Text
ff. 1b–351a · 700 folio sides
- 1b
rgya gar skad du// d+harma tsakrA sU tra/ bod skad du/ chos kyi 'khor lo'i mdo// // thams cad mkhyen pa nyid la phyag 'tshal lo/ / 'di skadabadag gis thos pa dus
- 2a
rgyu/ / gcig na/ sangs rgyas bcom ldan 'das wA rA NA si drang srong smra ba'i ri dgas kyi nags na bzhugs te/ de nas bcom ldan 'das kyis/ lnga sde'i dge slong rnams la bka' stsal pa/ dge slong dag nga sngon ma thos pa'i chos rnams la 'di ni sdug bsngal 'phags pa'i bden pa'o zhes tshul bzhin yid la byed pa na/ mig skyes so/
- 2b
/ shes pa dang / rig pa dang / blo dang / rtogs pa skyes so// dge slong dag nga sngon ma thos pa'i chos rnams la/ 'di ni sdug bsngal lo// 'di ni sdug bsngal kun 'byung ba'o// 'di ni sdug bsngal 'gog pa'o// 'di ni sdug bsngal 'gog par 'gro ba'i lam mo zhes tshul bzhin yid la byed pa na/ mig skyes so// shes pa dang / rig pa dang / blo dang / rtogs pa skyes so// dge slong dag nga sngon ma thos pa'i chos rnams la/ sdug bsngal 'phags pa'i bden pa de ngas mngon par shes pas/ yongs su shes par bya'o zhes tshul bzhin yid la byed pa na/ mig skyes so// shes pa dang / rig pa dang / blo dang / rtogs pa skyes so// dge slong
- 3a
dag nga sngon ma thos pa'i chos rnams la/ sdug bsngal kun 'byung ba 'phag pa'i bden pa de ngas mngon par shes pas spang bar bya'o zhes tshul bzhin yid la byed pa na/ mig skyes so// shes pa dang / rig pa dang / blo dang / rtogs pa skyes so// dge slong dag nga sngon ma thos pa'i chos rnams la/ sdug bsngal 'gog pa shes pa/ 'phags pa'i bden pa de ngas mngon par shes pas/ mngon sum du bya'o zhes tshul bzhin du yid la byed pa na/ mig skyes so// shes pa dang / rig pa dang / blo dang / rtogs pa skyes so// dge slong dag nga sngon ma thos ba'i chos rnams la/ sdug bsngal 'gog par 'gro ba'i lam 'phags pa'i bden pa de ngas mngon par shes pas bsgom par bya'o zhes tshul bzhin yid la byed pa na/ mig skyes so// shes pa dang / rig pa dang / blo dang / rtogs pa skyes so// dge slong dag nga sngon ma thos pa'i chos
- 3b
rnams la/ sdug bsngal 'phags pa'i bden pa de ngas mngon par shes pas/ yongs su she so zhes tshul bzhin yid la byed pa na/ mig skyes so// shes pa dang / rig pa dang / blo dang / rtogs pa skyes so// dge slong dag nga sngon ma thos pa'i chos rnams la/ sdug bsngal kun 'byung ba 'phags pa'i bden pa de ngas mngon par shes pas spangs so zhes tshul bzhin yid la byed pa na/ mig skyes so// shes pa dang / rig pa dang / blo dang / rtogs pa skyes so// dge slong dag nga sngon ma thos pa'i chos rnams la/ sdug bsngal 'gog pa 'phags pa'i bden pa de ngas mngon par shes pas/ mngon sum du byas so zhes tshul bzhin du yid la byed pa na/ mig skyes so// shes pa dang / rig pa dang / blo dang / rtogs pa skyes so// dge slong dag nga sngon ma thos pa'i chos rnams la/ sdug bsngal 'gog par 'gro ba'i lam 'phags pa'i bden pa de ngas mngon par shes pas bsgoms so zhes tshul bzhin yid la byed pa na/ mig skyes so/ / shes pa dang / rig pa dang / blo dang / rtogs pa skyes so// dge slong dag pa ji srid du 'phags pa'i bden pa bzhi po 'di rnams la de ltar lan gsum du bzlas te/ rnam pa bcu gnyis su bskor ba'i mig ma skyes/ shes pa ma yin/ rig pa ma yin/ blo ma yin/ rtog pa mi skyes pa de srid du/ nga lha dang bcas pa'i 'jig rten/ bdud dang bcas/ tshangs pa
