Text
ff. 1b–395a · 788 folio sides
- 1b
rgya gar skad du/ Ar+ya aSh+Ta maN+Dal kan nA ma ma/ hA yA na sU tra/ bod skad du/ 'phag/ pa dkyil 'khor brgyad pa zhes bye ba'i chos kyi rnam grangs thegan pa chen po'i mdo/ / sangs
- 2a
rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong lnga brgya tsam gyi dge slong gi dge 'dun chen po dang thabs cig tu bzhugs so/ / byang chub sems dpa'
- 2b
rab tu mang po la 'di lta ste/ byang chub sems dpa' sems dpa' chen po rdo rje sgra dbyangs dang / byang chub sems dpa' sems dpa' chen po mi pham pa dang / ngag mchog dang / blo gros mtha' yas dang / dri med snying po dang / ye shes rgyal po dang / mtha' yas sde dang / ye shes snang ba dang / ye shes sgron ma dang / shes rab snang ba dang / tshangs pas byin dang / byang chub sems dpa' sems dpa' chen po lha'i cod pan dang / de dag dang gzhan yang byang chub sems dpa' sems dpa' chen po dbang che ba/ dbang che bar grags pa sha stag dang yang thabs cig go/ / de nas bcom ldan 'das kyis/ tshe dang ldan pa shA ri'i bu la bka' stsal pa/ sha ri'i bu
- 3a
sangs rgyas kyi zhing 'di nas shar phyogs logs su 'jig rten gyi khams gang+gA'i klung gi bye ma snyed 'das pa na/ 'jig rten gyi khams gzhan gyis mi thub pa'i rgyal mtshan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mtshan shin tu yongs bsgrags dpal zhes bya ba da ltar yang bzhugs te/ 'tsho zhing gzhes la chos kyang ston to// shA ri'i bu sangs rgyas kyi zhing 'di nas shar phyogs logs su 'jig rten gyi khams gang+gA'i klung gnyis kyi bye ma snyed 'das pa na/ 'jig rten gyi khams mthong dga' zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas kun tu snang ba zhes bya ba da ltar yang bzhugs te/ 'tshe zhing gzhes la chos kyang ston to/ / shA ri'i bu sangs rgyas kyi zhing 'di nas shar phyogs logs su 'jig rten gyi khams gang+gA'i klung gsum gyi bye ma snyed 'das pa na/
- 3b
'jig rten gyi khams mngon par dga' ba med pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas g.yul las rnam par rgyal ba'i dpal zhes bya/ ba da ltar yang bzhugs te/ 'tsho zhing gzhas la chos kyang ston to// shA ri'i bu sangs rgyas kyi zhing 'di nas shar phyogs legs su 'jig rten gyi khams gang+gA'i klung bzhi'i bye ma snyed 'das pa na 'jig rten gyi khams shin tu rnam par dag pa'i tshogs zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dbang po'i tog gi rgyal mtshan gyi rgyal po zhes bya ba da ltar yang bzhugs te/ 'tsho zhing gnas la chos kyang ston to// shA ri'i bu sangs rgyas kyi zhing 'di nas shar phegs legs su 'jig rten gyi khams gang+gA'i klung lnga'i ba ma snyad 'das pa na/ 'jig rten gyi khams rdul bral sna tshogs zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas yon tan mtha' yas pa snang ba'i dbang phyug rgyal po zhes bya ba da ltar yang bzhugs te/ 'tsho zhing gzhes la chos kyang ston to// shA ri'i bu sangs rgyas kyi zhing 'di nas shar phyogs logs su 'jig rten gyi khams gang+gA'i klung drug gi bye ma snyed 'das pa na/ / 'jig rten gyi khams bslu ba med pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas thogs pa med par rton pa'i
- 4a
dpal zhes bya ba da ltar yang bzhugs te/ 'tsho zhing gzhes la chos kyang ston to// shA ri'i bu sangs rgyas kyi zhing 'di nas shar phyogs logs su 'jig rten gyi khams gang+gA'i klung bdun gyi bye ma snyed 'das pa na/ 'jig rten gyi khams gser gyi tshogs zhes bya ba yod de/ dan de bzhin gshegs pa dgra bcom pa yang dag par rdzogs pa'i sangs rgyas rin po cha'i pad+ma la rnam par gnon pas bzhud pa zhes bya ba da ltar yang bzhugs te/ 'tshe zhing gzhes la chos kyang ston to// shA ri'i bu sangs rgyas kyi zhing 'di nas shar phyogs logs su 'jig rten gyi khams gang+gA'i klung brgyad kyi bye ma snyed 'das pa na/ 'jig rten gyi khams sgra dbyangs snyan pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i pad+ma la rab tu gnas pa ri dbang rgyal po zhes bya ba da ltar yang bzhugs te/ 'tsho zhing gzhes la chos kyang ston to// shA ri'i bu de bzhin gshegs pa dgra bcom pa yang dag par rdzogs pa'i sangs rgyas brgyad po de dag gi sangs rgyas kyi zhing dag ni yongs su dag pa ste/ bud med med do// snyigs ma lnga med do// shA ri'i bu rigs kyi bu 'am/ rigs kyi bu mo theg pa chen po la yang dag par zhugs pa gang la la zhig de bzhin gshegs pa dgra bcom pa yang dag par rdzogs pa'i sangs rgyas brgyad po de dag gi mtshan thos nas/ len cing 'dzin la klog cing kun chub par byed de/ 'jug par byed cing
- 4b
gzhan dag la yang rgya cher yang dag par rab tu ston na/ shA ri'i bu rigs kyi bu 'am/ rigs kyi bu mo de sems can dmyal bar 'gro ba 'am/ dud 'gro'i skye gnas sam/ yi dgas kyi yul lam/ lha ma yin rnams kyi nang du 'gro bar 'gyur ba de'i gnas med de/ go skabs ma yin no// mi khom pa rnams su skye ba de'i gnas med do// shA ri'i bu bud med kyis kyang de bzhin gshegs pa dgra bcom pa yang dag par rdzogs pa'i sangs rgyas de dag gi mtshan thos nas/ blangs shing bzung la/ bklags shing kun chub par byas te/ 'jug par byas shing / gzhan dag la yang rgya cher yang dag par rab tu bshad na/ shA ri'i bu de bud med kyi dngos po lan gnyis len pa'i gnas de med cing go skabs ma yin te/ de'i gnas med do// shA ri'i bu rigs kyi bu 'am/ rigs kyi bu mo theg pa chen po la yang dag par zhugs pa gang la la zhig gis de bzhin gshegs pa dgra bcom pa yang dag par rdzogs pa'i sangs rgyas de dag gi mtshan thos nas/ blangs shing bzung la/ bklags shing kun chub par byas te/ 'jug par byas shing / gzhan dag la yang rgya cher yang dag par rab tu ston na/ de la lha dang / klu dang / gnod sbyin dang / srin po dang / mi dang / mi ma yin pa dang rgyal po dang / chom rkun dang / me dang / chu dang / dug dang / mtshon cha las 'jigs pa mi 'byung bar shes par bya'o// shA ri'i bu rigs kyi bu'am/ rigs kyi bu mo thag pa chen po la yang
- 5a
dag par zhugs pa gang la la zhig gis de bzhin gshegs pa dgra bcom pa yang dag par rdzogs pa'i sangs rgyas de dag gi mtshan brjod de/ nub mo srod la nyal na de bde bar gnyid kyis ldog par 'gyur/ bde bar sad par 'gyur zhing / sdig pa can gyi rmi lAm rmi bar mi 'gyur de/ de gnyid kyis log pa na yang lha rnams srung bar 'gyur ro// shA ri'i bu rigs kyi bu 'am/ rigs kyi bu mo theg pa chen po la yang dag par zhugs pa gang la la zhig gis de bzhin gshegs pa dgra bcom pa yang dag par rdzogs pa'i sangs rgyas de dag gi mtshan brjod nas mtshan mo tho rangs 'jig rten pa'i bya ba rnams rtsom na/ 'phel ba nyid du 'gyur gyi/ 'grib par mi 'gyur ro// shA ri'i bu rigs kyi bu 'am/ rigs kyi bu mo theg pa chen po la yang dag pa zhugs pa gang la la zhig de bzhin gshegs pa dgra bcom pa yang dag par rdzogs pa'i sangs rgyas de dag gi mtshan thos nas/ len cing 'dzin la/ klog cing kun chub par byed de/ 'jug par byed cing / / gzhan dag la yang rgya cher yang dag par rab tu ston na// de 'di nas bzung ste/ byang chub kyi bar du nam yang mngon par shes pa dang bral bar mi 'gyur/ nam yang gzungs dang bral bar mi 'gyur/ nam yang dbang po ma tshang bar mi 'gyur/ nam yang mtshan dang bral bar mi 'gyur/ nam yang shes rab shin tu rgyas pa dang bral bar mi 'gyur/ nam yang sangs rgyas dang / byang
- 5b
chub sems dpa' dang / rang sangs rgyas dang / nyan thos dang bral bar mi 'gyur ro// de 'di nas bzung ste/ byang chub kyi bar du nam yang shes rab phun sum tshogs pa shin tu rgyas pa dang bral bar mi 'gyur ro/ / bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to// 'jig rten mgon po 'di dag gi/ mtshan rnams mi gang 'dzin byed pa// de ni ngan 'gro kun bzlog nas// ring por mi thogs bde 'gror 'gro// rdzogs pa'i sangs rgyas mnyes par byed// de yi sems ni dang bar 'gyur/ / rtag tu 'jig rten mgon mthong nas// mchod pa dam pa byed par 'gyur// mtshan rnams 'di dag 'dzin byed pa// bskal pa bye ba grangs med du// de ni 'du ba'i sgo rnyed cing / de ni rtag tu bkur bar 'gyur// mtshan rnams 'di dag 'dzin byed pa// bskal pa bye ba grangs med du// lha rnams kyis ni rtag tu mchod// myur du byang chub 'tshang rgyar 'gyur// mtshan rnams 'di dag 'dzin byed pa/ / de ni shes rab 'chal pa'am// blun pa'am 'on par yong mi 'gyur// kun tu sangs rgyas mthong bar 'gyur// sangs rgyas rnams kyi mtshan 'dzin pa// de la lha tA gnod sbyin dang / / gsang ba lha dang lha min rnams// nyin dang mtshan du srung bar byed// mtshan rnams 'di dag 'dzin byed pa// de ni gzugs mtshan phun sum tshogs// 'byor pa'i rigs sra/
- 6a
skye 'gyur zhing // de ni sbyin pa'i bdag por 'gyur// thub pa rnams kyi mtshan 'dzin pas// bskal pa bye ba brgya mang du// de yi kha nas dri 'byung ba// dri bsung zhim po 'byung bar 'gyur/ / thub pa rnams kyi mtshan 'dzin pa// rdzu 'phrul che zhing yid gzhungs la// 'dab ma bye ba stong ldan pa'i// rin chen pad+mar skye bar 'gyur// mtshan rnams 'di dag 'dzin byed pa// pha dang ma dang rtsa lag dang // spun rnams kyi ni yid 'ong zhing // nam yang phongs pa mthong mi 'gyur// bud med kyis kyang bro ldan pa// de dag rnams kyi mtshan thos na// bud med lus la yid byung nas/ / mkhas shing skyes par skye bar 'gyur// lus can kun la phan pa'i phyir// myur du byang chub 'tshang rgya ste// lha dang bcas pa'i 'jig rten gyi// rten dang skyabs su 'byung bar 'gyur// de la mtshon gyis mi tshugs te// dug gis mi tshugs mes ma yin// g.yon can dag dang chom rkun dang // rgyal po'ang de la gnod mi byed// thub pa rnams kyi mtshan 'dzin pa// de la sdig dang ldan pa'i bdud/ / nag po'i rtsa lag bzhon bcas pas// glags ni rnyed par yong mi 'gyur// zhing rnams bye ba bsam yas su// de ni mtha' las 'gro 'gyur te// phun sum tshogs pa'i zhing der ni/ / 'jig rten mgon po rnams la lha// brtan pa sangs rgyas rnams mthong nas// dad pa brtan po thob par 'gyur// de yi bsam pa mkhyen nas su// mi mchog rnams ni lung ston to//
- 6b
thub pa rnams las mngon sum bdag/ byang chub lung bstan thos nas su// rtag tu dga' dang ldan 'gyur zhing // de ni dogs pa med par 'gyur// mkhas pa gang zhig mtshan 'di dag thos nas rab tu 'dzin byed pa/ / de ni yon tan 'di dag dang // rgya cher gzhan yang los kyang thob// thub pa drang srong che gyur pa// 'di dag rnams kyi mtshan thos nas// mi gang mtshan rnams 'dzin byed pa/ / rdzu 'phrul cha mkhas bsod nams 'dod// de lta bas na bdag nyid che// de dag rnams kyi mtshan thos nas// skyes bu mkhas pas gzung bya zhing // gzhan dag la ni bshad par bya// bcom ldan 'das kyis de skad ces bka' stsal nas/ tshe dang ldan pa shA ri'i bu dang / dge slong de dag dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkyil 'khor brgyad pa zhes bya ba theg pa chen po'i mdo rdzogs so// / rgya gar skad du/ Ar+ya many+dzu shrI bi kri DI ti nA ma ma hA yA na sU tra/ bod skad du/ 'phags pa 'jam dpal rnam par rol pa zhes bya ba theg pa chen po'i mdo/ bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i
- 7a
khyab na bya rgod kyi phung po'i ri la/ dge slong lnga brgya tsam gyi dge slong gi dge 'dun chen po dang / byang chub sems dpa' brgyad stong dang thabs cig tu zhugs te/ de'i tshe rgyal po'i khab kyi grong khyer chen po na/ smad 'tshong ma'i bu mo gser mchog 'od dngapal zhes bya ba gzugs bzang zhing mdzes la blta na sdug pa/ kha dog bzang po rgyas pa mchog dang ldan pa zhig 'dug ste/ bu mo de yang sngon gyi dge ba'i rtsa ba'i rgyus lus kyi mdog gsar gyi kha dog lta bur mngon par grub par gyur cing / sa'i phyogs gang dag tu 'greng ba dang / 'dug pa dang / 'gro ba'i sa phyogs de dag kyang / gser gyi kha dog lta bu'i 'od kyis snang bar gyur te/ des gos dmar po 'am/ dkar po 'am/ gang dag gyon par gyur pa'i gos de dag thams cad kyang / gser gyi kha dog lta bu nyid du snang ngo / / bu mo de yang skye bo'i tshogs thams cad la dga' zhing yid gcugs pa dang / blta bas mi ngoms shing / bka' blo bde la nges pa dang / 'jam pa dang / snyan pa dang / dga' bar smra zhing / bzhin 'dzum pa dang / shin tu 'thun par 'dzin pa dang // khro gnyer med pa dang / mi rtsub pa dang / mi brlang bar gyur pas/ rgyal po'i khab kyi grong khyer chen po den/ rgyal bu gzhon nu rnams dang / blon po'i bu gzhon nu rnams dang / tshong dpon gyi bu gzhon nu rnams dang / khyim bdag gi bu gang ji snyed pa de dag kyang / de la shin tu chags shing yid
- 7b
'brang bar gyur te/ blta bas chog mi shes so// smad 'tshong ma'i bu mo gser mchog 'od dpal de skyed mos tshal lam/ 'badab chu 'am/ rdzing bu 'am/ khyim mam/ lam po che'am/ grong bar ram gang dang gang du 'gro ba de dang de dag tu/ skyes pa dang / bud med dang / khye'u dang / bu mo mang po rnams kyang shin tu ltad mor gyur nas/ kun 'dus te de'i phyi bzhin 'brang zhing 'gre'o// de nas smang 'tshong ma'i bu mo gser mchog 'od dpal de tshong dpon gyi bu 'jigs sbyin zhes bya bas nor gyis glas te/ skyed mos tshal gyi sar byung nas// rta bzhi dang ldan pa'i shing rta dang / nor bu dang / mu tig dang / bai DUR+Ya dang / gser gyis legs par brgyan pa/ gdugs dang / rgyal mtshan dang / ba dan bsgreng zhing / me tog dang / bdug pa dang / spos dang / phye ma dang / me tog 'phreng ba'i mdzes par byas pa/ me tog tsam pa ka'i 'phreng bas skar khung byas pa'i nang du snyan bzang po bshams pa la 'dug nas/ 'di ltar rtse zhing dga' ba'i bsam pas shing rta de'i mdun du ni sil snyan dang / pheg rdob pa dang / glu dbyangs len pa dag gis drangs/ shring rta de'i phyi bzhin du nye bar spyad pa dang / yongs su spyad pa thogs pa thams cad rjes su 'brang la/ skye bo'i tshogs chen po ltad mo blta ba'i bsam pa can dag kyang / phyi bzhin du 'brang bar gyur cing / skyed mos tshal gyi sar dong ngo // de nas 'jam dpal gzhon nur gyur pa nang du yang dag 'jog las langs
- 8a
te/ sems can thams cad la snying rje chen po skyes nas/ 'di snyam du sems te/ su zhig rdzu 'phrul gyi cho 'phrul lam/ kun brjod pa'i cho 'phrul lam// rjes su bstan pa'i cho 'phrul gyis 'dul bar 'gyur ba'i sems can gang thag pa chen po 'di la yongs su smin par bya snyam pa dang / 'jam dpal gzhon nur gyur pas/ smad 'tshong ma'i bu mo gser mchog 'od dpal tshong dpon gyi bu 'jigs byin dang lhan cig tu shing rta la zhon te/ skyed mos tshal gyi sar 'gro bar mthong ngo // mthong nas kyang gdul ba'i phyir de'i dbang po dang / stobs dang / brtson 'grus kyi bye brag la rnam par bltas na/ de sngon gyi dge ba'i rtsa ba dang ldan zhing / chos kun shes par bya ba'i nus pa dang / mthu dang / skal ba yod par rig nas/ de nas de'i tshe/ 'jam dpal gzhon nur gyur pas 'di lta bu'i rdzu 'phrul mngon par 'du bya ba mngon par 'du byas te/ ji lta bu'i rdzu 'phrul mngon par 'dus byas pas/ 'di ltar rang gi lus bstan ma thug tu/ nyi ma dang zla ba'i 'od kyang zil du rlag par byed na/ sems can gzhan dog gi lha smos kyang ci dgos pa de lta bur rang gi lus rnam par sprul nas/ gos gang gi 'od kyis dpag tshad gcig/ tsam gyi khor yug snang ba/ snang bar byed pa'i gos de lta bu yang lus la gyon par kun tu bstan to// rang gi lus rgyan thams cad kyis rnam par brgyan par yang bstan to// de nas 'jam dpal
- 8b
gzhon nur gyur pas/ lus la gos dang rgyan thams cad kyis legs par brgyan nas/ lam gang nas smad 'tshong ma'i bu mo gser mchog 'od dpal 'ong ba'i lam de'i mdun logs su bsdad do// 'jam dpal gzhon nur gyur pas der bsdad ma thag tu/ de nas tshong dpon gyi bu de'i shing rta yang mog mog por gyur/ smad 'tshong ma'i bu mo gser mchog 'od dpal gyi lus thams cad kyang mog mog por gyur to/ / 'di lta ste dper na/ 'dzam bu chu bo'i gser gyi drung du snag tsha'i yug bzhag na/ lham mer mi 'dug/ lhan ner mi 'dug/ lhang nger mi 'dug go// de bzhin du 'jam dpal gzhon nur gyur pa'i lus kyi 'od kyis reg pa na/ bu mo de'i lus kyang lham mer mi 'dug/ lhan ner mi 'dug/ lhang nger mi 'dug go// smad 'tshong ma'i bu mo gser mchog 'od dpal gyis/ 'jam dpal gzhon nur gyur pa lha'i bu gzhon nur ltar 'dug la/ lus la rgyan gyis brgyan cing / gsal ba'i gos legs par gyon la/ gos de las kyang 'od 'byung bar mthong ste/ mthong ma thag tu de bdag gi lus la brnyas pa'i 'du shes dang / dman pa'i 'du shes skyes shing / gos de la yang mngon par 'dod pa dang / bzung ba'i 'du shes skyes nas/ de 'di snyam du sems te/ tshong dpon gyi bu 'dis chog gis/ bdag shing rta 'di las babs la/ 'di dang lhan cig tu dga' ba dang / rtse ba dang / dga' dgur sprad la/ gos 'di yang bslang bar bya'o snyam mo// bu
- 9a
mo des de lta bu'i sems bskyed ma thag tu/ de nas 'jam dpal gzhon nur gyur pa'i byin gyi rlabs kyis// rgyal po chen po rnam thos kyi bus bdag nyid mi'i gzugs su mngon par sprul nas/ bu mo de la 'di skad ces smras so// bu mo khyod skyes bu dam pa 'di la kun tu chags pa'i sems ma skyed cig/ de ci'i phyir zhe na/ 'di ni 'dod pa don du gnyer ba ma yin pa'i phyir ro/ / bu mos smras pa/ 'di su zhig yin na/ 'di'i ming tsa/ rnam thos kyi bus smras pa/ 'di ni byang chub sems dpa' ste/ 'jam dpal gzhon nur gyur pa zhes bya'o// bu mos smras pa/ byang chub sems dpa' zhes bya ba de ci zhig yin/ de ci lha 'am/ 'on te klu 'am/ gnod sbyin nam/ dri za'am/ lha ma yin nam/ nam mkha' ldang ngam/ mi 'am ci 'am/ lto 'phye chen po 'am/ brgya byin nam/ tshangs pa 'am/ 'jig rten skyong ba 'am/ rgyal po chen po 'am/ byang chub sems dpa' zhes bya ba de ci zhig yin/ rnam thos kyi bus smras pa/ bu mo byang chub sems dpa' zhes bya ba de ni/ lha yang ma yin/ klu yang ma yin/ gnod sbyin yang ma yin/ dri za yang ma yin/ lha ma yin yang ma yin/ nam mnga' lding yang ma yin/ mi 'am ci yang ma yin lto 'phye chen po yang ma yin/ brgya byin yang ma yin/ tshangs pa yang ma yin// 'jig rten skyong ba yang ma yin/ rgyal po chen po yang ma yin te/ bu mo de ni sems can thams cad kyi bsam pa kun
- 9b
yongs su rdzogs par byed pa ste/ de'i phyir byang chub sems dpa' zhes bya'o// 'di ni bslangs pa thams cad sbyin par byed de/ yongs su mi gtong ba ci yang med pas/ de'i phyir byang chub sems dpa' zhes bya'o/ / de nas bu mo de 'di snyam du sems te/ de skad grags pa las na 'dis bdag la gos 'di sbyin par 'gyur ro snyam nas/ de nas smad 'tshong ma'i bu mo gser mchog 'od dpal shing rta de las babs nas/ 'jam dpal gzhon nur gyur pa la 'di skad ces smras so// 'jam dpal gang khyod kyi sku la gsol ba'i na bza' 'di bdag la sbrul du gsol/ de'i tshe tshigs su bcad pa 'di yang smras so/ / gal te khyod ni byang chub la yang zhugs gyur na// 'jam dbyangs na bza' 'di ni bdag la stsal du gsol// ser sna can gyi byang chub sems dpa' mi mdzes te/ dper na chab dang bral ba'i bskams pa'i klung dang mtshungs/ / 'jam dpal gyis smras pa/ gal te bu mo khyod ni byang chub zhugs gyur na// kho bos de ring gos 'di khyod la sbyin par bya// gang dag g.yo ba med par byang chub sems la gnas/ / de dag 'di ni lhar bcus 'jig rten mchod 'os yin// bu mos smras pa/ byang chub ces bgyi ba yi tshig gi don gang zhig lags// de ni gang las thob cing su zhig sgrol bar bgyid/ / tshogs rnams gang dag la ni nges par bsten bgyis na// mkhas pa ma lags ma rtogs rnams kyis rtogs par 'gyur// 'jam dpal gyis smras pa/ sring mo
- 10a
brjod pa med pa dang / yi ge med pa dang / phung po dang / khams dang / skye mched dag las rnam par grol ba dang / spyod pa dang / mtshan ma dag dang bral ba dang / nyon mongs pa med pa dang / zhi ba dang / rab tu zhi ba dang / nye bar zhi ba ni byang chub ces bya'o// de skad ces smras nas/ yang 'jam dpal gzhon nur gyur pas/ bu mo de la 'di skad ces smras so// srid mo khyod byang chub tu sems skyed cig dang / ngas khyod la gos 'di sbyin no// bu mos smras pa/ 'jam dpal byang chub ces bgyi ba de gang lags/ 'jam dpal gyis smras pa/ sring mo khyod nyid byang chub yin no/ / bu mos smras pa/ 'jam dpal khyod kyis gsungs pa'i don de bdag gis ma 'tshal na/ ji ltar bdag byang chub lags/ 'jam dpal gyis smras pa/ sring mo de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs pa de/ 'di skad du 'di ltar lus mnyam pa nyid kyis byang chub mnyam pa nyid do// byang chub mnyam pa nyid kyis lus mnyam pa nyid do zhes chos ston te/ sring mo de'i phyir ngas khyod la 'di skad du khyod nyid byang chub bo zhes smras so// sring mo 'di ji snyam du sems// khyod kyi lus 'di la phung po dang / khams dang / skye mched mngon par grub pa yod dam/ de nas bu mo des bstan pa 'di thos nas/ de sngon gyi dge ba'i rtsa ba'i rgyu 'thun pas/ chos la snang ba skyes par gyur te/ des snang ba thob nas/ 'jam dpal gzhon nur gyur pa la 'di skad ces smras so// 'jam
- 10b
dpal de ni de lta lags te/ bdag gi lus 'di la phung po dang / khams dang / skye mched dag mngon par grub pa ma lags so// 'jam dpal gyis smras pa/ sring mo 'di ji snyam du sems// gzugs la sems pa'am/ rnam par shes pa yod dam/ bu mos smras pa/ 'jam dpal de ni ma mchis so// 'jam dpal gyis smras pa/ sring mo byang chub kyang mi sems shing / rnam par shes pa med de/ sring mo de'i phyir gzugs mnyam pa nyid kyis byang chub mnyam pa nyid do/ / byang chub mnyam pa nyid kyis gzugs mnyam pa nyid de/ sring mo de'i phyir ngas khyod la 'di skad du/ khyod nyid byang chub bo zhes smras so/ / sring mo 'di ji snyam du sems/ tshor ba dang / 'du shes dang / 'du byed rnams dang / rnam par shes pa la sems pa'am/ rnam par shes pa yod dam/ bu mos smras pa/ 'jam dpal de ni ma mchis so/ / 'jam dpal gyis smras pa/ sring mo byang chub kyang mi sems shing // rnam par shes pa med de/ sring mo de'i phyir rnam par shes pa mnyam pa nyid kyis byang chub mnyam pa nyid do// / byang chub mnyam pa nyid kyis rnam par shes pa mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang gzugs nang ngam/ phyi rol lam gnyis ka med par ram/ gzugs 'di sngon po 'am/ ser po 'am/ dmar po 'am/ dkar po 'am/ le brgan nam/ shel dang / dngul gyi kha dog gam/ yul na gnas pa 'am/ phyogs na
- 11a
gnas pa zhes bstan par nus sam/ bu mos smras pa/ 'jam dpal de ni ma lags so// 'jam dpal gyis smras pa/ sring mo byang chub kyang nang ngam/ phyi rol lam/ gnyis ka med par ram/ byang chub de sngon po 'amA/ ser po 'am/ dmar po 'am/ dkar po'am/ le brgan nam/ shal dang / dngul gyi kha dog gam/ yul na gnas pa 'am// phyogs na gnas pa zhes bstan par mi nus te/ sring mo de'i phyir gzugs mnyam pa nyid kyis byang chub mnyam pa nyid do// byang chub mnyam pa nyid kyis gzugs mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so/ / sring mo de bzhin du tshor ba dang / 'du shes dang ga 'du byed rnams dang / rnam par shes pa yang nang ngam/ phyi rol lam/ gnyis ka med par ram/ rnam par shes pa 'di sngon po'am/ ser po 'am/ dmar po 'am/ dkar po 'am/ lA brgan nam/ shel dang / dngul gyi kha dog gam/ yul na gnas pa 'am/ phyogs na gnas pa zhes bstan par nus sam bu mos smras pa/ 'jam dpal de ni ma lags so// 'jam dpal gyis smras pa/ sring mo byang chub kyang nang ngam/ phyi rol lam/ gnyis ka med par ram/ byang chub de sngon po 'am ser po 'am/ dmar po 'am/ dkar po 'am/ le brgan nam/ shel dang / dngul gyi kha dog gam/ yul na gnas pa'am/ phyogs na gnas pa zhes bstan par mi nus te/ sring
- 11b
mo de'i phyir rnam par shes pa mnyam pa nyid kyis byang chub mnyam pa nyid do/ / byang chub mnyam pa nyid kyis rnam par shes pa mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so/ / sring mo gzhan yang phung po lnga ni sgyu ma lta bu ste/ yod pa ma yin pa/ phyin ci log las skyes shing / yod pa ma yin pa// phyin ci log gis tha snyad btags pa'o// sring mo byang chub kyang sgyu ma lta bu ste/ yod pa ma yin pa/ phyin ci log gis tha snyad btags pa ste/ sring mo de'i phyir sgyu ma mnyam pa nyid kyis phung po mnyam pa nyid do// phung po mnyam pa nyid kyis sgyu ma mnyam pa nyid do/ / sgyu ma mnyam pa nyid kyis byang chub mnyam pa nyid do// byang chub mnyam pa nyid kyis sgyu ma mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so/ / sring mo gzhan yang phung po lnga ni rmi lam lta bu ste/ shin tu mngon par ma grub pa'o// sring mo byang chub kyang rmi lam gyi rang bzhin yin pas/ shin tu mngon par mgrub pa ste/ sring mo de'i phyir rmi lam mnyam pa nyid kyis phung po mnyam pa nyid do/ / phung po mnyam pa nyid kyis rmi lam mnyam pa nyid do// rmi lam mnyam pa nyid kyis byang chub mnyam pa nyid do// byang chub mnyam pa nyid kyis rmi lam mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang phung po lnga ni smig rgyu lta bu ste/ 'khrul pa'i las kyis bskyed pa'o// sring mo byang chub kyang
- 12a
smig rgyu'i rang bzhin te/ las kyi rnam par smin pa med pa'o// sring mo de'i phyir smig rgyu mnyam pa nyid kyis phung po mnyam pa nyid do// phung po mnyam pa nyid kyis smig rgyu mnyam pa nyid do/ / smig rgyu mnyam pa nyid kyis byang chub mnyam pa nyid do// byang chub mnyam pa nyid kyis smig rgyu mnyam pa nyid de// sring mo de'i phyir ngas khyod la 'di skad du khyod nyid byang chub po zhes// smras so// sring mo gzhan yang phung po lnga ni gzugs brnyan lta bu ste/ 'pho ba med pa'o// sring mo byang chub kyang gzugs brnyan gyi rang bzhin te/ 'pho ba med pa'o// sring mo de'i phyir gzugs brnyan mnyam pa nyid kyis phung po mnyam pa nyid do/ / phung po mnyam pa nyid kyis gzugs brnyan mnyam pa nyid do// gzugs brnyan mnyam pa nyid kyis byang chub mnyam pa nyid do// byang chub mnyam pa nyid kyis gzugs brnyan mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang phung po lnga ni ming tsam ste/ ming de yang g.yo ba med pa'o// sring mo byang chub kyang ming tsam ste/ ming de yang g.yo ba med pa'o// g.yo ba med pa mnyam pa nyid kyis phung po mnyam pa nyid do// dung po mnyam pa nyid kyis g.yo ba med pa mnyam pa nyid do// g.yo ba med pa mnyam pa nyid kyis byang chub mnyam pa nyid do/ / byang chub mnyam pa nyid kyis g.yo ba med pa mnyam pa nyid de/ sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang phung po rnams la byed pa po med de/ ma byas
- 12b
pa'i don ni byang chub bo/ / phung po rnams la ngo bo nyid med de/ ngo bo nyid med pa'i don ni byang chub bo// phung po rnams la byung ba med de/ ma byung ba'i don ni byang chub bo// phung po rnams la rtag pa nyid med de/ mi rtag pa'i don ni byang chub bo/ / phung po rnams la bde ba nyid med de/ sdug bsngal ba'i don ni byang chub bo// phung po rnams la sdug pa med de/ mi sdug pa'i don ni byang chub ngo // phung po rnams la bdag med de/ bdag med pa'i don ni byang chub bo/ / sring mo gzhan yang phung po rnams la mngon par grub pa med de/ mngon par ma grub pa'i don ni byang chub bo// phung po rnams ni dben pa ste/ dben pa'i don ni byang chub bo// phung po rnams la/ gzung ba med do// gzung ba med pa'i don ni byang chub bo// phung po rnams la gzhi med de/ gzhi med pa'i don ni byang chub bo// phung po rnams la 'gro ba dang 'ong ba med de/ 'ong ba dang 'gro ba med pa'i don ni byang chub bo/ / phung po rnams ni da ltar byung ba la mi gnas pa ste/ da ltar byung ba la mi gnas pa'i don ni byang chub bo// sring mo gzhan yang phung po rnams ni 'phags pa rnams kyi tha snyad yin pas/ byang chub kyang 'phags pa rnams kyi tha snyad do// phung po rnams ni tha snyad med pa'i rang bzhin can te/ byang chub kyang tha snyad med pa'o// phung po lnga'i rang bzhin gang yin pa de ni/ de bzhin gshegs pas thugs su chud pa'i chos thams cad kyi rang bzhin te/ de ni byang chub ces bya'o// sring mo de ltar na phung po lnga'i rang bzhin ni byang chub kyi rang bzhin no// byang chub kyi rang bzhin ni chos thams cad kyi rang bzhin te// sring mo
- 13a
phung po lnga'i rang bzhin gang yin pa dang / byang chub kyi rang bzhin gang yin pa de ni/ sems can thams cad kyi rang bzhin yin te/ sring mo de'i phyir ngas khyod la 'di skad du khyod nyid byang chub bo zhes smras so/ / sring mo gzhan yang phung po rtogs pa gang yin pa de nyid byang chub yin te/ phung po ma gtogs par yang rtogs pa yang med la/ byang chub la gtogs par yang rtogs pa med pas de ltar rtogs pa gang yin pa de byang chub ces bya ste/ sring mo de'i phyir ngas khyod la 'di skad du khyod nyid byang chub bo zhes smras so// sring mo rnam grangs 'dis na 'di ltar rig par bya ste/ ji ltar sems can thams cad byang chub tu gtogs pa ltar/ de gtogs pa med par bstan pa ni byang chub ste/ sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang khyod kyis lus 'di la/ sa'i khams dang / chu'i khams dang / me'i khams dang / rlung gi khams dang / khams bzhi po de dag mngon par grub pa de la/ sring mo sa'i khams ni bdag ma yin/ sems can ma yin srog ma yin/ skyes bu ma yin/ gang zag ma yin no// byang chub kyang bdag ma yin/ sems can ma yin/ srog ma yin/ skyes bu ma yin/ gang zag ma yin no// de bzhin du chu'i khams dang / me'i khams dang / rlung gi khams kyang bdag ma yin// sems can ma yin/ srog ma yin/ skyes bu ma yin/ gang zag ma yin no// byang chub kyang bdag ma yin/ sems can ma yin/
- 13b
srog ma yin/ skyes bu ma yin/ gang zag ma yin no// shin tu nam mkha' dang mtshungs pa'i phyir sa'i khams dang byang chub mnyam mo// shin tu med pa'i phyir chu'i khams dang byang chub mnyam mo// shin tu mi g.yo ba'i phyir me'i khams dang byang chub mnyam mo/ / shin tu bstan du med pa'i phyir rlung gi khams dang byang chub mnyam mo// sring mo sa'i khams gang yin pa'i khams de ni// de bzhin gshegs pas mkhyen te/ mngon par rdzogs par thugs su chud do// sring mo chu'i khams gang yin pa'i khams de ni/ de bzhin gshegs pas mkhyen te/ mngon par rdzogs par thugs su chud do// sring mo ma'i khams gang yin pa'i khams de ni/ de bzhin gshegs pas mkhyen te/ mngon par rdzogs par thugs su chud do// sring mo rlung gi khams gang yin pa'i khams de ni/ de bzhin gshegs pas mkhyen te/ mngon par rdzogs par thugs su chud do/ / sring mo sa'i khams rtogs pa ni byang chub bo// sring mo de bzhin du chu'i khams dang / me'i khams dang / rlung gi khams rtogs pa ni byang chub ste/ sring mo de'i phyir ngas khyod la 'di skad du khyod nyid byang chub bo zhes smras so/ / sring mo sa'i khams kyis chu'i khams yang dag par mi shes so// chu'i khams kyis me'i khams yang dag par mi shes so// me'i khams kyis rlung gi khams yang dag par mi shes so/ / sring mo de ltar na khams kyi ming yongs su shes pa gang yin pa de ni byang chub ces bya ste/ sring mo de'i phyir ngas khyod la 'di skad du khyod nyid byang chub bo zhes smras
- 14a
so/ / sring mo gzhan yang gang khyod kyi lus 'di la mig mngon par grub pa dang / de bzhin du rna ba dang / sna dang / lce dang / lus dang // srid mngon par grub pa de la/ srid mo mig ni stong pa ste/ mig stong pa nyid kyi rang bzhin ni byang chub bo// rna ba ni stong pa ste// rna ba stong pa nyid kyi rang bzhin ni byang chub bo// sna ni stong pa ste/ sna stong pa nyid kyi rang bzhin ni byang chub bo// lce ni stong pa ste/ / lce stong pa nyid kyi rang bzhin ni byang chub bo// lus ni stong pa ste/ lus stong pa nyid kyi rang bzhin ni byang chub bo// yid ni stong pa ste/ yid stong pa nyid kyi rang bzhin ni byang chub bo// sring mo de'i phyir ngas khyod la 'di skad du khyod nyid byang chub bo zhes smras so/ / sring mo gzhan yang mig stong pa nyid gang yin pa de ni/ gzugs su 'dogs par mi byed de/ gzugs stong pa'i gzugs kyi ngo bo nyid ni byang chub bo/ / rna ba dang / sna dang / lde dang / lus dang / yid stong pa nyid gang yin pa de ni chos su 'dogs par mi byed de/ chos stong pa'i chos kyi ngo bo nyid ni byang chub ste/ sring mo de'i phyir ngas khyod la 'di skad du khyod nyid byang chub bo zhes smras so/ / sring mo mig gzugs mi len te/ byang chub kyang gzugs mi len to// rna ba ni sgra mi len te/ byang chub kyang sgra mi len to// sna ni dri mi len te/ byang chub kyang dri mi len to// lce ni ro mi len te/ byang chub kyang ro mi len to// lus ni reg bya mi len te/ byang chub kyang reg bya mi len to// yid ni chos mi len te/ byang chub kyang chos mi len to// sring mo de ci'i phyir zhe na/ mig
- 14b
gzugs dang bral ba ni byang chub bo/ / yid chos dang bral ba'i bar du yang byang chub yin pa'i phyir ro// sring mo de ltar na mig gi rnam par shes pa'i khams gang yin pa de ni/ gzugs kyi khams dang mtshams sbyor ba med de/ mig gi rnam par shes pa'i khams dang / gzugs kyi khams su bral ba ni byang chub bo// rna nga'i rnam par shes pa'i khams gang yin pa de ni/ sgra'i khams dang mtshams sbyor ba med de/ na ba'i rnam par shes pa'i khams dang / sgra'i khams su bral ba ni byang chub bo// sna'i rnam par shes pa'i khams gang yin pa de ni/ dri'i khams dang mtshams sbyor ba med de/ sna'i rnam par shes pa'i khams dang / dri'i khams su bral ba ni byang chub bo// lce'i rnam par shes pa'i khams gang yin pa de ni/ ro'i khams dang mtshams sbyor ba med de/ lce'i rnam par shes pa'i khams dang / ro'i khams su bral ba ni byang chub bo/ / lus kyi rnam par shes pa'i khams gang yin pa de ni/ reg bya'i khams dang mtshams sbyor ba med de/ lus kyi rnam par shes pa'i khams dang / reg pa'i khams su dral ba ni byang chub bo/ / yid kyi rnam par shes pa'i khams gang yin pa de ni/ chos kyi khams dang mtshams sbyor ba med de/ yid kyi rnam par shes pa'i khams dang / chos kyi khams su bral ba ni byang chub ste/ sring mo de'i phyir ngas khyod la 'di skad du khyod nyid byang chub bo zhes smras so// sring mo de ltar na byang chub dang / mig gi rnam par shes pa'i khams de ni gnyis su med de gnyis su
- 15a
dbyer med do/ / byang chub dang / gzugs kyi khams de ni gnyis su med de gnyis su dbyer med do// byang chub dang / mig gi rnam par shes pa'i khams de ni gnyis su med de gnyis su dbyer med do/ / byang chub dang / yid kyi khams kyi bar du de ni gnyis su med de gnyis su dbyar med do// byang chub dang / chos kyi khams de ni gnyis su med de gnyis su dbyar med do// byang chub dang / yid kyi rnam par shes pa'i khams de ni gnyis su med de gnyis su dbyer med de/ sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang mig mi rtogs pa ni byang chub bo/ / de bzhin du rna ba dang / sna dang / lce dang / lus dang / yid mi rtogs pa ni byang chub bo// mig gi rang bzhin ni stong pa ste/ rang bzhin stong pa de ni byang chub bo// de bzhin du rna ba dang / sna dang / lce dang / lus dang / yid kyi rang bzhin ni stong pa ste/ rang bzhin stong pa de ni byang chub bo// sring mo mig gi rang bzhin ni ma chags mi sdang ma rmongs pa ste/ 'dod chags dang zhe sdang dang / gti mug dang bral ba ni byang chub bo// rna ba dang / sna dang / lce dang / lus dang / yid kyi rang bzhin ni ma chags mi sdang ma rmongs pa ste/ 'dod chags dang / zhe sdang dang / gti mug dang bral ba ni byang chub bo/ / sring mo mig ni bdag po med pa/ bdag gi med pa/ yongs su 'dzin pa med pa ste/ byang chub kyang bdag po med pa/ bdag gi med pa// yongs su 'dzin pa med pa'o// de bzhin du rna
- 15b
ba dang / sna dang / lce dang / lus dang / yid kyang bdag po med pa/ bdag gi med pa/ yongs su 'dzin pa med pa ste/ byang chub kyang bdag po med pa// bdag gi med pa// yongs su 'dzin pa med pa'o// sring mo mig ni skyes pa'i chos dang mtshungs par ldan pa yang ma yin/ bud med kyi chos dang mtshungs par ldan pa yang ma yin no// sring mo byang chub kyang skyes pa'i chos dang mtshungs par ldan pa yang ma yin/ bud med kyi chos dang mtshungs par ldan pa yang ma yin no// sring mo de bzhin du rna ba dang / sna dang / lce dang / lus dang / yid kyang skyes pa'i chos dang mtshungs par ldan pa yang ma yan/ bud med kyi chos dang mtshungs par ldan pa yang ma yin no// sring mo byang chub kyang skyes pa'i chos dang mtshungs par ldan pa yang ma yin/ bud med kyi chos dang mtshungs par ldan pa yang ma yin no// sring mo de bzhin du mig ni skyes pa yang ma yin/ bud med kyang ma yin no// sring mo byang chub kyang skyes pa yang ma yin/ bud med kyang ma yin no// sring mo yid kyi bar du yang skyes pa yang ma yin/ bud med kyang ma yin no/ / sring mo byang chub kyang skyes pa yang ma yin/ dud med kyang ma yin no// sring mo da ltar mig gi de bzhin nyid ni de bzhin gshegs pas thugs su chud de/ de bzhin nyid rtogs pa ni byang chu bo/ / yid kyi de bzhin nyid kyi bar du yang de bzhin gshegs pas thugs su chud de/ de bzhin nyid rtogs pa ni byang chub bo// sring mo de'i phyir ngas khyod la 'di skad du khyod nyid byang chub bo zhes smras so//
- 16a
sring mo gzhan yang khyod kyi lus 'di ni bdag ma yin/ sems can ma yin/ srog ma yin/ skyes bu ma yin/ gang zag ma yin/ shred las skyes pa ma yin/ shed bu ma yin/ byed pa po ma yin/ tshor ba po ma yin/ shes pa po ma yin/ mthong ba po ma yin/ nyan pa po ma yin/ snom pa po ma yin/ za ba po ma yin/ reg pa po ma yin// rnam par shes pa po ma yin no// sring mo byang chub kyang bdag ma yin/ sems can ma yin/ srog ma yin/ gso ba ma yin/ gang zag ma yin/ bdag gi ma yin/ yongs su 'dzin pa ma yin/ byas pa ma yin/ tshor ba ma yin/ gzugs ma yin/ sgra ma yin/ dri ma yin/ ro ma yin/ reg bya rnam par rig pa ma yin te/ sring mo de lta bas na chos thams cad mnyam pa nyid ni byang chub ces bya'o// sring mo gang yang khyod kyi lus ni g.yo ba med pa/ byed pa med pa/ rtag pa med pa ste/ rtswa dang / shing dang / shing ljon pa dang / rtsig pa'i tshogs rnams dang khyad par med cing / tha dad du dbyer med do// sring mo gang yang nang gi sa'i khams dang / phyi rol gyi sa'i khams gnyis su med cing / gnyis su dbyer med cing / gnyis su dbyer med de/ 'di ltar mtshan nyid med par mtshan nyid gcig par/ de bzhin gshegs pas shes rab dang / ye shes kyis mngon par rdzogs par thugs su chud de/ sring mo de'i phyir ngas khyod la 'di skad du khyod nyid byang chub bo zhes smras so// sring mo gzhan yang
- 16b
sems dang / yid dang / rnam par shes pa'i rnam par rig pa gang gis sems pa dang / rnam par shes pa'i sems dang / yid dang rnam par shes pa'i rnam par rig pa de ni sgra la gnas pa ma yin sprul gnas pa ma yin/ sha mdog la gnas pa ma yin/ pags pa la gnas pa ma yin/ sha la gnas pa ma yin/ khrag la gnas pa ma yin// rus pa la gnas pa ma yin pa chub la gnas pa ma yin/ rkang la gnas pa ma yin/ nang la gnas pa ma yin/ phyi rol la gnas pa ma yin// gnyis ka med pa la gnas pa ma yin// mig la gnas pa ma yin/ rna ba la gnas pa ma yin/ sna la gnas pa ma yin/ / lce la gnas pa ma yin/ lus la gnas pa ma yin/ yid la gnas pa ma yin te/ gnas pa ma yin/ mi gnas pa ma yin/ rgyun chad pa ma yin/ yul na gnas pa ma yin/ phyogs na gnas pa ma yin/ gzugs med pa/ bstan du med pa// rnam par rig pa med pa// gzung ba med pa/ 'dre ba med pa/ gzhi med pa/ dag pa/ gtsang ba/ 'od gsal ba ste/ sems dang yid kyi rnam par rig pa de ni/ kun nas nyon mongs pa med pa/ rnam par byang ba med pa ste/ de ni rang bzhin gyis rnam par dag cing / 'od gsal la/ lus med pa'i phyir/ kun nas nyon mongs pa med cing / rnam par dag pa med do// sring mo de ltar na phung po dang / khams dang / skye mched kyi rang bzhin ni byang chub bo// byang chub kyi rang bzhin yang phung po dang / khams dang
- 17a
skye mched rnams so/ / sring mo khyod kyi lus 'di la phung po dang / khams dang / skye mched gang dag mngon par grub pa de dag ni byang chub ste/ byang chub gzhan ma yin no// de ci'i phyir zhe na/ byang chub ni phung po dang / khams dang / skye mched rnams las gzhan ma yin te/ de bdag nyid byang chub yin pas/ chos thams cad mnyam pa nyid du rtogs pa ni/ byang chub yin pa'i phyir ro/ / sring mo de'i phyir ngas khyod la 'di skad du khyod nyid byang chub bo zhes smras so// 'jam dpal gzhon nur gyur pas bstan pa 'di bshad pa na/ nam mkha'i dkyil na gnas pa'i lha'i bu lnga 'bum gyis bla na med pa yang dag par rdzogs pa'i byang chub tu sems bskyed do/ / gang dag smad 'tshong ma'i bu mo gser mchog 'od dpal gyis phyi bzhin 'brang ba'i skyes pa dang / bud med dang / khye'u dang / bu mo rnams las srog chags nyis brgyas kyang bla na med pa yang dag par rdzogs pa'i byang chub tu sems bskyed do// lha dang mi drug cu ni chos rnams la chos kyi mig rdul med cing dri ma dang bral ba rnam par dag go/ smad 'tshong ma'i bu mo gser mchog 'od dpal yang tshim zhing mgu la yi rangs te/ rab tu dga' nas/ dga' ba dang yid bde ba skyes te/ yan lag lngas phyag 'tshal nas/ 'jam dpal gzhon nur gyur pa'i rkang pa gnyis la gtugs te/ sangs rgyas dang / chos dang / dge 'dun la skyabs su song nas/ tshangs par spyad pa dang / bslab pa'i gzhi rnams yang dag par blangs te/ lhag pa'i bsam pas bla na
- 17b
med pa yang dag par rdzogs pa'i byang chub tu sems bskyed nas/ 'di skad ces smras so// 'jam dpal bdag kyang / khyod kyi rjes su bstan pa dang / sems can thams cad la snying brtse ba dang snying rjes sas rgyas kyi gdung mi gcod pa dang / chos kyi gdung mi gcod pa dang / dge 'dun gyi gdung mi gcod pa'i slad du/ khyod kyis bstan pa la bla na med pa yang dag par rdzogs pa'i byang chub tu sems bskyed par bgyi'o/ / de bzhin du chos rtogs par bgyi ba'i slad du/ sems can thams cad la chos bstan par yang bgyi'o// nyes par bgyis pa'i las kyi sgrib pa yongs su sbyang ba'i slad du gnongs pa la nongs par bshags par bgyi'o/ / gang na chos thams cad zhi zhing nye bar zhi bar ma rtogs nas/ tshul bzhin ma lags pa yid la bgyid pa'i sngon du 'gro ba dang / phyin ci log gi dbang du mchis pa dang / rang gi lus la mngon par zhen pas/ 'dod chags kyi sbyor ba dang ldan pa'i sems can rnams kyis ni/ chos rnams kyi rang bzhin ma rtogs so// 'jam dpal de lha lags mod kyi/ 'on kyang gang dag 'dod chags kyi sbyor ba dang ldan pa'i sems can de dag kyang / chos rnams kyi chos nyid 'di ci 'dra ba de nyid dang ldan no// byang chub sems dpa' rnams ni ldan pa'i chos 'di la slob cing / bla na med pa yang dag par rdzogs pa'i byang chub tu sems bskyed do// de ci'i slad du zhe na/ 'jam dpal nyon mongs pa rnams ni// ji ltar mchis pa ma lags pa la/ kun brtags pa las 'byung bar de ltar
- 18a
kun brtags pa yongs su rtogs na/ 'gag par 'gyur bas gsog dang 'dra ba'i slad du'o// 'jam dpal ji ltar khyod kyis gsungs pa'i don bdag gis 'tshal ba ltar na nyon mongs pa rnams ni rang bzhin ma mchis shing byung ba ma mchis pas sprin gyi tshogs dang 'dra'o/ / nyon mongs pa rnams ni skad cig la 'jig cing 'jug ste// chu'i chu bur dang 'dra'o// nyon mongs pa rnams ni shin tu mngon par grub pa ma mchis pa ste rlung dang 'dra'o/ / nyon mongs pa rnams ni yul thams cad las yang dag par 'das te/ nam mkha'i ri mo dang 'dra'o// nyon mongs pa rnams ni ring du mi gnas pas chu'i ri mo dang 'dra'o/ / nyon mongs pa rnams ni tshul bzhin ma lags pa yid la bgyid pa'i 'jug pa las 'byung ba ste gnod sbyin dang / 'byung po dang 'dra'o// nyon mongs pa rnams ni ma mchis pa la phyin ci log tu mthong ba las 'byung ba ste/ sprin mAr dang 'dra'o// nyon mongs pa rnams ni kun brtags pa las byung ba ste/ yang dag par ma legs pa'o// nyon mongs pa rnams ni ngar 'dzin pas lhag par chags pa dang 'brel ba'o/ / nyon mongs pa rnams ni bdag gir 'dzin pas/ dngos por yongs su 'dzin pa'o// nyon mongs pa rnams ni log pas bskyed pas glo bur du byung ba'o// nyon mongs pa rnams ni rnam par rtog pa las byung bas/ mtshan ma'i rjes su 'brang ba dang 'dra'o// nyon mongs pa rnams ni khams sna tshogs la mi dpyod pa'i tshul gyis bskyed pa ste/ so sor mi rtog
- 18b
pa'o/ / nyon mongs pa rnams ni sems dang rjes su 'thun par bskyed pa ste/ nges par mi sems pa'o// nyon mongs pa rnams ni bdag dang gzhan la mngon par zhen pa las byung ba ste/ yid ches par mi bgyi ba'o/ / nyon mongs pa rnams ni phung po dag len pa'o// nyon mongs pa rnams ni khams rnams la ril por 'dzin pa'o// nyon mongs pa rnams ni skye mched rnams sogs pa'o// nyon mongs pa rnams ni ming dang gzugs la rnam par 'byed pa'o// nyon mongs pa rnams ni tshul bzhin ma lags pa yid la bgyid pa dag mi rtogs pa'o// 'jam dpal de lta lags mod kyi/ 'on kyang nyon mongs pa rnams ni// byang chub kyi phur bu'i gzhi lags so// de ci'i slad du zhe na/ byang chub ni g.yo ba ma mchis pa'i slad du'o// nyon mongs pa rnams ni byang chub kyi sa bon te/ nyon mongs pa rtogs pa nyid byang chub lags so// nyon mongs pa rnams ni byang chub rdo rje'i gzhi lag so// de ci'i slad du zhe na/ chos kyi dbyings dbyer ma mchis pa'i tshul gyis/ byang chub ni nyon mongs pa rnams kyis mi phyed pa'i slad du'o/ / 'jam dpal nyon mongs pa rnams mthong ba ni byang chub ste/ byang chub ni yul thams cad kyi rjes su song ba'o// 'jam dpal ji ltar byang chub rnam par gnas pa ma mchis pa de ltar nyon mongs pa rnams kyang rnam par gnas pa ma mchis pa ste/ skyes nas 'jig cing 'dzu bas mi gnas pa'o// 'jam dpal nyon mongs pa rnams ni sems kyi rang bzhin lags so// /
- 19a
de ci'i slad du zhe na/ 'jam dpal sems 'di ni/ chags pa'am/ snang ba 'am/ rmongs pa zhes/ sems kyi rang bzhin bstan par mi nus te/ 'jam dpal ji ltar sems bstan par mi nus pa de bzhin du nyon mongs pa rnams kyang / yul na gnas pa'am/ phyogs na gnas pa zhes/ nyon mongs pa'i rang bzhin bstan par mi nus pa'i slad du'o// 'jam dpa' byang chub sems dpa' sems dpa' chen pos/ ji lta ji ltar nyon mongs pa de dag rab tu rtogs pa de lta de ltar/ de 'dod chags la spyod pa'i sems can rnams yongs su smin par bgyi ba la skyo bar mi 'gyur ro/ / zhe sdang la spyod pa rnams la ma lags/ gti mug la spyod pa rnams la ma lags te/ cha mnyam pa la spyod pa'i sems can rnams yongs su smin par bgyi ba la skyo bar mi 'gyur ro// 'jam dpal da ltar bdag gi 'dod chags ji lta ba de bzhin du/ 'dod chags la spyod pa thams cad kyi 'dod chags la blta bar bgyi'o// 'jam dpal da ltar bdag gi zhe sdang ji lta ba bzhin du// zhe sdang la spyod pa thams cad kyi zhe sdang la blta bar bgyi'o/ / 'jam dpal da ltar bdag gi gti mug ji lta ba de bzhin du/ gti mug la spyod pa thams cad kyi gti mug la blta bar bgyi'o// 'jam dpal de ltar bdag gi nyon mongs pa thams cad ji lta ba de bzhin du/ nyon mongs pa thams cad la spyod pa'i sems can thams cad kyi nyon mongs pa la blta bar bgyi'o// 'jam dpal 'di lta ste dper na/ me ni rtswa
- 19b
dang / shing thams cad kyis 'jigs pa ma mchis so// 'jam dpal de bzhin du 'phags pa'i shes rab kyi me yang nyon mongs pa'i rtswa dang / shing thams cad kyis 'jigs pa ma mchis so// 'jam dpal 'di lta ste dper na/ nyi ma'i dkyil 'khor ni/ mun pa mun nag thams cad dang lhan cig mi gnas so// 'jam dpal de bzhin du 'phags pa'i shes rab kyang / nyon mongs pa thams cad dang lhan cig mi gnas so/ / 'jam dpal 'di lta ste dper na/ rlung dmar ni shing ljon pa dang / ri thams cad la mi chags so// 'jam dpal de bzhin du 'phags pa'i shes rab la spyod pa'i byang chub sems dpa' yang / nyon mongs pa'i yul thams cad la mi chags so// 'jam dpal 'di lta ste dper na/ nam mkha'i khams ni sreg pa'i bskal pa thams cad kyis tshig par mi 'gyur ro// 'jam dpal de bzhin du 'phags pa'i shes rab la spyod pa'i byang chub sems dpa' yang / nyon mongs pa'i sreg pa'i bskal pa thams cad kyis tshig par mi 'gyur ro// 'jam dpal 'di lta ste dper na nam mkha' ni rdul dang / na bun dang / sprin thams cad dang lhan cig mi gnas so// 'jam dpal de bzhin du 'phags pa'i shes rab la spyod pa'i byang chub sems dpa' yang / nyon mongs pa thams cad dang lhan cig mi gnas so/ / 'jam dpal 'di lta ste dper na/ nam mkha' ni sa dang lhan cig mi gnas so// 'jam dpal de bzhin du 'phags pa'i shes rab la spyod pa'i byang chub sems dpa' yang / nyon
- 20a
mongs pa thams cad dang lhan cig mi gnas so/ / 'jam dpal 'di lta ste/ dper na khab long ni lpags dang lhan cig mi gnas so// 'jam dpal de bzhin du 'phags/ pa'i shes rab la spyod pa'i byang chub sems dpa' yang / nyon mongs pa thams cad dang lhan cig mi gnas so// 'jam dpal 'di lta ste dper na/ ri khor yug ni rlung thams cad kyis bskyod par mi nus so/ / 'jam dngapal de bzhin du 'phags pa'i shes rab la spyod pa'i byang chub sems dpa' yang / nyon mongs pa thams cad kyis bskyod par mi nus so// 'jam dpal 'di lta ste dper na/ dud 'gro'i skye gnas su song ba/ byangang pa zhes bgyi ba ni/ 'o ma dang chob bsres pa las/ 'o ma nyid ni 'tshal gyi/ chub ni ma lags so// 'jam dpal de bzhin du 'phags pa'i shes rab la spyod pa'i byang chub sems dpa' yang / 'phags pa'i shes rab dang / nyon mongs pa dang 'dres pa dag las shes rab nyid ni len gyi/ nyon mongs pa ni ma lags so// 'jam dpal 'di lta ste dper na/ byang gi sgra rma sbyin gyi gring na/ nye dur 'brel pa'i bud med rnams la/ shing gi yul glu 'dud par mi bgyid do// 'jam dpal de bzhin du dbang po yongs su ma smin pa'i sems can rnams pa/ byang chub sems dpa'i spyod pa dang / bdags pa'i gapa ba dang ye shes 'dud par ming byed do// 'jam dpa ya ba dag ni gar nan mongs pa rnams kyis 'jigs pa'am/ drug pa ci yang ma mchis so// 'obo'i gro z
- 20b
he na/ 'jam dpal bdag gis chos thams cad kyi rang bzhin dben par rtogs pa'i slad du'o// 'jam dpal byang chub sems dpa' rnams ni/ 'jigs pa ma mchis pa'i go cha bgos pa ste/ 'jam dpal 'di lta ste dper na/ gang dgras 'jigs pa de ni dpa' bo zhes mi bgyi'o// 'jam dpal de bzhin du gang nyon mongs pa rnams kyis 'jigs pa de yang / byang chub sems dpa' zhes mi bgyi'o// 'jam dpal 'di lta ste dper na/ gang dgra bcom pa de ni dpa' bo zhes mi bgyi'o// 'jam dpal de bzhin du gang nyon mongs pa rnams kyis bcom pa de yang // byang chub sems dpa' zhes mi bgyi'o/ / 'jam dpal 'di lta ste dper na/ nor bu rin po che chu ldang zhes bgyi ba rlab kyi nang du stsal na gsher bar yang mi 'gyur zhing / chab kyi dri mas kyang mi gos la/ chab kyi rnyog ma thams cad kyang rab tu dang bar bgyid do/ / 'jam dpal de bzhin du 'phags pa'i shes rab la spyod pa'i byang chub sems dpa' yang nyon mongs pa'i nang na gnas kyang // nyon mongs pas gsher bar yang mi 'gyur zhing nyon mongs pa'i dri mas kyang mi gos la/ nyon mongs pa'i rnyog ma thams cad kyang rab tu zhi bar bgyid do// de nas smad 'tshong ma'i bu mo gser mchog 'od dpal gyis bstan pa 'di bshad nas/ yang 'jam dpal gzhon nur gyur pa la 'di skad ces smras so// 'jam dngapa la ji ltar na byang chub sems dpa' nyon mongs pa ma mchis pa lags/ 'jam dpal gyis smras pa/ sring mo byang chub sems
- 21a
dpa' gang gis nyon mongs pa skye ba'am/ 'gag par mthong na/ byang chub sems dpa' de ni nyon mongs pa thams cad med pa zhes mi bya'o// sring po 'di lta ste dper na/ mar gyi sgron ma la mun pa mun nag snang na/ de 'bru mar gyi sgron ma zhes mi bya'o// sring mo de bzhin du byang chub sems dpa' gang gis nyon mongs pa skye ba 'am/ 'gag par mthong na/ byang chub sems dpa' de ni nyon mongs pa med pa zhes mi bya'o/ / sring mo nyon mongs pa med pa zhes bya ba ni/ su gang kun nas nyon mongs pa yang mi mthong / rnam par byang ba yang mi mthong ste/ mthong ba dang / mi mthong ba dang / sems dang / yid dang / rnam par rig pa dang bral ba ni nyon mongs pa med pa'o// sring mo gang dang gang du sems dang / yid dang / rnam par rig pa 'jug na/ tha na mya ngan las 'das par sems par yang rung ste/ de thams cad ni nyon mongs pa'o// de ci'i phyir zhe na/ nyon mongs pa med pa la ni sems sam/ sems la 'jug pa med pa'i phyir te/ gang gis dge ba'am/ mi dge ba'i dmigs pa la sems 'jug pa de dag thams cad ni mngon par 'du byed pa'o/ / gang mngon par 'du byed pa de ni 'khor ba'o// gang 'khor ba de ni 'du byed do// 'du byed thams cad ni 'khor ba ste/ sring mo de dag ni nyon mongs pa yin no/ / sring mo nyon mongs pa zhes bya ba de ni sbyor ba ste/ mig dang gzugs su sbyor ba ni nyon mongs pa'o// de bzhin du rna ba dang / sgra dang / sna dang / dri dang / lce dang / ro dang / lus dang /
- 21b
reg bya dang / yid dang chos su sbyor ba ni nyon mongs pa'o// tshul khrims la sbyor ba ni nyon mongs pa'o// ting nge 'dzin la sbyor ba ni nyon mongs pa'o// shes rab dang / rnam par grol ba dang rnam par grol ba'i ye shes mthong ba la sbyor ba ni nyon mongs pa'o/ / rab tu dben pa la sbyor bar sems pa ni nyon mongs pa'o// sring mo nyon mongs pa med pa zhes bya ba ni/ rgyu ba med pa zhes bya ba'i tshig sa dgas so/ / de ni spros pa med pa zhes bya ba'i tshig bla dgas so// de ni rtsol ba med pa zhes bya ba'i tshig bla dgas so// de ni 'byung ba med pa zhes bya ba'i tshig bla dgas te/ sring mo grangs dang grangs med pa dang bral ba ni nyon mongs pa med pa nyid do/ / sring mo gzhan yang byang chub sems dpa' gang bdag la yang nyon mongs pa med la/ gzhan dag nyon mongs pa las kyang rab tu thar par bya ba la yang shin tu brtson pa de ni/ nyon mongs pa med pa'o zhes de bzhin gshegs pas gsungs te/ gzhan dag nyon mongs pa las rab tu thar par byed pa ni/ byang chub sems dpa'i brtson 'grus yang dag phul lo/ / bu mos smras pa/ 'jam dpal byang chub semasad pa'i brtson 'grus yang dag phul gang lags/ 'jam dpal gyis smras pa/ stong pa nyid la so sor rtogs pa'i rjes su 'jug cing lta ba la spyod pa'i sems can rnams la snying rje ba dang / mtshan ma med pa la so sor rtogs pa'i rjes su 'jug cing / mtshan ma la spyod pa'i sems can rnams la snying rje ba dang / smon
- 22a
pa med pa la so sor rtogs pa'i rjes su 'jug cing / smon pa la spyod pa'i sems can rnams la snying rje ba dang / mngon par 'du byed pa med pa la so sor rtogs pa'i rjes su 'jug cing / mngon par 'du byed pa la spyod pa'i sems can rnams la snying rje ba dang / skye ba med cing 'chi 'pho med pa la so sor rtogs pa'i rjes su 'jug cing / rga ba dang / shi bar 'du shes pa'i sems can rnams la snying rje ba dang / skye ba med pa la so sor rtogs pa'i rjes su 'jug cing / skye ba dang / 'jig par 'du shes pa'i sems can rnams la snying rje ba dang / nyan/ thos su nges pa la so sor rtogs pa'i rjes su 'jug cing / nyan thos kyi 'bras bu thob pa las ldog pa dang / rang sangs rgyas su nges pa la so sor rtogs pa'i rjes su 'jug cing / rang sangs rgyas kyi 'bras bu thob pa las ldog pa dang / byang chub sems dpa'i skyon med pa la 'jug pa so sor rtogs pa'i rjes su 'jug cing / sems can thams cad la yang snying rje ba ste/ sring mo 'di ni byang chub sems dpa'i brtson 'grus yang dag phul lo/ / sring mo 'di lta ste dper na/ rgya mtsho chen por 'jug pa ni sla'i rin po che chen po dag thogs te ldog par ni dka' 'o// sring mo de bzhin du stong pa nyid la so sor rtogs par ni sla'i/ thabs la mkhas pa dang bral bas ldog par ni dka' 'o// mtshan ma med pa dang / smon pa med pa dang / mngon par 'du bya ba med pa dang / skye ba med pa dang /
- 22b
'byung ba med pa dang / nyan thos kyi skyon med pa dang / rang sangs rgyas kyi skyon med pa la yang so sor rtogs par ni sla'i/ thabs la mkhas pa dang bral bas ldog par ni dka' 'o// sring mo 'di lta ste dper na/ g.yul ngo chen por 'jug pa ni sla'i// ma smas pa ma nyams par rgyal bar ni dka' 'o// sring mo de bzhin du rnam par thar pa'i sgo gsum du 'jug par ni sla'i/ thabs la mkhas pa dang bral bas ldog par ni dka' 'o/ / bu mos smras pa/ 'jam dpal thabs zhes bgyi ba ji lta bu lags/ 'jam dpal gyis smras pa/ sring mo thabs zhes bya ba ni/ gang phyogs gnyis mi spong ba ste/ 'di ltar 'khor ba'i phyogs dang 7/ mya ngan las 'das pa'i phyogs so// sring mo thabs zhes bya ba gang sgo gnyis ston par byed pa ste/ 'khor ba'i sgo dang / mya ngan las 'das pa'i sgo dang 7/ stong pa nyid kyi sgo dang / lta ba las rab tu thar pa'i sgo dang / mtshan ma med pa'i sgo dang / mtshan ma las rnam par thar pa'i sgo dang / smon pa med pa'i sgo dang / bsams bzhin du skye ba'i sgo dang / mngon par 'du byed pa med pa'i sgo dang / dge ba mngon du bya ba'i sgo dang / skye ba med pa'i sgo dang / skye ba kun tu ston pa'i sgo dang / 'byung ba med pa'i sgo dang / phung po dang / khams dang / skye mched kyi sgo dang / skye ba med cing // 'gag pa med pa'i sgo dang / skye ba dang / 'byung ba'i sgo dang / bden pa'i sgo dang / sems can yongs su smin par bya ba'i sgo dang / chos kyi dbyings kyi sgo dang / chos thams cad so sor bsrung ba'i sgo dang
- 23a
nyan thos kyi theg pa'i sgo dang / byang chub sems dpa'i lhag pa'i bsam pa'i sgo dang / rang byang chub kyi sgo dang / sangs rgyas kyi chos mi brjed pa'i sgo ste/ sring mo byang chub sems dpa' gang sgo gnyis nye bar ston kyang / sgo thams cad la yang chags pa med pa de ni thabs mkhas pa zhes bya'o// de bzhin du 'dod chags kyi sgo dang / 'dod chags dang bral ba'i sgo dang / zhe sdang gi sgo dang / zhe sdang dang bral ba'i sgo dang / gti mug gi sgo dang / gti mug dang bral ba'i sgo dang / nyon mongs pa'i sgo dang / nyon mongs pa dang bral ba'i sgo dang / 'gro ba thams cad kyi sgo dang / 'gro ba med pa'i sgo ste/ sring mo 'di ni byang chub sems dpa'i thabs la mkhas pa'o// byis pa so so'i skye bo thams cad kyi spyod pa'i sgo dang / slob pa'i dang / mi slob pa dang / nyan thos dang / rang sangs rgyas dang / byang chub sem dpa'i spyod pa'i sgo gang yin pa de gnyis ka shes pa gang yin pa 'di ni/ byang chub sems dpa'i thabs la mkhas pa zhes bya'o// // bam po gnyis pa ste tha ma'o// yang de'i tshe/ bcom ldan 'das bya rgod kyi phung po'i ngos kyi sman ldong zhig na/ zhabs 'bring byed pa'i dge slong tshe dang ldan pa kun dga' bo dang gcig tu ring du 'chags pas/ 'chag cing bzhugs so/ der bzhugs nas/ bcom ldan 'das kyis 'jam dpal gzhon nur gyur pa la/ 'jam dpal khyod kyis byang chub sems dpa'i brtson 'grus yang dag phul dang / thabs la mkhas pa'i skad bstan
- 23b
pa de ni de bzhin te/ legs so legs so zhes bya ba byin pa dang / legs so zhes bya ba'i sgra des/ stong gsum gyi stong chen po'i 'jig rten gyi khams 'di dbyangs kyis go bar gyur cing / legs so/ zhes bya ba'i sgra de nyid kyis/ stong gsum gyi stong chen po'i 'jig rten gyi khams 'di rnam pa drug tu g.yos par gyur nas/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa rnams dang / brgya byin dang / tshangs pa dang / 'jig rten skyong ba mang po dag legs so zhes bya ba'i sgra des bskul nas bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// phyogs gcig tu 'khod nas/ lha dang / klu dang / gnod sprin dang / dri za dang / lha ma yin dang / nam mkha' lde ji dang / mi'am ci dang / lto 'phye chen po dang / mi dang / mi ma yin pa dang / brgya byin dang / tshangs pa dang / 'jig rten skyong ba de dag gis/ bcom ldan 'das la 'di skad ces gsol to// bcom ldan 'das legs so zhes bgyi ba'i sgra gang gis stong gsum gyi stong chen po'i 'jig rten gyi khams dbyangs kyis go bar mdzad pa de/ bcom ldan 'das kyis su la su la/ bcom ldan 'das kyis bka' stsal pa/ lha'i bu dag de ni 'jam dpal gzhon nur gyur pa la'o// lha'i bu rnams kyis gsol pa/ bcom ldan 'das 'jam dpal gzhon nur gyur
- 24a
pa de da lta ga na mchis/ bcom ldan 'das kyis bka' stsal pa/ lha'i bu dag 'jam dpal gzhon nur gyur pa ni/ rgyal po'i khab kyi grong khyer chen po'i shar phyogs kyi sgo na smad 'tshong ma'i bu mo gser mchog 'od dpal zhes bya ba dang lhan cig tu chos dang ldan pa'i gtam zer zhing 'dug gis/ lha'i bu dag gang dag chos nyan par 'dod pa dag kyang der deng zhig/ de nas lha dang / dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / brgya byin dang / tshangs pa dang / 'jig rten skyong ba de dag thams cod lhan cig tu 'dus nas/ 'jam dpal gzhon nur gyur pa gal ba der song ste phyin pa dang / lus rags par sprul nas/ me tog gi char rab tu phab ste/ me tog gi char des rgyal po'i khab kyi kho ra khor yug tu/ me tog gis char par bkram par gyur to// de nas lha rnams kyis kyang mi rnams mthong zhing / mi rnams kyis kyang lha rnams mthong ste/ phan tshun smra bar mi byed do// de ltar rgyal po'i khab kyi grong khyer chen po nas/ srog chags brgya stong phrag mang po dag me tog dag gis kyang bskul/ lha'i lus rags pa de dag gis kyang bskul nas/ 'jam dpal gzhon nur gyur pa ga la ba der dong ngo / / rgyal po ma skyes dgra yang bud med kyi tshogs kyis bskor te/ dpung gi tshogs yan lag bzhi pa dang lhan cig rgyal po'i 'byor pa chen po dang / rgyal po'i mthu chen pos/ 'jam dpal
- 24b
gzhon nur gyur pa ga la ba der song nas/ 'khor de dang / rgyal po ma skyes dgra dang / blon po dang / blon po'i bu rnams dang / tshong dpon dang / khyim bdag gi bu rnams kyis/ smad 'tshong ma'i bu mo gser mchog 'od dpal de/ 'dod chags kyis nyon mongs par kun nas ldang ba dang bral te/ dbang po dang spyod lam rab tu zhi zhing / dbang po mi g.yeng la/ ngo tsha shes pa dang dpal gyis legs par brgyan pa mthong ngo / / mthong nas kyang de la phyin chad su yang 'dod pa'i rnam par rtog pa mi skye bar gyur to// de nas 'jam dpal gzhon nur gyur pas/ skye bo'i tshogs chen po de 'dus par rig nas/ smad 'tshong ma'i bu mo gser mchog 'od dpal la 'di skad ces smras so// bu mo skye bo'i tshogs thams cad kyis khyod mthong yang / phyir zhing chags pa med na/ khyod kyis nyon mongs pa de dag gang du bzhag/ bu mos smras pa/ 'jam dpal sems can thams cad kyi nyon mongs pa rnams ni/ ye shes dang rnam par grol ba la gnas pa dang / chos kyi dbyings la gnas pa de dag kyang ma bskyed pa dang / ma bkag pa dang / ma bsgyur bar de ltar bdag gis rtogs so// nyon mongs pa'i rang bzhin gang lags pa de yang bdag gis rtogs lags so// 'jam dpal gyis smras pa/ bu mo nyon mongs pa'i rang bzhin de gang yin/ bu mos smras pa/ 'jam dpal rtog pa ma mchis shing / rnam par rtog pa ma mchis pa'i rang bzhin ni nyon mongs pa'i rang bzhin lags so//
- 25a
tshul bzhin ma lags pa ma skyes pa'i rang bzhin ni nyon mongs pa'i rang bzhin lags so// nyon mongs pa rnams ni glo bur te/ stong pa nyid rtogs pa dang lhan cig mi gnas so/ / mtshan ma med pa dang / smon pa med pa'i shes pa dang lhan cig mi gnas so// rang bzhin gyis 'od gsal ba dang lhan cig mi gnas so// 'jam dpal 'di lta ste dper na/ dug drag po'i sprul gdug pas bltas pa tsam gyis/ skye bo 'gum par 'gyur ba las/ der mi zhig gis dug thams cad 'jil ba dang / dug thams cad rab tu zhi bar bgyid pa'i sman gnod sel zhes bgyi ba 'tshal te mchis nas/ de nas sma na de bstan ma thag tu sbrul gdug pa'i dug de ma mchis par bgyis nas/ de la khye'u dang bu mo rnams rtse bas rtse zhing / khye'u dang bu mo de dag sbrul gdug pa de dang lhan cig tu rtse bar bgyid de/ pang par len cing glo la se ral 'phreng du btags te/ rgyan du bgyis kyang tshig par mi bgyid/ za bar mi bgyid/ sdug bsngal du mi bgyid do// 'jam dpal de bzhin du bdag kyang sngon chos 'dul ba ma thos pa na/ tshul bzhin ma lags pa yid la bgyid pa phyin ci log la nye bar gnas pa'i nyon mongs pas yongs su bsregs pa na/ 'dod chags kyi rang gi lus la chags shing / rang gi gzugs la mngon par zhen te/ gzugs dbu ba lta bur so sor rtog par mi bgyid/ lus sgyu ma'i chos nyid du ma 'tshal/ dga' ba'i rtsed mo rmi lam lta bur ma 'tshal/ 'dod pa'i dga' ba'i ro myang ba spang
- 25b
rtsi'i thigs pa lta bur ma 'tshal/ srog gi dbang po zil pa'i thigs pa lta bur ma 'tshal/ 'du byed thams cad mi rtag par ma 'tshal/ lus mi sdug par ma 'tshal/ 'du byed thams cad shin tu sdug bsngal bar ma 'tshal cing / chos thams cad bdag ma mchis par so sor rtog par mi bgyid de/ bdag kyang mun pa mun nag gis ba sgribs shing / gzhan la yang mun par bgyid/ bdag kyang bcig shing gzhan la yang bcing bar bgyid pa las/ 'jam dpal gang gi tshe/ bdag gis khyod las chos dang ldan pa'i bka' mchid thos te/ thos nas kyang mos shing / mos nas kyang rnam par grol te/ de'i slad du bdag da ltar dang / slan chad chags pa'i mig gis su la yang blta bar mi bgyid do// de ci'i slad du zhe na/ 'jam dpal snang ba ni mun pa dang lhan cig mi gnas so// 'jam dpal de bzhin du 'dod chags dang bral ba ni su yang nyon mongs pa rnams la chags pa ma mchis pa'i slad du'o/ / de nas 'jam dpal gzhon nur gyur pa la/ smad 'tshong ma'i bu mo gser mchog 'od dpal gyis 'di skad ces smras so/ / kye ma 'jam dpal lha'i 'khor dang / mi'i 'khor chen po 'di 'dus kyis/ gang gis lha dang mi 'di dag gis nyon mongs pa'i rang bzhin de dag rtogs nas/ sems can rnams la snying rje bas bla na med pa yang dag par rdzogs pa'i byang chub tu sems bskyed par 'gyur ba de lta bu'i chos kyi bka' mchid bgyi bar khyod spobs pa mdzod cig/ 'jam dpal gyis smras pa/ sring mo nyon mongs
- 26a
pa'i rang bzhin la ni mos par dka'o/ / de ci'i phyir zhe na/ sring mo nyon mongs pa'i rang bzhin ni/ byang chub yin pa'i phyir ro// sring mo 'di lta ste dper na/ me ma sbar ba ni sreg pa'i bdag nyid ma yin no/ / sring mo de bzhin du nyon mongs pa yang yongs su ma brtags na/ 'khor ba'i bdag nyid ma yin no// sring mo 'di lta ste dper na/ me sbar na ni sreg pa'i bdag nyid yin no// sring mode bzhin du nyon mongs pa yang yongs su brtags na/ 'khor ba'i bdag nyid yin no// sring mo 'di lta ste dper na/ me ni rgyu yod na 'bar ro// sring mo de bzhin du nyon mongs pa rnams kyang lta ba'i kun nas ldang ba'i rgyu yod na/ khams gsum du 'bar ro// sring mo 'di lta ste dper na/ me ni rgyu med na mi 'bar ro// sring mo de bzhin du nyon mongs pa rnams kyang lta ba'i kun nas ldang ba'i rgyu med na/ khams gsum du mi 'bar ro/ / sring mo 'di lta ste dper na/ lo stong du 'bar ba'i me la ni skye ba dang 'bri ba med do// sring mo de bzhin du bskal pa brgya stong du rgyu ba'i nyon mongs pa la yang skye ba dang 'brib medo// sring mo 'di lta ste dper me shi ba la ni ma zhes mi gdags so/ / sring mo de bzhin du nyon mongs par shes par zhi ba la yang / nyon mongs pa zhes mi gdags so// sring mo 'di lta ste dper na/ nam mkha' gang la me 'bar yang // nam mkha' ni me des tshig par mi nus so/ / sring mo de bzhin du gang rang bzhin gyis 'od gsal ba la/ glo bur gyi nyon mongs pa 'byung yang / rang bzhin gyis 'od gsal ba de ni/ glo bur gyi nyon mongs pa de/
- 26b
kun nas nyon mongs par byed mi nus so// sring mo 'di ltar yang gzugs kyi lus la ji ltar blta bar bya/ bu mos smras pa/ 'jam dpal dper na/ mtsho bran gyi chab kyi nang gi chu zla bzhin du'o// 'jam dpa' gyis smras pa/ bu mo phung po rnams ji ltar blta bar bya/ bu mos smras pa/ 'jam dpal dper na/ de bzhin gshegs pa'i sprul pa bzhin du'o// 'jam dpal gyis smras pa/ bu mo khams rnam ji ltar blta bar bya/ / bu mos smras pa/ 'jam dpal dper na/ khams gsum bskal pa'i mes bsreg par gyur pa de bzhin du'o// 'jam dpal gyis smras pa/ bu mo skye mched rnams ji ltar blta bar bya/ bu mos smras pa/ 'jam dpal dper na/ mngon par 'du bya ba'i las mngon par 'dus ma bgyis pa bzhin du'o// 'jam dpal gyis smras pa/ bu mo 'khor 'di ji ltar blta bar bya/ bu mos smras pa/ 'jam dpal dper na/ 'khor 'di ni steng gi nam mkha'i mtshams bzhin du'o// 'jam dpal gyis smras pa/ bu mo khyod nyid ji ltar blta bar bya/ bu mos smras pa/ 'jam dpal dper na/ bdag pha dang ma gnyis phrad pa bzhin du'o// 'jam dpal gyis smras pa/ bu mong ji ltar blta bar bya/ bu mos smras pa/ 'jam dpal dper na/ long ba gzugs la ji lta ba bzhin du'o// 'jam dpal gyis smras pa/ bu mo khyod kyis 'di dag thos sam/ bu mos smras pa/ 'jam dpal dper na/ sgyu ma sprul pa'i rna ba'i rnam par rig pa lta bus thos lags so// 'jam dpal gyis
- 27a
smras pa/ bu mo khyod kyis bla na med pa yang dag par rdzogs pa'i byang chub 'dod dam/ bu mos smras pa/ 'jam dpal bdag nyid byang chub lags te/ yang 'dod par mi bgyid do/ / 'jam dpal gyis smras pa/ bu mo khyod kyis sbyin pa'i pha rol tu phyin pa spyad dam/ bu mos smras pa/ 'jam dpal bdag gis nyon mongs pa thams cad gtam du yongs su btang bas sprad lags so/ / 'jam dpal gyis smras pa/ bu mo khyod kyis tshul khrims kyi pha rol tu phyin pa yongs su rdzogs par byas sam/ bu mos smras pa/ 'jam dpal nam mkha' yongs su rdzogs pas yongs su rdzogs par bgyis lags so/ / 'jam dpal gyis smras pa/ bu mo khyod kyis bzod pa'i pha rol tu phyin pa bsgoms sam/ bu mos smras pa/ 'jam dpal sems can thams cad skye ba ma mchis pa dang / 'byung ba ma mchis pas bsgoms lags so// 'jam dpal gyis smras pa/ bu mo khyod kyis brtson 'grus kyi pha rol tu phyin pa brtsams sam/ bu mos smras pa/ 'jam dpal chos thams cad thob par bgyi ba ma mchis pa'i tshul gyis brtsams lagaso// 'jam dpal gyis smras pa/ bu mo khyod kyis bsam gtan gyi pha rol tu phyin pa la gnas sam/ bu mos smras pa/ 'jam dpal chos thams cad kyi dbyings gnas pa ma mchis pa'i tshul gyis bdag gnas lags so// 'jam dpal gyis smras pa/ bu mo khyod kyis shes
- 27b
rab kyi pha rol tu phyin pa yongs su rdzogs par byas sam/ bu mos smras pa/ 'jam dpal lhag chad ma mchis par yongs su rdzogs par bgyis lags so// 'jam dpal gyis smras pa/ bu mo khyod kyis byams pa bsgoms sam/ bu mos smras pa/ 'jam dpal sems can thams cad mi srid pa'i tshul gyis bsgoms lags so// 'jam dpal gyis smras pa bu mo byang chub sems pa'i snying rje chen po gang nas btsal bar bya/ bu mos smras pa/ 'jam dpal byang chub sems dpas snying rje chen po ni sems can thams cad kyi nyon mongs pa rnams las btsal bar bgyi'o/ / de ci'i slad du zhe na/ gal te sems can rnams kyi nyon mongs pa ma mchis par gyur na/ byang chub sems dpa' yang bla na med pa yang dag par rdzogs pa'i byang chub tu sems skye bar mi 'gyur ba'i slad du'o/ / 'jam dpal gyis smras pa/ bu mo byang chub sems dpa'i dga' bag las brtsal bar bya// bu mos smras pa/ lhag pa'i bsams pa dang ldan pa'i byang chub kyi sems lags so/ / 'jam dpal gyis smras pa/ bu mo byang chub sems dpa'i btang snyoms ci zhig byed/ bu mos smras pa/ 'jam dpal byang chub sems dpa'i btang snyoms ni/ sems can thams cad mi bslu ba yongs su rdzogs par bgyid pa dang / chos thams cad la 'gal ba ma mchis pas nye bar mchi bar bgyid pa'o// 'jam dpal gyis smras pa/ bu mo 'gal ba zhes bgyi ba
- 28a
ji lta bu yin/ bu mos smras pa/ gang dag ma mchis pa'i nyon mongs pa rnams spang ba'i slad du byang chub la rab tu zhugs pa dag go// 'jam dpal gyis smras pa dag gang dang 'gal/ bu mos smras pa/ phas kyis rgol ba thams cad dang ngo // 'jam dpal gyis smras pa/ bu mo phas kyi rgol ba dag gang yin/ bu mos smras pa/ gang dag bzod pa'i rlom sems kyis gzhan la rgol ba dag lags so/ / 'jam dpal gyis smras pa/ bu mo bzod pa zhes bya ba ga las 'ong / bu mos smras pa/ 'jam dpal sems can thams cad kyis mtho btsam pa las mchi'o/ / de ci'i slad du zhe na/ mtho ba tsam pa ma mchis na/ bzod pa ci yang ma mchis pa'i slad du ste/ 'jam dpal gang la sems can gang gis mtho ba tsam pa na/ 'khrug pa ma mchis shing / gnod pa mi bgyid pa de bzod pa bsgoms pa lags so// 'jam dpal gyis smras pa/ bu mo khong khro ba zhes bya ba ji lta bu yin/ bu mos smras pa/ 'jam dpal gang gis bskal pa brgyar bsags pa'i dge ba'i rtsa ba rnams la gnod par bgyid pa de ni khong khro ba zhes bgyi'o/ / 'jam dpal gyis smras pa/ bu mo bzod pa zhes bya ba ji lta bu yin/ bu mos smras pa 'jam dpal gang gi sems la zhe 'gras pa ma mchis shing / yul thams cad la gnod pa mi bya ba ste/ de ni bzod pa lags par rig par bgyi'o// 'jam dpal gyis smras pa/ bu mo ji ltar
- 28b
na byang chub sems dpa' g.yul las rnam par rgyal ba yin/ bu mos smras pa/ 'jam dpal gang chos thams cad la rnam par 'byed kyang mi dmigs pa lags so// 'jam dpal gyis spras pa bu mo ji ltar na byang chub sems dpa' bdud phyir rgol ba bcom pa yin/ bu mos smras pa/ gang bdud thams cad 'dul bar bgyid kyang / nyon mongs pa ma mchis pa ste/ de ci'i slad du zhe na 'jam dpal byang chub sems dpa' ni phung po rnams ston kyang / phung po'i nyon mongs pa rnams dang lhan cig mi gnas pa dang / 'jam dpal byang chub sems dpa' ni nyon mongs pa rnams ston kyang / rang bzhin chos nyid kyis chags pa ma mchis pa dang / 'jam dpal byang chub sems dpa' ni/ sems can yongs su smin par bgyi ba'i slad du rga ba dang 'chi ba ston kyang / chos thams cad la 'chi 'pho dang / 'gro ba ma mchis par rab tu rtogs pa dang / 'jam dpal byang chub sems dpa' ni lha'i bu dag ston kyang / phrag dog dang / rlom sems can thams cad dang bral ba'i slad du'o/ / 'jam dpal gyis smras pa/ bu mo byang chub sems dpa' ji ltar sems can yongs su smin par byed/ bu mos smras pa/ 'jam dpal byang chub sems dpas shes rab dang / thabs yongs su bsgoms pas sems can yongs su smin par bgyid do/ / 'jam dpal gyis smras pa/ bu mo byang chub sems dpas ji ltar sems can thams cad kyi drung du gnas par bya/ bu mos smras
- 29a
pa/ 'jam dpal rang gi sems dang shes pa yongs su bsgoms pas/ byang chub sems dpa' sems can thams cad kyi drung du gnas par bgyi'o// 'jam dpal gyis smras pa/ bu mo 'khor 'di ni khyod la chos nyan par 'dod do// bu mos smras pa/ 'jam dpal gang du bdag dang gzhan du 'du shes 'jug pa de ni/ nyan par 'tshal ba ma lags la/ gang la rna ba'i rnam par rig pas rnam par shes pa 'jug na yang / nyan par 'tshal ba ma lags so// 'jam dpal gyis smras pa/ bu mo chos nyan par 'dod pa zhes bya ba ji lta bu yin/ bu mos smras pa/ 'jam dpal gang gi tshe rang gi lus la rmi lam gyi mi lta bur mos pa dang / ston pa'i chos de la yang brag cha'i sgra skad lta bur mos shing mos pa dang / rnam par grol ba yang gnyis su mi bgyid pa de tsam gyis na/ chos nyan par 'tshal ba lags so// 'jam dpal gyis smras pa/ bu mo chos ji ltar mnyan par bya/ bu mos smras pa/ chos la rton pa nan tan bgyid na chos mnyan par bgyi'o/ / de nas 'jam dpal gzhon nur gyur pa'i byin gyis brlabs dang / rang gi dge ba'i rtsa ba bsags pa'i shes rab kyis smad 'tshong ma'i bu mo gser mchog 'od dpal gyis de lta de ltar chos bstan pa na/ 'khor de las srog chags khri nyis stong gis bla na med pa yang dag par rdzogs pa'i byang chub tu sems bskyed par gyur to// byang chub sems dpa'i
- 29b
theg pa pa sngon dge ba'i rtsa ba bsags pa'i lha dang mi lnga brgya nI/ mi skye ba'i chos la bzod pa thob par gyur to// srog chags sum khri nyis stong ni chos rnams la chos kyi mig rdul med cing ma dang bral ba rnam par dag go/ / bu mo de yang chos nyan pa'i dga' ba dang / mchog tu dga' bas/ chos rnams la rjes su 'thun pa'i bzod pa thob par gyur to// nges bzod pa thob nas/ 'jam dpal gzhon nur gyur pa'i rkang pa la gtugs te/ 'jam dpal thugs brtse ba'i slad du/ bdag rab tu 'byung du gsol/ tshul bzhin ma lags pa kun bskyed pa/ 'phags pa ma lags pa/ 'phags pa'i chos las nyams par bgyid pa'i lus 'di lus 'di las thar par mdzad du gsol zhes rab tu 'byung bar gsol ba btab bo// 'jam dpal gyis smras pa/ sring mo 'di lta ste/ mgo'i sgra 'dreg pa de ni/ byang chub sems dpa'i rab tu 'byung ba ma yin no// de ci'i phyir zhe na/ bu mo gang sems can thams cad kyi nyon mongs pa gcod pa'i phyir brtson pa de ni/ byang chub sems dpa'i rab tu 'byung ba yin pa'i phyir ro// bu mo gang gos ngur smig 'chang ba de ni/ byang chub sems dpa'i rab tu 'byung ba ma yin gyi/ bu mo gang bdag nyid kyang bslab pa dang / tshul khrims yang dag par blangs te/ tshul khrims 'chal pa'i sems can rnams kyang tshul khrims kyi sdom pa dang / brtul zhugs la yang dag
- 30a
par sbyor bar byed pa de ni/ byang chub sems dpa'i rab tu 'byung ba yin no// bu mo gang bdag nyid dben par gnas pa de ni/ byang chub sems dpa'i rab tu 'byung ba ma yin gyi/ bu mo gang 'gro ba lnga'i 'khor ba na rnam par rgyug pa'i sems can rnams dben par shes pa la 'god par byed pa de ni/ byang chub sems dpa'i rab tu 'byung ba zhes bya ba'o// kha dog dang / gzugs kyi rtags dang / spyod lam gyi dbyings ni/ byang chub sems dpa'i rab tu 'byung ba ma yin gyi/ sems can gzhan dang / gang zag gzhan dag la byams pa dang / snying rje ba'i sems bskyed pa ni byang chub sems dpa'i rab tu 'byung ba yin no// bdag gi dge ba'i rtsa ba bskyed pa ni/ byang chub sems dpa'i rab tu 'byung ba ma yin gyi/ sems can thams cad kyi dge ba'i rtsa ba bskyed pa ni/ byang chub sems dpa'i rab tu 'byung ba yin no// bdag yongs su mya ngan las 'da' ba'i lhag pa'i bsam pa la gus pa ni/ byang chub sems dpa'i rab tu 'byung ba ma yin gyi/ sems can gzhan yongs su mya ngan las bzla ba'i lhag pa'i bsam pa la gus pa ni/ byang chub sems dpa'i rab tu 'byung ba yin no// bdag gi nyon mongs pa zhi bar byed pa ni/ byang chub sems dpa'i rab tu 'byung ba ma yin gyi/ sems can thams cad kyi nyon mongs pa zhi bar byed pa ni/ byang chub sems dpa'i rab tu 'byung ba yin no// bdag gi sems
- 30b
rjes su bsrung ba ni/ byang chub sems dpa'i rab tu 'byung ba ma yin gyi/ sems can thams cad kyi sems rjes su bsrung ba ni/ byang chub sems dpa'i rab tu 'byung ba yin no// bdag thar par bya ba la brtson pa ni/ byang chub sems dpa'i rab tu 'byung ba ma yin gyi/ sems can thams cad thar par bya ba la brtson pa ni/ byang chub sems dpa'i rab tu 'byung ba yin no// bu mo bdag 'khor bas skyo ba ni/ byang chub sems dpa'i rab tu 'byung ba ma yin gyi/ sems can thams cad 'khor ba las grol bar bya ba la dga' ba ni/ byang chub sems dpa'i rab tu 'byung ba yin no/ / bu mo bdag mya ngan las 'da' ba la dga' ba ni byang chub sems dpa'i rab tu 'byung ba ma yin gyi/ sangs rgyas kyi chos thams cad yongs su rdzogs par byed pa ni/ byang chub sems dpa'i rab tu 'byung ba yin no/ / bu mo rab tu 'byung ba zhes bya ba ni/ sems can gzhan dag la snying rje che ba zhes bya ba'i tshig bla dgas so// bu mo rab tu 'byung ba zhes bya ba de ni/ gzhan gyi 'khrul pa la skyon du mi blta ba zhes bya ba'i tshig bla dgas so/ / bu mo rab tu 'byung ba zhes bya ba de ni/ gzhan gyi rnyed pa la phrag dog mi byed pa zhes bya ba'i tshig bla dgas so// bu mo rab tu 'byung ba zhes bya ba de ni/ bdag dang gzhan la gdung ba med pa zhes bya ba'i tshig bla dgas so// bu mo rab tu 'byung ba zhes bya ba de ni/ gzhan la mi smod pa zhes bya ba'i tshig bla dgas so// bu mo rab tu 'byung ba zhes bya ba de//
- 31a
gzhan bsten pa zhes bya ba'i tshig bla dgas so// bu mo rab tu 'byung ba zhes bya ba de ni/ gzhan gyi ltung ba mi gleng ba zhes bya ba'i tshig bla dgas so// bu mo rab tu 'byung ba zhes ba de ni/ nyes pa thams cad las 'byin pa zhes bya ba'i tshig bla dgas so// bu mo byang chub sems dpa'i rab tu 'byung ba ni/ gzhan la rag las pa yin te/ byang chub sems dpas gzhan la rag las par bya'o/ / bu mos smras pa/ 'jam dpal ji ltar na byang chub sems dpa'i rab tu 'byung ba gzhan la rag las pa lags/ 'jam dpal gyis smras pa/ bu mo rab tu 'byung ba ni/ tshul khrims la rag las pa yin te/ tshul khrims 'chal pa la ni rab tu 'byung ba ci yang med do// bu mo rab tu 'byung ba ni/ ting nge 'dzin la rag las pa yin/ brjed nges pa la ni rab tu 'byung ba ci yang med do/ / bu mo rab tu 'byung ba ni shes rab la rag las pa yin te/ shes rab 'chal pa la ni rab tu 'byung ba ci yang med do// bu mo rab tu 'byung ba ni/ rnam par grol ba la rag las pa yin te/ sems rnam par ma grol ba la ni rab tu 'byung ba ci yang med do// bu mo rab tu 'byung ba ni rnam par grol ba'i ye shes mthong ba la rag las pa yin te/ rnam par grol ba'i ye shes mthong ba med pa la ni rab tu 'byung ba ci yang med do/ / bu mos smras pa/ 'jam dpal ji ltar na byang chub sems dpa'i rab tu 'byung ba gzhan la rag las pa ma mchis pa lags
- 31b
'jam dpal gyis smras pa/ bu mo byang chub sems dpa' ni gzhan gyi dring mi 'jog pas na/ gzhan la rag las pa med pa ste/ rang gi kun shes pa'i ye shes kyis 'di gang ci shes pa de bdag gis kyang shes la/ 'di gang ci smra ba de/ bdag kyang smra'o zhes gzhan dag gi ngor mi blta bas na/ gzhan la rag las pa med pa yin no// 'jam dpal gzhon nur gyur pas/ rab tu 'byung ba'i le'u'i chos kyi rnam grangs 'di bshad pa na/ legs par bshad pa'i phyir/ byang chub sems dpa' lnga brgyas rang rang gi gos dang rgyan thams cad lus las phu de 'jam dpal gzhon nur gyur pa la phul nas 'di skad ces smras so/ / 'jam dpal khyod kyis byang chub sems dpa' rnams kyi rab tu 'byung ba legs par bshad de/ bdag cag rnams kyis kyang rab tu 'byung ba 'di bsgrub par bgyi'o/ / de nas 'jam dpal gzhon nur gyur pas smad 'tshong ma'i bu mo gser mchog 'od dpal la 'di skad ces smras so// bu mo khyod rta'i shing rta 'di la zhon la/ tshong dpon gyi bu 'jigs byin la snying brtse ba'i phyir/ yongs su smin par gyis shig dang / de nyid kyis khyod rab tu 'byung ba dang / bsnyen par rdzogs par 'gyur ro// de nas skye bo phal po che de dag 'di snyam du sems te/ 'dod chags dang bral ba dang / 'dod chags dang ma bral ba gnyis lhan cig gnas par ji ltar rung snyam mo// de nas bu mo des
- 32a
skye bo phal po che de dag gi sems kyi yongs su rtog pa sems kyis yongs su shes nas/ skye bo phal po che de dag la 'di skad ces smras so// grogs po dag 'dod chags dang bral ba'i byang chub sems dpa' ni/ 'dod chags dang bcas pa'i sems can rnams dang lhan cig gnas kyang kha na ma tho ba med la/ 'dod chags dang bcas pa'i sems can rnams kyang 'dul bar byed do/ / grogs po dag zhe sdang dang bral ba'i byang chub sems dpa' ni/ zhe sdang dang bcas pa'i sems can rnams dang lhan cig gnas kyang kha na ma tho ba med la/ zhe sdang dang bcas pa'i sems can rnams kyang 'dul bar byed do/ / grogs po dag gti mug dang bral ba'i byang chub sems dpa' ni/ gti mug dang bcas pa'i sems can rnams dang lhan cig gnas kyang kha na ma tho ba med la/ gti mug dang bcas pa'i sems can rnams kyang 'dul bar byed do// grogs po dag nyon mongs pa dang bral ba'i byang chub sems dpa' ni/ nyon mongs pa dang bcas pa'i sems can rnams dang lhan cig gnas kyang kha na ma tho ba med la/ nyon mongs pa dang bcas pa'i sems can rnams kyang 'dul bar byed do// grogs po dag 'di lta ste dper na mni bu dang lhan cig gnas kyang chags pa med do/ / grogs po dag de bzhin du byang chub sems dpa' yang / sems can thams cad dang lhan cig tu gnas kyang chags pa med do//
- 32b
grogs po dag 'di lta ste dper na/ bcings pa las grol ba'i mi ni 'dod chags kyis kun tu spyad pa la mi spyod do// grogs po dag de bzhin du byang chub sems dpa' yang / kham+ba/ gsum thams cad 'ching ba dang / 'obs lta bur 'du shes pas chags pa med do// de nas smad 'tshong ma'i bu mo gser mchog 'od dpal chos kyi 'bab stegs su ni zhugs/ gting ni rnyed/ thang la ni phyin/ ma rig pa'i mun pa dang ni bral te/ srid pa'i skyon gyi nyon mongs pa 'jigs par blta ba ni legs par mthong nas/ 'jam dpal gzhon nur gyur pa'i rkang pa la mgo bos phyag 'tshal te/ lan gsum du bskor ba byas nas/ shing rta la zhon kar tshigs su bcas pa 'di dag smras so// rang bzhin rnam dag chags pas ma chags shing // rtag tu byams sems ldang bas sdang ba med/ / shes rab snang shar gti mug rmongs bral ba// nyon mongs med par shing rta bzhon par bya// gang gis sngon chad bdag ni brgyal gyur cing // nor chags tshong dpon bu dang lhan cig tu/ / shing rtar zhugs nas skyed mos tshal song ba// 'dod pa'i rnam rtog de dag gang du song // ji ltar sprin tshogs stug pos sa khebs na// nyi ma'i 'od zer lham me lhan ne min/ / 'on kyang 'od zer de dag gar mi 'gro// sprin gyis bsgribs pas snang ba med du zad// de bzhin nyon mongs bsgribs pas byis pa kun// shes rab snang la blo skye med pa
- 33a
yang / / shes rab yul gang na yang gnas pa med// nyon mongs yongs su shes pas shes rab snang // nyon mongs gang nas 'ong ba'ang ma yin zhing // yul gyi phyogs char 'gro ba'ang ma yin te/ / tshul bzhin ma yin pa las nyon mongs 'byung // tshul bzhin gyis ni de dag 'byung mi 'gyur// bor ba med cing blangs pa'ang yod ma yin// bskyed pa med cing bkag pa'ang yod ma yin/ / gzhan la ma byin phrogs pa'ang ma yin te// chos mnyam nyid kyis bdag kyang rnam par dag/ 'bru mar sgron ma mun par phyung ba na// mun pa phyogs su song ba med pa ltar/ / shes rab kyis ni mun pa med gyur na// nyon mongs zad gyur med cing 'byung ba med// ji ltar sman pas nang pa gso ba na// de yi khams ni 'jigs par mi byed kyang // / de yi glo bur nad ni zhi bar 'gyur// nad rnams gzhan yang 'byung ba med pa ltar// de bzhin sman pa'i dam pa 'jam dbyangs kyis// rig pa'i tshul mkhyen sbyor ba sna tshogs kyis// sems/ can nyon mongs nye bar zhi mdzad kyang // chos rnams rnam par 'jig par mdzad pa med// phung po 'di dang khams rnams 'di dag dang // skye mched 'di rnams gzhan du 'gyur ba med// gang dag sngon chad nyes ldan dug bcas pa/ / de dag da ni dug med 'gyur ba med// de nas smad 'tshong ma'i bu mo gser mchog 'od dpal gyis tshigs su bcad pa de dag smras nas/ yang 'jam
- 33b
/ dpal gzhon nur gyur pa'i rkang pa la mgo bos phyag 'tshal te/ yang 'jam dpal gzhon nur gyur pa la bskor ba byas nas/ tshong dpon gyi bu 'jigs byin dang lhan cig tu shing rta la zhon te de lta bu'i 'byor pa nyid kyis skyed mos tshal gyi sar song ngo / / 'jam dpal gzhon nur gyur pas kyang / thams cad dang ldan pa'i 'khor de la/ chos dang ldan pa'i gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar byas so// yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar byas nas/ de dag la 'di skad ces smras so// grogs po dag gang dag chos nyan par dga' ba rnams de yang phyi dro'i dus kyi tshe de bzhin gshegs pa'i dus kyi spyan sngar deng zhig/ de skad ces smras nas/ sa phyogs de nas langs te/ rang gis gnas ga la ba de logs su song ngo // de nas smad 'tshong ma'i bu mo gser mchog 'od dpal dang / tshong dpon gyi bu 'jigs byin gnyis lhan cig tu skyed mos tshal du phyin pa dang / der me tog gi chal pa bkram ste/ bdug pas bdugs/ bla res bres nas gdugs dang / rgyal mtshan dang / ba dan sna tshogs kyis legs par brgyan te/ bza' ba dang / btung ba'i 'byor pa dag kyang bshams nas dga' ba'i rtsed mo dang / rjes su 'thun pa'i sil snyan
- 34a
dang / pheg rdob pa dang / glu dbyangs len pa byed cing / skyed mos tshal na gnas par gyur to// de dag gis zos shing 'thungs nas/ rab tu myos par gyur pa dang smad 'tshong ma'i bu mo gser mchog 'od dpal tshong dpon gyi bu 'jigs byin gyi phang par sngas bcas te nyal lo/ / de nas bu mo des mngon par shes pa'i stobs kyis/ rang gis lus rnyis par bstan nas/ des 'chi ba'i 'du shes bskyed de/ de'i lus thams cad mi sdug par gyur nas/ ro myags pa 'dra bar snang zhing / de'i rna ba'i bu ga gnyis dang / mig gi dbang po dang / sna'i nang nas mi gtsang ba'i dri mi zhim pa dag 'byung zhing / byung nas kyang lus thams cad la khyab par gyur to// de'i kha'i nang nas kyang dri mnam po dag byung ste/ dri mnam po de dag gis skyed mos tshal thams cad kyang khyab par gyur to/ / spu'i khung bu thams cad nas kyang / khrag dang / rnag mnam po dag 'dzag go// lto ba dang lte ba'i dbus brtol ba nas kyang mcher pa dang / rgyu ma thams cad kyang byung ngo // rku ba dang mdoms nas kyang bshang gci dag kyang 'byung zhing 'dzag go// de'i spyi bo nas kyang klad pa 'dzag go/ rkang lag gi sor mo rnams la yang sbrang ma sngon po dag rgyu bar gyur to/ / de nas tshong dpon gyi bu 'jigs byin gyis/ bu mo de'i lus la de lta bu'i gnas skabs su 'gyur ba dag mthong ngo // mthong nas kyang 'jigs skrag ste/ yi chad cing skyab
- 34b
med/ rten med/ dpung gnyen med par gyur nas/ skyabs tshol zhing 'jigs pa chen pos skrag par gyur nas/ 'dar zhing cho nges 'debs par gyur to// de 'jigs pa chen po skyes pa'i rgyu ni gnyis te/ so so'i skye bo nyid yin pa dang / 'jigs pa'i skyon de dag mthong ba'o// bdag re zhig na bu mo 'di'i le lan gyis/ rgyal po ma skyes dgra sa bsad par 'ong ngo snyam nas des bu mo pang pa nas dor ba dang / 'bros par brtsal na'ang ma nus so// de'i 'khor thams cad kyis kyang / 'jigs su rung ba'i 'jigs pa chen po de mthong nas bros par gyur to// de nas de gcig po grogs med par de ni shin tu 'jigs shing skrag nas/ bdag 'jigs skrag pa chen po 'di las yongs su thar par byed pa/ lha 'am/ klu 'am/ gnod sbyin nam/ dri za 'am/ lha ma yin nam/ nam mkha' lding ngam/ mi 'am ci 'am/ lto 'phye chen po 'am/ mi 'am/ mi ma yin pa 'am/ dge sbyong ngam/ bram ze su yod snyam sems shing 'dug go/ tshong dpon gyi bu de yang dge ba'i rtsa ba yongs su ma smin pas/ 'jam dpal gzhon nur gyur pas/ bu mo de la chos 'chad pa dag kyang ma thos mi shes so// de nas 'jam dpal gzhon nur gyur pa'i byin gyi rlabs kyis/ skyed mos tshal de'i shing ljon pa thams cad las tshigs su bcad pa 'di dag byung ngo // 'jig rten thams cad yang dag min// ji ltar sgyu ma mthong ba
- 35a
bzhin/ / khye'us ji ltar mthong gyur pa/ chos rnams rang bzhin de yin no// sha dang khrag gis bskus pa ni// byis pa rnams kyi 'khrul pa ste// yang dag min der rnam brtags nas/ / mi mkhas byis pa chags par byed// ji ltar mi mkhas mi zhig ni// dri nga gla rtsi'i bum pa la// phyi rol ri mo bris pa zhig/ mgo la khyer te song ba las// 'gro pa de yi de yang ni/ / de las lhung ste chags gyur na// dri nga gla rtsi mthong 'gyur te// chags pa med cing 'bros pa ltar// de bzhin byis pa mi mkhas pa// bud med rnams la yid zhen cing // kha dog gzugs dang dbyibs rnams la// brtags nas de la chags par byed// lus kyi rang bzhin gang yin pa// de la khye'u khyod rab rtogs shig/ dur khrod rul ba'i dril ni// mkhas pa su zhig chags par 'gyur/ / yang dag min la 'jigs med kyis// khye'u khyod 'jigs par ma byed par// gang la khyod sngon brgyal 'gyur ba'i// chos rnams kyi ni rang bzhin ltos// chos kyi dam pa ston mdzad cing / / 'jigs gyur 'jigs pa sel mdzad pa// shAkya seng ge zhes bya ba'i// ston pa yang dag byung ba yod// 'dod pa mi rtag mi brtan pa// glog 'od snang ba ji bzhin te// / snang yang yang dag ma yin pas// mkhas pa de la chags pa med// ji ltar chu ni 'khrugs pa las// dbu ba rdos pa byung ba yang // rgyu ni sbyor las skyes pa ste// de la byed pa po yang
- 35b
med/ / de bzhin ming dang gzugs rnams kyang // las kyi sbyor las skyes pa ste// rgyu las byung ba yin pas na// byed pa po ni gang yang med// kha dog bzang po gar song zhing // gang / gis khyod 'dir skrag pa yin// mi gtsang ba yang ga las 'ong // khye'u khyod de la mngon sum gyis// chos rnams yul na mi gnas shing // de dag phyogs nas 'ong ba'ang med// 'ong ba med cing 'gro med kyang / / de dag rang bzhin ston par byed// 'di la byed pa po med cing // tshor ba po yang 'di la med// byed med tshor ba po med pa'i// chos rnams sgyu 'dra dngos po med// rang gi lus la rtogs shig dang // de yang 'di dang 'dra ba na// khye'u khyod gzhan gyi lus kyis ni// 'dir yang skrag par ma byed cig/ ji ltar rmi lam rmis pa na// rtsed mo byed cing dga' bltar/ / de bzhin dga' ba'i rtsed mo kun// rmi lam rtsed mo byas dang 'dra// shAkya seng ge'i spyan sngar ni// khye'u khyod 'gro bar gyis shig dang // des ni khyod kyi 'jigs dang skrag/ rdza dang bcas te 'byin par 'gyur/ / pha ma khyod kyi skyabs ma yin// 'dza' bshes rtse lag rnams kyang min// de dag gis ni khyod bor nas// ji ltar 'dod pa bzhin du 'gro// 'jigs gyur 'jigs pa med mdzad cing / / skyabs med slob pa'i sangs rgyas dang // chos dang tshogs mchog dge 'dun la// der ni skyabs su 'gro bar gyis// lha dang dri mi rnams las// gang
- 36a
dag de la skyabs song ba/ / 'jigs pa kun las thar par 'gyur// bde 'gro rnyed par dka' ba med// de nas tshong dpon gyi khye'u des tshigs su bcad pa de dag thos nas/ dga' mgu zhing yi rangs te/ 'jigs skrag pa dang bral nas/ dga' ba dang mchog tu dga' ba skyes te/ shi ba'i ro myags pa de bor nas/ nags khrod de nas byung ngo // de nas bcom ldan 'das kyis tshong dpon gyi bu de gdul ba'i dbang gi phyir sku las 'od zer rab tu byung ste/ 'od des yul ma ga d+ha thams cad snang bas khyab par gyur to// khye'u des de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor 'char ba dang 'dra ba/ gzi brjid dang dpal gyis 'bar ba/ mdzes par dga' bar byas pa/ dbang po zhi ba/ thugs zhi ba/ dul ba/ mchog/ mtshungs pa med pa/ dam pa'i mchog brnyes pa/ gser gyi mchod sdong ltar mngon du 'bar ba/ glang po che ltar dbang po dul zhing bsrungs pa/ mtsho ltar dang zhing gsal la rnyog pa med pa/ skyes bu chen po'i mtshan sum cu rtsa gnyis kyis brgyan pa/ nyan thos kyi tshogs kyis yongs su bskor nas/ chos ston cing bzhugs par rgyung ring po nas mthong ngo / / de'i lam bkrab/ blta na sdug pa/ rin po che'i lan kan bres pa/ me tog bkram pa zhig kyang byung bar gyur to// lha'i dbang po brgya byin yang khye'u de'i mdun du 'greng
- 36b
nas/ khye'u de la 'di skad ces smras so// khye'u khyod kyis de bzhin gshegs pa mthong nas/ sems rab tu dang bar gyur pa ni/ rnyed pa legs par rnyed pa yin no// de bzhin gshegs pa yang khyod nyid la dgongs kyis/ khye'u khyod lam 'dir zhugs la/ de bzhin gshegs pa'i spyan sngar song zhig/ de nas khye'u de lha'i dbang po brgya byin dang lhan cig tu/ bcom ldan 'das ga la ba der song ngo / / de nas lha'i dbang po brgya byin gyis/ khye'u de la khye'u khyod kyis me tog 'di dag gis de bzhin gshegs pa la mngon par gtor cig ces me tog man+da ra ba thub gang byin no/ / de nas khye'u des me tog man+da ra ba de dag gis bcom ldan 'das la mngon par gtor to// gtor nas bcom 'das kyi zhabral mgo bos phyag 'tshal te/ lan gsum bskor ba byas nas/ bcom ldan 'das kyi spyan sngar 'dug ste/ bcom ldan 'das la 'di skad ces gsol to// bdag bcom ldan 'das dang / chos dang / dge slong gi dge 'dun la skyabs su mchi'o/ / bdag gi dge ba'i rtsa ba 'od yang bla na med pa yang dag par rdzogs pa'i byang chub tu yongs su bsngo bar bgyi'o// bcom ldan 'das bdag gis yul gyi bzang mo rgyal pos thugs su chud pa gser mchog 'od dpal zhes bgyi ba zhig/ dag par rtse ba'i slad du skyed mos tshal du khrid pa las/ bcom ldan 'das de mdog yal zhing lus myags te/ nye du'i tshogs thams cad kyis spang
- 37a
/ nas/ bdag kyang 'jigs pa chen po skyes na/ bcom ldan 'das 'di'i le lan gyis/ bdag rgyal pos bkum du mi mchi lags sam/ bcom ldan 'das kyis bka' stsal khye'u khyod ma dogs shig/ sangs rgyas la skyabs su song ba rnams la 'jigs pa phyis mi 'byung bas/ ngas khyod mi 'jigs pas mgron du gnyer gyis 'jigs pa ma skyed cig/ khye'u de lta mod kyi gzhi gang las 'jigs pa dang / skrag par 'gyur ba'i gzhi de yongs su spongs shig/ gsol pa/ bcom ldan 'das 'jigs pa dang / skrag par 'gyur ba'i gzhi gang lags/ bcom ldan 'das kyis bka' stsal pa/ khye'u 'dod chags dang / zhe sdang dang / gti mug ni 'jigs pa dang / skrag par 'gyur ba'i gzhi'o// nga'o snyam pa'i nga rgyal ni gzhi'o// lta ba'i kun nas ldang ba ni gzhi'o// sred pas lhag par chags pa ni gzhi'o/ / ngar 'dzin pa dang / nga yir 'dzin pa ni gzhi'o// dngos po la mngon par zhen pa ni gzhi'o// yongs su 'dzin pa dang rtsod pa ni gzhi'o// 'jigs tshogs la lta ba'i 'ching ba ni gzhi'o/ / mi rtag pa la rtag par 'du shes pa ni gzhi'o// sdug bsngal la bde bar 'du shes pa ni gzhi'o// mi sdug pa la sdug par 'du shes pa ni gzhi'o// bdag med pa la bdag tu/ 'du shes pa ni gzhi'o// phung po rnams la yos su 'dzin pa'i 'du shes ni gzhi'o// khams rnams la so sor mi rtog pa ni gzhi'o// skye mched rnams yongs su mi shes pa ni gzhi'o// lus la skyon du
- 37b
mi lta ba ni gzhi'o/ / srog la mngon par dga' ba ni gzhi ste/ khye'u gzhi de dag las 'jigs pa dang skrag par 'byung bas de dag spang bar bya'o// rkye'u khyod kyis bu mo de'i lus rnam par gzhig pa mthong ngam/ gsol pa/ bcom ldan 'das bdag gis mthong lags so// bcom ldan 'das kyis bka' stsal pa/ khye'u 'dus byas thams cad ni/ de ltar mi rtag pa/ sdug bsngal ba/ bdag med pa/ rnam par 'gyur ba'i chos can/ mi brtan pa/ ther zug ma yin pa/ byis pa/ 'drid pa/ log pa las byung ba/ g.yo ba med pa/ rnam par bsgrubs pa ste/ med pa las snang bas sgyu ma lta bu'o/ / ro myang ba chung bas rmi lam lta bu'o// 'khrul par snang bas smig rgyu lta bu'o// gzod ma nas ma skyes pas mig yor lta bu'o// las kyi rnam par smin pa chud mi za ba'i tshul gyis gzugs brnyan lta bu'o/ / 'pho ba med pa'i tshul gyis chu zla lta bu'o// sgra med pa las sgrar go bar byed pas brag cha lta bu'o// mngon par 'du byed pa med pa'i sgo yin pas/ grib ma'i gzugs lta bu'o/ / rang bzhin gyis ya ma brla yin pas chang pa stong pa lta bu'o// gzung du med pa'o// rlung dang mtshungs pa'o// brdzun pa'o// gzhi med pa'o// gsog go/ 'grib pa med pa'o// rdzogs pa med pa'o// khye'u de ltar na chos thams cad ni bdag po med pa ste/ de la khyod mngon par zhen par mi bya'o// khye'u 'di ji snyam du sems/ khyod kyi 'dod
- 38a
pa dang ldan pa'i rtog pa dang / spyod paku yin pa de dag ltar spyod/ khyen ngas gsol pa/ com ldan dus byis pa ma sa gyu rnams kyi 'dod chags ni da/ dang dbyings bzang po las yongs su btags pa las skye logs so// de ni 'phags pa'i chos 'dul ba la mi gtsang ba la sog par so sor brtags par mi 'byung ste/ bcom ldan 'das de la tsha rtog na/ 'dod chags kyi kun tu 'byung ba kun tu 'byung bar mi 'gyur lags so// bcom ldan 'das kyis bka' stsal pa/ khye'u legs so legs so// 'di lta ste/ mi rtog cing rnam pa/ mi rtog pa 'di ni 'dod chags kyi rang bzhin no// khye'u khyod kyis bdag tu lta ba med pa dang / gzhan du lta ba med pa dang / gzhan du lta bar sgro 'dogs pa med par chos la tshul bzhin du sems par brtson par bya'o/ / khye'us gsol pa/ bcom ldan 'das ji ltar na byang chub sems dpa' chos la tshul bzhin du sems par brtson pa lags/ bcom ldan 'das kyis bka' stsal pa khye'u byang chub sems dpa' ni/ 'dod chags kyi rang bzhin gyis byang chub yongs su tshol lo// khye'u de bzhin du byang chub sems dpa' ni zhe sdang gi rang bzhin dang / gti mug gi rang bzhin dang nyon mongs pa thams cad kyi rang bzhin gyis byang chub yongs su tshol lo/ / khye'u ji ltar 'dod chags dang / zhe sdang dang / gti mug dngos po med pa/ de ltar chos thams cad la byang chub
- 38b
sems dpa'i shes pa 'jug go/ / khye'u 'dod chags dang / zhe sdang dang / gti mug rnams ni rtsa ba med pa/ gnas pa med pa/ gzhi med pa/ byed pa po med pa/ tshor ba po med pa/ nang dang phyi rol dben pa/ stong pa/ bdag dang / sems can dang / srog dang / 'gro ba dang / gso ba dang / skyes bu dang / gang zag dang bral ba/ mtshan ma med pa de mtshan mar rtog pa dang bral ba/ smon pa med pa/ mngon par dga' ba med pa/ dga' ba dang sred pa dang bral ba/ mngon par 'du byed pa med pa/ rang bzhin med pa'o// khye 'dod chags dang / zhe sdang dang / gti mug ji lta ba bzhin du/ chos thams cad la byang chub sems dpa'i shes pa 'jug go// khye'u gzhan yang tshul bzhin la brtson pa'i byang chub sems dpa'i sems bskyed pa thams cad ni byang chub yin no/ / de ci'i phyir zhe na/ sems rtogs pa gang yin pa de ni/ bstan du med pa dang / smon pa med pa dang / rnam par rig ba med pa dang / sgyu ma'i rang bzhin lta bu dang / nang ma yin pa dang / phyi rol ma yin pa dang / gzhan dang / gzhan dang ldan pa ma yin pas gzugs med pa ste/ khye'u de nyid byang chub sems dpa'i byang chub yin te/ khye'u byang chub sems dpas rang gi sems rtogs pa ma gtogs par khong du chud par bya ba gzhan ci yang med do// rang gi sems rtogs pa gang
- 39a
yin pa de nyid/ sems can thams cad kyi sems rtogs pa yin no// rang gi sems dben pas sems can thams cad kyi sems dben no// rang gi sems kyi rang bzhin gyis sems can thams cad kyi sems kyi rang bzhin no/ / rang gi sems rnam par dag pas/ sems can thams cad kyi sems rnam par dag go// rang gi sems 'dod chags dang bral bas/ sems can thams cad kyi sems 'dod chags dang bral lo// rang gi sems la zhe sdang med pas/ sems can thams cad kyi sems la zhe sdang med do// rang gi sems la gti mug med pas/ sems can thams cad kyi sems la gti mug med do// rang gi sems la nyon mongs pa med pas/ sems can thams cad kyi sems la nyon mongs pa med do/ / de ltar rtogs pa gang yin pa de/ thams cad rtogs pa'i ye shes yin no// khye'u de ltar tshul bzhin la brtson pa'i byang chub sems dpas ni/ sems can thams cad kyi sems la rang bzhin gyis kun nas nyon mongs pa med par rab tu shes so/ / gang glo bur gyi nyon mongs pas nye bar nyon mongs kyang / sems kyi rgyud la ni/ nyon mongs par 'gyur ba yang med la chos kyi rig pa'i lhag mthong gis/ / de dag de la yongs su gdung ba yang med do// nges byang chub sems dpa' de dag gis/ glo bur gyi nyon mongs pa rnams mthong bas na/ kun nas nyon mongs
- 39b
par mi 'gyur ro/ / bstan pa 'di bshad pa na/ tshong dpon gyi bu 'jigs byin chos rnams la rjes su 'thun pa'i bzod pa skyes par gyur to// de nas smad 'tshong ma'i bu mo gser mchog 'od dpal gyis/ tshong dpon gyi bu de dul bar rig nas/ lha'i bu mo lnga brgya tsam gyis yongs su bskor te/ sil snyan dang / pheg rdob pa dang / glu dbyangs len pa dag byed cing / bcom ldan 'das ga la der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi spyan sngar 'dug go// de nas 'jam dpal gzhon nur gyur pas/ tshong dpon gyi bu 'jigs byin la 'di skad ces smras so// khye'u khyod kyis sring mo 'di shes sam/ smras pa/ 'jam dpal 'tshal lags so// 'jam dpal gyis smras pa/ ji lta bur shes/ de nas khye'u des/ 'jam dpal gzhon nur gyur ba la tshigs su bcad de smras pa/ gzugs ni dbu ba rdos pa 'dra/ tshor ba chu yi chu bur bzhin// 'du shes smig rgyu lta bu ste/ 'du byed rnams ni chu shing bzhin// rnam shes sgyu ma lta bu ste// yongs su rtog pas kun tu bskyed// byis pas yang dag min brtags par// de ltar bdag gis yongs su 'tshal/ / 'di lus mi g.yo bems po ste// rtsa dang rtsig pa lta bu lags// rnam shes bstan du ma mchis te// de ltar bdag gis yongs su 'tshal// 'di la sems can bdag ma mchis//
- 40a
srog dang gang zag ma mchis te// lus 'di bsags pa tsam lags par// de ltar bdag gis yongs su 'tshal// 'di la 'dod chags sdang ma mchis// gti mug 'byung ba'ang ma mchis te/ / gti mug nyon mongs padag ma mchis// de ltar bdag gis yongs su 'tshal// tshul bzhin ma lags bslad pa 'di// byis pa rnams kyi 'khrul pa te// / mkhas pa de la mi chags par// de ltar bdag gis yongs su 'tshal// dper na 'di ni nag khrod na// shi ba'i ro ni mnam pa bzhin// gzugs ni rang bzhin de 'dra bar// de ltar bdag gi yongs su 'tshal/ / 'di ni sngon mthar ma skyes te// phyi mthar 'chi 'phor 'gyur ma mchis// de ltar 'byung ba ma mchis par// de ltar bdag gis yongs su 'tshal// 'di yis bdag ni/ brgyal ba las// mi gtsang ba yis bkrol bas na// 'jam dbyangs rnam pa ji ltas kyang // 'di la lan glan rngo mi thog/ mi 'gum 'chi 'pho ma mchi kyang // sems can yongs snga ni bgyi slad du/ / bdag ni 'chi bar ston bgyid pas// su zhig byang chub tshol mi bgyid// ji ltar bdag ni chags sdang dang // nyon mongs thams cad tshul bzhin min// sems can kun gyi mtshan de 'dra/ / 'di ni chos rnams chos nyid lags// de nas de'i tshe bcom ldan 'das 'dzum pa mdzad do// 'di ni sangs rgyas bcom ldan 'das rnams kyi chos nyid de/ gang gi
- 40b
'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog sna tshogs kha dog dum 'di lta ste/ sngon po dang / ser po dang / dmar po dang / dkar po dang / btsod dang shel dang / dngul gyi kha dog lta bu dag byung ste/ de dag byung nas tshangs pa'i 'jig rten gyi bar du song ste/ 'jig rten gyi khams mtha' yas mu med pa dag snang bas khyab par byas nas slar log ste/ bcom ldan 'das kyi dbu'i gtsug tu nub bo// de nas tshe dang ldan pa kun dga' bos/ bcom ldan 'das 'dzum pa mdzad pa mthong nas stan las langs te/ pra gos phrag pa gcig tu gzar nas/ / pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / de bzhin gshegs pa dgra bcom pa yang dag par rdzogs pa'i sangs rgyas rnams ni/ rgyu dang rkyen ma mchis par 'dzum pa mi mdzad na/ bcom ldan 'das 'dzum pa mdzad pa de'i rgyu ni gang lags/ rkyen ni gang lags/ de nas de'i tshe tshigs su bcad pa 'di dag kyang gsol to// rnam 'dren 'jig rten mkhyen la ya mtshan mi mnga' bas/ ston pa rgyu ma mchis par 'dzum pa mi mdzad na/ / 'di ltar khyod ni mdzum pa mdzad par gyur pa yi// khyod kyi 'dzum pa'i rgyu ni bdag cag shin tu 'tshal// rgyal ba'i zhal 'dzum mdzad par gyur pa mtho
- 41a
nas ni/ / wAr bcas 'gro ba 'di dag the tsom skyes par gyur// be tsom gyur pa rnams kyi som nyi bas la skad du// mi dbang 'dzum pa sadzad pa'i rgyu ni bstan du gsol/ gang gis de ring chos rnams la ni yid bzhag gam// chos nyid du ni rgyal ba la las mthong gyur tam// sangs rgyas bsngags pa'i mchod pa gang gis deng bgyis sam// bdag cag de dag nyan par 'tshal lo mi yi gtso/ / gang gis de ring bdud rnams bzhon dang bcas bcom mam// gang gis de ring ston pa'i thugs ni dgyes bgyis sam// gang gi de ring 'dus byas rnams kyi gting rtogs sam/ / de dag nyan par 'tshal gyis the tsom bsal du gsol// 'dren pa 'dzum pa mdzad pa'i rgyu ni nyan slad du// 'gro ba thams cad thal mo sbyar ba bgyis te sdod// rkang gnyis rnams kyi gtso bo thugs rje bskyed mdzad la// the tsom gyur pa rnams kyi yid gnyis bsal du gsol// bcom ldan 'das kyis bka' stsal pa/ kun dga' bo khyod kyis smad 'tshong ma'i bu mo gser mchog 'od dpal zhes bya ba 'dir mthong ngam/ gsol pa/ bcom ldan 'das mthong lags so// bde bar gshegs pa mthong lags so// bcom ldan 'das kyis bka' stsal pa/ kun dga' bo smad 'tshong ma'i bu mo gser mchog 'od dpal 'di ni/ sngon 'jam dpal gzhon nur gyur pas/ bla na med pa yang dag par rdzogs pa'i byang chub
- 41b
yang dag par 'dzin du bcug ste/ 'dis de las chos thos nas/ chos rnams la rjes su 'thun pa'i bzod pa thob par gyur to// kun dga' bo khyod kyis tshong dpon gyi bu 'jigs byin zhes pab 'di mthong ngam/ gsol pa/ bcom ldan 'das mthong lags so// bde bar gshegs pa mthong lags so// bcom ldan 'das kyis bka' stsal pa/ kun dga' bo 'dzin ngas sngon bla na med pa yang dag par rdzogs pa'i byang chub yang dag par 'dzin du bcug ste/ 'dis kyang nga las chos thos nas/ chos rnams las rjes su 'thun pa'i bzod pa thob par gyur to// kun dga' bo smad 'tshong ma'i bu mo gser mchog 'od dpal 'di ni bskal pa 'bum phrag dgu bcu rtsa gnyis 'das pa'i 'og tu/ bskal pa rin chen 'byung ba zhes bya ba la/ 'jig rten gyi khams rin po che zhes bya bar mngon par rdzogs par 'tshang rgya ste/ de bzhin gshegs pa dgra bcom pa yang dag par rdzogs pa'i sangs rgyas rin chen 'od ces bya bar 'gyur ro// kun dga' bo 'jig rten gyi khams de'i sems can rnams kyi longs spyod dang nye bar spyod pa ni/ sum cu rtsa gsum gyi lha rnams kyi ci 'dra ba de 'dra bar 'gyur ro// deran byang chub sems dpa' rin po che dag ma gtogs par rin po che gzhan 'byung bar mi 'gyur ro/ / de bzhin gshegs pa de'i tshe'i tshad ni dpag tu med par 'gyur ro// de bla na med pa yang dag par rdzogs pa'i byang chub mngon par rdzogs par sangs rgyas
- 42a
nas tshong dpon gyi zla 'jigs byin 'di yang byang chub sems dpa' yon tan rin chen 'od ces bya bar gyur te/ de bzhin gshegs pa'i chos kyi mdzad 'dzin par byed do// gang gi tshe de bzhin gshegs pa rin chen 'od yongs su mya ngan las 'da' bar gyur pa de'i tshe/ byang chub sems dpa' yon tan rin chen 'od de la/ byang chub sems dpa' yon tan rin chen 'od/ 'di ni/ ra'i 'og tu bla na med pa yang dag par rdzogs pa'i byang chub mngon par rdzogs par 'tshang rgya ste/ de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro zhes bya bar 'gyur ro/ / de'i sangs rgyas kyi zhing gi bkod pa yang / nga'i ci 'dra ba de 'dra bar 'gyur ro zhes lung ston par 'gyur ro// smad 'tshong ma'i bu mo gser mchog 'od dpal dang tshong dpon gyi bu 'jigs byin gnyis lung bstan ma thag tu de'i mod la stong gsum gyi stong chen po'i 'jig rten gyi khams rnam pa drug tu rab tu g.yos shing / 'jig rten du snang ba chen pos khyab par gyur to/ / lung bstan pa bshad pa 'di bstan pa na/ srog chags brgyad stong gis bla na med pa yang dag par rdzogs pa'i byang chub tu sems bskyed par gyur to// de nas bcom ldan 'das la/ tshe dang ldan pa kun dga' bos 'di skad ces gsol to/ / bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga'
- 42b
de'i phyir khyod kyis chos kyi rnam grangs 'di bkod pa chen po'i sgo'i le'u zhes bya bar zung zhig/ 'jam dpal rnam par rol pa zhes bya bar yang zung zhig/ smad 'tshong ma'i bu mo gser mchog 'od dpal/ btul ba zhes bya bar yang zung zhig/ bcom ldan 'das kyis de skad ces bka' stsa la nas/ tshe dang ldan pa kun dga' bo dang / smad 'tshong ma'i bu mo gser mchog 'od dpal dang / tshong dpon gyi bu 'jigs byin dang / 'jam dpal gzhon nur gyur pa dang / byang chub sems dpa' sems dpa' chen po de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa 'jam dpal rnam par rol pa zhes bya ba theg pa chen po'i mdo rdzogs so/ / / rgya gar gyi mkhan po su ren dra d+ho d+he dang / zhu chen gyi lo tsa ba ban+d+he ye shes sdes zhus te gtan la phab pa// / rgya gar skad du/ Ar+ya dI pang ka ra byA ka ra Na nA ma ma hA yA na sUtra/ bod skad du/ 'phags pa mar me mdzad kyis lung bstan pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga'
- 43a
rab na/ dge slong stong nyis brgya lnga bcu'i dge slong gi dge 'dun chen po dang thabs cig tu bzhugs so// de'i tshe bcom ldan 'das 'khor brgya stong mang pos yongs su bskor cing mdun gyis bltas te chos ston to/ / de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo de'i phyir khyod kyis dge ba'i rtsa ba la so sor brtags pa nyid kyis bsam pa shin tu yongs su dag par bya'o/ / de ci'i phyir zhe na/ kun dga' bo ngas sangs rgyas brgya stong mang po la zhes dang bcas pas bsnyen bkur byas kyang / sangs rgyas bcom ldan 'das rnams kyis nga sngar bla na med pa yang dag par rdzogs pa'i byang chub tu lung ma bstan gyi/ gang gi tshe ngas de bzhin gshegs pa mar me mdzad mthong nas/ ut+pa la lnga phul ba de'i 'og tu nga chos bdag med pa nyid la mos par gyur cing mi skye ba'i chos la bzod pa thob pa'i phyir ro/ / kun dga' bo de bas na khyod dge ba'i rtsa bas chog shes par mi bya'o// de ci'i phyir zhe na/ kun dga' bo sngon byung ba 'das pa'i dus bskal pa grangs med pa'i yang ches grangs med pa/ yangs pa tshad med pa bsam gyis mi khyab pa 'das pa de'i tshe de'i dus na/ 'dzam bu'i gling 'dir rgyal po ma skyes dgra zhes bya ba/ gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhig byung ste/ kun dga' bo rgyal po ma skyes dgra de la grong khyer brgyad khri bzhi
- 43b
stong yod de/ thams cad kyang bkra ba/ blta na sdug pa/ skyed mos tshal phun sum tshogs pa/ rdzing phun sum tshogs pa/ me tog phun sum tshogs pa/ 'bras bu phun sum tshogs pa/ bde ba/ lo logs pa/ nyams dga' ba/ 'byor pa/ rgyas pa/ skye bo mang pos gang ba sha stag go// kun dga' bo rgyal po ma skyes dgra de la rgyal po'i pho brang pad+ma can zhes bya ba zhig yod de/ rgyal po ma skyes dgra de de na gnas so// de nas rgyal po ma skyes dgra'i mdun na 'don bram ze gling ldan zhes bya ba snying du sdug cing mthong na mi mthun pa med pa dang ldan pa zhig yod do// kun dga' bo de nas rgyal po ma skyes dgras rigs bzhi'i mi thams cad bsdus nas/ bram ze gling ldan bkug ste/ cod pan bcings nas rgyal srid phyed byin te/ 'di skad ces kyang smras so// bram ze khyod rang gi yul du song ste/ rgyal po'i pho brang byos la ming yang pad+ma can du thogs shig/ kun dga' bo de nas rgyal po gling ldan gyi rang gi yul du rgyal po'i pho brang byas te/ ming yang pad+ma can du btags so/ / kun dga' bo de ltar de'i tshe de'i dus na/ 'dzam bu'i gling 'di na/ rgyal po gnyis rgyal srid byed de/ gcig ni ma skyes dgra'o// cig shos ni gling ldan no/ / kun dga' bo de nas rgyal po gling ldan gyi btsun mo dam pa khang bzangs kyi yang thog na bde bar nyal zhing 'dug go// de nas byang chub sems dpa' mar me mdzad dga' ldan gyi gnas nas
- 44a
shi 'phos nas glang po che'i drug gu thal kar du bsgyur te/ 'od zer rab tu 'gyed cing ma'i gro g.yas par zhugs par gyur to// de nas de'i tshe btsun mo dam pa des rgyal po gling ldan la skabs 'di smras so/ / kun dga' bo de nas rgyal po gling ldan bram ze mtshan mkhan dang / ltas mkhan dang / mchod sbyin mkhan rnams sdus te rmi lam gyi skabs 'di bsnyad pa dang bram ze mtshan mkhan rnams kyis smras pa/ rgyal po chen po khyod kyis brnyes pa legs par brnyes te/ khyod kyis sras sems can rin po che zhig bltam par 'gyur ro// kun dga' bo de nas rgyal po gling ldan gyi rmi lam bstan pa 'di thos nas/ dga' zhing mgu la yi rangs te/ rab tu dga' nas dga' ba dang yid bde ba skyes te/ rgyal po gling ldan de'i rgyal khams su gtogs pa thams cad la sbyin pa byin te/ 'di lta ste/ zas 'dod pa rnams la ni zas/ skom 'dod pa rnams la ni skom/ bzhon pa 'dod pa rnams la ni bzhon pa/ spos dang / 'phreng ba rgyu dang / byug pa dang gnas mal rung ba kha na ma tho ba med pa dang / gang ci dang ci 'dod pa thams cad byin no// kun dga' bo de nas zla ba bcu 'das pa dang / rgyal po gling ldan gyi bu gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhig bcas te/ btsas ma thag tu lus las 'di lta bu'i 'od byung ste/ 'od des rgyal po gring ldan gyi rgyal po'i pho brang thams cad snang bas khyab par
- 44b
gyur to/ / de nas de'i tshe lha'i dbang po brgya byin rang gi gnas nas mi snang bar gyur nas/ gzhon nu gang na ba der song ste phyin nas/ gzhon nu de la shis par brjod pa byas te/ 'di skad ces kyang smras so/ / 'di btsas ma thag tu lus las 'di lta bu'i 'od byung ste/ des rgyal po gling ldan gyi rgyal po'i pho brang thams cad snang bas khyab par gyur pas/ gzhon nu'i ming mar me mdzad du btags so// de nas gzhon nu'i ming mar me mdzad mar me mdzad ces bya bar gyur to// kun dga' bo de nas rgyal po gling ldan dga' zhing mgu la yi rangs te/ rab tu dga' nas dga' ba dang yid bde ba skyes te/ yang de'i rgyal khams su gtogs pa thams cad la sbyin pa byin te/ 'di lta ste/ zas 'dod pa rnams la ni zas/ skom 'dod pa rnams la ni skom/ bzhon pa 'dod pa rnams la ni ba 'on pa spos dang / 'phreng ba rgyu dang / byug pa dang / gnas mal rung ba kha na ma tho ba med pa dang / gang ci dang ci 'dod pa thams cad byin no// kun dga' bo de nas rgyal po gling ldan gyis rgyal bu gzhon nu mar me mdzad bkug ste/ cod pan bcings nas rgyal srid phyed byin te/ 'di skad ces kyang smras so// gzhon nu khyod song la btsun mo'i 'khor gyi nang na 'dug cing rtses shig/ dga' bar gyis shig/ dga' dgur spyod cig/ kun dga' bo de nas re zhig na rgyal bu gzhon nu mar me mdzad btsun mo'i 'khor gyi nang du song nas bzhon pa chen po la zhon te/ bud med kyi tshogs
- 45a
kyis yongs su bskor nas skyed mos tshal gyi gnas su song ba dang / gnas gtsang ma'i ris kyi lha'i bu dag cig gis bdag cag nyid nas shing 'khogs pa dang / nad kyis btab pa dang / shi ba yang bsten te/ dge sbyong zhig kyang der bzhag pa dang / rgyal bu gzhon nu mar me mdzad kyis mthong nas kha lo sgyur ba la 'di skad ces smras so// kye kha lo sgyur ba rnam pa sna tshogs snang ba 'di dag ci yin/ kha lo sgyur bas smras pa/ gzhon nu 'di dag ni rgas pa zhes bgyi ba dang / na ba zhes bgyi ba dang / shi ba zhes bgyi ba lags te/ gzhon nu ji srid du chos nyid gdags pa mchis pa de srid du rga ba dang / na ba dang / 'chi ba'i chos rnams mchis te/ gzhon nu khyod dang 'o skol yang de lta bu lags te/ 'khor ba na gnas pa kho na lags so/ / gzhon nus smras pa/ kha lo sgyur ba mgo bregs te ngur smrig gyon la zhi zhing nye bar zhi ba gnya' shing gang tsam du lta ba 'di su zhig/ kha lo sgyur bas smras pa/ gzhon nu 'di ni dge slong ste/ sdig pa thams cad spangs pa thar pa la mngon par dga' ba'i 'du shes bskyed nas/ khyim nas khyim med par rab tu byung ba lags so// gzhon nus smras pa/ lo sgyur ba legs so legs so// dge slong 'di'i lam 'di ni 'dod pa yin no zhes nas phyir log ste khyim du song ngo // kun dga' bo de nas re zhig na rgyal bu gzhon nu mar me mdzad yang skyed mos
- 45b
tshal gyi gnas su song ngo / / de skyed mos tshal gyi gnas su phyin pa dang / de nas sangs rgyas brgya stong mang pos bstan pa'i byang chub kyi snying po mthong ngo // kun dga' bo de nas byang chub sems dpa' mar me mdzad kyis byang chub kyi snying po de mthong nas/ skyes pa dang / bud med kyi tshogs thams cad ha cang thag mi ring bar bor nas byang chub kyi snying po ga la ba der so ste phyin nas/ des byang chub kyi snying po mthong ba dang / lan gsum bskor ba byas nas/ byang chub kyi snying po der skyil mo krung bcas te 'dug go// byang chub sems dpa' mar me mdzad 'dug ma thag tu/ de nas de'i tshe de nyid kyi mtshan mo'i skya reng dang po shar ba'i dus na/ de bla na med pa yang dag par rdzogs pa'i byang chub tu mngon par rdzogs par sangs rgyas so// kun dga' bo de bzhin gshegs pa mar me mdzad bla na med pa yang dag par rdzogs pa'i byang chub tu mngon par rdzogs par sangs rgyas ma thag tu/ de'i tshe sku las 'di lta bu'i 'od byung ste/ 'od des stong gsum gyi stong chen po'i 'jig rten gyi khams thams cad snang bas khyab par gyur to/ / de nas de'i tshe lha'i dbang po brgya byin rang gi gnas nas mi snang bar gyur te/ de bzhin gshegs pa dgra bcom pa yang dag par rdzogs pa'i sangs rgyas mar me mdzad ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la mchod pa
- 46a
byas nas/ sgra 'di skad ces kyang bsgrags so// kye ma'o de bzhin gshegs pa mar me mdzad 'di 'jig rten du byung ste/ 'di ltar de'i 'od kyis 'jig rten gyi khams thams cad snang bas khyab par mdzad do/ / de bzhin gshegs pa mar me mdzad lo lnga bcu'i bar du byang chub kyi snying po de na bzhugs kyang / tha na sems can gcig tsam yang bltang dang / phyag bya ba dang / bsnyen bkur bya ba'i phyir nye bar mi 'gre'o// de ci'i phyir zhe na/ rgyal po gling ldan gyi rgya po'i pho brang 'khor gyi mi rnams bde ba dang ldan pa'i phyir blta ba dang / phyag bya ba dang / bsnyen bkur bya ba'i phyir nye bar mi 'gro'o// kun dga' bo de nas de bzhin gshegs pa mar me mdzad 'di snyam du dgongs te// rgyal po gling ldan gyi rgyal po'i pho brang 'khor ba'i mi rnams bde ba dang ldan pas ha cang bag med par gyur gyis/ ngas de rnams cung zhig yid byung bar bya gor ma chag snyam mo// de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis/ de'i tshe 'di lta bu'i rdzu 'phrul mngon par 'du mdzad pa mngon par 'du mdzad de/ rdzu 'phrul ji lta bu mngon par 'du mdzad pa mngon par mdzad pas rgyal po gling ldan gyi rgyal po'i pho brang 'khor ba'i mi rnams kyi nang du bai DUR+Ya las byas pa'i grong khyer chen po blta na sdug pa/ skye bo dang mi mang pos gang la/ mi de dag kyang lhag
- 46b
par mdzes pa/ lhag par blta na sdug pa/ rgyan thams cad kyis brgyan pa dag cig mngon par sprul to// de nas rgyal po gling ldan gyi rgyal po'i pho brang 'khor ba'i mi rnams bai DUR+Sha las byas pa'i grong khyer na gnas pa'i mi rnams kyis snga gong bar ni gyur na/ gang yang skyo bar ni ma gyur to// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad 'di snyam du dgongs te/ rgyal po gling ldan gyi rgyal po'i pho brang 'khor ba'i mi rnams ha cang bag med pa dang ldan par gyur pas/ ngas yang cung zhig skyo ba bskyed par bya gor ma chag snyam mo/ / de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis yang 'di lta bu'i rdzu 'phrul mngon par 'du mdzad pa mngon par 'du mdzad de/ rdzu 'phrul ji lta bu mngon par 'du mdzad pas/ bai DUR+Ya las byas pa'i grong khyer chen po de la me chen po 'bar bar byin gyis brlabs so// byin gyis brlabs ma thag tu de la me 'bar bar gyur to/ / de nas de'i tshe sems can de dag dang / grong khyer chen po de yang yongs su zad cing mthar thug pa dang zhig par gyur nas/ sems can de dag kyang tshul ma yin pas sdug bsngal bar gyur to/ / kun dga' bo de nas rgyal po gling ldan gyi rgyal po'i pho brang 'khor ba'i mi rnams kyis bai DUR+Ya las byas pa'i grong khyer chen po rgud par mthong nas/
- 47a
sngangs skrag cing skyo bar gyur nas spu zing zhes byed de/ de dag 'di snyam du sems par gyur to// gang gi phyir grong khyer de yongs su zad cing mthar thug pa dang zhig par gyur pa las na/ ring po mi thogs par bdag cag kyang de lta bu'i mi rtag pa'i gnas skabs su 'gyur na su zhig bdag cag gi skyabs su 'gyur snyam mo// de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad 'di snyam du dgongs te/ rgyal po gling ldan gyi rgyal po'i pho brang 'khor ba'i mi 'di rnams yongs su smin pas/ ngas chos bstan pa kun shes par nus shing skal ba dang ldan pa dang / mthu yod par gyur to snyam mo// de nas de bzhin gshegs pa mar me mdzad kyis mi de rnams kyi bsam pa thugs su chud nas/ de'i tshe dran pa dang shes bzhin gyis byang chub kyi snying po de nas bzhengs te/ phyi bzhin 'brang ba'i dge sbyong lha'i dbang po brgya byin dang thabs cig tu rgyal po gling ldan gyi rgyal po'i pho brang ga la ba der gshegs so// kun dga' bo de bzhin gshegs pa mar me mdzad byon ma thag tu/ de nas de'i tshe de bzhin gshegs pa mar me mdzad kyis chos bstan pa dang po'i tshe srog chags nyi khri rab tu phyung ste/ de dag thams cad len pa med par zag pab rnams las sems rnam par grol lo/ / chos bstan pa gnyis pa'i tshe srog chags sum khri rab tu phyung ste/ de dag kyang len pa med par zag pa rnams las sems rnam par grol lo// chos
- 47b
bstan pa gsum pa'i tshe srog chags bzhi khri rab tu phyung ste/ de dag thams cad chos rnams la chos kyi mig rdul cing dri ma dang bral ba rnam par dag go// chos bstan pa bzhi pa'i tshe/ srog chags lnga khri rab tu phyung ste/ de dag thams cad kyang len pa med par zag pa rnams las sems rnam par grol lo// kun dga' bo de nas de bzhin gshegs pa dgra bcom pa yang dag par rdzog pa'i sangs rgyas mar me mdzad dge slong gi dge 'dun mang pos yongs su bskor cing mdun gyis bltas te chos bston to/ / kun dga' bo de nas rgyal po ma skyes dgras/ rgyal po gling ldan gyi bu zhig skyes nas/ de bla na med pa yang dag par rdzogs pa'i byang chub mngon par rdzogs par sangs rgyas so zhes thos nas/ des pho nya btang ste/ 'di ltar bdag kyang mchod par 'tshal na/ bdag gi thad du gshegs par gsol zhes spring ngo / / de nas pho nya des rgyal po ma skyes dgra las mnyan nas/ rgyal po gling ldan gyi rgyal po'i pho brang ga la ba dang / rgyal po gring ldan ga la ba der song ste phyin nas/ 'phrin de skad smras so// de nas rgyal po gling ldan de bzhin gshegs pa dgra bcom pa yang dag par rdzogs pa'i sangs rgyas mar me mdzad ga la ba der song ste phyin nas/ bcom ldan 'das kyi zhabs la mgo ngos phyag 'tshal te/ phyogs gcig tu 'dug nas/ skabs de gsol pa dang / bcom ldan 'das kyis bka' stsal pa/ rgyal po chen po khyod snying las chung ngur gyis la slar song zhig
- 48a
nga ni rgyal po'i pho brang pad+ma can du gshegs so/ / de nas de bzhin gshegs pa dgracom pa yang dag par rdzogs pa'i sangs rgyas mar me mdzad dge slong gi dge 'dun dang byang chub sems dpa'i tshogs dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa rnams kyis yongs su bskor cing / rgyal po gling ldan yang rgyal po'i mthu chen po dang / rgyal po'i tshogs mang po dang / rgyal po'i rnam par 'phrul pa chen po dang / rgyal po'i bdog pa chen po dang / rgyal po'i 'byor pa chen po dang / rgyal po'i rnam par rtse ba chen po dang chas te yongs su bskor cing mdun gyis bltas te thabs cig tu gshegs so// kun dga' bo de nas de bzhin gshegs pa mar me mdzad de rims kyis rgyal po'i pho brang pad+ma can ga la bar gshegs so/ / de'i tshe na ri'i rgyal po gangs ril bram ze rin po che zhes bya ba zhig 'dug ste/ bram ze'i khye'u lnga brgya tsam bstan bcos dang / rig byed dang / gsang sngags thams cad slob tu 'jug go// de na bram ze'i khye'u lnga brgya tsam po de dag gi nang na/ bram ze'i khye'u sprin ces bya ba gzhon nu dar la bab pa/ gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa/ gsang sngags dang / bstan bcos dang / cho ga shes pa ji snyed pa
- 48b
thams cad mkhas pa zhig yod do/ / kun dga' bo de nas bram ze'i khye'u sprin ces bya bas mkhan po'i rkang pa la mgo bos phyag 'tshal nas/ 'di skad ces smras so// kye mkhan po bdag grong dang / grong khyer dang / ljongs dang / yul 'khor dang / rgyal po'i pho brang 'khor rnams su mchi'o// mkhan pos smras pa/ kye bram ze'i khye'u bdag bram ze rnams kyi chos nyid ni 'di yin te/ gang gis bstan bcos dang / rig byed dang / gsang sngags thams cad lebs pa des mkhan po la zong brgya dang / ras zung gcig dang / 'khar ba dang / ril ba rnams sbyin dgos so// bram ze'i khye'u sprin gyis smras pa/ mkhan po bdag la pags pa dang / 'khar ba dang / ril ba ma gtogs par ci yang ma mchis pas mchi'o// lan gsum gyi bar du gsol nas/ de bzhin gyis shig ces smras so// de nas bram ze'i khye'u sprin rims kyis ri'i rgyal po gangs las babs nas/ grong dang / grong khyer dang / ljongs dang yul 'khor dang / rgyal po'i pho brang 'khor du zhugs so// de'i tshe na grong khyer bde bar pha rol du 'gro ba na/ bram ze sdu ga bzang po zhes bya ba zhig gnas te/ de la bu mo bzang len ldan zhes bya ba gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhig yod pa de'i phyir nyi ma re re zhing bram ze bzhi khri zan sbyin par byed cing de rnams
- 49a
kyi nang na/ thams cad las khyad par du 'phags pa gang yin pa de la bdag gi bu mo sbyin no snyam pa dang / gnas gtsang ma'i ris kyi lha'i bu zhig gis bram ze'i khye'u sprin la grong khyer chen po bde bar pha rol du 'gro ba'i lam bstan no/ / de nas bram ze'i khye'u sprin mchod sbyin gyi gnas ga la ba der song ste phyin nas/ bram ze'i khye'u sprin mchod sbyin gyi gnas der phyin ma thag tu de'i tshe bu mo des rang gi pha ma la 'di skad ces smras so/ / yab bram ze'i khye'u 'di'i mtshan ma ji ltar gda' ba las na/ 'di bdag gi khyim thab tu 'gyur ro// de nas bram ze'i khye'u sprin bram ze de dag thams cad dang lhan cig kun tu smra bar byed cing / de na bram ze sprin nyid bstan bcos dang / gsang sngags dag gis khyad par du 'phags so// de'i tshe na mchod sbyin gyi gnas der bram ze dum bu byin zhes bya ba zhig rgan gral du 'dug ste mchod sbyin byed do/ / de nas bram ze'i khye'u sprin bram ze dum bu byin ga la ba der song ste phyin nas/ bram ze dum bu byin dang lhan cig tu rig byed dang / gsang sngags dag smra bar byed cing de na 'di lta ste/ sprin nyid rig byed dang / gsang sngags dang / bstan bcos dag gis khyad par du 'phags so// de nas bram ze'i khye'u sprin gyis bram ze dum bu byin la 'di skad ces smras so/ / kye bram ze bdag cag bram ze rnams kyi chos nyid ni gang gis bstan bcos thams cad rtogs shing khong du chud pa de stan mchog la 'dug pa yin no// de nas bram ze'i khye'u sprin gyis bram
- 49b
ze dum bu byin la 'di skad ces smras so/ / bram ze chen po 'dir kho bo'i dug gis stan 'di las longs shig/ de nas bram ze dum bu byin gyis 'di skad ces smras so// bram ze'i khye'u kho bo bstan 'di las ma ba slang zhig dang / kho bos zong lnga brgya thob pa khyod la sbyin no// smras pa/ kho bo la mi dgos so// de ma langs pa dang de'i mgrin pa nas bzung ste bslang ngo // de nas bram ze dum bu byin gyis bram ze'i khye'u sprin la smras pa/ bram ze'i khye'u khyod kyis kho bo stan 'di las bslang nas mtho btsams shing sngangs par byas pas/ khyod gang dang gang du skyes pa'i skye ba thams cad du sbyin pa'i bar chad bya'o/ zhes dam bcas so// de nas bram ze'i khye'u sprin seng ge'i khri de la 'dug go// de nas bram ze sa ga bzang po'i bu mo bzang len ldan lag pa g.yas pas bzung ste/ gser gyi 'khar ba dang / ril pa dang / ras zung gcig dang / zong lnga brgya khyer nas bram ze'i khye'u ga la ba der song ste phyin nas/ bram ze'i khye'u sprin la 'di skad ces smras so// rigs kyi bu 'di dag long zhig/ de nas bram ze'i khye'u sprin gyis zong lnga brgya dang / ras zung gcig dang / 'khar ba dang / ril ba rnams blangs te/ bu mo de ma blangs so// 'di skad ces kyang smras so// bud med 'dis ci zhig bya bud med ni spre'u dang 'dra ste/ rgod pa 'phyar ba dge ba'i bar chad byed pa yin la/ kho bo ni dgon pa dang / rab tu dben pa rnams na gnas pas 'di kho bo la mi dgos so// rigs kyi bu
- 50a
bdag la snying brtse ba'i phyir long zhig/ des ma blangs so// de nas bram ze'i khye'u sprin mchod sbyin gyi gnas de nas song ste/ ri'i rgyal po gangs ga la ba der song ngo // de nas bram ze sa ga bzang pos/ bu mo bzang len ldan la smras pa/ bu mo khyod khyim thab kyi phyir ci'i phyir mi 'gro// des de'i tshig mnyan nas ri'i rgyal po gangs ga la ba de logs su 'phags so// de'i tshe na gnas gtsang ma'i ris kyi lha'i bu zhig gis ri'i rgyal po gangs su 'gro ba'i lam mi snang bar byas nas/ rgyal po'i pho brang pad+ma can du gang nas 'gro ba'i lam bstan cing gang du bram ze'i khye'u sprin dro 'debs par der bu mo bzang len ldan yang dgongs 'debs so/ / de nas bram ze'i khye'u des rgyal po'i pho brang pad+ma can dar gyi lda ldis bres pa/ me tog bkram pa/ bdug spos 'thul ba'i snod dang radang pa mthong nas des dris pa/ grong khyer chen po 'di ci'i rgyus mngon par brgyan par gyur/ de nas rgyal po'i pho brang pad+ma can gyi rgyal po'i pho brang 'khor ba'i mi rnams kyis/ bram ze'i khye'u sprin la 'di skad ces smras so/ / bram ze'i khye'u khyod kyis ma thos sam/ 'di ltar de bzhin gshegs pa dgra bcom pa yang dag par rdzogs pa'i sangs rgyas mar me mdzad ces bya ba 'jig rten du byung ste/ de rgyal po ma skyes dgras spyan drangs nas de 'dir 'byon pa'i phyir/ grong khyer chen po mngon par brgyan to// de nas bram ze'i khye'u sprin 'di snyam du sems te/ bdag
- 50b
cag bram ze rnams gyi nang na gang bstan bcos thams cad la spyod pa gsal zhing mkhas pa yang dkon na/ sems can rin po che 'di lta bu 'jig rten du byung ba lta smos kyang ci dgos kyis bdag gi zong lnga brgya po 'dis me tog nyos la de bzhin gshegs pa la mchod pa bya gor ma chag snyam nas/ des phan tshun du me tog btsal na gang nas kyang ma rnyed pa dang / rgyal po'i pho brang pad+ma can gyi rgyal po'i pho brang 'khor ba'i mi rnams na re/ bram ze'i khye'u khyod kyis ma thos sam/ rgyal po ma skyes dgras bka' stsal te/ me tog thams cad de bzhin gshegs pa mar me mdzad la mchod pa bya dgos kyis/ 'di ltar su yang me tog nyor yang mi gnang / 'tshong du yang mi snang ngo // gang zhig gis nyos sam btsongs na ngas de chad pa chen pos gcod do zhe'o// de me tog tshol ba na bu mo bzang len ldan mdun du 'dug ste/ 'di skad ces smras so// bram ze'i khye'u ci tshol/ bram ze'i khye'u sprin gyis smras pa// bu mo me tog tshol lo// de nas bu mo bzang len ldan me tog 'phreng rgyud mkhan zhig gi khyim ga la ba der song ste phyin nas/ me tog 'phreng rgyud mkhan de la 'di skad ces smras so// rigs kyi bu kho mo la me tog byin cig/ kho mo'i khyim thab la dgos so/ / me tog 'phreng rgyud mkhan gyis smras pa/ bu mo khyod kyis ma thos sam/ 'di ltar rgyal po ma skyes dgras 'di skad ces bka' stsal te/ me tog thams cad de bzhin
