdza' yas dang/ don yod grub pa ste/ de ltar rigs lnga'i bye brag gis de ltar sangs rgyas nyid nyid kyi rigs kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de dag gi cha lugs phun sum tshogs pa thams cad mdun du ci ltar smos pa'i de bzhin du 'dir sbyar ro/ /de lta bu'i ngo bo'i sangs rgyas rnams kyi sku phyag rgya sprin bzhin du byung ma thag tu/ phyogs bcu'i 'jig rten gyi khams thams cad du khyab par spro ba rnam par bsgom mo/ /de ltar dam tshig las byung ba sangs rgyas 'khor lo rnam par bsgom gyi don du gsungs so/ /phyogs bcu nas bzung sems can rnams/ /sangs rgyas sku'i bye brag gis/ /bsdus te gong bu'i sbyor ba yis/ /nyid kyi lus la de dag gzung/

  68. 34b

    ces bya ba'i don bshad par bya ste/ ci ltar yin na phyogs bcu nas byung sems can rnams/ /sangs rgyas sku'i bye brag gis ni/ tshul ci ltar smos pa'i sems can phyogs bcu'i 'jig rten gyi khams thams cad na 'byung ba dang gnas na gnas pa ma lus pa de dag thams cad/ rigs lnga'i bye brag gis sangs rgyas kyi sku phyag rgya sprin bzhin du spro ba'i sku la bye brag tu rim par gnyis su med pa'i ngo bo bsdu bar bya bar smos so/ /de nas bsdu bar bya ba'i don gsal bar bstan par bya ste/ dang po rnam par snang mdzad kyi sku phyag rgya sprin bzhin du spro bar byas pas des lha thams cad gnyis su med par bsdu bar bya bar smos so/ /de nas mi bskyod pa'i sku phyag rgya sprin bzhin du spro bar byas pa des lha thams cad dang gnyis su med par bsdu bar bya bar smos so/ /de nas mi bskyod pa'i sku phyag rgya sprin bzhin du spro bar bya ba des lha ma yin dang/ srin po thams cad gnyis su med par bsdu bar bya bar smos so/ /de nas rin chen 'byung ldan gyi sku phyag rgya sprin bzhin du spro bar bya ba des mi thams cad gnyis su med pa bsdu ba bya bar smos so/ /de nas snang ba mdza' yas kyi sku phyag rgya sprin bzhin du spro bar bya ba nges gnod sbyin thams cad gnyis su med par bsdu bar bya bar smos so/ /de nas don yod grub pa'i sku phyag rgya sprin bzhin du spro bar bya ba des ni/ gong du smos pa'i sems can gnyis su med par bsdu bar byas pa rnams ma gtogs pa'i sems can thams cad gnyis su med par bsdu bar bya bar smos so/ /mdor bsdu bar de ltar phyogs bcu nas byung sems can rnams/ /sangs rgyas sku'i bye brag gi don du gsungs so/ /bsdus te gong du sbyor ba yis/ /nyid kyi lus la de dag gzung ces pa ni/ mdun du bshad pa'i rnam par snang mdzad la sogs pa'i rigs lnga'i bye brag gi sangs rgyas kyi sku phyag rgya sprin lta bu smos pa'i tshul du sems can thams cad gnyis su med pa'i ngo bo bsdu bar byas ma thag tu/ sangs rgyas kyi sku phyag rgya sprin

  69. 35a

    bzhin du de dag thams cad bsgrub pa po nyid kyi mdun gyi nam mkha' i dbus su gcig tu ye shes kyi gong bu gzugs su byas pa'i sbyor bas de skad cig tsam bsam mo/ /de ltar bsdus pa'i sbyor ba byas pa'i 'og tu chos kyi dbyings kyi ye shes la sogs pa ye shes lnga gnyis su med pa'i ngo bo kha dog lnga dang ldan pa'i ye shes kyi gong bu sgrub pa pos nyid kyi lus la bcug nas gsang ba'i thugs ka ye shes sems dpa' i gnas su gnyis su med par gnas par bsam mo/ /mdor bsdu ba'i de ltar bsdus te gong bu'i sbyor ba'i nyid kyi lus la de dag gzung kyi don du gsungs so/ /da ni mdun du smos pa'i slob dpon smod par byed pa la sogs pa/ ma rungs pa'i sems can gsad bar bya ba'i thabs bstan par bya ste/ sangs rgyas ye shes 'khor lo can/ slar yang spro bar rab tu bya/ /khros pas 'khrug pa'i khro bo bsgom/ /mi sdug 'jigs pa gtug po gzugs/ zhes bya ba'i don bstan par bya ste/ ci ltar yin na/ sangs rgyas ye shes 'khor lo can/ /slar yang spro ba rab tu byin/ /gong du bshad pa'i rigs lnga'i sangs rgyas kyi sku phyag rgya sprin bzhin du sems can thams cad dang gnyis su med pa'i ngo bo gong bu'i gzugs de sgrub pa po nyid kyi lus la bcug ma thag tu gsang ba'i thugs ka ye shes sems dpa' i gnas na gnas pa'i sa bon gyi ngo bo de nyid las sngar zhe sdang rdo rje'i phyag g.yas dang po na 'khor lo rtsibs brgyad 'dzin pa/ de'i gnas nas spros pa'i don des rigs lnga'i bye brag gi sangs rgyas ye shes 'khor lo can du ming btags pa de slar spro bar bya bar smos so/ /de ltar sangs rgyas ye shes 'khor lo can/ slar yang spro bar rab tu bya ba'i don du gsungs so/ /khros pas 'khrug pa'i khro bo bsgom zhes pa ni rigs lnga'i bye brag gi sangs rgyas kyi sku phyag rgya sprin lta bu de dag nyid nyid kyi shes rab ma ye

  70. 35b

    shes kyi lha mo dang gnyis su med par 'khyud pa'i sbyor ba dang ldan pa'o/ /gzhan yang cha lugs phun sum tshogs pa thams cad dang ldan pa 'khor lo'i gnas nas ci ltar spro bar bya ba'i dus su ci ltar spro bar bya ba'i dus ci ltar smos pa de bzhin du 'dir khros te ye shes kyi me 'bar bar 'bar ba/ ba spu'i bu ga'i lam gyi sgo nas bsgrub pa nyid kyi mdun gyi gzugs nam mkha' i dbus su/ mdun du smos pa'i ma rungs pa'i sems can slob dpon smod pa la sogs pa thams cad kyi steng du spro bar bya bar bstan to/ /gzhan yang khyad par du spro ba'i sgom par bya bar bstan par bya ste/ sangs rgyas kyi sku phyag rgya sprin bzhin du spro ba de'i gnas nas/ khro bo'i rgyal po ya man ta ka la sogs pa khro bo'i rgyal po bcu'i sku phyag rgya sprin bzhin du spro bar bya'o/ /de'i shin tu 'khrug par bsgom mo/ /de ltar khros pas 'khrug pa'i khro bo rnams kyi don du gsungs so// //mi sdug pa 'jigs pa gtum po'i gzugs zhes pa ni/ khro bo'i sprin phung lta bu de dag so so'i cha lugs phun sum tshogs pa thams cad dang ldan pa'i gzugs kyi ngo bo'i don nges mi sdug par smos so// //nyid nyid kyi ye shes kyi me 'bar ba'i 'od kyis rab tu 'bar ba'i don gyis gtum par smos so/ /'jigs pa'i gzugs ni mdun du smos pa'i mi sdug pa gtum pa'i sku'i gzugs des ma rungs pa'i sems can thams cad shin tu 'jigs par byed par bsgom par bya'o/ /de ltar mi sdug 'jigs pa gtum pa'i gzugs kyi don du gsungs so/ /da ni khro bo'i rgyal po rnams kyi sku phyag rgya sprin lta bu de dag gi mtshon phun sum tshogs pa dang/ mtshon de las ci byed pa bstan par bya ste/ /mtshon cha sna tshogs mchog 'dzin pa/ /gsod pa'i don rnams 'ba' zhig sems/ /gdug pa rnams ni gsod pa dang/ /rdo rje sems dpa' de gsod par bsgom/ zhes bya ba'i don bshad par bya ste/ ci ltar

  71. 36a

    yin na mtshon cha sna tshogs mchog 'dzin pa ni/ /ya man ta ka la sogs pa khro bo'i rgyal po bcu'i phyag rgya sprin bzhin du spro bar bya ste de dag thams cad kyis rdo rje dang/ 'khor lo dang/ ral gri dang/ dbyug pa dang/ rdo rje gtun shing la sogs pa mtshon cha'i bye brag gzi brjid kyis 'bar ba 'dzin pa yin no/ /de ltar mtshon cha sna tshogs mchog 'dzin pa'i don du gsungs so/ /gsad pa'i don rnams 'ba' zhig sems zhes pa ni/ tshul ji ltar smos pa'i khro bo'i rgyal po de rnams kyis slob dpon smod pa la sogs pa sems can ma rungs pa/ gsad pa'i phyir/ zhe sdang gi sems rtse gcig par bya ba yin no/ /de ltar gsad pa'i don rnams 'ba' zhig sems kyi don du gsungs so/ /gdug pa rnams ni gsod pa dang zhes pa ni/ khro bo'i rgyal po de rnams kyis mtshon cha bye brag sna tshogs 'dzin pa nges/ ma rungs pa'i sems can gyi steng du char bzhin du phab nas gsad pa'o/ /de'i dus su rnam par shes pa'i sems srog gi dbang po'i ngo bo srin bu me khyer lta bu de ni/ khro bo'i rgyal po rnams kyi sku phyag rgya sprin la gnyis su med par bsdu bar bsam mo/ /de ltar thabs thugs rje chen pos slob dpon smod par byed pa la sogs pa ma rungs pa'i sems can thams cad sku gsung thugs rdo rje ye shes dang gnyis su med pa'i ngo bo/ /rnam par snang mdzad la sogs pa'i rigs lnga'i bye brag gi de bzhin gshegs pa dang/ gnyis su med par 'khyud par bsam mo/ /tshul de ltar gsad pa'i las kyi sgrub pa sgom pa'i 'og tu/ mdun du smos pa'i sangs rgyas kyi sku phyag rgya sprin lta bu dang/ de bzhin du de gnas nas khro bo'i rgyal po sprin bzhin du spro ba de dag bsdu bar bya ba'i cho ga bstan par bya ste/ dang po sangs rgyas kyi sku phyag rgya sprin lta bu'i gnas nas khro bo'i rgyal po ci ltar spro ba de bzhin bsdu bar bsam mo/

  72. 36b

    de ma thag tu sangs rgyas kyi sku phyag rgya sprin lta bu de spro ba'i lam nas spros pa'i gnas su gnyis su med par bsdu bas bsam mo/ /mdor bsdus pa de ltar gdug pa rnams ni gsod pa dang gi don du gsungs so/ /rdo rje sems dpa' ang gsod par bsgom zhes pa ni/ mdun du smos pa'i cho ga'i tshul gyis gsod par bya ba'i las kyis ni/ de bzhin gshegs pa thams cad dang gnyis su med pa'i ngo bor smos pa'i dpal rdo rje sems dpa' i de nyid kyang 'chi na/ sems can phra mo gzhan 'chi ba lta ngo mtshar mi che'o/ /de ltar sgrub pa pos gsad pa'i las bya ba'i sems bstan par bya ba dang/ dad pa skyed pa'i phyir thabs kyis la dor ba'i tshig tu smos/ /de ltar rdo rje sems dpa' ang gsod par sgom gyi don du gsungs so/ /sangs rgyas sku gsum mchog sbyin pa/ /rdo rje gsum gyi dkyil 'khor gnas/ /rmongs pas bsgrub par mi ster na/ /'chi bar gyur par gdon mi za/ /zhes bya ba'i don bshad par bya ste/ ci ltar yin na sangs rgyas sku gsum sbyin pa ni/ sangs rgyas ni dpal rdo rje sems dpa' nyid la sogs pa rigs lnga'i bye brag grangs med par smos pa de ni mdun du smos pa'i tshul gyi sku dang/ longs spyod rdzogs pa'i sku dang/ sprul pa'i sku dang/ de ltar sku gsum gnyis su med pa'i ngo bo yin/ /bshad par bya ste/ de lta bu'i ngo bo'i sangs rgyas de dag gis mchog sbyin par ming btags pa/ me long lta bu'i ye shes kyi ngo bos ma rungs pa'i sems can gsod pa'i dngos grub kyi 'bras bu bsgrub pa po la stsol bar mdzad pas don des mchog sbyin par smos so/ /de ltar sangs rgyas sku gsum mchog sbyin pa'i don du gsungs so/ /rdo rje gsum gyi dkyil 'khor gnas zhes pa ni/ mdun du smos pa'i sangs rgyas de dag ni don dam par/ sku rdo rje dang/ gsung rdo rje dang/ thugs rdo rje dang/ /gsum yin no/ /de ltar rdo rje gsum dang gnyis su

  73. 37a

    med pa'i ngo bo chos kyi sku don dam pa dngos po med pa de ni dkyil 'khor du smos so/ /gnas zhes pa ni ci ltar smos pa'i tshul gyi rdo rje gsum dang gnyis su med pa'i dkyil 'khor de ni sangs rgyas thams cad kyi ye shes kyi dngos grub kyi 'bras bu gnas kyi ngo bo yin no/ /de ltar rdo rje gsum gyi dkyil 'khor gnas kyi don du gsungs so/ /rmongs pas sgrub pa mi ster na/ 'chi bar gyur pa gdon mi za zhes pa ni ci ltar smos pa'i tshul gyis sangs rgyas sku gsum rdo rje gsum gnyis su med pa'i don dam pa'i dkyil 'khor gnas pa des/ sgrub pa po la gsad pa'i las kyi dngos grub pa'i 'bras bu'i mchog sbyin par dam bcas pa'o/ /bshad par bya ste/ sgrub pa pos mdun du smos pa'i tshul gyi ma rungs pa'i sems can gsang pa'i las kyi sgrub pa byas pas/ gal te ma grub na/ sangs rgyas don dam pa bde ba chen po la zhugs pa'i ngo bor gnas pa'i stong pa'i bdag nyid de/ brda skad mos par btags te/ rmongs pa'i sangs rgyas de/ dngos grub sbyin par dam bcas pa nyams pa'i skyon gyis/ ci ltar rmongs pa'i tshul de la dor ba'i tshig go /mdor bsdus pa de ltar rmongs pas sgrub pa mi ster na/ 'chi bar grub pa gdon mi za pa'i don du gsungs so/ /da ni mdun du smos pa'i drag po'i las byas pas/ dngos grub kyi 'bras bu thob par bya ba'i don du bstan par bya ste/ nyi ma bdun du 'di byas na/ sangs rgyas dngos grub ster bar 'gyur/ rdo rje dam tshig bka' i 'khor lo zhes bya ba'i ting nge 'dzin to/ /zhes bya ba ni/ nyi ma bdun du byas na/ sangs rgyas dngos grub ster bar 'gyur ni/ mdun du smos pa'i tshul gyi drag po'i las ni sgrub pa po sgom pa'i cho ga bya ba dang/ gzhan yang tshul ci ltar smos pa'i bsnyen pa'i bzlas pa 'bum phrag gsum gyi grangs kyi tshad byas pa'i sngags bstan par bya ste/

  74. 37b

    hUM phaT sarba d+hushTa be raM ma ra naM ku ru/ tshul de ltar bsgom pa dang/ sngags bzlas pa'i bsnyen pa bya'o/ /de'i 'og tu nyi ma bdun du ci ltar smos pa'i tshul gyi bsgom pa dang/ bzlas pa bya ba ni/ nyi ma bdun rdzogs pa'i dus su gong du bshad pa'i sku gsum dang/ rdo rje gsum gnyis su med pa'i ngo bo'i rigs lnga'i bye brag gi sangs rgyas grangs med par smos pa de dag gi thugs rje chen po'i thugs bskyed nas/ dam tshig gi ngo bo dam bcas pa rjes su dgongs te/ sgrub pa po la ma rungs pa dang/ dgra rnams dang gsad pa'i las kyi 'bras bu stsol bar smos so/ /mdor bsdus pa de ltar nyi ma bdun du 'di byas na/ sangs rgyas dngos grub ster ba'i don du gsungs so/ /rdo rje zhes pa ni mdun du smos pa'i tshul du bsgom pa dang/ bzlas pa'i bsnyen pa byas nas ma rungs pa dang dgra rnams gsad pa'i las kyi dngos grub kyi 'bras bu gal te ma grub na/ gzhan yang khyad par gyi tshul gyi sgom pa dang/ sngags kyi bzlas pa bya zhing bsnyen pa bya zhing gsang pa'i dngos grub kyi 'bras bu 'grub par bya ba yin te/ rdo rje ni mdun du smos pa'i rdo rje sems pa nyid kyi zhe sdang gi ngo bo khro bo'i zhal bzhi'i tshul dang gnyis su med pa'i nga rgyal du bsgom pas rnam par snang mdzad kyi sku phyag rgya bskyed par bya'o/ /de ltar rdo rje'i don du gsungs so/ /dam tshig gi thugs rje chen po zhe sdang gi khro bo rnam par snang mdzad la sogs pa rigs lnga'i bye brag gi sangs rgyas grangs med pa'i de dag gis/ ma rungs pa dang dgra rnams gsad par bya ba'i dngos grub kyi 'bras bu bsgrub pa po la sogs pa'i mdzad par bya ba'i dam tshig gi ngo bo yin no/ /de ltar dam tshig gi don du gsungs so/ /bka' i 'khor lo zhes pa ni/ dpal rdo rje sems dpa' la sogs pa ci ltar smos pa'i tshul gyi sangs rgyas rnams thugs rje chen po'i zhe sdang gis khro bor spro bar bya ba dang/ khro bo'i rgyal po ya man ta ka la

  75. 38a

    sogs pa khro bo'i rgyal po chen po bcu'i sku phyag rgya sprin bzhin du spro bar byas pas/ sems can ma rungs pa dgra rnams gsad par bya'o/ /don des bka' i 'khor lor gsungs so/ /ting nge 'dzin ni 'og nas 'byung ba'i tshul gyi bsgom pa dang sgro bas sems can thams cad bsrung ba dang/ ma rungs pa'i sems can dgra rnams gsang par bya ba'i cho ga rim pa'i don ting nge 'dzin du smos so/ /de ltar ting nge 'dzin gyi don du gsungs so/ /nam mkha' i dbyings kyi dbus ni/ 'khor lo rdo rje 'bar bas brgyan/ /rnam pa'i mchog rnams kun ldan pa/ /rnam par snang mdzad rab tu bsgom/ /zhes bya ba'i don bshad par bya ste/ ci ltar yin na/ nam mkha' i dbyings kyi dbus bye brag rnam pa gsum du bstan par bya'o/ /phyi dang nang dang gsang ba'o/ / de la phyi ni ci ltar smos pa bzhin du 'dir sbyar ro/ /nang gi nam mkha' ni sgrub pa nyid dpal rdo rje sems dpa' dang gnyis su med pa'i nga rgyal du bsgom pa'i thugs ka'i stong pa nam mkha' i ngo bor smos so/ /gsang ba'i nam mkha' ni thugs kyi rigs kyi bye brag gi khrus mkhan gyi bu mo la sogs pa rigs ngan gyi bu mo gang yang rung ba blang ngo/ /de mdun du smos pa'i tshul gyi yon tan phun sum tshogs pa thams cad dang ldan pa'o/ /shes rab ma de ye shes kyi lha mo ma ma kyi dang gnyis su med pa'i ngo bor byin gyis brlab bar bya'o/ /de'i 'og tu de dang gnyis su med par 'khyud ba'i sbyor ba bya ste/ de'i b+ha ga'i nang stong pa tshad med pa nam mkha' bzhin du bsam mo/ /mdor bsdu ba de ltar nam mkha' i dbyings kyi dbus su'i don du gsungs so/ /'khor lo rdo rje 'bar bas brgyan zhes pa ni sngar bshad pa'i shes rab ma dang ldan par 'dod chags chen po sems zhe sdang gi ngo bo thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas byang chub sems char gyi rgyun bzhin 'od du zhu nas rgya mtsho dang mnyam par

  76. 38b

    gyur ro/ /de'i steng du sngags sa bon yig 'bru oM bsam mo/ /de kha dog dkar po chos kyi dbyings kyi ye shes la sogs pa ye shes lnga dang gnyis su med pa'i ngo bo'o/ /de gzi brjid 'bar zhing 'od du zhu nas byang chub sems kyi rgya mtsho la gnyis su med par thim par gyur to/ /sa bon de las 'khor lo rtsibs brgyad pa chos kyi dbyings kyi ye shes la sogs pa ye shes lnga dang gnyis su med pa/ gzi brjid kyis rdo rje'i tshul du 'bar bas brgyan par gyur par smos so/ /de nas 'khor lo rdo rje 'bar bas brgyan kyi don du gsungs so/ /rnam pa'i mchog rnams kun dang ldan/ /rnam par snang mdzad rab tu bsgom zhes pa ni/ sa bon gyi ngo bo 'khor lo rtsibs brgyad pa de las rnam par snang mdzad nyid khro bo'i sku phyag rgya'i gzugs su bskyed par bya'o/ /de shes rab ma ye shes kyi lha mo sangs rgyas spyan khro mo'i gzugs dang gnyis su med par 'khyud pa'i sbyor ba dang ldan pa'o/ /sku mdog dkar po chos kyi dbyings kyi ye shes la sogs pa ye shes lnga dang gnyis su med pa'i ngo bo zhal gsum pa/ zhal dbus ma sku dang mthun/ g.yas nag po/ g.yon dmar po/ ral pa gyen du brdzes pa rab tu 'bar ba/ khro bo chen pos gzhad pa/ rgyan thams cad kyis brgyan pa/ sku la kun nas skal pa'i me bzhin du rab tu 'bar ba/ tsog pur dpa' bo'i tshul du bzhugs pa/ phyag drug phyag mtshan drug pa'o/ /rnam pa'i mchog rnams kun dang ldan zhes pa sngar smos pa'i rnam pa'i mchog rnams kun dang ldan shes pa/ sngar smos pa'i sku mdog dang/ zhal dang phyag dang/ phyag mtshan dang/ rgyan rnams la sogs pa cha lugs phun sum tshogs pa thams cad rdzogs par gyur to/ /de ltar rnam par snang mdzad kyi sku phyag rgya bskyed ma thag tu/ skyed par mdzad mkhan dpal rdo rje sems dpa' zhe sdang gi ngo bo'i sku phyag rgya/ rnam par snang mdzad kyi sku phyag rgya spyi bor dbang bskur ba'i tshul du gnas par

  77. 39a

    bsam mo/ /don des rnam pa'i mchog dang ldan par smos so/ /de ltar khro bo rnam par snang mdzad nyid kyi sku phyag rgya bskyed ma thag tu/ de dang gnyis su med pa'i nga rgyal du bsgom par bya'o/ /de ltar rnam pa'i mchog rnams kun ldan? pa/ rnam par snang mdzad rab tu bsgom gyi don du gsungs so/ /rnams kun/ da ni rnam par snang mdzad kyi khro bo'i rdo rje rtse dgu pa las me stag stag po 'phro ba la sogs pa phyag mtshan phun sum tshogs pa dang/ mtshon cha rdo rje de'i gnas nas grags chen du ming btags pa rigs lnga'i bye brag gis sangs rgyas sprin bzhin du spro bar bya ba dang/ gzhan yang stong chen po'i 'jig rten gyi khams na gnas pa'i lha dang mi la sogs pa sems can thams cad gnyis su med par bsdu ba'i thabs kyis bsrung bar bya ba'i cho ga'i don bstan par bya ste/ rdo rje me stag 'od 'phro can/ de'i phyag na gnas par sgom/ /dus gsum dam tshig las byung ba/ /rdo rje sems dpa' grags chen sogs/ /zhes bya ba'i don bshad par bya ste/ ci ltar yin na/ rdo rje me stag 'od 'phro can/ /de'i phyag na gnas par bsgom ni/ mdun du smos pa'i khro bo'i ngo bo rnam par snang mdzad de'i phyag g.yas dang po mkhro bo'i? rtsa dgu pa de kha dog nag po/ me long lta bu'i ye shes kyi ngo bo me stag sdug po 'phro ba rab tu 'bar bar brtag go /rdo rje de ni zhe sdang rdo rje'i mchog yin no/ /gzhan yang bdud dang bgegs kyi dpung thams cad kyi stobs med par byed pa'o/ /de lta bu'i ngo bo'i rdo rje 'dzin no/ /phyag mtshan gzhan ni skabs 'dir bye brag sna tshogs su smos so/ /de ltar rdo rje me stag 'od 'phro can de'i phyag na bsgom pa'i don du gsungs so/ /de ltar mtshon phun sum tshogs pa'o/ /dus gsum dam tshig las byung ba/ rdo rje sems pa grags chen sogs zhes pa ni/ theg pa chen po gsang sngags kyi tshul gyi dus gsum gyi don ci ltar smos pa de bzhin du 'dir sbyar ro/ /dam tshig ni ma rungs pa'i sems can

  78. 39b

    bsad par bya ba'i las bya ba'i don du gsungs/ dam tshig gi ngo bo thugs rje chen po'i thugs bskyed de/ ci ltar smos pa'i tshul gyi sangs rgyas thams cad kyi sems can thams cad byin gyis brlabs pa bsdu ba'i thabs kyis bsrung bar bya bar smos so/ /rdo rje sems dpa' grags chen sogs ni/ sngar bshad pa'i rnam par snang mdzad khro bo'i ngo bo de'i phyag g.yas kyi dang po na khro bo rdo rje rtse dgu pa smos pa de'i dbus nas rigs lnga'i bye brag gi sangs rgyas sprin bzhin du spro ba yin no/ /bshad par bya ste/ rdo rje sems dpa' ni gsang sngags kyi rgyud smos pa/ thams cad kyi ston pa gzhan yang rnam par snang mdzad la sogs pa sangs rgyas thams cad kyi yab ste/ skyed bar mdzad pa/ bdag po ste don des 'jig rten gyi khams thams cad na gnas pa'i lha dang mi la sogs pa sems can thams cad na gnas pa'i lha dang mi la sogs pa sems can thams cad kyis bstod pa'i sgo nas grags pa yin no/ /de lta bu'i rdo rje sems dpa' grags chen la sogs pa rigs lnga'i bye brag gis sangs rgyas nyid nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /cha lugs phun sum tshogs pa thams cad ni mdun du ji ltar smos pa bzhin du 'dir sbyar ro/ /de lta bu'i ngo bo sangs rgyas kyi sku phyag rgya sprin bzhin du bskyed ma thag tu/ phyogs bcu'i 'jig rten gyi khams thams cad spro par bsgom par bya'o/ /de ltar dus gsum dam tshig las byung ba/ rdo rje sems dpa' grags chen la sogs kyi don du gsungs so/ /phyogs bcu nas byung sems can rnams/ /rdo rje'i sku'i bye brag gis/ /'od zer sbyor bas bsdus nas ni/ /de dag bdag gis lus la gzung/ /ces bya ba'i don bshad par bya ste/ ci ltar yin na phyogs bcu nas byung sems can rnams/ rdo rje sku'i bye brag gis ni ci ltar smos pa'i tshul gyis sems can/ phyogs bcu'i 'jig rten khams thams cad nas 'byung ba dang/ gnas pa

  79. 40a

    ma lus pa de dag thams cad rigs lnga'i bye brag gi sangs rgyas rnams kyi sku'i phyag rgya rdo rjer ming btags pa nyid nyid kyi ye shes dang gnyis su med pa'i ngo bo sprin bzhin du spro bar byas pa'i sku la rim par gnyis su med pa'i ngo bor bsdu bar? bya bar smos so/ /de nas bsdu bar bya ba'i rim pa ni zhe sdang rdo rje bsgom par bya'i dus su ci ltar byas de bzhin du 'dir sbyar ro/ /de ltar phyogs bcu nas byung sems can rnams/ /sangs rgyas sku'i bye brag gi don du gsungs so/ /'od zer sbyor bas bsdus nas su de dag bdag gi lus la gzung ces pa ni/ mdun du bshad pa'i rdo rje sems pa la sogs pa rigs lnga'i bye brag gi sangs rgyas kyi sku phyag rgya sprin lta bus/ sems can thams cad gnyis su med pa'i ngo bor bsdus ma thag tu/ sangs rgyas kyi sku phyag rgya sprin bzhin du de lta bu'i de sgrub pa po nyid kyi mdun gyi nam mkha' i dbyings kyi dbus su gcig tu ye shes kyi 'od zer gyi sprin gyi ngo bor bsdu bar bya ba'i sbyor bas skad cig tsam du bsam mo/ /de ltar bsdus pa'i sbyor ba sgom par bya ba'i 'og tu me long lta bu'i ye shes la sogs pa'i ye shes lnga dang gnyis su med pa'i ngo bo kha dog lnga dang ldan pa'i ye shes kyi 'od zer gyi sprin de sgrub pa po nyid kyi lus la bcug nas gsang ba'i thugs ka ye shes sems dpa' i gnas su gnyis su med pa'i ngo bor gnas par bsam mo/ /mdor bsdus pa de ltar 'od zer sbyor bas bsdus nas su/ de dag bdag gi lus la gzung kyi don du gsungs so/ /da ni mdun du smos pa'i slob dpon smod par byed pa la sogs sems can ma rungs pa thams cad gsang bar bya ba'i thabs/ phyi nang gi rdzas kyi sbyor bas gzugs brnyan bya ba bstan par bya ste/ spro ba rdo rje thams cad kyi/ /nye ba'i ye shes mchog gis bya/ zhes bya ba ni/ spro ba rdo rje can thams cad kyi ni/ dang po mdun du smos pa'i drag po las bya ba'i phyir phyi'i gnas dur khrod smod pa de'i dbus su chu 'gram gnyis kyi sa dang/ dur

  80. 40b

    khrod kyi thal ba dang/ dug dang/ lan tsha dang/ ske tshe dang/ de ltar phyi'i rdzas smos pa dang/ nang gi bshad ba dang/ rdo rje chu dang gcig tu bsre bar bya'o/ /rdzas de la ma rungs pa dang/ dgra'i gzugs brnyan bya'o/ /de'i 'og tu ci ltar smos pa'i sgom pa mi yo bas mdun du bshad pa'i rigs lnga'i bye brag gi sangs rgyas kyi sku phyag rgya sprin bzhin sems can thams cad dang gnyis su med pa'i ngo bo ye shes kyi 'od zer gyi sprin bsgrub pa pos/ nyid kyi lus la gnyis su med par bcug pa de ma thag tu gsang ba'i thugs ka ye shes sems dpa' i gnas na gnas pa/ sa bon gyi ngo bo de nyid las khro bo'i rgyal po ya man ta ka la sogs pa khro bo'i rgyal po bcu'i sku phyag rgya sprin bzhin du spro bar bya bar smos so/ /de nyid nyid kyi shes rab ma khro mo'i rgyal mo gnyis su med pa'i 'khyud pa'i sbyor ba dang ldan pa'o/ /gzhan yang nyid kyis ye shes kyi ngo bo sku mdog dang/ zhal dang rgyan rnams khro bo'i tshul ci ltar smos pa de bzhin du 'dir sbyar ro/ /gzhan yang phyag dang phyag mtshan bstan par bya ste/ khro bo'i rgyal po thams cad phyag drug pa ste/ phyag g.yas kyi dang po na rdo rje lcags kyu gzi brjid chen pos 'bar bas 'bar ba 'dzin/ g.yon dang po na rdo rje zhags pa 'dzin phyag mtshan gzhan ni bye brag sna tshogs par smos so/ /de ltar bu'i ngo bo'i khro bo'i rgyal po rnams kyi sku phyag rgya sprin bzhin du bskyed ma thag tu/ ba spu'i bu ga'i lam gyi sgo nas 'jig rten gyi khams thams cad du khyab par spro bar bya'o/ /de'i 'og tu mdun du smos pa'i slob dpon smod pa la sogs pa'i sems can ma rungs pa thams cad rdo rje lhags kyus spyi bo nas bzung/ rdo rje zhags pas mgul pa nas bcings te/ tshul de ltar khro bo chen po'i brtson 'grus kyis bzhug ma thag tu/ mdun du smos pa'i rdzas kyi sbyor ba las gzugs brnyan du byas pa de'i nang du/ tshul ci

  81. 41a

    ltar smos pa'i sems can ma rungs pa bkug pa de dag thams cad thim par gyur par bsam mo/ /de nas nye ba'i ye shes mchog gis bya ba ni/ nye bar ming btags pa'i sems can gyi pha ste/ phyi dang nang gi tshul lo/ /bshad par bya ste/ phyi ni ci ltar bas bu bskyed pa bzhin du sgrub pa po rnam par snang mdzad dang gnyis su med pa'i nga rgyal du bsgoms pas/ tshul ji ltar smos pa'i sems can ma rungs pa bsad ma thag tu/ rnam par shes pa'i sems srog gi dbang po'i ngo bo byin gyis brlab pa'i thabs kyi sa bon las/ rnam par snang mdzad nyid la sogs pa rigs lnga'i bye brag gi sangs rgyas smos pa rnams kyi ye shes dang gnyis su med pa'i ngo bo sgoms pa'i cho ga ni tshul gyis bskyed par bya'o/ /don des nye ba'i ye shes mchog tu smos so mdor bsdus pa de ltar spro bar rdo rje thams cad kyi/ nye ba'i ye shes mchog gi bya ba'i don du gsungs so/ /da ni dpal rdo rje 'dzin pa'i nga rgyal du byas pas khro bo chen pos la dor ba'i tshig bka' i 'khor lo sbyor bas ma rungs pa gsad par bya ba'i cho ga bstan par bya ste/ sku gsung thugs kyi sbyor ba can/ /sangs rgyas thams cad bdag la gson/ /bdag ni dpal ldan rdo rje 'dzin/ /bka' i 'khar lo rab sbyor ba/ /zhes bya ba'i don bshad par bya ste/ ci ltar yin na/ sku gsung thugs kyi sbyor ba can/ sangs rgyas thams cad bdag la gson ni/ sgrub pa pos dang po nyid kyi lus kyi gnas bcud khro bo'i rgyan gyi cha lugs su bya'o/ /de nas gnas bcu dang rgyan bcu gsal bar bstan par bya ste/ sgra gyen du rdzes pa sprul nag po'i shun pas bcing ngo/ /rna ba gnyis la rigs dan g.yul du mtshon phog nas shi ba'i ban da blangs la brtsegs te mdun du gnyis bzlums la rgyan bya'o/ /mgul par sprul ser po'i shun pas brgyan la'o/ /sprul khra bo'i shun pas khar brgyan no/ /sprul

  82. 41b

    dmar po'i shun pas lag pa gnyis brgyan no/ /sems can thams cad kyi rus pa'i dum bu'i phreng bas rked pa'i rgyan bya'o/ /mi'i rus pa'i dum bus phreng bas rkang pa gnyis kyi rgyan bya'o/ /tshul nges gnas bcu'i rgyan bcu smos so/ /khro bo'i rgyan gyi cha lugs byas pa'i 'og tu/ lag pa g.yas pa khro bo'i rdo rje rtse dgu gsor ba'i stabs kyis/ ma rungs pa'i sems can gyi gzugs brnyan mgo rkang pa g.yas brkyang bas mnan/ brla mgo gnyis g.yon bskum pas gnan no/ /de ltar khro bo'i stang stabs byas nas/ phyogs bcu'i 'jig rten gyi khams thams cad kyi zhing khams na gnas pa'i sangs rgyas grangs med pa'i so so'i sku'i rigs lnga'i bye brag gis sangs rgyas smos pa dang gnyis su med pa'i bdag nyid yin no/ /gzhan yang ci ltar smos pa'i tshul gyi sangs rgyas thams cad ni sku dang gsung dang thugs gsum don dam par gnyis su med pa'i ngo bo ma skyes pa stong pa nam mkha' lta bu/ de bzhin gshegs pa thams cad kyi ye shes kyi dngos grub kyi 'bras bu/ gnyis su med pa'i bdag nyid chos kyi sku yin te/ de la rnal 'byor du gnas pa'o/ /don des sku gsung thugs kyi sbyor ba can sangs rgyas thams cad thugs rtse gcig pas bdag la gson cig ces khro bo chen pos tshig brjod pa'o/ /mdor bsdus pa de ltar sku gsung thugs kyi sbyor ba can/ sangs rgyas thams cad bdag la gson gyi don du gsungs so/ /bdag ni dpal ldan rdo rje 'dzin/ /bka' i 'khor lo rab sbyor ba zhes pa ni/ dpal rdo rje 'dzin ni ston pa rdo rje mi bskyod pa yin no/ /gzhan yang dpal rdo rje 'dzin gyi don sngar ci ltar bshad pa de bzhin du 'dir sbyar ro/ /bdag ni sgrub pa po dpal rdo rje 'dzin dang gnyis su med pa'i ngo bo nga rgyal du bsgom pa'o/ /don des bsgrub pa po rdo rje 'dzin gyi nga rgyal 'chang bas khro bo chen po'i tshig brjod par bstan to/ /bka' i 'khor lo rab sbyor ba ni/ dpal rdo rje 'dzin

  83. 42a

    de ni don dam par rnam par snang mdzad khro bo'i gzugs phyag na rdo rje 'dzin pa de dang/ gnyis su med pa'i ngo bo yin pa de dang gnyis su med pa'i nga rgyal du bsgoms pas bka' i 'khor lo rab tu sbyor bar bya'o/ /bstan par bya ste/ dpal ldan rdo rje 'dzin dang gnyis su med pa'i khro bo'i gzugs rnam par snang mdzad phyag na rdo rje 'dzin pa de'i bka' tshig yin no/ /'khor lo ni mdun du smos pa'i ma rungs pa'i sems can 'gugs par mdzad mkhan ya man ta ka la sogs pa khro bo'i rgyal po bcu'i phyag rgya sprin lta bu de ni 'khor lor ming smos so/ /ma rungs pa'i sems can gsad pa'i phyir sgrub pa pos khro bo'i rgyal po rnams la bka' i sbyor ba bya'o/ /mdor bsdu ba de ltar bdag ni dpal ldan rdo rje 'dzin/ bka' i 'khor lo rab sbyor ba'i don du gsungs so/ /rdo rje rab tu 'bar ba yis sku gsum las byung 'gas par bgyi/ gal te dam tshig las 'das na/ zhig par 'gyur bar gdon mi 'tshal/ zhes bya ba'i don bshad par bya ste/ ci ltar yin na/ rdo rje rab tu 'bar ba yis/ sku gsum las 'byung 'gas par bgyi ni/ sgrub pa po nyid kyi lag pa g.yas pa na ci ltar smos pa'i tshul gyi rdo rje gsor pa'i stabs kyis 'dzin pa'i rdo rje de ni/ rnam par snang mdzad kyi khro bo'i rdo rje rtse dgu pa me stag sdug po 'phro bas 'bar ba'i ngo bo phyag g.yas dang po na 'dzin par smos pa de dang gnyis su med par brtag go /sku gsum las byung 'gas par bgyi ni/ ci ltar smos pa'i tshul gyi dpal rdo rje sems dpa' nyid la sogs pa'i rigs lnga'i bye brag gi sangs rgyas grangs med par smos pa rnams kyi steng du phab nas brdeg par bya'o/ /de ltar sku gsum las byung 'gas par bgyi'i don du gsungs so/ /gal te dam tshig las 'das na/ zhig par gyur pa gdon mi za zhes pa ni/ mdun du smos pa'i sangs rgyas thams cad kyi dam tshig la sgrub pa po ma rungs pa'i sems can gsad par bya ba'i dngos grub kyi 'bras bu stsal bar

  84. 42b

    dam bcas pa ste nyams pa'i skyon gyis zhig par gyur pa the tshom med do/ /ci ltar smos pa de ni la dor ba'i tshig tu smos pa'o/ /tshul de ltar sgrub pa pos khro bo'i chen pos tshig brjod ma thag tu/ ma rungs pa'i sems can gyi gzugs brnyan brnan pa de bzhag la/ de'i drung du rdo rje gsor zhing dgug go /de'i dus su mdun du smos pa'i ma rungs pa sems can 'gugs par mdzad mkhan khro bo'i rgyal po rnams kyi sku phyag rgya sprin phung lta bu steng gi nam mkha' i dbus na gnas pa de dag thams cad kyi phyag g.yas kyi dang po na 'dzin pa'i rdo rje lcags kyu de/ bdag po rnam par snang mdzad kyi khro bo'i rdo rje rtse dgu smos pa de'i ngo bor gyur par brtag go /khro bo'i rgyal po sprin lta bu thams cad kyis rdo rje de/ ma rungs pa'i sems can gyi gzugs brnyan gyi steng du char bzhin du phab par bsam mo/ /de'i dus su ma rungs pa'i sems can 'chi bar 'gyur ro/ /de ma thag tu ma rungs pa'i sems can gyi rnam par shes pa'i sems srog gi dbang po'i ngo bo srin bu me khyer gyi gzugs lta bu de/ sgrub pa po nyid kyi lus la gnyis su med par bsdu bar bsam mo/ / yang na khro bo'i rgyal po rnams kyi sku phyag rgya sprin phung lta bu la bsdu bar bsam yang mi 'gal lo/ /de ltar thabs thugs rje chen pos mdun du smos pa'i slob dpon smod pa la sogs pa ma rungs pa'i sems can thams cad sku dang gsung thugs rdo rje'i ye shes dang gnyis su med pa'i ngo bo rnam par snang mdzad la sogs pa rigs lnga'i bye brag de bzhin gshegs pa dang gnyis su med pa'i ngo bor gyur par bsam mo/ /bsgom pa tshul de ltar byas pa'i 'og tu khro bo'i rgyal po rnams kyi sku phyag rgya sprin lta bu ma rungs pa'i sems can gyi steng gi nam mkha' i gnas su gnas pa de/ spro ba'i lam nas spros pa'i gnas su gnyis su med pa'i ngo bor bsdu bar smos so/ /mdor bsdu ba de ltar gal te dam tshig las 'das na/ zhig par 'gyur bar gdon mi 'tshal gyi don du gsungs so/ /'khor

  85. 43a

    lo'i dam tshig gi bka' i rdo rje zhes bya ba'i ting nge 'dzin to/ /zhes bya ba ni/ 'khor lo ni mdun du smos pa'i khro bo'i rgyal po ya man ta ka la sogs pa khro bo'i rgyal po bcu'i sku phyag rgya sprin bzhin du spros pa de dag gis tshul ci ltar smos pas ma rungs pa'i sems can bkug nas de'i 'og tu/ sngar bshad pa'i bka' thos nas rdo rje char phab nas ma rungs pa'i sems can gsad pa de'i 'khor lo'i don du bstan to/ /dam tshig gi bka' ni sngar bshad pa'i tshul gyi thugs rje chen po zhe sdang gi ngo bos ma rungs pa'i sems can gsad pa'i dngos grub kyi 'bras bu rtsol ba'o/ /bstan par bya ste/ mdun du smos pa'i tshul gyi khro bo'i rgyal po rnams kyi sku phyag rgya sprin phung lta bus/ ma rungs pa'i sems can dgug cing gsad par bya ba'i las de/ bdag po rnam par snang mdzad phyag na rdo rje 'dzin pa de'i bka' o/ /don des dam tshig gi bka' gsungs so/ /de ltar dam tshig ni bka' i don du gsungs so/ /rdo rje ni bka' i 'khor lo'i bdag po chos kyi dbyings kyi ye shes la sogs pa ye shes lnga'i ngo bo khro bo'i gzugs sku rdo rje rnam par snang mdzad do/ /de ltar rdo rje'i don du gsungs so/ /ting nge 'dzin ni/ sngar bshad pa'i bka' i 'khor lo ni tshul mgo mjug gi ma rungs pa'i sems can gsad pa'i bsgom pa bya'o/ /de ltar ting nge 'dzin gyi don du gsungs so/ /gzhan yang sku'i rigs kyi bye brag gi khro bo'i rgyal po ya man ta ka'i sgom pas/ stong chen po'i 'jig rten gyi khams thams cad dag nas pa'i lha dang mi la sogs pa sems can thams cad gcig tu bsdu ba'i thabs kyis bsrung ba'i bya ba'i bsgom pa'i cho ga'i don bstan par bya ste/ sangs rgyas dkyil 'khor rdo rje can/ nam mkha' i rdo rje'i dbus su bsam/ /gshin rje gshed kyi 'khor lo che/ /rang gi rdo rje rab tu brtag /ces bya ba'i don bshad par bya ste/ ci ltar yin na/ nam mkha' i rdo rje dbus su bsam ni/ bye brag rnam pa gsum du bstan par bya ste/

  86. 43b

    phyi dang nang dang gsang ba'o/ /phyi ni mdun du ci ltar smos pa'i de bzhin du 'dir sbyar ro/ /nang gi nam mkha' ni sgrub pa po nyid mdun du smos pa'i rnam par snang mdzad khro mo'i gzugs bka' i 'khor lo'i bdag po de dang gnyis su med pa'i nga rgyal du bsgoms pas gnas pa de'i thugs ka'i stong pa nam mkha' i ngo bo yin no/ /gsang ba'i nam mkha' i ni/ sku'i rigs kyi bye brag gi bram ze'i rigs kyi bu mo blang ngo/ /de mdun du smos pa'i yon tan phun sum tshogs pa dang ldan pa'o/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par byas nas/ de dang gnyis su med par 'khyud pa'i sbyor ba byas pa de'i b+ha ga'i nang stong pa tshad med pa nam mkha' bzhin du bsam mo/ /de'i dbus su sngags sa bon yig 'bru hUM bsam mo/ /de kha dog dmar po chos kyi ye shes la sogs pa ye shes lnga dang gnyis su med pa'i ngo bo nyi ma stong dang mnyam par 'bar ba'i 'od kyis 'bar ba'o/ /don des shes rab ma'i b+ha ga nam mkha' i rdo rjer ming smos so/ /mdor bsdu ba da ltar nam mkha' i rdo rje'i dbus kyi don du gsungs so/ /sangs rgyas dkyil 'khor rdo rje can zhes pa ni/ mdun du smos pa'i shes rab ma dang ldan pas 'dod chags chen po'i sems zhe sdang gi ngo bos thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i d+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par 'gyur ro/ /de'i sngags kyi sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po ya man ta ka'i sku phyag rgya bskyed par bya'o/ /de sku mdog sngon po sprin lta bu/ zhal gsum pa/ zhal dbus ma sku dang mthun/ zhal g.yas dmar po/ g.yon dkar po/ ral pa gyen du brdzes pa rab tu 'bar ba/ sku che ba gsus

  87. 44a

    pa tshe ba/ sku kun nas bskal pa'i me lta bu rab tu 'bar ba/ khros te smin ma bskyod par mdzad pa/ mche ba mi sdug pa/ khro bo'i rgyan thams cad kyis brgyan pa/ phyag drug pa phyag mtshan drug go /phyag g.yas dang po rdo rje thob 'dzin pa/ yang na 'khor lo rtsibs brgyad pa 'dzin yang mi 'gal te/ 'khor lo ni nyid kyi rigs rnam par snang mdzad kyi mtshon cha smos pa'o/ /phyag mtshan gzhan ni bye brag sna tshogs su bya'o/ /de lta bu'i ngo bo khro bo'i rgyal po ya man ta ka'i sku phyag rgya bskyed ma thag tu skyed par mdzad mkhan rnam par snang mdzad kyi sku phyag rgya khro bo'i rgyal po ya man ta ka'i sku phyag rgya'i spyi bo la dbang bskur ba'i tshul du bsam mo/ /de ma thag tu bsgrub pa pos khro bo'i rgyal po ya man ta ka dang gnyis su med pa'i nga rgyal du bsgoms pas/ nyid kyi rigs kyi 'dag po sangs rgyas rnam par snang mdzad smos pa de'i dkyil 'khor du ming btags pa/ mdun du smos pa'i shes rab ma'i b+ha ga'i nang nam mkha' i rdo rje de'i dbus gnas su rdo rje can du ming btags pa khro bo'i rgyal po ya man ta ka bsam par bya ba bstan to/ /de ltar sangs rgyas dkyil 'khor rdo rje can bsam pa'i don du gsungs so/ /gshin rje gshed kyi 'khor lo che/ /rang gi rdo rje rab tu brtags zhes pa ni/ mdun du smos pa'i bdag po'i ngo bo khro bo'i rgyal po ya man ta ka sgrub pa pos gnyis su med pa'i nga rgyal du bsgom pas gnas pa de'i gsang ba'i thugs ka ye shes sems pa'i gnas nas/ ci ltar nyid kyi sku phyag rgya rdo rjer smos pa de lta bu'i/ rdo rjer ming btags pas ma rungs pa'i sems can dgug pa'i phyir khro bo'i rgyal po ya man ta ka'i ?? phyag rgya sprin bzhin du sems can thams cad ci ltar smos pa'i tshul du bsrung ba byas pa'i 'og tu spro bar bya bar brtag pa yin no/ /de ltar gshin rje gshed kyi dkyil 'khor che/ /rang gi rdo rje rab tu brtag gi don du gsungs so/ /dus gsum sangs rgyas

  88. 44b

    sems can rnams/ /sku'i dkyil 'khor zhugs pa dag /gshin rje gshed kyi mdog 'dra ba/ /sangs rgyas rnams ni slar spro bya/ zhes bya ba'i don bshad par bya ste/ ci ltar yin na/ dus gsum sangs rgyas sems can rnams/ /sku'i dkyil 'khor zhugs? ba dag ni/ theg pa chen po gsang sngags kyi tshul gyi dus gsum gyi don mdun du ci ltar smos pa de bzhin du 'dir bstan to/ /bshad par bya ste/ ya man ta ka'i gsang ba'i thugs ka ye shes sems pa'i gnas nas rnam par snang mdzad la sogs pa rigs lnga'i bye brag gi sangs rgyas nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /cha lugs phun sum tshogs pa thams cad ni mdun du ci ltar smos pa bzhin du 'dir sbyar ro/ /de lta bu'i ngo bo sangs rgyas kyi sku phyag rgya sprin bzhin du bskyed par bya'o/ /de ma thag tu ba spu'i bu ga'i lam gyi sgo nas 'jig rten gyi khams thams cad du khyab par spro'o/ /de'i 'og tu lha dang mi la sogs pa sems can thams cad mdun du smos pa'i tshul du rim par sangs rgyas kyi sku phyag rgya sprin lta bus gnyis su med pa'i ngo bor bsdu bar bsam mo/ /de ma thag tu spros pa'i lam nas spro ba'i gnas su bdag po khro bo'i rgyal po ya man ta ka'i sku phyag rgya'i dkyil 'khor du ming btags pa la gnyis su med pa'i ngo bor bzhugs pa 'am bsdu bar gsungs so/ /de ltar dus gsum sangs rgyas sems can rnams/ /sku'i dkyil 'khor zhugs pa dag gi don du gsungs so/ /gshin rje gshed kyi mdog 'dra bar/ /sangs rgyas rnams ni slar mi spre/ /zhes pa ni mdun du smos pa'i drag po lam gyi bsgrub par bya ba'i phyi'i gnas dur khrod smos pa de'i dbus su/ mdun du bshad pa bka' i 'khor lo'i dus su phyi nang gi rim pa'i rdzas kyi sbyor ba las/ ma rungs pa'i sems can gyi gzugs brnyan ci ltar byas pa de bzhin du 'dir bya'o/ /de'i 'og tu ci ltar smos pa'i bsgoms pa mi g.yo bar rigs lnga'i bye brag gi

  89. 45a

    sangs rgyas kyi sku phyag rgya sprin lta bu sems can thams cad gnyis su med pa'i ngo bo bsgrub pa po bdag po khro bo'i rgyal po ya man ta ka dang gnyis su med pa'i nga rgyal du bsgom pa sku'i dkyil 'khor du ming btags pa de'i gsang ba'i thugs ka ye shes sems dpa' i gnas su bsdus pa ye shes lnga dang gnyis su med pa'i gong bur gyur pa'i sa bon de'i gnas nas rdo rje can du ming btags pa khro bo'i rgyal po ya man ta ka'i sku phyag rgya sprin bzhin du bskyed par bya'o/ /de nyid kyi shes rab ma ye shes kyi lha mo khro mo'i rgyal mo dang gnyis su med par 'khyud pa'i sbyor ba dang ldan pa'o/ /de thams cad kyi phyag g.yas kyi dang po na rdo rje lcags kyu gzi brjid 'bar ba 'dzin/ g.yon dang po na rdo rje zhags pa'o/ /gzhan cha lugs phun sum tshogs pa dang/ phyag mtshan du bcas pa ni/ bdag po khro bo'i rgyal po ya man ta ka'i ci ltar smos pa'i de bzhin du 'dir bya'o/ /de lta bu'i ngo bo khro bo'i rgyal po'i sku phyag rgya sprin phung bzhin du bskyed ma thag tu/ ba spu'i bu ga'i lam gyi sgo nas 'jig rten gyi khams thams cad du khyab par spro bar bya'o/ / de'i 'og tu mdun du smos pa'i slob dpon smod pa la sogs pa ma rungs pa'i sems can thams cad rdo rje lcags kyus spyi bo nas bzung/ zhags pas mgul pa nas bcings te/ tshul de ltar khro bo chen po'i brtson 'grus kyis bkug ma thag tu rdzas kyis sbyor ba las gzugs brnyan byas pa de'i nang du/ ci ltar smos pa'i ma rungs pa'i sems can bkug pa de dag thams cad thim par gyur par bsam mo/ /bshad par bya ste/ sangs rgyas ni sngar khro bo'i rgyal po ya man ta ka'i gsang ba'i thugs ka'i ye shes sems pa'i gnas su sems can thams cad dang gnyis su med pa'i ngo bor bsdus ma thag tu/ ye shes kyi gong bu'i ngo bor gyur pa'i ye shes kyi gzugs de nyid las sangs rgyas ? khro bo'i rgyal po ya man ta ka'i sku phyag rgya'i gzugs sprin bzhin du ma rungs pa'i sems can

  90. 45b

    dgug pa'i phyir/ tshul ci ltar smos par spro bar bya bar bstan to/ /mdor bsdu ba de ltar gshin rje gshed kyi mdog 'dra bar/ sangs rgyas rnams ni slar spro bya ba'i don du gsungs so/ /da ni bsad par bya ba'i thabs bstan par bya ste/ phyogs bcu nas byung sems can dang/ /gdug sems can gyi dgra bo rnams/ /rdo rje ye shes dkyil 'khor 'di/ /khros nas thams cad gsad par bya/ zhes bya ba'i don bshad par bya ste/ ci ltar yin na/ phyogs bcu nas byung sems can ni/ phyogs bcu'i 'jig rten gyi khams thams cad na 'byung ba dang gnas pa'i bdud dang bgegs gnod pa byed pa thams cad yin no/ /de ltar phyogs bcu nas byung sems can gyi don du gsungs so/ /gdug sems can gyi dgra bo rnams zhes pa ni/ rdo rje slob dpon nyid kyi slob ma 'am/ yang na slob dpon ma yin pas rmad pa phra mo byed pa'o/ /don des gdug pa'i sems can du smos so/ /de ltar gdug sems can gyi dgra bo'i don du gsungs so/ /khros nas thams cad gsad par bya zhes pa ni/ mdun du smos pa'i bka' i 'khor lo'i tshul gyis gsad par bya ba'i dus su sgrub pa pos ma rungs pa'i sems can gyi gzugs brnyan gyi drung du 'dug pa de bzhin du dus 'dir khro bo'i rdo rje rtse dgu gsor zhing khro ba chen pos khro bo'i rgyal po ya man ta ka'i bsgom par bya zhing 'dug go /de'i dus su mdun du smos pa'i sems can ma rungs pa 'gugs par mdzad mkhan khro bo'i rgyal po ya man ta ka'i sku phyag rgya sprin lta bu nam mkha' i dbus na gnas pa de dag thams cad kyi phyag g.yas kyi dang po na rdo rje lcags kyu 'dzin pa de nyid khro bo'i rdo rje rtse dgu par gyur par brtag go / rdo rje de khro bo'i rgyal po sprin thams cad kyis ma rungs pa'i sems can gyi gzugs brnyan gyi steng du char bzhin du phab par bsam mo/ /de'i dus su ma rungs pa'i sems can 'chi bar 'gyur ro/ /de ma thag tu ma rungs pa'i sems can gyi rnam par shes pa'i

  91. 46a

    sems srog gi dbang po'i ngo bo srin bu me khyer gyi gzugs lta bu de sgrub pa po nyid kyi lus la gnyis su med par bsdu bar bsam mo/ /yang na khro bo'i rgyal po ya man ta ka'i sku sprin lta bu la gnyis su med par bsdu bar bsam yang mi 'gal lo/ / de ltar mdun du smos pa'i tshul du thabs thugs rje chen pos slob dpon smod pa la sogs pa sems can ma rungs pa thams cad/ sku dang gsung dang thugs rdo rje ye shes dang gnyis su med pa'i ngo bo rnam par snang mdzad la sogs pa rigs lnga'i bye brag gi de bzhin gshegs pa dang gnyis su med pa'i ngo bor gyur par bsam mo/ tshul de ltar bsgom pa byas pa'i 'og tu/ khro bo'i rgyal po ya man ta ka la sogs pa'i sku phyag rgya sprin lta bu nam mkha' i gnas na/ ma rungs pa'i sems can gyi gzugs brnyan gyi steng na gnas pa de spro ba'i gnas su gnyis su med pa'i ngo bor bsdu bar smos so/ /mdor bsdus pa de ltar khros nas thams cad gsad par bsgom gyi don du gsungs so/ /rdo rje'i ye shes dkyil 'khor 'dir zhes pa ni/ mdun du smos pa'i ma rungs pa'i sems can gsang ba'i lam gyi thabs de yin te/ rdo rje ni khro bo'i rgyal po ya man ta ka sku rdo rje'i rigs kyi ngo bo yin/ ye shes ni chos kyi dbyings kyi ye shes so/ /dkyil 'khor ni khro bo'i rgyal po ya man ta ka'i sku phyag rgya sprin lta bu ma rungs pa'i sems can 'gugs pa dang/ gsod par mdzad pa spro ba dang bsdu ba'i tshul gyi bsgom par smos so/ /de ltar rdo rje'i ye shes dkyil 'khor gyi don du gsungs so/ /dam tshig thams cad mnyam par 'byung ba sku gsum gyi rdo rje zhes bya ba'i ting nge 'dzin to/ /zhes bya ba ni/ dam tshig thams cad ni/ dam tshig ni thugs rje chen po zhe sdang gi ngo bo ma rungs pa'i sems can gsad par bya ba'i dngos grub kyi 'bras bu stsal ba'i don de dam tshig thams cad du smos so/ /thams cad ni ye shes rnam pa lnga dang gnyis su med pa'i ngo bo

  92. 46b

    chos kyi dbyings kyi ye shes so/ /'byung ba mnyam pa zhes pa ni/ tshul ci ltar smos pa'i ma rungs pa'i sems can gsad par bya ba'i dngos grub kyi 'bras bu chos kyi dbyings kyi ye shes la sogs pa ye shes lnga dang gnyis su med pa'i ngo bo dus gcig tu? ? par bsgrub pa pos 'grub par 'gyur ro/ /de ltar 'byung ba mnyam pa'i don du gsungs so/ /sku gsum gyi rdo rje zhes pa ni/ rnam par snang mdzad kyi sku phyag rgya de sku gsum gnyis su med pa yin no/ /sku gsum gyi don ni mdun du ci ltar smos pa de bzhin du 'dir bstan to/ /de ltar sku gsum gyi rdo rje'i don du gsungs so/ /ting nge 'dzin zhes pa ni/ mdun du smos pa'i tshul gyi chos kyi dbyings kyi ye shes rdo rje'i ngo bo'i rgyal po ya man ta ka de/ bsgrub pa pos ma rungs pa'i sems can dgra rnams gsad par bya ba'i las kyi bsgom pa bya bar smos so/ /de ltar ting nge 'dzin gyi don gsungs so/ /da ni rang gi lus bsrung ba dang/ khro bo thams cad kyi rgyal po gtsug tor du ming btags pa badzra hUM ka ra'i dam tshig gi bsgom pas bka' i 'khor lo'i sbyor ba bya ba'i don bstan par bya ste/ sku gsung thugs kyi rdo rje ni/ rang sngags don gyi yon tan gyi/ /de nas gtsug tor dam tshig gi /bka' 'khor lo sbyor ba bya/ zhes bya ba'i don bshad par bya ste/ ci ltar yin na/ sku gsung thugs kyi rdo rje ni/ /rang sngags don gyi yon tan gyis zhes pa ni/ bsgrub pa pos dang po mdun du smos pa'i cho ga bzhi'i tshul gyis/ dpal rdo rje sems dpa' i sku phyag rgyar gyur par bya'o/ /de nyid shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ / de'i cha lugs phun sum tshogs pa thams cad ni/ mdun du ci ltar smos pa bzhin du 'dir sbyar ro/ /de lta bu'i ngo bo dpal rdo rje sems dpa' i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su nyid kyi gsang ba'i thugs

  93. 47a

    ye shes sems dpa' i gnas nas/ sku rdo rje dang/ gsung rdo rje dang/ thugs rdo rje dang de ltar rigs gsum gyi sngags sa bon yig 'bru sprin bzhin du spro bar bya'o/ /de nas spro ba'i don gsal bar bstan par bya ste/ dang po sngags kyi sa bon yig 'bru oM kha dog dkar po chos kyi dbyings kyi ye shes kyi ngo bo gzi brjid chen po'i 'bar bas 'bar ba sprin bzhin du ba spu'i bu ga'i lam gyi sgo nas spro bar bya ste/ de bsgrub pa po nyid kyi lus la g.yas nas bskor zhing gnas par bsam mo/ /de'i 'og tu sngags kyi sa bon yig 'bru a kha dog dmar po so sor rtog pa'i ye shes kyi ngo bo gzi brjid chen pos 'bar bas 'bar ba sprin du ba spu'i bu ga'i lam gyi sgo nas spro bar bya ste/ de mdun du smos pa'i tshul du sgrub pa po nyid kyi lus la g.yas su bskor zhing gnas par bsam mo/ /de'i 'og tu sngags sa bon yig 'bru hUM kha dog sngon po me long lta bu'i ye shes kyi ngo bo gzi brjid chen po 'bar bas 'bar ba sprin bzhin du ba spu'i bu ga'i lam gyi sgo nas spro bar bya ste/ de mdun du smos pa'i tshul du sgrub pa po nyid kyi lus la g.yas su bskor zhing gnas par bsam mo/ /tshul de ltar spro ba'i dus su sku gsung thugs kyi sngags sa bon yig 'bru de rnams nyid nyid kyi kha dog dang/ ye shes dang/ gzi brjid dang/ de ltar sngags nyid kyi yon tan gyi don dang ldan par brtag go /gzhan yang yon tan gyi don khyad par du bstan par bya/ sku dang/ gsung dang/ thugs kyi sngags sa bon yig 'bru sprin bzhin du spro bar byas pa de go cha'i ngo bo yin te/ des bdud dang dgra bgegs thams cad kyi sngags dang phyag rgya dang/ mtshon cha la sogs pas gnod pa'i bye brag sna tshogs byed pa thams cad las bsrung bar 'gyur ro/ /gzhan yang sku gsung thugs kyi rdo rje gsum gyi sngags kyi sa bon yig 'bru gsum gyi khyad par gyi yon tan gyi don bstan par bya ste/ sngags sa bon

  94. 47b

    yig 'bru oM kha dog dkar po'o/ /sngags sa bon yig 'bru a de kha dog dmar po'o/ /sngags sa bon yig 'bru hUM ni kha dog sngon po'o/ /de ltar sngags kyi sa bon yig 'bru rnams kyi kha dog dang bdud dang bgegs thams cad kyis mthong ba'i yon tan gyis myos par gyur par smos so/ /de nas sngags sa bon yig 'bru oM ni chos kyi dbyings kyi ye shes kyi ngo bo'o/ /sngags sa bon yig 'bru a ni so sor rtog pa'i ye shes kyi ngo bo'o/ /sngags sa bon yig 'bru hUM ni me long lta bu'i ye shes kyi ngo bo'o/ /de ltar sngags sa bon yig 'bru rnams kyi ye shes kyi yon tan gyis bdud dang mu stegs thams cad byin gyis brlabs pas/ sgrub pa po la cho 'phrul gyi bye brag sna tshogs kyi thabs kyis gnon par byed pa'i cho 'phrul ni des bcom par 'gyur bar smos so/ /de nas sngags sa bon yig 'bru oM la sogs pa gsum gyi so sor ye shes kyi gzi brjid 'bar bas bdud dang bgegs thams cad la reg ma thag tu lus tshig par 'gyur bar smos so/ /mdor bsdu ba de ltar sku gsung thugs rdo rje gsum gyi sngags kyi go cha rang gi yon tan gyi don dang ldan par spros pa'i tshul las gyur ma thag tu sgrub pa pos mdun du smos pa'i dpal rdo rje sems dpa' dang gnyis su med pa'i nga rgyal du bsgom pa de las ma g.yos par khro bo thams cad kyi rgyal po gtsug tor du ming btags pa badzra hUM ka'i sku phyag gsad pa'i rol pa'i dam tshig gi tshul gyis bskyed par bya'o/ /bstan par bya ste/ de nas gtsug tor dam tshig ces pa/ dang po rdo rje'i rigs kyi bye brag khrus mkhan gyi rigs kyi bu mo blang ngo/ /de mdun du smos pa'i tshul gyi mtshan dang yon tan phun sum tshogs pa thams cad dang ldan pa'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de ma thag tu de dang gnyis su med par 'khyud pa'i sbyor bas 'dod chags chen po sems zhe sdang gi ngo bos thabs dang

  95. 48a

    shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus gnas su byang chub kyi sems char gyi rgyun bzhin du 'od du zhu'o/ /de rgya mtsho dang mnyam par 'gyur ro/ /de'i steng du sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par gyur to/ /sa bon de las gtsug tor du ming btags pa khro bo'i rgyal po badzra hUM ka ra'i sku phyag rgya bskyed par bya'o/ /de nyid kyi shes rab ma thugs rje'i khro bo'i dbang phyug ma dang gnyis su med par 'khyud pa'i sbyor ba dang ldan pa'i/ de sku mdog sprin nag po lta bu/ zhal gsum pa/ zhal dbus ma sku dang mthun/ g.yas shin tu dmar po/ g.yon dkar ba/ ral pa gyen du brdzes pa sbrul gyis bcings pa/ rab tu 'bar ba/ smin ma skyod pa/ shangs nyag pa/ mche ba'i 'phreng ba gdengs pa/ spyan 'bar bas thugs rje chen pos steng gi phyogs su gzigs pa/ yan lag dang nying lag thams cad sbrul kha dog sna tshogs kyi bye brag gis brgyan pa/ phyag drug phyag mtshan drug go /phyag g.yas g.yon dang po gnyis ci ltar le'u bzhi pa dkyil 'khor gyi dus su rdo rje'i mdud pa'i tshul gyi phyag rgya smos pa de bzhin du 'dir bstan to/ /bshad par bya ste/ phyag rgya bcings pa'i phyag g.yas dang po na rdo rje lcags kyu 'dzin/ de bzhin du g.yon dang po na rdo rje zhags pa 'dzin/ g.yas bar man khro bo'i rdo rje rtse dgu'o/ /tha ma na rdo rje ral gri / g.yon bar ma na rdo rje dgra sta/ tha ma na rdo rje dril bu'o/ /yang na phyag rgya bcings bo'i phyag gnyis kyi rdo rje lcags kyu dang zhags pa ma gtogs pa phyag mtshan phyi ma dus 'dir bye brag sna tshogs su bya yang mi 'gal lo/ /de lta bu'i ngo bo gtsug tor du ming

  96. 48b

    btags pa khro bo'i rgyal po chen po badzra hUM ka ra'i sku phyag rgya bskyed ma thag tu/ skyed par mdzad mkhan dpal rdo rje sems dpa' khro bo'i gzugs zhe sdang rdo rjer gyur par brtag go /de khro bo'i rgyal po badzra hUM ka ra'i sku phyag rgya'i spyi bo la dbang bskur ba'i tshul du bsam mo/ /de'i 'og tu de dang gnyis su med pa'i nga rgyal du sgom par bya'o/ /de ltar gtsug tor dam tshig gi don du gsungs so/ /bka' i 'khor lo sbyor bya zhes bya ba ni/ mdun du smos pa'i khro bo'i rgyal po chen po badzra hUM ka ra'i sku phyag rgya bskyed ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dus su sngar smos pa'i mtshan dang yon tan phun sum tshogs pa'i ngo bo dang ldan pa khrus mkhan gyi bu mo de blang ngo/ /shes rab ma de ye shes kyi lha mo khro bo'i thugs rje dbang phyug ma dang gnyis su med pa'i ngo bor byin gyis brlab bar bya'o/ /de ma thag tu de dang gnyis su med par 'khyud pa'i sbyor bas 'dod chags chen po'i sems zhe sdang gi ngo bos thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems kyi char gyi rgyun bzhin du 'od du zhu nas/ de rgya mtsho dang mnyam par gyur to/ /de'i steng du sngags sa bon yig 'bru hUM bsam mo/ /de kha dog nag po me lta bu ye shes kyi ngo bo gzi brjid kyi 'bar zhing 'od du zhu nas ye shes kyi khu ba bzhin du byang chub kyi sems rgya mtsho la gnyis su med par thim par 'gyur ro/ /sa bon de las khro bo'i rgyal po ta ki ra tsa dang/ ne la dan da dang/ mahA pa la dang/ arya a tsa la dang/ de ltar khro bo'i rgyal po bzhi'i sku phyag rgya sprin bzhin du bskyod par bya'o/ /de nyid nyid kyi shes rab ma ye shes kyi lha mo khro mo'i rgyal mo dang gnyis su med par 'khyud pa'i sbyor ba dang ldan pa'o/ /sku mdog nag po zhal gsum pa/ zhal dbus ma sku dang mthun/

  97. 49a

    g.yas dmar ba/ g.yon dkar ba/ dbu ral pa gyen du brdzes pa rab tu 'bar ba/ sku che ba/ skal ba'i me bzhin du 'bar ba/ smin ma bskyod pa/ khro bo chen pos phyogs bcur gzigs pa/ mche ba dmar ba/ sprul gyi rgyan gyis brgyan pa/ phyag drug phyag mtshan drug ste/ g.yas dang po thams cad na rdo rje kyo ba 'dzin/ de gzi brjid chen po'i 'bar bas 'bar ba'o/ /g.yon dang po kun na rdo rje zhags pa'o/ /gzhan ni mtshon cha'i bye brag sna tshogs su smos so/ /de lta bu'i ngo bo'i sku phyag rgya sprin bzhin du bskyed ma thag tu ba spu'i bu ga'i lam gyi sgo nas 'jig rten gyi khams thams cad du khyab bar spro bar bya'o/ /de'i 'og tu mdun du smos pa'i ma rungs pa'i sems can thams cad/ rdo rje kyo bas spyi bo nas bzung/ rdo rje'i zhags bas mgul pa nas bcings te/ tshul de ltar khro bo chen po'i brtson 'grus kyis bkug ma thag tu sgrub pa po nyid kyi mdun du bzhag bar bsam mo/ /de'i dus su sgrub pa bos khro bo'i rgyal po chen po badzra hUM ka ra dang gnyis su med pas khros te skad chen por bka' i/ sngags brjod par bya'o/ /sngags bstan par bya ste/ hUM phaT sarba duSh+TaM ma ra ya hUM phaT/ de ltar bka' i ngo bo'i sngags brjod ma thag tu/ ma rungs pa'i sems can 'gugs mkhan khro bo'i rgyal po Ta ki ra tsa la sogs pa khro bo'i rgyal po bzhi'i sku phyag rgya sprin lta bu de rnams/ ma rungs pa'i sems can gyi steng na nam mkha' i dbus na gnas pa bka' thos pas bskul te/ ma rungs pa'i sems can gyi steng du mtshon cha'i bye brag sna tshogs char bzhin du phab par bsam mo/ /de'i 'og tu ma rungs pa'i sems can 'chi bar 'gyur ro/ /de ma thag tu ma rungs pa'i sems can gyi rnam par shes pa'i sems srog gi dbang po'i ngo bo srin bu me khyer gyi gzugs lta bu ste/ sgrub pa pos nyid kyi sku la gnyis su med par bsdu bar bsam mo//

  98. 49b

    yang na khro bo'i rgyal po Ta ki ra tsa la sogs pa bzhi'i sku phyag rgya sprin lta bu la gnyis su med par bsdu bar bsam yang mi 'gal lo/ /tshul de ltar thabs thugs rje chen pos mdun du smos pa'i tshul du ma rungs pa'i sems can thams cad sku dang gsung dang thugs rdo rje'i ye shes dang gnyis su med pa'i ngo bo dpal rdo rje sems dpa' la sogs pa rigs lnga'i bye brag gi de bzhin gshegs pa smos pa dang gnyis su med pa'i ngo bor gyur pas bsam mo/ /tshul de ltar bsgom pa byas pa'i 'og tu khro bo'i rgyal po Ta ki ra tsa la sogs pa khro bo'i rgyal po bzhi'i sku phyag rgya sprin lta bu nam mkha' i dbus na ma rungs pa'i sems can gyi steng na gnas pa de spro ba'i lam nas spros pa'i gnas su gnyis su med par bsdu bar smos so/ /mdor bsdu ba de ltar bka' i 'khor lo sbyor ba byas pa'i don du gsungs so/ /ye shes mchog gi rdo rje can/ /sngags rnams kun gyis bsrung ba'i phyir/ /'di ni rdo rje thams cad kyi/ /byang chub srung ba'i don zhes bya/ zhes bya ba'i don bshad par bya ste/ ci ltar yin na ye shes mchog gi rdo rje can/ /sngags rnams kun gyis bsrung ba'i phyir ni/ mdun du smos pa'i yon tan gyi ngo bo sngags kyi go cha de ni/ thugs kyi dkyil 'khor du smos pa'i ye shes kyi lha thams cad kyi sngags kyi sa bon gyi yig 'bru dang gnyis su med pa'i ngo bo/ ye shes mchog gi rdo rje can du ming btags pa sku gsung thugs rigs gsum gyi de bzhin gshegs pa'i sngags kyi sa bon yig 'bru gsum sprin bzhin du spros pa las sngags kyi go char gyur pa des bsrung ba'i don du smos so/ /de ltar ye shes mchog go rdo rje can/ sngags rnams kun gyis bsrung ba'i phyir gyi don du gsungs so/ /'di ni rdo rje thams cad kyi byang chub bsrung ba'i don zhes bya/ zhes pa ni tshul ci ltar smos pa'i bsrung ba'i don gyi phyir sngags kyi go cha'i ngo bor gyur par byas pa

  99. 50a

    de ni/ thugs kyi dkyil 'khor las smos pa'i ming btags pa'i ye shes kyi lha thams cad bla na med pa'i byang chub ste des bsgrub pa po la bsrung bar bya ba'i thabs su gsungs te/ de bas sngags kyi go cha'i/ de ltar 'di ni rdo rje thams cad kyi/ byang chub bsrung ba'i don zhes bya'o don du gsungs so/ /da ni mdun du smos pa'i sngags kyi go char gyur pa'i bsgom pa byas pa'i 'og tu/ bsgom pa 'gyur bar bya ba bstan par bya ste/ nam mkha' i rdo rje dbus gnas su/ /chos kyi snang mdzad mchog las byung/ /sku gsum dam tshig bsgom par bya/ /gdan la gnas par rab tu brtag /ces bya ba'i don bshad par bya ste/ ci ltar yin na/ nam mkha' i rdo rje'i dbus gnas su/ chos ni bye brag rnam pa gsum du bstan par bya ste/ phyi dang nang dang gsang ba'o/ /de la phyi ni mdun du ci ltar smos pa de bzhin du 'dir sbyar ro/ /nang gi nam mkha' ni bsgrub pa po nyid mdun du smos pa'i gtsug tor du ming btags pa khro bo'i rgyal po chen po de dang gnyis su med par bsgoms pas/ gnas pa de'i thugs ka'i stong pa nam ka'i ngo bo yin no/ /gsang ba'i nam mkha' i ni/ sku'i rigs kyi bye brag gi bram ze'i rigs kyi bu mo blang ngo/ /de mdun du smos pa'i tshul gyi mtshan dang yon tan phun sum tshogs pa'i ngo bo dang ldan pa'o/ /shes rab ma de ni ye shes kyi lha mo sangs rgyas spyan dang gnyis su med pa'i ngo bor byin gyis brlabs par bya'o/ /de'i 'og tu gnyis su med par 'khyud pa'i sbyor ba bya'o/ /de'i b+ha ga'i nang stong pa tshad med pa nam mkha' lta bur bsam mo/ /de mdun du smos pa'i tshul du sngags kyi sa bon yig 'bru hUM gis byin gyis brlab pa byas pas/ rdo rje'i ngo bor gyur pa de bzhin du 'dir gyur par smos so/ /bstan par bya ste/ shes rab ma'i b+ha ga'i nang nam mkha' i rdo rje'i ngo bo de'i dbus su sngags sa bon yig 'bru a bsam mo//

  100. 50b

    yang sngags sa bon yig 'bru paM bsam yang mi 'gal lo/ /de kha dog dmar po so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor ro/ /sa bon de las chos su ming btags pa pad+ma dmar po 'dab ma mdza' yas par gyur to/ /da ltar nam mkha' i rdo rje dbus gnas su/ chos kyi don du gsungs so/ /snang mdzad mchog las byung zhes pa ni/ ngo bo pad+ma 'dab ma mdza' yas pa de'i lte ba'i dbus su sngags sa bon yig 'bru oM bsam/ /de kha dog dkar po chos kyi dbyings kyi ye shes kyi ngo bo zla ba stong dang mnyam par gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /sa bon de las rnam par snang mdzad kyi sku phyag rgya bskyed par bya'o/ /de don dam par de bzhin gshegs pa thams cad kyi sku rdo rje gnyis su med pa'i ngo bo yin te/ don des mchog tu smos so/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa de bzhin du 'dir sbyar ro/ /de lta bu'i ngo bo rnam par snang mdzad kyi sku phyag rgya skyed ma thag tu mdun du smos pa'i khro bo'i rgyal po chen po badzra hUM ka ra dang gnyis su med pa'i nga rgyal du bsgoms pas gnas pa'i ngo bo des rnam par snang mdzad dang gnyis su med pa'i nga rgyal du bsgom par bya'o/ /de ltar smad mdzad mchog las byung gi don du gsungs so/ /sku gsum dam tshig bsgom par bya/ gdan la gnas par rab tu brtag ces pa ni/ mdun du smos pa'i pad+ma 'dab ma mdza' yas pa de ni sku gsum gyi dam tshig ngo bor smos so/ / de'i don gsal bar bsten par bya ste/ sku gsum chos kyi sku dang/ longs spyod rdzogs pa'i sku dang/ sprul pa'i sku'o ci ltar smos pa'i tshul gyi chos kyi sku nam mkha' lta bu stong pa'i ngo bo kun la khyab nas gnas pas de ni de bzhin gshegs pa thams cad kyi ye shes kyi sku phyag rgya 'byung

  101. 51a

    ba dang 'du ba'i gnas yin par smos so/ /longs spyod rdzogs pa'i sku ni ston pa mi bskyod pa rdo rje 'dzin rgyud bka' stsal pa'i phyir chos kyi sku'i gnas nas byung ba'o/ /sprul pa'i sku ni ston pa mi bskyod pa rdo rje 'dzin gyi ci ltar smos pa'i 'khor phun sum tshogs pa ston pa mi bskyed pa rdo rje 'dzin gyis sprul par mdzad pa'o/ /don des sprul pa'i skur smos so/ /de ltar sku gsum don dam par gnyis su med de sku gcig pa'o/ /bshad par bya ste/ sku gsum don dam par ma skyes par bsgom pa dam tshig tu ming btags pa chos kyi dbang phyug ma yin no/ /de dang gnyis su med pa'i ngo bor rnam par snang mdzad kyi gdan pad+ma'i 'dab ma mdza' yas par brtag go /mdor bsdu ba de ltar sku gsum dam tshig bsgom par bya/ gdan la gnas par rab tu brtag gi don du gsungs so/ /mkha' dbyings sangs rgyas thams cad kyis/ /yongs su gang bar rnam par bsgom/ /rang sngags yi ge ye shes tshig /thugs kyi ngo bor rnam par sgom/ zhes bya ba'i don du bshad par bya ste/ /ci ltar yin nam mkha' dbyings ni don bye brag rnam pa gsum du ci ltar mdun du bshad pa de bzhin 'dir sbyar ro/ /sangs rgyas thams cad kyis/ yongs su gang bar rnam par bsgom/ zhes pa ni gdan pad ma 'dab ma mdza' yas pa de'i steng du rnam par snang mdzad dang gnyis su med pa'i nga rgyal du bsgom pa'i dus su gsang ba'i thugs ka ye shes sems dpa' i gnas nas/ rdo rje mi bskyod pa la sogs pa rigs lnga'i bye brag gi sangs rgyas grangs med pa thams cad bskyed par bya'o/ /de nas bskyed par bya ba'i cho ga bstan par bya ste/ dang po sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyis 'bar zhing 'od du zhu nas/ ye shes kyi khu ba'i ngo bor gyur to/ /de'i 'og tu sngags sa bon yig 'bru oM bsam mo/ /de kha dog dkar po

  102. 51b

    chos kyi dbyings kyi ye shes kyi ngo bo gzi brjid kyi 'bar zhing 'od du zhu nas ye shes kyi khu ba'i ngo bor gyur to/ /de'i 'og tu sngags sa bon yig 'bru swa bsam mo/ /de kha dog ser po mnyam pa'i nyid kyi ye shes kyi ngo bor gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /de'i 'og tu sngags sa bon yig 'bru a bsam mo/ /de kha dog dmar po so sor rtogs pa'i ye shes kyi ngo bor gzi brjid kyis 'bar zhing 'od du zhu nas ye shes kyi khu ba'i ngo bor 'gyur ro/ /de'i 'og tu sngags sa bon yig 'bru ha bsam mo/ /de kha dog ljang khu bya ba nan tan gyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /de ltar ye shes kyi sa bon rnams kyi rim par rdo rje mi bskyod pa la sogs pa rigs lnga'i bye brag gis sangs rgyas grangs med pa thams cad kyi sku phyag rgya bskyed par bya'o/ /de nyid nyid kyi shes rab ma ye shes kyi lha mo dang gnyis su med pa'i 'khyud pa'i sbyor ba dang ldan pa'o/ /nyid nyid kyi cha lugs phun sum tshogs pa thams cad ni/ mdun du ci ltar smos pa de bzhin du 'dir sbyar ro/ /de lta bu'i ngo bo'i sangs rgyas thams cad ci ltar smos pa'i tshul gyis nam mkha' i dbyings gang bar rnam par bsgom bya bar bstan to/ /de ltar sangs rgyas thams cad kyis/ /yongs su gang bar rnam par bsgom gyi don du gsungs so/ /rang sngags yi ge ye shes tshig /thugs kyi rnam par bsgom par bya zhes pa ni/ mdun du smos pa'i sangs rgyas grangs med pa nam mkha' i dbyings gang ba bskyed pa'i bsgom par bya ba de dag thams cad kyi sku phyag rgya'i thugs ka'i gnas nas nyid nyid kyi sngags sa bon yig 'bru tshig tu ming btags pa'i ngo bo spro bar bsam mo/ /sngags kyi sa bon yig 'bru de ni rdo rje mi bskyod pa la sogs pa rigs lnga'i bye brag gi sangs rgyas grangs med pa thams cad nyid nyid kyi thugs ye shes kyi ngo bor

  103. 52a

    bsgom par bya'o/ /de ltar rang sngags yi ge ye shes tshig /thugs ni rnam par bsgom par bya'i don du gsungs so/ /da ni sangs rgyas thams cad bsdu bar bya ba'i bsgom pa'i khyad par bstan par bya ste/ thugs kyi ngo bor bsgoms pa yi/ /sangs rgyas rnams ni rab tu bsdu/ /thugs kyi rdo rje yin pa'i phyir/ /sku gsum la ni de bdag gzung/ ces bya ba'i don bshad par bya ste/ ci ltar yin na/ thugs kyi ngo bor bsgom pa yi/ /sangs rgyas rnams ni rab tu bsdu ni/ mdun du bshad pa'i rdo rje mi bskyod pa la sogs pa rigs lnga'i bye brag gi sangs rgyas grangs med pa nam mkha' i dbyings gang bar bsgoms pa/ de dag thams cad kyi sku phyag rgya slar nyid nyid kyi thugs ka'i gnas nas nyid nyid kyi sa bon yig 'bru nyid nyid kyi thugs ye shes kyi ngo bor smos pa de'i gnas su nyid nyid kyi rigs kyi bye brag gi sku phyag rgya bsdu bar bya'o/ /de nas bsdu bar bya ba gsal bar bstan par bya ste/ sngags kyi sa bon yig 'bru hUM me long lta bu'i ye shes thugs kyi ngo bo de'i gnas su ? mi bskyod pa'i sku phyag rgya gnyis su med par bsdu bar bya'o/ /sngags sa bon yig 'bru oM chos kyi dbyings kyi ye shes thugs kyi ngo bo de'i gnas su rnam par snang mdzad kyi sku phyag rgya gnyis su med par bsdu bar bya'o/ /sngags sa bon yig 'bru swa mnyam pa nyid kyi ye shes thugs kyi ngo bo de'i gnas su rin chen 'byung ldan gyi sku phyag rgya gnyis su med par bsdu bar bya'o/ /sngags sa bon yig 'bru a(rgyud 'grel): so sor rtog pa'i ye shes thugs kyi ngo bo de'i gnas su snang pa mdza' yas kyi sku phyag rgya dang gnyis su med par bsdu bar bya'o/ /sngags sa bon yig 'bru ha bya ba nan tan gyi ye shes kyi thugs kyi ngo bos de'i gnas su don yod grub pa'i sku phyag rgya gnyis su med par bsdu bar bya'o/ /tshul de ltar sangs rgyas thams cad nyid nyid kyis sngags sa

  104. 52b

    bon yig 'bru thugs ye shes kyi ngo bo gnyis su med par bsdu par bya bar smos so/ /de ltar thugs kyi ngo bor bsgoms pa yi/ sangs rgyas rnams ni rab tu bsdu ba'i don du gsungs so/ /thugs kyi rdo rje yin pa'i phyir sku gsum la ni de dag ces pa ni/ ji ltar smos pa'i tshul gyi sangs rgyas thams cad nyid nyid kyi sngags sa bon yig 'bru thugs ye shes kyi gnas su gnyis su med par bsdus ma thag tu sa bon yig 'bru de dag nyid las zla ba'i dkyil 'khor grangs med par gyur par bsam mo/ /de ltar skad cig tsam bsgoms pa'i 'og tu/ zla ba'i dkyil 'khor thams cad rdo rje rtse lnga pa 'bar ba'i ngo bo grangs med pa thugs rdo rjer ming btags par gyur par bsam mo/ /de ltar thugs rdo rjer ming btags pa/ rdo rje rtse lnga 'bar ba grangs med par gyur pa'i 'og tu/ ci ltar smos pa'i tshul gyi chos su ming btags pa/ gdan pad ma 'dab ma mdza' yas pa sku gsum gyi dam tshig gi ngo bor smos pa de'i steng na sku gsum dang gnyis su med pa'i ngo bo rnam par snang mdzad kyi sku phyag rgya gnas pa/ de dang gnyis su med pa'i nga rgyal du bsgoms pas gnas pa'i bsgrub pa po'i mdun du smos pa'i sku dang gsung dang thugs rdo rje gsum gyi sngags kyi yig 'bru go char gyur to/ /go cha de la sngags kyi yig 'bru gnyis su med par gzung bar bya bar smos so/ /de bcag ma thag tu sngags kyi go cha rdo rje'i ngo bor gyur par bsam mo/ /de ltar rdo rje'i go char gyur pa'i bsgom pa bya ba'i thabs des/ bdud dang bgegs thams cad kyi sngags dang phyag rgya dang/ mtshon cha la sogs pa gnod pa'i bye brag byed pa de las/ rdo rje go chas nges par bsrung bar 'gyur ba yin no/ /mdor bsdu ba de ltar ?? rdo rje yin pa'i phyir/ sku gsum la ni de dag gzung kyi don du gsungs so/ /rdo rje'i sngags rin po che rab tu sdang? bar byed pa zhes bya ba'i ting nge 'dzin to/ /zhes bya ba ni rdo rje ni mdun du smos pa'i tshul gyis bdud dang bgegs thams cad kyi gnod pa

  105. 53a

    'joms pa'i thabs kyi go cha yin no/ /de ltar rdo rje'i don du gsungs so/ /rin po che zhes pa ni/ bdud dang bgegs thams cad kyi gnod pa las srung bar byed pa'i yon tan de ni mnyam pa nyid kyi ye shes kyi ngo bo rin po cher ming btags pa re ba thams cad skong bar byed pa'o/ /de ltar rin po che'i don du gsungs so/ /rab tu snang bar byed pa zhes pa ni ci ltar smos pa'i tshul gyi bdud dang bgegs thams cad kyi gnod pa'i 'jigs pa'i gti mug gi ngo bo de ni rdo rje go cha'i gnas nas/ me long lta bu'i ye shes la sogs pa ye shes lnga'i gzi brjid kyi 'od spros pas bcom par 'gyur bar smos so/ /de ltar rab tu snang bar byed pa'i don du gsungs so/ /ting nge 'dzin zhes pa ni/ mdun du bshad pa'i tshul mgo mjug gi bdud dang bgegs thams cad kyi gnod pa las bsrung ba'i thabs kyi ngo bo rdo rje'i go char 'gyur ba'i bsgom pa bstan pa'o/ /de ltar ting nge 'dzin gyi don du gsungs so/ /da ni sems brtan par bya ba dang/ chu gnan par bya ba'i sgrub pa'i cho ga'i tshul bstan par bya ste/ rnam pa'i mchod rnams kun ldan pa'i/ /rdo rje sems dpa' rab tu bsgom/ /sangs rgyas rim par bkod nas ni/ /chu'i steng na bcag par bya/ zhes bya ba'i don bshad par bya ste/ ci ltar yin na/ rnam pa'i mchog rnams kun ldan pa'i/ /rdo rje sems dpa' rab tu bsgom ni/ bsgrub pa pos dang po sems kyis rgya mtsho'i dbus skam por bsams te/ gnas der smos pa'i skyil mos 'dug par bya'o/ /de'i dus su mdun du smos pa'i cho ga bzhi'i tshul des dpal rdo rje sems dpa' i sku phyag rgyar gyur par bya'o/ / de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa de bzhin du 'dir sbyar ro/ /de lta bu'i ngo bo dpal rdo rje sems dpa' i sku phyag rgyar gyur ma thag tu

  106. 53b

    de dang gnyis su med pa'i nga rgyal du bsgom par bya'o/ /de'i 'og tu sgrub pa pos nyid kyi mdun du sngags sa bon yig 'bru hUM bsam mo/ /de kha dog dmar po me long lta bu'i ye shes la sogs pa'i ye shes lnga dang gnyis su med pa'i ngo bo gzi brjid kyi 'bar bas 'bar zhing 'od du zhu nas ye shes kyi khu ba'i ngo bor gyur to/ /sa bon de las gdan gyi ngo bo nyi ma'i dkyil 'khor chen por gyur to/ /de ye shes lnga'i gzi brjid kyi 'bar ba nyi ma stong dang mnyam par brtag go /nyi ma'i dkyil 'khor chen po de skyed ma thag tu de'i dbus su mos pa'i skyil mos 'dug go /de ltar rnam pa'i mchog rnams kun ldan pa'i/ /rdo rje sems dpa' rab tu bsgom gyi don du gsungs so/ /sangs rgyas rim par bkod nas ni/ chu'i steng na bcag par bya zhes pa ni/ mdun du smos pa'i dpal rdo rje sems dpa' dang gnyis su med pa'i nga rgyal du bsgom pa de'i dbus su rdo rje'i rigs kyi bye brag gi khrus mkhan gyi bu mo blang ngo/ /de mdun du smos pa'i mtshan dang yon tan phun sum tshogs pa thams cad dang ldan pa'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen pos sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus gnas su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de'i steng du rnam par snang mdzad la sogs pa de bzhin gshegs pa bzhi'i sngags sa bon yig 'bru rim par bsam par bya ste/ dang po sngags sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bo byang chub sems kyi rgya mtsho la gnyis su med par thim par

  107. 54a

    'gyur ro/ /sa bon de las rnam par snang mdzad kyi sku phyag rgya skyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de ni cha lugs phun sum tshogs pa thams cad ni mdun du ci ltar smos pa de bzhin du 'dir sbyar ba yin no/ /de lta bu'i ngo bo rnam par snang mdzad kyi sku phyag rgya bskyed ma thag tu/ nyi ma'i dkyil 'khor gyi steng du rdo rje mi bskyod pa'i mdun du bzhengs pa'i tshul du gnas par bsam mo/ /de'i 'og tu byang chub sems zla ba'i dkyil 'khor gyi steng du sngags sa bon yig 'bru swa bsam mo/ /de kha dog ser po mnyam pa nyid kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bo byang chub sems zla ba'i dkyil 'khor la gnyis su med par thim par gyur to/ /sa bon de las rin chen 'byung ldan gyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa de bzhin du 'dir sbyar ba yin no/ /de lta bu'i ngo bo rin chen 'byung ldan gyi sku phyag rgya bskyed mthag tu/ gdan nyi ma'i dkyil 'khor gyi steng du rdo rje mi bskyod pa'i g.yas su bzhengs pa'i tshul du gnas par bsam mo/ /de'i 'og tu byang chub sems zla ba'i dkyil 'khor gyi steng du sngags sa bon yig 'bru A bsam mo/ /de kha dog dmar po so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bo byang chub sems zla ba'i dkyil 'khor la gnyis su med par thim par 'gyur ro/ /sa bon de las snang ba mdza' yas kyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ci ltar

  108. 54b

    mdun du smos pa de bzhin du 'dir bya ba yin no/ /de lta bu'i ngo bo'i snang ba mdza' yas kyi sku phyag rgya bskyed ma thag tu gdan nyi ma'i dkyil 'khor gyi steng du/ rdo rje mi bskyod pa'i rgyab tu bzhengs pa'i tshul du gnas par bsam mo/ /de'i 'og tu byang chub sems zla ba'i dkyil 'khor gyi steng du sngags sa bon yig 'bru hA bsam mo/ /de kha dog ljang ku bya ba nan tan gyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bo byang chub sems zla ba'i dkyil 'khor la gnyis su med par thim par gyur to/ /sa bon de las don yod grub pa'i sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa de bzhin du 'dir bya ba yin no/ /de lta bu'i ngo bo don yod grub pa'i sku phyag rgya bskyed ma thag tu nyi ma'i dkyil 'khor gyi gdan gyi steng du rdo rje mi bskyod pa'i g.yon du bzhengs pa'i tshul du gnas par bsam mo/ /tshul de ltar rnam par snang mdzad la sogs pa de bzhin gshegs pa bzhi bskyed ma thag tu sgrub pa po rdo rje mi bskyod pa dang gnyis su med pa'i nga rgyal du bsgom pa'i ngo bos thabs dang shes rab gnyis su med pa'i tshul du 'khyud pa'i sbyor ba dang ldan pas de bzhin gshegs pa bzhi'i dbus gnas su 'dug par bya'o/ /'dug pa'i 'og tu nyid kyi 'og gi rnam par snang mdzad la sogs pa de bzhin gshegs pa bzhi la rkang pa mnyam par bzhag pa'i tshul gyis chu'i steng na 'chag par bsgom mo/ /mdor bsdu ba de ltar sangs rgyas rim par bkod nas ni/ chu'i steng du bcag par bya'i don du gsungs so/ /rkang pa mnyam gzhag sbyor ba yis/ /spyi bo'i steng du rkang pa bsgom/ /zhes pa ni sgrub pa po shes rab ma dang bcas pa'i rkang pa bzhi/ rnam par snang mdzad la sogs pa de bzhin gshegs pa

  109. 55a

    bzhi'i spyi bo'i steng du mnyam par sbyar bas bzhag par smos so/ /de nas rkang pa gzhag pa gsal bar bstan par bya ste/ sgrub pa po nyid kyi rkang pa g.yas pa g.yas kyi 'og na ni rin chen 'byung ldan gnas pa de'i spyi bo'i steng du gzhag par smos so/ /de bzhin du rkang pa g.yon pa g.yon gyi 'og na don yod grub pa gnas pa de'i spyi bo'i steng du bzhag par smos so/ /de bzhin du shes rab ma'i rkang pa g.yas pa mdun gyi 'og na rnam par snang mdzad gnas pa de'i spyi bo'i steng du gzhag par smos so/ /de bzhin du rkang pa g.yon pa rgyab kyi 'og na snang ba mdza' yas gnas pa de'i spyi bo'i steng du gzhag par smos so/ /tshul de ltar rnam par snang mdzad la sogs pa de bzhin gshegs pa bzhi'i spyi bo'i gnas su rkang pa bzhi mnyam par sbyar bas gzhag pa'i 'og tu/ mdun du smos pa'i tshul du steng du bcag par bya ba yin no/ /de ltar rkang pa mnyam gzhag sbyor ba yis/ /spyi bo'i steng du rkang pa sgom gyi don du gsungs so/ /da ni mdun du smos pa'i rnam par snang mdzad la sogs pa de bzhin gshegs pa bzhi'i spyi bo'i steng du/ sgrub pa pos shes rab ma dang bcas pas rkang pa gzhag pa de sdig pa med par bstan par bya ste/ bcom ldan 'das kyis rang bzhin gyis dag pa rdo rje'i rgya mtsho rkang pas gnon pa zhes bya ba'i ting nge 'dzin de skad bka' stsal to/ /zhes bya ba ni/ bcom ldan 'das ni ston pa mi bskyod pa rdo rje 'dzin du smos so/ /de'i don mdun du bshad pa bzhin du 'dir sbyar ro/ /de ltar bcom ldan 'das kyi don du gsungs so/ /rang bzhin dag pa zhes pa ni/ don dam par phyi nang gi chos thams cad gdod ma nas nyon mongs pa'i thams cad kyi rnam par rtog pa'i sdig pa'i dri ma dang bral ba'o/ /gzhan yang chos thams cad rang bzhin gyis nam mkha' i ngo bo lta bu ste/ stong pa'o/ /don des rang bzhin gyis dag par smos/ tshul de ltar sems

  110. 55b

    rnam par dag pas rtog pa spangs nas mdun du smos pa'i tshul du rnam par snang mdzad la sogs pa de bzhin gshegs pa bzhi'i spyi bor/ sgrub pa po shes rab ma dang bcas pa'i rkang pa gzhag pa'i tshul gyis chu'i steng na bcag par bsgom pa la sdig pa med par bstan to/ /de ltar rang bzhin gyis dag pa'i don du gsungs so/ /rdo rje rgya mtsho zhes pa ni mdun du smos pa'i rgya mtsho'i steng gis dbus su sgrub pa pos dang po sngags kyi sa bon yig 'bru hUM las nyi ma'i dkyil 'khor chen po'i tshul ci ltar smos pas bskyed pa de ye shes lnga'i rdo rje dang gnyis su med pa'i ngo bor smos pas byin gyis brlabs pa'i yon tan gyis rgya mtsho rdo rje'i rgya mtshor gyur par brtag go /de ltar rdo rje rgya mtsho'i don du gsungs so/ /rkang pas gnon pa zhes pa ni bye brag rnam pa gnyis su bstan par bya ste/ rnam par snang mdzad la sogs pa de bzhin gshegs pa bzhi'i zhabs gdan nyi ma'i dkyil 'khor chen po'i steng na gnas pa'i sbyor bas rgya mtsho gnan par smos so/ /gzhan yang mdun du smos pa'i tshul gyi sgrub pa po shes rab ma dang bcas pas de bzhin gshegs pa bzhi'i spyi bo'i steng du rkang pas gnan pa'i sbyor bas rgya mtsho gnon par 'gyur ro/ /de ltar bye brag rnam pa gnyis kyis rgya mtsho gnan par bya bar smos so/ /de ltar rkang pas gnon pa'i don du gsungs so/ /ting nge 'dzin zhes ? ? ? ? pa bya ba'i dus su tshul ci ltar smos pa'i bsgom pa bya'o/ /de ltar ting nge 'dzin gyi don du gsungs so/ /de skad bka' stsal to zhes pa ni/ ci ltar smos pa'i tshul gyi chu gnan pa'i bsgrub pa bya'o/ /de ston pa mi bskyod pas bka' stsal pa sdud ? ? smos pa'o/ /de ni mu stegs pa dang bram ze la sogs pa/ sangs rgyas kyi bstan pa la smod pa'i ting ti ka pha rol gyi rgol ba thams cad gnan par bya ba'i bsgom pa'i cho ga'i don bsnyan par bya ste/ dbang chen dkyil 'khor bsgoms nas ni/ /de'i dbus su khro bo

  111. 56a

    bzhag /las kyi rdo rje'i rkang pa dag /de'i spyi bor gnon par bsgom/ zhes bya ba'i don bshad par bya ste/ ci ltar yin na/ dbang chen dkyil 'khor bsgoms nas ni/ de'i dbus su khro bo gzhag ni/ sgrub pa pos dang po rgon pa chen po dang/ skyed mos tshal la sogs pa gnas gang yang rung ba yid du 'ong bar/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis/ rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med pa 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ji ltar smos pa bzhin du 'dir sbyar ro/ /de lta bu'i rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ / de'i dus su sgrub pa pos nyid kyi mdun du sngags sa bon yig 'bru lam bsam mo/ /de kha dog ser bo cung zad dmar ba me long lta bu'i ye shes la sogs pa ye shes lnga dang gnyis su med pa'i ngo bo gzi brjid kyi 'bar zhing 'od du zhu nas ye shes kyi khu ba'i ngo bor 'gyur ro/ /sa bon de las dbang chen gyi dkyil 'khor du gyur to/ /de kha dog ser po cung zad dmar ba dbyibs gru bzhi'o/ /grwa bzhi dbus dang lnga'i 'og na rdo rje rtse lnga pa lnga dang ldan par brtag go /dbang chen gyi dkyil 'khor de bskyed ma thag tu de'i steng gi dbus su bzang po'i dkyil mos 'dug go /de'i dus su rdo rje'i rigs kyi bye brag gi khrus mkhan gyi rigs kyi bu mo blang ngo/ /de mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i phrag dog gi sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar

  112. 56b

    gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog shin tu dkar ba/ me long lta bu'i ye shes kyi ngo bo nyi ma stong dang mnyam par 'bar zhing 'od du zhu nas ye shes kyi khu ba'i ngo bo byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po phrang nyan ta ka'i sku phyag rgya bskyed par bya'o/ /de nyid kyi lha mo khro mo'i rgyal mo dang gnyis su med par 'khyud pa'i sbyor ba dang ldan pa'o/ /de sku mdog sprin dkar po lta bu/ zhal gsum zhal dbus ma sku dang mthun/ zhal g.yas nag pa/ g.yon dmar ba skra gyen du brdzes pa rab tu 'bar ba/ sprul gyis bcings pa/ skal pa me bzhin du sku rab tu 'bar ba/ spyan dmar ba smin ma skyod pas 'jigs par byed pa/ zhal gsum zlum po'i tshul/ mche ba'i phreng bas gdengs pa klu'i rgyal po ba su kas sku rags byas pa/ khro bo'i rgyan thams cad kyis brgyan pa phyag drug /phyag mtshan drug go /phyag g.yas dang po ni khro bo'i rdo rje rtse dgu 'dzin/ bar na rdo rje'i dbyug pa/ tha ma rdo rje ral gri /phyag g.yon pas rdo rje dril bu skur brten pa/ bar ma rdo rje dgra ste/ tha ma rdo rje zhags pa sdigs mdzub la dkris pa thugs kar 'dzin/ de lta bu'i ngo bo khro bo'i rgyal po prad nyan ta ka'i sku phyag rgya bskyed ma thag tu /gdan dbang chen gyi dkyil 'khor la rdo rje mi bskyod pa'i mdun du bzhengs pa'i tshul du bsam mo/ /de'i dus su khro bo'i rgyal po prang? nyan ta ka'i spyi bo'i gnas su sngags sa bon yig 'bru hUM bsam mo/ /de kha dog ljang gu me long lta bu'i ye shes kyi ngo bo gzi brjid chen po 'bar zhing 'od du zhu nas ye shes kyi khu ba'i ngo bor gyur to/ /sa bon de las rdo rje rgya ram gyi ngo bor 'gyur ro/ /kha dog ljang khu

  113. 57a

    gzi brjid chen po'i 'bar bas 'bar bar brtag go /mdor bsdu ba de ltar dbang chen dkyil 'khor bsgoms nas ni/ de dbus su khro bo gzhag go'i don du gsungs so/ /las kyi rdo rje'i rkang pa dag /de'i spyi bor gnon par bsgom/ /zhes pa ni mdun du smos pa'i khro bo'i rgyal po phrad nyan ta ka'i spyi bor gdan rdo rje rgya gram de bskyed ma thag tu de'i steng du sngags sa bon yig 'bru hUM bsam mo/ /de kha dog sngon po me long lta bu ye shes kyi ngo bo bzi brjid kyis 'bar zhing 'od du zhu nas ye shes kyi khu ba'i ngo bor gyur to/ /sa bon de las las kyi rdo rjer ming btags pa khro bo'i gyal po a mri ta kun 'di ba'i sku phyag rgya bskyed par bya'o/ /de nyid kyi shes rab ma ye shes kyi lha mo khro mo'i rgyal mo dang/ gnyis su med par 'khyung ba'i sbyor ba dang ldan pa'o/ /sku mdog sprin sngon po lta bu cung zad dkar ba/ zhal gsum pa/ zhal dbus ma sku dang mthun/ g.yas dmar ba/ g.yon dkar ba/ skra gyen du brdzes pa/ rab tu 'bar ba/ gdengs pa'i tshul/ bskal pa'i me ltar sku rab tu 'bar ba/ spyan mi sdug par gzigs pa/ /khros te smin ma'i khro gnyer skyong par mdzad pa/ mche ba gtsigs pa gar mo rgod pa/ khro bo'i rgyan thams cad kyis brgyan pa/ phyag drug phyag mtshan drug go /phyag g.yas dang po na rdo rje rgya gram 'dzin/ bar man rdo rje ral gri /tha ma na rdo rje gtun shing rdung ba'i tshul/ g.yon dang po rdo rje dril bu/ bar ma rdo rje dgra sta/ tha ma rdo rje zhags pa sdigs mdzub la dkris pa thugs kar 'dzin pa'o/ /gdan rdo rje rgya gram gyi steng gu dbus bzhengs pa'i tshul du sku che ba'o/ /de lta bu'i ngo bo las kyi rdo rjer ming btags pa khro bo'i rgyal po a mri ta kun Ta li sku phyag rgya bskyed ma thag tu/ bskyed par mdzad mkhan rdo rje mi bskyod pa'i sku phyag rgya/ khro bo'i rgyal po a mri ta kun Ta li'i spyi bor dbang bskur ba'i

  114. 57b

    tshul du bsam mo/ /de'i 'og tu sgrub pa pos khro bo'i rgyal po a mri ta kun Da li rang gnyis su med pa'i nga rgyal du bsgom par bya'o/ /bstan par bya ste/ mdun du smos pa'i tshul gyi khro bo rgyal po pradz+nyan ta ka'i spyi bo'i gdan rdo rje rgya gram la gnas pa/ las kyi rdo rjer ming btags pa khro bo'i rgyal po a mri ta kun ri las zhabs kyis gnon par smos so/ /gzhan yang mdun du smos pa'i sgom pa bya zhing sngags kyi bzlas pa'i bsnyen pa bya ba'i grangs kyi tshad bstan par bya ste/ hUM phaT sarba par bA ti nam prad nySh+TaM ba naM ka ru/ de ltar sngags kyi bsnyen pa'i grangs kyi tshad 'bum phrag gsum bzlas par bya'o/ /bzlas par bya ba'i dus su sngags kyi yig 'bru myur bar mi bzla bul bar mi bzla ste/ gsal bar skar ma bzhin du gzi brjid kyis 'bar bar bzla bar bya'o/ /mdor bsdu ba de ltar pha rol gyi rgol ba thams cad kyi shes rab gnan par bya ba'i las kyi bsgrub pa po'i bsgom pa dang bzlas pa'i bsnyen pa'i don du smos so/ /don gzhan yang bstan par bya ste/ mdun du smos pa'i tshul du gnan par bya ba'i cho ga mu stegs dang bram ze la sogs sa tir tir thams cad kyi nang nas pha rol rgol ba gang yang rung ba dang the tshom bya ba'i dus su pha rol gi rgol ba'i spyi bor tshul ci ltar smos pa'i dbang chen gyi dkyil 'khor khro bo'i rgyal po gnyis dang bcas par bsam mo/ /dbang chen gyi dkyil 'khor gyi grwa bzhi'i 'og na rdo rje rtse lnga pa bzhi dbus kyi 'og na dang lnga smos pa'i rdo rje de rnams kyis pha rol gyi rgol ba'i mgo'i gnas lngar 'bugs pa'i tshul gyis gnan par bya'o/ de gsal bar bstan par bya ste/ dbang chen gyi dkyil 'khor gyi grwa gnyis kyi rdo rje gnyis kyis rna ba gnyis dbugs par bsam mo/ /de bzhin du grwa gnyis kyi rdo rje lhag pa'i g.yas g.yon gnyis 'bugs par bsam mo/ /dbus kyi rdo rjes spyi bo

  115. 58a

    nas rkang dang lce rtsa 'bugs par bsam mo/ /tshul de ltar bsgom pa'i sbyor ba bya zhing mdun du smos pa'i sngags bzla bar bya'o/ /de ltar byas pas pha rol gyi rgol ba rna ba gnyis dang/ sna'i bu gnyis dang/ kha dang de ltar gnas lnga nas khrag 'bab cing kha spub tu 'gyel nas de ma thag tu dran pa nyams par 'gyur bar smos so/ /dmor bsdu ba de ltar las kyi rdo rje'i rkang pa dag /de spyi bor gnon par bsgom gyi don du gsungs so/ /mu stegs pa dang phas kyis rgol ba thams cad kyi snod gnon pa'i rdo rje zhes bya ba'i ting nge 'dzin to/ /zhes bya ba ni mu stegs pa dang/ pas kyis rgol ba thams cad ni/ sangs rgyas kyi bstan pa la gnas pa ma gtogs pa'i mdun du smos pa'i mu stegs pa dang bram ze la sogs pa phyi'i chos lnga po sten pa dang sgrub pa/ sangs rgyas kyi bstan pa la smod pa ste/ don des mu stegs pa dang phas kyis rgol ba thams cad du smos so/ /snod gnon pa zhes pa ni phas kyis rgol ba'i lus la snod du btags pa'o/ /de ci ltar smos pa'i tshul gyis gnas par bya'o/ /rdo rje zhes ba ni me long lta bu'i ye shes kyi ngo bo khro bo'i rgyal po phrad nyan ta ka dang/ las kyi rdo rjer ming btags pa a mri ta kuN+Da lis tshul ci ltar smos pas phas kyis rgol ba gnon par mdzad pa'o/ /ting nge 'dzin zhes pa ni phas kyis rgol ba thams cad gnon par bya ba'i phyir/ gnon par mdzad mkhan dbang chen gyi dkyil 'khor la gnas pa'i khro bo'i rgyal po rnams kyi bsgom pa bya'o/ /da ni rgyal po la sogs pa dgra rnams g.yul 'gyed pa'i dus su dpung gnan par bya ba'i bsgom pa'i cho ga'i don bstan par bya ste/ rdo rje'i gsum mchog khro bo'i tshul/ /pad+ma'i ze 'bru'i mdog 'dra ba/ /thams cad ri'i rgyal po ltar/ /bsams nas spyi bor rab tu bsgom/ /zhes bya ba'i don bshad par

  116. 58b

    bya ste/ ci ltar yin na rdo rje gsum mchog khro bo'i tshul/ pad+ma'i ze 'bru'i mdog 'dra ba ni/ sgrub pa pos dang por gnas lam gyi bzhi mdo 'am/ yang na dur khrod kyang mi 'gal te/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi skyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku mdog pad+ma ser po ze'u 'bru'i mdog 'dra ba/ zhal gsum pa zhal dbus ma sku dang mthun/ g.yas dmar ba/ g.yon dkar ba/ dbu skra gyen du rdzes pa/ rab tu bzhad pa/ smin ma bskyod pa/ spyan ser po khros te gzigs pa/ rgyan gyi bye brag sna tshogs kyis brgyan pa/ sku la kun nas gzi brjid kyi dbang ba chen pos 'bar ba/ phyag drug phyag mtshan drug po/ phyag g.yas dang po na rdo rje rtse lnga pa 'dzin/ g.yas bar man 'khor lo rtsibs brgyan/ tha ma na pad ma 'dab brgyad/ g.yon dang po na rdo rje dril bu/ bar ma na yid bzhin gyi nor bu rin po che zung lnga pa/ tha ma na rdo rje ral gri ut pa la sngon po'i 'dab ma lta bu'o/ /de lta bu'i ngo bo rdo rje mi bskyod pa'i sku phyag rgya khro bo'i tshul du bskyed ma thag tu de dang gnyis su med pa'i nga rgyal du bsgom par bya'o/ /de'i 'og tu bsgrub pa nges nyid kyi mdun du sngags sa bon yig 'bru hUM bsam mo/ /de kha dog ser po cung zad dmar ba me long lta bu'i ye shes kyi ngo bo gcig brjid kyis 'bar zhing 'od du zhu nas ye shes kyi khu ba'i ngo bor gyur to/ /sa bon de las gdan rdo rjes gram gyi gzugs chen por gyur to/ /de kha dog ser po cung zad dmar ba 'bar ba chen po'i 'od kyis 'bar bar brtag go /gdan rdo rje rgya gram de bskyed ma thag tu/ de'i steng gi dbus su bzhengs pa'i tshul gyis gnas pa'o/ /de'i dus su

  117. 59a

    rdo rje'i rigs kyi bye brag gi khrus mkhan gyi rigs kyi bu mo blang ngo/ /de'i mdun du smos pa'i mtshan dang yon tan phun sum tshogs pa'i ngo bor dang ldan pa'o/ /shes rab ma de ye shes kyi lha mo ma ma kI dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems zhe sdang gi dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de'i steng du rnam par snang mdzad la sogs pa de bzhin gshegs pa bzhi'i rim pa'i sngags sa bon yig 'bru bsams te/ dang po sngags sa bon yig 'bru oM bsam mo/ /de kha dog ser po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med par thim par gyur te/ /sa bon de las rnam par snang mdzad kyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku mdog pad+ma'i ze 'bru lta bu/ cung zad dmar ba/ zhal gsum pa/ zhal dbus ma sku dang mthun/ g.yas nag pa/ g.yon shin tu dmar ba/ rab tu gzhad pa/ skra gyen du rdzes pa/ smin ma bskyod pa/ spyan ser ba/ khros te gzigs pa/ rgyan gyi bye brag sna tshogs kyis brgyan pa/ sku kun nas gzi brjid chen po'i 'bar bas 'bar ba/ phyag drug phyag mtshan drug go /phyag g.yas dang por 'khor lo rtsibs brgyad 'dzin/ bar na rdo rje/ tha man pad ma dkar po 'dab brgyad/ g.yon dang po na rdo rje dril bu'o/ /bar ma na yid bzhin gyi nor bu rin po che zur lnga pa/ tha ma na rdo rje ral gri utpal sngon po'i 'dab

  118. 59b

    ma lta bu'o/ /de lta bu'i ngo bo rnam par snang mdzad kyi sku phyag rgya bskyed ma thag tu/ mdun du smos pa'i gdan rdo rje rgya gram gyi rtse lnga'i dbus kyi steng du/ rdo rje mi bskyod pa'i mdun du bzhengs pa'i tshul du gnas so/ /de'i 'og tu byang chub sems zla ba'i dkyil 'khor gyi steng du sngags sa bon yig 'bru swa bsam mo/ /de kha dog ser po cung zad dmar ba mnyam pa nyid kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med par thim par 'gyur ro// sa bon de las rin chen 'byung ldan gyi sku phyag rgya skyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku mdog pad+ma'i ze 'bru lta bu cung zad dmar ba/ zhal gsum pa/ zhal dbus ma sku dang mthun/ g.yas nag po/ g.yon dkar ba/ rab tu gzhan pa/ dbu skra gyen du rdzes pa/ smin ma bskyod pa/ spyan ser ba/ khros te gzigs pa/ rgyan gyi bye brag sna tshogs kyis brgyan pa/ sku kun gzi brjid chen po'i 'bar bas 'bar ba/ phyag drug phyag mtshan drug pa/ phyag g.yas dang po na yid bzhin gyi nor bu rin po che zur lnga pa 'dzin/ bar ma na rdo rje rtse lnga pa/ tha ma na 'khor lo rtsibs brgyad pa/ g.yon dang po na rdo rje dril bu/ bar ma na pad+ma ser po 'dab brgyad/ tha man rdo rje ral gri ut pal sngon po 'dab ma lta bu'o/ /de lta bu'i ngo bo rin chen 'byung ldan gyi sku phyag rgya bskyed ma thag tu/ rdo rje mi bskyod pa'i g.yas su gdan rdo rje rgya gram gyi rtse lnga'i dbus kyi steng du bzhengs pa'i tshul du gnas so/ /de'i 'og tu byang chub sems zla ba'i dkyil 'khor gyi steng du sngags sa bon yig 'bru A bsam mo/ /de kha dog ser po cung zad dmar ba so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i lta bu byang chub sems zla ba'i dkyil 'khor la gnyis su med par thim

  119. 60a

    par 'gyur ro/ /sa bon de las snang ba mdza' yas kyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku mdog pad ma'i ze 'bru lta bu cung zad dmar pa/ zhal gsum pa/ zhal dbus ma sku dang mthun/ g.yas nag po/ g.yon dkar po/ rab tu bzhad pa skra gyen du brdzes pa/ smin ma skyod pa/ spyan ser ba/ khros te gzigs pa/ rgyan gyi bye brag sna tshon gyis brgyan/ sku kun gzi brjid chen po'i 'bar bas 'bar ba/ phyag drug phyag mtshan drug go /phyag g.yas dang po na/ pad+ma dmar po 'dab brgyad 'dzin/ bar ma na rdo rje rtse lnga/ tha ma na 'khor lo rtse bos brgyad/ g.yon dang po na rdo rje dril bu/ bar ma na yid bzhin gyi nor bu rin po che zur brgyad pa/ tha ma na rdo rje ral gri ut pal sngon po'i 'dab ma'o/ /de lta bu'i ngo bo snang ba mdza' yas kyi sku phyag rgya bskyed ma thag tu gdan rdo rje rgya gram la rdo rje mi bskyod pa'i rgyab tu rtse lnga'i dbus kyi steng du bzhengs pa'i tshul du gnas so/ /de'i 'og tu byang chub sems zla ba'i dkyil 'khor gyi steng du bsngags sa bon yig 'bru hA bsam mo/ /de kha dog ser po cung zad dmar ba/ bya ba nan tan gyi ye shes kyi ngo bo gzi brjid kyis 'bar zhing 'od du zhu nas ye shes kyi khu 'di lta bu byang chub sems zla ba'i dkyil 'khor la gnyis su med par sim par 'gyur ro/ /sa bon de las don yod grub pa'i sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyung pa'i sbyor ba dang ldan pa'o/ /sku mdog pad ma'i ze 'bru lta bu cung zad dmar ba/ zhal gsum pa/ zhal dbus ma sku dang mthun/ g.yas nag po/ g.yon dkar po/ rab tu bzhad pa/ dbu skra gyen du brdzes pa/ smin ma spyod pa/ spyan ser ba/ khros te gzigs pa/ rgyan gyi bye brag sna tshogs kyis brgyan pa/ sku kun gzi brjid

  120. 60b

    chen po'i 'bar bas 'bar ba/ phyag drug phyag mtshan drug go /phyag g.yas dang po na rdo rje ral gri utpal sngon po 'dab ma lta bu 'dzin/ bar man rdo rje rgya gram/ tham na 'khor lo rtsibs brgyad pa gser gyi kha dog lta bu/ g.yon dang po na rdo rje dril bu/ bar man pad ma 'dab ma brgyad sngon po/ tha ma na yid bzhin gyi nor bu rin po che zur brgyad pa'o/ /de lta bu'i ngo bo don yod grub pa'i sku phyag rgya bskyed ma thag tu/ rdo rje mi bskyod pa'i g.yon du gdan rdo rje rgya gram gyi rtse lnga'i dbus kyi ltar du bzhengs pa'i tshul du gnas so/ /tshul de ltar bdag po rdo rje mi bskyod pa dang/ ci ltar smos pa'i tshul gyi 'khor de bzhin gshegs pa bzhi dang bcas khro bo'i tshul gyi sku phyag rgya de rdo rje ye shes thams cad kyi nang na sku rdo rje dang gsung rdo rje dang thugs rdo rje gsum ni mchog tu smos so/ /de dang gnyis su med pa'i ngo bor de bzhin gshegs pa lnga bstan to/ /mdor bsdu ba de ltar rdo rje gsum mchog khro bo'i tshul/ pad+ma'i ze 'bru'i mdog 'dra ba'i don du gsungs so/ /thams cad ri'o rgyal po ltar/ bsams nas spyi bor rab tu bsgom zhes pa ni/ bdag po rdo rje mi bskyod pa dang/ 'khor rnam par snang mdzad la sogs pa de bzhin gshegs pa bzhi'i sku phyag rgya'i gzugs/ ri thams cad kyi rgyal po'i ri rab smos pa de dang mnyam par brtag go /tshul de lta bur pha rol gyi dgra'i dpung gi spyi bor rab tu bsgom par bya'o/ /gzhan yang mdun du smos pa'i sgom pa bya zhing sngags kyi bzlas pa'i bsnyen pa'i grangs kyi tshad bstan par bya ste/ hUM phaT sarba par be ra'i se na ma staM ba nam ku ru/ de ltar sngags kyi bsnyen pa'i grangs kyi tshad 'bum phrag gsum bzlas par bya'o/ /de la bzlas pa bya ba'i dus su sngags kyi yig 'bru rnams myur bar mi bzla/ bul bar mi bzla ste/ gsal bar skar ma bzhin du gzi brjid kyis 'bar bar bzla'o/

  121. 61a

    mdor bsdu ba de ltar rgyal po la sogs pa pha rol gyi dgra'i dpung thams cad gnan pa'i las kyi bsgrub pa'i sgom pa dang sngags kyi bzlas pa'i bsnyen pa'i don du smos so/ /don gzhan yang bstan par bya ste/ mdun du smos pa'i tshul gyis gnan par bya ba'i cho ga rgyal po la sogs pa dgra'i dpung thams cad g.yul 'gyed pa'i dus su mi re re'i spyi bo'i gnas su/ ci ltar smos pa'i gdan rdo rje rgya gram la khro po'i tshul gyi de bzhin gshegs pa lnga'i dkyil 'khor bsgom par bya'o/ /de ma thag tu gnan pa de dran pa nyams nas shing rdo dang 'dra par 'gyur ro/ /mdor bsdu ba de ltar thams cad ri'i rgyal po ltar bsams nas spyi bo rab tu bsgom gyi don du gsungs so/ /sangs rgyas dpung yang gnod byed pas/ /the tshom med par 'chi bar 'gyur/ /zhes bya ba ni/ sangs rgyas dpung yang gnod byed pas ni/ gnod par mdzad mkhan du smos pa/ rdo rje mi bskyod pa la sogs pa de bzhin gshegs pa nyid nyid kyi rigs bye brag gi sangs rgyas kyi sku phyag rgya'i dpung grangs med pa tshul ci ltar smos pa'i bsgom pa dang sngags kyi bsnyen pa bya ba'i sbyor bas gnon par 'gyur bar la dor ba'i tshig go /gzhan sems can phra mo gnon par 'gyur par ma bas te/ sbyor pa'i sgrub pa de byas pas the tshom med par 'chi bar 'gyur ro/ /de ltar sangs rgyas dpung yang gnod byed pas kyi don du gsungs so/ /the tshom med par 'chi bar 'gyur gyi don ni gong du bshad pas 'dir bshad mi dgos so/ /bcom ldan 'das kyis/ de bzhin gshegs pa thams cad kyi sku dang gsung dang thugs las byung ba'i dpung thams cad gnon pa zhes bya pa'i ting nge 'dzin de skad bka' stsal to/ /zhes bya ba'i ni bcom ldan 'das ni ston pa mi bskyod pa rdo rje 'dzin du smos so/ /de'i don mdun du

  122. 61b

    bshad pa bzhin 'dir sbyar ro/ /de bzhin gshegs pa thams cad kyi sku dang gsung thugs las byung ba zhes pa ni/ dpal rdo rje sems dpa' nyid la sogs pa rigs lnga'i bye brag gi de bzhin gshegs pa grangs med par smos pa de dag don dam par sku dang gsung dang thugs gnyis su med pa'i ye shes las 'byung ba'i rdo rje mi bskyod pa la sogs pa de bzhin gshegs pa lnga khro bo'i tshul ci ltar smos pas/ pha rol gyi dpung gnon par mdzad pa rdo rje gsum dang gnyis su med pa'i sku phyag rgya byung ba'o/ /dpung thams cad gnon pa zhes pa ni/ mi'i rgyal po la sogs pa sems can thams cad kyi dgra'i dpung rnams smos pa de dag thams cad mdun du smos pa'i sgom pa dang sngags kyi bzlas pa'i bsnyen pa bya ba'i thabs kyis gnan pa'i dngos grub kyi 'bras bur 'gyur pa yin no/ /ting nge 'dzin zhes pa ni/ pha rol gyi dgra'i dpung thams cad gnan pa'i phyir/ gnon par mdzad mkhan rdo rje rgya gram la gnas pa'i de bzhin gshegs pa khro bo'i tshul du bsgom par bya bar smos so/ /de ltar ting nge 'dzin gyi don du smos so/ /gzhan yang dgra rnams gsad par bya ba'i thabs kyi sbyor ba bstan par bya ste/ dgra rnams gsad bar bya ba'i/ /bsam gtan rab tu brtags pa 'di/ /sangs rgyas dag gis 'das na yang/ /'gas bar 'gyur bar gdon mi za/ /zhes bya pa'i don bshad par bya ste/ ci ltar yin na/ dgra rnams gsad bar bya ba yi/ /bsam gtan rab tu brtags pa 'di ni/ sgrub pa pos drag po'i las bsgrub pa'i phyi'i gnas smos pa de'i dbus su/ chu 'gam gnyis kyi sa dang/ grog mkhar gyi sa dang/ dur khrod kyi thal pa dang/ d+ha ru? ra'i rtsa ba dang/ gtsag dang/ 'ug pa'i khrag dang/ mi'i rus pa'i phye ma dang/ de ltar phyi'i rdzas la/ nang gi bshang ba dang/ rdo rje'i chu phyi'i rdzas dang cig tu bsre bar bya'o/ /de ltar phyi'i rdzas la dgra ma rungs

  123. 62a

    pa rnams kyi gzugs brnyan bya'o/ /de'i 'og tu bsgrub pa pos gzugs brnyan gyi steng du sems rnam par rtog pa spangs nas mos pa'i dkyil mos 'dug par bya'o/ /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgya gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni ji ltar mdun du smos pa de bzhin du 'dir bstan to/ / de lta bu'i ngo bo rdo rje mi bskyod pa yi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i 'og tu sgrub pa pos nyid kyi mdun du sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /sa bon de las gdan gyi ngo bo rdo rje rgya gram du gyur to/ /de kha dog sngon po 'bar ba chen po'i 'od kyis 'bar bar brtag go /gdan rdo rje rgya gram de bskyed ma thag tu de'i steng gi dbus su mos ba'i dkyil mos 'dug go /de'i dus su rdo rje rigs kyi bye brag gi khrus mkhan gyi rigs kyi bu mo blang ngo/ /de'i mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab ma ye shes kyi lha mo ma ma kI dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems zhe sdang gi dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur to/ /de'i steng du sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid

  124. 62b

    chen po'i 'bar bas 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po a mri ta kun Da li'i sku phyag rgya bskyed par bya'o/ /de nyid kyi shes rab ma ye shes kyi lha mo khro mo'i rgyal mo dang gnyis su med par 'khyud pa'i sbyor ba dang ldan pa'o/ /de'i sku mdog sngon po zhal gsum pa/ dbus ma sku dang mthun/ g.yas dmar po/ g.yon dkar po/ ral pa gyen du rdzes pa/ rab tu 'bar ba/ gdengs pa'i tshul/ me stag stug po 'bar bas sku 'bar ba/ spyan dmar ba mi sdug pa gzigs pa/ smin ma khro gnyer bskyod pa/ mche ba'i phreng ba gad mos bzhad pa/ khro bo'i rgyan thams cad kyis brgyan pa/ phyag drug phyag mtshan drug /phyag g.yas dang po na rdo rje rgya gram 'dzin/ bar ma rdo rje ral gri 'dzin/ tha ma na rdo rje gtun shing brdung ba'i tshul/ phyag g.yon dang po na dril bu/ bar ma na rdo rje dgra ste/ tha ma na rdo rje zhags pa sdigs mdzub la dkris pa thugs kar 'dzin pa'o/ /de lta bu khro bo'i rgyal po a mri ta kun Da li'i sku phyag rgya bskyed ma thag tu/ bskyed par mdzad mkhan rdo rje mi bskyod pa'i sku phyag rgya khro bo'i rgyal po a mri ta kun Da li'i spyi bo la dbang bskur ba'i tshul du gnas par bsam mo/ /de'i 'og tu de dang gnyis su med pa'i nga rgyal du bsgom par bya'o/ /mdor bsdu ba de ltar dgra rnams gsad par bya ba yi/ bsam gtan rab tu brtag pa 'di yi don du gsungs so/ /sangs rgyas ngag gis 'das na yang/ /'gas par 'gyur pa gdon mi za/ /zhes pa ni/ bsgrub pa pos mdun du smos pa'i khro bo'i rgyal po a mri ta kun Da li dang gnyis su med par nga rgyal du bsgom pa'i thugs ka ye shes sems dpa' i gnas su/ sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid chen po'i 'bar bas 'bar zhing/

  125. 63a

    'od du zhu nas ye shes kyi khu ba'i ngo bor 'gyur ro/ /sa bon de las khro bo'i rgyal po a mri ta kun Da li sku phyag rgya sprin bzhin du bskyed par bya'o/ /de nyid kyi shes rab ma ye shes kyi lha mo khro mo'i rgyal mo dang/ gnyis su med par 'khyud pa'i sbyor ba dang ldan pa'o/ /phyag g.yas dang po thams cad ni rdo rje lcags kyu 'dzin/ de gzi brjid chen po'i 'bar bas 'bar ba'o/ /g.yon dang po thams cad na rdo rje zhags pa'o/ /gzhan cha lugs phun sum tshogs pa thams cad dang bcas pa ni/ mtshon cha dang bcas pa ni bdag po khro bo'i rgyal po a mri ta kun Da li la ci ltar smos pa de bzhin du 'dir sbyar ro/ /de lta bu'i khro bo'i rgyal po sku phyag rgya sprin bzhin du bskyed ma thag tu ba spu'i bu ga'i lam gyi sgo nas 'jig rten gyi khams thams cad du spro bar bya'o/ /de'i 'og tu ci ltar smos pa'i tshul gyis bsgrub pa po la dgra byed pa thams cad rdo rje'i lcags kyus snying ga nas bzung/ de bzhin du rdo rje zhags pas mgul pa nas bcings te/ tshul de ltar khro bo chen po'i brtson 'grus kyis bkug ma thag tu mdun du smos pa'i rdzas kyi gzugs brnyan las sbyor ba byas pa de'i nang du dgra rnams bkug ba thams cad thim par gyur par bsam mo/ /de ma thag tu bkug par mdzad mkhan khro bo'i rgyal po'i sku phyag rgya sprin lta bu de spro ba'i lam nas spro ba'i gnas su gnyis su med par bsdu bar bya'o/ /bshad par bya ste/ tshul de ltar dgra rnams gsad par bya ba'i las ni/ sbyor ba'i bsgrub pa ma nor bar bya ba yin no/ /de byas pas sgrub pa pos dgra rnams gsad pa'i dngos grub kyi 'bras bu ma grub na/ ci ltar 'gyur zhe na/ de'i skyon gyis rdo rje mi bskyod pa la sogs pa rigs lnga'i bye brag gi sangs rgyas smos pa rnams nges par gas te shi bar 'gyur ro/ /de ni la dor ba'i tshig go /gzhan yang la dor ba'i

  126. 63b

    tshig gi don mdun du ji ltar bshad pa de bzhin du 'dir sbyar ro/ /de ltar sangs rgyas dag gis 'das na yang 'gas par 'gyur ba gdon mi za ba'i don du gsungs so/ /da ni dgra rnams gsad par bya ba'i thabs kyi sbyor ba phur bu'i las bstan par bya ste/ hUM las phur bu bsam pa ni/ rtse lnga pa'i ngo bo ste/ rdo rje'i phur pa de yis ni/ /snying gar btab par rab bsgoms na/ zhes bya ba'i don bshad par bya ste/ ci ltar yin na/ hUM las phur bu bsam pa ni/ rtse mo lnga pa'i ngo bo ste ni sgrub pa po mdun du smos pa'i khro bo'i rgyal po a mri ta kun Da li dang/ gnyis su med pa'i nga rgyal du bsgoms pas gnas pa'i phyag g.yon dang po na rdo rje'i dril bu 'dzin dril bu de'i spyi bo'i rtse lnga'i dbus ma'i steng du sngags sa bon yig 'bru hUM bsam mo/ / de kha dog sngon po gzi brjid kyis 'bar bas 'bar zhing rdo rje dril bu la gnyis su med par thim par gyur to/ /de ma thag tu rdo rje dril bu rdo rje phur bur 'gyur bar bsam mo/ /de la rdo rje phur bu'i dbyibs dang cha lugs phun sum tshogs pa bstan par bya ste/ rdo rje phur bu'i stod khro bo'i tshul/ smad rtse mo lta bu'o/ /de kha dog sngon po zhal gsum/ zhal dbus ma sku dang mthun/ de'i spyi bo rdo rje rtse lnga'i ngo bo zhal g.yas dmar ba/ g.yon dkar ba ral pa gyen du rdzes pa/ sku kun rab tu 'bar ba/ spyan dmar po mi sdug pa phyogs bcur khros te gzigs pa/ smin ma'i khro gnyer myur ba myur bar bskyod pa/ khro bo'i rgyan thams cad kyis brgyan pa phyag drug phyag mtshan drug go /g.yas dang po na rdo rje rgya gram 'dzin/ bar ma na rdo rje ral gri / tha ma na rdo rje gtun shing rdung ba'i tshul/ /g.yon dang po na rdo rje dril bu bar ma na rdo rje dgra sta/ tha ma na rdo rje zhags pa/ sdigs mdzub la dkris pa thugs kar 'dzin pa'o/ /tshul de ltar rdo rje phur bu'i stod bdag po a mri ta kun Da li lta bu khro

  127. 64a

    bo'i tshul yin no/ /de ltar rdo rje phur bur gyur ma thag tu bdag po khro bo'i rgyal po a mri ta kun Da li phyag g.yas dang po na rdo rje rgya gram 'dzin pa de'i bum pa'i dbus su sngags sa bon yig 'bru hUM bsam mo/ /de kha dog dmar po me phung bzhin du 'bar ba rdo rje rgya gram la gnyis su med par thim par 'gyur ro/ /de ma thag tu rdo rje rgya gram de rdo rje tho ba'i ngo bor gyur par bsam mo/ /kha dog dmar po me long lta bu'i ye shes la sogs pa ye shes lnga'i gzi brjid chen po'i 'bar bas 'bar bar brtag go /tshul de ltar rdo rje phur bu dang rdo rje tho ba bskyed pa'i bsgom pa bya bar smos so/ /gzhan yang mdun du smos pa'i sgom pa bya zhing sngags kyi bzlas pa'i bsnyen pa bya ba'i grangs kyi tshad bya bstan par te/ hUM phaT sarba ri pu naM ki la naM ku ru/ de ltar sngags kyi bsnyen pa'i grangs kyi tshad 'bum phrag gsum du bzlas pa bya'o/ /de nas bzlas ba bya ba'i dus su sngags kyi yig 'bru rnams myur bar mi bzla ngal bar mi bzla ste gsal bar skar ma bzhin du gzi brjid kyis 'bar bar bzlas pa bya'o/ /mdor bsdu ba de ltar mi dang mi ma yin ba phur bu'i thabs kyis gsad par bya ba'i las kyi bsgrub pa'i bsgom pa dang/ sngags kyi bsnyen pa'i don du smos so/ /de ltar hUM las phur bur bsam ni/ rtse mo lnga pa'i ngo bo ste'i don du gsungs so/ /rdo rje phur bu de yis ni/ /snying gar btab par rab bsgoms na/ /zhes pa ni sgrub pa pos mdun du smos pa'i bsgom pa dang sngags kyi bzlas pa byas pa'i 'og tu/ lcags las rdo rje'i phur bu bya ste/ de zhal gsum pa zhal dbus ma'i spyi bo rdo rje rtse lngar bya'o/ /ring thung gi tshad sor bcu gnyis su bya'o/ /de bzhin du lcags la rdo rje tho ba bya'o/ /de'i ring thung gi tshad khru gang dang sor gsum du bya'o/ /de ltar rdo rje phur bu tho bas dgra'i gzugs brnyan la

  128. 64b

    gdab ba'i dus su mdun du smos pa'i tshul gyi sngags sa bon yig 'brus rdo rje phur bu dang rdo rje tho bar gyur par byas pa de dang gnyis su med pa'i ngo bor brtag go /bstan par bya ste/ khro bo chen po brtson 'grus kyis dgra rnams kyi snying gar rdo rje phur bus btab nas rdo rje thobs brdung bar bya ba yin no/ /don des rdo rje phur bu de yis ni snying gar btab bar rab tu bsgom par smos so/ /de ltar rdo rje phur bu yis ni snying gar btab par rab bsgoms nI don du gsungs so/ /khros pas sangs rgyas dpung dag kyang/ /'jigs par 'gyur par gdon mi za/ /zhes pa ni mdun du smos pa'i rdo rje phur bu'i thabs kyi las kyi sgrub pa byas pas rdo rje mi bskyod pa nyid la sogs pa rigs lnga'i bye brag gi sangs rgyas smos pa de dag gi dpung grangs med pa 'jigs par 'gyur bar gdon mi za ba ni la dor ba'i tshig yin no/ /gzhan sems can phra mo 'jig par 'gyur ba ni ngo mtshar mi che'o/ /de ltar khros pas sangs rgyas dpung dag kyang/ 'jig par 'gyur ba'i gdon mi za'i don du gsungs so/ /dgra rmongs par byed pa zhes bya ba'i ting nge 'dzin to/ / zhes bya ba ni dgra rmongs par byed pa'i ni gong du bshad pa'i bsgom pa dang sngags kyi bzlas pa'i bsnyen pa byas pas bsgrub pa po'i dgra rnams rmongs par 'gyur bar smos so/ /bstan par bya ste/ tshul ci ltar smos pas dgra'i gzugs brnyan byas pa de'i snying gar rdo rje phur bu btab pas nges par 'jig par smos so/ /de ltar dgra rmongs par byed pa'i don du gsungs so/ /ting nge 'dzin to zhes pa ni dgra gsad par bya ba'i cho ga'i las kyi bsgrub pa'i dus su mgo mjug gi bsgom par bya bar smos pa de'i ting nge 'dzin gyi don du gsungs so/ /de ni thugs rje chen po'i thugs bskyed nas grong la sogs pa'i gnas na/ sems can gnas pa la rims la sogs pa nad thams cad kyi gnod pa 'byung ba de dag med par bya ba'i cho ga'i thabs kyi don bstan par bya ste/

  129. 65a

    grong ngam/ yang na grong rdal lam/ ljongs dag tu ni rab tu sbyar/ /nad kun spong ba'i zhi ba yang/ /'dis ni rtag tu sbyar bar bya/ /zhes bya ba'i don du bshad par bya ste/ ci ltar yin na/ grong ni rgyal po 'am/ blon po chen pos byas pa/ dpag tshad gcig la sogs pa phyogs kun tu dpag tshad kyi grangs yod pa ste/ yangs pa'o de na gnas pa'i sems can ni grong par ming btags pa yin no/ /de ltar grong gi don du gsungs so/ /grong rdal ni yang na khyim bdag gam/ yang na tshong dpon gyis byas pa ste/ de ni rgyang grags cig pa la sogs pa phyogs kun tu dpag tshad tsam du yangs pa'o/ /de na gnas pa'i sems can la grong rdal bar ming btags so/ /de ltar grong rdal gyi don du gsungs so// ljongs zhes pa ni yul gyi phyogs gcig gi khams te/ de ni dpag tshad brgya la sogs pa phyogs kun tu yangs pa'o/ /de na gnas pa'i sems can ni ljongs par ming btags pa'o/ /de ltar ljongs kyi don du gsungs so/ /rab tu sbyar zhes pa ni mdun du smos pa'i grong la sogs pa na sems can gnas pa'i sems can thams cad la rims la sogs pa nad kyi gnod pa 'byung ba'i dus su 'og nas 'byung ba'i tshul gyis sos par bya ba'i cho ga'i thabs kyi sbyor ba bya ba yin no/ / de ltar rab tu sbyor gyi don du gsungs so/ /nad kun spong ba'i zhi ba yang 'dis ni rtag tu sbyar bar bya/ zhes pa ni 'og nas 'byung ba'i sgom pa'i cho ga'i sbyor ba byas pas sems can thams cad rims la sogs pa'i nad thams cad kyi gnod pa dang bral nas dus rtag par zhi ba'i bde ba thams cad thob par 'gyur bar smos so/ /rdo rje rtse mo lnga pa ni bar snang dag la rab tu bsgom/ skal bas sreg pa 'di bsams nas/ /slar yang rab tu bsdu bar bya/ /zhes bya ba'i don bshad par bya ste/ ci

  130. 65b

    ltar yin na/ rdo rje rtse mo lnga pa ni bar snang dag la rab tu bsgom ni sgrub pa pos dang po phyi'i grong dang/ grong rdal dang ljongs la sogs pa gang yang rung ba na/ sems can gnas pa la nad kyi gnod pa 'byung ba'i gnas kyi dbus bu snying rje chen po'i sems bskyed de/ stan bde ba 'jam pa'i steng du mos pa'i skyil mos 'dug gi /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyas gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku mdog ni shin tu dkar ba ste/ byang chub sems rdo rje lta bu zhal gsum pa/ zhal dbus ma sku dang mthun/ g.yas dmar ba g.yon ser pa'o/ /skra'i thor tshugs kyi brgyan pa/ zhal cung zad bzhed pa/ rin po che sna tshogs kyi rgyan gyis brgyan pa sku kun nas zla ba stong dang mnyam pa'i gzi brjid kyi 'od kyis 'bar ba'o/ /phyag drug phyag mtshan drug go /phyag g.yas dang po na rdo rje rtse lnga 'dzin/ bar ma na 'khor lo rtsibs brgyad/ tha ma na pad+ma 'dab brgyad/ g.yon dang po na rdo rje dril bu bar ma na yid bzhin gyi nor bu rin po che zur lnga pa/ tha ma na rdo rje ral gri ud pa la sngon po'i 'dab ma lta bu'o/ /de lta bu'i ngo bo rdo rje mi bskyod pa'i sku phyag rgya bskyed ma thag tu/ de dang gnyis su med pa'i nga rgyal du bsgom par bya'o/ /de'i dus su gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog dmar ser me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba'i ngo bor 'gyur ro/ /sa bon de las rdo rje rtse lnga pa kha dog dkar pa cung zad dmar ba/ me long lta bu'i ye shes kyi ngo bo sprin bzhin du bskyed par bya'o/ /de lta bu'i ngo bo'i rdo rje ba spu'i bu ga'i lam nas spro bar bya ste/ nam

  131. 66a

    mkha' i dbus su sems can nad pa thams cad kyi steng du khyab par rab tu bsgom par bya'o/ /de ltar rdo rje rtse mo lnga pa ni bar snang dag la rab tu bsgom gyi don du gsungs so/ /bskal pas sreg pa 'di bsams nas/ / slar yang rab tu bsdu bar bya/ /zhes pa ni mdun du smos pa'i rdo rje rtse lnga'i sprin bzhin du spros pa de dag thams cad ci ltar bskal pa'i mes 'gro dang mi 'gro'i 'jig rten gyi khams thams cad sreg nus par smos pa/ de bzhin du me long lta bu'i ye shes kyi gzi brjid kyi 'bar ba'i 'od kyis 'bar ba yin no/ /rdo rje de'i gzi brjid kyis 'bar ba'i 'od kyis sems can nad pa thams cad la reg ste/ de ma thag tu rims la sogs pa'i nad kyi sdug bsngal thams cad bsregs pas sems can nad pa rnams sos par bsgom par bya'o/ /de ltar byas pa'i 'og tu nam ka'i dbus na rdo rje sprin bzhin du gnas pa de ltar spro ba'i lam nas spros pa'i gnas su gnyis su med par bsdu bar bya'o/ /de ye shes kyi gong bu'i gzugs su gyur nas gnas par bsam mo/ /mdor bsdu ba de ltar bskal pas bsregs pa 'di bsams nas slar yang rab tu bsdu bar bya ba'i don du gsungs so/ /da ni sems can thams cad kyi nad dang dbul ba med par byas nas rgyas par 'gyur ba'i cho ga'i thabs kyi don bstan par bya ste/ nor bu rin chen 'od rnams ni/ /slar yang rab tu spro bar bya/ /chos kyi sprin ni bsgom par bya/ /de nas dbang bskur rab tu mdzad/ zhes bya ba'i don bshad par bya ste/ ci ltar yin na/ nor bu rin chen 'od rnams ni slar yang rab tu spro bar bya ni/ mdun du smos pa'i rdo rje mi bskyod pa dang gnyis su med pa'i nga rgyal gyi bsgom pa mi g.yo bas/ sems can nad med par zhi bar gyur pa'i ngo bo rdo rje sprin lta bu gsang ba'i thugs ka ye shes sems dpa' i

  132. 66b

    gnas su gnyis su med par bsdus pa ye shes kyi gong bu'i ngo bor gyur nas gnas par smos pa'i sa bon de nyid las/ rin po cher ming btags pa de bzhin gshegs pa rin chen 'byung ldan gyi sku phyag rgya sprin bzhin du bskyed par bya'o/ /mnyam pa nyid kyi ye shes kyi ngo bo de skabs 'dir shes rab ma ye shes kyi lha mo na bza' dkar mo dang gnyis su med par 'khyud pa'i sbyor ba dang ldan pa'o/ /de'i sku mdog ser po rin po che 'dzam bu na da lta bu/ zhal gsum pa zhal dbus ma sku dang mthun/ g.yas nag po g.yon dkar po/ skra'i thor tshugs kyis brgyan pa/ zhal cung zad bzhad pa rin po che sna tshogs kyi rgyan gyis brgyan pa/ phyag drug phyag mtshan drug go /phyag g.yas dang po na yid bzhin gyi nor bu rin po che zur lnga pa 'dzin/ bar ma rdo rje rtse lnga tha ma na 'khor lo rtsibs brgyad/ g.yon dang po na dril bu/ bar ma na pad+ma ser po 'dab brgyad tha ma na rdo rje ral gri utpal sngon po'i 'dab ma lta bu'o/ /de lta bu'i ngo bo rin chen 'byung ldan gyi sku phyag rgya sprin bzhin du bskyed ma thag tu bsgrub pa pos ba spu'i bu ga'i lam gyi sgo nas mdun du smos pa'i sems can nad thams cad nad sos nas zhi bar gyur pa'i steng du/ nam mkha' i dbus su khyab par spro bar bya'o/ /de'i dus su rin chen 'byung ldan gyi sku phyag rgya sprin lta bu'i gnas nas yid bzhin gyi nor bu rin po che zur brgyad pa kha dog ser po sprin bzhin du spro bar bya'o/ /de mnyam pa nyid kyi ye shes kyi ngo bo gzi brjid kyis 'bar ba'i 'od kyis 'bar ba'o// de lta bu'i ngo bo yid bzhin gyi nor bu rin po che sprin bzhin du spros ma thag tu tshul ci ltar smos pa'i sems can nad pa thams cad nad sos nas zhi bar gyur par smos pa de dag thams cad kyi lus la yid bzhin gyi nor bu rin po che sprin ltar gzi

  133. 67a

    brjid kyi 'od kyis reg par bsam mo/ /de'i 'og tu sems can de dag gi dbul ba med pas/ 'byor ba thams cad kyi dbang phyug chen po dang ldan par gyur par smos so/ /tshul de ltar spro ba dang/ byin gyis brlab pa byas ma thag tu rin chen 'byung ldan gyi sku phyag rgya sprin lta bu'i gnas su yid bzhin gyi nor bu rin po che sprin lta bu'i de gnyis su med par bsdu bar bsam mo/ /de ma thag tu rin chen 'byung ldan gyi sku phyag rgya sprin lta bu de spro ba'i lam nas spro ba'i gnas su gnyis su med par bsdu bar bya'o/ /de ye shes kyi 'od kyi gong bu'i ngo bor gyur nas gnas par bsam mo/ /de ltar nor bu rin chen 'od rnams ni/ slar yang rab tu spro bar bya ba'i don du gsungs so/ /chos kyi sprin ni spro bar bya/ de nas dbang bskur rab tu mdzad ces pa ni/ mdun du smos pa'i sems can rnams kyi dbul ba med par byas pas dbang phyug chen po'i ngo bo rgyas par gyur pa'i 'og tu/ rin chen 'byung ldan gyi sku phyag rgya sprin lta bu gsang ba'i thugs ka ye shes sems dpa' i gnas su gnyis su med par bsdus nas ye shes kyi gong bu'i ngo bor gyur nas gnas pa'i sa bon de nyid las/ chos kyi sprin du ming btags pa de bzhin gshegs pa snang ba mdza' yas kyi sku phyag rgya sprin bzhin du bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i dus 'dir sku mdog ni ser po cung zad dmar bar smos so/ /zhal gsum pa zhal dbus ma sku dang mthun/ g.yas nag po g.yon dkar po/ sgra thor tshugs kyis brgyan pa/ zhal cung zad bzhad pa/ rin po che sna tshogs kyis brgyan pa phyag drug phyag mtshan drug go /phyag g.yas dang po na pad+ma ser po 'dab brgyad 'dzin/ bar ma na rdo rje rtse lnga/ tha ma na 'khor lo

  134. 67b

    rtsibs brgyad gser gyi kha dog lta bu/ g.yon dang po rdo rje dril bu/ bar ma na yid bzhin gyi nor bu rin po che kha dog ser po zur brgyad pa/ tha ma na rdo rje ral gri utpal sngon po'i 'dab ma lta bu/ de lta bu'i ngo bo chos su ming btags pa snang ba mdza' yas kyi sku phyag rgya sprin bzhin du bskyed ma thag tu sgrub pa pos ba spu'i bu ga'i lam gyi sgo nas mdun du smos pa'i sems can nad pa thams cad nad sos nas zhi ba dang rgyas par gyur pa de dag gi steng du nam mkha' i dbus su khyab par spro bar bya'o/ / de'i dus su snang ba mdza' yas kyi sku phyag rgya sprin lta bu de'i gnas nas/ ye shes kyi lha mo na bza' dkar mo'i dbang phyug chen po 'thob par smos so/ de ltar dgang rka ba yang rab tu 'gengs kyi don du gsungs so/ /rdo rje sbyor ba rab tu bsgoms pa zhes ni/ rdo rje'i sbyor bar ming btags pa ni de bzhin gshegs pa rin chen 'byung ldan te/ de ni yid bzhin gyi nor bu rin po che lta bu'o/ /bstan par bya ste/ mdun du smos pa'i tshul du sems can gyi don bya ba'i phyir bsgom pa byed pa ni/ rdo rje'i sbyin pa dang gnyis su med pa'i ngo bo dngos grub kyi 'bras bu 'grub par 'gyur ro/ /de ltar rdo rje'i sbyin pa rab bsgoms pa'i don du gsungs so/ /nor bu yid bzhin dpal ldan 'grub ces pa ni gong du bshad pa'i tshul du thugs rje chen po'i thugs bskyed nas sems can gyi don byas pas/ bsgrub pa po ci ltar yid bzhin gyi nor bu rin po che de ba thams cad skong bar byed pa de bzhin du nus par 'gyur ro/ /don des bsgrub pa po nyid dpal dang ldan par smos so/ /de ltar nor bu yid bzhin dpal ldan 'grub kyi don du gsungs so/ /sangs rgyas sprin gyi chos chen po/ /rdo rje sems dpas sgro ba ste/ /bskal pa grangs med yun gnas shing/ /sangs rgyas kun gyis byin gyis brlab/ /zhes bye ba'i don bshad par bya ste/ ci ltar yin na/

  135. 68a

    sangs rgyas sprin gyi chos chen po rdo rje sems dpas spro ba ste/ de ni gang du bshad pa'i tshul gyi sangs rgyas rin chen 'byung ldan chos su ming btags pa snang ba mdza' yas kyis sems can nad pa thams cad byin gyis brlab par bya ba'i phyir/ ci ltar smos pa'i tshul du rdo rje sems dpa' i sku phyag rgya'i gnas nas sprin bzhin du spro bar bya bar smos so/ /de ltar sangs rgyas sprin gyi chos chen po/ /rdo rje sems dpa' spro ba ste/ de'i don du gsungs so/ /bskal pa grangs med yun gnas shing/ /sangs rgyas kun gyis byin gyis brlab ces pa ni/ mdun du smos pa'i grong la sogs pa ni/ sems can nad pa gnas pa thams cad ci ltar smos pa'i tshul gyi rin chen 'byung ldan gyi sku phyag rgya sprin lta bu dang/ da bzhin du snang ba mdza' yas kyi sku phyag rgya sprin lta bus byin gyis brlabs pa'i 'og tu/ skal pa grangs med pa'i bar du sangs rgyas thams cad kyis byin gyis brlab par mdzad de/ bsod nams de'i stobs kyis rims la sogs pa nad kyi gnod pa thams cad bcom par 'gyur ro/ /yon tan des sems can nad med pa dang gnod ba med par bde bar gnas par smos so/ /mdor bsdus pa de ltar bskal ba grangs med yun gnas shing/ sangs rgyas kun gyis byin gyis rlob kyi don du gsungs so/ /'di ni sangs rgyas thams cad kyi/ /gsang ba'i sku ste mi 'gyur ba'o/ zhes bya ba ni sangs rgyas thams cad kyi gsang ba'i sku ni dpal rdo rje sems dpa' la sogs pa rigs lnga'i bye brag gi sangs rgyas smos pa thams cad kyi sku don dam par ma skyes pa stong ba'i ngo bo chos kyi sku gnyis su med pa'i bdag nyid de/ don des sku'i gsang ba yin no/ /bshad par bya ste/ bsgrub pa pos snying rje chen po'i sems bskyed de/ sems can thams cad kyi

  136. 68b

    don byas pa'i bsod nams bsags pas sangs rgyas thams cad kyi gsang ba'i sku dang gnyis su med pa'i dngos grub kyi 'bras bu thob par 'gyur ro/ /de ltar 'di ni sangs rgyas thams cad kyi/ /gsang ba'i sku don du gsungs so/ mi 'gyur zhes pa ni nges pa the tshom med pa/ ci ltar smos pa'i tshul gyi sangs rgyas thams cad kyi gsang ba'i sku phyag rgya sprin bzhin du spro bar bya'o/ /de'i dus su 'dir sku mdog ser por smos so/ /de so sor rtogs pa'i ye shes kyi ngo bo gzi brjid phung po bzhin du 'bar bas 'bar bar brtag go /zhal gsum pa zhal dbus ma sku dang mthun/ g.yas nag po g.yon dkar po thor tshugs pad+ma kha dog sna tshogs pa'i phreng bas bcings pa/ cung zad bzhad pa/ rgyan thams cad kyis brgyan pa/ phyag drug phyag mtshan drug go /dus 'dir phyag g.yas g.yon dang po gnyis na/ rin po che 'dzam bu na da'i bum pa ye shes kyi bdud rtsis bkang ba thugs kar snyim pa'i dkyil du 'dzin pa'o/ /g.yas bar ma utpal dmar po'i spu gu /tha ma na rdo rje rtse lnga g.yon bar ma na yid bzhin gyi nor bu rin po che zur brgyad pa/ tha ma na rdo rje ral gri'o de lta bu'i ngo bo ye shes kyi lha mo na bza' dkar mo sku phyag rgya sprin bzhin du spros ma thag tu/ ci ltar smos pa'i tshul gyi sems can nad pa thams cad nad sos nas zhi ba dang rgyas par gyur par smos pa de dag thams cad kyi steng du/ rin po che bum pa'i ye shes kyi bdud rtsi'i chus dbang bskur bar bsgom par smos so/ /de ltar dbang bkur ma thag tu sems can de dag thams cad kyi lus rgyas pa'i ngo bo gzi brjid kyi phung por 'gyur ro/ /tshul de ltar dbang bskur ba'i 'og tu ye shes kyi lha mo na bza' dkar mo'i sku phyag rgya sprin ltar de snang ba mdza' yas kyi sku phyag rgya sprin lta bu gnas su bsdu bar bsam mo/ /de ma thag tu snang ba mdza' yas kyi sku phyag rgya sprin lta

  137. 69a

    bu spro ba'i lam nas spro ba'i gnas su gnyis su med par bsdu bar bya'o/ /de ltar chos kyi sprin ni spro bar bya/ de nas dbang bskur rab tu mdzad kyi don du gsungs so/ /rdo rje bsam gtan 'di yis ni/ /dgang dka' ba yang rab tu 'gengs/ /rdo rje sbyin pa rab bsgoms pa/ /nor bu yid bzhin dpal ldan 'grub/ ces bya ba'i don bshad par bya ste/ ci ltar yin na/ rdo rje bsam gtan 'di yis ni zhes pa/ ci ltar smos pa'i tshul gyis bdag rdo rje mi bskyod pa dang gnyis su med pa'i nga rgyal du bsgoms pas/ bsam gtan rdo rjer ming btags pa ye shes gsum du smos so/ /de'i don gsal bar bstan par bya ste/ me long lta bu'i ye shes rdo rje ngo bo ni mi bskyod pa'o de dang gnyis su med pa'i nga rgyal du bsgoms pas mnyam pa nyid kyi ye shes rdo rje'i ngo bo rin chen 'byung ldan gyi sku phyag rgya sprin bzhin du spros pa des/ ci ltar smos pa'i tshul gyis byin gyis brlabs nas gnyis su med par bsdu bar smos de'i 'og tu chos kyi sprin du ming btags pa so sor rtog pa'i ye shes rdo rje'i ngo bo snang ba mdza' yas kyi sku phyag rgya sprin bzhin du spros pas ci ltar smos pa'i tshul du dbang bskur nas/ gnyis su med par bsdus par smos so/ /tshul de ltar rim pa ma nor bar bsgoms pa de ni bsam gtan rdo rjer bstan to/ /de ltar rdo rje bsam gtan 'di yis na'i don du gsungs so/ /dgang dka' ba yang rab tu 'gengs zhes bya ba ni/ mdun du smos pa'i bsam gtan rdo rje de byas pas sems can nad pa thams cad rims la sogs pa nang pa thams cad nyams thag pas lus kyi sha skams par gyur pa de dag rgyas pa chen po'i ngo bo lus shas shin tu gang bar 'gyur ro/ /gzhan yang lus la nad kyi gnod pa med pas zhi ba dang/ rgyas par gyur ma thag tu/ dbul ba chen po

  138. 69b

    med pa'i sbyor ba yi bye brag sna tshogs phun sum tshogs pa'i sku dang gnyis su med pa'i dngos grub kyi 'bras bu sgrub pa pos thob par 'gyur bar smos so/ /de ltar mi 'gyur ba'i don du gsungs so/ /nad thams cad med par byed pa'i rdo rje 'byung ba zhes bya ba'i ting nge 'dzin to/ /zhes bya ba ni nad thams cad ni sems can thams cad la rims la sogs pa nad thams cad kyi gnod pa med par byed pa rdo rje 'byung ba zhes pa ni/ sgrub pa pos snying rje chen po'i sems bskyed nas/ rdo rje mi bskyod pa dang gnyis su med pa'i nga rgyal gyi bsgom pas sems can thams cad med par bya ba'i phyir rdo rjer ming btags pa mnyam pa nyid kyi ye shes kyi ngo bo rin chen 'byung ldan gyi sku phyag rgya sprin bzhin du 'byung ba spro bar bya'o/ /de bzhin du so sor rtog pa'i ye shes kyi ngo bo snang ba mdza' yas kyi phyag rgya sprin bzhin du 'byung ba spro ba yin no/ /de ltar med par byed pa rdo rje 'byung ba'i don du gsungs so/ /ting nge 'dzin zhes pa ni/ sems can thams cad kyi nad med par bya ba'i phyir tshul ji ltar smos pa mgo mjug gi don bsgoms pa byas par smos so/ /de ltar ting nge 'dzin gyi don du gsungs so/ /da ni skye 'gro lha dang mi la sogs pa sems can thams cad bran bzhin du gdul bar bya ba'i don bstan par bya ste/ bsam gtan skyes pa'i yi dam gyis/ /gang yang rung ba'i gnas su spyad/ /bsam gtan sbyor ba 'di la ni/ /gnas nas sangs rgyas byin gyis brlab/ /ces bya ba'i don bshad par bya ste/ ci ltar yin na bsam gtan skyes pa'i yi dam gyis gnas ni gang yang rung bar spyad ni 'og nas 'byung ba'i tshul du sgrub pa pos lha dang mi la sogs pa sems can thams cad rdo rje bdud rtsi dang gnyis su med pa'i ngo bor rdo rje phur bur gyur pa'i sbyor bas gdul ba'i las bya bar smos so/ /bshad par bya ste/ lam gyi

  139. 70a

    bzhi mdo dang dur khrod la sogs pa sems mos pa'i gnas gang yang rung bar phur bu'i las bya'o/ /dang po gnas de'i dbus su chu 'gram gnyis kyi sa dang/ gzhan yang dbang phyug chen po'i sder so byas pa zhig pa'i sa dang/ grog mkhar gyi sa dang/ dur khrod kyi sa dang/ thal ba dang/ sems can thams cad kyi rus pa'i phye ma dang 'ug pa'i khrag ste/ de ltar phyi'i rdzas dang nang gi bshang ba dang rdo rje'i chu dang/ gcig tu bsres la rdzas de la gzugs brnyan byas la/ de nas gzugs brnyan gyi drung du phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgya gyur par bya'o/ /de ma thag tu zhe sdang rdo rje'i ngo bor 'gyur bar bsam mo/ de nyid kyi shes rab ma ye shes kyi lha mo zhe sdang dga' ma dang/ gnyis su med par 'khyud pa'i sbyor ba dang ldan pa'o/ /sku mdog nag po/ zhal gsum pa zhal dbus ma sku dang mthun/ g.yas dmar po/ g.yon dkar po/ ral pa gyen du brdzes pa/ rab tu 'bar ba/ spyan dmar ba/ smin ma bskyod pa/ khro bo'i rgyan thams cad kyis brgyan pa/ sku kun bskal pa'i me ltar rab tu 'bar ba/ phyag drug phyag mtshan drug go /phyag g.yas dang po na khro bo'i rdo rje rtse dgu 'dzin/ phyag mtshan gzhan ni rdo rje mi bskyod pa'i ci ltar smos pa dang sbyar ro/ /de lta bu'i ngo bo zhe sdang rdo rje sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje'i rigs kyi bye brag gi khrus mkhan gyi bu mo blang ngo/ /yang na dman pa'i rigs gang yang rung ba la blangs yang mi 'gal lo/ /de mdun du smos pa'i mtshan dang yon tan phun sum tshogs pa'i ngo bo thams cad dang ldan pa'o/ /shes rab ma ye shes kyi lha

  140. 70b

    mo zhe sdang dga' ma dang gnyis su med pa'i ngo bor byin gyis brlab par bya'o/ /de'i 'og tu sgrub pa pos thugs rje chen po'i zhe sdang gi sems kyis gnyis su med par 'khyud pa'i sbyor ba dang thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas/ shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo nyi ma stong dang mnyam par 'bar ba 'od du zhu nas ye shes kyi khu ba'i ngo bo byang chub sems kyi rgya mtsho la gnyis su med par thim par 'gyur ro/ /sa bon de las khro bo thams cad kyi rgyal po badzra hUM ka ra'i sku phyag rgya bskyed par bya'o/ /de nyid shes rab ye shes kyi lha mo thugs rje'i dbang phyug ma dang gnyis su med par 'khyud pa'i sbyor ba dang ldan pa'o/ /sku mdog sprin nag po lta bu zhal gsum pa/ zhal dbus ma sku dang mthun/ g.yas shin tu dmar ba/ g.yon dkar ba/ ral pa gyen du brdzes pa sprul gyis bcings pa/ 'bar ba'i tshogs kyis 'bar ba/ spyan gsum pa/ khros te phyogs bcur gzigs pa/ smin ma'i khro gnyer bskyod pa shangs nyag pa/ mche ba'i phreng ba gdengs pa/ yan lag dang nyid lag thams cad sprul gyis brgyan pa/ sku che ba g.yas brkyang ba dang g.yon bskum pa'i tshul gyis gnas pa/ gad mo gzhad pa phyag drug phyag mtshan drug go /phyag g.yas g.yon dang po gnyis rdo rje hUM mdzad kyi phyag rgya bcings pa'i g.yas pa na khro bo'i de rtse dgu 'dzin/ de bzhin du g.yon na rdo rje dril bu'o/ /g.yas bar ma na rdo rje kyo ba/ tha ma na rdo rje ral gri'o/ /g.yon bar ma na rdo rje dgra sta/ tha ma na rdo rje zhags pa'o/ /de lta bu'i ngo bo'i khro bo'i rgyal po badzra hUM

  141. 71a

    ka ra'i sku phyag rgya bskyed ma thag tu skyed par mdzad mkhan zhe sdang rdo rje'i sku phyag rgya khro bo'i rgyal po chen po badzra hUM ka'i spyi bo la dbang bskur ba'i tshul du gnas par bsam mo/ /de ltar bsam gtan skyed pa'i yi dam gyis/ /gnas ni gang yang rung bar spyad kyi don du gsungs so/ /bsam gtan sbyor ba'i 'di la ni/ gnas na sangs rgyas byin gyis rlob ces pa ni mdun du smos pa'i tshul du yi dam bya zhing tshul ci ltar bshad pa'i shes rab ma ye shes kyi lha mo khro mo dbang phyug ma dang gnyis su med pa'i ngo bor byin gyis brlab par bya ste/ de'i 'og tu sgrub pa pos thugs rje chen po'i zhe sdang gi sems kyis gnyis su med par 'khyud pa'i sbyor bas thabs dang shes rab kyi pha rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po a mri ta kun Da li'i sku phyag rgya bskyed par bya'o/ /de nyid kyi shes rab ma ye shes kyi lha mo ral pa gcig ma dang/ gnyis su med par 'khyud pa'i sbyor ba dang ldan pa'o/ /sku mdog sprin sngon po lta bu zhal gsum pa/ zhal dbus ma sku dang mthun/ g.yas dmar po/ g.yon dkar po/ ral pa gyen du rdzes pa rab tu 'bar ba gdengs pa'i tshul bstan pa'i me ltar rab tu 'bar ba spyan mi sdug par gzigs pa smin ma'i khro gnyer skyed pa/ mche ba'i phreng ba'i gad mos bzhad pa/ khro bo'i rgyan thams cad

  142. 71b

    brgyan pa/ phyag drug phyag mtshan drug go/ phyag g.yas dang po na rdo rje skyo ba/ bar ma na rdo rje ral gri /tha ma na rdo rje gtun shing/ g.yon dang po na rdo rje zhags pa bar man rdo rje rgyar ma/ tha ma na rdo rje dgra sta/ de lta bu'i ngo bo khro bo'i rgyal po a mri ta kun Da li'i sku phyag rgya sprin bzhin du bskyed ma thag tu ba spu'i bu ga'i lam gyi sgo nas 'jig rten gyi khams thams cad du khyab par spro bar bya'o/ /de'i 'og tu lha dang mi la sogs pa sems can ma lus pa thams cad rdo rje kyo bas spyi bo nas bzung rdo rje zhags pas mgul pa nas bcings te/ tshul de ltar khro bo chen pos bkug ma thag tu mdun du smos pa'i rdzas kyi sbyor ba las gzugs brnyan byas pa de'i nang du ci ltar smos pa'i sems can bkug pa de dag thams cad thim par gyur par bsam mo/ /de ma thag tu 'gugs par mdzad mkhan khro bo'i rgyal po a mri ta kun Da li'i sku phyag rgya sprin lta bu de/ spros pa'i lam nas spro ba'i gnas su gnyis su med pa'i ngo bor bsdu bar bya bar smos so/ / bshad par bya ste/ mdun du smos pa'i bsam gtan gyi sbyor ba byas nas sgrub pa pos sems brtan pas rtsa cig pa'i brtson 'grus chen pos ma grub kyi bar du gnas pa yin te/ yon tan des rdo rje mi bskyod pa nyid la sogs pa rigs lnga'i bye brag gi sangs rgyas smos pa thams cad kyis sgrub pa pos byin gyis rlob par mdzad do/ /de'i dus su bsod nams kyi stobs kyis ci ltar smos pa'i sems can thams cad gdul ba'i dngos grub kyi 'bras bur 'gyur ro/ /mdor bsdu ba de ltar bsam gtan sbyor ba 'di la ni/ gnas na sangs rgyas byin gyis brlob kyi don du gsungs so/ /da ni sems can thams cad gdul ba'i thabs rdo rje phur bu'i sbyor ba'i cho ga'i don bstan par bya ste/ rdo rje bdud rtsi rgyal po che/ /rdo rje phur bu

  143. 72a

    rab tu bsgom/ /me stag 'bar ba 'dra ba yis/ /phyogs bcu'i dkyil 'khor gdab par bya/ /zhes bya ba'i don bshad par bya ste/ ci ltar yin na/ rdo rje bdud rtsi rgyal po che/ rdo rje phur bur rab tu bsgom ni mdun du smos pa'i khro bo'i rgyal po badzra hUM ka ra dang/ gnyis su med pa'i nga rgyal du bsgom pas gnas pa'i phyag g.yas g.yon dang po gnyis rdo rje mdud pa'i phyag rgyar gnas pa de dbye bar bsam mo/ /de ma thag tu phyag g.yon dang po na rdo rje dril bu 'dzin pa'i dril bu'i spyi bo'i rtse mo dbus ma'i steng du sngags sa bon yig 'bru hUM bsam mo/ /de kha dog sngon po gzi brjid chen po'i 'bar bas 'bar zhing rdo rje dril bu la gnyis su med par thim par 'gyur ro/ /de ma thag tu rdo rje dril bu de rdo rje phur bur gyur par bsam mo/ /de nas rdo rje phur bu'i dbyibs dang cha lugs phun sum tshogs pa bstan par bya ste/ rdo rje phur bu mdun du smos pa'i tshul du khro bo 'dra ba/ smad rtse mo lta bu'o/ /sku mdog sngon po zhal gsum pa/ zhal dbus ma sku dang mthun/ de'i spyi bo'i rdo rje rtse lnga'i ngo bo'i zhal g.yas dmar/ g.yon dkar ba/ skra gyen du rdzes pa sku kun rab tu 'bar bas ni ma sdug pa dmar ba phyogs bcur gzigs pa/ smin ma myur ba myur bar bskyod pa khro bo'i rgyan thams cad kyis brgyan pa/ phyag drug phyag mtshan drug go /phyag g.yas dang po na rdo rje rgya gram 'dzin/ bar ma na rdo rje ral gri /tha ma rdo rje gtun shing gdung ba'i tshul/ g.yon dang po na rdo rje dril bu/ bar ma na rdo rje dgra sta/ tha ma na rdo rje zhags pa sdigs mdzub la dkris pa thugs kar bzhag pa'o/ /de ni rdo rje bdud rtsir ming btags pa me long lta bu'i ye shes kyi ngo bo khro bo'i rgyal po a mri ta kun Da lir smos so/ /de la rgyal po chen po ni sku dang gsung gi phur bu'i nang na/

  144. 72b

    rdo rje'i rigs kyi phur bu 'di ni las thams cad kyi dngos grub kyi 'bras bu sgrub par byed pas rgyal po chen por smos so/ /tshul de ltar rdo rje phur bu khro bo'i gzugs su rab tu bsgom par bya ba yin no/ /de ltar rdo rje phur bur gyur par byas ma thag tu khro bo'i rgyal po chen po badzra hUM ka ra'i phyag g.yas dang po na/ khro bo'i rdo rje rtse dgu 'dzin pa de'i bum pa'i dbus su sngags sa bon yig 'bru hUM bsam mo/ /de kha dog dmar po me phung bzhin du 'bar ba khro bo rdo rje? rtse dgu la gnyis su med par thim par 'gyur ro/ / de ma thag tu khro bo'i rdo rje rtse dgu de rdo rje rtse dgu tho ba'i ngo bor gyur par bsam mo/ /de kha dog dmar po me long lta bu'i ye shes la sogs pa ye shes lnga'i gzi brjid chen po'i 'bar bas 'bar bar brtag go /tshul de ltar rdo rje'i phur bu dang rdo rje tho ba bskyed pa'i bsgom pa bya bar smos so/ /gzhan yang mdun du smos pa'i bsgom pa bya zhing sngags kyi bzlas pa'i bsnyen pa bya ba'i grangs kyi tshad bstan par bya ste/ hUM phaT sarba sa twAM baM na yan/ ki la naM ku ru sngags de 'bum phrag gsum gyi grangs kyi tshad du bzlas pa bya'o/ /de ltar sngags kyi bzlas pa bya ba'i dus su sngags kyi yig 'bru myur bar mi bzla/ bul bar mi bzla/ gsal bar skar ma bzhin du gzi brjid kyis 'bar bar bzla'o/ /mdor bsdu ba de ltar skye 'gro sems can thams cad phur bu'i thabs kyis gdul ba'i las kyi bsgrub pa'i bsgom pa dang/ sngags kyi bsnyen pa'i don du smos so/ /de ltar rdo rje bdud rtsi rgyal po che/ rdo rje phur bur rab tu bsgom gyi don du gsungs so/ /me stag 'bar ba 'dra ba yis phyogs bcu'i dkyil 'khor gdab par bya/ zhes pa ni gong du bshad pa'i tshul du bsgrub pa pos bsgom pa dang sngags kyi bzlas pa'i bsnyen pa byas pa'i 'og tu/ lcags las rdo rje'i phur bu bya ste/ zhal gsum zhal dbus ma'i spyi bo rdo rje rtse lngar bya'o/ /

  145. 73a

    ring thung gi tshad sor bdun du bya'o/ /yang na dgur bya yang mi 'gal lo/ /de bzhin du lcags las rdo rje tho ba bya ste/ ring thung khru gang dang sor gcig tu bya'o/ /de ltar rdo rje phur bu rdo rje tho bas sems can thams cad gdul bar bya ba'i gzugs brnyan la gdab pa'i dus su/ sngar smos pa'i tshul gyi sngags sa bon yig 'bru las rdo rje'i phur bu dang rdo rje'i tho bar gyur par byas pa de dang gnyis su med par ngo bor brtog /brtan par bya ste/ khro bo'i brtson 'grus chen pos skye 'gro thams cad gdul ba'i gzugs brnyan dkyil 'khor du ming btags so/ /phyogs bcur ming btags pa gnas bcur rdo rje phur bu btab nas rdo rje tho ba brdung bar bya ba yin no/ /de nas rdo rje phur bu gdab pa'i gnas bcu gsal bar bstan par bya ste spyi bo dang/ spral ba dang rna ba gnyis dang/ dpung mgo gnyis dang/ snying ga dang skyes bu'i mtshan ma'i rtsa ba dang/ brla mgo gnyis so/ /de ltar gnas bcur smos so/ /gzhan yang rdo rje phur bu gdab pa'i dus su rdo rje phur bu las me long lta bu'i ye shes kyi me stag dang 'bar ba grangs med pa 'phro bar bsgom mo/ /mdor bsdu ba de ltar me stag 'bar ba yis/ /phyogs bcu'i dkyil 'khor gdab par bya'i don du gsungs so/ /skye 'gro gdul ba zhi ba'i rdo rje zhes bya ba'i ting nge 'dzin to/ /zhes bya ba ni skye 'gro gdul ba'i zhi ba ni 'jig rten gyi khams thams cad na gnas pa'i lha dang mi la sogs pa sems can du spros pa ma lus pa de dag thams cad tshul ji ltar smos pas btul bas bsgrub pa po la bgegs kyi gnod pa thams cad med par 'gyur ro/ /de'i yon tan gyi byin brlabs kyis zhi bar gyur bar smos so/ /de ltar skye 'gro gdul ba'i zhi ba'i don du gsungs so/ /rdo rje zhes pa ni me long lta bu'i ye shes kyi ngo bo khro bo'i

  146. 73b

    gzugs rdo rje bdud rtsir ming btags pa a mri ta kun Ta li rdo rje phur bu yin par smos so/ /de ltar rdo rje'i don du gsungs so/ /ting nge 'dzin zhes pa ni mdun du smos pa'i lha dang mi la sogs pa sems can thams cad gdul bar bya ba'i dus su mgo 'jug gi bsgom pa byas pa'o/ /de ltar ting nge 'dzin gyi don du gsungs so/ /da ni nad rnams kyi rims la sogs pa nad thams cad med pa bya ba'i sgom pa'i cho ga'i don bstan bar te/ nam mkha' i dbyings kyi dbus su ni/ /zhi ba'i dkyil 'khor dam pa bsam/ /rnam par snang mdzad gzugs bsgoms nas/ /rang gi snying gar 'dod pa bzhag ces bya ba'i don bshad par bya ste/ ci ltar yin nam mkha' i dbyings ni bye brag rnam pa gsum du bshad par bya ste/ phyi dang nang gsang ba'o/ /de la phyin ci mdun du ci ltar smos pa de bzhin du 'dir sbyar ro/ /nang gi nam mkha' ni sgrub pa po nyid rdo rje mi bskyod pa'i sku phyag rgyar gyur par byas nas de dang gnyis su med pa'i thugs ka'i stong pa nam mkha' i ngo bo yin no/ /de nas gsang ba'i nam mkha' ni rdo rje'i rigs kyi bya brag gi khrus mkhan gyi bu mo blang ngo/ /de mdun du smos pa'i tshul gyi mtshan dang yon tan phun sum tshogs pa thams cad dang ldan pa'o/ /de'i b+ha ga'i nang gi stong pa tshad med pa nam mkha' bzhin du bsam mo/ / de ltar nam mkha' dbyings kyi don du gsungs so/ /dbus su ni zhi ba'i dkyil 'khor dam pa bsam ni/ bsgrub pa pos dang po gnas ri'i rtse mo rtswa 'jam pa/ snum pa dang ldan pa 'am/ yang na lha khang yang mi gal te/ gnas der phyi'i sten 'jam pa bde ba'i steng du 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur bar bya'o/ /de nyid kyi shes rab ma ye shes kyi lha mo dang gnyis su med par 'gyur pa'i sbyor ba dang ldan pa'o//

  147. 74a

    de'i cha lugs phun sum tshogs pa thams cad ni mdun du ji ltar smos pa de bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ / de'i dus su rdo rje'i rigs kyi bye brag gi khrus mkhan gyi bu mo blang ngo/ /de mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab ye shes kyi lha mo ma ka ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos thugs rje chen po zhi ba'i thugs dgyes pas de dang gnyis su med par 'khyud pa'i sbyor bas thabs dang shes rab rol ba bya'o/ /de byas pas bde bar gyur pa'i dus su rdo rje lam gyi sgo nas mdun du smos pa'i nam mkha' i dbyings su ming btags pa shes rab ma'i b+ha ga'i dbu su byang chub sems 'o ma'i rgyun bzhin du zhu ba'o/ /de'i steng sngags sa bon yig 'bru oM bsam mo/ /yang na sngags sa bon yig 'bru A bsam yang mi 'gal lo/ /de kha dog dkar po chos kyi dbyings kyi ye shes la sogs pa ye shes lnga'i gzi brjid chen pos 'bar zhing 'od du zhu nas ye shes kyi khu ba'i ngo bo byang chub sems la gnyis su med par thim par 'gyur ro/ /sa bon de las zhi bar ming btags pa gdan thams cad kyi nang na pad+ma zla ba'i dkyil 'khor gyi ngo bor gyur pa bsam mo/ /de ltar dbus gnas par zla ba'i dkyil 'khor dam pa bsam gyi don du gsungs so/ /rnam par snang mdzad gzugs bsgoms nas zhes pa ni/ sgrub pa pos mdun du smos pa'i tshul tu thabs dang shes rab pha rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus kyi gdan zla ba'i dkyil 'khor gyi dbus su byang chub sems 'o ma'i rgyun bzhin du 'od du zhu nas zla ba'i dkyil 'khor

  148. 74b

    gyi ngo bor gyur par bsam mo/ /de'i steng du sngags sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bo byang chub sems zla ba'i dkyil 'khor la gnyis su med par thim par gyur ro/ /sa bon de las rnam par snang mdzad kyi sku phyag rgya skyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku mdog dkar po chos kyi dbyings kyi ye shes kyi ngo bo gzi brjid kyis 'bar ba'i 'od kyis 'bar ba'o/ /zhal gsum pa/ zhal dbus ma sku dang mthun/ g.yas nag po g.yon dmar po'o/ /thor tshugs kyis dbu brgyan pa/ zhal cung zad bzhad pa/ rin po che sna tshogs kyi rgyan gyis brgyan pa/ phyag drug phyag mtshan drug go /phyag g.yas dang po 'khor lo rtsibs brgyad pa 'dzin/ /bar ma na rdo rje rtse lnga pa/ tha ma na pad+ma dkar po 'dab ma brgyad pa/ g.yon dang po na rdo rje dril bu/ bar ma na yid bzhin gyi nor bu zur lnga ba/ tha ma na rdo rje ral gri utpal sngon po'i 'dab ma lta bu'o/ /de lta bu'i ngo bo rnam par snang mdzad kyi sku bskyed ma thag tu/ skyed par mdzad mkhan rdo rje mi bskyod pa'i sku phyag rgya/ rnam par snang mdzad kyi spyi bo'i gnas su dbang bskur ba'i tshul du bsam mo/ /de'i 'og tu de dang gnyis su med pa'i nga rgyal du bsgom par bya'o/ /tshul de ltar rnam par snang mdzad kyi bsgom pa mngon du ma gyur gyi bar du bya'o/ /bshad par bya ste/ rnam par snang mdzad mngon du gyur pa'i dus su/ dang po ni bsgrub pa po nyid nad kyi gnod pa'i sdug bsngal thams cad med par 'gyur ro/ /de ma thag tu bde ba dang/ yid bde ba thams cad kyi 'bras bu thob par 'gyur ro/ /de ltar rnam par snang mdzad gzugs bsgoms nas kyi don du gsungs so/ /rang gi snying gar

  149. 75a

    'dod pa bzhag ces pa ni/ sgrub pa bos mdun du smos pa'i tshul du rnam par snang mdzad kyi tshul du bsgoms pas/ thugs rje chen po zhi ba'i sems bskyed par bya ste/ rims la sogs pa nad kyi gnod pas sems can gang nyam thag pa de'i nad kyi gnod pa'i sdug bsngal med par bya ba'i phyir nad pa de bsgrub pa po nyid kyi thugs ka'i gzhag par bsam mo/ /de ltar rang gi snying gar 'dod pa gzhag gi don du gsungs so/ /da ni sems can nad pa rnams kyi nad thams cad kyi gnod pa med par bya ba'i thabs kyi bsgom pa'i cho ga'i khyad par gyi don bstan par te/ spyan gyi mchog gis nam mkha' i dbyings/ /rab tu gang bar bsgom par bya/ /'od zer bsdus nas gong bu yis/ /nad pa la ni gdab par bya/ /zhes bya ba'i don bshad par bya ste/ ci ltar yin nam nam mkha' i dbyings ni bye brag rnam pa gnyis te/ phyi dang nang ngo/ /de la phyi'i nam mkha' ni stong pa thams cad du khyab pa'o/ /nang gi nam mkha' ni mdun du smos pa'i bsgrub pa po rnam par snang mdzad mdzad dang gnyis su med pa'i nga rgyal du bsgom pa nyid kyi thugs ka'i gnas su nad pa gzhag par smos pa'i thugs ka de nam mkha' i bzhin du tshad med bar brtag go /de ltar nam mkha' dbyings kyi don du gsungs/ /spyan gyi mchog gis rab tu gang bar bsgom par bya/ zhes pa ni ci ltar smos pa'i tshul gyis thugs ka'i nam mkha' i dbyings kyi nad pa'i spyi bo'i mtho gang tsam 'phags pa'i steng du/ sngags sa bon lam bsam mo/ /de kha dog dkar po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur pa'i sa bon de las sangs rgyas spyan gyi sku phyag rgya bskyed par bya'o/ /de sku mdog dkar mo/ /chos kyi dbyings kyi ye shes kyi ngo bo zhal gsum pa/ zhal dbus ma sku dang

  150. 75b

    mthun/ g.yas nag po/ g.yon shin tu dmar ba/ thor tshugs me tog gi bye brag sna tshogs kyi phreng bas bcings pa/ zhal cung zad bzhad pa rgyan thams cad kyis brgyan pa/ phyag drug phyag mtshan drug go /phyag g.yas dang po na 'khor lo rtsibs brgyad pa kha dog dkar po rin che sna tshogs kyis spras pa 'dzin/ bar ma na rdo rje rtse lnga tha man utpa la dkar po/ g.yon dang pon rin po che yal ga bar ma na rdo rje dril bu/ tha ma na rdo rje ral gri'o/ /de lta bu'i ngo bo sangs rgyas sbyan gyi sku phyag rgya sprin bzhin du mdun du smos pa'i nam mkha' i dbyings kyi gnas gang bar spro bar rnam par bsgom par smos so/ /'od zer bsdus nas gong bu yis nad pa la ni dbab par bya/ zhes pa ni sangs rgyas spyan gyi sku phyag rgya skad cig tsam bsgom par byas nas de'i 'og tu gcig tu bsdu bar bya'o/ /bsdus ma thag tu 'od zer gyi gong bur gyur par bsam mo/ /gong bu de kha dog dkar po chos kyi dbyings kyi ye shes kyi gzugs zla ba stong dang mnyam par rab tu 'bar ba'o/ /ye shes kyi gong bu de mdun du smod pa'i nyid kyi thugs ka nas gnas pa'i nad pa de'i spyi bor dbab par bya ste/ de'i lus kun la khyab par thim par bsam mo/ /de'i dus su nad kyi rims la sogs pa nad thams cad med par gyur nas bde ba dang/ yid bde thob nas zhi bar gyur par smos so/ /de ltar bsdus nas 'od zer gong bu ni nad pa la ni dbab par bya ba'i don du gsungs so/ /ba spu rnams kyi bu gnas/ /mkhas pas sangs rgyas sprin rnams spro/ /sangs rgyas sprin rnams de'i tshe/ /de la dbang bskur rab tu gsol/ /zhes bya ba'i don bshad par bya ste/ ci ltar yin na ba spu rnams kyi bu gnas/ mkhas pas sangs rgyas sprin rnams spro ni mdun du slob pa'i nyid kyi thugs kar nad pa bzhag nas ye shes kyi gong bus gnyis su med par byin gyis brlabs pa de/ phyi sgrub pa po nyid kyis mdun du thal

  151. 76a

    mo sbyar nas btud pa'i tshul du gnas par bsam mo/ /de'i 'og tu nyid kyi gsang ba'i thugs ka ye shes sems pa'i gnas su sngags sa bon yig 'bru oM bsam mo/ /de kha dog dkar po chos dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur ro/ /sa bon de las sangs rgyas rnam par snang mdzad kyi sku phyag rgya sprin bzhin du bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de dag thams cad kyi phyag g.yas g.yon dang po gnyis kyis rin po che shel gyi bum pa rin po che sna tshogs kyis spras pa ye shes kyi bdud rtsi'i chus bkang ba 'dzin pa'o/ /gzhan sku mdog dang zhal dang/ phyag dang phyag mtshan dang/ rgyan rnams ni spro bar mdzad mkhan bdag po ji ltar smos pa de bzhin no/ /de lta bu'i ngo bos sangs rgyas rnam par snang mdzad kyi sku phyag rgya sprin bzhin du ba spu'i bu ga'i lam gyi sgo nas gong du smos pa'i sgrub pa po nyid kyi mdun gyi nad pa de'i steng gi nam mkha' i gnas su spro bar bya'o/ /de ltar ba spu'i rnams kyi bu ga nas mkhas pas sangs rgyas sprin rnams spro'i don du gsungs so/ /sangs rgyas sprin rnams de'i tshe/ de la dbang bskur rab tu gsol zhes pa ni/ tshul ji ltar smos pa'i sangs rgyas rnam par snang mdzad kyi sku phyag rgya sprin bzhin du spros pas de dag thams cad kyis bum pa ye shes kyi bdud rtsi'i chus bkang ba 'dzin pas dus gcig tu nad pa'i spyi bo'i steng du 'bab pa'i tshul gyis dbang bskur ba rab tu gsol bar bsgom mo/ /de ltar sangs rgyas sprin rnams de'i tshe/ de la dbang bskur rab tu gsol gyi don du gsungs so/ /bsam gtan rdo rje de yis ni/ /rbad pa dpal dang ldan par 'gyur/ zhes bya ba ni bsam gtan rdo rje de yis ni ji ltar smos

  152. 76b

    ba'i tshul gyis/ na/ pa ye shes kyi gong bus byin gyis brlabs pa dang/ de'i 'og tu sangs rgyas kyi sprin rnams spros bas dbang bskur ba yin te/ bsam gtan rdo rje ni chos kyi dbyings kyi ye shes kyi ngo bor smos so/ /de ltar bsam gtan rdo rje de yis ni don du gsungs so/ /nad pa dpal dang ldan par 'gyur zhes pa ni/ sgrub pa pos mdun du smos pa'i bsam gtan rdo rje'i sgom pa byas pas nad pa rims la sogs pa nad kyi gnod pa thams cad kyi sdug bsngal med par 'gyur ro/ / de ma thag tu dus rtag tu bde ba dang yid bde ba thams cad kyi 'bras bur 'gyur te/ de dpal gyi ngo bo yin/ /de ltar nad pa dpal dang ldan par 'gyur gyi don du gsungs so/ /sangs rgyas kyi dam tshig sprin bkod pa zhes bya ba'i ting nge 'dzin to/ /zhes bya ba ni sangs rgyas kyi dam tshig ni sangs rgyas ni rnam par snang mdzad do/ /de'i dam tshig ni thugs rje chen po'i thugs kyis nad pa rnams kyi nad thams cad kyi gnod pa med pa med par mdzad do/ /de ltar sangs rgyas dam tshig gi don du gsungs so/ /sprin bkod pa zhes pa ni nad pa la ye shes kyi gong bu'i tshul gyis byin gyis brlab pa'i phyir sangs rgyas spyan gyi sku phyag rgya ji ltar smos pa'i tshul gyi sprin bzhin du spro ba byas pa dang/ de bzhin du nad pa la dbang bskur ba'i phyir sangs rgyas rnam par snang mdzad kyi sku phyag rgya ji ltar smos pa'i tshul du sprin bzhin du spros pa'o/ /mdor bsdus pa de ltar grangs med pa'i sprin la bkod pa'i don du gsungs so/ /ting nge 'dzin zhes pa ni sngar bshad pa'i nad pa'i rims la sogs pa na thams cad sdug bsngal med par bya ba'i phyir mgo bzhug gi bsgo ba byas pa'o/ /de ltar ting nge 'dzin gyi don du gsungs so/ /da ni sems can thams cad kyi lus rgyas pa dang/ gzi brjid dang/ dbul ba med pa'i dbang phyug

  153. 77a

    chen por gyur pa'i bsgom pa'i cho ga'i don bstan par bya ste/ zla ba'i dkyil 'khor dbus su ni/ /dbang chen dkyil 'khor bsam par bya/ /chos 'dzin pa'i gzugs bsgoms nas/ /snying gar 'dod pa gzhag par bya zhes ba'i don bshad par bya ste/ ci ltar yin na/ zla ba'i dkyil 'khor dbus su ni/ dbang chen dkyil 'khor bsam par bya ni sgrub pa pos dang po skyed mos tshal gyi gnas mdun du smos pa'i tshul gyi shing gi bye brag phun sum tshogs pa me tog dang shing tog dang ldan pa yod pa dang/ de bzhin du chu phun sum tshogs pa yod pa dang/ de bzhin du bya dang bung ba phun sum tshogs pa yod ba'i gnas su phyi'i stan bde zhing 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ji ltar smos pa de bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgya gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi bu mo blang ngo/ /de ji ltar smos pa mtshan dang yon tan gyi ngo bo dang ldan pa'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos thugs rje chen po rgyas ba'i sems dga' bas gnyis su med par 'khyud pa'i sbyor bas thabs dang shes rab rol ba bya'o/ /de byas pas bde ba'i dus su rdo rje lam gyi sgo nas shes rab ma'i b+ha ga'i dbus su/ byang chub kyi sems 'o ma'i rgyun bzhin du zhu'o/ /de'i steng du sngags sa bon A bsam mo/ /de kha dog dkar po so sor rtog pa'i ye shes kyi ngo bo gzi

  154. 77b

    brjid chen po'i 'bar bas 'bar zhing 'od du zhu nas ye shes kyi khu ba bzhin du byang chub sems la gnyis su med par thim par 'gyur ro/ /sa bon de las zla ba'i dkyil 'khor gyi ngo bor gyur par bsam mo/ /de ma thag tu gdan zla ba'i dkyil 'khor gyi dbus su sngags sa bon yig 'bru lam bsam mo/ /de kha dog ser po cung zad dmar ba me long lta bu'i ye shes la sogs pa ye shes lnga dang gnyis su med pa'i ngo bo gzi brjid kyis 'bar bas 'bar zhing 'od du zhu nas ye shes kyi khu ba'i ngo bor gyur to/ /sa bon de las dbang chen gyi dkyil 'khor du gyur to/ /de kha dog ser po cung zad dmar ba dbyibs gru bzhi'o/ /de ni gdan thams cad kyi nang na dbul ba la sogs pa'i sdug bsngal thams cad med par byed pa'i don gyis/ dbang chen gyi dkyil 'khor bzang por smos so/ /mdor bsdu ba de ltar zla ba'i dkyil 'khor dbus su ni dbang chen dkyil 'khor bsam par bya'i don du gsungs so/ /chos 'dzin pa'i gzugs bsgoms nas shes rab ni/ sgrub pa pos mdun du smos pa'i tshul du thabs dang shes rab rol pa bya'o/ /de byas pas bde bar byas pa'i dus su rdo rje lam gyi sgo nas shes rab ma'i b+ha ga'i dbus gnas kyi dbang chen gyi dkyil 'khor gyi dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur nas/ de'i steng du sngags sa bon A bsam mo/ /de kha dog ser po so sor rtogs pa'i ye shes kyi ngo bo'i gzi brjid kyis 'bar zhing 'od du zhu nas ye shes kyi khu ba'i ngo bor byang chub sems zla ba'i dkyil 'khor la gnyis su med par thim par 'gyur ro/ /sa bon de las chos 'dzin du ming btags pa snang ba mdza' yas smos pa'i sku phyag rgya'i gzugs bskyed par bya'o/ /de nyid kyi shes rab ma ye shes kyi lha mo dang gnyis su med pa'i 'khyud pa'i sbyor ba dang ldan pa'o/ /sku mdog

  155. 78a

    ser po so sor rtog pa'i ye shes kyi ngo bor gzi brjid kyis 'bar ba'i 'od kyis 'bar ba'o/ /zhal gsum pa zhal dbus ma sku dang mthun pa g.yas nag po/ g.yon dkar po/ skra thor tshugs kyis brgyan pa zhal cung zad bzhad pa/ rin po che sna tshogs kyis rgyan gyis brgyan pa phyag drug phyag mtshan drug go /g.yas dang po na pad+ma ser po 'dzin bar ma na rdo rje rtse lnga/ tha ma na 'khor lo rtsibs brgyad gser gyi kha dog lta bu'o/ /g.yon dang po na gser gyi dril bu/ bar ma na yid bzhin gyi nor bu rin po che kha dog ser po zur brgyad pa/ tha ma na rdo rje ral gri utpal sngon po'i 'dab ma lta bu'o/ /de lta bu'i ngo bo snang ba mdza' yas kyi sku phyag rgya bskyed ma thag tu bskyed par mdzad mkhan rdo rje mi bskyod pa'i sku phyag rgya snang ba mdza' yas kyi sku phyag rgya'i spyi bo la dbang bskur ba'i tshul du gnas par bsam mo/ /de'i 'og tu de dang gnyis su med pa'i nga rgyal du bsgom par bya'o/ /tshul de ltar snang ba mdza' yas kyi bsgom pa mngon du ma gyur gyi bar du bya'o/ / bshad par bya ste snang ba mdza' yas mngon du gyur pa'i dus su dang po ni sgrub pa po nyid lus rgyas pa gzi brjid dang ldan par 'gyur ro/ /gzhan yang dbul ba med pa'i nor phun sum tshogs pa'i dbang phyug chen po'i ngo bor gyur par smos so/ / de ltar chos 'dzin pa'i gzugs bsgoms nas kyi don du gsungs so/ /snying gar 'dod pa bzhag par bya zhes pa ni mdun du smos pa'i tshul du sgrub pa po snang ba mdza' yas su bsgoms pas thugs rje chen po rgyas pa'i sems bskyed par bya ste/ rims la sogs pa nad kyi gnod pas lus rid pa dang/ gzhan yang dbul ba'i sems can gyi lus rgyas pa dang/ 'byor pa phun sum tshogs pa'i dbang phyug tu gyur par bya ba'i phyir/ sems can nyid kyi thugs kar bzhag par bsam mo/ /de ltar snying gar 'dod