- 4a
dang bcas/ dge sbyong dang bram zer bcas pa'i skye dgu dang / lha dang mir bcas pa 'di las grol ba dang / nges par byung ba dang mi ldan pa dang / rab tu grol ba dang // phyin ci log dang bral ba'i sems kyis mang du gnas par ma gyur cing / dge slong dag ngas bla na med pa yang dag par rdzogs pa'i byang chub mngon par rdzogs par sangs rgyas so zhes bya bar ma shes so/ / dge slong dag ngas gang nas 'phags pa'i bden pa bzhi po 'di rnams la/ de ltar lan gsum du bzlas te/ rnam pa bcu gnyis su bskor ba'i mig skyes shing / shes pa dang / rig pa dang / blo dang / rtogs pa skyes pa de nas/ nga lha dang bcas pa'i 'jig rten/ bdud dang bcas/ dge sbyong dang bram zer bcas pa'i skye dgu dang / lha dang mir bcas pa'i las grol ba dang / nges par 'byung ba dang mi ldan pa dang / rab tu grol ba dang phyin ci log dang bral ba'i sems kyis mang du gnas par gyur cing / dge slong dag ngas de nas bla na med pa yang dag par rdzogs pa'i byang chub mngon par rdzogs par sangs rgyas so zhes bya bar shes so/ / chos kyi rnam grangs de bka' stsal pa na/ tshe dang ldan pa ko'u di n+ya dang / lha brgyad khri chos rnam la chos kyi mig rdul med cing dri ma dang bral ba skyes so/ / de nas bcom ldan 'das kyis/ tshe dang ldan pa ko'u di rgyal bka' stsal pa/ ko'u di n+ya khyod kyis chos kun shes sam/ bcom
- 4b
ldan 'das kun 'tshal lags so/ / ko'u di n+ya khyod kyis chos kun shes sam/ kun shes sam/ bde bar gshegs pa kun 'tshal lags so// kun 'tshal lags so// tshe dang ldan bko'u di rgyas chos kun shes pas/ de'i phyir tshe dang ldan pa ko'u di n+ya kun shes ko'u di n+ya zhes tshig bla dgas su btags so// tshe dang ldan pa ko'u di n+yas chos kun shes so zhes/ sa bla'i gnod sbyin rnams sgra sgrogs par byed de/ grogs po dag bcom ldan 'das kyis wA rA Na sir drang srong smra ba'i ri dgas kyi nags su lan gsum du bzlas te/ rnam pa bcu gnyis su chos kyi 'khor lo chos dang ldan pa/ dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang 'jig rten du chos dang 'thun par ma bskor ba/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba'i phyir bskor bas/ lha'i ris mngon par 'phel zhing / lha ma yin gyi ris yongs su nyams so zhes dbyangs bsgrags so/ / sa bla'i gnod sbyin rnams kyis sgra thos nas// nam mkha' la rgyu ba'i gnod sbyin dang / rgyal chen bzhi pa'i ris dang / sum cu rtsa gsum pa'i lha rnams dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams nas/ skad cig de dang / yud tsam de dang / skad cig dang / thang cig/
- 5a