- 51a
gshegs pa mar me mdzad la mchod pa bya dgos kyis/ 'di ltar su yang me tog 'tshong du yang mi gnang / nyor yang mi gnang ngo // gang zhig gis nyos sar btsongs na ngas de chang pa chen pos gcod do zhe'o/ / lan gsum gyi bar du bslangs pa dang / de bzhin bya'o zhes zer ro// de nas bu mo bzang len ldan gyis bum pa blangs nas ut+pal bdun bcug ste/ grong khyer du song nas bram ze'i khye'u spri na mthong ba dang / mdun du 'dug ste 'di skad ces smras so// bram ze'i khye'u ci tshol/ bu mo me tog tshol lo// smras pa/ bram ze'i khye'u ci bya/ smras pa/ bu mo bskyed par bya'o// bu mos smras pa/ ut+pa la btogs zin pa gang dag yang skye bar 'gyur ba ni kho mos nam yang mthos ma mthong ngo // smras pa bu mo gang la bskyed pa tsam gyis skye ba'i bsod nams kyi zhing de lta bu la bskyed do/ / des smras pa/ gal te kho mo gang dang gang du skyes pa'i skye ba thams cad du khyod kho mo'i khyim thab tu 'gyur bar dam 'cha' na/ de'i phyir ut+pal sbyin no// de nas bram ze'i khye'u sprin 'di snyam du sems te/ bdag ni dgon pa dang / rab tu dben pa na gnas pa yin la/ bud med ni rgod pa/ 'phyar ba/ dge ba'i rtsa ba'i bar chad byed pa yin pas bud med 'dis ci zhig bya snyam mo// lan bdun gyi bar du smras pa dang / de bzhin du gyur cig ces smras so// de nas de'i tshe
- 51b
bcom ldan 'das kyis tshigs su bcad pa 'di dag bka' stsal to/ / 'di skad ngas thos sngon srid na// sangs rgyas mar me 'jig rten byung // 'khor ni mang po bdun stong dang / pad+ma can du de byon to// de yi phyir ni rgyal mtshan bsgreng // rnga ni brgya phrag de phyir brdungs// grong khyer thams cad kun sbyangs shing // lam srang bzhi ni de phyir brgyan// grong khyer brgyan pa de mthong nas/ / bram ze'i khye'u yis dris pa ni// gang gi phyir ni rgyal mtshan bsgreng // gang phyir rnga ni brgya phrag brdungs// grong khyer thams cad kun sbyangs shing // gang phyir lam srang bzhi brgyan pa'i/ / bsam pa de ni lung ston cig/ rig byed shes khyod ma thos sam// sangs rgyas mar me 'jig rten byung // 'khor ni mang po bdun stong dang // pad+ma can du de byon te// de yi phyir ni rgyal mtshan bsgreng // de phyir rnga ni brgya phrag brdungs// grong khyer thams cad kun sbyangs shing // de phyir lam spang bzhi brgyan to// sangs rgyas kyi ni sgra thos nas// sangs rgyas yon tan gyis mgu ste/ / rings par myur du song ba dang // rgyang nas bram ze'i bu mo mthong // pad+ma ut+pal g.yo ba'i mig/ chu skyes thogs shing sgo na 'dug/ de yis bram ze'i khye'u mthong nas/ / snyan pas smra bar bya ba'i phyir// ka la 'drim bya'i sgra// yid 'ong dang mo khu byug sgra// sgra chen spangs nas tshangs pa'i sgras// bram ze'i khye'ul bu mos spras// 6
- 52a
ci nags kyi nang de na/ / sbyin sreg byed cing rig 'don la// rgyal po'i dmag gis ma gtses sam// 'khrugs shing lam srang dag tu rgyu// bu mong khyim gnyen 'dun med/ yongs su gzung ba'ang ngal med// 'dod pa'i yon tan nga mi 'dod// bu mo rgyal dmag nga mi gnod// nga de dag las zan mi za// chos gos gos kyang mi len te// shes bzhin brgyun ni mi smra na/ / bu mo rgyal dmag nga mi gnod// 'bras bu rtsa bas nags na gnas// bu mo rgyal dmag nga mi gnod// seng phrug dag gis ma gtses sam// 'bras rtsa nags na med dam ci// ci phyir khyod ni brtan par 'ongs/ / seng ge'i phrug gus ma gtses te// nags na 'bras bu rtsa ba yod// bzang mo ut+pal dgos pa'i phyir// de phyir nga 'dir grong khyer 'ongs// gal te shed bu lang yis/ dregs lus brgyan phyir bram ze'i khye'u// bdag gi ut+pal 'tsham pa yin// bdag gi 'phreng phyir mi nyo la// ut+pal bsnams phyir 'dod pa min// brtse ldan mar me mdzad kyi phyir/ bzang mo bdag ni ut+pal slong // bde bar pha rol 'gro ba na// gang du pa las zan zos tshe// brlang ba'i tshig smras mi dran nas// 'dzem med ci phyir me tog slong // bzang mo ut+pal rin du dbyig/ / lnga brgya 'di sbyin dge mas gnod // sangs rgyas yon tan tshol ba la// bzang mo gegs nim byed cig/ bzang mo bdag gi gzhis byas nas// slong ba rnams kyi bgegs su 'gyur// gzhan lnga
- 52b
zhog gi bram ze'i khye'u/ / gal te slong ba bdag byin na// bdag ni khyod kyi bgegs mi byed// bdag smon 'dir 'gyur gzhan du min// de gnyis smon lam btab nas ni// bram ze'i khye'u yis ut+pal blangs/ / de nas ut+pal thogs nas kyang // rgyal ba'i zhabs la phyag 'tshal nas// gal te bdag lus bskams gyur cing // bdag gi rus pa dkar gyur kyang // byang chub lung ma bstan bar du/ / bdag ni de ring mi ldang ngo // bdag smon de gyur gzhan du min// de nas bu mo bzang len ldan gyis ut+pal lnga blangs te/ bram ze'i khye'u sprin la byin nas/ bram ze'i khye'u ut+pal 'di dag rang gi ming gis skrun cig/ bram ze'i khye'u ut+pa la 'di gnyis kyang kho mo'i ming gis sbran cig/ de nas bram ze'i khye'u sprin ut+pa la de dag khyer nas grong khyer gyi phyi rol du byung ba dang // de bzhin gshegs pa dgra bcom pa yang dag par rdzogs pa'i sangs rgyas mar me mdzad mdzes pa/ dad par bya ba/ dbang po dul ba/ thugs dul ba/ mchog tu dul ba/ dang zhing zhi ba'i pha rol tu phyin pa/ dul ba dang zhi ba dam pa'i pha rol tu phyin pa/ glang po chen po dbang po bsrungs shing thul ba/ mtsho ltar dang zhing rnam par dang la rnyog pa med pa/ gser gyi mchod sdong ltar mngon par 'phags pa/ dpal gyis brjid pa/ gzi brjid kyis 'bar bar mthong ngo // sems can bye ba brgya stong phrag du ma dang / khye'u dang bu mo brgya phrag du ma dang / lha dang / lha ma yin dang /
- 53a
klu dang / gnod sbyin dang / dri za dang / nam mkha' lding dang / mi 'am ci dang / lto 'phye chen po mang po dang / rgyal po ma skyes dgra yang btsun mo'i 'khor dang ldan cig tu me tog dang / me tog 'phreng dang / spos dang / byug pa thogs te/ bcom ldan 'das la mchod pa'i phyir 'ong ba yang mthong nas/ yang 'di snyam du sems par gyur to// de bzhin gshegs pa dgra bcom pa yang dag par rdzogs pa'i sangs rgyas ni skyes bu chen po'i mtshan sum cu rtsa gnyis kyis/ de bzhin gshegs pa dgra bcom pa yang dag par rdzogs pa'i sangs rgyas yin par bdag gis thos na/ de bzhin gshegs pa 'di la ni mtshan sum cu zhig snang ste/ mtshan gnyis ni mi snang bas/ mtshan sum cu rtsa gnyis dang ldan pa ma yin no snyam mo// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis bram ze'i khye'u sprin gyi sems kyi kun tu rtog pa thugs su chud nas/ rdzu 'phrul ji lta bu mngon par 'du mdzad pa mngon par 'du mdzad pas/ skyes bu chen po'i mtshan sum cu rtsa gnyis po de dag snang bar 'gyur ba de lta bu'i rdzu 'phrul mngon par du mdzad pa mngon par 'du mdzad do/ / bram ze'i khye'u sprin gyis de mthong nas yang bram ze'i khye'u sprin dga' zhing mgu la yi rangs te/ rab tu dga' ba dang yid bde ba skyes nas pags pa de bting ba dang / de nas rgyal po'i
- 53b
pho brang pad+ma can gyi rgyal po'i pho brang 'khor ba'i mi de dag gis pags pa de blangs nas/ phan tshun du bor te/ bram ze'i khye'u sprin la'ang skad ces smras so// bram ze'i khye'u ma spros sam gang du rgyal po'i na bza' gding ba der khyod kyi pags pa brtsog pa 'di 'ding bar byed/ de nas bram ze'i khye'u sprin gyis pags pa blangs nas/ lam las gzur te/ lam gol bar 'dug nas/ bden pa'i tshig 'di byas so// bden pa dang bden pa'i tshig gang gis 'di ltar de bzhin gshegs pa thams cad mkhyen pa/ thams cad gzigs pa/ 'jig rten la thugs brtse ba yin na ba shul las gzur te/ bdag gi ral pa la zhabs 'jog par gyur cig/ de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad zhal phyir gzigs nas/ dge slong rnams la bka' stsal pa/ dge slong dag gang du nga'i zhabs gnyis 'jog pa der khyed kyis gzhag par mi bya'o// de ci'i phyir zhe na/ de ni sangs rgyas bye ba khrag khrig brgya stong mang po la bsnyen bkur byas pa'i ral pa yin pa'i phyir ro/ / de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad bshul las gzur nas bram ze'i khye'u sprin gang na bar gshegs te byon pa dang / zhabs gnyis ral pa'i steng der bzhag go// de nas bram ze'i khye'u sprin sa'i steng nas langs nas/ de bzhin gshegs pa dgra bcom pa
- 54a
yang dag par rdzogs pa'i sangs rgyas mar me mdzad la ut+pal de dag gtor to/ / gtor ma thag tu de'i tshe de bzhin gshegs pa'i dbu'i gtsug gi steng gi drang thad du ut+pa/ la'i khang pa brtsegs pa grwa bzhir ka ba bzhi zug pa/ cha mnyam pa shin tu rnam par phye ba/ nyams dga' ba/ yid du 'ong ba zhig gnas par gyur te/ khang pa brtsegs pa de na yang de/ bzhin gshegs pa'i sku snang ngo // de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis bram ze'i khye'u sprin la 'di skad ces bka' stsal to// bram ze'i khye'u khyod dge ba'i rtsa ba 'dis ma 'ongs pa'i dus bskal pa grangs med pa na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su 'gyur ro/ / de nas bram ze'i khye'u sprin bdag nyid lung bstan pa thos nas/ dga' zhing mgu la yi rangs te/ rab tu dga' ba dang yid bde ba skyes nas/ de'i tshe mi skye ba'i chos la bzod// pa rab tu thob bo// de bzod pa thob nas steng gi nam mkha' bar snang la ta la bdun srid du 'phags nas/ ting nge 'dzin drug stong mngon du gyur cing de bzhin gshegs pa gang+gA'i klung gi bye ma snyed dag/
- 54b
kyang mngon du gyur to// de nas bram ze'i khye'u sprin par snang las babs te/ bcom ldan 'das kyi zhabs la phyag 'tshal nas/ bcom ldan 'das las rab tu byung ba dang / dge slong gi da po gsol to/ / kun dga' bo de'i tshe de'i dus na bram ze'i khye'u sprin ces bya bar gyur pa de gzhan zhig yin pa snyam du som nyi 'am/ yid gnyis sam/ the tsom za na/ kun dga' bo de de ltar mi blta'o/ / de ci'i phyir zhe na/ nga nyid de'i tshe de'i dus na bram ze'i khye'u sprin ces bya bar der gyur to// kun dga' bo de'i tshe de'i dus na bram ze'i bu mo bzang len ldan zhes bya bar gyur pa de gzhan zhig yin pa snyam du som nyi'am/ yid gnyis sam/ the tsom za na/ kun dga' bo de de ltar mi blta'o// de ci'i phyir zhe na/ shAkya'i bu mos 'tsho ma de'i tshe de'i dus na bu mo bzang len ldan zhes bya bar gyur to/ / kun dga' bo de'i tshe de'i dus na bram ze'i dum bu byin zhes par gyur pa gang rgan gral du 'dug ste/ sbyin sreg byed pa de gzhan zhig yin pa snyam du som nyi'am/ yid gnyis sam the tsom za na/ kun dga' bo de de ltar mi blta'o// de ci'i phyir zhe na/ mi gti mug can lhas byin 'di de'i tshe de'i dus na bram ze dum bu byin du gyur to// kun dga' bo de lta bas na de'i phyir dge ba'i rtsa bas chog shes par mi bya'o/ / bcom ldan 'das kyis de skad ces bka' stsal nas/ tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig
- 55a
rten thams cad dang ldan pa'i 'khor de yi rangs te/ bcom ldan 'das kyis gsungs pa la mngon par bstod do// 'phags pa mar me mdzad kyis lung bstan pa zhes bya ba theg bapa chen po'i mdo rdzogs so/ / / rgya gar gyi mkhan po bi shud+d+ha sing ha dang / lo tsa ba ban+d+he dge dpal gyis bsgyur/ rgya gar gyi mkhan po dz+nyA na gar+b+ha dang / 'u chen gyi lo tsa ba ban+d+he gu'i rgyal mtshan gyis zhu chen bgyis te gtan la phab pa/ / // rgya gar skad du/ Ar+ya k+She ma tI/ byA ka ra na nA ma ma hA yA na sU tra/ bod skad du/ 'phags pa bde ldan ma lung bstan pa zhes bya ba theg pa chen po'i mdo/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong nyi khri'i dge slong gi dge 'dun chen po dang / byams pa dang / 'jam dpal la sogs pa byang chub sems dpa' sems dpa' chen po rab tu mang po gdang thabs cig tu bzhugs so/ / de nas bcom ldan 'das snga dro'i dus kyi tshe/ chos gos dang sham thabs gsol te/ lhung bzed bsnams nas/ byang chub sems dpa' sems dpa' chen po byams pa dang thabs cig tu rgyal po'i khab kyi grong khyer chen por bsod snyoms la gshegs so/ / de nas bcom ldan 'das rgyal po'i khab kyi grong khyer du mthar chags kyis bsod snyoms rgyu zhing rgyal po
- 55b
gzugs can snying po'i pho brang ga la ba der gshegs so/ / de nas rgyal po gzugs can snying po'i btsun mo bde ldan ma zhes bya ba khang bzangs mchog gi steng na 'dug pas/ bcom ldan 'das thag ring po nas gshegs pa mthong ngo / / mthong nas kyang sems dga' bar gyur te/ khang bzangs kyi steng nas babs nas/ bcom ldan 'das dang / byang chub sems dpa' sems dpa' chen po byams pa'i gdan dar dkar rin che ba bting ngo / / de nas bcom ldan 'das dang byang chub sems dpa' sems dpa' chen po byams pa gdan bshams pa la bzhugs so// de nas rgyal po'i btsun mo bde ldan ma lus rgyan thams cad kyis brgyan pas/ bcom ldan 'das dang / byang chub sems dpa' sems dpa' chen po byams pa'i zhabs la mgo bos phyag 'tshal nas/ chos mnyan pa'i phyir zhe sa dang bcas gus pa dang bcas pas/ bcom ldan 'das kyi spyan sngar 'dug go// de nas bcom ldan 'das kyis/ rgyal po'i btsun mo bde ldan ma lus rgyan thams cad kyis brgyan pa la gzigs nas/ sems can thams cad la phan pa'i phyir mkhyen bzhin du rgyal po'i btsun mo bde ldan ma la bka' stsal pa/ bde ldan ma lus lus la thogs pa'i 'bras bu 'di lta bu shin tu lham me/ lhan ne/ lhang nger 'dug pa'i shing de'i ming ci zhes bya/ de skad ces bka' stsal pa dang / bcom ldan 'das la/ rgyal po'i btsun mo bde ldan mas tshigs su bcad de gsol pa/ gang gis 'bras bu khyod thogs pa
- 56a
shing de'i ming ni ci yin zhes/ / dpa' bo chen po mkhyen bzhin du// gang zag mchog gis smras pa ni// bdag gis sngon ni gang bskyed pa// bsod nams las byung shing zhes bgyi/ / 'dren pa bdag gis myong ba yi// 'bras bu 'di dag de'i lags// ljon shing bshad pa de nyid kyang // sangs rgyas nyan thos rnams la yod// sangs rgyas ye shes thob 'dod rnams/ / byang chub phyir ni de la gnas// sbyin dang tshul khrims chab rtsal bas// ljon shing de ni rnam par 'khrungs// de ni rnam par 'khrungs pa na// 'bras bu bzang po rnams kyang 'byung / / bzod pa dang ni brtson 'grus mthus// ljon shing bdag gis legs par 'khrungs// de ni rnam par 'khrungs pa na// 'bras bu dri med 'byung bar 'gyur// shing 'di blta na mdzes/ pa ste// bsam gtan shes rab me tog rgyas// 'dren pa bdag gis de dag gi/ 'bras bu rnams ni myong ba lags// ji ltar ri la rten pa yi// shing rnams yal ga lo ma dag/ chu zheng gab par rgya che ba/ / 'phel bar 'gyur te bskyod mi nus// de bzhin ljon shing che bzang 'di// sangs rgyas chos nyid 'tshal ba na// sems can kun la phan pa'i phyir// sngon ni legs par 'khrungs pa lags/ / 'dren pa'i bsod nams ljon shing 'di'i// 'bras bu gzhan yang mchis lags te// bdag gis nyams su myong ba 'di// de yi me tog tsam du bas// de yi 'bras bu byang chub mchog/
- 56b
sangs rgyas byang chub bla med lags// de ni bdag gis thob par 'gyur// smad pa bud med nyid spangs nas// skyes par bdag nyid 'gyur ba lags// sems can kun gyi dam pa mchog chos rnams kun gyi pha rol phyin/ / thams cad mkhyen pa thams cad gzigs// sdug bsngal kun gyis nyen pa yi// sems can rnams ni bdag gis dgrol// 'jig rten kun la snying brtse ba'i/ / skyabs su bdag ni 'gyur ba lags// de skad ces gsol pa dang // bcom ldan 'das kyis// rgyal po'i btsun mo bde ldan ma la bka' stsal pa/ bde ldan ma gang khyod skye bo mang po la phan pa dang / skye bo mang po bde ba dang / 'jig rten la snying brtse ba dang / skye bo phal po che'i tshogs kyi don dang / lha rnams dang / mi rnams la phan pa dang bde ba'i phyir zhugs pa legs so/ legs so// de skad ces bka' stsal pa dang / bcom ldan 'das la/ rgyal po'i btsun mo bde ldan mas 'di skad ces gsol to// bcom ldan 'das/ bcom ldan 'das kyi skul skyes bu chen po'i mtshan sum cu rtsa gnyis dang / dpe byad bzang po brgyad cu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / byams pa chen po dang / snying rje chen po dang / dga' ba chen po dang / btang snyoms chen po 'di rnams ci las grub lags/ de bzhin du
- 57a
gzhan yang sangs rgyas kyi chos dpag tu ma mchis pa dang / bsam gyis mi khyab pa dang / gzhal du ma mchis pa dang / brjod du ma mchis pa dang / bgrang ba las 'das pa rnams ci las grub lags/ de skad ces gsol pa dang / bcom ldan 'das kyis/ rgyal po'i btsun mo bde ldan ma la tshigs su bcad de bka' stsal pa/ sangs rgyas ye shes 'dod pas na/ / sems can kun la phan pa'i phyir// ngas kyang 'di ltar ljon pa'i shing // sngon ni legs pa kho nar bskyed// sbyin dang tshul khrims bzod pa dang // de bzhin brtson 'grus bsam gtan bsags/ / yun ring dus nas ting 'dzin dang // shes rab nges par bstan pa yin// sems can rnams la mo mnyam sems// ngas ni bsgoms par mi dran te// rtag tu sems ni mnyam gyur pas/ / sangs rgyas nyid ni ngas brnyes so// nga yi sems ni mnyam pa yis// rtag tu sdug dang mi sdug dang // mdza' dang mi mdza' snyoms pas na/ bsod nams shing ni rnam par bskyed/ / des na ljon shing chen po 'di// yon tan mang po gyur pa yin// 'khor los sgyur nyid ngas thob ste// brgya byin nyid kyang byas pa yin// rnam mang dbang phyug chen bo dang / tshangs pa nyid kyang de las thob// bsam gyis mi khyab sangs rgyas chos// mtshan nyid dag kyang ngas rtogs so// de nas rgyal po'i btsun mo bde ldan mas/ bcom ldan 'das kyi yon tan
- 57b
rnams thos nas/ bcom ldan 'das kyis legs par rab tu gsungs pa la mngon par bstod de rjes su yi rang nas/ bcom ldan 'das la tshogs su bcad de gsol pa/ ji ltar mi mchog dam pa po// yon tan rgya mtsho mtha' yas pas// sngon ni spyod pa shin tu bslabs// de ltar bdag kyang rjes su slob// yon tan mthar phyin khyod kyi ni// yon tan rnams ltar bdag slob ste// srid par sdug bsngal spangs ras ni/ bdag kyang 'di 'drar 'gyur bar bgyi// tshe rabs gzhan ni ma lus par// bdag gi sbyin pa gang stsal pa// mnyam med ye shes thob slad du// de dag thams cad yongs su bsngo// srid pa 'di 'am gzhan dag tu/ / bdag gis tshul khrims gang bsrungs pa// sangs rgyas ye shes thob slad du// de dag thams cad yong su bsngo// bzod dang brtson 'grus ting 'dzin dang // shes rab dge ba gang bsten pa/ / sangs rgyas chos kyi don gyi phyir// de dag thams cad bdag gis bsngo// lus dang ngag dang yid rnams kyis// las dge gang dag bdag gis bsags// sangs rgyas ye shes yon tan phyir/ / byang chub du ni bdag gis bsngo// bud med lus 'di spangs nas ni// skyes pa mchog tu bdag gyur cig/ de ltar skyes pa'i lus thob nas// dam pa'i mchog tu bdag gyur cig/ de ltar gyur nas bde gshegs kyi// 'khor lo bla med bskor bar bgyi// 'khor ba'i btson rar bcings pa yi// sems can bye ba dgrol bar bgyi// de nas bcom ldan 'das kyis/ rgyal po'i btsun
- 58a
mo bde ldan ma la tshigs su bcad pa dag gis legs so zhes bya ba byin te/ tshig 'di smras pa legs pa yin// sems ni rab tu bsngos pa legs// khyod kyis bdud ni legs par mnan/ / rdzogs sangs rgyas su khyod 'gyur ro// de nas rgyal po'i btsun mo bde ldan ma dga' zhing mgul/ rab tu dga' ba dang / dga' zhing yid bde ba skyes nas/ bcom ldan 'das dang / byang chub sems dpa' byams pa bza' ba dang / bca' ba mang pos tshim par byas so// de nas bcom ldan 'das gtsang sder ni gyu/ phyag ni bcabs nas/ rgyal po'i btsun mo bde ldan ma la chos kyi gtam rgyas pas yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar mdzad nas/ lung bstan te/ bde ldan ma khyod ma 'ongs pa'i dus bskal pa du ma zhig na/ de bzhin gshegs pa dgra bcom pa yang dag par rdzogs pa'i sangs rgyas lha dang mi rnams kyi ston pa sangs rgyas bcom ldan 'das yon tan rin chen dpal zhes bya bar 'gyur ro/ / khyod kyi sangs rgyas kyi zhing yang mchog tu yongs su dag par 'gyur te/ ngan song ngan 'gro log par ltung ba'i sdug bsngal med pa/ yid du 'ong ba/ yid dang 'thad pa/ mchog tu rnam par dag pa'i byang chub sems dpa' rnams kyi gnas yin te/ khyod kyi sangs rgyas kyi zhing de ni de lta bur 'gyur ro// chos kyi rnam grangs 'di bshad pa na/ dge bsnyen ma stong phrag mang po zhog gis ni tha
- 58b
na med pa yang dag par rdzogs pa'i byang chub tu sems bskyed do/ / srog chags stong phrag mang po dang / lha dang mi'i skye dgu rnams kyis ni chos kyi snang ba thob par gyur to// bcom ldan 'das kyis de skad ces bka' stsal nas/ rgyal po'i btsun mo bde ldan ma dang / 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa bde ldan ma lung bstan pa zhes bya ba theg pa chen po'i mdo rdzogs so// // / rgya gar skad du/ Ar+ya ma hA yAn pra b+ha ban nA ma ma hA yA na sU tra/ bod skad du/ 'phags pa theg pa chen po la dad pa rab tu sgom pa zhes bya ba theg pa chen po'i mdo// / bam po dang po// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la/ byang chub sems dpa' sems dpa' chen po sangs rgyas kyi zhing tha dad pa nas 'dus pa'i byang chub sems dpa'i dge 'dun chen po dang thabs cig tu bzhugs te/ thams cad kyang bdud dang phyir rgol ba bcom pa/ nyon mongs pa dang nye ba'i nyon mongs pa thams cad kyi bag chags kyi kun tu rgyu ba las ring du gyur pa/ bsams bzhin du srid par skye ba kun tu ston pa la dbang chen po'i sa thob pa/ bskal pa dpag tu med par lus dang
- 59a
gnas gtong ba'i dbang thob pa/ bdud kyi las tshad med pa dang / bar du gcod pa thams cad shin tu rab tu rtogs pa// sems can thams cad kyi don thams cad thob par bya ba'i thabs kyi cho ga shes pa/ nges par 'byung ba thams cad shes pa'i stobs chen po thob pa/ mu stegs can gyi smra ba thams cad bzlog pa la mkhas pa/ rdzu 'phrul gyi rnam par 'phrul pa chen pos skye bo phal po// che nye bar bsdu ba la mkhas pa/ pha rol tu phyin pa chen po'i bsgoms pas rnal 'byor chen po'i rnam pa thams cad thob pa// nam mkha' lta bur 'jig rten gyi chos kyis sems ma gos pa sha stag la 'di lta ste/ byang chub sems dpa' sems dpa' chen po dad pa gsal dang / byang chub sems dpa' dad pa dri ma med dang / byang chub sems dpa' dad pa mi bskul dang / byang chub sems dpa' dad pas rab 'jug dang / byang chub sems dpa' dad pa rab gnas dang / byang chub sems dpa' dad pa ma nyams dang / byang chub sems dpa' dad pa mi g.yo dang byang chub sems dpa' dad pa rab tshol dang / byang chub sems dpa' dad pa mnyam dang / byang chub sems dpa' dad pa chen po dang / byang chub sems dpa' rtag tu dad pa'i rjes 'brang dang / byang chub sems dpa' dad pa la yang dag zhugs dang / byang chub sems dpa' dad par 'jug byed dang / byang chub sems dpa' dad pa la yid gnyis rnam par 'jom dang / byang
- 59b
chub sems dpa' dad pa ston dang / byang chub sems dpa' dad pa rab tu 'jog byed dang / byang chub sems dpa' dad pa rnam par 'phel byed dang / byang chub sems dpa' dad pa rnam par sbyong dang / byang chub sems dpa' dad pa'i snod yongs su tshol dang / byang chub sems dpa' sems dpa' chen po dad pa thabs chen dang / de dag la sogs pa byang chub sems dpa' lnga stong dang / 'od srungs chen po la sogs pa dge slong stong nyis ngargya lnga bcu dang / bcom ldan 'das lnga dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa tshad med pa dag gis kun nas bskor cing / mdun gyis byas te 'khor brgya stong du ma'i nang na bzhugs par gyur to/ / de'i tshe 'khor der byang chub sems dpa' las dang po pa mos pas spyod pa'i sa la gnas pa mang po 'dus te 'khod par gyur to// de nas bcom ldan 'das byang chub sems dpa' las dang po pa mos pas spyod pa'i sa la gnas pa de dag las brtsams te gtam rtsom pa mdzad do/ / rigs kyi bu dag gal te ji tsam du byang chub sems dpa' rnams kyi theg pa chen po'i phyir theg pa chen po la dang / na don che zhing 'bras bu che ste phan yon che'o// de lta bas na byang chub sems dpa' las dang po pa mos pas spyod pa la zhugs pas theg pa chen po la dad pas mang du gnas par bya'o// de nas byang
- 60a
chub sems dpa' dad pa thabs chen sangs rgyas kyi mthu dang / sangs rgyas kyi byin gyi rlabs kyis stan las langs te/ bla gos phrag pa gcig gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das byang chub sems dpa' rnams kyis theg pa chen po'i phyir theg pa chen po la dang pa'i mtshan nyid du rig par bgyi ba gang lags/ byang chub sems dpa' rnams kyi theg pa chen po'i phyir theg pa chen po la dad pa skye ba gang lags/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pas rab tu dbye ba rnam pa du zhig mchis/ byang chub sems dpa' rnams kyi theg pa chen po'i phyir/ theg pa chen po la dad pa'i phan yon rnam pa du zhig mchis/ bcom ldan 'das kyis bka' stsal pa/ rigs kyi bu khyod byang chub sems dpa' tshad med pa dag gi don gyi phyir zhugs nas/ de bzhin gshegs pa la don 'di yongs su 'dri bar sems ba le kra so legs so// de'i phyir rigs kyi bu nyon cig dang don de bstan par bya'o// rigs kyi bu bcu gcig po dag ni byang chub sems dpa' rnams kyi theg pa chen po'i phyir theg pa chen po la dad pa'i mtshan nyid du rig par bya'o/ / 'di lta ste/ gsal ba'i mtshan nyid dang // brlan pa'i mtshan nyid
- 60b
dang / rnam pa'i mtshan nyid dang / yongs su bzung ba'i mtshan nyid dang / gnas kyi mtshan nyid dang / yang dag par 'da' ba'i mtshan nyid dang / rtsa ba'i mtshan nyid dang / sbed pa'i mtshan nyid dang / rjes su 'brel ba'i mtshan nyid dang / rgyun gyi mtshan nyid dang / yongs sugrub pa'i mtshan nyid do// dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa'i gsal ba'i mtshan nyid gang lags/ bcom ldan 'das kyis bka' stsal pa/ rigs kyi bu rnyog pa rnam bzhi dang bral ba ni byang chub sems dpa' rnams kyi theg pa chen po'i phyir theg pa chen po la dad pa'i gsal ba'i mtshan nyid do/ / rnyog pa rnam bzhi gang zhe na/ 'di lta ste/ khong khro ba'i rnyog pa dang / yid mi ches pa'i rnyog pa dang / dngang ba'i rnyog pa dang / the tsom gyi rnyog pa'o// rigs kyi bu 'di ltar theg pa chen po'i phyir theg pa chen po la dad pa thob pa'i byang chub sems dpa' ni phyir theg pa chen po la khong khro ba'i sems bskyed mi srid do/ / zab cing rgya che ba'i chos rnams la yid mi ches pa'i sems bskyed mi srid do// zab cing rgya che ba'i chos rnams la sngangs skrag kun tu spangs par 'gyur mi srid do// zab cing rgya che ba'i chos rnams la mi bzod pa dang / the tsom za bar 'gyur mi srid do// byang chub sems dpa' dad pa thabs chen gyis gsol pa/ bcom ldan 'das ci'i slad du las dang po pa'i
- 61a
byang chub sems dpa' mos pas spyod pa la zhugs pa chos shes pa rtogs pa ma mchis par theg pa chen po'i chos zab cing rgya che ba 'di lta bu dag la the tsom mchis shing / tsom gyi rnyog pa dang bral ba lags/ bcom ldan 'das kyis bka' stsal pa/ rigs kyi bu byang chub sems dpa' chos nyid ma rtogs pa'i shes pa nyid kyis theg pa chen po'i chos zab cing rgya che ba dag la the tsom med pa dang / the tsom gyi rnyog pa dang bral ba ma yin gyi/ byang chub sems dpa' gzhan gyi dring las mos pa'i stobs kyis kyang theg pa chen po'i chos zab cing rgya che ba dag la the tsom med cing / the tsom gyi rnyog pa dang bral ba yin no// 'di ltar las dang po pa'i byang chub sems dpa' mos pa spyod pa la zhugs pa ni theg pa chen po'i chos zab cing rgya che ba bstan pa dag la de bzhin gshegs pa nyid dbang du byas nas/ chos 'di dag ni de bzhin gshegs pas gsungs pa'o zhes/ de bzhin gshegs pas thugs su chud pa la mos pa bzhag nas/ chos rnams la ma log par mos pa 'jog go/ / gzhan gyi dring las mos pa'i stobs des de bzhin gshegs pas gsungs pa zab cing rgya che ba'i mdo sde'i chos rnams la the tsom med cing the tsom dang bral ba yin te/ rigs kyi bu de lta bu ni byang chub sems dpa'i theg pa chen po'i phyir/ theg pa chen po la dad pas gsal ba'i mtshan nyid du lta'o// byang chub sems dpa' dad pa thabs chen
- 61b
gyis gsol pa/ bcom ldan 'das byang chub sems dpa'i theg pa chen po'i phyir theg pa chen po la dad pas brlan pa'i mtshan nyid du rig par bgyi ba gang lags/ bcom ldan 'das kyis bka' stsal pa/ rigs kyi bu byang chub sems dpa'i theg pa chen po'i phyir theg pa chen po la dad pa dang ldan pa'i yid bde bas lus brlan pa dang / sems brlan pa gang yin pa de ni de'i brlan pa'i mtshan nyid du rig par bya'o/ / de yang byang chub sems dpa' rnams kyi theg pa chen po'i phyir/ theg pa chen po la dad pa dang ldan pa'i bde ba dang yid bde bas lus dang sems sim par byed pa yin gyi/ 'dod pa la longs spyod pa rnams kyi 'dod pa'i yon tan las byung ba'i bde ba'i dang yid bde bas ni ma yin no// gzugs dang gzugs med pa na spyod pa'i sems can rnams kyi bde ba dang yid bde ba gang yin pa des ni 'di 'dra bar de dag gi lus dang sems sim par byed pa ma yin no/ / de ci'i phyir zhe na/ 'di ltar de dag gi bde ba dang yid bde ba nim zhi ba'o/ / ci'i phyir ma zhi ba zhe na/ gang 'dod pa'i yon tan las byung ba'i bde ba de dang / yid bde ba de dang / 'dod pa la longs spyod pa rnams kyi bde ba dang / yid bde ba de ni de tsam du 'dod chags dang / khong khro ba dang ldan pas ma zhi ba'i mtshan nyid do// mtho dman gyi rgyu'i phyir ma zhi ba'i mtshan nyid do// bden pa rnams la yid gnyis dang / the tsom za ba'i rjes su song ba
- 62a
phyir rab tu ma zhi ba'i mtshan nyid do/ / ngar 'dzin pa dang / nga yir 'dzin pa dang / de'i rtsa ba las byung ba'i lta bar gyur pa tshad med pa dang 'brel ba'i phyir rab tu ma zhi ba mtshan nyid do/ / nye ba'i nyon mongs pa'i phyin ci log dang / g.yeng ba dang / rgod pa dang / rmug pa dang / bag med pa dang / ngo tsha med pa'i rtsa ba'i phyir rab tu ma zhi ba'o// 'gro ba lnga'i las sna tshogs mngon par 'du byed pa'i rtsa ba'i phyir rab tu ma zhi ba'o/ / sdug bsngal gyi bden pas bsdus shing 'gro ba'i phyir rab tu ma zhi ba'o// rigs kyi bu 'di ltar nyon mongs pa dang / las dang tshe'i kun nas nyon mongs pa'i rgyu dang 'bras bur bcas pa'i rgyun la 'jug pa dang ldan pas 'dod pa'i yon tan lnga las byung ba'i bde ba dang / yid bde ba ni rab tu ma zhi ba ste/ de bas na de'i lus dang sems sim par byed pa ma yin no/ / ji ltar 'dod pa la longs spyod pa rnams kyi 'dod pa'i yon tan las byung ba'i bde ba dang / yid bde ba ma yin pa de bzhin du/ gzugs dang gzugs med pa na spyod pa rnams kyi snyoms par zhugs pa las byung ba yang rnam pa de dag gis ci'i rigs par rab tu ma zhi ba'i mtshan nyid du rig par bya'o/ / rab tu ma zhi bas na 'phags pa'i chos 'dul ba la lus dang sems sim par mi 'gyur ro/ / byang chub sems dpa' rnams kyi theg pa chen po'i phyir/ theg pa chen po la dad pa las byung ba'i bde ba dang / yid bde ba gang yin pa de ni 'dod chags dang / khong khro ba'i
- 62b
rab tu ma zhi ba dang / bral ba dang / mthong dman gyi rab tu ma zhi ba dang bral ba dang / bden pa la yid gnyis dang the tsom za ba'i rab tu ma zhi ba dang bral ba dang / ngar 'dzin pa dang / nga yir 'dzin pa dang / de'i rtsa ba las byung ba'i lta bar gyur pa tshad med pa'i rab tu ma zhi ba dang bral ba dang / nye ba'i nyon mongs pa phyin ci log dang / g.yeng ba dang / rgod pa dang / rmugs pa dang / bag med pa dang / ngo tsha med pa'i rab tu ma zhi ba dang bral ba dang / 'gro ba lnga'i las sna tshogs mngon par 'du byed pa'i rab tu ma zhi ba dang bral ba dang / sdug bsngal gyi bden pas bsdus pa'i rab tu ma zhi ba dang bral ba dang / 'di ltar nyon mongs pa dang / las dang / tshe'i kun nas nyon mongs pa'i rgyu dang 'bras bur bcas pa'i rgyun la 'jug pas rab tu ma zhi ba dang bral ba'i phyir rab tu zhi ba'o// rab tu zhi ba'i phyir 'phags pa'i chos 'du ba la lus dang sems sim par 'gyur te/ rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pas brlan pa'i mtshan nyid do// byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i slad du/ theg pa chen po la dad pas brlan pa'i mtshan nyid dang / bde ba dang yid bde ba'i don 'di ngo mtshar to/ / bcom ldan 'das byang chub sems dpa' rnams kyi theg pa chen po'i slad du/ theg pa chen po la dad pa las byung ba'i bde ba dang yid bde ba'i don la rab tu mos par
- 63a
bgyi'o/ / bcom ldan 'das byang chub sems dpa' rnams kyi theg pa chen po'i slad du/ theg pa chen po la dad pa'i rnam pa'i mtshan nyid gang lags/ bcom ldan 'das kyis bka' stsal pa/ rigs kyi bu byang chub sems dpa' rnams rnam pa gsum gyis theg pa chen po'i slad du/ theg pa chen po la dad pa 'jug ste/ 'di lta ste/ yid ches pa'i rnam pa dang 'gyur ba'i rnam pa dang / mngon par dga' ba'i rnam pa'o// gsol pa/ bcom ldan 'das byang chub sems dpa' rnams kyi theg pa chen po'i slad du/ theg pa chen po la dad pa'i yid ches pa'i rnam pas 'jug pa ji lta bu lags/ bcom ldan 'das kyis bka' stsal pa/ rigs kyi bu byang chub sems dpa' zab cing rgya che ba'i chos bstan pa rnams la thog ma kho nar yod par mos so/ / de ci'i phyir zhe na/ 'di ltar chos 'di dag ni de bzhin gshegs pa nyid kyi yul de bzhin gshegs pa nyid kyis gsungs par 'os pa'o// de bas na de bzhin gshegs pa rnams nyid kyis mngon par rdzogs par sangs rgyas te/ rtog ge pa rnams kyi yul ma yin no// 'di ltar rtog ge pa rnams ni zab cing rgya che ba'i chos 'di lta bu dag thos na/ dngang bar 'gyur te/ rtogs par lta ga la 'gyur/ de bas na de dag ni rtog ge pa rnams kyi yul ma yin no// sangs rgyas rnams kyi byang chub ji lta bar de dag gi bstan pa'i chos de dag kyang de bzhin du yod de/ de'i
- 63b
phyir sangs rgyas bcom ldan 'das de dag gis chos bstan pa zab cing rgya che ba 'bras bu dang bcas pa la yod pa nyid mos nas/ byang chub sems dpa' yid ches pa'i rnam pas dad pa bskyed do// gsol pa/ bcom ldan 'das byang chub sems dpa' rnams kyi theg pa chen po'i slad du/ theg pa chen po la dang bar 'gyur ba'i rnam pas 'jug pa ji lta bu lags/ bcom ldan 'das kyis bka' stsal pa/ rigs kyi bu byang chub sems dpa' zab cing rgya che ba'i chos yod pa yon tan dang ldan pa dag la rnam pa du mar mos shing lus kyi'agyur ba dang / sems kyi 'gyur ba dang / bcas par theg pa chen po'i phyir/ theg pa chen po la dad pa bskyed do// gsol ba/ bcom ldan 'das byang chub sems dpa' theg pa chen po'i phyir/ theg pa chen po la dad pa las byung ba'i lus kyi 'gyur ba ji lta bu lags/ bcom ldan 'das kyis bka' stsal pa/ rigs kyi bu spu ldang ba dang / spu g.yo ba dang / mchi ma 'khor ba dang / mchi ma zag pa ni byang chub sems dpa'i theg pa chen po'i phyir/ theg pa chen po la dad pa las byung ba'i lus kyi 'gyur ba'o// gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa las byung ba'i sems kyi 'gyur ba gang lags/ bcom ldan 'das kyis bka' stsal pa/ rigs kyi bu lus las byung ba'i bde ba dang / yid bde ba rgya che ba kha na ma tho ba med pa ni byang
- 64a
chub sems dpa'i theg pa chen po'i phyir/ theg pa chen po la dad pa las byung ba'i sems kyi 'gyur ba'o// rigs kyi bu de ltar byang chub sems dpa'i theg pa chen po'i phyir/ theg pa chen po la dad par 'gyur ba'i rnam pas 'jug go// gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa mngon par dga' ba'i rnam pas 'jug pa gang lags/ bcom ldan 'das kyis bka' stsal pa/ rigs kyi bu 'di la byang chub sems dpa'i theg pa chen po'i phyir/ theg pa chen po la dad pa thob pa 'di snyam du sems te/ sngon sems can tshad med pa mir gyur pa rnams kyis brtson 'grus kyi stobs dang / shes pa'i stobs kyis zab cing rgya che ba'i chos 'di rab tu rnyed do// de bzhin du ma 'ongs pa'i dus na'ang rnyed par 'gyur ro// de bzhin du da ltar byung ba'i dus na'ang sems can tshad med pa mir gyur nas/ brtson 'grus kyi stobs dang / shes pa'i stobs kyis zab cing rgya che ba'i chos 'di rab tu rnyed na/ bdag mir gyur la rkyen rnyed bzhin du zab cing rgya che ba'i chos 'di thob par bya ba la brtson 'grus nyams par ci'i phyir bya zhes de ltar shes nas/ byang chub sems dpa' sangs rgyas kyi zhing de dang de dag na rtag par rgyun du zab cing rgya che ba dag la dad pa des mngon par dga' ba skyes shing mos pa skyes pas gnas so/ / rigs kyi bu de ltar byang chub sems dpa'i theg pa chen po'i phyir/ theg pa chen po la dad pa mngon par
- 64b
dga' ba'i rnam pas 'jug ste/ rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa'i rnam pa'i mtshan nyid do// gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa'i yongs su gzung ba'i mtshan nyid gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir/ theg pa chen po la dad pa ni bsod nams dang / ye shes tshad med pa yongs su bzung nas skye'o// de ci'i phyir zhe na/ rigs kyi bu sems can thams cad la phan pa dang bde ba'i gnas yin pa'i phyir/ 'jig rten pa'i dge ba'i rtsa ba ji snyed pa 'di lta ste/ mtho ba'i rigs su 'gyur ba 'am/ gzugs bzang por 'gyur ba'am/ phyug po'i rigs su 'gyur ba 'am/ yid gzhungs pa dang / blo dang dran pa dang ldan par 'gyur ba'am/ phyogs dang g.yog 'khor mang por 'gyur ba 'am/ tshe ring por 'gyur ba 'am/ dbang che bar grags par 'gyur ba 'am/ rgyal rigs shing sA la chen po lta bu'i rigs su 'gyur ba 'am/ bram ze shing sA la chen po lta bu'i rigs su 'gyur ba'am/ khyim bdag shing sA la chen po lta bu'i rigs su 'gyur ba 'am/ rgyal chen bzhi'i ris su skye bar 'gyur ba 'am/ sum cu rtsa gsum dang / mtshe ma dang / dga' ldan dang / 'phrul dga' dang /
- 65a
gzhan 'phrul dbang byed du skye bar 'gyur ba 'am/ 'khor los sgyur ba'i dang / 'jig rten skyong ba nyid dang / brgya byin nyid dang / bdud nyid dang / tshangs pa nyid du cu ba 'am/ gzugs kyi bsam gtan du skye bar 'gyur ba nas/ 'du shes med 'du shes med min srid pa'i rtse mo'i bar du skye bar 'gyur ba'i dge ba'i rtsa ba de dag ni theg pa chen po'i phyir/ theg pa chen po la dad pas bsod nams dang ye shes yongs su bzung ba'i dge ba'i rtsa ba de'i brgya'i char yang nye bar mi 'gro ste/ stong gi cha 'am/ brgya stong gi cha'am/ grangs sam/ cha 'am/ bgrang ba'am/ bskrun pa 'am/ zla 'am/ dper yang mi bzod do// de ci'i phyir zhe na/ 'jig rten pa'i dge ba'i rtsa ba de dag ni 'dod chags dang / khong khro ba rab tu ma zhi ba dang 'brel ba'o/ / mtho dman rab tu ma zhi ba dang 'brel pa'o// bden pa rnams la yid gnyis dang / the tsom za ba rab tu ma zhi ba dang 'brel pa'o// ngar 'dzin pa dang / nga yir 'dzin pa dang / de'i rtsa ba las byung ba'i lta bar gyur pa tshad med pa ra tum zhi ba dang 'brel ba'o/ / nye ba'i nyon mongs pa'i phyin ci log dang / g.yeng ba dang / rgod pa dang / rmugs pa dang / bag med pa dang / ngo tsha med pa rab tu ma zhi ba dang 'brel pa'o/ / 'gro ba lnga'i las sna tshogs mngon par 'du byed pa'i rjes su 'brel pa rab tu ma zhi bar khrel ba'o// sdug bsngal gyi bden pas bsdus pa rab tu ma zhi ba dang 'brel ba'o// rigs kyi bu de ltar
- 65b
'jig rten pa'i dge ba'i rtsa ba de dag ni nyon mongs pa dang / las dang / tshe'i kun nas nyon mong ba rgyu dang 'bras bur bcas pa'i rgyun la 'jug pa rab tu ma zhi ba dang 'brel pa dag go// byang chub sems dpa'i theg pa chen po'i phyir/ theg pa chen po la dad pa dang 'brel pa bsod nams dang / ye shes yongs su bzung ba'i dge ba'i rtsa ba rnams ni 'dod chags dang / khong khro ba rab tu ma zhi ba las rnam par grol ba'o/ / mtho dman rab tu ma zhi ba las rnam par grol ba'o// bden pa rnams la yid gnyis dang / the tsom za ba rab tu ma zhi ba las rnam par grol ba'o// ngar 'dzin pa dang / nga yir 'dzin pa dang de'i rtsa ba las byung ba'i lta bar gyur pa tshad med pa rab tu ma zhi ba lnga rnam par grol ba'o/ / nye ba'i nyon mongs pa phyin ci log dang / g.yeng ba dang / rgod pa dang / rmugs pa dang / bag med pa dang / ngo tsha med pa rab tu ma zhi ba las rnam par grol ba'o// 'gro ba lnga'i las sna tshogs mngon par 'du byed pa rab tu ma zhi ba las rnam par grol ba'o// rigs kyi bu de ltar byang chub sems dpa'i theg pa chen po'i phyir/ theg pa chen po la dad pa dang 'brel pa bsod nams dang ye shes yongs su gzung ba'i dge ba'i rtsa ba rnams ni nyon mongs pa dang / las dang / tshe'i kun nas nyon mongs pa rgyu dang 'bras bur bcas pa'i rgyun la 'jug pa rab tu ma zhi ba las rnam par grol ba'o/ / de lta bas na de dag ni 'jig rten pa'i dge ba'i rtsa ba thams cad las khyad par du 'phags par rig par bya'o// gang dag nyan thos dang /
- 66a
rang sangs rgyas rnams kyi mi slob pa'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas kun tu gzung ba'i 'jig rten las 'das pa'i dge ba'i rtsa ba de dag kyang nyon mongs pa dang / las dang / tshe'i kun nas nyon mongs pa rgyu dang 'bras bur bcas pa'i rgyun la 'jug pa rab tu ma zhi ba dang 'brel pa ma yin mod kyi/ 'on kyang bdag la phan pa 'ba' zhig gi gnas yin pas don chung ba ste/ phung po ma lus pa'i mya ngan las 'das pa'i dbyings su zad par 'gyur ro// byang chub sems dang 'i theg pa chen po'i phyir/ theg pa chen po la dad pa dang 'brel pa bsod nams dang ye shes yongs su bzung ba'i dge ba'i rtsa ba de dag ni sems can thams cad kyi phan pa dang bde ba'i gnas yin pas don che ba ste/ phung po ma lus pa'i mya ngan las 'das pa'i dbyings su zad par 'gyur ba ma yin no// rigs kyi bu de lta bas na byang chub sems dpa'i theg pa chen po'i phyir/ theg pa chen po la dad pa 'brel pa bsod nams dang / ye shes yangs pa yongs su bzung ba'i dge ba'i rtsa ba dag ni 'jig rten pa'i dge ba'i rtsa ba 'ba' zhig las khyad par du 'phags pa ma yin gyis/ 'jig rten las 'das pa'i dge ba'i rtsa ba dag las kyang khyad par du 'phags pa yin te/ rigs kyi bu 'di ni byang chub sems dpa'i theg pa chen po'i phyir/ theg pa chen po la dad pa'i yongs su
- 66b
bzung ba'i mtshan nyid do/ / byang chub sems dpa' dad pa thabs chen gyis gsol pa/ bcom ldan 'das byang chub sems dpa' sems dpa' chen po rnams kyi theg pa chen po'i phyir/ theg pa chen po la dad pa dang 'brel ba bsod nams dang ye shes yongs su bzung ba'i dge ba'i rtsa ba ni mthu che ba bla na ma mchis pa ste ngo mtshar to/ / bcom ldan 'das kyis bka' stsal pa/ rigs kyi bu de de bzhin te/ ji tsam du dge ba'i rtsa ba don du gnyer ba'i byang chub sems dpas dge ba'i rtsa ba rnam pa 'di lta bu dag yongs su bzung ba la brtson par bya'o// dge ba'i rtsa ba de dag ni 'jig rten pa dang 'jig rten las 'das pa'i dge ba'i rtsa ba thams cad zil gyis mnan nas/ 'jig rten pa'i phun sum tshogs pa thams cad rjes su sbyin pa'o// 'bras bu rab tu sbyin pa dang / de'i rgyus kyang bsgos pa yin te/ mthar yang mi zad par bla na med pa yang dag par rdzogs pa'i byang chub mngon par sgrub bo// sems can tshad med pa dag kyang theg pa gsum gyis sdug bsngal thams cad spong zhing nges par 'byung bar byed par 'gyur ro/ / byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa'i gnas kyi mtshan nyid gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir/ theg pa chen po la dad pa
- 67a
ni sems can thams cad kyi gnas so/ / de ci'i phyir zhe na/ 'di ltar theg pa chen po bstan pa sems can thams cad la phan pa dang bde ba'i thabs kyis rab tu phye ba de la dmig nas/ byang chub sems dpa' theg pa chen po'i phyir/ theg pa chen po la dad pa skyes so// de lta bas na byang chub sems dpa' de bstan pa de la dad pas gang bstan pa de la dga' ba gnas pa'i rgyu des byang chub sems dpa'i theg pa chen po'i phyir/ theg pa chen po la dad pa ni sems can thams cad kyi phan pa dang bde ba'i gnas su rig par bya'o// rigs kyi bu ji ltar byang chub sems dpa' sems dpa' chen po theg pa chen po la dad pa thob pa sems can thams cad la phan pa dang bde ba 'byung ba de ltar pha ma dang / bu dang / mdza' bo dang / rtsa lag dang / gnyen gyi tshogs ni gnyen gyis tshogs la phan pa dang bde ba 'byung ba ma yin no/ / de ci'i phyir zhe na/ pha ma la sogs pa gnyen 'dab kyi tshogs de ni gnyen 'dab kyis tshogs la phan pa ma yin pa la phan par 'du shes shing / phan pa la ni phan pa ma yin par 'du shes pa yin/ bde ba ma yin pa la bde bar 'du shes shing / bde ba la ni bde ba ma yin par 'du shes pa yin no// phan pa dang bde ba de gnyis ka la yang phyin ci log tu gyur pas/ phan pa ma yin pa la phan par sgrub cing / phan pa la ni phan pa ma yin par sgrub pa yin/ bde ba ma yin pa la bde bar sgrub cing / bde ba la ni bde ba ma yin par sgrub pa yin no// byang chub sems
- 67b
dpa' ni theg pa chen po la dad pa las brten nas/ gnyen 'dab lta bu'i sems can thams cad la dam pa'i chos ston pas/ sems can de dag la phan pa la'ang phan par 'du shes shing phan pa ma yin pa la'ang phan pa ma yin par 'du shes pa yin/ bde ba la'ang bde bar 'du shes shing / sdug bsngal la'ang sdug bsngal du 'du shes pa yin no// de ltar phan pa dang bde ba la phyin ci ma log pa'i blo dang ldan pas phan pa gang yin pa de ni sgrub bo/ / gang phan pa ma yin pa de ni mi sgrub bo// bde ba gang yin pa de ni sgrub bo// sdug bsngal gang yin pa de ni mi sgrub bo// de lta bas na/ byang chub sems dpa'i theg pa chen po la dad pa ni sems can thams cad kyi phan pa dang / bde ba'i gnas yin pas/ 'jig rten pa thams cad las khyad par du 'phags pa yin no// rigs kyi bu 'jig rten pa rnams las khyad par du 'phags par yang ma zad de/ 'jig rten las 'das pa rnams las kyang khyad par du 'phags pa yin no// de ci'i phyir zhe na/ 'di ltar nyan thos dang rang sangs rgyas rnams ni byang chub sems dpa'i rjes su 'jug cing / sems can rnams la phan pa dang bde ba byed kyi/ rang gi snying rjes ni ma yin te/ shin tu byed pa yang ma yin no// byang chub sems dpa' rnams kyi theg pa chen po'i phyir/ theg pa chen po la dad pa sems can thams cad kyi phan pa dang / bde ba'i gnas gang yin pa de ni rang gi snying rje dang shin tu byed pas yin te/
- 68a
dka' ba tshad med pa la ci mi snyam pas 'jug go// de lta bas na byang chub sems dpa' rnams kyi phan pa dang / bde ba'i gnas ni 'jig rten las 'das pa'i phan pa dang bde ba'i gnas dang / 'jig rten pa rnams las kyang khyad par du 'phags pa yin te/ rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa'i gan/ kyi mtshan nyid du rig par bya'o// gsol pa/ bcom ldan 'das byang chub sems dpa' sems dpa' chen po rnams kyi theg pa chen po'i phyir/ theg pa chen po la dad pa'i yang dag par 'da'// ba'i mtshan nyid gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir/ theg pa chen po la dad pa'i yang dag par ngan 'gro sems can dmyal ba dang / dud 'gro dang / yi dgas thams cad las yang dag par 'das pa yin no// byang chub sems dpa' dad pa thabs chen gyis gsol pa/ bcom ldan 'das sa la zhugs pa las ring du gnas pa las dang po pa mos pas spyod pa la zhugs pa'i byang chub sems dpa' rnams kyi ngan 'gro thams cad las yang dag par 'da' bar 'gyur ba ji lta bu lags/ bcom ldan 'das kyis bka' stsal pa/ rigs kyi bu byang chub sems dpa' sa la zhugs pa rnams nyid kyi theg pa chen po'i phyir/ theg pa chen po la dad pa thob pas ngan 'gro las yang dag par 'da' bar
- 68b
'gyur zhing / bde 'gro'i rkyen gcig nas gcig tu brgyud pa thob pa ma yin gyi/ ma thob pa'i byang chub sems dpa' rnams kyi theg pa chen po'i phyir/ theg pa chen po la dad pa thobabs kyab na 'grolas yang dag par 'da' bar rig par bya'o/ / rigs kyi bu 'di ltar theg pa chen po'i phyir/ theg pa chen po la dad pa thob pa'i byang chub sems dpa' ni/ gcig nas gcig tu rgyud pas dus ring po na tshe rabs thams cad du sangs rgyas dang / byang chub sems dpa' rnams dang 'grogs pa 'thob bo// de bas na dam pa'i chos mnyan pa dang / tshul bzhin yid la byed pa'i rjes su 'gro ba'i yang dag par nan tan la zhugs pa'i byang chub sems dpa' ni gang du rtag par rgyun du byang chub kyi tshogs yongs su rdzogs par 'gyur ba der skye bar 'gyur te/ rigs kyi bu rnam grangs 'dis na/ byang chub sems dpa' bde 'gro'i lam las kyang yang dag par 'da' bar 'gyur ba yin na/ ngan 'gro las lta smos kyang ci dgos/ gsol pa/ bcom ldan 'das ci lag/ byang chub sems dpa' ngan 'gro las yang dag par 'das pa nyid ces bgyi'o/ / ci bde 'gro las yang dag par 'das pa zhes mi bgyi 'am/ bcom ldan 'das kyis bka' stsal pa/ rigs kyi bu byang chub sems dpa' theg pa chen po la ngang pa thob pa kha cig ni bde 'gro las kyang yang dag par 'das par rig par bya'o/ / 'di ltar theg pa chen po la dad pa thob pa'i byang chub sems dpa' ni las dang / nyon mongs pa dang / las
- 69a
kyi rang dbang gis skye ba gang yin pa dang / sems can gyi don chung ngu'i don gyis skye ba gang yin pa de dag las kyang rim gyis yang dag par 'da'a'o// de lta mod kyi 'on kyang rigs kyi bu rnam grangs 'dis na/ byang chub sems dpa'i 'gro sang ngan 'gro yinas/ ngan 'gro yang bde 'gro yin par rig par bya'o// de ci'i phyir zhe na/ rigs kyi bu byang chub sems dpa'i gzhan gyi dbang gang yin pa dang / don chung ngu'i bde 'gro gang yin pa de ni ngan 'gro yin no// smon lam gyi dbang gis snying rje chen po sngon du 'gro ba'i sems kyis sems can rnams 'dul ba'i phyir byang chub sems dpa' sems can dmyal ba dang / dud 'gro dang / yi dgas rnams su skye ba gang yin pa de ni de'i bde 'gro rig par bya'o// gsol pa/ bcom ldan 'das ci lags byang chub sems dpa' smon lam gyi dbang gis sems can dmyal ba dang / dud 'gro dang / yi dgas rnams su skye ba yang de bzhin du sdug bsngal ba 'am/ rmongs pa lags sam/ bka' stsal pa/ rigs kyi bu de ni ma yin te/ de ltar mi blta'o// byang chub sems dpa' smon lam gyi dbang gis ngan 'gro rnams su skye ba ni bsam gtan bzhi'i sa pa'i bde ba las shin tu 'das nas/ bde ba dang ldan par gnas te/ 'jig rten thams cad dang / 'jig rten las 'das pa dman pa'i shes rab las kyang shin tu 'das nas shes rab kyi rgyu ba la 'jug go// de bas na de de
- 69b
na sems can gyi don la brtson par rig par bya'o/ / ngas de las dgongs te/ sems can rnams kyi las kyi brgyud kyang bsam gyis mi khyab na/ byang chub sems dpa' rnams kyi lta smos kyang ci dgos shes gsungs so/ / rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa'i yang dag par 'da' ba'i mtshan nyid do// gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa'i rtsa ba'i mtshan nyid gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po la dad pa de ni sangs rgyas kyi chos tshad med pa thams cad kyi sa bon yin pa'i phyir/ sangs rgyas kyi chos tshad med pa thams cad kyi rtsa ba nyid du rig par bya'o/ / de ci'i phyir na/ sangs rgyas kyi chos sna tshogs tshad med pa ji snyed theg pa chen po la snang ba dang / rab tu phye ba de dag theg pa chen po la dad pa thob pa'i byang chub sems dpa' nyan to// kun tu 'dzin to// dmigs pa des dad pa skyed do// de la byang chub sems dpa' de'i dad pa skyed pa'i dmigs pa ji snyed par sa bon yongs su 'dzin pa dang / sa bon la sogs pa yang de snyed du gnas so/ / de bas na byang chub sems dpa' rnams kyi theg pa chen po la dad pa de ni sangs rgyas kyi chos tshad med pa thams cad kyi rtsa ba zhes bya ste/ rigs kyi bu 'di ni byang chub sems
- 70a
dpa' rnams kyi theg pa chen po'i phyir/ theg pa chen po la dad pa'i rtsa ba'i mtshan nyid do// gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa'i sbed pa'i mtshan nyid gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' theg pa chen po'i phyir/ theg pa chen po la dad pa skyes nas/ 'di lta ste/ ser sna'i sems yongs su spong zhing dang du mi len pas sbed pa dang / ngan pa'i ngang tshul gyi mtshan ma yongs su spong zhing dang du mi len pas sbed pa dang / khro ba'i mtshan ma yongs su spong zhing dang du mi len pas sbed pa dang / le lo'i mtshan ma yongs su spong zhing dang du mi len pas sbed pa dang / rnam par g.yeng ba'i mtshan ma yongs su spong zhing dang du mi len pas sbed pa dang / 'chal pa'i shes rab kyi mtshan ma yongs su spong zhing dang du mi len pas sbed pa'i phyir/ nyon mongs pa dang / nye ba'i nyon mongs pa dang / phyir rgol ba'i kun tu rgyu ba thams cad las sems shin tu srung zhing shin tu sbed par byed do/ / rigs kyi bu 'di lta ste dper na/ 'di ltar skyes bu zhig lus mi smras par bya ba'i phyir go cha bzang po bgos pa ni go chas bsrungs shing go chas sbas pa'i phyir dgra thams cad kyis mi tshugs so/ / rigs kyi bu de bzhin du theg pa chen po'i phyir/ theg pa chen po la dad pa'i byang chub kyi
- 70b
go cha bgos shing / des legs par bsrungs shing / legs par btsas pa ni nyon mongs pa dang / nye ba'i nyon mongs pa dang / sgrib pa'i dgra thams cad kyis 'jigs par mi 'gyur/ te/ rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa'i sbed ba'i mtshan nyid// gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa'i rjes su 'brel ba'i mtshan nyid gang lags/ bcom ldan 'das kyis bka' stsal ba/ rigs kyi bu 'di la byang chub sems dpa' rnams kyi theg pa chen po'i phyir/ theg pa chen po la dad pa'i bag chags byang chub sems dpa'i gnas la rjes su 'brang ba de ni 'di ltar rjes su 'brang ste/ 'di lta ste/ 'gro ba 'am/ 'dug gam/ nyal lam/ ma nyal lam/ gnyid kyis log gam/ ra ro 'am/ smos kyang rung ste/ rtag tu theg pa chen po la dad pa de dang ldan par 'gyur ro// byang chub sems dpa' tshe rabs gzhan du brjes te/ theg pa chen po la dad pa de brjed du zin kyang / dman pa skal ba mi mnyam pa'i sems bskyed pa'i tshul can ma yin pas/ bshes gnyen ngan pa nyan thos dang / rang sangs rgyas dang 'dre bas kyang 'phrogs par mi 'gyur na/ gzhan mu stegs can gyis lta 'phrogs par ga la 'gyur/ theg pa chen po'i phyir/ theg pa chen po la dad pa'i rkyen
- 71a
chung ngu zhig rnyed pas kyang myur ba dang / shas che ba dang / rgyun gyis theg pa chen po'i phyir theg pa chen po la dad pa bskyed do// de'i theg pa chen po'i phyir/ theg pa chen po la dad pa'i bag chags rjes su 'brel pa de yang tshe rabs su rnam par 'phel te/ bla na med pa yang dag par rdzogs pa'i byang chub kyi bar du 'gyur ro// rigs kyi bu 'di ni byang chub sems dpa'i theg pa chen po'i phyir/ theg pa chen po la dad pa'i rjes su 'brel ba'i mtshan nyid do// gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa'i rgyun gyi mtshan nyid gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' theg pa chen po'i phyir/ theg pa chen po la dad pa thob pa ni dag / pa'i shugs de dag gis rtse zhing dus dus su theg pa chen po'i chos klog go// nyan to// 'don to// kha ton byed do// gzhan dag la yang rab tu ston to// tshul bzhin sems so// bsgoms pa'i rnam pas sbyor ro// rigs kyi bu thos pa dang / sems pa dang / sgom pa de dang de la de ltar sbyor ba'i byang chub sems dpa' ni 'bras bu yod par 'chi ba'i dus bya ba'i phyir kun tu sbyor ba'i tshul gyis theg pa chen po la dad pa'i rgyun rab tu 'jug go/ / rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa'i rgyun gyi mtshan
- 71b
nyid do/ / gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa'i yongs su grub pa'i mtshan nyid gang lags/ bka' stsal pa// rigs kyi bu byang chub sems dpa' rnams kyi theg pa chen po'i phyir/ theg pa chen po la dad pa yongs su grub pa'i rnam pa bzhir rig par bya ste/ skye ba mchog dang / tshad med mchog dang / phan pa mchog dang / 'gyod pa med pa mchog go// rigs kyi bu 'di ltar 'di las phyi rol pa 'jig rten pa rnams kyi rang gis gtsug lag la dad pa gang yin pa de yang dang ba nyid du rig par bya'o// nyan thos dang rang sangs rgyas rnams kyi bstan pa la dad pa gang yin pa de ni bdag la phan pa gtso bor byas pas chung zhing yongs su ma rdzogs pa'i phyir/ byang chub sems dpa'i dad pa'i mtshan nyid dang bral ba'o/ / 'di ltar nyan thos rnams ni ji ltar bcom ldan 'das de ni bdag la phan pa mdzad cing gces spras mdzad pa ste/ bcom ldan 'das de ni bdag gi sdug bsngal gyi chos mang po rnams sel ba/ bcom ldan 'das de ni bdag la bde ba'i chos mang po sgrub pa/ bcom ldan 'das de ni bdag gi sdig pa mi dge ba'i chos rnam pa du ma sel ba/ bcom ldam 'das de ni bdag la dge ba'i chos rnam pa du ma sgrub pa'o zhes/ bdag la phan pa gtso bor byed pas sangs rgyas la dad pa skyes pa de ltar bdag la phan pa gtso bor byed pas sangs rgyas la dad pa skyed do// byang chub sems dpa' ni de ltar dad pa
- 72a
skyed pa ma yin te/ sems can thams cad la phan pa dang / bde ba gtso bor byas nas/ byang chub sems dpa' sangs rgyas la dad pa skyed do// de lta bas na rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa ni rgya che ba'o// rgya che ba'i phyir mchog go// mchog gi phyir yongs su grub pa'o// gzhan yang byang chub sems dpa' rnams kyi theg pa chen po'i phyir/ theg pa chen po la dad pa chung ngus ni dang ba 'bring skyed do// dad pa 'bring gis ni dad pa mchog skyed de/ ngang pa mchog gang yin pa de yang byang chub sems dpa' rnams kyi theg pa chen po'i phyir/ theg pa chen po la dang ba yongs su grub pa'o// gzhan yang byang chub sems dpa' rnams kyi theg pa chen po la dad pa ni sems can thams cad la phan par gyur pa yin te/ de lta bla na yang yongs su grub pa'o/ / gzhan yang byang chub sems dpa' rnams kyi theg pa chen po'i phyir/ theg pa chen po la dad pa ni sangs rgyas kyi chos tshad med pa zad mi shes pa yang dag par 'grub par 'gyur te/ de lta bas na yang yongs su grub par rig par bya'o// rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa yongs su grub pa'i mtshan nyid do/ / rigs kyi bu 'di ni byang chub sems dpa' rnams theg pa chen po'i phyir/ theg pa chen po la dang ba'i mtshan nyid rnam pa bcu gcig po thams cad bsdus pa'i mtshan nyid du rig par bya'o//
- 72b
mtshan nyid rab tu dbye ba'i le'u zhes bya ste dang po'o// / de nas bcom ldan 'das la/ byang chub sems dpa' dad pa thabs chen gyis 'di skad ces gsol to// bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa skye ba gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir/ theg pa chen po la dad pa skye ba de yang rnam pa bcu gcig tu rig par bya'o// 'di lta ste/ rgyu las skye ba dang / grogs las skye ba dang / yid las byed pa las skye ba dang / spyod pa las skye ba dang / 'dris pa las skye ba dang / yongs su mi skyo ba las skye ba dang / yongs su bskang ba las skye ba dang / ting nge 'dzin las skye ba dang / chog mi shes pa las skye ba dang rab tu dben pa las skye ba dang / ston pa tshad mar byas pa las skye ba'o// gsol ba/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa rgyu las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' thog ma'i gnas nyid nas theg pa chen po'i chos dkar po'i sa bon dang ldan pa yin thog ma nas chos dkar po la 'dris pa'i stobs kyi rang bzhin nyid kyis snying rje dang rab tu ldan pa'i theg pa chen po'i chos bstan pa la 'dod pa yang dag par gnas so/ / de 'dod pa sngon du 'gro bas dang pa skye'o//
- 73a
rang bzhin gyis zab cing rgya che ba dang / rab tu ldan pa'i theg pa chen po'i chos bstan pa la mos pas 'dod pa yang dag par gnas te/ de las de'i dang ba skye'o// de ltar byang chub sems dpa' rang bzhin nyid kyis dka' ba spyod pa dang rab tu ldan pa'i theg pa chen po'i chos bstan pa la bzod pa yang dag par gnas te/ des de'i dad pa skye'o// rang bzhin nyid kyis sbyin pa dang rab tu ldan pa'i theg pa chen po'i chos bstan pa la mos pa yang dag par gnas te/ des de'i dad pa skye'o// rang bzhin nyid kyis tshul khrims dang rab tu ldan pa dang / bzod pa dang rab tu ldan pa dang / brtson 'grus dang rab tu ldan pa dang / bsam gtan dang rab tu ldan pa dang / shes rab dang rab tu ldan pa'i theg pa chen po'i chos bstan pa la mos pa yang dag par gnas te/ des de'i dad pa skye'o// rigs kyi bu byang chub sems dpa'i theg pa chen po'i phyir/ theg pa chen po la dad pa rgyu las byung ba ni de lta bu'i tshul can du rig par bya'o// byang chub sems dpa' dad pa thabs chen gyis gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa grogs las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpa'i dge ba'i bshes gnyen ni/ byang chub sems dpa' nyid 'di lta ste/ lung dang thos pa phun sum tshogs pa/ rab tu zhi
- 73b
ba dang / tshul khrims dang / bslab pa dang / spyod lam dang / spyon pa phun sum tshogs pa dag rnam par dag pa sun sum tshogs pa/ zang zing med pa 'i sems dang yongs sum skyob bus sum tshogs pa rnyed nas mthu kun tu bstan pa 'am/ theg pa chen po'i chos ma nor bar rig pas yang dag par brtan pa'am/ rtag par rgyun du 'gro zhing snyan par brjod pas thabs kyi stobs bskyed pa 'dris pas/ byang chub sems dpa' theg pa chen po'i phyir/ theg pa chen po la dad bskyed do// rigs kyi bu 'di ni byang chub sems dpa'i theg pa chen po'i phyir/ theg pa chen po la dang pa grogs las skye bar rig par bya'o/ / gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa yid la bgyid pa las skye ba gang lags/ bcom ldan 'das kyis bka' stsal pa/ rigs kyi bu byang chub sems dpa' sgra ji bzhin du tshul bzhin ma yin par chos rab tu rnam par 'byed pa ni theg pa chen po la dad pa skye ba'i gnas ma yin no// sgra ji bzhin du ma yin gyi/ dgongs pa las byung ba'i don tshul bzhin yid la byed pa ni theg pa chen po la dad pa skye ba'i gnas yin no// rigs kyi bu 'di ltar byang chub sems dpa' sgra ji bzhin du tshul bzhin ma yin par chos rab tu rnam par 'byed pa la yang dag pa ma yin pa'i lta ba nyi shu rtsa brgyad 'byung ngo / / 'di lta ste/ mtshan mar lta ba dang / lta ba la lta ba ma yin par lta ba dang / tha snyad la
- 74a
skur pa 'debs pa'i lta ba dang / kun nas nyon mongs pa la skur pa 'debs pa'i lta ba dang / de kho na la skur pa 'debs pa'i lta ba dang / sbyor ba sel ba'i lta ba dang / yod su 'dzin pa'i lta ba dang / sgyur ba'i lta ba dang / nges par 'byung ba ma yin pa'i lta ba dang / kha na ma tho ba med par lta ba dang / 'byung bar lta ba dang / sgrib pa sogs pa'i lta ba dang / brnyas pa'i lta ba dang / rab tu 'khrugs pa'i lta ba dang / bsod nams ma yin pa 'phel ba'i lta ba dang / log par lta ba dang / ngal ba 'bras bu med pa'i lta ba dang / 'phel bar lta ba dang / slu ba'i lta ba dang / khas mi len par lta ba dang / g.yo ba'i lta ba dang / chad pas bcad pa'i lta ba dang / bkur sti byed par lta ba dang / skur pa'i lta ba dang / rmongs pa brtan pa'i lta ba dang mi smra ba'i lta ba dang / lta ba chen po dang / mngon pa'i nga rgyal gyi lta ba'o// rigs kyi bu mtshan mar lta ba gang zhe na/ gang ngas 'dus pa las byung ba'i ngo bo nyid las dgongs te/ chos rnams med do zhes bstan pa de la sgra ji bzhin du mngon par zhen nas kun nas nyon mongs pa las byung ba'i chos rnams dang / rnam par byang ba las byung ba'i chos rnams la yang med pa nyid du mngon par zhen cing med pa nyid mtshan mar 'dzin te/ de mtshan mar bzung bas med par lta bar 'gyur te/ de'i phyir mtshan mar lta ba zhes bya'o// de la lta ba la lta ba ma yin par lta ba ni med par lta ba de la/ byang
- 74b
chub sems dpa' de sgra ji bzhin du mngon par zhen pas lta ba ma yin par 'du shes par 'gyur ro/ / gang med par lta ba de ni de'i lta ba chen po ste/ de'i phyir lta ba la lta ba ma yin par lta ba zhes bya'o// de la tha snyad la skur pa 'debs pa'i lta ba dang / kun nas nyon mongs pa la skur pa 'debs pa'i lta ba dang / de kho na la skur pa 'debs pa'i lta ba ni mtshan mar lta ba des thams cad la skur pa btab pas tha snyad la skur pa 'debs pa'i lta ba la yang mngon par zhen/ kun nas nyon mongs pa la skur pa 'debs pa'i lta ba la yang mngon par zhen/ de kho na la skur pa 'debs pa'i lta ba la yang mngon par zhen te/ de'i phyir tha snyad la skur pa 'debs pa'i lta ba zhes kyang bya/ kun nas nyon mongs pa la skur pa 'debs pa'i lta ba zhes kyang bya/ de kho na la skur pa 'debs pa'i lta ba zhes kyang bya'o// de la sbyor ba sel ba'i lta ba ni skur pa 'debs pa'i lta ba can de nyid gong du rab tu rnam par 'byed pa la sbyor ba sel bar 'byed pa ste/ de na khyad par du 'gro ba las yongs su 'dzin pa nyams so// de la yongs su 'dzin pa'i lta ba la lta ba ma yin par lta ba dang / skur pa 'debs pa'i lta ba dang / sbyor ba sel ba'i lta ba can de nyid gzhan dag dang / chos kyi mtshan nyid rnam par gdon mi za ba byed pa na med pa'i phyogs nyid yongs su 'dzin te/ de'i phyir yong su 'dzin pa'i lta ba zhes bya'o// de la sgyur ba'i lta ba ni gal te theg pa chen po'i mdo sde'i don rdzong cing / chos 'di dag thams cad ni med pa'i don du
- 75a
mngon par smra'o zhes don de dag med par lta ba de nyid la sgyur ba ste/ de'i phyir sgyur ba'i lta ba zhes bya'o// de la nges par 'byung ba ma yin pa'i lta ba ni rigs kyi bu bdag dang gzhan yongs su 'dzin pa'i lta ba gang yin pa dang / sgyur ba'i lta ba gang yin pa la brten pas de theg pa dman pas kyang rdzogs pa'i bya chub tu nges par mi 'byung na/ bla na med pa yang dag par rdzogs pa'i byang chub tu lta ci smos de'i phyir nges par 'byung ba ma yin pa'i lta ba gang zhes bya'o/ / de kha na ma tho ba med par lta ba ni de med pa'i mtshan ma la lta bar gyur na/ 'di ltar gang lta ba 'di dang ldan na de gang cung zad 'khrul pa'i nyes byas la spyod kyang byang chub sems dpa' de thams cad du kha na ma tho ba med par 'gyur ro snyam du lta bar 'gyur te/ de'i phyir kha na ma tho ba med par lta ba zhes bya'o/ / de la 'byung bar lta ba ni gang med pa'i mtshan mar lta ba'i byang chub sems dpa' de 'di snyam du sems te/ med pa'i mtshan mar lta ba 'di ni nyes byas kyi kha na ma tho ba thams cad kyi 'byung ba'o snyam du sems la/ de ni 'byung ba ma yin te/ de'i phyir 'byung bar lta ba zhes bya'o// de la sgrib pa sogs pa'i lta ba ni kha na ma tho ba med par lta ba dang / 'byung bar lta ba nyid desgrib pa'i rgyu la de'i gnyen po yin pa'i blo 'byung ba'i phyir ro/ / de la brnyas pa'i lta ba ni gang med pa'i mtshan ma la lta ba'i byang chub sems dpa' de nyan thos kyi theg pa la brnyas pa'i sems skyed do//
- 75b
chos 'di dag ni chung ba'i phyir byang chub sems dpas chos de dag goms par mi bya/ byang chub sems dpas chos de dag la mkhas par mi bya'o// byang chub sems dpas chos de dag ring du yongs su spang bar bya'o snyam ste/ de'i phyir brnyas pa'i lta ba zhes bya'o// de la rab tu 'khrugs pa'i lta ba ni gang med pa'i mtshan ma la lta ba'i byang chub sems dpa' de nyan thos kyi theg pa'i gang zag de dag la khong khro ba'i sems skyed de/ 'di dag dang lhan cig gnas par mi bya/ smra ba dang / kun smra ba dang / kun brjod pa dang / chos gos la sogs pa yongs su spyad pa kun spyad par mi bya'o snyam ste/ de'i phyir rab tu 'khrul pa'i lta ba zhes bya'o// de la bsod nams ma yin pa 'phel ba'i lta ba ni brnyas pa'i lta ba dang / rab tu 'khrul pa'i lta ba can gyi byang chub sems dpa' de nyid bsod nams ma yin pa mang du skyed de/ de'i phyir bsod nams ma yin pa 'phel ba'i lta ba zhes bya'o// de la log par lta ba ni gang med pa'i mtshan ma lta ba'i byang chub sems dpa' de stong pa nyid la stong pa nyid du mi rtog/ mtshan ma med pa la mtshan ma med par mi rtog/ smon pa med pa la smon pa med par mi rtog ste/ des na de sgom pa'i ting nge 'dzin rnam pa gsum po 'di mi sgrub ste/ de'i phyir log par lta ba zhes bya'o/ / de la ngal ba 'bras bu med pa'i lta ba ni gang log par lta ba'i byang chub sems dpa' de ting nge 'dzin bsgom pa'i ngal ba 'bras bu med par 'gyur te/ de'i phyir ngal ba 'bras bu med pa'i
- 76a
lta ba zhes bya'o/ / de la 'phel bar lta ba ni gang med pa'i mtshan ma la lta ba'i byang chub sems dpa' de 'di ltar byang chub sems dpa' gang skye bo'i tshogs chen po lta ba 'di la 'dzud cing / skye bo'i tshogs chen po dad par byed pa de bsod nams mang du skyed do snyam du lta bar 'gyur te/ de'i phyir 'phel ba lta ba zhes bya'o// de la slu ba'i lta ba ni gang 'phel bar lta ba'i byang chub sems dpa' de bdag dang gzhan la bsod nams kyi bsam pas bsod nams bslus par 'gyur te/ de'i phyir slu ba'i lta ba zhes bya'o// de la khas mi len par lta ba ni gang med pa'i mtshan ma la lta bapa'i byang chub sems dpa' de 'di snyam du sems te/ chos thams cad med pa nyid 'di la gzhan dang rtsod par gyur na/ bdag gis phyogs gang yang khas mi blang ste/ bdag gis mi gzugs pa 'ba' zhig tu bya'o snyam mo/ / de'i phyir khas mi len par lta ba zhes bya'o// de la g.yo'i lta ba ni gang meng ba'i mtshan ma la lta ba'i byang chub sems dpa' de nyid phyogs khas mi len te/ sgra ji bzhin du med pa de rnam par 'jog pa na 'gabazungs dang / lha ga cod kyi sbyor ba byed de/ 'gabazungs dang / lha gcod kyi sbyor ba ni g.yo smra ba zhes bya ste/ de'i phyir g.yo'i lta ba zhes bya'o// de la chad pas bcad pa'i lta ba ni byang chub sems dpa' gang khas mi len par lta ba dang / g.yo'i lta ba smra ba de nyid smra ba snying po med pa'i phyir/ mkhas pa rnams kyis dus thams cad du chad pas gcad par
- 76b
'gyur te/ de'i phyir changs gcad pa'i lta ba zhes bya'o// de la bkur sti byed par lta ba ni gang med pa'i mtshan ma la lta ba'i byang chub sems dpa' de nyid 'di ltar gang de bzhin gshegs pas gsung pa'i lta ba de lta bu 'di dag la sten pa de ni/ ston pa la bsti stang byed/ bla mar byed/ ri mor byed pa yin par lta la/ de ni rim gro byed pa ma yin te/ de'i phyir bkur sti byed par lta ba zhes bya'o/ / de la skur pa'i lta ba ni gang bkur sti byed par lta ba'i byang chub sems dpa' de nyid de bzhin gshegs pa la skur bar byed de/ bsting stang mi byed pa 'ba' zhig ni ma yin no// de'i phyir skur pa'i lta ba zhes bya'o/ / de la rmongs pa brtan pa'i lta ba ni gang med pa'i mtshan ma lta ba'i byang chub sems dpa' de sgra ji bzhin du mngon par ma zhen pa phyin ci ma log par lta ba'i byang chub sems dpa' gzhan dag gis rigs pa bstan cing rnam pa du mar bzlog pa byas kyang lta ba de las bskyod par mi nus te/ de'i phyir rmongs pa brtan pa'i lta ba zhes bya'o// de la mi smra ba'i lta ba ni nyon mongs pa brtan pa'i lta ba can gyi byang chub sems dpa' de nyid mi smra ba'i lta ba zhes bya'o/ / de la lta ba chen po ni lta ba nyi shu rtsa drug po de dag thams cad la lta ba chen po zhes bya'o// ci'i phyir zhe na/ lta ba 'di jilta ba bzhin du 'jig tshogs la lta ba'i rtsa ba las byung ba lta bar gyur pa drug cu rtsa gnyis ni de ltar kha na ma tho ba che ba ma yin te/ de'i phyir lta ba chen po zhes bya'o// ji ltar byang chub sems dpa'
- 77a
chos ma yin pa la chos su 'du shes shing / don ma yin pa la don du 'du shes nas/ de ltar lta ba med par lta ba yongs su rjod pas dus tshad med par las kyi sgrib pa yongs su 'dzin pa chos kyis phongs par 'gyur ba'i las kyis 'jig rten kun tu sbyor ba ltar/ 'jig tshogs la lta ba'i rtsa ba las byung ba'i lte bar gyur pa rnams ni/ de ltar chos kyis phongs par 'gyur ba'i las kyis 'jig rten kun tu sbyor ba ma yin no/ / de la mngon pa'i nga rgyal gyi lta ba chen po nyid mngon pa'i nga rgyal gyi lta ba zhes bya'o// theg pa chen po'i chos kyi don la sgra ji bzhin du mngon par rlom sems su byed pas log par lta ba 'di 'byung ste/ de'i phyir mngon pa'i nga rgyal gyi lta ba zhes bya'o// 'di la byang chub sems dpa' theg pa chen po la sgra ji bzhin du ma yin par dgongs pa las byung ba'i don la tshul bzhin du so sor rtog pa la ni 'phags pa'i lta ba rnams med par yang lta ba 'di dag mi 'byung ste/ theg pa chen po la dad cing yid la mngon du 'gyur ro// de'i tshul bzhin yid la byed pa'i rjes su 'gro ba'i theg pa chen po'i phyir theg pa chen po la dad pa skye ba ni don chen po yin no// chos la yang chos su 'du shes/ don la yang don du 'du shes pa yin te/ 'di ni byang chub sems dpa'i theg pa chen po'i phyir/ theg pa chen po la dad pa yid la byed pa las skye ba'o// // bam po gnyis pa ste tha ma'o//
- 77b
/ byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa spyod pa las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' ji lta ji lta bur theg pa chen po'i chos bris nas 'chang ba dang / dran par byed pa dang / mchod pa dang / gzhan dang 'gyed par byed pa dang / klog pa dang / nyan pa dang / 'don pa dang / kha ton byed pa dang / gzhan dag la yang rgya cher rab tu ston pa dang / tshul bzhin sems pa dang / de ji lta ji lta bur bsgom pa'i rnam pa'i bar du sbyor zhing / de lta de ltar sbyor ba de tsam du 'di lta ste/ sngon ma thos pa dang / sngon thos pa brtan par bya ba'i phyir gus pa'i dad pa sgo mang po nas skye ste/ rigs kyi bu 'di ni byang chub sems dpa'i theg pa chen po'i phyir/ theg pa chen po la dad pa spyod pa las skye ba'o// gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa 'dris pa las skye ba gang lags/ bcom ldan 'das kyi bka' stsal pa/ rigs kyi bu 'di la byang chub sems dpa'i theg pa chen po'i phyir/ theg pa chen po dad pa 'di ltar mang du byed pa ni/ theg pa chen po'i phyir theg pa chen po la dad pa chung ngu la brten nas 'bring thob par 'gyur/ theg pa chen po'i phyir/ theg pa chen po la dad pa 'bring la brten nas theg pa chen po thob
- 78a
par 'gyur te/ dang bdes dang pa'i shas chen mo thob nas dadang pa mang du gnas pa 'di ni rigs kyi sa byang chub sems dpa'i theg pa chen po'i byor/ theg pa chen po la dang 'dris pa las skye ba'o/ / gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa yongs mi skyo ba las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' de ltar dad pa shas chen po rnyed nas yongs skyo bar mi 'gyur te/ rgyun mi 'chad par dge ba'i phyogs la sbyor ba'i bar du yongs mi skyo/ 'khor ba'i sdug bsngal rnams kyis yongs mi skyo/ sems can log par zhugs pa thams cad kyis yongs mi skyo/ byang chub sems dpa'i dka' ba spyod pas yongs mi skyo'o// de de ltar yongs su mi/ skyo bas sangs rgyas dang / byang chub sems dpa' dang / dge ba'i bshes gnyen rnams mnyes par byed de/ theg pa chen po la dad pa'i rkyen kyang rnyed do// de'i phyir theg pa chen po la dad bskyed cing sbyor ba rgyun mi gcod de/ sbyor ba ma btang ba yin no// des na rgyun mi 'chad par theg pa chen po'i phyir/ theg pa chen po la dang ba de 'jug ste/ rigs kyi bu 'di ni byang chub sems dpa'i theg pa chen po'i phyir/ theg pa chen po la dad pa yongs mi skyo ba las skye ba'o// gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dang
- 78b
pa yongs su bskang ba las skye ba gang lags/ bcom ldan 'das kyis bka' stsal pa/ rigs kyi bu 'di ltar yongs mi skyo bar sbyor ba'i byang chub sems dpa' rgyun du theg pa chen po la dad pa thob pas/ myur du bsod nams kyi tshogs dang / ye shes kyi tshogs yongs su rdzogs par 'gyur ro// de bsod nams dang ye shes kyi tshogs yongs su rdzogs shing / dge ba'i rtsa bas legs par brtan pas theg pa chen po la dad pa'i rkyen chung ngus kyang theg pa chen po la dad pa rgya chen po skyed na/ theg pa chen po la dad pa'i rkyen rgya chen pos lta ci smos te/ de nyin mo 'am/ mtshan mo 'am/ nyal lam/ mi nyal yang rung / theg pa chen po la dad pa'i shugs kyis don med par mi 'gyur te/ rigs kyi bu 'di ni byang chub sems dpa'i theg pa chen po'i phyir/ theg pa chen po la dad pa yongs su bskang ba las skye ba'o/ / gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa gnas las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' 'di ltar bsod nams dang ye shes kyi tshogs yongs su rdzogs pa ni myur ba myur bar theg pa chen po'i phyir/ theg pa chen po la dmigs nas dad pa dang / mchog tu dga' ba las byung ba'i sems kyi ting nge 'dzin 'thob ste/ mnyam par bzhag pa'i sems des theg pa chen po'i chos yang dag pa ji lta ba bzhin ston to// de'i phyir de ma log pa'i rnam pas dad pa
- 79a
skye zhing theg pa chen po'i phyir theg pa chen po la dad pa ches khyad par du 'phags pa skye'o/ / byang chub sems dpa' de'i sems kyi ting nge 'dzin snga ma dang / lhag mthong 'dra ni zhi gnas dang / lhag mthong gis yongs su zin pa'i rnal 'byor gyi lam du 'gyur ro// byang chub sems dpa' rnams rnal 'byor gyi lam 'di la brten nas/ rim gyis sangs rgyas kyi chos rnams yang dag par sgrub par 'gyur te/ rigs kyi bu 'di ni byang chub sems dpa'i theg pa chen po'i phyir/ theg pa chen po la dad pa gnas las skye ba'o// byang chub sems dpa' dad pa thabs chen gyis gsol pa/ bcom ldan 'das ci lags/ zhi gnas dang lhag mthong gi lam 'di byang chub sems dpa' tshogs bsags pa rnams kyi lags sam/ 'on te tshogs ma bsags pa rnams kyi yang lags/ bcom ldan 'das kyis bka' stsal pa/ rigs kyi bu zhi gnas dang lhag mthong gi lam ni/ byang chub sems dpa' tshogs ma bsags pa rnams kyi yang yin par ngas bshad do/ / rigs kyi bu 'di ltar sems mnyam par bzhag pa ni mngon par rtogs pa dang mthun pa/ byang chub sems dpa'i skyon med pa la 'jug pa'i phyogs kyi sa la 'jug pa la nye bar 'gyur te/ rigs kyi bu 'di ni byang chub sems dpa'i theg pa chen po'i phyir/ theg pa chen po la dad pa gnas las skye ba ste/ gnas ni ting nge 'dzin ces bya'o// byang chub sems dpa' dad pa thabs chen gyis gsol
- 79b
pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa chog mi shes pa las skye ba gang lags/ bcom ldan 'das kyis bka' stsal/ pa rigs kyi bu ting nge 'dzin thob pa'i byang chub sems dpa' zhi gnas tsam/ ting nge 'dzin gyi ro de tsam gyis chog par mi 'dzin gyi/ ting nge 'dzin de nyid la gnas nas/ de theg pa chen po'i chos de dag la 'grang zhing 'jal la dpyod cing so sor rtog ste/ de la 'grang zhing 'jal la dpyod cing so sor rtog pa rnam pa'i lhag mthong rab skye'o// des na de lhag mthong dang lhan cigasong ba'i rgyun chu bo snang 'a ba cing drabras byung ba/ mngon par rtogs pa dang / ches 'thun pa/ byang chub sems dpa'i skyon med pa la 'jug pa'i phyogs kyi mchog gi sa la 'jug pa rab tu 'dod do// shes rab la bar mi gnas na/ rigs kyi bu byang chub sems dpa'i theg pa chen po'i phyir/ theg pa chen po la dad pa ji ltar yang mi skye'o zhes nga smra'o// rigs kyi bu byang chub sems dpa' tshogs ma bsags kyang theg pa chen po'i chos nyan tam/ sems kyang rung ste/ zhi gnas dang lhag mthong la gnas na theg pa chen po'i phyir theg pa chen po la dad pa skye'o// sems rtse gcig tu mi byed cing / theg pa chen po'i chos mi 'dzin na/ theg pa chen po la dad pa mi skye'o// rigs kyi bu byang chub sems dpa' gang la la theg pa chen po'i phyir/ theg pa chen po la dad pa skye ba de thams cad ni mi/
- 80a
g.yeng ba'i sems kyi don la rtog pa las skye bar rnam grangs 'dis de ltar rig par bya'o// gsol pa/ bcom ldan 'das tshogs bsags pa'i sa pa'i rnal 'byor gyi lam dang / tshogs ma bsags pa'i sa pa'i rnal 'byor gyi lam khyad par ci mchis/ bcom ldan 'das kyis bka' stsal pa/ rigs kyi bu tshogs ma bsags pa'i rnal 'byor gyi lam ni sa dang mi nye ba ste/ ji ltar tshogs bsags pa'i sa pa ltar de de ltar rdzogs pa ma yin no// rigs kyi bu byang chub sems dpa' tshogs bsags pa'i sa pa'i rnal 'byor gyi lam gang yin pa de ni sa la 'jug pa dang nye zhing rdzogs pa yin te/ rigs kyi bu 'di ni byang chub sems dpa'i theg pa chen po'i phyir/ theg pa chen po la dad pa chog mi shes pa las skye ba'o// gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa rab tu dben pa las skye ba gang lags/ bcom ldan 'das kyis bka' stsal pa/ rigs kyi bu rdzogs pa'i rnal 'byor gyi lam thob pa'i byang chub sems dpa' ni khyim na gnas pa dang / rab tu byung ba rnams dang 'dre zhing mi gnas kyi/ bas mthar gnas 'cha' zhing gnas te/ de dag na gcig pu rgyang bsrings te/ bag yod pa dang / rtun pa dang / rgyun du gnas so// de ltar rab tu dben par gnas pa de rnal 'byor gyi lam de nyid la gnas nas/ theg pa chen po'i chos rnams yid
- 80b
la byed pas bar chad med par theg pa chen po'i phyir/ theg pa chen po la dad pa rab tu skyed do// ji tsam du nyin mo dang / mtshan mo de dang de dag 'das pa dang / skad cig thang cig yun tsam de dang de dag 'das shing / byang chub kyi phyogs kyi chos khyad par du 'gro'o// de de ltar rab tu dben pa'i rnal 'byor gyi lam la gnas nas/ rim gyis bla na med pa yang dag par rdzogs pa'i byang chub mngon par rdzogs par 'tshang rgya ba'i bar du 'gyur te/ de gong du thabs kyi khyad par gzhan btsal bar bya ba med do// rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa rab tu dben pa las skye ba'o/ / byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa ston par tshad mar bgyis pa las skye ba gang lags/ bcom ldan 'das kyis bka' stsal pa/ rigs kyi bu de ltar rab tu dben pa'i rnal 'byor gyi lam la gnas pa'i byang chub sems dpa' de theg pa chen po'i chos rnams yid la byed pas/ gang theg pa chen po'i chos zab cing gsang ba blos mi chud pa de la ston pa nyid tshad mar byed do// ston pa nyid tshad mar byas nas chos de dag la mos so/ / de ltar tshul bzhin du rab tu rnam par 'byed pas/ bdag gang gi tshe ston pa la mos par ma gyur pa de'i tshe/ bdag ston pas bshad pa'i chos rnams la mos
- 81a
par mi 'gyur te/ ston pa'i che ba nyid la mos pa shin tu ma rung bar ma byas par rig nas/ ston pa la mos pa 'jug pa theg pa chen po'i chos gsang bdag la mos par 'jug go// byang chub sems dpa' ji lta ji ltar khong du chud cing rtogs nas/ theg pa chen po'i chos zab cing gsang ba de dag la dad pa 'thob pa de ltar khong du ma chud cing ma rtog kyang byang chub sem dpa' mos pa'i stobs bskyed pas chos de dag la dad pa 'thob ste/ rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa ston pa tshad mar byas pa las skye ba'o// byang chub sems dpa' dad pa thabs chen gyis gsol pa/ de ltar skye ba sna tshogs 'di dag gis theg pa chen po la dad pa thob pa'i byang chub sems dpas theg pa chen po'i chos gang yid la bgyis te/ bla na med pa yang dag par rdzogs pa'i byang chub bsgrub par bgyi/ bcom ldan 'das kyis bka' stsal pa/ rigs kyi bu theg pa chen po la dad pa thob pa'i byang chub sems dpas dpag tu med pa bcu yid la byas nas bla na med pa yang dag par rdzogs pa'i byang chub bsgrub par bya'o/ / bcu gang zhe na/ chos dpag tu med pa dang / zab pa dpag tu med pa dang / brjod pa dpag tu med pa dang // tshig rab tu dbye ba dpag tu med pa dang / sems can dpag tu med pa dang / rjes su gzung ba dpag tu med pa dang / thabs la mkhas pa dpag tu med pa dang / dkon mchog gi che ba nyid
- 81b
/ dpag tu med pa dang / zhing dpag tu med pa dang / las dpag tu med pa'o// rigs kyi bu de la chos dpag tu med pa ni gang mdo dang / dbyangs kyis bsnyad pa dang / lung bstan pa la sogs pa bstan pa'i chos rnams kyi sde snod du gtogs pa dang / de'i yan lag tu gtogs pa rnams kyi chos dpag tu med pa'o// de la zab pa dpag tu med pa ni gang theg pa chen po la gang zag la bdag med pa dang / chos la bdag med pa dang / stong pa nyid dang / de bzhin nyid dang / yang dag pa'i mtha' dang / mtshan ma med pa dang / don dam pa dang / chos kyi dbyings kyi rnam grangs rnams kyis bstan pa tshad med pa dang / dgongs pa las byung ba dang / zab pa bstan pa dpag tu med pa'o// de la brjod pa dpag tu med pa ni rigs kyi bu brjod pa gang dang gang gis sems can dang / chos dang / don rtogs par 'gyur ba tha na dud 'gro'i skye gnas su song ba'i sem can rnams la yang ji tsam du tshig brjod pa de dang nges don khong du chud par bya ba'i phyir/ de bzhin gshegs pa rnams kyi gsung brjod pa rnams dpag tu med par 'byung ba'o// rigs kyi bu de la tshig rab tu dbye ba dpag tu med pa ni rigs kyi bu sems can rnams la 'dul ba'i dbang gi phyir/ de bzhin gshegs pa tshig rab tu dbye ba'i sgo mang po nye bar ston cing don re re la yang tshig rab tu dbye ba tshad med pa dag gis rnam grangs su bya ste/
- 82a
rab tu ston pa'o// de la sems can dpag tu med pa ni gang skye ba'i 'khor ba thog ma dang tha ma med pa dang / kun tu rgyug pa dang / 'khor ba'i sdug bsngal gyi sngon gyi mtha' mi mngon pas sems can dpag tu med do/ / de la rjes su gzung ba dpag tu med pa ni/ rigs kyi bu de bzhin gshegs pa 'di lta ste/ gnod pa las yongs su bskyab pa'i rjes su gzung ba dang / ngan song las yongs su bskyab pa'i rjes su gzung ba dang / 'jig tshogs las yongs su bskyab pa'i rjes su gzung ba dang / theg pas yongs su bskyab pa'i rjes su gzung ba dang / rjes su gzung ba tshad med pas sems can tshad med pa dag la dus thams cad du nye bar gnas pa'o/ / de la thabs mkhas pa dpag tu med pa ni thabs la mkhas pa gang dang gang gis sems can tshad med pa dag 'dul bar 'gyur te/ yang na rig pa yang dag par bstan pas sam// yang na bag med pa yang dag par bskul bas sam/ yang na zhum pa gzengs bstod pas sam/ yang na yang dag par sgrub pa yang dag par dga' bar bya bas sam/ yang na tshig drag po'i sbyor bas sam/ yang na tshig 'jam po'i sbyor bas sam/ yang na bzo'i gnas dang / las kyi gnas kyi chos dang mthun pa nyid kun tu bstan pas sam yang na rnam par dag par skye ba'i lus kun tu bstan pas sam/ yang na rdzu 'phrul rnam par 'phrul pa'i cho 'phrul kun tu bstan pas sam/ yang na kun bstan pa'i cho 'phrul gyis sam/ yang na
- 82b
rjes su bstan pa'i cho 'phrul kun tu bstan pas sam/ de lta bu'i tshul gyi thabs la mkhas pa'i sbyor ba tshad med pa dag gis sems can tshad med pa dag 'dul ba'o// rigs kyi bu de la dkon mchog gi che ba nyid dpag tu med pa ni rnam pa gsum ste/ sangs rgyas dkon mchog gi che ba nyid dpag tu med pa dang / chos dkon mchog gi che ba nyid dpag tu med pa dang / dge 'dun dkon mchog gi che ba nyid dpag tu med pa'o/ / de la sangs rgyas dkon mchog gi che ba nyid dpag tu med pa ni rnam pa bdun du khong du chud par bya ste/ mngon par shes pa chen po brnyes pa'i phyir/ de bzhin gshegs pa chos thams cad la dbang sgyur ba dang / mi gnas pa'i mya ngan las 'das pa dang / rnam par grol ba'i sku bsam gyis mi khyab pa dang / chos kyi sku rtag pa nyid kyi phyir/ de bzhin gshegs pa'i sku zad mi shes pa dang / nyon mongs pa dang / shes bya'i sgrib pa spangs pa dang / kha na ma tho ba med pa'i phyir/ de bzhin gshegs pa mchog tu kha na ma tho ba med pa dang / sangs rgyas kyi mdzad pa bsags pa rgyun ma gcad pa'i phyir/ de bzhin gshegs pa lhun gyis grub pa dang / sangs rgyas kyi zhing yongs su dag pa dang / chos kyi longs spyod chen po la longs spyod pa'i phyir/ de bzhin gshegs pa longs spyod che ba dang 'jig rten du byung yang 'jig rten gyi chos kyis mi gos pa'i phyir/ de bzhin gshegs pa gos pa med pa dang / rtag tu rgyun mi 'chad par sems can gyi
- 83a
khams tshad med pa yongs su smin par mdzad cing rnam par grol bar mdzad pa'i phyir/ de bzhin gshegs pa don che ba'o// de la chos dkon mchog gi che ba nyid dpag tu med pa ni rigs kyi bu byang chub sems dpa' rnams kyi chos zhes bya ba ni/ gang chos kyang ma yin la/ chos med pa yang ma yin pa dang / 'dod chags kyang ma yin la/ 'dod chags dang bral ba'ang ma yin pa dang / 'khor ba'ang ma yin la/ mya ngan las 'da' ba'ang ma yin pa'o// byang chub sems dpa' rnams kyi chos de ni 'khor bar snang ba'i chos yongs su mi gtong ba dang / de na yang kun nas nyon mongs pa shin tu med pa dang / nam mkha' dang mtshungs shing sems can gyi khams dang / yang dag pa'i mtha' dang mtshungs te mi zad pa dang / sems can thams cad la shin tu phan pa dang / bde ba'i gnas la nye bar gnas pa'i phyir/ 'khor ba 'am/ mya ngan las 'das pa gang la yang mi gnas pa'o// de la dge 'dun dkon mchog gi che ba nyid dpag tu med pa la byang chub sems dpa'i dge 'dun ni byang chub sems dpa' rnams kyi dge 'dun dkon mchog ste/ bla na med pa yang dag par rdzogs pa'i byang chub ni/ byang chub sems dpa'i dge 'dun gyis rab tu phye ba'o/ / de bas na rnam grangs 'dis sangs rgyas dkon mchog gi che ba nyid dang / byang chub sems dpa'i dge 'dun dkon mchog dang mnyam par blta'o// de la las dang po pa'i
- 83b
/ byang chub sems dpa' 'di snyam du sems te/ gang sangs rgyas dkon mchog gi che ba nyid 'di 'dra ba las brtsams te/ bdag dad pa skyes pa dang / chos dkon mchog gi che ba 'di 'dra ba las brtsams te/ bdag dad pa skyes pa dang // dge 'dun dkon mchog gi che ba nyid 'di 'dra ba las brtsams te/ bdag dad pa skyes pa ni bdag gis rnyed pa legs par rnyed do// bdag la ni sangs rgyas dkon mchog gi che ba nyid 'di lta bu thob par bya ba'i skal ba yod do/ / bdag la ni chos dkon mchog gi che ba nyid 'di lta bu thob par bya ba'i skal ba yod do// bdag gang sa chen po la zhugs pa bsam pa dag pa'i byang chub sems dpa' de dag dang lhan cig tu byang chub sems dpa'i grangs su 'gro ba ni bdag gis rnyed pa legs par rnyed do/ / bdag la ni de dag dang bsam pa dang sbyor ba mtshungs pa'i skal ba yod do snyam mo/ / de la zhing dpag tu med pa ni rigs kyi bu zhing 'di gnyis te/ sangs rgyas kyi zhing yongs su ma dag pa dang / yongs su dag pa'o// de la yongs su ma dag pa'i sangs rgyas kyi zhing dang / yongs su dag pa dag kyang dpag tu med do// de la yongs su dag pa'i sangs rgyas kyi zhing rnams la gnas nas/ de bzhin gshegs pa rnams gcig tu dge ba dang / gcig tu bde ba dang / gcig tu kha na ma tho ba med pa dang / gcig tu dbang sgyur zhing sangs rgyas kyi zhing de dag rab tu myong ngo // rgyun mi 'chad par chos kyi longs spyod
- 84a
chen po rab tu myong ngo / / yongs su ma dag pa'i sangs rgyas kyi zhing rnams su yang rnam pa thams cad du byang chub yang dag par ston cing / yongs su ma smin pa'i sems can rnams ni yongs su smin par mdzad do/ / yongs su smin pa rnams ni rnam par grol bar mdzad de/ 'di dag ni sangs rgyas bcom ldan 'das de dag gi las dpag tu med par rig par bya'o/ / skye ba'i le'u zhes bya ste gnyis pa'o// // byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa rnam pa du zhig mchis/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir/ theg pa chen po la dad pa ni bzhi po 'di dag go// bzhi gang zhe na/ 'di lta ste/ gnas pa'i dngad pa dang / skye ba na dad pa dang / dus gzhan na dad pa dang / rang bzhin gyis dad pa'o/ / de la gnas pa'i dad pa ni rigs kyi bu 'di lta ste/ dper na/ ba lang gi rjes kyi chu dkrugs pa las ma dkrugs ma bskyod par bzhag na sngon bzhin du dang bar 'gyur ro/ / de bzhin du theg pa chen po'i phyir/ theg pa chen po la dad pa thob pa'i byang chub sems dpa' 'phral gyi bya ba mang po la chags pas theg pa chen po la dad pa dkrugs pa las
- 84b
gang gi tshe chags pa las rnam par bkrol nas chags pa de dag gis mi 'khrugs te/ theg pa chen po'i chos la rtse gcig tu gyur pa de'i tshe/ sngon bzhin du mngon sum du 'gyur ro// de la skye ba na dad pa ni rigs kyi bu 'di lta ste dper na/ chang la sogs pa 'gyur ba na dang bar de bzhin du theg pa chen po'i phyir/ theg pa chen po la dad pa thob pa'i byang chub sems dpa' skye ba de dang der skye ba na/ theg pa chen po la dad pa skyes nas thob pa skyed do// de la dus gzhan na dad pa ni rigs kyi bu 'di lta ste dper na/ ston gyis dus kyi tshe chu klung dang bar 'gyur ro// de bzhin du byang chub sems dpa' theg pa chen po'i phyir/ theg pa chen po la dad pa thob pa dang / sems pa dang / bsgom pa dus gzhan na sbyor bas sbyor ba la byung ba 'grub par 'gyur ro// de la rang bzhin gyis dad pa ni rigs kyi bu 'di lta ste/ bai DUR+Ya dang / nor bu rin po che la sogs pa ni rang bzhin gyis dad pa'i rjes su 'jug pa'o// de bzhin du byang chub sems dpa'i rnam par mi rtog pa 'jig rten las 'dra ba'i theg pa chen po la dad pa yang ngo bo nyid kyis rjes su 'jug go/ / rigs kyi bu gzhan yang dad pa bzhi ste/ bzhi gang zhe na/ 'di lta ste/ rgya che ba'i dad pa dang gsal ba'i ngang pa dang / rab tu zhi ba'i dad pa dang / rnam par dag pa'i dad pa'o// de la rgya che ba'i ngang pa ni byang chub sems dpa'i theg pa chen po'i chos la gus par byas te/ spyod pa dang ldan
- 85a
ba rnams kyi'o/ / de la gsal ba'i dad pa ni byang chub sems dpa' rtag tu theg pa chen po'i chos spyod pa dang ldan pa rnams kyi'o// de la rab tu zhi ba'i dad pa ni byang chub sems dpa' nga dang nga yir 'dzin pa dang bral zhing chos nyid rab tu rtogs pa thob pa rnams kyi'o/ / de la rnam par dag pa'i dad pa ni byang chub sems dpa' sgrib pa med pa'i ye shes thob pa rnams kyi'o// / rigs kyi bu gzhan yang dad pa bzhi ste/ bzhi gang zhe na/ 'di lta ste/ 'phel ba'i dad pa dang / rtsom pa'i dad pa dang / rjes su 'dzin cing gus par byed pa'i dad pa dang / mos pa'i dad pa'o/ / de la 'phel ba'i dad pa ni sngon nas rang bzhin gyis dge ba'i rtsa ba mngon par 'dus byas shing yongs su bsgoms pa'i rnams kyi theg pa chen po la dad pa gang yin pa'o// de la rtsom pa'i dngad pa ni byang chub sems dpa' bla na med pa yang dag par rdzogs pa'i byang chub tu sems skyed pa dang / sems bskyed pa rnams kyis sems bskyed pa rjes su dran pas theg pa chen po la dad pa gang yin pa'o/ / de la rjes su 'dzin cing gus par byed pa'i dad pa ni rjes su 'dzin pa'i byang chub sems dpa' rnams kyi sems can rjes su 'dzin cing las gus par byed pas theg pa chen po la dad pa gang yin pa'o/ / de la mos pa'i dad pa ni chos kyi dbyings zab mo bstan pa la mos pa'i byang chub sems dpa' rnams kyi theg pa chen po la dad pa gang yin pa'o// gzhan yang dad pa bzhi ste/
- 85b
bzhi gang zhe na/ mthong ba dang thos pas dad pa dang / bstan pa 'phel ba rjes su dran pa'i dad pa dang / dge ba'i phyogs 'phel ba rjes su dran pa'i ngad pa dang / re ba dang 'dod pa rjes su dran pa'i dad pa'o/ / de la mthong ba dang thos pas dad pa ni gang sangs rgyas dang / byang chub sems dpa'i gzugs sam/ 'od mthong zhing thos na theg pa chen po la dad pa'o// de la bstan pa 'phel ba rjes su dran pa'i dad pa ni gang sems can yongs su smin par bya ba rjes su dran pas theg pa chen po la dad pa'o/ / de la dge ba'i phyogs 'phel ba rjes su dran pa'i dad pa ni gang bdag nyid rtag par rgyun du byang chub kyi phyogs kyi chos dang dge ba'i phyogs 'phel ba rjes su dran pas/ byang chub sems dpa' theg pa chen po la dad pa'o// de la re ba dang 'dod pa rjes su dran pa'i nga pa ni gang dge ba'i phyogs 'phel ba des sangs rgyas kyi zhing yongs su dag cing sangs rgyas kyi chos thams cad bsgrubs pa sa re zhing 'dod de/ byang chub sems dpa' re ba dang 'dod pa rjes su dran pas theg pa chen po la dad pa'o/ / gzhan yang dad pa bzhi ste/ bzhi gang zhe na/ brjed pa rjes su dran pa'i dad pa dang / gcod nus pa rjes su dran pa'i dad pa dang / bskrun pa rjes su dran pa'i dad pa dang / bsgrubs pa rjes su dran pa'i dad pa'o// de la brjod pa rjes su dran pa'i dad pa ni gang theg pa chen po'i sgo thams cad la mos pa'i byang chub sems dpa' rnams mos pa'i
- 86a
rjes su dran pas theg pa chen po la dad pa'o/ / de la gcod nus pa rjes su dran pa'i dad pa ni gang byang chub sems dpa' mang du thos pa thos pa 'dzin pa thos pa bsags pa rnams the tsom gcod nus pa rjes su dran pas theg pa chen po la dad pa'o/ / de la bskrun pa rjes su dran pa'i dang pa ni gang pha rol gyi rgyud la theg pa chen po'i chos klog pa dang / kha ton byed pa dang don 'dzin pa dang / 'don pa la sogs pas bskrun te/ gzhan gyi rgyud la dam pa'i chos bskrun pa de rjes su dran pas theg pa chen po la dad pa'o// de la bsgrub pa rjes su dran pa'i dad pa ni gang byang chub sems dpa' ther pa chen po'i chos de nyid nan tan gyis sgrub ste/ nan tan gyis sgrub pa de rjes su dran pas theg pa chen po la dad pa'o// rigs kyi bu gzhan yang dad pa bzhi ste/ bzhi gang zhe na/ rnal 'byor thob pa'i dad pa dang / thabs kyis yongs su zin pa'i lus kyi las sbyor ba'i dad pa dang / thabs kyis yongs su zin pa'i ngag gi las sbyor ba'i dad pa dang / thabs kyis yongs su zin pa'i yid dkyi las sbyor ba'i ngang pa'o/ / de la rnal 'byor thob pa'i dad pa ni gang theg pa chen po'i chos la dmigs pa'i zhi gnas dang lhag mthong thob pa'i byang chub sems dpa' rnams de la dmigs nas dad pa'o/ / de la thabs kyis yongs su zin pa'i lus kyi las sbyor ba'i dad pa ni gang byang chub sems dpa' bag yod pas yongs su zin pa rnams byang
- 86b
chub sems dpa' lus kyi las bag med par spyod pa gzham pa dang / spyo bas 'dul ba dag 'dul bas de la dmigs nas theg pa chen po la dad pa'o// de la thabs kyis yongs su zin pa'i ngag gi las sbyor ba'i dad pa ni gang byang chub sems dpa' bag yod pas yongs su zin pa'i rnams byang chub sems dpa' ngag 'khrul par spyod pa gzham pa dang / spro bas 'dul ba dag 'dul bas de la dmigs nas theg pa chen po la dad pa'o/ / de la thabs kyis yongs su zin pa'i yid kyi las sbyor ba'i dad pa ni gang byang chub sems dpa' bag yod pas yongs su zin pa'i rnams byang chub sems dpa' yid 'khrul par spyod pa gzham pa dang / spyo ba lus dang ngag las byung bas 'dul ba dag 'dul bas/ de la dmigs nas theg chen po la dad pa'o/ / gzhan yang dad pa bzhi ste/ bzhi gang zhe na/ mi lta ba rjes su dran pa'i dad pa dang / zil gyis mnan pa rjes su dran pa'i dad pa dang / kun tu spyod pa rjes su dran pa'i dad pa dang / nye bar spyod pa dang 'brel pa rjes su dran pa'i dad pa'o// de la mi lta ba rjes su dran pa'i dad pa ni gang byang chub sems dpa' pha rol tu phyin pa drug sgrub pa ni lus dang srog la mi lta bar pha rol tu phyin pa drug sgrub pa'i rjes su 'thun pa rjes su dran pas theg pa chen po la dad pa'o/ / de la zil gyis mnan pa rjes su dran pa'i dad pa ni gang byang chub sems dpa' pha rol
- 87a
tu phyin pa drug gi mi mthun pa'i phyogs zil gyis mnan pa rjes su dran pas theg pa chen po la dad pa'o/ / de la kun tu spyod pa rjes su dran pa'i dad pa ni gang byang chub sems dpa' pha rol tu phyin pa drug la sbyor ba na pha rol tu phyin pa drug gi yang dag pa'i nan tan rjes su ngan pas theg pa chen po la dad pa'o/ / de la nye bar spyod pa dang 'brel ba rjes su dran pa'i dang pa ni ga byang chub sems dpa' sems can gzhan rnams dang / gang zag gzhan dag pha rol tu phyin pa drug yang dag par 'dzin du 'jug la/ pha rol tu phyin pa drug dang ldan pa'i sems can rnam rjes su dran pas theg pa chen po la dad pa'o/ / gzhan yang dad pa bzhi ste/ bzhi gang zhe na/ zang zing med pa'i sems rjes su dran pa'i ngad pa dang / yang dag par so sor shes par byed pa rjes su dra pa'i dad pa dang / yongs mi skyo ba rjes su dran pa'i ngad pa dang / bde ba kha na ma tho ba med par sbyor ba rjes su dran pa'i ngang pa'o// de la zang zing med pa'i sems rjes su dran pa'i dad pa ni gang tshogs sdud pa'i byang chub sems dpa' zang zing med pa'i sems kyis tshogs sdung lab shing med pa'i sems rjes su dran pa'i theg pa chen po la dang pa'o/ / yang dag par so sor shes par byed pa rjes su dran pa'i dang pa 'di lta ste/ zang zing med pa'i sems rjes su dran zhing tshogs sdud la/ theg pa chen po la dang de 'di ltar tshogs la yang dag par so sor shes par byed cing / phyin ci ma log par
- 87b
bstan pa'i phyir nan tan byed pa'o/ / yongs mi skyo ba rjes su dran pa'i dad pa ni 'di lta ste/ log par zhugs pa rnams kyis yongs su mi skyo la/ yongs mi skyo ba la rjes su dran pas theg pa chen po la nga ba'o/ / bde ba kha na ma tho ba med par sbyor ba rjes su dran pa'i dad pa ni 'di lta ste/ bdag la gnod par sbyor ba dang / 'dod pa'i bde ba la sbyor ba spangs nas tshogs la sbyor te/ sbyor ba de rjes su dran pas theg pa chen po la dad pa'o/ / gzhan yang dad pa bzhi ste/ bzhi gang zhe na/ yon tan rjes su dran pa'i dad pa dang / dngos po phun sum tshogs pa rjes su dran pa'i ngang pa dang / dang ba rjes su dran pa'i ngang pa dang / skye bo mang po la phan par bya ba rjes su dran pa'i dad pa'o// de la yon tan rjes su dran pa'i dad pa ni gang sangs rgyas la mchod pa dang / rim gro byed pa la brtson pa'i byang chub sems dpa' sangs rgyas kyi yon tan rjes su dran pas theg pa chen po la dad pa'o/ / de la dngos po phun sum tshogs pa rjes su dran pa'i dad pa ni gang sangs rgyas la mchod pa dang / rim gro/ byed pa la brtson pa'i byang chub sems dpa' nyid mchod pa phun sum tshogs pa mthong ba rjes su dran pas theg pa chen po la dang ba'o// de la dang ba rjes su dran pa'i dang pa ni gang sangs rgyas la mchod cing rim gro byed pa la brtson pa'i byang chub sems dpa' nyid rang gi sems dang ba dang / gzhan gyi sems dang ba rjes su dran pas theg pa chen po la dad pa'o// de la skye bo mang po la phan par bya
- 88a
ba rjes su dran pa'i dang pa ni gang sangs rgyas la mchod pa dang / rim gro byeng pa la brtson pa'i byang chub sems dpa' de nyid sangs rgyas la mchod pa dang / rim gro byed pa de nyid kyis skye bo mang po la phan pa byed la/ de yang rjes su dran pas theg pa chen po la dad pa'o// gzhan yang dad pa bzhi ste/ bzhi gang zhe na/ bla ma'i yon tan phun sum tshogs pa rjes su dran pa'i dad pa dang / bdag gi yang dag pa'i nan tan rjes su dran pa'i dad pa dang / byas pa gzo ba rjes su dran pa'i dad pa dang / bla ma 'dod pa'i sgrub pa rjes su dran pa'i ngad pa'o// de la bla ma'i yon tan phun sum tshogs pa rjes su dran pa'i dad pa ni gang dge ba'i bshes gnyen la bsten pa la brtson pa'i byang chub sems dpa' dge ba'i bshes gnyen gyi phur sum tshogs pa yongs su rdzogs pa mthong ba rjes su dran pas theg pa chen po la dad pa'o/ / de la bdag gi yang dag pa'i nan tan rjes su dran pa'i dad pa ni gang dge ba'i bshes gnyer la bsten pa la btson pa'i byang chub sems dpa' de nyid dge ba'i bshes gnyen gyi gan du 'gro zhing mnyan pa'i phyir bsnyen bkur byed la/ ji ltar rjes su bstan pa bzhin du sgrub cing / bdag gi yang dag pa'i nan tan rjes su dran pas theg pa chen po la dad pa'o/ / de la byas pa gzo ba rjes su dran pa'i dad pa ni gang dge ba'i bshes gnyen la bsten pa la brtson pa'i byang chub sems dpa' de nyid de las man ngag dang / yon tan rjes su
- 88b
thob nas/ byas pa gzo ba de rjes su dran pas theg pa chen po la dad pa'o// de la bla ma'i 'dod pa bsgrub pa rjes su dran pa'i ngad pa ni gang dge ba'i bshes gnyen la bsten pa la brtson pa'i byang chub sems dpa' de nyid man ngag des skye bo mang po la phan par bya ba rjes su dran pas theg pa chen po la dang po'o/ / gzhan yang dad pa bzhi ste/ bzhi gang zhe na/ ldan pa'i bsam pa bsgru pab rjes su dran pa'i dad pa dang / 'bral ba'i bsam pa bsgrub pa rjes su dran pa'i dad pa dang / mi 'bral ba'i bsam pa bsgrub pa rjes su dran pa'i dad pa dang / kun nas nyon mongs pa med pa bsam pa bsgrub pa rjes su dran pa'i dad pa'o/ / de la ldan pa'i bsam pa bsgrub pa rjes su dran pa'i ngang pa ni gang byams pa bsgom pa la brtson pa'i byang chub sems dpa' sems can rnams la bde ba dang ldan pa'i bsam pas bde ba dang ldan par bsgrub pa rjes su dran pas theg pa chen po la dad pa'o/ / de la 'bral ba'i bsam pa bsgrub pa rjes su dran pa'i dad pa ni gang snying rje bsgom pa la brtson pa'i byang chub sems dpa' sems can rnams la sdug bsngal dang bral ba'i bsam pa bsgrub pa rjes su dran pas theg pa chen po la dad pa'o/ / de la mi 'bral ba'i bsam pa bsgrub pa rjes su dran pa'i dad pa ni gang dga' ba bsgom pa la brtson pa'i byang chub sems dpa' sems can rnams la bde ba dang mi 'bral ba'i bsam pa bsgrub pa rjes su dran pas theg pa chen po la dad pa'o/ / de la kun nas nyon mongs pa
- 89a
m ed pa'i bsam pa bsgrub pa rjes su dran pa'i dad pa ni gang btang snyoms bsgom pa la brtson pa'i byang chub sems dpa' sems can rnams la kun nas nyon mongs pa med pa'i bsam pa bsgrub pa'i rjes su dran pas theg pa chen po la dad pa'o/ / rigs kyi bu de ltar byang chub sems dpa' theg pa chen po la dang pa'i rnam pa rab tu dbye ba tshad med pa 'di lta bu dag gis theg pa chen po la dad pa'i rnam pa rab tu dbye ba tshad med pa shes par bya'o/ / bskal pa bye ba khrag khrig brgyar yang de'i mtha' bde bar shes par mi 'gyur te/ rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa rab tu dbye bar rig par bya'o// rab tu dbye ba'i le'u zhes bya ste gsum pa'o// // byang chub sems dpa' ngang pa thabs chen gyis gsol pa/ bcom ldan 'das theg pa chen po'i phyir theg pa chen po la dang ba'i phan yon du 'tshal bar bgyi ba gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir theg pa chen po la dad pa'i phan yon ni tshad med de/ de'i phyogs tsam zhig bstan par bya'o// rigs kyi bu byang chub sems dpa' rnams kyi theg pa chen po la dad pa ni dge ba'i rtsa ba thams cad rnam par 'phel bar byed pas rnam par 'phel ba dang ldan pa'o/ / rigs kyi bu byang chub sems dpa' rnams kyi theg pa chen
- 89b
po la dad pa ni nyan thos dang / rang sangs rgyas dang skal ba mnyam pa dang / skal ba mi mnyam par sems bskyed pa dag las byang chub kyi sems bskyed bsrung ba'i phyir kun srung ba'o// rigs kyi bu byang chub sems dpa' rnams kyi theg pa chen po la dad pa ni bdag gi don dang gzhan gyi don phun sum tshogs pa dang mthun pa'i phyir don che ba'o// rigs kyi bu byang chub sems dpa' rnams kyi theg pa chen po la dad pa ni chos kyi dbyings zab mo bstan pa'i rnam pa thams cad la mos pa dang mthun pa'i phyir zab pa'o/ / rigs kyi bu byang chub sems dpa' rnams kyi theg pa chen po la dad pa ni byang chub sems dpa'i mngon par shes pa chen po mngon par bsgrub pa dang mthun pa'i phyir mthu che ba'o/ / rigs kyi bu byang chub sems dpa' rnams kyi theg pa chen po la dad pa ni sems can tshad med pa yongs su smin par byed pa dang mthun pa'i phyir gzi brjid che ba'o/ / rigs kyi bu byang chub sems dpa' rnams kyi theg pa chen po la dad pa ni sangs rgyas kyi zhing yongs su dag par bya ba dang / sangs rgyas kyi chos thams cad bsgrub pa dang mthun pa'i phyir ring du 'gro ba'o// rigs kyi bu byang chub sems dpa' rnams kyi theg pa chen po la dad pa ni bdud kyi las dang / mu stegs can thams cad kyis theg pa chen po la mos pa mi skul ba'i phyir mi g.yo ba'o/ / rigs kyi bu byang chub sems dpa' rnams kyi theg pa chen po la dad pa ni mang du thos pa la brten nas sems can thams
- 90a
cad kyi the tsom gcod pa dang mthun pa'i phyir nus pa'o/ / rigs kyi bu byang chub sems dpa' rnams kyi theg pa chen po la dad pa ni/ byang chub sems dpa'i yang dag pa'i nan tan phun sum tshogs pa thams cad dang mthun pa'i phyir sgrub par byed pa'o/ / rigs kyi bu byang chub sems dpa' rnams kyi theg pa chen po la dad pa ni bdag dang gzhan dag rnal 'byor chen po 'thob pa dang / lus dang ngag dang yid kyi las 'dul ba dang mthun pa'i phyir rjes su 'dzin pa'o// rigs kyi bu byang chub sems dpa' rnams kyi theg pa chen po la dad pa ni sems can thams cad kyi bsam pa yongs su bskang ba dang mthun pa'i phyir sbyin pa'i pha rol tu phyin pa yongs su bskang ba dang mthun pa'o/ / rigs kyi bu byang chub sems dpa' rnams kyi theg pa chen po la da pa ni sems can thams cad phan tshun lus dang ngag gi gnod pa med pa yang dag par 'dzin du gzhug pa dang mthun pa'i phyir/ tshul khrims kyi pha rol tu phyin pa yongs su bskang ba dang mthun pa'o/ rigs kyi bu byang chub sems dpa' rnams kyi theg pa chen po la dad pa ni sems can log par zhug pa dang / 'khor ba'i sdug bsngal dang / dka' ba spyod pa thams cad dang du blang ba dang mthun pa'i phyir/ bzod pa'i pha rol tu phyin pa yongs su bsang ba dang mthun pa'o// rigs kyi bu byang chub sems dpa' rnams kyi theg pa chen po la dad pa ni bskal pa mtha' yas pa'i chos dkar po rnam
- 90b
par spel bar rtsol ba la yongs su mi skyo ba dang mthun pa'i phyir/ brtson 'grus kyi pha rol tu phyin pa yongs su bskang ba dang mthun pa'o// rigs kyi bu byang chub sems dpa' rnams kyi theg pa chen po la dad pa ni sems can thams cad kyi don sgrub pa'i ting nge 'dzin mngon par bsgrub pa dang mthun pa'i phyir/ bsam gtan gyi pha rol tu phyin pa yongasu bskang ba dang mthun pa'o// rigs kyi bu byang chub sems dpa' rnams kyi theg pa chen po la dad pa ni 'jig rten las 'das pa de'i bla ma'i ye shes bla na med pa la gnas nas sangs rgyas kyi chos bsgrub pa dang mthun pa'i phyir/ shes rab kyi pha rol tu phyin pa yongs su bskang ba dang mthun pa'o// rigs kyi bu byang chub sems dpa' rnams kyi theg pa chen po la dad pa ni sems can gyi tshogs mtha' yas pa theg pa gsum gyis nges par 'byung ba'i yang dag par bstan pa dang mthun pa'i phyir/ tshogs yongs su sdud pa dang 'thun pa'o// rigs kyi bu byang chub sems dpa' rnams kyi theg pa chen po la dad pa ni bsod nams tshad med paskyed cing sangs rgyas kyi zhing rmad du byung ba'i bsod nams yongs su gzung ba dang mthun pa'i phyir/ de bzhin gshegs pa la mchod pa dang / rim gro bya ba chen po dang / mthun pa'o// rigs kyi bu byang chub sems dpa' rnams kyi theg pa chen po la dad pa ni sangs rgyas dang / byang chub sems dpa' dang / dge ba'i bshes gnyen yongs su gzung ba dang mthun
- 91a
pa'i phyir shin tu yongs su gzung ba dang 'thun pa'o/ / rigs kyi bu byang chub sems dpa' rnams kyi theg pa chen po la dad pa ni sems can dpag tu med pa la ldan pa dang bral ba dang / kun nas nyon mongs pa med pa'i bsam pa bsgrub pa dang mthun pa'i phyir snying brtse bas non pa'o// rigs kyi bu byang chub sems dpa' rnams kyi theg pa chen po la dad pa ni byang chub sems dpa' 'khrul pa'i nyes byas kun tu spyod pa thams cad la 'dzem pa nye bar gnas pa dang 'thun pa'i phyir shin tu sbed pa'o/ / rigs kyi bu byang chub sems dpa' rnams theg pa chen po la dad pa ni sems can log par zhug pa dang 'khor ba'i sdug bsngal ba dang / dka' ba spod pa thams cad la sgyid lug pa med pa dang 'thun pa'i phyir brtan pa'o// rigs kyi bu b yang chub sems dpa' rnams kyi theg pa chen po la dad pa ni nyin mtshan du dge ba'i phyogs chen po la mngon por brtson par byas pas yongs mi skyo ba dang 'thun pa'i phyir sbyor ba legs par goms par byas pa'o/ / rigs kyi bu byang chub sems dpa' rnams kyi theg pa chen po la dad pa ni rig pa'i gnas lnga byang ba dang mthun pa'i phyir legs par byang ba'o// rigs kyi bu byang chub sems dpa' rnams kyi theg pa chen po la dad pa ni dus thams cad du bzhin 'dzum zhing gsong por smra ba dang mthun pa'i phyir mthun pa'o/ / byang chub sems dpa' rnams kyi theg pa chen po la dad pa ni gnod pa dang /
- 91b
ma dad pa dang / dngang ba dang / the tsom dang / rnyog pa'i dri ma dang bral ba'i phyir rin po che lta bur blta'o// byang chub sems dpa' rnams kyi theg pa chen po la dad pa ni rgya che ba dang kha na ma tho ba med pa dang / dga' ba dang / mchog tu dga' bas lus dang sems tshim par byed pa'i phyir zla ba lta bur blta'o// byang chub sems dpa' rnams kyi theg pa chen po la dad pa ni rnam pa thams cad du sangs rgyas kyi chos thams cad la khyab pa'i phyir nam mkha' lta bur blta'o/ / byang chub sems dpa' rnams kyi theg pa chen po la dad pa ni bsod nams dang ye shes tshad med pa yongs su gzung ba'i phyir/ rin po che sna tshogs kyis gang ba'i gru lta bur blta'o// byang chub sems dpa' rnams kyi theg pa chen po la dang pa ni sems can thams cad kyi bde ba'i gnas yin pas rtsi chen po lta bur blta'o/ / byang chub sems dpa' rnams kyi theg pa chen po la dad pa ni ngan song dang / ngan 'gro thams cad las 'da' bar byed pa'i phyir zam pa lta bur blta'o// byang chub sems dpa' rnams kyi theg pa chen po la dad pa ni sangs rgyas kyi chos thams cad dang / sems can thams cad kyi dge ba'i rtsa ba'i lo tog skye ba'i rtsa ba byed pa'i phyir sa bon lta bur blta'o/ / byang chub sems dpa' rnams kyi theg pa chen po la dad pa ni nyon mongs pa dang nye ba'i nyon mongs pa'i dgra'i mtshon ma thams cad kyis gnod par mi 'gyur bar srung ba'i phyir go cha lta bur blta'o// byang
- 92a
chub sems dpa' rnams kyi theg pa chen po la dad pa ni 'jig rten dang / 'jig rten las 'das pa'i dge ba'i rtsa ba rin po che phun sum tshogs pa thams cad sogs shing sdud de/ rnam par gnas par byed pa'i phyir gter chen po lta bur blta'o// byang chub sems dpa' rnams kyi theg pa chen po la dad pa ni de las gzhan du dad pa thams cad zil gyis/ gnod pa'i dbang rnyed pa'i phyir rgyal po lta bur blta'o// byang chub sems dpa' rnams kyi theg pa chen po la dad pa ni yun ring po nas rjes su 'brang ba'i ngan sor dang / gnod sems dang / sdig pa mi dge ba'i lus dang / nyon mongs pa'i drug gi gnyen por gyur pa'i phyir/ spyan nang med byed lta bur blta'o// byang chub sems dpa' rnams kyi theg pa chen po la dang pa ni dge ba'i rtsa ba gcod pa la dad pa'i mtshon cha'i gnyen por gyur pa'i phyir rdo rje lta bur blta'o/ / byang chub sems dpa' rnams kyi theg pa chen po la dang pa ni smre sngags 'don/ pa dang / sdug bsngal ba dang / yid mi bde ba dang / 'khrug pa dang / gdung bar byed pa dang / mya ngan gyi me'i gnyen por gyur pa'i phyir chu lta bur blta'o// byang chub sems dpa' rnams kyi theg pa chen po la dad pa ni mi 'dod pa thams cad dang phrad par byed pa nyon mongs pa'i dgra'i gnyen por gyur pa'i phyir lag cha bzang po lta bur blta'o/ / byang chub sems
- 92b
dpa' rnams kyi theg pa chen po la dad pa ni rtag par rgyun du dkar po'i phyogs kyi chos rnam par 'phel ba'i phyir zla ba lta bur blta'o/ / byang chub sems dpa' rnams kyi theg pa chen po la dad pa ni sems ni sems can tshad med pa la ye shes tshad med pa snang bar bya ba dang mthun pa'i phyir nyi ma lta bur blta'o/ / byang chub sems dpa' rnams kyi theg pa chen po la dad pa ni dam pa'i chos kyi char tshad med pa 'bebs pa dang 'thun pa'i phyir sprin chen po lta bur blta'o/ / byang chub sems dpa' rnams kyi theg pa chen po la dad pa ni gzhan mu stegs can dang / phas kyi rgol ba thams cad gzhom pa dang 'thun pa'i phyir lce 'bab pa lta bur blta'o/ / byang chub sems dpa' rnams kyi theg pa chen po la dad pa ni sems can thams cad kyi sgrib pa thams cad 'jom par byed pa dang 'thun pa'i phyir lo legs pa lta bur blta'o/ / rigs kyi bu ngas mngon par shes te/ 'das pa'i dus na yang dag par rdzogs pa'i sangs rgyas 'od srungs kyi tshe rgyal po'i khab 'di nyid du bud med grong pa'i tha chad phyag dar byed pa ngan 'gro ba zhig byung ste/ des khyim bdag che ge mo zhes bya ba zhig gi khyim du sangs rgyas la sogs pa dge slong gi dge 'dun spun 'dren ces thos nas/ de bkres pa dang skom pas nyen pas khyim bdag de'i khyim ga la ba der song ba dang / der 'khor gyi khyams nas sangs rgyas la sogs pa dge slong gi dge 'dun rab tu zhi bo'i spyod lam
- 93a
du gnas pa dang / bshos 'drim pa mthong ngo // bud med des spyod lam phun sum tshogs pa de dang / tshogs kyis bskor ba mdzes pa de yang mthong nas/ kye ma'o// bcom ldan 'das yang dag par rdzogs pa'i sangs rgyas 'od srungs rab tu zhi ba'i spod lam dang / zham ring ba mdzes pas mdzes so zhes dad pa'i sems gcig bskyed nas de 'chi ba'i dus byas so/ / de rgyu de nyid kyis sum cu rtsa gsum gyi lha'i nang du skyes pa nas/ rgyu de nyid kyis bla na med pa yang dag par rdzogs pa'i byang chub tu nges par gyur pa'i bar du'o// rigs kyi bu ngas mngon par shes nas/ 'das pa'i dus na yang dag par rdzogs pa'i sangs rgyas rnam par gzigs kyi tshe/ rgyal po'i khab 'di nyid du zas 'dod ces bya ba'i bram ze zhig byung ngo // zas 'dod de sangs rgyas dang / chos dang / dge 'dun dkon mchog la rang bzhin gyis ma dad na bsnyen bkur lta ga la zhig byed/ de'i tshe bcom ldan 'das yang dag par rdzogs pa'i sangs rgyas rnam par gzigs rgyal po'i khab tu bsod snyoms kyi phyir gshegs pa dang / bram ze de yang don zhig gnyer zhing rgyal po'i khab nas byung ngo // de byung ba dang / kye ma'o bcom ldan 'das rnam par gzigs de bzhin gshegs pa de kha sa bon du mthong ngo / / mthong nas kyang des gzugs mdzes pa la dmigs te/ kye ma'o bcom ldan 'das rnam par gzigs de bzhin gshegs pa dgra bcom
- 93b
bcom pa yang dag par rdzogs pa'i sangs rgyas de mtshan dang dpe byad bzang po rnams kyis sku legs par brgyan to zhes dad pa'i sems gcig rnyed nas de 'chi ba'i dus byas so/ / de rgyu des rab mtshe ma'i lha'i nang du skyes pa nas/ rgyu de nyid kyis rim gyis bla na med pa yang dag par rdzogs pa'i byang chub tu nges par gyur pa'i bar du'o// rigs kyi bungs mngon par shes te/ 'das pa'i dus na yang dag par rdzogs pa'i sangs rgyas 'od srungs kyi tshe/ rgyal po'i khab 'di nyid du gzhan mu stegs can lnga brgya zhig byung ste/ de dag skabs btsal ba'i bsam pas yang dag par rdzogs pa'i sangs rgyas 'od srungs ga la ba der dong ngo / / de'i tshe bcom ldan 'das yang dag par rdzogs pa'i sangs rgyas 'od srungs 'khor brgya phrag du mas bskor te mdun gyis byas nas chos ston cing bzhugs so/ / de na mu stegs can lnga brgya tsam po de dag gis kye ma'o yang dag par rdzogs pa'i sangs rgyas 'od srungs ni snyan pa gsung ba'o zhes dad pa'i sems gcig rnyed nas de dag 'chi ba'i dus byas so/ / de dag rgyu des dga' ldan gyi lha'i ris su skyes pa nas/ rgyu de nyid kyis rim gyis nga'i bstan pa la rab tu byung ste/ zag pa zang pa rjes su thob pa'i bar du'o// rigs kyi bu ngas mngon par shes te/ gang gi phyir de bzhin gshegs pas 'od zer gang gis sems can dmyal bar skyes pa'i sems can rnams sems can dmyal ba nas 'byung bar 'gyur ba'i 'od
- 94a
zer bkye bas des sems can dmyal bar skyes pa'i sems can rnams la reg nas/ sems can dmyal ba'i gnod pa'i sdug bsngal thams cad rgyun bcad de bde ba dang ldan par gyur nas/ de dag 'di snyam du gang gis bdag cag sems can dmyal ba'i gnod pa'i sdug bsngal thams cad rgyun bcad na/ bde ba dang ldan par gyur pa 'di su'i mthu snyam pa dang / de bzhin gshegs pas byin gyis brlabs nas/ de dag gis de bzhin gshegs pa'i sku mthong ngo // mthong nas kye ma'o gang gis bdag cag gi sems can dmyal ba'i gnod pa'i sdug bsngal thams cad rgyun bcad nas/ bde ba dang ldan par gyur pa de'i mthu 'di ni mthu che'o snyam ste/ ngad pa'i sems gcig rnyed nas/ de dag/ 'chi ba'i dus byas te/ shi 'phos nas rgyu de nyid kyis mtshungs par de dag lhar skyes pa nas/ rim gyis rgyu de nyid kyis nga'i bstan pa la dad pa rnyed de/ la la ni nyan thos kyi theg pas/ la la ni rang sangs rgyas kyi theg pas yongs su mya ngan las 'das so// la la ni theg pa chen pos bla na med pa yang dag par rdzogs pa'i byang chub tu nges par gyur to// rigs kyi bu rnam grangs 'dis ngas mngon par shes te/ bgrang ba las 'das pa'i sems can dag gang gi phyir/ de bzhin gshegs pa'i theg pa chen po la dad pa srab cing / chung ba'i sems gcig
- 94b
gis kyang / kha cig ni ngan song las log par gyur/ kha cig ni kun nas nyon mongs par gyur pa'i lus las log par gyur to// log nas kyang 'jig rten pa'i phun sum tshogs pa rjes su thob bo/ / theg pa chen po la dad pa'i sems srab cing chung ba des 'jig rten las 'das pa'i phun sum tshogs pa'i rnam pa thams cad kyang rjes su thob bo// rigs kyi byang chub sems dpa' rnams kyi theg pa chen po la dad pa srab cing chung ba cig gi phan yon yang de ltar tshad med na/ byang chub sems dpa' rnams kyi theg pa chen po la dad pa rgyun du 'byung zhing / chu bo ltar 'bab pa'i phan yon lta smos kyang ci dgos te/ bskal pa bye ba khrag khrig brgya stong du yang brjod par sla ba ma yin no// de skad ces bka' stsal pa dang / byang chub sems dpa' dad pa thabs chen gyis/ bcom ldan 'das la 'di skad ces gsol to// bcom ldan 'das kyis las dang po pa'i byang chub sems dpa' mos pas spyod pa la zhugs pa rnams la theg pa chen po la dad pa'i mtshan nyid dun sum tshogs pa bstan pa dang / skye ba phun sum tshogs pa bstan pa dang / rab tu dbye ba phun sum tshogs pa bstan pa dang / phan yon pun sum tshogs pa bstan pa ni ngo mtshar to/ / bcom ldan 'das rjes su dpag pa dang / rjes su 'jug pa 'dis byang chub sems dpa' gzhan dag gi yon tan phun sum tshogs pa khyad par du
- 95a
'phags pa tshad ma mchis pa dag kyang brjod par 'gyur ro/ / chos kyi rnam grangs 'di bshad pa na/ las dang po pa'i byang chub sems dpa' lnga stong byang chub sems dpa'i chos mngon par rtogs pa'i rjes su mthun pa'i bzod pa chen po skyes so/ / 'khor der 'dus pa las dang po pa'i byang chub sems dpa' lhag ma rnams kyang mos pa las mi g.yo ba'i tshul gyis mos pa klung du byed pa'i bzod pa skyes so/ / de nas bcom ldan 'das la/ byang chub sems dpa' dang pa thabs chen gyis 'di skad ces gsol to// bcom ldan 'das byang chub sems dpa' gang la la ngag chos kyi rnam grangs 'di la mo pa sngon tu btang ste/ sbyor ba bgyid pa ni ring po mi thogs par de dag de bzhin gshegs pa rnams kyi zhal zas dang / btung ba dang / bzhon pa dang / na bza' dang / rgyan dang / snod spyad dang / 'tshog chas dang / yo byad dang / spos dang / 'phreng ba dang / byug pa dang / glu dang / gar dang / rol mo'i dbyangs sgra dang / mar me dang / bud med dang / skyes pa dang / kun spyod pa'i yo byad 'thob par 'gyur ro// de nas byang chub sems dpa' dadang po'i snod yongs su tshol bas/ byang chub sems dpa' dad pa thabs chen la 'di skad ces smras so// rigs kyi bu de bzhin gshegs pa rnams kyi zhal zas dang / btung ba dang / bzhon pa dang / na bza' dang / rgyan dang / snod spyang dang / 'tshog chas dang / yo byad gang yin/ spos dang /
- 95b
'phreng ba dang / byug pa dang / glu dang / gar dang / rol mo'i dbyangs sgra dang / mar me dang / bud med dang / skyes pa dang / kun spyod pa'i yo byad gang yin/ byang chub sems dpa' da pa thabs chen gyis smras pa/ rigs kyi bu sgrib pa thams cad rnam par dag pa'i bsam gtan gyi dga' ba ni/ de bzhin gshegs pa rnams kyi zhal zas so// sgrib pa thams cad rnam par dag pa'i dam pa'i chos kyi khu ba ni/ de bzhin gshegs pa rnams kyi btung ba'o// sgrib pa thams cad rnam par dag pa'i zhi gnas dang lhag mthong ni/ de bzhin gshegs pa rnams kyi bzhon pa'o// sgrib pa thams cad rnam par dag pa'i ngo tsha shes pa dang khrel yod pa ni/ de bzhin gshegs pa rnams kyi na bza' 'o// sgrib pa thams cad rnam par dag pa'i rgyan dang bcas pa'i tshul khrims rnam par dag pa ni de bzhin gshegs pa rnams kyi rgyan no/ / sgrib pa thams cad rnam par dag pa'i mang du thos pa ni/ de bzhin gshegs pa rnams kyi snod sprad dang / 'tshog chas dang / yo byad do// / sgrib pa thams cad rnam par dag pa'i bsam gtan dang / rnam par thar pa dang / ting nge 'dzin dang / snyoms par 'jug pa rnams ni/ de bzhin gshegs pa rnams kyi spos dang / 'phreng ba dang / byug pa'o// sgrib pa thams cad rnam par dag pa'i chos kyi rdzogs par longs spyod pa/ 'brel ba'i gtam rnam par gdon mi za ba ni/ de bzhin gshegs pa rnams kyi glu dang / gar dang / rol
- 96a
mo'i dbyangs sgra'o/ / sgrib pa thams cad rnam par dag pa'i gzungs kyi sgo rnams ni/ de bzhin gshegs pa rnams kyi mar me'o// sgrib pa thams cad rnam par dag pa'i ting nge 'dzin gyi sgo dang / rnam par thar pa'i sgo rnams ni/ de bzhin gshegs pa rnams kyi bud med dang / skyes pa dang / kun spyod pa'i yo byad ngo // rigs kyi bu de ltar chos kyi rnam grangs 'di la mos pa sngon du btang ste/ sbyor bar byed pa de ni/ de bzhin gshegs pa rnams kyi yo byad bcu po 'di dag ring po mi thogs par kun rdzob dang / don dam par yang thob par gyur na/ gang dag 'di la de bzhin nyid du sbyor bar byed pa lta smos kyang ci dgos te/ rigs kyi bu de bzhin gshegs pa rnams kyi yo byad bcu po 'di dag thob par 'gyur ba'i steng du/ de ngag gis gzhal med khang la de bzhin gshegs pa rnams bzhugs pa'i gzhal med khang de yang thob par 'gyur ro/ / smras pa/ rigs kyi bu de bzhin gshegs pa rnams bzhugs pa'i gzhal med khang ci 'dra/ byang chub sems dpa' dang pa thabs chen gyis smras pa/ rigs kyi bu rin po che sna bdun mchog tu 'bar ba dkod pa/ 'jig rten gyi khams tshad med pa rgyas par 'gengs pa'i 'od zer chen po shin tu 'byung ba gnas gzhan dag shin tu rnam par phye ba/ tshad med pa rnam par bzhag pa/ 'khor gyi khyams yongs su ma chad pa/ khams gsum pa
- 96b
las yang dag par 'das pa'i spyod yul gyi mtshan nyid 'jig rten las 'das pa de'i bla ma'i dge ba'i rtsa ba las byung ba/ dbang sgyur ba'i rnam par rig pa/ shin tu rnam par dag pa'i mtshan nyid de bzhin gshegs pa'i gnas/ byang chub sems dpa' dpag tu med pa gnas pa/ lha dang / gnod sprin dang / dri za dang / lha ma yin dang / nam mkha'// lding dang / mi'am ci dang / lto 'phye chen po dang / mi dang / mi ma yin pa dpag tu med pa rnam par rgyu ba/ chos kyi ro'i dga' ba dang / bde ba chen pos brtan pa/ semA can thams cad kyi don thams cad mdzad pas nye bar gnas pa/ nyon mongs pa dang / nye ba'i nyon mongs pa'i gnod pa thams cad dang bral ba/ bdud thams cad yongs su spangs pa/ thams cad kyi bkod pa las lhag pa/ de bzhin gshegs pa'i byin gyi rlabs kyis bkod pa/ dran pa dang / blo gros dang / rtogs pa chen pos nges par 'gro ba zhi gnas dang lhag mthong chen po'i theg pa/ stong pa nyid dang / mtshan ma med pa dang / smon pa med pa chen po nas 'jug pa/ yon tan gyi tshogs tshad med pas brgyan pa pad+ma chen po'i rgyal pos brtan pa'i gzhal med khang chen po na/ de bzhin gshegs pa rnams bzhugs te/ rigs kyi bu gang dag chos kyi rnam grangs 'di la mos pa sngon du btang ste/
- 97a
sbyor bar byed pa de dag gis de bzhin gshegs pa'i gzhal med khang de lta bu yang thob par gyur na/ gang dag de bzhin nyid du sbyor bar byed pa lta smos kyang ci dgos bcom ldan 'das kyis bka' stsal pa/ rigs kyi bu legs so legs so// rigs kyi bu ji ltar khyod kyis bshad pa bzhin te/ gang dag chos kyi rnam grangs 'di la mos pa sngon du btang nas/ sbyor bar byed pa de dag ring po mi thogs par de bzhin gshegs pa rnams kyi yo byad 'di dag dang / de bzhin gshegs pa'i gzhal med khang de yang 'thob par 'gyur na// gang dag 'di la de bzhin nyid du sbyor bar byed pa lta smos kyang ci dgos/ de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das rigs kyi bu 'am/ rigs kyi bu mo gang dag chos kyi rnam grang 'di la mos pa dang / klog pa dang / yi ger 'dri ba dang / 'don pa dang / nyan pa dang / kha ton bgyid pa dang / gzhan dag la yang rgya cher rab tu ston pa dang / tshul bzhin sems pa dang / bsgom pa'i rnam pas sbyor ba de dag bsod nams ji tsam skyed par 'gyur/ bcom ldan 'das kyis bka' stsal pa/ kun dga' bo gang la la dag chos kyi rnam grangs 'di la mos pa dang / klog pa dang / yi ger 'dri ba dang / nyan pa dang / 'don pa dang / kha ton byed pa dang / gzhan dag la
- 97b
yang rgya cher yang dag par rab tu ston pa dang / tshul bzhin sems pa dang / bsgom pa'i rnam pas sbyor ba de dag ni/ bsod nams gang la 'jig rten pa'i bsod nams kyi rnam pa thams cad dang / nyan thos dang / rang sangs rgyas rnams kyi bsod nams 'jig rten las 'das pa/ rnam pa thams cad kyis dper yang mi bzod pa de lta bu'i bsod nams skyed par 'gyur ro// de ci'i phyir zhe na/ kun dga' bo 'jig rten pa'i bsod nams tshad med pa gang yin pa de yang rgyu dang 'bras bur bcas pa/ sdug bsngal gyi bden pa dang / kun 'byung ba'i bden par bsdus pa'i phyir/ 'dod pa nyid yongs su grub pa ma yin te/ de ni rgyu zad de/ 'bras bu byung bas mi rtag pa'o// kun dga' bo nyan thos dang / rang sangs rgyas rnams kyi bsod nams 'jig rten las 'das pa gang yin pa de yang rgya che ba ma yin zhing don chung la zad par 'gyur ba'o/ / de la rgya che ba ma yin pa ni theg pa dman pa la gnas shing dmigs te/ yid la byed pa'i phyir ro// don chung ba ni bdag nyid rjes su 'dzin par nye bar gnas pa'i phyir ro/ / zad par 'gyur ba ni/ phung po ma lus pa'i mya ngan las 'das pa'i dbyings su zad par 'gyur ba'i phyir ro// kun dga' bo byang chub sems dpa' rnams kyi theg pa chen po la dad pa las byung ba'i bsod nams de ni yongs su grub pa/ rgyu zad pa ma yin pa/ rgya che ba/ don che ba/ zad par mi 'gyur ba'o// de bas
- 98a
na byang chub sems dpa' rnams kyi theg pa chen po la dad pa las byung ba'i bsod nams de la ni 'jig rten pa dang / 'jig rten las 'das pa'i bsod nams kyis dper yang mi bzod do/ / kun dga' bos gsol pa/ bcom ldan 'das chos kyi rnam grangs 'di'i ming ci lags 'di ji ltar gzung bar bgyi/ bcom ldan 'das kyis bka' stsal pa kun dga' bo de'i phyir chos kyi rnam grangs 'di theg pa chen po la dad pa rab tu sgom pa zhes bya bar zung zhig/ theg pa chen po la dad pa 'jug pa zhes bya bar yang zung zhig/ theg pa chen po la dad pa rnam par 'phel ba zhes bya bar yang zung zhig/ theg pa chen po la dad pa nges par 'byung ba zhes bya bar yang zung zhig/ de bas na chos kyi rnam grangs 'di theg pa chen po la dad pa rab tu sgom pa zhes bya ba'i tshig bla dgas so/ / bcom ldan 'das kyis de skad ces bka' stsal pa dang / byang chub sems dpa' de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la yi rangs te mngon par bstod do// 'phags pa theg pa chen po la dad pa rab tu bsgom pa zhes bya ba theg pa chen po'i mdo rdzogs so/ / / rgya gar gyi mkhan po dzi na mi tra dang / dA na shI la dang / zhu chen gyi lo tsa ba ban+d+he ye shes sde la sogs pas zhus shing b+hi ti gtan la phab pa/
- 98b
rgya gar skad du/ Ar+ya ga ya shir sha nA ma ma hA yA na sU tra/ bod skad du/ 'phags pa ga ya mgo'i ri zhes bya ba theg pa chen po'i mdo sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mngon par rdzogs par sangs rgyas nas/ ring por ma lon par bcom ldan 'das rig yan ga ya mgo'i mchod rten na/ dge slong stong du tshang ba'i dge slong gi dge 'dun chen po thams cad kyang sngon ral pa can du gyur pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha rol tu son pa dgra bcom pa sha stag dang / byang chub sems dpa' sems dpa' chen po rab tu mang po dag dang thabs cig tu bzhugs te/ de nas bcom ldan 'das gcig pu dben par gshegs te/ nang du yang dag bzhag nas/ chos kyi dbyings nyid la brtags te/ bdag gis byang chub ni thob/ bdag gis ye shes ni khong du chud/ bdag gis bya ba ni byas/ bdag gis khur ni bor bdag gis 'khor ba'i 'brog dgon pa las ni brgal/ bdag gis ma rig pa ni bsal/ bdag gis rig pa ni bsgrubs/ bdag
- 99a
gis zug rngu ni phyung / bdag gis sred pa ni zad/ bdag gis chos kyi gru ni sbyar/ bdag gis chos kyi rnga ni brdungs/ bdag gis chos kyi dung ni bus/ bdag gis chos kyi rgyal mtshan ni bsgreng / bdag gis 'khor ba'i lugs ni bzlog/ bdag gis chos kyi lugs ni bsnyed/ bdag gis lam ngan pa ni bcad/ bdag gis lam ni yang dag par bstan/ bdag gis zhing ngan pa dag ni rnam par bzlog/ bdag gis bsod nams kyi zhing dag ni yang dag par bstan na/ 'di ltar bdag gis byang chub de ji ltar khong du chud pa dang / gang gis khong du chud pa dang / sus khong du chung bar 'gyur ba'i chos de la nges par brtag par bya ste/ ci lus kyis khong du chung ngam/ 'on te sems kyis khong du chud/ gal te lus kyis khong du chud na lus ni bem po/ g.yo ba med pa/ rtsa dang / shing dang / rtsig pa dang / bong ba dang / mig yor lta bu ste/ sems pa med pa 'byung ba chen po bzhi las gyur pa/ pha ma'i mi gtsang ba las byung ba/ mi rtag pa/ rtag tu bskur ba dang / bkru ba dang / mnye dgos pa/ 'jig pa dang / rnam par 'gyes pa dang / rnam par 'jig pa'i chos can no// sems sgyu ma dang mtshungs pa/ rten cing 'brel par 'byung ba/ gnas med pa/ mtshan nyid med pa/ dngos po
- 99b
med pa/ bla gab med pa'o// byang chub ni ming tsam tha snyad tsam ste/ sgra skad med pa/ dpyad du med pa/ grub pa med pa/ rgyu ba med pa/ 'jug pa med pa/ rnam par rig pa med pa/ gdags par bya ba ma yin pa/ 'ong ba dang 'gro ba las yang dag par 'das pa/ gdags pa las yang dag par 'das pa/ khams gsum pa las yang dag par 'das pa/ ma mthong ba/ ma thos pa/ bye brag ma phyed pa/ gzhi med pa/ dmigs pa med pa/ rgyu ba med pa/ spros pa med pa/ 'jug pa med pa/ brtag tu med pa dpag tu med pa/ bstan du med pa// sgra med pa/ yi ge med pa/ tshig gi lam med pa'o// de ltar na su mngon par rdzogs par 'tshang rgya/ gang gis mngon par rdzogs par 'tshang rgya/ mngon par rdzogs par 'tshang rgya bar bya ba ni gang yin/ chos 'di dag thams cad ming tsam/ brtags pa tsam/ brda tsam/ tha snyad tsam ste/ brtags pa yongs su brtags pa/ ma byung ba/ byung ba med pa/ rdzas ma yin pa/ rdzas med pa/ len pa med pa/ bstan du med pa/ mngon par chags pa med pa yin te/ de la ni mngon par rdzogs par 'tshang rgya ba su yang med/ cis mngon par rdzogs par 'tshang rgya ba yang med/ mngon par rdzogs par 'tshang rgya bar bya ba ci yang med/ rnam pa gang gis