  156. 78b

    pa gzhag par bya'i don du gsungs so/ /da ni sems can rnams rgyas pa dang dbang phyug tu gyur par bya ba'i cho ga'i don khyad par du bstan pa bya ste/ mkha' dbyings nas ni nyams dga' bar/ /gos dkar ma yis yongs su dgang/ /'od zer bsdus nas gong bu ni/ yid bzhin nor bu rin chen ster/ /zhes bya ba'i don bshad par bya ste/ ci ltar yin na mkha' dbyings gnas ni nyams dga' ba ni/ bye brag rnam pa gnyis te phyi dang nang ngo/ /phyi'i mkha' dbyings ni stong pa kun la khyab nas gnas pa'o/ /nang gi mkha' dbyings ni mdun du smos pa'i sgrub pa po snang ba mdza' yas gnyis su med pa'i nga rgyal du bsgom pa'i rnal 'byor pa bdag nyid kyi thugs ka'i gnas su sems can ring ba dang/ dbul ba gzhag par smos pa'i thugs ka de nam mkha' bzhin du tshad med par brtag par bya'o/ /de gnas su ming btags pa ni na bza' dkar mo'i sku phyag rgya sprin bzhin du spros pa de bzhugs pa'i gnas de/ don des gnas su smos so/ /nyams dga' ba ni so sor rtog pa'i ye shes kyi ngo bo nam mkha' bzhin du tshad med pa'i gnas de sprul pa'i sku sprin lta bus brgyan pa ste/ don des nyams dga' bar smos so/ /de ltar mkha' dbyings gnas ni nyams dga' i don du gsungs so/ /gos dkar ma yis yongs su dgang zhes pa ni tshul ji ltar smos pa'i thugs nam mkha' i dbyings gnas kyi ngo bo sems can ring ba dang/ dbul ba'i spyi bo'i steng mtho gang tsam du 'phags par sa bon yig 'bru paM bsam mo/ /de skabs 'dir kha dog ser po'o/ /so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /sa bon de las na bza' dkar mo'i sku phyag rgya bskyed par bya'o/ /de sku mdog ser mo so sor rtog pa'i ye shes kyi ngo bo zhal gsum pa/ dbus ma sku dang mthun/ g.yas nag po g.yon dkar ba/ thor tshugs pad+ma kha dog sna tshogs kyis phreng bas

  157. 79a

    bcings pa/ zhal cung zad bzhad pa/ rgyan thams cad kyis brgyan pa/ phyag drug phyag mtshan drug go /skabs 'dir phyag g.yas dang po na pad+ma ser po 'dab brgyad 'dzin/ bar ma na rdo rje rtse lnga/ tha ma na 'khor lo rtsibs brgyad/ g.yon dang po na pad+ma kha ma phye ba/ bar ma na yid bzhin gyi nor bu rin po che zur brgyad pa/ tha ma na rdo rje ral gri'o/ /de lta bu'i na bza' dkar mo'i sku phyag rgya sprin bzhin du mdun du smos pa'i nam mkha' dbyings kyi gnas su spro bar bya bar spros so/ /de ltar gos dkar mo yis dgang gi don du smos so/ /'od zer bsdus nas gong bu yis/ /yid bzhin nor bu rin chen ster zhes pa ni/ na bza' dkar mo'i sku phyag rgya sprin lta bu skad cig tsam bsgom par byas pa'i 'og tu bsdu bar bya'o/ /bsdus ma thag tu 'od kyi gong bur gyur par bsam mo/ /'od zer gyi gong bu de kha dog ser po so sor rtog pa'i ye shes kyi gzugs gzi brjid chen po'i 'bar bas 'bar pa'o/ /ye shes kyi 'od kyi gong bu'i sa bon de nyid las/ yid bzhin gyi nor bu rin po che zur brgyad ba kha dog ser po sprin bzhin du spro'o/ /de spros ma thag tu mdun du smos pa'i nyid kyi thugs ka na sems can rid? pa dang dbul ba gnas pa'i spyi bor yid bzhin gyi nor bu rin po che dbab pa sbyin par bya'o/ /de'i dus su dbul pa chen po'i sems can 'byor pa phun sum tshogs pa'i dbang phyug dang ldan par smos so/ /de ltar 'od zer bsdus nas gong bus yid bzhin nor bu ster gyi don du gsungs so/ /lus dang ngag dang sems gnas su/ /'dod ba dag la dbab par bya/ /ba spu rnams kyi bu gnas/ / mkhas pas rin chen sprin rnams spro zhes bya ba'i don bshad par bya ste/ ci ltar yin na lus dang ngag dang sems gnas su 'dod pa dag la dbab par bya ni/ tshul ji ltar smos pa'i yid bzhin gyi nor bu rin po che sprin bzhin du spros ma thag tu 'dod par ming

  158. 79b

    btags pa ring pa dang/ dbul ba chen po'i sems can yin te/ de'i lus dang ngag dang yid gnyis su med pa'i ngo bo gzugs kyi phung po'i gnas su yid bzhin gyi nor bu rin po che'i sprin phab nas gnyis su med par thim par gyur par bsam mo/ /de ltar lus dang ngag dang sems gnas su 'dod pa dag ni dbab par bya ba'i don du gsungs so/ /ba spu rnams kyi bu ga nas/ mkhas pas sangs rgyas sprin rnams spro zhes pa ni/ mdun du smos pa nyid kyi thugs ka'i gnas su sems can rid? pa dang dbul ba chen po gzhag pa de/ yid bzhin gyi nor bu rin po che'i sprin gyis byin gyis brlab pa byas pa de'i sgrub pa po nyid kyi mdun du thal mo sbyar nas btud de gnas par bsam mo/ /de'i 'og tu nyid kyi gsang ba'i thugs ka ye shes sems dpa' i gnas su sngags sa bon yig 'bru swa bsam mo/ /de kha dog ser po mnyam pa nyid kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bor gyur to/ /sa bon de las rin chen du ming btags pa de bzhin gshegs pa rin chen 'byung ldan gyi sku phyag rgya sprin bzhin du bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa de bzhin du 'dor bya'o/ /de lta bu'i ngo bo rin chen 'byung ldan gyi sku phyag rgya sprin bzhin du ba spu'i bu ga'i lam gyi sgo nas sgrub pa po nyid kyi mdun na sems can gnas pa de'i steng gi nam mkha' i gnas su spro bar bya'o/ /de ltar ba spu rnams kyi bu ga nas mkhas pas rin chen sprin rnams spro ba'i don du gsungs so/ /chos kyi sprin ni bsgoms nas ni/ /de nas dbang ni bskur bar bya/ /bsam gtan rdo rje 'di yis ni/ /dgang dka' ba yang rab tu 'gengs/ zhes bya ba'i don bshad par bya ste/ ci ltar yin no chos kyi sprin

  159. 80a

    ni bsgoms nas ni/ de nas dbang ni bskur bar bya ni tshul ji ltar smos pa'i rin chen 'byung ldan gyi sku phyag rgya sprin bzhin du spros pa de dag gi sku phyag rgya'i gnas nas chos su ming btags pa snang pa mdza' yas kyi sku phyag rgya sprin bzhin du spro bar sgom mo/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de dag thams cad kyi phyag g.yas g.yon dang po gnyis na rin po che 'dzam bu na da'i bum pa rin po che sna tshogs kyis spras pa ye shes kyi bdud rtsi chus bkang ba 'dzin pa'o/ /gzhan sku mdog dang zhal dang phyag dang phyag mtshan dang/ rgyan rnams ni ci ltar bdag po snang ba mdza' yas la smos pa de bzhin bya'o/ /de lta bu'i ngo bo chos kyi sprin du ming btags pa/ snang ba mdza' yas kyi sku phyag rgya sprin bzhin du spros ma thag tu/ /thams cad kyis bum pa ye shes kyi bdud rtsis bkang ba 'dzin pa de dag dug gcig du/ sems can ring? pa dang dbul ba'i spyi bo'i steng du phab pas dbang bskur bar bsgom mo/ /mdor bsdu ba de ltar chos kyi sprin ni bsgoms nas ni de nas dbang ni bskur ba'i don du gsungs so/ /bsam gtan rdo rje 'di yis ni/ /dgang dka' ba ni rab 'gengs ni/ ci ltar smos pa'i tshul gyi lus ring? pa dang dbul ba chen po'i sems can la yid bzhin gyi nor bu rin po ches byin gyis brlab par byas pa dang/ de'i 'og tu chos kyi sprin du ming btags pa snang ba mdza' yas kyi sku phyag rgya spros pa'i tshul gyis dbang bskur bar byas pa'i bsam gtan da ni so sor rtog pa'i ye shes su smos so/ /bstan par bya ste/ sgrub pa pos mdun du smos pa'i bsam gtan byas pas sems can yun ring por rims la sogs pa nad kyi gnod pas lus pags pas rus pa g.yogs pa'i ngo bor gyur pa de rgyas pa chen po dang

  160. 80b

    gzi brjid dang ldan par gyur bar smos so/ /de ltar bsam gtan rdo rje 'di yis ni/ /dgang dka' ba yang rab tu 'gengs kyi don du gsungs so/ /sbyin pa'i rdo rje rab grub pa/ /dpal ldan yid bzhin nor bu 'dra/ /zhes bya ba ni sgrub pa pos ji ltar smos pa'i tshul gyi thugs rje chen po'i thugs bskyed nas/ snang ba mdza' yas dang gnyis su med pa'i nga rgyal du bsgoms pas sems can gyi don byas pa'i yon tan des sgrub pa pos nyid ci ltar yid bzhin gyi nor bu rin po che yon tan thams cad dang ldan pa dpal gyi ngo bor smos pa de bzhin du 'grub par 'gyur pa yin no/ /bstan par bya ste/ yid bzhin gyi nor bu rin po che dang mnyam pa dpal dang ldan pa sbyin pa'i rdo rjer ming btags pa de bzhin gshegs pa dang/ byang chub sems dpa' smos so/ de bzhin gshegs pa ni rin chen 'byung ldan no/ /byang chub sems dpa' ni 'phags pa 'jam dpal la'o/ /de'i ye shes dang gnyis med pa'i ngo bor sgrub pa po grub par bstan to/ /mdor bsdu ba de ltar sbyin pa'i rdo rje rab tu sgrub pa dpal ldan yid bzhin nor 'dra'i don du gsungs so/ /chos kyi dam tshig gi sprin bkod pa zhes bya ba'i ting nge 'dzin to/ /zhes bya ba ni chos kyi dam tshig ni/ chos su ni snang ba mdza' yas so/ /dam tshig na thugs rje chen po'i thugs so/ /de ni mdun du smos pa'i sems can lus ring pa rnams rgyas pa dang gzi brjid dang ldan par gyur par byas pa'i/ gzhan yang dbul ba med pa'i nor phun sum tshogs pa'i dbang phyug chen por gyur pa yin no/ /de ltar chos kyi dam tshig gi don du gsungs so/ / sprin bkod pa zhes pa ni sems can lus ring? pa dang dbul ba rnams ye shes kyi yid bzhin gyi nor bu rin po che'i tshul gyis byin gyis brlab par bya ba'i phyir na bza' dkar mo'i sku phyag rgya ci ltar smos pa'i tshul du sprin bzhin du spros pa dang/ /

  161. 81a

    de bzhin du dbang bskur bar bya ba'i phyir chos su ming btags pa snang ba mdza' yas ci ltar smos pa'i tshul du phyag rgya sprin bzhin du spro bar byas pa'i/ mdor bsdu ba de ltar sprin grangs med pa la bkod pa'i don du gsungs so/ /ting nge 'dzin zhes pa ni mdun du smos pa'i sems can lus ring pa dang dbul po/ de dag rgyas pa dang/ gzi brjid dang dbang phyug tu bya ba'i phyir/ mgo bzhug gi bsgom pa byas pa'o/ /de ltar ting nge 'dzin gyi don du gsungs so/ /da ni slob ma la sogs pa sems can skal pa dang mi ldan pa sdug bsngal ba de dag thams cad dbang du bsdu bar bya ba'i bsgom pa'i cho ga'i don bstan par bya ste/ nam mkha' i dbyings kyi dbus su ni/ /rdo rje dkyil 'khor zla gam bsam/ /rdo rje mkha' i chos mchog gzugs/ /'dod pa snying gar gzhag par bya zhes bya ba'i don bshad par bya ste/ ci ltar yin na nam mkha' dbyings ni bye brag rnam pa gsum du bstan par bya ste/ phyi dang nang dang gsang ba'o /de la phyi ni mdun du ci ltar smos pa de bzhin du 'dir sbyar ro/ /nang gi nam mkha' ni bsgrub pa po nyid rnam par snang mdzad kyi sku phyag rgyar gnyis su med par gyur par byas pa'i thugs stong pa nam mkha' i ngo bo yin/ /gsang ba'i nam mkha' ni sku'i rigs bye brag gi bram ze rigs kyi bu mo blang ngo/ /de mdun du smos pa'i mtshan dang yon tan phun sum tshogs pa'i ngo bo thams cad dang ldan pa'o /de'i b+ha ga'i nang gi gnas stong pa tshad med pa nam mkha' dbyings su bsam mo/ /de ltar nam mkha' dbyings kyi don du gsungs so/ /dbus su ni rdo rje'i dkyil 'khor zla gam bsam zhes pa ni/ sgrub pa pos dang pos gnas lam gyi bzhi mdo 'am ma mo'i gnas kyang mi 'gal te/ gnas der phyi'i stan bde ba 'jam pa'i steng du 'dug go /de'i dus su mdun du smos pa'i cho ga bzhi'i tshul gyis rnam par snang mdzad kyi sku phyag rgya gyur pa

  162. 81b

    bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa de bzhin du 'dir sbyar/ /de lta bu'i ngo bo rnam par snang mdzad kyi sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su sku'i rigs kyi bye brag gi bram ze'i rigs kyi bu mo blang ngo/ /de mdun du smos pa'i mtshan dang yon tan phun sum tshogs pa thams cad dang ldan pa'o/ / shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos thugs rje chen pos dbang du bsdu ba'i sems dga' bar gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su/ rdo rje'i lam gyi sgo nas shes rab ma'i b+ha ga'i dbus gnas su byang chub sems 'o ma'i rgyun bzhin du 'od du zhu'o/ /de'i steng du sngags sa bon hUM bsam mo/ /de kha dog dmar po dus 'dir mnyam pa nyid kyi ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba'i ngo bo byang chub sems la gnyis su med par thim par gyur to/ /sa bon de las gdan gyi ngo bo rdo rje rgya gram de'i dbus kyi steng du sngags sa bon yig 'bru A bsam mo/ /de kha dog dkar po dus 'dir mnyam pa nyid kyi ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba'i ngo bor gyur to/ /sa bon de las gdan zla ba'i dkyil 'khor chos brgyad pa'i ngo bor gyur to/ /de kha dog dkar po mnyam pa nyid kyi ye shes kyi ngo bo'o/ /mdor bsdu ba de ltar dbus su ni rdo rje'i dkyil 'khor zla gam bsam gyi don du gsungs so/ /rdo rje mkha' i chos mchog gzugs zhes pa ni bsgrub pa pos mdun

  163. 82a

    du smos pa'i tshul du thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus kyi gdan dkyil 'khor zla gam gyi dbus su/ /byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de'i steng du sngags sa bon swa bsam mo/ /de'i dus 'dir kha dog dmar po'o/ /mnyam pa nyid kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bo byang chub sems zla ba'i dkyil 'khor la gnyis su med par thim par 'gyur ro/ sa bon de las rdo rje mkha' i chos mchog tu ming btags pa rin chen 'byung ldan du smos pa'i sku phyag rgya'i gzugs bskyed par bya'o/ /de nyid kyi shes rab ma ye shes kyi lha ma dus 'dir sku mdog dmar mor smos te/ de dang gnyis su med par 'khyud pa'i sgyor ba dang ldan pa'o/ /sku mdog dmar po mnyam pa nyid kyi ye shes kyi ngo bor gzi brjid kyis 'bar ba'i 'od kyis 'bar ba'o/ /zhal gsum pa/ /dbus ma sku dang mthun/ /g.yas dkar po/ g.yon nag po/ skra'i thor tshugs kyis brgyan pa/ zhal cung zad gzhad pa/ rin po che sna tshogs kyis brgyan pa/ phyag drug phyag mtshan drug go /dus 'dir g.yas dang po na pad+ma 'dab brgyad 'dzin bar ma na rdo rje rtse lnga/ /tha ma na 'khor lo rtsibs brgyad/ dus 'dir g.yon dang po na rdo rje dril bu/ utpal dmar po dang bcas pa bar ma na yid bzhin gyi nor bu rin bo che zur lnga pa/ tha ma na rdo rje ral gri utpal sngon po'i 'dab ma lta bu'o/ /de lta bu ngo bo rin chen 'byung ldan gyi sku phyag rgya bskyed ma thag tu skyed par mdzad mkhan rnam par snang mdzad kyi sku phyag rgya rin chen 'byung ldan gyi sku phyag rgya la gnyis su med par thim par gyur par bsam mo/ /de'i 'og tu de dang gnyis su med pa'i nga rgyal du bsgom par bya'o/ /tshul de ltar rin chen 'byung ldan gyi bsgom pa mngon du ma

  164. 82b

    gyur gyi bar du bshad par bya ste/ rin chen 'byung ldan mngon du gyur pa'i dus su/ lha dang mi la sogs pa sems can thams cad sgrub ba po nyid kyi bran bzhin du dbang du 'gyur ro/ /de ltar rdo rje mkha' i chos mchog gzugs kyi don du gsungs so/ /'dod pa snying kar gzhag par bya zhes pa ni sgrub pa pos las mdun du smos pa'i tshul du rin chen 'byung ldan du bsgoms pas/ thugs rje chen po'i thugs bskyed nas slob ma la sogs pa sems can gang yang rung ba skal ba dang mi ldan pa'i sdug bsngal can thams cad bsod nams kyi skal ba dang ldan pa dang/ /gzhan yang sems can thams cad dbang du bsdu bar bya ba'i phyir slob ma la sogs sems can de dag nyid kyi thugs kar bzhag par bsam mo/ /de ltar 'dod pa snying gar gzhag par bya'i don du gsungs so/ /da ni sems can rnams bsod nams kyi skal pa dang ldan pa dang gzhan yang sems can de dag bran bzhin du dbang du 'du bar bya ba'i cho ga'i don khyad par du bstan par bya ste/ sangs rgyas byang chub sems pa yis nam mkha' i dkyil 'khor yongs su dgang/ /'od zer lnga'i sbyor ba yis der ni gzi brjid 'bar bar bya/ zhes bya ba'i don bshad par bya ste/ /ci ltar yin na sangs rgyas byang chub sems dpa' yis/ nam mkha' i dkyil 'khor yongs su dgang ni/ nam mkha' i dkyil 'khor ni/ bye brag rnam pa gnyis te phyi dang nang ngo/ /de la phyi nam mkha' ni stong pa kun la khyab pa'o /nang gi nam mkha' ni mdun du smos pa'i sgrub pa po rin chen 'byung ldan dang gnyis su med pa'i nga rgyal du bsgom pa nyid kyi thugs kar sems can gzhag par smos pa'i thugs ka de nam mkha' i dkyil 'khor tshad med par brtag go /dkyil 'khor du ming btags pa ni/ rnam par snang mdzad la sogs pa rigs lnga'i bye brag gi sangs rgyas grangs med pa sprin bzhin du spro bar bya'o /gzhan yang byang chub sems dpa' sa'i snying po dang/ /phyag na rdo rje dang

  165. 83a

    nam mkha' i snying po dang/ 'jig rten dbang phyug dang byang chub sems dpa' 'jam dpal dang/ de lnga'i bye brag grangs med pa'i sprin bzhin du spro bar bya ste/ de'i gnas pas don gyi dkyil 'khor du smos so/ /bstan par bya ste / tshul ji ltar smos pa'i thugs ka'i nam mkha' i dbyings dkyil 'khor gyi ngo bo ni skal ba dang mi ldan pa dang sdug bsngal can gyi sems can gyi spyi bo'i steng mtho gang tsam gyis 'phags par rnam par snang mdzad la sogs pa rigs lnga'i bye brag gi sangs rgyas kyi so so'i sngags kyi sa bon yig 'bru bsam mo/ /gzhan yang sa'i snying po la sogs pa byang chub sems pa lnga'i so so'i sngags sa bon yig 'bru bsam ste/ de dag thams cad dus 'dir kha dog dmar po'o gzhan yang nyid nyid kyi ye shes kyi gzi brjid kyis 'bar zhing 'od du zhu nas/ rim pa bzhin du ye shes kyi khu ba'i ngo bor 'gyur ro/ /sa bon de las rim par sku phyag rgya bskyed par bya'o/ /dus 'dir sku mdog dmar po'o/ /so so'i shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /kun gyi zhal g.yas g.yon gnyis ni bdag po rin chen 'byung ldan gyi ci ltar smos pa bzhin du sbyar ro/ /de dag gi sku phyag rgya gzi brjid kyis 'bar ba'i 'od kyi 'bar ba'o/ /skra'i thor tshugs kyis brgyan pa zhal cung zad bzhad pa rin po che sna tshogs kyi rgyan gyis brgyan pa/ phyag drug phyag mtshan drug go /dus 'dir sangs rgyas dang byang chub sems dpa' kun gyi phyag g.yas dang po na pad+ma dmar po 'dab brgyad 'dzin/ phyag mtshan gzhan ni le'u bzhi pa'i dkyil 'khor gyi skabs su ci ltar smos pa dang sbyar ro/ /de lta bu'i ngo bo sangs rgyas dang byang chub sems dpa' i sku phyag rgya sprin bzhin du/ mdun du smos pa'i nam mkha' i dkyil 'khor gyi ngo bo gang bar brtag go /mdor bsdu ba de ltar sangs rgyas byang chub sems dpa'

  166. 83b

    yis/ nam mkha' i dkyil 'khor yongs su dgang gi don du gsungs so/ /'od zer lnga'i sbyor pa yis der ni gzi brjid 'bab par bya/ zhes pa ni rnam par snang mdzad la sogs pa rigs lnga'i bye brag gi sangs rgyas dang sa'i snying po la sogs pa byang chub sems dpa' lnga grangs med pa sprin bzhin du spros pa de dag thams cad kyi sku phyag rgya gnas nas mnyam pa nyid kyi ye shes la sogs pa ye shes lnga'i ngo bor 'od zer gyi tshogs spro bar bsam mo/ /'od zer gyi tshogs de gzi brjid kyi 'od kyi ngo bor gyur par brtag go /gzi brjid kyi 'od de mdun du smos pa'i thugs ka'i gnas na sems can skal pa dang mi ldan pa sdug bsngal can gyi spyi bor phab nas lus la thim par gyur par bsam mo/ /de ltar 'od zer lnga yi sbyar ba yis/ /der ni gzi brjid 'bab par bya'i don du gsungs so/ /da ni sems can skal ba dang mi ldan pa'i sdug bsngal can de dag ye shes kyi 'od zer gyi gzi brjid kyis byin gyis brlab pa byas pa'i 'og tu/ bsod nams kyi skal ba dngos grub kyi 'bras bu thob par 'gyur ba bstan par bya ste/ de ni de ma thag tu yang sangs rgyas kun gyi thugs su byon/ 'jam dpal gyi ni mdog dang 'dra/ /las thabs byed par de 'gyur te/ zhes bya ba'i don bshad par bya ste/ ci ltar yin na de ni de ma thag tu yang sangs rgyas kun gyi thugs su byon ni/ mdun du smos pa'i skal pa dang mi ldan pa sdug bsngal can gyi sems can la/ sgrub pa pos thugs rje chen po'i thugs bskyed nas/ tshul ci ltar smos pa'i mnyam pa nyid kyi ye shes la sogs pa ye shes lnga'i ngo bo 'od zer gyi tshogs kyi gzi brjid kyi 'od spros pas ?? ? pa'i 'og tu skad cig gis dpal rdo rje sems pa la sogs pa sangs rgyas thams cad kyi bla na med pa'i shes rab kyi ngo bor 'jam dpal smos pa'i don des sangs rgyas kun gyi thugs su byon pa yin no/ /'jam dpal ji lta ba

  167. 84a

    bzhin du mdun du smos ba'i sems can 'gyur bar bstan to/ /de ltar de ni de ma thag tu yang sangs rgyas kun gyi thugs su byon gyi don du gsungs so/ /'jam dpal gyi ni mdog dang 'dra/ /las thabs byed par de 'gyur te/ zhes pa ni ci ltar smos pa'i tshul gyi sems can thams cad dpal rdo rje sems dpa' la sogs pa sangs rgyas rnams kyi nyid nyid kyi ye shes kyis byin gyis brlabs par mdzad pas/ de ma thag tu ji ltar byang chub sems dpa' 'jam dpal gyis sems can thams cad kyi don mdzad pa'i phyir ye shes kyi cho 'phrul gyi sprul pa'i las kyi go 'phang mdzad par smos pa de dang mnyam par spyod par 'gyur ro/ /de ltar 'jam dpal gyi ni mdog dang 'dra/ /las thabs byed pa de 'gyur te don du gsungs so/ / dga' ba ston pa'i dbang dag kyang/ /dgyes pa'i bdag nyid rab tu stsol/ /mthong bas bskul ba tsam gyis kyang/ /skye 'gro thams cad dbang du 'gyur ro/ zhes bya ba'i don bshad par bya ste/ ci ltar yin na dga' ba ston pa'i dbang dag kyang/ dgyes pa'i bdag nyid rab tu stsol ni/ mdun du smos pa'i sems can la rnam par snang mdzad la sogs pa rigs lnga'i bye brag gi sangs rgyas dang/ sa'i snying po la sogs pa byang chub sems dpa' lnga'i bye brag grangs med par smos pa de dag thams cad kyis nyid nyid kyi sku phyag rgya'i gnas nas ye shes kyi lha mo na bza' dkar mo'i sku phyag rgya sprin bzhin du spro bar mdzad pa de dag thams cad kyi phyag g.yas g.yon dang po gnyis kyis/ rin po che pad+ma ra ga'i bum pa rin po che sna tshogs kyis spros pa ye shes kyi bdud rtsi'i chus bkang ba 'dzin pa de lta bu spros pa'i tshul gyis sangs rgyas dang byang chub sems dpa' thams cad kyis shin tu thugs dgyes pa'i bdag nyid kyis dga' ba'i ston mo yi ngo bo bkra shis kyi rdo rje'i glu

  168. 84b

    len cing mdun du smos pa'i sems can gyi spyi bo'i steng du 'bebs pa'i tshul gyis dbang bskur bar stsol bar smos so/ /de ltar dga' ba ston pa'i dbang dag kyang/ /dgyes pa'i bdag nyid rab tu stsol gyi don du gsungs so/ /mthong ba tsam gyis bskul bas kyang/ /skye 'gro thams cad dbang du 'gyur zhes pa ni mdun du smos pa'i tshul du sangs rgyas dang byang chub sems dpa' thams cad kyis dbang stsal ma thag tu/ ci ltar byang chub sems dpa' 'jam dpal mthong ma thag tu stong chen po'i 'jig rten gyi khams na gnas pa'i lha dang mi la sogs pa sems can ma lus pa thams cad bran bzhin du dbang du 'gyur ba de bzhin du bstan to/ /de ltar mthong ba tsam gyis bskul bas kyang/ skye 'gro thams cad dbang du 'gyur gyi don du gsungs so/ / rin po che'i dam tshig sprin bkod ba zhes pa bya ba'i ting nge 'dzin to/ /zhes bya ba ni rin po che'i dam tshig ni/ rin chen 'byung ldan gyi dam tshig thugs rdo rje chen po'i thugs des mdun du smos pa'i sems can skal ba dang mi ldan pa sdug bsngal can de dag bsod nams kyi skal ba dang ldan pa dang/ gzhan yang lha dang mi la sogs pa sems can thams cad dbang du bsdu bar mdzad pa'o/ /de ltar rin po che'i dam tshig gi don du gsungs so/ /sprin bkod pa zhes pa ni skal ba dang mi ldan pa'i sdug bsngal can la ye shes lnga'i 'od zer gyi gzi brjid kyi 'od kyis byin rlabs par bya ba'i phyir sangs rgyas dang byang chub sems dpa' i sku phyag rgya sprin bzhin du spro bar bya'o/ /de bzhin du dbang bskur bar bya ba'i phyir na bza' dkar mo'i sku phyag rgya sprin bzhin du spros? pa'o/ /mdor bsdus pa de ltar sprin grangs med pa la bkod pa'i don du smos so/ /de ltar sprin bkod pa'i tshul du gsungs so/ /ting nge 'dzin zhes pa ni bskal pa dang mi ldan pa'i sdug bsngal can bsod nams kyi skal pa dang ldan pa'i dngos grub

  169. 85a

    kyi 'bras bur gyur pa dang/ gzhan yang lha dang mi la sogs pa dbang du bsdu ba'i phyir mgo mjug gi sgom pa byas pa'o/ /de ltar ting nge 'dzin gyi don du gsungs so/ /da ni sgrub pa po nyid dang/ rdo rje slob dpon rnams kyi dgra ji snyed yod pa la drag po'i las bya ba'i bsgom pa'i cho ga'i don bstan par bya ste/ nam mkha' i rdo rje srin po dang/ /khro bo drag cing gtum po dang/ /spyang ki sna tshogs khwa ta dang/ /bya rgod khyi yis gang bar bsgom/ /zhes bya ba'i don bshad par bya ste/ ci ltar yin na nam mkha' i rdo rje srin po dang/ khro bo drag cing gtum po dang ni/ sgrub pa nyid kyi dgra dang/ rdo rje slob dpon gyi dgra gsad pa'i las kyi sbyor ba bya bar smos so/ /bshad par bya ste/ gnas dur khrod du gsad pa'i sbyor ba bya ste/ dang po gnas de'i dbus su g.yul dgyel ba'i sa khrag can blang ngo/ /gzhan yang bgegs kyi rgyal po bI na ya ka'i gzugs brnyan lder so byas pa'i sa dang/ de bzhin du rigs ngan gyi sbrum ma bu byung ba'i gnas kyi sha khrag dang bcas pa blang ngo/ /de bzhin du grog mkhar gyi sa dang/ dur khrod kyi sa dang/ thal ba dang khwa ta'i khrag dang/ shing 'da' tu ra'i thog bu dang/ bong bu'i gcin dang/ de ltar phyi yi rdzas dang nang gi bshang ba dang/ rdo rje'i chu dang/ gcig tu sres la rdzas de la gzugs brnyan bya'o/ /de'i 'og tu gzugs brnyan gyi drung du phyi'i stan bde ba 'jam pa'i steng du 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de ma thag tu zhe sdang rdo rje'i ngo bor gyur par bsam mo/ /de nyid kyi shes rab ma ye shes kyi lha mo zhe sdang dga' ma dang gnyis su med pa'i 'khyud pa'i sbyor ba dang ldan pa'o/ /sku mdog nag po zhal gsum pa/ zhal dbus ma sku dang mthun g.yas dmar po/ g.yon dkar po/ ral pa

  170. 85b

    gyen du rdzes pa rab tu 'bar ba/ spyan dmar ba/ smin ma khros te bskyod la/ khro bo'i rgyan thams cad kyis brgyan pa/ sku kun bskal pa'i me ltar rab tu 'bar ba/ phyag drug phyag mtshan drug go /phyag g.yas dang po na rdo rje rtse dgu 'dzin/ phyag mtshan gzhan ni rdo rje mi bskyod pa'i ci ltar smos pa bzhin no/ /de lta bu'i ngo bo zhe sdang rdo rje'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo blang ngo/ / yang na rigs ngan gang yang rung ba'i bu mo blang yang mi 'gal lo/ /de ni mdun du smos pa'i mtshan dang yon tan phun sum tshogs pa thams cad dang ldan pa'o/ /shes rab ma de ye shes kyi lha mo zhe sdang dga' ma dang/ gnyis su med pa'i ngo bor byin gyis brlab par bya'o/ /de'i 'og tu sgrub pa pos snying rje chen po'i sems zhe sdang gi dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid chen po 'bar bas 'bar zhing 'od du zhu nas ye shes kyi khu ba lta bu byang chub sems rgya mtsho la gnyis su med par thim par 'gyur ro/ /sa bon de las khro bo'i rgyal po a mri ta kun Da li sku phyag rgya bskyed par bya'o/ /de nyid kyi shes rab ma khro mo'i rgyal mo ral gcig ma dang gnyis su med par 'khyud pa'i sbyor ba dang ldan pa'o/ /de sku mdog sprin sngon po lta bu/ zhal gsum pa/ zhal dbus ma sku dang mthun g.yas dmar po/ g.yon dkar po/ ral pa gyen du rdzes pa rab tu 'bar ba/ gdengs pa'i tshul/ sku bskal pa'i me ltar

  171. 86a

    rab tu 'bar ba/ spyan mi sdug par gzigs pa smin ma'i khro gnyer bskyod pa/ mche ba'i phreng ba'i gad mo gzhad pa/ khro bo'i rgyan thams cad kyis brgyan pa/ phyag drug phyag mtshan drug go /phyag g.yas dang po na rdo rje kyo ba 'dzin bar ma na rdo rje ral gri /tha ma na rdo rje gtun shing/ g.yon dang po na rdo rje zhags pa/ bar ma na rdo rje rgya gram/ tha ma na rdo rje dgra sta'o/ /de lta bu'i ngo bo'i rgyal po a mri ta kun Da li sku phyag rgya sprin bzhin du bskyed ma thag tu/ ba spu'i bu ga lam gyi sgo nas nam mkha' i dbyings kun la khyab par spro bar bya'o/ /de'i 'og tu sgrub pa po nyid kyi dgra dang/ rdo rje slob dpon gyi dgra rnams rdo rje lcags kyi spyi bo nas bzung rdo rje zhags pas mgul ba nas bcing/ tshul de ltar khro bo'i brtson 'grus chen pos bkug ma thag tu/ mdun du smos pa'i rdzas kyi sbyor ba las gzugs brnyan byas pa de'i nang du thim par gyur par bsam mo/ /de ma thag tu 'gug par mdzad mkhan khro bo yi rgyal po a mri ta kun Da li'i sku phyag rgya sprin lta bu de spro ba'i lam nas/ spros pa'i gnas su gnyis su med pa'i bsdu bar bya bar smos so/ /de ltar byas pa'i 'og tu ci ltar smos pa'i tshul du thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo skal pa'i me bzhin du rab tu 'bar zhing 'od du zhu nas ye shes kyi ku ba'i ngo bo byang chub sems kyi rgya mtsho la gnyis su med par thim par 'gyur/ sa bon de las rdo rje srin po rnams bskyed par bya'o/ /sku mdog sngon po zhal cig pa/ ral pa gyen du rdzes pa spyan dmar pa/ khros te smin

  172. 86b

    ma bskyod pa/ sku dang gsus pa che ba/ khro bo yi rgyan thams cad kyis brgyan pa/ bskal pa'i me bzhin du rab tu 'bar ba/ phyag gnyis pa/ phyag g.yas na rdog ster 'dzin pa/ yang na rdo rje rtse lnga yang mi 'gal lo/ /phyag g.yon pa na ban da snying gar 'dzin pa'o/ /khros te hUM phaT ces sngags kyi smra brjod pa'o/ /de lta bu'i srin por ming btags pa sprin bzhin du bskyed ma thag tu ba spu bu ga'i lam gyi sgo nas mdun du smos pa'i dgra'i gzugs brnyan gyi steng gi nam mkha' i dbyings kyi gnas su spro bar bya'o/ /gzhan yang ming dang bsam pa dang/ spyod pa dang/ cha lugs kyi don bstan par bya ste/ ming ni sha dang khrag dron po za ba dang 'thung ba la dga' ba'i don gyis srin por smos so/ /bsam pa ni dus rtag tu sems can pha rol gyi srog 'phrog par byed pa'i don gyis gtum por smos so/ /spyod pa ni gsad pa'i las la shin tu brtson pa sku kun tu 'bar ba chen po'i 'od kyis bskal pa'i me bzhin du rab tu 'bar ba ste don des drag por smos so/ /cha lugs ni zhal dang rgyan dang phyag mtshan la sogs pa 'jigs pa'i ngo bo yin te/ don des khro bor smos so/ /de ltar nam mkha' i rdo rje srin po dang/ khro bo drag cing gtum po dang gi don du gsungs so/ /de ltar rdo rje srin po sprin bzhin du spro bar byas pa'i 'og tu/ rdo rje spyang ki kha dog sna tshogs dang ldan pa spro bar bya ba'i sgom pa'i cho ga'i don bstan par bya ste/ spyang gi sna tshogs zhes pa ci ltar smos pa'i tshul du thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog lnga dang ldan pa me long lta bu'i ye shes kyi ngo bo bskal pa'i me bzhin du

  173. 87a

    rab tu 'bar zhing 'od du zhu nas ye shes kyi khu ba'i ngo bo byang chub sems kyi rgya mtsho la gnyis su med pa'i ngo bor thim par gyur te/ /sa bon de las rdo rje spyang ki rnams bskyed par bya'o/ /de kha dog sngon po dang ser po la sogs pa bye brag sna tshogs dang ldan pa'o/ /de dag kun gyi spu ral pa'i tshogs dang ldan pa'o/ /mche ba'i phreng ba dmar po/ mig ser po khros te phyogs bcur lta ba/ lus che ba rgyan med pa/ bskal pa'i me bzhin du rab tu 'bar ba khros te hUM phaT ces sngags brjod pa/ de lta bu'i ngo bo rdo rje spyang ki sprin bzhin du bskyed ma thag tu/ ba spu'i bu ga'i lam gyi sgo nas mdun du smos pa'i dgra'i gzugs brnyan gyi steng du nam mkha' i dbyings su spro bar bya bar smos so/ /gzhan yang ming gi don bstan par bya ste/ sre zhes bya ba ni zhe sdang chen por smos so/ /ga zhes bya ba ni sems can pha rol por smos so/ /la zhes bya ba ni sems can pha rol po'i sha dang tshil dron po za ba la dga' bar smos so/ /don des sre ga la yin no/ /mdor bsdus pa spyang sna tshogs smos so/ /khwa zhes bya ba ni mdun du smos pa'i tshul du byang chub sems rgya mtsho dang mnyam pa dbyung bar bya ste/ de'i steng du sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo'i bskal pa'i me bzhin du rab tu 'bar ba 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par 'gyur ro/ /sa bon de las rdo rje khwa rnams skyed par bya'o/ /de kha dog nag po/ rdo rje gshog pa dang/ rdo rje'i mchu rno ba ring ba sra ba'o/ /mig dmar ba khros te phyogs bcur lta ba/ lus che brgyan med pa/ bskal pa'i me bzhin du rab tu 'bar ba/ khro bo chen pos sngags kyis sgra hUM phaT ces brjod/ de lta bu'i ngo bo rdo rje'i khwa sprin bzhin du bskyed ma thag tu /

  174. 87b

    ba spu'i bu ga'i lam gyi sgo nas mdun du smos pa'i dgra'i gzugs brnyan gyi steng du nam mkha' i dbyings su spro bar bya bar smos so/ /gzhan yang ming gi don bstan par bya ste/ ka zhes bya ba ni sems can pha rol la zhe sdang chen por smos so/ /yang ka zhes bya ba ni bshad lci la sogs pa sems can pha rol gyi nang grol rnams dron por za ba la dga' bar smos so/ /don des ka'o/ /bya rgod zhes pa ni mdun du smos pa'i tshul du byang chub sems rgya mtsho dang mnyam pa 'byung bar bya'o/ /de'i steng du sngags sa bon yig 'bru hUM bsam mo/ /de kha dog thal ka me long lta bu'i ye shes kyi ngo bo skal pa'i me bzhin du rab tu 'bar pa/ 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par 'gyur ro/ /sa bon de las rdo rje'i bya rgod rnams bskyed par bya'o/ /de'i kha dog thal ka rdo rje'i gshog pa chen po dang ldan pa/ rdo rje mchu ring ba srab rno ba dmar ba'o/ /mig nag pa khro ba chen pos phyogs bcur lta ba/ lus che ba rgyan med pa/ bskal pa'i me bzhin du rab tu 'bar ba khro ba chen pos sngags kyi hUM phaT ces brjod pa'o/ /de lta bu'i ngo bo rdo rje'i bya rgod rnams sprin bzhin du bskyed ma thag tu ba spu'i bu ga'i lam gyi sgo nas mdun du smos pa'i dgra'i gzugs brnyan gyi steng du nam mkha' i dbyings su spro bar bya bar smos so/ /gzhan yang ming gi don bstan par bya ste/ b+hi zhes pa ni zhe sdang chen po'i sems kyis sems can pha rol gyi sha dang rkang dron mo za ba la dga' bo/ /don des g+h+ri ta'o/ /mdor bsdus pa de ltar bya rgod kyi don du gsungs so khyi zhes pa ni mdun du smos pa'i tshul du byang chub sems rgya mtsho dang mnyam pa 'byung bar bya'o/ /de'i steng du sngags sa bon yig 'bru hUM bsam mo/ /de kha dog dmar po me long lta bu'i ye shes kyi ngo bo bskal pa'i me bzhin du rab tu 'bar ba/ 'od du

  175. 88a

    zhu nas ye shes kyi khu ba lta bu/ byang chub sems kyi rgya mtsho la gnyis su med par thim par 'gyur ro/ /sa bon de las rdo rje'i khyi rnams bskyed par de kha dog dmar po spu'i tshogs thams cad rdo rje ral pa dang ldan pa'o/ / mche ba'i phreng ba dmar ba/ mig nag pa khro bo chen pos phyogs bcur lta ba/ bskal pa'i me bzhin rab tu 'bar ba/ khro bo chen pos sngags kyi sgra hUM phaT ces brjod pa'o/ /de lta bu'i ngo bo'i khyi rnams bskyed ma thag tu ba spu'i bu ga'i lam gyi sgo nas mdun du smos pa'i dgra'i gzugs brnyan gyi steng du nam mkha' i dbyings kyi dbus su spro bar bya bar smos so/ /gzhan yang ming gi don bstan par bya ste/ shwa zhes pa ni nyung dus chog shes pa dang zhe sdang gi sems dang ldan pa'o/ /na zhes pa ni sems can pha rol gyi mi gtsang ba dang sha rlon la dga' ba'o/ /don des shwa na'o/ /mdor bsdu ba de ltar khyi'i don du gsungs so/ /gang bar sgom zhes pa ni tshul ji ltar smos pa'i srin po dang/ spyang ki dang kha ta dang/ bya rgod dang/ khyi de dag thams cad ni rdo rje mkha' 'gro ste/ shes rab ma'i b+ha ga'i gnas nas phyi'i nam mkha' i gnas su dgra'i gzugs brnyan gyi steng du grangs med par sprin bzhin du spros nas rab tu sgom par bya bar smos so/ /de ltar rab sgom gyi don du gsungs so/ /me'i dkyil 'khor la gnas par/ dgra ni rtag par bsgom par bya'o/ /sangs rgyas kun la gnod byed pa/ /bsams nas rnal 'byor sbyar bar bya/ /zhes bya ba'i don bshad par bya ste/ ci ltar yin na me'i dkyil 'khor la gnas par/ dgra ni rtag par sgom par bya ni/ sgrub pa pos mdun du smos pa'i srin po la sogs pa rdo rje'i mkha' 'gro spros na bsgom pa ma byas kyi gong du/ nyid kyi mdun du sngags sa bon yig 'bru raM bsam mo/ /yang na sngags sa bon yig 'bru hUM

  176. 88b

    bsam yang mi 'gal lo/ /de kha dog dmar po me long lta bu'i ye shes kyi ngo bo bskal pa'i me bzhin du rab tu 'bar zhing 'od du zhu nas/ ye shes kyi khu ba'i ngo bor gyur ro/ /sa bon de las me'i dkyil 'khor chen por gyur par bsam mo/ /de'i steng du mdun du smos pa'i dgra'i gzugs brnyan byas pa'i dgra dkug nas/ gnyis su med pa'i ngo bo bya ba yin no/ /bstan par bya ste/ dgra ma shi'i bar du nyin mtshan du rtag tu rgyun mi 'chad par bsgom pa bya bar smos so/ /de ltar me'i dkyil 'khor la gnas par/ dgra ni rtag par bsgom par bya yi don du gsungs so/ /sangs rgyas kun la gnod byed pa/ /bsams nas rnal 'byor sbyar bar bya/ zhes pa ni gong du smos pa'i dgra de ni dpal rdo rje sems pa la sogs pa rigs lnga'i bye brag gi sangs rgyas grangs med pa thams cad kyi dgra yin no/ /bshad par bya ste/ rdo rje slob dpon ni sangs rgyas thams cad dang gnyis su med pa'i ngo bo yin par rgyud kun las smos so/ /de'i dgra slob ma la sogs pa gang yang rung ba ni sangs rgyas thams cad kyi dgra yin par shes par bya ste/ sangs rgyas kun la gnod pa byed pa'i dgra gong du smos pa'i me'i dkyil 'khor la gnas par bsgom pa'i dus su tshig cing khyad par du gsad pa'i sbyor ba brtsam pa yin no/ /de ltar sangs rgyas kun la gnod byed pa'i/ bsams nas rnal 'byor sbyar bar bya'i don du gsungs so /klad pa rkang khrag la sogs pa/ /thams cad 'dren par rnam par bsgom/ /mtshon cha sna tshogs thogs pa yis/ /de ltar bsgoms na dgra rnams 'chi/ zhes bya ba'i don bshad par bya ste/ ci ltar yin na klad pa rkang khrag la sogs pa/ thams cad 'dren pa rnam par sgom ni mdun du smos pa'i rdo rje srin po la sogs pa rdo rje mkha' 'gro sprin bzhin du spro bar byas pa de dag thams cad dgra'i gzugs brnyan gyi steng gi nam mkha' i dbyings nas phab nas yan lag dang nying lag thams cad la khyab nas gnas par smos so/ /de ma thag tu khro bo chen po'i

  177. 89a

    gzugs kyis rang rang gi sgra brjod cing/ la las ni mgo yi nang nas klad pa 'dren par byed do/ /la las ni snying ga la sogs pa yan lag dang nying lag kun nas khrag 'dren par byed do/ /la las ni tshil 'dren par byed do/ /la las ni rus pa kun gyi nang nas rkang 'dren par byed do/ /la las ni bshad ba 'dren par byed do/ /tshul de ltar rdo rje mkha' 'gro kun gyis dgra bo'i khrag la sogs pa thams cad 'dren par byed par sgrub pa pos bsgom par smos so/ /de ltar klad pa rkang khrag la sogs pa thams cad 'dren par rnam par bsgom gyi don du gsungs so/ /mtshon cha sna tshogs thogs pa yis/ /de ltar bsgoms na dgra rnams 'chi/ zhes pa ni rdo rje mkha' 'gro sprin lta bu thams cad kyi phyag g.yas na rdo rje ster 'dzin/ g.yon na ban da 'dzin no/ /gzhan yang rdo rje spyang ki la sogs pa rdo rje'i mkha' 'gro yi sprin lta bu kun ni zhal gcig pa phyag gnyis par smos so/ /de dag thams cad kyis mtshon cha'i bye brag sna tshogs 'dzin pa des/ khro bo chen pos dgra'i gzugs brnyan tshul ci ltar smos par klad pa dang khrag la sogs pa thams cad drangs ma thag tu dum bu dum bur gtubs par bsgom mo/ /de ma thag tu dgra bo 'chi bar gyur par bstan to/ /de ltar byas pa'i 'og tu tshul ji ltar smos pa'i rdo rje srin po la sogs pa rdo rje mkha' 'gro kun spro pa'i lan nas spro ba'i gnas su gnyis su med par bsdu bar bya ba yin no/ /de ltar mtshon cha sna tshogs thogs pa yis/ /de ltar bsgoms na dgra rnams 'chi'i don du gsungs so/ /de ltar rab tu bsgoms na ni/ /sangs rgyas rdo rje 'dzin pa yang/ /zla ba phyed ni tshun chad? kyis/ /'chi bar gyur pa gdon mi za/ /zhes bya ba'i don bshad par bya ste/ ci ltar yin na de ltar rab tu bsgoms na ni/ sangs rgyas rdo rje 'dzin pa yang ni sangs rgyas ni rnam par snang mdzad la sogs pa sangs rgyas thams cad do/ /rdo rje 'dzin ni

  178. 89b

    ston pa mi bskyod pa nyid do/ /gzhan yang rdo rje 'dzin pa ni khro bo'i rgyal po badzra hUM kar la sogs pa khro bo'i rgyal po bcur smos so/ /bsgrub pa pos mdun du smos pa'i sgom pa'i sbyor bas de dag thams cad kyang 'chi bar gyur na/ sems can phra mo 'chi bar gyur pa lta ngo mtshar ci che'o/ /de ni la dor ba'i tshig go /de ltar rab tu bsgoms na ni/ /sangs rgyas rdo rje 'dzin pa yang gi don du gsungs so/ /zla ba phyed ni tshul tshad kyis/ /'chi bar 'gyur ba gdon mi za/ zhes pa ni/ tshul ci ltar smos pa'i bsgom pa byas pas zla ba phyed rdzogs ma thag tu sgrub pa po'i dgra gdon mi za bar 'chi bar 'gyur bar smos so/ /de ltar zla ba phyed ni tshun chad kyis/ 'chi bar 'gyur ba gdon mi za'i don du gsungs so/ /rdo rje dam tshig gi sprin bkod pa zhes bya ba'i ting nge 'dzin to zhes bya ba ni/ rdo rje'i dam tshig ni zhe sdang rdo rje'i dam tshig thugs rje chen po'i thugs te/ de mdun du smos pa'i sangs rgyas kun gnod pa byed par ming btags pa/ rdo rje slob dpon gyi dgra gsad par bya'o/ /de ltar rdo rje'i dam tshig gi don du gsungs so/ /sprin bkod pa zhes pa ni mdun du smos pa'i dgra gsad par bya ba'i phyir srin po la sogs pa rdo rje mkha' 'gro ci ltar smos pa'i tshul grangs med pa sprin bzhin du spro bar bya'o/ /mdor bsdu ba de lta bu grangs med pa la sogs pa la sprin bkod pa'i don du gsungs so/ /ting nge 'dzin zhes pa ni/ mdun du smos pa'i dgra gsad pa'i mgo 'jug gi bsgom pa bya ba yin no/ /de ltar bsgom pa zhes bya ba'i ting nge 'dzin gyi don du gsungs so/ /da ni gsang sngags kyi rnal 'byor chen po'i ting nge 'dzin bya ba'i cho ga'i don bstan par bya ste/ rnam par snang mdzad zhal gsum pa/ ston ka'i 'dam bu'i mdog 'dra bsam/ /dkar po nag po rab tu dmar/ /thor tshugs dbu rgyan dag gis brgyan/ /zhes bya ba'i don bshad par bya ste/

  179. 90a

    ci ltar yin na rnam par snang mdzad zhal gsum pa/ ston ka'i 'dam bu'i mdog 'dra bsam ni/ phyi'i gnas ri'i rtse mo rtswa dur ba la sogs pa 'jam pa phun sum tshogs pa dang/ gzhan yang chu dri ma med pa phun sum tshogs pa dang ldan pa'i dbus su/ phyi'i stan bde ba 'jam pa'i steng du 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa de bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu/ /de dang gnyis su med pa'i nga rgyal bsgom par bya'o/ / de'i dus su rdo rje rigs kyi bye brag gi khrus mkhan gyi bu mo blang ngo/ /de mdun du smos pa'i mtshan dang yon tan phun sum tshogs pa dang ldan pa'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ / de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol ba bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bo byang chub sems zla ba'i dkyil 'khor la gnyis su med par thim par gyur to/ /sa bon de las rnam par snang mdzad kyi sku phyag rgya skyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba

  180. 90b

    dang ldan pa'o/ /de sku mdog ni ston ka'i 'dam bu ltar dka' la cung zad ser bar bsam mo/ /mdor bsdu ba de ltar rnam par snang mdzad zhal gsum pa/ ston ka'i 'dam bu'i mdog 'dra bsam gyi don du gsungs so/ /dkar po nag po rab tu dmar/ thor tshugs dbu rgyan dag gis brgyan zhes pa ni/ rnam par snang mdzad kyi zhal dbus ma dkar po/ g.yas nag po g.yon shin tu dmar ba/ skra'i thog tshugs kyis rgyan pa/ zhal cung zad bzhad pa'o/ /gzhan yang rgyan dang phyag dang/ phyag mtshan bstan par bya ste/ rgyan ni rin po che sna tshogs kyis brgyan pa'o/ phyag ni drug ste/ phyag mtshan drug ni phyag g.yas dang po na 'khor lo rtsi bas brgyad 'dzin/ bar ma na rdo rje rtse lnga/ tha ma na pad+ma dkar po 'dab brgyad/ g.yon dang po na rdo rje dril bu/ bar ma na yid bzhin gyi nor bu rin po che zur lnga pa/ tha ma na rdo rje ral gri utpal sngon po'i 'dab ma lta bu'o/ /de lta bu'i ngo bo rnam par snang mdzad kyi sku phyag rgya bskyed ma thag tu/ skyed par mdzad mkhan rdo rje mi bskyod pa'i sku phyag rgya rnam par snang mdzad kyi sku phyag rgya'i spyi bo la dbang bskur ba'i tshul du bsam mo/ /de'i 'og tu bsgrub pa pos rnam par snang mdzad dang gnyis su med pa'i nga rgyal du bsgom par bya'o/ /de ltar dkar po nag po rab tu dmar/ /thor tshugs dbu rgyan ngag gis rgyan gyi don du gsungs so/ /rdo rje can ni zhal gsum bsam/ /nag po dmar po dkar po'o/ /'bar ba thor tshugs dbu rgyan can/ /'jig rten khams rnams 'khrug byed pa'o/ /zhes bya ba'i don bshad par bya ste/ ci ltar yin na rdo rje can ni zhal gsum bsam/ nag po dmar po dkar po/ zhes pa ni phyi'i gnas dben pa chen po me tog dri zhim po phun sum tshogs pa dang/ rtswa dur ba 'jam pa dang/ snum pa phun sum tshogs pa dang/ chu gtsang ma phun sum tshogs pa dang ldan pa'i dbus su phyi'i stan bde ba 'jam pa la 'dug go /

  181. 91a

    de'i dus su mdun du smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ de'i cha lugs phun sum tshogs pa thams cad ni mdun du ci ltar smos pa bzhin du bya'o/ /de lta bu'i ngo bo rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgro nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bo byang chub sems zla ba'i dkyil 'khor la gnyis su med par thim par gyur to/ /sa bon de las rdo rje can du ming btags pa mi bskyod pa'i sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan par bya'o/ /zhal gsum pa/ zhal dbus ma nag po bsam par smos so/ /bstan par bya ste/ g.yas dmar po g.yon dkar po/ mdor bsdu ba de ltar/ rdo rje can ni zhal gsum bsam/ nag po dmar po dkar po'i don du

  182. 91b

    gsungs so/ /'bar ba thor tshugs du rgyan can/ /'jig rten khams rnams 'jig byed pa'o/ zhes pa ni mi bskyod pa'i dbu rgyan skra'i thor tshugs kyi ngo bo 'dzin pa'o/ /zhal cung zad bzhad pa/ sku kun nas nyi ma stang dang mnyam pa'i gzi brjid kyi 'bar ba'i 'od kyis 'jig rten gyi khams thams cad na gnas pa'i lha dang mi la sogs pa sems can thams cad 'jigs pa chen pos 'khrug par 'gyur bar smos so/ /gzhan yang de'i rgyan dang/ phyag dang phyag mtshan bstan par bya ste/ rgyan rin po che sna tshogs kyis brgyan pa'o/ /phyag drug phyag mtshan drug go /phyag g.yas dang po na rdo rje rtse lnga 'dzin/ bar ma na 'khor lo rtsibs brgyad/ tha ma na pad+ma 'dab brgyad/ g.yon dang po na rdo rje dril bu/ bar ma na yid bzhin gyi nor bu rin po che zur lnga pa/ tha ma na rdo rje ral gri utpal sngon po'i 'dab ma lta bu'o/ /de lta bu'i ngo bo rdo rje mi bskyod pa'i sku phyag rgya bskyed ma thag tu skyed par mdzad mkhan rnam par snang mdzad kyi sku phyag rgya rdo rje mi bskyod pa'i sku phyag rgya la gnyis su med par thim par 'gyur bar bsam mo/ /de'i 'og tu sgrub pa pos mi bskyod pa dang gnyis su med pa'i nga rgyal du bsgom par smos so/ /de ltar 'bar ba'i thor tshugs dbu brgyan can/ 'jig rten khams rnams khrugs byed pa'i don du gsungs so/ /'dod chags can ni zhal gsum bsam/ dmar po nag po dkar po'o/ /thor tshugs dbu rgyan longs spyod can/ /bsgoms na nges par 'grub par 'gyur/ zhes bya ba'i don bshad par bya ste/ ci ltar yin na 'dod chags can ni zhal gsum bsam/ don ? nag po dkar po ni phyi'i gnas chu 'gram rtswa 'jam pa dang snum pa phun sum tshogs pa dang/ me tog dri zhim pa phun sum tshogs pa dang ldan pa'i dbus su phyi'i stan bde zhing 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod

  183. 92a

    pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgya gyur ma thag tu de dang gnyis su med pa'i ngo bo nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi bu mo blang ngo/ /de mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru a bsam mo/ /de ka dog dmar po so sor rtog pa'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bo byang chub sems zla ba'i dkyil 'khor la gnyis su med par thim par 'gyur ro/ / sa bon de las 'dod chags can du ming btags pa snang ba mdza' yas kyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku mdog ni rin po che pad+ma ra ga ci lta ba bzhin du bsam mo/ /zhal gsum pa/ /zhal dbus ma sku dang mthun/ g.yas nag po/ g.yon dkar po'o/ /mdor bsdu ba de ltar 'dod chags can ni zhal gsum bsam/ dmar po nag po dkar po'i don du gsungs so/ /thor tshugs dbu brgyan

  184. 92b

    longs spyod can/ /bsgoms na nges par 'grub par 'gyur/ zhes pa ni/ snang ba mdza' yas na bza' dkar mo dang bcas pa'i thor tshugs dbu rgyan longs spyod kyi ngo bo mdzes pa'o/ /zhal cung zad bzhad pa/ sku kun gzi brjid chen po'i 'bar bas 'bar ba'o/ /gzhan yang rgyan dang phyag mtshan bstan par bya ste/ rgyan ni rin po che sna tshogs kyis brgyan pa'o/ /phyag drug phyag mtshan drug go /phyag g.yas dang po na pad+ma dmar po 'dab brgyad 'dzin/ bar ma na rdo rje rtse lnga/ tha ma na 'khor lo rtsibs brgyad gser gyi kha dog /g.yon dang po na rdo rje dril bu/ bar ma na yid bzhin gyi nor bu rin po che zur brgyad pa/ tha ma na rdo rje ral gri utpal sngon po'i 'dab ma lta bu'o/ /de lta bu ngo bo snang ba mdza' yas kyi sku phyag rgya bskyed ma thag tu/ skyed par mdzad mkhan rdo rje mi bskyod pa'i sku phyag rgya snang ba mdza' yas kyi spyi bo la dbang bskur ba'i tshul du bsam mo/ /de'i 'og tu sgrub pa pos snang ba mdza' yas dang gnyis su med pa'i nga rgyal du bsgo par smos so/ /de lta bu'i ngo bo 'dod chags can du ming btags snang ba mdza' yas bsgoms pa'i sgrub pa pos/ so sor rtog pa'i ye shes kyi 'bras bu nges par 'grub par 'gyur bar bstan to/ /de ltar thor tshugs dbu rgyan longs spyod can/ bsgoms na nges par 'grub par 'gyur gyi don du gsungs so/ /da ni mdun du smos pa'i rnam par snang mdzad dang/ rdo rje mi bskyod pa dang/ snang ba mdza' yas gsum gyi nyid nyid kyi phyag mtshan gsum gtsor bstan par bya ste/ 'khor lo rdo rje pad+ma che/ /g.yas kyi phyag tu rnam par bsgom/ /rdo rje can rnams phyag drug bsgom/ /bzang po mtshon cha sna tshogs bsnams/ /zhes bya ba'i don bshad par bya ste/ ci ltar yin na/ 'khor lo rdo rje pad ma che/ g.yas kyi phyag tu rnam par bsgom ni/ mdun du smos pa'i rnam par snang mdzad kyi phyag

  185. 93a

    g.yas dang po na 'khor lo 'dzin pa de ni/ phyag mtshan drug gi nang na nyid kyi rigs kyi ye shes kyi ngo bo ste gtsor bstan to/ /rdo rje ni mdun du smos pa'i rdo rje can du ming btags pa mi bskyod pa'i phyag g.yas dang po na rdo rje 'dzin pa de ni phyag mtshan drug gi nang na nyid kyi rigs kyi ye shes kyi ngo bo ste/ gtsor bstan pa'o/ /pad+ma chen po ni mdun du smos pa'i 'dod chags can can du ming btags pa snang ba mdza' yas kyi phyag g.yas dang po na pad+ma 'dzin pa de ni/ phyag mtshan drug gi nang na nyid kyi rigs kyi ye shes kyi ngo bo ste/ gtsor bstan to/ /tshul de ltar nyid nyid kyi rigs kyi ye shes kyi mtshon cha gsum bsgrub pa pos bsgom par bya'o/ /de ltar 'khor lo rdo rje pad+ma che/ g.yas kyi phyag tu rnam par bsgom gyi don du gsungs so/ /da ni rnam par snang mdzad la sogs pa rdo rjer ming btags pa de bzhin gshegs pa lnga mtshon cha'i bye brag sna tshogs 'dzin pa'i bsgom pa'i tshul gyi don bstan par bya ste/ rdo rje can rnams phyag drug sgom/ bzang po mtshon cha sna tshogs bsnams zhes pa ni/ mdun du smos pa'i lnga'i sku phyag rgya bskyed par bya ste/ de rnams nyid nyid kyi shes rab ma ye shes kyi lha mo dang gnyis su med pa'i 'khyud pa'i sbyor ba dang ldan pa'o/ /de bzhin du sku mdog dang zhal dang rgyan rnams dang ldan par smos so/ /de la dang po rnam par snang mdzad kyi phyag g.yas dang po dang g.yon dang po gnyis byang chub mchog tu phyag rgya thugs kar 'dzin pa'o/ /g.yas bar ma na 'khor lo rtsibs brgyad tha ma na rdo rje rtse lnga/ g.yon bar ma na rdo rje lcags kyu tha ma na rdo rje zhags pa'o/ /tshul de ltar rnam par snang mdzad phyag drug na mtshon cha drug 'dzin par sgrub pa pos gnyis su med pa'i nga rgyal du bsgom par bya'o/ /de nas mi bskyod pa phyag g.yas dang pos sa gnon pa'i phyag rgya 'dzin

  186. 93b

    par mdzad pa'o/ /bar ma na 'khor lo rtsibs brgyad/ tha ma na rtsa ba dang sdong bur bcas pa'i pad+ma dmar po 'dab brgyad/ g.yon dang po na rdo rje lcags kyu bar ma na rdo rje rtse lnga zhags pa dang bcas pa/ tha ma na lcags kyi lhung bzed do/ /tshul de ltar mi bskyod pa phyag drug na mtshon cha drug 'dzin pa bsgrub pa pos gnyis su med pa'i nga rgyal du bsgom par bya'o/ /de nas rin chen 'byung ldan gyi phyag g.yas dang po mchog sbyin pa'i phyag rgya mdzad pa'o/ /bar ma na 'khor lo rtsibs brgyad/ tha ma na yid bzhin gyi nor bu rin po che/ kha dog ser po zur lnga pa/ g.yon dang po na rdo rje lcags kyu bar ma na rdo rje zhags pa/ utpal ser po dang bcas pa/ tha ma na lhung bzed do/ /tshul de ltar rin chen 'byung ldan phyag drug phyag na mtshon cha drug 'dzin par sgrub pa pos gnyis su med pa'i nga rgyal du bsgom par bya'o/ /de nas snang ba mdza' yas kyi phyag g.yas g.yon dang po gnyis ting nge 'dzin gyi phyag rgya lte ba'i 'og tu bzhag pa'o/ /g.yas bar ma na pad ma dmar po 'dab brgyad/ tha ma na 'khor lo rtsibs brgyad/ g.yon bar ma na rdo rje lcags kyu tha ma na rdo rje zhags pa sdigs mdzub la dkris pa thugs kar bzhag pa'o/ /tshul de ltar snang ba mdza' yas phyag drug na mtshon cha drug 'dzin par bsgrub pa pos gnyis su med pa'i nga rgyal du bsgom par bya'o/ /de nas don yod grub pa phyag g.yas dang po na rdo rje 'khor lo/ bar ma na rdo rje ral gri /tha ma na mi 'jigs pa'i phyag rgya mdzad do/ /g.yon dang po na rdo rje lcags kyu bar ma na rdo rje zhags pa/ tha ma na lhung bzed do/ /tshul de ltar na don yod grub pa phyag drug na mtshon cha drug 'dzin pa sgrub pa pos gnyis su med pa'i nga rgyal du bsgom par bya'o/ /bshad par bya ste/ ci ltar smos pa'i de bzhin gshegs pa lnga ni nyid nyid kyi ye shes kyi ngo bo yin no/ /gzhan yang

  187. 94a

    don dam pa ma skyes pa mi 'jig pa stong pa'i nam mkha' bzhin du kun la khyab par gnas pa chos kyis sku dang gnyis su med pa'i ngo bo yin no/ /don des rdo rjer ming smos so/ /bzang po mtshon cha sna tshogs ni/ mdun du smos pa'i phyag drug na ye shes kyi ngo bo mtshon cha'i bye brag sna tshogs bsnams pa'i mtshon cha de sgrub pa pos bsgoms pas bdud dang bgegs thams cad kyi gnod pa 'joms par 'gyur ba yin no/ /de'i 'og tu sgrub pa pos ci ltar 'dod pa'i dngos grub kyi 'bras bu 'thob bo/ /don des mtshon cha'i bye brag sna tshogs bzang por smos so/ /mdor bsdu ba de ltar rdo rje can rnams phyag drug bsgom/ bzang po mtshon cha sna tshogs kyi don du gsungs so/ /da ni de bzhin gshegs pa bzhi'i shes rab ma ye shes kyi lha mo sangs rgyas spyan la sogs pa bzhi'i zhal gsum phyag drug mtshon cha'i bye brag sna tshogs 'dzin pa de bsgom par bya ba'i cho ga'i don bstan par bya ste/ spyan yang zhal ni gsum du bsam/ /sems can kun la phan bzhad ma/ /dkar po nag po rab tu dmar/ /mdzes pa'i gzugs su rab tu bsgom/ zhes bya ba'i don bshad par bya ste/ ci ltar yin na spyan yang zhal ni gsum du bsam/ sems can kun la phan bzhad ma ni/ sgrub pa pos dang po rnam par snang mdzad kyi phyi'i gnas kyi tshul ci ltar ba dang ldan par/ phyi'i stan bde ba la 'dug go /de'i dus su smos pa'i cho ga bzhi'i tshul des rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa bzhin du sbyar ro/ /de lta bu'i ngo bo rnam par snang mdzad kyi sku phyag rgyar gyur ma thag tu de dang gnyis su

  188. 94b

    med pa'i nga rgyal du bsgom par bya'o/ /de'i dus su sku'i rigs kyi bye brag gi bram ze'i rigs kyi bu mo blang ngo/ /de mdun du smos pa'i mtshan dang yon tan phun sum tshogs pa dang ldan pa'o/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus byang chub sems 'o ma'i rgyun bzhin du 'od du zhu nas/ de la zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru lam bsam mo/ /de kha dog dkar po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas ye shes kyi khu ba'i ngo bo byang chub sems zla ba'i dkyil 'khor la gnyis su med par thim par 'gyur ro/ /sa bon de las sangs rgyas spyan gyi sku phyag rgya bskyed par bya'o/ /de sku mdog dkar po zhal gsum par bsam mo/ /bshad par bya ste/ gti mug dga' ba shes rab ma lha mo sangs rgyas spyan de ni nad pa la sogs pa sems can thams cad la chos kyi dbyings kyi ye shes kyis dus rtag tu thugs rje chen po'i thugs bskyed nas byin gyis rlob par mdzad do/ /de ltar spyan yang zhal ni gsum du bsam mo/ /sems can kun la phan bzhed pa'i don du gsungs so/ /dkar po nag po rab tu dmar/ /mdzes pa'i gzugs su rab tu bsgom/ zhes pa ni/ mdun du smos pa'i? zhal gsum gyi dbus? ma'i kha dog sku dang mthun/ g.yas nag po/ g.yon rab tu dmar ba thor tshugs lha'i me tog gi bye brag sna tshogs kyi phreng bas bcings pa/ zhal cung zad bzhad pa/ gzi brjid kyi phung po bzhin du 'bar ba/

  189. 95a

    rgyan thams cad kyis brgyan pa/ phyag drug phyag mtshan drug go /phyag g.yas dang po na 'khor lo rtsibs brgyad 'dzin/ bar ma na rdo rje lcags kyu/ tha ma na rdo rje rtse lnga pa ba dan rtse gsum gyi phyag rgya dang ldan pa'o/ / g.yon dang po na rdo rje zhags pa/ bar ma na rdo rje dril bu/ tha ma na pad+ma dmar po 'dab brgyad do/ /de lta bu'i ngo bo sangs rgyas spyan gyi sku phyag rgya bskyed ma thag tu/ skyed par mdzad mkhan rnam par snang mdzad kyi sku phyag rgya sangs rgyas spyan gyi sku phyag rgya'i spyi bo'i gnas su dbang bskur ba'i tshul du bsam mo/ /de'i 'og tu sgrub pa pos mdun du smos pa'i tshul gyi cha lugs phun sum tshogs pa'i yon tan gyis mdzes par smos pa'i sku phyag rgya de dang gnyis gnyis su med pa'i nga rgyal du bsgom par bya'o/ /de ltar dkar po nag po rab tu dmar/ mdzes pa'i gzugs su rab tu bsgom gyi don du gsungs so/ /rdo rje mkha' spyan rgyal mo che/ /zhal gsum du ni rtag par bsgom/ /gnag dang dmar dang dkar ba'i tshul/ /mdzes pa'i gzugs su rnam par bsgom zhes bya ba'i don bshad par bya ste/ ci ltar yin na/ rdo rje mkha' spyan rgyal mo che/ /zhal gsum du ni rtag par bsgom ni/ sgrub pa pos dang po rdo rje mi bskyod pa'i phyi'i gnas ci ltar smos pa'i phyir stan bde zhing 'jam pa la 'dug go /de'i dus su mdun du smos pa'i cho ga bzhi yi tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus rdo rje rigs kyi bye brag ni khrus mkhan gyi bu mo blang ngo/

  190. 95b

    mdun du smos pa'i mtshan dang yon tan gyi ngo bo dang ldan pa'i/ shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru mAM bsam mo/ /de kha dog nag po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med par thim par 'gyur ro/ /sa bon de las ma ma ki'i sku phyag rgya bskyed par bya'o/ /de sku mdog nag po'o/ /bstan par bya ste/ rdo rje mkha' mi bskyod par smos so/ /spyan rgyal mo che ni ma ma ki ston pa rdo rje mi bskyod pa'i shes rab ma ste/ mnyes par mdzad do/ gzhan yang dkyil 'khor gyi lha thams cad kyi yum bskyed pa'i gnas kyi ngo bo'o/ /don des rgyal mo chen mor smos so/ /de zhal gsum pa sgrub pa pos ma grub kyi bar du rtag tu bsgom par bya'o/ /de ltar rdo rje mkha' spyan rgyal mo che/ zhal gsum du ni rtag par bsgoms kyi don du gsungs so/ /gnag dang dmar dang dkar ba'i tshul/ mdzes pa'i gzugs rnam par bsgom zhes pa ni/ mdun du smos pa'i zhal gsum gyi zhal dbus ma'i kha dog skud dang mthun/ g.yas dmar pa/ g.yon dkar ba/ thor tshugs rin po che sna tshogs kyis phreng bas bcings pa/ zhal cung zad bzhad pa/ gzi brjid kyi phung po bzhin du 'bar ba/ rgyan thams cad kyis brgyan pa/ phyag drug phyag mtshan drug go /phyag g.yas dang po na rdo rje rtse

  191. 96a

    lnga 'dzin/ bar ma na rdo rje lcags kyu tha ma na 'khor lo rtsibs brgyad sdigs mdzub dang bcas pa/ g.yon dang po na rdo rje zhags pa bar ma na rdo rje dril bu/ /tha ma na yid bzhin gyi nor bu rin po che mdog ser po'o/ /de lta bu'i ngo bo ma ma ki'i sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya ma ma ki'i spyi bo'i gnas su dbang bskur ba'i tshul du bsam mo/ /de'i 'og tu bsgrub pa pos mdun du smos pa'i cha lugs phun sum tshogs pa'i yon tan gyis sku phyag rgya mdzes par smos pa de dang gnyis su med pa'i nga rgyal du bsgom par bya'o/ /gnag dang dmar dang dkar ba'i tshul/ /mdzes pa'i gzugs su rnam par bsgom gyi don du gsungs so/ /rdo rje gsungs spyan rgyal mo che/ /zhal gsum du ni rtag par bsgom/ / dmar dang gnag dang dkar ba ste/ /kha dog mdzes pa rnam par bsgom/ /zhes bya ba'i don bshad par bya ste/ ci ltar yin no/ /rdo rje gsung spyan rgyal mo che/ /zhal gsum du ni rnam par bsgom ni/ bsgrub pa pos dang por snang ba mdza' yas kyi phyi'i gnas kyi tshul ci ltar smos pa'i phyi'i stan bde zhing 'jam pa la 'dug go /de'i dus su mdun du smos pa'i cho ga bzhi'i tshul des/ snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa bzhin du 'dir sbyar ro/ /de lta bu'i ngo bo snang ba mdza' yas kyi sku phyag rgya gyur ma thag tu de dang gnyis su med pa'i nga rgyal du bsgom par bya'o/ / de'i dus su gsung gi rigs kyi bye brag gi gar mkhan gyi rigs kyi bu mo blang ngo/ /de mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab ma de ye shes kyi lha mo na bza' dkar mo dang gnyis su med pa'i ngo bor byin

  192. 96b

    gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i? dbus? su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru paM bsam mo/ /de kha dog dmar po so sor rtog pa'i ye shes kyi ngo bo gzi brjid kyis ? zhing 'od du zhu nas ye shes kyi khu ba'i ngo bo byang chub sems zla ba'i dkyil 'khor la gnyis su med par thim par 'gyur ro/ /sa bon de las na bza' dkar mo'i sku phyag rgya bskyed par bya'o/ /de sku mdog dmar mo'i/ /bstan par bya ste/ gsung? gi rdo rjer ming btags pa ni snang ba mdza' yas su smos so/ /spyan rgyal mo chen ni bza' dkar po ste/ de ni don dam par dpal rdo rje sems pa la sogs pa de bzhin gshegs pa thams cad kyi bla na med pa'i 'dod chags kyi ngo bo snang ba mdza' yas smos pa de dga' bar mdzad pa'o/ /gzhan yang nyid kyi rigs kyi ye shes kyi lha rnams kyi yum bskyed par mdzad pa'i gnas kyi ngo bo'o/ /don des rgyal mo chen mor smos so/ /de zhal gsum pa ma grub kyi bar du/ dus rtag tu sgrub pa pos bsgom par bya bar bstan to/ /de ltar rdo rje gsung spyan rgyal mo che/ /zhal gsum du ni rtag par bsgom gyi don du gsungs so/ /dmar dang gnag dang dkar ba ste/ kha dog mdzes par rnam par bsgom zhes pa ni/ mdun du smos pa'i zhal gsum gyi/ zhal dbus ma'i kha dog sku dang mthun/ g.yas nag pa g.yon shin tu dkar ba'o/ /thor tshugs pad+ma kha dog sna tshogs kyi phreng bas bcings pa/ zhal cung zad bzhad pa/ gzi brjid kyi phung po bzhin du 'bar ba/ rgyan thams cad kyis brgyan pa/ phyag drug phyag

  193. 97a

    mtshan drug go /phyag g.yas dang po na pad+ma 'dab brgyad/ bar ma na rdo rje lcags kyu tha ma na rdo rje rtse lnga dang bcas par mchog sbyin pa'i phyag rgya mdzad do/ /g.yon dang po rdo rje zhags pa/ bar ma na rdo rje dril bu/ tha ma na rdo rje ral gri'o/ /de lta bu'i ngo bo na bza' dkar mo'i sku phyag rgya bskyed ma thag tu bskyed par mdzad mkhan snang ba mdza' yas kyi sku phyag rgyan bza' dkar mo'i sku phyag rgya'i spyi bo la dbang bskur ba'i tshul du bsam mo/ /de'i 'og tu sgrub pa pos mdun du smos pa'i tshul gyis cha lugs phun sum tshogs pa thams cad dang de bzhin du sku mdog gi yon tan gyi mdzes pa'i sku phyag rgyar mdzes par smos pa de dang gnyis su med pa'i nga rgyal du bsgom par bya'o/ /de ltar dmar dang gnag dang dkar ba ste/ kha dog mdzes par rnam par bsgom gyi don du gsungs so/ /rig ma rdo rje ut pa la bsnams zhal gsum rab tu gsal ba'i mdangs ser dang gnag dang dkar ba'i tshul/ bsgoms na ye shes thob par 'gyur/ zhes bya ba'i don bshad par bya ste/ ci ltar yin na/ rigs ma rdo rje ud pa la bsnams/ zhal gsum rab tu gsal ba'i mdangs ni/ sgrub pa pos dang po rdo rje mi bskyod pa'i phyi'i gnas ci ltar smos pa'i tshul dang ldan pa 'am/ yang na don yod grub pa smos pa 'gal te gnas der phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa'i bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgya 'gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi bu mo blang ngo/

  194. 97b

    de mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab ma ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dpa' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru twaM bsam mo/ /de kha dog ser po me long lta bu'i ye shes kyi ngo bo/ /gzi brjid kyis 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med par thim par 'byung ngo/ /sa bon de las dam tshig sgrol ma'i sku phyag rgya bskyed par bya'o/ /de sku mdog ser mo'o/ /bstan par bya ste/ dam tshig sgrol ma'i bsgom pa byas pas rig pa'i ye shes thams cad kyi dngos grub kyi 'bras bu rig par 'gyur ro/ /don des rig mar smos so/ /de'i phyag g.yas dang po na rdo rje ud pa la 'dzin no/ /gzhan yang zhal gsum pa de ma grub kyi bar du sku phyag rgya ye shes kyi gzi brjid kyi 'od 'phro bas mdzes par bsgom par bya bar bstan to/ /de ltar rig ma rdo rje ud pa la bsnams/ zhal gsum rab tu gsal ba'i mdangs kyi don du gsungs so/ ser dang gnag dang dkar ba'i tshul/ bsgoms na ye shes thob par gyur zhes pa ni/ mdun du smos pa'i zhal gsum gyi zhal dbus ma'i kha dog sku dang mthun/ g.yas nag pa g.yon dkar pa/ thor tshugs me tog ud pa la dang/ rin po che'i bye brag sna tshogs spel ba'i phreng ba bcings pa/ zhal cung zad bzhad pa/ gzi brjid kyis phung po bzhin du 'bar ba/ rgyan thams cad kyis brgyan pa/ phyag drug phyag mtshan drug go /phyag g.yas dang po

  195. 98a

    na mdun du smos pa'i ud pa la 'dzin/ bar ma na rdo rje lcags kyu tha ma na rdo rje rgya gram dang bcas par mi 'jigs pa'i phyag rgya mdzad do/ /g.yon dang po na rdo rje zhags pa/ bar ma na pad ma'i spu gu dang dril bur bcas pa/ tha ma na yid bzhin gyi nor bu rin po che zur brgyad pa'o/ /de lta bu'i ngo bo dam tshig sgrol ma'i sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya dam tshig sgrol ma'i sku phyag rgya'i spyi bo la dbang bskur ba'i tshul du bsam mo/ / de'i 'og tu sgrub pa pos de dang gnyis su med pa'i nga rgyal du bsgom par bya'o/ /de byas pa'i yon tan gyis me long lta bu'i ye shes la sogs pa ye shes lnga dang gnyis su med pa'i 'bras bu 'grub par 'gyur bar smos so/ /de ltar ser dang gnag dang dkar ba'i tshul/ bsgoms nas ye shes thob par 'gyur gyi don du gsungs so/ /da ni sa'i snying po dang/ phyag na rdo rje la sogs pa byang chub sems dpa' brgyad dang gzhan yang de rnams kyi shes rab ma lha mo sems ma rdo rje ma brgyad kyi bsgom pa'i cho ga'i don dus 'dir ma smos pa de bstan par bya ste/ de dag thams cad zhal gsum phyag drug pa/ mtshon cha'i bye brag sna tshogs 'dzin par bsgom par bya'o/ /de la so so'i bsgom pa'i cho ga'i don gyi rim pa gsal bar bstan par bya ste/ sgrub pa pos dang po rnam par snang mdzad kyi phyi'i gnas ci ltar smos pa'i tshul dang ldan pa'i gnas su phyi'i stan ba de zhing 'jam pa la 'dug go /de'i dus su mdun du smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de nyid shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa'i bzhin du 'dir sbyar ro/ /de lta bu'i ngo bo rnam par snang mdzad

  196. 98b

    kyi sku phyag rgya gyur ma thag tu de dang gnyis su med pa'i nga rgyal du bsgom par bya'o/ /de'i dus su sku'i rigs kyi bye brag gi bram ze'i rigs kyi bu mo blang ngo/ /de'i mdun du smos pa'i mtshan dang yon tan phun sum tshogs pa dang ldan pa'o/ /shes rab ma de ye shes kyi lha mos sangs rgyas spyan dang gnyis su med pa'i ngo bor byin gyis rlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur bar bsam mo/ /de'i steng du sngags sa bon yig 'bru khri bsam mo/ /de kha dog dkar po chos kyi dbyings kyi ye shes kyi ngo bo gzi brjid kyis 'bar zhing 'od du zhu nas/ ye shes kyi khu ba lta bu'i byang chub sems zla ba'i dkyil 'khor la gnyis su med par thim par gyur to/ /sa bon de la sa'i snying po'i sku phyag rgya bskyed par bya'o/ /de ni sku mdog dang/ zhal dang/ rgyan rnams/ rnam par snang mdzad kyi ci ltar smos pa bzhin du bya'o/ /phyag drug phyag mtshan drug go /phyag g.yas dang po na rin po che'i yal ga rdo rjes spras pa 'dzin/ bar ma na 'khor lo rtsibs brgyad/ tha ma na rdo rje rtse lnga/ g.yon dang po na rdo rje dril bu/ bar ma na rdo rje lcags kyu tha ma na rdo rje zhags pa'o/ /de lta bu'i ngo bo sa'i snying po'i sku phyag rgya bskyed ma thag tu skyed par mdzad mkhan rnam par snang mdzad kyi sku phyag rgya sa'i snying po'i sku phyag rgya'i spyi la 'bar? ? pa'i tshul du bsam mo/ /de'i 'og tu sgrub pa pos de dang gnyis su med pa'i nga rgyal du bsgom par bya'o/ /de ltar sa'i snying po'i sku phyag rgya bskyed par byas pa'i 'og tu/ byams pa'i sku phyag rgya bskyed par bya ste/ sgrub pa pos dang po rnam par snang mdzad

  197. 99a

    kyi phyi'i gnas kyi tshul ci ltar smos pa dang ldan pa'i gnas su phyi'i stan bde zhing 'jam pa la 'dug go /de'i dus su mdun du smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni/ mdun du ci ltar smos pa de bzhin du 'dir sbyar ro/ /de lta bu'i ngo bo rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su ci ltar sa'i snying po'i bskyed pa'i shes rab ma smos pa de bzhin du blang ngo/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru mi bsam mo/ /de kha dog dkar po chos kyi dbyings kyi ye shes kyi ngo bo ye shes kyi khu ba'i bzhin du byang chub sems zla ba'i dkyil 'khor la gnyis su med par thim par 'gyur ro/ /sa bon de las byams pa'i sku phyag rgya bskyed par bya'o/ /de ni sku mdog dang/ zhal dang rgyan rnams/ rnam par snang mdzad kyi ci ltar smos pa bzhin sbyar ro/ /gzhan yang phyag drug phyag mtshan drug go /phyag g.yas dang po na klu'i me tog rdo rjes spras pa 'dzin/ bar ma na pad+ma 'dab brgyad tha ma 'khor lo rtsibs brgyad do/ /g.yon dang po ni rdo rje dril bu/ bar ma na rdo rje lcags kyu tha ma na rdo

  198. 99b

    rje zhags pa'o/ /de lta bu'i ngo bo byams pa'i sku phyag rgya bskyed ma thag tu/ skyed par mdzad mkhan rnam par snang mdzad kyi sku phyag rgya byams pa'i sku phyag rgya'i spyi bo la dbang bskur ba'i tshul du bsam mo/ /de'i bsgrub pa pos de dang gnyis su med pa'i nga rgyal du bsgom par bya'o/ /byams pa'i sku phyag rgya bskyed pa'i 'og tu da ni kun tu bzang po'i sku phyag rgya bskyed par bya ste/ sgrub pa pos dang po rnam par snang mdzad kyi phyi'i gnas kyi tshul ci ltar smos pa dang ldan pa'i gnas su phyi'i stan bde zhing 'jam pa la 'dug go /de'i dus su mdun du smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa bzhin du 'dir sbyar ro/ /de lta bu'i ngo bo rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su ci ltar sa'i snying po dang byams ma bskyed pa'i shes rab ma smos pa de lta bu blang ngo shes rab ma ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med pa'i 'khyud pa'i sbyor bas thabs dang shes rab rol pa bya'o/ /de byas pas bde bar byas pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru sam bsam mo/ /de kha dog dkar po chos kyi dbyings kyi ye shes kyi ngo bo ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /sa bon de las kun tu bzang po'i sku phyag rgya bskyed par bya'o/ /de'i sku

  199. 100a

    mdog dang zhal dang rgyan rnams rnam par snang mdzad kyi ci ltar smos pa de bzhin du sbyar ro/ /gzhan yang phyag drug phyag mtshan drug go /phyag g.yas dang po na pad+ma dkar po 'dab brgyad 'dzin/ bar ma na rdo rje rtse lnga/ tha ma na 'khor lo rtsibs brgyad gser gyi kha dog lta bu'o/ /g.yon dang po na rdo rje dril bu/ bar ma na rdo rje kyo ba tha ma na rdo rje zhags pa'o/ /de lta bu'i ngo bo kun tu bzang po'i sku phyag rgya bskyed ma thag tu skyed par mdzad mkhan rnam par snang mdzad kyi sku phyag rgya/ kun tu bzang po'i sku phyag rgya'i spyi bo la dbang bskur ba'i tshul du bsam mo/ /de'i 'og tu bsgrub pa pos de dang gnyis su med pa'i nga rgyal du bsgom par bya'o/ /de ltar kun tu bzang po'i sku phyag rgya bskyed pa'i 'og tu phyag na rdo rje'i sku phyag rgya bskyed par bya ste/ sgrub pa pos dang po rdo rje mi bskyod pa'i phyi yi gnas kyi tshul ci ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul nges rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni/ mdun du ci ltar smos pa bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu/ bsgom par bya'o/ /de'i dus su rdo rje rigs kyi bye brag khrus mkhan gyi bu mo blang ngo/ /de mtshan dang yon tan thams cad phun sum tshogs pa'i ngo bo dang ldan pa'o/ /shes rab ma ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang

  200. 100b

    chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru dzri bsam mo/ /de kha dog sngon po me long lta bu'i ye shes kyi ngo bo ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /sa bon de las phyag na rdo rje'i sku phyag rgya bskyed par bya'o/ /de ni rdo rje mi bskyod pa'i sku mdog dang zhal dang rgyan rnams ji ltar smos pa de bzhin du bya'o/ /gzhan yang phyag drug phyag mtshan drug go /phyag g.yas dang po na rdo rje rtse lnga gsor ba'i tshul du 'dzin/ /bar ma na yid bzhin gyi nor bu rin po che zur lnga pa/ tha ma na 'khor lo rtsibs brgyad do/ /g.yon dang po na rdo rje dril bu/ bar ma na rdo rje kyo ba/ tha ma na rdo rje zhags pa'o/ /de lta bu'i ngo bo phyag na rdo rje sku phyag rgya bskyed par bya ste/ de ma thag tu skyed par mdzad mkhan rdo rje mi bskyod pa'i sku phyag rgya/ phyag na rdo rje'i sku phyag rgya'i spyi bo dbang bskur ba'i tshul du bsam mo/ /de'i 'og tu sgrub pa pos de dang gnyis su med pa'i nga rgyal du bsgom bar bya'o/ /de ltar phyag na rdo rje'i sku phyag rgya bskyed ma thag tu/ nam mkha' i snying po'i sku phyag rgya bskyed par bya ste/ dang po rdo rje mi bskyod pa'i gnas kyi tshul ji ltar smos pa dang ldan pa'i gnas su phyi'i stan bde zhing 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgya gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgya gyur ma thag tu de dang gnyis su med pa'i nga rgyal du bsgom par bya'o/ /de'i dus su ci ltar phyag na rdo rje bskyed pa'i phyir shes rab ma smos pa de blang ngo/ /shes rab ma de ye shes kyi lha mo dang gnyis su med pa'i ngo bor

  201. 101a

    byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru khaM bsam mo/ /de kha dog sngon po me long lta bu'i ye shes kyi ngo bo ye shes kyi khu ba bzhin du byang chub sems zla ba'i dkyil 'khor la gnyis su med par thim par gyur to/ /sa bon de las nam mkha' i snying po'i sku phyag rgya bskyed par bya'o/ /da ni rdo rje mi bskyod pa'i sku mdog dang zhal dang/ rgyan rnams ci ltar smos pa de bzhin du bya'o/ /gzhan yang phyag drug phyag mtshan drug go /phyag g.yas dang po na rdo rje rin po che ma ra ka ta zur lnga pa 'dzin/ bar ma na 'khor lo rtsibs brgyad/ tha ma na rdo rje ral gri'o/ /g.yon dang po na rdo rje dril bu/ bar ma na rdo rje kyo ba/ tha ma na rdo rje zhags pa'o/ /de lta bu'i nam mkha' i snying po'i sku phyag rgya skyed ma thag tu skyed par mdzad mkhan rdo rje mi bskyod pa'i sku phyag rgya/ nam mkha' i snying po'i sku phyag rgya spyi bo la dbang bskur ba'i tshul du bsam mo/ /de'i 'og tu sgrub pa pos de dang gnyis su med pa'i nga rgyal du bsgom par bya'o/ /de ltar nam mkha' i snying po'i sku phyag rgya bskyed pa'i 'og tu/ 'jam dpal gyi sku phyag rgya bskyed par bya ste/ dang po rdo rje mi bskyod pa'i phyi'i gnas kyi tshul ci ltar smos pa dang ldan pa'i gnas su/ phyi'i stan bde zhing 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang

  202. 101b

    ldan pa'o/ /de'i cha lugs phun sum tshogs pa thams cad ni mdun du ci ltar smos pa bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su ci ltar phyag na rdo rje dang nam mkha' i snying po bskyed pa'i phyir shes rab ma smos pa de bzhin du blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru muM bsam mo/ /de kha dog sngon po me long lta bu'i ye shes kyi ngo bo ye shes kyi khu ba lta bu byang chub sems zla ba'i dkyil 'khor la gnyis su med par thim par 'gyur ro/ /sa bon de las 'jam dpal gyi sku phyag rgya bskyed par bya'o/ /de ni rdo rje mi bskyod pa'i sku mdog dang zhal dang rgyan rnams ci ltar smos pa bzhin du bya'o/ /gzhan yang phyag drug phyag mtshan drug go /phyag g.yas dang po na rdo rje ral gri thugs kar 'degs pa'i tshul 'dzin/ g.yas bar ma na yid bzhin gyi nor bu rin po che zur brgyad pa/ utpal sngon po dang bcas pa/ tha ma na pad+ma dmar po 'dab brgyad/ g.yon dang po na rdo rje dri bu/ bar ma na rdo rje kyo ba/ tha ma na rdo rje zhags pa'o/ /de lta bu'i ngo bo 'jam dpal gyi sku phyag rgya skyed ma thag tu skyed par mdzad mkhan rdo rje mi bskyod pa'i sku phyag rgyas/ 'jam dpal gyi sku phyag rgya'i spyi bo la/ dbang bskur ba'i tshul du bsam mo/ /de'i 'og tu bsgrub pa pos de dang gnyis su med pa'i nga rgyal du bsgom par bya'o/ /'jam

  203. 102a

    dpal gyi sku phyag rgya bskyed pa'i 'og tu/ da ni sgrib pa thams cad rnam par sel pa'i sku phyag rgya bskyed par bya ste/ dang po rdo rje mi bskyod pa'i phyi'i gnas kyi tshul ci ltar smos pa dang ldan pa'i gnas su phyi'i stan bde zhing 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa'i bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su phyag na rdo rje dang nam mkha' i snying po dang/ 'jam dpal bskyed pa'i phyir/ shes rab ma ci ltar smos pa de lta bu'i shes rab ma blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur bar bsam mo/ /de'i steng? du sngags sa bon yig 'bru k+ShaM bsam mo/ /de kha dog ljang gu me long lta bu'i ye shes kyi ngo bo/ ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ / sa bon de las sgrib pa thams cad rnam par sel ba'i sku phyag rgya bskyed par bya'o/ /de ni don yod grub pa'i sku mdog dang/ zhal dang rgyan rnams ci ltar smos pa de bzhin du bya'o/ /gzhan yang phyag drug phyag mtshan drug go /phyag g.yas dang po'i

  204. 102b

    gur mo dang mthe bo'i bar du ud pa la'i sbu gu thugs kar 'dzin/ g.yas bar ma na rdo rje rtse lnga/ tha ma na 'khor lo rtsibs brgyad/ g.yon dang po na rdo rje dril bu/ bar ma na rdo rje kyo ba/ tha ma na rdo rje zhags pa'o/ /de lta bu'i ngo bo sgrib pa thams cad rnam par sel ba'i sku phyag rgya bskyod pa'i 'og tu/ skyed par mdzad mkhan mi bskyod pa'i sku phyag rgya/ sgrib pa thams cad rnam par sel ba'i sku phyag rgya'i spyi bo la dbang bskur ba'i tshul du bsam mo/ /de'i 'og tu sgrub pa bos de dang gnyis su med pa'i nga rgyal du bsgom par bya'o/ /de ltar sgrib pa thams cad rnam par sel ba'i sku phyag rgya bskyed pa'i 'og tu/ 'jig rten dbang phyug gi sku phyag rgya bskyed par bya ste/ dang po snang ba mdza' yas kyi phyi'i gnas ci ltar smos pa dang ldan pa'i gnas su phyi'i stan bde zhing 'jam pa la 'dug go /de'i pOg tu mdun du smos pa'i cho ga bzhi'i tshul gyis snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan ba'o/ /de'i cha lugs phun sum tshogs pa thams cad ni mdun du ci ltar smos pa bzhin du 'dir sbyar ro/ /de lta bu'i ngo bo snang ba mdza' yas kyi sku phyag rgya gyur ma thag tu de dang gnyis su med pa'i nga rgyal du bsgom bar bya'o/ /de'i dus su gsung gi rigs kyi bye brag gi gar mkhan gyi bu mo blang ngo/ /de mtshan dang yon tan thams cad dang ldan pa'o/ /shes rab ma ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems? dpa' ? gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun

  205. 103a

    bzhin du 'od du'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru g+haM bsam mo/ /de kha dog dmar po so sor rtog pa'i ye shes kyi ngo bo ye shes kyi khu ba'i ngo bo byang chub sems zla ba'i dkyil 'khor la gnyis su med par thim par 'gyur ro/ /sa bon de las 'jig rten dbang phyug gi sku phyag rgya bskyed par bya'o/ /de ni snang ba mdza' yas kyi sku mdog dang zhal dang rgyan rnams ci ltar smos pa bzhin du sbyar ro/ /gzhan yang phyag drug phyag mtshan drug go /phyag g.yas dang po na rtsa ba dang sdong bu dang lo ma dang ldan pa'i pad+ma dmar po 'dab brgyad cung zad kha bye ba thugs gar 'degs pa'i tshul du 'dzin/ bar ma na 'khor lo rtsibs brgyad/ tha ma na rdo rje rtse lnga/ g.yon dang po na rdo rje dril bu/ bar ma na rdo rje kyo ba/ tha ma na rdo rje zhags pa'o/ /de lta bu'i ngo bo 'jig rten dbang phyag gi sku phyag rgya bskyed ma thag tu/ skyed par mdzad mkhan snang ba mdza' yas kyi sku phyag rgya/ 'jig rten dbang phyug gi sku phyag rgya'i spyi bo la dbang bskur ba'i tshul du bsam mo/ /de'i 'og tu bsgrub pa pos de dang gnyis su med pa'i nga rgyal du bsgoms par bya'o/ /da ni lha mo gzugs rdo rje ma'i sku phyag rgya bskyed par bya ste/ sgrub pa pos dang po bdag po sa'i snying po'i phyi'i gnas kyi tshul ji ltar smos pa dang ldan pa'i gnas su phyi'i stan bde ba la 'dug go /de'i dus su mdun du smos pa'i cho ga bzhi'i tshul gyis rnam par snang mdzad kyi sku phyag rgyar gyur bar bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa bzhin du bya'o/ /de lta bu'i ngo bo rnam par snang mdzad kyi sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /

  206. 103b

    de'i dus su sku'i rigs kyi bye brag gi bram ze'i rigs kyi bu mo blang ngo/ /de mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po yi sems dga' gnyis su med par 'khyud ba'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru dzhaM bsam mo/ /de kha dog dkar po chos kyi dbyings kyi ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /sa bon de las lha mo'i gzugs rdo rje ma'i sku phyag rgya bskyed par bya'o/ /de sa'i snying po de'i sku mdog dang/ zhal dang rgyan rnams ci ltar smos pa bzhin du bya'o/ /gzhan yang phyag drug phyag mtshan drug go /phyag g.yas dang g.yon dang po gnyis kyis me long 'dzin/ phyag mtshan gzhan ni sa'i snying po'i ci ltar smos pa bzhin no/ /de lta bu'i ngo bo lha mo gzugs rdo rje ma'i sku phyag rgya bskyed par mdzad mkhan rnam par snang mdzad kyi sku phyag rgya la ? gzugs rdo rje ma'i spyi bo la dbang bskur ba'i tshul du bsam mo/ /de'i 'og tu sgrub pa pos de dang gnyis su med pa'i nga rgyal du bsgom par bya'o/ /de bsgoms bas bsgrub pa po yis mig gi dbang po rno ba dang stobs dang ldan par 'gyur ro/ /gzhan yang lce'i? bu mo thams cad dbang du 'gyur bar smos so/ /lha mo gzugs rdo rje ma'i sku skyed pa'i 'og tu/ da ni lha mo byams ma'i sku phyag rgya skyed par bya ste/ sgrub pa pos dang po bdag po byams pa'i phyi'i gnas kyi tshul ci ltar smos pa dang ldan pa'i gnas su phyi'i

  207. 104a

    stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa de bzhin du 'dir bya'o/ /de lta bu'i ngo bo rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su lha mo gzugs rdo rje ma bskyed pa'i phyir shes rab ma ci ltar smos pa de bzhin du shes rab ma blang ngo/ /shes rab ma ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas bas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru mai bsam mo/ /de kha dog dkar po chos kyi dbyings kyi ye shes kyi ngo bor ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /sa bon de las lha mo byams ma'i sku phyag rgya skyed par bya'o/ /de byams ma'i sku mdog dang zhal dang rgyan rnams ci ltar smos pa bzhin du bya'o/ /gzhan yang phyag drug phyag mtshan drug go /phyag g.yas dang po na klu'i me tog gi yal ga rin po ches brgyan pa thugs kar 'degs pa'i tshul du 'dzin/ phyag mtshan gzhan ni byams pa'i ci ltar smos pa bzhin du bya'o/ /de lta bu'i ngo bo lha mo byams ma'i sku phyag rgya bskyed ma thag tu skyed par mdzad mkhan rnam par snang mdzad kyi sku phyag rgya

  208. 104b

    byams ma'i sku phyag rgya'i spyi bo la dbang bskur ba'i tshul du bsam mo/ /de'i 'og tu sgrub pa pos de dang gnyis su med pa'i nga rgyal du bsgom par bya'o/ /de bsgom pa byams pas sgrub pa pos lus rgyas pa dang gzi brjid dang ldan par 'gyur ro/ /gzhan yang dri za'i bu mo thams cad dbang du gyur par smos so/ /lha mo byams ma'i sku phyag rgya bskyed pa'i 'og tu/ da ni lha mo kun tu bzang mo'i sku phyag rgya bskyed par bya ste/ sgrub pa pos dang po bdag po kun tu bzang po'i phyi'i gnas kyi tshul ci ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa bzhin du 'dir bya'o/ /de lta bu'i ngo bor rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su lha mo gzugs rdo rje ma dang/ lha mo byams ma bskyed pa'i phyir shes rab ma ci ltar smos pa de bzhin du blang ngo/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru raM bsam mo/ /de kha dog dkar po chos kyi ye shes kyi ngo bor ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /

  209. 105a

    sa bon de las lha mo kun tu bzang po'i sku phyag rgya bskyed par bya'o/ /de kun tu bzang mo yi sku mdog dang/ zhal dang rgyan rnams ci ltar smos pa bzhin du bya'o/ /gzhan yang phyag drug phyag mtshan drug go /phyag g.yas dang po na rdo rje rgya gram thugs kar 'degs pa'i tshul du 'dzin/ phyag mtshan gzhan ni kun tu bzang po'i ci ltar smos pa bzhin bya'o/ /de lta bu'i ngo bo lha mo kun tu bzang mo'i sku phyag rgya skyed ma thag tu skyed par mdzad mkhan rnam par snang mdzad kyi sku phyag rgya lha mo kun tu bzang mo'i sku phyag rgya'i spyi bo la dbang bskur ba'i tshul du bsam mo/ /de'i 'og tu sgrub pa pos de dang gnyis su med pa'i nga rgyal du bsgom par bya'o/ /de bsgom pa byas pas sgrub pa pos sems rno ba dang stobs dang ldan par 'gyur ro/ /gzhan yang mi thams cad kyi chung ma dbang du gyur par smos so/ /lha mo kun tu bzang mo'i sku phyag rgya bskyed pa'i 'og tu/ da ni lha mo sgra rdo rje ma'i sku phyag rgya bskyed par bya ste/ sgrub pa pos dang po bdag po phyag na rdo rje'i phyi'i gnas kyi tshul ci ltar smos pa dang ldan pa'i gnas kyi tshul ci ltar smos pa dang ldan pa'i gnas su/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgya bskyed par bya'o/ /de nyid shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgya gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo blang ngo/ /de ni mtshan dang yon tan phun sum tshogs pa'i ngo bo dang ldan pa'o/ /shes rab ma ye shes kyi lha mo ma ma ki dang

  210. 105b

    gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor ba dang thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur bar bsam mo/ /de'i steng du sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /sa bon de las lha mo sgra rdo rje ma'i sku phyag rgya bskyed par bya'o/ /de ni phyag na rdo rje sku mdog dang zhal dang rgyan rnams ji ltar smos pa bzhin du bya'o/ /gzhan yang phyag drug phyag mtshan drug go /phyag g.yas g.yon dang po gnyis rgu'o rgyud mangs rdung ba'i tshul du 'dzin/ phyag gzhan ni phyag na rdo rje ci ltar smos pa bzhin du bya'o/ /de lta bu'i ngo bo lha mo sgra rdo rje ma'i sku phyag rgya bskyed? ma thag tu/ skyed par mdzad mkhan rdo rje mi bskyod pa'i sku phyag rgya lha mo sgra rdo rje ma'i sku phyag rgya'i spyi bo la dbang bskur ba'i tshul du bsam mo/ /de'i 'og tu sgrub pa pos de dang gnyis su med pa'i nga rgyal du bsgom par bya'o/ /de bsgom pa byas pas sgrub pa po yi rna ba'i dbang po rno ba dang stobs dang ldan par 'gyur ro/ /gzhan yang lha ma yin gyi bu mo thams cad dbang du gyur par smos so/ /lha mo sgra rdo rje ma'i sku phyag rgya bskyed pa'i 'og tu/ da ni lha mo dri rdo rje ma'i sku phyag rgya skyed bar bya te/ sgrub pa pos dang po bdag nam mkha' i snying po phyi'i gnas kyi tshul ci ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgya gyur par bya'o/ /de nyid kyi shes

  211. 106a

    rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa de bzhin du 'dir bya'o/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su lha mo sgra rdo rje mi bskyod pa'i phyir shes rab ma ci ltar smos pa bzhin du blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' pas gnyis su med par 'khyud pa'i sbyor pas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur bar bsam mo/ /de'i steng du sngags sa bon yig 'bru bAM bsam mo/ /de kha dog sngon po me long lta bu'i ye shes kyi ngo bo ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /sa bon de las lha mo dri rdo rje ma'i sku phyag rgya bskyed par bya'o/ /da ni nam mkha' i snying po'i sku mdog dang/ zhal dang rgyan rnams ci ltar smos pa bzhin bya'o/ /gzhan yang phyag drug phyag mtshan drug go /phyag g.yon dang pos dung phor lha'i dris gang ba thugs kar 'dzin pa/ phyag g.yas dang pos gar gyi thabs kyis 'thor ba'o/ /phyag mtshan gzhan ni nam mkha' i snying po'i ci ltar smos pa bzhin du bya'o/ /de lta bu'i ngo bo lha mo dri rdo rje ma'i sku phyag rgya bskyed ma thag tu/ skyed par mdzad mkhan rdo rje mi bskyod pa'i sku phyag rgya lha mo dri rdo rje ma'i sku phyag rgya'i spyi bor dbang bskur ba'i tshul du bsam mo/ /de'i 'og tu sgrub pa pos de dang gnyis su med pa'i nga rgyal du bsgom par

  212. 106b

    bya'o/ /de bsgom pa byas pas bsgrub pa po'i sna'i dbang po rno ba dang stobs dang ldan par 'gyur ro/ /gzhan yang gnod sbyin gyi bu mo thams cad dbang du 'gyur bar smos so/ /lha mo dri rdo rje ma'i sku phyag rgya skyed pa'i 'og tu/ da ni lha mo thugs rdo rje ma'i sku phyag rgya bskyed par bya ste/ sgrub pa po dang po bdag po 'jam dpal gyi phyi'i gnas kyi tshul ji ltar smos pa dang ji ltar ldan pa'i gnas su phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni/ mdun du ji ltar smos pa bzhin 'dir bya'o/ /de lta bu'i ngo bo rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su lha mo sgra rdo rje ma dang dri rdo rje ma bskyed pa'i phyir ji ltar shes rab ma smos pa de bzhin du/ shes rab ma blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur bar bsam mo/ /de'i steng du sngags sa bon yig 'bru mai bsam mo/ /de kha dog sngon po me long lta bu ye shes kyi ngo bo ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /sa bon de las lha mo thugs rdo rje ma'i sku phyag rgya bskyed par bya'o/ /de 'jam dpal gyi sku mdog dang zhal dang rgyan rnams ji ltar smos pa de bzhin du bya'o/ /

  213. 107a

    gzhan yang phyag drug phyag mtshan drug go /phyag g.yas dang po na rdo rje ral gri utpal sngon po'i 'dab ma lta bu thugs kar 'degs pa'i tshul du 'dzin/ phyag mtshan gzhan ni 'jam dpal gyi ji ltar smos pa bzhin du bya'o/ de lta bu'i ngo bo lha mo thugs rdo rje ma'i sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya lha mo thugs rdo rje ma'i sku phyag rgya spyi bo la dbang bskur ba'i tshul du bsam mo/ /de'i 'og tu sgrub pa pos de dang gnyis su med pa'i nga rgyal du bsgom par bya'o/ /de bsgom pa byas pas sgrub pa po shes rab kyi dbang po rno ba dang/ stobs dang ldan par 'gyur ro/ /gzhan yang grul bum mo thams cad dbang du gyur par smos so/ /lha mo thugs rje ma'i sku phyag rgya bskyed pa'i 'og tu da ni lha mo reg rdo rje ma'i sku phyag rgya bskyed par bya ste/ sgrub pa pos dang po bdag po sgrib pa thams cad rnam par sel ba'i phyi'i gnas kyi tshul ji ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ji ltar smos pa bzhin du 'dir bya'o/ /de lta bu'i ngo bo rdo rje mi bskyod pa'i sku phyag rgya gyur ma thag tu de dang gnyis su med pa'i nga rgyal du bsgom par bya'o/ /de'i dus su lha mo sgra rdo rje ma dang/ lha mo dri rdo rje ma dang/ lha mo thugs rdo rje ma bskyed pa'i phyir shes rab ma ji ltar smos pa de bzhin du blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par

  214. 107b

    'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru khaM bsam mo/ /de kha dog ljang gu me long lta bu'i ye shes kyi ngo bo ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /sa bon de las lha mo reg rdo rje ma'i sku phyag rgya bskyed par bya'o/ /de'i sgrib pa thams cad rnam par sel ba'i sku mdog dang/ zhal dang rgyan rnams ji ltar smos pa bzhin du bya'o/ /gzhan yang phyag drug phyag mtshan drug go /phyag g.yas dang po na rdo rje ral gri utpal sngon po'i 'dab ma lta bu dkyil 'khor rdo rje rgya gram gyis drangs pa'i steng gi dbus su lha mo'i gos kyis dkris pa thugs kar gdegs pa'i tshul du 'dzin/ phyag mtshan gzhan ni sgrib pa thams cad rnam par sel ba'i ji ltar smos pa bzhin du bya'o/ /de lta bu'i ngo bo lha mo reg rdo rje ma'i sku phyag rgya skyed ma thag tu skyed par mdzad mkhan rdo rje mi bskyod ba'i sku phyag rgya lha mo reg rdo rje ma'i sku phyag rgya spyi po la dbang bskur ba'i tshul du bsam mo/ /de'i 'og tu bsgrub pa pos de dang gnyis su med pa'i nga rgyal du bsgom par bya'o/ /de bsgom pa byas pas sgrub pa po lus kyi dbang po rno ba dang/ stobs dang ldan par 'gyur ro/ /gzhan yang mkha' 'gro ma thams cad dbang du gyur par smos so/ /lha mo reg rdo rje ma sku phyag rgya bskyed pa'i 'og tu/ da ni lha mo rdo rje ma'i sku phyag rgya bskyed par bya ste/ sgrub pa pos dang po bdag po spyan ras gzigs kyi dbang phyug gi phyi'i gnas kyi tshul ji ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis snang ba mdza' yas

  215. 108a

    kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci smos pa de bzhin du 'dir bya'o/ /de lta bu'i ngo bo snang ba mdza' yas kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su gsung gi rigs kyi bye brag mkhan gyi rigs kyi bu mo blang ngo/ /de ni mtshan dang yon tan phun sum tshogs pa'i ngo bo dang ldan pa'o/ /shes rab ma de ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ de'i steng du sngags sa bon yig 'bru ho bsam mo/ /de kha dog dmar po so sor rtogs pa'i ye shes kyi ngo bo ye shes kyi khu ba bzhin du byang chub sems zla ba'i dkyil 'khor la gnyis su med par thim par gyur to/ /sa bon de las lha mo ro rdo rje ma'i sku phyag rgya bskyed par bya'o/ /de ni spyan ras gzigs kyi dbang phyug gi sku mdog dang zhal dang rgyan rnams ji ltar smos pa bzhin du bya'o/ /gzhan yang phyag drug phyag mtshan drug go /phyag g.yon dang pos dung phor chen po lha'i ro dang bdud rtsi rnam lngas gang ba thugs kar 'dzin phyag mtshan gzhan ni spyan ras gzigs kyi dbang phyug gi ji ltar smos pa bzhin du bya'o/ /de lta bu'i ngo bo lha mo ro rdo rje ma'i sku phyag rgya bskyed ma thag tu skyed par mdzad mkhan snang ba mdza'

  216. 108b

    yas kyi sku phyag rgya/ lha mo ro rdo rje ma'i sku phyag rgya spyi bo la dbang bskur ba'i tshul du bsam mo/ /de'i 'og tu bsgrub pa pos de dang gnyis su med pa'i nga rgyal du bsgom par bya'o/ /de'i bsgom pa byas pas bsgrub pa po lce'i dbang po rno ba dang/ stobs dang ldan par 'gyur ro/ /gzhan yang srin mo la sogs pa sems can thams cad kyi chung ma dbang du gyur par smos so/ /da ni ya man ta ka la sogs pa khro bo'i rgyal po bcu zhal gsum phyag drug pa mtshon cha'i bye brag sna tshogs 'dzin pa'i bsgom pa'i cho ga'i don bstan par bya ste/ khro bo chen po gshin rje gshed/ /zhal gsum drag po 'od 'bar che/ /drag po'i 'jigs pa'ang 'jigs par byed/ /sku mdog nag po rab tu bsgom/ /zhes bya ba'i don bshad par bya ste ci ltar yin na/ khro bo chen po gshin rje gshed/ /zhal gsum phyag drug 'od 'bar che ni/ sgrub pa pos dang po rnam par snang mdzad kyi phyi'i gnas kyi tshul ji ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su ?? smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa bzhin du 'dir sbyar ro/ /de lta bu'i ngo bo rnam par snang mdzad kyi sku phyag rgya gyur ma thag tu/ de dang gnyis su med pa'i nga rgyal du bsgom par bya'o/ /de'i dus su sku'i rigs kyi bye brag gi bram ze'i rigs kyi bu mo blang ngo/ /mdun du smos pa'i mtshan dang/ yon tan phun sum tshogs pa'i ngo bo dang ldan pa'o/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i zhe sdang gi

  217. 109a

    sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin bu 'od du zhu'o/ /de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po ya man ta ka'i sku phyag rgya bskyed par bya'o/ /de khro mo'i rgyal mo ro langs ma dang gnyis su med bar 'khyud pa'i sbyor ba dang ldan pa'o/ /sku mdog sprin nag po lta bu/ zhal gsum ba/ zhal dbus ma sku dang mthun/ zhal g.yas dmar po/ g.yon dkar po ral pa gyen du rdzes pa rab tu 'bar ba/ gsus pa che ba/ sku kun nas bskal pa'i me ster 'bar ba'i 'od kyis rab tu 'bar ba'i spyan dmar ba/ smin ma bskyod pa/ mche ba'i phreng ba dang ldan pa/ khro bo'i rgyan thams cad kyis brgyan pa/ zhal gsum phyag drug phyag mtshan drug /phyag g.yas dang po na/ kha TwaM ga 'dzin/ g.yon dang po na/ rgyu ma'i 'phreng ba 'dzin/ khro mo'i rgyal mo ro langs ma phyag g.yas dang po na rdo rje ka ta da ri 'dzin/ g.yon dang po na ban da 'dzin/ phyag mtshan gzhan ni bye brag sna tshogs su smos so/ /de lta bu'i khro bo'i rgyal po ya man ta ka'i sku phyag rgya bskyed ma thag tu skyed par mdzad mkhan rnam par snang mdzad kyi sku phyag rgya khro bo'i rgyal po ya man ta ka'i sku phyag rgya'i spyi go la dbang bskur ba'i tshul du bsam mo/ /bshad par bya ste/ drag po ni thugs rje chen po zhe sdang gi thugs kyis

  218. 109b

    'chi bdag gshin rje 'joms par brtson pa ste/ don des drag por smos so/ /de ltar khro bo chen po gshin rje gshed/ zhal gsum drag po'i 'od 'bar che'i don du gsungs so/ /drag po 'jigs par byed/ sku mdog nag po rab tu sgom zhes pa ni sems can thams cad tshe 'phreg ba 'chi ba'i 'jigs pa byed pa'i 'chi bdag gi bdud smos pa de/ khro bo chen po ya man ta kas chos kyi dbyings kyi ye shes kyi sprul pa'i thabs kyis 'joms par byed pas 'jigs byed pa'o/ /don des 'jigs pa yang 'jigs par byed pa khro bo chen po ya man ta kar smos so/ /drag po ni mdun du smos pa'i sku'i cha lugs phun sum tshogs pa smos pa kun dang/ gzhan yang bskal pa'i me bzhin du 'bar ba'i 'od kyis 'bar ba'o/ /don des drag por bstan to// de ltar khro bo'i rgyal po ya man ta ka'i sku phyag rgya bskyed ma thag tu/ de dang gnyis su med pa'i nga rgyal du bsgom par bya'o/ /de'i sgom pa byas pas bsgrub pa pos 'chi bdag gi bdud 'joms pa'i dngos grub kyi 'bras bu 'grub par 'gyur bar smos so/ /de ltar drag po'i 'jigs pa'ang 'jigs par byed/ sku mdog nag po rab tu bsgom pa'i don du gsungs so/ /khro bo'i rgyal po ya man ta ka'i sku phyag rgya bskyed pa'i 'og tu da ni khro bo'i rgyal po gzhan gyis mi thub pa'i sku phyag rgya bskyed bar bya ba'i cho ga'i don bstan par bya ste/ gzhan gyis mi thub khro bo che/ /drag tu bzhad pa'i sgra sgrogs pa/ /zhal gsum me stag mang po dag /rab tu 'phro ba rnam par bsam/ zhes bya ba'i don bshad par bya ste/ ji ltar yin na gzhan gyis mi thub khro bo che/ /drag tu bzhad pa sgra sgrogs pa ni/ sgrub pa pos dang po rdo rje mi bskyod pa ni phyi'i gnas kyi tshul ci ltar smos pa dang ldan pa'i gnas su/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis

  219. 110a

    rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa bzhin du 'dir bya'o/ /de lta bu'i ngo bo rdo rje mi bskyod ba'i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje'i rigs kyi bye brag gis khrus mkhan gyi rigs kyi bu mo blang ngo/ /de mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas ni gnyis su med par 'khyud pa'i spyod ba thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu'o/ /de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog dkar po me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po gzhan gyis mi thub pa'i sku phyag rgya bskyed par bya'o/ /de khro mo'i rgyal mo gzhan gyis mi thub ma dang gnyis su med pa'i 'khyud pa'i sbyor ba dang ldan pa'o/ de'i sku mdog sprin dkar po lta bu/ de nyon mongs pa'i bdud la sogs pa bgegs kyi gnod pa gang gis kyang pham par mi 'gyur bas/ don des gzhan gyis mi thub par smos so/ /drag tu bzhad pa'i sgra sgrogs pa ni bgegs kyi tshogs rnams bskrad pa'i phyir brtson 'grus chen pos yang dang yang du gad mo'i sgra sgrogs par mdzad

  220. 110b

    pa'o/ /don des khro bo chen por smos so/ /de ltar gzhan gyis mi thub khro bo che/ /drag tu bzhad pa'i sgra sgrogs pa'i don gsungs so/ /zhes gsum me stag mang po dag rab tu 'phro ba rnam par bsam zhes pa ni/ mdun du smos pa'i tshul du khro bo chen po gzhan gyi mi thub pa'i sku phyag rgya skyed pa de ni zhal gsum pa/ zhal dbus ma sku dang mthun/ g.yas nag po/ g.yon shin tu dmar ba/ ral pa gyen du rdzes pa rab tu 'bar ba/ sprul gyis bcings pa/ sku kun nas me stag stug po rab tu 'phro bar bsam mo/ /spyan dmar ba smin ma bskyod pas 'jigs par byed pa/ zhal gsum ga zlum po'o/ /mche ba'i phreng ba gdengs pa/ ska rags klu'i rgyal po ba su ki la byas pa khro bo'i rgyan thams cad kyis brgyan pa/ phyag drug phyag mtshan drug go /phyag g.yas dang po na rdo rje ka ta ri 'dzin/ g.yon dang po na mi mgo khrag 'dzag pa 'dzin pa/ khro mo'i rgyal mo gzhan gyis mi thub ma'i phyag g.yas dang po na rdo rje ka ta ri sbrul dang bcas par 'dzin pa/ g.yon dang po na byis pa'i mgo blo ba dang bcas par 'dzin/ phyag mtshan gzhan ni bye brag sna tshogs su smos so/ /de lta bu'i ngo bo khro bo'i rgyal po gzhan gyis mi thub pa'i sku phyag rgya bskyed ma thag tu/ skyed par mdzad mkhan rdo rje mi bskyod pa'i sku phyag rgya khro bo'i rgyal po gzhan gyis mi thub pa'i sku phyag rgya'i spyi bo la dbang bskur ba'i tshul du bsam mo/ /de ltar khro bo'i rgyal po gzhan gyis mi thub pa'i sku phyag rgya bskyed ma thag tu de dang gnyis su med pa'i nga rgyal du bsgom par bya'o/ /de bsgom pa byas pas bsgrub pa po nyon mongs pa'i bdud bcom pa'i dngos grub kyi 'bras bu 'grub par 'gyur bar smos so/ /de ltar zhal gsum me stag mang po dag /rab tu 'phro ba rnam par bsam gyi don du gsungs so/ /khro bo gzhan gyis mi thub pa'i sku phyag rgya bskyed pa'i 'og tu/ da ni khro bo'i

  221. 111a

    rgyal po rta mgrin gyi sku phyag rgya bskyed par bya ba'i cho ga'i don bstan par bya ste/ khro bo chen po rta mgrin ni/ /bskal pa'i me bzhin rab tu 'bar/ /zhal gsum gdug pa zhabs kyis mnan/ /sbyor bas rtag tu bsam par bya/ zhes bya ba'i don bshad par bya ste/ ci ltar yin na khro bo chen po rta mgrin ni/ bskal pa'i me bzhin rab tu 'bar sgrub pa pos snang ba mdza' yas kyi phyi'i gnas kyi tshul ci ltar smos pa dang ldan pa'i gnas su/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa de bzhin du 'dir bya'o/ /de lta bu'i ngo bo snang ba mdza' yas kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su gsung gi rigs kyi bye brag gi gar mkhan gyi rigs kyi bu mo blang ngo/ /de mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab ma de ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu'o/ /de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog ban du ka'i me tog lta bu so sor rtog pa'i ye shes kyi ngo bo gzi brjid chen po 'bar bas 'bar zhing 'od du zhu nas/

  222. 111b

    ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po rta mgrin gyi sku phyag rgya bskyed par bya'o/ /khro mo'i rgyal mo khro gnyer ma dang gnyis su med par 'khyud pa'i sbyor ba dang ldan pa'o/ /de'i sku mdog ban du ka'i me tog ltar shin tu dmar ba de bskal pa'i me'i dus ci lta ba de bzhin du/ lha'i bu'i bdud kam de ba la sogs pa bgegs thams cad kyi gnod pa skrag pa'i phyir sku phyag rgya kun nas 'bar ba chen po'i 'od 'byung ba'o/ /don des khro bo chen por smos so/ /de ltar khro bo chen po rta mgrin ni/ bskal pa'i me bzhin rab tu 'bar gyi don du gsungs so/ /zhal gsum gdug pa zhabs kyis gnon/ /sbyor bas rtag tu bsam par bya zhes pa ni/ mdun du smos pa'i tshul du khro bo'i rgyal po chen po rta mgrin gyi sku phyag rgya bskyed pa de ni zhal gsum pa zhal dbus ma sku dang mthun/ de'i spyi bo rta mgrin gyi kha dog ljang gu bskyod pa rdo rje ral pa'i tshogs dang ldan pa'o/ /zhal g.yas gnag pa/ g.yon dkar ba/ ral pa gyen du rdzes pa/ rab tu 'bar ba/ klu'i rgyal po ku le kas bcings pa/ klu'i rgyal po ba su kas mgul pa brgyan pa/ klu'i rgyal po pad+mas g.yas su se ral gar brgyan pa/ ? ? ? gnyis ska rags byas pa/ gzhan yang yan lag dang nying lag thams cad sprul kha dog sna tshogs kyi bye brag gis brgyan par smos so/ /sku che ba 'jigs pa chen po mdzad pa/ zhal gsum gyi smin ma'i khro gnyer yang nas yang du ? ? ? phyag mtshan drug go /phyag g.yas dang po ni thod/ phreng ba 'dzin pa/ g.yon dang po na pad+ma kha dog sna tshogs kyi phreng ba 'dzin/ khro mo'i rgyal mo khro gnyer ma'i phyag g.yas dang po na thod pa lcang lo can 'dzin/

  223. 112a

    g.yon dang po na rgyu ma'i phreng ba 'dzin/ phyag mtshan gzhan ni bye brag sna tshogs su smos so/ /zhabs g.yas brkyang ba dang/ g.yon bskum pa'i tshul gyis gdug par ming btags pa lta bu'i bdud ka ma de ba gnon par mdzad de/ zhabs g.yas kyis mgo gnon/ g.yon gyis brla gnyis gnon no/ /de ltar gdug pa gnan pa'i tshul du sbyor bas sgrub pa pos ma grub kyi bar du/ dus rtag tu bsgom par bya bar smos so/ /de lta bu'i ngo bo khro bo'i rgyal po rta mgrin gyi sku phyag rgya bskyed ma thag tu/ skyed par mdzad mkhan snang ba mdza' yas kyi sku phyag rgya khro bo chen po rta mgrin gyi sku phyag rgya'i spyi bo la dbang bskur ba'i tshul du bsam mo/ /de ltar khro bo'i rgyal po rta mgrin gyi sku phyag rgya'i gzugs bskyed ma thag tu/ de dang gnyis su med pa'i nga rgyal du bsgom bar bya'o/ /de bsgom pa byas pas bsgrub pa pos lha'i bu'i bdud gzhom pa'i dngos grub kyi 'bras bu 'grub par 'gyur bas smos so/ /de ltar zhal gsum gdug pa zhabs kyis gnon/ sbyor bar rtag tu bsam par bya ba'i don du gsungs so/ /khro bo'i rgyal po rta mgrin gyi sku phyag rgya bskyed pa'i 'og tu/ da ni khro bo'i rgyal po rdo rje'i bdud rtsi'i sku phyag rgya bskyed par bya ba'i cho ga'i don bstan par bya ste/ rdo rje bdud rtsi khro bo che/ /me stag 'phro ba rab tu 'khrug /drag po rdo rje 'bar ba 'dra/ /'jigs ba dag kyang 'jigs par byed/ zhes bya ba'i don bshad par bya ste/ ci ltar yin na/ rdo rje bdud rtsi khro bo che/ me stag 'phro ba rab tu 'khrug ni/ bsgrub pa pos dang po rdo rje mi bskyod pa'i phyi'i gnas kyi tshul ji ltar smos pa dang ldan pa'i gnas su phyi'i stan bde pa 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur

  224. 112b

    par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa de bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i bus su rdo rje'i rigs kyi bye brag gi khrus mkhan gyi rigs kyi bu mo blang ngo/ /de mdun du smos pa'i mtshan dang/ yon tan phun sum tshogs pa'i ngo bo dang ldan pa'o/ /shes rab ma de ye shes kyi lha mo ma ma ke dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med pa'i 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas/ rgya mtsho dang mnyam par bsam mo/ /de'i steng du stags sa bon yig 'bru hUM bsam mo/ de kha dog sngon po cung zad dkar ba me tog a ta se lta bu me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ / sa bon de las khro bo'i rgyal po'i rdo rje bdud rtsir ming btags pa/ big nan ta ka'i sku phyag rgya bskyed par bya'o/ /de khro mo'i rgyal mo ral pa gcig ma dang gnyis su med par 'khyud pa'i sbyor ba dang ldan pa/ sku mdog sngon po cung zad dkar ba/ me tog a ta ki lta bu'o/ /sku kun nas me long lta bu'i ye shes kyi ngo bor me stag grangs med pa 'phro bas 'khrugs pas khro bo chen por gyur pa'o/ /de ltar rdo rje bdud rtsi khro bo che/ me stag 'phro bas rab tu 'khrug gi don du gsungs so/

  225. 113a

    drag po rdo rje 'bar ba 'dra/ 'jigs pa dag kyang 'jigs pa'i 'od ces pa ni/ rdo rjer ming btags pa/ khro bo chen po rdo rje bdud rtsi yin no/ /mdun du smos pa'i me stag 'phro bas bskal pa'i me 'bar ba dang mnyam par sku phyag rgya las 'od 'bar ba'i don des rdo rje 'bar bar smos so/ /drag po thugs rje chen po zhe sdang gi thugs kyis phung po'i bdud bgegs kyi rgyal po bi na ya ka 'joms par brtson pa'i don gyis drag por smos so/ /'jigs pa dag kyang 'jigs par byed ni/ bgegs kyi rgyal po bi na ya kas sems can thams cad la gnod pa'i bye brag sna tshogs kyi 'jigs par byed pa gzhom pa'i phyir/ 'jigs pa chen po'i ngo bo tshul ji ltar smos pa 'od 'bar ba yin no/ /don des 'jigs pa dag kyang 'jigs par byed ces smos so/ /gzhan yang cha lugs phun sum tshogs pa bstan par bya ste/ zhal gsum pa/ zhal dbus ma sku dang mthun/ zhal g.yas dmar g.yon dkar ba/ ral pa gyen du rdzes pa/ rab tu 'bar ba zhal gdengs pa/ spyan mi sdug pa smin ma khro gnyer bskyod pa/ mche ba gad mo bzhad pa/ khro bo'i rgyan thams cad kyis brgyan pa/ phyag drug phyag mtshan drug go/ phyag g.yas dang po na ri nag po'i 'bar ba'i 'od 'bar ba 'dzin/ g.yon dang po na bdud dang bgegs thams cad kyi thod pa'i phreng ba 'dzin/ khro mo rgyal mo ral pa gcig ma'i phyag g.yas dang po na khwa tang kha 'dzin/ g.yon dang po na mtshon rtse gsum pa 'dzin/ phyag mtshan gzhan ni bye brag sna tshogs su smos so/ /de lta bu'i ngo bo khro bo'i rgyal po rdo rje bdud rtsi'i sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya khro bo'i rgyal po rdo rje bdud rtsi'i rgyal po rdo rje bdud rtsi'i sku phyag rgya'i spyi bo la dbang bskur ba'i tshul du bzhugs par bsam mo/ /de ltar khro bo'i

  226. 113b

    rgyal po rdo rje bdud rtsi'i sku phyag rgya bskyed ma thag tu de dang gnyis su med pa'i nga rgyal du bsgom par bya'o/ /da bsgom par byas pas sgrub pa pos phung po'i bdud gzhom pa'i dngos grub kyi 'bras bu 'grub par 'gyur bar smos so/ /de ltar drag po rdo rje 'bar ba 'dra/ 'jigs pa dag kyang 'jigs par byed kyi don du gsungs so/ /khro bo'i rgyal po rdo rje bdud rtsi'i sku phyag rgya bskyed pa'i 'og tu/ da ni khro bo'i rgyal po'i Tak+ki ra tsa'i sku phyag rgya bskyed par bya ba'i cho ga'i don bstan par bya ste/ 'dod pa'i ye shes khro bo che/ /zhal gsum mi 'jigs gsum ni sbyin /phyag bzhi 'jigs par byed pa'i/ Ta ki rgyal po rab tu bsgom/ zhes bya ba'i don bshad par bya ste/ ci ltar yin na 'dod pa'i ye shes khro bo che/ zhal gsum mi 'jigs gsum ni sbyin ni/ sgrub pa pos dang po rdo rje mi bskyod pa'i phyag rgya'i gnas kyi tshul ji ltar smos pa dang ldan pa'i gnas su/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad 'dun du ji ltar smos pa de bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo blang go/ /de'i mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor ba thabs dang shes rab rol pa bya'o/ /de byas pas bde bar gyur pa'i dus su/ rdo rje lam gyi sgo nas shes

  227. 114a

    rab ma'i b+ha ga'i dbus su byang chub sems char gyi rgyun bzhin du 'od du zhu nas/ de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de'i kha dog nag po me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu nas/ ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po Ta kir tsa'i sku phyag rgya bskyed par bya'o/ /khro mo'i rgyal mo rdo rje 'dod pa'i dbang phyug dang gnyis su med par 'khyud pa'i sbyor ba dang ldan pa'o/ /sku mdog sprin nag po lta bu sku kun nas me long lta bu'i ye shes kyi ngo bo 'bar ba chen po'i 'od 'phro ba'i/ don des ye shes su smos so/ /khro bo chen po ni thugs rje chen pos thugs khros te gnod sbyin thams cad gzhom pa'i phyir mdun du smos pa'i 'bar ba chen po'i 'od kyis 'bar ba'o/ /de na ngas khro bo chen por smos so/ /gzhan yang cha lugs phun tshogs pa kun bstan par bya ste/ zhal gsum pa/ zhal dbus ma sku dang mthun/ g.yas shin tu dmar ba/ g.yon dkar ba/ ral pa'i tshogs gyen du brdzes pa/ rab tu 'bar ba byis pa'i gzugs 'dra ba/ zhal bskyod par mdzad pa spyan mi 'gul ba/ smin ma yang dang yang du skyod pa/ mche ba'i phreng bas ldang ba'i tshul mdzad pa/ khro bo'i rgyan thams cad kyis brgyan pa/ phyag bzhi pa'i phyag mtshan bzhi la/ phyag g.yas dang po na gnod sbyin gyi khog pa snying ga 'dral ba 'dzin/ g.yon dang rdo rje ka ting 'dzin/ khro mo'i rgyal mo rdo rje 'dod pa'i dbang phyug ma phyag g.yas dang po na rdo rje me dpung 'dzin/ g.yon dang po na ban? de 'dzin/ phyag mtshan gzhan mi bye brag sna tshogs su smos so/ /gzhan yang mi 'jigs pa gsum sbyin pa'i don bstan par bya ste/ skye

  228. 114b

    ba'i 'jigs pa dang/ sdug bsngal rnams kyis 'jigs pa dang/ 'chi ba'i 'jigs pa dang/ gsum khro bo'i rgyal po Ta ki'i bsgom pa byas pas 'jigs pa de gsum med par 'gyur ro/ /don des mi 'jigs pa gsum sbyin par smos par smos so/ /de lta bu'i ngo bo khro bo'i rgyal po Ta ki'i sku phyag rgya bskyed ma thag tu/ skyed par mdzad mkhan rdo rje mi bskyod pa'i sku phyag rgya khro bo'i rgyal po Ta ki'i sku phyag rgya'i spyi bo la dbang bskur ba'i tshul du bsam mo/ /de ltar 'dod pa'i ye shes khro bo che/ /zhal gsum mi 'jigs gsum sbyin pa'i don du gsungs so/ /phyag bzhi 'jigs par byed pa'i mchog /Ta ka'i rgyal po rab tu bsgom zhes pa ni/ bskabs 'dir Ta ki ra tsi phyag bzhi par smos so/ /des mdun du smos pa'i 'jigs pa gsum med par bya ba'i phyir 'jigs pa mchog ni me'i skal pa'i dus ji ltar smos pa'i tshul du sku phyag rgya 'bar ba yin no/ /don des 'jigs pa'i mchog tu smos so/ /de lta bu'i ngo bo'i Ta kir tsa rab tu bsgom par bya'o/ /drug gi rgyal po de dang gnyis su med pa'i nga rgyal du bsgom par byas pas bsgrub pa pos gnod sbyin thams cad 'joms pa'i dngos grub kyi 'bras bu 'grub par 'gyur bar smos so/ /de ltar phyag bzhi 'jigs par byed pa'i mchog /Taki rgyal po rab tu bsgom gyi don du gsungs so/ /khro bo'i rgyal po ta ki ra tsa'i sku phyag rgya bskyed pa'i 'og tu/ da ni khro bo'i rgyal po stobs po che'i sku phyag rgya'i skyed par bya ba'i cho ga'i don bstan par bya ste/ stobs po che ni rdo rje che/ /'jig rten gsum ni 'jigs par byed/ /gdug pa thams cad 'joms par byed/ /zhal gsum pa ni rtag par bsgom/ zhes bya ba'i don bshad par bya ste/ ci ltar yin na/ stobs po che ni rdo rje che/ /'jig rten gsum ni 'jigs par byed ni/ bsgrub pa pos

  229. 115a

    rdo rje mi bskyod pa'i phyir gnas kyi tshul ji ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun smos pa'i chog bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyung pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa bzhin 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo blang ngo/ /de mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu'o/ /de rgya mtsho dang mnyam par gyur par bsam mo/ /de'i steng du bsngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med pa thim par gyur to/ /sa bon las khro bo'i rgyal po stobs po che sku phyag rgya bskyed par bya'o/ /de khro mo'i rgyal mo stobs po che dbang phyug ma dang gnyis su med par 'khyud pa'i sbyor ba dang ldan pa'o/ /sku mdog ni char pa'i dus kyi sprin nag po lta bu/

  230. 115b

    gzhan yang stobs po che ni stong chen po'i 'jig rten gyi khams thams cad na gnas pa'i lha dang mi la sogs pa sems can ma lus pa thams cad kyi stobs gcig tu bsdoms pa pas stobs po che'i stobs stong 'gyur gyis che bar smos so don des stobs po cher bstan to/ /rdo rje che ni me long lta bu'i ye shes kyi ngo bor khro bo'i rgyal po stobs po che yin no/ /de ni stobs pa rdo rje mi bskyod pa dang gnyis su med pa'i ngo bo'o/ /gzhan yang don dam par stong pa nam mkha' lta bur kun la khyab nas gnas par 'bras bu chen po'i ngo bo chos kyi sku yin no/ /don des rdo rje cher smos so/ /'jig rten gsum na 'jigs par byed ni/ sa 'og gi 'jig rten dang sa steng gi 'jig rten dang/ sa bla'i 'jig rten no/ /de ltar 'jig rten gsum du smos so/ /bshad par bya ste/ sems can thams cad kyis bgegs kyis gnod par byed pa'i dus su rjes su dran pa tsam gyis srung bar mdzad do/ /gzhan yang klu thams cad kyi rgyal po ba rung la sogs pa 'jig rten gsum na gnas pa'i sems can ma rungs pa de dag khro bo'i rgyal po stobs po ches me long lta bu'i ye shes kyi ngo bo'i cho 'phrul sprul pa'i thabs kyis 'joms shing pham par mdzad pa'o/ /don des 'jig rten gsum ni 'jigs par byed par smos so/ /de ltar stobs po che ni rdo rje che 'jig rten gsum ni 'jigs par byed kyi don du gsungs so/ /gdug pa thams cad 'jigs par byed/ /zhal gsum pa ni rtag par bsgom zhes pa ni/ mdun du smos pa'i sems can ma rungs pa thams cad 'joms par mdzad mkhan yin no/ / gzhan yang sku phyag rgya'i cha lugs phun sum tshogs pa bstan par bya ste/ zhal gsum pa zhal dbus ma sku dang mthun/ g.yas shin tu dmar ba/ g.yon dkar ba/ ral pa gyen du rdzes pa/ rab tu 'bar ba sprul par mdzad pa me stag mang po 'phro

  231. 116a

    bas sku 'bar ba/ spyan gnag la 'bar bas/ smin ma yang dang yang du skyod par mdzad pa/ gad mo gzhad pa/ sprul rnams kyis brgyan pa/ phyag drug phyag mtshan drug go /phyag g.yas dang po na klu'i rgyal po nag po chen po 'dzin/ g.yon dang po na rma bya'i rgyal po rdo rje'i me rab tu 'bar ba 'dzin/ khro mo'i rgyal po stobs po che'i dbang phyug ma'i phyag g.yas dang po na rdo rje'i me phung 'dzin/ g.yon dang po na klu'i rgyal mo sprul mgo bcu gcig ma 'dzin/ phyag mtshan gzhan ni bye brag sna tshogs su smos so/ /de lta bu'i ngo bo khro bo'i rgyal po stobs po che sku phyag rgya skyed ma thag tu/ skyed par mdzad mkhan rdo rje mi skyod pa'i sku phyag rgya khro bo'i rgyal po stobs po che sku phyag rgya'i spyi bo la dbang bskur ba'i tshul du bsam mo/ /de ltar bskyed ma thag tu ma grub kyi bar du de dang gnyis su med pa'i nga rgyal du bsgom par bya'o/ /de'i bsgom pa byas pas sgrub pa pos ba ru na la sogs pa sems can ma rungs pa thams cad gzhom pa'i dngos grub kyi 'bras bu 'grub par 'gyur bar smos so/ /de ltar gdug pa thams cad 'joms par byed/ zhal gsum pa ni rtag tu bsgom gyi don du gsungs so/ /khro bo'i rgyal po stobs po che sku phyag rgya bskyed pa'i 'og tu/ da ni khro bo'i rgyal po ni la dan Da'i phyag rgya bskyed par bya ba'i cho ga'i don bstan par bya ste/ khro bo chen po dbyug sngon can/ /'jig rten gsum ni mi 'jigs sbyin/ /zhal gsum rdo rje las byung ba/ /'bar ba rnon po rab tu bsgom/ zhes bya ba'i don bshad par bya ste/ ci ltar yin na khro bo chen po dbyig sngon can/ /'jig rten gsum ni mi 'jigs sbyin ni/ sgrub pa pos dang po rdo rje mi bskyod pa'i phyi gnas kyi tshul ji ltar smos pa dang ldan pa'i gnas su/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis

  232. 116b

    rdo rje mi bskyod pa'i sku phyag rgyar gyur par bya'o/ /de nyid shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa de bzhin du 'dir bya'o/ /de lta bu'i ngo bo rdo rje mi bskyod pa sku phyag rgya gyur ma thag tu/ de dang gnyis su med pa'i nga rgyal bsgom par bya'o/ /de'i dus su rdo rje'i rigs kyi bye brag gi khrus mkhan gyi bu mo blang ngo/ /de mdun du spros pa'i mtshan dang yon tan thams cad kyi ngo bo dang ldan pa'o/ /shes rab ma de ye shes kyi lha mo ma ma ki dang gnyis su med pa'i ngo bo byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu'o/ /de rgya mtsho dang mnyam par gyur par bsam/ /de'i steng du sngags sa bon yig 'bru haM bsam mo/ /de kha dog sngon po ben a dza na lta bu me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po ni la dan Da'i sku phyag rgya bskyed par bya'o/ de khro mo'i rgyal mo rdo rje mkha' 'gro dbang phyug ma dang gnyis su med par 'khyud pa'i sbyor ba dang ldan pa'o/ /sku mdog byin a dza na ltar sngon po'o/ /gzhan yang 'jig rten gsum tshul ji ltar smos pa na gnas pa'i sems can rnams la/ mkha' 'gro pha ma la sogs pa sems can ma rungs pa thams cad kyi gnod pa la/ thugs rje chen po'i zhe sdang bskyed nas me long lta bu'i ye shes kyi ngo bo'i cho 'phrul chen po'i thabs kyi stobs kyis bcom nas mi 'jigs pa sbyin no/ /don des khro bo chen por smos so/ /de ltar

  233. 117a

    khro bo chen po dbyug sngon can/ 'jig rten gsum la mi 'jigs sbyin gyi don du gsungs so/ /zhal gsum rdo rje las byung ba/ /'bar ba rnon po rab tu sgom zhes pa ni/ mdun du smos pa'i zhal gsum gyi zhal dbus ma sku dang mthun/ g.yas dmar po/ g.yon dkar po/ ral pa gyen du rdzes pa/ gdengs pa'i tshul rab tu 'bar bas/ sku la kun nas shin tu 'bar ba'i 'od rno bar 'bar ba spyan ser ba/ smin ma yang dang yang du bskyod pa/ mche ba dmar pos 'jigs par byed pa/ khro bo'i rgyan thams cad kyis brgyan la/ phyag drug phyag mtshan drug go /phyag g.yas dang po na zla ba 'dzin/ g.yon dang po na mkha' 'gro'i khog pa mgo med pa 'dzin/ khro mo'i rgyal mo rdo rje mkha' 'gro dbang phyug ma'i phyag g.yas dang po nam mkha' 'gro ma'i thod pa rlon pa 'dzin/ g.yon dang po na nyi ma 'dzin/ phyag mtshan gzhan ni bye brag sna tshogs smos so/ /de lta bu'i ngo bo khro bo'i rgyal po ni la dan Da'i sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya khro bo'i rgyal po ni la dan Da'i sku phyag rgya'i spyi bo la dbang bskur ba'i tshul du bsam mo/ /de ltar bskyed ma thag tu rdo rje ni me long lta bu'i ye shes su smos pa de las byung ba bskal pa'i me bzhin du 'bar ba'i 'od rnon po 'phro ba de dang gnyis su med pa'i nga rgyal du bsgom par bya'o/ /de bsgom par byas pas sgrub pa pos mkha' 'gro pho mo thams cad 'joms pa'i dngos grub kyi 'bras bu 'grub par 'gyur bar smos so/ /de ltar zhal gsum rdo rje las byung ba/ 'bar ba rnon po rab tu bsgom gyi don du gsungs so/ /khro bo'i rgyal po ni la dan Da'i sku phyag rgya bskyed pa'i 'og tu/ da ni khro bo'i rgyal po arya a rtsa la'i sku phyag rgya bskyed par bya ba'i cho ga'i don bstan par bya ste/ rdo rje

  234. 117b

    mi g.yo khro bo che/ /rdo rje las byung zur gyis lha/ /zhi ba ral gri zhags pa bsnams/ brtul zhugs can gyis zhal gsum bsam/ zhes bya ba'i don bshad par bya ste/ ci ltar yin na rdo rje mi g.yo khro bo che/ /rdo rje las byung zur gyis lta ni sgrub pa pos dang po ni/ rdo rje mi bskyod pa'i phyi'i gnas kyi tshul ji ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun du smos pa cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa bzhin du 'dir bya'o/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo blang ngo/ /de mdun du smos pa'i mtshan dang yon tan phun sum tshogs pa'i ngo bo dang ldan pa'o/ /de shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su/ byang chub sems char gyi rgyun bzhin du 'od du zhu'o/ /de'i rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog sngon po'i steng na a dza lta bu me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba bzhin du byang chub sems rgya mtsho la gnyis su med par thim par 'gyur ro/ /sa bon de las khro bo'i rgyal po arya a tsa la'i sku phyag

  235. 118a

    rgya bskyed par bya'o/ /de khro mo'i rgyal mo mi g.yo dbang phyug ma dang gnyis su med par 'khyud pa'i sbyor ba dang ldan pa'o/ /sku mdog b+he na a dza na ltar sngo ba'o/ /gzhan yang rdo rje mi g.yo ba ni rdo rje me long lta bu'i ye shes so/ /de ni don dam pa nam mkha' lta bu stong pa thams cad du khyab nas gnas pa'o/ /de bzhin gshegs pa thams cad kyi ye shes dang gnyis su med pa'i 'bras bu'o/ /yon tan des lha ma yin la sogs pa bdud dang bgegs thams cad kyi gnod pas mi g.yo ba'o/ /don des rdo rje mi g.yo bar smos so/ /khro bo che zur gyis lta ni lha ma yin thams cad gzhom pa'i phyir spyan 'gyur zhing gzigs pa yin no/ /don des khro bo che zur gyis gzigs zhes smos so/ /rdo rje las byung ni/ rdo rje ni me long lta bu'i ye shes su smos so/ /las byung ni mdun du smos pa'i sems can ma rungs pa 'joms par mdzad mkhan yin no/ /don des rdo rje las byung bar smos so/ /de ltar rdo rje mi g.yo khro bo che/ /rdo rje las byung zur gyis lta'i don du gsungs so zhi ba ral gri zhags pa bsnams/ /brtul zhugs can gyis zhal gsum bsam zhes pa ni/ mdun du smos pa'i khro bo'i rgyal po mi g.yo'i sku phyag rgya bskyed pa de zhal gsum pa/ zhal dbus ma sku dang mthun/ g.yas shin tu dmar la cung zad ser ba g.yon dkar ba/ ral pa gyen du rdzes pa/ gdengs pa'i tshul rab tu 'bar ba sku kun nas me stag mang po 'phro ba 'bar ba/ spyan dkar nag 'gyur ba/ smin ma brtson par bskyod pa/ khro bo'i rgyan thams cad kyis brgyan pa/ phyag drug phyag mtshan drug go /phyag g.yas dang po na rdo rje dang ral gri dang lha ma yin gyi rgyal po shi sho ba la'i thod pa rlon pa dang bcas pa 'dzin/ g.yon dang po na rdo rje zhags pa dang glo bar bcas pa 'dzin/ khro mo'i rgyal po 'phags ma mi g.yo dbang phyug g.yas dang

  236. 118b

    po na rdo rje rtse lnga'i rtse mo dbus ma thod pas mtshan pa 'dzin/ g.yon dang po na rlung gi dkyil 'khor 'dzin/ phyag mtshan gzhan bye brag sna tshogs su smos so/ /de lta bu'i khro bo'i rgyal po arya a tsa la'i sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya khro bo'i rgyal po arya a rtsa la'i sku phyag rgya'i spyi bo la dbang bskur ba'i tshul du bsam mo/ /de ltar skyed ma thag tu de dang gnyis su med pa'i nga rgyal du bsgom par bya'o/ /de bsgom pa byas pas brtul zhugs can du ming btags pa sgrub pa po la dngos grub kyi 'bras bu me long lta bu ye shes kyis byin gyis brlab par sbyin no/ /lha ma yin thams cad 'joms pa'i dngos grub kyi 'bras bu grub par smos so/ /de ltar zhi ba ral gri zhags pa bsnams/ / brtul zhugs can gyis lan gsum bsam gyi don du gsungs so/ /khro bo'i rgyal po arya a tsa la'i sku phyag rgya bskyed pa'i 'og tu/ /da ni khro bo'i rgyal po yi ge gcig par ming btags pa badzra hUM ka ra'i sku phyag rgya bskyed par bya ba'i cho ga'i don bstan par bya ste/ gtsug tor chen po yi ge gcig /me stag mang po kun tu 'phro/ /zhal gsum 'bar ba 'khor lo can/ /bsam gtan dkyil 'khor bsgom par bya/ /zhes bya ba'i don bshad par bya ste/ ci ltar yin na gtsug tor chen po'i yi ge gcig /me stag mang po kun tu 'phro ni sgrub pa pos dang po rdo rje mi bskyod pa'i phyi'i gnas kyi tshul ji ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med pa'i 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun ji ltar smos pa bzhin du 'dir bya'o/

  237. 119a

    de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo blang ngo/ /de'i mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med pa'i 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu'o/ /de rgya mtsho dang mnyam par gyur par bsam mo/ /de'i steng du sku dang gsung dang thugs rdo rje gsum gyi ye shes dang gnyis su med pa'i ngo bo yi ge gcig tu ming btags pa sngags sa bon yig 'bru bruM bsam mo/ /de kha dog ser po gser gyi ri rab dang mnyam pa'o/ /gzi brjid chen po'i 'bar bas 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par 'gyur ro/ /sa bon de las khro bo thams cad kyi bdag po badzra hUM ka ra'i phyag rgya bskyed par bya'o/ /de khro bo'i rgyal mo rdo rje thugs rje ma'i dbang phyug ma dang gnyis su med par 'khyud pa'i sbyor ba dang ldan pa'o/ /sku mdog ser po ri thams cad kyi rgyal po ri rab dang mnyam pa'o/ /gzhan yang gtsug tor chen po ni khro bo'i rgyal po ya ma na ta ka la sogs pa dgra'i spyi bo gtsug tor du ming btags pa dang gnyis su med pa'i ngo bo badzra hUM ka ra yin no/ /bshad par bya ste/ bsrung ba'i 'khor lo'i dus su khro bo'i rgyal po dgu'i bskyed mkhan bdag po badzra hUM kar bstan to/ /don des gtsug tor chen po yin no/ /me stag dag ni kun tu 'phro ni khro bo'i rgyal po chen po badzra hUM ka ra

  238. 119b

    gtsug tor du ming btags pa spyi bo'i gnas su smos pa nas rdo rje mi bskyod pa la sogs pa rigs lnga'i bye brag gi ye shes lnga'i ngo bo so so'i kha dog dang ldan pa me stag grangs med pa steng gi nam mkha' i phyogs su 'phro bas nam mkha' la gnas pa'i bgegs kyi tshogs thams cad tshig nas bros par bsam mo/ /de nas gtsug tor chen po yi ge gcig /me stag dag ni kun tu 'phro'i don du gsungs so/ /zhal gsum 'bar ba 'khor lo can/ bsam gtan dkyil 'khor bsgom par bya/ zhes pa ni mdun du smos pa'i khro bo'i rgyal po chen po badzra hUM ka ra'i sku phyag rgya bskyed pa ni/ zhal gsum pa zhal dbus ma sku dang mthun/ g.yas dmar ba g.yon dkar ba/ ral pa gyen du rdzes pa sbrul gyis bcings pa/ rab tu 'bar ba sku kun nas bskal pa'i me lta bu 'bar ba/ spyan gsum pa smin ma skyod pa/ shangs nyag pa/ mche ba'i phreng ba gdengs pa/ spyan 'bar bas thugs rje chen po zhe sdang gi steng gi phyogs su gzigs pa/ yan lag dang nying lag kun sprul sna tshogs kyis brgyan pa/ phyag drug phyag mtshan drug go /phyag g.yas dang po na ban da zlum po 'dzin pa/ g.yon dang po na ban da 'jod? ba 'dzin/ khro mo'i rgyal mo rdo rje thugs rje'i dbang phyug ma'i phyag g.yas dang po thod pa rlon pa lcang lo sdigs mdzub la bkris pa'i chang par rdo rje rtse dgu gdengs pa 'dzin/ g.yon dang po na ban d+ha khrag chen dang bdud rtsi rnam pa lnga bsres pas bkang pa 'dzin/ phyag mtshan gzhan ni bye brag sna tshogs su smos so/ /de lta bu'i ngo bo khro bo'i rgyal po chen po badzra hUM ka ra'i sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya/ khro bo'i rgyal po chen po badzra hUM ka ra'i sku phyag rgya'i spyi bo la dbang bskur ba'i tshul du bsam mo/ /bstan par bya ste/ 'khor lo can du ming btags pa ni tshul ji ltar smos pa'i bsrung ba'i 'khor lo bsgom pa'i dus su khro bo'i rgyal po

  239. 120a

    badzra hUM ka ra gtso bo yin te/ /don des 'khor lo can du smos so/ /'bar ba bsam gtan dkyil 'khor bsgom par bya ni khro bo'i rgyal po badzra hUM ka ra'i sku phyag rgya ni rdo rje rigs kyi bye brag gi khro bo'i rgyal po thams cad dang gnyis su med pa'i ngo bo bsam gtan gyi dkyil 'khor du ming btags pa bskal ba'i me bzhin du 'bar bar bsgrub pa pos gnyis su med pa'i nga rgyal du bsgom par bya bar smos so/ /de bsgoms pas bsgrub pa pos nam mkha' la gnas pa'i bgegs kyi tshogs thams cad gzhom pa'i dngos grub kyi 'bras bu 'grub par 'gyur bar smos so/ /de ltar zhal gsum 'bar ba 'khor lo can bsam gtan dkyil 'khor bsgom par bya'i don du gsungs so/ /khro bo'i rgyal po chen po badzra hUM ka ra'i sku phyag rgya bskyed pa'i 'og tu/ da ni khro bo'i rgyal po pad+ma kun da la'i sku phyag rgya bskyed par bya ba'i cho ga'i don bstan par bya ste/ gsum pa ye shes mchog 'dzin pa/ /drag po rab tu 'dzin par byed/ /zhal gsum 'bar ba'i 'od 'phro can/ bsam gtan dkyil 'khor bsgom par bya/ /zhes bya ba'i don bshad par bya ste/ ci ltar yin na gsum pa ye shes mchog 'dzin pa/ drag po rab tu 'jigs par byed ni sgrub pa pos dang po rdo rje mi bskyod pa'i phyi'i gnas kyi tshul ji ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa bzhin du 'dir sbyor ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje rigs

  240. 120b

    kyi bye brag gi khrus mkhan gyi rigs kyi bu mo blang ngo/ /de mdun du smos pa'i mtshan dang yon tan phun sum tshogs pa'i ngo bo dang ldan pa'o/ /shes rab med ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu'o/ /de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog nag po cung zad ser ba gzi brjid chen po'i 'bad bas 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po pad ma kun da li sku phyag rgya bskyed par bya'o/ /de khro mo'i rgyal mo rdo rje padmi'i dbang phyug ma dang gnyis su med par 'khyud pa'i sbyor ba dang ldan pa'o/ /de sku mdog sprin nag po lta bu cung zad ser ba'o/ /bshad par bya ste/ sum par ming btags pa khro bo thams cad kyi bdag por badzra hUM ka ra smos pa de/ rdo rje'i rigs kyi bye brag gi me long lta bu'i ye shes yin no/ /de ni de bzhin gshegs pa thams cad ye shes kyi nang na mchog tu smos so/ /ye shes de khro bo'i rgyal po pad+ma kun da li'i sku phyag rgyas 'dzin no/ /gzhan yang sa 'og gi 'jig rten gyi khams kyi mkha' 'gro la sogs pa sems can ma rungs pa thams cad gzhom pa'i phyir 'jigs pa'i rgya mtshor ming btags pa bskal pa'i me dang mnyam par khro bo'i rgyal po pad+ma kun da li sku phyag rgya'i kun nas me long lta bu'i ye shes kyi me 'bar ba'i 'od kyis 'bar ba'o/ /don des drag por smos so/ /

  241. 121a

    de ltar sum pa ye shes mchog 'dzin pa/ drag po rab tu 'jigs par byed kyi don du gsum mo/ /zhal gsum 'bar ba'i 'od 'phro can/ /bsam gtan dkyil 'khor sgom par bya/ zhes pa ni mdun du smos pa'i khro bo'i rgyal po pad+ma kun da li'i sku phyag rgya bskyed pa de ni zhal gsum pa/ zhal dbus ma sku dang mthun/ g.yas shin tu dmar ba/ /g.yon dkar ba ral pa gyen du rdzes pa/ gdengs pa'i tshul du rab tu 'bar ba/ spyan gsum yang nas yang bskyod cing gzigs pa/ smin ma bskyod pas 'jigs pa/ mche ba'i phreng ba dmar ba/ rnal ring la khro bo'i rgyan thams cad kyis brgyan pa/ phyag drug phyag mtshan drug go /phyag g.yas dang po na khro bo'i rdo rje rtse dgu pa 'dzin pa/ /g.yon dang po na dung phor chen po khrag chen gyis bkang ba thugs kar 'dzin pa de dkrug go /khro mo'i rgyal mo pad+ma'i dbang phyug ma'i phyag g.yas dang po na rdo rje kyo ba/ g.yon dang po na rdo rje zhags pa 'dzin phyag mtshan gzhan ni bye brag sna tshogs su smos so/ /de lta bu'i ngo bo khro bo'i rgyal po pad+ma kun da li sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya/ khro bo'i rgyal po pad+ma kun da li'i sku phyag rgya'i spyi bor dbang bskur ba'i tshul du bsam mo/ /bstan par bya ste/ mdun du smos pa'i khro bo'i rgyal po pad+ma kun da li'i sku phyag rgya tshul ji ltar smos pa'i ye shes kyi me 'bar ba'i 'od zer gyi gzi brjid bskal pa'i me bzhin du 'bar ba de sgrub pa pos gnyis su med pa'i ngo bor bsgom par bya'o/ /de bsgom par byas pas sgrub pa pos sa 'og gi 'jig rten na gnas pa'i mkha' 'gro la sogs pa sems can ma rungs pa thams cad gzhom pa'i dngos grub kyi 'bras bu 'grub par 'gyur bar smos so/ /de ltar zhal

  242. 121b

    gsum 'bar ba'i 'od 'phro can/ bsam gtan dkyil 'khor bsgom par bya ba'i don du gsungs so/ /da ni mdun du smos pa'i ya man ta ka la sogs pa khro bo'i rgyal po rnams kyi bsgom pa'i cho ga'i don bstan par bya ste/ gzi brjid phung po gtsug tor rgyal/ /gzhan yang sngags kyi 'khor lo can/ /dam tshig longs spyod 'di rnams ni/ /so so dag tu bsgom par bya/ zhes bya ba'i don bshad par bya ste/ ci ltar yin na gzi brjid phung po gtsug tor rgyal/ gzhan yang sngags kyi 'khor lo can ni/ mdun du smos pa'i ya man ta ka la sogs pa khro bo'i rgyal po dgus bdud dang bgegs pham par mdzad mkhan ni khro bo'i rgyal po badzra hUM ka ra yin no/ /de ni ji ltar smos pa'i khro bo'i rgyal po thams cad kyi gzi brjid kyi phung po gtsug tor bdag po ngo bo'i/ don des gtsug tor rgyal du smos so/ /gzhan yang sngags kyi 'khor lo can ni/ ya man ta ka la sogs pa'i khro bo'i rgyal po dgu sngags kyi sa bon yig 'bru hUM las bskyed par bya'o/ / de'i 'og tu de rnams kyi nang na bsgrub pa po'i sems gang la smos pa'i dkyil 'khor gyi bdag po bya yang mi 'gal lo/ /khro bo'i dkyil 'khor de bsgom pa'i dus su ji ltar khro bo'i rgyal po chen po badzra hUM ka ra'i sku phyag rgya gzi brjid kyi phung po'i ngo bor smos pa de bzhin du tshul ji ltar smos pa'i khro bo'i rgyal po thams cad kyi sku phyag rgya gzi brjid kyi phung pos bsgom par bya'o/ /don des sngags kyi 'khor lo can du smos so/ /de ltar gzi brjid phung po gtsug tor rgyal/ /gzhan yang sngags kyi 'khor lo can gyi don du gsungs so/ /dam tshig longs spyod 'di rnams ni/ so so ngag tu bsgom par bya ni/ tshul ji ltar smos pa'i khro bo'i rgyal po thams cad ni bye brag rnam pa gnyis kyi dam tshig gi longs spyod du smos so/ /

  243. 122a

    bstan par bya ste/ dang po ni khro bo'i rgyal po thams cad rim pas nyid nyid kyi bdag po dang gnyis su med pa'i nga rgyal du bsgoms pas 'dod chags chen po'i sems dga' bas thabs dang shes rab rol pa'i bde ba'i longs spyod kyi spyod pas bskyed pa'o/ /de ltar dam tshig gi longs spyod dang po'o/ /gzhan yang khro bo'i rgyal po thams cad nyid nyid kyi dam tshig tu ming btags pa shes rab ma khro mo'i rgyal mo dang gnyis su med par 'khyud pa'i sbyor bas 'dod chags chen po'i thugs dgyes pas dus rtag tu thabs dang shes rab rol pa'i longs spyod dang ldan pa'i khro bo'i rgyal po rnams ma grub kyi bar du sgrub pa pos bsgom par bya'o/ /de bsgom pa byas pas so so'i 'bras bu mdun du ji ltar 'grub par 'gyur ro/ /de ltar dam tshig longs spyod 'di rnams ni/ so so dag tu bsgom par bya'i don du gsungs so/ /grangs med pa'i ting 'dzin gyis/ /gsang sngags rnams ni bshad pa yin/ /khro bo dag ni re re yang/ /de dag khyad par shin tu 'phags zhes bya ba'i don bshad par bya ste/ ci ltar yin na grangs med pa'i ting nge 'dzin gyi/ gsang sngags rnams ni bshad pa yin no/ /mang po mthun pa grangs med pa'i ting nge 'dzin bya ba'i dus ya ma ta ka la sogs pa khro bo'i rgyal po thams cad kyi sku phyag rgya sngags sa bon yig 'bru hUM las bskyed par bshad pa yin no/ /de ltar 'di rnams dang ni mthun pa ru/ gsang sngags rnams ni bshad pa yin gyi don du gsungs so/ /khro bo dag ni re re yang de dag khyad par shin tu 'phags zhes pa ni mdun du smos pa'i khro bo'i rgyal po rnams re re'i ting nge 'dzin bya ba'i dus su/ steng du ming btags pa nam mkha' i dbyings thams cad du/ tshul ji ltar smos pa'i sku phyag rgya cha lugs phun sum tshogs pa

  244. 122b

    dang ldan pa grangs med par ba spu bu ga'i lam gyi sgo nas spro bar bya'o/ /de ltar khro bo dag ni re re yang de dag khyad par shin tu 'phags kyi don du gsungs so/ /da ni theg pa chen po'i gsang sngags ma ha yo ga'i bsgom pa bya ba'i don bstan par bya ste/ nam mkha' i dbyings kyi dbus su ni/ /gsal ba'i dkyil 'khor dam pa bsam/ /sangs rgyas gzugs ni rab bsgoms la/ /rnam par snang mdzad rnam par bsgom/ zhes bya ba'i don bstan par bya ste/ ci ltar yin na nam mkha' i dbyings ni/ bye brag rnam pa gsum du bstan par bya ste/ phyi dang nang dang gsang ba'o/ /de lnga phyi'i mdun du ji ltar smos pa de bzhin du 'dir sbyar ro/ /nang ni nam mkha' i dbyings ni sgrub pa po nyid dpal rdo rje sems pa'i sku phyag rgyar gyur par bya ste/ de dang gnyis su med pa'i thugs ka stong pa nam mkha' i ngo bo yin no/ /gsang ba'i nam mkha' ni rdo rje'i rigs kyi bye brag gi khrus mkhan gyi rigs kyi bu mo mdun du smos pa'i mtshan dang yon tan phun sum tshogs pa'i ngo bo dang ldan pa blang ste/ de'i b+ha ga'i nang gi gnas stong pa nam mkha' bzhin bsam mo/ /de ltar nam mkha' i dbyings kyi don du gsungs so/ /dbus su ni gsal ba'i dkyil 'khor dam pa bsam ni/ sgrub pa pos dang po mdun du smos pa'i tshul dang ldan pa'i ri'i rtse mo'i gnas su/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis dpal rdo rje sems pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa de bzhin du 'dir bya'o/ /de lta bu'i ngo bo'i dpal rdo rje sems dpa' i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje'i rigs kyi bye brag gi khrus mkhan gyi

  245. 123a

    rigs kyi bu mo mdun du smos pa'i mtshan dang yon tan dang ldan pa blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje las kyi sgo nas shes rab ma b+ha ga'i dbus su byang chub sems 'o ma'i rgyun bzhin du 'od du zhu'o/ /de'i steng du sngags sa bon yig 'bru oM bsam mo/ /yang na sngags sa bon yig 'bru a bsam yang mi 'gal lo/ /de kha dog shin tu dkar ba chos kyi dbyings kyi ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba bzhin du byang chub sems la gnyis su med par thim par 'gyur ro/ /sa bon de las gdan thams cad kyi nang na dam pa gsal bar ming btags zla ba'i dkyil 'khor du gyur par bsam mo/ /de ltar dbus ni gsal ba'i dkyil 'khor dam pa bsam gyi don du gsungs so/ /sangs rgyas gzugs ni rab bsgom la rnam par snang mdzad rnam par bsgom ni/ bsgrub pa pos mdun du smos pa'i tshul du thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus kyi gdan zla ba'i dkyil 'khor gyi steng gi dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid chen pos 'bar bas 'bar zhing 'od du zhu nas ye shes kyi khu ba bzhin du byang chub sems zla ba'i dkyil 'khor la gnyis su med par thim par gyur to/ /sa bon de las sangs rgyas rnam par snang mdzad du bstan pa de'i sku phyag

  246. 123b

    rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de zhal gsum zhal dbus ma sku dang mthun/ zhal g.yas nag po g.yon shin tu dmar ba/ dbu rgyan thor tshugs kyis brgyan pa zhal cung zad bzhad pa/ phyag drug phyag mtshan drug /phyag g.yas dang po na 'khor lo rtsibs brgyad 'dzin/ bar ma na rdo rje rtse lnga/ tha ma na pad+ma dkar po 'dab brgyad 'dzin/ g.yon dang po na rdo rje dril bu bar ma na yid bzhin gyi nor bu rin po che zur lnga pa/ tha ma na rdo rje ral gri utpal sngon po'i 'dab ma lta bu'o/ /de lta bu'i ngo bo rnam par snang mdzad sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya rnam par snang mdzad kyi phyag rgya'i spyi bor dbang bskur pa'i tshul du bsgom mo/ /de ltar sangs rgyas gzugs ni rab bsgoms la/ /rnam par snang mdzad rnam par bsgom gyi don du gsungs so/ /gsal zhing zhi ba zla ba bzhin/ /'od zer sna tshogs mnyam pa'i 'od/ /me long 'dra ba las byung ba/ /khams gsum dag ni dkyil 'khor du/ zhes bya ba'i don bshad par bya ste/ ci ltar yin na gsal zhing zhi ba zla ba bzhin ni/ mdun du smos pa'i rnam par snang mdzad kyi sku phyag rgya bskyed pa de'i sku mdog ni/ ji ltar ston ka'i zla ba nya ba gsal ba bzhin te/ /don des sku phyag rgya zhi ba'i tshul du smos so/ /de ltar gsal zhing zhi ba zla ba bzhin gyi don du gsungs so/ /'od zer sna tshogs mnyam pa'i 'od ces pa ni rnam par snang mdzad kyi sku phyag rgya las kun nas chos kyi dbyings kyi ye shes la sogs ye shes lnga'i ngo bo 'od zer gyi tshogs grangs spro bo dang bsdu? par bya ste/ de nyid nyid kyi rigs kyi bye brag gi kha dog dang ldan pa'i 'od zer gyi tshogs des rnam par snang mdzad kyi sku phyag rgya la mnyam par zlum por gzi brjid kyis 'od du gyur par bsam mo/ /de ltar 'od zer sna

  247. 124a

    tshogs mnyam pa'i 'od kyi don du gsungs so/ /me long 'dra ba las 'byung ba/ khams gsum dag ni dkyil 'khor du zhes pa ni ci ltar me long dri ma med pa la gzugs brnyan snang ba bzhin du/ stong chen po 'jig rten gyi khams ma lus par chos kyi dbyings kyi ye shes kyis khyab nas gnas par smos so/ /de ltar me long 'dra ba las 'byung ba/ khams gsum dag ni dkyil 'khor du don du gsungs so/ /rgyan rnams kun gyis brgyan pa dag /bsams na de yis byang chub mthong/ /'di yis sangs rgyas mthu'i bdag /'jig rten thams cad dbang byed ba/ zhes bya ba'i don bshad par bya ste/ ci ltar yin na rgyan rnams kun gyis brgyan pa dag /bsams na de'i sa byang chub mthong ni rnam par snang mdzad kyi sku phyag rgya rin po che shel dang/ in dra ni la la sogs pa zhi ba'i tshul gyi rgyan thams cad kyis brgyan pa'o/ /de lta bu'i ngo bo rnam par snang mdzad kyi sku phyag rgya bskyed ma thag tu/ bsgrub pa pos de dang gnyis su med pa'i nga rgyal du bsgom par bya'o/ /de bsgom pa byas pas bsgrub pa pos bla na med pa'i byang chub thob pa ni mthong bar smos so/ /de ltar rgyan rnams kun gyis brgyan pa dang/ /bsam na de yis byang chub mthong gi don du gsungs so/ /'di yis sangs rgyas mthu'i bdag /'jig rten thams cad dbang byed pa zhes pa ni/ sangs rgyas rnam par snang mdzad mdun du smos pa'i tshul du bsgoms pa'i mthus/ rnam par snang mdzad kyis bsgrub pa pos chos kyi dbyings kyi ye shes kyis byin gyis brlab par mdzad de/ de'i 'og tu bsgrub pa pos lha dang mi la sogs pa sems can thams cad dbang du 'du ba dang/ gzhan yang zhi ba'i don du 'grub par smos so/ /de ltar 'di yis sangs rgyas mthun

  248. 124b

    bdag /'jig rten thams cad dbang byed pa'i don du gsungs so/ /bsam gtan rdo rje rab bsgoms pas/ tshe 'di nyid kyis 'thob par 'gyur zhes bya ba ni/ bsam gtan rdo rje ni chos kyi dbyings kyi ye shes so/ /de dang gnyis su med pa'i ngo bor rnam par snang mdzad kyi sku phyag rgya smos so/ /rab bsgoms pa ni mdun du smos pa'i tshul gyi rnam par snang mdzad kyi sku phyag rgya sgrub pa pos dus rtag tu bsgom par bya'o/ /tshe 'di nyid kyis 'thob par 'gyur zhes pa ni/ mdun du smos pa'i ye shes kyi 'bras bu sgrub pa pos cha 'di la nges par 'thob par 'gyur ba yin no/ /mdor bsdu ba de ltar bsam gtan rdo rje rab bsgoms pas/ tshe? 'di nyid kyis 'thob par 'gyur gyi don du gsungs so/ /rnam par snang mdzad 'byung ba rdo rje zhes bya ba'i ting nge 'dzin to/ /zhes bya ba'i ni rnam par snang mdzad 'byung ba ni mdun du smos pa'i rdo rje mi bskyod pa bsgom nas rnam par snang mdzad kyi sku phyag rgya 'byung bar ming btags pa bskyed pa yin no/ /de ltar rnam par snang mdzad 'byung ba'i don du gsungs so/ / rdo rje ni dpal rdo rje sems dpa' la sogs pa de bzhin gshegs pa thams cad kyi sku rdo rje don dam par gnyis su med pa'i ngo bor yin no/ /de dang gnyis su med pa'i ngo bor yin no/ /de dang gnyis su med pa'i ngo bor rnam par snang mdzad smos so/ /de ltar rdo rje'i don du gsungs so/ /ting nge 'dzin zhes bya ni mdun du smos pa'i tshul gyi rnam par snang mdzad kyi sku phyag rgya sgrub pa pos bsgom par bya ba'i don de ting nge 'dzin gyi don du smos so/ /sku'i rigs rnam par snang mdzad kyi sku phyag rgya bskyed pa'i 'og tu da ni thugs kyis rigs rdo rje sems dpa' i sku phyag rgya bskyed par bya ba'i cho ga'i don bstan par bya ba ste/ nam mkha' i dbyings kyi dbus su ni/ rdo rje'i dkyil 'khor dam pa bsam/ sangs rgyas gzugs ni rab bsgoms la/ rdo rje sems dpa' rnam par bsgom/ zhes

  249. 125a

    bya ba'i don bshad par bya ste/ ci ltar yin na nam mkha' i dbyings ni bye brag rnam pa gsum du bstan par bya ste/ phyi dang nang dang gsang ba'o/ /de la phyi ni mdun du ci ltar sems pa de bzhin du sbyar ro/ /nang gi nam mkha' ni bsgrub pa po rnam par snang mdzad kyi sku phyag rgyar gyur par bya pa'i thugs ka stong pa nam mkha' i ngo bo yin no/ /gsang ba'i nam mkha' i ni sku'i rigs kyi bye brag gi bram ze'i rigs kyi bu mo mdun du smos pa'i tshul gyi mtshan dang yon tan thams cad kyi ngo bo dang ldan pa blang ngo/ /de'i b+ha ga'i ngan gi stong ba nam mkha' bzhin du bsam mo/ /de ltar nam mkha' i dbyings kyi don du gsungs so/ /dbus su ni rdo rje'i dkyil 'khor dam pa bsam ni/ sgrub pa pos dang po mdun du ji ltar smos pa'i tshul dang ldan pa'i dben pa chen po'i gnas su/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du smos pa de bzhin du 'dir bya'o/ /de lta bu'i ngo bo rnam par snang mdzad kyi sku phyag rgya bskyed ma thag tu de dang gnyis su med pa'i nga rgyal du bsgom par bya'o de'i dus su sku'i rigs kyi bram ze'i rigs kyi bu mo ji ltar smos pa'i tshul gyi mtshan dang yon tan dang ldan pa blang ngo/ /shes rab ma de ye shes kyi lha mo sangs rgyas sbyan dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o rgyun bzhin du 'od du zhu'o/ /

  250. 125b

    de'i steng du sngags sa bon yig 'bru hUM bsam mo/ /de kha dog shin tu dkar ba me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu'o/ /ye shes kyi khu ba bzhin du byang chub sems la gnyis su med par thim par gyur to/ /sa bon de las gdan thams cad kyi nang na dam pa dkyil 'khor du ming btags pa rdo rje rgya gram du gyur par bsam mo/ /de ltar dbus su bsam mo/ /rdo rje'i dkyil 'khor dam pa'i don du gsungs so/ /sangs rgyas gzugs ni rab bsgoms la/ rdo rje sems dpa' rnam par bsgom zhes pa ni/ bsgrub pa pos dang po mdun du smos pa'i tshul du thabs dang shes rab rol ba byas pas bde bar gyur ba'i dus su rdo rje'i lam gyi sgo nas shes rab ma'i b+ha ga'i dbus su gdan rdo rje rgya gram steng du byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba bzhin du byang chub sems bla ba'i dkyil 'khor la gnyis su med par thim par 'gyur ro/ /sa bon de las sangs rgyas smos pa dpal rdo rje sems dpa' nyid kyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dan ldan pa'o/ /zhal gsum pa/ zhal dbus ma sku dang mthun/ g.yas dmar ba g.yon dkar ba/ thor tshugs kyis dbu brgyan pa/ zhal cung zad bzhad pa/ phyag drug phyag mtshan drug go/ /phyag g.yas dang po ni rdo rje rtse lnga 'dzin/ bar man 'khor lo rtsibs brgyad/ tha ma na pad+ma 'dab brgyad do g.yon dang po na rdo rje dril bu bar man yid bzhin gyi no bu rin po che zung lnga pa/ tham na rdo rje ral gri utpal sngon po'i 'dab ma lta bu'o

  251. 126a

    de lta bu'i ngo bo dpal rdo rje sems pa'i sku phyag rgya bskyed ma thag tu/ skyed par mdzad mkhan rnam par snang mdzad kyi sku phyag rgya dpal rdo rje sems dpa' i sku phyag rgya la gnyis su med par thim par bsgom mo/ /de ltar sangs rgyas gzugs ni rab bsgoms la/ rdo rje sems pa rnam par bsgom gyi don du gsungs so/ /gsal ba'i sku ni khro bo 'dra/ /'bar ba sna tshogs 'jigs pa'i 'od/ /rnam pa'i mchog rnams kun dang ldan/ /rgyan rnams kun gyis rnam par brgyan/ /zhes bya ba'i don bshad par bya ste ci ltar yin na/ gsal ba'i sku ni khro bo'i dra ni mdun du smos pa'i dpal rdo rje sems pa'i sku phyag rgya bskyed pa'i de'i sku mdog ni rin po che in+d+ra nI la ji ltar gsal ba dang/ 'dra ba yin no/ / sku mdog de lta bu'i ngo bo dpal rdo rje sems pa'i sku phyag rgya skyed ma thag tu khro bor ming btags pa zhe sdang rdo rje bdud dang bgegs thams cad 'joms par mdzad mkhan du smos pa de'i ngo bor gyur par bsam mo/ /don des sku phyag rgya khro bo 'dra bar smos so/ /de ltar gsal ba'i sku ni khro bo 'dra ba'i don du gsungs so/ /'bar ba 'dra ba 'jigs pa'i 'od ces pa ni/ dpal rdo rje sems dpa' zhe sdang rdo rjer gyur pa de'i sku phyag rgya kun nas me long lta bu'i ye shes la sogs pa ye shes lnga'i ngo bo 'bar ba'i tshogs grangs med pa'i 'phro ba bdud dang bgegs thams cad skrag pas 'jigs par byed pa'i 'od kyi ngo bor gyur par bsam mo/ /de ltar 'bar ba sna tshogs 'jigs pa'i 'od kyi don du gsungs so/ /rnam pa'i mchog rnams kun dang ldan/ /rgyan rnams kun gyis rnam par brgyan zhes pa ni sku mdog dang zhal dang/ phyag dang phyag mtshan dang/ zhe sdang gi ngo bo ma ma ki 'khyud par mdzad pa'o/ /de lta bu'i rnam pa'i mchog kun dang ldan par smos so/ /rgyan rnams kun gyis rnam par brgyan ni/ dpal

  252. 126b

    rdo rje sems pa'i sku phyag rgya zhe sdang gi ngo bo zhi ba dang/ khro bo'i rgyan rnams kyis brgyan par smos so/ /de ltar rnam pa'i mchog rnams kun dang ldan/ rgyan rnams kun gyis rnam par brgyan pa'i don du gsungs so/ /ye shes zhi ba'i gnas bsgoms nas myur du rdo rje sems par 'gyur/ /'di yis rdo rje mthu yi bdag /sems can thams cad dbang byed pa/ /zhes bya ba'i don bshad par bya ste/ ci ltar yin na ye shes zhi ba'i gnas bsgoms nas/ myur du rdo rje sems dpar gyur na ni/ mdun du smos pa'i dpal rdo rje sems pa zhe sdang gi ngo bo sku phyag rgya me long lta bu'i ye shes dang gnyis su med pa de bsgrub pa pos bsgom par byas na tsha 'di nyid la myur bar 'khor ba'i nyon mongs pa'i sdug bsngal thams cad med par gyur nas dpal rdo rje med? ma dpa' dang gnyis su med pa'i 'bar bu tho par 'gyur ro/ /don des zhi bar smos so/ /de ltar ye shes zhi ba'i gnas bsgoms na myur du rdo rje sems dpar 'gyur gyi don du gsungs so/ /'di yis rdo rje mthu'i bdag sems can thams cad dbang byed pa zhes pa ni/ sgrub pa pos tshul ji ltar smos pa'i rdo rje ming btags pa me long lta bu'i ye shes yin no/ /de'i 'bras bu grub pa'i dus su me long lta bu'i ye shes kyi byin gyis brlabs pa'i mthus 'jig rten gyi khams thams cad/ gnas pa'i lha dang mi la sogs pa sems can thams cad bran bzhin du dbang du gyur pa'o/ /de ltar 'di yis rdo rje mthus bdag sems can thams cad dbang byed pa'i don du gsungs so/ /bsam gtan rdo rje rab bskul bas/ /tshe 'di nyid la thob par 'gyur zhes bya ba ni bsam gtan rdo rje ming btags pa ni me long lta bu'i ye shes so/ /de dang gnyis su med pa'i ngo bo dpal rdo rje sems dpa' zhe sdang gi ngo bo'i sku phyag rgyar smos so/ /rab bskur ba zhes pa ni mdun du smos pa'i sems can thams cad dbang du 'gyur ba

  253. 127a

    de ni dpal rdo rje sems pa'i bsam gtan byas pas thams cad bskul bas thabs des bran bzhin du dbang du gyur par smos so/ /tshe 'di nyid la thob par 'gyur ro zhes pa ni/ mdun du smos pa'i ye shes kyi 'bras bu sgrub pa pos tshe 'di la nges par thob par gyur par smos so/ /de ltar bsam gtan rdo rje rab bskul bas tshe 'di nyid la thob par 'gyur ba'i don du gsungs so/ /dam tshig thams cad 'byung ba mdzes pa'i rdo rje zhes bya ba'i ting nge 'dzin to/ /zhes bya ba ni dam tshig thams cad 'byung ba ni/ mdun du smos pa'i rnam par snang mdzad kyi sku phyag rgyar bsgoms nas/ dpal rdo rje sems dpa' zhe sdang gi ngo bor sku phyag rgya bskyed pa'o/ /de ni thugs rje chen po'i dam tshig la sogs pa dam tshig thams cad 'byung ba'i gnas kyi ngo bor smos so/ /de ltar dam tshig thams cad 'byung ba'i don du gsungs so/ /mdzes pa'i rdo rje zhes bya ba ni rnam par snang mdzad la sogs pa de bzhin gshegs pa thams cad kyi thugs rje ni don dam par gnyis su med par ngo bo yin no/ /de dang gnyis su med pa'i ngo bor dpal rdo rje sems par smos so/ /de ni de bzhin gshegs pa thams cad skyed par mdzad mkhan no/ /gzhan yang ye shes kyi 'od zer gyi dra ba 'phro ba dang 'du bas sku phyag rgya mdzad pa yin no/ /de ltar mdzes pa'i don du gsungs so/ /ting nge 'dzin zhes pa ni tshul ji ltar smos pa'i dpal rdo rje sems dpa' zhe sdang gi ngo bor sku phyag rgya bsgom par bya'i don ting nge 'dzin du smos so/ /thugs kyi rigs dpal rdo rje sems pa'i sku phyag rgya bskyed pa'i 'og tu/ da ni chos su ming btags pa snang ba mdza' yas kyi sku phyag rgya bskyed par bya ba'i cho ga'i don bstan par bya ste/ nam mkha' rdo rje'i dbus su ni/ chos kyi dkyil 'khor dam pa bsam/ /sangs rgyas gzugs ni rab bsgoms la/ /chos kyi sems dpa' rnam par bsgom/ /zhes bya ba'i don

  254. 127b

    bshad par bya ste/ ci ltar yin na nam mkha' i rdo rje bye brag rnam pa gsum du bstan par bya ste/ phyi dang nang dang gsang ba'o/ /de ltar phyi ni mdun du ji ltar smos pa'i de bzhin du 'dir sbyar ro/ /nang gi nam mkha' ni sgrub pa po rdo rje mi bskyod pa'i sku phyag rgyar gyur par byas nas de dang gnyis su med pa'i thugs ka'i stong pa nam mkha' ngo bo yin no/ /gsang ba'i nam mkha' i ni rdo rje'i rigs kyi bye brag gi khrus mkhan gyi rigs kyi phun mo mdun du smos pa'i tshul gyi mtshan dang yon tan thams cad dang ldan pa blang ngo/ / de'i b+ha ga'i nang gi stong pa nam mkha' bzhin du bsam mo/ /de ltar nam mkha' i rdo rje'i don du gsungs so/ /dbus su ni chos kyi dkyil 'khor dam pa bsam mo/ sgrub pa pos dang po mdun du smos pa'i tshul dang ldan pa'i gnas chu 'gram du/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med pa'i 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa bzhin du 'dir sbyar ro/ /de lta bu'i ngo bo rdo je mi bskyod pa'i sku phyag rgyar ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi phye brag gi khrus mkhan gyi rigs kyi bu mo mdun du smos pa'i mtshan dang yon tan dang ldan pa blang/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i bya ga'i dbus su byang chub sems 'o ma'i rgyun bzhin du 'od du zhu'o/ /de'i steng du sngags sa bon yig 'bru

  255. 128a

    a bsam mo/ /yang na paM bsam yang me 'gal lo/ /de ba dog dmar po so sor rtog pa'i ye shes kyi ngo bor gzi brjid chen po'i 'bar bas 'bar zhing 'od du zhu nas/ ye shes kyi khu ba lta bu byang chub sems la gnyis su med par thim par gyur to/ /sa bon de las gdan thams cad kyi nang na dam pa chos kyi dkyil 'khor du ming btags pa pad+ma dmar po 'dab brgyad du gyur par bsam mo/ /de ltar dbus su ni chos kyi dkyil 'khor dam pa bsam gyi don du gsungs so/ sangs rgyas gzugs ni rab bsgoms la/ chos kyi sems pa rnam par bsgom zhes pa ni/ sgrub pa pos mdun du smos pa'i tshul du thabs dang shes rab rol pa byas pas bde bar byas pa'i dus su rdo rje lam gyi sgo nas shes rab ma'i b+ha ga'i/ dbus kyi chos kyi dkyil 'khor du ming btags pa pad+ma 'dab brgyad kyi steng gi dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gi ngo bor gyur par bsam mo/ /de'i steng du sngags sa bon yig 'bru a bsam mo/ / de kha dog dmar po so sor rtog pa'i ye shes kyi ngo bo gzi brjid chen po'i 'bar bas 'bar zhing 'od du zhu nas/ ye shes kyi khu ba bzhin du byang chub sems zla ba'i dkyil 'khor la gnyis su med par thim par gyur to/ /sa bon de las chos kyi sems par ming btags pa snang ba mdza' yas kyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /zhal gsum pa zhal dbus ma sku dang mthun/ zhal g.yas nag pa g.yon dkar ba thor tshugs kyis dbu rgyan/ zhal cung zad bzhad pa/ rin po che sna tshogs kyi rgyan la sogs pa rgyan thams cad kyis brgyan pa/ phyag drug phyag mtshon drug go /phyag g.yas dang po na pad+ma 'dab brgyad 'dzin/ bar ma na rdo

  256. 128b

    rje rtse lnga/ tha ma na gser gyi kha dog lta bu'i 'khor lo rtsibs brgyad do/ /g.yon dang po na rdo rje dril bu/ bar ma na yid bzhin gyi nor bu rin po che ser po zur brgyad pa/ tha ma na rdo rje ral gri utpal sngon po'i 'dab ma lta bu'o/ /de lta bu'i ngo bo chos kyi sems par ming btags pa snang ba mdza' yas kyi sku phyag rgya skyed ma thag tu skyed par mdzad mkhan rdo rje mi skyod pa'i sku phyag rgya snang ba mdza' yas kyi sku phyag rgya spyi bo la dbang skur ba'i tshul du bsam mo/ /de ltar sangs rgyas gzugs ni rab bsgoms la/ chos kyi sems pa'i rnan par bsgrubs pa'i don du gsungs so/ /gsal ba'i sku 'dzin zhi ba ni/ /rgyan rnams kun gyi rnam par brgyan/ /'od zer sprin gyi 'khor lo che/ /rnam par spro ba rab tu bsgom/ zhes bya ba'i don bshad par bya ste/ ci ltar yin na gsal ba'i sku 'dzin zhi ba ni mdun du smos pa'i snang ba mdza' yas kyi sku phyag rgya bskyed pa de ni/ rin po che pad+mar ga ci ltar gsal ba dang 'dra ba yin no/ /gzhan yang des sems can thams cad bran bzhin du dbang du mdzad pas don des zhi bar smos so/ /de ltar gsal ba'i sku 'dzin zhi ba'i don du gsungs so/ /rgyan rnams kun gyis rnam par brgyan pa'i don ni bde ba ste bshad mi dgos so/ /'od zer sprin kyis 'khor lo che rnam par 'phro ba rab tu bsgom zhes pa ni/ snang ba mdza' yas kyi sku phyag rgya kun nas so sor rtogs pa'i ye shes kyi ngo bo 'od zer gyi sprin kha dog dmar po 'khor lo cher mi btags pa/ sku phyag rgya dang mnyam bzlum por spro ba sgrub pa pos rab tu sdom par smos so/ /de ltar 'od zer sprin gyi 'khor lo che/ rnam par 'phro pa rab tu bsgom gyi don du gsungs so/ /'di yis chos kyi bdag nyid che/ /sku gsum mi phyed las 'byung ba/ /ye shes rgya mtsho rnam par rgyan/ /tshe 'di nyid la thob par

  257. 129a

    'gyur/ zhes bya ba'i don bshad par bya ste/ ci ltar yin na 'di yis chos kyi bdag nyid che/ sku gsum mi phyed las byung ba ni/ sgrub pa pos tshul ji ltar smos pa'i chos su ming btags pa'i so sor rtog pa'i ye shes su ming btags pa bstan pa de'i 'bras bu grub pa'i dus su so sor rtog pa'i ye shes de nyid kyi mthu'i byin rlabs kyis sku gsum mi phyed pa'i ngo bo sgrub pa pos 'grub par 'gyur ro/ /bstan par bya ste/ chos kyi sku dang longs spyod rdzogs pa'i sku dang sprul pa'i sku'o/ /de la chos kyi sku ni rdo rje mi bskyod pa ste/ de bzhin gshegs pa thams cad kyi ngo bo longs spyod rdzogs pa'i sku ni rnam par snang mdzad de/ de bzhin gshegs pa thams cad kyi sku'i ngo bo sprul pa'i sku ni snang ba mdza' yas te/ de bzhin gshegs pa thams cad kyi gsung gi ngo bo'o/ /de ltar don dam pa ye shes chen po gnyis su med pa'i ngo bor sgrub pa po 'byung ba 'grub par 'gyur bar bstan to/ /de ltar 'di yis chos kyi bdag nyid che/ /sku gsum mi phyed las 'byung ba'i don du gsungs so/ /ye shes rgya mtshos rnam par brgyan/ /tshe 'di nyid la thob par 'gyur zhes pa ni/ sgrub pa pos mdun du smos pa'i bsgom pa byas pas/ rgya mtshor ming btags pa ye shes kyi dngos grub grangs med pas gnyis su med par brgyan pa don dam pa ye shes chen po gnyis su med pa'i 'bras bu'i ngo bo tshe 'di nyid la phyag rgya chen po'i tshul du thob par 'gyur bar bstan to/ /de ltar ye shes rgya mtsho rnam par rgyan/ /tshe 'di nyid la thob par 'gyur gyi don du gsungs so/ /chos kyi dam tshig 'byung ba'i rdo rje zhes bya ba'i ting nge 'dzin to/ /zhes bya ba ni chos ni snang ba mdza' yas so/ /dam tshig 'byung ba zhes bya ba ni mdun du smos

  258. 129b

    pa'i rdo rje mi bskyod pa'i sku phyag rgya'i bsgom pa byas nas snang ba mdza' yas kyi sku phyag rgya bskyed pa'o/ /de ltar dam tshig 'byung ba'i don du gsungs so/ /rdo rje zhes pa ni rdo rje mi bskyod pa la sogs pa de bzhin gshegs pa thams cad kyi gsung rdo rje don dam par gnyis su med pa yin no/ /de dang gnyis su med pa'i ngo bor snang ba mdza' yas so/ /de ltar rdo rje'i don du gsungs so/ /ting nge 'dzin zhes pa ni tshul ji ltar smos pa'i chos su ming btags pa snang ba mdza' yas kyi sku phyag rgya bsgom pa'i don de ting nge 'dzin du bstan to/ /da ni de bzhin gshegs pa bzhi'i shes rab lha mo sangs rgyas spyan la sogs pa bzhi'i sku phyag rgya bskyed par bya ba'i bsgom pa'i cho ga'i don bstan pa bya ste/ nam mkha' i rdo rje'i dbus su ni/ zla ba'i dkyil 'khor dam pa bsam/ /sangs rgyas gzugs ni rab bsgoms la/ /spyan gyi mchog ni rab tu bsgom zhes bya ba'i don bshad par bya ste/ ci ltar yin na nam mkha' i rdo rje ni bye brag rnam pa gsum du bstan par bya ste/ phyi dang nang gsang ba'o/ /de la phyin ni mdun du ji ltar smos pa dang sbyor ro/ /nang gi nam mkha' ni sgrub pa po rnam par snang mdzad kyi sku phyag rgyar gyur par byas nas gnyis su med par bsgom pa'i thugs kyi stong pa nam mkha' i ngo bo yin no/ /gsang ba'i nam mkha' ni sku'i rigs kyi bye brag gi bram ze rigs kyi bu mo mdun du smos pa'i tshul gyi mtshan dang yon tan gyi ngo bo dang ldan pa blang ngo/ /de'i b+ha ga'i nang gi stong pa nam mkha' bzhin du bsam mo/ /de ltar nam mkha' i rdo rje'i don du gsungs so/ /dbus su ni zla ba'i dkyil 'khor dam pa bsam pa ni/ sgrub pa pos dang po rnam par snang mdzad kyi phyi'i gnas kyi tshul ci ltar smos pa dang ldan pa'i gnas su/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rnam

  259. 130a

    par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par gyur pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa de bzhin du 'dir sbyar ro/ /de lta bu'i ngo bo rnam par snang mdzad kyi sku phyag rgya gyur ma thag tu/ de dang gnyis su med pa'i nga rgyal du bsgom par bya'o/ /de'i dus su sku'i rigs bye brag gi bram ze'i rigs kyi bu mo'i mdun du smos pa'i mtshan dang yon tan phun sum tshogs pa dang ldan pa blang ngo/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de'i dbus su sngags kyi sa bon yig 'bru oM bsam mo/ /yang na a bsam yang mi 'gal lo/ /de kha dog dkar po chos kyi dbyings kyi ye shes kyi ngo bo gzi brjid 'bar bas 'bar zhing 'od du zhu nas ye shes kyi khu ba lta bu byang chub sems la gnyis su med par thim par 'gyur ro/ /sa bon de las gdan thams cad kyi nang na dam pa zla ba'i dkyil 'khor dkar por gyur par bsam mo/ /de lta bus ni zla ba'i dkyil 'khor dam pa bsam pa'i don du gsungs so/ /sangs rgyas gzugs ni rab tu bsgoms la spyan gyi mchog ni rab tu bsgoms zhes pa ni/ sgrub ba pos mdun du smos ba'i tshul du thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i? b+ha ga'i dbus kyi gdan du zla ba'i dkyil 'khor gyi steng gi dbus su byang chub sems 'o