dang / ud tsam de la tshangs pa'i 'jig rten gyi bar du sgra bsngags so// tshangs ris kyi sgra rnams kyis kyang sgra sgrogs par byed/ grogs po dag bcom ldan 'das kyis wAraH sir drang srong smra ba'i ri dgas kyi nags su lan gsum du bzlas te/ rnam pa bcu gnyis kyi chos kyi 'khor lo chos dang ldan pa/ dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang 'jig rten du chos dang 'thun par 'ga' yang ma bskor ba/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba'i phyir bskor bas/ lha'i ris mngon par 'phel zhing / lha ma yin gyi ris yongs su nyams so zhes dbyangs bsgrags so// bcom ldan 'das kyis wA rA Na sir drang srong smra ba'i ri dgas kyi nags su lan gsum du bzlas te/ rnam pa bcu gnyis su chos kyi 'khor lo chos dang ldan pa bskor bas/ de'i phyir chos kyi rnam grangs 'di la chos kyi 'khor lo bskor ba zhes tshig bla dgas su btags so/ / chos kyi 'khor lo'i mdo rdzogs so// / thar pa lo tsos bsgyur ba dang / mdo'i ngo gcig tu snang // rgya gar skad du/ shI la sa ma yug ga ta sU tra bod skad du/ tshul khrims yang dag par ldan pa'i mdo// thams cad mkhyen pa la phyag 'tshal/
- 5b
lo// 'di skad bdag gis thos pa dus gcig na/ bcom ldan 'das mnyan du yod pa na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po brgya phrag phyed dang bcu gsum dang thabs cig tu bzhugs te/ de'i tshe bcom ldan 'das kyis/ dge slong rnams la bka' stsal pa/ dge slong dag shes pa ni 'grib// srog ni 'chad/ tshe'i 'du byed ni nges par 'joms par 'gyur na/ ci'i phyir brtson 'grus dang brtul ba brtan pos sgrub par mi byed/ mi'i lus ni shin tu rnyed par dka' na/ de thob nas des rnyed pa'i rgyal ba'i bstan pa la rab tu byung ba yang rnyed nas/ thar pa'i don dang mi mthun pa dag gis bslus te/ sdug bsngal bar gyur ta re/ dge slong dag srog dang bral zhing shi ba ni bla'i/ tshul khrims nyams pa ni de lta ma yin no/ / de ci'i phyir zhe na/ srog dang bral ba ni tshe 'di nyid kyi skye ba zad par 'gyur gyi/ tshul khrims nyams shing zhig pa ni/ skye ba 'bum phrag brgya'i bar du rigs dang bral zhing bde ba spangs te/ rnam par ltung ba nyams su myong bar 'gyur ro// de'i phyir ston pas tshul khrims rab bsngags bshad// tshul khrims ldan pas sangs rgyas 'byung dang phrad// tshul khrims ldan pa rgyan rnams kun gyi mchog/ tshul khrims 'byor pa dri dang byug pa yin// tshul khrims ldan pa dga' ba kun gyi gnas// tshul khrims ldan pa gdung ba sel ba'i
- 6a
chu rnga tshul khrims ldan pa 'jig rten kun gyis bstod/ / tshul khrims dag gis 'gro ba dam pa mnos// ji ltar sbrul gdug klu chen nag po yang // tshul khrims can la// gnod med gzhan ci smos// tshul khrims ldan pa'i dge slong 'od dang ldan// tshul khrims ldan pa grags 'gyur bde ba 'thob// ji ltar mig med gzugs mthong mi rung ltar// de bzhin tshul khrims med na chos mi mthong / / ji ltar rkang med lam 'jug ga la nus// de bzhin tshul khrims med na thar mi 'gyur// ji ltar bum pa bzang po rin chen snod// de bzhin tshul khrims chos rnams skyed pa'i gzhi/ / ji ltar bum chag rin chen snod mi rung // de bzhin tshul khrims ral bas chos kun gtugs// dang po tshul khrims med par gyur pa des// phyi nas mya ngan 'das pa thob snyam mam// sna dang rna rdum la sogs gang yin pa// de la me long dag ni dgos mi 'gyur// rna bas ma thos mig sngar ma mthong bzhin// bstan bsrung mi de mtho ris 'gro bar 'gyur/ / thos mang thos ldan thos bsrung mtho ris nyid// bud med bsten du ga la rung // rgyal po'i pho brang ga la dga'// dbu ba snying po ga la yod// longs spyod rtag pa ga la yin/ / bud med dag la rung ba med// rgyal srid dag la dga' ba med// dbu ba dag la snying po med// longs spyod dag la rtag pa med// longs spyod dag ni 'bab chu