- 100a
mngon par rdzogs par 'tshang rgya bar bya ba yang med de/ 'di la gang de ltar mngon par rdzogs par byang chub pa de'i phyir/ byang chub mngon par rdzogs par 'tshang rgyu ba zhes bya ste/ byang chub ni 'gyur ba med pa/ mi 'gyur ba mtshan nyid med pa'o snyam mo// de nas bcom ldan 'das la/ 'jam dpal gzhon nur gyur pas 'di skad ces gsol to/ / bcom ldan 'das gal te byang chub kyi mtshan nyid de lta bu lags na/ bcom ldan 'das rigs kyi bu 'am/ rigs kyi bu mos ji ltar byang chub kyi slad du 'jug par bgyi/ bcom ldan 'das kyis bka' stsal pa/ 'jam dpal byang chub de ji lta ba de bzhin du byang chub sems dpa' byang chub kyi phyir 'jug par bya'o// 'jam dpal gyis gsol pa/ bcom ldan 'das byang chub ji ltar rab tu 'tshal bar 'gyur/ bcom ldan 'das kyis bka' stsal pa/ 'jam dpal byang chub ni khams gsum pa las yang dag par 'das pa tha snyad las yang dag par 'das pa/ yi ge'i sgra skad las yang dag par 'das pa/ sgra las yang dag par 'das pa/ 'jug pa med pa/ gzod ma nyid nas 'jug pa med pa'o/ / 'jam dpal de lta bas na/ byang chub sems dpa' 'jug pa las yang dag par 'das pa rnams kyis byang chub kyi phyir 'jug par bya'o// 'jam dpal 'jug pa med pa'i
- 100b
'jug pa ni byang chub la 'jug pa'o/ / 'jam dpal dngos po med pa la 'jug pa ni byang chub la 'jug pa'o// 'jam dpal bla gab med pa la 'jug pa ni byang chub la 'jug pa'o// 'jam dpal chos kyi dbyings kyi rang bzhin la 'jug pa ni byang chub la 'jug pa'o// 'jam dpal chos thams cad la mngon par zhen pa med pa la 'jug pa ni byang chub la 'jug pa'o// 'jam dpal yang dag pa'i mtha' dbyer med pa la 'jug pa ni byang chub la 'jug pa'o// 'jam dpal dor ba med pa dang / bzhag pa med pa la 'jug pa ni byang chub la 'jug pa'o// 'jam dpal tha dad pa ma yin pa dang / tha dad pa med pa 'jug pa ni byang chub la 'jug pa'o// 'jam dpal so so yang dag par rig pa'i mig yor dang / brag cha dang / nam mkha' dang / chu zla dang / smig rgyu la 'jug pa ni byang chub la 'jug pa'o// de nas lha'i bu zla ba dri ma med pa'i gzi brjid 'od zer gyi 'od kyis/ 'jam dpal gzhon nur gyur pa la 'di skad ces smras so/ / 'jam dpal byang chub sems dpa' rnams kyi spyod pa'i rtsom pa ni ci/ gnas ni gang / 'jam dpal gyis smras pa/ lha'i bu byang chub sems dpa' rnams kyi spyod pa'i rtsom pa ni snying rje chen po'o/ / gnas ni sems can no// smras pa/ 'jam dpal byang chub sems dpa' rnams kyi snying rje chen po cis bsdus/ 'jam dpal gyis
- 101a
smras pa/ / lha'i bu byang chub sems dpa' rnams kyi snying rje chen po ni g.yo med pas bsdus so// smras pa/ 'jam dpal g.yo med pa cis bsdus 'jam dpal gyis smras pa/ lha'i bu byang chub sems dpa' rnams kyi g.yo med pa ni sems can thams cad la snyoms pa'i sems kyis bsdus so// smras pa/ 'jam dpal sems can thams cad la snyoms pa'i sems cis bsdus/ 'jam dpal gyis smras pa/ lha'i bu byang chub sems dpa' rnams kyi sems can thams cad la snyoms pa'i sems ni tha dad pa ma yin pa dang / tha dad pa med pa'i spyod pas bsdus so// smras pa/ 'jam dpal tha dad pa ma yin pa dang / tha dad pa med pa'i spyod pa cis bsdus/ 'jam dpal gyis smras pa/ lha'i bu byang chub sems dpa' rnams kyi tha dad pa ma yi ni pa dang / tha dad pa med pa'i spyod pa ni bsam pa dang lhag pa'i bsam pas bsdus so// smras pa/ 'jam dpal bsam pa dang lhag pa'i bsam pa ci'i phyir byung / smras pa/ lha'i bu byang chub sems dpa' rnams kyi bsam pa dang lhag pa'i bsam pa ni byang chub kyi sems kyi phyir byung ngo / / smras pa/ 'jam dpal byang chub kyi sems ci'i phyir byung / smras pa/ lha'i bu byang chub sems dpa' rnams kyi byang chub kyi sems ni pha rol tu phyin pa
- 101b
drug gi phyir byung ngo / / smras pa/ 'jam dpal pha rol tu phyin pa drug ci'i phyir byung / smras pa/ lha'i bu byang chub sems dpa' rnams kyi pha rol tu phyin pa drug po/ ngag ni thabs dang shes rab gnyis kyi phyir byung ngo // smras pa/ 'jam dpal thabs dang shes rab ci'i phyir byung / smras pa/ lha'i bu byang chub sems dpa' rnams kyi thabs dang shes rab ni bag yod pa'i phyir byung ngo / / smras pa/ 'jam dpal bag yod pa ci'i phyir byung / smras pa/ lha'i bu byang chub sems dpa' rnams kyi bag yod pa ni legs par spyod pa rnam pa gsum gyi phyir byung ngo / / smras pa/ 'jam dpal legs par spyod pa rnam pa gsum ci'i phyir byung / smras pa/ lha'i bu byang chub sems dpa' rnams kyi legs par spyod pa rnam pa gsum ni dge ba bcu'i las kyi lam gyi phyir byung ngo / / smras pa/ 'jam dpal dge ba bcu'i las kyi lam dag ci'i phyir byung / smras pa/ lha'i bu byang chub sems dpa' rnams kyi dge ba bcu'i las kyi lam dag ni sdom pa'i phyir byung ngo // smras pa/ 'jam dpal sdom pa ci'i phyir byung / smras pa/ lha'i bu byang chub sems dbar rnams kyi sdom pa ni tshul bzhin yid la bya ba'i phyir byung ngo / / smras pa/ 'jam dpal tshul ba'i na yid la bya ba ci'i phyir byung / smras pa/ lha'i bu byang chub sems
- 102a
dpa' rnams kyi tshul bzhin yid la bya ba ni so sor rtog pa'i phyir byung ngo / / smras pa/ 'jam dpal so sor rtog pa ci'i phyir byung / smras pa/ lha'i bu byang chub sems dpa' rnams kyi so sor rtog pa dran pa'i phyir byung ngo / / smras pa/ 'jam dpal byang chub sems dpa' rnams kyi sems bskyed pa dag rgyur bsdus pa dang / 'bras bu bsdu bar 'gyur ba du/ 'jam dpal gyis smras pa/ lha'i bu byang chub sems dpa' rnams kyi sems bskyed pa dag rgyur bsdu ba dang / 'bras bur bsdu bar 'gyur ba ni bzhi po 'di ngag ste/ bzhi gang zhe na/ dang po sems bskyed pa dang / spyod pa dang / phyir mi ldog pa dang / skye ba gcig gis thogs pa'o// de la dang po sems bskyed pa ni spyod pa dang 'brel ba'i rgyur blta'o/ / spyod pa dang 'brel pa ni phyir mi ldog pa'i rgyur blta'o// phyir mi ldog pa ni skye ba gcig gis thogs pa'i rgyur blta'o// skye ba gcig gis thogs pa ni 'bras bu 'brel ba'i rgyur blta'o/ / lha'i bu gzhan yang dper na/ sa bon btab pa de lta bur ni dang po sems bskyed pa blta'o// da per na sa bon las myu gu mngon par 'grub pa de lta bur ni spyod pa dang 'brel ba'i sems bskyed pa blta'o/ / dper na sdong bu dang / 'dab ma dang / me tog dang / 'bras bu 'byung ba de lta bur ni phyir mi ldog pa'i sems bskyed pa blta'o//
- 102b
dper na 'bras bu yongs su smin pa de lta bur ni skye ba gcig gis thogs pa'i sems bskyed pa blta'o// lha'i bu gzhan yang dper na/ shing rta mkhan shing bsdu ba shes pa de lta bur na dang/ po sems bskyed pa blta'o// dper na shing rta'i yan lag yongs su sbyang ba shes pa de lta bur ni spyod pa dang 'brel pa'i sems bskyed pa blta'o// dper na shing rta'i yan lag sbyor ba shes pa de lta bur ni phyir mi ldog pa'i sems bskyed pa blta'o/ / dper na khal dag la ba shes pa de lta bur ni skye ba gcig gis thogs pa'i sems bskyed pa blta'o// lha'i bu gzhan yang zla ba tshes pa'i dkyil 'khor mngon par 'grub pa de lta bur ni dang po sems bskyed pa blta'o/ / dper na tshes lnga dang / drug dang / bdun gyi nub mo zla ba'i dkyil 'khor shar ba de lta bur ni spyod pa dang 'brel ba'i sems bskyed pa blta'o/ / dper na tshes bcu'i nub mo zla ba'i dkyil 'khor shar ba de lta bur ni phyir mi ldog pa'i sems bskyed pa blta'o// dper na tshes bcu bzhi'i nub mo zla ba'i dkyil 'khor shar ba de lta bur ni skye ba gcig gis thogs pa'i sems bskyed pa blta'o/ / dper na ches bco lnga'i nub mo zla ba'i dkyil 'khor shar ba de lta bur ni de bzhin gshegs pa'i ye shes blta'o/ / lha'i bu gzhan yang sems bskyed pa dang po ni nyan thos kyi sa las yang dag par 'da' 'o// sems bskyed pa gnyis pa ni rang sangs rgyas kyi sa las yang dag par 'da'
- 103a
'o/ / sems bskyed pa gsum pa ni ma nges pa'i sa las yang dag par 'da' 'o// sems bskyed pa bzhi nges pa'i phung po la gnas so// lha'i bu gzhan yang dang po sems bskyed pa ni yi ge'i phyi mo 'dzin pa'i tshul du blta'o/ / dper na rnam par dbye ba rab tu rnam par 'byed pa shes pa de lta bur ni spyod pa dang 'brel ba'i sems bskyed pa blta'o// / dper na grangs dang / brtsis dang / shod dgod pa shes pa lta bur ni phyir mi ldog pa'i sems bskyed pa blta'o// dper na bstan bcos rnams khong du chud pa shes pa de lta bur ni skye ba gcig gis thogs pa'i sems bskyed pa blta'o/ / lha'i bu gzhan yang sems bskyed pa dang po ni rgyur 'brel ba'o// sems bskyed pa gnyis pa ni ye shes dang 'brel ba'o// sems paskyed pa gsum pa ni spong ba dang 'brel ba'o// sems bskyed pa bzhi pa ni 'bras bu dpa' brel ba'o// lha'i bu gzhan yang sems bskyed pa dang po ni rgyus bsdus pa'o// sems bskyed pa gnyis pa ni ye shes kyis bsdus pa'o// sems bskyed pa gsum pa ni spong bas bsdus pa'o// sems bskyed pa bzhi pa ni 'bras bus bsdus pa'o// lha'i bu gzhan yang sems bskyed pa dang po ni rgyu las yang dag par byung ngo / / sems bskyed pa gnyis pa ni ye shes las yang dag par byung ngo // sems bskyed pa gsum pa ni spong ba las yang
- 103b
dag par byung ngo / / sems bskyed pa bzhi pa ni 'bras bu las yang dag par byung ngo // lha'i bu gzhan yang sems bskyed pa dang po ni rgyu rab tu dbye ba'i yan lag go// sems bskyed pa gnyis pa ni ye shes rab tu dbye ba'i yan lag go/ / sems bskyed pa gsum pa ni spong ba rab tu dbye ba'i yan lag go// sems bskyed pa bzhi pa ni 'bras bu rab tu dbye ba'i yan lag go/ / lha'i bu gzhan yang sems bskyed pa dang po ni sman bsdu ba'i tshul du blta'o// sems bskyed pa gnyis pa ni sman rab tu dbye ba la mkhas pa'i tshul du blta'o// / sems bskyed pa gsum pa ni sman sbyor ba la mkhas pa'i tshul du blta'o// sems bskyed pa bzhi pa ni nad pa gso ba la mkhas pa'i tshul du blta'o// lha'i bu gzhan yang sems bskyed pa dang po ni chos kyi rgyal po'i rigs kyi brgyud du byung ba'i tshul du blta'o/ / sems bskyed pa gnyis pa ni chos kyi rgyal po'i rigs kyi brgyud kyi bslab pa yang dag par 'dzin pa'i tshul du blta'o// sems bskyed pa gsum pa ni chos kyi rgyal po'i rigs kyi brgyud kyi bslab pa tshar phyin pa'i tshul du blta'o// sems bskyed pa bzhi pa ni chos kyi rgyal po'i rigs kyi bu brgyud kyi bslab pa la dbang sgyur ba'i tshul du blta'o/ / de nas lha'i bu 'od rnam par nges pa'i 'od zer gyi 'od kyis/ 'jam dpal gzhon nur gyur pa la 'di skad ces smras so// 'jam dpal byang chub
- 104a
sems dpa' rnams lam gang dang ldan na/ myur du bla na med pa yang dag par rdzogs pa'i byang chub mngon par 'tshang rgya ba'i byang chub sems dpa' rnams kyi lam mdor bsdus pa gang / 'jam dpal gyis smras pa/ lha'i bu byang chub sems dpa' rnams kyi lam ni mdor bsdu na 'di gnyis te/ byang chub sems dpa' dag lam 'di gnyis dang ldan na/ myur du bla na med pa yang dag par rdzogs pa'i byang chub tu mngon par 'tshang rgya'o// gnyis gang zhe na/ 'di lta ste/ thabs dang / shes rab bo// de la thabs ni bsdu ba shes pa'o/ / shes rab ni yongs su gcod pa shes pa'o// thabs ni sems can la lta ba'o// shes rab ni chos thams cad la mi lta ba'o// thabs ni chos la sbyor ba shes pa'o/ / shes rab ni bral ba shes pa'o// thabs ni rgyu la dmigs pa shes pa'o// shes rab ni rgyu zad par 'gro ba'o// thabs ni chos tha dad pa shes pa'o// shes rab ni chos kyi dbyings dbyer med pa shes pa'o/ / thabs ni sangs rgyas kyi zhing gi rgyan shes pa'o// shes rab ni sangs rgyas kyi zhing mnyam pa nyid dbyer med par shes pa'o// thabs ni sems can gyi dbang po dang / spyod pa la 'jug pa shes pa'o// shes rab ni sems can dmigs su med par shes pa'o// thabs ni byang chub kyi rgyan thob par byed pa shes pa'o// shes
- 104b
rab ni sangs rgyas kyi chos thams cad mngon par rdzogs par byang chub pa shes pa'o/ / lha'i bu gzhan yang mdor bsdus pa'i lam gnyis te/ gnyis gang zhe na/ tshogs kyi lam dang / yongs su gcod pa'i lam mo// de la tshogs kyi lam ni pha rol tu phyin pa lnga po dag go// yongs su gcod pa'i lam ni shes rab kyi pha rol tu phyin pa'o// gzhan yang / mdor bsdus pa'i lam gnyis te/ gnyis gang zhe na/ chags pa dang bcas pa'i lam dang / chags pa med pa'i lam mo// de la chags pa dang bcas pa'i lam ni pha rol tu phyin pa lnga po dag go/ / chags pa med pa'i lam ni shes rab kyi pha rol tu phyin pa'o// gzhan yang mdor bsdus pa'i lam gnyis te/ gnyis gang zhe na/ zag pa dang bcas pa'i lam dang / zag pa med pa'i lam mo// de la zag pa dang bcas pa'i lam ni pha rol tu phyin pa lnga po dag go// zag pa med pa'i lam ni shes rab kyi pha rol tu phyin pa'o// gzhan yang mdor bsdus pa'i lam gnyis te/ gnyis gang zhe na/ tshad yod par byas pa'i lam dang / tshad med par byas pa'i lam mo// de la tshad yod par byas pa'i lam ni mtshan ma'i gnas tshad med par byas pa'i lam ni mtshan ma med pa'i gnas so/ / gzhan yang mdor bsdus pa'i lam gnyis te/ gnyis gang zhe na/ shes pa'i lam dang / spong ba'i
- 105a
lam mo/ / de la shes pa'i lam nis dang po nas bzung ste/ sa bdun pa'i bar du'o// spong ba'i lam ni sa brgyad pa nas bzung ste/ sa bcu'i bar du'o// de nas byang chub sems dpa' sems dpa' chen po ye shes sgrub pa dpa' bos/ 'jam dpal gzhon nur gyur pa la 'di skad ces smras so// 'jam dpal byang chub sems dpa' sems dpa' chen po ji ltar na don gyis rab tu phye ba yin/ ji ltar na ye shes kyis rab tu phye ba yin/ 'jam dpal gyis smras pa/ rigs kyi bu don ni ldan pa med pa'o// ye shes ni ldan pa'o// smras pa/ 'jam dpal ci'i phyir don ni ldan pa med la/ ye shes ni ldan pa yin/ 'jam dpal gyis smras pa/ rigs kyi bu don ni 'dus ma byas pa ste/ chos gang dang yang ldan pa 'am/ mi ldan pa ma yin par khong du chud par bya'o// de ci'i phyir zhe na/ don ni 'gyur ba med pa'i mtshan nyid yin te/ de ni chos gang dang yang ldan pa 'am/ mi ldan pa ma yin par khong du chud par bya'o/ / don ni gzod ma nas yongs su grub pa med pa'i phyir chos gang dang yang ldan pa'am/ mi ldan pa ma yin par khong du chud par bya'o// dor ni dor ba med pa dang / gzhag pa med pa'i phyir chos gang dang yang ldan pa 'am/ mi ldan pa ma yin par khong du chud par bya'o// ye shes zhes bya ba ni lam ste/ lam ni sems
- 105b
dang yang dag par ldan pa yin gyi/ mi ldan pa ma yin te/ rigs kyi bu de'i phyir ye shes ni ldan pa zhes bya ste/ mi ldan pa ma yin no// ye shes ni spong ba dang yang dag par ldan pa yin gyi/ mi ldan pa ma yin te/ rigs kyi bu de'i phyir ye shes ni ldan pa zhes bya ste/ mi ldan pa ma yin no// ye shes zhes bya ba ni phung po la mkhas pa dang / khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas pa ma yin pa rnam par dpyad pa la mkhas pa ste/ rigs kyi bu de'i phyir ye shes ni ldan pa zhes bya ste/ mi ldan pa ma yin no// rigs kyi bu gzhan yang byang chub sems dpa' sems dpa' chen po rnams kyi shes pa rnam pa bcu ste/ rnam pa bcu gang zhe na/ 'di lta ste/ rgyu shes pa dang / 'bras bu shes pa dang / don shes pa dang / thabs shes pa dang / shes rab shes pa dang / bsdu ba shes pa dang / pha rol tu phyin pa shes pa dang / snying rje chen po shes pa dang / sems can yongs su smin par bya ba shes pa dang / chos thams cad la mngon par zhen pa med par shes pa ste/ rigs kyi bu rnam pa de bcu ni byang chub sems dpa' sems dpa' chen po rnams kyi shes pa'o/ / rigs kyi bu gzhan yang byang chub sems dpa' sems dpa' chen po rnams kyi rtsom pa rnam pa
- 106a
bcu ste/ rnam pa bcu gang zhe na/ 'di lta ste/ sems can thams cad kyi lus kyi las yongs su sbyang ba'i phyir lus kyi rtsom pa dang / sems can thams cad kyi ngag gi las yongs su sbyang ba'i phyir ngag gi rtsom pa dang / sems can thams cad kyi yid kyi las yongs su sbyang ba'i phyir sems kyi rtsom pa dang / sems can thams cad la mngon par zhen pa med par bya ba'i phyir nang gi rtsom pa dang / sems can thams cad la mtshungs par sbyor bar bya ba'i phyir phyi'i rtsom pa dang / sangs rgyas kyi ye shes yongs su rdzogs par bya ba'i phyir ye shes kyi rtsom pa dang / sangs rgyas kyi zhing thams cad kyi yon tan bkod pa kun tu ston pa'i phyir zhing gi rtsom pa dang / nyon mongs pa'i nad kyi sman yongs su shes par bya ba'i phyir sems can yongs su smin par bya ba'i rtsom pa dang / nges pa'i phung po yongs su rdzogs par bya ba'i phyir de kho na'i rtsom pa dang / khams gsum pa thams cad la sems mngon par zhen pa med par bya ba'i phyir 'dus ma byas kyi ye shes yongs su rdzogs par bya ba'i rtsom pa ste/ rigs kyi bu rnam pa 'di bcu ni byang chub sems dpa' sems dpa' chen po rnams kyi rtsom pa'o/ / rigs kyi bu gzhan yang byang chub sems dpa' sems dpa' chen po rnams kyi sbyor ba bcu ste/ bcu gang zhe na/ 'di lta ste/ pha rol tu phyin pa'i sbyor
- 106b
bdang / bsdu ba'i dngos po'i sbyor ba dang // shes rab kyi sbyor ba dang / thabs kyi sbyor ba dang / snying rje chen po'i sbyor ba dang / bsod nams kyi tshogs yongs su tshol bar sbyar ba dang / ye shes kyi tshogs yongs su tshol ba'i sbyor ba dang / bsam pa rnam par skyo ba'i sbyor ba dang / bden pa rnam par dpyad pa'i sbyor ba dang // sdug pa dang mi sdug pa thams cad la mngon par zhen pa med pa'i sbyor ba ste/ rigs kyi bu bcu po de dag ni byang chub sems dpa'o sems dpa' chen po rnams kyi sbyor ba'o// rigs kyi bu gzhan yang byang chub sems dpa' sems dpa' chen po rnams kyi mi zad pa la rtog pa bcu ste/ bcu gang zhe na/ 'di lta ste/ lus mi zad pa la rtog pa dang / dngos po mi zad pa la rtog pa dang / chos mi zad pa la rtog pa dang / sred pa mi zad pa la rtog pa dang / lta ba mi zad pa la rtog pa dang / tshogs mi zad pa la rtog pa dang / nye bar len pa mi zad pa la rtog pa dang / mngon par zhen pa med pa mi zad pa la rtog pa dang / 'du ba mi zad pa la rtog pa dang / byang chub kyi snying po shes pa mi zad pa la rtog pa ste/ rigs kyi bu bcu po de dag ni byang chub sems dpa' sems dpa' chen po rnams kyi mi zad pa la rtog pa'o/ / rigs kyi bu gzhan yang bcu po 'di dag ni byang chub sems dpa' sems dpa' chen po rnams kyi 'dul ba'i dngos po bcu ste/ bcu
- 107a
gang zhe na/ 'di lta ste/ gtong ba'i char rab tu 'bebs pas ser sna'i sems 'dul ba nyid dang / las rnam pa gsum yongs su sbyong bas 'chal ba'i tshul khrims kyi sems 'dul ba nyid dang / byams bsgom pas khong khro ba'i sems 'dul ba nyid dang / sangs rgyas kyi chos yongs su btsal ba la mi skyo bas le lo'i sems 'dul ba nyid dang / bsam gtan dang / rnam par thar pa rnam par 'phrul pas mi dge ba'i sems 'dul ba nyid dang / shes rab kyi pha rol tu phyin pas gtan la phebs pa la mkhas pa'i tshogs ba sogs pas mi shes pa'i sems 'dul ba nyid dang / lam gyi tshogs bskyed pas nyon mongs pa 'dul ba nyid dang / phyin ci ma log pa'i lam bskyed pas bden pa'i tshogs bsogs pas 'dul ba nyid dang / dus dang dus ma yin par dbang sgyur bas sems 'dul ba nyid dang / bdag med pa'i chos la rtog pas bdag 'dul ba nyid de/ rigs kyi bu bcu po de dag ni byang chub sems dpa' sems dpa' chen po rnams kyi 'dul ba'i dngos po'o/ / rigs kyi bu gzhan yang bcu po 'di dag ni byang chub sems dpa' sems dpa' chen po rnams kyi dul ba'i sa ste/ gang zhe na/ 'di lta ste/ lus kyi las mi dge ba rnam gsum yongs su spong bas lus dul ba nyid dang / ngag gi las rnam bzhi yongs su spong bas ngag dul ba nyid dang / yid kyis
- 107b
nye bar spyod pa rnam gsum yongs su spong bas sems dul ba nyid dang / rang gi lus la mngon par zhen pa med pa'i tshul gyis nang dul ba nyid dang / chos thams cad la mngon par zhen pa med pa'i tshul gyis phyi rol gyi yul dul ba nyid dang / lam la mngon par zhen pa med pa'i tshul gyis ye shes kyi tshogs la mngon par zhen pa med pa'i dul ba nyid dang / 'phags pa'i sa'i ngo bo nyid la rtog pa'i tshul gyis bdag la bstod pa dul ba nyid dang / shes rab kyi pha rol tu phyin pa la gnas pa'i tshul gyis phyi ma'i mtha' rnam par dag pa yongs su sbyong ba dul ba nyid dang / sems can thams cad la mi bslu ba'i tshul gyis tha snyad shin tu dul ba nyid dang / sems can thams cad yongs su smin par byed pa'i snying rje chen po'i tshul gyis lus dang sems la mi lta ba dul ba nyid de/ rigs kyi bu bcu po de dag ni byang chub sems dpa' sems dpa' chen po rnams kyi dul ba'i sa'o// rigs kyi bu gzhan yang byang chub ni sgrub pa snying por byed pa'i byang chub sems dpa' sems dpa' chen po rnams yin te/ log par sgrub pa snying por byed pa rnams kyi ni ma yin no// de la sgrub pa snying por byed pa ni ji skad smras pa de bzhin du byed pa yin no/ / log par sgrub pa snying por byed pa ni tshig gi dngos po kho na'o// de ni sgrub pa snying por byed pa mang ba yin gyi/ log par sgrub pa snying por byed
- 108a
pa mang ba ni ma yin no/ / rigs kyi bu gzhan yang gnyis po 'di dag ni/ byang chub sems dpa' sems dpa' chen po rnams kyi sgrub pa ste/ gnyis gang zhe na/ 'di lta ste/ lam sgrub pa dang / spong ba sgrub pa ste/ rigs kyi bu gnyis po de dag ni byang chub sems dpa' sems dpa' chen po rnams kyi sgrub pa'o/ / rigs kyi bu gzhan yang byang chub sems dpa' sems dpa' chen po rnams kyi sgrub pa gnyis te/ gnyis gang zhe na/ 'di lta ste/ bdag 'dul ba'i sgrub pa dang / sems can yongs su smin par bya ba'i sgrub pa ste/ rigs kyi bu gnyis po de dag ni byang chub sems dpa' sems dpa' chen po rnams kyi sgrub pa'o// rigs kyi bu gzhan yang byang chub sems dpa' sems dpa' chen po rnams kyi sgrub pa gnyis te/ gnyis gang zhe na/ 'di lta ste/ rtsol ba dang bcas pa'i shes pas sgrub ba dang / lhun gyis grub pa'i ye shes kyi sgrub pa ste/ rigs kyi bu gnyis po de dag ni/ byang chub sems dpa' sems dpa' chen po rnams kyi sgrub pa'o// rigs kyi bu gzhan yang byang chub sems dpa' sems dpa' chen po rnams kyi sgrub pa gnyis te/ gnyis gang zhe na/ sa rnam par gzhag pa la mkhas par sgrub pa dang / sa dbyer
- 108b
med pa la mkhas par sgrub pa ste/ rigs kyi bu gnyis po de dag ni byang chub sems dpa' sems dpa' chen po rnams kyi sgrub pa'o// rigs kyi bu gzhan yang byang chub sems dpa' sems dpa' chen po rnams kyi sgrub pa gnyis te/ gnyis gang zhe na/ 'di lta ste/ sa'i nyes pa rnam par spong ba'i sgrub pa dang / sa nas sar 'phar ba la mkhas pa yongs su rdzogs par bya ba'i sgrub pa ste/ rigs kyi bu gnyis po de dag ni byang chub sems dpa' sems dpa' chen po rnams kyi sgrub pa'o// rigs kyi bu gzhan yang byang chub sems dpa' sems dpa' chen po rnams kyi sgrub pa gnyis te/ gnyis gang zhe na/ 'di lta ste/ nyan thos dang / rang sangs rgyas kyis bstan pa'i sgrub pa dang / sangs rgyas kyi byang/ chub las phyir mi ldog pa la mkhas pa'i sgrub pa ste/ rigs kyi bu gnyis po de dag ni byang chub sems dpa' sems dpa' chen po rnams kyi sgrub pa'o// rigs kyi bu byang chub sems dpa' sems dpa' chen po rnams kyi sgrub pa ni/ 'di lta bu 'di lta ste/ de la byang chub sems dpa' sems chen po rnams kyis 'bad par bya'o// rigs kyi bu byang chub sems dpa' sems dpa' chen po de ltar sgrub pa rnams la bla na med pa yang dag par rdzogs pa'i byang chub rnyed dka' ba ma yin no/ / de nas bcom ldan 'das kyis/ 'jam dpal gzhon nur gyur pa la
- 109a
bka' stsal pa/ 'jam dpal khyod kyis tshig 'di legs par bshad pa legs so legs so// bcom ldan 'das kyis de skad ces bka' stsal nas/ 'jam dpal gzhon nur gyur pa dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa ga ya mgo'i ri zhes bya ba theg pa chen po'i mdo rdzogs so// // rgya ga mi mkhan po su ren dra bo d+hi dang / zhu chen gyi lo tsa ba ban+d+he ye shes sdes bsgyur cing zhus te gtan la phab pa'o/ / ga ya'i rtse mo dang 'gyur khyad yin// // rgya gar skad du/ b+ha ga ba noSh+NI Sha ma hA/ bod skad du/ bcom ldan 'das kyi gtsug tor chen po/ de bzhin gshegs pa'i gsang ba bsgrub pa'i don mngon par thob pa'i rgyu/ byang chub sems dpa' thams cad kyi spyod pa/ dpa' bar 'gro ba'i mdo le'u stong phrag bcu pa las le'u bcu pa// / bam po dang be// sangs rgyas rang byang chub sems dpa' thams cad la phyag 'tshal lo/ / de nas de'i tshe de bzhin gshegs pa'i sku gser btso ma'i ri lta bu/ dam pa'i chos kyi gangan seng ge'i khri las slar nur nas rin
- 109b
po che'i sku rten drangs te/ de la sku brten nas/ dga' bo la sogs pa'i 'khor thams cad la bka' stsal pa/ khyed la sogs pa slob pa dang / mi slob pa dang / rang sangs rgyas rnams kyis bla na med pa'i byang chub chen po'i sems bskyed de/ tshor ba dam pa blang bar bya'o// ngas de yang dag par bsgrub pa'i chos bshad zin na/ khyed kyis nga dung khong du ma chud do/ / zhi gnas dang lhag mthong rnal 'byoran/ phra ba'i yang phra ba'i bdud kyis las dang / bdud kyi khams mngon sum du snang ste/ khyed kyi de'i rig par ma nus na// sems yang dag par sbyangs par mi btags te/ log pa'i lta bar lhung bas/ khyed par bar ni phung po'i bdud kyis/ bar bar ni lha'i bdud kyis/ bar bar ni yi dgra dang lha ma yin gyis byin gyis brlabs te skabs rnyed do/ / nang du sems kyis ma tshor nas/ rkun po la bu yin par bzung ste/ yang de'i ning nas chung shes tsam gyis thob pa la grub pa ste/ cho ga go snyam du sems pa ni bsam gtan bzhi la chags pa dang mtshungs so// de ni mtshams med pa'i dge slong ste/ 'phags pa thob bo snyam du bsam pas brdzun byas pa'o/ / lha tshe zad pa'i khar yang ltas pa mngon du byung ste/ dgra bcom pa yang phyi ma'i lus len to zhes skur pa btab nas mtshams med pa'i dmyal bar lhung ngo // khyed nyon
- 110a
la legs par soms te/ yid la gyis shig dang / ngas khyed kyi phyir zhib tu bye brag dbye'o// de skad ces bka' stsal ba dang / dga' bo stan las langs pa/ 'khor gyi nang nas slob pa 'thun pa dag kyang rab tu dga' nas/ spri bos btud de lus dang sems shin tu gus shing dang bas/ bcom ldan 'das kyis thugs rjes dgongs pa las slar nyan to/ / de nas bcom ldan 'das kyis dga' bo dang / 'khor thams cad la bka' stsal pa/ khyed la sogs pa shes par gyis shig/ ngo bo nyid kyi tshor ba dam pa gsal ba de bzhin nyid kyi tshor ba rgyas pa ni/ phyogs bcu'i sangs rgyas thams cad dang / rigs bcu gnyis las skyes pa'i zag pa can gyi 'jig rten par yang so so ma yin zhing tha mi dang mod kyi/ yang dag par ma yin pa'i 'du shes kyi don nor ba'i nyes pa las thibs po dang / sred pa byung zhing skyes so// de ltar skyes shing byung nas de'i phyir stong pa rang bzhin yod par 'gyur te/ thams cad du 'khrul pa yin no// 'khrul pa las rdzus pa rgyun mi 'chad pa'i phyir 'jig rten byung ngo // de lta bas na phyogs bcu'i rdul phra mo'i nang khams kyang mi zab pa med do/ / de lta bu ni 'khrul pa'i pho theg can yang dag pa ma yin pa'i 'du shes kyi gzhung 'dzugs par shes par byos shig/ nam mkha' stong pa ni nang
- 110b
nas khyed kyi sems las skyes so/ / dper na nam mkha' las sprin glo bur du byung na/ 'jig rten pa thams cad de'i nang 'dug pa bzhin te/ khyed las 'ga' zhig gis yang dag pa 'di la ma phyogs na/ phyogs bcu'i stong pa thams cad kyang zhi zhing byang ste/ nam mkha'i khams kyi yul thams cad ci'i phyir g.yo bar mi 'gyur/ phyogs bcu'i zag pa zad pa'i byang chub sems dpa' dang / dgra bcom pa dag khyed bsam gtan dang / ting nge 'dzin la rnal 'byor spyod de/ sems dang zhing sa la bar de bzhin nyid la rtse gcig gi ting nger 'gyur na/ bdud kyi rgyal po thams cad dang / lha dang / mi dang / lha ma yin dang / sems can ma rabs la sogs pa'i khang khyim kun ni snyil/ sa chen po ni rab tu g.yo bar 'gyur ro/ / chu'i nang na gnas pa dang / skam la gnas pa dang / nam mkha' la 'phur ba de dag khyed la sogs pas/ ci'i phyir snyil zhing g.yo bar 'gyur/ lha ma yin dang / yi dgas dang / lha'i bdud dag zhe sdang che bar g.yo ba yang yod de/ khyed bsam gtan bsgom pa'i thad du 'ongs nas/ gnod pa byas su zin kyang mtshan ma'i dri ma la goms pa'i nang nas/ khyed kyis tshor ba'i snying por gtugs na/ de'i phyir 'ong ba rlung gis phog pa bzhin chu la ral gri btab paltar/ gcig gis gcig la gnod
- 111a
par mi 'gyur ro/ / phas kyis rgol ba'i chab zom srab la/ khyed kyis drod kyis chu tshan khol bas khad kyis nye zhing / myur du 'jug pa'i phyir/ bdud la sogs pas byin gyis brlabs kyang / rang nyon mongs su zad de don med do// de ltar mgon dang mtshungs te/ grub pa dang / bshig cing gyes par yang byed de/ khyod kyi sems kyi nang nas phung po lnga'i bdag po 'khrul te/ mgron gyis skabs rnyed na/ de nyid du tshor bas chud par bsam gtan du bsgoms na/ 'khrul par mi 'gyur te/ khyed la bdud kyis rgol bas mi thub bo/ / phung po byang ba'i gsal ba la zhugs na/ phyin ci log gi tshogs kun so sor med par 'gyur te/ snang bas ni mun nag sel nus so// nye bar 'ongs kyang rang dul bar 'gyur na/ bsam gtan phal la gnod pa byed par lta ga la zhig spobs/ de ltar tshor bas chud par ma byas nas/ phung po ni bslu ba yin no// dga' bo khyod ni bdud kyi bur 'gyur te/ bdud kyi mil sgrub pa byed do// mthang ga lta bu mthu chung yang sngags kyi mthu'i phyir/ khyod kyi tshul khrims 'jig par nus so// khri phrag brgyad kyi spyad pa'i nang nas/ tshul khrims gcig shig kyang sems yongs su dag pa'i phyir/ khyod ma rmongs ma 'thoms te/ de ni bsod nams yod pa'i phyir/ khyod kyi rin po che'i lus ma 'khyams
- 111b
so/ / dper na blon po chen po'i khang khyim skad cig so sor bgos te/ khyed la med na skyabs byed mi nus pa dang 'dra'o// dga' bo shes par gyis shig/ khyed byang chub kyi snying/ por rnal 'byor na/ dang zhing gsal bas g.yo ba dang / mi g.yo ba thams cad kyi mi skul te/ drang ba dang brjod par ro gcig pa'i de kho na nyid la gnas na/ mtshan ma thams cang zad de/ sgrib pa med na/ de ni mtshan ma dang bral ba'o// ting nge 'dzin la mnyam par gzhag na/ skyes bu mig dang ldan pa mun nag gi nang du phyin pa dang mtshungs te/ rang bzhin gsal zhing dang mod kyi/ da dung sems kyi 'od ma byung bas/ de ni gzugs kyi phung pos bsgribs pa'o// mig dang ldan pas ni phyogs bcur sa ler snang ste/ ci yang lus pa med do/ / de'i ming ni gzugs kyi phung po zad de/ mi de ni bskal ba'i snyigs ma las 'das so// don de la brtags na/ yang dag pa ma yin pa'i 'du shes kyi rtsa ba srab pa'i phyir ro// / dga' bo de lta bu la gnas shing sbyangs na gsal zhing dang ste/ khams bzhi ma khugs pa las sems skad cig tsam zhig lus thogs pa med par/ de'i ming ni dang zhing gsal ba mngon du lung bar 'bab par bsgoms pa las yud tsam zhig byung ba yin gyi/ 'phags par gyur pa ni ma yin no// de la 'phags pa'o snyam du ma bsams na/ dge ba'i mngon rtags su
- 112a
ni rung gi/ de la 'phags pa'o snyam du bsams na/ log pa'i khams su ltung ngo // dga' bo yang sems de nyid sbyangs shing dang ste/ lus kyi nang dang zhing gsal ba las/ yud tsam zhig mi de'i lus kyi nang nas srin grol ba ma glo bur du byung yang / lus kyi rang bzhin ji bzhin te/ smras shing nyams pa yang med par mthong ngo // de'i ming ni gzugs kyi yan lag dang / gsal ba'i lud par 'bab pa'i brtson 'grus las gyur pa yin gyi/ 'phags pa'i 'bras bur gyur pa ni ma yin no// de las 'phags pa'o snyam du ma bsams na/ dge ba'i ltas su ni rung gi/ de la 'phags pa'o snyam du bsams na/ de log pa'i khams su lhung ngo // dga' bo yang sems de nyid kyis sbyangs// shing dang ni/ de'i tshe sems dang / yid dang / rnam par shes pa'i rnams mgron dang / sbyin bdag ji bzhin pa la mi 'gyur ba la spyod pas/ 'dzin pa'i lus gtogs par// gzhan thams cad gcig tu bsdus shing mnyam par gzhag pa las/ sems skad cig tsam zhig nam mkha' stong pa las cig car du phyogs bcu nas chos zab mo'i don 'chad pa lta bu'i sgra thos so/ / de'i ming ni sems dang / yid dang / rnam par shes pa ldang dub las/ dge ba'i rgyu grub pa yin te/ dge ba'i mtshan ni yin gyi/ 'phags
- 112b
pa'i 'bras bu ni ma yin no/ / de la 'phags pa'o snyam du sems na/ lam log par lhung ngo // dga' bo yang sems de gsal zhing sa le ba'i nang nas/ sems skad cig 'od byung ste/ phyogs bcu khyab par 'dzam du gser gyi kha dog tu gyur te/ rnam pa sna tshogs thams cad kyang de bzhin gshegs pa'i skur gyur nas rnam par snang mdzad de bzhin gshegs pa'i lha'i 'od brtsegs pa'i khang pa na bzhugs te/ sangs rgyas bcu'i 'khor gyis bskor cing / sa ya phrag brgya'i zhing dang / pad+mor bcas pa lta bur byung bar snang ste/ de'i ming ni yid kyi rnam par shes pas/ chud cing 'jug pa'i chags pa ste/ sems sbyangs pa'i 'od las 'jig rten thams cad snang ba de yang tha cig tu zad de/ dge ba'i mtshan mar ni rung gi/ 'phags pa'i 'bras bu ni ma yin no// de la 'phags pa'i 'bras bu 'dzin na/ lam log pa'i khams su lhung ngo // yang sems de dang zhing gsal bar sbyangs pa las/ sbyong rgyun ni 'chad par brnyas shing btul/ 'dul ba cil te 'phar nas/ de'i tshe sems skad cig tsam zhig phyogs bcu'i nam mkha' las/ rin po che sna bdun gyi kha dog tu gyur te/ bar bar ni kha dog sna brgyad du 'gyur ro// yang khyab par gang ba ni/ sngon po/ ser po/ dmar po
- 113a
dkar po dag so so nas ma 'dres pa lta bur snang ste/ de ni brnyas shing btul bcil te 'bar ba las gyur te/ de yang thang cig tu zad pas/ 'phags par gyur pa ni ma yin no/ / de la 'phags pa'o snyam du ma bsams na/ de dge ba'i mtshan mar ni rung gi/ de la 'phags pa'o snyam du bzung na/ lam log pa'i khams su lhung ngo / / yang sems de yun ring du srung du sbyangs te/ ma 'phrogs shing dang ba las sems skad cig tsam zhig mu na ga na gnang nas rdzas sna tshogs mthong ste/ nyin mo mthong ba dang mtshungs so/ / de ltar mthong ba de'i ming ni sems phra ba'i dang ba las gyur pa yin te/ dge ba'i mtshan ma yin/ 'phags par gyur pa ma yin no// de la 'phags pa'o/ snyam du bsams na/ log pa'i khams su ltung ngo // yang sems de nam mkha' rgyas par bsgoms pa las/ sems skad cig tsam zhig khams bzhi yang rtswa shing dang 'dra bar mthong ste/ mes bsregs/ mtshon tshes gtubs kyang mi tshor ro// me'i 'od kyis mched kyang tshig par mi 'gyur zhing / sha bcad na yang shing gshog pa dang mtshungs so// / de'i ming ni rdul phra mo 'dus pa khams bzhi'i phung po ma 'dres pa las de ltar gyur te/ de yang skad cig gcig tu zad de/ dge ba'i mtshan mar ni rung gi/ 'phags par gyur pa ni ma
- 113b
yin no/ / de la 'phags pa'o snyam du 'dzin na ni/ log pa'i khams su lhung ngo // yang sems de yongs su dag par bsgrubs te/ brtson 'grus kyi spyod yul gyi mthar gnas pa las/ skad cig tsam zhig sems kyi phyogs bcu'i sa chen po dang / ri dang chu klung mthong ste/ de nyid sangs rgyas kyi zhing du gyur nas/ rin po sna bdun dang ldan zhing snod gang bas khyab cing gang ba dang / yang gang+gA'i klung gi bye ma snyed kyi de bzhin gshegs pa'i sangs rgyas thams cad khang pa brtsegs pa brgyan pa na bzhugs te/ nam mkha' gang bar mthong ngo / / yang 'og gi phyogs su sems can dmyal ba mthong / steng gi phyogs su yang lha'i gnas gzhal med khang dag bsgribs pa med pa lta bur mthong ste/ de'i ming ni skyo ba dang / dga' bas bying ba'i 'du shes zab tu zhen pa/ yun rings pa las gyur pa yin gyi/ 'phags par gyur pa ma yin no// de la 'phags pa'o snyam du bsams na/ dge ba'i mtshan ma ni yin gyi/ de la 'phags pa'i 'bras bu thob bo snyam du 'dzin na ni/ log pa'i khams su lhung ngo // yang sems de dang ba yun ring du sbyangs pa las sems skad cig tsam zhig nam gyi gung la/ rgyang ring ba na tshong dus dang / grong khyer dang / gnyen bshes kyang mthong ngo // bar bar ni gtam zer ba'i sgra yang thos shing / bar chad kyi phyi rol na 'dug pa lta bu
- 114a
yang mthong na/ de'i ming ni sems mnan cing bcil ba las gyur pa yin te/ dge ba'i ltas ni yin gyi 'phags par gyur pa ni ma yin no// de la 'phags pa'o snyam du bsams na/ log pa'i khams su lhung ngo // yang sems de dang bar yun ring du sbyangs pa las/ rkyen med par dge ba'i bshes gnyen dag gis lus dang cha byang bsgyur zhing rnam pa sna tshogs lta bur mthong ste/ de'i mo'i ni bslu ba'i sems te/ lha ma yin khong du zhugs pa'o// bar bar ni lha'i bdud kyis bslus te/ sems kyi khong du zhugs nas/ thogs pa med par chos zab mo'i don 'chad mkhas te/ de ni 'phags par gyur pa ni ma yin no// de la 'phags pa'o snyam du ma bsams na/ bdud kyi las de zhi zhing med par 'gyur ro/ / de la 'phags pa'o snyam du bsams na/ log pa'i khams su ltung ngo // dga' bo de rnams bcu ni ting nge 'dzin gyi snga ltas yin te/ 'di kun ni gzugs kyi phung po yin no/ / de dag ni sgom pa nor ba las/ de'i phyir 'di 'dra bar gyur te/ pho thog can gyi skye bor bslad pas/ rang gi drod ma zin te/ rgyu rkyen de lta bu dang phrad nas// 'khrul par rang gis ma shes te/ bdag 'phags pa'o snyam du sems pa ni/ brdzun chen por 'gyur te/ sems can dmyal ba chen por ltung bar 'gyur ro// khyed la sogs pa de lta bu la
- 114b
rten par gyis shig/ de bzhin gshegs pa 'das pa'i phyi na/ ma 'ongs pa'i dus lnga brgya'i tha ma ste/ don de dag shod cig/ ston cig/ lha'i bus bdud kyi skabs ma rnyed par gzung ste/ chongs la man ngag gzhag cing / skyabs dang bsrung ba byas na/ bla na med pa'i don grub bo// dga' bo rigs kyi bu dag ting nge 'dzin dang / zhi gnas la snyoms par zhugs te/ gzugs kyi phung po zad na/ sangs rgyas thams cad kyi sems mthong ste/ dper na me long dag pa'i nang na gzugs snang ba bzhin te/ spyad du nus par thob pa'o/ / log pa'i slad mas sems la phog na/ g.yo bar mi nus te/ yi dgas kyis non pa ltar rkang lag dang snga mkho bzhin zhing sangs rgyas mthong ba dang / thos pa ma 'khrul to// de'i ming ni tshor ba'i phung pos bsgribs pa'o// de ste non pa las sangs nas sems lus dang bral te/ slar gdong la rtog na 'gro ba dang 'dug pa la rang dbang du gyur te/ sgrib pa med de'i ming ni tshor ba'i phung po zad de/ ming de ni lta ba'i snyigs ma las 'das so// don de la brtags na yang dag pa ma yin pa'i 'du shes kyi rtsa ba gsog gi phyir ro// dga' bo rigs kyi bu dag de dag de la gnas te/ nang shin tu bsgribs pa las/ sems la nang nas gsal ba byung ste/ 'od zer chen po thob nas/ sems kyi skad cig tsam zhig
- 115a
mi bzad pa'i snying rje skyes nas/ sbrang bu lcags phye la yang bu gcig pa bzhin byams par lta zhing / de bzhin du snying rje'i sems skyes nas/ mi tshor bar ma byung ste/ de'i ming ni lhag par spyod pa grags pa'i don las byung ba yin te/ de la tshor ba ni nyes med de/ 'phags par gyur pa ni ma yin no// de la tshor bas chud na nor bar mi 'gyur te/ ring zhig nas zhi zhing 'byang ngo // de la 'phags pa'o snyam du sems na ni/ snying rje'i bdud khong du zhugs te/ mi dag mthong na snying rje skye zhing mchi ma mi 'chad par 'byung ste/ yang dag pa'i thal stor nas log par grol bar lhung ngo // yang dga' bo ting nge 'dzin de'i nang nas/ rigs kyi bu dag gzugs kyi phung po ni zhi bar mthong / tshor ba'i phung po ni gsal zhing byung ste/ rgyal ba'i mtshan ma mngon sum du byung ba las/ sems kyi skad cig tsam zhig bskyed du med pa'i sems skyes te/ dpa' brtul zhing mgyogs par brtun ngas pa ni/ sangs rgyas thams cad dang mnyam par sems te/ yud tsam zhig bskal pa grangs med pa gsum 'das par nus so// de'i ming ni yon tan gyis myur ba'i lhag par thal ches pa'i khyad du gsod pa'o/ / de la tshor na ni nyes med/ 'phags par 'gyur ba yang ma yin no// de la tshor bas chung na ni mi 'gyur te/ ring zhig nas zhi zhing
- 115b
'byung ngo / / de la 'phags pa'o snyam du sems na/ smon pa'i bdud po du zhugs te/ mi dag mthong na ngom zhing nga rgyal skyes nas/ rlom sems dpe med pa ni/ sangs rgyas ni tha mar mi byed/ min 'og mar mo tso ste/ yang dag pa'i thal stor nas/ grol ba'i log par ltung ngo // ting nge 'dzin de'i nang nas rigs kyi bu dag gzugs kyi phung po nin/ tshar pa'i phung po ni gsal zhing byung ba las ye shes kyi stobs ni zhan cing phrad de/ phyir log nas ci yang ma mthong ste/ sngon las gsar gyi don ni ma mthong / phyi ma sems ni sbyor nas/ sems kyi nang nas sems skad cig tsam zhig shin tu brtson 'grus kyi sgom pas gdungs te/ dus thams cad du ma gyes par sems gcig tu dran nas/ sems des brtson 'grus kyi mtshan nyid du gyur to snyam du sems te/ de'i ming ni shes rab 'chal par bsgom pa ste/ rang 'khyams pa yin no// de la tshor ba ni nyes med de/ 'phags par 'gyur ba ma yin no// de la 'phags pa'o snyam du sems na/ dran pa'i bdud khong du zhugs te/ rtag tu sems 'dzin par gcig tu dmigs te/ yang dag pa'i gral sbyor nas/ log pa'i gol bar lhung ngo // / yang de rigs kyi bu dag ting nge 'dzin gyi nang nas/ gzugs kyi phung po ni zhi tshor ba'i phung po ni gsal zhing byang ba las shes rab kyi stobs ni ting nge 'dzin gyis non nas/ brtul cing
- 116a
rno ba'i sems ni stor bas/ rgyal ba'i rang bzhin sems kyi nang nas dran pa la ni/ rang gi sems la the tsom skyes nas/ rang rnam par snang mdzad yin no snyam du sems so/ / cung zad thob pa la chog pa tsam du 'dzin/ de'i ming ni rtag par chud pa'i sgom pa'i stor cing nub/ shes shing mthong ba ni bying ba'o// de la tshor na ni nyes med de/ 'phags par 'gyur ba ni ma yin no/ / de la 'phags pa'o snyam du sems na/ zhan cing dman pa chog shes pa'i bdud sems kyi khong du zhugs te/ mi dag mthong na rang gis bla na med pa'i don dam pa thob po zhes smras te/ yang dag pa'i gral stor nas/ gol ba'i log par ltung ngo // yang rigs kyi bu dag ting nge 'dzin de'i nang nas gzugs kyi phung po ni zhi/ tshor ba'i phung po ni// gsal zhing byang ba las/ don gsar du ma thob/ rnying pa'i sems ni stor te/ gnyis ka ma yin nas/ rang la dka' ba'i bag tsha ba'i sems skyes nas/ skad cig tsam zhig sems kyi skye shi thams cad 'tshe ba'i mya ngan grangs med par skyes te/ lcags kyi khri tsha ba'i steng na 'dug pa dang mtshungs/ dug 'thungs pa dang 'dra bar tshor ba mi 'dod par sems rtag par mi gzhan la srog chod la rnam par grol bzang bar byos shig zer ro/ / de'i ming ni spyod pa'i thabs stor ba ste/ del tshor na ni nyis med de/ 'phags par 'gyur ba ni
- 116b
ma yin no/ / de la 'phags pa'o snyam du sems na/ rigs gcig pa'i mya ngan can gyi bdud sems kyi khongs su zhugs te/ lag pa na mtshon thogs nas bdag gi sha gcod cing tshe med par byed pa la dga' 'o/ / bar bar du mya ngan skyes nas 'bros te/ ri dang lung du 'gro zhing mi dag mthong bar mi dga' ste/ yang dag pa'i gral stor nas/ gol ba'i log par ltung ngo / / yang rigs kyi bu dag ting nge 'dzin de'i nang nas/ gzugs kyi phung po ni zhi tshor ba'i phung po ni gsal zhing byang ste/ rnam par dag pa'i nang nas sems kyi skad cig tsam zhig/ bdag gi sems dpag tu med par dga' ches pa/ bdag la rang dbang med par skyes so// de'i ming ni shes rab 'chal pa'i rang bzhin bde bas bcings pa ste/ de la tshor na ni nyes med de/ 'phags par gyur pa ni ma yin no// de la bdag 'phags pa'o snyam du sems na/ rtag tu sred par dga'/ rigs gcig pa'i bdud sems kyi khong du zhugs te/ mi dag mthong na dgod cing / grong bar na bdag glu len cing bro brdung ste/ bdag rang gis bsgribs pa med pa'i rnam par grol bar thob bo snyam du sems shing / yang dag pa'i gral stor nas/ gol ba'i log par ltung ngo // yang rigs kyi bu dag ting nge 'dzin gyi nang na/ gzugs kyi phung po ni zhi/ tshor ba'i phung po ni snang zhing gsal
- 117a
ba las/ bdag gi cho ga go snyam du sems nas/ gzhi med par sems kyi skad tsam zhig nga rgyal chen po g.yos te/ de bzhin du nga dang cher sems pa'i nga rgyal dang / nga'i nga rgyal dang / nga'o zhes zer ba'i nga rgyal dang / cung zad ces zer ba'i nga rgyal dang / log pa'i nga rgyal rnams cig car du skyes nas/ sems kyi nang nas bla ma'i phyogs bcu'i de bzhin gshegs pa de dag la yang tshod dpog na/ 'og ma sa'i nyan thos dang / rang sangs rgyas lta ci smos/ de'i ming ni bdag nyid rgyal ba thob ste/ 'chal pa'i shes rab kyis rang skyabs med pa'o/ / de la tshor na ni nyes med de/ 'phags par 'gyur ba ni ma yin no// de la 'phags pa'o snyam du sems na/ nga rgyal chen po'i snyam du sems na/ nga rgyal chen po'i bdud sems kyi nang du zhugs te/ mchod rten dang / gtsug lag khang la phyag mi 'tshal/ ha dar ma dang sku gzugs dag la 'dral bar byed/ yon bdag dag la 'di skad du smras te/ la la ni gser dang / 'khar ba dang / sa dang / shing dang / chu shun dang / shing lo'i la la ni ras dang / me tog go zhes nas/ rang gus par mi byed cing / sha'i lus ni yang dag par rtag pa yin no zhes/ phyir log par sa dang / shing dag la yid rton par byed pa ni/ yang dag par na log par yin no zhes
- 117b
ston to/ / dad cing yid ches pa dag la shig cing drol te bor la/ sa'i 'og tu sros shig zer zhing / sems can dag la the tsom skur bas/ mtshams med pa'i sems can dmyal bar lhung ste/ yang dag pa'i gral stor nas/ gol ba'i log par ltung ngo // yang rigs kyi bu dag ting nge 'dzin de'i nang nas/ gzugs kyi phung po ni zhi/ tshor ba'i phung po ni gsal zhing byang ste/ dang zhing gsal ba'i nang nas/ don rgyas shing dang ba rigs pa'i rjes su gsol ba chen po thob ste/ sems skad cig tsam zhig dpag tu med par/ yang zhi zhing bde ba'i sems skyes nas/ rang gis rang dbang chen po thob ste/ 'phags pa'o snyam du sems so// de'i ming ni shes rab dang zhing yang ba'i rgyu kun thob pa ste/ de la tshor na ni nyes med de/ 'phags par gyur pa ni ma yin no// de la 'phags pa'o snyam du sems na/ yang zhing dang ba sred par rigs gcig pa'i bdud sems kyi khong du zhugs nas/ bdag grub ste rdzogs so snyam zhing / yang 'bogs pa la mi brtson no// ma thos pa'i dge slong du skur pa 'debs/ the tsom dang le lo byed pa ni/ phyis mtshams med pa sems can dmyal bar ltung ste/ yang dag pa'i gral stor nas/ gol ba'i log par ltung ngo // yang rigs kyi bu dag ting nge 'dzin gyi nang nas/ gzugs kyi phung po ni zhi tshor ba'i phung
- 118a
po ni gsal zhing byang ste/ gsal ba'i nang nas/ stong pa'i rang bzhin thob ste/ de'i nang nas sems skad cig tsam zhig zhi ba'i 'gog pa la zhugs nas/ rten cing 'brel par 'byung ba med do zhes phyogs gcig stong pa la zhugs te/ stong pa la mngon sum du snang ba'i bar du sems skyes nas/ rtag tu 'chad cing 'gog pa shes so/ snyam du sems te/ de la tshor na ni nyes med de/ 'phags par gyur pa ni ma yin no// de la 'phags par gyur pa'o snyam du sems na/ stong pa'i bdud sems kyi khong du zhugs te/ khrims bsrung ba la skur pa 'debs so// de'i ming ni theg pa chung ngu ste/ mi des rtag par yid ches pa'i yon bdag la 'di skad du smras te/ byang chub sems dpa' la bsrung ba dang / zhig pa med kyis chang 'thung sha zo/ g.yen par rgyas par shod cig ces so// bdud kyi stobs kyi phyir dag kyang sdudang ngo // mi dag kyang the tsom dang skur pa mi 'debs te/ sems la yi dgas ring du zhugs so// bar bar ni rgyag pa za/ gcin 'thung yang sha chang dang mtshungs so// de dag thams cad stong par ro gcig ces nas/ sangs rgyas kyi tshul khrims dang / 'dul ba bshig go// gcig tu nges pa'i mi dag btsud de// de ni yang dag pa'i gral stor nas/ gol ba'i log par
- 118b
lhung ngo / / rigs kyi bu ngag ting nge 'dzin gyi nang nas gzugs kyi phung po ni zhi/ tshor ba'i phung po ni gsal zhing byang ba las/ 'da' zhing stong par snang ba'i sems 'dus pa'i nang da byung na pa/ lung tsam zhig dpag med pa'i phred pa'i sems skyes nas/ med pa'i mthar phyin pas/ smos san/ nga drugasem pa stod do// de'i ming ni ting nge 'dzin gyi lhas bde bar 'phrod pa/ sems kyi nang du zhen te/ shes rab med pas rang la skyabs med de/ mi dag kyang g.yem pa'i spyod du btsud do// de la tshor na ni nyes med de/ 'phags par gyur pa ni ma yin no// de la 'phags pa tsam du sems na/ 'dod chags kyi bdud sems kyi khong du zhugs te/ 'dod chags kyi phyogs ni byang chub kyi lam yin par ston te/ khyim bdag dang mtshungs par g.yem par spyod cig/ g.yem par spyod pa de ni/ chos kyi bu 'dzin pa yin no zhes ston to// lha ma yin gyi byis pa'i stobs kyis phyi ma'i dus na/ ma rabs glen pa'i grangs ni brgya'am/ de bzhin du nyis brgya'am/ sum brgya'am/ bzhi brgya 'am/ lnga brgya'am/ drug brgya 'am mang po stong khri'i bar dag la yang ston to/ / de nas yang mi de la bdud skyo zhing chog pa'i sems skyes nas/ lus las bral ba dang / gzi brjid med par gyur nas/ rgyal
- 119a
po'i gyod la dogs so/ / sems can dag the tsom skur te/ mtshams med pa'i sems can dmyal bar ltung bar byed do// de rnam pa bcu ti 'dzi gyi sgra ltas yin te/ 'di kun ni tshor ba'i phung po yin no// de dag ni sgom pa nor ba las de'i 'dra bar nor bar 'gyur ro// 'o theg can gyi skye bo rnams la bslad nas/ bdag rang ginye mdzod ma zin tergyu rkyen lta bu dang phrad nas/ 'khrul pa rang gis ma shes te/ bdag la 'phags pa'o snyam du sems pa de ni/ brdzun chen por 'gyur te/ mtshams med pa'i sems can dmyal bar ltung ngo / / khyed la sogs pa de bzhin gshegs pa'i bka' khyer te/ nga 'das pa'i phyin// sems can thams cad la khyab par man ngag gzhag cing / 'di'i don ston te/ tshor bar gyis shig/ lha'i bdud kyis skabs mi rnyed par gzungs te/ gdams shing bsrungs na/ bla na med pa'i lam 'grub bo// dga' bo rigs kyi bu ngag ting nge 'dzin bsgoms pas tshor ba'i phung po zad nas/ zag pa ma zad mod kyi/ sems lus dang bral ma thag tu/ bya skon pa nas byung ba dang mtshungs te/ de lta bu 'byor grub na ma rabs kyi lus las bla ma'i byang chub kyi 'phags pa'i gral drug cu'i bar du yid kyi lus thob ste/ 'gro ba dang 'ong ba la thogs pa med do// dper na mi la la zhig gnyid kyis log pa
- 119b
las ma sang bar ma rmi la go rims bzhin smra mod kyi/ de'i don rang gis mi shes kyang / su dag ma log pa'i mi des ni tshig kun go ste/ de'i ming ni 'du shes kyi phung pos bsgribs pa'o/ / g.yo ba'i mtshan ma de zad na/ spros pa kun zhi zhing byang ste/ tshor zhing gsal bas/ sems dri mas gos pa phyis pa dang mtshungs so// 'khor ba gcig pu'i skye shi'i mi go mjug khyab par bltas na/ de'i ming ni 'du shes kyi phung po zad pas/ de'i nyon mongs pa'i snyigs ma las 'das pa'o// de ni don la brtags na/ thogs pa med par zhi ba'i sgyu ma'i 'du shes kyi rtsa ba'i phyir ro/ / dga' bo rigs kyi bu dag tshor ba'i phung po stong zhing zab pa'i log pa'i khrin la ma thogs par bag byed pas ting nge 'dzin gsal ba rgyas pa byung ba las sang nge ba'i ting nge 'dzin rgyas pa la sems sred cing / dge ba'i bzo la sems 'dod cing tshol lo// de'i tshe lha'i bdud kyis skabs rnyed nas/ nam mkha'i lha rdzu bas mi de la zhugs te/ ngag gis mdo sde dang / chos bshad pa dang / mi des ma tshor te/ bdud kyis bslus pa la/ bdag gis bla na med pa'i mya ngan las 'das pa thob bo snyam du sems so// rigs kyi bu shes kyi khe 'dod pa'i gan du 'ongs nas/ gding ba bting ste chos 'chad cing / sems kyi skad cig tsam/ bar bar ni dge slong gi lus su sprul to// mi gzhan gyis mthong bar
- 120a
byed do/ / bar bar ni brgya byin du sprul/ bar bar ni bud med du sprul/ bar bar ni dge slong mar sprul/ bar bar ni khang pa mun nag gi nang du nyal te lus la 'od 'gyed/ bar bar ni byang chub sems dpar sprul te/ glen zhing 'khrul pa'i mis mthong na/ de yid ches par byed do// mi des ni sems yal bar btang ste/ sangs rgyas kyi tshul khrims bshigs nas lkog tu g.yem pa byed/ lhas ngan gyi gtam smras pa yang de bzhin du khyim pa'i nor phyugs dag kyang so sor med par 'gyur ro// bar bar ni sangs rgyas khams che ge mo zhig tu gshegs so zhes lung ston/ bar bar ni me'i bskal pa 'byung ngo zhes 'chad/ bar bar ni mtshon cha'i bskal pa 'byung ngo zhes mi dag la 'jigs skrag par byed do/ / de'i srid pa'i yi dgas de rgas pa dang / bdud du gyur pa'o// de nas mi de las skyo ba dang / chog shes pa'i sems skyes nas/ lus las bral ba dang / mkhan po dang slob mar bcas te rgyal po'i gyong la thogs so/ / khyod 'khor ba la ma 'jug par sngar tshor bar gyis shig/ 'khrul cing bslus par mi shes na/ mtshams med pa'i sems can dmyal bar ltung ngo / / dga' bo rigs kyi bu dag tshor ba'i phung po stong ning zab par/ log pa'i phrin la mthogs par bag byed pas/ ting nge 'dzin gsal ba rgyas pabyung ba las/ ti
- 120b
nge 'dzin gyi nang nas/ 'grub pa med par sems g.yel bar btang ste/ 'phyar zhing 'khyams nas/ 'dod chags skyes te/ de'i tshe lha'i bdud kyis glags rnyed nas nam mkha'i lha'i rdzu bas mi de la zhugs te/ ngag gis mdo sde dang / chos bshad pa dang / mi des ma tshor te/ bdud kyis bslus pa la/ bdag gis bla na med pa'i mya ngan las 'das pa thob bo snyam du sems te/ rigs kyi bu dag khyab par 'dod pa'i thad du 'ongs nas/ gding ba bting ste/ chos bshad nas bdag gi lus nyid ma gyur kyang / gzhan chos nyan pas rin po che'i pad+ma'i steng du 'dug par mthong ngo // chos nyan pa so so dag gis kyang / lus thams cad gser gyi kha dog tu gyur pa/ sngon ma mthong ba mthong ste/ mi de dag ni glen zhing 'khrul pa'o// khar bar ni byang chub sems dpa'i gzugs su bsgyur ro// g.yem pa'i sems bde ste/ sangs rgyas kyi tshul khrims bshig/ lkog tu g.yem pa'i 'dod chags spyod pa/ ngag gis 'di lta bu dag smras te/ sangs rgyas thams cad 'jig rten du gshegs so// che ge mo zhig gis gnas na/ che ge mo zhig gis mi zhig sangs rgyas yin te/ sku sprul nas 'dir gshegs so// che ge mo'i mi dag ni che ge mo'i byang chub sems dpa' rnams yin te/ sprul nas 'jig rten du gshegs so zhes
- 121a
ma 'phrigs par log par ston par byed do/ / mi dag gis mthong ba dang gdung ba sgres so// de'i phyir ye shes kyi 'bras bu ni 'gag cing nub bo// de'i ming ni mig 'phrul byed pa'i yi dgas rgas te/ bdud du gyur nas/ mi de la gnod pa byed do// de nas mi de la skyo ba dang / chog pa'i sems skyes nas/ mi de'i lus dang bral ba dang mkhan po dang slob mar bcas te/ rgyal po'i gyod la thogs so// khyod 'khor ba la 'jug par sngar tshor bar gyis shig/ 'khrul cing bslus par mi shes na/ mtshams med pa'i sems can dmyal bar lhung ngo / / rigs kyi bu dag yang tshor ba'i phung po stong zhing zab par log pa'i khril ma thogs par bag byed pas/ ting nge 'dzin gsal ba rgyas par 'byung ba las/ sred pa'i sems kyi rlabs gzhol bar 'khrul pa'i 'du shes kyis chags pas 'dod cing tshor ba la sbyor ro// de'i tshe lha'i bdud kyis klags rnyed nas/ nam mkha'i lha'i rdzu bas mi de la zhugs te/ ngag gis mdo sde dang / chos 'chad pa dang / mi nges ma tshor nas/ bdud kyis bslus pa la/ bdag gis bla na med pa'i mya ngan las 'das pa thob bo snyam du sems so/ / rigs kyi bu dag shes kyi khe 'dod cing gan du 'ongs nas/ gding ba bting ste/ chos bshad pa dang / rang gi lus dang / chos
- 121b
nyan pa'i mi dag kyang / phya gzugs med par chos nyan pa rnams chos ma thos pa'i sngon gyis su rang gis rig ste sems bya'o// yud tsam la sems 'gyur te/ bar bar/ ni tshe snga phyi dran no// bar bar ni phyi rol gyi sems lta zhes bar bar ni sems can dmyal ba mthong / bar bar ni mi'i khams kyi legs nyes shes/ bar bar ni tshigs bcad smras/ bar bar ni bdag rang kha ton byed pa dang / so so na dga' ches nas/ yod ma myong ba thob bo zhes zer ro// bar bar ni byang chub sems dpa'i gzugs su bsgyur te/ de ni blun zhing 'khrul pas chags shing sred pa'i sems skyes nas/ sangs rgyas kyi tshul khrims ni bshig/ lkog na g.yem pa spyod/ tshig tu 'di skad smras/ sangs rgyas chen po'o/ / sangs rgyas chung ngu'o// sangs rgyas snga ma'o// sangs rgyas phyi ma'o// de'i nang na yang yang dag pa'i sangs rgyas/ sgyu ma'i sangs rgyas/ skyes pa'i sangs rgyas bud med kyi sangs rgyas so/ / byang chub sems dpa' la yang de bzhin te/ mi dag gis de ma mthong ba dang / snga ma'i sems ni gyur cing 'phos nas/ log par lta nga'i nang du zhugs so/ / de'i ming ni sems bsgyur shes pa'i yi dgas rgas pa dang / bdud du gyur te mi de la gnod par byed do// de nas mi de la skyo zhing chog pa'i sems skyes nas/
- 122a
lus las bral ba dang / mkhan po dang slob mar bcas te rgyal po'i gyod la thogs so// khyod 'khor ba la ma 'jug par sngar tshor bar gyis shig/ 'khrul cing bslus par mi shes na/ mtshams med pa'i sems can dmyal bar lhung ngo // dga' bo rigs kyi bu dag yang tshor ba'i phung po ni stong zhing zab par log pa'i khrin lam thogs par bag byed pas ting nge 'dzin gsal ba rgyas pa byung ba las/ sems kyi phyi mo'i rtsa ba la sred de/ thog ma dang tha mar sems dang zhing rno ba'i bye brag 'byed pa/ tshor ba'i 'dod chags skyes so/ / de'i tshe lha'i bdud kyis skabs rnyed na/ nam mkha'i lha rdzu bas mi de la zhugs te/ bdag gis mdo sde dang chos bshad pa dang / mi nges ma tshor te/ bdud kyis bslus pa la/ bdag gis bla na med pa'i mya ngan las 'das pa thob bo snyams sems te/ rigs kyi bu bye brag 'byed pa'i tshol ba'i thad du 'ongs te/ gding ba bting nas chos bshad pa dang / lus gzi brjid can du gyur te/ ngad cing 'ongs pa dag ni ni zhing dul nas/ de dag 'khod pa'i rnams chos thos med kyi/ zhi zhing dul lo// mi de dag gis kyang sangs rgyas so snyam mam mya ngan las 'das pa dang / byang chub dang / chos kyi 'di yin ni snyam du sems so// bdag gi sha lus ni pa'i pha/ bu'i bu/ gcig la gcig skyes pa ni chos
- 122b
kyi phung po'i sku yin te/ / rnam par ma chad pa ni 'di dag kun pas de nyid sangs rgyas kyi khams yin no// gud nas sangs rgyas kyi zhing dang / gser gyi kha dog lta bu med do zhes smras pa dang / mi dag gis yid ches par bzung nas/ snga ma'i sems ni stor cig brjod nas/ srog lus de brten te yod ma myong thob bo zhes so// de dag la sogs pab ni blun zhing 'khrul pas/ bar bar ni byang chub snyam nas bdag gi sems brjed de sbyor nas/ sangs rgyas kyi tshul khrims ni bshig/ lkog na g.yem pa spyod do// ngag gi sred pa smras te/ mig dang / rna ba dang / sna dang / lce kun sangs rgyas kyi zhing yin no// pho mtshan dang mo mtshan ni byang chub kyi lam yin te/ yang dag pa'i mya ngan las 'das pa ni lus kyang mi shes so zhes smra ba'i tshig smras pa dang / de la yid ches pa skyes so// de'i ming ni sbrul dug can gyi yi dgas rgas nas// bdung du gyur pa'o// de nas mi re / la skyo ba dang / chog pa'i sems skyes nas mo de'i lus dang bral ba dang / mkhan po dang slob mar bcas te rgyal po'i gyod la thogs so// khyod 'khor ba la ma 'jug par/ sngar tshor bar gyis shig dang / 'khrul cing bslus par mi shes na/ mtshams med pa'i sems can dmyal bar ltung ngo // rigs kyi bu dag yang tshor ba'i phung po ni stong zhing zab par lo
- 123a
pa'i khrin lam thogs par bag byed pas/ ting nge 'dzin gsal ba rgyas pa byung ba las/ lhun gyis ltas 'byung ba khyab par sbyong zhing / dang ba las sems sred cing / glo bur gyi mngon rtags tshol bar 'dod do// de'i tshe lha'i bdud kyis skabs rnyed nas/ nam mkha'i lha'i rdzu bas ma de la zhugs te/ ngag gis kyang mdo sde dang / chos zab mo bshad pa dang / mi des ma tshor nas/ bdud kyis bslus pa la/ bdag gis bla na med pa mya ngan las 'das pa thob bo snyam du sems te/ rigs kyi bu dag glo bur gyi mngon rtags tshol ba'i gan du 'ongs nas/ gding ba bting ste/ chos bshad pa dang / nyan pa dag la sems kyi skad cig tsam zhig lus brtan nas/ lo brgya stong du 'grog pa dang 'dra bar chags te 'bral zhing gtong mi phod do/ / lus kyang bran g.yog dang mtshungs par byed cing / 'tsho ba rnam bzhis mchod do// ngal zhing skyo ba'i sems mi skye'o// so so rang gi sngon gyi mkhan po dang / dge ba'i bshes gnyen no snyam du yang sems so// yang chos la sred pa'i sems skyes te/ de la chags pa'i sbyin pa dang bse rtsi 'dra ste/ yod pa myong ba po zhes nas/ blun zhing 'khrul pa'i mi de dag ni/ sems de la brten cing bsnyen nas/ sangs rgyas kyi tshul khrims sdom pa yang bshig ste/ lkog na g.yem pa spyod/
- 123b
ngag gis 'di skad smras te/ bdag ni tshe snga ma che ge mo zhig tu skyes te/ che ge mo zhig gi sems can bsgral to// de'i tshe na bdag gi chung ma chen chung dang / phu nu po dag khyed dang 'grogs te 'dir 'ongs so/ / che ge mo zhig gi khams su/ che ge mo zhig gi sangs rgyas la mchod pa byas/ yang 'od chen gnas na sangs rgyas zhugs te/ de de bzhin gshegs pa thams cad gnas pa'i sa yin no zhes pa dang / mi dag gis ma tshor nas bslus pa la yid ches te/ snga ma'i sems stor to// de ni rims nad kyi yi dgas rgas pa dang / bdud du gyur pa ste mi de la gnod pa byed do/ / de nas mi de la skyo zhing chog pa'i sems skyes nas/ mi de'i lus dang bral ba dang / mkhan po dang slob mar bcas pa de rgyal po'i gyod la thogs so// / khyod 'khor ba la ma 'jug par sngar tshor bar gyis shig/ 'khrul cing bsdus par mi shes na/ mtshams med pa'i sems can dmyal bar ltung ngo // rigs kyi bu dag tshor ba'i phung po stong zhing zab par/ log pa'i khrin la ma thogs par bag byed pas/ ting nge 'dzin gsal ba rgyas pa byung ba las/ sems zab mo la 'jug par sred de/ lhag par 'grus shing / phung po zhig pa la sred dang pa la gnod cing tshol ba'i sems skyes so// de'i tshe lha'i bdud kyis glags rnyed nas/ nam mkha'i lha rdzu bas mi de la zhugs te/ ngag gis mdo
- 124a
sde dang / chos bshad pa dang / mi nges mtshor te bdud kyis bslus pa la/ bdag gis bla na med pa'i mya ngan las 'das pa thob bo snyam du sems so// rigs kyi bu dag dang ba 'dod cing tshol ba'i gan du 'ongs nas/ gding ba bting ste/ chos bshad pa dang / chos nyan pa'i mi dag kyang so so nas skyed byin par brtson zhing 'grus so// 'khor de'i nang nas/ mi gcig la smras pa/ khyod ma shi bar byol song gi lus thob bo// yang mi gcig la bsgo ba/ khyod song la de'i mjug ma la brdzis shig ces byas pa dang / mi de yang ldang mi nus so/ / de'i 'khor thams cad kyis gus pa'i sems bskyed nas rang dul zhing zhi'o// mi de dag gis sems lta yang nus so// sangs rgyas kyi tshul khrims bshig/ dka' thub bskyed/ dge slong la skur pa 'debs/ dge 'dun la kha zer/ mi dag la klan ka tshol/ 'dzem pa'i bag med/ ltas bzang ngan dag ngag gis smras nas chung ngu skra nyag ma tsam yang mi nor bar dus bzhin du 'gyur te/ de ni stobs po che'i yi dgas rgas pa dang / bdud du gyur te mi de la gnod par byed do// de nas mi de la skyong zhing chog pa'i sems skyes nas/ de'i lus las bral ba dang / mkhan po dang slob mar bcas te rgyal po'i gyod la thogs so// khyod 'khor ba la ma 'jug par sngar
- 124b
tshor bar gyis shig/ 'khrul cing bslus par mi shes na/ mtshams med pa'i sems can dmyal bar ltung ngo // yang rigs kyi bu dag tshor ba'i phung po sto ba ning zab par log pa'i khrin la ma thogs par bag med pas/ ting nge 'dzin gas pa brgyas pa byung ba las/ ma mthong ba dang mtho la sems sred cing / dka' thub dang / snga phyi dran pa 'dod cing tshol lo/ / de'i tshe lha'i bdud kyis skabs rnyed nas/ nam mkha'i lha rdzubs mi de la zhugs te/ ngag gis mdo sde dang chos bshad pa dang / mi nges ma tshor na bdud kyis bslus pa la bdag gis bla na med pa'i mya ngan las 'das pa thob bo snyam du sems so/ / rigs kyi bu dag snga phyi dran pa'i 'dod pa'i thad du 'ongs nas/ gding ba bting ste/ chos 'tshed do// mi des sems kyi skad cig tsam zhig chos bshad pa'i gan du bar bar ni bdud byed de/ byol song du sprul te/ nor bu rin po che dag blangs nas/ nor bu dag sos 'dzin nor bu sna tshogs gzhan yang de bzhin 'dzin/ bar bar ni lus bsgyur te/ nor bu sna tshogs gzhan yang mi dag la sbyin par byed cing / slar yang khong du zhugs so/ dbar bar ni mo dag sa'i 'og tu khrid de nor bu rin po che bstan nas/ rin po che zla 'od 'bar ba ste/ chos nyan pa rnams kyang yod ma myong ba thob bo zhes zer ro// sman dang
- 125a
rtswa sna tshogs mang du za ste/ kha zas bzang po ni mi za'o// bar bar ni nas 'brum bu gcig dang / gsom 'brum bu gcig zos kyang / bdud rtsi stobs kyi phyir lus chen por gyur to/ / dge slong la skur pa 'debs/ dge 'dun la kha ngan zer yang / gzhan dag gis dpyas su bya bar mi dogs so// yul khams gzhan gyi rin po che'i 'byung gnas dang phyogs bcu'i 'phags pa rnams lus sbas pa yang ston cing smra'o/ / bar bar ni 'grogs pa'i mis kyang / ngo mtshar che ba'i mi ngag mthong ste/ de'i ming ni ri'i shing khrid dang / sa dang / yul dang / mkhar dang / brtson ra'i yi dgas rnams rgas te/ bdud du gyur pa'o// bar bar ni g.yem pa spyod cing / sangs rgyas kyi tshul khrims dang / 'dul ba bshig/ mi dag kyang g.yem pa spyod du btsud do// brtson 'grus bskyed de rtswa dang shing za zhing gcig tu ma chad pa'i las dag kyang byed do// mi de dag la gnod par byed de/ de nas mi de la skyo ba dang chog pa'i sems skyes nas/ lus las bral ba dang / mkhan po dang slob mar bcas te rgyal po'i chad pa la thogs so// khyod 'khor ba la ma 'jug par sngar tshor bar gyis shig/ 'khrul cing bslus par mi shes na/ mtshams med pa'i sems can dmyal bar ltung ngo // yang rigs kyi bu dag tshor ba'i phung po ni stong zhing zab
- 125b
par log pa'i khrin la ma thogs par bag byed pas/ ting nge 'dzin gsal ba rgyas pa byung ba las rdzu 'phrul sna tshogs byed pa la yang sems sred de/ yun ring du sbyangs na mthu/ stobs thob par 'dod de/ de'i tshe lha'i bdud kyis glags rnyed de/ nam mkha'i lha rdzu bas de la zhugs nas/ ngag gis mdo sde dang / chos bshad pa dang / mi des ma tshor bdud kyis bslus pa la/ bdag gis bla na med pa'i mya ngan las 'das pa thob bo snyam du sems so// sbrul 'dod pa'i rigs kyi bu dag gi thad du 'ongs nas/ gding ba bting chos bshad nas mi dag gi lag pas/ mi de'i 'od 'dzin du bcug ste/ 'od des chos nyan pa sde bzhi'i mgo'i steng du gtor ba dang / chos nyan pa de dag gi mgo steng 'dod chags du mar 'bar yang / tsha ba'i rang bzhin med/ tshig pa yang med do// bar bar ni chu'i steng na sa la 'gro ba bzhin du 'gro'o// bar bar ni nam mkha' la ma g.yo bar 'dug go/ / bar bar ni ril ba'i nang dang / rkyal pa'i nang du yang 'dug go// bar bar ni rtsig pa la yang thogs pa med par 'grog ste/ mtshon cha dang dmag la rang dbang thob bo/ / bdag nyid sangs rgyas yin no zhes smras ste/ gos skya bo lus la gyon nam/ dge slong dag la phyag 'tshal du 'jug/ bsam gtan dang tshul khrims la ni skur pa 'debs/
- 126a
dge 'dun la ni khang ngan zer/ mau dag la klan ka tshol yang / gzhan gyi dbyas su bya bar ma dogs te/ tshig tu ni rdzu 'phrul gyi dbang gi gtam dag smra'o// bar bar ni mi dag la sangs rgyas kyi zhing mthong bar ston te/ de ni yi dgas kyis byin gyis brlabs te/ bde ba ma yin no// g.yem pa spyod pa la bstod/ kha na ma tho ba'i sdig chen po yang mi 'dzem ste/ mi tshangs par spyod pa la chos gtams pa yin no zhes zer te/ de'i ming ni nam mkha' dang / sa'i lha mthu bo che dang / ri'i lha dang / mtsho'i lga dang rlung gi lha dang / chu klung gi lha dang / sa re'i lha dang / rtswa dang / rtsi dang / shing thams cad kyi lha dang / bskal pa rtsegs pa'i lha dang / sems bsgyur ba'i lga dang / sems sgyur ba'i glu 'grub dang / drang srong tshe ring po che ring po tshe zad nas/ yi dgas su gyur pa dang / drang srong tshe zad pa lo grangs kyis 'chi ba la thug pa/ lus ma brjes pa dang / gud nas ltas ngan gyi yi dgas rnams de'i khong du zhugs te/ rgas zin nas bdud du gyur te/ mi de la gnod par byed do// de la skyo ba dang chog pa'i sems skyes nas lus dang bral ba dang / mkhan po dang slob mar bcas te rgyal po'i gyod la thogs so// de bas na khyod 'khor ba la ma 'jug par sngar tshor bar gyis shig/ 'khrul cing
- 126b
bsdus par mi shes na/ mtshams med pa'i sems can dmyal bar ltung ngo // yang rigs kyi bu dag tshor ba'i phung po spong ning zab par log pa'i khrin la ma thogs par bag byed pas/ ting nge 'dzin gsal brgyas pa byung ba las/ log par 'jug pa la sred cing tshol te/ yun ring du sbyong zhing stong pa zab mo'i rang bzhin la 'jug ste/ de la 'dod cing tshol lo// de'i tshe lha'i bdud kyis glags rnyed de/ nam mkha'i lha rdzubs mi de la zhugs te/ tshig gis mdo sde dang / chos bshad pa dang / mi nges ma tshor te/ bdud kyis bslus pa la bdag gis mya ngan las 'das so snyam du sems so/ / rigs kyi bu dag 'gog pa sred pa'i thad du phyin nas/ gding ba bting ste/ chos bshad nas/ 'khor mang po'i nang du bdag gis lus sems kyi skad cig tsam zhig stong par gyur te/ 'khor gyis mi mthong bar byed/ yang stong pa'i nang nas sems kyi skad cig tsam gyis byung ste/ 'byung ba dang nus par byed pa'i dbang thob bo/ / bar bar ni lus bai DUR+Ya lta bur ston/ bar bar ni lag pa thur du sbyangs te tsan dan gyi dri 'byin/ ba ra bar ni phyi sa che chung yang khar sdug po dang 'dra'o/ / tshul khrims dang 'dul ba la yang skur pa 'debs shing / rab tu byung ba la brnyas shing tshong 'dzin to// tshig tu ni rtag par rgyu med 'bras bu med de/ lan
- 127a
cig shi nas yun du med de/ yang srid phyi ma dang 'phags pa dang / sems can gyi lus kyang med do zhes smra'o// stong zhing dag pa thob mod kyi/ lkog na mi tshangs par spyod cing / g.yem pa spyod do// yang stong pa'i sems thob ste/ rten cing 'brel par 'byung ba med do zhes smra'o// de'i ming ni nyi zla sgrib par byed pa'i lha ma yin sgra gcan dang / gser dang / shel dang / bkra shis kyi rtswa dang / gyi ling dang / rus sbal dang / gzhan lo stong khri lon pa'i tshe ring po lha ma yin du gyur pa de yul khams su skyes zhing 'byung ba rgas pa dang / bdud du gyur nas mi de la gnod par byed do// de nas mi de las skyo zhing chog pa'i sems skyes nas/ de'i lus dang bral ba dang / mkhan po dang slob mar bcas rgyal po'i gyod la thogs so// khyod 'khor ba la ma 'jug par sngar tshor bar gyis shig/ 'khrul zhing bslus par mi shes na/ mtshams mer pa'i sems can dmyal bar ltung ngo / / rigs kyi bu dag tshor ba'i phung po stong zhing zab par log pa'i khrin la ma thogs par bag byed pas/ ting nge 'dzin gsal ba rgyas pa 'byung ba las/ sems la tshe ring por sred pa'i sems skyes te/ yun ring du tshe ring ba tshol zhing sred de/ phung po'i yan lag bor nas/ cig car tshel rang da
- 127b
gis lus thob cing / phra ba'i gzugs rtag par 'gyur du re'o// de'i tshe lha'i bdud kyis glags rnyed nas/ nam mkha'i lha la rdzu bas mi de la zhugs te/ tshig gis mdo sde dang chos 'chad pa dang / mi nges bdud kyis bslus par ma tshor nas/ bdag gis bla na med pa'i mya ngan las 'das pa thob bo snyam du sems so// rigs kyi bu tshe ring bar 'dod pa'i thad du phyin te/ gding ba bting nas chos 'chad cing 'di skad du smras te/ khams gzhan du yang bregs par med par 'gro'o// bar bar ni dpag tshad khri'i bar du phyin to// dbugs gang tsam gyi slar 'khor ro// khams gzhan nas nor blangs te khyer zhing 'ong ngo // bar bar ni khyim gcig na lhan cig 'dug pa dag la yang gom pa 'ga' tsam la yang shar phyogs kyi rtsig drung nas nub phyogs kyi rtsig pa'i bar du mgyogs par song yang / lo du mar yang mi phyin par byed de/ de'i phyir sems can dag yid ches par byed de/ yid ches nas de nyid sangs rgyas yin no snyam du sems so// tshig tu ni phyogs bcu'i sems can thams cad nga'i bu yin/ bdag la sangs rgyas thams cad skyes/ nga'i 'jig rten du byung / nga ni ye nas sangs rgyas pa yin te/ 'jig rten du 'byung mod kyi/ 'dus byas la skyes pa ma yin no// zhes zer te/ de'i ming ni 'jig rten gyi rang
- 128a
dbang can gyi lha'i bdud yin te/ rang gi gnyen bshes kyang las byed du bcug nas/ tsa mun tsha'i yi dgas mo dang / phyogs bzhi'i rgyal po'i dang sha za'i bu dang 'dra ste/ su byang chub tu sems bskyed pa dang / ting nge 'dzin dang bral ba'i mi ngag gi khu chu 'thung ngo // bar bar ni ston pa'i mkhan po med pa/ rang dge ba spyod pa dag gis mthong ba dang / nga ni rdo rje 'chang ba yin te/ khyod la tshe ring bar bya'o zhes smra'o// ched du 'ga' ni bud med bzang mor sprul te/ g.yem rgyas par spyad nas/ lo mang po ma lon par klad pa dang / mchin pa bskams so// rang gcig pu yang smra bar byed do// mi dag dang phrad de gtam byas nas glen par 'gyur bar byed do// mi'i sems bsgyur zhing mi dag la gnod pa byed do/ / de dag gis ma tshor nas/ rgyal po'i gyod la thogs so// 'chi ba'i tshe dus la ma bab par bskams te 'chi'o// glo bur du yang 'chi bar 'gyur ro/ / khyod 'khor ba la ma 'jug par sngar tshor bar gyis shig/ 'khrul cing bslus par mi shes na/ mtshams med pa'i sems can dmyal bar ltung ngo // dga' bo bdud de rnams bcu ni ma 'ongs pa'i dus kyi tshe/ nga'i gsung rab las rab tu 'byung ste/ chos kyi lam sgrub pa'i mi'i sems kyi nang du 'jug par byed do// ris 'ga' ni mngon par ston
- 128b
cing mi dag la 'di skad du smra'o/ / yang dag par khyab par shes par tshor ro// g.yem pa spyod pa la bstod cing sangs rgyas kyi tshul khrims 'jig ste/ sngar ni mkhan pos bsdus/ phyis ni slob mas bslus te/ g.yem pa spyod cig par gcig gis gcig 'dogs par byed do// de ltar lha ma yin yi bsgyur zhing sems kyi khong du 'jug ste/ nyen tshe rabs dgu/ ring na tshe rabs brgya'i bar du mi dge ba spyod cing / bdud kyi gnyen bshes su 'gyur ro// de nas tshe brjes nas bdud kyi bran du 'gyur ro// de nas kyang yang dag par khyad par shes pa'i gral stor nas/ mtshams med pa'i sems can dmyal bar lhung ngo // khyod zag pa zad pa thob kyang zhi ba'i 'gog pa'i nang du ma 'jug pa/ sngon gyi smon lam ma btab par phyi ma'i dus ngan pa phyi ma'i tshe/ snying rje chen po bskyed de/ yang dag par ngang pa'i sems can rnam grol zhing thar bar gyis shig/ bdud kyis mi tshugs par yang dag par shes shing thob par gyis shig/ ngas khyod skye shi las thar cing grol bar byas so// da khyed sangs rgyas kyi bka' btsun par byos shig dang / de ni sangs rgyas la lan ldon pa yin no// dga' bo de rnam pa bcu ni ting nge 'dzin gyi snga ltas yin te/ 'di kun ni 'du byed kyi phung po yin no// de dag ni bsgom pa nor ba las/ de'i phyir 'di 'dra bar gyur te/ pho theg can gyi skye bo rnams
- 129a
bslang nas/ rang gi nyam drod ma zin te/ rgyu rkyen de lta bu dang phrad nas/ 'khrul par rang gis ma shes te/ bdag 'phags pa'o snyam du sems pa de ni/ brdzun chen por 'gyur te/ mtshams med pa'i sems can dmyal bar lhung ngo // khyed la sogs pas nga mya ngan las 'das pa'i phyi na/ de bzhin gshegs pa'i bka' phyi ma'i dus kyi tshe/ sems can no cog la khyab par man ngag gzhag cing 'di'i don ston te/ tshor bar gyis shig/ lha'i bdud kyis skabs mi rnyed par gzungs su zung zhig/ gdams shing bsrungs na bla na med pa'i lam 'grub bo// / bam po gnyis pa ste tha ma'o// dga' bo rigs kyi bu ting 'dzin la mnyam par bzhag pas 'du shes kyi phung po zad pa'i mi de la ni rmi lam gyi 'du shes rtag par snyoms par 'gags nas/ sad pa dang gnyid log par rtag tu gcig ste/ tshor ba gsal bas stong zhing dang ngo // dper na nam mkha' dang bral/ sprin sdug po chen po dag gis khebs pa med de/ 'jig rten thams cad du bltas na/ sa chen po dang / chu chen po dang / mi dag kyang me long gi nang du 'dus par snang bzhin du/ gzugs brnyan 'byung ba na'ang gos pa med/ nub pa na'ang gyur pa
- 129b
med do/ / stong pa'i len par snang ba la brtags na/ sngon gyi bag chags te/ skye shi'i rtsa ba'i ngo bo nyid du rig nas/ btsal du mi rnyed de/ dang ba de kho na dang ro gcig go phyogs bcu thams cad rigs bcu gnyis las skyes pa'i skye bo rnams kyis don ma rtogs mod kyi/ yun ring du bsgoms na so so na ngon khong du chud par 'gyur te/ dper na rgyang dang 'dra bar khad kyis 'dul lo/ / de'i ming ni 'du byed kyi phung pos bsgribs pa'o// de ltar dang ba las rnyog pa de/ bdag gi dang bzhin du ngo bo nyid la zhugs te/ gcig dang na bag chags med do/ / dper na chu rnyog pa can las dngas te sangs na/ dang ba zhes bya ste/ de'i ming ni 'du byed kyi phung po zad nas mi des ni sems can gyi snyigs ma las 'das pa'o// / don de la brtags na zag cing mi mthong ba'i phyir ro// dga' bo shes par byos shig/ yang dag pa nyid chud cing mthong ste// ting nge 'dzin du 'jug pa'i rigs kyi bu dag yang dag par dmigs su med pa de nyid la gzhag na/ rigs kyi bu lha'i bdud kyang sems thag chad do// spungs shing dang ba thob nas/ rang gi rigs kyi rtsa ba shes te/ rigs de'i nang gi cing dang ba de brtags na/ nyon mongs pa'i 'khrul pa'i gzhi rgyu ba rgyas pa las rtog pa skyes nas/ mi de'i rgyu med pa gnyis kyi nang du lhung ngo // de la gcig ni mi nges rtsa ba'i
- 130a
gzhi'i rgyu mthong ste/ de ci'i phyir zhe na/ sems can gyi rtsa ba bshig pa thob na/ mig gi rtsa ba brgyad brgya'i bsod nasas thob ste/ bskal pa brgyad khri tshun chad kyi sems can ci yod pa las 'khor te/ 'dir shi nas pha rol tu skyes te/ 'khor ba de nyid du sems can 'khor bas mthong ngo // bskal pa brgyad khri na chad kyi ni mi snang ste/ bltar med pas de lta bur shes so snyam du sems te/ 'jig rten 'di la sogs pa phyogs bcu'i sems can bskal pa brgyad khri nas/ rgyu med par rang bzhin gyis yod do snyam du rtog pa'i phyir/ yang dag pa dam pa'i gral stor nas/ mu stegs kyi nang du ltung ste/ byang chub kyi ngo bo nyid ni nor te/ gnyis ni mi des phyi ma'i rgyu med pa la bltas te/ de ci'i phyir zhe na/ mi nges skye shi'i rtsa ba mthong ste/ mi ni mir skye bar rig/ bya rog ni yongs gnag/ gzhan ni yongs dkar/ lha dang mi ni yongs kyi 'greng / byol song ni yongs kyi bzung / dkar po ni bkrus te gyur pa yin/ nag po ni bcos pa las gyur pa yin te/ bskul ba brgyad khri'i bar du 'gyur ba med do/ / da ltar gyi dus 'di zad kyi bar du de bzhin no// ngas ni yongs nas byang chub mthong ste/ de ci'i phyir zhe na/ byang chub 'grub pa yod do// shes par gyis
- 130b
shig/ de ring ci yod pa'i nor rdzas yod nas/ rgyu med pa'o zhes de lta bu rtog pa'i phyir/ yang dag pa khyab pa'i shes pa stor nas/ mu stegs kyi nang du ltung ste/ byang chub kyi ngo bo nyid nor to/ / de'i ming ni rgyu med pa'i mu stegs can dang po'o// yang dga' bo rigs kyi bu dag ting nge 'dzin las mi dmigs pa'i yang dag pa nyid la mnyam par gnazhan bdud rnams sems thag chad do/ / rang gi rgyu ba'i rtsa ba shes te/ zab mo dang bde ba la brtags nas/ rtag par rgyas pa'i nang nas sems can la tshong 'dzin te/ mi de ni rtag par khyab par lta ba bzhi'i nang du ltung ngo / / de la dang po ni sems dang sems kyi yul gnyis nang nas/ rang bzhin rgyu med kyang spyod pa'i tshe/ shes par 'gyur ro zhe na/ bskul pa'i khri'i bar du phyogs bcu'i sems can ji snyed yod pa'i skye shi'i 'khor bar skye shil 'khor te/ gyes shing stor ma myong bas de ni rtog pa snyam du sems so// de la gnyis pa ni mi nges khams bzhi la bltas nas/ khams bzhi'i rang bzhin rtag par 'dug ste/ spyod cing sbyangs pa las shes par 'gyur ro// bskal pa bzhi khri'i bar du phyogs bcu'i sems can gyi skye shi ji snyed pa kun rtag ste/ gyes shing stor ma myong ste/ de ni rtag pasnyam mo// de la gsum du ni mi des skye mched drug thams cad na/ 'jug pa'i yid kyi rnam par shes
- 131a
pa'i nang na/ thog ma nas gnas med de/ rang bzhin rtag pa'i phyir spyad cing sbyangs na gdod shes so// bskal pa brgyad khri'i bar du sems can thams cad 'khor te/ de ye nas rtag pa la gnas pas/ gyes shing stor ba ma myong ste/ de ltar rtag go snyam mo// de la bzhir ni mi des 'du shes kyi rtsa ba zad nas/ 'khor ba'i skye shi med de skye ba dang 'chi ba'i 'khor ba'i rgyu ba 'gog pa dang / 'du shes dang / sems ni yongs nas zad pas/ nga ni yongs nas med do// de'i don gyi nang na rang gi skye shi med par grub ste/ rtag go snyam du rtog pa'i phyir/ yang dag par shes pa'i gral stor nas/ mu stegs kyi nang du lhung ste/ byang chub kyi lam ni 'khrul to// de'i ming ni rtag par khyab pa'i mu stegs can gnyis pa'o/ / rigs kyi bu dag yang dag pa nyid la ting nge 'dzin la rtse gcig tu bar chad med nas bdud kyi thabs kyi mi bslus so// rang gi rtsa ba'i rgyu shes te/ zab mo dang bde ba la bstan nas/ rtag par bdag dang gzhan du rtog pa skyes te/ de ni byin ci log bzhi'i nang du lhung nas/ kha cig na mi rtag/ kha cig ni rtag par mthong ngo // de la gcig ni mi des sems can gyi mthong ba la zhib tu bltas na/ phyogs bcu'i khams su ngas rtag par khyab ste/ yongs nas mi g.yo snyam nas/ nga ni phyogs bcur khyab cing snang la mi
- 131b
g.yo sems can thams cad nga'i nang nas rang skye/ rang 'chi ste/ nga'i rang bzhin ni rtag pa yin no// nga'i nang nas sku ning 'chi ba de ni mi rtag pa'i rang bzhin snyam mo// de la gnyis pa ni mi des sems can la mi lta bar/ phyogs bcu'i khams la khyab par bltas nas/ gang+gA'i klung gi bye ma snyed kyi 'jig rten gyi khams ni bskal pas 'jigs pa'i gnas su mthong ste/ de ni yod nas mi rtag pa yin no// sna tshogs kyi rang bzhin gyi gnas pas ma zhig pa de ni ye nas rtag pa snyam mo// gsum pa ni mi nges sems can la bltas na nga dang zhing phra ba ni rdul phra mo dang 'dra ste/ phyogs bcu'i khams nas 'khor zhing / rang bzhin la 'gyur ba med de/ lus de yang skye yang 'chi ste/ mi zhig pas nga'i rang bzhin rtag pa yin no/ / skye shi thams cad ni nga las byung zhing rgyu de rang bzhin rtag pa snyam mo// de la bzhi pa ni 'du shes kyi phung po ni zad par shes/ 'du byed kyi phung po ni rgyu bar mthong / 'du byed kyi phung po ni rtag par rgyu ste/ rtag par gnas pa'i rang bzhin no// gzugs dang / tshor ba dang / 'du byed la sogs pa ni bkag cing zad de/ de ni mi rtag pa yin no/ snyam du rtog ste/ rnam pa kha cig ni rtag pasnyam du sems pa de ni mu stegs can gyi nang du ltung nas/ byang chub kyi ngo bo nyid nor to// de'i ming ni rtag par lta ba'i mu stegs
- 132a
can gsum pa'o/ / rigs kyi bu dag ting nge 'dzin las yang dag pa nyid la rtse gcig tu bar chad med na/ bdud rnams sems thag chod do// rang gis sa'i nang nas rtog cing dmigs pa skyes nas/ mi de mtha' bzhir ltung ngo // de la dang po ni mo des skyes pa'i rtsa ba la sems chags nas/ rgyu ba'i spyod pa ma chad de/ 'das pa dang ma 'ongs pa'i ni mtha' yin te/ / rgyu ni mi 'chad par mtha' dang bral bar sems so// gnyis pa ni mi des bskal pa brgyad khri'i bar du brtags na/ de phan chad ni sems can dag gis mthong ba dang / thos pa dang / shes pa'i gnas med de/ de ni mtha' dang bral ba yin no// sems can yod pa'i gnas ni mtha' yod pa snyam du sems so// gsum pa ni mi des nga ni khyab par shes te/ mtha' de bral ba'i rang bzhin thos nas sems can thams cad ni nga'i nang nas snang ngo // sems cad dag gi shes pa'i rang bzhin ni ngas kyang mi shes so zhes de'i phyir/ mtha' dang bral ba'i sems ma thob nas/ mtha' la gnas pa'i sems kyang yod pa snyam mo// bzhi pa ni 'dud byed kyi stong pa nyid rjes bcad na/ sems can thams cad lus gcig gi nang nas phyed ni skye/ phyed ni 'chi'o snyam ste/ 'jig rten gyi ning na phyed ni mtha' yod/ phyed ni mtha' de dang bral bar rtog pa'i phyir mu ste gcan mtha' yod
- 132b
pa dang mtha' med par lta ba'i nang du lhung ste/ byang chub kyi ngo bo nyid ni nor te/ de'i ming ni mtha' yod pa'i lta ba'i mu stegs can bzhi pa'o// rigs kyi bu dag yang ting nge 'dzin yang dag pa nyid la rtse gcig tu bar chad med na/ bdud rnams sems thag chad do// skye ba'i rigs kyi rtsa ba zad de/ zab mo dang bde ba brtags na nyon mongs/ rtag par 'khrul pa'i gzhi rgyu ba ma zad bas rtog pa skyes te/ mi de ni phyin ci log bzhi'i mi skye ba'i khyab par 'khrug pa'i rjes su dpog pa'i mi bden pa'o// de la gcig ni mi des sems ldang du ba kyi rtsa ba la brtags na/ sems ni rgyun du rgyu bar mthong ste/ de ni 'gyur ba gcig gis gcig bsags pa ni rtag pa snyam ste/ sems yod par mthong ba ni skyes pa zhes byamathong ba nyid mi mthong ba de ni 'gog pa zhes bya'o/ / sems gcig gis bsags pa rgyu de'i gnas mi mthong ba ni/ rang bzhin ma chad pa'i gnas te/ de ni 'phel ba'o/ / yang dag pa thub pa yid kyi thub pa nang nas 'brel ba ni 'gog pa zhes bya'o// so sor skye ba ni yod pa'o// so sor 'chi ba de ni med pa zhes bya ste/ spyi'i den la bltas na spyod pa mtha' dad par mthong ngo / / chos 'dod pa'i mi ga 'ongs te don dzin lan drang da ni skye yang skye/ 'gag kyang 'gag/ yod kyang yod/ med kyang med do//
- 133a
'phel yang 'phel la/ 'bri yang 'bri'o zhes thams cad du yang 'khrul par smra ste/ gzhan gyi tshig dor sbyor bar byed do// gnyis pa ni mi nges yang dag par sems brtags na bar bar ni med pa'i gnas med par rig ste/ mi dag gis chos dris na/ ci yang med do zhes tshig gcig pus lan ldon te/ med do zhes bya ba'i tshig la ma gtogs pagazhan mi smra'o/ / gsum pa ni mi des yang dag par sems la brtags na/ sems de so sor yod pa'i gnas na yod par rig ste/ chos 'dri ba'i mi ngag yod do zhes tshig gcig pus lan ldon te/ de la ma gtogs pa'i tshig gzhan mi smra'o// bzhi pa ni mi nges yod pa dang med pa gnyis kar mthong ste/ rnam pa gnyis kar mthong ste/ rnam pa gnyis kar mthong ba'i phyir rang gi sems 'khrug go/ / chos 'dri ba'i mi dag la yod kyang yod/ med kyang med do zhes lan ldon te/ yod pa'i nang na yang med pa'o// med pa'i nang na yang yod pa zhes nas/ dus thams cad du yang gzhan gyi sems dkrugs te/ dri ba'i skabs kyang meng nas/ dadung nge stong zhing med do zhes dpyod pa'i 'khrug pa'i phyir/ mu stegs can gyi nang du ltung ste/ byang chub kyi ngo bo nyidi nor to// de'i ming ni phyin ci log bzhi pa'i rang bzhin mi 'chi ba'i khyab par 'jug pa'i rjes su dpog pa'i mi bden pa'i mu stegs can lnga pa'o// rigs kyi
- 133b
bu dag yang ting nge 'dzin lnga yang dag pa nyid la rtse gcig pa'i ting nge 'dzin la bar chad med na/ bdud rnams sems thag chad do// zab mo dang bde ba la brtags na/ skye ba rigs kyirtsa ba zad de/ nyon mongs pa rtag par 'khrug pa'i gzhi rgyu ba ma zad pas/ rtog pa skyes so// mi de ni shi ba'i 'og tu gsum yod do zhes phyin ci log gi sems skyes te/ 'khrul nas gzugs ni nga yin no snyam du sems so// res 'ga' ni ngas thams cad du khyab par mthong ste/ nga ni gzugs yod do zhes so// bar 'ga' ni mngon sum gyi rkyen rnams nga'i phyi bzhin 'brang zhes so/ / ched 'ga' ni gzugs ni nga dbang zhes zer ro// bar bar ni nga'i 'du byed dang 'brel te/ nga ni gzugs kyi nang na 'dug par rtog cing / shi ba'i 'og tu ngagazugs yod do zhes smra'o/ / de bzhin du 'khor ba bcu drug la gzugs yod par rtog go/ de'i 'og tu yang nyon mongs pa la rtog ste/ yun ring po'i nyon mongs pa dang / yun ring po'i rang bzhin gnyis gcig ma chags so zhes so/ / yang shi ba'i 'og tu yod do zhes rtog cing smras ste/ mu stegs can gyi nang du ltung ste/ byang chub kyi ngo bo nyid ni nor to// de'i ming ni phung po lnga'i nang nas/ shi ba'i 'og tu gzugs yod do zhes phyin ci log tu gzhung 'dzugs pa'i mu stegs can drug pa'o// yang rigs kyi bu dag ting nge 'dzin las yang
- 134a
dag pa nyid la rtse gcig tu bar chad med na/ bdud kyi sems thag chad // skye ba'i rigs kyi rtsa ba zad de/ zab mo dang bde ba la brtags na nyon mongs pa rtag par 'khrug pa'i gzhi la rgyu ma zad de rtog pa skyes nas/ mi de ni gzugs dang / tshor ba dang / 'du shes snga ma sel cing / 'gog pa las rtog pa skyes te/ shi ba'i 'og tu 'du shes med do zhes phyin ci log gi sems skyes nas/ gzugs ni med par mthong ste/ kha dog ni rgyu med par rtog go// brtags na 'du shes bkag ste/ sems can sems chags pa med cing tshor ba bkag pa shes na phyi ma'i 'brel ba med de/ phung po'i rang bzhin zhi zhing bral lo// skye ba yod du zin kyang tshor ba'i 'du shes med de/ rtswa shing dang 'dra'o/ / 'di ltar mngon sum du bar bcad de/ thob pa med na shi ba'i 'og tu lta gal 'ong zhes brtags na de lta bu'i mir bas ni shi ba'i 'og tu gzugs med de/ 'di 'dra ba'i 'khor ba'i phyir/ gzugs med pa'i brgyad ni yod snyam mo// mya ngan las 'das pa'i rgyu dang 'bras bu thams cad ni stong pa'o zhes de lta bur dmigs nas/ mi yang gyi nar zad kyi/ ye nas chad cing thogs pa'o zhes de ltar yang rtog pa'i phyir/ shi ba'i 'og tu med do zhes nas/ mu stegs kyi nang du ltung ste/ byang chub kyi ngo bo nyid ni nor to// de'i phyir ni lnga phung gi nang
- 134b
nas shi ba'i 'og tu gzugs med do zhes phyin ci log gzhung 'dzugs pa'i mu stegs can bdun pa'o/ / yang rigs kyi bu dag ting nge 'dzin las yang dag par nyid la rtse gcig tu bar chad med na// bdud kyi sems thag chad do// skye ba'i rigs kyi rtsa ba zad de/ zab mo dang brtags na/ nyon mongs pa rtag par 'khrug pa'i gzhi rgyu ma zad pas rtog pa skyes te/ 'du byed kyi phung po'i nang nas/ mi des mi tshor ba dang / 'du shes kyi phung po 'gog ste/ yod pa dang med pa gnyis ka'i mtshan nyid gcig gis gcig bshig ste/ shi ba'i 'og tu med ngo zhes phyin ci log gi sems skyes so/ / yang gzugs dang / tsher ba dang / 'du shes kyi nang nas yod pa dang / med par mthong ste/ 'du byed 'gyur ba dang / rgyu ba med bas na med pa ma yin par yang rtog go/ / de bzhin du 'khor ba'i phung po'i khams kyi nang ba la brtags na/ brgyad po thams cad kyi gzugs med de/ 'gog pa'i rkyen gcig thob par zad do/ / shi ba'i 'og tu gzugs yod pa dang / med pa'i sgra'o// yang 'du byed thams cad kyi rang bzhin ni ldang dub pa'i phyir/ mngon par shes par sems bskyed do// rigs pa'i yod pa dang / med pa thams cad ni yod pa ma yin par rtog pa'i phyir yang dag pa dang / yang dag pa ma yin par 'khrul cing nor te/ shi ba'i 'og tu kun med de//
- 135a
phyis mos pa med par 'gyur ro zhes rtog pa'i phyir/ de ni lam dang mi mthun pas/ mu stegs can gyi nang du lhung ste/ byang chub kyi ngo bo nyidadi ni nor to// de'i ming ni phung po lnga'i nang nas shi ba'i 'og tu phyi ma'i rabs kun med do zhes phyin ci log tu gzhung 'dzugs pa'i mu stegs can brgyad pa'o// yang rigs kyi bu dag ting nge 'dzin rnams kyi nang nas/ drang po mi g.yo ba'i ting nge 'dzin du zhugs te/ bdud kyis glags mi thod pa las/ skye ba'i pho mo la brtags na tha ma skye ba med do snyam nas/ de la nor ba'i phyir mu stegs can chad par lta bar 'gyur to/ / lus 'gag pa'i 'og tu 'dod pa yang 'gog/ sdug bsngal yang 'gog/ shi na dga' ba yang 'gog/ shi na btang snyoms kyang 'gog/ yan man bzhi ru brtags na/ shi ba'i 'og tu skye ba yang cang med do zhes smra ste/ byang chub kyi sems ni 'chol te/ shi ba'i 'og tu phung po lnga chad par phyin ci log tu lta ba'i mu stegs can dgu pa'o/ / yang rigs kyi bu dag ting nge 'dzin las yang dag pa nyid la rtse gcig tu bar chad med na/ bdud kyis glags mi rnyed de/ skye ba'i rigs kyi rtsa ba zad de/ / zab mo dag pa de la brtags na nyon mongs pa rtag par 'khrul pa'i gzhi las rgyu ba ma zad de/ yang phyi ma yod par dmigs pa'i rtog pa skyes nas
- 135b
mi de mya ngan las 'das pa'i rnam lnga'i nang du ltung ngo / / ched 'ga' ni 'dod pa'i khams kyi dang po 'khor ba la brten te/ brtags nas mthong zhing rgyus pa'i skye ba la sred do// res 'ga' ni bsam gtan dang po'i rang bzhin la nyon mongs pa dang bral lo snyam mo/ / ched 'ga' ni bsam gtan gnyis pa la sdug bsngal med snyam mo// res 'ga' ni bsam gtan gsum pa la rab tu dga' zhing bde'o snyam mo/ / bar bar ni bsam gtan bzhi pa la dga' ba dang / bde ba gnyis ka 'gags te/ 'khor ba la skye shi rang bzhin len pa med do zhes 'khrul te/ zag pa can gyi gnas rnams la bya ba med do snyam du sems so// gnas de lnga'i dga' zhing bde ba la rgyal ba'i rigs gtsang ma'o snyam du yang sems so// de bzhin du 'khor ba'i sems lnga la yun du rtog pa'i phyir/ gnas de lnga la mya ngan las 'das pa'o snyam du sems te/ de'i phyir mu stegs can gyi nang du lhung ste/ byang chub kyi ngo bo nyid nor to/ / de'i ming ni phung po lnga'i nang nas/ gnas lnga la mya ngan las 'das par phyin ci log tu mngon sum du gzhung 'dzugs pa'i mu stegs can bcu pa'o// dga' bo ting nge 'dzin de bcu ni log par shes pa ste/ 'di kun ni 'du byed kyi phung po yin no// de dag ni bsgom pa nor ba las de'i phyir 'di 'dra bar gyur te/ pho theg can gyi skye bo
- 136a
rnams bslad pas/ rang gi nyam drod ma zin te/ rgyu rkyer de lta bu dang phrad nas/ 'khrul par rang gis ma shes te/ bdag 'phags pa'o snyam du sems pa de ni/ brdzun chen por 'gyur te/ mtshams med pa'i sems can dmyal bar lhung ngo // khyed la sogs pas de bzhin gshegs pa'i bka' khyer la/ nga 'das pa'i phyi ma'i dus kyi tshe/ sems can thams cad la khyab par man ngag gzhag cing 'di'i don ston te/ tshor bar gyis shig/ rang las zab mo'i phung po'i bdud ma langs par gzungs su zung la/ skyabs gyis te bsrung la log par mthong ba la sol te/ skyongs la bdag gis lus dang / sems la ston te/ dben pa'i don dbye zhing shes par gyis la/ bla ma'i lam las log pa'i lam du ma 'gro zhig/ cung zad tsam gyi thob pa la grub cing / cho ga go snyam pa'i sems ma skyed cig/ tsher ba'i rgyal po chen po yongs dag pa thong zhig/ dga' bo rigs kyi bu dag ting nge 'dzin la mnyam par bzhag pa las/ 'du byed kyi phung po zad na/ 'jig rten pa thams cad rang bzhin zab mo dang ba las 'khrugs shing g.yo ba/ bying ba dang / phra ba/ brtan pa 'brel ba/ gang zag gi rtsa ba yud tsam las 'byor cing / 'bral ba las bslangs te/ 'khrul pa zab mo'i rtsa ba
- 136b
mngon rtags chad na/ mya ngan las 'das pa'i gnas rmang ba chen po tshor ro snyam du sems so// dper na bya gag dus la bab na shar phyogs su brtags nas skya rengs shar bar rig ste skang 'byin to/ / skye mched drug stong zhing dang ba las/ zab cing lung pa med pa'i nang na/ dang ba gsal ba'i phyir 'jug par 'dug pa'i gnas med 'jug pa med do// phyogs bcu'i rigs bcu gnyis kyang zab mo las thar te/ tshe len pa'i dbang med do zhes de las brtags pa las/ 'dzin pa'i gzhi rigs thams cad phyogs bcu'i khams su 'byor pa thob zin te/ ngang ba'i gzugs ma nub pas/ zab mo'i ldang ba 'byung ngo // de'i ming rnam par shes pa'i phung pos bsgribs pa'o// 'byor pa thob pa'i nang nas/ skye mched drug gi tshogs bsdus te/ sbyor zhing bye ba de sbyangs te/ grub nas byang ba dang / skye mched drug kyang 'khrul zhing bsnol du rung ste/ yongs su dag pas phyogs bcu'i 'jig rten gyi lus dang sems su gtogs pa'i rnams kyang / bai DUR+Ya'i phyi nang thal ba bzhin snang ste/ de'i ming ni rnam par shes pa'i phung po zad de/ mi de ni tshe snyigs ma las 'das pa'o// don de la brtags na/ gzugs kyis yang dag par ma yin pa'i gzhi sgyu ma'i phyin ci log gi 'du shes kyi rtsa ba'i phyir ro// dga' bo rigs kyi bu dag 'du byed thams cad stong pa'i mthar phyin par 'gog pas
- 137a
skye ba 'gog pa las zhi bar 'gog pa'i nang nas/ dang ba dam pa ma rgyas pas/ bdag gi lus kyi rtsa ba sbyor zhing bye nas/ phyogs bcu'i rigs thams cad 'khrul par tshor zhing shes nas/ 'khrul par 'phar te/ rgyas pa'i gzhir 'jug nus so// de la sgyu ma'i gnas kyi yang dag pa'i rgyu ni rtag pa yin no zhes gzhung btsugs nas rgyal zhing grol lo snyam du sems so/ / mi de ni rgyud gnas kyi rgyu 'dzin pa'i sa phyi ka la'i mu stegs kyi nang du ltung ste/ yang dag par mun gnag gi skyabs kyi gnas grub par sder 'gyur ro/ / sangs rgyas byang chub ni nor shes shing mthong ba ni stor cing nub bo// de'i ming ni sems thob par gzhung 'dzugs pa'i skabs su 'gro ba las 'bras bu grub pa dang po ste khyab cing rgyas pa las phyir zhing bsrings te/ mya ngan las 'das pa'i mkhar las log nas// mu stegs kyis bon las de'i rigs su skye'o// dga' bo rigs kyi bu dag 'du byed thams cad stong pa'i mthar phyin par 'gog par/ skye ba 'gog pa las zhi ba pa'i 'gog pa'i nang nas dang bdam pas rgyas pas/ bdag gadza ba nyid sa mthong ba ni skabs su pa nas/ nam mkham khams thams cadan/ rigs bcu gnyis kyi spyi bo rnams pa'i lus kyi nang nas 'bab cing 'byung ste/ de lta bur rgyal rigs rtsol lo snyam pa'i sems skyes so//
- 137b
ming ni mi nus pa la nus par 'dzin pa'i phyir/ dbang phyug nang du ltung ste/ mthar med do zhes smra ba'i lus 'byung ba'i sder 'gyur ro// sangs rgyas kyi byang chub ni nor/ shes shing mthong ba ni stor cing nub bo/ / de'i ming gzhung 'dzugs pa'i nus pa'i 'bras bu grub pa gnyis pa ste/ khyab cing rgyas pa las phyi phyir zhing bsrings te/ mya ngan las 'das par mkhar las log nas/ ngas khyab par rgyas pa'i nga rgyal chen po'i lha'i sa bon las de'i rigs su skye'o// yang rigs kyi bu dag 'du byed thams cad stong pa'i mthar phyin par 'gog pas skyes pa 'gog pa las zhi bar 'gog pa'i nang nas dang ba dam pa ma rgyas pas/ bdag gi ngo bo nyid mthong ba ni/ skyabs su bzung nas/ the tsom skyes nas bdag gis lus dang sems las phyogs bcu'i nam mkha' bab cing khyab cing byung ste skyes so/ / thams cad kyang 'bab pa'i rgyun las byung ste/ lus ni yang dag par rtag pa yin pas/ skye ba dang 'gag pa med do snyam pa'i sems kyang skyes so/ / skye ba dang 'gags pa ni rtag par yang rtogs te/ mi skye ba 'khrul cing mi skye ba 'khrugs nas/ bying ba la bde bar gnas te rgyal zhing grol lo snyam pa'i rtog pa skyes so/ / ma de ni rtag pa dang mi rtag pa'i gzhung 'dzin pa'i nang du ltung ste/ rang dbang gi lha'i sder 'gyur ro// sangs rgyas kyi byang chub ni nor/
- 138a
shes shing rtogs pa ni stor cing nub bo// de'i ming ni rgyu'i gnas la sems kyi gzhung 'dzugs pa gsum pa ste/ khyab cing rgyas pa las byi phyir zhing bsrings te/ mya ngan las 'das pa'i mkhar las log nas/ log par rgyas pa'i sa bon las de'i rigs su skye'o// yang rigs kyi bu dag 'du byed thams cad stong pa'i mthar phyin par 'gog pas skye ba'i 'gog pa las zhi bar 'gog pa'i nang nas/ dang ba dam pas rgyas par shes pa'i nang nas/ shes pa khyab par rgyas pa'i phyir/ shes pa'i rgyu'i gzhung 'jug te/ phyogs bcu'i rtswa shing thams cad ni sems can yin no snyam ste/ rgyas par ni mi dang mi 'dra ba med do// rtswa shing ni mir 'gyur/ mi de dag shi na yang phyogs bcu'i rtsa shing du 'gyur te/ de ni yang dag pa'i khyab pa yin no snyam pa'i sems skyes so// mi de ni shes pa dang mi shes pa'i mthar 'dzin pa/ pa tAs 'di'i nang du lhung ste/ tshor ba thams cad 'di'i sder 'gyur ro/ / sangs rgyas kyi byang chub ni nor shes shing mthong ba'i stor cing nub bo// de'i ming ni khyab par shes par rtog pa'i sems brdzun zhing stong pa'i 'bras bu grub pa bzhi pa ste/ khyab cing rgyas pa las phyi phyir zhing rings bsrings te/ mya ngan las 'das pa'i mkhar las log nas/ log par shes pa'i sa bon las de'i rigs su skye'o// yang
- 138b
rigs kyi bu dag 'du byed thams cad stong pa'i mthar phyin par 'gog pas skye ba 'gog pa las zhi ba'i nang nas/ dang ba dag pa ma rgyas pas/ de dang shing gsal ba'i nang nas rtsa ba 'khrul pa'i rang bzhin 'brangs nas/ rdzu 'phrul rgyas pa'i 'od snang ba tshol ba zhugs te/ dga' ba'i chu ni gtsang zhing dang / sring pa'i rlung ni khyab par langs pas lta ba'i dri ma grub ste/ so sor don bsgrubs pa'i dri ma'i tshogs nges ni ngo bo nyid kyi gzhi'i rgyu yin no snyam du sems te/ rtag par shes so zhes smras pa'i gzhung 'dzugs pa'i mi de ni skye ba dang / mi skye bar 'dzin pa'i 'od srungs dang / bram ze dka' thub kyi nang du ltung ste/ me dang chu lha brjed de skye shi las thar par tshol ba'i sder 'gyur ro// sangs rgyas kyi byang chub ni nor shes shing mthong ba ni stor cing nub bo/ / de'i ming ni brjed pa'i rtogs pa sems 'khrul pa'i yang dag pa ma yin par gzhung 'dzugs pa'i rgyu tshol ba'i 'khrul par gyur pa'i 'bras bu grub pa lnga pa ste/ khyab cing rgyas pa las phyi phyir zhing bsrings te/ mya ngan las 'das pa'i khams las log nas/ phyin ci log gi sa bon las de'i rigs kyi nang du skye'o// yang rigs kyi bu dag 'du byed thams cad ni stong pa'i mthar byin par 'gog pas/ skye ba 'gog pa las zhi bar 'gog pa'i nang na/ dang ba dam pa ma rgyas pas/ de rgyas shing gsal ba'i nang nas/ rdzus
- 139a
pa'i chos ni stong pa ste/ ma yin par 'gog pa yongs nas 'gog pa'i skyabs yin te/ skye ba las rgyal zhing grol lo snyam du rtog ste/ mi de ni gzugs med pa'i stong pa'i skyabs dang / skyabs ma yin pa'i 'dzin pa'i lha'i sder 'gyur ro// sangs rgyas kyi byang chub ni nor/ shes shing mthong ba ni stor cing nub bo// de'i ming ni stong pa rgyas pa'i sems med pa/ stong par 'gog pa'i 'bras bu grub pa drug pa ste/ khyab cing rgyas pa las phyi phyir bsrings te/ mya ngan las 'das pa'i mkhar las log nas/ chad par 'gog pa'i sa bon las de'i rigs kyi nang du skye'o/ / yang rigs kyi bu dag 'du byed thams cad stong pa'i mthar phyin pa 'gog pa/ skye ba 'gog pa las/ zhi bar 'gog pa'i nang nas/ dang ba dam pa ma rgyas pas rtag pa'i nang du bdag gi lus rtag par gnas te/ dang ba gsal ba dang 'thun zhing ring du mi g.yo bas rgyal zhing grol lo snyam pa skyes so// mi de ni 'dod chags ma yin par 'dod chags par 'dzin pas nang du lhung ste/ tshe ring po tshol ba'i i si de'i sder 'gyur ro// sangs rgyas byang chub ni nor shes shing mthong ba ni stor cing nub bo// de'i ming ni tshe'i gzhil chags par 'dzin cing gzung 'dzugs pa san thub pa'i rgyu sgyur sdud pa/ yun ring por dka' thub kyi 'bras bu grub pa bdun pa ste/ khyab cing rgyas pa las phyo phyir nga
- 139b
ring du song ste/ mya ngan las 'das pa'i mkhar las log nus/ sgra mar 'gyangs pa'i sa bon las re'i rigs su skye'o// yang rigs kyi bu dag 'du byed thams cad stong pa'i mthar phyin par 'gog pas/ skye bar 'gog pa las zhi bar 'gog pa'i nang nas/ dang ba dam pa ma rgyas pas brtags na tshe dang dbang du 'gyur bar gyur nas/ dri ma'i sdug bsngal zhi zhing zad kyis dogs te slar bzhag na/ rin po che sna bdun gyi pad+mo'i gzhal med khang rgyas par sprul te/ nor bu rin po che sna bdun dag mang por sprul nas/ sems rang nyam du btang ste/ rgyal rigs grol lo snyam pa skyes so// de ni yang dag pa ma yin par 'dzin pa'i nang du lhung ste/ sh+tsa t+ti ka la'i sder 'gyur ro// sangs rgyas kyi byang chub ni nor/ shes shing mthong ba ni stor cing nub bo/ / de'i ming ni log sred kyi rgyu bskyed cing / dri ma rgyas par gzhung 'dzugs pa'i 'bras bu grub pa brgyad pa ste/ khyab cing rgyas pa las phyi phyir bsrings te mya ngan las 'das pa'i mkhar las log nas/ lha'i bdud kyi sa bon las de'i rigs su skye'o// yang rigs kyi bu dag 'du byed thams cad stong pa'i mthar phyin par 'gog pas/ skye bar 'gog pa las zhi bar 'gog pa'i nang nas/ ngang ba dam pa ma rgyas pas tshe snang ba'i nang nas dang ba'i dri ma yang dag pa dang / yang dag pa ma yin par bye brag 'byed rgyu dang 'bras bu'i
- 140a
re ba sgrubs mngon rtags tshol lo/ / yongs su dag pa'i lam log nas/ de'i phyir sdug bsngal ni shes/ kun 'byung ba ni spangs/ 'gog pa ni mngon/ du byas/ lam ni bsgoms te/ 'gog pa la gnas pas/ yang gang du ma 'phar te/ rgyal rigs grol lo snyam pa skyes so// de ni nges pa'i nyan thos kyi nang du ltung ste thos pa nyung bas nga rgyal skyes pa'i dge slong gi sder 'gyur ro/ / sangs rgyas kyi byang chub ni nir/ shes shing mthong ba ni stor cing nub bo// de'i ming ni dang ba rgyas pa'i sems kyis mngon rtags tshel te/ zhi ba 'dus pa'i 'bras bu dgu pa ste/ khyab cing rgyas pa las phyi phyir zhing bsrings te/ mya ngan las 'das pa'i mkhar las log nas/ stong pas bcings pa'i rgyu las de'i rigs su skye'o/ / yang rigs kyi bu dag 'du byed thams cad stong pa'i mthar phyin par 'gog pas/ skye ba las 'gog pa las/ zhi bar 'gog pa'i nang nas/ dang ba dam pa ma rgyas par rgyus pa yongs su dag pa'i tshor ba gsal ba zab mo dam par sbyangs nas/ mya ngan las 'das so bar sems shing / gong du mi 'phar te/ rgyal zhing grol lo snyam pa skyes so// mi de ni rigs nges pa'i rang sangs rgyas su lhung ste/ sems mi log pa'i sangs rgyas su 'gyur ro// sangs rgyas kyi byang chub ni nor
- 140b
shes shing mthong ba ni sbyor cing nub bo/ / de'i ming ni rgyas tshor ba ting nger gsal ba'i ming g.yo ba'i 'bras bu grub pa bcu pa ste/ khyab cing rgyas pa las/ phyi phyir zhing ring nas mya ngan las 'das pa'i mkhar las log nas/ skyabs mi byed pa'i rgyas par gsal ba'i sa bon las de'i rigs su skye'o// dga' bo ting nge 'dzin rnam pa bcu ni/ bar ma dor spyo ba la bsten pa'i rgyur 'gyur te/ bar bar ni ma grub pa la chog cing chud do snyam pa'i sems skyes so// 'di kun ni rnam par shes pa'i phung po yin te/ bsgom pa nor ba las 'dir skyes so/ / pho theg can gyi skye bo rnams bslad pas/ rang gi nyam drod ma zin te/ rgyu rkyen de lta bu dang phrad nas/ rang rang gi sngon gyi sems 'khrul pa'i bag chags la sred de/ bdag gi yun ring po'i gnas kyi 'di yin no snyam du sems shing / bla na med pa'i byang chub kyi bcing ba rdzogs so zhes smras te/ de ni brdzun por 'gyur ro// log par lta ba'i bdud dang / mu stegs kyi las zad nas/ mtshams med pa'i sems can dmyal bar ltung ngo // nyan thos dang sangs rgyas su yang 'phel zhing 'gog par yang mi grub bo// khyed sems gcig tu gyis la/ de bzhin gshegs pa'i lam sgrubs shig/ chos kyi sgo 'di khyer la mya ngan las 'das pa'i phyir ma 'ongs pa'i dus kyi tshe/ gcig nas gcig tu
- 141a
sel te/ 'di'i don sems can thams cad kyis mngon par shes shing rig par gyis te/ lta ba'i bdud la rang bying bar ma byed cig/ snying rjes bsrung/ te bskyabs gyis te/ log pa'i rkyen sol la zhi bar gyis shig/ bgegs kyi lam dang / log 'dren gyi lam du/ ma nor bar lus dang sems sangs rgyas kyis mkhyen pa dang / gzigs pa'i lam gyi nang du zhugs te/ thog ma dang tha ma'i bar du grub par byas shig/ snga ma 'das pa'i dus kyi bskal pa gang+gA'i bye ma snyed kyi de bzhin gshegs pa rdul phra mo snyed kyang chos kyi sgo 'di bzhin du mdzad de/ theg pa 'dis sems grol nas/ bla na med pa'i lam sgrub bo// rnam par shes pa'i phung bopo zad na khyed kyis mngon sum du dbang po thams cad 'khrul par spyad pa'i nang nas/ byang chub sems dpa'i shes rab rdo rje sgom pa'i gsal ba rgyas shing dang ba'i sems kyi nang du dkris te 'jug nus na gtsang zhing dang ba'i bai DUR+Ya'i nang na/ rin po che'i zla ba dang 'dra'o// de bzhin du gong du 'phar na/ yid ches pa bcu dang / spyod pa bcu dang // bsngo ba ba bcu dang / sems bskyed pa spyod pa bzhi dang byang chub sems dpa'i rdo rje'i sa bcu spyod pa dang mnyam par tshor ba rgyas par snang ba de bzhin gshegs pa'i phra bo'i phra ba la
- 141b
sogs pas brgyan pa'i rgya mtshor 'jug go/ / gang zhing rgyas pa'i byang chub thob pa med pa la bsten te/ des ni snga ma 'das pa'i sangs rgyas bcom ldan 'das kyi zhi gnas dang / lhag mthong gsal bar rnal 'byor pas/ phra ba'i yang phra ba'i bdud kyi spyod yul mang po mngon sum du snang ste/ khyed kyi sems kyis shes par nus nas/ dri ma bkrus shing gsal bas/ lta bas log pa'i nang du mi ltung ste/ phung po'i bdud na zho zhing byang / lha'i bdud ni bcom zhing btul te/ lha ma yin dang mthu bo che rnams kyi sems skor bar byed/ thi ba'i ba glang rnams ni skyo zhing / 'byung bar mi nus so// byang chub kyi bar du phongs shing brel ba yang med/ gzhan cing nyam chung ba las/ 'bogs shing skyed yod par 'gyur ro/ / mya ngan las 'das pa la sems mi 'khrul cing myos par mi 'gyur ro// ma 'ongs pa'i dus kyi sems can dag rmongs shing glen pa bsam gtan mi shes/ chos 'chad mi shes par ting nge/ 'dzin gyi rnal 'byor la sred pa ni/ khyod log pa dang 'thun gyis ngogs so// sems gcig tu nga'i gtsug tor gyi gzungs bstan pa 'di gzungs su zung zhig/ de ste kha ton du ma nus na bsgom pa'i khang bu la bri ba 'am/ yang na lus la btags na/ phas kyi rgol ba'i bdud thams cad kyis mi tshugs so// phyogs bcu'i de bzhin gshegs pa'i mtha' yun du bsgrubs pa'i
- 142a
phyi ma'i chag tshang 'bebs pa yin gyis khyed kyis gus par gyis shig/ bcom ldan 'das kyis de skad ces bka' stsal pa dang / dga' bo langs te spyi bos phyag 'tshal nas/ dran zhing du mi brjed par gzungs su 'dzin to// 'khor mang po 'dus pas/ bcom ldan 'das la gsol pa/ bcom ldan 'das kyis bka' stsal pa bzhin/ phung po lnga'i gzugs kyi nang nas/ yang dag pa lags pa'i 'du shes rnam pa lnga'i rtsa ba phra ba'i yang phra ba'i don te/ de bzhin gshegs pas bdag cag la sogs pa la rtag tu bka' stsal cing bshad de ma gsungs na/ yang phung po lnga cig car 'dag cing 'byang ngam/ rims kyis zad de/ lnga'i mtshams ni gang lags de bzhin gshegs pa'i thugs rje chen pos dgongs te/ ma 'ongs pa'i dus kyi sems can thams cad kyi snang zhing gsal ba'i sems kyi mig tu 'gyur bas/ 'khor mang po 'di nyid la bshad du gsol/ bcom ldan 'das kyis/ dga' bo la bka' stsal ba/ ngo bo nyid kyi tshor ba dam pa/ gsal ba rgyas pa ni dag ste/ skye shil mi gnas na/ dri ma'i bsgos pa nas/ nam mkha'i khams thams cad kyi bar du/ yang dag pa'i ma yin pa'i bar du 'du shes kyi rgyu ba'i phyir skye ba g.yos te/ de'i bzhin ngo bo nyid kyi tshor ba dam pa/ gsal ba rgyas pa las yang dag pa ma yin pa'i 'jig rten gyi snod kun skyes so//
- 142b
/ dper na ye man ta 'khrul te/ mgo med pa rmis nas grib ma la mgo bo snyam du sems so// yang dag pa ma yin pa'i rtsa ba de ni rgyu med de/ yang dag pa ma yin pa'i 'du shes kyi nang nas/ rten cing 'brel par 'byung ba'i mtshan nyid btsugs te/ de nas 'khrul pa yongs nas yod ces zer ro// nam mkha'i rang bzhin ni sgyu ma las skyes pa yin te/ rten cing 'brel pa dang yod nas yod pa kun ni sems can gyis yang dag pa ma yin pa'i sems kyis brtags pa lags so/ / dga' bo yang dag pa ma yin pa mi g.yo ba'i tshe yang dag pa yin pa'i rten cing 'brel pa bshad yang dag pa ma yin pa'i rtsa ba yod nas med pas/ yang dag pa ma yin pa'i rten cing 'brel par 'byung ba yod nas med pa yin te/ mi shes pas rtags tu zad kyi ye nas yod pa lta spos/ de'i phyir de bzhin gshegs pas khyed kyi phyir sgron mar bstan to// phung po lnga'i rtsa ba'i rgyu ni yang dag pa ma yin pa'i 'du shes yin par mtshungs so// khyod kyi lus ni sngon gyi phyi ma 'du shes kyi rgyu las skyes so/ / khyod kyi sems kyi 'du shes ni 'pho bar mi 'gyur te/ 'du shes kyi nang nas tshe 'dab chags pa'o// ngas sngar smras pa/ skyur rtsi las sems kyis brtsams na/ khar 'gram du chu 'byung ngo // brag mthon po'i rtser 'jug par bsams na/ rkang mthil 'dar yang sbyar rtsi khar ma 'phos brag kyang yod pa ma yin no// khyod
- 143a
kyi lus ni yang dag pa ma yin pa'i sgyu ma las mi 'bral ba'o/ / khyod kyi kha'i nang na bro ba med na/ ci'i phyir sgyur ba'i 'gram mchu 'byung / de'i phyir shes par gyis shig/ khyed kyis gzugs kyi lus mngon du sra zhing mkhrang ba de'i ming ni yang dag pa ma yin pa'i 'du shes dang po de ltar bshad pa/ brag mthon po la bsams pa'i 'du shes kyi lus yang dag par 'dar bar 'gyur ro/ / 'on kyang len pa'i skye ba'i phyir/ gzugs kyi las ni g.yo nus te/ khyod nga mngon sum du 'phan pa dang / 'dod pas gzir to// de'i ming du gsog tu/ snang ba'i yang dag pa ma yin pa'i 'du shes gnyis pa'o// mtshan ma g.yos pa'i phyir gzugs kyi lus ni las byed du bcug ste/ lus ni mtshan ma ma yin no// khyod kyi lus ci'i rgyus nas/ mtshan ma'i las byed cing / sna tshogs kyi gzugs len ce na/ sems g.yos na lus len te/ mtshan ma dang mnyam par 'jug go// sad na 'du shes kyi sems g.yos/ log na rmi lam du 'gyur te/ khyod kyi 'du shes kyi mtshan mas yang dag pa ma yin pa'i sems g.yo bar nus te/ 'brel cing rgyu bar mi tshor ro// de'i ming ni yang dag pa ma yin pa'i 'du shes gsum pa'o/ / mi mngon par skad cig par brdzus nas med par 'pho zhing sen mo ring po dang / sgra skye ba dang / dbugs rgyu ba dang / gdong gi gnyer ma nang dub tu rgyu ba mi 'chad kyang khyod
- 143b
kyis mi tshor ro/ / dga' bo 'di 'on te de lta ma yin du zin na/ khyod kyi lus ci'i phyir 'gyur bar snang / yang dag par ma yin pa 'dru/ khyod kyis ci'i phyir yang dag par mi tshor khyod 'du byed thams cad ni yud tsam gyi bar du yang mi sdong ngo / / de'i ming ni zab cing mi mngon pa'i yang dag pa ma yin pa'i 'du shes bzhi pa'o// yang khyod dang zhing gsal ba ting nger mi g.yo bar gnas de'i ming ni rtag pa yin na ni/ lus las mthong ba dang / thos pa dang / tshor ba dang / shes par 'gyur mi rigs/ de ste dben par gda' yang thag na ni/ mi bden pa'i bag chags med par rigs so/ / ci'i rgyus khyed cag sngon gyi dus na ngo mtshar dag ci mthong ba/ lo grangs yun ring ba'i phyir dran pa kun med de/ brjed nas cang mi dran pa las// phyis ni snga ma mthong ba dang glo bur du dran te/ de bzhin yod de ma stor to// de ni ngang ba mngon du ting nger mi g.yo ba'i nang nas yud tsam yud tsam gyis bsgos pa'i grangs ni re lta zhig yod dga' bo shes par gyis shig/ 'di ting nger mi g.yo ba ni/ chu bzang po 'bab pa dang mtshungs so// bltas na ting nger mi g.yo ba'i nang yang myur bar rgyu bar mi mthong ste/ rgyu ba ma yin no// de ste 'du shes kyi gzhi med na/ bag chags kyis mtshan ma gang zhig gis len/ khyed kyi skye mched ni 'khrul pa la spyod do// sbyor ba dang phye ba 'di yang
- 144a
dag pa ma yin pa'i 'du shes ma yin pas/ 'gog pa thob pa'i dus med do// de bas na khyed mthong ba dang / zos pa dang / tshor ba dang / shes pa mngon sum du 'dug pa'i nang nas/ mi mngon mthong g.yo ba ni goms pa'i bag chags so// de'i ming ni bag chags kyi gzhi phyin ci log dang pa'i phra ba'i yang phra ba/ yang dag pa ma yin pa'i 'du shes kyi phyin ci log lnga pa'o/ / dga' bo phung po lnga po 'di ni yang dag pa yin pa lnga las grub pa ste/ khyod de shes par 'dod na/ rgyu ba'i mtshams ni yang ba dang / zab pa dang / stong pa dang gzugs ni gzugs kyis mtha' yin no// reg pa dang bral ba ni tshor ba'i mtha' yin no// dran pa dang brjed pa'i du shes kyi mtha' yin no// skye ba dang 'gog pa ni 'du byed kyi mtha' yin no/ / sang nge sang nger 'jug par sbyor ba ni/ rnam par shes pa'i mtha'i mtha' yin no// phung po de lnga ni tshad med pa skye skye/ skye skye ba'i rgyu'i phyir rnam par shes pa yod do/ / gzugs kyi phyir 'gog pa'o// don rigs ni cig car sel te/ bag chags ni cig car mi 'dag ste/ rim gyis zad do// ngas khyod la lag phyis mdud pa bstan na/ ma rig na ci'i phyir ngal slar 'dri/ khyod ni ma rig pa'i sems rtsa ba'i gzhi de las bral te thar par 'gyur ro// khyod chos kyi sgo 'di khyer te/ ma 'ongs
- 144b
pa'i dus tha ma la spyod pa'i mi dag la yang dag pa ma yin par shes par ston cig/ skye shi la zab tu skyong zhing / khams gsum la ma mos par mya ngan las 'das pa yod par shes par gyis shig/ dga' bo mi la la zhig gis phyogs bcu'i nam mkha'i khams khyab par rin po che sna bdun gyis bkang ste/ rdul phra mo snyed kyi sangs rgyas thams cad la bla mar byas te/ mchod cing bsnyen bkur byas nas/ sems don med par 'das par ma byas na/ yid la ji snyam/ mi des 'di ltar sangs rgyas la phul ba'i rgyu rkyen gyi bsod nams thob pa mang ba yin nam/ dga' bos gsol pa/ nam mkha' mi bas pas/ rin po che'i mtha' yang ma mchis so// 'das pa'i dus na mi zhig gis pha ma bdun gyi phyir lus btang ste/ bcom ldan 'das la yon phul bas/ 'khor los sgyur ba'i rgyal por skyes na yang mngon sum du nam mkha'i khams kyi mthar/ sangs rgyas kyi zhing bkang zhing / khyab par rin po che so sor phul ba ni/ bskal pa bas kyi bar du yang // bsam pas tshad bzung mi nus na/ de'i bsod nams kyi mtha' mchis pa lta ci smos/ bcom ldan 'das kyi/ dga' bo la bka' stsal pa/ dga' bo de bzhin gshegs pa sangs rgyas thams cad ni brdzun mi gsung ste/ mi la la zhig gis lus kyi pham pa bzhi dang
- 145a
phas pham pa bcu ldan par byas na/ dbugs gang tsam la khams 'di dang / khams gzhan gyi mtshams med pa'i sems can dmyal ba dang / phyogs bcu ma lus pa na/ mtshams med pa'i sems can dmyal bar ma phyin pa med do// se gol thabs gcig gtogs pa'i srid gcig chos kyi sgo 'di khyer te/ phyi ma'i bskal pa mtha' ma'i tshe/ ma lobs pa la 'byung zhing bstan na/ mi de'i kha na ma tho ba'i sdig sems kyi skad cig tsam gyi bar du tshangs shing 'byung ste/ sems can dmyal ba'i sdug bsngal gyi rgyu las thar nas/ bde ba'i zhing du skyes par 'gyur te/ bsod nams thob pa ni/ snga ma'i sbyin pa'i bsod nams kyi brgya'i cha dang / stong gi cha dang / 'bum phrag khri'i cha dang / de bzhin du brtsis dang / grangs dang / dpe'i bar du bskrun du med do// dga' bo sems can la la zhig gis mdo sde 'di kha ton du 'don cing sngags 'ang gzungs su bzung na/ bskal pa mi zad pa'i bar du yang ngas bshad par mi nus so// khyed rnams ngas bshad pa'i gzhung bzhin du spyod na/ byang chub grub kyi bar du bdud kyi lam las thar ro// de skad ces bka' stsal pa dang / dge slong dang / dge slong ma dang / dge bsnyen dang / dge bsnyen ma dang / 'jig rten gyi lha thams cad dang / lha ma yin dang
- 145b
'jig rten gyi khams gzhan nas 'dus pa'i byang chub sems dpa' dang / theg pa gsum gyis 'phags pa dang / drang srong gi bu gtsang ma dang / thog ma sems bskyed pa'i mthu bo che dang / yi dgas rnams shin tu dga' zhing mgu nas/ phyag 'tshal te so sor dong ngo // 'phags pa de bzhin gshegs pa'i gtsur tor chen po'o// le'u stong phrag bcu pa las de bzhin gshegs pa'i gsang ba/ byang chub sems dpa' thams cad kyis bsgrubs pa/ don mngon par thob par spyod pa'i rgyu le'u bcu pa rdzogs so// / / rgya las 'gyur ba'i brda rnying par snang / rgya gar skad du/ ba hud+d+ha tu ka sU tra/ bong skad du/ khams mang po'i mdo 'jam dpal gzhon nur gyur pa la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de nas tshe dang ldan pa kun dga' bo gcig pu dben par song ste/ nang du yang dag bzhag na/ sems la sems kyi rnam par rtog pa 'di lta bu ngas skyes te 'jig pa gang dag 'byung zhing skye ba de dag thams cad ni byis pa las skye'i mkhas pa las ni ma yin no/ / yams kyi nad gang dag dang / gnod pa dang / nad 'go ba dang / 'khrug
- 146a
pa gang dag 'byung zhing skye ba de dag thams cad ni byis pa las skye'i mkhas pa las ni ma yin no snyam mo/ / de nas tshe dang ldan pa kun dga' bo phye ma red nang du yang dag par 'jog las langs nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go// phyogs gcig tu 'dug nas/ tshe dang ldan pa kun dga' bos/ bcom ldan 'das la 'di skad ces gsol to// btsun pa 'dir bdag gcig pu dben par mchis te/ nang du yang dag bzhag na/ sems la sems kyi rnam par rtog pa 'di lta bu dag skyes te/ 'jigs pa gang dag 'byung zhing skye ba de dag thams cad ni byis pa las skye'i mkhas pa las ni ma lags so// / yams kyi nad gang dag dang / gnod pa dang / nad 'go ba dang / 'khrug pa gang dag 'byung zhing skye ba de dag thams cad ni byis pa las skye'i/ mkhas pa las ni ma yin no snyam mo// kun dga' bo de de bzhin no// de de bzhin te/ dper na 'dam bu skam po'i khang pa'am/ rtswa skam po'i khang pa 'am/ sog ma skam po'i phung po dag la me btang na/ de rnams kyang tshig par byed do/ / de bzhin du 'jigs pa gang dag 'byung zhing / skye ba de dag thams cad ni byis pa las skye'i/ mkhas pa las ni ma yin no// yams kyi nad gang dag dang //
- 146b
gnod pa dang / nad 'go ba dang / 'khrug pa gang dag 'byung zhing skye ba de dag thams cad ni byis pa las skye'i mkhas pa las ni ma yin no// kun dga' bo 'das pa'i dus su 'jigs pa gang dag 'byung zhing skyes pa de dag thams cad ni byis pa las skyes kyi/ mkhas pa las ni ma yin no// yams kyi nad gang dag dang / gnod pa dag dang / nad 'gro ba dang 'khrug pa gang dag 'byung zhing skye ba de dag thams cad ni byos pa las skyes kyi/ mkhas pa las ni ma yin no// kun dga' bo ma 'ongs pa'i dus su/ 'jigs pa gang dag skye bar 'gyur pa de dag thams cad ni byis pa las skyes par 'gyur gyi/ mkhas pa las ni ma yin no// yams kyi nang gang dag dang / gnod pa dang / nad 'go ba dang / 'khrug pa gang dag 'byung zhing skye ba de dag thams cad ni byis pa las skye'i mkhas pa las ni ma yin no/ / kun dga' bo de ltar na 'das pa dang / ma 'ongs pa dang / da ltar byung ba'i dus dag tu 'jigs pa dang bcas pa ni byis pa'o/ / 'jigs pa med pa ni mkhas pa'o// yams kyi nad dang bcas pa ni byis pa'o// yams kyi nad med pa ni mkhas pa'o// gnod pa dang bcas pa ni byis pa'o/ / gnod pa med pa ni mkhas pa'o// nad 'go ba dang bcas pa ni byis pa'o// nad 'gro ba med pa ni mkhas pa'o// 'khrug pa dang bcas pa ni byis pa'o//
- 147a
'khrug pa med pa ni mkhas pa'o// kun dga' bo 'jigs pa dang / yams kyi nang dang / gnod pa dang / nad 'go ba dang / 'khrug pa dag ni byis pa yin gyi mkhas pa ni ma yin par shes par bya'o/ / kun dga' bo de lta bas na byis pa'i chos dang / mkhas pa'i chos khong du chud par bya'o// byis pa'i chos dang / mkhas pa'i chos dag kyang khong du chud nas kyang byis pa'i chos ni spang bar bya'i/ mkhas pa'i chos ni yang dag par blang bar bya ste/ kun dga' bo de ltar de bzhin du bslab par bya'o// btsun pa ji/ tsam gyis na/ byis pa byis pa zhes bya ba'i grangs su mchi ba lags/ kun dga' bo byis pa ni khams la mkhas pa ma yin pa dang / skye mched la mkhas pa ma yin pa dang / rten cing 'brel par 'byung ba la mkhas pa ma yin pa dang / gnas dang gnas ma yin pa la mkhas pa ma yin te/ kun dga' bo de tsam gyis na/ byis pa zhes bya ba'i grangs su 'gro ba yin no/ / btsun pa ji tsam gyis na/ mkhas pa mkhas pa zhes bya ba'i grangs su mchis pa lags/ kun dga' bo mkhas pa ni khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas pa yin te/ kun dga' bo ji tsam gyis na/ mkhas pa mkhas pa zhes bya
- 147b
ba'i grangs su 'gro ba yin no/ / btsun pa ji tsam gyis na mkhas pa khams la mkhas pa lags/ kun dga' bo mkhas pa ni khams bco brgyad po/ mig gi khams dang / gzugs kyi khams dang / mig gi rnam par shes pa'i khams dang / rna ba'i khamA dang / sgra'i khams dang / rna ba'i rnam par shes pa'i khams dang / sna'i khamA dang / dri'i khams dang / sgra'i rnam par shes pa'i khams dang / lce'i khams dang / re'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams dag yang dag pa ji lta ba bzhin shes shing mthong ba ste/ kun dga' bo de ltar na khams bco brgyad po yang dag pa ji lta ba bzhin shes shing mthong ba yin no/ / gzhan yang khams drug po sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams yang dag par ji lta ba bzhin shes shing mthong ba ste/ de ltar na khams drug po yang dag pa ji lta ba bzhin shes shing mthong ba yin no/ / gzhan yang khams drug po 'dod pa'i khams dang / gnod sems kyi khams dang / rnam par 'tshe ba'i khams dang / nges par 'byung ba'i kham dang //
- 148a
gnod sems med pa'i khams dang / rnam par 'tshe ba med pa'i khams yang dag pa ji lta ba bzhin shes shing mthong ba ste/ de ltar khams drug po yang dag pa ji lta ba bzhin shes shing mthong ba yin no/ / gzhan yang khams drug po bde ba'i khams dang / sdug bsngal gyi khams dang / yid bde ba'i khams dang / yid mi bde ba'i khams dang / btang snyoms kyi khams dang / ma rig pa'i khams dag yang dag pa ji lta ba bzhin shes shing mthong ba ste/ de ltar na khams drug po yang dag pa ji lta ba bzhin shes shing mthong ba yin no// gzhan yang khams bzhi po tshor ba'i khams dang / 'du shes kyi khams dang / 'du byed kyi khams dang / rnam par shes pa'i khams yang dag pa ji lta ba bzhin shes shing mthong ba yin no/ / gzhan yang khams gsum po 'dod pa'i khams dang / gzugs kyi khams dang / gzugs med pa'i khams yang dag pa ji lta ba bzhin shes shing mthong ba yin no// gzhan yang khams gsum po gzugs kyi khams dang / gzugs med pa'i khams dang / 'gog pa'i khams dag yang dag pa ji lta ba bzhin shes shing mthong ba yin no// gzhan yang kham gsum po 'das pa'i khams dang / ma 'ongs pa'i khams dang / da ltar byung ba'i khams dag yang dag pa ji lta ba bzhin shes shing mthong ba yin no// gzhan yang khams gsum po
- 148b
dman pa'i kham dang / bar ma'i khams dang / gya nom pa'i khams ngag yang dag pa ji lta ba bzhin shes shing mthong ba yin no// gzhan yang khams gsum po dge ba'i khams dang / mi dge ba'i khams dang / lung du ma bstan pa'i khams ngag yang dag pa ji lta ba bzhin shes shing mthong ba yin no// gzhan yang khams gsum po slob pa'i khams dang / mi slob pa'i khams dang / slob pa yang ma yin/ mi slob pa yang ma yin pa'i khams dag yang dag pa ji lta ba bzhin shes shing mthong ba yin no// gzhan yang khams gnyis po zag pa dang bcas pa'i khams dang / zag pa med pa'i khams dag yang dag pa ji lta ba bzhin shes shing mthong ba yin no// gzhan yang khams gnyis po 'dus byas kyi khams dang / 'dus ma byas kyi khams dag yang dag pa ji lta ba bzhin shes shing mthong ba yin no/ / kun dga' bo de tsam gyis na/ mkhas pa khams la mkhas pa yin no// btsun pa ji tsam gyis na/ mkhas pa skye mched la mkhas pa lags/ kun dga' bo mkhas pa ni/ skye mched bcu gnyis po mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sgra'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang / reg bya'i skye mched dang / yid kyi skye mched dang / chos
- 149a
kyi skye mched dag yang dag pa ji lta ba bzhin shes shing mthong ba ste/ kun dga' bo de tsam gyis na/ mkhas pa skye mched la mkhas pa yin no// btsun pa ji tsam gyis na/ mkhas brten cing 'brel bar 'byung ba la mkhas pa lags/ kun dga' bo mkhas pa ni rten cing 'brel bar 'byung ba 'di nyid lugs bzhin 'byung ba dang lugs las bzlog pa 'di lta ste/ 'di ltar 'di yod pas 'di 'byung / 'di skyes pas 'di skye ste/ 'di ltar ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa reg pa'i rkyen gyis tshor ba/ tshor/ ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag 'byung zhing sdug bsngal gyi phung po chen po 'di 'da' zhig 'byung bar 'gyur ro// 'di lta ste/ 'di med pas 'di mi 'byung / 'di 'gags bas 'di 'gag ste/ 'di ltar ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa
- 149b
'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor ba// 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag 'gag cing sdug bsngal gyi phung po 'di 'ba' zhig 'gag par 'gyur ba dag yang dag pa ji lta ba bzhin shes shing mthong ba yin te/ kun dga' bo ji tsam gyis na/ mkhas pa rten cing 'brel par 'byung ba la mkhas pa yin no/ / btsun pa ji tsam gyis na/ mkhas pa gnas dang gnas ma yin pa la mkhas pa lags/ kun dga' bo mkhas pa ni gnas las gnas dang / gnas ma yin pa las gnas ma yin pa dag yang dag pa ji lta ba bzhin shes shing mthong ba yin no/ / kun dga' bo 'di ni gnas ma yin zhing go skabs med pa ste/ gang lus kyis nyes par spyad pa dang / ngag dang yid kyis nyes par spyad pa'i rnam par smin pa 'dod pa dang / sdug pa dang / dga' ba dang / yid du 'ong ba dag mngon par 'grub par 'gyur
- 150a
ba 'di ni gnas ma yin no/ / 'di ni gnas yin te/ gang lus kyis nyes par spyad pa dang / ngag dang yid kyis nyes par spyad pa'i rnam par smin pa 'dod pa ma yin pa dang / sdug pa ma yin pa dang / dga' ba ma yin pa dang / yid du 'ong ba ma yin pa dag mngon par 'grub par 'gyur ba 'di ni gnas yin no// kun dga' po 'di ni gnas ma yin zhing go skabs med pa ste/ gang lus kyis legs par spyad pa dang / ngag dang yid kyis legs par spyad pa'i rnam par smin pa 'dod pa ma yin pa dang / sdug pa ma yin pa dang / dga' ba ma yin pa dang / yid du 'ong ba ma yin pa dag mngon par 'grub par 'gyur ba 'di ni gnas ma yin no// 'di ni gnas yin te/ gang lus kyis legs par spang ba dang / ngag dang yid kyis legs par spyad pa'i rnam par smin pa 'dod pa dang / sdug pa dang / dga' ba dang / yid du 'ong ba dag mngon par 'grub par 'gyur ba 'di ni gnas yin no/ / gnas ma yin zhing go slabs med pa ni/ gang lus kyis nyes par spyad pa spyad/ ngag dang yid kyis nyes par spyad pa spyad nas/ rgyu de dang rkyen des lus zhig nas/ bde 'gro mtho ris kyi 'jig rten lha rnams kyi nang du skye bar 'gyur ba 'di ni gnas ma yin no// 'di ni gnas yin te/ gang lus kyis nyes
- 150b
napar spyad ba spyad/ ngag dang yin gyis nyes par spyad pa spyad nas/ rgyu de dang rkyen des lus ni gnas shi phan chad ngan song ngan 'gro log par ltung ba sems can dmyal banas nang du skyo bar 'gyur ba 'di ni gnas yin no/ / gnas mtshan ning go skabs med pa ni gang lus kyis legs par spyad pa spyad/ ngag dang yid kyis legs par spyang bsrung nas/ dang rkyen des yul zhig nas/ shi ban chang ngan song ngan 'tshe rnam par ltung ba sems cad dmyal ba dag gi ning du skye bar 'gyur ba 'di ni gnas ma yin no// 'di ni gnos yin te/ gang lus kyis legs par spad pa spyadangag dang yi kyis legs par spyad pa srung nas/ rgyu de dang rkyen des lus zhig nas/ bde 'gro mtho ris kyi 'jig rten lnga rnams kyin nga par 'gyur ba 'di ni gnas yin no/ / gnas ma yin ning go skabs med po ni ya dag par rdzogs pa'i sangs rgyas gnyis 'jig rten du gang sna phyi med par 'byung ba 'di na gnas ma yin / gang gcig 'byung ba 'di ni gnas yin no// gnas ma yin zhing go skabs med pa ni 'khor los sgyur ba garis 'jig rten du gang snga phyi med par 'byung ba 'don gnas ma yin te/ gang gcig 'byung ba 'di ni gnas yin no// gnas ma yin zhing go skabs med pa ni/ gang bud med 'khor los sgyur ba'i rgyal srid dang / brgya byin nyid dang / tshangs pa nyid dang
- 151a
bdud nyid byed par 'gyur ba dang / rang byang chub mngon du byed par 'gyur ba dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba 'di ni gnas ma yin no/ / 'di ni gnas yin te/ skyes pa gang yin pa'o// gnas ma yin zhing go skabs med pa ni gang lta ba phun sum tshogs pa'i gang zag bsams bzhin du pha dang / ma dang / dgra bcom pa gsod par 'gyur ba dang / dge 'dun gyi dbyen byed par 'gyur ba dang / de bzhin gshegs pa la ngan sems kyis khrag 'byin par 'gyur// ba ni gnas ma yin no// 'di ni gnas yin te/ so so'i skye bo gang yin pa'o// gnas ma yin zhing go skabs med pa ni gang lta ba phun sum tshogs pa'i gang zag bsams bzhin du srog chags kyi srog gcod par 'gyur ba dang / bslab pa btang nas nyams pa la 'jug par 'gyur ba dang / 'di las phyi rol pa gzhan dag la yon gnas su tshol bar 'gyur ba dang / 'di las phyi rol pa gzhan dag la ston par lta bar 'gyur ba dang / dge mtshan dang / bkra shis dag gis dag par yid ches par 'gyur ba dang / dge sbyong dang bram ze shes pa dang ldan pade dag shes par bya ba la shes shing ngalta bar bya ba mthong ngo snyam nas/ dge sbyong dang bram ze gzhan dag gi ngor rtog cing ngor lta bar 'gyur ba dang / srid pa brgyad pa mngon par bsgrub par
- 151b
'gyur ba 'dir gnas ma yin no/ / 'di ni gnas yin te/ so so'i skye bo gang yin pa'o// gnas ma yin zhing go skabs med pa ni/ sems kun nas nyon mongs par byed pa dang / shes rab 'am chung bar byed pa dang / rgud pa'i phyogs su gyur pa dang / mya ngan las 'da' bar mi 'gyur ba gang sgrib pa lnga po ma spangs pa ni dran pa nye bar gzhag pa bzhi dag la sems shin tu nye bar bzhag nas gnas par 'gyur ba 'di ni gnas ma yin no/ / 'di ni gnas yin te/ sems kun nas nyon mongs par byed pa dang / shes rab nyam chung bar byed pa dang / rgud pa'i phyogs su gyur pa dang / mya ngan las 'da' bar mi 'gyur ba gang sgrib pa lnga po spangs pas ni/ dran pa nye bar gzhag pa bzhi dag la sems shin tu nye bar bzhag nas gnas par 'gyur ba 'di ni gnas yin no/ / gnas ma yin zhing go skabs med pa ni sems kun nas nyon mongs par byed pa dang / shes rab nyam chung bar byed pa dang / rgud pa'i phyogs su gyur ba dang / mya ngan las 'da' bar mi 'gyur ba gang sgrib pa lnga po ma spangs pas ni/ dran pa nye bar gzhag pa bzhi dag la sems shin tu nye bar bzhag pa na/ byang chub kyi yan lag bdun bsgom pa 'di ni gnas ma yin no/ / 'di ni gnas yin te/ sems kun nas nyon mongs par byed pa dang / shes rab nyam chung bar byed pa dang / rgud pa'i phyogs su gyur