  260. 130b

    ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de'i steng du sngags kyi sa bon yig 'bru la bsam mo de kha dog dkar po chos kyi dbyings kyi ye shes kyi ngo bo gzi brjid chen po'i 'bar zhing 'od du zhu nas/ ye shes kyi khu ba bzhin du byang chub sems zla ba'i dkyil 'khor la gnyis su med par thim par gyur to/ /sa bon de las rnam par snang mdzad dang thabs dang shes rab rol pas dgyes par byed ba'i don gyis spyan gyi mchog tu smos pa sangs rgyas spyan gyi sku phyag rgya bskyed par bya'o/ /zhal gsum pa zhal dbus ma sku dang mthun/ g.yas nag po/ g.yon shin tu dmar ba/ thor tshugs lha'i me tog gi bye brag sna tshogs kyis bcings pa/ zhal cung zad bzhad pa/ phyag drug phyag mtshan drug go /phyag g.yas dang po na 'khor lo rtsibs brgyad pa kha dog dkar po rin po che sna tshogs kyis spras pa 'dzin bar bsgom/ bar ma na rdo rje rtse lnga tha ma na utpal dkar po/ /g.yon dang po na rin po che'i yal ga /bar ma na rdo rje dril bu/ tha ma na rdo rje ral gri /de lta bu'i ngo bo sangs rgyas spyan gyi sku phyag rgya skyed ma thag tu skyed par mdzad mkhan rnam par snang mdzad kyi sku phyag rgya/ sangs rgyas spyan gyi sku phyag rgya'i spyi bo la dbang bskur ba'i tshul du bsam mo/ /de ltar sangs rgyas gzugs ni rab bsgoms la spyan gyi mchog ni rab tu bsgom pa'i don du gsungs so/ /zhal bzangs mtshan ni rab tu yangs/ /sna tshogs rgyan gyis rnam par brgyan/ /mtshan rnams thams cad rab tu rdzogs/ /bud med sgyu ma'i mchog ldan ba/ zhes bya ba'i don bshad par bya ste/ ci ltar yin na zhal bzangs spyan ni rab tu yangs ni/ mdun du smos pa'i sangs rgyas spyan gyi sku phyag rgya bskyed pa de ni zhal gsum ga zla ba'i dkyil 'khor ci ltar mdzes pa bzhin/ /spyan yangs pa ni sangs rgyas

  261. 131a

    spyan gyis thugs rje chen po'i thugs skyed nas zhi ba'i tshul du lha la sogs pa sems can thams cad kyi nyon mongs pa'i sdug bsngal gyi tsha ba med par bya ba'i phyir spyan gyi gzigs pa yin no/ /don des spyan yangs par smos so/ / de ltar zhal bzangs spyan ni rab tu yangs kyi don du gsungs so/ /sna tshogs rgyan gyis rnam par rgyan zhes pa ni sangs rgyas spyan gyi yan lag dang nying lag rin po che shel dang/ ma ra ka ta dang beDUrya la sogs pa zhi ba'i rgyan gyis bye brag sna tshogs kyis brgyan pa'o/ /de ltar sna tshogs rgyan gyis rnam par rgyan gyis don du gsungs so/ /mtshan rnams thams cad rab tu rdzogs zhes pa ni bye brag rnam pa gnyis so/ /bstan par bya ste/ theg pa chen po mdo sde'i tshul dang/ theg pa chen po gsang sngags kyi tshul lo/ /de la theg pa chen po mdo sde'i tshul ni/ ci ltar smos pa'i mtshan sum cu rtsa gnyis po ku? sku phyag rgya la rdzogs par ldan no/ /gsang sngags kyi tshul ni sku mdog dang zhal dang/ phyag dang phyag mtshan dang/ rgyan rnams la sogs pa sku phyag rgya'i cha lugs phun sum tshogs pa thams cad rdzogs par ldan pa'o/ /de ltar mtshan rnams thams cad rab tu rdzogs kyi don du gsungs so/ /bud med sgyu ma'i mchog ldan pa zhes bya ni sangs rgyas spyan ni don dam par chos kyi dbyings kyi ye shes te/ rnam par snang mdzad dang gnyis su med pa'i ngo bo'o bshad par bya ste/ bud med sgyu mar ming btags pa ni chos kyi dbyings kyi ye shes kyi ngo bo sangs rgyas kyi spyan gyis sems can gyi don bya ba'i phyir/ nu ma dang b+ha ga can de/ don des bud med sgyu ma'i mchog dang ldan par smos so/ /de ltar bud med sgyu ma'i mchog dang ldan par gsungs so/ phyag tu 'khor lo bsgom par bya/ /khams gsum dag ni dbang byed pa/ /dngos grub thams cad grub par byed/ /'khor lo yid bzhin nor bu ster/

  262. 131b

    zhes bya ba'i don bshad bar bya ste/ ci ltar yin na/ phyag tu 'khor lo bsgom bar bya khams gsum dag ni dbang byed pa zhes pa ni/ mdun du smos pa'i sangs rgyas spyan gyis phyag g.yas dang po na 'khor lo rtsibs brgyad pa 'dzin pa de ni sgrub pa pos chos kyi dbyings kyi ye shes dang/ gnyis su med par bsgom par bya'o/ /bshad par bya ste/ mdun du smos pa'i tshul gyi 'khor lo'i sgom pa byas pas/ sgrub pa po chos kyi dbyings kyi ye shes dang gnyis su med pa'i 'bras bu grub par 'gyur ro/ /de'i dus su dang po ni khams gsum thams cad na gnas pa'i lha dang mi la sogs pa sems can thams cad bran bzhin du dbang du 'gyur ro/ /de ltar phyag tu 'khor lo bsgom par bya/ khams gsum dag ni dbang byed kyi don du gsungs so/ /dngos grub thams cad grub par byed/ 'khor lo yid bzhin nor bu ster zhes pa ni/ mdun du smos pa'i tshul gyi khams gsum gyi lha dang mi la sogs pa sems can thams cad dbang du gyur pa'i dngos grub kyi 'bras bu dang/ gzhan yang yid bzhin gyi nor bu rin po che dngos grub thams cad kyi 'bras bu 'byung ba'i ngo bor ci ltar smos pa de bzhin du/ sgrub pa pos 'khor lo'i bsgom pa byas pa de grub pa'i dus su ci ltar 'dod pa thams cad kyi 'bras bu 'byung ba yin no/ /de ltar dngos grub thams cad 'grub par byed/ 'khor lo yid bzhin nor bu ster gyi don du gsungs so/ /spyan zhes bya ba'i dam tshig gi /phyag na mchog 'dzin pa zhes bya ba'i ting nge 'dzin to/ /zhes bya ba ni spyan gyi dam tshig ni thugs rje chen po'i thugs bskyed nas sems can thams cad grub par bya ba'i phyir dam tshig tu ming btags pa chos kyi dbyings kyi ye shes kyi ngo bo 'khor lor smos so/ /de ltar spyan gyi dam tshig gi don du gsungs so/ /phyag na mchog 'dzin pa zhes pa ni dngos grub thams cad kyi ngo bor smos pa'i 'khor lo de ni sangs rgyas spyan gyi phyag

  263. 132a

    g.yas dang po na 'dzin pa'o/ /de ltar phyag na mchog 'dzin gyi don du gsungs so/ /ting nge 'dzin zhes pa ni bsgrub pa pos tshul ji ltar smos pa'i sangs rgyas spyan gyi sku phyag rgya bsgom par bya ba'i don te ting nge 'dzin du smos so/ /sangs rgyas spyan gyi sku phyag rgya bskyed pa'i 'og tu/ da ni nam mkha' i rdo rje'i mchog tu ming btags pa ma ma ki'i sku phyag rgya bskyed par bya ba'i cho ga'i don bstan par bya ste/ nam mkha' i rdo rje dbus su ni/ rdo rje'i dkyil 'khor 'od mchog bsam/ /sangs rgyas gzugs ni rab bsgoms nas/ /nam mkha' i rdo rje'i mchog ma bsgom zhes bya ba'i don bshad par bya ste/ ci ltar yin na nam mkha' i rdo rje ni bye brag rnam pa gsum du bstan par bya ste/ phyi dang nang dang gsang pa'o/ / de la phyi ni mdun du ci ltar smos pa bzhin du sbyar ro/ /nang gi bsgrub pa po rdo rje mi bskyod pa'i sku phyag rgyar gyur par byas nas de dang gnyis su med pa'i thugs ka stong pa nam mkha' i ngo bo yin no/ /gsang ba'i nam mkha' ni rdo rje rigs kyi bye brag gi khrus mkhan gyi rigs kyi bu mo mdun du smos pa'i mtshan dang yon tan gyi ngo bo dang ldan pa blang ngo/ /de'i b+ha ga'i nang gi stong pa nam mkha' bzhin du bsam mo/ /de ltar nam mkha' i rdo rje'i don du gsungs so/ /dbus su ni rdo rje'i dkyil 'khor 'od tshogs bsam zhes pa ni/ bsgrub pa pos dang po rdo rje mi bskyod pa'i phyi'i gnas kyi tshul ci ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur bar bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa bzhin du 'dir sbyar ro/ /de lta bu'i ngo bo rdo rje mi bskyod pa'i sku

  264. 132b

    phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi bu mo mtshan dang yon tan phun sum tshogs pa dang ldan pa blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas/ bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du zhu nas/ de'i steng du sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid chen po 'bar zhing 'od du zhu nas ye shes kyi khu ba'i lta bu byang chub sems la gnyis su med par thim par 'gyur ro/ /sa bon de las gdan rdo rje rtse lnga par gyur par bsam mo/ /de kha dog sngon po me long lta bu'i ye shes kyi 'bar ba'i 'od kyis 'bar bas so/ /de ltar dbus su ni rdo rje dkyil 'khor 'od mchog bsam gyi don du gsungs so/ /sangs rgyas gzugs ni rab bsgoms nas/ nam mkha' rdo rje mchog ma bsgom zhes pa ni/ sgrub pa pos mdun du smos pa'i tshul du thabs dang shes rab rol pa byas nas/ bde bar gyur pa'i dus su rdo rje lam gyi sgo nas shes rab ma'i b+ha ga'i dbus kyi gdan rdo rje'i dkyil 'khor gyi sten gi dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de'i steng du sngags kyi sa bon yig 'bru maM bsam mo/ /de kha dog sngon po me long lta bu'i ye shes kyi ngo bo gzi brjid chen po 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med par thim par gyur to/ /sa bon de las nam mkha' i rdo rje ming btags pa rdo rje mi bskyod pa'o/

  265. 133a

    de thabs dang shes rab rol pas mnyes par byed pas mchog tu ming btags pa ma ma ki yin no/ /don des nam mkha' i rdo rje mchog mar smos pa de'i sku phyag rgyar bskyed par bya'o/ /de zhal gsum pa zhal dbus ma sku dang mthun/ g.yas dmar ba g.yon dkar ba rgyan thams cad kyis brgyan pa/ thor tshugs rin po che'i bye brag sna tshogs kyi phreng bas bcings pa/ zhal cung zad bzhad pa phyag drug phyag mtshan drug go /phyag g.yas dang po na ud pa la sngon po cung zad dmar ba 'dzin/ bar ma na 'khor lo rtsibs brgyad/ tha ma na pad ma dmar po 'dab brgyad/ g.yon dang po na rdo rje dril bu/ bar ma na yid bzhin gyi nor bu rin po che zur brgyad pa/ tha ma na rdo rje ral gri'o/ /de lta bu'i ngo bo ma ma ki'i sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya/ ma ma ki'i sku phyag rgya'i spyi bo la dbang bskur bar bsam mo/ /de ltar sangs rgyas gzugs ni rab bsgoms la/ nam mkha' rdo rje mchog ma bsgom gyi don du gsungs so/ /zhal bzangs spyan ni rab tu yangs/ /ud pa la mthing ga'i mdog 'dra ba/ /mtshan rnams thams cad rab tu rdzogs/ /mkha' dang mnyam pa'i mchog ma bsgom/ /zhes bya ba'i don bshad par bya ste/ ci ltar yin na zhal bzangs spyan ni rab tu yangs ni/ mdun du smos pa'i ma ma ki'i sku phyag rgya bskyed pa de'i zhal gsum ga nyi ma'i dkyil 'khor ci ltar mdzes pa bzhin no/ /spyan yangs pa ni ma ma ki spyan gyis thugs rje chen po zhe sdang gi thugs kyis bdud dang bgegs thams cad gzhom pa'i phyir gzigs pa'i don gyis spyan yangs par smos so/ /de ltar zhal bzangs spyan ni rab tu yangs kyi don du gsungs so/ /ud pa la sngon po'i mdog 'dra ba ni mdun du smos pa'i ma ma ki'i sku mdog ni ud pa

  266. 133b

    la sngon po 'dra ba yin no/ /de ltar ud pa la sngon po'i mdog 'dra ba yi don du gsungs so/ /mtshan rnams thams cad rab tu rdzogs zhes pa ni/ sangs rgyas spyan la bye brag rnam pa gnyis su ji ltar smos pa de bzhin du 'dir bstan to/ /mkha' dang mnyam pa'i mchog ma bsgom zhes pa ni nam mkhar ming btags pa don dam par de bzhin gshegs pa thams cad gnyis su med pa'i ngo bo'o/ /de dang gnyis su med pa'i ngo bor rdo rje mi bskyod pa smos so/ /de dang mnyam pa'i ngo bo shes rab ma lha mo ma ma ki sgrub pa pos bsgom par bya'o/ /don des mchog mar smos so/ /ud pa la mthing ga phyag na bsnams/ /khams gsum dag gis phyag byas pa/ /sangs rgyas byang chub bsgrub pa'i mchog /dngos grub rdo rje can gyis gsang zhes bya ba'i don bshad par bya ste/ ci ltar yin na ud pa la mthing ga phyag na bsnams/ khams gsum ngag gis phyag byas pa ni/ mdun du smos pa'i ma ma ki'i phyag g.yas dang po na/ ud pa la sngon po cung zad dmar ba 'dzin pa de ni me long lta bu'i ye shes kyi ngo bor sgrub pa pos bsgom par bya'o/ /bshad par bya ste/ mdun du smos pa'i tshul du utpal bsgoms pas me long lta bu'i ye shes dang gnyis su med pa'i 'bras bu 'grub par 'gyur ro/ /de'i dus su dang po ni khams gsum thams cad na gnas pa'i lha dang mi la sogs pa sems can thams cad kyis sgrub pa pos mthong ma thag tu ci ltar bran gyis bdag po la phyag byed pa de bzhin du phyag byed par smos so/ /de ltar utpal mthing ga phyag na bsnams?/ khams gsum dag gis phyag byas pa'i don du gsungs so/ /sangs rgyas byang chub grub pa'i mchog /dngos grub rdo rje can gyis gsang zhes pa ni/ ci ltar smos pa'i tshul gyis khams gsum gyi lha dang mi la sogs pas

  267. 134a

    sems can thams cad dbang du gyur pa'i dngos grub kyi 'bras bu dang/ gzhan yang rdo rje mi bskyod pa la sogs pa rdo rje can du ming btags pa rigs lnga'i de bzhin gshegs pa grangs med pa'i gsang ba'i dngos grub ye shes lnga gnyis su med pa'i chos kyi sku de bzhin du byang chub tu ming btags pa chos kyi dbyings so/ /de dang gnyis su med pa'i ngo bo ye shes chen po'i dngos grub kyi 'bras bu grub par smos so/ /de ltar sangs rgyas byang chub grub pa'i mchog /dngos grub rdo rje can gyis gsang gi don du gsungs so/ /nam mkha' i yum 'od zer gyi sprin rdo rje tshim par byed pa zhes bya ba'i ting nge 'dzin to/ /zhes bya ba ni nam ka ni don dam par rnam par snang mdzad la sogs pa dkyil 'khor gyi lha thams cad nam mkha' ltar ma skyes pa'o/ /yum ni mdun du smos pa'i rnam par snang mdzad la sogs pa dkyil 'khor gyi lha thams cad nam mkha' bzhin du ma skyes pa'i ngo bo de sems can gyi don gyi phyir/ bskyed par bya ba'i yum gyi ngo bor smos so/ /'od zer gyi sprin zhes pa ni tshul ji ltar smos pa'i ma ma ki bsgom pa'i dus su sku phyag rgya'i kun nas me long lta bu'i ye shes kyi ngo bo 'od zer gyi sprin kha dog sngon po spro bar bsam mo/ /rdo rje tshim par byed pa zhes pa ni rdo rjer ming btags pa ni bskyod pa'o/ /tshim par byed pa ni 'dod chags chen po'i thugs dgyes pas rdo rje mi bskyod pas gnyis su med par 'khyud pa'i sbyor bas thabs dang shes rab rol pas tshim par byed pa ma ma ki'o/ /ting nge 'dzin zhes pa ni tshul ji ltar smos pa'i ma ma ki'i sku phyag rgya sgrub pa pos bsgom par bya ba de ting nge 'dzin gyi don du bstan to/ /ma ma ki phyag rgyar bskyed pa'i 'og tu/ da ni chos rdo rje mar ming btags pa na bza' dkar mo sku phyag rgya skyed par bya ba'i cho ga'i don bstan

  268. 134b

    par bya ste/ nam mkha' i rdo rje'i dbus su ni/ /chos kyi dkyil 'khor dam pa bsam/ /sangs rgyas gzugs ni rab bsgoms la/ /rdo rje chos ma rab tu bsgom/ /zhes bya ba'i don bshad par bya ste/ ci ltar yin na nam mkha' i rdo rje ni bye brag rnam pa gsum du bstan par bya ste/ phyi dang nang gsang ba'o/ /de la phyi ni mdun du ji ltar smos pa bzhin du 'dir sbyar ro/ /nang gi nam mkha' ni bsgrub pa pos snang ba mdza' yas kyi sku phyag rgya myur par byas nas de dang gnyis su med pa'i thugs kyi stong pa nam mkha' i ngo bo yin no/ /gsang ba'i nam mkha' ni gsung gi rigs kyi bye brag gi gar mkhan gyi rigs kyi bu mo mdun du smos pa'i mtshan dang yon tan gyi ngo bo dang ldan pa blang ngo/ /de'i b+ha ga'i nang gi gnas stong pa nam mkha' i bzhin du bsam mo/ /de ltar nam mkha' i rdo rje don du gsungs so/ /dbus su ni chos kyi dkyil 'khor dam pa bsam zhes pa ni/ sgrub pa pos snang ba mdza' yas kyi phyi'i gnas kyi tshul ji ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa bzhin du 'dir sbyor ro/ /de lta bu'i ngo bo snang ba mdza' yas kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su gsung gi rigs kyi bye brag gi gar mkhan gyi rigs kyi bu mo ci ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo na bza' dkar mo dang gnyis su med pa'i ngo bor byin gyis brlab bar bya'o/ /de'i 'og tu sgrub pa pos 'dod chags chen po'i sems dga' bas

  269. 135a

    gnyis su med par 'khyud ba'i sbyor bas thabs dang shes rab rol pa byas nas/ bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de'i steng du sngags kyi sa bon yig 'bru paM bsam mo/ /de kha dog dmar po so sor rtog pa'i ye shes kyi ngo bo gzi brjid chen po 'bar zhing 'od du zhu nas ye shes kyi khu ba bzhin du byang chub sems la gnyis su med par thim par gyur to/ /sa bon de las chos kyi dkyil 'khor du ming btags pa gdan pad+ma 'dab ma brgyad par gyur par bsam mo/ /kha dog dmar po gdan thams cad kyi nang na pad+ma'i gdan de dmar bar smos so/ /de ltar dbus su ni chos kyi dkyil 'khor dam pa bsam gyi don du gsungs so/ sangs rgyas gzugs ni rab bsgoms la/ rdo rje chos mar rab tu bsgom zhes pa ni/ sgrub ba pos mdun du smos pa'i tshul du thabs dang shes rab rol pa byas nas/ bde bar gyur pa'i dus su rdo rje lam gyi sgo nas shes rab ma'i b+ha ga'i dbus kyi gdan pad+ma'i steng gi dbus su byang chub sems 'o ma'i rgyun du 'od du zhu'o/ /sa bon de las chos su ming btags pa snang ba mdza' yas de thabs dang shes rab rol pas mnyes par byed pa rdo rje ming btags pa na bza' dkar mo ste/ don des rdo rje chos mar ming btags pa de'i sku phyag rgyar bskyed bar bya'o/ /de zhal gsum pa zhal dbus ma sku dang mthun/ zhal g.yas nag po g.yon dkar ba/ thor tshugs pad+ma dkar po kha dog sna tshogs dang ldan pa'i phreng bas dkris pa/ zhal cung zad bzhad pa phyag drug phyag mtshan drug go /phyag g.yas dang po na ud pa la dmar po thugs kar 'dzin/ bar ma na rdo rje rtse lnga/ tha ma na 'khor lo rtsibs brgyad do/ /g.yon dang po na rdo rje dril bu pad+ma'i sbu gu dang bcas pa/ bar ma yid bzhin gyi nor bu rin po

  270. 135b

    che zur brgyad pa/ tha ma na rdo rje ral gri'o/ /de lta bu'i ngo bo na bza' dkar mo'i sku phyag rgya skyed ma thag tu/ skyed par mdzad mkhan snang ba mdza' yas kyi sku phyag rgya/ na bza' dkar mo'i sku phyag rgya'i spyi bo la dbang bskur ba'i tshul du bsam mo/ /de ltar sangs rgyas gzugs ni rab bsgoms la/ rdo rje chos ma rab tu bsgom pa'i don du gsungs so/ /zhal bzangs spyan ni rab tu yangs/ /pad+ma ra ga'i mdog 'dra ba/ /sgyu 'phrul rgya skyags khu ba 'byung/ /'dod chags chags pa dga' mas 'dzin/ zhes bya ba'i don bshad par bya ste/ ci ltar yin na/ zhal bzangs spyan ni rab tu yang pa ni mdun du smos pa'i na bza' dkar mo'i sku phyag rgya bskyed pa de'i zhal gsum ji ltar yid bzhin gyi nor bu rin po che gzi brjid kyi phung po mdzes pa de bzhin du smos/ /spyan yangs pa ni na bza' dkar mo thugs rje chen po'i 'dod chags kyi thugs kyis sems can thams cad la spyan gyis gzigs pa'o/ /don des spyan yangs par smos so/ /pad+mar ga'i mdog 'dra zhes pa ni mdun du smos pa'i na bza' dkar mo'i sku phyag rgya sku mdog dmar por smos pa de ni kha dog dang gzi brjid rin po che pad+ma ra ga yin no/ /bud med sgyu ma'i mchog las 'byung zhes pa ni bla na med pa'i sgyu 'phrul theg pa chen po gsang sngags kyi spyod pa ste/ sems can thams cad gzung pa'i thabs so/ /de don dam par sgyu 'phrul du ming btags pa chos kyi dbyings kyi dbang phyug ma'o/ /rgya skyags khu ba mchog las 'byung ni dpal rdo rje sems pa la sogs pa de bzhin gshegs pa thams cad dang/ byang chub sems dpa' thams cad dang/ khro bo'i rgyal po thams cad kyis thabs dang shes rab rol pa mdzad pa'i dus su sangs rgyas spyan la sogs pa shes rab ma ye shes kyi lha mo thams cad 'dod chags chen po'i bde bar gyur pa'i ngo bo yin no/ /gzhan yang

  271. 136a

    sgrub pa pos sgrub pa chen po bya ba'i dus su thabs dang shes rab rol pa byas nas bde bar gyur pa'i dus su rgya skyags kyi khu ba ni/ shes rab ma'i 'dod chags kyi ngo bo'i las byung ba ni/ mdun du smos pa'i bde ba'i ngo bo 'dod chags kyi khu ba de/ sems can thams cad kyis bla na med pa'i 'dod chags so sor rtog pa'i ye shes kyi 'bras bu grub par bya ba'i phyir na bza' dkar mo 'byung bar bstan to/ /mdor bsdus pa de ltar bud med sgyu ma'i mchog las 'byung ba'i don du gsungs so/ /'dod chags chags pa dga' bas 'dzin zhes pa ni/ dpal rdo rje sems pa la sogs pa dkyil 'khor gyi lha thams cad kyis thugs rje chen po'i thugs bskyed nas/ sgrub pa po'i phyin ci log gi 'dod chags gzhom par bya ba'i gnyen po bla na med pa'i 'dod chags yin no/ /bshad par bya ste/ de bzhin gshegs pa snang ba mdza' yas thabs dang shes rab rol pas mnyes par byed pa na bza' dkar mo'o/ /chags pa nyid kyi sku phyag rgya bla na med pa'i 'dod chags kyi ngo bo sku mdog dmar po 'dzin no/ /don des 'dod chags dga' bas 'dzin du smos so/ /mtshan rnams thams cad yongs rdzogs shing/ /rgyan rnams kun gyis brgyan pa yi/ /sangs rgyas kun tu rab bsgoms pa/ /ud pal dmar po phyag na bsnams zhes bya ba'i don bshad par bya ste/ ci ltar yin na mtshan rnams thams cad yongs rdzogs shing/ rgyan rnams kun gyis brgyan pa yi ni/ sangs rgyas spyan dang ma ma ki'i bye brag gnyis su ltar bstan pa de bzhin du 'dir sbyar ro/ /gzhan yang rgyan rnams kun gyis brgyan pa ni/ na bza' dkar mo'i sku phyag rgya'i yan lag dang nying lag dang thams cad zhi ba'i rgyan gyi bye brag thams cad kyis brgyan par smos so/ /de ltar mtshan rnams thams cad yongs rdzogs

  272. 136b

    shing/ rgyan rnams kun gyis brgyan pa'i don du gsungs so/ /sangs rgyas kun las rab 'byung ba/ ud pa la dmar po phyag na bsnams zhes pa ni/ mdun du smos pa'i na bza' dkar mo'i phyag g.yas dang po na ud pa la dmar po 'dzin pa de ni so sor rtog pa'i ye shes kyi ngo bor gsung gi rigs kyi bye brag gi sangs rgyas smos pa thams cad dang gnyis su med pa'i gzugs su sgrub pa pos bsgom par bya'o/ /de ltar sangs rgyas kun las rab 'byung ba/ ut pa la dmar po phyag na bsnams kyi don du gsungs so/ /chos kyi ye shes 'byung gnas mchog /dam tshig rdo rje can gyis gsang/ zhes bya ba ni chos kyi ye shes 'byung gnas mchog ni mdun du smos pa'i tshul gyi na bza' dkar mo'i phyag g.yas dang po na ud pa la dmar po bsgoms pas/ chos su ming btags pa snang ba mdza' yas te so sor rtog pa'i ye shes kyi 'bras bu bla na med pa'i byang chub kyi 'bras bu thob bo/ /don des so sor rtog pa'i ye shes mchog tu smos so/ /de ltar chos kyi ye shes 'byung gnas mchog gi don du gsungs so/ / dam tshig rdo rje can gyis gsang zhes pa ni rdo rje can rnams su ming btags pa/ dpal rdo rje sems dpa' la sogs pa de bzhin gshegs pa thams cad kyi bla na med pa'i 'dod chags gsang ba'i ngo bo yin no/ /dam tshig ni de bzhin gshegs pa thams cad kyis nyid nyid kyi shes rab ma ye shes kyi lha mo dang gnyis su med par 'khyud pa'i sbyor bas thabs dang shes rab rol pa mdzad nas bde bar gyur pa'i ngo bo nga ni so sor rtog pa'i ye shes kyi 'bras bur smos so/ /de ni mdun du smos pa'i tshul gyis sgrub pa pos thob par gyur to/ /mdor bsdu ba de ltar dam tshig rdo rje can gyis gsang gi don du gsungs so/ /chos kyi dam tshig de kho na nyid mngon par byang chub ston pa'i rdo rje zhes bya ba'i ting nge 'dzin to/ /zhes bya ba ni chos su ming btags pa snang ba mdza' yas so/

  273. 137a

    dam tshig ces pa ni de bzhin gshegs pa thams cad kyi bla na med pa'i 'dod chags kyi spyod pa thabs dang shes rab rol pa mdzad pa'i tshul du smos so/ /de kho na nyid ces pa ni/ thabs dang shes rab rol pas bde bar gyur pa'o/ /mngon par byang chub pa zhes pa ni sgrub pa pos mdun du smos pa'i tshul gyi chos kyis dam tshig gi de kho na nyid kyi don gyi spyod pa spyad pas 'bras bu bla na med pa'i byang chub thob par gyur pa'o/ /kun tu ston pa'i rdo rje zhes pa ni/ na bza' dkar mo'i sku phyag rgya de ni/ rdo rjer ming btags pa so sor rtog pa'i ye shes kyi ngo bo mdun du gyur par smos so/ /ting nge 'dzin zhes pa ni sgrub pa pos mdun du smos pa'i tshul gyi na bza' dkar mo'i sku phyag rgya bsgom par bya ba'i don des ting nge 'dzin du smos so/ /na bza' dkar mo'i sku phyag rgya bskyed pa'i 'og tu/ da ni dam tshig sgrol ma'i sku phyag rgya skyed par bya ba'i cho ga'i don du bstan par bya ste/ nam mkha' i rdo rje'i dbus su ni/ /dngos grub dkyil 'khor dam pa bsam/ /sangs rgyas gzugs ni rab bsgoms la/ /sgrol ma'i mchog ni bsgom par bya zhes bya ba'i don bshad par bya ste/ ci ltar yin na nam mkha' i rdo rje ni bye brag rnam pa gsum du bstan par bya ste/ phyi dang nang dang gsang ba'o/ /de la phyi ni mdun du ji ltar smos pa bzhin du 'dir sbyar ro/ /de nas nang gi nam mkha' ni sgrub pa pos rdo rje mi bskyod pa'i sku phyag rgyar gyur par byas nas/ de dang gnyis su med pa'i thugs ka stong pa nam mkha' i ngo bo yin no/ / de nas gsang ba'i nam mkha' ni rdo rje rigs kyi bye brag gi khrus mkhan gyi rigs kyi bu mo mdun du smos pa'i tshul gyi mtshan dang yon tan thams cad dang ldan pa blang ngo/ /de'i b+ha ga'i nang gi gnas stong pa nam mkha' bzhin du bsam mo/ /de ltar nam mkha' i

  274. 137b

    rdo rje'i don du gsungs so/ /dbus su ni dngos grub dkyil 'khor dam pa bsam zhes pa ni/ sgrub pa pos dang po rdo rje mi bskyod pa'i phyi'i gnas kyi tshul ji ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du smos pa bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo mtshan dang yon tan ji ltar smos pa dang ldan pa blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de'i steng du sngags sa bon yig 'bru ha bsam mo/ /de kha dog ljang gu bya ba nan tan gyi ye shes gyi ngo bo gzi brjid chen po 'bar zhing 'od du zhu nas ye shes kyi khu ba lta bu byang chub sems la gnyis su med par thim par gyur to/ /sa bon de las dngos grub kyi dkyil 'khor du ming btags pa rdo rje gdan ral grir gyur par bsam mo/ /de kha dog ljang gu gdan thams cad kyi nang na dam par smos so/ /de ltar dbus su ni dngos grub kyi dkyil 'khor dam pa bsam gyi don du gsungs so/ /sangs rgyas gzugs ni rab bsgoms la/ /sgrol ma'i mchog ni bsgom par bya zhes bya ba ni/ sgrub pa pos

  275. 138a

    mdun du smos pa'i tshul du thabs dang shes rab rol pa byas nas bde bar gyur pa'i dus su/ rdo rje lam gyi sgo nas shes rab ma b+ha ga'i dbus kyi gdan rdo rje ral gri'i steng gi dbus su byang chub sems 'o ma'i rgyun bzhin du zhu nas zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru ta bsam mo/ /de kha dog ser por cung zad ljang ba me long lta bu'i ye shes ngo bo ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /sa bon de las mchog tu ming btags pa las kyi rigs don yod grub pa'o/ /de thabs dang shes rab rol pas mnyes par byed pa sgrol mar ming btags pa/ dgra'i sa 'jigs pa la sogs pa 'jigs pa chen po brgyad las sgrol bar mdzad pa'i don gyis sgrol mar smos pa de'i sku phyag rgya skyed par bya'o/ /de zhal gsum pa/ zhal dbus ma sku dang mthun zhal g.yas gnag pa/ g.yon dkar ba/ thor tshugs ud pa la dang rin po che'i bye brag sna tshogs kyi phreng bas bcings pa/ zhal cung zad bzhad pa/ phyag drug phyag mtshan drug go /phyag g.yas dang po na ud pa la ser po 'dzin/ bar ma na rdo rje rgya gram/ tha ma na 'khor lo rtsibs brgyad/ g.yon dang po na rdo rje dril bu/ bar ma na yid bzhin gyi nor bu rin po che zur brgyad pa/ tha ma na rdo rje ral gri'o/ /de lta bu'i ngo bo dam tshig sgrol ma'i sku phyag rgya skyed ma thag tu/ skyed par mdzad mkhan rdo rje mi bskyod pa'i sku phyag rgya/ dam tshig sgrol ma'i sku phyag rgya'i spyi bo la dbang bskur pa'i tshul du bsam mo/ /de ltar sangs rgyas gzugs ni rab bsgoms la/ sgrol ma'i mchog ni bsgom par bya'i don du gsungs so/ /zhal bzangs spyan ni rab tu yangs/ /sna tshogs

  276. 138b

    rgyan gyis rab tu brgyan/ /sku mdog ser po bsgom par bya/ /bud med 'dod chags mos pa 'grub/ /ces bya ba'i don bshad par bya ste/ ci ltar yin na zhal bzangs spyan ni rab tu yangs ni/ mdun du smos pa'i dam tshig sgrol ma'i sku phyag rgya bskyed ba de'i zhal gsum ni/ rin po che 'dzam bu na ta'i kha dog dang gzi brjid kyi phung po ji ltar mdzes pa de bzhin du smos so/ /spyan yangs pa ni dam tshig sgrol mas thugs rje chen pos lha mo la sogs pa sems can thams cad kyi chung ma dbang du bsdu ba'i phyir/ spyan gyis gzigs pa'i don des spyan yangs par smos so/ /de ltar zhal bzangs spyan ni rab tu yangs kyi don du gsungs so/ /sna tshogs rgyan gyis rab tu rgyan zhes pa ni dam tshig sgrol ma'i sku phyag rgya'i yan lag dang nying lag kun nor bu dang mu tig la sogs pa zhi ba'i rgyan sna tshogs kyis brgyan par smos so/ /de ltar sna tshogs rgyan gyi don du gsungs/ sku mdog ser po bsgom par bya zhes pa ni mdun du smos pa'i dam tshig sgrol ma'i sku phyag rgya'i kha dog ni rin po che 'dzam du na ta ni mdog dang gzi brjid lta bu'o/ /de ltar sku mdog ser po sgom par bya ba'i don du gsungs so/ /bud med 'dod chags mos pa 'grub ces pa ni/ tshul ji ltar smos pa'i dam tshig sgrol ma bsgoms pas/ sgrub pa pos lha mo la sogs pa sems can thams cad kyi chung ma 'dod chags kyis mos par gyur nas/ dbang du 'du bar smos te/ de ltar bud med 'dod chags mos pa 'grub kyi don du gsungs so/ /phyag na ud pal ser po bsnams/ de ni rab tu gsal bar bsgom/ rdo rje'i ting nge 'dzin las byung bas/ sems can kun gyis phyag byas pa/ zhes bya ba'i don bshad par bya ste/ ci ltar yin na phyag na ud pa la ser po bsnams/ de ni rab tu gsal ba

  277. 139a

    bsgom ni dam tshig sgrol ma'i phyag g.yas dang po na ud pa la ser por de ni shin tu gsal ba'o/ /de'i nang nas 'od zer gyi tshogs 'phro ba de me long lta bu'i ye shes kyi ngo bor sgrub pa pos brtag go /de ltar phyag na ud pal ser po bsnams/ de ni rab tu gsal bar bsgom pa'i don du gsungs so/ /rdo rje ting nge 'dzin las byung ba zhes bya ba'i rdo rje mi bskyod pa'o/ /ting nge 'dzin las byung ba ni sgrub pa pos ci ltar smos pa'i tshul gyi rdo rje mi bskyod pa dang/ /gnyis su med pa'i ting nge 'dzin gyis dam tshig sgrol ma'i sku phyag rgya bskyed pa'i don te/ rdo rje ting 'dzin las 'byung bar smos so/ /sems can kun gyis phyag byas pa zhes pa ni/ mdun du smos pa'i tshul gyis ud pa la dam tshig sgrol ma'i phyag tu bsgoms pas/ me long lta bu'i ye shes dang gnyis su med pa'i 'bras bu 'grub par 'gyur ro/ /de'i dus su dang po ni 'jig rten gyi khams na gnas pa'i lha dang mi la sogs pa sems can thams cad kyis bsgrub pa po mthong ma thag tu/ ji ltar bran gyis bdag po la phyag byed pa de bzhin du smos/ /de ltar sems can kun gyis phyag byas pa'i don du gsungs so/ /dam tshig sgrol ma'i mchog ces bya ba'i ting nge 'dzin to/ /zhes bya ba ni dam tshig ni thugs rje chen po'i thugs skyed pa'o/ /sgrol ma zhes pa ni thugs rje chen po'i thugs skyed pas sems can thams cad dgra'i 'jigs pa la sogs pa 'jigs pa chen po brgyad las sgrol bar mdzad pa'i don des ye shes kyi lha mo dam tshig sgrol mar mtshan smos so/ /mchog ces pa ni mdun du smos pa'i yon tan gyi don gyis ye shes kyi lha mo thams cad kyi nang na/ dam tshig sgrol ma mchog tu smos so/ /ting nge 'dzin zhes pa ni tshul ji ltar smos pa'i dam tshig

  278. 139b

    sgrol ma sgom par bya ba'i don te/ ting nge 'dzin du smos so/ /de na ya man ta ka dang brad nyan ta ka la sogs pa khro bo'i rgyal po bcu'i phyag rgya skyed pa dang bsgom par bya ba'o/ /cho ga'i don gsan par bya ste/ nam mkha' i rdo rje'i dbus su ni/ /nyi ma'i dkyil 'khor dam pa bsam/ sangs rgyas gzugs ni rab bsgoms la gshin rje gshed mchog bsgom par bya/ zhes bya ba'i don bshad par bya ste/ ci ltar yin nam mkha' i rdo rje ni bye brag rnam pa gsum du bstan par bya ste/ phyi dang nang dang gsang ba'o/ /de la phyi ni mdun du ci ltar smos pa de bzhin du 'dir sbyar ro/ /de dang gi nam mkha' ni bsgrub pa pos rnam par snang mdzad kyi sku phyag rgyar gyur par byas nas de dang gnyis su med pa'i thugs kyi stong pa nam mkha' i ngo bo yin no/ / gsang ba'i nam mkha' ni sku'i rigs kyi bye brag gi bram ze'i rigs bu mo mdun du smos pa'i tshul gyi mtshan dang yon tan dang ldan pa blang ngo/ /de'i b+ha ga'i nang gi gnas stong pa nam mkha' bzhin du bsam mo/ /de ltar nam mkha' i rdo rje'i don du gsungs so/ dbus su ni nyi ma'i dkyil 'khor dam pa bsam zhes pa ni/ sgrub pa pos dang por rnam par snang mdzad kyi sku phyi'i gnas kyi tshul ci ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su tshul ji ltar smos pa'i cho ga bzhi'i tshul gyis rnam par snang mdzad kyi sku phyag rgya gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa bzhin? du sbyar to/ /de ltar bu'i ngo bo rnam par snang mdzad kyi sku phyag rgya bskyed ma thag tu de dang gnyis su med pa'i nga rgyal du bsgom par bya'o/ /de'i dus su sku'i rigs kyi bye brag gi bram ze rigs kyi bu mo ci ltar smos pa'i mtshan yon tan dang ldan pa

  279. 140a

    blang ngo/ /shes rab ma ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos thugs rje chen po zhe sdang gi sems rgabs gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu'o/ /de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog dmar po cung zad ser ba ye shes lnga dang gnyis su med pa'i ngo bo gzi brjid chen po'i 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par gyur to/ /sa bon de las nyi ma'i dkyil 'khor kha dog dmar po cung zad ser ba 'chi bdag gi bdud 'khor dang bcas pa pham par byed pa'i don gyis gdan thams cad kyi nang na dam par smos so/ /de ltar dbus su ni nyi ma'i dkyil 'khor dam pa bsam gyi don du gsungs so/ /sangs rgyas gzugs ni rab bsgoms la/ gshin rje gshed mchog bsgom par bya zhes pa ni/ sgrub pa pos mdun du smos pa'i tshul du thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus kyi gdan nyi ma'i dkyil 'khor gyi dbus su byang chub sems char gyi rgyun bzhin du 'od du zhu nas/ de rgya mtsho dang mnyam par gyur to/ /de'i steng du sngags sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bo gzi brjid chen po 'bar zhing 'od du zhu nas ye shes kyi khu ba lta bur byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po la man ta ka 'chi bdag gi bdud med par mdzad

  280. 140b

    pa'i don gyi don gyis mchog tu smos pa de'i sku phyag rgya bskyed par bya'o/ /de khro mo'i rgyal mo ro langs ma dang gnyis su med par 'khyud pa'i sbyor ba dang ldan pa'o/ /sku mdog sprin nag po lta bu'o/ /zhal gsum pa zhal dbus ma sku dang mthun/ g.yas dmar ba g.yon dkar ba/ ral ba gyen du rdzes pa gsus pa che ba/ smin ma bskyod pa khro bo'i rgyan thams cad kyis brgyan pa/ phyag drug phyag mtshan drug go /de lta bu'i ngo bo khro bo'i rgyal po ya man ta ka'i sku phyag rgya skyed ma thag tu skyed par mdzad mkhan rnam par snang mdzad kyi sku phyag rgya/ khro bo'i rgyal po ya man ta ka'i sku phyag rgya spyi bor dbang bskur ba'i tshul du bsgom mo/ /de ltar sangs rgyas gzugs ni rab bsgoms la/ gshin rje gshed mchog bsgom par bya ba'i don du gsungs so/ /me stag mang po 'bar ba 'phro/ /khros pa'i 'jigs pa'i dkyil 'khor 'khrug /spyan dmar mche ba rab tu brtsigs/ /phyag na ral gri bsnams pa bsgom/ /zhes bya ba'i don bshad par bya ste/ ci ltar yin na me stag mang po 'bar ba 'phro ni/ mdun du smos pa'i gshin rje gshed kyi sku phyag rgya'i kun nas chos kyi dbyings kyi ngo bo me stag stug po sprin bzhin du 'phro bar sgrub pa pos bsam mo/ /bshad par bya ste me stag las 'bar ba'i 'od kyi ngo bor gyur pas/ gshin rje gshed kyi sku phyag rgya 'bar bar smos so/ /de ltar me stag mang po 'bar ba 'phro ba'i don du gsungs so/ /khros pas 'jigs pa'i dkyil 'khor 'khrugs zhes pa ni sgrub pa pos tshul ji ltar smos par rab tu khros te gshin rje gshed kyi sku phyag rgyar bsgom pa'i dus su sems can thams cad 'chi bas 'jigs par byed pa'i 'chi bdag gi bdud gshin rje 'khor dang bcas pa la 'jigs pa'i dkyil 'khor du ming btags pa de 'khrug par 'gyur bar smos so/ /de ltar khros pas 'jigs

  281. 141a

    pa'i dkyil 'khor 'khrug gi don du gsungs so/ /spyan dmar mche ba rab tu gtsigs zhes pa ni gshin rje gshed kyi zhal gsum gyi spyan dmar ba'o/ /mche ba'i phreng ba rno la ring ba bsnol ba'i tshul du smos so/ / de ltar spyan dmar mche ba rab tu gtsigs kyi don du gsungs so/ /da ni phyag mtshan phun sum tshogs par bstan par bya ste/ phyag na ral gri bsnams par bsgom zhes pa na phyag g.yas dang po na rdo rje ral gri rdeg pa'i stabs su 'dzin/ bar ma na rdo rje tho ba/ tha ma na rdo rje gtun shing/ g.yon dang po na rdo rje dril bu bar ma na rdo rje dgra sta/ tha ma na rdo rje zhags pa sdigs mdzub la dkris pa/ thugs kar bzhag pa'o/ de ltar phyag na ral gri bsnams pa'i sgom pa'i don du gsungs so/ /snang mdzad dbu rgyan la sgoms la/ /rdo rje can ni dgyes par 'gyur/ /'di ni khro bo thams cad kyi/ /dam tshig ye shes rdo rje can/ /zhes bya ba'i don bshad par bya ste/ ci ltar yin na snang mdzad dbu rgyan la sgoms la/ gong du bshad pas 'dir bstan mi dgos so/ /rdo rje can gyi dgyes par 'gyur zhes pa ni/ khro bo'i rgyal po'i ya man ta ka'i sku phyag rgya skyed par mdzad mkhan nyid kyi rigs kyi bdag po rnam par snang mdzad kyi sku phyag rgya tshul ji ltar smos par spyi bo la gnas su dbu rgyan du bsgrub pa pos bsgom par bya'o/ /de sgoms pa'i yon tan gyis rdo rje can du ming bstan pa ston pa mi bskyod pa mnyes par 'gyur ro/ /bshad par bya ste/ sgrub pa pos rdo rje can de mnyes par 'gyur ba'i dus su 'chi bdag gi bdud bcom par 'gyur/ /gzhan yang chos kyi dbyings kyi ye shes dang gnyis su med pa'i bla na med pa'i byang chub kyi 'bras bu thob bo/ /de ltar rdo rje can gyi dgyes par 'gyur ba'i don du gsungs so/ /'di ni khro bo thams cad kyi dam tshig rdo rje ye shes can zhes

  282. 141b

    pa ni/ ya man ta ka la sogs pa khro bo rgyal po thams cad kyi spyi bor so sor skyed par mdzad mkhan rigs kyi bdag pos dbang bskur ba'i tshul du sgom par bya ba de rdo rje'i ting nge 'dzin gyi dam tshig tu smos so/ /gzhan yang ye shes rdo rje can du ming btags pa thugs kyi dkyil 'khor dang/ sku'i dkyil 'khor dang/ gsung gi dkyil 'khor gsum gyi 'khor ci ltar smos pa de dag thams cad kyi spyi bo la so so rigs kyi bdag po skyed par mdzad mkhan dbang bskur ba'i tshul du bsgom pa de yang ting nge 'dzin gyi dam tshig tu smos so/ /mdor bsdu ba de ltar 'dir ni khro bo thams cad kyi/ dam tshig rdo rje ye shes can gyi don du gsungs so/ /gshin rje gshed kyi 'phro ba bkod pa zhes bya ba'i ting nge 'dzin to/ /zhes bya ba ni mdun du smos pa'i khro bo'i rgyal po'o/ /'phro ba bkod pa zhes bya ba ni/ bsgrub pa pos tshul ji ltar smos pa'i khro bo'i rgyal po gshin rje gshed kyi sku phyag rgya sgoms pa'i dus su ba spu'i bu ga'i lam gyi sgo nas/ khro bo'i rgyal po nyid kyi sku phyag rgya cha lugs smos pa lta bu dang ldan pa'i ya man ta ka'i sku phyag rgya grangs med pa'i sprin gyi bkod pa spro ba dang bsdu ba'i tshul gyi chog bsam mo/ /don des spro ba'i bkod par smos so/ /ting nge 'dzin zhes pa ni sgrub pa pos tshul ji ltar smos pa'i khro bo'i rgyal po ya man ta ka'i sku phyag rgya bsgoms par bya ba'i don te ting nge 'dzin du smos so/ /khro bo'i rgyal po ya man ta ka'i sku phyag rgya bskyed pa'i 'og tu da ni khro bo'i rgyal po gzhan gyis mi thub pa'i sku phyag rgya bskyed par byed pa'i cho ga'i don bstan par bya ste/ nam mkha' i rdo rje'i dbus su nyi ma'i dkyil 'khor dam pa bsam/ sangs rgyas gzugs ni rab bsgoms la/ /gzhan gyis mi thub bsgom par bya/ /zhes bya ba'i don bshad par bya ste/ ci ltar yin na/ nam mkha' i rdo rje ni bye brag rnam pa gsum

  283. 142a

    du bstan par bya ste/ phyi dang nang dang gsang ba'o/ /de la phyi ni mdun du ji ltar smos pa de bzhin du 'dir sbyar ro/ /nang gi nam mkha' ni sgrub pa pos rdo rje mi bskyod pa'i sku phyag rgyar gyur par byas nas/ de dang gnyis su med pa'i thugs ka'i stong pa nam mkha' i ngo bo yin no/ /gsang ba'i nam mkha' ni rdo rje rigs kyi bye brag gi khrus mkhan gyi rigs kyi bu mo mdun du smos pa'i mtshan dang yon tan dang ldan pa blang ngo/ /de'i b+ha ga'i nang gi gnas stong pa nam mkha' bzhin du bsam mo// de ltar nam mkha' i rdo rje'i don du gsungs so/ /dbus su nyi ma'i dkyil 'khor dam pa bsam ni/ sgrub pa pos dang po rdo rje mi bskyod pa'i phyi'i gnas kyi tshul ji ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su smos pa'i cho ga bzhi'i tshul gyis/ rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa de bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo ci ltar smos pa'i mtshan dang yon tan dang ldan pa blang ngo/ /shes rab de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos thugs rje chen pos zhe sdang gi sems dga' bas gnyis su med par 'khyud pa'i sbyor bas thabs dang shes rab rol pa byas nas/ bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur to/ /de'i steng du sngags sa bon yig 'bru hUM

  284. 142b

    bsam mo/ /de kha dog dmar po cung zad ser ba ye shes lnga dang gnyis su med pa'i ngo bo gzi brjid chen po 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon de las nyi ma'i dkyil 'khor kha dog dmar po cung zad ser bar gyur to/ /de gzi brjid chen po 'bar ba'i tshogs kyis 'bar ba/ de srin po thams cad skrag par byed pa'i don gyis gdon thams cad kyi don nad na dam par smos so/ /de ltar dbus su ni nyi ma'i dkyil 'khor dam pa bsam gyi don du gsungs so/ /sangs rgyas gzugs ni rab bsgoms la/ gzhan gyis mi thub bsgom par bya zhes pa ni/ bsgrub pa pos mdun du smos pa'i tshul du thabs dang shes rab rol pa byas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus kyi gdan nyi ma'i dkyil 'khor gyi steng gi dbus su byang chub kyi sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ / de kha dog dkar po me long lta bu'i ye shes kyi ngo bos gzi brjid chen pos 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon de las brgya byin dang tshangs pa dang khyab 'jug dang dbang phyug chen po la sogs pa lha dang mi thams cad kyi phas kyi rgol ba 'joms par mdzad pa'i don gyis gzhan gyis mi thub par smos so/ /de'i sku phyag rgya bskyed par bya'o/ /de khro mo'i rgyal mo gzhan gyis mi thub pa dang gnyis su med par 'khyud pa'i sbyor ba dang ldan pa'o/ /sku mdog sprin dkar po lta bu zhal gsum pa/ zhal dbus ma sku dang mdun/ g.yas nag po g.yon dkar ba/ ral pa gyen du rdzes pa/ rab tu 'bar ba/ sku che ba smin ma bskyod pa/ spyan dmar ba/

  285. 143a

    khro bo'i rgyan thams cad kyis brgyan pa phyag drug phyag mtshan drug go /de lta bu'i ngo bo khro bo rgyal po gzhan gyis mi thub pa'i sku phyag rgya bskyed ma thag tu bskyed par mdzad mkhan rdo rje mi bskyod pa'i sku phyag rgya/ khro bo'i rgyal po gzhan gyis mi thub pa'i sku phyag rgya'i spyi bo la dbang bskur ba'i tshul du bsgom par bya'o/ /de ltar sangs rgyas gzugs ni rab bsgoms la/ gzhan gyis mi thub bsgom par bya'i don du gsungs so/ /me stag stug po'i 'od 'bar can/ / sbrul gyis brgyan cing ska rags byas/ /rdo rje dgrad pa 'jigs 'jigs ltar/ /sku mdog dkar po rab tu bsgom/ zhes bya ba'i don bshad par bya ste/ ci ltar yin na me stag stug po 'od 'bar can ni mdun du smos pa'i gzhan gyis mi thub pa'i sku phyag rgya'i kun nas me long lta bu'i ye shes kyi ngo bo me stag stug po sprin bzhin du 'phro bar bsgrub pa pos bsam mo/ /bshad par bya ste/ me stag 'bar ba'i 'od kyi ngo bor gyur nas gzhan gyis mi thub pa'i sku phyag rgya 'bar ba smos so/ / de ltar me stag stug po 'od 'bar can gyi don du gsungs so/ /sbrul gyis brgyan cing ska rags byas zhes pa ni/ mdun du smos pa'i khro bo'i rgyal po gzhan gyis mi thub pa'i rgyan gyi ngo bo ska rags sbrul nag pos byas pa'o/ /yang na klu'i rgyal po ba su gis byas kyang mi 'gal lo/ /de ltar sbrul gyis brgyan cing ska rags byas kyin don du gsungs so/ /rdo rje dgrad pa 'jigs 'jigs lta zhes pa ni/ khro bo'i rgyal po gzhan gyis mi thub pa'i zhal gsum ga zlum po mche ba'i phreng ba dang bcas pa'o/ /rdo rje 'jigs pa zhes pa ni rdo rje ni me long lta bu'i ye shes te/ de dang gnyis su med pa'i ngo bor khro bo'i rgyal po gzhan gyis mi thub pa bstan to/ /'jigs pa ni sku phyag rgya shin tu 'jigs par smos so/ /de ltar rdo rje 'jigs pa'i don du

  286. 143b

    gsungs so/ /sku mdog dkar po rab tu bsgom zhes pa ni/ gong du bstan pas 'dir bshad mi dgos so/ /da ni phyag mtshan phun sum tshogs pa bstan par bya ste/ phyag g.yas dang po na khro bo'i rdo rje rtse dgu 'dzin/ bar ma na rdo rje dbyug pa/ tha ma na rdo rje ral gri'o/ /g.yon dang po na rdo rje dril bu 'gying bag du dkur brten pa/ bar ma na rdo rje dgra ste/ tha ma na rdo rje zhags pa sdig mdzub la dkris pa thugs kar bzhag pa'o/ /de ltar sku mdog dkar po rab tu bsgom gyi don du gsungs so/ /mi bskyod dam tshig dbu rgyan la/ bsgoms na rdo rje can dag mnyes/ /'di ni khro bo thams cad kyi/ /dam tshig ye shes blo can gyi zhes pa'i don bshad par bya ste/ ci ltar yin na mi bskyod dam tshig dbu rgyan la/ bsgoms na'i don du bstan pas 'dir bshad mi dgos so/ /rdo rje can dag mnyes zhes pa ni khro bo'i rgyal po gzhan gyis mi thub pa'i sku phyag rgya bskyed par mdzad mkhan nyid kyi rigs kyi bdag po rdo rje mi bskyod pa'i sku phyag rgyas dngos grub thams cad kyi mchog 'bras bu smin par smos so/ /de ci ltar smos pa'i tshul du spyi bor dbu rgyan du bsgrub pa pos bsgom par bya'o/ /de bsgom par bya ba'i yon tan gyis rdo rje can du ming btags pa/ ston pa byang chub kyi sems rdo rje mnyes so/ /bshad par bya ste/ rdo rje can de mnyes pa'i dus su sgrub pa pos brgya byin dang tshangs pa dang/ khyab 'jug dang dbang phyug chen po la sogs pa lha dang mi thams cad kyis phas kyis rgol ba thams cad 'joms par 'gyur ro/ /gzhan yang me long lta bu'i ye shes dang gnyis su med pa'i bla na med pa'i byang chub kyi 'bras bu thob po/ /de ltar rdo rje can dag mnyes pa'i don du gsungs so/ /'di ni khro bo thams cad kyi dam tshig ye shes blo can zhes pa ni/ gzhan gyis mi thub pa la sogs pa khro bo thams cad kyi/ nyid nyid kyi

  287. 144a

    rigs kyi bdag po bskyed par mdzad mkhan spyi bo la dbang bskur ba'i tshul du bsgom par bya ste/ de ni mdun du smos pa'i tshul gyis ting nge 'dzin gyi dam tshig tu ming smos so/ /gzhan yang ye shes kyi blo can du ming btags pa 'jam dpal dang byams pa dang/ phyag na rdo rje la sogs pa byang chub sems dpa' thams cad ni/ ye nas rig pa thams cad mkhyen pa'i don gyi ye shes kyi blo can du smos pa de dag thams cad spyi bor nyid kyi rigs kyi bdag po skyed par mdzad mkhan dbang bskur ba'i tshul du bsgom par bya ste /de yang ting nge 'dzin gyi dam tshig tu ming smos so/ /mdor bsdu ba de ltar 'di ni khro bo thams cad kyi/ dam tshig ye shes blo can gyi don du gsungs so/ /gzhan gyis mi thub pa spro ba bkod pa zhes bya ba'i ting nge 'dzin to/ / gzhan gyis mi thub pa ni gong du smos pa'i khro bo'i rgyal po'o/ /spro ba'i bkod pa zhes pa ni/ sgrub pa pos ci ltar smos pa'i tshul gyi khro bo'i rgyal po gzhan gyis mi thub pa'i sku phyag rgyar bsgom pa'i dus su ba spu'i bu ga'i lam gyi sgo nas khro bo'i rgyal po nyid kyi sku phyag rgya'i cha lugs phun sum tshogs pa'i ci ltar smos pa de lta bu dang ldan pa'i khro bo'i rgyal po gzhan gyis mi thub pa'i sku phyag rgya grangs med pa'i sprin bkod pa spro ba dang bsdu ba'i tshul gyi cho ga bsam mo/ /don des spro ba bkod par smos so/ /ting nge 'dzin zhes pa ni sgrub pa pos ci ltar smos pa'i tshul gyi khro bo'i rgyal po gzhan gyis mi thub pa'i sku phyag rgyar bsgom par bya ba'i don to/ /ting nge 'dzin gyi don de smos so/ /khro bo'i rgyal po gzhan gyis mi thub pa'i sku phyag rgya bskyed pa'i 'og tu/ da ni khro bo'i rgyal po ha yaM grI ba'i sku phyag rgyar bskyed par bya ba'i cho ga'i don bstan par bya ste/ nam mkha' i rdo rje dbus su ni nyi ma'i dkyil 'khor dam pa bsam/ sangs rgyas gzugs ni rab bsgoms la/ rdo rje'i rta ni bsgom par bya/ zhes bya ba'i don bstan par

  288. 144b

    bya ste/ ci ltar yin na nam mkha' i rdo rje ni bye brag rnam pa gsum du bstan par bya ste/ phyi dang nang dang gsang ba'o/ /de la phyi ni mdun du ci ltar smos pa de bzhin du 'dir sbyar ro/ /nang gi nam mkha' ni sgrub pa pos snang ba mdza' yas kyi sku phyag rgyar gyur par byas nas de dang gnyis su med pa'i thugs ka'i stong pa'i nam mkha' i ngo bo yin no/ /gsang ba'i nam mkha' ni gsung gi rigs kyi bye brag gi gar mkhan gyi rigs kyi bu mo mdun du smos pa'i mtshan dang yon tan dang ldan pa blang ngo/ /de'i b+ha ga'i nang gi gnas nam mkha' bzhin du bsam mo/ /de ltar nam mkha' rdo rje'i don du gsungs so/ /dbus su nyi ma'i dkyil 'khor dam pa bsam zhes pa ni/ sgrub pa pos dang po snang ba mdza' yas kyi phyi'i gnas kyi tshul ji ltar smos pa dang ldan pa'i gnas su phyi stan bde ba 'jam pa la 'dug go / de'i dus su mdun du smos pa cho ga bzhi'i tshul gyis snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de la cha lugs phun sum tshogs pa thams cad mdun du ji ltar smos pa bzhin du 'di sbyar ro/ /de lta bu'i ngo bo snang ba mdza' yas kyi sku phyag rgyar bskyed ma thag tu de dang gnyis su med pa'i nga rgyal du bsgom par bya'o/ /de'i dus su gsung gi rigs kyi bye brag gi gar mkhan gyi rigs kyi bu mo ji ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos thugs rje chen po zhe sdang gi sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du zhu nas rgya mtsho dang mnyam par gyur par bsam mo/ /

  289. 145a

    de'i steng du sngags sa bon yig 'bru hUM bsam mo/ /de kha dog dmar po cung zad ser ba/ ye shes lnga dang gnyis su med pa'i ngo bo gzi brjid chen po 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur to/ /sa bon de las gdan nyi ma'i dkyil 'khor kha dog dmar po cung zad ser bar gyur to/ /de 'bar ba chen po'i tshogs 'bar ba'o/ /des lha'i bu ka ma de ba la sogs pa grangs ma rungs pa thams cad sreg par byed pa'i don gyi dam par smos so/ /de ltar dbus su ni nyi ma'i dkyil 'khor dam pa bsam gyi don du gsungs so/ /sangs rgyas gzugs ni rab bsgoms la/ rdo rje rta ni bsgom par bya zhes pa ni/ sgrub pa pos mdun du smos pa'i tshul du thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus kyi gdan nyi ma'i dkyil 'khor gyi steng gi dbus su byang chub sems char gyi rgyun bzhin du 'od du zhu nas/ de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog dmar po so sor rtog pa'i ye shes kyi ngo bo gzi brjid chen pos 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur to/ /sa bon de las rdo rje ltar ming btags pa so sor rtog pa'i ye shes kyi ngo bo ma rungs pa thams cad 'joms par mdzad pa/ khro bo'i rgyal po ha yaM gri ba'i sku phyag rgyar bskyed par bya'o/ / de khro mo'i rgyal mo khro gnyer ma dang gnyis su med par 'khyud pa'i sbyor ba dang ldan pa'o/ /sku mdog ban du ka'i me tog ltar dmar ba zhal gsum pa/ zhal dbus ma sku dang mthun/ g.yas gnag pa/ g.yon dkar ba/ ral pa gyen du

  290. 145b

    rdzes pa/ rab tu 'bar ba/ klu'i rgyal po ku li kas bcings pa/ gzhan yang klu'i rgyal po rnams kyis brgyan ni le'u bzhi pa'i thugs kyi dkyil 'khor gyi dus su ci ltar smos pa de bzhin du sbyar ro/ /sku che ba 'jigs pa chen po zhal gsum ga'i smin ma'i khro gnyer yang dang yang du bskyod par mdzad/ phyag drug phyag mtshan drug go /phyag g.yas dang po na pad+ma dmar po 'dab ma mdza' yas pa rdeg pa'i tshul du 'dzin/ g.yas bar ma na rdo rje ral gri /tha ma na rdo rje gtun shing rdung ba'i tshul/ g.yon dang po na rdo rje dril bu/ bar ma na rdo rje dgra sta/ tha ma na rdo rje zhags pa/ sdig mdzub la dkris pa/ thugs kar gzhag pa'o/ /de lta bu'i ngo bo khro bo'i rgyal po ha yaM grI ba'i sku phyag rgya bskyed ma thag tu bskyed par mdzad mkhan snang ba mdza' yas kyi sku phyag rgya/ khro bo'i rgyal po ha yaM grI pa'i spyi bor dbang bskur ba'i tshul du bsgom par bya'o/ /de ltar sangs rgyas gzugs ni rab bsgoms la/ rdo rje rta'i bsgom par bya ba'i don du gsungs so/ /khros nas me stag mang po dag phyogs kun du ni rnam par 'phro/ /gdug pa thams cad zhabs kyis mnan/ /sku mdog dmar po rnam par bsgom/ /zhes bya ba'i don bshad par bya ste/ ci ltar yin na khros nas me stag mang po dag ni mdun du smos pa'i ha yaM gri pa'i sku phyag rgya'i kun nas so sor rtog pa'i ye shes kyi ngo bo sprin bzhin du spro bar sgrub pa pos bsam mo/ /bshad par bya ste/ me stag las bskal pa'i me 'bar ba'i 'od kyi ngo bor gyur par bsam mo/ /don des ha yaM grI ba'i sku phyag rgya la khros par smos so/ /de ltar khros nas me stag mang po'i don du gsungs so/ /phyogs kun tu ni rnam par 'phro/ zhes bya ba'i tshul ji ltar smos pa'i 'bar ba'i 'od du gyur pa de'i gnas so sor rtog pa'i ye shes kyi ngo bo me stag gi dra ba grangs med pa'i lha'i bu ka ma de ba la sogs pa

  291. 146a

    ma rungs pa thams cad sreg pa'i phyir phyogs bcu kun tu 'phro bar bsgrub pa pos bsam mo/ /de ltar phyogs kun tu ni rnam par 'phro ba'i don du gsungs so/ /gdug pa thams cad zhabs kyis mnan zhes pa ni/ zhabs g.yas brkyang pas lha'i bu ka ma de ba gnon no/ /g.yon gyis ka ma de ba'i chung ma'i nu ma'i bar du gnon no/ /stan par bya ste/ lha'i bu ka ma deb chung ma dang bcas pa ci ltar mnan pa de bzhin du bdud dang bgegs ma rungs pa thams cad gnon par mdzad par smos so/ /de ltar gdug ba thams cad zhabs kyi mnan gyi don du gsungs so/ /sku mdog dmar po rnam par sgom zhes pa'i don ni mdun du bshad do/ /dpag med sangs rgyas dbu rgyan la/ /bsgoms na rdo rje can dag mnyes/ /'di ni khro bo thams cad kyi/ /rdo rje 'dzin pa'i dam tshig yin/ /zhes bya ba'i don bshad par bya ste/ ci ltar yin na dpag med sangs rgyas dbu rgyan la bsgoms na zhes bya ba'i don ni mdun du bshad zin to/ /rdo rje can dag mnyes zhes pa ni khro bo rgyal po ha yaM grI ba'i sku phyag rgya bskyed par mdzad mkhan nyid kyi rigs kyi bdag po snang ba mdza' yas kyi sku phyag rgya lha'i bu ka ma de ba la sogs pa bdud dang nyon mongs pa thams cad pham par mdzad pas rdzogs pa'i sangs rgyas su smos pa de/ tshul ji ltar smos par spyi bo la dbu rgyan du bsgrub pa pos bsgom par bya'o/ /de bsgoms pa'i yon tan gyis rdo rje can du ming btags pa ston pa mi bskyod pa mnyes par 'gyur ro/ /bshad par bya ste/ rdo rje can de mnyes par 'gyur ba'i dus su sgrub pa pos lha'i bu'i bdud ka ma de ba la sogs pa bgegs ma rungs pa thams cad 'joms par 'gyur ro/ /gzhan yang so sor rtog pa'i ye shes dang gnyis su med pa'i bla na med pa'i byang chub kyi 'bras bu thob bo/ /de ltar rdo rje can dag mnyes

  292. 146b

    ba'i don du gsungs so/ /'di ni khro bo thams cad kyi rdo rje 'dzin pa'i dam tshig yin zhes pa ni/ ha yaM grI ba la sogs pa khro bo thams cad kyi nyid nyid kyi rigs kyi bdag po bskyed tpar mdzad mkhan spyi bor dbang bskur ba'i tshul du bsgom par bya ba de ni mdun du smos pa'i ting nge 'dzin gyi dam tshig tu ming btags pa yin no/ /gzhan yang rdo rje can ming btags pa sku rdo rje rnam par snang mdzad dang/ gsung snang ba mdza' yas la sogs pa de bzhin gshegs pa thams cad ni sku dang gsung dang thugs rdo rje gsum du gnyis su med pa'i ngo bo'i sku phyag rgya 'dzin pas don des rdo rje 'dzin par smos so/ /de dag thams cad dang gnyis su med pa'i ngo bo rdo rje mi bskyod pa'i sku phyag rgya spyi bor dbang bskur ba'i tshul du sgom par bya ba de yang ting nge 'dzin gyi dam tshig tu smos so/ mdor bsdu ba de ltar 'di ni khro bo thams cad kyi/ rdo rje 'dzin pa'i dam tshig yin gyi don du gsungs so/ /rta 'byung ba bskyed pa zhes bya ba'i ting nge 'dzin to/ /zhes bya ba ni rta 'byung ba skyed pa ni mdun du smos pa'i tshul gyi khro bo'i rgyal po'o/ / bskyed par 'byung ba ni/ sgrub pa pos snang ba mdza' yas dang gnyis su med pa'i nga rgyal du bsgoms pas so sor rtog pa'i ye shes kyi ngo bo kro da skyed par bya'o/ /don des skyed par 'byung bar smos so/ /bkod pa zhes pa ni/ tshul ji ltar smos pa'i khro bo'i rgyal po ha yaM grI ba'i sku phyag rgya bsgom par bya ba'i dus su ba spu'i bu ga'i lam gyi sgo nas khro bo'i rgyal po nyid kyi sku phyag rgya'i cha lugs phun sum tshogs pa ji ltar smos pa de lta bu dang ldan pa'i khro bo'i rgyal po ha yaM grI ba'i sku phyag rgya grangs med pa'i sprin gyi bkod pa spro ba dang bsdu ba'i cho ga bsam mo/ /don des bkod par smos so/ /ting nge 'dzin zhes pa ni sgrub pa pos ji ltar smos pa'i khro bo'i rgyal po ha yaM grI ba'i sku phyag rgyar bsgom par bya ba'i don des ting nge 'dzin du smos so/ /

  293. 147a

    khro bo'i rgyal po ha yaM grI ba'i sku phyag rgya bskyed pa'i 'og tu da ni khro bo'i rgyal po rdo rje bdud rtsi'i sku phyag rgya bskyed par bya ba'i cho ga'i don bstan par bya ste/ nam mkha' i rdo rje'i dbus su ni/ /nyi ma'i dkyil 'khor dam pa bsam/ / sangs rgyas gzugs ni rab bsgoms la/ /rdo rje bdud rtsi bsgom par bya/ /zhes bya ba bshad par bya ste/ ci ltar yin nam mkha' i rdo rje ni bye brag rnam pa gsum du bstan par bya ste/ phyi dang nang dang gsang ba'o/ /de la phyi ni mdun du ji ltar smos pa bzhin du 'dir sbyar ro/ /des nang gi nam mkha' ni sgrub pa pos rdo rje mi bskyod pa'i sku phyag rgyar gyur par byas nas/ /de dang gnyis su med pa'i thugs kyi stong pa nam mkha' i ngo bo yin no/ /gsang ba'i nam mkha' ni rdo rje rigs kyi bye brag gi khrus mkhan gyi rigs kyi bu mo mdun du smos pa'i mtshan dang yon tan gyi ngo bo dang ldan pa blang ngo/ /de'i b+ha ga'i gnas nang gi nam mkha' i bzhin du bsam mo/ /nam mkha' rdo rje'i don du gsungs so/ /dbus su ni nyi ma'i dkyil 'khor dam pa bsam zhes pa ni/ sgrub pa pos dang po rdo rje mi bskyod pa'i phyi'i gnas kyi tshul ji ltar smos pa dang ldan pa'i gnas su/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgya gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa bzhin 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo ci lta smos pa'i mtshan dang yon tan dang ldan pa blang ngo/ /shes rab ma de ye shes kyi lha mo ma ma ki dang gnyis su med pa'i

  294. 147b

    ngo bor byin gyis brlab par bya'o/ /de'i 'og tu bsgrub pa pos thugs rje chen po'i zhe sdang gi sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub kyi sems char gyi rgyun bzhin du 'od du zhu nas de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog dmar po cung zad ser ba'i ye shes lnga dang gnyis su med pa'i ngo bo gzi brjid chen po'i 'bar zhing 'od du zhu nas ye shes kyi khu ba bzhin du byang chub sems rgya mtsho la gnyis su med par thim par 'gyur ro/ /sa bon de las gdan nyi ma'i dkyil 'khor kha dog dmar po cung zad ser bar gyur to/ /de 'bar ba chen po'i tshogs kyi 'bar ba'o/ /des phung po'i bdud ba'i na ya ka la sogs pa bgegs thams cad bsreg par byed de/ don des nyi ma'i dkyil 'khor dam par smos so/ /de ltar dbus su ni nyi ma'i dkyil 'khor dam pa'i don du gsungs so/ /sangs rgyas gzugs ni rab bsgoms la/ rdo rje bdud rtsi bsgom par bya zhes pa ni/ sgrub pa pos mdun du smos pa'i tshul du thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus kyi gdan nyi ma'i dkyil 'khor gyi dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /kha dog dmar po me long lta bu'i ye shes kyi ngo bo ye shes chen po'i gzi brjid chen pos 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur te/ /sa bon de las rdo rje bdud rtsir ming btags pa khro bo'i rgyal po big nan ta krI sku phyag rgya bskyed par bya'o/ /de khro mo'i rgyal mo ral pa gcig ma

  295. 148a

    dang gnyis su med par 'khyud pa'i sbyor ba dang ldan pa'o/ /sku mdog sprin nag po lta bu zhal gsum pa/ zhal dbus ma sku dang mthun/ g.yas dmar ba/ g.yon dkar ba/ ral pa gyen du rdzes pa rab tu 'bar ba gdengs pa'i tshul/ spyan ni mi sdug par gzigs pa/ smin ma'i khro gnyer yang dang yang du bskyod pa/ gad mo gzhad pa/ khro bo'i rgyan thams cad kyis brgyan pa/ phyag drug phyag mtshan drug go /phyag g.yas dang po na rdo rje rgya gram/ bar ma na rdo rje ral gri /tha ma na rdo rje gtun shing rdung ba'i tshul/ g.yon dang po na rdo rje dril bu/ bar ma na rdo rje dgra sta/ tha ma na rdo rje zhags pa sdigs mdzub la dkris pa/ thugs kar bzhag pa/ de lta bu'i ngo bo khro bo'i rgyal po rdo rje bdud rtsi'i sku phyag rgya skyed ma thag tu/ skyed par mdzad mkhan rdo rje mi bskyod pa'i sku phyag rgya khro bo'i rgyal po rdo rje bdud rtsi'i sku phyag rgya'i spyi bo la dbang bskur bar bsam mo/ /de ltar sangs rgyas gzugs ni rab sgoms la/ rdo rje bdud rtsi bsgom par bya ba'i don du gsungs so/ /'bar ba'i me stag mang po phro/ rdo rje sprin ni kun tu 'khrug /khro bo khros pa'i zhe sdang can/ /gnag la ces pa rnon po bsgom/ /zhes bya ba'i don bshad par bya ste/ ci ltar yin na/ 'bar ba'i me stag mang po 'phro ni/ mdun du smos pa'i rdo rje bdud rtsi'i sku phyag rgya'i kun nas me long lta bu'i ye shes kyi ngo bo me stag stug po sprin bzhin du bsgrub pa pos spro bar bya ste/ de spros pas bskal pa me bzhin du rab tu 'bar bsam mo/ /de ltar 'bar ba'i me stag mang po 'phro ba'i don du gsungs so/ /rdo rje sprin ni kun tu 'khrug ces pa ni/ sgrub pa pos khro bo'i rgyal po rdo rje bdud rtsi bsgom pa'i dus su/ sku phyag rgya'i gnas kun nas rdo rje'i ming btags pa/ rdo rje mi bskyod pa'i sku phyag rgya tshad til gyi 'bru dang mnyam pa/ ba spu bu ga'i lam nas sprin bzhin du spro

  296. 148b

    bar bya'o/ /de'i cha lugs phun sum tshogs pa ni mdun du smos pa dang ldan pa'o/ /de lta bu'i ngo bo rdo rje mi bskyod pa'i sku phyag rgya spros ma thag tu sgrub pa pos rang gi lus la 'khrug par bsam mo/ /mdor bsdus pa de ltar rdo rje sprin ni kun tu 'khrug gi na don du gsungs so/ /khro bo khros pa'i zhe sdang can zhes pa ni/ khro bo'i rgyal po rdo rje bdud rtsi'i sku phyag rgya tshul ji ltar smos pa'i bskal pa'i me bzhin du rab tu 'bar ba'i don des khros pa'i zhe sdang can du smos so/ /nag po zhes pa ni gong du smos pa'i sku mdog go /mche ba rnon po bsgom zhes pa ni/ bsgrub pa pos khro bo'i rgyal po rdo rje bdud rtsi bsgom pa'i dus su mche ba'i phreng ba rno ba ring ba dmar ba rab tu bsgom mo/ /de ltar gnag la mche ba rno ba'i don du gsungs so/ /mi bskyod dam tshig dbu rgyan la/ /sgoms na khro bo 'dzin pa mnyes/ /'di ni khro bo thams cad kyi dam tshig ye shes rdo rje can zhes bya ba'i don bshad par bya ste/ ci ltar yin na mi bskyod dam tshig dbu rgyan la/ bsgoms na'i don du bshad zin no/ khro bo 'dzin pa mnyes zhes pa ni/ ci ltar smos pa'i tshul du sgrub pa pos bsgoms pa'i khro bo'i rgyal po bcu zhe sdang rdo rje'i sku phyag rgyas gnyis su med par 'dzin to/ /don des khro bo'i 'dzin du smos so/ /de mnyes so/ /bshad par bya ste/ khro bo 'dzin du ming btags pa zhe sdang rdo rje mnyes pa'i dus su sgrub pa pos phung po'i bdud bgegs kyi rgyal po bi na ya ka 'khor dang bcas pa choms par 'gyur ro/ /gzhan yang me long lta bu'i ye shes dang gnyis su med pa bla na med pa'i byang chub kyi 'bras bu thob po/ /de ltar khro bo 'dzin ma mnyes pa'i don du gsungs so/ /'di ni khro bo thams cad kyi dam tshig ye shes rdo rje can zhes pa ni/ rdo rje bdud rtsi la sogs pa khro bo kun dgyes par mdzad mkhan nyid nyid kyi rigs kyi bdag

  297. 149a

    po spyi bo la dbang bskur ba'i tshul du bsgom par bya'o/ /de mdun du smos pa'i tshul gyi ting nge 'dzin gyi dam tshig tu ming smos so/ /gzhan yang ye shes rdo rje can du ming btags pa/ sa'i snying po dang phyag na rdo rje dang/ 'jig rten dbang phyug la sogs pa byang chub sems dpa' thams cad nyid nyid kyi rigs kyi ye shes dang/ gnyis su med pa'i sku phyag rgya'i ngo bo yin te/ don des ye shes rdo rje can du smos so/ /de dag thams cad kyi spyi bor nyid nyid kyi rigs kyi bdag po bskyed par mdzad mkhan gyi sku phyag rgya dbang bskur ba'i tshul du bsgoms par bya ba de ting nge 'dzin gyi dam tshig tu ming smos so/ /mdor bsdu ba de ltar 'di ni khro bo thams cad kyi dam tshig ye shes kyi can gyi don du gsungs so/ / bdud rtsi dam tshig bkod pa zhes bya ba'i ting nge 'dzin to/ /zhes bya ba'i ni bdud rtsi ni mdun du smos pa'i khro bo'i rgyal po'o/ /dam tshig ces pa ni sgrub pa pos rdo rje mi bskyod pa dang gnyis su med par bsgoms nas thabs dang shes rab rol pa byas pa'i dam tshig las khro bo'i rgyal po rdo rje bdud rtsi'i sku phyag rgya bskyed pa'o/ /bkod pa zhes pa ni/ ji ltar smos par khro bo'i rgyal po rdo rje bdud rtsi sku phyag rgya bsgom pa'i dus su/ ba spu'i bu ga'i lam nas khro bo'i rgyal po nyid kyi sku phyag rgya'i cha lugs phun sum tshogs pa ji ltar smos pa de lta bu dang ldan pa'i khro ba'i rgyal po rdo rje bdud rtsi'i sku phyag rgya grangs med pa'i sprin gyi bkod pa sprol? dang bsdu ba'i cho ga bstan pa'o/ /don nges bkod par smos so/ /ting nge 'dzin zhes pa ni/ sgrub pa pos ji ltar smos pa'i tshul du khro bo'i rgyal po rdo rje bdud rtsi'i sku phyag rgya bsgom par bya ba'i don de ting nge 'dzin du smos so/ /khro bo'i rgyal po rdo rje bdud rtsi'i sku phyag rgya bskyed pa'i 'og tu/ da ni khro bo'i rgyal po Tak+ki rA dza'i sku phyag rgya bskyed

  298. 149b

    par bya ba'i cho ga'i don bstan par bya ste/ nam mkha' i rdo rje'i dbus su ni/ /nyi ma'i dkyil 'khor dam par bsam/ /sangs rgyas gzugs ni rab bsgoms la/ /'dod pa'i rgyal po rab bsgoms pa/ /zhes bya ba'i don bshad par bya ste/ ci ltar yin na/ nam mkha' rdo rje ni bye brag rnam pa gsum du bstan par bya ste/ phyi dang nang dang gsang ba'o/ /de'i don ni ji ltar khro bo'i rgyal po rdo rje bdud rtsi'i sku phyag rgya bsgom pa'i dus su/ smos pa bzhin du bstan to/ /dbus su nyi ma'i dkyil 'khor dam pa bsam zhes pa ni/ sgrub pa pos dang po rdo rje mi bskyod pa'i phyi'i gnas kyi tshul ji ltar smos pa dang ldan pa'i gnas su/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ / de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa bzhin du sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus rdo rje rigs kyi bye brag gi khrus mkhan gyi rigs kyi bu mo mdun du smos pa'i mtshan dang yon tan dang ldan pa blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos thugs rje chen po'i zhe sdang gi sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog dmar po cung zad ser ba/

  299. 150a

    ye shes lnga dang gnyis su med pa'i ngo bo gzi brjid chen po 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par 'gyur ro/ /sa bon de las gdan nyi ma'i dkyil 'khor kha dog dmar ba cung zad ser bar gyur to/ /de 'bar ba chen po'i tshogs kyis 'bar bar des gza' chen po phur bu la sogs pa gza' thams cad sreg par byed pa'o/ /don des gdan thams cad kyi nad na dam par smos so/ /de ltar dbus su nyi ma'i dkyil 'khor dam pa bsam gyi don du gsungs so/ /sangs rgyas gzugs ni rab bsgoms la/ 'dod pa'i rgyal po rab bsgoms pa zhes pa ni/ sgrub pa pos mdun du smos pa'i tshul du thabs dang shes rab rol par byas te/ bde bar gyur pa'i dus su rdo rje lam gyi sgo nas shes rab ma'i b+ha ga'i dbus kyi gdan nyi ma'i dkyil 'khor gyi steng gi dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid chen po 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par 'gyur ro/ /sa bon las khro bo'i rgyal po Tak+ki rA dzA'i sku phyag rgya bskyed par bya'o/ /de khro mo'i rgyal mo rdo rje 'dod pa'i rgyal mo dang gnyis su med par 'khyud pa'i sbyor ba dang ldan pa'o/ /sku mdog sprin dag po lta bu zhal gsum pa/ zhal dbus ma sku dang mthun/ g.yas ni shin tu dmar ba/ g.yon dkar ba/ byis pa'i gzugs lta bu/ zhal bskyod pa me stag stug po 'phro bas sku 'bar ba chen pos 'bar ba/ spyan mi g.yo ba smin ma bskyod pas 'jigs par mdzad pa/ mche ba'i 'phreng bas ldang ba'i

  300. 150b

    tshul mdzad pa/ khro bo'i rgyan thams cad kyis brgyan pa/ phyag drug phyag mtshan drug go /phyag g.yas dang po na rdo rje tho ba thugs kar 'dzin pa/ bar ma na rdo rje rtse lnga gdengs pa/ tha ma na rdo rje'i mda' rtse mo ud pa las mtshan pa'o/ /g.yon dang po rdo rje zhags pa sdigs mdzub la dkris pa/ bar ma na 'khor lo rtsibs brgyad pa/ tha ma na rdo rje gzhu'o/ /de lta bu'i ngo bo khro bo'i rgyal po Ta ki'i ra tsa'i sku phyag rgya skyed ma thag tu/ skyed par mdzad mkhan rdo rje mi bskyod pa'i sku phyag rgya/ khro bo'i rgyal po Ta ki ra tsa'i spyi bo dbang bskur ba'i tshul du bsgom par bya'o/ /de ltar sangs rgyas gzugs ni rab bsgoms la/ 'dod pa'i rgyal po rab bsgom pa'i don du gsungs so/ /khro bo 'jigs pa'i cha lugs can/ /'jigs pa dag kyang 'jigs par byed/ /rgyan rnams thams cad yongs su rdzogs/ /rdo rje 'od gsal bsgom par bya/ zhes bya ba'i don bshad par bya ste/ ci ltar yin na khro bo 'jigs pa'i cha lugs can ni/ Ta ki ra dza'i skra gyen du rdzes pa/ rab tu 'bar ba gdengs pa'i tshul yang dang yang du bskyod pa mdzad pa'o/ /don des khro bor smos so/ /de ltar khro bo 'jigs pa'i cha lugs can du gsungs so/ /'jigs pa dag kyang 'jigs par byed ces pa/ sgrub pa po la gza' chen po phur pa la sogs pa gza' thams cad dang bgegs thams cad gnod par byed pa dang/ gzhan yang bsgrub pa po la dge ba'i bar chad kyis 'jigs par byed pa'i ma rungs pa thams cad khro bo'i rgyal po Ta ki ra tsa'i bsgom par byas pas 'joms par byed pa/ 'jigs par byed par smos so/ /de ltar 'jigs pa dag 'jigs par byed pa'i don du gsungs so/ /rgyan rnams thams cad yongs su rdzogs zhes pa ni/ mdun du smos pa'i tshul du khro bo'i rgyal po Ta ki'i ra tsa'i

  301. 151a

    sku phyag rgya skyed pa de'i yan lag dang nying lag khro bo'i rgyan thams cad rdzogs par smos so/ /de ltar rgyan rnams thams cad yongs su rdzogs pa'i don du gsungs so/ /rdo rje 'od gsal bsgom par bya zhes pa ni/ rdo rje ming btags pa me long lta bu'i ye shes dang gnyis su med pa'i ngo bo bskal pa'i me bzhin du 'bar ba'i 'od kyis khro bo'i rgyal po Ta ki ra dza'i sku/ phyag rgya 'bar bas sgrub pa pos bsgom par bya ba smos so/ /de ltar rdo rje 'od gsal bsgom par bya ba'i don du gsungs so/ /mi bskyod dam tshig dbu rgyan la/ /sgoms na rab tu mnyes par gyur/ /'di ni khro bo thams cad kyi 'da' bar dka' ba'i dam tshig go /zhes bya ba'i don bshad par bya ste/ ci ltar yin na/ mi bskyod dam tshig dbu rgyan la/ bsgom pa'i don ni mdun bstan pas 'dir bshad mi dgos so/ /rab tu mnyes par 'gyur zhes pa ni ji ltar smos pa'i tshul du sgrub pa pos sgom par byas pas/ rdo rje mi bskyod pa nyid kyi thugs mnyes par gyur to/ de'i dus su bsgrub pa pos gza' chen po phur bu la sogs pa gza' thams cad dang/ sems can ma rungs pa thams cad 'joms par 'gyur ro/ /gzhan yang me long lta bu dang gnyis su med pa'i bla na med pa'i byang chub thob bo/ /de ltar mnyes par 'gyur ba'i don du gsungs so/ /don ni khro bo thams cad kyi 'da' bar dka' ba'i dam tshig go /zhes pa ni Ta ki ra tsa la sogs pa'i skyed par mdzad mkhan nyid nyid kyi rigs kyi bdag po spyi bo la dbang bskur ba'i tshul du bsgom par bya'o/ mdun du smos pa'i tshul gyi ting nge 'dzin gyi dam tshig tu ming btags pa yin no/ /bstan par bya ste/ tshul ji ltar smos pa'i rigs kyi bdag po skyed par mdzad mkhan spyi bo la dbang bskur ba'i tshul bsgom par las gsal te nyams na de'i sbyor

  302. 151b

    gyi dngos grub kyi dbus su nyams te mi 'grub bo/ /de ltar 'di ni khro bo thams cad kyi/ 'da' bar dka' ba'i dam tshig gi don du gsungs so/ /bsam gtan rdo rje rdzogs pa byang chub pa mnyes pa zhes bya ba'i ting nge 'dzin to/ /zhes bya ba ni/ bsam gtan ni gong du smos pa'i khro bo'i rgyal po de dang gnyis su med par sgom par bya'o/ /rdo rje ni sgrub pa pos rdo rje mi bskyod pa gnyis su med par bsgom pas khro bo'i rgyal po Ta ki ra dza'i sku phyag rgya bskyed par bya'o/ /mngon par byang chub pa mnyes pa zhes bya ba ni/ byang chub ni shes rab ma lha mo'o/ /mnyes pa ni bsgrub pa pos khro bo'i rgyal po Ta ki rA dza sgom pa'i dus su/ shes rab ma lha mo dang gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su mnyes pa'o/ ting nge 'dzin zhes pa ni/ sgrub pa pos ji ltar smos pa'i tshul du khro bo'i rgyal po Ta ki rA dza sgom pa'i don de ting nge 'dzin du smos so/ /khro bo'i rgyal po Ta ki rA dza'i sku phyag rgya bskyed pa'i 'og tu da ni khro bo'i rgyal po ma hA ba la'i sku phyag rgya skyed pa'i cho ga'i don bshad par bya ste/ nam mkha' i rdo rje'i dbus su ni/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /stobs bo che ni rab tu sgom/ zhes bya ba'i don bshad par bya ste/ ci ltar yin na/ nam mkha' i rdo rje bye brag rnam pa gsum du bstan par bya ste/ phyi dang nang dang gsang ba'o/ /de'i don khro bo'i rgyal po rdo rje bdud rtsi dang/ khro bo'i rgyal po Ta ki rA dza'i bsgom pa'i dus su bstan pa de bzhin du 'dir sbyar ro/ /de ltar nam mkha' i rdo rje'i don du gsungs so/ /dbus su nyi ma'i dkyil 'khor dam pa bsam zhes pa ni/ sgrub pa pos dang po rdo rje mi bskyod pa'i phyi'i gnas kyi tshul ji ltar smos pa dang ldan pa'i gnas su/ phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod

  303. 152a

    pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa de bzhin 'dir sbyar ro/ / de lta bu'i ngo bo rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo ji ltar smos pa'i mtshan dang yon tan ldan pa blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos thugs rje chen po'i zhe sdang gi sems dga' bas gnyis su med par 'khyud pa'i sbyor bas thabs dang shes rab rol pa byas nas/ bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog dmar po cung zad ser ba/ ye shes lnga dang gnyis su med pa'i ngo bo gzi brjid chen pos 'bar zhing 'od du zhu nas ye shes kyi khu ba lta bu byang chub kyi sems rgya mtsho la gnyis su med par thim par gyur to/ /sa bon de las gdan thams cad kyi nang na dam pa nyi ma'i dkyil 'khor du gyur par smos so/ /de ltar dbus su ni nyi ma'i dkyil 'khor dam pa bsam gyi don du gsungs so/ /sangs rgyas gzugs ni rab bsgoms la/ stobs po che ni rab sgom pa zhes pa ni/ sgrub pa pos mdun du smos pa'i tshul du thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus kyi/ gdan nyi ma'i dkyil 'khor gyi steng gi dbus su byang chub sems kyi char gyi rgyun bzhin du 'od du zhu nas rgya mtsho dang mnyam par gyur par bsam mo/ /

  304. 152b

    de'i steng du sngags sa bon yig 'bru hUM bsam mo/ /de kha dog dmar po me long lta bu'i ye shes kyi ngo bo gzi brjid chen pos 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po stobs po che'i sku phyag rgya bskyed par bya'o/ /de khro mo'i gyal mo stobs kyi dbang phyug ma dang gnyis su med par 'khyud pa'i sbyor ba dang ldan pa'o/ /sku mdog sprin nag po lta bu zhal gsum pa/ zhal dbus ma sku dang 'thun/ g.yas shin tu dmar ba g.yon dkar ba ral pa gyen du brdzes pa/ rab tu 'bar ba sprug pa spyan dmar ba/ smin ma yang dang yang bskyod pa gad mo gzhad pa/ sbrul gyis brgyan pa/ phyag drug phyag mtshan drug go /phyag g.yas dang po na rdo rje zhags pa rdo rje rtse gsum la dkris pa 'dzin/ /bar ma na rdo rje rtse lnga gdengs pa po/ /tha ma na rdo rje ral gri /g.yon dang po na thal mo rdebs pa'i tshul/ bar ma na rdo rje dgra sta /tha ma na khro bo'i khu tshur rdeg pa'i tshul lo/ /de lta bu'i ngo bo khro bo'i rgyal po stobs po che'i sku phyag gya bskyed ma thag tu skyed par mdzad mkhan rdo rje mi bskyod pa'i sku phyag rgya/ khro bo'i rgyal po stobs po che'i sku phyag rgya'i spyi bo la dbang bskur ba'i tshul du sgom par bya'o/ /de ltar sangs rgyas gzugs ni rab bsgoms la stobs po che rab tu bsgom pa'i don du gsungs so/ /'bar ba'i me stag mang po 'phro/ /rdo rje gsum gyi dkyil 'khor nas/ /khros pa'i nga rgyal zhags pa 'dzin/ /rdo rje stobs chen sgom par bya/ /zhes bya ba'i don bshad par bya ste/ ci ltar yin na/ 'bar ba'i me stag mang po 'phro ba ni/ mdun du smos pa'i stobs po che'i sku phyag rgya kun nas/ me long lta bu'i ye shes kyi ngo bo me stag mang po sprin bzhin du spro bar bya'o/ /de spros pas bskal pa'i me bzhin du 'bar bar bsgrub par

  305. 153a

    pos bsam mo/ /de ltar 'bar ba'i me stag mang po 'phro ba'i don du gsungs so/ /rdo rje gsum gyi dkyil 'khor nas zhes pa ni/ sku rdo rje dang gsung rdo rje dang thugs rdo rje dang gsum mo/ /bshad par bya ste/ khro bo'i rgyal po stobs po che'i sku phyag rgya rdo rje gsum dang gnyis su med pa'i dkyil 'khor gyi gnas kyi ngo bo/ de ltar rdo rje gsum gyi dkyil 'khor gnas kyi don du gsungs so/ /khros pa'i nga rgyal zhags pa can/ /rdo rje stobs chen sgom par bya zhes pa ni/ thugs rje chen po zhe sdang gi thugs kyis gong du smos pa'i 'bar ba'i don du khros par bstan to/ /nga rgyal zhags pa can ni gong du bstan pa'i phyag g.yas dang po na rdo rje zhags pa rdo rje rtse gsum dang bcas par 'dzin pa de ni/ ba ru na la sogs pa klu ma rungs pa thams cad bcing ba'i phyir ro/ /don des nga rgyal du smos so/ /bsgrub pa pos de lta bu'i ngo bo rdo rje stobs po che bsgom par bya ba yin no/ /mdor bsdu ba de ltar khros pa'i nga rgyal zhags pa 'dzin/ rdo rje stobs chen bsgom par bya ba'i don du gsungs so/ /mi bskyod dam tshig dbu brgyan la/ /bsgoms nas rab tu mnyes par gyur/ /'di ni khro bo thams cad kyi/ /'da' bar dka' ba'i dam tshig go /zhes bya ba'i don bshad par bya ste/ ji ltar yin na/ mi bskyod dam tshig dbu brgyan la/ sgoms na'i don ni mdun du bshad pas 'dir bshad mi dgos so/ /rab tu mnyes par 'gyur zhes pa ni/ sgrub pa pos bsgom par byas pas rdo rje mi bskyod pa'i nyid kyi thugs mnyes par 'gyur te/ de'i dus su sgrub pa pos ba ru na la sogs pa klu ma rungs pa thams cad 'joms par 'gyur ro/ /gzhan yang me long lta bu'i ye shes dang gnyis su med pa'i byang chub kyi 'bras bu thob po/ /de ltar rab tu mnyes kyi don du gsungs so/ /'di ni khro bo thams cad kyi 'da' bar

  306. 153b

    dka' ba'i dam tshig gi don ni gong du bstan pas 'dir bshad mi dgos so/ /rdo rje gsum gyi stobs rdo rje zhes bya ba'i ting nge 'dzin to/ /zhes bya ba ni rdo rje gsum ni tshul ji ltar smos pa'i sku rdo rje dang/ gsung rdo rje dang thugs rdo rje ste/ de dang gnyis su med pa'i ngo bor smos so/ /stobs rdo rje zhes pa ni/ mdun du smos pa'i rdo rje gsum gyi ye shes kyi ngo bo rdo rje rigs kyi me long lta bu'i ye shes te/ de dang gnyis su med pa'i khro bo'i rgyal po stobs po che'i sku phyag rgyar smos so/ /ting nge 'dzin zhes pa ni sgrub pa pos ji ltar smos pa'i tshul gyi khro bo'i rgyal po stobs po che'i sku phyag rgyar bsgom par bya ba'i don te ting nge 'dzin du smos so/ /khro bo'i rgyal po stobs po che'i sku phyag rgya bskyed pa'i 'og tu da ni khro bo'i rgyal po ni la dan da'i sku phyag rgya bskyed par bya ba'i cho ga'i don bstan par bya ste/ nam mkha' i rdo rje'i dbus su ni/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /rdo rje sngon po rnam par sgom/ /zhes bya ba'i don bshad par bya ste/ ji ltar yin na nam mkha' i rdo rje ni bye brag rnam pa gsum du bstan par bya ste/ phyi dang nang dang gsang ba'o/ /de'i don ni khro bo'i rgyal po bdud rtsi dang/ khro bo'i rgyal po Ta ki rA dza dang/ khro bo'i rgyal po ma ha ba la'i sgom par bya ba'i dus su ci ltar smos pa bzhin du bstan to/ /de ltar nam mkha' i rdo rje'i don du gsungs so/ /dbus su nyi ma'i dkyil 'khor dam pa bsam zhes pa ni/ sgrub pa pos dang po rdo rje mi bskyod pa'i phyi'i gnas kyi tshul ci ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su ji ltar smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa de bzhin

  307. 154a

    du sbyar ro/ /de lta bu'i ngo bo rdo rje mi bskyod pa'i sku phyag rgya gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi bu mo ji ltar smos pa'i mtshan dang yon tan dang ldan pa blang ngo/ /shes rab kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos thugs rje chen po zhe sdang gi sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas/ rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ de kha dog dmar po cung zad ser ba/ ye shes lnga dang gnyis su med pa'i ngo bo gzi brjid chen pos 'bar zhing 'od du zhu nas ye shes kyi khu ba bzhin du byang chub kyi sems rgya mtsho la gnyis su med par thim par gyur to/ /sa bon de las gdan thams cad kyi nang na dam pa nyi ma'i dkyil 'khor du gyur to/ /de ltar dbus su ni nyi ma'i dkyil 'khor dam pa bsam gyi don du gsungs so/ /sangs rgyas gzugs ni rab bsgoms la/ /rdo rje sngon po rnam par sgom zhes pa ni/ sgrub pa pos mdun du smos pa'i tshul du thabs dang shes rab rol pa byas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus kyi gdan nyi ma'i dkyil 'khor gyi steng du dbus su byang chub sems kyi char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid chen pos 'bar zhing 'od du zhu nas ye shes kyi

  308. 154b

    khu ba lta bu byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po ni la daN Da'i sku phyag rgya bskyed par bya'o/ /de khro mo'i rgyal mo rdo rje mkha' 'gro dbang phyug ma dang gnyis su med pa'i 'khyud pa'i sbyor ba dang ldan pa'o/ /de sku mdog char sprin nag po lta bu zhal gsum pa/ zhal dbus ma sku dang 'thun/ g.yas dmar ba g.yon dkar ba/ ral pa gyen du rdzes pa/ rab tu 'bar ba spyan ser ba/ smin ma yang dang yang du bskyod pa/ mche ba dmar bas 'jigs par byed pa/ khro bo'i rgyan thams cad kyis brgyan pa/ phyag drug phyag mtshan drug go /phyag g.yas dang po na rdo rje dbyug pa 'dzin pa/ bar ma na rdo rje ral gri /tha ma na rdo rje rtse dgu gdengs pa'o/ /g.yon dang po na khro bo'i khu tshur gyi sdigs mdzub thugs kar bsgreng ba/ bar pa na rdo rje gtun shing/ tha ma na rdo rje 'khor lo rtsibs brgyad do/ /de lta bu'i ngo bo khro bo'i rgyal po ni la daN Da'i sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya/ khro bo'i rgyal po ni la daN Da'i sku phyag rgya'i spyi bo la dbang bskur ba'i tshul du bsgom par bya'o/ /de ltar sangs rgyas gzugs ni rab bsgoms la/ rdo rje sngon po rnam par sgom pa'i don du gsungs so/ /khro bo'i gzugs ni gnag la 'tsher rgya mtsho nag por bskyed par byed/ /me stag mang pos 'bar ba 'phro/ /rdo rje dbyug thogs bsgom par bya/ /zhes bya ba'i don bshad par bya ste/ ci ltar yin na/ khro bo'i gzugs ni gnag la 'tsher ni/ khro bo'i rgyal po ni la daN Da'i sku phyag rgya mdun du smos pa'i tshul du sku mdog nag po 'dzin pa'o/ /khro bo'i zhes pa ni sku phyag rgya'i cha lugs phun sum tshogs pa ji ltar smos pa mi sdug pa 'jigs par byed pa'o/ /don des khro bor smos so/ /rgya mtsho nag por bskyed

  309. 155a

    par byed ces pa ni/ rgya mtsho nag por ming btags pa ni nam mkha' i dbyings so/ /skyed par byed ces pa ni/ sgrub pa pos khro bo'i rgyal po ni la dan Da dang gnyis su med pa'i nga rgyal du bsgom par bya ba'i dus su/ khro bo'i rgyal po ni la daN Da nyid kyi cha lugs ci ltar smos pa de lta bu dang ldan pa'i khro bo'i rgyal po sprin bzhin du ba spu bu ga'i lam gyi sgo nas spro bar bya'o/ /de spros pas nam mkha' i dbyings thams cad du rab tu gang bar bya'o/ /de ltar rgya mtsho nag po skyed pa'i byed pa'i don du gsungs so/ /me stag mang pos 'bar ba zhes pa ni ni la dan Da'i sku phyag rgya'i kun nas me long lta bu'i ye shes kyi ngo bo me stag stug po sprin bzhin du spro bar bya ste/ de spros pas bskal ba'i me bzhin du rab tu 'bar bar bsam mo/ /de ltar me stag mang po 'bar ba'i don du gsungs so/ /rdo rje dbyug thogs bsgom par bya zhes pa ni/ mdun du smos pa'i phyag g.yas dang po na rdo rje dbyug pa sngon po 'dzin pa des mkha' 'gro dang mkha' 'gro ma thams cad 'joms par mdzad do/ /de lta bu'i rdo rje dbyug pa sgrub pa pos sgom par bya'o/ /mdor bsdu ba de ltar rdo rje dbyug thogs bsgom par bya ba'i don du gsungs so/ /mi bskyod dam tshig dbu rgyan la/ /bsgoms na rab tu mnyes par 'gyur/ / 'di ni khro bo thams cad kyi/ 'da' bar dka' ba'i dam tshig go /zhes bya ba'i don bshad par bya ste/ ci ltar yin na mi bskyod dam tshig dbu brgyan la sgom pa ni gong du bstan pas 'dir bshad mi dgos so/ /rab tu mnyes zhes pa ni/ sgrub pa pos mdun du smos pa'i tshul du bsgoms pas rdo rje mi bskyod pa nyid kyi thugs mnyes par 'gyur ro/ /de'i dus su sgrub pa pos mkha' 'gro pho mo thams cad 'joms par 'gyur ro/ /gzhan yang me long lta bu'i ye shes dang gnyis su

  310. 155b

    med pa'i bla na med pa'i byang chub thob po/ /de ltar rab tu mnyes par gyur gyi don du gsungs so/ /'di ni khro bo thams cad kyi 'da' bar dka' ba'i dam tshig go /don ni mdun du bstan pas 'dir bshad mi dgos so/ /rdo rje dbyug pa'i dam tshig mchog ces bya ba'i ting nge 'dzin to/ /zhes bya ba ni rdo rje dbyug pa'i rdo rje me long lta bu'i ye shes so/ /de dang gnyis su med pa'i ngo bor khro bo'i rgyal po ni la dan Da'i sku phyag rgya smos so/ /dam tshig mchog ces pa ni/ bsgrub pa pos rdo rje mi bskyod pa dang gnyis su med par bsgom pas thabs dang shes rab rol pa byas pas khro bo'i rgyal po ni la dan Da'i sku phyag rgya bskyed par bya'o/ /don des dam tshig mchog tu smos so/ /ting nge 'dzin zhes bya ba ni/ sgrub pa pos ci ltar smos pa'i tshul gyi khro bo'i rgyal po ni la dan Da'i sku phyag rgya sgom par bya ba'i don du ting nge 'dzin du smos so/ /khro bo'i rgyal po ni la dan Da'i sku phyag rgya bskyed pa'i 'og tu/ da ni khro bo'i rgyal po arya a tsa la'i sku phyag rgya bskyed par bya ba'i cho ga'i don bstan par bya ste/ nam mkha' i rdo rje'i dbus su ni/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /mi g.yo'i mchog ni rnam par bsgom/ zhes bya ba'i don bshad par bya ste/ ci ltar yin na/ nam mkha' i rdo rje ni bye brag rnam pa gsum du bstan par bya ste/ phyi dang nang dang gsang ba'o/ /de'i don ni ji ltar khro bo'i rgyal po rdo rje bdud rtsi dang/ khro bo'i rgyal po Ta ki rA dza dang/ khro bo'i rgyal po mahA ba la dang/ khro bo'i rgyal po ni la dan Da bsgom pa'i dus su bstan pa de bzhin du smos so/ /de ltar nam mkha' i rdo rje'i don du gsungs so/ /dbus su nyi ma'i dkyil 'khor bsam zhes pa ni/ sgrub pa pos dang po rdo rje mi bskyod pa phyi'i gnas kyi tshul ji ltar smos pa dang ldan pa'i gnas su phyi'i stan bde ba

  311. 156a

    'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid shes rab ma ye shes kyi lha mo dang gnyis su med pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa de bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du sgom par bya'o/ /de'i dus su rdo rje rigs kyi bye brag gi khrus mkhan rigs kyi bu mo ji ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos thugs rje chen po zhe sdang gi sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu'o/ /de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog dmar po cung zad ser ba ye shes lnga dang gnyis su med pa'i ngo bo gzi brjid chen pos 'bar zhing 'od du zhu nas/ ye shes kyi khu ba bzhin du byang chub sems kyi rgya mtsho la gnyis su med par thim par gyur to/ /sa bon de las gdan thams cad kyi nang na/ dam pa nyi ma'i dkyil 'khor du gyur par bsam mo/ /de ltar dbus su nyi ma'i dkyil 'khor bsam gyi don du gsungs so/ /sangs rgyas gzugs ni rab bsgoms la/ / mi g.yo'i mchog ni rnam par bsgom/ /zhes pa ni/ sgrub pa pos mdun du smos pa'i tshul du thabs dang shes rab rol pa byas nas/ bde bar gyur pa'i dus su rdo rje lam gyi sgo nas shes rab ma'i b+ha ga'i dbus su/ gdan nyi ma'i dkyil 'khor gyi steng

  312. 156b

    gi dbus su/ byang chub sems char gyi rgyun bzhin du 'od du zhu nas/ de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid chen pos 'bar zhing 'od du zhu nas/ ye shes kyi khu ba lta bu byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po dus rtag tu mi g.yo bas/ lha ma yin thams cad 'joms par mdzad pa dang/ gzhan yang lha ma yin thams cad kyi ? ? ? kyi bye brag sna tshogs kyis mi g.yo mi bskyod pa'i don des/ mi g.yo'i mchog tu smos pa/ /de'i sku phyag rgya bskyed par bya'o/ /de khro mo'i rgyal mo 'phags ma mi g.yo dbang phyug ma dang gnyis su med par 'khyud pa'i sbyor ba dang ldan pa'o/ /sku ni dog ? sprin nag po lta bu/ zhal gsum pa/ zhal dbus ma sku dang 'thun/ g.yas shin tu dmar ba/ cung zad ser ba/ g.yon dkar ba ral ba gyen du rdzes pa gdengs pa rab tu 'bar ba/ spyan khro bo bskyod pa/ smin ma yang dang yang bskyod pa/ ? rgyan thams cad kyis brgyan pa/ phyag drug phyag mtshan drug go /phyag g.yas dang po na rdo rje ral gri/ bar ma na rin po che 'dzam bu na da zur brgyad pa/ tha ma na rdo rje rtse dgu/ g.yon dang po na rdo rje zhags pa/ bar ma na rdo rje gtun shing/ tha ma ni pad+ma sngon po/ khro bo'i rgyal po arya a tsa la'i sku phyag rgya bskyed ma thag tu/ skyed par mdzad mkhan rdo rje mi bskyod pa'i sku/ phyag rgya khro bo'i rgyal po arya a tsa la'i sku phyag rgya spyi bor dbang bskur ba'i tshul du bsgom par bya'o/ /de ltar sangs rgyas gzugs ni rab sgoms la/ mi g.yo'i mchog ni bsgom par bya'i don du gsungs so/ /khros shing 'jigs pa'i zur gyis lta/ /gtum po ral gri zhags pa bsnams/ /me stag 'bar ba mang po 'phro/ /mi g.yo rdo rje bsgom par bya/ /zhes bya ba'i don bshad par bya ste

  313. 157a

    ci ltar yin na/ khros shing 'jigs pa zur gyis lta/ /khro bo'i rgyal po mi g.yo ba'i spyan khro bos gzigs pas/ 'jigs par mdzad pas don des zur gyis lta zhes smos so/ /gzhan yang lha ma yin thams cad zhe sdang gi thugs brtan pas/ 'joms par mdzad pas khros par smos so/ /de ltar khros shing zur gyis lta'i don du gsungs so/ /gtum po ral gri zhags pa bsnams/ /zhes pa ni mdun du smos pa'i tshul gyi ral gri dang/ zhags pa la sogs pa mtshon cha khros te 'dzin pa'o/ /de ltar gtum po ral gri zhags pa bsnams pa'i don du gsungs so/ /me stag mang pos 'bar zhes pa ni/ mdun du smos pa'i arya a tsa la'i sku phyag rgya'i kun nas me long lta bu'i ye shes kyi ngo bo me stag stug po sprin bzhin du sgrub pa pos spro bar bya'o/ /de spros pas bskal pa'i me bzhin du rab tu 'bar bar bsam mo/ /de ltar me stag mang pos 'bar ba'i don du gsungs so/ /ma g.yo rdo rje sgom par bya zhes pa ni/ sgrub pa pos mdun du smos pa'i tshul gyi khro bo'i rgyal po arya a tsa la'i sku phyag rgya cha lugs phun sum tshogs pa dang ldan pa'i ngo bo sgom par bya'o/ /de bsgoms pas lha ma yin thams cad 'joms par 'gyur ro/ /mdor bsdu ba de ltar mi g.yo rdo rje bsgom par bya'i don du gsungs so/ /mi bskyod dam tshig dbu rgyan la/ /bsgoms na rab tu mnyes par 'gyur/ /'di ni khro bo thams cad kyi/ /'da' bar dka' ba'i dam tshig go /zhes bya ba'i don bshad par bya ste/ ji ltar yin na mi bskyod dam tshig dbu brgyan la/ bsgom pa'i don du mdun du bstan pas 'dir bshad mi dgos so/ rab tu mnyes par 'gyur zhes pa ni sgrub pa pos mdun du smos pa'i tshul du sgom par byas pas rdo rje mi bskyod pa nyid kyi thugs mnyes

  314. 157b

    par 'gyur to/ /de'i dus mdun du smos pa'i lha ma yin thams cad 'joms par 'gyur ro/ /gzhan yang me long lta bu'i ye shes dang gnyis su med pa'i bla na med pa'i byang chub kyi 'bras bu 'thob po/ /de ltar rab tu mnyes par 'gyur gyi don du gsungs so/ 'di ni khro bo thams cad kyi 'da' bar dka' ba'i dam tshig /ces pa'i don ni mdun du bshad pas 'dir bshad mi dgos so/ /rdo rje dbyings kyi dam tshig zhabs kyis gnon pa zhes bya ba'i ting nge 'dzin to/ /zhes bya ba ni/ rdo rje dbyings ni rdo rje me long lta bu'i ye shes so/ /dbyings ni don dam pa'i tshul gyis me long lta bu'i ye shes ma skyes pa stong pa'i nam mkha' i ngo bo'o/ /gzhan yang de bzhin gshegs pa thams cad kyi thugs rdo rje dang gnyis su med pa'o/ /sems can gyi don gyi phyir khro bo'i rgyal po arya a tsa la'i sku phyag rgya me long lta bu'i ye shes dang gnyis su med pa'i ngo bo bskyed par bya bar bstan to/ /dam tshig ces pa ni sgrub pa pos rdo rje mi bskyod pa dang gnyis su med par bsgom pas thabs dang shes rab rol pa bya bas/ khro bo'i rgyal po arya a tsa la'i sku phyag rgya bskyed par bya bar smos so/ /don des dam tshig tu bstan to/ /zhabs kyis gnon pa zhes pa ni sgrub pa pos khro bo'i rgyal po arya a tsa la bsgom pa'i dus su zhabs g.yas brkyang bas/ lha ma yin gyi rgyal po 'dze ra san ti gnon par bsam mo/ /zhabs g.yon bskum pas de'i chung ma gnan par bsam mo/ /don des zhabs kyis gnon par smos so/ /ting nge 'dzin zhes pa ni/ sgrub pa pos ji ltar smos pa'i tshul gyis khro bo'i rgyal po arya a tsa la snom par bya ba'i don de ting nge 'dzin du smos so/ /khro bo'i rgyal po arya a tsa la'i sku phyag rgya bskyed pa'i 'og tu/ da ni khro bo'i rgyal po rig pa'i 'khor lor ming btags pa badzra hUM ka rib sku phyag rgya bskyed par bya ba'i cho ga'i don bstan par bya ste/

  315. 158a

    nam mkha' i rdo rje'i dbus su ni/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /rig pa'i 'khor lo rab tu sgom/ /zhes bya ba'i don bshad par bya ste/ ci ltar yin na/ nam mkha' i rdo rje ni bye brag rnam pa gsum du bstan par bya ste/ phyi dang nang dang gsang ba'o/ /de'i don ji ltar khro bo'i rgyal po bdud rtsi dang/ khro bo'i rgyal po Ta ki rA dza dang/ khro bo'i rgyal po ma ha ba la dang/ khro bo'i rgyal po ni la daN Da dang/ khro bo'i rgyal po arya a tsa la bsgom pa'i dus su ji ltar bstan pa de bzhin du smos so/ /de ltar nam mkha' i rdo rje'i don du gsungs so/ /dbus su nyi ma'i dkyil 'khor dam pa bsam zhes pa ni/ sgrub pa pos dang po rdo rje mi bskyod pa'i phyi'i gnas kyi tshul ji ltar smos pa dang ldan pa'i gnas su phyi'i stan bde ba 'jam pa la 'dug go /de'i dus su mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa de bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo ji ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos thugs rje chen po zhe sdang gi sems dga' bas gnyis su med par 'khyud pa'i sbyor ba dang thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin 'od

  316. 158b

    du zhu nas rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog dmar po cung zad ser ba ye shes lnga dang gnyis su med pa'i ngo bo gzi brjid chen pos 'bar zhing 'od du zhu nas/ ye shes kyi khu ba lta bu byang chub sems kyi rgya mtsho la gnyis su med par thim par gyur to/ /sa bon de las gdan thams cad kyi nang na dam pa nyi ma'i dkyil 'khor du gyur par bsam mo/ /de lta bu'i dbus su ni nyi ma'i dkyil 'khor dam pa bsam gyi don du gsungs so/ / sangs rgyas gzugs ni rab bsgoms la/ rig pa'i 'khor lo rab tu bsgom zhes pa ni/ sgrub pa pos mdun du smos pa'i tshul du thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus kyi gdan nyi ma'i dkyil 'khor gyi steng gi dbus su byang chub sems char gyi rgyun bzhin du 'od du zhu nas/ de rgya mtsho dang mnyam par gyur par bsam mo/ /de'i steng du sngags kyi sa bon yig hUM bsam mo/ /de dus 'dir kha dog nag po me long lta bu'i ye shes kyi ngo bo gzi brjid chen po 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po rig pa'i 'khor lor ming btags pa badzra hUM ka ra'o/ / de la rig pa'i don ni/ le'u bzhi pa bsrung ba'i 'khor lo'i dus su ye shes kyi thabs kyi ngo bo dang sku phyag rgya ngo bo dang/ shes rab thugs rje'i dbang phyug ma'i ngo bo dang/ de ltar bye brag gsum du rgyas par ji ltar bshad pa de bzhin du 'dir sbyar ro/ 'khor lo ni ji ltar smos pa'i tshul du bgegs kyi tshogs ma rungs pa thams cad gzhom pa'i phyir bsrung ba'i 'khor lo smos pa de don dam par khro bo'i rgyal po chen po badzra hUM ka ra nyid kyi sku phyag rgya'i ngo bor gnyis su med par bstan to/ /don des

  317. 159a

    rig pa'i 'khor lor ming btags pa khro bo'i rgyal po chen po badzra hUM ka ra'i sku phyag rgya bskyed par bya'o/ /de khro mo'i rgyal mo thugs rje dbang phyug ma dang/ gnyis su med pa'i 'khyud pa'i sbyor ba dang ldan pa'o/ /de'i sku mdog char sprin nag po lta bu zhal gsum/ zhal dbus ma sku dang mthun/ g.yas shin tu dmar ba/ g.yon dkar ba/ ral pa gyen du rdzes pa/ sbrul gyis bcings pa/ rab tu 'bar ba/ spyan gsum pa/ smin ma bskyod par mdzad pa/ shangs shin tu nyag pa/ mche ba'i phreng ba gdengs pa/ thugs rje chen po zhe sdang gi spyan 'bar bas steng gi phyogs su gzigs pa/ yan lag dang nying lag thams cad sbrul kha dog sna tshogs kyis brgyan pa/ phyag drug phyag mtshan drug go / phyag g.yas g.yon dang po gnyis ni ji ltar le'u bzhi pa dkyil 'khor gyi dus su rdo rje kyo ba dang rdo rje zhags pa dang ldan par smos pa de bzhin du 'dir bstan to/ /g.yas bar ma na khro bo'i rdo rje rtse dgu pa/ tha ma na rdo rje/ g.yon bar man rdo rje zhags pa/ tha ma na rdo rje dril bu'o/ /de lta bu'i ngo bo khro bo badzra hUM ka ra'i sku phyag rgya skyed ma thag tu skyed par mdzad mkhan rdo rje mi bskyod pa'i sku phyag rgya khro bo'i rgyal po badzra hUM ka ra'i sku phyag rgya spyi bo la dbang bskur ba'i tshul du bsgom par bya'o/ /de ltar sangs rgyas gzugs ni rab bsgoms la/ rig pa'i 'khor lo rab tu bsgom gyi don du gsungs so/ /mtshan rnams thams cad yongs su rdzogs/ /'khor lo 'bar bas yongs su bskor/ /gtsug tor 'khor lo'i dam tshig gi/ rnam par 'gro ba rab tu sgom/ /zhes bya ba'i don bshad par bya ste/ ci ltar yin na/ mtshan rnams thams cad rab tu rdzogs pa ni mdun du smos pa'i khro bo'i rgyal po chen po badzra hUM ka ra'i sku phyag rgya la khro bo'i tshul gyi mtshan thams cad

  318. 159b

    rdzogs pa'o/ /de'i don gsal bar bstan par bya ste/ sku mdog shin tu gnag pa de ni ma rungs pa thams cad 'jigs par mdzad ma'o/ /ral pa shin tu stug pa gyen du rab tu 'bar ba de ni ma rungs pa thams cad kyi 'ong ba dang 'gro ba 'joms par mdzad do/ /spyan dmar nag zlum po de ni ma rungs pa thams cad gnon par byed pa'o/ /smin ma bskyod par mdzad pa de ni ma rungs pa thams cad dbang du byed pa'o/ /shangs shin tu nyag pa dpor ka che ba de ni ma rungs pa thams cad myos par byed pa'o/ / mche ba'i phreng ba gdengs pa'i tshul de na/ sems kyi sgyu ma'i sprul pa'i thabs 'joms par byed pa'o/ /sprul kha dog sna tshogs kyis brgyan pa de ni ma rungs pa thams cad bsdad? par byed pa'o/ /phyag mtshan drug ni ma rungs pa thams cad kyi phung po gcod pa dang 'joms par byed pa'o/ /mdor bsdu ba de ltar khro bo'i rgyal po chen po badzra hUM ka ra'i sku phyag rgya la khro bo'i tshul gyis mtshan thams cad rdzogs par smos so/ /de ltar mtshan rnams thams cad yongs su rdzogs kyi don du gsungs so/ /'khor lo 'bar bas yongs su bskor/ zhes pa ni mdun du smos pa'i 'khor lor ming btags pa/ khro bo'i rgyal po chen po badzra hUM ka ra smos pa de de'i sku phyag rgya la/ me long lta bu'i ye shes dang/ chos kyi dbyings kyi ye shes dang/ so sor rtog pa'i ye shes dang/ de ltar sku gsung thugs kyi rigs gsum gyi ye shes dang gnyis su med pa'i ngo bo 'bar ba'i tshogs g.yas nas bskor ba'i tshul gyis bskor bar bsam mo/ /de ltar 'khor lo 'bar bas yongs su bskor gyi don du gsungs so/ gtsug tor 'khor lo'i dam tshig ni/ rnam par 'phro ba rab tu bsgom/ zhes pa ni/ 'khor lor ming btags pa/ ya man ta ka dang/ prad nyAn ta ka dang/ pad mAn ta ka dang/ big nan ta ka dang/ Ta ki rA dza dang/ ni la daN+Da dang/ mahA

  319. 160a

    ba la dang/ Arya a tsa la dang/ pad+ma kun da li la sogs pa/ khro bo'i rgyal po dgu /ji ltar smos pa'i tshul gyis/ bsrung ba'i 'khor lo ye shes kyi 'khor lo dang gnyis su med pa'i ngo bor bstan pa de dus 'dir khro bo chen po badzra hUM ka ra'i gtsug tor gyi gnas nas mdun du smos pa'i 'bar ba'i tshogs rnam par 'phro ba kha dog gsum dang ldan pa sku phyag rgya la/ g.yas nas skor bar bsgrub pa pos khro bo'i dam tshig ye shes bsgom par bya bar smos so/ / bshad par bya ste/ mdun du smos pa'i tshul du sgrub pa pos bsgoms pas steng gi phyogs na gnas pa'i mkha' 'gro pho mo la sogs pa bgegs kyi tshogs thams cad 'joms par 'gyur ro/ /de ltar gtsug tor 'khor lo'i dam tshig ni/ rnam par 'phro ba rab tu bsgom gyi don du gsungs so/ /mi bskyod dam tshig dbu brgyan la/ /bsgoms na rab tu mnyes par 'gyur/ /'di ni khro bo thams cad kyi 'da' bar dka' ba'i dam tshig go /zhes bya ba'i don bshad par bya ste/ ci ltar yin na/ mi bskyod dam tshig dbu rgyan la/ sgoms na ni mdun du bstan pas 'dir bshad mi dgos so/ /mnyes par 'gyur zhes pa ni/ tshul ji ltar smos pas sgrub pa pos bsgom par byas bas rdo rje mi bskyod pa nyid kyi thugs mnyes par 'gyur ba yin no/ /de'i dus su ji ltar smos pa'i steng gi phyogs na gnas pa'i mkha' 'gro pho dang mo la sogs pa bgegs kyi tshogs thams cad 'joms par 'gyur ro/ /gzhan yang me long lta bu'i ye shes dang gnyis su med pa'i bla na med pa'i byang chub kyi 'bras bu thob bo/ /de ltar mnyes par 'gyur ba'i don du gsungs so/ /'di ni khro bo thams cad kyi/ /'da' bar dka' ba'i dam tshig go /zhes pa ni mdun du bstan pas 'dir bshad mi dgos so/ /gtsug tor

  320. 160b

    dam tshig rig pa stobs kyi 'khor lo zhes bya ba'i ting nge 'dzin to/ /zhes pa ni mdun du smos pa/ gtsug tor du ming du btags pa ni/ khro bo'i rgyal po chen po badzra hUM ka ra'o/ /dam tshig ces pa ni sgrub pa pos rdo rje mi bskyod pa dang gnyis su med par bsgom pas thabs dang shes rab rol pa byas nas khro bo'i rgyal po chen po badzra hUM ka ra'i sku phyag rgya bskyed par bya ba'i don de dam tshig tu smos so/ /rig pa'i stobs zhes pa ni/ mdun du bye brag gsum du bstan pa de bzhin du smos te/ de cho 'phrul gyi stobs kyis bgegs kyi tshogs ma rungs pa thams cad 'joms par byed pa'o/ /'khor zhes pa ni ji ltar smos pa'i tshul gyi ya man ta ka la sogs pa/ khro bo'i rgyal po dgu bsrung ba'i 'khor lo ye shes kyi dkyil 'khor dang gnyis su med pa'i ngo bo'o/ /de sbrul pa'i thabs kyis gong du smos pa'i bgegs kyi tshogs ma rungs pa thams cad 'joms par bstan to/ /ting nge 'dzin zhes pa ni/ sgrub pa pos ji ltar smos pa'i tshul gyis khro bo'i rgyal po chen po badzra hUM ka ra'i sku phyag rgya bsgom par bya ba'i don de ting nge 'dzin gyi don du bstan to/ /khro bo'i rgyal po badzra hUM ka ra'i sku phyag rgya bskyed pa'i 'og tu/ da ni khro bo'i rgyal po rdo rje gnod mdzes su ming btags pa pad+ma kun Da li'i sku phyag rgya bskyed par bya ba'i cho ga'i don bstan par bya ste/ nam mkha' i rdo rje'i dbus su ni/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /rdo rje gnod mdzes rab tu bsgom/ /zhes bya ba'i don bshad par bya ste/ ci ltar yin na/ nam mkha' i rdo rje ni bye brag rnam pa gsum bstan par bya ste/ phyi dang nang dang gsang ba'o/ /de'i mdun du khro bo'i rgyal po rdo rje bdud rtsi la sogs pa/ rdo rje rigs kyi khro bo'i rgyal po rnams kyi ci ltar bstan pa de bzhin du smos so/ /de ltar nam mkha'

  321. 161a

    rdo rje'i don du gsungs so/ /dbus su nyi ma'i dkyil 'khor dam pa bsam/ zhes pas ni/ sgrub pa pos dang po rdo rje mi bskyod pa'i phyi'i gnas kyi tshul ji ltar smos pa dang ldan pa'i gnas su/ phyi'i stan bde ba 'jam pa la 'dug go /de'i dus su ci ltar smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de ni nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa de bzhin du sbyar ro/ /de lta bu'i ngo bo rdo rje mi bskyod pa'i sku phyag rgya gyur ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo ji ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu thugs rje chen po zhe sdang gi sems dga' bas gnyis su med pa'i 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog dmar po cung zad ser ba ye shes lnga dang gnyis su med pa'i ngo bo gzi brjid chen pos 'bar zhing 'od du zhu nas ye shes kyi khu ba lta bu byang chub sems la gnyis su med par thim par 'gyur ro/ / sa bon de las gdan thams cad kyi nang na dam pa nyi ma'i dkyil 'khor du gyur bar smos so/ /de ltar dbus su nyi ma'i dkyil 'khor bsam gyi don du gsungs so/ /sangs rgyas gzugs ni rab bsgoms la/ /rdo rje gnod mdzes rab tu bsgom/ /zhes

  322. 161b

    pa ni sgrub pa pos mdun du smos pa'i tshul du thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su gdan nyi ma'i dkyil 'khor gyi steng gi dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags kyi sa bon yi ge hUM bsam mo/ /de kha dog nag po me long lta bu'i ye shes kyi ngo bo gzi brjid chen pos 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po rdo rje gnod mdzes su ming btags pa pad+ma kun Da li'i sku phyag rgya bskyed par bya'o/ /de la rdo rje gnod mdzes kyi don ni/ rdo rje rigs kyi me long lta bu'i ye shes dang gnyis su med pa'i ngo bo khro bo'i rgyal po pad+ma kun Da li'i ngo bo yin no/ /des sa 'og gi 'jig rten na gnas pa'i bdud dang bgegs ma rungs pa'i tshigs kun ye shes kyi cho 'phrul gyi rgyu ma'i thabs kyis gnon pa ste med par mdzad pas rdo rje gnon mdzad du smos so/ /de khro mo'i rgyal mo'i rdo rje pad+ma'i dbang phyug ma dang gnyis su med par 'khyud pa'i sbyor ba dang ldan pa'o/ /de'i sku mdog nag po cung zad ser ba/ zhal gsum pa/ zhal dbus ma sku dang 'thun/ g.yas shin tu dmar ba/ g.yon dkar ba/ ral pa gyen du rdzes pa gdengs pa'i tshul du rab tu 'bar ba/ spyan gsum pa/ yang dang yang du 'gyur zhing gzigs pa/ smin ma bskyod pas 'jigs par mdzad pa/ mche ba'i phreng ba dmar po rnol ring ba/ khro bo'i rgyan thams cad kyis brgyan pa/ phyag drug phyag mtshan drug go /dus 'dir phyag g.yas dang po na rdo rje rtse lnga gdengs pa/ rdeg pa'i tshul du 'dzin pa/ bar ma na khro bo'i khu tshur gyi sdigs mdzub rdeg pa'i tshul/ tha ma na pad+ma ser po 'dab ma mdza'

  323. 162a

    yas pa/ g.yon dang po na rdo rje dril bu dkur bsten pa/ bar ma 'khor lo rtsibs brgyad rdo rjes brgyan pa/ tha ma rdo rje dgra sta'o/ /de lta bu'i ngo bo khro bo'i rgyal po pad ma kun Da li'i sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya khro bo'i rgyal po pad+ma kun Da li'i sku phyag rgya'i spyi bor dbang bskur ba'i tshul du bzhugs par bsam mo/ /de ltar sangs rgyas gzugs ni rab bsgoms la/ rdo rje gnon mdzad rab tu sgom gyi don du gsungs so/ /me lce'i gzi brjid 'bar ba'i sku/ /rdo rje'i sprin ni rab tu 'phro/ /phyag na rdo rje rab 'bar ba/ /bsgoms na dngos grub thob par 'gyur/ /zhes bya ba'i don bshad par bya ste/ ci ltar yin na/ me lce'i gzi brjid 'bar ba'i sku ni/ mdun du smos pa'i khro bo'i rgyal po pad+ma kun Da li'i sku'i phyag rgya'i kun nas/ dus kyi bskal pa me'i tshogs shin tu 'bar ba ltar/ me long lta bu'i ye shes kyi gzi brjid kyis 'bar bar smos so// de ltar me lce'i gzi brjid 'bar ba'i sku'i don du gsungs so/ /rdo rje'i sprin ni rab tu 'phro zhes pa ni/ sgrub pa pos khro bo'i rgyal po pad+ma kun Da li sgom pa'i dus su rdo rjer ming btags pa mi bskyod pa'i sku phyag rgya'i ba spu'i bu ga'i lam gyi sgo nas sprin bzhin du spro bar bsam mo/ /sku phyag rgya de dag gi cha lugs phun sum tshogs pa ni gong du ji ltar smos pa bzhin no/ /de ltar rdo rje'i sprin ni rab tu spro ba'i don du gsungs so/ /phyag na rdo rje rab 'bar ba/ /bsgoms na dngos grub thob par 'gyur/ /zhes pa ni/ khro bo'i rgyal po pad+ma kun Da li'i phyag g.yas dang po na gong du smos pa'i rdo rje rtse lnga gdengs pa'i tshul 'dzin pa des/ ji ltar smos pa'i sa 'og gi 'jig rten na gnas pa'i bgegs ma rungs

  324. 162b

    pa thams cad 'joms par 'gyur ro/ /de ltar phyag na rdo rje rab 'bar ba/ bsgoms na dngos grub thob par 'gyur gyi don du gsungs so/ /mi bskyod dam tshig dbu brgyan la/ /bsgoms na rab tu mnyes par 'gyur/ /'di ni khro bo thams cad kyi 'da' bar dka' ba'i dam tshig go /zhes bya ba'i don bshad par bya ste/ ci ltar yin na/ mi bskyod dam tshig dbu brgyan la/ /bsgom pa'i don ni mdun du bshad pas 'dir bshad mi dgos so/ /rab tu mnyes par 'gyur zhes pa ni/ ji ltar smos pa'i bsgom pa byas pas rdo rje mi bskyod pa nyid kyi thugs mnyes par 'gyur ro/ /de'i dus su mdun du smos pa'i dngos grub kyi 'bras bu thob bo/ /de ltar mnyes par 'gyur gyi don du gsungs so/ /'di ni khro bo thams cad kyi 'da' bar dka' ba'i dam tshig go /zhes pa'i don ni mdun du bstan pas 'dir bshad mi dgos so/ /rdo rje dam tshig 'byung bar rab tu bsgom pa zhes bya ba'i ting nge 'dzin to/ /zhes bya ba ni rdo rjer ming btags pa me long lta bu'i ye shes kyi ngo bo khro bo'i rgyal po pad+ma kun Da le'o/ /dam tshig 'byung ba zhes pa ni sgrub pa pos rdo rje mi bskyod pa dang gnyis su med pa'i nga rgyal du bsgoms nas thabs dang shes rab rol pas/ khro bo'i rgyal po pad+ma kun Da li'i sku phyag rgya 'byung ba bskyed par bya bar smos so/ /don des dam tshig 'byung bar bstan to/ /rab tu bsgom zhes pa ni/ ci ltar smos pa'i tshul gyis khro bo'i rgyal po pad+ma kun Da li'i sku phyag rgya bskyed ma thag tu de dang gnyis su med pa'i nga rgyal du bsgom par bya'o/ /ting nge 'dzin zhes pa'i don ni mdun du bstan pas 'dir bshad mi dgos so/ /khro bo'i 'khor lo 'gog pa ni/ sangs rgyas 'khor lo la gzhug go /ting nge 'dzin rdo rje'i ye shes rnams/ /rdo rje'i dkyil 'khor 'grub par 'gyur/ zhes bya ba'i don bshad par bya ste/

  325. 163a

    ci ltar yin na/ khro bo'i 'khor lo 'gog pa ni/ sangs rgyas 'khor lo la gzhug go ni/ mdun du smos pa'i tshul gyi cho ga'i ya man ta ka dang/ prad nyan ta ka la sogs pa khro bo'i rgyal po bcu'o/ /de dag thams cad kyi sku phyag rgya ye shes kyi dkyil 'khor/ 'khor lor ming btags pa de rnams kyi bsgom pa sngar smos pa de bsgrub pa pos gzhog pa'i dus su/ khro bo nyid nyid kyi sku phyag rgya 'gog pa'i cho ga bya'o/ /bshad par bya ste/ sgrub pa pos sku phyag rgya gnyis su med pa'i nga rgyal du byas pas de gzi brjid kyi phung po'i ngo bor gyur par bsam mo/ /de ma thag tu nyid kyi rigs kyi bdag po skyed par mdzad mkhan gsang ba'i rol pa'i longs spyod dang ldan pa ye shes kyi dkyil 'khor 'khor lor ming btags pa'i sku phyag rgya spyi bor dbang bskur ba'i tshul du gnas par smos pa de la gnyis su med pa'i ngo bor sngar smos pa'i gzi brjid kyi phung po de gzhug pa bsdu bar bya ba yin no/ /de'i 'og tu sangs rgyas kyi sku phyag rgya yang nyid nyid kyi ye shes kyi gzi brjid kyi phung por gyur par bsam mo/ /gzi brjid kyi phung po de yang rim bar stong pa'i ngo bor gyur par bsgom par bya ba yin no/ /'gog pa'i bsgom pa tshul de ltar bstan to/ mdor bsdus pa de ltar khro ba'i 'khor lo 'gog pa ni sangs rgyas 'khor lo la gzhug gi don du gsungs so/ /da ni mdun du smos pa'i 'gog pa'i ye shes sgom pa'i 'bras bu bstan par bya ste/ ting 'dzin ye shes rdo rje rnams/ /rdo rje'i dkyil 'khor 'grub par 'gyur/ /zhes pa mdun du smos pa'i ya man ta ka dang/ prad nyan ta ka la sogs pa khro bo'i rgyal po bcu ste/ sgrub pa pos ting nge 'dzin bya ba'i dus su so so'i rigs kyi bdag po skyed par mdzad mkhan rdo rjer ming btags

  326. 163b

    pa'i ye shes kyi ngo bor brtag go /bsgom pa de'i yon tan gyis rdo rje'i dkyil 'khor du ming btags pa'i khro bo'i rgyal po kun ji ltar smos pa'i tshul du bsgrub pa pos 'grub par 'gyur ro/ /mdor bsdu ba de ltar ting 'dzin ye shes rdo rje rnams/ rdo rje'i dkyil 'khor 'grub par 'gyur gyi don du gsungs so/ /rgyud gyi rgyal po chen po dpal gsang ba 'dus pa'i rgya cher 'grel pa/ mkhas pa chen po rdo rje slob dpon 'phags pa kun dga' snying pos mdzad pa/ le'u bcu gsum pa rdzogs so// //de nas da ni le'u bcu gsum pa'i 'og tu/ le'u bcu bzhi pa/ sku gsung thugs rmad du byung ba'i sngags kyis 'gugs pa'i rnam par 'phrul pa'i rgyal po zhes bya ba bshad par bya ste/ de nas bcom ldan 'das de bzhin gshegs pa thams cad kyi dam tshig gi bdag po/ rdo rje 'dzin pa chen po zhi ba'i dam tshig gi mchog ces bya ba'i ting nge 'dzin la snyoms par zhugs nas/ zhes bya ba'i don bshad par bya ste/ ci ltar yin na/ de nas ni ji ltar smos pa'i tshul gyis le'u bcu gsum pa mgo mjug gi don ma lus par bshad ma thag tu/ le'u bcu bzhi pa bshad par bya ba'i phyir/ dang po ston pa nyid ting nge 'dzin la snyoms par zhugs pa'o/ /de'i don mtshon pa'o/ bcom ldan 'das zhes pa ni/ ston pa rdo rje 'dzin nyid la sdud pa pos yon tan gyi sgo nas bstod pa'i mtshan smos pa ste/ de'i don mdun du ji ltar smos pa de bzhin du 'dir bstan to/ /de ltar bcom ldan 'das kyi don du gsungs so/ / de bzhin gshegs pa thams cad ces pa ni sku'i rigs rnam par snang mdzad la sogs pa rigs lnga'i bye brag gi de bzhin gshegs pa grangs med pa smos pa'o/ /dam tshig gi bdag po rdo rje 'dzin pa chen po zhes pa ni/ dam tshig ni gsang

  327. 164a

    ba'i rol pa ste/ ston pa mi bskyod pa rdo rje 'dzin gyis de mdzad nas/ sems can gyi don du dkyil 'khor gyi 'khor gyi ngo bo de bzhin gshegs pa brjod du yod pa dang/ brjod du med pa'i tshul du skyed par mdzad pa yin no/ /don des ston pa mi bskyod pa rdo rje 'dzin de bzhin gshegs pa thams cad kyi dam tshig bdag por smos so/ /rdo rje 'dzin pa chen po zhes pa'i don ni mdun du ji ltar bshad pa bzhin du 'dir sbyar ro/ /mdor bsdu ba de ltar dam tshig gi bdag po rdo rje 'dzin pa chen po'i don du gsungs so/ /zhi ba'i dam tshig mchog ces pa ni/ sems can thams cad la rims la sogs pa nang dang/ bgegs kyi gnod pa thams cad med par mdzad pa ni/ zhi ba'i ngo bo ye shes kyi lha mo sangs rgyas spyan yin no/ /dam tshig gi mchog ni sangs rgyas spyan gyi thugs rje chen po'i thugs bskyed nas dus rtag tu sems can thams cad la ji ltar smos pa'i nad kyi sdug bsngal dang/ bgegs kyi gnod pa thams cad med par mdzad pas zhi ba bde ba dang/ yid bde ba chos kyi dbyings kyi ye shes kyi byin gyis brlob pas 'grub par mdzad do/ /don des dam tshig mchog tu smos so/ /de ltar zhi ba'i dam tshig mchog gi don du gsungs so/ /da ni zhi ba'i dam tshig mchog tu ming btags pa sangs rgyas spyan du smos pa de'i sngags rings gsung ba'i phyir/ ston pa mi bskyod pa rdo rje 'dzin dang po ting nge 'dzin la snyoms par zhugs pa'i don gsal bar bstan par bya ste/ ting nge 'dzin la snyoms par zhugs nas zhes pa ston pa mi bskyod pa rdo rje 'dzin gyis ji ltar smos pa'i 'khor phun sum tshogs pa thams cad kyi nang du zhi ba'i tshul du 'dod chags chen po'i thugs dgyes pas nyid kyi

  328. 164b

    shes rab ma ye shes kyi lha mo ma ma ki dang gnyis su med par 'khyud pa'i sbyor bas gsang ba'i bdag po gnyis mnyam par sbyor ro/ /de ma thag tu gsang ba'i thugs ka ye shes sems dpa' i gnas su chos kyi dbyings kyi ye shes kyi ngo bo sngags sa bon yig 'bru oM kha dog dkar por 'gyur ro/ /sa bon de las chos kyi dbyings kyi ye shes kyi ngo bo 'od zer kha dog dkar po sprin lta bu grangs med pa ba spu bu ga'i lam nas spro bar mdzad do/ /des 'jig rten gyi khams thams cad khyab po/ de ma thag tu rims la sogs pa nad thams cad dang/ gzhan yang bgegs kyi gnod pas nyam thag pa'i sems can thams cad byin gyis brlab par mdzad do/ /de ltar byin gyis brlab par mdzad pas ci ltar smos pa'i nad dang gnod pa de dag med bar 'gyur ro/ /de ltar mdzad nas 'od zer sprin lta bu grangs med ba de slar spro ba'i lam nas spro ba'i gnas su sngags kyi sa bon yig 'bru oM de la gnyis su med par bsdu ba mdzad do/ /de ma thag tu sngags sa bon yig 'bru oM zla ba'i dkyil 'khor gyi ngo bor gyur to/ /zla ba'i dkyil 'khor de sngags sa bon yig 'bru laM du gyur par mdzad do/ /de chos kyi dbyings kyi ye shes kyi ngo bo kha dog dkar po gzi brjid phung po bzhin du 'bar ba'o/ /sa bon de las sangs rgyas spyan gyi sku phyag rgyar gyur par mdzad de/ sku mdog dang zhal dang phyag dang/ phyag mtshan dang/ /rgyan rnams mdun du ji ltar smos pa dang ldan pa grangs med pa bzhin du/ ba spu'i bu ga'i lam gyi sgo nas spros nas/ 'jig rten gyi khams thams cad du khyab po/ /de ma thag tu mdun du smos pa'i sems can thams cad byin gyis brlab par mdzad do/ /de byin gyis brlabs pas zhi ba bde ba dang/ yid bde ba thams cad kyi 'bras bu thob par 'gyur ro/ /de ltar mdzad pas

  329. 165a

    sangs rgyas spyan gyi sku'i phyag rgya sprin lta bu de/ spro ba'i lam nas gsang ba'i thugs kha ye shes sems dpa' i gnas su gnyis su med par bsdu ba mdzad do/ /tshul de ltar 'od zer gyi sprin grangs med pa dang/ de bzhin du sangs rgyas spyan gyi sku phyag rgya'i sprin grangs med pa spro ba mdzad nas thugs rje chen po'i thugs bskyed nas/ ji ltar smos pa'i tshul gyis sems can thams cad byin gyis brlab pa'i spro ba dang gnyis su med par bsdu ba mdzad pa'i don de ting nge 'dzin du smos so/ /bshad par bya ste ston pa mi bskyod pa rdo rje 'dzin de ting nge 'dzin mdzad pa'i dus su thugs rtse gcig par gnas pa'i don snyoms par zhugs par smos so/ /mdor bsdu ba de ltar ting nge 'dzin la snyoms par zhugs pa'i don du gsungs so/ /ting nge 'dzin mdzad pa'i 'og tu/ nga ni sangs rgyas spyan gyi ngo bo sngags kyi cho ga'i don bstan par bya ste/ de bzhin gshegs pa thams cad kyi btsun mo 'di nyid kyi sku dang gsung dang thugs rdo rje las phyung ngo zhes bya ba ni/ de bzhin gshegs pa thams cad ni rdo rje mi bskyod pa la sogs pa rigs lnga'i bye brag gi de bzhin gshegs pa thams cad de/ de rnams ni ye shes rnam pa lnga dang gnyis su med pa'i ngo bo'i sku phyag rgyar smos so/ /de dang gnyis su med par sku'i rigs rnam par snang mdzad kyi sku phyag rgya bstan to/ /de ltar de bzhin gshegs pa thams cad kyi don du gsungs so/ /btsun mo zhes pa ni ci ltar smos pa'i tshul gyi sku'i rigs rnam par snang mdzad kyi btsun mor ming btags pa shes rab ma gnyis su med par 'khyud pa'i sbyor bas gsang ba'i rol pas dgyes par byed pa'o/ /gzhan yang 'phags pa ye shes zhabs kyis le'u dang por de bzhin gshegs pa thams cad kyi btsun mo'i don ji ltar

  330. 165b

    bshad pa de bzhin du 'dir sbyar ro/ /de ltar btsun mo'i don du gsungs so/ /nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku phyag rgya sku gsung thugs rdo rje gsum gcig pa'i ngo bor smos so/ /de lta bu'i nyid kyi sku gsung thugs rdo rje gsum dang gnyis su med pa'i ngo bo sangs rgyas spyan yin no/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni mdun du ji ltar smos pa'i sku rdo rje dang gsung rdo rje dang thugs rdo rje dang gnyis su med par bshad pa de bzhin du bstan to/ /de ltar rdo rje 'dzin du gsungs so/ /phyung ngo zhes pa ni ston pa mi bskyod pa rdo rje 'dzin gyis sangs rgyas spyan gyi sngags rings ci ltar smos pa'i sku gsung thugs rdo rje gsum dang gnyis su med pa'i ngo bo phyung ba'o/ /de ltar phyung ba'i don du gsungs/ /nga ni sangs rgyas spyan gyi sngags rings bstan par bya ste/ oM ru ru sphu ru dzwa la tiSh+Tha sid d+ha lo tsa ni sarba artha a d+ha ni swAhA/ zhes bya ba'i don bshad par bya ste/ oM ni sangs rgyas spyan kyi rigs kyi bdag po rnam par snang mdzad kyi bskyed pa'i sngags kyi sa bon yig 'bru yin no/ /chos kyi dbyings kyi ye shes kyi ngo bo dang po brjod pas nad pa la gnod par byed pa'i bgegs ma rungs pa thams cad kyi cho 'phrul dang/ sgyu ma dang stobs dang/ thabs rnams 'joms par 'gyur ro/ /de ltar oM gyi don du gsungs so/ /ru zhes pha ni rims la sogs pa nad thams cad du smos so/ /ru zhes bya ba ni bgegs kyi tshogs ma rungs pa thams cad du smos so/ spu ru zhes pa ni gong du smos pa'i nad pa rnams la gnod pa med par bya ba'i phyir/ chos kyi dbyings kyi ye shes kyi ngo bo sangs rgyas spyan gyi sku phyag rgya brtson 'grus chen po'i stobs kyi sprin lta bu grangs med pa spro ba mdzad pas nad pa rnams kyi steng du bsrung ba mdzad par smos so/

  331. 166a

    dzra la zhes bya ba'i ni mdun du smos pa'i sangs rgyas kyi sku phyag rgya grangs med pa sprin bzhin du spro bar mdzad pa de ni chos kyi dbyings kyi gzi brjid kyi 'bar ba chen po'i 'od kyis 'bar ba ste/ de'i tsha bas bgegs kyi tshogs ma rungs pa thams cad sreg par 'gyur ba'o/ /tiSh+ThA zhes bya ba ni/ sems can nad pa rnams nad ma sos kyi bar du/ nad pa'i lus kyi snying ga'i gnas su sangs rgyas spyan gyi sku phyag rgya bsrung bar mdzad cing brtan par bzhugs pa'o/ /sid d+ha lo tsa ni zhes bya ba ni/ ye shes kyi lha mo des zhi ba'i las la sogs pa dngos grub kyi 'bras bu thams cad bsgrub pa po la 'grub par mdzad do/ /gzhan yang spyan du ming du btags pa'i sku'i rigs rnam par snang mdzad la sogs pa de bzhin gshegs pa thams cad kyi ye shes kyi spyan du gnyis su med par smos so/ /sarba artha sa d+ha ni zhes bya ba ni/ mdun du smos pa'i sangs rgyas spyan yin te/ des bsgrub pa pos ci dang ci 'dod pa'i dngos grub kyi 'bras bu thams cad 'grub par mdzad pa'o/ / swAhA zhes bya ba ni sgrub pa pos ji ltar smos pa'i tshul gyis bsgom par byas pas sangs rgyas spyan dang nyid kyi rigs kyi bdag po rnam par snang mdzad du bcas pa'i thugs mnyes par 'gyur ro/ /de'i dus su mdun du smos pa'i dngos grub kyi 'bras bu 'grub par 'gyur ba'o/ /nga ni sangs rgyas spyan gyi sngags rings kyi yon tan bstan par bya ste/ 'di ni gsungs ma thag tu yang/ /'byor ba kun la dgyes pa rnams/ /mnyes shing rab tu dgyes gyur nas/ /sangs rgyas rdo rje rjes su dran/ / zhes bya ba'i don bshad par bya ste/ ci ltar yin na/ 'di ni gsungs ma thag tu yang/ /'byor pa kun la dgyes pa rnams ni/ ston pa mi bskyod pa rdo rje 'dzin gyis ji ltar smos pa'i tshul gyi ting nge 'dzin mdzad pa'i 'og tu/ sangs rgyas spyan

  332. 166b

    gyi sngags rings sku gsung thugs rdo rje gnyis su med pa'i ngo bo de gsungs pa'o/ /de ltar 'di ni de'i don du gsungs pa'o/ /de ma thag tu 'jig rten gyi khams thams cad na gnas pa'i sems can rims la sogs pa nad thams cad dang/ bgegs kyi gnod pas nyam thag pa de dag thams cad zhi ba la sogs pa ci ltar re ba skyes pa'i dngos grub kyi don thams cad kyi 'bras bu phun sum tshogs par gyur to/ /de ltar 'di ni gsungs ma thag tu yang/ 'byor pa kun la dgyes pa rnams kyi don du gsungs so/ /mnyes zhes pa ni mdun du smos pa'i sems can thams cad kyis/ zhi pa la sogs pa'i dngos grub kyi 'bras bu phun sum tshogs pa thams cad sngags gsung ma thag tu thob par 'gyur ro/ /de'i yon tan sku rdo rje rnam par snang mdzad la sogs pa 'khor brjod du yod pa dang/ brjod du med pa thams cad kyis ye shes kyi spyan gyis gzigs ma thag tu de rnams kyi thugs rje chen po'i ngo bo'i thugs dgyes par 'gyur bar gsungs so/ /mnyes zhes pa ni mdun du smos pa'i de bzhin gshegs pa thams cad kyi thugs ji ltar mnyes par 'gyur ba de bzhin du/ sa'i snying po dang/ phyag na rdo rje dang/ 'jig rten dbang phyug la sogs pa ci ltar smos pa'i tshul gyi 'khor phun sum tshogs pa thams cad mnyes par gyur to/ /sangs rgyas rdo rje rjes su dran zhes pa ni/ rin chen 'byung ldan dang/ snang ba mdza' yas dang/ don yod grub pa la sogs pa ji ltar smos pa'i 'khor phun sum tshogs pa thams cad sangs rgyas spyan gyi sngags rings gsungs ma thag tu/ sngags kyi 'bar ba'i 'od kyis tsha bas 'jigs par gyur to/ myur ba myur bar sangs rgyas rnam par snang mdzad de bzhin gshegs pa thams cad kyi sku rdo rje dang/ gnyis su med pa'i chos kyi

  333. 167a

    dbyings kyi ye shes kyi ngo bo sangs rgyas spyan nyid kyi rigs kyi bdag po rjes su dran nas/ skyobs shig skyobs shig ces tshig tu brjod pa'i tshul bstan to/ /de ltar bsgrub pa pos sems brtan par bya ba dang/ dad pa bskyed pa'i phyir sdud pa po phyag na rdo rjes smos pa yin te/ la dor ba'i tshig go /bshad par bya ste/ sangs rgyas spyan gyi sngags rings gsungs ma thag tu/ de'i dus su 'jig rten gyi khams thams cad na gnas pa'i bgegs kyi tshogs ma rungs pa'i gnod pa byed pa thams cad sngags kyi 'bar ba'i 'od kyi tsha bas nad kyi sdug bsngal du gyur te/ de zhi bar bya ba'i phyir mdun du smos pa'i sangs rgyas rdo rje bstan pa de la skyobs shig skyobs shig ces brjod pa'i tshul du rjes su dran no// de dran ma thag tu zhi ba bde bar gyur par smos so/ /mdor bsdu ba de ltar sangs rgyas rdo rje rjes su dran gyi don du gsungs so/ /sangs rgyas kun gyi zhing 'byung ba/ /las rnams thams cad rab bsgrub cing/ /rdo rje'i dam tshig bsgrub mdzad pa/ /shi ba sos par byed par gsungs/ /zhes bya ba'i don bshad par bya ste/ ci ltar yin na/ sangs rgyas kun gyi zhi 'byung ba ni/ sku'i rigs rnam par snang mdzad la sogs pa sangs rgyas de dag thams cad shes rab ma ye shes kyi lha mo sangs rgyas spyan dang gsang ba'i rol pa mdzad pas/ bla na med pa'i 'dod chags kyi bde ba zhi ba'i ngo bo 'byung bar smos so/ /de ltar sangs rgyas kun gyi zhing 'byung ba'i don du gsungs so/ /las rnams thams cad rab bsgrub cing zhes pa ni/ sgrub pa po ji ltar smos pa'i tshul du sangs rgyas spyan dang gnyis su med pa'i nga rgyal du bsgom pa byas nas/ de ma thag tu de'i sngags rings bzlas par byed pa'o/ /de ltar bsgom pa dang sngags kyi bzlas pa byas pas zhi ba la sogs pa'i las thams

  334. 167b

    cad kyi dngos grub kyi 'bras bu grub par mdzad do/ /de ltar las rnams thams cad rab sgrub cing gi don du gsungs so/ /shi ba'ang sogs par byed par gsungs zhes pa ni/ mdun du smos pa'i tshul gyi sangs rgyas spyan gyi bsgrub pa pos sems can nad pa bsrung ba de gal te shi bar gyur na/ de ma thag tu bsgrub pa pos 'tsho bar gyur pa'i sbyor bar bya'o/ /de'i don gsal bar bya ste/ sgrub pa pos dang po nad pa'i sngags kyi phyogs su mos pa'i dkyil mo bya ste/ brtson 'grus chen po'i sems bstan pa rtse gcig pas ci ltar mos pa'i tshul gyis sangs rgyas spyan gyi sku phyag rgya bskyed par bya'o/ /de ma thag tu bsgrub pa pos de dang gnyis su med pa'i nga rgyal du bsgom par bya'o/ /de'i dus su nyid kyi snying ga'i gnas su sngags sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid kyi phung po bzhin du 'bar ba'i ye shes kyi khu ba bzhin du 'od du zhu ste/ sa bon de las ye shes kyi 'khor lo'i kyo bar gyur par bsam mo/ /de'i snying ga'i gnas nas sprin lta bu grangs med pa 'bar ba spri bar bya'o/ /des nam mkha' i dbyings su khyab po/ /bshad par bya ste/ kyo ba des sems can gyi shi ba'i srog gi dbang po me mar gyi rtse mo'i gzugs lta bu 'am/ yang na srin bu me khyer gyi gzugs lta bu bsam yang mi 'gal lo/ /de kyo ba 'bar ba la gnyis su med par thim par gyur par bsam mo/ /de'i 'og tu kyo ba ma lus par sems can shi ba de'i snying ka'i gnas su bsdu bar bya'o/ /de ma thag tu gzi brjid kyi gong bu'i ngo bo kyo ba thams cad shi bar gyur pa'i srog gi dbang po dang ldan par gyur te/ gzi brjid kyi gong bu de shi ba'i sems can de'i lus kyi yan lag dang nying lag thams cad la thim par brtag go /de ltar byas pa'i 'og tu bsgrub pa po'i srog gi dbang po

  335. 168a

    bcug pa'i sems can de bkra shis pa dang rgyas par bya ba'i phyir dbang bskur bar bya'o/ /de gsal bar bstan par bya ste/ sgrub pa pos nyid kyi snying ga'i gnas su sngags sa bon yig 'bru lam bsam mo/ /de kha dog dkar po chos kyi dbyings kyi ye shes kyi ngo bo gzi brjid kyi phung po bzhin du 'bar zhing ye shes kyi khu ba bzhin du 'od du zhu'o/ /sa bon de las sangs rgyas spyan gyi sku phyag rgya bskyed par bya'o/ /de'i cha lugs phun sum tshogs pa ni mdun du smos pa dang ldan pa'o/ /bshad par bya ste/ phyag g.yas g.yon dang po gnyis kyi snyim pa'i dbus nas ye shes kyi rin po che shel gyi bum pa ye shes gyi bdud rtsi'i chus bkang ba de lta bu'i chos kyi dbyings kyi ye shes gzi brjid kyis 'bar ba sprin bzhin du ba spu'i bu ga'i lam gyi sgo nas sog bcug pa'i sems can de'i steng gi nam mkha' i gnas su spro bar bya'o/ /de ma thag tu mdun du smos pa'i sems can gyi lus kyi steng du ye shes bum pa ye shes kyi bdud rtsi'i chu'i rgyun 'bab pas dbang bskur bar bsam mo/ /de'i 'og tu sangs rgyas spyan gyi sku phyag rgya grangs med pa sprin lta bu de dag thams cad gnyis su med pa'i ngo bor gzi brjid kyi 'od du gyur nas/ dbang bskur ba'i sems can gyi snying ga'i gnas su bsdu bar bya'o/ /cho ga'i tshul de ltar byas pas sems can shi ba de slar sos par 'gyur ro/ /gzhan yang rdo rje'i sku'i ngo bor gyur par smos so/ /de'i dge ba'i stobs kyis sgrub pa po nad bsrung par byed pa de chos kyi dbyings kyi ye shes kyi ngo bo bla na med pa'i byang chub kyi 'bras bu thob bo/ /mdor bsdu ba de ltar shi ba sos par byed par don du gsungs so/ /rdo rje'i dam tshig bskul mdzad pa/ /zhes pa rdo rjer ming btags pa ni/

  336. 168b

    sangs rgyas spyan nyid kyi rigs kyi bdag po sku rdo rje rnam par snang mdzad do/ /de'i dam tshig thugs rje chen po'i ngo bo thugs so/ /thugs des bsgrub pa pos mdun du smos pa'i tshul du bsgom pa dang/ bzlas pa byas pas sangs rgyas spyan mnyes pas 'gyur to/ de'i dus su sku rdo rje rnam par snang mdzad kyis ci ltar smos pa'i tshul gyis sems can nad pa shi ba de slar sos par chos kyi dbyings kyi ye shes kyis byin gyis brlob par mdzad do/ /bshad par bya ste/ rnam par snang mdzad dang/ sangs rgyas spyan gyi ye shes gnyis su med pa'i ngo bos smos so/ /de ltar rdo rje'i dam tshig bskul mdzad pa'i don du gsungs so/ /sangs rgyas spyan gyi sngags rings gsungs pa'i 'og tu/ da ni ma ma ki'i sngags rings gsungs pa'i cho ga'i don bshad par bya ste/ de nas bcom ldan? sku gsum gyi dam tshig rdo rje khro bo dngos po dang/ dngos po ma yin pa'i dam tshig rdo rje zhes bya ba'i ting nge 'dzin la snyoms par zhugs nas/ zhes pa de nas ni mdun du smos pa'i sangs rgyas spyan gyi sngags rings gsungs pa'i 'og tu/ ma ma ka'i sngags rings gsungs pa'i cho ga'i don mtshon pa'o/ /bcom ldan 'das zhes pa ni ston pa mi bskyod pa rdo rje 'dzin nyid la yon tan gyi bstod pa'i mtshan bcom ldan 'das zhes sdud pa pos smos pa'o/ /de'i don mdun du ci ltar bshad pa bzhin du 'dir sbyar ro/ /sku gsum gyi dam tshig rdo rje khro bo zhes pa ni/ chos kyi sku dang/ longs spyod rdzogs pa'i sku dang/ sprul pa'i sku'o/ /de dang gnyis su med pa'i ngo bo ston pa mi bskyod pa rdo rje 'dzin nyid yin no/ /de nas sku gsum gyi 'od? gsal? bar bstan par bya ste/ ston pa mi bskyod pa rdo rje 'dzin nyid kyi thugs ni chos kyi sku ma skyes pa'i ngo bo med pa stong pa nam mkha' i bzhin du kun la khyab nas gnas pa'o/ /gzhan yang rnam par snang mdzad la sogs pa de bzhin gshegs pa

  337. 169a

    thams cad kyi ye shes dang gnyis su med pa'i dngos grub kyi 'bras bur smos so/ /longs spyod rdzogs pa'i sku ni ston pa mi bskyod pa rdo rje 'dzin gyi sku phyag rgya'i sku mdog dang/ zhal dang phyag dang/ phyag mtshan dang/ rgyan rnams la sogs pa cha lugs phun sum tshogs pa thams cad dang ldan pa/ nyid kyi shes rab ma lha mo ma ma ki dang gnyis su med par ldan pas 'khyud pa'i sbyor pas gsang ba'i rol pa mdzad pas longs spyod rdzogs pa'o/ /gzhan yang phyi dang nang gi longs spyod phun sum tshogs pa mdun du ji ltar smos pa de bzhin du 'dir sbyar ro/ /sprul pa'i sku ni ston pa mi bskyod pa rdo rje 'dzin nyid kyi gsung sbrul pa'i sku'i ngo bo'o/ /gzhan yang rig pa'i ye shes thams cad dang gnyis su med pa snying po'i gnas yin no/ /tshul de ltar sku gsum dang gnyis su med pa'i ngo bor ston pa mi bskyod pa rdo rje 'dzin bstan to/ /dam tshig rdo rje khro bo ni/ dam tshig tu ming btags pa thugs rje chen po'i zhe sdang gi ngo bo khro bo'i gzugs su 'dzin pa zhe sdang rdo rje'o/ / de me long lta bu'i ye shes kyi me 'bar ba chen po'i 'od kyis 'bar bar smos so/ /mdor bsdu ba de ltar sku gsum gyi dam tshig rdo rje khro bo'i don du gsungs so/ /dngos po dang dngos po ma yin pa zhes pa ni/ /don dam pa rdo rje rigs kyi bye brag me long lta bu'i ye shes de ni ma skyes pa stong pa nam mkha' lta bu'o/ /don des dngos po med par smos so/ /bshad par bya ste/ mdun du smos pa dngos po med pa de dngos po'i tshul du me long lta bu'i ye shes la bsgrub pa po la sogs pa sems can thams cad la dgra bgegs ma rungs pa gnod pa byed pa thams cad gzhom pa'i phyir ye shes kyi lha mo ma ma ki sku phyag rgya sprul pa'o/ /don de dngos por smos so/ /de ltar dngos po dang dngos po ma yin pa'i don du gsungs so/ /dam tshig rdo rje zhes pa ni sems

  338. 169b

    can thams cad la gnod pa byed pa'i dgra bgegs ma rungs pa thams cad gzhom pa'i phyir ye shes kyi lha mo ma ma ki dus rtag tu dam tshig tu ming btags pa thugs rje chen po'i zhe sdang gi ngo bo'i thugs bskyed pa'o/ /rdo rje ni ji ltar smos pa'i tshul gyi ye shes kyi lha mo ma ma ki'i thugs rje chen po'i zhe sdang gi thugs de ni rdo rje'i rigs me long lta bu'i ye shes dang gnyis su med pa'i ngo bor smos so/ /de ltar rdo rje'i dam tshig gi don du gsungs so/ /nga ni rdo rje rigs kyi lha mo ma ma ki de'i sngags rings gsungs pa'i phyir ston pa mi bskyod pa rdo rje 'dzin de dang po ting nge 'dzin la snyoms par zhugs pa'i don gsal bar bstan par bya ste/ ting nge 'dzin la snyoms par zhugs te/ zhes pa ston pa mi bskyod pa rdo rje 'dzin gyis 'khor phun sum tshogs pa thams cad kyi nang du/ khro bo'i tshul gyis 'dod chags chen po'i zhe sdang gi thugs dgyes pas nyid kyi shes rab ma ye shes kyi lha mo khro mo'i gzugs zhe sdang dga' ma ma kir smos pa de dang gnyis su med par 'khyud pa'i sbyor bas gsang ba'i dbang po gnyis mnyam par sbyar nas de ma thag tu gsang ba'i thugs ka ye shes sems dpa' i gnas su me long lta bu'i ye shes kyi ngo bo sngags sa bon yig 'bru hUM kha dog nag por gyur par mdzad do/ /sa bon de las me long lta bu'i ye shes kyi ngo bo me stag nag po grangs med pa sprin bzhin du spro bar mdzad do/ /des 'jig rten gyi khams thams cad du khyab ste/ de ma thag tu mi dang mi ma yin pa'i bgegs gnod pa thams cad byin gyis brlabs pas gnod pa byed pa'i sgyu ma'i thabs bcom par 'gyur ro/ /de nas me stag grangs med pa smin lta bu de spro bar lam nas spro ba'i gnas su sngags sa bon yig 'bru hUM la gnyis su med par bsdu bar mdzad do/ /de ma thag tu sngags sa bon yig 'bru hUM de nyi ma'i dkyil 'khor gyi ngo bor gyur to/ /nyi ma'i dkyil

  339. 170a

    'khor de sngags sa bon yig 'bru mAM du gyur par mdzad do/ /me long lta bu'i ye shes kyi ngo bo kha dog nag po gzi brjid chen po'i 'bar ba'i 'od kyis 'bar ba'o/ /sa bon de las ma ma ki'i sku phyag rgya khro bo'i tshul sku mdog dang/ zhal dang/ phyag dang phyag mtshan dang/ rgyan rnams ci ltar smos pa lta bu dang ldan pa grangs med pa/ sprin bzhin du ba spu'i bu ga'i sgo nas spro bar mdzad do/ /des 'jig rten gyi khams thams cad du khyab ste/ de ma thag tu gong du smos pa'i gnod par byed pa'i sems can thams cad byin gyis brlab par mdzad pas drag po'i las kyi 'bras bur 'gyur ro/ /de ltar mdzad nas ma ma ki'i sku phyag rgya sprin lta bu grangs med pa de spros pa'i lam nas gsang ba'i thugs ka ye shes sems dpa' i gnas su gnyis su med pa'i ngo bor bsdu ba mdzad do/ /tshul de ltar me stag gi sprin grangs med pa dang/ de bzhin du ma ma ki'i sku phyag rgya grangs med pa'i sprin lta bu spro bar mdzad pa thugs rje chen po zhe sdang gi thugs bskyed nas/ ci ltar smos pa'i tshul gyi gnod par byed pa'i sems can thams cad byin gyis brlabs nas spros pa de gnyis su med par bsdu bar mdzad do/ /don de ting nge 'dzin du smos so/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su phyag? rgya? rtse gcig tu gyur nas gnas pas don des snyoms par zhugs par smos so/ /mdor bsdu ba de ltar ting nge 'dzin la snyoms par zhugs pa'i don du gsungs so/ /ting nge 'dzin mdzad pa'i 'og tu/ nga ni ma ma ki'i ngo bo'i sngags kyi cho ga'i ? ? kyi don bstan par bya ste/ rdo rje 'dzin pa thams cad kyi btsun mo'i mchog 'di nyid kyi sku dang gsung dang thugs rdo rje las phyung ngo/ /zhes bya ba rdo rje 'dzin pa thams cad ni/ rnam par snang mdzad la sogs pa rigs lnga'i bye brag gi de bzhin

  340. 170b

    gshegs pa grangs med pa de dag thams cad nyid nyid kyi ye shes rdo rje sku phyag rgya'i ngo bo 'dzin par don des rdo rje 'dzin par smos so/ /de dag thams cad gnyis su med pa'i ngo bo rdo rje'i rigs ston pa mi bskyod pa rdo rje 'dzin nyid kyi sku phyag rgyar bstan to/ /de ltar rdo rje 'dzin pa thams cad kyi don du gsungs so/ /btsun mo'i mchog ces pa ni/ mdun du smos pa'i rdo rje 'dzin pa de'i btsun mo'i ming btags pa shes rab ma gnyis su med par 'khyud pa'i sbyor bas gsang ba'i rol pas mnyes par byed pa'o/ / gzhan yang ji ltar smos pa'i 'khor thams cad bskyed pa'i yum yin te/ don des btsun mo'i mchog tu smos so/ /gzhan yang 'phags pa ye shes zhabs kyis/ le'u dang po las rdo rje 'dzin pa thams cad kyi btsun mo'i don ci ltar bshad pa de bzhin du 'dir bstan to de ltar btsun mo'i mchog gi don du gsungs so/ /nyid kyi sku dang gsung thugs zhes pa ni/ ston pa mi bskyod pa rdo rje 'dzin nyid kyi sku phyag rgya'i sku dang gsung thugs rdo rje gsum gcig pa'i ngo bor smos so/ /de ltar ? ? sku dang gsung dang thugs rdo rje gsum dang gnyis su med pa'i ngo bor ma ma ki bstan to/ /de ltar nyid kyi sku dang gsung thugs kyi don du gsungs so/ /rdo rje zhes pa ni mdun du ji lta sku rdo rje dang gsung rdo rje dang/ thugs rdo rje gnyis su med par bshad pa dang ? bzhin du 'di lta bu bstan to/ /phyung ngo zhes pa ni/ ston pa mi bskyod pa rdo rje 'dzin gyis ma ma ki'i sngags rings 'di/ /tshul ji ltar smos pa'i sku dang gsung dang thugs rdo rje gsum dang/ gnyis su med pa'i ngo bo phyung ba yin no/ /nga ni ma ma ki'i sngags rings? kyi ngo bo bstan par bya ste/ oM shaM ka re/ shan ting ka re/ g+hu Ta g+hu Ta g+hu Ti ni/ g+ha Ta ya/ g+ha Ta ya/ g+hu Ta ni swAhAM/ /zhes bya ba'i don bshad par bya ste/ ci bltar yin na/ oM nai de bzhin gshegs pa thams

  341. 171a

    cad kyi sku rdo rje gnyis su med pa'i ngo bo'o/ /de ni sku'i rigs rnam par snang mdzad kyi bskyed pa'i sngags kyi sa bon yig 'bru'o/ /chos kyi dbyings kyi ye shes kyi ngo bo de dang po brjod pas bsgrub pa po la gnod par byed pa'i mi dang mi ma yin pa dgra de dag gi cho 'phrul dang/ sgyu ma'i stobs kyi thabs 'joms par 'gyur bar smos so/ /de ltar oM gyi don du gsungs so/ /de nas shaM zhes bya ba ni/ mdun du smos pa'i sgrub pa po'i dgra dang mi ma yin pa'o/ /de nas ka zhes bya ba ni ci ltar smos pa'i tshul gyi dgra rnams kyis sgrub pa po la dge ba'i bar chad bya ba'i phyir bye brag sna tshogs kyi cho 'phrul dang/ sgyu ma dang stobs kyi thabs kyi ngo bo'o/ /de nas re zhes bya ba ni/ sgrub pa pos dge ba byed pa'i dus su/ /dgra rnams kyis ci ltar smos pa'i tshul gyis gnod par byed pa'o/ /de nas shan ting zhes bya ba ni/ me long lta bu'i ye shes kyi ngo bo ma ma ki'i sku phyag rgya des brtson 'grus chen po'i stobs kyis/ sgrub pa po la gnod par byed pa'i dgra de rnams gzhom pa'i phyir cho 'phrul gyi sprul pa mdzad pa bstan to/ /de nas ka re zhes bya ba ni/ ma ma kis bsgrub pa po la byams pa'i thugs bskyed nas/ /ye shes kyi cho 'phrul gyi sprul pas ji ltar smos pa'i tshul gyi dgra rnams bcom nas zhi bar gyur pa'o/ /de nas g+hu Ta zhes bya ba ni/ /gnod pa'i dgra rnams kyi g+hu Tar ming btags pa'i sgyu ma'i cho 'phrul lo/ /de nas g+hu Ta zhes bya ba ni/ rdo rje rigs kyi ye shes kyi lha mo ma ma kis g+hu Tar ming btags pa ye shes kyi cho 'phrul gyi sprul pas dgra rnams kyi gnod pa de 'joms par mdzad pa'o/ /de nas g+hu Ta ni zhes bya ba ni/ g+hu Ta ni re ming btags pa ma ma ki nyid kyi sku phyag rgya'i ngo bor ci ltar smos pa de lta bu'i sprul pa'i sku phyag rgya sprul par mdzad pa'o

  342. 171b

    de nas gA Ta ya zhes bya ba ni/ gong du smos pa'i ye shes kyi lha mo ma ma ki sku phyag rgya'i ngo bo grangs med par sprul pa de dag thams cad kyis rdo rje la sogs pa ye shes kyi mtshon cha'i bye brag sna tshogs phob pas/ ci ltar smos pa'i dgra rnams la rgyab pas bsad par smos so/ /de nas ga ta ya zhes bya ba ni/ gong du ji ltar dgra rnams rgyab ba de bzhin du de dag gi 'khor thams cad bdegs nas bsad par bstan to/ /de nas gu Ti ni zhes bya ba ni/ gu Ti nir ming btags pa dgra ma rungs pa gnod par byed pa thams cad med par mdzad pa ye shes kyi lha mo ma ma ki yin par bstan to/ /de nas swAhA zhes bya ba ni sgrub pa pos ji ltar smos pa'i tshul gyi ye shes kyi lha mo ma ma ki nyid kyi rigs kyi bdag po ston pa mi bskyod pa dang bcas pa'i thugs mnyes par 'gyur te/ /de'i dus su sngar bshad pa'i dgra rnams gsad pa'i dngos grub kyi 'bras bu 'grub par 'gyur bar bstan to/ /da ni ma ma ki'i sngags rings kyi yon tan gyi ngo bo'i don bstan par bya ste/ 'di ni gsungs ma thag tu yang/ / sku gsum dbyer med rdo rje can/ /mdzes pa'i spyan ni gdangs nas su/ /rdo rje'i thugs ni rjes dran nas/ /zhes bya ba'i don bshad par bya ste/ ji ltar yin na 'di ni gsungs ma thag tu yang/ /sku gsung dbyer med rdo rje can ni ston pa mi bskyod pa rdo rje 'dzin gyis ji ltar smos pa'i tshul gyis ting nge 'dzin mdzad pa'i 'og tu/ ma ma ki'i sngags rings sku dang gsung dang thugs rdo rje gsum gnyis su med par mi phyed pa/ rdo rje can du ming btags pa ston pa des gsungs pa'i don de/ /de nad kyi don du gsungs so/ / de ma thag tu 'jig rten gyi khams thams cad na gnas pa'i bgegs ma rungs pa gnod pa byed pa thams cad bcom par 'gyur ro/ /de ltar 'di ni gsungs ma thag tu yang sku gsum dbyer med rdo rje can gyi don du gsungs so/ /mdzes pa'i spyan ni gdangs nas su/

  343. 172a

    zhes pa ni mdun du smos pa'i sngags rings gsungs ma thag tu/ bgegs ma rungs pa gnod pa byed pa thams cad med bar 'gyur ba de'i dus/ sems can thams cad kyis bde ba dang yid bde ba'i 'bras bu thob par 'gyur ro/ /de'i yon tan gyis sku rdo rje rnam par snang mdzad la sogs pa 'khor brjod du yod pa dang/ brjod du med pa'i de bzhin gshegs pa thams cad dang/ de bzhin du 'khor gzhan thams cad kyi thugs rje chen po'i thugs mnyes par 'gyur ro/ /don des mdun du smos pa'i 'khor ma lus pa thams cad kyi spyan gyi bgegs ma rungs pa thams cad bcom pa de gzigs pa de ji ltar me tog pad ma kha phye ba mdzes pa de bzhin du smos so/ /de ltar mdzes pa'i spyan ni gdangs nas su'i don du gsungs so/ /rdo rje'i thugs ni rjes su dran/ zhes pa ni ma ma ki'i sngags rings gsungs ma thag tu de'i dus su/ rnam par snang mdzad dang/ rin chen 'byung ldan dang/ don yod grub pa la sogs pa ji ltar smos pa'i 'khor phun sum tshogs pa thams cad sngags byin gyis brlabs kyi stobs kyis 'jigs par 'gyur te/ don des myur ba myur bar rdo rje'i thugs de bzhin gshegs pa thams cad kyi thugs rdo rje dang gnyis su med pa'i me long lta bu'i ye shes kyi ngo bo ma ma ki nyid kyi rigs kyi bdag po de rjes su dran nas skyobs shig skyobs shig ces brjod pa'i tshul bstan to/ /de ltar mdun du smos pa'i don gyis sdud pa po phyag na rdo rje la dor ba'i tshig tu smos so/ /bshad par bya ste/ ma ma ki'i sngags rings gsungs pa'i dus der 'jig rten gyi khams thams cad na gnas pa'i bgegs ma rungs pa gnod pa byed ba thams cad sngags kyi byin gyi brlabs kyi stobs kyis 'jigs pas/ cho 'phrul dang/ sgyu ma dang thabs dang gnod pa byed pa'i sbyor ba la sogs pa med par

  344. 172b

    gyur nas sdug bsngal bar 'gyur ro/ /de zhi bar bya ba'i phyir rim pas rdo rje thugs smos pa de la skyobs shig skyobs shig ces tshig brjod pa'i tshul gyis rjes su dran no/ /de dran ma thag tu ji ltar smos pa'i tshul gyi 'jigs pa de med par 'gyur ro/ /mdor bsdu ba de ltar rdo rje'i thugs ni rjes su dran nas kyi don du gsungs so/ /rdo rje bsrung ba'i sbyor ba la/ las rnams rtag tu sgrub par byed/ /rdo rje chen po 'jigs pa'i skyabs/ /rtag par stobs su 'gyur zhes bshad ces bya ba'i don bshad par bya ste/ ci ltar yin na/ rdo rje bsrung ba'i sbyor ba lan/ sgrub pos ma ma ki dang gnyis su med pa'i nga rgyal du bsgom pa dang/ de'i sngags rings bzlas pas/ /bgegs kyi tshogs ma rungs pa'i dgra thams cad gzhom par bya'o/ /de'i dus su bsgrub pa po nyid kyi snying ga'i gnas su sngags sa bon yig 'bru hUM bsam mo/ /de rin po che in+d+ra ni la'i kha dog me long lta bu'i ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du gyur par bsam mo/ /sa bon de las rdo rjer ming btags pa mi bskyod pa'i sku phyag rgya ji ltar smos pa'i tshul gyi cha lugs phun sum tshogs pa dang ldan par bskyed par bya ste/ ba spu'i bu ga'i lam gyi sgo nas sprin bzhin du 'jig rten gyi khams thams cad du khyab par spro'o/ /de ma thag tu dgra bgegs kyi tshogs ma rungs pa thams cad ma gtogs pa sems can thams cad la reg pa'i tshul gyis byin gyi brlab par byas nas nyid nyid kyi sku phyag rgya la gnyis su med pa'i ngo bor bsdu bar bya bar brtag go /de ltar byas nas sems can thams cad dang gnyis su med pa'i ngo bo rdo rje mi bskyod pa'i sku phyag rgya sprin lta bu spro pa'i lam nas spros pa'i gnas su bsdu bar bya'o/ /don de rdo rje bsdu? ba'i sbyor ba'i ngo bor smos so/ /de ltar rdo rje bsrung ba'i don du gsungs so/ /las rnams rtag tu

  345. 173a

    rab bsgrub pa zhes pa ni/ sgrub pa pos ji ltar smos pa'i tshul du ma ma ki dang gnyis su med pa'i nga rgyal du bsgoms pa dang/ de bzhin du sngags rings bzlas pa 'grub par byed de/ /de'i yon tan gyi ye shes kyi lha mo ma ma kis bsgrub pa po la dus rtag tu bgegs kyi tshogs ma rungs pa dgra'i ngo bo thams cad bsad pa'i las kyi dngos grub kyi 'bras bu grub par mdzad do/ /de'i don gyis ma ma kis dus rtag tu las rab tu bsgrub par byed par smos so/ / de ltar las rnams rtag tu rab bsgrub pa'i don du gsungs so/ /rdo rje chen po 'jig pa'i skyabs/ /rtag par stobs su 'gyur zhes bshad ces pa ni/ rdo rje chen por ming btags pa ni de bzhin gshegs pa thams cad kyi bdag po ston pa rdo rje mi bskyod pa'o/ /de'i 'jigs pa sgrub pa po'i gsang ba'i dam tshig gi spyod pa nyams pa yin te/ dam tshig de nyams pas bskal pa grangs med par mnar med pa la sogs par dmyal ba thams cad du gnas par 'gyur ro/ /de lta bu'i 'jigs pa chen po de ye shes kyi lha mo ma ma ki'i sgom pa dang bzlas pa byas pas med par 'gyur ro/ /gzhan yang mdun du smos pa'i phyi'i bgegs ma rungs pa'i tshogs thams cad kyi gnod pa'i 'jigs pa de nges par med par 'gyur ro/ /bshad par bya ste/ ci ltar smos pa'i 'jigs pa med par bya ba'i 'og tu/ ma ma kis me long lta bu'i ye shes kyi byin gyis rlob par mdzad pas dus rtag tu bsod nams dang ye shes kyi stobs 'phel bar 'gyur bar bshad do/ don de ma ma ki stobs mdzad mkhan du smos so/ /de ltar rdo rje chen po 'jigs pa'i skyabs/ /rtag par stobs su 'gyur zhes bshad kyi don du gsungs so/ /ma ma ki'i sngags rings gsungs pa'i 'og tu/ /de ni na bza' dkar mo'i sngags

  346. 173b

    rings gsungs pa'i cho ga'i don bshad par bya ste/ de nas bcom ldan 'das 'dod chags chen po'i dam tshig gzigs pa zhes bya ba'i ting nge 'dzin la snyoms par zhugs te/ zhes bya ba de nas ni/ gong du smos pa'i ma ma ki'i sngags rings gsungs pa'i 'og tu/ na bza' dkar mo'i sngags rings gsung ba'i cho ga'i don mtshon pa'o/ /bcom ldan 'das zhes pa ni/ ston pa mi bskyod pa rdo rje 'dzin nyid kyi yon tan gyi bstod pa'i mtshan bcom ldan 'das zhes sdud pa pos smos so/ /de'i don mdun du bshad pa bzhin du 'dir bstan to/ /de ltar bcom ldan 'das kyi don du gsungs so/ /'dod chags chen po'i dam tshig ces pa ni/ sgrub pa pos phyin ci log gi 'dod chags spangs nas ston pa mi bskyod pa rdo rje 'dzin la sogs pa de bzhin gshegs pa thams cad kyi bla na med pa'i 'dod chags kyi spyod pa spyad pas so sor rtog pa'i ye shes rang gnyis su med pa'i 'bras bu'i ngo bo 'dod chags chen por smos so/ /de dang gnyis su med pa'i ngo bo snang ba mdza' yas yin no/ /bshad par bya ste/ dam tshig tu ming btags pa snang ba mdza' yas kyi 'dod chags kyi spyod pa spyad par mdzad pa'i sngags ye shes kyi lha mo na bza' dkar mor smos so/ /de ltar 'dod chags chen po'i dam tshig gi don du gsungs so/ /gzigs pa zhes pa ni/ so sor rtog pa'i ye shes dang gnyis su med pa'i ngo bor smod pa na bza' dkar mo des thugs rje chen po'i thugs bskyed nas sems can dbul po dang/ nad kyi sdug bsngal gyis lus ring par gyur pa thams cad la/ ye shes kyi spyan gyis gzigs pas rgyas pa chen por mdzad pa'i don de gzigs par smos so/ /de ni gsung gi rigs kyi ye shes kyi lha mo na bza' dkar mor smos pa de'i sngags rings gsungs pa'i phyir/ ston pa mi bskyod

  347. 174a

    pa rdo rje 'dzin dang po'i ting nge 'dzin la snyoms par zhugs pa de'i don gsal bar brtan par bya ste/ ting nge 'dzin la snyoms par zhugs pa zhes pa ston pa mi bskyod pa rdo rje 'dzin gyis 'khor phun sum tshogs pa thams cad kyi nang du/ 'dod chags chen po'i 'gying bag gi thugs dgyes pas ji ltar smos pa'i tshul gyis nyid kyi shes rab ma ye shes kyi lha mo mA ma ki dang gnyis su med par 'khyud pa'i sbyor bas gsang ba'i dbang po gnyis mnyam par sbyar nas de ma thag6 tu gsang ba'i thugs ka ye shes sems dpa' i gnas su so sor rtog pa'i ye shes kyi ngo bo sngags kyi sa bon yig 'bru A kha dog dmar por gyur par mdzad do/ /sa bon de las so sor rtog pa'i ye shes kyi ngo bo 'od zer sprin grangs med pa ba spu'i bu ga'i lam gyi sgo nas spro bar mdzad do/ /de nas 'jig rten gyi khams thams cad du khyab po de ma thag tu mdun du smos pa'i sems can dbul po rnams dang/ nad kyi sdug bsngal gyis lus ring bar gyur pa thams cad byin gyis brlabs pas sems can dbul po thams cad ni 'byor pa phun sum tshogs pa'i dbang phyug chen por 'gyur ro/ /gzhan yang ji ltar smos pa'i sems can lus ring bar thams cad ni sha rgyas pa dang/ gzi brjid dang ldan par 'gyur ro/ /de ltar mdzad nas 'od zer gyi sprin grangs med pa de spros pa'i lam nas spro ba'i sngags kyi gnas kyi sa bon yig 'bru A las gnyis su med par bsdu bar mdzad do/ /de ma thag tu sngags kyi sa bon yig 'bru A de nyi ma'i dkyil 'khor gyi ngo bor gyur to/ /nyi ma'i dkyil 'khor de sngags kyi sa bon yig 'bru paM du gyur to/ /de so sor rtog pa'i ye shes kyi ngo bo kha dog dmar po gzi brjid chen po 'bar ba'i 'od kyis 'bar ba'o/ /sa

  348. 174b

    bon de las na bza' dkar mo'i sku phyag rgya 'dod chags chen po'i 'gying bag gi ngo bo mdun du smos pa'i tshul gyi sku mdog dang/ zhal dang phyag dang phyag mtshan dang/ rgyan rnams dang ldan pa'i sprin grangs med pa ba spu'i bu ga'i lam gyi sgo nas spro bar mdzad do/ des 'jig rten gyis khams thams cad du khyab po/ /de ma thag tu tshul ji ltar smos pa'i sems can dbul ba dang/ lus ring pa thams cad byin gyis brlabs nas rgyas pa'i las kyi 'bras bu thob par 'gyur ro/ /de ltar byas nas na/ bza' dkar mo'i sku phyag rgya grangs med pa de spros pa'i lam nas gsang ba'i thugs ka ye shes sems dpa' i gnas gnyis su med pa'i ngo bor bsdu bar mdzad do/ /tshul de ltar 'od gzer gyi sprin grangs med pa dang/ na bza' dkar mo'i sku phyag rgya'i sprin grangs med pa thugs rje chen po'i 'dod chags kyi thugs bskyed nas ci ltar smos pa'i sems can dbul ba dang/ lus ring pa thams cad byin gyis brlab par spros pa dang/ gnyis su med pa'i bsdu bar mdzad pa'i don te ting nge 'dzin du smos so/ / bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su thugs rtse gcig par gyur pas gnas pa'i don de snyoms par zhugs par smos so/ /mdor bsdu ba de ltar ting nge 'dzin la snyoms par zhugs pa'i don du gsungs so// ting nge 'dzin mdzad pa'i 'og tu/ da ni na bza' dkar mo'i ngo bo'i sngags kyi cho ga'i don bstan par bya ste/ chos kyi sku'i btsun mo'i mchog 'di nyid kyi sku dang gsung dang thugs rdo rje las phyung ngo/ /zhes bya ba chos kyi sku ni ston pa mi bskyod pa rdo rje 'dzin la sogs pa rigs lnga'i bye brag gi de bzhin gshegs pa thams cad kyi gsungs so sor rtog pa'i ye shes kyi ngo bo de ni chos su ming smos so/ /de dang gnyis su med pa'i ngo bo ni snang ba mdza' yas kyi sku phyag rgya'o/ /don des chos kyi skur bstan to /

  349. 175a

    btsun mo'i mchog ces bya ba ni gong du smos pa'i de bzhin gshegs pa thams cad kyi gsung dang gnyis su med pa'i ngo bo snang ba mdza' yas yin pa'i don des mchog tu smos so/ /de'i btsun mor ming btags pa shes rab ma gnyis su med par 'khyud pa'i sbyor bar gsang ba'i rol pa mdzad pas mnyes par byed pa yin no/ /gzhan yang 'phags pa ye shes zhabs kyi le'u dang po las de bzhin gshegs pa thams cad kyi 'dod chags 'dzin pa'i btsun mo'i mchog gi don ji ltar bshad pa de bzhin du 'dir bstan to/ /nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku phyag rgya sku dang gsung dang thugs rdo rje gsum gcig pa'i ngo bor smos so/ /de lta bu'i nyid kyi sku dang gsung dang thugs rdo rje gsum dang gnyis su med pa'i ngo bor na bza' dkar mo bstan to/ /de dag nyid kyi sku dang gsung dang thugs kyi don du gsungs so/ /rdo rje zhes pa ni/ mdun du sku rdo rje dang/ gsung rdo rje dang/ thugs rdo rje gnyis su med par ci ltar bshad pa'i de bzhin du bstan to/ phyung ngo zhes pa ni/ ston pa mi bskyod pa rdo rje 'dzin gyis na bza' dkar mo'i sngags rings de ji ltar smos pa'i sku dang gsung thugs gnyis su med pa'i ngo bo phyung ba yin no/ /nga ni na bza' dkar mo'i ngo bo'i sngags rings bstan par bya ste/ oM a ka te/ be ka Te/ ni ka Te/ ka Tad ka Ti swAhA/ /zhes bya ba ni/ oM ni de bzhin gshegs pa thams cad kyi sku rdo rje gnyis su med pa'i ngo bo de sku'i rigs rnam par snang mdzad skyed pa'i sa bon yin te/ chos kyi dbyings kyi ye shes kyi ngo bo de dang po brjod pas/ sgrub pa po la gnod pa'i bgegs thams cad 'joms par smos so/ /ka zhes bya ba ni dbul ba'i ngo bo smos so/ /Te zhes bya ba ni bgegs dang bgegs kyi rgyal po la sogs pa bgegs thams cad kyi sna tshogs pa'i bye brag gi bsgrub pa po la rims la

  350. 175b

    sogs pa nad kyi gnod pa byed pa'o/ /b+hi zhes bya ba ni/ sgrub pa pos ye shes kyi lha mo na bza' dkar mo sgom pa dang/ bzlas pa byas pas thugs mnyes par 'gyur bar smos so/ /ka zhes bya ba ni/ ji ltar smos pa'i tshul gyi ye shes kyi lha mo na bza' dkar mo mnyes par gyur pa de'i dus su sgrub pa po la dbul ba med pa dang/ nor thams cad phun sum tshogs pa'i dbang phyug chen po'i ngo bor gyur par smos so/ /Te zhes bya ba ni/ sgrub pa pos ji ltar smos pa'i tshul gyis ye shes kyi lha mo na bza' dkar mo sgom pa dang/ /bzlas pa byas pas ci ltar thugs mnyes pa de bzhin du so sor rtog pa'i ye shes kyi ngo bo'i cho 'phrul gyis sprul nas/ sgrub pa po'i lus byin gyis rlabs par smos so/ /ni zhes bya ba ni/ mdun du smos pa'i ye shes kyi lha mo na bza' dkar mos byin gyis brlabs par mdzad pa'i dus su sgrub pa po la ji ltar smos pa'i rims la sogs pa nad kyi gnod pa'i sdug bsngal dang/ /lus rid par smos pa de rgyas pa dang gzi brjid dang ldan par 'gyur bar smos so/ /ka zhes bya ba ni 'jig rten gyi khams thams cad na gnas pa'i sems can thams cad la bgegs kyi tshogs ma rungs pa thams cad kyis gnod par bye bar smos so/ /Te zhes bya ba ni/ bgegs kyi tshogs ma rungs pa smos pa de dag thams cad cho 'phrul dang/ sgyu ma dang/ stobs dang gnod pa byed pa'i thabs kyi bye brag tu smos so/ /ka zhes bya ba ni/ 'jig rten gyi khams thams cad na gnas pa'i ji ltar smos pa'i tshul gyi sems can dbul po dang lus rid pa thams cad du smos so/ /Ti? zhes bya ba ni ci ltar smos pa'i sems can de rnams srung ba'i phyir ye shes kyi lha mo na bza' dkar mo'i so sor rtog pa'i ngo bo'i thugs bskyed par smos so/ /ka zhes bya ba ni bgegs

  351. 176a

    kyi tshogs thams cad ma rungs pa thams cad kyi cho 'phrul dang/ sgyu ma dang stobs dang/ gnod pa bya ba'i thabs kyi bye brag sna tshogs de dag bcom par gyur par smos so/ /de ma thag tu sems can dbul ba dang/ lus rid pa de dag thams cad 'byor pa phun sum tshogs pa'i dbang phyug chen po'i ngo bor gyur to/ /sems can lus rid pa de dag ni rgyas pa dang gzi brjid dang ldan par gyur to/ /swAhA zhes bya ba ni/ sgrub pa pos ci ltar smos pa'i tshul gyi ye shes kyi lha mo na bza' dkar mo sgom pa dang/ sngags kyi bzlas pa byas pas ye shes kyi lha mo na bza' dkar mo nyid kyi bdag po snang ba mdza' yas dang bcas pa'i thugs mnyes par 'gyur ro/ /de'i dus su sgrub pa pos rang dang gzhan la rgyas pa'i dngos grub kyi 'bras bu 'grub par 'gyur bar smos so/ /da ni na bza' dkar mo'i sngags rings kyi yon tan gyi ngo bo'i don bstan par bya ste/ 'di ni gsungs ma thag tu yang/ /rdo rje chos mchog 'dzin pa'i rnams/ /mnyes nas bsam gtan thob par 'gyur/ /rdo rje chos ni rjes su dran/ /zhes bya ba'i don bshad par bya ste/ ci ltar yin na 'di ni gsungs ma thag tu yang/ rdo rje chos mchog 'dzin pa rnams ni/ ston pa mi bskyod pa rdo rje 'dzin gyis ci ltar spros pa'i tshul gyi ting nge 'dzin mdzad pa'i 'og tu/ na bza' dkar mo'i sngags 'di sku dang gsung dang thugs gnyis su med pa'i ngo bo'o/ /rdo rje ni so sor rtog pa'i ye shes su bstan to/ /chos mchog tu ming btags pa ni snang ba mdza' yas te/ de dang gnyis su med pa bla na med pa'i shes rab kyi ngo bo ston pa nyid kyis 'dzin pa'o/ /don des chos mchog tu smos so/ /de lta bu'i ngo bo ston pa gsungs pa la de nas kyi don du smos so/ /de lta bu'i

  352. 176b

    ngo bo ston pas gsungs pa la de nas kyi don du gsungs so/ /de ma thag tu mdun du smos pa'i tshul du khams thams cad na gnas pa'i bgegs kyi tshogs ma rungs pa gnod pa byed pa thams cad bcom par 'gyur ro/ /de ltar 'di ni gsungs ma thag tu yang/ rdo rje chos mchog 'dzin pa rnams kyi don du gsungs so/ /mnyes nas bsam gtan thob par 'gyur zhes pa ni/ sngags gsungs ma thag tu bgegs kyi tshogs ma rungs pa thams cad kyi gnod pa med de/ de'i dus su sems can dbul ba dang/ rid pa thams cad bde ba dang/ yid bde ba'i 'bras bu thob par 'gyur ro/ /de'i yon tan gyis sku rdo rje rnam par snang mdzad la sogs pa brjod du yod pa dang/ brjod du med pa'i de bzhin gshegs pa thams cad dang/ de bzhin du 'khor de gzhan thams cad kyi thugs rje chen po'i thugs mnyes par 'gyur ro/ /de'i dus su mnyam pa'i ting nge 'dzin la zhugs pa yin par bstan to/ /de ltar mnyes nas bsam gtan thob par 'gyur gyi don du gsungs so/ /rdo rje chos ni rjes su dran zhing zhes pa ni/ rnam par snang mdzad dang/ rin chen 'byung ldan dang/ don yod grub pa la sogs pa ci ltar smos pa'i 'khor phun sum tshogs pa thams cad na bza' dkar mo'i sngags rings gsungs ma thag tu/ de'i dus su sngags kyi byin brlabs kyis 'jigs par 'gyur ro/ /don des myur ba myur bar rdo rje chos su ming btags pa snang ba mdza' yas su smos pa/ de bzhin gshegs pa thams cad kyi gsung rdo rje dang gnyis su med pa so sor rtog pa'i ye shes kyi ngo bor/ de na bza' dkar mo nyid kyi rigs kyi bdag po de rjes su dran nas skyobs shig skyobs shig ces tshig brjod pa'i tshul du smos so/ /de ltar don de mdun du smos pa'i sdud pa po phyag na rdo rje la dor ba'i tshig tu smos pa yin no/ /