- 6b
bzhin/ / gru de ci 'dra khyim de 'dra// me tog ci 'dra gzugs de bzhin// srog ni chu bur 'dra ba yin// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// tshul khrims yang dag par ldan pa'i mdo rdzogs so// // / rgya gar skad du/ Ar+ya dza ya ma ti ra nA ma ma hA lA na sU tA/ bod skad du/ bod skad du/ 'phags pa rgyal ba'i blo gros kyis zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na// rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po dang / byang chub sems dpa' rab tu mang po dag dang thabs cig tu bzhugs so// de nas bcom ldan 'das kyis/ byang chub sems dpa' rgyal ba'i blo gros la bka' stsal pa/ rgyal ba'i blo gros rigs kyi bu 'am/ rigs kyi bu mo bsod nams 'dod pas de bzhin gshegs pa la mchod par bya'o// shes rab 'dod pas thos pa la brtson par bya'o// mtho ris 'dod pas tshul khrims bsrung bar bya'o// longs spyod 'dod pas gtong ba spel bar bya'o// gzugs bzang ba 'dod pas bzod pa bsgom par bya'o// spobs pa 'dod
- 7a
bas bla ma la gus par bya'o/ / gzugs 'dod pas mngon pa'i nga rgyal med par bya'o// ye shes 'dod pas tshul bzhin yid la byed pa la gnas par bya'o// thar pa 'dod pas sdig pa thams cad yongs su spang bar bya'o/ / sems can thams cad bde bar bya bar 'dod pas byang chub tu sems bskyed par bya'o// skad snyan pa 'dod pas bden par sla bar bya'o/ / yon tan 'dod pas rab tu dben pa la dga' bar bya'o// chos 'dod pas dge ba'i bshes gnyen la bsten par bya'o// zhi gnas 'dod pas 'du 'dzi med pa mang du bya'o// lhag mthong 'dod pas chos stong pa so sor brtag pa mang du bya'o// tshangs pa'i 'jig rten 'dod pas byams pa dang / snying rje dang / dga' ba dang / btang snyoms bsgom par bya'o// lha dang mi'i longs spyod phun sum tshogs pa 'dod pas dge ba bcu'i las kyi lam la gnas par bya'o/ / yongs su mya ngan las 'da' bar 'dod pas/ stong pa'i chos la mngon par dga' bar bya'o/ / yon tan thams cad thob par 'dod pas dkon mchog gsum la mchod par bya'o// bcom ldan 'das kyis de skad ces bka' stsal nas/ byang chub sems dpa' sems dpa' chen po rgyal ba'i blo gros dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsung
- 7b
pa la mngon par bstod do/ / 'phags pa rgyal ba'i blo gros kyis zhus pa zhes bya ba theg pa chen po'i mdo rdzogs so// / oM ye d+har+m+mA he tu brab+ha lA he tun te Sh+TAn ta thAH toh+ya wa da tra/ teShAny+tsa yo ni ro d+ha e waM bA dI mahA shra ma Na swA hA// rgya gar skad du/ An+d+ha ba lo ki te shwa ra ba ri prits+tsha/ sapa ti d+harma ka na nA ma ma hA ya na sU tra/ bod skad du/ 'phags pa spyan ras gzigs kyi dbang phyug gis zhus pa chos bdun pa zhes bya ba theg pa chen po'i mdo// bcom ldan 'das 'jam dpal gzhon nur gyur pa la phyag 'tshal lo/ 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs so/ / de nas byang chub sems dpa' sems dpa' chen po 'phags pa spyan ras gzigs dbang phyug stan las 'das nas/ bla gos phrag pa gcig tu gzar te/ pus mo g.yas pa'i lha nga pad+ma'i lte ba la btsugs te/ bcom ldan 'das ga na ba drer thal mo sbyar ba btud de/ bcom ldan 'das la 'di skad ces gsol to/ / bcom ldan 'das byang chub tu sems bskyed ma thag pa'i byang chub sems dpas chos du zhig la slab par bgyi/ de skad ces gsol pa dang / bcom ldan 'das kyis