- 152a
pa dang / mya ngan las 'da' bar mi 'gyur ba grang sgrib pa lnga po spangs pas ni/ dran pa nye bar gzhag pa bzhi dgal sems shin tu nye bar bzhag nas gnas pa na byang chub kyi yan lag bdun sgom par 'gyur ba 'di ni gnas yin no/ / gnas ma yin zhing ko skabs med pa ni/ sems kun nas nyon mongs par byed pa dang / shes rab nyam chu bar byed pa dang / rgung pa'i phyogs su gyur pa dang / mya ngan las 'das par mi 'gyur ba gang sgrib pa lnga po ma spangs pas ni/ dran pa nye bar gzhag pa bzhi dag la sems shin tu nye bar bzhag nas gnas pa na/ byang chub kyi yan lag bdun sgom ste/ rang byang chub mngon du byed par 'gyur ba dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba 'di ni gnas ma yin no/ / 'di ni gnas yin te/ sems kun nas nyon mongs par byed pa dang / shes rab nyam chung bar byed pa dang / rgung pa'i phyogs su gyur pa dang / mya ngan las 'da' bar mi 'gyur ba gang sgrib pa lnga po spangs pas ni/ dran pa nye bar gzhag pa bzhi dag la sems shin tu nye bar bzhag nas gnas pa nA/ byang chub kyi yan lag sgom ste/ rang byang chub mngon du byed par 'gyur ba dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba 'di ni gnas yin te/
- 152b
kun dga' bo de tsam gyis ni mkhas pa gnas dang gnas ma yin pa la mkhas pa yin no// btsun pa chos kyi rnam grangs 'di'i ming ci lags/ 'di ji ltar gzung bar bgyi kun dga' bo de'i phyir chos kyi rnam grangs 'di ni le'u bzhi pa zhes bya bar yang zung zhig/ chos kyi me long zhes bya bar yang zung zhig/ bdud rtsi'i rnga bo che zhes bya bar yang zung zhig/ khams mang po pa zhes bya bar yang zung zhig/ de bas na khams mang po zhes bya ba ni/ chos kyi rnam grangs 'di'i tshig bla dgas yin no// khams mang po zhes bya ba'i mdo rdzogs so// // rgya gar skad du/ Ar+ya ta thA ga ta pra ti bi ma ba/ pra tiSh+Tha a ru shang sa/ sam brna nA ma d+harma bar+ya ya/ bod skad du/ 'phags pa de bzhin gshegs pa'i gzugs brnyan bzhag pa'i phan yon yang dag par brjod pa zhes bya ba'i chos kyi rnam grangs thams cad mkhyen pa la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe dge slong rab tu mang po dag ci rim gro'i gnas su lhags te 'dus nas bar skabs der gtam 'di lta bu zhig glengs so/ / khyed cag bram ze'am/ khyim bdag dad pa can thos pa 'dzin pa/ thos pa bsags pa
- 153a
dge ba ji ltar bya zhes tshol ba/ de bzhin gshegs pa'i gzugs brnyan bya bar spro bar bskyed pa dag snang la/ de dag gal te bdag cag gi drung du lhags nas btsun pa dag de bzhin gshegs pa'i gzugs brnyan bgyid pa'i gang zag sbyin pa po la/ phan yon ji tsam zhig mchis par rig par bgyi zhes rmed na/ de bzhin gshegs pa'i/ gzugs brnyan bgyid pa la phan yon ji tsam zhig yod pa bdag cag gis mi shes te/ de'i tshe de dag la bdag cag gis ji ltar chos dang mthun par lan gdab par bya/ gang don 'di dag nyid ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas thams cad mkhyen pa/ thams cad gzigs pa/ the tsom thams cad gcod par mdzad pa/ ston pa de la bdag gis zhu'o// 'on tang bcom ldan 'das de bdag cag la lung ston par mdzad de/ bdag cag gis de bzhin bzung nas/ bram ze dang khyim bdag dad pa can rnams la rgya cher phye ste lan gdab par bya'o zhes bgros so/ / de nas dge slong rab tu mang po dag bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'khod do/ / phyogs gcig tu 'khod nas dge slong mang po dag gis bcom ldan 'das la 'di skad ces gsol to// btsun pa bdag cag dge slong
- 153b
rab tu mang po dag rim gro'i gnas der lhags te 'dus pa dang / bar der bka' mchid 'di lta bu zhig glengs te khyed cag la bram ze'am/ khyim bdag dad pa can thos pa 'dzin pa thos pa bsogs pa/ dge ba ji ltar bgyi zhes tshol ba de bzhin gshegs pa'i gzugs brnyan bgyi bar spro ba skyes pa dag gda' la/ de dag gal te bdag cag gi drung du mchis nas bgyid pa la phan yon ji tsam zhig mchis pa bdag cag gis ma 'tshal na/ de'i tshe de dag la bdag cag gis ji ltar chos dang mthun par lan gdab par bgyi/ gang don de dag nyid ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas thams cad mkhyen pa/ thams cad gzigs pa/ the tsom thams cad gcod par mdzad pa/ ston pa de la bdag cag gis zhu bar bgyi'o// 'on tang bcom ldan 'das de bdag cag la lung ston par mdzad de/ bdag cag gis de bzhin bzung nas/ bram ze dang khyim bdag dad pa can rnams la rgya cher bye ste/ lan gdab par bgyi'o snyam bgyid do// btsun pa bcom ldan 'das don de bdag nyid bdag cag zhu zhing mchis na/ btsun pa de
- 154a
bzhin gshegs pa'i gzugs brnyan bgyid pa'i gang zag sbyin pa po la phan yon ji tsam zhig mchis par rig par bgyi/ dge slong dag khyed skye bo mang po la phan pa dang / skye bo mang po la bde ba dang / 'jig rte la snying brtse ba dang / lha dang mi rnams la phan pa dang bde ba'i phyir zhugs te/ khyed gang de bzhin gshegs pa dgra bcom pa yang dag par rdzogs pa'i sangs rgyas la don 'di dag nyid zhu bar sems pa le gA so legs so/ / dge slong dag de'i phyir legs par rab tu nyon la yid la zung zhig dang bstan par bya'o// dge slong dag de bzhin gshegs pa'i gzugs brnyan byed pa'i gang zag sbyin pa po la phan yon 'di lnga yod de/ lnga gang zhe na/ gzhal med khang chen por gnas pa dang / bong sded bzang por grags pa dang / spro ba mang ba dang / tshe ring ba dang / grags pa dang ldan pa dang / bde ba mang ba ste/ dge slong dag 'di ni de bzhin gshegs pa'i gzugs brnyan byed pa'i gang zag sbyin ba po'i phan yon dang po yin no/ / gzhan yang phyug pa dang / nor mang ba dang / longs spyod che ba dang / nor rdzas dang / yo byad mang ba dang / bdag dbang ba bdag gir bya ba mang ba dang / nor dang / 'bru dang / dbyig dang / gser dang / mdzod dang / bang ba'i tshogs mang ba dang / rta dang / glang po che dang / ba glang dang / lug dang /
- 154b
bran dang / bran mo dang / las byed pa dang / zho shas 'tsho ba mang ba dang / blon po dang / mdza' bshes dang / gnyen dang / snag gi gnyen mtshams mang por 'gyur te/ dge slong dag 'di ni de bzhin gshegs pa'i gzugs brnyan byed pa'i gang zag sbyin pa po'i phan yon gnyis pa yin no// dge slong dag gzhan yang gzugs bzang ba dang / blta na sdug pa dang mdzes pa dang / mdog gser ltar bzang ba dang / mgo gdugs ltar zlom pa dang / lag pa ring ba dang / dpral ba dbyes che ba dang / smin mtshams bar ma chad pa dang / yan lag nying lag thams cad dang ldan pa dang / rgyan thams cad kyis brgyan par 'gyur te/ dge slong dag 'di ni de bzhin gshegs pa'i gzugs brnyan byed pa'i gang zag sbyin pa po'i phan yon gsum pa yin no/ / dge slong dag gzhan yang 'khor los sgyur ba'i rgyal po 'khor bzang po rin po che sna bdun dang ldan pa dang / bu stong gis bskor bar 'gyur te/ de'i bu 'am/ chung ma 'am bran nam/ nye bar 'tsho ba gang yin pa de dag thams cad de la gus par nyan pa dang / bka' nyan par byed de/ dge slong dag 'di ni de bzhin gshegs pa'i gzugs brnyan byed pa'i gang zag sbyin pa po'i phan yon bzhi pa yin no/ / dge slong dag gzhan yang de lus dang bral na/ bde 'gro mtho ris kyi 'jig rten lha rnams kyi nang du skye bar 'gyur te/ der skyes nas
- 155a
lha'i rgyal po khyad par can lha dang / lha'i bu dang / lha'i bu mo rnams kyi rten du 'gyur la/ gnas bcu po lha'i tshe dang / lha'i mdog dang / lha'i stobs dang lha'i bde ba dang / lha'i dbang phyug la dbang byed pa dang / lha'i gzugs dang / sgra dang / dri dang / ro dang / reg bya rnams kyis dga' bar byed de/ dge slong dag 'di ni de bzhin gshegs pa'i gzugs brnyan byed pa'i gang zag sbyin pa po'i phan yon lnga pa yin no/ / bcom ldan 'das kyis de skad ces bka' stsal pa dang / dge slong de dag bcom ldan 'das kyis gsungs pa la yi rangs te mngon par bstod do/ / 'phags pa de bzhin gshegs pa'i gzugs brnyan bzhag pa'i phan yon yang dag par bstan pa zhes bya ba'i chos kyi rnam grangs rdzogs so/ / rgya gar gyi mkhan po d+harma kar dang / lo tsA ba ban+de ye shes snying pos bsgyur/ ban+de dpal brtsegs kyis zhu chen bgyis te gtan la phab pa/ rgya gar skad du/ Ar+ya bud+d+ha a nr-i s+thi ti/ bod skad du/ 'phags pa sangs rgyas rjes su dran pa/ sangs rgyas dang byang chub sems dpa' thams cad la phyag 'tshal lo/ / 'di ltar bcom ldan 'das de ni/ de bzhin gshegs pa dgra bcom pa yang dag par rdzogs pa'i sangs rgyas de/ rig pa dang zhabs su
- 155b
ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sbyar ba/ bla na med pa/ lha dang mi rnams kyi ston pa sangs rgyas bcom ldan 'das so// de bzhin gshegs pa de ni/ bsod nams dag gi rgyu 'thun pa/ dge ba'i rtsa ba rnams chud mi za ba/ bzod pas brgyan pa/ bsod nams kyi gter rnams kyi gzhi dpe byad bzang po rnams kyis spras pa/ mtshan rnams kyi me tog rgyas pa/ spyod yul ran par 'thun pa/ mthong na mi mthun pa med pa/ dad pas mos pa rnams dga' ba/ shes rab zil gyis mi non pa/ stobs rnams la brdzi ba med pa/ sems can thams cad kyi ston pa/ byang chub sems dpa' rnams kyi yab/ 'phags pa'i gang zag rnams kyi rgyal po/ mya ngan las 'das pa'i grong khyer du 'gro ba rnams kyi dedang dpon ye shes dpag tu med pa/ spobs pa bsam gyis mi khyab pa/ gsung rnam par dag pa/ dbyangs snyan pa/ sku byang blta bas chog mi shes sku mtshungs pa med pa/ 'dod pa dag gis ma gos pa/ gzugs dag gis nye bar ma gos pa/ gzugs med pa dag dang ma 'dres pa/ phung po dag las rnam par grol ba/ khams rnams dang mi ldan pa dang / skye mched rnams bsdams pa/ mdud pa rnams shin tu bcad pa/ yongs su gdung ba dag las rnam par grol ba/ sred pa las shin tu grol ba
- 156a
chu bo las brgal ba/ ye shes yongs su rdzogs pa/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi ye shes la gnas pa/ mya ngan las 'das pa la mi gnas pa/ yang dag pa nyid kyi mtha' la gnas pa// sems can thams cad la gzugs pa'i sa la bzhugs te/ 'di dag ni de bzhin gshegs pa'i yang dag pa'i phye ba'i yon tan yin no/ / sangs rgyas rjes su dran pa rdzogs so// rgya gar skad du/ Ar+ya sarba d+harma pra brid ti ni ring sha nA ma ma hA yA na sU tra/ bod skad du/ 'phags pa chos thams cad 'byung ba med par bstan pa zhes bya ba theg pa chen po'i mdo// // bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab kyi bya rgod phung po'i ri la/ dge slong lnga brgya tsam gyi dge slong gi dge 'dun chen po dang thabs cig tu bzhugs te/ byang chub sems dpa' stong phrag bcu gnyis 'dus pa yang 'di lta ste/ byang chub sems dpa' sems dpa' chen po bkod pa rab tu brgyan pa dang / byang chub sems dpa' sems dpa' chen po seng ge'i rtsal gyis 'gro ba dang / byang chub sems dpa' sems dpa' chen po 'od zer thogs pa med pas
- 156b
shin tu sbyangs pa'i 'od kyi gzi brjid 'bar ba dang / byang chub sems dpa' sems dpa' chen po ri rab zom la rnam par spyod pa'i rgyal po dang / byang chub sems dpa' sems dpa' chen po dga' bas rab tu 'dzum pa'i 'od dri ma med pa dang / byang chub sems dpa' sems dpa' chen po nyi ma'i 'od zil gyis gnon pa'i 'od 'phro dang / byang chub sems dpa' sems dpa' chen po go 'phang dam pa dri ma med pa thob pa dang / byang chub sems dpa' sems dpa' chen po gzi brjid 'gro ba la 'phro ba'i pad+mo rab tu rgyas pa'i lus dang / byang chub sems dpa' sems dpa' chen po tshangs pa'i sgra dbyangs kyi skad sgrogs pa dang / byang chub sems dpa' sems dpa' chen po seng ge'i rgyal po 'gro bar rnam par rol pa'i blo gros dang / byang chub sems dpa' sems dpa' chen po gser mdog gzi brjid dri ma med par rnam par dag pa dang / byang chub sems dpa' sems dpa' chen po reg na 'jam zhing gzhon pa'i lus dang byang chub sems dpa' sems dpa' chen po gser gyi rgyan ltar mtshan rab tu rgyas pa'i lus dang / byang chub sems dpa' sems dpa' chen po 'od zer bcus bdud rab tu/ 'dul ba dang / byang chub sems dpa' sems dpa' chen po spyod lam zhi bas nye bar zhi bar 'gro ba dang / byang chub sems dpa' sems dpa' chen po gzugs 'dzin
- 157a
mngon par 'phags pa'i rgyal po dang / byang chub sems dpa' sems dpa' chen po lha'i sgra dbyangs skad sgrog dang / byang chub sems dpa' sems dpa' chen po thams cad la dbang phyug gi dbang gi rtsal gyis spyod pa dang / byang chub sems dpa' sems dpa' chen po gzi brjid dri ma med pa'i lus dang / byang chub sems dpa' sems dpa' chen po 'jam dpal gzhon nur gyur pa dang / de dag la sogs pa byang chub sems dpa' stong phrag dgu bcu rtsa gnyis dang yang thabs cig go// de nas byang chub sems dpa' sems dpa' chen po seng ge'i rtsal gyis 'gro bas/ byang chub sems dpa'i tshogs de lta bu de mthong nas/ stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ tshigs su bcad de zhu ba zhus pa/ gso med srog med bdag med chos kyi rnams// mgon po mtha' yas grags mangs bshad du gsol// 'khor 'di 'di 'dra dam pa mchog lags te// zhi ba rtag zhi rtag tu nye bar ni/ / lta ba'i rnam pa ji ltar byang chub lags// khro dang phrag dog nga rgyal bral ba dang // 'dod chags dngos bral ji ltar byang chub lags// mgon po mtha' yas grags mangs
- 157b
bshad du gsol/ / skyon bral thar pa gang la ma mchis pa'i// 'du byed khams kyang ji ltar byang chub lags// ji ltar chos rnams gnyis su ma mchis pa// rgyal ba thugs rje mnga' bas bshad du gsol/ / chos rnams shin tu rnam par grol gyur cing // mya ngan 'das dang grol mnyam ji ltar lags// chags pa ma chags nam mkha'i tshul 'dra zhing // 'ching bar mi 'gyur gang lags mgon pos gsungs// ka la bidi tshangs pa lha yi gsung // 'od la dri med gser gyi mdog mnga' ba// yid 'ong 'od gsal yon tan mtsho mnga' bas// chos nyid rtag par tshul gcig bka' stsal gsol// sgrib pa ji ltar byang chub mnyam pa lags// byang chub rang bzhin ji ltar chos rnams lags// chos dang chos min ji ltar 'dra ba lags// de gnyis ji ltar nam mkha' mtshungs pa lags// chos rnams grangs dang bgrang ba ma mchis shing // zhing dang mnyam par de dag ji ltar 'gyur// skyon bral byang chub de la ma mchis shing // de la kun mkhyen ma mchis ji ltar lags// bgyis dang bgyid dang bgyi ba'i rang bzhin dang // gzung dang 'dzin pa nam mkha' ma mchis la// sems can rnams kyang rtag par ma mchis shing de la chos spyod ji ltar ma mchis 'gyur/ / de yi tshul khrims bzod pa ma mchis shing // tshul khrims 'chal pa'ang de la ma mchis la// bsam gtan shes rab de la ma
- 158a
mchis shing / / rtogs dang ma rtogs ma mchis ji ltar lags// chos rnams dri med dag pa ji ltar lags// nam mkha' 'dra zhing ci la'ang ma lags la/ nam yang sems kyi rang bzhin mi dmigs shing // chos rnams sems med ji ltar lags par 'gyur// yongs su shes bgyi ji ltar ma mchis shing // sgom dang mngon gyi mchis pa ma lags la/ / gang du'ang de la spang ba ma mchis pas// sems can ji ltar nam mkha'i dbyings 'dra lags// gang la chos nyid gcig gi tshul gyur pa// de la rang bzhin nam yang ma mchis/ la/ skye ba nam yang de la ma mchis pa'i// chos kyi tshul ni mgon pos bshad du gsol// de la slob dang dgra bcom ma mchis te// rang rgyal ji ltar mchis pa ma lags shing // byang chub tshol ba'i chos kyang ma mchis la/ / song dang 'ongs pa ma mchis ji ltar lags// gang la gnas dang rten pa ma mchis shing // 'ong dang 'gro ba dag kyang ma mchis la// chos rnams 'gro dang 'ong dang bral bas na/ / ri bzhin mi g.yo brtan gnas ji ltar lags// de la ji ltar 'du shes gzugs ma mchis// gzugs kyi rang bzhin ji ltar byang chub lags// gzugs dang byang chub ji ltar gnyis ma mchis/ / dri med mchog mnga' rgyal bas de dag gsungs// sangs rgyas gang la ma mchis chos dag dang // dge 'dun gang la ma mchis de slad du// sangs
- 158b
rgyas chos dang dge 'dun mchog gi rnams/ / de dag gcig gi tshul du ji ltar 'gyur// gang la stong dang mtshan nyid ma mchis shing // 'du dang bral ba de la ma mchis la// chos rnams ming dang ming med bral ba ste/ / sgra brjod brag cha 'dra ba ji ltar lags// skye dang skye med gang la ma mchis shing // gang la skyon bral mya ngan 'das pa dang // 'khor ba dag kyang de la ma mchis pas/ / chos rnams thams cad tshul ni ji ltar 'gyur// lha dang klu dag de la ma mchis shing // gnod sbyin mi 'am ci dang 'dre dag dang // sems can dmyal ba de la ma mchis shing / / ji ltar de la sems can lam ma mchis// mgon pos chos rnams gang gsungs tshul dag dang // sdig pa'i blo can mu stegs gang smra ba// de dag gnyis su ma mchis ji ltar lags/ / yi ge kun la gcig tu 'jug par ji ltar 'gyur// de nas bcom ldan 'das kyis byang chub sems dpa' sems dpa' chen po seng ge'i rtsal gyis 'gro ba la legs so zhes bya ba gnang ste/ rigs kyi bu legs so legs so// khyod kyis ji tsam du 'jig rten thams cad kyis yid ches par dka' ba'i dri ba 'di dris pa ngo mtshar che'o// rigs kyi bu chog mod/ khyod kyis 'di dris pas ci zhig bya/ 'di ni byang chub sems dpa' las dang po pa/ stong pa nyid kyi lta ba can/ mtshan ma med pa'i lta ba can/ smon pa med pa'i lta
- 159a
ba can/ skye ba med pa'i lta ba can/ dngos po med pa'i lta ba can/ mtshan nyid med pa'i lta ba can/ sangs rgyas kyi lta ba can/ byang chub kyi lta ba cam/ ngag gi gnas ma yin no// rigs kyi bu chos bstan pa 'di ni byang chub sems dpa' las dang po pa'i mdun du mi brjod do// de ci'i phyir zhe na/ de ni nga'i dge ba'i rtsa ba rnams thams cad kyi thams cad du rgyun 'chang du 'ong ngo / / sangs rgyas kyi byang chub las kyang nyams par 'gyur sringad ngo // rtag pa'am chad par yang lhung du 'ong ngo // de bzhin gshegs pas kyang ci las dgongs te chos bstan mi shes srid do/ / de skad ces bka' stsal pa dang / byang chub sems dpa' sems dpa' chen po seng ge'i rtsal gyis 'gro bas/ bcom ldan 'das la 'di skad ces gsol to/ / bcom ldan 'das bshad du gsol/ ma 'ongs pa'i dus na byang chub sems dpa' stong pa nyid kyi lta ba can/ mtshan ma ma mchis pa'i lta ba can smon pa ma mchis pa'i lta ba can/ skye ba ma mchis pa'i lta ba can/ mtshan nyid ma mchis pa'i lta ba can/ sangs rgyas kyi lta ba can/ byang chub kyi lta ba can dag 'byung bar 'gyur ba dang / gang yang stong pa nyid dang / mtshan ma mchis pa la rtog pa dang / smra ba la dga' ba dang / smra ba'i tshig la chags pa dang / yi ges dag par 'dzin pa dang
- 159b
tshig gi las la gzhol ba dang / legs par brjod pa ces par 'dzin pa dang / ming gces par 'dzin pa gang 'byung bar 'gyur ba de dag gis de bzhin gshegs pas chos bstan pa// yi ge ma mchis shing tshig dang bral ba 'di thos na/ lta ba de dag spong zhing ji ltar mos pa'i sems can rnams la de ltar mos pa'i chos ston par 'gyur ro// de dag thabs mkhas pa la bslabs pas 'dod pa chung ba'i tshig rgyud kyang brjod la/ las nges dag par yang mi sems/ cho ga 'tshal ba'i tshig gi rgyud kyang brjod la/ des dag par yang mi sems sdom pa'i tshig gi rgyud kyang brjod la/ des dag par yang mi sems/ 'du 'dzi'i mi bsngags pa yang brjod la/ las thams cad rab tu dbyen par yang mos par 'gyur ro// gcig pur dga' ba dang / 'du 'dzim mchis pa'i bsngags pa yang brjod la/ des dag par yang mi sems/ byang chub sems kyi bsngags pa yang brjod la/ sems kyi rang bzhin yang byang chub tu 'tshal bar 'gyur/ shin tu rgyas pa'i mdo rnams kyi bsngags pa yang brjod la/ chos thams cad shin tu rgyas par yang 'tshal bar 'gyur/ byang chub sems dpa'i tshig gi rgyud kyang brjod la/ nyan thos dang / rang rgyal ba dang / sangs rgyas rnams tha dad par yang mi lta/ sbyin pa'i bsngags pa yang brjod la/ sbyin
- 160a
pa'i mnyam pa nyid kyang de dag gis rtogs par 'gyur/ tshul khrims kyi bsngags pa yang brjod la/ rang bzhin gyi tshul khrims kyang de dag gis rtogs par 'gyur/ bzod pa'i bsngags pa yang brjod la/ chos thams cad kyi zad pa'i chos dang / byang ba'i chos dang / mi skye ba'i chos nyid kyang de dag gis shin tu mthong bar 'gyur brtson 'grus kyi bsngags pa yang brjod la/ chos thams cad rtsol ba ma mchis pa dang / rtsom pa ma mchis par yang rab tu rtogs par 'gyur/ bsam gtan dang snyoms par 'jug pa rnams kyi sgo bye ba khrag khrig brgya stong gis mngon par bsgrubs pa yang ston la/ chos thams cad rang bzhin gyis mnyam par gzhag par yang 'tshal bar 'gyur/ shes rab kyi bsngags pa rnam pa stong yang brjod la/ shes rab dang shes rab 'chal pa'i rang bzhin yang de dag gis shin tu rig par 'gyur/ 'dod chags kyi skyon yang ston la/ chos gang yang 'dod chags par mi mthong / zhe sdang gi skyon yang ston la/ chos gang yang zhe sdang bar mi mthong / gti mug gi skyon yang ston la/ chos thams cad gti mug gi sgrib pa dang bral bar yang mos par 'gyur/ sems can rnams la sems can dmyal ba dang / byol song gi skye gnas dang / gshin rje'i 'jig rten du 'chi ba'i 'jigs pa yang ston
- 160b
la sems can dmyal ba dang / byol song gi skye gnas dang / gshin rje'i 'jig rten kyang mi dmigs te/ de dag sems can ji ltar mos pa dag la/ de ltar mos pa'i chos ston cing gang 'di stong pa nyid la mos par tshul gcig pa la mos par 'gyur/ de bzhin du mtshan ma ma mchis pa la mos pa dang / smon pa ma mchis pa la mos pa dang / skye ba ma mchis pa la mos pa dang / dngos po ma mchis pa la mos pa dang / mtshan nyid ma mchis pa la mos par tshul gcig par mos par 'gyur na/ bcom ldan 'das de'i slad du thabs mkhas pa'i tshig dang / nyan thos dang / rang sangs rgyas rnams dang / theg pa la gsar du zhugs pa'i byang chub sems dpa' sems dpa' chen po rnams kyis ma lags shing gzhan du na zab mo la mos pa dang / tshul gcig pa la mos pa'i yul du 'gyur ba'i thabs mkhas pa'i tshig de dag bshad du gsol/ de skad ces gsol ba dang / bcom ldan 'das kyis byang chub sems dpa' sems dpa' chen po seng ge'i rtsal gyis 'gro ba la 'di skad ces bka' stsal to// rigs kyi bu de bas na legs par shin tu nyon la yid la zung zhig dang / don 'di ngas khyod la bshad do// bcom ldan 'das de ltar bgyi'o zhes/ byang chub sems dpa' sems dpa' chen po seng ge'i rtsal gyis 'gro bas/ bcom ldan 'das
- 161a
ci ltar mnyan pa dang / bcom ldan 'das kyis de'i tshe tshogs su bcad pa 'di dag bka' stsal to// 'dod chags ni sdang 'khrug pa med tshul du/ gang zhig bya chub mchog tu 'tshang rgyab/ / 'dod pas chos kun 'dod chags rang bzhin zhes// de ltar shes na de ni rgyal bar 'gyur// 'dod chags mi dmigs de bzhin zhe sdang dang // gti mug 'a la nam yang mi dmigs te/ / chos rnams kun kyang nam mkha' 'dra ba zhes// de ltar gang shes de ni rgyal bar 'gyur// lha dang lha med gnyis ka tshul gcig ste// mnyam dang mi mnyam de bzhin mnyam pa yin/ / sangs rgyas med cing chos dang dge 'dun med// de ltar sras shes de ni mkhas pa yin// skyes bu la la ji ltar rmi lam na// byang chub sangs rgyas 'a pa 'dul rmis na/ / de la byang chub yod min sems can med// de 'dri'i dngos nyid chos 'di thams cad do// byang chub phyir zhugs gang yang ma brnyes te// gang zhig ma brnyes nam yang de mi brnyes/ / rig dang ma rig gnyis ka tshul gcig ste// de ltar shes pa de ni rgyal bar 'gyur// sems can rang bzhin byang chub nyid du gsung // byang chub rang bzhin sems can thams cad de/ / sems can rnams dang byang chub gnyis ma yin// de ltar shes na skyes bu'i mchog tu 'gyur// ji ltar skyes bu sgyum brlabs pa yis// sgyum rnam mang gzugs dag
- 161b
sprul byas na/ / snang ba yin yang de la gang yang med// rnam par rmongs pa'i sems can rnam par bgrang // 'dod chags zhe sdang rtag par mnyam pa ste// gti mug sgyu ma gnyis kyang rtag par mnyam/ / byis pa bdag cag zhe sdang rmongs shes sems// gti mug de dag ngan 'gror 'dong bar 'gyur// gang la 'dod chags zhe sdang gnyis med cing // gti mug gang la nam yang med pas na/ / chos nyid sgyu 'dra rnam par brtag byas shing // byis pa rnams ni nyon mongs med kyang gdungs// gang la nyon mongs sems can med pa dang // sangs rgyas nam yang yod pa ma yin pa/ / ma skyes chos shes rnam par brtags byas shing // bdag cag sangs rgyas 'gyur zhes byis pa smra// sangs rgyas yod min sangs rgyas chos med de// nam yang sems can med par sus mthong zhing // nam mkha' 'dra bar chos nyid sus shes na// de ni myur du skyes bu gtso bor 'gyur// byang chub su 'dod de la byang chub med// sa dang gnam ltar byang chub mchog las ring / / sgyu 'drar chos nyid gang gis shes gyur pa// de ni myur du sangs rgyas thob par 'gyur// su zhig tshul khrims rnam rtog de la ni// tshul khrims med de mthong na tshul khrims min/ / tshul khrims 'tshal dang tshul khrims mtshan nyid gcig/ de ltar shes na de ni mgon por 'gyur// ji ltar skyes bu la la rmi lam na/
- 162a
'dod la spyod pa dga' ba myong ba'i nyams// gti mug rmongs pas bud med rnam par brtags// de na bud med gang yang yod pa min// tshul khrims 'chal nga tshul khrims byis pa rnams/ / rmongs pas yang dag ma yin yongs su brtags// de la tshul khrims 'chal med tshul khrims med// de ltar shes na de ni mgon por 'gyur// sgra yi// / rang bzhin yongs su mi shes pas// byis pa'i blo can 'di dag ming la chags// gang gis ming de ming med shes gyur na// de ni bzod pa'i spobs mchog thob par 'gyur// byang chub dam 'cha' sems can mang ba ste/ / de dag tshig gis gzhan la de skad rjod// tshig gis ngag 'dzin nan tan yod pa min// de dag byang chub kun nas khebs par gnas// spyod lam dag dang 'khrul la chags gyur cing / / tshig dang smra bar dga' zhing mi mkhas te// chos kyi rang bzhin yongs su ma shes na// tshig gis dag pas byang chub 'tshang mi rgya// stong nyid chos dag yongs su rjod byed cing / / cod la dga' zhing 'thab pas sdang ba'i sems// srog med ngan sems byed pa de dag la// sangs rgyas chos dang byang chub ga la yod// ngan sems bzod gnyis tshul gcig rang bzhin zhes/ / de ltar shes pas byas shing khro ba spang // sems can rang bzhin yongs mi shes pas// byis pa'i blo can khro bskyed par byed/
- 162b
sems can thams cad bdag la dben pa ste// rgyal ba sems can 'grel 'gyur smon ces zer// de dag glengs pa tsam gyis khro 'gyur zhing // zhe sdang 'chad pas de dag tshig mi ster/ 'thab la dga' zhing nyes pa tshol byed la// bzod pa'i bsngags pa'ang rtag par de dag brjod// chos rnams thams cad stong pa nyid ces smra// nga rgyal khengs pas 'khrul pa rjes su rtog/ zas la chags shing ma rig mun pas 'chings// nyin mtshan dag tu 'dod pa'i yon tan sems// de dag lhas dang grong khyer grong song zhing // sems can mang po yongs su dgrol zhes zer/ / 'gro ba kun la snying rje bdag la yod// 'jig rten kun la phan sems de bzhin te// de dag zhe sdang sems kyis de lta bu'i// chos nyid 'tshe ba'i tshul can rjod par byed/ / 'tshe ba snying rje gcig dang 'dus pa ni// nam yang yod par ma mthong ma thos te// phan tshun khro bar byed dang ldan gyur cing // tshad med tshe yi zhing du smon pa byed/ / gang+gA'i klung gi bye ma ji snyed par// brdeg cing spyo sar thob pa'i gnas yod kyi// bzod pa yongs su ma shes ma bsgoms pa// rgyal ba de dag zhing du de mi 'gro// zhing rnams zhing min gang gis shes gyur cing // zhing rnams thams cad nam mkha'i rang bzhin zhes// gang gi yon tan rlom sems gang med pa// skyes bu khyu mchog zhing du de 'gro'o//
- 163a
thams cad nyes byas bdag gis bzod par bya// rgyal ba'i sras la smyon par sems shes smra// ston pa'i 'du shes can lnga khro yod pa// ras ni mas yang ma mthong ma thos so/ / bslang ba'i grong dang mdza' ba'i grong chags shing // gcig la gcig ni spyod pa sun yang 'byin// 'di ni bdag gis smin bya'i skal yin gyis// su yang der ma 'gro zhes de dag zer/ / bdag dang 'dra ba de 'dra gang yang med// de la spyod pa rnam dag med ces zer// mi mkhas de ni byang chub thob mi 'gyur// de la don du 'gyur ba'ang gang yang med/ / nyin par lan gsum mtshan yang de bzhin te// byang chub sems dpa' gang la spyi bos 'thung // de dag 'khrul pa gang labang rtag mi bya// rtag par spyod pa ci bder spyod du tshud/ / 'dod pa'i yon tan dga' bar spyod mthong na// de yi 'khrul pa gang yang brtag mi bya// byang chub spyod pa mtha' yas yon tan gyis// de yang ma'o dus na byang chub thob/ / lan cig kho nar rgyal bar 'gyur ba min// rigs pa'i rim dang bya ba'i rim gyis 'thob// bskal pa bye ba khrag khrig grangs mang du// go cha bgos pas thob kyi gzhan du min/ / rtog dang rnam rtog 'dod chags med pa ste// ngas kyang byang chub 'dod chags 'dra ba thob// nyon mongs yod min de dag yong mi 'gyur// de ltar yid ches bzod pa dam
- 163b
pa thob/ / yi ge med pa'i chos la zhugs gyur cing // sgra rnams thams cad sla med blta bar bya// gang zhig de 'dra'i chos la yid ches pa// de la 'dod chags zhe sdang gti mug med// 'dod chags byang chub lhag chad med par mnyam// de gnyis yi ge med par rtog par gyis// de ni gnyis ka'i ming tsam byung ba ste// gang zhig yi ger brjod pa de la ci yang med// sgra rnams thams cad sgra gcig rab shes na/ / sna tshogs su ni nam yang 'gyur ba med// nga yis gang bshad mu stegs de dag 'chang// de dag 'di 'dra'i chos nyid shes ma yin// chos rnams 'di dag skad kyi sgras brjod do/ / chos dang sgra ni de la dmigs pa med// chos nyid tshul gcig de la rab zhugs na// bzod pa bla med mchog ni thob par 'gyur// khro dang bzod dang 'dod pa'i yon tan dang / / mi bzod mi rtog rnam par mi brtag ste// mi skye de ltar rab tu shes gyur na// skyon med sems can mchog tu de dag 'gyur// lho byang shar nub phyogs rnams thams cad kyi/ / gang+gA'i klung gi bye ma ji snyed pa// skyes bul las de blangs 'bru re nas// phyogs gcig zhing der rab tu dgod byas te// zhing rnams ji snyed byung bde dag kun/ / rgyal ba rnams la rin chen bkang byas te// bskal pa bye ba mang por phul ba bas// mdo sde 'di dag bsod nams ches kyang mang // de la bsod nams grangs med
- 164a
'phel bar 'gyur/ / byang chub don gnyer 'di la rab byung ba// de dag la ni mdo sde 'di gtad de// de dag bzod pa dam pa myur du thob// mtha' yas sgo yi mde 'di su ston pa/ / de la gzungs rnams mi ring nye bar gnas// mdo sde bye ba khrag khrig des thob ste// spobs dang blo rno'i nan tan thob par 'gyur// tshig la thogs pa'ang phye bas shes par 'gyur/ / so so yang dag rig kyang myur du thob// sangs rgyas mtha' yas spobs pa'i sbyin pa mdzad// rnam pa mang por mdo sde mang po ston// tshul 'di gang gis shes/ gyur de dag ni// rang gis mdo sde mang po dran par 'gyur// zhing gi dam pa dag tu'ang de dag 'gro// song nas mgon po dag la mchod par byed// de nas bcom ldan 'das la// byang chub sems dpa' seng ge'i rtsal gyis 'gro bas 'di skad ces gsol to/ / bcom ldan 'das tshigs su bcad pa bstan pa 'di thos pas/ sems can ji snyed cig gi don bgyis par 'gyur/ bka' stsal pa/ rigs kyi bu khyod kyis 'khor gyi dkyil 'khor 'di mthong ngam/ gsol pa/ bcom ldan 'das mthong ngo // bcom ldan 'das chos bstan pa 'di'i tshe/ sems can grangs ma mchis pa 'dus par gyur te/ bcom ldan 'das steng gi bar snang yang lha dang / klu dang / gnod sbyin dang / dri za dang / lha ma yin dang
- 164b
nam mkha' lding dang / mi 'am ci dang / lto 'phye chen pos ma gtam pa ma mchis so// bcom ldan 'das 'jig rten gyi khams gzhan nas kyang / sems can mang pos chos 'di bstan pa thos so/ / de skad ces gsol pa dang / bcom ldan 'das kyis/ byang chub sems dpa' sems dpa' chen po seng ge'i rtsal gyis 'gro ba la 'di skad ces bka' stsal to/ / rigs kyi bu chos bstan pa 'di bstan pa'i tshe/ lha'i bu stong phrag dgu bcu rtsa brgyad kyis mi skye ba'i chos la bzod pa rab tu thob bo// gnod sbyin stong phrag dgu bcu rtsa gnyis kyis bla na med pa yang dag par rdzogs pa'i byang chub tu sems bskyed do/ / klu stong phrag sum cu rtsa drug byang chub tu sems bskyed par gyur to// dge slong mngon pa'i nga rgyal can ma thob pa la thob par 'du shes pa lnga brgyas mngon pa'i nga rgyal med pa'i chos bstan pa 'di thos nas/ chos thams cad ni tshul gcig go zhes bya bar yid ches par gyur te/ bar len pa med par zag pa las sems rnam par grol lo// byang chub sems dpa'i tshogs 'di'i nang nas kyang / byang chub sems dpa' stong phrag drug cu rtsa gnyis kyis chos thams cad sgrib pa med par khong du chud nas/ mi skye ba'i chos la bzod pa rab tu thob bo// de ci'i phyir zhe na/ rigs kyi bu chos bstan pa 'di ni phul du byang ba ste/ rigs kyi bu ngas
- 165a
kyang sngon de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi drung du chos thams cad ni tshul gcig pa'o zhes bya bar khong du/ chud par gyur nas/ de'i 'og tu ngas mi skye ba'i chos la bzod pa thob bo// rigs kyi bu pha rol tu phyin pa drug po thams cad thob pa dang / chos bstan pa 'di thos par mtshungs te/ rigs kyi bu tshul 'di rtogs na byang chub sems dpa' sems dpa' chen po rnams kyi pha rol tu phyin pa drug yongs su rdzogs par 'gyur bar ngas bshad do// de ci'i phyir na/ rigs kyi su gal te byang chub sems dpa' bsal pa kad+hA'i klung gi bye ma snyed du sbyin pa gyi/ tshul khrims bsrungs/ bzod pa bsgrubs/ brtson 'grus ba/ bsam gtan la mnyam par bzhag/ shes rab yang dag par blangs te gnas kyang / chos kyi tshul 'di ma shes na/ dge ba'i rtsa ba de dag thams cad phyir zad par 'gyur ro/ / rigs kyi bu lha sbyin dge ba'i rtsa ba de lta bu dang ldan par gyur pa la ltos/ rigs kyi bu lha sbyin ni mi chen po'i mtshan sum cu rtsa gnyis dang ldan par gyur to// de lta bu'i dge ba'i rtsa ba dang ldan pa de yang tshul 'di ma shes pa sa/ dge ba'i rtsa ba de dag thams cad yongs chad nas/ mnar med pa'i sems can dmyal ba chen por
- 165b
skyes te/ rigs kyi bu rnam grangs nges kyang / ji ltar chos kyi tshul 'di khong du ma chud pa rnams kyi dge ba'i rtsa ba chang bar 'gyur bar rig par bya'o// rigs kyi bu sngon 'das pa'i dus bskal pa grangs med pa/ shin tu bgrang ba las 'das pa/ tshad med pa/ langs pa/ gzhal du med pa/ de'i pha rol de'i yang pha rol gcig gi dus na/ de bzhin gshegs pa dgra bcom pa yang dag par rdzogs pa'i sangs rgyas ri rab ltar mngon par 'phags pa'i rgyal po zhes bya ba rig pa dang rkang par ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das 'jig rten du byung ste/ de bzhin gshegs pa de'i sgyu tshe'i tshad na/ lo bye ba khrag khrig brgya stong dgu bcu rtsa dgur gyur to// 'jig rten gyi khams de'i ming ni gso mdog gi 'od 'phro ba zhes bya bar gyur to/ / sangs rgyas kyi zhing de ni gser gyi rgyu las grub par gyur to// sems can rnams kyang gang 'di nyan thos kyi theg pa dang / rang sangs rgyas kyi theg pa dang / byang chub sems dpa'i theg pa dang / theg pa gsum po 'di nyid kyis mya ngan las 'da' bar gyur te/ de bzhin gshegs pa de'i nyan thos kyi tshogs dang po
- 166a
/ ni dge slong bye ba khrag khrig brgya stong phrag brgyad cu thams cad kyang dgra bcom pa/ zag pa zad pa/ khur bor ba/ rang gi don rjes su thob pa/ srid par kun tu sbyor ba yongs su zad pa/ bka' yang dag pas sems shin tu rnam par grol ba sha stag gi tshogs su gyur to// tshogs gnyis pa ni dge slong bye ba khrag khrig brgya stong bdun cu'i tshogs su gyur to/ / tshogs gsum pa ni dge slong bye ba khrag khrag drug cu'i tshog su gyur to// tshogs bzhi pa ni dge slong bye ba khrag khrig brgya stong phrag lnga bcu thams cad kyang dgra bcom pa/ zag pa zad pa/ khur bor ba/ rang gi don rjes su thob pa/ srid par kun tu sbyor ba yongs su zad pa/ bka' yang dag pas sems shin tu rnam par grol ba sha stag gi tshogs su gyur to/ / dge slong ma'i tshogs ni de'i nyis 'gyur du gyur to// dge bsnyen gyi tshogs dang / dge bsnyen ma'i tshegs kyang de'i nyis 'gyur/ nyis 'gyur du gyur to// byang chub sems dpa'i tshogs kyang de'i nyis 'gyur du gyur te/ thams cad kyang phyir mi ldog pa/ mi skye ba'i chos la bzod pa dang ldan pa'i ting nge 'dzin gyi tshul mngon par bsgrubs pa la mkhas pa/ sgo mtha' yas pa'i gzungs rab tu thob pa/ phyir mi ldog pa'i chos kyi 'khor lo bskor ba sha stag tshogs su gyur na/
- 166b
byang chub sems dpa' theg pa la gsar du zhugs pa rnams kyi tshogs lta smos kyang ci dgos te/ der ni rang sangs rgyas kyi theg pa yang tshad med par gyur to// rigs kyi bu de ltar de'i tshe/ / bcom ldan 'das de'i 'khor gyi tsho ga ni tshad med pa 'dus par gyur to// 'jig rten gyi khams gser gyi mdog 'od 'phro ba der shing ngam/ ldum bu gang ci lo pa de dag thams cad kyang rin po che'i rgyu las grub par gyur te/ shing de dag las kyang 'di lta bu'i sgra gang 'di stong pa nyid kyi sgra dang // mtshan ma med pa'i sgra dang / smon pa med pa'i sgra dang / skye ba med pa'i sgra dang / 'gag pa med pa'i sgra dang / dngos po med pa'i sgra dang / mtshan nyid med pa'i sgra dang / de lta bu'i sgra dag byang bar gyur te sgra de dag byung bas sems can de dag gi sems rnam par grol bar gyur to/ / de bzhin gshegs pa de yongs su mya ngan las 'das nas/ lo stong du dag pa'o chos gnas par gyur te/ de phyin chad sgra de dag kyang shing de dag las 'byung ba med par gyur to// rigs kyi bu de bzhin gshegs pa dgra bcom pa yang dag par rdzogs pa'i sangs rgyas ri rab ltar mngon par 'phags pa'i rgyal po de yang / dge slong chos smra ba spyod pa rnam par dag pa zhes bya ba/ dam pa'i chos yongs su 'dzin par bskos nas/ yongs su
- 167a
mya ngan las 'das par gyur to/ / de'i dge slong spyod pa'i blo gros zhes bya ba zhig kyang byung ste/ de ni tshul khrims kyi phung po shin tu rnam par dag pa dang ldan zhing / 'jig rten pa'i mngon par shes pa lnga thob par gyur te/ 'dul ba'i sde snod la'ang shin tu byang bar gyur to// dge slong de ni dka' thub kyi mchog dang ldan/ ngan ngon la mos pa 'khor gyi nang na spyod pa ste/ des gtsug lag khang gcig brtsigs nas/ de na gnas shing de'i 'khor du gyur pa rnams kyang / tshul khrims kyi phung po shin tu dag pa la bkod par gyur te/ sbyangs pa'i yon tan sdom pa la mos par gyur to// dge slong de ni brtson 'grus brtsams shing rtag par byang chub kyi sems la gnas par gyur to// byang chub sems dpa' gzhan dag kyang spyod lam de nyid la yang dag par bskul te/ dmigs pa can gyi lta bar yang dag par bskul to// nges 'du byed thams cad mi rtag pa zhes bya bar 'dzin du btsud / / 'du byed thams cad sdug bsngal zhes bya bar 'dzin du btsud do// 'du byed thams cad bdag med pa zhes bya bar 'dzin du btsud do// dge slong de ni ting nge 'dzin la mkhas par gyur to/ / byang chub sems dpa'i spyod pa la mkhas pa ma yin zhing / dge slong rtsa ba dang ldan par gyur to// dge slong chos smra ba spyod pa rnam par dag
- 167b
ba de ni/ sems can rnams kyi dbang po mchog dang / tha ma shes pa la mkhas par gyur te/ de'i 'khor du gyur pa ji snyed pa de dag kyang sbyangs pa'i yon tan gyi sdom pa lhur len par gyur te/ mi dmigs pa'i bzod pa can thams cad la mkhas pa dag tu gyur to// rigs kyi bu de nas chos smra ba spyod pa rnam par dag pa 'khor dang bcas te/ dge slo spyod pa'i blo gros gang na gnas pa'i gtsug lag khang der phyin nas/ de na gnas par gyur te/ de gtsug lag khang de nas yang dang yang sems can la snying brtse ba'i phyir grong du 'gro zhing de dag tu zas kyi bya ba byas nas phyir 'ongs par gyur to/ / des de dag tu rigs brgya stong du ma dad pas byas par gyur to// de'i 'khor ji snyed pa de dag kyang tshul la mkhas par gyur te/ de dag kyang de dag tu dong zhing sems can rnams la chos ston te/ de dag gis kyang srog chags brgya stong mang po bla na med pa yang dag par rdzogs pa'i byang chub tu bkod par gyur to/ / dge slong spyod pa'i blo gros kyi 'khor de dag ni bsam gtan lhur len cing / grong dag tu yang 'khor bar yang mi 'dong ngo // de nas dge slong spyod pa'i blo gros kyis/ byang chub sems dpa' gzhan dag la ma dad pa'i sems bskyed nas/ des gaN+DI brdungs te/ dge slong gi dge 'dun bsdus na dam tshig byas pa/ bdag
- 168a
cag gi nang nas su yang rung ste/ sus kyang grong du 'gro bar mi bya'o// khyed ni shes bzhin med par spyod pa yin te/ nyung ngu smra ba ma yin gyis/ khyed grong du 'ong bas kyang ci zhig bya ste/ dgon pa la gnas pa ni/ bcom ldan 'das kyis gnang zhing bsngags pa yin gyis/ khyed grong du ma 'dong bar bsam gtan gyi bde/ bas rnam par spyod cig ces bsgo'o// de dag gis de zer bltar ma mnyan te/ yang grong dag tu 'dong bar gyur to// rigs kyi bu de nas dge slong de dag nam grong nas phyir 'ongs par gyur pa de'i tshe/ dge slong spyod pa'i blo gros kyis yang gaN+DI brdungs nas/ dge slong gi dge 'dun bsdus te/ 'di skad du gal te nga phan chad khyed grong du 'dong dang / khyed gtsug lag khang 'dir ma gnas shig ces bsgo'o/ / rigs kyi bu de nas dge slong chos smra ba spyod pa rnam par dag pas/ dge slong de'i sems bsrung ba'i phyir rang gi 'khor rnams bos te/ 'di skad du khyed grong du su yang ma 'dong zhig ces smras so// de nas de'i tshe dge slong de dag gis sems can gang ji snyed cig smin par bya ba de dag kyang / dge slong de dag dang ma sprad pas shin tu mi dga' bar yang gyur/ dge ba'i rtsa ba yongs su 'gribs par gyur to// rigs kyi bu de nas dge slong chos smra ba spongad pa rnam par dag pa zla ba gsum po de dag
- 168b
/ 'das nas/ gtsug lag khang de nas gtsug lag khang gzhan du 'phos nas/ grong dang / grong khyer dang / ljongs dang / yul dang / rgyal po'i pho brang 'khor dag tu 'gro zhing / sems can dag la chos ston par gyur to// rigs kyi bu de nas dge slong spyod pa'i blo gros kyis/ chos smra ba spyod pa rnam par dag pa yang dang yang grong du 'gro ba yang mthong de'i 'khor du spyod lam tha mal pa can du mthong nas/ des yang de la ma ngang ba'i sems bskyed par gyur te/ dge slong 'di ni tshul khrims 'chal pa can/ tshul khrims log pa can te 'dir byang chub ga la thob/ dge slong 'di'i byang chub ni rgyang ring ngo // dge slong 'di ni'i 'du 'dzar gnas pa'o zhes 'gro ba mang po dag la de skad brjod do// rigs kyi bu de nas dus gzhan zhig na dge slong spyod pa'i blo gros de 'chi ba'i dus byas par gyur nas/ de de ltar 'chi ba'i dus byas pa dang / las de'i rnam par smin pas mnar med pa'i sems can dmyal ba chen por ltung ngo / / de bskal pa bye ba stong phrag dgu bcu rtsa dgur sems can dmyal ba chen por sdug bsngal gyi tshor ba myong bar gyur nas/ tshe rabs drug cur mi snyan par brjod pa thob par gyur to/ / tshe rabs stong phrag sum cu rtsa gnyis su rab tu byung ba las phyir babs par gyur to// las kyi sgrib pa de nyid kyi lhag mas/ de bzhin gshegs pa dgra bcom pa yang
- 169a
dag par rdzogs pa'i sangs rgyas 'od 'phro dri ma med pa'i gsung rab la rab tu byung bar gyur to/ / de rab tu byung nas de'i tshe lo bye ba brgya stong phrag drug cu mgo'i thod la me 'bar ba ltar rnam par spyad kyang 'thun pa'i bzod pa tsam yang ma thob ste/ tshe rabs brgya stong mang por dbang po rtul por gyur to// rigs kyi bu de'i tshe de'i dus ra/ dge slong chos smra ba spyod pa rnam par dag pa zhes bya ba de gzhan zhig yin par sems na/ de ltar mi blta ste/ de ci'i phyir zhe na/ de bzhin gshegs pa mi bsgral ba ni de'i tshe de'i dusan dge slong chos smra ba spyod pa rnam par dag pa zhes bya bar gyur to/ / rigs kyi bu de'i tshe de'i dus na dge slong chos smra ba spyod pa'i blo gros zhes bya ba de gzhan zhig yin pa snyam du sems nade ltar mi blta ste/ de ci'i phyir zhe na/ nga ni dge slong chos smra ba spyod pa'i blo gros zhes bya bar gyur to// nga yang de lta bu'i thabs phra mo de la ma dad pa'i sems bskyed de las kyi sgrib pa mngon par 'dus byas pas/ sems can dmyal ba dag tu ltung bar gyur te/ rigs kyi bu de ltar phra ba ni las kyi sgrib pa yin gyis/ rigs kyi bu su las kyi sgrib pa de lta bu mi 'dod pa de dag gis gzhan gyi spyod pa la khong khro bar mi bya'o/ / de'i spyod pa thams cad la yid ches par bya'o// 'di snyam du pha rol gyi sems ni bdag gis mi shes te/
- 169b
sems can gyi spyod pa ni shes par dka' 'o snyam du sems bskyed par bya'o// don gyi dbang de gzigs nas de bzhin gshegs pas 'di skad du chos bstan te/ gang zag gis gang zag la tshod gzung bar mi bya'o/ / gang zag gis gang zag la tshod bzung na rma 'byung bar 'gyur te/ nga'am gzhan yang nga dang 'dra ba dag gis gang zag la tshong gzung ngo // rigs kyi bu su bdag bsrung bar 'dod pa des gzhan su'i spyod pa la'ang brtag pa mi bya ste/ de dag la 'di ni 'di 'dra'o// 'di ni 'di 'dra'i zhes dpya bar mi bya'o// nyin mtshan du sangs rgyas kyi chos la brtson par bya'o/ / rigs kyi bu chos la bsgoms pa'i yid kyis bsam pa thag pa nas yang dag par zhugs pa'i byang chub sems dpa' ni/ gzhan la dpya bar brtson par mi gnas so/ / rigs kyi bu gal te stong gsum gyi stong chen po'i 'jig rten gyi khams na/ sems can gang ji snyed cig de dag thams cad byang chub sems dpa' la la zhig gis dge ba bcu'i las kyi lam la bkod pa bas/ byang chub sems dpa' gang gcig pu dben par 'dug ste/ chung ngu na se gol gtogs pa tsam du'ang chos thams cad tshul gcig par yid ches shing / tha na chung ngu bri'am/ dpyad pa 'am/ lung 'bog pa 'am/ kha ton bya ba'i phyir gnas na/ 'di ni de bas ches
- 170a
bsod nams mang du 'phel lo/ / de ci'i phyir zhe na/ rigs kyi bu tshul 'di khong du chud bas/ byang chub sems dpa' rnams kyi sgrib pa thams cad rnam par dag pa thob bo/ / sems can thams cad la chags pa dang / khong khro ba dang bral bar 'gyur ro// rnam pa thams cad mkhyen pa'ang myur du thob par 'gyur ro// de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das las kyi sgrib pa rnam par dag pa zhes bgyi ba ji tsam gyis na/ las kyi sgrib pa rnam par dag par 'gyur/ bcom ldan 'das kyi bka' stsal pa/ 'jam dpal byang chub sems dpa' gang chos thams cad las med cing rnam par smin pa med par shes pab des las kyi sgrib pa rnam par dag pa thob bo/ / 'jam dpal gzhan yang byang chub sems dpa' gang gis 'dod chags kyi mtha' yang dag pa'i mthar mthong ba dang / zhe sdang gi mtha' yang dag pa'i mthar mthong ba dang / gti mug gi mtha' yang dag pa'i mthar mthong ba des/ las kyi sgrib pa rnam par dag pa thob bo// 'jam dpal gzhan yang byang chub sems dpa' gang gis sems can thams cad dang / chos thams cad mya ngan las 'das pa'i dbyings su mthong ba des/ las kyi sgrib pa rnam par dag pa thob bo// 'ja
- 170b
dpal de ci'i phyir zhe na/ lta ba yod na las mngon par 'du byed par 'gyur te/ 'jam dpal byis pa zos pa med pa so so'i skye bo ni chos thams shin tu yongs su mya ngan las 'das par mi shes pas/ bdag dang gzhan du dmigs so// dmigs nas lus dang / ngag dang / yid kyi las rnam pa gsum mngon par 'du byed de/ de yang dag pa ma yin par spro 'dogs pas/ bdag ni 'dod chags so// bdag ni zhe sdang ngo // bdag ni gti mug go zhes rnam par rtog go// gal te de bzhin gshegs pa'i bstan pa la rab tu byung na de 'di snyam du bdag ni tshul khrims dang ldan pa'o/ / bdag ni tshangs par spyod pa'o// bdag gis ni 'khor ba las yang dag par 'da' bar bya'o// bdag gis ni mya ngan las 'das pa thob par bya'o/ / bdag gis ni sdug bsngal las rnam par grol ba thob par bya'o snyam du sems shing / de yang dag pa ma yin par sgro 'dogs pas chos 'di dag ni dge ba'o// chos 'di dag ni mi dge ba'o/ / chos 'di dag ni yongs su shes par bya'o// chos 'di dag ni spang bar bya'o// chos 'di dag ni mngon du bya'o// chos 'di dag ni bsgom par bya'o// sdug bsngal ni shes par bya'o/ / kun 'byung ba ni spang bar bya'o// 'gog pa ni mngon du bya'o// lam ni bsgom par bya'o zhes rnam par rtog go// de 'du byed thams cad ni mi rtag pa'o// 'du byed
- 171a
thams cad ni sdug bsngal ba'o/ / 'du byed thams cad ni kun nas 'bar ba'o// ci nas kyang bdag ni 'du byed rnams las 'bros par bya'o snyam du rnam par rtog go// de de ltar rtog pa'i tshe/ skyo ba dang ldan pa'i 'du shes yid la byed pa mtshan ma mngon du btang ba dag 'byung ste/ de 'di snyam du gang 'di chos rnams yongs su shes pa de ni sdug bsngal yongs su shes pa'o/ / de 'di snyam du ci nas kyang bdag gis kun 'byung ba spang bar bya'o zhes de chos thams cad la ngo mi mtho zhing khrel bar sems/ 'jigs pa dang / rab tu 'jigs pa dang / yongs su 'jigs pa bskyed cing / de 'di snyam du gang 'di chos de dag las ngo tsha bar gyur pa de ni kun 'byung ba spang ba'o snyam du sems so// de 'di snyam du ci nas kyang bdag gis 'gog pa mngon du bya'o snyam nas/ de chos de dag rnam par brtags nas/ de'i 'og tu de dag 'gog par 'du shes shing / de 'di snyam du gang chos rnams mngon du bya ba de ni 'gog pa yin no snyam mo/ / de 'di snyam du ci nas kyang bdag gis lam bsgom par bya'o snyam ste/ de gcig pu dben par song nas/ chos de dag yid la byas pas mi gnas thob ste/ de'i skyo ba dang ldan pa'i yid la bya ba de dang / zhi gnas thob pa des/ chos thams cad las sems rab tu zhum par 'gyur/ sems rab tu 'gong par
- 171b
'gyur/ sems phyir ldog par 'gyur zhing ngo mi mtho ste/ ngo tsha la rnam par smod de/ mngon par dga' ba med pa skyed do// de 'di snyam du bdag ni sdug bsngal thams cad las grol ba ste/ bdag gis de las gong du bya ba gzhan med do// bdag ni dgra bcom pa yin no zhes dam 'cha' 'o// de 'chi ba'i dus la bab pa'i tshe/ bdag skye bar 'gyur bar mthong nas/ sangs rgyas kyi byang chub la nem nur dang / the tsom du 'gyur te/ de the tsom du lhung ba'i sems kyis dus byas nas/ sems can dmyal ba chen po dag tu skyes te/ de yang ma skyes pa'i chos rnam par brtags pa'i phyir ro/ / 'phags pa chos thams cad 'byung ba med pa zhes bya ba theg pa chen po'i mdo// / bam po gnyis pa/ de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das 'phags pa'i bden pa bzhi po rnam ji ltar blta bar bgyi/ bcom ldan 'das kyis bka' stsal pa/ 'jam dpal gang gis 'du byed thams cad ma skyes par mthong ba des/ sdug bsngal yongs su shes so// gang gis chos thams cad 'byung ba med par mthong ba des/ kun 'byung ba rab tu spangs so// gang gis chos thams cad shin tu mya ngan las 'das par mthong ba des/ 'gog pa
- 172a
mngon du byas so/ / gang gis chos rnam pas cad dngos po med par mthong ba des/ lam bsgoms so// 'jam dpal gang gis 'phags pa'i bden pa bzhi de ltar mthong ba de ni/ chos 'di dag ni dge ba'o/ / chos 'di dag ni mi dge ba'o// chos 'di dag ni yongs su shes par bya'o// chos 'di dag ni spang bar bya'o// chos 'di dag ni mngon du bya'o// chos 'di dag ni bsgom par bya'o// sdug bsngal ni yongs su shes par bya'o/ / kun 'byung ba ni spang bar bya'o// 'gog pa ni mngon du bya'o// lam ni bsgom par bya'o zhes mi rtog rnam par mi rtog go// de ci'i phyir zhe na/ chos gang dag la byis pa so so'i skye bo dag 'dod chags dang / zhe sdang dang / ga/ mug par 'gyur ba'i chos de dag gis ma skyes pa dang / med pa dang / nor ba dang / yongs su brtags pa dang / yongs su bskyed par mthong ba'i phyir te/ de chos gang yang mi len mi 'dor ro// de'i sems khams gsum pa la chags pa med de/ khams gsum pa thams cad ma skyes pa dang / sgyu ma lta bu dang / rmi lam lta bu dang / brag cha lta bu dang / mig yor lta bur yang dag par mthong ngo // des dge ba dang / mi dge ba'i chos thams cad smig rgyu// lta bur mthong ste/ des 'dod chags kyi khams mya ngan las 'das pa'i dbyings su mthong ngo // de bzhin du zhe sdang gi khams dang / tig mug gi khams mya ngan las 'das pa'i dbyings su mthong ngo // des chos rnams de lta/ bu'i rang bzhin du mthong bas/ sems can thams cad la chags pa dang / khong khro ba med par 'gyur ro// de ci'i phyir zhe na/ des gang la chags par bya ba dang / khong khro bar bya ba de lta bu'i chos mi dmigs so// de nam mkha'
- 172b
dang mnyam pa'i sems kyi sangs rgyas kyang yang dag par rjes su mi mthong / chos dang dge 'dun yang dag par rjes su mi mthong ngo // de chos thams cad yang dag par rjes su mi mthong bas/ chos gang la yang the tsom mi skyed de/ the tsom med pas nye bar len pa med do/ / nye bar len pa med pas/ nye bar len pa med par yongs su mya ngan las 'das te/ 'jam dpal de lta bu'i chos shes pas gnas brtan rab 'byor de bzhin gshegs pa'i zhabs la phyag 'tshal du mi 'ong ngo / / de ci'i phyir zhe na/ bdag nyid kyang mi dmigs na/ de bzhin gshegs pa dmigs pa lta smos su ga la yod de/ de ni gnas med do// de nas bcom ldan 'das la/ 'jam dpal gzhon nur gyur pas 'di skad ces gsol to/ / bcom ldan 'das dran pa nye bar gzhag pa bzhi rnams ji ltar blta bar bgyi/ bcom ldan 'das kyis bka' stsal pa/ 'jam dpal ma 'ongs pa'i dus na dge slong dag 'byung ste/ de dag mi sdug pa'i rnam pas lus la lus kyi rjes su lta ba'i dran pa nye bar gzhag pa ston to// skye ba dang 'gag pa'i rnam pas tshor ba la tshor ba'i rjes su lta ba'i dran pa nye bar gzhag pa ston to// sems skye ba dang / 'gag pa'i chos can du blta'o zhes sems la sems kyis rjes su lta ba'i dran pa nye bar gzhag pa ston to// gang ril po'i 'du shes med pa de la chos kyi 'du shes med do zhes chos la chos kyi rjes su lta ba'i dran pa nye bar gzhag pa ston to/ 3/ de skad ces bka' stsal pa dang / bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das 'o na dran pa nye bar gzhag pa
- 173a
bzhi rnams ji ltar blta bar bgyi/ bcom ldan 'das kyis bka' stsal pa/ 'jam dpal chog mod/ de bzhin gshegs pa rnam kyi ldem po ngag ni shes par dka' 'o// 'jam dpal gyis gsol pa/ bcom ldan 'das 'on kyang dran pa nye bar gzhag pa bsgom pa bstan du gsol/ bcom ldan 'das kyis bka' stsal pa/ 'jam dpal gang gis lus nam mkha' dang mnyam par mthong na/ ni lus la lus kyi rjes su lta ba'i dran pa nye bar gzhag pa'o// 'jam dpal gang gis tshor ba nang dang / phyi dang / gnyis ka med par yang mi dmigs na/ de ni tshor ba la tshor ba'i rjes su lta ba'i dran pa nye bar gzhag pa'o/ / 'jam dpal gang gis sems ming tsam du shes na/ de ni sems la sems kyi rjes su lta ba'i dran pa nye bar gzhag pa'o/ 7/ 'jam dpal gang gis dge ba dang mi dge ba'i chos ma dmigs na/ de ni chos la chos kyi rjes su lta ba'i dran pa nye bar gzhag pa'o// / 'jam dpal dran pa nye bar gzhag pa bzhi ni de ltar blta'o// 'jam dpal gyis gsol pa/ bcom ldan 'das dbang po lnga rnams ji ltar blta bar bgyi/ bcom ldan 'das kyis bka' stsal pa/ 'jam dpal gang gis chos thams cad rang bzhin gyis ma byung ba'i phyir ma skyes par mthong na/ de ni dad pa'i dbang po'o// 'jam dang la gang gis nyeba'am/ ring ba'i 'du shes dang bral ba'i phyir chos thams cad la sems mi gtong na/ de ni brtson 'grus kyi dbang po'o// / 'jam dpal gang dmigs pa dang bral ba'i phyir chos thams cad yid la mi byed cing /
- 173b
dran pa la mi 'dogs na de ni dran pa'i dbang po'o/ 4/ 'jam dpal gang chos thams cad la mi sems pa 'di ni ting nge 'dzin gyi dbang po'o// 'jam dpal gang gis chos thams cad skye ba dang 'jig pa dang bral zhing / shes pa dang mi shes pa dang bral ba ste/ rang bzhin gyis stong par mthong na/ de ni shes rab kyi dbang po'o// 'jam dpal dbang po lnga dag ni de ltar blta'o// 'jam dpal gyis gsol pa/ bcom ldan 'das byang chub kyi yan lag bdun rnams ji ltar blta bar bgyi/ bcom ldan 'das kyis bka' stsal pa/ 'jam dpal gang gis chos thams cad rang bzhin med cing / yid la byar med par mthong ba 'di ni dran pa yang dag byang chub kyi yan lag go/ / 'jam dpal gang gis dge ba dang / mi dge ba dang / lung du ma bstan par rab tu phye ste brtags na/ yongs su ma grub pas chos thams cad mi dmigs pa 'di ni/ chos rab tu 'byed pa yang dag byang chub kyi yan lag go/ / 'jam dpal gang gis khams kyi 'du shes shin tu rig pa'i phyir/ khams gsum pa mi len mi 'dor ba 'di ni brtson 'grus yang dag byang chub kyi yan lag go/ 'jam dpal gang gis dga' ba dang / mi dga' ba shin tu rtog pa'i phyir 'du byed thams cad la dga' ba mi skyed pa 'di ni dga' ba yang dag byang chub kyi yan lag go/ 5/ 'jam dpal gang gis dmigs pa'i dngos po ma dmigs te/ chos thams cad la sems bag yangs su gyur pa 'di ni bag yangs yang dag byang chub kyi yan lag go// 'jam dpal gang gis chos thams cad rnam par bsgom pa rjes su rtogs pas/ sems mi
- 174a
dmigs pa 'di ni ting nge 'dzin yang dag byang chub kyi yan lag go/ 6/ gang chos thams cad la mi gnas mi rten la chags par mi 'gyur/ shes par mi 'gyur zhing chos thams cad yang dag par rjes su ma mthong bas/ btang snyoms su gnas pa 'di ni btang snyoms yang dag byang chub kyi yan lag go// 'jam dpal byang chub kyi yan lag bdun ni de ltar blta'o// 'jam dpal gyis gsol pa bcom ldan 'das 'phags pa'i lam yan lag brgyad pa ji ltar blta bar bgyi/ bcom ldan 'das kyis bka' stsal pa/ 'jam dpal gang gis chos thams cad mi mnyam pa med cing gnyis su med de gnyis su byur med par mthong ba 'di ni yang dag pa'i lta ba'o/ / 'jam dpal gang gis chos thams cad mthong ba med pa'i tshul gyis brtag tu med cing rnam par brtag tu med la/ yongs su brtag tu med par mthong ba 'di ni yang dag pa'i rtog pa'o/ / 'jam dpal gang gis brjod du med pa mnyam pa nyid shin bsgom pa'i phyir/ chos thams cad brjod du med par mthong ba 'di ni yang dag pa'i ngag go// / 'jam dpal gang gis byed pa mi dmigs pa'i phyir/ chos thams cad bya ba med cing // byed pa med par mthong ba 'di ni yang dag pa'i las kyi mtha'a'o// 'jam dpal gang 'tsho ba mnyam pa nyid la gnas pa'i phyir/ chos thams cad mi sogs mi 'bri ba 'di ni yang dag pa'i 'tsho ba'o/ / 'jam dpal gang rtsol ba med cing / sgrub pa med pa'i tshul gyis chos thams cad yongs su sgrub pa med pa 'di ni yang dag pa'i rtsol ba'o//
- 174b
'jam dpal dran pa'i las kyis dben pa'i phyir/ chos thams cad yid la mi byed cing dran pa med pa 'di ni yang dag pa'i dran pa'o// 'jam dpal gang chos thams cad mi dmigs pa'i phyir/ rang bzhin gyis mnyam par gzhag cing / 'khrug pa med la dmigs pa med par mthong ba 'di ni yang dag pa'i ting nge 'dzin to// 'jam dpa la 'phags pa'i lam yan lag brgyad pa ni de ltar blta ste/ 'jam dpal la las 'phags pa'i bden pa bzhi de ltar shes shing / dran pa nye bar gzhag pa bzhi dang / dbang po lnga dang / byang chub kyi yan lag bdun dang / 'phags pa'i lam yan lag brgyad pa de ltar mthong ba de ni ngan pa brgal ba/ pha rol tu phyin pa/ thang la gnas pa/ bde bar gyur pa/ mi 'jigs pa rnyed pa/ khur bor ba/ rdul sprugs pa/ ci dang yang bral ba/ nyon mongs pa med pa/ dgra bcom pa/ dge sbyong / bram ze khrus byas pa/ mthar phyin pa/ gtsang ba/ shAkya'i bu/ sangs rgyas kyi sras/ tsher ma phyung ba/ 'obs bor ba/ 'obs las brgal ba/ gsal shing phyung ba/ rims dang bral ba/ dge slong 'phags pa/ rgyal mtshan rdzogs pa zhes brjod do// 'jam dpal de lta bu'i bzod pa dang ldan pa'i dge slong ni 'jig rten lha dang bcas pa'i sbyin pa'i gnas yin te/ de la thob pa dang / bkur sti thams cad kyang 'os so/ / 'jam dpal de lta bas na dge slong yul gyi zas don yod par bza' bar 'dod pa dang / bdud gdul bar 'dod pa dang / 'khor ba las 'da' bar 'dod pa dang / mya ngan las
- 175a
'da' ba thob par 'dod pa dang / sdug bsngal las bral bar 'dod pa dang / 'jig rten lha dang bcas pa'i sbyin pa'i gnas su 'gyur bar 'dod pa dang / chos de dag la de ltar brtson par bya'o/ / chos kyi rnam grangs 'di bstan pa'i tshe/ lha'i bu stong phrag sum cu rtsa gnyis kyis chos mngon par rtogs pa thos par gyur nas/ de dag gis bcom ldan 'das dang / 'jam dpal gzhon nur gyur pa la/ me tog man da ra ba mang pos mngon par gtor nas 'di skad ces smras so// bcom ldan 'das gang gis cung zad bstan pa 'di rna lam du grag pa tsam du thos kyang / de dag ni de bzhin gshegs pa'i bstan pa la legs par rab tu byung ba lags na/ gang gis thos te mos shing yid ches par 'gyur ba dang / de bzhin du nan tan du bgyid pa lta smos kyang ci 'tshal te/ bcom ldan 'das gang gis bstan pa 'di tha na chung ngu na rna lam du grag pa tsam du thos kyang / de dag ni mngon pa'i nga rgyal ma mchis par 'gyur ro// de nas bcom ldan 'das la/ 'jam dpal gzhon nur gyur pas 'di skad ces gsol to/ / bcom ldan 'das de bzhin gshegs pas gzungs kyi tshig gang gis byang chub sems dpa' rnams thogs pa ma mchis pa'i spobs pa thob par 'gyur zhing / sgra gang gis kyang 'jigs par mi 'gyur ba dang / chos thams cad sangs rgyas kyi chos dang sbyor bar 'gyur ba dang / chos thams cad tshul gcig par rtogs par 'gyur ba de lta bu'i gzungs kyi tshul gyi tshig bka' stsal du gsol/
- 175b
de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ce bka' stsal to// 'jam dpal de bas na chos kyi sgo gang gis/ byang chub sems dpa' chos thams cad la snang ba thob par 'gyur zhing myur du mi skye ba'i chos la bzod pa thob par 'gyur ba'i phur pa'i tshig dang / sa bon gyi tshig bstan pa zhes bya ba'i chos kyi sgo 'di nyon cig/ 'jam dpal phur pa'i tshig dang / sa bon gyi tshig bstan pa zhes bya ba'i chos kyi sgo de yang gang zhe na/ 'jam dpal sems can thams cad sems gcig pa'o zhes bya ba 'di ni sa bon gyi tshig go// gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni dmigs pa mi dmigs pa'i phyir sems med pa ste/ de'i phyir de ni sa bon gyi tshig go// 'jam dpal sems can thams cad ni 'gyur ba gcig go zhes bya ba ni sa bon gyi tshig go/ / gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni chags pa med par gzhol ba ste/ nam mkha' 'gyur ba yin pas de'i phyir de ni sa bon gyi tshig go// 'jam dpal sems can thams cad ni/ sems can gcig pa'o zhes bya ba 'di ni sa bon gyi tshig go/ / gsol pa/ bcom ldan 'das ci'i slad du de sa bon gyi tshog ces bgyi/ bcom ldan 'das kyis bka' stsal pa/ 'jam dpal sems can thams cad ni ma skyes
- 176a
shin tu ma skyes shing ming med pa la/ lam gcig pa dmigs su med pas gcig tu bstan pa ste/ de'i phyir de ni sa bon gyi tshig go// 'jam dpal 'dod chags zhes bya ba 'di ni phur pa'i tshig go/ / gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal 'dod chags ni mi gnas pa'i tshul gyis chos kyi dbyings la gnas te/ mi g.yo mi 'gul zhing rang bzhin gyis dben pa ste/ g.yo ba med pas de'i phyir de ni phur pa'i tshig go// 'jam dpal zhe sdang zhes bya ba de ni rdo rje'i tshig go// gsol pa/ bcom ldan 'das ci'i slad du de rdo rje'i tshig ces bgyi/ bcom ldan 'das kyis bka' stsal pa/ 'jam dpal zhe sdang ni dbyer med pa ste/ 'di ltar dper na/ 'jam dpal rdo rje ni mi phyeng mi shigs pa'o// 'jam dpal de bzhin du chos thams cad ni dngos po ma grub pa'i phyir bshig tu med cing dbyer med pa ste/ de'i phyir 'di ni rdo rje'i tshig go// 'jam dpal gti mug ces bya ba ni ye shes kyi tshig go// gsol pa/ bcom ldan 'das ci'i slad du ye shes kyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni ye shes kyis grub cing mi shes pa dang bral ba ste/ 'di ltar dper na/ 'jam dpal nam mkha' ni shes pa dang ldan pa yang ma yin/ mi shes pa dang ldan pa yang ma yin no// 'jam dpal de bzhin du chos thams cad ni shes pa dang ldan pa yang ma
- 176b
yin/ mi shes pa dang ldan pa yang ma yin/ shes par bya ba'i rang bzhin shin tu zhi ba'i phyir/ shes pa yang ma yin/ mi shes pa yang ma yin te/ de'i phyir ye shes kyi tshig ces bya'o// 'jam dpal gzugs zhes bya ba 'di ni phur pa'i tshig go// gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal 'di lta ste dper na/ dbang po'i phur pa ni rab tu gnas pa'i phyir mi g.yo mi 'gul lo// 'jam dpal de bzhin du chos thams cad mi gnas pa'i tshul gyis chos kyi dbyings la gnas pa ni 'gro ba dang 'ong ba med de/ blang du med cing rtsol ba med pa shin tu bstan pa'i phyir mi gnas pa ste/ de'i phyir de ni phur pa'i tshig go// 'jam dpal tshor ba zhes bya ba 'di ni zhi ba'i tshig go// gsol pa/ bcom ldan 'das ci'i slad du de zhi ba'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni rang bzhin gyis shin tu zhi ba ste/ tshor ba ni nang na yang med/ phyi rol na yang med/ shar phyogs na yang med/ lho phyogs na yang med/ nub phyogs na yang med/ byang phyogs na yang med/ steng na yang med/ 'og na yang med/ phyogs mtshams gang na yang med do// 'jam dpal gal te bde ba'i tshor ba nang na yod na ni/ sems can thams cad kyang bde bas shin tu bde bar 'gyur ro// 'jam dpal 'on tam gal te sdug bsngal gyi tshor ba nang na yod na ni
- 177a
sems can thams cad kyang sdug bsngal gyis shin tu sdug bsngal bar 'gyur ro/ / 'jam dpal gal te bde ba yang ma yin/ sdug bsngal ba yang ma yin pa'i tshor ba nang na yod na ni/ sems can thams cad kyang shin tu rmongs par 'gyur ro// 'jam dpal gang gi phyir tshor ba thams cad ni nang na yang med/ phyi rol na yang med// shar phyogs na yang med/ lho phyogs na yang med/ nub phyogs na yang med/ byang phyogs na yang med/ steng na yang med/ 'og na yang med/ phyogs mtshams rnams na yang med pas/ de'i phyir sems can thams cad ni/ rtsa dang rtsig pa lta bu ste/ rang bzhin gyis ma skyes shing 'gag pa med par mtshan nyid mnyam pa ste/ de'i phyir de ni zhi ba'i tshig go// 'jam dpal 'du shes zhes bya ba 'di ni sa bon gyi tshig go// gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal 'du shes de yongs su brtags pa las byung ba ste/ log pa las byung ba/ chang pa stong pa lta bu/ smig rgyu'i ngo bo nyid rang bzhin gyis dben pa ste/ de'i phyir de ni sa bon gyi tshig go// 'jam dpal 'du byed ces bya ba 'di ni sa bon gyi tshig go/ gsol pa/ bcom ldan 'das ci'i slad du de sa bon gyi tshig ces bgyi/ bco ldan 'das kyis bka' stsal pa/ 'jam dpal chos thams cad ni bgrang du med cing bgrang ba mnyam pa nyid dang ldan pa chu shing gi snying po lta bu ste/ 'jam dpal 'di lta ste dper na/ chu shing gi
- 177b
snying po ni rang bzhin gyis ma skyes pa'i phyir/ shin tu med cing mi dmigs so// 'jam dpal de bzhin du chos thams cad ni rang bzhin gyis dben zhing ming med pa ste/ de'i phyir de ni sa bon gyi tshig go// 'jam dpal rnam par shes pa zhes bya ba 'di ni sa bon gyis tshig go// gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal rnam par shes pa ni sgyu ma lta bu ste/ ma skyes/ ma byung ba/ stong pa/ mtshan ma med pa/ ngo bo nyid med pa/ mtshan nyid med pa/ nam mkha' dang sor mo lnga lta bu ming med pa ste/ de'i phyir de ni sa bon gyi tshig go/ / 'jam dpal gzugs zhes bya ba 'di ni sa bon gyi tshig go// gsol pa/ bcom ldan 'das ci'i slad du de sa bon gyi chog ces bgyi/ bcom ldan 'das kyis bka' stsal pa/ 'di lta ste dper na/ mig yor ni snang ba la yod pa ma yin no// 'jam dpal de bzhin du chos thams cad ni snang ba la yod pa ma yin te/ mig slu ba/ sems slu ba/ gsog gsob brdzun pa/ sgyu ma'i chos can te/ de'i phyir de ni sa bon gyi tshig go// 'jam dpal sgra zhes bya ba 'di ni sa bon gyi tshig go// gsol pa/ bcom ldan 'das ci'i slad du nge sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni tha dad du dbyer med cing gnyis su med pa ste/ ri'i sgra'i tshig gi lam brag cha dang 'dra ba ste/ de'i phyir de ni sa bon gyi tshig go// 'jam
- 178a
dpal dri zhes bya ba 'di ni sa bon gyi tshig go/ / gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni sna dang dri dang rnam par shes pa mi dmigs pa'i phyir/ mnam du med cing rang bzhin gyis blu na la/ nam mkha' dang 'dra ba ste/ de'i phyir de ni sa bon gyi tshig go// 'jam dpa ro zhes bya ba 'di ni sa bon gyi tshig go/ gsol pa/ bcom ldan 'das ci'i sladadu de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni rang bzhin dang / ngo bo nyid kyis dben pa'i phyir bsam gyis mi khyab cing / ro'i khams mi dmigs pas ro dmigs su med pa ste/ de'i phyir de ni sa bon gyi tshig go// 'jam dpal reg bya zhes bya ba 'di ni sa bon gyi tshig go// gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni nam mkha' ltar dben pa dang / lus shin tu bsgoms pa dang / reg bya 'byung ba med pa dang / reg bya dben pa'i phyir reg pa med pa ste/ de'i phyir de ni sa bon gyi tshig go// 'jam dpal chos zhes bya ba 'di ni sa bon gyi tshig go// gsol pa/ bcom ldan 'das ci'i slad du nge sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni sems dang bral ba/ sems med pa/ ngo bo nyid med
- 178b
pa/ yongs su ma grub pa/ ming dang bral ba/ mtshan nyid kyis dben pa// chos kyi dbyings kyi rang bzhin te/ de'i phyir de ni sa bon gyi tshig go// 'jam dpal chu zhes bya ba 'di ni sa bon gyi tshig go// gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni chu med pa ste/ ma 'dres shing rlan med pas smig rgyu'i chu lta bu ste/ de'i phyir de ni sa bon gyi tshig go// 'jam dpal me zhes bya ba 'di ni sa bon gyi tshig go// gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni tsha ba med pa ste/ yongs su gdung ba dang bral ba dang / rang bzhin gyis med pa/ ngo bo nyid kyis zhi ba/ phyin ci log gis yongs su brtags pa/ shin tu ma skyes pa ste/ de'i phyir de ni sa bon gyi tshig go// 'jam dpal rlung zhes bya ba 'di ni sa bon gyi tshig go// gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni g.yo ba dang yang dag par bral ba'i phyir chags pa med cing sgrib pa med pa ste/ rlung gi lam las yang dag par 'das shing mtshan nyid med la/ ngo bo nyid med pa ste/ de'i phyir de ni sa bon gyi tshig go// 'jam dpal sangs rgyas zhes bya ba 'di ni sa bon gyi tshig go// gsol pa/ bcom ldan 'das ci'i
- 179a
slad du sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni 'tshang rgya bar byed pa med pa ste/ sangs rgyas pa med/ rjes su sangs rgyas pa med/ rdzogs par sangs rgyas pa med/ 'tshang rgya bar nye ba dang bral ba/ 'tshang rgya bar byed pas dben pa ste/ de'i phyir de ni sa bon gyi tshig go// 'jam dpal chos zhes bya ba 'di ni sa bon gyi tshig go/ / gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni dbyer med cing gcod du med pa ste/ gcod pa dang bral ba/ 'chad pas dben pa/ ming med pa/ mtshan nyid med pa/ ngo bo nyid med pa/ tshig gi lam las yang dag par 'das pa ste/ de'i phyir de ni sa bon gyi tshig go/ / 'jam dpal dge 'dun zhes bya ba 'di ni phur pa'i tshig go// gsol ba/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal 'phags pa'i dge 'dun ni chos nyid la shin tu gnas pa/ chos kyi dbyings dang / yang dag pa'i mtha' dang / tshul khrims dang / tshul khrims 'chal pa mnyam pa nyid dang / ting nge 'dzin dang / 'khrug pa mnyam pa nyid dang / shes rab dang / shes rab 'chal pa mnyam pa nyid dang / rnam par grol ba dang / kun nas nyon mongs pa mnyam pa nyid la shin tu gnas shing / gnas dang gnas ma yin/
- 179b
pa mi dmigs pa'i phyir/ chos thams cad la rab tu gnas pas de'i phyir de ni phur ba'i tshig go// 'jam dpal chos thams cad yul ma yin no zhes bya ba 'di ni phur pa'i tshig go// gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni nam mkha'i yul/ bsam gyis mi khyab pa'i yul/ yul med pa yul yang dag par chad pa/ dngos po med pa/ chad pa dang bral ba'i phyir/ dbang dang bral ba ste/ de'i phyir de ni phur pa'i tshig go// 'jam dpal chos thams cad dmigs pa med do zhes bya ba 'di ni phur ba'i tshig go/ / gsol pa/ bcom ldan 'das ci'i slad du de phur pa'i chog ces bgyi/ bcom ldan 'das kyis bka' stsal pa/ 'jam dpal chos thams cad ni gnas pa med cing rten pa med pa ste/ de dag ni dmigs pas dben pa'i phyir mi dmigs/ rnam par mi dmigs/ mi sbyor/ rnam par mi sbyor/ yongs su mi sbyor ba ste/ de'i phyir de ni phur pa'i tshig go// 'jam dpal chos thams cad len pa med do zhes bya ba 'di ni phur pa'i tshig go/ / gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni chos kyi dbyings la yang dag par zhen pa ste/ / de dag ni mi 'dor// mi len/ mi tshel/ mi smon cing // smon pa yang dag par chad pa rang bzhin gyis rnam par zhi ba// nam mkha' dang mnyam zhing 'dra ba ste/ de'i
- 180a
@phyir de ni phur pa'i tshig go/ / 'jam dpal chos thams cad nyon mongs pa med ces bya ba 'di ni phur pa'i tshig go// gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni dri ma med pa ste// ci yang ma yin la dag pa// 'od gsal ba ste/ nam mkha' yongs su dag pa'i phyir shin tu dag pa/ nyon mongs ba mi dmigs pa'i phyir nyon mongs pa med pa ste/ / de'i phyir de ni phur pa'i tshig go// 'jam dpal chos thams cad gzhi med pa zhes bya ba 'di ni phur pa'i tshig go// gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni dngos po med cing dbang dang bral ba/ de dag la kun gzhi med pa ste/ de'i phyir de ni phur pa'i tshig go// 'jam dpal chos thams cad bslab pa med ces bya ba 'di ni phur pa'i tshig go/ / gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad bslab pa dang bral ba ste/ de dag bslab par bya ba ma yin/ bsgom par bya ba ma yin/ bsam par bya ba ma yin/ yid la bya ba ma yin/ gnas par bya ba ma yin/ 'gro bar bya ba ma yin/ nan tan du bya ba ma yin/ log pa'i nan tan du bya ba ma yin/ spang bar bya ba ma yin/ mngon du bya ba ma yin/ bshags par bya ba ma yin/ rab tu bshags par bya ba ma yin/ dgod par bya ba ma yin/ dgrol bar bya ba ma yin/
- 180b
brjod par bya ba ma yin// smos par bya ba ma yin// gzung bar bya ba ma yin// gtang bar bya ba ma yin/ rab tu gtang bar bya ba ma yin/ yongs su gtang bar bya ba ma yin te/ de ci'i phyir zhe na/ 'jam dpal chos thams cad ni shin tu btang ba/ rang bzhin gyis ma bzung ba/ rtag par btang ba ste/ de dag ni shes pas khong du chud par bya ba'ang ma yin/ mi shes pas khong du chud par bya ba'ang ma yin te/ de'i phyir de ni phur pa'i tshig go/ / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das phur pa'i tshig la brtsams te/ bdag kyang spobs pa skye'o// bcom ldan 'ad kyis bka' stsal pa/ 'jam dpal khyod kyis spobs pa skyed cig/ 'jam dpal gyis gsol pa/ bcom ldan 'das sems can thams cad byang chub thob pa'o zhes bgyi ba 'di ni phur pa'i tshig go// bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das chos thams cad ni thob pa ma mchis pa/ yang dag par thob pa ma mchis pa/ rjes su thob pa ma mchis pa/ thob par bgyi ba dang bral ba/ rtogs par bgyi ba ma mchis pa/ mngon par rtogs par bgyi ba ma mchis pa ste/ bcom ldan 'das de'i slad du de ni phur pa'i tshig go// bcom ldan 'das sems can thams cad mkhyen pa nyid thob pa'o zhes bgyi ba 'di ni phur pa'i tshig go/ / bka' stsal pa/ 'jam dpal ci'i phyir daphur pa'i tshig ces bya/ 'jam dpal gyis gsol pa/ bcom ldan 'das sems can
- 181a
rnams ni thams cad kyi thams cad ma mchis la/ thams cad mkhyen pa nyid kyang dngos po ma mchis pa'i rjes su 'brang ba ste/ de'i slad du thams cad mkhyen pa nyid thob pa'o zhes bgyi ste/ bcom ldan 'das thams cad mkhyen pa nyid ni su la yang thob par bgyi ba'i tshul gyis nye bar gnas pa ma lags so// de ci'i slad du zhe na/ bcom ldan 'das thams cad mkhyen pa nyid ni sems can gyi rang bzhin te/ de'i slad du de phur pa'i chog go// bcom ldan 'das sems can ni thams cad mkhyen pa'i ye shes dang ldan no zhes bgyi ba 'di ni par pa'i tshig go// bka' stsal pa/ 'jam dpal ci'i phyir de phur pa'i tshig ces bya/ 'jam dpar gyis gsol pa/ bcom ldan 'das sems can thams cad ni ngo bo nyid ma mchis shing ngo bo nyid dang bral ba ste// ngo bo nyid gcig pa'i mtshan nyid pas/ de bzhin gshegs pa dang mnyam pa nyid kyi rjes su mchis pa/ thams cad mkhyen pa'i ye shes kyi rang bzhin can te/ de'i slad du de ni phur pa'i tshig go// bcom ldan 'das sems can thams cad byang chub kyi snying po zhes bgyi ba 'di ni phur pa'i tshig go/ / bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das byang chub kyi snying po zhes bgyi ba'i tshig gi don ci lags/ bcom ldan 'das kyis bka' stsal pa/ 'jam dpal byang chub kyi snying po zhes bya ba ni// chos thams cad zhi ba'i snying po'o// chos thams cad skye ba med pa'i snying po'o// chos thams cad dngos po med pa'i snying po'o// chos thams
- 181b
cad bzung du med pa'i snying po'o/ / chos thams cad ngo bo nyid med pa'i snying po ste/ 'jam dpal de ni byang chub kyi snying po'i tshig gi don to// gsol pa/ bcom ldan 'das 'o na sems can thams cad snying po de dang rtags par ldan pa ma lags sam/ bcom ldan 'das kyis bka' stsal pa/ 'jam dpal de de bzhin no// gsol pa/ bcom ldan 'das de ltar rnam grangs des kyang / sems can thams cad ni byang chub kyi snying po ste/ de'i slad du de ni phur pa'i chog go/ bcom ldan 'das sems can thams cad ni bzod pa thob bo zhes bgyi ba 'di ni phur pa'i chog go/ bka' stsal pa/ 'jam dpal ci'i phyir de phur pa'i chog ces bya/ 'jam dpal gyis gsol pa/ bcom ldan 'das sems can thams cad ni mi zad pa'i chos dang / mi sgrib pa'i chos dang / mi skye ba'i chos can te/ ming gi mtshan nyid kyis dben pa'i bzod pa mnyam pa nyid kyis rjes su mchis pas/ de'i slad du de ni phur pa'i tshig go// bcom ldan 'das sems can thams cad thogs pa med pa'i spobs pa can no zhes bgyi ba 'di ni phur pa'i tshig go/ bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad kyis gang ci yang rung ste/ gang dang gang spobs par gyur pa de dang de ni phyogs bcu kun na yang ma mchis te/ bcom ldan 'das sems can thams cad sgrib pa mnyam pa nyid kyi rjes su mchis shing // dben la rang gi mtshan nyid la gnas pas de ltar de
- 182a
ngag ma mchis pa lags te/ bcom ldan 'das rnam grangs de'i slad du de ni phur pa'i tshig go// bcom ldan 'das sems can thams cad gzungs thob bo zhes bgyi ba 'di ni phur pa'i tshig go/ bka' stsal pa/ 'jam dpal ci'i phyir de phur ba'i tshig ces bya/ 'jam dpal gyis gsol pa/ bcom ldan 'das sems can thams cad ni sems can gyi 'du shes can te/ yang dag pa ma lags par yongs su brtags pa'i phyin ci log gi rtog pas mtshan mar 'dzin pa'i slad du/ gzugs dang // sgra dang / dri dang / ro dang / reg rnams 'dzin pas de'i slad du de ni phur pa'i tshig go/ / bcom ldan 'das sems can thams cad byams pa'i sems dang ldan no zhes bgyi ba 'di ni phur pa'i tshig go// bka' stsal pa// 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad ni sems can ma mchis pa ste/ rang bzhin gyis gnod sems ma mchis shing / gnod sems dang byams pa brtag tu ma mchis pa mnyam pa nyid thob pas/ de'i slad du de ni phur pa'i tshig go// bcom ldan 'das sems can thams cad snying rje chen po dang ldan no zhes bya ba 'di ni phur pa'i tshig go// bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad ni ma bcos ma bgyis pa'i snying rje can te/ de bzhin gshegs pa'i mnyam pa nyid las ma 'das pa snying rje chen po'i ngo bo
- 182b
nyid dang ldan pas/ de'i slad du de ni phur pa'i tshig go// bcom ldan 'das sems can thams cad ting nge 'dzin dang ldan no zhes bgyi ba 'di ni phur pa'i tshig go// bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad ni dmigs pas dben pa'i rang bzhin dang ldan pa ste/ bcom ldan 'das dmigs pa gang gis sems can gang gi rnam par shes pa 'byung ba de ni dmigs pa de la ma 'khrugs pa ste/ de ci'i slad du zhe na/ bcom ldan 'das dmigs pa'i rnam par shes pa rnams skad cig ma'i slad du ste/ de'i slad du de ni phur pa'i tshig go// bcom ldan 'das sangs rgyas thams cad 'dod chags dang ldan no zhes bgyi ba'i de ni phur pa'i tshig go/ / bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa// bcom ldan 'das sangs rgyas thams cad ni 'dod chags dang ldan pa ste/ 'dod chags kyi ngo bo nyid dang ldan zhing rjes su rtogs pas mnyam pa nyid las ma 'das te/ dgyes shing rab tu dgyes pa rnam par dgyes te// nyon mong pa mi mnga' bas na/ bcom ldan 'das 'dod chags 'di ni byang chub ste/ de ci'i slad du zhe na/ bcom ldan 'das 'dod chags kyi ngo bo nyid rjes su rtogs pas/ byang chub ces bgyi ste/ de'i slad du de ni phur pa'i tshig go/ / bcom ldan 'das sangs rgyas bcom ldan 'das rnams ni zhe sdang dang ldan pa'o zhes bgyi ba 'di ni phur pa'i tshig go// bka' stsal pa/ 'jam dpal ci'i phyir de phur pa'i tshig ces bya/ 'jam dpal
- 183a
gyis gsol pa/ bcom ldan 'das sangs rgyas bcom ldan 'das rnams ni/ zhe sdang mnyam pa nyid la bzhugs shing / 'du byed thams cad kyi skyon yang dag par ston pa ste/ zhe sdang gi ngo bo nyid rjes su rtogs pas/ zhe sdang dang ldan pa zhes bgyi ste/ de'i slad du de ni phur pa'i chog go// bcom ldan 'das sangs rgyas bcom ldan 'das rnams ni gauta mug dang ldan no zhes bgyi ba 'di ni phur pa'i tshig go/ / bka' stsal pa/ 'jam dpal ci'i phyir de phur pa'i tshig ces bya// 'jam dpal gyis gsol pa/ bcom ldan 'das sangs rgyas bcom ldan 'das rnams ni gti mug gi ngo bo nyid rjes su rtogs pas gti mug mnyam pa nyid la bzhugs shing / / ming thams cad las 'grel pa ste/ de'i slad du de ni phur pa'i tshig go// bcom ldan 'das sangs rgyas bcom ldan 'das rnams ni 'jig tshegs dang ldan no zhes bgyi ba 'di ni phur pa'i tshig go/ / bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sangs rgyas bcom ldan 'das rnams ni 'jig tshogs la bzhugs pa ste/ 'jig tshogs mi skye mi 'byung bar thugs su chud pas/ chos thams cad kyis rgyas par mi 'gyur/ rnam par rgyas par mi 'gyur/ yongs su rgyas par mi 'gyur te/ mi bzhugs pa'i tshul gyis bzhugs pas de'i slad du de ni phur pa'i tshig go/ / bcom ldan 'das sangs rgyas bcom ldan 'das rnams log par lta ba dang ldan no zhes bgyi ba 'di ni phur pa'i tshig go// bka' stsal pa/ 'jam dpal ci'i phyi rang phur ba'i tshig rtsa
- 183b
bya/ 'jam dpal gyis gsol pa/ bcom ldan 'das sangs rgyas bcom ldan 'das rnams ni 'dus byas log par yang dag par ston cing / 'dus byas yang dag pa ma lags par yang dag par ston/ 'dus byas nor ba yang dag par ston pa ste/ / log par lta ba'i ngo bo nyid mtshan nyid kyis mnyam pa nyid thugs su chud pas/ 'dus byas thams cad gsob gsog ste/ brdzun bslu ba'i chos can du ston par mdzad pas// de'i slad du de ni phur pa'i tshig go/ / bcom ldan 'das sangs rgyas bcom ldan 'das rnams kyis phyin ci log la gnas te/ byang chub brnyes so zhes bgyi ba dang / sangs rgyas bcom ldan 'das rnams kyis sgrib pa la gnas/ 'dod pa'i yon tan lnga la gnas/ 'dod chags la gnas/ zhe sdang la gnas/ gti mug la gnas// byang chub brnyes so zhe bgyi ba de ni phur pa'i tshig go// bka' stsal pa/ 'jam dpal ci'i phyir de ni phur ba'i tshig ces bya/ 'jam dpal gyis gsol pa/ bcom ldan 'das gnas zhes bgyi ba 'di ni log par gnas pa'i chog go// bcom ldan 'das kyis bka' stsal pa/ 'jam dpal logs par gnas pa zhes bya ba'i tshig gi don ci/ 'jam dpal gyis gsol pa/ bcom ldan 'das log par gnas pa/ smad par gnas pa/ g.yo ba/ rab tu g.yo ba zhes bgyi ba 'di ni/ so so'i skye bo rnams kyi tshig bla dgas te/ sangs rgyas bcom ldan 'das rnams ni 'dod chags mnyam pa nyid dang / zhe sdang mnyam pa nyid dang / gti mug mnyam pa nyid dang / 'dod pa'i yon tan lnga mnyam pa nyid dang / sgrib pa mnyam pa nyid dang / phyin ci log
- 184a
mnyam pa nyid la yang dag par bzhugs shing legs par bzhugs pa ste/ de dag ni 'dod chags kyi ngo ba nyid kyi gnas na bzhugs bzhin du bla na med pa yang dag par rdzogs pa'i byang chub tu mtshan par rdzogs par 'tshang rgya/ zhe sdang gi ngo bo nyid kyi gnas na bzhugs// gti mug gi ngo bo nyid kyi gnas na bzhugs/ 'dod pa'i yon tan lnga'i ngo bo nyid kyi gnas na bzhugs/ sgrib pa'i ngo bo nyid kyi gnas na bzhugs/ phyin ci log gi ngo bo nyid kyi gnas na bzhugs bzhin du bla na med pa yang dag par rdzogs pa'i byang chub tu mngon par 'tshang rgya'o// de skad ces gsol pa dang / bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / 'jam dpal khyod la gal te la la zhig gis/ 'di skad du de bzhin gshegs pa dgra bcom pa yang dag par rdzogs pa'i sangs rgyas ni mi dge ba'i chos thams cad spangs pa/ dge ba'i chos thams cad dang ldan pa'o zhes zer zhing de skad ces 'dri na/ lan ji skad ces gdab/ gsol pa/ bcom ldan 'das gal te la la zhig bdag la de skad du/ de bzhin gshegs pa dgra bcom pa yang dag par rdzogs pa'i sangs rgyas ni mi dge ba'i chos thams cad spangs pa/ dge ba'i chos thams cad dang ldan pa'o zhes mchis na/ bcom ldan 'das de skad ces 'dri ba de la/ bdag gis 'di skad ces bgyi ste/ / re shig dge ba'i bshes gnyen dag la rim gro gyis shig/ rnal 'byor la brtson par gyis shig/ chos gang la yang sbyar ba dang / dbye ba ma byed cig/ bzung ba dang btang bar
- 184b
ma byed cig/ dmigs pa dang rnam par dmigs par ma byed cig/ btang snyoms dang spang bar ma byed cig// chol ba dang smon par ma byed cig/ chos gang la yang rab ce'am/ zam zhe'am/ mchog ces / bar yang dag par rjes su ma lta zhig dang / de'i 'og tu de bzhin gshegs pa'i yul shes par 'gyur ro// de bzhin gshegs pa'i yul ni bsam gyis mi khyab pa ste/ yul dang bral zhing yul med pa yul thams cad dang yang dag par bral ba/ chos yang dag par chad pa'o zhes bgyi'o// bka' stsal pa/ 'jam dpal khyod kyis de skad ces lung bstan na/ ci zhig lung bstan par 'gyur/ gsol pa/ bcom ldan 'das bdag gis de skad ces lung bstan pas chos gang yang lung snyan par gyur pa ma mchis so// bcom ldan 'das de bzhin gshegs pa bcom ldan 'das kyis byang chub kyi snying po la zhugs ba'i tshe/ chos la la'i skye ba 'am/ 'gag pa gang yang gzigs sam/ bka' stsal pa/ 'jam dpal de ni ma yin no// 'jam dpal gyis gsol pa/ bcom ldan 'das chos gang ma skyes shing ma byung la/ dge ba'i chos dang ldan pa yang ma lags// mi dge ba dang ldan pa yang ma lags pa de la yongs su shes par bgyi ba ni gang zhig mchis/ spang ba ni ci zhig mchis/ bsgom pa ni gang zhig mchis mngon du bgyi ba ni gang zhig mchis/ / mngon par rtogs par bgyi ba ni gang zhig mchis/ de nas steng gi bar snang las lha'i bu stong phrag bcus de bzhin gshegs pa dang / 'jam dpal gzhon nur gyur pa la
- 185a
lha rdzas kyi me tog ut+pal dang / ku mu dang / puN+Da ri ka dang / man da ra ba dang / man da ra ba chen po dang / many+dzu sha ka dang / many+dzu sha ka chen pos mngon par gtor/ rab tu gtor nas bcom ldan 'das dang / 'jam dpal gzhon nur gyur pa'i zhabs la phyag 'tshal zhing / 'di skad kyi tshig brjod par gyur te/ bcom ldan 'das 'di ni chags pa ma mchis pa'i dpal te/ de ni 'jam dpa' lo/ / bcom ldan 'das 'di ni mo gnyis pa'i dpal te/ de ni 'jam dpal lo// bcom ldan 'das 'di ni dngos po ma mchis pa'i dpal te/ de ni 'jam dpal lo// bcom ldan 'das 'di ni nyon mongs pa ma mchis pa'i dpal te/ de ni 'jam dpal lo// bcom ldan 'das 'di ni de bzhin nyid kyi dpal te/ de ni 'jam dpal lo// bcom ldan 'das 'di ni ma nor ba de bzhin nyid kyi dpal te/ de ni 'jam dpal lo// bcom ldan 'das 'di ni chos kyi dbyings kyi dpal te/ de ni 'jam dpal lo// bcom ldan 'das 'di ni yang dag pa'i mtha'i dpal te/ de ni 'jam dpal lo// bcom ldan 'das 'di ni dam pa'i dpal te/ da ni 'jam dpal lo// bcom ldan 'das 'di ni mchog gi dpal te/ de ni 'jam dpal lo// bcom ldan 'das 'di ni phul gyi dpal te/ de ni 'jam dpal lo// bcom ldan 'das 'di ni bla na ma mchis pa'i dpal te/ de ni 'jam dpal lo// de skad ces smras pa dang / 'jam dpal gzhon nur gyur pas/ lha'i bu de dag la 'di skad ces smras so// lha'i bu
- 185b
dag chog gis bdag la ma rtog rnam par ma rtog cig/ kho bos ni chos gang yang dam pa zhes bya ba 'am/ mchog ces bya ba 'am/ phul zhes bya ba de lta bu yang dag par rjes su ma mthong ngo // lha'i bu dag kho bo na 'dod chags kyi dpal te/ de'i phyir kho bo 'jam dpal lo// kho bo ni zhe sdang gi dpal te/ de'i phyir kho bo 'jam dpal lo// kho bo ni gti mug gi dpal te/ de'i phyir kho bo 'jam dpal lo// lha'i bu dag kho bo ni 'dod chags las yongs su 'das pa ma yin/ zhe sdang las yongs su 'das pa ma yin/ gti mug las yongs su 'das pa ma yin te/ lha'i bu dag byis pa so so'i skye bo dag ni 'da' zhing yongs su 'da' ba dang / rnam par 'da' ba dag byed kyi/ byang chub sems dpa' rnams ni chos gang la yang 'pho ba 'am/ 'gro ba 'am/ 'da' ba med do// lha'i bu rnams kyis smras pa/ 'jam dpal 'o na byang chub sems dpa' rnams sangs rgyas kyi chos rnams rnam par mi gnon tam/ sa bcu rjes su mi gnon tam/ 'jam dpal gyis smras pa/ lha'i bu dag de ji snyam du sems/ sgyums sprul pa'i sems dang sems las byung ba dag sangs rgyas kyi chos rnam par gnon cings bcu rjes su gnon pa yod dam/ lha'i bu rnams kyis smras pa/ 'jam dpal sgyu ma'i skyes bu la gnas kyang mngan/ sangs rgyas kyi chos rnam par gnon pa 'am/ sa rjes su gnon pa lta ga la yod/ 'jam dpal gyis smras pa/ lha'i bu dag de bzhin du chos thams cad ni sgyu ma lta bu ste/ de dag ni gnon pa med/ rnam par gnon pa med/ yongs su gnon pa med de 'da' ba med do//
- 186a
@lha'i bu dag gis smras pa/ 'o na 'jam dpa' khyod byang chub mngon par rdzogs par 'tshang rgya bar mi 'gyur ram/ 'jam dpal gyis smras pa/ lha'i bu dag de ji snyam du sems byis pa so so'i skye bo 'dod chags kyis kun nas glags pa zhig byang chub kyi snying por 'dug na/ thams cad mkhyen pa'i ye shes dang ldan par 'gyur ram/ lha'i bu dag gis smras pa/ ci 'jam dpal 'o na khyod 'dod chags kyis kun nas glags pa'i byis pa so so'i skye bo yin nam/ 'jam dpal gyis smras pa/ lha'i bu dag de de bzhin te/ bdag ni 'dod chags kyis kun nas glags pa'o// zhe sdang gis kun nas glag pa'o/ / gti mug gis kun nas glags pa'o// bdag ni mu stegs can gzhan no// log par zhen pa'o// lha'i bu dag gis smras pa/ 'jam dpal ci las bsams te de skad du bdag ni 'dod chag kyis kun nas glags pa'o/ / zhe sdang gis kun nas glags pa'o// gti mug gis kun nas glags pa'o zhes smra/ 'jam dpal gyis smras pa/ lha'i bu dag de ni ji ltar mi gnas pa'i tshul gyis 'dod chags dang / zhe sdang dang / gti mug gi ngo bo nyid la gnas pa'i phyir/ ji ltar phyogs bcu kun tu gnas med pa de ltar gnas so// lha'i bu dag gis smras pa// 'jam dpal khyod ji ltar mu stegs can gzhan zhes bya ba yin/ smras pa/ lha'i bu dag kho bo ni mu stegs can gzhan du mi 'gre ste/ de'i phyir mu stegs can gzhan zhes bya'o// lha'i bu dag gis smras pa/ 'jam dpal khyod ji ltar log pa la zhen ces bya/ 'jam
- 186b
dpal gyis smras pa/ lha'i bu dag kho bos ni chos thams cad log par shes te yang dag pa ma yin no// nor ba yongs su brtags par khong du chud pas/ de'i phyir kho bo ni log pa la zhen pa'o// de nas de'i tshe lha'i bu stong phrag bcu po de dag gis 'jam dpal las bstan pa de thos nas/ mi skye ba'i chos la bzod pa thob par gyur to// 'di skad ces kyang smras te/ rdo rje'i tshig dang / sa bon gyi tshig dang / phur pa'i tshig rnam pa 'di lta bu dag gang gi rna lam du grag par gyur pa de dag kyang thob par bya ba legs par thob pa yin na/ gang gis thos nas mos par gyur pa dang / yid ches pa dang / lung 'bog pa dang / kha ton byed pa dang / 'dzin pa dang / klog pa dang / ston pa dang / de bzhin nyid du nan tan byed pa lta smos kyang ci dgos te/ de dag ni thogs pa med pa'i spobs pa rjes su thos par 'gyur ro// chos thams cad la snang ba thob par 'gyur tshul gcig tu bstan pa la mkhas par 'gyur ro/ / chos thams cad kyang sangs rgyas kyi chos dang sbyor bar 'gyur ro// / 'phags pa chos thams cad 'byung ba med pa zhes bya ba theg pa chen po'i mdo bam po gsum pa ste tha ma/ / de nas bcom ldan 'das la/ lha'i bu pad+mo rnam par rol pa'i mngon par shes pas 'di skad ces gsol to// bcom ldan 'das dus slang ma la byang chub sems dpa' rnams kyis rnam pa 'di lta bu'i chos thos na/ mi 'jigs mi dngang skrag par mi 'gyur ba dang / sgra thams cad rtogs par 'tshal bar 'gyur ba dang / thogs pa ma mchis shing tha
- 187a
tshom ma mchis par bgyi ba'i slad du/ sgra dang tshig la 'jug pa'i rig pa bstan du gsol/ de skad ces gsol pa dang / bcom ldan 'das kyis/ lha'i bu pad+mo rnam par rol pa'i mngon par shes pa la 'di skad ces bka' stsal to/ / lha'i bu khyod la gnas de dris pas ci zhig bya/ chog mod/ sgra dang skad la 'jug pa 'di ni las dang po pa'i byang chub sems dpas shes pa 'am/ khong du chud pa 'am/ bsam pa'am/ gzhal ba 'am/ dpyad par sla ba ma yin no// de ni byang chub sems dpa' las dang po pa'i mdun du brjod par bya ba ma yin te/ lha'i bu sgra dang skad la 'jug pa khong du chud pa'i byang chub sems dpa' sems dpa' chen po ni/ gal te bskal pa gang+gA'i klung gi bye ma snyed du/ log pa'i chog yang dag pa ma yin pa'i ngag gis mi snyan par brjod de/ spyod kyang de la khong khro ba'i sems mi skyed do// gal te bskal pa gang+gA'i klung gi bye ma snyed du bde ba'i yo byad gos dang / zas dang / mal cha dang / nad kyi rkyen rtsi dang / yo byad thams cad kyis rim gro byas/ bkur sti byas/ bsti stang du byas/ mchod pa byas kyang / de la chags pa'i sems mi 'byung ste/ lha'i bu 'di lta ste dper na/ dgra bcom pa zag pa zad pa ni chags par bya ba'i gnas kyi chos thams cad la yang chags par mi 'gyur/ khong khro bar bya ba'i gnas kyi chos thams cad la yang khong khro bar mi 'gyur ro/ / lha'i bu de bzhin du sgra dang skad la 'jug pa khong du chud pa'i byang chub sems dpa' yang bskal pa gang+gA'i klung gi bye ma snyed du bde ba'i yo byad thams cad kyis rim gror byas kyang
- 187b
de la chags pa'i sems mi skyed do/ / bskal pa gang+gA'i klung gi bye ma snyed du log pa yang dag pa ma yin pa'i tshig gis mi snyan par brjod de spyos kyang / khong khro ba'i sems mi skyed do// lha'i bu de ltar sgra dang skad la 'jug pa khong du chud pa'i byang chub sems dpa' ni thob pa dang / ma thob pa dang / grags pa dang / ma grags pa dang / bstod pa dang / smad pa dang / bde ba dang / sdug bsngal thams cad kyi mi bskyod mi 'phrogs pa ste/ 'jig rten gyi chos thams cad zil gyis mnan cing / ri'i rgyal po ltar mi bskul bar gnas so// de skad ces bka' stsal pa dang / bcom ldan 'das la/ lha'i bu pad+mo rnam par rol pa'i mngon par shes pas 'di skad ces gsol to/ / bcom ldan 'das 'on kyang ma byung ba'i dus na/ byang chub sems dpa' 'du shes sbyang ba/ 'du shes byang ba gang ji snyed cig 'byung bar 'gyur ba de dag gis sgra dang skad la 'jug pa'i rig pa 'di thos na/ gang gi skyon dag kyang rtogs par 'gyur/ gzhan la yang ston par 'gyur na/ bcom ldan 'das sgra dang skad la 'jug pa'i rig pa bshad du gsol/ de skad ces gsol pa dang / bcom ldan 'das kyis/ lha'i bu pad+mo rnam par rol pa'i mngon par shes pa la 'di skad ces bka' stsal to// lha'i bu de bas na shin tu legs par nyon la yid la zung zhig dang / don 'di ngas khyod la bshad do// bcom ldan 'das de ltar bgyi'o zhes gsol nas/ lha'i bu pad+mo rnam par rol pa'i mngon par shes pa bcom ldan 'das kyis bka' stsal pa ltar nyan to// bcom ldan 'das kyis de la 'di skad ces bka'
- 188a
stsal to/ / lha'i bu gal te byang chub sems dpa' 'dod chags kyi sgra la nyes pa'i 'du shes su 'gyur zhing / 'dod chags dang bral ba'i sgra la chags pa'i 'du shes su 'gyur na/ sangs rgyas kyi chos rnams la mi slob bo/ / zhe sdang gi sgra la kha na ma tho ba'i 'du shes su 'gyur zhing / zhe sdang dang bral ba'i sgra la legs pa'i 'du shes su 'gyur na/ sangs rgyas kyi chos rnams la mi slob po// gti mug gi sgra la kha na ma tho ba'i 'du shes su 'gyur zhing / gti mug dang bral ba'i sgra la legs pa'i 'du shes su 'gyur na/ sangs rgyas kyis chos rnams la mi slob bo// 'dod pa chung ba'i sgra la chags shing 'dod pa che ba'i sgra la khong khro na/ sgra dang skad la 'jug pa'i rig pa la mi slob bo// cho ga shes pa'i sgra la chags shing / chog mi shes pa'i sgra la khong khro na/ sgra dang skad la 'jug pa'i rig pa la mi slob bo// sdom pa'i sgral chags shing / mi sdom pa'i sgra la khong khre na/ sgra dang skad la 'jug pa'i rig pa la mi slob bo// gcig pur dga' ba'i sgra la chags shing / skye bo phal po che'i sgra la khong khro na/ sgra dang skad la 'jug pa'i rig pa la mi slob bo/ / sangs rgyas kyi sgra la chags shing / mu stegs can gyi sgra la khong khro na/ sgra dang skad la 'jug pa'i rig pa la mi slob bo// tshangs par spyod pa'i sgra la zhan cing / tshangs par mi spyod pa'i sgra la zhe sdang na/ sgra dang skad la 'jug pa'i rig pa la mi slob bo/ / kun nas nyon mongs pa'i sgra la khong khro zhing / rnam par byang ba'i sgra la chags na/ sgra dang skad la 'jug pa'i rig pa la mi s+hoso// 'bras bu la gnas pa'i sgra la chags shing / byis pa so so'i
- 188b
skye bo'i sgra la khong khro na/ sgra dang skad la 'jug pa'i rig pa la mi slob bo// bde bi sgra la chags shing / sdug bsngal gyi sgra la khong khro na/ sgra dang skad la 'jug pa'i rig pa la mi slob bo// rab tu byung ba'i sgra la chags shing khyim pa'i sgra la khong khro na/ sgra dang skad la 'jug pa'i rig pa la mi slob bo// 'jig rten las 'das pa'i sgra la chags shing / 'jig rten pa'i sgra la khong khron/ sgra dang skad la 'jug pa'i rig pa la mi slob bo// sbyin pa'i sgra la legs pa'i 'du shes su 'gyur zhing / ser sna'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo// tshul khrims kyi sgra la chags pa'i 'du shes su 'gyur zhing / tshul khrims 'chal pa'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo// bzod pa'i sgra la legs pa'i 'du shes su 'gyur zhing / gnod sems kyi sgra la khong khro ba'i 'du shes su 'gyur na/ sangs rgyas kyi chos rnams la mi slob bo// brtson 'grus brtsams pa'i sgra la legs pa'i 'du shes su 'gyur zhing / le lo'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo// bsam/ gtan pa'i sgra la legs pa'i 'du shes su 'gyur zhing / 'khrugs pa'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo// shes rab kyi sgra la legs pa'i 'du shes su 'gyur zhing / shes rab 'chal pa'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo// nye ba'i sgra la gnas shing / ring ba'i sgra la khong khro na/ sgra dang skad la 'jug pa'i rig pa la mi slob bo//
- 189a
'khor ba'i sgra la kha na ma mtho ba'i 'du shes su 'gyur zhing / mya ngan las 'das pa'i sgra la legs pa'i 'du shes su 'gyur na/ sgra dang skad la 'jug pa'i rig pa la mi slob bo// tshu rol gyi sgra la khong khro zhing / pha rol gyi sgra la chags na/ sgra dang skad la 'jug pa'i rig pa la mi slobabo// grong gi sgra la kha na ma tho ba'i 'du shes par gyur cing / dgon pa'i sgra la chags par gyur na/ sgra dang skad la 'jug pa'i rig pa la mi slob bo/ / gcig pu spyod pa'i sgra la chags shing // 'du 'dzir spyod pa'i sgra la khong khro na/ sgra dang skad la 'jug pa'i rig pa la mi slob bo// dge slong gi spyod pa la chags shing / khyim pa'i spyod pa la khong khro na/ sgra dang skad la 'jug pa'i rog pa la mi slob bo// spyod lam gyi bya ba la chags shing / spyod lam ma yin pa'i bya ba la khong khro na/ sangs rgyas kyi chos rnams la mi slob bo// tshul du shis pa la chags shing / tshul du mi shis pa la khong khro na/ sangs rgyas kyi chos rnams la mi slob bo// tshul khrims kyi spyod pa la chags shing / tshul khrims 'chal pa'i spyod pa la khong khro na/ sangs rgyas kyi chos rnams la mi slob bo// ma 'dres pa'i spyod pa la chags shing / 'dres pa'i spyod pa la khong khro na/ sangs rgyas kyi chos rnams la mi slob bo// 'dod chags dang bral ba'i spyod pa la chags shing / 'dod chags kyi spyod pa la khong khron/ sangs rgya kyichos rnams la mi slob bo/ / zhe sdang med pa'i 'du shes la chags shing / zhe sdang gi 'du shes la khong khron/ sangs rgyas kyi chos rnams la mi slob bo// gti mug dang bral ba'i 'du shes la chags shing / gti
- 189b
/ mug gi 'du shes la khong khron/ sangs rgyas kyi chos rnams la mi slob bo// stong pa nyid la chags shing / dmigs pa la khong khron/ sangs rgyas kyi chos rnams la mi slob bo// mtshan ma med pa la chags shing / mtshan ma la khong khro na/ sangs rgyas kyi chos rnams la mi slob bo// smon pa med pa la chags shing / smon pa la khong khron/ sangs rgyas kyi chos rnams la mi slob po// byang chub sems dpa'i spyod pa la chags shing nyan thos dang / rang sangs rgyas kyi spyod pa la khong khro na/ sangs rgyas kyi chos rnams la mi slob bo// byang chub sems dpa' la ltung bas rgol na/ byang chub las ring du 'gyur te/ las kyi slob pa yongs su 'dzin spyod pa la 'phya na byang chub las ring du 'gyur ro/ / spyod lam gyis rgol na byang chub las ring du 'gyur ro// gal te byang chub sems dpas/ byang chub sems dpa' la dma' ba'i 'du shes bskyed de/ bdag la che ba'i 'du shes bskyed na/ bdag la rma 'byung ste/ las kyi sgrib pa yang yongs su 'dzin to// 'di la byang chub sems dpas byang chub sems dpa' gdams shing rjes su bstan na/ ston pa'i 'du shes nye bar bzhag ste/ gdams shing rjes su bstan par bya'o// gal te des byang chub yongs su ma btang zhe na/ byang chub sems dpas byang chub sems dpa' la brnyas pa'i sems bskyed par mi bya'o// lha'i bu byang chub sems dpa'i dge ba'i rtsa ba rnams ni ji ltar byang chub sems dpa' gnyis pa la brten te/ chad par 'gyur ba de ltar gang gis kyang yongs su chad par mi 'gyur ro// lha'i bu de lta bas na byang chub sems dpa' dge ba'i rtsa
- 190a
pa thams cad yongs su bsrung bar 'dod cing / las kyi sgrib pa thams cad yongs su sbyang bar 'dod pa dang / chos thams cad la sgrib pa med pa myur du thob par 'dod pas/ nyin lan gsum mtshan lan gsum du byang chub sems dpa'i theg pa pa thams cad la phyag bya'o/ / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das kyis ji skad du gsungs pa'i don bdag gis 'tshal te/ 'dod chags kyi sgra dang / sangs rgyas kyi sgra de ni mtshungs pa'o// zhe sdang gi sgra dang / sangs rgyas kyi sgra de ni mtshungs pa'o// gti mug gi sgra dang / sangs rgyas kyi sgra de ni mtshungs pa'o/ / mu stegs can gyi sgra dang / sangs rgyas kyi sgra de ni mtshungs pa'o// 'dod pa chung ba'i sgra dang / 'dod pa che ba'i sgra de ni mtshungs pa'o// chog shes pa'i sgra dang / cho ga mi shes pa'i sgra de ni mtshungs pa'o/ / sdom pa'i sgra dang / mi sdom pa'i sgra de ni mtshungs pa'o// gcig pur dga' ba'i sgra dang / 'du 'dzi'i sgra de ni mtshungs pa'o// tshu rol gyi sgra dang / pha rol gyi sgra de ni mtshungs pa'o// ring ba'i sgra / dang / nye ba'i sgra de ni mtshungs pa'o// 'khor ba'i sgra dang / mya ngan las 'das pa'i sgra de ni mtshungs pa'o// grong gi sgra dang / dgon pa'i sgra de ni mtshungs pa'o// sbyin pa'i sgra dang / ser sna'i sgra de ni mtshungs pa'o/ / tshul khrims kyi sgra dang / tshul khrims 'chal pa'i sgra de ni mtshungs pa'o// bzod pa'i sgra dang / gnod sems kyi sgra de ni mtshungs pa'o// brtson 'grus kyi sgra dang / le lo'i sbrang ni mtshungs pa'o//
- 190b
bsam gtan gyi sgra dang / 'khrug pa'i sgra de ni mtshungs pa'o// shes rab kyi sgra dang / shes rab 'chal pa'i sgra de ni mtshungs pa'o// de nas lha'i bu pad+mo rnam par rol pa'i mngon par shes pas 'jam dpal gzhon nur gyur pa la 'di skad ces smras so/ / 'jam dpal ci'i phyir de dag mtshungs zhes bya/ 'jam dpal gyis smras pa/ lha'i bu 'dod chags kyi sgra la khyod ji ltar sems/ lha'i bus smras pa/ brag cha dang 'dra bar shes so/ / 'jam dpal gyis smras pa/ lha'i bu 'o na sangs rgyas kyi sgra la khyod kyis ji ltar shes/ lha'i bus smras pa/ 'jam dpal de yang sgra bsnyen gyi mnyam pa nyid las ma 'das pa'o// 'jam dpal gyis smras pa/ lha'i bu rnam grangs des kyang khyod kyis 'di ltar de dag ni mtshungs pa yin par rig par bya'o// de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / 'jam dpal khyod sngon las dang po pa'i sa la gnas shing / 'di lta bu'i tshul khong du chud pa'i tshe/ las kyi sgrib pa ji lta bu dag mngon par 'dus byas pa lung ston cig dang / 'jam dpal des ma 'ongs pa'i dus na/ byang chub sems dpa' ngam 'cha' ba ji snyed cig 'byung bar 'gyur ba de dag gis kyang de lta bu'i las kyi sgrib pa thob pa dang / rang rang bsrungs par 'gyur ro// de skad ces bka' stsal pa dang / bcom ldan 'das la/ 'jam dpal gzhon nur gyur pas 'di skad ces gsol to// cis na bcom ldan 'das gal te de ltar de lta bu'i su las kyi sgrib pa'i nongs pa thos na/ yid mi bde
- 191a
bar yang 'gyur la/ su las kyi sgrib pa rnam par dag pa thob tu lags kyang / chos thams cad la sgrib pa thob par 'gyur lags pa snyam/ bcom ldan 'das sngon 'das pa'i dus na/ bskal pa grangs ma mchis pa/ shin tu yangs pa/ grangs las 'das pa/ yangs pa/ tshad ma mchis pa/ bsam gyis mi khyab pa/ de'i pha rol/ de'i yang pha rol/ de'i dus de'i tshe na de bzhin gshegs pa dgra bcom pa yang dag par rdzogs pa'i sangs rgyas seng ge'i nga ro rnga sgra'i rgyal po zhes bgyi ba rig pa dang rkang par ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das 'jig rten du byung ste/ de bzhin gshegs pa de'i sku tshe'i tshad ni/ dgung le bye ba khrag khrig brgya phrag stong du gyur to// theg pa ni gsum gyis sems can rnams yongs su mya ngan las bzla bar gyur to/ / 'jig rten gyi khams de'i ming ni snang ba chen po can zhes bgyi ste/ 'jig rten gyi khams de na zhugs shing ngam/ ldum bu gang ji snyed pa de dag thams cad kyang rin po che sna bdun gyi rgyu las grub par gyur te/ zhugs shing de dag las kyang 'di lta bu'i sgra 'byung ste/ gang 'di la stong pa nyid kyi sgra dang // mtshan na mchis pa'i sgra dang / smon pa mamachis pa'i sgra ga skye ma chis pa'i sgra dang/ dngos po ma mchis pa'i sgra dang / mtshan nyid ma mchis pa'i sgra dang / rnam pa de lta bu'i sgra dag 'byung ste/ sgra byung ba de dag gis sems can de dag mngon par rtogs pa thob par gyur to// de bzhin gshegs pa de'i nyan
- 191b
thos kyi tshogs pa dang po ni/ dge slong bye ba dgu bcu rtsa dgu'i tshogs su gyur te/ thams cad kyang dgra bcom pa/ zag pa zad pa/ khur bor ba/ rang gi don rjes su thob pa/ srid par sbyor ba yongs su bas pa/ bka' yang dag pas sems shin tu rnam par grol ba sha stag gi tshogs su gyur to// tshogs gnyis pa ni dge slong bye ba phrag dgu bcu rtsa drug gis tshogs su gyur to// tshogs gsum pa ni dge slong bye ba phrag dgu bcu rtsa gsum gyi tshogs su gyur to/ / tshogs bzhi pa ni dge slong bye ba phrag dgu bcu'i tshogs su gyur te/ thams cad kyang dgra bcom pa/ zag pa zad pa/ khur bor ba/ rang gi don rjes su thob pa/ srid par sbyor ba yongs su bas pa/ bka' yang dag pas sems shin tu rnam par grol ba sha stag gi tshogs su gyur to// byang chub sems dpa'i tshogs kyang grangs de snyed du gyur te/ thams cad kyang mi skye ba'i chos kyi bzod pa dang ldan pa/ tshul sna tshogs bsgrub pa la mkhas pa/ sangs rgyas bye ba khrag khrig brgya stong mang po bsnyen bkur ba/ sangs rgyas kyi zhing bye ba khrag khrig brgya stong mang por rnam par grags pa// sems can bye ba khrag khrig brgya stong mang po yang dag par sgrol ba/ sgo mtha' yas pa'i gzungs rab tu thob pa/ ting nge 'dzin bye ba khrag khrig brgya stong mngon par bsgrub pa la mkhas pa sha stag gi tshogs su gyur te/ de ma lags pa'i byang chub sems dpa' sems dpa' chen po las dang po pa dang / theg pa la gsar du zhugs pa rnams lta smos kyang ci 'tshal te/ de bzhin gshegs pa de'i sangs rgyas kyi zhing brgyan du 'gyur ba de dag ni
- 192a
tshig brjod par blab ma lags so/ / de bzhin gshegs pa de yongs su mya ngan las 'das nas/ dam pa'i chos ni dgung lo stong phrag drug cu'i bar du gnas par gyur te/ zhugs shing de dag las kyang sgra de dag de slan chad mi 'byung bar gyur to/ / bcom ldan 'das de'i tshe dge slong byang chub sems dpa' chos smra ba rab tu dga' ba'i dbang po zhes bgyi ba byung ste/ bcom ldan 'das byang chub sems dpa' rab tu dga' ba'i dbang po de ni sngon spyod spyod pa ste/ spyod lam bcos mi 'tshal ba/ 'jig rten pa'i chos thams cad las slar log pa ma mchis pa ste/ sems can de dag kyang dbang po rno zhing phye ba tsam gyis 'tshal la/ zab mo la mos pa sha stag ste/ de ni sems can de dag la 'dod pa chung ba'i bsngags pa yang mi brjod/ chog shes pa dang / sdom pa dang / gcig bur dga' ba'i bsngags pa yang mi brjod/ 'du 'dzim mchis pa'i bsngags pa yang mi brjod cing / des sems can de dag la chos thams cad ni 'dod chags kyi ngo bo nyid do zhes bgyi bar bstam/ chos thams cad ni zhe sdang gi ngo bo nyid do zhes bgyi bar bstan/ chos thams cad ni gti mug gi ngo bo nyid do zhes bgyi bar bstan/ chos thams cad ni sgrib pa med pa'o zhes bgyi bar bstan te/ des thabs des spyod pa thams cad kyang mtshan nyid gcig pa'o zhes bgyi bar bstan nas/ sems can thabs de lta bus bstan pa de dag kyang byang chub sems dpa'i spyod pa la mi dga' bar ma gyur te/ 'ong
- 192b
khro ba'i sems ma mchis pa de dag bzod pa'i sa thob par gyur/ de bzhin gshegs pa'i bstan pa la yang mi phyed cing nges par gyur to// de'i tshe dge slong byang chub sems dpa' chos smra ba rgyal ba'i blo gros zhes bgyi ba byung ste/ bcom ldan 'das chos smra ba rgyal ba'i blo gros zhes bgyi ba de ni/ bsam gtan bzhi thob pa/ gzugs ma mchis pa'i snyoms par 'jug pa bzhi thob ste/ sbyangs pa'i yon tan bcu gnyis kyang yang dag par blangs te gnas par gyur te/ bcom ldan 'das byang chub sems dpa' rgyal ba'i blo gros kyis 'dul bar gyur pa de dag ni skyon 'dzin cing skyon brjod pa blo mi brtan pa sha stag tu gyur te/ bcom ldan 'das de nas byang chub sems dpa' rgyal ba'i blo gros bsod snyoms la spyod pa zhig gi tshe ma rig nas/ byang chub sems dpa' rab tu dga' ba'i dbang po'i bslab/ ba'i grong der mchis te/ des sngon khyim bdag gi bu'i gnas shig mchis par mthong nas/ khyim bdag gi bu gang na ba der mchis nas phyin pa dang / stan bting ba la mchis ste/ khyim bdag gi bu de la 'dod pa chung ba'i bka' mchid brjod/ chog shes pa'i bka' mchid brjod/ sdom pa'i bka' mching brjod/ 'du 'dzi'i nongs pa brjod/ gcig pur dga' ba'i bsngags pa brjod/ 'du 'dzim mchis pa'i bsngags pa brjod nas/ khyim bdag gi bu de'i mdun du byang chub sems dpa' rab tu dga' ba'i dbang po la mi snyan pa brjod pas/ dge slong de ni skye bo mang po log
- 193a
bar bstan to/ / dge slong des ni skye bo mang po log par lta ba byas so// dge slong de ni 'du 'dzi'i nang na rnam par spyod pa ste/ 'dod chags ni slob pa med do zhes ston to// zhe sdang ni sgrib pa med do zhes ston to// gti mug ni sgrib pa med do zhes ston to// chos thams cad ni sgrib pa med do zhes ston to zhes brjod pa dang / khyim bdag gi bu de yang dbang po rno ba bzod pa thob pa zhig ste/ des dge slong de la smras pa/ btsun pa khyod kyis 'dod chags ji ltar mkhyen/ des smras pa/ khyim bdag gi bu 'dod chags ni kun nas nyon mongs par shes so// smras pa/ btsun pa 'o na 'dod chags de nang na mchis sam/ phyi rol na mchis/ smras pa/ 'dod chags ni nang na yang med/ phyi rol na yang med do// smras pa/ btsun pa de ltar 'dod chags na na yang ma mchis/ phyi rol na yang ma mchis na/ shar phyogs na yang ma mchis/ lho phyogs na yang ma mchis/ nub phyogs na yang ma mchis/ byang phyogs na yang ma mchis / steng na yang ma mchis/ 'og na yang ma mchis/ phyogs mtshams rnams na yang ma mchis te/ de ltar lags na/ de ni ma skyes pa lags te/ gang la ma skyes pa de na kun nas nyon mongs pa 'am/ rnam par byang ba'ang ci zhig mchis/ de nas dge slong rgyal ba'i blo gros kyis bstan pa de thos nas/ 'khrugs te shin tu mi dga' nas/ bsod snyoms kyang ma blangs par stan
- 193b
las langs te mchis so/ / 'di skad kyi tshig kyang brjod de/ kye ma dge slong des ni/ skye bo mang po log par bstan to zhes nas/ de khyim de nas byung ste/ dgon pa logs su mchis so// de slad kyis gtsug lag khang du mchis nas/ dge slong lhag ma rnams la yang bsgo/ dge 'dun gyi nang du yang dge slong de mthong nas/ 'di skad du dge slong 'di ni skye bo mang po log par ston cing // dge slong 'di ni skye bo mang po log par lta bar byed de/ 'di ni 'dod chags ni sgrib pa med do zhes ston to// zhe sdang sgrib pa med do zhes ston to// gti mug sgrib pa med do zhes ston to// chos thams cad sgrib pa med do zhes ston to zhes bgyis so/ / de nas byang chub sems dpa' rab tu dga' ba'i dbang po de 'di snyam du gyur te/ dge slong 'dis ni gdon mi za bar las kyi sgrib pa bsags par gyur gor ma chag na/ / de la bdag gis zab mo'i gtam bya'o// des ni ma nus na yang 'di'i byang chub kyi phyogs kyi chos rnams bsgom pa'i rgyu tsam du yang 'gyur ro snyam ste/ de nas byang chub sems dpa' rab tu dga' ba'i dbang pos dge slong gi dge 'dun thams cad gcig tu 'dun par bgyis nas/ de'i tshe tshigs su bcad pa 'di dag smras so// 'dod chags mya ngan 'das par gsungs// zhe sdang gti mug de bzhin te/ byang chub de dag gnas nyid yin// sangs rgyas byang chub bsam mi khyab// 'dod chags gang gis rnam brtags pa// zhe sdang gti mug de bzhin te// sangs rgyas
- 194a
byang chub de la ring / / gnam dngas gnyis ji bzhin no// byang chub 'dod chags gnyis su med// 'jug pa gcig pa mnyam nyid ldan pa ste// 'di ngag chos la byis pa gang 'jigs pa/ / 'di dag sangs rgyas byang chub ring ba yin// 'dod chags skye man 'jig pa ma yin te// sems kyang kun nas nyon mongs 'gyur ba med// gang zhig dmig pa'i bdag la blo chags pa/ / 'dod chags ngan song de dag lhung bar byed// gang zhig 'dod chags chos dang sangs rgyas chos// de dag khyad par gang yang med pa ste// yi ge gcig cing tshul gcig mtshan nyid med/ / de ltar shes pa bde gshegs nyid du 'gyur// tshul khrims 'chal dang tshul khrims rnam brtags shing // gang zhig tshul khrims rlom pas mos gyur pa// dmigs pa'i lta la rab gnas de la ni/ / byang chub med cing sangs rgyas chos kyang med// gang zhig dgon pa'i gnas la rtog byed cing // bdag la stong byed gzhan la smod byed pa// dgon par lta la rab gnas de la ni// mtho ris med na byang chub ga la yod// byang chub lta ba gnyis su med gsungs te// ming dang yi ge grangs dang sgra 'jug pa// de dag gang gis yang dag rtogs gyur pa// de la sangs rgyas byang chub ring ba min/ / kun nas nyon mongs de la rnam rtog cing // rnam byang lta la byis pa gang chags pa// dmigs pa'i lha la rab gnas de la ni// byang chub med cing sangs rgyas chos kyang med// gang zhig
- 194b
sangs rgyas chos la 'dod skyed pa/ / de la sangs rgyas byang chub ring ba ste// yod min chos la 'dod pa bskyed pa na// de ni sdug bsngal yongs su myong bar 'gyur// gang dag 'dod chags zhe sdang mi rtog cing // gti mug chud pas byang chub rnam lta ba// de la sangs rgyas byang chub ring ba min// bzod pa mchog kyang myur du des thob 'gyur// 'dus ma byas dang 'dus byas sus mthong ba// de ni 'khor ba'i chos las gzhar mi 'grol/ / gang gis khams de mnyam pa nyid rtogs pa// de myur skyes bu sangs rgyas mchog tu 'gyur// gang gis sangs rgyas chos dang sangs rgyas dag/ thams cad kun tu nam yang ma mthong na/ / chos rnams kun gyis gos pa med pa de// bdud bcom byang chub mngon par 'tshang yang rgya// su zhig sems can rnam par 'grel 'dod pa// des ni sems can khams su blta mi bya/ / ma lus sems can mya ngan 'das dang 'dra// de ltar sus shes de na rang byung 'gyur// dgon pa'i chos la gang zhig mi snang zhing // grong du phyin na spyod lam 'chos byed pa// de ni 'jig rten lhar bcas rkun po ste/ / de la byang chub sems rgyas chos rnams med// bdag ni sangs rgyas 'gyur zhes gang rlom pa// byis pa de ni gti mug dbang gis non// sangs rgyas chos ni nam mkha' mtshungs pa ste/ / blang dang dor ba'i sgra ni de la med// rgyal bas nam yang byang chub sangs ma rgyas// des ni sems can nam yang bkrol ba med// med pa'i chos rnams brtags shing byis pa'i rnams// sangs
- 195a
rgyas byang chub las ni ring ba yin/ / sems can 'di dag nyon mongs su mthong ba// de la nyon mongs mtha' yas 'byung bar 'gyur// sems can de dag sems can med ces gsungs/ / sems can 'du shes gnas la byang chub med// gang gis sems can shin tu grol mthong zhing // 'dod chags zhe sdang gti mug rtag med la// sems can zhi zhing rabazhirnam zhi bar/ / gang gis shes pa de ni mgon por 'gyur// gang gis sems can sems can med ma mthong // yang dag nyid du sangs rgyas chos la dmigs// ji ltar sems can de bzhin sangs rgyas shes/ / de ltar sus shes de ni mgon por 'gyur// nyon mongs rtog na nyon mongs yod par 'gyur// tshul bzhin lam sems de bzhin nyon mongs yod// nyon mongs lam du nam yang ma brtags na/ / de ni byang chub mi rtog sa thob bo// stong pa'i chos kyis mi mkhas gang 'jigs pa// de dag sangs rgyas chos las ring ba yin// stong nyid chos la the tsom su med pa// de dag sangs rgyas byang chub 'thob par 'gyur/ / byang chub mchog thob par ni su 'dod pa// des ni 'dod chags chos la rtag mi bya// 'dod chags chos kyi mtshan nyid gang yin pa// de dag sangs rgyas yon tan bsam mi khyab/ / gang zhig sangs rgyas sa la mi 'jug cing // sems dang byang chub skye ba med pa dang // sems dang sangs rgyas byang chub gnyis med par// shes par gyur na de ni mgon por 'gyur// sdig sems
- 195b
mu stegs can gyis gang brjod dang / / sangs rgyas rnams kyis gsungs gang bka' stsal pa// de dag tha dad tshul gyur med pa ste// de ltar shes na de ni mgon por 'gyur// gang gis byang chub mthong zhing smon byed pa/ / de dang byang chub ring ste byang chub med// sangs rgyas sangs rgyas min pa mi mnyam zhe'am// sangs rgyas 'di zhes mi rtog mgon por 'gyur// gang zhig bdag ni sems can 'brel pa zhes// rlom na sems can 'du shes chags rmongs pas// dmigs par lta la rab gnas de la ni// byang chub med cing sangs rgyas chos kyang med// 'dod chags nang dang phyin mi gnas de// phyogs dang phyogs mtsham// gang na'ang yod pa min// chos rnams yod min rnam par brtags byas shing // byis pa 'dod chags 'du shes de ltar rmongs// sgyu ma smig rgyu brag cha lta bu ste// mo gsham bu dang rmi lam 'dra ba ni// nyon mongs 'di dag thams cad dmigs su med/ / byis pa de ltar mi shes rnam par rmongs// 'dus byas chos dang 'dus ma byas kyi chos// de dag tha dad gnyis su nam yang med// gang la grangs dang bgrang du med pa dag/ de'i tshul gyis gnyis su med par 'jug/ byis pa gang zhig byang chub sems rlom zhing // sangs rgyas 'gyur zhes rlom sems byed gyur na// chos kyi dngos nyid phyag rgya 'di bor bas// de la sangs rgyas chos dang byang chub med/ / smra la gang dga' yongs rtog spyod yul can// smra ba'i don la rnam par mi sems shing // ming dang legs la de bzhin chags gyur pa// de dag byang chub 'gyur bar the tsom
- 196a
yod/ / lta ba'i rnam pa byang chub gnyis med gsungs// ming dang yi ge'i grangs dang skad 'jug pas/ mi mkhas gang gis chos 'di ma rtogs pa// de dag sangs rgyas byang chub ring bar gnas/ / ming la chags shing smra ba dga' ba dang // bdag tu lta la gang zhig gnas gyur cing // 'dod pa chung dang chog shes rnam brtags pas// dad pa'i dbang gis da dung de 'dug go// 'dod chags chos las shes skyes gang 'bros pa/ / de ni 'dod chags chos las gzhar mi 'grol// gang gis yang dag 'dod chags chos shes na// 'dod chags bral ba'i 'dod chags chos shes 'gyur// yun ring dus su tshul khrim bsrungs byas shing / / bskal pa bye bar bsam gtan bskyed byas kyang // yang dag nyid mtha' 'di ni ma rtogs na// bstan pa 'di la de dag blo yod min// ci yang ma yin chos 'di sus shes pa// nam yang/ de ni chos kun chags mi 'gyur// tshul khrims 'tshal dang tshul khrims rnam brtags pas// byis pa dmigs pa'i spyod yul thar mi 'gyur// tshul khrims tshul khrims med par sus shes shing // tshul khrims 'tshal dang tshul khrims tshul gcig ces/ / tshul khrims ngang tshul de ltar sus shes pa// tshul khrims 'chal pa de la nam yang med// chos rgyal chos la rtogs pa ma 'gyur na// thabs kyis la sems can rnams 'dul zhing / / byang chub zag med zhi ba 'di la yang // tshul gcig chos kyis sems can 'dzud pa yin// chos rgyal dam pa'i chos 'di mi g.yo zhing // dngos med mtshan nyid med
- 196b
la tshul gcig par/ / ngo bo nyid kyis steng chos ma thos pas// g.yang sa chen por byis pa de dag lhung // chos 'di thos shing mi dngang gang gyur pa// 'dod pa'i yon tan lnga chags khyim pa'ang sla'i bstan pa 'di la rab tu byung gyur cing / / dmigs lta sbyangs pa'i yon tan rlom pa min// phyogs bcu kun na sangs rgyas rang byung ba// 'jig rten don mdzad gang dag bzhugs pa rnams// de dag kun gyis nam mkha' mtshungs pa'i chos// g.yo ba med shes byang chub 'gyur zhes gsungs// mi mkhas gang rnams mi sdug bsgom sems shing // chos rab 'di thos 'jigs par gyur pa dag/ rtag par sdug bsngal tshe dang ldan gyur cing // bskal pa bye ba mang por sdug bsngal 'gyur// tshigs su bcad pa bstan pa 'di bshad pa'i tshe/ lha'i bu stong phrag sum cu rtsa gnyis kyis mi skye ba'i chos la bzod pa thob bo/ / dge slong stong phrag brgyad bcu nye bar len pa med pa zag pa rnams las sems rnam par grol lo// byang chub sems dpa' rgyal ba'i blo gros kyang 'chi ba'i dus bgyis nas/ dog sa'i sgo phye ste/ sems can dmyal ba chen por lhung ngo // de sug las kyi sgrib pa des bskal pa bye ba khrag khrig brgya phrag stong du sems can dmyal ba chen po dag tu sdug bsngal tsha zhing rtsub la yid du mi 'ong ba'i tshor ba mi bzang ba myong bar gyur to/ / tshe rabs brgya stong phrag bdun cu rtsa bzhir mi snyan pa brjod pa thob par gyur to// bskal pa brgya stong mang por de bzhin gshegs pa'i mtshan tsam yang ma
- 197a
thos par gyur to/ / de de nas slad kyis de bzhin gshegs pa gzhan dang / gzhan dag dang mjal te/ de dag gi bstan pa la rab tu byung nas/ mngon par mos par ma gyur te/ tshe rabs stong phrag bdun cu rtsa drug tu rab tu byung ba las slar babs par gyur to/ / sug las kyi sgrib pa de nyid kyi lhag mas tshe rabs brgya stong phrag mang por dbang po rtul bar gyur to// bcom ldan 'das de'i tshe byang chub sems dpa' dge slong chos smra ba rab tu dga' ba'i dbang po zhes bgyi ba byung ba de ni/ bla na med pa yang dag par rdzogs pa'i byang chub tu mngon par rdzogs par sangs rgyas te/ da ltar bzhugs shing 'tsho ga zhes chos kyang ston to/ / shar phyogs kyi 'jig rten gyi khams bye ba brgya stong 'das pa'i sangs rgyas kyi zhing rin chen sna tshogs kyi 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gzi brjid sdug cing dri ma med la/ nyi zla zil gyis gnon pa bzhugs shing 'tsho ga zhes chos kyang ston to// bcom ldan 'das dge slong rgyal ba'i blo gros zhes bgyi bar gang gyur pa de ni/ bdag nyid de'i tshe de'i dus na dge slong rgyal ba'i blo gros zhes bgyi bar gyur te/ bcom ldan 'das bdag gis de'i tshe tshul 'di ma 'tshal bas/ de lta bu'i sdug bsngal myong bar gyur to// bcom ldan 'das bdag ni de 'dra ba'i gnas su gyur te/ de lta bu'i sdug bsngal ma mchis pa'i sdug bsngal yongs su brtags pa'i sdug bsngal phyin ci log gi sdug bsngal rnam pa de lta bu myong bar gyur to/ / bcom ldan 'das de lta lags pas byang chub sems dpa'i theg pa la zhugs pa 'am/
- 197b
nyan thos kyi theg pa la zhugs pa gang yang rung ste/ de lta bu'i sug las kyi sgrib pa mi 'tshal zhing / de lta bu'i sdug bsngal mi 'tshal na/ des dam pa'i chos spang bar mi bgyi'o// dam pa'i chos la dbya bar mi bgyi'o/ / chos gang la yang khong khro bar mi bgyi'o// de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal tshigs su bcad pa de thos pas khyod la khyad par ci zhig tu gyur/ gsol pa/ bcom ldan 'das tshogs su bcad pa de thos pas/ sug las kyi sgrub pa de las langs nas/ gang dang gang kyi bde dang de dag kun tu yang zab mo'i bzod pa can/ nges pa'i bzod pa can du gyur te/ chos zab mo ston pa la mkhas par gyur to// bcom ldan 'das kyis bka' stsal pa/ 'jam dpal su'i mthus khyod kyis de ltar yun ring po na mngon par 'du byas pa'i las kyi sgrib pa rjes su dran/ / 'jam dpal gyis gsol pa/ bcom ldan 'das byang chub sems dpa' rnams ni// ci sems kyi rjes tsi drin yang / de dag thams cad de bzhin gshegs pa'i mthu ste// de ci'i slad du zhe na/ bcom ldan 'das de bzhin gshegs pa las byung ba ni chos thams cad do// bcom ldan 'das kyis bka' stsal pa/ 'jam dpal de bzhin gshegs pas stobs bcu thob pa dang / 'di thos pa de ni mtshungs so// mi skye ba'i chos la bzod pa thob pa dang / 'di thos pa de ni mtshungs so// 'jam dpal gyis gsol pa
- 198a
bdag gis bcom ldan 'das kyis gsungs pa'i don 'tshal te/ chos kyis rnam grangs 'di thos pa ni bsam gyis mi khyab bo// bcom ldan 'das kyis bka' stsal pa 'jam dpal de de bzhin te/ chos kyi rnam grangs 'di thos pa ni bsam gyis mi khyab bo// 'on kyang sbyor ba med pa la de thos nas mos par mi 'gyur du 'ong ba'i phyir de bzhin gshegs pa lung mi ston de nas bcom ldan 'das la/ 'jam dpal gzhon nur gyur pa dang / byang chub sems dpa' sems dpa' chen po byams pas 'di skad ces gsol to// bcom ldan 'das slad ma'i dus lnga brgya tha ma la ci nas kyang / chos kyi rnam grangs 'di rgyas par 'gyur zhing / skye bo mang po'i sug par phyin par 'gyur ba dang / de la bdud dam bdud kyi ris kyi b+ha gang gis glags rnyed par mi 'gyur ba de ltar byin gyis brlab du gsol/ de nas bcom ldan 'das kyis chos kyi rnam grangs 'di byon gyis brlab pa'i phyir/ g.yas g.yon du gzigs so// bcom ldan 'das kyis de ltar gzigs ma thag tu de'i tshe phyogs bcur sangs rgyas kyi zhing gang+gA'i klung gi bye ma snyed rnam pa drug tu g.yos par gyur/ rab tu g.yos par gyur/ kun tu g.yos par gyur to// de'i tshe bcom ldan 'das kyis chos kyi rnam grangs 'di byin gyis brlabs pa mdzad de/ sangs rgyas bcom ldan 'das gzhan dag gis kyang 'jig rten gyis khams gang+gA'i klung gi bye ma snyed dag nas/ chos kyi rnam grangs 'di byin gyis
- 198b
masachamatsam mas ma/ byas nga sa kyis meng yad pa gis ma 'i mas can nams kyi sa btsang pa ma ga sa gyu pa dang / ldanas sa pa mas sa sa 'di skad ces gsol to/ / macom ldan 'das chos kyi rnam grangs 'di'i mong ci zhes gyi sa sul cos rdzas mas kyis dag sul pa/ dga' tho pas na chos kyinamagrangs tshas sem drung ba med pa zhes byabang zung gi/ / bcom ldan 'das kyis de skad ces bka' stsal pa dang / 'jam dpal gzhon nu d+ha dang / byang chub sems dpa' sems dpa' chen po byams pa dang nga rnarnam par tshol pa'i mngon par shes pa dang / byang chub sems dpa'i chags chen pa dang / dge sbyong rdza btu mam pa dag dang / ldan pakun dga' ba dang // da rnam yin dang / dri bar bcas pa'i 'jig rten bcom ldan 'das kyis gsungs pa la yi rangs te mngon par dga'a'o// 'phags pa chos thams cad 'byung ba med par bstan pa zhes bya bachem bachen pa rdzogs so/ / / lo tsab ban+de rin chen 'chos bsgyur cing zhus glegs pa mdum la gtugs te ci nus kyis zhus dag bgyis/
- 199a
rgya gar skad du/ Ar+ya sti bi bar ta byA kar Na nA ma ma hA ya na sU tra/ bod skad du/ 'phags pa bud med 'gyur ba lung bstan pa zhes bya ba theg pa chen po'i mdo/ / bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod phung po'i ri la dge slong lnga stong gi dge slong gi dge 'dun chen po dang / byang chub sems dpa' brgyad stong mngon par grags pa/ mngon par shes pa thob pa/ spobs pa thogs pa med pa/ mi 'jigs pa thob pa/ mi skye ba'i chos la bzod pa dang ldan pa/ sangs rgyas dpag tu med pa la dge ba'i rtsa ba bskyed pa/ theg pa chen po'i rjes su song ba stag la 'di lta ste/ byang chub sems dpa' sems dpa' chen po mu khyud 'dzin dang / sa 'dzin dang / bang rim 'dzin dang / mchod sbyin rus 'dzin dang / snang ba'i blo gros dang rnam par dag pa'i blo gros dang / sbyangs pa'i blo gros dang / khyad par blo gros dang / mtha' yas blo gros dang / 'phel ba'i blo gros dang / mthong dga' dang / legs mthong dang / cher snang dang / byang chub sems dpa' sems chen po don kun mthong la sogs pa dang thabs cig tu bzhugs so// byams pa la sogs pa bskal pa bzang po'i byang chub sems dpa' sems dpa' chen
- 199b
po thams cad kyang 'khor de nyid du 'dus par gyur te 'khod do/ / de nas bcom ldan 'das rgyal po'i khab kyi grong khyer chen po na rten cing bzhugs te/ rgyal po dang / rgyal po'i bu/ rnams dang / tshong dpon rnams dang / khyim bdag rnams dang / blon po rnams dang / 'khor rnams dang / grong rdal ba dang // yul gyi mi rnams kyis bkur sti byas/ bla mar byas/ ri mo byas/ mchod ba byas so// de nas tshe dang ldan pa rab 'byor snga dro'i dus kyi tshe/ smad g.yogs dang / chos gos bgos/ lhung bzed thogs nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas// bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das mdang sum bdag gi rmi lam na de bzhin gshegs pa byang chub kyi snying po la bzhugs pa zhig mthong ste/ des phyag g.yas pa gser gyi mdog can brkyang nas bdag gi spyi bor bzhag ste/ rab 'byor srang khyod kyis sngon ma thos pa'i chos bstan pa thos par 'gyur ro zhes/ de skad ces bka' stsal na/ bcom ldan 'das de gang gi snga ltas lags/ bcom ldan 'das kyis bka' stsal pa// rab 'byor de ni rigs kyi bu 'am/ rigs kyi bu mo chos 'dod pa rnams kyi sngon ma thos pa'i chos thos par 'gyur ba'i snga ltas yin no// de nas/
- 200a
bcom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das bdag rgyal po'i khab kyi grong khyer chen por bsod snyoms la mchi'o// bcom ldan 'das kyis bka' stsal pa/ rab 'byor de'i dus la dbab par shes na song zhig/ de nas tshe dang ldan pa rab 'byor bcom ldan 'das kyis gnang nas/ bcom ldan 'das kyi zhabs la mgo bos phyag 'tshal te/ rgyal po'i khab kyi grong khyer chen por bsod snyoms la zhugs so// de nas tshe dang ldan pa rab 'byor rgyal po'i khab kyi grong khyer chen por mthar chagasu bsod snyoms la rgyu zhing song ba las/ khyim bdag gcig gis gnas ga la ba der song ste phyin nas/ sgo khang gi nang logs su cang mi smra bar sdong ngo // de nas khyim de'i nang nas bud med mchog gi gzugs dang ldan pa/ blta na sdug pa/ / rgyan gyis legs par klubs te/ nor bu dang / mu tig dang / byu ru dang / gser gyi rgyan gyis brgyan pa/ dpal shin tu 'bar ba/ kha dog rgyas shing mdzes pa dang ldan pa zhig byung ngo // de nas bud med des tshe dang ldan pa rab 'byor gyi rkang pa la mgo bos phyag 'tshal nas/ tshe dang ldan pa rab 'byor la 'di skad ces smras so// btsun pa rab 'byor khyod ci zhig bzhed pa'i slad du sgo khang 'di na gzhes/ rab 'byor gyis smras pa/ che zhe bdag ni bsod snyoms 'dod pa'i phyir/ sgo khang 'di na sdod do// bud med nges smras pa/ btsun pa rab 'byor khyod lang rung yang bsod snyoms kyi 'du
- 200b
shes 'byung lags sam/ btsun pa rab 'byor nga rung yang bsod snyoms kyi 'du shes thugs su ma chud dam/ rab 'byor gyis smras pa/ che zhe bdag gis bsod snyoms kyi 'du shes ni khong du chud mod kyi 'on kyang pha ma las skyes pa'i lus 'bras chan dang / zan dron gyis bskyed pa 'di zas med kyi bar du 'tshe bar mi nus so// bud med des smras pa/ btsun pa rab 'byor gyis ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor ba 'gag/ tsher ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gag pas skye ba 'gag/ skye ba 'gahA pA na shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa 'gags pas mngon sum du ma mdzad dam/ rab 'byor gyis smras pa/ che zhe bdag gis 'gog pa mngon sum du byas so// smras pa/ btsun pa rab 'byor ci zhig ni 'gog par 'gyur/ chos gang ni rab tu bsgom par bgyi/ smras pa/ meche 'gog pa ni/ chos gang gi rab tu bsgom par bya ba yang ma yin no// smras pa/ btsun pa rab 'byor gal te 'gog pa chos gang gis rab tu bsgom pa yang ma lags ma/ btsun pa rab 'byor gyis
- 201a