  353. 177a

    bshad par bya ste/ na bza' dkar mo'i sngags rings gsungs ma thag tu de'i dus su 'jig rten gyi khams thams cad na gnas pa'i bgegs kyi tshogs ma rungs pa dbul ba dang/ ring par sems la gnod pa byed pa thams cad sngags kyi byin gyis rlabs kyi stobs kyi 'jigs pas cho 'phrul dang/ sgyu ma dang/ /gnod par byed pa'i thabs kyi sbyor ba nyams pas/ /de la sogs pa'i sdug bsngal du 'gyur ro/ /de zhi bar bya ba'i phyir/ rim pas rdo rje chos su smos pa de la skyobs shig skyobs shig ces tshig brjod pa'i tshul du rjes su dran no/ /de dran ma thag tu tshul ji ltar smos pa'i 'jigs pa de med par 'gyur bar smos so/ /mdor bsdu ba de ltar rdo rje chos ni rjes su dran gyi don du gsungs so/ / rtag tu chos ni stobs rgyas mdzad/ /rtag tu mdzod po che dang ldan/ /rdo rje gsum gyi bka' bzhin du/ /bzlas pa tsam gyis phyed par 'gyur/ /zhes bya ba'i don bshad par bya ste/ /ci ltar yin na/ /rtag tu chos ni rgyas mdzad pa ni/ sgrub pa pos ci ltar smos pa'i tshul gyi ye shes kyi lha mo na bza' dkar mo sgom pa dang/ bzlas pa byas pas grub pa'i dus su/ ci ltar smos pa'i rims la sogs pa nas thams cad kyi sdug bsngal dang/ lus ring pas stobs nyams pa smos pa/ de rnams chos su ming btags pa snang ba mdza' yas te/ de'i so sor rtog pa'i ye shes kyis byin gyis brlabs pa sha rgyas pa dang/ gzhan yang dus rtag tu gzi brjid dang/ /stobs dang ldan par 'gyur bar smos so/ / de ltar rtag tu chos ni rgyas mdzad pa'i don du gsungs so/ /rtag tu mdzod po che dang ldan zhes pa ni/ /mdun du smos pa'i sems can dbul ba chen po rnams byin gyis brlabs ma thag tu/ /mdzod kyi bye brag nor gyi bye brag sna tshogs kyi 'byor pa

  354. 177b

    dang/ dus rtag tu ldan pa'i dbang phyug chen po 'grub pa'i 'bras bur 'gyur ro/ /de ltar rtag tu mdzod po che dang ldan gyi don du gsungs so/ /rdo rje gsum gyi bka' bzhin du/ /bzlas pa tsam gyis byed par 'gyur/ /zhes pa ni/ ci ltar smos pa'i dngos grub kyi 'bras bu de ni sgrub pa pos na bza' dkar mo'i sngags rings bzlas pa tsam gyis grub par 'gyur na/ /gzhan yun rings su bsgom pa dang ldan pas sngags kyi bzlas pa byed pas 'bras bu grub pa ni ngo mtshar mi che'o/ /bshad par bya ste/ dpal rdo rje sems dpa' la sogs pa de bzhin gshegs pa thams cad kyi so sor rtog pa'i ye shes kyi ngo bo gnyis su med par gsung rdo rje smos so/ /de dang gnyis su med pa'i ngo bo snang ba mdza' yas yin no/ /de'i sngags kyi sa bon yig 'bru a bzlas pa byas pas gong du ji ltar bshad pa'i rgyas pa'i dbang phyug chen po'i 'bras bu 'grub par 'gyur ba de bzhin du smos so/ /ji ltar rdo rje gsung gi bka' bzhin du bzlas pa tsam gyis byed par 'gyur gyi don du gsungs so/ /na bza' dkar mo'i sngags rings gsungs pa'i 'og tu/ /da ni dam tshig sgrol ma'i sngags rings gsungs pa'i cho ga'i don bstan par bya ste/ /de nas bcom ldan 'das kun tu 'byung ba'i rdo rje zhes bya ba'i ting nge 'dzin la snyoms par zhugs nas zhes bya ba ni/ /de nas ni mdun du smos pa'i na bza' dkar mo'i sngags rings gsungs pa'i 'og tu/ dam tshig sgrol ma'i sngags rings gsung bar mdzad pa'i don mtshon pa'o/ /bcom ldan 'das zhes pa ni/ ston pa mi bskyod pa rdo rje 'dzin nyid kyi yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du ji ltar bshad pa de bzhin du 'dir sbyar ro/ /kun tu 'byung ba zhes bya ba ni/ kun tu ming btags pa ni 'jig rten gyi khams thams cad du smos so/ /gnas de na lha dang mi la

  355. 178a

    sogs pa sems can thams cad byung nas gnas pa yin no/ /don des kun tu 'byung bar smos so/ /rdo rje zhes bya ba'i ting nge 'dzin la snyoms par zhugs nas zhes bya ba ni/ ston pa mi bskyod pa rdo rje 'dzin gyis 'khor phun sum tshogs pa thams cad kyi nang du 'dod chags chen po'i nga rgyal gyi thugs dgyes pas ci ltar smos pa'i tshul nyid kyi shes rab ma ye shes kyi lha mo ma ma ki dang gnyis su med pa'i 'khyud pa'i sbyor ba'i gsang ba'i dbang po gnyis mnyam par sbyor bar mdzad do/ /de ma thag tu gsang ba'i thugs ka ye shes sems dpa' i gnas su bya ba nan tan gyi ye shes kyi ngo bo sngags kyi sa bon yig 'bru ta kha dog ljang khur gyur par mdzad do/ /sa bon de las bya ba nan tan gyi ye shes kyi ngo bo 'od gzer gyi sprin kha dog ljang khu grangs med pa ba spu'i bu ga'i lam gyi sgo nas 'jig rten gyi khams thams cad du khyab par spro bar mdzad do/ /de ma thag tu lha dang mi la sogs pa sems can thams cad byin gyis brlabs so/ /de ltar byin gyis brlabs pas bran bzhin du dbang du gyur par smos so/ /de ltar mdzad nas 'od zer gyi sprin grangs med pa spro ba'i lam nas spro ba'i gnas kyi sngags sa bon yig 'bru ta de las gnyis su med par bsdu bar mdzad do/ /de ma thag tu sngags kyi sa bon yig 'bru ta de nyi ma'i dkyil 'khor gyi ngo bor gyur to/ /nyi ma'i dkyil 'khor de sngags kyi sa bon yig 'bru taM du gyur par mdzad do/ /de me long lta bu'i ye shes kyi ngo bo kha dog ser po cung zad ljang ba/ gzi brjid chen po'i 'bar ba'i 'od kyis 'bar ba'o/ / sa bon de las 'dod chags chen po'i nga rgyal gyi ngo bo dam tshig sgrol ma'i sku phyag rgya mdun du smos pa'i tshul gyi sku mdog dang/ zhal dang phyag dang phyag mtshan dang/ rgyan rnams dang ldan pa'i grangs med pa sprin bzhin du/ ba spu'i bu ga'i

  356. 178b

    lam gyi sgo nas spro bar mdzad do/ /des 'jig rten gyi khams thams cad du khyab po/ /de ma thag tu mdun du smos pa'i lha dang mi la sogs pa sems can thams cad byin gyis brlabs so/ /de byin gyis brlabs pas dbang gi las kyi dngos grub kyi 'bras bur gyur par smos so/ /de ltar mdzad nas dam tshig sgrol ma'i sku phyag rgya'i sprin spro ba'i lam nas gsang ba'i thugs ka ye shes sems dpa' i gnas su gnyis su med pa'i ngo bo bsdu bar mdzad do/ /tshul de ltar 'od gzer gyi sprin grangs med pa dang/ dam tshig sgrol ma'i sku phyag rgya'i sprin grangs med pa spro bar mdzad pa de thugs rje chen po'i 'dod chags kyi nga rgyal bskyed nas ji ltar smos pa'i tshul gyi lha dang/ mi la sogs pa sems can thams cad byin gyis rlab par mdzad nas spros pa dang gnyis su med par bsdu bar mdzad pa'o/ /rdo rje ni bya ba nan tan gyi ye shes kyi ngo bo spro ba dang bsdu ba yin no/ /don des rdo rje ting nge 'dzin du smos so/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su thugs rtse gcig tu gyur par gnas pa'o/ /don? des snyoms par zhugs par smos so/ /mdor bsdu ba de ltar rdo rje zhes bya ba'i ting nge 'dzin la snyoms par zhugs te/ de'i don du gsungs so/ /ting nge 'dzin mdzad pa'i 'og tu/ da ni dam tshig sgrol ma'i ngo bor sngags kyi don cho ga'i tshul bstan par bya ste/ dam tshig sems dpa' i mchog gi btsun mo 'di nyid kyi sku dang gsung dang thugs rdo rje las phyung ngo/ /zhes bya ba dam tshig sems dpa' ni/ ston pa rdo rje mi bskyod pa la sogs pa'i rigs lnga'i bye brag gi de bzhin gshegs pa grangs med pa thams cad kyis thugs rje chen po'i dam tshig gi thugs bskyed nas sems can thams cad kyi don mdzad pa'i phyir/ /dus rtag tu thabs kyi bye brag sna tshogs kyis

  357. 179a

    bya ba nan tan gyi ye shes kyi ngo bo 'phrin las mdzad par smos so/ /phrin las de dang gnyis su med pa'i ngo bo don yod grub pa'i sku phyag rgya yin no/ /don des dam tshig sems dpar bstan to/ /btsun mo'i mchog ces pa ni/ mdun du smos pa'i de bzhin gshegs pa thams cad kyi dus rtag tu thugs rje chen po'i dam tshig tu ming btags pa de ni/ sems can thams cad kyi don mdzad pa'i phyir/ phrin las dang gnyis su med pa'i ngo bo don yod grub pa yin no/ /don des mchog tu smos so/ /de'i btsun mor ming btags pa shes rab gnyis su med par 'khyud pa'i sbyor ba gsang ba'i rol pas mnyes par bya'o/ /gzhan yang 'phags pa ye shes zhabs kyis le'u dang po las de bzhin gshegs pa thams cad kyi shes rab ma 'dzin pa'i btsun mo'i mchog gi don ji ltar bshad pa de bzhin du 'dir sbyar ro/ /de ltar btsun mo'i mchog tu gsungs so/ /nyid kyi sku dang gsung dang thugs zhes pa ni ston pa mi bskyod pa rdo rje 'dzin nyid kyi sku phyag rgya sku dang gsung dang thugs rdo rje gsum gnyis su med pa'i ngo bor smos so/ /de ltar sku dang gsung dang thugs rdo rje gsum dang gnyis su med pa'i ngo bor dam tshig sgrol ma bstan te/ /de ltar nyid kyi sku dang gsung dang thugs rdo rje'i don du gsungs so/ /rdo rje las zhes pa ni/ ci ltar gong du sku rdo rje dang/ gsung rdo rje dang/ thugs rdo rje gnyis su med par bshad pa de bzhin du 'dir bstan to/ /phyung ngo zhes pa ni/ ston pa mi bskyod pa rdo rje 'dzin gyis dam tshig sgrol ma'i sngags rings ci ltar smos pa'i sku dang gsung dang thugs rdo rje gsum dang gnyis su med pa'i ngo pa phyung ba yin no/ /da ni dam tshig sgrol ma'i sngags rings kyi ngo bo bstan par bya ste/ oM ta re tutA re tu re swAhA/ zhes bya ba'i don bshad par bya ste/ ci ltar yin na/ oM ni de bzhin gshegs pa

  358. 179b

    thams cad kyi sku rdo rje dang gnyis su med pa ye shes kyi ngo bo/ sku'i rigs rnam par snang mdzad kyi bskyed pa'i sa bon yin no/ /chos kyi dbyings kyi ye shes kyi ngo bo de dang po brjod pas mdun du smos pa'i sgrub pa po la gnod par byed pa'i bgegs thams cad 'joms par 'gyur ro/ /de nas ta zhes bya ba ni le'u dang po las smos pa'i 'jigs pa chen po brgyad du smos so/ /de nas re zhes bya ba ni dam tshig sgrol ma la skyabs su song ma thag tu/ thugs rje chen po'i thugs bskyed nas mdun du smos pa'i 'jigs pa chen po brgyad las sgrol bar smos so/ /de nas tu ta ces bya ba ni/ 'jig rten gyi khams thams cad na gnas pa'i lha dang mi thams cad du smos so/ /de nas tA zhes bya ba ni/ sgrub pa pos sgom pa dang bzlas ba byas pas/ dam tshig sgrol ma mnyes par 'gyur bar smos so/ /de nas re zhes bya ba ni/ mdun du smos pa'i sems can thams cad dam tshig sgrol mas me long lta bu'i ye shes kyis byin gyis brlab par mdzad par smos so/ /de nas tu zhes bya ba ni ji ltar smos pa'i tshul gyi ye shes kyis byin gyis brlabs ma thag tu/ sems can thams cad bsgrub pa po'i bran bzhin du dbang du 'gyur bar smos so/ /de nas re zhes bya ba ni/ sems can thams cad sgrub pa po dbang du gyur pa'i 'og tu/ ci dang ci bsgom pa thos ma thag tu myur ba myur bar byed par smos so/ de nas swAhA zhes bya ba ni/ sgrub pa pos ci ltar smos pa'i ye shes kyi lha mo dam tshig sgrol ma dang/ nyid kyi thabs kyi ngo bo don yod grub pa'i gsang ba'i rol pa mdzad pa dang bcas pa mnyes par 'gyur ro/ /de'i dus su dam tshig sgrol ma bsgrub pa po'i mngon du 'gyur ro/ /de'i yon tan mdun du smos pa'i dbang gis dngos grub kyi 'bras bu 'grub par 'gyur bar smos so/ /da ni dam tshig sgrol ma'i

  359. 180a

    sngags kyi yon tan gyi ngo bo'i don bstan par bya ste/ 'di ni gsungs ma thag tu yang/ /sangs rgyas bdag nyid chen po kun/ /mnyes shing ye shes thob par 'gyur/ /rdo rje thugs ni rjes su dran/ /zhes bya ba'i don bshad par bya ste/ ci ltar yin na/ 'di ni gsungs ma thag tu yang/ /sangs rgyas bdag nyid chen po kun ni/ ston pa mi bskyod pa rdo rje 'dzin gyis ci ltar smos pa'i tshul gyi ting nge 'dzin mdzad pa'i 'og tu/ dam tshig sgrol ma'i sngags rings rnam par snang mdzad la sogs pa sangs rgyas smos pa thams cad dang gnyis su med pa'i bdag nyid ston pa nyid kyi sku dang gsung dang thugs rdo rje dang gnyis su med pa'i sngags gsungs pa de'i don de/ de nas kyi don du gsungs so/ /de gsungs ma thag tu 'jig rten gyi khams thams cad na gnas pa'i bgegs kyi tshogs ma rungs pa gnod pa byed pa thams cad bcom par 'gyur ro/ /de ltar 'di ni gsungs ma thag tu yang/ sangs rgyas bdag nyid chen po kun gyi don du gsungs so/ / mnyes shing ye shes thob par 'gyur zhes pa ni/ mdun du smos pa'i sngags gsungs ma thag tu/ sems can thams cad bran bzhin du dbang du gyur pa de'i dus su/ sku rdo rje rnam par snang mdzad la sogs pa 'khor brjod du yod pa dang brjod du med pa'i de bzhin gshegs pa thams cad dang/ de bzhin du 'khor gzhan de dag thams cad kyi thugs rje chen po'i ngo bo'i thugs dgyes par 'gyur ro/ /de'i dus su nyid nyid kyi rigs kyi bye brag gi ye shes dang gnyis su med pa'i thugs ting nge 'dzin la zhugs nas gzi brjid kyi 'od 'phro bar mdzad nas thob par yin par smos so/ /de ltar mnyes shing ye shes thob par gyur gyi don du gsungs so/ /rdo rje'i thugs ni rjes su dran zhes pa ni/ rnam par snang mdzad dang/ rin chen

  360. 180b

    'gyur ldan dang/ snang ba mdza' yas dang/ don yod grub pa la sogs pa ci ltar smos pa'i 'khor phun sum tshogs pa thams cad dam tshig sgrol ma'i sngags rings gsungs ma thag tu de'i dus su sngags kyi byin brlabs kyis stobs kyis 'jigs par gyur te/ don des myur ba myur bar rdo rje thugs su ming btags pa ni/ ston pa mi bskyod pa rdo rje 'dzin de/ de bzhin gshegs pa thams cad kyi thugs rdo rje dang gnyis su med pa me long lta bu'i ye shes kyi ngo bo'o/ /de dam tshig sgrol ma skyed par mdzad mkhan nyid kyi rigs kyi bdag po ste/ de rjes su dran nas skyobs shig skyobs shig ces tshig brjod pa'i tshul smos so/ /de ltar mdun du smos pa'i don de sdud pa po phyag na rdo rje la dor ba'i tshig tu bstan pa'o/ /bshad par bya ste/ dam tshig sgrol ma'i sngags rings gsungs ma thag pa de'i dus su/ 'jig rten gyi khams thams cad na gnas pa'i bgegs kyi tshogs ma rungs pa sgrub pa po la gnod pa byed pa thams cad sngags kyi byin brlabs kyi stobs kyis 'jigs sgyu ma dang/ cho 'phrul dang gnod pa byed pa'i thabs kyi sbyor ba la sogs pa bcom pas sdug bsngal bar 'gyur ro/ /de zhi bar bya ba'i phyir rim pas rdo rje'i thugs skyobs shig skyobs shig ces brjod pa'i tshul gyis rjes su dran pa yin no/ /de rjes su dran ma thag tu/ ci ltar smos pa'i tshul gyi 'jigs pa de dag med par 'gyur ro/ /mdor bsdu ba de ltar rdo rje'i thugs ni rjes su bran gyi don du gsungs so/ /sangs rgyas rdo rje sde chen dang/ /sems can khams ni ma lus pa/ /de ma thag tu bran bzhin du/ /thams cad g.yor med dbang du byed/ /ces bya ba'i don bshad par bya ste/ ci ltar yin no/ /sangs rgyas rdo rje sde chen dang/ /sems can khams ni ma lus pa ni/ bsgrub pa pos mdun du smos pa'i tshul gyi ye shes kyi lha mo dam tshig sgrol ma/ /

  361. 181a

    sgom pa dang/ bzlas pa byas nas grub par gyur ba'i dus su/ sangs rgyas rnam par snang mdzad la sogs pa sku dang gsung dang/ thugs rdo rje gsum gnyis su med pa'i ngo bo sangs rgyas thams cad kyi dpung grangs med pa bran bzhin du dbang du 'gyur ro/ /de ltar mdun du smos pa'i tshul gyis sdud pa po phyag na rdo rjes la dor ba'i tshig tu bstan pa yin no/ /bshad par bya ste/ phyogs bcu'i 'jig rten gyi khams thams cad na/ gnas pa'i lha dang mi la sogs pa sems can thams cad sgrub pa pos sngags kyi dngos grub thob ma thag tu/ sems kyi dran pa'i thabs med pas/ bran bzhin du dbang du 'gyur ro/ /de ltar sangs rgyas rdo rje sde chen dang/ sems can khams ni ma lus pa'i don du gsungs so/ /de ma thag tu bran bzhin du/ thams cad g.yor med dbang du byed/ ces pa'i don gong du bshad zin to/ /dam tshig sgrol ma'i sngags rings gsungs pa'i 'og tu/ de ni sku'i rigs kyi khro bo'i rgyal po ya man ta ka'i sngags rings gsung ba'i cho ga'i don bstan par bya ste/ de nas bcom ldan 'das de bzhin gshegs pa thams cad kyi sku dang gsung dang thugs rdo rje de bzhin gshegs pa dri ma med pa'i 'od gzer gyi sprin rdo rje zhes bya ba'i ting nge 'dzin la snyoms par zhugs nas/ zhes bya ba'i don bshad par bya ste/ ci ltar yin na/ de nas ni mdun du smos pa'i dam tshig sgrol ma'i sngags rings gsungs pa'i 'og tu/ khro bo'i rgyal po ya man ta ka'i sngags rings gsungs pa'i cho ga'i de na mtshon pa'o/ /bcom ldan 'das zhes pa ni ston pa mi bskyod pa nyid kyi yon tan gyi bstod pa'i mtshan bcom ldan 'das yin sdud pa pos smos so/ /de'i don mdun du ji ltar smos pa de bzhin du 'dir bstan to/ /de bzhin gshegs pa thams cad kyi

  362. 181b

    sku dang gsung dang thugs rdo rje de de bzhin gshegs pa zhes pa ni rnam par snang mdzad la sogs pa rigs lnga'i bye brag gis de bzhin gshegs pa grangs med pa thams cad du smos so/ /bshad par bya ste/ de bzhin gshegs pa de dag thams cad ni/ sku rdo rje dang gsung rdo rje dang/ thugs rdo rje dang/ de ltar rdo rje gsum don dam par gnyis su med pa'i ngo bor bstan to/ /de dang gnyis su med pa'i ngo bo rdo rje de bzhin gshegs par ming btags pa ston pa mi bskyod pa rdo rje 'dzin nyid yin par bstan to/ /de ltar de bzhin gshegs pa thams cad kyi sku dang gsung dang thugs rdo rje de bzhin gshegs pa'i don du gsungs so/ /dri ma med pa'i 'od gzer gyi sprin zhes bya ba ni/ chos kyi dbyings kyi ye shes de ni gdong ma nas phyin ci log gi nyon mongs pa'i sdig pa'i dri ma dang bral ba'o/ /don des dri ma med par smos so/ /'od gzer gyi sprin ni/ /ston pa mi bskyod pa rdo rje 'dzin gyis 'chi bdag gi bdud gshin rje 'khor dang bcas pa gzhom pa'i phyir/ mdun du smos pa'i chos kyi dbyings kyi ye shes kyi ngo bo 'od gzer gyi sprin grangs med pa spro bar mdzad par smos so/ /de ltar dri ma med pa'i 'od gzer gyi sprin gyi don du gsungs so/ /rdo rje zhes bya ba'i ting nge 'dzin la snyoms par zhugs nas zhes pa ni/ ston pa mi bskyod pa rdo rje 'dzin gyis 'khor phun sum tshogs pa thams cad kyi nang du/ zhe sdang chen po'i thugs dgyes pas/ ci ltar smos pa'i tshul gyi nyid kyi shes rab ma ye shes kyi lha mo ma ma ki dang gnyis su med par 'khyud pa'i sbyor bas gsang ba'i dbang po gnyis mnyam par sbyar bar mdzad nas/ de ma thag tu gsang ba'i thugs ka ye shes sems dpa' i gnas su sngags kyi sa bon yig 'bru oM chos kyi dbyings kyi ye shes kyi ngo bo kha dog dkar por gyur par mdzad do/ /sa bon de las mdun du smos

  363. 182a

    pa'i chos kyi dbyings kyi ye shes kyi ngo bo 'od gzer gyi sprin kha dog dkar po grangs med pa ba spu'i bu ga'i lam gyi sgo nas spro bar mdzad do/ /des nam mkha' i dbyings thams cad khyab bo/ /de ma thag tu 'chi bdag gi bdud gshin rje 'khor dang bcas pa byin gyis brlab par mdzad pas cho 'phrul dang/ sgyu ma dang/ stobs dang/ gnod pa byed pa'i thabs bcom par gyur to/ /de ltar mdzad nas 'od gzer gyi sprin grangs med pa spros pa'i lam nas spros pa'i gnas kyi sngags kyi sa bon yig 'bru oM de las gnyis su med par bsdu bar mdzad do/ /de ma thag tu sngags kyi sa bon yig 'bru oM de nyi ma'i dkyil 'khor gyi ngo bor gyur to/ /nyi ma'i dkyil 'khor de sngags kyi sa bon yig 'bru hUM du gyur par mdzad do/ /kha dog nag po chos kyi dbyings kyi ye shes kyi ngo bo gzi brjid chen pos 'bar ba'i 'od kyis 'bar ba'o/ /sa bon de las zhe sdang chen po gtum po khro bo'i rgyal po ya man ta ka'i sku phyag rgya/ mdun du smos pa'i tshul gyi sku mdog dang/ zhal dang phyag dang/ phyag mtshan dang rgyan rnams dang ldan pa grangs med pa'i sprin bzhin du ba spu'i bu ga'i lam gyi sgo nas spro ba mdzad do/ /des 'jig rten gyi khams thams cad du khyab pa/ de ma thag tu 'chi bdag gi bdud gshin rje 'khor dang bcas pa byin gyis brlab par mdzad do/ /de byin gyis brlabs pa mdzad pas/ ci ltar smos pa'i tshul gyis bcom pa'i dngos grub kyi 'bras bur gyur to/ / de ltar mdzad nas khro bo'i rgyal po ya man ta ka'i sku phyag rgya spros pa'i lam nas slar gsang ba'i thugs ka ye shes sems dpa' i gnas su gnyis su med pa'i ngo bor bsdu bar mdzad do/ /tshul de ltar 'od gzer gyi sprin dang/ ya man ta

  364. 182b

    ka'i sku phyag rgya'i sprin grangs med par spro ba mdzad pa zhe sdang chen po gdug pa'i thugs bskyed nas/ tshul ji ltar smos pa'i 'chi bdag gi bdud gshin rje 'khor dang bcas pa byin gyis brlab par mdzad pa spro ba dang gnyis su med par bsdu bar mdzad pa yin no/ /rdo rje ni chos kyi dbyings kyi ye shes kyi ngo bo spros pa dang bsdu bar mdzad pa yin no/ /don des rdo rje'i ting nge 'dzin du smos so/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su/ thugs rje gcig par gyur nas gnas pa'o/ /don des snyoms par zhugs par smos so/ /mdor bsdu bar de ltar rdo rje zhes bya ba'i ting nge 'dzin la snyoms par zhugs te/ de'i don du gsungs so/ /ting nge 'dzin mdzad pa'i 'og tu/ khro bo'i rgyal po ngo bo sngags kyi don gyi cho ga'i tshul bstan par bya ste/ rdo rje'i gshin rje gshed rdo rje'i khro bo 'di nyid kyi sku dang gsung dang thugs rdo rje las phyung ngo/ /zhes bya ba ni rdo rje gshin rje gshed ni rdo rje ni chos dbyings kyi ye shes khro bo'i rgyal po dang gnyis su med par smos so/ / gshin rje gshed du ming btags pa ni/ 'chi bdag gi bdud kyi sgyu ma dang/ cho 'phrul dang/ stobs kyi bye brag sna tshogs med par mdzad pas gshed pa'o/ /don des gshin rje'i gshed du smos so/ /rdo rje khro bo zhes pa ni/ rdo rje ni de bzhin gshegs pa thams cad kyi sku rdo rje gnyis su med pa'i ngo bor sku rdo rje rnam par snang mdzad smos so/ /de'i rigs kyi bye brag ni khro bo'i rgyal po ya man ta ka'i sku phyag rgya yin no/ /don des rdo rje khro bor smos so/ /nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku phyag rgya sku dang gsung dang thugs dang rdo rje gsum gcig pa'i ngo bo yin no/ /de ltar sku dang gsung dang thugs rdo rje gsum dang gnyis su med pa'i ngo bo khro bo'i rgyal po gshin rje gshed du smos so/ /

  365. 183a

    rdo rje zhes pa ni/ ci ltar gong du sku rdo rje dang/ gsung rdo rje dang/ thugs rdo rje'i don bshad pa de bzhin du 'dir sbyar ro/ /phyung ngo zhes pa ni ston pa mi bskyod pa rdo rje 'dzin gyi khro bo'i rgyal po ya man ta ka'i sngags rings ci ltar smos pa'i tshul gyi sku dang gsung dang thugs rdo rje gsum dang/ gnyis su med pa'i ngo bo phyung ba yin no/ /da ni khro bo'i rgyal po ya man ta ka'i sngags rings kyi ngo bo bstan par bya ste/ na ma(rgyud 'grel): sa man ta/ ka ya pak+tsi t+ta badzra naM/ oM kha kha/ khA hi khA hi/ sarba duSh+Ta satwA/ da ma ka a si mu sa la/ pa ra sha /pa sha ta sta/ tsa tur mu khaM/ tsa tu bu tsa/ shaShta tsa ra nA/ gats+tsha gats+tsha/ sarba duSh+TaM pra na pa ta ri ni/ mahA big+ha nan/ ta ka bi kri ta nan/ sarba bu ta bta yang ka ra/ a Ta da/ ta ha sa na b+h+raM ni/ ba g+h+ra tsa ra ma/ ni b+ha sa na ku ru ku ru/ sarba karmaM tshin d+ha tshin d+ha/ sarba man+t+raM b+hin d+ha b+hin d+ha/ pa ra mu traM a karSha ya a karSha ya/ sarba b+hu ta na nir ma tha/ nir ma tha/ sarba duShtaM pra be sha ya pra be sha ya/ man d+ha la man d+he/ be bi sba ta dzi bi danda ka ra/ ku ru ku ru/ ma ma ka ran da ha da ha pa tsa pa tsa ma b+hi lam b+ha ma b+hi lam b+ha sa ma ya ma nu sma ra ya/ hUM hUM phaT phaT/ spho Ta ya spho Ta ya/ sarba nA sha ya nA sha ya ri puM/ he he b+ha ga baM kiny+tsa ra ya si/ ma ma sarba d+haM sa d+hya ya swAhA/ zhes bya ba'i don bshad par bya ste/ ci ltar yin na/ nam sa man+ta ka ya bak+tsi t+ta badzra nAM/ ni sku'i rigs rnam par snang mdzad la sogs pa rigs lnga'i bye brag gi de bzhin gshegs pa sa man ta ni/ kun tu ste grangs med par smos so/ /bshad par bya ste/ de bzhin gshegs pa thams cad don dam par sku rdo rje dang/ gsung rdo rje dang/ thugs rdo rje dang/ de ltar rdo rje gsum gnyis su med pa'i ngo bo

  366. 183b

    yin no/ /de dang gnyis su med ba'i ngo bor khro bo'i rgyal po ma man ta ka bstan to/ /de'i sngags rings bsgrub pa pos bzla ba'i dus su dang po ji ltar smos pa'i tshul gyi sku dang gsung dang thugs gsum la lus dang ngag dang yid kyi phyag rgya'o/ /de byas pas mdun du smos pa'i tshul gyi de bzhin gshegs pa thams cad kyi thugs mnyes par 'gyur ro/ /de'i yon tan gyis 'chi bdag gi bdud gshin rje 'khor dang bcas pa la sogs pa bgegs kyi tshogs ma rungs pa thams cad kyi cho 'phrul dang/ sgyu ma dang stobs dang/ gnod pa byed pa'i thabs kyi sbyor ba byed pa bcom par 'gyur ro/ /de ltar nan ma sa man+ta ka ya pak+tsi t+ta badzra naM gi don du gsungs so/ /oM zhes pa ni/ gong du smos pa'i tshul gyi phyag bya ba'i 'og tu/ de bzhin gshegs pa thams cad kyi sku rdo rje dang gnyis su med pa'i ye shes kyi ngo bo'i sku'i rigs rnam par snang mdzad bskyed pa'i sa bon/ chos kyi dbyings kyi ye shes kyi ngo bo de brjod pas sgrub pa pos chos kyi dbyings kyi ye shes kyis byin gyis brlab par 'gyur ro/ / de'i dus su bgegs ma rungs pa thams cad kyi 'jigs pa med do/ /gzhan yang lus gzi brjid dang stobs dang ldan par 'gyur ro/ /de ltar oM gyi don du gsungs so/ /kha kha zhes bya ba ni/ sgrub pa po dang/ dkon mchog gsum la gnod pa byed pa'i dgra bgegs ma rungs pa gang yang rung ba de dag za ba'i ngo bo'o/ /de ltar kha kha'i don du gsungs so/ /kha hi zhes pa ni/ tshul ji ltar smos pa'i dgra bgegs ma rungs pa za bar bstan pa de/ khro bo'i rgyal po chen po ya man ta ka khyod kyi thugs rje chen po'i zhe sdang gi khro bo'i brtson 'grus kyis kha hi zhes pa gsol bar mdzod ces ston pa mi bskyod rdo rje 'dzin gyis smos so/ /de ltar kha hi'i don du gsungs so/ /yang kha hi zhes pa ni/ gshin rje gshed kyis ji ltar bka'

  367. 184a

    stsal ba bgyi zhes pa'o/ /sarba duSh+TaM satwa zhes pa ni/ sgrub pa dang dkon mchog gsum la gnod pa byed pa'i dgra ma rungs pa'i sems can ma 'ongs pa'i dus na 'byung ba thams cad du smos so/ /de ltar sarba duShte sa twa'i don du gsungs so/ /da ma ka zhes pa ni/ gong du snos pa'i dgra ma rungs pa'i sems ma 'ongs pa'i dus na/ 'byung ba thams cad la/ thugs rje chen po'i zhe sdang gi thugs bskyed nas/ bye brag sna tshogs kyis chos kyi dbyings kyi ye shes kyi cho 'phrul dang/ sgyu ma dang/ stobs dang/ thabs kyis 'dul bar mdzad pa'o/ /don des sarba duSh+TaM sa twa da ma ka ra ming btags pas khro bo'i rgyal po ya man ta ka ra smos so/ /de ltar dam ka'i don du gsungs so/ /da ni khro bo'i rgyal po ya man ta ka'i sgom pa dang/ sngags kyi bzlas pa byas pa'i dus su phyag mtshan dang/ zhal dang phyag dang/ zhabs dang de dag phun sum tshogs pa'i don du bstan par bya ste/ a si zhes bya ba ni rdo rje ral gri yin te/ phyag g.yas dang po na ral gri 'dzin pa des mdun du smos pa'i dgra bgegs ma rungs pa'i sems can thams cad kyi gzugs kyi phung po gcod par mdzad do/ /de ltar A si'i don du gsungs so/ /mu sa la zhes pa ni/ rdo rje gtun shing yin te/ phyag g.yas tha ma na 'dzin pa'i gtun shing des mdun du smos pa'i dgra bgegs ma rungs pa thams cad kyi gzugs kyi phung po rdung bar mdzad pa'o/ /de ltar mu sa la'i don du gsungs so/ /pa du sha zhes pa ni/ rdo rje dgra sta yin te/ phyag g.yon dang po na 'dzin pa'i dgra sta des/ dgra bgegs ma rungs pa'i sems can thams cad kyi gzugs kyi phung po ma brdungs pa'i gong du/ dum bu dum bur gtub par mdzad do/ /de ltar pa ra sha'i

  368. 184b

    don du gsungs so/ /pa sha zhes pa ni zhags pa yin te/ phyag g.yon tha ma na 'dzin pa'i zhags pa des/ mdun du smos pa'i dgra bgegs ma rungs pa thams cad gcad pa dang brdung ba dang/ gtub par mdzad pa'i gong du mgul pa nas bcing bar mdzad pa'o/ /de ltar pa sha'i don du gsungs so/ /ta sta zhes pa ni/ tshul ji ltar smos pa'i phyag bzhin rdo rje ral gri la sogs pa phyag mtshan bzhi 'dzin pa'o/ /de ltar ta sta'i don du gsungs so/ /tsa tur mu kha zhes pa ni zhal bzhi yin te/ zhal dbus ma kha dog sngon po'o/ /de ni thugs rje chen po'i zhe sdang gi ngo bo yin te/ de bzhad pa'i tshul gyis dgra bgegs ma rungs pa'i sems can thams cad gnon pa'i mdzod par smos so/ /zhal g.yas pa'i kha dog ni skabs 'dir dkar po ste/ de ni zhe sdang chen po'i nga rgyal gyi ngo bo skyobs par mdzad pa'i tshul gyi dgra bgegs ma rungs pa'i sems can thams cad myos par mdzad par smos so/ /rgyab zhal ni dus 'dir kha dog dmar po ste/ de ni zhe sdang chen po'i 'dod chags kyi ngo bo gang mo bzhad pa'i tshul gyis dgra bgegs ma srungs pa'i sems can thams cad gsod par mdzad par smos so/ /zhal g.yon pa ni dus 'dir kha dog ljang gu ste/ de ni zhe sdang chen po'i khro bo'i ngo bo ldang? par mdzad pa'i tshul gyis dgra bgegs ma rungs pa'i sems can thams cad gsol bar mdzad par smos so/ /de ltar zhal bzhi'i don du gsungs so/ /tsa tur bu tsa zhes pa ni/ khro bo'i rgyal po ya man ta ka'i dus 'dir mdun du smos pa'i tshul gyi phyag bzhir ral gri dang gtun shing dang dgra sta dang zhags pa dang/ de ltar rdo rje mtshon cha bzhi dang ldan par smos so/ /de ltar tsa tur bu tsa'i don du gsungs so/ /sha tsa ra zhes pa ni/ dus 'dir khro bo'i rgyal po ya man ta ka'i ye shes drug gi cho 'phrul gyi sprul pa'i

  369. 185a

    zhabs drung du smos so/ /de gsal bar bstan par bya ste/ zhabs g.yas dang po ni chos kyi dbyings kyi ye shes kyi cho 'phrul gyi sprul pa'i ngo bo yin te/ des 'jig rten gyi mes po tshangs pa chen po chung ma dang bcas pa'i snying gar gnon par smos so/ /zhabs g.yas pa bar ma ni me long lta bu'i ye shes kyi cho 'phrul gyi sprul pa'i ngo bo yin no/ /de 'chi bdag gi bdud gshin rje chung ma dang bcas pa'i snying gar gnon par mdzad par smos so/ /zhabs g.yas pa'i tha ma ni/ so sor rtog pa'i ye shes kyi cho 'phrul gyi sprul pa'i ngo bo yin te/ des klu'i rgyal po mdza' yas chung ma dang bcas pa'i snying gar gnon par smos so/ /zhabs g.yon dang po ni mnyam pa nyid kyi ye shes kyi cho 'phrul gyi sprul pa'i ngo bo yin te/ des mgon po nag po'i chung ma dang bcas pa'i snying gar gnon par smos so/ /zhabs g.yon bar ma ni/ bya ba nan tan gyi ye shes kyi cho 'phrul gyi sprul pa'i ngo bo yin te/ des bgegs kyi rgyal po bi na ya ka chung ma dang bcas pa'i gar gnon par smos so/ /zhabs g.yon tha ma ni ye shes lnga dang gnyis su med pa'i ngo bo ye shes chen po smos pa de'i cho 'phrul gyi sprul pa'i ngo bo yin te/ des gza' kun gyi bdag po gza' chen po phur bu chung ma dang bcas pa'i snying gar gnon par smos so/ /tshul de ltar ye shes drug gi cho 'phrul gyi sprul pa la tsa ra na ra ming btags pa zhabs drug bsgom pa bya bar smos so/ /de ltar sha ta tsa rya na'i don du gsungs so/ /g+had tsha g+had tsha zhes pa ni/ mdun du smos pa'i 'jig rten gyi mes po tshangs pa chen po la sogs pa chung ma dang bcas pa zhabs drug gis gnon par smos pa de dag gi 'khor thams

  370. 185b

    cad khro bo'i rgyal po ya man ta ka'i sku phyag rgya cha lugs phun sum tshogs pa dang ldan pa ci ltar smos pa de lta bu dang ldan pa'i sprul pa'i sku phyag rgyas dgug par bya ba'i phyir sprin bzhin du spro bar mdzad pa'i don de/ g+had tsha g+had tsha smos so/ /sarba duSh+Ta pra na pa ha ri ni zhes pa ni/ khro bo'i rgyal po ya man ta kas lha dang/ klu dang/ gnod sbyin dang/ srin po la sogs pa'i sems can ma rungs pa gnod pa byed pa thams cad ye shes kyi cho 'phrul dang/ sgyu ma dang stobs dang/ thabs kyi bye brag sna tshogs kyis srog phrogs nas/ gsod par mdzad do/ /don des khro bo'i rgyal po ya man ta ka srog 'phrogs mkhan du smos so/ /de ltar sarba duSh+Ta pra na pa ha ri ni'i don du gsungs so/ /maha big nan ta ka zhes pa ni bgegs thams cad gyi bdag po bi na ya ka yin no/ /don des bi na ya ka bgegs chen por smos so/ /de khro bo'i rgyal po ya man ta kas chos kyi dbyings kyi ye shes kyi byin gyis brlabs nas bcom ste med par mdzad do/ /de ltar maha big nan ta ka'i don du gsungs so// b+hi kri ta nan zhes pa ni/ mdun du smos pa'i bgegs chen po med par mdzad pa'i dus su a na nar ming btags pa'i zhal yin te/ khro bo'i rgyal po ya man ta kas thugs rje chen po'i zhe sdang gis khros te/ shin tu sdug pa'i zhal bzhi bskyod pa'i tshul gyis 'bar ba chen po'i 'od kyis 'bar bar mdzad do/ /de ltar zhal gyi ngo bo ci ltar smos pa'i tshul gyis bgegs chen po 'joms pa'i dus su ni dang po'i gnon pa yin no/ /don des khro bo'i rgyal po ya man ta ka'i zhal bi kri ta nan ti ma sdug par smos so/ /sarba b+hu ta b+ha yang ka ra a ta da ta ha sa na b+hi ni zhes pa ni/ 'byung po ma rungs pa thams cad kyis dus rtag tu sems can thams cad la thabs kyi bye brag sna tshogs kyis gnon par byed pa'o/ /de dag 'jigs pa chen por

  371. 186a

    bya ba'i phyir khro bo'i rgyal po ya man ta kas khro bo chen po'i zhe sdang gi thugs bskyed nas shin tu sgra chen pos bzhad pa yin no/ /bzhad pa de 'byung po thams cad kyis thos ma thag tu 'jigs pa chen pos myos par 'gyur ro/ / don des khro bo'i rgyal po ya man ta kas/ sarba b+hu ta b+ha yang ka ra ste 'byung po thams cad 'jigs par mdzad mkhan du smos so/ /de ltar sarba bu ta b+ha yang ka ra a Ta da ta ha san di ni'i don du gsungs so/ /b+hya g+h+ra tsar ma/ ni bsan ku ru ku ru zhes pa ni/ mkha' 'gro'i rgyal po chen po stag gi mgo can du smos pa de 'joms par mdzad pa'i dus su/ chos kyi dbyings kyi ye shes kyi sprul pa zhe sdang chen po'i ngo bo stag gi pags pa sked pa la dkris pa'i tshul du mdzad do/ /bshad par bya ste/ cha lugs de lta bus tshul ji ltar smos pa'i mkha' 'gro'i rgyal po stag gi mgo can bsad do/ /de ma thag tu de'i pags pa rgyal ba thob pa'i rtags su sked pa la bsnams pa'i tshul mdzad do/ /de ltar b+hya g+h+ra tsar ma ni b+ha sa na ku ru ku ru'i don du gsungs so/ /sarba kar maM tshin d+ha tshin d+ha zhes pa ni/ 'chi bdag gi bdud gshin rje 'khor la sogs pa bgegs kyi tshogs ma rungs pa thams cad kyis/ khro bo'i rgyal po ya man ta ka'i sgrub pa po la sogs pa sems can thams cad la cho 'phrul dang sgyu ma dang stobs kyi thabs kyis rims la sogs pa nad thams cad kyi gnod pa byed de/ gzhan yang myos par byed/ gnod par byed/ dbang du byed/ smyo bar byed/ gsod par byed do/ /de la sogs pa bye brag sna tshogs kyi las thams cad kyis gnod pa byed pas dge ba dang/ srog gi bar du gcod pa byed/ /tshul de lta bu'i las thams cad smos pa de med par byed pa'i gnyen po'i ngo bo khro bo'i rgyal po ya

  372. 186b

    man ta kas zhe sdang chen po'i thugs bskyed nas/ chos kyi dbyings kyi ye shes kyi cho 'phrul dang/ sgyu ma'i stobs kyi thabs kyis bye brag sna tshogs kyis/ mdun du smos pa'i 'chi bdag gi bdud gshin rje'i 'khor la sogs pa bgegs kyi tshogs ma rungs pa thams cad myos par mdzad/ gnon par mdzad/ dbang du mdzad/ skrod par mdzad/ cho 'phrul dang/ sgyu ma dang/ stobs kyi thabs 'phrog par mdzad/ gsod par mdzad do/ /de dag la sogs pa las kyi bye brag sna tshogs kyis mdun du smos pa'i gnod pa'i las de dag med par mdzad pa mchod par bstan to/ /de ltar sarba ka ra ma tshin d+ha tshin d+ha'i don du gsungs so/ /sarba mnatraM b+hin d+ha b+hin d+ha zhes pa ni/ 'chi bdag gi bdud gshin rje 'khor dang bcas pa la sogs pa dang/ bgegs kyi tshogs ma rungs pa thams cad kyis mdun du smos pa'i khro bo'i rgyal po ya man+ta ka'i sgrub pa po la sogs pa sems can thams cad la rim la sogs pa nad thams cad kyis gnod par byed pa'i thabs dang gzhan yang myong byed pa'i thabs kyi sngags dang/ gnod par byed pa'i thabs kyi sngags dang/ dbang du bya ba'i thabs kyi sngags dang/ smyo bar byed pa'i thabs kyi sngags dang/ bskrad par byed pa'i thabs kyi sngags dang/ gsod par byed pa'i thabs kyi sngags so/ /de dag la sogs pa bye brag sna tshogs kyis gnod par byed pa'i sngags thams cad smos so/ /sngags des dge ba dang srog 'joms par byed do/ /tshul de ltar sngags thams cad bstan pa de med par mdzad pa'i gnyen po ni khro bo'i rgyal po ya man ta kas khro bo'i chen pos zhe sdang gis nyid kyi sku phyag rgya'i kun nas chos kyi dbyings kyi ye shes kyi 'bar ba'i 'od kyis 'bar bar mdzad do/ /de'i dus su sngags kyi sa bon yig 'bru hUm sgra chen po lan mang por brjod par mdzad/

  373. 187a

    sngags kyi sgra de 'chi bdag gi bdud gshin rje 'khor dang bcas pa'i bgegs kyi tshogs ma rungs pa thams cad kyis thos ma thag tu/ ci ltar smos pa'i sngags de dag thams cad bcom nas med par gyur to/ de ltar sarba man+t+raM b+hin d+ha b+hin d+ha'i don du gsungs so/ /pa ra mu traM a karSha a a karSha ya zhes pa ni/ pa rang ming btags pa ni/ mdun du smos pa'i bgegs ma rungs pa'i tshogs gnod par byed pa de dag gis gnod par byed pa'i dus su/ mgo g.yo bar byed pa'i phyag rgya dang/ mig 'gyur bar mi sdug par byed pa'i phyag rgya dang/ lag pa'i sor mo rnams 'ching ba dang/ dgrol pa dang/ rkyang bar byed pa'i phyag rgya dang/ de dag la sogs pa'i bye brag sna tshogs kyis gnod par byed pa'i phyag rgya thams cad smos so/ /de 'gugs par byed pa'i gnyen po ngo bo khro bo'i rgyal po ya man ta kas nyid kyi thugs ka'i gnas nas chos kyi dbyings kyi ye shes kyi ngo bo sngags sa bon yig 'bru 'bar ba chen po'i 'od kyis 'bar ba'i sprin bzhin du spro bar mdzad do/ /des 'jig rten gyi khams thams cad du khyab bo/ /de ma thag tu mdun du smos pa'i bgegs kyi tshogs ma rungs pa'i lus la sngags kyi sa bon yig 'bru hUM gis reg ma thag tu mu traM zhes pa ni de dag gi phyag rgya ji ltar smos pa bkug nas dbang du gyur bar smos so/ /de ltar pa ra mu traM a kar Sha ya a kar Sha ya'i don du gsungs so/ /sarba b+hu ta nir ma tha zhes pa ni khro bo'i rgyal po ya man ta ka'i bsgrub pa po dang/ gzhan yang sems can thams cad dus rtag tu gnod par byed pa'i bye brag sna tshogs kyis thabs kyis med par byed pa'o/ de med par byed pa phye mar rlog pa'i gnyen po'i ngo bo khro bo'i rgyal po ya man ta kas khro bo chen po zhe sdang gi brtson

  374. 187b

    'grus kyi nyid gyi sku phyag rgya'i kun nas chos kyi dbyings kyi ye shes kyi ngo bo rdo rje'i sprin 'bar ba chen po'i 'od 'bar ba'i sprin spro bar mdzad do/ /de nam mkha' i dbyings thams cad du khyab po/ /de ma thag tu ci ltar smos pa'i 'byung po thams cad kyi steng du/ rdo rje sprin phab pas brdabs par mdzad pas 'byung po'i lus phye ma bzhin du gyur par smos so/ /de nas sarba b+hu ta zhing? mdza' i don du gsungs so/ /sarba duSh+TaM pra be sha ya pra be sha ya zhes pa ni/ mdun du smos pa'i sems can ma rungs pa dus rtag tu gnod pa byed pa de dag thams cad khro bo'i rgyal po ya man ta ka nyid kyi thugs kha nas nyid kyi sku phyag rgya'i cha lugs phun sum tshogs pa lta bu sprin bzhin du spro bar mdzad do/ /des 'jig rten gyi khams thams cad du khyab po// de ma thag tu sku phyag rgya'i sprin gyis ma rungs pa thams cad la reg pas/ pra be sha yar ming btags pa sku phyag rgya la gnyis su med par bsdu bar mdzad pa yin no/ /de nas slar spro ba'i lam nas spros pa'i gnas su gnyis su med par bsdu bar mdzad pa la pra be sha ya zhes bya'o/ /de ltar sarba duSh+TaM pra be sha ya pra be sha ya'i don du gsungs so/ /man d+ha la man de be ba swa ta dzi bi tAn ta kar ku ru ku ru zhes pa ni/ de'i ba swa tar ming btags pa ni 'chi bdag gi bdud gshin rje'o/ /de'i dus su rtag tu sems can thams cad kyi srog 'phrog par byed do/ /de'i srog ni khro bo'i rgyal po ya man ta kas phrogs pas med par mdzad par bstan to/ /bshad par bya ste/ khro bo'i rgyal po ya man ta ka nyid kyi thugs ka'i gnas nas nyid kyi sku phyag rgya'i cha lugs phun sum tshogs pa ci lta bu dang ldan pa'i sku phyag rgya sprin bzhin du spro bar mdzad do/ /de rnams kyi phyag g.yas dang po gtso bo'i ral gri 'dzin pa'i gnas na rdo rje skyo ba 'dzin to/ /rdo rje zhags pa ni

  375. 188a

    mdun du smos pa'i tshul du bstan to/ /de lta bu'i ngo bo spros ma thag tu/ nam mkha' i dbyings thams cad du khyab bo/ /de ma thag tu be swa tar ming btags pa'i 'chi bdag gi bdud gshin rje rdo rje kyo bas spyi bor bzung/ rdo rje zhags pas mgul nas bcings te/ tshul de ltar bkug go /de'i 'og tu bdag po khro bo'i rgyal po ya man ta ka'i zhabs 'og tu bzhag go /bshad par bya ste zhabs g.yas brkyang g.yon bskum pa'i tshul du zhugs so// tshul de ltar be sha ka'i man d+ha lar ming btags pa g.yas brkyang ba dang g.yon bskum pa de dkyil 'khor du smos so/ /mdun du smos pa'i 'chi bdag gi bdud gshin rje'i zhabs g.yas pas snying gar gnon pa'i thabs des srog med pa dang/ phrog par gyur pa yin no/ /don des khro bo'i rgyal po ya man ta ka'i mtshan gyi don du smos so/ /de ltar man d+ha la ma d+he be ba swa ta dze bi tan ta ka ra ku ru ku ru'i don du gsungs so/ /ma ma karyaM d+ha ha b+ha ha zhes pa ni/ sgrub pa po'i mtshan ma ngan pa dang ldan pa'i bkra mi shis pa'i don thams cad mdun du smos pa'i khro bo'i rgyal po ya man ta kas nyid kyi sku phyag rgya'i kun nas chos kyi dbyings kyi ye shes kyi ngo bo gzi brjid chen po'i 'bar ba'i 'od spros pas/ de'i tsha bas ji ltar smos pa'i don ma yin pa de dag bsreg par mdzad do/ /de'i 'og tu bkra shis pa dang ldan pa'i don du thams cad 'grub par 'gyur ro/ /de ltar ma ma karya d+ha ha d+ha ha'i don du gsungs so/ / pa tsa pa tsa zhes pa ni mdun du smos pa'i bgegs kyi tshogs ma rungs pa dus rtag tu gnod pa byed pa de dag thams cad mdun du smos pa'i gzi brjid kyi 'bar ba chen po'i 'od kyi tsha bas/ klad pa dang rkang dang/ tshil zhu nas khu ba'i

  376. 188b

    ngo bor gyur te/ khu ba des bgegs kyi tshogs ma rungs pa thams cad kyi lus gtso bar mdzad do/ /de ltar pa tsa pa tsa'i don du gsungs so/ /ma bi lam ba ma bi lam ba zhes pa ni/ ci ltar smos pa'i bye brag sna tshogs kyis bgegs kyi tshogs ma rungs pa thams cad 'joms pa'i las mdzad pa ma bi lam bar ming btags pa de mi bul bar myur du ci ltar smos pa'i las kyi dngos grub kyi 'bras bu grub par mdzod cig pa'o/ /de ltar ma b+hi lam ba ma b+hi lam pa'i don du gsungs so/ / sa ma ya ma nu smar zhes pa ni/ khro bo'i rgyal po ya man ta ka khyod kyis thugs rje chen po'i zhe sdang chos kyi dbyings kyi ye shes kyi cho 'phrul gyi ngo bo dam tshig tu ming btags pa des bgegs ma rungs pa/ bsgrub pa po la sogs pa sems can thams cad la gnod pa byed pa thams cad la gnod pa byed pa'i las rjes su dran par mdzod cig pa'o/ /don de sa ma ya ma nu sma ra/ dam tshig rjes su dran par smos so/ /de ltar sa ma ya ma nu sma ra'i don du gsungs so/ /hUM hUM zhes pa ni/ hUM dang po brjod pas sgrub pa po la mi dang mi ma yin pa'i dgra ji snyed yod pa de dag gi cho 'phrul dang/ sgyu ma dang/ stobs dang/ gnod par byed pa'i thabs de dag bcom par gyur par smos so/ /sngags kyi sa bon yig 'bru hUM gnyis pa brjod pas mdun du smos pa'i sgrub pa po'i dgra rnams kyi dbang po thams cad med par 'gyur bar bstan to/ /de ltar hUM hUM gi don du gsungs so/ /phaT phaT ces ba ni/ phaT dang po brjod pas ci ltar smos pa'i bsgrub pa po'i dgra rnams kyi sems kyi rjes su dran pa'i thabs med par 'gyur ro/ /bshad par bya ste/ yi ge pha ni mnyam pa nyid kyi ye shes dang/ so sor rtog pa'i ye shes dang/ chos kyi dbyings kyi ye shes dang gsum gyi ngo bo yin no/ /yi ge Ta ni bya ba nan tan gyi ye shes kyi ngo bor bstan to/ /

  377. 189a

    sngags kyi yi ge phaT gnyis pa brjod pas srog gi dbang po phrogs te med par 'gyur bar bstan to/ /de ltar phaT phaT gnyis kyi don du gsungs so/ /spho Ta ya spho Ta ya zhes pa ni/ spho Ta ya dang po brjod pas/ mdun du smos pa'i sgrub pa po'i dgra rnams kyi srog gi dbang po phrogs ma thag tu de'i lus 'gyel nas yan lag dang nying lag zhig par 'gyur ro/ /bshad par bya ste/ yig 'bru spho Ta ni me long lta bu'i ye shes ngo bo yin no/ /yig 'bru ya ni bya ba nan tan gyi ye shes kyi ngo bo yin no/ /yang sngags kyi sa bon yig 'bru spho Ta ya brjod pas/ mdun du smos pa'i sgrub pa po'i dgra rnams 'gyel nas yan lag dang nying lag zhig par gyur pa de ma thag tu lus kun tu dum bu dum bur 'byer bar 'gyur ro/ / de ltar spho Ta ya spho Ta ya'i don du gsungs so/ /sarba na sha ya na sha ya ri puM/ zhes pa ni sgrub pa po'i dgra mi dang lha la sogs pa thams cad/ na sha ya ste mdun du smos pa'i lam gyi thabs kyi tshogs khro bo'i rgyal po ya man ta ka khyod kyis med par mdzod ces pa'o/ /yang sngags na sha ya gnyis pa brjod pas tshul ji ltar smos pa'i dgra thams cad med par mdzad pa de bzhin du de dag gi 'khor thams cad kyang med dpar mdzod ces pa'o/ /de ltar sarba na sha ya na sha ya ri puM gi don du gsungs so/ /he he b+ha ga ban kin rtsi ra ya si/ ma ma sarba d+haM sa d+ha ya zhes pa ni/ sgrub pa pos he he zhes tshig brjod pas khro bo'i rgyal po ya man ta ka bskul ba byas par bstan to/ /b+ha gaM baM ni khro bo'i rgyal po ya man ta kas chos kyi dbyings kyi ye shes kyi cho 'phrul dang/ sgyu ma dang/ stobs dang/ thabs kyi yon tan gyis 'chi bdag gi bdud gshin rje 'khor dang bcas pa la sogs pa bgegs kyi tshogs ma rungs pa thams cad bcom pa yin no/ /

  378. 189b

    don des khro bo'i rgyal po ya man ta ka'i yon tan gyi mtshan sngags kyi sgo nas bcom ldan 'das su bsdud pa pos smos so/ /kin k+tsi ra ya si ni mdun du smos pa'i 'chi bdag gshin rje'i 'khor la sogs pa bgegs kyi tshogs ma rungs pa thams cad 'joms par mdzad pa la/ yun ring du le lo ma mdzad ces pa'o/ /ma ma sarba d+haM sa d+ha ya zhes pa ni tshul ji ltar smos pa'i bgegs kyi tshogs ma rungs pa thams cad bcom par mdzad ma thag tu/ ma ma zhes pa sgrub pa po nyid yin te/ des khro bo'i rgyal po ya man ta ka la ji ltar sems can las byung ba'i don gyi dngos grub kyi 'bras bu grub par bya ba'i phyir gsol ba btab smos so/ /mdor bsdu ba de ltar he he b+ha ga baM kiny+tsi ra ya si/ ma ma sarba d+haM sa da ya'i don du gsungs so/ /sA ha zhes ni ci ltar smos pa'i tshul gyi khro bo'i rgyal po ya man ta ka'i sngags rings don dang ldan pa'i ngo bo bstan pa de bzlas pa byas pas khro bo'i rgyal po ya man ta ka nyid kyi thugs mnyes par 'gyur ro/ /gzhan yang de nyid kyi rigs kyi bdag po sku rdo rje rnam par snang mdzad mnyes par 'gyur ro/ /de'i dus su sgrub pa pos ji ltar smos pa'i tshul gyi dngos grub gyi 'bras bu 'grub par 'gyur bar bstan to/ /de ltar swa ha'i don du gsungs so/ /da ni khro bo'i rgyal po ya man ta ka'i sngags rings kyi yon tan gyi don du bstan par bya ste/ 'di ni gsungs ma thag tu yang/ sangs rgyas grags pa chen po kun/ 'jigs shing kun tu skrag 'gyur nas/ rdo rje'i thugs ni rjes su dran/ zhes bya ba'i don bshad par bya ste/ ci ltar yin na 'di ni gsungs ma thag tu yang/ sangs rgyas grags pa chen po kun ni ston pa mi bskyod pa rdo rje 'dzin gyis ci ltar smos pa'i tshul gyi ting nge 'dzin mdzad pa'i 'og tu/ khro bo'i rgyal po ya man ta ka'i

  379. 190a

    sngags rings gsungs ma thag tu/ sngags rings chos kyi dbyings kyi ye shes kyi me 'bar ba chen po'i 'od kyis 'bar ro/ /de'i tsha ba chen pos rnam par snang mdzad la sogs pa'i rigs lnga'i bye brag gi sangs rgyas smos pa thams cad ni thugs rje chen po'i thugs bskyed nas/ nyid nyid kyi ye shes kyi cho 'phrul gyi sprul pa'i byin gyis brlabs kyis dus rtag tu sems can thams cad kyi don mdzad do/ /de'i yon tan gyi 'jig rten gyi khams thams cad na gnas pa'i lha dang/ mi la sogs pa'i sems can thams cad kyis bye brag sna tshogs su ston pa byed do/ /don des sangs rgyas thams cad grags pa chen por bstan to/ /de lta bu'i yon tan gyi ngo bo'i sangs rgyas thams cad gong du bstan pa'i tsha bas 'jigs par 'gyur bar bstan to/ /'jigs shing shin tu skrag gyur nas zhes pa ni/ mdun du smos pa'i tsha ba chen po'i 'jigs pas thugs skrag nas/ de ma thag tu sku phyag rgya rab tu 'dar ba bstan to/ /rdo rje thugs ni rjes su dran zhes pa ni/ sku rnam par snang mdzad dang/ rin chen 'byung ldan dang/ snang ba mdza' yas dang/ don yod grub pa la sogs pa ci ltar smos pa'i tshul gyi grags pa chen po'i sangs rgyas thams cad 'jigs nas skrag ma thag tu myur ba myur bar de bzhin gshegs pa thams cad kyi thugs rdo rje dang gnyis su med pa me long lta bu'i ye shes kyi ngo bo ston pa mi bskyod pa rdo rje 'dzin nyid rjes su dran nas skyobs shig skyobs shig ces brjod pa'i tshul bstan to/ /de ltar bsgrub pa pos dang pa skyed nas dang/ sems brtan par bya ba'i phyir sdud pa po phyag na rdo rje la dor ba'i tshig tu smos pa yin no/ /bshad par bya ste/ khro bo'i rgyal po ya man ta ka'i sngags

  380. 190b

    rings gsungs ma thag tu/ 'jig rten gyi khams thams cad na gnas pa'i 'chi bdag gi bdud gshin rje 'khor dang bcas pa la sogs pa bgegs kyi tshogs ma rungs pa gnod pa byed pa thams cad sngags kyi 'bar ba'i 'od kyis tsha bas tshig pa'i sdug bsngal du gyur to/ /zhi bar bya ba'i phyir mdun du smos pa'i tshul gyi rdo rje thugs de la skyobs shig skyobs shig ces pa'i tshig brjod pa'i tshul gyi rjes su dran no/ /de rjes su dran ma thag tu zhi ba dang bde bar gyur par smos so/ / mdor bsdu ba de ltar rdo rje thugs ni rjes su dran pa'i don du gsungs so/ /da ni khro bo'i rgyal po ya man ta ka'i bsgom pa dang/ sbyor ba dang/ sngags kyi bzlas pa byas pas/ sgrub pa pos lha dang mi la sogs pa sems can thams cad kyi chung ma dgug par bya ba'i cho ga'i tshul bstan par bya ste/ thod pa ma chag ma rdol ba/ gzugs mdzes yid du 'ong ba btsal/ /rkang pas gnan pa'i tshul byas nas/ /sngags 'di rjes su dran par bya/ /zhes bya ba'i don bshad par bya ste/ ci ltar yin na/ thod pa ma chag ma rdol ba/ gzugs mdzes yid du 'ong ba btsal ba ni/ bram ze mo bu byung bas shi ba 'am/ yang na mtshon phog nas shi ba yang mi 'gal te/ na so dar la bab pa gzugs mdzes pa'i ban d+ha blang ngo/ /bram ze mo ma rnyed na/ sme sha na'i bud med bram ze mo na so dang/ gzugs mdzes pa ji lta ba'i ban d+ha blang yang mi 'gal lo/ /de ltar rigs kyi bye brag gi ban d+ha dum bu gcig pa nas lnga pa man chad de/ de yang bug rdol med pa sdug pa dkar ba/ cung zad dmar ba/ 'bar 'bur med pa/ mnyam pa/ nang na pad ma dang/ dung dang/ g.yas su 'khyil ba'i tshul gyi ri mo yod pa'o/ /de lta bu'i ngo bo'i mtshan ma dang ldan pa/ gzugs mdzes pa yid

  381. 191a

    du 'ong ba btsal bar smos so/ /bstan par bya ste/ bsgrub pa pos gnas ri'i rtse mor dgug pa bsgrub par bya'o/ /yang na ma mo'i gnas kyi khang par bya bar yang mi 'gal lo/ /mdun du smos pa'i ban d+ha'i nang du/ gung ku ma dang/ ka ra bu ra dang/ mgo ro tsa na dang/ byang chub sems dang/ pad ma ra ga ta dang/ khwa ta'i khrag dang rdzas de rnams gcig tu bsres la btags pa la rdo rje'i chu dang dkrugs nas/ sangs rgyas spyan gyi sku phyag rgya'i gzugs khwa ta'i mjug sgro'i rtsa bas bri bar bya ste/ zhal gsum phyag drug phyag mtshan drug go /rin po che sna tshogs kyi rgyan gyi brgyan pa/ thor tshugs kyis dbu brgyan pa/ khro bo'i tshul du bshad pa/ phyag g.yas dang po na 'khor lo'i kyo ba 'dzin pa/ g.yon dang po na rdo rje zhags pa 'dzin/ phyag mtshan gzhan ni ci ltar smos pa'i tshul du bya'o/ /de'i zhabs gnyis kyi 'og tu/ lha mo 'am mi mo gang dgug par bya ba'i gzugs thal mo sbyar ba'i tshul du/ mdun du smos pa'i sangs rgyas spyan bris pa'i rdzas de d+ha tu ra'i shing tog gi khu ba dang/ bsres pa bris te/ sangs rgyas spyan gyi zhabs g.yas brkyang bas bu mo'i rked par mnan pa bri/ zhabs g.yon bskum pas snying gar gnon pa bri/ sangs rgyas spyan gyis 'khor lo'i kyo ba 'dzin pa des b+ha ga nas 'dzin pa bri/ rdo rje'i zhags pa des mgul pa nas bcing bar bri/ dgug pa'i bu mo de'i 'og tu 'ug pa'i khrag gis nyi ma'i dkyil 'khor bri/ nyi ma'i dkyil 'khor gyi 'og tu yang 'ug pa'i khrag gis pad ma 'dab ma brgyad bri/ sbyor ba de ltar byas nas dkyil 'khor zur gsum kun tu khru gang sor lnga'i tshad du byas la bdud rtsi lngas de bsku bar bya'o/ /de'i 'og tu sgrub pa pos brtson

  382. 191b

    'grus chen po'i sems/ brtan par byas la dkyil 'khor de'i steng du 'dug par bya'o/ /de'i 'og tu mdun du smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med pa'i 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa'i bzhin du 'dir sbyar ro/ /de lta bu'i ngo bo rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su sku'i rigs kyi bye brag gi bram ze'i rigs kyi bu mo ci ltar smos pa'i mtshan dang yon tan phun sum tshogs pa dang ldan pa blang ngo/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu sgrub pa pos zhe sdang chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub kyi sems char gyi rgyun bzhin du 'od du zhu nas de rgya mtsho dang mnyam par 'gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bo gzi brjid chen por 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po ya man ta ka'i sku phyag rgya bskyed par ? ?/ /de khro mo'i ??? ma ma dang gnyis su med pa'i 'khyud pa'i sbyar ba dang ldan pa'o/ /sku myug? rgya'i cha lugs phun sum tshogs pa gzhan gyi sngags rings las ji ltar bshad pa'i tshul de bzhin du 'dir bstan to/ /de lta bu'i ngo bo

  383. 192a

    khro bo'i rgyal po ya man ta ka'i sku phyag rgya bskyed ma thag tu/ bskyed par mdzad mkhan rnam par snang mdzad kyi sku phyag rgya khro bo'i rgyal po ya man ta ka'i spyi bo la dbang bskur ba'i tshul du bsam mo/ /tshul de ltar khro bo'i rgyal po ya man ta ka'i sku phyag rgya bskyed ma thag tu sgrub pa pos de dang gnyis su med pa'i nga rgyal du bsgom par bya'o/ /de'i dus su mdun du smos pa'i sbyor ba dang ldan pa'i ban d+ha de/ sgrub pa po nyid kyi rkang pa g.yon bskum la/ de'i 'og tu kha spub tu gzhag go /rkang pa g.yas ni brkyang ngo/ /sbyor ba'i tshul de ltar bsgom par byas nas/ khro bo'i rgyal po ya man ta ka'i sngags rings khro bo chen po'i brtson 'grus kyis 'bum phrag gsum gyi grangs kyi tshad kyi rjes su dran par ming btags pa bsnyen pa a mo rkaM/ a kar sha naM ku ru swa ha bya ba dang spel ba'i tshul gyis bya'o/ /de ltar byas pas dgug pa'i dngos grub kyi 'bras bu grub pa'i dus su/ mtshan ma gnyis 'byung bar 'gyur te/ ban d+ha de 'bar ba dang de'i 'og tu 'bar ba'o/ /de ma thag tu mo gang bsgrub pa byas pa'i de sems skrag par rdul te thal mo sbyar nas khugs par 'gyur ro/ /de ma thag tu brtag pa yis 'dod chags chen po'i sems dga' bas spyad par bya'o/ /gzhan yang gal te gnod sbyin mo 'gugs par 'dod na/ mdun du smos pa'i ban d+ha de'i nang du/ ci ltar smos pa'i sangs rgyas spyan bris pa'i rdzas de dang/ 'ug pa'i khrag dang klad pa/ sres te rdzas des sangs rgyas spyan ci ltar bris pa'i tshul de bzhin du/ rdo rje rigs kyi lha mo mA ma kI'i gzugs 'ug pa'i mjug sgro'i rtsa bas bri bar bya ste/ de zhal gsum pa/ phyag drug phyag mtshan drug pa/ rin po che sna tshogs kyis rgyan gyis brgyan pa

  384. 192b

    thor tshugs kyis dbu brgyan pa/ khros te zhe sdang gi tshul gyi zhal bzhad pa/ phyag g.yas dang po na rdo rje'i kyo ba 'dzin pa/ g.yon dang po na rdo rje'i zhags pa 'dzin pa/ phyag mtshan gzhan ni ci ltar smos pa bzhin du bya'o/ /de'i zhabs gnyis kyi 'og tu gnod sbyin mo'i gzugs mdun du smos pa'i ma ma ki'i bris pa'i rdzas de bong bu'i gcin dang 'dris pas thal mo sbyar ba bri bar bya ste/ ma ma ki'i rdo rje'i kyo bas de'i b+ha ga nas 'dren par bri/ rdo rje zhags pas mgul ba nas bcing bar bya'o/ /ma ma ki'i zhabs g.yas brkyang bas gnod sbyin mo'i rkang par gnon par bri/ g.yon bskum pas snying gar gnon par bri'o/ /gnod sbyin mo'i 'og tu nyi ma'i dkyil 'khor phag gi khrag gi bri/ nyi ma'i dkyil 'khor gyi 'og tu phag gi khrag gis pad ma 'dab brgyad bri'o/ /de ltar sbyor ba byas nas dkyil 'khor khru gang dang sor lnga'i tshad du mdun du smos pa'i bdud rtsi lnga la gur kum dang/ ka ra pur bsres pas bsku bar bya'o/ /de'i steng du bsgrub pa pos brtson 'grus chen pos sems brtan par bskyed nas 'dug go /de'i 'og tu cho ga bzhi'i tshul gyis khro bo'i rgyal po ya man ta ka'i sku phyag rgya cha lugs phun sum tshogs pa dang ldan pa bskyed nas de bzhin du bskyed la/ de dang gnyis su med pa'i nga rgyal du bsgom par bya'o/ /de'i dus su mdun du smos pa'i sbyor ba dang ldan pa'i ban d+ha de/ sgrub pa po nyid kyi rkang pa g.yas pa bskum pa'i 'og tu kha sbub tu gzhag go /rkang pa g.yon pa brkyang bar bya'o/ /de lta bu'i tshul gyi sbyor ba'i bsgoms pas khro bo'i rgyal po ya man ta ka'i sngags rings mdun du smos pa'i cho ga'i tshul gyis bzlas par bya'o/ /de ltar byas pas dgug pa'i dngos grub kyi 'bras bu grub pa'i dus su/ tshul ji ltar smos pa'i mtshan ma gnyis 'byung bar 'gyur ro/ /

  385. 193a

    de ma thag tu gnod sbyin mo skrag pa'i sems kyis thal mo sbyar ba dbugs 'thor zhing khugs par 'gyur ro/ /de ma thag tu mdun du smos pa'i tshul du spyad par bya'o/ /gzhan yang gnod sbyin mo dgug pa'i bsgrub pa ci ltar bstan pa de bzhin du sems can thams cad kyi chung ma dgug par smos so/ /mdor bsdu ba de ltar thod pa ma chag ma rdol ba/ gzugs mdzes yid du 'ong ba btsal gyi don du gsungs so /rkang pas gnon kyi tshul byas nas/ sngags 'di rjes su dran par bya zhes pa yang gong du bshad pas 'dir bshad mi dgos spyan nam ma ma ki yang rung/ rdo rje'i rigs chen las byung ba/ /lan gsum dag tu brjod nas ni/ de ma thag tu nges par dgug /ces bya ba'i don bshad par bya ste/ ci ltar yin na/ ma ma ki 'am spyan dag gis/ /rdo rje rin chen las byung ba ni/ mdun du smos pa'i tshul gyi cho gas dgug pa'i sbyor ba byas pas sku'i rigs rnam par snang mdzad kyi shes rab ma ye shes kyi lha mo sangs rgyas spyan dang/ rdo rje'i rigs chen du ming btags bston pa mi bskyod pa'i shes rab ma lha mo ma ma ki yang khugs par 'gyur te/ ci ltar smos pa'i tshul la dor pa'i tshig smos so/ / bstan par bya ste/ lha mo dang mi mo dang/ gnod sbyin mo la sogs pa sems can thams cad kyi chung ma nges par khugs par 'gyur bar bstan to/ /de ltar spyan ma 'am ma ma ki yang rung/ rdo rje rin chen las byung ba'i don du gsungs so/ /lan gsum dag tu brjod na ni/ /de ma thag tu nges par 'gugs zhes pa ni/ ci ltar smos pa'i tshul gyis sems can thams cad kyi chung ma dgug par mngon du gyur pa'i mtshan ma gnyis byung pa'i dus su/ sgrub pa

  386. 193b

    pos sems brtan pas khro bo chen po'i zhe sdang gis/ ci ltar smos pa'i tshul gyi sngags rings shin tu sgra chen pos lan gsum brjod par bya'o/ /de brjod ma thag tu mo gang bsgrub pas de skad cig gis nges par khugs par 'gyur bar bstan to/ /de ltar lan gsum dag tu brjod nas ni/ de ma thag tu nges par 'gug gi don du gsungs so/ /bcom ldan 'das thugs rdo rjes de skad gsungs so/ /zhes bya ba ni bcom ldan 'das thugs rdo rje ni ston pa rdo rje mi bskyod pa nyid du smos so/ / de'i don mdun du ci ltar bshad pa de bzhin du 'dir bstan to/ /de skad gsungs so/ /zhes bya ba ni/ mdun du smos pa'i khro bo'i rgyal po ya man ta ka'i bsgom pa dang/ sbyor ba dang sngags kyi bzlas pa byas pas dgug pa bsgrub pa 'grub par 'gyur bar gsungs so/ /da ni khro bo'i rgyal po ya man ta ka'i sngags rings gsungs pa'i 'og tu/ rdo rje rigs kyi khro bo'i rgyal po a mri ta kuN+Da li'i sngags rings gsung bar mdzad pa'i cho ga'i don bstan par bya ste/ de nas bcom ldan 'das de bzhin gshegs pa rnam par snang mdzad kyi/ dam tshig 'od gzer stug po'i mchog ces bya ba'i ting nge 'dzin la snyoms par zhugs nas zhes bya ba'i don bshad par bya ste/ ci ltar yin na/ de nas ni mdun du smos pa'i khro bo'i rgyal po ya man ta ka'i sngags rings gsungs pa'i 'og tu/ khro bo'i rgyal po a mri ta kuN+Da li'i sngags gsung pa'i don mtshon pa'o/ /bcom ldan 'das zhes pa ni mdun du smos pa'i ston pa mi bskyod pa rdo rje 'dzin nyid kyi yon tan gyi bstan pa'i mtshan bcom ldan 'das yin pa sdud pa pos smos so/ /de'i don mdun du bshad pa bzhin du 'dir bstan to/ /de bzhin gshegs pa rnam par snang mdzad ces pa ni/ ston pa mi bskyod pa rdo rje 'dzin ting nge 'dzin la snyoms

  387. 194a

    par ma zhugs pa'i mdun du/ nyid kyi sku phyag rgya'i kun nas sku'i rigs de bzhin gshegs pa rnam par snang mdzad chos kyi dbyings kyi ye shes kyi ngo bo snang bas spro bar mdzad do/ /de ma thag tu 'jig rten gyi khams thams cad du snang ba des gsal bar gyur par smos so/ /dam tshig gi 'od zer stug po bkod pa'i mchog ces pa ni/ ston pa mi bskyod pa rdo rje 'dzin gyis sems can thams cad bgegs ma rungs pa thams cad dang/ bgegs kyi rgyal po bi na ya ka'i gnod pa las bsrung bar mdzad pa'i phyir/ de gzhom par mdzad pa'i thabs dam tshig tu ming btags pa'i thugs rje chen po'i zhe sdang gi thugs bskyed pa'o/ /'od gzer stug po zhes pa ni/ me long lta bu'i ye shes kyi ngo bo 'od gzer stug por ming btags pa'i sprin bkod pa grangs med par spro bar mdzad pa yin no/ /don des mchog tu smos so/ /de ltar dam tshig gi 'od gzer stug po bkod pa'i mchog gi don du gsungs so/ /ting nge 'dzin la snyoms par zhugs nas zhes pa ni/ ston pa mi bskyod pa rdo rje 'dzin gyis 'khor thams cad kyi nang du zhe sdang chen po'i thugs dgyes pas ci ltar smos pa'i tshul gyis ye shes kyi lha mo ma ma ki dang gnyis su med pas 'khyud pa'i sbyor bas gsang ba'i dbang po gnyis mnyam par sbyar bar mdzad do/ /de ma thag tu gsang ba'i thugs ka ye shes sems dpa' i gnas su me lo de lta bu'i ye shes kyi ngo bo sngags sa bon yig 'bru hUM kha dog nag por gyur par mdzad do/ /sa bon de las me long lta bu'i ye shes kyi ngo bo mdun du smos pa'i 'od zer gyi sprin kha dog nag po grangs med pa bkod pa/ ba spu'i bu ga'i lam gyi sgo nas spro bar mdzad do/ /des nam mkha' i

  388. 194b

    dbyings thams cad du khyab po/ /de ma thag tu bgegs ma rungs pa thams cad dang/ bgegs kyi rgyal po bi na ya ka byin gyis brlabs nas cho 'phrul dang/ sgyu ma dang stobs dang/ gnod par byed pa'i thabs bcom par 'gyur ro/ /de nas 'od gzer gyi sprin grangs med pa de slar spro ba'i sngags kyi sa bon yig 'bru hUM la gnyis su med par bsdu bar mdzad do/ /de ma thag tu sngags kyi sa bon yig 'bru hUM de nyi ma stong dang mnyam pa'i 'od 'bar zhing 'od du zhu nas/ de me long lta bu'i ye shes kyi 'od ngo bo rgya mtsho dang mnyam par gyur bar mdzad do/ /sa bon de las zhe sdang chen pos 'jigs pa'i ngo bo khro bo'i rgyal po a mri ta kuN+Da li'i sku phyag rgya/ mdun du smos pa'i tshul gyis sku mdog dang/ zhal dang/ phyag dang phyag mtshan dang/ rgyan rnams dang ldan pa'i sprin grangs med pa/ ba spu'i bu ga'i lam gyi sgo nas spro bar mdzad do/ /des nam mkha' i dbyings thams cad du khyab po/ /de ma thag tu ci ltar smos pa'i bgegs ma rungs pa dang/ bgegs kyi rgyal po bi na ya ka byin gyis brlabs nas bcom pa'i dngos grub kyi 'bras bur gyur par smos so/ /de ltar mdzad nas khro bo'i rgyal po a mri ta kuN+Da li'i sku phyag rgya spro ba'i lam nas gsang ba'i thugs ka ye shes sems dpa' i gnas su gnyis su med pa'i ngo bor bsdu bar mdzad do/ /tshul de ltar 'od zer gyi sprin grangs med pa dang/ a mri ta kuN+Da li'i sku phyag rgya grangs med par spro bar mdzad pa de/ zhe sdang chen po'i ngo bo'i thugs bskyed nas/ ci ltar smos pa'i tshul gyi bgegs ma rungs pa thams cad dang/ bgegs kyi rgyal po bi na ya ka byin gyis brlabs nas/ spro ba dang gnyis su med par bsdu bar mdzad pa'i don de/ ting nge 'dzin du bstan to/ /bshad par bya ste/ mi bskyod ba rdo rje 'dzin gyis

  389. 195a

    ting nge 'dzin mdzad pa'i dus su thugs rtse gcig par gyur nas gnas pa'i don des snyoms par zhugs par smos so/ /mdor bsdu ba de ltar ting nge 'dzin la snyoms par zhugs te de'i don du gsungs so/ /ting nge 'dzin mdzad pa'i 'og tu/ da ni sngags khro bo'i rgyal po'i ngo bo don gyi cho ga bstan par bya ste/ khro bo bdud rtsi dam tshig 'di nyid kyi sku dang gsung dang thugs rdo rje las phyung ngo/ /zhes bya ba ni bdud rtsi'i dam tshig ces pa ni/ bdud rtsi'i don ni/ mdun du ci ltar smos pa'i de bzhin du 'dir bstan to/ /dam tshig gi skabs 'dir ston pa mi bskyod pa rdo rje 'dzin gyis sems can thams cad la bgegs ma rungs pa thams cad dang/ bgegs kyi rgyal po bi na ya ka'i gnod pa 'jigs pa las bsrung ba'i phyir thugs rje chen po'i ngo bo'i zhe sdang gi thugs bskyed pa'i don de dam tshig tu smos so/ /de ltar bdud rtsi'i dam tshig gi don du gsungs so/ /khro bo zhes pa ni mdun du smos pa'i don gyi phyir/ ston ba mi bskyod pa rdo rje 'dzin gyis thugs rje chen po'i ngo bor thugs bskyed nas/ de dang gnyis su med pa'i ngo bo khro bo'i rgyal po bdud rtsi dam tshig tu ming btags pa a mri ta kuN+Da li nyid du bstan to/ /de ni me long lta bu'i ye shes kyi ngo bor smos so/ /de ltar khro bo'i don du gsungs so/ /nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku phyag rgya dang sku dang gsung dang thugs rdo rje dang gnyis su med pa'i ngo bo bstan to/ /de ltar sku dang gsung dang thugs rdo rje gsum dang gnyis su med pa'i ngo bo khro bo'i rgyal po a mri ta kuN+Da li smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ mdun du sku rdo rje dang gsung rdo rje dang thugs rdo rje dang

  390. 195b

    gnyis su med par bshad pa de bzhin du 'dir bstan to/ /phyung ngo zhes pa ni/ ston pa mi bskyod pa rdo rje 'dzin gyis khro bo'i rgyal po a mri ta kuN+Da li'i sngags rings ni tshul ji ltar smos pa'i sku dang gsung dang thugs rdo rje gsum dang gnyis su med pa'i ngo bor phyung ba yin no/ /da ni khro bo'i rgyal po a mri ta kuN+Da li'i sngags rings kyi ngo bo bstan par bya ste/ na ma sa man+ta ka ya bak+tsit+ta badzra naM/ na mo badzra kro ta ya/ ma ha dang Sh+To da ka ta be ra b+he ya/ a si mu sa la/ pa ra shu ba sha /ha sa ta ya/ oM a mri ta kuN+Da li/ kha kha khA hi khA hi/ Ti shTa Ti Sh+Ta/ ban d+ha ban d+ha/ ha na ha na/ da ha da ha/ gardza gardza/ bi spo Ta ya bi spa Ta ya/ sarba big+ha nan/ bi na ya kaM mahA/ ga na ba ti/ dzi bi ta a na ka ra ya swAhA/ zhes bya ba'i don bshad par bya ste/ ci ltar yin na/ na ma sa man+ta ka ya bik+tsat+ta badzra naM ni thugs kyi rigs ston pa mi bskyod pa rdo rje 'dzin nyid la sogs pa rigs lnga'i bye brag gi de bzhin gshegs pa sa man tar ming btags pa ni grangs med par smos so/ /bshad par bya ste/ de bzhin gshegs pa thams cad don dam par sku rdo rje dang/ gsung rdo rje dang/ thugs rdo rje gsum du gnyis su med pa'i ngo bor khro bo'i rgyal po a mri ta kuN+Da li don smos so/ / de'i sngags rings bsgrub pa pos bzla ba'i dus su dang po tshul ji ltar smos pa'i sku dang gsung dang thugs gsum la lus dang ngag dang yid kyis phyag bya'o/ /de byas pas mdun du smos pa'i tshul gyi de bzhin gshegs pa thams cad mnyes par 'gyur ro/ /de'i yon tan gyis bsgrub pa pos nyon mongs pa'i dbang gis sdig pa bsags pa kun med par gyur par bstan to/ /de ltar na ma sa man ta kA ya bak+tsit+ta badzra ni? gi don du gsungs so/ /na mo badzra kro d+ha ya/ zhes pa ni mdun du

  391. 196a

    smos pa'i phyag de byas pa'i 'og tu/ phyag 'tshal ba gnyis pa khro bo'i rgyal po sngags kyi bdag po nyid rdo rje'i rigs yin pas don des rdo rje'i khro bor smos so/ /de la ji ltar smos pa'i tshul gyi sku gsung thugs gsum la lus ngag yid kyis phyag bya'o/ /de byas pas sngags kyi bdag po khro bo'i rgyal po a mri ta kuN+Da li nyid mnyes par 'gyur ro/ /de'i yon tan gyis bgegs kyi rgyal po dang/ bgegs ma rungs pa thams cad kyi cho 'phrul dang/ sgyu ma dang/ stobs dang/ gnod pa byed pa'i thabs kyi sbyor ba de dag 'joms par 'gyur ro/ /de ltar na badzra kro ta yi'i don tu gsungs so/ /da ni khro bo'i rgyal po a mri ta kuN+Da li'i bsgom pa dang/ sngags kyi bzlas pa byas pa'i dus su zhal gyi stabs dang/ phyag mtshan phun sum tshogs pa'i don bstan pa byas te/ ma ha dang shTo da ka ha zhes pa/ khro bo'i rgyal po a mri ta kuN+Da li zhal gsum du smos pa'i mche ba'i phreng ba ring ba dang/ ud ka tar ming btags pa rno ba yin no/ /de ltar ma ha dang Sh+To da ka ta'i don du gsungs so/ /be ra ba ya zhes pa ni tshul ji ltar smos pa'i mche ba'i phreng ba dang/ ldan pa'i zhal de gdang zhing ldang ba'i stabs mdzad cing bgegs ma rungs pa thams cad dang/ bgegs kyi rgyal po bi na ya ka b+he ra b+he yar ming btags pa 'jigs par mdzad pa bstan to/ /de ltar b+he ra b+he ya'i don du gsungs so/ /a si zhes pa ni rdo rje ral gri yin te/ de skabs 'dir g.yas dang po na 'dzin te/ ral gri des mdun du smos pa'i bgegs ma rungs pa thams cad dang/ bgegs kyi rgyal po bi na ya ka'i gzugs kyi phung po gcod par mdzad par bstan to/ /de ltar a si'i don du gsungs so/ /mu sa la zhes pa ni/ rdo rje gtun shing yin te/

  392. 196b

    de phyag g.yas gnyis pa na 'dzin te/ gtun shing nges mdun du smos pa'i bgegs ma rungs pa thams cad dang/ bgegs kyi rgyal po bi na ya ka brdungs pa'i phye mar mdzad par bstan to/ /de ltar mu sa la'i don du gsungs so/ /pa ra shu zhes pa ni/ rdo rje'i dgra sta yin te/ de phyag g.yon dang po na 'dzin te/ dgra sta des mdun du smos pa'i bgegs ma rungs pa thams cad dang/ bgegs kyi rgyal po bi na ya ka'i gzugs kyi phung po ma brdungs pa'i gong du/ dum bu dum bur gcod par bstan to/ /de ltar par shu'i don du gsungs so/ /pa sha zhes pa ni/ rdo rje zhags pa yin te/ de ni skabs 'dir phyag g.yon gnyis pa na 'dzin te/ zhags pa des mdun du smos pa'i bgegs ma rungs pa thams cad dang/ bgegs kyi rgyal po bi na ya ka bcad pa dang/ gtub pa dang/ brdungs nas phye mar mdzad pa'i mdun du mgul pa nas bcing bar mdzad do/ /de ltar ba sha'i don du gsungs so/ /gzhan phyag gnyis kyi phyag mtshan gnyis ni le'u bzhi pa dkyil 'khor gyi dus su ci ltar smos pa de bzhin du 'dir sbyar ro/ /hasta ya zhes pa ni/ ci ltar smos pa'i tshul gyi rdo rje ral gri la sogs pa phyag na phyag mtshan drug 'dzin pa yin no/ /de ltar ha sta ya'i don du gsungs so/ /oM zhes pa ni/ mdun du smos pa'i tshul gyi bye brag gnyis kyi phyag 'tshal ba'i 'og tu/ de bzhin gshegs pa thams cad kyi sku rdo rje'i ye shes dang gnyis su med pa'i ngo bo sku rdo rje rnam par snang mdzad bskyed pa'i sa bon yin te/ chos kyi dbyings kyi ye shes kyi ngo bo de brjod pas sgrub pa po la chos kyi dbyings kyi ye shes kyis byin gyis brlob par 'gyur ro/ /de'i dus su sgrub pa po'i sems la sogs pa dbang po thams cad stobs chen po dang ldan par 'gyur ro/ /gzhan yang lus gzi brjid

  393. 197a

    rgyal par 'gyur ro/ /de ltar oM gyi don du gsungs so/ /a mri ta kuN+Da li zhes pa ni nyid kyi sngags kyi bdag po a mri ta kuN+Da li ni/ sems can thams cad la bgegs thams cad dang/ bgegs kyi rgyal po pi na ya ka gnod par byed pa de dag gsol bar mdzad pa'i phyir sngags kyi bdag po khro bo'i rgyal po nyid bskul bar byed par smos so/ /de ltar a mri ta kuN+Da li'i don du gsungs so/ /kha kha zhes pa ni/ sgrub pa po la sogs sems can thams cad la gnod par byed pa bgegs ma rungs pa ji snyed thams cad dang bgegs kyi rgyal po bi na ya ka'i de ni kha khar ming btags pa gsol ba'i rgyu'i ngo bor smos so/ /de ltar kha kha'i don du gsungs so/ /kha ha'i zhes pa ni/ ci ltar smos pa'i bgegs ma rungs pa thams cad dang/ bgegs kyi rgyal po bi na ya ka gsol rgyur bstan pa de khro bo'i rgyal po a mri ta kuN+Da li khyod kyis thugs rje chen po'i zhe sdang gi brtson 'grus kyis/ kha hir ming btags su pa gsol bar mdzod ces smos so/ /de ltar kha ha'i don du gsungs so/ /yang kha hi zhes pa ni bgegs ma rungs pa thams cad dang/ bgegs kyi rgyal po bi na ya ka khro bo'i rgyal po a mri ta kuN+Da lis gsol bar mdzod ces ji ltar bskul ba de bzhin du/ dkon mchog gsum la gnod par byed pa dang/ gzhan yang rdo rje slob dpon smod par byed pa'i dgra rnams kha hir ming btags pa gsol bar mdzod ces pa'o/ /de ltar kha hi'i don du gsungs so/ / ti shar zhes pa ni/ /'jig rten gyi khams thams cad na gnas pa'i bgegs ma rungs pa thams cad dang/ bgegs kyi rgyal po byi na ya ka sems can thams cad la bye brag sna tshogs kyi gnod pa byed pa TiSh+Ta ra ming btags pa

  394. 197b

    zhe sdang gi sems kyi chags pas brtan par gnas par smos so/ /de ltar tiSh+Ta'i don du gsungs so/ /yang tiSh+Ta zhes pa ni/ gong du smos pa'i bgegs ma rungs pa thams cad dang/ bgegs kyi rgyal po bi na ya ka de med par bya ba'i phyir khro bo'i rgyal po a mri ta kuN+Da las/ tiSh+Ta zhes pa zhe sdang chen po'i thugs kyi chags pas brtan par gnas par bstan to/ /de ltar tiSh+Ta'i don du gsungs so/ /ban da? zhes pa ni/ khro bo'i rgyal po a mri ta kuN+Da'i khyod kyis rig pa 'dzin pa nges bgegs ma rungs pa thams cad dang/ bgegs kyi rgyal po byi na ya ka'i mgul po nas bcing bar mdzod ces par smos so/ /ji ltar ban d+ha'i don du gsungs so/ /? ban d+ha zhes pa ni/ bgegs mi rungs pa thams cad dang/ bgegs kyi rgyal po bi na ya ka ci ltar bcing bar mdzad pa de bzhin du/ de dag gi 'khor thams cad kyang bcing bar mdzod ces pa'o/ /de ltar ban d+ha'i don du gsungs so/ /ha na zhes pa ni/ khro bo'i rgyal po a mri ta kuN+Da li khyod kyis mdun du smos pa'i rdo rje ral gri dang/ rdo rje'i gtun shing dang/ rdo rje dgra sta 'dzin pa'i mtshon cha de rnams kyis zhe sdang chen po'i thugs bskyed la/ /bgegs ma rungs pa thams cad dang bgegs kyi rgyal po byi na ya ka'i lus ha nar ming btags pa'i brdeg par mdzod ces pa'o/ /de ltar ha na'i don du gsungs so/ /yang ha na zhes pa ni/ ci ltar bgegs ma rungs pa thams cad dang/ bgegs kyi rgyal po byi na ya ka la rdeg par mdzad pa de bzhin du/ de dag gi 'khor thams cad rdeg par mdzod ces par smos so/ /de ltar ha na'i don du gsungs so/ /da ha zhes pa ni bgegs ma rungs pa thams cad dang/ bgegs kyi rgyal po byi na ya ka de/ khro bo'i rgyal po a mri ta

  395. 198a

    kuN+Da li nyid kyi sku phyag rgya'i kun nas me long lta bu'i ye shes kyi gzi brjid chen po 'bar ba'i 'od 'phro bar mdzad pas de'i tsha bas de har ming btags pa bsregs par mdzad par smos so/ /de ltar da ha'i don du gsungs so/ /yang da ha zhes pa ni/ ci ltar smos pa'i bgegs thams cad dang/ bgegs kyi rgyal po byin ya ka bsreg par mdzad pa de bzhin du/ de dag gi 'khor thams cad kyang bsregs par mdzad par smos so/ / de ltar da ha'i don du gsungs so/ /g+ha rdza zhes pa ni/ khro bo'i rgyal po a mri ta kun d+ha lis mdun du smos pa'i skrag par mdzad pa'i dus su sngags kyi sa bon yig 'bru hUM brjod pa'i gardza zhes pa ni/ sgra chen pos phyogs bcur mtshams bcad par gyur te/ de ma thag tu bgegs ma rungs pa thams cad dang/ bgegs kyi rgyal po bi na ya ka bros ba'i lam med par 'gyur bar smos so/ /de ltar lha rdzis don du gsungs so/ /yang g+hardza zhes pa ni/ ci ltar smos pa'i bgegs thams cad dang/ bgegs kyi rgyal po bi na ya ka sngags kyi sa bon yig 'bru hUM brjod pa'i g+ha rdzar ming btags pa sgra chen pos/ ci ltar bros pa'i lam med par gyur pa de bzhin du/ de dag gis 'khor thams cad kyang bros pa'i lam med par 'gyur bar smos so/ /de ltar gar dza'i don du gsungs so/ /bi spho Ta ya zhes pa ni/ ci ltar smos pa'i tshul gyi sngags kyi sa bon yig 'bru hUM gi sgra chen po brjod pas bgegs ma rungs pa thams cad dang/ /bgegs kyi rgyal po bi na ya ka'i gzugs kyi phung po bi spho Ta yar ming btags pa dum bu dum bur zhig par 'gyur bar smos so/ /de ltar bi po Ta'i don du gsungs so/ /yang bi spho Ta ya zhes pa ni

  396. 198b

    bgegs ma rungs pa thams cad dang/ bgegs kyi rgyal po bi na ya ka sngags kyi sa bon yig 'bru hUM gi sgra chen po brjod pas/ gzugs kyi phung po dum bu dum bur ci ltar zhig par mdzad pa de bzhin du/ de dag gi 'khor thams cad kyang dum bu dum bur zhig par mdzad par smos so/ /de ltar bi spo ta'i don du gsungs so/ /sarba bi ga ni bi na ya ki mahA ga na pa ti dzi ba ta na ta ka ra ya zhes pa ni/ mdun du smos pa'i bgegs ma rungs pa de dag thams cad gcig tu bsdus pa ni/ bgegs kyi tshogs chen por smos so/ /tshogs chen po de kun gyi rgyal po ni bi na ya kar ming btags pa yin no/ /de 'khor dang bcas pa las kyi tshul gyi sngags kyi cho gas khro bo'i rgyal po a mri ta kun da lis dzi bi tan ka? ra? yar ming btags pa srog med par mdzad par bstan to/ /de ltar sarba big naM bi na ya kaM ma hA ga na pa ti dzi bi tan ta ka ra ya'i don du gsungs so/ /swAhA zhes pa ni/ sgrub pa pos ci ltar smos pa'i tshul gyi khro bo'i rgyal po a mri ta kun da li'i sngags rings mdun du smos pa'i don dang ldan pa de bzlas pa byas pas/ /khro bo'i rgyal po a mri ta kun da li'i nyid kyi thugs mnyes par 'gyur ro/ /gzhan yang de'i rigs kyi bdag po mi bskyod pa rdo rje 'dzin mnyes par 'gyur ro/ /de'i mdun du bsgrub pa pos mdun du bshad par bgegs ma rungs pa thams cad dang/ bgegs kyi rgyal po bi na ya ka med par bya ba'i dngos grub kyi 'bras bu 'grub par 'gyur ro/ /gzhan yang las thams cad kyi dngos grub kyi 'bras bu 'grub par 'gyur bar smos so/ /de ltar swAhA'i don du gsungs so/ /da ni khro bo'i rgyal po a mri ta kuN Da li'i sngags rings kyi yon tan ngo bo'i don bstan par byas te/ 'di ni gsungs ma thag tu yang/ sangs rgyas grags

  397. 199a

    pa chen po kun/ /brgyal zhing bar du 'jigs par 'gyur/ /rdo rje'i sku ni rjes su dran/ /zhes bya ba'i don bshad par bya ste/ ci ltar yin na/ 'di ni gsungs ma thag tu yang/ sangs rgyas grags pa chen po kun ni/ ston pa mi bskyod pa rdo rje 'dzin gyis ci ltar smos pa'i tshul gyi ting nge 'dzin mdzad pa'i 'og tu/ khro bo'i rgyal po a mri ta kun Da li'i sngags rings gsungs so/ /de ma thag tu sngags rings me long lta bu'i ye shes kyi me 'bar ba'i 'od kyi 'bar ba'i tsha ba chen pos rnam par snang mdzad la sogs pa rigs lnga'i bye brag gi sangs rgyas smos pa thams cad ni mdun du smos pa'i don gyi grags pa chen po dang ldan pa yin no/ /de dag tsha ba chen pos 'jigs par 'gyur bar bstan to/ /de ltar 'di ni gsungs ma thag tu yang/ sangs rgyas grags pa chen po kun gyi don du gsungs so/ /brgyal zhing rab tu 'jigs par zhes pa ni/ /ci ltar smos pa'i tsha ba chen pos sems can 'jigs par gyur ma thag tu ? nyid nyid kyi gdan las lhu nas brgyal bar 'gyur bar bstan to/ /rdo rje'i sku ni rjes su dran/ zhes pa ni sku rdo rje rnam par snang mdzad dang/ /rin chen 'byung ldan dang/ snang ba mdza' yas dang don yod grub pa la sogs pa tshul ji ltar smos pa'i grags pa chen po dang ldan pa'i sangs rgyas kun gyi thugs 'jigs nas brgyal bar 'gyur ro/ /de ma thag tu de bzhin gshegs pa thams cad kyi sku phyag rgya rdo rje'i ngo bor bstan to/ /de dang gnyis su med pa'i ngo bo ston pa mi bskyod pa rdo rje 'dzin yin te/ /don des rdo rje sku yin no/ /de rjes su dran nas skyobs shig skyobs shig ces tshig brjod pa'i tshul bstan to/ /de ltar bsgrub pa po'i sems bstan pa dang/ /dad pa bskyed pa'i phyir sdud pa po phyag na rdo rjes la dor ba'i tshig tu bstan

  398. 199b

    to/ /bshad par bya ste/ khro bo'i rgyal po a mri ta kuN+Da li'i sngags rings gsungs ma thag tu/ 'jig rten gyi khams thams cad na gnas pa'i bgegs ma rungs pa thams cad dang/ bgegs kyi rgyal po bi na ya ka gnod pa byed pa de dag thams cad sngags kyi 'bar ba'i 'od kyi tsha bas bsreg pa'i sdug bsngal du 'gyur ro/ /de zhi bar bya ba'i phyir mdun du smos pa'i rdo rje sku de la skyobs shig skyobs shig ces brjod pa'i tshul gyis rjes su dran no/ /de rjes su dran ma thag tu zhi ba dang bde bar gyur par smos so/ /mdor bsdu ba de ltar rdo rje'i sku ni rjes su dran gyi don du gsungs so/ /da ni khro bo'i rgyal po a mri ta kuN+Da li'i sgom pa dang/ sbyor ba dang sngags rings kyi bzlas pa byas pas/ sgrub pa pos gang yang rung ba bskrad par bya ba'i cho ga'i tshul gyi don bstan par bya ste/ sngags rnams kun gyi sbyor ba dang/ rdo rjes bskrad pa'i las rnams la/ /sangs rgyas dag gi dpung dag kyang/ /tshul bzhin byas na skrod bar 'gyur/ /zhes bya ba'i don bshad par bya ste/ ci ltar yin na/ sngags rnams kun gyi sbyor ba dang/ /rdo rjes bskrad pa'i las rnams la/ /lha khang gi rgyal mtshan rnyed pa'i dum bu blang ngo/ /yang na skyes bu g.yul du mtshon phog nas shi ba'i gos kyi dum bu yang mi 'gal lo/ /de nas rdzas kyi sbyor ba bstan par bya ste/ ban d+ha dum bu brgyad pa mtshan bzang po mi ldan pa blang ngo/ /de'i 'og tu rdo rgyus dang/ mi smyon pa'i ro bsreg pa'i sol ba dang/ ldong ngos dang/ lung thang shing gi lo ma dang/ dug dang/ sgrub pa po nyid kyi rkang pa g.yon pa'i srin lag gi khrag dang/ rdzas de rnams gcig tu bsres la btags te bong bu'i gcin dang bkug go /bstan par bya ste/ bsgrub pa pos gnas lam gyi bzhi mdor bskrad pa'i bsgrub pa bya'o/ /yang na ma mo'i gnas kyi khang par bya

  399. 200a

    ba yang mi 'gal lo/ /mdun du smos pa'i gos kyi dum bu la/ ci ltar smos pa'i rdzas kyis kha ta'i mjug sgro'i rtsa bas rnga mo'i gzugs bri'o/ /de'i steng du 'khor lo rtsibs brgyad bri'o/ /rtsibs brgyad kyi rtse mo la rdo rje ral gri bri'o/ /'khor lo'i phyi rol bskor ba'i tshul du sems can gang bskrad par bya ba de'i ming lan bdun bri bar bya'o/ /gal te ming mi shes na/ de'i ming gi ngo bo che ge mo zhes bri'o/ /de'i phyi rol 'khor bar khro bo'i rgyal po a mri ta kun b+ha li'i sngags rings lan gsum bri bar bya'o/ /bstan par bya ste/ sngags kyi tha ma dang spel te swAhA/ a mo kaM du ming btags che ge mo ud tsa da naM ku ru swAhA/ zhes bya'o/ /de'i phyi rol du rlung gi dkyil 'khor bri'o/ /sbyor ba de ltar byas nas dkyil 'khor zlum po kun tu khru gad dang sor dgur bdud rtsi lngas pa sku bar bya'o/ /de'i 'og tu bsgrub pa pos brtson 'grus chen po'i sems brtan par bskyed nas/ de'i steng du 'dug go /de'i 'og tu mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par khyud pa'i sbyor ba dang ldan pa'o/ /de lta bu'i ngo bo rdo rje mi bskyod pa'i sku phyag rgyar bskyed ma thag tu/ /de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo mtshan dang yon tan ci ltar smos pa'i phun sum tshogs pa dang ldan pa blang ngo/ /shes rab med ye shes kyi lha mo ma ma ka dang gnyis su med pa'i ngo bor byin gyis brlabs nas bya'o/ /de'i 'og tu sgrub pa pos zhe sdang chen po'i sems dga' bas gnyis su med par khyud pa'i sbyor bas thabs dang shes rab rol pa bya'o/ /de byas

  400. 200b

    bas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su khu ba'i ngo bo byang chub kyi sems tshar gyi rgyun bzhin du 'od du zhu'o/ /de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo de kha dog sngon po me tog a ta si lta bu'i ye shes ngo bo gzi brjid chen pos 'bar zhing 'od du zhu nas/ ye shes kyi khu ba lta bu'i byang chub kyi sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po a mri ta kun Da li'i sku phyag rgya bskyed par bya'o/ /de lha mo'i rgyal mo ral pa gcig ma dad gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni sngags rings las smos pa bzhin du 'dir sbyar ro/ /de lta bu'i ngo bo'i khro bo'i rgyal po a mri ta kuN+Da li'i sku phyag rgya bskyed ma thag tu/ skyed par mdzad mkhan rdo rje mi bskyod pa'i sku phyag rgya/ khro bo'i rgyal po a mri ta kuN+Da li'i spyi bo la dbang bskur ba'i tshul du bsam mo tshul de ltar khro bo'i rgyal po a mri ta kun Da li'i sku phyag rgya bskyed ma thag tu/ sgrub pa pos de dang gnyis su med pa'i nga rgyal du bsgom par bya'o/ /de'i dus su mdun du smos pa'i sbyor ba dang ldan pa'i gos dum bu de sgrub pa po nyid kyi rkang pa gnyis kyi 'og tu gzhag go /de ltar sbyor ba'i tshul gyi sgom pas/ khro bo'i rgyal po a mri ta kun Da li'i sngags rings khro bo chen po'i brtson 'grus kyis sngags rings grangs kyi tshad 'bum phrag gsum du bsnyen pa spel ba'i tshul du a mo gaM ? tsad ni gu ru swAhA/ de ltar byas pas bskrad pa'i dngos grub kyi 'bras bur gyur pa'i dus su mtshan ma gnyis 'byung ibar 'gyur te/ gos kyi dum bu 'bar ba dang/ sgrub pa po'i rkang pa gnyis 'gul ba'o/ /de ma thag tu

  401. 201a

    sems can gang bskrad par bya ba'i sgrub pa byas pa de bskrad par 'gyur bar shes par bya'o/ /de nas skrad ba'i sbyor ba byas pa'i gos dum bu de dgra'i khyim sgor swa bar bya'o/ /yang na ma mo'i khang par ? bar bya bar mi 'gal lo/ /de ltar sbas bas dgra 'khor dang bcas pa dus rtag tu rang gi gnas nas skrad par 'gyur ro/ /bshad par bya ste/ mi dang mi ma yin pa'i bsgrub pa po'i dgra thams cad la bya bar bstan to/ / sngags kyi sbyor ba'i mdun du smos pa'i khro bo'i rgyal po a mri ta kun Da li'i sngags rings dang/ rdzas phun sum tshogs pa dang/ ci ltar smos pa'i sbyor ba dang/ gos kyi bu la bri bar bya bar smos so/ /rdo rje'i ni khro bo'i rgyal po a mri ta kun Da li'i las kyi rdo rje yin pa de/ sgrub pa pos sgom pa dang/ sngags kyi bzlas pa'i bsnyen pa byas pas tshul ji ltar smos pa'i skrad pa'i las kyi bsgrub pa 'grub par 'gyur bar smos so/ /mdor bsdu ba de ltar sngags rnams kun gyi sbyor ba dang/ rdo rjes bskrad pa'i las rnams la'i don du gsungs so/ /sangs rgyas ngag gi dpung dag kyang/ tshul bzhin byas nas skrod par 'gyur zhes pa ni/ bsgrub pa pos mdun du smos pa'i cho ga'i tshul gyis bskrad pa'i bsgrub pa byas nas/ rnam par snang mdzad la sogs pa rigs lnga'i bye brag gi sangs rgyas smos pa'i dpung du ming btags pa ni grangs med pa ste/ de dag thams cad bskrad par 'gyur ro/ / de ni sdud pa po phyag na rdo rje la dor ba'i tshig tu bstan to/ /bshad par bya ste/ phyi'i mi dang mi ma yin pa'i sems can thams cad the tshom med par nges par bskrad par 'gyur ro/ /de ltar sangs rgyas dag gi dpung dag

  402. 201b

    kyang/ tshul bzhin byas nas bskrad par 'gyur gyi don du gsungs so/ /khro bo'i rgyal po a mri ta'i kun Da li'i sngags rings gsungs pa'i 'og tu/ da ni khro bo'i rgyal po gzhan gyis mi thub pa'i sngags rings gsung ba'i cho ga'i don bstan pa dgra ste/ de nas bcom ldan 'das de bzhin gshegs pa rin po che tog gi sangs rgyas kyi 'od gzer rdo rje zhes bya ba'i ting nge 'dzin la snyoms par zhugs nas/ zhes bya ba'i don bshad par bya ste/ de nas ni mdun du smos pa'i khro bo'i rgyal po a mri ta kun Da li'i sngags rings gsungs pa'i 'og tu/ khro bo'i rgyal po gzhan gyis mi thub pa'i sngags rings gsung bar mdzad pa mtshon pa'o/ /bcom ldan 'das zhes pa ni/ mdun du smos pa'i tshul gyi ston pa mi bskyod pa rdo rje 'dzin nyid kyi yon tan gyi bstod pa'i mtshan bcom ldan 'das yin par ? pa pos smos so/ /de'i don mdun du ci ltar bshad pa de bzhin du 'dir bstan to/ /de bzhin gshegs pa rin chen dpal zhes pa ni/ ston pa mi bskyod pa rdo rje 'dzin gyis ting nge 'dzin lam zhugs pa'i mdun du/ nga rgyal gyi rigs de bzhin gshegs pa rin po che tog gi mnyam pa nyid kyi ye shes kyi ngo bo'i snang ba sku phyag rgya'i gnas su kun nas spro bar mdzad do/ /de ma thag tu 'jig rten gyi khams thams cad du snang ba des gsal bar gyur te/ /de ltar de bzhin gshegs pa rin chen dpal gyi don du gsungs so/ /sang rgyas kyi 'od gzer zhes pa ni/ ston pa mi bskyod pa rdo rje 'dzin gyis sems can thams cad sprin po ma rungs pa dang gtum po la sogs pa bdud dang bgegs dang/ dgra thams cad kyi gnod pa las bsrung bar mdzad pa'i phyir/ /gzhom pa'i thabs sangs rgyas rdo rje sems dpa' nyid du smos so/ /de'i me long lta bu'i ye shes kyi ngo bo'i 'od zer gyi sprin spro

  403. 202a

    bar mdzad ba'o/ /de ltar sangs rgyas 'od gzer gyi don du gsungs so/ /rdo rje zhes bya ba'i ting nge 'dzin la snyoms par zhugs nas zhes bya ba ni/ ston pa mi bskyod pa rdo rje 'dzin gyis 'khor thams cad kyi nang du zhe sdang chen po'i thugs dgyes pas/ ji ltar smos pa'i tshul nyid kyi shes rab ma ye shes kyi lha mo ma ma ki dang gnyis su med pa'i 'khyud pa'i sbyor bas gsang ba'i dbang po mnyam par sbyar bar mdzad do/ /de ma thag tu gsang ba'i thugs ka ye shes sems dpa' i gnas su me long lta bu'i ye shes kyi ngo bo sngags kyi sa bon yig 'bru hUM kha dog dkar por gyur bar mdzad do/ /sa bon de las mdun du smos pa'i me long lta bu'i ye shes kyi ngo bo 'od zer gyi sprin kha dog dkar po grangs med par/ /ba sbu'i bu ga'i lam gyi sgo na spro bar mdzad do/ /de nas 'jig rten gyi khams thams cad du khyab bo/ /de ma thag tu srin po ma rungs pa dang/ gtum po la sogs pa bdud bgegs dang/ dgra rnams thams cad byin gyis brlab par mdzad pas cho 'phrul dang/ sgyu ma dang/ stobs dang/ gnod bar byed pa'i thabs de bcom par 'gyur ro/ /de ltar mdzad pa'i 'od zer gyi sprin grangs med par slar spro ba'i gnas kyi sngags kyi sa bon yig 'bru hUM la gnyis su med par bsdu bar mdzad do/ /de ma thag tu sngags kyi sa bon yig 'bru hUM de nyi ma stong dang mnyam pa'i gzi brjid kyis 'bar zhing 'od du zhu nas/ me long lta bu'i ye shes kyi ngo bo de rgya mtsho dang mnyam par 'gyur ro/ /sa bon de las zhe sdang chen po'i ngo bo khro bo'i rgyal bo gzhan gyis mi thub pa'i sku phyag rgya la sku mdog dang/ zhal dang phyag dang phyag mtshan dang/ rgyan rnams dang ldan pa de lta bu dang ldan pa grangs med pa sprin bzhin du ba spu'i bu ga'i lam gyi sgo nas spro bar mdzad do/

  404. 202b

    des nam mkha' i khams thams cad du khyab po/ /de ma thag tu srin po ma rungs pa dang/ gtum po la sogs pa bdud dang/ dgra po la sogs pa bdud dang/ dgra thams cad byin gyis brlabs so/ /de byin gyis brlab par mdzad par mdun du smos pa'i 'joms pa'i dngos grub kyi 'bras bur gyur par smos so/ de ltar mdzad nas khro bo'i rgyal po gzhan gyis mi thub pa'i phyag rgya'i sprin slar spro ba'i lam nas spro ba'i gnas ci ltar smos pa'i tshul du sems pa'i gnas su gnyis su med pa'i ngo bor bsdu ba bsdu bar mdzad do/ /tshul de ltar 'od gzer gyi sprin grangs med pa dang/ khro bo'i rgyal po gzhan gyis mi thub pa'i sku phyag rgya'i sprin grangs med pa spro bar mdzad pa/ zhe sdang chen po'i ngo bo thugs bskyed nas ji ltar smos pa'i tshul gyis srin bu ma rungs pa dang/ gtum po la sogs pa bdud dang bgegs dang/ dgra thams cad byin gyis brlabs nas spro ba dang gnyis su med par bsdu bar mdzad do/ /rdo rje ni me long lta bu'i ye shes kyi ngo bo spro ba dang bsdu ba yin no/ /don des rdo rje'i ting nge 'dzin du smos so/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su thugs rtse gcig par gyur par gnas pa'o/ /don des snyoms par zhugs par smos so/ /mdor bsdu ba de ltar rdo rje zhes bya ba'i ting nge 'dzin la snyoms par zhugs nas kyi don du gsungs so/ /ting nge 'dzin mdzad pa'i 'og tu/ da ni sngags khro bo'i rgyal po'i ngo bo'i cho ga'i don bstan par bya ste/ rdo rje'i khro bo gzhan gyis mi thub pa 'di nyid kyi sku dang gsung dang thugs rdo rje las phyung ngo zhes bya ba ni/ rdo rje gzhan gyis mi thub pa ni/ rdo rjer ming btags pa ni/ me long lta bu'i ye shes kyis ngo bor gzhan gyis mi thub par smos so/ /bshad par bya ste/ bgegs ma rungs pa thams cad dang/ bdud kyi tshogs kyis bye brag sna tshogs kyis cho 'phrul dang/ sgyu ma dang/ gnod pa'i thabs dang/

  405. 203a

    stobs kyis pham par mi nus pa'i don des gzhan gyis mi thub par smos so/ /de ltar rdo rje gzhan gyis mi thub pa'i don du gsungs so/ /khro bo'i zhes pa ni/ mdun du smos pa'i don gyi phyir ston pa mi bskyod pa rdo rje 'dzin gyi thugs rje chen po'i ngo bo zhe sdang gi thugs bskyed pa dang/ gnyis su med pa'i ngo bo khro bo'i rgyal po gzhan gyis mi thub pa nyid du bstan to/ /de ltar khro bo'i don du gsungs so/ /nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku phyag rgya dang gsung dang thugs rdo rje gsum gcig pa'i ngo bor smos so/ /de sku dang gsung dang thugs rdo rje gsum dang gnyis su med pa'i ngo bo khro bo'i rgyal po gzhan gyis mi thub pa yin no/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni mdun du j ltar sku rdo rje dang gsung rdo rje dang/ thugs rdo rje gsum gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /phyung ngo zhes pa ni/ ston pa mi bskyod ba rdo rje 'dzin gyis khro bo'i rgyal po gzhan gyis mi thub pa'i sngags rings de/ tshul ji ltar smos pa'i sku dang gsung dang thugs rdo rje gsum dang gnyis su med pa'i ngo bo phyung ba yin no/ /de ltar phyung ngo'i don du gsungs so/ /da ni khro bo'i rgyal po gzhan gyis mi thub pa'i sngags rings kyi ngo bo bstan bar bya ste/ na ma sa man+ta kA ya bak+tsit+ta badzra naM/ oM hUM dzi na/ ri ta Ta/ hUM hUM phaT swAhA/ zhes bya ba'i don bshad par bya ste/ ci ltar yin na/ na ma sa man+ta ka ya bak+tsit+ta badzra naM ni thugs kyi rigs ston pa mi bskyod pa rdo rje 'dzin nyid la sogs pa rigs lnga'i bye brag gi de bzhin gshegs pas man tar ming btags grangs med pa'o/ /bshad par bya ste/ de bzhin gshegs pa thams cad don dam par sku rdo rje dang/ gsung rdo rje

  406. 203b

    dang/ thugs rdo rje dang gsum gnyis su med pa'i ngo bo yin no/ /de dag gnyis su med pa'i ngo bor khro bo'i rgyal po gzhan gyis mi thub pa bstan to/ /de'i sngags rings bsgrub pa pos bzlas pa'i dus su/ dang po ji ltar smos pa'i tshul gyis lus dang ngag dang sems kyis phyag bya'o/ /de byas pas mdun du smos pa'i de bzhin gshegs pa tham cad kyi thugs mnyes par 'gyur ro/ /de'i yon tan gyis bsgrub pa pos sngags kyi mthu'i stobs thob par 'gyur bar bstan to/ /de ltar na ma sa man+ta kA ya bak+tsit+ta badzra naM gi don du gsungs so/ /oM zhes pa ni gong du bstan a'i phyag byas pa'i 'og tu/ de bzhin gshegs pa thams cad kyi sku rdo rje y shes dang gnyis su med pa'i ngo bo de sku'i rigs rnam par snang mdzad bskyed pa'i sa bon yin no/ /chos kyi dbyings kyi ye shes kyi ngo bo de brjod pas sgrub pa po la/ chos kyi dbyings kyi ye shes kyis rlob par 'gyur ro/ /de'i dus su sgrub pa po sems can thams cad kyis mthong ma thag tu mchod par 'gyur ro/ /gzhan yang lus gzi brjid dang/ rgyas pa'i ngo bor gyur par bshad do de ltar oM gyi don du gsungs so/ /hUM zhes pa ni gong du smos pa'i sngags kyi sa bon yig 'bru oM brjod ma thag tu khro bo chen po'i sngags kyi sa bon yig 'bru hUM brjod par bya'o/ /de brjod pas sgrub pa po me long lta bu'i ye shes kyis byin gyis brlob par 'gyur ro/ /de'i dus su sgrub pa po'i nyon mongs pa'i sdig ba'i sgrib pa thams cad 'joms par 'gyur ro/ /de ltar hUM gi don du gsungs so/ /'dzin zhes pa ni/ me long lta bu'i ye shes kyi ngo bo cho 'phrul gyi bye brag sna tshogs sprul par mdzad pas srin po ma rungs pa dang gtum po la sogs bdud dang/ bgegs kyi tshogs thams cad pham par mdzad pa'o/ /gzhan yang mdun du smos pa'i dgra ma rungs pa rnams kyis gnod pa'i bye brag sna tshogs byed pas pham par mi nus pa'o

  407. 204a

    don des 'dzin zhes pa ni/ khro bo'i rgyal po gzhan gyis mi thub pa nyid yin no/ /de ltar 'dzin pa'i don tu gsungs so/ /ri zhes pa ni/ khro bo'i rgyal po gzhan gyis mi thub pas thugs rje chen po'i zhe sdang gi thugs bskyed nas/ tshul ji ltar smos pa'i me long lta bu'i ye shes kyi ngo bo'i cho 'phrul sprul par mdzad nas/ nges 'jig rten gyi khams thams cad du khyab par smos so/ /de ltar ri'i don du gsungs so/ /Ti zhes bya ba ni/ 'jig rten gyi khams thams cad na gnas ba'i bdud dang/ bgegs ma rungs pa'i dpung thams cad du smos so/ /de ltar ti'i don du gsungs so/ /ta zhes bya ba ni sems can thams cad la bdud dang bgegs mi rungs pa'i dpung thams cad kyis bye brag sna tshogs kyis gnod par byed par smos so/ /de ltar ta'i don du gsungs so/ /hUM zhes pa ni/ dang po brjod pas mdun du smos pa'i bdud dang bgegs ma rungs pa'i dpung thams cad gnod par smos so/ /de ltar hUM gi don du gsungs so/ /yang hUM zhes pa ni brjod pas bdud dang bgegs ma rungs pa'i thams cad kyi tshogs kyis sems can thams cad la gnod par byed pa'i cho 'phrul dang/ sgyu ma dang/ stobs dang/ thabs ki ngo bo de 'joms par 'gyur bar smos so/ /phaT phaT ces pa ni dang po brjod pas bgegs ma rungs pa'i tshogs thams cad dang/ gzhan yang sgrub pa po'i dgra ci snyed yod pa de dag thams cad kyi srog gi dbang po phrogs nas med par 'gyur bar smos so// bshad par bya ste/ yi ge pha ni mdun du smos pa'i tshul du mnyam pa nyid kyi ye shes dang/ so sor rtog pa'i ye shes dang/ chos kyi dbyings kyi ye shes dang gsum gyi ngo bo yin no/ /yi ge 'bru Ta ni bya ba nan tan gyi ye shes kyi

  408. 204b

    ngo bo yin par bstan to/ /sngags kyi sa bon yig 'bru phaT gnyis pa brjod pas mdun du ci ltar smos pa'i bdud dang/ bgegs ma rungs pa thams cad kyi dpung dang/ sgrub pa po'i dgra rnams kyi srog gi dbang po med par bstan pa de bzhin du/ de dag gi 'khor thams cad kyi srog gi dbang po phrogs nas med par 'gyur bar smos so/ /de ltar phaT phaT kyi don du gsungs so/ /swAhA zhes pa ni/ sgrub pa pos ji ltar smos pa'i tshul gyi khro bo'i rgyal po gzhan gyis mi thub pa'i sngags rings don dang ldan pa smos pa de bzlas pa byas nas khro bo'i rgyal po gzhan gyis mi thub pa nyid kyi thugs mnyes par 'gyur ro/ /gzhan yang de'i rigs kyi bdag po mi bskyod pa rdo rje 'dzin nyid mnyes par 'gyur ro/ /de'i dus su sgrub pa nyid ji ltar bshad pa'i bdud dang/ bgegs dang/ dgra thams cad kyi dpung med par byed pa'i dngos grub kyi 'bras bu 'grub par 'gyur ro/ /gzhan yang sgrub pa pos ci ltar 'dod pa'i dngos grub kyi las kyi 'bras bu 'grub par 'gyur bar bstan to/ /de ltar swAhA'i don du gsungs so/ /da ni khro bo'i rgyal po gzhan gyis mi thub pa'i sngags rings kyi yon tan gyi ngo bo'i don bstan par bya ste/ 'di ni gsungs ma thag tu yang/ /sang rgyas bdag nyid chen po kun/ / 'jigs shing kun tu skrag gyur nas/ /byang chub sems ni rjes su dran/ /zhes bya ba'i don bshad par bya ste/ ci ltar yin na/ 'din i gsungs ma thag tu yang/ /sangs rgyas bdag nyid chen po kun ni/ ston pa mi bskyod pa rdo rje 'dzin gyis tshul ji ltar smos pa'i ting nge 'dzin mdzad pa'i 'og tu/ khro bo'i rgyal po gzhan gyis mi thub pa'i sngags rings gsungs pa de ma thag tu/ sngags me long lta bu'i ye shes kyi me 'bar ba'i 'od 'bar ba che ba chen pos rnam par snang

  409. 205a

    mdzad la sogs pa'i rigs lnga'i bye brag gi sangs rgyas de dag thams cad ni rdo rje'i rigs ye shes chen po dang gnyis su med pa'i ngo bo rdo rje mi bskyod pa nyid las skyes bas don des sangs rgyas bdag nyid chen po kun tu smos so/ /de ltar 'di ni gsungs ma thag tu yang/ sangs rgyas bdag nyid chen po kun gyi don gsungs so/ /'jigs shing kun tu skrag gyur nas zhes pa ni/ ci ltar smos pa'i tsha pa chen pos 'jigs pas sems skrag ma thag tu sku phyag rgya 'dar bar bstan to/ /de ltar 'jigs shing skrag gyur nas kyi don du gsungs so/ /byang chub sems ni rjes su dran zhes pa ni/ sku rdo rje rnam par snang mdzad dang/ rin chen 'byung ldan dang/ snang ba mdza' yas dang/ don yod grub pa la sogs pa tshul ji ltar smos pa'i sangs rgyas bdag nyid chen po thams cad 'jigs par gyur nas thugs skrag ste/ myur ba myur bar de bzhin gshegs pa thams cad kyi thugs rdo rje dang gnyis su med pa me long lta bu'i ye shes kyi ngo bo ston pa mi bskyod pa rdo rje 'dzin nyid yin no/ /de'i gsang ba'i thugs ka'i gnas nas/ mdun du bshad pa'i tshul gyi le'u gsum pa las sbyor ba gnyis gcig tu bsdus pa'i dus su ston pa byang chub kyi sems rdo rje ye shes sems dpa' i ngo bor gnas par smos pa de rjes su dran nas/ skyobs shig skyobs shig ces tshig brjod pa'i tshul bstan to/ /bsgrub pa pos sems brtan pa dang/ dad pa bskyed pa'i phyir/ /sdud pa po phyag na rdo rjes la dor ba'i tshig tu bstan to/ /bshad par bya ste/ khro bo'i rgyal po gzhan gyis mi thub pa'i sngags rings gsungs ma thag tu dus su 'jig rten gyi khams thams cad na gnas pa'i bgegs ma rungs pa thams cad dang/ bdud kyi dpung gnod par byed pa

  410. 205b

    thams cad kyi sngags kyi 'bar ba'i 'od kyi tsha bas bsregs te/ sdug bsngal bar 'gyur ro/ /de zhi bar bya ba'i phyir mdun du smos pa'i tshul gyi byang chub sems rdo rje de la skyobs shig skyobs shig ces tshig brjod pa'i tshul gyis rjes su dran no/ /de dran ma thag tu zhi ba dang bde bar gyur par smos so/ /mdor bsdu ba de ltar byang chub sems kyi rjes su dran gyi don du gsungs so/ /da ni khro bo'i rgyal po gzhan gyis mi thub pa'i sgom pa dang/ sbyor ba dang/ sngags kyi bzlas pa byas pas sgrub pa pos dbang du bsdu ba dang/ dgug pa la sogs pa las sna tshogs kyi bsgrub pa bya ba'i cho ga'i don bstan par bya ste/ srin po ma rungs gtum po dang/ 'jigs pa chen pos 'khrugs pa las/ /rdo rje sems ni rab sbyor nas/ / las rnams cho ga bzhin du byed/ /ces bya ba'i don bstan par bya ste/ ji ltar yin na/ srin po ma rungs gtum po dang/ 'jigs pa chen pos 'khrugs pa la ni/ mdun du bshad pa'i don gyi ngo bo khro bo'i rgyal po gzhan gyis mi thub ba'i sngags rings gnas du khrod du bsnyen pa bya'o/ /yang na mtshan ma gcig pa yang mi 'gal lo/ /gnas der dang po dkyil 'khor gyi gra bzhir kun tu khru gang du bdud rtsi lngas bsku bar bya'o/ /de'i 'og tu bsgrub pa pos brtson 'grus chen pos sems brtan par bskyed nas/ dkyil 'khor de'i steng du 'dug go /de'i 'og tu mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyis shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de cha lugs phun sum tshogs pa thams cad mdun du ji ltar smos pa bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom

  411. 206a

    bar bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo blang ngo/ /de ni ci ltar smos pa'i mtshan dang yon tan dang ldan pa'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu bsgrub pa pos zhe sdang chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur ba'i dus su rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur bar bsam mo/ /de'i steng du sngags sa bon yig 'bru hUM bsam mo/ /de kha dog dkar po me long lta bu'i ye shes kyi ngo bo gzi brjid chen pos 'bar zhing 'od du zhu nas ye shes kyi khu ba lta bu/ byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po gzhan gyis mi thub pa'i sku phyag rgya bskyed par bya'o/ /de khro mo'i rgyal mo gzhan gyis mi thub ma dang gnyis su med par 'khyud pa'i sbyor pa dang ldan pa'o/ /sku phyag rgya'i cha lugs phun sum tshogs pa gzhan ni ci ltar mdun du smos pa de bzhin du 'dir bstan to/ /de lta bu'i ngo bo khro bo'i rgyal po gzhan gyis mi thub ba'i sku phyag rgya bskyed ma thag tu/ skyed par mdzad mkhan rdo rje mi bskyod pa'i sku phyag rgya'i khro bo'i rgyal po gzhan gyis mi thub pa'i spyi bor dbang bskur ba'i tshul du bsam mo/ /tshul de ltar khro bo'i rgyal po gzhan gyis mi thub pa'i sku phyag rgya bskyed ma thag tu/ de dang gnyis su med pa'i nga rgyal du bsgom par bya'o/ /de ltar bsgom pa'i sbyor bas mdun du smos pa'i sngags rings khro bo chen po'i brtson 'grus kyis grangs kyi tshad 'bum phrag gsum du bsnyen pa

  412. 206b

    bya'o/ /de'i 'og tu me long lta bu'i ye shes kyis byin gyis rlob pas sngags kyi mthu stobs su gyur par bstan to/ /tshul de ltar bsnyen pa byas pas sngags grub pas de'i 'og tu mdun du bshad pa'i 'jigs pa thams cad kyi dus su bzlas pa yis/ /'jigs pa de dag kyang med par 'gyur ro/ /de ltar srin po ma rungs pa gtum po dang/ 'jigs pa chen pos 'khrugs pa'i don du gsungs so/ /rdo rje sems ni rab sbyar nas las rnams cho ga bzhin du byed/ ces pa ni/ g.yul ? ba'i ral gri dang/ mdung la sogs pa mtshon rnams kyi lcags dum bu blangs la rdo rje rtse dgu 'bar pa gnyis byas la/ sgrub pa pos lag pa gnyis su bzung la thal mo sbyar ro/ /de ltar sbyor bas sems khro bo chen po'i zhe sdang gis/ khro bo'i rgyal po gzhan gyis mi thub ba'i sngags rings brgyad brgya'i grangs kyi tshad bsnyen pa bya ste/ na ma sa man ta kA ya bak+tsit+ta badzra naM/ oM hUM dzin ri ti Ta hUM hUM phaT phaT sarba rak+Sha sa ma ba shaM ku ru swAhA/ de ltar bzlas pa byas pas dang po dngos grub kyi mtshan ma 'byung ste/ mdun du smos pa'i sgrub ba po nyid kyis thal mo sbyar ba'i tshul gyis/ rdo rje gnyis 'dzin pa de 'bar ro/ /de ma thag tu srin po thams cad bran bzhin du dbang du 'gyur ro/ /bstan par bya ste/ mdun du smos pa'i sbyor bas sngags kyi bzlas pa dang/ spel ba'i tshul gyis srin po thams cad dgug pa dang/ gnan pa dang/ myos pa dang/ bskrad pa dang/ gsad pa la sogs pa'i las kyi sgrub pa bya'o/ /de la dgug pa'i dus su sarba rak+Sha saM a kar sha naM ku ru swAhA/ tshul de ltar sngags rings bzlas pa bya'o/ /mnan pa'i dus su sarba rak+Sha si staM ba naM ku ru swAhA/ tshul de ltar sngags rings bzlas pa bya'o/ /myos par bya ba'i dus su sarba rak+Sha saM ma ha naM ku ru swAhA/ /tshul de ltar sngags rings bzlas pa bya'o/ /de nas/ /

  413. 207a

    bskrad par bya ba'i dus su/ sarba rak+Sha sam u tsa tra naM ku ru swAhA/ tshul de ltar sngags rings bzlas pa bya'o/ /gsad par bya ba'i dus su sarba rak+Sha sam b+ha ra naM ku ru swAhA/ tshul de ltar sngags rings bzlas pa bya'o/ / bshad par bya ste/ srin po thams cad kyi las rnams kyi sgrub pa bya bar ci ltar smos pa de bzhin du mi ma yin pa thams cad kyi so so'i ming brjod cing spel ba'i tshul gyis sngags rings bzlas pa bya'o/ /de ltar byas pas ci ltar smos pa'i las kyi dngos grub kyi 'bras bu 'grub par 'gyur bar bstan to/ /gzhan yang mi thams cad la sngar smos pa'i tshul gyi las kyi bsgrub pa'i sbyor ba bya ba'i cho ga'i don bstan par bya ste/ rigs ngan tsan da la la sogs pa'i rigs ngan pa gang yang rung ba g.yul du mtshon phog nas shi ba'i ban da gnyis blang ngo/ /de ni dum bu drug pa 'am/ bdun pa 'am/ brgyad pa 'am/ gzhan yang dus 'dir ni mtshan bzang po ci ltar smos pa dang mi ldan pa blang bar bshad do/ /ban da de lta bu'i nang du dug dang/ rus pa'i phye ma dang/ sgrub pa po nyid kyi mdzub mo'i khrag dang/ lan tsha dang/ 'ug pa'i khrag dang/ btsag rnams gcig tu btags te/ rdo rje'i chu dang dkrug go /rdzas des bya rgod kyi mjug sgro'i rtsa bas rdo rje mi bskyod pa'i sku phyag rgya bri bar bya'o/ /de zhal gsum/ phyag drug /phyag mtshan drug la/ phyag g.yas dang po na rdo rje bkyo ba 'dzin/ g.yon dang po rdo rje zhags pa 'dzin/ phyag mtshan gzhan ni mdun du smos pa'i tshul du bya'o/ / de'i zhabs gnyis kyi 'og tu mi'i gzugs bya'o/ /thal mo sbyar ba'i tshul du bya'o/ /de rdo rje mi bskyod pa'i zhabs g.yas bskum pa'i tshul gyis snying gar gnon pa bri/ g.yon brkyang bas brla gnyis gnon par bri'o/ /gzhan yang rdo rje'i kyo

  414. 207b

    bas spyi bo nas bzung bar bri/ rdo rje'i zhags pas mgul nas bcing bar bri'o/ /ban da gnyis kyi nang du dug dang/ pad me rag ta dang/ mtshal cog lab dang/ dur khrod kyi sol ba dang/ byi la'i bshad ba dang/ de kun bsres la btags te rdo rje'i chu dang dkrug go /rdzas des mdun du smos pa'i bya rgod kyi mjug sgro'i rtsa bas ta la'i lo ma dang/ yang na dur khrod kyi gos kyi dum bu la rgyal po la sogs pa gang dbang du bsdu ba de'i ming bri'o/ /de'i phyi rol du khro bo'i rgyal po gzhan gyis mi thub pa'i sngags rings dang spel ba'i tshul gyis lan gsum bskor bar bri'o/ /bstan par bya ste/ na ma sa man ta kA ya bak+tsit+ta badzra naM/ oM hUM dzi na ri taM ta hUM hUM phaT phaT a mo ka pu ru shaM ba shaM ku ru swAhA/ tshul de ltar sbyor ba bris nas ta la'i lo ma la gong du smos pa'i ban da'i nang du gzhag go /de'i 'og tu ban da de gnyis kha sbyar la sgrub pa po nyid kyi rkang pa gnyis kyi 'og tu gzheg /de ltar sbyor ba byas nas/ khro bo chen po zhe sdang gi sems kyi khro bo'i rgyal po gzhan gyis mi thub pa'i sngags rings de brgyad brgya'i tshad du bzlas par bya'o/ /de ltar bzlas pa byas pas dang po dngos grub kyi mtshan ma 'byung ste/ mdun du smos pa'i sgrub pa po nyid rkang pa gnyis kyi 'og gi ban da de gnyis 'bar ba dang 'bar ba'o/ /de ma thag tu mi gang bsgrub par byas pas de bran bzhin du dbang du 'gyur ro/ /bstan par bya ste/ gong du bshad par rdo rje'i sbyor bas sngags dang spel ba'i tshul gyis mi thams cad dgug pa dang/ gnan pa dang/ myos par bya ba dang/ skrad pa dang/ gsad pa la sogs pa las kyi bsgrub pa bya'o/ /de nas dgug par bya ba'i dus su sarba a nu shaM pa ni ku ru swAhA/ tshul de ltar sngags rings bzlas par bya'o/ /gnon pa'i dus su sarba ma nu shaM staM ba naM ku ru

  415. 208a

    swAhA/ tshul de ltar sngags rings bzlas par bya'o/ /myos par bya ba'i dus su sarba ma nu shaM mo ha naM ku ru swAhA/ tshul de ltar sngags rings bzlas par bya'o/ /bskrad par bya ba'i dus su sarba ma nu shaM ud tsa ta naM ku ru swAhA/ tshul de ltar sngags rings bzlas par bya'o/ /gsad par bya ba'i dus su sarba ma nu shaM ma ra naM ku ru swAhA/ tshul de ltar sngags rings bzlas pa bya'o/ /de ltar smos pa'i tshul gyi bsgom pa dang/ bzlas pa dang/ sbyor ba byas pas/ las sna tshogs kyi dngos grub kyi 'bras bu 'grub par 'gyur bar bstan to/ /rdo rje sems kyis rab sbyar nas/ zhes pa ni/ mdun du smos pa'i tshul gyi ban da'i nang du rdo rje mi bskyod pa'i sku phyag rgyas/ bsgrub par bya ba'i mi gnas pa'i tshul gyis dgug pa dang bcing ba'o/ /de ltar sbyor ba bri'o/ /don des rdo rje sems kyis rab sbyar bar smos so/ /mdor bsdu ba de ltar rdo rje rnams kyis rab sbyar nas/ las rnams cho ga bzhin du byed kyi don du gsungs so/ /khro bo'i rgyal po gzhan gyis mi thub pa'i sngags rings gsungs pa'i 'og tu/ de ni pad ma 'byung ba'i rdo rje khro bor ming btags pa/ khro bo'i rgyal po ha yaM gri ba'i sngags rings gsung ba'i cho ga'i don bstan par bya ste/ de nas bcom ldan 'das de bzhin gshegs pa tshe dpag tu med pa/ tshe dpag tu med pa 'byung ba rdo rje zhes bya ba'i ting nge 'dzin la snyoms par zhugs nas/ zhes bya ba'i don bshad par bya ste/ ci ltar yin na/ de nas ni gong du khro bo'i rgyal po gzhan gyis mi thub pa'i sngags rings gsungs pa'i 'og tu/ khro bo'i rgyal po ha yaM gri ba'i sngags rings gsungs pa'i cho ga'i don mtshon par smos so/ /bcom ldan 'das zhes pa ni/ mdun du bshad pa'i

  416. 208b

    tshul gyi ston pa mi bskyod pa rdo rje 'dzin nyid kyi yon tan gyi bstod pa'i mtshan bcom ldan 'das yin par sdud pa pos smos so/ /de'i don 'dun du bshad pa de bzhin du 'dir bstan to/ /de ltar bcom ldan 'das kyi don du gsungs so/ / de bzhin gshegs pa tshe dpag tu med pa'i zhes bya ba ni/ ston pa mi bskyod pa rdo rje 'dzin nyid kyis pad ma'i rigs tshe dpag tu med par ming btags pa de bzhin gshegs pa snang ba mdza' yas kyi so sor rtog pa'i ye shes kyi ngo bo'i snang ba/ ting nge 'dzin la snyoms par zhugs pa'i mdun du/ sku phyag rgya'i kun nas snang bar mdzad do/ /de ma thag tu 'jig rten gyi khams thams cad du snang/ des gsal bar 'gyur ro/ /de ltar de bzhin gshegs pa tshe dpag tu med pa'i don du gsungs so/ /tshe dpag tu med pa 'byung ba zhes pa ni/ ston pa mi bskyod pa rdo rje 'dzin gyis sems can thams cad dug thams cad kyi gnod pa las bsrung bar mdzad pa'i phyir/ gzhom pa'i thabs tshe dpag tu med par ming btags pa snang ba mdza' yas nyid kyi so sor rtog pa'i ye shes las byung ba'i 'od zer gyi sprin spro bar mdzad pa yin/ de ltar tshe dpag tu med pa'i 'byung ba'i don du gsungs so/ /rdo rje zhes bya ba'i ting nge 'dzin la snyoms par zhugs nas zhes pa ni/ ston pa mi bskyod pa rdo rje 'dzin gyis 'khor thams cad kyi nang du/ zhe sdang chen po'i thugs dgyes pas/ ci ltar smos pa'i tshul gyi nyid kyi shes rab ma ye shes kyi lha mo ma ma ki dang gnyis su med par 'khyud pa'i sbyor bas gsang ba'i dbang po gnyis mnyam par sbyar nas so/ de ma thag tu gsang ba'i thugs ka ye shes sems dpa' i gnas su so sor rtog pa'i ye shes sems dpa' i ngo bo sngags kyi sa bon yig 'bru A kha dog dmar bor gyur par mdzad do/ /sa bon de las so sor rtog pa'i

  417. 209a

    ye shes kyi ngo bo mdun du smos pa'i 'od zer gyi sprin kha dog dmar po grangs med pa/ ba spu'i bu ga'i lam gyi sgo nas spro bar mdzad do/ /des 'jig rten gyi khams thams cad du khyab ste/ de ma thag tu lha dang mi la sogs pa sems can thams cad byin gyis brlab par mdzad do/ /de dag byin gyis brlabs pas sman gyi dug dang/ sems can gyi dug thams cad kyi gnod pa med par 'jigs pa med par 'gyur ro/ /bshad par bya ste/ sman gyi dug ni rtsa'i rtsa ba'i dug dang/ shing gi rtsa ba dang/ shun pa dang/ khu ba dang/ lo ma dang/ me tog dang/ shing gi dug dang/ de la sogs pa'i bye brag sna tshogs ni sman dug tu smos so/ /sems can gyi dug ni/ sprul gyi dug dang/ sdig pa'i dug dang/ chu srin gyi dug la sogs pa bye brag sna tshogs ni sems can gyi dug tu smos so/ /dug gi 'jigs pa de med par gyur pa'i 'og tu/ 'od zer gyi sprin grangs med pa spro ba'i lam du spros pa'i gnas kyi sngags kyi sa bon yig 'bru A de las gnyis su med pa'i ngo bor slar bsdu bar mdzad do/ /de ma thag tu sngags kyi sa bon yig 'bru A de nyi ma'i dkyil 'khor gyi ngo bor gyur to/ /nyi ma'i dkyil 'khor de sngags kyi sa bon yig 'bru hUM du gyur par mdzad do/ /de so sor rtog pa'i ye shes kyi ngo bo kha dog dmar po gzi brjid chen po 'bar ba'i 'od kyis 'bar ba'o/ /sa bon de las 'dod chags dang zhe sdang gi ngo bo khro bo'i rgyal po ha yaM grI ba'i sku phyag rgya/ mdun du smos pa'i sku mdog dang/ zhal dang/ phyag dang/ phyag mtshan dang rgyan rnams lta bu dang ldan pa sprin grangs med pa ba spu'i bu ga'i lam gyi sgo nas spro bar mdzad/ des 'jig rten gyi khams thams cad khyab

  418. 209b

    po/ /de ma thag tu lha dang mi la sogs pa sems can byin gyis brlab par mdzad pas/ ci ltar smos pa'i dug thams cad kyi gnod pa 'jigs pa med pa'i 'bras bur gyur par smos so/ /de ltar mdzad nas khro bo'i rgyal po ha yaM grI ba'i sku phyag rgya spro ba'i lam nas gsang ba'i thugs ka ye shes sems dpa' i gnas su gnyis su med par bsdu bar mdzad do/ /tshul de ltar 'od zer gyi sprin grangs med pa dang/ ha yaM gri ba'i sku phyag rgya'i sprin grangs med par spro bar mdzad pa de/ thugs rje chen po'i ngo bo'i thugs bskyed nas lha dang mi la sogs pa sems can thams cad kyi dug thams cad kyi gnod pa las bsrung bar mdzad pa'i phyir byin gyis brlabs nas/ spro ba dang/ gnyis su med par bsdu bar mdzad pa'o/ /rdo rje ni so sor rtog pa'i ye shes kyi ngo bo spro ba dang bsdu bar mdzad pa'o/ /don des rdo rje'i ting nge 'dzin du smos so/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su/ thugs rtse gcig tu gyur nas gnas pa'o/ /don des snyoms par zhugs par smos so/ /mdor bsdu ba de ltar rdo rje zhes bya ba'i ting nge 'dzin la snyoms par zhugs pa'i don du gsungs so/ /ting nge 'dzin mdzad pa'i 'og tu/ nga ni sngags dang/ khro bo'i rgyal po'i ngo bo'i don gyi cho ga'i tshul bstan par bya ste/ pad ma 'byung ba'i rdo rje'i khro bo 'di nyid kyi sku dang gsung dang thugs rdo rje las phyung ngo/ /zhes pa ni pad ma 'byung rdo rje khro bo ni/ pad mar ming btags pa pad+ma'i rigs de bzhin gshegs pa snang ba mdza' yas nyid yin no/ /de'i so sor rtog pa'i ye shes rdo rjer ming btags pa de las byung ba'i khro bo'i rgyal po ha yaM gri ba yin no/ /de ltar pad ma 'byung ba'i rdo rje khro bo'i don du gsungs so/ /nyid kyi

  419. 210a

    sku dang gsung dang thugs zhes pa ni ston pa mi bskyod pa rdo rje 'dzin nyid kyi sku dang gsung dang thugs gsum cig pa'i ngo bor bstan to/ /de lta bu'i sku dang gsung dang thugs rdo rje gsum dang/ gnyis su med pa'i ngo bo khro bo'i rgyal po ha yaM gri ba smos so/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ gong du ji ltar sku dang gsung dang thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ / phyung ngo zhes pa ni/ ston pa mi bskyod pa rdo rje 'dzin gyis khro bo'i rgyal po ha yaM gri ba'i sngags rings ji ltar smos pa'i sku dang gsung dang thugs rdo rje dang gnyis su med pa'i ngo bo phyung ba'o/ /da ni khro bo'i rgyal po ha yaM gri ba'i sngags rings kyi ngo bo bstan par bya ste/ na ma sa man ta kA ya bak+tsi t+ta badzra naM/ oM hUM hUM hUM/ ta ru la b+hi ru la/ sarba bi Sha ga ta ka /dzwa li ta b+hi spu ling a ta ta ha sa/ ke sa ri sa Ta to ba badzra khu ra ni ra ga ta tsa li ta pa mu ta ta la/ ni shwa sa ma ru to k+Shi ba ta dA ra ni dA ra b+hi sha na ta ta ha sa/ a pa ra mi ta ba la ba ra kra ma arya gA na b+hi ta/ pu ta ka na/ b+hu ta b+hu ta/ ha ya grI ba/ kha d+ha kha d+ha/ pa ra manhaM tshin d+ha tshin d+ha/ sid d+him me d+hi sha /a be sha ya sarba dzwa rA be sha tsaM/ sarba gra he/ shwa pra ti ha to b+ha ba/ badzra dang shTi/ kin tsi ra ya si/ e d+ha ma duSh+TaM g+h+ra haM/ duSh+Ta sa yaM ba du na du na/ ma tha ma tha/ ma Ta ma Ta/ pa ta ya pa ta ya/ ban d+ha ban d+ha/ bud d+ha d+harma sad? g+hA nud dz+nyA d+ha kar maM ku ru shi g+h+raM/ ha ya gri ba ya phaT/ badzra ya phaT/ badzra g+ha ta ya phaT/ badzra ne tra ya phaT/ badzra dang Sh+Tra ya phaT/ badzra khur ya phaT/ badzra khu ra nir ga ta ya phaT/ pa ra man tra b+hi na sha ya phaT/ trai lo kya ba yang ka ra ya phaT/ sarba kar me shwa pra ti ha ta ya phaT/ badzra

  420. 210b

    ku la tra sa na ya phaT/ hUM hUM hUM/ phaT phaT phaT swAhA/ zhes bya ba'i don bstan par bya ste/ ci ltar yin na/ na ma sa man ta ka ya bag tsi ta badzra ni ni/ gsung gi rigs snang ba mdza' yas la sogs pa rigs lnga'i bye brag gi de bzhin gshegs pa/ sa man tar ming btags pa thams cad grangs med par smos so/ /bshad par bya ste/ de bzhin gshegs pa thams cad don dam par sku rdo rje dang/ gsung rdo rje dang/ thugs rdo rje gsum gnyis su med pa'i ngo bo yin no/ /de dang gnyis su med pa'i ngo bor khro bo'i rgyal po ha yaM gri ba bstan to/ /de'i sngags rings bsgrub pa pos bzlas par bya ba'i dus su/ dang po ci ltar smos pa'i lus ngag yid gsum gyis phyag bya'o/ /de byas pas mdun du smos pa'i de bzhin gshegs pa thams cad kyi thugs mnyes par 'gyur ro/ /de'i yon tan gyis bdud dang/ bgegs kyi tshogs ma rungs pa rnams kyi cho 'phrul dang/ sgyu ma dang/ stobs dang/ gnod par byed pa'i thabs kyi sbyor ba 'joms par 'gyur ro/ /de ltar sa man ta ka ya bag tsi ta badzra naM gi don du gsungs so/ /oM zhes pa ni mdun du smos pa'i tshul gyi phyag bya ba'i 'og tu/ de bzhin gshegs pa thams cad kyi sku rdo rje dang/ gnyis su med pa'i ngo bo sku'i rigs rnam par snang mdzad bskyed pa'i sa bon chos kyi dbyings kyi ye shes kyi ngo bo de brjod pas sgrub pa po la chos kyi dbyings kyi ye shes kyis byin gyis rlob par 'gyur ro/ /de'i dus su sems can thams cad kyis ci ltar dang rang gi bdag po la phyag 'tshal zhing mchod pa byed pa de bzhin du mthong ma thag tu byed par 'gyur ro/ /de ltar oM gyi don du gsungs so/ /hUM zhes bya ba ni khro bo chen po'i zhe sdang gis brjod par bya'o/ /de'i byin gyi brlabs kyis sgrub pa po'i sems mthu dang/ stobs kyi ngo bor 'gyur

  421. 211a

    bar smos so/ /de ltar hUM gi don du gsungs so/ /yang hUM zhes bya ba ni/ zhe sdang chen pos brjod do/ /de byin gyi brlabs kyis sgrub pa po la rims la sogs pa nad thams cad dang/ rmi lam ngan pa thams cad med par 'gyur ro/ /de ltar hUM gi don du gsungs so/ /de nas hUM ta ru la sarba b+hi sha ga ta ka zhes pa ni/ khro bo'i zhe sdang gis brjod par bya'o/ /de'i byin gyis brlabs kyis mdun du smos pa'i dug dang/ sems can gyi dug thams cad kyi gnod pa'i 'jigs pa med pa ste/ bshad par bya'o/ /ta ru tar ming btags pa ni/ ci ltar smos pa'i tshul gyi sman gyi dug thams cad du smos so/ /b+hi ru lar ming btags pa ni/ sems can gyi dug thams cad du smos so/ /b+hi sha ga ta gar ming btags pa ni/ sgrub pa po'i sngags kyi sa bon yig 'bru hUM brjod pas/ bdag dang/ gzhan gyi ji ltar smos pa'i dug thams cad bcom nas med par smos so/ /de ltar ta ru b+hi ru la sarba b+hi sha g+ha ta ga'i don du gsungs so// dzwa li ta b+hi spu ling ka zhes pa ni/ khro bo'i rgyal po ha yaM gri ba'i sngags rings bsgrub pa pos bzlas pa bya ba'i dus su ha yaM gri ba'i sku phyag rgya nyid sngags kyi sa bon yin no/ /de ni so sor rtog pa'i ye shes kyi ngo bo'i bskal pa'i me bzhin du gzi brjid kyis 'bar ba'i 'od kyis 'bar ba'o/ /'bar ba'i 'od de'i nang nas me stag bzhin du grangs med par 'phros pas/ nam mkha' i dbyings thams cad du khyab po/ /de 'phros pas bdud dang bgegs ma rungs pa'i tshogs thams cad ni tshig nas bros par bsgom par bya'o/ /de ltar dzwa li ti'i b+hi ling ga'i don du gsungs so/ /a ta Ta ha sa ke sa ri sa ta to pa zhes pa ni/ khro bo'i rgyal po ha yaM gri bas khro bo chen po'i zhe sdang gi thugs kyis a Ta ha sar

  422. 211b

    ming btags pa bzhad pa'i gad mo'i sgra che zhing ring ba'o/ /sgra de mi'i 'jig rten na gnas pa'i klu ma rungs pa la sogs pa bdud dang/ bgegs kyi dpung thams cad kyis thos ma thag tu myos pa dang/ brgyal bar 'gyur ro/ / bstan par bya ste/ mdun du smos pa'i gad mo bzhad pa'i sgra mdzad pa'i dus su ke sa rir ming btags pa ni/ seng ge'o/ /sa ta to par ming btags pa ni/ ral gri ba'i tshogs phrug? pa'o/ /de bzhin du khro bo'i rgyal po ha yaM gri ba nyid kyi rta dbu sprul pa de'i rdo rje ral pa chen po'i tshogs shugs chen po'i stobs kyis sprug par mdzad pas nam mkha' la gnas pa'i klu ma rungs pa la sogs pa/ mkha' 'gro dang/ mkha' 'gro ma dang/ gdon thams cad bcom par 'gyur bar smos so/ /de ltar a ta ta ha sa ke sa ri sa ta to pa'i don du gsungs so/ /badzra khu ra nir ga ta tsa li ta ba su ta ta la/ zhes pa ni/ bsgrub pa pos sngags rings bzla ba'i dus su khro bo'i rgyal po ha yaM gri bas thugs ka nas ci ltar nyid kyi sku phyag rgya'i cha lugs phun sum tshogs pa dang ldan pa dang/ de lta bu'i rdo rje ngo bo rta mig bzhi dang ldan pa sprin lta bu grangs med pa'i spro bar mdzad pas 'jig rten gyi khams thams cad kyi sa gzhi la khyab ste/ khro bo'i rgyal po ha yaM gri ba'i sprul pa'i sku phyag rgya de dag thams cad gyis brtson 'grus chen po'i stobs kyis rta'i rmig pa'i rtse mos sa gzhi shugs kyis brkos pa'o/ /de ltar mdzad pas sa'i lha mo 'jigs shing skrag par 'gyur ro/ /de'i dus su ba su tar ming btags pa sa gzhi ste/ de cher g.yos par 'gyur ro/ /de ma thag tu ba su ta ta lar ming btags pa'i sa'i 'og gi klu thams cad la sogs pa sems can ma rungs pa thams cad 'jigs pa chen pos skrag cing 'khrugs par gyur par smos so/ /de ltar

  423. 212a

    badzra khu ra nir ga ta tsa li ta ba su ta ta la'i don du gsungs so/ /ni shwa sa ma ru to k+Shi ba ta da ra ni da ra zhes bya ba'o/ /mdun du smos pa'i tshul du khro bo'i sprul pa'i sku phyag rgya'i sprin grangs med pa spro ba de dag thams cad kyi so so'i sku phyag rgya'i gnas nas/ bskal pa'i rlung chen po'i dus lta bu'i rdo rje'i rlung phyung ngo/ /de'i shugs kyis da ra ni da rar ming btags pa ri thams cad kyis rgyal po ri rab la sogs pa ri'i rgyal po ma lus pa thams cad bteg nas bshig par mdzad pas/ ri thams cad kyi 'og na gnas pa'i lha ma yin la sogs pa/ bgegs kyi tshogs ma rungs pa thams cad bcom par mdzad par sgrub pa pos sngags rings bzlas pa'i dus su bsgom par bya'o// de ltar ni shwa sa ma ru tok+Shi ba pa ta da ra ni da ra'i don du gsungs so/ /b+hi shan ta ha ha sa a ba ra mi ta b+ha la ba ra kra ma arya gra na b+hi ta/ zhes pa ni/ /mdun du smos pa'i tshul gyis rdo rje rlung gi shugs kyis ri'i rgyal po thams cad bteg nas/ bshig par mdzad pa'i dus su khro bo'i sprul pa'i sku phyag rgya spro ba de dag thams cad kyi mnyam par dus gcig tu khro bo chen po'i zhe sdang gis gad mo'i 'jigs pas zab pa ring par bshad pa'o/ /sgra de arya ga nar ming btags pa bsod nams dang/ ye shes kyi sku a pa rar ming btags pa tshad med pa'i phyir stobs dang rtsal dang ldan zhing khams thams cad na gnas pa'i sangs rgyas dang byang chub sems dpa' dang/ /nyan thos dang/ rang sangs rgyas la sogs pa grangs med pa de dag thams cad kyis gsan ma thag tu 'jigs pa chen por 'gyur ro/ /bshad par bya ste/ 'jig rten gyi khams thams cad na gnas pa'i brgya byin dang/ tshangs pa la sogs lha thams cad kyis mdun du smos

  424. 212b

    pa'i sgra thos ma thag tu/ /'jigs pa chen por gyur pa ni ngo mtshar yang mi che'o/ /de ltar b+hi sha na ta ta ha sa a pa ra mi ta ba la par kra ma/ arya gan b+hi ta'i don du gsungs so/ /b+hu ta kan b+hu ta zhes bya ba ni/ nyin mtshan dus rtag tu sems can thams cad la bye brag sna tshogs kyis gnod par byed par shes pa 'ga' nar ming btags pa 'byung po grangs med pa'o/ /de ltar b+hu ta ka na b+hu ta'i don du gsungs so/ /yang b+hu ta zhes bya ba ni/ mdun du smos pa'i 'byung po'i tshogs gnod pa byed pa de dag gi cho 'phrul dang/ /sgyu ma dang stobs dang/ gnod pa byed pa thams cad kyi sbyor ba de dag thams cad khro bo'i rgyal po ha yaM gri bar so sor rtog pa'i ye shes kyis b+hu tar ming btags pa mkhyen pa'o/ /de ltar bu ta'i don du gsungs so/ /ha yaM gri ba kha d+ha zhes bya ba ni/ mdun du smos pa'i 'byung po'i tshogs gza' rgyu'i ngo bo de dag khro bo'i rgyal po ha yaM gri ba khyod kyis khros te/ brtson 'grus kyis kha d+ha zhes pa ni gsol bar mdzod ces pa'o/ /de ltar ha yaM gri ba kha d+ha'i don du gsungs so/ /yang kha d+ha zhes pa ni/ ci ltar smos pa'i tshul gyi 'byung pa'i tshogs thams cad gsol bar mdzad pa de bzhin du/ de dag thams cad kyi 'khor gsol bar mdzad par smos so/ /de ltar kha d+ha'i don du gsungs so/ /pa ra man taM tshin d+ha zhes pa ni/ ci ltar smos pa'i tshul gyi 'byung po la sogs pa bdud dang/ bgegs kyi tshogs thams cad kyis/ khro bo'i rgyal po ha yaM gri ba'i bsgrub ba po la sogs pa/ sems can thams cad la dug thams cad dang/ nad bskyed pa'i gnod pa'i thabs dang/ gzhan yang myos par byed pa'i thabs kyi sngags dang/ gnod par byed pa'i thabs kyi sngags dang/ dbang du byed pa'i thabs kyi sngags dang/ smyo bar byed pa'i thabs kyi sngags

  425. 213a

    dang/ bskrad par byed pa'i thabs kyi sngags dang/ gsod par byed pa'i thabs kyi sngags dang/ de dag la sogs pa bye brag sna tshogs kyis gnod par byed pa'i pha rol gyi sngags su smos so/ /sngags des dge ba dang srog gcod par byed pa'o/ /de ltar par man taM tshin d+ha'i don du gsungs so/ /yang tshin d+ha zhes bya ba ni/ mdun du smos pa'i tshul gyis pha rol gyi sngags su bstan pa de med par bya ba'i gnyen po khro bo'i rgyal po ha yaM gri bas zhe sdang chen po'i thugs bskyed nas sngags kyi sa bon yig 'bru hUM/ me long lta bu'i ye shes kyi ngo bo'i gzi brjid kyis 'bar ba'i 'od kyis 'bar ba'i sprin lta bu grangs med par spro bar mdzad pas/ nam mkha' i dbyings thams cad du khyab po/ / de ma thag tu 'byung po la sogs pa bdud dang/ bgegs kyi tshogs ma rungs pa thams cad la reg pa'i tshul gyis byin gyis brlabs so/ /byin gyis brlabs ma thag tu/ de dag gis ji ltar smos pa'i tshul gyis sngags de med par gcod par mdzad par smos so/ /de ltar tshin d+ha'i don du gsungs so/ /sid d+hi ma me d+hi shi zhes pa ni/ khro bo'i rgyal po ha yaM gri ba khyod kyis/ ma mor ming btags pa sgrub pa po bdag la so sor rtog pa'i ye shes kyis byin gyis brlab par mdzad nas/ 'byung po la sogs pa bdud dang bgegs ma rungs pa'i dpung gi tshogs thams cad 'joms pa'i don gyi dngos grub kyi 'bras bu bstan pa stsol mdzod par smos so/ /de ltar sid d+hi ma me d+hi sha'i don du gsungs so/ /a pe sha ya sarba dzwa ra be sha tsaM zhes bya ba ni/ sarba dzwa rang ming btags pa rims zhag gnyis pa dang/ zhag gsum pa dang/ zhag bzhi pa dang/ zla ba phyed pa dang/ zla ba gcig pa dang/ lo phyed pa dang/ lo gcig pa

  426. 213b

    dang/ rtag pa'i rims dang/ skad gcig dang/ thang gcig dang/ yud tsam dang de dag la sogs pa'i rigs thams cad du smos so/ /be sha tsam du ming btags pa ni/ mtshan mo rgyu ba'i bgegs ma rungs pa gnod pa byed pa'o/ /tshul de lta bu'i sarba dzwa ra be sha tsam khro bo'i rgyal po ha yaM gri ba khyod kyis so sor rtog pa'i ye shes kyis byin gyis brlab pa mdzad nas/ a be sha yar ming btags pa/ dbang du bsdu'o/ /de mdzad pas gnod pa med pa smos so/ /de ltar a be she ya sarba dzwa ra be sha tsa gyi don du gsungs so/ /sarba gra he sha pra te ha to b+ha ba zhes bya ba ni/ sarba gra he ra btags pa mi ma yin pa bdud dang/ bgegs kyi gnod pa byed pa yin no/ /de dag thams cad khro bo'i rgyal po ha yaM gri ba khyod kyis bcom par/ a pra he ha tor ming btags par thugs rtse gcig par dus rtag tu brtson 'grus kyis mdzod cig pa'o/ /de ltar sarba gra he shwa pra te ha to b+ha ba'i don du gsungs so/ /badzra daMSh+Ti kin tsi ra ya si/ e daM duSh+TaM gra haM duSh+Ta sarba ba du na/ zhes bya ba ni/ rdo rje ni so sor rtog pa'i ye shes yin no/ /de dang gnyis su med pa'i ngo bo mche ba'i phreng ba ring ba rno ba dmar ba'o/ /don des badzra daMSh+Tir ming btags pa rdo rje'i mche bar smos so/ /kin tsa ra ya sir ming btags pa ma g.yel bar myur du brtson 'grus kyis bdud dang/ bgegs ma rungs pa thams cad bcom pa'i las mdzod cig par smos so/ /duSh+TaM gra haM ni mdun du ji ltar bshad pa bzhin du/ duSh+TaM sarba ma du ming btags pa ni/ klu'i rgyal po nag po chen po la sogs pa klu'i rgyal po 'khor dang bcas pa ma rungs pa thams cad ni/ sbrul gyi ngo bo zhe sdang gi sems dang ldan pa dug gi phung po yin no/ /bye brag de ltar gnon dang/ sbrul thams cad khro bo'i rgyal po ha yaM gri ba khyod kyis khro bo chen po'i zhe sdang gis rdo rje mche ba'i phreng

  427. 214a

    pa gnyis kyis zung la du nar ming btags par sbrugs la med par mdzod ces pa'o/ /de ltar badzra dang Sh+Ti kin tsi ra ya si e d+haM duSh+TaM sarba ba du na'i don du gsungs so/ /ya du na zhes pa ni/ mdun du snos pa'i gdon ma rungs pa dang/ sbrul pa ma rungs pa thams cad khro bo'i rgyal po ha yaM gri ba khyod kyis ci ltar smos pa'i go rims kyi rgyud chod cig pa'o/ /de lta du na'i don du gsungs so/ /ma tha zhes pa ni/ lha ma yin ma rungs pa'i rgyal po rnams mthar ming btags pa phye ma'i ngo bor mdzod cig pa'o/ /de ltar ma tha'i don du gsungs so/ /de nas ma tha zhes pa ni/ mdun du smos pa'i lha ma yin gyi rgyal po ma rungs pa rnams kyi 'khor thams cad khro bo'i rgyal po ha yaM gri ba khyod kyis mthar ming btags pa phye mar mdzod cig pa'o/ /de ltar ma tha'i don du gsungs so/ /ma Ta zhes pa ni/ sa 'og na gnas pa'i mkha' 'gro ma dang/ mkha' 'gro ma rungs pa thams cad khro bo'i rgyal po ha yaM gri ba khyod kyis khro bo chen po'i zhe sdang gis/ gzugs kyi phung po ming btags pa bshig par mdzod ces pa'o/ /de ltar ma Ta'i don du gsungs so/ /yang ma Ta zhes pa ni/ mdun du smos pa'i mkha' 'gro dang mkha' 'gro ma thams cad khro bo'i rgyal po ha yaM gri ba khyod kyis rigs kyi rgyud chod cig ces pa'o/ /de ltar ma Ta'i don du gsungs so/ /ba ta ya zhes bya ba ni/ ci ltar smos pa'i tshul gyis sman dug thams cad khro bo'i rgyal po ha yaM grI ba khyod kyis rta'i dbu'i mche ba'i phreng ba gnyis kyis rtsa ba nas phyung mdzod cig pa'o/ /de ltar pa ta ya'i don du gsungs so/ /yang pa ta ya zhes pa ni/ ci ltar rtsa ba'i dug thams cad rtsa ba nas 'byin par mdzad pa de bzhin du/ ci ltar smos pa'i sems

  428. 214b

    can gyi dug thams cad rtsa ba nas dbyung bar mdzod cig ces smos so/ /de ltar pa ta ya'i don du gsungs so/ /ban d+ha ban d+ha zhes bya ba ni/ sa 'og gi 'jig rten na/ gnas pa'i klu'i rgyal po ma rungs pa thams cad khro bo'i rgyal po ha yaM gri ba khyod kyis khro bo chen po'i zhe sdang gis/ rdo rje'i zhags pas bcings par mdzod mdzod/ de bcings pas klu'i rgyal po kun gyi dug thams cad med par 'gyur ro/ /de ltar ban d+ha ban d+ha'i don du gsungs so/ /bud d+ha d+harma sad g+hA nud dz+nya'i na kar maM ku ru shi g+haM zhes bya ba ni/ dkon mchog gsum gyi bye brag rnam pa gnyis su bstan par bya ste/ phyi dang nang ngo/ /de la phyi ni sangs rgyas dang chos dang dge 'dun gyi don ni bde ste bshad mi dgos so/ /de nas nang gi gsang sngags kyi tshul 'phags pa ye shes zhabs kyi sku dang/ gsung dang/ thugs rigs gsum gyi ngo bo sangs rgyas dang chos dang dge 'dun du smos so/ /de'i don gsal bar bstan par bya ste/ de bzhin gshegs pa thams cad kyi sku rdo rje dang gnyis su med pa'i ngo bo? rigs rnam par snang mdzad ni sangs rgyas su bstan to/ /de bzhin gshegs pa thams cad kyi gsung rdo rje dang gnyis su med pa'i ngo bo gsung gi rigs snang ba mdza' yas ni chos su bstan to/ /de bzhin gshegs pa thams cad kyi thugs rdo rje? gnyis su med pa'i ngo bo ston pa mi bskyod pa rdo rje 'dzin nyid yin te/ de'i thugs las tshul ji ltar smos pa'i 'khor phun sum tshogs pa thams cad kyi sku phyag rgya brjod du yod pa dang/ brjod du med pa'i tshul spro bar mdzad pa ? ? phyag rgya ? dge 'dun yin no/ ? 'dir sangs rgyas dang/ chos dang/ dge 'dun tshul de ltar bstan to/ /de dag gi thugs rje chen pos sems can thams cad kyi don mdzad pa'i phyir Sha nu dz+nyA nar ming btags pa khro

  429. 215a

    bo'i rgyal po ha yaM gri ba'i thugs bskul lo/ /de ma thag tu zhe sdang chen po'i ngo bos las thams cad myur du skad cig la mdzod ces bya'o/ /de ltar bud d+ha d+harma saM g+hA nu dz+nyA na kar maM ku ru shi g+h+raM don du gsungs so/ / ha yaM gri ba ya phaT ces pa ni/ khro bo'i rgyal po ha yaM gri ba'i mtshan brjod ma thag tu/ mtshan dang sngags yig 'bru phaT spel bas 'byung po thams cad kyi gnod pa'i 'jigs pa med par mdzad pa yin/ gzhan yang gsang sngags kyi yig 'bru pha dang Ta gnyis ye shes kyi ngo bor ji ltar bshad pa de bzhin du 'dir bstan to/ /de ltar ha yaM gri ba ya phaT kyi don du gsungs so/ /badzra ya phaT ces pa ni khro bo'i rgyal po ha yaM gri ba nyid kyi rigs kyi bdag po rdo rjer ming btags pa snang ba mdza' yas yin no/ /de'i mtshan brjod ma thag tu yig 'bru pha dang Ta gnyis spel ba'i tshul gyis gdon ma rungs pa thams cad kyi gdon pa'i 'jigs pa med par 'gyur ro/ /de ltar badzra ya phaT kyi don du gsungs so/ /badzra ga ta ya phaT ces pa ni/ badzra ga ta yar ming btags pa khro bo'i rgyal po ha yaM gri ba'i sku phyag rgya tshul ji ltar smos pa'i cha lugs phun sum tshogs pa dang ldan pa yin no/ /bshad par bya ste/ rdo rje ni so sor rtog pa'i ye shes so/ /ga ta ya ni yan lag thams cad do/ /tshul de lta bu'i phyag rgya'i ngo bo de'i mtshan brjod ma thag tu sngags kyi yig 'bru pha dang Ta gnyis spel ba'i tshul bgegs thams cad/ bgegs kyi rgyal po bi na ya ka'i gnod pa'i 'jigs pa med par smos so/ /de ltar badzra ga ta ya'i don du gsungs so/ /badzra ne tra ya phaT ces bya ba ni/ khro bo'i rgyal po ha yaM gri ba'i sku phyag rgya de ni so sor rtog pa'i ye shes dang gnyis su med pa'i ngo bo yin no/ /

  430. 215b

    ne trar ming btags pa ni spyan yin te/ spyan de'i mtshan brjod ma thag tu sngags kyi sa bon yig 'bru pha dang Ta gnyis spel bas gnod sbyin dang srin po thams cad kyi gnod pa'i 'jigs pa med par 'gyur ro/ /de ltar badzra ne tra'i don du gsungs so/ / badzra daMSh+Ta ya phaT/ ces bya ba ni/ khro bo'i rgyal po ha yaM gri ba'i sngar smos pa'i rdo rje'i mche ba'i phreng ba ste/ rdo rje mche ba'i phreng ba de'i mtshan brjod ma thag tu sngags kyi yi ge 'bru phaT gnyis spel bas nam mkha' la rgyu ba'i mkha' 'gro dang/ mkha' 'gro ma la sogs pa dgra thams cad kyi gnod pa'i 'jigs pa med par 'gyur ro/ /de ltar badzra daMSh+Ta ya phaT kyi don du gsungs so/ /badzra khu ra ya phaT ces bya ba ni/ mdun du smos pa'i khro bo'i rgyal po ha yaM gri ba'i rdo rje'i ngo bo'i zhabs bzhi ste/ rdo rje'i zhabs de'i mtshan brjod ma thag tu sngags kyi sa bon pha dang Ta gnyis dang spel bas/ sa 'og gi 'jig rten na gnas pa'i klu thams cad kyi gnod pa'i 'jigs pa med par 'gyur ro/ /de ltar badzra khu ra ya phaT kyi don du gsungs so/ /badzra khu ra ya nir ga ta ya phaT ces bya ba ni/ mdun du smos pa'i khro bo'i rgyal po ha yaM gri bas khro bo'i sku phyag rgya sprin lta bu grangs med pa rta'i rkang pa bzhi dang ldan pa 'jig rten gyi khams thams cad khyab par spro pa de dag thams cad kyis dus mnyam pa chen por khro bo'i brtson 'grus kyi stobs kyis rdo rje'i zhabs kyi sen mo'i rtse mos sa gzhi rko bar mdzad pa yin no/ /de lta bur byin gyis brlabs kyi stobs kyi ngo bo'i mtshan brjod ma thag tu/ sngags kyi sa bon yig 'bru phaT gnyis dang spel bas sa 'og na gnas pa'i/ bdud dang/ bgegs kyi tshogs thams cad kyi gnod pa'i 'jigs pa med par 'gyur ro/ /de ltar badzra khu ra nir ga ta ya'i don du gsungs so/ /pa ra man tra b+hi na sha ya phaT ces

  431. 216a

    bya ba ni/ 'byung po la sogs pa'i bdud dang/ bgegs kyi tshogs ma rungs pa thams cad kyi khro bo'i rgyal po ha yaM gri ba'i sgrub pa po la sogs pa sems can thams cad la dug dang nad thams cad la sogs pa bye brag sna tshogs kyis gnod pa byed pa'i thabs kyi ngo bo tshul ji ltar smos pa'i sngags thams cad du bstan to/ /sngags de dag thams cad med par bya ba'i gnyen po'i ngo bo khro bo'i rgyal po ha yaM gri bas sngags sa bon yig 'bru hUM me long lta bu'i ye shes kyi ngo bo gzi brjid kyi 'bar ba'i 'od kyis 'bar ba'i sprin lta bu grangs med pa spro bar mdzad de/ de'i ye shes kyi byin gyi brlabs ni/ pa ra man tra b+hi na sha yar ming btags pa/ pha rol gyi sngags med par byed pa'i ye shes kyi sngags brjod ma thag tu sngags kyi yig 'bru phaT gnyis dang spel bas 'byung po la sogs pa bdud dang/ bgegs ma rungs ba'i tshogs thams cad kyi 'khor dang bcas pa'i gnod pa'i 'jigs pa med par 'gyur ro/ /de ltar pa ra man tra b+hi sha na ya phaT kyi don du gsungs so/ /trai lokya ba yaM ka ra ya phaT ces bya ba ni/ khro bo'i rgyal po ha yaM gri ba'i sku phyag rgya cha lugs phun sum tshogs pa dang ldan pa'i ngo bo/ /gzhan yang so sor rtog pa'i ye shes kyi cho 'phrul sprul ba'i mdzad pa'i tshul des/ 'jig rten gsum na gnas pa'i bgegs ma rungs pa gnod pa byed pa de dag 'jigs par mdzad pa yin no/ /bshad par bya ste/ trai lokya b+ha yang ka rar ming btags pa tshul ji ltar smos pa'i cha lugs phun sum tshogs pa dang ldan pa'i ngo bo dang/ gzhan yang so sor rtog pa'i ye shes kyi cho 'phrul sprul pa'i ngo bo yin no/ /de'i mtshan brjod ma thag tu sngags kyi yig 'bru pha dang Ta

  432. 216b

    gnyis spel ba'i tshul gyis 'jig rten gsum na gnas pa'i bgegs ma rungs pa thams cad kyi gnod pa'i 'jigs pa med par smos so/ /de ltar trai lokya pa yaM ka ra phaT kyi don du gsungs so/ /sarba kar me shwa pra ti ha ta ya phaT ces bya ba ni/ sgrub pa pos mnan pa dang/ myos pa dang/ dbang du bya ba la sogs pa'i las thams cad byed pa'i dus su/ khro bo'i rgyal po ha yaM gri ba khyod kyis dngos grub kyi 'bras bu rtsol pa a pra ti ha tar ming btags pa nges par so sor rtog pa'i ye shes kyis byin gyis rlob par mdzad pa yin no/ /de'i mtshan brjod ma thag tu sngags kyi sa bon yig 'bru phaT gnyis dang spel ba'i tshul gyis klu ma rungs pa la sogs pa'i bgegs kyi tshogs thams cad kyis las kyi bye brag sna tshogs kyis gnad pa byed pa'i 'jigs pa med par 'gyur ro/ /de ltar sarba kar me shwa pra ti ha ta ya pha Ta'i don du gsungs so/ /badzra ku la tra sa na ya phaT zhes bya ba ni/ khro bo'i rgyal po ha yaM gri pas badzra ku lar ming smos pa sku rdo rje'i rigs dang/ gsung rdo rje'i rigs dang/ thugs rdo rje'i rigs dang/ de ltar rigs gsum 'khor dang bcas pa u tra sa na yar ming btags pa 'jigs pas 'khug par 'gyur ba'i tshul gyis bskrad par 'gyur ba yin no/ /tshul de ltar smos pa ni la dor pa'i tshig tu bstan pa'o/ /gzhan 'jig rten gyi khams thams cad na gnas pa'i lha dang mi la sogs pa sems can ma rungs pa thams cad bskrad pa ni ngo mtshar mi che'o/ / bshad par bya ste/ rdo rje'i rigs bskrad par byed pa'i khro bo'i rgyal po ha yaM gri ba'i mtshan brjod ma thag tu sngags kyi yig 'bru phaT gnyis dang/ spel ba'i tshul gyis sgrub pa po 'byung po la sogs pa bgegs ma rungs pa thams cad

  433. 217a

    kyis skrod pa'i 'jigs pa med par 'gyur ro/ /de ltar badzra ku la tra sa na ya phaT kyi don du gsungs so/ /hUM zhes bya ba ni/ khro bo chen po'i zhe sdang gis brjod par bya ba yin no/ /de'i byin gyis brlabs kyis 'jig rten gsum na ngas pa'i bgegs kyi tshogs ma rungs pa thams cad gnon par bstan to/ /de ltar hUM gi don du gsungs so/ /yang hUM zhes bya ba ni/ khro bo chen po'i zhe sdang gis brjod par bya'o/ /de'i byin gyi brlabs kyis mdun du smos pa'i bgegs ma rungs pa'i tshogs thams cad myos par bstan to/ /de ltar hUM gi don du gsungs so/ /yang hUM zhes bya ba ni/ khro bo chen po'i zhe sdang gis brjod par bya'o/ /de'i byin gyi brlabs kyis mdun du smos pa'i bgegs ma rungs pa'i tshogs thams cad brgyal bar 'gyur bar bstan to/ /de ltar hUM gi don du gsungs so/ /phaT ces bya ba ni/ khro bo chen po zhe sdang gis brjod par bya'o/ /de'i byin gyi brlabs kyis mdun du smos pa'i bgegs ma rungs pa thams cad kyi gnas med par 'gyur ro/ /de ltar phaT kyi don du gsungs so/ /de ltar phaT ces bya ba ni/ de khro bo chen po'i zhe sdang gis brjod par bya'o/ /de'i byin gyi brlabs kyis mdun du smos pa'i bgegs thams cad kyi srog gi dbang po med par 'gyur ro/ /de ltar phaT kyi don du gsungs so/ /de nas phaT ces bya ba de/ khro bo chen po'i zhe sdang gis brjod par bya'o/ /de'i byin gyi brlabs kyis mdun du smos pa'i sman dug dang/ sems can gyi dug thams cad med par 'gyur ro/ /de ltar phaT kyi don du gsungs so/ /de nas swAhA zhes bya ba ni/ sgrub pa pos mdun du smos pa'i khro bo'i rgyal po ha yi gri ba'i sngags rings don dang ldan pa de'i bzlas pa byas pas khro bo'i rgyal po ha yi gri

  434. 217b

    ba nyid kyi thugs mnyes par 'gyur ro/ /gzhan yang de'i sngags kyi bdag po snang ba mdza' yas mnyes par 'gyur ro/ /de'i dus su sgrub pa po la dug thams cad dang/ gzhan yang bdud dang/ bgegs ma rungs pa'i dgra'i tshogs thams cad kyis gnod pa byed pa de dag med par 'gyur ro/ /de ltar swA hA'i don du gsungs so/ /de ni khro bo'i rgyal po ha yi gri ba'i sngags rings kyi yon tan gyi ngo bo'i don bstan par bya ste/ de ni gsungs ma thag tu yang/ chos kyi rdo rje mchog skyes rnams 'jigs shing rab tu brgyal bar 'gyur/ ye shes rgyal po rjes su dran/ zhes bya ba'i don bshad par bya ste/ ci ltar yin na/ 'di ni gsungs ma thag tu yang/ chos kyi rdo rje mchog skyes rnams ni/ ston pa mi bskyod pa rdo rje 'dzin gyis ci ltar smos pa'i tshul gyi ting nge 'dzin mdzad pa'i 'og tu/ khro bo'i rgyal po ha yaM gri ba'i sngags rings gsungs pa de ma thag tu/ sngags rings so sor rtog pa'i ye shes kyi me 'bar ba'i 'od kyis 'bar ro/ / de'i tsha ba chen pos chos su ming btags pa de bzhin gshegs pa thams cad kyi gsung rdo rje dang/ gnyis su med pa'i ngo bo rdo rje ni/ so sor rtog pa'i ye shes te/ de dang gnyis su med pa'i ngo bo chos kyi bdag nyid snang ba mdza' yas te/ de la sogs pa rigs lnga'i bye brag gi de bzhin gshegs pa thams cad smos so/ /de ni mchog chen por ming btags pa ston pa mi bskyod pa rdo rje 'dzin gyis bskyed pa'i don des/ de bzhin gshegs pa thams cad mchog chen po las skyed par smos so/ /de ltar 'di ni gsungs ma thag tu yang/ chos kyi rdo rje mchog skyes rnams kyi don de gsungs so/ /'jigs shing rab tu brgyal bar 'gyur/ zhes pa ni/ ci ltar smos pa'i tsha ba chen po'i 'jigs pas nyid nyid kyi gdan las shugs chen pos

  435. 218a

    lhung nas nas brgyal bar 'gyur bar bstan to/ /de ltar 'jigs shing rab tu brgyal bar 'gyur gyi don du gsungs so/ /ye shes rgyal po rjes su dran zhes pa ni/ don dam par de bzhin gshegs pa thams cad kyi bla na med pa'i 'dod chags so sor rtog pa'i ye shes yin no/ /de dang gnyis su med pa'i ngo bo snang ba mdza' yas so/ /don des ye shes rgyal por snang ba mdza' yas smos so/ /bstan par bya ste/ khro bo'i rgyal po ha yaM gri ba nyid kyi rigs kyi bdag po snang ba mdza' yas yin pa de rjes su dran nas/ skyobs shig skyobs shig ces tshig tu brjod pa'i tshul bstan to/ /de ltar mdun du smos pa'i tshul du bsgrub pa po sems brtan par bya ba dang/ dad pa bskyed pa'i phyir sdud pa po phyag na rdo rjes la dor ba'i tshig tu smos so/ /bshad par bya ste/ khro bo'i rgyal po ha yaM gri ba'i sngags rings gsungs ma thag tu/ 'jig rten khams thams cad na gnas pa'i klu'i rgyal po la sogs pa bgegs dang bya ba'i lha tshogs ma rungs pa gnod pa byed pa thams cad sngags rings kyi 'bar ba'i 'od kyi tsha bas bsregs pa'i sdug bsngal du 'gyur ro/ /de zhi bar bya ba'i phyir mdun du smos pa'i ye shes kyi rgyal po de rjes su dran nas skyobs shig skyobs shig ces tshig tu brjod pa'i tshul gyis rjes su dran no/ /de rjes su dran ma thag tu zhi ba dang bde bar 'gyur bar smos so/ /mdor bsdu ba de ltar ye shes kyi rgyal po rjes su dran gyi don du gsungs so// // da ni khro bo'i rgyal po ha yaM gri ba'i sgom pa dang bzlas pa byas pas sgrub pa po rang dang/ gzhan gyi dug thams cad med par bya ba'i cho ga'i don bstan par bya ste/ mkha' dbyings dug gis yongs bkang ba/ /ha la ha la 'dra ba'i 'od/ /

  436. 218b

    khro bo'i rgyal po bskul ba yis/ /dug rnams thams cad med par byed/ /ces bya ba'i don bstan par bya ste/ ci ltar yin na/ mkha' dbyings dug gis yongs bkang ba/ /ha la ha la 'dra ba'i 'od ni/ khro bo'i rgyal po ha yaM gri ba'i mdun du smos pa'i don gyi ngo bo'i sngags rings 'bab chu'i 'gram du bsnyen pa bya'o/ /me tog dang shing tog dang ldan pa'i tshal yang mi 'gal lo/ /gnas der dang po bdud rtsi lnga las kun tu khru gang sor gsum bskul ba'i tshul du dkyil 'khor bya'o/ /de'i 'og tu sgrub pa pos brtson 'grus chen po'i sems brtan pa bskyed nas/ de'i 'og tu mdun du smos pa'i cho ga bzhi'i tshul gyis chos rdo rjer ming btags pa snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ji ltar smos pa bzhin du 'dir bya'o/ /de lta bu'i ngo bo snang ba mdza' yas kyi sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su gsung gi rigs kyi bye brag gi gar mkhan gyi rigs kyi bu mo ci ltar smos pa'i mtshan dang/ yon tan dang ldan pa blang ngo/ /shes rab ma de ye shes kyi lha mo na bza' dkar mo dang gnyis su med pa'i ngo bor byin gyi brlabs par bya'o/ /de'i 'og tu sgrub pa pos 'dod chags chen po zhe sdang gi sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su / rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du/ 'od du zhu nas/ de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de'i kha dog ban du'i me tog ltar

  437. 219a

    dmar ba so sor rtog pa'i ye shes kyi ngo bo gzi brjid chen pos 'bar zhing 'od du zhu nas/ ye shes kyi khu ba lta bu byang chub sems kyi rgya mtsho la thim par 'gyur ro/ /sa bon de las khro bo'i rgyal po ha yaM gri ba'i sku phyag rgya bskyed par bya'o/ /de khro mo'i rgyal mo khro gnyer me dang/ gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni mdun du ji ltar smos pa bzhin du 'dir bstan to/ / de lta bu'i ngo bo khro bo'i rgyal po ha yaM gri ba'i sku phyag rgya bskyed ma thag tu/ bskyed par mdzad mkhan snang ba mdza' yas kyi sku phyag rgya khro ba'i rgyal po ha yaM gri ba'i spyi bo'i gnas su dbang bskur ba'i tshul du gnas par bsam mo/ /tshul de lta khro bo'i rgyal po ha yaM gri ba'i sku phyag rgya bskyed pa'i 'og tu/ sgrub pa pos de dang gnyis su med pa'i nga rgyal du bsgom par bya'o/ /de ltar bsgom pa'i sbyor bas mdun du smos pa'i sngags rings khro bo chen po'i brtson 'grus kyis grangs kyi tshad 'bum phrag gsum du bsnyen pa bya'o/ /de'i 'og tu so sor rtog pa'i ye shes kyi byin gyi brlabs kyis sngags mthu dang stobs su 'gyur ro/ /tshul de ltar bsnyen pa byas na sngags 'grub po/ /de'i dus su sgrub pa pos nam mkha' i dbyings thams cad ha la ha la'i dug lta bus gang ba yang med par nus na/ gzhan dug dang sems can gyi dug gi bye brag phra mo med par nus pa ni ngo mtshar mi che'o/ /mdor bsdu ba de ltar mkha' i dbyings dug gis yongs gang la/ ha la ha la 'dra ba'i don du gsungs so/ /khro bo'i rgyal po bskul ba yis/ /dug rnams thams cad med par byed/ /ces pa ni/ sgrub pa pos sems can pha rol pos sman dug dang/ sems can gyi dug bye brag gis zin pa'i

  438. 219b

    dug thams cad med par bya bar smos so/ /de la sems can pha rol gyi dug med par bya ba'i dus su sgom pa'i sbyor ba dang/ sngags kyi bzlas pa'i cho ga'i don bstan par bya ste/ dug gi zin pa'i sems can gyi mdun du bsgrub pa po mos pa'i dkyil mos 'dug go /de'i 'og tu mdun du smos pa'i cho ga'i tshul gyis khro bo'i rgyal po ha yaM gri ba'i sku phyag rgya bsgom par bya'o/ /de ma thag tu nyid kyi snying ga'i gnas su sngags kyi sa bon yig 'bru bsam mo/ /de'i kha dog dmar po so sor rtog pa'i ye shes la sogs pa'i ye shes lnga'i gzi brjid chen po'i 'bar ba'i 'od kyis 'bar zhing 'od du zhu nas ye shes kyi khu ba bzhin du 'gyur ro/ /sa bon de las nyi ma'i dkyil 'khor du gyur par bsam mo/ /de bskal pa'i ma bzhin du 'bar ba'i 'od kyis 'bar ba'o/ /de lta bu'i nyi ma'i dkyil 'khor gyi steng gi dbus su sngags kyi sa bon yig 'bru hUM bsam mo/ /de kha dog dmar po nyi ma stong mnyam par rab tu 'bar ba'o/ /sngags kyi sa bon yig 'bru hUM de'i gnas nas so sor rtog pa'i ye shes kyi ngo bo 'bar ba'i 'phreng ba spro bar bya'o/ /de spros ma thag tu 'bar ba'i phreng ba de dug gis zin pa'i sems can de'i dus lus thams cad du thim par gyur par bsam mo/ /'bar ba des dug 'bar ba bzhin du byas par rtag to /gzhan yang de'i dus su bsgrub pa po nyid kyi lag pa g.yas pa'i mthil gyi dbus su/ sngags kyi sa bon yig 'bru A bsam mo/ /yang na sngags sa bon yig 'bru pa bsam yang mi 'gal lo/ /de kha dog dkar po gzi brjid kyi phung po chen po bzhin du 'bar zhing 'od du zhu nas ye shes kyi khu ba bzhin du 'gyur ro/ /sa bon de las pad ma dkar po 'dab ma brgyad du gyur to/ /pad ma de'i lte ba'i dbus su sngags kyi sa bon yig 'bru hUM bsam mo/ /de la kha dog

  439. 220a

    dkar po so sor rtog pa'i ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba lta bus pad ma'i lte ba gang bar gyur par brtag go /cho ga'i tshul de ltar pad ma bskyed ma thag tu/ dug gis zin pa'i sems can de'i lus kun pad ma'i ngo bo'i lag pa g.yas pas bya ba ci byed mdun du smos pa'i khro bo'i rgyal po ha yaM gri ba'i sngags rings bzla'o/ /de ltar sgom pa dang/ sbyor bas sngags bzlas pa byas pas dug gis zin pa'i sems can de'i dug med nas/ sos par 'gyur ro/ /bshad par bya ste/ khro bo'i rgyal por ming btags pa/ sgrub pa pos dug med par bya ba'i phyir/ ha yaM gri ba'i sgom pa dang bzlas pa byas pas thugs rje chen po'i ngo bo'i thugs bskul bar 'gyur ro/ /de bskul ba'i yon tan gyis khro bo'i rgyal po ha yaM gri bas so sor rtog pa'i ye shes kyis byin gyis rlob par mdzad de/ ci ltar smos pa'i dug de dag thams cad med par mdzad par 'gyur ro/ /mdor bsdu ba de ltar khro bo'i bskul ba yis/ /dug rnams thams cad med par byed par don du gsungs so/ /khro bo'i rgyal po ha yaM gri ba'i sngags rings gsungs pa'i 'og tu/ da ni khro bo'i rgyal po sngon por ming btags pa/ ni la dan Da'i sngags rings gsung ba'i cho ga'i don bstan par bya ste/ de nas bcom ldan 'das de bzhin gshegs pa gdon mi za bar grub pa'i/ tog 'byung ba rdo rje zhes bya ba'i ting nge 'dzin la snyoms par zhugs nas/ zhes bya ba'i don bshad par bya ste/ ji ltar yin na de nas ni mdun du smos pa'i khro bo'i rgyal po ha yaM gri ba'i sngags rings gsungs pa'i 'og tu/ khro bo'i rgyal po ni la dan Da'i gsung ba'i cho ga'i don mtshon pa'o/ /

  440. 220b

    bcom ldan 'das zhes pa ni/ mdun du smos pa'i tshul gyi ston pa mi bskyod pa rdo rje 'dzin nyid kyi yon tan gyi bstod pa'i/ bcom ldan 'das yin pa sdud pa pos smos pa'o/ /de'i don mdun du ci ltar smos pa bzhin du 'dir bstan to/ / de bzhin gshegs pa don yod grub pa zhes pa ni/ ston pa mi bskyod pa rdo rje 'dzin nyid kyis/ ting nge 'dzin la snyoms par zhugs pa'i mdun du/ sku phyag rgya'i kun nas las kyi rigs de bzhin gshegs pa don yod grub pa'i bya ba nan tan gyi ye shes kyi ngo bo 'od zer gyi sprin grangs med pa spro bar mdzad do/ /de ma thag tu de'i gzi brjid kyis 'jig rten gyi khams thams cad du gsal bar gyur to/ /de ltar de bzhin gshegs pa don yod grub pa'i don du gsungs so/ / tog 'byung ba zhes bya ba ni/ ston pa mi bskyod pa rdo rje 'dzin gyis sems can thams cad la mkha' 'gro dang/ mkha' 'gro ma la sogs pa bdud dang/ bgegs kyi dpung thams cad kyis gnod pa las bsrung pa'i phyir de gzhom pa'i thabs rtog tu ming btags rgyal ba thob pa'i rtags kyi ngo bo don yod grub pa'i bya ba nan tan gyi ye shes las byung ba'i 'od zer gyi sprin grangs med pa spro bar mdzad pa yin no/ /de ltar rtog 'byung ba'i don du gsungs so/ /rdo rje zhes bya ba'i ting 'dzin la snyoms par zhugs nas zhes pa ni/ ston pa mi bskyod pa rdo rje 'dzin gyis 'khor thams cad kyi nad du zhe sdang chen po'i thugs bskyed pas ji ltar smos pa nyid kyi shes rab ma ye shes kyi lha mo ma ma ki dang/ gnyis med par 'khyud pa'i sbyor bas gsang ba'i dbang po gnyis mnyam par sbyar bar mdzad do/ /de ma thag tu gsad ba'i thugs ka ye shes sems dpa' i gnas su bya ba nan tan gyi ye shes kyi sa bon yig 'bru ta ljang gur gyur par mdzad do/ /sa