- 8a
byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ / rigs kyi bu byang chub tu sems bskyed ma thag pa'i byang chub sems dpas chos bdun la bslab par bya ste/ bdun gang zhe na/ 'di lta ste/ rnam par rtog pas kyang 'dod pa la bsten par mi bya na/ dbang po gnyis kyis sbyor ba lta smos kyang ci dgos/ tha na rmi lam gyi nang na yang mi dge ba'i bshes gnyen bsten par mi bya ba dang / bya dang 'dra ba'i sems kyis yongs su 'dzin pa med par bya ba dang / thabs dang shes rab la mkhas pas nga rgyal dang ngar 'dzin pa med par bya ba dang / dngos po dang dngos po med pa spangs nas/ stong pa nyid kyi rnam par thar pa brtan po dang ldan par bya ba dang / yang dag pa'i bden pa ma yin pa kun tu rtog pa'i shes pas sgyu ma dang rmi lam dang 'dra ba'i 'khor ba la mngon par dga' bar bya ba ma yin pa dang / rgyu dang 'bras bu la skur pa gdab par mi bya ste/ rigs kyi bu sems bskyed ma thag pa'i byang chub sems dpas chos bdun po de la bslab par bya'o// bcom ldan 'das kyis de skad ces bka' stsal nas/ byang chub sems dpa' 'phags pa spyan ras gzigs dbang phyug dang / dge slong de dag dang / byang chub sems dpa' de dag yi rangs te/ bcom ldan 'das kyis gsungs pa la mngon par bstod
- 8b
do/ / 'phags pa spyan ras gzigs dbang phyug gis zhus pa/ chos bdun pa zhes bya ba theg pa chen po'i mdo rdzogs so// / rgya gar gyi mkhan po hrI bang ka ra shrI dz+nyA na dang / zhu chen gyi lo ts+tsha ba dge slong dge ba'i blo gros kyis bsgyur cing zhus te gtan la phab pa// @rgya gar skad du/ Ar+ya pradz+nyA pa ra mi tAM sUr+ya ma hA yA na sU tra/ bod skad du/ 'phags pa shes rab kyi pha rol tu phyin pa nyi ma'i mdo theg pa chen po'o// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das yul ma ga d+ha chos kyi dbye dgon pa na bzhugs te/ dge slong gi dge 'dun rab tu mang po dang / byang chub sem/ dpa' sangs rgyas kyi zhing mtha' yas pa nas 'dus pa tshad med grangs med pa dang thabs cig tu bzhugs so// de'i tshe 'khor der byang chub sems dpa' nyi ma rab tu snang ba zhes bya ba 'dug ba de stan las langs te/ bcom ldan 'das ga la ba der song nas/ bcom ldan 'das la 'di skad ces gsol to// bcom ldan 'das bdag de bzhin gshegs pa la zhu ba mchis na bcom ldan 'das gnang ba'i skabs dbye bar gsol/ bcom ldan 'das kyis bka' stsal pa/ ci dang ci 'dod pa dris dang ngas bshad par bya'o// de nas byang chub sems dpa' nyi ma rang
- 9a