lus bsod snyoms kyis ji ltar 'tsho bar 'gyur/ smras pa/ che zhe 'gog pa la snyoms par zhugs te/ tshor ba thams cad bkag pa las langs pa'i lus 'tsho bar byed byed do/ / smras pa/ btsun pa rab 'byor gal te gtan du mya ngan las 'das na khyod kyi lus ji ltar 'tsho ba la 'jug par 'gyur/ smras pa/ che zhe bcom ldan 'das kyi nyan thos rnams ni lus 'tsho bar bya ba'i phyir bsod snyoms la rgyu'o/ / smras pa/ des na bcom ldan 'das kyis btsun pa rab 'byor nyon mongs pa med par gnas pa rnams kyi mchog tu ma bstan ta ma smras pa// che zhe de yin no/ / smras pa/ ci nyon mongs pa med pa de rgyu ba'am/ rab tu rgyu ba lags sam/ smras pa/ che zhe ma yin no// smras pa/ 'o na ci'i slad du/ btsun pa rab 'byor bsod snyoms la rgyu ba mdzad/ smras pa/ che zhe bdag ni lus tsha ba'i phyir/ bsod snyoms la rgyu ba ma yin gyi/ srog gi phyir tshor ba 'gag pa'i don du bsod snyoms la rgyu'o// smras pa/ btsun pa rab 'byor dadung yang tshor bar 'phrog sa ma/ smras pa/ che zhe bdag ni tsher bar mi 'phrogs mod kyi/ tshor ba 'gag pa'i phyir bsod snyoms la rgyu'o// smras pa/ btsun pa rab 'byor nyon mongs pa med pa ni mtshungs pa med pa ste/ de ci'i slad du zhe na/ nyon mongs pa med par gnas pa ni lus dang sems kyis tshor ba myong ba ma mchis so// nyon mongs pa med pa ni lus dang sems dang mtshungs pa
- 201b
ldan pa ma lags so/ / nyon mongs pa med pa ni dga' ba 'am/ mi dga' ba skyed par mi bgyid do// nyon mongs pa med par ni su la yang nyon mongs pas nye bar gnas pa ma mchis so// gzhan yang gang gi slad du/ bcom ldan 'das kyis/ btsun pa rab 'byor nyon mongs pa med par gnas pa rnams kyi mchog stan na/ ci'i slad du ni nyon mongs pa med pa nyon mongs pa med pa zhes bgyi/ rab 'byor gyis smras pa/ che zhe dmigs pa med pa'i nyon mongs pa med pa ni/ 'dod chags kyi rdul dang bral ba yin no// smras pa/ btsun pa rab 'byor ci nyon mongs pa med pa'i phyir/ 'dod chags dang bral bar 'gyur ram/ smras pa/ che zhe ma yin no// smras pa/ btsun pa rab 'byor 'o na nyon mongs pa med pa de ji ltar 'dod chags kyi rdul dang bral bar 'gyur/ smras pa/ che zhe nyon mongs pa med par bstan pa 'di ni bshad pa tsam du zad do// smras pa/ btsun pa rab 'byor ci nyon mongs pa med pa la bshad pa mchis sam/ smras ba/ che zhe med do// smras pa/ btsun pa rab 'byor gal te nyon mongs pa med pa la bshad pa ma mchis na/ ci zhig 'chad cing bzhugs/ smras pa/ che zhe bcom ldan 'das kyi nyan thos rnams ni tha snyad du 'dogs par zad do/ / smras pa/ btsun pa rab 'byor ji tsam du brjod pa mchis pa de tsam du tha snyad 'dogs so// ji tsam du tha snyad 'dogs pa de tsam du phyin
- 202a
ci log go/ / ji tsam du phyin ci log pa de tsam du rtsod par 'gyur ro// ji tsam du rtsod pa de tsam du dge sbyong gi chos ma lags so// smras pa/ che zhe 'o na dge sbyong gi chos gang yin/ / smras pa/ btsun pa rab 'byor dge sbyong gi chos ni tha snyad ma mchis pa/ phyin ci ma log pa/ rtsod pa ma mchis pa'o// dge sbyong gi chos ni chos dang / chos ma lags pa dang bral ba'o/ / dge sbyong gi chos ni chags pa dang / ma chags pa dang bral ba'o// dge sbyong gi chos ni yul ma mchis pa dang / yul ma lags pa'o// dge sbyong gi chos ni chags pa ma mchis pa dang / ma bcings ma grol ba'o// dge sbyong gi chos ni sems ma mchis po ste// sems dang / yid dang / rnam par shes pa dang bral ba'o// dge sbyong gi chos ni chog shes pa'o// dge sbyong gi chos ni phrag dog dang chags pa spangs pa'o// dge sbyong gi chos ni 'dod pa chung zhing chog shes pa'o// dge sbyong gi chos ni 'dod pa thams cad dang bral ba'o/ / dge sbyong gi chos ni yul thams cad yas yang dag par 'das pa dang / zhen pa ma mchis pa'o// dge sbyong gi chos ni phung po'i bdud las nges par grol ba'o// dge sbyong gi chos ni nyon mongs pa ma mchis pa ste/ nyon mongs pa'i bdud las yang dag par 'das pa'o// dge sbyong gi chos ni ma skyes pa'o// dge sbyong gi chos ni 'chi bdag gi bdud dang bral ba'o//
- 202b
dge sbyong gi chos ni g.yo ba ma mchis pa dang / rlom sems ma mchis pa dang / rtog pa ma mchis pa dang / rnam par ma bsgribs pa dang / sbyar ba ma lags pa'o// dge sbyong gi chos ni bdud kyi yul las yang dag par 'das pa'o/ / dge sbyong gi chos ni blang ba ma mchis pa dang / dor ba ma mchis pa'o// dge sbyong gi chos ni skye ba dang / 'jig pa dang bral ba'o// dge sbyong gi chos ni lha'i bu'i bdud dang ma 'phags pa'o/ / dge sbyong gi chos ni yid la byed pa ma mchis pa dang / thams cad du gos pa ma mchis pa'o// dge sbyong gi chos ni mngon par zhen pa ma mchis ba dang / mtshan ma mchis pa dang / mtshan ma thams cad dang bral ba'o// dge sbyong gi chos ni khams dang khams ma lags pa'i tshul thams cad kyis bcos pa ma lags pa dang / bgrang ba dang bral ba dang / gnas ma mchis pa dang / nam mkha' dang mnyam pa'o// dge sbyong gi chos bstan pa 'di bshad pa na/ sgo khang der lha'i bu gang dag chos nyan pa'i phyir 'dus pa de dag las/ lha'i bu bzhi stong chos rnams la chos kyi mig rdul med cing dri ma dang bral ba rnam par dag go// rgya chen po la mos pa'i lha'i bu lnga brgya ni bud med de'i spobs pa thos nas// bla na med pa yang dag par rdzogs pa'i byang chub tu sems skyes so/ / de nas tshe dang ldan pa rab 'byor 'di snyam du sems te/ che zhe 'di ltar spobs pa phun sum tshogs pa dang ldan pa de ni ngo mtshar te/ che zhe 'di'i spobs pa
- 203a
'di 'dra ba lags na/ 'di ni de bzhin gshegs pa'i sprul pa yin par the tsom med do snyam mo// de nas zung med de'i sems kyis tshe dang ldan pa rab 'byor gyi sems shes nas gnas brtan rab 'byor la 'di skad ces smras so/ / btsun pa rab 'byor 'di ltar 'di ni de bzhin gshegs pa'i sprul pa yin par the tsom med do// ji ltar dgongs pa de bzhin te/ de ci'i slad du zhe na/ ji ltar de bzhin gshegs pas de bzhin nyid thugs su chud pa de bzhin du/ bdag gis kyang de bzhin nyid khong du chud do// des na bdag ni de bzhin gshegs pa'i sprul pa'o// de bzhin gshegs pa'i gzugs kyi de bzhin nyid dang / tshor ba dang / 'du shes dang / 'du byed rnams dang / rnam par shes pa'i de bzhin nyid gang lags pa de dag gi de bzhin nyid kyang de bzhin nyid do// des na bdag ni de bzhin gshegs pa'i sprul pa'o// de bzhin gshegs pa'i de bzhin nyid gang lags pa de ni/ nams kyang de bzhin nyid ma lags par mi 'gyur ro// bdag gi de bzhin nyid gang lags pa dang / sems can thams cad kyi de bzhin nyid gang lags pa de ni nam kyang de bzhin nyid ma lags par mi 'gyur te/ des na bdag ni de bzhin gshegs pa'i sprul pa'o// de bzhin gshegs pa'i de bzhin nyid gang lags pade ni res 'ga' de bzhin nyid du 'gyur ba ma lags la/ bdag gi de bzhin nyid gang lags pa de yang res 'ga' de bzhin nyid du 'gyur ba ma lags kyi/ rtag tu de bzhin nyid de kho na lags so// des na
- 203b
bdag ni de bzhin gshegs pa'i sprul pa'o/ / bdag gi de bzhin nyid gang lags pa dang / sems can thams cad kyi de bzhin nyid gang lags pa dang / chos thams cad kyi de bzhin nyid gang lags pa de ni/ yang dag pa ji lta ba dang / gzhan ma yin pa de ni de bzhin nyid de/ des na bdag ni de bzhin gshegs pa'i sprul pa'o// de nas tshe dang ldan pa rab 'byor gyis/ bud med de la 'di skad ces smras so/ / che zhe ci khyod kyis de bzhin gshegs pa'i mthus bdag gi sems shes sam/ 'on te rang gi shes pas shes// smras pa// btsun pa rab 'byor nyan thos rnams sam/ rang sangs rgyas rnams sam// byang chub sems dpa' rnams sam/ drang srong mngon par shes pa lnga dang ldan pa gang yang rung ste/ sems can gzhan gyi sems shes pa de dag thams cad ni/ sangs rgyas kyis mthus gzhan gyi sems shes pa lags so/ / da ltar gnas brtan rab 'byor gzhan gyi sems mkhyen pa gang lags pa de yang sangs rgyas kyi mthus mkhyen pa lags so// btsun pa rab 'byor dper na zla ba dang / nyi ma dang / me dang nor bu dang / mar me dang / skar ma la brten nas/ skyes bu mig dang ldan pa rnams kyis gzugs rnams mthong ba de bzhin du/ btsun pa rab 'byor ma rig pa'i mun pa na 'jig rten gnas pa las/ gang su ngadag pha rol gyi sems shes pa de dag thams cad ni de bzhin gshegs pa la brten nas shes pa lags so// de nas tshe dang ldan pa rab 'byor gyis bud med de la 'di skad ces smras so//
- 204a
che zhe khyod 'di lta bu'i spobs pa dang ldan pa khyod su yin pa dang / ga las 'ongs pa bdag la ston cig/ bud med des smras pa/ btsun pa rab 'byor gang zhig de bzhin gshegs pa'i sprul pa la 'dri ste/ rigs kyi bu khyod su yin pa dang / ga las 'ongs pa bdag la ston cig ces de skad smras na/ ji skad du lan 'debs par 'gyur/ smras pa/ che zhe cung zad kyang lan gdab tu med do// smras pa/ btsun pa rab 'byor de bzhin du chos thams cad sprul pa'i ngo bo nyid kyi mtshan nyid du shes na/ bdag gis ci zhig shes su mchis// gzhan yang gang zhig btsun pa rab 'byor la 'dri ste/ ci khyod so so'i skye bo yin nam/ 'on te slob pa 'am/ dgra bcom pa yin zhes de skad smras na lan ji skad gdab/ de nas tshe dang ldan pa rab 'byor sems pa la zhugs te/ che zhe 'di'i lan ji ltar gdab par bya snyam mo// de nas bar snang las btsun pa rab 'byor khyod kyis cung zad ci thob pa 'am/ rtog pa 'am/ mngon sum du byas pa'am mngon par rtogs pa gang gis dgra bcom pa yin par shes pa de/ / che zhe 'di la ston cig ces sgra byung ngo // de nas tshe dang ldan pa rab 'byor gyis bar snang de las sgra byung ba de thos nas/ bud med de la 'di skad ces smras so/ / che zhe bdag ni so so'i skye bo yang ma yin/ slob pa yang ma yin/ dgra bcom pa yang ma yin no// smras pa/ btsun pa rab 'byor de bdag gis ji ltar gzung bar bgyi/ smras pa/
- 204b
che zhe de bzhin gshegs pa'i sprul pa'i bdags pa ji lta ba de bzhin du bdag la zung zhig/ smras pa/ btsun pa rab 'byor ni dgra bcom pa zag pa zad pa/ nyon mongs pa med par gnas pa rnams kyi mchog dang / yon gnas zhes bgyi ba lags so// smras pa/ che zhe bdag ni dgra bcom pa/ zag pa zad pa/ nyon mongs pa med par gnas pa rnams kyi mchog dang yon gnas ma yin no/ / smras pa/ btsun pa rab 'byor de ltar na shes bzhin gyi brdzun gsung bar mi 'gyur ram/ smras pa/ che zhe gal te bdag zag pa zad pa/ nyon mongs pa med par gnas pa rnams kyi mchog dang yon gnas yin par 'dzin par gyur na ni/ de ltar na bdag brdzun du smra bar 'gyur na/ gang gi phyir bdag de ltar mi 'dzin pa de'i phyir/ bdag ni yang dag par smra ba yin gyi/ brdzun du smra ba zhes mi bya'o// smras pa/ btsun pa rab 'byor sgo khang 'dir lha bden pa mthong ba chos mnyan pa'i phyir/ 'dus pa rnams la slu bar mi 'gyur ram/ smras pa che zhe bden pa mthong ba de dag ni bslu bar mi nus so/ / smras pa/ btsun pa rab 'byor gyis bden pa rnams gzigs sam// smras pa// mthong ngo // smras pa/ gal te bden pa rnams mthong du rung na ni/ de dag bden pa ma lags par 'gyur ro// de ci'i slad du zhe na/ bden pa rnams ni sus kyang mthong bar mi nus pa'i slad du'o// rab 'byor gyis smras pa/ che zhe bden pa mthong ba zhes bya
- 205a
bde gang gi tshig bla dgas yin/ smras pa/ btsun pa rab 'byor bden pa mthong ba zhes bgyi ba de ni/ chos thams cad mnyam pa nyid du yang dag par mthong ba'i tshig bla dgas so// bden pa mthong ba zhes bgyi ba de ni/ phyin ci log yang dag par mthong ba'i tshig bla dgas so// smras pa/ che zhe khyod kyis gang las bsams te de skad smras/ smras pa/ btsun pa rab 'byor phyin ci log las nyon mongs pa kun nas bslang ba gang lags pa de ni bden pa mthong bas skye bar 'gyur te/ des na phyin ci log yang dag par mthong bas bden pa mthong zhes bgyi'o// de nas sgo 'ang der chos mnyan pa'i phyir lha 'dus pa de dag gis/ gnas brtan rab 'byor la rags pa'i lus bstan nas 'di skad ces smras so// btsun pa rab 'byor khyod kyis che zhe 'di'i spobs pa thos pa de ni// khyod kyis rnyed pa legs par rnyed do// sems can gang dag gis bstan pa 'di thos nas mos pa de dag kyang rnyed pa legs par rnyed pa yin no// gang dag mos pa de dag ni gang las kyang rnam par grol ba med do/ / de ci'i phyir zhe na/ mos pa mang ba rnams ni gang nas kyang rnam par grol ba med do// mos pa mang ba la ni 'ching ba med pas na// de ni gang las kyang rnam par grol ba med do/ / de nas bud med des yang tshe dang ldan pa rab 'byor la 'di skad ces smras so// btsun pa rab 'byor bsod snyoms la rgyur mi bzhud dam/ bshos bcad de ci bgyi/
- 205b
/ smras pa/ che zhe bdag gi sras ni 'di nyid yin te/ chos mnyan pa 'di lta bus chog go// che zhe gang gi chos gos dang / bsod snyoms kyi phyir yid mi bde ba skye ba de ni chos 'dod pa ma no/ / gang rnyed pa dang / bkur sti dang / tshigs su bcad pa 'dod pa de ni chos 'dod pa ma yin no// gang lus dang / srog dang / bsod snyoms 'dod pa de ni chos 'dod pa ma yin no// gang tha na legs so/ / zhes bya ba 'dod pa de yang chos 'dod pa ma yin no// smras pa/ che zhe rigs kyi bu 'am/ rigs kyi bu mo dag chos 'dod pa ji lta bu yin/ smras pa/ btsun pa rab 'byor gang 'ad / pa la mi sred pa de ni chos 'dod pa'o// gang mig dang / gzugs mi 'dod pa dang / rna ba dang / sgra dang / sna dang / dri dang / lce dang // ro dang / lus dang / reg bya dang / yid dang / chos mi 'dod pa de ni chos 'dod pa'o/ / gang chos ci la yang mi rten pa de ni chos 'dod pa'o// btsun pa rab 'byor gzhan yang gang phung po dang / khams dang / skye mched mi 'dod pa de ni chos 'dod pa'o// gang 'dod pa dang / gzugs dang / gzugs med pa mi 'dod pa de ni chos 'dod pa'o// gang dmigs pa'i mtshan ma la dmigs pa mi 'dod pa de ni// chos 'dod pa'o// de nas tshe dang ldan pa rab 'byor gyis/ bud med de la 'di skad ces smras so// che zhe bzod par gyis shig/ bdag sgo khang 'di nas 'gro'o// bud med des smras pa/ btsun pa rab 'byor dper na/ sa'i khams la bzod pa gsol mi 'tshal
- 206a
ba de bzhin du/ btsun pa rab 'byor gang gi semasas dang 'dra ba de la ni bzod pa gsol mi 'tshal lo// btsun pa rab 'byor chul brjod pa gsol mi 'tshal ba de bzhin du gang gi sems chu dang 'dra ba de la ni bzod pa gsol mi 'tshal lo/ / me dang / rlung dang / nam mkha' la bzod pa gsol mi 'tshal ba de bzhin du/ gang gis sems me dang / rlung dang / nam mkha' dang 'dra ba de la ni bzod pa gsol mi 'tshal lo/ / btsun pa rab 'byor gru dang / stegs dang / zam pa dang / lam po che la bzod pa gsol mi 'tshal ba de bzhin du/ btsun pa rab 'byor gang gi sems gru dang / stegs dang / zam pa dang / lam po che dang 'dra ba de la ni bzod pa gsol mi 'tshal lo// btsun pa rab 'byor byis pa rnams la ni bzod pa gsol 'tshal gyi/ 'phags pa rnams la ni bzod pa gsol mi 'tshal lo/ / btsun pa rab 'byor gang dag la gnod sems dang / khro ba dang / bag la nyal skye ba de la ni bzod pa gsol 'tshal gyi/ gang dag mi skye ba de dag la ni bzod pa gsol mi 'tshal lo// btsun pa rab 'byor dper na/ me 'bar ba ni zhi bar bgyi 'tshal gyi/ mi 'bar ba ni zhi bar bgyi mi 'tshal ba de bzhin du/ btsun pa rab 'byor gang dag gi nyon mongs pa 'bar ba de dag la ni bzod pa gsol 'tshal gyi/ gang dag nyon mongs pa med pa de dag la ni bzod pa gsol mi 'tshal lo// de nas tshe dang ldan pa rab 'byor gyi/ bud med de la 'di skad ces smras so// che zhe khyod ci zhig 'dod na 'di ltar seng ge'i sgra sgrogs smras
- 206b
pa/ btsun pa rab 'byor gang 'dod pa mchis pa de ni seng ge'i sgra sgrogs nus so// gang dag ci yang mi 'dod pa de dag ni seng ge'i sgra sgrogs par bgyid do// de ci'i slad du zhe na/ dmigs pa mchis pa la ni 'dod pa mchis la/ gang la dmigs pa mchis pa de la ni seng ge'i sgra ci yang ma mchis so// 'jig tshogs la lta ba mchis pa la ni 'dod pa mchis la/ gang la lta ba'i rnam pa mchis pa de la ni seng ge'i sgra ci yang ma mchis so/ / btsun pa rab 'byor gzhan ci zhig bzhed pas len pa med par zag pa rnams las sems rnam par grol bar gyur/ smras pa/ che zhe 'dod pa yod pa la ni rnam par grol ba ci yang med do/ / smras pa/ btsun pa rab 'byor gang bzhed pa len pa med par zag pa rnams las sems rnam par grol ba de bzhin du bdag kyang de lta bu'i 'jug pas zhugs so// bdag kyang de lta/ bu'i rnam par grol ba'i 'jug pas zhugs so// bdag kyang de lta bu'i chos kyi dbyings kyi 'jug pas zhugs so// de nas tshe dang ldan pa rab 'byor gyis/ bud med de la 'di skad ces smras so// che zhe theg pa'i rnam pa gang yin pa rnams dang / rtags gang yin pa rnams dang / mtshan ma gang dag yin pa 'di lta bu dag bdag la ston pa las na/ khyod ni theg pa chen po la yang dag par zhugs pa yin par the tsom med do/ / bud med des smras pa/ btsun pa rab 'byor theg pa chen po'i rnam pa rnams dang / rtags rnams dang / mtshan ma rnams mkhyen
- 207a
ta ma smras pa/ che zhe nyan thos kyis ni ma thos par theg pa chen po'i rnam pa rnams dang / rtags rnams dang / mtshan ma rnams shes par mi nus kyis/ che zhe theg ba chen po'i rnam pa rnams dang / rtags rnams dang / mtshan ma rnams shod cig/ smras pa/ btsun pa rab 'byor theg pa chen po zhes bgyi ba de ni// chags pa ma mchis pa'i theg pa dang / sgrib pa ma mchis pa'i ye shes dang / tha dad pa ma mchis pa'i ye shes kyi tshig bla dgas so// btsun pa rab 'byor dper na las su 'gro ba'i lha'i bu rnams dang // zla ba dang nyi ma'i gzhal med khang rnams ni sems can rnams la snang bar bgyi ba'i slad du/ / chags pa ma mchis pa dang / sgrib pa ma mchis pa dang / rgyun mi 'chad par nam mkha' la shugs kyis mchi ba de bzhin du/ btsun pa rab 'byor theg pa chen po la yang dag par zhugs pa'i skyes bu dam pa rnams ni sems can thams cad la chos kyi snang ba bgyi ba'i slad du/ chags pa ma mchis pa dang / sgrib pa ma mchis pa dang / rgyun mi 'chad par pha rol tu phyin pa drug po dag gi shugs kyis mchi'o/ / btsun pa rab 'byor dper na gling bzhi ni 'khor los sgyur ba'i rgyal po'i lags te/ de dag gang dang gang du mchi ba de dang der gling bzhi pa'i mo rnams kyis bsten pa'i 'os su 'gyur ba lags la/ 'khor los sgyur ba'i rgyal po yang sems can de dag la bsam pa mi mnyam pa'i rnam pa ma mchis te/ byams par bgyid pa de bzhin du/ btsun pa rab 'byor theg pa chen po
- 207b
la yang dag par zhugs pa'i byang chub sems dpa' rnams ni grong dang / grong khyer dang / grong rdal dang / ljongs dang / yul 'khor dang / rgyal po'i pho brang thams cad du gang dang gang du mchis pa de dang der sems can thams cad kyis bsten pa'i 'os su 'gyur ba lags la/ sems can thams cad la sems snyoms shing / tha dad du spyod pa ma mchis so// byang chub sems dpa' rnams ni bsdu ba rnam pa bzhis sdud pa na sems la byams pa tha dad pa ma mchis te/ des na theg pa chen po zhes bgyi'o// btsun pa rab 'byor theg pa chen po zhes bgyi ba ni theg pa de che ba lags la/ lha dang / klu dang // gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams dang / mi dang / mi ma yin pa rnams dang / brgya byin dang / tshangs pa dang / 'jig rten skyong ba rnams dang / mkhas pa rnams dang / skyes bu dam pa rnams dang / shes pa rnams dang / yang dag par song ba rnams dang yang dag bar zhugs pa rnams kyis mchod pa lags te/ des na theg pa chen po zhes bgyi'o// theg pa de ni ma skyes pa'i phyir mi zad pa'o// theg pa de ni sangs rgyas kyi rigs mi 'chad pa'o// theg pa deni chos kyi rigs sdud pa'o// theg pa de ni dge 'dun gyi rigs yongs su 'dzin pa'o/ / theg pa de ni sems can thams cad la go skabs 'byed cing sgrib pa med pa'i yangs pa'o// theg pa de ni phan ma mchis pa'i phyir 'dus ma byas pa'o// theg pa
- 208a
de ni pha rol tu phyin pa drug gis shin tu sbyang ba byas pa'o/ / theg pa de ni bsdu ba rnam bzhis legs par bsdus pa'o// theg pa de ni 'phags pa'i lam yan lag brgyad pa'i rjes su 'brang ba phyir/ shin tu yang dag par song ba'o// theg pa de ni zhi gnas dang lhag mthong bsgoms pas/ bzhon pa bzang po dang ldan pa'o// theg pa de ni dran pa nye bar gzhag pa dang / byang chub kyi sems ma brjed ba'i phyir kha lo sgyur bzang po'i gnas so/ / theg pa de ni snying rje chen pos shin tu brtan pa'o// theg pa de ni thams cad mkhyen pa nyid kyis legs par gnas pa'o// theg pa de ni bdud thams cad pham par byas pas 'jigs pa dang bral ba'o/ / theg pa de ni shes rab kyi snang ba yang dag par ston pa'i phyir mun pa dang bral ba'o// theg pa de ni dge ba'i rtsa ba thams cad sdud cing sogs pas shin tu 'byor pa'o// theg pa de ni lha dang bcas pa'i 'jig rten gyi phyag bgyis pa'o// theg pa de ni phas kyi rgol ba thams cad kyis mi brdzi ba'o// theg pa de ni nyan thos dang rang sangs rgyas thams cad kyis rtogs par dka' ba'o/ / theg pa de ni mi dad pa rnams dga' bar bgyid pa'o// theg pa de ni sdang ba rnams byams par bgyid pa'o// theg pa de ni ser sna can rnams kyi gtong ba bgyid pa'o// theg pa de ni tshul khrims 'chal pa rnams kyi tshul khrims bgyid pa'o/ / theg pa de ni gnod sems kyi sems dang ldan pa rnams kyi bzod pa bgyid pa'o// theg pa de ni le lo can rnam kyi brtson 'grus bgyid pa'o// theg pa
- 208b
de ni brjed ngas pa rnams dran par bgyid pa'o/ / theg pa de ni sems rnam par g.yengs pa rnams nye bar zhi bar bgyid pa'o// theg pa de ni shes rab 'chal pa rnams kyi shes rab bgyid pa'o// theg pa de ni dbul po rnams kyi nor bgyid pa'o/ / theg pa de ni sdug bsngal ba rnams bde bar bgyid pa'o// theg pa de ni mkhas pa rnams mchog tu dga' bar bgyid pa'o// theg pa de ni shes pa rnams dang bar bgyid pa ste/ des na theg pa chen po zhes bgyi'o// de nas tshe dang ldan pa rab 'byor gyis/ bud med de la 'di skad ces smras so// che zhe khyod kyis theg pa chen po'i rnam pa rnams dang / rtags rnams dang / mtshan ma rnams legs par smras sam/ bud med des smras pa/ btsun pa rab 'byor theg pa chen po'i rnam pa rnams dang / rtags rnams dang / mtshan ma rnams ni bskal pa 'am/ de bas ches lhag par bdag gis bshad du lags kyang mthar phyin par mi 'gyur ro// btsun pa rab 'byor theg pa chen po ji ltar tshad ma mchis pa de bzhin du rnam pa rnams dang / rtags rnams dang / mtshan ma rnams kyang tshad ma mchis so// tshe dang ldan pa rab 'byor gyis/ bud med de la gzhan yang 'di skad ces smras so// che ne khyod kyis bdag la khyod ci zhig 'dod de bsod snyoms bar byed cing glags btsal ba de ni/ de bzhin gshegs pa chos kyi mnga' bdag nyid kyang bsod snyoms la rgyu ba mdzad na khyod kyis de bzhin gshegs pa la yang de'i glags btsal lam/ bud med des smras pa/
- 209a
btsun pa rab 'byor gal te de bzhin gshegs pa thabs gang gis bsod snyoms la rgyu ba mdzad pa mkhyen pa lta na/ de spobs par mdzod cig/ rab 'byor gyis smras pa// chezhe de bzhin gshegs pa thabs ji lta bu zhig gis bsod snyoms la rgyu ba mdzad/ bud med des smras pa/ btsun pa rab 'byor de bzhin gshegs pa ni don gyi dbang nyi shu rtsa gcig gzigs nas bsod snyoms la rgyu ba mdzad de/ nyi shu rtsa gcig po gang zhe na/ gzugs kyi sku bzang po bstan pa'i phyir/ de bzhin gshegs pa bsod snyoms la rgyu ba mdzad de/ der sems can gang dag gis de bzhin gshegs pa'i sku skyes bu chen po'i mtshan sum cu rtsa gnyis kyis brgyan pa rnam pa thams cad kyi mchog dang ldan pa mthong ba de dag/ de bzhin gshegs pa'i gzugs kyi sku'i mtshan thos par bgyi ba'i phyir/ bla na med pa yang dag par rdzogs pa'i byang chub tu sems skyed par bgyid de/ btsun pa rab 'byor de bzhin gshegs pas don gyi dbang de gzigs nas/ bsod snyoms la rgyu ba mdzad do// btsun pa rab 'byor gzhan yang de bzhin gshegs pa grong dang / grong khyer du bsod snyoms la gshegs na/ sems can long ba rnams kyis ni gzugs mthong bar 'gyur/ sems can 'on pa rnams kyis ni sgra thos par 'gyur/ sems can smyon pa rnams kyis ni dran pa rnams rnyed par 'gyur/ sems can gcer bu rnams kyis ni gos rnyed par 'gyur/ sems can bkres pa rnams kyi ni zas rnyed par 'gyur/ sems can skom
- 209b
pa rnams kyis ni btung ba rnyed par 'gyur la/ sems can su la yang 'dod chags sam/ zhe sdang ngam/ gti mug gam/ phrag dog gam/ ser sna dang / khro ba dang / rgyags pa dang / 'chab pa dang / yongs su gdung ba'i gnod pa ma mchis so// sems can thams cad byams pa'i sems dang ldan te/ gcig la gcig pha ma'i 'du shes skyed par 'gyur te/ der sems can mang pos de bzhin gshegs pa grong dang / grong khyer du gshegs pa'i yon tan phun sum chog pa de mthong nas/ bla na med pa yang dag par rdzogs pa'i byang chub tu sems skyed par bgyid de/ btsun pa rab 'byor de bzhin gshegs pa don gyi dbang de gzigs nas/ bsod snyoms la rgyu ba mdzad do// btsun pa rab 'byor gzhan yang de bzhin gshegs pa ni grong dang / grong khyer dang / grong rdal du gshegs na/ lha dang / klu dang / gnod sbyin dang / dri za dang / lha ma yon dang / nam mkha' lding dang / mi 'am ci dang / lto 'phye chen po rnams dang / brgya byin dang / tshangs pa dang / 'jig rten skyong ba rnams mchod pa'i las bgyi ba'i slad du phyi bzhin du 'brang ste/ der sangs rgyas kyi mthus mi rnams kyis lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams dang / brgya byin dang / tshangs pa dang / 'jig rten skyong ba rnams bcom ldan 'das la mchod pa bgyid pa
- 210a
mthong nas/ de dag de bzhin gshegs pa la 'dod pa skye ste/ de bzhin gshegs pa ni ngo mtshar che ba nas/ rmad du byung ba'i bar gyi chos dang ldan no snyam ste/ de dag gis de bzhin gshegs pa la 'dod pa bskyed nas/ bla na med pa yang dag par rdzogs pa'i byang chub tu sems skyed par bgyid de/ btsun pa rab 'byor de bzhin gshegs pas don gyi dbang de gzigs nas// bsod snyoms la rgyu ba mdzad do// btsun pa rab 'byor gzhan yang de bzhin gsheg pa bsod snyoms la rgyu ba mthong na/ sems can dpag tu med pa longs spyod dang dbang phyug gis rgyags shing myos pa dang gzugs dang / rigs dang / 'tsho ba dang / nad med pas rgyags shing myos pa rnams 'di snyam du sems te/ 'di 'khor los sgyur ba'i rgyal srid bor nas// rab tu byung zhing bsod snyoms la rgyu zhes grag ste/ des kyang 'di ltar nga rgyal bcom na/ kye ma bdag cag gis kyang nga rgyal gzhom par bya'o snyam ste/ de dag gis de lta bu mthong nas// bla na med pa yang dag par rdzogs pa'i byang chub tu sem skyed par bgyid de/ btsun pa rab 'byor de bzhin gshegs pas don gyi dbang de gzigs nas/ bsod snyoms la rgyu ba mdzad do// btsun pa rab 'byor gzhan yang de bzhin gshegs pa grong dang / grong khyer du bsod snyoms la rgyu ba na/ lha gzi byin che ba gzi byin che ba rnams kyis dgos pa la bltas nas 'di skad du 'di la ni bkres pa dang / skom pa'i gnod pa yang med la/ lus nyam chung ba yang med kyi/ sems can rnams la
- 210b
snying brtse ba ched cher byas nas bsod snyoms la rgyu bar byed kyis/ bdag cag kyang de bzhin du sems can rnams la snying brtse ba ched cher bya ba'i sems kyis bsod snyoms la rgyu bar bya'o zhes smra zhing // de dag gis de lta bu mthong nas/ bla na med pa yang dag par rdzogs pa'i byang chub tu sems skyed par bgyid de/ btsun pa rab 'byer de bzhin gshegs pas don gyi dbang de gzigs nas/ bsod snyoms la rgyu ba mdzad do// btsun pa rab 'byor gzhan yang sems can le lo can snyoms las can de bzhin gshegs pa la blta ba dang / phyag 'tshal ba dang / bsnyen bkur bgyi ba'i slad du mi mchi ba de dag de bzhin gshegs pa grong dang / grong khyer du gshegs na 'bad mi 'tshal bar mthong bar 'gyur la/ mthong bas kyang dga' ba dang / mchog tu dga' ba chen po 'thob par 'gyur te/ dga' ba dang / mchog tu dga' ba thob nas kyang bla na med pa yang dag par rdzogs pa'i byang chub tu sems skyed par bgyid de/ btsun pa rab 'byor de bzhin gshegs pas don gyi dbang de gzigs nas/ bsod snyoms la rgyu ba mdzad do// btsun pa rab 'byor gzhan yang sangs rgyas bcom ldan 'das rnams ni mthong na don yod pa ste/ tha na sems can gang dag gis sems kyi skad cig gcig tsam la zhi ba'i mig gis de bzhin gshegs ba mthong na yang de 'ba' zhig gis kyang de dag thams cad kyi yongs su mya ngan las 'da' bar 'gyur ba'i bar gyi rgyur 'gyur te/ btsun pa rab 'byor de bzhin gshegs pas don gyi dbang de gzigs nas
- 211a
bsod snyoms la rgyu ba mdzad do/ / btsun pa rab 'byor gzhan yang de bzhin gshegs pa grong dang / grong khyer du gshegs na/ sems can bcing bas bcings pa rnams bcing pa las grol bar 'gyur la/ de dag gis de bzhin gshegs pa'i mthus bdag cag bcing ba 'di dag las grol bar gyur to zhes thos te/ de bzhin gshegs pa la byas pa gzo ba dang / byas pa tshor bar gyur nas bla na med pa yang dag par rdzogs pa'i byang chub tu sems skyed par bgyid de/ btsun pa rab 'byor de bzhin gshegs pas don gyi dbang de gzigs nas/ bsod snyoms la rgyu ba mdzad do/ / btsun pa rab 'byor gzhan yang rigs kyi bu 'am/ rigs kyi bu mo de bzhin gshegs pa'i yon tan bsngags pa thos na kye ma ma la bdag cag gis de bzhin gshegs pa la bsod snyoms dbul bar bya'o/ / chos gos dbul ba dang / mchod pa dang / bkur stir bya ba ci yang rung bas mchod par bya'o snyam du sems pa de lta bu dag mchis la/ de dag las kyang mas bsrungs pa 'am/ phas bsrungs pa 'am/ ming pos bsrungs pa'am/ phu nu mos bsrungs pa 'am/ khyim thab kyis bsrungs pa 'am/ mdza' bos bsrungs pa rnams de dang de'i rkyen gyis de bzhin gshegs pa'i thad du mchi mi nus te/ de dag gis de bzhin gshegs pa grong dang / grong khyer du gshegs pa mthong na/ tshim zhing mgu la/ rab tu dga' zhing
- 211b
dga' ba dang yid bde ba skyes nas/ de bzhin gshegs pa la bsod snyoms dbul bar bgyid do// phul nas kyang bla na med pa yang dag par rdzogs pa'i byang chub tu sems skyed par bgyid de/ btsu/ pa rab 'byor de bzhin gshegs pas don gyi dbang de gzigs nas/ bsod snyoms la rgyu ba mdzad do// btsun pa rab 'byor gzhan yang de bzhin gshegs pa la rgyal chen bzhi'i ris kyi lha rnams kyis lhung bzed phul nas/ de bzhin gshegs pas bzhes pa mchis te/ der sems can longs spyod chung ba dang / chung ngu sbyin par 'tshal ba gang dag lags pa de dag gis de bzhin gshegs pa'i lhung bzed gang bar mthong ngo / / sems can longs spyod che zhing mang du sbyin par 'tshal ba gang dag lags pa de dag gis ni de bzhin gshegs pa'i lhung zed ma gang bar mthong nas// de dag gis ji tsam dgos pa phul te/ lhung bzed gang bar bgyis nas// bla na med pa yang dag par rdzogs pa'i byang chub tu sems skyed par bgyid do// btsun pa rab 'byor de bzhin gshegs pas don gyi dbang de gzigs nas/ / bsod snyoms la rgyu ba mdzad do// btsun pa rab 'byor gzhan yang de bzhin gshegs pa'i lhung bzed kyi nang du/ bca' ba dang / bza' ba dang / myang bar bya ba ro brgya dang ldan pa blugs na/ bca' ba dang / bza' ba dang / myang bar bya ba de dag 'dre bar mi 'gyur te/ ji ltar snod tha dad pa'i nang na mchis pa de kho na bzhin du mchis te/ der lha dang / klu dang / gnod sbyin dang /
- 212a
dri za dang / lha ma yin dang / nam mkha' lding dang / mi 'am ci dang / lto 'phye chen po sa yodag gis de bzhin gshegs pa'i lhung bzed kyi cho 'phrul de lta bu mthong nas/ bla na med pa yang dag par rdzogs pa'i byang chub tu sems skyed par bgyid de/ btsun pa rab 'byor de bzhin gshegs pas don gyi dbang de gzigs nas/ bsod snyoms la rgyu ba mdzad do// btsun pa rab 'byor gzhan yang de bzhin gshegs pa'i lhung bzed kyi nang du/ dge slong thams cad kyi zas blugs kyang des lhung bzed de ma gang ba 'am/ gang bar yang mi 'gyur te/ der lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po mang po dag gis// de bzhin gshegs pa'i lhung bzed kyi cho 'phrul de lta bu mthong ste/ ngo mtshar du gyur nas bla na med pa yang dag par rdzogs pa'i byang chub tu sems skyed par bgyid de/ de bzhin gshegs pas don gyi dbang de gzigs nas// bsod snyoms la rgyu ba mdzad do// btsun pa rab 'byor gzhan yang de bzhin gshegs pa'i sku ni gcig tu mkhregs shing khong stong ma lags la/ rdo rje ltar mkhregs pa ste/ de bzhin gshegs pa'i sku la pho ba 'am/ khong ka yang mi mnga'/ phyis yang mi mnga'/ gcin yang mi mnga' mod kyi/ 'on kyang bsod snyoms la rgyu ba dang / bshos gsol ba de lta bur yang gda' la khong du med pa yang mi mnga'
- 212b
ste/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa mang po dag gis de mthong nas bla na med pa yang dag par rdzogs pa'i byang chub tu sems skyed par bgyid de/ btsun pa rab 'byor de bzhin gshegs pas don gyi dbang de gzigs nas/ bsod snyoms la rgyu ba mdzad do// btsun pa rab 'byor gzhan yang de bzhin gshegs pa grong dang / grong khyer du gshegs na/ sems can mang po dag gis bsod snyoms mang po 'am/ nyung ngu'am/ bzang po 'am/ ngan pa yang rung ste/ 'bul bar bgyid la/ sems can de dag gis kyang de bzhin gshegs pa la bskyed pa'i yon tan rnams mthar thug par bgyid mi nus te/ lha dang mi rnams phun sum tshogs pa mang po dag kyang nyams su myong bar 'gyur la/ yon de yang yongs su mya ngan las 'da' bar 'gyur ba'i bar du bas par mi 'gyur te/ btsun pa rab 'byor de bzhin gshegs pas don gyi dbang de gzigs nas/ bsod snyoms la rgyu ba mdzad do/ / btsun pa rab 'byor gzhan yang de bzhin gshegs pa ni rtag tu mnyam par bzhag pa ste/ ting nge 'dzin las nyams pa mi mnga' la/ der tshangs pa 'am/ de ma yin pa'i gzugs na spyod pa'i lha gzi byin che ba gzi byonas rnams kyis de bzhin gshegs pa bsod snyoms la rgyu zhing / ting nge 'dzin las kyang mi g.yo ba mthong na de dag 'di snyam du sems te/ 'di ni sems can gyi don la
- 213a
brtson pa yin gyi/ zas 'dod pa ma yin par the tsom med do snyam nas/ de dag dga' ba thob nas/ bla na med pa yang dag par rdzogs pa'i byang chub tu sems skyed par bgyid de/ btsun pa rab 'byor de bzhin gshegs pas don gyi dbang de gzigs nas/ bsod snyoms la rgyu ba mdzad do// btsun pa rab 'byor gal te de bzhin gshegs pa bsod snyoms la rgyu ba mi mdzad de/ zhal zas kyang mi gsol bar gyur na ni de lta na/ rigs kyi bu dang / rigs kyi bu mo legs par gsungs pa'i chos 'dul ba la khyim nas khyim med par rab tu byung ba de dag kyang bas mi za ba la zhugs te/ bdag cag kyang bsod snyoms la rgyu bar mi bya/ zas kyang bza' bar mi bya'o snyam nas/ de dag bkres shing nyam chung bar gyur pas/ khyad par thob pa rtogs par mi nus te/ de dag gis ma 'ongs pa na khyad par 'thob pa'i bsam pa rdzogs par mdzad pa'i phyir yang / de bzhin gshegs pa bsod snyoms la rgyu zhing gsol bar mdzad de/ btsun pa rab 'byor de bzhin gshegs pas don gyi dbang de gzigs nas/ bsod snyoms la rgyu ba mdzad do/ 5/ btsun pa rab 'byor gzhan yang de bzhin gshegs pa ni 'phags pa'i rigs rnams yang dag par yongs su gzung ba'i phyir bsod snyoms la rgyu ba mdzad do/ 7/ btsun pa rab 'byor gzhan yang de bzhin gshegs pa ni skye bo phyi ma rnams la thugs brtse ba'i phyir bsod snyoms la rgyu ste/ phyi ma'i dus na bram ze dang khyim bdag ma dad pa rnams 'di skad du
- 213b
gal te 'di dag gi ston pa nyid kyis kyang bsod snyoms la rgyu ba ma byas na/ 'di dag ci'i phyir bsod snyoms la rgyu bar byed ces/ de dag dge slong dang / dge slong ma rnams la shas cher mi dga' bar mi 'gyur bar bya ba'i phyir ro/ / de bas na de dag kyang 'di snyam du sems te/ 'di dag gi ston pas kyang bsod snyoms la rgyu ba byas na/ 'di dag ci'i phyir bsod snyoms la rgyu bar mi byed snyam ste/ de dag gis bsngags pa yang rjod par bgyid la/ bsod snyoms kyang ster bar 'gyur te/ 'di skad du bsod snyoms la rgyu ba 'di ni/ gtsug lag las 'byung ba'i bsod snyoms yin no// spyod pa 'di ni de bzhin gshegs pas bsngags pa yin no zhes kyang smra bar 'gyur te/ btsun pa rab 'byor de bzhin gshegs pas don gyi dbang de gzigs nas/ bsod snyoms la rgyu ba mdzad do/ btsun pa rab 'byor gzhan yang rgyal po dang / blon po dang / bram ze dang / khyim bdag dang / blon po'i bu rnams las legs par gsungs pa'i chos 'dul ba la dad pas khyim nas khyim med par rab tu byung ba de dag bdag cag ni 'di ltar rigs chen por skyes pa yin na/ zas kyi phyir khyim nas khyim du bsod snyoms la ci'i phyir rgyu bar bya snyam ste/ ngo tsha nas bsod snyoms la rgyu bar mi bgyid pa de dag de bzhin gshegs pa'i bsod nams dang / gzi byin dang ldan pa'i sku'i rjes su slob cing / bsod snyoms la rgyu bar 'gyur te/ btsun pa rab 'byor de bzhin gshegs pas don gyi dbang de gzigs
- 214a
nas/ bsod snyoms la rgyu ba mdzad do/ 19/ btsun pa rab 'byor gzhan yang de bzhin gshegs pa rnams kyis ni 'jig rten dang 'thun par mdzad 'tshal te/ ji lta ji ltar sems can rnams yongs su smin par 'gyur ba de lta de ltar 'thun par mdzad de/ btsun pa rab 'byor de bzhin gshegs pas don gyi dbang de gzigs nas/ bsod snyoms la rgyu ba mdzad do// 2/ btsun pa rab 'byor gzhan yang de bzhin gshegs pa la ni/ sgribs pa'am/ bskyems pa yang mi mnga'/ nyam chung ba yang mi mnga'/ chags pa yang mi mnga'/ chags par 'gyur ba yang mi mnga'/ sdig pa bzhed pa yang ma lags// sogs pa yang mi mnga' mod kyi/ 'on kyang de bzhin gshegs pa dgra bcom pa yang dag par rdzogs pa'i sangs rgyas ni// 'jig rten dang 'thun par mdzad pa dang / sems can yongs su smin par mdzad pa'i slad du/ bsod snyoms la rgyu ba mdzad de/ btsun pa rab 'byor de bzhin gshegs pa dgra bcom pa yang dag par rdzogs pa'i sangs rgyas kyis/ don gyi dbang de gzigs nas/ bsod snyoms la rgyu ba mdzad na// phabatsun pa rab 'byor de lta bu'i thabs dang // de lta bu'i snying rje chen po dang / de lta bu'i don yongs su dag pa su bsod snyoms la rgyu bar spyod dam/ smras pa/ che zhe bdag gis ni 'di mi nus te// che zhe dper na/ khyi dang byil thams cad kyis ro'i rgyal po ri rab gzhig par mi nus pa dang / wa thams cad kyis ri dgas kyi rgyal po seng ge la bskal pa'o/
- 214b
bar du yang mthu rtsal lam/ sgra bsgrags pa bstan par mi nus pa de bzhin du/ che zhe nyan thos dang / rang sangs rgyas thams cad kyis de bzhin gshegs pa la spyod pa 'am/ thabs sam/ snying rje chen po bstan par mi nus so/ / de bzhin gshegs pa'i thabs la mkhas pa dang / bsod snyoms la rgyu ba'i gtam bstan pa 'di bshad pa na/ khyim bdag de'i nang mi de dag dang / khyim gzhan dag nas chos nyan du 'ongs pa rnams kyi nang nas mi nyis stong brgyad brgyas bla na med pa yang dag par rdzogs pa'i byang chub tu sems bskyed do/ / de nas tshe dang ldan pa rab 'byor gyis/ bud med de la 'di skad ces smras so// che zhe khyod kyi khyim thab da ltar ga la 'dug/ bud med des smras pa/ btsun pa rab 'byor bdag gi khyim thab ni gcig pur ma bas so// de ci'i slad du zhe na/ btsun pa rab 'byor sems can ji snyed pa dga' ba bkod pa'i thabs la mkhas pas 'dul bar 'gyur ba de dag thams cad ni bdag gi khyim tha ba lags so/ / smras pa/ che zhe de bzhin gshegs pa ni su la yang 'dod pa'i dga' ba gnang ba med do// smras pa/ btsun pa rab 'byor de bzhin gshegs pas ni dge slong gang rkyen du 'tshal ba'i chos gos dang / bsod snyoms dang / mal cha dang / stan dang / na ba'i gsos dang / sman zong dang / mdza' bshes kyi khyim dang bsod snyoms ster ba'i khyim bsten cing bsnyen pa dang / grogs po dga' bar bya ba dang / mkhan po dang / slob dpon bsnyen pa dang / bsnyen pa dang / bsnyen bkur bya ba kun tu sten par byed pa de la yang dge ba'i chos 'phel
- 215a
bar 'gyur ba dang / mi dge ba'i chos 'grib par 'gyur bar gsungs/ smras pa/ che zhe de ni khyod ji skad zer ba bzhin no// smras pa/ btsun pa rab 'byor de bsan de bzhin gshegs pas ni thabs de lta bus sems can rnams la 'dod pa'i dga' ba thams cad gnang ngo / / smras pa/ che zhe khyod kyis dga' ba bkod pa'i thabs la mkhas pas sems can ji snyed btul/ smras pa/ btsun pa rab 'byor stong gsum gyi stong chen po'i 'jig rten gyi khams kyi skar ma'i gzugs rnams ni bgrang ba'i tshul gyis mtha' rtogs par nus kyi/ bdag gis dga' ba bkod pa'i thabs la mkhas pas sems can btul te/ btul nas kyang bla na med pa yang dag par rdzogs pa'i byang chub la bkod pa gang dag lags pa de dag la ni de ltar mi nus so// smras pa/ che zhe khyod sems can de dag la dga' ba ji lta bu dag stobs par byed/ bud med des smras pa/ btsun pa rab 'byor sems can tshangs pa'i dga' ba la mos pa dag kyang mchis te// btsun pa rab 'byor de/ dag la ni bdag tshangs par 'gyur ba thob par bgyi ba'i slad du/ tshad med pa'i bsam gtan gyi dga' ba stobs par bgyid de/ bstabs nas kyang de'i 'og tu bla na med pa yang dag par rdzogs pa'i byang chub la 'dzud par bgyid do/ / btsun pa rab 'byor sems can brgya byin gyi dga' ba la mos pa dag kyang mchis te/ de dag la bdag brgya byin gyi dga' ba stobs par bgyid de/ bstabs nas kyang bla na med pa
- 215b
yang dag par rdzogs pa'i byang chub la 'dzud par bgyid do/ / btsun pa rab 'byor sems can lha dang / klu dang / gnod sbyin dang // dri za dang / lha ma yin dang / nam mkha' lding dang / mi 'am dang / lto 'phye chen po'i dga' ba la mos pa dag kyang mchis te/ de dag la ni bdag lto 'phye chen po'i bar gyi dga' ba stobs par bgyid de/ bstabs nas kyang bla na med pa yang dag par rdzogs pa'i byang chub la 'dzud par bgyid do/ / btsun pa rab 'byor sems can 'khor los sgyur ba'i rgyal srid kyi dga' ba la mos pa dag kyang mchis so// blon po dang / grong rdal gyi mi dang / yul gyi mi dang / bram ze dang / rgyal rigs dang / rje'u rigs dang / dmangs rigs kyi dga' ba la mos pa dag kyang mchis so// sems can gzugs dang / sgra dang / dri dang / ro dang / reg pa'i dga' ba la mos ba dag kyang mchis so/ / sems can me tog dang / bdug pa dang / spos dang / me tog 'phreng dang / byug pa dang / phye ma dang / gdugs dang / rgyal mtshan dang / ba dan dang / rnga yab kyi dga' ba la mos pa dag kyang mchis so/ / sems can gser dang / dngul dang / nor bu dang / mu tig dang / bai DUR+Ya dang / dung dang / man shel dang / shel dang / mu tig dmar po dang / byu ru dang / rdo'i snying po dang / sdug dang / rin po che rnam pa sna tshogs kyi dga' ba la mos pa dag kyang mchis so// sems can rnga bo che dang / rdza rnga dang / dung dang / 'bar rnga dang / bi wang dang / gling bu
- 216a
dang / ro lo'i sgra rnam pa sna tshogs kyi dga' ba la mos pa dag kyang mchis te/ btsun pa rab 'byor sems can de dag la yang bdag gis bsam pa thams cad dang dga' ba dang / rtsed mo thams cad stobs par bgyid do// bstabs nas kyang bla na med pa yang dag par rdzogs pa'i byang chub la 'dzud par bgyid do// rab 'byor gyis smras pa/ che zhe 'dod pa'i yon tan lnga ni 'phags pa'i lam gyi bar du gcod pa yin na/ ji ltar de dag bstabs pas 'dul bar 'gyur te/ gnas 'di ni phan tshun mi mthun pa yin no// che zhe byang chub sems dpa' sems dpa' chen po rnams 'phags pa'i lam la bar du gcod par byed pa'i chos gang kho na yin pa de dag nyid kyis sems can rnams 'dul bar byed pa ni dka' bar byed pa ste ngo mtshar to/ / / bam po gnyis pa// / de nas bud med des dga' ba bkod pa'i thabs la mkhas pas/ bla na med pa yang dag par rdzogs pa'i byang chub tu yongasu smin par byas pa'i tshong dpon gyi bu gnyis chos mnyan pa'i phyir sgo khang der 'dus par gyur te/ de gnyis kyis/ tshe dang ldan pa rab 'byor la 'di skad ces smras so// btsun pa rab 'byor rang gi shes rab kyis byang chub sems dpa'i shes rab sad par mdza cing / de ci'i slad du zhe na/ btsun pa rab 'byor 'di ji snyam du dgongs/ 'bru mar gyi mar me chung ngu gang lags pa de kha'i dbugs sam/ lag pas g.yabs pa 'am/ gos kyis g.yabs pa'i rlung gis
- 216b
zhi bar mdzad spyod dam/ smras pa/ rigs kyi bu dag 'bru mar gyi mar me chung ngu gang yin pa de ni kha'i dbugs sam/ lag pas g.yabs pa 'am/ gos kyis g.yabs pa'i rlung gis zhi bar byed nus so// de gnyis kyis smras pa/ btsun pa rab 'byor de bzhin du nyan thos kyi theg pa pa'i rigs kyi bu 'am/ rigs kyi bu mo'i shes rab kyis snang ba dang / bsod nams kyi snang ba chung ngu nga ni 'dod pa'i rtog pa gcig gis kyang ma mchis par bgyid do/ / btsun pa rab 'byor 'di ji snyam du dgongs/ sreg pa'i bskal pa'i me'i phung po gang lags pa de/ gang+gA'i klung chus gang bas zhi bar mdzad spyod dam/ smras pa rigs kyi bu dag de ni rgya mtsho 'bum gyis kyang zhi bar mi nus na/ gang+gA'i klung chus yongs su gang bas lta ci smos/ de gnyis kyis smras pa/ btsun pa rab 'byor de bzhin du byang chub sems dpa' sems dpa' chen po'i shes rab kyi snang ba dang / bsod nams kyi snang ba yang de dang 'dra bar blta bar bgyi'o// btsun pa rab 'byor gal te byang chub sems dpa' sems dpa' chen po bskal pa gang pad+ma'i klung gi bye ma snyed du 'dod pa'i yon tan lngas rtse zhing dga' la dga' dgur spyod kyang / de dag gis kyang byang chub sems dpa'i shes rab kyi snang ba dang / bsod nams kyi snang ba zad par mi nus so// btsun pa rab 'byor dper na mi dbul po nad pa gso zhing nad zhi bar bgyi ba'i slad du/ sman pas sman dang ra ba dang / sbyar ba dang / lan tshwa'i ro dang / tsha ba dang / kha ba dang / bska ba las mod pa dang / rin
- 217a
@#/ chung ba lags pa de dag stsol bar bgyid do// des kyang bdag bde nyams su myong bar bgyi ba'i slad du/ de dag bsten par bgyid do// de dag bsten pas nang chung ba'i slad du nang de las thar par 'gyur ba de bzhin de/ btsun pa rab 'byor nyan thos kyi theg pa pa sbyangs pa'i yon tan dang / yo byad bsnyungs pa dang / 'dod pa nyung ba dang / dgon pa na gnas pa dang chog shes pa dang / longs spyod chung ba dang / bya ba nyung bas sdug bsngal thams cad nyams su myong nas/ de'i 'og tu len pa med par yongs su mya ngan las 'da' bar 'gyur te/ btsun pa rab 'byor rnam grangs des kyang khyod kyis 'di ltar rig par bgyi te/ ji ltar mi dbul po gso ba de bzhin du nyan thos kyi theg pa pa'i rnam par grol ba yang de dang 'dra bar blta bar bgyi'o// btsun pa rab 'byor dper na rgyal rigs kyi rgyal po spyi bo nas dbang bskur ba nad pa gso ba'i phyir sman pas rgyal po la 'os pa'i sman kha dog phun sum tshogs pa dang / dri phun sum tshogs pa dang / ro phun sum tshogs pa pab dang / khar bcug na yang zhim la lhor song na yang bde ba de lta bu legs par sbyar nas sbyin par bgyid de/ rgyal po la 'os la'i khu bcud do bcog kyang de la sbyin par bgyid do// rgyal po de yid mi bde bar mi 'gyur bar bgyi ba'i slad du/ me tog dang / bdug pa dang / spos dang / me tog 'phreng dang / byug pa rnams de la 'bul bar bgyid do// sil snyan dang
- 217b
pheg rdob pa rnams kyang de dang 'thun par sbyor zhing glu len par bgyid do/ / de ji tsam du dga' ba rnam pa sna tshogs de dag gis dga' bar gyur pa de tsam du nad de las thar par 'gyur ba de bzhin du/ btsun pa rab 'byor byang chub sems dpa' kha cig dga' ba la bkod pa'i thabs la mkhas pas dga' ba thams cad kyang myong la/ bde ba thams cad dang ldan pa'i theg pas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de lta bu dag kyang mchis te/ btsun pa rab 'byor rnam grangs des kyang khyod kyis 'di ltar blta bar bgyi ste/ ji ltar rgyal po gso ba de bzhin du/ byang chub sems dpa'i ye shes mngon par rtogs pa yang de dang 'dra bar blta bar bgyi'o// btsun pa rab 'byor gzhan yang 'dod pa'i yon tan lnga yang / rtsa ba ma mchis ba dang / gnas ma mchis pa lags la/ thams cad mkhyen pa nyid kyang rtsa ba ma mchis pa dang / gnas ma mchis pa lags te/ de lta bur bzod pa gang lags pa des ni bdag gis bya/ ba ni gang yin/ mi bya ba ni gang yin snyam du rang gis 'tshal to// 'dod pa'i yon tan lnga mi dmigs pa lags te/ gang gis de lta bur bzod pa des ni lam ni gang yin/ lam ngan pa ni gang snyam du rang gis 'tshal to/ / 'dod pa'i yon tan lnga yang stong la/ thams cad mkhyen pa nyid kyang spong ste/ gang gis de lta bur bzod pa de ni 'dod pa rnams las bzlog mi 'tshal te/ de ni rang nyid
- 218a
kyis 'dod pa rnams la smod par bgyid do/ / ston par mi bgyid do// de nas tshe dang ldan pa rab 'byor gyis/ tshong dpon sring gnyis la 'di skad ces smras so// chen 'di rigs kyi bu khyed gnyis kyi cir 'ong / de nas tshong dpon gyi bu de gnyis kyis/ de'i tshe tshe dang ldan pa rab 'byor la thal mo sbyar nas tshigs su bcad pa 'di dag smras so// 'di ni pha lags ma yang lags/ / 'di ni mdza' bo grogs mchog 'di// 'di ni khyo lags 'khras lags// 'di ni ston pa bla na med// 'di nyid kyi ni mthu stobs kyis// 'dis ni yongs su grol bar bgyis// 'dis ni de bzhin nyid ldan pas/ / sdug bsngal 'ching las bdag cag bkrol// 'di ni chos kun ston pa ste// rigs pa kun gyi rnam par rtogs// bdag cag gnyis ni dga' byin nas// 'chi ba med la legs pa btsud ji ltar nya ni shas g.yogs pa'i/ / mchil pa yis ni bzung ba ltar// 'dis ni thabs kyis bdag cag gnyis// bsod nams rgyas ni bcus par gyur// gdug pa'i sbrul gyis zin pa yin// dug ni dug gis zhi bgyid ltar/ / de bzhin 'dis ni bdag cag gis// 'dod chags dug ni dug gis bcom// ji ltar mi ni mes tshig pa// me yis bsros na zhi ba ltar// de bzhin rang gi nyon mongs gdung // nyon mongs rnams kyis yongs su bkrol// bdag cag gnyis kyis dam chos rtogs// 'dod pa bdag cag gnyis mi 'tshal// byis pa gang dag 'dod pa 'tshal// de dag byang chub 'dod ma lags/
- 218b
'jig rten 'dod par gsungs pa rnams// de dag 'jig chen gshed ma ste/ de dag nyid ni yongs rtog pa// mkhas pa rnams kyi nam grol lags// de nas tshe dang ldan pa rab 'byor gyis/ bud/ med de la 'di skad ces smras so// che zhe khyod kyis rigs kyi bu rnams kho na dga' ba la bkod pa'i thabs la mkhas pa/ 'dis 'dul bar byed dam/ 'on te rigs kyi bu mo dag kyang 'dul bar byed/ smras/ pa/ btsun pa rab 'byor bdag gis ni dga' ba bkod pa'i thabs la mkhas pas sems can thams cad gang yang 'dul bar mi bgyid pa ma mchis te/ btsun pa rab 'byor bud med kyi sems ni lhag par yang dga' ba la sred pas na/ bdag gis ni bud med ches mang du dga' ba bkod pa'i thabs la mkhas pas btul gyis/ skyes pa dag ni de lta ma lags so// smras pa/ che zhe khyod kyis ji ltar bud med kyi gzugs kyis bud med 'dul bar byed/ de nas bud med des de'i tshe/ skyes pa lo nyi shu rtsa gnyis lon pa/ gos btsang ma srab mo bgos pa/ skyes pa'i rgyan gyis brgyan pa mdzes shing blta na sdug pa/ kha dog rgyas pa mchog dang ldan pa ci 'dra ba de lta bur snang bar byas nas/ des smras pa/ btsun pa rab 'byor bud med ni gzugs kyi lus 'di lta bus 'dul bar 'gyur ro// de nas tshe dang ldan pa rab 'byor gyis/ rigs kyi bu de la 'di skad ces smras so// ci khyod bud med yin nam/ 'on te skyes pa yin// des smras pa/ btsun pa rab 'byor ci khyod so so'i skye bo 'am
- 219a
'on te slob pa lags/ smras pa/ rigs kyi bu bdag ni so so'i skye bo yang ma yin/ slob pa yang ma yin no// smras pa/ btsun pa rab 'byor bdag kyang de bzhin te/ bung med kyang ma lags/ skyes pa yang ma lags so// rab 'byor gyis smras pa/ gal te khyod skyes pa yang ma yin/ bud med kyang ma yin na/ bdag gis khyod ji ltar gzung bar bya/ smras pa gal te btsun pa so so'i skye bo yang ma lags/ slob pa yang ma lags na/ bdag gis khyod ji ltar gzung bar bgyi/ de nas tshe dang ldan pa rab 'byor 'di snyam du sems te/ kye ma byang chub sems dpa' 'di ni shes rab zab mo dang ldan te/ gal te bdag gis btsams na ni yang bdag la 'dri bar lo ngo snyam mo// de nas rigs kyi bu des/ tshe dang ldan pa rab 'byor gyi sems sems kyis brtags nas/ tshe dang ldan pa rab 'byor la 'di skad ces smras so// btsun pa rab 'byor khyod ni brtan po ma lags te/ 'dri bas skrag gis/ btsun pa rab 'byor 'dri bas skrag par ma mdzad cig/ smras pa/ bdag ni dgra bcom pa zag pa zad pa'o// smras pa/ btsun pa rab 'byor zag pa zad pa de dag gang lags/ ci 'das pa rnams lags sam/ ma 'ongs pa rnams lags sam da ltar byung ba rnams la gas sa/ 'das pa gang lags pa de dag zad ces bgyir ni 'das pa la bad pa ma mchis so// ma 'ongs pa gang lags pa de dag kyang dadung ma phyin pa ste/ de dag kyang zad par
- 219b
bgyir mi nus so/ / da ltar byung ba gang lags pa de dag ni mi gnas pa ste/ de dag kyang zad par bgyir mi nus so// rab 'byor gyis smras pa/ rigs kyi bu bdag gis ni 'dri ba thams cad kyi lan gdab par mi nus pa'i steng du/ bsod snyoms kyi dus la bab ste/ bdag gi dus yol du 'ong gis bsod snyoms la 'gro'o// de nas de'i tshe rigs kyi bu de byang chub sems dpa'i ting nge 'dzin sangs rgyas kyi zhing thams cad kun tu ston pa zhes bya ba la snyoms par zhugs so/ / rigs kyi bu de snyoms par zhugs ma thag tu/ tshe dang ldan pa rab 'byor gyis sangs rgyas kyi zhing dpag tu med grangs med pa dag mthong ste/ la lar ni nyi ma 'char ka tsam/ la lar ni nyi ma bag dros tsam/ la lar ni dros bu chung tsam/ la lar ni snga dro byed tsam/ la lar ni dro la bab tu nye ba'i dus tsam/ la lar ni 'gan de rdung ba'i dus tsam/ la lar ni snga ma bkod pa tsam/ la lar ni bkod zin pa tsam/ la lar ni zan za zhing 'dug pa tsam/ la lar ni ldang ba tsam la lar ni lhung bzed 'khru ba tsam/ la lar ni phyed yol gyi dus tsam/ la lar ni phye ma red kyi dus tsam/ la lar ni srod tsam/ la lar ni nam phyed tsam/ la lar ni nam chung khor tsam/ la lar ni zla ba dang nyi ma med de/ rang gi 'od dang ldan par mthong ngo / / de nas rigs kyi bu des/ gnas brtan rab 'byor la 'di skad ces smras so// btsun pa rab 'byor khyod dus tshong gang gi tshe ba shos gsol/ dus chod ni ji tsam du gda'
- 220a
rab 'byor gyis smras pa/ rigs kyi bu bdag ni 'di nyid kyi dus chod la zan za'i/ sangs rgyas kyi zhing gzhan gyi dus chod la ma yin no// de nas rigs kyi bu des de'i tshe nyi ma'i dkyil 'khor nub phyogs su song ba de snga dro phyongad tsam du bzhag ste/ ci nas snga dro phyed tsam du 'dzin par 'gyur ba de lta bu'i rdzu 'phrul mngon par 'du bya ba mngon par 'du byas so// de nas rigs kyi bu des/ tshe dang ldan pa rab 'byor la 'di skad ces smras so// btsun pa rab 'byor dus tshod ji tsam la bab pa gzigs shig/ de nas tshe dang ldan pa rab 'byor gyis mthong nas yid ches te mi rings par gyur to/ / de nas tshe dang ldan pa rab 'byor gyis/ rigs kyi bu de la 'di skad ces smras so// rigs kyi bu khyod kyi ming ci yin pa bdag la ston cig/ rigs kyi bu des smras pa btsun pa rab 'byor la bdag gi ming gis ci zhig bgyi/ yang na de bzhin gshegs pa nyid la zhus shig dang / des khyod la lan 'debs so// btsun pa rab 'byor gzhan yang ming thams cad ni ming ma mchis pa'o/ / de ci'i slad du zhe na/ ming thams cad ni kun brtags pa dang / yang dag pa ma lags te/ gang kun brtags pa dang / yang dag pa ma lags pa de la ming zhes ji skad bgyi btsun pa rab 'byor gyis smras pa/ ci thams cad mkhyen pa nyid kyi ming gang yin pa de yang kun brtags pa dang / yang dag pa ma yin pa yin nam/ smras pa/ btsun pa rab 'byor de ni de bzhin
- 220b
te/ de ci'i slad du zhe na/ 'di ltar thams cad mkhyen pa nyid kyang sangs rgyas kyi zhing gzhan dang gzhan dag na ming phan tshun tha dad pa mchis pa'i slad du'o// smras pa/ rigs kyi bu thams cad mkhyen pa nyid kyi ming tha dad pa ji lta bu yin/ smras pa/ btsun pa rab 'byor thams cad mkhyen pa nyid la/ sangs rgyas kyi zhing la lar ni mthu zhes bgyi'o// la lar ni sdud pa zhes bgyi'o/ / la lar ni thams cad du snang ba zhes gyi'o// la lar ni dri ma med pa zhes bgyi'o// la lar ni don thams cad ston pa zhes bgyi'o// la lar ni nyams pa med pa zhes bgyi'o/ / la lar ni mchod pa po zhes bgyi'o// la lar ni mngon sum pa zhes bgyi'o// la lar ni byi ru 'dzin ces bgyi'o// la lar ni rnam par rgyal ba chen po zhes bgyi'o// la lar ni sgra chen po zhes bgyi'o/ / la lar ni dpag tu ma mchis pa zhes bgyi ste/ btsun pa rab 'byor de ltar na thams cad mkhyen pa nyid kyang sangs rgyas kyi zhing gzhan dang gzhan dag na ming tha dad pa dpag tu ma mchis so/ / de bzhin du gzugs dang / tshor ba dang / 'du shes dang / 'du byed rnams dang / rnam par shes pa'i ming tha dad pa yang dpag tu ma mchis so// de bzhin du phung po rnams dang / khams rnams dang / skye mched rnams dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang
- 221a
stobs rnams dang / byang chub kyi yan lag rnams dang / 'phags pa'i lam yan lag brgyad pa rnams kyang sangs rgyas kyi zhing gzhan dang gzhan dag na/ ming tha dad pa dpag tu ma mchis te/ de bas na btsun pa rab 'byor rnam grangs des kyang ming thams cad kyang ming ma mchis pa dang / kun brtags pa dang / yang dag pa ma lags pa de ltar rig par bgyi'o// de nas tshe dang ldan pa rab 'byor gyis/ rigs kyi bu de la 'di skad ces smras so// rgyal po'i khab kyi bram ze dang / khyim bdag rnams ni de na yon gnas 'di lta bu dag 'khod pa las na/ rnyed pa legs par rnyed pa yin no/ / rigs kyi bu des smras pa/ btsun pa rab 'byor 'jig rten na yon gnas gang lags pa mkhyen tam/ smras pa/ rigs kyi bu ji ltar bdag gis spobs pa de bzhin du bstan pa bya ste/ tshul khrims dang ldan pa/ dge ba'i chos la zhugs pa/ sems 'khrul pa med pa gang yin pa de dag ni 'jig rten na yon gnas yin no// smras pa/ btsun pa rab 'byor khyod kyis ji skad bstan pa de dag ni yon gnas yongs su rdzogs pa ma lags so/ / smras pa/ rigs kyi bu yon gnas yong su rdzogs pa ji lta bu yin/ smras pa/ btsun pa rab 'byor sems can thams cad la byams pa chen po dang / snying rje chen po yang skye la/ sems can gang yang mi dmigs pa gang dag lags pa de dag ni 'jig rten na yon gnas lags so// sangs rgyas dang
- 221b
chos dang / dge 'dun gyi tshul mi gcod pa gang dag lags pa de dag ni 'jig rten na yon gnas lags so// sems can thams cad kyi nyon mongs pa sbyong ba la brtson pa gang dag lags pa de dag ni 'jig rten na yon gnas lags so/ / ye shes mi zad pa dang / shes rab mi zad pa dang / bsod nams mi zad pa dang / spobs pa mi zad pa gang dag lags pa de dag ni 'jig rten na yon gnas lags so so so'i skye bo'i grogs mi bgyid la/ 'phags pa'i grogs bgyid pa gang dag lags pa de dag ni 'jig rten na yon gnas lags so// gang dag mthong ba tsam gyis sems can rnams kyis ye shes mthong ba rnam par dag par 'gyur ba gang lags pa de dag ni 'jig rten na yon gnas lags so/ / de nas gnas brtan rab 'byor gyi phyi bzhin du rtag tu 'brang ba'i lha nges pa la ma zhugs pa gang yin pa des yon gnas kyis bstan pa 'di thos nas/ bla na med pa yang dag par rdzogs pa'i byang chub tu sems bskyed de/ tshe dang ldan pa rab 'byor gyi rkang pa la phyag 'tshal nas/ tshe dang ldan pa rab 'byor la bzod pa gsol te/ btsun pa rab 'byor bdag khyod kyi slad bzhin du 'brang bar mi bgyid do zhes byas so// de nas rigs kyi bu des/ lha de la 'di skad ces smras so/ / lha khyod ci'i phyir btsun pa rab 'byor la bzod pa gsol/ spras pa/ rigs kyi bu bdag lo bcu gnyis kyi bar du btsun pa rab 'byor gyi phyi bzhin du 'brangs kyang / bdag
- 222a
gis yon gnas kyis bstan pa 'di lta bu sngan chad ma thos te/ de bas na ltar yon gnas kyis bstan pa 'di thos nas/ bdag gis lhag pa'i bsam pas bla na med pa yang dag par rdzogs pa'i byang chub tu sems bskyed nas bdag 'di snyam du sems te/ gang dang gang na yon gnas kyis yongs su dag par byed pa'i byang chub sems dpa' sdud par byed pa'i chos 'di lta bu dag thos par 'gyur ba de dang der 'gro'o snyam mo/ / de nas tshe dang ldan pa rab 'byor lha de'i sems bskyed pa de la rjes su yi rang nas lha de la 'di skad ces smras so// lha khyod kyis sems sangs rgyas kyi chos rgya chen po dag la btud pa de ni rnyed pa legs par rnyed do/ / lha bdag ni thams cad mkhyen pa nyid la sems snang bar gyur te/ sangs rgyas kyi chos rnams kyi snod du ma gyur pas ci byar yang med do/ / lha gal te bdag sems rnam par grol bar ma gyur na ni bdag gis kyang bla na med pa yang dag par rdzogs pa'i byang chub tu sems bskyed pa zhig mod/ lha gzhan yang khyod kyis ni sngon ma thos pa'i chos rnams thos par byed pa dang / thos pa rnams kyang chud mi za bar byed pa'i skyes bu dam pa 'di ci 'dra ba de lta bu'i dge ba'i bshes gnyen la rtag tu rgyun mi 'chad par bsten par bya'o// de nas rigs kyi bu des/ lha de la 'di skad ces smras so// lha bla na med pa yang dag par rdzogs pa'i byang chub ni 'grub par dka' ste/ de ni go cha ngan ngon tsam gyis mngon par rdzogs par 'tshang rgya bar mi nus so//
- 222b
lhas smras pa// skyes bu dam pa bla na med pa yang dag par rdzogs pa'i byang chub 'grub par dka' ba yin mod kyi/ 'on kyang ci nas bdag gis brtsal ba don yod par 'gyur bar bdag gis bsgrub par bya'o// smras pa/ lha khyod kyis ji ltar bsgrub par bya/ smras pa/ sems can thams cad la sems snyoms par bya ba dang / sems can thams cad nyon mongs pa las rab tu grol bya ba dang / sems can tham cad kyi phung po'i khur khyer ba dang / sems can thams cad yongs su smin par bya ba dang / sdug bsngal thams cad rtogs par bya ba'i phyir de ltar bsgrub par bya'o// rigs kyi bu des smras pa/ lha sems can du 'du shes pa la ni sems can thams cad la sems snyoms pa med do/ / nyon mongs par 'du shes pa la ni sems can thams cad rab tu grel par byed pa med do// phung por 'du shes pa la ni sems can thams cad kyi phung po'i khur khyer ba med do/ / kun brtags pa'i dge ba'i rtsa ba can la ni sems can yongs su smin par byed pa med do// bdag dang gzhan du 'du shes pa la ni sdug bsngal thams cad rtogs par byed pa med do/ / de nas lha de dag gdams ngag 'di bstan pas 'thun pa'i chos rnams la bzod pa thob bo// de nas lha des rigs kyi bu de la mchod pa'i las bya ba'i phyir/ sgo khang der lha'i me tog sil mas gtor ro/ / de nas tshe dang ldan pa rab 'byor gyis/ lha de la 'di skad ces smras so// bdag gis khyod kyi bsam pa ma shes nas nyan thos kyi chos rnams kyi gtam byas te dga' ba bskyed pa
- 223a
de khyod kyis kyang bzod pa gyis shig/ de nas lha des 'di skad ces smras so// btsun pa rab 'byor khyod la bdag phyag 'tshal gyis/ sems can su'i tshod kyang ma 'dzin cig sems can su la yang rung ste/ bsam pa ma brtags par chos ma 'chad cig/ de ci'i phyir zhe na/ btsun pa rab 'byor ma thos pa ni bla'i/ byang chub 'dod pas nyan thos kyi theg pa thos pa de ni de lta ma yin no/ / btsun pa rab 'byor yun ring du bkres pa ni bla'i/ kha zas dug dang 'dres pa zos pa ni de lta ma yin no// btsun pa rab 'byor de bzhin du ma thos pa bla'i/ byang chub sems dpa'i theg pa pas/ nyan thos kyi theg pa ni de lta ma yin no// de nas rigs kyi bu des yang bud med kyi gzugs dang / kha dog snga ma ji lta ba de bzhin du bstan nas/ tshe dang ldan pa rab 'byor la 'di skad ces smras so/ / btsun pa rab 'byor bdag gis bsod snyoms ma phul gyi bar du re zhig gzhes shig/ de nas bud med de rang gi khyim du song ste/ ro brgya dang ldan pa'i kha zas blangs nas phyir byung ste/ 'ongs nas tshe dang ldan pa rab 'byor la 'di skad smras so/ / btsun pa rab 'byor bsod snyoms 'di bzhes la/ 'dod chags dang bcas par yang ma mdzad cig/ 'dod chags dang bral bar yang ma mdzad cig zhe sdang dang bcas par yang ma mdzad cig/ zhe sdang dang bral bar yang ma mdzad cig/ gti mug dang bcas par yang ma mdzad cig/ gti mug dang bral bar yang ma mdzad cig/ nyon mongs pa dang bcas
- 223b
par yang ma mdzad cig/ nyon mongs pa dang bral bar yang ma mdzad cig/ gal te btsun pa rab 'byor gyis sdug bsngal yongs su ma mkhyen/ kun 'byung ba ma spangs 'gog pa mngon sum du ma bgyis/ lam ma bsgoms na de lta na bsod snyoms 'di bzhes shig/ gal te btsun pa rab 'byor gyis dran pa nye bar gzhag pa bzhi ma bsgoms/ yang dag pa'i spongs pa bzhi dang rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lags bdun dang / 'phags pa'i lam yan lag brgyad pa ma bsgoms na/ de lta na bsod snyoms 'di bzhes shig/ gal te btsun pa rab 'byor gyis 'jig tshogs kyang ma dkrugs la/ bgrod pa gcig pa'i lam yang thob na/ de lta na bsod snyoms 'di bzhes shig/ gal te btsun pa rab 'byor gyis ma rig pa ma bshig par/ rig pas rnam par grol ba mngon sum du mdzad pa dang / 'du byed zad par ma mdzad par 'dus ma byas pa mngon sum du mdzad pa dang / rnam par shes pa'i rgyu ba la ma brten par rnam par grol bar gyur pa dang / ming dang gzugs sgro ma btags par khams gsum pa las yang dag par 'das pa dang / skye mched drug la ma brten par rnam bar thar pa'i sgo stong pa nyid bsgoms pa dang / mig gis 'dus te reg pa la ma brten par rnam par thar pa'i sgo mtshan ma med pa bsgoms pa dang / tshor ba ma dmigs par rnam par thar pa'i sgo smon
- 224a
pa med pa mngon sum du mdzad pa dang / sred pa ma dmigs par de bzhin nyid yongs su mkhyen pa dang / len pa rlom sems su ma mdzad par len pa med pa kun mkhyen pa dang srid pa mi 'byung ba'i tshul du yongs su mkhyen pa dang / skye ba mi skye bar yongs su mkhyen pa dang / rga shi brjod du med pa'i tshul du yongs su mkhyen pa de lta bur srid pa'i yan lag rnams kun mkhyen na de lta na bsod snyoms 'di bzhes shig/ gal te btsun pa rab 'byor gyis sangs rgyas kyang ma gzigs chos kyang ma gsan/ dge 'dun la yang mi brten na/ de lta na bsod snyoms 'di 'azhes shig/ gal te btsun pa rab 'byor gyis 'phags pa'i mnyam pa nyid kyis so so'i skye bo mnyam pa nyid du yongs su mkhyen na/ de lta na bsod snyoms 'di bzhes shig/ gal te btsun pa rab 'byor nyid 'di nas kyang med par gyur la/ pha rol tu yang mi skye na de lta na bsod snyoms 'di bzhes shig/ gal te btsun pa rab 'byor gyis 'dod chags dang / zhe sdang dang / gti mug mnyam pa nyid kyis nyon mongs pa med pa mnyam pa nyid du yongs su mkhyen la/ nyon mongs pa med pa mnyam pa nyid kyis kyang / 'dod chags dang / zhe sdang dang / gti mug mnyam pa nyid du yongs su mkhyen na/ de lta na bsod snyoms 'di bzhes shig/ gal te btsun pa rab 'byor sa sa'i skye bo'i sa las kyang ma 'das la
- 224b
'phags pa'i sa la yang ma zhugs na/ de lta na bsod snyoms 'di bzhes shig/ gal te btsun pa rab 'byor snang ba yang ma lags// snang bar 'gro ba yang ma lags 'khor ba la yang ma zhugs/ mya ngan las 'das pa yang mi 'thob/ brdzun du smra ba yang ma lags bden par smra ba yang ma lags na/ de lta na bsod snyoms 'di bzhes shig/ gal te btsun pa rab 'byor gyis zag pa yang zad par mi mdzad la/ mi zad pa yang 'khrug par mi mdzad/ phung po dang / khams dang // skye mched rnams las kyang mi g.yo la/ rten pa ma mchis par yang nyon mongs pa ma mchis pa bsam gtan du mdzad/ thams cad la yang rtag tu smon pa mi mnga' la/ chos rnams kyang sems kyis shin tu thugs chung na/ de lta na bsod snyoms 'di bzhes shig/ btsun ba rab 'byor gal te khyod kyis gang gi rab tu byung ba'i chos de ma rtogs na/ de lta na bsod snyoms 'di bzhes shig/ btsun pa rab 'byor gyis nyon mongs pa med pa gang lags pa dang / sems can dmyal ba pa rnams kyi nyon mongs pa med pa gang lags pa/ btsun pa rab 'byor gal te nyon mongs pa med pa 'di gnyis la yon gnas ches lhag pa ma mchis na/ de lta na bsod snyoms 'di bzhes shig 'phags pa rab 'byor la yon gnas yin par 'du shes skyed pa gang lags pa de dag ni/ btsun pa rab 'byor la med pa dang yang dag pa ma yin pas skur pa 'debs pa ste/ gal te btsun pa rab
- 225a
'byor khyod chos de lta bu dang ldan na/ de lta na bsod snyoms 'di bzhes shig/ de nas tshe dang ldan pa rab 'byor gyis sgo khang de g.yos par byas nas lag pa g.yas pa bcang te 'di skad ces smras so/ / che zhe gang yang dag par smra ba na 'di lta bu'i chos dang ldan par smra ba de dag ni/ bdag la yang dag par smra bas smra ba yin no// de skad ces smras nas bsod snyoms de blangs so// de nas bud med des tshe dang ldan pa rab 'byor la legs so zhes bya ba byin te/ 'di skad ces smras so// gang dag mnyam pa nyid kyis bsod snyoms len pa'i yon gnas de dag ni dkon no// smras pa/ mngon pa'i nga rgyal can rnams ni mnyam pa nyid 'di sun phyung ste/ smad nas phal cher sems can dmyal bar 'gro bar 'gyur ro// de nas lha des/ tshe dang ldan pa rab 'byor la 'di skad ces smras so/ / btsun pa rab 'byor khyod kyis ci las bsams te/ gang dag chos 'di sun phyung ste/ smad nas phal cher sems can dmyal bar 'gro bar 'gyur ro/ zhes de skad smras smras pa/ lha 'di ji snyam du sems/ sgyu ma'i mi chos 'ga' zhig la 'di ni rgyu dang bcas pa'o// 'di ni rgyu med pa'o zhes sun 'byin pa 'am/ smod par byed dam/ smras pa/ btsun pa rab 'byor de ni ma yin no// smras pa/ lha de bzhin du chos thams cad sgyu ma lta bur rtogs na bdag gis sun dbyung ba 'am/ smad du ci zhig yod/ lha gzhan
- 225b
yang bdag ni sems can thams cad kyis yang dag pa 'am/ yang dag pa ma yin pa brjod pa'i sgra de dag thams cad dang mnyam mo// de ci'i phyir zhe na/ brjod pa thams cad ni sgyu ma'i ngo bo / kyis brjod du med do// bsod snyoms len pa 'di bshad pa na/ lha'i bu brgya chos rnams la chos kyi mig rdul med cing dri ma dang bral ba rnam par dag go// de nas bud med des 'phags pa rab 'byor la bzod pa gsol nas 'di skad ces smras so/ / btsun pa rab 'byor bshos gsol nas/ bcom ldan 'das ga la ba der bzhud cig dang / bdag kyang chos mnyan pa'i slad du der mchi'o/ / de nas tshe dang ldan pa rab 'byor gyis bsod snyoms de blangs nas/ rgyal po'i khab kyi grong khyer nas byung nas// de chos thos par dga' ba dang / mchog tu dga' bas zas la sems mi 'jug par gyur nas/ de 'di snyam du sems te/ bdag gis bsod snyoms blangs na/ gang la log par ltung bar mi 'gyur ba su zhig la sbyin par bya snyam mo// de nas byang chub sems dpa' chos thams cad mi len pas/ tshe dang ldan pa rab 'byor gyi sems sems kyis shes nas/ tshe dang ldan pa rab 'byor ga la ba der song ste phyin nas/ tshe dang ldan pa rab 'byor gyi rkang pa la man bos phyag 'tshal nas/ tshe dang ldan pa rab 'byor la 'di skad ces smras so// btsun pa rab 'byor bsod snyoms 'di bdag la byin cig dang / bdag la byin na log par ltung bar mi 'gyur ro//
- 226a
smras pa/ rigs kyi bu ci khyod tshul khrims blangs pa 'am/ tshul khrims la gnas pa yin nam/ smras pa/ btsun pa rab 'byor chos thams cad ni blang du med pa ste// de la ni tshul khrims kyang med/ 'chal pa'i tshul khrims kyang med do// btsun pa rab 'byor gzhan yang bdag ni srog gcod pa byed pa dang / ma byin par len pa byed pa dang / 'dod pa la log par g.yem pa byed pa dang / brdzun du smra ba byed pa dang / phra ma byed pa dang / tshig rtsub po smra ba dang / tshig bkyal ba smra ba dang / brnab sems can dang / gnod sems kyi sems dang ldan pa dang / log par lta ba can yin no// de nas tshe dang ldan pa rab 'byor 'di snyam du sems te/ rigs kyi bu 'di'i bstan pa 'di 'dra ba las na/ 'di ni byang chub sems dpa' phyir mi ldog pa yin par the tsom med kyis ldem po ngag 'di bdag gis dri bar bya'o snyam mo/ / de nas tshe dang ldan pa rab 'byor gyis/ rigs kyi bu de la 'di skad ces smras so// rigs kyi bu khyod kyis ci las bsams te/ 'di skad du bdag ni srog gcod par byed pa dang / ma byin par len pa byed pa dang / 'dod pa la log par g.yem pa byed pa dang / rdzun du smra ba byed pa dang / phra ma byed pa dang / tshig tsub po smra ba dang / tshig bkyal pa smra ba dang / brnab sems can dang / gnod sems kyis sems dang ldan pa dang / log par lta ba can yin no zhes smras/ de nas byang chub sems dpa' chos thams cad mi len pas/
- 226b
tshe dang ldan pa rab 'byor la tshigs su bcad de smras pa/ byang chub lam ni bla med pa'i// lam ni bdag gis rnam par sbyangs// srog chags bye ba phrag stong yang // lam de la ni yongs su bkod// srog ni bdag gis shin tu gtugs// de phyir bdag ni de skad smra// gang dag lam ni rnam par sbyangs// de dag srog gcod pa zhes bya// lhas ni byang chub byin ma yin// brgya byin tshangs pas ma byin te// ma byin par ni bdag gis blangs// de phyir bdag ni ma byin len// srog chags kun la phan pa'i phyir// 'thun pa'i theg pa blangs pas na// de phyir theg pa chen po 'di// ma byin blangs shes bya ba yin/ / 'dod pa log par yongs shes pa// chos 'dod yin zhes de dag shes// 'dod pa 'di dag 'dod ma yin// de phyir log shes spyod par byed// sgrar ni ji snyed gdag pa rnams// de dag brdzun zhes yang dag gsungs// med pa'i phyir ni de brdzun te// brdzun du smra ba zhes kyang bya// theg pa dman pa 'dod pa yi// sems can gang dag su yang rung // sems can de dag dbye/ ba'i phyir// theg pa che la 'god par byed// phra ma'i chog ni smra byed cing // mu stegs can gzhan 'byed par byed// sems can lam ngan ltung ba rnams// yang dag lam la 'dzud par byed/ rgol ba de dag tshar gcod de// de dag shin tu dga' ba byed// rtsub pa'i tshig ni smras nas kyang // bdud rnams thams cad pham par byas// rtsub pa'i tshig ni smra mod kyi// 'on kyang sems la khro//
- 227a
ba med/ sems can smin par bya ba la// dpa' bo rnams kyi thabs la ltos// gang las dgongs te gsungs pa yis// dgongs pa'i tshig ni rab tu shes// des na bsams te rab smra zhing // sems can bye ba 'dul bar byed// kha cig la ni bsams te smras// kha cig de dag brdzun par shes// de phyir bsams te smra ba yin// chos kyi mngon sum rtogs par byed/ / sems can ji snyed yod pa rnams// re re la yang de dag ni// mi min lha yi bde ba dag/ 'jig rten na ni brnab sems byed// bde ba gang dag ldan gyur na// 'jig rten mgo// / po phan byed 'gyur// bde ba de ni sems can kun// ldan par mkhas rnams brnab sems byed// sems can thams cad rgyal gyur ces// rtag tu de dag brnab sems byed// brnab sems de 'dra yin pas/ na// de phyir brnab sems can zhes smras// dam pa'i chos ni 'jig pa'i tshe// stobs chen rnams kyis tshar bcad de// de dag rang gi bde ba spong // chos dang srog chags spong mi byed// 'jig rten kun gyi rgol ba dang / / sems can kun dang mi mthun te// thams cad 'thun par bya ba'i phyir// de dag gnod sems ston par byed// de dag bskal par rtsod byed dam// bskal pa bye bar rtsod kyang rung // dam pa'i chos ni spong mi byed// slar yang ldog par yong mi byed// log par lta la dpa' ba rnams// de dag 'dus byas kun la snyoms// log par lta ba rab tu shes// yang dag lta ba'i rnam pa
- 227b
rtogs/ / gang dag de 'dra'i chos dang ldan// de dang de dag khrims la gnas// gnas med la ni gnas bcas nas// mkhas rnams byang chub rtogs par 'gyur// de nas tshe dang ldan pa rab 'byor gyis rigs kyi bu de la bsod snyoms de byin nas 'di skad du/ skyes bu dam pa 'di lta bu dag gis ni dad pas byin pa'i bsod snyoms log par ltung bar mi byed do zhes smras so// de nas tshe dang ldan pa rab 'byor zan ma zos te/ phye ma red kyi dus na/ nang du yang dag 'jog las langs nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ ji ltar gyur pa de dag thams cad bcom ldan 'das la gsol to// bcom ldan 'das kyis bka' stsal pa/ rab 'byor byang chub sems dpa' de su yin pa shes sam/ gsol pa/ bcom ldan 'das ma 'tshal lags so/ / bcom ldan 'das kyis bka' stsal pa/ rab 'byor byang chub sems dpa' sems dpa' chen po de ni bud med 'gyur ba zhes bya ste/ dga' ba bkod pa'i thabs la mkhas pas sems can rnams 'dul bar byed do/ / rab 'byor dper na yungs 'brus shing rta brkang pa la yul ma ga d+ha'i khal bcu tshad nyi shu yod pa las// lo brgya zhing yungs 'bru re re bor ba ni/ bgrang ba de lta bu'i tshul gyis shing rta de'i yungs 'bru'i mtha' ches myur du rtags par nus kyi/ byang chub sems dpa' bud med 'gyur bas dga' ba bkod pa'i thabs la mkhas pas mi mjed kyi
- 228a
'jig rten khams 'dir/ sems can bla na med pa yang dag par rdzogs pa'i byang chub tu yongs su smin par byas pa dang / sems can mang po lha dang mir skye ba la bkod pa rnams ni de lta ma yin no/ / de nas bud med de bud med lnga brgyas bskor cing mdun du bdar te/ rgyal po'i khab kyi grong khyer chen po nas byung nas/ bya rgod kyi phung po'i rig la ba dang / bcom ldan 'das ga la ba der song ste phyin nas/ bcom ldan 'das kyis bud med de 'ong ba thag ring po nas gzigs te/ gzigs nas/ tshe dang ldan pa rab 'byor la bka' stsal pa/ rab 'byor bud med lnga brgya tsam 'ong ba 'di dag mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ 'di dag thams cad ni byang chub sems dpa' bud med 'gyur bas/ dga' ba bkod pa'i thabs la mkhas pas yongs su smin par byas nas/ bla na med pa yongs su rdzogs pa'i byang chub la bkod pa sha stag go// de nas bud med de bud med lnga brgyas bskor cing bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// de nas tshe dang ldan pa rab 'byor gyis bud med dri bsu nas thal mo sbyar te phyag byas so/ / de nas tshe dang ldan pa sha ra dwa ti'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor 'phags pa'i chos ma thob pa dang /
- 228b
'phags pa'i lus su mi gnas pa'i bud med la ci'i phyir phyag 'tshal/ bud med la ci'i phyir phyag 'tshal/ bud med des smras pa/ gnas brtan shA ri'i bu gal te 'jig rten na 'phags pa ni gang dag lags/ 'phags pa ma lags pa ni gang dag lags pa mkhyen na khyod kyis spobs par mdzod cig/ gnas brtan shA ri'i bus smras pa/ che zhe khyod kyis 'jig rten na 'phags pa gang dag yin pa dang / 'phags pa ma yin pa gang dag yin pa shes sam/ smras pa/ btsun pa shA ri'i bu bdag gis 'tshal te/ smras pa de dag gang yin/ smras pa/ btsun pa shA/ ri'i bu 'phags pa'i rigs mi gcod pa gang dag lags pa de dag ni 'phags pa'o// sangs rgyas dang / chos dang / dge 'dun gyi rigs mi gcod pa gang dag lags pa de dag ni 'phags pa'o// 'phags pa rnams la byams pa'i sems dang ldan pa dang / 'phags pa ma yin pa rnams la thar par 'dod pa gang dag lags pa de dag ni 'phags pa'o// btsun pa gA ri'i bu gzhan yang bud med / rgyan gyis legs par brgyan pa/ gos gtsang ma srab mo gyon pa/ phye ma dang / spos dang / me tog 'phreng dang / byug pa rnams la brten pa// 'dod pa'i yon tan lnga dang ldan pa/ thams cad mkhyen pa nyid kyi sems dang ma bral ba ni ches bla'i/ dgra bcom pa rnam par thar pa brgyad la bsam gtan pa dben pa na gnas pa ni de lta ma lags so// btsun pa shA ri'i bu gzhan yang don 'di nyid brda
- 229a
spang ba'i phyir khyod la dpe bstan par bgyin/ btsun pa shA ri'i bu 'di ji snyam du dgongs 'ching bu'i nor bu bai DUR+Ya'i snod du bcug pa gdam mam/ 'on te nor bu rin po che rin thang med pa 'dam rdzab tu bcug pa gdam/ gnas brtan shwa ri'i bus smras pa/ che zhe nor bu rin po che rin thang med pa 'dam rdzab tu bcug pa gdam gyi/ mching bu'i nor bu bai DUR+Ya'i snod du/ bcug pa ni de lta ma yin no// smras pa/ btsun pa shA ri'i bu de bzhin du bud med 'dod pa'i yon tan lnga dang ldan pa/ thams cad mkhyen pa nyid kyi sems dang ma bral ba ni ches 'phags kyi/ dgra bcom pa rnam par thar pa brgyad la bsam gtan pa/ dben pa na gnas pa de ni de lta ma lags so// de nas tshe dang ldan pa shA ri'i bus smras pa/ ci che zhe khyod theg pa chen po la yang dag par zhugs pa yin nam/ smras pa/ btsun pa shA ri'i bu theg pa chen po ni gang la yang mi gnas la/ ldog pa yang ma mchis so// smras pa/ cha zhe gal te theg pa chen po gang la'ang mi gnas la/ ldog pa yang med pa theg pa chen po la yang dag par zhugs pa gang dag yin pa de dag ci la zhugs/ smras pa/ btsun pa shA ri'i bu theg pa chen po pa rnams ni ci la yang mi gnas te/ ma rig pa zad par bgyi ba'i slad du de dag mi gnas pa nas/ rga shi'i bar du zad par bgyi ba'i slad du de dag mi gnas so// de ci'i slad du zhe na/ btsun pa shA ri'i bu ma rig pa nas/ rga shi'i bar du mi zad pa'i
- 229b
slad du'o/ / des na de dag ni skye ba'i chos can yang ma lags/ 'gag pa'i chos can yang ma lags so// gal te skye bar gyur na ni de las zad par 'gyur na/ gang gi phyir mi skye ba de'i phyir mi zad do// de bas na zad pa yang ma mchis/ skye ba yang ma mchis so// dge sbyong gi chos ni mi skye ba'i chos can no// btsun pa shA ri'i bu de ltar na rten cing 'brel par 'byung ba ma skyes pa dang / ma 'gags pa lags/ so// de nas tshe dang ldan pa shA ri'i bus/ bud med de la 'di skad ces smras so// che zhe khyod ni lhar bcas pa'i 'jig rten dang / nyan thos dang / rang sangs rgyas dang bcas pas phyag bya ba'i 'os yin na/ tshe dang ldan pa rab 'byor gyis lta ci smos/ de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das gang zag gis gang zag la tshod 'dzin pa su zhig mchis te/ che zhe 'di ni 'di ltar rgyan gyis legs par brgyan la/ 'di ltar spobs pa phun sum tshogs pa dang ldan lags so// bud med des smras pa/ btsun pa / ri'i bu 'di ni rgyan gyi spobs pa ma lags so// smras pa/ 'o na gang gi spobs pa yin/ smras pa/ btsun pa shA ri'i bu brgyad po 'di dag ni byang chub sems dpa' rnams kyi rgyan lags brgyad gang zhe na/ 'di lta ste/ byang chub kyi sems mi brjed pa'i rgyan dang nya/ snying rje chen po'i lhag pa'i mam pas gnas pa'i rgyan dang / sems can thams cad la zhe 'gras pa med pa'i sems
- 230a
kyi rgyan dang / thos pa'i chos yongs su tshol ba la chog mi shes pa'i rgyan dang / ji ltar thos pa'i chos rnams dang / ji ltar kun chub par byas pa rnams la tshul bzhin du so sor rtog cing dpyod pa'i rgyan dang / sems can yongs su smin par byed kyang / chos thams cad mi dmigs pa'i rgyan dang / chos zab mo rnam par nges pa dang / rten cing 'brel bar 'byung ba dang sems can gyi dbang po mchog dang mchog ma yin pa shes pa'i ye shes kyi rgyan dang / rgyan de yang sangs rgyas kyi byin gyi rlabs dang / thabs la mkhas pa'i rgyan te/ btsun pa shA ri'i bu brgyad po de dag ni rgyan dag lags te/ rgyan de dag gis brgyan pa'i byang chub sems dpa' ni thogs pa med pa'i spobs pa dang ldan no// de nas bcom ldan 'das la// tshe dang ldan pa shA ri'i bus 'di skad ces gsol to/ / bcom ldan 'das che zhes 'di gang nas shi 'phos te 'dir skyes lags/ de nas bud med des bdag nyid kyi lus ci 'dra ba de kho na 'dra ba'i bud med dag cig tshe dang ldan pa shA ri'i bu'i mdun du sprul to/ / sprul nas kyang tshe dang ldan pa shA ri'i bu la 'di skad ces smras so// btsun pa shA ri'i bu khyod kyis bud med 'di lag las shi 'phos te 'di skyes zhes dris shig/ gnas brtan shA ri'i bus smras pa bud med 'di ni sprul pa yin te/ sprul pa la ni 'chi 'pho dang skye ba med do// smras pa/ btsun pa shA ro'i bu de bzhin du de bzhin gshegs pas ni chos thams cad sprul pa'i ngo bo nyid kyi mtshan nyid du mngon par rdzogs
- 230b
par sangs rgyas so/ / chos thams cad sprul pa'i ngo bo nyid kyi mtshan nyid du shes pa gang yin pa de dag la ni 'chi 'pho 'am/ skye ba dri bar mi bya'o// de nas bcom ldan 'das kyis/ tshe dang ldan pa shA ri'i bu la bka' stsal pa/ shA ri'i bu 'di ni byang chub sems dpa' sems dpa' chen po bud med 'gyur ba zhes bya ba yin te/ de bzhin gshegs pa mi 'khrugs pa'i sangs rgyas kyis zhing mngon par dga' ba nas shi 'phos nas/ sems can yongasasu smin par bya ba'i phyir 'dir 'ongs so// shA ri'i bu byang chub sems dpa' bud med 'gyur ba 'dis/ mi mjed kyi 'jig rten gyi khams 'dir sems can dpag tu med pa grangs med pa dag bla na med pa yang dag par rdzogs pa'i byang chub tu yongs su smin par byas so/ / de nas byang chub sems dpa' bud med 'gyur bas/ bud med kyi gzugs nyid kyis bcom ldan 'das kyi zhabs la mgo bos phyag 'tshal nas/ 'di skad ces gsol to// dag bla na med pa yang dag par rdzogs pa'i byang chub tu lung ma bstan pa'i bar dang / bdag gi bud med kyi lus su ma mchis par gyur te/ skyes pa'i lus su ma gyur kyi bar du bcom ldan 'das kyi zhabs las mi ldang lags so// bud med lnga brgya po de dag kyang / bcom ldan 'das kyi zhabs la phyag 'tshal nas/ 'di skad ces gsol to// bcom ldan 'das bdag kyang bud med kyi rang bzhin las gyur te skyes pa'i rang bzhin du ma gyur gyi bar dang / bla na med pa yang dag par rdzogs pa'i byang chub tu lung ma bstan gyi
- 231a
bar du bdag cag mi ldang lags so/ / de nas de'i tshe bcom ldan 'das kyi 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de de nas de'i mod la/ bcom ldan 'das kyi na ci sgo nas 'od zer du ma sna tshogs 'di lta ste/ sngon po dang / ser po dang / dmar po dang / dkar po dang / btsod ka dang shel dang / dngul gyi kha dog lta bu dag byung ste/ 'od zer de dag gis 'jig rten gyis khams mtha' yas mu med pa 'od kyis khyab par byas nas/ tshangs pa'i 'jig rten gyi bar du thug ste phyir log nas/ bcom ldan 'das kyi spyi gtsug tu mi snang bar gyur to// de nas tshe dang ldan pa kun dga' bo stan las langs te/ bla gos phrag pa gcig tu gzar nas/ bcom ldan 'das ga la bde logs su thal mo sbyar ba btud de/ bcom ldan 'das la 'di skad ces gsol to// bcom ldan 'das de bzhin gshegs pa rnams ni rgyu ma mchis rkyen ma mchis par 'dzum pa mi mdzad na// bcom ldan 'das 'dzum pa mdzad pa'i rgyu ni gang lags/ rkyen ni gang lags/ bcom ldan 'das kyis bka' stsal pa/ kun dga' bo khyod kyis byang chub sems dpar bud med 'gyur ba/ bud med lnga brgyas bskor ba de bzhin gshegs pa'i zhabs la gtugs pa mthong ngam/ gsol pa/ mthong lags so// bcom ldan 'das kyis bka' stsal pa/ kun dag so byang chub
- 231b
sems dpa' bud med 'gyur ba 'di bskal pa bgrang ba las 'das pa na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ 'jig rten du de bzhin gshegs pa dgra bcom pa yang dag par rdzogs pa'i sangs rgyas yon tan gyi rgyal po spobs pa can zhes bya bar 'gyur te/ des byang chub thob pa na/ bud med lnga brgya po 'di dag gzungs thob pa dang / thogs pa med pa'i spobs pa dang ldan pa dang / byang chub sems dpa' sems dpa' chen po bud med 'gyur ba 'dis/ yon tan gyi rgyan bstan pa gang dag yin pa'i rgyan brgyad po de dag gis brgyan pa'i byang chub sems dpa' lnga brgyar 'gyur te/ byang chub sems dpa' de dag de bzhin gshegs pa yon tan gyi rgyal po spobs pa can des bla na med pa yang dag par rdzogs pa'i byang chub tu lung bstan par 'gyur ro/ / kun dga' bo de bzhin gshegs pa yon tan gyi rgyal po spobs pa can de'i sangs rgyas kyi zhing yang 'byor cing rgyas la/ bde ba dang / lo legs pa dang / mi dang skye bo mang pos gang bar gyur te/ dga' ldan gyi lha'i longs spyod dang mnyam par 'gyur ro// sangs rgyas kyi zhing de na/ bud med kyi ming tsam yang med par 'gyur te/ sems can de thams cad pad+ma'i snying po la rdzus te skyes nas skyil mo krung bcas te 'dug la/ gtsang zhing tshangs par spyod pa dang rgyan brgyad po de dag gis brgyan par 'gyur ro// de nas byang chub sems dpa' bung
- 232a
med 'gyur ba de dang / bud med lnga brgya po de dag bcom ldan 'das kyis mngon sum du lung bstan pa thos nas/ dga' ba dang mchog tu dga' ba de kho nas ta la bdun srid tsam gyi nam mkha' la 'phags nas/ de'i mod kho na la khye'u lo bcu drug lon pa tsam du snang bar gyur to// de dag par snang de las babs te/ bcom ldan 'das la phyag 'tshal nas// de bzhin gshegs pas de dag thams cad kyi spyi bor phyag gis byugs so/ / de nas de dag thams cad kyis de'i tshe/ gzungs dang kun tu snang ba zhes bya ba'i ting nge 'dzin thob bo// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo chos kyi rnam grangs 'di bzung la gzhan dag la yang rgyas par yang dag par ston cig/ gsol pa/ bcom ldan 'das chos kyi rnam grangs 'di/ ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di khyod kyis spobs pa bkod pa'i rgyan ces bya bar zung zhig/ bud med 'gyur ba lung bstan pa zhes bya bar yang zung zhig/ bcom ldan 'das kyis bka' stsal nas/ byang chub sems dpa' sems dpa' chen po bud med 'gyur ba 'khor dang bcas pa dang // tshe dang ldan pa kun dga' bo dang / nyan thos chen po de dag dang / byang chub sems dpa' de dag dang / lha dang / klu dang / lha ma yin dang / dri zar bcas pa'i 'jig rten yi rangs te/ bcom
- 232b
ldan 'das kyis gsungs pa la mngon par bstod do/ / 'phags pa bud med 'gyur ba lung bstan pa zhes bya ba theg pa chen po'i mdo rdzogs so// @rgya gar swa du.Ar+ya sing ha na di ka na nA ma ma hA yA na sU tra/ bod skad du/ 'phags pa seng ge'i sgra bsgrags pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das nyi zla'i gnas rnam par rgyal byed kyi khang bzangs kyi nang na dge slong gi dge 'dun po dgra bcom pa bye ba khrag khrig brgya stong phrag dgu bcu rtsa dgu dang thabs cig tu bzhugs so/ / de'i tshe bcom ldan 'das kyis/ byang chub sems dpa' rnam par rgyal ba'i phung po la bka' stsal pa/ rnam par rgyal ba'i phung po khyod sangs rgyas kyi zhing 'di nas byang phyogs logs na/ gang+gA'i klung drug cu'i bye ma snyed kyi sangs rgyas kyi zhing rdul phra rab snyed 'das pa na/ 'jig rten gyi khams mngon par dga' ba zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas chos 'phags zhes bya ba da ltar bzhugs te// 'tsho zhing gzhes la chos kyang ston to// de bzhin gshegs pa de la blta ba dang / phyag bya ba dang / bsnyen bkur bya ba dang / mchod pa bya ba'i phyir song zhig/ de nas byang chub sems dpa' rnam par rgyal ba'i phung po 'jig
- 233a
rten gyi khams der song nas bcom ldan 'das chos 'phags de'i zhabs la phyag 'tshal te/ lan bdun bskor ba byas nas phyogs gcig tu 'dug go// byang chub sems dpa' rnam par rgyal ba'i phung po phyogs gcig tu 'dug pa dang / de nas bcom ldan 'das de bzhin gshegs pa chos 'phags des byang chub sems dpa' de la 'di skad ces bka' stsal to/ / rigs kyi bu khyod ga las 'dir 'ongs/ de nas byang chub sems dpa' rnam par rgyal ba'i phung po la/ bcom ldan 'das kyis bka' stsal pa/ de la cang mi smra bar kha rog 'dug go/ / de'i tshe der 'khor 'dus pa gang lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa de dag 'di snyam du sems te/ ci'i phyir byang chub sems dpa' rnam par rgyal ba'i phung po 'di 'jig rten gsum gyi bla mas bka' stsal pa la lan mi gsol bar kha rog 'dug cig gu snyam mo/ / de nas bcom ldan 'das kyi der seng ge bsgyings pa lta bus phyogs bcur gzigs na/ 'khor thams cad the tsom du gyur par thugs su chud nas 'dzum pa mdzad do// bcom ldan 'das de bzhin gshegs pa chos 'phags de 'dzum pa 'dzad pa'i 'od kyi snang ba gser gyi kha dog lta bu'i 'od zer brgya stong phrag du ma phyogs bcur snang bar mdzad do// de nas skad cig de nyid la sa
- 233b
chen po g.yos par gyur to/ / phyogs bcu nas kyang byang chub sems dpa' gzugs dang / kha dog dang / tshul du ma 'chang ba dag bcom ldan 'das kyi cho 'phrul chen po de mthong nas 'jig rten gyi khams der thams cad 'dus te/ bcom ldan 'das de'i zhabs la mgo bos phyag 'tshal nas/ rang rang gi dge bas bsgrubs pas 'dug ste/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de/ ngo mtshar du gyur pa dang / rmad du gyur pas 'dzum dmyal nas/ bcom ldan 'das la 'di skad ces gsol to// bcom ldan 'das bdag cag gis 'od zer gyi cho 'phrul du ma dag mthong lags te/ bcom ldan 'das bdag cag gis 'od zer gyi snang ba 'di lta bu dag sngon nam yang ma mthong lags so// bcom ldan 'das 'di'i don de ni legs pa lags te/ gang bcom ldan 'das kyis 'dzum pa de lta bu mdzad pa'i don de bdag cag la thugs brtse bar dgongs te lung bstan du gsol/ de nas byang chub sems dpa' 'od 'phreng gis/ bcom ldan 'das la tshogs su bcad de gsol pa/ rnam 'dren gang zag mchog ste thugs rje can// rgyu ma mchis par 'dzum pa mi mdzad na// bdag dang 'jig rten snang mdzad thugs rje can/ / 'dzum mdzad rgyu dang mdzad rgyas par gsungs// de nas bcom ldan 'das de bzhin gshegs pa chos 'phags 'dzam bu chu bo'i gser ltar snang zhing
- 234a
'od zer bye ba khrag khrig brgya stong phrag du ma rab tu 'gyed pa/ sku'i gzugs dang mdog gzi brjid kyis 'bar ba de la/ byang chub sems dpa' 'od 'phreng gis 'di skad ces gsol to/ / bcom ldan 'das bdag gis cho 'phrul mang po mthong lags te/ bdag gis sngon 'od zer gyi snang ba 'di lta bu nams kyang ma mthong lags so// de bzhin gshegs pa des bka' stsal pa/ 'od 'phreng phyogs 'di de bzhin gshegs pa'i 'od zer gyi snang ba 'di lta bu chung ngu zhig mdzad de/ mtshan ma snang ba de dag ni rgyu med pa ma yin// byed rgyu med pa ma yin no/ / 'od 'phreng khyod de'i phyir legs par rab tu nyon la yid la zung zhig dang / ngas khyod la bshad do// don gang gi phyir ngas 'dzum pa mdzad pa thos nas kyang / rigs kyi bu khyod kyis skrag par mi bya/ dngang bar mi bya/ dngang bar 'gyur bar mi bya/ som nyir mi bya/ the tshom du mi bya'o// de ci'i phyir zhe na/ sangs rgyas bcom ldan 'das rnams kyi yul ni bsam gyis mi khyab bo/ / smon lam ni bsam gyis mi khyab/ rnam par 'phrul pa ni bsam gyis mi khyab bo// don de dag yang dag par mthong nas/ the tshom ma byed cig/ 'od 'phreng gang 'di ltar de bzhin gshegs pa shAkya thub pas/ nga'i drung du byang chub sems dpa' rnam par rgyal ba'i phung po btang ba 'di khyod kyis mthong ngam/ gsol pa/ bcom ldan 'das mthong lags so//
- 234b
bde bar gshegs pa mthong lags so// rigs kyi bu byang chub sems dpa' rnam par rgyal ba'i phung po 'di la/ ngas khyod ga las 'ongs zhes de skad dris nas/ de cang mi smra bar kha reg 'dug ste/ rigs kyi bu ngas don gyi dbang 'di mthong nas 'dir 'dzum pa mdzad do// de bzhin gshegs pas smras pa'i lan de ci'i phyir 'dis ma gsol snyam du 'khor 'di dag thams cad the chom du gyur to/ / rigs kyi bu ngas smras pa'i lan skyes bu dam pa 'dis ci'i phyir ma gsol ce na/ 'ong ba dang 'gro ba med pa'i chos rnams la bcom ldan 'das bdag la khyod ga las 'ongs zhes 'ong bamed par mdzad do snyam mo/ / chos thams cad brjod du ma mchis par yang glo bar chud na bcom ldan 'das ga las 'ongs zhes byung ba'i gnas la bdag gis gsel bar spro ba ma mchis so snyam du sems te/ rigs kyi bu mdor na rigs kyi bu 'dis chos thams cad bstan te/ yang dag pa'i chos ston pa yin no// rigs kyi bu byang chub sems dpa' rnam par rgyal ba'i phung pos yi ge med pa'i chos dang / tshig med pa dang / brjod du med pa dang / yi ge dang bral ba dang / mtshan ma med pa dang / mtshan ma dang bral ba dang / blang ba med pa dang / blang ba dang bral ba dang / 'ong ba med pa dang / mthong ba med pa dang / gnas med pa dang / sems dang / yid dang / rnam par shes pa dang bral ba dang / rgyu rkyen
- 235a
dang bral ba dang / tshig med pa dang / rnam par rig pa med pa dang / lta ba med pa dang / ther zug tu gnas pa med pa dang / tshig gis brjod pa med pa dang brda med pa dang / yi ge gcig la 'di lta ste/ yang dag pa ma yin pa dang / bsags pa med pa'i gnas dang / yi ge med pa dang / gdul ba med pa rnams la su zhig ston snyam du shes nas/ rigs kyi bu bstan pa med pa'i 'dir bstan to// de nas bcom ldan 'das kyi mthus byang chub sems dpa' lus 'od gsal gyis/ bcom ldan 'das la 'di skad ces gsol to// bcom ldan 'das gal te chos thams cad bstan du ma mchis pa lags na/ chos de dag thams cad lkug pas bstan par 'gyur lags so// bcom ldan 'das kyis bka' stsal pa/ rigs kyi bu ji skad smras pa de bzhin te/ lkugs pa 'ba' zhig gis ma yin gyi/ sems can thams cad kyang mi shes bzhin du chos ston par byed do// gsol pa/ bcom ldan 'das ji ltar sems can thams cad ma 'tshal bzhin du chos ston pa de bshad du gsol/ bde bar gshegs pa bshad du gsol/ de skad ces gsol pa dang / bcom ldan 'das kyis byang chub sems dpa' lus 'od gsal 'di skad ces bka' stsal to/ / rigs kyi bu 'di lta ste/ dper na dbus long dag nyi ma shar kyang / gzugs
- 235b
mthong bar mi 'gyur zhing / nyi ma'i 'od ci 'dra ba yang mi shes te/ ji ltar gzhan dag gis nyi ma'i mtshan nyid 'di lta bu zhig yin no zhes bstan pa dang / de ltar gzhan gyi sgra la nyi ma yin par mngon par zhen to/ / rigs kyi bu de bzhin du chos thams cad nang du 'dus shing / dbyings kyi nang du 'dus te/ dbyings med cing yi ge med pa/ yi ge dang bral ba chos thams cad brjod du med pa yin na/ rkyen gyi dbang gis sgra 'byung bar 'gyur ro// rigs kyi bu 'di lta ste/ dper nar brag dang sgra la brten nas brag cha'i sgra 'byung yang / rigs kyi bu ri brag gi sgra ni stong pa yin no/ / rigs kyi bu de bzhin du rkyen la brten nas yi ge'i sgra 'byung bar 'gyur te/ yi ge'i sgra ni stong pa yin no// rigs kyi bu sems can gang dag brjod pa de thams cad so sor yang dag par rig pa'i nang du 'dus par blta ste/ tshig gis brjod pa gang yin pa de ni/ chos so so yang dag par rig pa yin par blta ba dang / tshig gis brjod pa gang yin ba de ni/ don so so yang dag par rig pa yin par blta bar bya'o// de lta bas na rigs kyi bu khyod kyis sems can gyi gang cung zad g.yo ba de thams cad chos kyi sdom bzhir 'dus par blta bar bya ste/ 'byung po dag mi shes pas mi gnas na g.yo'o// de ltar na mi dmus long de ji ltar shes pa de bzhin chos nyid de la mngon par zhen to// rigs kyi bu don yongs su tshol bar 'dod pas rang gi rgyud las yong/
- 236a
@su btsal bar bya'o// rigs kyi bu byang chub yongs su tshol bar 'dod pas rang gi nye bar len pa'i phung po lnga las btsal bar bya'o// chos kyi rnam grangs 'di'i don ji lta ba bzhin bshad pa na/ stong gsum gyi stong chen po'i 'jig rten gyi khams thams cad rnam pa drug tu g.yos so// snang ba chen pos 'jig rten khyab par shin tu snang bar gyur to// bcom ldan 'das de bzhin gshegs pa chos 'phags kyi ljags kyi dbang po phyung nas stong gsum gyi stong chen po'i 'jig rten gyi khams thams cad ljags kyi dbang pos yang dag par bkram par gyur to/ / ljags kyi dbang po de las 'od zer bye ba khrag khrig brgya stong phrag du ma byung ste/ 'od zer de dag gis sems can dmyal ba chen po la sogs pa nas/ srid pa'i rtse mo'i bar gyi 'jig rten gyi khams thams cad snang bar byas so/ / de nas bcom ldan 'das kyi ljags kyi dbang po de nyid sngar bsdus nas 'khor gyi dkyil 'khor thams cad la bka' stsal pa/ grog po dag lce 'di lta bu yod pa ni brdzun mi zer te/ grogs po dag ngas gtam cung zad ji lta ba bzhin bshad pa de ltar brtags pa dang / de ltar dad pa dang / yid ches par gyis shig/ de nas sa bcu la gnas pa dang / lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po la sogs pa dang / mi dang / mi ma yin pa'i 'khor thams cad stan
- 236b
las langs te/ thal mo sbyar nas tshig mthun par 'di skad ces gsol to// bcom ldan 'das yang dag pa'i don ston pa bshad du gsol/ bde bar gshegs pa bshad du gsol/ sangs rgyas kyi mthus som nyi mi bgyi zhing the tsom mi bgyi'o// de nas bcom ldan 'das kyis/ thams cad dang ldan pa'i 'khor la lan gsum du gzigs nas 'di skad ces bka' stsal to// rigs kyi bu dag skye bo mang po la phan pa dang / skye bo mang po la bde ba'i phyir seng ge'i sgras bshad par bya'o// rigs kyi bu gang 'jig rten gyi khams mi mjed na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar bzhugs te/ 'tsho zhing gzhes la chos kyang ston to// rigs kyi bu de ni de bzhin gshegs pa chos 'phags nga nyid yin te/ 'jig rten gyi khams mi mjed der bsgrub pa rnam pa sna tshogs kyis sems can rnams la chos ston pa mdzad do// de nas thams cad dang ldan pa'i 'khor ngo mtshar du gyur cing / rmad du gyur pa de dag gis/ bcom ldan 'das legs so zhes bya ba gsol te/ bcom ldan 'das de ltar sems can thams cad la seng ge'i sgra bsgrags pa legs lags so// legs lags so// bcom ldan 'das ji ltar 'khor 'dir seng ge'i sgra bsgrags pa'i bcom ldan 'das kyi seng ge'i sgra 'di thos par 'gyur zhing / thos nas kyang yid ches par
- 237a
'gyur ba'i sems can gang lags pa de dag kyang / bcom ldan 'das dge ba'i rtsa ba ngan ngon dang ldan pa ma lags na/ gang 'dzin pa dang / 'chang ba dang klog pa dang / gzhan dag la'ang rgya cher yang dag par tu ston pa dang / mdo sde 'di la me tog dang / bdug spos dang / 'phreng ba dang / byug pa dang / phye ma dang / na bza' dang gdugs dang / rgyal mtshan dang / ba dan dag gis mchod pa bgyid pa lta smos kyang ci 'tshal te/ seng ge'i sgra bsgrags pa'i mdo sde 'di sems can gang gis rna bar thos par 'gyur ba de ni bcom ldan 'das sangs rgyas thams cad kyis byin gyis brlabs pa lags so/ / de nas bcom ldan 'das kyis byang chub sems dpa' de dag la legs so zhes bya ba gnang ste/ rigs kyi bu ji skad smras pa de bzhin te/ legs so legs so// gang de bzhin gshegs pa'i yang dag pa'i seng ge'i sgra 'di thos nas rab tu dang ba'i sems kyis legs so zhes bya ba 'ga' zhig rjes su 'bul na yang rigs kyi bu 'am/ rigs kyi bu mo de dge ba'i rtsa ba ngan ngon dang ldan pa ma yin te/ de dag ngas yongs su bzung ba yin no// byang chub sems dpa' chen po byams pas kyang mgron du gnyer bar byed do/ / de de dag gis nga'i byang chub phrag pa la khyer ba yin no// gang snyigs ma dag la bab pa'i tshe/ mdo sde 'di la mos pa'i sems can de dag ni/ ngas yongs su smin par byas pa yin no//
- 237b
tshe rabs gzhan du'ang mi pham pas yongs su 'dzin par 'gyur ro// de'i skye ba rgya mtsho'i lta bu bskams pa yin no// bdud pham par byas pa yin no// nyon mongs pa bsad pa yin no// chos kyi rnga shin tu brdungs pa yin no// srid pa gsum rnam par bzlog pa yin no// phyir rgol ba rnams las nges par rgyal ba yin no// nyon mongs pa'i tshogs bcom pa yin no// rigs kyi bu 'am/ rigs kyi bu mo gang la la zhig gis stong gsum gyi stong chen po'i 'jig rten gyi khams grangs med pa phrag bcu'i phra rab kyis rdul snyed kyi bskal par de bzhin gshegs pa thams cad la bde ba'i yo byad thams cad kyis bsnyen bkur byas kyang / de bzhin gshegs pa'i sngon gyi rnam par 'phrul pa 'di thos nas dad par mi byed na/ de nyes pa chen po yin no// de bzhin gshegs pa'i bkas rigs kyi bu de/ de bzhin gshegs pa la rim gro byas pas rim gror byed pa dang / rigs kyi bu 'am/ rigs kyi bu mo gang gzhan zhig gis de bzhin gshegs pas yang dag par bstan pa 'di thos nas/ dad cing sems rab tu dang bas legs so zhes bya bar 'bul na/ gang de bzhin gshegs pa la mchod cing bsnyen bkur byas pa de bas 'di bsod nams ches lhag par brgya phrag stong sogs par 'gyur ro/ / de lta bas na rigs kyi bu gang dag la skyabs su song ba de dag gis/ mdo sde 'di bri bar bya/ bcang bar bya'o// de nas byang chub sems dpa' rnam par rgyal ba'i
- 238a
phung po dang / 'od 'phreng dang / glog gi 'od spyan rnam par dag pa dang / byams pa dang / mi 'jigs mdzad dang / spyan ras gzigs dbang phyug dang / mthu chen thob dang / 'jam dpal dang / spobs pa dpa' bo dang / sgrib pa thams cad rnam par sel ba dang / spyan ras gzigs dang / kun tu bzang po dang / de dag la sogs pa byang chub sems dpa' bye ba khrag khrig brgya stong phrag brgyad cu rtsa bzhis/ bcom ldan 'das la 'di skad ces gsol to// bcom ldan 'das slad ma'i dus slang ma'i tshe/ snyigs ma lnga bab pa na/ bdag cag gis mdo sde 'di rgyas par bgyi'o// bcom ldan 'das gang mdo sde 'di la mos pa'i sems can de ni/ yongs su mya ngan las 'das par rig par bya'o// bcom ldan 'das sems can dge ba'i rtsa ba ma bskyed pa rnams kyi rna bar mdo sde 'di thos par mi 'gyur te/ gang dag rgya cher 'jug pa de dag gi yon tan gyi mtha' ni bskal pa bye ba khrag khrig brgya phrag stong du rtogs par dka' lags so/ / de nas byang chub sems dpa' de dag la legs so zhes bya ba gnang ste/ rigs kyi bu dag legs so legs so// de ltar khyed rnams kyis bcom ldan 'das kyis bstan pa la gangos pa 'dzin pa lta bar gyis shig/ bcom ldan 'das kyis de skad ces bka' stsal nas/ byang chub sems dpa' rnam par rgyal ba'i phung po dang / thams cad dang ldan pa'i
- 238b
'khor dang / lha dang / mi dang / zhwa ma yin dang / dri babar bcas pa'i 'jig rten de dag bcom ldan 'das kyis gsungs pa la yi rang ste mngon pa bstod do// 'phags pa seng ge'iH bsgrags pa zhes bya ba theg pa chen po'i mdo rdzogs so/ / / rgya gar gyi mkhan po bid d+yA kar sing ha dang / lo tsa ba ban+de swa rje ye shes snying pos bsgyur ba/ / rgya gar skad du/ Ar+ya b+ha ba sang krAn ti nA ma ma hA yA na sU tra/ bod skad du/ 'phags pa srid pa 'pho ba zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na 'od ma'i tshal bya ka lan ta ka gnas pa na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' chen po rab tu mang po dang thabs cig tu bzhugs te/ de nas bcom ldan 'das 'khor brgya stong du mas yongs su bskor cing mdun gyis bltas nas chos ston te/ tshangs par spyod pa/ thog mar dge ba/ bar du dge ba/ tha mar dge ga don bzang ngo po// tshig 'bru bzang ngo // ma 'dres pa/ yongs su rdzogs pa/ yongs su dag pa/ yongs su byang ba yang dag par ston to// de'i tshe yul ma ga d+ha'i rgyal po bzo sbyangs gzugs can snying po rgyal po'i khab kyi grong khyer chen po nas byung ste/ rgyal po'i 'byor pa chen po
- 239a
dang / rgyal po'i dbang ba chen po dang / rgyal po'i mthu chen pos 'od ma'i tshal ga la ba dang / bcom ldan 'das ga la ba der song ste phyin nas/ bcom ldan 'das kyi zhab la mgo bos phyag 'tshal te/ lan gsum bskor ba byas nas phyogs gcig tu 'dug go// phyogs gcig tu 'dug nas/ yul ma ga d+ha'i rgyal po bzo sbyangs gzugs can snying pos/ bcom ldan 'das la 'di skad ces gsol to/ / bcom ldan 'das ji ltar na las bgyis shing bsags pa 'gags nas yun ring du lags pa 'gum pa'i dus kyi tshe nye bar gnas shing yid la mngon du 'gyur ba lags 'du byed thams cad stong pa la ji ltar las rnams chab mi 'tshal bar gda'/ de skad ces gsol pa dang / bcom ldan 'das kyis/ yul ma ga d+ha'i rgyal po bzo sbyangs gzugs can snying po la 'di skad ces bka' stsal to/ / rgyal po chen po 'di lta ste/ dper na mi zhig nyal ba'i rmi lam na yul gyi bud med bzang mo dang lhan cig tu yongs su spyod pa rmis la/ de nyal ba las sad nas/ yul gyi bud med bzang mo de dran na/ rgyal po chen po 'di ji snyam du sems/ rmi lam gyi yul gyi bud med bzang mo de yod dam/ gsol pa// bcom ldan 'das de ni ma mchis lags so// bcom ldan 'das kyis bka' stsal pa/ rgyal po chen po 'di ji snyam du sems/ 'o na gang rmi lam gyi yul gyi bud med bzang mo de la mngon par zhen pa'i mi de ci mkhas pa'i rang bzhin can yin nam
- 239b
gsol pa/ bcom ldan 'das de ni ma lags te/ de ci'i slad du zhe na/ bcom ldan 'das rmi lam gyi yul gyi bud med bzang mo'ang shin tu ma mchis shing mi dmigs lags na/ de dang yongs su spyod pa lta ga la mchis te/ 'di ltar mi de ni 'phongs shing dub pa'i skal ba can du 'gyur lags so// bcom ldan 'das kyis bka' stsal pa/ rgyal po chen po de bzhin du byis pa so so'i skye bo thos pa dang mi ldan pa'ang / mig gis gzugs rnams mthong na/ yid bde bar 'gyur ba'i gzugs rnams la mngon par zhen te/ mngon par zhen par gyur nas/ rjes su chags par 'gyur ro/ / kun tu chags par 'gyur ro// kun tu chags nas 'dod chags las byung ba dang / zhe sdang las byung ba dang / gti mug las byung ba dang / lus dang / ngag dang / yid kyis mngon par 'du byed do// las de mngon par 'du byas par gyur nas 'gag go// 'gag pa ni shar phyogs su brten te gnas pa ma yin/ lho phyogs su ma yin/ nub phyogs su ma yin/ byang phyogs su ma yin/ steng du ma yin/ 'og tu ma yin/ phyogs mtshams rnams su brten te gnas pa ma yin no// dus gzhan ji tsam zhig na 'chi ba'i dus dang tshong nye bar gnas pa'i tshe/ de dang bskal pa 'dra ba'i las zad nas/ rnam par shes pa tha ma 'gag pa'i tshe/ 'di lta ste/ dper na nyal nyal ba las sang pa'i mi'i yul gyi bud med bzang mo lta
- 240a
bur las de yid la mngon du 'gyur ro/ / rgyal po chen po de ltar rnam par shes pa tha ma 'gag cing skye ba'i char gtogs pa'i rnam par shes pa dnga'o// yang na ni lha'i nang du yang na ni mi'i nang du/ yang na ni sems can dmyal ba rnams su/ yang na ni dud 'gro rnams su/ yang na ni yi dgas rnams su 'byung bar 'gyur ro// rgyal po chen po rnam par shes pa dang po de 'gags ma thag tu/ gang la rnam par smin pa myong bar 'gyur ba mngon pa de dang skal ba 'dra ba'i sems kyi rgyud 'byung ngo // rgyal po chen po de la chos gang yang 'jig rten 'di nas 'jig rten pha rol tu 'pho ba'ang med la/ 'chi 'pho dang skye bar mngon pa'ang yod de/ rgyal po chen po de la gang rnam par shes pa tha ma 'gags pa de ni 'chi 'pho zhes bya/ gang rnam par shes pa dang po 'byung ba de ni skye ba zhes bya'o// rgyal po chen po rnam par shes pa tha ma 'gag pa'i tshe yang gang du'ang mi 'gro// rnam par shes pa dang po skye ba'i char gtogs par 'gyur ba'i tshe gang nas kyang mi 'ong ngo // de ci'i phyir zhe na/ ngo bo nyid dang bral ba'i phyir ro// rgyal po chen po de la rnam par shes pa tha ma ni rnam par shes pa thams stong / 'chi 'pho ni 'chi 'phos stong / khas ni las kyis stong / rnam par shes pa dang po ni rnam par shes pa dang pos stong / skye ba ni skye bas stong la/ las rnams chung mi za bar mngon par yang yod do// rgyal po chen po rnam par shes pa dang po skye ba'i char gtogs pa 'gags
- 240b
mthag tu/ bar ma chad par gang la rnam par smin pa myong bar 'gyur ba mngon pa'i sems kyi rgyud 'byung ngo // bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to// 'di dag thams cad ming tsam ste// 'du shes tsam du gnas pa yin// brjod pa las ni bzhin gyur pa// brjod par bya ba yod ma yin// ming ni gang dang gang gis su// chos rnams gang dang gang brjod pa// de la de ni yod ma yin// 'di ni chos rnams chos nyid do// ming gis ming nyid stong pa ste// ming ni ming gis yod ma yin// ming med pa yi chos rnams kun// ming gis yongs su brjod par byas// chos rnams 'di dag yod min te// rtogs pa las ni kun tu 'byung // gang gis stong par rnam rtog pa/ / rtog pa de yang 'di na med// mig gis gzugs ni mthong ngo zhes// yang dag gzigs pas gang gsungs pa// 'jig rten log pa'i dang can la// kun rdzob bden par de gsungs so/ / 'tshogs nas mthong zhes gang dag tu// 'dren pas rab tu bstan mdzad pa// de ni don dam gdags pa'i sar// blo dang ldan pas bka' stsal to// mig gis gzugs rnams mi mthong zhing / / yid kyis chos rnams ma rig pa// de ni bden pa mchog yin te// de la 'jig rten mi dpogs so// bcom ldan 'das kyis de skad ces bka' stsal nas/ yul
- 241a
ma ga d+ha'i rgyal po bzo sbyangs gzugs can snying po dang / byang chub sems dpa' de dag dang / dge slong dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa srid pa 'pho ba zhes bya ba theg pa chen po'i mdo rdzogs so// / rgya gar gyi mkhan po dzi na mi tra dang / dA na shI la dang / zhu chen gyi lo tsa ba ban+de ye shes sdes bsgyur cing zhus te/ skad gsar bcad kyis kyang bcos te gtan la phab/ glegs pam dum la gdugs shing bus dag kyi lcogs bgyis/ rgya gar skad du/ Ar+ya karaN+Da b+hU ha nA ma mahA yA na sU tra/ bod skad du/ 'phags pa zam tog bkod pa zhes bya ba theg pa chen po'i mdo// bam po dang ngo // / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod pa'i 'dze ta'i tshal mgon med zas sbyin kyi kun dga' ra ba na/ dge slong brgya phrag byed dang bcu gsum gyi dge slong gi dge 'dun chen po dang / byang chub sems dpa' sems dpa' chen po rab tu mang po rnams dang yang thabs cig pa la 'di lta ste/ byang chub sems dpa' sems dpa' chen po rdo rje blo gros dang / byang chub sems dpa' sems dpa' chen po ye shes mthong ba dang / byang chub sems dpa' sems dpa' chen po rdo rje rje dang / byang chub
- 241b
sems dpa' sems dpa' chen po gsang spen dang / byang chub sems dpa' sems dpa' chen po nam mkha'i snying po dang / byang chub sems dpa' sems dpa' chen po nyi ma'i snying po dang / byang chub sems dpa' sems dpa' chen po brtson 'grus mi gtong ba dang / byang chub sems dpa' sems dpa' chen po lag na rin po che dang / byang chub sems dpa' sems dpa' chen po kun tu bzang po dang / byang chub sems dpa' sems dpa' chen po mthu chen thob pa dang / byang chub sems dpa' sems dpa' chen po sgrib pa thams cad rnam par sel ba dang / byang chub sems dpa' sems dpa' chen po kun tu dpa' ba dang / byang chub sems dpa' sems dpa' chen sman gyi sde dang / byang chub sems dpa' sems dpa' chen po spyan ras gzigs kyi dbang po dang byang chub sems dpa' sems dpa' chen po lag na rdo rje dang / byang chub sems dpa' sems dpa' chen po rgya mtsho mching rnam blo gros dang / byang chub sems dpa' sems dpa' chen po chos 'dzin dang / bya chub sems dpa' sems dpa' chen po sa'i spyan mchog dang / byang chub sems dpa' sems dpa' chen po dbugs phyin pa'i lag pa dang / byang chub sems dpa' sems dpa' chen po byams pa dang / de lta bu la sogs pa byang chub sems dpa' bye ba rnams kyang tshogs so// gzhan yang dbang phyug dang / mthu bo che la sogs pa lha'i sde sum cu rtsa gnyis kyi lha'i sras
- 242a
po rnams kyang tshogs so/ / gzhan yang lha'i sde sum cu rtsa gsum gyi lha'i bu rnams tshogs te/ lha'i bu dbang phyug chen po dang / mthu bo che la sogs pa nyi ma dang zla ba dang / rlung gi lha dang / chu'i lha la sogs pa lha'i bu de dag tshogs pa dang lhan cig tu/ brgya byin lha'i dbang po dang / tshangs pa mi mjed kyi bdag po dag kyang tshogs so// 'khor de na klu'i rgyal po brgya stong du ma tshogs pa rnams 'di lta ste/ klu'i rgyal po ut+pa la dang / klu'i rgyal po e la'i lo ma can dang / klu'i rgyal po nya zan dang / klu'i rgyal po ba lang gi bdag po dang / klu'i rgyal po mgo brgya pa dang / klu'i rgyal po hu lu dang / klu'i rgyal po 'jog po dang / klu'i rgyal po glang mgo dang / klu'i rgyal po ri dgas mgo dang / klu'i rgyal po rta mgo dang / klu'i rgyal po dga' bo dang / klu'i rgyal po bsnyen dga' bo dang / klu'i rgyal po bang sI rigs kyi bu dang / klu'i rgyal po ma dros pa dang / klu'i rgyal po rgya mtsho mching rnams dang / de lta bu la sogs pa klu'i rgyal po brgya stong du ma dag kyang tshogs so// dri za'i rgyal po brgya stong du ma dag kyang tshogs pa 'di lta ste/ dri za'i rgyal po rnga'i dbyangs kyi rgyal po dang / dri za'i rgyal po yid du 'ong ba'i dbyangs dang / dri za'i rgyal po lag pa stong dang ldan pa dang / dri za'i rgyal po blo gros chen po dang / dri za'i rgyal po lus sim par byed pa dang / dri za'i rgyal po
- 242b
sil snyan sgra bsgrags dang / dri ba'i rgyal po rgyan gyis brgyan pa dang / dri za'i rgyal po gzhon nur snang ba dang / dri ba'i rgyal po lag pa bzang po dang ldan pa dang / dri ba'i rgyal po chos dga' dang / de lta bu la sogs pa dri za'i rgyal po brgya stong du ma dag tshogs so// 'khor der mi 'am ci brgya stong du ma tshogs pa 'di lta ste/ mi 'am ci'i rgyal po bzhin bzang dang mi 'am ci'i rgyal po cod pan can dang / mi 'am ci'i rgyal po sa ri bzhin dang / mi 'am ci'i rgyal po rab tu dga' byas dang / mi 'am ci'i rgyal po 'khor lo bkod pa dang / mi 'am ci'i rgyal po me tog gtor ba dang / mi 'am ci'i rgyal po nor bu dang / mi 'am ci'i rgyal po gsus shol dang / mi 'am ci'i rgyal po brtson 'grus brtan pa dang / mi 'am ci'i rgyal po shin tu 'thab dang / mi 'am ci'i rgyal po bzhin brgya pa dang / mi 'am ci'i rgyal po shing rlon dang / de lta bu la sogs pa mi 'am ci'i rgyal po brgya stong du ma dag tshogs so// lha'i bu mo brgya phrag du ma dag tshogs pa 'di lta ste/ lha'i bu mo thig le mchog ces bya ba dang // lha'i bu mo shin tu bkod pa zhes bya ba dang / lha'i bu mo gser gyi ska rags zhes bya ba dang / / lha'i bu mo rgyan pa zhes bya ba dang / lha'i bu mo gdos 'dzin ces bya ba dang / lha'i bu mo bdud rtsi'i thig pa zhes bya ba dang / lha'i bu mo lus yongs su mdzes ma zhes bya ba dang / lha'i bu mo nor
- 243a
bu'i 'od ces bya ba dang / lha'i bu mo gtsug dung can zhes bya ba dang / lha'i bu mo lha'i bzhin ston pa zhes bya ba dang / lha'i bu mo sil snyan lnga mngon par zhen zhes bya ba dang / lha'i bu mo dga' bar byed pa zhes bya ba dang / lha'i bu mo gser gyi 'phreng ba zhes bya ba dang / lha'i bu mo me tog ut+pa la sngon po zhes bya ba dang / lha'i bu mo chos la mngon par phyogs pa zhes bya ba dang / lha'i bu mo shin tu rol pa zhes bya ba dang / lha'i bu mo ma lus 'byung gnas zhes bya ba dang / lha'i bu mo shin tu bkod pa'i blo gros zhes bya ba dang / lha'i bu mo dpung rgyan 'dzin ba zhes bya ba dang / lha'i bu mo sbyin pa sbyin byed ces bya ba dang / lha'i bu mo zla ba can zhes bya ba dang / de lta bu la sogs pa lha'i bu mo brgya phrag du ma dag tshogs so// klu'i bu mo brgya phrag du ma dag kyang tshogs pa 'di lta ste/ klu'i bu mo rgyan 'dzin ces bya ba dang / klu'i bu mo mu tsau lan+de zhes bya ba dang / klu'i bu mo ral pa gsum pa zhes bya ba dang / klu'i bu mo sa ri'i bzhin zhes bya ba dang / klu'i bu mo rgyal ba'i dpal zhes bya ba dang / klu'i bu mo glog gi mig ces bya ba dang / klu'i bu mo glog gi 'od ces bya ba dang / klu'i bu mo sa ri ri bo zhes bya ba dang klu'i bu mo g.yog brgya ba zhes bya ba dang / klu'i bu mo sman chen mo zhes bya ba dang / klu'i bu mo thigs pa zhes bya ba dang / klu'i bu mo mgo gcig ma zhes bya ba dang // klu'i bu mo bzhon pa brgya pa zhes bya ba dang / klur
- 243b
bu mo za byed ces bya ba dang / klu'i bu mo ma lus 'ongs zhes bya ba dang / klu'i bu mo shin tu brgyan ma zhes bya ba dang / klu'i bu mo thig le zhes bya ba dang / klu'i bu mo sprin dkar mo zhes bya ba dang klu'i bu mod bzhin du chags pa zhes bya ba dang / klu'i bu mo gtong ldan zhes bya ba dang / klu'i bu mo 'khor mi phyed pa zhes bya ba dang / klu'i bu mo mu tsi lin+da zhes bya ba dang / klu'i bum rgya mtshomaching rnam mngal zhes bya ba dang / klu'i bu mo gdugs kyi bzhin zhes bya ba dang / klu'i bu mo chos la dga' ba zhes bya ba dang / klu'i bu mo bde byed ces bya ba dang / klu'i bu mo brtson 'grus zhes bya ba dang / klu'i bu mo rgya mtsho mching rnam ltar zab pa zhes bya ba dang / klu'i bu mo ri rab lhun po'i dpal zhes bya ba dang / de lta bu la sogs pa klu'i bu mo brgya phrag du ma dag tshogs so// dri za'i bu mo brgya phrag du ma dag kyang tshogs pa 'di lta ste/ dri za'i bu mo dga' ba'i bzhin zhes bya ba dang / dri za'i bu mo dga' ba sbyin byed ces bya ba dang / dri za'i bu mo mi ston pa zhes bya ba dang dri za'i bu mo rdo rje'i dpal zhes bya ba dang / dri za'i bu mo rdo rje'i 'phreng ba zhes bya ba dang / dri za'i bu mo 'phreng ba bzang po can zhes bya ba dang / dri za'i bu mo nags tshal bdag mo zhes bya ba dang / dri za'i bu mo me tog brgya pa zhes bya ba dang / dri za'i bu mo me tog 'bus pa zhes bya ba dang / dri za'i bu mo rin po che'i 'phreng ba zhes bya ba dang / dri za'i bu mo ngus pa'i me tog ces bya ba dang
- 244a
dri za'i bu mo mngal bzang mo zhes bya ba dang / dri za'i bu mo rgyal po'i dpal zhes bya ba dang / dri za'i bu mo rnga zhes bya ba dang / dri za'i bu me 'phreng ba bzang mo zhes bya ba dang / dri za'i bu mo rgyan gyis brgyan pa zhes bya ba dang / dri ba'i bu mo mngon par btung pa zhes bya ba dang / dri ba'i bu mo chos 'dod ces bya ba dang / dri ba'i bu mo chos sbyin zhes bya ba dang / dri za'i bu mo me tog u dusma ra'i lto ba zhes bya ba dang / dri za'i bu mo rnam brgya pa zhes bya ba dang / dri za'i bu mo me tog pad+ma'i dpal zhes bya ba dang / dri za'i bu mo me tog pad+ma'i dmigs zhes bya ba dang / dri za'i bu mo lus yongs su mdzes pa zhes bya ba dang / dri za'i bu mo che bas dbang po bzhin du 'gro ba zhes bya ba dang / dri za'i bu mo sa sbyin zhes bya ba dang / dri za'i bu mo 'bras bu sbyin zhes bya ba dang / dri za'i bu mo seng ge'i 'gros zhes bya ba dang / dri za'i bu mo me tog ku mu da zhes bya ba dang / dri za'i bu mo yid dga' zhes bya ba dang / dri za'i bu mo sbyin byed ces bya ba dang / dri za'i bu mo lha'i tshig ces bya ba dang / dri za'i bu mo bzod dga' zhes bya ba dang / dri za'i bu mo mya ngan las 'das dga' zhes bya ba dang dri za'i bu mo rin chen myu gu zhes bya ba dang / dri za'i bu mo dbang po'i dpal zhes bya ba dang / dri za'i bu mo skye dgu'i bdag mo'i gnas zhes bya ba dang / dri za'i bu mo ri dgas kyi rgyal po can
- 244b
zhes bya ba dang / dri za'i bu mo dpal 'bar zhes bya ba dang / dri za'i bu mo 'bar ba'i rtse mo zhes bya ba dang / dri za'i bu mo 'dod chags las yongs su grol ba zhes bya ba dang / dri za'i bu mo zhe sdang las yongs su grol ba zhes bya ba dang / dri za'i bu mo gti mug las yongs su grol ba zhes bya ba dang / dri za'i bu mo 'khor bsrung ma zhes bya ba dang / dri za'i bu mo rin po che'i khri'u zhes bya ba dang / dri za'i bu mo 'ong ba dang 'gro ba zhes bya ba dang / dri za'i bu mo me'i 'od ces bya ba dang / dri za'i bu mo zla ba'i gzugs kyi 'od ces bya ba dang / dri za'i bu mo nyi ma'i mig ces bya/ ba dang / dri za'i bu mo gser ltar snang ba zhes bya ba dang / dri za'i bu mo 'khor gyis yongs su bskor ba zhes bya ba dang / dri za'i bu mo mchog dga' zhes bya ba dang / dri za'i bu mo dam pa'i dpal zhes bya ba dang / de lta bu la sogs pa dri za'i bu mo brgya phrag du ma dag tshogs so// 'khor der mi 'am ci'i bu mo brgya phrag du ma dag tshogs pa 'di lta ste/ mi 'am ci'i bu mo yid ces bya ba dang / mi 'am ci'i bu mo yid las byung zhes bya ba dang / mi 'am ci'i bu mo rlung gi shugs zhes bya ba dang / mi 'am ci'i bu mo chu'i shugs zhes bya ba dang / mi 'am ci'i bu mo nam mkha'i gzings zhes bya ba dang / mi 'am ci'i bu mo mgyogs pa'i shugs zhes bya ba dang / mi 'am ci'i bu mo dpal sbyin zhes bya ba dang / mi 'am ci'i bu mo mche ba bzang mo zhes bya ba dang / mi 'a
- 245a
ci'i bu mo mo g.yo ba'i dpal zhes bya ba dang / mi 'am ci'i bu mo khams la dga' ba zhes bya ba dang / mi 'am ci'i bu mo 'bar ba la dga' ba zhes bya ba dang / mi 'am ci'i bu mo shin tu dpal zhes bya ba dang / mi 'am ci'i bu mo rin po che 'byung gnas zhes bya ba dang / mi 'am ci'i bu mo spyan ras gzigs kyi dpal zhes bya ba dang / mi 'am ci'i bu mo bstan can zhes bya ba dang / mi 'am ci'i bu mo rdo rje'i khu tshur zhes bya ba dang / mi 'am ci'i bu mo ser skra zhes bya ba dang / mi 'am ci'i bu mo rgyan rab brgyan pa zhes bya ba dang / mi 'am ci'i bu mo 'phral ba dbyes chen zhes bya ba dang / mi 'am ci'i bu mo nges pa zhes bya ba yongs su bsten pa zhes bya ba dang / mi 'am ci'i bu mo blo gros chen mo zhes bya ba dang / mi 'am ci'i bu mo nam mkha' srung zhes bya ba dang / mi 'am ci'i bu mo bkod pa rgyal po'i dbang zhes bya ba dang / mi 'am ci'i bu mo gtsug na nor bu zhes bya ba dang / mi 'am ci'i bu mo nor bu 'dzin ces bya ba dang / mi 'am ci'i bu mo nor bu 'bar ma zhes bya ba dang / mi 'am ci'i bu mo snga skye bo mkhas pa bsten ces bya ba dang / mi 'am ci'i bu mo bdog ma zhes bya ba dang / mi 'am ci'i bu mo tshe sbyin zhes bya bapa dang / mi 'am ci'i bu mo de bzhin gshegs pa'i mdzod yongs su skyong ma zhes bya ba dang / mi 'am ci'i bu mo chos kyi dbyings yongs su srung ba zhes bya ba dang / mi 'am ci'i bu mo rkang
- 245b
pa'i gdu bu'i rnga zhes bya ba dang / mi 'am ci'i bu mo skad cig sgrol zhes bya ba dang / mi 'am ci'i bu mo rtag tu chos len par 'dod ces bya ba dang / mi 'am ci'i bu mo rtag tu dus ston ma zhes bya ba dang / mi 'am ci'i bu mo dbugs 'byin ces bya ba dang / mi 'am ci'i bu mo rnam par thar byed ces bya ba dang / mi 'am ci'i bu mo yid mi 'phrogs pa zhes bya ba dang / mi 'am ci'i bu mo skyo 'dzin ces bya ba dang / mi 'am ci'i bu mo ral gri 'bar zhes bya ba dang / mi 'am ci'i bu mo sa la 'gro zhes bya ba dang / mi 'am ci'i bu mo lha dbang 'phreng ba zhes bya ba dang / mi 'am ci'i bu mo lha ma yin gyi dbang mo zhes bya ba dang / mi 'am ci'i bu mo nor bu'i dbang mo zhes bya ba dang / mi 'am ci'i bu mo rus bzod ces bya ba dang / mi 'am ci'i bu mo sbyin ldan zhes bya ba dang / mi 'am ci'i bu mo mang po'i gnas zhes bya ba dang / mi 'am ci'i bu mo lag cha brgya pa zhes bya ba dang / mi 'am ci'i bu mo rgyan gyis brgyan pa zhes bya ba dang mi 'am ci'i bu mo yid 'phrog ces bya ba dang / de lta bu la sogs pa mi 'am ci'i bu mo brgya drag du ma dag tshogs so// dge bsnyen pa dang / dge bsnyen ma brgya phrag du ma dag tshogs so/ / mur 'dug spyod pa dang / kun tu rgyu ba dang / gcer bu pa brgya phrag du ma dag kyang tshogs te/ gang gi tshe na 'dus pa cher gyur de 'i gses can dmyal ba
- 246a
chen po mnar med par 'od zer byung ngo / / byung nas 'dze ta'i tshal gyi gtsug lag khang du song ba dang / de dag gis gtsug lag khang de yongs su mdzes par snang ste/ ka ba ni lha'i nor bu rin po ches brgyan par snang ngo // rtsig pa brgya dag kyang gser gyis mdzes par byas par snang ngo // gnas khang so so gan ni gser dngul las byas pa'i sgo snang ngo / / gnas khang so son skas gser dang dngul las byas pa dag kyang snang ngo // dngul gyi khang bdag ni gser gyi ka ba rin po ches brgyan gser gyi khang pa dag na ni dngul gyi ka rin po che sa brgyan pa dang / 'dze ta'i tshal gyi phyi rol na shing dpag bsam rnam pa sna tshogs dag snang ste/ gser gyi sdong po dang / dngul gyi lo ma dang / rgyan rnam pa sna tshogs rab tu 'byung bdag dang / yul ka shi ka nas byung ba'i gos rab tu 'phyang ba dag dang / rgya'i gos rab tu 'phyang ba dag dang / mu tig gi sa mo do brgya stong rab tu 'phyang ba dag dang // cod pan dang / rna cha dang / 'phreng ba'i lda ldi dang / dpung rgyan dang / rkang pa'i gdu bu brgya stong rab tu 'phyang ba dag dang / phyi rol na rin po che'i gdu bu steng rin po che las byas pa de la 'phyang ba'i shing dpag bas kyi shing de lta bu dag kyang byung ngo / / 'dze ta'i tshal gyi gtsug lag khang de nyid nas skas dag kyang rdo rje las byas par snang ngo // sgo rgyab na mu tig dang dar gyi tshogs rab tu sbyangs so// rdzing du du ma nga/
- 246b
kyang byung ste/ la la ni chu yan lag brgyad dang ldan pa yongs su gang / la la ni me tog rnam pa sna tshogs kyis yongs su gang bdag 'di lta ste/ me tog ut+pa la dang / pad+mo dang ku mu da dang / puSh+ka ri ka dang / man da ra ba dang / man da ra ba chen po dang / u dum+bA ra dag gis yongs su gang ngo // gzhan yang shing gi me tog rnam pa sna tshogs skye ba 'di lta ste/ me tog tsam pa ka dang / ka ra bi ra dang / pA Ta la dang / a ti muk+ti ka dang / dbyar gyi dri dang / gzhan yang shing gi me tog yid dga' ba dag kyang 'byung ste/ 'dze ta'i tshal gyi gtsug lag khang de yongs su mdzes par byas pa nyid du snang ngo / / de nas 'khor de nyid kyi nang du byang chub sems dpa' sgrib pa thams cad rnam par sel ba stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to// bcom ldan 'das bdag ni shin tu ngo mtshar rmad du byung ba thob bo/ / bcom ldan 'das 'od zer chen po 'di dag ga las mchis/ rdzu 'phrul gyi yul gyi mthu 'di su'i lags/ bcom ldan 'das kyis bka' stsas ba/ rigs kyi bu byang chub sems dpa' sems dpa' chen po spyan ras gzigs kyi dbang po 'di na mnar med pa'i sems can dmyal ba chen por zhugs nas sems can rnams yongs
- 247a
su smin par byed de/ yongs su smin par byas nas/ yi dgas kyi grong khyer du 'jug go// de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to/ / bcom ldan 'das mnar ma mchis pa'i sems can dmyal ba chen po na mnar mi gda' na/ bcom ldan 'das ji ltar na byang chub sems dpa' sems dpa' chen po spyan ras gzigs kyi dbang po 'jug par bgyid/ sems can dmyal ba chen po lcags kyi rtsig pas bskor la/ lcags kyi dog sa la shin tu 'bar ba me lce gcig tu 'dus pa rnam par g.yo ba de na 'bod 'grogs pa dag gnas pa'i snod za ma tog 'dra ba mchis te/ snod der sems can bye ba khrag khrig brgya stong phrag du ma stsal to// nam chu mang po mchis pa'i snod na sran chung ka ru 'am na gu gyen du mchi na'ang gral ba dang smin par 'gyur/ thur du mchi na'ang gral ba dang smin par 'gyur ba de bzhin du/ sems can de dag kyang mnar ma mchis pa'i sems can dmyal ba chen po der lus kyi sdug bsngal nyams su myong na/ bcom ldan 'das ji ltar na byang chub sems dpa' sems dpa' chen po spyan ras gzigs kyi dbang po mnar ma mchis pa'i sems can dmyal ba chen por 'jug par bgyid/ bcom ldan 'das kyis bka' stsal pa/ rigs kyi bu ji ltar 'khor los sgyur
- 247b
ba'i rgyal po lha'i nor bu rin po che las byas pa'i skyed mos tshal du 'jug pa de bzhin du/ rigs kyi bu byang chub sems dpa' sems dpa' chen po spyan ras gzigs kyi dbang po'ang mnar med pa'i sems can dmyal ba chen por 'jug mod kyi de'i lus la gzhan du 'gyur ba med do/ / nam mnar med pa'i sems can dmyal ba chen po dang nye bar 'gro ba de'i mnar med pa'i sems can dmyal ba chen po de bsil bar 'gyur te/ de'i tshig shin rje'i mi de dag mnar med pa'i sems can dmyal ba chen por ci mi dge ba'i ltas shig byung na/ nam byang chub sems dpa' sems dpa' chen po spyan ras gzigs kyi dbang po 'ongs pa de'i tshe/ me tog pad+ma shing rta'i 'khor lo tsam byung zhing / snod de'ang gsal/ me'i 'obs de nyid du 'ang rdzing bu byung bar gyur ces skyo bar gyur to/ / de nas gshin rje'i skyes bu de dag ral gri dang / gtun dang / mtshon cha b+hi N+Di pA la dang // to mar dang / 'ga' da dang / 'khor lo dang / rtse gsum pa la sogs pa thogs nas/ gshin rje'i rgyal po ga la ba der song ste phyin nas/ 'di skad ces smras so// lha bdag cag gis sug las kyi dog sa de yongs su bas par mkhyen par mdzod cig/ ci'i phyir khyod kyi las kyis yongs su zad/ lha ci lags/ mi mkhyen tam/ mnar ma mchis pa'i sems can dmyal ba der thog ma kho nar mi dge ba
- 248a
ltas byung ste/ skyes bu ji ltar 'dod pa'i gzugs can/ ral pa'i cod pan can/ lus rgyan thams cad kyis brgyan pa/ phyin pa dang bsil bar gyur to// gang gi tshe de phyin pa de'i tshe/ me tog pad+ma shing rta'i 'khor lo tsam yang byung / snod de'angags zhugs kyi 'obs der yang rdzing bu byung bar gyur to// de nas gshin rje'i rgyal po sems par gyur te/ mthu 'di lha gang gi yin/ yang na lha'i bu dbang phyug chen po dang / mthu bo che las dam pa thob pa zhig sa 'dir 'ongs sam/ yang na srin po mthu bo che lha'i lha ba glang gi stobs dang 'gran pa nyid skyes sam zhes/ des lha'i mag gis rnam par ltas na// lha'i sde'i nang na dam pa de lta bu ma mthong ngo // de nas slar yang sems can dmyal ba chen po de bltas so/ / des bltas pa dang mnar med pa'i sems can dmyal ba chen po de na/ byang chub sems dpa' sems dpa' chen po spyan ras gzigs kyi dbang po nyid bzhugs par mthong ngo / / de nas gshin rje'i rgyal po byang chub sems dpa' sems dpa' chen po spyan ras gzigs dbang phyug ga la ba der dong ste phyin pa dang / bcom ldan 'das kyi zhabs la mgo bos phyag 'tshal nas bstod pa'i khyad par byed par brtson pa/ spyan ras gzigs kyi dbang po/ dbang phyug chen po/ pad+ma la dgyes pa/ dam pa stsol ba
- 248b
dbang du mdzad pa/ sa'i spyan dam pa mdzad pa/ dbugs 'byin par mdzad pa/ phyag brgya stong pa spyan bye ba brgya stong pa dbu bcu gcig pa/ rgod ma'i bzhin lta bu'i mthar phyin pa/ chos la dgyes pa/ sems can thams cad yongs su thar par mdzad pa/ rus sbal dang / chu srin dang / nya rnams dbugs 'byin par mdzad pa ye shes kyi phung po dam pa mdzad pa/ dga' ba stsol ba/ rin po che'i dpal dam pa/ mnar med pa kun skems par mdzad pa/ ye shes kyis dpal gyis brgyan pa/ ye shes kha dgyes pa/ lha thams cad kyis mchod pa dang phyag 'tshal ba/ bkur sti bgyis pa/ mi 'jigs pa stsol ba/ pha rol tu phyin pa drug ston par mdzad pa/ nyi ma lta bu'i spyan mchog mdzad pa/ chos kyi sgron ma mdzad pa/ ji ltar dgyes pa'i gzugs mchog dri za'i gzugs dang ldan pa/ gser gyi ri'i gzugs dang mtshungs pa/ rgya mtsho mching rnams kyi glong bzhin du zab pa'i chos can/ don dam pa'i rnal 'byor rje su thob pa/ bdag gi zhal ston par mdzad pa/ ting nge 'dzin brgya stong du ma dang ldan pa mngon par dgyes par mdzad pa/ sku brgyan pa/ skyes bu'i khyu mchog mdzad pa/ khu sgo dang / khong sgril dang / 'khrul 'khor gyi lam las yongs su thar par
- 249a