  441. 221a

    bon de las bya ba nan tan gyi ye shes kyi ngo bo mdun du smos pa'i 'od zer gyi sprin grangs med pa kha dog ljang gu ba spu'i bu ga'i lam gyi sgo nas spro bar mdzad do/ /de 'jig rten gyi khams thams cad du khyab po/ / de ma thag tu lha dang/ mi la sogs pa sems can thams cad byin gyis brlabs pas mkha' 'gro dang/ mkha' 'gro ma la sogs pa bdud dang/ bgegs kyi dpung thams cad kyis gnod pa byed pa'i 'jigs pa med par mdzad pa'i 'og tu/ 'od zer gyi sprin grangs med pa de spro ba'i lam nas spro ba'i gnas kyi sngags kyi sa bon yig 'bru ha la gnyis su med par slar bsdu bar mdzad do/ /de ma thag tu sngags kyi sa bon yig 'bru ha de nyi ma'i dkyil 'khor gyi ngo bor 'gyur ro/ / nyi ma'i dkyil 'khor de sngags kyi sa bon yig 'bru hUM du gyur par mdzad do/ /de me long lta bu'i ye shes kyi ngo bo kha dog sngon po gzi brjid chen po 'bar ba'i 'od kyis 'bar ba'o/ /sa bon de las khro bo chen po'i zhe sdang gi ngo bo khro bo'i rgyal po ni la dan Da'i sku phyag rgya mdun du smos pa'i tshul gyi sku mdog dang/ zhal dang/ phyag dang/ phyag mtshan dang/ rgyan rnams dang ldan pa/ grangs med pa'i sprin ba spu'i bu ga'i lam gyi sgo nas sgro bar mdzad do/ /des 'jig rten gyi khams thams cad du khyab po/ /de ma thag tu mkha' 'gro dang/ mkha' 'gro ma dang/ mi la sogs pa'i sems can thams cad la gnod pa byed pa'i bdud dang bgegs kyi tshogs thams cad la rigs pa'i tshul gyis byin gyis brlab par mdzad pas mkha' 'gro dang/ mkha' 'gro ma la sogs pa la/ bdud dang/ bgegs kyi tshogs thams cad bcom pa'i 'bras bu grub par 'gyur ro/ /de ltar mdzad pa khro bo'i rgyal po ni la dan Da'i sku phyag rgya'i sprin grangs med pa spro ba'i lam nas/

  442. 221b

    gsang ba'i thugs ka ye shes sems dpa' i gnas su/ gnyis su med par bsdu bar mdzad do/ /de tshul de ltar 'od zer gyi sprin grangs med pa dang/ khro bo'i rgyal po ni la dan Da'i sku phyag rgya grangs med pa spros nas/ byin gyis brlabs nas/ gnyis su med pa'i ngo bor bsdu bar mdzad do/ /rdo rje ni me long lta bu'i ye shes kyi ngo bo spro ba bsdu ba'o/ /don des rdo rje zhes bya ba'i ting nge 'dzin du smos so/ /ston pa rdo rje 'dzin gyis ting nge 'dzin mdzad pa'i dus su thugs rtse gcig par gyur nas gnas pa'o/ / don des snyoms par zhugs par smos so/ /mdor bsdu ba de ltar rdo rje zhes bya ba'i ting nge 'dzin la snyoms par zhugs pa'i don du gsungs so/ /ting nge 'dzin mdzad pa'i 'og tu/ da ni sngags dang/ khro ba'i rgyal po'i ngo bo'i cho ga'i don bstan par bya ste/ rdo rje dbyug pa sngon po khro bo'i rgyal po 'di ni/ nyid kyi sku dang/ gsung dang/ thugs rdo rje las phyung ngo/ zhes bya ba ni rdo rje dbyug pa sngon po khro bo'i rgyal po ni/ sngon po ni nyid kyi rigs kyi bdag po rdo rje mi bskyod pa'i sku mdog yin te/ de dang 'dra bar bstan to/ /rdo rjer ming btags pa ni me long lta bu'i ye shes yin te/ de'i ngo bo'i dbyug pa de ni/ ji ltar smos pa'i tshul gyi bdud dang/ bgegs kyi tshogs ma rungs pa thams cad 'joms par mdzad pa'i phyag mtshan du bstan to/ /de khro bo chen po rdeg pa'i stabs su 'dzin to/ /don des rdo rje dbyug pa sngon por ming btags pa'i khro bo'i rgyal por bstan to/ /de ltar rdo rje dbyug pa sngon po'i khro bo'i rgyal po'i don du gsungs so/ /nyid kyi sku dang gsung dang/ thugs zhes pa ni ston pa mi bskyod pa rdo rje 'dzin nyid kyi sku dang/ gsung dang/ thugs rdo rje gsum gcig pa'i ngo bor smos so/ /de ltar sku gsung thugs rdo rje gsum gnyis su med pa'i ngo bor khro bo'i rgyal po ni la dan Dar bstan to/ /de ltar

  443. 222a

    'di nyid kyi sku dang gsung dang thugs kyi don du gsungs so/ /rdo rje zhes pa ni/ gong du sku rdo rje dang/ gsung rdo rje dang/ thugs rdo rje gnyis su med par ci ltar bshad pa de bzhin du 'dir bstan to/ /de ltar rdo rje'i don du gsungs so/ /phyung ngo zhes pa ni/ ston pa mi bskyod pa rdo rje 'dzin gyis khro bo'i rgyal po ni la dan Da'i sngags rings ji ltar smos pa'i sku gsung thugs rdo rje gsum dang/ gnyis su med pa'i ngo bo phyung ngo/ /da ni khro bo'i rgyal po ni la dan Da'i sngags rings kyi ngo bo bstan par bya ste/ na ma sa man+ta kA ya bak+tsi t+ta badzra ni/ oM e ha he b+ha ga baM/ ni la badzra da Na Da/ ku ru ku ru/ hu lu hu lu/ hA hA/ gu lu gu lu/ g+hu la pa ya g+hu la pa ya/ kra ma kra ma/ ba ga baM/ ba yo be gan/ g+hu taM shi gan/ da ta da ha/ da ra da ra/ ba ha ba ha/ pa tsa pa tsa/ ma ta ma ta/ ba Ta ya/ pa ta/ ma Ta ma Ta pa Ta ya/ sarba karmA ni/ tshin d+ha tshin d+ha/ b+hak+Sha ya/ b+hak+Sha ya/ me d+ha ma dza ru ru ti raM/ me lha ma tsa/ me lha ma tsa/ ru ti ra pri ya/ e ha he b+ha ga baM/ sarba big na ni/ sarba bib d+ha ni/ sarba man tra ni/ sarba kar ma ni/ sarba gra ham/ ha na ha na/ b+hanya dza b+hanya dza/ mar dza mar dza/ e d+haM me kadyaM/ sA d+ha ya/ hUM ni la ya/ ni la badzra dan Da ya/ tu ru tu ru/ b+hi gA naM b+hi na/ sha ka ya/ hu ru hu ru/ d+hi ba ta tsan d+ha/ sarba sha trun h+ri da ya/ bi da/ tshin d+ha b+hit+tya naM/ tshe ta ka /hUM bi tya naM/ she sha ka ra/ sma ra sa ma yaM badzra pa ra b+haM tsa naM/ kar ma ni ni krin ta ya hUM ta ra ta ra/ da ta da ta/ tu ru tu ru/ phaT hUM kri tan+ta ya/ de ba ri shi /bi kra pa ka ra ya/ badzra dan d+he na swAhA/ zhes bya ba'i don bshad par bya ste/ ci ltar yin na/ na ma

  444. 222b

    sa man+ta kA ya bak+tsit+ta badzra naM ni/ rdo rje'i rigs ston pa mi bskyod pa rdo rje 'dzin nyid la sogs pa rigs lnga'i bye brag gi /de bzhin gshegs pa sa man tar ming btags pa grangs med par smos so/ /bshad par bya ste/ de bzhin gshegs pa thams cad don dam par sku rdo rje dang/ gsung rdo rje dang/ thugs rdo rje dang/ de ltar gsum gnyis su med pa'i ngo bo yin no/ /de dang gnyis su med pa'i ngo bo khro bo'i rgyal po ni la dan Dar bstan to/ /de'i sngags rings bsgrub pa pos zlos pa'i dus su/ dang po ji ltar smos pa'i tshul gyi lus ngag yid gsum gyis phyag bya'o/ /des mdun du smos pa'i de bzhin gshegs pa thugs mnyes par 'gyur ro/ /de'i yon tan gyis mkha' 'gro dang mkha' 'gro ma la sogs pa/ bdud dang/ bgegs ma rungs pa'i dpung thams cad kyi cho 'phrul dang/ sgyu ma dang/ stobs dang/ gnod pa byed pa thams cad kyi sbyor ba 'joms par 'gyur bar smos so/ /de ltar nam sa man+ta ka ya bak+tsit+ta badzra na gi don du gsungs so/ / oM zhes bya ba ni gong du smos pa'i tshul du phyag byas pa'i 'og tu/ de bzhin gshegs pa thams cad kyi sku rdo rje'i ye shes dang gnyis su med pa'i ngo bo /sku'i rigs rnam par snang mdzad bskyed pa'i sa bon chos kyi dbyings kyi ye shes kyi ngo bo de brjod pa'i sgrub pa po chos kyi dbyings kyi ye shes kyis byin gyis brlabs par 'gyur ro/ /de'i dus su sems can thams cad kyis mthong ma thag tu bdag po la bzhin du/ phyag 'tshal ba dang/ mchod pa byed par 'gyur ro/ /de ltar oM gyi don du gsungs so/ /a ha hi b+ha ga baM ni la badzra dan Da ku ru/ zhes pa ni/ sgrub pa pos khro bo'i rgyal po ni la dan Da e ha hi zhes pa ni/ tshur spyon tshur spyon zhes spyan 'dren no/ /b+ha ga baM du ming btags pa bcom ldan 'das ni khro bo'i

  445. 223a

    rgyal po na la dan Das/ me long lta bu'i ye shes kyi cho 'phrul dang/ sgyu ma dang/ stobs kyi thabs kyi yon tan gyis mkha' 'gro dang/ mkha' 'gro ma la sogs pa bdud dang/ bgegs dpung ma rungs pa thams cad 'joms pa yin no/ /don des khro bo'i rgyal po ni la dan Da'i yon tan gyi sgo nas/ bstod pa'i mtshan bcom ldan 'das su gsungs so/ /ni la badzra dan Da'i don ni/ mdun du ji ltar smos pa bzhin du sbyar ro/ /ku ru zhes pa ni/ khro bo'i rgyal po ni la dan Da khyod kyis/ sgrub pa po bdag la mi dang/ mi ma yin pa dgra gnod par byed pa rnams bcom par mdzad pa'o/ /de ltar e ha hi b+ha ga baM ni la badzra dan Da ku ru'i de na du gsungs so/ /yang ku ru zhes pa ni/ mdun du smos pa'i mi dang mi ma yin pa'i dgra rnams kyi gnod pa med par mdzad ma thag tu dgra de rnams sgrub pa po'i bran bzhin du dbang du 'gyur bar bstan to/ /de ltar ku ru'i don du gsungs so/ /hu lu zhes pa ni/ ji ltar smyos pa'i mkha' 'gro dang mkha' 'gro ma la sogs pa bdud dang/ dgegs kyi tshogs ma rungs pa thams cad kyis sems can thams cad la hu lur ming btags pa/ sgyu ma'i sprul pa'i stobs kyis lus bde ba dang/ 'gro ba mi g.yo bar shing rdo bzhin du byed pa'o/ /de ltar hu lu'i don du gsungs so/ /yang hu lu zhes pa ni/ khro bo'i rgyal po ni la dan Das khro bo chen po'i zhe sdang gi sems bskyed nas hu lu'i ming btags pa me long lta bu'i ye shes kyi cho 'phrul sprul nas/ sgyu ma'i stobs kyis ci lngar smos pa'i mkha' 'gro dang/ mkha' 'gro ma la sogs pa'i bdud dang/ bgegs la sogs pa bdud dang/ bgegs ma rungs pa'i tshogs thams cad kyis sems can thams cad kyis lus la gnod pa byed pa'i

  446. 223b

    dus su 'ong ba dang/ 'gro ba'i tshul shing rdo bzhin du byed pa de 'joms par 'gyur ro/ /de ltar hu lu'i don du gsungs so/ /de nas ha ha gu la zhes bya ba ni/ 'dod chags dang zhe sdang la sogs pa nyon mongs pa thams cad kyis las byas pa ha ha zhes pa'o/ /gu lu zhes pa ni/ nyon mongs pa'i las de'i sa bon des dmyal ba thams cad du gnas pa'i 'bras bur gyur pa'o/ /de ltar ha ha gu lu ri don du gsungs so/ /yang gu lu'i zhes pa ni/ khro bo'i rgyal po ni la dan Das thugs rje chen po'i thugs bskyed nas/ me long lta bu'i ye shes kyi ngo bo cho 'phrul gyi 'bar ba'i 'od kyi ngo bo sprul te/ des 'jig rten gyi khams thams cad du khyab po/ /de ma thag tu sems can thams cad byin gyis brlab par mdzad de/ sems can thams cad kyi ha ha ming btags pa 'dod chags dang/ zhe sdang la sogs pa nyon mongs pa thams cad bcom par gyur pa yin no/ /de nas gu lung ming btags pa mdun du smos pa'i las kyi sa bon gyis 'bras bu dmyal ba thams cad du gnas pa de med par smos so/ /de ltar gu lu'i don du gsungs so/ /g+hu la pa ya zhes bya ba ni/ 'byung po ma rungs pa rnams kyis dus rtag par mtshan mo sems can thams cad la thabs kyi bye brag sna tshogs kyis 'gul ba yar ming btags pa gnod pa byed pa'o/ /yang gul ba yang zhes pa ni/ khro bo'i rgyal po ni la dan Das mdun du smos pa'i 'byung po rnams kyis dus rtag tu mtshan mo gnod pa byed pa de dag gzhom pa'i phyir/ me long lta bu'i ye shes kyi ngo bo'i 'bar ba chen po'i tshogs sku phyag rgya'i kun nas spro ba mdzad do/ /de spros pas ci ltar smos pa'i 'byung bo rnams gu la pa yar ming btags pa bsregs pa'i gnod pa mdzad pa yin no/ /de ltar gu la po ya'i don du gsungs so//

  447. 224a

    kram zhes pa ni/ thugs rje chen po'i zhe sdang gi ngo bo khro bo'i rgyal po ni la dan Dar smos so/ /yang kra ma zhes pa ni/ khro bo'i rgyal po ni la dan Da mdun du smos pa'i thugs rje chen po'i zhe sdang gi ngo bo'i zhe sdang des/ sku phyag rgya kun nas bskal pa'i me bzhin me long lta bu'i ye shes kyi me 'bar bar mdzad/ de'i tsha bas ji ltar smos pa'i sems can ma rungs thams cad sreg pa'o/ /de ltar kra me'i don du gsungs so/ /b+ha ga ban b+ha yo pe ge na d+hu traM sh+raM gran da ha zhes pa ni/ b+ha ga baM/ bcom ldan 'das kyi don sngar ci ltar bshad pa bzhin 'dir sbyar ro/ /b+ha yo be ge na zhes pa/ ci ltar bskal pa'i dus su rlung chen po de'i shugs dang stobs de bzhin du/ khro bo'i rgyal po ni la dan Da khyod kyis mdun du smos pa'i tshul gyi sku phyag rgya ye shes kyi me 'bar ba/ shi grar ming btags pa yud tsam ste/ de ma thag tu 'byung po thams cad kyi cho 'phrul gyi sprul pa dang/ sgyu ma dang stobs dang/ snang ba dang mi snang bar byed pa'i tshul gyis gnod pa byed pa'i thabs kyi ngo bo de bsregs par mdzad do/ /de ltar b+ha ga ban b+ha ye be ga na b+hu taM shi gran ha'i don du gsungs so/ /da ha zhes bya ba ni/ mdun du ji ltar smos pa'i 'byung po thams cad cho 'phrul gyi sprul pa dang/ sgyu ma dang stobs dang/ snang ba dang mi snang ba'i gnod pa byed pa'i thabs kyi ngo bo de bsreg par mdzad pa de bzhin du/ lus kyang bsreg par mdzad pa'o/ /de ltar da ha'i don du gsungs so/ /dar zhes pa ni/ 'byung po la sogs pa bgegs ma rungs pa gang yang rung ba yul kun tu 'gro ba dang/ 'od ba byed pa des dar ming btags pa bye brag sna tshogs kyis gnon pa byed pa'o d+ha ra'i don du gsungs so

  448. 224b

    yang dar zhes pa ni/ khro bo'i rgyal po ni la dan Das khyod kyis me long lta bu'i ye shes kyi cho 'phrul gyi bye brag sna tshogs spro ba'i thabs kyis mdun du smos pa'i 'byung po la sogs pa bgegs ma rungs pa thams cad dar ming btags bcom par 'gyur ro/ /de ltar da nga'i don du gsungs so/ /ba ha zhes bya ba ni/ rgyal po'i 'jigs pa dang/ dgra rnams kyi 'jigs pa la ming ba ha'i don du gsungs so/ /yang ba ha zhes pa ni/ mdun du smos pa'i rgyal po'i 'jigs pa dang/ dgra'i 'jigs pa de khro bo'i rgyal po ni la dan Das khyod kyis me long lta bu'i ye shes kyi byin gyi brlabs kyis b+ha har ming btags pa 'jigs pa de med par smos so/ /de ltar ba ha'i don du gsungs so/ /pa tsa zhes pa ni/ mkha' 'gro dang mkha' 'gro ma la sogs pa khro bo'i rgyal po ni la dan ras/ mdun du smos pa'i tshul gyi nyid kyi sku phyag rgya las me long lta bu'i ye shes kyi me 'bar ba'i tshogs kyis spro bar mdzad pa'i tsha bas/ klad pa dang/ tshil dang/ rkang zhu nas khro bo'i ngo bor gyur nas/ khu ba des mchod par 'gyur ro/ /de ltar pa tsa'i don du gsungs so/ /yang ba tsa zhes pa ni/ mkha' 'gro dang mkha' 'gro ma'i bdag po ji ltar bcos pa de bzhin du/ de dag gi 'khor thams cad gtso bor mdzad pa yin no/ / de ltar pa tsa'i don du gsungs so/ /ma ta zhes bya ba ni/ grul bum thams cad kyis sems can thams cad la ma Da ste/ smyo bar byed pa'i tshul gyis gnod pa byed pa'o/ /de ltar ma ta'i don du gsungs so/ /yang ma ta zhes bya ba ni/ mdun du smos pa'i grul bum thams cad kyis sems can thams cad la smyo ba'i tshul gyis/ gnod pa byed pa de la/ khro bo'i rgyal po ni la dan Da khyod kyis me long lta bu'i ye shes byin gyis brlabs kyis/ myos par mdzad pas/ ma tar ming

  449. 225a

    btags pa 'joms par mdzad pa'o/ /de ltar ma ta'i don du gsungs so/ /ma ta zhes bya ba ni/ gza' sgra gcan la sogs pa gza' thams cad kyis cho 'phrul dang/ sgyu ma dang/ mthus sems can thams cad la/ gnod pa byed de rang rang gi gnas nas/ pa ta yar ming btags pa skrod par byed pa'o/ de ltar pa ta'i don du gsungs so/ /yang pa ta ya zhes pa ni/ khro ba'i rgyal po ni la dan Da khyod kyis me long lta bu'i ye shes kyis ? go'i? me stag sprin phung sku phyag rgya'i kun nas spro bar mdzad pa yin te/ de nam mkha' i dbyings thams cad du khyab po/ /de ma thag tu me stag gi sprin phung nges mdun du smos pa'i gza' sgra gcan la sogs gza' thams cad la reg pa'i tshul gyis byin gyis brlabs par mdzad/ de ma thag tu rang rang gi gnas nas pa ta yar ming btags pa ltung ba 'am bskrad par mdzad pa yin no/ /de ltar pa ta ya'i don du gsungs so/ /ma ta ma ta pa ya zhes bya ba ni/ smin drug dang ? mal sogs pa/ skar ma ma rungs pa thams cad kyis sems can thams cad la ma tar ming btags pa nor med pa la sogs pa bye brag sna tshogs kyi gnod pa byed do/ /gnod pa de ltar byed pa de med par bya ba'i thabs khro bo'i rgyal po ni la dan ta khyod kyis me long lta bu'i ye shes kyi cho 'phrul bsgyings par spos nas/ byin gyis brlabs pas ci ltar smos pa'i tshul gyi skar ma ma rungs pa thams cad kyi cho 'phrul dang/ sgyu ma dang/ stobs dang/ mthu dang/ ? pa byed pa'i thabs ma ta yar ming btags pa med par mdzad pa'o/ /de ltar ma ta ma Da ba ya'i don du gsungs so/ /sarba kar ma ni tsin d+ha zhes pa ni/ mdun du smos pa'i mkha' 'gro ma la sogs pa'i bdud dang/ bgegs ma

  450. 225b

    rungs pa'i tshogs thams cad kyis khro bo'i rgyal po ni la dan Da'i bsgrub pa po la sogs pa/ sems can thams cad la cho 'phrul dang/ sgyu ma dang/ stobs kyi thabs kyis/ rims la sogs pa nad thams cad kyi gnod pa med do/ / gzhan yang myos par byed pa dang/ gnod par byed pa dang/ dbang du byed pa dang/ smro ? bar byed pa dang/ bskrad par byed pa dang/ gsod par byed pa dang/ de ltar bye brag sna tshogs kyi las kyis gnod pa byed pas dge ba dang/ srog gi bar du gcod par byed par smos so/ /de ltar sarba kar ma ni tsin da'i don du gsungs so/ /yang tsan d+ha zhes bye ba ni/ mdun du smos pa'i tshul gyis las thams cad bstan pa de med par byed pa'i gnyen po'i ngo bo'i rgyal po na la dan das zhe sdang chen po'i thugs bskyed nas/ me long lta bu'i ye shes kyi cho 'phrul gyi sgyu ma'i stobs kyi thabs kyis bye brag sna tshogs kyis mdun du smos pa'i mkha' 'gro dang/ mkha' 'gro ma la sogs pa bdud dang/ bgegs kyi tshogs ma rungs ba thams cad myos par mdzad pa dang/ gnon par mdzad pa dang/ dbang du mdzad pa dang/ skrag par mdzad pa dang/ cho 'phrul dang/ sgyu ma dang/ stobs dang/ thabs phrogs nas gsod par mdzad pa dang/ de la sogs pa las kyi bye brag sna tshogs kyis mdun du smos pa'i gnod pa'i las/ de tsin dar ming btags med pa 'am gcod par mdzad pa'o/ /de ltar sarba kar ma tsan d+ha'i don du gsungs so/ /bag sha ya zhes bya ba ni/ mkha' 'gro dang/ mkha' 'gro ma la sogs pa bdud dang/ bgegs kyi tshogs thams cad kyis/ khro bo'i rgyal po ni la dan da'i sgrub pa po la sogs pa/ sems can thams cad la bye brag sna tshogs kyis gsod par byed pa'i dus su mi snang ba'i tshul gyis sgyu

  451. 226a

    ma'i thabs kyi sbyor bas bag sha ya zhes pa za bar byed par smos so/ /de ltar sha ya'i don du smos so/ /yang ba sha ya zhes pa ni/ khro bo'i rgyal po ni la dan d+has/ khyod kyis ci ltar smos pa'i tshul gyis ? bar byed pa'i dgra ma rungs pa thams cad me long lta bu'i ye shes kyi cho 'phrul gyi bsgyings ? spros pa'i byin gyi brlabs kyis bcom pa'i thabs kyi tshul gyis gsod par mdzad pa'i dus su me long lta bu'i ye shes kyi gsang ba'i gzugs kyi tshul gyi thabs kyi sbyor bas gsol bar mdzod ces pa'o/ /de ltar bag sha ya'i don du gsungs so/ /me d+ha ma dza ru ta ri zhes bya ba ni/ mdun du smos pa'i mkha' 'gro dang/ mkha' 'gro ma la sogs pa bdud dang/ bgegs kyi tshogs ma rungs pa thams cad kyi tshil rkang dang/ klad pa dang khrag tu smos so/ /de ltar me da ma dza ru ta ri'i don du gsungs so/ /de nas me d+ha ma dza ru ta ri pri ya e ha hi b+ha ga baM zhes bya ba ni/ mkha' 'gro dang/ mkha' 'gro ma la sogs pa bdud dang/ bgegs kyi tshogs thams cad kyi tshil dang/ klad pa dang/ khrag smos pa de gsol bar pri yar ming btags pa/ dgyes par ming btags pa dgyes par mdzad pa khro bo'i rgyal po ni la dan da yin no/ / de sgrub pa pos e hya hi tshur sbyon tshur sbyon zhes bskul ba yin no/ /b+ha ga baM gyi don ni mdun du bshad pa bzhin du 'dir sbyar ro/ /de ltar me d+ha ma dza ru ti ra pri ya e hya hi b+ha ga baM gyi don du gsungs so/ /sarba big na ni zhes bya ba ni/ mdun du smos pa'i mkha' 'gro dang/ mkha' 'gro ma la sogs pa bdud dang/ bgegs kyi tshogs ma rungs pa'i tshogs thams cad kyis sems can thams cad la bye brag sna tshogs kyis gnod pa byed pa'i don gyis bgegs su smos so/ /

  452. 226b

    de ltar sarba big na'i don du gsungs so/ /sarba bi d+ha ni zhes bya ba ni/ mkha' 'gro dang/ mkha' 'gro ma la sogs pa bdud dang/ bgegs kyi tshogs thams cad kyis so so'i gnod pa'i bye brag sna tshogs byed pa'i thabs ni/ bid tar ming btags pa rig par smos/ de ltar sarba bid d+ha'i don du gsungs so/ /sarba man tri na zhes bya ba ni/ mdun du smos pa'i mkha' 'gro dang/ mkha' 'gro ma la sogs pa bdud dang/ bgegs kyi tshogs thams cad kyis sems can thams cad la rims la sogs pa'i nad thams cad kyis 'debs pa'i thabs kyi sngags dang/ gzhan yang myos par byed pa'i thabs kyi sngags dang/ gnod par byed pa'i thabs kyi sngags dang/ dbang du byed pa'i thabs kyi sngags dang/ skrod par byed pa'i thabs kyi sngags dang/ gsod par byed pa'i thabs kyi sngags smos so/ /de ltar sarba man tra'i don du gsungs so/ /sarba kar man zhes bya ba ni/ mkha' 'gro dang mkha' 'gro ma la sogs pa bdud dang/ bgegs thams cad kyis sems can thams cad la/ ci ltar smos pa'i tshul gyi cho 'phrul dang/ sgyu ma dang/ stobs kyi thabs kyis rims la sogs pa nad thams cad kyis 'debs pa'i gnod pa byed do/ /gzhan yang myos par byed pa dang/ gnon par byed pa dang/ dbang du byed pa dang/ gza'i gdon dang/ skrod par byed pa dang/ gsod par byed pa'o/ /de la sogs pa'i bye brag sna tshogs thams cad la sarba kar mar ming btags pa las thams cad du smos so/ de ltar sarba kar ma ni'i don du gsungs so/ /sarba gra ham zhes pa ni/ mkha' 'gro'i gdon dang/ mkha' 'gro ma'i gdon dang/ gza'i gdon dang/ skar ma'i gdon dang/ lha'i gdon dang/ dri za'i gdon dang/ mi 'am ci'i gdon dang/

  453. 227a

    grul bum gyi gdon dang/ 'byung po'i gdon dang/ klu'i gdon dang/ gnod sbyin gyi gdon dang/ lha ma yin gyi gdon dang/ ro langs kyi gdon dang/ de dag la sogs pa'i gdon gyi bye brag /sna tshogs kyi grangs med pas/ sems can thams cad la gnod pa byed par smos so/ /de ltar sarba gra haM gi don du gsungs so/ /ha na zhes bya ba ni/ mdun du smos pa'i gdon thams cad kyis sems can thams cad la gnod pa byed pa'i thabs gyi ngo bo ji ltar smos pa'i rig pa thams cad dang/ sngags thams cad dang/ las thams cad smos pa de dag thams cad khro bo'i rgyal po ni la dan d+ha khyod kyis rdo rje'i mtshon cha rnon po rnams kyis ha nar ming btags pa/ gtsed pa 'am med par mdzod pa smos so/ /de ltar ha ma'i don du gsungs so/ /yang ha na zhes bya ba ni/ mdun du smos pa'i gdon ma rungs pa thams cad kyis rig pa thams cad dang/ sngags thams cad dang/ las thams cad med par byas pa'i 'og tu/ de dag thams cad kyi gzugs kyi phung po ha nar ming btags pa bshig pa 'am/ med par mdzad pa'o/ /de ltar ha na'i don du gsungs so/ /b+han dza zhes bya ba ni/ gdon de dag thams cad gzugs kyi phung po med par bya ba'i dus su snang ba dang/ mi snang ba'i tshul gyi bye brag sna tshogs kyis sgyu ma'i sprul pa byed pa de/ khro bo'i rgyal po ni la dan d+ha khyod kyis me long lta bu'i ye shes kyi cho 'phrul gyi sprul pas byin gyis brlab par mdzad nas/ b+han dzar ming btags pa bcom pa'o/ /de ltar b+han dza'i don du gsungs so/ /yang b+han dzra zhes bya ba ni/ gdon thams cad kyi rang rang gi gnas b+han dza ming btags pa khro bo'i rgyal po ni la dan d+has ci ltar smos pa'i

  454. 227b

    tshul gyi me long lta bu'i ye shes kyi cho 'phrul sprul nas/ byin gyis brlabs pas med par mdzad pa smos so/ /de ltar b+han dza'i don du gsungs so/ /mar d+ha zhes bya ba ni sems can thams cad kyis 'dod chags dang/ zhe sdang la sogs pa nyon mongs pa thams cad kyi dbang gis sdig pa'i sa bon bstan pa de/ khro bo'i rgyal po ni la dan d+ha mar d+har ming btags pa med pa 'am/ rgyun gcod bar byed pa'o/ /de ltar mar d+ha'i don du gsungs so/ /yang mar d+ha zhes bya ba ni/ mdun du smos pa'i sems can thams cad kyi 'dod chags dang/ zhe sdang la sogs pa nyon mongs pa thams cad kyi sdig pa'i sa bon bstan pa de/ khro bo'i rgyal po ni la dan d+ha khyod kyis thugs rje chen po'i thugs bskyed nas me long lta bu'i ye shes kyis byin gyis brlabs pas mar d+ha ming btags pa med pa 'am gcod par mdzad pa'o/ /de ma thag tu ngan song gsum gyi gnas bcom par gyur pa'i smos so/ /de ltar mar d+ha'i don du gsungs so/ /e daM da me kyaryaM sa da ya zhes bya ba ni/ ji ltar smos pa'i tshul gyi gdon thams cad kyis/ bye brag sna tshogs kyis gnod pa byed de gzhom pa'i dngos grub kyi 'bras bu/ sgrub pa po bdag la grub par mdzad par bstan to/ /de ltar e d+haM me karyaM sa d+ha ya'i ya'i don du gsungs so/ /hUM ni? la ya ni la badzra dan b+ha ya tu ru zhes bya ba ni/ sgrub pa pos sems khros nas sngags kyi sa bon yig 'bru hI sgra chen por brjod par bya'o/ /de'i 'og tu ni la yar ming btags pa ni nyid kyi rigs kyi bdag po rdo rje mi bskyod pa'i sku mdog sngon por bstan pa de dang 'dra bar khro bo'i rgyal po'i sku mdog /ni la badzra dan da ya ni/ mdun du smos pa'i mkha' 'gro dang mkha' 'gro ma la sogs pa/ bdud dang bgegs kyi tshogs ma rungs pa thams cad 'joms par mdzad pa'i phyag

  455. 228a

    mtshan rdo rje'i dbyug pa kha dog sngon po 'dzin pa'o/ /don des rdo rje dbyug pa sngon po ni khyad par gyi mtshan du btags pa yin no/ /de'i mtshan brjod pas khro bo'i rgyal po nyid kyi thugs rje chen po'i ngo bo'i thugs bskul ba'i ? tu ru ni/ khro bo'i rgyal po ni la dan d+ha'i ci ltar smos pa'i thugs bskul bar gyur ma thag tu/ tu rur ming btags pa sgrub pa po me long lta bu'i ye shes kyis byin gyis rlob par mdzad pa yin no/ /de ltar hUM ni la ya ni la badzra d+ha na d+ha ya tu du'i don du gsungs so/ /yang tu ru zhes bya ba ni/ mdun du spos pa'i tshul gyi sgrub pa po me long lta bu'i ye shes kyi byin gyis brlab par mdzad pa'i 'og tu/ 'gro ba rigs drug gi 'khor rab tu rur ming btags pa skye ba mi len par gsungs so/ /de ltar tu ru'i don du gsungs so/ /b+hig na b+hig na sha ka ya hu ru zhes bya ba ni/ khro bo'i rgyal po ni la dan d+ha khyod kyis ci ltar smos pa'i tshul gyi bgegs rnams zhe sdang chen po'i thugs skyed nas/ bye brag sna tshogs kyis hu ru ming btags pa med par mdzod par smos so/ /de ltar b+hi ga na sha ka ya hu ru'i don du gsungs so/ /yang hu ru zhes bya ba ni/ mdun du smos pa'i bgegs thams cad med par mdzad ma thag tu/ 'jig rten gyi khams thams cad na gnas pa'i sems can thams cad la hu rur ming btags pa bgegs kyi 'jigs pa med par smos so/ /de ltar hu ru'i don du gsungs so /d+hib ta tsan d+ha sarba sha tru na h+ri d+ha ya ni pi da ya/ zhes bya ba ni/ khro bo'i rgyal po ni la dan da khyod kyi khro bo chen po'i zhe sdang gis nyid kyi sku phyag rgya me long lta bu'i ye shes kyi me 'bar ba'i 'od kyis 'bar bar mdzad pa yin no/ /don des d+hib ta tsan d+ha ni/ 'jig pa chen por mdzad pa'i gzugs yin no/ /sarba sha trun ni sgrub pa po la mi dang mi ma yin pa'i/ sarba sha trun tu ming

  456. 228b

    btags pa dgra ji snyed kyis gnod ba byed pa'o/ /h+ri d+ha ya ni pi d+ha ni/ mdun du smos pa'i sgrub pa'i dgra de dag thams cad 'jigs pa chen po mdzad pa'i sku phyag rgya des rdo rje'i kyo pas/ h+ri? d+ha ya ni pi ta ming btags pa snying gar gzer mdzod ces pa'o/ / de ltar tib d+ha tsan d+ha sarba sha tru h+ri d+ha ya ni pi d+ha ya'i don du gsungs so/ /tshin d+ha bid d+hya naM cha d+ha ga zhes bya ba ni/ khro bo'i rgyal po ni la dan d+has sgrub pa la sogs pa sems can thams cad kyis sangs rgyas dang byang chub sgrub pa'i rig pa de la/ bdud dang bgegs ma rungs pa thams cad kyis/ tshe d+ha gar ming btags pa gnod par byed pa'i rig pa de/ tshin d+ha ming btags me long lta bu'i ye shes kyis byin gyis brlabs nas/ med ba 'am gcag par mdzod ces pa'o/ /de ltar tshin d+ha b+hi d+ha na tsha b+ha ga'i don du gsungs so/ /hUM byi ta naM she shTa ka ra zhes bya ba ni/ sgrub pa pos sngags kyi sa bon yig 'bru hUM brjod par de'i byin gyis brlabs kyi mthus bla na med pa'i shes rab dang gnyis pa med pa'i/ ngo bo'i rig pa she sta ka ra ming btags pa khyad par du nges par 'grub par mdzad pa'o/ /de ltar hUM bi ta ni naM sheshTa ka ra'i don du gsungs so/ /sma ra sa ma yaM badzra d+ha ra b+ha tsa naM/ zhes bya ba ni/ khro bo'i rgyal po ni la dan d+ha khyod kyis/ badzra da ra? ste/ rdo rje 'dzin pa ni nyid kyi rigs kyi bdag po ston pa mi bskyod pa yin te/ de'i bka' sa ma yar ming btags pa sngags rings kyi don gyi tshul gyis/ mdun du smos pa'i mkha' 'gro dang/ mkha' 'gro ma la sogs pa bdud dang bgegs ma rungs pa'i tshogs thams cad bcom par mdzad pa'i thabs kyi ngo bo 'phrin las de sma ra ste/ ma g.yel bar rjes su dran nas 'bras bu grub par mdzad par smos so/ /de ltar sma ra sa ma yaM badzra d+ha ra b+haM rtsa naM gi don du gsungs so/ /

  457. 229a

    kar ma ni ni kri na ta ya/ zhes bya ba ni/ 'gro ba rigs drug gi 'khor bar bskal pa grangs med par 'khor lo bzhin du 'khor ba ste/ gnas der kar ma zhes pa las kyi dbang gis skye ba len pa'o/ /khro bo'i rgyal po ni la dan d+ha khyod kyis me long lta bu'i ye shes kyi byin gyis brlabs kyis/ ni krin ta yang ming btags pa srid pa'i 'khor lor skye ba dang/ gnas pa dang/ 'chi ba'i tshul gyis 'khor ba de med par mdzad ces pa'o/ /de ltar kar ma ni ni krin ta ya'i/ don du gsungs so/ /hUM ha ra zhes bya ba ni/ sgrub pa pos sngags sa bon yig 'bru hUM brjod pas de'i byin rlabs kyi thugs glo bur gyi nad thams cad kyi sdug bsngal ha rar ming btags pa 'phrog pa 'am/ med par mdzad pa smos so// de ltar hUM ha ra'i don du gsungs so/ /yang ha ra zhes pa ni nad thams cad kyi sdug bsngal ci ltar med par mdzad pa de bzhin du sdig pa la sogs pa ha ra ming btags pa 'phrog pa 'am/ med par mdzad par smos so/ /de ltar ha ra'i don du gsungs so/ da ha zhes bya ba ni khro bo'i rgyal po ni la dan d+ha khyod kyis nyid kyi sku phyag rgya'i kun nas/ me long lta bu'i ye shes kyi me 'bar ba'i 'od spros pas/ de'i tsha bas 'byung po'i rgyal po thams cad da ha ra ming btags pa srog thal bar mdzod ces pa'o/ / de ltar da ha'i don du gsungs so/ /yang da ha zhes pa ni/ 'byung po'i rgyal po thams cad sreg par mdzad pa de bzhin du/ de dag gi 'khor thams cad srog la thal bar mdzad pa'o/ /de ltar da ha'i don du gsungs so/ /tu ru zhes pa ni/ sa bdag thams cad kyis sems can thams cad gnas nas/ skrod pa la sogs pa bye brag sna tshogs kyis tu rur ming btags pa gnod par byed pa'o/ /de ltar tu ru'i don du gsungs so/ /yang tu ru pa ni/ khro po'i rgyal po ni la dan d+ha khyod kyis

  458. 229b

    mdun du/ smos pa'i sa bdag gnod pa byed pa'i 'jigs pa de tu ru ming btags med par mdzad pa'o/ /de ltar tu ru'i don du gsungs so/ /phaT hUM kri tan ta ya zhes bya ba ni/ sngags kyi sa bon pha dang Ta gnyis ye shes kyi ngo bor ci ltar mdun du/ bshad pa bzhin du 'dir bstan to/ /de ltar 'i ngo bo'i sngags kyi sa bon yig 'bru phaT brjod pas/ mdor bsdu pi mya dang/ mi ma yin pa bdud dang/ bgegs kyi tshogs ma rungs pa gnod pa byed pa thams cad kyi srog gi dbang po an ta kar ming btags pa med par mdzad pa yin no/ /don des kri tan ta yang ming btags pa khro bo'i rgyal po ni la dan d+ha nyid du bstan to/ /de nas sngags kyi sa bon yig 'bru hUM brjod pas/ de'i byin gyis brlabs kyi stobs kyis tshul ji ltar smos pa'i gnod pa byed pa thams cad kyi srog gi dbang po med par mdzad pa'i 'og tu/ de'i yang dang yang du skye ba'i rgyud chod pa 'am/ med par mdzad par smos so/ /de ltar phaT hUM kri tan ta ya'i don du gsungs so/ /de ba ri shi ba tra pa ka ra ya zhes bya ba ni/ mdun du smos pa'i sngags kyi sa bon yig 'bru phaT hUM gsum brjod pa'i byin gyis rlabs kyi stobs kyis/ de ba ri shi ming btags pa/ lha dang drang srong ste/ tshangs pa dang/ khyab 'jug dang/ dbang phyug chen po la sogs pa dang/ gzhan yang bram ze'i rigs kyi drang srong dang/ rgyal rigs kyi drang srong dang/ rje'u rigs kyi drang srong dang/ dmangs rigs kyi drang srong dang/ de ltar rigs bzhi'i bye brag gis drang srong grangs med pa tshe ring ba/ mthu dang byin rlabs dang ldan pa'o/ /de dag khros pa'i dus su 'jig rten gsum med par nus pa'o/ /tshul de lta bu de ba ri shi b+hi tra ba ka ra ya ming btags pa lha dang drang srong kun/ rang rang gi gnas nas skrod par mdzad pa'i don des b+hi dra ba ka ra ya ming btags pa/ khro bo'i rgyal po'i

  459. 230a

    la d+ha na d+hi nyid du smos so/ /de ltar de ba ri shi b+hi tra pa kar ya'i don du gsungs so/ /badzra dan d+he na zhes bya ba ni/ rdo rje ni me long lta bu'i ye shes yin no/ /de dang gnyis su med pa'i ngo bor ci ltar smos pa'i tshul gyi khro bo'i rgyal po ni la d+han da bston to/ /de lta bu'i ngo bo'i khro bo'i rgyal po ni la dan d+ha des sgrub pa po la sngags rings kyi 'bras bu grub par mdzad do/ /de ltar badzra d+han de'i don du gsungs so/ /swAhA zhes pa ni/ sgrub pa pos ci ltar smos pa'i tshul gyi khro bo'i rgyal po ni la dan da'i sngags rings mdun du smos pa'i don dang ldan pa'i ngo bo de bzlas pas khro bo'i rgyal po ni la d+han d+ha nyid kyi thugs mnyes par 'gyur ro/ /gzhan yang de'i rigs kyi bdag po ston pa mi bskyod pa rdo rje 'dzin nyid mnyes par 'gyur ro/ /de'i dus su sgrub pa po la ci ltar smos pa'i tshul gyi mkha' 'gro dang/ mkha' 'gro ma la sogs pa bdud dang/ bgegs kyi tshogs ma rungs pa thams cad kyi gnod pa byed pa de 'joms pa'i dngos grub kyi 'bras bu 'grub par 'gyur bar bstan to/ /de ltar swa ha'i don du gsungs so/ /da ni khro bo'i rgyal po ni la dan d+ha'i sngags kyi yon tan gyi ngo bo'i don bstan par bya ste/ 'di ni gsungs ma thag tu yang/ /bdug pa'i mchog las 'byung ba kun/ /rdo rje sems dpa' rjes su dran/ /zhes bya ba'i don bshad par bya ste/ ci ltar yin na/ 'di ni gsungs ma thag tu yang/ 'dug pa'i mchog las byung ba kun ni/ ston pa mi bskyod pa rdo rje 'dzin gyis ji ltar smos pa'i tshul gyi ting nge 'dzin mdzad pa'i 'og tu/ khro bo'i rgyal po ni la dan d+ha'i sngags rings gsungs so/ /de ma thag tu sngags rings me 'bar ba lta bu'i ye shes kyis me 'bar ba'i 'od kyis 'bar ba de'i tsha ba chen pos/ mdun du smos pa'i

  460. 230b

    mkha' 'gro dang/ mkha' 'gro ma la sogs pa bdud dang/ bgegs kyi tshogs ma rungs pa thams cad kyis sems can thams cad la dus rtag tu bye brag sna tshogs kyis gnod pa byed par brtson pa yin no/ /gzhan yang de dag rang rang gi las kyi dbang gis dus gsum du 'byung bas don des mchog las byung bar smos so/ /de ltar 'di ni gsungs ma thag tu yang/ gdug pa'i mchog las 'byung ba kun gyi don du gsungs so/ /'jigs shing rab tu skrag gyur nas/ zhes pa ni/ mkha' 'gro dang mkha' 'gro ma la sogs pa bdud dang/ bgegs kyi tshogs ma rungs pa thams cad smos pa de dag 'bar ba chen po'i 'od kyis tsha ba'i 'jigs pas sems skrag nas/ de ma thag tu lus 'dar bar gyur to/ /de ltar 'jigs shing rab tu skrag gyur nas kyi don du gsungs so/ /rdo rje sems pa rjes su dran zhes pa ni/ rdo rjer ming btags pa me long lta bu'i ye shes la sogs pa ye shes rnam pa lnga yin no/ /thams cad zhes pa ni/ nyid nyid kyi ye shes dang/ /gnyis su med pa'i ngo bo ston pa mi bskyod pa rdo rje 'dzin pa la sogs pa/ rigs lnga'i bye brag gi de bzhin gshegs pa brjod du yod pa dang/ brjod du med pa rdo rjer ming btags pa thams cad yin no/ /gzhan yang rdo rje thams cad kyi don ni/ /de bzhin gshegs pa thams cad dang gnyis su med pa'i ngo bor ston pa mi bskyod pa rdo rje 'dzin bstan to/ /de ltar rjes su dran nas/ skyobs shig skyobs shig /ces tshig brjod pa'i tshul du smos so/ /de ltar rjes su dran ma thag tu mdun du smos pa'i ye shes kyi me 'bar pa'i 'od kyis tsha ba'i 'od kyi sdug bsngal de med nas zhi ba dang bde bar gyur par smos so/ /mdor bsdu ba de ltar rdo rje thams cad rjes dran gyi don du gsungs so/ /da ni khro bo'i rgyal po ni la dan d+ha'i bsgom pa dang/ sbyor ba dang/

  461. 231a

    sngags kyi bsnyen pa'i bzlas pa bya bas/ sgrub pa pos dgra dang/ bgegs ma rungs pa thams cad gsad par bya'i cho ga'i don bstan par bya ste/ khro bo'i rgyal po grags chen 'di/ /brgyad brgya dag tu 'das pa dang/ /cho ga'i 'khor lo sbyar ba yis/ /gdug pa kun kyang gsod par 'gyur/ /zhes pa'i don bshad par bya ste/ ci ltar yin na/ khro bo'i rgyal po grags chen 'di/ /brgyad brgya dag tu bzlas pa dang/ /ni tsa na d+ha la sogs pa rigs ngan gang yang rung ba g.yul 'gyed pa'i gnas su mtshon phog nas shi ba'i ban d+ha dum bu brgyad pa mtshan bzang po dang mi ldan pa blang ngo/ /de nas sha chen dang/ dur khrod kyi mol ba dang/ gro ga mkhar gyi sa dang/ 'bras dmar po shun pa dang/ dgra bo'i rkang rjes kyi sa dang/ yang na lam gyi bzhi mdo'i sems can thams cad kyi rkang rjes kyi sa blang yang mi 'gal/ dug thams cad dang/ mi'i dus pa'i phye ma dang/ rdzas de rnams bsres nas btags la/ rdo rje'i chu dang dkrugs te/ rdzas des mdun du smos pa'i ban d+ha de'i nang du/ dgra bo ma rungs pa'i gzugs bya'o/ /gzhan yang cho ga'i sbyor ba bya ba bstan par bya ste/ dur khrod kyi gos dum bu 'am/ yang na bud med rnol bu shi ba'i gos kyi dum bu blangs te/ dug dang lan tsha dang/ skye tshe dang byi la'i ril ma dang/ de'i khrag dang/ mtshal cog la ba dang/ rdzas de rnams bsres nas btags la/ rdo rje'i chu dang dkrug par byed de/ rdzas de mdun du smos pa'i gos kyi dum bu de'i dkyil du dgra gang bsgrub par bya ba de'i ming khwa ta'i mjug sgro'i rtsa bas bri'o/ /de'i phyi rol du rdo rje rtse lnga'i 'phred ba bri'o/ /de'i phyi rol 'khor par khro bo'i rgyal po ni la dan Da'i sngags rings kyi mjug ming dang

  462. 231b

    she? pa la bya'o/ /gal te ming mi shes na a mo kaM ma ra ya zhes bri'o/ /de ltar sbyor ba byas pa'i 'og tu/ mdun du smos pa'i ban d+ha'i nang gi dgra'i gzugs brnyan gyi snying gar gzhug par bya'o/ /de ltar sbyor ba byas nas/ dur khrod kyi dbus gnas su dkyil 'khor zur gsum kun tu khru gang dang/ sor dgu bdud rtsi lngas bsku bar bya'o/ /de'i 'og tu sgrub pa pos de'i steng du zhe sdang chen po'i sems kyis brtson 'grus bskyed nas 'dug go /de'i 'og tu mdun du smos pa'i cho ga bzhis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa de bzhin du 'dir sbyar ro/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang/ gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo blang ngo/ /de ji ltar smos pa'i mtshan dang/ yon tan phun sum tshogs pa'i ngo bo dang ldan pa'o/ / shes rab de ye shes kyi lha mo mA mA kI dang gnyis su med pa'i ngo bor/ byin gyis brlab par bya'o/ /de'i 'og tu bsgrub pa pos/ zhe sdang chen po'i sems dga' bas/ gnyis su med par 'khyud pa'i sbyor bas thabs dang shes rab rol pa byas nas bde? bar gyur ba'i dus su rdo rje'i lam gyi sgo nas/ shes rab ma'i b+ha ga'i dbus su byang chub sems char gyi rgyun bzhin du 'od du zhu nas/ rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog sngon po? mo'i de lta bu'i ye shes kyi ngo bo gzi brjid chen pos 'bar zhing 'od du zhu nas/ ye shes kyi khu ba lta bu/ byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po ni la d+han d+ha'i sku phyag rgya bskyed

  463. 232a

    par bya'o/ /de khro mo'i rgyal mo rdo rje mkha' 'gro'i dbang phyug ma dang/ gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa/ gzhan gyi mdun du smos pa de bzhin du 'dir bya'o/ /de lta bu'i ngo bo khro bo'i rgyal po ni la dan da'i sku phyag rgya bskyed ma thag tu/ skyed par mdzad mkhan rdo rje mi bskyod pa'i sku phyag rgya khro bo'i rgyal po ni la dan d+ha'i spyi bor dbang bskur ba'i tshul du bsam mo/ /tshul de ltar khro po'i rgyal po ni la dan da'i sku phyag rgya bskyed pa'i 'og tu bsgrub pa pos de dang gnyis su med pa'i nga rgyal du bsgom par bya'o/ /de'i dus su mdun du smos pa'i sbyor ba dang ldan pa'i ban d+ha de/ sgrub pa po nyid kyi rkang pa g.yon pa bskum pa'i 'og tu bzhag go /rkang pa g.yas pa ni brkyang bar bya'o/ /de ltar sbyor ba'i sgom pas khro bo'i rgyal po ni la dan d+ha'i sngags rings zhe sdang chen po'i sems kyis brtson 'grus bskyed par 'bum phrag gsum gyi grangs kyi tshad? du bsnyen pa dgra po gang sgrub par bya ba de'i ming brjod pa dang/ spel ba'i tshul gyi sngags kyi tha mar ma ra ya zhes bzlas par bya'o/ /gal te ming mi shes na a mo kaM du ming btags pa che ge mo ma ra ya zhes bzla bar bya'o/ /de ltar bsnyen pa'i grangs 'bum phrag gsum gyi tshad du bya ba rdzogs pa'i 'og tu sgrub pa pos/ khro bo chen po'i zhe sdang gi sems bskyed nas/ ban d+ha'i nang gi dgra'i gzugs brnyan de lcags kyi rdo rje rtse lnga gdegs pas dum bu dum bur bya'o/ /de'i dus su sngags rings brgyad brgya'i grangs kyi tshad sngags kyi bdag po khro bo'i rgyal po ni la dan d+ha nyid kyis mkha' 'gro dang/ mkha' 'gro ma la sogs pa bdud dang/ bgegs ma rungs pa'i tshogs thams cad 'joms

  464. 232b

    par mdzad mkhan te/ don des 'jig rten gyi khams thams cad na gnas pa'i bstod pas grags chen no/ /de ltar bzlas pa bya bar smos so/ /bstan par bya ste/ mdun du smos pa'i dgra ma rungs pa bsad bar bya ba'i sgrub pa byas pa'i 'bras bu grub pa'i dus su mtshan ma gnyis 'byung bar 'gyur te/ ban d+ha de 'bar ba dang/ de'i 'og tu 'phar bar 'gyur ro/ /de ltar khro bo'i rgyal po grags chen 'di/ brgyad brgya dag tu bzlas pa'i don du gsungs so/ / cho ga'i 'khor lo sbyar ba yis/ gdug pa kun kyang bsad par gyur zhes pa ni/ bsad par ni khro bo'i rgyal po ni la dan d+has dgra ma rungs pa thams cad gsod par mdzad pa yin no/ /cho ga'i 'khor lo sbyar ba yin no/ /gong du smos pa'i ban d+har rdzas phun sum tshogs pa las dgra'i gzugs byas pa la sogs pa ci ltar smos pa'i tshul gyi bsgom pa dang/ bzlas pa'i bsnyen pa bya ba de cho ga'i 'khor lo sbyar ba'i don du bstan to/ /cho ga'i 'khor lo'i sbyor ba des dgra ma rungs pa thams cad gsad pa'i dngos grub kyi 'bras bu 'grub par 'gyur ba bstan to/ /de ltar cho ga'i 'khor lo sbyar ba yis/ gdug pa kun kyang gsod par 'gyur gyi don du gsungs so/ /khro bo'i rgyal po ni la dan d+ha'i sngags rings gsungs pa'i 'og tu/ rdo rje stobs po cher ming btags pa khro ba'i rgyal po maha ba la'i sngags rings gsungs pa'i cho ga'i don bstan par bya ste/ de nas bcom ldan 'das de bzhin gshegs pa mi bskyod pas/ kun tu sprin gyi dpal zhes bya ba'i ting nge 'dzin la snyoms par bzhugs nas/ zhes bya ba ni/ de nas ni mdun du smos pa'i khro bo'i rgyal po ni la dan da'i sngags rings gsungs pa'i 'og tu/ khro bo'i rgyal po ma ha ba la'i sngags rings

  465. 233a

    gsung bar mdzad pa'i cho ga'i don mtshon pa'o/ /bcom ldan 'das zhes pa ni/ mdun du smos pa'i tshul gyi ston pa mi bskyod pa rdo rje 'dzin nyid kyi yon tan gyi bstod pa'i mtshan/ bcom ldan 'das yin pa sdud pa pos smos pa'o/ /de'i don mdun du bshad pa bzhin du 'dir bstan to/ /de bzhin gshegs pa mi bskyod pa zhes pa ni/ ston pa mi bskyod rdo rje 'dzin gyis nyid kyi rigs me long lta bu'i ye shes kyi 'od gzer gyi sprin grangs med pa sku phyag rgya'i kun nas ting nge 'dzin la snyoms par ma bzhugs pa'i mdun du spro bar mdzad do/ /de ma thag tu de'i gzi brjid kyi 'od kyis 'jig rten gyi khams thams cad du snang bar 'gyur ro/ /de ltar de bzhin gshegs pa mi bskyod pa'i don du gsungs so/ /kun tu sprin zhes bya ba ni/ ston pa mi bskyod pa rdo rje 'dzin gyis/ sems can thams cad la klu ma rungs pa rnams kyis than pa'i tshul gyi gnod pa byed de/ de nas bsrung ba'i phyir ting nge 'dzin la snyoms par ma zhugs pa'i 'og tu/ 'joms par mdzad pa'i thabs kun tu sprin tu ming btags pa thugs kyi rigs me long lta bu'i ye shes kyi ngo bo gzi brjid kyi 'bar ba'i 'od/ 'od gzer gyi dra ba grangs med pa 'phro pa dang ldan pa/ sku phyag rgya'i kun nas spro bar mdzad/ de dang gnyis su med pa'i bsdus par gsungs so/ /de ltar kun tu sprin gyi don du gsungs so/ /dpal zhes bya ba'i ting nge 'dzin la snyoms par zhugs nas zhes pa ni/ ston pa mi bskyod pa rdo rje 'dzin gyi 'khor thams cad kyi nang du zhe sdang chen po'i thugs dgyes pas ci ltar smos pa'i tshul gyis nyid kyi shes rab ma ye shes kyi lha mo mA ma kI dang gnyis su med par 'khyung nas/ gsang ba'i dbang po gnyis

  466. 233b

    mnyam par sbyar bar mdzad do/ /de ma thag tu gsang ba'i thugs ka ye shes sems pa'i gnas su/ me long lta bu'i ye shes kyi ngo bo sngags kyi sa bon yig 'bru hUM kha dog sngon por gyur par mdzad do/ /sa bon de me long lta bu'i ye shes kyi ngo bo sngar smos pa lta bu'i gzi brjid kyi 'bar ba'i 'od/ 'od gzer gyi dra ba 'phro ba dang ldan pa kha dog sngon po grangs med par/ ba spu'i bu ga'i lam gyi sgo nas/ spro bar mdzad do/ /des phyogs bcu'i 'jig rten gyi khams thams cad du khyab ste/ de ma thag tu sems can thams cad byin gyis brlab par mdzad do/ /des byin gyis brlabs pas klu ma rungs pa rnams kyis than pa la sogs pa bye brag sna tshogs kyi gnod pa byed pa'i 'jigs pa de bcom par 'gyur ro/ /de ltar 'jigs pa med par mdzad pa'i 'og tu/ gzi brjid kyi 'bar ba'i 'od ci ltar smos pa'i spros pa'i lam du spros pa'i gnas kyi sngags kyi sa bon yig 'bru hUM la gnyis su med pa'i slar bsdu bar mdzad do/ /de ma thag tu sngags kyi sa bon yig 'bru hUM de nyi ma'i dkyil 'khor gyi ngo bor 'gyur ro/ /nyi ma'i dkyil 'khor de sngags kyi sa bon yig 'bru hUM du gyur par mdzad do/ /de me long lta bu'i ye shes kyi ngo bo kha dog sngon po gzi brjid chen po'i 'bar ba'i 'od kyis 'bar ba'o/ /sa bon de las khro bo chen po zhe sdang gi ngo bo ma ha ba la'i sku phyag rgya mdun du smos pa'i sku mdog dang/ zhal dang/ phyag dang/ phyag mtshan dang/ rgyan rnams lta bu dang ldan pa grangs med pa sprin bzhin du/ ba spu'i lam gyi sgo nas spro bar mdzad do/ /des phyogs bcu'i 'jig rten gyi khams thams cad du khyab po/ /de ma thag tu mdun du smos pa'i klu ma rungs pa thams cad kyi sems can thams cad la/ than pa la sogs pa'i bye brag sna tshogs kyis gnod pa byed pa rnams la reg pa'i

  467. 234a

    tshul gyis byin gyis brlab par mdzad do/ /de byin gyis brlabs pas ci ltar smos pa'i tshul gyi klu ma rungs pa thams cad bcom pa'i dngos grub kyi 'bras bur gyur to/ /de ltar mdzad nas khro bo'i rgyal po ma ha ba la'i sku phyag rgya'i sprin grangs med pa de spros pa'i lam nas slar gsang ba'i thugs ka ye shes sems pa'i gnas su gnyis su med par bsdu bar mdzad do/ /tshul de ltar gzi brjid kyi 'bar ba'i 'od/ 'od gzer gyi dra ba 'phro ba dang ldan pa grangs med pa dang/ khro bo'i rgyal po ma ha ba la'i sku phyag rgya'i sprin grangs med pa spro ba dang/ byin gyis brlab pa dang/ gnyis su med pa'i ngo bor bsdu bar mdzad pa'o/ /dpal ni mdun du smos ting 'dzin mdzad pas/ sems can thams cad la bde ba'i longs spyod kyi 'bras bur gyur pa'o/ /don des dpal gyi ting nge 'dzin yin no/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su thugs rtse gcig tu gyur nas gnas pa'o don des snyoms par zhugs par smos so/ /mdor bsdu ba de ltar dpal zhes bya ba'i ting nge 'dzin la snyoms par zhugs nas kyi don du gsungs so/ /ting nge 'dzin mdzad pa'i 'og tu/ da ni sngags dang khro bo'i rgyal po'i don gyi ngo bo cho ga'i don bstan par bya ste/ rdo rje stobs po che 'di nyid kyi sku dang/ gsung dang thugs rdo rje las phyung ngo/ /zhes bya ba ni rdo rje stobs po che ni/ rnam par snang mdzad la sogs pa rigs lnga'i bye brag gi de bzhin gshegs pa grangs med pa thams cad smos pa de dag gnyis su med pa'i thugs ni me long lta bu'i ye shes yin no/ /de dang gnyis su med pa rdo rje mi bskyod pa bstan to/ /de dang gnyis su med pa'i ye shes kyi ngo bo klu ma rungs pa la sogs pa bdud dang bgegs kyi tshogs thams cad 'joms par mdzad

  468. 234b

    pa khro bo'i rgyal po ma ha ba la yin no/ /'di nyid kyi sku dang/ gsung dang thugs zhes pa ni/ ston pa mi bskyod pa rdo rje 'dzin nyid kyi sku phyag rgya sku dang/ gsung dang thugs rdo rje gsum gcig pa'i ngo bor smos so/ /de ltar sku gsung thugs rdo rje gsum gnyis su med pa'i ngo bo khro bo'i rgyal po ma ha ba la yin no/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ mdun du ci ltar sku gsung thugs rdo rje gsum gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /phyung ngo zhes pa ni ston pa mi bskyod pa rdo rje 'dzin gyis khro bo'i rgyal po ma ha ba la'i sngags rings ci ltar smos pa'i tshul gyi sku gsung thugs rdo rje gsum gnyis med pa'i ngo bo chung ba yin no/ /da ni khro bo'i rgyal po ma ha ba la'i sngags rings kyi ngo bo bstan par bya ste/ na ma sa man ta ka ya bak+tsit+ta badzra naM/ oM hUM hUM hUM/ phaT phaT phaT/ oM u kra shu la pa ne/ hUM hUM hUM/ phaT phaT phaT/ oM dzyo ti ni ra na d+ha/ hUM hUM hUM/ phaT phaT phaT/ oM maha ba la swAhA/ zhes bya ba'i don bshad par bya ste/ ci ltar yin na/ /na ma sa man ta? ya ba ka tsi ta badzra naM ni/ rdo rje'i rigs kyi ston pa mi bskyod pa rdo rje 'dzin nyid la sogs pa rigs lnga'i bye brag gi de bzhin gshegs pa sa man tar ming btags pa grangs med pa'o/ /bshad par bya ste/ de bzhin gshegs pa thams cad don dam par sku rdo rje dang/ gsung rdo rje dang/ thugs rdo rje gsum gnyis su med pa'i ngo bo yin no/ /de dang gnyis su med pa'i ngo bor khro bo'i rgyal po ma ha ba la bstan to/ /de'i sngags rings sgrub pa pos bzla ba'i dus su dang po ji ltar smos pa'i tshul gyi lus dang/ ngag dang yid gsum gyis phyag bya'o/ /de byas pas mdun du smos pa'i de bzhin gshegs pa

  469. 235a

    de dag thams cad kyi thugs mnyes par 'gyur ro/ /de'i yon tan gyis klu ma rungs pa la sogs pa bdud dang/ bgegs thams cad kyi cho 'phrul dang/ sgyu ma dang/ stobs dang/ gnod pa byed pa'i thabs kyi sbyor ba 'joms par 'gyur ro/ /de ltar na ma sa man ta ka ya ba ga tsi ta badzra naM gyi don du gsungs so/ /oM zhes bya ba ni/ mdun du smos pa'i tshul gyi phyag byas pa'i 'og tu/ de bzhin gshegs pa thams cad kyi sku rdo rje'i ye shes dang gnyis su med pa'i ngo bo/ /sku'i rigs rnam par snang mdzad bskyed pa'i sa bon yig 'bru/ chos kyi dbyings kyi ye shes kyi ngo bo brjod pas/ sgrub pa po la chos kyi dbyings kyi ye shes kyis byin gyis rlob par 'gyur ro/ /de'i dus su mdun du smos pa'i tshul gyis sems can thams cad kyis mthong ma thag tu/ bdag po la bzhin du phyag 'tshal ba dang mchod pa byed par smos so/ /de ltar oM gyi don du gsungs so/ /de nas hUM zhes bya ba ni/ sgrub pa pos sngags kyi sa bon yig 'bru hUM khro bo chen po'i sems kyis sgra chen por brjod pas/ klu ma rungs pa la sogs pa bdud dang/ bgegs kyi dpung gis rims la sogs pa/ nad thams cad kyi gnod pa byed pa'i 'jigs pa med par byed par gsungs so/ /de ltar hUM gi don du gsungs so/ /de nas hUM zhes bya ba ni/ sgrub pa pos mdun du smos pa'i sngags kyi sa bon yig 'bru hUM sems khros nas/ sgra chen pos brjod pas sa 'og gi 'jig rten na/ gnas pa'i klu ma rungs pa la sogs pa bdud dang bgegs kyi dpung thams cad kyi sems 'jigs nas skrag par 'gyur ro/ /de ltar hUM gi don du gsungs so/ /de nas hUM zhes bya ba ni/ bsgrub pa pos mdun du smos pa'i tshul du sngags kyi sa bon yig

  470. 235b

    'bru hUM sems khros nas/ sgra chen por brjod pas sa bla'i 'jig rten dang/ nam mkha' la gnas pa'i klu ma rungs pa la sogs pa bdud dang/ bgegs kyi dpung rnams kyi sems 'jigs nas/ skrag par 'gyur bar smos so/ /de ltar hUM gi? don du gsungs so/ /phaT ces bya ba ni/ sngags kyi sa bon yig 'bru phaT gnyis ye shes kyi ngo bor sngar ji ltar bshad pa bzhin du smos so/ /de lta bu'i sngags kyi sa bon yig 'bru phaT khros te/ sgra chen pos brjod pas/ sa 'og gi 'jig rten gyi khams na gnas pa'i klu ma rungs pa la sogs pa bdud dang bgegs kyi dpung thams cad myos par byed par ston to/ /de ltar phaT kyi don du gsungs so/ /de nas phaT ces bya ba ni/ sgrub pa pos mdun du smos pa'i tshul gyi sngags kyi sa bon yig 'bru phaT khros te sgra chen po brjod pas sa bla'i 'jig rten dang/ nam mkha' gnas pa'i bdud dang bgegs kyi dpung thams cad myos par 'gyur ro/ /de ltar phaT kyi don du gsungs so/ /de nas phaT ces bya ba ni/ sgrub pa pos mdun du smos pa'i tshul gyi sngags kyi sa bon yig 'bru phaT khros nas sgra chen pos brjod pas klu ma rungs pa la sogs pa bdud dang bgegs kyi dpung thams cad kyis dge ba la gnod pa byed pa'i phyir 'ong ba dang/ 'gro ba'i lam gcod par 'gyur ro/ de ltar phaT kyi don du gsungs so/ /oM u kra shu la pa ne zhes bya ba ni/ sgrub pa pos sngags kyi sa bon yig 'bru oM brjod nas/ u kra shu la ming btags pa ye shes kyi mtshon rnon po rtse gsum mo/ /pa na zhes pa ni khro bo'i rgyal po ma ha ba la'i phyag g.yas dang po mdun du smos pa'i tshul gyi klu ma rungs pa la sogs pa bdud dang/ bgegs kyi dpung thams cad gzhom pa'i phyir mtshon rtse gsum pa 'dzin pa yin no/ /don des u tra shu la pa ne ni khro bo'i rgyal po ma ha ba

  471. 236a

    la'i khyad par gyi mtshan yin no/ /de brjod pas khro bo'i rgyal po ma ha ba la nyid kyi thugs rje chen po'i ngo bo'i thugs bskul ba yin no/ /de ma thag tu sgrub pa pos me long lta bu'i ye shes kyi byin gyis rlob par 'gyur ro/ de ltar oM u tra shu la pa na'i don du gsungs so/ /hUM zhes bya ba ni sgrub pa pos mdun du smos pa'i tshul du sngags kyi sa bon yig 'bru hUM sems khros nas sgra chen por brjod pas/ sa 'og gi 'jig rten na gnas pa'i klu ma rungs pa la sogs pa bdud dang/ bgegs kyi tshogs thams cad gnon par 'gyur ro/ /de ltar hUM gi don du gsungs so/ /de nas hUM zhes bya ba ni/ mdun du smos pa'i tshul du sngags kyi sa bon yig 'bru hUM sems khros nas/ sgra chen por brjod nas sa bla'i 'jig rten na gnas pa'i klu ma rungs pa la sogs pa bdud dang/ bgegs kyi dpung thams cad gnon par 'gyur ro/ /de ltar hUM gi don du gsungs so/ /de nas hUM zhes bya ba ni/ bsgrub pa pos mdun du smos pa'i tshul du sngags kyi sa bon yig 'bru hUM sems khros nas/ sgra chen por brjod pas/ 'jig rten gyi khams thams cad na gnas pa'i/ klu ma rungs pa la sogs pa bdud dang/ bgegs kyi tshogs ma rungs pa thams cad kyi dbang po rnams kyi stobs med par byed par smos so/ /de ltar hUM gi don du gsungs so/ /phaT ces bya ba ni/ sgrub pa pos mdun du smos pa'i tshul du sems khros nas sngags kyi sa bon yig 'bru phaT/ /sgra chen por brjod pas sa 'og gi 'jig rten na gnas pa'i klu ma rungs pa la sogs pa bdud dang/ bgegs kyi tshogs thams cad kyi cho 'phrul dang/ sgyu ma dang/ stobs dang/ gnod pa byed pa'i thabs de dag med par byed do/ /de ltar phaT kyi don du gsungs so/ /de nas phaT ces bya ba ni/

  472. 236b

    sgrub pa pos mdun du smos pa'i tshul du sems khros nas sngags kyi sa bon yig 'bru phaT sgra chen por brjod pas sa sla'i 'jig rten gyi khams thams cad na gnas pa'i klu ma rungs pa la sogs pa bdud dang/ bgegs kyi tshogs thams cad kyis cho 'phrul dang/ sgyu ma dang/ stobs dang/ gnod pa byed pa'i thabs de dag med par byed do/ /de ltar phaT kyis don du gsungs so/ /de nas phaT ces bya ba ni/ bsgrub pa pos mdun du smos pa'i tshul du sems khros nas/ sngags kyi sa bon yig 'bru phaT sgra chen por brjod pas/ 'jig rten gyi khams thams cad na gnas pa'i klu ma rungs pa la sogs pa bdud dang/ bgegs kyi tshogs thams cad kyis/ gnod pa byed pa'i dus su snang ba dang mi snang ba dang gzhan yang lus bye brag sna tshogs su sprul pa de med par 'gyur ro/ /de ltar phaT kyi don du gsungs so/ /oM dzyo ta nir na da zhes bya ba ni/ sgrub pa pos sngags kyis sa bon yig 'bru oM brjod pas dzyo tir ming btags pa/ khro bo'i rgyal po ma ha ba ? nyid kyi sku phyag rgya'i kun nas/ /me long lta bu'i ye shes kyi ngo bo gzi brjid kyi 'bar ba'i 'od kyi snang ba spro bar mdzad pa'o/ /ning nad ming btags pa ni/ ci ltar smos pa'i tshul gyi khro bo'i rgyal po ma ha ba las sngags kyi sa bon yig 'bru yig brjod pa'i dus su/ sku phyag rgya las gzi brjid kyi 'bar ba'i 'od kyi snang ba spro bar mdzad de/ don des khro bo'i rgyal po ma ha ba la nyid kyi mtshan gyi khyad par smos so/ /de brjod pas khro bo'i rgyal po ma ha ba la'i nyid kyi thugs rje chen po'i ngo bo'i thugs bskul bar 'gyur pa yin no/ /de ma thag tu sgrub pa pos me long lta bu'i ye shes kyis byin gyis rlob bo/ /de'i dus su nyon mongs pa thams cad kyi dbang gis sdig pa bsags pa bsreg par 'gyur ro/ /de ltar dzyo tir na de'i don du gsungs so/ /hUM zhes bya

  473. 237a

    ba ni/ sgrub pa pos mdun du smos pa'i tshul du/ sems khros te sngags kyi sa bon yig 'bru hUM sgra chen por brjod pas/ sa 'og gi 'jig rten na gnas pa'i klu thams cad kyi rgyal po ba ru na smos pa de'i sems 'jigs pas skrag par 'gyur ro/ /de ltar hUM gi don du gsungs so/ /de nas hUM zhes bya ba ni/ sgrub pa pos mdun du smos pa'i tshul du sems khros nas/ sngags kyi sa bon yig 'bru hUM sgra chen pos ba ru na'i dbang po thams cad kyi stobs med par byed do/ /de ltar hUM gi don du gsungs so/ /de nas hUM zhes bya ba ni/ sgrub pa pos mdun du smos pa'i tshul du/ sngags kyi sa bon yig 'bru hUM sems khros te/ sgra chen por brjod pas ba ru na'i cho 'phrul dang/ sgyu ma dang/ stobs dang/ gnod pa byed pa'i thabs kyi sbyor ba 'joms par 'gyur ro/ /de ltar hUM gi don du gsungs so/ /de nas phaT ces bya ba ni/ sgrub pa pos mdun du smos pa'i tshul du sems khros te/ sngags kyi sa bon yig 'bru phaT/ sgra chen por brjod pas ba ru na myos par 'gyur ro/ /de ltar phaT kyi don du gsungs so/ /de nas phaT ces bya ba ni/ sgrub pa pos mdun du smos pa'i tshul du sems khros te/ sngags kyi sa bon yig 'bru phaT sgra chen por brjod pas ba ru na gnon par 'gyur ro/ /de ltar phaT kyi don du gsungs so/ /de nas phaT ces bya ba ni/ sgrub pa pos mdun du smos pa'i tshul sems khros nas/ sngags kyi sa bon yig 'bru phaT ces sgra chen por brjod pas ba ru na 'khor dang bcas pa dbang du bsdu ba dang/ bskrad pa la sogs pa'i thabs kyi bye brag sna tshogs de 'joms pa 'am/ med par byed do/ /de ltar phaT kyi don du gsungs so/ /oM ma ha ba la ya swA hA/ zhes pa ni/ sgrub pa pos ci ltar smos pa'i tshul gyi

  474. 237b

    mdun du smos pa'i khro bo'i rgyal po ma ha ba la'i sngags rings don dang ldan pa'i ngo bo de sngags kyi sa bon yig 'bru oM dang bcas pa'i bzlas pa byas pas/ khro bo'i rgyal po ma ha ba la nyid kyi thugs mnyes par 'gyur ro/ /gzhan yang rigs kyi bdag po ston pa rdo rje 'dzin mnyes par 'gyur ro/ /de'i dus su sgrub pa pos ci ltar smos pa'i tshul gyi klu ma rungs pa la sogs pa bdud dang/ bgegs kyi tshogs gnod pa byed pa de dag gzhom pa'i dngos grub kyi 'bras bur 'gyur bar gsungs so/ / de ltar oM ma ha ba la ya swA hA'i don du gsungs so/ /nga ni khro bo'i rgyal po ma ha ba la'i sngags rings kyi yon tan gyi ngo bo'i don bstan par bya ste/ 'di ni gsungs ma thag tu yang/ /stobs po che'i klu rnams kun/ /'jigs shing rab tu skrag par gyur nas/ rdo rje sems dpa' rjes su dran/ /zhes bya ba'i don bshad par bya ste/ ji ltar yin na/ 'di ni gsungs ma thag tu yang stobs po che'i klu rnams kun ni/ ston pa mi bskyod pa rdo rje 'dzin gyis ji ltar smos pa'i tshul gyi ting nge 'dzin mdzad pa'i 'og tu khro bo'i rgyal po ma ha ba la'i sngags rings gsungs so/ /de ma thag tu sngags rings me long lta bu'i ye shes kyi me 'bar ba'i 'od kyis 'bar ro/ /de'i tsha ba chen pos mdun du smos pa'i klu ma rungs pa thams cad kyi sems can thams cad la than pa la sogs pa bye brag sna tshogs kyis gnod pa byed pa/ stobs po cher ming btags pa shin tu cho 'phrul byed nus pa dang/ gzhan yang zhe sdang chen po'i sems dang/ lus dug gis gang pa ma rungs pa mthu dang ldan pas / don des klu kun stobs chen smos so/ /de ltar 'di ni gsungs ma thag tu yang/ stobs po che'i klu rnams kun gyi don du gsungs so/ /'jigs shing rab tu skrag gyur nas zhes pa ni/ mdun du smos pa'i klu rnams dang/ bdud dang bgegs kyi dpung

  475. 238a

    smos pa de dag 'od kyi tsha ba chen pos 'jigs nas sems skrag ste/ de ma thag tu 'dar bar gyur te/ de ltar 'jigs shing rab tu skrag gyur nas/ /rdo rje sems dpa' i rjes su dran zhes pa ni/ ston pa mi bskyod pa rdo rje 'dzin de/ de rjes su dran nas skyobs shig skyobs shig ces tshig brjod pa'i tshul gyi rjes su dran no/ /tshul de ltar rjes su dran ma thag tu/ mdun du smos pa'i ye shes kyi me 'bar ba'i 'od kyi tsha ba'i sdug bsngal med nas zhi ba dang bde bar gyur par smos so/ /mdor bsdu ba de ltar rdo rje sems pa rjes su dran gyi don du gsungs so/ /de ni khro bo'i rgyal po ma ha ba la'i bsgom pa dang/ sbyor ba dang/ sngags kyi bsnyen pa byas nas/ klu thams cad kyis than par byed pa'i dus su/ sgrub pa pos char dbab par bya ba'i cho ga'i don bstan par bya ste/ bzlas pa tsam gyi sbyor ba yis/ /las rnams thams cad rab tu sgrub/ /than pa byung ba'i dus na yang/ /dkyil 'khor kun tu char pa 'bebs/ /zhes bya ba'i don bshad par bya ste/ ci ltar yin na/ bzlas pa tsam gyi sbyor ba yis/ /las rnams thams cad rab tu bsgrub pa ni/ mdun du smos pa'i don gyi ngo bo khro bo'i rgyal po ma ha ba la'i sngags rings de gnas dur khrod du bsnyen pa bya'o/ /yang na chu 'gram du bya yang mi 'gal lo/ /gnas der dang por dkyil 'khor gru bzhi kun tu khru gang bdud rtsi lngas bskru'o/ /de'i 'og tu sgrub pa pos sems brtan pas/ brtson 'grus chen por bskyed nas de'i steng du 'dug go /de'i 'og tu mdun du smos pa'i cho ga'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du smos pa de bzhin du 'dir

  476. 238b

    bya'o/ /de lta bu'i ngo bo rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du sgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo blang ngo/ /de ci ltar smos pa'i mtshan dang yon tan phun sum tshogs pa thams cad dang ldan no/ /shes rab ma de ye shes kyis lha mo mA ma kI dang gnyis su med pa'i ngo bor byin gyis brlab par bya'o/ /de'i 'og tu sgrub pa pos zhe sdang chen po'i sems dga' bas gnyis su med par 'khyud pa'i sbyor bas thabs dang/ shes rab rol pa byas nas bde bar gyur pa'i dus su rdo rje'i lam gyi sgo nas/ shes rab ma'i b+ha ga'i dbus su byang chub sems char gyi rgyun bzhin du 'od du zhu nas/ rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid chen pos 'bar zhing 'od du zhu nas/ ye shes kyi khu ba lta bu byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po ma ha ba la'i sku phyag rgya bskyed par bya'o/ /de khro mo'i rgyal mo stobs mo che dbang phyug ma dang/ gnyis su med par 'khyud pa'i sbyor ba dang ldan pa'o/ /gzhan sku phyag rgya'i cha lugs phun sum tshogs pa thams cad ni mdun du smos pa'i bzhin du 'dir bya'o/ /de lta bu'i ngo bo khro bo'i rgyal po ma ha ba la'i sku phyag rgya bskyed par mdzad mkhan rdo rje mi bskyod pa'i sku phyag rgya khro bo'i rgyal po ma ha ba la'i spyi bo'i gnas su dbang bskur ba'i tshul du bsam mo/ /tshul de ltar khro bo'i rgyal po ma ha ba la'i sku phyag rgya bskyed pa'i 'og tu/ sgrub pa pos de dang gnyis su med pa'i nga rgyal du bsgom par bya'o/ /de ltar bsgom pa'i sbyor bas mdun du smos pa'i sngags rings khro bo chen po'i brtson 'grus kyis grangs kyi tshad 'bum phrag gsum bsnyen pa bya'o/ /

  477. 239a

    de'i 'og tu me long lta bu'i ye shes kyis byin gyis rlob pas sngags kyi mthu stobs su 'gyur bar gsungs so/ /tshul de ltar bsnyen pa byas nas/ sngags grub pa'i dus su sgrub pa pos ci ltar 'dod pa'i las kyi dngos grub thams cad sngags rings bzlas pa tsam gyis sgrub par smos so/ /de ltar bzlas pa tsam gyi sbyor ba yis/ /las rnams thams cad rab tu sgrub kyi don du gsungs so/ /than pa byung ba'i dus su yang/ /dkyil 'khor kun tu char pa 'bebs zhes pa ni/ than pa byung ba'i dus su snying rje chen po'i sems bskyed nas/ mtsho dang mtshe'u la sogs pa gang na klu gnas su/ sgrub pa pos sems brtan pas khro bo chen po'i brtson 'grus kyis stan bde ba la 'dug go /de'i dus su mdun du smos pa'i tshul du khro bo'i rgyal po ma ha ba la'i sku phyag rgya bskyed nas/ de dang gnyis su med pa'i nga rgyal du bsgoms la char dbab pa'i sbyor ba bya'o/ /de gsal bar bstan par bya ste/ kham pa'i rdzam ma sregs pa la rams dang/ ba bla dang na ga ge sar bsres la btags te/ 'o ma dang bkrug go /rdzas des kham pa'i dkyil du 'khor lo rtsibs brgyad pa bri/ 'khor lo'i lte ba'i dbus su pad ma 'dab brgyad bya'o/ /pad+ma de'i lte ba'i dbus su sngags kyi sa bon yig 'bru hUM bri'o/ /'khor lo'i phyi rol du pad ma 'dab brgyad bri'o/ /pad ma 'dab brgyad la klu'i rgyal po brgyad bri'o/ /de nas klu'i rgyal po rnams kyi so so'i rigs dang/ kha dog dang/ phyogs kyi bye brag bstan par bya ste/ shar phyogs kyi pad ma'i 'dab ma la/ dmangs rigs klu'i rgyal po mdza' yas mdog sngon po bri'o/ /lho phyogs kyi pad ma'i 'dab ma la bram ze'i rigs klu'i rgyal po ba su ki mdog dkar po bri'o/ /nub phyogs kyi pad ma'i 'dab ma la/

  478. 239b

    rje'u rigs klu'i rgyal po tag sha ka mdog dmar po bri'o/ /byang phyogs kyi pad ma'i 'dab ma la/ dmangs rigs klu'i rgyal po kar ge ta mdog nag po bri'o/ /shar lho mtshams kyi pad ma'i 'dab ma la bram ze'i rigs klu'i rigs pad ma mdog dkar po bri'o/ /lho nub mtshams kyi pad ma'i 'dab ma la bram ze'i klu'i rgyal po pad ma chen po mdog dkar po bri'o/ /nub byang mtshams kyi pad ma'i 'dab ma la/ rgyal rigs klu'i rgyal po dung skyong mdog ser po bri'o/ /byang shar mtshams kyi pad ma'i 'dab ma la rje'u rigs klu'i rgyal po ku lig mdog khra bo bri'o/ /de ltar bris pa'i 'og tu pad ma rnams kyi phyi rol rtse mo'i thad ka so sor khro bo'i rgyal mo ral pa gcig pa'i sngags dang/ klu'i sngags kyi snying po spel la bya'o/ /sngags kyi sa bon yig 'bru bstan par bya ste/ oM shu li ni naM swAhA/ tshul de ltar sbyor ba bris pa'i 'og tu/ sbyor ba dang ldan pa'i kham pa ma sregs pa gcig gis kha dgab po/ /de'i phyi rol tu ras bag le ba'i skud pa sngon pos dkri bar bya'o/ /de'i 'og tu kham bu kha sbyor de sgrub pa pos lag pa gnyis kyis blangs la klu 'dug pa'i gnas kyi nang du gzhag go /bshad par bya ste/ kham bu kha sbyor de bzhag ma thag tu/ klu'i rgyal po 'khor dang bcas pa thams cad 'jigs pa chen pos skrag nas/ sems bskul bar gyur te/ de ma thag tu char pa 'bebs par byed do/ /de ltar byas nas gal te char pa ma phebs na/ ci ltar bya na/ char pa dbab pa'i cho ga'i sbyor ba bya ba gzhan yang bstan par bya ste/ sgrub pa pos sngar smos pa'i gnas der dri'i chus khrus byas la/ gos sar pa gtsang mgon la/ de'i 'og tu klu'i dkyil 'khor bya'o/ /bshad par bya ste/ gnas chu 'gram du/ dang po dkyil 'khor gyi sa gzhi mnyam par bya la/ /de nas bser

  479. 240a

    mo'i lci ba dang/ 'o ma dang/ chu dkrugs la dkyil 'khor gyi sa gzhi bsku bar bya'o/ /de'i 'og tu ka ra bu ram dang/ tsan dan dang/ gur gum la sogs pa rdzas dri zhim pa thams cad chu dang bsres te/ dri chu des dkyil 'khor gyi sa gzhi chag chag gdab po/ /de'i 'og tu dkyil 'khor gyi sa gzhi'i dbus su kun tu khru gang sor gsum du pad ma dmar po 'dab ma brgyad cung zad dkar ba rgya skyegs kyi khu bas bri'o/ /de'i phyi rol tu chu'i dkyil 'khor zlum por kun tu khru do dang sor drug gi tshad du rams kyis bri'o/ /de'i phyi rol du rlung gi dkyil 'khor zlum po kun tu khru gsum dang/ sor dgu'i tshad du rams cung zad dkar ba dang bsres la bri'o/ /de ltar byas pa'i 'og tu dkyil 'khor gyi nang gi pad+ma'i lte ba'i dbus su btsag dang/ mtshal cog la ba bsres te/ tshon dmar po des nyi ma'i dkyil 'khor bri bar bya'o/ /nyi ma'i dkyil 'khor de'i dbus su klu thams cad kyi rgyal po ba ru na kha dog dkar ba cung zad sngo ba/ mi'i gdong la mgo'i ltag pa'i steng na/ sbrul mgo bdun dang ldan pa lag pa gnyis la g.yas pa na ral gri /g.yon pa na sbrul gyi zhags pa 'dzin pa'o/ /yang na lag pa g.yas pa na sprul zhags 'dzin/ g.yon pa dkur bsten pa yang mi 'gal lo de lta bur ba ru na bri'o/ /de ltar pad ma'i 'dab ma brgyad la mdun du smos pa'i tshul du/ klu'i rgyal po brgyad bri'o/ /klu'i rgyal po brgyad kyi so sor rigs dang/ kha dog dang/ phyogs kyi rim pa dang/ ming la sogs dkyil 'khor 'dir pad ma 'dab brgyad la bri bar bya'o/ /gzhan yang klu'i dkyil 'khor gyi mchod pa'i rdzas phun sum tshogs pa bstan par bya ste/ dkyil 'khor gyi

  480. 240b

    bdag po ba ru na la sogs pa'i bum pa rdza ma la byas pa/ dgu smos te rams kyi mdog bsgyur ro/ /yang na klu'i rgyal po so so'i mdog tu bsgyur yang mi 'gal lo/ /de nas bum pa kun la ras yug re mdog ci ltar smos pa dang ldan pa'i bcing bar bya'o// bum pa rnams kyis ngos su rdzas gung ku mas klu'i snying po yig 'bru naM bri bar bya'o/ /gzhan yang bum pa rnams kyi nang du chu gtsang ma rdzas dri zhim pa thams cad dang ldan pas dgang bar bya'o/ /de'i gong tu ba'i 'o ma dang/ mar dang bu ram dang/ 'bras dang/ nas dang/ ma sha dang/ gro dang/ til dang/ gzhan yang gser dang/ dngul dang byu ru dang/ mu tig dang/ dung dang/ de la sogs pa rdzas thams cad bzhug par bya'o/ /gzhan yang bum pa rnams kyi kha rgyan/ shing a sho ka dang/ klu shing dang/ a 'bra dang/ a ru ra dang/ ba ru ra dang/ skyu ru ra la sogs pa shing yal ga dang la ga dang lo ma dang/ shing tog du ldan pa gzhug go /de lta bu dang ldan pa'i bum pa dang byas pa'i 'og tu dkyil 'khor gyi bdag po ba ru na la sogs pa so sor rigs kyi bye brag gi klu'i rgyal po rnams kyi gnas pad ma'i 'dab ma'i rtse mo'i phyi rol du gzhag par bya'o/ /gzhan yang dkyil 'khor gyi phyogs kun tu/ 'bras kyi zan dang/ bu ram dang/ 'o ma la sogs pa lha bshos dkar ba gtsang ba bzhag go /gzhan yang pad ma dmar po dang/ dkar po dang/ sngon po dang/ ser po dang/ de bzhin du klu'i me tog dang/ ku mu ta dang/ ud pal la sogs pa me tog dri dang ldan pa thams cad kyis rim par phyogs kun nas mchod par bya'o/ /gzhan yang ba'i mar gyi mar me bdag po la sogs pa'i gzhag go /de nas ka ra bu ram dang/ gur gum dang/ rtsad nad la sogs pa'i dri'i rdzas thams cad kyi spos kyi mchod pa bya'o/ /de nas

  481. 241a

    sha la ka'i sen mo dang/ klu'i me tog gi ze'u 'bru bsres nas btags te/ chu dang dkrugs la dri'i mchod pa bya'o/ /de nas rgu po rgyud mangs dang/ gling bu la sogs pa rnga snyan pa'i mchod pa bya'o/ /gzhan yang gdugs dang/ rgyal mtshan dang/ ba dan la sogs pa gos kyi bye brag sna tshogs kyi mchod pa bya'o/ /de ltar mdun du smos pa'i tshul gyi sta gon la sogs pa'i mchod pa phun sum tshogs pa byas pa'i 'og tu/ sgrub pa po nub phyogs su kha bltas te/ ras dkar po'i gos kyi stan la 'dug go /de'i dus su sems brtan pa rtse gcig pas mdun du smos pa'i khro bo'i rgyal po maha ba la dang/ gnyis su med pa bsgoms par snying gar sngags sa bon yig 'bru ho gyur pa bsam mo/ /de kha dog nag po me long lta bu'i ye shes kyi ngo bo gzi brjid kyi phung po chen po bzhin du 'bar zhing 'od du zhu nas ye shes kyi khu ba bzhin du gyur to/ /sa bon de la khro mo'i rgyal mo ral pa gcig ma'i sku phyag rgya bskyed par bya'o/ /de'i phyag g.yas dang po na/ rdo rje skyo ba 'dzin pa/ g.yon dang po na rdo rje zhags pa 'dzin/ gzhan de'i sku mdog dang/ zhal dang/ phyag dang/ phyag mtshan dang/ rgyan rnams ni mdun du ci ltar smos pa'i bzhin du 'dir bya'o/ /de lta bu'i ngo bo khro mo'i rgyal mo ral gcig ma'i sku phyag rgya bskyed ma thag tu de 'bar ba'i 'od kyis 'bar zhing zhe sdang chen pos khros pa de ba ru na la sogs pa'i klu'i rgyal po brgyad du dgug pa'i phyir btang bar bya'o/ des dang po ba ru na'i spyi bo nas rdo rje kyo bas bzung/ rdo rje zhags pas mgul pa nas bcings de tshul de ltar dgug par mdzad do/ /de ma thag tu dkyil 'khor gyi bdag po ba ru na rang gi gzugs brnyan la gnyis su med par thim par gyur bar

  482. 241b

    bsam mo/ /de'i 'og tu ba ru na ji ltar dgug par mdzad pa de bzhin du klu'i rgyal po brgyad rim pas dgug pa yin no/ /de ma thag tu dkyil 'khor gyi rang rang gi gzugs brnyan la gnyis su med par thim par gyur par bsam mo/ /de'i 'og tu 'gugs par mdzad mkhan khro mo'i rgyal mo ral pa gcig ma'i sku phyag rgya sgrub pa pos nyid kyi snying ga'i gnas su gnyis su med pa'i ngo bor bsdu bar bya'o/ /de'i 'og tu dkyil 'khor gyi bdag po ba ru na la sogs pa klu'i rgyal po brgyad la dri chu'i yon chab mnyes par bya ba'i rim par sbyin par bya'o/ /de nas yon chab sbyin par bya ba'i cho ga'i don bstan par bya ste/ dri'i chu'i rdza ma so btang ba'i nang du blug la/ lag pa g.yon pa'i mthil steng du gzhag go /lag pa g.yas par rdo rje rtse lnga gdengs po gzung nas khros te/ 'dzum zhing sngags kyi yig 'bru hUM dang ba ru na la sogs pa klu'i rgyal po rnams kyi snying po dang/ ming brjod pa spel ba'i tshul gyis yon chab lan gsum gsum dbul bar bya'o/ /hUM b+hi sa ba ru ni de ba arg+haM gri na ta/ hUM naM a nan taM na ga rA dza da ba arga gri na to/ /hUM naM pa su ki na ka rA dza da ba arg+haM gre na to/ /hUM naM taksha ka nag rA dza da ba arg+haM gri na to/ /hUM na karko ta na ga rA dza da ba arg+haM gri na to/ /hUM naM pad na ga dA dza ra ba arg+haM gri na to/ /hUM naM mahA bar ma nag rA dza da ba arg+haM gri na to/ /hUM naM shaM kal la na ga rA dza da ba arg+haM gri na to/ /hUM naM ku li ka na ga rA dza da ba arg+haM gri na to/ /tshul de ltar mchod pa phul ba'i 'og tu/ mdun du smos pa'i tshul gyi mchod pa phun sum tshogs pa bya'o/ /de ltar byas pa'i 'og tu sgrub pa pos sems zhe sdang chen bo'i brtson 'grus bskyed nas/ khro bo'i rgyal po maha ba la'i sngags rings khri phrag gcig gi grangs kyi tshad du bzlas pa bya'o/ /sngags kyi bzlas pa de rdzogs ma thag tu/ klu'i rgyal po thams

  483. 242a

    cad 'khor dang bcas pa 'jigs pa chen pos skrag nas/ myur ba myur bar char pa 'bebs par byed par bstan to/ /de ltar byas pas gal te char ma phebs na/ ci ltar bya na/ drag shul gyi tshul gyi cho gas char pa dbab pa las kyi sbyor ba'i cho ga'i don bstan par bya ste/ sngar dkyil 'khor byas pa'i gnas de dug dang/ lan tsha dang/ skye tshe gcig tu bsres nas btags la/ ba'i gcin dang sres la/ dkyil 'khor gyi sa gzhi bsku bar bya'o/ /de'i 'og tu btsag dang/ byi la'i khrag dang/ dug gcig tu bsres la btags te chu dang dkrugs la/ kun tu khru gsum gyi tshad du 'khor lo'i rtsibs brgyad pa bri ste/ de'i ched la phyi rol gyi rtsibs bya'o/ /'khor lo'i lte ba'i dbus su de dang mnyam par pad ma 'dab brgyad bri'o/ /de'i sum cha la lte ba bya/ sum cha gnyis la phyi rol gyi 'dab ma bya'o/ /de'i 'og tu/ chu 'gram gnyis kyi sa dang/ grog mkhar gyi sa dang/ dri chen rnams gcig tu bsres nas btags pa'i dri chu dang dkrugs te rdzas des ba ru na la sogs pa/ klu'i rgyal po brgyad kyi gzugs brnyan tshul ji ltar smos par bya'o/ /gsal bar bstan par bya ste/ pad+ma'i lte ba'i dbus kyi steng du ba ru na'i gzugs brnyan/ mdun du smos pa ltar bya'o/ / de nas shar phyogs kyi pad ma'i 'dab ma la klu'i rgyal po a nan te/ sbrul mgo gsum dang ldan pa'i gzugs brnyan bya'o/ /lho phyogs kyi pad ma'i 'dab ma la klu'i rgyal po ba su ki sbrul mgo bdun dang ldan pa'i gzugs brnyan bya'o/ /nub phyogs kyi pad ma'i 'dab ma la klu'i rgyal po taksha ka /sbrul mgo gsum dang ldan pa'i gzugs brnyan bya'o/ /byang phyogs kyi pad ma'i 'dab ma la klu'i rgyal po ka ra ko ta/ sbrul mgo lnga dang ldan pa'i gzugs brnyan bya'o/ /shar lho mtshams

  484. 242b

    kyi pad+ma'i 'dab ma la/ klu'i rgyal po pad+ma sbrul mgo dgu dang ldan pa'i gzugs brnyan bya'o/ /lho nub mtshams kyi pad ma'i 'dab ma la klu'i rgyal po pad+ma chen po sbrul mgo bcu gcig dang ldan pa'i gzugs brnyan bya'o/ /nub byang mtshams kyi pad ma'i 'dab ma la/ klu'i rgyal po shad ka pa la sbrul mgo bdun dang ldan pa'i gzugs brnyan bya'o/ /byang shar mtshams pad ma'i 'dab ma la klu'i rgyal po ku li ka /sbrul mgo gsum dang ldan pa'i gzugs brnyan bya'o// de ltar byas pa'i 'og tu dur khrod kyi gos kyi dum bu blangs la de dum bu dgur byas te/ dum bu de la byi la'i khrag dang/ skye tshe dang/ lan tsha dang/ yungs kar gyi mad tsha ba gcig tu sres nas btags te/ rdo rje'i chu dang dkrugs la rdzas de rnams ba ru na la sogs pa klu'i rgyal po brgyad kyi/ so so sngags klu'i snying po dang hUM dang bcas par bri bar bya'o/ /bstan par bya ste/ ba ru na'i hUM brim bri'o/ /klu'i rgyal po kun gyi ni hUM nam bri bar bya'o/ /de ltar byas pa'i 'og tu gos kyi dum bu rnams ma nor bar so so'i gzugs kyi snying gar gzhug par bya'o/ /de ma thag tu yungs dmar dang/ dug dang/ tsha ba gsum bsres la btegs te/ rdo rje'i chu dang dkrugs nas mdun du smos pa'i ba ru na la sogs pa/ klu'i rgyal po brgyad kyi gzugs brnyan de dag rim par bsku bar bya'o/ /de'i 'og tu dur khrod kyi gos kyi dum buAm/ lha khang nas rgyal mtshan snying pa'i dum bu blangs yang mi 'gal te/ de la me sbar la/ sgrub pa po zhe sdang chen po'i sems bskyed nas/ ba ru na la sogs pa klu'i rgyal po brgyad kyi gzugs brnyan rim par tshang bar bya'o/ /de ltar byas pa'i 'og tu sgrub pa pos zhe sdang tshon pos khros te/ brtson 'grus kyi khro bo'i rgyal po ma ha ba la'i sngags rings ba ru na la sogs pa klu'i rgyal po

  485. 243a

    rnams kyi snying po dang/ spel ba'i khri phrag gcig gi grangs su bzlas par bya'o/ /de nas sngags kyi ngo bo bstan par bya ste/ na ma sa man kA ya bak+tsit+ta badzra naM/ oM b+hi ma du ma ni hUM naM hUM phaT/ naM phaT phaT/ oM u tra shu la pa ni/ hUM naM hUM naM/ hUM ma ra ya sarba na gaM /phaT phaT phaT/ oM dzyo taM nir na d+ha ha na sarba na gaM /ba ra sha pa ya/ shi g+h+ram ba ga b+haM/ hUM naM hUM naM/ hUM phaT hUM phaT/ naM phaT/ oM ma ha pa la ya swAhA/ /tshul de lta bu'i sngags kyi bzlas pa rdzogs ma thag tu klu 'khor dang bcas pa thams cad 'jigs pa chen pos skrag nas/ myur ba myur bar char pa chen po 'bebs par byed do/ /da ltar byas pas gal ta char pa ma phebs na/ ci ltar bya na/ gong du smos pa'i dkyil 'khor gyi bdag po ba ru na la sogs pa klu brgyad kyi dkyil 'khor du gzugs brnyan byas pa de dum bu dum bur phye ma byas la/ gcig tu bsres te rdzas de las klu'i rgyal po rnams bsres pa'i drag po'i hom bya'o/ /de'i cho ga gsal bar bstan par bya ste/ sgrub pa po gong du smos pa'i gnas na gnas pa'i mdun du hom khung zur gsum kun tu khru re dang/ sor dgu la 'og tu khru gang dang/ sor gsum bsgo bar bya'o/ /bang rim mtho dman sor bdun du bya/ zheng gi tshad kyang sor bdun du bya'o/ /hom khung gi phyi nang du chus bsku bar bya'o/ /yang na gshang gcis bsku yang mi 'gal lo/ /gcig gis kyang phyi nang bsku bar bya'o/ /de nas tshon na nag pos hom khung gi dbus su rdo rje rgya gram bri'o/ / de nas kha'i bang rim gyi steng du rdo rje rtse lnga'i phreng ba mtshon nag pos bri'o/ /de ltar byas pa'i 'og tu sgrub pa po nyid khro bo'i cha lugs su bya bar bstan to/ /stong g.yogs gos dmar po la byas la bgon no/ /smad g.yogs gis sngon po byas la

  486. 243b

    bgon no/ /skra gyen du brdzes la dar dmar po'i gce'u dang/ sbrul gyi pags pas bcing bar bya'o/ /gzhan yang mgul pa'i rgyan dang/ se ral kha'i rgyan dang/ lag pa gnyis kyi rgyan dang/ rkeng pa'i rgyan dang/ rkang pa gnyis kyi rgyan la sogs pa'i gnas su sbrul gyi shun pa dang/ rus pa'i 'phreng bas brgyan par smos so/ /de'i 'og tu sgrub pa po nyid kyi lus gshang gcis bsku bar bya'o/ /de'i 'og tu khro bo chen po'i zhe sdang gi sems bskyed nas/ ral gri rnon po 'am/ dgra sta yang mi 'gal te/ bzung la/ mdun du smos pa'i tshul gyi khro bo'i rgyal po ma ha ba la'i sngags rings dang spel ba'i sgra chen pos brjod cing/ dang po dkyil 'khor gyi bdag po ba ru na'i gzugs brnyan rkang pa nas gzung nas mgo man chad ci ltar smos pa'i mtshon gyis gcad par bya'o/ /de bcad pa'i 'og tu klu'i rgyal po brgyad kyi gzugs brnyan rim pa nas/ rkang pa nas bzung ste mgo bo man chad gcad par bya'o/ /de rdzogs pa dang/ gcig tu spungs la/ de dug dang lan rtsa dang/ skye tshe dang/ d+ha tu ra'i shing tog dang/ bsres par bya'o/ /de ma thag tu hom khung dug gi shing dang/ shing kha hom khung gi dbyibs ci bzhin du rtsig par bya'o/ /de'i 'og tu sgrub pa pos khro bo'i rgyal po ma ha ba la'i sku phyag rgya mdun du smos pa'i tshul du bskyed par bya'o/ /de long lta bu'i ye shes kyis 'bar ba'i 'od kyis 'bar ba/ zhal gsum gdangs pa'i tshul de hom khung gi nang gi rdo rje rgya gram gyi dbus su bzhugs par tog go /de ltar bsgom pa'i sbyor ba byas pa'i 'og tu rigs ngan tsan d+ha li'i khyim nas me blang ngo/ /yang na du khrod nas blang yang mi 'gal lo/ /me des hom shing khur ba dbugs kyis bkang ba sngags kyi sa bon

  487. 244a

    yig 'bru phu'i sgra'i thabs kyis sbar bar bya'o/ /de'i 'og tu ba ru na la sogs pa klu'i rgyal po brgyad kyi gzugs brnyan bcad pa'i phye ma bsdus pa'i phung po'i mchod rdzas de mdun du smos pa'i/ khro bo'i rgyal bo ma ha ba la'i sngags rings spel ba'i dus/ smos de bzlas shing brgyad brgya bsreg par bya'o/ /tshul de lta bu'i drag po'i hom rdzogs ma thag tu/ klu'i rgyal po 'khor dang bcas pa thams cad me long lta bu'i ye shes kyis mes tshigs pas/ 'jigs skrag ste/ myur ba myur bar char pa chen po 'bebs par byed par bstan to/ /de ltar byas pas gal te/ klu ma rungs pa rnams kyis char pa mi 'bebs na/ ci ltar bya na/ khyad par gyi drag shul gyi sbyor ba'i cho ga'i don bstan par bya ste/ dkyil 'khor mdun du smos pa'i ltar bya'o/ /dkyil 'khor de'i dbus su khro bo'i rgyal po maha ba la'i gzugs brnyan bya ste/ de klu kun gyi gzugs brnyan byas pa'i rdzas kyi sbyor ba ci ltar smos pa'i rdzas de nyid la bya'o/ /de'i sku phyag rgya'i cha lugs phun sum tshogs pa mdun du ci ltar smos pa de bzhin du 'dir bya'o/ /de'i zhabs gnyis kyi 'og tu mdun du smos pa'i ba ru na'i gzugs brnyan bya ste/ khro bo'i gyal po ma ha pa la'i zhabs g.yas bskum pas ba ru na'i snying gar gnon par bri'o/ /g.yon brkyang bas ba ru na'i brla gnyis kyi mgo gnon par bri'o/ /de'i 'og tu bdud rtsi rnam pa lnga dang/ mi'i rus pa'i phye ma dang/ 'bru mar che ba thams cad dang/ dug dang/ tsha ba gsum dang/ shing tog tu ra'i khu ba dang/ shing nim pa'i lo ma dang/ de dag gcig tu bsres nas/ btags la sgrub pa po'i gcin dang/ bung bu'i gcin dang/ dkrugs la khro bo'i

  488. 244b

    rgyal po ma ha ba la nyid dang/ ba ru na la sog pa klu'i rgyal po brgyad kyi gzugs brnyan rim par bsku bar bya'o/ /de'i 'og tu dur khrod kyi gos dang/ sbrul gyi shun pa blangs la/ de gnyis me sbar la/ khro bo'i rgyal po ma ha ba la ba ru na dang bcas pa la sogs pa klu'i rgyal po brgyad kyi gzugs brnyan rim par bsgrub pa pos zhe sdang chen po'i sems bskyed nas tsha bar bya'o/ /de ltar byas pa'i 'og tu bsgrub pa pos/ zhe sdang chen po'i sems kyis khros te/ brtson 'grus kyis mdun du smos pa'i tshul gyi khro bo'i rgyal po ma ha ba la'i sngags rings ba ru na la sogs pa klu'i rgyal po thams cad kyi snying po dang spel ba khri phrag gcig gis grangs kyi tshad du bzlas pa bya'o/ /de lta bu'i tshul gyi sngags kyi bzlas pa rdzogs ma thag tu klu'i rgyal po thams cad 'khor dang bcas pa tsha ba chen po'i 'jigs pas skrag nas/ myur ba myur bar char pa chen po 'bebs par byed pa'o// //de ltar byas kyang gal te klu ma rungs pa rnams kyis char pa mi 'bebs ni/ de ltar bya na/ de'i dus skyil mo mi g.yo bar mdun du smos pa'i cho ga bzhi'i tshul gyis/ rdo rje mi bskyod pa'i sku phyag rgyar gyur bar bya'o/ /de ni ci ltar khro bo'i rgyal po maha ba la sku phyag rgya bskyed pa'i dus su cha lugs phun sum tshogs pa dang/ nyid kyi shes rab ye shes kyi lha mo gnyis su med par 'khyud pa'i sbyor ba dang ldan par smos pa de bzhin du 'dir bya'o/ /de lta bu'i ngo bo rdo rje mi bskyod pa'i sku phyag rgyar gyur par bya'o/ / de ni ji ltar khro bo'i rgyal po maha ba la'i sku phyag rgya bskyed pa'i dus su cha lugs phun sum tshogs pa dang/ nyid kyi shes rab ma ye shes kyi lha mo gnyis su med par 'khyud pa'i sbyor ba dang ldan par smos ba de bzhin du 'dir bya'o/ /de

  489. 245a

    lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su shes rab ma mtshan dang/ yon tan ci ltar smos pa dang ldan pa blang ngo/ /shes rab ma de ye shes kyi lha mo mA ma kI dang/ gnyis su med pa'i ngo bor byin gyis brlab par bya'o/ /de'i 'og tu sgrub pa pos zhe sdang chen pos sems dga' bas/ gnyis su med par 'khyud pa'i sbyor bas thabs dang/ shes rab rol pa byas nas/ bde bar gyur pa'i dus su rdo rje'i lam gyi sgo nas/ shes rab ma'i b+ha ga'i dbus su khu ba'i ngo bo/ /byang chub kyi sems char gyi rgyun bzhin du zhu nas/ de rgya mtsho dang mnyam par gyur par bsam mo/ /de'i steng du sngags sa bon yig 'bru hUM kha dog nag po me long lta bu'i ye shes kyi ngo bo bsam mo/ /de gzi brjid chen po'i 'bar bas 'bar zhing 'od du zhu nas/ ye shes kyi khu ba lta bu byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po chen po badzra hUM ka ra'i sku phyag rgya bskyed par bya'o/ /de khro mo'i rgyal mo thugs rje'i dbang phyug ma dang/ gnyis su med par 'khyud pa'i sbyor ba dang ldan pa'o/ /gzhan yang sku phyag rgya'i cha lugs phun sum tshogs pa thams cad ni mdun du/ ci ltar smos pa bzhin du 'dir bstan to/ /de lta bu'i ngo bo khro bo'i rgyal po chen po badzra hUM ka ra'i sku phyag rgya bskyed ma thag tu/ bskyed par mdzad mkhan rdo rje mi bskyod pa'i sku phyag rgya khro bo'i rgyal po/ /badzra hUM ka ra'i spyi bor dbang bskur ba'i tshul du bsam mo/ /tshul de ltar khro bo'i rgyal po badzra hUM ka ra'i sku phyag rgya bskyed pa'i 'og tu sgrub pa po dang/ gnyis su med pa'i nga rgyal du bsgom par bya'o/ /de'i dus su sgrub pa po nyid kyi gsang ba'i thugs ka ye shes sems

  490. 245b

    dpa' i gnas nas/ sngags kyi sa bon yig 'bru hUM la khro bo'i rgyal mo ma ha ba la'i sku phyag rgya bskyed par bya'o/ /de'i phyag rgya'i cha lugs phun sum tshogs pa ci ltar smos pa dang 'dir ldan pa'o/ /de lta bu'i ngo bo khro bo'i rgyal po ma ha ba la'i sku phyag rgya bskyed ma thag tu de dkyil 'khor gyi dbus kyi nyid kyi gzugs brnyan rdzas kyi sbyor ba las byas pa de la/ gnyis su med par thim par gyur par bsam mo/ /de ma thag tu ma ha ba la'i gzugs brnyan de'i nang nas/ me long lta bu'i ye shes kyi ngo bo'i 'bar ba chen po'i 'od 'phros nas/ de klu'i rgyal po brgyad kyi gzugs brnyan rdzas kyi sbyor ba las byas pa/ de dag la thim par 'gyur bar bsam mo/ /de thim pa'i dus su klu'i rgyal po brgyad la sogs pa klu'i rgyal po thams cad kyi sems bskul bar gyur to/ /de ma thag tu klu'i rgyal po thams cad 'khor dang bcas pa me long lta bu'i ye shes kyi mes tshigs nas/ 'jigs shing skrag nas myur ba myur bar char pa chen po 'bebs par bstan to// //de ltar byas pas kyang gal te/ klu ma rungs pa rnams kyis char pa mi 'bebs/ ci ltar bya na/ bstan par bya ste/ khro bo'i rgyal po ma ha ba las btang snyoms mdzad pas de'i skyon gyis klu ma rungs pa rnams kyis char pa ma phab na yin pas/ de'i don gyi phyir khro bo'i rgyal po ma ha ba las thugs rje chen po'i dam tshig rjes su dran pa'i thugs bskyed nas/ ba ru na la sogs pa klu'i rgyal po thams cad la bka' 'byung ba'i thabs drag por sbyar ba'i cho ga'i hom bya ste/ ci ltar yin na/ sgrub pa pos mdun du smos pa'i gnas nas langs te/ khro bo chen pos rdo rje rtse dgu gdengs pa lag pa g.yas pas blang ngo/ /yang na rdo rje dgra sta yang mi 'gal te/ mtshon des dang por bye brag

  491. 246a

    sna tshogs kyi stabs bya zhing hUM phaT ces lan mang por brjod cing/ klu'i rgyal po'i dkyil 'khor gyi dbus kyi gtso bo khro bo'i rgyal po ma ha ba la nyid kyi gzugs brnyan rdzas kyi sbyor ba la byas pa ba ru na dang bcas pa de rna mtshan des zhabs nas bzung ste/ dbu man chad dum bu dum bur phye mar bya'o/ /de'i 'og tu mdun du smos pa'i klu'i rgyal po brgyad kyi gzugs brnyan dum bu dum bur phye mar bya'o/ /de ltar cho ga'i las byas pa'i 'og tu/ khro bo'i rgyal po ma ha ba la la sogs pa klu'i rgyal po kun gyi gzugs brnyan bshig pa'i phye ma de gcig tu bsdus la phung po bya'o/ /de'i 'og tu hom khung de nyid du mdun du smos pa'i shing rtsigs ci ltar smos pa'o me spar ro/ /sngags kyi yig 'bru hUM phu ni gyi sgra dbugs kyis mkhur ba bkang ba'i stabs kyis bya'o/ /de'i 'og tu rdzas kyi phye ma'i phung po mchod rdzas bsres pa de mdun du smos pa'i khro bo'i rgyal po ma ha ba la'i sngags rings spel ba'i tshul du bstan pa de bzla zhing brgyad brgya bsreg par bya'o/ /de lta ba'i khyad par gyi drag po'i hom rdzogs ma thag tu/ klu'i rgyal po thams cad 'khor dang bcas pa'i me long lta bu'i ye shes kyi mes tshig nas 'jigs pa chen pos skrag nas/ khrag sgrug cing shibs 'jigs pas myur ba myur bar char ba chen po nges par 'bebs par byed do/ /da ni klu'i rgyal po thams cad bde bar 'gyur ba'i zhi ba'i hom bya'i/ /de'i cho ga'i tshul gyi don bstan par bya ste/ sgrub pa pos mdun du ci ltar smos pa'i tshul sangs rgyas spyan gyi sku phyag rgya bskyed la gnyis su med pa'i nga rgyal du bsgoms te/ klu'i rgyal po thams cad bde bar gyur pa'i phyir/ sangs rgyas spyan gyi sngags rings ba ru na la sogs pa klu'i snying po dang/ spel ba'i

  492. 246b

    tshul brjod cing/ 'bras kyi zan dang ba'i 'o ma dang/ pa'i mar dang/ de kun gcig tu bsres nas/ rdzas des bskyed brgya'i grangs su zhi ba'i mchod par bya'o/ /de nas hom bya'o sngags bstan par bya ste/ oM ru ru sU ru dza la tishta si d+ha lo tsa ni b+hi naM ba ru naM tsan d+he sarba na gaM sarba a snga sa da ne swAhA/ mdor bsdu ba de ltar than pa'i dus su yang/ dkyil 'khor kun tu char pa 'bebs kyi don du gsungs so// //khro bo'i rgyal po ma ha ba la'i sngags rings gsungs pa'i 'og tu/ da ni khro bo'i rgyal po Ta ki ra dza'i sngags rings gsung ba'i cho ga'i don bstan par bya ste/ de nas bcom ldan 'das kun tu 'joms pa'i rdo rje zhes bya ba'i ting nge 'dzin la snyoms par zhugs nas/ zhes bya ba'i ni/ de nas ni mdun du smos pa'i khro bo'i rgyal po ma ha ba la'i sngags rings gsungs pa'i 'og tu/ khro bo'i rgyal po ki ra'i sngags rings gsung ba mtshon pa'o/ /bcom ldan 'das zhes pa ni/ mdun du smos pa'i yon tan gyi bstod pa'i mtshan bcom ldan 'das yin pa sdud pa pos smos so/ /de'i don mdun du bshad pa bzhin du 'dir bstan to/ /kun tu 'joms pa zhes bya ba ni/ ston pa mi bskyod pa rdo rje 'dzin gyis ting nge 'dzin la snyoms par zhugs pa'i mdun du/ nyid kyi rigs me long lta bu'i ye shes kyi nga ba'i 'bar ba'i chen po'i 'od sku phyag rgya'i kun nas spro bar mdzad do/ /de ma thag tu phyogs bcu'i 'jig rten gyi khams thams cad na gnas pa'i lha dang mi la sogs pa sems can thams cad byin gyis brlabs par mdzad do/ /de'i dus su nyon mongs pa thams cad kyi sdig pa bcom nas med par mdzad do/ /de ltar kun tu 'joms pa'i don du gsungs so/ /rdo rje zhes bya ba'i ting nge 'dzin la snyoms par zhugs te/ zhes pa ni/ ston pa mi

  493. 247a

    bskyod pa rdo rje 'dzin gyis 'khor thams cad kyi nang du/ zhe sdang chen po'i thugs bskyed pas/ ci ltar smos pa'i tshul gyi nyid kyi shes rab ma ye shes kyi lha mo mA ma kI dang/ gnyis su med par 'khyud pa'i sbyor bas gsang ba'i dbang po gnyis mnyam par sbyar bar mdzad do/ /de ma thag tu gsang ba'i thugs ka ye shes sems pa'i gnas su me long lta bu'i ye shes kyi ngo bo sngags kyi sa bon yig 'bru hUM/ kha dog sngon por gyur par mdzad do/ / sa bon de las me long lta bu'i ye shes kyi ngo bo mdun du smos pa'i 'bar ba chen po'i 'od ba spu'i bu ga'i lam gyi sgo nas/ spro bar mdzad do/ /de'i phyogs bcu'i 'jig rten gyi khams thams cad du khyab po/ /de ma thag tu sems can thams cad la bye brag sna tshogs kyis gnod pa byed pa'i bdud dang/ bgegs kyi tshogs byin gyis brlabs nas gnod pa byed pa'i 'jigs pa med par byas so/ /de ltar 'jigs pa med par mdzad pa'i 'og tu 'bar ba chen po'i 'od de mdun du smos pa'i spro ba'i lam nas/ spros pa'i sngags kyi sa bon yig 'bru hUM/ de gnyis su med bar slar bsdu bar mdzad do/ /de ma thag tu sngags kyi sa bon yig 'bru hUM/ de nyi ma stong dang mnyam par 'bar zhing 'od du zhu ste/ me long lta bu'i ye shes kyi ngo bo de rgya mtsho dang/ mnyam par gyur te/ sa bon de las 'dod chags chen po'i zhe sdang gi ngo bo khro bo'i rgyal po Ta ki rA dza'i sku phyag rgya/ mdun du smos pa'i sku mdog dang/ zhal dang/ phyag dang phyag mtshan dang/ rgyan rnams lta bu grangs med par ba spu'i bu ga'i lam gyi sgo nas spro bar mdzad do/ /des phyogs bcu'i 'jig rten gyi khams thams cad du khyab po/ /de ma thag tu ci ltar smos pa'i sems can

  494. 247b

    thams cad la bye brag sna tshogs kyis gnod pa byed pa'i bdud dang bgegs kyi tshogs thams cad byin gyis brlabs nas/ nyon mongs pa thams cad kyi sdig pa bcom pa'i dngos grub kyi 'bras bur gyur to/ /de ltar mdzad nas khro bo'i rgyal po Ta ki rA dza'i sku phyag rgya spro ba'i lam nas gsang ba'i thugs ka ye shes sems pa'i gnas su gnyis su med pa'i ngo bor slar bsdu bar mdzad do/ /tshul de ltar 'bar ba chen po'i 'od dang/ khro bo'i rgyal po Ta ki rA dza'i sku phyag rgya grangs med pa'i sprin lta bu grangs med pa spro bar mdzad pa de zhe sdang chen po'i ngo bo'i thugs bskyed nas/ ci ltar smos pa'i tshul gyi gnod pa byed pa'i bdud dang/ bgegs kyi tshogs byin gyis brlabs par mdzad par spro ba dang/ byin gyis brlab pa gnyis su med par bsdu bar mdzad pa'o/ /rdo rje ni me long lta bu'i ye shes kyis ngo bo spro ba dang bsdu ba'o/ /don des rdo rje zhes bya ba'i ting nge 'dzin du smos so/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su thugs rtse gcig par gyur nas gnas pa'o/ /don des snyoms par zhugs par smos so/ /mdor bsdu ba de ltar rdo rje zhes bya ba'i ting 'dzin la snyoms par zhugs nas kyi don du gsungs so/ /ting nge 'dzin mdzad pa'i 'og tu/ da ni sngags dang/ khro bo'i rgyal po'i ngo bo'i cho ga'i tshul gyi don bstan par bya ste/ de bzhin gshegs pa thams cad kyi 'dod pa'i rgyal po'i khro bo chen po nyid kyi sku dang gsung dang thugs rdo rje las phyung ngo/ /zhes bya ba ni/ de bzhin gshegs pa thams cad kyi 'dod pa ni/ rdo rje mi bskyod pa la sogs pa'i rigs lnga'i bye brag go /de bzhin gshegs pa grangs med pa smos pa rnams kyi ci ltar smos pa'i 'dod pa'i ming btags pa ni/ bla na med pa'i 'dod chags kyi ngo bo yin par bstan to/ /de ltar de

  495. 248a

    bzhin gshegs pa thams cad kyi 'dod pa'i don du gsungs so/ /rgyal po khro bo chen po zhes pa ni mdun du smos pa'i/ de bzhin gshegs pa thams cad don dam par bla na med pa'i 'dod chags dang/ gnyis su med pa'i ngo bo thugs rje chen po'i zhe sdang gi thugs bskyed nas/ sems can thams cad la gnod pa byed pa'i bdud dang/ bgegs kyi tshogs thams cad gzhom pa'i thabs su ston pa mi bskyod pa rdo rje 'dzin gyi khro bo'i rgyal po mtshan 'dod pa zhes bya'i sku phyag rgya sbrul nas bstan to/ /chen po ni ci ltar smos pa de bzhin gshegs pa thams cad kyi bla na med pa'i 'dod chags kyi ngo bo de ni/ me long lta bu'i ye shes kyis ngo bo/ don des khro bo'i rgyal po chen por smos so/ / de ltar khro bo'i rgyal po chen po'i don du gsungs so/ /nyid kyi sku dang/ gsung dang thugs zhes pa ni/ ston pa mi bskyod pa rdo rje 'dzin nyid kyi sku phyag rgya sku dang/ /gsung dang thugs dang rdo rje gsum gcig pa'i ngo bor smos so/ /de lta bu'i sku gsum thugs rdo rje gsum dang/ gnyis su med pa'i ngo bor khro bo 'dod pa'i rgyal po bstan to/ /de ltar nyid kyi sku dang/ gsung dang thugs kyi don du gsungs so/ /rdo rje zhes pa ni/ ci ltar mdun du sku rdo rje dang/ gsung rdo rje dang/ thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /las phyung ngo zhes pa ni ston pa mi bskyod pa rdo rje 'dzin gyis khro bo 'dod pa'i rgyal po'i sngags rings ci ltar smos pa'i tshul gyi sku dang/ gsung dang thugs rdo rje gsum dang/ gnyis su med pa'i ngo bo phyung ba yin no/ /de ltar phyung ba'i don du gsungs so/ /de ni khro bo 'dod pa'i rgyal po'i sngags rings kyi ngo bo bstan par bya ste/ na ma sa man ta ka ya bak+tsit+ta badzra naM ta ki hUM dza/ zhes pa ni don

  496. 248b

    bshad par bya ste/ ci ltar yin na/ na ma sa man ta kA ya bak+tsit+ta badzra naM ni/ thugs kyi rigs kyi ngo bo ston pa mi bskyod pa rdo rje 'dzin nyid la sogs pa rigs lnga'i bye brag gi /de bzhin gshegs pa sa man tar ming btags pa grangs med par smos so/ /bshad par bya ste/ don dam par de bzhin gshegs pa thams cad kyi sku rdo rje dang/ gsung rdo rje dang thugs rdo rje dang/ de ltar rdo rje sum gnyis su med pa'i ngo bo 'dod pa'i rgyal por bstan no/ /de'i sngags rings sgrub pa pos bzla ba'i dus su dang po lus dang/ ngag dang yid gsum gyi phyag bya'o/ /de byas pas mdun du smos pa'i de bzhin gshegs pa thams cad kyi thugs mnyes par 'gyur ro/ /de'i yon tan gyis sgrub pa po sngags kyi mthu stobs dang/ dbang po thams cad rno bar 'gyur ro/ / de ltar na ma sa man ta ka ya bak+tsit+ta badzra naM gi don du gsungs so/ /de nas zhes bya ba ni lha dang/ mi la sogs pa phyi'i sems can thams cad kyi phyin ci log gi 'dod chags kyi ngo bor smos so/ /de ltar Ta ka'i don du gsungs so/ /ki zhes bya ba ni/ mdun du smos pa'i phyin ci log gi 'dod chags de dang/ gnyis su med pa bdag po'i gzugs lha'i bu ka ma de bar smos so/ /de ltar ka'i don du gsungs so/ /hUM zhes bya ba ni/ gong du smos pa'i khro bo 'dod pa'i rgyal po des/ sems can thams cad kyis phyin ci log gi 'dod chags kyi spyod pa spyad pa'i sa bon gyi 'bras bu/ dmyal bar gnas par 'gyur ba de las gsungs par mdzad pa'i phyir/ nyid kyi thugs ka'i gnas su sngags kyi sa bon yig 'bru hUM du gyur par mdzad do/ /de kha dog sngon po me long lta bu'i ye shes kyi ngo bo gzi brjid chen po phung po bzhin du 'bar zhing 'od du zhu nas/ ye shes kyi khu ba bzhin du gyur to/ /sa bon de las rdo rje kyo ba grangs med par gyur to/ /de ma thag tu rdo rje kyo ba des 'jig rten gyi khams thams cad kyi 'od

  497. 249a

    khams su khyab po/ /de'i dus su lha'i bu'i bdud kam de ba 'khor dang bcas pa thams cad rdo rje kyo bas snying ga nas gzung nas/ nyid kyi mdun du 'gugs par mdzad pa'o/ /de ltar hUM gi don du gsungs so/ /dza zhes bya ba ni/ mdun du smos pa'i sngags kyi tshul gyi sngags kyi sa bon yig 'bru hUM las rdo rje kyo ba spro bar mdzad ma thag tu/ dzar ming btags pa ni/ lha'i bu'i bdud ka ma de ba 'khor dang bcas pa thams cad 'gugs par mdzad pa'i phyir rdo rje'i kyo ba btang ba smos so/ /de ltar dza'i don du gsungs so/ /da ni khro bo 'dod pa'i rgyal po'i sngags rings kyi yon tan gyi don bstan par bya ste/ 'di ni gsungs ma thag tu yang/ /sangs rgyas bdag nyid chen po kun/ 'jigs shing dam tshig ldan par 'gyur/ /rdo rje'i sku ni rjes su dran/ /zhes bya ba ni don bshad par bya ste/ ji ltar yin na/ 'di ni gsungs ma thag tu yang/ /sangs rgyas bdag nyid chen po kun ni/ ston pa mi bskyod pa rdo rje 'dzin gyis ci ltar smos pa'i tshul gyi ting nge 'dzin mdzad pa'i 'og tu/ khro bo'i 'dod pa'i rgyal po sngags rings gsungs so/ /de ma thag tu sngags rings me long lta bu'i ye shes kyis me 'bar ba'i 'od kyis 'bar ro/ /de'i tsha ba chen pos sku'i rigs rnam par snang mdzad la sogs pa rigs lnga'i bye brag gi de bzhin gshegs pa bdag nyid chen por ming btags pa ston pa mi bskyod pa rdo rje 'dzin nyid las skyes pa yin no/ /don des de bzhin gshegs pa thams cad bdag nyid chen por smos/ de ltar 'di ni gsungs ma thag tu yang/ sangs rgyas bdag nyid chen po kun gyi don du gsungs so/ /'jigs shing dam tshig ldan par 'gyur zhes pa ni/ ci ltar smos pa'i tshul gyi tsha ba chen pos 'jigs pa de'i dus dam tshig tu ming btags

  498. 249b

    pa/ thugs rdo rje chen po'i ngo bo byang chub kyi sems de dang/ gnyis su med pa'i ngo bor zhugs par smos so/ /de ltar 'jigs shing dam tshig ldan par 'gyur gyi don du gsungs so/ /rdo rje'i sku ni rjes su dran zhes de ni ci ltar smos pa'i tshul gyi sku'i ngo bo ston pa mi bskyod pa rdo rje 'dzin nyid yin pa de/ rjes su dran nas/ skyobs shig skyobs shig /ces tshig brjod pa'i tshul bstan to/ /de ltar smos pa'i tshul de ni/ sgrub pa po'i sems bstan par bya ba dang/ dad pa bskyed pa'i phyir/ sdud pa po phyag na rdo rjes la dor ba'i tshig smos so/ /bshad par bya ste/ khro bo 'dod pa'i rgyal po'i sngags rings gsungs ma thag tu/ de'i dus su lha'i bu'i bdud ka ma de ba 'khor dang bcas pa gnod pa can de/ sngags kyi 'bar ba'i 'od kyi tsha bas bsregs pas/ sdug bsngal bar gyur te/ zhi bar bya ba'i phyir gong du smos pa'i rdo rje'i sku de la skyobs shig skyobs shig /ces tshig tu brjod pa'i tshul gyis rjes su dran no/ /de rjes su dran ma thag tu zhi ba dang bde bar gyur to/ / mdor bsdu ba de ltar rdo rje'i sku ni rjes su dran gyi don du gsungs so/ /da ni khro bo 'dod pa'i rgyal po'i bsgom pa dang/ sbyor ba dang/ sngags kyi 'das pa byas nas sgrub pa pos/ sngags thams cad ming btags pa lha mo la sogs pa sems can thams cad kyi chung ma rnams dgug par bya ba'i cho ga bstan par bya ste/ rdo rje sems pa'i sbyor ba yis/ /ling ga rkang pa g.yas pas mnan/ /rdo rje gsum sngags 'khor lo yis/ /sngags rnams thams cad 'gugs par 'gyur/ /zhes bya ba'i don bshad par bya ste/ ci ltar yin na/ rdo rje sems pa'i sbyor ba yis/ ling ga rkang pa g.yas pas mnan ni/ tsan d+ha la sogs pa'i rigs ngan gang yang rung ba'i skyes bu g.yul du mtshon phog nas/ shi ba'i ban da mdun du smos pa'i

  499. 250a

    tshul gyi dum bu lnga pa mtshan thams cad dang ldan pa blang ngo/ /de'i 'og tu sgrub pa pos zhi gnas su dgug pa'i sgrub pa bya ste/ mdun du smos pa'i ban d+ha de'i nang du gur gum dang/ kar pu ra dang/ go ro tsa na dang/ byang chub kyi sems dang/ pad ma rag ta dang/ khwa ta'i khrag dang/ rdzas de rnams gcig tu sres la btags te/ rdo rje'i chu dang dkrugs te/ des rdo rje sems dpa' i sku phyag rgya'i gzugs khwa ta'i mjug sgro'i rtsa ba'i phyogs kyis bri bar bya ste/ zhal gsum pa phyag drug phyag mtshan drug pa rin po che'i bye brag gi rgyan gyis brgyan pa dbu rgyan thor tshugs kyis brgyan pa/ zhal cung zad bzhad pa/ phyag g.yas dang po na rdo rje kyo ba 'dzin pa/ g.yon dang po na rdo rje zhags pa 'dzin/ phyag mtshan gzhan ni ci ltar smos pa'i tshul du bya'o/ /de'i zhal gnyis kyi 'og tu lha mo la sogs pa sems can thams cad kyi chung ma gang dgug par bya'i gzugs thal mo sbyar? bar sngar rdo rje sems pa bris pa'i rdzas de la/ btsag dang/ da du ra'i shing tog gi khu ba bsres la bri ba'o/ rdo rje sems dpas rdo rje'i kyo ba 'dzin pa des/ b+ha ga nas 'dzin par bri'o/ /rdo rje zhags pas mgul pa nas bcing bar bya'o/ /dgug par bya ba'i mo de'i 'og tu 'ug pa'i khrag gis nyi ma'i dkyil 'khor bri'o/ /nyi ma'i dkyil 'khor 'og tu byang chub sems dang/ pad ma rag ta dang/ 'ug pa'i khrag dang/ rdzas de dag bsres pas/ sku rdo rje dang gsung rdo rje dang/ thugs rdo rje dang/ de ltar rdo rje gsum gyi sngags rings kyi ngo bo oM A(rgyud 'grel): hUM gsum gyis bskor bar bri'o/ /g.yon bskum pas snying gar gnon par bri'o/ /de ltar sbyor ba byas nas/ dkyil 'khor zur gsum kun tu khru re dang/ sor lngas bsku bar bya'o/ /de'i 'og tu

  500. 250b

    sgrub pa pos brtson 'grus chen po'i bsam gtan bskyed nas de'i 'og tu 'dug go /de'i 'og tu mdun du smos pa'i cho ga bzhi'i tshul gyis/ rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa de bzhin du 'dir bya'o/ /de lta bu'i ngo bo rdo rje mi bskyod pa'i sku phyag rgya gyur ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo ci ltar smos pa'i mtshan dang/ yon tan thams cad dang ldan pa blang ngo/ /shes rab ma de ye shes kyi lha mo mA ma kI dang/ gnyis su med pa'i ngo bor byin gyis brlab par bya'o/ /de'i 'og tu sgrub pa pos zhe sdang chen po'i sems dga' bas/ gnyis su med par 'khyud pa'i sbyor bas thabs dang shes rab rol pa byas nas/ bde bar gyur pa'i dus su rdo rje'i lam gyi sgo nas/ shes rab ma'i b+ha ga'i dbus su byang chub sems kyi rgyun bzhin du 'od du zhu nas/ de rgya mtsho dang mnyam par gyur bar bsam mo/ /de'i steng du sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid chen pos 'bar zhing 'od du zhu nas/ ye shes kyi khu ba lta bu byang chub sems kyi rgya mtsho la gnyis su med par thim par gyur to/ /sa bon de las khro bo 'dod pa'i rgyal po'i sku phyag rgya bskyed par bya'o/ /de khro mo'i rgyal mo 'dod pa'i dbang phyug ma dang/ gnyis su med pa'i 'khyud pa'i sbyor ba dang ldan par bya'o/ /sku phyag rgya'i cha lugs phun sum tshogs pa bzhin/ mdun du ci ltar smos pa bzhin du 'dir bstan to/ /de lta bu'i ngo bo khro bo 'dod pa'i rgyal po'i sku phyag rgya bskyed ma thag tu/ skyed par mdzad mkhan

  501. 251a

    rdo rje mi bskyod pa'i sku phyag rgya khro bo 'dod pa'i rgyal po'i sku phyag rgya'i spyi bo la dbang bskur ba'i tshul du bsam mo/ /tshul de ltar khro bo 'dod pa'i rgyal po'i sku phyag rgya'i bskyed ma thag tu/ sgrub pa pos de dang/ gnyis su med pa'i nga rgyal du bsgom par bya'o/ /de'i dus su mdun du smos pa'i sbyor ba dang ldan pa'i ban d+ha de/ sgrub pa pos nyid kyi rkang pa g.yon pa bskum pa'i 'og tu gzhug go /de bzhin du rkang pa g.yas pa brkyang pas ling ga mnan par bya'o/ /de ltar sbyor ba'i bsgom pas khro bo 'dod pa'i rgyal po'i sngags rings khro bo chen po'i brtson 'grus kyis 'bum phrag gsum gyi grangs kyi tshad du bsnyen pa spel ba'i tshul gyis/ a mo kaM b+ha ni taM a kar sha ni ku ru zhes bya'o/ /de byas pas dgug pa'i dngos grub kyi 'bras bu grub pa'i dus su mtshan ma gnyis 'byung bar 'gyur te/ ban d+ha 'bar ba dang/ de'i 'og tu 'phar ba'o/ /de ma thag tu mo gang bsgrub par bya ba de se skrag nas rdul zhing thal mo sbyad nas khugs par 'gyur ro/ de ma thag tu sems brten pas 'dod chags chen po'i sems dga' bas sbyad par shes par bya'o/ /de ltar rdo rje sems dpa' i sbyor ba yis ling ga rkang pa g.yas pas gnon gyi don du gsungs so/ /rdo rje gsum sngags 'khor lo yis/ / sngags rnams thams cad 'gug par 'gyur/ zhes pa ni/ rdo rje gsum gyi sngags kyi 'khor lo'i don mdun du bshad pas 'dir bshad mi dgos so/ /sngags rnams thams cad 'gug par ming btags pa ni/ gong du smos pa'i lha mo la sogs pa sems can thams cad kyi chung ma ste/ de dag tshul ji ltar smos pa'i sgom pa dang/ sbyor ba dang/ sngags kyi bzlas pa byas pas 'gugs par 'gyur bar gsungs so/ /de ltar rdo rje gsum sngags 'khor lo yis/ sngags rnams

  502. 251b

    thams cad bsgrub par 'gyur gyi don du gsungs so/ /khro bo 'dod pa'i rgyal po'i sngags rings gsungs pa'i 'og tu/ nga ni khro bo'i rgyal po'i arya a rtsa la'i sngags rings pa'i cho ga'i don bstan par bya ste/ de nas bcom ldan 'das ye shes kyi chu'i phreng ba/ rdo rje zhes bya ba'i ting nge 'dzin la snyoms par zhugs nas/ zhes bya ba ni/ de nas ni mdun du smos pa'i khro bo 'dod pa'i rgyal po'i sngags rings gsungs pa'i 'og tu/ khro bo'i rgyal po arya a rtsa la'i sngags rings gsungs par mdzad pa'i cho ga'i don mtshon pa'o/ /bcom ldan 'das zhes pa ni/ mdun du smos pa'i tshul gyi ston pa mi bskyod pa rdo rje 'dzin nyid kyi yon tan gyi bstod pa'i mtshan bcom ldan 'das yin par sdud pa pos smos pa'o/ /de'i don mdun du bshad pa bzhin du 'dir sbyar ro/ /ye shes kyi chu'i 'phreng ba zhes pa ni/ ston pa mi bskyod pa rdo rje 'dzin gyis ting nge 'dzin la snyoms par ma zhugs pa'i mdun du/ sku phyag rgya'i kun nas/ nyid kyi rigs me long lta bu'i ye shes kyi ngo bo'i gzi brjid phreng bar ming btags pa/ sprin lta bu lha la sogs pa sems can thams cad kyi steng du/ ye shes kyi bdud rtsi'i chu'i char dbab pa'i phyir spro bar mdzad do/ /de ma thag tu lha la sogs pa sems can thams cad kyi lus la ye shes kyi bdud rtsi'i chu thim ma thag tu/ 'khor ba'i las kyi sdug bsngal gyi tsha ba des zhi ba 'am/ med par gyur to/ /de ltar ye shes kyi chu'i phreng ba'i don du gsungs so/ /rdo rje zhes bya ba'i ting nge 'dzin la snyoms par zhugs nas/ zhes pa ni/ ston pa mi bskyod pa rdo rje 'dzin gyis/ 'khor thams cad kyi nang du/ zhe sdang chen po'i thugs dgyes pas/ ci ltar smos pa'i tshul gyi nyid kyi shes rab ye shes kyi lha mo mA ma kI dang/

  503. 252a

    gnyis su med pa'i 'khyud pa'i sbyor bas/ gsang ba'i dbang po gnyis mnyam par sbyor bar mdzad do/ /de ma thag tu gsang ba'i thugs ka nas/ ye shes sems pa'i gnas su me long lta bu'i ye shes kyi ngo bo sngags kyi sa bon yig 'bru hUM/ kha dog sngon por gyur par mdzad do/ /sa bon pa las me long lta bu'i ye shes kyi ngo bo'i gzi brjid kyi phreng ba/ ba spu'i bu ga'i lam gyi sgo nas spro bar mdzad/ /des 'jig rten gyi khams thams cad du khyab po/ /de ma thag tu ma ha de ba la sogs pa lha mthu bo che thams cad phyag brnyan dang bcas pa byin gyis brlab par mdzad do/ /de'i byin gyis brlabs pas nga rgyal gyi dregs pa zhi bar 'gyur ro/ /de ltar byas pa'i 'og tu gzi brjid kyi phreng ba de/ ci ltar smos pa'i spros pa'i lam du/ spros pa'i gnas kyi sngags kyi sa bon yig 'bru hUM de las/ gnyis su med pa'i slar bsdu bar mdzad do/ /de ma thag tu sngags kyi sa bon yig 'bru hUM de nyi ma'i dkyil 'khor stong dang mnyam par 'bar zhing 'od du zhu nas/ me long lta bu'i ye shes kyi ngo bo'i khu ba rgya mtsho dang mnyam par gyur par gyur To/ /sa bon de las zhe sdang chen po'i ngo bo arya a rtsa la'i sku phyag rgya mdun du smos pa'i tshul gyi sku mdog dang/ zhal dang phyag dang phyag mtshan dang/ rgyan rnams dang ldan pa/ grangs med pa sprin bzhin du/ ba spu'i bu ga'i lam gyi sgo nas spro bar mdzad do/ /des 'jig rten gyi khams thams cad du khyab po/ /de ma thag tu mdun du smos pa'i ma ha de ba la sogs pa/ lha mthu bo che thams cad phyag brnyan dang bcas pa byin gyis brlab par mdzad pas/ mdun du smos pa'i nga rgyal gyi dregs pa zhi bar gyur par smos so/ /de ltar mdzad nas khro bo'i rgyal po arya a rtsa la'i sku phyag rgya spro ba'i lam

  504. 252b

    nas/ gsang ba'i thugs ka ye shes sems dpa' i gnas su gnyis su med pa'i ngo bor bsdu bar mdzad do/ /tshul de ltar gzi brjid kyi phreng ba dang/ arya a rtsa la'i sku phyag rgya grangs med pa sprin lta bu spro bar mdzad pa zhe sdang chen po'i thugs kyang bskyed nas/ ci ltar smos pa'i tshul gyi nga rgyal gyi dregs pa dang ldan pa'i ma ha de ba la sogs pa/ mthu po che thams cad phyag brnyan dang bcas par byin gyis brlab par spro ba dang gnyis su med par bsdu bar mdzad pa'o/ /rdo rje ni me long lta bu'i ye shes kyi ngo bo spro ba dang bsdu ba'o/ /don de rdo rje'i ting nge 'dzin du smos so/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su thugs rtse gcig par gyur pa'o/ /don des snyoms par smos so/ /mdor bsdu ba de ltar rdo rje zhes bya ba'i ting nge 'dzin la snyoms par zhugs pa'i don du gsungs so/ /ting nge 'dzin mdzad pa'i 'og tu da ni sngags dang khro bo'i rgyal po'i ngo bo'i don gyi cho ga'i tshul gyi don bstan par bya ste/ mi g.yo rdo rje'i dbyug pa dam tshig gi khro bo 'di/ nyid kyi sku dang gsung dang/ thugs rdo rje las phyung ngo/ /zhes bya ba ni/ mi g.yo rdo rje'i dbyug pa ni/ dpal rdo rje sems pa'i thugs de ni/ lha thams cad la sogs pa bdud dang/ bgegs kyi cho gas ma rungs pa sna tshogs kyi bye brag gi gnod pa byed pas/ g.yo bar mi nus pas don des mi g.yo bar smos so/ /rdo rje dbyug pa ni gong du smos pa'i phyag mtshan 'jigs pa da me long lta bu'i ye shes kyi ngo bo ci ltar smos pa'i gnod pa can 'joms par mdzad pa'i mtshan yin no/ /de ltar mi g.yo rdo rje dbyug pa'i don du gsungs so/ /dam tshig gi khro bo'i zhes pa ni/ dpal rdo rje sems dpa' i dam tshig tu ming btags pa/ thugs rje chen po'i zhe sdang gi thugs de ni me long lta bu'i ye shes yin la de dang/

  505. 253a

    gnyis su med pa'i ngo bo khro bo arya a rtsa la'i sku phyag rgya de ci ltar smos pa'i gnod pa byed pa/ de dag gzhom pa'i phyir sbrul pa yin no/ /don des dam tshig gi khro bor smos so/ /de ltar dam tshig gi khro bo'i don du gsungs so/ /nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku phyag rgya sku dang gsung dang thugs rdo rje gsum gcig pa'i ngo bor bstan to/ /de ltar sku dang gsung dang thugs rdo rje gsum dang gnyis su med pa'i ngo bor khro bo'i rgyal po arya a rtsa la bstan to/ /de ltar nyid kyi sku dang gsung dang/ thugs rdo rje'i don du gsungs so/ /rdo rje zhes pa ni/ ci ltar mdun du sku rdo rje dang/ gsung rdo rje dang/ thugs rdo rje gnyis su med par bshad pa de bzhin du 'dir bstan to/ /de ltar rdo rje'i don du gsungs so/ /phyung ngo zhes pa ni/ ston pa mi bskyod pa rdo rje 'dzin gyis/ khro bo'i rgyal po arya a rtsa la sngags rings de ci ltar smos pa'i tshul gyi sku dang gsung dang thugs rdo rje gsum dang/ gnyis su med pa'i ngo bo phyung ba yin no/ /de ltar phyung ba'i don du gsungs so/ /da ni khro bo'i rgyal po arya a rtsa la'i sngags rings kyi ngo bo bstan par bya ste/ na ma sa man ta ka ya bak+tsit+ta badzra naM/ a tsa la ka na/ na ta Na Ta mo Ta mo Ta ha ha/ mo ha mo ha/ sa ha sa ha/ ha na ha na/ da ha da ha/ tishtha tishtha/ a b+hi sha a b+hi sha /ma ha man+t+ra pa la ka /d+hu na d+hu na/ ki ni ki ni/ kha d+ha kha d+ha/ bignaM/ ma ra ma ra/ du staM b+ha ksha b+ha ksha/ sarba ku ru ku ru/ ki ri ki ri/ ma ha b+hi sha ma badzra spho tha ta ya/ spho ta ya/ hUM hUM/ tri ba li ta rad? ka pa ra ka oM ha/ a tsa la tse ta/ spho ta ya/ spho ta ya/ hUM a sa ma tra ka ra ta/ ma ha ba la sha ta ya/ sa ma ya/ maM traM haM/ shu d+ha du lo ka /to sha ho badzri/ na mo swa bra ti ha ta/ b+hi laM b+hya dzwa la ya

  506. 253b

    tra ta a sa ha na/ ma swAhA// //zhes bya ba'i don bshad par bya ste/ ci ltar yin na/ na ma sa man ta ka ya bak+tsit+ta badzra naM ni/ thugs kyi rigs ston mi bskyod pa rdo rje 'dzin nyid la sogs rigs lnga'i bye brag gi /de bzhin gshegs pa thams cad sa man tar ming btags pa/ grangs med par smos so/ /bshad par bya ste/ don dam par de bzhin gshegs pa thams cad kyi sku rdo rje dang/ gsung rdo rje dang/ thugs rdo rje dang/ de ltar rdo rje gsum gnyis su med pa'i ngo bo yin no/ /de dang gnyis su med pa'i ngo bor khro bor rgyal po arya a rtsa la bstan to/ /de'i sngags rings sgrub pa pos bzlas pa bya ba'i dus su/ dang po ci ltar smos pa'i tshul du lus dang/ ngag dang yid gsum gyi phyag bya'o/ /de byas pas mdun du smos pa'i tshul gyi de bzhin gshegs pa thams cad kyi thugs mnyes par 'gyur ro/ /de'i yon tan gyis sgrub pa pos sngags kyi mthu dang/ stobs dang/ gzhan yang bde ba dang/ /longs spyod thams cad kyi 'bras bu thob par 'gyur bar bstan to/ /de ltar nam sa man ta kA ya bak+tsit+ta badzra naM gyi don du gsungs so/ /a rtsa la ka nan ta zhes bya ba ni/ a rtsa la ming btags pa ni mdun du smos pa'i lha thams cad la sogs pa bdud dang/ bgegs kyi tshogs ma rungs pa thams cad kyi gnod pa'i bye brag sna tshogs kyis g.yo bar mi nus pas don des a rtsa la smos so/ /ka na ming btags pa khro bo'i rgyal po arya a rtsa la'i 'jigs pa'i zhal gsum du smos so/ /na ta ming btags pa ni mdun du smos pa'i zhal gsum po de khro bo chen po/ zhe sdang gis ci ltar smos pa'i bdud dang/ bgegs kyi tshogs ma rungs pa thams cad 'joms par mdzad phyir g.yo ba'i tshul du gzigs pa'o/ /de ltar a tsa la ka nan ta'i

  507. 254a

    don du gsungs so/ /yang na ta zhes bya ba ni/ khro bo'i rgyal po arya a tsa la sogs pa mdun du smos pa'i zhal gsum g.yo ba'i tshul gyi spyan gyi gzigs ma thag tu lha la sogs pa bdud dang/ bgegs kyi tshogs ma rungs pa thams cad kyi na ta ming btags pa/ gdod pa phyin phyogs su gyur pa yin no/ /de ltar na lta'i don du gsungs so/ /mo ta zhes bya ba ni/ sems can thams cad la bdud dang/ bgegs ma rungs pa thams cad kyi thabs kyi bye brag sna tshogs kyis gnod pa byed pas mo ta ming btags pa sdug bsngal bskyed par byed pa'o/ /de ltar mo ta'i don du gsungs so/ /yang mo ta zhes bya ba ni/ khro bo'i rgyal po arya a tsa las me long lta bu'i ye shes kyi cho 'phrul gyi bye brag sna tshogs spros pa'i thabs kyi/ ci ltar smos pa'i tshul gyi bdud dang bgegs ma rungs pa thams cad byin gyis brlabs nas/ mo ta ming btags pa nyam thag pa'i sdug bsngal bar mdzad par smos so/ /de ltar mo ta'i don du gsungs so/ /ha ha mo ha zhes bya ba ni/ ha ha ra ming btags pa sems can rnams rims la sogs pa nad gang yang rung bas/ zin pa'i dus su lha ma yin dang gnod sbyin gyis myos pa'i byed pa yin no/ /de ltar ha ha mo ha'i don du gsungs so/ / yang mo ha zhes bya ba ni/ khro bo'i rgyal po arya a tsa las thugs rje chen po'i zhe sdang gis thugs bskyed nas/ sems can nad pa rnams bsdu ba'i phyir/ mdun du smos pa'i lha ma yin dang gnod sbyin me long lta bu'i ye shes kyi byin gyis brlabs nas mos par mdzad par smos so/ /de ltar mo ha'i don du gsungs so/ /sa ha zhes bya ba ni/ grul bum dang klu ma rungs pa rnams kyis/ sems can thams cad la gnod pa byed pa'i dus su gzugs kyi bye brag sna tshogs su snang ba dang/

  508. 254b

    mi snang ba'i tshul gyis sa ha'i ming btags pa sems 'khrul par byed par smos so/ /de ltar sa ha'i don du gsungs so/ /yang sa ha zhes bya ba ni/ grul bum dang klu ma rungs pa rnams kyis sems can thams cad la gnod pa byed pa'i dus su khro bo'i rgyal po arya a tsa las thugs rje chen po zhe sdang gi thugs bskyed nas me long lta bu'i ye shes kyi ngo bo cho 'phrul gyi bye brag sku phyag rgya'i gzugs la sogs pa spro ba dang bsdu ba'i tshul gyis sems 'khrugs par mdzad par smos so de ltar sa ha'i don du gsungs so/ /ha na zhes bya ba ni/ khro bo'i rgyal po arya a tsa las khro bo chen po'i zhe sdang gi thugs bskyed nas/ rdo rje la sogs pa ye shes kyi mtshon cha'i bye brag sna tshogs ha na'i ming btags pa 'bab pas bdud dang/ bgegs kyi rgyal po ma rungs pa thams cad 'joms par mdzad pa smos so/ /de ltar ha na'i don du gsungs so/ /yang na ha na zhes bya ba ni/ ci ltar bdud dang bgegs ma rungs pa'i rgyal po thams cad mtshon char bab? nas bcom pa de bzhin du/ de dag gi 'khor thams cad kyang bcom pa'o/ /de ltar ha na'i don du gsungs so/ /da ha zhes bya ba ni/ mdun du smos pa'i bdud dang bgegs kyi rgyal po ma rungs pa thams cad khro bo'i rgyal po arya a tsa las nyid kyi sku phyag rgya'i kun nas/ me long lta bu'i ye shes kyi ngo bo 'bar ba chen pos spros pa'i tsha bas har ming btags pa bsreg par mdzad/ de ltar da ha'i don du gsungs so/ /yang da ha zhes bya ba ni ji ltar bdud dang bgegs ma rungs pa'i rgyal po thams cad bsreg par mdzad pa de bzhin du/ de dag gi 'khor thams cad kyang bsrig par mdzad pa'o/ /de ltar da ha'i don du gsungs so/ /tishtha zhes bya ba ni 'jig rten gyi khams thams cad na gnas pa'i bdud dang/ bgegs ma rungs

  509. 255a

    pa'i dpung thams cad kyis sems can la bye brag sna tshogs kyis gnod pa byed par bstan to/ /tishtha ming btags pa zhe sdang gi sems rtse gcig par bstan par gnas pa'o/ /de ltar tishtha'i don du gsungs so/ /yang tishtha zhes bya ba ni/ gong du smos pa'i bdud dang bgegs kyi dpung thams cad med par mdzad pa'i phyir khro bo'i rgyal po/ arya a tsa las tishtha ming btags pa zhe sdang chen po'i thugs rtse gcig par bstan par gnas par bstan to/ / de ltar tishtha'i don du gsungs so/ /a bi sha zhes bya ba ni/ khro bo'i rgyal po arya a rtsa la khyod kyis brgya byin dang tshangs pa dang/ dbang phyug chen po la sogs pa/ lha mthu can thams cad 'khor dang bcas pa me long lta bu'i ye shes kyis byin gyis brlabs nas/ a bi sha'i ming btags pa dbang du mdzad par smos so/ //de ltar a bi sha'i don du gsungs so/ /yang a bi sha zhes bya ba ni tshul ci ltar me long lta bu'i ye shes kyis lha thams cad byin gyis brlabs pa/ de bzhin du bdud dang/ bgegs kyi tshogs ma rungs pa thams cad kyis sems can thams cad la bye brag sna tshogs kyis gnod pa byed pa rnams a bi sha'i ming btags pa dbang du mdzad ces pa'o/ /de ltar a bi sha'i don du gsungs so/ /ma ha man tra pa la du na zhes bya ba ni/ ma ha man tra ming btags pa ni/ nyid kyi rigs kyi bdag po dpal rdo rje sems dpa' me long lta bu'i ye shes dang/ gnyis su med pa'i ngo bo'i sngags kyi sa bon yig 'bru hUM de/ khro bo'i rgyal po arya a tsa la khyod kyis pa la ka ming btags pa sngags kyis sa bon yig 'bru hUM gi byin brlabs kyi stobs kyis/ dus rtag tu sgrub pa pos rjes su dran ma thag tu bdud dang/ /bgegs kyi tshogs

  510. 255b

    ma rungs pa thams cad/ du na ming btags pa bcom par mdzad pa'o/ /de ltar ma ha man tra pa la ka du na'i don du gsungs so/ /yang du na zhes bya ba ni/ khro bo'i rgyal po arya a tsa la khyod kyis nyid kyi sgrub pa pos sngags kyi bzlas pa byed pa'i dus su/ ci ltar smos pa'i me long lta bu'i ye shes dang gnyis su med pa'i ngo bo'i sngags yin pa de'i byin gyis brlabs kyis/ sgrub pa po'i lus la gnyis su med pa'i ngo bor gnas pa'i/ 'dod chags dang zhe sdang la sogs pa nyon mongs pa rnam pa lnga dug gi ngo bo de du nar ming btags pa med pa 'am bcom par mdzad pa'o/ /de ltar du na'i don du gsungs so/ /ki ni zhes bya ba ni/ sa 'og gi 'jig rten na gnas pa'i ki ni ming btags pa/ klu'i rgyal po ma rungs pa thams cad smos so/ /de ltar ki ni'i don du gsungs so/ /yang ki ni zhes bya ba ni/ na ma ka la gnas pa'i ki ni/ ming btags pa klu'i rgyal po ma rungs pa thams cad du smos so/ /de ltar ki ni'i don du gsungs so/ /kha d+ha zhes bya ba ni khro bo'i rgyal po arya a tsa la khyod kyis khro bo'i chen po'i zhe sdang gi thugs bskyed nas/ mdun du smos pa'i sa 'og gi 'jig rten na/ gnas pa'i klu'i rgyal po ma rungs pa thams cad 'khor dang bcas pa kha d+ha ming btags pa gsol bar mdzod ces pa'o/ /de ltar kha d+ha'i don du gsungs pa'o/ /yang kha d+ha zhes bya ba ni/ sa 'og gi 'jig rten na gnas pa'i klu'i rgyal po ma rungs pa/ thams cad ci ltar gsol ba de bzhin du nam mkha' i gnas pa'i klu'i rgyal po ma rungs pa thams cad kyang gsol bar mdzad ces pa'o/ /de ltar kha d+ha'i don du gsungs so/ /rig naM ma ra zhes bya ba ni/ khro bo'i rgyal po arya a rtsa la khyod kyis rdo rje la sogs pa mtshon cha'i bye brag sna tshogs 'bab pa'i tshul gyis

  511. 256a

    sems can thams cad la gnod pa byed pa'i bdud dang/ bgegs ma rungs pa da lta'i dus na gnas pa/ thams cad ma rar ming btags pa srog med par mdzod ces pa'o/ /de ltar big naM ma ra'i don du gsungs so/ /yang ma ra zhes bya ba ni de ltar gnas pa'i bdud dang bgegs ma rungs pa thams cad ci lta bu'i thabs kyi tshul gyis gsod par mdzad pa de bzhin du/ phyin ci log gi nyon mongs pa zhe sdang gi las byas pa'i sa bon gyis ma 'ongs pa'i dus na skye ba'i bdud dang/ bgegs ma rungs pa thams cad gsang par mdzod ces pa'o/ /de ltar ma ra'i don du gsungs so/ /dushTaM b+haksha zhes bya ba ni mdun du smos pa'i ma rungs pa'i rgyal po thams cad khro bo'i rgyal po arya a tsa la khyod kyis me long lta bu'i ye shes kyis byin gyis brlabs la gsang ba'i gzugs kyi tshul gyis gsol bar mdzod ces pa'o/ /de ltar dushta ma b+ha ksha'i don du gsungs so/ /yang b+haksha zhes bya ba ni/ ci ltar 'dod pa'i rgyal po ma rungs pa thams cad gsol bar mdzad pa de bzhin du dag gi 'khor thams cad kyang gsol bar mdzod ces pa'o/ /de ltar b+haksha'i don du gsungs so/ /ku ru zhes bya ba ni/ khro bo'i rgyal po arya a tsa la'i sgrub pa po la sogs pa'i sems can thams cad la bdud dang bgegs ma rungs pa thams cad kyi sgyu ma thams cad dang/ stobs kyi las kyi thabs kyis gnod pa byed pa'o/ /de ltar sarba ku ru'i don du gsungs so/ /de nas yang ku ru zhes bya ba ni/ bdud dang bgegs ma rungs pa thams cad kyis sgyu ma dang stobs kyi thabs kyi las kyi gnod pa byed pa de dag thams cad khro bo'i rgyal po arya a tsa la khyod kyis khro bo chen po'i zhe sdang gis me long lta bu'i ye shes kyi cho 'phrul gyi sgyu ma'i stobs kyis byin gyis brlab

  512. 256b

    ba'i thabs kyis gnyen po'i ngo bo gnod par ming btags pa 'joms par mdzad pa'o/ /de ltar ku ru'i don du gsungs so/ /ki'i zhes bya ba ni klu dang 'byung po dang/ gnod sbyin la sogs pa'i sems can ma rungs pa thams cad kyi rgan mo'i lus su sprul nas sems can la nad kyi dus su mos pa la sogs pa bye brag sna tshogs kyis gnod pa byed pa'o/ /de ltar ki ri'i don du gsungs so/ /yang ki ri zhes bya ba ni mdun du smos pa'i sems can ma rungs pa thams cad kyis rgan mo'i lus su sprul nas gnod pa byed pa khro bo'i rgyal po arya a tsa la khyod kyis me long lta bu'i ye shes kyi ngo bo nyid lta bu sprin bzhin du spros pas reg ma thag tu bcom par mdzod ces pa'o/ /de ltar ki ri'i don du gsungs so/ /ma ha b+hi sha ma badzra bo ta ya zhes bya ba/ /de brjod pas sgrub pa po nyid kyi dgra dang dkon mchog gsum la gnod pa byed pa dang/ sems can thams cad la gnod pa byed pa la sogs pa sems can ma rungs pa dang/ dgra de dag gi dbang po phrog par mdzod/ de ma thag tu de'i lus 'gyel nas yan lag nying lag thams cad zhig par 'gyur ba'o/ /bshad pa bya ste/ yig 'bru spho ta ni/ me long lta bu'i ye shes kyi ngo bo yin no/ /yig 'bru ya ni bya ba nan tan gyi ye shes kyi ngo bo yin par bstan to/ /b+hi ma la badzra ming btags pa ni khro bo'i rgyal po arya a tsa la rdo rje rigs me long lta bu'i ye shes rab gnyis su med pa'i ngo bo'i sku phyag rgya de ni ma rungs pa dang dgra med par mdzad mkhan yin no/ /don des khro bo'i rgyal po arya a tsa la ma ha b+hi sha ma badzra smos so/ /de ltar ma ha b+hi sha ma badzra spho ta'i don du gsungs so/ /yang spho ta ya zhes bya ba ni sngags kyi yig 'bru de brjod pa'i sngar dkon mchog gsum la gnod pa byed pa dang/ /sems can thams cad la gnod pa byed pa dang/ sgrub pa po'i dgra rnams 'gyel nas yan lag dang nyid la gzhi

  513. 257a

    par gyur ba de ma thag tu lus kun dum bu dum bur so sor bye bar gyur par smos so/ /de ltar spho tra'i don du gsungs so/ /hUM zhes bya ba ni/ de brjod pas ci ltar smos pa'i dgra ma rungs pa thams cad kyi cho 'phrul dang/ sgyu ma dang stobs dang/ gnod pa byed pa'i thabs kyi ngo bo de dag 'joms par 'gyur ba'o/ /de ltar hUM gi don du gsungs so/ /yang hUM zhes bya ba de brjod pas dgra ma rungs pa thams cad kyi 'od dang 'gro ba'i phyogs kun mtshams bcad par 'gyur ro/ /de ltar hUM gi don du gsungs so/ /tri ba li ta ra ga bar rda ga /oM ha zhes bya ba ni/ tri ming btags pa ni dus gsum du bstan to/ /ba li ming btags pa ni 'khor ba'i rgya mtshor bstan to/ /ta rang ga bar ming btags pa ni/ ci ltar rlung gis rgya mtsho bskyod pa de bzhin du/ sems can thams cad 'khor ba'i rgya mtshor ltung ba de phyin ci log pa'i las byas pa'i rlung gi ngo bos bskyod nas sdug bsngal gyis nyam thag pas brlab lta bus yang 'da' ba dang 'byung ba'i tshul du skye ba'o/ /ka ming btags pa ni thugs rje chen po'i ngo bo'i thugs so/ /oM du ming btags pa ni me long lta bu'i ye shes kyis sems can thams cad byin gyis brlab bar mdzad pa gru'i ngo bor smos so/ /hA ming btags pa ni/ sgrol bar mdzad pa'i gru mkhan lta bu khro bo'i rgyal po arya a tsa la nyid du bstan to/ /de ltar tri ba li ta rang ga bar rta ka oM ha'i don du gsungs so/ /ta zhes bya ba ni/ khro bo'i rgyal po arya a tsa las da ltar gnas pa'i sems can thams cad 'khor ba'i rgya mtsho las ci ltar sgrol bar mdzad pa de bzhin du/ ha ming btags pa ma 'ongs pa'i sems can thams cad kyang sgrol bar mdzod ces pa'o/

  514. 257b

    de ltar hA'i don du gsungs so/ /a tsa la tse ta spho ta ya zhes bya ba ni khro bo'i rgyal po arya tsa la khyod kyis arya tsa la te tsa ming btags pa nyid lta bu'i sku phyag rgya sprin bzhin du ba spu bu ga'i lam gyi sgo nas 'jig rten gyi khams thams cad du spro bar mdzad do/ de ma thag tu lha dang klu dang gnod sbyin dang/ 'byung po la sogs pa bgegs kyi ma rungs pa thams cad 'khor dang bcas pa'i so so'i bran bzhin thams cad la reg pa'i tshul gyis byin gyis brlab par mdzad do/ /byin gyis brlabs ma thag tu spho te ya ming btags pa de da gi lus kun dum bu dum bur gyur pa'o/ /de ltar a tsa la tse ta spho ta ya'i don du gsungs so/ /yang spho ta zhes bya ba de ni mdun du smos pa'i sems can thams cad la gnod pa byed pa'i bran thams cad med par mdzad pa'i 'og tu/ de dag gi gnas po ta ya ming btags pa 'joms pa 'am med par mdzad par smos so/ /de ltar spho ta'i don du gsungs so/ /hUM a sa ma tre ka ra ta zhes bya ba ni sngags kyi sa bon yig 'bru hUM de ni rdo rje rigs me long lta bu'i ye shes yin te/ de las rdo rje'i rigs khro bo'i rgyal po arya a tsa la bskyed par bstan to/ /bshad par bya ste/ sngags kyi sa bon yig 'bru hUM khro bo chen po'i brtson 'grus kyis brjod pas a sa ma tre kaM ming btags pa mi ma yin pa ma rungs pa thams cad kyi nang na/ khyad par gyis mi mnyam pa lha ma yin gyi rgyal bar byed pa dang/ sbrang rtsi'i byed pa dang/ don thams cad grub par byed pa rnams ni cho 'phrul dang/ sgyu ma dang stobs dang/ mthu'i rlabs dang ldan pa'o/ /de ltar bu tre ka ming btags pa gsum du smos so/ /ra ta ni ci ltar smos pa'i lha ma yin gyi rgyal po de dag 'khor dang bcas pa rnams rang rang gi gnas nas bskrad par 'gyur ba'o/ /de ltar hUM oM sa ma ta ka ra

  515. 258a

    ta'i don du gsungs so/ /ma ha ba la sha ta ya zhes bya ba ni khro bo'i rgyal po arya tsa la khyod ni de bzhin gshegs pa thams cad kyi thugs rdo rje dang gnyis su med pa'i ngo bo ste/ don des khro bo'i rgyal po arya tsa la nyid maha ba la ming btags pa stobs po che yin no/ /sha ta ka ni/ lha dang mi la sogs pa sems can thams cad me long lta bu'i ye shes kyi cho 'phrul sprul pa'i byin gyi brlabs kyis sha ta ya ming btags pa bran bzhin du 'dul bar mdzad pa'o/ /de ltar ma ha ba la sha da ya'i don du gsungs so/ /sa ma ya maM traM taM zhes bya ba ni khro bo'i rgyal po arya tsa la khyod sa ma ya ming btags pa thugs rje chen po'i ngo bo'i thugs bskyed par mdzad de/ maM du ming btags pa ni sgrub pa po nyid do/ /traM ni sgrub pa po la sogs pa sems can thams cad 'khor ba'i 'jigs pa thams cad las traM du ming btags pa bskyab par mdzod ces pa ni/ /haM ni mdun du smos pa'i sgrub pa la sogs pa sems can thams cad haM du ming du btags pa me long lta bu'i ye shes kyis byin gyis brlab par mdzad pas/ lus la nad med pa dang gzi brjid kyis rgyas pa dang/ stobs dang ldan par mdzod ces pa'o/ /de ltar sa ma ya maM traM haM gyi don du gsungs so/ /shud d+ha du lo ka zhes bya ba ni/ khro bo'i rgyal po arya tsa la khyod kyis 'gro ba sems can gyi 'jig rten gyi khams thams cad nyon mongs pa'i las kyi sdig pa'i dri ma ldan pas/ shud d+ha du ming btags pa/ me long lta bu'i ye shes kyis byin gyis brlab par mdzad pa'i bkru bas bcom par mdzad pa'o/ /de ltar mdzad nas bsod nams dang ye shes kyi gnod du 'gyur bar smos so/ /de ltar shud d+ha du lo ka'i don du gsungs so/ /to sha to badzri

  516. 258b

    zhes bya ba ni badzra ming btags pa rdo rje'i rigs khro bo arya a tsa li nyid yin no/ /de'i sngags rings bzlas pa byas pas de mnyes par 'gyur/ /de'i dus su sgrub pa pos ci ltar 'dod pa'i dngos grub kyi 'bras bu 'grub par 'gyur ro/ /de ltar to sha to badzra'i don du gsungs so/ /na mo swa pra ti ha ta ba li b+hya zhes bya ba ni/ sgrub pa pos sngags kyi bzlas pa byas pa'i tshul gyis ngag gi sgo nas phyag 'tshal bar smos so/ /pra ti ha ta ba li bya ming btags pa/ khro bo'i rgyal po a tsa la naM/ khams gsum gyi 'jig rten thams cad na gnas pa'i lha dang mi la sogs pa sems can smos pa ma lus pa thams cad pas khyad par gyi stobs dang ldan par smos so/ /de lta bu'i khro bo arya tsa la la gong du smos pa'i tshul gyis phyag 'tshal bas de ma thag tu sgrub pa pos bde ba dang mi bde ba thams cad thob par bstan to/ /de ltar na mo swa pwa ti ha ta ba li spyi'i don du gsungs so/ /dzwa la ya tra ta zhes bya ba ni/ khro bo'i rgyal po arya tsa la nyid kyi sku phyag rgyas khro bo chen po'i zhe sdang gi thugs bskyed nas/ me long lta bu'i ye shes kyis me/ bskal pa'i me bzhin du 'bar bar mdzad de/ de'i tshe ba chen pos lha dang mi la sogs pa bdud dang bgegs ma rungs pa'i dpung thams cad tra tha ming btags pa rang rang gi gnas nas bskrad par mdzad pa'o/ /de ltar dzwa la ya tri ta'i don du gsungs so/ /a sa ha na ma zhes bya ba ni/ a sa ha ming btags pa mdun du smos pa'i khro bo'i rgyal po arya tsa le'i sku phyag rgya me long lta bu'i ye shes kyi me'i 'od 'bar bar mdzad pa de'i gzi brjid kyi che ba de lha dang mi la sogs pa bdud dang bgegs kyi tshogs ma rungs pa thams cad kyis mi bzod pa yin no/ /de lta bu'i ngo bo la ci ltar smos pa'i tshul du phyag 'tshal bar bya bar bstan to/ /de'i dus su sgrub pa

  517. 259a

    pos bdud dang bgegs ma rungs pa'i dpung thams cad bskrad par nus pa'i sngags kyi mthu stobs su 'gyur bar bstan to/ /de ltar a sa ha na'i don du gsungs so/ /swa ha zhes bya ba'i ni sgrub pa mdun du smos pa'i tshul du khro bo'i rgyal po arya tsa la'i sngags rings don dang ldan pa'i bzlas pa byas pas/ khro bo'i rgyal po arya tsa la'i thugs mnyes par 'gyur/ /gzhan yang rigs kyi bdag po mi bskyod pa rdo rje 'dzin mnyes par 'gyur ro/ / de'i dus su sgrub pa pos ci ltar smos pa'i tshul gyi bdud dang bgegs kyi tshogs ma rungs pa gnod pa byed pa thams cad 'joms pa'i dngos grub kyi 'bras bu 'grub par 'gyur bar bstan to/ /de ltar swa ha'i don du gsungs so/ / da ni khro bo'i rgyal po aryA tsa la'i sngags rings kyi yon tan gyi don bstan par bya ste/ 'di ni gsungs ma thag tu yang/ /lha rnams phyag brnyan bcas pa kun/ /skrag cing rab tu brgyal bar 'gyur/ /sngags kyi sku ni rjes su dran/ / zhes bya ba'i don bshad par bya ste/ ci ltar yin na/ 'di ni gsungs ma thag tu yang/ lha rnams 'khor dang bcas pa kun ni/ ston pa mi bskyod pa rdo rje 'dzin gyis ci ltar smos pa'i tshul gyi ting nge 'dzin mdzad pa'i 'og tu khro bo'i rgyal po aryA tsa la'i sngags rings gsungs pa'i de ma thag tu/ sngags rings me long lta bu'i ye shes kyi me 'bar bar 'od kyis 'bar ba de'i tsha ba chen pos/ brgya byin dang/ tshangs pa dang/ dbang phyug chen po la sogs pa'i lha thams cad rang rang gi 'khor phyag brnyan dang bcas pa de dag ni nga rgyal dang zhe sdang chen po dang ldan pa'o/ /da ltar 'di ni gsungs ma thag tu yang/ lha rnams phyag brnyan bcas par kun don du gsungs so/ /brgyal zhing rab tu

  518. 259b

    skrag bar gyur zhes pa ni/ mdun du smos pa'i brgya byin dang tshangs pa dang/ dbang phyug chen po la sogs pa ci ltar smos pa'i lha thams cad phyag brnyan dang bcas pa 'bar ba chen po'i 'od kyi tsha bas skrag bar gyur te/ de ma thag du de dag rang rang gi stan las ltung nas brgyal bar gyur bar smos so/ /de ltar 'jigs shing rab tu brgyal bar gyur gyi don du gsungs so/ /sngags kyi sku ni rjes su dran zhes pa ni/ sngags su ming btags pa sa bon yig 'bru hUM la sogs pa de bzhin gshegs pa rnam pa lnga'i sngags kyi sa bon yig 'bru smos pa dang gnyis su med pa'i ngo bo ston pa mi bskyod pa rdo rje 'dzin nyid sngags kyi sku yin no/ /de lta bu'i ngo bo'i sngags kyi sku rjes su dran nas skyobs shig skyobs shig /ces tshig brjod pa'i tshul du smos so/ / de ltar rjes su dran ma thag tu/ mdun du smos pa'i ye shes kyi me 'bar ba'i 'od kyis tsha ba'i sdug bsngal med pas zhi ba bde ba'i ngo bor gyur bar smos so/ /mdor bsdu ba de ltar sngags kyi sku ni rjes dran gyi don du gsungs so/ /da ni khro bo'i rgyal po arya tsa la'i bsgom pa dang/ sbyor ba dang sngags kyi bzlas pa byas nas/ ma ha de ba la sogs pa cho 'phrul dang mthu dang ldan pa'i lha thams cad dgug par bya ba'i cho ga'i don bstan par bya ste/ khro bo chen po'i sngags 'di yi/ /lha chen po la sogs pa'i lha/ /skrag cing lus ni zhig gyur nas/ /mthu chen dag kyang dgug par bya/ /zhes bya ba'i don bshad par bya ste/ ci ltar yin na/ khro bo chen po'i sngags 'di yis/ /lha chen la sogs pa'i lha ni/ tsan d+ha la la sogs pa rigs ngan gang yang rung ba'i skyes bu g.yul du mtshon phog nas shi ba'i ban d+ha/ sngar smos pa'i tshul gyi dum bu lnga pa mtshan thams cad ldan pa blang ngo/ /ban d+ha de lta bu mtshan dang ldan pa blangs pa'i 'og tu/ gnas chu 'gram du sgrub pa pos dgug pa'i sgrub

  519. 260a

    pa bya'o/ /yang na lam bzhi mdo bya ba yang mi 'gal lo/ /mdun du smos pa'i ban d+ha de'i nang du/ sgrub pa nyid kyi rkang pa g.yas pa'i srin lag khrag dang/ lan tsha dang/ 'bru mar dang tsha ba dang/ skye tshe dang/ byang chub kyi sems dang/ phag gi khrag dang/ rdzas de kun gcig tu bsres nas btags la rdo rje'i chu dang dkrugs te/ rdzas des khro bo'i rgyal po aryA tsa la nyid kyi sku phyag rgya'i gzugs 'ug pa'i mjug sgro'i rtsa ba'i phyogs kyis bri bar bya'o/ /de zhal gsum pa phyag drug phyag mtshan drug pa dang/ khro bo'i rgyan thams cad kyis brgyan pa/ ral pa gyen du brdzes pa rab tu 'bar ba/ smin ma bskyod pa/ mche ba'i 'phreng ba bsnol ba/ gsus pa che ba/ phyag g.yas dang po ni rdo rje'i kyo ba 'dzin/ g.yon dang po na rdo rje zhabs pa 'dzin/ phyag gzhan ci ltar smos pa de bzhin du 'dir bya'o/ /de'i zhabs gnyis kyi 'og tu lha chen po la sogs pa thams cad kyi nang na gang dgug pa'i bsgrub pa bya ba de'i gzugs thal mo sbyar bar bya ba bri ste/ gong du khro bo'i rgyal po arya tsa la bris pa'i rdzas la mtshal lcog la ba dang/ gong gzugs kyi sked pa la gzhag par bri'o/ /g.yon bskum pas snying gar gzhag par bri'o/ /dgug par bya ba'i lha de'i 'og tu 'ug pa'i khrag gis nyi ma'i dkyil 'khor bri'o/ /nyi ma'i dkyil 'khor de'i 'og tu 'khor lo rtsibs brgyad pa bri'o/ /de ltar sbyor ba byas nas dkyil 'khor zur gsum kun tu khru re dang sor lnga bdud rtsi lngas bsku bar bya'o/ / de nas bsgrub pa pos brtson 'grus chen po'i sems brtan pa bskyed nas de'i steng du 'dug go /de'i 'og tu smos pa'i cho ga bzhi'i tshul gyis rdo rje mi bskyod pa'i sku phyag rgya gyur par bya'o/ /de nyid kyis shes rab ma ye shes kyi lha mo dang/

  520. 260b

    gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ji ltar mdun du smos pa'i de bzhin du 'dir bya'o/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su khrus mkhan gyi rigs kyi bu mo mtshan dang yon tan ci ltar smos pa dang ldan pa blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos zhe sdang chen po'i sems dga' bar gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas/ rgya mtsho dang mnyam par 'gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba lta bu byang chub sems rgya mtsho la gnyis su med par thim par gyur par bsam/ sa bon de las khro bo'i rgyal po aryA tsa la'i sku phyag rgya bskyed par bya'o/ /de khro bo'i rgyal mo 'phags ma mi g.yo'i dbang phyug ma dang gnyis su med par 'khyud pa'i sbyor ba dang ldan pa'o/ / sku phyag rgya'i cha lugs phun sum tshogs pa thams cad mdun du smos pa'i de bzhin du bya'o/ /de lta bu'i ngo bo khro bo'i rgyal po arya tsa la'i sku phyag rgya bskyed ma thag tu skyed par mdzad mkhan rdo rje mi bskyod pa'i sku phyag rgya khro bo'i rgyal po aryA tsa la'i sku phyag rgya'i spyi bo la dbang bskur ba'i tshul du bsam mo/ /tshul de ltar khro bo'i rgyal po aryA tsa la'i sngags rings khro bo chen po'i brtson 'grus kyis 'bum phrag gsum gyi grangs kyi tshad du bsnyen pa spel ba'i tshul a mo ka de baM a kar shaM

  521. 261a

    naM ku ru kri ya he bya ba yin no de ltar byas nas dgug pa grub pa'i dus su mtshan ma gnyis 'byung bar 'gyur te/ ban da 'bar ba dang/ de'i 'og tu 'phar ba'o/ /de ma thag tu lha gang bsgrub pa byas pa de sems 'jigs pa chen pos lus zhig pa ste gas pa dang thal mo sbyar ba khugs par 'gyur ro/ /de ma thag tu de bran bzhin du ci ltar 'dod pa'i las de byed par shes par bya'o/ /de ltar khro bo chen po'i sngags 'di yis/ lha chen po la sogs pa'i don du gsungs so/ /skrag cing lus ni zhig gyur nas/ mthu chen dag kyang dgug par bya zhes pa ni/ don gang du bshad pas 'dir bshad mi dgos so/ /khro bo'i rgyal po arya tsa la'i sngags rings gsum pa'i 'og tu/ da ni khro bo'i rgyal po bum par ming btags pa badzra hUM ka ra'i sngags rings gsungs pa'i cho ga'i don bstan par bya ste/ de nas bcom ldan 'das dam tshig rnam par bsgyings pa rdo rje zhes bya ba'i ting nge 'dzin la snyoms par zhugs nas/ zhes bya ba ni de nas ni mdun du na smos pa'i khro bo'i rgyal po arya tsa la'i sngags rings gsungs pa'i 'og tu/ khro bo'i rgyal po badzra hUM ka ra'i sngags rings gsungs pa'i don mtshon pa'o/ /bcom ldan 'das zhes pa ni/ mdun du smos pa'i tshul gyi ston pa mi bskyod pa rdo rje 'dzin nyid la yon tan gyi bstod pa'i mtshan bcom ldan 'das yin pa sdud pa pos smos so/ /de'i don ci ltar mdun du bshad pa de bzhin du 'dir sbyar ro/ /de ltar bcom ldan 'das kyi don du gsungs so/ /dam tshig rnam par bsgyings pa zhes bya ba ni/ dam tshig tu ming btags pa ni/ thugs rje chen po'i ngo bo'i thugs bskyed pa'o/ /bsgyings pa ni/ ston pa mi bskyod pa rdo rje 'dzin gyis ting nge 'dzin la snyoms par ma zhugs pa'i mdun du/ lha la sogs pa mi

  522. 261b

    ma yin pa zhe sdang dang dregs pa can ma rungs pa thams cad byin gyis brlabs bar bya ba'i phyir/ nyid kyi rigs me long lta bu'i ye shes kyi ngo bo bsgyings par ming btags pa 'od zer gyi sprin grangs med pa sku phyag rgya'i kun nas spro bar mdzad do/ / de ma thag tu sems can de dag thams cad kyis bye brag sna tshogs kyi gnod pa byed pa'i 'jigs pa med par 'gyur ro/ /de ltar dam tshig rnam par bsgyings pa'i don du gsungs so/ /rdo rje zhes bya ba'i ting nge 'dzin la snyoms par zhugs nas zhes pa ni ston pa mi bskyod pa rdo rje 'dzin gyis 'khor thams cad kyi nang du/ zhe sdang chen po'i thugs dgyes par ji ltar smos pa'i tshul gyi shes rab ma ye shes kyi lha mo ma ma ki dang gnyis su med par 'khyud pa'i sbyor bas gsang ba'i dbang po gnyis mnyam par sbyar nas de ma thag tu gsang ba'i thugs ka ye shes sems dpa' i gnas su/ me long lta bu'i ye shes kyi ngo bo sngags kyi sa bon yig 'bru hUM kha dog sngon por gyur par mdzad do/ /sa bon de las me long lta bu'i ye shes kyi ngo bo 'od gzer gyi dra ba grangs med pa'i spu'i bu ga'i lam gyi sgo nas spro bar mdzad do/ /des 'jig rten gyi khams thams cad du khyab bo/ /de ma thag tu smos pa'i sems can ma rungs pa thams cad byin gyis brlab par mdzad pas zhe sdang dang dregs pa zhi bar gyur par mdzad nas 'od gzer gyi dra ba grangs med pa de spro ba'i lam nas spro ba'i gnas kyi sngags kyi sa bon yig 'bru hUM de la gnyis su med par slar bsdu bar mdzad do/ /de ma thag tu sngags kyi sa bon yig 'bru hUM de gzi brjid chen po'i 'bar bas 'bar zhing 'od du zhu nas me long lta bu'i ye shes kyi ngo bo rgya mtsho dang mnyam par gyur par mdzad do/ /sa bon de las 'jigs pa chen po'i zhe sdang gi ngo bo khro bo'i rgyal po badzra hUM ka ra'i sku phyag rgya sku mdog dang/ zhal dang phyag dang

  523. 262a

    phyag mtshan dang rgyan rnams ci ltar sngar smos pa lta bu dang ldan pa grangs med pa sprin bzhin du ba spu'i bu ga'i lam gyi sgo nas spro bar mdzad do/ /des 'jig rten gyi khams thams cad du khyab bo/ /de ma thag tu mdun du smos pa'i sems can ma rungs pa thams cad byin gyis brlab par mdzad nas de dag gi zhe sdang dang/ dregs pa zhi ba'i dngos grub kyi 'bras bur gyur par bstan to/ /de ltar mdzad nas/ khro bo'i rgyal po badzra hUM ka ra'i sku phyag rgya spros pa'i lam nas gsang ba'i thugs ka ye shes sems pa'i gnas su gnyis su med pa'i ngo bor slar bsdu bar mdzad do/ /tshul de ltar 'od zer gyi dra ba grangs med pa dang/ khro bo'i rgyal po badzra hUM ka ra'i sku phyag rgya grangs med pa sprin bzhin du grangs med pa zhe sdang chen po'i thugs bskyed nas spro bar mdzad pas/ ci ltar smos pa'i tshul gyi dregs pa dang/ nga rgyal dang ldan pa kun byin gyis brlab par mdzad nas spro ba dang gnyis su med par bsdu bar mdzad pa'o/ /rdo rje ni me long lta bu'i ye shes spro ba dang bsdu bar mdzad pa'o/ /don des rdo rje'i ting nge 'dzin du smos so/ /ston pa mi bskyod pa rdo rje 'dzin gyis ting nge 'dzin mdzad pa'i dus su thugs rtse gcig par gyur nas gnas pa'o/ /don des snyoms par zhugs par smos so/ /mdor bsdu ba de ltar rdo rje zhes bya ba'i ting nge 'dzin la snyoms par zhugs nas kyi don du gsungs so/ /ting nge 'dzin mdzad pa'i 'og tu/ da ni sngags dang khro bo'i rgyal po'i don gyi cho ga'i tshul bstan par bya ste/ rdo rje 'dzin pa thams cad kyi dam tshig las 'byung ba'i rdo rje'i khro bo chen po sum pa ni/ nyid kyi sku dang gsung dang thugs rdo rje las phyung ngo/ /zhes bya ba ni/ rdo rje 'dzin pa thams cad ni/ dpal rdo rje

  524. 262b

    sems dpa' nyid la sogs pa rigs lnga'i bye brag gi de bzhin gshegs pa grangs med pa thams cad smos pa de dag don dam par rdo rjer ming btags pa nyid nyid ye shes kyi ngo bo sku dang gsung dang thugs kyis 'dzin pa yin no/ /don des rdo rje 'dzin pa thams cad du smos so/ /gzhan yang rdo rjer ming btags pa ni/ don dam par de bzhin gshegs pa thams cad kyi nyid kyi thugs yin no/ /de ni me long lta bu'i ye shes kyi ngo bo'o/ /de dang gnyis su med pa ni dpal rdo rje sems dpa' o/ /de ci'i ltar smos pa'i tshul gyi bdud dang bgegs kyi tshogs ma rungs pa thams cad gzhom pa'i phyir rdo rje rtse lnga mchog gi ngo bo 'dzin pa yin no/ /don des rdo rje 'dzin pa thams cad du smos so/ /dam tshig las 'byung ba'i rdo rje khro bo chen po zhes pa ni dpal rdo rje sems dpa' thugs rje chen po'i zhe sdang gi thugs dgyes pas nyid kyi shes rab ma ye shes kyi lha mo ma ma ki dang gnyis su med par 'khyud pa'i sbyor bas dam tshig tu ming btags pa thabs dang shes rab mdzad nas/ ma ma ki'i b+ha ga'i dbus su rdo rje lam gyi sgo nas byang chub kyi sems char gyi rgyun bzhin du 'od du zhu nas rgya mtsho dang mnyam par gyur par mdzad do/ /byang chub sems kyi rgya mtsho de ci ltar smos pa'i tshul gyi sngags kyi sa bon yig 'bru hUM gis byin gyis brlab par mdzad nas/ sa bon de las rdo rje khro bo chen por ming btags pa khro bo thams cad kyi gtso bo hUM mdzad du bstan pa de'i sku phyag rgya/ bdud dang bgegs ma rungs pa thams cad 'joms par mdzad pa'i phyir 'byung bar ming btags pa bskyed par mdzad pa yin no/ /de ltar dam tshig las byung ba rdo rje'i khro bo chen po sum pa'i don du gsungs so/ /'di nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku dang gsung dang thugs rdo rje gsum cig pa'i ngo bor smos so/ /

  525. 263a

    de ltar sku dang gsung dang thugs rdo rje gsum dang gnyis su med pa khro bo'i rgyal po badzra hUM ka ra yin no/ /de ltar sku dang gsung dang thugs kyi don du gsungs so/ /rdo rje zhes pa ni/ ci ltar mdun du smos pa'i sku rdo rje dang gsung rdo rje dang/ thugs rdo rje bshad pa de bzhin du 'dir bstan to/ /phyung ngo zhes pa ni/ ston pa mi bskyod pa rdo rje 'dzin gyis khro bo'i rgyal po badzra hUM ka ra'i sngags rings ci ltar smos pa'i sku dang gsung dang thugs rdo rje gsum dang gnyis su med pa'i ngo bo phyung ba yin no/ /da ni khro bo'i rgyal po badzra hUM ka ra'i sngags rings kyi ngo bo bstan par bya ste/ oM sum b+ha ni sum b+ha hUM/ grhi na grhi na hUM/ grhi na pa ya/ grhi na pa ya hUM/ a na ya ho b+ha ga baM/ /bi dya ra dza hUM phaT/ ces bya ba'i sngags rings 'di'i don ni/ ci ltar le'u bzhi'i thugs kyis dkyil 'khor 'dri ba'i dus su bdud dang bgegs ma rungs pa'i tshogs thams cad kyis gnod pa byed na de las bsrung bar mdzad pa'i phyir ci ltar smos pa'i tshul gyi khro bo'i 'khor lo bsgom pas/ bdud dang bgegs ma rungs pa'i tshogs thams cad dgug pa'i phyir bsrung ba'i 'khor lo'i bdag po khro bo chen po badzra hUM ka ra'i me long lta bu'i ye shes kyi ngo bo sngags rings bshad pa de bzhin du 'dir shes par bya'o/ /da ni khro bo'i rgyal po badzra hUM ka ra'i sngags rings kyi yon tan bstan par bya ste/ 'di ni gsungs ma thag tu yang/ bu mo mthu chen thams cad ni/ /skra bshig gos dang bral gyur nas/ /rdo rje sems dpa' rjes su dran/ / zhes bya ba'i don bshad par bya ste/ ci ltar yin na/ 'di ni gsungs ma thag tu yang/ bu mo mthu chen thams cad ni/ ston pa mi bskyod pa rdo rje 'dzin gyis ci ltar smos pa'i tshul gyi ting nge 'dzin mdzad pa'i 'og tu khro bo chen po badzra hUM

  526. 263b

    ka ra'i sngags rings gsungs pa'i de ma thag tu sngags rings me long lta bu'i ye shes kyi me 'bar ba'i 'od kyis 'bar ba'i tsha ba chen pos lha'i bu mo dang/ lha ma yin gyi bu mo dang/ klu'i bu mo dang/ gnod sbyin gyi bu mo la sogs pa mi ma yin pa'i rigs kyi bu mo'o/ /de dag ni cho 'phrul dang/ sgyu ma'i thabs kyi sbyor ba thams cad dang ldan pa'o/ /don des bu mo mthu chen thams cad du smos so/ /de ltar 'di ni gsungs ma thag tu yang/ bu mo mthu chen thams cad ni'i don du gsungs so/ /skra bshig gis dang bral gyur nas zhes pa ni/ mdun du smos pa'i bu mo mthu chen thams cad 'bar ba chen po'i 'od kyi tsha bas sems 'jigs pa chen por gyur te/ de ma thag tu rang rang gi skra'i thor tshugs zhig par gyur pa dang/ smad g.yogs kyi gos dang bral nas sems mos par gyur to/ /de ltar skra bshig gos dang bral gyur nas kyi don du gsungs so/ /rdo rje sems dpa' rjes su dran zhes pa ni/ rdo rje sems dpa' ni/ ston pa mi bskyod pa nyid yin no/ / de rjes su dran skyobs shig skyobs shig /ces tshig brjod pa'i tshul du smos so/ /tshul de ltar rjes su dran ma thag tu mdun du smos pa'i me 'bar ba'i 'od kyi tsha ba'i sdug bsngal med de zhi ba dang bde ba'i ngo bor gyur par smos so/ /mdor bsdu pa de ltar rdo rje sems dpa' rjes su dran gyi don du gsungs so/ /da ni khro bo'i rgyal po chen po badzra hUM ka ra'i bsgom pa dang sbyor ba dang sngags kyi bzlas pa'i bsnyen pa bya bas sgrub pa pos mdun du smos pa'i bu mo thams cad kyi nang nas gang 'dod pa dgug par bya'i cho ga bstan par bya ste/ rdo rje sems dpa' i zhabs kyis mnan/ de bzhin gshegs pa kun bdag po/ /rdo rje'i zhags pas bcings nas su/ /bu mo rnams ni dgug pa'i mchog /ces bya ba'i don bshad par bya ste/ ci

  527. 264a

    ltar yin na/ rdo rje sems dpa' i zhabs kyis mnan/ de bzhin gshegs kun bdag po'i ni/ rigs dan tsan d+ha la la sogs pa'i rigs su skyes pa'i bud med g.yul du mtshon phog nas shi ba'i ban d+ha 'am/ yang na bud med bu byung ba'i dus su shi ba'i ban da blang yang mi 'gal te/ mdun du smos pa'i tshul gyi dum bu lnga pa mtshan thams cad dang ldan pa blangs la/ de'i 'og tu sgrub pa pos gnas dur khrod du dgug pa'i sgrub pa bya'o/ /yang na lam gyi bzhi mdo yang rung mi 'gal lo/ /mdun du smos pa'i ban da de'i nang du sgrub pa po nyid kyi rkang pa g.yon pa'i srin lag gi khrag dang/ byang chub kyi sems dang/ pad ma rag ta dang/ gur kum dang/ tshal cog la ba dang/ pad ma'i ze'u 'bru dang/ rdzas de rnams gcig tu bsres la bsregs te/ shes rab ma'i pad+ma'i chu dang dkrugs la/ rdzas des dpal rdo rje sems pa'i sku phyag rgya'i gzugs 'ug pa'i mjug sgro'i rtsa ba'i phyogs kyis bris te/ de zhal gsum pa/ phyag drug phyag mtshan drug /rgyan thams cad kyis brgyan pa/ thor tshugs kyis dbu brgyan pa/ zhal cung zad bzhad pa/ phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ phyag mtshan gzhan ni ci ltar mdun du smos pa'i de bzhin du 'dir bya'o/ /de'i zhabs gnyis kyi 'og tu/ ci ltar smos pa'i mi ma yin pa'i rigs kyi bye brag gi bu mo mthu dang ldan pa thams cad kyi nang nas gang sgrub par bya ba de'i gzugs thal mo sbyar bar bri te/ dpal rdo rje sems dpa' bris pa'i rdzas de la phag gi khrag dang/ byi la'i khrag bsre'o/ /dpal rdo rje sems dpa' i zhabs g.yas brkyang pa bu mo'i rked par bzhag par bri/ g.yon bskum pas snying gar gzhag

  528. 264b

    par bri'o/ /phyag g.yas kyi kyo ba des b+ha ga nas 'dzin par bri/ g.yon dang po'i rdo rje zhags pa des mgul pa nas 'dzin par bri'o/ /dgug par bya ba'i bu mo de'i 'og tu 'ug pa'i khrag gis nyi ma'i dkyil 'khor bri'o/ /nyi ma'i dkyil 'khor de'i 'og tu rams kyis rlung gi dkyil 'khor bri'o/ /de ltar sbyor ba byas nas dkyil 'khor zur gsum kun tu khru re dang sor lnga bdud rtsis bsdu bar bya'o/ /de'i steng du sgrub pa pos brtson 'grus chen po'i sems bstan bskyed nas 'dug go / de'i 'od tu mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ci ltar mdun du smos pa de bzhin du 'dir bya'o/ /de lta bu'i ngo bo mi bskyod pa'i phyag rgyar gyur ma thag tu/ de dang gnyis su med par nga rgyal du bsgom par bya'o/ /de'i dus su rdo rje'i rigs bye brag gi khrus mkhan gyi rigs kyi bu mo ci ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i dus 'og tu sgrub pa pos 'dod chags chen po'i zhe sdang gi sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog sngon po me long lta bu ye shes kyi ngo bo bskal pa chen po'i me bzhin du 'bar ba chen pos 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur to/

  529. 265a

    sa bon de las khro bo'i rgyal po badzra hUM ka ra'i sku phyag rgya bskyed par bya'o/ /de khro mo'i rgyal mo thugs rje'i dbang phyug ma dang gnyis su med par 'khyud pa'i sbyor ba dang ldan pa'o/ /de'i phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ gzhan kun phyag rgya'i cha lugs phun sum tshogs pa ni/ ci ltar mdun du smos pa'i de bzhin du 'dir bstan to/ /de lta bu'i ngo bo khro bo'i rgyal po badzra hUM ka ra'i sku phyag rgya bskyed ma thag tu/ skyed par mdzad mkhan rdo rje mi bskyod pa'i sku phyag rgya khro bo'i rgyal po badzra hUM ka ra'i spyi bo la dbang bskur ba'i tshul du bsam mo/ /tshul de ltar khro bo'i rgyal po chen po badzra hUM ka ra'i sku phyag rgya bskyed ma thag tu de dang gnyis su med pa'i nga rgyal du bsgom par bya'o/ /de'i dus su mdun du smos pa'i sbyor ba dang ldan pa'i ban d+ha de bsgrub pa po nyid kyi rkang pa gnyis kyi 'og tu gzhag go /de ltar sbyor ba'i tshul gyi bsgom pas khro bo'i rgyal po badzra hUM ka ra'i sngags rings khro bo chen po'i brtson 'grus kyis/ 'bum phrag gsum gyi tshad du bsnyen pa spel ba'i tshul/ a mo kaM ka n+yaM a karSha naM ku ru kri ye te ba'o/ /de ltar byas nas khugs pa'i dus su mtshan ma gnyis 'byung ste/ ban d+ha de 'bar ba dang/ de'i 'og tu 'bar ba'o/ /de ma thag tu bsgrub par bya ba'i bu mo de sems skrag nas/ lus 'dar zhing rdul te thal mo sbyor ba khugs par 'gyur ro/ /de ma thag tu bsgrub pa pos 'dod chags chen po'i sems dga' bas bu mo de spyad par bya'o/ /de ltar rdo rje sems dpa' i zhabs kyis mnan/ de bzhin gshegs pa kun bdag po'i don du gsungs so/ /rdo rje zhags pas bcings nas su/ /bu mo rnams ni dgug pa'i mchog ces pa'i don ni gong du bshad zin to/ /khro bo'i

  530. 265b

    rgyal po badzra hUM ka ra'i sngags rings gsungs pa'i 'og tu/ da ni sangs rgyas kyis dgug par ming btags pa'i lha dang/ mi'i rigs su skyes pa la sogs pa sems can thams cad kyi chung ma dang/ bu mo dgug pa'i bsgrub pa bya ba'i sgom pa dang sbyor ba bya'i cho ga'i don bstan par bya ste/ de nas bcom ldan 'das dam tshig chen po'i de kho na nyid 'byung ba/ rdo rje zhes bya ba'i ting nge 'dzin la snyoms par zhugs nas/ zhes bya ba ni/ de nas ni/ mdun du smos pa'i khro bo'i rgyal po chen po'i badzra hUM ka ra'i sngags rings gsungs pa'i 'og tu/ sangs rgyas kyi sku phyag rgya bsgom pa dang/ spro bas tshul ji ltar smos pa'i dgug pa'i sgom pa dang/ sbyor ba'i cho ga mtshon par smos so/ /bcom ldan 'das zhes pa ni/ mdun du smos pa'i mi bskyod pa'i rdo rje 'dzin nyid kyi yon tan gyi bstod pa'i mtshan bcom ldan 'das yin pa sdud pa pos smos so/ /de'i don mdun du bshad pa de bzhin du 'dir sbyar ro/ /dam tshig chen po de kho na nyid 'byung ba zhes pa ni/ dam tshig chen por ming btags pa ni/ 'dod chags chen po'i thugs skyed nas/ gsang ba'i rol pa mdzad pa'i ngo bo yin no/ /de kho na nyid ni/ ston pa mi bskyod pa rdo rje 'dzin nyid kyis 'dod chags chen po'i thugs bskyed nas/ gsang ba pa'i rol pa mdzad de/ bde bar gyur ba'i dus su rdo rje'i lam gyi sgo nas shes rab ma'i b+ha ga'i dbus su/ de kho na nyid du ming btags pa byang chub sems 'od du zhu ba'i tshul gyis zla ba'i dkyil 'khor gyi ngo bo yin no/ /de ltar dam tshig chen po de kho na nyid 'byung ba'i don du gsungs so/ /rdo rje zhes bya ba'i ting nge 'dzin la snyoms par zhugs nas zhes pa ni/ mdun du smos pa'i ston pa mi bskyod pa rdo rje 'dzin gyis 'khor thams cad kyi nang du nyid kyi shes rab ma ye shes kyi lha mo

  531. 266a

    mA ma kI dang gnyis su med par 'khyud pa'i sbyor bas gsang ba'i rol pa mdzad nas/ de kho na nyid du ming btags pa byang chub sems zla ba'i dkyil 'khor 'byung bar mdzad pa de ma thag tu/ rdo rjer ming btags pa ni so sor rtog pa'i ye shes kyi ngo bo sngags kyi sa bon yig 'bru as byin gyis brlabs nas gnyis su med pa'i ngo bor gyur par mdzad do/ /don des rdo rje'i ting nge 'dzin du smos so/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su/ thugs rtse gcig par gyur nas gnas so/ /don des snyoms par zhugs par smos so/ /mdor bsdu ba de ltar rdo rje zhes bya ba'i ting nge 'dzin la snyoms par zhugs nas kyi don du gsungs so// //da ni gsung gi dam tshig de kho na nyid tshig tu ming btags pa snang ba mdza' yas kyi sku phyag rgya bskyed par bya ba'i cho ga'i tshul bstan par bya ste/ dam tshig chen po gsang ba gsum gyi gsung gi dam tshig de kho na nyid tshig 'di nyid kyi sku dang gsung dang thugs rdo rje las phyung ngo/ /zhes bya ba ni/ dam tshig chen po zhes bya ba ni/ mdun du smos pa'i tshul gyi gsang ba'i rol pa mdzad pa yin no/ /rdo rje gsang ba gsum gyi gsung gi dam tshig ces pa ni/ mdun du smos pa'i ston pa mi bskyod pa rdo rje 'dzin nyid kyis ting nge 'dzin mdzad pa'i dus su/ de kho na nyid ming btags pa byang chub sems zla ba'i dkyil 'khor gyi ngo bor bskyed par mdzad de/ de ma thag tu rdo rjer ming btags pa so sor rtog pa'i ye shes kyi ngo bo sngags kyi sa bon yig 'bru as byin gyis brlabs nas gnyis su med pa'i ngo bor gyur pa de ni/ sku rdo rje'i gsang ba dang/ gsung rdo rje'i gsang ba dang/ thugs rdo rje'i gsang ba ste/ de ltar de bzhin gshegs pa thams cad

  532. 266b

    kyi ci ltar smos pa'i tshul gyi rdo rje gsum gyi gsang ba de dang gnyis su med pa'i ngo bor smos so/ /de ltar rdo rje gsum gyi gsang ba'i dam tshig gi don du gsungs so/ /de kho na nyid ces pa ni/ de kho na nyid du ming du btags pa don dam par de bzhin gshegs pa thams cad kyi bla na med pa'i 'dod chags dang/ bla na med pa'i shes rab de ni so sor rtog pa'i ye shes dang gnyis su med pa'i ngo bo yin te/ de dang gnyis su med pa'i ngo bo snang ba mdza' yas kyi sku phyag rgya gsung yin par bstan to/ /de ltar de kho na nyid tshig gi don du gsungs so/ /'di nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku phyag rgya sku dang gsung dang thugs gsum cig pa'i ngo bor smos so/ /de lta ra'i sku dang gsung thugs rdo rje gsum dang gnyis su med pa'i ngo bor snang ba mdza' yas bstan to/ /de ltar sku dang gsung dang thugs kyi don du gsungs so/ /rdo rje zhes pa ni/ ci ltar gong du sku rdo rje dang/ gsung rdo rje dang/ thugs rdo rje bshad pa de bzhin du 'dir bstan to/ /phyung ngo zhes pa ni/ ston pa mi bskyod pa rdo rje 'dzin pa'i mdun du smos pa'i gsang ba'i sa bon las snang ba mdza' yas kyi sku phyag rgya grangs med pa sprin bzhin du/ ba spu bu ga'i lam gyi sgo nas spro bar mdzad pa'o/ /des 'jig rten gyi khams thams cad du khyab po/ /de ma thag tu mdun du smos pa'i mi ma yin pa thams cad kyi chung ma dang/ bu mo byin gyis brlab par mdzad do/ /de'i dus su de 'jigs pa chen pos skrag nas bran mo bzhin du 'gyur ro/ /de'i 'og tu mdun du smos so/ / snang ba mdza' yas kyi sku phyag rgya grangs med pa sprin lta bu spro ba'i lam nas spro ba'i gnas su gnyis su med pa'i ngo bor slar bsdu bar mdzad do/ /de ltar phyung ba'i don du gsungs so/ /da ni dgug par bya ba'i sgom pa dang/ sbyor ba'i cha ka'i thabs

  533. 267a

    bstan par bya ste/ sangs rgyas rdo rje'i sku gsum la/ rdo rje sems dpa' rnam par sgom/ /rdo rje kyo ba zhags pa 'dzin/ /sangs rgyas dgug pa dam pa'o/ /zhes bya ba'i don bshad par bya ste/ ci ltar yin na/ sangs rgyas rdo rje'i sku gsum la/ rdo rje sems dpa' rnam par sgom pa ni/ gar mkhan gyi rigs su skyes pa'i bud med g.yul du mtshon phog nas shi ba dang/ yang na bu byung ba'i dus su shi ba'i ban da yang rung ste/ dum bu gsum pa 'am lnga pa mtshan thams cad dang ldan pa blang ngo/ /da nas sgrub pa pos skyed mos tshal lo ma dang/ me tog dang/ shing tog phun sum tshogs pa dang ldan pa'i gnas yid du 'ong ba'i sar dgug pa'i sgrub pa bya'o/ ldan lha gang du bya yang mi 'gal lo/ /ban d+ha de'i nang du sgrub pa po de nyid kyi lag pa g.yon pa dang/ rkang pa g.yon pa'i srin lag gi khrag dang/ pad ma rag ta dang/ go ro tsa na dang/ 'ug pa'i klad pa dang/ khrag dang gur gum dang/ da tu ra'i shing tog gi khu ba dang lam gyi bzhi mdo'i sems can thams cad kyi rkang rjes kyi sa dang/ rdzas de kun gcig tu bsres nas btags la shes rab ma'i pad ma'i chu dang dkrug par bya'o/ /yang na bung bu'i chu dang dkrug par bya yang mi 'gal lo/ /rdzas des dpal rdo rje sems pa'i sku phyag rgya'i gzugs bya rgod kyi mjug sgro'i sba ba'i phyogs kyis bri bar bya ste/ zhal gsum pa/ phyag drug phyag mtshan drug pa/ rin po che sna tshogs kyi rgyan gyis brgyan pa/ thor tshugs kyis dbu brgyan pa/ zhal cung zad bzhad pa/ phyag g.yas dang po na rdo rje kyo ba 'dzin/ g.yon dang po na zhags pa 'dzin/ phyag mtshan gzhan ni ci ltar smos pa'i tshul du bya'o/ /de'i zhabs gnyis kyi 'og tu mdun du smos

  534. 267b

    pa'i mi ma yin pa rnams kyi chung ma 'am/ de'i rigs su skyes pa'i bu mo bsgrub par bya ba de'i gzugs thal mo sbyar bar bri ste/ dpal rdo rje sems dpa' bris pa'i rdzas de la glang po che'i khrag dang bshad pa bsre'o/ /dpal rdo rje sems pa'i zhabs g.yas brkyang pas dgug pa'i gzugs de'i rked par bzhag par bri'o/ /g.yon bskum pas snying gar bzhag pa bri'o/ /phyag g.yas dang po na kyo ba 'dzin pa des b+ha ga nas gzung bar bri/ g.yon dang po na rdo rje zhags pa 'dzin pa des mgul pa nas bcing bar bri'o/ /dgug par bya ba'i gzugs de'i 'og tu glang po che'i khrag gis nyi ma'i dkyil 'khor bri'o/ /nyi ma'i dkyil 'khor de'i 'og tu 'khor lo'i rtsibs brgyad pa bri'o/ /de ltar sbyor ba byas nas dkyil 'khor zur gsum kun tu khru re dang sor lnga lnga bdud rtsi lngas bsku ba'i tshul gyis bya'o/ /de'i 'og tu sgrub pa pos 'dod chags chen po'i sems dga' bas brtan par brtson 'grus bskyed nas de'i steng du 'dug go /de'i 'og tu mdun du smos pa'i cho ga bzhi'i tshul gyis sems rgyas su ming btags pa rnam par snang mdzad kyi sku phyag rgyar gyur par bya'o/ /de nyid kyi shes rab ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ji ltar smos pa bzhin du bya'o/ /de ltar gong du smos pa'i sku gsum dang gnyis su med pa'i ngo bo rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du sgom par bya'o/ /de'i dus su sku'i rigs kyi bye brag gi bram ze'i rigs kyi bu mo ji ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i zhe sdang gi sems dga'

  535. 268a

    bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas de zla pa'i dkyil 'khor gyi ngo bor gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo/ /gzi brjid phung po bzhin du 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon de las dpal rdo rje sems dpa' i sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /phyag g.yas dang po na rdo rje'i kyo ba 'dzin no/ /g.yon dang po na rdo rje zhags pa 'dzin/ sku phyag rgya'i phun sum tshogs pa bzhin ni mdun du ji ltar smos pa bzhin du 'dir bstan to/ /de lta bu'i ngo bo dpal rdo rje sems dpa' i sku phyag rgya bskyed ma thag tu bskyed par mdzad mkhan rnam par snang mdzad kyi sku phyag rgya dpal rdo rje sems dpa' i sku phyag rgya la gnyis su med par thim par gyur par bsam mo/ /tshul de ltar dpal rdo rje sems dpa' i sku phyag rgya bskyed ma thag tu sgrub pa po de dang gnyis su med pa'i nga rgyal du sgom par bya'o/ /de'i dus su mdun du smos pa'i sbyor ba dang ldan pa'i ban d+ha de sgrub pa pos rkang pa g.yon pa sku ba'i 'og tu kha spub tu bzhag go /rkang pa g.yas pa brkyang par bya'o/ /de'i dus su sgrub pa po nyid kyi gsang ba'i thugs ka ye shes sems pa'i gnas su sngags kyi sa bon yig 'bru A bsam mo/ /de kha dog dmar po so sor rtog pa'i ye shes kyi ngo bo gzi brjid kyi phung por 'bar zhing/ 'od du zhu nas ye shes kyi

  536. 268b

    khu ba bzhin du 'gyur ro/ /sa bon de las gsung rdo rjer ming btags pa snang ba mdza' yas kyi sku phyag rgyar bskyed par bya'o/ /de'i phyag g.yas dang po na pad+ma'i kyo ba rdo rjes mtshan pa 'dzin/ /yon dang po na rdo rje zhags pa 'dzin/ sku phyag rgya'i cha lugs phun sum tshogs pa bzhin ni mdun du ji ltar smos pa bzhin du bya'o/ /de lta bu'i ngo bo snang ba mdza' yas kyi sku phyag rgya grangs med pa sprin bzhin du bskyed ma thag tu/ ba spu'i bu ga'i lam gyi sgo nas 'jig rten gyi khams thams cad du khyab par spro bar bya'o/ /de ma thag tu ji ltar smos pa'i chung ma dang bu mo thams cad kyo bas snying nas bzung/ rdo rje zhags pas mgul pa nas bcings te tshul de ltar dgug par bya'o/ /de ma thag tu mdun du smos pa'i sbyor ba dang ldan pa'i ban da'i nang du thim par gyur par bsam mo/ /de'i 'og tu sgrub pa pos 'dod chags chen po'i sems dga' bas brtan pas brtson 'grus kyis/ hUM oM A/ a mo ka ba ni taM ka nya a karSha na ku ru swAhA/ de ltar de bzhin gshegs pa lnga'i sngags 'bum phrag gsum gyi grangs kyi tshad du bzlas pa spel ba'i tshul du bya'o/ /de ltar byas nas khugs par 'gyur ba'i dus su mtshan ma gnyis 'byung bar 'gyur ro/ /ban d+ha 'bar ba dang/ de'i 'og tu 'phang ba'o/ /de ma thag tu tshud ma dang/ bu mo gang sgrub par bya ba de sems skrag nas lus rdul ba dang 'dar ba thal mo sbyar ba khugs bar 'gyur ro/ /de ma thag tu sgrub pa pos 'dod chags chen po'i sems dga' bas spyad par bya bar smos so/ /de ltar sangs rgyas sku gsum la/ rdo rje sems dpa' rnam bsgom gyi don du gsungs so/ /rdo rje kyo ba zhags pa 'dzin/ /sangs rgyas dgug pa dam pa'o/ /zhes pa'i don ni mdun du bshad pas 'dir bde ste bshad mi dgos so/ /don?

  537. 269a

    mdun du smos pa'i dgug par bya ba'i sgrub pa po'i sems dad pa bskyed pa'i phyir la dor ba'i tshig gi don bstan par bya ste/ sangs rgyas sku'i sbyor ba yi/ /'khor lo chen po sbyor ba yis/ /rdo rje sems dpa' rgyal chen po/ /rtag tu nges par dgug par 'gyur/ /zhes bya ba'i don bshad par bya ste/ ci ltar yin na/ sangs rgyas sku'i sbyor ba yi/ 'khor lo chen po'i sbyor ba yis ni/ sangs rgyas su ming btags pa ni/ gsung gi rigs snang ba mdza' yas yin/ /skur ming btags pa ni sku'i rigs rnam par snang mdzad do/ /bshad par bya ste/ sgrub pa pos mdun du smos pa'i cho ga bzhi'i tshul gyis snang ba mdza' yas kyi sku phyag rgyar gyur par bya'o/ /de'i phyag g.yas dang po na pad+ma'i kyo ba 'dzin/ g.yon dang po na zhags pa 'dzin/ sku phyag rgya'i cha lugs phun sum tshogs pa gzhan ni/ ci ltar mdun du smos pa de bzhin du 'dir bstan to/ /de lta bu'i ngo bo snang ba mdza' yas kyi sku phyag rgyar gyur ma thag tu/ de dang gnyis su med pa'i nga rgyal du sgom par bya'o/ /sgom pa'i gnas ni skyed mos tshal lo ma dang/ me tog dang/ shing tog phun sum tshogs pa dang ldan pa'o/ /de'i dbus su dang po sa gzhi mnyam par byas la bdud rtsi lngas bsku bar bya'o/ /de nas rgya skyegs kyi khu ba dang/ pad ma rag ta bsres la rdzas des khru gang dang sor lnga'i 'khor lo rtsibs brgyad pa bri'o/ /de'i 'og tu pad ma dang/ ku mu ta dang/ ut pa la dang/ tsam pa ka la sogs pa'i dri dang ldan pa'i me tog thams cad dkram par bya'o/ /de'i 'og tu chen por ming btags pa dgug pa bya ba sgrub pa'i 'khor lo de'i steng gi dbus su sgrub pa pos sems brtan nas mos pa'i skyil mos 'dug go /de'i dus su nyid kyi gsang ba'i thugs ka ye shes

  538. 269b

    sems pa'i gnas su sngags kyi sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid kyi phun sum bzhin du 'bar zhing 'od du zhu nas ye shes kyi khu ba bzhin du 'gyur ro/ /sa bon de las skur ming btags pa rnam par snang mdzad kyi sku phyag rgya bskyed par bya'o/ /de'i phyag g.yas dang po na 'khor lo'i kyo ba 'dzin/ g.yon dang po na rdo rje zhags pa 'dzin/ sku phyag rgya'i cha lugs phun sum tshogs pa gzhan ni ji ltar smos pa bzhin du bya'o/ /de lta bu'i sku'i ngo bo phyag rgya grangs med pa sprin bzhin du bskyed ma thag tu/ ba spu bu ga'i lam gyi sgo nas 'jig rten gyi khams thams cad du spro bar bya'o/ /de ma thag tu ji ltar smos pa'i tshul gyis chung ma dang bu mo thams cad 'khor lo'i kyo bas snying gnas bzung/ rdo rje zhags pas mgul pa nas bcings nas tshul de ltar dgug par bya ste/ de ma thag tu sngar smos pa'i dkyil 'khor gyi ngo bo 'khor lo rtsibs brgyad de'i gnas su gnyis su med par thim par bsam mo/ /de'i 'og tu sgrub pa pos 'dod chags chen po'i sems dga' bas brtson 'grus kyis brten par sngags kyi bsnyen pa 'bum phrag gsum gyi grangs kyi tshad du spel ba'i tshul du bya'o/ /sngags kyi ngo bo bstan par bya ste/ a oM hUM/ a mo ka ba ni taM tsa ka n+yaM sarbe to ya ka ra sha naM ku ru swAhA/ de ltar byas nas khugs pa'i dus su mtshan ma gnyis 'byung bar 'gyur te/ sgrub pa po'i 'og gi rdzas kyi sbyor ba las 'khor lo rtsibs brgyad byas pa de 'bar ba dang/ de'i 'og tu 'khor lo gnas sa gzhi de shin tu g.yos par 'gyur ba'o/ /de ma thag tu chung ma 'am bu mo gang bsgrubs pa de sems skrag nas lus 'dar zhing rdul te smad g.yogs ltung nas thal mo sbyar ba khugs par 'gyur ro/ /de ma thag tu sgrub pa pos 'dod chags chen po'i sems dga' bas

  539. 270a

    spyad par bya bar bstan to/ /yon tan des snong ba mdza' yas dang gnyis su med pa'i ngo bo dngos grub kyi 'bras bur 'gyur bar bstan to/ /de ltar sangs rgyas sku'i sbyor ba yi/ 'khor lo chen po'i sbyor ba yis kyi don du gsungs so/ /rdo rje sems dpa' rgyal chen po/ /rtag tu nges par 'gugs par 'gyur zhes pa ni/ mdun du smos pa'i sgom pa'i sbyor ba'i sngags kyi bsnyen pa byas pas de bzhin gshegs pa thams cad kyi rgyal po'i ngo bo dpal rdo rje sems dpa' i nyid dus rtag tu 'gugs par 'gyur na/ phyi'i lha dang mi la sogs pa sems can thams cad kyi chung ma dang/ bu mo 'gugs pa'i dngos grub kyi 'bras bur 'gyur ba ni ngo mtshar mi che'o/ /bshad par bya ste/ rdo rje sems dpa' khugs par 'gyur ba ni/ sdud pa po sa la dor ba'i tshig tu smos pa'o/ /mdor bsdu ba de ltar rdo rje sems dpa' rgyal po che/ rtag tu nges par 'gugs par 'gyur pa'i don du gsungs so/ /da ni sku dang gsung dang thugs rigs gsum gyi kyo ba sgom pa'i sbyor bas/ dgug par bya ba'i cho ga'i don bstan par bya ste/ 'khor lo pad ma rdo rje tshe/ /rdo rje mi phyed gsum bsgoms pas/ /rdo rje kyo ba'i bye brag gis/ /sngags rnams thams cad 'gugs pa'i mchog /ces phya ba'i don bshad par bya ste/ ci ltar yin no/ 'khor lo ni sku'i rigs de bzhin gshegs pa rnam par snang mdzad kyi sku phyag rgyar mdun du smos pa'i cho ga bzhi'i tshul gyis gyur par bya'o/ /de'i phyag g.yas dang po na 'khor lo'i kyo ba 'dzin/ g.yon dang po na rdo rje zhags pa 'dzin/ sku phyag rgya'i cha lugs phun sum tshogs pa gzhan ni ci ltar smos pa'i bzhin du 'dir bya'o/ /de lta bu'i ngo bo rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o//

  540. 270b

    sgom pa'i gnas ni ri'i rtse mo dur ba la sogs pa rtsa 'jam ba snyum pa/ phun sum tshogs pa dang ldan pa'o/ /de bzhin du mtsho dang mtshe'u la sogs pa chu gang ba phun sum tshogs pa dang ldan pa'o/ /de'i dbus su dang po sa gzhi mnyam par bya'o/ de bdud rtsi rnam pa lngas bsku bar bya'o/ /de'i 'og tu gur kum dang/ tsan dan dang/ phag gi khrag dang/ pad ma rag ta dang bsres te/ rdzas des khru gang dang sor lnga'i tshad du 'khor lo rtsibs brgyad pa bri'o/ /de'i steng du tsam pa ka dang/ /ka bi ra'i me tog dgram mo de'i 'og tu lha mo dgug pa'i sgrub pa'i 'khor lo'i steng gi dbus su sgrub pa pos sems brtan par brtson 'grus kyis mos pa'i skyil mos 'dug go /de'i dus su nyid kyi gsang ba'i thugs ka ye shes sems dpa' i gnas su sngags kyi sa bon yig 'bru oM las sku'i rigs rnam par snang mdzad kyi sku phyag rgya skyed par bya'o/ /bstan par bya ste/ ji ltar smos pa'i gnas su sngags kyi sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid kyis phung por 'bar zhing 'od du zhu nas ye shes kyi khu ba bzhin du 'gyur ro/ /sa bon de las sku'i rigs de bzhin gshegs pa rnam par snang mdzad kyi sku phyag rgya bskyed par bya'o/ /de gong du smos pa'i tshul du phyag g.yas dang po na 'khor lo'i kyo ba 'dzin/ g.yon dang po na rdo rje zhags pa 'dzin/ /sku phyag rgya'i cha lugs phun sum tshogs pa gzhan ni mdun du ji ltar smos pa bzhin du 'dir sbyar ro/ /de lta bu'i ngo bo'i sku phyag rgya grangs med pa sprin bzhin du skyed ma thag tu/ ba spu'i bu ga'i lam gyi sgo nas 'jig rten gyi khams thams cad du khyab par spro'o/ /de ma thag tu lha mo thams cad 'khor lo'i gyo bas snying gnas bzung/ /rdo rje zhags pas mgul ba nas bcings te/ tshul de ltar dgug par bya zhing gong du smos pa'i

  541. 271a

    dkyil 'khor gyi 'khor lo'i rtsibs brgyad de'i gnas su gnyis su med par thim par gyur par bsam mo/ /de'i 'og tu sgrub pa pos 'dod chags chen po'i sems dga' ba'i brtson 'grus brtan pos bsnyen pa 'bum phrag gsum gyi grangs kyi tshad kyi tshul du spel ba'i tshul du bya'o/ /sngags ni oM A(rgyud 'grel): hUM sarba de ba ta taM a krar sha naM ku ru swAhA/ /de ltar byas nas dgug pa sgrub pa'i dus su mtshan ma gnyis 'byung ste/ sgrub pa po'i 'og gi rdzas kyi sbyor bas 'khor lo rtsibs brgyad bris pa de 'bar ba dang/ de'i 'og tu 'khor lo gnas sa gzhi cher 'gul pa'o/ /de ma thag tu lha mo thams cad sems skrag? nas smad g.yogs lhung te/ 'dod chags kyi khu ba b+ha ga'i sgo nas 'dzag cing thal mo sbyar ba khugs par 'gyur ro/ / de ma thag tu sgrub pa pos 'dod chags chen po'i sems dga' bas spyad par bya ba bstan to/ /de'i yon tan gyis sku'i rigs rnam par snang mdzad dang gnyis su med pa'i dngos grub kyi 'bras bur 'gyur bar smos so/ /de ltar 'khor lo'i don du gsungs so/ /de nas pad mo zhes pa ni/ sgrub pa pos gsung gi rigs de bzhin gshegs pa snang ba mdza' yas kyi sku phyag rgyar mdun du smos pa'i cho ga bzhi'i tshul gyis 'gyur bar bya'o/ /de'i phyag g.yas dang po na pad ma'i kyo ba 'dzin/ g.yon dang po na zhags pa 'dzin/ sku phyag rgya la cha lugs phun sum tshogs pa gzhan ni ji ltar smos pa bzhin du 'dir bya'o/ /de ltar bu'i ngo bo snang ba mdza' yas kyi sku phyag rgyar gyur ma thag tu de dang gnyis su med pa'i nga rgyal du sgom par bya'o// sgom par bya ba'i gnas ni 'bab chu'i 'gram mam/ yang na gong du smos pa'i yon tan dang ldan pa'i skyed mos tshal du bya yang mi 'gal lo/ /de'i dbus su dang po sa gzhi snyams la/ de bdud rtsi rnam pa lngas bsku par bya'o/ /de'i 'og tu phyi'i tsan

  542. 271b

    dan la sogs pa rdzas dri zhim pa thams cad bsres la des khru gang sor lnga'i tshad du bar ma 'dab brgyad pa bri'o/ /de'i 'og tu me tog pad ma dang/ ma li ka dgram mo/ /de'i 'og tu mi mo 'am gnod sbyin mo gang dgug pa'i sgrub pa pad ma'i steng du ni/ dbus su sgrub pa pos sems brtan par brtson 'grus kyis pad mo'i skyil mos 'gug go /de'i dus su nyid kyis gsang ba'i thugs ka ye shes sems dpa' i gnas su sngags kyi sa bon yig 'bru a las gsung gi rigs snang ba mdza' yas kyi sku phyag rgya bskyed par bya'o/ /bstan par bya ste/ ci ltar smos pa'i gnas su sngags kyi sa bon yig 'bru A bsam mo/ /de kha dog dmar po so sor rtog pa'i ye shes kyi ngo bo gzi brjid kyis phung po bzhin du 'bar zhing 'od du zhu nas/ ye shes kyi khu ba bzhin du 'gyur ro/ /sa bon de las gsung gi rigs snang ba mdza' yas kyi sku phyag rgya skyed par bya'o/ /de ni mdun du smos pa'i tshul du phyag g.yas dang po na pad ma'i kyo ba 'dzin/ g.yon dang po na rdo rje zhags pa 'dzin/ sku phyag rgya'i cha lugs phun sum tshogs pa bzhin no/ ji ltar mdun du smos pa bzhin du 'dir sbyar ro/ /de lta bu'i ngo bo'i sku phyag rgya grangs med pa sprin bzhin du bskyed ma thag tu ba spu bu ga'i lam gyi sgo nas 'jig rten gyi khams thams cad du khyab par spro'o/ /de ma thag tu gnod sbyin mo 'am mi mo gang yang rung pa'i pad mo'i kyo bas snying ga nas bzung/ rdo rje zhags pas mgul ba nas bcings te/ tshul de ltar dgug go /de ma thag tu mdun du smos pa'i dkyil 'khor gyi ngo bo pad ma 'dab ma brgyad de'i gnas su gnyis su med par thim par gyur par bsam mo/ /de'i 'og tu sgrub pa pos 'dod chags chen po'i sems dga' bas brtson 'grus brtan pos 'bum phrag gsum gyi grangs kyi tshad du bsnyen pa spel ba'i tshul du bya'o/ /sngags bstan par bya ste/

  543. 272a

    A oM hUM sarba yak+Shi ni tsa ma no shi ma a kar sha ni ku ru swAhA/ de ltar byas nas khugs pa'i dus su mtshan ma gnyis 'byung bar 'gyur te/ sgrub pa po'i rdzas kyi sbyor bas pad+ma 'dab brgyad bris pa de 'bar ba dang/ de'i 'og tu pad ma'i gnas kyi sa gzhi cher 'gul bar 'gyur ro/ /de ma thag tu gnod sbyin mo dang/ mi mo thams cad sems skrag nas lus 'dar zhing 'dod chags kyi khu ba 'dzag cing thal mo sbyar ba khugs par 'gyur ro/ /de ma thag tu sgrub pa pos 'dod chags chen po'i sems dga' bas spyad par byas par bstan to/ /de'i yon tan gyis gsung gi rigs snang ba mdza' yas dang gnyis su med pa'i dngos grub kyi 'bras bu 'grub par 'gyur bar bstan to/ /de ltar pad ma'i don du gsungs so/ /rdo rje che zhes pa ni sgrub pa pos rdo rje'i rigs de bzhin gshegs pa mi bskyod pa'i sku phyag rgyar mdun du smos pa'i cho ga bzhi'i tshul gyis gyur par bya'o/ /de rdo rje chen por ming btags pa ni rdo rje mi bskyod pa de bzhin gshegs pa thams cad kyi bdag po yin te/ don des rdo rje chen por bstan to/ /de'i phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ sku phyag rgya'i cha lugs phun sum tshogs pa gzhan ni/ ji ltar mdun du smos pa bzhin du 'dir sbyar ro/ /de lta bu'i ngo bo de bzhin gshegs pa rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /sgom pa bya ba'i gnas ni/ dur khrod dam yang na/ ma mo'i gnas khang pa yang mi 'gal lo/ /de'i dbus su dang po sa gzhi mnyam par byas la/ der bdud rtsi lngas bsku bar bya'o/ /de'i 'og tu phyi'i a ku ra dang/ sha la ka'i lo ma la sogs pa dri zhim pa'i rdzas thams cad bsris pa khru gang dang

  544. 272b

    sor lnga'i tshad du rdo rje rgya gram bri'o/ /de'i 'og tu ud pa la sngon po dang/ me tog ke ta ki dgram par bya'o/ /de'i 'og tu lha ma yin mo dang/ klu mo la sogs pa sems can thams cad kyi chung ma dgug pa'i sgrub pa rdo rje rgya gram gyi steng gi dbus su sgrub pa po sems brtan par brtson 'grus kyis mos pa'i skyil mos 'dug go /de'i dus su nyid kyis gsang ba'i thugs ka ye shes sems pa'i gnas su sngags kyi sa bon yig 'bru hUM las rdo rje mi bskyod pa'i sku phyag rgya bskyed par bya'o/ / bstan par bya ste/ ci ltar smos pa'i gnas su sngags kyi sa bon yig 'bru hUM mthing ga bsam mo/ /de me long lta bu'i ye shes kyi ngo bo gzi brjid kyi phung po bzhin du 'bar zhing 'od du zhu nas/ ye shes kyi khu ba bzhin du 'gyur ro/ /sa bon de las rdo rje'i rigs de bzhin gshegs pa mi bskyod pa'i sku phyag rgya skyed par bya'o/ /de ni mdun du smos pa'i tshul du phyag g.yas dang po na rdo rje kyo ba 'dzin/ /g.yon dang po na rdo rje zhags pa 'dzin/ sku phyag rgya'i cha lugs phun sum tshogs pa gzhan ni mdun du ci ltar smos ba bzhin du 'dir sbyar ro/ /de lta bu'i ngo bo'i sku phyag rgya grangs med pa sprin bzhin du skyed ma thag tu ba spu'i bu ga'i lam gyi sgo nas 'jig rten gyi khams thams cad du khyab par spro'o/ /de ma thag tu lha ma yin mo dang klu mo la sogs pa sems can kun gyi chung ma rdo rje kyo bas snying ga nas bzung ste/ rdo rje zhags pas mgul pa nas bcings te/ tshul de ltar dgug par bya'o/ /de ma thag tu mdun du smos pa'i dkyil 'khor gyi ngo bo rdo rje rgya gram de'i gnas su med par thim par 'gyur bar bsam mo/ /de'i 'og tu sgrub pa pos 'dod chags chen po'i sems dga' bas brtson 'grus kyi brtan par 'bum phrag gsum gyi grangs kyi ched du/ bsnyen pa spel ba'i tshul du bya'o/ /sngags

  545. 273a

    bstan par bya ste/ hUM oM A sarba a su rin gi naM tsa ti tsa ti sarba satwa pa ni ta ma a ka ra sha na ku ru swAhA/ de ltar byas nas dgug par grub pa'i dus su mtshan ma gnyis 'byung bar 'gyur te/ sgrub pa po 'og gi rdzas kyi sbyor bas rdo rje rgya ram bris pa de 'bar ba dang/ de'i 'og tu rdo rje rgya ram gyi gnas gyi sa gzhi cher 'gul bar 'gyur ba'o/ /de ma thag tu lha ma yin mo dang/ klu mo la sogs pa sems can thams cad kyi chung ma sems skrag nas lus 'dar zhing 'dod chags chen pos myos nas rdul zhing/ smad g.yogs lhung ste/ b+ha ga'i sgo nas 'dod chags kyi khu ba 'dzag cing thal mo sbyar ba khugs par 'gyur ro/ /de ma thag tu 'dod chags chen po'i sems dga' bas spyad par bya bar bstan to/ /de'i yon tan gyis rdo rje'i rigs mi bskyod pa dang gnyis su med pa'i dngos grub kyi 'bras bur 'gyur bar bstan to/ /de ltar rdo rje che'i don du gsungs so/ /rdo rje mi phyed gsum sgoms pas zhes pa ni/ gong du smos pa'i 'khor lo'i kyo ba dang/ pad mo'i kyo ba dang/ gsum ni sku rdo rje dang/ gsung rdo rje dang/ thugs rdo rje dang/ de ltar rigs gsum gyi rdo rje ye shes dang/ gnyis su med pa'i ngo bo sgrub pa pos sgom par bya bar bstan to/ /de ltar rdo rje mi phyed gsum sgoms pas kyi don du gsungs so/ /rdo rje kyo ba'i bye brag gis/ /sngags rnams thams cad dgug pa'i mchog /ces pa ni gong du bstan pa'i sku'i rigs kyi bye brag gi 'khor lo'i kyo ba dang/ gsung gi rigs kyi bye brag gi pad mo'i kyo ba dang/ thugs kyi rigs kyi bye brag gi rdo rje'i kyo ba dang/ de ltar kyo ba'i bye brag gi sngags thams cad du ming btags pa ci ltar smos pa'i lha mo dang/ gnod sbyin mo dang/ mi mo dang/ lha ma yin mo dang/ klu mo la sogs pa sems can thams cad kyi

  546. 273b

    chung ma rnams dgug pa'i sgrub pa bya ba de ni mchog tu smos so/ /mdor bsdu ba de ltar/ /rdo rje kyo ba'i bye brag gis/ sngags rnams thams cad dgug pa'i mchog gi don du gsungs so/ /da ni mdun du smos pa'i dgug pa'i sgom pa dang sbyor ba bstan par bya ste/ thams cad rdo rje dngos zhi ba/ /rang sngags skyes bu sgom nas ni/ /mi'i bu mo mchog rnams kyi/ /snying gar rdo rje kyo ba sbyar/ /zhes bya ba'i don bshad par bya ste/ ci ltar yin na/ thams cad rdo rje dngos gzhi dang/ rang sngags skye bu sgoms nas ni/ mdun du smos pa'i rigs gsum so so kyo ba'i bye brag gis dgug pa'i sgrub pa bya ba'i dus su/ skyes bur ming btags pa sku rdo rje rnam par snang mdzad kyi sku phyag rgya'o/ /de bzhin du gsung gi rigs snang ba mdza' yas kyi sku phyag rgya'o/ /de bzhin du rdo rje'i rigs de bzhin gshegs pa mi bskyod pa'i sku phyag rgya'o/ /de rnams mdun du bshad pa'i nyid nyid kyi sngags kyi sa bon yig 'bru las bskyed pa'i 'og tu bsgrub pa pos rim pa gnyis su med pa'i nga rgyal du bsgom par bstan to/ /bshad par bya ste/ rdo rje'i dngos por ming btags pa rigs lnga'i bye brag gis de bzhin gshegs pa grangs med pa thams cad ni don dam par sku dang gsung dang thugs gnyis su med pa yin no/ /de dang gnyis su med pa'i ngo bo bsgom par bya ba sku phyag rgya'i gzugs kyi ngo bo yin no/ /de bzhin du de dag gis sku phyag rgya spro ba'i rim pa ci ltar smos pa'i tshul gyis dgug par mdzad mkhan sku dang gsung dang thugs rdo rje gsum dang gnyis su med pa'i ngo bor sgom par bya bar bstan no/ /tshul de ltar bsgom pa byas pas zhi bar ming btags pa/ ci ltar smos pa'i tshul gyis dgug pa'i dngos grub kyi 'bras bur gyur par smos so/ /de ltar thams cad rdo rje dngos gzhi pa/ rang sngags skyes bu sgoms

  547. 274a

    nas na'i don du gsungs so/ /mi'i bu mo mchog rnams kyi/ /snying gar rdo rje kyo ba sbyar/ /zhes pa ni/ mdun du smos pa'i rigs gsum gyi sgom pa'i tshul gyi dgug pa'i sbyor ba byas pas mi'i bu mo mchog rgyal rigs dang bram ze'i rigs skyes pa'i bu mo ste/ pad ma ni'o/ /gong du ci ltar bu mo rnams kyi dang sems can thams cad kyi chung ma'i snying ga nas kyo bas bzung nas dgug par mdzad pa de bzhin du dgug par bya bar bstan to/ /de ltar mi'i bu mo mchog rnams kyi/ /snying gar rdo rje kyo ba sbyar ba'i don du gsungs so/ /de ni lha'i dbang po brgya byin gyis chung ma dgug pa'i sgrub pa'i sbyor ba bstan par bya ste/ rlung gi dkyil 'khor kun la sbyar/ /nges par rtag tu dgug par 'gyur/ /zla ba'i dkyil 'khor dag la ni/ /rnam par snang mdzad gzugs chen sgom/ zhes bya ba'i don bshad par bya ste/ ci ltar yin na/ rlung gi dkyil 'khor kun la sbyar/ /nges par rtag tu 'gugs par 'gyur ba ni/ /mdun du smos pa'i mi'i bu mo mchog dgug pa'i sgrub pa bya ba'i dus su yang/ sngags kyi yig 'bru aM las rlung gi dkyil 'khor du gyur par bya'o/ /de'i steng du mi'i bu mo gnas par dgug pa'i sgom par bya'o/ /sgom pa byas nas grub pa'i 'og tu dus rtag tu khrugs par 'gyur ro// de ltar rlung gi dkyil 'khor kun la sbyar/ nges par rtag tu 'gugs par 'gyur gyi don du gsungs so/ /zla ba'i dkyil 'khor dag la ni/ /rnam par snang mdzad gzugs chen sgom/ /zhes pa ni/ gnas ri'i rtse mo rtswa la sogs pa yid du 'ong ba ci ltar smos pa phun sum tshogs pa dang ldan par/ dang po sa gzhi mnyam par byas la de bdud rtsi lngas bsku'o/ /de nas ku sum pa'i me tog gi ze 'bru dang/ ka ra pu ra dang/ go ro can dang/ dri chen dang 'ug pa'i khrag rnams

  548. 274b

    rtag go /rdzas des dkyil 'khor zur gsum kun tu khru re dang sor lnga bsku'o/ /de'i 'og tu pa ta li dang ud pa la sogs pa me tog dri dang ldan pa thams cad dgram bar bya'o/ /de'i 'og tu lha'i dbang po brgya byin gyi chung ma sha tsi dgug pa'i dkyil 'khor ba'i steng gi dbus su sgrub pa pos mos pa'i sgyil mos 'gug go /de'i 'og tu mdun du smos pa'i cho ga bzhi'i tshul gyis rnam par snang mdzad kyi sku phyag rgya gzugs chen po'i ngo bor gyur par bya'o/ /de'i phyag g.yas dang po na 'khor lo'i kyo ba 'dzin/ sku phyag rgya'i cha lugs phun sum tshogs pa gzhan ni ci ltar smos pa bzhin du 'dir sbyar ro/ /de lta bu'i ngo bo rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du sgom par bya'o/ / de'i dus su sgrub pa po nyid kyi dkyil mo'i 'og tu sngags sa bon yig 'bru A bsam mo/ /de kha dog dkar po chos kyi dbyings kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du 'gyur ro/ /sa bon de las zla ba'i dkyil 'khor du gyur par bsam mo/ /de ma thag tu de'i steng du ji ltar smos pa'i tshul gyis sgom pa bya ba bstan to/ /de ltar zla ba'i dkyil 'khor dag la ni/ rnam par snang mdzad gzugs chen sgom gyi don du gsungs so/ /de na sha tsi gnas par bsam/ /rdo rje bdud rtsi sbyor ba yis/ /lan grangs lnga bcu brjod na ni/ /nges par rtag tu 'gugs par 'gyur/ /zhes bya ba'i don bshad par bya ste/ ci ltar yin no/ /de na sha ci gnas par bsam/ /rdo rje bdud rtsi'i sbyor ba yis ni mdun du smos pa rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du sgom pa'i dus der/ bram ze'i rigs kyi bu mo mtshan dang yon tan dang ldan pa blang ngo/ /shes rab ma de ye shes kyi lha mo sangs rgyas

  549. 275a

    spyan dang gnyis su med pa'i ngo bor byin gyis brlab par bya'o/ /de ma thag tu 'dod chags chen po'i sems dga' bas gnyis su med par 'khyung ba'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu'o/ /de dang rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur par bsam mo/ /sa bon de las mdun du smos pa'i don gyis rdo rje bdud rtsir ming btags pa'i khro bo'i rgyal po a mri ta kun Da li'i sku phyag rgyar bskyed par bya'o/ /de mdun du smos pa'i tshul du phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ sku phyag rgya'i cha lugs phun sum tshogs pa gzhan lngar ci ltar smos pa bzhin sbyar ro/ /de lta bu'i ngo bo khro bo'i rgyal po rdo rje bdud rtsi'i sku phyag rgya skyed ma thag tu/ ba spu bu ga'i lam gyi sgo nas 'dod khams kyi sum cu rtsa gsum lha'i dbang po'i gnas su khyab par spro'o/ /de ma thag tu lha'i dbang po brgya byin gyi chung ma sha ci lnga ma'i 'khor thams cad dang bcas pa rdo rje'i kyo bas snying ga nas bzung/ rdo rje zhags pas mgul pa nas bcings te tshul de ltar gong du rlung gi dkyil 'khor bskyed pa de'i steng na gnas par dgug par bsam mo/ /de ma thag tu ci ltar smos pa'i dkyil 'khor zur gsum de'i gnas su thim par gyur par bsam mo/ /de'i 'og tu sgrub pa pos 'dod chags

  550. 275b

    chen po'i sems dga' bas brtson 'grus brtan pas sngags kyi bsnyen pa spel ba'i tshul gyis 'bum phrag gsum gyi grangs kyi tshad du bzlas pa bya'o/ /sngags bstan par bya ste/ oM A hUM sha tsi ta a ka ra sha ni gu ru swAhA/ de ltar byas nas dgug pa sgrub pa'i dus su/ mtshan ma gnyis 'byung bar 'gyur te/ sgrub pa po'i 'og tu rdzas kyi sbyar ba dkyil 'khor zur gsum byas pa de 'bar ba dang/ de'i 'og tu dkyil 'khor gyi sa gzhi cher 'gul bar 'gyur ba'o/ / de ma thag tu ci ltar smos pa'i 'khor dang bcas pa de rnams sems skrag nas lus 'dar zhing smad g.yogs ltung nas 'dod chags kyis sems myos pas smyo ba'i tshul gyis thal mo sbyar ba khugs par 'gyur ro/ /de ma thag tu sgrub pa pos 'dod chags chen po'i sems dga' bas de spyad par bya'o/ /de'i yon tan gyis rnam par snang mdzad dang gnyis su med pa'i dngos grub gyi 'bras bur 'gyur bar bstan to/ /de ltar de na sha tsi gnas par bsam/ /rdo rje bdud rtsi sbyor ba yis kyi don du gsungs so/ /lan grangs lnga bcur brjod na ni/ nges par rtag tu khugs par 'gyur zhes pa ni/ gong du smos pa'i sha tsi bkug ma thag tu/ ci ltar smos pa'i sngags de lan lnga bcu brjod par bya'o/ /des dus rtag tu sha ci bran bzhin du khugs par 'gyur na/ lha mo gzhan ni ngo mtshar yang mi che'o/ /de ltar lan grangs lnga bcu brjod na ni/ nges par rtag tu khugs par 'gyur ba'i don du gsungs so/ /da ni nam mkha' i bu mor ming btags pa'i rigs 'dzin gyi bu mo rnams dgug pa'i sbyor ba bstan par bya ste/ rdo rje kyo ba gzugs po che/ /'bar ba rnon po 'dra ba'i 'od/ /rdo rje'i dkyil 'khor sgoms na ni/ /nam mkha' i bu mo dgug pa'i mchog /ces pa'i don bshad par bya ste/ ci ltar yin na/ rdo rje

  551. 276a

    kyo ba gzugs po che/ /'bar ba nag po 'bar ba'i 'od ni/ gnas dur khrod kyi dbus su dang po sa gzhi mnyam par bya'o/ /de bdud rtsi lngas bsku'o/ /de'i 'og tu gur kum dang/ a ka ru la sogs pa rdzas dri zhim po thams cad byang chub sems dang gcig tu bsres nas des dkyil 'khor gru bzhi kun tu khru re dang sor lnga bsku bar bya'o/ /de'i 'og tu ud pa la sngon po dang/ ka ra bi ra dang/ tsam pa ka la sogs pa me tog dri dang ldan pa kun dgram par bya'o/ /de'i 'og tu rig pa 'dzin gyi bu mo dgug pa'i sgrub pa bya ba'i dkyil 'khor de'i dbus su sgrub pa pos sems brtan pa'i brtson 'grus kyis pad mo'i skyil mos 'dug go /de'i 'og tu mdun du smos pa'i cho ga bzhi'i tshul gyis dpal rdo rje sems dpa' i sku phyag rgyar gyur par bya'o/ /de'i phyag g.yas dang po na gzugs chen por ming btags pa me long lta bu'i ye shes kyi ngo bo ye shes de'i nyi ma stong dang mnyam par tsha ba chen por byed pa'i 'bar ba rnon po'i 'od 'phro ba dang ldan pa'i rdo rje kyo ba 'dzin te/ don des rdo rje'i kyo bas gzugs chen por smos so/ /phyag g.yon dang po na rdo rje zhags pa 'dzin/ sku phyag rgya'i cha lugs phun sum tshogs pa gzhan ni ci ltar smos pa bzhin du 'dir bstan to/ /de lta bu'i ngo bo dpal rdo rje sems dpa' i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de ltar rdo rje kyo ba'i gzugs po che/ /'bar ba rnon po 'dra ba'i 'od kyi don du gsungs so/ /rdo rje'i dkyil 'khor sgoms na ni/ /nam mkha' i bu mo dgug pa'i mchog ces pa ni/ sgrub pa pos mdun du smos pa'i dpal rdo rje sems dpa' dang gnyis su med pa'i nga rgyal du sgoms pa'i dus der khrus mkhan gyi rigs kyi bu mo mtshan dang yon tan dang ldan pa thams

  552. 276b

    cad blangs la/ shes rab ma de ye shes kyi lha mo ma ma ki dang gnyis su med pa'i ngo bor byin gyis brlab bo/ /de ma thag tu 'dod chags chen po'i sems dga' bas gnyis su med par 'khyud pa'i sbyor bas/ thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid chen pos 'bar zhing 'od du zhu nas ye shes kyi khu ba byang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po a mri ta kuN Da li'i sku phyag rgya bskyed par bya'o// de'i phyag g.yas dang po na bdag po'i rdo rje kyo ba gzugs chen po lta bu 'dzin/ g.yon dang po na rdo rje zhags pa 'dzin/ sku phyag rgya'i cha lugs phun sum tshogs pa gzhan ni ci ltar smos pa bzhin du sbyor ro/ /de lta bu'i ngo bo khro bo'i rgyal po a mri ta kun Da li'i sku phyag rgya rdo rje'i dkyil 'khor du ming btags pa nyi ma'i dkyil 'khor du smos so/ /de'i steng du gnas nas grangs med pa sprin bzhin du bskyed ma thag tu/ /ba spu bu ga'i lam gyi sgo nas nam mkha' i dbyings thams cad du khyab par spro bar bya'o/ /de ma thag tu nam mkha' i bu mor ming btags pa rig pa 'dzin gyi bu mo thams cad rdo rje'i kyo bas snying ga nas bzung/ rdo rje zhags pas mgul pa nas bcings te/ tshul de ltar dgug par bya'o/ /de ma thag tu dkyil 'khor gru bzhi de'i gnyis su med par thim par gyur par bsam mo/ /de'i 'og tu sgrub pa pos 'dod chags chen po'i sems dga' bas brtan pa'i sems brtson 'grus kyis sngags kyi bsnyen pa skyel ba'i tshul 'bum phrag gsum gyi grangs kyi tshad du bya'o//

  553. 277a

    sngags bstan par bya ste/ hUM o A bi ra da ra ka raM naM a kar sha naM ku ru swA hA/ de ltar byas pas dgug pa sgrub pa'i dus su mtshan ma gnyis 'byung bar 'gyur te/ sgrub pa po'i 'og gi rdzas kyi sbyor ba las dkyil 'khor gru bzhi byas pa de 'bar ba dang/ de'i 'og tu dkyil 'khor gyi gnas kyi sa gzhi rab tu 'gul ba'o/ /de ma thag tu rig pa 'dzin gyi bu mo sems skrag nas lus 'dar zhing smad g.yogs ltung ste/ b+ha ga'i sgo nas 'dod chags kyi khu ba 'dzag cing/ thal mo sbyar ba khugs par 'gyur ro/ /de ma thag tu sgrub pa pos 'dod chags chen po'i sems dga' bas sprad par bya bar bstan to/ /de'i yon tan gyis dpal rdo rje sems pa dang gnyis su med pa'i dngos grub kyi 'bras bur 'gyur ro/ /don des nam mkha' i bu mo dgug pa'i mchog yin no/ /mdor bsdu ba de ltar rdo rje'i dkyil 'khor sgoms na ni/ nam mkha' i bu mo dgug pa'i mchog tu gsungs so// //de ni rdo rje sa 'og na gnas par ming btags pa lha ma yin gyi bu mo'o/ /de dgug pa'i sgrub pa'i sbyor ba bya ba bstan par bya ste/ rang gi khro bo rdo rje dam/ /rdo rje sa 'og gnas pa dag /rtse gsum rdo rje kyo ba yis/ /lha min bu mo dgug pa'i mchog /ces bya ba'i don bstan par bya ste/ ci ltar yin na/ rang gi khro bo rdo rje dam/ rdo rje sa 'og gnas pa dag ni/ tsan d+ha na la sogs pa rigs ngan gang yang rung ba'i skyes bu g.yul du mda' phog nas shi ba'i ban d+ha sngar smos pa'i tshul du dum bu lnga pa mtshan thams cad dang ldan pa blang ngo/ /de'i 'og tu sgrub pa pos gnas dur khrod du dgug pa'i sgrub pa bya'o/ /yang na mtshan ma gcig par yang mi 'gal lo/ /gong du smos pa'i band+ha de'i nang du byang chub sems dang/ dam ma rag ta dang

  554. 277b

    'go ro tsa na dang/ dung gi lte ba dang/ stag mo'i 'o ma dang/ kar pu ra dang/ 'ug pa'i khrag dang/ byi la'i khrag dang/ de rnams bsres nas btags la shes rab ma'i pad ma'i chu dang/ rdo rje'i chus dkrugs la/ rdzas des khro bo rdo rje'i ngo bor ming btags pa khro bo'i rgyal po arya a tsa la'i sku phyag rgya'i gzugs khwa ta'i mjug sgro'i rtsa bas bri bar bya'o/ /de zhal gsum pa/ phyag drug phyag mtshan drug pa/ khro bo'i rgyan thams cad kyis brgyan pa/ ral pa gyen la 'bar ba/ smin ma bskyod pa/ mche ba'i phreng ba snol ba/ gsus pa che ba/ phyag g.yas dang po na rtse gsum rdo rje kyo ba 'dzin/ g.yon dang bo na rdo rje zhags pa 'dzin/ phyag mtshan gzhan ni sngar ci ltar smos pa'i tshul du bya'o/ de'i zhabs gnyis kyi 'og tu lha ma yin gyi bu mo'i gzugs su thal mo sbyar ba'i tshul du bris te/ sngar arya a tsa la bris pa'i rdzas de la ud pa la sngon po la sogs pa me tog dri zhim pa thams cad bsre'o/ /khro bo'i rgyal po arya a tsa las rdo rje'i kyo ba 'dzin pa des b+ha ga nas 'dzin par bri/ rdo rje'i zhags pas mgul pa nas bcing bar bri'o/ /zhabs g.yas brkyang bas lha ma yin gyi bu mo'i rked par zhags pa bri/ g.yon bskum pas snying kar bzhag par bri'o/ / lha ma yin gyi bu mo'i gzugs kyi 'og tu 'khor lo rtsibs brgyad pa bri'o/ /de ltar sbyor ba byas nas dkyil 'khor zur gsum kun tu khru re dang sor dgu bdud rtsi lngas bsku bar bya'o/ /de'i 'og tu sgrub pa pos brtson 'grus chen po'i sems brtan pa bskyed nas/ de'i steng du 'dug go /de'i 'og tu mdun du smos pa'i cho ga bzhi'i tshul gyis rdo rjer ming btags pa mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par

  555. 278a

    'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa bzhin du 'dir bya'o/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su nyid kyi gsang ba'i thugs ka ye shes sems dpa' i gnas su sngags sa bon yig 'bru hUM las khro bo'i rgyal po arya a tsa la'i sku phyag rgya bskyod par bya'o/ /bstan par bya ste/ ci ltar smos pa'i gnas su sngags sa bon yig 'bru hUM kha dog nag po bsam mo/ /de ni me long lta bu'i ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba bzhin du 'gyur ro/ /sa bon de las arya a tsa la'i sku phyag rgya bskyed par bya'o/ /de mdun du smos pa'i tshul du phyag g.yas dang po na rtse gsum rdo rje kyo ba 'dzin/ g.yon dang po na rdo rje zhags pa 'dzin/ sku phyag rgya phun sum tshogs pa/ gzhan kun ni mdun du ci ltar smos pa bzhin du bya'o/ /de lta bu'i ngo bo sku phyag rgya grangs med pa sprin bzhin du skyed ma thag tu/ ba spu bu ga'i lam gyi sgo nas rdo rje sa 'og tu ming btags pa phyi'i lha ma yin gyi gnas te/ gnod sbyin dang srin po dang/ klu la sogs pa ma rungs pa thams cad kyis med pa 'am/ bshig par mi nus pas don des rdo rje sa 'og cu smos so/ /sa 'og gi 'jig rten gyi khams thams cad du khyab par spro'o/ /de ltar rang gi rdo rje khro bo'i dam/ rdo rje sa 'og gnas pa dag gi don du gsungs so/ /rtse gsum rdo rje'i kyo ba yis/ /lha min bu mo dgug pa'i mchog ces pa ni mdun du smos pa'i khro bo'i rgyal bo arya a tsa la'i sku phyag rgya grangs med pa sprin bzhin du khyab par spros ma thag tu/ /'dod chags

  556. 278b

    chen po zhe sdang gi sems kyis sa 'og na gnas pa'i lha ma yin gyi bu mo thams cad rtse gsum rdo rje'i kyo bas snying ga nas bzung/ rdo rje zhags pas mgul ba nas bcings te/ tshul de ltar dgug par bya'o/ /de ma thag tu mdun du smos pa'i sbyor ba dang ldan pa'i ban d+ha de la gnyis su med par thim par gyur par bsam mo/ /de'i 'og tu sgrub pa pos 'dod chags chen po'i sems brtan pa'i brtson 'grus kyi sngags kyi bsnyen pa 'bum phrag gsum gyi grangs kyi tshad du bya'o/ / sngags bstan par bya ste/ hUM a A sarba d+hi da ka naM a kar sha n+yaM ku ru swAhA/ de ltar byas na dgug pa grub pa'i dus su mtshan ma gnyis 'byung par 'gyur te/ ban da de 'bar ba dang/ de'i 'og tu ban da de 'bad pa'o/ /de ma thag tu lha ma yin gyi bu mo de sems 'jigs pas skrag nas/ lus 'dar zhing smad g.yogs ltung nas/ b+ha ga nas 'dod chags kyi khu ba 'dzag cing thal mo sbyar ba khugs par 'gyur ba'o/ /de ma thag tu sgrub pa pos 'dod chags chen po'i sems dga' bas spyad par bya bar smos so/ /de'i yon tan gyis rdo rje'i rigs mi bskyod pa dang gnyis su med pa'i dngos grub kyi 'bras bu 'grub par 'gyur bar smos so/ /de ltar rtse gsum rdo rje'i kyo ba yis/ /lha min bu mo dgug pa'i mchog gi don du gsungs so/ /de ni 'jig rten gyi mes po tshangs pa chen po dang/ ru tra la sogs pa lha thams cad dgug pa'i sgrub pa bya ba bstan par bya ste/ btsag gam rdo rgyus dag kyang rung/ /rdo rje kyo ba'i sbyor ba yis/ / zla ba gzas ni zin pa'i tshe/ /khar bcug nas ni sgrub par bya/ /zhes bya ba'i don bshad par bya ste/ ci ltar yin na/ btsag gam rdo rgyus dag kyang rung/ /rdo rje kyo ba'i sbyor ba yis/ /dpal rdo rje sems dpa' la sogs pa rigs lnga'i

  557. 279a

    bye brag gi de bzhin gshegs pa'i nang na/ gang la mos pa dang gnyis su med pa'i sgom pa'i sbyor bas dgug pa'i sgrub pa bya'o/ /bshad par bya ste/ gang sgom par bya ba'i rigs de'i bye brag gi phyi'i gnas kyi sa gzhi mnyam par bya ste/ der dkyil 'khor gru bzhi kun tu khru re bdud rtsi lngas bsku bar bya'o/ /de'i 'og tu sgrub pa pos de'i steng du brtson 'grus chen po'i brtan par zhe sdang gi sems bskyed nas 'dug go /de'i 'og tu mdun du smos pa'i cho ga bzhi'i tshul gyis rigs gang bsgom pa de'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa bzhin du/ de lta bu'i ngo bo ci ltar smos pa'i tshul gyi sku phyag rgyar gyur ma thag tu/ de dang gnyis su med pa'i nga rgyal du sgom par bya'o/ /de'i dus su gang sgom pa'i rigs kyi bye brag gi shes rab ma ci ltar smos pa'i tshul gyis mtshan dang yon tan thams cad dang ldan pa blang ngo/ /shes rab ma de nyid kyi rigs kyi ye shes kyi lha mo dang gnyis su med pa'i ngo bor byin gyis brlab par bya'o/ /de ma thag tu 'dod chags chen po'i sems dga' bas gnyis su med par 'khyud pa'i sbyor bar thabs dang shes rab rol pa byas nas bde bar gyur ba'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ de'i steng du sngags sa bon yig 'bru hUM bsam mo/ /de kha dog sngon po me long lta bu'i ye shes la sogs pa rigs gsum gyi ngo bo yin par brtag go /gzi brjid kyi phung po bzhin du 'bar zhing 'od du zhu nas/ ye shes kyi khu

  558. 279b

    ba lta bur byang chub sems zla ba'i dkyil 'khor la gnyis su med par thim par gyur to/ /sa bon de las byang chub sems dpa' phyag na rdo rje'i sku phyag rgyar bskyed par bya'o/ /de'i g.yas dang po na rdo rje'i kyo ba 'dzin/ g.yon dang po zhags pa 'dzin/ sku phyag rgya'i cha lugs phun sum tshogs pa gzhan ni ci ltar smos pa bzhin du brtag go /de lta bu'i ngo bo byang chub sems dpa' phyag na rdo rje'i sku phyag rgya grangs med pa skyed ma thag tu gsang ba'i dbang po gnyis kyi lam gyi sgo nas nam mkha' i khams kun du khyab par spro bar bsam mo/ /de'i 'og tu sgrub pa pos mdun du smos pa'i tshul thabs dang shes rab rol pa byas nas/ bde bar gyur ba'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de'i dbus su zla ba'i dkyil 'khor gyi steng gi dbus su bri bar rdzas btsag gi dum bu 'jong 'jong po bzhag go /yang na rdo rgyus kyang mi 'gal lo/ /de ltar btsag gam rdo rgyus dag kyang rung/ rdo rje kyo ba'i sbyor ba yis kyi don du gsungs so/ /zla ba gzas ni zin pa'i tshe/ /khar bcug nas ni sgrub pa bya zhes pa ni/ zla ba gzas zin par ming btags pa mdun du smos pa'i shes rab ma dang gnyis su med pas gsang ba'i rol pa byas nas/ byang chub sems zla ba'i dkyil 'khor du byas pa'i dbus su/ khar bcug par ming btags pa ni shes rab ma'i b+ha ga'i lam gyi sgo nas zla ba'i dkyil 'khor la btsag gam rdo rgyus bzhag pa'o/ /de ltar sgrub pa byas nas dgug pa'i sgrub pa bya bar bstan to/ /bshad par bya ste/ mdun du smos pa'i tshul gyi sgom pa'i sbyor ba bya zhing khro bo chen po'i brtson 'grus kyi sems

  559. 280a

    brtan par sku dang gsung dang thugs rigs gsum gyi bsnyen pa bya zhing bzlas pa bya'o/ /sngags bstan par bya ste/ hUM oM A b+h+ra ma ru ma tra tsa d+hi sarba de baM a ka ra sha naM ku ru/ sngags de ci tsam du bzlas pa bya ba'i phyi'i zla ba gza' chen po ma rungs par hus bzung nas btang bar gyur pa yan chad kyis btsag gam rdo rgyus kyi dum bu 'grub par 'gyur bar smos so/ /grub pa'i dus su mtshan ma gnyis 'byung bar 'gyur te/ shes rab ma'i b+ha ga'i nang gi rdo rgyus sam cag dum bu gang bsgrub pa de las dang po du ba 'byung ngo/ /de'i 'og tu 'bar bar smos so/ /mdor bsdu ba de ltar zla ba gzas ni zin pa'i tshe/ khar bcug nas ni bsgrub pa bya ba'i don du gsungs so/ /da ni sgrub pa'i 'bras bu'i ngo bor gyur pa bstan par bya ste/ tshangs pa drag po la sogs lha /rang gi ming rnams bris nas ni/ /rdo rje gsung gi bka' bzhin du/ /skrag nas gnas nas 'ong bar 'gyur/ /zhes bya ba'i don bshad par bya ste/ ci ltar yin na/ tshangs pa drag po la sogs lha/ /rang gi ming rnams bris nas ni/ /mdun du smos pa'i btsag gam rdo rgyus kyi dum bu de grub pa'i 'og tu/ rdzas kyi sbyor ba grub pa'i rdzas des tshangs pa la sogs pa gang yang rung pa dgug par 'dod pa de'i ming bri bar bya'o/ /de ltar tshangs pa drag po la sogs lha/ rang gi ming rnams bris na ni'i don du gsungs so/ /rdo rje gsung gi bka' bzhin du/ skrag nas gnas nas 'ong bar 'gyur zhes pa ni/ ci ltar smos pa'i tshul du ming bris ma thag tu/ ci ltar de bzhin gshegs pa thams cad kyi gsung rdo rje don dam par gnyis su med pa'i ngo bo so sor rtog pa'i ye shes yin no/ /de dang gnyis su med pa'i ngo bo gsung rdo rjer ming btags pa'i snang ba mdza' yas yin pa des tshangs pa dang drag po la sogs pa lha thams cad la bka'

  560. 280b

    stsal pa thos ma thag tu 'jigs shing skrag ste thal mo sbyar nas bran bzhin du mdun du 'ong ba de bzhin du sgrub pa po'i mdun du 'ong bar smos so/ /bshad par bya ste/ mdun du smos pa'i tshul gyis lha thams cad dgug pa'i 'bras bu grub ma thag tu/ sgrub pa po nyid rdo rje mi bskyod pa dang gnyis su med pa'i ngo bor gyur par gsungs so/ /mdor bsdu ba de ltar rdo rje gsung gi bka' bzhin du/ skrag nas gnas nas 'ong bar 'gyur gyi don du gsungs so/ /da ni gnod sbyin mo dgug pa'i sgrub pa'i sbyor ba'i cho ga bya ba'i don bstan par bya ste/ rnam pa'i mchog rnams kun ldan pa'i/ /rdo rje 'jam dpal rab tu sgom/ /khro bo chen po gshin rje gshed/ /rdo rje kyo ba rnam par bsam/ /zhes bya ba'i don bshad par bya ste/ ci ltar yin na/ rnam pa'i mchog rnams kun ldan pa'i/ /rdo rje 'jam dpal rab tu sgom pa ni/ rgyal rigs skyes bu 'am/ yang na tsaN Dan la sogs pa rigs ngan gang yang rung ba'i skyes bu g.yul du mtshon phog nas shi ba'i ban da dum bu gsum pa 'am/ yang na bdun pa 'am/ brgyad ba blang ngo/ /de'i 'og tu sgrub pa pos gnas dben pa chen por dgug pa'i sgrub pa bya'o/ /yang na dur khrod du bya yang mi 'gal lo/ /gong du smos pa'i ban da de'i nang du go ro tsa na dang/ glang po che'i 'dod chags kyi chu dang/ rta'i kha chu dang/ byang chub sems dang/ pad ma rag ta dang/ pad ma la sogs pa me tog dri zhim po dang ldan pa thams cad dang/ sgrub pa po nyid kyi rkang pa g.yon pa'i srin lag gi khrag dang/ rdzas de rnams gcig tu bsres nas btags te bong bu'i chu dang dkrugs pa/ rdzas des khro bo'i rgyal po ya man ta ka'i sku phyag rgya'i gzugs bya rgod kyi mjug sgro'i rtsa ba'i phyogs kyis bris te/ zhal gsum pa

  561. 281a

    phyag drug pa/ phyag mtshan drug pa/ khro bo'i rgyan thams cad kyis brgyan pa/ ral pa gyen du rdzes pa rab tu 'bar ba dang/ smin ma khros te bskyod pa/ mche ba'i phreng ba can gsus pa che ba/ phyag g.yas dang po na rdo rje'i kyo ba 'dzin g.yon dang po na rdo rje zhags pa 'dzin/ phyag mtshan gzhan ni ci ltar smos pa'i tshul du bya'o/ /de'i zhabs gnyis kyi 'og tu gnod sbyin mo'i gzugs thal mo sbyar ba mdun du smos pa'i khro bo'i rgyal po gshin rje gshed bris pa'i rdzas de la kar pu ra dang/ 'ug pa'i khrag bsres la bri'o/ /khro bo'i rgyal po ya ma na ta kas rdo rje kyo ba des pa des b+ha ga nas 'dzin par bri/ rdo rje zhags pas mgul pa nas bcing bar bri/ zhabs g.yas brkyang pas gnod sbyin mo skyed par mnan par bri/ g.yon bskum pas snying gang mnan par bri'o/ /de'i 'og tu 'khor lo rtsibs brgyad pa 'bar ba'i phreng ba dang ldan par bri'o/ /de ltar sbyor ba byas nas dkyil 'khor gru bzhi kun tu khru re dang sor lnga bdud rtsi lngas bsku bar bya'o/ /de'i 'og tu sgrub pa pos brtson 'grus chen po'i sems brtan pa bskyed nas de'i steng du 'dug go /de'i 'og tu mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du smos pa bzhin du 'dir bya'o/ /de lta bu'i ngo bo bskyod pa'i sku phyag rgyar gyur ma thag tu/ de dang gnyis su med pa'i nga rgyal du sgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo ci ltar smos pa'i mtshan dang yon tan dang ldan pa blang ngo/ /shes rab ma ye shes kyi lha mo ma ma ki

  562. 281b

    dang gnyis su med pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i nga rgyal gyi sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas de'i zla ba'i dkyil 'khor gyi ngo bor gyur bar bsam mo/ /de'i steng du sngags kyi sa bon yig 'bru muM bsam mo/ /de kha dog sngon po me long lta bu'i ye shes kyi ngo bo gzi brjid chen po 'bar zhing 'od du zhu nas/ ye shes kyi khu ba lta bu byang chub sems zla ba'i dkyil 'khor la gnyis su med par thim par 'gyur ro/ /sa bon de las byang chub sems dpa' 'jam dpal gyi sku phyag rgya skyed par bri'o/ /de lha mo thugs rje ma dang gnyis su med par 'khyud pa'i sbyor ba dang ldan pa'o/ /de'i phyag g.yas dang po na dus 'dir rdo rje ral gri'i kyo ba 'dzin/ g.yon dang po na rdo rje zhags pa 'dzin/ dus 'dir sku phyag rgya'i cha lugs phun sum tshogs pa gzhan ci ltar le'u bzhi pa thugs kyi dkyil 'khor gyi dus su smos pa bzhin du sbyar ro/ /de rnam pa'i mchog kun dang ldan par bstan to/ /de lta bu'i ngo bo byang chub sems dpa' 'jam dpal gyi sku phyag rgya bskyed ma thag tu/ skyed par mdzad mkhan rdo rje mi bskyod pa'i sku phyag rgya 'jam dpal gyi sku phyag rgya'i spyi bor dbang bskur ba'i tshul du bsam mo/ /tshul de ltar byang chub sems dpa' 'jam dpal gyi sku phyag rgya skyed ma thag tu/ sgrub pa pos de'i dang gnyis su med pa nga rgyal du sgom par bya'o/ /de ltar rnam pa'i mchog rnams kun ldan pa'i/ /rdo rje 'jam dpal rab tu bsgom gyi don du gsungs so/ /khro bo chen po gshin rje'i gshed rdo rje kyo ba bsnams par bsam zhes pa ni/ mdun du smos pa'i byang chub

  563. 282a

    sems dpa' 'jam dpal gyi phyag g.yas dang po na rdo rje ral gri'i kyo ba 'dzin/ de'i dbus su sngags sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bor 'bar ba chen pos 'bar zhing rdo rje ral gri'i kyo ba la gnyis su med par thim par gyur par bsam mo/ /de ma thag tu rdo rje'i ral gri'i kyo ba de khro bo chen po ya man ta ka'i sku phyag rgyar gyur par brtag go /de byang chub sems dpa' 'jam dpal gyi phyag gi thal mo'i steng gi dbus na bzhengs pa'i tshul du g.yas brkyang g.yon bskum pa'i stabs kyis gnas pa'o/ /de'i phyag g.yas dang po na/ dus 'dir 'khor lo kyo ba 'dzin/ g.yon dang po na rdo rje zhags pa 'dzin/ sku phyag rgya'i cha lugs phun sum tshogs pa gzhan ni le'u bzhi pa dkyil 'khor gyi dus su smos pa bzhin du 'dir sbyar ro/ /de lta bu'i ngo bo khro bo chen po gshin rje gshed kyi sku phyag rgya rdo rje kyo ba las gyur par bsam par brtag go /de ltar khro bo chen po gshin rje gshed rdo rje kyo ba rnam par bsam gyi don du gsungs so/ /bskal pa bsreg pa'i 'khor lo che/ /bsgoms nas gnod sbyin mo dag sbyang/ /ces bya ba ni ci ltar smos pa'i tshul gyi khro bo chen po gshin rje gshed kyi sku phyag rgya'i kun nas ci ltar nyid kyi sku phyag rgya cha lugs phun sum tshogs pa dang ldan pa de lta bu'i dang ldan pa grangs med pa sprin bzhin du bskal pa'i mes sreg pa dang 'dra ba'i 'bar ba'i 'od dang ldan pa 'khor lor ming btags pa'i khro bo'i tshogs nam mkha' i dbyings thams cad du spro bar bsam mo/ /de ma thag tu gnod sbyin mo thams cad 'khor lo'i kyo bas snying ga nas bzung/ de bzhin du rdo rje zhags pas mgul ba nas bcings te/ tshul de ltar bkug la/ mdun du smos pa'i sbyor ba dang ldan pa'i banda sgrub pa

  564. 282b

    pos nyid kyi rkang pa gnyis kyi 'og tu bzhag pa de'i nang du thim par gyur par bsam mo/ /de ltar sbyor ba byas pa'i tshul gyis bsgom pas/ byang chub sems dpa' 'jam dpal gyi sngags kyi sa bon yig 'bru dang/ khro bo'i rgyal po ya man ta ka'i sngags sa bon yig 'bru dang dgug par bya ba'i gnod sbyin mo'i yig 'bru dang/ gsum pa spel ba'i brtson 'grus chen po'i sems brtan pas bsnyen pa'i bzlas pa 'bum phrag gsum gyi grangs kyi tshad du bya'o/ /sngags bstan par bya ste/ muM hUM khri/ ya khri naM a kar sha naM ku ru zhes bya'o/ /de ltar byas pas dgug pa bsgrub pa'i dus su mtshan mo gnyis 'byung bar 'gyur te/ ban da de 'bar ba dang/ de'i 'og tu 'phar ba'o/ /de ma thag tu mdun du smos pa'i gnod sbyin mo gang sgrubs pa/ de 'jigs pa chen pos sems skrag nas lus 'dar zhing thal mo sbyar ba bran mo bzhin du khugs par 'gyur ro/ /de'i dus su sgrub pa pos khro bo'i rgyal po ya man ta ka dang gnyis su med pa'i nga rgyal du bsgoms pas 'dod chags chen po'i sems dga' bas spyad par bya'o/ /mdor bsdu ba de ltar bskal pas bsreg pa'i 'khor lo che/ bsgoms nas gnod sbyin mo dag spyad kyi don gsungs so/ /da ni mdun du smos pa'i dgug pa thams cad bya ba'i dus su so so'i rigs kyi bye brag gi phyag rgya bsgom par bya ba'i man ngag bstan par bya ste/ kun gyi phyag rgya'i bye brag dang/ /sngags kyi bye brag thams cad kyi/ /dgug pa dag gi thabs su gsungs/ /gzhan du byas na 'jig par 'gyur/ / zhes bya ba'i don bshad par bya ste/ /ci ltar yin na/ kun gyi phyag rgya'i bye brag dang ni mdun du smos pa'i tshul gyi dgug pa thams cad kyi bsgrub pa bya ba'i dus su sgrub pa pos rigs so/ /so so'i bye brag gis dgug par mdzad pa'i

  565. 283a

    sku phyag rgya'i gzugs bskyed nas gnyis su med pa'i nga rgyal du bsgom par bya ba sngar ji ltar smos pa bzhin du rim pa ma nor bar bya bar bstan to/ /de ltar kun gyi phyag rgya bye brag dang gi don du gsungs so/ /sngags kyi bye brag thams cad kyi zhes pa ni/ dgug pa'i sgrub pa thams cad kyi so so'i bdag po'i sku phyag rgya sngar ci ltar smos pa so so'i sngags kyi sa bon yig 'bru'i bye brag las bskyed par bstan par bya ba de bzhin du rim pa ma nor bar sems kyis kun bskyed par bya bar smos so/ /de ltar sngags kyi bye brag thams cad kyi don du gsungs so// //dgug pa dag gi thabs su gsungs/ gzhan du byas na 'jig par 'gyur zhes pa ni/ dgug pa'i thabs su ming btags pa ban d+ha la sogs pa rdzas kyi sbyor ba sgrub pa'i dngos por bstan to/ /de ltar dgug pa'i bye brag thams cad kyi thabs su smos pa de ni/ mdun du smos pa'i rim pa ma nor bar sgrub pa pos sgrub par byed na/ de'i yon tan gyis gzhan du byas na 'jigs par 'gyur zhes pa/ sems can ma rungs pa thams cad bgegs kyi tshogs thams cad kyis gnod pa byed pas dngos grub nyams par mi 'gyur te/ nges par 'grub par 'gyur bar bstan to/ /de ltar dgug pa dag gi thabs su gsungs/ gzhan du byas na 'jig par 'gyur gyi don du gsungs so/ /da ni mdun du smos pa'i dgug pa'i sgrub pa thams cad bya ba'i dus su de bzhin gshegs pa thams cad kyi rgyal po dbang phyug thugs rje chen po gnyis su med pa'i ngo bo thugs rdo rje bskul bar bya ba'i bstan par bya ste/ rdo rje sems dpa' rgyal po che/ /yang dang yang du bskul bar bya/ /de nyid sngags rnams thams cad kyi/ /rgyal po mchog gi rtag pa'o/ /zhes bya ba'i don bshad par bya ste/ ci ltar yin na/ rdo rje sems

  566. 283b

    dpa' rgyal po che/ /yang dang yang ni bskul bar bya ni/ mdun du smos pa'i dgug pa'i sgrub pa bsgom par bya ba'i dus su/ rnam par snang mdzad la sogs pa de bzhin gshegs pa brjod du yod pa dang brjod du med pa la sogs pa thams cad skyed par mdzad pa dang/ gzhan yang 'khor los sgyur pas sems can thams cad ji ltar 'dul ba bzhin du/ de bzhin gshegs pa thams cad ji ltar 'dul ba bzhin du/ de bzhin gshegs pa thams cad dpal rdo rje sems dpas 'dul bar mdzad do/ / don des dpal rdo rje sems dpa' nyid rgyal po chen por smos so/ /yang dang yang ni skul bar bya ba ni/ sgrub pa pos tshul ji ltar smos pa'i dgug pa'i sgrub pa bya ba'i dus su so so'i lha'i sku phyag rgyar gnyis su med pa'i nga rgyal gyis bsgom pa'i dus su nyid kyi gsang ba'i thugs ka'i gnas su le'u dang po las gsungs pa'i tshul du sngags kyi sa bon yig 'bru hUM bsam mo/ /sa bon de las ye shes sems dpa' skyed bar bya'o/ /de dpal sems dpa' nyid yin par sgom mo/ /bstan par bya ste/ de ltar sgoms pas dpal rdo rje sems dpa' i thugs rje'i ngo bo rdo rje'i thugs bskul bar 'gyur ro/ /de'i yon tan gyis dgug pa'i sgrub pa thams cad kyi tshul ji ltar smos pa'i 'bras bu nges par 'grub par 'gyur bar bstan to/ /de ltar rdo rje sems dpa' rgyal po che/ /yang dang yang du skul bar bya ba'i don du gsungs so/ /de nyid sngags rnams thams cad kyi/ /rgyal po mchog ni rtag pa'o zhes pa ni/ 'di ni zhes pa dpal rdo rje sems dpa' ni dgug pa'i sgrub pa'i lha thams cad sku phyag rgya skyed pa'i sngags kyi sa bon yig 'bru thams cad dang/ gzhan yang bzlas pa bya ba'i sngags thams cad dang/ de ltar rigs kyi bye brag tu smos pa thams cad dang gnyis su med pa yin no/ /bstan par bya ste/ rgyal po'i mchog rtag par ming btags pa dpal rdo rje

  567. 284a

    sems dpa' mdun du smos pa'i tshul du bstan to/ /rtag pa ni dgug pa'i 'bras bu la sogs pa rgyud 'di las smos pa'i dngos grub kyi 'bras bu ci snyed smos pa de ni don dam par mi 'gyur ba dpal rdo rje sems dpa' nyid du bstan to/ /mdor bsdu ba de ltar 'di nyid sngags rnams thams cad kyi/ rgyal po mchog ni rtag pa'o yi don du gsungs so/ /da ni khro mo'i rgyal mo rdo rje ngal pa gcig pa'i sngags rings gsungs pa'i cho ga'i don bstan par bya ste/ de nas bcom ldan 'das kun tu rnam par sprul pa'i ye shes dang/ rdo rje zhes bya ba'i ting nge 'dzin la snyoms par zhugs nas/ zhes bya ba ni/ de nas ni mdun du smos pa'i dgug pa'i sgrub pa kun bya ba'i don du gsungs pa'i 'og tu khro mo'i rgyal mo rdo rje ral gcig ma'i sngags rings gsung bar mdzad pa'i cho ga mtshon pa'o/ /bcom ldan 'das zhes pa ni/ mdun du smos pa'i tshul gyi ston pa mi bskyod pa rdo rje 'dzin nyid kyi yon tan gyi bstod pa'i mtshan bcom ldan 'das min pa sdud pa pos smos so/ /kun tu rnam par sprul pa zhes pa ni/ kun tur ming btags pa phyogs bcu'i 'jig rten gyi khams thams cad na gnas pa'i lha dang mi la sogs pa sems can ma lus pa thams cad du smos so/ / sprul pa ni ston pa mi bskyod pa rdo rje 'dzin gyis ting nge 'dzin la snyoms par ma zhugs pa'i mdun du nyid kyi rigs kyi me long lta bu'i ye shes kyi ngo bo sprul par ming btags pa cho 'phrul gyi ngo bo 'od gzer gyi dra ba grangs med pa sku phyag rgya'i kun nas spro bar mdzad pa'o/ /de ma thag tu sems can de dag gi nga rgyal gyi dregs pa dang/ zhe sdang zhi bar 'gyur ba smos so/ /de ltar kun tu rnam par sprul pa'i don du gsungs so/ /ye shes rdo rje zhes bya ba'i ting nge 'dzin la snyoms par zhugs zhes

  568. 284b

    pa ni/ ston pa mi bskyod pa rdo rje 'dzin gyis 'khor thams cad kyi nang du zhe sdang chen po'i thugs dgyes pas ci ltar smos pa'i tshul nyid kyi shes rab ma ye shes kyi lha mo ma ma ki dang gnyis su med par 'khyud pa'i skyor bas gsang ba'i dbang po gnyis mnyam par sbyar bar mdzad do/ /de ma thag tu gsang ba'i thugs ka ye shes sems dpa' i gnas su me long lta bu'i ye shes kyi ngo bo sngags kyi sa bon yig 'bru ho kha dog nag por gyur par mdzad do/ /sa bon de las me long lta bu'i ye shes kyi ngo bo 'od gzer gyi dra ba grangs med pa ba spu'i bu ga'i lam gyi sgo nas spro bar mdzad do/ /des 'jig rten gyi khams thams cad du khyab po/ /de ma thag tu ci ltar smos pa'i sems can thams cad byin gyis brlabs nas/ nga rgyal gyi dregs pa dang zhe sdang zhi nas bran bzhin du dbang du 'gyur ro/ /de'i 'og tu 'od gzer gyi dra ba grangs med pa de spro ba'i lam du spro ba'i gnas su sngags kyi sa bon yig 'bru ho de las gnyis su med par phyir bsdu bar mdzad do/ /de ma thag tu sngags kyi sa bon yig 'bru ho de gzi brjid chen pos 'bar bas 'bar zhing 'od du zhu nas ye shes su ming btags pa me long lta bu'i ye shes kyi ngo bo'i khu ba de rgya mtsho dang mnyam par 'gyur ro/ /sa bon de las gzugs che la 'jigs su rung ba khro mo'i rgyal mo ral pa gcig ma'i sku phyag rgya zhal dang/ phyag dang/ phyag mtshan dang/ rgyan rnams sngar smos pa bzhin du ba spu bu ga'i lam gyi sgo nas spro bar mdzad do/ /des 'jig rten gyi khams thams cad du khyab ste/ de ma thag du mdun du smos pa'i sems can ma lus pa thams cad byin gyis brlabs nas/ de dag gi nga rgyal gyi dregs pa dang/ zhe sdang zhi ba'i dngos grub kyi 'bras bur gyur par smos so/ /de ltar mdzad nas khro mo'i rgyal mo rdo rje ral cig ma'i sku

  569. 285a

    phyag rgya spro ba'i lam gyi gsang ba'i thugs ka ye shes sems dpa' i gnas su gnyis su med pa'i ngo bor bsdu bar mdzad do/ /tshul de ltar 'od gzer dra ba grangs med pa dang/ khro mo'i rgyal mo rdo rje ral gcig ma'i sku phyag rgya grangs med pa sprin bzhin du spro bar mdzad do/ /thugs rje chen po'i zhe sdang gi thugs bskyed nas/ nga rgyal gyi dregs pa dang/ zhe sdang dang ldan pa'i sems can thams cad byin gyis brlabs nas spro ba dang gnyis su med par bsdu bar mdzad pa'o/ /rdo rje ni me long lta bu'i ye shes spro ba dang bsdu ba'o/ /don des rdo rje'i ting nge 'dzin du smos so/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su thugs rtse gcig tu gyur bar gnas pa'o/ / don des snyoms par zhugs par smos so/ /mdor bsdu ba de ltar ye shes rdo rje zhes bya ba'i ting nge 'dzin la snyoms par zhugs nas kyi don du gsungs so/ /ting nge 'dzin mdzad pa'i 'og tu da ni sngags dang khro mo'i rgyal mo'i ngo bo'i cho ga'i don gyi tshul bstan par bya ste/ rdo rje ral gcig ma'i dam tshig chen po'i rdo rje mchog 'di nyid kyi sku dang gsung dang thugs rdo rje las phyung ngo/ /zhes bya ba ni/ rdo rje ral gcig ma'i dam tshig chen po rdo rje mchog ni/ rdo rje ni rdo rje'i rigs me long lta bu'i ye shes so/ /ral gcig mar ming btags pa ni/ dbu skra thams cad ral pa gcig tu 'dus pa gyen du rdzes pa/ sbrul gyis bcings pa/ gzi brjid chen po'i 'bar bas 'bar ba'o/ /bstan par bya ste/ srin po'i rgyal po da sha gri ba dang/ bum rna dang/ 'bi 'bi sharba rnams kyi sring mo ral gcig ma'i bya ba 'dul ba dang/ gzhom pa'i phyir khro mo'i rgyal mo ral pa gcig tu bstan pa'o/ /don des khro mo'i rgyal mo ral pa gcig par ming btags pa/ ston pa

  570. 285b

    mi bskyod pa rdo rje 'dzin gyis thugs rje chen po'i zhe sdang gi thugs bskyed nas dam tshig tu ming btags pa mdun du smos pa'i srin mo ral pa gcig ma la sogs pa klu mo thams cad dgug pa dang gzhom pa'i thabs su khro mo ral pa gcig mar sbrul lo/ / don des dam tshig chen po rdo rje mchog tu smos so/ /de ltar rdo rje ral pa gcig mar dam tshig chen po rdo rje mchog gi don du gsungs so/ /'di nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku dang gsung dang thugs rdo rje gsum gcig pa'i ngo bor smos so/ /de lta bu'i sku gsung thugs rdo rje gsum dang gnyis su med pa'i ngo bor khro mo'i rgyal mo ral pa gcig ma smos so/ /de ltar sku dang gsung dang thugs kyi don du gsungs so/ /rdo rje zhes pa ni/ ci ltar rdo rje dang gsung rdo rje dang thugs rdo rje bshad pa de bzhin du 'dir bston to/ /phyung ngo zhes pa ni ston pa mi bskyod pa rdo rje 'dzin gyis khro mo'i rgyal mo'i sngags rings ci ltar smos pa'i tshul gyi sku dang/ gsung dang/ thugs rdo rje gsum dang gnyis su med pa 'di phyung ngo/ / de ni khro mo ral pa gcig ma'i sngags rings kyi ngo bo bstan par bya ste/ oM shu li ni swAhA/ zhes bya ba'i don bshad par bya ste/ oM ni sgrub pa pos dang por sngags sa bon yig 'bru oM brjod pas de bzhin gshegs pa thams cad kyi sku rdo rje dang gnyis su med pa'i ye shes kyi ngo bo de ni/ /sku rdo rje rnam par snang mdzad bskyed pa'i sa bon chos kyi dbyings kyi ye shes kyi ngo bo ste/ de brjod pas sgrub pa po chos kyi ye shes kyi byin gyis rlab par gyur to/ /de'i dus su mdun du smos pa'i srin mo ral pa gcig ma la sogs pa klu'i bu mo thams cad kyis mthong ma thag tu phyag 'tshal nas mchod pa byed par 'gyur ro/ /de ltar oM gyi don du gsungs so/ /shu zhes bya ba ni sku dang gsung dang thugs rdo rje gsum dang gnyis su med pa'i ngo bo'i

  571. 286a

    gzugs mtshon rtse gsum pa'o/ /bshad par bya ste/ mtshon rtse gsum gyis srin mo ral pa gcig ma la sogs pa klu'i bu mo thams cad dang gzhan yang do rlung dang bgegs kyi tshogs ma rungs pa thams cad kyi dpung gzhom par mdzad pa'i phyir khro mo'i rgyal mo ral pa gcig ma'i phyag g.yas dang po na rdeg pa'i tshul du 'dzin par bston to/ /de ltar shu'i don du gsungs so/ /la ni zhes bya ba ni/ mdun du smos pa'i don gyi mtshon rtse gsum 'dzin par khro mo rgyal mo ral pa gcig ma nyid kyi khyad par mtshan shu li nir smos so/ /de ltar shu li ni'i don du gsungs so/ /swAhA zhes pa ni/ sgrub pa pos khro mo'i rgyal mo ral pa gcig ma'i sngags rings mdun du spros pa'i don dang ldan pa de bzlas pas khro mo'i rgyal mo ral ba gcig ma nyid kyi thugs mnyes par 'gyur ro/ /gzhan yang de'i rigs kyi bdag po mi bskyod pa rdo rje 'dzin nyid mnyes par 'gyur ro/ /de'i dus su sgrub pa pos ci ltar smos pa'i tshul gyi srin mo ral pa gcig ma'i sngags rings bu mo dang/ bdud dang bgegs kyi tshogs thams cad 'joms pa'i dngos grub kyi 'bras bur 'gyur bar smos so/ /de ltar swAhA'i don du gsungs so/ /da ni khro mo'i rgyal mo ral pa gcig ma'i sngags kyi yon tan gyi don bstan par bya ste/ 'di ni gsungs ma thag tu yang/ /klu'i bu mo mthu chen rnams/ /tshig par gyur cing gos dang bral/ /sangs rgyas byang chub rjes su dran/ /zhes bya ba'i don bshad par bya ste/ ci ltar yin na/ 'di na gsungs ma thag tu yang/ klu'i bu mo mthu chen rnams ni/ ston pa mi bskyod pa rdo rje 'dzin gyis ci ltar smos pa'i tshul gyi ting nge 'dzin mdzad pa'i 'og tu/ khro mo'i rgyal mo ral pa gcig ma'i sngags rings gsungs so/ /de ma thag tu sngags rings me long

  572. 286b

    lta bu'i ye shes kyi me 'bar ba'i 'od kyis 'bar ba'i tsha ba chen bos/ bram ze'i rigs kyi klu'i bu mo dang/ rgyal rigs kyi klu'i bu mo dang/ rje'u rigs kyi klu'i bu mo dang/ dmangs? rigs kyi klu'i bu mo la sogs pa klu'i bu mo mthu dang ldan pa snang ba dang mi snang ba'i bye brag gi rdzu 'phrul dang ldan pa thams cad smos so/ /de ltar 'di ni gsungs ma thag tu yang/ klu'i bu mo mthu chen rnams kyi don du gsungs so/ /tshig cing gos dang bral bar 'gyur zhes pa ni/ mdun du smos pa'i klu'i bu mo thams cad 'bar ba chen po'i 'od kyi che bas lus tshig nas sems 'jigs pas gos dang bral bar 'gyur ro/ /de ltar tshig cing gos dang bral bar 'gyur gyi don du gsungs so/ /sangs rgyas byang chub rjes su dran/ zhes pa ni/ sangs rgyas ni de bzhin gshegs pa thams cad kyi bdag po ston pa mi bskyod pa rdo rje 'dzin nyid do/ /de don dam par dngos grub thams cad kyi 'bras bu dang gnyis su med pa'i ngo bor smos so/ /byang chub tu ming btags pa ni dkyil 'khor gyi lha thams cad skyed pa'i yum mA ma ki'o/ /gzhan yang ston pa mi bskyod pa rdo rje 'dzin gyi yum ye shes ma dang gnyis su med pa'i ngo bo yin no/ /de lta bu'i sangs rgyas dang byang chub rjes su dran nas skyobs shig skyobs shig ces tshig brjod do/ /tshul de ltar rjes su dran ma thag tu mdun du smos pa'i ye shes kyi me'i 'bar ba'i 'od kyis tshig pa'i sdug bsngal med pas zhi ba dang bde ba'i ngo bor gyur to/ /mdor bsdu ba de ltar sangs rgyas byang chub rjes su dran gyi don du gsungs so/ /da ni khro mo'i rgyal mo ral pa gcig ma'i sgom pa dang/ sbyor ba dang/ sngags kyi bzlas pa'i bsnyen pa byas pas sgrub ba pos klu thams cad dang/ gzhan yang klu'i bu mo thams cad dgug par bya ba'i cho ga'i don bstan par bya ste/ sngags kyi rigs pa 'di yis ni/ /klu rnams thams cad 'gugs par 'gyur/ /klu'i bu mo

  573. 287a

    mig bzangs dag bkug nas nye bar spyad par bya/ zhes bya ba'i don bshad par bya ste/ ci ltar yin na/ sngags kyi rigs pa 'di yis ni/ /klu rnams thams cad 'gug par 'gyur ba ni/ gar mkhan gyi rigs kyi skyes gu g.yul du mtshon phog nas shi ba'i ban d+ha 'am/ yang na rgyal rigs skyes bu'i ban d+ha yang mi 'gal te/ dum bu gsum pa mtshan thams cad dang ldan pa blang ngo/ /de'i 'og tu sgrub pa pos gnas chu 'gram du dgug pa'i sgrub pa bya'o/ /yang na skyed mos tshal yon tan dang ldan pa mdzes pa dang ldan par bya ba yang mi 'gal lo/ /mdun du smos pa'i ban d+ha'i nang du byi la'i khrag dang go ro tsa na dang/ klu'i me tog gi ze 'bru dang/ byang chub sems dang pad ma ra ga ta dang rdzas de rnams bsres nas btags la/ /shes rab ma'i pad ma rag ta 'byung ba'i dus kyi pad ma'i chu dang dkrug par bya'o/ /rdzas des khro mo'i rgyal mo ral gcig ma'i sku phyag rgya'i gzugs khwa ta'i mjug sgro'i rtsa ba'i phyogs kyis bris te/ zhal gsum pa/ phyag drug /phyag mtshan drug pa/ khro bo'i rgyan thams cad kyis brgyan pa/ ral pa gcig pu de gyen la rdzes pa/ khros te zhal bzhad pa/ phyag g.yas dang bo na rdo rje rtse gsum gyi kyo ba 'dzin/ g.yon dang bo na rdo rje zhags pa 'dzin/ phyag mtshan gzhan ni ci ltar smos pa'i tshul du bya'o/ /de'i zhabs g.yas pa'i 'og tu klu'i gzugs thal mo sbyar ba bri'o/ /g.yon pa'i 'og tu klu'i gzugs dang klu'i bu mo'i gzugs thal mo sbyar ba bri'o/ /sngar smos pa'i ral ba gcig ma'i bris pa'i rdzas gur kum dang/ rta'i tsha kha chus bsres pas bri'o/ /khro mo'i rgyal mo ral pa gcig ma'i zhabs g.yas brkyang bas klu'i gzugs kyi snying gar bzhag pa bri/

  574. 287b

    g.yon bsdum? pas klu'i bu mo'i rked par bzhag par bri'o/ /rdo rje rtse gsum gyi kyo ba 'dzin pas klu'i spyi bo nas bzung ba bri/ rdo rje zhags pas klu'i bu mo'i mgul pa nas bcings pa bri'o/ /dgug par bya ba'i klu dang/ klu'i bu mo'i 'og tu rams kyi khu bas 'khor lo rtsibs brgyad pa bri'o/ /de ltar sbyor ba byas nas/ dkyil 'khor zur gsum kun tu khru re dang sor dgu bdud rtsi lngas bsku bar bri'o/ /de'i 'og tu sgrub pa pos brtson 'grus chen po'i sems brtan pa skyed nas de'i steng du 'dus?/ de'i 'og tu mdun du smos pa'i cho ga'i bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ni mdun du ci ltar smos pa bzhin du bya'o/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo ci ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo mA ma ki dang gnyis su med pa'i ngo bor byin gyis rlabs par bya'o/ /de'i 'og tu sgrub pa pos zhe sdang chen po'i sems dga' bas gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru ho bsam mo/ /de kha dog nag po me long lta bu'i ye shes kyi ngo bo 'bar ba chen po 'od kyis 'bar zhing 'od du zhu nas ye shes kyi khu ba lta bur byang chub sems kyi rgya mtsho la gnyis su med par thim par gyur to/ /sa bon de las

  575. 288a

    khro mo'i rgyal mo ral pa gcig ma'i sku phyag rgya skyed par bya'o/ /de'i phyag g.yas dang po na rtse gsum rdo rje kyo ba 'dzin/ g.yon dang po na rdo rje zhags pa 'dzin/ sku phyag rgya cha lugs phun sum tshogs pa gzhan ni ci ltar mdun du smos pa'i bzhin du 'dir bya'o/ /de lta bu'i ngo bo khro mo'i rgyal mo ral pa gcig ma'i sku phyag rgya skyed ma thag tu skyed bar mdzad mkhan rdo rje mi bskyod pa'i sku phyag rgya/ khro mo'i rgyal mo ral pa gcig ma'i sku spyi bo dbang bskur ba'i tshul du bsam mo/ /tshul de ltar khro mo'i rgyal mo ral pa gcig ma'i sku phyag rgya skyed ma thag tu sgrub pa pos de dang gnyis su med pa'i nga rgyal du sgom bar bya'o/ /de'i dus su mdun du smos pa'i sbyor ba dang ldan pa'i ban d+ha de sgrub pa bo nyid kyi rkang pa gnyis kyi 'og tu bzhag go /de ltar sbyor ba'i tshul gyis bsgom pas khro mo'i rgyal mo ral gcig ma'i sngags rings khro bo chen po'i brtson 'grus kyi 'bum phrag gsum gyi grangs kyi chod du bsnyen pa'i bzlas pa spel ba'i tshul du bya'o/ /oM shu li ni na gaM na ga ka n+yaM a kar sha naM ku ru swAhA/ de ltar byas pas dgug pa grub pa'i dus su mtshan ma gnyis 'byung ste/ ban d+ha 'bar ba dang/ de'i 'og tu 'phar ba'o/ /de ma thag tu klu rnams dang/ klu'i bu mo rnams 'jigs pa chen pos skrag nas lus 'dar zhing myos nas thal mo sbyar ba khugs bar 'gyur ro/ /de ma thag tu klu rnams bran bzhin du ji skad sgo ba bzhin du las byed par 'gyur ro/ /de ltar sngags kyi rigs pa 'di yis ni klu rnams thams cad dgug par 'gyur gyi don du gsungs so/ /klu'i bu mo mig bzangs dag kun nye bar spyad par bya zhes pa ni/ klu'i bu mo'i mig pad ma'i 'dab ma ltar mdzes pa/ gzhan yang mtshan thams cad dang ldan pa de lta bu sngar smos pa'i

  576. 288b

    tshul du bkug ma thag tu bsgrub pa po 'dod chags chen po'i sems dga' bas spyad par bya ba bstan to/ /de ltar klu'i bu mo mig bzangs dag bkug nas nye bar spyad bar bya ba'i don du gsungs so/ /khro mo'i rgyal mo ral pa gcig ma'i?? sngags rings gsungs pa'i 'og tu/ da ni khro mo'i rgyal mo khro gnyer ma'i sngags rings gsungs pa'i don bstan bar bya ste/ de nas bcom ldan 'das nam mkha' i dam tshig 'byung ba rdo rje zhes bya ba'i ting nge 'dzin la snyoms par zhugs nas/ zhes bya ba ni de nas ni mdun du smos pa'i khro mo'i rgyal mo ral pa gcig ma'i sngags rings gsungs pa'i 'og tu/ khro mo'i rgyal mo khro gnyer ma'i sngags rings gsung bar mdzad pa'i don mtshon pa'o/ /bcom ldan 'das zhes pa ni/ mdun du smos pa'i mi bskyod pa rdo rje 'dzin gyi nyid kyi yon tan gyi bstod pa'i mtshan bcom ldan 'das yin ba sdud pa pos smos so/ /de'i don ci ltar mdun du bshad pa de bzhin du 'dir bstan to/ /nam mkha' i dam tshig ces pa ni/ nam mkhar ming btags pa dang/ mnyam par de bzhin gshegs pa thams cad kyi gsung rdo rje don dam par gnyis su med pa yin pa de dang gnyis su med par snang ba mdza' yas bstan to/ /de ni nam mkha' lta bu chos thams cad kyi ngo bo yin no/ /dam tshig tu ming btags pa thugs rje chen po'i ngo bo'i thugs skyed pa'o/ /de ltar nam mkha' i dam tshig gi don du gsungs so/ /'byung ba zhes bya ba'i/ mdun du smos pa'i nam mkha' i dam tshig de dang gnyis su med pa'i ngo bo gsung rdo rje'i rigs snang ba mdza' yas de'i so sor rtog pa'i ye shes de las khro mo'i rgyal mo khro gnyer ma byung ba'o/ /de ltar byung ba'i don du gsungs so/ /rdo rje zhes bya ba'i ting nge 'dzin la snyoms par zhugs nas zhes pa ni/ ston pa mi bskyod pa rdo rje 'dzin gyis 'khor thams cad kyi nang du 'dod

  577. 289a

    chags chen po'i zhe sdang gi thugs dgyes ba nyid kyi shes rab ma ye shes kyi lha mo mA ma ki dang gnyis su med par 'khyud pa'i sbyor bas gsang ba'i dbang po gnyis mnyam par sbyar bar mdzad do/ /de ma thag tu gsang ba'i thugs ka ye shes sems dpa' i gnas su so sor rtog pa'i ye shes kyi ngo bo sngags kyi sa bon yig 'bru ho kha dog dmar bor gyur bar mdzad do/ /sa bon de las so sor rtog ba'i ye shes kyi ngo bo 'od gzer gyi dra ba grangs med pa ba spu'i bu ga'i lam gyi sgo nas spro bar mdzad do/ /des 'jig rten gyi khams thams cad du khyab po/ /de ma thag tu rig pa 'dzin thams cad rang gi rigs las skyes pa'i bu mo thams cad dang bcas par byin gyis brlab par mdzad pas nga rgyal gyi grags pa btul pa'o/ /de ltar nga rgyal gyi dregs pa zhi bar mdzad pa'i 'og tu/ 'od gzer gyi dra ba grangs med pa de spro ba'i lam du spro ba'i gnas kyi sngags kyi sa bon yig 'bru ho de la gnyis su med bar slar bsdu bar mdzad do/ / de ma thag tu sngags kyi sa bon yig 'bru ho de gzi brjid chen po 'bar ba'i 'od kyis 'bar zhing 'od du zhu nas so sor rtog pa'i ye shes kyi ngo bo rgya mtsho dang mnyam par 'gyur ro/ /sa bon de las 'jigs pa chen po'i ngo bo khro mo'i rgyal mo khro gnyer ma'i sku phyag rgya bskyed bar bya'o/ /de sku mdog dmar po zhal gsum phyag drug phyag mtshan sbrul rnams kyis brgyan pa/ ral pa gyen du brdzes pa/ smin ma bskyod pa so sor rtog pa'i ye shes kyis me 'bar ba'i 'od kyis 'bar ba/ phyag g.yas dang po na pad+ma'i kyo ba 'dzin/ g.yon dang po na rdo rje zhags pa 'dzin/ phyag mtshan gzhan ni nyid kyi rigs kyi bdag po/ pad man ta ka'i ci ltar smos pa'i bzhin du bstan to/ /de lta bu'i ngo bo khro mo'i rgyal mo khro

  578. 289b

    gnyer ma'i sku phyag rgya skyed ma thag tu sbyin lta bu grangs med pa ba spu'i bu ga'i lam gyi sgo nas spro bar bya'o/ /des 'jig rten gyi khams thams cad du khyab ste/ de ma thag tu rig pa 'dzin thams cad dang/ de nyid rigs las skyes pa'i bu mo thams cad byin gyis brlab par mdzad do/ /de byin gyis brlabs pas de dag gi nga rgyal gyi dregs pa zhi ba'i dngos grub kyi 'bras bur 'gyur ro/ /de ltar mdzad nas khro mo'i rgyal mo khro gnyer ma'i sku phyag rgya sprin lta bu grangs med pa dang nga rgyal gyi dregs pa dang ldan pa'i rigs pa 'dzin thams cad dang/ de nyid kyi rigs las skyes pa'i bu mo thams cad dang bcas pa byin gyis brlabs nas spro ba dang gnyis su med par spro ba'i lam du gsang ba'i thugs ka ye shes sems dpa' i gnas su slar bsdu bar mdzad do/ /rdo rje ni so sor rtog pa'i ye shes kyi ngo bo spro ba dang bsdu ba yin no/ /don des rdo rje'i ting 'dzin du smos so/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su thugs rtse gcig bar gyur bar gnas pa yin no/ /don des snyoms par zhugs par smos so/ /mdor bsdu ba de ltar rdo rje zhes bya ba'i ting nge 'dzin la snyoms par zhugs nas kyi don du gsungs so/ /ting nge 'dzin mdzad pa'i 'og tu/ de ni sngags dang khro mo'i rgyal mo'i ngo bo'i cho ga'i don bstan par bya ste/ chos chen po'i dam tshig gi rdo rje khro gnyer ma 'di nyid kyi sku dang gsung dang thugs rdo rje las byung ngo/ /zhes bya ba ni/ chos chen po ci ltar smos pa'i tshul gyi de bzhin gshegs pa thams cad kyi don dam par phyi nang gi rig pa thams cad kyi snying po'i gsung rdo rje'o/ /de ni chos chen por ming btags pa snang ba mdza' yas yin no/ /de ltar chos can po'i don du gsungs so/ /dam tshig gi rdo rje khro gnyer ma zhes pa ni/ de bzhin gshegs pa snang ba mdza'

  579. 290a

    yas kyi me sems can thams cad kyi don gyi phyir thugs rje chen po'i thugs bskyed nas/ bla na med pa'i 'dod chags kyi ngo bo rdo rjer ming btags pa so sor rtog pa'i ye shes dang gnyis su med pa'i gzugs khro bo'i rgyal po pad man ta ka ste/ de'i gsang ba'i rol ba mdzad pa'i gnas kyi ngo bo shes rab ma khro mo'i rgyal mo khro gnyer mar smos so/ /de ltar dam tshig rdo rje khro gnyer ma'i don du gsungs so/ /nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku dang gsung dang thugs rdo rje gsum gcig ba'i ngo bor smos so/ de lta bu'i sku gsung thugs rdo rje gsum gnyis su med pa'i ngo bo khro gnyer ma'i bstan to/ /de ltar 'di nyid kyi sku dang gsung dang thugs kyi don du gsungs so/ /rdo rje zhes pa ni/ ci ltar sku rdo rje dang gsung rdo rje dang thugs rdo rje bshad ba de bzhin du 'dir bstan to/ /de ltar rdo rje'i don gsungs so/ /phyung ngo zhes pa ni/ ston pa mi bskyod pa rdo rje 'dzin gyis khro mo'i rgyal mo khro gnyer ma'i sngags rings de ci ltar smos pa'i tshul gyis sku gsung thugs rdo rje gsum dang gnyis su med pa'i ngo bor phyung ba yin no/ /da ni khro mo'i rgyal mo khro gnyer ma'i sngags rings kyi ngo bo bstan par bya ste/ oM b+ha ya na sha ni/ tra se ni tra se tras ya b+hi ku ti ta Ti/ b+he'i ta Ti shwa te/ shwe Ti dza ti ni swAhA/ zhes bya ba'i don bshad bar bya ste/ ci ltar yin na/ oM ni sgrub pa pos dang por sngags kyi sa bon yig 'bru oM brjod pas de bzhin gshegs pa thams cad kyi sku rdo rje'i ye shes dang gnyis su med pa'i ngo bo sku'i rigs rnam par snang mdzad skyed pa'i sa bon/ chos kyi dbyings kyi ngo bo de brjod bas sgrub pa pos chos kyi dbyings kyi ye shes kyis byin gyis brlab par 'gyur ro/ /de'i dus su rig pa 'dzin ba thams cad dang de'i

  580. 290b

    rigs las skyes pa'i bu mo thams cad mthong ma thag tu bran gyis rje po la bzhin du phyag 'tshal zhing mchod pa byed par smos so/ /de ltar oM gyi don du gsungs so/ /b+ha yan shan ni zhes pa ni/ dgra'i 'jigs ba dang/ glang po che'i 'jigs pa dang/ me'i 'jigs pa dang/ dug gi 'jigs pa dang/ chom po'i 'jigs pa dang/ bcings ba'i 'jigs pa dang/ chu'i 'jigs pa dang/ 'byung po'i 'jigs pa dang/ de ltar 'jigs pa chen po brgyad la sogs pa 'khor ba'i sdug bsngal gyi 'jigs pa'i bye brag sna tshogs par smos pa thams cad sngags 'di bzlas pa dang/ rjes su dran pas med par 'gyur ro/ /de ltar b+ha ya na sha ni'i don du gsungs so/ /tra sa ni zhes bya ba ni mkha' 'gro ma thams cad kyis bye brag sna tshogs pa'i sgyu ma sbrul pa'i gzugs snang ba dang mi snang bar byed pas sems can thams cad tra sa nir ming btags pa sems bskrag par byed de/ sems can gang yang rung ba skrag pa de de phyin chad rims la sogs pa thams cad kyis sdug bsngal ba'i gnod bar mi 'gyur ro/ /de ltar tra sa ni'i don du gsungs so/ /tra se tra sa ya zhes bya ba ni/ gong du smos pa'i tshul gyis mkha' 'gro ma thams cad kyis skrag par bya ba'i thabs kyis sems can thams cad la gnod par byed pa'i gnod pas skrag pa'i 'jigs pa de ni/ khro mo'i rgyal mo khro gnyer ma'i sngags bzlas pa dang rjes su dran pas med par 'gyur ro/ /de ltar tra se tra sa ya'i don du gsungs so/ /b+h+ri ku ti ta ti zhes bya ba ni b+h+ri ku tir ming btags pa khro mo'i rgyal mo pad man ta kas khro bo chen po zhe sdang gis smen ma'i gnyer ma bskyod pa'o/ /de ltar khro gnyer ma'i ngo bos bdud dang bgegs kyi tshogs thams cad so sor rtog pa'i ye shes kyis cho 'phrul gyi stobs kyis 'joms par

  581. 291a

    mdzad pa'i rtags su/ gnas de nas shes rab ma khro mo'i rgyal mo'i sku phyag rgyar sprul nas/ des phyi'i mkha' 'gro dang/ mkha' 'gro ma thams cad 'joms par mdzad do/ /don des khro gnyer mar ming btags so/ / bshad par bya ste/ ta nir ming btags pa mdun du smos pa'i mkha' 'gro dang/ mkha' 'gro ma thams cad dus rtag tu brtson 'grus kyis 'joms par mdzad pa yin no/ /de ltar bri ku ti nya'i don du gsungs so/ /b+h+re ta ta shwe te zhes bya ba ni/ phyi'i ru tra'i mkha' 'gro ma thams cad kyi rgyal mo shwe ter ma'i ming btags pa/ lus shin tu dkar ba/ sprin lta bu yin no/ /de ni b+he ta tir ming btags pa sems can thams cad la thabs kyi bye brag sna tshogs kyis dus rtag tu gnod pa byed par brtson pa'o/ /de ltar b+he'i ti ta'i don du gsungs so/ /shwe ta dza ti ni zhes bya ba ni/ mdun du smos pa'i ru tra'i mkha' 'gro ma thams cad kyi rgyal mo shwe ta zhes bya ba de gzhom par mdzad pa'i phyir/ khro mo'i rgyal mo khro gnyer ma nyid kyi sku'i ral pa shin tu dkar ba/ shwe ta dza ta ni ming btags pa gyen du rdzes bar sbrul to/ /de ltar ta shwe ta dza ti na'i don du gsungs so/ /swa' hA zhes bya ba ni/ ci ltar smos pa'i tshul gyis khro mo'i rgyal mo khro gnyer ma'i sngags rings mdun du smos pa'i don dang ldan pa bzlas pa des khro mo'i rgyal mo khro gnyer ma nyid mnyed par 'gyur ro/ /gzhan yang de'i rigs kyi bdag po snang ba mdza' yas mnyes par 'gyur ro/ /de'i dus su sgrub ba pos tshul ji ltar smos pa'i ru tra'i mkha' 'gro ma thams cad kyi rgyal mo shwe ta zhes bya ba la sogs pa bdud dang bgegs kyi tshogs ma rungs pa thams cad 'joms pa'i dngos grub kyi 'bras bur 'gyur ro/ /de ltar swAhA'i don du gsungs so/ /de ni khro mo'i rgyal mo khro gnyer ma'i

  582. 291b

    sngags rings kyi yon tan gyi don bstan par bya ste/ 'di ni gsungs ma thag tu yang/ /rig pa 'dzin pa'i rgyal po kun/ /'jigs shing rab tu 'dar gyur nas/ /ye shes rgyal po rjes su dran/ /zhes bya ba'i don bshad par bya ste/ ci ltar yin na/ 'di ni gsungs ma thag tu yang/ /rigs pa 'dzin pa'i rgyal po kun tu/ /ston pa mi bskyod pa rdo rje 'dzin gyis ci ltar smos pa'i tshul gyi ting 'dzin pa'i 'og tu/ khro mo'i rgyal mo khro gnyer pa'i sngags rings gsungs so/ /de ma thag tu sngags so sor rtog pa'i ye shes kyi me 'bar ba'i 'od kyis 'bar ba'i tsha ba chen pos rig pa 'dzin pa thams cad kyi rgyal po bdag nyid chen po'i sngags cha ba dang/ cho 'phrul dang sgyu ma'i thabs dang ldan pa'o/ /de ltar 'di ni gsungs ma thag tu yang/ rig pa 'dzin gyi rgyal po kun gyi don du gsungs so/ /'jigs shing rab tu 'dar gyur nas/ zhes pa ni/ mdun du smos pa'i rig pa 'dzin thams cad kyi rgyan po 'khor dang bcas pa thams cad ye shes kyi me 'bar ba'i don gyi tsha bas lus tshig nas sems 'jigs pa chen por 'gyur bas rab tu 'dar bar 'gyur ro/ /ye shes rgyal po rjes su dran zhes pa ni/ don dam par de bzhin gshegs pa thams cad kyi bla na med pa'i 'dod chags su gnyis su med pa ni so sor rtog pa'i ye shes yin no/ /de dang gnyis su med pa'i snang ba mdza' yas ye shes rgyal por ming btags pa bstan to/ /bshad par bya ste/ ye shes rgyal po de ni khro mo'i rgyal mo khro gnyer ma nyid kyi rigs kyi bdag po yin no/ /gzhan yang ye shes rgyal po ni ston pa mi bskyod pa rdo rje 'dzin gyi gsung bla na med pa'i shes rab dang gnyis su med pa yin no/ /de lta bu'i ngo bo ye shes kyi rgyal po rjes su dran gyi don du gsungs so/ /skyobs shig skyobs shig ces tshig tu brjod do/ /tshul de ltar rjes su dran ma thag tu mdun du smos pa'i ye shes kyi me 'bar ba'i 'od kyi tsha

  583. 292a

    bas bsregs pa'i sdug bsngal de med pa'i zhi ba bde bar 'gyur ro/ /mdor bsdu ba de ltar ye shes rgyal po rjes su dran gyi don du gsungs so/ /da ni khro mo'i rgyal mo khyer gnyer ma'i sgom pa dang/ sbyor ba dang/ sngags kyi bzlas pa'i bsnyen pa bya bas rig pa 'dzin thams cad kyi bu mo dgug par bya ba'i don bstan par bya ste/ rig pa 'dzin gyi bu mo mchog /gsar gyi rna cha g.yo ba'i rnams/ /sngags rig pa 'di dang ni/ dam tshig gis ni dgug par bya/ zhes bya ba'i don bshad par bya ste/ ci ltar yin na/ rig pa 'dzin pa'i bu mo mchog /gser gyi rna cha g.yo ba'i rnam ni/ rgyal rigs kyi skyes bu g.yul du mtshon phog nas shi ba'i ban d+ha 'am/ yang na gar mkhan gyi rigs kyi skyes bu yang mi 'gal te/ dum bu drug pa mtshan thams cad dang ldan pa blangs la/ de'i 'og tu sgrub pa pos gnas lha khang rnying pa 'am/ stong par dgug pa'i sgrub pa bya'o/ /mdun du smos pa'i ban d+ha de'i nang du gur kum dang/ go ro tsa na dang rta'i kha chu dang/ khwa ta'i khrag dang/ pad ma'i ze 'bru dang/ da du ra'i shing tog gi khu ba dang/ pad ma rag ta dang/ dri chen dang/ rdzas de rnams gcig tu bsres nas btags la/ bong bu'i chu dang dkrug par bya ste/ rdzas des khro mo'i rgyal mo khro gnyer ma'i gzugs khwa ta'i mjug sgro'i rtsa ba'i phyogs kyis bri ba dang mi 'gal lo/ /de zhal gsum pa/ phyag drug phyag mtshan drug pa/ khro bo'i rgyan thams cad kyis brgyan pa/ ral pa gyen du brdzes pa/ rab tu 'bar ba/ smin ma'i khro gnyer bskyod pa/ mche ba'i phrir ba can/ phyag g.yas dang po na pad ma'i rdo rje'i kyo ba 'dzin/ g.yon dang po na rdo rje zhags pa 'dzin/ phyag mtshan gzhan ni ci ltar smos pa'i tshul du bya'o/ /de'i zhabs gnyis kyi

  584. 292b

    'og tu rig pa 'dzin gyi bu mo'i gzugs thal mo sbyar ba bri ste/ mdun du smos pa'i khro mo'i rgyal mo khro gnyer ma bris pa'i rdzas de la til chen zhes bya'o/ /khro mo'i rgyal mo khro gnyer ma'i zhabs g.yas brkyang pas rig pa 'dzin gyi bu mo'i gzugs kyi snying gar bzhag pa bri'o/ /g.yon bskum pa'i tshul gyis rkang par bzhag par bri/ /pad ma'i rdo rje'i kyo ba 'dzin pa des b+ha ga nas 'dzin par bri/ rdo rje zhags pas mgul pa nas bcings par bri'o/ /bcug par bya ba'i rig pa 'dzin gyi bu mo'i gzugs kyi 'og tu rams kyi khu bas rlung gi dkyil 'khor bri'o/ /de ltar sbyor ba byas pa'i 'og tu dkyil 'khor zur gsum kun tu khru re dang sor lnga bdud rtsi lngas bsku bar bya'o/ /de'i 'og tu sgrub pa pos de'i steng du 'dod chags pa chen po'i sems dga' bas brtson 'grus chen pos bskyed nas 'dug go /de'i 'og tu mdun du smos pa'i cho ga bzhi'i tshul gyis snang ba mdza' yas kyi sku phyag rgyar gyur par bya'o/ /de nyid kyi shes rab ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ci ltar mdun du smos pa'i de bzhin du bya'o/ /de lta bu'i ngo bo snang ba mdza' yas kyi sku phyag rgyar gyur ma thag tu de dang gnyis su med pa'i nga rgyal du sgom par bya'o/ /de'i dus gsung gi rigs kyi bye brag gi gar mkhan gyi rigs kyi bu mo ci ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de'i 'og tu sgrub/ pa pos 'dod chags chen po'i zhe sdang gi sems dga' bas gnyis su med par 'khyud pa'i sbyor bas thabs dang shes rab rol ba byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems kyi char rgyun bzhin du

  585. 293a

    'od du zhu nas rgya mtsho dang mnyam par gyur par bsam mo/ /de'i steng du sgrub pa pos sa bon yig 'bru ho bsam mo/ /de kha dog dmar po so sor rtog pa'i ye shes kyi ngo bo 'am/ 'bar ba chen po'i 'od kyis 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par 'gyur ro/ /sa bon de las khro mo'i rgyal mo khro gnyer ma'i sku phyag rgya skyed par bya'o/ /de'i phyag g.yas dang po na pad ma'i rdo rje'i kyo ba 'dzin/ g.yon dang po na rdo rje zhags pa 'dzin/ sku phyag rgya'i cha lugs phun sum tshogs pa gzhan ni mdun du ji ltar smos pa bzhin du 'dir bstan to/ /de lta bu'i ngo bo khro mo'i rgyal mo khro gnyer ma'i sku phyag rgyar skyed ma thag tu/ skyed par mdzad mkhan snang ba mdza' yas kyi sku phyag rgya khro mo'i rgyal mo khro gnyer ma'i sku phyag rgya'i spyi po la dbang bskur ba'i tshul du bsam mo/ /tshul de ltar khro mo'i rgyal mo khro gnyer ma'i sku phyag rgya skyed pa'i 'og tu/ sgrub pa pos de? dang gnyis su med pa'i nga rgyal du sgom par bya'o/ /de'i dus su mdun du smos pa'i sbyor ba dang ldan pa'i ban d+ha de sgrub pa po nyid kyi rkang pa gnyis kyi 'og tu bzhag go /tshul de ltar spyod ba'i sgom pas khro mo'i rgyal mo khro gnyer ma'i sngags rings khro bo chen po'i brtson 'grus kyis bsnyen pa 'bum phrag gsum gyi grangs kyi tshad du spel ba'i tshul du bzlas pa bya'o/ /oM b+ha ya na sha ni/ tra sa ni/ tra se/ tra sa ya/ bri ku ti ta ti/ b+he'i ta ti shwe te shwe ta dza ti ni/ b+hid d+hya d+ha ra ka ra naM ku ru swAhA/ de ltar byas nas dgug pa sgrub pa'i dus na mtshan ma gnyis 'byung bar 'gyur te/ ban d+ha de 'bar ba dang/ de'i 'og tu 'phar ba'o/ /de ma thag tu rig pa 'dzin gyi bu mo cho 'phrul chen po dang/ sgyu ma'i stobs dang ldan pa de dag sems 'jigs

  586. 293b

    pas skrag nas lus 'dar zhing thal mo sbyar ba/ gser gyi rna cha can rin po ches spras pa/ g.yo ba rnams khugs par 'gyur ro/ /de ma thag tu sgrub pa pos 'dod chags chen po'i sems dga' bas sbyar par bya par bstan to/ /de ltar rig pa 'dzin pa'i bu mo mchog /gser gyi rna cha g.yo ba rnams kyi don du gsungs so/ /sngags kyi rig pa 'di dag ni/ dam tshig mchog gis dgug par bya zhes pa ni/ dam tshig ni mdun du smos pa'i tshul du sbyor ba byas nas/ /sgrub pa po thabs dang shes rab rol pa bya zhing rig pa 'dzin pa'i bu mo thams cad dgug par bya ba yin no/ /sngags kyi rig pa 'di ni ci ltar smos pa'i khro mo'i rgyal mo khro gnyer ma'i sngags kyi snyen pa'i bzlas pa byas pa'i dngos grub kyi 'bras bu'i rig par 'gyur ro/ /de ltar sngags kyi rig pa 'di dag ni/ dam tshig gis ni dgug par bya ba'i don du gsungs so/ /da ni mdun du smos pa'i dgug pa'i sgrub pa thams cad kyi khyad par gyi tshul gyis sngags kyi bzlas pa byas pa dang bsgom pa'i yon tan gyi ngo bor gyur par bstan to/ /sngags kyi bzlas pa 'gog pa yis/ /yongs su rdzogs par mdzad mchog gi /ye shes rdo rje gsum las byung/ /kun nas de ma thag tu dgug /ces bya ba'i don bshad par bya ste/ ci ltar yin na/ sngags kyi bzlas pa 'gog pa yis/ yongs su rdzogs par mdzad mchog gis ni mdun du smos pa'i tshul gyi dgug pa'i sgrub pa thams cad gsang sngags kyi tshul gyis sgrub pa thams cad kyi don gyi cho ga'i shes pa'i sgrub pa po smos pa des dgug pa'i 'bras bu grub ma thag tu/ de'i dus su sngags kyi bzlas pa byed pa de 'gog par ming btags par zhag par smos so/ /de ltar sngags kyi bzlas pa 'gog pa yis/ /yongs su rdzogs par mdzad na chog gyi? gis don du gsungs so/ /ye shes rdo rje gsum las byung/ /

  587. 294a

    kun nas de ma thag tu dgug /ces pa ni/ ci ltar smos pa'i sngags kyi bzlas pa btang ma thag tu/ mdun du bshad pa'i sems can thams cad kyi chung ma dang/ bu mo bkug ma thag tu 'dod chags chen po'i sems dga' bas spyad par smos pa de'i dus su sgrub pa po nyid kyi lus rdo rje gsum gyi ye shes su ming btags pa/ sku rdo rje'i rigs dang/ gsung rdo rje'i rigs dang/ thugs rdo rje'i rigs dang/ de ltar rdo rje gsum gyi rigs kyi ye shes dang gnyis su med pa'i ngo bo las byung bar ming btags pa 'bras bu grub par sgom mo/ /bstan par bya ste/ mdun du smos pa'i sgom pa byas pa'i yon tan gyis sgrub pa po'i 'og tu sgrub pa pos gang dang gang 'dod pa 'jig rten gsum na gnas pa'i de mdun du gnas pa bzhin du dus thams cad du skad cig mas 'gugs par 'gyur ro/ /mdor bsdu ba de ltar ye shes rdo rje gsum las byung/ /de ma thag tu 'gugs par 'gyur gyi don du gsungs so/ /da ni khro bo'i rgyal po ya man ta ka la sogs pa khro bo'i rgyal po thams cad kyi sngags rings kyi bzlas pa bya ba dang/ grangs kyi tshad dang/ bya ba'i gnas dang/ 'bras bu sgrub pa bstan par bya ste/ yang na khro bo thams cad ni/ /sngags pas 'bum du bzlas byas na/ /dgon pa dben pa'i gnas dag tu/ /las rnams thams cad byed par bshad/ /ces bya ba'i don bshad par bya ste/ ci ltar yin na/ yang na khro bo thams cad ni sngags pas 'bum du bzlas na ni/ sngags pas khro bo'i rgyal po ya man ta ka la sogs pa khro bo bcu rnams sgrub par byed pa de rnams so so'i rim par sgom pa dang ldan par sngags rings bdag po'i las thams cad sgrub pa'i phyir grangs kyi tshad 'bum phrag tu bzlas pa'i bsnyen pa bya'o/ /de ltar

  588. 294b

    khro bo thams cad ni sngags pas 'bum du bzlas na ni'i don du gsungs so/ /dgon pa dben pa'i gnas dag tu/ las rnams thams cad byed par bshad ces pa ni mdun du smos pa'i ya man ta ka la sogs pa khro bo bcu'i sngags kyi bzlas pa sgrub pa'i gnas ni/ dgon pa zhes pa ri'i sul rtsa dang/ shing stug po chu dang ldan pa 'am/ dben pa ste yul stong chen por smos so/ /de lta bu'i phun sum tshogs pa'i gnas su/ tshul ci ltar smos pa'i bzlas pa byas pas/ las rnams thams cad byed ces pa mi dang mi ma yin pa thams cad gsang ba'i las kyi dngos grub kyi 'bras bur gyur par smos so/ /de ltar dben pa'i gnas dag tu/ las rnams thams cad byed pa'i bshad kyi don du gsungs so/ /de ni rdo rje slob dpon la slob ma la sogs pa sems can sdig can gang yang rung bas/ /phra mo tsam yang smod par byed pa dang/ /gzhan yang theg pa chen po gsang sngags kyi spyod pa dang/ sbyor ba la smod par byed pa rnams gsang dang gnas nas spo ba bya ba'i cho ga'i tshul bstan par bya ste/ rdo rje slob dpon smod pa dang/ /theg pa chen po smod pa dag /nan tan du ni gsang bar bya/ /yang na gnas nas spo bar bya/ /zhes pa'i don bshad par bya ste/ ci ltar yin na/ rdo rje slob dpon la dus rtag tu ngan sems kyi zhe sdang skyed pa dang/ /theg pa chen po gsang sngags kyi dbyang sems skyed pa'o/ /nan tan du ni gsad par bya/ /yang ni gnas nas spo bar bya/ /zhes pa ni/ khro bo'i rgyal po ya man ta ka la sogs pa khro bo'i rgyal po bcu'i sgom pa dang/ sbyor ba dang sngags kyi bzlas pa bya bas/ /sngar smos pa'i slob ma la sogs pa/ sems can sdig can de dus rtag tu nan tan kyi bya ba gzhan bzhag la/ gsad pa'i las kyi cho ga bya'o/ /yang na gnas nas spo bar bya bar bstan to/ /da ni gsad pa'i las de'i

  589. 295a

    dngos grub kyi 'bras bu bstan par bya ste/ 'di yis byang chub mchog dang ni/ /sngags kyi dngos grub thob par 'gyur/ /zhes bya ba ni/ 'di yis byang chub mchog dang ni/ gong du smos pa'i sems can sdig can gsod bar byed pa'i rdo rje slob dpon de bla na med pa'i byang chub kyi 'bras bur gyur par bshad do/ /de ltar 'di yis byang chub mchog dang ni'i don du gsungs so/ /sngags kyis dngos grub thob par 'gyur zhes pa ni/ mdun du smos pa'i sems can sdig can de gsad pa'i las bya ba'i phyir/ khro bo'i rgyal po ya man ta ka la sogs pa khro bo'i rgyal po bcu'i so so'i rim par sgom pa dang/ /sbyor bar ldan pas sngags rings bzlas pa byas pas gong du smos pa'i bla na med pa'i byang chub thob par bstan to/ / de ltar sngags kyi dngos grub thob par 'gyur gyi don du gsungs so/ /da ni gong du smos pa'i dgra de rnams gsad pa'i sgom pa dang/ sbyor ba'i cho ga'i don gsal bar bstan par bya ste/ /phyogs bcu'i sangs rgyas thams cad kyi/ /sku gsung thugs ni gsod par byed/ /cho ga bzhin du sgom par bya/ /dgra rnams la ni gdon mi za/ /zhes bya ba'i don bshad par bya ste/ ci ltar yin na/ phyogs bcu'i sangs rgyas thams cad kyi/ /sku gsung thugs ni gsod par byed ni/ /dpal rdo rje sems dpa' la sogs pa'i rigs lnga'i bye brag grangs med pa rdul phra mo snyed phyi'i phyogs bcu'i 'jig rten gyi khams thams cad kyi zhing khams na gnas pa'i sangs rgyas thams cad ni sku gsung thugs gnyis med pa'i ngo bo'i gzugs yin no/ / de dag thams cad dang gnyis su med pa'i ngo bor dpal rdo rje sems dpa' sgom mo/ /de dang gnyis su med pa'i ngo bo rdo rje slob dpon yin no/ /de la smod par byed pa dang/ gzhan yang theg pa chen po gsang sngags kyi sbyor ba dang/ spyod pa smod par byed pa de

  590. 295b

    dag ni/ gong du bstan pa'i sangs rgyas thams cad gsad pa dang 'dra bar sdig pa shin tu che bar bstan to/ /de ltar phyogs bcu'i sangs rgyas thams cad kyi sku gsung thugs ni gsod pa'i don du smos so/ /cho ga bzhin du sgom par bya/ dgra rnams la ni gdon mi za'i don du zhes pa ni/ rdo rje slob dpon gyis zhe sdang chen po'i sems bskyed nas/ tshul ji ltar smos pa'i gdug sems can gyi dgra gsad pa'i phyir/ 'og nas 'byung ba'i cho ga'i don sgom par bya ba bstan to/ /mdor bsdu ba de ltar cho ga bzhin du sgom par bya/ dgra rnams la ni gdon mi za'i don du gsungs so/ /khrag dang chu yis gsher ba 'am/ /bshang gcis gsher bar byas pa'i gos/ /dgos nas ling ga rkang pas gnan/ /khro bo'i rgyal pos sbyar bar bya/ zhes bya ba'i don bshad par bya ste/ ci ltar yin na/ khrag gis brlan pa ni/ dur khrod kyi gos sam/ yang na bud med bu byung ba'i dus kyi gos kyang mi 'gal te/ de blangs la/ de'i 'og tu rdo rje slob dpon gyis/ rim pa ma nor bar khro bo'i rgyal po dang gnyis su med par sgom pas/ gos de gon par bya ste/ de nas rim pa ma nor bar ci ltar sbyar ba'i sgom pas gdug sems can gyi sdig can gsad par bya'o/ /de so so'i bye brag bstan par bya ste/ sgrub par bya ba'i dus su rkang pa g.yon bskum pa'i tshul gyis mtshan ma gnan par bya'o/ /g.yas brkyang ba'i tshul du sa la bzhag par bya'o/ /gzhan yang sgom pa'i man ngag gsal bar bstan par bya ste/ tshul ci ltar smos pa'i cho gas khro bo'i rgyal po ya man ta ka'i sku phyag rgya skyed par bya'o/ /de ma thag tu de dang gnyis su med pa'i nga rgyal du sgom par bya'o/ /de'i dus su skyes bu mtshon phog nas shi ba'i khrag ban d+ha'i nang du blang ngo/ /yang na sems can gang yang rung ba'i khrag kyang mi 'gal lo/ /

  591. 296a

    khrag des gos gsher bar byas la/ de ma thag tu khro bo chen po'i brtson 'grus kyi rgyab tu gon la/ mgul par mdud nas gsad pa'i las bya'o/ /de'i dus su rdo rje slob dpon nyid kyis gsang ba'i thugs ka ye shes sems dpa' i gnas su sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo 'bar ba chen pos 'bar zhing 'od du zhu nas ye shes kyi khu ba bzhin du 'gyur ro/ /sa bon de las khro bo'i rgyal po arya a tsa la'i sku phyag rgyar skyed par bya'o/ /de'i phyag g.yas dang po na rdo rje kyo ba 'dzin/ /g.yon dang po na rdo rje zhags pa 'dzin /sku phyag rgya'i cha lugs phun sum tshogs pa gzhan ni ci ltar smos pa bzhin du 'dir bya'o/ /de lta bu'i ngo bo'i sku phyag rgya skyed ma thag tu ba spu bu ga'i lam gyi sgo nas/ nam mkha' i dbyings thams cad du khyab par spro bar bya'o/ /de ma thag tu dgra bo gdug sems can thams cad rdo rje kyo bas spyi bo nas bzung/ rdo rje zhags pas 'gul pa nas bcings te/ /tshul de ltar bkug ma thag tu/ rdo rje slob dpon gyi rkang pa g.yon pas mtshan ma gnan pa/ de'i gnas su thim par gyur bar bsam mo/ /de'i 'og tu 'gugs par mdzad mkhan gyi sku phyag rgya gzi brjid chen po 'bar ba'i 'od kyis 'bar ba de kun gyis rdo rje dang ral gri la sogs pa ye shes kyi mtshon cha'i bye brag sna tshogs phab pas mtshan ma'i steng du brdeg par bsam mo/ /tshul de ltar sgom pa'i sbyor ba bya zhing khro bo chen po ya man ta ka'i sngags rings khro bo chen po brtson 'grus kyi 'bum phrag gsum gyi grangs kyi tshad du spel ba'i tshul a mo ka ri buM ma ran ku ru bya ba yin no/ /de ltar byas pas gsad pa'i las grub pa'i dus su mtshan? ma gnyis 'byung bar 'gyur te/ /rkang pa g.yon

  592. 296b

    bar? mnan pa'i mtshan ma de 'bar ba dang/ de'i 'og tu mtshan ma de drag tu 'gul ba'o/ /de'i 'og tu tshul ji ltar smos pa'i dgra po de shi bar bstan to/ /de ltar khrag gis gsher pa'i don du gsungs so/ /de nas chu yis gsher zhes pa ni/ sgrub pa pos gong du smos pa'i tshul du mtshan ma gnan pa'i stabs su gnas te/ khro bo'i rgyal po prad nyan ta ka'i sku phyag rgya ci ltar smos pa'i tshul gyis skyed par bya'o/ /de ma thag tu de dang gnyis su med pa'i nga rgyal du sgom par bya'o// de'i dus su dbang phyug chen po'i gzugs brnyan khrus byas pa'i chu ban d+ha'i nang du blang ngo/ /yang na bud med sbrum ma khrus byas pa'i chu dri ma can yang mi 'gal lo/ /chu des gong du smos pa'i gos gsher par bya'o/ /de ma thag tu khro bo chen po'i brtson 'grus kyis ci ltar smos pa'i tshul du gon la gsang pa'i las bya'o/ /de'i dus su rdo rje slob dpon nyid kyis gsang ba'i thugs ka ye shes sems dpa' i gnas su sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo 'bar ba chen pos 'bar zhing 'od du zhu nas ye shes kyi khu ba bzhin du 'gyur ro/ /sa bon de las khro bo'i rgyal po Ta ki'i sku phyag rgya skyed par bya'o/ /de'i phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ sku phyag rgya'i cha lugs phun sum tshogs pa gzhan ni ci ltar smos pa bzhin du bya'o/ /de lta bu'i ngo bo sku phyag rgya skyed ma thag tu ba spu bu ga'i lam gyi sgo nas nam mkha' i dbyings thams cad du khyab par spro bar bya'o/ /de ma thag tu mdun du smos pa'i tshul gyis dgra thams cad rdo rje kyo bas snying ga nas bzung/ rdo rje zhags pas mgul ba nas bcings te/ tshul de ltar bkug ma thag tu/ rdo rje slob dpon gyi rkang pas de'i gnas su thim par gyur par bsam mo/ /

  593. 297a

    de'i 'og tu 'gugs par mdzad mkhan gyi sku phyag rgya 'bar ba chen po'i 'od kyis 'bar ba de kun gyis mdun du smos pa'i ye shes kyi mtshon cha'i bye brag sna tshogs grangs med pa phab pas mtshan ma'i steng du dgra brdegs par bsam mo/ /tshul de ltar sgom pa'i sbyor ba bya zhing khro bo'i rgyal po prad nyan ta ka'i sngags rings khro bo chen po'i brtson 'grus kyis 'bum phrag gsum gyi grangs kyi tshad du bsnyen pa spel ba'i tshul a mo kaM ri buM ma ra naM ku ru bya ba yin no/ /de ltar byas pas gsad pa'i las grub pa'i dus su mdun du smos pa'i tshul du mtshan ma gnyis 'byung bar 'gyur ro/ /de ma thag tu mdun du smos pa'i dgra nges par 'chi bar bstan to/ /de ltar chus brlan pa'i don du gsungs so/ bshang gcis gsher bar byas pa zhes pa ni/ sgrub pa pos mdun du smos pa'i tshul du mtshan ma mnan pa'i stabs kyis gnas par bya'o/ /de'i dus su mdun du smos pa'i cho ga bzhi'i tshul gyis khro bo'i rgyal po pad man ta ka'i sku phyag rgyar gyur par bya'o/ /de ma thag tu de dang gnyis su med pa'i nga rgyal du sgom par bya'o/ /de'i dus su sgrub pa pos rang gi bshang gci ban da'i nang du blangs la/ des gong du smos pa'i gos gsher bar bya'o/ /de ma thag tu khro bo chen po'i brtson 'grus kyis gong du smos pa'i tshul du gos de gon la gsad ba'i las bya'o/ /de'i dus su rdo rje slob dpon gyis nyid kyis gsang ba'i thugs ka ye shes sems dpa' i gnas su sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid chen po'i 'bar bas 'bar zhing 'od du zhu nas ye shes kyi khu ba bzhin du 'gyur ro/ /sa bon de las khro bo'i rgyal po ni la dan Da'i sku phyag rgya bskyed par bya'o/ /de'i phyag g.yas dang

  594. 297b

    po na rdo rje kyo ba 'dzin/ g.yon dang po na rdo rje zhags pa 'dzin/ /sku phyag rgya'i cha lugs phun sum tshogs pa gzhan ni mdun du ci ltar smos pa bzhin du bya'o/ /de lta bu'i ngo bo sku phyag rgya skyed ma thag tu nam mkha' i dbyings thams cad du khyab par spro bar bya'o/ /de ma thag tu mdun du smos pa'i dgra thams cad rdo rje'i kyo bas spyi bo nas bzung/ rdo rje zhags pas mgul pa nas bcings te/ tshul de ltar bkug ma thag tu rdo rje slob dpon gyi rkang pa g.yon pas mtshan ma mnan pa de'i gnas su thim par gyur par bsam mo/ /de'i 'og tu 'gug par mdzad mkhan gyi sku phyag rgya gzi brjid chen po 'bar pa'i 'od gzer gyis 'bar pa de kun gyis gong du smos pa'i ye shes kyi mtshon cha'i bye brag sna tshogs grangs med pa phab pas mtshan ma'i steng du dgra de brdeg par bsam mo/ /sgom pa'i sbyor ba tshul de ltar bya zhing khro bo'i rgyal po pad man ta ka'i sngags rings khro bo chen po'i brtson 'grus kyis 'bum phrag gsum gyi grangs kyi tshad du bsnyen pa bya ba'i tshul a mo kaM ri puM ma ra naM ku ru zhes bya'o/ /de ltar byas nas gsad pa'i las grub pa'i dus su mdun du smos pa'i tshul gyi mtshan ma gnyis 'byung bar 'gyur ro/ /de ma thag tu ci ltar mdun du smos pa'i tshul gyi dgra 'chi bar 'gyur par bstan to/ / de ltar bshang gcis gsher bar byas ba'i gos kyi don du gsungs so/ /bgos nas ling ga rkang pas gnan khro bo'i rgyal pos sbyar bar bya zhes pa'i don ni gong du bshad pas 'dir bshad mi dgos so/ /da ni gong du gsad ba'i las kyi bye brag gsum bstan pa de'i khyad par gyi sngags kyi bzlas pa'i tshad dang de'i 'bras bu bstan par bya ste/ brgyad brgya dag ni yongs su rdzogs na/ /sangs rgyas dag kyang nges par 'jig/ /ces bya ba ni/ brgyad brgya dag ni yongs su rdzogs

  595. 298a

    na ni/ mdun du smos pa'i tshul gyi bye brag gsum gyi sbyor ba'i sngags rings bzlas pa byas pas 'grub par 'gyur ba de'i 'og tu/ cho ga'i tshul ci ltar smos pas khro bo'i rgyal po bdag po so so'i sngags rings khro bo chen po'i zhe sdang gi sems kyis bzlas pa bya'o/ /de ltar brgyad brgya dag ni yongs su rdzogs na'i don du gsungs so/ /sangs rgyas dag kyang nges par 'jig ces pa ni/ ci ltar smos pa'i sngags kyi bzlas pa brgyad brgya'i grangs kyi tshad de rdzogs pa'i 'og tu/ sangs rgyas dpal rdo rje sems dpa' nyid la sogs pa rigs lnga'i bye brag smos pa de dag kyang 'jig pa 'am med par 'gyur ro/ /de ni la dor ba'i tshig tu smos so/ /mdun du smos pa'i sngags kyi bzlas pa bya ba rdzogs ma thag tu/ lha dang mi la sogs pa dgra thams cad bsad pa dus rtag tu 'grub par 'gyur ba ni ngo mtshar mi che'o/ /de ltar sangs rgyas dag kyang nges par 'jig gi don du gsungs so/ /chu yis gos ni gsher bar byas/ khro bo mchog gi thabs dag gis/ /ling ga rkang pas mnan na ni/ /sangs rgyas dag kyang nges par 'jig /ces bya ba'i don bshad par bya ste/ ci ltar yin na/ chu yis gos ni gshor par byas/ /khro bo mchog gi thabs dag gis ni/ /mdun du smos pa'i tshul gyis chus gsher bar byas pa'i gos de/ khro bo'i rgyal po prad nyan ta ka dang gnyis su med pa'i nga rgyal du sgom pas zhe sdang chen po'i sems bskyed nas rgyab tu gon nas mgul pa dang rked par 'dud pa bya'o/ /de ltar gyis gos ni gsher bar byas/ khro bo mchog gi thabs dag gis don du gsungs so/ /ling ga rkang pas mnan nas ni/ /sangs rgyas dag kyang nges par 'jig ces pa ni/ mdun du smos pa'i tshul gyis bsgom pa

  596. 298b

    dang bzlas pa bya shing gos gon ma thag tu rdo rje slob dpon gyis ci ltar smos pa bzhin du rkang pas mtshan ma mnan la gsad pa'i las bya'o/ /de grub pa'i 'og tu dpal rdo rje sems dpa' la sogs pa rigs lnga'i bye brag gi sangs rgyas kyang 'jig par 'gyur te/ de ni la dor ba'i tshig tu smos so/ /bstan par bya ste/ lha dang mi la sogs pa sems can dgrar gyur pa thams cad skad cig tsam gyis 'jig par 'gyur ba ni ngo mtshar mi che'o/ /de ltar ling ga rkang pas mnan na ni/ sangs rgyas dag kyang nges par 'jig gi don du gsungs so/ /bshang gcis gsher bar byas pa'i gos/ /ngan pa rul pa'i dri bsnam pa/ /bgos te sngags 'di brjod byas na/ /myur du skams te 'chi bar 'gyur/ /zhes bya ba'i don bshad par bya ste/ ci ltar yin na/ bshang gcis gsher bar bya ba'i gos ngan pa rul pa dri ma snam ni/ mdun du smos pa'i gos te bshang gcis gsher bar byas nas/ dri ma ngan pa dang ldan pa yin no/ /gos te sngags 'di brjod byas na/ /myur du skams te 'chi bar 'gyur/ /zhes pa ni/ mdun du bshad pa'i tshul gyi sgom pa dang bzlas pa bya bas gos gon ma thag tu/ rdo rje slob dpon gyis rkang pa g.yon pas mtshan ma mnan la/ tshul ci ltar smos pa'i dgra rnams gsad pa'i phyir khro bo chen po'i zhe sdang gis khro bo'i rgyal po pad man ta ka'i sngags rings bzlas pa bya'o/ /de grub pa'i 'og tu dgra bo sdig can gang yang rung ba de skams nas 'chi bar 'gyur bar bstan to/ /de ltar sngags 'di brjod byas na/ myur du skams te 'chi bar 'gyur gyi don du gsungs so/ /de ni gsad pa'i las kyi cho ga'i bye brag gzhan bstan par bya ste/ thal ba'i kyo mas gsher ba'i gos/ /bgos nas khro bos 'khrugs bzhin du/ /brgyad

  597. 299a

    brgya dag tu bzlas na ni/ /rdo rje sems dpa' ang 'jig par 'gyur/ zhes bya ba'i don bshad par bya ste/ ci ltar yin na/ thal ba'i skyo mas gsher ba'i gos/ gos nas khro bas 'khrugs bzhin du ni/ sgrub pa pos mdun du smos pa'i tshul du mtshan ma mnan pa'i stabs kyis gnas te/ de'i dus su cho ga'i tshul ci ltar smos pas/ khro bo'i rgyal po big nan ta ka'i sku phyag rgya bskyed par bya ste/ de ma thag tu de dang gnyis su med pa'i nga rgyal du sgom par bya'o/ /de'i dus su sgrub pa pos du khrod kyi thal ba ban d+ha'i nang du blangs la/ sems can rma can gyi rma dkrus pa'i chu dri ma can dang dkrug ste/ thal pa'i skyo ma nges gong du smos pa'i gos de gsher bar bya'o/ de ma thag tu khro bo'i rgyal po big nan ta ka'i khro bo stabs bya zhing ci ltar smos pa'i tshul du gos te bgos la gsad pa'i las bya'o/ /de'i dus su rdo rje slob dpon gyis nyid kyi gsang ba'i thugs ka ye shes sems pa'i gnas su sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo 'bar ba chen pos 'bar zhing 'od du zhu nas ye shes kyi khu ba bzhin du gyur to/ /sa bon de las khro bo rgyal po ma ha ba la'i sku phyag rgya skyed par bya'o/ /de'i phyag g.yas dang po na rdo rje kyo ba 'dzin/ g.yon dang po na rdo rje zhags pa 'dzin/ sku phyag rgya'i cha lugs phun sum tshogs pa gzhan ni ji ltar smos pa bzhin du 'dir bya'o/ /de lta bu'i ngo bo sku/ phyag rgya skyed ma thag tu ba spu bu ga'i lam gyi sgo nas 'jig rten gyi khams thams cad du khyab par spro'o/ /de ma thag tu mdun du smos pa'i dgra thams cad rdo rje kyo bas spyi bo nas bzung/ rdo rje zhags pas mgul pa nas bcings te/

  598. 299b

    tshul de ltar bkug ma thag tu rdo rje slob dpon gyi rkang pa g.yon pas mtshan ma mnan pa de'i gnas su thim par gyur par bsam mo/ /de'i 'og tu 'gugs par mdzad mkhan gyi sku phyag rgya 'bar ba chen po'i 'od kyis 'bar pa de kun gyis/ mdun du smos pa'i ye shes kyi mtshon cha'i bye brag sna tshogs phab pa'i tshul gyis mtshan ma'i steng du dgra la brdeg par bsam mo/ /tshul de ltar sgom pa'i sbyor ba bya zhing khro bo'i rgyal po big nan ta ka'i sngags rings khro bo chen po'i brtson 'grus kyis 'bum phrag gsum gyi grangs kyi tshad du bsnyen pa spel ba'i tshul a mo kaM ri buM ma ra naM ku ru bya ba yin no/ /de ltar byas pas gsad pa'i las grub pa'i dus su mdun du smos pa'i tshul gyi mtshan ma gnyis 'byung bar 'gyur ro/ /de ma thag tu mdun du smos pa'i dgra nges par 'chi bar bstan to/ /de ltar thal ba'i skyo mas gsher ba'i gos/ bgos nas khro bas 'khrugs bzhin du de'i don du gsungs so/ /brgyad brgya dag tu bzlas na ni/ rdo rje sems dpa' ang 'jig par 'gyur zhes pa'i don ni/ gong du bshad pas 'dir bshad mi gos so/ /da ni gsad pa'i las kyi bye brag gzhan yang bshad par bya ste/ gcer pur phung de skra bshig la/ /'jigs pa'i tshul du rtsigs shing 'gyur/ /rkang pa ling ga mnan na ni/ nam mkha' i dbyings kyang 'jigs par nus/ zhes bya ba'i don bshad par bya ste/ ci ltar yin na/ gcer pur phung de skra bshig la/ 'jigs pa'i tshul du rtsigs shing 'gyur ba ni/ rdo rje slob dpon gyis lus gcer pur bya/ skra bshig la/ 'jigs pa zhes pa/ lag pa g.yas par khro bo'i rdo rje rtse dgu bzung la brdeg pa'i stabs su bya'o/ /don des 'jigs par smos so/ /rtsigs zhes pa rdo rje slob dpon gyis gsad pa'i las bya ba'i dus su

  599. 300a

    yan lag dang nying lag sems can thams cad kyi rus pa'i phreng bas brgyan par bya'o/ /skra bshig pa de khro bo chen po'i zhe sdang gis phyogs bcur sprul par bya'o/ /don des rtsigs shing 'gyur bar smos so/ / de ltar gcer pur phung de skra bshig la/ 'jigs pa'i tshul du rtsigs shing 'gyur gyi don du gsungs so/ /ling ga rkang pas mnan na ni/ nam mkha' i dbyings kyang 'jigs par nus/ zhes pa ni sgrub pa pos mdun du smos pa'i tshul du mtshan ma mnan pa'i stabs kyis gnas te/ de'i dbus su khro bo'i rgyal po chen po badzra hUM ka ra'i sku phyag rgya cho ga'i tshul ci ltar smos pas skyed par bya'o/ /de ma thag tu de dang gnyis su med pa'i nga rgyal du sgom par bya'o/ de'i dus su rdo rje slob dpon gyis nyid kyi gsad ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog nag po me long lta bu'i ye shes kyi ngo bo 'bar ba chen pos 'bar zhing 'od du zhu nas ye shes kyi khu ba bzhin du 'gyur ro/ /sa bon de las khro bo'i rgyal po pad ma kun d+ha li'i sku phyag rgya skyed par bya'o/ /de phyag g.yas dang po na rdo rje'i kyo ba 'dzin/ g.yon dang po rdo rje zhags pa 'dzin/ sku phyag rgya'i cha lugs phun sum tshogs pa gzhan ni ci ltar smos pa bzhin du 'dir bya'o/ /de lta bu'i sku phyag rgya skyed ma thag tu ba spu bu ga'i lam gyi sgo nas nam mkha' i dbyings thams cad du khyab par sprin bzhin spro bar bya'o/ /de ma thag tu mdun du smos pa'i dgra thams cad rdo rje kyo bas spyi bo nas bzung/ rdo rje zhags bas mgul ba nas bcings te/ tshul de ltar bkug ma thag tu/ /rdo rje slob dpon gyis rkang pa g.yon pas mtshan ma mnan pa de'i gnas su thim par gyur par bsam mo/

  600. 300b

    de'i 'og tu 'gugs par mdzad mkhan gyi sku phyag rgya gzi brjid chen po 'bar ba'i 'od kyis tsha ba'i de kun gyis mdun du smos pa'i ye shes kyi mtshon cha'i bye brag sna tshogs grangs med pa phab pas mtshan ma'i steng gi dgra la brdeg par bsam mo/ tshul de ltar sgom pa'i sbyor ba bya zhing khro bo'i rgyal po chen po badzra hUM ka ra'i sngags rings khro bo chen po'i brtson 'grus kyis 'bum phrag gsum gyi grangs kyi ched du bsnyen pa spel ba'i tshul a mo kaM ri puM ma ra naM ku ru bya ba yin no/ /de ltar byas pas gsad pa'i las grub pa'i dus su mdun du smos pa'i tshul du mtshan ma gnyis 'byung bar 'gyur ro/ /de ma thag tu nam mkha' i dbyings gang ba'i sems can yang med par bya bar nus na/ dgra thams cad 'chod par 'gyur ba yang ngo mtshar mi che'o/ /de ltar ling ga rkang pas mnan na ni/ nam mkha' i dbyings kyang 'jig par nus kyi don du gsungs so/ /da ni mdun du smos pa'i gsad ba'i las kyi sgrub pa bya ba'i phyir gnas phun sum tshogs pa'i rim pa ma nor bar bstan par bya ste/ ma mo'i gnas dang dur khrod dang/ /khang stong dang ni bzhi mdo dang/ /mtshan ma gcig dang shing gcig drung/ /drag po'i las ni brtsam par bya/ /zhes bya ba'i don bshad par bya ste/ ci ltar yin na ma mo'i gnas ni/ ma mo ring pa la sogs pa ma mo gang yang rung ba'i khang pa'i gnas su mdun du smos pa'i tshul gyi khro bo'i rgyal po ya man ta ka'i sgom pa dang sngags kyi bzlas pas ci ltar smos pa'i dgra de dag gsad pa'i las kyi sgrub pa bya bar bstan to/ /dur khrod ces pa ni mi thams cad kyi ro bsreg par bya ba'i gnas te/ der mdun du smos pa'i tshul ni khro bo'i rgyal po prad nyan ta ka'i sgom pa dang sngags kyi bzlas pa byas pas ci ltar smos pa'i dgra de dag gsad ba'i las kyi sgrub pa bya bar bstan to/ /khang

  601. 301a

    stong zhes pa ni/ tsan da las la sogs pa rigs ngan gang yang rung ba gnas nas spangs pa'i khang pa stong pa ste/ gnas der mdun du smos pa'i khro bo'i rgyal po pad man ta ka'i sgom pa dang sngags kyi bzlas pa bya bas ci ltar smos pa'i dgra de dag gsang pa'i las kyi sgrub pa bya bar bstan to/ /bzhi mdo zhes pa ni/ phyogs bzhi nas sems can 'ong ba dang 'gro ba'i dbus te/ gnas der mdun du smos pa'i khro bo'i rgyal po chen po big nan ta ka'i sgom pa dang/ sngags kyi bzlas pa byas pas mdun du smos pa'i dgra gsang ba'i las kyi sgrub pa byas par bstan to/ /mtshan ma gcig dang shing gcig drung zhes pa ni/ grong khyer la sogs pa'i phyi rol na mtshan ma gcig gam/ shing gcig yod pa'o/ /de gang la rdo rje slob dpon mos par mdun du smos pa'i khro bo'i rgyal po chen po badzra hUM ka ra'i sgom pa dang sngags kyi bzlas pas mdun du smos pa'i dgra gsang ba'i las kyi sgrub pa bya'o/ /drag pa'i las ni brtsam par bya/ zhes pa'i don ni gong du bshad pas 'dir bshad mi dgos so/ /da ni mdun du smos pa'i tshul gyi gsad ba'i las bstan pa de'i so so'i rdzas kyi sbyor ba las dgra'i gzugs brnyan bya ba'i cho ga'i man ngag bstan par bya ste/ khro bo'i rgyal po ya man ta ka'i sgom pa dang/ sbyor ba dang/ sngags kyi bzlas pas gsad ba'i las bya ba'i dus su chu 'gram gnyis kyis dang/ dur khrod kyi thal ba dang/ mi'i rus pa dang/ sems can thams cad kyi rkang rjes kyi sa dang/ de dag bsregs nas btags la rdo rje chu dang dkrugs la/ rdzas de las dgra'i gzugs brnyan khro bo'i rgyal po ya man ta ka'i sngags rings khro bo chen po zhe sdang gi sems bskyed nas bzla zhing bya'o/ /de rdo rje slob dpon nyid kyi rkang pa g.yas pas snying gar gnon par bya'o/ /yang na gzugs brnyan de mdun du bzhag kyang mi

  602. 301b

    'gal lo/ /bstan par bya ste/ mi'i ban d+ha dum bu lnga pa gog po blangs la/ de'i nang gi dbus su btsag dang/ mtshal dang/ dur khrod kyi sol pa dang/ da ru ra'i shing tog gi khu ba dang/ khwa ta'i khrag rnams bsres la/ rdzas nges dgra'i gzugs brnyan khwa ta'i mjug sgro'i rtsa ba'i phyogs kyis bris la/ ban d+ha de dgra'i gzugs brnyan de'i snying gar gzhug go /de'i 'og tu ci ltar smos pa'i tshul gyis dgra dgug ma thag tu mtshan ma la thim par bya bar smos pa/ de ni gzugs brnyan de la gnyis su med par thim par gyur par bsam pa yin no/ /de'i 'og tu 'gugs par mdzad mkhan gyi sku phyag rgya ci ltar smos pa tshul gyi gzi brjid chen po 'bar ba'i 'od kyis 'bar de dag gis ye shes kyi mtshon cha'i bye brag sna tshogs grangs med pa phab pas dgra'i gzugs brnyan gyi steng du brdeg par bsam mo/ /de nas khro bo'i rgyal po prad nyan ta ka'i sgom pa dang sbyor ba dang/ sngags kyi bzlas pa byas pas gsad pa'i las bya ba'i dus su/ dur khrod kyi sa dang/ de'i thal pa dang/ grog mkhar gyi sa dang/ dug dang de dag bsres nas/ btags te rdo rje'i chu dang bkrugs te rdzas de las dgra'i gzugs brnyan khro bo'i rgyal po prad nyan ta ka'i sngags rings khro bo chen po zhe sdang gi sems bskyed nas bzla zhing bya'o/ /de mdun du smos pa'i tshul du rdo rje slob dpon nyid kyi rkang pa g.yas pas snying gar gnon par bya'o/ /yang na gzugs brnyan de'i mdun du bzhag kyang mi 'gal lo/ /bstan par bya ste/ dur khrod kyi gos kyi dum bu blangs la de la 'ug pa'i khrag dang/ /phag gi khrag dang/ rdo rje slob dpon nyid kyi lag pa g.yon pa ni srin lag gi khrag dang/ de dag bsres nas rdzas des dgra'i gzugs brnyan mi'i rus pa'i smyu gus bris la/ gos kyi dum bu de mdun du smos pa'i

  603. 302a

    gzugs brnyan gyi snying gar gzhug par bya'o/ /de'i 'og tu ci ltar smos pa'i tshul gyis dgra dgug ma thag tu mtshan ma la thim par bya bar smos pa de ni gzugs brnyan 'di la thim par gyur par bsam pa yin no/ de'i 'og tu 'gugs par mdzad mkhan gyi sku phyag rgya'i gzi brjid chen po 'bar ba'i 'od kyis 'bar pa de dag gis ye shes kyi mtshon cha'i bye brag sna tshogs grangs med pa phab pas dgra'i gzugs brnyan gyi steng du brdeg par bsam mo/ / de nas khro bo'i rgyal po pad man ta ka'i sgom pa dang/ sbyor ba dang/ sngags kyi bzlas pas gsad pa'i las bya ba'i dus su/ rgod ma'i rte'u byung ba'i gnas kyi sa dang/ byi la'i spu dang/ de'i pags pa dang/ mi'i rus pa'i phye ma dang/ de dag bsres nas btags la/ rdo rje'i chu dang dkrugs te/ rdzas de las dgra'i gzugs brnyan khro bo'i rgyal po pad man ta ka'i sngags rings khro bo chen po'i zhe sdang gi sems bskyed nas bzlas zhing bya'o/ /de rdo rje slob dpon nyid kyi rkang pa g.yas pas snying gar mnan no/ /yang na gzugs brnyan de mdun du bzhag kyang mi 'gal lo/ /bstan par bya ste/ gro ga 'am/ ta la'i dum bu yang rung ba la/ dug dang lan tsha dang/ ldong ros dang/ bya rgod kyi khrag dang/ 'ug pa'i klad pa dang/ de dag bsres nas btags la/ rdzas des dgra'i gzugs brnyan bya rgod kyi mjug sgro'i rtsa ba'i phyogs kyis bris la/ gro ga 'am ta la'i lo ma de/ dgra'i gzugs brnyan de'i snying gar bzhug par bya'o/ /de'i 'og tu ci ltar smos pa'i dgra de dgug ma thag tu mtshan ma thim par gyur par smos pa de ni gzugs brnyan 'di la thim par gyur par bsam pa yin no/ /de'i 'og tu 'gugs par mdzad mkhan gyi sku phyag rgya gzi brjid chen po'i 'bar ba'i 'od kyis 'bar ba de

  604. 302b

    kun gyis ye shes kyi mtshon cha'i bye brag sna tshogs grangs med pa phab pas gzugs brnyan gyi steng du brdeg par bsam mo/ /de nas khro bo'i rgyal po big nan ta ka'i sgom pa dang/ sbyor ba dang/ sngags kyi bzlas pas gsang ba'i las bya ba'i dus su/ grog mkhar gyi sa dang/ sems can thams cad kyi dus pa'i phye ma dang/ dug dang ske tsho dang/ phag pa'i khrag rnams bsres nas btags la/ bong bu'i chus dkrug par bya'o/ /rdzas de las khro bo'i rgyal po big nan ta ka'i sngags rings khro bo chen po'i zhe sdang gis sems bskyed nas bzla zhing dgra'i gzugs brnyan bya'o/ /de rdo rje slob dpon nyid kyis rkang pa g.yas pas snying gar bzhag par bya'o/ /yang na gzugs brnyan de mdun du bzhag kyang mi 'gal lo/ /bstan par bya ste/ skyes bu sdig pa chen po can g.yul du mtshon gyis phog nas shi ba'i ban da dum bu drug pa dang/ bdun pa dang/ brgyad pa gang yang rung ba gogs pa blangs la/ de'i nang du khyi'i khrag dang/ dug dang/ ske tshe dang/ shing nim pa'i lo ma dang/ de dag gcig tu bsres nas btags la/ rdo rje'i chu dang dkrugs te/ rdzas des dgra bo'i gzugs brnyan mi'i rus pa'i smyug gus bri'o/ /ban da de'i gzugs brnyan de'i snying gar bzhug go /de'i 'og tu ci ltar smos ba'i dgra bkug ma thag tu mtshan ma la thim bar smos ba de ni gzugs brnyan 'di la gnyis su med par thim par gyur par bsam pa yin no/ /de'i 'og tu 'gugs mkhan gyi sku phyag rgya gzi brjid chen po 'bar ba'i 'od kyis 'bar ba de kun gyis ye shes kyi mtshon cha bye brag sna tshogs phab pas dgra'i gzugs brnyan gyi steng du brdeg par bsam mo/ /de nas khro bo'i rgyal po chen po badzra hUM ka ra'i sgom ba dang/ sbyor ba dang/ sngags kyi bzlas pas gsad ba'i

  605. 303a

    las bya ba'i dus su/ skyes bu g.yul du mtshon gyis phog nas shi ba'i khrag dang 'dres pa'i sa dang/ dur khrod kyi sa dang/ chu 'gram gnyis kyi sa dang/ dug dang/ sbrul gyi sha dang/ de dag bsres nas btags la ra'i khrag dang dkrug ste/ rdzas de las dgra'i gzugs brnyan khro bo'i rgyal po badzra hUM ka ra'i sngags rings khro bo chen po'i zhe sdang gi sems bskyed nas bzla zhing bya'o/ /rdo rje slob dpon nyid kyi rkang pa g.yas pas snying gar mnan no/ /yang na gzugs brnyan de mdun du bzhag kyang mi 'gal lo/ /bstan par bya ste/ gong du smos pa'i tshul gyi ban da blangs la/ de'i nang du 'ug pa'i klad pa dang/ shing da tu ra'i 'bras bu'i khu ba dang/ bya rgod kyi khrag gcig tu bsres nas btags la/ rdzas de las dgra'i gzugs brnyan bya rgod kyi mjug sgro'i rtsa ba'i phyogs kyis bris la/ ban da de'i gzugs brnyan de'i snying gar gzhug go /de'i 'og tu ci ltar smos pa'i dgra bkug ma thag tu mtshan ma la thim par smos pa de ni/ gzugs brnyan 'di las gnyis su med par thim par bsam pa yin no/ /de'i 'og tu 'gugs par mdzad mkhan gyi sku phyag rgya gzi brjid chen po'i 'bar ba'i 'od kyis 'bar ba de kun gyis ye shes kyis mtshon cha'i bye brag sna tshogs grangs med pa phab pas dgra'i gzugs brnyan gyi steng du brdag par bsam mo/ /da ni phur pa'i sgom pa'i sbyor ba'i sngags kyi bzlas pa byas pas dgra thams cad gsad par bya ba'i las kyi cho ga'i don bstan par bya ste/ mi rus las byas phur bu ni/ /sor brgyad pa'i tshad dag la/ /brgyad brgya dag tu bzlas byas te/ /dgra'i sgo khang sbas na ni/ /zhes bya ba'i don bshad par bya ste/ ci ltar yin na/ mi rus las byas phur bu ni/ sor brgyad pa'i tshad dag las

  606. 303b

    ni sgrub pa pos sku'i rigs rnam par snang mdzad kyi phyi'i gnas ci ltar bstan pa'i gnas su sku'i rigs bye brag gi rdo rje phur bu'i sgrub pa bya ba yin no/ /yang ma ci ltar smos pa'i ma mo'i khang pa'i gnas su sgrub pa byas kyang mi 'gal lo/ /gnas der sa gzhi bsnyams la dkyil 'khor zur gsum kun tu khru re dang sor lnga bdud rtsi lngas bsku bar bya'o/ /de'i steng du sgrub pa pos khro bo chen pos zhe sdang gi sems bskyed nas 'dug go /de'i 'og tu mdun du smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa ni/ le'u bzhi pa'i dkyil 'khor gyi dbus su ci ltar smos pa bzhin du bya'o/ /de lta bu'i rnam par snang mdzad kyi sku phyag rgyar gyur ma thag tu de dag gnyis su med pa'i nga rgyal du bsgom par bya'o/ /de'i dus su sku'i rigs bye brag bram ze'i rigs kyi bu mo ci ltar smos pa'i mtshan dang yon tan dang ldan pa blang ngo/ /shes rab mo de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu sgrub pa pos khro bo chen po zhe sdang gis sems bskyed nas gnyis su med par 'khyud pa'i sbyor bas thabs dang shes rab rol pa byas nas bde bar gyur ba'i dus su rdo rje lam gyi sgo nas shes rab ma'i b+ha ga'i dbus su byang chub sems 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bo 'bar ba chen po'i 'od kyis 'bar zhing 'od du zhu nas ye shes kyi khu ba lta bu'i byang chub sems kyi rgya mtsho la gnyis su med par thim par 'gyur ro/ /

  607. 304a

    sa bon de las khro bo'i rgyal po ya man ta ka'i sku phyag rgya skyed par bya'o/ /de khro mo'i rgyal mo ro langs ma dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa ni/ /le'u bzhi pa dkyil 'khor gyi dus su smos pa bzhin du 'dir bya'o/ /de lta bu'i khro bo'i rgyal po ya man ta ka'i sku phyag rgya skyed ma thag tu/ /skyed par mdzad mkhan rnam par snang mdzad kyi sku phyag rgya khro bo'i rgyal po ya man ta ka'i spyi bor dbang skur ba'i tshul du bsam mo/ /tshul de ltar khro bo'i rgyal po ya man ta ka'i sku phyag rgya skyed ma thag tu/ /sgrub pa pos de dang gnyis su med pa'i nga rgyal du sgom par bya'o/ /de'i dus su skyes bu sdig can chen po can g.yul du mtshon phog nas shi ba'i bla gnyis kyi rus pa'am/ rje bar gyi rus pa yang rung blangs la ring thung sor brgyad la phur bu yar phyogs la mgo bo mar phyogs la rtse mo bya'o/ /gzhan yang phur bu byin gyis brlab pa bstan par bya ste/ phur bu de'i spyi bo'i dbus su sngags sa bon yig 'bru oM bsam mo/ /de kha dog dkar po cung zad? dmar pa chos kyi dbyings kyi ye shes kyi ngo bo gzi brjid chen po 'bar ba'i 'od kyis 'bar zhing phur bu la gnyis su med par thim par gyur par bsam mo/ /de ltar byas pas phur bu sku rdo rje ye shes kyi ngo bor gyur par btag go / de ltar byas pa'i 'og tu sgrub pa pos khang pa brtsegs pa'i nang du bzung la/ dang por 'og nas 'byung ba'i sku dang gsung dang thugs rdo rje gsum gyi phur bu'i sngags 'bum phrag cig gi grangs su bsnyen pa'i bzlas pa bya'o/ /bzlas pa de rdzogs ma thag tu grub pa'i mtshan ma gnyis 'byung bar 'gyur ro/ /dang po phur bu'i spyi bo nas du ba 'byung ngo/ /de'i 'og tu phur bu kun nas gzi brjid chen po 'bar ba'i 'od kyis 'bar bar 'gyur ro/ /de ltar mi

  608. 304b

    rus las byas phur bu ni/ sor brgyad pa'i tshad dag la'i don du gsungs so/ /gzhan yang phur bu'i man ngag gi sbyor bas sngags kyi bzlas pa bya ba'i tshad kyi cho ga'i don bstan par bya ste/ brgyad brgya dag tu bzlas byas te/ dgra'i sgo kar sbas na ni/ zhes pa sngar smos pa'i ban d+ha dum bu brgyad pa gogs pa blangs la/ de'i nang du chu 'gram gnyis kyis dang/ dur khrod kyi sa dang thal ba dang dri chen dang bsres nas/ rdo rje'i chu dang dkrugs brdzis te/ rdzas de las dgra'i gzugs brnyan ring thung sor brgyad pa byas la/ de'i 'og tu dgra'i gzugs brnyan de'i dpral ba dang/ dpung mig gnyis dang/ snying ga dang/ lte ba dang/ pho mtshan gyi bar dang/ bla mgo gnyis dang/ rkang pa'i mthil gnyis dang/ de la sogs pa lus thams cad la til 'bru tsam yang mi gzhag par 'og nas smos pa'i sku dang gsung dang thugs rdo rje gsum dang gnyis su med pa'i ngo bo'i sngags brgyad brgya'i tshad du bzla zhing/ mdun du smos pa'i sku'i rigs kyi rdo rje'i phur bu'i bsgrub pa des gdab par bya'o/ /brgyad brgya bzlas pa brjod ma thag tu/ sgra'i sgo khar sbas bar bsam par gsungs so/ /de ltar brgyad brgya dag tu bzlas byas te/ dgra'i sgo khar sbas na ni'i don du gsungs so/ /dgra la phur bu gdab pa'i las byas pa de'i 'bras bu bstan par bya ste/ sangs rgyas sku gsum mchog sbyin pa/ shes dang mi shes spangs pa yang/ /zla ba phyed ni tshun chad kyis/ /med par yang na 'chi bar 'gyur/ /zhes bya ba'i don bshad par bya ste/ ci ltar yin na/ sangs rgyas sku gsum mchog sbyin pa/ /shes dang mi shes spangs na ni/ /sangs rgyas ni rnam par snang mdzad la sogs pa rigs lnga'i bye brag gi sangs rgyas thams cad ni/ ci ltar smos pa'i sku gsum dang gnyis su med pa'i ngo bo yin no/ /de dag ni thugs rje chen po'i thugs

  609. 305a

    bskyed nas dus rtag tu sems can thams cad la bye brag sna tshogs kyi dngos grub kyi mchog stsol ba yin no/ /yang sangs rgyas thams cad don dam par ma skyes pa stong pa nam mkha' lta bu'i chos kyi sku gnyis su med pa'i ngo bo yin no/ /don de shes pa dang mi shes pa spangs par smos so/ /de ltar sangs rgyas sku gsum mchog sbyin pa/ shes dang mi shes spangs pa'i don du gsungs so/ /zla ba byed ni tshun chad kyis/ med pa 'am yang na ni 'chi bar 'gyur zhes pa ni gong du smos pa'i tshul gyis sangs rgyas yon tan phun sum tshogs pa dang ldan pa de dag thams cad sgrub pa pos ci ltar smos pa'i phur bu sgrub pa des gal te btab na/ de'i 'og tu zla ba phyed ni tshun chad kyis med pa 'am 'chi bar 'gyur bar bstan te/ /de ni la dor ba'i tshig tu smos so/ /mdun du smos pa'i tshul gyi phur bu'i las byas pas sems can thams cad med pa 'am/ 'chi bar 'gyur ba ni ngo mtshar mi che bar bstan to/ /mdor bsdu ba de ltar zla ba byed ni tshun chad kyis/ med pa 'am ni 'chi bar 'gyur gyi don du gsungs so/ /de ni dgra skrad par bya ba'i sbyor ba'i cho ga'i don bstan par bya ste/ yang na thod pa gang ba dag /khyad par du na mkhas pas btsal/ / der ni sngags kyi tshig bris te/ /rdo rje'i tshig gis bzlas ba yis/ /zhes bya ba'i don bshad par bya ste/ ci ltar yin na/ yang na thod pa gang ba dag /khyad par du ni mkhas pas btsal ni/ sgrub pa pos gnas dur khrod du sgrub pa bya'o/ /yang na lam gyi bzhi mdor bya ba yang mi 'gal lo/ /gnas der sa gzhi mnyam par byas la/ de'i 'og tu dkyil 'khor gru bzhi kun tu khru re ba bdud rtsi lngas bsdu bar bya'o/ /de'i steng du sgrub pa pos khro bo chen po zhe sdang gi sems

  610. 305b

    bskyed nas 'dug go /de'i 'og tu mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma de ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa thams cad ci ltar le'u bzhi pa las thugs kyi dkyil 'khor gyi dus su smos par de bzhin du 'dir bya'o/ /de lta bu'i ngo bo rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo ci ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo mA ma kI dang gnyis su med pa'i ngo bor byin gyis rlab par bya'o/ /de'i 'og tu sgrub pa pos khro bo chen po zhe sdang gi sems dga' bas skyed nas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i bya? ga'i dbus su byang chub sems kyi char rgyan bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de'i kha dog mthing kha me long lta bu'i ye shes kyi ngo bo 'bar ba chen po'i 'od kyis 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par gyur to/ /sa bon de las khro bo'i rgyal po a mri ta kun Da li'i sku phyag rgya bskyed par bya'o/ /de khro mo'i rgyal mo ral pa gcig ma dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa thams cad ci ltar le'u bzhi pa thugs kyi dkyil 'khor gyi dus su smos pa de bzhin du 'dir bya'o/ /de lta bu'i ngo bo khro bo'i rgyal po a

  611. 306a

    mri ta kun Da li'i sku phyag rgya skyed ma thag tu/ skyed par mdzad mkhan rdo rje mi bskyod pa'i sku phyag rgya khro bo'i rgyal po a mri ta kun Da li'i spyi bor dbang bskur ba'i tshul du bzhugs par bsam mo/ /tshul de ltar khro bo'i rgyal po a mri ta kun Da li'i sku phyag rgya skyed ma thag tu/ sgrub pa pos de dang gnyis su med pa'i nga rgyal du sgom par bya'o/ /de'i dus su tsan da la sogs pa'i rigs pa'i ngan gang yang rung ba'i skyes bu g.yul du mtshon phog nas shi ba'i ban d+ha ci ltar smos pa'i mtshan thams cad yongs su rdzogs pa blang ngo/ /sgrub pa po ban da'i mtshan gyi bye brag thams cad la mkhas pa'o/ /gzhan yang sngags kyis sgrub pa'i sbyor ba thams cad nges par shes pa'o/ /des mdun du smos pa'i mtshan yongs su rdzogs pa'i ban d+ha blang ngo/ /de ltar yang na thod pa gdab dag /khyad par du ni mkhas pas btsal gyi don du gsungs so/ /der ni sngags kyi tshig bris te/ rdo rje gsung gi bzlas pa yis zhes pa ni/ mdun du smos pa'i ban d+ha de'i nang gi dbus su 'ug pa'i khrag dang/ pad ma rag ta dang/ dug dang/ dri chen dang/ de rnams bsres nas/ rdo rje chu dang dkrugs la de las khwa ta'i mjug sgo'i rtsa ba'i phyogs kyis dgra gang bskrad par bya ba de'i ming bris la/ de'i phyi rol du g.yon nas skor ba'i tshul du khro bo'i rgyal po a mri ta kun Da li'i sngags rings tshig tu ming btags pa spel ba'i tshul du bri'o/ /sngags kyi ngo bo bstan par bya ste/ na ma sa man ta ka ya bak+tsit+ta badzra naM/ na mo badzra kro ta ya/ ma ha dang shTod ka ta be ra ba ya/ a si mu sa la/ ba ru sha/ par sha/ hasta ya/ oM a mri ta kun Da la/ kha kha/ kha hi kha hi/ ti shTa ti shTa/ ban d+ha ban d+ha/ ha na ha na/ da ha da ha/ gardza gardza/ bi po ta ya bi po ta ya/

  612. 306b

    sarba big+ha nan/ bi na ya kaM /mahA ga na pa ti/ dzi bi tAn ta ka ra ya/ a mo ka sha truM/ ud tsa d+ha naM/ ku ru swAhA/ de lta bu'i ngo bo khro bo'i rgyal po a mri ta kun Da li'i sngags rings kyi tshig bris pa'i 'og tu/ mdun du smos pa'i sngags dang sbyor ba dang ldan pa'i ban d+ha de sgrub pa po nyid kyi rkang pa gnyis kyi 'og tu bzhag go /de'i dus su ci ltar smos pa'i tshul gyi khro bo'i rgyal po a mri ta kun Da li'i sgom pa dang ldan pa'i sngags rings ban da'i nang du dgra'i ming spel ba'i tshul ci ltar bris pa de bzhin du 'bum phrag gsum gyi grangs su bzlas pa'i bsnyen pa bya'o/ /de la rdo rje tshig ces pa rdo rje de ni me long lta bu'i ye shes kyi ngo bo khro bo'i rgyal po a mri ta kun Da li yin no/ /de'i sngags rings sgrub pa pos bzlas pa/ bya ba'i dus su rang gi tshig de khro bo'i rgyal po a mri ta kun Da li'i gsung yin par btags la/ khro bo chen po'i zhe sdang gi bzlas pa bya'o/ /bzlas pa de rdzogs ma thag tu mtshan ma gnyis 'byung bar 'gyur ro/ /dang po ni ban d+ha de 'bar ba'i/ de'i 'og tu ban d+ha de 'phar bar bstan to/ /de ltar de la sngags kyi tshig bris te/ rdo rje gsung gi bzlas pa yis kyi don du gsungs so/ /da ni sngags dang sbyor ba dang ldan pa'i ban d+ha de grub pa'i 'og tu 'bras bur gyur par bstan par bya ste/ dgra'i sgo 'am grong dag tu sbas na nges par skrad par 'gyur/ zhes bya ba'i ni mdun du smos pa'i sngags kyi sbyor ba dang ldan pa'i ban d+ha de grub ma thag tu/ sgrub pa pos ci ltar smos pa'i tshul gyi khro bo'i rgyal po a mri ta kun Da li'i sngags rings bzla zhing dgra'i sgo gar sa rkos la spa bar bya'o/ /de nas gal te grong gi mi thams cad skrod par byed na grong gi grong khar sa rkos la ban d+ha sba bar bya'o/ /tshul de ltar ban d+ha spas pa'i 'og tu nges par myur du bskrad par 'gyur bar bstan to/ /

  613. 307a

    mdor bsdu bde ltar dgra'i sgo 'am/ grong dag tu sbas na nges par bskrad par 'gyur gyi don du gsungs so/ /de ni dgra skam par bya ba'i tshul gyis gsang pa'i las kyi sbyor ba'i cho ga bya ba'i don bstan par bya ste/ ta la'i lo ma 'am gzhan la'ang rung/ /khro bo'i sngags kyis bris byas la/ /dgra'i khyim yang sgo dag tu/ /spas nas skams shing 'chi bar 'gyur/ /zhes bya ba'i don bshad par bya ste/ ci ltar yin na/ ta la'i lo ma 'am gzhan la'ang rung/ khro bo'i sngags ni bri bar byas la ni/ ci ltar smos pa'i tshul gyis skrad pa'i las kyi sgrub pa bya ba'i dus kyi gnas su 'dug go /rdzas kyi sbyor ba byas pa'i tshad dang/ dbyibs dang/ khro bo'i rgyal po a mri ta kun Da li'i sku phyag rgya bskyed nas de dang gnyis su med pa'i nga rgyal du sgom par smos pa de bzhin du 'dir bstan te/ /dang po ta la'i lo ma blang ngo/ /yang na grog 'am/ dur khrod kyi gos kyi dum bu blang yang mi 'gal to/ /sgrub pa po nyid kyi rkang pa g.yon pa'i srin lag gi khrag dang/ bar ma rak ta dang/ 'ug pa'i klad pa dang/ dug dang/ dri chen rnams bsres pa bong bu'i chu dang dkrugs te/ rdzas des mi'i rus pa'i smyu gus ta la'i lo ma la sogs pa'i dbus su gang skams nas gsad par bya ba de'i ming bri'o/ /de'i phyi rol du g.yon phyogs su skor te khro bo'i rgyal po a mri ta kun Da li'i sngags rings spel ba'i tshul du bris te/ sngags kyi mjug pa a mo kaM sha truM mar naM ku ru swAhA/ de ltar khro bo'i rgyal po a mri ta kun Da li'i sngags rings bris pa'i 'og tu mdun du smos pa'i sngags kyi sbyor ba dang ldan pa'i ngo bo de sgrub pa po nyid kyi rkang pa gnyis kyi 'og tu gzhug go /de'i dus su khro bo'i rgyal po a mri ta kun Da la'i sngags rings ta la'i lo ma la

  614. 307b

    bris pa dgra'i ming dang spel ba'i tshul ci lta ba de bzhin du/ grangs kyi tshad 'bum phrag gsum du bzlas pa'i bsnyen pa bya'o/ /bzlas ma thag tu grub pa'i mtshan ma gnyis 'byung ste/ dang po ni ta la'i lo ma la sogs pa gzhi ma las du ba 'byung ngo/ /de'i 'og tu 'bar bar gsungs so/ /de ltar ta la'i lo ma 'am/ gzhan la rung/ khro bo'i sngags ni bri byas la'i don du gsungs so/ /da ni sngags kyi sbyor ba dang ldan pa'i snod ban d+ha la sogs pa grub pa'i 'og tu de'i 'bras bur gyur par bstan par bya ste/ dgra'i khyim ma ma sgo dag tu/ sbas na skams nas 'chi bar 'gyur zhes pa/ mdun du smos pa'i sngags kyi sbyor ba dang ldan pa'i ban d+ha grub ma thag tu/ sgrub pa pos khro bo'i rgyal po a mri ta kun Da li'i sngags rings bzlas zhing/ dgra'i khyim gyi dbus su sa rkos la spa bar bya'o/ /yang na sgo kar sba bar bya'o/ /tshul de ltar byas na zla ba phyed na nye bar la sogs pa 'khor thams cad dang bcas pa tsha ba chen pos skams nas 'chi bar bstan to/ /mdor bsdu ba de ltar dgra'i khyim dang dag tu/ spas na skams nas 'chi bar 'gyur gyi don du gsungs so/ /bcom ldan 'das dam tshig chen po'i rdo rjes de skad bka' stsal to/ /zhes pa ni/ bcom ldan 'das ni mdun du smos pa'i tshul du ston pa mi bskyod pa rdo rje nyid kyi yon tan gyi bstong pa'i mtshan bcom ldan 'das yin par sdud pa pos smos pa'o/ /de'i mdun du smos pa ltar bshad pa bzhin du 'dir bstan to/ /dam tshig chen po zhes pa ni/ mdun du smos pa'i tshul du skrad par bya ba dang/ gsad par bya ba sgrub pa'i las de ni/ dam tshig chen por ming btags pa ston pa mi bskyod pa rdo rje 'dzin gyis thugs rje chen po'i thugs bskyed nas sgrub pa po rnams kyi don du gsungs so/ /de ltar dam tshig chen po'i don du gsungs so/ /rdo rje zhes pa ni/ rnam par snang

  615. 308a

    mdzad la sogs pa de bzhin gshegs pa grangs med pa smos pa de dag ni/ don dam par sku dang gsung dang thugs rdo rje gsum gnyis su med pa'i ngo bo yin no/ /de dang gnyis su med pa'i ngo bor ston pa mi bskyod pa rdo rje 'dzin gyi sku phyag rgyar bstan to/ /de ni thugs rje chen po'i thugs kyi ngo bo yin pas dam tshig chen po'i rdo rjes smos so/ /de ltar dam tshig chen po'i rdo rjes de skad bka' stsal to'i don du gsungs so/ /da ni khams gsum thams cad na gnas pa'i bdung dang bgegs kyi tshogs ma rungs pa thams cad la phur bu gdab pa'i phyir/ sku dang gsung dang thugs kyi phur bu gsum gyi sngags rings/ /sku gsung thugs gsum dang gnyis su med pa'i ngo bo gsungs pa'i cho ga'i tshul bstan par bya ste/ de nas bcom ldan 'das de bzhin gshegs pa thams cad kyi sku dang gsung dang thugs kyi nges par 'ching ba'i rdo rje zhes bya ba'i ting nge 'dzin la snyoms par zhugs nas/ zhes bya ba de nas ni mdun du smos pa'i drag po'i las kyi sgrub pa'i don gsung pa'i 'og tu sku dang gsung dang thugs kyi phur bu'i sngags rings gsungs pa'i cho ga'i don mtshon pa'o/ /bcom ldan 'das zhes pa ni/ mdun du smos pa'i tshul du ston pa mi bskyod pa rdo rje 'dzin gyi yon tan gyi bstod pa'i mtshan bcom ldan 'das yin pa sdud pa pos smos so/ /de'i don mdun du ci lta smos pa bzhin du 'dir bstan to/ /de bzhin gshegs pa thams cad kyi sku dang gsung dang thugs kyi nges par 'ching ba zhes pa ni/ ston pa mi bskyod pa rdo rje 'dzin gyis sku phyag rgya'i kun nas nyid kyi rigs la sogs pa rigs gsum gyi de bzhin gshegs pa thams cad kyi ye shes kyi ngo bo 'bar ba'i 'od grangs med pa ting nge 'dzin la snyoms par zhugs pa'i mdun du/ ci ltar smos pa'i bdud dang bgegs kyi tshogs

  616. 308b

    ma rungs pa thams cad byin gyis brlab par mdzad pa'i phyir spro bar mdzad do/ /de ma thag tu bdud bgegs ma rungs pa'i tshogs kyi phung po dang/ dbang po dang/ sgyu ma dang/ thabs kyi stobs la sogs pa thams cad bcing bar 'gyur bar gsungs so/ / de ltar de bzhin gshegs pa thams cad kyi sku dang gsung dang thugs kyi 'ching ba'i don du gsungs so/ /rdo rje zhes bya ba'i ting nge 'dzin la snyoms par zhugs nas zhes pa ni/ ston pa mi bskyod pa rdo rje 'dzin gyis 'khor thams cad kyi nang du zhe sdang chen po'i thugs dgyes pas ci ltar smos pa'i tshul gyi nyid kyi shes rab ma ye shes kyi lha mo mA ma kI dang gnyis su med par 'khyud pa'i sbyor pas gsang ba'i dbang po gnyis mnyam par sbyar bar mdzad nas/ de ma thag tu gsang ba'i thugs ka ye shes pa'i gnas su me long lta bu'i ye shes la sogs pa rigs gsum gyi ye shes dang gnyis su med pa'i ngo bo sngags kyi sa bon yig 'bru hUM kha dog nag por gyur par mdzad do/ /sa bon de las 'bar ba'i 'od grangs med pa ba spu'i lam gyi sgo nas spro bar mdzad do/ /des khams gsum gyi gnas thams cad du khyab bo/ /de ma thag tu ci ltar smos pa'i bdud dang bgegs kyi tshogs ma rungs pa thams cad byin gyis brlab par mdzad nas/ /phung po dang/ dbang po dang/ sgyu ma'i thabs kyi stobs la sogs pa thams cad bcing ba zhes pa ste/ med par 'gyur bar smos so/ /de ltar mdzad nas 'bar ba'i 'od grangs med pa de spros pa'i lam nas spro bar gnas kyi sngags kyi sa bon yig 'bru hUM de las gnyis su med pa'i slar bsdu bar mdzad do/ /de ma thag tu sngags kyi /sa bon yig 'bru hUM de gzi brjid 'bar ba'i 'od kyis 'bar zhing 'od du zhu nas ye shes kyi khu ba lta bu rgya mtsho dang mnyam par 'gyur ro/ /sa bon de las khro bo'i rgyal po pad ma kun Da li'i phyag rgya/ sku mdog

  617. 309a

    dang zhal dang phyag mtshan dang/ rgyan rnams mdun du ci ltar smos pa lta bu dang ldan pa sprin bzhin du grangs med pa ba spu bu ga'i lam gyi sgo nas spro bar mdzad/ de nas khams gsum thams cad du khyab ste/ de ma thag tu mdun du smos pa'i bdud dang bgegs kyi dpung ma rungs pa thams cad byin gyis brlab par mdzad pas phung po dang/ dbang po dang/ sgyu ma'i thabs kyi stobs la sogs pa thams cad bcom pa'i 'bras bur gyur par smos so/ /de ltar mdzad nas khro bo'i rgyal po pad ma kun Da li'i sku phyag rgya sprin lta bu grangs med pa de gsang ba'i thugs ka ye shes sems pa'i gnas su gnyis su med pa'i ngo bor slar bsdu bar mdzad de/ /tshul de ltar 'bar ba'i 'od grangs med pa dang/ khro bo'i rgyal po pad ma kun Da li'i sku phyag rgya grangs med pa sprin bzhin du spro bar mdzad pa dang/ thugs rje chen po zhe sdang gi thugs bskyed nas/ phrag dog dang/ zhe sdang chen po dang ldan pa bdud dang bgegs kyi tshogs ma rungs pa thams cad byin gyis brlabs nas spros pa dang gnyis su med par bsdu bar mdzad pa'o/ /rdo rje ni me long lta bu'i ye shes la sogs pa rigs gsum gyi ye shes dang gnyis su med pa'i ngo bor spro ba dang bsdu ba yin no/ /don des rdo rje'i ting nge 'dzin du smos so/ /bshad par bya ste/ ston pa mi skyod ba rdo rje 'dzin gyis ting nge 'dzin mdzad pa'i dus su thugs rje rtse gcig par gyur par gnas pa'o/ /don des sngags sa bon yig 'bru hUM bsam mo/ /de kha dog dmar po so sor rtog pa'i ye shes kyi ngo bo 'bar ba chen po 'od kyis 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur to/ /sa bon de las khro bo'i rgyal po pad man ta ka'i sku phyag rgya skyed par bya'o/ /de khro mo'i rgyal mo khro gnyer mo dang gnyis su

  618. 309b

    med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa thams cad ci ltar le'u bzhi pa dkyil 'khor gyi dus su smos pa bzhin du 'dir bya'o/ /de lta bu'i ngo bo khro bo'i rgyal po pad man ta ka'i sku phyag rgya skyed ma thag tu skyed par mdzad mkhan snang ba mdza' yas kyi sku phyag rgya khro bo'i rgyal po pad man ta ka'i sku phyag rgya'i spyi bor dbang bskur ba'i tshul du gnas par bsam mo/ /tshul de ltar khro bo'i rgyal po pad man ta ka'i sku phyag rgya skyed ma thag tu/ de dang gnyis su med pa'i nga rgyal du bsgom par bya'o/ /de'i dus su shing seng ldeng las phur bu ring thung gi tshad sor bcu gcig pa rtsa ba'i phyogs la mgo bya/ rtse mo'i phyogs su rtse mo bya'o/ /gzhan yang phur bu byin gyis rlab pa bstan par bya ste/ phur bu de'i spyi bo'i steng gi dbus su sngags sa bon yig 'bru A bsam mo/ /de kha dog dmar po so sor rtog pa'i ye shes kyi ngo bo gzi brjid chen po 'bar ba'i 'od kyis 'bar zhing phur bu la gnyis su med par thim par bsam mo/ / de ltar byas pas phur bu gsung rdo rje ye shes kyi ngo bor gyur bar btag go /de ltar byas pa'i 'og tu sgrub pa pos lag pa gnyis kyi char ba'i nang du bzung la/ mdun du smos pa'i tshul du sku dang gsung dang thugs rdo rje gsum gyi phur bu'i sngags de dang po 'bum phrag gsum gyi grangs kyi tshad du bsnyen pa bya'o/ /bzlas pa de rdzogs ma thag tu 'grub pa'i mtshan ma gnyis 'byung bar 'gyur ro/ /dang po phur bu'i spyi bo nas du ba 'byung ngo/ /de'i 'og tu phur bu kun nas 'bar ba chen pos dbang bar 'gyur ro/ /de ltar grub pa'i 'og tu mdun du smos pa'i dgra bo sdig can la sogs pa sems can gang yang rung ba la phur bu btab ma thag tu med par 'gyur bar gsungs so/ /de ltar yang na seng

  619. 310a

    ldeng rtse las skyes pa'i don du gsungs so/ /lcags las byas pa'i phur bu dag ces pa ni/ sgrub pa pos rdo rje mi bskyod pa'i gnas kyi tshul ci ltar smos pa der rdo rje'i rigs kyi rdo rje'i phur bu sgrub par bya'o/ /yang na zhi gnas su bsgrub pa byas kyang mi 'gal lo/ /gnas rigs gzhi mnyam par byas la/ de'i 'og tu dkyil 'khor zur gsum kun tu gang ba bdud rtsi lngas bsku bar bya'o/ /de'i steng du sgrub pa pos khro bo chen po zhe sdang gi sems bskyed nas 'dug go /de'i 'og tu mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa thams cad ji ltar le'u bzhi pa dkyil 'khor gyi dus su smos pa de bzhin du 'dir bya'o/ /de lta bu'i rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du sgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo ji ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos khro bo chen po zhe sdang gi sems bskyed nas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas/ shes rab ma'i b+ha ga'i dbus su byang chub sems char gyi rgyun bzhin 'od du zhu nas rgya mtsho dang mnyam par gyur par bsam mo/ /de'i steng du sngags kyi yig 'bru hUM bsam mo/ /de kha dog mthing ga me long lta bu'i ye shes kyi ngo bo 'bar ba chen po'i 'od kyis 'bar zhing 'od du zhu nas ye shes kyi khu ba lta bu