mdzad pa/ srid pa thams cad dang ma 'brel ba/ 'khor mang po 'byung bar 'gyur ba nye bar bsags pa/ yid bzhin gyi nor bu rin po che mdzad pa mya ngan las 'das pa'i lam ston par mdzad pa/ yi dgas kyi grong khyer skems par mdzad pa/ skye bo la gdugs su gyur par mdzad pa/ nad las yongs su thar par mdzad pa/ klu'i rgyal po dga' bo dang bsnyen dga' bo'i mchod phyir thogs pa/ don yod par 'gyur ba'i zhags pa ston par mdzad pa/ sngags brgya phyag du ma dang ldan pa/ lag na rdo rje skrag pa mdzad pa/ 'jig rten gsum po skrag par mdzad pa/ gnod sbyin dang / srin po dang / 'byung po dang / sha za dang / 'phra men pa dang / 'phra men ma dang / ro langs dang mkha' 'gro ma dang / grul bum dang / brjed byed rnams skrag par mdzad pa/ spyan ut+pal sngon po lta bu/ zab cing bstan par mdzad pa/ rig pa'i bdag po nyon mongs pa thams cad las rnam par grol bar mdzad pa/ byang chub kyi lam sna tshogs nye bar bsags pa/ thar pa'i lam dam pa la zhugs pa// sku la byang chub kyi lam bsags pa// yi dgas yongs su thar par mdzad pa/ ting nge 'dzin rdul phra rab lta bu brgya stong dang ldan pa la phyag 'tshal lo// zhes de ltar gshin rje'i rgyal pos khyad par dam pa'i bstod pas bstod nas/ slar
- 249b
/ yang gshin rje'i rgyal pos lan gsum bskor te/ de nyid nas song ngo // de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to/ / bcom ldan 'das byang chub sems dpa' sems dpa' chen po spyan ras gzigs kyi dbang po mchi 'am/ bcom ldan 'das kyis bka' stsal pa/ rigs kyi bu de ni mnar med pa'i sems can dmyal ba chen po nas byung ste/ yi dgas kyi grong khyer du song nas/ mgal shing lta bu dang / keng rus bsgreng ba dang / bdag gi sgra dang spus yog pa dang / lho ri dang 'dra ba dang kha rab kyi mig lta bu'i yi dgas brgya stong du ma mdun nas rgyug go/ / byang chub sems dpa' sems dpa' chen po spyan ras gzigs kyi sang po nam yi dgas kyi grong khyer du song ba de'i tshe dgas kyi grong khyer de bsil bar 'gyur/ rdo rje'i ser ba de'ang rab tu zhi bar 'gyur ro// sgo ba de'ang byin pa thag thug can la mig dmar zhing lag na 'khar ba thogs pa/ las kyis 'di 'dra ba ni bdag gi bya ba ma yin no zhes byams pa'i sems bskyed do/ / de nas byang chub sems dpa' sems dpa' chen po spyan ras gzigs kyi dbang po'i phyag gi sor mo bcu las chu bo chen po bcu byung zhabs kyi sor mo bcu las chu bo chen po bcu byung ste/ byang chub sems dpa' sems dpa' chen po spyan ras gzigs kyi dbang po shin tu thugs brtse ba'i zil gyis non nas/ ba spu'i
- 250a
khung bu nas chu bo byung ngo / / gang gi tshe na de dag gis chu myong ba de'i tshe/ de dag mgrin pa yangs par gyur/ lus kyang yongs su rdzogs par gyur/ lha'i zas ro'i nang na ro mchog tu byung ba dang ldan pas tshim par gyur nas/ de'i tshe 'khor ba'i bsam pa las sems te/ kye ma'o 'dzam bu'i gling gi mi 'di dag ni grib ma bsil ba la yongs su rten to/ / gang 'dzam bu'i gling gi mi dag ni rtag tu pha dang ma la yongs su 'dzin cing / bsnyen bkur byed de bde ba dang ldan pa'o// gang rtag tu dge ba'i bshes gnyen dang bsten cing skyong ba'i skyes bu dam pa de dag ni bde ba dang ldan pa'o/ / gang rtag tu theg pa chen po rtag tu khong du chud par byed pa'i skyes bu dam pa de dag ni bsam pa dang ldan pa'o// gang 'phags pa'i lam yan lag brgyad pa la gnas par byed pa de dag ni skyes bu dam pa'o/ / gang chos kyi gaN+DI rdung ba de dag ni skyes bu dam pa'o// gang gtsug lag khang gas pa dang / gog pa rnams slar 'chos pa de dag ni skyes bu dam pa'o/ / gang sngon gyi mchod rten gyi gzugs gas pa dang / gogs pa rnams sngar 'chos pa de dag ni skyes bu dam pa'o// gang chos smra ba dang rten pa de dag ni skyes bu dam pa'o// gang de bzhin gsheg pa 'chags pa mthong ba de dag ni skyes bu dam pa'o/ / gang rang sangs rgyas 'chag pa mthong ba de dag ni skyes bu dam pa'o// gang byang chub sems dpa' 'chag pa mthong ba de dag ni skyes bu dam pa'o zhes
- 250b
de ltar lus kyi rjes su sems pa dang / de'i tshe theg pa chen po'i mdo za ma tog bkod pa dkon mchog gi rgyal po'i sgra byung ngo // de'i tshe de dag gi 'jig tshogs su lta ba'i ri'i rtse mo nyi shu byung ba ye shes kyi rdo rjes bcom nas/ de dag thams cad bde ba can gyi 'jig rten gyi khams su skyes te/ byang chub sems dpa' 'dod pa'i bzhin zhes bya bar skyes nas/ gang gi tshe des sems can yongs su smin par byas pa de'i tshe slar yang song ngo / / de nas bcom ldan 'das la/ sgrib pa thams cad rnam par sel bas 'di skad ces gsol to// bcom ldan 'das byang chub sems dpa' sems dpa' chen po spyan ras gzigs kyi dbang po mchi 'am/ bcom ldan 'das kyis bka' stsal pa/ rigs kyi bu nyi ma re re zhing sems can bye ba khrag khrig brgya stong du ma yongs su smin par byed de/ rigs kyi bu ji ltar byang chub sems dpa' sems dpa' chen po spyan ras gzigs kyi dbang po'i spobs pa de 'dra ba ni de bzhin gshegs pa rnams la med do// sgrib pa thams cad rnam par sel bas gsol pa/ bcom ldan 'das ci'i slad du/ bcom ldan 'das kyis bka' stsal pa/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas rnam par gzigs zhes bya ba rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba
- 251a
lha dang mi rnams kyi ston pa sangs rgyas bcom ldan 'das sngon 'jig rten du byung bar gyur to/ / de'i tshe de'i dus na sgrib pa thams cad rnam par sel ba nga ni spos kyi ngan zhes bya ba'i tshong pa'i bur gyur te/ de'i tshe ngas de bzhin gshegs pa rnam gzigs las spyan ras gzigs kyi dang po'i yon tan brjod pa thos so// de nas bcom ldan 'das la byang chub sems dpa' sgrib pa thams cad rnam par sel bas 'di skad ces gsol to/ / bcom ldan 'das kyis byang chub sems dpa' sems dpa' chen po spyan ras gzigs kyi dbang po yon tan brjod pa ji skad du gsan/ bcom ldan 'das kyis bka' stsal pa/ mig las ni nyi ma dang zla ba byung / dpral ba las ni dbang phyug chen po/ phrag pa las ni tshangs pa snying las ni mthu bo che/ mche ba gnyis las ni lha mo dbyangs can/ kha nas ni rlung las skyes pa rnams 'byung / rkang pa las ni sa lto las ni chu lha 'byung ste/ gang gi tshe spyan ras gzigs kyi dbang po'i lus las lha de dag byung ba de'i tshe/ bcom ldan 'das kyis/ lha'i bu dbang phyug chen po la 'di skad ces gsungs te/ dbang phyug chen po khyod dus ngan pa'i tshe/ sems can gyi khams ma rung ba dag byung ba na/ khyod thog mar byed pa po dang / gtong ba po'i lhar grags par 'gyur ro// sems can de dag ni byang chub kyi lam yongs su spang
- 251b
bar 'gyur ro/ / so so'i skye bo'i nang du gtam byed par 'gyur te/ nam mkha' ni de'i rtags so// sa ni de'i khri'u'o// sems can thams cad kyi ni gnas so// zhu bar 'gyur bas ni rtags so zhes zer bar 'gyur ro/ / rigs kyi bu ngas de bzhin gshegs pa rnam gzigs las de skad thos so// de'ang 'das nas/ de bzhin gshegs pa dgra bcom pa yang dag par rdzogs pa'i sangs rgyas gtsug ldan zhes bya ba rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das sngon 'jig rten du byung bar gyur to/ / de'i tshe de'i dus na sgrib pa thams cad rnam par sel ba nga ni byang chub sems dpa' sbyin la dpa' ba zhes bya bar gyur te de las kyang ngas byang chub sems dpa' sems dpa' chen po spyan ras gzigs kyi dbang po'i yon tan brjod pa thos so/ / de nas bcom ldan 'das la/ sgrib pa thams cad rnam par sel bas 'di skad ces gsol to/ / bcom ldan 'das kyis byang chub sems dpa' sems dpa' chen po spyan ras gzigs kyi dbang po'i yon tan brjod pa ji skad du gsan/ bcom ldan 'das kyis bka' stsal kha/ lha dang / klu dang / gnod sbyin dang / srin po dang / dri za dang / lha ma yin dang / nam mkha' lding dang / mi 'am ci dang / lto phye chen po dang / mi thams cad
- 252a
'dus par 'gyur te/ gang gi tshe na bcom ldan 'das kyis 'dus pa chen po gzigs nas/ 'khor de'i nang du chos kyi gtam bya bar brtsams pa de'i tshe/ bcom ldan 'das kyi zhal gyi sgo nas 'od zer kha dog sna tshogs byung ba sngon po dang / ser po dang / dmar po dang / dkar po dang / dza ho dang / shel dang / dngul gyi kha dog rnams byung ste/ phyogs bcu'i 'jig rten gyi khams thams cad du snang bar byas nas/ slar 'ongs te bskor nas/ bcom ldan 'das kyi zhal gyi sgor song ngo // de nas 'khor dar byang chub sems dpa' sems dpa' chen po lag na rin po che bstan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das ci'i slad du ltas 'di lta bu bstan par gyur// bcom ldan 'das kyis bka' stsal pa/ rigs kyi bu byang chub sems dpa' sems dpa' chen po spyan ras gzigs kyi dbang po de 'jig rten gyi 'ams bde ba can nas 'ong ste/ de 'ong ba'i tshe ltas 'di 'dra ba ston to// gang gi tshe byang chub sems dpa' sems dpa' chen po spyan ras gzigs kyi dbang po 'ong ba de'i tshe/ shing dpag bsam rnams kyang 'phel bar 'gyur/ shing tsu ta ka'ang 'phel bar 'gyur/ shing kun da'i me tog kyang 'byung bar 'gyur/
- 252b
shing tsam pa ka'ang 'phyang bar 'gyur/ rdzing bu me tog gis shin tu gang ba'ang 'byung bar 'gyur/ de las rin po che'i shing rnams kyang 'byung bar 'gyur/ char sna tshogs 'bab par 'gyur te nor bu dang / mu tig dang / rdo'i snying po dang / bai DUR+Ya dang / dung dang / man shel dang / byu ru rin po che'i char yang 'bab/ lha'i gos kyi char yang 'bab par 'gyur ro// lha khang de dang nye ba nyid du rin po che bdun yang 'byung ba 'di lta ste/ 'khor lo rin po che dang / bal glang rin po che dang / rta rin po che dang / nor bu rin po che dang / bud med rin po che dang / khyim bdag rin po tshe dang / blon po rin po che bdun rnams so// de dag byung nas sa gser du snang ngo // gang gi tshe byang chub sems dpa' sems dpa' chen po spyan ras gzigs kyi dbang po 'jig rten gyi khams bde ba can nas byung ba de'i tshe/ sa rnam pa drug tu g.yos so// de nas bcom ldan 'das la/ byang chub sems dpa' sems dpa' chen po lag na rin po ches 'di skad ces gsol to// bcom ldan 'das gang gi ltas lags/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po spyan ras gzigs kyi dbang po de 'ong ste/ de'i ltas 'di 'dra ba dag byung ngo / / gang gi tshe na bskyod pa de'i tshe/ yid dga' ba'i me tog pad+ma'i char rab tu bab ste/ de'i tshe byang chub sems dpa' sems dpa' chen po spyan ras gzigs kyi dbang pos me tog
- 253a
pad+ma 'dab ma stong pa sdong bu gser du snang ba thog nas/ bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas/ me tog 'di dag de bzhin gshegs pa snang ba mtha' yas kyis bskur ro zhes pad+ma phul te/ skung ba ma mchis sam/ 'o ma brgyal ta ma/ bzhengs pa yang ngam/ bde ba la reg par gnas sam zhes kyang gsung ngo // des pad+ma blangs te/ g.yon phyogs su bzhag nas/ de'i tshe byang chub sems dpa' sems dpa' chen po spyan ras gzigs kyi dbang po'i yon tan brjod pa mdzad do/ / spyan ras gzigs kyi dbang po'i las ji lta bur bsgrubs pa yin/ sems can yi dgas dang / bstir med par skyes pa dag dang / thig nag po can dag dang / 'o dod 'bod pa dag dang / ha ha zhes 'bod pa thams cad dag dang / gdung ba'i sems can dmyal ba chen po dang / sdong du ma lta bu'i sems can dmyal 'chen po dang / me'i bum pa'i sems can dmyal ba chen po dang / sems can dmyal ba chen po sham pa la dang / sems can dmyal ba chen po chu grang ba dang / sems can dmyal ba chen po de dag tu sems can gang dag skyes pa de dag ni bdag gi las kyi sa ste/ bdag gis sems can yongs su smin par bgyi'o// bgyis nas bla na med pa yang dag par rdzogs
- 253b
pa'i byang chub la dgod par bgyi'o/ / de nas byang chub sems dpa' sems dpa' chen po spyan ras gzigs kyi dbang pos dris pa'i lan btab nas bcom ldan 'das kyi zhabs la mgo bos phyag 'tshal te/ phyogs gcig tu song ngo // song nas me'i phung po 'bar ba bzhin du nam mkha' la mi snang bar song ngo // de nas bcom ldan 'das la/ byang chub sems dpa' sems dpa' chen po lag na rin po ches 'di skad ces gsol to/ / bcom ldan 'das zhu ba lung bstan pa bshad pa bdag zhun/ byang chub sems dpa' sems dpa' chen po spyan ras gzigs kyi dbang po'i bsod nams kyi tshogs ji lta bu lags/ bcom ldan 'das kyis bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed la lha'i bskal par na bza' dang / bshos dang / mal stan dang / na ba'i rkyen gyi sman dang / yo byad rnams kyis bsnyen bkur byas nas/ gang de bzhin gshegs pa de dag las bsod nams 'phel bar gyur pa'i bsod nams de/ byang chub sems dpa' sems dpa' chen po spyan ras gzigs kyi dbang po'i ba spu gcig gi rtse la gnas pa'i bsod nams kyi phung po dang mnyam mo/ / rigs kyi bu 'di lta ste/ dper na gling chen po bzhir zla ba bcu gnyis kyi lor nyin mtshan du char pa bab kyang thig pa re re na sa bgrang
- 254a
@du nus kyi/ rigs kyi bu byang chub sems dpa' sems dpa' chen po spyan ras gzigs kyi dbang po'i bsod nams kyi tshogs ni nges bgrang bar mi nus so// rigs kyi bu 'di lta ste/ dper na rgya mtsho mching rnam chen po zabs su dpag tshad brgyad khri bzhi stong yod la/ zheng du dpag tu med la/ rta rgod ma'i kha lta bu'i mthar thug pa re re nas ngas bgrang du nus kyi rigs kyi bu byang chub sems dpa' sems dpa' chen po spyan ras gzigs kyi dbang po'i bsod nams kyi tshogs ni nges bgrang mi nus so/ / rigs kyi bu 'di lta ste// dper na gleng chen po bzhin seng ge dang / stag dang / dreng dang / rta rag kha ba dang / ri dgas la sogs pa dang / ba lang dang / bong bu dang / phyugs dang / bal glang dang / rta dang / ma he dang / byi la la sogs pa rkang bzhi pa de dag gi spu re re nas ni ngas bgrang nus kyi/ rigs kyi bu byang chub sems dpa' sems dpa' chen po spyan ras gzigs kyi dbang po'i bsod nams kyi tshogs ni ngas bgrang mi nus so// rigs kyi bu 'di lta ste/ dper na rdul phra rab kyi rdul snyed kyi de bzhin gshegs pa dgra bcom pa yang dag par rdzogs pa'i sangs rgyas rnams kyi sku gzugs lha'i gser rin po che las byas nas/ nyin gcig bzhin du ring bsrel bcug na/ rigs kyi bu de'i bsod nams kyi phung po ni ngas bgrang nas kyi byang chub sems dpa' sems dpa' chen po spyan ras gzigs kyi dbang po'i
- 254b
bsod nams kyi tshogs ni ngas bgrang mi nus so/ / rigs kyi bu 'di lta ste/ dper na shing shir Sha pa'i tshal gyi lo ma ni ngas bgrang nus kyi byang chub sems dpa' sems dpa' chen po spyan ras gzigs kyi dbang po'i bsod nams kyi tshogs ni nges bgrang mi nus so/ / rigs kyi bu 'di lta ste/ dper na gling chen po bzhin gnas pa'i bud med dang / skyes pa dang khye'u dang / bu mo gnas pa de dag thams cad rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa dang / rang byang chub la bkod na/ gang de dag gi bsod nams kyi phung po ni snga ma bzhin du byang chub sems dpa' sems dpa' chen po spyan ras gzigs kyi dbang po'i spu'i rtse mo'i bsod nams kyi phung po dang mnyam mo/ / de nas bcom ldan 'das la/ byang chub sems dpa' sems dpa' chen po lag na rin po ches 'di skad ces gsol to// bcom ldan 'das bdag gis byang chub sems dpa' sems dpa' chen po spyan ras gzigs kyi dbang po'i bsod nams kyi phung po ci 'dra ba de lta bu de bzhin gshegs pa rnams la yang gang la'ang ma mthong ma thos na/ byang chub sems dpar gyur pa lta ga la ci smos bcom ldan 'das kyis bka' stsal pa/ rigs kyi bu gang nga 'dra ba'i de bzhin gshegs pa dgra bcom pa yang dag par rdzogs pa'i sangs rgyas rnams su gyur la/ de dag kyang
- 255a
gnas gcig tu gzhog cing / na bza' dang / bshos dang / mal stan dang / na ba'i rkyen gyi sman dang / yo bya rnams kyis lha'i bskal par gzhog kyang / de bzhin gshegs pa dgra bcom pa yang dag par rdzogs pa'i sangs rgyas de dag gis byang chub sems dpa' sems dpa' chen po spyan ras gzigs kyi dbang po'i bsod nams kyi phung po bgrang mi nus na/ / rigs kyi bu nga gcig pu 'jig rten gyi khams 'di na gnas pas lta ci smos/ / gang 'jig rten na byang chub sems dpa' sems dpa' chen po spyan ras gzigs kyi dbang po'i ming dran pa de dag ni bde ba dang ldan pa yin no// de dag ni rga ba dang / 'chi ba dang / na ba'i sdug bsngal las yongs su thar pa yin no// de dag ni 'khor ba'i tha ma gzhan med pa'i sdug bsngal las thar par 'gyur ro// de dag ni gos dkar po dang skya bo bzhin du/ bya dang pa'i rgyal po mgyogs pa dang / rlung gi shugs 'ong ba bzhin du bde ba can gyi 'jig rten gyi khams su de bzhin gshegs pa snang ba mtha' yas las chos mngon du nyan pa'i phyir 'gro'o// thos nas kyang de dag gi lus la 'khor ba'i sdug bsngal mi 'byung / 'dod chags dang / zhe sdang dang / gti mug mi 'byung / rga ba dang shi ba mi 'byung / de dag gi lus la bkres par mi 'gyur/ mngal na gnas pa'i sdug bsngal shes par mi 'gyur te/ chos kyi ros bskyod nas/ de de nyid du pad+ma'i nang du skye bar 'gyur te/ byang chub sems dpa' sems dpa' chen po spyan ras gzigs kyi
- 255b
dbang po'i yi dam brtan po yongs su rtogs pa dang / sems can thams cad thar pa la gzhog gi bar du 'jig rten gyi khams de na rtag tu 'dzin cing gnas so// de nas bcom ldan 'das la byang chub sems dpa' sems dpa' chen po lag na rin po ches 'di skad ces gsol to/ / bcom ldan 'das gang gi dus na yi dam brtan pa de yongs su rdzogs pa lags/ bcom ldan 'das kyis bka' stsal pa/ sems can mang po 'khor ba na 'khor ba'i sems can de dag yongs su smin par byed pa dang / byang chub kyi lam ston par byed cing / gang dang gang gi gzugs kyis 'dul ba'i sems can rnams 'dul bar 'gyur ba de dang de'i gzugs kyis chos 'chad de/ de bzhin gshegs pas 'dul ba'i sems can rnams la ni/ de bzhin gshegs pa'i gzugs kyis chos 'chad/ rang sangs rgyas kyis 'dul ba'i sems can rnams la ni rang sangs rgyas kyi gzugs kyis chos 'chad/ dgra bcom pas 'dul ba'i sems can rnams la ni/ dgra bcom pa'i gzugs kyis chos 'chad/ byang chub sems dpas 'dul ba'i sems can rnams la ni/ byang chub sems dpa'i gzugs kyis chos 'chad/ dbang phyug chen pos 'dul ba'i sems can rnams la ni dbang phyug chen po'i gzugs kyis chos 'chad/ mthu bo ches 'dul ba'i sems can rnams la ni/ mthu bo che'i gzugs kyis chos 'chad/ tshangs pas 'dul ba'i sems can rnams la ni//
- 256a
tshangs pa'i gzugs kyis chos 'chad/ dbang po'i gzugs kyis 'dul ba'i sems can rnams la ni dbang po'i gzugs kyis chos 'chad/ rims 'dul ba'i sems can rnams la ni/ nyi ma'i gzugs kyis chos 'chad/ zla bas 'dul ba'i sems can rnams la ni/ zla ba'i gzugs kyis chos 'chad/ me lhas 'dul ba'i sems can rnams la ni/ me lha'i gzugs kyis chos 'chad/ chu lhas 'dul ba'i sems can rnams la ni/ chu lha'i gzugs kyis chos 'chad/ rlung gi lha'i gzugs kyis 'dul ba'i sems can rnams la ni/ rlung gi lha'i gzugs kyis chos 'chad/ klus 'dul ba'i sems can rnams la ni/ klu'i gzugs kyis chos 'chad/ bgegs med pa'i bdag pos 'dul ba'i sems can rnams la ni/ bgegs med pa'i bdag po'i gzugs kyis chos 'chad/ gnod sbyin gyis 'dul ba'i sems can rnams la ni/ gnod sbyin gyi gzugs kyis chos 'chad ngal bso po'i gzugs kyis 'dul ba'i sems can rnams la ni/ ngal bso bo'i gzugs kyis chos 'chad/ rgyal pos 'dul ba'i sems can rnams la no// rgyal po'i gzugs kyis chos 'chad/ mkhas pas 'dul ba'i sems can rnams la ni/ mkhas pa'i gzugs kyis chos 'chad rgyal po'i mis 'dul ba'i sems can rnams la ni/ rgyal po
- 256b
mi'i gzugs kyis chos 'chad/ pha dang mas 'dul ba'i sems can rnams la ni/ pha dang ma'i gzugs kyis chos 'chad de/ sems can dag ji lta ji ltar 'dul ba de lta de lta bu'i gzugs kyis chos ston to/ / rigs kyi bu byang chub sems dpa' sems dpa' chen po spyan ras gzigs kyi dbang po ni de ltar sems can yongs su smin par byed cing / mya ngan las 'das pa'i chos ston to/ / de nas bcom ldan 'das la/ byang chub sems dpa' lag na rin po chos 'di skad ces gsol to// bcom ldan 'das bdag ni shin tu ngo mtshar thob par gyur te// bdag ninam yang 'di 'dra ba'i yul mthong ba 'am thos par ma gyur te/ byang chub sems dpa' sems dpa' chen po spyan ras gzigs kyi dbang po'i yul ji lta ba de 'dra ba ni de bzhin gshegs pa rnams la'ang ma mchis so/ / bcom ldan 'das kyis bka' stsal pa/ rigs kyi bu 'dzam bu'i gling 'di nyid na rdo rje'i mngal zhes bya ba'i phug yod pa de na/ lha ma yin bye ba khrag khrig stong du ma gnas te den byang chub sems dpa' sems dpa' chen po spyan ras gzigs kyi dbang po lha ma yin rnams la/ lha ma yin gyi gzugs kyis chos 'chad de/ theg pa chen po'i mdo rin po che'i rgyal po za me tog bkod pa 'di nyid 'chad do/ / khyed cag nyon cig/ gang lha ma yin gzhan pa de dag kyang byams pa'i sems dang / zhi ba'i sems su byas shing / lag pa'i thal mo sbyar nas/
- 257a
/ byang chub sems dpa' sems dpa' chen po spyan ras gzigs kyi dbang po las chos kyi rnam grangs 'di nyid mnyan to// gang 'jig rten na mad sde'i rgyal po 'di lta bu mngon nga byed pa de dag ni bde ba dang ldan pa yin no/ / thos nas kyang mtshams med pa lnga dag zad par byed do// 'chi ba'i tshe'ang de bzhin gshegs pa bcu gnyis gshegs nas/ rigs kyi bu ma 'jigs shig/ khyod kyis theg pa chen po'i mdo sde'i rgyal po za ma tog bkod pa thos so// bde ba can du 'gro ba'i phyir lam sna tshogs kyang sta gon byas so// gdags sna tshogs dang / cod par dang / rna cha dang se mo do rnams kyang sta gon byas so zhes dbugs 'byin par mdzad do/ / ltas de lta bu 'byung zhing 'chi ba'i dus kyi che bar chad med par bde ba can du 'gro bar 'gyur ro// lag na rin po che de ltar byang chub sems dpa' sems dpa' chen po spyan ras gzigs kyi dbang po don lha ma yin rnams la mya ngan las 'das pa'i chos ston par byed/ sgo ston par byed do// de nas byang chub sems dpa' sems dpa' chen po lag na rin po ches bcom ldan 'das kyi zhabs la mgo bos phyag 'tshal te/ de nyid nas song ngo // de'ang 'das nas de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba
- 257b
l ha dang mi rnams kyi ston pa sangs rgyas bcom ldan 'das thams cad skyob pa de'i tshe de'i dus na sgrib pa thams cad rnam par sel ba nga ni mi mi rgyu ba'i sa phyogs ri khrod kyi bar ri bregs shig na gnas shing bzod pa smra bar gyur te/ de'i tshe de'i dus su ngas de bzhin gshegs pa las byang chub sems dpa' sems dpa' chen po spyan ras gzigs kyi dbang po'i yon tan brjod pa thos te/ 'di lta ste/ gser gyi sa las song nas/ sems can sbyi'u tshugs su 'dug pa rnams la/ 'phags pa'i lam yan lag brgyad pa'i lam mya ngan las 'das pa ston par byed pa dang ldan pa'i chos ston to/ / de nas gser gyi sa las byung nas/ dngul gyi sa la song ste/ de na skyes bu gang zag rkang pa bzhi yod pa de dag la/ byang chub sems dpa' s ems dpa' chen po spyan ras gzigs kyi dbang po khyed cag bsam pa dam pa rab kyis mya ngan las 'da' ba'i brgyags kyi rjes su sems shing mdun du phyogs pa'i chos kyi rnam grangs nyon cig ces chos 'chad do/ / de nas skyes bu de dag byang chub sems dpa' sems dpa' chen po spyan ras gzigs kyi dbang po'i mdun du 'dug ste 'di skad ces smras so// sems can long ba rnams la ni lam ston cig/ mgon ma mchis pa rnams la ni mgon dang / skyabs dang dpung gnyen mdzod cig/ la dang mar mdzod cig/ ngan song gsum gyi mun pa la ni sbron
- 258a
me mdzod cag/ tshol bar bgyid pa'i thar pa'i lam ston cig/ sems can gang dag rtag tu khyod kyi mtshan rjes su dran zhing / yongs su len pa de dag ni bde ba dang ldan pa lags so/ / bdag cag spong ba lta bu'i sdug bsngal las kyang thar par 'gyur ro// de nas sems can de dag gi rna ba'i bu gar theg pa chen po'i mdo sde dkon mchog gi rgyal po zam tog bkod pa'i sgra byung ba dang / skyes bu de dag gis de thos nas/ sbyi mi ldog pa d+mos bsgrubs shing / shin tu bde ba dang ldan par gyur to// ram pa pa/ de nas byang chub sems dpa' sems dpa' chen po spyan ras gzigs kyi dbang po byung nas/ sa gzhan lcags las byas par song ste/ gang du lha ma yin gyi rgyal po gtor ma zhes bya ba bcings pa dang song ba dang / de nas lha ma yin gyi rgyal po gtor mas/ byang chub sems dpa' sems dpa' chen po spyan ras gzigs kyi dbang po rgyang ma nas 'ong ba mthong nas slas dang / 'khor dang / lha ma yin sgur po dang / thung ngu la sogs pa du ma dang 'grogs shing 'khor dang bcas te dong nas/ byang chub sems dpa' sems dpa' chen po spyan ras gzigs kyi dbang po'i rkang pa la phyag 'tshal te/ 'di skad ces smras so// de ring du ni bdag gi tshe'i 'bras bu mchis so// de ring du ni bdag gi bsam pa rdzogs so// de ring dun
- 258b
bdag gi bsam pa yongs su rdzogs te/ gang bdag gis khyod yang dag par mthong bas de'i tshe lus thams cad bde ba dang ldan par gyur to// de nas byang chub sems dpa' sems dpa' chen po spyan ras gzigs kyi dbang po la rin po che'i khri'u phul te/ bcom ldan 'das sdig pa la dga' ba/ gzhan gyi chung ma la chags pa/ srog gcod pa la brtson pa/ pha rol gyi srog gcod pa/ rga ba dang 'chi bas 'jigs pa rnams la thugs rjes gzigs shing 'khor bas skyo ba rnams la skyabs mdzod cig/ mgon po khyod ni pha dang mar gyur pa lags kyis/ bdag cag bcing bas bcings pa rnams la lam ston cig/ rigs kyi bu 'di lta ste/ gang dag de bzhin gshegs pa dgra bcom pa yang dag par rdzogs pa'i sangs rgyas la bsod snyoms 'bul ba de dag gis bsod nams kyi phung po 'di bshad do/ / rigs kyi bu 'di lta ste/ dper na nga dang 'dra ba'i byang chub sems dpa' sems dpa' chen po gang+gA'i klung gi bye ma snyed bcu gnyis yod par gyur la/ de dag kyang gnas gcig tu bde ba'i yo byad thams cad kyis lha'i bskal par gnas su bcug na/ de dag gis kyang bsod nams kyi phung po de bgrang bar mi nus na nga gcig pu lha ma yin gyi gnas na gnas pas lta ci smos rigs kyi bu 'di lta ste/ dper na rdul phra rab kyi chad ni ngas bgrang bar rus kyi/ rigs kyi bu bsod snyom gyi bsod nams
- 259a
kyi zung nongs byung ma rnas sa/ / gis sbyib 'dusadaper ma ma da rnam sbyin byang dgas pa nangs re rinas bskang rus bubasod snyoms kyi bsod nams kyi phung po ni ngas bgrang mi nus so/ / rigs kyi bu 'di lta ste/ dper na gling chen po bzhi pa'i skyes pa dang / bud med dang / khye'u dang bu mo de dag thams cad rnams kyi las la brtson pa gyur la/ gling chen po bzhi pa'i mo de dag rnams gzhan ni mi byed kyikar 'ba' zhig byad la/ dus dus sa klu'i rgya char ba'i rgyun bab ste yungs kar de dag kyang legs par grub nas/ g.yul gcig tu byas te/ skyes pa dang / bud med dang / khye'u dang / bu mo dag thams cad kyis khur shing rta dang / bam po dang / skon pa dang / rnga mo dang / bong bu dang / b.lang dang / de cad la bkal te/ g.yul chen po der spungs nas bong bu dag dang / ba lang dag gis bcags te/ bung po chen por byas kyang / rigs kyi bu de na ngas 'brum bu re re nas bgrang chus kyi rigs kyi bubasod snyoms kyi bsangan kyi phung po ni bkrang mi nus so/ / rigs kyi bu 'di lta ste/ dper na ri rab srun po dpag tshad brgyad khri ba'i stong 'og tu nung pa dang / 'bang gi srong du dpag chang brgya khri bani stong yong bdan
- 259b
rigs kyi bu gro ga'i phung por gyur la/ rgya mtsho mching rnam chen po ni snag chas yongs su gang bar gyur/ gling bzhin gnas pa'i skyes pa dang / bud med dang / khye'u dang bu mo de dag thams cad ni yi ge par gyur te/ ri rab lhun po dang mnyam pa mtha' yas mu med pa de yi ger bris kyang / rigs kyi bu yi ge do re re nas ngas bgrang nus kyi/ rigs kyi bu bsod/ snyoms kyi bsod nams kyi phung po de ni bgrang bar mi nus so// rigs kyi bu 'di lta ste/ dper na yi ge pa de dag thams cad byang chub sems dpa' sa bcu la gnas par gyur na/ gang byang chub sems dpa' sa bcu la gnas pa rnams kyi bsod nams kyi phung po ji tsam pa bsod snyoms kyi bsod nams kyi phung po de tsam mo/ / rigs kyi bu 'di lta ste/ dper na rgya mtsho'i mching rnam gyi bye ma re re nas ngas bgrang nus kyi/ rigs kyi bu bsod snyoms kyi bsod nams kyi phung po ni nges bgrang mi nus so// de nas lha ma yin gtor ma mchi ma dang bcas/ ngo ma zung gnag/ dbugs kyis brnangs shing / skad rar por gyur la/ shugs 'byin cing / byang chub sems dpa' sems dpa' chen po spyan ras gzigs kyi dbang po la 'di skad ces gsol to// bdag gtor ma sbas dang 'khor dang bcas pas sbyin pa ji lta bu zhig bgyis na/ tshe 'di nyid la bcings pa thob par gyur te/ bdag gis zhing ngan pa la sbyin pa byin te/ las de'i
- 260a
'bras bu myong ba 'di lags pa lta/ thams cad mkhyen pa'i zhing la ni thal ba spar gang gtor kyang bdud rtsi 'grub par 'gyur na/ bdag gis ma 'tshal bas mchod sbyin mchod pa'i tshe/ mi'u thung gi gzugs kyis slong ba mchis nas/ bdag gis bal glang dang / rta'i theg pa cod pan dang / rna cha dang / se mo do mang po dang ldan pa ni bshams/ g.yag rnga'i rdul yab rin po ches spras pa ni sbyangs/ mu tig gi se mo do dang / mu tig las bgyis pa'i mjug ma dag ni mu tig gi dra ba dag gis g.yogs/ gser gyi dril bu dag ni dngul gyis brgyus te/ sgra sil sil mchi zhing / gzhan yang glang ser skya stong dag rmig pa ni dngul las bgyis/ ra ni gser las bgyis shing / mu tig gi dra bas g.yogs te mchi ba de 'dra ba'i glang ser skya dag dang / gzhan yang bud med gzhon nu kha dog bzang zhing sha rgyas pa dang ldan pa/ shin tu sdug pa/ lha'i bu mo dang 'dra zhing 'gran pa/ lha'i rgyan gyis brgyan pa/ cod pan dang / rna cha dang / se mo do mang po thogs pa/ dpung rgyan dang / gdu bu dang / rkang pa'i gdu bu dang / sked pa'i ska rags kyi rgyan dang / sor gdub dang / se ral gyi rgyan dang / mthe bong g.yon pa sor gdub dang ldan pa/ sgra sil sil mchi ba dang ldan pa/ gos tshags su bcos pa gon pa stong dag dang / gzhan yang rin
- 260b
po che'i khri'u brgya stong dag dang / gser gyi phung po dang / dngul gyi phung po dag dang / rin po che'i phung po du ma dag ni bzhag/ gos dang rgyan gyi phung po du ma dag ni bzhag/ ba lang ga rigs brgya stong du ma rdzi dang ldan pa dag ni sta gon bgyis/ zas dang skom mang po dag ni bzhag/ lha'i zas ro'i mchog dang ldan pa dag ni sta gon bgyis/ gser dang dngul gyi dril bu rin po ches spras pa dag ni rtag tu bzhag/ gser dang dngul gyi seng ge'i khri du ma dag ni rin po ches spras// lha'i g.yag rnga'i rdul yab kyi rtsa ba dang / gdugs dang / lham dag ni gser gyis brgyan gser gyi cod pan stong phrag du ma dag ni rin po ches brgyan cing bzhag pa dang / de'i tshe rgyal po ni stong tshogs/ bram ze ni 'bum tshogs/ rgyal rigs ni brgya phrag du ma tshogs te/ de'i tshe bdag gis sa'i gdugs gcig tu bgyis pa bdag ngo mtshar du gyur te/ de bas na thog ma'i sdig pa mthol lo bshags so// rgyal rigs kyi chung ma rnams ni snying khar dral te/ khye'u dang bu mo gzhon nu dag srog bcad/ rgyal rigs chen po dag thams cad ni khu sgo dang lcags kyis bcings nas/ zangs kyi brag phug tu khrid de/ rgyal rigs 'bum phrag du ma ni zangs kyi brag phug der stsal/ kha she dang pAt+tA la sogs pa'i rgyal rigs de dag ni lcags thag lcags kyi phur pa dang ldan pas rkang lag bcings nas phug der bzhag ste/ de'i tshe bdag gis chab sgo thams
- 261a
cad kyang bkum mo/ / dang po ni shing gi sgo'o// gnyis pa ni seng ldeng gi sgo'o// gsum pa ni 'khar ba'i sgo'o// bzhi pa ni zangs kyi sgo'o// lnga pa ni lugs kyi sgo'o/ / drug pa ni dngul gyi sgo'o// bdun pa ni gser gyi sgo ste/ gser gyi sgo der ri bdun gcig gi steng du gcig brtsegs te bzhag go// de nas bdag gis shing rta bcu pa'i bu tshol zhing gdugs la la la ni sbrang bu'i gzugs kyis/ gdugs la la la ni bung ba'i gzugs kyis/ gdugs la la la ni phag gi gzugs kyis/ gdugs la la la ni mi'i gzugs kyis de ltar bsgyur te/ gdugs re re zhing gzhan dang gzhan gyis gzugs kyis mchi'ang mngon du ma mthong nas/ de'i tshe bdag gis rjes su bsams te/ mchod sbyin bgyi bar brtsams pa dang de'i tshe shing rta bcu pa'i bu glags tshol ba mchis te/ des ri bdun dral cing gshegs nas myur du phyogs gzhan du bor te/ rgyal rigs de dag la skad tshor smras pa dang / rgyal po de dag gis sgra de thos so/ / thos nas dbugs phyin par gyur te gnas pa dang / khyed cag gson nam shi zhes smras pa dang / de dag gis bcom ldan 'das bdag cag ni gson no// zhes smras so// de nas skyes bu dpa' bo chen po des sgo de dag thams cad bcom nas/ zangs kyi phug de dag mthong ba dang / rgyal po bcings pa de dag thams cad kyis mthu bo che
- 261b
mthong nas/ yang na ni lha ma yin gtor ma shi'o// 'chi ba'i dus byas so// yang na ni bdag cag gsad pa'i dus la bab pa lta zhing zhes ngan tshun du sems pa las/ de nas de dag gis bdag cag ni g.yul gyi sar shi na legs kyi/ bcing bas bcings bzhin du shi na ma legs te/ bdag cag ni bcings bzhin du shi ba'i dus byas par gyur na/ rgyal rigs kyi chos kyang med par 'gyur gyi/ g.yul gyi sar shi ba'i dus byas na ni bdag cag mtho ris su skye bar 'gyur ro zhes gcig la gcig de skad smra'o// de nas rgyal po de dag thams cad bdag gis khab tu song ste/ shing rta 'dren pa'i rta du ma sta gon bgyis so// gang gi tshe na de dag gis shing rta dang mtshon cha rin po che dag sta gon bgyis pa de'i tshe/ shing rta bcu pa'i bu mi'u thung gi gzugs su sprul nas/ r-i dgas kyi pags pa se ral du thogs/ smig ma'i 'khar ba thogs/ khri'u 'tshal te bdag gi drung du mchis nas/ chab sgor mchis pa dang sgo bas bram ze mi'u thung ma 'gro zhig ces bgags nas/ des bdag ni shul ring po nas mchis so zhes smras so// de nas sgo bas de la bram ze gang nas 'ongs zhes de skad smras pa dang bdag ni zla ba'i gling nas rgyal po drang srong gi drung du mchis so/ / de nas skyes bu sgo ba de song ste/ gtor ma la lha khyod kyi zhal sngar bram ze mi'u thung zhig mchis sa
- 262a
zhes smras so/ / de nas lA ma yin gyi dbang po gtor mas ci'i dngos po zhig slong zhes de skad smras pa dang / lha ma 'tshal to zhes smras so// de nas rgya bo gtor mas khyod song la/ bram ze khrid de shog cig ces de skad smras pa dang / sgo bas de bos te/ bram ze chen po bzhud cig ces smras nas/ de nang du song ba dang / rin po che'i khri'u la bzhag ste/ pa wa sangs kyang de'i tshe na gnas so// de'ang de'i mkhan po grags nas/ des gtor ma la 'di ni dus kyi skyes bu 'dra ba zhig phyin te/ khyod la nges par bar chad byed do zhes de skad smras so/ / bcom ldan 'das ji ltar mkhyen/ nga ni ltas dang mtshan las shes so// bdag cag gis thabs ji lta ba zhig bgyi/ de nas mthu bo ches nges par sbyin ba las 'gyod par 'gyur ro snyam du bsams nas/ des de'i kha ra sA ra sA ti bcug pa dang / de'i tshe des smras pa/ bram ze tshur shog/ khyod ji lta bur sems bram ze des/ de la 'di skad ces smras so/ / gom pa gnyis shig gsol lo// bram ze chen po khyod kyis de ji ltar gom pa gnyis blangs na/ ngas ni gom pa gsum sbyin no// de las blang ba blangs nas bkra shis so/ zhes smras te/ des chu dang / til dang / gser du bcas pa blangs so// de nas mi'u thung de'i gzugs mi snang bar byas so// de nas pa wa sangs des 'di skad ces smras so//
- 262b
rgyal po'i drang srong kho bos dus kyi skyes bu 'ongs so zhes byas na/ khyod kyis nga'i chog ma mnyan te/ las de'i 'bras bu myong bar gyis shig/ nges bdag gis lus chen por bsgyur ba dang / nyi ma dang zla ba ni de'i phrag pa la gnas/ lag na ni ral gri dang / gzhu dang / 'khor lo dang / mtshon chang ga thogs so// de nas lha ma yin gyi dbang po gtor ma kha bub tu 'gyel nas dran pa nyams te/ 'dar 'dar por byas nas/ bdag gis ci byas te rang gi lag nas dug 'tshal ba lta zhes smras so// gom pa gnyis ni tshang na gsum po byin cig ces smras pa dang / gsum po ma mchis so zhes des smras so// kho bos blang ba'ang blangs so// bdag cag gis thabs ji lta bu zhig bgyi/ ngas gar bzhag pa der khyod 'dug par gyis shog/ de nas lha ma yin gyi dbang po gtor mas 'di skad ces smras so// bdag ni bka' ci stsal ba de bzhin du bgyid do// mang ngo med do zhes bgyis// des smras pa/ mang ngo // med par bgyid do// ngas bden pa'i zhags pas bcings nas/ mchod sbyin gyi gnas de'ang bshig go// snod de dag kyang lhag ma can du bgyis so// bu mo gzhon nu de dag kyang pAr+Na ba dang ko'u ra ba dag gis mnol bar bgyis so/ / seng ge'i khri de dag dang / lha'i gdugs de dag dang / lham rin po ches brgyan pa de dag dang / gos dang / rgyan de dag dang / gser gyi dpung
- 263a
rin po ches spras pa de dag dang / glang ser skya de dag kyang bAr+N+Na ba dang / ko'u ra ba de dag gis 'tshal to// bdag gis gzhi de dag kyang bcom mo// de nas lham yin gyi dbang po gtor ma lus la sems shing / gtor ma ni mchod sbyin rgya cher bgyid na/ thabs ma 'tshal bas dus ma lags par sbyin pa byin pas/ bcings pa nyid thob par gyur te/ lha la phyag 'tshal lo snyam mo// de khrid nas byed pa po bzhin du slas dang 'khor dang bcas te sa'i 'og tu bzhag go/ bdag gis sngon zhing ngan pa la sbyin pa bgyis so zhes gsol ba lags te phyag na me tog pad+ma bzang po thogs pas skyabs mdzod cig/ pad+ma'i dpal gyis brgyan pa/ skra'i cod pan thogs pa/ thams cad mkhyen pa dbu na bzhugs pa/ sems can mang po dbugs 'byin par mdzad pa/ dman pa dang 'phongs pa la thugs rje ba gdugs bzhin du spyan bzang ba/ sa'i spun dam pa/ sman gyi rgyal po'i mchog/ sems can shin tu dag pa/ rnal 'byor rab thob pa/ thar pa rab mchog can/ thar pa la dgyes pa/ nor bu yid bzhin dang 'dra ba/ chos kyi mdzod yongs su sbyong bar mdzad pa/ pha rol tu phyin pa drug ston par mdzad pa/ bsam pa legs par mdzad pa la bdag gis bstod pa 'di bgyis so// gang byang chub sems dpa' sems dpa' chen po spyan ras gzigs
- 263b
kyi dbang po khyod kyi mtshan rjes su dran pa'i sems can de dag ni bde ba dang ldan pa lags so/ / thig nag po can dang / 'o dod 'bod pa'i sems can dmyal bar skyes pa dang / yi dgas kyi grong khyer du skyes pa gang dag khyod kyi mtshan rjes su dran pa de dag ni ngan song gi sdug bsngal chen po las thar pa lags so/ / gang khyod kyi mtshan rjes su dran pa'i sems can de dag ni bsam pa legs pa dang ldan pa lags te/ de dag ni bde ba can gyi 'jig rten gyi khams su mchis nas/ de bzhin gshegs pa snang ba mtha' yas las chos mnyan par 'gyur ro// de nas byang chub sems dpa' sems dpa' chen po spyan ras gzigs kyi dbang pos/ lha ma yin gyi dbang po gtor ma la lung bstan pa/ khyod ni de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi mkhan po sangs rgyas bcom ldan 'das lha ma yin gyi dbang po'i dpal zhes bya bar 'gyur te/ lha ma yin thams cad 'dul bar 'gyur ro// khyod kyi sangs rgyas kyi zhing na/ 'dod chags kyi sgra med/ zhe sdang gi sgra med/ gti mug gi sgra med par 'gyur ro// yi ge drug pa'i rig pa chen po 'thob pa thob par 'gyur ro// des de la chos kyi sbyin pa mu tig gi se mo do 'dom stong pa/ rin brgya stong ri ba dang / cod pan
- 264a
rin po che sna tshogs kyis brgyan pa phul lo/ / de nas byang chub sems dpa' sems dpa' chen po spyan ras gzigs kyi dbang po chos 'chad par rtsom ste/ rgyal po chen po nyon cig/ mi mi rtag pa'i nang na gang rtag tu yongs su len par sems pa dang / longs spyod chen po'i rjes su sems pa dang / bran po dang / bran mo dang / las byed ba'i mi dang / gang yang nor dang / 'bru dang / mdzod dang / bang ba rin po che dag dang / bu dang / bu mo dag dang / chung ma dang / pha dang / ma la sems pa'i sems can de dag ni mi shes pa yin te/ gang dngos po de dag la chags pa'i sems can de dag ni rmi lam lta bur snang ste/ 'chi ba'i dus kyi tshe yang skyabs byed pa su'ang med par 'gyur ro// gang gi tshe srog dang bral ba de'i tshe/ 'dzam bu'i gling la log par mthong bar 'gyur ro// chu bo chen po la'ang khrag dang rnag gis gang bar mthong bar 'gyur ro// gang shing chen po dag kyang 'bar ba/ rab tu 'bar ba/ yang dag par shin tu 'bar ba mthong bar 'gyur ro// mthong nas kyang skrag par 'gyur zhing / de nas gzhan gyi zhags pas bcings nas khrid par 'gyur ro// spu gri so'i lam chen por rkang pa'ang 'chad par 'gyur ro/ / rkang pa bteg pa dang rkang pa gzhan 'byung bar 'gyur ro// bya rog dang / bya rgod dang / bya ku ra ra dang / khyi dum dag gis kyang zos shing
- 264b
sems can dmyal ba'i sdug bsngal gyi tshor ba chen po myong bar 'gyur ro/ / de nas spu gri'o so'i lam chen po las babs nas rkang pa re re la yang tsher ma sor drug tsam yod pa lnga brgya lnga brgya zug par 'gyur ro/ / bdag gis sdig pa'i las ci byas zhes 'gyod par 'gyur ro// de nas gshin rje'i mi de dag 'di skad zer te/ grogs po khyod kyis de bzhin gshegs pa la bsod snyoms ma phul lo/ / khyod kyis gaN+DI brdungs pa'ang ma thos so// khyod kyis sa phyogs gang du'ang mchod rten gyi gzugs la ma bskor to// de dag gis smras pa/ bdag cag ni ma dad pa'i sdig pa can sangs rgyas dang / chos dang / dge 'dun gyis spangs par gyur pa'o// de dag gis smras pa/ las de'i 'bras bu 'di myong bar gyis shig ces/ de dag gshin rje'i srungs mas gshin rje'i rgyal po'i drung du khrid do/ / khrid nas phul lo// de nas gshin rje'i rgyal pos smras pa/ khyod deng la las kyis 'di ston cig/ de nas gshin rje srung ba'i skyes bu de dag gis de rnams khrid nas thig nag po can gyi sems can dmyal ba chen por bcug go/ / bcug nas lus la mtshon shak+ti brgyas btab kyang mi 'chi'o// lus la mtshon shak+ti brgya pa gnyis pas btab kyang mi 'chi'o/ / lus la mtshon shak+ti brgya pa gsum pas btab kyang mi 'chi'o// gang gi tshe 'chi ba'i dus mi byed pa de'i tshe me'i dbus su 'jug ste/ 'on kyang 'chi ba'i dus mi byed pa dang
- 265a
de dag kha phye nas lcags kyi thu lum 'gregs pa 'jug ste/ mchu'ang tshig/ so'ang lcags/ dkan yang gas/ gre ba dang / lkog ma dang / snying dang gzhang dag kyang sgra 'a zer zhing / lus thams cad kyang tshig par 'gyur ro// de lta bas na rgyal po chen po 'jig rten gzhan du skyabs byed pa su'ang med kyis/ rgyal po chen po nan tan du bsod nams gyis shig ces de ltar 'thun pa'i chos ston to/ / de nas byang chub sems dpa' sems dpa' chen po spyan ras gzigs kyi dbang pos/ de la rgyal po chen po de ring 'dze ta'i tshal gyi gtsug lag khang 'dir bal cher 'du bar 'gyur gyis/ nga ni 'gro'o zhes de skad smras so// de nas byang chub sems dpa' sems dpa' chen po spyan ras gzigs kyi dbang pos 'od zer kha sngon po dang / ser po dang / dmar po dang / dkar po dang / shel dang / dngul gyi kha dog rnam pa du ma btang ba dang / de dag song ste/ de bzhin gshegs pa thams cad skyob pa'i spyan sngar 'dug go/ / de'i tshe lha dang / klu dang / gnod sbyin dang / lto 'phye chen po dang / mi dag kyang 'dus so// de nas byang chub sems dpa' de dag gi nang na nom ma par mdzod ces bya ba'i byang chub sems dpa' stan las langs te/ bla gos phrag pa gcig la gzar nas/ pus mo g.yas pa'i lha ngas la btsugs te/ bcom ldan 'das ga la
- 265b
ba der legs su thal mo sbyar ba btud nas/ bcom ldan 'das la 'di skad ces gsol to// bcom ldan 'das 'od zer 'di dag ga las mchis/ bcom ldan 'das kyis bka' stsal pa rigs kyi bu byang chub sems dpa' sems dpa' chen po spyan ras gzigs kyi dbang po 'di lha ma yin gyi dbang po gtor ma'i khang pa na gnas te/ de las 'od zer 'di dag byung ngo // de nas bcom ldan 'das la/ byang chub sems dpa' na mkha' mdzod kyis 'di skad ces gsol to// bdag gis byang chub sems dpa' spyan ras gzigs kyi dbang po blta ba'i thabs gang zhig mchis/ bcom ldan 'das kyis bka' stsal pa/ rigs kyi bu de ni 'di nyid du 'ong ngo // gang gi tshe byang chub sems dpa' sems dpa' chen po spyan ras gzigs kyi dbang po lha ma yin gtor ma'i gnas nas byung ba de'i tshe/ 'dze ta'i tshal gyi gtsug lag khang du lha'i me tog lhags so// lha'i shing dpag bsam shin tu mdzes pa/ rgyan brgya stong du ma sbyangs pa/ mu tig gi se mo do brgya stong du ma spungs pa/ yul ka shi ka'i gos dang / rgya'i gos dang / 'phreng ba'i chun po rab tu sbyangs pa/ sdong po ni dmar po/ lo ma ni gser dang / dngul las byas pa dag dang / byu ru'i shing du ma dag dang / me tog gi shing du ma dag dang / rdzing bu me tog gis yongs su gang ba brgya phrag du ma dag byung bar gyur to// de nas bcom ldan 'das
- 266a
la/ byang chub sems dpa' nam mkha' mdzod kyis 'di skad ces gsol to// bcom ldan 'das byang chub sems dpa' spyan ras gzigs kyi dbang po mi mchi 'am bcom ldan 'das kyis bka' stsal pa/ rigs kyi bu de ni lha ma yin gyi dbang po gtor ma'i khang pa nas byung ste/ mi mi rgyu ba'i sa phyogs mun nag ces bya ba'i sar 'gro ste/ rigs kyi bu de na nyi ma dang zla ba mi snang ste/ / nor bu yid bzhin rin po che dam pa sbyin pa zhes bya ba de snang bar byed do// gling de na gnod sbyin dang srin po brgya stong du ma dag gnas so// gang gi tshe byang chub sems dpa' sems dpa' chen po spyan ras gzigs kyi dbang po song ba de'i tshe/ de dag dga' mgu zhing snying rab tu dga' bar gyur nas/ byang chub sems dpa' sems dpa' chen po spyan ras gzigs kyi dbang po'i mdun du rgyug go/ brgyugs nas kyang rkang pa la phyag 'tshal te/ khyod ni mnyel to// dub bo// khyod ni yun ring po zhig nas mun pa mun nag gis 'dir gshegs so zhes de skad smra'o/ / des kyang ngas sems can du ma yongs su smin par byas so zhes smras nas gnod sbyin dang srin po de dag gis khrid nas/ lha'i gser dang rin po che'i khri la bzhag ste/ ngal bsos nas/ gnod sbyin dang srin po de dag la chos 'chad pa khyed cag nyon cig/ gang theg pa chen po'i mdo dkon mchog gi rgyal po za ma tog bkod pa 'di'i rtsa ba bzhi pa'i tshigs su
- 266b
bcad pa gcig nyan pa dang / 'dzin pa dang / kun chub par byed pa dang / tshul bzhin yid la byed pa de dag ni bsod nams kyi phung po la skul bar 'gyur ro// rigs kyi bu 'di lta ste dper na rdul phra rab kyi tshad ni ngas gzung nus kyi/ rigs kyi bu theg pa chen po'i mdo dkon mchog gi rgyal po za ma tog bkod pa'i bsod nams kyi phung po ni nges bgrang mi nus so// rigs kyi bu 'di lta ste/ dper na rgya mtsho mching rnam chen po ni ngas thigs pa re re nas bgrang nus kyi/ rigs kyi bu theg pa chen po'i mdo dkon mchog gi rgyal po za ma tog bkod pa'i rtsa ba bzhi pa'i tshigs su bcad pa gcig gi bsod nams kyi phung po ni nges bgrang mi nus te/ rigs kyi bu 'di lta ste/ dper na de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma phrag brgya bcu gnyis snyed gnas gcig tu bskal pa bcu gnyis su na bza' dang / bshos dang / mal stan dang / na ba'i rkyen gyi sman dang / yo byad kyis bkur sti byis pa de dag gis kyang de ltar mi nus na/ nga gcig pu mun pa mun nag gi nang na 'dug pas lta ci smos/ rigs kyi bu 'di lta ste/ dper na gling chen po bzhir khyim re re zhing yang lha'i gser dang rin po che'i gtsug lag khang brtsigs la/ gtsug lag khang der mchod rten stong byas la/ nyin gcig bzhin du de dag gi nang du ring bsrel bcug na/ gang de dag tu ring bsrel
- 267a
@bcug pa'i bsod nams kyi phung po de bas theg pa chen po'i mdo dkon mchog gi rgyal po za ma tog bkod pa 'di'i bsod nams kyi phung po ni shin tu mang bar 'gyur ro/ / rigs kyi bu 'di lta ste/ dper na chu bo chen po lnga brgya mtsho mching rnam chen por 'bab pa de bzhin du/ rigs kyi bu theg pa chen po'i mdo dkon mchog gi rgyal po za ma tog bkod pa'i bsod nams kyi phung po'ang de dang 'dra bar 'gyur ro/ / de nas byang chub sems dpa' sems dpa' chen po spyan ras gzigs kyi dbang po la gnod sbyin dang / srin po de dag gis 'di skad smras so/ / sems can gang dag theg pa chen po'i mdo dkon mchog gi rgyal po za ma tog bkod pa 'di 'dri ba de dag gi bsod nams kyi phung po ji lta bu lags/ rigs kyi bu de dag gi bsod nams kyi phung po ni dpag tu med par 'gyur ro/ / gang theg pa chen po'i mdo dkon mchog gi rgyal po za ma tog bkod pa 'drir 'jug pa de dag ni chos kyi phung po brgyad khri bzhi stong 'drir 'jug par 'gyur ro/ / 'khor los sgyur ba'i rgyal po gling bzhi la dbang ba/ bu dpa' ba/ mthu che ba/ gzugs kyi yan lag mchog dang ldan pa/ pha rol gyi sde 'jom par byed pa stong dang ldan par 'gyur ro/ / gang theg pa chen po'i mdo dkon mchog gi rgyal po za ma tog bkod pa rtag tu 'dzin cing ming gi rjes su dran par byed pa de dag ni/ 'khor ba'i sdug bsngal las
- 267b
yongs su thar par 'gyur ro/ / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugab las yongs su thar par 'gyur ro/ / ga la ga lar skyes pa de dag tu tshe rab dran par 'gyur ro// de dag gi lus ba lang gi spos kyi tsan dan mnam par 'gyur ro// kha nas me tog ut+pa la sngon po'i dri 'byung bar 'gyur ro/ / lus yongs su rdzogs par 'gyur ro// stobs chen po'i stobs kyi shugs dang ldan par 'gyur ro// zhes de ltar de dag la 'thun pa'i chos bstan pa dang / gnod sbyin dang srin po de dag las kha cig ni lan cig phyir 'ong ba'i 'bras bu la/ kha cig ni phyir mi 'ong ba'i 'bras bu la bkod nas/ de dag gis smras pa/ gtsug lag khang 'di nyid na bzhug shog/ gnas gzhan gang du'ang ma bzhugs shig/ mun pa mun nag gi sa 'di nyid du bdag cag gis lha'i gser gyi mchod rten bgyi'o// lha'i gser gyi 'chags bgyi'o// de nas byang chub sems dpa' sems dpa' chen po spyan ras gzigs kyi dbang pos de dag la 'di skad ces smras so/ / ngas sems can du ma dag byang chub kyi lam la dgod dgos so// de nas gnod sbyin dang srin po de dag lag pa la 'gram pa brten to sems shing 'khod nas/ gcig la gcig 'di skad smra'o// bdag cag gi spyan ras gzigs kyi dbang po gshegs par 'gyur pa chos kyi gtam spong bar
- 268a
'gyur ro/ / de nas byang chub sems dpa' sems dpa' chen po spyan ras gzigs kyi dbang po song ba dang / gnod sbyin dang srin po de dag kyang phyi bzhin du 'brangs nas byang chub sems dpa' sems dpa' chen po spyan ras gzigs kyi dbang pos de dag la 'di skad ces smras so/ / khyed shin tu ring du 'ongs kyis/ slar log cig/ de nas gnod sbyin dang srin po de dag byang chub sems dpa' sems dpa' chen po spyan ras gzigs kyis dbang po'i rkang pa la phyag 'tshal te/ de nyid nas slar log go// de nas spyan ras gzigs kyi dbang po med phung po 'bar ba bzhin du nam mkha' la mi snang bar gyur to/ / de nas bram ze'i gzugs su sprul te/ gnas gtsang ma'i ris kyi lha'i bu dag gi drung du song ste phyin na/ lha'i ris de na lha'i bu rna cha'i mchog ces bya ba dbul po sdug bsngal ba zhig 'dug go/ de nas spyan ras gzigs kyi dbang po bram ze de'i gzugs kyis lha'i bu de'i drung du song ste phyin nas 'di skad ces smras so// bdag ni bkres so/ / skom mo// de nas lha'i bu des/ bram ze de la 'di skad ces smras so// bram ze chen po bdag la ni cung zad kyang ma mchis so// bdag la cung zad cig ni nges par stsal 'tsha'o// de nas lha'i bu gzhal med khang du song ste/ snod dag bltas pa dang / snod rnams lha'i nor bu rin po che rin thang med pas yongs su gang ba dang / snod gzhan dag kyang ro'i ro mchog gi zas dag
- 268b
gis yongs su gang ba dang / g.yoran phyogs kyi gzhal med khang na'ang gos dang rgyan gyis yongs su gang ba mthong ngo // de nas lha'i bu de sems par gyur nas/ 'di 'dra ba'i dpal thob pa las na/ bdag gi sgo na nges par snod bzang po zhig 'dug go snyam mo// de nas des bram ze de bos te gzhal med khang gi nang du song nas/ lha'i rin po ches kyang bstabs/ lha'i ro'i/ ro mchog gi zas kyang byin te bos nas/ bkra shos pa byas so// de nas lha'i bu des/ de la 'di skad ces smras so// bram ze chen po khyod sa ga las 'ongs bdag ni 'dze ta'i tshal zhes bgyi ba'i gtsug lag khang nas mchis so/ / de nas lha'i bu des/ de la 'di skad ces smras so// sa de ji lta bu zhig/ de nas bram ze des/ de la 'di skad ces smras so// sa de ni dga' bar byed pa/ lha'i nor bu rin po ches yongs su brgyan pa/ lha'i shing dpag bsam gyis yongs su mdzes par byas pa/ me tog yid du 'ong ba dag 'byung ba/ rdzing bu rnam pa du ma dag gda' ba/ tshul khrims dang ldan pa/ yon tan dang ldan pa'i sbyin gnas sna tshogs dag dga' ba/ de bzhin gshegs pa thams cad skyob kyi cho 'phrul dag gda' ba ste/ lha'i bu sa de ni de ltar dga' bar bgyid pa'o/ / de nas lha'i bu des/ de la 'di skad ces smras so// bram ze khyod kyis nges par bden par smros shig/ ci khyod lha yin nam 'on te mi mi la ni rdo lngar
- 269a
lalas snang bdi 'dra ba'i ltas med do/ / de nas nas/ de la 'di skad smras so// ngan lha'ang ma man/ mi 'ja ma yin// 'dodas pa dang rna pa rje bar byed pa/ byang chub kyi lam ston par byed pa ste/ byang chub sems dang 'od de nas lha'i bus rna cha dang cod pan phul nas/ tshigs su bcad de smras pa// kye ma'o yon tan dag gi zhing / nyes pa thams cad rnam spangs pa// de rong nyid dus bon btab// de ring nyid du 'bras bu grub// de nas lha'i bu des tshigs su bcad pa de smras nas/ de nyid du song ngo // de nas bram rnon pa lta ras nas rabs te/ sprin pa'i rdzing du stong / song nas 'dang pa'i gzugs su sprul/ blon ma rnams kyi 'dun du 'dug pa dang / gzugs pazang ba med nas de smrams/ rnyeng pa'i sems skyes pa / dru so gang zhin no// can ga / / klus/ sa smra / mas 'a ya pa ma// khri ma phying ba gams// das 'i m-ini mapa byed /
- 269b
bdag cag bgyid do// des de dag la 'phags pa'i lam yan lag brgyad dang ldan pa'ang bstan zhal nas gsungs pa bzhi'ang kha ton byed du bcug nas/ lan cig phyir 'ong ba'i 'bras bu'ang thob/ phyir mi 'ong ba'i 'bras bu'ang thob nas/ srin mo de dag 'dod chags kyi sdug bsngal mi ldang / sems zhe sdang bar mi byed/ su la'ang srog gi bar chad byed par mi 'dod/ / chos la mngon par dga' zhing gnas la sdom pa blangs te/ slan chad bdag cag srog gcod par mi bgyid do// 'dzam bu'i gling gi mi dag ji ltar zas dang skom gyis 'tsho ba bdag cag kyang de bzhin du 'tsho'o/ / slan chad srin mo'i tshul du mi bgyid do zhes de 'dra ba'i bslab tshig gi sdom pa blangs te 'khod do// de nas byang chub sems dpa' sems dpa' chen popo sman ras gzigs kyi dbang po sing+ga la'i gling nas byung nas/ / yul khor mor 'jig gi grong khyer chen po na/ bshang ba dang gci ba'i gnas de na srin bu'i rigs brgya stong du ma gnas nas/ dede'i tshe byang chub sems dpa' sems dpa' chen po spyan ras gzigs kyi dbang po bung ba'i gzugs su sprul nas/ sgra bung bung du phyung ste// sangs rgyas la phyag 'tshal lo zhes byas pa dang de dag sangs rgyas la phyag 'tshal lo zhes bya ba la rjes su dran nas/ 'jig tshogs su lta ba'i ri'i rtse mo nyi shu byung ba ye shes kyi rdo rjes bcom nas/ de dag thams cad byang chub sems dpa'
- 270a
/ kha na spos kyi dri zhes bya bar gyur te/ 'jig rten gyi khams bde bcan du skyes so// de'i tshe sems can yongs su sbyin par byas te/ 'khor mo 'jig gi grong khyer chen po nas song nas/ yul ma ga d+har mngon du phyogs te song ba dang / yul ma ga d+har phyin na lo nyi shur dgon pa na gnas la gnas ba sems can gcig la gcig sha za ba dag mthong ngo // de nas byang chub sems dpa' sems dpa' chen po spyan ras gzigs kyi dbang po bdag gis thabs gang gis sems can 'di dag tshim par bya snyam du sems par gyur to// de nas byang chub sems dpa' chen po spyan ras gzigs kyi dbang pos lha'i char pa dbab par brtsams te/ thog mar ni chu'i char ba'o// gang gi tshe na chus ngoms par gyur pa de'i 'og tu lha'i zhal zas ro mchog dang ldan pas skon pa yongs su gang ba dag bab bo/ / gang gi tshe na zas kyis yongs su tshim par gyur pa de'i tshe 'bras kyi char pa bab bo// gzhan yang til dang / 'bras rme'u dang / ku lad ta'i 'bru dang / 'bras so bdag bab bo// gang dang gi tshe sems can de dag gi dgos pa sems par gyur pa de'i tshe/ de dag gi bsam pa grub par gyur to// de nas yul ma ga d+ha'o sems can de dag ngo mtshar du gyur nas/ de thams cad gnas gcig tu ngal bsos so// ngal bsos nas gcig la gcig 'di lha gang gi mthu zhig ces smras pa dang /
- 270b
de nas skyes bu de dag gi nang na brnyings pa/ rgan pa/ rgas pa/ skur ba/ ba lang gi sna ltar gug pa lo brgya stong du ma lon pa zhig yod pa des de dag la smras pa/ byang chub sems dpa' sems/ dpa' chen po spyan ras gzigs kyi dbang po ma gtogs par/ lha gzhan gang gi yang mthu 'di 'dra bar mi 'gyur ro// de nas 'khor de dag gis byang chub sems dpa' sems dpa' chen po spyan ras gzigs kyi dbang po'i mtshan ma ji lta bu zhes dris so/ / de nas skyes bu des yon tan bshad par brtsams pa/ mun par gyur pa rnams kyi ni sgron mar gyur pa'o// nyi mas gdung shing tshig pa rnams kyi ni gdugs su gyur pa'o/ / skom gyis gdungs pa rnams kyi ni chu bor gyur pa'o// 'jigs shing skrag par gyur pa rnams la ni mi 'jigs pa sbyin par byed pa'o// nad kyis btab pa rnams la ni sman par gyur pa'o// sems can sdug bsngal ba rnams kyi ni pha dang mar gyur pa'o// sems can bstir med par skyes pa rnams kyi ni mya ngan las 'das pa ston par byed pa ste/ de'i yon tan gyi khyad par ni 'di lta bu'o// gang de'i mtshan gyi rjes su dran pa de dag ni 'jig rten na bde ba dang ldan pa yin no// de dag ni 'khor ba'i sdug bsngal gyi tha ma yongs su spong ba'o/ / gang spyan ras gzigs kyi dbang po la rtag tu me tog dang pog bsdus shing 'bul ba'i skyes bu gang zag de dag ni sems dpa' ba dang ldan pa yin no// gang byang chub
- 271a
sems dpa' sems dpa' chen po spyan ras gzigs kyi mdun du dkyil 'khor gru bzhi byed pa de dag ni 'khor los sgyur ba'i rgyal po rin po che sna bdun dang ldan par gyur te/ 'di lta ste/ 'khor lo rin po che dang / rta rin po che dang / bal glang rin po che dang / nor bu rin po che dang / bud med rin po che dang / khyim bdag rin po che dang / blon po rin po tsheche dang bdun te/ rin po che de bdun dang ldan par 'gyur ro// gang byang chub sems dpa' sems dpa' chen po spyan ras gzigs kyi dbang po la me tog 'bul ba de dag ni lus dri zhim zhing / gang la lar skyes par lus yongs su rdzogs par 'gyur ro/ / zhes skyes bu des de ltar yon tan gyi khyad par bshad nas/ 'khor de dag bdag gi khang par dong ngo // de nas skyes bu brnyings pa des 'thun pa'i chos bshad nas/ de'ang bdag gi khang par song ngo // de nas byang chub sems dpa' sems dpa' chen po spyan ras gzigs kyi dbang po de nyid du nam mkha' la mi snang bar gyur to/ / de nas de nam mkha' la gnas bzhin du bdag gis de bzhin gshegs pa thams cad skyob ma mthong nas yang ring ngo snyam du bsams nas/ de mthar gyis 'dze d+ha'i tshal gyi gtsug lag khang du byin pa dang / 'ong ba bcom ldan 'das kyis gzigs so// byang chub sems dpa' sems dpa' chen po spyan ras gzigs kyi dbang po 'dze ta'i tshal gyi gtsug
- 271b
lag khang du phyin nas wA dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dag dang / byang chub sems dpa' brgya phrag du ma dag tshogs pa'ang mthong ngo // de nas bcom ldan 'das la/ byang chub sems dpa' nam mkha' mdzod kyis 'di skad ces gsol to/ / bcom ldan 'das byang chub sems dpa' de gang zhig mchi/ bcom ldan 'das kyis bka' stsal pa/ byang chub sems dpa' sems dpa' chen po spyan ras gzigs kyi dbang po de 'ong ngo / / de nas byang chub sems dpa' spyan ras gzigs kyi dbang pos/ bcom ldan 'das kyi zhabs la mgo bos phyag 'tshal te/ lan gsum bskor nas/ g.yon phyogs su ngal bsos so// de nas bcom ldan 'das kyis khyod ngal lam/ chad dam/ rigs kyi bu khyod kyis las kyis ji lta bu zhig bsgrubs/ des sngon ji ltar gyur pa gsol to// de nas byang chub sems dpa' nam mkha' mdzod shin tu ngo mtshar du gyur te/ bdag gis byang chub sems dpa' yul 'di lta bu ma mthong ngo // de bzhin gshegs pa dag la'ang yul 'di lta bu ma mchis na/ byang chub sems dpar gyur pa lta la ci smos snyam mo// de nas byang chub sems dpa' nam mkha' mdzad byang chub sems dpa' sems dpa' chen po spyan ras gzigs
- 272a
kyi dbang po'i drung du song ste mdun du 'dug go/ / 'dug nas byang chub sems dpa' sems dpa' chen po 'phags pa spyan ras gzigs kyi dbang po la 'di skad ces smras so/ / khyod ngal lam/ chad dam/ bdag ni mi ngal lo// nyon ma mongs so zhes phan tshun du gtam byas nas/ kha rog ste 'khod do// de nas bcom ldan 'das kyis pha rol tu phyin pa drug bshad par brtsams pa/ rigs kyi bu dag nyon cig/ byang chub sems dpar gyur pas/ sbyin pa'i pha rol tu phyin pa yongs su rdzogs par bya'o// de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yongs su rdzogs par bya'o zhes chos de bshad nas/ cang mi gsung bar bzhugs so// de nas 'khor de dag bdag bdag gi gnas su dong ngo // byang chub sems dpa' de dag kyang bdag bdag gi sangs rgyas kyi zhing du dong ngo / / 'di theg pa chen po'i mdo dkon mchog gi rgyal po za ma tog bkod pa'i le'u ste dang po rdzogs so// / de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to// bcom ldan 'das byang chub sems dpa' sems dpa' chen po spyan ras gzigs kyi dbang po sngon ting nge
- 272b
'dzin gang dag la mnyam par bzhag par gyur pa bshad du gsol/ bcom ldan 'das kyis bka' stsal pa/ rigs kyi bu 'di lta ste/ rnam par byed ces bya ba'i ting nge 'dzin dang 'od byed ces bya ba'i ting nge 'dzin dang / rdo rje gyen du 'phags zhes bya ba'i ting nge 'dzin dang / nyi ma'i 'od ces bya ba'i ting nge 'dzin dang / 'thor ba zhes bya ba'i ting nge 'dzin dang dpung rgyan ces bya ba'i ting nge 'dzin dang / rdo rje rgyal mtshan mchog ces bya ba'i ting nge 'dzin dang / rgyan bya ba'i ting nge 'dzin dang / bkod pa'i rgyal po zhes bya ba'i ting nge 'dzin dang / phyogs bcur rnam par blta zhes bya ba'i ting nge 'dzin dang / yid bzhin gyi nor bu lta bu spyan mchog ces bya ba'i ting nge 'dzin dang / chos kyi rgyal po zhes bya ba'i ting nge 'dzin dang / shin tu gnas pa zhes bya ba'i ting nge 'dzin dang / dga' ba sbyin par byed ces bya ba'i ting nge 'dzin dang / rdo rje rgyal mtshan ces bya ba'i ting nge 'dzin dang / 'jig rten gyi khams thams cad rnam par blta zhes bya ba'i ting nge 'dzin dang / ma lus par 'ongs zhes bya ba'i ting nge 'dzin dang / mngon par 'dud ces bya ba'i ting nge 'dzin dang / skye bor 'khyil ba zhes bya ba'i ting nge 'dzin dang / rnab ltar spyan mchog ces bya ba'i ting nge 'dzin dang / g.yog skye bo mang po zhes bya ba'i ting nge 'dzin dang / lha'i spyan zhes bya ba'i ting nge 'dzin dang / bskal ba'i gling zhes bya ba'i ting nge 'dzin dang / tshe 'phrul
- 273a
ston ces bya ba'i ting nge 'dzin dang / / pad+mo'i bla zhes bya ba'i ting nge 'dzin dang / rgyal po'i dbang po zhes bya ba'i ting nge 'dzin dang / mnar med pa skems zhes bya ba'i tong nge 'dzin dang / 'bar ba zhes bya ba'i ting nge 'dzin dang / lha'i rna cha zhes bya ba'i ting nge 'dzin dang / bdud rtsi thigs pa zhes bya ba'i ting nge 'dzin dang / 'od kyi dkyil 'khor ces bya ba'i ting nge 'dzin dang / rgya mtshor 'jug pa zhes bya ba'i ting nge 'dzin dang / gzhal med khang gi sgo zhes bya ba'i ting nge 'dzin dang / d+ya ka la bing+ka'i sgra zhes bya ba'i ting nge 'dzin dang / ut+pal sngon po'i dri zhes bya ba'i ting nge 'dzin dang / zhon zhes bya ba'i ting nge 'dzin dang / rdo rje go rwa zhes bya ba'i ting nge 'dzin dang / bal glang dga' zhes bya ba'i ting nge 'dzin dang / seng ge rnam par rol ces bya ba'i ting nge 'dzin dang / bla na med ces bya ba'i ting nge 'dzin dang / 'dul ba zhes bya ba'i ting nge 'dzin dang / zla ba'i bla zhes bya ba'i ting nge 'dzin dang / snang bar byed ces bya ba'i ting nge 'dzin dang / 'od zer brgya pa zhes bya ba'i ting nge 'dzin dang / bskus pa zhes bya ba'i ting nge 'dzin dang / 'od byed ces bya ba'i ting nge 'dzin dang / rnam pa bzang po zhes bya ba'i ting nge 'dzin dang / lha ma yin la bskul ba zhes bya ba'i ting nge 'dzin dang / sgom zhes bya ba'i ting nge 'dzin dang / mya ngan las 'da' bar bskul ba zhes bya ba'i ting nge 'dzin dang / gling chen po zhes bya ba'i ting nge 'dzin dang // tshor ba
- 273b
rnam par grol zhes bya ba'i ting nge 'dzin dang / dal 'byor byed ces bya ba'i ting nge 'dzin dang / don dam pa ston ces bya ba'i ting nge 'dzin dang / glog ces bya ba'i ting nge 'dzin dang / klu bkod pa zhes bya ba'i ting nge 'dzin dang / seng ge glal ces bya ba'i ting nge 'dzin dang / sa ri dgod pa zhes bya ba'i ting nge 'dzin dang / 'ong ba zhes bya ba'i ting nge 'dzin dang / dran pa'i dbang po 'phel ba zhes bya ba'i ting nge 'dzin dang / mos pa zhes bya ba'i ting nge 'dzin dang / rgyal ba'i theg pa zhes bya ba'i ting nge 'dzin dang / lam sten pa zhes bya ba'i ting nge 'dzin dang / rigs kyi bu byang chub sems dpa' sems dpa' chen po spyan ras gzigs kyi dbang po ni ting nge 'dzin de dag dang ldan te/ de'i ba spu'i khung bu re re na'ang ting nge 'dzin brgya stong dag gnas so// rigs kyi bu de ltar byang chub sems dpa' sems dpa' chen po spyon ras gzigs kyi dbang po'i bsod nams kyi tshogs de dag dpag tu med do/ / bsod nams kyi tshogs de 'dra ba dag ni de bzhin gshegs pa dag la'ang med na/ byang chub sems dpa' dag la lta ci smos/ / // bam po gsum pa// rigs kyi bu sngon byung ba nga byang chub sems dpar gyur pa de'i tshe/ nga tshong pa lnga brgya dang 'grogs nas sing g+ha la'i gling du song ste/ shing rta dang / khur dang / bam po dang / skon pa dang / rnga mo dang / ba lang dang / bong bu la sogs pas zong mang po bskyes te
- 274a
sing g+ha'i gling du song ba las/ grong dang / grong khyer dang / grong 'dab dang / grong le'u dang / tshong dus dag tu song ba las/ sing gA la'i gling du ma byin par gru bzang po zhig rnyed nas/ / ngas gdos 'dzin pa la gling gang logs su rlung langs/ ci rin po che'i gling du rlung langs sam/ yang na nas kyi gling du rlung langs sam/ 'on te srin po'i gling du rlung lang zhes rmas pa dang / gdos 'dzin pa 'di skad ces zer te/ bser ma ni sing g+ha la'i gling du langs kyis/ lha mkhyen par mdzod cig/ de nas gru bo che btang ste/ sing g+ha la'i gling du song ba las/ sing g+ha la'i gling na gnas pa'i srin mo dag gis dus ma yin pa'i rlung btang ba dang / gru bo che de dum bu dum bur lhag nas/ tshong pa de dag chu'i nang du lhung ba dang / brgyal nas chu'i 'gram du nye bar byin to/ / de nas srin mo lnga brgya gzhon nu'i gzugs su bsgyur te/ skra ca co zer zhing byung nas/ chu 'gram de dang nye ba zhig tu 'ongs te/ bla gos kyi ras byin nas bslang ba dang / de dag bdag bdag gi gos 'chir ro/ / btsir nas de dag gnas de nas gnas gzhan du shing tsam pa ka chen po yod pa de'i drung du nga la bsos so// ngal bsos nas bdag cag la thabs ci yod ces gtam byas pa dang / de dag gis bdag cag la thabs ma mchis so zhes de skad smras nas/ kha rog ste 'khod do// de nas srin mo de dag de rnams kyi mdun du 'dug nas/ khyo ma mchis pa'i ni khyo
- 274b
mdzod cig/ gnas ma mchis pa'i ni gnas mdzod cig/ rten ma mchis pa'i ni rten mdzod cig/ 'di dag ni khyed kyi zas kyi khyim mo// skom gyi khyim mo// skyed mos tshal dga' bar bgyid pa'o/ / rdzing bu dga' bar bgyid pa'o zhes de skad smras nas/ srin mo de dag gis skyes pa re re khrid de/ bdag bdag gi khyim du dong ngo // gang srin mo de dag gi nang na shin tu rgan pa des bdang gi khyim du nga khrid nas lha'i ro'i ro mchog dag ldan pas tshim par byas so/ / tshim par byas nas rtse bar rtsom ste/ de la des mi'i bde bas tshim par byas nas/ de bzhin nyi ma gnyis gsum nas bdun 'das so/ / re zhig na mo nyal te gnyid kyis log pa dang / gang mo snyan par dgod pa ngas mthong nas/ nga ngo mtshar du gyur te/ gnyid log bzhin du gad mo snyan par dgod pa ngas nam yang ma mthong ngo snyam nas/ de'i tshe ngas de la khyod ci'i phyir dgod ces smras pa dang / mo na re 'di dag ni sing g+ha la'i gling na gnas pa'i srin mo lags te/ khyod kyi srog bcad da re zhes zer nas de'i tshe ngas de la 'di dag srin mo yin par kho bos ji ltar shes par bya zhes dris pa dang / de ste yid mi ches na g.yas phyogs kyi lam srang zung ste bzhud cig dang / de na lcags kyi grong khyer mtho bskar khung dang rta babs med pa zhig mchis te/ de na tshong pa brgya phrag du ma zos shing bor nas/ la la ni gson/ la la ni gum ste/ khyod de ltar thugs mi ches na lam der bzhud cig/
- 275a
lam der bzhud nas rtogs shig dang / de'i tshe nga la yid ches par 'gyur ro zhes zer nas/ de'i tshe des glen pa'i dra ba zhes bya ba'i ga nyid kyis non par byas so// de nas byang chub sems dpa' de nub mo'i dus kyi tshe song nas ral gri zla ba ltar snang ba bdag 'tsho bar byed pa zhes bya ba thogs nas/ g.yas phyogs kyi lam srang bzung ste song ba las/ rim gyis lcags kyi grong khyer du byin nas/ kho ra khor yug tu bskor kyang des sgom mthong ngo // de nas lcags kyi grong khyer chen po de na shing tsam pa ka zhig 'dug pa de la 'dzegs te/ de nas ngas lud pa'i sgra byas pa dang / skyes bu tshong pa de dag na re/ tshong dpon chen po mkhyen par mdzod cig/ bdag cag ni lcags kyi grong khyer du stsal te zhes smras nas/ de'i tshe nyi ma re re zhing yang mi brgya brgya khrid de za'o/ / zos nas rus pa rnams lcags kyi grong khyer de nyid du 'dor ba yang de dag gi nga la sngon byung ba bzhin du smras nas/ ngas de'i tshe shing tsam pa ka las babs te/ g.yas phyogs kyi lam srang de bzung nas/ myur ba myur bar song ste/ de nas slar phyin to// de nas snyan par byed pa de na re/ ded dpon chen po khyod kyis gzigs sam zhes zer nas/ ngas mthong ngo zhes smras so// khyod la bdag gis gtam bgyis pa khyod kyis rtags la bab bam/ de'i tshe ngas de la thabs ci yod ces dris na/ de nas snyan par byed pa des
- 275b
'di skad ces smras te/ lha thabs gang gi bde ba dang nyon mongs pa med par sing g+ha la'i gling nas byung zhing slar 'dzam bu'i gling mthong bar 'gyur ba'i thabs mchis so// ngas de la lam gang gis sing gA la'i gling nas byung bar 'gyur ba'i lam de ston cig ces byas pa dang / snyan par byed pa des 'di skad ces smras so// lha rta'i rgyal po ba la ha zhes bgyi ba dman pa dang 'phongs pa la snying rje ba dang ldan pa zhig mchis te/ rta'i rgyal po ba la ha de sman sbed thams cad ces bgyi ba 'tshal te/ gser gyi bye ma'i thang bu la phar 'gre tshur 'gre bar gying ngo // phar 'gres tshur 'gres nas lus sprug go/ / sprugs nas pha rol tu su 'gro/ pha rol tu su 'gro zhes smra'o// khyod kyis bdag pha rol tu mchi'o zhes gyis shig ces de skad bsgo ba thos nas/ de srin mo'i drung du nye bar song nas lhan cig tu nyal ba dang / de sad nas 'phags pa'i sras lus grang mo grang ba zhig ces zer nas/ ngas de la grong khyer gyi phyi rol tu bshang gci byed du song bas/ de'i phyir lus grang mo grang bar gyur to zhes smras so/ / mos kyang smras nas slar de gnyid kyis log ste/ nyi ma shar ba'i tshe langs so// de nas skyes bu tshong pa rnams la khyed tshur shog cig/ grong khyer gyi phyi rol tu 'dong ngo zhes bsgo ba dang / de dag thams cad grong khyer gyi phyi rol tu dong ngo // de dag grong khyer gyi pha rol tu dong nas ngal bsos so// ngal bsos nas su'i chung ma dag ji lta bus
- 276a
mdza' par 'gyur zhes dris pa dang / kha cig gis ni bdag la shin tu mdza' bar byed do zhes smras so// kha cig gis ni bdag lha'i ro'i ro mchog dang ldan pa'i zas kyis 'dzin par bgyid do zhes smras so/ / kha cig gis ni gos rnam pa sna tshogs kyis 'dzin to zhes smras so// kha cig gis ni bdag la cod pan dang / rna cha dang / se mo do'i chun pos 'dzin to zhes smras so/ / kha cig gis ni lus la bzung ba med do zhes smras so// kha cig gis ni bdag la tsan dan dang / gla rtsi dang / ga pur gyis 'dzin to zhes smras te/ de ltar de dag gis gtam byas nas/ ngas de'i tshe skyes bu tshong pa dag la gang bdag cag srin mo la chags par bya ba mi rigs so zhes smras pa dang / de dag myos nas tshong dpon chen po sing g+ha la'i gling na gnas pa'i srin mo lags mang ngam zhes zer nas/ de'i tshe ngas de dag las sangs rgyas dang / chos dang / dge 'dun bden no bden no// 'di ni mi ma yin te/ srin mo'o zhes smras so// de nas skyes bu tshong pa de dag gis bdag cag la skyabs ci yod/ rten ci yod ces smras pa dang / ngas de dag la sing ga la'i glingan rti'i rgyal po ba la zhes bya ba ngaman pa dang 'phongs pa la snying rje bar byed pa zhig yod de/ sman sbed thams cad ces bya ba zos nas/ gser gyi bye ma'i thang bu la phar 'gre tshur 'gre byas nas lus sprug go// lus sprugs nas/ de'i tshe pha rol tu su 'gro/ pha rol tu su 'gro zhes tshig lan gsum smras pa
- 276b
dang bdag cag der 'dong ngo zhes smras so/ / de nas skyes bu tshong pa de dag nga la bdag cag nam bzhud ces zer nas/ ngas de dag la nyi ma gsum na nges par 'dong gis/ khyed so so nas brgyags dang chas gyis shig ces de dag dang dam bcas nas/ slar grong khyer du dong ste/ bdag bdag gi khyim du phyin pa dang / de dag la srin mo rnams kyis ngal lam/ chad dam/ khyed kyis skyed mos tshal dga' bar byed pa mthong ngam zhes smras pa dang / de dag gis nged kyis cung zad kyang ma mthong ngo zhes smras so// de nas srin mo de dag gis 'di skad ces smras so// 'phags pa'i sras sing g+ha la'i gling 'di na skyed mos tshal dga' bar byed pa me tog gis yongs su gangs rnam pa sna tshogs dang / rdzing bu brgya phrag du ma dag mchis so zhes smras nas de nyi ma gsum na skyed mos tshal gyis de dag dang / rdzing bu me tog gis yongs su gang ba rnam pa sna tshogs de ltar 'gro'o// de'i tshe me tog bzang po dag kyang khyer te 'ong gis/ brgyags bzang du gyis shig ces smras pa dang des 'phags pa'i sras de bzhin du bgyi'o zhes smras so/ / de nas des lus la bsams te/ srin mo 'di dag gi don shes par gyur na ni bdag cag gi srog bcad do snyam du de ltar lus kyis rjes su bsams nas kha rog ste 'dug pa dang / mos zas bzang po byin nas zos te/ shugs phyung nas srin mo des 'phags pa'i sras ci'i slad du shugs 'byin ces smras so//
- 277a
@/ de nas ngas mo la 'dzam bu'i gling gi mi dag ni bdag gi yul la dga' 'o zhes smras pa dang / 'phags pa'i sras bdag gi yul gyis ci zhig bgyi/ sir g+ha la'i gling 'di nyid na khyod kyi zas kyi khang pa dang / skom gyi khang pa dang / gos kyi khang pa sna tshogs dang / khyod kyi skyed mos tshal dga' bar bgyid pa sna tshogs mchis kyis/ lha'i bde ba myong bar mdzod cig/ 'dzam bu'i gling la mya ngan bgyir ci mchis zhes zer nas// de'i tshe nga kha rog ste 'dug go// de'i nyin mo 'das nas phyi de nyin zas bzang po brgyags dang ldan pa de dag thams cad sta gon byas nas/ nyi ma gsum pa la nang par sngar de dag thams cad dong nas grong khyer gyi sgor byung ngo // byung nas sus kyang slar sing g+ha la'i gling du mi blta bar dam byas so// de 'dra ba'i dam byas nas myur ba myur bar skyen pa skyen par dong ba dang / rim gyis rta'i rgyal po ba la ha ga la ba der phyin nas/ rta'i rgyal po ba la ha sman sbed thams cad ces bya ba la myangs so// sman myangs nas gser gyi bye ma'i thang bu la phar 'gre tshur 'gre byed do/ / byas nas lus sprug go// gang gi tshe na lus sprugs pa de'i tshe/ sid g+ha la'i gling yang 'gul lo// des pha rol tu su 'gro zhes tshig lan gsum sbas pa dang / de nas skyes bu tshong ba de dag gis bdag cag pha rol tu mchi' zhes smras so// de nas rta'i rgyal po ba la he des khyed las sus kyang sing g+ha la'i
- 277b
gling la mi blta bar bya'o/ / sus kyang mig gis mi blta bar bya'o zhes de skad smras te/ de 'dra ba'i dam byas nas/ de'i tshe thog ma kho nar nga zhon no// de'i 'og tu tshong pa lnga brgya zhon no// gang gi tshe na de dag zhon pa de'i tshe/ sing g+ha la'i gling na gnas pa'i srin mo dag sgra ca co zer zhing phyi bzhin du snyag go// ngu zhing snying rje rje ltar sme ba dang / de nas de dag gis dothor lag bltas so/ / gang gi tshe de dag gis bltas pa de'i tshe/ 'di dag kha bub tu lhung ngo // gang gi tshe na de dag chu'i nang du lhung ba de'i tshe/ srin mo dag gis drangs shing drangs shing zos so// de'i tsheng gcig pus 'dzam bu'i gling du phyin te/ de'i tshe 'gram du nye ba dang / rta'i rgyal po ba la has nga la lan gsum bskor te phyag byas nas de nyid du song ngo // de nas nga yang song nas rim gyis bdag gi khyim du byin te/ de'i tshe pha dang mas nga'i mgul nas 'jus nas ngus pa dang / rlangs pa de gnyis kyis mig rugs nas mthong bar gyur to// de nas pha ma dang lhan cig tu ngal bsos nas/ des de dag la sngon ji ltar byung ba thams cad bzlas pa dang / pha mas de la smras pa/ bu khyod gson bzhin du rnyed de/ nged la nor ni mi dgos so// rgas pa'i tshe 'khar bar gyur pa'o/ / rgas pa'i tshe lam ston pa'o// 'chi ba'i tshe zas sbyin par byed pa'o// shi nas mgon yod par byed pa'o// rlung bsil bar byed pa'o zhes pa dang mas smras te/
- 278a
sgrib pa thams cad rnam par sel ba nga ded dpon du gyur pa'i tshe 'di lta bu'i sdug bsngal myong ngo // 'di lta ste/ sgrib pa thams cad rnam par sel ba byang chub sems dpa' sems dpa' chen po spyan ras gzigs kyi dbang po rta ba la har gyur pas/ nga 'chi ba'i 'jigs pa de 'dra ba las yongs su thar par byas so// 'di lta ste/ sgrib pa thams cad rnam par sel ba byang chub sems dpa' sems dpa' chen po spyan ras gzigs kyi dbang po'i bsod nams kyi tshogs ni nges bgrang mi nus te/ ba spu'i khung bu re'i gtam cung zad cig bshad do// 'di lta ste/ sgrib pa thams cad rnam par sel ba/ gser zhes bya ba'i ba spu'i khung de na/ dri za bye ba khrag khrig brgya stong dag gnas te/ de dag 'khor ba'i sdug bsngal bar mi 'gyur zhing bde ba dam pa dang ldan pa yin te/ lha'i dngos po dag 'byung bar 'gyur gyi/ 'dod chags can du mi 'gyur/ zhe sdang can du mi 'gyur/ khong khro ba'i sems mi skyed// de dag las gang la'ang gnod pa'i sems mi skye ste/ de dag dus thams cad du 'phags pa'i lam yan lag brgyad la gnas pa yin te/ dus thams cad du chos 'dod pa yin no// 'di lta ste/ sgrib pa thams cad rnam par sel ba/ gser zhes bya ba'i ba spu'i khung bu na/ snang ba zhes bya ba'i yid bzhin gyi nor bu rin po che yod de/ gang dang gang gi tshe dri za de dag bsam pa sems pa de'i tshe/ de dag gi bsam
- 278b
pa grub par 'gyur ro/ / de'i tshe gser zhes bya ba'i baspu'i khung bu las 'das nas/ nag po zhes bya ba'i ba sku'i khung bu de na/ drang srong bye ba khrag khrig brgya stong phrag du ma yod de/ la la ni mngon par shes pa gcig pa/ la la ni mngon par shes pa gnyis pa/ la la ni mngon par shes pa gsum pa/ la la ni mngon par shes pa bzhi pa/ la la ni mngon par shes pa lnga pa/ la la ni/ mngon par shes pa drug pa'o// ba spu'i khung bu de na dngul gyi sa gzhi la gser gyi ri/ dngul gyi rtse mo pad+mo dmar pos brgyan pa de 'dra ba'i ri bdun cu rtsa bdun yod de/ ri re re zhing yang drang srong brgyad khri gnas so/ / drang srong de dag gi shing dpag bsam ni 'di 'dra ste/ sdong po ni dmar po/ 'dab ma ni gser dang dngul las byas pa/ rin po cher snang ba'o// shing dpag bas ma re re dang nye ba na rdzing bu bzhi yod de/ la la ni chu yan lag brgyad dang ldan pas yongs su gang ba/ la la ni lha'i me tog gis yongs su gang ba'o// phyogs de dang nye ba na lha'i byu ru'i shing gis yong su mdzes par byas pa'i dpag bsam gyi shing dag snang ste/ lha'i rgyan dag ni 'phyang / cod pan dang rna cha dag kyang rab tu 'phyang / se mo do dang se mo de'i phyed pa dag kyang rab tu 'phyang / gdu bu dag kyang rab tu 'phyang ste/ lo ma ni rin po che dang gser las byas pa'o// de na shing dpag bsam re re zhing yang dri za brgya gnas te/ gang gi tshe de dag gis sil snyan dkrol ba de'i tshe/ ri dag
- 279a
dang bya dag kyang sems can 'di dag ni sdug bsngal te/ 'dzam bu'i gling na ji lta bu'i sdug bsngal dag myong bar gyur/ skye ba dang / rga ba dang / 'chi ba dag kyang mthong ngo // sdug cing mdza' ba dang mi mdza' ba las 'du ba dang bral bar yang mthong ngo // mi dag kyang sdug bsngal mang du myong ngo zhes skyo bar byed do// de ltar ri dgas dang bya dag stong pa'i rjes su bsams pa dang de'i tshe theg pa chen po'i mdo dkon mchog gi rgyal po za ma tog bkod pa rjes su dran nas de dag la lha'i ro'i ro mchog gi zas dag kyang 'byung bar 'gyur/ lha'i rdzas dri zhim po dag 'byung bar 'gyur/ lha'i gos dag kyang 'byung bar 'gyur/ gang gi tshe na de dag bsams pa sems pa de'i tshe/ bsam pa grub par 'gyur ro// de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to/ / bcom ldan 'das bdag ni shin tu ngo mtshar rmad du byung ba thob bo// bcom ldan 'das kyis bka' stsal pa/ rigs kyi bu ci'i phyir ngo mtshar bar gyur/ / de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to// bcom ldan 'das gang gi tshe theg pa chen po'i mdo dkon mchog gi rgyal po za ma tog bkod pa'i ming rjes su dran na/ de'i ming tsam gyis kyang 'di 'dra ba'i rdzas dag 'byung bar 'gyur na/ gang theg pa chen po'i mdo dkon mchog gi rgyal po za ma tog bkod pa nyan pa dang /
- 279b
'dzin pa dang / klog pa dang / kun chub par bgyid pa dang / tshul bzhin du yid la bgyis pa'i sems can de dag ni bde ba dang ldan pa lags so// gang theg pa chen po'i mdo za ma tog bkod pa las yi ge gcig kyang 'drir 'jug pa'i sems can de dag ni bde ba dang ldan pa lags te/ de dag ni 'khor ba'i sdug bsngal 'di dag 'byung bar mi 'gyur ro// de dag ni phyag dar dang / sme sha can gyi rigasu mi skye dbang po nyams par mi 'gyur/ 'theng po dang / gug pa dang / pus mo'i nang 'thab pa dang / lus po che dang / mdze can du mi 'gyur/ de dag gi lus la nad dag gis btab par mi 'gyur te/ nad me pa dang / mthu che ba dang / dbang po gsal bar 'gyur ro// de nas bcom ldan 'das kyis legs so zhes bya ba byin nas/ sgrib pa thams cad rnam par sel ba khyod 'di 'dra ba'i spobs pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'bye chen po dang / mi dang / mi ma yin pa dang / dge bsnyen dang / dge bsnyen ma 'dus pa la khyod kyis 'di 'dra ba'i chos kyi gtam rgya chen po byas pa legs so zhes gsungs so// de nas bcom ldan 'das la/ sgrib pa thams cad rnam par sel bas 'di skad ces gsol to/ / bcom ldan 'das gang gi tshe na bdag gis zhu ba 'di bstan pa de'i tshe/ lha'i bu rnams mi byed pa'i dad pa skyes par gyur to// de nas bcom ldan 'das kyis legs so zhes
- 280a
bya ba byin te/ rigs kyi bu khyod byi phyir zhing gsol ba legs so legs so// 'di lta ste/ sgrib pa thams cad rnam par sel ba baspu'i khung bu nag po 'das nas ba spu'i khung bu rin po che'i rna cha zhes bya ba de na/ dri za'i bu mo bye ba khrag khrig brgya stong phrag du ma dag gnas te/ dri za'i bu mo de dag kyang byad gzugs bzang ba/ mdzes pa/ blta na sdug pa/ kha dog shin tu bzang zhing rgyas pa dang ldan pa// lus lha'i rgyan gyis brgyan pa/ lha'i bu mo 'gran par byed pa dang 'dra ba/ de lta bur shin tu bzang yang 'dod chags kyi sdug bsngal gyis gzir bar mi 'gyur/ zhe sdang gi sdug bsngal gyis gzir bar mi 'gyur/ gti mug gi sdug bsngal gyis gzir bar mi 'gyur te/ de dag gi lus la mi'i sdug bsngal yang med de/ dri za'i bu mo de dag dus gsum du byang chub sems dpa' sems dpa' chen po spyan ras gzigs kyi dbang po'i mtshan nyid kyi rjes su dran par byed de// de che rdzas de dag thams cad 'byung ngo // de nas bcom ldan 'das la/ sgrib pa thams cad rnam par sel bas 'di skad ces gsol to// bcom ldan 'das bdag baspu'i khung bu de blta bar 'tshal gyis/ bdag der mchi'o// bcom ldan 'das kyis bka' stsal pa/ rigs kyi bu ba spu'i khung bu de ni gzung du mi rung ste/ ji ltar nam mkha'i khams gzung du mi rung /
- 280b
reg par mi rung ba de bzhin du/ rigs kyi bu ba spu'i khung bu de'ang gzung du mi rung / reg par mi rung ste/ byang chub sems dpa' sems dpa' chen po kun tu bzang po ba spu'i khung bu derer lo bcu gnyis su kun tu song yang / ba spu'i khung bu de ma mthong ste/ gang ba spu'i khung bu re re na gnas pa des kyang ma mthong nas/ byang chub sems dpar gyur pa gzhan dag gis lta ci smos/ de nas bcom ldan 'das la/ sgrib pa thams cad rnam par sel bas 'di skad ces gsol to// bcom ldan 'das gang gi tshe byang chub sems dpa' kun tu bzang pos kyang ma mthong na/ ci bdag mchi bar bgyi 'am/ rigs kyi bu nga ni g.yo med pa/ sgyu med pa/ phra ba nyid du snang ste/ bltar med pa/ gzugs med pa dang / gzugs che ba/ lag pa brgya stong pa mig bye ba brgya stong pa/ mgo bcu gcig pa/ rnal 'byor chen po/ rnal 'byor dam pa/ mya ngan las 'das pa'i sa la gnas pa/ sems pa med pa/ shes rab che ba srid pa las sgrol bar byed pa/ rigs kyi bu dbang po bltar mi snang ba/ ston pa la shes rab dang ldan pa dang / chos thams cad la grib mar gyur pa'o// de bzhin du rigs kyi bu byang chub sems dpa' sems dpa' chen po spyan ras gzigs kyi dbang po'ang sus kyang mi mthong ste/ de'i rang bzhin gyi lus ni de bzhin gshegs pa nyid kyis kyang mi gzigs na/ kun tu
- 281a
bzang po la sogs pa byang chub sems dpa' gzhan gyis lta ci smos/ rigs kyi bu byang chub sems dpa' sems dpa' chen po 'di ni cho 'phrul bsam gyis mi khyab pa dag bstan te/ sems can bye ba khrag khrig brgya phrag stong du ma dag yongs su smin par byed do// de dag thams cad byang chub kyi lam la 'jog go// bzhag nas bde ba can gyi 'jig rten gyi khams su 'gro zhing / de bzhin gshegs pa snang ba mtha' yas las chos nyan to// de nas bcom ldan 'das la/ sgrib pa thams cad rnam par sel bas 'di skad ces gsol to// bcom ldan 'das thabs gang gis na bdag gis mthong bar 'gyur/ bcom ldan 'das kyis bka' stsal pa/ rigs kyi bu gal te nga la blta ba dang / phyag bya ba dang / bsnyen bkur bya ba'i phyir mi mjed pa'i 'jig rten gyi khams 'di nyid du 'ong na'o/ / de nas bcom ldan 'das la// sgrib pa thams cad rnam par sel bas 'di skad ces gsol to// bcom ldan 'das byang chub sems dpa' sems dpa' chen bopo spyan ras gzigs kyi dbang po mchis par gnang bar mdzad cig/ bcom ldan 'das kyis bka' stsal pa/ rigs kyi bu gang gi tshe na/ sems can yongs su smin par 'gyur ba de'i tshe/ thog ma kho nar byang chub sems dpa' sems dpa' chen po spyan ras gzigs kyi dbang po 'ong ngo / / de nas byang chub sems dpa' sems dpa' chen po sgrib pa thams cad rnam par sel ba bdag sdig pa dang ldan zhing yun ring
- 281b
du gson la/ spyan ras gzigs kyi dbang po mthong ba dang bral zhing long bar 'gyur/ lam gsum du 'gro bar gyur pa lta ci rung snyam du sems shing 'dug go// de nas bcom ldan 'das la/ yang byang chub sems dpa' sgrib pa thams cad rnam par sel bas 'di skad ces gsol to/ / bcom ldan 'das byang chub sems dpa' sems dpa' chen po spyan ras gzigs kyi dbang po gang gi tshe na mchi/ de nas bcom ldan 'das bzhad nas rigs kyi bu byang chub sems dpa' sems dpa' chen po spyan ras gzigs kyi dbang po 'ong ba'i dus ma yin nam/ ma yin no// 'di lta ste/ rigs kyi bu ba spu'i khung bu de nas babs nas/ bdud rtsi zhes bya ba'i ba spu'i khung bu de na/ lha'i bu bye ba khrag khrig brgya stong du ma gnas te/ kha cig ni sa gcig pa/ kha cig ni sa gnyis pa/ kha cig ni sa gsum pa/ kha cig ni sa bzhi pa kha cig ni sa lnga pa/ kha cig ni sa drug pa/ kha cig ni sa bdun pa/ kha cig ni sa brgyad pa/ kha cig ni sa dgu pa/ kha cig ni byang chub sems dpa' sa bcu pa yin no// 'di lta ste/ sgrib pa thams cad rnam par sel ba bdud rtsi'i thigs pa'i ba spu'i khung bu de na gser dang dngul gyi ri drug cu yod de/ ri re re zhing yang 'phang du dpag tshad drug khri yod do// ri re re zhing yang rtse mo gser gyis brgyan pa dgu khri yod do/ / ngos ngos dag la ni byang chub sems dpa' sems dang po bskyed pa dag gnas so// ri'i rgyal po de dag la dri za bye ba khrag khrig brgya stong phrag du ma gnas te/ de dag pa spu'i
- 282a
khung bu de na rtag tu rgyun mi 'chad par sil snyan gyi sgra 'byin pa 'dzin to/ / 'di lta ste/ sgrib pa thams cad rnam par sel ba bdud rtsi'i thigs pa'i ba spu'i khung bu de na gzhal med khang brgya stong phrag du ma lha'i nor bu dang / mu tig gis yongs su brgyan pa/ shin tu mdzes pa/ blta na sdug pa/ rnam pa sna tshogs pa/ mu tig gi se mo do brgya stong gis brgyan pa dag yod do/ / byang chub sems dpa' de dag gzhal med khang der nga la sos nas chos kyi gtam byed do// de nas gzhal med khang nas byung nas bdag bdag gi 'chag sar 'gro ste/ 'chags re re zhing yang rdzing bu bdun cu bdun cu yod pa/ la la ni chu yan lag brgyad dang ldan pas yongs su gang ngo // la la ni me tog gis yongs su gang ste/ me tog ut+pa la dang / pad+ma dang / ku mu da dang puN+Da ri ka dang / dri zhim pa dang / man da ra ba chen po dag gis yongs su gang ngo // 'chag sa de dag na shing dpag bsam yid du 'ong ba sdong po ni dmar po/ lo ma ni gser dang dngul las byas pa/ lha'i rgyan gyis brgyan pa/ cod pan dang / rna cha dang / 'phreng ba'i chun po rab tu 'phyang ba dang / se mo do dang / se mo do phyed pa rab tu 'phyang ba/ dpung rgyan rab tu 'phyang ba/ gzhan yang / rgyan sna tshogs dag rab tu 'phyang ba yod do// 'chags de na byang chub sems dpa' de dag nub mo 'chag cing / theg pa chen po rnam pa sna tshogs kyi rjes su dran par byed/ mya ngan las 'das pa'i/
- 282b
sa'i rjes su sems par byed/ 'khor ba'i sdug bsngal kun la sems par byed do// bsams nas byams pa sgom ste/ sgrib pa thams cad rnam par sel ba de ltar ba spu'i khung bu de na de 'dra ba'i byang chub sems dpa' dag yod do/ / de las babs na rdo rje'i sgo zhes bya ba'i ba spu'i khung bu de na/ mi 'am ci brgya stong phrag du ma gnas pa/ mgul rgyan dang / rna cha dang / 'phreng ba dang / rgyan sna tshogs/ byug pa shin tu bzang ba dag snang ngo // de dag rtag tu sangs rgyas dang / chos dang / dge 'dun la mngon par dang / chos la sems rtse gcig par byed pa/ byams pa la gnas par byed pa/ bzod pa sgom par byed pa/ mya ngan las 'das pa sems par byed pa/ mi dag gis skyo bar byed pa ste/ rigs kyi bu de 'dra ba'i mi 'am ci mngon par dga' ba dag gnas so/ / ba spu'i khung bu de nyid na ri brgya phrag du ma yod de/ kha cig ni rdo rje'i 'o// kha cig ni dngul gyi'o// kha cig ni gser gyi'o// kha cig ni shel gyi'o// kha cig ni me tog pad+mo dmar po'i'o/ / kha cig ni rin po che an+d+ra nI la'i 'o// kha cig ni rin po che sna bdun gyi ste/ rigs kyi bu ba spu'i khung bu de na mtshan ma de 'dra ba dag snang ngo // rigs kyi bu ba spu'i khung bu de na shing dpag bsam du ma dang / byu ru'i shing dang / tsan dan gyi shing dang / spos kyi shing du ma dag dang / rdzing bu brgya stong phrag du ma dag dang / la'i gzhal med khang shel ba
- 283a
dngul dang ldan pa shin tu bzang ba/ yid du 'ong ba/ mdzes pa de 'dra ba'i gzhal med khang dag kyang byung ste/ gzhal med khang de dag tu mi'am ci rnams ngal bsog/ ngal bsos nas chos kyi gtam byed de/ 'di lta ste/ sbyin pa'i pha rol tu phyin pa'i gtam byed/ tshul khrims kyi pha rol tu phyin pa'i gtam byed/ bzod pa'i pha rol tu phyin pa'i gtam byed brtson 'grus kyi pha rol tu phyin pa'i gtam byed/ bsam gtan gyi pha rol tu phyin pa'i gtam byed/ shes rab kyi pha rol tu phyin pa'i gtam byed do// de ltar pha rol tu phyin pa drug gi gtam byas nas/ bdag bdag gi 'chag sar 'chag ste/ 'chags kha cig ni gser gyi ri'o// 'chag sa kha cig ni dngul gyi ri'o// 'chags de dag gi khor yug na dpag bsam gyi shing sdong po ni dmar po/ lo ma ni gser dang dngul las byas pa/ lha'i rgyan rab tu 'phyang ba/ cod pan dang / rna cha dang / 'phreng ba'i chun po rab tu 'phyang ba/ dpung rgyan rab tu 'phyang ba// rkang pa'i gdu bu rab tu 'phyang ba/ se mo do dang seso mo pyod pa rab tu 'phyang ba/ rin po che'i se mo do rab tu 'phyang ba dag yod de/ 'chag sa de na shing dpag bsam de dag khang pa rtseg ma lta bur 'dug ste/ 'chags de na mi 'am ci dag 'chag go// 'chag pa'i tshe 'khor ba la skyo ba'i rjes su sems te/ kye ma'o sdug bsngal lo// kye ma'o sdug bsngal lo// 'chi ba sdug bsngal lo// kye ma'o sdug bsngal lo// dbul ba de'ang sdug bsngal
- 283b
lo/ / kye ma'o sdug bsngal lo// 'dod cing mdza' ba dang bral ba dang / mi 'dod cing mi mdza' ba dang phrad pa de'ang shin tu mi zad par sdug bsngal lo// thig nag po gdab par skyes pa dang / 'o dod 'bod par skyes pa dang / ha ha zhes zer ba'i sems can dmyal ba chen por skyes pa dang / me'i rdza mar skyes pa dang / rdo rje'i ril skyes pa dang / yi dgas kyi grong khyer du skyes pa'i sems can de dag shin tu sdug bsngal lo zhes/ de ltar mi 'am ci de dag lus la sems so// bsams nas mya ngan las 'da' ba'i dbyings la sems te/ rigs kyi bu de ltar mi 'am ci chos la mngon par dga' ba dag rtag tu byang chub sems dpa' sems dpa' chen po spyan ras gzigs kyi dbang po'i ming rjes su dran par byed de/ de'i tshe de dag la yo byad thams cad kyis bsnyen bkur byed do// rigs kyi bu de lta bas na byang chub sems dpa' sems dpa' chen po spyan ras gzigs kyi dbang po ni dkon pa'o/ / sems can rnams kyi ba dang mar gyur pa'o// sems can thams cad la mi 'jig pa sbyin par byed pa'o// sem can thams cad la lam ston par byed pa'o/ / sems can thams cad la dge ba'i bshes gnyen du gyur pa ste/ rigs kyi bu byang chub sems dpa' sems dpa' chen po spyan ras gzigs kyi dbang po ni de lta bu'o/ / de'i ming 'dzin pa'ang dkon te/ de dag de'i yi ge drug pa'i rig sngags kyi ming gi rjes su dran na/ de'i tshe ba spu'i khung bu de dag tu skye'o// slar 'khor bar mi 'khor ro//
- 284a
ba spu'i khung bu nas ba spu'i khung bur 'gro'o// ba spu'i khung bu de dag na'ang mya ngan las 'da' ba'i sa tshol gyi bar du gnas par 'gyur ro// de nas bcom ldan 'das la/ sgrig pa thams cad rnam par sel bas 'di skad ces gsol to/ / bcom ldan 'das yi ge drug pa'i rig sngags ga las btsal bar bgyi/ bcom ldan 'das kyis bka' stsal pa/ rigs kyi bu yi ge drug pa'i rig sngags chen mo ni de bzhin gshegs pas kyang mi mkhyen na/ / byang chub sems dpa' lta ci smos/ de nas bcom ldan 'das la/ sgrib pa thams cad rnam par sel bas 'di skad ces gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dag gis kyang mi mkhyen tam/ bka' stsal pa/ rigs kyi bu yi ge drug pa'i rig sngags de ni byang chub sems dpa' sems dpa' chen po spyan ras gzigs kyi snying po dam pa'o/ / gang dag snying po dam pa shes pa de dag ni thar pa shes pa'o// de nas bcom ldan 'das la/ sgrib pa thams cad rnam par sel bas 'di skad ces gsol to/ / bcom ldan 'das sems can 'ga' la'ang yi ge drug pa'i rig sngags 'tshal ba mchis sam/ bcom ldan 'das kyis bka' stsal pa/ rigs kyi bu yi ge drug pa'i rig sngags chen mo ni sus kyang mi shes te/ 'di ni rnal 'byor dpag tu med pa'i phyir sgrub dka' ba'o// de bzhin gshegs pa nyid kyis kyang mi mkhyen na/ byang chub sems dpar gyur
- 284b
pas lta ci smos/ rigs kyi bu ya ga drug pa'i rig sngags 'di'i phyir/ de bzhin gshegs pa thams cad kyang bskal pa bcu drug tu kun tu gshegs pa na byang chub sems dpar gyur pas lta ci smos te/ ga la zhig shes/ 'di ni byang chub sems dpa' sems dpa' chen po spyan ras gzigs kyi dbang po'i snying po dam pa'o// 'gro ba'i dkyil 'khor na yongs su 'khyam yang yi ge drug pa'i rig sngags chen mo sus kyang mi shes so/ / gang yi ge drug pa'i rig sngags chen mo 'di rtag tu 'dzin cing zlos pa la brtson pa'i sems can dag ni bsod nams dang ldan pa yin no// de dag zlos pa byed pa'i tshe/ sangs rgyas bcom ldan 'das gang+gA'i klung gi bye ma snyed phrag dgu bcu rtsa dgu 'du bar 'gyur ro// byang chub sems dpa' rdul phra rab dang mnyam pa dag 'du bar 'gyur ro// pha rol tu phyin pa drug sgo na gnas par 'gyur ro/ / gzhan yang lha'i sde sum cu rtsa gnyis kyi lha'i bu dag 'du bar 'gyur ro// rgyal po chen po bzhi po dag kyang phyogs bzhi srung bar 'gyur ro// klu'i rgyal po rgya mtsho mching rnam dang / klu'i rgyal po ma dros pa dang klu'i rgyal po 'jog po la sogs te klu bye ba khrag khrig brgya stong phrag du mas yongs su srung bar byed do/ / gzhan yang sa bla'i gnod sbyin dag ni bla gab med par srung bar byed do// rigs kyi bu de'i ba spu'i khung bu re re la'ang de bzhin gshegs pa bye ba dag bzhugs so/ / bzhugs nas rigs kyi bu khyod 'di 'dra ba'i yid bzhin gyi nor bu rnyed par bya ba thob par gyur cing / khyod kyis rus kyi rigs bdun brgyud
- 285a
du thar par byas pa legs so legs so/ / rigs kyi bu khyod kyi ston srog chags gnas pa de dag thams cad kyang byang chub sems dpa' phyir mi ldog par 'gyur te/ legs sa zhes bya ba sbyin par mdzad do/ / yi ge drug pa'i rig sngags chen mo 'di la la zhig gi lus la 'chang na/ rigs kyi bu de'i lus ni rdo rje'i lus su rig par bya'o// ring bsrel gyi mchod rten du rig par bya'o// de bzhin gshegs pa'i ye shes bye bar rig par bya'o// rigs kyi bu 'am/ rigs kyi bu mo la la zhig yi ge drug pa'i rig sngags chen po 'di zlos par byed na de ni spobs pa mi zad par 'gyur ro// ye shes kyi phung po rnam par dag par 'gyur ro// byams pa chen po dang / snying rje chen po dang ldan par 'gyur ro// de nyi ma re re zhing yang pha rol tu phyin pa drug yongs su rdzogs par 'gyur ro// de rig 'dzin gyi 'khor los sgyur ba'i dbang thob par 'gyur ro/ / la la zhig la dbugs phyir 'byung ba dang / nang du rngub par byed na byams pas kyang rung // zhe sdang bas kyang rung ste/ de dag thams cad byang chub sems dpa' phyir mi ldog par 'gyur ro/ / bla na med pa yang dag par rdzogs pa'i byang chub kyang myur du mngon par rdzogs par 'tshang rgya bar 'gyur ro// la la zhig lag gis reg pas kyang reg par byed na/ de dag thams cad byang chub sems dpa' srid pa tha ma par 'gyur ro/ / bud med dang / skyes pa dang / khye'u dang / bu mo dag mthong ba tsam dang / ri dgas dang / bya dang / ba lang dang / bong bu la sog/
- 285b
pas kyang mthong nas/ de dag thams cad byang chub sems dpa' srid pa'i tha ma par 'gyur ro// skye ba dang / rga ba dang / na ba dang / 'chi ba dang / mdza' ba dang bral ba'i sdug bsngal med par 'gyur ro/ / rnal 'byor bsam gyis mi khyab pa dang ldan par 'gyur ro// de ltar yi ge drug pa'i rig sngags chen mo 'di zlos par byed na skul bar 'gyur ro// de nas bcom ldan 'das la/ sgrib pa thams cad rnam par sel bas 'di skad ces gsol to/ / bcom ldan pa da yi ge drug pa'i rig sngags chen mo rnal 'byor bsam gyis mi khyab pa dang / bsam gtan dpag tu ma mchis pa zil gyis gnon bar bgyid pa/ bla na med pa yang dag par rdzogs pa'i byang chub tu mya ngan las bda' ba ston par bgyid pa/ thar par 'jug par bgyid pa/ chos kyi mdzod yongs su gang bar bgyid pa 'khor ba rtsa ba nas 'byin par bgyid pa/ 'gro ba skems par bgyid pa/ sems can dmyal ba dang nyon mongs pa rnams 'joms par bgyid pa/ byol song gi skye gnas su gtogs pa rnams sgrol bar bgyid pa/ chos kyi ro myang bar bgyid pa/ thams cad mkhyen pa'i ye shes bshad pa bas ma 'tshal ba bdag gis ji ltar thob par bgyi/ bcom ldan 'das gang bdag la yi ge drug pa'i rig sngags srul ba de la/ 'dzam bu'i gling rin po che sna bdun gyis yongs su bkang ste dbul 'tshal lo// bcom ldan 'das gal te brir gro ba dang smyug gu ma mchis na/ bdag gi khrag las snag tshar gyis
- 286a
pags pa bshus te gro bar bgyis/ / rus pa bcom ste smyug gur bgyis kyang / bcom ldan 'das bdag gi lus la skyo ba ma mchis te/ de ni ba dang / ma dang / b+h+ra ma'i yang / bla mar 'gyur ro// de nas bcom ldan 'das kyis/ sgrib pa thams cad rnam par sel ba la 'di skad ces bka' stsal to// rigs kyi bu yi ge drug pa'i rig sngags 'di'i phyir/ 'jig rten gyi khams rdul phra rab dang mnyam par 'jig rten gyi khams su song bar nga dran te/ de bzhin gshegs pa bye ba khrag khrig brgya stong du ma la bsnyen bkur byas pas kyang de bzhin gshegs pa de dag yas ma mthong ma thos nas/ / de'i tshe de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ lha da mi rnams kyi ston pa sangs rgyas bcom ldan 'das dmar po'i mchog ces bya ba de'i spyan sngar ngas mchi ma phyung ba dang / de'i tshe de bzhin gshegs pa dgra bcom pa yang dag par rdzogs pa'i sangs rgyas kyis/ rigs kyi bu de ltar snying rje rje ltar mchi ma ma 'byin par/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas pad+ma dam pa zhes bya ba bzhugs te 'tsho zhing gzhes pa de/ yi ge drug pa'i rig sngags chen mo 'di mkhyen gyis song zhig ces bka' stsal nas/ rigs kyi bu de de bzhin gshegs pa pad+ma dam pa'i drung du song ngo //
- 286b
de bzhin gshegs pa pad+ma dam pa'i sangs rgyas kyi zhing gal ba der song ste byin nas/ bcom ldan 'das kyi zhabs la mgo bos phyag 'tshal te/ spyan sngar thal mo sbyar nas/ bcom ldan 'das/ yi ge drug pa'i rog sngags chen mo de'i ming gi rjes su dran pa tsam gyis sdig pa thams cad byang bar 'gyur ba/ byang chub sems dpa' rnyed par dka' ba thob par 'gyur ba thob par 'tshal lo// de'i slad du bdag 'jig rten gyi khams nyon mongs pa can du mar phyin te/ der mchis kyang don ma mchis pa'i tshogs su gyur to// de nas de bzhin gshegs pa pad+ma dam pa yi ge drug pa'i rig sngags chen mo 'di'i yon tan bsngags pa gsung ba/ rigs kyi bu 'di lta ste/ dper na ngas rdul phra rab kyi tshad ni gzung du nus kyi/ rigs kyi bu yi ge drug pa'i rig sngags chen mo ni lan cig bzlas pa'i bsod nams kyi phung po ni bgrang mi nus so/ / rigs kyi bu rgya mtsho mching rnam gyi bye ma ni re re nas bgrang nus kyi/ tshogs kyi bu yi ge drug pa'i rig sngags chen mo lan cig bzlas pa'i bsod nams kyi phung po ni bgrang mi nus so/ / rigs kyi bu 'di lta ste/ dper na skyes bu la la zhig gi khyim dpag tshad brgya tham par byas te/ 'phang dpag tshad lnga brgyar byas la/ de til gyi 'bras bus yongs su gang bar byed de/ de na khab tsam gyi bu ga'ang med la/ de'i sgor skyes bu mi rga mi 'chi ba zhig bzhag ste/ des bskal pa brgya 'das shing / til gyi 'bras bu cig phyir 'dor te/ rnam grangs des khyim gyi
- 287a
rmang dang gzhi yan chad zad cing med par 'gyur gyi/ rigs kyi bu yi ge drug pa'i rig sngags chen mo lan cig bzlas pa'i bsod nams kyi phung po ni bgrang mi nus so// rigs kyi bu 'di lta ste/ dper na gling bzhir so nam gyi las nas dang / gro dang / 'bras dang / rgya sran dang / bal sran la sogs pa dang / rgya shug dang / sran chung la sogs pa rnam pa sna tshogs pa byas te/ klu'i rgyal pos kyang der dus dus su char pa'i rgyun phab nas 'bru de dag grub pa dang smin cing smin cing brngas nas 'dzam bu'i gling du g.yul gcig byas la/ shing rta dang / khur dang / bam po dang / skon pas bskyas te/ g.yul de'i nang du bcug nas/ ba lang dang bong bu dag gis bcags te phung po chen por byas kyang / rigs kyi bu ngas 'brum bu re re nas bgrang nus kyi/ rigs kyi bu yi ge drug pa'i rog sngags chen po 'di lan cig bzlas pa'i bsod nams kyi phung po ni ngas bgrang mi nus so/ / rigs kyi bu 'di lta ste/ dper na chu bo chen po 'dzam bu'i gling du 'bab pa 'di lta ste/ sI tA dang gang+gA dang / ya mu nA dang / sin d+hu dang / pak+Sha dang / sha ta dru dang / tsan+d+ra b+hA gA dang / e rA ba ti dang / su mA ga d+hA dang / hi ma ka la dang / ko ta ba ri rnams chu bo re re zhing 'khor lnga brgya lnga brgya yod pa nyin mtshan du rgya mtsho mching rnam du ba'o'o/ / rigs kyi bu yi ge drug pa'i rig sngags chen po lan cig bzlas pa'i bsod nams kyi phung po'ang de bzhin du 'phel lo// de bas na chu bo chen
- 287b
po de dag ni ngas thigs pa re re nas bgrang nus kyi/ rigs kyi bu yi ge drug pa'i rig sngags chen mo lan cig bzlas pa'i bsod nams kyi phung po ni ngas bgrang mi nus so// rigs kyi bu 'di lta ste dper na rkang bzhi pa'i rigs pa lang dang / bong bu dang / ma he dang / rta dang / bal glang dang / khyi dang / wa dang / ra dang / phyugs de dag dang / de bzhin du seng ge dang / stag dang rta rag kha dang / ri dgas dang / spre'u dang / ri bong dang / phag la sogs pa dang / byi ba dang / byi la la sogs pa de dag gi sku ni ngas re re nas bgrang nus kyi/ yi ge drug pa'i rig sngags chen mo lan cig bzlas pa'i bsod nams kyi phung po ni ngas bgrang mi nus so/ / rigs kyi bu 'di lta ste/ dper na rdo rje'i lcags kyu zhes bya ba'i ri'i rgyal po 'phang du dpag tshad dgu khri dgu stong / 'og tu dpag tshad brgyad khri bzhi stong yod de/ ri'i rgyal po rdo rje'i lcags kyu de'i ngos re re zhing yang dpag tshad brgyad khri bzhi stong yod la/ ri'i rgyal po de'i ngos la skyes bu mi rgam 'chi ba zhig yod nas/ des bskal pa gcig 'das shing / yul ka shi ka nas byung ba'i gos kyis lan cig phyis te/ de lta byas kyang de zad cing dengs par 'gyur gyi/ yi ge drug po'i rig sngags chen mo lan cig bzlas pa'i bsod nams kyi phung po ni ngas bgrang mi nus so/ / rigs kyi bu 'di lta ste/ dper na rgya mtsho mching rnam chen po zabs su dpag tshad brgyad khri bzhi stong / zheng du rta rgod ma'i gdong gi mtha'i bar du dag
- 288a
tu med pa ngas skra'i rtse mo'i brgya'i chas thigs pa re re nas bgrang nus kyi/ rigs kyi bu yi ge drug pa'i rig sngags chen mo lan cig bzlas pa'i bsod nams kyi phung po ni ngas bgrang mi nus so/ / rigs kyi bu 'di lta ste/ dper na shing shIr Sha'i tshal gyi lo ma re re nas ngas bgrang nus kyi/ yi ge drug pa'i rog sngags chen mo'i bsod nams kyi phung po ni ngas bgrang mi nus so// rigs kyi bu 'di lta ste/ dper na gling chen po bzhi na gnas pa'i skyes pa dang / bud med dang / khye'u dang / bu mo de dag thams cad byang chub sems dpa' sa bdun pa la gnas par gyur na gang byang chub sems dpa' de dag gi bsod nams kyi phung po de bas/ yi ge drug pa'i rig sngags chen mo lan cig bzlas pa'i bsod nams kyi phung po shin tu che'o// rigs kyi bu 'di lta ste/ dper na zla ba bcu gnyis pa'i lo 'am/ zla ba lhag pa dang bgrangs pas zla ba bcu gsum gyis lo tshang bar gyur par nyin mtshan du char pa bab na/ rigs kyi bu ngas thigs pa re re nas bgrang nus kyi rigs kyi bu yi ge drug pa'i rig sngags chen mo lan cig bzlas pa'i bsod nams kyi phung po ni nges bgrang mi nus so/ / 'di lta ste/ rigs kyi bu mang du brjod mi dgos kyi de dang 'dra ba'i de bzhin gshegs pa bye ba gnas gcig tu lha'i bskal par na bza' dang / bshos dang / mal stan dang / na ba'i rkyen gyi sman gyi yo byad kyis gnas par byas te/
- 288b
bsnyen bkur thams cad byas kyang / de bzhin gshegs pa de dag gis yi ge drug pa'i rig sngags chen mo'i bsod nams kyi phung po bgrang mi nus na/ nga gcig pu 'jig rten gyi khams 'di ni gnas pas lta ci smos/ bsam gtan gyi gnas su ldang ba ni bsam gyis mi khyab ste/ rigs kyi bu nga ni dgon pa'i brtson pa la brtson par gyur pa ma yin/ byang chub sems dpa' sems dpa' chen po spyan ras gzigs kyi dbang po'i chos de'ang phra ba/ mi gsal ba/ chos ma 'ongs pa/ shin tu snying por gyur pa'i chos te/ de dge ba la gnas pa de bzhin du rigs kyi bu yi ge drug pa'i rig sngags chen mo'ang thabs mkhas pa'i rigs kyi bu ngas kyang 'jig rten gyi khams bye ba khrag khrig brgya stong phrag du mar 'khyam zhing song nas/ de bzhin gshegs pa snang mtha' yas kyi spyan sngar thal mo sbyar te/ chos kyi shugs kyis mchi ma byung ba de'i tshe/ de bzhin gshegs pa snang ba mtha' yas pas da ltar dang ma 'ongs pa mkhyen te des kyang rigs kyi bu yi ge drug pa'i rig sngags chen mo'i rig pa'i rgyal mo sgom pa'i brtson 'grus bya bar 'dod dam zhes bka' stsal nas/ bcom ldan 'das bdag 'tshal lo// bde bar gshegs pa bdag 'tshal te/ ji ltar skom gyis gdungs nas chab tshol ba de bzhin du/ bcom ldan 'das pa dag kyang yi ge drug pa'i rig sngags chen mo tshol du 'jig rten gyi khams su mchis te/
- 289a
de bzhin gshegs pa bye ba khrag khrig brgya stong du ma la bsnyen bkur bgyis kyang / gang las kyang yi ge drug pa'i rig sngags chen mo'i rgyal mo ma thob kyi/ bcom ldan 'das khyod ni mgon no/ / khyod ni skyabs so// rten no// dbang po nyams pa'i ni mag tu gyur cig/ lam stor ba'i ni lam du gyur cig/ nyi ma tsha bas tshig pa rnams kyi ni gdugs su gyur cig/ shul gyi bzhi mdo chen por ni shing sA la bzhin du gyur cig/ chos kyis yongs su skom pa la ni mtha' yas pa ston par gyur cig/ sems shin tu brtan pa'i ni go char gyur cig/ de nas de bzhin gshegs pa dgra bcom pa yang dag par rdzogs pa'i sangs rgyas snas mtha' yas kyis/ byang chub sems dpa' sems dpa' chen po spyan ras gzigs kyi dbang po la bya ka la bing ka'i dbyangs kyis bka' stsal pa/ rigs kyi bu ltos/ de bzhin gshegs pa dgra bcom pa yang dag par rdzogs pa'i sangs rgyas pad+ma'i mchog yi ge drug pa'i rig sngags chen mo'i phyir/ 'jig rten gyi khams bye ba khrag khrig brgya stong du mar gshegs kyi/ rigs kyi bu yi ge drug pa'i rig sngags chen mo rgyal mo gsol cig/ de bzhin gshegs par gyur bzhin du kun tu gshegs so// de nas bcom ldan 'das la/ byang chub sems dpa' spyan ras gzigs kyi dbang pos 'di skad ces gsol to// dkyil 'khor brgyad kyis 'di stsal bar bgyis te/ bcom ldan 'das ji ltar na me tog pad+ma lta
- 289b
bu'i phyag rgya 'dzin/ ji ltar na nor bu 'dzin pa'i phyag rgya rtogs par 'gyur/ ji ltar na rgyal po'i dbang po thams cad kyi phyag rgya rtogs par 'gyur/ ji ltar na dkyil 'khor yongs su dag pa rtogs par 'gyur zhe na/ dkyil 'khor gyi mtshan ma ni 'di dag lags te/ gru bzhi la khru lnga khor yug tsam du bgyis te/ dkyil 'khor gyi dbus su ni snang ba mtha' yas bri'o// de bzhin gshegs pa snang ba mtha' yas kyi sku la nor bu rin po che in+d+ra nI la'i phye ma dang / margad kyi phye ma dang / pad+ma rA ga'i phye ma dang / shel gyi bye ma dang / dngul gyi phye ma gtor bar bgyi'o// g.yas phyogs su ni byang chub sems dpa' nor bu rin po che 'dzin par bgyi'o/ / g.yon phyogs su ni yi ge drug pa'i rig sngags chen mo bgyis te/ phyag bzhi po kha dog 'dam bu'i mda' rgyu bzhin du dkar ba/ rgyan sna tshogs kyis brgyan pa phyag g.yon par pad+ma bgyi'o// pad+ma'i steng du nor bu bgyi'o// phyag g.yas par sngags kyi nor bu bgyi'o// phyag gnyis thal mo sbyar ba rgyal po'i dkyi 'khor thams cad kyi phyag rgya bgyi'o/ / yi ge drug pa'i rig sngags chen mo nga'i zhabs kyi 'og tu rig 'dzin bgyis te/ lag pa g.yas pa na ngog por thogs shing 'dug par bgyi'o// lag pa g.yon pa na rgyan rnam pa sna tshogs kyis gang ba'i skon bu thogs par bgyi'o/ / dkyil 'khor de'i grwa bzhir rgyal po chen po bgyi ste/ lag cha sna tshogs thogs par bgyi'o// dkyil 'khor de'i gru bzhir bum
- 290a
@ba gang ba nor bu rin po che sna tshogs thogs pa gzhag go/ / rigs kyi bu 'am/ rigs kyi bu mo gang la la zhig dkyil 'khor du 'jug par 'tshal na/ des rus chags kyi rgyud thams cad kyi ming bris la thog ma kho nar der ming de dag stsal bar bgyi ste/ de dag thams cad mi'i sdug bsngal thams cad spangs shing srid pa tham pa'i byang chub sems dpar 'gyur ro// bla na med pa yang dag par rdzogs pa'i byang chub kyang myur du mngon par rdzogs par 'tshang rgya bar 'gyur ro/ / de la slob dpon gyis gnas ma lags pa la stsal bar mi bgyi ste/ yang na ni dad pas mos pa la stsal bar bgyi'o// yang na ni theg pa chen po la dad pas mos pa dag la stsal bar bgyi'o// mu stegs can la stsal bar mi bgyi'o// de nas de bzhin gshegs pa dgra bcom pa yang dag par rdzogs pa'i sangs rgyas snang ba mtha' yas kyis/ byang chub sems dpa' sems dpa' chen po spyan ras gzigs kyi dbang po la 'di skad ces bka' stsal to// rigs kyi bu gal te nor bu rin po che an+d+ri nI la'i phye ma dang / maraka ta dang / gser dang / dngul gyi phye ma dang rigs kyi bu 'am/ rigs kyi bu mo dbul po la med do// bcom ldan 'das phye ma de dag tshon sna tshogs las sbyar zhing / me tog sna tshogs dang / bdug pa sna tshogs su bgyi'o/ / rigs kyi bu gal te yul gzhan du song ngam/ gnas dang thabs las babs pa dag la med do// de'i tshe slob dpon gyis yid la dkyil 'khor bgyis te slob dpon gyis phyag rgya'i
- 290b
mtshan ma bstan par bgyi'o/ / de nas de bzhin gshegs pa dgra bcom pa yang dag par rdzogs pa'i sangs rgyas pad+ma'i mchog gis/ byang chub sems dpa' sems dpa' chen po spyan ras gzigs kyi dbang po la 'di skad ces bka' stsal to/ / rigs kyi bu yi ge drug pa'i rig sngags chen mo rgyal mo nga la byin cig/ ngas sems can bye ba khrag khrig brgya stong du ma dag der 'khor ba las yongs su thar cing / myur du bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o// de nas de bzhin gshegs pa dgra bcom pa yang dag par rdzogs pa'i sangs rgyas pad+ma'i mchog la/ byang chub sems dpa' sems dpa' chen po spyan ras gzigs kyi dbang pos yi ge drug pa'i rig sngags 'di byin no// oM ma Ni pad+me hUM/ gang gi tshe na yi ge drug pa'i rig sngags chen mo 'di bton pa de'i tshe/ gleng bzhi dang lha'i gnas dang bcas te/ shing chu skyes kyi 'dab ma bzhin du 'gul lo// rgya mtsho mching rnam bzhi'ang 'khrugs so// bgegs dang bar chad byed pa thams cad kyang skrag go/ / gnod sbyin dang / srin po dang / nag po chen po bud med mang po dang bcas pa'ang bros so// de nas de bzhin gshegs pa pad+ma mchog gis bal glang gi sna dang 'dra ba'i dpung pa phyung nas byang chub sems dpa' sems dpa' chen po spyan ras gzigs kyi dbang po la mu tig gi se mo do rin brgya stong rib phul lo/ / des kyang blangs nas de bzhin gshegs pa dgra bcom pa yang dag par rdzogs pa'i sangs rgyas
- 291a
snang ba mtha' yas la phul lo/ / des kyang blangs nas de bzhin gshegs pa dgra bcom pa yang dag par rdzogs pa'i sangs rgyas pad+ma'i mchog la phul lo// de nas de banin gshegs pa dgra bcom pa yang dag par rdzogs pa'i sangs rgyas pad+ma'i mchog gis yi ge drug pa'i rig sngags chen mo 'di blangs nas 'jig rten gyi khams pad+ma ga la ba der gshegs so/ / rigs kyi bu de ltar ngas sngon de bzhin gshegs pa dgra bcom pa yang dag par rdzogs pa'i sangs rgyas pad+ma'i mchog las thos so/ / de nas bcom ldan 'das la/ sgrib pa thams cad rnam par sel bas 'di skad ces gsol to/ / bcom ldan 'das yi ge drug pa'i rig sngags chen mo rnal 'byor spyod pa dag gis ji ltar thob par bgyis/ bcom ldan 'das dper na bdud rtsi thob na ro myang bas chog ma 'tshal ba de bzhin du/ bcom ldan 'das bdag kyang yi ge drug pa'i rig sngags chen mo thos kyis chog ma 'tshal to// sems can gang dag yi ge drug pa'i rig sngags chen mo 'di 'dzub tu bgyid pa dang / nyan pa dang / sems pa dang / bsam pa lhag pas 'dzin pa de dag ni bsod nams dang ldan pa lags so// bka' stsal pa/ rigs kyi bu gang yi ge drug pa'i rig sngags chen mo 'di 'drir 'jug pa des na/ chos kyi phung po brgyad khri bzhi stong 'drir 'jug par 'gyur ro// de bzhin gshegs pa dgra bcom pa yang dag par rdzogs pa'i sangs rgyas rdul phra rab dang mnyam pa lha'i gser
- 291b
rin po che las byed cing / byas nas nyin gcig bzhin du ring basnrel bcug pa nga'i 'bras bu rnam par smin pa ni yi ge 'brum bu gcig gi 'bras bu rnam par smin pa tsam ste/ yon tan bsam gyis mi khyab bo/ / thar par shin tu gnas pa'o// rigs kyi bu 'am/ rigs kyi bu mo gang zhig yi ge drug pa'i rig sngags chen mo 'di zlos par byed pa de ni/ ting nge 'dzin 'di dag thob par 'gyur ro/ / 'di lta ste/ nor bu rin po che 'dzin ces bya ba'i ting nge 'dzin dang / sems can dmyal ba dang / byol song skems zhes bya ba'i ting nge 'dzin dang / rdo rje'i go cha zhes bya ba'i ting nge 'dzin dang rkang pa shin tu gnas pa zhes bya ba'i ting nge 'dzin dang / thabs mkhas pa thams cad ces bya ba'i ting nge 'dzin dang / 'thor ba zhes bya ba'i ting nge 'dzin dang / chos thams cad 'jug zhes bya ba'i ting nge 'dzin dang / bsam gtan gyi rgyan ces bya ba'i ting nge 'dzin dang / chos kyi shing rta la 'jug ces bya ba'i ting nge 'dzin dang / 'dod chags dang / zhe sdang las yongs su thar par byed ces bya ba'i ting nge 'dzin dang / mtha' yas be'u zhes bya ba'i ting nge 'dzin dang / pha rol tu phyin pa drug 'chad ces bya ba'i ting nge 'dzin dang / ri rab chen po 'dzin ces bya ba'i ting nge 'dzin dang // sems can srid pa las sgrol zhes bya ba'i ting nge 'dzin dang / sangs rgyas kyi zhing thams cad ston ces bya ba'i ting nge 'dzin dang // de bzhin gshegs pa thams cad gzigs zhes bya ba'i ting nge 'dzin dang /
- 292a
gnas shin tu gnas pa zhes bya ba'i ting nge 'dzin rnams te/ rigs kyi bu gang yi ge drug pa'i rig sngags chen mo'i rgyal mo 'di 'dzin pa ni de lta bu la sogs te/ ting nge brgya rtsa brgyad thob par 'gyur ro/ / de nas bcom ldan 'das la/ sgrib pa thams cad rnam par sel bas 'di skad ces gsol to// bcom ldan 'das bdag gang du mchi bar bgyi/ yi ge drug pa'i rig sngags chen mo gang du 'thob par 'gyur/ rigs kyi bu yul 'khor mor 'dzag pa'i grong khyer chen po na/ gang yi ge drug pa'i rig sngags chen mo 'di 'dzin par byed/ klog par byed/ tshul bzhin du yod la byed pa'i chos smra ba yod do// bcom ldan 'das yul 'khor mor 'jig gi grong khyer chen por chos smra ba de la blta ba dang / phyag bgyi ba dang / bsnyen bkur bgyi ba'i slad du bdag mchi'o/ / legs so legs so// rigs kyi bu de ltar gyis shig/ gang yi ge drug pa'i rig sngags chen mo 'di 'dzin pa'i chos smra ba de dag ni dkon pa'o// chos smra ba de dag ni de bzhin gshegs pa dang mnyam par blta bar bya'o/ / 'gro ba'i bsod nams kyi 'gram dang 'dra bar blta bar bya'o// phung po bzhin du blta bar bya'o// phyin ci ma log par gsung ba bzhin du blta bar bya'o// rin po che'i phung po bzhin du blta bya'o// dam pa sbyin par byed pa'i yid bzhin gyi nor bu bzhin du blta bar bya'o// chos kyi mdzod bzhin du blta bar bya'o// 'gro ba sgrol bar byed pa bzhin du blta bar bya'o//
- 292b
rigs kyi bu chos smra bar byed pa mthong nas the tsom mi skye bar bya'o// rigs kyi bu khyod byang chub sems dpa'i sa nas 'phos shing ngan song du skyes sa re/ chos smra ba de ni tshul khrims nyams pa spyod pa nyams pa/ chung ma dang / bu dang / bu mos yongs su bskor ba/ ngur smrig kyang bshang ba dang gci bas yongs su gang ba/ spyod lam ma bsdams pa yin no// de nas bcom ldan 'das la/ sgrib pa thams cad rnam par sel bas 'di skad ces gsol to// bcom ldan 'das kyis bka' stsal pa bzhin du 'tshal lo// de nas byang chub sems dpa' sems dpa' chen po sgrib pa thams cad rnam par sel ba byang chub sems dpa' khyim pa dang / rab tu byung ba dang / khye'u dang / bu mo brgya stong phrag du mas yongs su bskor te song nas/ chos smra ba de la mchod pa las bya ba'i phyir lha'i gdugs dang / lha'i lham dang / cod pan dang / rnam dang / 'greng ba'i chun po dang / dpung rgyan dang / sa mo do phyed pa drug pa nas 'phyang ba dang / snyun gyi gang rgyan sor gdub kyi rnam pa dang / gzhan yang gos rnam pa sna tshogs brgya'i bral nas byung ba dang / rig 'dzin gyis bskul ba dang / yul shig nas byung ba'i gos dang / mas bkru bachigs dang / gzhan yang me tog rnam pa sna tshogs pa 'di lta ste/ me tig ut+pa la dang / ku mu da dang / puHri ka dang / mnad ra ba dang / man+da rab chen po dang / many+dzu sha ka chen po dang / u dum+ba ra dang / gzhan
- 293a
yang shing gi me tog rnam pa sna tshogs tsam pa ka dang / ka ra bIr dang / pA TA la dang / a ti muk+Sha dang / bA ra Shi ka dang / kun ta d+hAShita dang / su ma na dang / bi mA na ka la sogs pa dang / 'dab ma brgya pa ngur bas mdzes par byas pa/ bya sha ri ka dag mos par byas pa/ sngon po dang / ser po dang / dmar po dang / dkar po dang / shel gyi kha dog dag dang gzhan yang 'bras bu dang / me tog gi rnam pa dag khyer nas/ yul 'khor mor 'jig gi grong khyer chen po ga la ba der song ste/ mthar gyis 'khor mor 'jig gi grong khyer chen por phyin pa dang / chos smra ba ga la ba der song ste byin nas/ rkang pa la mgo bos phyag 'tshal te// de nas tshul khrims nyams pa/ spyod pa nyams pa/ spyod lam ma bsdams pa mthong nas/ gdugs dang / lham de dag dang / gos dang / rgyan dang / dri dang / byug pa dag gis mchod pa byas nas/ chos smra ba de'i mdun du thal mo sbyar te/ kye ma'o chos kyi gter myong bar mdzad pa/ bdud rtsi'i ka ter stsal pa lta bu/ rgya mtsho dang mnyam pa khyod la dpag mi nus so/ / mir gyur pa thams cad kyi snod du gyur pa'o// lha dang / klu dang / gnod sbyin dang / lha ma yin dang / nam mkha' lding dang / mi 'am ci dang lto 'phye chen po dang / mi dang / mi ma yin pa dag khyod las chos nyan te/ khyod las chos mnyan pa'i tshe thams cad 'dri bar bgyid do// khyod ni rdo rje chen po dang mnyam pa'i chos kyi rnam grangs
- 293b
mdzad do/ / sems can 'khor ba'i bcing bas bcings pa mang po dag yongs su thar par mdzad do// sems can gang khor mor 'jig gi grong khyer chen po naganas shing rtag tu yong su sdud par mthong ba de dag ni bsod nams dang ldan pa lags so/ / mthong ma thag tu sdig pa thams cad 'phrog par mdzad pa/ dper na mes nags kyi 'dab ma myur du tshig par bgyid pa de bzhin du khyod mthong ma thag tu sdig pa thams cad 'phrog par mdzad do/ / de bzhin gshegs pa dgra bcom pa yang dag par rdzogs pa'i sangs rgyas rnams kyis kyang mkhyen to// gzhan yang byang chub sems dpa' bye ba khrag khrig brgya stong phrag du ma dang tshangs pa dang / 'jug sred dang / dbang phyug chen po dang / nyi ma dang / zla ba dang / rlung gi lha dang / chu'i lha dang / me'i lha dang / chos kyi rgyal po gshin rje dang / rgyal po chen po bzhi dag kyang khyod la mchod pa'i las bya ba'i phyir mchi'o/ / de nas chos smra ba des// de la 'di skad ces smras so// rigs kyi bu khyod 'gyod pa ma skyed cig/ grogs po nyon mongs pa ni sbags pa'o// spyod pago/ 'khor ba'i mtshan ma'o// skye dgu'i 'khor skyed par byed pa'o// gang yi ge drug pa'i rig sngags chen mo shes pa de ni 'dod chags dang / zhe sdang dang / gti mug gis mi gos te/ dper na 'dzam bu'i chu bo'i gser dri mas mi gos pa de bzhin du/ rigs kyi bu gang gis lus la yi ge drug pa'i rig sngags kyi rgyal mo chen mo thogs pa de'i lus la 'dod chags dang / zhe sdang dang
- 294a
gti mug gis mi gos so/ / de nas sgrib pa thams cad rnam par sel byas rkang pa la dam du bzung ste 'di skad ces gsol to// dbang po nyams pa'i mig tu gyur cig lam stor ba la lam ston par mdzod cig/ bdag chos kyis skom pa la chos kyi ros ngoms par mdzod cig/ bdag la bla na med pa yang dag par rdzogs pa'i byang chub kyi sa bon stsol cig/ chos kyi skabs dang / shin tu gnas pa'i tshul gyi gnas yongs su dag pa stsol cig/ mi phyed pa'i dge ba thob pa'o zhes 'gro ba thams cad mchi'o// tshig snyan pa bla mas bdag la yi ge drug pa'i rig sngags chen mo stsol cig/ des bdag bla na med pa yang dag par rdzogs pa'i byang chub tu myur du mngon par rdzogs par 'tshang rgya bar bgyi'o// chos kyi 'khor lo rnam pa bcu gnyis bskor bar bgyi'o// sems can thams cad 'khor ba'i sdug bsngal las yongs su thar par bgyi'o// sngon ma thos pa'i chos thos par bgyi'o// yi ge drug pa'i rig sngags chen mo'i rgyal mo 'thob pa thob par bgyi/ yi ge drug pa'i rig sngags chen mo'i rgyal mo bdag la stsol cig/ mgon dang / skyabs dang / rten du gyur cig/ gnas ma mchis pa rnams kyi gnas su gyur cig/ de nas chos smra ba des/ de la 'di skad ces smras so// yi ge drug pa'i rig sngags chen mo'i rgyal mo ni dkon pa'i tshig ste/ 'di ni rdo rje'i tshig go// 'di ni rdo rje mi byed pa'i tshig go// bla na med pa'i ye shes kyi
- 294b
tshig go/ / mi zad pa ye shes kyi tshig go// lhag ma med pa'i tshig go// thar par 'jug par byed pa'i tshig go/ de bzhin gshegs pa'i ye shes rnam par dag pa'i tshig go// 'dod chags dang / zhe sdang dang / gti mug dang / 'khor ba'i sdug bsngal yongs su spong ba'i tshig go// thabs mkhas pa thams cad kyi tshig go// bsam gtan dang / rnam par thar pa dang / ting nge 'dzin dang / snyoms par gzhog pa'i tshig go// chos thams cad la 'jug par byed pa'i tshig go// rtag tu lha rnams 'dod par byed pa'i tshig go// rigs kyi bu gang thar par 'dod pa gnas sna tshogs su rab tu 'byung ba/ bgo ba sna tshogs su rab tu 'byung ba 'di lta ste/ dbang po'i bgo ba dang / dkar po'i bgo ba dang / brten pa'i bgo ba ste/ nyi ma brtags nas dbang phyug chen po la rab tu 'byung ngo / / 'jug sred dang / nam mkha' lding dang / gcer bu pa dang / ri mi dang / gnas de rab tu 'byung ste/ de dag la'ang thar par mi byed do// mgon kyang ma yin/ brtul zhugs can yang ma yin no/ / lha mang po dang / tshangs pa dang / 'jug sred dang / dbang phyug chen po dang / brgya byin lha'i dbang po dang / nyi ma dang / zla ba dang / rlung gi lha dang / rgya lha dang / me'i lnga dang // chos kyi rgyal po gshin rje dang / rgyal po chen po bzhi dag rtag tu yi ge drug pa'i rig sngags kyi rgyal mo chen mo slong ngo // de dag yi ge drug pa'i rig sngags kyi rgyal
- 295a
mo chen mo ji ltar bslang bar bgyi/ bcom ldan 'das ji ltar na yi ge drug pa'i rig sngags kyi rgyal mo chen mo bdag cag gis thos par 'gyur/ thar pa la gzhol bar 'gyur/ sgrib pa thams cad rnam par sel ba 'di lta ste/ dper na shes rab kyi pha rol tu phyin pa ni de bzhin gshegs pa thams cad skyed par grags pa ste/ de'ang thal mo sbyar nas yi ge drug pa'i rig sngags kyi rgyal mo chen mo la phyag 'tshal na/ de bzhin gshegs pa dgra bcom pa yang dag par rdzogs pa'i sangs rgyas byang chub sems dpa' mang po dang bcas pa lta ci smos// rigs kyi bu 'di ni 'bras lta bur snying por gyur pa yin te/ rigs kyi bu 'di la cung zad bzlas pas kyang theg pa chen po'i rnam pa mang po mdo dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / rtogs pa brjod pa dang / 'di lta bu 'das pa dang / skyes pa'i rabs dang / shin tu rgyas pa dang / chos rmad du byung ba dang / gtan la bab pa bstan pa dang / zhi ba dang / thar pa'ang thob par 'gyur ro// mang du bshad ci dgos te/ gzhan ma byed cing / sa'i nang du gtogs pa la snying por 'dzin pa ci yin zhe na/ de ltar 'bras ni snying por 'dzin te/ khyer nas bdag gi khyim du snod rnams yongs su bkang ste 'jog go// bzhag nas nyi ma'i tshul bzhin du nyi ma tsha ba la skems so// bskams nas gtun la brdungs shing dub ma rnams
- 295b
sel to/ / de'i snying po ni 'bras rme'u yin no zhes de ltar 'jog ste/ de bzhin du rnal 'byor gzhan dag phub ma dang 'dra'o// rnal 'byor thams cad kyi nang na/ yi ge drug pa'i rig sngags kyi rgyal mo chen mo 'di ni 'bras rme'ur gyur pa'o/ / rigs kyi bu de'i phyir byang chub sems dpa' sbyin pa'i pha rol tu phyin pa'i phyir/ tshul khrims kyi pha rol tu phyin pa'i phyir/ bzod pa'i pha rol tu phyin pa'i phyir/ brtson 'grus kyi pha rol tu phyin pa'i phyir/ bsam gtan gyi pha rol tu phyin pa'i phyir/ shes rab kyi pha rol tu phyin pa'i phyir tshegs 'byin to// rigs kyi bus bzlas pa gcig byas pas/ rol tu phyin pa drug yongs su rdzogs par 'gyur ro// la la zhig gis lag pas reg pas reg na de dag kyang phyir mi ldog pa'i sa 'thob par 'gyur ro// rigs kyi bu yi ge drug pa'i rig sngags chen mo'i rgyal mo 'di yang de lta bu ste/ / de'i ming 'dzin pa'ang dkon no// ming lan cig bzung na/ de bzhin gshegs pa thams cad la na bza' dang / bshos dang / mal stan dang / na ba'i rkyen gyi sman gyi yo byad dang / yo byad thams cad kyis bkur sti byas par 'gyur ro// de nas chos smra ba de la/ sgrib pa thams cad rnam par sel bas 'di skad ces smras so// yi ge drug pa'i rig sngags kyi rgyal mo chen mo bdag la stsol cig/ de nas chos kyi mkhan po de sems shing 'dug pa las// de la nam mkha' las yi ge drug pa'i rig sngags kyi rgyal mo chen mo byin cig ces sgra byung ngo // de nas
- 296a
@chos smra ba de sgra ga las byung zhes bsams pa dang / de nas yang nam mkha' las byang chub sems dpa' 'dis dka' ba spyod pa du ma la brtson par byas kyis/ yi ge drug pa'i rig sngags kyi rgyal mo chen mo byin ces sgra byung ngo / / de nas chos smra ba des nam mkha' la bltas pa dang / 'dam bu'i mda' bzhin du kha dog dkar ba/ ral pa'i cod pan 'chang ba/ thams cad mkhyen pa mgo la bzhag pa/ lag na me tog pad+ma bzang po thogs pa/ pad+ma'i dpal gyis brgyan pa// de 'dra ba'i gzugs mthong nas/ byang chub sems dpa' sgrib pa thams cad rnam par sel ba la/ rigs kyi bu byang chub sems dpa' sems dpa' chen po spyan ras gzigs kyi dbang pos yi ge drug pa'i rig sngags kyi rgyal mo chen mo khyod la sbyin par gnang ngo zhes smras pa dang / gus shing thal mo sbyar te len par rtsom mo// oM ma Ni pad+me hUM/ 'di byin ma thag tu sa rnam pa drug tu g.yos so// ting nge 'dzin 'di dag kyang sgrib pa thams cad rnam par sel bas thob ste/ mi zad pa'i chos nyid ces bya ba'i ting nge 'dzin dang / byams pa dang / snying rje dang / dga' ba zhes bya ba'i ting nge 'dzin dang / rnal 'byor spyod ces bya ba'i ting nge 'dzin dang / thar pa la 'jug par 'jog ces bya paba'i ting nge 'dzin dang / thams cad snang bar byed ces bya ba'i ting nge 'dzin dang / bkod pa'i rgyal po zhes bya ba'i ting nge 'dzin dang / chos 'dzin pa zhes bya ba'i ting nge 'dzin dang / ting nge 'dzin
- 296b
dag thob bo/ / byang chub sems dpa' sems dpa' chen po sgrib pa thams cad rnam par sel bas blangs ma thag tu/ mkhan po la yon du gling bzhi rin po che sna bdun gyis yongs su gang ba 'bul bar rtsom pa dang / de nas chos kyi mkhan po des/ de la 'di skad ces smras so// yi ge gcig gi yon du'ang med na/ yi ge drug pa'i rog sngags chen mo'i lta ci smos/ rigs kyi bu nga ni khyod la len pa'ang med do/ / khyod kyang byang chub sems dpar gyur pa ste/ khyod ni 'phags pa yin gyi/ ma 'phags pa ma yin/ rigs kyi bu khyod ni nges 'dul ba yin no// des de la mu tig gi 'phreng ba rin brgya stong ri ba phul ba dang / des smras pa// rigs kyi bu nga'i tshig gis de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phul cig/ de nas sgrib pa thams cad rnam par sel ba chos smra ba de'i rkang pa la mgo bos phyag 'tshal te song ngo / / rnyed par bya ba rnyed cing bsam pa yongs su rdzogs nas/ 'dze ta'i tshal gyi gtsug lag khang ga la ba der song ste phyin pa dang / bcom ldan 'das shAkya thub pa'i zhabs la phyag 'tshal nas/ phyogs gcig tu 'dug go// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ de la 'di skad ces bka' stsal to// rigs kyi budu khyod kyis rnyed pa rnyed dam/ bcom ldan 'das de bzhin te/ ji ltar bcom ldan 'das kyis mkhyen pa bzhin no// de nas yang dag
- 297a
par rdzogs pa'i sangs rgyas bye ba phrag bdun cu rtsa bdun tshogs te/ de bzhin gshegs pa de dag gis gzungs sngags 'di gsungs so// na maHsar+b+ba ta thA ga tutA nan/ sar+b+ba bud+d+ha ko nI nan/ tad+ya thA/ oM tsa le tsu le/ tsun+de swA hA/ gzungs sngags 'di ni yang dag par rdzogs pa'i sangs rgyas bye ba phrag bdun cu rtsa bdun gyis gsungs so// ba spu'i khung bu de 'das nas/ nyi ma'i 'od ces bya ba'i ba spu'i khung bu de na/ byang chub sems dpa' bye ba khrag khrig brgya stong du ma gnas te/ nyi ma'i 'od ces bya ba'i ba spu'i khung bu de na/ gser gyi ri khri yod de/ ri re re zhing yang rtse mo nyi khri nyis stong yod la/ ri de'i ngos ni rin po che pad+ma rA gas brgyan pa/ ngos re re zhing yang lha'i nor bu rin po che skyed mos tshal shin tu mdzes pa/ shin tu dga' bar byed pa/ rnam pa sna tshogs la lha'i rdzing bus brgyan pa/ khang pa rtseg ma brgya phrag stong du ma ni lha'i gser dang rin po che las byas shing / mu tig dang dar gyi lnga ldi ni bres/ mu tig gi se mo do brgya dag ni 'phyang ngo // khang pa rtseg ma de'i nang na'ang nor bu rin po che shA ri da ka yod pa ni/ byang chub sems dpa' de dag la yo byad thams cad kyis bsnyen bkur byed do// de'i tshe byang chub sems dpa' de dag khang brtseg ma der 'gro'o/ / der song nas kyang yi ge drug pa'i rig sngags kyang rjes su dran no// gang gi tshe na rjes su dran pa de'i tshe/ mya ngan las 'da' ba rtogs par 'gyur ro// mya ngan las 'das
- 297b
ba'i sa de la de bzhin gshegs pa bdun mthong ngo / / byang chub sems dpa' sems dpa' chen po spyan ras gzigs kyi dbang po de'ang mthong ngo // mthong nas kyang sems dad pa bskyed nas de'i tshe/ byang chub sems dpa' de dag khang pa rtseg ma de nas 'byung ngo // byung nas kha cig ni 'chag sar 'gro'o// kha cig ni yid bzhin gyi nor bu rin po che skyed mos tshal du 'gro'o// kha cig ni rdzing bu dag tu 'gro'o// kha cig ni nor bu rin po che pad+ma rA gi'i ngos la 'gro'o// dong nas skyil mo krung bcas/ lus drang por bsrangs te/ dran pa mngon par bzhag nas 'khod do// rigs kyi bu ba spu'i khung bu de na byang chub sems dpa' de lta bu dag gnas so// rigs kyi bu de 'das nas dbang po'i rgyal po zhes bya ba'i ba spu'i khung bu de na byang chub sems dpa' phyir mi ldog pa brgya phrag du ma dag gnas te/ dbang po'i ba spu'i khung bu de na lha'i gser gyi ri brgyad khri yod do// ri de dag gi dbus na nor bu rin po che me tog pad+ma ltar snang ba zhes bya ba zhig yod de/ gang gi tshe byang chub sems dpa' de dag sems par gyur pa de'i tshe/ de dag gi bsam pa 'grub par 'gyur ro// de ltar byang chub sems dpa' de dag ri'i rgyal po de na gnas shing / zas dang skom gyi dran pa mi sgom mo// / de dag 'khor ba'i sdug bsngal gyis gzir bar yang mi 'gyur ro// de dag 'khor ba'i sdug bsngal gyis gos par yang mi 'gyur ro// dus thams cad du mya ngan las 'da' ba la sems shing gnas