  620. 310b

    byang chub sems kyi rgya mtsho la gnyis su med par thim par gyur par bsam mo/ /sa bon de las khro bo'i rgyal po a mri ta kun Da li'i sku phyag rgya skyed par bya'o/ /de nyid kyi shes rab ma khro mo'i rgyal mo ral pa gcig ma dang gnyis su med par 'khyud pa'i sbyor ba dang ldan pa'o/ /de'i sku? phyag rgya'i cha lugs phun sum tshogs pa ni ci ltar le'u bzhi pa dkyil 'khor gyi dus su smos pa bzhin du 'dir bya'o/ /de lta bu'i ngo bo khro bo'i rgyal po a mri ta kun Da li'i sku phyag rgya skyed ma thag tu/ skyed par mdzad mkhan rdo rje mi bskyod pa'i sku phyag rgya khro bo'i rgyal po a mri ta kun Da li'i sku phyag rgya'i spyi bo la dbang bskur ba'i tshul du bsam mo/ /tshul de ltar khro bo'i rgyal po a mri ta kun Da li'i sku phyag rgya skyed pa'i 'og tu de dang gnyis su med pa'i nga rgyal du sgom par bya'o/ / de'i dus su lcags kyi phur bu byas te/ ring thung gi tshad sor bcu gnyis pa bya'o/ /gzhan yang phur bu byin gyis brlab pa bstan par bya ste/ phur bu de'i spyi bo steng gi dbus su sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bor 'bar ba chen po'i 'od kyi 'bar zhing phur bu la gnyis su med par thim par gyur par bsam mo/ /de ltar byas pas phur bu thugs rdo rje ye shes kyi ngo bor gyur par brtag go /de ltar byas pa'i 'og tu sgrub pa pos phur bu lag pa gnyis ga'i chang par bzung la/ mdun du smos pa'i sku dang gsung dang thugs rdo rje phur bu'i sngags te/ mdun du smos pa'i bsnyen pa grangs kyi tshad 'bum phrag gcig tu bzlas pa bya'o/ /bzlas pa de rdzogs ma thag tu grub pa'i mtshan ma gnyis 'byung bar 'gyur te/ dang po ni phur bu'i spyi bo nas dud pa 'byung ngo/ /de'i 'og tu phur bu'i kun nas 'bar ba chen pos 'bar bar smos so/ /de ltar lcags las byas pa'i phur bu dag gi don du gsungs so/ /de ni mdun du smos pa'i rdo rje'i phur bu de grub pa'i 'og tu/ 'bras bur 'gyur

  621. 311a

    bar bstan par bya ste/ rdo rje sku gsum 'jigs par byed ces pa ni/ mdun du smos pa'i sku dang gsung dang thugs bye brag gi rdo rje phur bu grub pa'i 'og tu/ sgrub pa pos khro bo chen po zhe sdang gi sems bskyed nas phur bu btab pas rdo rje gsum du ming btags pa sku rdo rje dang/ gsung rdo rje dang/ thugs rdo rje dang gnyis su med pa'i ngo bo rnam par snang mdzad la sogs pa rigs bye brag lnga'i de bzhin gshegs pa thams cad smos so/ /de lta bu'i ngo bo de bzhin gshegs pa thams cad kyi sku phyag rgya de dag dang/ rdo rje phur bu btab ma thag tu med par 'gyur ro/ /de ni la rdor ba'i tshig yin no/ /gzhan ci ltar smos pa'i tshul gyis dgra med par 'gyur pa ni ngo mtshar che'o/ /mdor bsdu ba de ltar rdo rje sku gsum 'jig par byed pa nyid kyi don du gsungs so/ /da ni mdun du smos pa'i rdo rje gsum gyi rigs kyi phur bu sgom par bya ba'i man ngag gi don khyad par du bstan par bya ste/ me rtag 'khrug pa'i 'od 'phro can/ /rdo rje sems dpa' mnyam gzhag la/ /rdo rje gsum gyi sku'i mthar pa gzugs ni bsam nas sbyar bar bya/ /zhes bya ba'i don bshad par bya ste/ ci ltar yin no/ /me rtag 'khrug pa'i 'od 'phro can/ /rdo rje sems dpa' mnyam gzhag la/ /ci ltar smos pa'i tshul gyi dgra thams cad gsang bar bya ba'i phyir/ thugs kyi rigs kyi phur bu gdeb pa'i las bya ba'i dus su sgrub pa po nyid kyi cho ga bzhi'i tshul gyis dpal rdo rje sems dpa' i sku phyag rgyar gyur par bya'o/ /de'i sku phyag rgya'i cha lugs phun sum tshogs pa ni mdun du ci ltar smos pa de bzhin du 'dir bya'o/ /de lta bu'i ngo bor gyur ma thag tu de dang gnyis su med pa'i nga rgyal du sgom par bya'o/ /de'i dus su dpal rdo rje sems dpa' i sku dang phyag rgya'i kun nas me long lta bu'i ye shes kyi me stag sprin bzhin du 'gro ba kun tu 'khrug pa'i 'bar ba'i

  622. 311b

    'od kyis 'bar bar brtag go /de ltar me stag 'khrug pa'i 'od 'phro ba'i rdo rje sems dpar mnyam gzhag pa'i don du gsungs so/ /rdo rje gsum ni sku'i mthar/ /gzugs ni bsams nas sbyar bar bya/ /zhes pa ni sgrub pa pos dpal rdo rje sems dpa' i nga rgyal du bsgom par bya ba'i dus su sku rdo rje dang gsung rdo rje dang/ thugs rdo rje dang/ de ltar rdo rje gsum gyi mthar ming smos pa'i de bzhin gshegs pa grangs med pa thams cad don dam par gnyis su med pa'i ngo bo yin te/ de dang gnyis su med pa'i ngo bo dpal rdo rje sems dpa' i sku phyag rgya'i gzugs bsgom par bya'o/ /de'i 'og tu dgra'i gzugs brnyan la phur bu gdab pa'i tshul du sbyar bar smos so/ /de ltar rdo rje gsum ni sku'i mthar/ /gzugs ni bsams nas sbyar bya'i don du gsung so/ /rnam par snang mdzad rgya chen nam/ /yang na 'dod chags rdo rje can/ /gshin rje gshed kyi rgya chen dag /rdo rje gsum gyi phung po sgom/ /zhes bya ba'i don bshad par bya ste/ ci ltar yin ni rnam par snang mdzad rgya chen nam ni/ ci ltar smos pa'i tshul gyi ni dgra thams cad bsad par bya ba'i phyir/ sku'i rigs kyi phur bu gdab pa'i las bya ba'i phyir dus su/ sgrub pa po nyid kyis mdun du smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de'i sku phyag rgya'i cha lugs phun sum tshogs pa mdun du ci ltar smos pa bzhin du 'dir bya'o/ /de lta bu'i ngo bo'i sku phyag rgya skyed ma thag tu de dang gnyis su med pa'i nga rgyal du sgom par bya'o/ /de'i dus su ci ltar dpal rdo rje sems dpa' i sku phyag rgya'i cha lugs phun sum tshogs pa kun nas me stag 'khrug pa'i 'od smos pa de bzhin du 'dir bsgom par bya'o/ /bstan par bya ste/ mdun du ci ltar dpal rdo rje sems dpa' i sku phyag rgya rdo rje gsum dang gnyis su med pa'i ngo bor sgom par bya bar smos pa de

  623. 312a

    bzhin du rnam par snang mdzad bsgom par bya'o/ /de'i 'og tu dgra'i gzugs brnyan la phur bu gdab pa'i tshul sbyar bar smos so/ /de ltar rnam par snang mdzad rgya chen gyi don du gsungs so/ /yang na 'dod chags rdo rje can/ zhes pa ni/ ci ltar smos pa'i dgra thams cad gsad bar bya ba'i phyir gsung gi rigs kyi phur bu gdab pa'i las bya ba'i dus su sgrub pa po nyid kyis mdun du smos pa'i cho ga bzhi'i tshul gyis 'dod chags rdo rje ste snang ba mdza' yas kyi sku phyag rgyar gyur par bya'o/ /de'i sku phyag rgya'i cha lugs phun sum tshogs pa mdun du ci ltar smos pa de bzhin du 'dir bya'o/ /de lta bu'i ngo bo sku phyag rgya skyed ma thag tu de dang gnyis su med pa'i nga rgyal du sgom par bya'o/ /de'i dus su ci ltar dpal rdo rje sems dpa' dang rnam par snang mdzad kyi sku phyag rgya'i kun nas me stag 'khrug pa'i 'od smos pa de bzhin du bsgom pa yin no/ /bstan par bya ste/ mdun du ci ltar dpal rdo rje sems dpa' dang/ rnam par snang mdzad kyi sku phyag rgya'i gzugs rdo rje gsum dang gnyis su med pa'i ngo bor sgom par smos pa de bzhin du snang ba mdza' yas sgom par bya ba'i yin no/ /de'i 'og tu dgra'i gzugs brnyan la phur bu gdab pa'i tshul la sbyar bar smos so/ /de ltar 'dod chags rdo rje can gyi don du gsungs so/ /gshin rje gshed kyi rgya chen dag /rdo rje gsum gyi phur bur sgom/ /zhes pa ni/ sku dang gsung dang thugs gsum gyi rigs kyi phur bu'i dgra'i gzugs brnyan la gdab pa'i dus su/ ci ltar smos pa'i tshul gyi gsang ba'i thugs ka ye shes sems dpa' i gnas su/ khro bo'i rgyal po ya man ta ka'i sku phyag rgya nyid kyi shes rab ma khro mo'i rgyal mo ro langs ma dang gnyis su med par 'khyud pa'i sbyor ba dang ldan pa'i don gyis phyag rgya chen por smos so/

  624. 312b

    de lta bu'i sku phyag rgya skyed par bya'o/ /de'i cha lugs phun sum tshogs pa mdun du ji ltar smos pa bzhin du 'dir sbyar ro/ /tshul de ltar khro bo'i rgyal po ya man ta ka'i sku phyag rgya skyed ma thag tu rdo rje'i phur bu la gnyis su med par thim par gyur par bsam mo/ /de ltar thim ma thag tu sku dang gsung dang thugs rdo rje gsum dang gnyis su med pa'i ngo bor sgom par bya'o/ /de ltar gshin rje gshed kyi rgya chen dag /rdo rje gsum gyi phur bus sgom gyi don du gsungs so/ rdo rje bdud rtsi 'khyil pa yis// gdug cing gtum pa tshar bcad pa/ rdo rje'i sbyor bas bya ba ni/ sangs rgyas bdag nyid chen po la'ang/ zhes bya ba'i don bshad par bya ste/ ci ltar yin na/ rdo rje bdud rtsi 'khyil ba yis/ /gdung cing gtum par tshar bcad pa ni/ / mi dang mi ma yin pa ma rungs pa gtum pa'i bdud dang bgegs kyi tshogs de dag thams cad la/ thugs rje'i phur bu gdab pa'i tshul gyis tshar bcad ces pa ni/ gsad par bya'o/ /dbye ba'i dus su gsang ba'i thugs ka ye shes sems dpa' i gnas su tshul ci ltar smos pa'i khro bo'i rgyal po rdo rje bdud rtsi 'khyil pa'i sku phyag rgyar bskyed par bya'o/ /de nyid kyi shes rab kyi khro mo rgyal mo ral pa gcig ma dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa'i bzhin du 'dir bya'o/ /tshul de ltar khro bo'i rgyal po rdo rje bdud rtsi 'khyil ba'i sku phyag rgya skyed ma thag tu/ thugs rdo rje'i phur bu la gnyis su med par thim par gyur par bsam mo/ /de ltar rdo rje bdud rtsi 'khyil pa yis/ /gdug cing btub pa tshar bcad pa'i don du gsungs so/ /rdo rje'i sbyor bas bya ba ni/ sangs rgyas bdag nyid chen po la'ang/ zhes pa ni/ mdun du smos pa'i rdo rje bdud rtsi 'khyil pa dang gnyis su med pa'i ngo bor thugs rdo rje'i phur bur gyur

  625. 313a

    par byas ma thag tu/ sgrub pa po rdo rje'i sbyor bar ming btags pa dpal rdo rje sems dpa' dang gnyis su med pa'i nga rgyal du bsgom pa'i sbyor ba bya'o/ /gzhan yang de'i dus su bdag nyid che zhes pa/ sgrub pa pos dpal rdo rje sems dpa' dang gnyis su med pa'i nga rgyal du bsgom par gnas pa'i don des bdag nyid che bar smos te/ de nyid kyi gsang ba'i thugs ka ye shes kyi sems dpa' gnas nas sangs rgyas sku'i rigs rnam par snang mdzad kyi sku phyag rgya mdun du smos pa'i tshul gyi cha lug phun sum tshogs pa thams cad dang ldan par tshul ci ltar smos bar skyed ma thag tu/ ba spu'i lam gyi sgo nas sprin bzhin du spro ba dang bsdu bar bya'o/ /de ltar bsgom pa'i sbyor ba'i tshul gyis ? chen po'i zhe sdang gi sems skyed nas sku dang gsung dang thugs rdo rje gsum gyi phur bu'i sngags rings bzla zhing phur bu lan mang du btab pas mdun du smos pa'i gtum po ma rungs pa bdud dang bgegs kyi tshogs thams cad tshar gcad par bya'o/ /de ltar rdo rje'i skyes bas bya ba ni/ sangs rgyas bdag nyid chen po la'i don du gsungs so/ /da ni mi dang mi ma yin pa'i gzugs brtan la rdo rje phur bu gdab pa'i tshul gyi bsgom pa bstan par bya ste/ snying ga nas ni rkang pa'i mthar/ /rdo rje'i phur bu rnam par bsgom/ / stong duAng? dam tshig de nyid bya'o/ /brang bu rnam par sbrul pa 'di/ /zhes bya ba'i don bshad par bya ste/ ci ltar yin na/ snying ga nas ni rkang pa'i mthar/ /rdo rje phur bu rnam par bsgom ni/ /rdo rje slob dpon gyis ci ltar smos pa'i tshul gyi mi'i dgra'i gzugs brnyan mdun du smos pa'i tshul gyi rdzas kyi sbyor ba las byas la/ gzugs brnyan de'i snying ga nas bzung ste/ /lus kun la khab rtse tsam yang ma bzhag par rkang pa'i mdza' ste/ rkang pa gnyis kyi ser mo kun gyi sen mo'i mdza' i

  626. 313b

    steng du yang rdo rje phur pa btab par bsgom par bya'o/ /gzhan yang ma rungs pa gtum po bdud dang bgegs kyi dgra gnod pa byed pa la phur bu gdab pa'i las bya ba'i dus su/ skyes bu sdig pa chen po can g.yul du mtshon phog nas shi ba 'di skad zhing gi gzugs kyi phur bu blangs la/ de ma rungs pa gtum po mi dang mi ma yin pa'i lus dang gnyis su med pa'i ngo bor brtag go /de'i 'og tu zhing gi snying ga nas bzung ste/ lus kun la khab rtse tsam yang mi bzhag par rkang pa'i mthar ming btags pa rkang pa gnyis kyi sor mo kun gyi sen mo'i mdza' i steng du yang rdo rje phur bu gdab par bsgom par bya'o/ /de ltar snying ga nas ni rkang pa'i mdza' i/ rdo rje phur bu rnam par sgom gyi don du gsungs so/ /de ni rdo rje phur bu'i gzugs sgom pa'i khyad par gyi don bstan par bya ste/ stod kyang dam tshig de nyid bya/ /phur bu rnam par sbrul ba 'di/ zhes pa mdun du smos pa'i dgra'i gzugs brnyan la phur bu gdab pa'i dus su lte ba nas bzung ba'i stong khro bo'i rgyal po ya man ta ka'i sku mdog dang/ zhal dang/ phyag dang/ phyag mtshan dang/ ci ltar smos pa de bzhin du brtag pa yin no/ /tshul de ltar khro bo'i lta bu'i phur bu de'i lte ba man cad ni rtse mo lta bu shin tu rno ba/ bskal pa'i me bzhin du 'bar ba'i 'od kyis 'bar bar brtag go /gzhan yang thugs kyi rdo rje'i phur bu ci ltar smos ba'i tshul gyi dgra bo'i gzugs brnyan la gdab pa'i dus su lte ba nas bzung ba'i stod khro bo'i rgyal po rdo rje bdud rtsi 'khyil ba'i sku mdog dang/ zhal dang phyag dang/ phyag mtshan dang/ rgyan rnams ci ltar smos pa de bzhin du brtag go /tshul de ltar khro bo lta bu'i thugs rdo rje'i phur bu'i lte ba man chad ni rtse mo shin tu rno ba bskal pa'i me bzhin du 'bar ba'i 'od kyis 'bar bar brtag go /gzhan yang gsung rdo rje'i phur bu

  627. 314a

    ci ltar smos pa'i tshul gyi dgra'i gzugs brnyan la gdab pa'i dus su lte ba na bzung pa'i stod khro bo'i rgyal po pad man ta ka'i sku mdog dang/ zhal dang/ phyag dang/ phyag mtshan dang/ rgyan rnams ci ltar smos pa de bzhin du brtag go /tshul de lta bu'i gsung rdo rje'i phur bu'i lte ba man chad ni rtse mo lta bu shin tu rno ba bskal ba'i me bzhin du 'bar ba'i 'od kyis 'bar bar brtag go /de ltar sku dang gsung dang thugs gsum gyi rdo rje phur bu'i bye brag gi drag po'i las rdo rje ye shes kyis sgying pa 'di bstan to/ /mdor bsdu ba de ltar stod kyang dam tshig de nyid bya/ phur bu rnam par sbrul pa 'di'i don du gsungs so/ /da ni sku dang gsung dang thugs rdo rje gsum gyi phur bu'i dngos grub kyi 'bras bu bstan par bya ste/ bsam gtan rdo rje sbyor ba yis/ /sangs rgyas dag kyang nges par 'debs/ /rdo rje sems dpa' rgyal po che/ /phur bu btab na nges par 'di/ /zhes bya ba'i don bshad par bya ste/ ci ltar yin na/ bsam gtan rdo rje'i sbyor ba yis/ sangs rgyas dag kyang nges par 'debs ni/ mdun du smos pa'i tshul gyi rigs gsum gyi bye brag gi rdo rje ste/ ye shes kyi sgom pas/ rdzas kyi sbyor ba las dgra'i gzugs brnyan byas pa dang phur bu gdab pa'i las bya bas rnam par snang mdzad la sogs pa sangs rgyas thams cad kyang nges par 'chi bar 'gyur bar smos so/ /de ltar bsam gtan rdo rje'i sbyor ba yis/ sangs rgyas dag kyang nges par 'debs kyi don du gsungs so/ rdo rje sems dpa' rgyal po che/ /phur bu btab na nges par 'chi zhes pa ni/ gong du smos pa'i tshul gyi phur bu'i las byas pas khyad du rnam par snang mdzad la sogs pa sangs rgyas thams cad kyi bdag po ston pa dpal rdo rje sems dpa' ste

  628. 314b

    don des rgyal po chen po yin te de yang myur du 'chi'o/ /de ni khyad par du la dor ba'i tshig sgrub pa po dang bskyed ba dang/ sems brtan par bya ba'i phyir smos so/ /bshad par bya ste/ mdun du smos pa'i mi ma yin pa'i dgra'i bye brag myur du 'chi bar nges pa ni ngo mtshar yang mi che'o/ /de ni de ltar rdo rje sems dpa' rgyal po na/ phur bu btab na nges par 'chi'i don du gsungs so/ /da ni sku rdo rje'i phur bu byin gyi brlab pa'i sngags kyis rungs pa'i cho ga'i don bstan par bya ste/ de nas bcom ldan 'das rnam par snang mdzad rnam par sprul pa'i rdo rje zhes bya ba'i ting nge 'dzin la snyoms par zhugs nas zhes bya ba ni/ de nas mdun du smos pa'i sku dang gsung dang thugs rigs gsum gyi rdo rje phur bu'i ngo bo dang/ bsgom pa dang sbyor ba dang/ sngags dang/ de'i dngos grub kyi 'bras bu'i don gsungs pa'i 'og tu/ de byin gyis brlab par bya ba'i sngags rings gsungs pa'i don mtshon pa'o/ /bcom ldan 'das zhes pa ni/ mdun du bshad pa'i don gyis ston pa mi bskyod pa rdo rje 'dzin nyid kyi yon tan gyis bstod pa'i mtshan bcom ldan 'das yin pa sdud pa pos smos so/ /de'i don du mdun du ci ltar bshad pa bzhin du sbyar ro/ /rnam par snang mdzad kyi sku phyag rgya rnam par sbrul pa zhes pa ni/ ston pa mi bskyod pa rdo rje 'dzin gyis ting nge 'dzin la snyoms par zhugs pa'i gong du ci ltar smos pa'i mi dang mi ma yin pa'i dgra byin gyis brlab pa'i phyir/ nyid kyi sku phyag rgya'i kun nas rnam par snang mdzad kyi chos kyi dbyings kyi ye shes kyi ngo bo 'bar ba'i 'od grangs med pa spro bar mdzad do/ /de ma thag tu dgra thams cad myos nas bran bzhin du 'gyur bar smos so/ /de ltar mdzad pa'i 'og tu 'bar ba'i 'od grangs med pa de spro ba'i gnas su gnyis su med par bsdu bar mdzad do/ /de ma thag tu ston pa mi bskyod pa

  629. 315a

    rdo rje 'dzin gyis 'khor thams cad kyi nang du zhe sdang chen po'i thugs dgyes pas ci ltar smos pa'i tshul gyis nyid kyi shes rab ma ye shes kyi lha mo ma ma ki dang gnyis su med par 'khyud pa'i sbyor bas dbang po gnyis mnyam par sbyar bar mdzad de/ de ma thag tu gsang ba'i thugs ka ye shes sems pa'i gnas su chos kyi dbyings kyi ngo bo sngags kyi sa bon yig 'bru oM du gyur bar mdzad do/ /de kha dog dkar po gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba bzhin du gyur to/ /sa bon de las sku'i rigs rnam par snang mdzad kyi sku phyag rgyar sprul pa ste/ ci ltar smos pa'i tshul gyi sku mdog dang/ zhal dang/ phyag dang/ phyag mtshan dang/ rgyan rnams dang ldan pa grangs med pa sprin bzhin du ba spu bu ga'i lam gyi sgo nas spro bar mdzad do/ /des 'jig rten gyi khams thams cad du khyab bo /de ma thag tu mdun du smos pa'i dgra thams cad byin gyis brlab par mdzad nas/ phung po dang/ dbang po dang/ sgyu ma'i thabs kyi stobs la sogs pa thams cad bcom par gyur to/ /de ltar mdzad nas rnam par snang mdzad kyi sku phyag rgya grangs med pa sprin lta bu dgra thams cad dang gnyis su med pa'i ngo bo thugs rje chen po zhe sdang gi thugs skyes nas gsang ba'i thugs ye shes sems pa'i gnas su slar bsdu bar mdzad do/ /de ltar rnam par snang mdzad kyi sku rnam par sprul pa'i don du gsungs so/ /rdo rje zhes bya ba'i ting nge 'dzin la snyoms par zhugs nas zhes pa ni/ rdo rje ni chos kyi ye shes kyi ngo bor spro bar bsdu'o/ /don des rdo rje'i ting nge 'dzin du smos so/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su thugs rtse gcig par gyur par gnas pas don des snyoms par zhugs par smos so/ /mdor bsdu ba de

  630. 315b

    ltar rdo rje zhes bya ba'i ting nge 'dzin la snyoms par zhugs nas kyi don du gsungs so/ /ting nge 'dzin mdzad pa'i 'og tu da ni sngags dang sku rdo rje'i phur bu'i don gyi cho ga bstan par bya ste/ sku'i dam tshig gi mtshan ma rdo rje'i phur bu'i sngags 'di nyid kyi sku dang gsung dang thugs rdo rje las phyung go zhes bya ba ni/ sku'i dam tshig gi mtshan ma rdo rje phra bu'i sngags ni sku ni rnam par snang mdzad de'i dam tshig gi mtshan mar ming btags pa zhe sdang chen po'i thugs bskyed nas/ mdun du smos pa'i dgra thams cad gsang ba'i phyir sku'i rigs phur bu byin gyis brlab pa'i sngags chos kyi dbyings kyi ye shes kyi ngo bor smos so/ /de ltar sku'i dam tshig gi rdo rje phur bu'i sngags kyi don du gsungs so/ /'di nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku gsung thugs rdo rje cig pa'i ngo bor bstan to/ /sku dang gsung dang thugs rdo rje gsum dang gnyis su med pa'i ngo bor sku'i rigs kyi rdo rje'i phur bu'i sngags bstan to/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ mdun du ci ltar sku rdo rje dang gsung rdo rje dang thugs rdo rje bshad pa de bzhin du 'dir bstan to/ /phyung ngo zhes pa ni ston pa mi bskyod pa rdo rje 'dzin gyis/ sku'i rigs kyi rdo rje phur bu de ci ltar smos pa'i tshul gyi sngags kyis byin gyis brlab par mdzad ma thag tu sku dang gsung dang thugs rdo rjer gnyis su med par gyur pa'i sngags ded phyung bar smos so/ /de ni sku'i rigs kyi rdo rje phur bu'i sngags rings kyi ngo bo bstan par bya ste/ oM tshin d+ha tshin d+ha/ ha na ha na/ da ha ha da/ d+hi pa ta badzra hUM phaT/ ces bya ba'i don bshad par bya ste/ ci ltar yin na/ oM gyi don ni ci ltar phur bu gdab pa'i sku dang gsung dang thugs kyi ngo bo pad ma kun da li'i sngags rings kyi dus su bshad pa de bzhin du 'dir bstan to/ /tshin d+ha tshin d+ha zhes bya ba ni ci ltar smos pa'i sku'i rigs kyi rdo rje phur bus

  631. 316a

    mi dang mi ma yin pa'i dgra thams cad kyi yan lag dang nying lag gcod mdzod ces pa'o/ /gzhan yang de dag gi sreg gi dbang po gcad mdzod ces smos/ ha na ha na zhes pa ni/ gong du smos pa'i dgra thams cad kyi yan lag dang nying lag gcad par mdzad pa'i 'og tu gzugs kyi phung po'i snying ga nas bzung ste/ rkang pa'i mdza' yan chad phur bu btab pa'i tshul gyis khro bo chen po'i zhe sdang gis brdeg par mdzod ces pa'o/ /gzhan yang dgra de dag blang bar byed pa'i lha so so'i spyi bo nas gnas su khro bo chen po zhe sdang gis phur bu btab pa'i tshul gyis brdeg mdzod ces smos pa'o/ /da ha da ha zhes pa ni/ rdo rje phur bu'i kun nas chos kyi dbyings kyi ye shes kyi 'bar ba'i 'od kyis 'bar ba'i tsha ba chen po dgra thams cad kyi gzugs kyi phur pu bsreg bar mdzod ces pa'o/ /gzhan yang las kyi dbang gis 'khor bar skye ba de bsregs mdzod ces pa'o/ /de ma thag tu sku'i rigs rnam par snang mdzad kyi dbyings kyi ye shes dang gnyis su med par skyed par 'gyur bar bstan to/ /b+hib ta badzra zhes bya ba ni mdun du smos pa'i sku'i rigs khro bo'i rgyal po ya man ta ka dang gnyis su med pa'i ngo bo sku'i rigs kyi rdo rje'i phur bu de'i kun nas chos kyi dbyings kyi ye shes kyis 'bar ba'i 'od kyis rab tu 'bar pa'o/ /don des rdo rje'i phur bu'i khyad par gyi mtshan d+hib? ta badzra smos so/ /hUM zhes pa ni sngags kyi sa bon yig 'bru hUM brjod pas gong du smos pa'i dgra thams cad bcad bar bya ba dang/ brdeg par bya ba dang/ bsreg bar bya ba'i phyir/ rdo rje'i phur bu bskul bar 'gyur ba yin no/ /phaT ces pa ni sngags kyi sa bon yig 'bru de brjod pas ci ltar smos pa'i gcad par bya ba dang/ brdeg par bya ba dang/ bsreg par bya ba tshul gyis las mthar phyin pa'i ngo bo sngags kyi sa bon yig 'bru phaT kyi

  632. 316b

    don du bstan to/ /de ni mdun du smos pa'i sngags kyis byin gyis brlab par bya ba dang/ dgra'i lus la gdab pa'i dus su phur bu lag pa gnyis kyi bzung ba'i tshul bstan par bya ste/ phan tshun dkri ba'i tshul byas la/ /mthe bo gnyis ni rab tu bsdam rnam par snang mdzad tshul gnas te/ /rdo rje phur bu btab na ni/ /zhes bya ba'i don bshad par bya ste/ ci ltar yin na/ dkri ba'i tshul byas la/ mthe bo gnyis ni rab tu bsdam pa ni/ sku'i rigs phur bu bzung ba'i tshul bye brag gnyis su bstan bar bya ste/ phyi dang gsang ba'i tshul lo/ /de la phyi ni sgrub pa pos lag pa gnyis kyi sor mo kun nang du dkri ba'i tshul du byas la/ de'i nang du rdo rje phur bu bzung ngo/ /phur bu de mthe bong gnyis mnyam par bsgreng bas gnang par bya ste/ de ni phyi'i tshul lo/ /de ltar phan tshun dkri ba'i tshul byas la/ mthe bo gnyis ni rab tu bsdam gyi don du gsungs so/ /rnam par snang mdzad tshul gnas te/ rdo rje phur pa btab na ni zhes pa ni/ rnam par snang mdzad gnas su ming gtags pa/ khro bo rgyal po ya man ta ka ni chos kyi dbyings kyi ye shes kyi ngo bo/ /de dang gnyis su med pa'i ngo bo ni mi'i rus pa'i phur bu'o/ /de mthe bo gnyis rnam par snang mdzad kyi ngo bo yin par brtags bas gnan to/ /gzhan yang lag pa gnyis kyi sor mo phan tshun dkris pa ni/ sangs rgyas spyan du bsams la/ de ltar sgom pa byas nas/ dgra'i gzugs brnyan gyi snying ga nas bzung ste/ lus kun tu gdab par bya'o/ /de ltar rnam par snang mdzad tshul gnas te/ /rdo rje'i phur bu btab na na'i don du gsungs so/ /gzhan yang gsang ba'i tshul gyi bstan par bya ste/ phur bu gdab pa'i 'og tu sgrub pa pos mdun du smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /

  633. 317a

    de'i cha lugs phun sum tshogs pa thams cad mdun du ci ltar smos pa bzhin du dus 'dir bya'o/ /de lta bu'i ngo bo rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du sgom par bya'o/ /de'i dus su sku'i rigs kyi bye brag gi bram ze'i rigs kyi bu mo mdun du smos pa'i tshul gyi mtshan dang yon dang ldan pa blang ngo/ /shes rab ma de ye shes kyi lha mo sangs rgyas spyan dang gnyis su med pa'i ngo bo byin gyis brlab par bya'o/ /de'i 'og tu sgrub pa pos khro bo chen po zhe sdang gi sems bskyed nas gnyis su med par 'khyud pa'i sbyor ba thabs dang shes rab rol pa bya'o/ /de'i dus su bsgom pa'i bye brag bstan par bya ste/ sgrub pa po nyid kyis gsang ba'i rdo rje'i steng gi dbus su sngags sa bon yig 'bru hUM bsam mo/ /de kha dog nag po gzi brjid chen po'i 'bar bas 'bar zhing gsang ba'i rdo rje la gnyis su med par thim par gyur par bsam mo/ /de nas gsang ba'i rdo rje mdun du smos pa'i tshul gyi khro bo'i rgyal po ya man ta ka dang gnyis su med pa'i ngo bo rdo rje'i phur bur gyur par brtag go /de 'bar ba chen po'i 'od kyis 'bar ba'o/ /de'i 'og tu shes rab ma'i b+ha ga'i dbus su sngags sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bo gzi brjid chen po'i 'bar ba'i 'od kyis 'bar zhing shes rab ma'i b+ha ga la gnyis su med par thim par gyur par bsam mo/ /de ma thag tu shes rab mo'i b+ha ga rdo rje me'i dkyil 'khor gyi ngo bor gyur par brtag go /gzhan yang brda skad kyis bsgom pa'i man ngag gi don bstan par bya ste/ phan tshun dkri ba'i tshul du bya ba ni/ shes rab ma'i lag pa g.yas pa dang sgrub pa po'i lag pa g.yon gnyis phan tshun dkri ba'i tshul du bzung ba yin no/ /mtheb mor ming btags pa ni gsang ba'i rdo rje'o/ /gnas su ming btags pa ni shes rab ma'i b+ha ga ste/

  634. 317b

    de ni gsang ba'i rol pa'i gnas te/ gnas der gsang ba'i rdo rje phur bu dang gnyis su med pa'i ngo bo sbyar ba'am gzhug pa'o/ /de ltar phan tshun dkri ba'i tshul du bzung ba yin no/ /mthe bor ming btags pa ni gsang ba'i rdo rje'o/ /gnas su ming btags pa ni shes rab ma'i b+ha ga ste/ de'i gsang ba'i rol pa'i gnas te/ gnas der gsang ba'i rdo rje ci ltar smos pa'i tshul gyi rdo rje phur bu dang gnyis su med pa'i ngo bo sbyar ba 'am gzhug pa'o/ /de ltar phan tshun dkri ba'i tshul byas la/ mthe bo gnyis ni rab tu sngam gyi don du gsungs so/ /rnam par snang mdzad gnas su ming btags pa ni/ mdun du smos pa'i sangs rgyas spyan dang gnyis su med pa'i shes rab ma'i b+ha ga ste/ de ni rnam par snang mdzad kyi gsang ba'i rol pa mdzad pas bde bar gyur par gnas su bstan to/ /shes rab ma'i b+ha ga rdo rje me'i dkyil 'khor gyi dbus su dgra'i gzugs kyi phung po bsam mo/ /mnan par ming btags pa ni ci ltar smos pa'i tshul gyi shes rab ma'i b+ha ga'i nang rdo rje dkyil 'khor du gyur pa nges dgra'i gzugs kyi phung po mnan bsreg par bsam mo/ /rdo rje phur bu btab par ming btags pa ci ltar smos pa'i sgrub pa pos nyid kyi gsang ba'i rdo rje'i phur bu'i ngo bo des gsang ba'i rol pa byas pa'i stabs kyis/ dgra'i gzugs kyi phung po'i snying ga nas bzung ba yan lag dang nying lag thams cad ma lus par gdab par bsam mo/ /mdor bsdu ba dgra la gsang ba'i tshul gyi rdo rje phur bu btab pas med par bya bar bstan to/ /da ni mdun du smos pa'i rdo rje phur bu'i las byas nas/ dgra gsang ba'i 'og tu 'bras bur 'gyur ba bstan par bya ste/ btab ma thag tu sems dpa' che/ /rdo rje sku gsum las byung ba/ /dam tshig mchog gis ldang bar 'gyur/ /de yang med par mi 'gyur ro/ /zhes bya ba'i don bshad par bya ste/

  635. 318a

    ci ltar yin na/ btab ma thag tu sems pa che/ /rdo rje sku gsum las byung ba'i/ /sems dpa' chen ming btags pa rdo rje slob dpon yin te/ des mdun du smos pa'i tshul gyis dgra'i gzugs brnyan la rdo rje phur bu btab nas gsang ba'i yon tan gyis/ rdo rje slob dpon ci ltar smos pa'i rdo rje sku gsum gyi ngo bo rnam par snang mdzad dang gnyis su med par grub par 'gyur bar bstan to/ /de ltar btab ma thag tu sems pa che/ /rdo rje sku gsum las byung ba'i/ /don du gsungs so/ /dam tshig mchog gis ldan par 'gyur/ /de yang med par mi 'gyur ro/ /zhes pa ni phyi dang gsang ba'i tshul gyi dam tshig thams cad kyi nang na/ rdo rje slob dpon gyis snying rje chen po zhe sdang gi sems bskyed nas rdo rje phur bu'i las kyi dgra gsad par bya ba ni dam tshig gi mchog tu smos so/ /ldang bar 'gyur zhes pa/ mdun du smos pa'i dam tshig gi mchog las kyi 'bras bu grub pa'i 'og tu/ rdo rje slob dpon gyis gsad par bya ba'i sgom pa'i las kyi sbyor ba las ldang ba ste btang ba yin no/ /de ma thag tu med pa zhes pa ni/ dmyal bar mi 'gro ba ste/ de ltar mi 'gyur ba yin no/ /bshad par bya ste/ dgra mdun du smos pa ltar bsang pa'i yon tan gyis/ ci ltar rdo rje slob dpon rdo rje sku gsum dang gnyis su med pa'i ngo bo grub bar bstan pa de bzhin du 'grub par bstan to/ /de ltar dam tshig mchog gis ldang bar 'gyur/ de yang med par 'gyur gyi don du gsungs so/ /de ni gsung rdo rje'i phur bu byin gyis brlab par bya ba'i sngags gsungs pa'i cho ga'i tshul gyi don bstan par bya ste/ de nas bcom ldan 'das 'jig rten dbang phyug gsung rnam par sprul pa rdo rje zhes bya ba'i ting nge 'dzin la snyoms par zhugs nas/ zhes bya ba ni/ de nas ni mdun du smos pa'i sku'i rigs kyi

  636. 318b

    rdo rje'i phur bu gsungs pa'i 'og tu/ gsung gi rigs kyi rdo rje phur bu byin gyis brlab par bya ba'i sngags rings gsungs pa'i cho ga'i don mtshon par smos so/ /bcom ldan 'das zhes pa'i/ mdun du smos pa'i tshul gyi ston pa mi bskyod pa rdo rje 'dzin gyi yon tan gyi stong pa'i mtshan bcom ldan 'das yin par sdud pa pos smos so/ /don mdun du ci ltar smos pa de bzhin du 'dir bstan to/ /'jig rten gyi dbang phyug gsung rnam par sprul ba zhes pa ni/ ston pa mi bskyod pa rdo rje 'dzin gyis nyid kyi sku phyag rgya'i kun nas 'jig rten dbang phyug ste/ snang ba mdza' yas kyi so sor rtog pa'i ye shes kyi 'bar ba'i 'od grangs med pa'i ting nge 'dzin la snyoms par ma zhugs pa'i mdun du ji ltar smos pa'i mi dang mi ma yin pa'i dgra de dag byin gyis brlab pa'i phyir spro bar mdzad pa yin no/ /de ma thag tu dgra thams cad myos nas bran bzhin du dbang du 'gyur ro/ /de ltar mdzad nas 'bar ba'i 'od grangs med pa spro ba'i gnas su gnyis su med par bsdus so/ /de ma thag tu ston pa mi bskyod pa rdo rje 'dzin gyis gzhan yang 'khor thams cad kyi nang du zhe sdang chen po'i thugs dgyes pas ci ltar smos pa'i tshul ni nyid kyi shes rab ma ye shes kyi lha mo ma ma ki dang gnyis su med par 'khyud pa'i sbyor bas gsang ba'i dbang po gnyis mnyam par mdzad do/ /de ma thag tu gsang ba'i thugs ka ye shes sems dpa' i gnas su/ so sor rtog pa'i ye shes kyi ngo bo sngags kyi sa bon yig 'bru ar gyur par mdzad do/ /de kha dog dmar po gzi brjid chen po'i 'bar ba'i 'od kyis 'bar zhing 'od du zhu nas ye shes kyi khu ba bzhin du gyur to/ /sa bon de las gsung gi rigs snang ba mdza' yas kyi sku phyag rgya sprul par ming btags pa/ ci ltar smos pa'i tshul gyi sku mdog dang/ zhal dang phyag dang/ phyag mtshan dang/ rgyan rnams dang ldan pa

  637. 319a

    grangs med pa sprin bzhin du ba spu bu ga'i lam gyi sgo nas spro bar mdzad do/ /des 'jig rten gyi khams thams cad du khyab ste/ de ma thag tu mdun du smos pa'i dgra thams cad byin gyis brlabs nas phung po dang/ dbang po dang/ sgyu ma'i thabs kyi stobs las stsogs pa thams cad bcom pa'i 'bras bur gyur to/ /de ltar mdzad nas snang ba mdza' yas kyi sku phyag rgya grangs med pa sprin lta bu dgra thams cad dang gnyis su med pa'i ngo bo thugs rje chen po zhe sdang gi thugs skyed nas gsang ba'i thugs ka ye shes sems dpa' i gnas su gnyis su med par bsdu bar mdzad do/ /de ltar 'jig rten dbang phyug gi gsung rnam par sprul pa'i don du gsungs so/ /rdo rje zhes bya ba'i ting nge 'dzin la snyoms par zhugs nas zhes pa ni/ rdo rje ni so sor rtog pa'i ye shes kyi ngo bo spro ba dang bsdu ba ste/ don des rdo rje'i ting nge 'dzin du smos so/ /bshad par bya ste/ ston pa mi bskyod pa rdo rje 'dzin gyis/ ting nge 'dzin mdzad pa'i dus su/ thugs rtse cig bar gyur bar gnas pa'o/ /don des snyoms par zhugs par smos so/ /mdor bsdu ba de ltar rdo rje zhes bya ba'i ting nge 'dzin la snyoms par zhugs nas ni don du gsungs so/ /ting nge 'dzin mdzad pa'i 'og tu/ da ni sngags dang gsung rdo rje phur bu'i ngo bo'i don bstan par bya ste/ gsung gi dam tshig gi tsham ngam gyi rdo rje'i phur bu'i sngags 'di nyid kyi sku dang gsung dang thugs rdo rje las phyung ngo/ /zhes bya ba ni/ gsung gi dam tshig tsham ngam gyi rdo rje phur bu'i sngags ni/ gsung ni snang ba mdza' yas so/ /de'i dam tshig gi tsham ngam du ming btags pa thugs rdo rje chen po zhe sdang gi thugs bskyed nas/ gong du smos pa'i dgra thams cad gsang bar mdzad pa'i phyir gsung gi rigs kyi rdo rje phur bu'i byin gyis

  638. 319b

    brlab pa'i sngags so sor rtog pa'i ye shes kyi ngo bor bstan to/ /de'i ltar gsung gi dam tshig gi tsham ngam gyi rdo rje phur bu'i sngags kyi don du gsungs so/ /nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku dang gsung dang thugs rdo rje gsum cig pa'i ngo bor smos/ de ltar sku gsung thugs rdo rje gsum dang gnyis su med pa'i ngo bor gsung gi rigs kyi rdo rje phur bu'i sngags smos so/ /de ltar 'di nyid sku dang gsung dang thugs kyi don du gsungs so/ /rdo rje zhes pa ni gong du smos pa'i ci ltar sku rdo rje dang gsung rdo rje dang thugs rdo rjer bshad pa de bzhin du 'dir bstan to/ /phyung ngo zhes pa ni/ ston pa mi bskyod pa rdo rje 'dzin gyis gsung gi rigs kyi rdo rje phur bu ci ltar smos pa'i tshul gyi sngags kyis byin gyis brlab par byas ma thag tu sku dang gsung dang thugs rdo rjer gnyis su med par 'gyur/ sngags 'di phyung ba'o/ /da ni gsung gi rigs kyi phur bu'i byin gyis brlab par bya ba'i sngags kyi ngo bo bstan par bya ste/ oM h+ri b+hu rb+hya ba/ zhes pa'i don bshad par bya ste/ ci ltar yin na/ oM gyi don ni ci ltar mdun du bshad pa de bzhin du 'dir bstan to/ /h+ri zhes bya ba ni gsung gi rigs so sor rtog pa'i ye shes kyi ngo bo brjod ma thag tu/ gsung gi rigs kyi rdo rje phur bu'i byin gyi brlabs kyi cho 'phrul par stobs dang/ thabs kyi mthus dgra thams cad gsang ba'i las grub par byed par bstan to/ /b+hu zhes bya bar ming btags pa ni sa steng gi 'jig rten du smos so/ /de nas rb+hu zhes ming btags pa ni sa 'og gi 'jig rten du smos so/ /de nas ba zhes ming btags pa ni sa bla'i 'jig rten du smos so/ /bshad par bya ste/ 'jig rten gsum na gnas pa'i mi dang mi ma yin pa'i dgra de dag thams cad la mdun du smos pa'i sngags kyi yig 'bru oM dang h+ri gnyis kyi gsung gi rigs kyi phur bu byin

  639. 320a

    gyis brlab par byas ma thag tu phur bu de btab pas 'chi bar 'gyur bar smos so/ /da ni mdun du smos pa'i rigs kyis byin gyis brlab pa'i bar dang/ dgra'i gzugs la gdab pa'i dus su lag pa gnyis bzung ba'i tshul du bstan par bya ste/ ye shes pad mo kha phye ba/ /rdo rje'i sor mo nges par bzhag /'dod chags rdo rje gnas mnan te/ rdo rje phur bu nges par gdab/ ces bya ba'i don bshad par bya ste/ ci ltar yin na/ ye shes pad mo kha bye ba/ / rdo rje sor mo nges par bzhag ni/ gsung gi rigs kyi rdo rje phur bu gsang ba'i tshul bye brag rnam pa gnyis su bstan par bya ste/ phyi dang gsang ba'i tshul lo/ /de la phyi ni sgrub pa po lag pa'i thal mo gnyis rting ba sbyar la sor mo rnams pad ma kha bye ba bzhin byas te/ de ltar bya ba de ni snang ba mdza' yas kyi shes rab ma ye shes kyi lha mo na bza' dkar mo'i ngo bor brtag pa yin no/ /de nas rdo rje sor mor ming btags pa sdigs mdzub gnyis yin te/ sdigs mdzub gnyis dang mthe bo gnyis mnyam par sgreng ba'i rtse mo'i bar du rdo rje phur bu bzung ba yin no/ /de ltar ye shes pad ma kha phye ba/ /rdo rje sor mo nges par bzhag gi don du gsungs so/ /'dod chags rdo rje gnas mnan te/ rdo rje phur bu nges par gdab ces pa ni/ 'dod chags su ming btags pa/ de bzhin gshegs pa thams cad don dam par bla na med pa'i 'dod chags gnyis su med pa'i ngo bo yin no/ /rdo rje ni so sor rtog pa'i ye shes bla na med pa'i 'dod chags dang gnyis su med pa yin te/ de ltar 'dod chags rdo rje dang gnyis su med par snang ba mdza' yas su bstan to/ /tshul de ltar 'dod chags rdo rje'i gnas su ming btags pa khro bo'i rgyal po ya man ta ka so sor rtog pa'i ye shes kyi ngo bo de ni shing seng ldeng gi phur bu

  640. 320b

    dang gnyis su med pa'i ye shes yin pa de/ rdo rje sor mo gnyis mthe bo gnyis dang bcas pa de snang ba mdza' yas kyi ngo bo yin pa des mnan par brtag go /gzhan yang lag pa gnyis pad ma kha bye ba ltar byas pa de gos dkar mo'i ngo bor bsam mo/ /de ltar bsgom pa byas nas dgra'i gzugs brnyan gyi snying ga nas bzung nas lus kun la gdab par bya'o/ /de ltar 'dod chags rdo rje gnas mnan te rdo rje phur bu nges par gdab kyi don du gsungs so/ /gzhan yang gsang ba'i tshul bstan par bya ste/ phur bu gdab pa'i gong du sgrub pa pos mdun du smos pa'i cho ga bzhi'i tshul gyis snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa ji ltar mdun du smos pa de bzhin du 'dir bya'o/ /de lta bu'i ngo bo snang ba mdza' yas kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su gsung gi rigs kyi bye brag gi /gar mkhan gyis rigs kyi bu mo ci ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de'i 'og tu sgrub pa pos khro bo chen po zhe sdang gi sems bskyed nas gnyis su med par 'khyud pa'i sbyor bas thabs dang shes rab rol pa bya'o/ /de'i dus su bsgom pa 'di bya'o/ /bstan par bya ste/ sgrub pa po nyid kyis gsang ba'i rdo rje'i steng gi dbus su sngags sa bon yig 'bru hUM bsam mo/ /de kha dog dmar po gzi brjid chen po'i 'bar bas 'bar zhing gsang ba'i rdo rje la gnyis su med par thim par 'gyur ro/ /de'i 'og tu gsang ba'i rdo rje mdun du smos pa'i tshul gyis khro bo'i rgyal po pad man ta ka

  641. 321a

    dang gnyis su med pa'i ngo bo rdo rje phur bur gyur par brtag go /bzhan yang 'bar ba chen po'i 'od kyis 'bar ba'o/ /de'i 'og tu shes rab ma'i b+ha ga'i dbus su sngags sa bon yig 'bru hUM bsam mo/ /de kha dog dmar po so sor rtog pa'i ye shes kyi ngo bo 'bar ba chen po'i 'od kyis 'bar zhing rab ma'i b+ha ga la gnyis su med pa'i thim par gyur par bsam mo/ /de ma thag tu shes rab ma'i b+ha ga'i rdo rje me'i dkyil 'khor du gyur par brtag go /gzhan yang brda skad kyis man ngag gi bsgom pa'i don bstan par bya ste/ ye shes pad mo kha bye bar ming btags pa gang mkhan gyi bu mo khyol? ma song ba'i gong du skyes bu gzhan gyis ma spyad pa'i/ de'i b+ha ga kha bye ba'i don no/ /bstan par bya ste/ ye shes kyi pad mar ming btags pa ni shes rab ma'i pad ma ste/ ye shes kyi lha mo na bza' dkar mo pad ma dang gnyis su med pa yin par smos so/ /rdo rje sor mor ming btags pa ni gsang ba'i rdo rje yin no/ /gzhan par ming btags pa ni/ ci ltar smos pa'i tshul gyi shes rab ma'i b+ha ga de ni gsang ba'i rol pa'i gnas te/ gnas der gsang ba'i rdo rje mdun du smos pa'i tshul gyis rdo rje phur bu dang gnyis su med par gzhag pa 'am gzhug par bstan to/ /der ye shes pad ma kha bye ba rdo rje ser mo nges par gzhug gi don du gsungs so/ /de nas 'dod chags rdo rje'i gnas su ming btags pa ni mdun du smos pa'i na bza' dkar mo dang/ gnyis su med par shes rab ma'i b+ha ga de'i snang ba mdza' yas kyi gsang ba'i rol pa mdzad pa'i bde bar gyur pa'i gnas su bstan to/ /de ltar shes rab ma'i pad ma'i gnas kyi rdo rje'i dkyil 'khor gyi dbus su dgra'i gzugs kyi phung po bsam mo/ /de nas mnan par ming btags pa ci ltar smos pa'i shes rab

  642. 321b

    ma'i b+ha ga'i nang du rdo rje me'i dkyil 'khor du gyur par byas pa de'i dgra'i gzugs kyi phur po'i kun mnan pa dang bsregs par bsam mo/ /de nas rdo rje phur bu gdab par ming btags pa/ ci ltar smos pa'i tshul gyis sgrub pa pos nyid kyis gsang ba'i rdo rje/ rdo rje'i phur bu'i ngo bor gyur par byas pa des gsang ba'i rol pa bya ba'i stabs kyis gzugs kyi phung po'i snying ga nas bzung ste/ yan lag dang nying lag ma lus pa'i gnas su gdab par bsam mo/ /mdor bsdu ba de ltar dgra la gsang ba'i tshul gyi phur bu gdab pas med par bya bar bstan to/ /de ni mdun du smos pa'i rdo rje phur bu'i las byas pas dgra gsang ba'i 'og tu 'bras bur gyur pa bstan par bya ste/ btab ma thag tu rdo rje che/ /sku gsung dri med las byung ba/ btab pa tsam gyis ldang bar 'gyur/ /de yang med par mi 'gyur ro/ /zhes bya ba'i don bshad par bya ste/ ci ltar yin na/ btab ma thag tu rdo rje che/ /sku gsum dri med las byung ba ni/ rdo rje chen por ming btags pa gsung gi rigs snang ba mdza' yas dang gnyis su med pa'i ngo bo rdo rje slob dpon yin no/ /de mdun du smos pa'i tshul gyis phyi dang gsang ba'i bye brag gis dgra'i gzugs kyi phung po la rdo rje phur bu btab pas gsang bar bya ba yin no/ de'i yon tan gyis rdo rje slob dpon ci ltar smos pa'i tshul gyi sku gsum dang gnyis su med pa'i ngo bo snang ba mdza' yas yin te/ de ni dri ma med par ming btags pa phyi'i phyin ci log gi 'dod chags kyi dri ma dang bral bar bstan to/ /de dang gnyis su med pa'i ngo bo 'byung bar ming btags pa 'grub par 'gyur ba'o/ /de ltar btab ma thag tu rdo rje che/ /sku gsung dri med las byung ba'i don du gsungs so/ /btab pa tsam gyis ldang bar 'gyur/ /de yang med par mi 'gyur ro/ /zhes pa ni/ rdo rje slob dpon gyis phyi dang gsang

  643. 322a

    ba'i tshul gyis ci ltar smos pa'i dam tshig thugs rje chen po zhe sdang gi thugs bskyed nas rdo rje phur bu'i las kyi dgra bsad ma thag tu/ langs par ming btags pa gsang ba'i dam tshig gi las kyi dngos grub kyi 'bras bu grub pa'i 'og tu/ gsad par bya ba'i las sgom pa'i las kyi sbyor ba btang ba yin no/ /de ma thag tu dgra de med par ming btags pa dmyil? bar 'gyur ba'o/ /bshad par bya ste/ dgra gong du smos pas shi ba'i yon tan gyis ci ltar rdo rje slob dpon rdo rje sku gsum gyi ngo bo snang ba mdza' yas dang gnyis su med par 'grub par 'gyur bar smos pa de bzhin du dgra gsang ba de yang 'grub par 'gyur bar brtan to/ /mdor bsdu ba de ltar btab pa tsam gyis ldang bar 'gyur/ de yang med par mi 'gyur gyi don du gsungs so/ /da ni thugs rdo rje'i phur bu byin gyis brlab par mdzad pa'i sngags gsungs pa'i cho ga'i tshul gyi don bstan par bya ste/ de nas bcom ldan 'das rdo rje 'dzin pa chen po thugs rnam par sprul pa rdo rje zhes bya ba'i ting nge 'dzin la snyoms par zhugs nas/ zhes bya ba ni/ de nas ni mdun du smos pa'i gsung gi rigs kyi rdo rje phur bu'i don gsungs pa'i 'og tu/ thugs kyi rigs kyi rdo rje phur bu'i byin gyis brlab par bya ba'i sngags rings gsungs pa'i cho ga'i don mtshon par smos/ bcom ldan 'das zhes pa ni/ ston pa mi bskyod pa rdo rje 'dzin pa chen po nyid kyi yon tan gyi bstod pa'i mtshan bcom ldan 'das yin pa sdud pa pos smos so/ /de'i don mdun du smos pa bshad pa bzhin du 'dir sbyar ro/ /rdo rje 'dzin pa chen po thugs rnam par sprul pa zhes pa ni/ rdo rje 'dzin pa chen por ming btags pa/ de bzhin gshegs pa thams cad kyi ye shes ston pa mi bskyod pa nyid kyi sku

  644. 322b

    phyag rgyas 'dzin pa de'i don gyis rdo rje 'dzin pa chen por smos so/ /de nyid kyi sku phyag rgya'i kun nas nyid kyi rigs me long lta bu'i ye shes kyi ngo bo 'bar ba'i 'od grangs med pa ting nge 'dzin lam zhugs pa'i mdun du smos ci ltar smos pa'i mi dang mi ma yin pa'i dgra byin gyis brlab pa'i phyir spro bar mdzad do/ /de ma thag tu dgra thams cad 'jigs pa chen por gyur nas bran bzhin du dbang du gyur par bstan to/ /de ltar mdzad nas 'bar ba'i 'od grangs med pa spro ba'i gnas su gnyis su med spro bar mdzad do/ /gzhan yang ston pa mi bskyod pa rdo rje 'dzin gyis 'khor thams cad kyi nang du zhe sdang chen po'i thugs dgyes pas/ ci ltar smos pa'i tshul gyi nyid kyi shes rab ma ye shes kyi lha mo ma ma ki dang gnyis su med par 'khyud pa'i sbyor bas gsang ba'i dbang po gnyis mnyam par sbyor bas mdzad ma thag tu gsang ba'i thugs ka ye shes sems dpa' i gnas su me long lta bu'i ye shes kyi ngo bo sngags kyi sa bon yig 'bru hUM du gyur par mdzad do/ /de kha dog sngon po gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba bzhin du gyur to/ /sa bon de las nyid kyi thugs kyi rigs dpal rdo rje sems dpa' i sku phyag rgya'i sbrul par ming btags pa ci ltar smos pa'i tshul gyis sku mdog dang/ zhal dang/ phyag dang/ phyag mtshan dang/ rgyan rnams lta bu dang ldan pa/ grangs med pa ba spu bu ga'i lam na spro bar mdzad do/ /des khams gsum gyi gnas thams cad du khyab po/ /de ma thag tu dgra thams cad byin gyis brlab par mdzad pas sems myos nas dbang po thams cad kyis stobs bcom pa'i 'bras bur gyur to/ /de ltar mdzad nas dpal rdo rje sems dpa' i sku phyag rgya grangs med pa dgra thams cad dang gnyis su med pa'i ngo bo thugs rje chen po zhe sdang gi thugs bskyed nas gsang ba'i/

  645. 323a

    thugs ka ye shes sems dpa' i gnas su gnyis su med par slar bsdu bar mdzad do/ /de ltar rdo rje 'dzin pa chen po thugs rnam par sprul pa'i don du gsungs so/ /rdo rje zhes bya ba'i ting nge 'dzin la snyoms par zhugs nas zhes pa ni/ rdo rje ni me long lta bu'i ye shes kyi ngo bo spro ba dang bsdu ba yin no/ /don des ? ting nge 'dzin du smos so/ /bshad par bya ste/ ston pa mi bskyod pa rdo rje 'dzin gyis ting nge 'dzin mdzad pa'i dus su thugs rtse gcig par gyur nas gnas pa'o/ /don des snyoms par zhugs par smos so/ /mdor bsdu ba de ltar rdo rje zhes bya ba'i ting nge 'dzin la snyoms par zhugs pa'i don du gsungs so/ /da ni ting nge 'dzin mdzad pa'i 'og tu sngags dang/ thugs rje'i phur bu'i ngo bo'i don gyi cho ga'i tshul bstan par bya ste/ thugs kyi dam tshig gi tsham ngam rdo rje phur bu'i sngags 'di nyid kyi sku dang gsung dang thugs rdo rje las phyung ngo/ /zhes bya ba'i thugs ni dpal rdo rje sems dpa' yin no/ /de'i dam tshig gi tsham dam du ming btags pa/ thugs rje chen po zhe sdang gi thugs bskyed nas/ mdun du smos pa'i dgra thams cad gsang ba'i phyir/ thugs kyi rigs kyi rdo rje'i phur bu byin gyis brlab pa'i sngags me long lta bu'i ye shes kyi ngo bor smos so/ /de ltar thugs kyi dam tshig gi tsham ngam rdo rje phur bu'i sngags kyi don du gsungs so/ /'di nyid kyi sku dang gsung dang thugs zhes pa ni ston pa mi bskyod pa rdo rje 'dzin pa nyid kyi sku dang gsung dang thugs rdo rje gsum gcig pa'i ngo bor smos so/ /de ltar sku dang gsung dang thugs rdo rje gsum dang gnyis su med pa'i ngo bor thugs kyi rigs nyid kyi rdo rje'i phur bu'i sngags bstan to/ /de ltar 'di nyid kyi sku dang gsung dang thugs kyi don du gsungs so/ /rdo rje zhes pa ni/ mdun du ci ltar sku rdo rje dang gsung rdo rje bshad pa

  646. 323b

    de bzhin du 'dir bstan to/ /phyung ngo zhes pa ni/ ston pa mi bskyod pa rdo rje 'dzin gyis nyid kyi rigs thugs kyi ngo bo'i rdo rje'i phur bu de ci ltar smos pa'i tshul gyi sngags kyis byin gyis brlabs ma thag tu sku dang gsung dang thugs rdo rje dang gnyis su med par 'gyur ba'i sngags phyung ngo/ /da ni thugs kyi rigs kyi rdo rje'i phur bu byin gyis brlab par bya'i sngags rings kyi ngo bo bstan par bya ste/ oM badzra rA dza hUM/ zhes bya ba'i don bshad par bya ste/ ci ltar yin na/ oM gyi don ni mdun du ci ltar bshad pa bzhin du 'dir bstan to/ /badzra rA dza zhes bya ba ni/ ci ltar smos pa'i tshul gyi de bzhin gshegs pa thams cad kyi don dam par sku rdo rje chos kyi dbyings kyi ye shes dang gnyis su med pa sku rdo rje'i phur bu'i ngo bor smos pa dang/ gzhan yang mdun du smos pa'i tshul gyis de bzhin gshegs pa thams cad kyi gsung rdo rje so sor rtog pa'i ye shes dang gnyis su med pa gsung rdo rje'i phur bu'i ngo bor smos pa'o/ /de ltar rdo rje phur bu gnyis kyi nang na thugs kyi rigs kyi rdo rje'i phur bu 'di ni/ mdun du smos pa'i tshul gyi de bzhin gshegs pa thams cad kyi don dam par thugs rdo rje me long lta bu'i ye shes dang gnyis su med pa'i ngo bor bstan to/ /de ni ston pa mi bskyod pa rdo rje 'dzin nyid kyi thugs kyi mthu'i stobs kyi ngo bo yin no/ /don des thugs kyi rigs kyi phur bu'i khyad par gyi mtshan badzra rA dza ste/ rdo rje rgyal por bstan to/ /de ltar badzra rA dza'i don du gsungs so/ hUM zhes pa ni/ rdo rje slob dpon gyis khro bo chen po'i zhe sdang gi sems bskyed brtson 'grus chen pos sngags kyi sa bon yig 'bru hUM brjod pas/ ci ltar smos pa'i badzra rA dzar ming btags pa rdo rje'i phur bu byin gyis brlab pa de ma thag tu 'jig rten gyi khams thams cad na gnas pa'i mi dang mi ma yin pa'i dgra thams cad la phur bu btab pas med pa 'am bsad par 'gyur bar bstan to/ /de

  647. 324a

    ltar hUM gi don du gsungs so/ /de ni mdun du smos pa'i sngags kyi phur bu byin gyis brlab par bya ba dang byin gyis brlab pa'i bar du dgra'i dus su lag pa gnyis kyis bzung ba'i tshul bstan par bya ste/ rtse mo lnga par bcings nas ni/ /me stag mang po 'khrug par bsgom/ /rdo rje thugs kyi gnas mnan te/ /rdo rje phur bu gdab par bya/ /zhes bya ba'i don bshad par bya ste/ ci ltar yin na/ rtse mo lnga par bcings nas ni/ me stag mang po 'brug par bsgom pa ni/ thugs kyi rigs kyi rdo rje'i phur bu bzung ba'i tshul bye brag rnam pa gnyis su bstan par bya ste/ phyi dang gsang ba'i tshul lo/ /de la phyi ni sgrub pa pos lag pa gnyis thal mo khor stong du sor mo rnams so sor sbyar te/ rdo rje rtse lnga'i tshul du bya ba yin no/ /de ni ston pa mi bskyod pa rdo rje 'dzin nyid kyi shes rab ye shes kyi lha mo ma ma ki nyid kyi gsang ba'i pad mo'i ngo bor brtag go /gzhan yang thal mo de'i nang gi dbus su me long lta bu'i ye shes kyi ngo bo ma rtag grangs med pa 'phro ba 'khrug pa'i tshul du sgom par bya ste/ me stag des ci ltar smos pa'i dgra thams cad tshig par bstan to/ /de ltar lag pa gnyis kyi thal mo rdo rje rtse lnga de'i nang gi dbus su rdo rje phur bu bzung bar smos so/ /de ltar rtse mo lnga par bcings nas ni/ me stag mang po 'khrug par sgom gyi don du gsungs so/ /rdo rje thugs kyi gnas mnan te/ rdo rje phung bu gcad par bya zhes pa ni/ mdun du smos pa'i tshul gyi de bzhin gshegs pa thams cad don dam par me long lta bu'i ye shes dang gnyis su med pa'i ngo bo yin no/ /de dang gnyis su med pa'i ngo bo ston pa mi bskyod pa rdo rje 'dzin nyid do/ /tshul de lta bu'i rdo rje'i gnas su ming btags pa khro bo'i rgyal po a mri ta kun da'i me long lta bu'i ye shes de dang gnyis su med

  648. 324b

    med pa'i ngo bo lcags kyi phur bu de/ mdun du smos pa'i thal mo sbyar ba rdo rje rtse lnga'i ngo bo de mthe bo gnyis kyi rtse mo ston pa mi bskyod pa rdo rje 'dzin nyid kyi yin pa des mnan par brtag go /gzhan yang lag pa gnyis kyi sor mo mnyam par sbyar ba'i thal mo de ni ma ma ki'i b+ha ga'i yin par bsam mo/ /de ltar sgom pa byas nas mdun du smos pa'i dgra'i gzugs brnyan gyi snying ga nas bzung ste/ lus kun la gdab par bya bar smos so/ /de ltar rdo rje thugs kyi gnas mnan te/ rdo rje phur bu gdab par bya ba'i don du gsungs so/ /gzhan yang gsang ba'i bye brag bstan par bya ste/ /phur bu gdab par bya ba'i gong du sgrub pa pos mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa ji ltar mdun du smos pa'i bzhin du 'dir bya'o/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang/ gnyis su med pa'i nga rgyal du bsgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo mdun du smos pa'i mtshan dang ldan pa blang ngo/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos thugs rje chen po zhe sdang gi sems bskyed nas gnyis su med par 'khyud pa'i sbyor bas thabs dang shes rab rol pa bya'o/ /de'i dus su bsgom pa 'di bya'o/ /bstan par bya ste/ sgrub pa pos nyid kyis gsang ba'i rdo rje'i dbus su sngags sa bon yig 'bru hUM bsam mo/ /de kha dog sngon po gzi brjid chen po 'bar bas 'bar zhing gsang ba'i rdo rje la gnyis su med par thim par gyur par bsam mo/ /de'i 'og tu gsang ba'i rdo rje mdun du smos pa'i tshul gyi khro bo'i rgyal po a

  649. 325a

    mri ta kun Da li dang gnyis su med pa'i ngo bo rdo rje phur bur gyur par brtag go /de ni 'bar ba chen po'i 'od kyis 'bar pa'o/ /de'i 'og tu shes rab ma'i b+ha ga'i dbus su sngags sa bon yig 'bru hUM bsam mo/ /de kha dog sngon po me long lta bu'i ye shes kyi gzi brjid chen po 'bar ba'i 'od kyis 'bar ba/ shes rab ma'i b+ha ga la gnyis su med par thim par gyur par bsam mo/ /de ma thag tu shes rab ma'i b+ha ga rdo rje me'i dkyil 'khor du gyur par brtog go/ gzhan yang brda skad kyis man ngag gi bsgom pa'i don bstan par bya ste/ rtse mo lnga par bcings par ming btags pa khrus mkhan gyi rigs kyi bu mo khyol ma song ba'i gong du/ dang po gsang sngags kyi sgrub pa pos spyad pa'o/ / don des rtse mo lnga par bcings pa ni/ /shes rab ma'i b+ha ga'o/ /me rtag mang po 'khrug par bsgom par ming btags pa mdun du smos pa'i gsang ba'i rdo rje/ rdo rje phur bu dang gnyis su med pa'i ngo bo de ci ltar smos pa'i tshul gyi shes rab ma'i b+ha ga gsang pa'i rol pa bya ba'i gnas der gzhug pa'i dus su gsang ba'i dbang po gnyis nas me long lta bu'i ye shes kyi me stag grangs med pa 'phro ba 'khrug pa'i tshul du bsgom par bya'o/ /de ltar rtse mo lnga pa bcings nas ni/ me stag mang po 'khrug par bsgom gyi don du gsungs so/ /rdo rje thugs kyi gnas su ming btags pa ni gong du smos pa'i ma ma ki dang gnyis su med pa'i shes rab ma'i b+ha ga yin no/ /de ni rdo rje mi bskyod pa'i gsang ba'i rol pa mdzad pa'i bde bar gyur pa'i gnas su bstan to/ /de ltar shes rab ma'i b+ha ga'i rdo rje'i me'i dkyil 'khor gyi dbus su dgra'i gzugs kyi phung po bsam mo/ /de nas gnan par ming btags pa shes rab ma'i b+ha ga'i nang du ci ltar smos pa'i tshul

  650. 325b

    gyis rdo rje me'i dkyil 'khor du byas pa nges dgra'i gzugs kyi phung po kun nas mnan pa bsreg par bsam mo/ /de nas rdo rje'i phur bur ming btags pa ni/ sgrub pa pos ci ltar smos pa'i tshul gyis/ nyid kyi gsang ba'i rdo rje'i phur bu'i ngo bor gyur par byas pa des/ gsang pa'i rol pa bya ba'i stobs kyis dgra'i gzugs kyi phung po'i snying ga nas bzung ste/ yan lag dang nying lag ma lus par gdab par smos so/ /mdor bsdu ba de ltar dgra la gsang pa'i bye brag gis rdo rje phur bu gdab pas med par bya bar smos so/ /de ni mdun du smos pa'i rdo rje'i phur bu'i las byas pa'i dgra gsad pa'i 'og tu 'bras bur 'gyur bar bstan par bya ste/ btab ba tsam gyi rdo rje che/ /rdo rje dri med gsum las byung/ /btab ma thag tu ldan par 'gyur/ / de yang med par mi 'gyur ro/ /zhes bya ba'i don bshad par bya ste/ ci ltar yin na/ btab pa tsam gyi rdo rje che/ /rdo rje dri med gsum las byung ni/ rdo rje cher ming btags pa de bzhin gshegs pa thams cad kyis bdag po ston pa mi bskyod pa rdo rje 'dzin de dang gnyis su med pa'i ye shes kyi nga rgyal gyi ngo bo rdo rje slob dpon yin no/ /des mdun du smos pa'i tshul gyi phyi dang gsang ba'i bye brag gis dgra'i gzugs kyi phung po la rdo rje phur bu btab pas gsang par bya ba'i yon tan gyis rdo rje slob dpon ci ltar smos pa'i tshul gyi sku rdo rje dang/ gsung rdo rje dang/ thugs rdo rje dang/ de ltar rdo rje gsum dang gnyis su med pa'i ngo bo sku phyag rgya ston pa mi bskyod pa rdo rje 'dzin yin te/ de dri med par ming btags pa phyi'i phyin ci log gi zhe sdang la sogs pa nyon mongs pa thams cad kyi dri ma dang ye nas bral bar bstan to/ /de dang gnyis su med par 'byung bar ming btags pa 'grub par 'gyur bar bstan te/ de ltar btab ma thag tu rdo rje che/ /rdo rje dri med gsum las byung gi don du gsungs so/ /btab ma thag tu ldang

  651. 326a

    bar 'gyur/ /de yang med par mi 'gyur ro zhes pa ni/ rdo rje slob dpon gyis phyi dang gsang ba'i tshul gyis ci ltar smos pa'i dam tshig gis thugs rje chen po zhe sdang gi thugs bskyed nas phur bu btab pa'i las kyis dgra bas de ma thag tu langs pa ni/ ci ltar smos pa'i gsang pa'i dam tshig gis las kyi grub pa'i 'bras bu de grub par gyur pa'i 'og tu rdo rje slob dpon gyis gsad par bya ba'i sgom pa'i las kyi sbyor ba de btang ba yin no/ /de ma thag tu dgra de med par ming btags pa/ dmyal bar 'gro bar mi 'gyur pa'o/ /bshad par bya ste/ mdun du smos pa'i dgra shi ba'i yon tan gyis/ ci ltar rdo rje slob dpon rdo rje gsum dang gnyis su med pa'i ngo bo'i sku phyag rgya ston pa mi bskyod pa rdo rje 'dzin pa de dang gnyis su med pa'i ngo bor 'grub par 'gyur bar bstan pa de bzhin du dgra gsang pa de 'grub par 'gyur ro/ /mdor bsdu ba/ de ltar btab ma thag tu lngad bar 'gyur/ de yang med par mi 'gyur gyi don du gsungs so/ /de ni mdun du smos pa'i sku dang gsung dang thugs rigs gsum gyi rdo rje phur bu bsgom par bya ba'i tshul dang/ grub pa'i 'og tu 'bras bu khyad par du 'gyur ba bstan par bya ste/ sku gsung thugs kyi sbyor ba yis/ /cho ga legs par byas nas ni/ /mkha' dbyings rdo rje'i mthas klas par gnon par gyur par gdon mi za/ /zhes bya ba'i don bshad par bya ste/ ci ltar yin na/ sku gsung thugs kyi sbyor ba yis/ /cho ga legs par byas na ni/ /mdun du smos pa'i sku'i rigs kyi rdo rje phur bu dang/ gsung gi rigs kyi rdo rje phur bu dang/ thugs kyi rigs kyi rdo rje phur bu dang/ so so sgrub pa bya ba'i dus su legs par ming btags pa cho ga bye brag ma nor bar so so'i phur bu'i sngags byin gyis brlab par byas ma thag tu/ phur bu de rnams sku gsung thugs rdo rje'i ye shes dang gnyis su med pa'i sbyor ba'i bsgom pa bya ba'i smos so//

  652. 326b

    de ltar sku gsung thugs kyi sbyor ba yis/ /cho ga legs par byas na ni/ /de'i don du gsungs so/ /mkha' dbyings rdo rje'i mthas klas par/ /gnon par 'gyur bar gdon mi za zhes pa ni/ mdun du smos pa'i tshul gyis rdo rje phur bu'i sgom pa'i sbyor ba sgrub pa pos byas pa de grub pa'i 'og tu/ sgrub pa pos khro bo chen po zhe sdang gi sems bskyed nas/ rdo rje phur bu btab nas/ nam mkha' i rdo rje mthas klas par ming btags pa don dam tshig chos kyi sku yin te/ de'i ngo bo stong pa kun la khyab par bstan to/ / gzhan yang rdo rjer ming btags pa mdor bsdu ba med par mi 'gyur ba'o/ /tshul de lta bu'i ngo bo phyi'i 'byung ba chen po'i ming btags pa nam mkha' yin no/ /bstan par bya ste/ mthas klas par ming btags pa 'jig rten gyi khams grangs med pa thams cad do/ /de la nam mkhas khyab pa de na gnas pa'i lha dang mi la sogs pa sems can de dag ma lus pa de dag gdon mi za bar nges par med par 'gyur ba yin no/ gzhan mdun du smos pa'i dgra rnams med par 'gyur ba ni ngo mtshar mi che bar bstan to/ /mdor bsdu ba de ltar mkha' dbyings rdo rje mthas klas par/ gnon par 'gyur ba gdon mi za'i don du gsungs so/ /bcom ldan 'das kyis rdo rje phur bu chen po de skad bka' stsal to/ /zhes bya ba ni/ rdo rje phur bu chen po ni/ rigs gsum gyi rdo rje phur bu de ni ltar smos pa'i tshul gyi so so sku dang gsung dang thugs rdo rje ye shes dang gnyis su med pa'i ngo bo yin no/ /don des rdo rje'i phur bu chen por smos so/ /bcom ldan 'das ni mdun du smos pa'i rigs gsum gyi rdo rje phur bu bsgom pa'i sbyor ba dang/ sngags kyi bzlas pa bya ba la sogs pa sgrub pa bya ba'i cho ga'i don des ston pa mi bskyod pa rdo rje 'dzin nyid kyis bka' stsal ba'o/ /de ltar bcom ldan 'das kyis bka' stsal to'i don du gsungs so/ /de ni rnam par

  653. 327a

    snang mdzad la sogs pa brjod du yod pa dang/ brjod du med pa'i sangs rgyas thams cad kyis mdun du smos pa'i rigs gsum gyi rdo rje phur bu'i don thos ma thag tu thugs mnyes shing dgyes par gyur te/ de'i dus su ston pa mi bskyod pa rdo rje 'dzin gyis bka' stsal nas/ cad mi gsung bar bzhugs pa la de ma thag tu bstong pa mdzad pa bstan par bya ste/ de nas sangs rgyas sku gsum mchog / sems can khams la phan mdzad pa/ /mnyes shing rab tu dgyes gyur nas/ gsung ni 'di skad ces gsol to/ /zhes bya ba'i don bshad par bya ste/ ci ltar yin no/ de nas ni ston pa mi bskyod pa rdo rje 'dzin gyis rigs gsum gyi rdo rje phur bu'i sgrub pa'i don bka' stsal ma thag tu cad mi gsung bar bzhugs pa las/ de'i dus su sangs rgyas rnam par snang mdzad la sogs pa ci ltar smos pa'i tshul gyis sangs rgyas thams cad kyis dus gcig tu mgrin gcig gis bstod pa mdzad pa mtshan? pa'o/ /sangs rgyas sku gsung mchog ces pa ni/ sangs rgyas thams cad ni/ ci ltar smos pa'i tshul gyi chos kyi sku dang longs spyod rdzogs pa'i sku dang/ sprul pa'i sku'o/ /de ltar sku thams cad kyi nang na mchog tu bstan pa'i sku gsum de dang gnyis su med pa'i ngo bo'i sku phyag rgyar bstan to/ /de ltar sangs rgyas sku mchog gi don du gsungs so/ /sems can khams la phan mdzad pa zhes pa ni/ mdun du smos pa'i sangs rgyas de dag thams cad ni/ dus rtag tu ci ltar phas bu la byams pa'i sems bskyed nas bye brag sna tshogs kyis phan pa'i don byed pa de bzhin du lha dang mi la sogs pa sems can gyi khams thams cad la mnyam pa'i thugs kyis phan pa'i don mdzad par smos so/ /de ltar sems can khams la phan mdzad pa'i don du gsungs so/ /mnyes

  654. 327b

    shing rab tu dgyes gyur nas/ zhes pa ni rnam par snang mdzad la sogs pa sangs rgyas thams cad ston pa mi skyod pa rdo rje 'dzin gyis ci ltar smos pa'i tshul gyis rigs gsum gyi rdo rje phur bu'i don bshad pa de thos ma thag tu thugs dgyes par gyur nas de'i dus su 'dod chags chen po'i thugs dgyes pas nyid nyid kyi shes rab ma la ye shes kyi lha mo dang gnyis su med par 'khyud pa'i sbyor bas thabs dang shes rab rol pa mdzad nas rab tu dgyes pa zhes pa ni/ bde bar gyur ba yin no/ /de ma thag tu gsang ba'i rdzas ye shes kyi bdud rtsi khu ba rdo rje'i lam gyi sgo nas shes rab ma la ye shes kyi lha mo'i b+ha ga'i dbus su 'od du zhu nas de zla ba'i dkyil 'khor gyi ngo bor gyur par mdzad do/ /byang chub sems ye shes kyi bdud rtsi'i zla ba'i dkyil 'khor de'i gnas nas le'u gsum pa las smos pa'i tshul du so so'i sngags kyi sa bon yig 'bru las lha mo gzugs rdo rje ma la sogs pa 'dod pa'i yon tan lnga'i lha mo rnams so so'i mchod pa'i rdzas ci ltar smos pa'i tshul du 'dzin pa de lta bu sangs rgyas thams cad kyi sprin bzhin du spro bar mdzad do/ /de spros pa'i 'og tu ston pa mi bskyod pa rdo rje 'dzin nyid la 'dod pa'i yon tan rnam pa lngas mchod do/ /mdor bsdu ba de ltar mnyes shing rab tu dgyes gyur nas kyi don du gsungs so/ /gsung ni 'di skad ces gsol to/ /zhes pa ni rnam par snang mdzad la sogs pa sangs rgyas thams cad kyis mdun du smos pa'i mchod pa byas nas 'og nas 'byung ba'i bstong pa'i tshig brjod pa'o/ e ma'o gsang pa'i gnas kyi mchog /e ma'o snying po kun bsdus la/ /e ma'o chos kyi gnas zhi pa/ /e ma'o rdo rje rnam par 'joms/ /zhes bya ba'i don bshad par bya ste/ ci ltar yin na/ e ma'o ni mdun du smos pa'i sku'i rigs

  655. 328a

    kyi rdo rje phur bu'i dngos grub kyi 'bras bu'i don thos nas sangs rgyas thams cad kyi thugs ngo mtshar du gyur pa'o/ /gsang pa zhes pa ni sku'i rigs kyi rdo rje phur bu ci ltar smos pa'i tshul gyi sgrub par bya ba'i sgom pa dang/ sbyor ba dang sngags kyi bzlas pa'i bsnyen pa la sogs spa'i cho ga de ni theg pa 'og ma pa'i nyan thos dang/ rang sangs rgyas la sogs pa dang/ gzhan yang tir ta ka rnams la mi bstan pas don des gsar bar smos so/ /gnas zhes pa ni/ dpal rdo rje sems dpa' la sogs pa de bzhin gshegs pa thams cad kyi don dam par sku rdo rje chos kyi dbyings kyi ye shes dang gnyis su med pa rnam par snang mdzad yin no/ /de'i gnas su ming btags pa ni zhe sdang chen pos dgra ma rungs pa thams cad bsad pa'i phyir rdo rje phur bu'i ngo bor khro bo rgyal po ya man ta ka smos so/ /mchog ces pa ni/ mdun du smos pa'i rdo rje phur bus bsad pa'i las byas pas/ rdo rje slob dpon nyid dang/ bsad par bya ba'i dgra gnyis ka ci ltar smos pa'i tshul gyi rnam par snang mdzad dang gnyis su med pa'i 'bras bur 'grub pa yin no/ /don des mchog tu smos so/ /de nas e ma'o zhes pa ni/ sku'i rigs kyi rdo rje phur bu'i dngos grub kyi 'bras bu'i don thos nas ci ltar sangs rgyas thams cad kyi thugs ngo mtshar du gyur pa de bzhin du/ gsung gi rigs kyi rdo rje phur bu'i dngos grub kyi 'bras bu'i don thos nas sangs rgyas thams cad du ngo mtshar du gyur pa'o/ /snying po zhes pa ni/ mdun du smos pa'i tshul gyi dpal rdo rje sems dpa' la sogs pa de bzhin gshegs pa thams cad kyi don dam par gsung rdo rje so sor rtog pa'i ye shes dang gnyis su med pa snang ba mdza' yas de ni snying por ming btags pa/ drag po'i las kyi dngos grub kyi 'bras

  656. 328b

    bu'i ngo bo yin no/ /don des snying por smos so/ /kun 'dus pa zhes pa ni/ zhe sdang chen po'i ngo bos dgra ma rungs pa thams cad bsad pa'i phyir mdun du smos pa'i rdo rje phur bus gsang pa'i las byas pas/ rdo rje slob dpon nyid dang/ gsad par bya ba'i dgra gnyi ga ci ltar smos pa'i tshul gyi snang ba mdza' yas dang gnyis su med pa'i 'bras bur 'grub bo/ /'bras bu de ni kun 'dus par ming btags pa rdo rje phur bu nyid la 'dus pa ste/ don des kun 'dus par smos so/ /de nas e ma'o zhes pa ni/ ci ltar sku'i rigs kyi rdo rje phur bu dang/ gsung gi rigs kyi rdo rje phur bu'i dngos grub kyi 'bras bu'i don thos nas sangs rgyas thams cad kyi thugs ngo mtshar du gyur pa de bzhin du/ thugs kyi rigs kyi rdo rje phur bu'i dngos grub kyi 'bras bu'i don thos nas sangs rgyas thams cad kyi thugs ngo mtshar du gyur pa'o/ /chos zhes pa ni/ ci snyed pa'i chos thams cad byang chub kyi sems dang gnyis su med pa'i ngo bor gsungs so/ /gnas zhes pa ni rnam par snang mdzad la sogs pa de bzhin gshegs pa thams cad kyi thugs rdo rje don dam par me long lta bu'i ye shes dang gnyis su med pa'i ngo bo ston pa mi bskyod pa rdo rje 'dzin nyid yin no/ /de'i gnas su ming btags pa zhe sdang chen pos dgra thams cad gsad pa'i phyir rdo rje phur bu'i gzugs khro bo'i rgyal po a mri ta kun da li'i smos so/ /zhi ba zhes pa ni/ mdun du smos pa'i rdo rje phur bus gsang par bya ba'i las byas pas/ rdo rje slob dpon nyid dang/ gsad pa'i dgra bo gnyi gas 'khor ba'i nyon mongs pa'i sdug bsngal thams cad kyi nad bcom nas/ ci ltar smos pa'i tshul gyi ston pa mi bskyod pa rdo rje 'dzin dang gnyis su med pa'i 'bras bu 'grub par 'gyur ro/ /don des zhi bar smos so/ /de nas e ma'o zhes pa ni/ mdun du smos pa'i rigs gsum gyi

  657. 329a

    rdo rje phur bu'i dngos grub kyi 'bras bu'i don thos nas sangs rgyas thams cad kyi thugs kyi ngo bo mtshar du gyur pa'o/ /rdo rje zhes pa ni/ sku rdo rje chos kyi dbyings kyi ye shes dang/ gsung rdo rje so sor rtog pa'i ye shes dang/ thugs rdo rje me long lta bu'i ye shes de ni nyid nyid kyi rigs kyi bye brag gi khro bo'i rgyal po dang gnyis su med pa'i phur bu yin no/ /don des rdo rjer smos so/ /rnam par 'joms? zhes pa ni/ gong du smos pa'i rigs gsum gyi rdo rje phur bu'i nang na gang la mos pa de lha dang mi la sogs pa dgra thams cad la btab na/ de ma thag tu dgra'i don thams cad dang/ 'khor thams cad dang/ srog la sogs pa 'joms pa 'am/ med par byed pa bstan to/ /sangs rgyas dag ni thams cad dang byang chub sems dpa' grags chen gnon/ /sku gsung thugs kyi rdo rje rnams/ /gnon pa rab tu bshad pa yin/ zhes bya ba'i don bshad par bya ste/ ci ltar yin na/ sangs rgyas thams cad ni/ rnam par snang mdzad la sogs pa rigs lnga'i bye brag gis sangs rgyas thams cad la/ gal te ci ltar smos pa'i rdo rje phur bu de btab na med par 'gyur ba'o/ /byang chub sems dpa' grags chen gnon zhes pa ni/ phyag na rdo rje dang/ 'jam dpal dang/ 'jig rten dbang phyug la sogs pa'o/ /bshad par bya ste/ de bzhin gshegs pa thams cad kyi thugs ye shes kyi mthu'i ngo bo ni phyag na rdo rje'o/ /de bzhin gshegs pa thams cad kyi dus rtag tu gsol ba ma btab kyang mas bu la sems shing don byed pa lta bu'i ngo bo ni byams pa'o/ /de bzhin gshegs pa thams cad kyi chos thams cad rigs pa'i snying po bla na med pa'i shes rab ma rig pa'i dra ba gcod par mdzad pa'i ngo bo ni 'jam dpal lo/ /de bzhin gshegs pa thams

  658. 329b

    cad kyis 'khor ba'i 'dam du lhung ba'i sems can 'byin pa'i thugs rje chen po'i thugs kyi ngo bo ni 'jig rten dbang phyug go /de lta bu'i yon tan gyi bye brag la/ 'jig rten gyi khams thams cad na gnas pa'i lha dang mi la sogs pa sems can thams cad kyis bstod pa byed pas grags pa chen por gyur pa'o/ /tshul de lta bu'i byang chub sems dpa' yang/ ci ltar sangs rgyas rdo rje'i phur bu btab na med par 'gyur ba de bzhin du med par 'gyur te/ de ni la don pa'i tshig tu smos pa ste/ rdo rje slob dpon gyis ci ltar smos pa'i dgra gsad pa'i bya ba'i phyir sems dad pa bskyed pa dang/ brtan pa'i don du smos so/ /mdor bsdu ba de ltar byang chub sems dpa' grags chen gnon gyi don du gsungs so/ /sku gsung thugs kyi rdo rje rnams/ gnon par rab tu bshad pa yin/ zhes pa ni/ mdun du smos pa'i sku dang gsung dang thugs rdo rje gsum gyi rdo rje phur bu bshad pa de btab pas/ ci ltar smos pa'i dgra'i lus dang ngag dang yid gsum med par 'gyur ba yin no/ / de'i dus su rdo rje slob dpon dang gsad par bya ba'i dgra de sku dang thugs dang gnyis su med pa'i dngos grub kyi 'bras bu thob par bshad do/ /de ltar sku dang gsung thugs kyi rdo rje rnams/ gnon par rab tu bshad pa yin gyi don du gsungs so/ / 'di ni sngags rnams thams cad kyi/ /phur bu de nyid las byung ba/ /sku gsung thugs ni mchog sbyin pa'i/ /sngags kyi de nyid bsdus pa'o/ /zhes bya ba'i don bshad par bya ste/ ci ltar yin na/ 'di ni sngags rnams thams cad kyi/ /phur bu de nyid las byung ba de ni/ sngags thams cad du ming btags pa/ zhi ba sgrub pa'i sngags dang/ rgyas pa sgrub pa'i sngags dang/ dbang sgrub pa'i sngags la sogs pa sgrub pa thams cad kyi nang na/ ci ltar smos pa'i rdo rje phur bu'i sngags bya bas

  659. 330a

    rdo rje slob dpon gyis gang yang rung ba gsad pa de dang/ bdag gnyis ka de kho na nyid du ming btags pa bla na med pa'i 'bras bu 'byung ba 'grub par smos so/ /de ltar 'di ni sngags rnams thams cad kyi/ phur bu de nyid las byung ba'i don du gsungs so/ /sku gsung thugs ni mchog sbyin pa zhes pa ni/ mdun du smos pa'i sgom pa dang sbyor ba dang/ sngags kyi bzlas pa'i cho ga'i tshul gyi/ rdo rje phur bu sgrub pa'i 'og tu/ rigs gsum gyi de bzhin gshegs pa mchog sbyin par smos so/ /de ltar sku gsung thugs ni mchog sbyin pa'i don du gsungs so/ /sngags kyi de nyid bsdus pa po zhes pa ni/ ci ltar smos pa'i sngags thams cad kyi de kho na nyid du ming btags pa ni/ so so'i dngos grub kyi 'bras bu yin no/ /bsdus pa zhes pa/ sngags thams cad kyi dngos grub kyi 'bras bu de ni/ sku dang gsung dang thugs kyi ye shes dang gnyis su med pa'i 'bras bu'i ngo bo 'dus pa yin no/ /de grub pa'i 'og tu sngags thams cad kyi dngos grub kyi 'bras bu grub par gsungs so/ /mdor bsdus pa de ltar sngags kyi de nyid bsdus pa'o// //de'i don du gsungs so/ /rgyud kyi rgyal po chen po dpal gsang ba 'dus pa'i rgya cher 'grel ba/ mkhas pa chen po rdo rje slob dpon 'phags pa kun dga' i snying pos mdzad pa/ le'u bcu bzhi pa rdzogs so// //de nas da ni le'u bcu bzhi pa'i 'og tu/ le'u bco lnga pa thams cad thugs kyi dam tshig snying po rdo rje 'byung ba zhes bya ba bshad par bya ste/ de nas rgyal po rdo rje 'dzin/ /thams cad mi 'gyur nam mkha' che/ /thams cad dbang bskur kun mkhyen pas/ /rdo rje gsung gis bka' stsal pa/ zhes bya ba'i don bshad par

  660. 330b

    bya ste/ ci ltar yin na/ de nas ni rin chen 'byung ldan la sogs pa 'khor thams cad kyis thugs rje chen po'i thugs skyed nas/ sgrub pa po la sogs pa sems can 'khor ba'i 'dam du lhung ba thams cad dbyung ba'i phyir ston pa la le'u bco lnga pa bshad par bskul ba yin no/ /rgyal po rdo rje 'dzin thams cad nam mkha' mi 'gyur che/ zhes pa ni/ de'i don le'u dgu pa las ci ltar bshad pa de bzhin du 'dir bstan to/ /thams cad dbang bskur zhes pa ni/ le'u brgyad pa las thams cad dbang bskur pa'i ngo bo ci ltar smos pa'i ye shes gsang ba ste/ ston pa mi bskyod pa rdo rje 'dzin nyid kyi ye shes te/ thabs kyi phyag rgya'o/ /gsang ba ni shes rab kyi phyag rgya'o/ /de gnyis su med pa'i ngo bo ni ye shes dang gsang bar ming btags pa'i sku phyag rgya yin te/ de 'khor rnam par snang mdzad la sogs pa rigs lnga'i bye brag gi de bzhin gshegs pa grangs med pa dang/ de ye shes kyi lha mo dang bcas pa'i spyi bor dbang bskur ba'i tshul du gnas pa'o/ / de ltar thams cad dbang bskur gyi don du gsungs so/ /kun mkhyen pa zhes pa ni/ chos thams cad dang/ phyi'i rigs pa thams cad dang/ gzhan yang lha dang mi la sogs pa sems can thams cad kyi sems las ci 'byung ba'i don thams cad mkhyen pa yin no/ /don des thams cad kun mkhyen ni ston pa mi bskyod pa rdo rje 'dzin nyid yin no/ /rdo rje gsung gis bka' stsal pa/ zhes pa ni rnam par snang mdzad la sogs pa de bzhin gshegs pa thams cad kyi gsung rdo rje so sor rtog pa'i ye shes dang gnyis su med pa'i ngo bo ni ston pa mi bskyod pa rdo rje 'dzin gyi gsung rdo rjer gnyis su med pa/ ci snyed pa'i chos thams cad dang rig pa thams cad kyi snying po'i gnas de lta bu'i ngo bo'i gsung rdo rje des

  661. 331a

    gsol ba btab pa'i 'og tu stsol zhes pa'o/ /da ni rin chen 'byung ldan la sogs pa 'khor thams cad kyis ston pa mi bskyod pa rdo rje 'dzin la bstod pa'i sgo nas le'u bco lnga pa bshad par gsol ba btab pa de gsan ma thag tu/ bka' stsal pa'i tshig gi don bstan par bya ste/ tsan da li'i bdag nyid che/ /bu mo lo grangs bcu gnyis pa/ /dben pa'i gnas su khyad par du/ /sgrub pa po ni rtag tu sgrub/ /ces bya ba'i don bshad par bya ste/ ci ltar yin na/ tsan da li'i bdag nyid che/ /bu mo lo grangs bcu gnyis pa ni/ dpal rdo rje sems dpa' i phyag rgya chen po bsgrub par bya'o/ /de'i dus su mdun du smos pa'i sdig pa chen po tsan ta li'i rigs yin te/ de las skyes pa'i bu mo lo bcu gnyis lon pa blang ba yin no/ /dben pa'i gnas su khyad par du sgrub pa pos ni rtag tu sgrub/ ces pa ni mdun du smos pa'i rdo rje rigs kyi bye brag gi rigs ngan tsan da li'i bu mo blangs pa'i 'og tu ye shes kyi lha mo mA ma kI dang gnyis su med pa'i ngo bor byin gyis brlab par bya'o/ /de ltar shes rab ma dang ldan pa'i sgrub pa pos ci ltar smos pa'i tshul gyis gnas dben par dpal rdo rje sems dpa' ma grub kyi bar du dus rtag tu sgrub par bya bar bstan to/ /de ltar dben pa'i gnas su khyad par du/ sgrub pa pos ni rtag tu bsgrub kyi don du gsungs so/ /bshang gci'i dam tshig la sogs pa/ de ru cho ga bzhin du ni/ /dkyil 'khor gru bzhi lham par bya/ /rdo rje'i dkyil 'khor bsgom pa yis/ /zhes bya ba'i don bshad par bya ste/ ci ltar yin na/ bshang gci'i dam tshig la sogs pas/ de ru cho ga bzhin du ni/ mdun du smos pa'i gnas dben par sa gzhi mnyam par byas la/ de'i 'og tu ci ltar smos pa'i ban da blangs te/ dum bu gcig pa nas lnga pa man chad

  662. 331b

    mtshan thams cad rdzogs pa'o/ /snod ban da der bshang gci la sogs bdud rtsi lnga bzhag go /de'i 'og tu mdun du smos pa'i tshogs khro bo'i rgyal po a mri ta kun da li'i sku phyag rgya bskyed par bya'o/ /de'i cha lugs phun sum tshogs pa ci ltar le'u bzhi pa thugs kyi dkyil 'khor gyi dus su smos pa de bzhin du 'dir bya'o/ /de lta bu'i ngo bo'i sku phyag rgya bskyed ma thag tu sgrub pa pos de dang gnyis su med pa'i nga rgyal du bsgom par bya bas khro bo rgyal po a mri ta kun da li'i sngags rings khro bo chen po'i brtson 'grus kyis bzla zhing/ ban da'i nang du bdud rtsi nges dkyil 'khor gru bzhi kun tu khru gsum par bya'o/ /de ltar bshang gci'i dam tshig la sogs pa/ de ru cho ga bzhin du'i don du gsungs so/ /dkyil 'khor gru bzhi lham par bya/ rdo rje dkyil 'khor sgom pa yis zhes pa ni/ mdun du smos pa'i cho gas dam rdzas bdud rtsi lnga las dkyil 'khor byas pa de'i steng du dkyil 'khor kun tu khru re dang sor bcu gnyis pa bya'o/ /gzhan ci ltar le'u bzhi pa thugs kyi dkyil 'khor gyi dus su tshon rnam pa lnga dgye ba'i tshul gyis ri mo bya bar smos pa de bzhin du 'dir bya'o/ /de'i 'og tu gur kum dang/ kar phu dang/ tsan dan dang/ a ka ru la sogs pa rdzas dri dang ldan pa thams cad cig tu bsres la gong du smos pa'i ban dar bzhag la 'thor par bya'o/ /gzhan yang pad ma dang/ ku mu ta dang/ ud pa la dang/ tsam pa ka la sogs pa me tog dri dang ldan pa thams cad dgram par bya'o/ de'i 'og tu sgrub pa pos sems brtan par bskyed la/ dkyil 'khor de'i steng gi dbus su mos pa'i dkyil mos 'dug go /de ma thag tu mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa thams

  663. 332a

    cad ni ci ltar smos pa'i de bzhin du 'dir bya'o/ /de lta bu'i ngo bo'i sku phyag rgyar gyur ma thag tu rdo rje'i ming btags pa zhe sdang rdo rje'i ngo bor gyur par brtag la de dang gnyis su med pa'i nga rgyal du sgom par bya'o/ /mdor bsdu ba de ltar dkyil 'khor gru bzhi lham par bya/ /rdo rje'i dkyil 'khor bsgom pa yis kyi don du gsungs so/ /da ni bsgom par bya ba'i gsang ba'i man nag bstan par bya ste/ mtshan nyid thams cad yongs su dag /rab tu bzang la bzhin yang mdzes/ /rgyan rnams thams cad yongs rdzogs pa/ /spang par bzhag nas rnam par bsgom/ /zhes bya ba'i don bshad par bya ste/ ci ltar yin na/ mtshan nyid thams cad yongs su dag /rab tu bzang la bzhin yang mdzes pa ni/ mdun du smos pa'i rigs ngan tsan da li'i bu mo de ni/ ud pa la'i 'dab ma'i mdog 'dra ba/ skra bung ba lta bu 'khril ba/ 'jam pa phra ba stug pa/ mig pad ma'i 'dab ma 'dra ba/ so mnyam la dkar/ mthong ka yangs pa/ nu ma tsha ba mtho ba 'jam pa srab par dog pa/ dpung la ring ba glang po che'i sna 'dra ba/ sor mo ring ba/ sked pa phra ba/ lte ba zab pa/ brla sbom pa zlum la 'jam pa/ ba spu med pa/ skad phra ba/ snyan pa ring ba pad ma ni/ rma bya mo'i stabs su 'gro ba/ bstan pa byang chub sems dang ldan pa/ dad pa che ba/ blo dang ldan pa/ glu dang/ gar dang/ rol mo dang/ rig byed kyi gnas thams cad shes pa/ de dag la sogs pa mtshan dang yon tan gyi bye brag sna tshogs pa dang ldan pa'o/ /dgra pa ni nyon mongs pa thams cad dang/ rnam par rtog pa spangs pa'o/ /don des mtshan nyid thams cad yongs su dag par smos so/ /rab tu bzang la bzhin yang mdzes/ zhes pa bzhin mdangs dang ldan pa

  664. 332b

    'jam pa'o/ /don des bzhin 'jam pa smos so/ /rgyan thams cad yongs su rdzogs pa/ zhes pa ni/ mdun du smos pa'i shes rab ma'i yan lag dang nying lag thams cad rgyan thams cad rdzogs par bya ste/ rgyan gyi bye brag gsal ba bya ste/ rna ba'i rgyan ni gser gyi rna cha 'khor lo lta bu la rin po ches spras pa'o/ /mgul ba'i rgyan ni/ mu tig gi phreng ba rin po che sna tshogs dang spel pa'o/ /dpung pa'i rgyan ni/ gser gyi phreng ba gzugs sna tshogs kyi bye brag la rin po ches spras pa'o/ /lag pa'i rgyan ni/ gser gyi gdu bu la rin po ches spras pa'o/ /sor mo'i rgyan ni gser gyi sor gdub la rin po ches spras pa'o/ /rked pa'i rgyan ni gser gyi phreng ba gzugs sna tshogs pa la rin po ches spras pa'o/ /rkang pa'i rgyan ni gser gyi gdu bul rin po ches spras pa dril bu can no/ /de dag la sogs pa rgyan thams cad kyis shes rab ma'i lus la rdzogs par bya'o/ /de ltar rgyan rnams thams cad yongs su rdzogs pa'i don du gsungs so/ /spang par bzhag nas rnam par sgom zhes pa ni/ mdun du smos pa'i tshul gyi shes rab ma'i lus la rgyan thams cad rdzogs par byas pa'i 'og tu sgrub opa pos 'dod chags chen po'i sems dga' bas lag pa g.yon pas 'khyud pa'i tshul du bzung nas/ dang por brla g.yon pa'i steng du bzhag go /de'i dus su shes rab ma'i zhe sdang dga' ma rdo rje ma dang gnyis su med pa'i ngo bo yin par bsgom par bya'o/ /de ltar pad par bzhag nas rnam par sgom gyi don du gsungs so/ /de ni sku'i rigs rnam par snang mdzad kyi sgom pa bya ba'i cho ga'i don bshad par bya ste/ dkyil 'khor lnga'i 'khor lo yis/ /sangs rgyas gzugs su rnam par sgom/ /sngags kyi rdo rje can gyi gsang/ /mchod pa'i mchog ni nyams dga' bsgom/ /zhes bya ba'i don bshad par bya ste/ ci ltar

  665. 333a

    yin na/ dkyil 'khor lnga'i 'khor lo yis/ /sangs rgyas gzugs su rnam par sgom ni sgrub pa pos ci ltar smos pa'i zhe sdang rdo rje dang gnyis su med par bsgom pas/ shes rab ma zhe sdang rdo rje ma dang gnyis su med pa'i ngo bo pad par bzhag pa de dang gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas/ shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de'i steng du sngags sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bor gzi brjid kyi phung po bzhin du 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med par thim par 'gyur ro/ /sa bon de las sku'i rigs rnam par snang mdzad kyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa thams cad ci ltar mdun du smos pa de bzhin du 'dir bya'o/ /de lta bu'i ngo bo sku'i rigs rnam par snang mdzad kyi sku phyag rgya bskyed ma thag tu skyed par mdzad mkhan zhe sdang rdo rje'i sku phyag rgya'i sku'i rigs rnam par snang mdzad kyi sku phyag rgya'i spyi bo la dbang bskur ba'i tshul du bsam mo/ /de'i 'og tu de dang gnyis su med pa'i nga rgyal du sgom par bya'o/ /de'i dus su sku'i rigs bye brag gi bram ze'i rigs kyi bu mo lo bcu drug lon pa mtshan dang yon tan dang ci ltar smos pa dang ldan pa blang ngo/ /de rgyan thams cad kyis yan lag dang nying lag thams cad rgyan par bya'o/ /shes rab na de ye shes kyi lha mo sangs rgyas spyan dang gnyis su med

  666. 333b

    pa'i ngo bor byin gyis brlab par bya'o/ /de'i 'og tu sgrub pa pos 'dod chags chen po'i sems dga' bas gnyis su med par 'khyud pa'i sbyor bas thab dang shes rab rol pa bya'o/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng gi dbus su sngags sa bon yig 'bru hUM bsam mo/ /de kha dog dkar po me long lta bu'i ye shes kyi ngo bor 'bar ba chen po'i 'od kyis 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med par thim par gyur to/ /de'i 'og tu byang chub sems zla ba'i dkyil 'khor gyi steng gi dbus su sngags kyi sa bon yig 'bru phruM bsam mo/ /de kha dog ser po dus 'dir chos kyi dbyings kyi ye shes kyi ngo bor 'bar ba chen po'i 'od kyis 'bar zhing 'od du zhu nas ye shes kyi khu ba'i ngo bor gyur to/ /sa bon de las byang chub sems zla ba'i dkyil 'khor dang mnyam pa'i 'khor lo rtsibs bzhi pa kha dog gser lta bur gyur par bsam mo/ /de gzi brjid phung po bzhin du 'bar ba'o/ /cho ga'i tshul de lta bus gdan phun sum tshogs pa'i ngo bor gyur ma thag tu 'khor lo'i steng gi lte ba'i dbus su sgrub pa pos ci ltar smos pa'i tshul gyis sku'i rigs rnam par snang mdzad dang gnyis su med pa'i ngar gyal du bsgom pas bdag po'i ngo bor gnas par bya'o/ /de'i dus su nyid kyi gsang ba'i thugs ka ye shes sems dpa' i gnas su sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid kyi phung po bzhin du 'od du zhu nas ye shes kyi khu ba bzhin du gyur to/ /sa bon de las rdo rje mi bskyod pa'i sku phyag rgyar gyur par bya'o//

  667. 334a

    de nyid kyi shes rab ma ye shes kyi lha mo dang gnyis su med bar 'khyud pa'i sbyor ba dang ldan bya'o/ /sku phyag rgya'i cha lugs phun sum tshogs pa gzhan ? mdun du ci ltar smos pa bzhin du 'dir bya'o/ /de lta bu'i ngo bo rdo rje mi bskyod pa'i sku phyag rgya skyed pa'i 'og tu/ rnam par snang mdzad kyi mdun du 'khor lo'i rtsibs kyi steng dbus su gnas par gyur bar bsam mo/ /de'i 'og tu gsang ba'i thugs ka ye shes sems dpa' i gnas su sngags sa bon yig 'bru swa bsam mo/ /de kha dog ser po mnyam pa nyid kyi ye shes kyi ngo bo gzi brjid kyi phung po bzhin du 'bar zhing zhu nas ye shes kyi khu ba bzhin du 'gyur to/ /sa bon de las rin chen 'byung ldan gyi sku phyag rgya bskyed par bya'o/ /de nyid kyi shes rab ma ye shes kyi lha mo sprul pa'i ma ma ki dang gnyis su med par 'khyud pa'i sbyor pa dang ldan pa'o/ /sku phyag rgya'i cha lugs phun sum tshogs pa gzhan ni ci ltar mdun du smos pa de bzhin du 'dir bya'o/ /de lta bu'i rin chen 'byung ldan gyi sku phyag rgya bskyed pa'i 'og tu rnam par snang mdzad kyi g.yas phyogs su 'khor lo rtsibs kyi steng gi dbus su gnas par gyur bar bsam mo/ /de'i 'og tu gsang ba'i thugs ka ye shes sems dpa' i gnas su sngags sa bon yig 'bru A bsam mo/ /de kha dog dmar po so sor rtog pa'i ye shes kyi ngo bo gzi brjid kyi phung po bzhin du 'bar zhing 'od du zhu nas ye shes kyi khu ba lta bur gyur to/ /sa bon de las snang ba mdza' yas kyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ci ci ltar mdun du smos pa bzhin du 'dir bya'o/ /de lta bu'i ngo bo snang ba mdza' yas kyi sku phyag rgya bskyed pa'i 'og tu rnam par snang mdzad kyi rgyab phyogs su 'khor lo'i rtsibs

  668. 334b

    kyi steng gi dbus su gnas par gyur bar bsam mo/ /de'i 'og tu gsang ba'i thugs ka ye shes sems dpa' i gnas su sngags sa bon yig 'bru hA bsam mo/ /de kha dog ljang gu bya ba nan tan gyi ye shes kyi ngo bo gzi brjid phung po bzhin du 'bar zhing 'od du zhu nas ye shes kyi khu ba bzhin du 'gyur ro/ /sa bon de las don yod grub pa'i sku phyag rgya bskyed par mdzad do/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa gzhan ni ci ltar mdun du smos pa de bzhin du 'dir bya'o/ /de lta bu'i ngo bo don yod grub pa'i sku phyag rgya bskyed pa'i 'og tu rnam par snang mdzad kyi g.yon phyogs su 'khor lo rtsibs kyi steng gi dbus su gnas par gyur par bsam mo/ de nas sgrub pa pos mdun du smos pa'i sku'i rigs rnam par snang mdzad kyi dkyil 'khor gyi sgom pa ma grub kyi bar du dus rtag tu sems brtan pas bya'o/ /mdor bsdu ba de ltar dkyil 'khor lnga'i 'khor lo yi sangs rgyas gzugs su rnam par sgom gyi don du gsungs so/ /sngags kyi rdo rje can gyi gsang/ mchod pa'i mchog ni nyams dga' sgom gyi zhes pa ni/ mdun du smos pa'i tshul gyi sku'i rigs rnam par snang mdzad kyi bsgom pa bya ba'i dus su/ sngags kyi rdo rje can du ming btags pa sngags kyi sa bon yig 'bru oM bsam mo/ /rdo rje ni sngags sa bon yig 'bru oM de chos kyi dbyings kyi ye shes kyi ngo bo'o/ /de las rnam par snang mdzad kyi sku phyag rgya bskyed nas sgrub pa po de dang gnyis su med pa'i nga rgyal du sgom par bya ste/ de nyid sngags kyi rdo rje can du smos so/ /bstan par bya ste/ sgrub pa pos ma grub kyi bar dus rtag tu mchod pa'i bye brag rnam pa gnyis kyi mchod par bya'o/ /'dod pa'i yon tan lnga yis mchod pa dang/ byang chub sems longs spyad pa'i

  669. 335a

    mchod pa'o/ /de'i don gsal bar bstan bar bya ste/ sgrub pa pos dang po 'dod chags chen po'i sems dga' bas mdun du smos pa'i shes rab ma dang gnyis su med par 'khyud pa'i sbyor bas thebs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su/ byang chub sems 'o ma'i rgyun bzhin du 'od du zhu nas nga zla ba'i dkyil 'khor gyi ngo bor gyur to/ /byang chub sems zla ba'i dkyil 'khor ? gnas nas/ so so'i sngags kyi sa bon yig 'bru las mdun du smos pa'i lha mo gzugs rdo rje ma la sogs pa 'dod pa'i yon tan lnga'i mchod pa'i lha mo rnams rang rang gi mchod pa rdzas ci ltar smos ba'i tshul du 'dzin pa de lta bu'i ngo bo sprin bzhin du sgrub pa pos nyid kyi ba spu bu ga'i lam gyi sgo nas spro bar bya bas/ rnam par snang mdzad kyi dkyil 'khor rang gi lus dang gnyis su med pa'i ngo bo la mchod pa byed par brtag go /tshul de ltar yid du 'ong bar ming btags pa gsang ba'i mchod pa byas pas 'dod pa'i yon tan lnga'i mchod pa phun sum tshogs pa spros pa de bsdu bar bya'o/ /don des mchod pa nyams dga' bar smos so/ /bstan par bya ste/ /'dod pa'i yon tan lnga'i mchod pa byas ma thag tu/ ci ltar smos ba'i tshul du thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de'i steng du dus 'dir sngags sa bon yig 'bru oM bsam mo/ /de kha dog dkar po chos kyi dbyings kyi ye shes kyi ngo bo gzi brjid chen po 'bar ba'i 'od kyi 'bar zhing 'od du zhu nas ye shes kyi khu ba lta bu byang chub sems zla ba'i dkyil 'khor la gnyis su med

  670. 335b

    par thim par gyur bar brtag go /de'i dus su byang chub sems ye shes kyi bdud rtsi'i khu ba'i ngo bo de sgrub ba pos/ swa b+ha ba shud+d+ha sarba d+harma swa b+ha ba shud+d+ho haM/ zhes sngags kyi tshig brjod cing lag pa g.yas pa'i sor mo gsum rdo rje'i ngo bor brtags nas/ shes rab ma'i b+ha ga'i dbus nas blangs la bza' bar bya'o/ /tshul de ltar zla ba'i dkyil 'khor gi lus dang gnyis su med pa'i ngo bo la mchod pa byas par brtag go /mdor bsdu ba de ltar sngags kyi rdo rje can gyi gsang/ mchod pa'i mchog ni nyams dga' sgom gyi don du gsungs so/ /sku gsung thugs ni rdo rje can/ /rnam par snang mdzad chen bo'i sku/ /bsam gtan sngags kyi sbyor ba yis/ /de ni sangs rgyas 'od 'drar 'gyur/ /zhes bya ba'i don bshad par bya ste/ ci ltar yin na/ sku gsung thugs ni rdo rje can/ /rnam par snang mdzad chen po'i sku ni/ /gong du smos pa'i dkyil 'khor gyi bdag po sku'i rigs rnam par snang mdzad kyi sku phyag rgya de ni/ sku rdo rje dang/ gsung rdo rje dang/ thugs rdo rje gsum dang gnyis su med pa'i ngo bo yin te/ don des rnam par snang mdzad ni sku gsung thugs rdo rje can yin par bstan to/ /de ltar sku gsung thugs ni rdo rje can rnam par snang mdzad chen po'i sku'i don du gsungs so/ /bsam gtan sngags kyi sbyor ba yis/ de ni sangs rgyas 'od 'drar 'gyur zhes pa ni/ mdun du smos pa'i dkyil 'khor gyi tshul gyis rnam par snang mdzad kyi sku phyag rgya'i gzugs su gnyis su med pa'i nga rgyal du sgom pa bya ba'i dus su sgrub pa pos nyid kyi lus la sku dang gsung dang thugs kyi rigs gsum gyi sngags sa bon yig 'brus byin gyis brlab pa'i sgom pa bya'o/ /de gsal bar bstan par bya ste/ dang po spyi bo'i dbus su sngags sa bon yig 'bru oM bsam mo/ /de kha

  671. 336a

    dog dkar po chos kyi dbyings kyi ye shes kyi ngo bo gzi brjid kyi phung po bzhin du 'bar zhing spyi bo'i gnas su thim par gyur par bsam mo/ /de'i 'og tu mgul ba'i dbus su sngags kyi sa bon yig 'bru A bsam mo/ / de kha dog dmar po so sor rtog pa'i ye shes kyi ngo bo'i gzi brjid kyi phung po bzhin du 'bar zhing mgul par thim par gyur bar bsam mo/ /de'i 'og tu snying ga'i dbus su sngags sa bon yig 'bru hUM bsam mo/ /de kha dog mthing ga me long lta bu'i ye shes kyi ngo bo gzi brjid kyi phung po bzhin du 'bar zhing snying gar thim par gyur par bsam mo/ /tshul de ltar sngags kyi sbyor ba'i bsam gtan byas pas sgrub pa pos sangs rgyas su ming btags pa sku'i rigs rnam par snang mdzad du smos pa de dang gnyis su med pa'i ngo bo'i 'bras bur gyur par bstan to/ /de ltar bsam gtan rdo rje'i sbyor ba yis/ de ni sangs rgyas 'od 'drar 'gyur gyi don du gsungs so/ /de ni dpal rdo rje sems dpa' khyad par du sgom pas sgrub pa bya ba'i cho ga'i don bstan par bya ste/ khrus mkhan gyi ni bdag nyid che/ /bu mo ud dpal mthing ga'i mdog /rdo rje sems dpa' i sbyor ba yis/ /de ni rtag tu sgrub par bya/ /zhes bya ba'i don bshad par bya ste/ ci ltar yin na/ khrus mkhan gyi ni bdag nyid che/ /bu mo ud pal mthing ga'i mdog ni/ rdo rje'i rigs kyi sgrub pa bya ba phyi'i gnas ni dben pa chen po ste/ rtsA dur pa la sogs pa rtswa snum pa 'jam pa phun sum tshogs pa dang/ mtsho dang mtshe'u phun sum tshogs pa dang ldan pa'o/ /gnas de sa gzhi mnyam par bya'o/ /de'i 'og tu mdun du smos pa'i ban da dum bu lnga pa mtshan thams cad rdzogs pa blang ngo/ /ban da der bshang gci la sogs bdud rtsi lnga bzhag go /de'i 'og tu ci ltar smos pa'i

  672. 336b

    tshogs khro bo'i rgyal po a mri ta kun da li'i sku phyag rgya bskyed par bya'o/ /de'i cha lugs phun sum tshogs pa ni mdun du smos pa dang ldan pa'o/ /de lta bu'i ngo bo sku phyag rgya bskyed ma thag tu sgrub pa pos de dang gnyis su med pa'i nga rgyal du sgom par bya'o/ /de nas khro bo'i rgyal po a mri ta kun li'i sngags rings khro bo chen po'i brtson 'grus kyi bzla zhing ban da'i nang du bdud rtsi lnga bzhag la des dkyil 'khor gru bzhi kun tu khru re dang ser lnga bsku bar bya'o/ /de'i 'og tu gur kum dang/ kar pur la sogs pa mdun du smos pa'i rdzas dri dang ldan pa thams cad gcig tu bsres la ban dar bzhag la/ dkyil 'khor la gtor bar bya'o/ /gzhan yang pad ma dang ku mu ta la sogs pa me tog dri dang ldan pa thams cad dgram par bya'o/ /de'i 'og tu sgrub pa pos sems bstan pa bskyed par bya ste/ dkyil 'khor gyi steng gi dbus su phyi'i stan bde ba 'jam pa la mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis dpal rdo rje sems dpa' i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa ci ltar smos pa'i bzhin du 'dir bya'o/ /de lta bu'i ngo bo dpal rdo rje sems dpa' i sku phyag rgyar gyur ma thag tu de dang gnyis su med pa'i nga rgyal du sgom par bya'o/ /de'i dus su khrus mkhan gyi bdag nyid cher ming btags pa theg pa chen po gsang sngags kyi tshul gyis dpal rdo rje sems dpa' sgom zhing sgrub par byed pa'i don gyis khrus mkhan gyi bdag nyid cher smos so/ /de lta bu'i bu mo blang ste/ de ni ud pa la sngon po'i 'dab ma'i kha dog ci ltar ldan pa/ lo bcu gnyis lon pa/ mdun du

  673. 337a

    smos pa'i tshul gyi mtshan dang yon tan dang ldan pa/ rgyan thams cad lus la sogs pa'o/ /de ltar khrus mkhan gyi ni bdag nyid che/ /bu mo ud pal mthing ga'i mdog gi don du gsungs so/ /rdo rje sems dpa' i sbyor ba yis/ /de ni rtag tu bsgrub par bya zhes pa ni/ gong du smos pa'i bu mo dang ldan pa'i sgrub pa pos dpal rdo rje sems dpa' dang gnyis su med par sgom pa'i sbyor bas bla na med pa'i 'bras bu sgrub par bya'o/ /bstan par bya ste bla na med pa'i 'bras bu ma grub kyi bar du nyin mtshan rtag tu sgrub pa pos 'dod chags chen po'i sems dga' bas khrus mkhan gyi bdag nyid kyi bu mo de ye shes kyi lha mo ma ma ki dang gnyis su med par byin gyis brlabs nas/ de'i 'og tu gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas/ shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de'i steng du dus 'dir sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bo gzi brjid chen po'i 'od kyis 'bar zhing 'od du zhu nas ye shes kyi khu ba lta bu byang chub sems la gnyis su med par thim par? 'gyur bar brtag go /de'i dus su sgrub pa pos byang chub sems ye shes kyi bdud rtsi'i khu ba'i ngo bo de mdun du smos pa'i tshul gyi sngags kyi tshigs swa b+ha ba shud+d+ha sarba d+harma swa b+ha ba shud+d+honyahaM/ zhes brjod cing lag pa g.yas pa'i sor mo gsum rdo rje'i ngo bor brtag par shes rab ma'i b+ha ga'i dbus nas blangs la bza' bar bya'o/ /de ltar bsgom pas gsang pa'i mchod pa bya zhing byang chub sems byung ba de bza' ba'i

  674. 337b

    tshul gyis bsgrub pa bya bar smos so/ /de ltar rdo rje sems dpa' i sbyor ba yis/ /de ni rtag tu sgrub par bya ba'i don du gsungs so/ /sbyor ba'i cho ga de nyid ni/ /byas nas las rnams brtsam par bya/ /'di ni sngags rnams thams cad kyi/ /dam tshig shin tu 'da' dka' ba'o/ /zhes bya ba'i don bshad par bya ste/ ci ltar yin na/ sbyor ba'i cho ga de nyid ni/ byas nas las rnams brtsam par bya ni/ mdun du smos pa'i tshul gyi sgrub pa pos khrus mkhan gyi bu mo dang ldan pas dpal rdo rje sems dpa' i sku phyag rgya cho ga ma nor par gyur par byas ma thag tu de dang gnyis su med pa'i nga rgyal du bsgom pa'i sbyor bas ci ltar smos pa'i tshul gyis byang chub sems bskyed nas bza' ba'i dus su rang gi lus kyi gnas kun nas me long lta bu'i ye shes kyi ngo bo'o/ /'od gzer gyi dra ba grangs med pa spro ba'i las brtsam par bya ste/ 'od gzer dra ba grangs med pa des/ 'jig rten gyi khams thams cad du khyab ste/ de ma thag tu lha dang mi la sogs pa sems can thams cad la reg pa'i tshul gyis byin gyis brlabs pa'i 'dod chags dang zhe sdang la sogs pa nyon mongs pa thams cad kyi dbang gis sdig pa bsag pa 'joms par 'gyur ro/ /de ltar byas pa'i 'og tu/ 'od gzer gyi dra ba grangs med pa sgrub pa po nyid kyi lugs la gnyis su med pa'i ngo bor slar bsdu bar bya bar bsam mo/ /de ltar sbyor ba'i cho ga de nyid ni/ byas nas las rnams brtsam par bya ba'i don du gsungs so/ /'di ni sngags rnams thams cad kyi/ /dam tshig shin tu 'da' dka' ba'o/ /zhes pa ni/ 'di ni sgrub pa bya ba'i cho ga'i tshul te zhi ba dang/ rgyas pa la sogs pa sngags kyi sgrub pa thams cad kyi nang na/ gsang sngags kyi sgrub pa dam tshig

  675. 338a

    tu ming btags pa 'di ni khyad par du gsungs te/ de bsgrub par bya ba'i 'og tu/ gal te sems rnam par rtog pa mi spong na/ de'i skyon gyis dmyal bar 'gro ba'o/ /de'i phyir rnam par rtog pa spangs nas bstan par bsgrub par bya'o/ /de ltar 'di ni sngags rnams thams cad kyi/ dam tshig shin tu 'da' dka' ba'i don du gsungs so/ /da ni mdun du smos pa'i sgrub pa'i 'bras bur 'gyur bar bstan par bya ste/ de'i steng ma thag tu yang/ rdo rje sems dpa' i 'od 'drar 'gyur/ zhes pa mdun du smos pa'i tshul gyis/ dpal rdo rje sems dpas bsgrub pa byas pas sgrub pa po nyid dpal rdo rje sems dpa' i dang mnyam pa'i dngos grub kyi 'bras bur 'gyur ba yin no/ /da ni snang ba mdza' yas khyad par du bsgom pa bya ba'i cho ga'i don bstan par bya ste/ rgyal po chos rnams thams cad 'dzin/ /'dod dang thar pa 'grub par byed/ /gar mkhan bu mo rab mdzes shing/ /bzhin bzangs mig gi dkyus ring ba/ /zhes bya ba'i don bshad par bya ste/ ci ltar yin na/ rgyal po chos rnams thams cad 'dzin/ /'dod dang thar pa 'grub par byed ni/ gsung gi rigs kyi sgrub par bya ba'i phyi'i gnas chu 'gram du smos te/ de yang dur ba la sogs pa rtswa 'jam pa dang/ snum pa phun sum tshogs pa dang/ ma li ka dang yu ti ka la sogs pa me tog dri dang ldan pa thams cad dang ldan pa'o/ /gnas der sa gzhi mnyam par bya'o/ /de'i 'og tu mdun du smos pa'i tshul gyi ban da dum bu lnga pa mtshan thams cad dang ldan pa blang ngo/ /de'i nang du bshang gci la sogs pa bdud rtsi rnam pa lnga bzhag go /de'i 'og tu ci ltar smos pa'i cho ga bzhi'i tshul gyis khro bo'i rgyal po pad man ta ka'i sku phyag rgya bskyed par bya'o/ /de'i sku phyag rgya'i cha lugs

  676. 338b

    phun sum tshogs pa ni ci ltar mdun du smos pa de bzhin du 'dir bya'o/ /de lta bu'i ngo bo sku phyag rgya bskyed ma thag tu/ sgrub pa po de dang gnyis su med pa'i nga rgyal du sgom pas khro bo'i rgyal po pad man ta ka'i sngags rings khro bo chen po brtson 'grus kyis bzla zhing/ ban da'i nang du bzhag pa'i bdud rtsi des kun tu khru gang dang sor lnga bsku ba'i pad ma'i ngo bo'i dkyil 'khor bya'o/ /de nas tsan dan dang/ a ka ru la sogs pa rdzas dri dang ldan pa thams cad cig tu bsres la/ mdun du smos pa'i ban da'i nang du bzhag la gtor bar bya'o/ /gzhan yang pad ma dang/ tsam pa ka la sogs pa me tog dri dang ldan pa thams cad dgram par bya'o/ /de'i 'og tu sgrub pa pos sems brtan pa bskyed nas dkyil 'khor de'i steng gi dbus su phyi'i stan bde ba 'jam pa la mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis don dam par de bzhin gshegs pa thams cad kyi chos 'byung ba'i gnas gsung yin te/ de dang gnyis su med pa'i ngo bo snang ba mdza' yas sku phyag rgya chos 'dzin pa'o/ /don des chos thams cad 'dzin par ming btags pa snang ba mdza' yas nyid du smos so/ /rgyal po zhes pa ni 'jig rten gyi khams thams cad na gnas pa'i lha dang mi la sogs pa sems can thams cad la bye brag sna tshogs kyi chos ston par mdzad pas 'khor los sgyur bar rgyal po bzhin du 'dul bar mdzad pa'o/ /don des snang ba mdza' yas nyid rgyal por smos so/ /bstan par bya ste/ snang ba mdza' yas grub pa'i dus su 'dod par ming btags pa bla na med pa'i byang chub kyi 'bras bu la sogs pa sgrub pa pos dngos grub kyi 'bras bu gang dang gang 'dod pa 'grub pa yin no/ grol bar ming btags pa mdun du smos pa'i dngos grub kyi 'bras bu'i

  677. 339a

    yon tan gyis 'khor bar 'dod chags dang zhe sdang la sogs pa nyon mongs pa thams cad kyi bcing bas bcings pa las grol bar 'gyur ro/ /don des sgrub pa pos 'dod pa grol bar bstan to/ /de ltar yon tan gyi ngo bo snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i sku phyag rgya'i cha lugs phun sum tshogs pa ci ltar mdun du smos pa bzhin du 'dir bya'o/ /de lta bu'i ngo bo snang ba mdza' yas kyi sku phyag rgyar gyur ma thag tu/ de dang gnyis su med pa'i nga rgyal du bsgom par bya bar bstan to/ /de ltar rgyal po chos rnams thams cad 'dzin/ 'dod dang thar pa 'grub par byed kyi don du gsungs so/ /gar mkhan bu mo rab mdzes shing/ /bzhin bzangs mig gi dkyus ring ba/ /zhes pa ni/ gong du smos pa'i snang ba mdza' yas sgom par bya ba'i dus su/ gar mkhan gyi bu mo blang ste/ lo nyi shu rtsa lnga lon pa/ bzhin mdangs dang ldan pa/ rab tu 'dzum pa ste/ don des bzhin bzangs so/ /mig gi dkyus ring ba ni/ de'i mig pad ma'i 'dab ma lta bu'o/ /don des bzhin mdzes pa'o/ /gzhan yang bu mo de rdo rje'i rigs kyi bu mo dang sku'i rigs kyi bu mo'i yan lag dang nying lag rgyan thams cad kyis rdzogs par bstan pa de bzhin du bya'o/ /de lta bu'i bu mo de ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de ltar gar mkhan bu mo rab mdzes shing/ bzhin bzangs mig gi dkyus ring ba'i don du gsungs so/ /de ni khyad par gyi bsgom po'i man ngag gi don bstan par bya ste/ rdo rje chos ni rnam sgom la/ /sgrub pa po ni rtag tu bsgrub/ /de ni rdo rje chos kyi bdag /

  678. 339b

    sa bcu la ni gnas par 'gyur/ /zhes bya ba'i don bshad par bya ste/ ci ltar yin na/ rdo rje chos ni rab bsgoms pas/ sgrub pa pos ni rtag tu bsgrub pa ni/ gong du smos pa'i bu mo de dang ldan pas sgrub pa pos rdo rje chos su ming btags pa snang ba mdza' yas nyid yin te/ de ci ltar smos pa'i tshul gyis gnyis su med pa'i nga rgyal du sgom par bya'o/ /bstan par bya ste/ snang ba mdza' yas kyi ye shes kyi 'bras bu gnyis su med par ma grub kyi bar du sgrub pa pos nyin mtshan rtag tu 'dod chags chen po'i sems dga' bas gar mkhan gyi bu mo dang gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu ste/ de'i steng du dus 'dir sngags sa bon yig 'bru A bsam mo/ /de kha dog dmar mo so sor rtog pa'i ye shes kyi ngo bor gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba lta bu byang chub sems la gnyis su med par thim par gyur to/ /de'i dus su byang chub sems ye shes kyi bdud rtsi'i khu ba'i ngo bo de sgrub pa pos mdun du smos pa'i tshul du swa b+hA ba shud+d+ha sarba d+harma swa b+ha ba shud+d+honyahaM/ zhes sngags kyi tshig brjod cing lag pa g.yas pa'i sor mo gsum rdo rje'i ngo bor brtags pas shes rab ma'i b+ha ga'i dbus nas blangs nas bza' bar bya'o/ /de ltar sgom pa byas pas gsang ba'i spyod pa spyad cing ci ltar smos pa'i tshul gyis sgrub pa bya bar bstan to/ /de ltar rdo rje chos ni rnam sgom pas sgrub pa pos ni rtag tu sgrub kyi don du gsungs so/ /de ni rdo rje chos kyi bdag /sa bcu la ni gnas par 'gyur zhes pa ni/ mdun du smos pa'i rdo rje chos su ming btags snang ba mdza' yas de sgoms pas sgrub pa po nyid rdo rje chos dang gnyis su med pa'i ngo bor

  679. 340a

    'grub par 'gyur ro/ /bstan par bya ste/ brda' skad kyis rdo rje chos sa bcu'i bdag por bstan to/ /de gsal bar bstan par bya ste/ dang po ni bla na med pa'i sar ming btags pa chos kyi dbang phyug ma yin te/ de ni don dam par ma skyes pa stong pa nam mkha' lta bu chos kyi sku dang gnyis su med par khyab par bstan to/ /de ni de bzhin gshegs pa rnam par snang mdzad la sogs pa rigs lnga'i bye brag gi de bzhin gshegs pa thams cad kyi shes rab ma ye shes kyi lha mo sangs rgyas spyan la sogs pa bzhi dang/ gzhan yang 'dod pa'i yon tan lnga'i lha mo lnga'i ngo bo de dag dang gnyis su med par yin par bstan to/ /ye shes kyi lha mo dgu po ni 'gro ba'i don du dkyil 'khor gyi dus su sku phyag rgyar byung ba yin no/ /tshul de lta bu'i don dam pa'i sa bcu la dpal rdo rje sems dpa' chos kyi sku'i ngo bo gnas pa de bzhin du sgrub pa pos mdun du smos pa'i tshul du bsgom pa byas na/ sa bcu gnas su smos pa'i gnas dang gnas par 'gyur bar gsungs so/ /mdor bsdu ba de ltar de ni rdo rje chos kyi bdag /sa bcu la ni gnas par 'gyur gyi don du gsungs so/ /rgyal po gsung gi dam tshig 'dzin/ /mda' dbang dam pa kun gyi mchog /ces bya ba ni rnam par snang mdzad la sogs pa rigs lnga'i bye brag gi de bzhin gshegs pa thams cad kyi gsung don dam par gnyis su med pa'i ngo bo yin te/ gsung de dam tshig tu ming btags pa so sor rtog pa'i ye shes kyi ngo bo ye shes kyi lha mo na bza' dkar mor bstan to/ /de ni snang ba mdza' yas kyis gnyis su med par 'khyud pa'i sbyor bas 'dzin pas/ don des gsung gi dam tshig 'dzin par smos so/ /rgyal po ni mdun du smos pa'i snang ba mdza' yas kyis thugs rje chen po'i thugs bskyed nas 'jig

  680. 340b

    rten gyi khams thams cad na gnas pa'i lha dang mi la sogs pa sems can thams cad ye shes kyi byin gyis brlabs kyi thabs kyi stobs kyis 'khor los sgyur ba'i rgyal po bzhin bran bzhin du dbang du sdud pa'i don gyi ma rgyal por snang ba mdza' yas bstan to/ /kun gyi mchog ni de bzhin gshegs pa thams cad kyi nang na gong du smos pa'i yon tan des snang ba mdza' yas mchog tu smos so/ /mda' dbang dam pa ni bla na med pa'i 'dod chags kyi bdag po snang ba mdza' yas nyid yin no/ don des mda' dbang dam par smos so/ /de lta bu'i yon tan dang ldan pa'i snang ba mdza' yas sa bcu la gnas pa de dang gnyis su med pa'i ngo bor sgrub pa pos ci ltar smos pa'i sgom pa byas na 'grub par 'gyur bar gsungs so/ /mdor bsdu ba de ltar rgyal po gsung gi dam tshig 'dzin/ /mda' dbang dam pa kun gyi mchog tu gsungs so/ /da ni rdo rje chos su ming btags pa snang ba mdza' yas kyi shes rab ma rigs bzhi'i bye brag las skyes pa dang gsang ba'i bsgrub pa bya ba'i cho ga'i don bstan par bya ste/ bram ze rgyal rigs rje rigs dang/ /dmangs rigs las byung bu mo dag /rdo rje'i chos kyis sgrub par bya/ /'di ni gsang ba thob par byed/ /ces bya ba'i don bshad par bya ste/ ci ltar yin na/ bram ze ni sku'i rigs kyi bye brag gi bram ze'i rigs las skyes pa'i bu mo blang ngo/ /de ci ltar smos pa'i lo'i tshad dang/ mtshan dang yon tan dang ldan pa'o/ /gzhan yang yan lag dang nying lag la rgyan thams cad kyis brgyan par bya'o/ /rgyal rigs zhes bya ba ni/ rin po che'i rigs sgrub par bya ba'i dus su/ rgyal rigs las skyes pa'i bu mo blang ngo/ de lo bcu gnyis lon pa/ mtshan dang yon tan dang ldan pa'o/ /gzhan yang yan lag dang nying lag rgyan thams cad kyis brgyan

  681. 341a

    par bya'o/ /rje'u rigs zhes pa ni gsung gi rigs kyi bye brag gi rje'u rigs las nyams pa gar mkhan rigs las skyes pa'i bu mo blang ngo/ /de ni ci ltar smos pa'i tshul gyi lo grangs dang tshad dang yon tan thams cad dang ldan pa'o/ /gzhan yang yan lag dang nying lag la rgyan thams cad kyis brgyan par bya'o/ /dmang rigs las byung bu mo dag ces pa ni/ las kyi rigs kyi bye brag dmang rigs las skyes pa'i bu mo blang ngo// da ni rdo rje'i rigs kyi bye brag gi shes rab ma'i lo grangs dang/ mtshan dang yon tan thams cad dang ldan pa'o/ /gzhan yang yan lag dang nying lag thams cad kyis brgyan par smos so/ /de ltar dmangs rigs dag gi bu mo'i don du gsungs so/ /rdo rje chos kyis sgrub par bya/ /'di ni gsang ba thob par byed/ /ces pa ni gong du smos pa'i tshul gyis shes rab ma blang ste/ de dag so so'i rigs kyi bye brag gi ye shes kyi lha mo dang gnyis su med pa'i ngo bor byin gyis brlab par bya'o/ /de lta bu'i rigs las byung ba'i shes rab ma dang ldan par sgrub pa pos rdo rje chos su ming btags pa snang ba mdza' yas de/ de dang gnyis su med pa'i bdag nyid kyi nga rgyal du bsgom pas sgrub par bya'o/ /gzhan yang man ngag gi bstan par bya ste/ le'u bcu gnyis pa las ci ltar smos pa'i tshul nyin mtshan dus bzhir tshogs rigs kyi bye brag gi shes rab ma dang gnyis su med par 'khyud pa'i sbyor bas 'dod chags chen po'i sems dga' bas thabs dang shes rab rol pa byas nas/ bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du zhu nas/ de'i steng du

  682. 341b

    dus 'dir sngags kyi sa bon yig 'bru A bsam mo/ /de kha dog dmar po so sor rtog pa'i ye shes kyi ngo bo gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba lta bu byang chub sems la gnyis su med par thim par gyur par brtag go /de'i dus su byang chub sems ye shes kyi bdud rtsi'i khu ba'i ngo bo de sgrub pa pos mdun du smos pa'i tshul gyis swa b+ha ba shud d+ha sarba d+harma swa b+ha ba shud+d+honyahaM/ zhes sngags kyi tshig brjod cing lag pa g.yas pa'i sor mo gsum rdo rje'i ngo bor brtags pas shes rab ma'i b+ha ga'i dbus nas blangs la bza' bar bya'o/ /de ltar sgrub pa byas pas gsang bar ming btags pa bla na med pa'i dngos grub kyi 'bras bu phyag rgya chen po thob par 'gyur bar gsungs so/ /mdor bsdu ba de ltar rdo rje chos kyis sgrub par bya/ 'di ni gsang ba thob par byed kyi don du gsungs so/ /de ni dpal rdo rje sems dpa' la sogs pa rigs lnga'i de bzhin gshegs pa gsang ba'i sbyod pa spyad pa'i tshul gyis bsgrub par bya ba'i cho ga'i don gsal bar bstan par bya ste/ rdo rje nyi ma nub nas ni/ /sgrub pa kun tu brtsam par bya/ /skya rengs 'char ba'i dus su ni/ /bsgom pa mchog gis 'grub par 'gyur/ /zhes bya ba'i don bshad par bya ste/ ci ltar yin na/ rdo rje nyi ma nub nas ni/ sgrub pa kun tu brtsam par byin/ brda' skad kyis rdo rje nyi ma ni shes rab ma'i b+ha ga'i pad ma rag ta yin te/ de ni gsang ba'i sgrub pa bya ba'i rjes su bstan to/ /de nub par ming btags pa ni shes rab ma'i b+ha ga'i lam gyi sgo nas ma byung ba yin no/ /bstan par bya ste/ dang po shes rab ma'i pad ma rag ta byung nas zhag gsum na nub par gyur to/ /dus de nas bzung ste sgrub pa pos gsang ba'i sgrub pa brtsam par bya ba yin no/ de

  683. 342a

    gsal bar bstan par bya ste/ dpal rdo rje sems dpa' la sogs pa re bzhin gshegs pa rnam pa lnga'i nang na/ sgrub pa po gang la mos pa'i rang dga' ba'i lha'i bye brag gi phyi'i gnas sa gzhi mnyam par bya'o/ de'i 'og tu smos pa'i ban da dum bu lnga pa mtshan thams cad dang ldan pa blang ngo/ /ban da de'i nang du bshang gci la sogs pa bdud rtsi lnga bzhag go /de'i 'og tu mdun du smos pa'i cho gas khro bo'i rgyal po a mri ta kun Da li'i sku phyag rgya bskyed par bya'o/ /de'i sku phyag rgya'i cha lugs phun sum tshogs pa ci ltar mdun du smos pa'i de bzhin du 'dir bya'o/ /de lta bu'i ngo bo'i sku phyag rgya skyed ma thag tu sgrub pa pos de dang gnyis su med pa'i nga rgyal du sgom par bya'o/ /de'i 'og tu khro bo'i rgyal po a mri ta kun Da li'i sngags rings khro bo chen po'i brtson 'grus kyis bzla zhing ban d+ha'i nang du bdud rtsi lnga bzhag pa des dkyil 'khor gru bzhi kun tu khru re dang sor lnga bsku bar bya'o/ /de'i 'og tu ka ra pa ru dang/ gur gum dang/ tsan dan la sogs pa rdzas dri dang ldan pa thams cad gcig tu bsres la/ ban d+ha de'i nang du bzhag la dkyil 'khor de la gtong bar bya'o/ /gzhan yang pad ma dang/ ku mu ta dang/ ud pa la dang/ tsam pa ka la sogs pa me tog dri dang ldan pa thams cad dgram par bya'o/ /de'i 'og tu sgrub pa pos sems brtan pa bskyed nas dkyil 'khor gyi dbus su phyi'i stan bde ba 'jam pa la mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis sgrub pa po/ /de bzhin gshegs pa gang bsgom pa de'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs

  684. 342b

    pa ci ltar smos pa'i de bzhin du 'dir bya'o/ /de lta bu'i ngo bo'i rang dga' ba'i lha'i sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su sngar smos pa nyid kyi rigs kyi bye brag gi shes rab ma de mtshan dang yon tan dang ldan pa/ de'i yan lag dang nying lag la rgyan thams cad rdzogs par bya'o/ /de'i lta bu'i shes rab ma'i b+ha ga'i rdo rje nyi mar ming btags pa pad ma rag ta de ci ltar smos pa'i tshul gyis nub pa'o/ /de'i dus su 'dod chags chen po'i dga' bas gnyis su med par 'khyud pa'i sbyor bas thabs dang shes rab rol pa bya ba'i tshul gyi cho gas gsang ba'i sgrub pa brtsam par bya ba ste/ bla na med pa'i gsang ba'i dngos grub kyi 'bras bu ma grub kyi bar du rnam par rtog pa spangs nas/ sems brtan pas bya bar bstan to/ /de ltar rdo rje nyi ma nub nas ni/ /bsgrub pa kun tu brtsam par bya'i don du gsungs so/ /skya rengs 'char ba'i dus su ni/ /bsgom pa mchog gis 'grub par 'gyur/ /zhes pa ni/ phyi'i skya rengs 'char ba ni nyi ma yin no/ /gsang ba'i brda skad kyis skya rengs 'char ba'i nyi ma shes rab ma'i pad ma rag ta yin te/ de 'byung bar 'gyur ba'i dus su smos so/ /de'i dus su sgrub pa pos mdun du smos pa'i tshul gyi sgom pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun du 'od du zhu ste/ skya rengs 'char bar ming btags pa'i shes rab ma'i pad ma rag ta 'byung ba dang gnyis su med pa'i 'dres par 'gyur ba yin no/ /de'i steng du sgrub pa po b+ha ga'i dga' ba bsgom pa'i de bzhin gshegs pa'i sngags sa bon yig 'bru A bsam mo/ /de nyid nyid kyi rigs kyi kha dog rang ye shes kyi ngo bo dang ldan pa'o/ /de gzi brjid chen po'i 'bar ba'i 'od kyis 'bar zhing 'od du zhu nas

  685. 343a

    ye shes kyi khu ba lta bur byang chub sems la gnyis su med par thim par gyur par brtag go /de'i dus su? ? dang rdo rje zla ba gnyis su med pa'i ye shes kyi bdud rtsi'i khu ba'i ngo bo'i sgrub pa pos mdun du smos pa'i sngags kyi tshig swa b+ha ba shud d+ha sarba d+harma swa b+ha ba shud+d+honyahaM/ zhes brjod cing lag pa g.yas pa'i sor mo gsum rdo rje'i ngo bor brtags pas shes rab ma'i b+ha ga'i dbus su nas blangs la bza' bar bya'o/ /tshul de ltar byang chub sems dang pad ma rag ta gnyis su med pa'i ye shes kyi bdud rtsi'i khu ba'i ngo bo de bsgom pa'i mchog gis bza' bar bya bas/ bla na med pa'i dngos grub kyi 'bras bu 'grub par 'gyur bar gsungs so/ /mdor bsdu ba de ltar skya rengs 'char ba'i dus su ni/ bsgom pa mchog gis 'grub par 'gyur gyi don du gsungs so/ /rgyan rnams thams cad yongs su rdzogs/ /dri dang me tog rnams kyis brgyan/ /rdo rje sems dpa' mchog bsgoms ni/ /grub pa myur du 'thob par 'gyur/ /zhes bya ba'i don bshad par bya ste/ ci ltar yin na/ rgyan rnams thams cad yongs su rdzogs/ /dri dang me tog rnams kyis brgyan ni gong du smos pa'i shes rab ma de'i lus la rgyan gyi bye brag sna tshogs thams cad yongs su rdzogs pa dang/ gzhan yang ga bur dang/ gur gum dang/ tsan dan la sogs pa rdzas dri dang ldan pa thams cad gcig tu bsres nas chu dang krugs la lus la kun tu bsku bar bya'o/ /gzhan yang pad+ma dang/ ku mu ta dang/ ud pa la dang/ tsam pa ka pa sogs pa me tog dri dang ldan pa thams cad kyi phreng bas brgyan par bya'o/ /de ltar rgyan rnams thams cad yongs su rdzogs/ /dri dang me tog rnams kyis brgyan gyi don du gsungs so/ /rdo rje

  686. 343b

    sems dpa' mchog bsgoms na/ grub pa myur ba thob par 'gyur zhes pa ni/ mdun du smos pa'i tshul gyi bsgrub par bya ba'i dus su sgrub pa pos de bzhin gshegs pa thams cad kyi nang na rdo rje sems dpa' ni ston pa bdag po ste don des mchog tu smos so/ /de dang gnyis su med pa'i nga rgyal du bsgom par bya'o/ /yang na bsgrub pa pos ci ltar smos pa'i de bzhin gshegs pa dang gnyis su med pa'i nga rgyal du bsgom pas sgrub par bya'o/ /de myur ba ni tshe 'di la bla na med pa'i 'bras bu 'grub par 'gyur bar bstan to/ /mdor bsdu ba de ltar rdo rje sems dpa' mchog bsgoms na/ grub pa myur du thob par 'gyur gyi don du gsungs so/ /da ni mdun du smos pa'i sgrub pa byas pas 'bras bu thob par 'gyur pa bstan par bya ste/ 'di ni sku gsum mchog sbyin pa/ /sangs rgyas mtshan gyis mtshan mar 'gyur/ /dpag tshad brgya'i khyon tsam du/ /de'i 'od kyang snang bar byed/ /ces bya ba'i don bshad par bya ste/ ci ltar yin no/ 'di ni sku gsum mchog sbyin pa/ /sangs rgyas mtshan gyis mtshan par 'gyur ni/ dpal rdo rje sems dpa' la sogs pa rigs lnga'i bye brag gi de bzhin gshegs pa rnams ni ci ltar smos pa'i sku gsum dang gnyis su med pa'i ngo bo yin no/ /de dang gnyis su med pa'i ngo bor sgrub pa po grub par 'gyur ba'i dus de nas bzung ste/ sems can thams cad la bye brag sna tshogs kyis mchog tu ming btags pa ni dngos grub kyi 'bras bu ste/ de'i sbyin pa por smos so/ /gzhan yang sgrub pa pos mdun du smos pa'i 'bras bu grub ma thag tu/ sangs rgyas ni rnam par snang mdzad la sogs pa sangs rgyas thams cad kyi sku phyag rgya gsang sngags kyi tshul gyi mtshan thams cad dang ldan par smos pa de bzhin du ldan par bstan to/ /de ltar 'di na sku

  687. 344a

    gsum mchog sbyin pa/ sangs rgyas mtshan gyis mtshan par 'gyur gyi don du gsungs so/ /dpag tshad brgya'i khyon tsam du/ de'i 'od kyang snang bar byed ces pa ni sgrub pa po mdun du smos pa'i 'bras bur grub pa de'i dang po mtshan ma byung ngo/ /bstan par bya ste/ sgrub pa po'i lus kun la sku dang gsung dang thugs rdo rje gsum gyi ngo bo'i gzi brjid kyi 'bar ba'i 'od 'phro bas/ phyogs bcu kun tu dpag tshad brgya phrag gcig gi khyon tsam gyi tshad du snang bar byed par bstan to/ /de ltar dpag tshad brgya'i khyon tsam du/ de'i 'od kyang snang bar byed kyi don du gsungs so/ /da ni sgrub par bya ba thams cad kyi sbyor ba sgom pa'i tshul gyi cho ga'i don bstan par bya ste/ dbang po gnyis ni sbyor ba yis/ /sbyor ba thams cad brtsam par bya/ /'di ni sangs rgyas thams cad kyi/ /dam tshig shin tu 'da' dka' bya'o/ /zhes bya ba'i don bshad par bya ste/ ci ltar yin na/ dbang po gnyis ni sbyor ba yis/ / sbyor ba thams cad brtsam par bya ba ni/ sgrub pa pos mdun du smos pa'i tshul gyi rigs 'dzin phyag mtshan rdzas kyi sbyor ba'i sgrub pa bya ba dang/ rigs pa 'dzin ri lu'i rdzas kyi sbyor ba sgrub par bya ba dang/ lha dang mi la sogs pa sems can thams cad kyi chung ma dang bu mo dgug par bya ba'i sbyor ba'i sgrub pa bya ba dang/ bdud rtsi lnga dang sha lnga dam rdzas bza' ba'i sbyor ba'i sgrub pa bya ba dang/ de la sogs pa'i sbyor ba'i sgrub pa'i bye brag sna tshogs smos pa de dag thams cad sgrub par bya ba'i dus su nyid kyi rigs kyi bye brag gi shes rab ma mtshan dang yon tan thams cad dang ldan pa slang ste/ de dang gnyis su med par 'khyud pa'i sbyor bas gsang ba'i dbang po gnyis mnyam par sbyar nas thabs dang shes rab rol

  688. 344b

    ba bya zhing bsgrub pa gang brtsam par bya ba de brtsam par bya'o/ /de ltar dbang po gnyis ni sbyor ba yis/ /sbyor ba thams cad brtsam par bya'i don du gsungs so/ /'di ni sangs rgyas thams cad kyi dam tshig tu 'da' dka' ba'o/ /zhes pa'i don ni sngar lan grangs kyis bshad pas 'dir bshad mi dgos so/ /da ni dam rdzas bdud rtsi lnga bza' ba'i tshul gyis sgrub par bya ba'i cho ga'i don bstan par bya ste/ rdo rje can ni sgrub 'dod na/ bshang gci'i dam tshig bza' bar bya/ / 'di ni dngos grub thams cad kyi/ /dam tshig shin tu dka' ba'o/ /zhes bya ba'i don bshad par bya ste/ ci ltar yin na/ rdo rje can gyi sgrub 'dod na/ bshang gci'i dam tshig bza' bar bya ni/ rdo rje can ni dpal rdo rje sems dpa' la sogs pa rigs lnga'i bye brag gi de bzhin gshegs pa thams cad kyi sku dang gsung dang thugs rdo rje gsum dang gnyis su med pa'i ngo bo yin no/ /gal te sgrub pa pos de dang gnyis su med pa'i dngos grub kyi 'bras bu 'dod na/ de'i phyir ci ltar le'u lnga'i nang nas/ bdud rtsi lnga'i sgom pa dang/ sngags kyis byin gyis brlabs nas bza' bar bya bar smos pa de bzhin du 'dir bstan to/ /de ltar byas na ci ltar smos pa'i dngos grub kyi 'bras bu 'grub par 'gyur ro/ /mdor bsdu ba de lngar rdo rje can gyi grub 'dod na/ bshang gci'i dam tshig bza' bar bya ba'i don du gsungs so/ /'di ni dngos grub thams cad kyi/ /dam tshig shin tu 'da' dka' ba'o zhes pa ni/ dngos grub thams cad ni zhi ba dang rgyas pa dang/ gzhan yang rigs 'dzin dang/ rig pa 'dzin pa la sogs pa rgyud 'di las smos pa'i dngos grub kyi 'bras bu thams cad do/ /dam tshig shin tu 'da' dka' ba zhes pa'i don ni sngar bshad pa'o/ /da ni mdun du smos pa'i bshang gci la sogs

  689. 345a

    pa bdud rtsi lnga'i sgrub pa bya ba'i dus su bsgom pa'i sbyor ba'i man ngag bstan par bya ste/ bshang gci'i dam tshig la sogs pas/ /dbang po gnyis ni sbyor ba yis/ /sangs rgyas byang chub gnas zhi ba/ /de nyid bla na med pa 'grub/ /ces bya ba'i don bshad par bya ste/ ci ltar yin na/ bshang gci'i dam tshig la sogs pas/ dbang po gnyis kyis sbyor ba yis ni mdun du smos pa'i bshang gci la sogs pa bdud rtsi lnga dang/ gzhan yang sha chen la sogs pa sha lnga dag rdzas de dam bsgrub pa bya ba'i dus su/ tshul ci ltar smos pa'i shes rab ma blangs la/ sgrub pa pos 'dod chags chen po'i sems dga' bas gnyis su med pa'i 'khyud pa'i sbyor bas gsang pa'i dbang po gnyis mnyam par sbyar bas/ thabs dang shes rab rol pa bya zhing dam rdzas kyi bsgrub pa bya par smos so/ /de ltar bshang gci'i dam tshig la sogs pas/ dbang po gnyis ni sbyor ba yis kyi don du gsungs so/ /sangs rgyas byang chub gnas zhi ba/ / de nyid bla na med pa 'grub ces pa ni ci ltar smos pa'i tshul gyi/ dam rdzas kyi bsgrub pa byas bas bla na med pa de kho na nyid du ming btags pa de bzhin gshegs pa thams cad kyi ye shes kyi dngos grub thams cad kyi 'bras bu dang gnyis su med pa'i ngo bo yin te/ de ni mdun du smos pa'i tshul gyi sangs rgyas dang byang chub tu ming btags pa don dam par chos kyi dbyings kyi dbang phyug ma dang gnyis su med pa'i ngo bo chos kyi sku yin te/ de dang gnyis su med pa'i ngo bor sgrub pa po 'grub par bstan to/ /bshad par bya ste/ chos kyi sku ni 'khor ba'i nyon mongs pa thams cad kyi nad kyi sdug bsngal gyi bye brag sna tshogs dang sdig pa thams cad dang bral

  690. 345b

    ba yin te/ don des chos kyi sku zhi gnas su ming btags pa bde ba dang yid bde pa thams cad rdzogs pa'i ngo bor bstan to/ /mdor bsdu ba de ltar sangs rgyas byang chub gnas zhi ba/ de nyid bla na med pa 'grub kyi don du gsungs so/ /bcom ldan 'das kyis 'dod pa dang grol ba'i dam tshig rdo rje de skad bka' stsal to/ /zhes bya ba ni/ bcom ldan 'das ni ston pa mi bskyod pa rdo rje 'dzin nyid kyi yon tan gyi bstod pa'i mtshan bcom ldan 'das yin par sdud pa pos smos so/ /de'i don ci ltar mdun du bshad pa de bzhin du 'dir bstan to/ /'dod pa dang grol pa zhes pa ni/ gong du smos pa'i bdud rtsi lnga la sogs pa dam rdzas thams cad kyi sgrub pa byas pas/ tshul ci ltar smos pa'i 'dod pa dang grol bar ming btags pa bla na med pa'i 'bras bu 'grub par 'gyur bar bstan to/ /dam tshig rdo rje zhes pa ni/ dam tshig tu ming btags pa ni/ thugs rje chen po'i thugs bskyed nas sems can thams cad kyi don mdzad pa yin no/ /rdo rje ni bye brag sna tshogs kyi cho 'phrul sprul pa'i thabs kyi stebs kyis sems can thams cad byin gyis brlab pa dang 'dul bar mdzad pa'o/ /bstan par bya ste/ sems can thams cad kyi don mdzad pa'i yon tan gyis ston pa mi bskyod pa rdo rje 'dzin nyid kyi khyad par gyi mtshan yin te/ des gong du smos pa'i sgrub pa po'i don bka' stsal pa yin no/ /da ni lha dang mi la sogs pa sems can thams cad kyi bu mo khro bo'i rgyal po ya man ta ka'i sbyor ba byas nas/ dkug pa dang mnan pa'i rim pa'i cho ga'i tshul bstan par bya ste/ de nas bcom ldan 'das dam tshig chen po'i khro bo'i rdo rje zhes bya ba'i ting nge 'dzin la snyoms par zhugs nas/ zhes bya ba ni/ de nas ni gong du smos pa'i sgrub pa'i don gsungs pa'i 'og tu/ lha dang mi la sogs pa sems

  691. 346a

    can thams cad kyi bu mo dgug ba dang gnan par bya ba'i cho ga'i don gsung bar mdzad pa mtshon par smos so/ /bcom ldan 'das zhes pa ni/ mdun du smos pa'i tshul gyi ston pa mi bskyod pa rdo rje 'dzin nyid kyi yon tan gyi bstod pa'i mtshan bcom ldan 'das yin par sdud pa pos smos so/ /de'i don mdun du bshad pa bzhin 'dir bstan to/ /dam tshig chen po khro bo zhes pa ni/ sngar smos pa'i dam tshig thams cad kyi mdun thugs rje chen po zhe sdang gi ngo bo sku'i rigs khro bo'i rgyal po ya man ta ka ste/ des sems can thams cad kyi bu mo dgug pa'i tshul gyis dbang du bya ba dang mnan par bya ba yin te/ don des dam tshig chen po'i khro bor smos so/ /rdo rje zhes bya ba'i ting nge 'dzin la snyoms par zhugs nas zhes pa ni/ dam tshig rdo rjer ming btags pa ni ston pa mi bskyod pa rdo rje 'dzin pa nyid du smos so/ /de 'khor thams cad kyi nang du thugs rje chen po'i zhe sdang gi thugs dgyes pa bskyed nas ci ltar smos pa'i tshul gyi nyid kyi shes rab ma ye shes kyi lha mo ma ma ki dang gnyis su med pa'i sbyor bas gsad pa'i dbang po gnyis mnyam par sbyar bar mdzad nas/ de ma thag tu gsang ba'i thugs ka ye shes sems dpa' i gnas su chos dbyings kyi ye shes kyi ngo bor sngags kyi sa bon yig 'bru hUM gyur par mdzad do/ /de kha dog nag po gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba bzhin du 'gyur ro/ /sa bon de las sku'i rigs khro bo'i rgyal po ya man ta ka'i sku phyag rgya bskyed par bya'o/ /de khro mo'i rgyal mo ro langs ma dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni ci ltar sngar smos pa bzhin du de lta bu'i ngo bo khro bo

  692. 346b

    rgyal po ya man ta ka'i sku phyag rgya grangs med pa sprin bzhin du ba spu bu ga'i lam gyi sgo nas spro bar mdzad do/ /des 'jig rten gyi khams thams cad du khyab bo/ /de ma thag tu lha dang mi la sogs pa sems can thams cad kyi bu mo ma lus bar byin gyis brlab par mdzad pas dbang du gyur par smos so/ /de ltar mdzad nas khro bo'i rgyal po ya man ta ka'i sku grangs med pa sprin lta bu gong du smos pa'i bu mo dang gnyis su med pa'i ngo bo thugs rje chen po 'dod chags kyis thugs dgyes pa bskyed nas gsang? ba'i thugs ka ye shes sems dpa' i gnas su gnyis su med par slar bsdu bar mdzad par smos so/ /don des rdo rje'i ting nge 'dzin yin no/ /bshad par bya ste/ ston pa mi bskyod pa rdo rje 'dzin mdzad pa'i dus su/ thugs rtse gcig par gyur par gnas pa'o/ /don des snyoms par zhugs bar smos so/ /mdor bsdu ba de ltar rdo rje zhes bya ba'i ting nge 'dzin la snyoms par zhugs nas kyi don du gsungs so/ /ting nge 'dzin mdzad pa'i 'og tu nga ni sngags dang khro bo'i rgyal po ya man ta ka'i ngo bo don gyi cho ga bstan par bya ste/ rdo rje de bzhin gshegs pa thams cad skrag par byed pa'i khro bo 'di/ nyid kyi sku dang gsung dang thugs rdo rje las phyung ngo/ /zhes bya ba ni rdo rje'i de bzhin gshegs pa thams cad skrag bar byed pa'i khro bo ni ston pa yi bskyod pa rdo rje 'dzin nyid kyi 'khor rnam par snang mdzad la sogs pa brjod du yod pa dang brjod du med pa'i de bzhin gshegs pa thams cad de/ de dag gi sku dang gsung dang thugs rdo rje gsum gnyis su med pa'i ngo bo'i sku phyag rgyar bstan to/ /de lta bu'i ngo bo'i de bzhin gshegs pa de dag thams cad skrag par byed pa'i khro bo'i rgyal po ya man ta ka ste/ de'i sku phyag rgya chos kyi dbyings kyi ye shes kyi gzi brjid kyi 'bar ba'i 'od kyis bskal pa'i me bzhin du 'bar/ de'i tsha ba chen pos skrag

  693. 347a

    par byed pa yin no/ /de ni la dor pa'i tshig yin no/ /bstan par bya ste/ gong du smos pa'i 'jigs pa chen po byed pa'i khro bo'i rgyal po ya man ta ka'i sku phyag rgya spros ma thag tu 'jig rten gyi khams thams cad na gnas pa'i gshin rje la sogs pa sems can thams cad skrag par byed par bstan to/ /de ltar rdo rje'i de bzhin gshegs pa thams cad skrag par byed pa'i khro bo'i don du gsungs so/ /nyid kyi sku dang gsung dang thugs zhes pa ni/ ston pa mi bskyod pa rdo rje 'dzin nyid kyi sku dang gsung dang thugs rdo rje gsum gcig pa'i ngo bor bstan to/ /de lta bu'i sku gsung thugs rdo rje gsum dang gnyis su med pa'i rdo rje'i sku'i rigs khro bo'i rgyal po ya man ta ka dang de'i sngags su bstan to/ /de ltar nyid kyi sku dang gsung dang thugs kyi don du gsungs so/ /rdo rje zhes pa ni/ gong du sku rdo rje dang/ gsung rdo rje dang/ thugs rdo rje gsum ci ltar bshad pa de bzhin du 'dir bstan to/ /de ltar rdo rje'i don du gsungs so/ /phyung ngo zhes pa ni/ ston pa mi bskyod pa rdo rje 'dzin gyis gong du smos pa'i khro bo'i rgyal po ya man ta ka de'i sngags rings ci ltar smos pa'i tshul gyi sku dang gsung dang thugs rdo rje gsum dang gnyis su med pa'i ngo bo phyung ba yin no/ /da ni khro bo'i rgyal po ya man ta ka'i sngags rings sems can thams cad kyi bu mo dgug pas dbang du mdzad pa dang gnon par mdzad pa'i ngo bo de bstan par bya ste/ oM h+rI(rgyud 'grel): Sh+Ti bi kri ta na na sarba sha truM na sha ya shtaM ya ma ra ya hUM hUM phaT phaT swAhA/ zhes bya ba'i don bshad par bya ste/ ci ltar yin na/ oM ni sgrub pa pos dang po sngags kyi sa bon yig 'bru oM brjod par bya ste/ de ni de bzhin gshegs pa thams cad kyi sku rdo rje'i ye shes dang gnyis su med pa'i ngo bo'i sku'i rigs

  694. 347b

    rnam par snang mdzad bskyed pa'i sa bon yin te/ de brjod pas sgrub pa pos chos kyi dbyings kyi ye shes kyis byin gyis brlob par 'gyur ro/ /de'i dus su mdun du smos pa'i sems can thams cad kyi bu mos mthong ma thag tu bdag po bzhin du phyag 'tshal zhing mchod pa byed do/ /tri zhes bya ba ni sku'i rigs rnam par snang mdzad la sogs pa de bzhin gshegs pa thams cad kyi thugs rje chen po'i khro bo ya man ta ka'i sku'i phyag rgya gshin rje la sogs pa bdud dang bgegs kyi tshogs ma rungs pa thams cad gzhom pa'i phyir sprul par mdzad do/ /Sh+Ti zhes bya ba ni khro bo'i rgyal po ya man ta kas gshin rje la sogs pa bdud dang bgegs kyi tshogs ma rungs pa thams cad 'joms par mdzad pa'i dus su/ zhe sdang chen po'i thugs bskyed nas Sh+Tri ming btags pa chos kyi ye shes kyi ngo bo'i cho 'phrul sprul pa'i sgyu ma'i thabs kyi stobs yin par smos so/ /bi kri ta na na zhes bya ba ni/ le'u bcu bzhi pa'i nang nas sngags rings la zhal bzhi ci ltar smos pa ste/ bi kri tar ming btags pa mi sdug pa spyan dmar ba dang/ smin ma yang dang yang bskyod pa dang/ shangs shin tu nyag pa dang/ mche ba'i phreng bas ldad pa'i tshul la sogs pa A na nar ming du btags pa zhal bzhis 'jigs par mdzad par smos so/ /sarba sha truM zhes bya ba ni/ gshin rje la sogs pa gong du smos pa'i bdud dang bgegs kyi tshogs dgra thams cad sarba sha truM du ming btags pas sgrub pa po la gnod pa byed pa'i bye brag sna tshogs byed pa'o/ /don des sarba sha truM du smos so na sh+ya zhes bya ba ni/ gong du smos pa'i sarba sha truM de'i cho 'phrul dang sgyu ma'i thabs kyi stobs khro bo'i rgyal po ya man ta ka sgrub pa pos rjes su dran pa tsam gyis med par 'gyur bar smos so/ /shtaM pa ya zhes bya ba ni/ gong du smos pa'i dgra thams cad sems

  695. 348a

    can thams cad la gnod par bya ba'i phyir 'ong ba dang/ 'gro ba khro bo'i rgyal po ya man ta ka rjes su dran pa tsam gyis shing rdo bzhin gnon par 'gyur bar smos so/ /ma ra ya zhes bya ba ni/ gong du smos pa'i dgra de dag khro bo'i rgyal po ya man ta ka'i sgom pa dang sngags brjod pas 'chi bar 'gyur bar smos so/ /hUM zhes bya ba ni khro bo chen po'i zhe sdang gis brjod pas gong du smos pa'i dgra thams cad med par 'gyur bar smos so/ /de nas hUM zhes bya ba'i ni/ khro bo chen po zhe sdang gis brjod pas gong du smos pa'i dgra thams cad gnon par 'gyur bar smos so/ /phaT ces bya ba ni khro bo chen po'i zhe sdang gis brjod pas gong du smos pa'i dgra thams cad gsad par 'gyur par smos so/ /de nas phaT ces bya ba ni/ khro bo chen po'i zhe sdang gis brjod pas gong du smos pa'i dgra thams cad shi ba'i 'og tu skye ba'i rgyun gcod par smos so/ /gzhan yang sngags kyi yig 'bru hUM phaT de rnams kyi ye shes kyi ngo bo'i don ci ltar le'u bcu bzhi pa'i ya man ta ka nyid kyi sngags dus su smos pa de bzhin du 'dir bstan to/ /de nas swAhA zhes bya ba ni/ sgrub pa pos ci ltar smos pa'i tshul gyi khro bo'i rgyal po ya man ta ka'i sngags rings gong du smos pa'i don dang ldan pa de bzlas pa byas pas khro bo'i rgyal po ya man ta ka nyid kyi thugs mnyes par 'gyur ro/ /gzhan yang de'i rigs kyi bdag po rnam par snang mdzad mnyes par 'gyur ro/ /de'i dus su sgrub pa po la ci ltar smos pa'i tshul gyi bdud dang bgegs tshogs ma rungs pa thams cad kyi gnod pa byed pa de 'joms pa'i 'bras bur 'gyur bar smos so/ /de ltar swAhA'i don du gsungs so/ /da ni sgrub pa pos sems can thams cad kyi du mo smos so de dag gi nang na gang mos pa de dbang du 'gyur ba dang

  696. 348b

    gnon par 'gyur ba'i phyir drag po hom bya ba'i cho ga'i don bstan par bya ste/ dug ni khrag dang kun tu sbyar/ /lan tsha ske tshe de bzhin te/ /khro zhing tsher ma'i me la mchod/ /bu mo ming dang tshig tu bcas/ /zhes bya ba'i don bshad par bya ste/ ci ltar yin na/ dug ni khrag dang kun tu sbyar/ /lan tsha ske tshe de bzhin spel/ /ni sgrub pa pos dang po gnas ri'i rtse'i steng du bu mo dbang du bya ba dang/ mnan par bya ba'i sgrub pa bya'o/ /yang na gnas lam gyi bzhi mdor bya ba yang mi 'gal lo/ /gnas der dkyil 'khor zur gsum kun tu khru re dang zur gsum bdud rtsi lngas bsku bar bya'o/ /de nas de'i steng du sgrub pa pos brtson 'grus chen po'i sems brtan pa bskyed nas 'dug go /de'i 'og tu mdun du smos pa'i cho ga bzhi'i tshul gyis sku'i rigs rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan par bya'o/ /de'i cha lugs phun sum tshogs pa ni ci ltar mdun du smos pa de bzhin du 'dir bya'o/ /de lta bu'i ngo bo'i sku'i rigs rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su sku'i rigs kyi bye brag gi bram ze'i bu mo rigs ci ltar smos pa'i mtshan dang yon tan dang ldan pa blang ngo/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'og tu sgrub pa pos zhe sdang chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems char rgyun bzhin du 'od du zhu nas de rgya mtsho dang mnyam par gyur par bsam mo/ /de'i steng tu sngags sa bon yig 'bru hUM bsam mo/

  697. 349a

    de kha dog nag po chos kyi dbyings kyi ye shes kyi gzi brjid chen po 'bar ba'i 'od du zhu nas/ ye shes kyi khu ba lta bu byang chub sems kyi rgya mtsho dang gnyis su med par thim par gyur par bsam mo/ /sa bon de las khro bo'i rgyal po yam na ta ka'i sku phyag rgyar bskyed par bya'o/ /de khro mo'i rgyal mo ro langs ma dang gnyis su med par 'khyud pa'i sbyor ba dang ldan pa'o/ /gzhan yang sku phyag rgya'i cha lugs phun sum tshogs pa ni mdun du smos pa'i tshul de bzhin du 'dir bstan to/ /de lta bu'i ngo bo khro bo'i rgyal po ya man ta ka'i sku phyag rgya bskyed ma thag tu/ skyed par mdzad mkhan gyi rnam par snang mdzad kyi sku phyag rgya khro bo'i rgyal po ya man ta ka'i spyi bor dbang bskur ba'i tshul du bsam/ /tshul de ltar khro bo'i rgyal po ya man ta ka'i sku phyag rgya bskyed pa'i 'og tu sgrub pa po de dang gnyis su med pa'i nga rgyal du bsgom par bya'o/ /de'i dus su khro bo chen po'i brtson 'grus kyis gong du smos pa'i ya man ta ka'i sngags ring grangs kyi tshad 'bum phrag gsum du bu mo gang sgrub par bya ba de'i med dang spel ba'i tshul b+ha sha shtaM ba naM ku ru zhes bya ba yin no/ /bzlas pa de rdzogs ma thag tu gong du smos pa'i rdzas kyi hoM mchod par bya'o/ /de gsal bar bstan par bya ste/ sgrub pa po nyid gnas pa'i mdun du ho khung bya'o/ /de'i dbyibs zur gsum tshad kun tu khru re dang sor lnga'o/ /zhabs su khru gang/ kha khyer gyi 'phang dang/ zheng du sor lnga lngar bya'o/ /toM khung gi nang dbus su dur khrod kyi sol ba'i phye mas rdo rje rgya gram bri'o/ /de bzhin du kha rgyan gyi steng du 'khor lo rtsibs bzhi phreng ba bri'o/ /de ltar byas pa'i 'og tu dug gi rigs can gyi shing tsher ma can dang ldan pas hoM khung dga' o/ /de'i 'og tu rigs ngan tsan da li'i khyim nas me blang ngo/ /yang na dur khrod nas blangs yang mi 'gal lo/ /khro bo chen

  698. 349b

    pos me des hoM khung gi shing spar bar bya'o/ /de ma thag tu gong du smos pa'i dug dang/ sems can thams cad kyi khrag dang lan tsha dang/ ske rtse dang/ rdzas de rnams gcig tu bsres la sgrub pa po nyid kyi g.yas phyogs su bzhag go /de hoM de hoM/ gzar ban d+ha'i dum bus khro bo chen po'i stobs kyis gong du smos pa'i sngags rings bu mo'i ming dang spel bar bzla zhing mchod par bya bar smos so/ /de ltar byas pa'i 'og tu/ dbang du 'gyur ba'i dus su mtshan ma 'byung bar 'gyur te/ sa gzhi g.yo bar bstan to/ /mdor bsdu ba de ltar dug gi khrag dang kun tu sbyar/ /lan tsha ske rtse de bzhin de'i don du gsungs so/ /khro zhing tsher ma'i me la mchod/ /bu mo'i ming dang tshig tu bcas zhes pa'i don ni gong du bshad zin to/ /da ni hoM bya ba'i dus dang/ hoM khung gi dbyibs dang/ mchod rdzas kyi grangs kyi tshad dang/ de'i don bstan par bya ste/ nyi ma'i gung ngam nam phyed na/ /nan tan gyis ni rab tu bya/ /shes rab can gyis gru gsum du/ /stong phrag brgyad ni tshul bzhin mchod/ / ces bya ba'i don bshad par bya ste/ ci ltar yin na/ nyi ma'i gung ngam nam phyed na/ /nan tan gyis ni rab tu bya na nyi ma phyed kyi dus su hoM bya'o/ /yang na nam phyed na byas kyang mi 'gal lo/ /ma grub kyi bar du nan tan du bya bar bstan to/ /shes rab can gyi grur gsum du/ /stong phrag brgyad ni tshul bzhin mchod/ /ces pa ni/ shes rab can du ming btags pa sgrub pa po hoM gyi las ma dor bar shes pa des/ tshul ci ltar smos pa'i hoM khung zur gsum du/ sngar smos pa'i rdzas kyi stong phrag brgyad kyi grangs kyi tshad du/ sngags brla zhing mchod pa bya bar smos so/ /de ltar shes rab can gyi gru gsum du/ /stong phrag brgyad ni tshul bzhin mchod kyi don du gsungs so/ /da ni gong du smos pa'i hoM mchod par bya ba dus dang/

  699. 350a

    'bras bur 'gyur bar bstan par bya ste/ bu mo dag gi don gyi phyir/ /'di ni zhag gsum bar du bya/ /bskal pa grangs med gsum du yang/ /de yis rtag tu gnon par 'gyur/ /zhes bya ba'i don bshad par bya ste/ ci ltar yin na/ bu mo dag gi don gyi phyir/ /'di ni zhag gsum bar du bya/ /ni gong du smos pa'i tshul du bu mo dbang du 'gyur ba'i 'bras bu thob par bya ba'i phyir/ zhal gsum du rdzas kyi mchod pa bya bar bstan to/ /bskal pa grangs med gsum du yang/ /de yis rtag tu gnon par 'gyur zhes pa ni/ ci ltar smos pa'i tshul gyis rgyun ma chad bar zhag gsum du mchod pa byas pa'i yon tan gyis/ bskal pa grangs med pa gsum du ming btags pas 'jig rten gyi khams thams cad 'jig par 'gyur ba'i dus yin te/ de gsal bar bstan par bya'o/ /ci ltar smos pa'i tshul gyi mes 'jig par 'gyur ba dang/ de'i 'og tu ci ltar smos pa'i tshul gyi chus 'dzag par 'gyur ba dang/ de'i 'og tu ci ltar smos pa'i rlung gis 'jig par 'gyur ba'o/ /tshul de ltar 'jig pa'i bskal pa gsum dang/ stong ba dang/ chags pa dang/ gnas pa'i dus de tsam du/ gong du smos pa'i bu mo sgrub par byas pa de gnon par 'gyur bar ming btags pa dbang du gyur pa'i 'og tu/ bu mo de sangs rgyas spyan ma dang gnyis su med pa'i ngo bor gyur nas gnas pa yin no/ /de bzhin du sgrub pa po nyid ci ltar sku'i rigs rnam par snang mdzad dang gnyis su med par gyur nas gnas pa yin no/ /de lta bu'i gong du smos pa'i khro bo'i rgyal po ya man ta ka'i sgom pa bya ba dang/ sngags bzlas pa'i bsnyen pa bya ba dang/ hoM byas pas mdor bsdu ba 'bras bu de ltar gyur par bstan to/ /de ltar bskal pa grangs

  700. 350b

    med gsum du yang/ de yis rtag tu gnon par 'gyur gyi don du gsungs so/ /da ni bsgrub pa po'i sems brtan pa dang dad pa bskyed pa'i don la dong ba'i tshig bstan par bya ste/ sangs rgyas dang ni chos 'dzin pa 'am/ /rdo rje sems dpa' ang de bzhin te/ /gal te rmongs pas 'das na ni/ /de'i tshe ni der zad 'gyur zhes bya ba'i don bshad par bya ste/ ci ltar yin na/ sangs rgyas ni sku'i rigs rnam par snang mdzad du smos so/ /chos 'dzin pa zhes pa ni/ ci ltar smos pa'i tshul gyi sku phyag rgya'i ngo bos chos 'dzin pa ni/ gsung gi rigs snang ba mdza' yas su smos so/ /rdo rje sems dpa' ang de bzhin te zhes pa ni/ sgrub pa po gong du smos pa'i tshul gyi khro bo'i rgyal po ya man ta ka'i sgom pa dang/ sngags kyi bzlas pa'i bsten pa dang/ hoM bya ba dang/ de ltar sgrub pa byas nas/ de grub ma thag tu/ ci ltar smos pa'i rnam par snang mdzad dang/ snang ba mdza' yas dang/ dpal rdo rje sems dpa' nyid dang/ de ltar rigs gsum la sogs pa gal te nga rgyal gyis 'das na/ de'i skyon gyis srog gi bar chad du 'gyur te 'chi'o/ /de ltar la dor ba'i tshig tu smos so/ /gzhan yang ci ltar smos pa'i sgrub pa byas pa las/ bu mo des nga rgyal gyi myur du dbang du ma song na/ de'i skyon gyis srog gi bar chad du 'gyur te/ 'chi bar smos so/ /de ltar rdo rje sems dpa' ang de bzhin de'i don du gsungs so/ /gal te rmongs pas 'das na ni/ de'i tshe ni der zad 'gyur gyi don du gong du bshad zin to/ /da ni gong du smos pa'i tshul gyi khro bo'i rgyal po ya man ta ka'i sngags kyi grub pa'i 'bras bur grub pa'i 'og tu/ gzhan yang ci ltar smos pa'i tshul gyis bsgom pa dang/ sngags bzlas pas byin gyis brlabs nas/ sol ba la sbyor ba byas pas myos pa dang/ bskor?