- 298a
kyi/ de dag gi lus la gzhan sems pa med do// rigs kyi bu de 'das nas sman chen po zhes bya ba'i ba spu'i khung bu de na byang chub sems dpa' sems thog ma bskyed pa bye ba khrag khrig brgya phrag stong du ma gnas so/ / rigs kyi bu ba spu'i khung bu de na ri dgu khri yod de/ la la ni rdo rje'i ri la la ni dngul gyi'o// la la ni gser gyi'o// la la ni nor bu rin po che in+d+ra nI la'i 'o/ / la la ni pad+ma rA ga'o// la la ni marga ta'i 'o// la la ni shel gyi'o// ri'i rgyal po de lta bu dag yod de/ ri re re zhing rtse mo brgyad khri yod de/ rin po che sna tshogs kyis brgyan pa/ shin tu mdzes par byas pa/ rnam pa sna tshogs pa/ yid du 'ong ba/ dge ba/ rtse mo dag la dri za dag gnas te/ de dag dus thams cad du ba spu'i khung bu nas sim snyan 'byung ba 'dzin to/ / gang sems thog ma bskyed pa'i byang chub sems dpa' de dag kyang stong pa nyid dang / mtshan ma med pa la sems te/ kye ma'o sdug bsngal lo// skye ba dang / rga ba dang / 'chi ba sdug bsngal lo// sdug cing mdza' ba dang bral zhing / mi sdug cing mi mdza' ba dang phrad pa ni sdug bsngal lo// bstir med par skyes pa ni sdug bsngal lo// thig nag po 'debs par skyes pa ni sdug bsngal lo/ / sems can yi dgas kyi grong khyer du skyes pa rnams ni sdug bsngal lo zhes/ de lta bu lus la skye ba bsam nas/ de'i tshe skyil mo krung bcas te/ lus drang por bsrangs nas/
- 298b
dran pa mngon par bzhag ste ri de dag la gnas so// rigs kyi bu de 'das nas sna tshogs kyi rgyal po zhes bya ba'i ba spu'i khung bu de na rang sangs rgyas bye ba khrag khrig brgya phrag stong du ma gnas te/ de dag ni 'bar ba dang / gdung ba dang / char 'bebs pa dang / glog gtong ba'i cho 'phrul dag byed de/ ba spu'i khung bu de na ri'i rgyal po brgya phrag stong dag yod do// ri'i rgyal po de dag thams cad kyang rin po che sna bdun las byas pa'o/ / ri'i rgyal po dag la shing dpag bsam rnam pa sna tshogs par yod de/ sdong po ni dmar po/ lo ma ni gser dang dngul las byas pa'o// rin po che rnam pa du ma dang / rgyan rnam pa sna tshogs pa dag ni 'phyang ngo // cod pan dang / rna cha dang / 'phreng ba'i chun po dang / dpung rgyan dang / se mo do dang / se mo de'i byed pa dag kyang rab tu 'phyang ngo // yul ka shi ka nas byung ba'i gos dag kyang rab tu 'phyang ngo / / gser dang dngul gyi dril bu dag kyang sgra sil sil grags te/ de 'dra ba'i ri'i rgyal po de dag la rang sangs rgyas de dag gnas te/ mdo dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / rtogs pa brjod pa dang / de lta bu 'das pa dang / skyes pa'i rab dang / shin tu rgyas pa dang / chos rmad du byung ba dang / chos gtan la bab pa bstan pa'i gtam rnam pa du ma dag phan tshun du smra ste/ de'i tshe sgrib pa thams cad rnam par sel ba ba spu'i khung bu de 'das nas thams cad kyi
- 299a
tha ma na/ ba spu'i khung bu rgyal mtshan gyi rgyal po zhes bya ba zhig yod de/ ba spu'i khung bu de na'ang dpag tshad brgyad khri bzhi stong yod do// ba spu'i khung bu de na ri brgyad khri bzhi stong yod de/ rin po che sna tshogs kyis brgyan pa/ yid du 'ob pa rnam pa sna tshogs pa'o// ri'i rgyal po de la shing dpag pas ma brgya phrag stong du ma yod do// tsan dan gyi shing brgya phrag stong du ma yod/ byA ri'i shing brgya phrag stong du ma dag yod de/ ba spu'i khung bu de nas ni rdo rje las byas pa'o// ba spu'i khung bu de na gser dang rin po che las byas pa'i khang pa rtseg ma dgu khri dgu stong yod de/ mu tig dang ngar gyi lnga ldi ni bres/ mu tig gi se mo do ni sbyangs/ dril bu'i 'phreng ba ni sbyangs/ zla ba bzhin du bzang ba'i rin po ches ni snang bar byas te/ khang pa rtseg ma de na gser gyi skas rin po ches yongs su spras pa/ rnam pa sna tshogs pa dga' bar byed pa dag kyang yod do// khang ma rtseg ma de na de bzhin gshegs pa'i sku 'dzam bu'i gling du mngon par phyogs shing chos 'chad pa'ang bzhugs te/ 'di lta ste/ pha rol tu phyin pa drug bstan par mdzad de/ 'di lta ste/ sbyin pa'i pha rol tu phyin pa bstan pa ston par mdzad// tshul khrims kyi pha rol tu phyin pa bstan pa ston par mdzad/ bzod pa'i pha rol tu phyin pa bstan pa ston par mdzad/ brtson 'grus kyi pha rol tu phyin pa bstan pa ston par mdzad/ bsam gtan gyi pha rol tu phyin pa bstan pa ston par mdzad/ shes rab kyi pha rol tu phyin pa bstan pa ston par mdzad de/
- 299b
de ltar de dag 'dzam bu'i gling na gnas pa'i mi rnams la chos rnam pa sna tshogs dag dus su 'chad do// de ltar rigs kyi bu de dag gis byang chub sems dpa' sems dpa' chen po spyan ras gzigs kyi dbang po'i ba spu'i khung bu de dag 'dze ta'i tshal gyi gtsug lag khang du phyin pa'i lha dang / klu dang / gnod sbyin dang / lha ma yin dang / nam mkha' lding dang mi 'am ci dang / mi ma yin pa dag dang / dbang phyug chen po dang / mthu bo che la sogs te/ lha'i bu tshogs pa dag dang / byang chub sems dpa' bye ba khrag khrig brgya phrag stong du ma dag gis mthong ngo / / de nas bcom ldan 'das la/ sgrib pa thams cad rnam par sel bas 'di skad ces gsol to// bcom ldan 'das pa spu'i khung bu gzhan dag mchis sam ma mchis/ / bcom ldan 'das kyis bka' stsal pa/ rigs kyi bu de 'das nas byang chub sems dpa' sems dpa' chen po spyan ras gzigs kyi dbang po'i rkang pa g.yas pa'i mthe bong de las mtsho chen bani byung ste/ gting dpag mi nus so// gang gi tshen rkang pa g.yas pa'i mthe bong las chu byung ba de'i tshe/ rta rgod ma'i gdong lta bu 'bab ste/ de'i tshe thal ba'i phung por 'gro'o// rigs kyi bu de ltar byang chub sems dpa' sems dpa' chen po spyan ras gzigs kyi dbang po'i byin gyi rlabs ni de 'dra'o/ / de nas bcom ldan 'das la/ sgrib pa thams cad rnam par sel bas 'di skad ces
- 300a
gsol to/ / bcom ldan 'das pa spu'i khung bu de'ang ma mchis lags sam/ bcom ldan 'das kyis bka' stsal pa/ rigs kyi bu debang med pa yin no// de nas bcom ldan 'das la/ sgrib pa thams cad rnam par sel bas 'di skad ces gsol to// bcom ldan 'das byang chub sems dpa' spyan ras gzigs kyi dbang po mchi 'am/ bcom ldan 'das kyis bka' stsal pa/ byang chub sems dpa' sems dpa' chen po spyan ras gzigs kyi dbang po ni badze ta'i tshal gyi gtsug lag khang 'di nyid du nga la blta ba dang / phyag bya ba dang / bsnyen bkur bya/ ba dang / dbang phyug chen po rgyu dang bcas te lung bstan pa'i phyir 'ong ngo // byang chub sems dpa' sems dpa' chen po spyan ras gzigs kyi dbang pos 'od zer sngon po dang / ser po dang / dmar po dang / dkar po dang / shel gyi kha dog dang / dngul gyi kha dog btang nas kha dog de dag 'dze ta'i tshal gyi gtsug lag khang du song ngo // song nas bcom ldan 'das la lan gsum bskor te/ bstir med pa'i sems can dmyal ba chen por song ngo / / song nas bstir med pa'i sems can dmyal ba chen po bsil bar gyur to// de'i tshe 'dze ta'i tshal gyi gtsug lag khang du ltas bzang po byung bar gyur pa/ 'dze ta'i tshal gyi gtsug lag khang de lha'i gser rin po cher snang bar gyur te/ 'dze ta'i tshal gyi gtsug lag khang de ltar snang ngo // de nas byang chub sems dpa' sems dpa' chen po spyan ras gzigs
- 300b
kyi dbang po bde ba can gyi 'jig rten gyi khams nas byung ste/ 'dze ta'i tshal gyi gtsug lag khang ga la ba der logs su song nas/ rim gyis 'dze ta'i tshal gyi gtsug lag khang ga la ba der phyin to// de nas 'dze ta'i tshal gyi gtsug lag khang du song ba dang / de'i tshe bcom ldan 'das kyis bya ka la bing ka'i dbyangs kyis bka' stsal pa/ rigs kyi bu khyod ngal lam/ khyod nyon mongs sam/ khyod kyis sems can yongs su smin par byas sam/ de nas bcom ldan pa das la// byang chub sems dpa' sems dpa' chen po spyan ras gzigs kyi dbang pos 'di skad ces gsol to// bcom ldan 'das kyis ji ltar bka' stsal pa bzhin te/ bdag gis de lta bu'i las kyis bsgrubs so// de nas bcom ldan 'das kyis rigs kyi bu gang khyod kyis de 'dra ba'i las kyis bsgrubs pa legs so leg so zhes bya ba byin no/ / de nas byang chub sems dpa' sems dpa' chen po spyan ras gzigs kyi dbang pos bcom ldan 'das la me tog pad+ma phul nas/ bcom ldan 'das la de bzhin gshegs snang ba mtha' yas me tog pad+ma 'di dag gsol te/ snang ba ma mchis sam/ bo brgyal ba ma mchis sam/ bzhengs pa yang ngam/ bde ba la reg par gnas sam zhes kyang gsung ngo zhes smras nas/ bcom ldan 'das kyis bzhes te/ g.yon phyogs su bzhag go// de nas lha'i bu dbang phyug chen po bcom ldan 'das ga la bar song ste phyin nas/ bcom ldan 'das kyi zhabs la
- 301a
mgo bos phyag 'tshal te 'di skad ces gsol to/ / bcom ldan 'das bdag gis lung bstan pa'i bshad pa thob par mdzad du gsol/ bcom ldan 'das kyis bka' stsal pa/ / song zhig dang khyod la byang chub sems dpa' sems dpa' chen po spyan ras gzigs kyis dbang po su ston par 'gyur ro// de nas lha'i bu dbang phyug chen po song ste/ byang chub sems dpa' sems dpa' chen po spyan ras gzigs kyi dbang po'i rgas la phyag 'tshal nas/ spyan ras gzigs kyi dbang po dbang phyug chen po chos 'dzin pa/ pad+ma'i zhal/ pad+ma la dgyes pa/ phyag na me tog pad+ma bzang po mnga' ba/ pad+ma'i dpal dang ldan pa/ yongs su bskor ba/ 'gro ba dbugs 'byin par mdzad pa/ sa'i spyan mchog mdzad pa/ sim par mdzad pa la phyag 'tshal lo zhes lha'i bu dbang phyug chen pos/ byang chub sems dpa' sems dpa' chen po spyan ras gzigs kyi dbang po la de ltar bstod nas/ kha rog ste 'dug pa dang / de nas byang chub sems dpa' sems dpa' chen po spyan ras gzigs kyi dbang pos/ dbang phyug chen po la 'di skad ces smras so// rigs kyi bu khyod ci'i phyir kha rog ste 'dug/ de nas lha'i bu dbang phyug chen pos 'di skad ces smras so/ / bdag bla na med pa yang dag par rdzogs pa'i byang chub tu lung bstan pa stsal du gsol/ de nas spyan ras gzigs kyis gsungs pa/ rigs kyi bu khyod 'jig rten gyi khams bye ba zhes
- 301b
bya bar de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa/ bde bar gshegs pa/ 'jig rten mkhyen pa/ bla na med pa skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das dbang phyug ces bya bar 'gyur ro// de nas lha mo u ma song nas/ byang chub sems dpab sems dpa' chen po spyan ras gzigs kyi dbang po'i rkang pa la mgo bos phyag 'tshal nas/ byang chub sems dpa' sems dpa' chen po spyan ras gzigs kyi dbang po la bstod par rtsom pa byang chub sems dpa' sems dpa' chen po spyan ras gzigs kyi dbang phyug chen po/ srog sbyin par mdzad pa/ sa'i spyan mchog mdzad pa// pad+ma bzang po phyag na mnga' ba/ pad+ma'i dpal dang ldan pa/ yongs su bskor ba/ mya ngan las 'da' ba'i sa ston pa/ legs par dgongs pa mdzad pa/ chos 'dzin pa la phyag 'tshal lo zhes/ de ltar lha mo u mas/ byang chub sems dpa' sems dpa' chen po spyan ras gzigs kyi dbang po la bstod de gsol pa/ bud med kyi lus smad pa las bdag yongs su thar par mdzad du gsol/ mngal na gnas shing sha ma gang ba'i sdug bsngal ba dang / rtag tu 'dzin pa las bdag yongs su thar bar mdzad du gsol/ de nas byang chub sems dpa' sems dpa' chen po spyan ras gzigs kyi dbang pos/ de la 'di skad ces smras//
- 302a
sring mo khyod 'jig rten gyi khams gangs kyi ro'i g.yas phyogs kyi ngos su/ u ma'i dbang phyug ces bya ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das su 'jig rten du 'byung bar 'gyur ro/ / de nas lha mo u ma lung bstan pa thob bo// ltos shig/ sgrib pa thams cad rnam par sel ba/ byang chub sems dpa' sems dpa' chen po spyan ras gzigs kyi dbang pos/ de dag thams cad bla na med pa yang dag par rdzogs pa'i byang chub tu lung bstan te/ dbang phyug chen po'i le'u 'di'ang bshad do// de nas bcom ldan 'das la/ sgrib pa thams cad rnam par sel bas 'di skad ces gsol to/ / bcom ldan 'das spyan ras gzigs kyi dbang po mchis te/ long ba dag gis ni mig thob bo// de ring bdag ni tshe'i 'bras bu mchis par gyur to// bdag de ring ni bsam pa bzhin du grub bo// bdag de ring ni bsam pa yongs su rdzogs so// bdag de ring ni byang chub kyi lam la bar chad ma mchis par gyur to// legs par dgongs pa chos kyi sku mya ngan las 'das pa ston to/ / de nas yang bcom ldan 'das la/ sgrib pa thams cad rnam par sel bas 'di skad ces gsol to// bcom ldan 'das de ring bdag la spyan ras gzigs kyi dbang
- 302b
pa yon tan gyi gyi brag bshad du gso/ bcom ldan 'das kyis bka yul bya/ sgrub pa thams cad rnam par skye ba 'di m+b+ha ste/ dper na ri'i rgyal ba khyor mug dang / khor yug chen po dag/ ri'i rgyal po mu tsa len+de dang / ri'i rgyal po nag po dang / nag po chen po dang / ri'i rgyal po gsus shol dang / ri'i rgyal po ston pa dang / ri'i rgyal po thams cad du gtogs pa dang ri'i rgyal po 'bar ba'i kha dang / ri'i rgyal po rtse mo brgya dang / ri'i rgyal po khang pa dang / ri'i rgyal po nor bu rin po che chen po dang / ri'i rgyal po ston pa dang / ri'i rgyal po dus ma yin par ston pa dang / ri'i rgyal po de dag srang gcig la btab na/ rigs kyi bu ngas ri'i rgyal po de dag srang ji snyed cig go zhe 'am/ srang brgya'o zhe'am/ srang stong ngo zhe'am/ bye ba khrag khrig brgya phrag stong ngo zhe 'am/ grangs su'ang / char yang / bgrang bar yang nus kyi/ rigs kyi bu byang chub sems dpa' sems dpa' chen po spyan ras gzigs kyi dbang po'i gsong mams kyi phung po ni bgrang mi nus so/ / rigs kyi bu 'di lta ste/ dper na rdul phra rab kyi tshad ngas bgrang nus kyi/ byang chub sems dpa' sems dpa' chen po spyan ras gzigs kyi dbang po'i bsod nams kyi phung po ni ngas bgrang mi nus so/ / rigs kyi bu 'di lta ste/ dper na rgya mtsho mching rnam chen po ni ngas thigs pa re re nas bgrang nus kyi/ byang chub sems dpa' sems dpa' chen po spyan ras gzigs
- 303a
kyi dbang po'i bsod nams kyi tshogs ni bgrang mi nus so/ / rigs kyi bu 'di lta ste/ dper na shing shir Sha'i tshal ni ngas 'dab ma re re nas bgrang nus kyi/ byang chub sems dpa' sems dpa' chen po spyan ras gzigs kyi dbang po'i bsod nams kyi tshogs ni bgrang mi nus so/ / sgrib pa thams cad rnam par sel ba 'di lta ste/ dper na ri rab ri'i rgyal po ni gro ba'i phung por gyur/ rgya mtsho mching rnam chen po ni snag tshar gyur/ gling chen po bzhin gnas pa'i skyes pa dang / bud med dang / khye'u dang / bu mo de dag thams cad ni yi ge par gyur te/ ri'i rgyal po mtha' yas mu med pa yi ger bris kyang / ngas yi ge 'a brum bu re re nas bgrang nus kyi/ byang chub sems dpa' sems dpa' chen po spyan ras gzigs kyi dbang po'i bsod nams kyi tshogs ni bgrang mi nus so/ / rigs kyi bu 'di lta ste/ dper na de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma phrag bcu gnyis dang mnyam pa na bza' dang / bshos dang / mal stan dang / na ba'i rkyen gyi sman gyi yo byad thams cad kyis bsnyen bkur byas na/ de bzhin gshegs pa de dag la bsnyen bkur byas pa'i bsod nams kyi phung po de ni/ rigs kyi bu byang chub sems dpa' sems dpa' chen po spyan ras gzigs kyi dbang po'i sgra'i nyag ma gcig gi rtse mo la gnas pa'i bsod nams dang mnyam mo/ / sgrib pa thams cad rnam par sel ba 'di lta ste/ byang chub sems dpa'
- 303b
sems dpa' chen po spyan ras gzigs kyi dbang po ni ting nge 'dzin brgya phrag du ma dang ldan te/ 'di lta ste/ rab tu 'jom zhes bya ba'i ting nge 'dzin dang / rgyan par byed ces bya ba'i ting nge 'dzin dang / rgyan par mi byed ces bya ba'i ting nge 'dzin dang / glog gi spyan ces bya ba'i ting nge 'dzin dang / bzod par byed ces bya ba'i ting nge 'dzin dang / gzi can chen po zhes bya ba'i ting nge 'dzin dang / rnam par byed ces bya ba'i ting nge 'dzin dang / rdo rje'i 'phreng ba zhes bya ba'i ting nge 'dzin dang / dam pa sbyin byed ces bya ba'i ting nge 'dzin dang / mthu brgya pa zhes bya ba'i ting nge 'dzin dang / bkod pa mtha' yas zhes bya ba'i ting nge 'dzin dang / spobs pa'i phung po zhes bya ba'i ting nge 'dzin dang / rgyal po'i dbang po zhes bya ba'i ting nge 'dzin dang / rnam pa mang po zhes bya ba'i ting nge 'dzin dang / rdo rje'i sgo zhes bya ba'i ting nge 'dzin dang / rtag tu dam pa sbyin byed ces bya ba'i ting nge 'dzin dang / dbang po yongs su thar byed ces bya ba'i ting nge 'dzin dang / zhe sdang yongs su thar byed ces bya ba'i ting nge 'dzin dang / dbang po dam pa'i mig ces bya ba'i ting nge 'dzin dang / nyin byed dam pa'i mig ces bya ba'i ting nge 'dzin dang / chos la mngon pa zhes bya ba'i ting nge 'dzin dang / rdo rje'i mngal zhes bya ba'i ting nge 'dzin dang / shin tu ston pa zhes bya ba'i ting nge 'dzin dang mya ngan 'da' byed ces bya ba'i ting nge 'dzin dang / 'od zer mtha' yas sgrub ces bya ba'i ting nge 'dzin dang / rnal 'byor ces bya ba'i ting nge 'dzin dang / 'thor ba zhes bya ba'i ting nge 'dzin dang
- 304a
'dzin la zhugs so/ / gang gi tshe na byang chub sems dpa' sems dpa' chen po kun tu bzang po dam pa sbyin par byed ces bya ba'i ting nge 'dzin la zhugs pa de'i tshe/ byang chub sems dpa' sems dpa' chen po spyan ras gzigs kyi dbang po bstir med pa skems zhes bya ba'i ting nge 'dzin la zhugs so/ / gang gi tshe na byang chub sems dpa' sems dpa' chen po kun tu bzang po ba spu'i khung bu thams cad 'byed par byed pa de'i tshe/ byang chub sems dpa' sems dpa' chen po spyan ras gzigs kyi dbang po'ang ba sku'i khung bu thams cad 'byed par byed nas/ de'i tshe byang chub sems dpa' sems dpa' chen po kun tu bzang pos/ byang chub sems dpa' sems dpa' chen po spyan ras gzigs kyi dbang po la/ spyan ras gzigs kyi dbang po khyod spobs pa de 'dra ba legs so legs so zhes smras so/ / de nas de bzhin gshegs pa log par dad sel gyis/ byang chub sems dpa' sems dpa' chen po kun tu bzang po la 'di skad ces bka' stsal to// rigs kyi bu khyod kyis byang chub sems dpa' sems chen po spyan ras gzigs kyi dbang po'i spobs pa cung zad cig mthong du zad de/ byang chub sems dpa' sems dpa' chen po spyan ras gzigs kyi dbang po'i spobs pa ci 'dra ba de lta bu ni de bzhin gshegs pa dag la'ang mi mnga' 'o zhes ngas log par dad sel las de skad thos so/ / de nas bcom ldan 'das la/ sgrib pa thams cad rnam par sel bas 'di skad ces
- 304b
gsol to/ / bcom ldan 'das theg pa chen po'i mdo'i rgyal po za ma tog bkod pa bshad du gsol/ de'i slad du bdag cag chos kyi ros ngoms shing dga' bar bgyid do// bcom ldan 'das kyis bka' stsal pa/ rigs kyi bu gang dag theg pa chen po'i mdo'i rgyal po za ma tog bkod pa'i ming thos pa de dag la sngon gyi las kyi sgrib pa med do// gang dag pha rol gyi bud med la chags shing zhen pa'i las la brtson pa dang / gang pha dang ma gsod pa dang / dgra bcom pa gsod pa dang / mchod rten 'jom pa dang / de bzhin gshegs pa la ngan sems kyis khrag 'byin pa dang / de lta bu'i sdig pa la dga' ba dag la yang theg pa chen po'i mdo'i rgyal po za ma tog bkod pa sdig pa las thar par byed do// de nas bcom ldan 'das la/ sgrib pa thams cad rnam par sel bas 'di skad ces gsol to/ / bcom ldan 'das bdag gis ji ltar theg pa chen po'i mdo za ma tog bkod pa sdig pa thams cad las thar par bgyid pa 'tshal bgyi/ bcom ldan 'das kyis bka' stsal pa/ rigs kyi bu ri rab ri'i rgyal po'i g.yas phyogs kyi ngos la/ yang dag par rdzogs pa'i sangs rgyas drug gis dri ma dang / dri ma med pa'i mthar brtags pa yod de/ da ltar ngas kyang brtags so/ / gang gos dkar po sngon por 'gyur ba dang / gang gos sngon po dkar por 'gyur ba ni/ gang gos dkar po de sngon por 'gyur ba de ni sdig pa'i phung por blta'o// gang gos sngon
- 305a
'dzam bu'i gling gi dam pa'i mig ces bya ba'i ting nge 'dzin dang / sangs rgyas kyi zhing gi dam pa'i mig ces bya ba'i ting nge 'dzin dang / byams pa la mngon par zhes bya ba'i ting nge 'dzi dang skye dgu'i gnas zhes bya ba'i ting nge 'dzin dang / mi zad par byed ces bya ba'i ting nge 'dzin dang / bstir med skems zhes bya ba'i ting nge 'dzin dang / rgya mtsho ltar zab ces bya ba'i ting nge 'dzin dang / 'khor brgya pa zhes bya ba'i ting nge 'dzin te/ rigs kyi bu byang chub sems dpa' sems dpa' chen po spyan ras gzigs kyi dbang po ni ting nge 'dzin de dag dang ldan no// sgrib pa thams cad rnam par sel ba 'di lta ste/ log par dad sel ces bya ba'i de bzhin gshegs pa rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du 'byung ba de'i tshe de'i dus nang byang chub sems dpar gyur te/ de'i tshe de bzhin gshegs pa de'i spyan snga nas byang chub sems dpa' sems dpa' chen po spyan ras gzigs kyi dbang po'i yon tan brjod pa de lta bu ngas thos so/ / byang chub sems dpa' kun tu bzang po la sogs pa dang / 'di 'dra ba'i ting nge 'dzin gyis 'gyed pa'ang ngas mthong ngo / / gang gi tshe na kun tu bzang po rdo rje gyen du 'phags pa'i ting nge 'dzin la zhugs pa de'i tshe/ byang chub sems dpa' sems dpa' chen po spyan ras gzigs
- 305b
kyi dbang po 'thor ba zhes bya ba'i ting nge 'dzin la zhugs so/ / gang gi tshe byang chub sems dpa' sems dpa' chen po kun du bzang po zla ba dam pa'i mig ces bya ba'i ting nge 'dzin la zhugs pa de'i tshe na byang chub sems dpa' sems dpa' chen po spyan ras gzigs kyi dbang po nyi ma dam pa'i mig ces bya ba'i ting nge 'dzin la zhugs so/ / gang gi tshe na byang chub sems dpa' sems dpa' chen po kun tu bzang po byugs pa zhes bya ba'i ting nge 'dzin la zhugs pa de'i tshe/ byang chub sems dpa' sems dpa' chen po spyan ras gzigs kyi dbang po nam mkha' mdzod ces bya ba'i ting nge 'dzin la zhugs so/ / gang gi tshe na byang chub sems dpa' sems dpa' chen po kun tu bzang po dbang po rnam par byed ces bya ba'i ting nge 'dzin la zhugs pa de'i tshe/ byang chub sems dpa' sems dpa' chen po spyan ras gzigs kyi dbang po rdo rje'i lcags kyu zhes bya ba'i ting nge 'dzin la zhugs so/ / gang gi tshe na byang chub sems dpa' sems dpa' chen po kun tu bzang po dbang po'i 'gros zhes bya ba'i ting nge 'dzin la zhugs pa de'i tshe/ byang chub sems dpa' sems dpa' chen po spyan ras gzigs kyi dbang po rgya mtsho ltar zab ces bya ba'i ting nge 'dzin la zhugs so// gang gi tshe na byang chub sems dpa' sems dpa' chen po kun tu bzang po seng ge glal ces bya ba'i ting nge 'dzin la zhugs pa de'i tshe/ byang chub sems dpa' sems dpa' chen po spyan ras gzigs kyi dbang po seng ge rnam par rol ces bya ba'i ting nge
- 306a
po de dkar por 'gyur ba de ni chos kyi phung por blta'o/ / rigs kyi bu de bzhin du theg pa chen po'i mdo'i rgyal po za ma tog bkod pa 'di ni ldog pa thams cad sreg cing dkar por byed pa'o/ / sgrib pa thams cad rnam par sel ba 'di lta ste/ dper na dbyar gyi dus kyi tshe rtswa dang nags tshal dag shin tu sngo bar 'gyur te/ de nas klu'i rgyal po kha brgya pa zhes bya ba gnas nas langs te/ rtswa dang / shing gel ba dang / sman dang / nags tshal dag sreg par byed do// rigs kyi bu de bzhin du theg pa chen po'i mdo'i rgyal po'i za ma tog bkod pa 'di ni sdig pa thams cad sreg par byed do/ / gang theg pa chen po'i mdo'i rgyal po thos pa'i sems can de dag ni bde ba dang ldan pa yin te/ rigs kyi bu de dag ni so so'i skye bo ma yin par rig par bya'o// byang chub sems dpa' phyir mi ldog pa dang 'dra bar blta'o/ / de dag 'chi ba'i dus kyi tshe/ de bzhin gshegs pa bcu gnyis gshegs te/ rigs kyi bu ma 'jigs shig ma 'jigs shig/ khyod kyis theg pa chen po'i mdo'i rgyal po thos so/ / khyod slar 'khor bar mi khor bar 'gyur ro// slar skye ba dang / rga ba dang / 'chi ba mi mthong bar 'gyur ro// dga' zhing 'dod pa dang phrad la/ mi dga' zhing mi 'dod pa dang phrad par mi 'gyur ro/ / rigs kyi bu bde ba can gyi khams su song zhig/ de bzhin gshegs pa snang ba mtha' yas pa las dam pa'i chos thos par 'gyur ro zhes dbugs 'byin par mdzad de/
- 306b
rigs kyi bu de ltar sems can de dag bde bar 'chi bar 'gyur ro// de nas byang chub sems dpa' sems dpa' chen po spyan ras gzigs kyi dbang pos bcom ldan 'das kyi zhabs la mgo bos phyag 'tshal te/ phyogs gcig tu song ngo // de nas sgrib pa thams cad rnam par sel ba cang mi zer bar 'dug go// lha dang / klu dang / gnod sbyin dang / lha ma yon dang / nam mkha' lding dang mi'am ci dang / lto 'phye chen po dang / mi dang / mi ma yin pa de dag thams cad kyang dong ngo // gang gi tshe na de dag dong ba de'i tshe bcom ldan 'das la/ tshe dang ldan pa dga' bos 'di skad ces gsol bcom ldan 'das bdag cag gi bslab pa'i sdom pa bshad du gsol/ bcom ldan 'das kyis bka' stsal pa/ dge slong gang dag bsnyen par rdzogs par byed 'dod pa des thog ma kho nar sna tshogs pa dag gi gnas brtag par bya'o/ / brtags nas dge slong dag la btsun pa sna tshogs kyi gnas ni dag ste/ sna tshogs kyi gnas de na rus pa'ang ma mchis so// bshang gci'ang ma mchis te/ sna tshogs kyi gnas de ni yongs su dag go// dge slong dag kyang bsnyen par rdzogs par bgyir rung ngo zhes sbran to// bcom ldan 'das kyis bka' stsal pa/ tshul khrims dang mi ldan bas ni bsnyen par rdzogs par mi bya'o/ / gsol ba dang bzhi pa'ang sbyin par mi bya'o// bar gyi gsol ba'ang mi bya'o// mang du bshad ci dgos te/ dge slong dag tshul khrims dang mi ldan pa'i dge slong
- 307a
/ gis ni sna tshogs kyi gnas su'ang 'gro bar mi bya na/ gsol ba dang bzhi pa bya ba lta ci smos te/ de dag ni ston pas bstan pa 'jig par byed pa'i tshul khrims dang mi ldan pa de dag ni sbyin gnas dag gi nang du gnas sbyin par mi bya'o/ / de dag ni gtsug lag khang gi phyi rol tu gnas su bzhugs te/ de dag la dge 'dun gyi zas kyang mi sbyin no// de dag la dge 'dun gyis yang 'os pa ma yin no/ / de dag la ni dge slong gi dngos po cung zad kyang med do// de nas bcom ldan 'das la/ tshe dang ldan pa dga' bos 'di skad ces gsol to// bcom ldan 'das gang gi tshe na ci 'dra ba'i sbyin gnas gcig 'byung bar 'gyur/ bcom ldan 'das kyis bka' stsal pa/ nga mya ngan las 'das nas le sum brgyan de 'dra ba'i sbyin gnas dag 'byung ste/ gang gtsug lag khang la khyim du 'du shes par 'dzin pa de dag ni du mo dang / bu mo dag gis yongs su skor bar 'gyur ro// de dag ni dge 'dun gyi khri dang / khri'u dang / chung thur dang / sdus dang / mal stan dag la spyod par ma 'os pa la spyod par byed do/ / dge 'dun dag gi nye bar spyod pa la bshang ba dang gci bar byed do// mchil ma dag kyang 'dor zhing las kyi rnam par smin par mi shes so// gang dge 'dun gyi nye bar spyad pa la mchil ma 'dor ba de dag ni lo bcu gnyis su shing sA la'i tshal du kha khab kyi mag tsam gyi srog chags skye'o/ / gang dge 'dun gyi so shing la spyod du ma 'os pa la spyod pa de dag ni rus sbal dang / chu srin dang
- 307b
nya'i nang du skye'o/ / gang dge 'dun gyi til dang / 'dras dang / rgya shug dang / ku lan tha la sogs pa gang spyod par mi 'os pa la spyod pa de dag ni yi dgas kyi grong khyer du skye ste/ mga' ba zhing keng rus bsgreng ba lta bu/ bdag gi sgra dang kha spus khebs pa/ kha khab kyi mig tsam du gyur pa'i sdug bsngal de dag lus la myong bar 'gyur ro// gang dge 'dun gyi zas kyis khyi gso bar byed pa ni/ rigs dma' bar skye bar 'gyur ro// dbang po nyams par 'gyur ro// skar po dang 'khyor por ske'o// gzhan gyi bzhin la lta zhing slong mo par 'gyur ro// de nas shi 'phos nas kyang nad pu can du 'gyur ro/ / lus las rnag dang khrag zag par 'gyur ro// chu ba rnams 'khums par 'gyur ro// gang gi tshe na langs pa de na sha rnams thang la lhags shing rus pa rnams snang bar 'gyur te/ de ltar de dag lo mang por lo brgya stong mang por lus kyi sdug bsngal myong bar 'gyur ro// gang dge 'dun gyi sa la mi 'os par spyod pa de dag ni bskal pa bcu gnyis su 'i dod 'bod pa'i sems can dmyal ba chen por skye ste/ lcags kyi thu lum bsregs pa khar bcug nas mchu dang so dag kyang lhags/ dkan yang gas/ mgul pa'ang tshig/ snying dang rgyu ma dag kyang thams cad du thams cad tshig nas/ rus pa'i lhag ma lus par gyur te/ dge slong dag de'i tshe las kyi rlung langs nas/ shi nas kyang slar 'tshe'o// de nas slar yang gshin rje'i skyes bus bzung ngo // de nas de dag gi las bdag gir bya ba'i
- 308a
kyi dbang gis lce chen po 'byung bar 'gyur zhing / lce de'i steng du gshol brgya stong gis rmo bar 'gyur te/ de ltar lo brgya phrag stong du sems can dmyal ba'i sdug bsngal myong bar 'gyur ro/ / de nas shi 'phos nas me'i rdza ma'i sems can dmyal ba chen por skyes te/ de nas gshin rje skyong ba'i skyes bu dag gis bzung nas// lce de nyid la khab brgya stong gise'i bigs par byed do// de nas kyang las kyi dbang gis sos nas me'i 'obs su 'dor ro// me'i 'obs de nas kyang phyung nas chu bo bo'i ta rin chen por 'dor ro// de nas kyang 'chi ba'i dus byas nas sems can dmyal ba gzhan dag tu skyes te/ de ltar 'khyam pa las bskal pa gsum zad nas shi 'phos te/ 'dzam bu'i gling du dbul po dang / dmus long gi nang du skye bar 'gyur ro// dga' bo de lta bas na dge 'dun dag gi rdzas ni bsrung bar bya'o/ / dge slong dag gang bslab pa sdom pas chos gos gsum bcang bar bya ste/ chos gos gcig ni dge 'dun la yid brtan cing dge 'dun gyis spyad pa'i phyir ro// chos gos gnyis pa ni rgyal po'i pho brang du 'gro ba'i phyir ro// chos gos gsum pa ni grong khyer dang / grong 'dab dang / ye 'ur 'khod pa dang / tshong dus dag gi phyir te/ dge slong dag gis chos gos de gsum bcang bar bya'o/ / gang tshul khrims dang ldan pa dang / yon tan dang ldan pa'i dge slong dag gis ni/ ngas bslab tshigs bcas pa 'di gzung bar bya'o// dge slong dag dge
- 308b
'dun gyi rdzas la spyod par mi 'os pa dag gis ni yongs su spyad par mi bya'o/ / dge 'dun gyi ni me'i 'obs lta bu'o// dge 'dun gyi ni dug lta bu'o// dge 'dun gyi ni rdo rje lta bu'o// dge 'dun gyi ni khur lta bu'o/ / dug la ni gnyen po bya nus kyi/ dge 'dun gyi la ni gnyen po bya mi nus so// de nas bcom ldan 'das la/ tshe dang ldan pa dga' bos 'di skad ces gsol to// bcom ldan 'das kyis/ bka' stsal pa'i bslab tshogs la dge slong gang dag 'dzin par bgyid pa ni/ so sor thar pa'i sdom pas bsdams pa lags so// 'dul ba la mngon pa lags so// bcom ldan 'das kyi bslab tshigs kyi rjes su bsrungs pa lags so/ / de nas tshe dang ldan pa dga' bos bcom ldan 'das kyi zhabs la mgo bos phyag 'tshal te song ngo // de nas nyan thos chen po de dag bdag bdag gi sangs rgyas kyi ning du dong ngo / / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dag kyang dong ngo // bcom ldan 'das dgyes shing de skad ces bka' stsal pa dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten rnams bcom ldan 'das kyis gsung ba la mngon par dga' 'o/ / 'phags pa za ma tog bkod pa zhes bya ba theg pa chen po'i mdo rdzogs so// // rgya gar gyi mkhan po dzi na mi tra dang / dA na shi
- 309a
la dang / zhu chen gyi lo tsha ba ban d+he ye shes sdes bsgyur cing zhus te gtan la phab pa// sh+ya/ rgya gar skad du/ Ar+ya a be bar+d+ha tsakra nA ma ma hA yA na sU tra/ bod skad du/ 'phags pa phyir mi ldog pa'i 'khor lo zhes bya ba theg pa chen po'i mdo// // bam po dang ngo // sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po dang thabs cig tu bzhugs so// de nas bcom ldan 'das nam gyi cha smad kyi thun la 'od dri med pa zhes bya ba'i ting nge 'dzin de la snyoms par zhugaso// / 'jam dpal gzhon nur gyur pa ni kun tu snang byed ces bya ba'i ting nge 'dzin la snyoms par zhugs so// byang chub sems dpa' sems dpa' chen po byams pa ni kun tu snang ba zhes bya ba'i ting nge 'dzin la snyoms par zhugs so/ / de nas tshe dang ldan pa shA ri'i bu nam gyi cha smad kyi thun nam nangs kar gnas khang nas byung ste/ 'jam dpal gzhon nur gyur pa'i gnas khang ga la ba der song ngo // de nas tshe dang ldan pa shA ri'i bus/ 'jam dpal gzhon nur gyur pa'i gnas khang du 'jug par bsams pa dang / bcom ldan 'das kyi bzhugs khang gi khor yug nas pad+ma khri byung ba mthong zhing / rol
- 309b
mo'i sgra chen po dang / glu'i sgra chen po'ang thos so// pad+ma de dag las kyang 'od byung bar mthong ngo // 'od des kyang rgyal bu rgyal byed kyi tshal thams cad snang bar byas par mthong ngo // mnyan du yod pa'i grong khyer chen po thams cad dang / stong gsum gyi stong chen po'i 'jig rten gyi khams thams cad kyang snang bar gyur par mthong ngo // de nas tshe dang ldan pa shA ri'i bus/ 'jam dpal gzhon nur gyur pa'i gnas khang du mi 'gro bar bsam pa dang / zhugs par gyur cing bdag nyid 'jam dpal gzhon nur gyur pa'i mdun na 'dug par shes te/ des 'jam dpal gzhon nur gyur pa skyil mo krung bcas shing 'dug par mthong ngo / / mthong nas kyang se gol gtogs na ma langs so// de nas lud pa'i sgra phyung na'ang ma langs te/ des 'jam dpal gzhon nur gyur pa'i cho 'phrul mthong nas bdag rgya mtsho chen po'i nang na gnas pa snyam du shes shing 'jam dpal gzhon nur gyur pa skyil mo krung bcas te 'dug nas/ gnas khang dang bcas te shar phyogs su 'gro ba mthong ngo // de nas tshe dang ldan pa shA ri ' jam dpal gzhon nur gyur pa'i mdun du skyil mo krung bcas te 'jam dpal gzhon nur gyur pa la mig mi 'dzum par lta zhing 'dug pa dang / des 'jam dpal gzhon nur gyur pa shar phyogs su gang+gA'i klung gi bye ma snyed kyi 'jig rten gyi khams las 'das te 'jig rten gyi khams phyir mi ldog pa'i dbyangs zhes bya bar phyin par mthong ngo / / de na de bzhin gshegs pa 'od zer gyis khebs pa'i pad+ma rab tu rgyas
- 310a
pa'i sku zhes bya ba mthong ste/ de bzhin gshegs pa de'i ba spu'i khung bu rnams nas pad+ma dag byung ste/ pad+ma de dag gis dpag tshad khror khyab par mthong ngo // pad+ma de dag kyang shin tu rgyas shing / 'dab ma stong dang ldan par mthong ngo // pad+ma'i snying po de dag la'ang byang chub sems dpa' mtshan sum cu rtsa gnyis dang ldan pa/ lus kyi mdog gser gyi kha dog lta bu dag 'khod par mthong ngo / / de'i nang na 'du chen po gcig las/ bcom ldan 'das byung nas spyong par gyur// pad+ma chen po de la 'jam dpal gzhon nur gyur pa 'dug nas/ pad+ma chen po de dang ldan cigatu nam mkha' la mngon par 'phags te/ mngon par 'phags nas/ bcom ldan 'das de la lan gsum bskor ba byas te/ bcom ldan 'das de'i zhabs la mgo bos phyag 'tshal nas/ pad+ma chen po de nyid la skyil mo krung bcas te 'dug par mthong ngo / / de nas de bzhin gshegs pa 'od zer gyis khebs pa'i pad+ma rab tu rgyas pa'i skus mkhyen bzhin du 'jam dpal gzhon nur gyur pa la 'di skad ces bka' stsal to/ / 'jam dpal gzhon nur gyur pa khyod dgazod gang nas 'ongs/ de skad ces bka' stsal pa dang / 'jam dpal gzhon nur gyur pas/ de bzhin gshegs pa 'od zer gyis khebs pa pad+ma rab tu rgyas pa'i sku la 'di skad ces gsol to/ / bcom ldan 'das 'jig rten gyi khams mi mjed nas mchis so// de nas bcom ldan 'das de'i rim gro pa byang chub sems dpa' sgra snyan ces
- 310b
pa de pad+ma'i stan de las langs te/ bla gos phrag pa gcig tu gzar nas/ bcom ldan 'das de'i zhabs la mgo bos phyag 'tshal te/ pus mo g.yas pa'i lha nga pad+ma'i snying po la btsugs nas/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to// bcom ldan 'das 'jig rten gyi khams mi mjed de ji srid cig na mchis/ de skad ces gsol ba dang / de bzhin gshegs pa 'od zer gyis khebs pa'i pad+ma rab tu rgyas pa'i skus/ byang chub sems dpa' sems dpa' chen po sgra snyan la 'di skad ces bka' stsal to// rigs kyi bu 'jig rten gyi khams 'dra nas nub phyogs logs su 'jig rten gyi khams gang+gA'i klung gi bye ma snyed 'das pa na'o/ / gsol pa/ bcom ldan 'das 'jig rten gyi khams de na bcom ldan 'das gang chos ston/ bcom ldan 'das nges bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba'o// gsol pa/ bcom ldan 'das de na chos ston pa ci 'dra ba zhig lags/ bka' stsal pa/ theg pa gsum las brtsams te'o// gsol pa/ bcom ldan 'das theg pa gsum po de dag gang lags/ bka' stsal pa/ nyan thos kyi theg pa dang / rang sangs rgyas kyi theg pa dang / theg pa chen po ste/ theg pa gsum po de dag las brtsams nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub
- 311a
pa de chos ston to/ / gsol pa/ bcom ldan 'das sangs rgyas bcom ldan 'das thams cad kyis chos bstan pa mthun pa ma lags sam/ bka' stsal pa/ rigs kyi bu sangs rgyas bcom ldan 'das rnams kyis chos bstan pa ni 'thun no// gsol pa/ sangs rgyas bcom ldan 'das rnams kyis chos bstan pa ji tsam zhig 'thun/ bka' stsal pa sangs rgyas bcom ldan 'das rnams kyis chos bstan pa ni phyir mi ldog pa'i chos kyi 'khor lo 'thun no/ / gsol pa/ bcom ldan 'das ji ltar bcom ldan 'das de theg pa gsum las brtsams te da ltar chos ston/ bka' stsal pa/ rigs kyi bu sems can de dag ni dman pa la mos pa dag ste/ de dag theg pa gcig la mi 'jug pas na/ thabs mkhas pas de dag de ltar nye bar khrid de/ rigs kyi bu sangs rgyas bcom ldan 'das rnams ni thabs mkhas pa chen po dang ldan pa'o// bcom ldan 'das de ni snyigs ma lnga'i dus na byung ste/ de dag ni theg pa gcig la ma mos pa dag go/ / gsol pa/ bcom ldan 'das de na chos ston pa ni de ltar tshegs che lags pa lta/ bka' stsal pa/ rigs kyi bu de de lta'o// gsol pa/ bcom ldan 'das bdag der ma skyes pa ni bdag gis rnyed pa leg pa rnyed pa lagaso/ / bka' stsal pa/ rigs kyi bu de skad ma zer cig/ gsol pa/ bcom ldan 'das ci'i slad du lags/ bka' stsal pa/ rigs kyi bu gang
- 311b
zhig 'dir lo nya khrir dge ba'i rtsa ba yang dag par sgrub pa bas/ gang zhig der snga dro gcig gi de ni de bas ches bsod nams mang du yang dag par sgrub bo// de ci'i phyir zhe na/ 'jig rten gyi khams de tsam du kun nas nyon mongs pa can du gyur pa'i phyir ro/ / gsol pa/ bcom ldan 'das 'jig rten gyi khams de ji tsam du kun nas nyon mongs pa can du gyur pa lags/ bka' stsal pa/ rigs kyi bu 'jig rten gyi khams de'i kun nas nyon mongs par gyur pa ji tsam pa 'jig rten gyi khams de'i kun nas nyon mongs pa mnyan na/ khyod kyi tshe'i tshad zad par 'gyur ro// de nas byang chub sems dpa' sems dpa' chen po sgra brnyan gyis de'i tshe rin po che sna bdun gyi pad+ma dag blangs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba de logs su thal mo sbyar nas gtor to/ / gtor nas kyang de bzhin gshegs pa dgra bcom pa yang dag par rdzogs pa'i sangs rgyas de lta'o zhes tshig tu yang dang yang smras so// bka' stsal pa/ rigs kyi bu khyod de bzhin gshegs pa dgra bcom pa yang dag par rdzogs pa'i sangs rgyas de mthong bar 'dod dam/ gsol pa/ bcom ldan 'das mthong bar 'tshal lags so// bka' stsal pa/ 'jam dpal gzhon nur gyur pa 'di dang lhan cig song zhig/ de nas byang chub sems dpa' sgra snyan gyis/ 'jam dpal gzhon nur gyur pa la 'di skad ces smras so// 'jam dpal bdag gis de
- 312a
bzhin gshegs pa dgra bcom pa yang dag par rdzogs pa'i sangs rgyas de blta'o/ / smras pa// rigs kyi bu re zhig kho bos phyag bya ba dang / bsnyen bkur bya ba'i sangs rgyas bcom ldan 'das mang ngo / / smras pa/ kho bo'ang khyod dang lhan cig tu phyag bya'o// bsnyen bkur bya'o// de nas 'jam dpal gzhon nur gyur pas/ de bzhin gshegs pa dgra bcom pa yang dag par rdzo/ pa'i sangs rgyas 'od zer gyis khyab pa'i pad+ma rab tu rgyas pa'i sku la phyag 'tshal te/ lan gsum bskor ba byas nas/ 'di lta ste/ dper na skyes bu stobs dang ldan pas lag pa bskum pa las brkyang ba'am/ brkyang ba las bskum pa de bzhin du/ 'jam dpal gzhon nur gyur pa 'jig rten gyi khams der mi snang bar gyur nas/ shar phyogs su 'jig rten gyi khams gang+gA'i klung gi bye ma snyed rnams su sangs rgyas bcom ldan 'das rnams kyi gan du byung ste/ thams cad na'ang chos bstan pa 'di nyid byung ngo // lho phyogs dang / nub dang / byang dang / 'og dang / steng dang / phyogs mtshams rnams su'ang de bzhin te/ 'on kyang 'dzam bu'i gling 'jig rten gyi khams mi mjed 'dir nam ma langs so// de nas tshe dang ldan pa kun dga' bo gnas khang gi nang na 'dug bzhin du skar khung gigigaseb nas 'od byung bar mthong nas/ de gnas khang nas byung ngo snyam ste/ khri las langs pa dang / nyi ma ma shar bar rgyal bu rgyal byed kyi tshal thams cad snang bar gyur par mthong ngo //
- 312b
rgyal bu rgyal byed kyi tshal thams cad chu dang ba/ sngo ba/ gsal bas gang ba dang / 'di na shing yang med/ gtsug lag khang yang med par mthong nas des 'di snyam du bsams te/ ji ltar na sngon ma byung ba'i snga ltas 'di dag snang ba las na/ deng ni chos chen po zhig ston par 'gyur ro snyam mo// de nas tshe dang ldan pa kun dga' bos 'di snyam du bsams te/ rkang pa sa la gzhag go snyam nas/ de nas tshe dang ldan pa kun dga' bos rkang pa sa la bzhag na/ gsher ba'ang med/ bying ba'ang med nas/ de dga' ba dang yid bde ba skyes te/ bcom ldan 'das kyi bzhugs khang ga la ba der song nas phyin pa dang / bcom ldan 'das kyi bzhugs khang gi khor yug nas pad+ma khri mthong zhing rol mo'i sgra chen po dang / klu'i sgra chen po'ang thos so// pad+ma de dag las 'od byung bar mthong ste/ 'od des kyang stong gsum gyi stong chen po'i 'jig rten gyi khams thams cad snang bar gyur par mthong nas/ de dga' ba dang yid bde ba skyes te/ pus mo g.yas pa'i lha nga sa la bcugs nas thal mo sbyar te/ bcom ldan 'das la phyag 'tshal to// phyag 'tshal ba dang / de nas nangs te nyi ma shar bar gyur to// de dag gi nang nas pad+ma gcig rgyal bu rgyal byed kyi tshal gyi dbus su song ste 'dug par gyur to/ / tshe dang ldan pa kun dga' bos pad+ma de rgyal bu rgyal byed kyi dbus su 'dug par mthong ngo // de nas tshe dang ldan pa kun dga' bos 'di snyam du bsams te/
- 313a
@chos ston pa'i snga ltas byung gis/ bdag bcom ldan 'das kyi gdan shom du 'gro'o snyam nas/ bcom ldan 'das kyi gdan bshams ma thag tu sa chen po rnam pa drug tu g.yos par gyur to/ / rgyal bu rgyal byed kyi tshal thams cad kyang me tog gis khyab par khebs par gyur to// me tog dang bcas pa dang / 'bras bu dang bcas pa'i shing ljon pa rnams kyang byung bar gyur to/ / dge slong thams cad kyang gnas khang nas byung bar bsams pa dang / rgyal bu rgyal byed kyi tshal thams cad chu dang ba/ sngo ba/ gsal bas gang bar mthong nas/ de dag 'byung ba 'am/ ldog par yang ma nus la/ 'din shing dang / gtsug lag khang yang ma mthong gi/ snang ba chen po mthong nas/ de dag gnas khang de nyid na 'dug bzhin du 'di snyam du sems te/ de'i snga ltas 'di dag snang ba las na/ deng chos chen po zhog ston par 'gyur ro snyam mo// de nas bcom ldan 'das ting nge 'dzin de las bzhengs nas gdan bshams pa la bzhugs so// bcom ldan 'das bzhugs ma thag tu 'jam dpal gzhon nur gyur pa byang chub sems dpa' bye ba phrag grangs med pa rnams dang lhan cig tu sa rus nas mngon par 'thon te/ 'thon nas kyang bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ byang chub sems dpa' sems dpa' chen po de dag dang lhan cig tu bcom ldan 'das kyi spyan sngar
- 313b
'dug go/ / de nas bcom ldan 'das kyis/ tshe dang ldan pa kun dga' bo la bka' stsal pa// kun dga' bo khyod song la mnyan du yod pa rgyal bu rgyal byed kyi tshal na/ dge slong dang / dge slong ma dang / dge bsnyen dang / dge bsnyen ma ji snyed 'khod pa de dag thams cad bos shig/ bcom ldan 'das legs so zhes gsol te/ tshe dang ldan pa kun dga' bos bcom ldan 'das kyi ltar mnyan nas gtsug lag khang nas gtsug lag khang du rgyu zhing song ste/ dge slong rnams la smras pa/ tshe dang ldan pa khyed la ston pa gsung ngo // de dag gis smras pa/ bdag cag gis kyang snga ltas rig mod kyi/ 'gro ma nus so// de ci'i phyir zhe na/ rgyal bu rgyal byed kyi tshal thams cad chu dang ba/ sde pa// gsal bas gang bar mthong ngo // de nas tshe dang ldan pa kun dga' bos dge slong de dag gi ltar mnyan nas/ bcom ldan 'das ga la ba der song ste/ bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to// bcom ldan 'das dge slong dag ni mchi ba'i rngo mi theg go// de ci'i slad du zhe na/ rgyal bu rgyal byed kyi tshal bas par chab dang ba/ sngo ba/ gsal bas gtam par mthong ngo // bcom ldan 'das kyis bka' stsal pa/ kun dga' bo dge slong de dag ni chu ma yin pa la chur 'du shes pa dag ste/ ji ltar dge slong de dag chu ma yin pa la chur 'du shes pa de bzhin du/ de dag rgyun du zhugs pa'i 'bras bu ma yin
- 314a
pa la rgyun du zhugs pa'i 'bras bur 'du shes/ lan cig phyir 'ong ba'i 'bras bu ma yin pa la lan cig phyir 'ong ba'i 'bras bur 'du shes/ phyir mi 'ong ba'i 'bras bu ma yin pa la phyir mi 'ong ba'i 'bras bur 'du shes/ dgra bcom pa nyid kyi 'bras bu ma yin pa la dgra bcom pa nyid kyi 'bras bur 'du shes/ rang sangs rgyas nyid ma yin pa la rang sangs rgyas su 'du shes/ gzugs ma yin pa la gzugs su 'du shes/ tshor ba ma yin pa dang / 'du shes ma yin pa dang / 'du byed rnams ma yin pa dang / rnam par shes pa ma yin pa la rnam par shes par 'du shes pa dag ste/ kun dga' bo khyod song la bos shig dang 'ong bar 'gyur ro// de nas tshe dang ldan pa kun dga' bos bcom ldan 'das kyi ltar mnyan te/ yang dge slong de dag bod pa'i phyir/ mnyan du yod pa'i grong khyer chen por zhugs nas/ dge slong rnams dang / dge slong ma rnams dang / dge bsnyen rnams dang / dge bsnyen ma rnams la bsgo ba/ tshe dang ldan pa dag khyed la ston pa gsung / de nas tshe dang ldan pa kun dga' bos 'khor bzhi po la bsgo nas/ bcom ldan 'das ga la ba der song ste/ bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to/ / bcom ldan 'das 'khor bzhi la bsgo lags so// de nas bcom ldan 'das kyis/ tshe dang ldan pa mo'u 'gal gyi bu chen po la bka' stsal pa/ mo'u 'gal gyi bu khyod song la
- 314b
stong gsum gyi stong chen po'i 'jig rten gyi khams na/ byang chub sems dpa' sems dpa' chen po go cha chen po bgos pa rnams dang / dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa ji snyed 'khod pa de dag thams cad bos shig/ bcom ldan 'das legs so zhes gsol te/ tshe dang ldan pa mo'u bgal gyi bu chen pos/ bcom ldan 'das kyi ltar mnyan nas/ 'di lta ste/ dper na skas bu stobs dang ldan pas lag pa bskum pa las brkyang ba 'am/ brkyang ba las bskum pa de bzhin du skad cig thang cig yud tsam de la mo'u 'a gal gyi bu chen pos stong gsum gyi stong chen po'i 'jig rten gyi khams su byang chub sems dpa' sems dpa' chen po rnams dang / dge slong rnams dang / dge slong ma rnams dang / dge bsnyen rnams dang / dge bsnyen ma rnams dang / lha rnams dang / klu rnams dang gnod sbyin rnams dang / dri za rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams dang / mi rnams dang / mim yin pa rnams la bsgo nas/ sangs rgyas kyi mthu dang / bdag nyid kyi rdzu 'phrul gyi stobs kyis bcom ldan 'das kyi spyan sngar 'dug ste/ bcom ldan 'das la 'di skad ces gsol to// bcom
- 315a
ldan 'das 'khor bzhi la bsgo lags so/ / de nas 'khor bzhi po dag gis dpag tshad stong khor yug tu khyab par gyur to// lha rnams kyis kyang dpag tshad lnga khri tsam gyi steng gi bar snang khyab par gyur to/ / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das 'khor bzhi po 'di yang 'du zhing mchis/ bcom ldan 'das lha rnams kyis bar snang gtam zhing mchis na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis phyir mi ldog pa'i 'khor lo las brtsams te chos bstan du gsol/ bcom ldan 'das 'khor 'di na dge slong dang / dge slong ma dang / dge bsnyen dang / dge bsnyen ma dag kyang mang / lha brgya stong phrag kyang mang / de ma lags pa gzhan gang dag rgyun du zhugs pa'i 'bras bur 'du shes pa dang / lan cig phyir 'ong ba'i 'bras bur 'du shes pa dang / phyir mi 'ong ba'i 'bras bur 'du shes pa dang / dgra bcom pa nyid kyi 'bras bur 'du shes pa dang / rang sangs rgyas nyid du 'du shes pa mang du mchis na/ de dag gi 'du shes rnam par dgrol ba'i slad du/ bcom ldan 'das kyis gang la dgongs te/ rgyun du zhugs pa'i 'bras bur bstan pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyi 'bras bu bstan pa dang / bcom ldan 'das
- 315b
kyis gang la dgongs te/ rang sangs rgyas nyid kyi bstan pa bcom ldan 'das kyis bshad du gsol/ de nas bcom ldan 'das cang mi gsung bas gnang bar mdzad do// de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das bdag ma dang 'dir nam gyi cha smad la mchis langs nas gnas khang nas byung ste/ 'jam dpal gzhon nur gyur pa'i gnas khang ga la ba der mchis nas son te/ 'jam dpal gzhon nur gyur pa'i gnas khang du 'jug ces bgyis na/ bcom ldan 'das kyi bzhugs khang mthong ste/ bcom ldan 'das kyi bzhugs khang gi khor yug nas pad+ma khri'ang mthong / / rol mo'i sgra chen po dang / glu'i sgra chen po'ang thos/ pad+ma de dag las 'od byung ba'ang mthong / 'od des rgyal bu rgyal byed kyi tshal thams cad gda' bar gyur pa dang / mnyan du yod pa'i grong khyer thams cad dang / stong gsum gyi stong chen po'i 'jig rten gyi khams thams cad gda' bar gyur pa'ang mthong na/ bcom ldan 'das 'di su'i snga ltas lags de skad ces gsol pa dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to// shA ri'i bu 'di ni gang gi phyir 'jam dpal gyis bskul ba'i chos 'di bstan pa'i snga ltas so/ / de nas bcom ldan 'das la// tshe dang ldan pa kun dga' bos 'di skad ces gsol to// bcom ldan 'das bdag ma dang 'dir nam gyi cha smad kyi thun la gnas khang gi nang na mchis
- 316a
@bzhin du skar khung gi gseb nas 'od mchis pa mthong nas/ bdag gnas khang nas 'byung snyam ste khri las langs pa dang / gdugs ma shar bar rgyal bu rgyal byed kyi tshal bas bapar gda' bar gyur cing / rgyal bu rgyal byed kyi tshal bas par chab dang ba/ sngo ba/ gsal bas gtams la/ 'di na zhugs shing ma mchis/ gtsug lag khang yang ma mchis par mthong na// bcom ldan 'das 'di su'i snga ltas lags/ bcom ldan 'das kyis bka' stsal pa// kun dga' bo 'di ni gang gi phyir/ 'jam dpal gzhon nur gyur pas bskul ba rnyog pa med pa'i chos bstan pa 'di'i snga ltas so/ / de nas bcom ldan 'das kyis/ de'i tshe tshe dang ldan pa kun dga' bo la tshigs su bcad de bka' stsal pa/ 'jam dpal dbyangs ni 'jigs med pa// 'di yis gang phyir dris pa yi/ / ye shes 'di ni rnyog pa med// sangs rgyas ye shes bla na med// 'jam pa'i dbyangs ni 'jigs med pa// ye shes ldan pas gang phyir dris// ye shes 'di ni rnam rtog med// spros pa med cing zag pa med/ / 'di las dngos po grub pa med// ma grub pa yang de bzhin no// thams cad spangs pa'i ye shes ni// 'jam pa'i dpal gyis yongs su dris// 'di las 'bras bu 'grub ba ni/ / rnam pa kun tu med par brjod// 'di ni 'jig rten rnams kyi mgon// skyob pa rnams kyi sdem po ngag/ 'jam dbyangs 'jigs pa med pa yis// gang gi ched du yongs dris pa// 'di la
- 316b
sgra ni med pa ste/ / sgra rnams thams cad mnyam par gyur// de skad ces bka' stsal pa dang / bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das ci lags/ 'jam dpal gzhon nur gyur pa phyir mi ldog pa'i 'khor lo'i slad du yongs su zhu lags sam/ bka' stsal pa/ kun dga' bo de de bzhin no// kun dga' bo sangs rgyas bcom ldan 'das rnam ni phyir mi ldog pa'i 'khor lo skor ba dag go/ / gsol pa/ bcom ldan 'das de bzhin gshegs pas ci las dgongs te dad pas rjes su 'brang ba bstan/ chos kyi rjes su 'brang ba bstan de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ci las dgongs te/ brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / nyan thos dang / rang sangs rgyas bstan// bcom ldan 'das de bzhin gshegs pas gang la dgongs te/ da pas rjes su 'brang ba yongs su bstan pa dang / de bzhin gshegs pas gang la dgongs te/ chos kyi rjes su 'brang ba dang / brgyad pa dang / rgyun du zhugs pa dang / lan cig phyir 'ong ba dang / phyir mi 'o ba dang / dgra bcom pa dang / nyan thos dang / rang sangs rgyas yongs su bstan pa de/ bcom ldan 'das de bzhin gshegs pas byang chub sems
- 317a
dpa'i chos kyang de nyid lags par de ltar yongs su bstan tam/ ci lags/ bcom ldan 'das kyis bstan du gsol/ bka' stsal pa/ kun dga' bo de de bzhin te/ de bzhin gshegs pas de dag nyid byang chub sems dpa'i chos zhes de skad yongs su bstan to// de ci'i phyir zhe na/ kun dga' bo snyigs ma lnga'i tshe skyes pa'i sems can dag ni dman pa la mos pa dag ste/ de dag sangs rgyas kyi ye shes la ma mos pas/ kun dga' bo sangs rgyas bcom ldan 'das thabs mkhas pa dag thabs mkhas pas de dag la chos ston to// kun dga' thams can gang dag rkyen pa lams mi dgan chung / / kun dpa' thasems can cang dag dmin pa la mam pa de dag gi nga / de ban pashegs pa thabs ma ngas pa desasus marnams/ thabs 'di sangs rgyas kyi chos ston to// de nas bcom ldan 'das kyis de skad ces bka' stsal nas// cang mi gsung bar gyur to// de nas tshe dang ldan pa kun dga' bos// 'jam dpal gzhon nur gyur pa la 'di skad ces smras so/ / 'jam dpal ci'i phyir de bzhin gshegs pas cang mi gsung bas 'da' bar mdzad/ 'jam dpal gyis smras pa/ btsun pa kun dga' bo sems can gang dag chos bstan pa 'di lta bu la mos pa de dag ni nyung ngo / / dgra bcom pa'o snyam pa'i sems dang ldan pa'i dgra bcom pa 'di dag ni shin tu mang ngo // btsun pa kun dga' bo
- 317b
sems can gang dag de bzhin ga shegs pa dgra bcom pa yang dag par rdzogs pa'i sangs rgyas kyis kyi las dgongs te chos bstan ces/ de bzhin gshegs pa'i dgongs te gsungs da sa shes pa de dag ni nyung ngo / / kho bo ni 'di la mngon sum mo// 'khor bzhi po de dag ji ltar da ltar de bzhin gshegs pas dad pas rjes su 'brang ba rnam par gzhag pa mdzad ces bya ba nas/ de bzhin du rgya cher rang sangs rgyas kyi bar du rnam par gzhag pa mdzad ces the tsom du gyur pa dag go/ byang chub sems dpa' bye ba phrag mang po 'di dag de bzhin gshegs pas ci las dgongs te/ da pas rjes su 'brang ba yongs su bstan ces bya ba nas/ de bzhin gshegs pas ci las dgongs te/ rang sangs rgyas kyi bar du yongs su bstan ces dpyod par gyur pas chu thams cad kyang thogs shing 'bab/ bya rnams kyang nam mkha' la mi 'phur ro// de ci'i phyir zhe na/ chos bstan pa 'don mos par dka' ba ste/ de ltar na de bzhin gshegs pa cang mi gsung bas 'dab par mdzad do// de nas pad+ma khri bo de dag de bzhin gshegs pa'i bzhugs khang gi khor yug tu yongs su 'gro ste/ de dag las bdag cag gis sangs rgyas bye ba khrag khrig phrag dgu bcu rtsa dgu las chos ston pa 'di sa phyogs 'di nyid du thos lags na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis phyir mi ldog pa'i 'khor lo'i chos bstan pa las
- 318a
@brtsams te chos bstan du gsol zhes de bzhin gshegs pa la gsol ba thob cig ces sgra de lta bu byung ngo / / de nas tshe dang ldan pa shA ri'i bus/ bcom ldan 'das la gsol ba btab pa/ bdag gis ma dang nam gyi cha smad kyi thun la 'jam dpal gzhon nur gyur pa dang lhan cig shar phyogs su sangs rgyas bcom ldan 'das grangs ma mchis pa dag las chos bstan pa 'di nyid thos shing / de bzhin du lho phyogs dang / nub dang / byang dang / 'og dang / steng dang / phyogs mtshams rnams su sangs rgyas bcom ldan 'das grangs ma mchis pa dag las chos bstan pa 'di nyid thos lags na/ bcom ldan 'das phyir mi ldog pa'i 'khor lo'i chos bstan pa bshad du gsol/ de nas bar snang la gnas pa'i lha bye ba khrag khrig brag brgyad cu rtsa lngas de bzhin gshegs pa la gsol ba btab pa/ bdag cag gis sangs rgyas bye ba khrag khrig phrag dgu bcu rtsa gnyis dag las chos bstan pa 'dis phyogs 'di nyid du thos lags na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis phyir mi ldog pa'i 'khor lo'i chos bstan pa bshad du gsol/ de nas bcom ldan 'das la/ tshe dang ldan pa kun dga' bos 'di skad ces gsol to// de bzhin gshegs pas gang la dgongs te/ dad pas rjes su 'brang ba yongs su bstan pa dang / chos kyi
- 318b
rjes su 'brang ba yongs su bstan pa dang / de bzhin du rgya cher brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / nyan thos dang rang sangs rgyas yongs su bstan pa bcom ldan 'das de bzhini gshegs pa dgra bcom pa yang dag par rdzogs pa'i sangs rgyas kyis bstan du gsol/ / bcom ldan 'das 'khor bzhi po lud pa'i sgra'ang mi 'byin par cang mi smra bar mchis pa 'di dag dang / bcom ldan 'das srog chags brgya stong mang po the tsom dang som nyi 'tshal bar gyur te/ de bzhin gshegs pa dgra bcom pa yang dag par rdzogs pa'i sangs rgyas kyis ci las dgongs nas/ dad pas rjes su 'brang ba yongs su bstan cing / de bzhin du rgya cher rang sangs rgyas kyi bar du yongs su bstan snyam pa de dag gi the tshom bsal du gsol/ mang po 'di dag ni dbang du gyur pa lags so// de nas bcom ldan 'ad kyis/ tshe dang ldan pa kun dga' bo la 'di skad ces bka' stsal to// kun dga' bo de de bzhin te/ de bzhin gshegs pa dgra bcom pa yang dag par rdzogs pa'i sangs rgyas ni dpeng dang bcas par chos ston to// gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyi dbang gang lags/ bcom ldan 'das kyis bka' stsal pa/ kun dga' bo de bzhin gshegs pa dgra
- 319a
bcom pa yang dag par rdzogs pa'i sangs rgyas rnams kyi dbang ni chos yin no/ / de bzhin gshegs pa dgra bcom pa yang dag par rdzogs pa'i sangs rgyas rnams ni chos kyi stobs dang ldan pa ste/ de dag gis chos de dag ji ltar mngon du byas pa de ltar bstan to// kun dga' bo de'i phyir legs par rab tu nyon la tshul bzhin du yod la gyis shig dang / ji ltar de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po la dad pas rjes su 'brang bar yongs su bstan pa dang / de bzhin du chos kyi rjes su 'brang ba dang / brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / nyan thos dang / rang sangs rgyas su yongs su bstan pa ngas khyod la bshad do/ / bcom ldan 'das legs so zhes gsol te/ tshe dang ldan pa kun dga' bos bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to/ / kun dga' bo 'di la byang chub sems dpa' sems dpa' chen po de sems can grangs med dpag tu med pa dag chags pa med pas// sangs rgyas mthong bar bya ba'i phyir yang dad par byed la/ sangs rgyas kyi chos de dag kyang yang dag par rjes su mi mthong zhing / de gzugs la mi chags// de bzhin du tshor ba dang / 'du shes dang
- 319b
'du byed rnams dang / rnam par shes pa la mi chags pa 'di ni/ kun dga' bo byang chub sems dpa' sems dpa' chen po dad pas rjes su 'brang ba zhes bya'o// kun dga' bo gzhan yang byang chub sems dpa' sems dpa' chen po de chos 'di dag thams cad de bzhin gshegs pa dgra bcom pa yang dag par rdzogs pa'i sangs rgyas kyis stong par bshad par yid ches par byed na/ kun dga' bo de ltar mos pa'i byang chub sems dpa' sems dpa' chen po ni dad pas rjes su 'brang ba zhes bya'o/ / kun dga' bo gzhan yang byang chub sems dpa' sems dpa' chen po de sangs rgyas kyi ye shes la yid ches par byed cing / de la 'dod pa'ang skyed la/ nam zhig na bdag ye shes 'di lta bu dang ldan par 'gyur snyam du ye shes de'ang yang dag par rjes su mi mthong na/ kun dga' bo byang chub sems dpa' sems dpa' chen po de dad pas rjes su 'brang ba zhes bya ba'i ming thob bo/ / kun dga' bo gzhan yang byang chub sems dpa' sems dpa' chen po de 'dod pa'i yon tan lnga la yang dad pa ma yin la/ dad pa'i stobs bskyed pa rjes su thob na// kun dga' bo byang chub sems dpa' sems dpa' chen po de dad pas rjes su 'brang bar rig par bya'o// yang ji ltar de b zhin gshegs pas byin pa ltar chos kyi sbyin pa bsam gyis mi khyab pa sbyin par bya ba gang yin pa de lta bur nam zhig na 'gyur zhig gu snyam zhing chos kyi sbyin pa bsam gyis mi khyab pa de la yang yid ches
- 320a
par byed na/ kun dga' bo byang chub sems dpa' sems dpa' chen po de'ang dad pas rjes su 'brang ba zhes bya'o// kun dga' bo gzhan yang byang chub sems dpa' sems dpa' chen po de zhum pa med pa'i yid kyis btang ba thams cad yongs su gtong ba yin te/ de lus kyang yongs su gtong yang sbyin pas dag par yang mi sems shing / thams cad du'ang ser sna med pa yin la/ de thams cad kyang byang chub tu yongs su sngo zhing / byang chub de'ang yang dag par rjes su mi mthong ste/ de ltar yang dag par rjes su mi mthong ba de ni dad pas rjes su 'brang ba zhes bya'o/ / kun dga' bo gzhan yang byang chub sems dpa' sems dpa' chen po de sangs rgyas la dad pa phun sum tshogs pa yin/ sems rnyog pa med pa yin/ rnyog pa med pa'i chos la yid ches pa yin/ skye mched drug kyang mi 'dor la// de de dag don du gnyer ba'ang ma yin/ dad pas mos pa yin/ sems can gang dag dad pa dang mi ldan pa de dag kyang dad pa la 'dzud cing / sangs rgyas kyi chos la dad par byed pa yin/ dad pa dang ldan par gyur nas kyang byang chub tu sems skyed cing / sems de'ang mi rnyed pa yin/ dad nas mnyam pa nyid du shes shing / chos kyi dbyings mnyam pa nyid du shes te/ de ni ji ltar shes she na/ de ni tha snyad kyis chos kyi dbyings so zhes brjod par bya ste/ dbyings de'ang mi rnyed/ 'du byed thams cad mi rtag pa dang / 'du byed thams cad
- 320b
sdug bsngal ba dang / 'du byed thams cad stong pa dang / 'du byed thams cad bdag gi ba med par yid ches par byed cing de la'ang stobs bskyed pa thob pa yin/ 'phags pa'i tshul khrims la yid ches pa yin/ spros pa med pa'i ting nge 'dzin la'ang snyoms par zhugs pa yin/ sems can thams cad 'gog pa'i dbyings su mnyam mo zhes 'gog pa'i dbyings la yid ches pa yin/ da pa gang gis yid ches pa de'i mtshan nyid kho nar yang dag par rjes su mthong zhing mi chags so// ma chags nas kyang sems can thams cad chos kyi dbyings su mnyam par yang dag par rjes su mthong chos kyi dbyings de'ang yang dag par rjes su mi mthong ngo / / de ci'i phyir zhe na/ chos kyi dbyings nyid sems can thams cad kyi sems med pa'i dbyings te/ de de ltar yid ches shing / de ches de dag ji lta bar sems kyang de bzhin du yid ches par byed de/ de lta bu ni dad pas rjes su 'brang ba zhes bya'o// kun dga' bo gzhan yang byang chub sems dpa' sems dpa' chen po de yang dag par na// sems can thams cad gang la'ang mi gnas par yid ches shing / sems can thams cad rang bzhin gyis stong pas de dag gi gnas kyang yang dag par rjes su mi mthong la/ sems can thams cad mya ngan las 'das pa'i dbyings su mthong ste/ de ltar dad pa'i byang chub sems dpa' sems dpa' chen po ni dad pas rjes su 'brang ba zhes bya'o// de nas bcom ldan 'das kyis de'i
- 321a
tshe tshigs su bcad pa 'di dag bka' stsal to/ / sangs rgyas mthong ba chags med la// sems can dpag med dang bar byed// de ni de la chags pa med// de phyir blo ldan dang bas 'brang / / chos 'di thams cad stong pa zhes// rab tu bshad par yid kyang ches// de ni de yi mos yin te// de phyir dad pas 'brang ba 'dod// bde gshegs ye shes yid ches te/ nam zhig 'di 'drar shes ldan zhes// de la 'dod pa 'jug byed cing // shes pa de yang mthong ma yin// 'dod pa'i yon tan rnam lnga la// rtag tu dad pa ma yin te// dad pa'i stobs ni rjes thob pa// de phyir dad pas 'brang bar gsungs// ji ltar bcom ldan byin pa ltar// chos sbyin bsam gyis mi khyab 'di// sbyin pa nam zhig sbyin snyam pa// de phyir dad pas 'brang bar gsungs/ / de ni slong la dad pa yis// lus kyang thams cad gtong bar byed// sbyin pa sbyin pa'i 'du shes med// de phyir brtan pa dad pas 'brang // dad pas thams cad gtong byed cing / / thams cad la yang ser sna med// de dag thams cad byang chub gzhol// byang chub de yang mthong ma yin// rdzogs sangs rgyas la dad pas dang // de yi sems ni rnyog pa med/ / sems can med pa'i chos kyang ston// de phyir dad pas 'brang bar gsungs// sems can gang dag dang mi ldan// de dag dang la 'dzud byed cing // dri med chos la
- 321b
dad par byed/ / de phyir dad pas 'drang bar gsungs// dang pa'i sems dang ldan gyur nas// sems ni byang chub 'jug par byed// sems de yang ni mi rnyed de// de phyir bstan pa dang pas 'drang / / chos kyi dbyings ni rtag mnyam par// dad pas mnyam pa nyid du shes// dbyings de yang ni mi rnyed la// dbyings zhes tha snyad 'dogs pa'ang med// 'du byed thams cad mi rtag dang / / sdug bsngal stong pa bdag med par// yid ches de yis stobs bskyed pas// de phyir dad pas 'brang ba gsungs// zag meng tshul khrims yid ches la// rnyog pa med cing spros med pa/ / zhi ba'i dbyings la mnyam bzhag pa// de phyir blo ldan dad pas 'brang // sems can thams cad dbyings med dang // mya ngan 'das pa'i dbyings yid ches// dang pa gang gis yid ches pa/ / dad pa de yang de mtshan nyid// chos kyi dbyings la chags med pas// sems can dbyings kyang mthong ma yin// ye shes ldan pa chos kyi dbyings// bsam gyis mi khyab de mi mthong / / byang chub sems dpa' 'jigs med pa// chos de ji ltar 'di 'dra bar// de ltar dang bas yid ches pa// de phyir dang dang ldan par gsungs// yang dag nyid du sems can kun/ / de dag ngo bo nyid kyis stong // gang na'ang gnas pa ma yin te// de dag gnas ni yod ma yin// sems can thams cad mya ngan 'das// yang dag tu na de dag stong // des na
- 322a
mya ngan 'das pa de/ / stong pa nyid du yongs su brjod// byang chub sems dpa' 'jigs med pa// 'phags pa de ltar yid ches te// des na dad pas rjes 'byung zhes/ dgrags ldan rnams kyis ming thob bo// dad pas rjes su 'brang rnams kyi// dad pa de ni 'di 'drar gsungs// kun dga' khyod kyis de ltar gzung // de ltar 'di ni rab tu shod// kun dpa' chos rnams 'di dag dang // gzhan yang mang po mtha' yas pa// chos de dag gis blo ldan pa// dad pas rjes su 'brang ba stan// kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po dad pas rjes su 'brang bar yongs su bstan te/ thabs mkhas pas don de nye bar khrid do// / / bam po gnyis pa// / kun dga' bo ji ltar de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen pa chos kyi rjes su 'brang bar yongs su bstan can/ kun dga' bo 'di la byang chub sems dpa' sems dpa' chen po ni sangs rgyas kyi chos rnams las ma ldan ste/ sangs rgyas kyi chos rnams cang 'dzin cing rab tu ston la/ dbyings de las kyang mi 'dal zhing bsam gyis mi khyab pa'i chos rnams kyad rjes su thob pa yin/ bsti stang du byas te/ de 'dzin cing de'i sem
- 322b
zhum pa med pa yin/ chos kyi ngo bo nyid kyi chos kyi rgyun de'ang ston la gang du'ang mngon par zhen pa med/ ci nas chos rnams dang / chos ma yin pa rnams la'ang mi chags par gnas med pa dang / rten med pa'i chos nyid kyang ston/ chos 'dod pa yin gyi/ chos ma yin pa 'dod pa ma yin/ 'dzin pa med pa'i tshul du chos thams cad 'dzin te/ gzung nas kyang rab tu ston to// des shing 'grogs na bde ba yin no/ / zhi ba'i chos de'ang rab tu ston la/ chos kyi dbyings de'ang g.yo bar mi byed/ mngon par zhen par mi byed do// des chos thams cad kyang mtshan nyid med par rjes su rtogs pa yin te/ chos nyid las kyang mi 'da' 'o// de ci'i phyir zhe na/ de mi gnas pa'i tshul du lus la legs par gnas pa yin no// ji ltar legs par gnas she na/ lus 'di ni rtag tu lus ma yin pa zhes de ltar legs par gnas pa yin no/ / lus kyi chos nyid kyis thog ma dang / thog ma ma yin pa mnyam par byed de/ len par mi byed/ khyer bar mi byed par de ltar chos nyid de shes so// sangs rgyas bcom ldan 'das rnams kyis byang chub sems dpa' rnams la gang bstan pa'i chos de'ang rjes su thob pa yin no/ / chos thams cad la chags pa med pas dri ma med pa la dag pa'ang ma mthong ngo // chos gang dag mi mthong ba de dag gang yang mi 'dzin te/ chos nyid kyi dbyings 'di ni nyon mongs pa med pa/ mtshan ma med pa/ rang bzhin med pa/ byed pa med pa/ dngos po med pa
- 323a
sems dang bral ba/ sems med pa zhes bstan to// gang las sems mi dmigs pa de sems med pa de sems med pa thob pa med nye bar zhi ba zhes brjod do// de za skad med pa/ tha snyad dang bral ba/ dmigs pa med pa ste/ de 'dzin kyang chos nyid dngos po med pa'i phyir gang du'ang gnas pa ma yin te/ chos nyid des rab tu phye'o// chos nyid 'di ni bden par na byang chub sems dpa' la bstan te/ bsreg pa'ang med/ rnam par gtor ba'ang med/ bkag pa'ang med do// de la bsnyad pa 'di ni 'gyur ba med pa ste/ ji ltar bsnyad pa de ltar thob pas/ de na rigs kyi sa zhes brjod do// de thob pas rigs kyi sa zhes yongs su bstan to// byang chub sems dpa' sems dpa' chen po de ni rigs kyi sa 'di'ang rjes su thob pa yin te/ chos phra rab tsam yang 'ong ba 'am/ 'gro bar yang dag par rjes su mi mthong la/ 'ong ba med pa dang / 'gro ba med pa'i chos thams cad kyang 'dzin cing g.yo bar mi byed/ rnam par 'thor bar mi byed/ 'du bar mi byed la/ gtor ba med pa dang / 'dzin pa med pa'i chos kyang 'dzin te/ des na chos kyi rjes su 'brang ba zhes bya'o// chos nyid thob pa dang / chos thams cad thob pa med pas chos kyi rjes su 'brang ba zhes bya'o/ / de nas bcom ldan 'das kyis de'i tshe tshigs su bcad pa 'di dag bka' stsal to// sangs rgyas chos la rnam kun tu// chos la ldog par
- 323b
mi byed cing / / ches nyid 'di dag 'dzin byed de// de phyir chos rjes 'drang zhes gsungs// chos rgyun dasam gyis mi khyab pa// rgyun de lus kyang 'da' mi byed// chos nyid de ni rjes su thob/ / de phyir chos rjes 'brang zhes gsungs// sangs rgyas rnams kyis bshad pa'i chos// bsti stang byas te de dag 'dzin// de yi sems ni zhum pa med// de phyir chos rjes 'drang zhes gsungs/ / ngo bo nyid kyi chos kyi rgyun// rgyun de de yis kun tu bstan// chos la mngon par zhen pa med// de phyir chos 'brang shes par bya// gnas med pa dang rten med pa'i// chos kyi rgyun ni yang dag rtogs// chos nyid de ni 'dzin byed de// de phyir blo ldan chos rjes 'brang // byang chub sems dpa'i chos nyid gang // sangs rgyas kyis ni bstan mdzad pa// chos nyid de ni rjes su thob/ / de phyir blo ldan chos rjes 'brang // dbyings ni ngo bo nyid kyis stong // chos rnams kun la nges med pa// chos nyid de ni 'dzin par byed// de phyir blo ldan chos rjes 'drang // de ni chos rnams thams cad la// stong par brtags nas skyon ma mthong // chos gang mthong bar ma gyur pa// de dag la ni 'dzin pa med// chos kyi dbyings kyi dbyings 'di ni// nyon mongs med cing mtshan ma med/ / ngo bo nyid kyang med par bstan// de ni brjod meng dngos po med// dbyings 'di sems dang bral ba ste// sems de dmigs su med pa yin// gang phyir sems ni mi dmigs
- 324a
pa/ de phyir de ni bsam las brjod// sems pa med cing thob pa med// nye bar zhi bar brjod pa ste// brjod pa med cing dmigs pa med// des na de ni bsam yas brjod/ / chos nyid 'di dag 'dzin byed la// des ni gang du'ang gnas pa med// dngos po med pas mi gnas te// de phyir chos rjes 'brang zhes gsungs// byang chub sems dpa' de la ni/ / chos nyid 'di ni rab bstan te// bsres pa med cing bzhag pa med// 'gyur ba med cing 'od gsal ba// gang las rigs ni rang brjod pa// de ni 'a pa'i spyod yul te/ / de ni rab tu thob pas ni// rigs kyi sar ni yongs su brjod// byang chub sems dpa' ma smad pa// rigs 'di dang ni rjes 'thun pa// de ni de ltar 'dzin byed pas/ / de phyir chos rjes 'brang zhes gsungs// chos nyid rab tu thob pas na// de chos rjes su 'brang bar 'dod// kun dga' 'di las dgongs nas ni// byang chub sems dpa' rang tu brjod/ / chos kyi rjes su 'brang ba zhes// ngas ni dgongs te 'di bshad do// gang dag byang chub ring du shes// de dag de ltar nye bar khridang // de ltar byang chub sems dpa'i chos// mang po dag ni ngas bshad de// de lta bu yi thabs kyis ni// sangs rgyas chos rnams rab tu bstan// kun dga' bo de de ltar de bzhin gshegs pa dgra bcom pa yang dag par rdzogs pa'i sangs
- 324b
rgyas kyis byang chub sems dpa' sems dpa' chen po chos kyi rjes su 'brang ba yongs su bstan to/ / kun dga' de ji ltar de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po brgyad par yongs su bstan ce na/ kun dga' bo 'di la byang chub sems dpa' sems dpa' chen po ni log pa nyid brgyad las shin tu 'das pa yin te/ rnam par thar pa brgyad la reg cing yang dag pa nyid brgyad la mngon par zhen pa'ang med pa yin/ so so skye bo'i chos las shin tu 'das pa yin/ lam la'ang legs par gnas pa yin te/ bar ma nyid thob pa yin/ so so'i chos las kyang 'das la/ sangs rgyas kyi theg pa la mngon du zhugs pa'ang yin zhing byang chub de'ang mi snyed/ log par lta ba las kyang shin tu 'das shing / yang dag par lta ba'ang rnam par bshig pa yin/ mnyam pa nyid rjes su thob cing / 'jig chags las rnam par 'das pa yin/ byang chub tu mngon du zhugs shing sangs rgyas kyi lam rjes su thob pa yin/ de sems can du 'du shes pa bzlog pa yin/ de sangs rgyas su 'du shes pa rnam par bshig pa yin/ 'du shes mnyam pa nyid rjes su thob pa yin/ sems can gyi gnas las shin du 'das pa yin/ gnas med pa'ang mngon par zhugs la/ chos thams cad la mi gnas pa'ang yin no// de ci'i phyir zhe na/
- 325a
gang dag de'i gnas su 'gyur ba'i chos de dag mi dmigs pa'i phyir ro// 'jig rten las 'das pa'i chos rnams las rab tu 'das shing / 'jig rten las 'das pa'i chos rnams la zhugs la/ 'gog pa'i dbyings dang chos kyi dbyings mnyam pa thob pa yin/ 'jig rten pa rnams dang / 'jig rten las 'das pa'i chos rnams mi dmigs shing chos rnams dang / chos ma yin pa rnams dang / yod pa dang / med pa rnam par spangs pa yin/ de nad pa dang rtag pa la mtshungs par 'du shes pa yin/ rtag pa la mtshungs par 'du shes pa yin te/ 'das pa dang / ma 'ongs pa dang / da ltar byung ba'i sems la mtshungs par gyur pa yin/ byang chub kyi sems de'ang mi dmigs pa yin no// de ci'i phyir zhe na/ sems can thams cad mtshungs par gyur pa mnyam pa nyid du nges pa yin te/ des na de'i lus la dug dang / me dang / mtshon gyis mi tshugs so// de ci'i phyir zhe na/ des yul thams cad kyang rnam par spangs pa yin la/ de'i rtogs pa sangs rgyas kyi yul la'ang legs par gnas pa yin no// de ci'i phyir zhe na/ byang chub ni 'gro ba med pa/ 'ong ba med pa/ bde ba/ zhib grangs su ma gtogs pa ste/ ting nge 'dzin de la legs par gnas pa yin no// de ci'i phyir zhe na/ byang chub ni stong pa'o// de ltar na de'i gnas de med pa yin te/ des na ngo
- 325b
lus la mtshon gyis mi 'og ste/ des na mi sod pa zhes bya'o// de ltar nges par byung ba ni mi song ba yin te/ bde bar bde ba'i shes pa rtogs so// de ci'i phyir zhe na/ des gang gis rtogs pa'i shes pa de'ang mi rnyed de/ des na de'i lus la mtshon gyis mi phog mi tshugs so// de ci'i phyir zhe na/ des chos thams cad 'dre ba med par shes pa'i phyir te/ des na de mtshon gyis mi song ngo / / de ci'i phyir zhe na/ 'di ltar sems can thams cad la byams pas khyab par byed de/ byang chub kyi rnam par mngon par sgrub pa'i byams pa dang / rnam pa med cing chags pa med pa'i byams pa dang / chos thams cad stong pa nyid dang / zhi ba'i dbyings ma thob pa'i byams pa dang / gnod sems dang / brnab sems spangs pa'i byams pa dang / mngon par shes pa dang / ye shes kyis btang ba'i byams pa dang / byang chub snang ba thob pa'i byams pa dang / sems can mi dmigs pa'i byams pa de sems can thams cad la khyab par byed do// des na mtshon gyis mi sod do/ / chos kyi dbyings mnyam pa nyid kyis des 'dod pa'i khams dang / gzugs kyi khams dang / gzugs med pa'i khams mnyam pa nyid du shes pa yin te/ byang chub sems dpa' sems dpa' chen po ni byang chub 'gyur ba med pa dang / rnam par shes par bya ba ma yin pa dang / kun tu rtog pa med pa dang / spros pa med pa dang / rnyog pa med par de ltar chos kyi dbyings mnyam
- 326a
pa nyid la zhugs so/ / slar brjod pa gang dag ji snyed pa thams cad la rtogs pa dang / rtogs pa med pa dang / chos kyi dbyings rtogs pa dang / gnas pa med par rtogs pa khong du chud par 'gyur te/ sgra thams cad la mkhas pa yin/ nges pa'i tshig med pa'i chos ston par byed la/ bdag ni chos 'ga' zhig ston to snyam du rlom sems pa'ang med do// de 'du shes dang yang bral la/ sgra thams cad kyi mnyam pa nyid la'ang 'jug go// chos thams cad bral ba'ang med la/ stong pa dang zhi bar yang shes so// de gang las 'da' bar bya ba'i chos gang yang mi dmigs te/ des na de brgyad pa zhes bya'o// chos thams cad la mi chags pas des na brgyad pa zhes bya'o// de nas bcom ldan 'das kyis de'i tshe tshigs su bcad pa 'di dag bka' stsal to// log pa brgyad las shin tu 'das/ / rnam par thar pa brgyad la reg/ yang dag brgyad la zhen pa med// de'i phyir brgyad pa zhes brjod do// so so'i skye bo'i chos las 'das// lam la'ang rab tu legs par gnas/ / ye shes ldan pa dbus mi mthong // de phyir brgyad pa zhes brjod do// so so'i skye bo nyid las 'das// byang chub la yang mngon par zhugs// byang chub de yang mi dmigs te// des na brgyad pa zhes brjod do// log pa'i lha las rnam par 'das// yang dag lta ba rnam par bshig/ bzang po'i lam gyis mnyam nyid thob// des na brgyad pa zhes brjod do// 'jig tshogs las
- 326b
ni rnam par 'das/ / byang chub mchog la rab tu zhugs// sangs rgyas lam yang rjes su thob// des na brgyad pa zhes brjod do// de ni rang gi 'du shes bzlog/ byang chub 'du shes rnam par shig dpe med pa yi 'du shes thob/ / des na brgyad pa zhes brjod do// sems can gnas las shin tu 'das// gnas med pa la rab tu zhugs// chos rnams kun la mi gnas te// des na / brgyad pa zhes brjod do// 'jig rten chos las rnam par 'das// 'phags pa'i chos ni rnam par shig/ 'gog pa'i dbyings ni rjes su thob// des na brgyad pa zhes brjod do// gang dag 'jig rten chos brjod dang // sangs rgyas chos gang tha dad pa// chos de de yis mi rnyed de// des na brgyad pa zhes brjod do// yod ces pa 'di mtha' gcig ste// med ces bya ba gnyis pa yin/ / mtha' 'di de yis par spangs// des na brgyad pa zhes brjod do// de ni bdag dang bdag med mtshungs// rtag pa dang ni chad pa mtshungs// de yis mnyam dang mtshungs par shes/ / des na brgyad pa zhes brjod do// 'das pa'i sems ni mo rnyed de// ma 'ongs sems kyang de bzhin no// da ltar byung la mnyam pa thob// des na brgyad pa zhes brjod do// byang chub tu ni dang po sems// dge ba skyes pa gang yin pa// sems de dmigs pa ma yin na// de yis ji lta byang chub thob// gang la byang chub mi dmigs pa// de ni de ltar mi dmigs zhug/
- 327a
des na de la dug dang mes// rnam pa kun tu mi tshugs so// de ni 'gro dang bral ba ste// mtshan ma yis ni chags pa med// 'gro ba med pa'i 'gro bar phyin// des na brgyad pa zhes brjod do// byang chub 'gro dang bral ba ste// de ni tshig gis rab tu brjod// des ni sgra yang rnam par bshig/ des na brkyang pa zhes brjod do// de la 'gro ba mi rnyed de// de la 'gro ba med mi rnyed// mi 'gro ba dang 'gro ba'i sgra// ye shes zhi ba rab tu bstan// zhi ba de ni zhi bar brjod// zhi ba stong pa nyid du brjod// zhi ba'i dbyings ni thob pas na// des na de gsod min zhes brjod// blo ldan des ni bde bar yang // de ltar bde ba'i shes pa rtogs// de yis ci yang ma bor te// des na de ni sad mi 'dod// legs par thar byas mtshon non gyis/ / de yi lus la mi phog ste// de lus lus kyi 'du shes med// des na mtshon gyis mi song ngo // des pa byang chub byams pa yi// byams pas sems can khyab par byed// blo3 gnod sems rnam par spangs/ / des na mtshon gyis mi song ngo // mi rigs 'du shes ngan pa bsal// rig pa dang ni 'du shes btang // byang chub phyir ni snang ba thob// des na mtshon gyis mi song do/ / mtshon la'ang stong par mos pa ste// lus kyi 'du shes rnam par bshig/ byang chub lam ni rjes su thob// des na mtshon gyis mi sod do// zhi ba'i dbyings ni rjes su thob/
- 327b
ngan song thams cad rnam par spangs// de ni sdig pa'i lam las 'das// des na mtshon gyis mi song ngo // 'dod pa'i khams dang gzugs kyi khams// gzugs med pa'ang rnam kun tu/ khams gsum pa ni mnyam par shes// des na brgyad pa zhes brjod do// chos kyi dbyings mnyam byang chub ni// 'gyur ba med cing bstan du med// shes bya ma yin kun rtog med// spros pa med cing rnyog pa med/ / byang chub sems dpa' ma smad pa// de ltar mnyam pa nyid la zhugs// gang dag ji snyed sgrar brjod pa// de la 'gro bar 'gro mi byed// gang gis chos rnams rab bshad pa/ / skad rnams kun la mkhas pa yin// bdag gis 'ga' zhig bshad do zhes// de la rlom sems ci yang med// sgra rnams kun las shin tu 'das// sgra med pa yi/ chos nyid rtogs// des na brgyad pa zhes brjod do// sgra rnams kun la nges pa med// kun dga' ngas ni 'di la dgongs// brkyang pa yongs su brjod pa yin// de ltar de skad brjod pa 'di// 'di ni de ltar yod ma yin// kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po brgyad par yongs su bstan to/ / kun dga' bo ji ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po rgyun du zhugs par yongs su bstan
- 328a
ce na/ kun dga' bo lam la rgyun zhes brjod de/ sangs rgyas kyi lam bsam gyis mi khyab pa'o// de la byang chub sems dpa' sems dpa' chen po mi gnas pa'i tshul dang / 'du ba med pa dang / bral ba med pa dang / chos thams cad las bsgral ba'i tshul gyis gnas so// sangs rgyas kyi rgyun rjes su thob cing de la gzhol te/ chos thams cad gzung ba med pa/ gnas pa med pa/ dmigs pa med pa/ rten pa med pa/ dngos po med pa/ chos thams cad yongs su grub pa med pa'i lam de byang chub sems dpa' sems dpa' chen pos rjes su tho ste/ brtson 'grus brtan pa dang / mthu brtan pa dang / blo gros bstan pa dang ldan pa yin gyi/ le lo dang / brtson 'grus dang / mi mthun pa dang ldan pa ma yin no/ / lam de la'ang mi chags shing mi gnas la/ lam des kyang chos thams cad tshol te/ ji ltar de la chos thams cad kyi mnyam pa nyid dang / sgri pa dang / chos pa rnams kyi mnyam pa nyid dang / chos thams cad dang / sangs rgyas kyi chos mnyam pa nyid la snyoms par zhugs pa dang / 'jig tshogs la lta ba rnam par mthong bas/ lta ba skyed pa med pa sangs rgyas lta ba skyed par 'gyur ba dang / 'jig tshogs kyi 'du shes rnam par bshig pa dang / bdag gi 'du shes las shin tu 'das pa de ltar tshol te/ des na de rgyun du zhugs pa zhes bya'o//
- 328b
de sangs rgyas kyi lam la yang mi chags te/ chags pa med pa rjes su thob bo// sangs rgyas kyi byang chub la the tsom med do// tshul khrims mchog tu 'dzin pa'ang med de/ de sangs rgyas kyi tshul khrims kyang yang dag par rjes su mi mthong bas/ des na tshul khrims mchog tu 'dzin pa med do// brtags pa'i tshul khrims ma yin no// rnam par brtags pa'i tshul khrims ma yin/ no// kun tu sbyor ba gsum las rnam par 'das so// khams gsum la mi gnas so// sangs rgyas kyi lam rjes su thob ste/ dmigs pa med pa'i lam/ chags pa med pa'i lam chags pa dang bral ba/ sangs rgyas kyi lam la mngon du zhugs so// lus dang srog la mi lta'o// btang ba thams cad yongs su gtong ngo // bzhin khro gnyer med do// byang chub las brtsams te sbyin pa sbyin no/ / sems can thams cad sdug bsngal las bsgral ba dang / mya ngan las 'das pa la dgod pa dang / mtshan ma thams cad rnam par gzhig pa dang / mtshan ma med pa'i chos bskyed pa'i phyir yongs su mi gtong ba ci'ang med do/ / de sems can gyi 'du shes dang bral bas 'khor gyi nang du 'gro ba na bag tsha ba med pa yin te/ byang chub kyi lam rnam par spyod pa zhi ba'i chos ston de 'jigs shing skrag pa dang bral bas/ 'chi bas kyang 'jigs pa med do// de ci'i phyir zhe na/ 'di ltar des zhi ba'i las rjes su thob pa'i phyir te/ sangs rgyas kyi lam 'dod
- 329a
chags dang bral ba de 'ong ba med pa dang / 'gro ba med pa'i lam shes bya ba thams cad rnam par 'jig pa mnyam pa'i lam spros pa med pa rjes su thob bo// des na byang chub sems dpa' sems dpa' chen po rgyun du zhugs pa zhes bya'o/ / de nas bcom ldan 'das kyis de'i tshe tshigs su bcad pa 'di dag bka' stsal to// lam la rgyun ces ngas brjod do// bsam du/ med pa sangs rgyas lam// gang dag la la 'dir gnas pa// de dang de dag rgyun la gzhol// lam ni nam mkha' mtshungs pa ste// chos rnams kun la gnas pa med// dmigs pa med cing rten pa med/ / de la dngos po yod ma yin// 'jig rten mgon po bla na med// lam gang gis ni nges 'byung ba// byang chub sems dpa' dran brtan des// lam de nyid ni rjes su thob// lam de la ni chags pa med/ / lam gyis kyang chos tshol bar byed// des na de ni rgyun du zhugs// sangs rgyas lam la chags pa med// 'khor ba'i 'du shes gang brjod pa// sangs rgyas 'du shes de bzhin te/ / mnyam pa nyid ni der zhugs pa// rgyun du zhugs par shes par gyis// sangs rgyas lam ni mthong ba'i phyir// sangs rgyas kyi ni lam 'di la// sgrib cing chod pa yod pa rnams// thams cad de yis rnam par spangs// bdag gis lus su bsams nas ni// rgyal ba la yang lta ba skyed// sangs rgyas lta bar gang gyur pa// lta ba de ni de yis bsal// bdag tu lta ba rab sdig
- 329b
pa/ dubadag lta 'jig tshogs lta ba gang // lta ba de yis rnam par gzhig/ des na lam la mi chags so// byang chub thob phyir sngon chad ni// de yi the tsom gyur pa gang // de bsal bas ni chags med thob/ / sangs rgyas lam la rab tu zhugs// gang gis de yi tshul khrims dang // sangs rgyas tshul khrims mchog 'dzin gyur// tshul khrims 'du shes de spangs te// phyir yang de la rtog mi byed/ / kun tu sbyor ba gsum bcad cing // khams gsum pa la de mi gnas// sangs rgyas chos rnams rjes su thob// sems can 'du shes rnam par shig/ dmigs pa med pa'i lam gyis ni/ / sangs rgyas byang chub phyir zhugs te// rnyog pa med pa sangs rgyas lam// zhi ba'i lam ni rjes su thob// gtong ba la ni mos pa yin// bzhin ni khro gnyer med pa ste/ des na de la 'tsho med med// byang chub phyir ni de spros med// de la mi gtong ci yang med// sdug bsngal las ni skye dgu sgrol// des na rgyun du zhugs pa ste// thang mchog la ni 'god par byed/ de la mtshan ma phyir zhing med// gang du'ang mtshan ma med pa'ang min// des na 'jig rten 'di dang ni// gzhan du'ang de ni 'jigs pa medang // gang dag chos dang chos min dang // gnyis ka de dag rnam par spangs// ming dang gzugs dang bral bas na// des na 'jig rten 'dir mi 'jigs// 'khor gyi nang du 'gro ba na// rtag tu 'jigs pa med pa yin// byang chub lam ni rnam
- 330a
sbyong ba/ / zhi ba'i chos ni rab tu ston// de yi sems can 'du shes gang // de yi 'du shes de rnams bshig/ des na de la sgrib pa med// 'jigs pa thams cad rnam par bshig/ 'jigs pa'i rtsa ba spangs pas na// de ni 'chi bas 'jigs pa med// bde ba dri med 'dod chags bral// zhi ba'i lam ni rjes su thob// ngan 'gro yi ni mnyam nyid shes// de phyir/ de ni des mi 'jigs// gzung med mnyam nyid g.yo ba med// lam de yang dag rab bshad pa// byang chub sems dpa' rnams kyi yin// rgyun du zhugs zhes ngas bshad pa// chos rnams sems can gang dag ni/ / dman mos de dag phyir bshad do// shin tu phra ba'i thabs kyis ni// sangs rgyas chos rnams rab tu bshad// gang dag byang chub phyir 'jug pa// de dag de ltar nye bar khrid/ / sangs rgyas chos ni tshol gang gis// sngon chad ji ltar spyod pa ltar// thabs dang ye shes brten nas ni// rnam pa 'dren pa chos ston to// kun dga' ngas ni 'di la dgongs// rgyun du zhugs par rab bshad na// sems can blo chung rnams kyis ni// gzhan du yongs su de brtags so// kun dga' de ltar dgongs pa 'dis// nga yis rgyun du zhugs bshad pa// sems can gang dag blo ldan pa/ / de dag gis ni tshul 'di shes// zab mo la ni mi mkhas pa// mi gsal byis pa'i blo ldan pa// ldem po ngag ni mi shes te// mi shes pas na rtsod par byed//
- 330b
nga yis chos stong mang po dag/ rgyun du zhugs par bshad pa dag/ rgyun du zhugs zhes bya ba'i sgra// sangs rgyas chas du bsha yin// kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po rgyun du zhugs par yongs su bstan to// kun dka' bo ji ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa chen po lan cig phyir 'ong bar yongs su bstan ce na 'bo 'di la byang chub sems dpa' ye shes de'i rjes su 'gro shes pa gang gis byang chub bsgrub pa'i sangs rgyas kyi ye shes rkyen mang pos yongs su tshol lo/ / rkyen thams cad kun tu gtse 'i ye shes sangs rgyas kyi ye shes kun tu tshal lo// bsam gdan mkha' khyab bsam gtan thams cad las yang dag par 'da' ba/ nyon mongs pa thams cad sel ba yongs su tshol lo// sa sangs kyi chos thams cad mnyam pa nyid kyis chos thams cad kyi ma'am pa nyid rtogs par bya ba'i phyir chos nyid thams cad rjes su thob bo/ / gang de bzhin gshegs pa dgra bcom pa yang dag par rdzogs pa sangs rgyas rnams kyis brnyes pa ma thob pa'i chos nyid yongs su tshol lo/ / de g.yo bar byed pa'i sems can gang yang mi dmigs te/ sems can gang yang g.yo ba med pas chos kyi dbyings rol lo// kye ma sems can dag ni mang du blo chung ba dang /
- 331a
shin tu sdug bsngal ba dang / chos kyi dbyings la mi mkhas pas nyam thag pa dag ste/ de dag chos kyi dbyings shes pa la dgod par bya'o zhes/ sangs rgyas kyi ye shes yongs su tshol lo/ / dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa khong du chud par bya zhing / sems can dag kyang khong du chud par bya'o zhes sangs rgyas kyi ye shes yongs su tshol lo// ye shes gang gis byang chub rtogs par 'gyur zhes ye shes de yongs su tshol lo// sangs rgyas kyi spyan sgrib pa mi mnga' ba/ bsam gyis mi khyab pa'i spyan gang gis 'jig rten gyi don bya zhes mig gis shes pa de dang ye shes gang gis chos thams cad ji lta ba bzhin du shes pa/ shes pa thams cad kyi mchog yongs su tshol lo/ / ye shes gang gis sems can tshol ba'i ye shes de'ang mi rnyed do// chos thams cad la legs par gnas pa'i shes pa'i ye shes la dgod do zhes de na de 'dir 'ongs te/ 'ongs nas kyang bsam gyis mi khyab pa'i dbyings tshol ba'i phyir/ sems can gyi khams kyang mthong la khams de'ang mi rnyed de/ des na 'ong ngo // sems can yod su grub pa rnyed par lta ga la 'gyur te/ sems can yongs su grub par khong du chud pa med pas/ sems can gyi khams yongs su shes pa yin no// gang gi phyir sems can kun tu bstan cing
- 331b
yongs su brjod pa de'ang mthong ngo / / sems can thams cad dang chos kyi dbyings rnam par mthong nas sems can thams cad chos kyi dbyings la yang dag par gzhol bar mthong ngo // sangs rgyas kyi lam/ chos kyi dbyings dang mnyam pa'i lam/ sems can mi dmigs pa'i lam/ sems can mnyam pa nyid kyi ye shes kyi lam mthong zhing / 'di lta bu mtshungs pa med pa'i lam gyi ye shes 'dod chags dang bral ba/ dri ma med pa gtsang ba tshol lo// ye shes gang gis de shes pa'i ye shes de'ang mi rnyed do// ye shes gang gis byang chub sems dpa' rab tu phye ba'i ye shes de rjes su thob nas/ de yongs su tshol zhing 'dir 'ongs te/ des na de lan cig phyir 'ong ba zhes bya'o// de nas bcom ldan 'das kyis de'i tshe tshigs su bcad pa 'di dag bka' stsal to// sangs rgyas ye shes mtha' yas pa/ / ye shes rjes su de 'gro ste// sangs rgyas ye shes tshol byed pas// des na de ni lan cig 'ong // gang gis byang chub sgrub 'gyur ba// rkyen rnams mang po rab gsungs pa/ / rkyenang shes par bya'o zhes// de dag tshol zhing 'ongs pa yin// bsam gtan nam mkha' khyab byed pa// nyon mongs thams cad sel ba mchog/ de yi ched du rab brtson te/ / de sgrub par ni 'ongs pa yin// thams cad mkhyen dang ldan rnams kyis// chos nyid dam pa gang brnyes pa// bdag gis de thob bya'o zhes// de tshol bar ni 'ongs pa yin//
- 332a
dam pa'i chos kyi dbyings las ni// sems can gang yang mi bskyod de// de dag khong du rung bya'i phyir// de ni lan cig 'ong bar zad// sems can mang po blo rung ba/ / sdug bsngal zhing ni nyam thag pa// de dag ye shes dgod do zhes// sangs rgyas kyi ni ye shes tshol// byang chub yan lag dbang po stobs// bsam gtan rnam thar brjod pa rnams// de dag btsal ba'i don gyi phyir/ / sangs rgyas ye shes tshol ba yin// sngon gyi sangs rgyas bzhugs bzhugs pa// byang chub snying po tshol bar byed// de tshol bar ni 'ongs pas na// des na na lan cig sangs rgyas spyan ni sgrib mi mnga'/ / spyan de bla na med pa ste// sangs rgyas spyan ni tshol byed pas// des na de ni lan cig 'ong // ji ltar sangs rgyas 'jig rten mgon// skyob pa rnams kyis btsal bltar// de ni shes pa kun gyi mchog/ shes rab de ltar tshol bar byed// ye shes gang gis chos rnams kun// ji bzhin shes shing sems can de// mi dmigs de ltar de lam tshol// des na lam ni tshol ba yin/ / bla na med pa dgod do zhes// shes pas sems can mang tshol te// de dag tshol bar byed pas na// lan cig phyir ni 'ong ba yin// shes ldan 'ongs nas sems can gyi// khams ni bsam gyis mi khyab mthong / / sems can khams ni tshol bar byed// de na de ni lan cig 'ong // de na khams gang tshol byed pa// de la sems can yod min te// tshol ba la ni mi rnyed pas//
- 332b
des na de ni lan cig 'ong // de ni sems can chos kyi dbyings// rnam pa kun tu mi thob ste// gang gis sems can snang 'gyur ba// khams de de yis yongasu shes// chos rnams ma lus gsob dang gsog/ snying po med par rnam par mthong // mnyam par bzhag pa'i sems kyis ni// sangs rgyas lam yang tshol bar byed// ye shes de ni 'di 'dra ste// dri med gtsang zhing 'dod chags bral// ye shes gang gis shes 'gyur ba// ye shes de ni mi rnyed do// byang chub sems dpa' ma smad pa// sems can gang gis rab phye ba// gang gi phyir na de 'dir 'ongs/ / ye shes de ni rjes su thob// kun dga' de las dgongs nas ni// lan cig phyir 'ong zhes bstan na// sems can blo chung rnams kyis ni// de la log par yongs su brtags/ / kun dga' 'di las dgongs nas ni// lan cig phyir 'ong zhes brjod do// sems can chen po brtson ldan rnams// tshul 'di de ltar shes pa yin// dgongs la mkhas shing // rnam rig pa// zab mo'i don la rab nges pa// don de rjes su thob nas ni// de dag byang chub sgrub par byed// kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po lan cig phyir 'ong bar yongs su bstan to// kun dga' bo ji ltar de bzhin gshegs pa dgra bcom pa yang dag par rdzogs pa'i sangs
- 333a
rgyas kyis/ byang chub sems dpa' sems dpa' chen po phyir mi 'ong bar yongs su bstan ce na/ kun dga' bo 'di la byang chub sems dpa' sems dpa' chen po ni/ phyogs gcig pa'i spyod pa las yang dag par 'das shing / sangs rgyas kyi spyod pa rjes su thob pa yin/ des spyod pa thams cad spangs shing rnam par spangs pa yin/ chos thams cad la mi gnas shing gnas pa med pa dang / rten pa med pa yin te/ de na de phyir mi 'ong ngo // de chos nyid kyis 'ong ba 'am/ 'gro ba yang yang dag par rjes su mi mthong ngo // so so'i skye bo rnams las kyang rnam par 'das la/ so so'i skye bo'i 'du shes kyang rnam par spangs shing / sangs rgyas kyi 'du shes kyang rnam par bshig pa yin/ rten pa med pa'i chos dang yang ldan pa yin no// de ci'i phyir zhe na/ 'di ltar de ni zhi ba'i dbyings rjes su thob pa yin/ de la ni so so'i skye bo 'am/ 'jig rten gyi 'dren pa sangs rgyas mi dmigs so// ngan song las kyang rnam par 'das shing 'dod pa yang dag par chad do/ / lta bar gyur pa yang dag par gzhom pa'i phyir/ zas dang bral ba'i byang chub rjes su thob bo// lta bar byas pa drug cu rtsa gnyis la mngon par zhen pa med pa'i phyir dngos po dang / dngos po med pa dang bral lo// mya ngan las 'das pa dang 'dra'o// mya ngan las 'das pa'i 'du shes bzlog pa dang / 'du shes thams cad la
- 333b
mi 'jug par bya ba'i phyir/ des chos thams cad dang / ngan song dang / dri ma rnam par sbyang ba byas so// bdud sdig can bcom mo// rgyags pa dang bral lo// ma rig pa'i zug rngurdu phyung ngo / / sred pa bskams so// des dga' ba'i 'dod chags bsal ba byas so// nyon mongs pa rnams bsal to// 'du shes thams cad bton to// mya ngan gyi zug rngu phyung ngo // nga rgyal las kyang nga rgyal dang bral lo// phung po yongs su shes pa'i snang ba thob bo// des na de sangs rgyas kyi ye shes la ye shes mnyam pa nyid bsam gyis mi khyab pa thob bo// des na byang chub sems dpa' sems dpa' chen po de 'dod pa'i 'dam gyi khams la mi chags par sngon gyi sangs rgyas 'byung ba rjes su thob bo/ / sngon gyi sangs rgyas kyis bzhag pa bsal ba med cing bsdam pamed pa'i gter sngon gyi sangs rgyas kyi gter rjes su thob bo/ / sangs rgyas kyi theg pa sems can thams cad la go skabs yod pa/ gtso ba gong na med pa rjes su thob bo// thob pa med pa'i tshul dang / mtshan ma thams cad mtshan ma med pa'i tshul gyis the tsom thams cad zhi ba'i dbyings rjes su thob ste/ des na yang de 'dir mi 'ong ngo // kun dga' bo gzhan yang sems can gang dag gzung ba de dag byang chub la dgod do zhes de dag bkod do/ / ji ltar byang chub la bkod ce na/ sems can med par byang chub khong du chud par bya ste/ sems can gyi 'du shes
- 334a
las bslang ngo / / de ci'i phyir zhe na/ des sems can gyi khams stong par shes so// stong pa gang yin pa de bsam du med pa ste/ sems can gyi 'du shes dang bral lo/ / de ci'i phyir zhe na/ 'di ltar des sems can gyi khams nam mkha'i khams dang mtshungs par stong pa dang / sems can dang bral ba dang / sems can dang bral ba'ang ma yin par shes so// nam mkha'i khams de nyid nam mkha' nyid du med de gnas pa med do// nam mkha'i khams de'ang nam mkha' nyid kyis stong ste/ sems can gyi mtshan ma thams cad bcom pa'o// des mtshan ma med pa'i byang chub thob ste/ de sems can dang nam mkha'i 'du shes dang bral lo// des chos kyi dbyings nam mkha'i khams dang mtshungs par rtogs so// de ci'i phyir zhe na/ 'di lta ste/ chos thams cad dang / sems can thams cad ni rang bzhin gyis chos kyi dbyings so// de ci'i phyir zhe na/ 'di ltar des de dag mi dmigs te/ mi dmigs pas na yang 'dir mi 'ong ngo / / de na de phyir mi 'ong ba zhes bya ba'i grangs su 'gro'o// chos thams cad du bgrang ba'ang ma yin la/ sangs rgyas kyi grangs su'ang zhugs pas phyir mi 'ong ba zhes bya'o// de nas bcom ldan 'das kyis de'i tshe tshigs su bcad pa 'di dag bka' stsal to// phyogs gcig spyod pa gang yin par// de na phyir zhing mi 'gro ste// phyogs gcig spyod pa spangs pas na/
- 334b
phyir mi 'ong zhes brjod pa yin// 'gro ba rnams kyi 'gro med shes// gnas kyang cung zad mi rnyed de// chos rnams rkyen la mi gnas pas// phyir mi 'ong zhes bya bar 'dod// so/ so'i skye bor gang brjod dang // 'jig rten mgon po rdzogs sangs rgyas// de la phyir zhing mi 'ong ste// de phyir phyir mi 'ong zhes bya// 'dir ni chos rnams 'ong ba dang // 'gro ba dag kyang mi dmigs te/ / 'ong dang 'gro ba med thob pas// de ni phyir mi 'ong zhes brjod// 'gro ba rnam gsum gang du yang // de ni phyir zhing mi 'gro ste// sangs rgyas chos rnams thob pas na// de ni phyir mi 'ong zhes brjod// 'dod pa thams cad yang dag chad// de ni kha zas chags pa med// byang chub lam yang thob pas na// phyir mi 'ong zhes brjod pa yin// sdig pa can gyi lta ba gang / / lta ba drug cu gnyis brjod pa// de la de ni mi 'gro ste// de phyir de ni phyir mi 'ong // chos rnams 'di dag rang bzhin med// dngos po dang ni rtag tu bral// de yis yang dag ji bzhin shes/ / des na de ni 'dir mi 'ong // nyon mongs thams cad sel byed pa// mya ngan 'das zhi gang gsungs pa// de las 'du shes rnam par bzlog/ des na de ni 'dir mi 'ong // ngan song thams cad yang dag chad/ / de ni gang phyir dri ma bral// mya ngan 'das pa zhi ba thob// des na de ni 'dir mi 'ong // dpung dang bcas shing gzhon bcas pa'i// sdig pa can gyi bdud
- 335a
sde bcom/ / ye shes de ni rnam rtog med// des na de ni 'dir mi 'ong // ma rig dra ba yang dag bral// sred pa thams cad rnam par bcom// dga' ba'i 'dod chags yongs su shes/ / des na de ni 'dir mi 'ong // nyon mongs thams cad rab tu 'atul// dngos por 'du shes rnam par bshig/ mchog gi theg pa 'di la nges// de ni phyir mi 'ong zhes bya/ / mya ngan zug rngu yang dag phyung // nga rgyal thams cad nges par bcom// phung po thams cad yongs su shes// de ni phyir mi 'ong zhes bya// sangs rgyas theg pa bsam mi khyab/ / theg pa 'di la snang ba thob// 'dod pa'i 'dam la chags pa med// des na de ni 'dir mi 'ong // de yis gter rnams kun gyi nang // ye shes gter gyi dam pa mchog/ sngon gyi sangs rgyas rnams kyis bzhag/ des na de ni 'dir mi 'ong // sangs rgyas theg pa bla na med// theg mchog 'di la de gnas te// som nyi thams cad chad par gyur// des na de ni 'dir mi 'ong / byang chub la ni dgod do zhes// sems can dag ni mang bzung ba// de dag de yis byang chub bkod// des na de ni 'dir mi 'ong // sems can khams ni bsam yas dang // stong pa'i dbyings ni de yis shes/ / de ni 'du shes de dang bral// des na de ni 'dir mi 'ong // sems can khams ni stong pa dang // chos kyi dbyings ni rab tu shes// 'di la sems can mi rnyed de//
- 335b
des na de ni 'dir mi 'ong // de ni mtshan ma thams cad la// yid ni phyir zhing 'jug mi byed// mtshan ma med pa'i go 'phang thob// des na de ni 'dir mi 'ong // sems can khams ni bsam yas pa/ / nam mkha' 'dra dang khams de dang // sems can thams cad rab tu shes// des na de ni 'dir mi 'ong // kun dga' 'di las dgongs nas ni// nga yis phyir mi 'ong zhes brjod/ / chos rnams thams cad ma skyes pa// sangs rgyas chos zhes rab tu bstan// kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa'o chen po phyir mi 'ong bar yongs su ston to// // bam po gsum pa// // kun dga' bo ji ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po dgra bcom par yongs su bstan ce na/ kun dga' bo 'di la byang chub sems dpa' sems dpa' chen po ni/ gang nyi tshe ba'i spyod pa'i spyad pa de thams cad ni bcom/ gang sems can thams cad bsgral ba'i spyod pa de dag ni sgrub par 'os so// des nyon mongs pa thams cad bcom pa yin te/ sems can gang dag sdug bsngal ba'i sems can rnams nyon mongs pa de dag las rnam par 'grel bar 'os te/ sems can de dag kyang mi dmigs
- 336a
nyon mongs pa de dag kyang mi dmigs te/ de ltar na dgra bcom pa zhes bya'o// de gzugs su dmigs pa thams cad bcom pa yin/ de chos thams cad stong pa nyid dang / chos thams cad zhi bar mi dmigs pa la gnas pa yin te/ des na chos thams cad stong par shes so// mtshan ma med par rtogs so// de mtshan ma thams cad dang bral lo/ / de ngan song ba'i 'du shes thams cad bcom mo// des sems med pa'i chos rtogs so// chos thams cad stong par yongs su shes so// byang chub thob par 'os shing sangs rgyas kyi byang chub bsam gyis mi khyab pa sgrub par 'os te/ des na dgra bcom pa zhes bya'o// de chos ston par 'os te/ ji ltar sngon gyi yang dag par rdzogs pa'i sangs rgyas rnams kyis bstan pa dang / ji ltar da ltar byung ba rnams ston pa dang / ji ltar ma byon pa rnams ston par 'gyur ba'i chos spros pa med pa/ rnyog pa med pa de ston par 'os te/ des na dgra bcom pa zhes bya'o/ / sems can rnams chos thams cad khong du chud par bya ba dang / spros pa med par bya ba dang / kun tu len pa med par bya ba'i phyir/ byang chub la 'god par 'os/ sangs rgyas kyi byams pa sems can la mngon par zhen pa med pa'i byams pa'i byams pa sgrub par 'os/ byams pa de la sems can rnams kyang 'god par 'os/ sems can mi dmigs pa'i byams
- 336b
pa la sems can de dag kyang mi dmigs shing / de dag kyang 'god par 'os/ des na dgra bcom pa zhes bya'o// chos thams cad rjes su gzung ba'i phyir/ sems can rnams la chos ston par 'os shing / chos la chos su 'du shes pa'ang med pa yin te/ de ltar 'os pas/ des na dgra bcom pa zhes bya'o// srog chags rnams la dbang po dang / stobs dang / byang chub kyi yan lag rnams ston par 'os shing / de la'ang chags pa med pa thob la/ dngos po thams cad la mngon par zhen pa'ang med de/ des na dgra bcom pa zhes bya'o// 'jig rten na bkur stir bya ba gang ji snyed snang ba thams cad 'os shing des yang gos pa med la chags pa med de/ gzhan dag kyang bkur stis gos pa med par bya ba dang / chags pa med par bya ba'i phyir/ sems can rnams la chos ston par 'os pas des na dgra bcom pa zhes bya'o/ / 'gro ba med pa'i tshul gyis sangs rgyas kyi zhing rnams su 'gro bar 'os la/ de dag tu yang sangs rgyas bcom ldan 'das rnams la ma mthong ba'i tshul gyis blta ste/ ji ltar sangs rgyas kyis sangs rgyas rnams gzigs pa de ltar blta bar 'os pas des na dgra bcom pa zhes bya'o// 'di lta bu'i zhing sgrub par 'os te/ chos thams cad sgrub pa med pa'i tshul gyis bsam gyis mi khyab pa'i zhing dang / sgrib pa med pa'i zhing dang / bdud bcom pa'i zhing dang / mi mnyam pa dang mnyam pa'i zhing dang / spros pa med pa'i zhing dang / rnyog pa med
- 337a
pa'i zhing dang / stong pa'i zhing dang / phyir mi ldog pa'i zhing dang / bud med med pa'i zhing dang / nyon mongs pa med pa'i zhing dang / sangs rgyas kyi spobs pa'i zhing dang phyir rgol ba med pa'i zhing dang / shin tu yongs su mya ngan las 'das pa'i zhing dang / de lta bu'i zhing sgrub par 'os pas des na dgra bcom pa zhes bya'o// chags par 'gyur ba rnams la'ang mi chags shing 'khrugs par 'gyur ba rnams la'ang 'khrug pa med de/ des na dgra bcom pa zhes bya'o// des 'gog pa dang mnyam pa'i theg pa de shes shing / des sangs rgyas kyi theg pa rtogs la des rab tu phye ba'i sangs rgyas bcom ldan 'das rnams kyi byang chub de rab tu dbye bar 'os so/ / sems can g.yo ba med pas byang chub de bsam gyis mi khyab pa ste/ g.yo ba med par bya ba'i phyir/ sems can bye ba phrag mang po byang chub la 'god par 'os so// mnyam pa nyid du gnas pa rnams la ni sems can thams cad dang / byang chub kyang rnam par mi rtog pa'o// mnyam pa nyid la sems can rnams mngon du 'jug par 'os so/ / ji ltar mnyam pa nyid la mnyam pa nyid med pa ltar chos thams cad kyang de dang mnyam mo// mnyam pa nyid ji lta bar byang chub kyang de bzhin te/ rnam par mi rtog pa mnyam par gnas pa yin la/ dgra bcom pa'ang de dang mnyam mo// 'di ltar yang 'os te/ de ltar shes nas kyang ston par 'os so// chos gang la'ang 'dre bar mi byed de
- 337b
/ 'dre ba med par bstan pa'i chos dang ldan zhing de ltar chos ston pa dang / chos gang du'ang mi brjed par 'os so// sems can du dmigs par 'du shes pa las dgrol ba dang / sems can rtag pa dang / chad pa las dgrol ba dang / sems can 'jig tshogs la lta ba las bskyed pa dang / nga'o snyam pa'i nga rgyal las shin tu bzla ba dang / chos thams cad skye ba med pa dang / 'gag pa med pa dang / mngon par 'du bya ba med pa las dgrol ba dang / gzugs rnam par mi 'jig pa las dgrol ba dang / tshor ba dang / 'du shes dang / 'du byed dang / rnam par shes pa rnam par mi 'jig pa las dgrol ba dang / so so'i skye bo'i chos g.yo ba med pa las dgrol ba dang / sangs rgyas kyi chos la mi 'jog pa dang / rab tu bkod pa las dgrol ba dang / rgyun du zhugs pa'i 'bras bur shes pa las dgrol ba dang / lan cig phyir 'ong ba dang / phyir mi 'ong ba dang / dgra bcom pa'i 'bras bur 'du shes pa las dgrol ba dang / rang sangs rgyas su 'du shes pa las dgrol ba dang / byang chub sems dpar 'du shes pa la mngon par zhen pa las dgrol ba dang / byang chub las brtsams te/ sbyin pa la mngon par zhen pa las dgrol ba dang / byang chub las brtsams te/ tshul khrims dang / bzod pa dang / brtson 'grus dang / bsam gtan dang / shes rab la mngon par zhen pa las dgrol ba dang / mngon par shes pa la mngon par
- 338a
zhen pa las dgrol ba dang / zhi gnas dang lhag mthong 'grub pa la mngon par zhen pa las dgrol ba dang / nyan thos skye bar mngon par zhen pa las dgrol ba dang phu nu dang / sring mo dang / nye du dang / snag gi gnyen mtshams la mngon par zhen pa las dgrol ba dang / bdag nyid mthong ba med par chags pa las dgrol ba dang / rjes su chags pa dang / 'jog tshogs dang / 'du 'dzi la mngon par zhen pa las dgrol ba dang / thob pa dang / bkur sti la mngon par zhen pa las dgrol ba dang / khyim pa dang rab tu byung bar mthong bar zhen pa las dgrol ba dang / tha ma dang mchog gi chos su mthong bar mngon par zhen pa las dgrol ba dang / so so'i skye bo'i chos rnam par spangs pa dang / sangs rgyas kyi chos la lhag par dmigs par mngon par zhen pa las dgrol ba dang / tha ma dang gya nom pa'i chos mang ba la mngon par zhen pa las dgrol ba dang / mtshan rab tu rdzogs par 'grub pa la mngon par zhen pa las dgrol ba dang / sangs rgyas kyi zhing yongs su dag pa'i tshul du yongs su 'grub par mngon par zhen pa las dgrol ba dang / sems can 'di dag ni yongs su mya ngan las 'da' ba'i chos can ma yin pa/ 'di dag ni thob par byed pa'i skal ba can/ 'di dag ni thob par byed pa'i skal ba med pa/ 'di dag ni byang chub kyi phyir spyod pa/ 'di dag ni byang chub kyi phyir mi spyod pa/ 'di dag ni ngan pa'i ngang tshul can/
- 338b
'di dag ni tshul khrims dang ldan pa/ 'di dag ni 'chal pa'i shes rab can/ 'di dag ni shes rab dang ldan pa zhes gnyis su 'byed pa'i sems bskyed pa la mngon par zhen pa las dgrol ba dang 'di dag ni sbyin pa'i gnas/ 'di dag ni sbyin pa'i gnas ma yin pa/ 'di dag ni brtson 'grus dang ldan pa/ 'di dag ni brtson 'grus dang mi ldan pa/ 'di dag ni byis pa'i chos// 'di dag ni mkhas pa'i chos/ 'di dag ni skyes pa'i chos/ 'di dag ni bud med kyi chos/ 'di dag ni 'phags pa'i chos/ 'di dag ni 'phags pa ma yin pa'i chos so zhes de ltar gnyis su 'byengad pa'i sems la mngon par zhen pa las dgrol ba dang / 'di dag ni byang chub las phyir mi ldog pa/ 'di dag ni byang chub las phyir ldog pa/ 'di dag ni lung bstan pa/ 'di dag ni lung ma bsta/ paH'di dag ni nye ba/ 'di dag ni nye ba ma yin pa zhes de ltar sems bskyed pa'i rnam par rtog pa las dgrol ba dang / byang chub thob nas len pa med par mya ngan las 'das par mngon par zhan pa las dgrol bas sems can mang po dgrol bar 'os te/ sems can rang bzhin med par bstan pas/ de ltar sems can dgrol bar 'os pas dgra bcom pa zhes bya'o// de nas bcom ldan 'das kyis de'i tshe tshigs su bcad pa 'di dag bka' stsal to/ / nyi tshe'i spyod pa gang yin pa// sprod pa thams cad de yis shes// nyi che ba ni thams cad shes// des de dgra bcom zhes brjod do//
- 339a
gang gis sems can rab sdug bsngal// nyon mongs thams cad de yis bcom// nyon mongs pa las sems can dgrol// des de dgra bcom zhes brjod do// dmigs pa thams cad rab tu bcom/ / dmigs pa med la legs par gnas// chos nyid stong pa nyid du shes// des de dgra bcom zhes brjod do// stong pa shes shing zhi ba dang // de ltar mtshan ma med par rtogs/ / mtshan ma rnams ni kun dang bral// des de dgra bcom zhes brjod do// sems can 'du shes rab sdig pa// 'du shes thams cad de yis bcom// 'du shes thams cad spangs pa'i phyir/ / dgra bcom nyid dang ldan zhes brjod// mi shes thams cad rnam par bcom// sems med pa yi chos nyid rtogs// chos rnams stong par yongs su shes// des de dgra bcom zhes brjed do/ / sangs rgyas byang chub bsam mi khyab/ byang chub yang dag thob byed 'os// brtson 'grus dam pa rab tu rtsom// des de dgra bcom zhes brjod do// spros pa med cing rnyog med pa'i/ / chos ni nges par ston par 'os// ye shes la ni sems can 'god// des de dgra bcom zhes brjod do// gang gis sems can bder 'gyur ba// byams pa de ni byed par 'os sems can de dag mi dmigs te/ / des de dgra bcom zhes brjod do// chos rnams thams cad mi 'dzin pa'i// chos ni nges par ston par 'os// chos la chos kyi 'du shes mang /
- 339b
des da dgra bcom zhes brjod do// byang chub yan lag rnams dang stobs// sems can rnams la ston par 'os// de dag la yang chags med thob// des de dgra bcom zhes brjod do// byang chub phyir ni bdag pa'i chos/ / sems can shes par byed par 'os// de dag la ni ye shes ston// des de dgra bcom zhes brjod do// 'jig rten pa yi bkur sti kun// sems can kun las 'os pa yin/ / bkur sti kun la chags pa med// des de dgra bcom zhes brjod do// shin tu bzang ba'i sangs rgyas zhing // zhing du de ni 'gro bar 'os// rdzogs sangs rgyas nas gnas par byed// / srog chags rnams la chos ston to// bdag kyang 'di ltar bzang po yi// zhing no bsgrub par bya'o zhes// de ni 'grub par 'os pa yin// des de dgra bcom zhes brjod do// chags par 'gyur la/ chags pa med// 'khrugs par 'gyur la 'khrugs pa med// gang phyir byang chub zhi ba rtogs// des de dgra bcom zhes brjod do// 'gog pa'i chos nyid shes pa ste// de yis zhi ba gang yin/ rtogs// de yis byang chub rab tu phye// des de dgra bcom zhes brjod do// de yis sems can khams rnams la// sems can gang yang g.yor mir byed// sems can bye ba du ma dag/ byang chub la ni des 'god do/ / sems can kun dang byang chub ni// rnam par mi rtog ji bzhin gnas// des ni de nyid mnyam nyid shes// des de dgra bcom zhes brjod do// mnyam pa nyid la mnyam
- 340a
pa med/ / chos rnams thams cad de dang mnyam// mnyam pa nyid kyis byang chub de// rnam par mi rtog mnyam par gnas// gang phyir de ltar shes 'os pa/ des de dgra bcom zhes brjod do// shes nas sems can rnams la ston// cis kyang nyon mongs mi byed do// de ltar chos kyang ston byed la// tshig tu brjod pa'ang yong ma yin// sems can bye ba du ma dag/ byang chub la ni des 'god do// sems can dmigs su med par shes// sems can rtag dang chad 'dzin pa// sems can lta las ma bskyod rnams// sdug bsngal de dag rab tu 'grel/ chos kun skye ba med pa dang // 'gog pa med dang 'dus ma byas// de dag de lta'i 'du shes bzlog/ sdug bsngal las ni rnam par dgrol// gzugs dang tshor ba 'du shes dang // 'du shes rnam par shes pa dang / phung po rnam par mi 'jigs las// lus can dag ni rnam par 'grel// so so'i skye bo'i chos rnams la// de ni rnam kun g.yo mi byed// de dag 'god par mi byed de// sangs rgyas chos la gnas pa med/ / 'bras bu thob par 'du shes dang // gang dag rang rgyal 'du shes can// gang dag sangs rgyas 'du shes pa// de yis de dag 'du shes 'grel// byang chub sems dpa' zhen pa dang / / sbyin la sogs pa mngon zhen pa// kun la mngon zhen med bya'i phyir// chos nyid rab tu ston par byed// le lo dmigs par gyur pas na// brtson 'grus brtsams par rnam par
- 340b
brtags/ / de dag rtogs las rnam grol phyir// chos ni ston par 'os pa yin// bsam gdan g.yeng bar 'du shes dang // shes rang shes rab 'tshal 'du shes// gnyis la mngon zhen mang bya'i phyir/ / chos ni ston par 'os pa yin// chos rnams rnam par mi rtog ste// 'gyur ba med par shes par gyis// de ltar chos ni rab bston pas// des de dgra bcom zhes brjod do// gang gis bdag la mngon zhen pas// nyan thos rnam pa mang brtags pa// de dag rtog pa rnam dgrol phyir// chos ni ston par 'os pa yin// mi mkhas pa dag pha ma dang // chung mar yongs su 'dzin byed pa/ / lam 'dis byang chub ma yin te// de ni 'khor ba'i spyod yul yin// 'di ni bdag sngun sring mo zhes// de la dga' zhing zhen byed pa// ri dgas chos la ston pa ste// de dag rnam par dgrol bar rigs// 'jig tshogs yongs su ma shes pas// gnyen pa yon 'du shes bskyed// bdag gi gnyen par sngon gyur ces// mthong nas rangab tu dga' bar byed// mthong bar gyur nas chags byed cing // de dag phan tshun rjes su rags/ / 'du shes ngan pas phyin ci log/ bdud kyi dbang du gyur pa yin// 'jig tshogs rab tu sdig pa can// 'jig tshogs yongs su shes par gyis// 'jig tshogs nyes pa 'di dag yod/ / de ni de ltar chos ston to// 'di dag kun nas nyon mongs chos// 'di dag rnam par byang ba shes// gnyis su mngon par zhen med pas// blo ldan de ni dgra bcom brjod// 'thob la chags
- 341a
pas chags gyur pa/ / bkur sti yis ni bag med gyur// de chags bag med dgrol ba'i phyir// chos ston par ni 'os pa yin// 'di dag rab tu byung ba snga// 'di dag khyim pa yin zhes rtog/ byis pa de ltar rnam rtog pa// rnam par 'grel par 'os pa yin// tha ma'i chos rnams rnam par mthong // rgya che ba yang rnam par mthong // rnam rtog mthong ba'i byis pa dag/ rnam par 'grel bar 'os pa yin// byis pa'i chos rnams bor nas su// bdag nyid sangs rgyas chos nyid thob// 'thob dang mi 'thob rnam dgrol phyir// chos ston par ni 'os pa yin/ / tha ma gya nom bye brag gis// rnam pa du ma'i chos rnams mthong // 'du shes mang las rnam dgrol phyir// de ni chos ston byed pa yin// gang dag sa rtsa mtshan sgrub phyir// rnam pa mang por brtson byed pa/ / mtshan du mngon par zhen pa las// mkhas pa de dag rnam par 'grel// phun sum tshogs pa mchog gi zhing // mngon par bsgrub par bya'o zhes// 'du shes de la mngon zhen pa// rnam par 'grel par 'os pa yin// mya ngan 'das dang ma 'das dang // thob pa'i skal yod skal med chos// 'di dag byang chub phyir spyod pa// 'di dag byang chub ma zhugs pa// ngang tshul ngan ngang tshul khrims ldan/ / shes rab 'tshal dang shes rab ldan// byis pa'i blo dang ldan rnams kyis// de ltar gnyis su 'byed 'di byas// sems can de ltar 'du shes shing // rnam pa mang por rlom sems pa//
- 341b
de dag 'du shes dgrol ba'i phyir// chos ston pa ni 'os pa yin// sbyin gnas sbyin gnas 'os min zhes// so sor rnam par rtog par byed// mkhas dang byis pa'i chos rnams su// rnam pa so / sor rtog par byed// 'dir ni bud med chos dmigs shing // skyes pa nyid du rnam par rtog/ de ltar 'phags dang 'phags min chos// rnam gnyis so sor rtog par byed// de ltar gnyis su 'byed byed pa/ / mi mkhas chung ngu blo ldan pa// de dag gnyis med rtog bya'o phyir// chos ston par ni 'os pa yin// byang chub mchog las ldog pa dang // mi rtog pa dang lung bstan dang // lung ma bstan/ dang nye ba dang // nye ba min zhes rnam par rtog/ byang chub thob nas len med cing // zag zad yongs su mya ngan 'da'// mtshan ma spyod rnams de lta bur// mya ngan 'das par yongs su rtog 'du shes 'dzin pa de dag las/ / nges pa de ni rnam par 'grel// 'du shes thams cad rab 'grel pa// des de dgra bcom zhes brjod do// byang chub sems pa'i chos rnams ni// dgra bcom pa zhes ngas bstan te// gang dag 'di la bzod bskyed pa// de dag dgra bcom shes par gyis// kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis/ / byang chub sems dpa' sems dpa' chen po dgra bcom pa ni yongs su bstan to// kun dga' bo ji ltar de bzhin gshegs pa dgra bcom pa yang dag par rdzogs pa'i sangs rgyas
- 342a
kyis/ byang chub sems dpa' sems dpa' chen po nyan thos su yongs su bstan ce na/ kun dga' bo 'di la byang chub sems dpa' sems dpa' chen po ni sems can dpag tu/ med pa dag la sangs rgyas kyi chos rnams sgrogs shing / byang chub ni zhi ba/ spros pa med pa/ rnyog pa med pa'o zhes de ltar sgrogs pa nyan thos zhes bya'o// 'di 'dra ba'i bde ba gzhan med do// zhes mya ngan las 'das pa'i bde ba sgrogs pa dang / dbang po dang / stobs dang / byang chub kyi yan lag dang / dran pa nye bar gzhag pa rnams sgrubs shig ces sgrogs pa dang / theg pa 'di ni mchog yin no zhes de ltar sgrogs pas/ byang chub sems dpa' nyid nyan thos zhes bya'o// lus 'di ni stong pa ste/ 'di la snying po mi dmigs kyi/ 'di ni byis pa rmongs par byed pa'o/ / de bas ni lus rnam par gzhig par gyis shig ces sgrogs pa dang / mig gi skye mched 'di ni log par mthong bar gyis shig/ sangs rgyas kyi spyan kun nas spyan bsam gyis mi khyab pa sgrubs shig/ mig gang gis gang du'ang rmongs par mi 'gyur ba'i mig de 'grub pa'i tshul du sgrubs shig ces sgrogs shig/ chos thams cad de ltar sgrogs pas nyan thos zhes bya'o/ / dgra thams cad ni brag cha dang mtshungs par sgrogs shing / sgra rnams la mngon par dga' bar ma byed cig/ 'di la thos pa ci'ang med do// 'di la brjod pa ci'ang med do zhes sgrogs te/
- 342b
des na nyan thos zhes bya'o// dri rnams la dri'i 'du shes su ma byed cig/ 'di la mnam pa ci'ang med do// 'di lta ste/ dper na mi zhig gnyid kyis log pa'i rmi lam na dri rnam pa mang po sdom yang dngos po med pa'i phyir de la dri gang yang med de/ gzhan du na phyin ci log gis snom mo// de bzhin du na ni phyin ci log pa ste/ rmi lam lta bu'i phyir 'di la snying po med par shes par gyis shig ces de skad sgrogs te/ des na nyan thos zhes bya'o// de lU'i skye mched 'di ltar sgrogs te/ 'di ni sha'i gong bu ste/ 'di ri rkyang bar mi byed do// sha'i gong du'ang lbu ba rdos pa lta bu/ rmi lam lta bu'o// dpe yang rdzas med pa'o zhes de skad sgrogs te/ des na nyan thos zhes bya'o// lus kyi skye mched rnam par gzhig par gyis shig/ lus 'di ni rang bzhin gyis stong pa'o// rangang zhin gyis stong pa gang yin pa de dngos po med do/ / dngos po med pa gang yin pa de ma skyes pa mi skye ba'o// ma skyes pa dang / mi skye ba gang yin pa de nyid byang chub ces sgrogs te/ de skad sems can mang po la sgrogs pas/ des na nyan thos zhes bya'o// yid ni rang bzhin med pa/ dngos po med pa/ sgyu ma'i rang bzhin skye ba med pa/ 'gog pa med pa zhes sgrogs te/ de skad sgrogs pas des na nyan thos zhes bya'o/ / chos kyi sbyin pa sbyin cig/ chos kyi sbyin pa 'di ni byang chub kyi lam mo// byang chub de ni bsam gyis mo khyab pa ste/ bsam gyis mi khyab pa bsgrub bo// de ci'i phyir zhe na/ sa bon ci 'dra bar
- 343a
'bras bu'ang de 'dra ste/ 'bras bu med pa'i sgrar brjod do zhes sgrogs so// zang zing gi sbyin pa byin cig/ zang zing gi sbyin pa 'di ni chung ba ste/ 'di la chos kyi sbyin pa ni gtso bo yin no/ / 'di la ser sna ma byed cig/ sbyin pa la sbyin pa'i 'du shes su ma byed cig/ de la snying por 'du shes ma byed cig/ rnam par mi rtog pa'i sems kyis sbyin pa byin cig/ 'di lta ste/ dper na sgyu ma'i skyes bus sgyu ma'i skyes bu la rnam par mi rtog pa'i 'du shes kyis sbyin pa byin pa de bzhin du rnam mI rtog pa'i sems kyis sbyin pa sbyin cig/ de ltar byin na byang chung yongs su smin par 'gyur ro zhes sgrogs te/ de ltar sgrogs pas des na nyan thos zhes bya'o// de ci'i phyir zhe na/ 'di ltar nges 'di lta ste/ gnyis su med pa'i ye shes ye shes kyi snying po mngon par bsgrubs te/ ji ltar mngon par bsgrubs pa de ltar gnyis su med pa dang / gnyis su mi byed par sangs rgyas kyi chos rnams sgrogs te/ des na nyan thos zhes bya'o// de nas bcom ldan 'das kyis de'i tshe tshigs su bcad pa 'di dag bka' stsal to/ / byang chub sems dpa' 'jig med pa/ sangs rgyas chos rnams bsam yas pa// sems can mad la sgrogs par byed// des de nyan thos zhes brjod do/ / byang chub zhi bsngos pa med// rnyog pa med pa sgrogs par byed// skye bo dpag tu med la sgrogs// des de nyan thos zhes brjod do// 'di 'dra bde ba bzhin med ces// mya ngan 'das pa'i bde ba sgrogs//
- 343b
zhing mya ngan 'das sgrogs pas// des de nyan thos zhes brjod do// stobs dang byang chub yan lag dang // dran pa nyer gzhag dbang po rnams// myur du sgrubs shig ces sgrobs te// lus can rnams la sgrogs lus 'di stong ste snying po med/ / 'di ni byis pa rmongs byed pa// de phyir lus 'di rnam ba shig ces// de skad du ni sgrogs par byed// mig ni nor par rtog gyis shig/ 'di ni byis pa'i blo ldan pa// mi mkhas rnams la rmongs byed ces// de skad du ni de sgrogs so// sgra rnams brag cha lta bu ste// rna nga'ang de ltar shes par gyis// 'di la thos pa ci yang mang // rjod par byed pa'ang ci yang med// sems can mang la de skad du/ / sgrogs par byed pas nyan thos 'dod// 'di la thos pa ci yang med// sgra 'dir dga' bar ma byed cig/ dper na mi zhig rmi lam na// rnam pa mang po'i dri snom pa// de la dngos por sgrub pa med/ / phyin ci log la de snom mo// de yis de ltar dri shes nas// 'dir mnam ci yang med do zhes// phyin ci log pa mi mkhas pa// gzhan rnams la yang sgrogs par byed// 'di sha yi gong du ste// ro myang bar ni byed ma yin// gal te sha yis ro rtogs na// lag pa'ang ro rtogs 'gyur zhes sgrogs// ro yi 'du shes rang sdig can// 'du shes 'di dag rnam par rig/ ro khams bsam gyis mi khyab pa/ / khams de rtogs pa ma yin no// byang chub sems dpa' mi gnas pas// da ni mngon sum gyur pa yin// mngon sum de ltar sgrogs pas na// de phyir nyan
- 344a
thos zhes brjod do/ / lus 'di ngo bo nyid kyis su// stong zhes de ltar rnam par gzhig/ ngo bo nyid kyis gang stong pa// de ni ma skyes skye ma yin// ma skye mi skye gang yin pa// de 'dir byang chub de nyid de// de ltar sems can rnams la sgrogs// des na nyan thos zhes brjod do// yid ni ngo bo nyid kyis ni// rang bzhin med cing dngos po med// 'di ni sems can dngos po min/ / de skad du ni de sgrogs so// chos sbyin bsam gyis mi khyab pa// 'di ni byang chub lam yin te// de yi byang chub grub 'gyur gyis// sbyin pa byin zhes sgrogs par byed// zang zing sbyin pa tha dad pa/ / rnam pa mang po gtsang ma byin// de la ser sna med gyur na// de yang byang chub lam yin no// gang phyir nyon mongs tshar bcad de// zag pa rnams ni kun dang bral// chags pa kun las shin tu 'das/ / des na nyan thos zhes brjod do// sangs rgyas chos ni bla med pa// shes ldan gyis ni gang gis sgrogs// sgra kun dam pa zhi ba ste// de ni snying po dam pa grub// snying po thams cad mngon par shes/ / snying po kun la gnas pa med// gnyis med gnyis su dbyer med cing // bsgrags pa dam pa sgrogs par byed// ji ltar sangs rgyas mang po yis// chos bstan rnams ni sgrogs pa ltar/ / nges pas byang chub phyir brtsams nas// 'di ni de ltar byed pa yin// gang na sangs rgyas 'jig rten mgon// bla na med pa bzhugs pa yis// sangs rgyas zhing
- 344b
ni rab bzang dang / / bkag pa rnams kyang sgrogs byed pa// nam mkha' la ni rab gnas pa'i// stong gsum 'di ni spogs par byed// sems can nam mkha' ji bzhin te// rtag tu rgya ngan 'das dang mtshungs/ / gang las sems can rnams brtags pa// khams bzhi po dag rab brjod pa// de dag nam mkha' 'dra ba ste// rnam par mi rtog bsam du med// khams rnams de dag 'di 'dra ste/ / de la snying po med par ltos// 'di la skye med 'chi ba meng // mya ngan 'das med nyon mongs med// 'di la dngos po grub pa med// 'di la sems can yod ma yin// ci nas sus kyang mi mthog/ ba/ khams de rnam par blta bar bgyis// nyin dang mtshan du g.yel med par// sems can rnams la de skad sgrogs// bdag ni 'ga' zhig sgrogs so zhes// rlom sems de la ci yang med// de ltar gzhan la gang sgrogs pa/ / de ni nyan thos shes par gyis// de skad brjod par nyan thos min// nyan thos su ni yongs su bstan// brtan pa dman pa med pa'i yid// chos gang gis ni chos rnams kun/ ji bzhin de bzhin shes 'gyur ba// srogs chags rnams la chos ston to// chags las grol zhing zag med la// chags pa kun las rnam grol phyir// srog chags rnams la chos ston pa// de ni dgra bcom de skad brjod/ / spros pa med cing rnyog med pa// chags pa med pa'i dbyings kyang ston// sangs rgyas chos rnams ma lus par// rnam par mthong nas ston par byed// sangs rgyas rnams kyis gang
- 345a
gsungs pa/ / chos dang ring bar mi rtog cing // chos dang nye bar mi rtog ste// de phyir de dag 'dre ba med// sgrogs kyang 'dre ba yod min zhing // sems can dpag tu med la brjod/ / sems can de dag mthong ba med// des de nyan thos zhes brjod do// kun dga' 'di la dgongs nas ni// nga yis nyan thos yongs su bstan// byang chub sems dpa' mi gnas pa// nyan thos de ltar shes par gyis// kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po nyan thos su yongs su bstan to/ / kun dga' bo ji ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po rang sangs rgyas su yongs su bstan ce na/ kun dga' bo 'di la byang chub sems dpa' sems dpa' chen po ni/ chos thams cad la mngon sum yin no// ji ltar mngon sum yin zhe na/ chos thams cad sgro btags pa med pa'i phyir nyon/ mongs pa med pa dang / chos thams cad skur pa med pa'i tshul gyis rnam par 'jig pa med par rtogs shing khong du chud de/ des na rang sangs rgyas zhes bya'o// des chos thams cad bsam du med par rtogs shing / des sems can thams cad ma 'ongs pa na mi skye bas mya ngan las 'das pa dang 'dra ba dang / ma skyes pa dang / ma 'gags pa dang / yang dag pa'i mtha' dang / mya ngan las 'das pa'i mtha' dang /
- 345b
sems can gyi mtha' dang / mig yor gyi mtha' dang / rdzas med cing dngos po med pa dang / chos thams cad kyi mtha' brjod du med pa dang / brjod du med pa'i mtha' ming yongs su brjod pa'i mtha' dang tshig la mi gnas pa dang / tshig gis yongs su brjod pa ma yin par shes so// de ci'i phyir zhe na/ 'di ltar tshig ni stong pa gsog ste/ tshig gis bdag gi mtha' 'am/ sems can gyi mtha' mi shes so/ / rjedes mtha' de rtogs te/ de mtha' de la mngon sum du gyur pa dang / des na rang sangs rgyas zhes bya'o// gzugs kyi phung po 'di sgras brjod pa dang / gzugs kyi phung po 'di sgra med pa dang / sgra dang bral ba dang / 'di rtag tu gzugs kyi phung po zhes tshig gis brjod pa dang / 'di la bdag dang bdag gi med par de gzugs kyi phung po mngon sum du gyur pa yin no// de ci'i phyir zhe na/ tshig gang gis gzugs kyi phung po brjod pa'i tshig de/ gsog/ stong pa/ ma skyes pa/ ma 'gags pa ste/ yang dag par na tshig nyid kyang brtag tu med pa yin na/ tshig gang gis gzugs kyi phung po brjod pa lta ga la yod ces de ltar gzugs kyi phung po mngon sum du gyur pa yin no/ / tshor ba'i phung po 'di sgras brjod pa dang / tshor ba'i phung po 'di sgra med pa dang / sgra dang bral ba dang / 'di dag rtag tu tshor ba'i phung po zhes tshig gis brjod pa dang / 'di la bdag dang bdag gi med par ngo tshor ba'i phung po mngon sum du gyur pa yin no// de ci'i phyir zhe na/ tshig gang gis tshor ba'i phung po brjod pa'i tshig
- 346a
de gsog/ stong pa/ ma skyes pa/ ma 'gags pa ste/ yang dag par na tshig nyid kyang brtag tu med pa yin na/ tshig gang gis tshor ba'i phung po brjod pa lta ga la yod ces de ltar tshor ba'i phung po mngon sum du gyur pa yin no/ / 'du shes kyi phung po 'di sgras brjod pa dang / 'du shes kyi phung po 'di sgra med pa dang / sgra dang bral ba dang / 'di rtag tu 'du shes kyi phung po zhes tshig gis brjod pa dang / 'di la bdag dang bdag gi med/ 'du shes kyi phung po mngon sum du gyur pa yin no// de ci'i phyir zhe na/ tshig gang gis 'du shes kyi phung po brjod pa'i tshig de gsog/ stong pa/ ma skyes pa/ ma 'gags pa ste/ yang dag par tshig nyid kyang brtag tu med pa yin na/ tshig gang gis 'du shes kyi phung po brjod pa lta ga la yod ces de ltar 'du shes kyi phung po mngon sum du gyur pa yin no/ / 'du shes kyi phung po 'di sgras brjod pa dang / 'du byed kyi phung po 'di sgra med pa dang / sgra dang bral ba dang / 'di rtag tu 'du byed kyi phung po zhes tshig gis brjod pa dang / 'di la bdag dang bdag gi med par de 'du byed kyi phung po mngon sum du gyur pa yin no/ / de ci'i phyir zhe na/ tshig gang gis 'du byed kyi phung po brjod pa'i tshig de gsog/ stong pa/ ma skyes pa/ ma 'gags pa ste/ yang dag par na tshig kyang brtag tu med pa yin/ tshig gang gis 'du byed kyi phung po brjod pa lta ga la yod ces de ltar 'du byed kyi phung po mngon sum du gyur pa yin no// rnam par shes pa'i phung po 'di sgras brjod pa dang / rnam
- 346b
par shes pa'i phung po 'dri sgra med pa dang / sgra dang bral ba dang / 'di rtag zhum par shes pa'i phung po zhes tshig gis brjod pa dang / 'di la bdag dang bdag gi med par de rnam par shes pa'i phung po mngon sum du gyur pa yin no/ / de ci'i phyir zhe na/ tshig gis rnam par shes pa'i phung po brjod pa'i tshig de gsog/ stong pa/ ma skyes pa/ ma 'gags pa ste/ yang dag par na tshig kyang rtag tu med pa yin na/ tshig gang gis rnam par shes pa'i phung po brjod pa lta ga la yod ces de ltar rnam par shes pa'i phung po mngon sum du shes pa yin no// de ltar phung po lnga sgra med pa dang / tshig gang gis brjod par de ngag mngon sum du gyur pa yin te/ des na rang sangs rgyas zhes bya'o// de ci'i phyir zhe na/ tshig sgra med pa dang / phung po'i rkyen nyid rkyen nyid ma yin pa dang / tshig gi rkyen nyid brjod du med pa'i rkyen du nges de khong du chud de/ des na rang sangs rgyas zhes bya'o// de nas bcom ldan 'das kyis de'i tshe tshigs su bcad pa 'di dag bka' stsal to// chos kun zag pa med pa dang // ma skyes pa dang ma 'gags dang // rtag tudu shin tu mtshan med par/ / chos rnams thams cad mngon sum gyur// 'di dag ngo bo nyid kyis stong // ngo bo nyid kyang yang dag tu// shin tu 'od pa ma yin par// chos rnams thams cad mngon sum gyur// chos 'di ji ltar 'di 'dra bar// 'dir ni mngon sum nyid gyur te// chos nyid bsam gyis mi khyab pas// des de rang sangs rgyas zhes brjod// chos kun mya ngan 'das pa ste// de dag thog ma mi dmigs so//