  701. 351a

    pa dang/ gsad pa la sogs pa'i las grub pa'i 'bras bur 'gyur ba bstan par bya ste/ bcu bzhi 'am yang na tshes brgyad la/ /dur khrod sol ba blangs nas ni/ /cho ga bzhin du sngags btab na/ / de ni rtag tu sbyin bdag 'gyur/ /zhes bya ba'i don bshad par bya ste/ ci ltar yin na/ bcu bzhi 'am yang na tshes brgyad la/ /dur khrod mol ba blangs nas ni/ /ni sgrub pa pos gong du smos pa'i sngags kyi dngos grub dang ldan pa des/ zla ba nag pa'i tshes bcu bzhi'i dus su dur khrod kyi sol ba blang ngo/ /yang nag po'i tshes brgyad la blangs yang mi 'gal/ /de ltar bcu bzhi'am yang na tshes brgyad la/ dur khrod sel ba blangs pa'i don du gsungs so/ cho ga bzhin du sngags btab na/ /de ni rtag tu sbyin bdag 'gyur zhes pa ni/ gong du smos pa'i dur khrod kyi sol ba blangs ma thag tu sgrub pa pos khro bo'i rgyal po ya man taka dang gnyis su med pa'i nga rgyal du bsgom pas de'i sngags brgyad brgya'i grangs kyi tshad du bzlas pa'i tshig de ltar sngags gdab pa yin no/ /sngags de btab pa'i 'og tu sol ba de grub pa'i rdzas su 'gyur te/ grub pa'i rdzas kyi ngo bo sol ba des sgrub pa po la ci ltar smos pa'i myos pa dang/ bskrad pa dang/ gsang pa la sogs pa'i las kyi grub pa'i 'bras bu dus rtag tu sbyin par smos so/ /mdor bsdus ba de ltar tshig bzhin du sngags btab na/ de ni rtag tu sbyin bdag 'gyur gyi don du gsungs so/ /da ni dgra gsad par bya ba'i bsgom pa'i sbyor ba'i cho ga'i don bstan par bya ste/ sngags shes pas ni sgoms nas ni/ /gang yang rung ba'i ri mo bri/ /dgra'i gzugs brnyan byas nas ni/ /the tshom med par 'chi bar 'gyur/ /zhes bya ba'i

  702. 351b

    don bshad par bya ste/ ci ltar yin na/ sngags shes bas ni bsgoms nas ni/ /gang yang rung ba'i ri mo bri/ /ni gong du smos pa'i sgrub pa'i gnas su/ /chu 'gram gnyis kyi sa blangs te/ /dug dang khrag dang ske rtse dang/ /de dag cig tu bsres nas bong bu'i chu dang dkrugs te/ rdzas des mi dang mi ma yin pa dgra gang yang rung ba'i gzugs brnyan bya'o/ /de byas ma thag tu sgrub pa pos khro bo'i rgyal po ya man ta ka dang gnyis su med pa'i nga rgyal du bsgoms nas gsang ba'i thugs ka ye shes sems pa'i gnas su sngags sa bon yig 'bru haM bsam mo/ /de kha dog nag po chos kyi dbyings kyi ye shes kyi ngo bo gzi brjid chen po'i 'bar ba'i 'od kyis 'bar zhing du zhu nas ye shes kyi khu ba lta bur gyur to/ /sa bon de las khro bo'i rgyal po ya man ta ka'i nyid kyi sku phyag rgya lta bu cha lugs phun sum tshogs pa dang ldan bskyed par bya ste/ ba spu bu ga'i lam gyi sgo nas sprin bzhin du 'jig rten gyi khams thams cad du khyab par spre'o/ /de ma thag tu mi dang mi ma yin pa dag thams cad la rig pa'i tshul gyis dgug par bya'o/ /de ma thag tu dgra'i gzugs brnyan byas pa de'i nang du thim par gyur par bsam mo/ /de'i dus su gzugs brnyan gyi snying ga'i dbus su sngar smos pa'i bsgrub rdzas dur khrod kyi sol ba des khro bo'i rgyal po ya man ta ka'i sngags dang dgra'i ming spel la bri ste/ oM h+rI(rgyud 'grel): Sh+TI? bi kri? twa na na sarba sha truM? staM ba na ku ru hUM hUM phaT phaT swAhA/ de ltar bsgom pa'i tshul gyis dgra thams cad gnon par 'gyur bar bstan to/ /gzhan yang dgra bo bskrad bar bya ba'i cho ga bstan bar bya ste/ gong du smos pa'i tshul du khro bo'i sbin? sbros nas dgra bkug la dgra'i gzugs brnyan gyi nang du thim par gyur bar bsam mo/ /de'i dus su gzugs brnyan gyi rkang pa gnyis kyi mthil gyi dbus su gong du

  703. 352a

    smos pa'i sol bas khro bo'i rgyal po ya man ta ka'i sngags rings dgra'i ming bri ste/ oM h+rI(rgyud 'grel): Sh+Ti bi kri tA na na sarba sha hUM/ u tsha da naM ku ru hUM hUM phaT phaT swAhA/ de ltar sgom pa byas ba'i tshul gyis dgra thams cad bskrad? par 'gyur bar bstan te/ /gzhan yang dgra bo gsad par bya ba'i cho ga bstan par bya ste/ gong du smos pa'i tshul du khro bo'i sbyin smos nas dag bkug ste/ de dgra'i gzugs brnyan gyi nang du thim par gyur ba bsam? mo?/ de'i dus su khro bo chen po zhe sdang gi sems bskyed nas khro bo'i rgyal po ya man ta ka'i sngags bzla zhing gzugs brnyan gyi rke? la gong du smos pa'i sol ba'i ri mo bya ste/ rdo rje ral gri des mi dang mi ma yin pa la sogs pa'i dgra gang yang dung? ba'i rke gcod par bsam mo/ /de sngags shes pa zhes pa sgrub pa po gong du smos pa'i gnang pa dang bskrad pa dang/ gsad pa'i sngags kyi las kyi cho ga ma nor bar shes pa'o/ /don des sngags shes par smos so/ /des ci ltar smos pa'i las bya ba yin par bstan to/ /de ltar sngags shes pa'i ni sgoms? na ni gang yang rung ba'i ri mo bri ba'i don du gsungs so/ /dgra'i gzugs brnyan byas nas ni/ the tshom med par 'chi bar 'gyur/ zhes pa'i don ni gong du bshad pas/ 'dir bshad mi dgos so/ /da ni khro bo'i rgyal po badzra hUM ka ra'i bsgom pa'i sbyor bas rdo rje'i tho? bas brdeg pa'i tshul gyis dgra gsad par bya ba'i cho ga'i don bstan par bya ste/ tho ba bsam gtan sbyor ba yis/ /brdags? na nges bar 'chi bar 'gyur/ /hUM ni rab tu 'bar dang bcas/ /rdo rje 'bar pa rab tu sgom/ /zhes bya ba'i don bshad par bya ste/ ci ltar yin na/ tho ba bsam gtan sbyor ba yis/ /brdegs na nges par 'chi bar 'gyur ni sgrub pa pos dang po

  704. 352b

    gnas dur khrod du gsad ba'i sgrub pa bya ste/ gnas der dkyil 'khor gru gsum kun tu khru re dang sor lar? bdud rtsi bsku? bar bya'o/ /de nas sgrub pa pos de'i steng du brtson 'grus chen po'i sems bstan pa bskyed nas 'dug go /de'i 'og tu mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad ci ltar mdun du smos pa de bzhin du 'dir bya ba yin no/ /de lta bu'i ngo bo rdo rje mi bskyod pa'i sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi bu mo blang ngo/ /de mtshan dang yon tan thams cad dang ldan pa'o/ /shes rab ma de ye shes kyi lha mo ma mA ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos zhe sdang chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su char gyi rgyun bzhin du 'od du zhu nas de rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo ye shes de nyid kyi gzi brjid dang ldan pa 'od du zhu nas ye shes kyi khu ba lta bu yang chub sems kyi rgya mtsho la gnyis su med par thim par 'gyur ro/ /sa bon de las khro bo'i rgyal po chen po badzra hUM ka ra'i sku phyag rgya skyed par bya'o/ /de khro mo'i rgyal mo thugs rje'i dbang phyug ma dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni sngar ci ltar smos pa'i

  705. 353a

    tshul de bzhin du 'dir bstan to/ /de lta bu'i ngo bo khro bo'i rgyal po chen po badzra hUM ka ra'i sku phyag rgya bskyed ma thag tu/ skyed par mdzad mkhan gyi rdo rje mi bskyod pa'i sku phyag rgya khro bo'i rgyal po badzra hUM ka ra'i spyi bor dbang bskur pa'i tshul du bsam mo/ /tshul de ltar khro bo'i rgyal po badzra hUM ka ra'i sku phyag rgya skyed pa'i 'og tu/ sgrub pa pos de dang gnyis su med pa'i nga rgyal du bsgom par bya'o/ /de'i dus su chu 'gram gnyis kyi sa dang/ grog mkhar gyi sa dang/ sems can thams cad khrag dang/ dug thams cad gcig tu bsres nas bor bu'i chu dang bkrugs la dgra bo'i gzugs brnyan bya'o/ /de'i 'og tu khro bo'i rgyal po chen po badzra hUM ka ra'i sngags rings de khro bo chen po brtson 'grus kyis 'bum phrag gsum gyi grangs kyi tshad du bsnyen pa dgra bo'i ming dang mar ya zhes spel bar bya'o/ /de nas sngags kyi ngo bo bstan par bya ste/ oM suM b+ha ni suM b+ha hUM gri hA Na gri hA Na hUM/ gri hA Na pa ya gri hA Na pa ya hUM a n+ya ho ?? de bidya rA dza a mo kaM b+hi ri ma ma ra naM ku ru hUM phaT/ de ltar sngags rings kyi bsnyen pa byas nas grub pa'i dus su mtshan ma gnyis 'byung ste/ dang po dgra'i gzugs brnyan 'bar ro/ /de'i 'og tu dgra'i gzugs brnyan 'gul/ /de'i dus su g.yul bkye ba'i gnas nas mtshon gyi dum bu blangs la/ lcags de las rdo rje tho ba ring thung cu? gang dang sor dgu pa bya'o/ /rdo rje'i tho ba de'i? spyi bo'i rdo rje'i steng du sngags sa bon yig 'bru hUM bsam mo/ /de kha dog dmar po gzi brjid chen po 'bar ba'i 'od kyis 'bar zhing rdo rje tho ba la gnyis su med par thim par gyur par bsam mo/ /de ma thag tu rdo rje tho ba 'bar ba chen po'i 'od kyis 'bar par brtag go /rdo rje'i tho ba des gong du smos pa'i dgra'i snying ga nas bzung ste/ lus thams cad kyi steng du/ khro bo chen po'i zhe sdang gi

  706. 353b

    sems bskyed nas hUM phaT ma ra ya zhes sngags brjod cing brdeg go /brdegs na nges par 'chi bar 'gyur ba na dgra de nges par 'chi bar 'gyur par bstan to/ /de ltar tho ba bsam gtan brdegs na nges par ltung bar 'gyur gyi don du gsungs so/ /hUM ni rab tu 'bar dang bcas/ /rdo rje 'bar ba rab tu bsgom zhes pa'i don ni gong du bshad pas 'dir bshad mi dgos so/ /da ni gong du bstan pa'i gsang pa'i las kyi bsgrub pa byas pas/ 'bras bu khyad par du 'gyur ba bstan par bya ste/ gdug pa thams cad med par bshad/ phyag na rdo rje'i rigs su 'grub/ /ces pa'i don bshad par bya ste/ ci ltar yin na/ gdug pa thams cad med par bshad ni mdun du smos pa'i drag po'i bsgrub pa'i sbyor ba byas pas lha dang mi la sogs pa dgra ma rungs pa thams cad med par 'gyur bar gsungs so/ /de ltar gdug pa thams cad med par bshad kyi don du gsungs so/ /phyag na rdo rje'i rigs su 'grub ni/ phyag na rdo rje ni dus 'dir ming btags pa ston pa mi bskyod pa rdo rje 'dzin nyid yin no/ /bstan par bya ste/ gsod mkhan bsgrub pa po dang/ bsad pa'i dgra bo gnyi ga rdo rje'i rigs me long lta bu'i ye shes dang gnyis su med pa'i ngo bo'i 'bras bur 'grub par bstan to/ /de ltar phyag na rdo rje'i rigs su 'grub kyi don du gsungs so/ /da ni gong du smos pa'i khro bo'i rgyal po chen po badzra hUM ka ra'i bsgom pa dang/ sngags kyi bzlas pa'i bsnyen pa byas nas sbyor ba gzhan gyis dgra bo gsad bar bya ba'i cho ga'i don bstan par bya ste/ rdo rgyus sam ni sol ba yis/ /skyes pa 'am bud med gzugs bris la/ /lag bar sta re bsams nas ni/ /ming pa bcad par rnam par bsgom/ /zhes bya ba'i don bshad par bya ste/ ci ltar yin na/ rdo rgyus sam ni sel ba yis/ /skyes pa 'am bud med gzugs bris la/ /ni lngar smos pa'i rdo rje'i rigs phyi'i gnas su dkyil 'khor zur gsum kun tu khru re dang/ sor lnga bdud rtsi lngas bsku

  707. 354a

    bar bya'o/ /de'i steng du bsgrub pa pos brtson 'grus chen po'i sems brtan pa bskyed nas 'dug go /de'i dus su mdun du smos pa'i cho ga bzhis khro bo'i rgyal po chen po badzra hUM ka ra'i sku phyag rgya bskyed par bya'o/ /de ma thag tu de dang gnyis su med pa'i nga rgyal du bsgom par bya'o/ /de'i rdo rgyus sam yang na dur khrod kyi sol ba blangs la ban d+ha'i nang du gzhag go /ban d+ha de sgrub pa po nyid kyi mdun du bzhag go /de nas gong du smos pa'i tshul gyi khro bo'i rgyal po badzra hUM ka ra'i sngags rings grangs kyi tshad 'bum phrag gsum du bsnyen pa bya'o/ /de ltar sngags kyi bzlas pa'i bsnyen pa byas nas dngos grub grub pa'i dus su mtshan ma gnyis 'byung ste/ dang po bsgrub pa'i rdzas ? rgyus sam sol ba'i nang nas ? 'byung ba'o/ de'i 'og tu 'bar ba yin no/ /de'i dus su bsgrub pa po rdzas de blangs la/ sgrub pa pos rang gi mdun du dgra bo skyes pa 'am bud med gang bsad par bya ba de'i gzugs bri bar bya'o/ /de ltar rdo rgyus dang ni sol ba yis/ /skyes pa bud med gzugs bris la'i don du gsungs so/ /lag par sta re bsams nas su/ /ming pa bcad par rnam par bsgom zhes pa ni/ gong du smos pa'i tshul du dgra'i gzugs bris pa'i 'og tu/ g.yul bkye pa'i gnas nas mtshon dum blang ngo/ /lcags de las rdo rje sta re ring thung khru gang dang sor dgu'i tshul du bya'o/ /rdo rje sta re de'i spyi bo'i steng du sngags sa bon yig 'bru hUM bsam mo/ /de kha dog dmar po gzi brjid chen po 'bar ba'i 'od kyis 'bar zhing rdo rje sta re la gnyis su med par thim par gyur par bsam mo/ /de ma thag tu rdo rje sta re 'bar ba'i 'od chen pos 'bar bar gyur par brtag go /rdo rje sta re de lag pa g.yas su bsgoms nas/ gong du smos pa'i dgra'i gzugs sa la bris pa de la/ khro bo chen po'i zhe sdang gi sems bskyed nas/

  708. 354b

    hUM phaT? a ra ya zhes sngags brjod cing rdo rje sta res mgul pa gcod par bsgom mo/ /de ltar lag par sta re bsams nas su/ med pa gcod par rnam par bsgom gyi don du gsungs so/ /sangs rgyas rdo rje rin chen mchog /sems can kun la phan mdzad pa/ / 'di yis brdegs par gyur na ni/ /shi bar 'gyur bar gdon mi za/ /zhes bya ba'i don bshad par bya ste/ ci ltar yin na/ sangs rgyas rdo rje rin chen mchog /sems can kun la phan mdzad pa ni sangs rgyas ni sku'i rigs rnam par snang mdzad de/ de ni rdo rje gsum du ming btags pa/ sku rdo rje dang gsung rdo rje dang thugs rdo rje gsum dang gnyis su med pa'i sangs rgyas so/ /rin chen mchog ces pa phyi'i rin po che thams cad kyi nang na yid bzhin gyi nor bu rin po che ni mchog gtso bo ste/ don thams cad 'grub pa'i 'bras bu'i ngo bo yin no/ /de bzhin du nga rgyal gyi rigs chen po che 'byung ldan de/ gong du smos pa'i tshul gyi rdo rje gsum dang gnyis su med pa'i ngo bor bstan to/ /bshad par bya ste/ rnam par snang mdzad dang/ rin chen 'byung ldan la sogs pa rigs lnga'i bye brag gi sangs rgyas grangs med pa smos pa thams cad ni ci ltar smos pa'i tshul gyi sems can thams cad la thugs rje chen po'i thugs bskyed nas/ dus rtag tu bye brag sna tshogs kyis phan pa mdzad pa'o/ /mdor bsdu pa de ltar sangs rgyas rin chen mchog /sems can kun la phan mdzad pa'i don du gsungs so/ /'di yis brdegs par gyur na ni/ /shi bar 'gyur bar gdon mi za zhes pa ni/ gong du smos pa'i sangs rgyas de dag thams cad la gal te/ rdo rje sta re 'di rgyab na/ the tshom med par 'chi bar 'gyur ro/ /de ni la dor ba'i tshig go /gong du bstan pa'i dgra de dag rdo rje'i sta res brdegs na nges par 'chi bar 'gyur ba ni ngo mtshar mi tsha bar bstan to/ /de ltar 'di yis brdegs par gyur na ni/ shi bar 'gyur bar

  709. 355a

    gdon mi za'i don du gsungs so/ /da ni chu mnan par bya ba'i sgrub pa'i cho ga bstan par bya ste/ las kyi rdo rje rab 'bar ba/ /mi stag mang po khrigs pa can/ /dbus su rdo rje bsams nas ni/ /chu mnan pa'i mchog yin no/ /zhes bya ba'i don bshad par bya ste/ ci ltar yin na/ las kyi rdo rje rab 'bar ba/ /me stag mang po khrigs pa can/ /ni sgrub pa pos dang po rgya mtsho'i 'gram gyi gnas su chu mnan pa'i sgrub pa bya'o/ /yang na chu klung chen po gang yang rung ba'i gnas kyi 'gram du bya ba yang mi 'gal lo/ /gnas der dkyil 'khor gru bzhi kun tu khru re sor lnga bdud rtsi lngas bsku bar bya'o/ /de'i 'og tu sgrub pa pos de'i steng du brtson 'grus chen po'i sems brtan pa bskyed nas 'dug go /de'i 'og tu mdun du smos pa'i cho ga bzhi'i tshul gyis rdo rje mi bskyod pa'i sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa ci ltar mdun du smos pa'i bzhin du 'dir bya'o/ /de lta bu'i ngo bo rdo rje mi bskyod pa'i sku phyag rgyar gyur ma thag tu de dang gnyis su med pa'i nga rgyal du sgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo mtshan dang yon tan ci ltar smos pa dang ldan pa blang ngo/ /shes rab ma ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu sgrub pa pos khro bo chen po 'dod chags chen po'i sems bskyed nas/ gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas de rgya mtsho dang mnyam par gyur par bsam mo/ /de'i steng du sngags sa bon yig 'bru hUM

  710. 355b

    bsam mo/ /de kha dog nag po me long lta bu'i ye shes kyi ngo bo gzi brjid chen po'i 'bar ba'i 'od kyis 'bar zhing 'od du zhu nas/ ye shes kyi khu ba lta bu byang chub sems kyi rgya mtsho la gnyis su med par thim par gyur par bsam mo/ /sa bon de las las kyi rdo rjer ming btags pa khro bo'i rgyal po a mri ta kun Da li'i sku phyag rgya bskyed par bya'o/ /de khro mo'i rgyal mo ral gcig ma dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan gyi mdun du ci ltar smos pa de bzhin du 'dir bstan to/ /de lta bu'i ngo bo'i khro bo'i rgyal po a mri ta kuN+Da li'i sku phyag rgya skyed ma thag tu/ skyed par mdzad mkhan rdo rje mi bskyod pa'i sku phyag rgya khro bo'i rgyal po a mri ta kuN+Da li'i spyi bor dbang bskur ba'i tshul du bsam mo/ / tshul de ltar khro bo'i rgyal po a mri ta kuN+Da li'i sku phyag rgya de/ me long lta bu'i ye shes kyi ngo bo'i 'bar ba'i 'od kyis 'bar ba'i nang nas me stag grangs med pa stug po 'khrugs pa'i tshul du 'phro'o/ /de ltar skyed pa'i 'og sgrub pa pos de dang gnyis su med pa'i nga rgyal du bsgom par bya'o/ /de ltar las kyi rdo rjer rab 'bar ba/ me stag mang po 'khrigs ba can gyi don du gsungs so/ /dbus su rdo rje bsams nas ni/ /chu gnan pa'i mchog yin no/ /zhes bya ba ni sgrub pa pos nyid kyi mdun du nam mkha' la sngags sa bon yig 'bru hUM bsam mo/ /de kha dog dmar po 'bar ba chen po'i 'od kyis 'bar ba'o/ /sa bon de las rdo rje rtse gsum pa'i rgya gram du gyur par brtag go /de rdo rje rgya gram de'i bum pa'i steng gi dbus su sngags sa bon yig 'bru hUM bsam mo/ /de kha dog sngon po me long lta bu'i ye shes kyi 'bar ba chen po'i 'od kyis 'bar ba'o/ /sa bon de las rdo rje rtse lnga pa 'greng bar gyur par brtag go /de 'bar ba chen po'i 'od kyis 'bar ba'o/ /tshul de ltar gdan rdo rje

  711. 356a

    bskyed ma thag tu sgrub pa pos rdo rje rtse lnga pa'i steng gi dbus su langs pa'i tshul du gnas par bsam mo/ /de ltar byas nas chu'i steng du bsgom par bya'o/ /de'i dbus su sgrub pa po nyid kyi snying ga'i dbus su sngags kyi sa bon yig 'bru hUM bsam mo/ /de kha dog dmar po me long lta bu'i ye shes kyi ngo bo 'bar ba chen po'i 'od kyis 'bar ba'o/ /sa bon de las rdo rje rtse dgu par gyur par bsam mo/ /de 'bar ba chen po'i 'od kyis 'bar zhing sprin bzhin du chu kun dang mnyam par khyab par spro'o/ /tshul de ltar bsgoms nas chu thang bzhin du gnan pa'i dngos grub kyi 'bras bur 'gyur te/ de'i dus su sems brtan par byas la bsgom par bya'o/ /bstan par bya ste/ gong du smos pa'i dngos grub kyi 'bras bu grub pa'i 'og tu/ dus nam 'dod pa na rgya mtsho chen po la sogs pa/ chu thams cad kyi steng du ci ltar skam la 'gro ba bzhin du 'gro bar 'gyur ro/ /mdor bsdu ba de ltar dbus su rdo rje bsams nas ni/ chu mnan pa'i mchog yin no'i don du gsungs so/ /da ni dkyil 'khor bri ba la sogs pa dus nam yang rung rlung chen po 'byung ba dang/ gzhan yang gnod pa thams cad 'byung ba mnan par bya ba'i sgom pa'i phyag rgya'i sbyor ba'i cho ga'i don bstan par bya ste/ dkyil 'khor dag ni bri ba na/ /rlung la sogs pa byung na ni/ /mche ba'i phyag rgya bcings nas su/ /gdug pa'i dgra ni dran par bya/ /zhes bya ba'i don bshad par bya ste/ ci ltar yin na/ dkyil 'khor dag ni bri ba na/ /rlung la sogs pa byung na ni/ /rlung la sogs pa bdud dang bgegs kyi tshogs ma rungs pa thams cad kyis gnod pa byed na/ sgrub pa pos gnas dur khrod du de mnan pa 'am med par bya ba'i sgrub pa bya'o/ /yang na dben pa chen por byas kyang mi 'gal lo/ /gnas der dkyil 'khor gru bzhi pa

  712. 356b

    kun tu khru re dang sor lnga bdud rtsi lngas bsku bar bya'o/ /de'i 'og tu sgrub pa pos brtson 'grus chen po'i sems brtan pa bskyed nas de'i steng du 'dug go /de'i 'og tu mdun du smos pa'i cho ga bzhi las kyi rdo rjer ming btags pa khro bo'i rgyal po a mri ta kuN+Da li'i sku phyag rgya skyed par bya'o/ /de ma thag tu sgrub pa pos de dang gnyis su med pa'i nga rgyal du sgoms par bya'o/ /bstan par bya ste/ sgrub pa pos tshul de ltar khro bo'i rgyal po a mri ta kuN+Da li'i bsgom pa dang/ de'i bzlas pa'i bsnyen pa zla ba drug tu bya'o/ /de rdzogs pa'i dus su khro bo'i rgyal po a mri ta kuN+Da li mngon du gyur to/ /de'i 'og tu sgrub pa po la ye shes chen po'i mthu'i byin gyis brlabs stobs su 'gyur bar bstan to/ /de'i 'og tu rlung la sogs pa bdud dang bgegs kyi tshogs ma rungs pa thams cad kyi gnod pa thams cad gnon pa 'am med par nus par 'gyur ro/ /de ltar dkyil 'khor dag ni bri ba na/ rlung la sogs pa byung na ni'i don du gsungs so/ /mche ba'i phyag rgya bcings nas su/ /gdug ba'i dgra ni dran par bya/ zhes pa ni/ rlung la sogs pa'i gnod pa thams cad med par bya ba'i dus su sgrub pa pos lag pa gnyis rdo rje'i khu tshur bcings la/ mdzub mo gnyis bsgreng la cung zad dgug pa kha 'gram g.yas g.yon du gzhag pa'i tshul gyi mche ba'i phyag rgya bya'o/ /de'i dus su gdug pa zhes pa ni/ bdud dang bgegs kyi tshogs thams cad yin no/ /de dag med par mdzad pa dgug ni khro bo'i rgyal po a mri ta kuN+Da li yin no/ /de ni rjes su dran pa zhes pa gong du smos pa'i tshul du gnyis su med pa'i nga rgyal du bsgom par bya bar bstan to/ /de ltar mche ba'i phyag rgya bcings nas su/ gdug pa'i dgra ni dran par bya'i don du gsungs sso/ /sangs rgyas byang chub sems dpa' i yis/ /gang zhig sprul par gyur pas kyang/ /mthong ba tsam gyis 'jig par 'gyur/

  713. 357a

    de ni slar yang 'tsho bar 'gyur/ /zhes bya ba'i don bshad par bya ste/ ci ltar yin na/ sangs rgyas byang chub sems dpa' yis/ /gang zhig sprul par gyur pas kyang/ /ni gong du smos pa'i rlung la sogs pa gnod pa byed pa'i bye brag sna tshogs de ni/ sangs rgyas rnam par snang mdzad la sogs pa'i rigs lnga'i bye brag gi sangs rgyas grangs med pa thams cad dang byang chub sems dpa' phyag na rdo rje la sogs pa'i rigs gsum gyi bye brag gi byang chub sems dpa' grangs med pa thams cad yin te/ de lta bu'i bye brag gi sangs rgyas dang byang chub sems dpa' rnams kyis gal te gnod pa sprul pa mdzad na/ de yang sgrub pa pos gong du smos pa'i mche ba'i phyag rgya bsgom pa dang bcas pa byas pa de mthong ma thag tu 'jigs pa yin no/ /bstan par bya ste/ gong du smos pa'i mche ba'i phyag rgya de mthong ma thag tu sangs rgyas dang byang chub sems dpa' i yang 'jigs par bstan na/ gdug pa'i bdud dang bgegs kyi tshogs thams cad 'jig par 'gyur ba ni ngo mtshar mi che ste/ mdor bsdu ba de ltar sangs rgyas byang chub sems dpa' yis/ gang zhig sprul par gyur pas kyang gi don du gsungs so/ /mthong ba tsam gyis 'jigs par 'gyur/ de ni slar yang 'tsho bar 'gyur zhes pa'i don ni sngar bshad pas 'dir bshad mi dgos so/ /da ni gong du smos pa'i tshul gyis sangs rgyas dang byang chub sems dpa' la sogs pa dang/ bdud dang bgegs kyi tshogs ma rungs pa gang yang rung ba gnod pa thams cad sgrub pa pos khro bo'i sngags brjod pas bskrad par bya ba'i cho ga'i don bstan par bya ste/ sangs rgyas byang chub sems dpa' dang/ skye bo gdug pa gzhan dag kyang/ /sngags des rab tu bskrad par bya/ /'chi par 'gyur ba'ang gdon mi za/ /

  714. 357b

    zhes bya ba'i don bshad par bya ste/ ci ltar yin na/ sangs rgyas byang chub sems dpa' dang/ skye bo gdug pa gzhan dag kyang ni/ sangs rgyas byang chub sems dpa' ni mdun du ji ltar smos ba'i tshul gyis de bzhin du 'dir bstan to/ /gzhan yang gdug pa ni bdud dang bgegs kyi tshogs ci snyed pa thams cad de/ de dag gis gnod pa byed pa'i dus su 'og nas 'byung ba'i sngags brjod par bya bas bskrad pa 'am nges par 'chi bar 'gyur pa bstan to/ /de ltar sangs rgyas byang chub sems dpa' dang/ skye bo gdug pa gzhan dag kyang gi don du gsungs so/ /sngags des rab tu bskrad par bya/ /'chi bar 'gyur bar gdon mi za/ /zhes pa ni/ de'i don gong du bshad zin to/ /da ni sngags kyi ngo bo bstan par bya ste/ de la 'di ni sngags thams cad kyi gsang ba'i snying po'o/ /phaT ces bya ba ni/ sngags kyi sa bon yig 'bru phaT ni/ zhi ba dang rgyas pa la sogs pa bsgrub pa thams cad bya ba'i sngags kyi nang na gsang ba ste/ phaT ni sgrub pa thams cad kyi sngags kyi ye shes dang gnyis su med pa'i 'bras bu yin te/ don des snying por smos so/ de ltar phaT kyi don du gsungs so/ /da ni gsang ba'i tshul gyis ye shes sems dpa' sgrub pa bya ba'i cho ga'i don bstan par bya ste/ ye shes sems dpa' i sbyor bya yis/ /dbus su gzugs ni rab tu sgom/ / sngags shes pas ni gnas bzhin du/ bud med rtag tu gzhag par bya'o/ /zhes bya ba'i don bshad par bya ste/ ci ltar yin na/ ye shes sems dpa' i sbyor ba yis/ /dbus su gzugs ni rab tu sgom ni/ sgrub pa pos dang po gnas dur khrod du ye shes sems dpa' sgrub pa bya'o/ /yang na ci ltar smos pa'i dben pa'i gnas su sgrub pa bya yang mi 'gal lo/ /gnas der sa gzhi mnyam par byas la/ der dkyil 'khor gru bzhi kun tu khru gsum dang sor lnga lnga bdud rtsi lngas bsku'o/ /

  715. 358a

    de'i nang du tshon dmar pos pad ma 'dab brgyad pa lte ba dang bcas pa khru gang gi tshad du bri bar bya'o/ /de nas ga pur dang gur kum dang/ tsan dan la sogs pa rdzas dri dang ldan pa thams cad gcig tu bsres la ban da'i nang du bzhag la dkyil 'khor la gtor bar bya'o/ /gzhan yang pad ma dang/ ku mu ta dang/ ud pa la dang/ tsam pa ka la sogs pa me tog dri dang ldan pa thams cad bkram par bya'o/ /de ltar byas ma thag tu pad ma'i lte ba'i dbus su sngags sa bon yig 'bru hUM gi gzugs bsam mo/ /yang na rdzas dri dang ldan pa gur ku mas? sngags kyi sa bon yig 'bru hUM gi gzugs bri bar bya ba yang mi 'gal lo/ /de kha dog sngon por brtag go /me long lta bu'i ye shes kyi ngo bo gzi brjid chen po 'bar ba'i 'od kyis 'bar bar bsam mo/ /de ltar byas pa'i dus su de bzhin gshegs pa'i rigs bzhi'i bye brag gi bud med bzhi blang ngo/ /de'i rigs so so'i bye brag bstan par bya ste/ sku'i rigs kyi ni bram ze'i rigs kyi bud med do/ /rin po che'i rigs ni rgyal rigs kyi bud med do/ /gsung gi rigs kyi ni gar mkhan gyi rigs kyi bud med do/ /las kyi rigs kyi ni dmangs rigs kyi ni bud med do/ /bud med de kun dus 'dir lo nyi shu rtsa lnga lon pa'o/ /gzhan yang mtshan ma dang yon tan thams cad dang ldan pa'o/ /de kun la sngar smos pa'i tshul gyi rgyan thams cad kyis yan lag dang nying lag thams cad kyis brgyan par bya'o/ /gzhan yang ga pur dang/ tsan dan dang/ gur gum la sogs dri dang ldan pa'i rdzas thams cad gcig tu bsres la rdo rje'i chu dang dkrugs te shes rab ma bud med bzhi'i lus kun bsku bar ba'o/ /de ltar byas pa'i 'og tu mdun du smos pa'i dkyil 'khor gyi phyogs bzhir rigs so so'i bye brag bzhin du gzhag par bya'o/ /de nas rigs kyi

  716. 358b

    bye brag bzhin du gnas pa bstan par bya ste/ dkyil 'khor gyi shar phyogs su sku'i rigs kyi bye brag gi bram ze'i rigs kyi bud med bzhag ste/ de ma thag tu ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ de'i 'og tu dkyil 'khor gyi lho phyogs su rin po che'i rigs kyi bye brag tu rgyal rigs kyi bud med bzhag ste/ de ma thag tu ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu dkyil 'khor gyi nub phyogs su gsung gi rigs kyi bye brag gi gar mkhan gyi rigs kyi bud med bzhag go /de ma thag tu de ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de'i 'og tu dkyil 'khor gyi byang phyogs su las kyi rigs kyi bye brag gi dmangs rigs kyi bud med bzhag ste/ de ma thag tu ye shes kyi lha mo dam tshig sgrol ma dang gnyis su med pa'i ngo bor byin gyis brlab par bya'o/ /de ltar byas nas sgrub pa po dkyil 'khor gyi shar phyogs su mos pa'i skyil mos 'dug go /de ma thag tu sngar smos pa'i cho ga bzhi'i tshul gyis rnam par snang mdzad kyi sku phyag rgyar gyur par bya'o/ /de'i sku phyag rgya'i cha lugs phun sum tshogs pa ni sngar ci ltar smos pa bzhin 'dir bya'o/ /de lta bu'i ngo bo rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de ltar bya zhing dang po langs te 'dod chags chen po'i sems dga' bas 'gying bag gi stabs kyis dkyil 'khor gyi shar phyogs na sku'i rigs kyi bye brag gi shes rab ma bram ze'i rigs kyi bud med bzhag pa de la 'khyud pa'i tshul gyis tsum pa na bya'o/ /de'i 'og tu dkyil 'khor gyi lho phyogs na rin po che'i rigs kyi bye brag gi shes rab ma rgyal rigs kyi bud med bzhag pa de la 'khyud de tsum pa na bya'o/ /de'i dkyil 'khor

  717. 359a

    gyi nub phyogs na gsung gi rigs kyi bye brag gi gar mkhan gyi rigs kyi bud med bzhag pa de la 'khyud de tsum pa na bya'o/ /de'i dkyil 'khor gyi byang phyogs na las kyi rigs kyi bye brag gi dmang rigs kyi bud med bzhag pa de la 'khyud de tsum pa na bya'o/ /de ltar bya ba de ni gsang ba'i yo ga'i cho ga'i don du bstan to/ /bshad par bya'o/ /de ltar yo ga'i cho ga rdzogs ma thag tu sgrub pa pos gong du smos pa'i bram ze'i rigs kyi bud med de gnyis su med par 'khyud pa'i sbyor bas gsang ba'i dbang po gnyis mnyam par sbyar nas/ thabs dang shes rab rol pa byas te/ bde bar gyur pa'i dus su rdo rje lam gyi sgoms shes rab ma b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de'i 'og tu dkyil 'khor gyi lho phyogs na rgyal rigs kyi bud med de dang gnyis su med par 'khyud pa'i sbyor bas gsang ba'i dbang po mnyam par sbyar bas thabs dang shes rab rol pa byas te/ bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun du 'od du zhu nas zla ba'i dkyil 'khor gyi ngo bor gyur par bsam mo/ /de'i 'og tu dkyil 'khor gyi nub phyogs na/ gar mkhan gyi rigs kyi bud med de dang gnyis su med pa'i sbyor bas gsang ba'i dbang po gnyis mnyam par sbyar nas thabs dang shes rab rol pa bya ste/ bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur bar bsam mo/ /de'i 'og tu dkyil 'khor gyi byang phyogs na dmang rigs kyi bud med de dang gnyis su med par 'khyud pa sbyor bas gsang ba'i dbang po gnyis mnyam par sbyar nas thabs dang shes rab rol pa byas te

  718. 359b

    bde bar gyur ba'i dbus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /de ltar bya ba de ni gsang ba'i a nu yo ga'i cho ga'i don du bstan to/ /de ltar a nu yo ga'i cho ga de byas ma thag tu/ sgrub pa pos bram ze'i rigs kyi bud med de'i mdun du 'dug ste/ de'i b+ha ga'i dbus su gong du smos pa'i byang chub sems zla ba'i dkyil 'khor du gyur par byas ba de sngags kyi sa bon yig 'bru oM du gyur par bsam mo/ /de kha dog dkar po chos kyi dbyings kyi ye shes kyi ngo bo gzi brjid chen po'i 'bar ba'i 'od kyis 'bar dang bsam mo/ /de'i 'og tu sgrub pa po langs te rgyal rigs kyi bud med de'i mdun du 'dug ste/ de'i b+ha ga'i dbus su gong du smos pa'i byang chub sems zla ba'i dkyil 'khor du gyur par byas ba de sngags sa bon yig 'bru swar gyur bar bsam mo/ /de kha dog ser po mnyam pa nyid kyi ye shes kyi ngo bo gzi brjid chen po 'bar ba'i 'od kyis 'bar bar bsam mo/ /de'i 'og tu sgrub pa po langs te/ gar mkhan gyi rigs kyi bud med de'i mdun du 'dug ste/ de'i b+ha ga'i dbus su gong du smos pa'i byang chub sems zla ba'i dkyil 'khor du gyur par byas te/ sngags sa bon yig 'bru ar gyur par bsam mo/ /de'i kha dog dmar po so sor rtog pa'i ye shes kyi ngo bo gzi brjid chen po'i 'bar ba'i 'od kyis 'bar bar bsam mo/ /de'i 'og tu sgrub pa bo langs te dmangs rigs kyi bud med de'i mdun du 'dug ste/ de'i b+ha ga'i dbus su gong du smos ba'i byang chub sems zla ba'i dkyil 'khor du gyur par byas pa de sngags sa bon yig 'bru har gyur par bsam mo/ /de kha dog ljang ku bya ba nan tan gyi ye shes kyi ngo bo gzi brjid chen po 'bar ba'i 'od kyis 'bar bar bsam mo/ /tshul de ltar sgom pa bya

  719. 360a

    ba de rdzogs ma thag tu/ sgrub pa pos dkyil 'khor gyi shar phyogs kyi sku'i rigs kyi bye brag gi shes rab ma sangs rgyas spyan dang gnyis su med pa'i ngo bor bram ze'i rigs kyi bud med de'i g.yas phyogs su mos pa'i skyil mos 'dug go /de'i 'og tu gong du smos pa'i bud med bzhi'i b+ha ga'i dbus su rnam par snang mdzad la sogs pa de bzhin gshegs pa bzhi'i sngags sa bon yig 'bru bzhir gyur par byas pa de rnams gcig tu 'du ba'i sgom ba bya'o/ de gsal bar bstan par bya ste/ bram ze'i rigs kyi bud med de'i b+ha ga'i dbus na/ sngags kyi sa bon yig 'bru oM gzi brjid chen po'i 'bar ba'i 'od kyis 'bar bar gnas pa de/ rgyal rigs kyi bud med kyi b+ha ga'i dbus na sngags sa bon yig 'bru swa la gnyis su med par 'dus par bsam mo/ /de nas rgyal rigs kyi bud med kyi b+ha ga'i dbus na sngags sa bon yig 'bru swa sngags kyi sa bon yig 'bru oM dang gnyis su med pa'i ngo bo gzi brjid chen po'i 'bar ba'i 'od kyis 'bar ba de ni gar mkhan gyi rigs kyi bud med kyi b+ha ga'i dbus kyi sngags sa bon yig 'bru A de la gnyis su med par 'dus par bsam mo/ /de nas gar mkhan gyi rigs kyi bud med kyi b+ha ga'i dbus kyi sngags sa bon yig 'bru a gong du smos pa'i sngags kyi sa bon gnyis dang gnyis su med pa'i ngo bo gzi brjid chen po'i 'bar bar 'od kyis 'bar ba gnas pa de ni dmangs rigs kyi bud med kyi b+ha ga'i dbus kyi sngags kyi sa bon yig 'bru ha de la gnyis su med par 'dus par bsam mo/ /de'i 'og tu gong du smos pa'i sngags kyi sa bon yig 'bru gsum dang gnyis su med pa'i ngo bo sngags sa bon yig 'bru hUM gzi brjid chen po'i 'bar ba'i 'od kyis 'bar bar gnas pa de ni/ pad ma'i lte ba'i dbus kyi sngags sa bon yig 'bru hUM gi gzugs

  720. 360b

    gzi brjid chen po'i 'bar ba'i 'od kyis 'bar zhing gnas pa de la gnyis su med pa'i ngo bor 'dus par bsam mo/ /tshul de ltar yig 'bru bzhi gnyis su med pa'i ngo bor sngags kyi sa bon yig 'bru hUM la 'dus ma thag tu/ sngags kyi sa bon yig 'bru hUM de 'od du zhu ste ye shes kyi khu ba bzhin du gyur nas des pad ma'i lte ba khyab par gang bar brtag go /sa bon de las dpal rdo rje sems dpa' nyid kyi sku phyag rgya me long lta bu'i ye shes la sogs pa ye shes lnga dang gnyis su med pa'i ngo bo skyed par bya'o/ /sku phyag rgya'i sku mdog dang/ zhal dang phyag dang phyag mtshan dang/ rgyan rnams dang/ nyid nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /gsal bar bstan par bya ste/ mdun du rnam par snang mdzad kyi sku phyag rgya'i ngo bo sku mdog dkar po/ /zhal gsum phyag drug /phyag mtshan drug pa/ rin po che shel la sogs pa rin po che thams cad kyis brgyan pa/ gzhan yang nyid kyi shes rab ma ye shes kyi lha mo sangs rgyas spyan dang gnyis su med par 'khyud pa'i sbyor ba dang ldan pa'o/ /phyag mtshan ni ji ltar le'u bzhi pa thugs kyi dkyil 'khor gyi dus su rnam par snang mdzad kyi smos pa de bzhin du dus 'dir 'dzin par bstan to/ /gzhan yang g.yas su rin chen 'byung ldan gyi sku phyag rgya'i ngo bor sku mdog ser po zhal gsum pa/ phyag drug phyag mtshan drug go /rin po che ma ra ka ta la sogs pa rin po che thams cad kyis brgyan pa'o/ /gzhan yang shes rab ma ye shes kyi lha mo sprul pa'i ma ma ki dang gnyis su med par 'khyud pa'i sbyor ba dang ldan pa'o/ /de'i phyag mtshan ni le'u bzhi pa thugs kyi dkyil 'khor gyi dus su rin chen 'byung ldan gyi ci ltar smos pa'i de bzhin du dus 'dir 'dzin par bstan to/ /gzhan yang rgyab tu

  721. 361a

    snang ba mdza' yas kyi sku phyag rgya'i ngo bo/ kha dog dmar po/ zhal gsum pa phyag drug phyag mtshan drug pa/ rin po che pad mar ga la sogs pa rin po che thams cad kyis brgyan pa/ gzhan yang nyid kyi shes rab ma ye shes kyi lha mo na bza' dkar mo dang gnyis su med par 'khyud pa'i sbyor ba dang ldan pa'o/ /de'i phyag mtshan ni ci ltar le'u bzhi pa thugs kyi dkyil 'khor gyi dus su snang ba mdza' yas kyi smos pa de bzhin du dus 'dir 'dzin par bstan to/ /gzhan yang g.yon du don yod grub pa'i sku phyag rgya'i ngo bo kha dog ljang gu/ zhal gsum pa phyag drug phyag mtshan drug pa/ rin po che bai DUrya la sogs pa rin po che thams cad kyis brgyan pa/ nyid kyi shes rab ma ye shes kyi lha mo dam tshig sgrol ma dang gnyis su med par 'khyud pa'i sbyor ba dang ldan pa'o/ /phyag mtshan ni le'u bzhi pa thugs kyi dkyil 'khor gyi dus su don yod grub pas ci ltar smos pa de bzhin du dus 'dir 'dzin par bstan to/ /de ltar bya ba de ni gsang ba'i ma ha yo ga'i cho ga'i don du bstan to/ /bshad par bya ste/ mdun du smos pa'i ma ha yo ga'i cho ga de byas ma thag tu/ sgrub pa pos gsang ba'i tshul gyi ye shes sems dpar ming btags pa/ dpal rdo rje sems dpa' nyid du smos pa dang gnyis su med pa'i nga rgyal du bsgom par bya'o/ /de'i dus bram ze'i rigs kyi bud med la sogs pa de bzhin gshegs pa bzhi'i shes rab ma ye shes lha mo dang gnyis su med pa'i ngo bo de bzhin nyid nyid kyi rigs kyi bdag po'i sku phyag rgya'i gzugs kyi ngo bo de mthong ngo/ /de ma thag tu 'dod chags chen po'i sems dga' bas rab tu 'dzum zhing gar gyi tshul gyis nyid nyid kyi bdag po'i ye shes kyi lha mo dang gnyis su med par 'khyud nas/ gnas pa la gnyis su med par

  722. 361b

    thim par brtag go /de ltar bya ba de ni gsang ba'i a ti yo ga'i don du smos so/ /mdor bsdu ba de ltar ye shes sems pa'i sbyor ba yis/ dbus su gzugs ni rab tu bsgom gyi don du gsungs so/ /sngags shes pas ni gnas bzhi ru/ /bud med rtag tu bzhag par bya zhes bya ba'i don ni gong du bshad zin to/ /rgyan rnams thams cad yongs su rdzogs/ /mtshan rnams thams cad kyis ni mtshan/ /pad mo rab tu rgyas byas nas/ /sngags ni rnam par bsgom par bya/ /hUM zhes bya ba'i don bshad par bya ste/ ci ltar yin na/ rgyan rnams thams cad yongs su rdzogs/ /mtshan rnams thams cad kyis ni mtshan zhes pa'i don ni gong du bud med shes rab ma ye shes kyi lha mo rnams dang gnyis su med pa rnams la bshad pas 'dir bshad mi dgos so/ /pad mo rab tu rgyas byas nas/ /sngags 'di rab tu bsgom par bya zhes pa ni/ sgrub pa pos gong du smos pa'i ye shes sems dpa' i sku phyag rgya'i gzugs dang gnyis su med pa'i nga rgyal du bsgom par bya ba'i dus su/ gong du smos pa'i bud med de bzhi gnyis su med par 'khyud pa'i tshul gyis 'dus par byas ma thag tu/ 'dod chags chen po'i sems kyis thabs dang shes rab rol pa bya'o/ /de'i dus su dang por bram ze'i rigs kyi bud med la sogs pa la ci ltar smos pa'i tshul gyis gsang ba'i rdo rje gzhug pa'i thabs kyis pad ma rab tu rgyas par bya'o/ /de'i 'og tu gsang ba'i rdo rje'i rtse'i thad ka b+ha ga'i dbus su sngags kyi sa bon yig 'bru hUM rnam par sgom par bya'o/ /bstan par bya ste/ sngags kyi sa bon yig 'bru hUM kha dog sngon po me long lta bu'i ye shes kyi ngo bor smos so/ /de ltar pad mo rab tu rgyas byas nas/ sngags 'di rnam par bsgom par bya ba'i don du gsungs so/ /'od zer lnga'i 'od 'bar ba/ /rdo rje can gyi sbyor ba bsgom/ /rang gi lus ngag rdo rje la/ /

  723. 362a

    phab na byang chub thob par 'gyur/ /zhes bya ba'i don bshad par bya ste/ ci ltar yin na/ 'od gzer lnga'i rab 'bar ba/ rdo rje can gyi sbyor ba sgom ni gong du smos pa'i yo ga bzhi'i tshul gyis ye shes sems dpa' dang gnyis su med par bsgom pa'i bya ba'i ye shes sems dpa' i sku phyag rgya de ni/ sku dang gsung dang thugs rdo rje gsum dang gnyis su med pa'i ngo bor brtag go /don des sgrub pa po nyid rdo rje can gyi sbyor bar ming smos so/ /bstan par bya ste/ gong du smos pa'i sngags kyi sa bon yig 'bru hUM las me long lta bu'i ye shes la sogs pa ye shes lnga'i ngo bo rigs so so'i bye brag kha dog dang ldan pa'i 'od bzang po 'phro bar bsam mo/ /de ltar 'od gzer lnga ni rab 'bar ba/ /rdo rje can gyi sbyor ba bsgom gyi don du gsungs so/ / rang lus ngag sems rdo rje la/ /phab na byang chub thob par 'gyur zhes pa ni/ ci ltar smos pa'i tshul gyi sngags sa bon yig 'bru bskyed pa'i 'og tu thabs dang shes rab rol pa bya ba yin no/ /de byas pas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du sngags kyi sa bon yig 'bru hUM gi steng du 'od du zhu'o/ /de ma thag tu sngags kyi sa bon yig 'bru hUM 'od du zhu nas/ ye shes kyi khu ba bzhin du byang chub sems la gnyis su med par thim par 'gyur ro/ /byang chub sems ye shes kyi bdud rtsi'i khu ba'i ngo bo de mdun du smos pa'i tshul gyi sngags kyi tshig brjod cing/ shes rab ma'i b+ha ga'i dbus gnas blangs nas sku gsung thugs rdo rje phab par ming btags pa sgrub pa po ye shes sems dpa' dang gnyis su med pa'i nga rgyal du bsgoms pas gnas pa des/ sku gsung thugs rdo rje gsum gyi ngo bo yin par brtags nas bza' bar bya'o/ /brtan par bya ste/ byang chub sems ye shes kyi bdud rtsi'i khu ba

  724. 362b

    de thos pas bla na med pa'i 'bras bu thob par 'gyur ro/ /de ltar rang lus ngag sems rdo rje la/ /phab na byang chub thob par 'gyur gyi don du gsungs so/ /da ni gong du smos pa'i bsgrub pa bya bas 'bras bu khyad par du 'gyur par bstan par bya ste/ de ni de ma thag tu yang/ rnam par snang mdzad 'od 'dra zhing/ /rdo rje sems dpa' rgyal po che/ /sangs rgyas rdo rje sku nyid 'dzin/ /zhes bya ba'i don bshad par bya ste/ ci ltar yin na/ de ni de ma thag tu yang/ rnam par snang mdzad 'od 'dra zhing ni/ gong du smos pa'i tshul gyi bsgrub pa byas pas byang chub kyi 'bras bu thob par smos pa de ni/ de bzhin gshegs pa thams cad kyi sku rdo rje don dam par gnyis su med pa'i ngo bo yin te/ de dang gnyis su med pa'i ngo bor rnam par snang mdzad smos pa de dang gnyis su med pa'i ngo bor sgrub pa pos mnyam par 'grub par bstan to/ /de ltar de ni de ma thag tu yang/ /rnam par snang mdzad 'od 'dra'i don du gsungs so/ /rdo rje sems dpa' rgyal po che/ /sangs rgyas rdo rje sku nyid 'dzin/ /zhes pa ni sgrub pa po rnams par snang mdzad dang gnyis su med par 'bras bu 'grub par 'gyur ba de ni/ ji ltar smos pa'i tshul gyi de bzhin gshegs pa thams cad kyi rgyal po dpal rdo rje sems dpa' yin te/ dpal rdo rje sems dpa' de ni rdo rjer ming btags pa me long lta bu'i ye shes kyi sku phyag rgya yin no/ /de nyid kyi sku phyag rgya'i ngo bo rnam par snang mdzad 'dzin par bstan to/ /tshul de ltar rnam par snang mdzad dang dpal rdo rje sems dpa' don dam par gnyis su med pa'i 'bras bu'i ngo bor 'grub par 'gyur bar bstan to/ /de ltar dpal rdo rje sems dpa' rgyal po che/ /sangs rgyas rdo rje sku nyid 'dzin gyi don du gsungs so/ /rdo rje sems dpa' skyed pa rdo rje zhes bya ba'i ting nge 'dzin to/ /zhes bya ba ni/ rdo rje sems dpa' bskyed pa ni/

  725. 363a

    gong du smos pa'i cho ga'i tshul gyis ye shes sems dpar ming btags pa dpal rdo rje sems dpa' nyid kyi sku phyag rgya bskyed par bya'o/ /rdo rje zhes bya ba'i ting nge 'dzin to zhes pa ni rdo rjer ming btags pa rnam par snang mdzad la sogs pa'i rigs lnga'i sngags kyi sa bon yig 'bru rnams gnyis su med par bsdu ba byas pa las ye shes sems dpa' i sku phyag rgya bskyed pa'i cho ga'i tshul de dus 'dir ting nge 'dzin du ming smos so/ /da ni byang chub sems dpa' 'jam dpal gyi bsgom pa bya bas gsang ba'i rdzas byang chub sems bza' bas dngos grub kyi 'bras bur 'gyur ba bstan par bya ste/ bzhin bzangs phan par 'dod pa yis/ /bud med rnyed nas cho ga bzhin/ /dben par mchod pa brtsam par bya/ /gsang ba blangs nas bza' bar bya/ /zhes bya ba'i don bshad par bya ste/ ci ltar yin na/ bzhin bzangs phan par 'dod pa'i/ /bud med rnyed nas cho ga bzhin ni/ /ci ltar smos pa'i tshul gyi gnas dben par 'jam dpal mi snang ba'i bsgrub pa bya'o// yang na ri'i sul du bya yang mi 'gal lo/ /gnas der sa gzhi mnyam par bya'o/ /der dkyil 'khor gru bzhi kun tu khru re dang sor lnga bdud rtsi lngas bsku bar bya'o/ /de'i steng du phyi'i stan bde ba 'jam pa la mos pa'i skyil mos 'dug go /de ma thag tu gong du smos pa'i cho ga bzhi'i tshul gyis ston pa mi bskyod pa rdo rje 'dzin gyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sna phyag rgya'i cha lugs phun sum tshogs pa gzhan ni mdun du ci ltar smos pa bzhin 'dir bya'o/ /de lta bu'i ngo bo ston pa mi bskyod pa rdo rje 'dzin gyi sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su bud med rnyed nas cho ga bzhin shes pa

  726. 363b

    shes rab ma khrus mkhan gyi rigs su skyes pa/ ci ltar smos pa'i lo tshad du phyin pa/ 'dzum pa'i mig pad ma'i 'dab ma 'dra ba mdangs dang ldan pa'o/ /don des bzhin bzangs su smos so/ /phan bar 'dod pa ni sgrub pa po la sgrub pa'i grogs mnyam du byed pa dang/ /gsang ba'i mchod pa byed pas sems dga' bar byed pa'o/ /don des phan pa byed pa'o/ /de lta bu'i shes rab ma blang bar bstan to/ /de ltar bzhin bzangs phan par 'dod pa'i bud med rnyed nas cho ga bzhin gyi don du gsungs so/ /dben par mchod pa brtsam par bya/ /gsang ba blangs nas bza' bar bya/ zhes pa ni gong du smos pa'i shes rab ma blangs nas/ sgrub pa pos dben pa chen po la sogs pa'i gnas su ston pa mi bskyod pa rdo rje 'dzin dang gnyis su med pa'i nga rgyal du bsgom pas 'dod chags chen po'i sems dga' bas gsang ba'i mchod par ming btags pa thabs dang shes rab rol pa byas nas bde bar gyur pa'i dus su/ rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas/ de zla ba'i dkyil 'khor gyi ngo bor gyur par bsams so/ /de'i steng du sngags kyi sa bon yig 'bru muM bsam mo/ /de kha dog sngon po me long lta bu'i ye shes kyi ngo bo gzi brjid chen po'i 'bar ba'i 'od kyis 'bar zhing 'od du zhu nas ye shes kyi khu ba bzhin du byang chub sems zla ba'i dkyil 'khor la gnyis su med par thim par gyur par bsam mo/ /sa bon de las byang chub sems dpa' 'jam dpal gyi sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o/ /de lta bu'i ngo bo byang chub sems

  727. 364a

    'jam dpal gyi sku phyag rgya bskyed par mdzad mkhan ston pa mi bskyod pa rdo rje 'dzin gyi sku phyag rgya/ byang chub sems dpa' 'jam dpal gyi sku phyag rgya'i spyi bo la dbang bskur ba'i tshul du bsam mo/ /de lta bu'i ngo bo byang chub sems dpa' 'jam dpal gyi sku phyag rgya bskyed pa'i 'og tu/ sgrub pa pos de dang gnyis su med pa'i nga rgyal du bsgom par bya'o/ /de'i dus su mdun du smos pa'i shes rab ma dang ldan pas gnyis su med par 'khyud pa'i sbyor bas 'dod chags chen po'i sems dga' bas gsang ba'i mchod par ming btags pa thabs dang shes rab rol pa byas nas bde bar gyur ba'i dus su rdo rje'i lam gyi sgo nas shes rab ma ming b+ha ga'i dbus su byang chub sems 'o ma'i rgyun bzhin du zhu nas de zla ba'i dkyil 'khor gyi ngo bor gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog sngon po me long lta bu'i ye shes kyi khu ba bzhin du byang chub sems zla ba'i dkyil 'khor la gnyis su med par thim par gyur to/ byang chub sems ye shes kyi bdud rtsi'i khu ba'i ngo bo de tshul ci ltar smos par shes rab ma'i b+ha ga'i dbus nas blangs la/ ban da mtshan thams cad dang ldan pa'i nang du bzhag la/ oM swa b+ha ba shud d+ha sarba d+harma swa b+ha shud+d+ho nya hAM/ zhes sngags kyi tshig brjod cing gsang bar ming btags pa byang chub sems dpa' ye shes kyi lha mo bdud rtsi'i khu ba'i ngo bo bza' bar bya'o/ /bstan par bya ste/ cho ga'i tshul de ltar ma grub kyi bar du bsgrub par bya'o/ /gzhan yang grub pa'i dus su dang po mtshan ma gnyis 'byung bar 'gyur te/ dang por ni ban da nang gi byang chub sems ye shes kyi bdud rtsi khu ba las du ba 'byung ngo/ /de'i 'og tu 'bar bar smos so/ /mdor bsdu ba de ltar dben par mchod pa brtsam par bya/ gsang ba

  728. 364b

    blangs nas bza' bar bya ba'i don du gsungs so/ /da ni gong du smos pa'i sgrub pa byas pa'i 'bras bu bstan par bya ste/ de ni de ma thag tu yang/ /'jam dpal dang ni gzi brjid mnyam/ mi snang bdag po dpal dang ldan/ /'dzam bu na mda'i 'od 'drar 'gyur/ /zhes bya ba'i don bshad par bya ste/ ci ltar yin na/ de ni de ma thag tu yang/ 'jam dpal gzi brjid mnyam pa ni/ gong du smos pa'i byang chub sems gsang ba'i rdzas su ming btags pa de zos pas sgrub pa pos 'grub pa'i 'og tu/ de ltar byang chub sems dpa' 'jam dpal gzi brjid kyi phung po ngo bor smos pa de dang mnyam par bsgrub pa po'i lus 'grub par 'gyur bar bstan to/ /de ltar de ni de ma thag tu yang/ 'jam dpal dang ni gzi brjid mnyam gyi don du gsungs so// mi snang bdag po dpal dang ldan/ /'dzam bu na da'i 'od 'drar 'gyur zhes pa ni/ mdun du smos pa'i tshul gyi ji ltar ri lu'i rdzas kyi sbyor bas mi snang ba'i rig pa 'dzin gyi dngos grub kyi 'bras bur gyur par smos pa'i de dag thams cad kyi bdag por 'jam dpal smos pa rgyal po yin te/ de lta bu'i ngo bo 'grub par 'gyur ro/ /gzhan yang grub pa'i 'og tu ci ltar rin po che na da'i kha dog dang gzi brjid kyi 'od smos pa de ni dpal gyi ngo bo de bzhin du sgrub pa po'i lus ldan par 'gyur ro/ /mdor bsdu ba de ltar mi snang bdag po dpal dang ldan/ 'dzam bu na da'i 'od 'drar 'gyur gyi don du gsungs so/ /da ni sa'i snying po'i bsgom pas dam rdzas bshad ba dang/ sha chen bza' bar dngos grub kyi 'bras bur 'gyur bar bstan par bya ste/ bshang ba sha chen lhag ma ni de dag sbyar nas bzhag par bya/ cho ga bzhin du sngags nas ni/ /zos nas sangs rgyas kyis mi mthong/ zhes bya ba'i don bshad par bya ste/ ci ltar yin na/ bshang ba sha chen lhag ma ni/ de dag sbyar nas

  729. 365a

    gzhag par bya ba ni/ tshul ci ltar smos pa'i gnas ri'i rtse mor sa'i snying po mi snang ba'i sgrub ba bya'o/ /gnas der sa gzhi mnyam par byas la/ dkyil 'khor gru bzhi kun tu khru re dang sor lnga bdud rtsi lngas bsku bar bya'o/ /de'i steng du phyi'i bde ba 'jam pa la mos pa'i skyil mos 'dug go /de ma thag tu mdun du smos pa'i cho ga bzhi'i tshul gyi sku'i rigs rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni ci ltar smos pa bzhin du bya'o/ /de lta bu'i sku'i rigs rnam par snang mdzad kyi sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su sku'i rigs kyi bye brag gi bram ze'i rigs kyi bu mo blangs te/ de'i lo tshad dang mtshan dang yon tan thams cad dang ldan pa dang/ gzhan yang rgyan thams cad kyis brgyan par bya'o/ / de yang ci ltar mdun du smos pa bzhin du 'dir bya'o/ /de lta bu'i ye shes kyi lha mo sangs rgyas spyan dang gnyis su med pa'i ngo bor byin gyis brlabs par bya'o/ /de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas zla ba'i dkyil 'khor gyi ngo bor gyur par bsam mo/ /sa bon de las byang chub sems dpa' sa'i snying po'i sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa

  730. 365b

    gzhan ni le'u bzhi pa thugs kyi dkyil 'khor gyi dus su ci ltar smos pa bzhin du 'dir bya'o/ /de lta bu'i ngo bo byang chub sems dpa' sa'i snying po sku phyag rgya skyed ma thag tu/ skyed par mdzad mkhan gyi rnam par snang mdzad kyi sku phyag rgya byang chub sems dpa' sa'i snying po'i sku phyag rgya'i spyi bor dbang bskur ba'i tshul du bsam mo/ /de lta bu'i tshul gyi byang chub sems dpa' sa'i snying po'i sku phyag rgya bskyed pa'i 'og tu sgrub pa pos de dang gnyis su med pa'i nga rgyal du bsgom par bya'o/ /de'i dus su sngar smos pa'i shes rab ma dang ldan par 'dod chags chen po'i sems dga' bas bskyed nas/ thabs dang shes rab rol pa bya zhing/ ban da ci ltar smos pa'i mtshan thams cad dang ldan pa'i nang du rang gi bshang ba dang/ phyi'i sha chen dang/ nang nub kyi za ba'i lhag ma bzhag go /de'i 'og tu sngags kyis byin gyis brlab pa'i cho ga'i le'u lnga pa'i nang nas ci ltar smos pa de bya'o/ /de ltar bshang pa sha chen lhag ma ni/ de dag sbyar nas gzhag par bya ba'i don du gsungs so/ /cho ga bzhin du bsngags nas ni/ zos na sangs rgyas kyis mi mthong zhes pa ni/ dam rdzas tshul ji ltar smos pa'i sngags kyis byin gyis brlabs pas ye shes kyi bdud rtsi'i khu ba'i ngo bor gyur par brtag go /de'i 'og tu oM swa b+hA ba shud+d+ha sarba d+harma swa b+hA ba shud+d+ho haM/ zhes sngags kyi tshig brjod cing dam rdzas ye shes kyi bdud rtsi'i khu ba'i ngo bo de bza' bar bya'o/ /bstan par bya ste/ ma grub kyi bar du cho ga'i tshul de ltar sgrub par bya'o/ /de grub pa'i dus su dang po mtshan ma gnyis 'byung ngo/ /dang po ni ban d+ha'i nang gi dam rdzas ye shes kyi bdud rtsi'i khu ba'i nang nas du ba 'byung ngo/ /de'i 'og tu 'bar bar 'gyur ro/ /tshul de ltar dam rdzas ye shes kyi bdud rtsi'i khu ba'i ngo bor grub pa'i 'og tu zos pa tsam gyis byang chub sems dpa' sa'i snying po dang

  731. 366a

    gnyis su med pa'i ngo bor grub par 'gyur ro/ /de ni sangs rgyas rnam par snang mdzad la sogs pa sangs rgyas thams cad kyis kyang mi mthong ngo/ /bstan par bya ste/ phyi'i lha dang mi la sogs pa sems can thams cad kyis mi mthong ba ni ngo mtshar mi che'o/ /mdor bsdu ba de ltar cho ga bzhin du sngags nas ni zos nas sangs rgyas kyis mi mthong ngo don du gsungs so/ /da ni byams pa'i bsgo pas dam rdzas dri chen bza' pas dngos grub kyi 'bras bur gyur par bstan par bya ste/ bshang ba cho ga bzhin blangs nas/ kham por sbyar mar gzhag par bya/ brgyad brgya dag tu bskul nas ni/ sangs rgyas nyi mas mi mthong ngo/ /zhes bya ba'i don bshad par bya ste/ ci ltar yin no/ bshang ba cho ga bzhin blangs nas/ kham por sbyar mar bzhag par bya ni tshul ci ltar smos pa'i gnas ri'i rtse mor byang chub sems dpa' byams pa'i mi snang ba'i sgrub pa bya'o/ /gnas de sa gzhi mnyam par bya'o/ /der dkyil 'khor gru bzhi kun tu khru ro dang sor lnga lnga bdud rtsi lngas bsku bar bya'o/ /de'i steng du phyi'i stan bde ba 'jam pa la mos pa'i dkyil mos 'dug go /de ma thag tu mdun du smos pa'i cho ga bzhi'i tshul gyis sku'i rigs rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni mdun du ci ltar smos pa bzhin du 'dir bya'o/ /de lta bu'i ngo bo sku'i rigs rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su sku'i rigs kyi bye brag bram ze'i rigs kyi bu mo blang ngo/ /de la lo'i tshad dang/ mtshan dang yon tan

  732. 366b

    thams cad dang ldan pa'o/ /de mdun du smos pa bzhin du rgyan thams cad kyis brgyan par bya'o/ /de lta bu'i shes rab ma ye shes kyi lha mo sangs rgyas spyan dang gnyis su med pa'i ngo bor byin gyis brlabs par bya'o/ /de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas de zla ba'i dkyil 'khor gyi ngo bor gyur par bsam mo/ /de'i steng du sngags kyi sa bon yig 'bru me bsam mo/ /kha dog dkar po chos kyi dbyings kyi ye shes kyi ngo bo gzi brjid chen po'i 'bar ba'i 'od kyis 'bar zhing 'od du zhu nas ye shes kyi khu ba lta bu de byang chub sems zla ba'i dkyil 'khor la gnyis su med par thim par gyur par bsam mo/ /sa bon de las byang chub sems dpa' byams pa'i sku phyag rgya bskyed par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bzhi pa las thugs kyi dkyil 'khor gyi dus su/ smos pa de bzhin du 'dir bya'o/ /de lta bu'i ngo bo byang chub sems dpa' byams pa'i sku phyag rgya skyed ma thag tu skyed par mdzad mkhan sku'i rigs rnam par snang mdzad kyi sku phyag rgya byang chub sems dpa' byams pa'i sku phyag rgya'i spyi bor dbang bskur pa'i tshul du bsam mo/ /de lta bu'i tshul gyi byang chub sems dpa' i sku phyag rgya skyed ma thag tu/ sgrub pa pos de dang gnyis su med pa'i nga rgyal du bsgom par bya'o/ /de'i dus su gong du smos pa'i shes rab ma dang gnyis su med pa'i thabs dang shes rab rol pa bya zhing/ rdza ma bsregs pa'i kham por du rang gi bshang pa bzhag la/ sngar smos pa'i tshul du sngags kyis byin gyis brlabs pas ye shes kyi

  733. 367a

    bdud rtsi'i khu ba'i ngo bor gyur par brtag go /de'i 'og tu kham por gzhan gyis kha dgab po/ /tshul de ltar kham par sbyar ma dam rdzas dang ldan pa de sgrub pa pos nyid kyi mdun du bzhag go /de'i 'og tu bsgom pa dang ldan pas sngags kyi bzlas pa'i bsnyen pa 'bum phrag gsum gyi tshad du bya'o/ /de rdzogs pa'i dus su dang po dngos grub kyi mtshan ma gnyis 'byung ste/ kham phor sbyar ma'i nang gi dam rdzas ye shes kyi bdud rtsi de las du ba 'byung ngo/ /de'i 'og tu 'bar bar 'gyur ro/ /de ltar bshang ba cho ga bzhin blangs nas/ kham phor sbyar mar bzhag par bya ba'i don du gsungs so/ /brgyad brgya dag tu bskul na ni/ /sangs rgyas nyi mas mi mthong zhes pa ni/ mdun du smos pa'i mtshan ma gnyis 'byung ba'i 'og tu sngags kyis bzlas pa brgyad brgya'i tshad du bya'o/ /sngags kyi ngo bo stan par bya ste/ oM me sngags kyi bzlas ba de rdzogs ma thag tu/ oM swa b+ha ba shud+d+ha sarba d+harma swa b+hA bi shud+d+ho nyahaM/ zhes sngags kyi tshig brjod cing// dam rdzas ye shes kyi bdud rtsi'i khu ba'i ngo bo bza' bar bya'o/ /de ltar dam rdzas ye shes kyi bdud rtsi khu ba'i ngo bo tshul ji ltar smos pas zos ma thag tu byang chub sems dpa' byams pa dang gnyis su med pa'i ngo bor grub par 'gyur ro/ /de ni sangs rgyas nyi mar ming btags pa rnam par snang mdzad la sogs pa sangs rgyas thams cad de dag nyid nyid ye shes kyi 'bar ba'i 'od kyis snang ba dang ldan pa'i don des nyi mar smos so/ /de dag gis kyang sgrub pa pos mi mthong ngo/ /bstan par bya ste phyi'i lha dang mi la sogs pa sems can thams cad kyis mi mthong ba ni ngo mtshar mi che'o/ /mdor bsdu ba de ltar brgyad brgya dag tu bskul na ni/ sangs rgyas nyi mas mi mthong ba'i don du gsungs so/ /da ni phyag na rdo rje

  734. 367b

    bsgom pa yis phyi'i dam rdzas khyi sha dang/ rta sha dang/ sha chen bza' bas dngos grub kyi 'bras bu 'gyur ba bstan par bya ste/ khyi sha dang ni rta sha dang/ sha chen dag ni cho ga bzhin/ /blangs nas sbyor ba'i thabs kyis ni/ zos na de yis mi mthong ngo/ /zhes bya ba'i don bshad par bya ste/ ci ltar yin na/ khyi sha dang ni rta sha yi/ /sha chen dag ni cho ga bzhin ni/ /tshul ci ltar smos pa'i gnas dben pa chen por phyag na rdo rje'i mi snang ba'i bsgrub pa bya'o/ /gnas der sa gzhi mnyam par bya'o/ /der dkyil 'khor gru bzhi kun tu khru re dang sor lnga bdud rtsi lngas bsku ba bya'o/ /de'i steng du phyi'i stan bde ba 'jam pa la mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis ston pa mi bskyod rdo rje 'dzin gyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med pa'i 'khyud pa'i sbyor ba dang ldan bya'o/ /sku phyag rgya'i cha lugs phun sum tshogs pa gzhan ni mdun du ci ltar smos pa bzhin du 'dir bya'o/ /de lta bu'i ngo bo ston par mi bskyod pa rdo rje 'dzin nyid kyi sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo blang ngo/ /de'i lo'i tshad dang/ mtshan dang yon tan thams cad dang ldan pa rgyan thams cad kyis brgyan par bya'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su/ rdo rje'i lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du zhu nas de zla ba'i dkyil 'khor gyi ngo bor gyur par bsam mo/ /de'i steng du sngags sa bon

  735. 368a

    yig 'bru rdzi bsam mo/ /de kha dog sngon po me long lta bu'i ye shes kyi ngo bo gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba bzhin du byang chub sems zla? ba'i dkyil 'khor ? med par thim par gyur par bsam mo/ /sa bon de las byang chub sems dpa' phyag na rdo rje'i sku phyag rgya bskyed par bya'o/ /de nyid shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku'i phyag rgya'i cha lugs phun sum tshogs pa gzhan ci ltar smos pa le'u bzhi pa thugs dkyil 'khor gyi dus su smos pa de bzhin du 'dir bya'o/ /de lta bu'i ngo bo byang chub sems dpa' phyag na rdo rje'i sku phyag rgya bskyed ma thag tu bskyed par mdzad mkhan ston pa mi bskyod pa rdo rje 'dzin gyi sku phyag rgya byang chub sems dpa' phyag na rdo rje'i spyi bo'i gnas su dbang bskur ba'i tshul du bsam mo/ /de lta bu'i ngo bo byang chub sems dpa' phyag na rdo rje'i sku phyag rgya bskyed pa'i 'og tu sgrub pa pos de dang gnyis su med pa'i nga rgyal du bsgom par bya'o/ /de'i dus su mdun du smos pa'i shes rab ma dang ldan par 'dod chags chen po'i sems dga' ba bskyed nas thabs dang shes rab rol pa bya zhing/ rdza ma kham phor bsregs pa'i nang du khyi sha dang rta sha dang sha chen dang dam rdzas de gsum gong du smos pa'i cho ga bzhin du bzhag go /de'i 'og tu bsgom pa dang ldan pas mdun du smos pa'i tshul du le'u lnga pa'i nang nas sngags kyis byin gyis brlab pa ci ltar smos pa de bzhin du bya bas ye shes kyi khu ba'i ngo bor gyur par brtag go /de'i 'og tu kham por gzhan gyis kha dgab po/ /tshul de ltar kham por sbyar bas dam rdzas dang ldan pa de bsgrub pa po nyid kyi mdun du bzhag go /de'i 'og tu bsgom pa dang ldan pas

  736. 368b

    mdun du smos pa'i tshul du sngags kyis bzlas pa'i bsnyen pa 'bum phrag gsum gyi grangs kyi tshad du/ de rdzogs pa'i dus su dang po dngos grub kyi mtshan ma gnyis su 'byung ste/ rdza ma'i kham bu'i nang gi dam rdzas ye shes kyi bdud rtsi'i khu ba las du ba 'byung ngo/ /de'i 'og tu 'bar bar 'gyur ro/ /de ltar khyi sha dang ni rta yi sha/ sha chen dag ni cho ga bzhin gyi don du gsungs so/ /blangs nas sbyor ba'i thabs kyis ni/ zos ni de yis mi mthong zhes pa ni/ gong du smos pa'i grub pa'i mtshan ma gnyis byung ba'i 'og tu ma ltar smos pa'i grangs kyi tshad brgyad brgya sngags kyi bzlas pa bya'o/ /sngags bstan par bya ste/ hUM dzriM/ de ltar sngags kyi bzlas pa rdzogs ma thag tu/ oM swa b+hA ba shud d+ha sarba d+harma swa b+hA ba shud+d+ho haM/ zhes sngags kyi tshig brjod cing ye shes kyi bdud rtsi khu ba'i ngo bo de bza' bar bya'o/ /tshul de ltar dam rdzas ye shes kyi bdud rtsi'i khu ba'i ngo bo grub pa'i 'og tu/ ci ltar smos pa'i tshul gyis bza' bar bya'o/ /de ma thag tu byang chub sems dpa' phyag na rdo rje dang/ gnyis su med pa'i ngo bor 'grub par 'gyur ro/ /sgrub pa po de gong du smos pa'i sangs rgyas nyi ma de dag gis kyang mi mthong ngo/ /bstan par bya ste/ phyi'i lha dang mi la sogs pa sems can thams cad kyis mi mthong ba ni ngo mtshar mi che'o/ /mdor bsdu ba de ltar blangs nas sbyor ba'i thabs kyis ni/ zos na de yis mi mthong ngo'i don du gsungs so/ /da ni ya man ta ka dang prad nyan ta ka la sogs pa khro bo'i rgyal po brgyad kyi sgom pas ri lu'i sbyor bas mi snang ba'i dngos grub bsgrub pa'i cho ga'i don bshad par bya ste/ bshang ba dang ni sbyar ba dang/ /ri lu lcags gsum gyis dkris pa/ /dbang po gnyis kyi sbyor ba yis/ /sangs rgyas kun gyis mi mthong ngo/ /zhes bya ba'i don bshad par

  737. 369a

    bya ste/ ci ltar yin na/ bshad ba dang ni sbyor ba yin/ ri lu lcags gsum gyis bkros pa ni/ tshul ci ltar smos pa'i gnas ri'i rtse mor khro bo'i rgyal po ya man ta ka'i ri lu'i sbyor bas mi snang ba'i sgrub pa bya'o/ /gnas der sa gzhi mnyam par byas la/ dkyil 'khor gru bzhi kun tu bru re dang sor lnga bdud rtsi lngas bsku bar bya'o/ /de'i steng du phyi'i stan bde ba 'jam pa la mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis sku'i rigs rnam par snang mdzad kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni mdun du ci ltar smos pa bzhin du 'dir bya'o/ /de lta bu'i ngo bo sku'i rigs rnam par snang mdzad kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su sku'i rigs kyi bye brag gi bram ze'i rigs kyi bu mo blang ngo/ /de'i lo'i tshad dang mtshan dang yon tan thams cad dang ldan pa/ rgyan thams cad kyis brgyan par bya'o/ /shes rab ma de ye shes kyi lha mo sangs rgyas spyan dang gnyis su med pa'i ngo bor byin gyis brlab par bya'o/ /de'i 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bo gzi brjid chen po 'bar ba'i 'od kyis 'bar zhing 'od du zhu

  738. 369b

    nas ye shes kyi khu ba byang chub sems kyi rgya mtsho la gnyis su med par thim par gyur par bsam mo/ /sa bon de las khro bo'i rgyal po ya man ta ka'i sku phyag rgya bskyed par bya'o/ /de nyid kyi shes rab ma khro mo'i rgyal mo ro langs ma dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o/ /de lta bu'i ngo bo khro bo'i rgyal po ya man ta ka'i sku phyag rgya skyed ma thag tu/ skyed par mdzad mkhan sku'i rigs rnam par snang mdzad kyi sku phyag rgya/ khro bo'i rgyal po ya man ta ka'i spyi bor dbang bskur ba'i tshul du bsam mo/ /tshul du lta ba'i ngo bo khro bo rgyal po ya man ta ka'i sku phyag rgya bskyed pa'i 'og tu de dang gnyis su med pa'i nga rgyal du sgom par bya'o/ /de'i dus su sgrub pa po nyid kyi mdun gyi nam mkha' la sngags sa bon yig 'bru hUM bsam mo/ /kha dog dmar po ye shes lnga'i ngo bo gzi brjid chen po 'bar ba'i 'od kyis 'bar zhing/ /sa bon de las nyi ma'i dkyil 'khor du gyur par brtag go /de ma thag tu de'i steng gis dbus su mos pa'i skyil mos 'dug par bsam mo/ /de'i 'og tu/ sgrub pa pos rang gi bshad pa blangs la ban da mtshan thams cad dang ldan pa'i nang du gzhag go /dam rdzas bshad pa srang gcig tu bya ste/ de la cha sum cu rtsa gnyis su bgos te/ cha gnyis blangs la ri lu bya'o/ /dam rdzas bshad ba de sku dang gsung dang thugs rdo rje gsum dang mi phyed pa'i ngo bor bsgom par bya'o/ /gzhan yang dam rdzas bshad ba sgrub pa po nyid kyi yul las 'byung ba'i dus su khro bo'i rgyal po ya man ta ka dang gnyis su med pa'i nga rgyal du 'chang bar bya ste/ sku gsung thugs rdo rje gsum mi phyed pa'i ngo bor bstan te/ de las dam rdzas bshad par

  739. 370a

    'byung bar bstan to/ /gzhan yang dam rdzas bshad ba'i ri lu'i phyi rol lcags gsum gyis dkri bar bya ste/ lcags gsum de sku gsung thugs kyi bye brag tu le'u bcu gnyis pa'i nang du sa ci ltar smos pa de bzhin du sbyar ro/ /bstan par bya ste/ gser dang dngul dang zangs ma'o/ /gser ni srang gcig tu byas la de cha sum cu rtsa gnyis su byas la de las cha drug blang ngo/ /zangs ma srang cig gi ched du byas la/ de cha sum cu rtsa gnyis su bgos te/ de las cha gsum blang ngo/ /dngul srang gcig gi tshang du byas la/ de cha sum cu rtsa gnyis su bgos la/ de las cha phyed dang gnyis blang ngo/ /gzhan yang ri lu lcags gsum gyis/ /bkri ba'i tshul du bstan par bya ste/ dam rdzas bshang ba'i phyir rol du sku'i rigs kyi rdzas dngul gyis dkri bar bya'o/ /de'i phyi rol gsung gi rigs kyi rdzas zangs mas dkri bar bya'o/ /de'i phyi rol du thugs kyi rigs kyi rdzas gser gyis bkri bar bya'o/ /ri lu che chung gi tshad ni shing pa di ra'i thog shun ba med pa tsam mo/ /mdor bsdu ba de ltar bshang ba dang ni sbyar ba yi/ /ri lu lcags gsum gyis dkris pa'i don du gsungs so/ /dbang po gnyis kyi sbyor ba yis/ /sangs rgyas kun gyis mi mthong ngo zhes pa ni/ sgrub pa pos ri lu'i sgrub pa bya ba'i dus su mdun du smos pa'i shes rab ma khro mo'i rgyal mo langs ma dang gnyis su med pa'i ngo bo byin gyis brlab par bya'o/ /de'i 'og tu 'dod chags chen po'i sems dga' bas shes rab ma dang gnyis su med par 'khyud pa'i sbyor bas thabs dang shes rab rol pa bya ste/ bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su khu ba'i ngo bo byang chub sems 'od du zhu'o/ /byang chub sems de'i steng du

  740. 370b

    sngags sa bon yig 'bru hUM bsam mo/ /de dus 'dir kha dog dkar po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba lta bu byang chub sems la thim par 'gyur ro/ /de ma thag tu zla ba'i dkyil 'khor gyi ngo bor gyur par bsam mo/ /de'i 'og to shes rab ma'i b+ha ga'i nang nas rdo rje 'byung/ /de'i 'og tu shes rab ma'i b+ha ga'i nang gi byang chub sems dpa' i dkyil 'khor gyi dbus su ri lu gzhag go /gzhan yang le'u bcu gnyis pa'i nang nas ci ltar smos pa'i sku'i rigs kyi bye brag gi ri lu'i nang du rang gi rigs kyi bdag po rnam par snang mdzad kyi sku phyag rgya bsam pa de bzhin du dus 'dir bstan to/ /de lta bu'i tshul gyis shes rab ma dang ldan pas gsang ba'i dbang po'i dbang po'i gnyis mnyam par snang nas khro bo'i rgyal po ya man ta ka bsgom par bya ba yin no/ /bstan par bya ste/ shes rab ma de 'chag pa'i dus su rang gi lag ba g.yas par ri lu bzung ngo/ /yang na khar bzung yang mi 'gal lo/ /bcag zin pa dang shes rab ma sngar smos pa'i gnas su stan la 'dug go /de ma thag tu ri lu b+ha ga'i nang du bzhag ste/ gong du smos pa'i byang chub sems zla ba'i dkyil 'khor gyi dbus su'o/ /tshul de ltar ma grub kyi bar du nyin mtshan du sems bstan par rnam par rtog ba spangs nas bsgom par bya'o/ /gzhan yang bsgom zhing bzlas pa bya ba bstan par bya ste/ oM hUM a hUM/ sngags de myur bar mi bzla phul bar mi bzla'o/ /sngags kyi yig 'bru rnams gsal bar bzla'o/ /sngags kyi yig 'bru rnams nyid nyid kyi rigs kyi bye brag gi ye shes kyi gzi brjid kyis 'bar bar brtag go /bsgom pa dang bzlas pa tshul de ltar bya'o/ /gzhan yang ri lu grub pa'i dus su mdun du smos pa'i tshul du mtshan ma gsum 'byung bar 'gyur ro/

  741. 371a

    de gsal bar bstan par bya ste/ dang po ri lu dro bar 'gyur ro/ /de'i 'og to ri lu las du ba 'gyur bar 'gyur ro/ /de'i 'og tu ri lu 'bar bar 'gyur ro/ /de lta bu grub pa'i mtshan ma gsum 'byung bar bstan to/ / gzhan yang ri lu la mtshan ma gsum 'byung ba'i 'og tu rim par dngos grub kyi 'bras bu gsum du 'gyur ro/ /bstan par bya ste/ sgrub pa pos shes rab ma'i b+ha ga'i nang ni ra lu dro bar gyur pa'i dus su blangs na/ dus 'dir sgrub pa po'i lus rgyas par 'gyur bar bstan to/ /sgrub pa pos shes rab ma'i b+ha ga'i nang gi ri lu las du ba 'byung ba'i dus su blangs na/ dus 'dir sgrub pa po'i dbang po kun rno ba dang stobs dang ldan par 'gyur bar bstan te/ de nas sgrub pa pos shes rab ma'i b+ha ga'i dbus kyi ri lu de 'bar bar 'gyur ba'i dus su blangs na/ phyi'i steng pa chen po 'jig rten na gnas pa'i lha dang mi la sogs pa sems can ma lus pa thams cad sgrub pa po'i bran bzhin du dbang du 'gyur bar bstan to/ /tshul de ltar ri lu grub pa'i mtshan ma gsum byung ma thag tu/ sgrub pa po khro bo'i rgyal po ya man ta ka ci ltar ba de dang gnyis su med pa'i ngo bor sgrub par 'gyur ba yin no/ /gzhan yang de'i dus su nyid kyi rigs kyi bdag po rnam par snang mdzad la sogs pa sangs rgyas thams cad smos pa de dag gis kyang sgrub pa po mi mthong na/ phyi'i lha dang mi la sogs pa'i sems can thams cad kyi mi mthong ba ni ngo mtshar yang mi che'o/ /mdor bsdu ba de ltar dbang po gnyis kyi sbyor ba yis/ sangs rgyas kun gyis mi mthong gi don du gsungs so/ /de ni rdo rje rigs kyi khro bo'i rgyal po prad nyan ta ka'i ri lu sbyor bas mi snang ba'i sgrub pa bya ba'i cho ga'i don bstan par bya ste/ sha chen dang ni sbyar ba yis/ /ri lu

  742. 371b

    lcags gsum gyis dkris pa/ /dbang po gnyis kyi sbyor ba yis/ /sangs rgyas kun gyis mi mthong ngo/ /zhes bya ba'i don bshad par bya ste/ ci ltar yin na/ sha chen dang ni sbyar ba yi/ /ri lu lcags gsum gyis dkris pa ni/ tshul ci ltar smos pa'i gnas dben pa chen por khro bo'i rgyal po pran nyan ka'i ri lu'i sbyor bas mi snang ba'i sgrub pa bya'o/ /gnas der sa gzhi mnyam par byas la/ de dkyil 'khor gru bzhi kun tu khru re ba bdud rtsi lngas bsku bar bya'o/ /de steng du phyi'i stan bde ba 'jam pa la mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis ston pa mi bskyod pa rdo rje 'dzin gyi sku phyag rgyar gyur bar bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni ci ltar mdun du smos pa bzhin du 'dir bya'o/ /de lta bu'i ngo bo ston pa mi bskyod pa rdo rje 'dzin gyi sku phyag rgyar gyur ma thag tu/ de dang gnyis su med pa'i nga rgyal du sgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo'i lo tshad dang/ mtshan dang yon tan thams cad dang ldan pa blang ngo/ /de rgyan thams cad kyis brgyan bar bya'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis rlab par bya'o/ /de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas/ bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog dkar po me long lta bu'i ye shes kyi

  743. 372a

    ngo bo gzi brjid chen po'i 'bar ba'i 'od kyis 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par gyur bar bsam mo/ /sa bon de las khro bo'i rgyal po pran nyan ta ka'i sku phyag rgya skyed par bya'o/ /de nyid kyi shes rab ma khro mo'i rgyal mo gzhan gyis mi thub ma dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o/ /de lta bu'i ngo bo khro bo'i rgyal po pran nyan ta ka'i sku phyag rgya bskyed ma thag tu/ skyed par mdzad mkhan ston pa mi bskyod pa rdo rje 'dzin gyi sku phyag rgya khro bo'i rgyal po phran nyan ta ka'i sku phyag rgya'i spyi bor dbang bskur ba'i tshul du bsam mo/ /de lta bu'i tshul gyi khro bo'i rgyal po prad nyan ta ka'i sku phyag rgya skyed pa'i 'og tu sgrub pa pos de dang gnyis su med pa'i nga rgyal du bsgom par bya'o/ /de'i dus su sgrub pa pos nyid kyi mdun gyi nam mkha' la sngags sa bon yig 'bru hUM bsam mo/ /de kha dog dmar po ye shes lnga'i ngo bo gzi brjid chen po'i 'bar ba'i 'od kyis 'bar zhing 'bar ba'o/ /sa bon de las nyi ma'i dkyil 'khor du gyur bar brtag go /de ma thag tu/ de'i steng gi dbus su mos pa'i skyil mo 'dug par bya'o/ /de'i 'og tu bsgrub pa pos tshul ci ltar smos pas sha chen blang ste/ ban d+ha mtshan thams cad dang ldan pa'i nang du bzhag go /dam rdzas sha chen du srang gzag tu byas la de cha sum cu so gnyis bgos la/ de la cha gnyis blangs la ri lu byas te/ dam rdzas sha chen de sku dang gsung dang thugs rdo rje gsum dbyer med pa'i ye shes kyi ngo bor bsgom par bya'o/ /gzhan yang dam rdzas sha chen de bsgrub pa pos

  744. 372b

    ci ltar smos pa'i gnas nas blangs pa'i dus su khro bo'i rgyal po prad nyan ta ka dang gnyis su med pa'i nga rgyal du 'chang bas sku dang gsung dang thugs rdo rje gsum mi phyed pa'i ngo bor brtag par bya'o/ /gzhan yang dam rdzas sha chen gyi ri lu'i phyi rol du lcags gsum gyis dkri ba yin/ /lcags gsum sku dang gsung dang thugs kyi rigs gsum gyi bye brag tu le'u bcu gnyis pa'i nang nas smos pa de bzhin du 'dir bya'o/ /bstan par bya ste/ zangs ma dang dngul dang gser ro/ /zangs ma srang gcig gi sad du bya'o/ /de la cha phyed sum cu so gnyis su bgo'o/ /de'i cha drug blang ngo/ /dngul srang gcig gi tshad du bya'o/ /de la cha sum cu so gnyis su bgo'o/ /de'i cha gsum blang ngo/ /gser srang gcig gi tshad du bya'o/ /de la cha sum cu so gnyis su bgo'o/ /de'i cha phyed dang gnyis blang ngo/ /gzhan yang ri lu lcags gsum gyis dkri ba'i tshul bstan par bya ste/ dam rdzas sha chen gyi phyi rol du thugs kyi rigs kyi rdzas gser gyis dkri bar bya'o/ /de'i phyi rol du sku'i rigs kyis rdzas su dngul gyis dkri bar bya'o/ /de'i phyi rol gsung gi rigs rdzas zangs ma dkri bar bya'o/ /ri lu'i tshang ba ni ba de ra'i shing rtog shun pa med pa tsam du bya'o/ /mdor bsdu ba de ltar sha chen dang ni sbyar ba yi/ /ri lu lcags gsum gyis dkris pa'i don du gsungs so/ /dbang po gnyis kyi sbyor ba yis/ /sangs rgyas kun gyis mi mthong ngo/ /zhes pa ni sgrub pa pos ri lu sgrub pa'i dus su mdun du smos pa'i shes rab ma khro mo'i rgyal mo gzhan gyis mi thub ma dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas shes rab ma dang gnyis su med par 'khyud pa'i sbyor pas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su khu ba'i ngo bo

  745. 373a

    byang chub sems 'od du zhu'o/ /de'i steng du sngags kyi sa bon yig 'bru hUM bsam mo/ /de'i dus su 'dir kha dog dkar por me long lta bu'i ye shes kyi ngo bor gzi brjid chen po'i 'bar zhing 'od du zhu nas ye shes kyi khu ba bzhin du byang chub sems la gnyis su med par thim par 'gyur ro/ /de ma thag tu zla ba'i dkyil 'khor gyis dbus su gyur par bsam mo/ /de'i 'og tu shes rab ma'i b+ha ga nas rdo rje dbyung ngo/ /de'i 'og tu shes rab ma'i b+ha ga'i nang gi byang chub sems zla ba'i dkyil 'khor gyi steng gi dbus su ri lu gzhag go /gzhan yang le'u bcu gnyis pa'i nang nas thugs kyi rigs kyi bye brag gi ri lu'i nang du nyid kyi rigs kyi bdag po ston pa mi bskyod pa rdo rje 'dzin nyid kyis sku phyag rgya bsam par mos pa de bzhin du dus 'dir bstan to/ /de lta bu'i ngo bo'i tshul gyis shes rab ma dang ldan pas gsang ba'i dbang po gnyis mnyam par sbyar nas khro bo'i rgyal po prad nyan ta ka bsgom par bya ba yin no/ /bstan par bya ste/ shes rab ma 'chag pa'i dus su rang gi lag pa g.yas par ri lu bzung ngo/ /yang na khar bzung yang mi 'gal lo/ /bcag pa zin pa dang/ shes rab ma mdun du smos pa'i gnas su bstan la 'jug go /de ma thag tu ri lu b+ha ga'i nang du bzhag sti/ gong du smos pa'i byang chub sems zla ba'i dkyil 'khor gyi steng gis dbus su'o/ /tshul de ltar ma grub kyi bar du nyin mtshan du sems brtan par phyin ci log gi rtog pa spangs nas bsgom par bya'o/ /gzhan yang sgom pa bya zhing sngags kyis bzlas pa bya ba bstan par bya ste/ hUM hUM oM A/ bsgom pa dang bzlas pa tshul de ltar bya'o/ /gzhan yang ri lu grub pa'i dus su dang po mdun du smos pa'i tshul gyis mtshan ma gsum 'byung ngo/ /de gsal bar bstan par bya ste/ dang po

  746. 373b

    ri lu dri bar 'gyur ro/ /de'i 'og tu ri lu las du ba 'byung bar 'gyur ro/ /de'i 'og tu ri lu 'bar bar 'gyur ro/ /tshul de ltar dngos grub kyi mtshan ma gsum 'byung bar bstan to/ /gzhan yang ri lu las mtshan ma gsum 'byung ba'i 'og tu rim pas dngos grub kyi mtshan ma gnyis mnyam du gyur par bstan par bya ste/ ci ltar gong du khro bo'i rgyal po ya man ta ka'i ri lu grub pa'i dus su 'bras bu thob pa'i 'gyur ba smos pa de bzhin du 'dir bstan to/ /gzhan yang ci ltar smos pa'i tshul gyi ri lu'i dngos grub kyi mtshan ma gsum byung ma thag tu/ sgrub pa po de khro bo'i rgyal po prad nyan ta ka ci ltar de bzhin du gnyis su med par 'grub bo/ /gzhan yang dus dus su nyid kyi rigs kyi bdag po ston pa mi bskyod pa rdo rje 'dzin la sogs pa sangs rgyas thams cad smos pa de dag gis kyang sgrub pa po mi mthong na/ gzhan phyi'i lha dang mi la sogs pa sems can thams cad kyis mi mthong ba ni ngo mtshar mi che'o/ /mdor bsdu ba de ltar dbang po gnyis kyi sbyor ba yis sangs rgyas kun gyis mi mthong ba'i don du gsungs so/ /da ni gsung gi rigs kyi khro bo'i rgyal po pad man ta ka'i ri lu'i sbyor bas mi snang ba'i bsgrub pa bya ba'i cho ga'i don bstan par bya ste/ rta sha dang ni sbyar ba yi/ /ri lu lcags gsum gyis dkris pa/ / dbang po gnyis kyi sbyor ba yis/ /sangs rgyas kun gyi mi mthong/ /zhes bya ba'i don bshad par bya ste/ ci ltar yin na/ rta sha dang ni sbyar ba'i ri lu lcags gsum gyis dkris pa ni/ tshul ci ltar smos pa'i gnas chu 'gram du khro bo'i rgyal po pad man ta ka'i ri lu'i sbyor bas mi snang ba'i sgrub pa bya ste/ gnas der sa gzhi mnyam par byas la/ dkyil 'khor gru bzhi kun tu khru re bdud rtsi lngas bsku bar bya'o/ /de'i steng du phyi'i stan bde ba 'jam pa la mos pa'i skyil mos 'dug go /

  747. 374a

    de ma thag tu mdun du smos pa'i cho ga bzhi'i tshul gyis gsung gi rigs snang ba mdza' yas kyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni mdun du ci ltar smos pa bzhin du 'dir sbyar ro/ /de lta bu'i ngo bo snang ba mdza' yas kyi sku phyag rgyar gyur ma thag tu de dang gnyis su med pa'i nga rgyal du bsgom par bya'o/ /de'i dus su gsung gi rigs kyi bye brag gi gar mkhan gyi rigs kyi bu mo blang ngo/ /de'i lo'i tshad dang mtshan dang yon tan thams cad dang ldan pa dang/ rgyan thams cad kyis brgyan par bya'o/ /shes rab ma de ye shes kyi lha mo na bza' dkar mo dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol ba byas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog ban du ka'i me tog ltar dmar po so sor rtog pa'i ye shes kyi ngo bo gzi brjid chen po 'bar ba'i 'od kyis 'bar zhing ye shes kyi khu ba lta bu byang chub sems kyi rgya mtsho gnyis su med par thim par gyur par bsam mo/ /sa bon de las khro bo'i rgyal po pad man ta ka'i sku phyag rgya skyed par bya'o/ /de nyid kyis shes rab ma khro mo'i rgyal mo khro gnyer ma dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bzhi pa thugs kyi dkyil 'khor gyi dus su ci ltar smos pa bzhin du

  748. 374b

    'dir bya'o/ /de lta bu'i khro bo'i rgyal po pad man ta ka'i sku phyag rgya bskyed ma thag tu skyed par mdzad mkhan gsung gi rigs snang ba mdza' yas kyi sku phyag rgya khro bo'i rgyal po pad man ta ka'i sku phyag rgya spyi bor dbang bskur ba'i tshul du bsam mo/ / de lta bu'i tshul gyi khro bo'i rgyal po pad man ta ka'i sku phyag rgya bskyed pa'i 'og tu sgrub pa pos de dang gnyis su med pa'i nga rgyal du bsgom par bya'o/ /de'i dus su sgrub pa po nyid kyi mdun gyi nam mkha' la sngags sa bon yig 'bru hUM bsam mo/ / kha dog dmar po ye shes lnga'i ngo bor gzi brjid chen po'i 'bar ba'i 'od kyis 'bar ba'o/ /sa bon de las nyi ma'i dkyil 'khor du gyur par brtag go /de ma thag tu de'i steng gi dbus su mos pa'i skyil mos 'dug par bsam mo/ /de'i 'og tu sgrub pa pos ci ltar smos pa'i tshul du rta sha blangs la de ban da mtshan thams cad dang ldan pa'i nang du bzhag go /dam rdzas rta sha srang gcig gi tshad du byas la/ de la cha sum cu so gnyis su bgos la/ de las cha gnyis blangs te ri lu bya'o/ /dam rdzas rta sha de ni sku dang gsung dang thugs rdo rje gsum dang dbyer med par ye shes kyi ngo bor bsgom par bya'o/ /gzhan yang dam rdzas rta sha de sgrub pa pos ci ltar smos pa'i gnas nas blang pa'i dus su khro bo'i rgyal po pad man ta ka dang gnyis su med pa'i nga rgyal 'char bas sku dang gsung dang thugs rdo rje gsum dang mi phyed pa'i ngo bor brtag par bya'o/ /gzhan yang dam rdzas rta sha'i ri lu'i phyi lcags gsum gyis dkri bar bya'o/ /lcags gsum de sku dang gsung dang thugs rigs gsum gyi bye brag le'u bcu gnyis pa'i nang nas smos pa de bzhin du 'dir sbyar ro/ /bstan par bya ste/ zangs ma dang/ dngul dang/ gser ro/ /dngul srang gcig gi tshad du byas la/ de la cha sum cu rtsa gnyis su bgo'o/ /de'i cha drug?

  749. 375a

    blang ngo/ /gser srang gcig gi tshad du bya'o/ /de cha sum cu rtsa gnyis bgo'o/ /de'i cha gsum blang ngo/ /zangs ma srang gcig gi tshad du bya'o/ /de'i cha sum cu rtsa gnyis su bgo'o/ /de'i cha phyed dang gnyis blang ngo/ gzhan yang ri lu lcags gsum gyis dkri ba'i tshul du bstan par bya'o/ /dam rdzas rta sha'i phyi rol du gsung gi rigs kyi rdzas zangs mas dkri bar bya'o/ /de'i phyi rol du thugs kyi rigs kyis rdzas gser gyis dkri bar bya'o/ /de'i phyi rol du sku'i rigs kyi rdzas dngul gyis dkri bar bya'o/ /ri lu de'i tshad ni ba da ra'i shing tog shun pa tsam du bya'o/ /mdor bsdu ba de ltar rta sha dang ni sbyar ba yi ri lu lcags gsum gyis dkris pa'i don du gsungs so/ /dbang po gnyis kyi sbyor ba yis/ /sangs rgyas kun gyis mi mthong ngo/ /zhes pa ni sgrub pa pos ri lu'i sgrub pa byed pa'i dus su gong du smos pa'i shes rab ma de khro mo'i rgyal mo khro gnyer ma dang gnyis su med pa'i ngo bor byin gyis brlab par bya'o/ /de'i 'dod chags chen po'i sems dga' bas shes rab ma dang gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su khu ba'i ngo bo byang chub sems 'od du zhu'o/ /de'i steng du sngags sa bon yig 'bru hUM bsam mo/ /de'i dus su 'dir kha dog dkar po me long lta bu'i ye shes kyi ngo bo gzi brjid chen pos 'bar zhing 'od du zhu nas ye shes kyi khu ba lta bu byang chub sems la gnyis su med par thim par 'gyur ro/ /de ma thag tu zla ba'i dkyil 'khor gyi ngo bor gyur par bsam mo/ /de'i 'og tu shes rab ma'i b+ha ga nas rdo rje dbyung ngo/ /de'i shes rab ma'i b+ha ga'i nang gi byang chub sems zla ba'i dkyil 'khor gyi steng dbus su ri lu

  750. 375b

    bzhag go /gzhan yang le'u bcu gnyis pa'i nang du sku'i rigs kyi bye brag dang thugs kyi rigs kyi bye brag gi ri lu'i nang du nyid kyi rigs kyi bdag po'i sku phyag rgya bsam par mos pa de bzhin dus 'dir bstan to/ /de lta bu'i tshul gyis shes rab ma dang ldan pas gsang ba'i dbang po gnyis mnyam par sbyar nas khro bo'i rgyal po ya man ta ka bsgom par bya ba yin no/ /bsnan par bya ste/ shes rab ma de 'chag pa'i dus su rang gi lag pa g.yas par ri lu bzung ngo/ /yang na khar gzung yang mi 'gal lo/ /bcag zin pa dang/ shes rab ma sngar smos pa'i gnas su stan la 'dug go /de ma thag tu ri lu b+ha ga'i nang du bzhag ste/ gong du smos pa'i byang chub sems zla ba'i dkyil 'khor gyi steng gi dbus su'o/ /tshul de ltar ma grub kyi bar du nyid na mtshan du sems brtan pa'i phyin ci log gi rnam par rtog pa spangs nas bsgom par bya'o/ /gzhan yang bsgom pa bya zhing/ sngags kyis bzlas pa bya ba bstan par bya ste/ A hUM oM hUM/ bsgom pa dang/ bzlas pa tshul de ltar bya bar smos so/ /gzhan yang ri lu grub pa'i dus su mdun du smos pa'i tshul du dang po mtshan ma gsum 'byung ngo/ /de gsal bar bstan par bya ste/ dang po ri lu dro bar 'gyur ro/ /de'i 'og tu ri lu las du ba byung bar 'gyur ro/ /de'i 'og tu ri lu 'bar bar 'gyur ro/ /bye brag de ltar grub pa'i mtshan ma gsum 'byung bar smos so/ /ri lu las mtshan ma byung ba'i 'og tu rim pa'i dngos grub kyi 'bras bu gsum du 'gyur bar bstan par bya ste/ gong du khro bo'i rgyal po ya man ta ka dang/ prad nyan ta ka'i ri lu grub pa'i dus su dngos grub thob par 'gyur ba smos pa de bzhin du dus 'dir bstan to/ /gzhan yang ci ltar smos pa'i ri lu grub mtshan ma gsum byung ma thag tu/ sgrub pa pos ci ltar khro bo'i rgyal po

  751. 376a

    ya man ta ka dang/ prad nyan ta ka dang gnyis su med par smos pa de bzhin du/ dus 'dir khro bo'i rgyal po prad nyan ta ka dang gnyis su med par grub par 'gyur bas bstan to/ /gzhan yang de'i dus su nyid kyi rigs kyi bdag po snang ba mdza' yas la sogs pa sangs rgyas smos pa de dag thams cad kyis kyang sgrub pa po mi mthong ngo/ /gzhan yang phyi'i lha dang mi la sogs pa sems can thams cad kyis mi mthong ba ni ngo mtshar yang mi che bar bstan to/ / mdor bsdu ba de ltar dbang po gnyis kyi sbyor ba yis/ /sangs rgyas kun gyis mi mthong ba'i don du gsungs so/ /de ni rdo rje'i rigs kyi khro bo'i rgyal po big nan ta ka'i ri lu'i sbyor bas mi snang ba'i bsgrub pa bya ba'i cho ga'i don bstan par bya ste/ ba lang sha dang sbyar ba yi/ /ri lu lcags gsum gyur dkris pa/ /dbang po gnyis kyi sbyor ba yis/ /sangs rgyas kun gyis mi mthong ngo/ /zhes bya ba'i don bshad par bya ste/ ci ltar yin na/ ba lang sha dang sbyar ba yi/ /ri lu lcags gsum gyis dkris pa'i/ /tshul ci ltar smos pa'i gnas dben pa chen po khro bo'i rgyal po a mri ta kun da la'i ri lu'i sbyor bas mi snang ba'i sgrub pa bya'o/ /gnas der sa gzhi mnyam par byas la dkyil 'khor gru bzhi kun tu khru re ba bdud rtsi lngas bsku bar bya'o/ /de'i steng du phyi'i stan bde ba 'jam pa la mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis ston pa mi bskyod pa rdo rje 'dzin gyis sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni sngar ci ltar smos pa bzhin du 'dir bya'o/ /de'i

  752. 376b

    dus su rdo rje'i rigs kyi bye brag gi khrus mkhan gyi rigs kyi bu mo blang ngo/ /de'i lo'i tshad dang mtshan dang yon tan thams cad dang ldan pa/ rgyan thams cad kyis brgyan par bya'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu nas rgya mtsho dang mnyam par gyur par bsam mo/ /de'i steng du sngags sa bon yig 'bru hUM bsam mo/ /de kha dog sngon po me long lta bu'i ye shes kyi ngo bor gzi brjid chen po'i 'bar ba'i 'od kyis 'bar zhing 'od du zhu nas ye shes kyi khu ba lta bu byang chub sems kyis rgya mtsho la gnyis su med par thim par gyur par bsam/ sa bon de las khro bo'i rgyal po big nan ta ka'i sku phyag rgya skyed par bya'o/ /de nyid kyi shes rab ma khro mo'i rgyal mo ral pa gcig ma dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bzhi pa thugs kyi dkyil 'khor gyi dus su smos pa bzhin du 'dir bya'o/ /de lta bu'i ngo bo'i rgyal po big nan ta ka'i sku phyag rgya bskyed ma thag tu/ skyed par mdzad mkhan ston pa mi bskyod pa rdo rje 'dzin gyi sku phyag rgya khro bo'i rgyal po big nan ta ka'i spyi bo la dbang bskur ba'i tshul du bsam mo/ /de lta bu'i tshul gyi ngo bo khro bo'i rgyal po big nan ta ka'i sku phyag rgya bskyed par byas pa'i 'og tu/ sgrub pa po dang gnyis su med pa'i nga rgyal du bsgom par bya'o/ /de'i dus su bsgrub pa pos nyid kyi mdun gyi nam mkha' i gnas su sngags sa bon yig 'bru hUM bsam mo/ /de kha dog dmar po ye shes

  753. 377a

    lnga'i ngo bo gzi brjid chen po'i 'bar ba'i 'od kyis 'bar ba'o/ /sa bon de las nyi ma'i dkyil 'khor du gyur par brtag go /de ma thag tu de'i steng gi dbus su mos pa'i skyil mos 'dug par bsam mo/ /de'i 'og tu sgrub pa pos ci ltar smos pa'i tshul du ba lang gi sha blangs la/ ban d+ha mtshan thams cad dang ldan pa'i nang du bzhag go /dam rdzas ba lang gi sha de srang gcig gi tshad du byas la/ de la cha sum cu rtsa gnyis su bgos te/ de las cha gnyis blangs la ri lu bya'o/ /dam rdzas ba lang gi sha de ni sku dang gsung dang thugs rdo rje gsum dang mi phyed pa'i ye shes kyi ngo bo bsgom par bya'o/ /gzhan yang dam rdzas ba lang gi sha de sgrub pa pos ci ltar smos pa'i gnas nas blang ba'i dus su khro bo'i rgyal po big nan ta ka dang gnyis su med pa'i nga rgyal du 'chang bas sku dang gsung dang thugs rdo rje gsum mi phyed pa'i ngo bor brtag par bya'o/ /gzhan yang dam rdzas ba lang gi sha'i ri lu phyi lcags gsum gyis dkri bar bya'o/ /lcags gsum de sku dang gsung dang thugs rigs gsum gyi bye brag tu le'u bcu gnyis pa'i nang nas ci ltar smos pa de bzhin du 'dir sbyar ro/ /bstan par bya ste/ bzangs ma dang dngul dang gser ro/ /zangs ma srang gcig gi tshad du byas la/ de cha sum cu rtsa gnyis su bgos te/ de las cha drug blang ngo/ /dngul srang gcig gi tshad du bya'o/ /de la cha sum cu rtsa gnyis su bgos so/ /de las cha gsum blang ngo/ /gser srang gcig gi tshad du bya'o/ / de'i cha sum cu rtsa gnyis su bgos so/ /de'i cha phyed dang gnyis blang ngo/ /gzhan yang ri lu lcags gsum gyi dkri ba'i tshul du bstan par bya ste/ dam rdzas ba lang sha'i phyi rol du thugs kyi rigs kyi rdzas gser gyis dkri bar bya'o/ /de'i phyir

  754. 377b

    rol sku'i rigs kyi rdzas dngul gyis dkri bar bya'o/ /de'i phyi rol gyi gsung gi rigs kyi rdzas zangs mas dkris par bya'o/ /ri lu'i tshad ni ba di ra'i shing tog shun pa med pa tsam du bya'o/ /mdor bsdu ba de ltar ba lang sha dang sbyar ba yi/ /ri lu lcags gsum gyis dkri ba'i don du gsungs so/ /dbang po gnyis kyi sbyor ba yis/ /sangs rgyas kun gyis mi mthong ngo/ /zhes pa ni sgrub pa po'i ri lu'i sgrub pa bya ba'i dus su gong du smos pa'i shes rab ma de khro mo'i rgyal mo ral pa gcig ma dang/ gnyis su med pa'i ngo bor byin gyis rlab par bya'o/ /de'i 'og tu 'dod chags chen po'i sems dga' bas shes rab ma dang gnyis su med par 'khyud pa'i sbyor bas thabs dang shes rab rol pa bya'o/ /de byas pas bde bar gyur pa'i dus su rdo rje lam gyi sgo nas/ shes rab ma'i b+ha ga'i dbus su byang chub sems 'od du zhu'o/ /de'i steng du sngags sa bon yig 'bru hUM bsam mo/ /de dus 'dir kha dog dkar po me long lta bu'i ye shes kyi ngo bzo gzi brjid kyis 'bar zhing 'od du zhu nas/ ye shes kyi khu ba bzhin du byang chub sems la gnyis su med par thim par gyur to/ /de ma thag tu zla ba'i dkyil 'khor gyi ngo bor gyur bar bsam mo/ /de'i 'og tu shes rab ma'i b+ha ga'i dbus nas rdo rje dbyung ngo/ /de'i 'og tu shes rab ma'i b+ha ga'i nang gi byang chub sems zla ba'i dkyil 'khor gyi steng gi dbus su ri lu gzhag go /gzhan yang le'u bcu gnyis pa'i nang nas thugs kyi rigs kyi bye brag gi ri lu'i nang du/ nyid kyi rigs kyi bdag po ston pa mi bskyod pa rdo rje 'dzin gyi sku phyag rgya bsam par smos so de bzhin du dus 'dir bstan to/ /de lta bu'i tshul gyis shes rab ma dang ldan pas gsang ba'i dbang po gnyis mnyam par sbyar nas/ khro bo'i rgyal po big nan ta ka bsgom par bya ba yin no/ /bstan par bya ste/

  755. 378a

    shes rab ma de 'chag pa'i dus su rang gi lag pa g.yas par ri lu bzung ngo/ /yang na khar bzung yang mi 'gal lo/ /bcag zin pa dang shes rab ma sngar smos pa'i gnas su stan la 'dug go /de ma thag tu ri lu b+ha ba'i nang du bzhag ste/ gong du smos pa'i byang chub sems zla ba'i dkyil 'khor gyi steng gi dbus su'o/ /tshul de ltar ma grub kyi bar du nyin mtshan du sems bstan par phyin ci log gi rnam par rtog pa spangs nas bsgom par bya'o/ /gzhan yang bsgom pa bya zhing sngags kyis bzlas pa bstan par bya ste/ hUM hUM o A/ bsgom pa dang/ bzlas pa tshul de ltar bya'o/ /gzhan yang ri lu grub pa'i dus su sngar smos pa'i tshul du dang po mtshan ma gsum 'byung ngo/ /de gsal bar bstan par bya ste/ dang por lu dro bar 'gyur ro/ /de'i 'og tu ri lu las du ba 'byung bar 'gyur ro/ /de'i 'og tu ri lu 'bar bar 'gyur/ bye brag de ltar grub pa'i mtshan ma gsum 'byung par smos so/ /gzhan yang ri lu las mtshan ma gsum byung ba'i 'og tu rim pas dngos grub kyi 'bras bu gsum du 'gyur bar bstan par bya ste/ gong du khro po'i rgyal po prad nyan ta ka'i ri lu grub pa'i dus su 'bras bu thob par 'gyur ba'i ci ltar smos pa'i de bzhin du dus 'dir bstan to/ /gzhan yang ci ltar smos pa'i tshul gyi ri lu grub pa'i mtshan ma gsum byung ma thag tu/ sgrub pa po khro bo'i rgyal po big nan ta ka dang gnyis su med par grub par gyur pa yin no/ /gzhan yang de'i dus su nyid kyi rigs kyi bdag po ston pa mi bskyod pa rdo rje 'dzin la sogs pa sangs rgyas smos pa de dag thams cad kyis kyang sgrub pa po mi mthong na/ gzhan phyi ma'i lha dang mi la sogs pa sems can thams cad kyis mi mthong ba ni ngo mtshar mi che

  756. 378b

    bar bstan to/ /mdor bsdu ba de ltar dbang po gnyis kyi sbyor ba yis sangs rgyas kun gyis mi mthong ba'i don du gsungs so/ /de ni rdo rje'i rigs kyi khro bo 'dod pa'i rgyal po'i ri lu'i sbyor bas mi snang ba'i sgrub pa bya ba'i cho ga'i don du bstan par bya ste/ bshang? ba srog chags ldan pa las/ brtul zhugs can gyi ri lu bya/ dbang po gnyis kyi sbyor ba yis/ /sangs rgyas kun gyis mi mthong ngo/ /zhes bya ba'i don bshad par bya'o ste/ ci ltar yin na/ bshad ba srog chags ldan pa las/ brtul zhugs can gyi ri lu bya ni/ tshul ci ltar smos pa'i gnas/ dben pa chen por khro bo 'dod pa'i rgyal po'i ri lu'i sbyor ba'i mi snang ba'i sgrub pa bya'o/ /gnas der sa gzhi mnyam par byas la/ dkyil 'khor gru bzhi kun tu khru re ba bdud rtsi lngas bsku bar bya'o/ /de'i steng du phyi'i stan bde ba 'jam pa la mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis ston pa mi bskyod pa rdo rje 'dzin gyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni mdun du ji ltar smos pa de bzhin du 'dir bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo blang ngo/ /de'i lo tshad dang/ mtshan ma dang yon tan thams cad ldan pa/ rgyan thams cad kyis brgyan par bya'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du zhu'o/ /

  757. 379a

    de rgya mtsho dang mnyam par gyur pas bsam mo/ /de'i steng du sngags sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su med par thim par gyur par bsam mo/ /sa bon de las khro bo 'dod pa'i rgyal po'i sku phyag rgya bskyed par bya'o/ /de nyid kyi shes rab ma khro mo 'dod pa'i dbang phyug ma dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o/ /de lta bu'i ngo bo'i khro bo'i rgyal po 'dod pa'i rgyal po'i sku phyag rgya bskyed ma thag tu/ skyed par mdzad mkhan gyi ston pa mi bskyod pa rdo rje 'dzin gyi sku phyag rgya khro bo 'dod pa'i rgyal po'i spyi bor dbang bskur ba'i tshul du bsam mo/ /de lta bu'i tshul gyis ngo bo khro bo 'dod pa'i rgyal po'i sku phyag rgya bskyed par byas pa'i 'og tu sgrub pa pos de dang gnyis su med pa'i nga rgyal du bsgom par bya'o/ /de'i dus su sgrub pa pos nyid kyi mdun gyi nam mkha' la sngags sa bon yig 'bru hUM bsam mo/ /de kha dog dmar po ye shes lnga'i ngo bo gzi brjid chen po'i 'bar ba'i 'od kyis 'bar ba'o/ /sa bon de las nyi ma'i dkyil 'khor du gyur par brtag go /de ma thag tu de'i steng gi dbus su mos pa'i skyil mos 'dug par bsam mo/ /de'i 'og tu sgrub pa pos nyid kyi rang gi bshang? ba srog chags dang ldan pa blang ngo/ /de ban da mtshan thams cad dang lan pa'i nang du gzhag par bya'o/ /dam rdzas bshang? ba srog chags dang ldan pa de srang gcig gi tshad du bya'o

  758. 379b

    de cha sum cu rtsa gnyis su bgo'o/ /de'i cha gnyis blangs la ri lu bya'o/ /ci ltar smos pa'i dam rdzas bshad? ba de ni sku dang gsung dang thugs rdo rje gsum dbyer med pa'i ye shes kyi ngo bor bsgom par bya'o/ /gzhan yang gong du smos pa'i tshul gyis bshad? ba sgrub pa por rang gi lus las byung ba'i dus su khro bo'i rgyal po dang gnyis su med pa'i nga rgyal 'chang bas byas nas sku dang gsung dang thugs rdo rje gsum dang mi phyed pa'i ngo bor brtag par bya'o/ /de las dbyung bar dam rdzas bshad? bar smos so/ /gzhan ci ltar smos pa'i dam rdzas bshad? ba'i ri lu'i phyi lcags gsum gyis dkri bar bya'o/ /lcags gsum gyi sku dang gsung dang thugs rigs gsum gyi bye brag gi le'u bcu gnyis pa'i nang nas ci ltar smos pa de bzhin du 'dir sbyar ro/ /bstan par bya ste/ zangs ma dang dngul dang gser ro/ /de ltar rdzas gsum gyi tshad kyi rim pa ni gong du rdo rje'i rigs kyi khro bo'i rgyal po prad nyan ta ka dang/ big nan ta ka'i ri lu'i lus dus su ci ltar smos pa de bzhin du 'dir sbyar bya'o/ /gzhan yang ri lu lcags gsum yis dkri ba'i tshul yang gong du smos pa de bzhin du sbyar bstan to/ /ri lu'i tshad pa di ri'i shing tog shun pa med pa tsam du bya'o/ /ri lu'i brtul zhugs can du ming btags pa ni/ sngags kyi sgrub pa byed pa'i sgrub pa bya bar smos so/ /mdor bsdu ba de ltar bshad pa srog chags ldan pa las/ brtul zhugs cang yi ri lu bya ba'i don du gsungs so/ /dbang po gnyis kyi sbyor ba yis/ /sangs rgyas kun gyi mi mthong ngo/ /zhes pa ni/ sgrub pa pos ri lu'i sgrub pa bya ba'i dus su smos pa'i shes rab ma khro mo 'dod pa'i dbang phyug ma dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas shes

  759. 380a

    rab ma dang gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje'i lam gyi sgo nas shes rab ma'i b+ha ga'i dbus su khu ba'i ngo bo byang chub sems 'od du zhu'o/ / byang chub sems de'i steng du sngags sa bon yig 'bru hUM bsam mo/ /de dus 'dir kha dog sngon po me long lta bu'i ye shes kyi ngo bo gzi brjid kyis 'bar zhing 'od du zhu nas/ ye shes kyi khu ba lta bu byang chub sems la gnyis su med par thim par 'gyur ro/ /de ma thag tu zla ba'i dkyil 'khor gyi ngo bor gyur bar bsam mo/ /de'i 'og tu shes rab ma'i b+ha ga nas rdo rje dbyung ngo/ /de'i 'og tu shes rab ma'i b+ha ga'i nang gi byang chub sems zla ba'i dkyil 'khor gyi steng gi dbus su me lu bzhag go /gzhan yang le'u bcu gnyis pa'i nang nas thugs kyi dkyil 'khor rigs kyi bye brag gi ri lu'i nang du nyid kyi rigs kyi bdag po ston pa mi bskyod pa rdo rje 'dzin gyi sku phyag rgya bsam par smos pa de bzhin du 'dir bstan to/ /de lta bu'i tshul gyis shes rab ma dang ldan pas gsang ba'i dbang po gnyis mnyam par sbyar nas khro bo'i dod pa'i rgyal po bsgom par bya ba yin no/ /bstan par bya ste/ shes rab ma de 'chag pa'i dus su rang gi lag pa g.yas par ri lu bzung ngo/ /yang na khar bzung yang mi 'gal lo/ /bcag zin pa'i 'og tu mdun du smos pa'i gnas su stan la shes rab ma 'dug go /de ma thag tu ri lu b+ha ga'i nang du bzhag ste/ gong du smos pa'i byang chub sems zla ba'i dkyil 'khor gyi dbus su'o/ /tshul de ltar ma grub kyi bar du nyin mtshan du sems brtan pas phyin ci log gi rnam par rtog pa spangs nas bsgom par bya ba yin no/ /gzhan yang bsgom pa bya zhing sngags kyi bzlas pa bya bar bstan

  760. 380b

    par bya ste/ hUM hUM oM A/ bsgom pa dang bzlas pa tshul de ltar bya bar bstan to/ /gzhan yang ri lu grub pa'i dus su mdun du smos pa'i tshul du dang po mtshan ma gsum 'byung ngo/ /de gsal bar bstan par bya ste/ dang po ri lu dro bar 'gyur ro/ de'i 'og tu ri lu las du ba 'byung bar 'gyur ro/ /de'i 'og tu ri lu 'bar bar 'gyur ro/ /tshul du ltar grub pa'i mtshan ma gsum 'byung bar smos so/ /gzhan yang ri lu mtshan ma gsum byung ba'i 'og tu rim pas dngos grub kyi 'bras bu gsum du 'gyur pa bstan par bya ste/ gong du khro bo'i rgyal po big nan ta ka'i ri lu grub pa'i dus su 'bras bu thob par 'gyur ba ci ltar smos pa de bzhin du 'dir bstan to/ /gzhan yang ci ltar smos pa'i ri lu grub pa'i mtshan ma gsum byung ma thag tu bsgrub pa pos khro bo 'dod pa'i rgyal po ci lta ba de dang gnyis su med par 'grub par 'gyur ba yin no/ /gzhan yang de'i dus su nyid kyi rigs kyi bdag po ston pa mi bskyod pa rdo rje 'dzin la sogs pa sangs rgyas smos pa de dag thams cad kyis kyang sgrub pa po mi mthong na/ gzhan phyi'i lha dang mi la sogs pa sems can thams cad kyis mi mthong ba ni ngo mtshar mi che bar bstan to/ /mdor bsdu ba de ltar dbang po gnyis kyi sbyor ba yis/ /sangs rgyas kun gyis mi mthong ngo'i don du gsungs so/ /da ni rdo rje rigs kyi khro bo'i rgyal po ni la lan da'i ri lu'i sbyor bas mi snang ba'i bsgrub pa bya ba'i cho ga'i don bstan par bya ste/ ga pur tsan dan sbyar ba yi/ /ri lu lcags gsum gyis dkris pa/ dbang po gnyis kyi sbyor ba yis/ /sangs rgyas kun gyis mi mthong ngo/ /zhes bya ba'i don bshad par bya ste/ ci ltar yin na/ ga bur tsan dan sbyor ba yis/ /ri lu lcags gsum gyis dkris pa ni/ ci ltar smos pa'i gnas dben pa chen por khro bo'i rgyal po

  761. 381a

    ni la dan da'i ri lu'i sbyor bas mi snang ba'i sgrub pa bya'o/ /gnas der sa gzhi mnyam par byas la/ dkyil 'khor gru bzhi kun tu khru re ba bdud rtsi lngas bsku bar bya'o/ /de'i steng du phyi'i stan bde ba 'jam pa la/ mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis ston pa mi bskyod pa rdo rje 'dzin gyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni mdun du ci ltar smos pa bzhin du 'dir sbyar ro/ /de'i dus su rdo rje'i rigs kyi bye brag gi khrus mkhan gyi rigs kyi bu mo blang ngo/ /de'i lo'i tshad dang mtshan dang yon tan thams cad dang ldan pa/ rgyan thams cad kyis brgyan par bya'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu'o/ /de rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par gyur par bsam mo/ /sa bon de las khro bo'i rgyal po ni la dan da'i sku phyag rgya skyed par bya'o/ /de nyid kyi shes rab ma khro mo'i rgyal mo rdo rje mkha' 'gro ma'i dbang phyug ma

  762. 381b

    dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bzhi pa thugs kyi dkyil 'khor gyi dus su ci ltar smos pa de bzhin du 'dir bya'o/ /de lta bu'i ngo bo'i khro bo'i rgyal po ni la dan da'i sku phyag rgya skyed ma thag tu skyed par mdzad mkhan ston pa mi bskyod pa rdo rje 'dzin gyi sku phyag rgya khro bo'i rgyal po ni la dan da'i spyi bor dbang bskur ba'i tshul du bsam mo/ /de lta bu'i tshul gyi ngo bo khro bo ni la dan da'i sku phyag rgya skyed pa'i 'og tu sgrub pa pos de dang gnyis su med pa'i nga rgyal du bsgom par bya'o/ /de'i dus su sgrub pa po nyid kyi mdun gyi nam mkha' la sngags sa bon yig 'bru hUM bsam mo/ /de kha dog dmar po ye shes lnga'i ngo bo gzi brjid chen pos 'bar zhing 'od kyis 'bar ba'o/ /sa bon de las nyi ma'i dkyil 'khor du gyur par brtag go /de ma thag tu de'i steng gi dbus su mos pa'i skyil mos 'dug par bsam mo/ /de'i 'og tu sgrub pa pos ci ltar smos pa'i tshul du thabs dang shes rab rol pa byas nas/ brda skad kar pur rar smos pa rang gi byang chub sems blang ba yin no/ /gzhan brda skad tsan da nar smos pa sgrub pa po rang gi bshad pa blang ngo/ /de ban da mtshan thams cad dang ldan pa'i nang du bzhag go /dam rdzas de gnyis ka la srang gcig gi tshad du bya'o/ /de cha sum cu rtsa gnyis su bgo'o/ /de la cha gnyis blangs la ri lu bya'o/ /dam rdzas de ci ltar smos pa'i tshul du sku dang gsung dang thugs rdo rje gsum mi phyed pa'i ye shes kyi ngo bor bsgom par bya'o gzhan yang gong du smos pa'i dam rdzas gnyis ka rang gi lus la 'byung ba'i dus su khro bo'i rgyal po ni la dan da dang gnyis su med pa'i nga rgyal du 'chang bar byas nas sku dang gsung dang thugs rdo rje gsum mi phyed pa'i ngo bor brtag go /de las

  763. 382a

    dam rdzas gnyis 'byung bar smos so/ /gzhan yang dam rdzas kar bu ra dang/ tsan da na'i ri lu'i phyi lcags gsum gyis dkri bar bya'o/ /lcags gsum de sku dang gsung dang thugs rigs gsum gyi bye brag tu le'u bcu gnyis pa'i nang nas ci ltar smos pa de bzhin du 'dir bya ba yin no/ /bstan par bya ste/ zangs ma dang dngul dang gser ro/ /de ltar rdzas gsum gyi tshad kyi rim pa ni gong du smos pa rdo rje rigs kyi khro bo'i rgyal po prad nyan ta ka dang big nan ta ka dang/ prad man ta ka'i ri lu'i dus su smos pa de bzhin du 'dir bya ba yin no/ /gzhan yang ri lu lcags gsum gyis dkris pa ni gong du smos pa'i tshul du bya'o/ /ri lu'i tshad ni shing ba da ri'i shing tog gi shun pa med pa tsam du bya'o/ /mdor bsdu ba de ltar kar pu ra tsan dan sbyor ba yi/ ri lu lcags gsum gyis dkris par don du gsungs so/ /dbang po gnyis kyi sbyor ba yis/ /sangs rgyas kun gyis mi mthong ngo/ /zhes pa ni/ sgrub ba pos ri lu'i bsgrub pa bya ba'i dus su mdun du smos pa'i shes rab ma de khro mo rdo rje mkha' 'gro'i dbang phyug ma dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus khu ba'i ngo bo byang chub sems 'od du zhu'o/ /byang chub sems de'i steng du sngags sa bon yig 'bru hUM bsam mo/ /de'i dus 'dir kha dog dkar po me long lta bu'i ye shes kyi ngo bo gzi brjid kyis 'bar zhing 'od du zhu nas ye shes kyi khu ba bzhin du byang chub sems la gnyis su med par thim par 'gyur ro/ /de ma thag tu

  764. 382b

    zla ba'i dkyil 'khor du gyur par bsam mo/ /de'i 'og tu shes rab ma'i b+ha ga'i nang nas rdo rje dbyung ngo/ /de'i 'og tu shes rab ma'i b+ha ga'i nang gi byang chub sems zla ba'i dkyil 'khor gyi dbus su ri lu bzhag go /gzhan yang le'u bcu gnyis pa'i nang nas thugs kyi rigs kyi bye brag gi ri lu'i nang du nyid kyi bdag po ston pa mi bskyod pa rdo rje 'dzin gyi sku phyag rgya bsam par ci ltar smos pa'i de bzhin du 'dir bstan to/ /de lta bu'i tshul gyis shes rab ma dang ldan pas/ gsang ba'i dbang po gnyis mnyam par sbyar nas khro bo'i rgyal po ni la dan da bsgom par bya ba yin no/ /bstan par bya ste/ shes rab ma de 'chag pa'i dus su rang gi lag pa g.yas pas ri lu bzung ngo/ /yang na khar bzung yang mi 'gal lo/ /bcag zin pa'i 'og tu shes rab ma mdun du smos pa'i gnas su stan la 'dug go /de ma thag tu b+ha ga'i nang du ri lu gzhag ste/ gong du smos pa'i byang chub sems zla ba'i dkyil 'khor gyi dbus su'o/ /tshul de ltar ma grub kyi bar du sems brtan par nyin mtshan du phyin ci log gi rnam par rtog pa spangs nas/ bsgom par bya ba yin no/ /gzhan yang bsgom par bya zhing sngags kyi bzlas pa bya ba bstan par bya ba ste/ hUM hUM oM A/ tshul de ltar bsgom pa dang/ bzlas pa bya ba bstan to/ /gzhan yang ri lu grub pa'i dus su mdun du smos pa'i tshul du dang po mtshan ma gsum 'byung ngo/ /de gsal bar bstan par bya ste/ dang po ri lu dro bar 'gyur ro/ /de'i 'og tu ri lu las du ba 'byung bar 'gyur ro/ /de'i 'og tu ri lu 'bar bar 'gyur ro/ / rim pa de ltar grub pa'i mtshan ma gsum 'byung bar smos so/ /gzhan yang ri lu las mtshan ma gsum byung ba'i 'og tu rim par dngos grub kyi 'bras bu gsum du 'gyur bar bstan par bya ste/ gong du khro bo 'dod pa'i rgyal po'i ri lu grub pa'i

  765. 383a

    dus su 'bras bu thob par 'gyur ba ci ltar smos pa de bzhin du dus 'dir bstan to/ /gzhan yang ci ltar smos pa'i ri lu grub pa'i mtshan ma byung ma thag tu bsgrub pa po de khro bo'i rgyal po ni la dan da dang gnyis su med par 'grub par 'gyur ro/ /de'i dus su gzhan yang nyid kyi rigs kyi bdag po ston pa mi bskyod pa rdo rje 'dzin la sogs pa sangs rgyas smos pa de dag thams cad kyis kyang sgrub pa po mi mthong na/ gzhan phyi'i lha dang mi la sogs pa sems can thams cad kyis mi mthong ba ni ngo mtshar yang mi che bar bstan to/ /mdor bsdu ba de ltar dbang po gnyis sbyor ba yis/ /sangs rgyas kun gyis mi mthong ngo'i don du gsungs so/ /da ni rdo rje rigs kyi khro bo'i rgyal po ma ha pa la ri lu sbyor bas mi snang ba'i bsgrub pa bya ba'i cho ga'i don bstan par bya ste/ go ro tsa na a gur sbyar/ /ri lu lcags gsum gyis dkris pa/ /dbang po gnyis kyi sbyor ba yis/ /rdo rje stobs po cher 'gyur ro/ /zhes bya ba'i don bshad par bya ste/ ci ltar yin na/ go ro tsa na a gur sbyar ba yis/ /ri lu lcags gsum gyis dkris ni/ /tshul ci ltar smos pa'i gnas dben pa chen por khro bo'i rgyal po ma ha ba la'i ri lu'i sbyor bas mi snang ba'i sgrub pa bya'o/ /gnas der sa gzhi mnyam par byas la dkyil 'khor gru bzhi kun tu khru re ba bdud rtsi lngas bsku bar bya'o/ /de'i steng du phyi'i stan bde ba 'jam pa mos pa'i skyil mos 'dug go /de ma thag tu mdun du smos pa'i cho ga bzhi'i tshul gyis ston pa mi bskyod pa rdo rje 'dzin gyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /de'i cha lugs phun sum tshogs pa thams cad mdun du ci ltar smos pa bzhin

  766. 383b

    du 'dir bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo blang ngo/ /de'i lo tshad dang/ mtshan dang yon tan thams cad dang ldan pa dang/ rgyan thams cad kyis brgyan par bya'o/ /shes rab ma ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas gnyis su med pa'i 'khyud pa'i sbyar bas thabs dang shes rab rol pa byas nas bde bar gyur par dus su/ rdo rje lam gyi sgo nas shes rab ma'i b+ha ga'i dbus su byang chub sems char gyi rgyun bzhin du 'od du zhu'o/ /de rgya mtsho dang mnyam par gyur par bsam mo/ /de'i steng du sngags kyi sa bon yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid kyi 'bar ba'i 'od kyis 'bar zhing 'od du zhu nas ye shes kyi khu ba lta bu byang chub sems kyi rgya mtsho la gnyis su thim par gyur par bsam mo/ /sa bon de las khro bo rgyal po ma ha ba la'i sku phyag rgya bskyed par bya'o/ /de nyid shes rab ma khro mo stobs mo che dbang phyug ma dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bzhi pa thugs kyi dkyil 'khor gyi dus su ci ltar smos pa bzhin du 'dir bya'o/ /de lta bu'i ngo bo khro bo'i rgyal po ma ha ba la'i sku phyag rgya bskyed ma thag tu skyed par mdzad mkhan gyi ston pa mi bskyod pa rdo rje 'dzin gyi sku phyag rgya khro bo'i rgyal po ma ha ba la'i spyi bo la dbang bskur ba'i tshul du bsam mo/ /de lta bu'i tshul gyi ngo bor khro bo'i rgyal po ma ha ba la'i sku phyag rgya bskyed pa'i 'og tu bsgrub pa pos de dang gnyis su med pa'i nga rgyal du bsgom par bya'o/ /de'i dus su sgrub pa pos nyid kyi mdun gyi nam mkha' la sngags kyi sa bon yig 'bru hUM bsam mo/ /de kha dog dmar po ye shes lnga'i ngo bo

  767. 384a

    gzi brjid chen po'i 'bar ba'i 'od kyis 'bar ro/ /sa bon de las nyi ma'i dkyil 'khor du gyur par brtag go/ de ma thag tu de'i steng gis dbus su mos pa'i skyil mos 'dug par bsam mo/ /de'i 'og tu sgrub pa pos tshul ci ltar smos pa'i skyes bu dang la bab pa shin tu mdzes pa mtshon phog nas shi ba'i go ro tsa nar ming btags pa spyi bo'i nang gi klad pa gsar ba blang ngo/ /gzhan yang a gu rar ming btags pa ni skyes bu de'i nang gi sha thams cad blang ngo/ / de ban d+ha mtshan thams cad dang ldan pa'i nang du gzhag go /dam rdzas de gnyis srang gcig gi tshad du bya'o/ /srang gcig po de cha sum cu rtsa gnyis su bgo'o/ /de las cha gnyis blangs la ri lu bya'o/ /dam rdzas de ltar smos pa'i tshul gyi sku dang gsung dang thugs rdo rje gsum dang phyed pa'i ye shes kyi ngo bor bsgom par bya'o/ /gzhan yang ji ltar smos pa'i tshul gyis dam rdzas kyi go ro tsa na dang/ a gu ra gnyis ji ltar smos pa'i gnas nas blang ba'i dus su sgrub ba pos khro bo'i rgyal po ma ha pa la dang gnyis su med pa'i nga rgyal 'chang bar byas nas sku dang gsung dang thugs rdo rje gsum mi phyed pa'i ngo bor brtag go /gzhan yang dam rdzas go ro tsa na dang a gu ra gnyis kyi ri lu'i phyi lcags gsum gyis dkri ba yin no/ /lcags gsum de sku dang gsung thugs kyi rigs kyi bye brag tu le'u bcu gnyis pa'i nang nas ji ltar smos pa de bzhin du 'dir bya ba yin no/ /bstan par bya ste/ zangs ma dang dngul dang gser/ /de gsum gyi chad kyi rim pa ni/ rdo rje'i rigs kyi khro bo'i rgyal po prad nyan ta ka dang/ khro bo'i rgyal po big nan ta ka dang/ khro bo'i rgyal po ta ki dang/ khro bo'i rgyal po ni la dan da'i ri lu'i dus su ci ltar smos pa bzhin du 'dir bya bar bstan to/ /

  768. 384b

    gzhan yang ri lu lcags gsum gyis dkri ba'i tshul du yang gong du ji ltar smos pa bzhin du bya'o/ /ri lu'i tshad ni ba di ra'i shing tog shun pa med pa tsam du bya'o/ /mdor bsdu ba de ltar go ro tsa na a gu ra sbyar ba yi/ ri lu lcags gsum gyis dkris pa'i don du gsungs so/ /dbang po gnyis kyi sbyor ba yis rdo rje stobs po cher 'gyur ro/ /zhes pa ni sgrub pa pos ri lu'i sgrub pa bya ba'i dus su mdun du smos pa'i shes rab ma de khro bo stobs mo che dbang phyug dang gnyis su med pa'i byin gyis brlab par bya'o/ /de'i 'og tu 'dod chags chen po'i sems dga' bas shes rab ma dang gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'od du zhu'o/ /byang chub sems de'i steng du sngags kyi sa bon yig 'bru hUM bsam mo/ /de dus 'dir kha dog dkar po me long lta bu'i ye shes kyi ngo bo gzi brjid chen po 'bar zhing 'od du zhu nas ye shes kyi khu ba bzhin du byang chub sems la gnyis su med par thim par 'gyur ro/ /de ma thag tu zla ba'i dkyil 'khor gyi ngo bor gyur par bsam mo/ /de'i 'og tu shes rab ma'i b+ha ga'i dbus nas rdo rje dbyung ngo/ /de'i 'og tu shes rab ma'i b+ha ga'i nang gi byang chub sems zla ba'i dkyil 'khor gyi dbus su ri lu bzhag go /gzhan yang le'u bcu gnyis pa'i nang nas thugs kyi rigs kyi bye brag gi ri lu nang du nyid kyi bdag po ston pa mi bskyod pa rdo rje 'dzin gyi sku phyag rgya bsam par ci ltar smos pa de bzhin du 'dir bstan to/ /tshul de lta bus shes rab ma'i dang ldang bas gsang ba'i dbang po mnyam par sbyar nas khro bo'i rgyal po ma ha ba la bsgom par bya ba yin no/ /bstan par bya ste/ shes rab ma 'chag pa'i

  769. 385a

    dus su rang gi lag par ri lu bzung ngo/ /yang na khar bzung yang mi 'gal lo bcag zin pa'i 'og tu shes rab ma mdun du smos pa'i gnas su stan la shes rab ma 'dug go /de ma thag tu ri lu b+ha ga'i nang du bzhag ste/ gong du smos pa'i byang chub sems zla ba'i dkyil 'khor gyi steng gi dbus su'o/ /tshul de ltar ma grub kyi bar du sems brtan pas phyin ci log gi rnam par rtog pa spangs nas bsgom par bya ba yin no/ /gzhan yang bsgom par bya zhing sngags kyi bzlas pa bya ba bstan par bya ste/ hUM hUM oM A/ bsgom pa dang bzlas pa'i tshul de ltar bya bar bstan to/ /gzhan yang ri lu grub pa'i dus su gong du smos pa'i tshul du dang po mtshan ma gsum byung ngo/ /de gsal bar bstan par bya ste/ dang po ri lu dro bar 'gyur ro/ /de'i 'og tu ri lu las du ba 'byung bar 'gyur ro/ /de'i 'og tu ri lu 'bar bar 'gyur ro/ /tshul de ltar rim par grub pa'i mtshan ma gsum 'byung bar smos so/ /gzhan yang ri lu las mtshan ma gsum 'byung ba'i 'og tu rim par dngos grub kyi 'bras bu gsum du 'gyur ba bstan par bya ste/ gong du smos pa'i khro bo'i rgyal po ni la dan da'i ri lu grub pa'i dus su 'bras bu thob par ci ltar smos pa de bzhin du 'dir bstan to/ /gzhan yang tshul ji ltar smos pa'i ri lu grub pa'i mtshan ma gsum byung ma thag tu/ sgrub pa pos khro bo'i rgyal po rdo rje stobs po che dang gnyis su med par 'grub par 'gyur ro/ /gzhan yang de'i dus su nyid kyi rigs kyi bdag po ston pa mi bskyod pa rdo rje 'dzin la sogs pa sangs rgyas smos pa de dag thams cad kyis kyang sgrub pa po mi mthong na/ gzhan phyi'i lha dang mi la sogs pa sems can thams cad kyi mi mthong ba ni ngo mtshar mi che bar bstan to/ /mdor bsdu ba de ltar dbang po gnyis kyi

  770. 385b

    sbyor ba yis/ rdo rje stobs po cher 'gyur gyi don du gsungs so/ /da ni rdo rje rigs kyi khro bo'i rgyal po arya a tsa la'i ri lu'i sbyor bas mi snang ba'i sgrub pa bya ba'i cho ga'i don bstan par bya ste/ kar pur gung ku sbyar ba yi/ ri lu lcags gsum gyis dkris pa/ /dbang po gnyis kyi sbyor ba yis/ /sangs rgyas kun gyis mi mthong ngo/ /zhes bya ba'i don bshad par bya ste/ ci ltar yin na/ kar pur gung ku sbyar ba yi/ ri lu lcags gsum gyis dkris pa ni/ ci ltar smos ba'i gnas dben pa chen por khro bo'i rgyal po arya a tsa la'i ri lu'i sbyor bas mi snang ba'i sgrub pa bya'o/ /gnas der sa gzhi mnyam par byas la/ dkyil 'khor gru bzhi kun tu khru re ba bdud rtsi lngas bsku bar bya'o/ /de'i steng du phyi'i stan bde ba 'jam pa la mos pa'i skyil mo 'dug go /de ma thag tu mdun du smos pa'i cho ga bzhi'i tshul gyis ston pa mi bskyod pa rdo rje 'dzin gyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni mdun du ci ltar smos pa bzhin du 'dir bya'o/ /de'i dus su rdo rje rigs kyi bu mo blang ngo/ /de'i lo tshad dang/ mtshan dang yon tan thams cad dang ldan pa dang/ rgyan thams cad kyis brgyan par bya'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems char rgyun bzhin du 'od du zhu'o/ /de rgya mtsho dang mnyam par gyur bar bsam mo/ /de'i steng du sngags sa bon

  771. 386a

    yig 'bru hUM bsam mo/ /de kha dog nag po me long lta bu'i ye shes kyi ngo bo gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba bzhin du byang chub sems kyi rgya mtsho la gnyis su med par thim par gyur par bsam mo/ /sa bon de las khro bo'i rgyal po arya a tsa la'i sku phyag rgya skyed par bya'o/ /de nyid kyi shes rab ma khro mo'i rgyal mo 'phags pa mi g.yo ba'i dbang phyug ma dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bzhi pa thugs kyi dkyil 'khor gyi dus su ci ltar smos pa de bzhin du dus 'dir bya'o/ /de lta bu'i ngo bo khro bo'i rgyal po arya a tsa la'i sku phyag rgya bskyed ma thag tu/ skyed par mdzad mkhan ston pa mi bskyod pa rdo rje 'dzin gyi sku phyag rgya khro bo'i rgyal po arya a tsa la'i spyi bo la dbang bskur ba'i tshul du bsam mo/ /de lta bu'i tshul gyis ngo bo'i khro bo'i rgyal po arya a tsa la'i sku phyag rgya skyed pa'i 'og tu sgrub pa pos de dang gnyis su med pa'i nga rgyal du bsgom par bya'o/ /de'i dus su sgrub pa pos nyid kyi mdun gyi nam mkha' la sngags kyi sa bon yig 'bru hUM bsam mo/ /de kha dog dmar po ye shes lnga'i ngo bo gzi brjid chen po 'bar ba'o/ /sa bon de las nyi ma'i dkyil 'khor du gyur par brtag go /de ma thag tu de'i steng gi dbus su mos pa'i skyil mos 'dug par bsam mo/ /de'i 'og tu sgrub pa pos ci ltar smos pa'i tshul gyis thabs dang shes rab rol pa byas nas/ brda skad ka pu rar ming btags pa byang chub sems blang ba yin no/ /gzhan yang brda skad gung ku ming btags pa shes rab ma'i pad ma'i rag ta nub pa'i dus su blang ba yin no/ /de nas ban da mtshan

  772. 386b

    thams cad dang ldan pa'i nang du bzhag par smos so/ /dam rdzas de gnyis srang gcig gi ched du bya'o/ /de cha sum cu rtsa gnyis su bgo'o/ /de la cha gnyis blangs la ri lu bya ba yin no/ /dam rdzas de ci ltar smos pa'i sku dang gsung dang thugs rdo rje gsum mi phyed pa'i ye shes kyi ngo bor bsgom par bya'o/ /gzhan yang ci ltar smos pa'i dam rdzas ka pu ra dang/ gung ku ma gnyis sgrub pa pos ci ltar smos pa'i gnas nas blangs pa'i dus su khro bo rgyal po arya a tsa la dang gnyis su med pa'i nga rgyal 'chad par byas nas sku dang gsung dang thugs rdo rje gsum mi phyed pa'i ngo bor brtag go /gzhan yang dam rdzas ka pur dang/ gung gu ma ri lu lcags gsum gyis dkris pa yin no/ /lcags gsum de sku dang gsung dang thugs rdo rje'i rigs kyi bye brag tu le'u bcu gnyis pa'i nang na ci ltar smos pa bzhin du 'dir bya'o/ /bstan par bya ste/ zangs ma dang dngul dang gser dang/ rdzas de gsum gyi tshad kyi rim pa ni sngar rdo rje rigs kyi khro bo'i rgyal po prad nyan ta ka la sogs pa kun gyis ri lu'i dus su ci ltar smos pa bzhin du 'dir bya ba'i bstan to/ /gzhan yang ri lu lcags gsum gyi dkri ba yang/ gong du smos pa'i tshul du bya bar bstan to/ /ri lu'i tshad ni pa di ra'i shing tog shun pa med pa tsam du bstan to/ mdor bsdu ba de ltar kar pur gung gu sbyar ba'i ri lu lcags gsum gyis dkris pa'i don du gsungs so/ /dbang po gnyis kyi sbyor ba yis/ /sangs rgyas kun gyis mi mthong ngo zhes pa ni/ sgrub pa pos ri lu'i sgrub pa bya ba'i dus su gong du smos pa'i shes rab ma de khro mo 'phags ma mi g.yo'i dbang phyug ma dang gnyis su med pa'i ngo bor byin gyis brlab par bya'o/ /de'i 'og tu 'dod chags chen po'i sems dga' bas shes rab mngar gnyis su med par 'khyud pa'i sbyor bas thabs dang shes

  773. 387a

    rab rol pa byas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su khu ba'i ngo bo byang chub sems 'od du zhu'o/ /byang chub sems de'i steng du sngags kyi sa bon yig 'bru hUM bsam mo/ / de dus 'dir kha dog dkar po me long lta bu'i ye shes kyi ngo bo gzi brjid kyis 'bar zhing 'od du zhu nas/ ye shes kyi khu ba bzhin du byang chub sems la gnyis su med par thim par gyur to/ /de ma thag tu zla ba'i dkyil 'khor gyi ngo bor gyur par bsam mo/ /de'i 'og tu shes rab ma'i b+ha ga'i dbus nas rdo rje dbyung ngo/ /de'i 'og tu shes rab ma'i b+ha ga'i nang gi byang chub sems zla ba'i dkyil 'khor gyi dbus su ri lu bzhag go /gzhan yang le'u gnyis pa'i nang nas thugs kyi rigs kyi bye brag gi ri lu'i nang du nyid kyi bdag po'i ston pa mi bskyod pa rdo rje 'dzin gyi sku phyag rgya bsam par bya bar ci ltar smos pa de bzhin du dus 'dir bstan to/ /tshul de ltar yi ngo bo shes rab ma dang ldan pas gsang ba'i dbang po gnyis mnyam par sbyar nas/ khro bo'i rgyal po arya a tsa li bsgom par bya ba yin no/ /bstan par bya ste/ shes rab ma de 'chag pa'i dus su/ rang gi lag pa g.yas par ri lu gzung ngo/ /yang na khar bzung yang mi 'gal lo/ /shes rab ma bcag zin pa dang/ gong du smos pa'i gnas su stan la 'dug go /de ma thag tu ri lu b+ha ga'i nang du bzhag ste/ mdun du smos pa'i byang chub sems zla ba'i dkyil 'khor gyi dbus su'o/ /tshul de ltar ma grub kyi bar du sems brtan par phyin ci log gi rnam par rtog pa spangs nas bsgom par bya ba yin no/ /gzhan yang bsgom par bya zhing sngags kyi bzlas pa bya ba bstan par bya ste/ hUM hUM oM A/ bsgom pa dang/ bzlas pa tshul de ltar bya bar bstan to/ /gzhan

  774. 387b

    yang ri lu sgrub pa'i dus su gong du smos pa'i tshul du dang po mtshan ma gsum 'byung ngo/ /de gsal bar bstan par bya ste/ dang po ni ri lu dro bar 'gyur ro/ /de'i 'og tu ri lu las du ba 'byung bar 'gyur ro/ /de'i 'og tu ri lu 'bar bar 'gyur ro/ /tshul de ltar rim pas sgrub pa'i mtshan ma gsum 'byung bar smos so/ /ri lu las mtshan ma gsum byung ba'i 'og tu gzhan yang rim par dngos grub kyi 'bras bu gsum du 'gyur bar bstan par bya ste/ gong du khro bo'i rgyal po ma ha ba la'i ri lu sgrub pa'i dus su 'bras bu thob par ci ltar smos pa de bzhin du dus 'dir bstan to/ /gzhan yang tshul ji ltar smos pa'i ri lu las mtshan ma gsum byung ba'i 'og tu sgrub pa pos khro bo'i rgyal po arya a tsa la dang gnyis su med par grub pa yin no/ /gzhan yang ri lu de'i dus su nyid kyi rigs kyi bdag po ston pa mi bskyod pa rdo rje 'dzin la sogs pa gong du smos pa'i sangs rgyas de dag thams cad kyis kyang sgrub pa po de mi mthong na/ gzhan phyi'i lha dang mi la sogs pa sems can thams cad kyis mi mthong ba ni ngo mtshar mi che'o/ /mdor bsdu ba de ltar dbang po gnyis kyi sbyor ba yis/ sangs rgyas kun gyis mi mthong ba'i don du gsungs so/ /de ni gong du smos pa'i ri lu brgyad kyi nang nas gang bsgrub pa byas pa de grub pa'i 'og tu/ yon tan gyis 'bras bu khyad par du gyur par bstan par bya ste/ rdo rje 'dzin pa gang yang rung/ /phyag rgya chen por byin brlabs nas/ /de ni dpal dang ldan pa yi/ /ye shes stobs dang 'dra bar 'gyur/ /zhes bya ba'i don bshad par bya ste/ ci ltar yin na/ rdo rje 'dzin pa gang yang rung/ /phyag rgya chen por byin brlabs nas/ /gong du smos pa'i ya man ta ka dang prad nyan ta ka la sogs pa rdo rje can du ming btags pa khro bo'i rgyal po brgyad kyi nang

  775. 388a

    na gang yang ri lu'i sgrub pa bya ba'i dus su tshul ji ltar smos pa'i phyag rgya chen por ming btags pa/ nyid kyi rigs kyi bdag por bsgoms nas thabs dang shes rab rol pa byas nas sku phyag rgya bskyed par bya ste/ shes rab ma ye shes kyi lha dang khro mo'i rgyal mo dang gnyis su med par 'khyud pa'i sbyor ba dang ldan pa yin no/ /don des phyag rgya chen por smos so/ /sgrub pa pos de dang gnyis su med pa'i ngo bor bsgom pa'i tshul gyis byin brlab pa'i sbyor ba byas nas ri lu'i sgrub pa bya bar bstan to/ /de ltar rdo rje 'dzin pa gang yang rung ba/ phyag rgya chen por byin gyis brlabs nas kyi don du gsungs so/ /da ni dpal dang ldan pa yi/ /ye shes stobs dang ldan par 'gyur zhes pa ni/ tshul ji ltar smos pa'i ri lu sgrub pa'i 'bras bu grub pa'i 'og tu sgrub pa pos de stobs chen po dang ye shes su ming btags pa stong chen po'i 'jig rten gyi khams na/ gnas pa'i lha dang mi la sogs pa sems can thams cad kyi stobs gang smos pa de'i stong 'gyur dang/ ya man ta ka la sogs pa khro bo'i rgyal po thams cad de re re'i ye shes kyi stobs dang ldan par bstan to/ /bstan par bya ste/ gong du smos pa'i ye shes kyi stobs kyi cho 'phrul gyis byin gyis brlabs pas steng gsum gyi stong chen po'i 'jig rten gyi khams na/ gnas pa'i lha dang mi la sogs pa sems can thams cad bran bzhin du mdzad pas/ don des dpal dang ldan pa yin no/ /sgrub pa po de lta bu'i yon tan dang ldan par 'gyur ro/ /mdor bsdu ba de ltar de ni dpal dang ldan pa'i ye shes stobs dang 'dra bar 'gyur gyi don du gsungs so/ /dpag tshad bye ba bcu gang ba'i/ /rdo rje'i steng du 'gro bar 'gyur/ /stong gsum bdag po dpal ldan pa'i/ /sangs

  776. 388b

    rgyas 'od dang 'dra bar 'gyur/ /zhes bya ba'i don bshad par bya ste/ ci ltar yin na/ dpag tshad bye ba bcu gang ba'i/ /rdo rje'i steng du 'gro bar 'gyur/ /gong du smos pa'i ye shes kyi stobs dang ldan pa'i ngo bor 'bras bur gyur pa'i 'og tu/ mi'i 'jig rten nas bzung ste/ steng gi phyogs su dpag tshad bye ba bcu'i grangs kyi tshad du rdo rje 'gro bar ming btags pa sgrub pa po'i ye shes kyi cho 'phrul gyis 'gro bar 'gyur bar bstan to/ /de ltar dpag tshad bye ba bcu gang ba'i rdo rje steng du 'gro bar 'gyur gyi don du gsungs so/ /stong gsum bdag po dpal ldan pa'i/ /sangs rgyas 'od dang 'dra bar 'gyur zhes pa ni/ gong du smos pa'i tshul du dpag tshad bye ba bcu grangs kyi tshad du gang bar 'gro nus par smos pa ni/ stong gsum gyi 'jig rten gyi khams ma lus pa thams cad du ye shes kyi cho 'phrul gyi sprul pa'i skus/ ji ltar sangs rgyas rnam par snang mdzad la sogs pa rigs lnga'i bye brag gis sangs rgyas thams cad gzi brjid 'od dang ldan par khyad par gshegs par mdzad pa de dang gnyis su med par ngo bor mnyam par sgrub pa pos nus par 'gyur ro/ /de ltar stong gsum bdag po dpal dang ldan pa'i/ /sangs rgyas 'od dang 'dra bar 'gyur gyi don du gsungs so/ /'dod khams gnas rigs bu mo ni/ /lha'i longs spyod brtul zhugs ma 'am/ /yang na gzugs khams gnas pa la/ /stobs chen gyis ni 'dod pa sbyad/ /ces bya ba'i don bshad par bya ste/ ci ltar yin na/ 'dod khams gnas pa'i bu mo ni/ lha'i longs spyod brtul zhugs ma ni/ sgrub pa pos gong du smos pa'i dngos grub kyi 'bras bur gyur ma thag tu/ stong gsum gyi 'jig rten gyi khams kyi 'dod khams na gnas pa'i mi'i rigs kyi bu mo dang/ klu'i rigs kyi bu mo dang

  777. 389a

    gnod sbyin gyi rigs kyi bu mo dang/ lha ma yin gyi rigs kyi bu mo dang/ gzhan yang lha'i longs spyod ces pa dus rtag tu spyod pa ste/ lha'i dbang po brgya byin gyi chung ma sha tsa la sogs pa lha mo thams cad de/ /gzhan bram ze'i rigs kyi drang srong gi bu mo thams cad de/ khyod lam song bar gyi chos kyi bye brag gi sdom pa dang khrims bsrung ba'o/ /tshul de lta bu gzugs dang yon tan dang/ cho 'phrul? dang ldan pa'i bu mo dang/ chung ma thams cad smos so/ de ltar 'dod khams na gnas pa'i bu mo ni/ lha'i longs spyod brtul zhugs ma'i don du gsungs so/ /yang na gzugs khams gnas pa la/ /stobs chen gyis ni 'dod pa spyad ces pa ni/ gong du smos pa'i tshul gyi sgrub pa po stobs po che'i ngo bo'i 'bras bu grub pa'i 'og tu/ gzugs khams kyi gnas nas gnas pa'i lha'i bu mo dang/ lha mo thams cad la de nyid kyi bdag po bzhin du 'dod pa spyad ces pa gnyis su med par sbyor bas rol pa bya'o/ /de ltar yin na gzugs khams gnas pa la stobs chen gyis ni 'dod pa spyad kyi don du gsungs so/ /bcom ldan 'das dam tshig mi snang ba'i rdo rje chen pos de skad bka' stsal to/ /zhes bya ba ni/ bcom ldan 'das ni ston pa mi bskyod pa rdo rje 'dzin nyid kyi yon tan bstod pa'i mtshan bcom ldan 'das yin par sdud pa pos smos so/ /de'i don sngar ci ltar smos pa bzhin du 'dir bstan to/ /dam tshig mi snang ba zhes ni/ gong du smos pa'i dam rdzas kyi sbyor ba'i ri lu brgyad ni/ mi snang ba'i dngos grub kyi 'bras bu sgrub par bya ba'i phyir smos so/ /rdo rje chen po zhes pa ni/ rnam par snang mdzad la sogs pa rigs lnga'i bye brag gis sangs rgyas smos pa de dag thams cad kyi bdag po bskyed bar mdzad mkhan ston pa

  778. 389b

    nyid yin no/ /don des rdo rje chen por smos so/ /des gong du smos pa'i ri lu brgyad kyi mi snang ba'i sgrub pa bya ba'i don bka' stsal pa'o/ /de ltar rdo rje chen pos de skad bka' stsal to'i don du gsungs so/ /de ni rnam par snang mdzad la sogs pa brjod du yod pa dang/ brjod du med pa'i sangs rgyas thams cad kyi gong du smos pa'i bsgrub pa thams cad kyi don thos ma thag tu/ dus gcig mgrin gcig tu dga' ba chen pos bstod pa'i tshul gyis ston pa mi bskyod pa rdo rje 'dzin la gsol ba btab pa'i don bstan par bya ste/ de nas sangs rgyas kun mnyes nas/ /yid la dbang ba thugs dam ste/ /ngo mtshar gyur cing spyan gdengs nas/ /gsung ni 'di skad ces gsol to/ /zhes bya ba'i don bshad par bya ste/ ci ltar min na de nas sangs rgyas kun mnyes nas/ /yid la dbang ba'i thugs dam ste ni/ tshul ji ltar smos pa'i sangs rgyas de dag thams cad kyis ston pa mi bskyod pa rdo rje 'dzin gyis gong du smos pa'i bsgrub pa'i don bshad pa de thos ma thag tu yid dga' bar gyur pas de'i dus su thugs ngo mtshar skyes par gyur par bstan to/ /de ltar de nas sangs rgyas kun mnyes nas/ yid la dbang ba thugs dam ste'i don du gsungs so/ /ngo mtshar gyur cing spyan 'das nas/ gsung ni 'di skad ces gsol te zhes ba ni/ ci ltar smos pa'i don thos ma thag tu/ sangs rgyas kyi thugs dgyes pas bskul nas/ ci ltar nyi ma shar ba'i dus su me tog pad ma kha phye ba de bzhin du/ thugs dgyes pas ngo mtshar du gyur nas/ spyan bar du phye bar bstan to/ /de'i dus su snyan pa'i dbyangs kyis bstod pa'i ngo bor gsol ba zhes tshig brjod pas bstan to/ /de ltar ngo mtshar gyur cing spyan phye nas/ gsung ni 'di skad ces gsol to'i don du gsungs so/ /e ma'o rab tu ngo mtshar che/ /e ma'o mi 'gyur gsang ba'i

  779. 390a

    gnas/ e ma'o ngo bo nyid kyis dag /e ma'o shin tu dri med chos/ /zhes bya ba'i don bshad par bya ste/ e ma'o rab tu ngo mtshar chen/ gong du smos pa'i ri lu brgyad kyi sgrub pa byas pa'i 'bras bu'i don thos nas ci ltar smos pa'i sangs rgyas thams cad kyi thugs la ngo mtshar skyed par gyur par bstan to/ /de ltar e ma'o rab tu ngo mtshar che'i don du gsungs so/ /e ma'o mi 'gyur gsang ba'i gnas ni/ gong du skyes pa'i tshul gyi so so'i ri lu bya ba'i rgyu dam rdzas dang/ lcags gsum gyis dkri ba dang/ thabs dang shes rab rol pa byas nas byang chub sems zla ba'i dkyil 'khor gyi ngo bor gyur pa'i gdan la/ ri lu bsgrub pa bya ba'i dus su bzhag pa'o/ de la sogs pa sbyor ba'i bsgom pa bya ba'i cho ga bya ba de ni theg pa 'og ma la zhugs pa nyan thos dang/ rang sangs rgyas dang/ gzhan yang tir ti ka rnams la mi brtan pas don de gsang bar smos/ gnas zhes pa ni ci ltar smos pa'i ri lu brgyad de/ ni sku gsung thugs rdo rje gsum gyi ye shes 'bras bu'i ngo bo'i gnas mi 'gyur ba ste/ bstan par nges pa'o/ /don des ma 'gyur ba'i gnas su smos so/ /e ma'o ngo bo nyid kyis dag ces pa ni/ don dam par chos thams cad thog ma med pa'i dus su bzung ba nas phyin ci log gi sdig pa'i dri ma dang bral ba yin te/ don des dam rdzas kyi ngo bo nyid rang bzhin gyis dag par bstan to/ /de'i phyir e ma'o zhes pa thugs la ngo mtshar skyed par bstan to/ /e ma'o shin tu dri med chos zhes pa ni/ chos thams cad kyi ngo bo bla na med pa'i ye shes kyi 'bras bu de ni rang bzhin gyis ci ltar nam mkha' stong pa'i ngo bor smos pa de bzhin du bstan

  780. 390b

    to/ /de'i phyir e ma'o zhes pa ni de bzhin gshegs pa thams cad thugs la ngo mtshar skyes pa yin no/ /da ni de bzhin gshegs pa thams cad kyis tshul ji ltar smos par/ ston pa mi bskyed pa rdo rje 'dzin la bstod pa de rdzogs pa'i 'og tu /'og nas 'byung ba'i don bshad pa'i phyir/ bstod pa'i tshul gzhan gyis gsol ba btab pa bstan par bya ste/ de nas ston pa mi bskyod pa rdo rje 'dzin skyod pa byed pa mi 'gyur che/ rdo rje dag pa'i chos chen pos/ / rdo rje gsung du bka' stsal pa/ zhes bya ba'i don bshad par bya ste/ ci ltar yin na/ de nas ni de bzhin gshegs pa thams cad kyis ston pa mi bskyod pa rdo rje 'dzin la bstod pa byas pa'i 'og tu/ 'og nas 'byung ba'i don bshad par mdzad pa'i phyir bstod pa'i tshig gis gsol ba btab pa mtshon par smos so/ /de ltar de nas kyi don du gsungs so/ /ston pa zhes pa ni mi bskyod pa rdo rje 'dzin gyis thugs rje chen po'i thugs skyed nas/ 'khor ba'i 'dam du lhung ba'i sems can thams cad dbyung ba'i phyir/ /sngags kyi theg pa chen po phyi dang nang dang gsang ba'i tshul du bshad pa'i chos kyi 'khor lo bskor ba'i thabs kyis sems can thams cad lan mang por brtul ba dang byin gyis brlabs pa'o/ /de ltar brtul pa dang byin gyis brlab pa mdzad pas sems can 'khor ba'i 'dam nas phyung ba yin na/ /de'i 'og tu sems can thams cad bsod nams chen po'i bskal ba dang ldan par 'gyur ro/ /mdor bsdu pa de ltar ston pa'i don du gsungs so/ /rdo rje 'dzin zhes pa ni/ le'u bcu bzhi pa'i dus su ji ltar bshad pa bzhin du 'dir sbyar ro/ /skyed pa zhes pa ni rnam par snang mdzad la sogs pa de bzhin gshegs pa brjod du yod pa dang brjod du

  781. 391a

    med pa'i 'khor thams cad du smos pa'i ston pa mi bskyod pa nyid kyis gong du smos pa'i tshul du sprul pa yin no/ /don des bskyed par smos so/ /de ltar bskyed pa'i don du gsungs so/ /byed? pa zhes pa ni ston pa mi bskyod pa rdo rje 'dzin gyis dus rtag tu bye brag sna tshogs kyis sems can thams cad kyi don mdzad par smos so/ /mi 'gyur che zhes pa ni/ ston pa mi bskyod pa rdo rje 'dzin ni don dam par de bzhin gshegs pa thams cad kyi ye shes dang gnyis su med pa'i ngo bo ste/ de ni ston pa nam mkha' lta bu kun la khyab nas gnas pa'o/ /de sgrub pa pos 'bras bu thob pa'i dus su mi 'gyur tshar ming btags pa brtan pa nges pa yin no/ /don des mi 'gyur cher smos so/ /rdo rje dag pa zhes pa ni/ ston pa mi bskyod pa rdo rje 'dzin nyid dag pa ste/ dus thog ma med pa nas phyin ci log gi rnam par rtog pa'i dri ma dang bral ba'o/ /don des dag par smos so/ /rdo rje ni don dam par ston pa mi bskyod pa rdo rje 'dzin de med par ma 'gyur ba dang/ nges par dang/ dus rtag tu 'phel ba'o/ /gzhan yang de bzhin nam mkha' lta bu ste/ don des smos so/ /chos chen po zhes bya ba ni/ dus 'dir chos chen po ni/ dpal rdo rje sems dpa' nyid don dam pa byang chub sems dpa' gnyis su med pa'i 'bras bu'i ngo bo chos chen por smos so/ /rdo rje gsung gi bka' stsal pa zhes pa ni/ don dam par rnam par snang mdzad la sogs pa de bzhin gshegs pa thams cad kyi gsung rdo rje gnyis su med pa'i ngo bo yin de dang gnyis su med pa'i ngo bo ston pa mi bskyod pa rdo rje 'dzin nyid kyi gsungs pa yin no/ /gzhan yang rdo rje'i gsum du ming gtags pa phyi'i tshangs pa dang/ khyab 'jug dang/ dbang phyug chen po la sogs pa/ pha rol gyi rgol ba

  782. 391b

    thams cad pham par mdzad pa yin no/ /don des rdo rje'i gsung du smos so/ /de lta bu'i yon tan ni ngo bo'i rdo rje gsung gi sgo nas 'byung ba'i don bshad par mdzad pa'i phyir gsol ba btab pa de bdag cag la stsol cig pa'o/ /de ni sgrub pa chen pos ye shes kyi lha thams cad bsgrub pa bya ba'i dus su rang rang gi spyi bo'i gnas su rang rang gi bdag po'i sku phyag rgya dbang bskur ba'i tshul du bsgom par bya ba'i don bstan par bya ste/ rdo rje sems dpa' i sbyor ba yis/ /sangs rgyas rdo rje can rnams snyes/ /sangs rgyas byang chub rab dbye bas/ rdo rje 'dzin rnams mnyes par 'gyur/ /zhes bya ba'i don bshad par bya ste/ ci ltar yin na/ rdo rje sems dpa' i sbyor ba yis/ /sangs rgyas rdo rje can rnams mnyes ni/ dpal rdo rje sems dpa' ni/ sangs rgyas rdo rje can rnams su ming btags pa rnam par snang mdzad dang/ rin chen 'byung ldan dang/ snang ba mdza' yas dang/ don yod grub pa dang/ bzhi grub pa pos bsgom pa bya ba'i dus su/ de dag gi spyi bor dbang bskur ba'i sbyor bas sku phyag rgya bsgom par bya ba yin no/ /de byas pas rnam par snang mdzad la sogs pa sangs rgyas bzhi rdo rje can du ming btags pa so so'i ye shes kyi ngo bo'i sku phyag rgya 'dzin pa yin no/ /de lta bu'i ngo bo'i sangs rgyas rdo rje 'dzin pa rnams kyi spyi bo'i gnas su gong du smos pa'i tshul du dbang bskur ba'i sgom pa byas pas mnyes par 'gyur ro/ /de'i dus su sgrub pa pos dngos grub thams cad kyi 'bras bur 'grub par 'gyur ro/ /de ltar rdo rje sems dpa' i sbyor ba yis /sangs rgyas rdo rje can rnams mnyes kyi don du gsungs so/ /sangs rgyas byang chub rab dbye bas/ /rdo rje 'dzin rnams mnyes par 'gyur zhes pa ni/ sangs rgyas ni sku'i rigs rnam par snang mdzad la sogs pa rigs

  783. 392a

    gsum yin no/ /byang chub tu ming btags pa ni/ dus 'dir byams pa la sogs pa byang chub sems dpa' brgyad yin no/ /de brgyad bsgrub pa pos sgom par bya ba'i dus su nyid nyid kyi rigs kyi bye brag gi bdag po sangs rgyas kyi sku phyag rgya'i spyi bo'i gnas su dbang bskur ba'i tshul du bsgom par bya'o/ /de byas pas dus 'dir rdo rje 'dzin du ming btags pa byang chub sems dpa' i brgyad du smos so/ /bstan par bya ste/ rdo rjer ming btogs pa ni/ gong du smos pa'i sku dang gsung dang thugs kyi rigs gsum gyi de bzhin gshegs pa yin no/ /de dag byang chub sems dpa' brgyad kyi spyi bo'i gnas su so so'i rigs kyi bdag po dbang bskur ba'i tshul du 'dzin pa yin no/ /don des byang chub sems dpa' brgyad ni dus/ 'dir rdo rje 'dzin par smos so/ /de sgom pa bya ba'i dus su sgrub pa po la mnyes par 'gyur ro/ /de'i dus su ci ltar 'dod pa bzhin du dngos grub kyi 'bras bu 'grub par 'gyur ro/ /mdor bsdu ba de ltar sangs rgyas byang chub rab dbye bas/ /rdo rje 'dzin rnams mnyes par 'gyur gyi don du gsungs so/ /rdo rje'i spyan ni gzugs la sogs kyi gtsug tor la ni 'jig par gsungs/ khro bo'i nang na de mchog la/ /sangs rgyas rdo rje rab sgoms pa'o/ /zhes bya ba'i don bshad par bya ste/ ci ltar yin na/ rdo rje'i spyan ni gzugs sogs kyi/ /gtsug tor la ni 'dzin par gsungs ni/ rdo rje'i spyan ni dus 'dir ston pa mi bskyod pa rdo rje 'dzin nyid kyi shes rab ma ye shes kyi lha mo ma ma ki yin no/ /gzugs la sogs ni sangs rgyas spyan dang/ na bza' dkar mo dang/ dam tshig sgrol ma yin no/ /gtsug tor la ni 'dzin par gsungs ni/ sangs rgyas spyan dang na bza' dkar mo dang/ dam tshig sgrol ma bsgrub pa pos bsgom pa bya ba'i dus su/ sku phyag rgya'i spyi bo'i gtsug

  784. 392b

    tor du ma ma ki dbang bskur ba'i tshul du bsgom par bya'o/ /de byas pas sangs rgyas spyan la sogs pa ci ltar smos pa'i shes rab ma ye shes kyi lha mo rnams kyi sgrub pa po la mnyes par 'gyur ro/ /de'i dus su phyi'i lha dang mi la sogs pa sems can thams cad bran bzhin du dbang du 'du ba'i dngos grub kyi 'bras bu 'grub par 'gyur bar bstan to/ /de ltar rdo rje can ni gzugs la sogs/ /gtsug tor la ni 'dzin par gsungs so/ /khro bo'i nang na de mchog la/ /sangs rgyas rdo rje rab bsgom pa'o/ / zhes pa ni/ khro bo'i rgyal po ya man ta ka la sogs pa khro bo'i rgyal po thams cad kyi nang na/ khro bo chen po badzra hUM ka ra mchog yin no/ /bstan par bya ste/ sngar smos pa'i bdud dang bgegs kyi tshogs ma rungs pa thams cad rdo rje phur bu'i sbyor bas med par bya ba'i phyir/ sprul pa'i 'khor lo'i bsgom pa bya ba'i dus su/ khro bo'i rgyal po chen po badzra hUM ka ra de khro bo'i rgyal po thams cad skyed par mkhan bdag po yin te/ don des khro bo'i rgyal po chen po badzra hUM ka ra mchog yin no/ /sangs rgyas rdo rje rab bsgoms pa zhes pa ni/ ston pa mi bskyod pa rdo rje 'dzin nyid kyi khro bo chen po'i thugs rdo rje'i ngo bo zhe sdang rdo rje sku'i phyag rgya khro bo'i rgyal po chen po badzra hUM ka ra'i spyi bo nas dbang bskur ba'i tshul du rab tu bsgom par bya'o/ /de byas pas sgrub pa po la khro bo'i rgyal po chen po badzra hUM ka ra mnyes par 'gyur ro/ /de'i dus su bdud dang bgegs kyi tshogs ma rungs pa thams cad 'joms pa'i dngos grub kyi 'bras bu thob par smos so/ /de ltar khro bo'i nang na de mchog la sangs rgyas rdo rje rab bsgom pa'i don du gsungs so/ /rigs pa'i rgyal po'i chos mchog rnams/ /rin chen tog ni rnam par bsgom/ /rig pa'i rgyal mo'i sbyor ba la/ /tshe dpag med par rab tu bsgom/ /zhes bya ba'i don bshad par bya ste/ ci ltar yin na/ rig pa'i rgyal po chos mchog

  785. 393a

    rnams/ /rin chen tog gi rnam par bsgom ni/ /rig pa'i rgyal po'i 'di'i don rnam pa gnyis su bstan par bya ste/ khro bo'i badzra hUM ka ra dang/ pad ma kuN Da li gnyis ma gtogs pa/ khro bo'i rgyal po ya man ta ka la sogs pa brgyad yin no/ /bstan par bya ste/ gong du smos pa'i tshul gyi rig par ming btags pa ri lu bya ste/ de bsgrub pa byas nas grub pa'i 'og tu/ phyi'i rig pa'i rgyal po thams cad kyis rgyal por gyur par smos so/ /don des rig pa'i rgyal por smos so/ /bshad par bya ste/ ri lu bsgrub pa bya ba'i dus su de dag thams cad kyi sku phyag rgya'i spyi bor rin po che tog ces pa rin chen 'byung ldan gyi sku phyag rgya rnam par bsgom par bya ba'i dus su 'dir 'gal bar bstan to/ /gzhan yang rig pa'i rgyal por ming btags pa ri lu bcu gnyis pa'i nang nas rigs gsum gyi bye brag gi ri lu'i rig pa 'dzin gyi bsgrub pa bya ba'i dus su/ bdag po'i ngo bo byang chub sems dpa' rnams kyi sku phyag rgya'i spyi bo gnas su rin po che tog gi sku phyag rgya'i gzugs rnam par bsgom par bya ba'i dus 'dir mi 'gal lo/ /tshul de ltar bsgom pa byas pas sgrub pos gong du smos pa'i ri lu'i dngos grub kyi 'bras bu bgegs kyi bar chad med par grub par smos so/ /bstan par bya ste/ bsgrub par bya ba'i chos thams cad kyi nang na ri lu'i bsgrub pa'i bdag po ni chos kyi mchog tu bstan to/ /mdor bsdu ba de ltar rig pa'i rgyal po'i chos mchog rnams/ rin chen tog gi rnam par sgom gyi don du gsungs so/ /rig pa'i rgyal mo sbyor ba la/ tshe dpag med pa rab tu bsgom zhes pa ni/ rig pa'i rgyal mo'i don bye brag rnam pa gnyis su bstan par bya ste/ gong du smos pa'i ya man ta ka la sogs pa khro bo'i rgyal po brgyad kyis nyid nyid kyi shes rab ma khro mo'i rgyal mo gnyis su med

  786. 393b

    pas 'khyud pa'i sbyor bas 'dzin pa de dag thams cad kyi spyi bo'i gnas su tshe dpag tu med pa ste/ gsung gi rigs snang ba mdza' yas kyi sku phyag rgya'i gzugs ri lu'i bsgrub pa bya ba'i dus su bsgom par bya ba mi 'gal bar bstan to/ /gzhan yang rig pa'i rgyal mor ming btags pa sngar smos pa'i ri lu'u bcu gnyis pa'i nang nas/ rigs gsum gyi bye brag gi ri lu'i rig pa 'dzin bsgrub pa bya ba'i dus su/ bdag po'i ngo bo'i byang chub sems dpa' rnams kyi nyid nyid kyi shes rab ma ye shes kyi lha mo rnams dang gnyis su med par 'khyud pa'i sbyor bas 'dzin pa rnams spyi bo'i gnas su snang ba mdza' yas kyi sku phyag rgya'i gzugs ri lu'i dus 'dir bsgom par bya ba mi 'gal lo/ /tshul de ltar ri lu'i bsgrub pa'i 'bras bu gong du smos pa'i tshul gyis nges par 'grub par gsungs so/ /de ltar rig pa'i rgyal mo'i sbyor ba la tshe dpag med pa'i rab tu bsgom gyi don du gsungs so/ /thams cad las byed sngags rnams la/ /gdon mi za ba'i ye shes bsgom/ /sngags rnams thams cad nyid la ni/ /rdo rje sems dpa' rnam par bsgom/ /zhes bya ba'i don bshad par bya ste/ ci ltar yin na/ thams cad las byed sngags rnams la/ gdon mi za ba'i ye shes bsgom ni/ zhi ba la sogs pa bsgrub pa thams cad byas pa'i 'bras bur gyur pa'i dus su/ sngags kyi yig 'bru thams cad las kyi rigs don yod grub pa'i bya ba nan tan gyi ye shes kyi ngo bor sgrub pa pos bsgom par bya ba'i bar bstan to/ /de ltar thams cad las byed sngags rnams la/ /gdon mi za'i ye shes bsgom gyi don du gsungs so/ /sngags rnams thams cad nyid la ni/ /rdo rje sems dpa' rnam par bsgom zhes pa ni/ gong du smos pa'i tshul gyi sgrub pa thams cad bya ba'i sngags rnams smos pa'i de'i sngags thams cad kyi 'bras bu'i ngo bo don dam par dpal rdo rje sems dpa' i me long lta bu'i ye

  787. 394a

    shes yin te/ de rnam par bsgom par bya ba yin no/ /de ltar sngags rnams thams cad nyid la ni/ rdo rje sems dpa' rnam par bsgom gyi don du gsungs so/ /gnod sbyin mo'i sngags rgyud la/ gshin rje gshed gyi? brtag par bya/ /sngags rnams thams cad sbyor bya la/ /spyi bo nas mi bskul bar bya/ /zhes pa'i don bshad par bya ste/ ci ltar yin na gnod sbyin mo'i sngags rgyud la/ gshin rje gshed ni btags par bya ni/ sngar smos pa'i gnas dbyin? ba chen por/ 'jam dpal gshin rje gshed kyi sgom pas gnod sbyin dbang du bsdu ba dang/ dgug pa'i sgrub pa bya'o/ /gnas der sa gzhi mnyam par byas la/ dus 'dir bdud rtsi lnga dang/ phyi'i ga bur dang/ tsan dan sngags kyi sbyor ba la sogs pa rdzas dri dang ldan pa thams cad bsres nas dkyil 'khor gru bzhi pa kun tu khru re bsku bar bya'o/ /de'i steng du phyi'i stan bde ba 'jam pa la mos pa'i skyil mos 'dug go /de ma thag tu gong du smos pa'i cho ga bzhi'i tshul gyis ston pa mi bskyod pa rdo rje 'dzin gyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan sngar/ ci ltar smos pa bzhin du 'dir bya'o/ /de lta bu'i ngo bo ston pa mi bskyod pa rdo rje 'dzin gyi sku phyag rgyar gyur ma thag tu/ de dang gnyis su med pa'i nga rgyal du bsgom par bya'o/ /de'i dus su rdo rje rigs kyi bye brag gi khrus mkhan gyi rigs kyi bu mo blang ngo/ /de'i lo tshad dang mtshan dang yon tan thams cad dang ldan pa dang/ rgyan thams cad kyis brgyan par bya'o/ /shes rab ma de ye shes kyi lha mo ma ma ki dang gnyis su med pa'i ngo bor byin gyis brlab par bya'o/ /de 'og tu 'dod chags chen po'i sems dga' bas

  788. 394b

    gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu'o/ /de zla ba'i dkyil 'khor gyi ngo bor gyur par bsam mo/ /de'i steng gi sa bon yig 'bru muM bsam mo/ /de kha dog sngon po me long lta bu'i ye shes kyi ngo bo gzi brjid chen po 'bar ba'i 'od kyis 'bar zhing 'od du zhu nas ye shes kyi khu ba lta bu de byang chub sems zla ba'i dkyil 'khor la gnyis su med par thim par gyur par bsam mo/ /sa bon de las byang chub sems dpa' 'jam dpal gyi sku phyag rgya bskyed de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bzhi pa thugs kyi dkyil 'khor gyi dus su ci ltar smos/ de bzhin du 'dir bya'o/ /de lta bu'i ngo bo byang chub sems dpa' 'jam dpal gyi sku phyag rgya bskyed ma thag tu skyed par mdzad mkhan ston pa mi bskyod pa rdo rje 'dzin gyi sku phyag rgya byang chub sems dpa' 'jam dpal gyi sku phyag rgya'i spyi bor dbang bskur ba'i tshul du bsam mo/ /tshul de lta bu'i ngo bo byang chub sems dpa' 'jam dpal gyi sku phyag rgya bskyed pa'i 'og tu sgrub pa pos de dang gnyis su med pa'i nga rgyal du bsgom par bya'o/ /de'i dus su nyid nyid kyi gsang ba'i thugs ka ye shes sems dpa' i gnas su sngags kyi sa bon yig 'bru k+Shi bsam mo/ /de kha dog ser po cung zad sngo ba/ gzi brjid chen po 'bar ba'i 'od kyis 'bar ba'o/ /gnod sbyin gyi sngags su ming btags de lta bu 'dod chags chen po'i sems dga' bas spro ba yin no/ /de ma thag tu gnod sbyin gang sgrub par bya ba de'i snying gar thim par gyur par bsam mo/ /de'i dus su de'i sems 'khrug pa dang/ myos par 'gyur ba yin no/ /de ltar

  789. 395a

    byas pa'i 'og tu sgrub ba pos gsang ba'i thugs ka ye shes sems dpa' i gnas su sngags kyi sa bon yig 'bru hUM bsam mo/ /de kha dog nag po chos kyi dbyings kyi ye shes kyi ngo bo gzi brjid 'bar ba chen pos 'bar zhing 'od du zhu nas/ ye shes kyi khu ba rgya mtsho dang mnyam par gyur par bsam mo/ /sa bon de las khro bo'i rgyal po ya man ta ka'i sku phyag rgya bskyed par bya'o/ /de nyid kyi shes rab ma khro mo'i rgyal mo ro langs ma dang gnyis su med par 'khyud pa'i sbyor ba dang ldan pa'o/ /de'i phyag g.yas dang po na rdo rje kyo ba 'dzin/ g.yon dang po na zhags pa 'dzin/ sku phyag rgya'i cha lugs phun sum tshogs pa gzhan ni ci ltar le'u bzhi pa thugs kyi dkyil 'khor gyi dus su ci ltar smos pa bzhin du 'dir bya'o/ /de lta bu'i ngo bo gnod sbyin gyi sbyor bar ming btags pa brtson 'grus chen pos khro bo'i rgyal po ya man ta ka'i sku phyag rgya bskyed pa'i 'og tu/ 'bar ba chen po'i 'od kyis 'bar bar spro bar bya'o/ /de ma thag tu gong du smos pa'i gnod sbyin gyi spyi bor bzhugs nas rdo rje kyo bas spyi bo nas bzung/ rdo rje zhags pas mgul ba nas bcings par bsam mo/ /gzhan yang de'i dus su gnod sbyin gyi snying po sngags kyi sa bon ni yig 'bru k+Shi 'bum phrag gcig gi grangs kyi tshad du bsnyen pa'i bzlas pa bya bar bstan to/ /de ltar bsgom pa'i sbyor ba bya bas gnod sbyin dgug pa dang dbang du 'gyur ba'i dngos grub kyi 'bras bu thob pa yin no/ /de'i dus su grub pa pos gnod sbyin la ci ltar bsgo ba bzhin du dus rtag tu byed par bstan to/ /mdor bsdu ba de ltar gnod sbyin sngags kyi sbyor ba la/ gshin rje gshed ni brtag par bya ba'i don du gsungs so/ /sngags rnams thams cad sbyor ba la/ /spyi bo nas ni bsgrub par bya zhes pa ni/ gong du sngags dang sbyor bas gnod sbyin sgrub

  790. 395b

    par smos pa de bzhin du lha dang mi la sogs pa sems can gang 'dod pa thams cad gnon pa dang/ snyos pa dang/ skad pa dang gdang pa la sogs pa yang ci ltar smos pa'i khro bo'i rgyal po ya man ta ka'i sku phyag rgya spros nas spyi bo nas bskul bar bya ba yin no/ /gzhan yang de'i dus su sngags kyi sbyor bas ming btags pa sngags hUM dang phaT spel ba'i tshul gyis grangs kyi tshad 'bum phrag gcig tu bsnyen pa'i bzlas pa bya bar bstan to/ /de nas sngags kyi bye brag bstan par bya ste/ hUM phaT a mo ki shTaM? b+ha ni ku ru / hUM phaT a mo kaM mo ha naM ku ru hUM phaT a mo kaM u tsha d+ha naM ku ru/ hUM phaT a mo kaM ma ra naM ku ru/ bsgom pa'i sbyor ba dang/ sngags kyi bzlas pa'i bsnyen pa tshul de ltar bya bar bstan to/ /byas pas gong du smos pa'i bsgrub po'i 'bras bu 'grub par bstan to/ /de ltar sngags rnams thams cad sbyor ba la/ spyi bo nas ni bskul bar bya ba'i don du gsungs so/ /bcom ldan dam tshig chen pos de skad bka' stsal to/ /zhes bya ba ni/ bcom ldan 'das ni/ ston pa mi bskyod pa rdo rje 'dzin nyid kyi yon tan gyi bstod pa'i mtshan bcom ldan 'das yin par sdud pa pos smos so/ /de'i don ci ltar gong du smos pa bzhin du 'dir sbyar ro/ /dam tshig chen po zhes pa ni gong du smos pa'i dbang bskur ba'i bye brag bka' stsal pa yin no/ /bsam gtan 'khor lo 'di yis ni/ / sngags kyi dkyil 'khor mnyes pa yin no/ /dam tshig chen po sgrub pa ste/ /bsgrub pa po la phan phyir gsungs/ /zhes bya ba'i don bshad par bya ste/ ci ltar yin na/ bsam gtan 'khor lo 'di yin ni/ /sngags kyi dkyil 'khor mnyes pa yin no/ /bsam gtan 'khor lor ming btags pa/ gong du ci ltar smos pa'i ri lu la sogs pa bsgrub pa thams cad kyi sa bon bdag po'i sku phyag rgya bskyed nas/ de'i 'og tu bsgrub pa pos gnyis su med pa'i ngo bor bsgom pa yin no/ /don nges bsam gtan 'khor lo

  791. 396a

    smos so/ /sngags kyi dkyil 'khor gnyis gong du smos pa'i bsgrub pa rnams bya ba'i dus su/ sngags ni ci ltar smos pa'i tshul gyi gsang ba'i spyod pa bya ba yin no/ /bstan par bya ste/ gsang sngags kyi spyod pa spyad nas bsgrub pa'i bdag po gsang ba dang ye shes kyi ngo bo'i sku phyag rgya la dkyil 'khor du ming btags pa mnyes pa yin no/ /de byas pas ci ltar smos pa'i bsgrub pa'i mdor bsdu ba de ltar bsam gtan 'khor lo 'di yis ni/ sngags dkyil 'khor mnyes pa yin gyi gsungs so/ /dam tshig chen po sgrub pa ste/ bsgrub ba po la phan phyir gsungs zhes pa ni/ gong du smos pa'i tshul gyi bsgom pa'i sbyor ba de dam tshig chen po'i bsgrub par ming btags pa/ ci ltar bshad pa'i mi snang ba'i dam rdzas thams cad kyi sbyor bas ri lu thams cad kyi bsgrub pa bya ba'i cho ga'i tshul bstan par bya ba de ni/ sgrub ba pos thams cad la thugs rje chen po'i thugs bskyed nas 'bras bur 'gyur bar phan pa'i phyir ston pa mi bskyod pa rdo rje 'dzin nyid kyis gsungs so/ /de ltar dam tshig chen po'i bsgrub pa ste/ sgrub pa po la phan phyir gsungs kyi don du gsungs so/ /da ni rnam par snang mdzad la sogs pa brjod du yod pa dang brjod du med pa'i 'khor gyi ngo bo sangs rgyas de dag thams cad kyis gong du smos pa'i ri lu thams cad la sogs pa dang/ dam tshig gi sgrub pa thams cad kyi don thos ma thag tu/ thugs dgyes pa chen pos dus gcig mgrin cig tu/ pra dbab pa'i don thos par bya ba'i phyir/ ston pa mi skyod rdo rje 'dzin la bstod pa'i tshul gyis gsol ba btab pa'i don gsal bar bstan par bya ste/ de nas ston pa rdo rje 'dzin/ /gtso bo'i chos rnams kun gyis phyug /sku dang gsung thugs rdzogs sangs rgyas

  792. 396b

    ye shes rdo rjes bka' stsal pa/ zhes bya ba'i don bshad par bya ste/ ci ltar yin na/ de nas ni gong du smos pa'i de bzhin gshegs pa thams cad kyis ston pa mi bskyod pa rdo rje la bstod pa'i ngo bos 'og nas 'byung ba'i don thos par bya ba'i phyir gsol ba btab pa'i don mtshon par smos so/ /ston pa zhes pa ni/ mi bskyod rdo rje 'dzin gyis thugs rje chen po'i thugs bskyed nas 'khor ba'i 'dam du ltung ba'i sems can thams cad 'gyur ba'i phyir gsang sngags kyi theg pa chen po phyi dang nang dang gsang ba'i tshul du bshad pa'i chos kyi 'khor lo bskor bar mdzad pa'i thabs kyis sems can thams cad 'khor ba'i 'dam las phyug? bar mdzad pa yin no/ /de'i 'og tu sems can thams cad bsod nams kyi skal ba chen po dang ldan par 'gyur bar smos so/ /mdor bsdu ba de ltar ston pa'i don du gsungs so/ /rdo rje 'dzin pa zhes pa ni/ le'u bzhi pa las ci ltar bstan pa bzhin du 'dir bstan to/ /gtso bo chos rnams kun gyis phyug ces pa ni/ dus 'dir gong du smos pa'i sems can thams cad 'dul bar mdzad pa'i phyir/ /theg pa chen po gsang sngags kyi tshul gyi chos thams cad bshad par smos pa de ni/ ston pa mi bskyod pa rdo rje 'dzin nyid kyi ngo bo yin te/ don des dbang phyug tu smos so/ /gtso bo ni thugs rje chen po'i thugs bskyed nas sems can thams cad kyi don mdzad pa'i phyir/ ci ltar smos pa'i chos de dag thams cad rim par bshad pa'i don des gtso bor smos so/ /sku dang gsung thugs rdzogs sangs rgyas zhes pa ni/ sku dang gsung dang thugs gsum gnyis su med pa'i ngo bo ston pa mi bskyod pa rdo rje 'dzin dus thog ma med pa nas rdzogs pa'i sangs rgyas yin par smos so/ /de ltar sku dang gsung dang thugs rdzogs sangs rgyas kyi don du gsungs so/ /ye shes rdo rje bka' stsal pa zhes pa ni/

  793. 397a

    me long lta bu'i ye shes la sogs pa ye shes lnga dang gnyis su med pa'i ngo bor ston pa mi bskyod pa rdo rje 'dzin gyi sku phyag rgya yin no/ /rdo rje ni gong du smos pa'i ye shes lnga'i ngo bo'i sku phyag rgya de ni rdo rje ste/ don dam par ma skyes pa stong par ma skyes pa stong pa chos kyi sku yin no/ /bstan par bya ste/ ye shes rdo rje de ci ltar smos pa'i yon tan gyi ngo bo ston pa rdo rje 'dzin gyi khyad par gyi mtshan yin no/ /ye shes rdo rje khyod kyi 'og las 'byung ba'i don bka' stsal ba ni bshad mdzod ces pa'o/ /da ni pra dbab pa'i sgrub pa bya ba'i gnas phun sum tshogs pa bstan par bya ste/ ri rtse nyams ni dga' ba dang/ /nags tshal rab tu dbyen pa ni/ /bsam gtan rdo rje rab tu bya/ /sngags kyi bzlas pa'i sbyar ba yis/ /zhes bya ba'i don bshad par bya ste/ ci ltar yin na/ ri rtse nyams ni dga' ba dang/ /nags tshal rab tu dbye ba ni/ sku'i rigs kyi bye brag gi phyi'i gnas ri'i rtse mo ste/ de ni rtswa 'jam pa dang snum pa dang/ me tog gi bye brag sna tshogs dri dang ldan pa dang/ mtsho dang mtsho'u la sogs pa chu gtsang ma dang/ de dag la sogs pa phun sum tshogs pa dang ldan pa'o/ /don des ri rtse nyams dga' bar smos so/ /de nas nags tshal ni/ gsung gi rigs kyi bye brag gi gnas skyed mos tshal de/ de yang a 'bras dang/ par ka ti dang/ sa la dang/ tsam pa ka la sogs pa me tog dang/ shing tog gi rigs bye brag sna tshogs dang ldan pa'i shing phun sum tshogs pa yod pa dang/ gzhan yang khu byug dang/ ne tso dang/ skya? ka la sogs pa bya skad snyan pa sgrogs pa'i bye brag sna tshogs dang ldan pa dang/ gzhan yang mtsho dang/ mtshe'u dang/ rdzing dang/ khron pa la sogs pa chu gtsang ma phun sum tshogs pa dang ldan pa'o/ /de lta bu dang ldan pa'i gnas nags

  794. 397b

    tshal du smos so/ /dben pa ni dus 'dir rdo rje'i rigs kyi bye brag gi gnas de/ dben pa ni ri'i sul zab pa rtswa dang shing gtug po dang/ chu la sogs pa dang ldan pa'o/ /don des dben pa smos so/ /mdor bsdu ba de ltar ri rtse nyams ni dga' ba dang/ nags tshal rab tu dben pa'i don du gsungs so/ /bsam gtan rdo rje rab tu bya/ sngags kyi bzlas pa sbyor ba yis zhes pa ni/ gong du smos pa'i rigs gsum gyi bye brag gi gnas phun sum tshogs pa de las grub pa pos sems gang la mos pa'i gnas/ bsam gtan rdo rje zhes pa/ pra dbab pa'i sgrub pa bya ba yin no/ /bstan bar bya ste/ pra dbab pa'i sgrub pa bya ba'i dus su 'og nas 'byung ba'i pra dbab pa'i bya ba'i gnod kyi ngo bo bu mo dang bye'u mos pa de'i lus kyi spyi bo dang/ mgul pa dang/ snying ga ste/ de ltar gnas gsum dang/ gzhan yang snying ga'i gnas su dbang chen gyi dkyil 'khor rnam par bsam par bya bar bstan to/ /gnas der dpal rdo rje sems dpa' la sogs pa de bzhin gshegs pa bzhi'i sngags kyi yig 'bru bzhi dgod pa'i sbyor ba bya ba'o/ / gzhan yang de'i dus su sngags kyi yig 'bru bzhi'i sngags rings kyi tshul du 'das pa'i bsnyen pa bya bar smos so/ /de ltar bsam gtan rdo rje rab tu bya/ /sngags kyi bzlas pa'i sbyor ba yis kyi don du gsungs so/ /rdo rje sems dpa' la sogs kun/ /sngags kyi bsam gtan gyis bskul bas/ /rdo rje gsung gi bka' stsal to/ /las rnams sna tshogs byed par 'gyur/ /zhes bya ba'i don bshad par bya te/ ci ltar yin na/ rdo rje sems dpa' la sogs kun/ /sngag kyi bsam gtan gyis bskul ba ni/ gong du smos ba'i sgrub pa bya ba'i phyi'i gnas sa gzhi'i mnyam par bya'o/ /de'i 'og tu ci ltar smos pa'i mtshan ma thams cad dang ldan pa'i ban da'i nang du bdud rtsi lnga bzhag go /gzhan yang phyi'i ga bur dang/ tsan dan dang/ sha la ki ni na ka dang/ gur gum dang

  795. 398a

    la sogs pa rdzas dri dang ldan pa thams cad blangs la/ gong du smos pa'i bdud rtsi lnga dang bsres te/ rdzas des bsku ba'i dkyil 'khor gru bzhi ba kun tu khru gsum pa bya'o/ /de nas dkyil 'khor de'i steng du pad? ma dang/ ku mu ta dang/ ud pa la dang/ tsam pa ka dang/ yu ti ka la sogs pa me tog gi bye brag sna tshogs dri dang ldan pa dgram mo/ /de bzhin du ga pur la sogs pa spos dri dang ldan pa thams cad bsreg go /de bzhin du mar gyi mar me lnga bzhag go de'i 'og tu dbab par bya ba'i snod kyi ngo bo du mo 'am khye'u tshul ji ltar smos pa dkyil 'khor gyi dbus su bzhag go /de'i 'og tu sgrub pa pos dpal rdo rje sems dpa' nyid la sogs pa de bzhin gshegs pa thams cad sngar smos pa'i gnas kyi bye brag tu sngags dgod pa'i sbyor ba'i ting nge 'dzin gyis bskul bar bya bar bstan to/ /mdor bsdu ba de ltar rdo rje sems dpa' la sogs kun/ sngags kyi bsam gtan gyis bskul ba'i don du gsungs so/ /rdo rje gsung gi ka bzhin du/ /las rnams sna tshogs byed par 'gyur zhes pa ni/ gong du smos pa'i cho ga'i las kyi bsgom pa byas bas/ pra dbab par bya ba'i snod kyi ngo bor bu mo 'am khye'u lus dang gnyis su med pa'i gnas su ye shes kyi ngo bo ci ltar smos pa'i de bzhin gshegs pa de bskul bar gyur ba yin no/ /de'i dus su bsgrub pa po la 'das pa dang da ltar dang ma 'ongs pa'i 'grub pa dang/ mi 'grub ba'i don gyi bye brag sna tshogs/ gsung rdo rje snang ba mdza' yas kyis ci ltar don thams cad gsungs pa de bzhin du smra nus par 'gyur ro/ /de ltar gsung gi rdo rje'i bka' bzhin du/ las rnams rgya mtsho byed par 'khor gyi don du gsungs so/ /rdo rje chos ni gzugs chen po/ /pad ma ra ga'i 'od 'dra ba/ /sku gsung thugs kyi rdo rje che/ /gnas gsum du ni rigs brtag go /zhes

  796. 398b

    bya ba'i don bshad par bya ste/ ci ltar yin na rdo rje chos kyi gzugs chen po/ /pad ma rA ga'i 'od 'dra ba ni/ /sgrub pa pos gong du smos pa'i dkyil 'khor de'i mdun du/ stan bde ba la mos pa'i skyil mos 'dug go /de'i 'og tu mdun du smos pa'i cho ga bzhi'i tshul gyis ston pa mi bskyod pa rdo rje 'dzin gyi sku phyag rgyar gyur par bya'o/ /de nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lugs phun sum tshogs pa gzhan ni le'u bzhi pa thugs kyi dkyil 'khor gyi dus su ci ltar smos pa bzhin du 'dir bya'o/ /de lta bu'i ngo bo'i sku phyag rgyar gyur ma thag tu/ de dang gnyis su med pa'i nga rgyal du sgom par bya'o/ /de'i dus su rdo rje'i rigs kyi bye brag gi khrus mkhan gyi rigs kyi bu mo blang/ /de'i lo'i tshad dang/ mtshan dang yon tan thams cad dang ldan pa dang/ rgyan thams cad kyis brgyan par bya'o/ /shes rab ma ye shes kyi lha mo ma ma ki dang gnyis su med pa'i ngo bor byin gyis brlab par bya'o/ de'i 'og tu 'dod chags chen po'i sems dga' bas gnyis su med par 'khyud pa'i sbyor bas thabs dang shes rab rol pa byas nas bde bar gyur pa'i dus su/ rdo rje lam gyi sgo nas shes rab ma'i b+ha ga'i dbus su byang chub sems 'o ma'i rgyun bzhin du 'od du zhu nas/ de ltar dkyil 'khor gyi ngo bor gyur par bsam mo/ /de'i steng du sngags kyi sa bon yig 'bru A bsam mo/ /de kha dog dmar po che pad ma ra ga'i 'od dang 'dra ba'o/ /so sor rtogs pa'i ye shes kyi ngo bo gzi brjid phung po chen po bzhin du 'bar zhing 'od du zhu'o/ /ye shes kyi khu ba bzhin du byang chub sems zla ba'i dkyil 'khor la gnyis su med par thim par 'gyur ro/ /sa bon de las rdo rje chos su ming btags pa/ snang ba mdza' yas kyi sku phyag rgya'i gzugs chen po bskyed par

  797. 399a

    bya'o/ /de sku mdog dmar po rin po che pad mar ga'i 'od dang 'dra ba/ so sor rtog pa'i ye shes kyi ngo bo nyid kyi shes rab ma ye shes kyi lha mo dang gnyis su med par 'khyud pa'i sbyor ba dang ldan pa'o/ /sku phyag rgya'i cha lug phun sum tshogs pa gzhan le'u bzhi pa thugs kyi dkyil 'khor gyi dus su smos pa bzhin du 'dir bya'o/ /de lta bu'i ngo bo snang ba mdza' yas kyi sku phyag rgya'i gzugs chen po skyed ma thag tu/ de mdun du smos pa'i pra dbab pa'i gnod kyi ngo bo bu mo 'am/ khye'u ci ltar smos pa'i dkyil 'khor gyi gzhan la de'i lus la gnyis su med par thim par gyur par bsam mo/ /de'i dus su bu mo 'am khye'u yi lus snang ba mdza' yas des gnyis su med pa'i ngo bor brtag go /mdor bsdu ba de ltar rdo rje chos kyi gzugs chen po pad mar ga'i 'od 'dra ba'i don du gsungs so/ /sku gsung thugs kyi rdo rje che/ gnas gsum du rigs brtag go /zhes pa ni/ gong du smos pa'i rdo rje chos su ming btags pa snang ba mdza' yas kyi sku phyag rgya'i gzugs su thim ma thag tu/ gzhan yang bu mo 'am khye'u lus kyi gnas gsum du sku dang gsung dang thugs rdo rje'i rigs gsum gyi sngags kyi yig 'bru dgod par bya ba yin no/ /de gsal bar bstan par bya ste/ dang po snying ga'i dbus su sngags kyi yig 'bru hUM bsam mo/ /de'i dus 'dir kha dog dkar po me long lta bu'i ye shes kyi ngo bo gzi brjid chen po phung po bzhin du 'bar zhing snying ga'i nang du thim par gyur par bsam mo/ /de thim ma thag tu snying ga'i nang du zla ba'i dkyil 'khor gyi ngo bor gyur bar brtag go /de gzi brjid chen po'i 'bar 'od kyis 'bar ba'o/ /de'i 'og tu spyi bo'i dbus su sngags kyi sa bon yig 'bru hA bsam mo/ /de'i dus su 'dir kha dog dkar po cung zad ser ba chos kyi dbyings

  798. 399b

    kyi ye shes kyi ngo bo gzi brjid kyi phung po chen po bzhin du 'bar zhing spyi bo'i gnas su thim par gyur par bsam mo/ /de thim ma thag tu spyi bo'i gnas nas chos kyi dbyings kyi ye shes kyi ngo bo 'od zer gyi tshogs grangs med pa kha dog dkar po cung zad ser bo khams gsum gyi gnas thams cad la khyab par spyi bar bya'o/ /de ma thag tu lha thams cad reg pa'i tshul gyis na bkug nas 'od zer gyi tshogs dang bcas par spyi bo'i gnas su 'dus par bya'o/ /de nas gong du smos pa'i snying ga'i gnas su zla ba'i dkyil 'khor du gyur par byas la/ de'i steng du gnas par bsam mo/ /steng du gnas par bsam/ de'i 'og tu mgul pa'i dbus su sngags kyi sa bon yig 'bru Ar bsam mo/ /de kha dog dmar po rin po che pad mar ga 'dra ba so sor rtog pa'i ye shes kyi ngo bo gzi brjid kyi phung po chen po bzhin du 'bar zhing mgul pa'i dbus su thim par gyur par bsam mo/ /de thim ma thag tu mgul pa'i gnas nas so sor rtogs pa'i ye shes kyi ngo bo'i 'od gzer gyi tshogs kha dog dmar po grangs med pa sa gzhi khyab par spros nas thim mo/ /de ma thag tu ? lha mo la rig pa'i tshul gyis bkug nas 'od zer gyi tshogs dang bcas pa mgul pa'i gnas su 'dus par bya ste/ de nas ci ltar smos pa'i zla ba'i dkyil 'khor gyi steng du gnas par bsam mo/ /tshul de ltar pra dbab pa'i gnod kyi ngo bo bu mo 'am khye'u'i lus kyi gnas gsum du sku dang gsung dang thugs rdo rje gsum gyi rigs kyi ye shes kyi 'od zer spro ba dang/ dgug pa dang 'dus par bya bar bsgom par brtag go /de ltar sku dang gsung dang thugs kyi rdo rje che/ gnas gsum du ni rig rtag go'i don du gsungs so/ /dbab pa'i cho ga thams cad ni/ byas ni gdon mi za bar 'grub/ /sa lha lha chen bskul ba dang/ /'phags pa bzhi po

  799. 400a

    dag kyang ni/ zhes bya ba'i don bshad par bya ste/ ci ltar yin na/ dbab pa'i cho ga thams cad ni/ byas na gdon mi za bar 'grub ni/ gong du smos pa'i cho gas khams gsum thams cad na gnas pa'i lha thams cad dang/ gzhan yang sa'i lha mo'i dbab pa zhes pa zla ba'i dkyil 'khor gyi gnas su 'dus par byas pa'o/ /de dag 'dus par byas pas pra dbab pa'i 'bras bu nges par 'grub par bstan to/ /de ltar dbab pa'i cho ga thams cad ni/ byas na gdon mi za bar 'grub kyi don du gsungs so/ /sa lha lha chen bskul ba dang/ 'phags pa bzhi po de dag kyang zhes pa ni/ sa'i lha dang lha chen bskul ba zhes pa ni/ gong du smos pa'i tshul gyi lha thams cad dang/ gzhan yang sa'i lha mo ci ltar dbab par bya'o/ /de bzhin du 'phags pa bzhi zhes pa/ sku'i rigs rnam par snang mdzad dang/ gsung gi rigs snang ba mdza' yas dang/ nga rgyal gyi rigs rin chen 'byung ldan dang/ phrag dog gi rigs don yod grub pa dang/ 'phags pa de bzhin gong du smos pa'i sgom pa'i chog byas pas thugs rje chen po'i dam tshig bskul bas sgrub pa po'i don mdzad pa'i phyir nyid 'bab par 'gyur ro/ /mdor bsdu ba de ltar sa lha lhan chen bskul ba dang/ 'phags pa bzhi po dag gi don du gsungs so/ /rdo rje grub pa dag gis bya/ /de ltar byas na nges par 'grub/ /bu mo lo grangs bcu gnyis ma 'am/ /lo 'bab par 'gyur ro/ /mdor bsdu ba de ltar sa lha lha chen bskul ba dang/ 'phags pa bzhi po dag gi don du gsungs so/ /rdo rje grub pa dag gis bya/ /de ltar byas na nges par 'grub/ /bu mo lo grangs bcu gnyis ma 'am/ /lo grangs bcu gnyis lon pa'i khye'u/ /zhes bya ba'i don bshad par bya ste/ ci ltar yin na/ rdo rje grub pa dag gis bya/ /de ltar byas na nges par 'grub ni/ /rdo rje grub pa zhes pa sngar smos pa'i pra dbab pa'i gnod kyi bu mo 'am/ khye'u

  800. 400b

    de'i lus kyi gnas gsum du rigs gsum gyi sngags kyi sa bon yig 'bru bkod ba'i sgom pa bya bar smos so/ /bstan par bya ste/ gong du smos pa'i bsgom pa byas pas/ nges par ming btags pa de bzhin gshegs pa thams cad kyi bdag po dpal rdo rje sems dpa' nyid yin pa de ni pra dbab pa'i 'bras bu'i ngo bo de nges par 'grub par 'gyur ro/ /de ltar rdo rje grub pa dag gis bya/ de ltar byas na nges par 'grub kyi don du gsungs so/ /bu mo lo grangs bcu gnyis pa 'am/ lo grangs bcu gnyis lon pa'i khye'u zhes pa ni/ gong du smos pa'i pra dbab par bya ba'i snod kyi ngo bo bu mo ni/ rdo rje rigs kyi bye bra gi las blang ste/ lo bcu gnyis lon pa'o/ /khye'u sku'i rigs kyi bye brag gi bram ze'i rigs las blang ngo/ /yang na gsung gi rigs kyi bye brag gi gar mkhan gyi rigs las blangs yang mi 'gal te/ de yang lo bcu gnyis lon pa'o/ /de ltar bu mo lo grangs bcu gnyis ma 'am/ lo grangs bcu gnyis lon pa'i khye'u yi don du gsungs so/ /mtshan nyid thams cad yongs rdzogs pa/ /gzung nas dbab par rab tu btag /cho ga thams cad byas nas ni/ /las rnams thams cad 'grub par 'gyur/ /zhes bya ba'i don bshad par bya ste/ ci ltar yin na/ mtshan nyid thams cad yongs rdzogs pa/ bzung nas dbab par rab tu brtag go /gong du smos pa'i bu mo de yang lus ud pa la sngon po'i 'dab ma 'dra ba/ lus ring thung ran pa/ mi tsho ba/ mi rib pa/ skra 'khyil ba/ 'phra ba/ shin tu nag pa/ stug pa'o/ /mig pad ma'i 'dab ma 'dra ba/ sna mnyam pa drang ba/ mgrin pa ring ba/ dbung glang po che'i sna 'dra ba/ thod ka yangs pa/ num che ba/ 'jam pa/ bar dog pa/ rke pa 'phra ba/ brla zlum pa/ lag pa dang/ rkang pa'i sor mo ring ba drang ba/ 'gying bag gi skabs kyi 'gro pa /

  801. 401a

    pa snyan pa'o/ /de dag la sogs pa mtshan thams cad lus la rtogs pa'o/ /gzhan yang khye'u lus ni /mdog me tog tsam pa ka 'dra ba/ lus ring thung ngan pa/ mchog?/ mi rid ba/ de'i sgra bu mo'i dang 'dra ba/ mgul? ba ?? ?/ sna drad? ba?/ cung zad mthong/ mig? che ba?/ dpung pa ring ba/ thad ka yangs pa/ lte ba zab pa/ rkang lag gi ser ma rnams ? me ? 'dra ba/ shes rab ye shes dang ldan pa/ ??/ g.yos pa'o?/ /de dag la sogs pa mtshan thams cad dang ldan pa'o/ /gzhan yang gos sar po sken par bya'o// //sarba mang+ga laM/ //