- 347a
ma skyes pa yi mtha' de ni// yang dag pa yi mtha' zhes brjod// chos kun mya ngan 'das pa ste// skye ba med pa nges par bstan// chos gang skyes pa med pa de// mya ngan 'das zhes brjod pa yin/ / chos kun mya ngan 'das pa ste// ming tsam gyis ni brjod par zad// ma skyes shing ni ma 'gags te// de dag tshig gis yongs su brjod// tshig ni stong par yang dag brjod// tshig gis sems can shes ma yin/ / de bas ma skyes gnas med de// sems can mya ngan 'das zhes brjod// tshig ni gsog ces brjod pa ste// g.yo ba med cing sems pa med// tshig 'di tshig gi rang bzhin gyis// / rtag par shin tu yod ma yin// sems can mtha' ni bsam med par// tshig gis bstan pa gang yin pa// mtha' yi tshig la mi rten te// tshig la gnas pa'ang ma yin no// sems can mtha' ni mya ngan 'das// / yang dag mtha' ni mtha' min te// spros pa med cing zhi la bde// gnas dang skyabs dang dpung gnyen yin// mig yor gyi ni mtha' lta bur// sems can mtha' ni nges par bstan// dngos po med cing dmigs pa med/ / yang dag mtha' ni bsam mi khyab// chos nyid kyi ni mtha' de yang // ming tsam du ni brjod par zad// ming gis brjod pa gang yin pa// mtha' de dmigs pa ma yin/ no// de ni sus kyang mngon sum du// brjod par nus pa ma yin te// sems can mtha' ni bsam mi khyab// 'di ltar mtha' ni gsog yin no// mtha' ni tshig la mi gnas te// tshig gis yongs
- 347b
su brjod ma yin/ / 'di ltar yang dag tu na de// sems can mtha' ni yod ma yin// sems can mtha' ni bsam yas pa// tshig gang gis ni mngon bstan pa// tshig de stong pa gsog yin te// des ni ci yang mi shes so// 'di 'dra bsam gyis mi khyab mtha'// 'di ni nyid kyis khong du chud// des na smad du med pa de// rang sangs rgyas zhes brjod pa yin// 'di ni sgra yis brjod ming zhing // phung po zhes bya 'di sgra med// rtag tu sgra dang bral ba zhes// gzugs can phung po mngon sum gyur// 'di na yang dag bral ba ste// yang dag tu yang rjod par byed// yang dag tu na yang dag ni// gang du'ang gnas pa ma yin no/ / gzugs kyi phung po bdag med ces// tshig gis phung po 'di brjod pa// tshig de stong pa gsog yin te// ma skyes shing ni 'gag pa med// yang dag tu na rtag par ni// tshig 'di shin tu yod ma yin/ / yod ma yin pa'i tshig gis ni// gzugs kyi phung po brjod par byas// 'di ni sgra yis brjod min zhing // tshor ba'i phung po sgra med de// rtag tu sgra dang bral ba zhes// tshor ba'i phung po mngon sum gyur/ / 'di ni yang dag bral ba ste// yang dag tu yang rjod par byed// yang dag tu na yang dag ni// gang du'ang gnas pa ma yin no// tshig gis tshor ba'i phung po 'di// gsog tu yang dag brjod par byas/ / tshig de stong pa gsog yin te// ma skyes shing ni 'gag med pa// yang dag tu na rtag par ni// tshig 'di shin tu yod ma yin// yod ma yin pa'i tshig gis ni// tshor ba'i phung po brjod pa byas// /
- 348a
'di ni sgra yis brjod min zhing // phung po 'di ni sgra med de// rtag tu sgra dang bral ba zhes// tshor ba'i phung po mas su ma gyur// 'di ni yang dag bral ba ste// yang dag tu yang rjod par byed/ / yang dag tu na yang dag ni// gang du'ang gnas pa ma yin no// tshig gis phung po rab brjod de// 'du shes phung po bdag med pa// tshig de stong pa gsog yin te// ma skyes shing na 'gag pa med/ / yang dag tu na rtag par ni// tshig 'di shin tu yod ma yin// yod ma yin pa'i tshig gis ni// 'du shes phung po brjod pa byas// 'di ni sgra yis brjod min zhing // phung po'i 'di ni sgra med de/ / rtag tu sgra dang bral ba zhes// 'du shes phung po mngon du gyur// 'di ni yang dag bral ba ste// yang dag tu yang rjod par byed// yang dag tu na yang dag ni// gang du'ang gnas pa ma yin no// tshig gis 'du byed dung po 'di// gsog tu rab tu brjod pa byas// tshig de stong pa gsog yin te// ma skyes shing ni 'gag pa med// yang dag tu na rtag par ni// chog 'di shin tu yod ma yin// yod ma/ yin pa'i tshig gis ni// 'du byed phung po brjod pa byas// 'di ni sgra yis brjod min zhing // phung po 'di ni sgra med de// rtag tu sgra dang bral ba zhes// rnam shes phung po mngon sum gyur// 'di ni yang dag bral ba ste/ / yang dag tu yang rjod par byed// yang dag tu na yang dag ni// gang du'ang gnas pa ma yin no// tshig gis rnam shes phung po 'di// gsog tu rab tu brjod pa byas// tshig de stong pa gsog yin
- 348b
te/ / ma skyes shing ni 'gag pa med// yang dag tu na rtag par ni// tshig 'di shin tu yod ma yin// yod ma yin pa'i tshig gis ni// rnam shes phung po brjod pa byas// brjod pa med pa'i phung po la// tshad// mar dmigs par mi 'gyur te// ma skyes ma 'gags rnams la ni// 'di dag gnas med rten kyang med// nyon mongs med cing bral ba med// chos med rnam par smin pa med// sangs rgyas chos dang dge 'dun meng / / mya ngan 'das med rab byung med// de la zhi gnas gang yang med// lhag mthong yang ni yong ma yin// yo byad bsnyungs med 'dod chung med// le lo med cing brtson 'grus med// rgod pa med cing 'gyod pa med// sdom pa'ang yod pa ma yin te// gang phyir sdom par gyur pa yi// 'di la dngos po grub pa med// 'di la rtog pa rnam rtog med// rnam mi rtog pa'ang yod ma yin// 'jigs pa med cing dgon pa med// bcings pa me cing thar pa mang // 'di ni sgra yis 'jug pa ste// 'jug pa med pa nges par bstan// chos rnams thams cad sgra mad de// sgra nyid kyis ni brjod pa yin/ / 'di ni mngon sum gyur pas na// zad mi shes pa'i tshul ston to// ting 'dzin 'di la brten nas ni// de ni sgra la mi chags so// ci 'dra gang gis gang yin pa// sgra de des ni mngon sum shes// chos kun 'di ltar mnyam pa ste// brjod pa med cing gnas pa med// 'di ni mngon sum gyur pas na// tshu rol nas ni pha rol song // des na snad pa med pa de// rang rdzogs sangs rgyas zhes brjod do//
- 349a
kun dga' bo gzhan yang byang chub sems dpa' sems dpa' chen po de ma rig pa la ma rig pa'i rang bzhin mngon sum du gyur pa yin// 'du byed rnams la 'du byed kyi rang bzhin// dang rnam par shes pa la rnam par shes pa'i rang bzhin dang / ming dang gzugs la ming dang gzugs kyi rang bzhin dang / skye mched drug la skye mched drug gi rang bzhin dang / reg pa la reg pa'i rang bzhin dang / tshor ba la tshor ba'i rang bzhin dang / sred pa la sred pa'i rang bzhin dang / len pa la len pa'i rang bzhin dang / srid pa la srid pa'i rang bzhin dang / skye ba la skye ba'i rang bzhin dang / rga shi la rga shi'i rang bzhin mngon sum du gyur pa yin te/ de lta bas na rang sangs rgyas zhes bya'o// de nas bcom ldan 'das kyis de'i tshe tshigs su bcad pa 'di dag bka' stsal to// 'di ni nam yang yod min shes/ / des ni ma rig mngon sum gyur// de ni dngos por grub med de// chu yi nang gi gzugs brnyan bzhin// ma rig pa ni rdzun gyi gnas// chos gang dang yang 'dre ba med// chos gang 'dre ba med pa de/ / ma rig pa yi mtshan nyid do// ma rig nam mkha' ji bzhin te// chos rnams thams cad mtshan nyid med// 'di ni mngon sum gyur pas na// rang rgyal ba zhes brjod pa yin// lus kyi 'du byed gang brjod pa// de dag lus nang gang na'ang med// phyi rol ma yin phyi dang nang // gang du yang ni byung ba med// chu shing phung po snying po med// rtag par shin tu snying po med//
- 349b
ma skyes shing ni ma 'gags pa// nam mkha' dang ni mtshungs 'dra ba// 'di ni mngon sum gyur pas na// byang chub sems dpa' 'jigs med pa// bsam gyis mi khyab de des na// rang rdzogs sangs rgyas zhes brjod do/ / sgyu ma'i rang bzhin spyod yul du// chos rnams thams cad rnam par shes// rnam shes sgyu ma'i rang bzhin du// 'di ni mngon sum gyur pa yin// rnam shes spyod yul 'du shes 'di/ / log pa yin par rnam par shes// de yi 'du shes rnam bshig pas// chos rnams stong pa nyid du shes// shes pa shes pa ma yin shes// thams cad du yang de mi chags/ / 'di ltar ming du btags pa'i chos// rnam par shes pa sgyu ma 'dra// ming dang gzugs su gang brjod pa// de ni dgongs te brjod pa yin// rtag par shin tu rang bzhin gyis// de yi dngos po grub pa med// skye mched yod pa ma yin par// skye mched 'di dag bster byas pa// de dag sgra yis brjod pa ste// de dag gzod nas stong pa yin// sngon chad de yi reg pa gang // skye mched brten nas byung gyur po// gsog dang sgyu ma'i rang bzhin ltar// de ni de yis rnam par bshig/ reg pa rnam par rtog las byung // de ni ngo bo nyid kyis stong // ngo bo nyid kyis reg pa'i chos/ / gang yang gnas pa ma yin no// 'di ni nor par reg pa zhes// rig pa'i rang bzhin mngon sum gyur// reg la dben pa phun sum tshogs// rang rgyal ba zhes brjod
- 350a
pa yin/ / tshor ba rnam gsum stong pa dang // ngo bo nyid kyis zhi ba dang // chu bur 'dra ba'i snying po med// shin tu gsog dang gsob tu shes// sred pa thams cad yang dag chad/ / sred pa med pa'i chos nyid shes// sred pa zad pa rjes su thob// rang rgyal ba zhes brjod pa yin// len pa len pa ma yin te// stong par de yis rnam par bshig/ de ni dngos po grub med de/ / smig rgyu la ni chu bzhin no// de yin sred par 'du shes gang // de yis 'du shes sdig pa can// de yi de ni rang bzhin gyis// rtag par shin tu dngos med shes// de la skye ba thams/ cad med// de la 'dri ba yod ma yin// de ni nam yang gang zhig tu// skye bar 'gyur ba gang yang med// rkyen rnams 'di dag shes nas ni// de ni gang la'ang mi gnas te// rang sangs rgyas zhes bya ba'i sgrar/ / byang chub sems dpa' rab tu bstan// kun dga' bo de ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po rang sangs rgyas su bstan to/ / / bam po bzhi pa// / de nas tshe dang ldan pa kun dga' bos de'i tshe tshogs su bcang ba 'di dag smras so// mya ngan 'das med 'das pa zhes// 'jig rten mgon po brjod pa mdzad// nam mkha' mdung pa bor na ni// nam mkha' nyid kyis dgrol bar gyur// chags pa mi mnga' chos ston pa// sangs rgyas
- 350b
thabs la mkhas pa po/ / 'dir gsung ci yang ma mchis la// 'on kyang gsung ba brjod pa mdzad// de nas tshe dang ldan pa kun dga' bos tshigs su bcad pa 'di dag smras nas// bcom ldan 'das la 'di skad ces gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ldem po ngag ma 'tshal ba'i 'jig rten gnas pa dag 'dir rmongs te/ de bzhin gshegs pa dgra bcom pa yang dag par rdzogs pa'i sangs rgyas kyis ci la dgongs te/ dad pas rjes su 'brang ba yongs su bstan pa dang / chos kyi rjes su 'drang ba dang / de bzhin du brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / nyan thos dang / rang sangs rgyas yongs su bstan pa/ de nas dge slong de dag gis tshigs su bcad pa thos nas/ dge slong bsam gtan bzhi pa la bsam gtan pa bye ba phrag lnga bcu stan las langs te 'dug nas/ bcom ldan 'das kyi spyan sngar 'khod de tshigs su bcad pa 'di smras so/ / de ring ci yang ma mchis gyur// chos nyid ma lus par yang rtogs// sgyu ma'i chos nyid mnyam par ni// theg pa thams cad mnyam par 'tshal// de nas dge slong de dag gis tshigs su bcad pa de thos nas/ dge slong theg pa la gsar du yang dag par zhugs pa nyi khri stan las langs te 'dug nas/ bcom ldan 'das kyi spyan sngar 'khod de
- 351a
tshogs su bcad pa'i sngas so/ / lus can rnams ni dkrol slang du// dgongs pa gang gis nyan thos gsungs// dgengs pa de ni bdag cag rtogs// de ni bden pa 'am brdzun ma lags/ / de nas dge slong de dag gis tshigs su bcad pa de thos nas/ dge slong rang sangs rgyas su 'du shes pa lnga stong stan las langs te 'dug nas// bcom ldan 'das kyi spyan sngar 'khod de tshigs su bcad pa 'di smras so/ / rang sangs rgyas nyid bsam yas pa// rgyal bas dgongs te gang gsungs pa// rang rgyal byang chub bdag cag la// de ring mngon sum nyid du gyur// de nas dge slong de dag gis tshigs su bcad pa de thos nas/ dge slong rgyun du zhugs pa'i 'bras bur 'du shes pa dang / lan cig phyir 'ong ba'i 'bras bur 'du shes pa dang / phyir mi 'ong ba'i 'bras bur 'du shes pa dang / dgra bcom pa nyid kyi 'bras bur 'du shes pa 'bum phrag bcu stan las langs te 'dug nas/ bcom ldan 'das kyi spyan sngar 'khod de tshigs su bcad pa 'di smras so/ / bud med dngos po 'gyur ba yi// mnyam pa'i chos rnams yang dag 'tshal// gzhan mi gsung ba'i sangs rgyas su// 'jig rten mchog tu bdag cag 'gyur// de nas dge slong ma de dag gis tshigs su bcad pa de thos nas/ dge bsnyen rgyun du zhugs pa'i 'bras bur 'du shes pa dang / lan cig phyir 'ong ba'i 'bras bur 'du shes pa dang / phyir mi 'ong ba'i 'bras
- 351b
ngur 'du shes pa 'bum phrag nyi shu rtsa brgyad stan las langs te 'dug nas/ bcom ldan 'das kyi spyan sngar 'khod de tshigs su bcad pa 'di smras so// bdag cag sems dang dri ma med// bai DUR+Ya ltar rnam par dag/ sangs rgyas chos thob bgyi slad du// de ring rab tu byung bar bgyi// de nas bar snang la 'khod pa'i lha bye ba khrag khrig phrag drug cus bcom ldan 'das la lha'i me tog gis gtor nas 'dus te tshigs su bcad pa 'di smras so/ / theg par 'du shes sngon gang gyur// de bzhin 'bras bur 'du shes pa// 'du shes de dang bdag cag bral// sangs rgyas byang chub yang dag/ gtang // de nas shA ri'i bu dang / mo'u 'gal gyi bu dang / rab 'byor dang / ma 'gags pa dang / nam gru dang / ka ba pi na la sogs pa dgra bcom pa stong phrag mang po stan las langs te/ bcom ldan 'das ga la ba de logs su thal mo sbyar ba bdud nas/ bcom ldan 'das la 'di skad ces gsol to// bcom ldan 'das deng bdag cag brnag pa yongs su rdzogs lags so/ / bsam pa yongs su rdzogs lags so// bdud phyir rgol ba bcom lags so// mtshams med pa lnga yongs su rdzogs pa dang ldan lag so// bcom ldan 'das deng bdag cag 'dod pa'i yon tan lnga yongs su rdzogs pa dang ldan lags so/ / bcom ldan 'das deng bdag cag log par lta ba yongs su rdzogs pa dang ldan lags so// bcom
- 352a
ldan 'das deng bdag cag yang dag pa'i lta ba dang bral lags so/ / bcom ldan 'das deng bdag cag gis srog chags brgya stong mang po'i srog bkum lags so// bcom ldan 'das deng bdag cag gis byang chub thob lags so// deng bdag cag phung po'i lhag ma ma mchis pa'i mya ngan las 'das pa'i dbyings su yongs su mya ngan las 'das lags so// de nas bcom ldan 'das cang mi gsung bas btang snyoms su mdzad do// de nas 'khor de'i srog chags brgya stong mang po dag the tsom du gyur te/ 'di ci zhig bdag cag mun par gyur pa 'di ji lta bu zhig/ dgra bcom pa dag kyang tshig 'di skad 'dzer na/ so so'i skye bo lta smos kyang ci 'tshal bar mi 'gyur ro// de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to/ / kun dga' bo gang dag sngon gyi rgyal ba la lhag par bya ba byas pa de dag 'di la rmongs par mi 'gyur ro// kun dga' bo de lta bas na/ byang chub sems dpa' sems dpa' chen po gang dag bdag gis de bzhin gshegs pa'i ldem po ngag 'di shes par bya'o snyam du go cha de lta bur bgos pa de dag gnas 'di la rmongs par mi 'gyur ro/ / gang dag brtson 'grus mi dmigs par brtson 'grus dang ldan par gyur pa de dag 'di la rmongs par mi 'gyur ro/ / gang dag gzhan gyi dring mi 'jog pa'i shes pa dang ldan par gyur pa de dag 'di la rmongs par mi 'gyur ro// de nas bcom ldan 'das kyis
- 352b
de'i tshe tshigs su bcad pa 'di dag dka' stsal to/ / 'jig rten mgon po skyeng rnams kyis// ldem ngag shin tu shes dka' ste// byang chub sems dpa' 'jig med pa// de yis ched du go ma dgos// le lo can dang blo chung bas// dgongs pa kun tu shes mi nus// ldem po ngag go ched du ni// de phyir brtson 'grus brtsam par gyis// 'jig rten mgo de skyo ba rnams kyis// dgongs pa gang tshe shes gyur pa/ / de tshe de yi shes pa ni// ldem ngag rnam par sbyong bar 'jug/ de ltar de rtogs byang chub ste// byang chub sems dpas thob pa yin// brjod pas byang chub stong pa ste// byang chub kyis kyang brjod pa stong // stong pa stong pa mi shes la// stong pa steng pa zhes kyang brjod// brjod pa thams cad chad pa ni// stong pa nyid ces rab tu bstan// nam mkha' rtag tu gzung med de// 'di la gzung ba yod ma yin// gang la gzung ba yod min pa// de ni stong nyid shes par gyis// gang dag bag yod gnas 'gyur zhing // de ltar stong nyid shes 'gyur ba/ / mkhas pa de dag gnas 'dir ni// kun tu rmongs par mi 'gyur ro// de nas 'khor de'i dge slong dad pas rjes su 'brang bar 'du shes pa bye ba phrag lnga stan las langs te 'dus nas/ bcom ldan 'das kyi spyan sngar tshigs su bcad pa 'di smras so// 'jig rten mgon po bla na med// sangs rgyas bdag cag ngogs ma mchis// dgengs te bstan pa gang lags pa// byang
- 353a
chub mchog la gnas par bgyi/ / de nas dge slong de dag gis tshigs su bcad pa de thos nas/ de dag ma yin pa gzhan dge slong chos kyi rjes su 'brang bar 'du shes pa bye ba phrag lnga stan las langs te 'dus nas/ bcom ldan 'das kyi spyan sngar 'khod de tshigs su bcad pa 'di smras so// khyod kyis chos rjes 'brang ba zhes// dgongs te yongs su zhing bstan pa/ the tsom de ni ma mchis te// bdag cag byang chub snang ba thob// de nas dge slong de dag gis tshigs su bcad pa de thos nas/ de dag ma yin pa gzhan dge slong brgyad par 'du shes pa bye ba phrag bcu stan las langs te 'dus nas/ bcom ldan 'das kyi spyan sngar 'khod de tshigs su bcad pa 'di smras so// brgyad pa'i 'du shes gang gyur pa// bdag cag 'du shes de rnams bshig gang gis brgyad par brjod pa yi/ / dgongs pa de ni bdag cag rtogs// de nas dge slong de dag gis tshigs su bcad pa de thos nas/ dge slong gzhan rgyun du zhugs par 'du shes pa bye ba phrag bcu gcig stan las langs te 'dus nas/ bcom ldan 'das kyi spyan sngar 'khod de tshigs su bcad pa 'di smras so// sangs rgyas chos la rnam kun tu// snang ba bdag cag de ring thob// gang phyir rgyun du zhugs bstan pa/ / dgongs pa de ni bdag cag 'tshal// de nas dge slong de dag gis tshigs su bcad pa de thos nas/ dge slong gzhan lan cig phyir 'ong bar 'du shes pa brgya stong dag
- 353b
stan las langs te 'dus nas/ bcom ldan 'das kyi spyan sngar 'khod de tshigs su bcad pa 'di smras so// bdag cag lan cig phyir 'ong bar// bdag cag mngon par zhen gyur pa// de ring zhen pa ma mchis gyur/ / dam pa bdag cag spros ma mchis// de nas dge slong de dag gis tshigs su bcad pa de thos nas/ dge slong phyir mi 'ong ba'i 'bras bur 'du shes pa bye ba phrag brgyad cu rtsa lnga stan las langs te 'dus nas/ bcom ldan 'das kyi spyan sngar 'khod de tshigs su bcad pa 'di smras so// mi yi dam pa 'jig rten mgon// bdag cag spros pa ma mchis gyur// 'obs las brgal nas de ring ni/ / byang chub la yang snang ba thob// dgongs pa yongs su ma shes pa'i srog chags the tsom du gyur pa de dag stan las skyod par ma nus te/ gang dag 'dug pa de dag ldang ma nus/ gang dag la pa de dag ni 'dug mi nus nas de dag the tsom du gyur te/ rab tu sems shing 'dug go/ de nas sangs rgyas kyi mthus tshe dang ldan pa kun dga' bos srog chags brgya stong mang po de dag ga sems kyi yongs su rtog pa sems kyis shes nas/ 'jam dpal gzhon nur gyur pa la 'di skad ces smras so// 'jam dpal gnas brtan de dag gis smras pa de thos nas/ srog chags brgya stong mang po 'di dag the tsom du gyur te/ 'di dag gis gang la bsams te smras pa la/ bcom ldan 'das 'di'ang cang mi gsung bar bzhugs na/ 'jam dpal gzhon nur gyur pa gsungs shig/ de skad
- 354a
ces smras pa dang / 'jam dpal gzhon nur gyur pas/ tshe dang ldan pa kun dga' bo la 'di skad ces smras so// kun dga' bo 'di ni byang chub sems dpa' phyir mi ldog pa rnams kyis yin te/ gnas brtan 'di dag gis gang la bsams te tshig smras pa 'di ni phyir mi ldog pa rnams la mngon sum mo// smras pa/ 'jam dpal ci gnas brtan 'di dag kyang byang chub las phyir mi ldog pa yin nam/ smras pa/ kun dga' bo de de bzhin no// kun dga' bos smras pa/ 'jam dpal gnas brtan 'di dag gis gang la bsams te tshig smras pa la/ bcom ldan 'das 'di'ang cang mi gsung bar bzhugs na/ de'i phyir gsungs shig/ 'jam dpal gyis smras pa/ btsun pa kun dga' bo ma ni 'khor ba'i bskyed pa ma rig pa la bya ste/ 'di dag gis ma rig pa de shin tu bcom mo/ / btsun pa kun dga' bo pa ni tshul bzhin ma yin pa yid la byed pa dga' ba'i 'dod chags dang ldan pa la bya ste/ 'di dag tshul bzhin ma yin pa yid la byed pa de dang bral lo/ / dga' ba'i 'dod chags kyang shin tu bcom btags so// dgra bcom pa zhes bya ba ni so so'i skye bo'i chos rnams te/ 'di dag gis de dag rnam par mi gzhig pa'i tshul gyis rnam par bshig ste bcom mo/ / 'di dag la so so'i skye bo'i chos kyi 'du shes gang yod pa de'ang 'di dag gis chos thams cad mi dbye ba'i tshul gyis phye'o// 'di dag la de bzhin gshegs pa'i
- 354b
'du shes su gyur pa gang yod pa'i 'du shes de'ang mi skye ba'i rdul gyis 'di dag dang bral lo/ / btsun pa kun dga' bo 'di dag gis ni 'di la bsams nas/ deng bdag cag mtshams med pa lnga yongs su rdzogs pa dang ldan pa lags so zhes smras so/ / de ci'i phyir zhe na/ khyer ba'ang med/ blangs pa'ang med de/ de'i phyir mtshams med pa lnga dang ldan pa zhes bya'o// 'di dgra gis ci la bsams te/ deng bdag cag 'dod pa'i yon tan lnga yongs su rdzogs pa dang ldan pa lags so zhes de smras she na/ btsun pa kun dga' bo 'di dag gis 'dod pa'i yon tan lnga po 'di dag rmi lam lta bu dang / sgyu ma lta bu dang / mig yor lta bur shes te/ 'di dag la shes pa de yongs su rdzogs shing / 'di dag gis 'dod pa'i yon tan lnga ma tshang ba med pa dang / yongs su rdzogs pa med par byas so/ / de ci'i phyir zhe na/ 'di ltar de dag shin tu med pa ste/ de ltar 'di dag gis de dag yongs su shes so// de ltar de dag dang ldan no// de ltar de dag gi shes pa yongs su rdzogs te/ de'i phyir 'dod pa'i yon tan lnga yongs su rdzogs pa dang ldan pa zhes bya'o// kun dga' bo 'di dag gis ni 'di la bsams nas/ deng bdag cag 'dod pa'i yon tan lnga yongs su rdzogs pa dang ldan pa lags so zhes smras so/ / btsun pa kun dga' bo 'di dag gis deng bdag cag log par lta ba yongs su rdzogs pa dang ldan pa lags so// yang dag pa'i lta ba dang bral
- 355a
lags so zhes de skad gang smras pa ni/ btsun pa kun dga' bo 'di dag gis chos thams cad ni log pa yin par mthong ngo // btsun pa kun dga' bo log pa zhes bya ba ni brdzun pa ste/ chos thams cad ni brdzun pa'o// gang du'ang sbyor ba med cing nam mkha' dang 'dra ste/ zhum pa med pa/ zhen pa med pa/ rtog pa med pa'o// de ci'i phyir zhe na/ chos thams cad ni dngos po med pa'i ngo bo nyid de/ 'di dag gis de dag de ltar shes so// yang dag par na chos thams cad ni mnyam pa ste/ mnyam pa de ni yang dag pa'i lta ba'o// 'di dag ni mnyam pa'i 'du shes de dang bral lo/ / de ci'i phyir zhe na/ byang chub ni 'du shes thams cad dang bral ba ste/ 'di dag gis chos phra rab tsam yang mi dmigs par sangs rgyas kyi chos de dag rjes su thob bo// rtog so// btsun pa kun dga' bo 'di dag gis ni 'di la bsams te/ deng bdag cag log par lta ba yongs su rdzogs pa dang ldan lags so// yang dag pa'i lta ba dang bral lags so zhes smras so// btsun pa kun dga' bo 'di dag gis ni gang la bsams te/ deng bdag cag gis srog chags brgya stong mang po srog bkum lags so zhes tshig smras pa la/ btsun pa kun dga' bo 'di dag gi ldem po ngag 'di thos nas/ srog chags brgya stong mang po dang / lha brgya stong mang pos chos thams cad sgyu ma lta bu dang / rmi lam lta bu dang / brag che lta bur shes shing rtogs te/ des 'di dag
- 355b
sems can gyi 'du shes dang / srog gi 'du shes dang bral nas/ chos thams cad bskrun pa med pa'i tshul du dge ba'i rtsa ba byang chub tu bskrun to// 'di thos nas de dag ma yin pa gzhan dge slong dang / dge slong ma dang / dge bsnyen dang / dge bsnyen ma rnams kyang sems can gyi 'du shes dang / srog gi 'du shes dang bral bar gyur te/ de'i phyir de dag yang 'chi bar mi 'gyur ro// de ci'i phyir zhe na/ sems can gyi 'du shes dang / srog gi 'du shes yod na 'chi bar 'gyur na/ de dag shin tu mi skye ba'i chos nyid kyis 'du shes de dang bral bar 'gyur ro// btsun pa kun dga' bo 'di dag gis ni 'di la bsams te/ deng bdag drag gis srog chags brgya stong mang po'i srog bkum lags so zhes smras so// tshig de skad smras so// btsun pa kun dga' bo 'di dag gos gang la bsams te/ deng bdag cag gis byang chub thob lags so// deng bdag cag phung po'i lhag ma ma mchis pa'i mya ngan las 'das pa'i dbyings su yongs su mya ngan las 'das lags so zhes chotshig de skad smras pa la/ btsun pa kun dga' bo 'khor 'di'i nang nas srog chags brgya phrag mang po dang / srog chags brgya stong phrag mang pos deng nyon mongs pa rnams sangs rgyas kyi byang chub dang mtshungs par rig nas/ mi skye ba'i chos la bzod pa skyed de/ de'i phyir de dag dang byang chub kyi phyir nyon mongs pa las rnam par rgyal nas/ 'di skad du dang bdag cag gis byang chub thob lags so zhes
- 356a
smras te/ nyon mongs pa rnams spangs pa'ang med/ sangs rgyas kyi chos rnams brten pa'ang med do// 'di dag la nyon mongs pa'i chos chung rab tsam yang med do// btsun pa kun dga' bo 'di dag gis ni 'di la bsams te/ deng bdag cag gis byang chub thob lags so// deng bdag cag phung po'i lhag ma ma mchis pa'i mya ngan las 'das pa'i dbyings su yongs su mya ngan lnga 'das lags so zhes tshig de skad smras so/ / deng zhes bya ba ni nyi ma 'di gang yin pa la deng zhes bya'o// de ci'i phyir zhe na/ btsun pa kun dga' bo rigs kyi bu 'am/ rigs kyi bu mo gang gis byang chub tu sems bskyed pa des chos thams cad la snang ba byas te/ des sems gang ma thob pa byang chub tu sems bskyed pa gang yin pa 'di ni chos thams cad dang 'char ba'o// gang gi tshe de byang chub kyi 'du shes rang bral ba de'i tshe/ phung po'i lhag ma med pa'i mya ngan las 'das pa'i dbyings su chos thams cad dang nub bo// btsun pa kun dga' bo byang chub sems dpa'i theg pa pa la ni 'phags pa'i 'du shes kyis 'di nyin mo'o/ / byis pa rnams la ni nyi ma'i 'du shes kyis nyin mo'o// de ci'i phyir zhe na/ gal te yang dag par snying por nyin mor gyur na ni/ de'i phyir nyin mo rnams phung por 'gyur ro// gal te yang dag par snying por phung por gyur na ni/ de'i phyir mtshan mo rnams kyang khung por 'gyur te/ 'das pa'i nyin mtshan rnams 'dres par 'gyur ro// nyin mo'ang mtshan mor 'gyur ro// mtshan mo'ang nyin mor
- 356b
'gyur ro/ / btsun pa kun dga' bo byis pa rnams kyi nyin mo'i 'du shes kyis nyin mo'o// mtshan mo'i 'du shes kyis mtshan mo'o// byang chub sems dpa'i theg pa pa dge ba'i bshes gnyen gyis yongs su zin pa la ni nyin mo la nyin mo'i 'du shes dang / mtshan mo la mtshan mo'i 'du shes med do// de ci'i phyir zhe na/ sangs rgyas kyi ye shes ni 'du shes thams cad dang bral ba ste/ de'i phyir mngon sum du smon pa med do/ / de nas 'jam dpal gzhon nur gyur pas de'i tshe tshigs su bcad pa 'di dag smras so// 'khor ba skyed par byed pa yi// ma rig pa la ma zhes brjod// de dag de nirtsar bcas bton/ / de phyir ma bsad ces brjod do// tshul bzhin ma yin yid la byed// dga' ba'i 'dod chags pa zhes brjod// de dag yang dag ji bzhin du// de ni rtag tu dngos med shes// 'di ni yang dag dngos med par// rtsa nas bton la mi skyed de// dmigs pa med cing gnas med pa// des na bsad pa zhes brjod do// dgra bcom chos su gang brjod dang // byis pa'i chos gang tha dad pa/ / sred pa rnam par bshig pas na// de phyir dgra bcom bsad ces brjod// dge 'dun 'du shes gang gyur pa// de dag de yi rang bzhin shes// chos rnams thams cad dbye med par// dbye ba'i sgra ni nges par bstan// rdzogs sangs rgyas zhes 'du shes gang // sngon chad rnam par brtag gyur pa// skye ba med dang 'gag med par// de dag de ni rtsar bcas bton// rgyun mi 'chad
- 357a
par 'du shes 'di/ / stong zhing dbus dang mtha' stong par// 'di dag gis ni tshig tu brjod// de ni mnyam nyid reg par byas// 'dod pa'i yon tan lnga brjod pa// nyin gang gis ni yongs brjod pa// 'du shes sgyu mar rtogs pas na// de phyir de dag 'du shes bral// dge slong dag gis 'dod 'di rnams// sngon chad ji bzhin mi nyung byas// 'jig rten mgon gyi spyan sngar ni/ / de dag des ni tshig tu brjod// 'dod pa'i chos rnams rmi lam 'drar// 'di dag gis ni stong du shes// de la shin tu skye med par// de dag shes pa rab tu rdzogs// gsob stong snying po med par ni/ / log par chos rnams yongs su shes// log ces bya ba'ang brdzun du brjod// de dag 'du shes 'dir rab rdzogs// chos rnams thams cad brdzun pa ste// gang du yang dag 'dri ba med// / nam mkha' sor mo lnga lta bur// med pas yang dag 'dri ba med// yang dag ces ni gang brjod pa// lta ba de dag rnams kyis shes// chos kyis mnyam nyid gang dang mnyam// lta ba shes pa'ang de dang mnyam/ / sems can 'du shes gyur pas 'chi// byis pa'i blo can rnams kyis brtags// sems can rnams ni mi dmigs na// 'chi ba srid par mi 'gyur ro// gang gis skye bo rab mang dag/ sdug bsngal blangs pa mi 'dor ba// srog tu 'du shes rab sdig can// 'du shes de de rnams kyis lasal// de dag sems can 'du shes bral// srog tu 'du shes rnam par bshog/ des na sems
- 357b
can mang po yi/ / srog bcad ces ni brjod pa yin// de dag nyon mongs kun las rgyal// nyon mongs med pa'i chos nyid rtogs// byang chub sgro btags med pa dang // 'gyur med rab tu dri med shes// bdud rnams mtha' dag pham par byas// sangs rgyas chos rnams rnam par sbyangs// chos kun mi mthun med pa'i phyir// skye ba med pas mya ngan 'das// 'jam dpal gzhon nur gyur pas tshogs su bcad pa 'di dag smras ma thag tu de nas srog chags brgya stong rab tu mang po de dag the tsom dang som nyi dang bral te/ chos thams cad la snang ba'ang thob par gyur nas/ de dag thams cad kyis so so nas 'jam dpal gzhon nur gyur pa la dga' ba phul te/ tshig 'di skad du ji ltar da ltar 'jam dpal gzhon nur gyur pas bstan pa de bzhin du/ bdag cag gis kyang chos brjod par bgyi'o// sems can la'ang bstan par bgyi'o zhes smras so/ / de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal ldem po ngag tu smras pa de dag legs par bshad pa ni legs so legs so/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo srog chags brgya stong mang po the tsom dang / som nyi za bar gyur pa gang dag the tsom dang / som nyi las rnam par 'akrol ba'i srog chags brgya stong mang po de dag ni/ kun dga' bo 'jam dpal gzhon nur gyur pas byang chub yang dag par 'dzin du bcu
- 358a
pasayongs su smin par byas pa dag ste/ de dag ni 'dis chos bstan pa kun du shes so// gsol pa/ bcom ldan 'das ci lags/ 'di dag byang chub las slar mi ldog pa lags sam/ bcom ldan 'das kyis bka' stsal pa/ kun dga' bo de de bzhin te/ 'di dag ni byang chub las phyir mi ldog pa'o// de ci'i phyir zhe na/ 'di ltar dge ba'i bshes gnyen 'jam dpal gzhon nur gyur pas yongs su gzung ba'i phyir ro/ / gsol pa/ bcom ldan 'das ci lags/ dge slong gang dag dad pas rjes su 'brang ba'i 'du shes dang / chos kyis rjes su 'brang ba'i 'du shes dang / de bzhin du brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / nyan thos dang / rang sangs rgyas kyi 'du shes rnams las langs pa de dag thams cad kyang byang chub las slar mi ldog pa lags sam/ bcom ldan 'das kyis bka' stsal pa/ kun dga' bo 'di ni yid ches pa ra dka' ba ste/ dman pa la mos pa dang / le lo can dang / 'dod pa'i chos bsten pa dang / 'du 'di la dga' ba dang / dran pa brjed ngas pa dang / shes bzhin med pa dang / mnyam par ma gzhag pa dang / sems rnam par 'khrul pa dang / mngon pa'i nga rgyal gyis yongs su zin pa dang / lus rjes su bsrung ba dang / srog rjes su bsrung ba dang / lus dang srog la lta ba dang
- 358b
bcas pa dang / ser sna can dang / ngang tshul ngan pa can dang / gnod sems can dang / sangs rgyas kyi chos la mi mos pa dang / 'chal pa'i shes rab can dang / sdig pa'i bshes gnyen gyi lag tu song ba dang / dge ba'i bshes gnyen gyis yongs su ma zin pa dang / shes rab kyi pha rol tu phyin pa yongs su spangs pa dang / dmigs par lta ba dang ldan pa dang / thob pa lhur len pa dang / bkur sti lhur len pa dang / lhung bzed dang chos go sa la chags pa dang / nam gyi cha stod dang / nam gyi cha skad la mi nyal bar rnal 'byor du bya ba la mi brtson pa dang / brdzun smra ba dang / phra ma'i tshig can dang / ngag rtsub po'i tshig can dang / tshig bkyal pa smra ba dang / brnab sems can dang / gnod sems dang / log par lta ba dang / brel ba gang yang rung bas bral ba dang / pho nya'i las kyi spyod yul ba dang / mtshan ma la spyod pa dang / stong pa nyid dang / mtshan ma med pa dang / smon pa med pa dang / mngon par 'du byed pa dang / skye ba med pa dang / 'gag pa dang / chung za ba med pa'i chos thams cad la ma dad pa dang / mi mos pa dang / chos de lta bu dang ldan pas ni/ kun dga' bo gnas 'di la mos par dka' 'o// de nas bcom ldan 'das kyis de skad ces bka' stsal nas cang mi gsung bar gyur to// de nas sangs rgyas kyi mthus tshe dang ldan pa kun dga' bos/ 'jam dpal gzhon nur gyur pa la 'di skad
- 359a
ces smras so/ / 'jam dpal ci'i phyir/ bcom ldan 'das cang mi gsung bas 'da' bar mdzad/ 'jam dpal gyis smras pa/ btsun pa kun dga' bo phyi ma'i dus lnga brgya tha ma la chos 'di lta bu dang ldan pa'i sems can phal cher 'byung ste/ de dag mi mos pas de'i phyir/ bcom ldan 'das cangad mi gsung bas 'da' bar mdzad do// smras pa/ 'jam dpal gang dag 'dir mos par 'gyur ba gang yin/ 'jam dpal gyis smras pa/ btsun pa kun dga' bo gang dag mos par 'gyur ba ni nyung ste/ btsun pa kun dka' bo 'di lta ste/ dper na sems can gang dag don la mkhas pa de dag ni nyung zad cig go// gang dag mi mkhas pa ni rab tu mang ngo // de ci'i phyir zhe na/ de dag de la mi spyod de/ de'i phyir de la mi mkhas so// btsun pa kun dga' bo de bzhin du gang dag chos bstan pa 'di la mos pa'i sems can ni nyung zad cig go// gang dag myos par 'gyur ba de dag ni rtag tu bkur stir bya bar mi 'gyur gyi/ grong dang / grong khyer dang / grong rdal dang / yul 'khor dang / rgyal po'i pho brang 'khor nas yongs su spang bar 'gyur ro// de ci'i phyir zhe na/ 'di ltar de dag ni rang gi las kyi sgrib pa chos kyis 'phongs par 'gyur ba'i las sngon byas pas so/ / smras pa/ 'jam dpal gang dag mos pa nyung bar 'gyur ba de dag nyid ched du gsungs shig/ 'jam dpal gyis smras pa/ btsun pa kun
- 359b
dga' bo bcom ldan 'das la zhus shig dang / bcom ldan 'das khyod la lan 'debs par 'gyur ro// de nas bcom ldan 'das la/ tshe dang ldan pa kun dga' bos 'di skad ces gsol to/ / bcom ldan 'das gang dag mos pa nyung bar 'gyur ba'i rigs kyi bu dang / rigs kyi bu mo de dag nyid kyi ched du bshad du gsol/ de dag gis thos nas kyang dga' bar 'gyur lags so// de nas bcom ldan 'das kyis phyogs bzhir rnam par gzigs nas/ ljags kyi dbang pos stong gsum gyi stong chen po'i 'jig rten gyi khams mngon par bkab ste/ ljags kyi dbang po de las 'od byung nas/ 'od de 'jig rten gyi khams gang+gA'i klung gi bye ma snyed khyab par gyur te/ snang ba chen pos snang bar byas so// de nas sangs rgyas kyi mthus 'khor bzhi po des/ shar phyogs kyi 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das rnams chos bstan pa 'di nyid ston par mthong zhing / de dag gis chos bstan pa de'ang thos so// de bzhin du sbyar te/ phyogs bcu kun tu chos bstan pa 'di nyid lhag chad med par thos so// thos nas kyang 'dus te/ bcom ldan 'das la gsol ba btab pa/ ji ltar bcom ldan 'das kyis bstan pa ltar/ sangs rgyas bcom ldan 'das dpag tu ma mchis par mang ba 'di dag kyang chos bstan pa 'di nyid lhag chad ma mchis par ston par mthong lags na/ bcom ldan/
- 360a
'das kyis chos bstan pa 'di nyid dang / chos kyi bka' mchid 'di nyid rgyun mi gcod par bshad du gsol zhes gsol ba btab bo// de nas bcom ldan 'das kyis ljags kyi dbang po de bsdus te/ tshe dang ldan pa kun dga' bo la 'di skad ces bka' stsal to// kun dga' bo lce'i dbang po 'di lta bu brdzun smra ba yin nam/ gsol pa/ bcom ldan 'das de ni ma lags te/ de'i slad du gang dag mos pa nyung bar 'gyur ba'i rigs kyi bu 'am/ rigs kyi bu mo de dag nyid kyi ched du/ bcom ldan 'das kyis bshad du gsol/ gang dag ma mos pa de dag kyang dbang du gyur pa 'di dag gis mos par bgyid par 'gyur ro/ / bcom ldan 'das kyis bka' stsal pa/ kun dga' bo 'khor bzhi po gang da ltar 'dus pa de thams cad dang / lha dang / klu dang / gnod sbyin dang / dri za gang dag chos ston pa 'di thos pa de dag thams cad bla na med pa yang dag par rdzogs pa'i byang chub las phyir mi ldog pa dag ste/ de dag bla na med pa yang dag par rdzogs pa'i byang chub mngon par rdzogs par sangs rgyas nas kyang / ji ltar da ltar nga ston pa bzhin du chos kyi rnam grangs 'di lhag chad med par sa phyogs 'di nyid du ston par 'gyur ro// de nas 'khor bzhi po de dang / lha dang / klu dang / gnod sbyin dang / dri za rnams tshim zhing mgu la yi rangs te/ rab tu dga' nas dga' ba dang / yid bde ba skyes te/ kha cig gis ni gos rnams
- 360b
kha cig gis ni me tog dang / 'phreng ba dang / byug pa rnams kyis de bzhin gshegs pa la gtor to// bud med rnams kyis ni rgyan thams cad lus las phog ste/ bcom ldan 'das ga la ba de logs su gtor to/ / gtor nas kyang thams cad 'dus te tshig 'di skad du/ de bzhin gshegs pa dgra bcom pa yang dag par rdzogs pa'i sangs rgyas rnams ni gnyis su ma mchis pa gsung ba lags so zhes smras so/ / de nas bcom ldan 'das kyis/ yang tshe dang ldan pa kun dga' bo la bka' stsal pa/ kun dga' ngo bud med 'di dag gis ji skad smras pa de bzhin te/ de bzhin gsheg pa dgra bcom pa yang dag par rdzogs pa'i sangs rgyas rnams ni gnyis su med pa gsung ba/ chags pa mi mnga' ba/ zhe sdang mi mnga' ba/ gti mug mi mnga' ba/ dri ma mi mnga' ba ste/ des na sangs rgyas bcom ldan 'das rnams thos pa don yod pa yin no// gsol pa/ bcom ldan 'das sangs rgyas bcom ldan 'das rnams thos zhes bgyi ba 'di ji lta bu lags bcom ldan 'das kyis bka' sprul pa/ kun dga' bo mi shes sam/ gsol pa/ bcom ldan 'das ma 'tshal to// bcom ldan 'das kyis bka' stsal pa/ kun dga' bo de'i phyir nyon cig dang bshad do/ / gsol pa/ bcom ldan 'das kyis bshad du gsol/ bcom ldan 'das kyis bka' stsal pa/ kun dga' bo gang dag gis shAkya thub pa zhes nga'i ming thos
- 361a
par 'gyur ba de dathamams cad byang chub las phyir mi ldog par 'gyur ro/ / de ci'i phyir zhe na/ kun dga' byang chub ni chags pa med pa/ zhe sdang ba med pa/ gti mug med pa ste/ don yod pa yin na/ gang dag de bzhin gshegs pa la me tog gcig 'bul ba dang / gang dag de bzhin gshegs pa yongs su mya ngan las 'das pa'i ring bsrel gyi mchod rten rnams la me tog gcig 'thor ba dag lta smos kyang ci dgos/ gsol pa/ bcom ldan 'das dud 'gro'i skye gnas su gyur pa'i sems can gang dag gis thos pa de dag kyang byang chub las slar mi ldog par 'gyur ba lags sam/ bka' stsal pa/ kun dga' bo gang la la dag shAkya thub pa zhes bya ba thos pa de nyid de dag gi byang chub kyi sa bon du 'gyur ro// kun dga' bo gal te de bzhin gshegs pa dgra bcom pa yang dag par rdzogs pa'i sangs rgyas rnams thob pa don yod pa ma yin te/ de ltar gyur na ni de bzhin gshegs pa gnyis su med pa gsung bar mi 'gyur ro// kun dga' bopo khyod 'di la ji snyam du sems/ shing n+ya gro d+ha gang gi grib ma la srog chags brgya 'am/ nyis brgya 'am/ sum brgya'am/ bzhi brgya'am/ lnga brgya 'khod pa'i shing n+ya gro d+ha'i sa bon ji tsam zhig yin/ gsol pa/ bcom ldan 'das de'i sa bon chung lags so// bcom ldan 'das kyis bka' stsal pa/ kun dga' bo sa bon de tsam du chung ba de las shing n+ya gro d+ha de skyes nas/
- 361b
rim gyis 'phel zhing rgyas pa dang yangs par 'gyur ram/ gsol pa/ bcom ldan 'das de de lta lags so// bka' stsal pa/ kun dga' bo shing n+ya gro d+ha de sa bon chung ngu las skyes nas/ rim gyis 'phel zhing rgyas pa dang yangs par 'gyur ba de bzhin du/ kun dga' bo shAkya thub pa'i sgra thos pa'i sa bon de yang rim gyis bla na med pa yang dag par rdzogs pa'i byang chub sgrub par 'gyur te/ chud za bar mi 'gyur/ rab tu chud za bar mi 'gyur/ rul bar mi 'gyur ro// de ci'i phyir zhe na/ kun dga' bo chos thams cad kyis sa bon 'di ni gnas pa med pa ste/ de'i phyir rab tu chung za bar mi 'gyur ro// kun dga' bo chos thams cad kyi sa bon 'di ni chung mi za ba ste/ de'i phyir chung ba bar mi 'gyur ro// kun dga' bo chos thams cad kyi sa bon 'di ni mngon par zhen pa med pa ste/ des na rul bar mi 'gyur ro// de skad ces bka' stsal pa dang / tshe dang ldan pa kun dga' bos/ bcom ldan 'das la 'di skad ces gsol to/ / bcom ldan 'das ci lags/ 'di bcom ldan 'das kyi sngon gyi smon lam lags sam/ 'on te sangs rgyas bcom ldan 'das rnams thos pa don mchis pa 'di chos nyid lags bcom ldan 'das kyis bka' stsal pa/ kun dga' bo ngas gang nga'i ming thos pa de/ bla na med pa yang dag par rdzogs pa'i byang chub las phyir mi ldog par gyur cig ces smon lam 'di'ang btab bar
- 362a
gyur la/ yang 'di ni sangs rgyas bcom ldan 'das rnams kyi chos nyid kyang yin no// de ci'i phyir zhe na/ kun dga' bo sangs rgyas bcom ldan 'das thams cad ni chos tham cad kyis mtshungs mnyam mo/ / gsol pa/ bcom ldan 'das gang gi tshe/ sangs rgyas bcom ldan 'das rnams chos nyid kyis mtshungs mnyam pa de'i tshe ci'i slad du smon lam mdzad/ bka' stsal pa/ byang chub sems dpa' chos dam pa 'di ma thos pa rnams smon lam 'debs te/ smon lam des myur du chos bstan pa 'di thos pa thob par 'gyur ro// gsol pa/ bcom ldan 'das gang dag rnam pa de lta bu'i chos rnams dang ldan zhing / sems can mang po'i don mdzad de/ ji tsam du sangs rgyas bcom ldan 'das rnams chos rgya chen po dang ldan pa 'di ni ngo mtshar to// bcom ldan 'ad kyis bka' stsal pa/ kun dga' bo de de bzhin te/ 'di lta ste/ sangs rgyas kyi don du ngas sems can mang po'i don byas so// kun dga' bo ngas sangs rgyas kyi zhing ni snyigs ma lnga dang ldan pa ma yin te/ kun dga' bo ngas sngon sangs rgyas bcom ldan 'das rnams la bsnyen bkur byas pa dang / rim gro byas pa dang / lus dang srog la ma bltas pa dang / 'dog pa thams cad yongs su btang ba dang / ser sna dang bral ba dang / brtson 'grus chen po brtsams nas/ chos thams cad la mi gnas par sems can thams cad la phan gdags pa dang / chos thams rung ma gzung
- 362b
ba'i phyir byang chub yang dag par bsgrubs so/ / de skad ces bka' stsal pa dang / tshe dang ldan pa kun dga' bos/ bcom ldan 'das la 'di skad ces gsol to// bcom ldan 'das chos bstan pa 'di la bdud sdig can bar chad mi bgyid pa ni ngo mtshar to/ / bka' stsal pa/ kun dga' bo ma thos so// de ci'i phyir zhe na/ 'jam dpal gzhon nur gyur pas sngar byin gyis brlabs pas de'i phyir bar chad mi byed do/ / de nas 'jam dpal gzhon nur gyur pas byin gyi rlabs te bsdus so// 'jam dpal gzhon nur gyur pas bdud sdig can gyi phyir byin gyi rlabs bsdus ma thag du/ de nas rmi lam tsam gyi tshod du bdud sdig can gyis phyir mi ldog pa'i 'khor lo'i sgra thos shing / shAkya thub pa'i mtshan kyang thos so// de nas bdud sdig can 'jigs skrag sngangs te/ spu zing zhes byed par gyur nas/ bdag gi rnam par rgyal ba thams cad ni rnam par rgyal ba ma yin par 'gyur/ bdag gi yul thams cad ni yul ma yin par 'gyur zhes tshig tu smra zhing de mya ngan byed/ smre sngags 'don to/ / de mya ngan byed cing smre sngags 'don pas rgas 'khogs pa'i gzugs su gyur te/ 'di lta ste/ dper na mi lo brgya lon pa rgas 'khogs par gyur pa de bzhin du/ gzugs rgas par gyur to// de nas bdud sdig can yan lag bzhi pa'i dpung gi tshogs dang lhan cig stong gsum gyi stong chen po'i 'jig rten gyi khams na/ bdud kyi ris kyi lha ji snyed yod pa de dag thams cad dang lhan cig tu 'di lta ste/
- 363a
dper na byang chub thob pa'i bcom ldan 'das kyi bkod pa de lta bus/ bcom ldan 'das ga la ba der song ngo // de nas bdud sdig can bcom ldan 'das kyi gan du song ba dang rgas 'khogs gtugs par snang ste/ 'di lta ste/ dper na mi lo brgya lon pa lus mdun du dgu ste/ 'khar ba la brten nas 'gro ba ltar bdud sdig can bcom ldan 'das kyi drung du son pa'ang de bzhin no/ / son nas kyang de'i dpung yan lag bzhi pa de la bar snang la 'khod pa'i lha rnams kyis phyir mi ldog pa'i 'khor lo'i sgra dang / shAkya thub pa'i mtshan thos pas/ phyir mi ldog pa nyid thos pa'i sgra rnam pa de lta bu 'di bsgrags te/ thos nas kyang yan lag bzhi pa'i dpung gi tshogs de thams cad thogs shing the tsom du gyur te/ yang bdud sdig can gyi rjes su mi 'gro'o// de nas bdud sdig can gcig pu gnyis su med par bcom ldan 'das kyi thad du song ste/ bcom ldan 'das la 'di skad ces gsol to// bcom ldan 'das bdag ni gcig pu ste/ gnyis su ma mchis la rgas 'khogs/ gtugs te/ lag pa nas 'deg pas ma mchis par gyur cing / bdag gi rnam par rgyal ba thams cad kyang rnam par rgyal ba ma lags par gyur/ bdag gi yul thams cad kyang yul ma lags par gyur to/ / de bzhin gshegs pa dgra bcom pa yang dag par rdzogs pa'i sangs rgyas ni sems can thams cad la thugs brtse ba can lags na/ bcom ldan 'das kyis
- 363b
bdag la thugs brtse ba mdzad du gsol/ bcom ldan 'das nyid ma gtogs par bdag la chab stsol ba 'ga' yang ma mchis na/ khyod bdag la thugs brtse bar mdzad du gsol/ de skad ces gsol pa dang / bcom ldan 'das kyis/ bdud sdig can la 'di skad ces bka' stsal to// sdig can sems can gyi khams mang ste/ sdig can gal te sangs rgyas bcom ldan 'das gang+gA'i klung gi bye ma snyed nyin gcig bzhin 'jig rten du byung du zin kyang / bdud sdig can sems can gyi khams zad par bya bar mi nus so// de skad ces bka' stsal pa dang / bcom ldan 'das la/ bdud sdig can gyis 'di skad ces gsol to// bcom ldan 'das sems can gyi khams mang du lags kyang bdag ni gcig pu ste/ gnyis su ma mchis par gyur la/ bdag gi lag pa nas 'deg par bgyid pa 'ga' yang ma mchis te/ bcom ldan 'das bdag shul du brdeg 'cha' la 'khor zhing mchi na/ bcom ldan 'das bdag la dbugs dbyung du gsol/ bcom ldan 'das ci nas bdag dga' bar 'gyur ba dang / ci nas kyang myur du yongs su dga' bar 'gyur ba dang / ci nas bdag 'khor mang bar 'gyur ba de ltar bdag la dbugs dbyung du gsol/ de skad ces gsol pa dang / bcom ldan 'das kyis/ bdud sdig can la 'di skad ces bka' stsal to// sdig can khyod snying las chung ngur song zhig dang / sdig can gang chos kyi rnam
- 364a
grangs 'di la yid ches par mi 'gyur ba ji snyed pa de dag thams cad khyod kyi lag nas rten pa dang grogs su 'gyur ro/ / de nas bdud sdig can tshim zhing mgu la yi rangs te/ rab tu dga' nas dga' ba dang yid bde ba skyes te tshig 'di skad ces smras so// bdag gis sems can rnams ci nas chos kyi rnam grangs 'di la mi mos pa dang / the tsom du 'gyur ba de ltar yongs su byin gyis brlab bo/ / de dag the tsom za bar gyur na bdag gi dbang du 'gro bar 'gyur ro// de nas bdud sdig can gyis/ yang bcom ldan 'das la 'di skad ces gsol to// bcom ldan 'das yang bdag de bas kyang dga' bar 'gyur bar bdag dbugs dbyung du gsol/ bcom ldan 'das kyis gang 'di skad du shAkya thub pa zhes nga'i ming thos par 'gyur ba ji snyed pa de ngag thams cad phyir mi ldog par 'gyur ro zhes bka' stsal pa de skad sgra mi bsgrags shing / bcom ldan 'das cad mi gsung bar bzhugs su gsol/ sems can rnams sangs rgyas kyi theg pa yongs su sgrub par brtson 'grus rtsom par mi 'gyur ba dang / byang chub la gnas par mi 'gyur bar de ltar bdag dbugs dbyung du gsol/ de skad ces gsol pa dang / bcom ldan 'das kyis/ bdud sdig can la 'di skad ces bka' stsal to// sdig can khyod snying las chung ngur song zhig dang / ci nas sems can gang yang byang chub la dgod par mi bya ba de ltar bya'o//
- 364b
gang gis sems can gang yang sems can gyi khams las bstod par bya ba ste/ ci nas sems can gang yang gzugs las bskyod par mi bya ba dang / de bzhin du tshor ba dang / 'du shes dang / 'du byed rnams dang / rnam par shes pa las bskyod par mi bya ba de ltar bya'o// sdig can khyod snying las chung ngur song zhig dang / ci nas sems can gang yang 'jig tshogs la lta ba las mi bskyod pa dang sems can gang yang gzugs su dmigs pa las mi bskyod pa dang / sems can gang yang lta bar gyur pa drug cu rtsa gnyis las mi bskyod pa dang / sems can gang yang 'das par 'du shes pa las mi bskyod pa dang / ma 'ongs par 'du shes pa dang / da ltar du 'du shes pa las mi bskyod pa dang / sems can gang yang srog gcod pa las mi bskyod pa dang / ma byin par len pa dang / 'dod pas log par g.yem pa dang / brdzun du smra ba dang / phra ma'i tshig dang / ngag rtsub po dang / tshig bkyal pa dang / brnab sems dang / gnod sems dang / log par lta ba las mi bskyod pa de ltar bya'o/ / sdig can khyod snying las chung ngur song zhig dang / sems can gang yang sbyin pa yang dag par 'dzin du mi gzhug go// tshul khrims dang / bzod pa dang / brtson 'grus dang / bsam gtan dang / shes rab yang dag par 'dzin du mi gzhug go// sdig can khyod snying las chung ngur song zhig dang / sems can gang yang sems can du 'dzin pa dang
- 365a
sems can du mngon par zhen pa las bskyod par mi bya'o/ / phar 'du shes pa dang / mar 'du shes pa dang / spun du 'du shes pa dang / sring mor 'du shes pa dang chung mar 'du shes pa dang / bur 'du shes pa dang / bu mor 'du shes pa dang / nyin mor 'du shes pa dang / mtshan mor 'du shes pa dang / zla ba gcig tu 'du shes pa dang / zla ba phyed du 'du shes pa las bskyod par mi bya'o/ / sdig can khyod snying las chung ngur song zhig dang / sems can gang yang sbyin pa'i 'du shes dang / tshul khrims kyi 'du shes dang / bzod pa'i 'du shes dang / brtson 'grus kyi 'du shes dang / bsam gtan gyi 'du shes dang / shes rab kyi 'du shes dang / byang chub kyi sems kyi 'du shes dang / stobs dang / mi 'jigs pa'i 'du shes dang / dbang po dang / stobs dang / byang chub kyi yan lag gi 'du shes dang / lam gyi 'du shes dang / sangs rgyas kyi 'du shes dang / chos su 'du shes dang / dge 'dun gyi 'du shes dang / sangs rgyas kyi dge 'dun du 'du shes pa dang / sangs rgyas thams cad mkhyen par 'du shes pa las bskyod par mi bya'o// sdig can khyod snying las chung ngur song zhig dang / ci nas sems can gang yang chos thams cad las bskyod par mi bya ba dang / sems can gang yang chos thams cad yang dag par 'dzin du mi gzhug pa de ltar bya'o// de nas bdud sdig
- 365b
can mgu zhing yi rangs te/ dga' ba dang yid bde ba skyes nas/ mya ngan gyi zug rngu dang bral te/ sa phyogs de nyid du gzhon nur gyur nas/ de nas bcom ldan 'das la me tog rnams kyis gtor te/ bcom ldan 'das la lan gsum bskor ba byas nas tshogs su bcad pa 'di smras so// de bzhin gshegs pa 'dzin rten mchog/ gzhan du mi gsung rdzogs sangs rgyas/ gzhan du 'gyur ba'i tshig mi gsung // de ring bdag ni dga' ba skyes// de nas bdud sdig can gyis tshigs su bcad pa 'di smras na sa/ snying las rlung ngur bcom ldan 'das kyi gan nas song ngo / / de nas bdung sdig can rang gi gnas su song nas/ lha'i 'dod pa lnga'i yon tan rnams dang ldan zhing dbang thob par gyur te/ rtse dga' dgur yongs su spyod cing yang rnam par gtse ba'i sems mi skyed do/ / bdud slar btang ba bstan pa 'di bshad pa na/ sa chen po rnam pa drug tu g.yos par gyur to// // bam po lnga pa/ de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das ci'i slad du/ sa chen po 'di rnam pa drug du g.yos par gyur/ bcom ldan 'das kyis bka' stsal pa/ kun dga' bo bdud slar btang ba bstan pa 'di bshad pa na/ srog chags 'bum phrag drug cu rtsa bzhis mi skye ba'i chos la bzod pa thob pa'i phyir ro// gsol pa/
- 366a
bcom ldan 'das 'di la kha cig the tsom du gyur pa lta mchis sam/ bcom ldan 'das kyis bka' stsal pa/ kun dga' bo srog chags bye ba phrag bcu ni 'di ci zhig/ 'di ji lta bu zhig/ bdag cag gis gzhan du thos par ma gyur tam zhes the tsom dang yid gnyis za bar gyur te/ de dag bdag cag bde ba rag la 'gyur/ de dag bdag cag ji lta bu zhig tu gnas/ bdag cag gang nas 'ongs zhes phyogs kyang mi shes shing gcig la gcig blta'o/ / de nas bcom ldan 'das la/ tshe dang ldan pa kun dga' bos 'di skad ces gsol to// ci la dgongs te gsungs pa la som nyi ma mchis par 'gyur bar bcom ldan 'das kyis 'di dag la myur du snang bar mdzad du gsol/ bcom ldan 'das kyis sdig can khyod snying las chung ngur song zhig dang / ci nas sems can gang yang byang chub la dgod par mi bya ba de ltar bya'o/ / ci nas sems can gang yang sems can gyi khams las bskyod par mi bya ba de ltar bya'o zhes bgyid pa nas/ snga ma bzhin du rgyas par sbyar te/ sdig can khyod snying las chung ngur song zhig dang / ci nas sems can gang yang chos thams cad las bskyod par mi bya ba dang / sems can gang yang chos thams cad yang dag par 'dzin du mi gzhug pa de ltar bya'o zhes bka' sbal pa bcom ldan 'das kyis ci la dgongs te de skad gsungs/ bcom ldan 'das sems can 'di dag la myur du snang ba mdzad du gsol/ bcom ldan 'das gang dag chos kyi rnam grangs 'di
- 366b
'dzin pa dang / kun chub par bgyid pa dang / 'don pa dang / 'chang ba de dag gi ched du/ slang ma'i skye bo la snang ba bgyis par 'gyur bar bcom ldan 'das kyis ci la dgongs te de skad ces dka'/ stsal pa bshad du gsol/ de nas bcom ldan 'das kyis de'i tshe tshigs su bcad pa 'di dag bka' stsal to// byang chub de ni gnas pa med// byang chub gang du'ang rgyun chad med// des na nga ni byang chub la/ / sems can dgod par mi bya smras// sems can kun dang byang chub dang // de bzhin bdag ni gnas pa med// 'di la dgongs nas sems can no// byang chub gnas pa med ces smra/ sems can khams la rnam kun tu// sems can bskyod par mi bya ste// de la dngos po grub pa ni// shin tu dmigs par mi 'gyur ro// sems can khams 'dir rang bzhin gyis// stong ste bsam gyis mi khyab bo// thams cad mkhyen ldan rnams kyis kyang // 'di las de ni bskyod mi nus// sems can de ni phung po nyid// phung po mya ngan 'das gnyis med// nga yis 'di la dgongs nas ni/ / sems can gang yang mi bskyod smras// gang la bzung nas rab g.yo ba// de la gzung ba grub pa med// ngo bo nyid kyis mi g.yo ste// phung po stong par shes par gyis// phung po mi g.yo gcig pu dang // sems can med cing rang bzhin med// rtag par shin tu rten med cing // gnas pa med par shes par gyis// phung po nam mkha' ji bzhin te// phung po rnams
- 367a
kyi spyod yul 'di/ / spyod yul med na spyod phul du// phung po nam mkha' 'dra zhes bstan// nam mkha'i khams su gang brjod pa// de ni ma skyes skye ma yin// bden par phung po de dang mnyam/ / de dag bskyod par mi nus so// 'jig tshogs shes bya'i chos gang yang // yang dag tu ni mo dmigs te// nam mkha' ma yin mi bskyod ces// nga yis tshig tu de skad smras// sems can sems ni rab gnas par// rtag par shin tu mi 'dzin te// dmigs pa dang ni sems rnams kyang // ngo bo nyid kyis g.yo ba med// lta ba drug cu rtsa gnyis gang // gang yang chos rnam tha dad pa/ / de ltar de dag chu nang gi/ gzugs brnyan de dang 'dra ba nyid// lta ba drug cu gnyis rtag tu// mig yor 'dra bar shes par gyis// bdag med phyir dang dngos med phyir// ngo bo nyid kyis g.yo ba med/ / 'das dang ma 'ongs 'du shes dang // de bzhin da ltar byung ba yi// 'du shes 'di ni dngos med de// dper na smig rgyu'i chu 'dra'o// 'du shes 'di ni bdag med de// 'di la sems can yod ma yin/ / gang la sems can yod min pa// de ni bskyod par mi nus so// sems can srog gcod byed gyur pa// dgon pa chen por zhugs pa rnams// gcig tu mya ngan 'da' bya bar// 'di las bskyod pa'i nus pa med/ / gal te 'gar ni des dmigs na// de ltar de dag bskyod par bya// sems can med phyir de dag ni// bskyod par mi bya zhes brjod do// byang chub ma byin brjod pa ste/
- 367b
nam yang su la'ang byin pa med// de phyir 'dir ni gang brtson pa// de ni bskyod par mi nus so// lus can rnams kyis ma byin pa// sbyin nga chos sbyin bsam mi khyab// de yis phyir na gang brtson pa/ / de ni bskyod par mi nus so// 'dod la log par g.yem brjod pa// 'di ni log pa yod min par// de ltar shes pa gang brtson pa// de ni bskyod par mi nus so// brten nas brdzun gyi tshig smra bar/ gnas pa'i skye ba rnam grol bar// gtso bo brtson 'grus rtsom byed pa// de ni bskyod par mi nus so// phra ma tshig rtsub gang yin dang // bkyal par smra ba gang yin pa// de dag thams cad sgyu ma 'dra/ ga sog ste rtag tu dngos po med// de yi gnas sam gnas pa ni// nam yang yod pa ma yin no// sgra ni brag cha mtshungs rig bya// de yang gnas pa yod ma yin// de yi chags sems gang byung ba/ / bdag la chags pa'i khyad par can// bdag de de yis yongs shes pa// des na de ni bskyod mi nus// gang gis gnod sems rang bzhin gyis// mtshan nyid med la byang chub de'ang / / de yi mtshan nyid yin shes pa// de ni bskyod par mi nus so// log par lta ba yongs shes pas// yang dag lta bas rang bye la// zangs kun las ni rnam 'das gang // de ni bskyod par mi nus so/ / shes rab can dag gzhon nu ma// sbyin du 'jug par mi byed de// gzhon nu sbyin pa rab sdig pa// 'di ni gnang ba ma yin no// log par lta bas tshul khrims gang // 'phags pa'i/
- 368a
lam ni 'dor byed pa// 'di la 'phags pa'i lam tshol ba// 'dzud par byed pa ma yin no// 'di las phyi rol mu stegs kyi// bzod pa rnam mang gang yod pa/ de ni lam rjes 'gro bzod dang // mya ngan 'das sbyor ma yin 'dod// gzhan gyur mu stegs gdung ba lnga// de la sogs la brtson bzod gang // de ni byang chub thob byed min// de phyir mkhas pa der mi brtson/ / 'di las phyi rol mtshan ma can// de dag ting 'dzin spyod yul kun// sangs rgyas rnams kyis smad pa ste// de la de ni 'dzud mi byed// 'dod ldan shes rab gang yin pa// de la 'dzud par mi byed de/ / shes pa de ni sangs rgyas kyis// ye shes bsam yas sgrub byed min// byang chub sems dpa' 'jigs med pa// gang zhig sems can sdud byed pa// blo ldan de ni sems can rnams/ / sdud pa de las bskyod mi nus// sems can 'du shes zhen pas na// 'dir ni byang chub sems brjod de// byang chub de ni zhen pa med// de ni bskyod par nus ma yin// pha dang / ma dang spun rnams dang // sring mo bu dang rtsa lag rnams// thams cad sgyu ma lta bur brjod// de dag bskyod par mi nus so// dngos po sna tshogs de dag rnams// kun la 'du shes de dngos med/ chos gang dngos po yod min pa// de ni bskyod par mi nus so// nyin mtshan 'du shes gang yin dang // zla gcig zla phyed gang yin pa// 'du shes de kun chags med de// dper na smig rgyu'i chu bzhin
- 368b
no/ / sbyin dang tshul khrims bzod brtson 'grus// bsam gtan shes rang byang chub sems// stobs dang mi 'jigs rnams la yang // 'du shes gyur pa gang yin dang // dbang po byang chub yan lag dang / / lam rnams la yang gang skyes pa// de ni mi shes byung shes nas// mkhas pa g.yo bar mi byed do// sangs rgyas 'du shes chos 'du shes// dge 'dun 'du shes gang gyur pa/ / sna tshogs bral la rab gnas pa// de las bskyod par mi bya'o// sangs rgyas dge 'dun 'du shes med// gang dag kun mkhyen 'du shes med// de dag sangs rgyas byang chub ni// bsam yas byang chub rgyang ring byed// byang chub ring bar ma gyur ces// de phyir sdig can mdun du 'dir// de dag 'di las mi bskyod ces// ngas ni tshig tu brjod pa byas// chos rnams kun dang sems can rnams/ / de kun ji bzhin de bzhin du// rnam par bkrol nas sdig can ni// blo gros ngan pas de ma rtogs// bcom ldan 'das kyis bdud slar btang ba bstan pa 'di bshad ma thag tu// de nas srog chags bye ba phrag bcu po de dag the tsom dang bral zhing som nyi spangs te/ chos thams cad la snang ba thob par gyur nas/ mo skye ba'i chos la bzod pa thob par gyur to// bzod pa thob ma thag tu thams cad 'dus te tshigs su bcad pa 'di dag smras so/ / sangs rgyas lam ni bsam yas pa// lam gyi dam pa mngon par 'tshal// som nyi gcod pa rnam 'dren pa// bcom ldan 'dag/
- 369a
cag ston pa lags// bdag cag kun tu snang ba thob// sangs rgyas lam la legs par gnas// phyogs rnams thams cad snang gyur cing // sangs rgyas bye ba rnams kyang mthong / / rtag tu gzugs la mi gnas pa'i// chos nyid kyang ni mthong 'gyur ba// de ltar bdag cag rnams kyi mig/ 'dren pa 'jig rten mgon gyis spungs// de nas srog chags bye ba phrag bcu po de dag gis tshigs su bcad pa de dag smras nas/ thams cad kyis so so nas gos rnams bcom ldan 'das dang / chos kyi rnam grangs 'di la mchod pa'i las kyi phyir gtor nas/ tshig 'di skad du chos kyi rnam grangs 'di sems can thams cad kyi rna lam du grag par gyur cig ces smras so/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das gang dag bdud slar btang ba bstan pa'i chos kyi rnam grangs 'di thos ma thag tu mos shing yid ches te the tsom mi skyed na/ bcom ldan 'das de dag bsod nams ji tsam zhig skyed par 'gyur/ bcom ldan 'das kyis bka' stsal pa/ kun dga' bo rigs kyi bu 'am/ rigs kyi bu mo gang zhig snga dro'i dus na sangs rgyas brgya dang / nyi ma gung gi dus na sangs rgyas brgya dang / phye ma rad kyi dus na sangs rgyas brgya dang nam gyi cha stod la sangs rgyas brgya dang / nam gyi gung la sangs rgyas brgya dang / nam gyi cha smad la sangs rgyas brgyal bsti stang byed/ bla mar byed/ rim gror byed la/ mchod pa byed cing
- 369b
bde bar sbyar ba thams cad dang / bde ba la reg par gnas par bya ba thams cad kyis bsnyen bkur byed la/ tshul 'dis lo nyi khrir bsnyen bkur byed na/ kun dga' bo 'di la ji snyam du sem/ rigs kyi bu 'am/ rigs kyi bu mo de gzhi de las bsod nams mang du bskyed dam/ gsol pa/ bcom ldan 'das mang lags so// bde bar gshegs pa mang lags so// bcom ldan 'das dpe bgyi bar sla ba ma lags so/ / bcom ldan 'das kyis bka' stsal pa/ kun dga' bo rigs kyi bu 'am/ rigs kyi bu mo gang zhig bdud slar btang ba bstan pa 'di thos ma thag tu mos shing yid ches te/ the tsom skyed par mi 'gyur ba de bas bsod nams mang du skyed par 'gyur ro/ / de nas byang chub sems dpa'i theg pa pa'i rigs kyi bu gsum me tog man+da ra ba ri bo ri rab ltar mngon par 'phags pa bye ba brgya stong du ma thogs nas/ nam mkha' bar snang las 'ongs te/ tshe dang ldan pa kun dga' bo dang / thams cad dang ldan pa'i 'khor gyis/ byang chub sems dpa'i theg pa pa'i rigs kyi bu de dag rgyang ring po nas 'od pabar mthong ngo / / mthong nas kyang ngo mtshar gyi 'du shes su gyur to// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das byang chub sems dpa' 'di dag gang nas mchis/ bcom ldan 'das kyis bka' stsal pa/ kun dga' bo sangs rgyas kyi zhing 'di nas shar phyogs su 'jig rten gyi khams gang+gA'i klung gi bye ma snyed 'das pa na/ 'jig rten
- 370a
khams ri rab ltar pad+ma mngon 'phags zhes bya ba yod de/ der 'di dag gis chos kyi rnam grangs 'di thos nas/ de'i phyir de dag 'jig rten gyi khams de nas lhags so// / de nas byang chub sems dpa'i theg pa pa'i rigs kyi bu gsum po de dag bcom ldan 'das kyi spyan sngar 'khod de/ me tog man+da ra ba de dag bcom ldan 'das la gtor/ rab tu gtor to// gtor/ rab tu gtor nas kyang tshig 'di skad du/ bcom ldan 'das bdag cag ni chos kyi rnam grangs 'di la mos shing yid ches te the tsom ma mchis so// de ci'i slad du zhe na/ 'di lta ste/ de bzhin gshegs pa dgra bcom pa yang dag par rdzogs pa'i sangs rgyas ltar/ bdag cag la yang som nyi ci yang ma mchis so zhes smras so// de nas de dag gi nang nas byang chub sems dpa'i theg pa pa'i rigs kyi bu gcig gis/ bcom ldan 'das la 'di skad ces gsol to/ / bcom ldan 'das gang dag de bzhin gshegs pa zhes yang dag pa'i smra bas smra na/ de bzhin gshegs pa de ni bdag lags te/ bdag ni chos kyi rnam grangs 'di la som nyi ma mchis/ the tsom mi 'tshal lo// byang chub sems dpa'i theg pa pa'i rigs kyi bu gnyis pas/ bcom ldan 'das la 'di skad ces gsol to// bcom ldan 'das gang dag bcom ldan 'das zhes yang dag pa'i smra bas smra na/ bcom ldan 'das de ni bdag lags te/ bdag ni chos kyi rnam grangs 'di la som nyi ma mchis/ the tsom mi 'tshal lo// byang chub sems dpa'i theg pa pa'i rigs kyi
- 370b
gsum pas/ bcom ldan 'das la 'di skad ces gsol to// bcom ldan 'das gang dag sangs rgyas zhes yang dag pa'i smra bas smra na/ bcom ldan 'das sangs rgyas de ni bdag lags te/ bdag ni chos kyi rnam grangs 'di la som nyi ma mchis/ the tsom mi 'tshal lo// de nas 'khor ngo'i nang nas srog chags brgya stong mang po dag 'od snyam du sems te/ ji ltar yang sangs rgyas// nyis 'jig rten du cig car 'byung mi srid na/ ci'i phyir 'di dag 'di skad smra snyam ste/ de dag yang yang por gyur nas/ rang rang gi stan la mi dga' bar gyur to// de nas sangs rgyas kyi mthus/ tshe dang ldan pa kun dga' bos/ bcom ldan 'das la 'di skad ces gsol to// bcom ldan 'das ci lags/ 'di dag 'di ltar sang ga'i sgra sgrogs pa ltar ming de dag lags sam/ bcom ldan 'das kyi bka' stsal pa/ kun dga' bo 'di la gcig gi ming ni de bzhin gshegs pa'i sgra brjod pas yang dag par zhugs pa zhes bya'o// gnyis pa'i ming ni bcom ldan 'das kyis sgra brjod pas yang dag par zhugs pa zhes bya'o// gsum pa'i ming ni sangs rgyas kyi sgra brjod pas yang dag par zhugs pa zhes bya'o// kun dga' bo de ni de bzhin no// gang gi phyir 'di dag 'di skad du smra ba'i rnam grangs 'di yod de/ yang 'di dag gi ming ni de ngag yin no/ / gsol pa/ bcom ldan 'das gang dag yang yeng por gyur pa de dag gis 'di la bsams te/ 'di dag gis 'di skad smras so zhes 'tshal bar 'gyur ba dang / de dag gis dge ba'i
- 371a
rtsa ba rnams de bas kyang ches 'od gsal bar 'gyur ba 'di lta ste/ dper na bcom ldan 'das khye'u gzhon nu thor bu sha mdog yongs su dag bdes tsan dan dmar po'i chus kyang bkrus na/ de'i lus de bas kyang dri dang ldan zhing sha mdog yongs su dag la/ 'od gsal bar 'gyur ba de bzhin du/ bcom ldan 'das byang chub sems dpa' gang dag ldem po ngag la mkhas pa de dag gi dge ba'i rtsa ba de bas kyang ches 'od gsal bar 'gyur bar bcom ldan 'das kyis 'di dag gis ldem po ngag tu smras pa/ srog chags brgya stong mang po yang yeng por gyur pa rnams la bshad du gsol de nas bcom ldan 'das kyis de'i tshe tshigs su bcad pa 'di dag bka' stsal to/ / 'das dang da ltar byung ba dang // ma 'ongs de bzhin nyid lta bu// chos kun de ltar mthong de'i phyir// de ni de bzhin gshegs zhes brjod/ / da ltar byung dang 'das pa dang // ma 'ongs chos rnams gang yin pa// de dag gnyis min dbyer med de// rtag par shin tu mtshan nyid med// ji ltar sngon gyi sangs rgyas kyis// sbyin pa bsam yas byin pa ltar/ / 'di dag de ltar sbyin byin te// de las bsams nas 'di smra'o// byang chub chags med zhugs pa ste// ji ltar 'das pa'i de bzhin gshegs// de ltar byang chub zhugs pa ste/ des na de bzhin gshegs zhes brjod// chos rnams kun la zhugs nas ni// byang chub zhi ba tshol bar byed// byang chub de yang mi dmigs te// de phyir de bzhin gshegs zhes brjod// ji ltar 'das
- 371b
pa'i tshul khrims brjod/ / ma 'ongs pa yang de bzhin te// da ltar byung ba'ang de bzhin thob// des na de bzhin gshegs zhes brjod// ji ltar srog chags snying rje'i bdag/ bstan pa rnams kyis sngon bzod ltar/ / de ltar bstan pa de bzod de// bzod pa'i pha rol mtha' mar gnas// sngon chad byang chub tshol ba na// nga yis brtson brtsams ji bzhin du// ji ltar de ni brtson 'grus 'gyur// des na de bzhin gshegs zhes brjod/ / chos kun gang mnyam ngas reg pa// mnyam pa de la 'dis reg ste// 'di la rlom sems gang yang med// des na de bzhin gshegs zhes brjod// chos kun rlom sems med pa ste/ / ngo bo nyid kyis rtag tu mnyam// rnam par rtog med ci yang med// 'di ni mnyam nyid de shes so// sngon gyi de bzhin gshegs pa ltar// 'dis kyang de bzhin ting nge 'dzin// rnam par mi rtog zhi ba rtogs/ / des na de bzhin gshegs zhes brjod// chos rnams kun gyi rang bzhin gang // nga yis yongs su brjod byas pa// rtag par shin tu dngos med pa// rang bzhin de ni de yis shes/ shes rab kyi ni mtshan nyid thob// chos kyi stong nyid rab shes pas// chos rnams thams cad rab shes te// shes rab kyi ni pha rol son// sngon gyi mkhas pa bsam yas kyis// ji ltar shes rab pha rol son/ / de dag mthar son pa yang med// ma phyin mya ngan 'das ma yin// de bzhin nyid mthar son rnams kyis// ji ltar 'di mthar ma phyin pa// de ltar 'dis kyang ma rnyed de// des na de bzhin gshegs pas brjod// ji
- 372a
lhar gzhan gyis de bsams pa/ / de ltar byang chub mi dmigs te// chos rnams thams cad mi dmigs pas// de ni de bzhin gshegs zhes brjod// ji ltar byang chub mi chags pa/ de ltar 'di yis chags med thob// chos rnams kun la mi chags pas// chags pa med pa'i byang chub rtogs// byis pa kun gyis ma spyod cing // ngo bo nyid kyang ma shes lam// 'jig rten mgon po skye rnams kyi// sngon chad ji ltar bsgoms pa bzhin// zag pa med pa lam gyi mchog/ de ni de ltar sgom par byed// thog ma med pa'i lam de ni// stong par de yis rnam par shes/ 'phags pa'i lam gyi chos nyid gang // mnyam par gyur pa thogs ma med// de ni de dang mnyam par byed// des na de bzhin gshegs zhes brjod// lam ci 'dra bar byang chub ste// byang chub ci 'dra de bzhin du// lus gnas par ni rab shes te// des na de bzhin gshegs zhes brjod// de bzhin gshegs pa nyid kyi sgra// mdor na chos shes brjod pa ste// mkhas pa de ngag byang chub zhugs/ / kun dga' 'di la bsams nas ni// 'di yis tshig tu rab tu brjod// ji skad smras pa de de bzhin// 'di ni mkhas pa'i spyod yul yin// mkhas zhes brjod mi ldog pa'o// byang chub sems dpa' 'jig med de// gang dag yongs su brjod pa de// thams cad de yi spyod yul yin// gang gi 'jigs med blo ldan de// de bzhin gshegs zhes brjod pa yin// rnam
- 372b
grangs 'di ni kun dga' bo/ / byang chub sems dpa' rnams la bshad// gsol pa/ gang gis blo ldan bcom ldan 'das// 'jigs pa med ces khyod gsungs pa// rnam grangs de ni ci 'dra lags/ / chos de rnams kyang ci 'dra zhig/ bcom ldan 'das kyis bka' stsal pa// sangs rgyas byang chub bsam yas pa// gang gis byang chub bsgrubs pa ni// bskal pa bye ba brgya rnams dang / / bskal pa mang pos 'grub pa ste// de ltar sems can ched kyi phyir// byang chub sgrub ces legs par gnas// de la de ni 'jigs pa med// de phyir bcom ldan 'das zhes bya// 'khor ba la ni de mi 'jigs/ / 'khor ba na yang shin tu gnas// de las sems can sad par byed// de phyir bcom ldan 'das zhes bya// de der mi 'jigs ji lta bur// 'khor bar rab gnas ci 'dra zhig/ 'jig rten mgon po bla na med// sems can 'grel pa ji lta bu// de chos 'phel bar mi byed cing // cung zad tsam yang 'jig mi byed// 'phel ba med cing 'jig med phyir// sdug bsngal las ni sems can 'grol/ / de ltar 'khor bar mi 'jigs shing // de ltar srid par shin tu gnas// de ltar sems can thar par byed// des na bcom ldan 'das zhes bya// sangs rgyas chos rnams gang yin pa/ / ma lus pa la de mi 'jigs// chos rnams mtha' yas mu med pa// sems can rnams la de sgrogs so// sangs rgyas chos rnams ma lus par// ngo bo nyid kyis
- 373a
chos stong par/ / shes nas chos rnams de dag ni// sgrub cing de la mthong ba med// chos rnams ngo bo nyid stong par// de ltar bsti stang byas te sgom// rnam pa kun tu stong shes nas/ / 'jigs pa med par sgrub par byed// chos rnams thams cad brdzun par ni// rab tu shes nas zhum pa med// 'jig med gyur nas chos rnams kyi// yang dag mtshan nyid rab tu ston/ / 'jigs pa kun las shin tu 'das// ngan song thams cad rnam par spangs// 'jigs skrag med par ngan song las// lus can rnams ni kun tu 'don// 'khor ba 'jigs chen bcas pa las/ / sems can dpag tu med pa sgrol// de las sems can mi bskyod la// de las sgrol bar byed pa'ang yin// bsgral nas mya ngan 'das pa'i thar// zhi ba mchog la rab 'god/ kyang / sems can de dag mi dmigs te// de phyir bcom ldan 'das zhes bya// nam mkha' 'dra ba'i chos rnams kyi// lus can rnams la rab ston kyang // de ni de la 'jigs pa med// des na bcom ldan 'das zhes bya/ / rnam pa mang po'i chos rnams kun// bye brag med par rab brjod de// de dag byang chub mnyam pas mnyam// byang chub de yang mi dmigs so// skye bo byang chub bsgrub pa'i phyir/ / gzhan dag 'di la 'dzud par byed// de ltar chos rnams ston byed kyang // gang la'ang 'jigs pa yod ma yin// bstan pa rnam pa sna tshogs kyis// lus can 'di ni rnam par 'grol//
- 373b
'jig dang bral zhing kun 'dzin med// des na bcom ldan 'das zhes bya// 'du shes 'gog pa yang dag thob// byang chub sems dpa' nyon mongs med// des na ming 'di 'thob 'gyur te/ bcom ldan 'das zhes rnam par grags// ma smang gang zhig chol med par// chos rnams 'gog dang mnyam par ni// snga nas rab tu shes pas na// de yang bcom ldan 'das zhes brjod// blo ldan mi ni lhur mi len/ / de ni ming la chags pa med// ming la chags las rang dgrol phyir// lus can rnams la chos ston to// gang la khams rnams zhugs pa yin// byang chu de ni ming dang bral// ming lhur len pa'i sems can gang // de ni byang chub shin tu ring // sgra rnams brag cha lta bur ni// rnam pa kun tu rnam par 'jig/ sgra rnams med par shes nas ni// mnyam mo zhes kyang chags pa med/ / sgra rnams kun la chags med cing // rtsod pa rnams la gnas pa med// byang chub phyir ni spros med pas// bcom ldan 'das zhes brjod pa yin// bcom ldan 'das kyis sgrar brjod pa'i/ / 'di 'dra'i chos rnams de dag ni/ byang chub sems dpas ma rnyed de// des na bcom ldan 'das zhes bya// bstan pa byang chub rangab zhugs pa// chags bral zag pa med pa de// rnam grangs 'di ni rab shes shing / / 'di la gang du'ang chags pa med// bcom ldan 'das kyis sgrar brjod pa// rnam grangs 'di dang gzhan gyi rnams// de dag shes na nga sangs rgyas// bcom ldan 'das
- 374a
zhes smra bar byed/ / kun dga' 'di la bsams nas ni// bcom ldan yang dag gang smra ba// bdag la smra ba smra byed ces// des ni de skad brjod pa yin// gsol pa/ bcom ldan byang chub sems dpa' la// bstan pa gang dag rab 'tshal nas// brtan 'di bdag ni sangs rgyas zhes// smra ba'i rnam grangs de gang lags// bka' stsal pa/ gang gis chos rnams ma lus par/ / shin tu med par rtogs gyur cing // chos rnams gtsang bar rtogs pa'i phyir// sangs rgyas zhes ni brjod pa yin// gang zhig nyon mongs rdzun shes nas// de dag dbang du mi 'gro zhig/ nyon mongs kun la ma chags pa// de ni sangs rgyas zhes brjod do// lus ni stong par shes gyur nas// 'di ni nga'i ming su'i yang min// yang dag tu na lus 'di la// snying po dmigs pa yod ma yin/ / byis pa lus la mi mkhas pa// snying po med la snying por shes// de ni yang dag ji bzhin rtogs// des na sangs rgyas zhes brjod do// gang zhig nga snyam 'du shes su// gyur pa shin tu mtshan nyid med/ / mtshan nyid med par de shes nas// de yi dbang du mi 'gro'o// gzugs ni mngon mthar ma skyes shing // yang dag byung ba med par shes// 'di ni byis pas brtags pa ste// / 'di la grub pa yod ma yin// tshor ba rtsa ba mi dmigs te// 'di la rtsa ba mi dmigs te// chos rnams kun la mi gnas pas// de na 'di la tshor ba med// 'du shes smig rgyu 'dra ba dang // rdzas med
- 374b
dam / / de bye na ma ldan la// rnam pa gan g+hu/ nas pan+da na ba cad paste/ rnams kyi gnang sa/ byu na lus la mi chags so/ / 'du byed rnams dang lus kyang ni// chu shing phung po'i snying po 'dra// de yis yang dag ji bzhin rtogs// des de sangs rgyas zhes brjod do// yang dag tu na rnam shes ni// lus kyi nang na mi gnas te// lus 'di ni phyi rol na'ang // rnam par shes pa mi srid do// chos rnams kun la rnam kun tu// rnam par shes pa mi srid de// 'di yi gnas dang gnas med dang // 'pho ba yang ni mi dmigs so// rtag par shin tu dngos med par// de ltar rnam shes khong du chud// dper na sprul pa sgyu ma ltar// sus kyang nam yang mi shes so// sems can kun gyis ji ltar yang // rnam shes de ltar mthong ba med// yang dag tu na sus kyang ni// thams cad shes par gyur pa med// chos rnams thams cad dngos med de// yang dag tu na shes pa med// 'di la shes sam sems can du/ / btags pa nang na'ang yod ma yin// chos rnams thams cad dngos med de// 'gyur ba med cing spros med la// sprul pa 'dra bar de yis rtogs// des na sangs rgyas zhes brjod de// chos 'di thams cad rtogs gyur nas// ji ltar sangs rgyas de ltar gnas// chos rnams kun la gnas pa med// des na sangs rgyas zhes brjod do// ji ltar chos rnams gnas pa bzhin/
- 375a
bzhin nyid ltar khong du chung // sangs rgyas dang ni byang chub 'dra// dmigs su med cing 'dus ma byas// gang gis byang chub phyir zhugs pa'i// sems bskyed pa ni gang yin pa/ / phra rab chos kyis mi dmigs pas// sems de dmigs par mi 'gyur ro// gang phyir byang chub ched kyi phyir// sems de skyed par 'gyur ba des// byang chub de dang sems mnyam zhing / sgyu ma byas pa 'dra bar rtogs// kun dga' 'di la bsams nas ni// sangs rgyas zhes ni gang brjod pa// sangs rgyas 'dren pa de bdag ces// 'di ni tshig tu rab tu smra// sangs rgyas sgrar ni bstan pa yi/ / chos rnams 'di dag 'di 'dra bar// gang dag chos 'dir gnas pa ni// de dag byang chub mchog phyir zhugs// gang dag chos rnams de ltar shes// de dag byang chub mchog la nye/ / de dag chos rnams thams cad la// yid gnyis ci yang yod ma yin// de ltar bsams te smras pa yi// chos 'di gang dag shes 'gyur ba// de dag the tsom spangs pa'i phyir// 'jig rten gyi ni mchog tu 'gyur/ bcom ldan 'das kyis de bzhin gshegs pa dang / bcom ldan 'das dang / sangs rgyas zhes bya ba gsum po 'di dag bstan pa'i lan btab ma thag tu/ de nas srog chags brgya stong mang po de dag gis/ bcom ldan 'das la 'di skad ces gsol to// bcom ldan 'das kyis gang la dgongs nas/ byang chub sems dpa' la de bzhin
- 375b
gshegs pa zhes gsungs pa dang / bcom ldan 'das zhes gsungs pa dang / sangs rgyas zhes gsungs pa la bcom ldan 'das bdag cag som nyi ma mchis shing / the tsom ma 'tshal bar gyur to/ / bcom ldan 'das bdag cag gis chos de dag kun tu 'tshal to// chos thams cad mi dmigs pa'i tshul gyis/ bdag cag gis 'dir dran pa thob lags so// pha ma'i bgyi ba 'di de bzhin gshegs pa dgra bcom pa yang dag par rdzogs pa'i sangs rgyas kyis bdag cag la mdzad do/ / bcom ldan 'das kyis bdag cag la phyag brkyang ba stsal to// bdag cag slar zhing g.yo ba'i sems mi skyed de/ bdag cag gis g.yo ba ma mchis pa'i chos rjes su thob bo// bcom ldan 'das 'di lta ste/ dper na nam mkha' g.yo ba ma mchis pa la sus kyang g.yo ba bgyid par mi nus pa de bzhin du/ bcom ldan 'das bdag cag kyang chos thams cad la g.yo ba ma mchis so// de ci'i slad du zhe na/ bdag cag gis chos thams cad ni g.yo ba ma mchis te/ nam mkha' dang mtshungs shing 'dra la ma skyes par rtogs so/ / de nas srog chags brgya stong mang po de dag gis bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das dang mi ring bar 'khod do// de nas byang chub sems dpa' sems dpa' chen po dgod pa dang bcas par dbang po dang bas/ de'i tshe tshigs su bcad pa 'di dag gsol
- 376a
to/ / 'bras bur 'du shes mang po dag/ 'bras bur 'du shes pa las bkrol// 'bras bur brnyes pa phun tshogs pa// 'jig rten mgon la phyag 'tshal lo// 'bras bu rnams kyang brjod mdzad la/ / mnyam pa nyid kyang rab tu gsung // sangs rgyas 'bras bu phun tshogs pa// phyag 'tshal 'jig rten mkhas khyod la// 'bras bu 'dod pa'i sems can mang // 'bras bu sna tshogs spyod yul ba/ / rnam par 'grel pa'i rdzogs sangs rgyas// phyag 'tshal 'jig rten kha sgyur khyod// mnyam pa nyid la rab zhugs shing // chos rnams thams cad ston pa'ang mdzad// sems can thams cad mnyam mkhyen pa// mnyam pa khyod la phyag 'tshal lo// sems can 'bras bur dmigs pa can// dmigs pa las ni rab tu bkrol// dmigs pa thams cad 'grel pa po/ / phyag 'tshal 'jig rten grags khyod la// 'bras bu nyer zhi phun sum tshogs// 'bras bu sna tshogs yongs su spangs// dge ba ma lus rnams ldan pa// 'jig mkhyen khyod la phyag 'tshal lo/ / de nas byang chub sems dpa' sems dpa' chen po dgod pa dang bcas par dbang po dang bas/ tshigs su bcad pa 'di dag gis/ bcom ldan 'das la mngon par bstod nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi thad nas song ste/ mi ring ba zhig tu 'dug nas/ bcom ldan
- 376b
'das la mig mi 'dzums par lta zhing dga' ba dang / mchog tu dga' bas 'dug go// de nas byang chub sems dpa' sems dpa' chen po pad+ma dpal gyi snying po zhes bya ba stan las langs te/ bcom ldan 'das la pad+ma dag gis gtor nas/ bcom lda 'das la tshigs su bcad pa 'di dag gis mngon par bstod do// sems can dngos po'i 'du shes gnas// mang po khyod kyis rnam par bkrol// bsnyengs dral len pa mi mnga' ba// thub mchog khyod la phyag 'tshal lo// srid pa nyer zhi srid bral ba'i// chos ni rab tu ston pa mdzad// dpa' bo srid pa bral ba po// thub mchog khyod la phyag 'tshal lo/ / khyod kyis dngos po stong par mkhyen// rtag tu ngo bo nyi ma mchis// srid pa spangs pa rdzogs sangs rgyas// thub mchog khyod la phyag 'tshal lo// srid par 'dren pa yang dag bcad/ nyon mongs mi mnga' gar mi gnas// 'jigs dang skrag las rnam grol ba// thub mchog khyod la phyag 'tshal lo// bsnyengs pa mi mnga' bag mi tsha// gsung gi dam pa sgrogs pa mdzad// sgra kun las ni rnam 'das pa/ / thub mchog khyod la phyag 'tshal lo// mya ngan mi mnga' mi bsnyengs bsnyes// mya ngan drug rngu rab tu 'grel// bdud spangs skyon rnams mi mnga' ba// thub mchog khyod la phyag 'tshal lo/ / de nas byang chub sems dpa' sems dpa' chen po pad+ma'i dpal gyi snying pos/ bcom ldan 'das la tshogs su bcad pa 'di dag gis mngon par bstod nas 'di skad ces gsol
- 377a
to/ phyi dus phyi ma'i dus kyi tshe// gang dag 'di 'dra'i mdo 'di la// mkhas pa skrag par mi 'gyur ba// sems can de dag phyag dgyi 'os// de nas byang chub sems dpa' sems dpa' chen po rdul med blo gros zhes bya bas/ bcom ldan 'das la 'di skad ces gsol to// sangs rgyas rnams kyi rgya chen chos// mdo sde 'dir ni nges par bstan// / gang dag 'di la som nyi sems// ma mchis de dag nyung bar 'gyur// 'jig tshogs la ni mngon zhen pas// lus min lus su 'du shes pa// byis pa 'du shes yongs ldan rnams// 'chad pa na ni mi snyan brjod/ / sems can gang dag bdud kyis ni// mos bzlog bdud kyis byin brlabs dang // gang dag 'di 'dra'i mdo 'di la// ma mos pa dag mi mkhas lags// de nas byang chub sems dpa' sems dpa' chen po ut+pa la'i mig gis/ bcom ldan 'das la 'di skad ces gsol to// nges pa gang dag 'di 'dra ba'i// mdo 'dir som nyi mi 'tshal ba// nges pa 'jig rten mig dang mtshungs/ / mig stsol ba yang bgyid pa lags// de nas byang chub sems dpa' sems dpa' chen po mchod rten la mos pas// bcom ldan 'das la 'di skad ces gsol to// nges pa gang dag 'di 'dra ba'i// mdo sde la ni mos 'gyur ba// de dag 'jig rten mchod rten 'dra// mi yi mchog tu 'gyur ba lags// de nas byang chub sems dpa' sems dpa' chen po rtag tu 'dod
- 377b
kyis/ bcom ldan 'das la 'di skad ces gsol to// gang dag 'di 'dzin de dag ni// lus 'di la ni phyi phyir zhing // 'dod pa mi skyed chos kun la// chags pa ma mchis som nyi bral// de nas byang chub sems dpa' sems dpa' chen po gos la mos pas/ bcom ldan 'das la 'di skad ces gsol to// gang dag tshul 'dir som nyi bral// sems can ded spos rnams dang / / gos mang bye ba rnams dang ni// me tog rnams kyis rab tu dkris// de nas byang chub sems dpa' sems dpa' chen po kha zas gtong gis// bcom ldan 'das la 'di skad ces gsol to/ / gang dag tshul 'dir som nyi bral// de dag rnams la lha yi zas// ro brgya ldan pa ji snyed mchog/ de dag ma lus stsal bar bgyi// de nas byang chub sems dpa' sems dpa' chen po sems can mthong na snying rje la yang dag par zhugs pas/ bcom ldan 'das la 'di skad ces gsol to// mdo sde bla na med 'di la// blo ngan gang dag som nyi 'tshal// sems can de dag snying rje'i gnas/ / gyi phyir zhing ni bdud dbyi 'os// gang dag 'di 'dra'i mdo 'di la// yud tsam zhig ni som nyi 'tshal// de dag sems can dmyal nas mchis// sems can dmyal nang rab tu gnas/ / gang dag tshul 'di mi rtogs pa// de dag sdig pa'i bshes gnyen grogs// zab mo 'di la mkhas ma lags// gti mug dra bas rab tu khebs// blo gros ngan
- 378a
pa skyon lta 'am/ / thob dang bkur sti chags pa yi// gang dag 'di ni spong dgyid pa// de dag ngang tshul ngan par 'gyur// gang dag byang chub ma mos shing // le la can la brtson 'grus spangs/ / dman la mos shing shes rab 'tshal// de dag 'di la mos mi 'gyur// gang dag 'khor bar rtag tu dga'// rtag tu lta ba'i dbang 'gro zhing // 'jig rten gsum la mngon zhen pa/ / de dag 'di la mos mi 'gyur// mu cor smra zhing blo ngan rmongs// 'dod pa brkam zhing mi mkhas la// rtag tu 'du 'dzi dga' ba rnams// rab tu spong ngar dgyid pa lags/ / chos gos lhung bzang rnams la chags// rtag tu zas la brkam gyur cing // mu cor smra zhing blo ngan rmongs// dkar po'i chos kyi shas chung ba// rab tu spong bar bgyid pa lags// sems can 'bras bur 'dod pa dang // 'bras bu rnams la mngon zhen pa// de dag rnams kyis 'jig rten mgon// skyob pa'i dgongs pa 'dir rtogs dka'// de nas byang chub sems dpa' sems dpa' chen po sdig pa'i bshes gnyen yongs su spangs pas/ / bcom ldan 'das la 'di skad ces gsol to// 'bras bu'i 'du shes rnam 'grel ba'i// mdo 'di gang zhig spong bgyid pa// sems can de dag bshang gci dang // shin tu gdul ba bzhin du spangs// gang dag chos 'di spong bgyid pa// de dag 'di ltar rnam spangs te// dri nga ba yi ro bzhin du// kun nas yongs su spang bar
- 378b
dbying / / dper na chom rkun grong 'joms pa// dgon pa dag na gnas 'chos pa// thos na blo gros ngan pa de// mthong du 'ong zhes 'bros par bgyid// de ltar gang dag mdo sde 'di// spo nga bgyid pa gti mug rmongs// shin tu sdig can blo nganang // thos nas de mthong 'gyur zhes 'bros/ de nas bcom ldan 'das la// tshe dang ldan pa kun dga' bos 'di skad ces gsol to/ / bcom ldan 'das rigs kyi bu 'di dag ji tsam du blo shin tu rnam par nges pa 'di ni ngo mtshar to// bcom ldan 'das ci lags/ 'di dag ting nge 'dzin gyi stobs bskyed par tshig 'di skad mchi 'am/ 'on te sangs rgyas kyi mthus 'di skad ces mchi/ bcom ldan 'das kyis bka' stsal pa/ kun dga' bo 'di dag ni sangs rgyas kyi mthus de skad du smra ste/ rigs kyi bu 'di dag ni chos kyi rnam grangs 'di la ting nge 'dzin gyi stobs bskyed pa thob pa yang yin/ chags pa med pa thob pa yang yin no// de ci'i phyir zhe na/ kun dga' bo rigs kyi bu 'di dag gis ji ltar da ltar nga las thos pa bzhin du/ sangs rgyas bye ba phrag drug cu las chos kyi rnam grangs 'di 'dra tsam du lhag chad med par thos te/ 'di dag gis de rjes su dran pas/ ting nge 'dzin gyi stobs bskyed pa dang / sangs rgyas kyi mthus 'di skad ces smra'o// de ci'i phyir zhe na/ kun dga' bo 'di dag gis ji skad smras pa de de bzhin te/ 'di dag la de mngon sum mo// de skad ces bka
- 379a
stsal pa dang / tshe dang ldan pa kun dga' bos/ bcom ldan 'das la 'di skad ces gsol to// bco ldan 'das gang chos kyi rnam grangs 'di thos ma thag tu mos shing the tsom 'tshal bar mi 'gyur na/ bcom ldan 'das rigs kyi bu 'am/ rigs kyi bu mo de bsod nams ji tsam zhig skyed par 'gyur/ bcom ldan 'das kyis bka' stsal pa/ kun dga' bo rigs kyi bu 'am/ rigs kyi bu mo bla na med pa yang dag par rdzogs pa'i byang chub tu yang dag par zhugs pa gang gis 'dzam bu'i gling 'di ri po ches yongs su dkang ste/ de bzhin gshegs pa dgra bcom pa yang dag par rdzogs pa'i sangs rgyas rnams la dbul bar phul ba bas/ gang gis chos kyi rnam grangs 'di thos ma thag tu mos shing dad de yid ches la the tsom mi za ba de/ de ngas bsod nams ches mang du skyed par 'gyur ro/ / kun dga' bo 'dzam bu'i gling rin po ches gang ba lta zhog ste/ kun dga' bo gang gis 'jig rten gyi khams pang+gA'i klung gi bye ma snyed rin po ches bkang ste/ de bzhin gshegs pa dgra bcom pa yang dag par rdzogs pa'i sangs rgyas rnams la dbul bar phul ba bas/ gang gis chos kyi rnam grangs 'di thos la/ thos nas kyang thos ma thag tu mos shing dang de yid ches la the tsom mi za ba de/ de bas bsod nams ches mang du skyed par 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to// gang gis 'dzam bu'i gling 'di
- 379b
ni/ / rin chen bkang ste de bzhin gshegs// skyob pa sangs rgyas 'jig rten mgon// rnams la dngul du byas pa bas// mkhas pa gang gis mdo sde 'di// thos nas lhag par mos byed pa// mos dang ldan de bsod nams ni// de bas mang du skyed par 'gyur// gang gis gang+gA'i bye snyed kyi// zhing dag rin chen rnams dkang ste// sangs rgyas rnams la bul ba ngas// 'di ni de bas khyad par 'phags/ / / bam po drug pa// de skad ces bka' stsal pa dang / tshe dang ldan pa kun dga' ngos/ bcom ldan 'das la 'di skad ces gsol to/ / bcom ldan 'das rigs kyi bu 'am/ rigs kyi bu mo gang zhig chos kyi rnam grangs 'di la mos nas rtogs te/ 'dzin tam/ 'chang ngam/ klog gam/ kun chung par bgyid dam/ 'don na/ bcom ldan 'das rigs kyi bu 'am/ rigs kyi bu mo de bsod nams ji tsam zhig skyed par 'gyur/ bcom ldan 'das kyis bka' stsal pa/ kun dga' bo rigs kyi du 'am/ rigs kyi bu mo bla na med pa yang dag par rdzogs pa'i byang chub tu yang dag par zhugs pa gang gis/ chos kyi rnam grangs 'di dang bral bar de bzhin gshegs pa dgra bcom pa yang dag par rdzogs pa'i sangs rgyas rnams la bskal pa brgyar sbyin pa sbyin pa dang / chos kyi rnam grangs 'di dang bral bar bskal pa brgyar tshul khrims srung ba dang / chos kyi rnam grangs 'di dang bral bar bskal pa
- 380a
brgyar bzod pa sgrub pa dang / chos kyi rnam grangs 'di dang bral bar bskal pa ra brtson 'grus rtsom pa dang / chos kyi rnam grangs 'di dang bral bar bskal pa brgyar bsam gtan rnams la snyoms par 'jug pa dang / chos kyi rnam grangs 'di dang bral bar bskal pa brgyar shes rab sgom zhing / 'jig rten gyi gnas rnams la mkhas par gyur na/ kun dga' bo des ni de bzhin gshegs pa la bkur sti byas par mi 'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to// gang gis bskal pa ngargya tshang bar// bza' ba la sogs thams cad kyis/ / de bzhin gshegs la bsnyen bkur ba// des ni bsti stang byas mi 'gyur// 'bras bur dmigs pa 'jom byed pa'i// mdo sde 'di ni gang 'dzin pa// de ni sangs rgyas bkur sti byed// chos kyis bkur sti byas pa yin// rdzogs pa'i sangs rgyas chos kyi sku// chos skyes chos kyi rtogs ldan pas// sangs rgyas rnams la bkur sti 'di// des na sangs rgyas bkur sti byas// gang gis bskal pa brgya tshang bar/ / gos la sogs pas de bzhin gshegs// sangs rgyas rnams la mchod byed pa// de dag des ni bkur byas min// tshul 'di 'dzin par byed na ni// de ltas sangs rgyas bkur bar 'gyur// 'di ni bkur sti rnams kyi mchog/ gos mang byin pa de lta min// gang gis bskal pa brgya tshang bar// 'jig rten mgon po sangs rgyas la// spos dang ma
- 380b
tog gtor byed pa/ / de dag des ni bkur byas min// gang zhig tshul mchog zab mo yi// mdo sde 'di ni 'dzin byed pa// 'di ni 'jig mgon skyob rnams la// bkur sti byed pa dam pa yin// gang gis 'jig rten mgon po yi/ / mchod rten rin chen rgyu las bsgrubs// ri rang 'dra ba byas kyang ni// des na sangs rgyas bkur byas min// gang gis mdo sde 'di 'dzin cing // 'dzin par yang ni mi blta na/ / de ni bsnyen bkur mchog yin te// mchod pa kun gyi nang na mchog/ gang zag gang zhig bskal pa brgya// tshang bar tshul khrims srung byed la// mdo sde 'di ni mi 'dzin na// tshul khrims de ni mchog ma yin/ / gang zhig mdo sde 'di 'dzin cing // 'dzin par rlom sems med na ni// tshul khrims de ni bsngags pa ste// tshul khrims de ni bla na med// tshul 'di kun tu gzung ba'i phyir// mkhas pa tshul khrims chen po dang // bsam gyis mi khyab dpag med pa// tshul khrims gang yin de de tshol// nga yis ji skad bshad pa yi// mdo 'di la ni gang slob pa// mnyam mthong de la tshul khrims dang / / ngang tshul ngan pa yod ma yin// gang zhig mdo 'dir mi slob pa// de ni byang chub phyir mi slob// byang chub de dang bslab pa mnyam// de ni sus kyang bslabs pa med// gang zhig ma sde 'di 'dzin pa/ / de ni mdo 'dir bshad pa yis// tshul khrims de 'dra de dag gi/ tshul khrims phun sum tshogs par 'gyur// bzod dang ldan pa'i mi gang zhig/ 'dir ni bzhal pa brgya tshang
- 381a
bar/ / sems can dag ni thams cad kyis// mi snyan brjod dang spros bzod cing // rkang lag dag kyang gtungs pa na// de yi sems ni 'gyur med cing // de ni gang du'ang tha ba dang / / rab tu zhe sdang mi skyed la// bzod pa smra ba'i mi gang zhig/ bzod pa rnam pa de lta bus// bskal pa bye ba bzod byed kyang // bzod pa de ni bsngags ma yin// gang zhig mdo 'di// thos nas ni// mos pas 'di ni 'dzin byed pa// de ni bzod pa rnams kyi mchog/ de ni dazod pa shin tu bzang // gang zhig mdo sde 'di 'dzin cing // gang du'ang chags par mi byed pa// bzod pa de ni khyad par 'phags// bzod pa de ni bla na med// gang zhig sangs rgyas ye shes mchog/ chags med ye shes 'dod pa des// mdo sde 'di la mi chags par// myur du 'di ni gzung // bar bya// gang zhig bskal pa brgya tshang bar// brtson 'grus 'di ni khyad par 'phags// gnyid kyi mnon bdag nyid can// rtag tu 'da' bar byed pa bas// mkhas pa gang zhig lung nod phyir// mdo sde 'di la sbyor byed na// brtson 'grus 'di ni de bas mchog/ brtson 'grus 'di ni khyad par 'phags// gang zhig bskal pa brgya tshang bar// drang srong mngon shes lnga ldan gyur// mdo sde 'di ni mi nyan na/ / mngon shes mchog ces mi bya'o// gang zhig mngon shes mi gnas par// mdo sde 'di ni 'dzin byed pa// de ni mngon shes thams cad kyi// mngon par shes pa'i mchog
- 381b
yin no/ / mi gang bskal pa brgya tshang bar// shes rab dang ni ldan gyur la// 'jig rten pa ye shes rab ldan// 'jig rten bya ba rnams la nges// gang zhig tshul 'di mi slob na// de ni shes rab tshul shes min/ / gang zhig tshul 'di 'dzin byed pa// dpa' bo de nyid shes rab ldan// gang zhig mdo sde dan pa 'di// thos nas mos shing rtogs byed pa// brtan pa de ni shes rab ldan// de ni shes rab mkhas pa yin// gang zhig chos kun shes rab kyis// shes par 'dod pa ji ltas kyang // mdo sde 'di ni lung nod na// de ni shes rab 'di 'thob 'gyur// mdo sde 'dir ni rab bshad pa/ / de ni shes rab spyod yul yin// de yi phyir na mdo sde 'di// gzung bar brtson 'grus brtsam par gyis// de nas bcom ldan 'das la// tshe dang ldan pa kun dga' bos 'di skad ces gsol to/ / dpag tshad rangs pa'am 'on tam ni// dpag tshad brgyar yang brgyugs nas ni// 'bras bu sna tshogs sel ba yi// mdo sde 'di ni mnyan par bgyi// kha tshon dpag tshad rangs pa yi/ / me mngag gang brgal nas ni// gang na mdo sde 'di gnas par// mkhas pa myur du mchi bar bgyi// bsam gtan kun gyi dam pa la// bsam gtan pa gang bsam gtan 'tshal/ / des ni nyon mongs kun sel ba// mdo sde 'di ni lung mnod bgyi// gang zhig 'di nas 'jig rten khams// gags pa mngon dga' zhes bgyi ba//
- 382a
shin tu mdzes der mchi 'tshal ba// des ni mdo sde 'di bshad bgyi// gang zhig sangs rgyas mi 'khrugs pa// thub pa bla med mthong 'tshal ba// des ni mdo 'du lung mnod cing / / mang du bklag cing gzung bar bgyi// gang zhig byang chub sems dpa'i gnas// bde ba can du mchi 'tshal ba// des ni mdo 'di lung mnos nas// myur ba nyid du mchi bar 'gyur/ / sangs rgyas kun gyis gsungs pa yi// mdo sde 'di ni ton bgyis nas// rdzogs pa'i sangs rgyas 'od dpag med// bsam gyis mi khyab de mthong 'gyur// byang chub sems dpa' ma smad pa// yon tan 'di dag mngon 'tshal bas// sangs rgyas kun gyis gsungs pa yi// mdo sde 'di ni gzung bar bgyi// de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo legs so legs so// kun dga' bo ji skad smras pa de de bzhin te/ kun dga' bo rigs kyi bu 'am/ rigs kyi bu mo gang gi tshe/ sems mi g.yeng ba dang / mtshan ma thams cad dang bral ba'i yid kyis mdo 'di klog gam/ kha ton byed na/ de de'i tshechosangs rgyas gang dang gang mthong bar 'dod pa de dang de mthong bar 'gyur ro/ / ci ste sems g.yengs nas mi klog gam/ kha ton mi byed na/ 'chi ba'i dus kyi tshe sangs rgyas bcom
- 382b
ldan 'das rnams rmi lam du mthong bar mi 'gyur ro/ / de ci'i phyir zhe na/ kun dga' bo gang zhig chos kyi rnam grangs 'di lung nod dam/ 'dzin tam/ 'don tam/ klog pa'i rigs kyi bu 'am/ rigs kyi bu mo de sangs rgyas thams cad kyis yongs su gzung bar 'gyur ro// de nas gzhon nur gyur ma seng ge gzhon nu ma lnga brgya dang lhan cig tu bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bud med du gyur pas mdo 'di lung mnos sam/ gzung / ngama'adon tam/ klog na/ yon tan ci zhig tu 'gyur/ bcom ldan 'das kyis bka' stsal pa/ seng ge gal te bud med bla na med pa yang dag par rdzogs pa'i byang chub tu yang dag par zhugs pas chos kyi rnam grangs 'di lung nod dam/ 'dzin tam/ 'don tam/ klog gam/ 'chang na de'i bud med kyi dngos po de nyid tha mar gyur pa yin no// de ci'i phyir zhe na/ chos kyi rnam grangs 'di lung mnos pa dang / bzung ba dang / bton pa dang / bcangs pa dang / bklags pas/ nyon mongs pa gang dag gis bud med bud med kyi dngos po yongs su 'dzin pa'i bud med kyi nyon mongs pa rnams bud med la 'byung bar mi 'gyur ro/ / de skad ces bka' stsal pa dang / gzhon nur gyur ma seng ges/ bcom ldan 'das la 'di skad ces gsol
- 383a
to/ / bcom ldan 'das nyon mongs pa gang dag dang ldan na bud med bud med kyi dngos po yongs su 'dzin pa'i bud med kyi nyon mongs pa de dag gang lags/ bcom ldan 'das kyis bka' stsal pa/ seng ge 'di la bud med kyis bud med gzugs bzang ba/ mdzes pa/ blta na sdug pa/ rgyan gyis brgyan pa/ bde ba dang ldan pa gzhan mthong na de de la 'dod pa skyed de/ 'di ni ngan skyugs kyi gong ngu la tshon gyis bris pa byis pa byis pa brid pa/ dri nga ba/ ngan skyugs kyis spags pa yin par de ltar mi rtog na/ de de la de ltar mi rtog cing sdug par mthong ste/ de la 'dod pa skyed pas/ bud meng bud med kyi dngos po yongs su 'dzin to// seng ge gzhan yang 'di la bud med phrag dog can dang / ser sna can dang g.yo dang ldan par gyur la/ de bzhin du tshig tu smra zhing / gzhan du sems kyis 'phrog pa dang / gzhan du tshig tu mngon sum du smra zhing / gzhan du gsang bar sems pa dang / nyams su myong bar bya ba'i phyir dge slong gi gan du 'gro'i/ chos kyi phyir ma yin pa dang / khro bas zil gyis non pa dang / rmugs pa dang / gnyid che ba dang / 'du 'dzi la mngon par dga' ba dang / chos kyi rnam grangs 'di lta bu'i lung nod pa don du mi gnyer ba dang / kun nas nyon mongs pa'i sems kyis nyin mtshan dad par byed kyi/ rnam par byang ba'i sems
- 383b
kyis ma yin na/ nyon mongs pa de dag gis bud med de dung med kyi dngos po yongs su 'dzin te/ zad par mi byed do// de bas na seng ge mdor na bud med kyis bdag gi nyon mongs pa thams cad mi skye ba dang / mi 'byung bar bya ba'i phyir chos kyi rnam grangs 'di lung mnod par bya/ gdon par bya/ kun nub par bya/ gzung bar bya/ bklag par bya'o// de ci'i phyir zhe na/ chos kyi rnam grangs 'di ni bud med kyi nyon mongs pa dang bral ba'o/ / gzhon nur gyur ma seng ges gsol pa/ bcom ldan 'das gal te bud med bud med kyi dngos po las bsgyur bar mi 'chal la/ ches kyi rnam grangs 'di ni lung nod cing 'dzin/ 'don/ 'chang/ klog/ kun chub par bgyid na/ de ji ltar bsdu bar bgyi/ bcom ldan 'das kyis bka' stsal pa/ seng ge bud med kyi dngos po las bsgyur bar mi 'dod du zin kyang / chos kyi rnam grangs 'di ni lung nod dam sems na/ de nyid bud med kyi dngos po'i tha ma yin par shes par bya ste/ rdzu 'phrul gyis ston pa ni ma gtogs so// seng ge 'di lta ste/ dper na skyes pa 'am/ bud med la la zhig me'i phung po chen po kun tu rab tu mched cing 'bar ba/ me lce dang bcas par bdag nyid kyi lus mchongs te/ tshig 'di skad du bdag gi lus tshig par ma gyur cig/ bdag gi pags pa'i mdog ma gyur cig ces smras na/ seng ge 'di la ji snyam du sems/ skyes pa 'am/ bud med de tshig de skad smras pas/ bsam pa de 'thob par 'gyur ram/ gsol pa/ bcom
- 384a
ldan 'das de ni ma lags so/ / bcom ldan 'das zhugs kyi phung po chen po ni sreg pa'i bdag nyid lags te/ pags pa'i mdog ma mchis par bgyid do// bcom ldan 'das kyis bka' stsal pa/ seng ge de bzhin du chos kyi rnam grangs 'di yang nyon mongs pa thams cad sel ba'o// seng ge de bas na bud med bud med kyi dngos po mi 'dod pa dang / sangs rgyas kyi chos rnams myur du sgrub par 'dod pa dang / sangs rgyas grangs med pa mthong bar 'dod pa dang / spobs pa chags pa med pa thob par 'dod pas/ chos kyi rnam grangs 'di nyid gzung bar bya/ kun chub par bya/ 'don par bya/ bklag par bya/ bcang bar bya/ kha ton du bya'o// de nas gzhon nur gyur ma seng ge gzhon nu ma lnga brgya dang lhan cig tu thal mo sbyar te/ bcom ldan 'das la 'di skad ces gsol to/ / bcom ldan 'das bdag cag gis chos kyi rnam grangs 'di de bzhin gshegs pa dgra bcom pa yang dag par rdzogs pa'i sangs rgyas mar me mdzad las mnos te/ de slan chad 'di srog chags bye ba khrag khrig brgya stong mang po 'dzin du stsal to// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das ci lags/ gzhon nur gyur ma seng ge bud med kyi dngos po ma bsgyur lags sam/ bcom ldan 'das kyis bka' stsal pa/ kun dga' bo khyod ci gzhon nur gyur ma seng ge bung med yin
- 384b
snyam du sems sam/ gsol pa/ bcom ldan 'das de de lta lags so// bcom ldan 'das kyis bka' stsal pa/ kun dga' bo de skad ma smra zhig/ de ci'i phyir zhe na/ kun dga' bo 'di ni gzhon nur gyur ma seng ge dang / gzhon nu ma lnga brgya po 'di dag gi cho 'phrul yin te/ phyi ma'i skye bo mthong nas/ bud med la snying brtse ba dang / bud med dung med kyi dngos po las rnam par dgrol ba'i phyir/ gzhon nur gyur ma seng ges cho 'phrul 'di bstan to// de ci'i phyir zhe na/ de dag ni skyes pa mi 'jug cing / 'jug tu mi dbang ba'i khyim thams cad du zhugs nas/ cho 'phrul gyis bud med 'dul lo/ / kun dga' bo gzhon nur gyur ma seng ge la ni bud med kyi chos med/ skyes pa'i chos med do// de ci'i phyir zhe na/ chos thams cad mi dmigs pa'i phyir/ 'dis bud med mi dmigs// skyes pa mi dmigs so// gzhon nur gyur ma seng ges chos kyi rnam grangs 'di rtogs par khong du chud do// snang ba thob bo// kun dga' bo de lta bas na gzhon nur gyur ma seng ge'i rjes su slob par 'dod pa'i bud med kyis chos kyi rnam grangs 'di gzung bar bya/ kun chub par bya/ gdon par bya/ bcang bar bya/ bklag par bya/ kha ton du bya'o// de nas dge slong ma lnga stong stan las langs bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag cag deng slan chad chos kyi rnam grangs 'di gzung bar
- 385a
bgyid/ kun chub par bgyid/ 'don par bgyid/ 'chang bar bgyid/ klog par bgyid/ kha ton du bgyid do// de ci'i slad du zhe na/ bcom ldan 'das bdag cag ni bud med kyi dngos po don du gnyer ba ma lags so/ / bcom ldan 'das bdag cag ni bud med kyi dngos po la spyod lags so// bcom ldan 'das bdag cag dang slan chad chos kyi rnam grangs 'di kun chub par ma gyur gyi bar du mchis par mi bgyid do/ / rmugs pa dang gnyid kyis non par mi bgyid do// de skad ces gsol pa dang / bcom ldan 'das kyis/ dge slong ma de dag la 'di skad ces bka' stsal to// che zhe dag khyed kyis tshig 'di legs par smras te/ go cha chen po bgos shing / khyed ci nas kyang bud med kyi dngos po ni don du mi gnyer la/ sangs rgyas kyi chos rnams ni don du gnyer ba'i phyir brtson 'grus chen po 'di brtsams pa legs so legs so/ / de bas na khyed chos kyi rnam grangs 'di gzung ba'i phyir brtson 'grus de bas kyang rtsoms shig/ de nas dge slong ma de dag gis 'di thos nas tshim zhing mgu la yi rangs te/ rab tu dga' nas/ dga' ba dang yid bde ba skyes te/ so so nas bla gos bcom ldan 'das kyi zhabs la bkab bo// bkab nas kyang tshigs su bcad pa 'di smras so// skyes pa'i dngos po'i ched du ni// de ring bdag cag dbugs rnyed do// rgyal ba gzhan du mi bzung bas// bdag cag 'jig rten mchog tu 'gyur// de nas khyim bdag gi rlung ma lnga brgyas dge slong ma de dag gi tshigs su bcad pa 'di thos nas stan las langs te/
- 385b
bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag cag kyang dang slan chad chos kyi rnam grangs 'di 'dzin par bgyid kun nub par bgyid/ 'don par bgyid/ klog par bgyid/ kha ton du bgyid do// bdag cag slan chad gzhan gyi dbang du 'gyur ba dang / gzhan gyi gdong du lta bar 'gyur ba dang / 'jal bar ma gyur cig dgung zla dgu 'am/ bcur mngal na 'dzin par ma gyur cig/ de ci'i slad du zhe na/ bcom ldan 'das bud med du gyur pa slan chad rgyal po'i khyim du skyes kyang gzhan gyi dbang du 'gyur te/ ji srid 'tsho'i bar du khyim thab la bsnyen bkur bgyi 'tshal lo/ / bcom ldan 'das bdag cag dang slan chad ma gum gyi bar du brtson 'grus brtsam par dgyi/ za gcig tu 'tshal ba yang dag par bgyi'o// blos dbab par mi bgyi'o/ / chos kyi rnam grangs lus la gnas par bgyis par ma gyur kyi bar du khyim thab kyang sug pa nas 'dzin du mi stsal to// bcom ldan 'das kyis bka' stsal pa/ rigs kyi bu mo dag khyed kyis tshig 'di legs par smras pa legs so legs so/ / de ni khyed gzhan gyi dbang du mi 'gyur ro// gzhan gyi ngor lta bar mi 'gyur ro// zla ba dgu 'am bcur mngal nas 'dzin par mi 'gyur/ ro// sangs rgyas kyi zhing bud med med par skye bar mi 'gyur ro// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das sring mo 'di dag gang du
- 386a
skye bar 'gyur ba'i 'jig rten gyi khams de'i ming ci zhes bgyi/ bcom ldan 'das kyis bka' stsal pa/ kun dga' bo 'di dag gang du skye bar 'gyur ba'i 'jig rten gyi khams de'i ming ni rin po che'i pad+ma lta bur snang ba zhes bya'o/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das 'jig rten gyi khams de na de bzhin gshegs pa mtshan ji skad ces bgyi ba zhig bzhugs/ bcom ldan 'das kyis bka' stsal pa/ kun dga' bo de na de bzhin gshegs pa sems can thams cad la nor bu rin po che rnam par 'thong ba snang ba zhes bya bzhugs shing chos kyang ston te/ khyim bdag gi chung ma 'di dag gis chos kyi rnam grangs 'di 'don bzhin du de mthong bar 'gyur ro// de nas khyim bdag gi chung ma dge bsnyen ma de dag gis 'di thos nas tshim zhing mgu la yi rangs te rab tu dga' nas/ dga' ba dang yid bde ba skyes te/ mu tig gi do shal nor bu rin po ches spras pa khri mgul nas dgrol te/ de bzhin gshegs pa la gtor to// gtor nas kyang tshigs su bcad pa 'di dag smras so/ / bud med dngos po bsgyur ba la// de ring bdag cag dbugs rnyed do// sangs rgyas gzhan du mi gsung ste// bden pa'i gsung du bka' stsal pa// nyon mongs shin tu sdig pa'i lus/ / bud med lus ni spang bar bgyid// yang dag ji bzhin ma 'tshal bas// byis pa dag ni mkhas la rmongs// bdag cag slan chad mngal gyi gnas// 'jigs pa chen por
- 386b
mi 'gyur ro/ / dge ba dam pa thob pas na// bdag cag mngal gyi gnas dang bral// de nas khyim bdag gi chung ma de dag gis tshigs su bcad pa 'di dag smras nas/ mig mi 'dzums par bcom ldan 'das la lnga zhing phyag 'tshal lo/ / de nas lha'i dbang po brgya byin gyis/ bcom ldan 'das kyi 'khor gyi dkyil 'khor du lha'i me tog rnams kyis gtor nas/ bcom ldan 'das la 'di skad ces gsol to/ / bcom ldan 'das bdag cag gis chos kyi rnam grangs 'di bzung lags so// bcom ldan 'das chos kyi rnam grangs 'di kun chub par bgyis lags so// bcom ldan 'das kyis bka' stsa pa/ ko'u shi ka de'i phyir khyod da phyin chad lnga dang lha ma yin gyi g.yul ngor 'jug par mi 'gyur ro// de nas 'jam dpal gzhon nur gyur pas srog chags brgya stong mang po'i dge ba'i rtsa ba yang dag par bsgrub pa'i phyir bcom ldan 'das la 'di skad ces gsol to/ / bcom ldan 'das gang tshun chad bdag gis chos kyi rnam grangs 'di ma bskor ba de srid du/ de bzhin gshegs pas byang chub tu thugs ma skyed do// bcom ldan 'das kyis bka' stsal pa/ 'jam dpal khyod de'i phyir phyogs bcur snang bas/ byang chub sems dpa' bye ba khrag khrig mang po rnams kyi mchog tu gyur te/ 'di lta ste/ dper na nyi ma'i dkyil 'khor bzhin no/ / de nas de'i tshe sa chen po 'di rnam pa drug tu g.yos te/ lha'i me tog rnams kyis 'khor gyi dkyil 'khor kun tu pus mo nub tsam du khyab par gyur to//
- 387a
de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das sa chen po g.yos pa 'jig rten du 'byung ba'i rgyu gang lags rkyen gang lags/ me tog 'di dag ni sus gtor/ bcom ldan 'das kyis bka' stsal pa/ kun dga' bo lnga bye ba khrag khrig phrag mang pos 'jam dpal gzhon nur gyur pas bshad pa thos nas/ dga' ba'i sems kyis me tog 'di dag gtor te/ gtor nas kyang tshig 'di skad du bdag cag kyang chos kyi rnam grangs 'di 'dzin to// kun chub par byed do// gdon to// bcang ngo // bdag cag kyang 'jam dpal gzhon nur gyur pa ci 'dra bar gyur cig ces smras te/ tshig 'di smras ma thag tu de dag la chos kyi rnam grangs 'di mngon du gyur nas de dag thams cad tshim zhing mgu la yi rangs te/ nga dang 'jam dpal gzhon nur gyur pa'i rkang pa la mgo bos phyag 'tshal to// des nas g.yos pa 'di lta bu 'di byung ngo // de skad ces bka' stsal pa dang / tshe dang ldan pa kun dga' bos/ bcom ldan 'das la 'di skad ces gsol to// bcom ldan 'das chos kyi rnam grangs 'di ni yon tan chen po dang ldan pa lags so// bcom ldan 'das chos kyi rnam grangs 'di ni ngo mtshar rmad du byung ba'i yon tan dang ldan pa lags so/ / bcom ldan 'das sems can gang dag gi rna lam du chos kyi rnam grangs 'di grags par 'gyur ba
- 387b
de dag dge ba'i rtsa ba ngan ngon dang ldan pa ma lags so/ / bcom ldan 'das kyis bka' stsal pa/ kun dga' bo de de bzhin no// de de bzhin te/ gang dag chos kyi rnam grangs 'di nyan la thos nas kyang mos pa dang / yid ches pa dang / 'dzin pa dang / kun chub par byed pa dang / 'don pa dang / 'chang ba'i rigs kyi bu 'am/ rigs kyi bu mo de dag ni sangs rgyas mang po la bsnyen bkur byas pa yin no/ / de dag ni ngan song ngan 'gro rnam par lhung ba thams cad dang / mi khom par skye ba thams cad las grol ba'o// de dag gis bdud sdig can bcom mo// de dag gis chos kyi tog bsgreng ngo / / de dag gis chos kyi sgron ma rab tu 'bar bar byas so// de dag gis mun pa mun nag bsal te/ de dag byang chub kyi snying por phyin to// kun dga' bo gang dag gis chos kyi rnam grangs 'di thos ma thag tu mos pa dang / 'dzin pa dang / kun chub par byed pa dang / 'don pa dang / 'chang ba de dag nga dang nye ba yin no// kun dga' bo gang ngag chos kyi rnam grangs 'di 'dzin pa dang / kun chub par byed pa dang / 'don pa dang / 'chang ba dang / klog pa de dag ni nga'i bu chos kyi sku las skyes pa dag go/ de dang de dag de bzhin gshegs pa'i zas za bar 'dod pa dag go/ / de dang de dag ni ji ltar da lta nang 'dug pa bzhin du byang chub kyi shing drung du 'dug par 'dod pa dag go// de dang de dag ni ji ltar nga lta nang ston pa de bzhin
- 388a
du chos ston par 'dod pa dag go/ / de skad ces bka' stsal pa dang / tshe dang ldan pa kun dga' bos/ bcom ldan 'das la 'di skad ces gsol to// bcom ldan 'das slad ma'i tshe slad ma'i dus na/ kha cig chos kyi rnam grangs 'di la mos par 'gyur ba dang / kun chub par bgyid par 'gyur ba dang / 'don par 'gyur ba dang / 'chang bar 'gyur ba dang / 'dzin par 'gyur ba dang / klog par 'gyur ba mchis sam/ bcom ldan 'das kyis bka' stsal pa/ kun dga' bo gang dag da lta na mos pa de dag phyi ma'i dus na mos par 'gyur ro/ / gang dag da lta na 'dzin pa de dag phyi ma'i dus na 'dzin par 'gyur ro// gang dag da lta na klog pa de dag phyi ma'i dus na klog par 'gyur ro// kun dga' bo gang dag da ltar chos kyi rnam grangs 'di thos pa de phyi ma'i dus na/ 'di thos par 'gyur 'di ni ngas lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i 'jig rten nam mthong ste/ de ni gnas ma yin no// kun dga' bo 'di da ltar gang dag gi nor yin pa phyi ma'i dus na yang de dag gi nor du 'gyur ro// kun dga' bo 'di lta ste/ dper na 'dir khyim bdag gam/ khyim bdag gi bu 'ga' zhig phyug cing nor che la longs spyod che zhing nor dang yo byad mang bar gyur la/ des gter dag gter
- 388b
du bcug nas/ yul gzhan du song na/ kun dga' bo de la ji snyam du sems/ de slar 'ongs ma thag tu nges gang gter du bcug pa de rnyed par 'gyur ram/ gsol pa bcom ldan 'das rnyed lags so/ / de ci'i slad du zhe na/ nor de de nyid kyi lags pa'i slad du'o// bcom ldan 'das kyis bka' stsal pa/ kun dga' bo de bzhin du 'di de ltar gang dag gi nor yin pa ma 'ongs pa'i dus na yang de dag gi nor du 'gyur te/ de dag ji ltar da lta nang yang dag par 'gyed pa bzhin du chos kyi nor bla na med pa 'di gzhan dag dang yang dag par 'gyed par 'gyur ro/ / kun dga' bo gang dag phyi ma'i dus na/ chos kyi rnam grangs 'di la mos par 'gyur ba dang / 'dzin par 'gyur ba dang / kun nub par byed par 'gyur ba dang / 'don par 'gyur ba dang / 'chang bar 'gyur ba dang / klog par 'gyur ba rnams kyang ngas sangs rgyas kyi spyan gyis dper na da ltar bzhin du mthong ngo // gang dag spong bar 'gyur ba de dag kyang mthong ngo / / de skad ces bka' stsal pa dang / tshe dang ldan pa kun dga' bos/ bcom ldan 'das la 'di skad ces gsol to// bcom ldan 'das gang dag mos par mi 'gyur ba dang / spong ba dang / mi snyan brjod pa dang / sun 'byin pa de dag gi 'gro ba ji lta bu zhig tu 'gyur/ bcom ldan 'das kyis bka' stsal pa/ kun dga' bo khyod kyis 'di dris pas ci zhig byas
- 389a
kha rog cig/ tshe dang ldan pa kun dga' bos gsol pa/ bcom ldan 'das bshad du gsol/ gang dag mos par mi 'gyur ba dang / yid ches par mi 'gyur ba de dag kyang mos par 'gyur zhing rtogs par 'gyur ro/ / bcom ldan 'das kyis bka' stsal pa/ kun dga' bo mtshams med pa lnga dang ldan pa'i 'gro ba gang yin pa de de dag gi 'gro bar 'gyur ro/ / kun dga' bo 'di la ji snyam du sems/ gang dag gis stong gsum gyi stong chen po'i 'jig rten gyi khams kyi sems can thams cad kyi srog bcad na/ de'i 'gro ba ci 'dra ba zhig tu 'gyur/ gsol pa/ bcom ldan 'das sdig can lags so// bcom ldan 'das kyis bka' stsal pa/ de ni de'i 'gro ba yin par shes par bya'o// kun dga' bo gang zhig sangs rgyas bcom ldan 'das yongs su mya ngan las 'das pa gang+gA'i klung gi bye ma snyed kyi mchod rten bshig ste/ mes kyang btang na/ ci de gzhi de las bsod nams ma yin pa mang du skyed par 'gyur ram/ gsol pa/ bcom ldan 'das mang lags so// bde bar gshegs pa mang lags so// de gzhi de las bsod nams ma lags pa mang du skyed par 'gyur te/ de ni mnyan par mi bgyi'o/ / blta bar mi bgyi'o// bcom ldan 'das kyis bka' stsal pa/ de ni de'i 'gro ba yin par shes par bya'o// kun dga' bo gang dag 'das pa dang / ma byon pa dang
- 389b
da ltar byung ba'i sangs rgyas bcom ldan 'das rnams kyi chos kyi tshul 'gag par byed na/ de'i 'gro ba ji lta bu zhig tu 'gyur/ gsol pa/ bcom ldan 'das sdig pa can lags te/ de ni tshig tu brjod par sla ba ma lags so/ / bka' stsal pa/ de ni de'i 'gro ba yin par shes par bya'o// tshe dang ldan pa kun dga' bos gsol pa/ bcom ldan 'das yang gang zhig sems can gzhan yang zlog par bgyid na/ de'i 'gro ba ji lta bu zhig tu 'tshal bar bgyid/ bcom ldan 'das kyis bka' stsal pa/ kun dga' bo stong gsum gyi stong chen po'i 'jig rten gyi khams kyi sems can dge ba bcu'i las kyi lam dang ldan pa bla na med pa yang dag par rdzogs pa'i byang chub la yang dag par zhugs pa rnams kyi mig phyung na/ de'i 'gro ba tsa 'dra ba zhig tu 'gyur/ gsol pa/ bskal pa mang por dmus long du 'gyur zhing / sems can dmyal ba'i zhugs kyis bsregs pa'i sdug bsngal gyi tshor ba yang myong bar 'gyur lags so// bcom ldan 'das kyis bka' stsal pa/ kun dga' bo ngas khyod la bsgo'o/ / khyod kyis khong du chud par bya'o// gang gis sems can gcig cig chos kyi rnam grangs 'di las bzlog na/ de'i 'gro ba ni de yin par shi bar bya'o// tshe dang ldan pa kun dga' bos gsol pa/ bcom ldan 'das byang chub sems dpa' bla na med pa yang dag par rdzogs pa'i byang chub la zhugs pa gang zhig chos kyi rnam grangs 'di la the tsom ni 'tshal
- 390a
la mi spyod na de ji lta bu zhig tu 'gyur/ bcom ldan 'das kyis bka' stsal pa/ kun dga' bo ji snyed du the tsom gyi sems bskyed pa de tsam du sangs rgyas mnyes par byed par mi 'gyur ro/ / de bskal pa de snyed du byang chub ring du byed do// gsol ba/ bcom ldan 'das yang gang zhig mos shing rtogs la the tsom 'tshal bar gyur na/ de'i lus gang gis sdug bsngal myong bar 'gyur ba ji tsam zhig tu 'gyur/ bcom ldan 'das kyis bka' stsal pa/ kun dga' bo khyod kyis de'i lus dris pas ci zhig byas kha rog cig/ gsol pa/ bcom ldan 'das 'khor bzhi po 'di dag kyang skrag par 'gyur/ slad ma'i skye bo rnams kyis thos na yang skrag par 'gyur lags kyis bshad du gsol/ bcom ldan 'das kyis bka' stsal pa/ de'i lus gang gis sdug bsngal myong bar 'gyur ba ni dpag tshad khrir 'gyur ro/ / tshe dang ldan pa kun dga' bos gsol pa/ gang des tshig ma bsrungs pa'i de'i lce ci 'dra ba zhig tu 'gyur/ bcom ldan 'das kyis bka' stsal pa/ kun dga' bo de'i lce ni dpag tshad stong yod par 'gyur te/ de la thong gshol sa ya phrag brgyas rmod par 'gyur/ lcags kyi tho lum 'bar ba/ rab tu 'bar ba sa ya phrag brgya 'bab par 'gyur ro/ / de ci'i phyir zhe na/ ci nas tshig 'di ma bsrungs pa'i phyir ro// de nas 'khor bzhi po de dag dngangs shing / spu zing zhes byed par gyur nas
- 390b
gdong nas mchi ma zag cing ngu nga'i bzhin gyis de'i tshe sa la 'gyel te/ 'brel nas kyang thams cad kyis mgrin gcig tu smras pa/ bcom ldan 'das rigs kyi bu 'am/ rigs kyi du mo gang gis de 'dra ba'i chog smras pas/ lus de 'dra bas rnam pa de lta bu myong bar 'gyur ba de'i ched du bdag cag 'gyod tshangs 'tshal lo// de nas der sems can gzhan dag cig gdong las mchi ma zag par ngu zhing tshig 'di skad ces smras so/ / bcom ldan 'das bdag cag gis tshe 'di dang / skye ba gzhan dag tu the tsom gang skyed par 'gyur ba de dag/ bcom ldan 'das bdag cag gis de bzhin gshegs pa gzhan gang dag mthong ba de dag kyang dbang du gsol te/ bdag cag gis las kyi sgrib pa de de bzhin gshegs pa'i spyan sngar so sor bshags par 'tshal lo// so sor ngor bar 'tshal lo/ / nongs pa la nongs par so sor bshags shing / nongs pa la nongs par mthong bas/ de bzhin gshegs pa dgra bcom pa yang dag par rdzogs pa'i sangs rgyas kyis bdag cag gi nongs pa yongs su gzung bar gsol/ bcom ldan 'das kyis bka' stsal pa/ rigs kyi bu dag khyed gang gi phyir nyes pa la nyes par mthong ste so sor 'chags pa dang / so sor 'dor ba leg so legs so/ / rigs kyi bu dag gang nyes pa la nyes par mthong nas/ so sor 'chags pa 'di ni 'phags pa'i chos 'dul ba 'phel bar 'gyur ro// de nas bcom ldan 'das la/ tshe dang ldan pa kun
- 391a
dga' bos 'di skad ces gsol to/ / bcom ldan 'das 'khor 'di'i nang nas gang dag gis the tsom bskyed pa de dag gis/ bcom ldan 'das 'di 'dra ba'i sems can dmyal bar mchi bar 'gyur ram/ bcom ldan 'das kyis bka' stsal pa/ kun dga' bo 'di'i nang na/ gang dag gis the tsom bskyed pa de dag gis so sor bshags shing / so sor bor bas de dag gi myong bar 'gyur ba chung bar 'gyur ro/ / tshe dang ldan pa kun dga' bos gsol pa/ bcom ldan 'das myong bar 'gyur ba ji tsam zhig tu chung bar 'gyur/ bcom ldan 'das kyis bka' stsal pa/ kun dga' bo de dag 'chi ba'i dus kyi tshe/ sems can dmyal ba'i sdug bsngal myong bar 'gyur ro// spu'i khung bu re re nas kyang tshor ba grangs med dpag tu med pa 'byung bar 'gyur te/ 'di ni mdor bsdus te smras pa'o/ / de ci'i phyir zhe na/ nga dang sangs rgyas bcom ldan 'das grangs med pa gzhan dag la yang ci nas so sor bshags pa'i phyir ro// kun dga' bo de lta bas na rigs kyi bu'am/ rigs kyi bu mos bdag gi lus 'di lta bur 'gyur du 'ong ngo // bdag gis tshor ba 'di lta bu myong bar 'gyur du 'ong ngo zhes chos kyi rnam grangs 'di la mos pa bskyed par bya'o// mos nas kyang som nyi med pa dang / the tsom med par bya'o// gang gis de bzhin gshegs pa yongs su ma btang ba dang / 'das pa dang / ma byon pa dang / da ltar byung ba'i de bzhin
- 391b
gshegs pa rnams yongs su ma btang ba dang / chos yongs su ma btang ba dang / dge 'dun yongs su ma btang ba dang / 'das pa dang / ma byon pa dang / da ltar byung ba'i sangs rgyas bcom ldan 'das rnams kyi chos kyi tshul yongs su ma btang ba des chos kyi rnam grangs 'di la mos par bya/ gzung bar bya/ kun chub par bya/ gdon par bya/ 'chang bar bya/ bklag par bya'o// de skad ces bka' stsal pa dang / tshe dang ldan pa kun dga' bos/ bcom ldan 'das la 'di skad ces gsol to// bcom ldan 'das gang gi tshe/ sangs rgyas bcom ldan 'das rnams kyis phyir mi ldog pa'i 'khor lo'i chos ston pa mdzad pa ni gang gis dge 'dun yongs su ma btang ba zhes bgyi ba bcom ldan 'das kyis ci las dgongs te de skad ces bka' stsal na/ de bzhin gshegs pas dge 'dun du yongs su bstan pa ni gang lags/ bcom ldan 'das kyis bka' stsal pa/ kun dga' bo de bzhin gshegs pas phyir mi ldog pa la dge 'dun du yongs su bstan to// gsol pa/ bcom ldan 'das byang chub sems dpa' phyir mi ldog pa gang dag lags pa de dag ni/ phyir mi ldog pa'i dge 'dun la yang dag par gzhol ba ma lags/ grangs su mchi ba yang ma lags so// bcom ldan 'das kyis bka' stsal pa/ kun dga' bo gang bsam pa dag pa nas byang chub tu sems bskyed la/ sems de yang yang dag par rjes su mi mthong ba de dag thams cad phyir mi ldog pa'i dge 'dun la
- 392a
yang dag par gzhol ba'o/ / de dag thams cad phyir mi ldog pa'i dge 'dun gyi grangs su 'gro'o// tshe dang ldan pa kun dga' bos gsol pa/ bcom ldan 'das ji tsam du/ sangs/ rgyas bcom ldan 'das rnams thabs mkhas pa dang ldan te/ thabs mkhas pas don 'di yongs su bstan pa ngo mtshar to// de nas lha'i dbang po brgya byin gyis lha'i me tog man+da ra ba rnams kyis bcom ldan 'das la mngon par gtor te/ mngon par gtor nas kyang / bcom ldan 'das la 'di skad ces gsol to// bcom ldan 'das sems can thams cad kyang thabs mkhas pa 'dis chos ston par gyur cig bcom ldan 'das kyis bka' stsal pa/ ko'u shi ka gang dag chos kyi rnam grangs 'di la mos par 'gyur ba de dag thams cad ji ltar da lta nang bzhin du thabs mkhas pa 'dis chos ston par 'gyur ro// de nas lha'i bu stong phrag mang pos/ bcom ldan 'das la lha'i me tog rnams kyis gtor te/ tshig 'di skad ces gsol to// bcom ldan 'das sems can thams cad kyis kyang chos kyi rnam grangs 'di thob par gyur cig/ de nas bcom ldan 'das la/ tshe dang ldan pa kun dga' bos 'di skad ces gsol to// spang ma'i skye bo rnams kyi ched du/ bcom ldan 'das kyis chos kyi rnam grangs 'ang gyis brlab tu gsol/ bcom ldan 'das kyis bka' stsal pa/ kun dga' bo gal te rigs kyi bu 'am/ rigs kyi bu mo rgya mtsho'i dbus su son par gyur pa gang gis chos kyi rnam grangs 'di mnyanan yang
- 392b
des gdon mi za bar thos par 'gyur ro/ / de ci'i phyir zhe na/ kun dga' bo chos kyi rnam grangs 'di ni sngon gyi sangs rgyas rnams kyis byin gyis brlabs pa'o// gsol pa/ bcom ldan 'das chos kyi rnam grangs 'di sngon gyi sangs rgyas rnams kyis byin gyis brlabs su lags kyis kyang / bcom ldan 'das kyis kyang da byin gyis brlab tu gsol/ de nas sa chen po rnam pa drug tu g.yos te/ g.yos rab tu g.yos so// bcom ldan 'das kyi spyan sngar 'dzam bu'i gling gi gser gyi pad+ma chen po 'dab ma bye ba brgya stong du ma yod pa/ 'od kyis phyogs bcu kun tu snang ba byed pa mngon du byung ngo // 'od des kyang 'jig rten gyi khams gang+gA'i klung gi bye ma snyed snang bar byas so/ / de nas 'khor bzhi po de dag gis 'jig rten gyi khams de dag na/ sangs rgyas bcom ldan 'das gang+gA'i klung gi bye ma snyed thams cad kyi spyan snga na/ 'dzam bu'i gling gi gser gyi pad+ma chen po 'dab ma brgya stong du ma yod pa/ 'od kyis phyogs bcu kun tu snang bar byed pa mngon du byung bar mthong ngo // de nas lha'i dbang po brgya byin khyim bdag gi cha byad kyis me rtog rnam pa sna tshogs 'khor bzhi po de dag la byin te/ tshig 'di skad du khyed kyis de bzhin gshegs pa dgra bcom pa yang dag par rdzogs pa'i sangs rgyas de dag dang / chos kyi rnam grangs 'di la mchod pa'i phyir mngon par gtor cig/ mngon par gtor cig ces smras so// de nas 'khor bzhi po de dag gis me tog de dag blangs te/ de bzhin gshegs pa dgra bcom pa yang dag par rdzogs pa'i sangs rgyas
- 393a
de dag la gtor ba dang / me tog de dag de bzhin gshegs pa de dag gi dbu'i steng gi drang thad na gdugs su 'dug par mthong ngo // de nas 'khor bzhi po de dag gis/ bcom ldan 'das la 'di skad ces gsol to/ / bcom ldan 'das gang gi slad du sa chen po g.yos pa 'di byung ba dang / bcom ldan 'das dang / de bzhin gshegs pa 'di dag gi spyan sngar 'di lta bu'i pad+ma chen po byung ba 'di su'i snga ltas lags/ bcom ldan 'das kyis bka' stsal pa/ grogs po dag 'di ni chos kyi rnam grangs 'di la byin gyis rlob pa'i ltas te/ ltas 'dis chos kyi rnam grangs 'di la byin gyis rlob par shes par gyis shig/ tshe dang ldan pa kun dga' bos gsol pa/ bcom ldan 'das chos kyi rnam grangs 'di ni byin gyis brlabs lags so// bcom ldan 'das kyis bka' stsal pa/ kun dga' bo de de bzhin te/ chos kyi rnam grangs 'di byin gyis brlabs so/ / gsol pa/ bcom ldan 'das ci lags/ bcom ldan 'das nyag gcig gis byin gyis brlabs sam/ 'on te de bzhin gshegs pa dgra bcom pa yang dag par rdzogs pa'i sangs rgyas 'di dag gis kyang byin gyis brlabs/ bcom ldan 'das kyis bka' stsal pa/ kun dga' bo de bzhin gshegs pa dgra bcom pa yang dag par rdzogs pa'i sangs rgyas thams cad kyis chos kyi rnam grangs 'di byin gyis brlabs so/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal
- 393b
pa/ kun dga' bo de lta bas na khyod kyis chos kyi rnam grangs 'di 'bras bu la mngon par zhen pa med pa zhes bya bar zung zhig/ 'di 'bras bu sna tshogs dang bral ba zhes bya bar yang zung zhig/ 'di dad pas rjes su 'brang pa dang / chos kyis rjes su 'brang ba dang / brgyad pa dang / rigs kyi sa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / nyan thos dang / rang sangs rgyas bstan pa zhes bya bar yang zung zhig/ 'di bdud slar gtang ba bstan pa zhes bya bar yang zung zhig/ 'di de bzhin gshegs pa dang / bcom ldan 'das dang / sangs rgyas bstan pa zhes bya bar yang zung zhig/ 'dir rol tu phyin pa drug dang ldan pa zhes bya bar yang zung zhig/ de ci'i phyir zhe na/ kun dga' bo chos kyi rnam grangs 'di la mos sam/ 'dzin tam/ klog gam/ kun chub par byed na pha rol tu phyin pa drug sgom pa yongs su rdzogs par 'gyur ro/ / gsol pa/ bcom ldan 'das chos kyi rnam grangs 'di la mos sam/ 'dzin tam/ klog gam/ kun chub par bgyid pa'i pha rol tu phyin pa drug sgom pa ji ltar yongs su rdzogs par 'gyur/ bcom ldan 'das kyis bka' stsal pa/ kun dga' bo gang gi tshe rigs kyi bu 'am/ rigs kyi bu mo chos kyi rnam grangs 'di la mos pa de ni de'i sbyin pa'i pha rol tu phyin pa'o/ / gang chos kyi rnam grangs 'di la the tsom mi za ba de ni de'i tshul khrims kyi pha rol tu phyin pa'o// gang chos kyi rnam grangs 'di la bzod cing 'dod pa de ni/ de'i bzod pa'i pha rol tu
- 394a
byin pa'o/ / gang chos kyi rnam grangs 'di la sems ma zhum padon de'i brtson 'grus kyi pha rol tu phyin pa'o// gang chos kyi rnam grangs 'di la sems yang yeng por mi 'gyur bde ni/ de'i bsam gtan gyi pha rol tu phyin pa'o// gang chos kyi rnam grangs 'di la rnam par mi rtog cing chos thams cad yang dag par rjes su mi mthong ba de ni de'i shes rab kyi pha rol tu phyin pa'o// kun dga' bo de lta bas na chos kyi rnam grangs 'di pha rol tu phyin pa drug dang ldan pa zhes bya bar zung zhig/ 'di ni sangs rgyas thams cad kyis mtshungs par bstan pa zhes bya bar yang zung zhig/ 'di phyir mi ldog pa'i 'khor lo ye shes chen po bstan pa zhes bya bar yang zung zhig/ de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming yang mnyan par bgyi na/ thog ma dang / bar ma dang / tha ma lta smos kyang ci 'tshal/ bcom ldan 'das kyis bka' stsal pa/ de de lta'o// kun dga' bo de de lta'o// tshe dang ldan pa kun dga' bos gsol pa bcom ldan 'das gang zhig chos kyi rnam grangs 'di'i ming thos pa des/ 'khor ba las bskal pa du zhig bsnyil ba bgyis par 'gyur/ bcom ldan 'das kyis bka' stsal pa/ kun dga' bo gang gis chos kyi rnam grangs 'di'i ming phyir mi ldog par 'khor lo ye shes chen po bstan pa zhes bya ba thos la/ thos nas kyang mos par 'gyur ba des/ 'khor ba las bskal pa stong bsnyil bar byas par 'gyur ro// tshe dang
- 394b
ldan pa kun dga' bos gsol pa/ bcom ldan 'das gang chos kyi rnam grangs 'di la mos nas/ byang chub tu sems skyed par 'gyur ba de ltar blta bar bgyi/ bcom ldan 'das kyis bka' stsal pa kun dga' bo gang zhig chos kyi rnam grangs 'di la mos nas/ byang chub tu sems skyed par 'gyur ba de nyid de'i bla na med pa yang dag par rdzogs pa'i byang chub tu lung bstan pa'o// de nas 'khor bzhi po de dag gi mdun du pad+ma kha dog sna tshogs pa/ kha dog du ma yod pa/ kha dog dpag tu med pa/ 'dab ma bye ba brgya stong phrag du ma yod pa so sor byung ngo // de nas 'khor bzhi po de dag tshim zhing mgu la yi rangs te/ rab tu dga' nas/ dga' ba dang yid bde ba skyes te/ pad+ma de dag blangs nas/ bcom ldan 'das la mngon par gtor to// mngon par gtor nas kyang tshig 'di skad du/ bdag cag gis kyang chos kyi rnam grangs 'di de ltar bstan par bgyi'o// de ltar rab tu dbye bar bgyi'o zhes smras so// de nas bcom ldan 'das kyis de'i tshe 'dzum pa mdzad do// bcom ldan 'das kyis 'dzum pa mdzad ma thag du de nas sil snyan thams cad kyang ma dkrol bar sgra byung ngo // spos thams cad kyi ngad kyang langs te/ lha brgya stong mang po dag gis kyang lha'i tsan dan gyi phye ma dang / lha'i 'dzam bu'i gling gi gser phye dang / lha'i me tog man da ra ba dang / lha'i na bza' rnams kyis bcom ldan 'das la mngon par gtor to// de nas bcom
- 395a
ldan 'das la/ tshe dang ldan pa kun dga' bos 'di skad ces gsol to// de bzhin gshegs pa rnams rgyu ma mchis rkyen ma mchis par 'dzum pa mi mdzad nabacom ldan 'das 'dzum pa mdzad pa'i rgyu gang lags/ rkyen gang 'gas/ bcom ldan 'das kyis bka' stsal pa/ kun dga' bo 'khor bzhi po 'di dag thams cad dang lha dang / klu dang / gnod sbyin dang / dri za gang dag chos kyi rnam grangs 'di thos pa dang / gang dag phyi ma'i dus na thos par 'gyur ba de dag thams cad dang / ji ltar nga lta nang ston pa de bzhin du/ chos kyi rnam grangs 'di lhag chad med par ston par 'gyur ro// bcom ldan 'das kyis de skad ces bka' stsal pa dang / tshe dang ldan pa kun dga' bo dang / 'khor bzhi po de dag dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la yi rangs te mngon par bstod do/ / 'phags pa phyir mi ldog pa'i 'khor lo zhes bya ba theg pa chen po'i mdo rdzogs so// / rgya bar gyi mkhan po dzi na mi tra dang / dA na shI la dang