tu snang bas/ bcom ldan 'das la 'di skad ces gsol to// bcom ldan 'das ji ltar thabs la mkhas pa'i byang chub sems dpa' ji ltar shes rab kyi pha rol tu phyin pa la bslab par bya/ bcom ldan 'das kyis 'di skad ces bka' stsal to// rigs kyi bu thabs la mkhas pa'i ting nge 'dzin nyi ma zhes bya ba yod pas/ de la byang chub sems dpa rnams kyis bslab par bya'o/ / bcom ldan 'das la gsol pa/ ji ltar bslab par bgyi/ bcom ldan 'das kyis bka' stsal pa/ rigs kyi bu 'di ltar thabs la mkhas pa'i nyi ma'i ting nge 'dzin ni rnam pa bdun yod de/ gang zhe na/ dang po 'di ltar nyi mas myu gu smin par byed pa ltar/ byang chub sems dpa'i ting nge 'dzin nyi ma lta bus/ sems can rnams la byang chub kyi myu gu smin par mdzad do/ / gnyis pa nyi ma la dbye bskol med pa ltar/ byang chub sems dpa'i ting nge 'dzin gyi thugs rje ni sems can thams cad kun la snyoms par mdzad do// gsum pa nyi mas nyal nyil sreg pa ltar/ byang chub sems dpa'i lhag mthong gi shes rab kyis nyon mongs pa'i nyal nyi la rnams sreg par byed do// bzhi pa ni nyi mas 'khyags pa 'ju ba ltar/ byang chub sems dpa'i ting nge 'dzin gnyen po ye shes dang ldan pas nyon mongs pa 'khyags pa lta bu 'ju bar byed do// lnga pa ni nyi mas mun pa sel ba ltar/ byang chub sems
- 9b
dpa'i so sor kun tu rtogs pa'i shes rab kyis gzung ba dang / 'dzin pa'i mun pa sel bar byed do// drug pa ni nyi mas gling bzhi 'khor ba ltar/ byang chub sems dpa'i 'phrin las phun sum tshogs pas sdug bsngal gyi chu bo bzhi las thar bar mdzad do/ / bdun pa ni nyi mas kun la snyoms nas dro ba bzhin du/ byang chub sems dpa'i spyod pa phun sum tshogs pas/ sems can thams cad rab tu dga' bar mdzad pa'i thabs ni dro ba'i las lta bu'o// gzhan yang rigs kyi bu byang chub sems dpa' rnams kyis shes rab kyi pha rol tu phyin pa la bslab par bya ste/ des 'di ltar chos thams cad kyi rang bzhin med pa dang / mtshan ma med pa dang / mtshan ma thams cad dang rab tu bral ba dang / gang zag med pa dang / gang zag thams cad dang bral ba dang / ngo bo nyid kyis stong pa nyid la bslab par bya'o// rigs kyi bu chos nyid dang / de bzhin nyid dang / yang dag pa'i mtha' dang / ma nor ba de bzhin nyid dang / gzhan ma yin pa de bzhin nyid dang / bden pa dang de kho na'i don la byang chub sems dpas kyang bslab par bya'o// de nas bcom ldan 'das kyis/ byang chub sems dpa' nyi ma rab tu snang pa la 'di skad ces bka' stsal to/ / rigs kyi bu byang chub sems dpas kyang / chos thams cad kyang mngon par 'du bya ba med pa dang / skye ba med pa la bslab par bya'o// rigs kyi
- 10a
bu chos thams cad ni rang bzhin gyis rnam par dag pa la bslab par bya'o/ / gzugs la sogs pa'i chos thams cad kyang rang bzhin gyis stong par she par bya'o/ / ngo bo nyid kyis dben par shes par bya'o// rigs kyi bu gang dag gis shes rab kyi pha rol tu phyin pa'i mdo 'di 'dzin par byed na/ de las kyi sgrib pa byang bar 'gyur ro/ / de bsod nams kyi tshogs skye bar 'gyur ro// shes rab kyi tshogs tshad med par 'gyur ro// dran pa dang ldan pa dang / tshul khrims dang ldan par 'gyur ro/ rigs kyi bu gzhan yang byang chub sems dpa' rnams kyis shes rab kyi pha rol tu phyin pa la bslab par bya'o// de nas bcom ldan 'das kyis de'i tshe tshigs su bcad pa 'di gsungs so/ / mang thos dam pa'i chos la brtson// sems can kun la byams par ldan// brtson 'grus go cha phun sum tshogs// bdag dang gzhan gyi don la mos/ / gtan du ting 'dzin sgom la brtson// bdag dang sems can 'du shes med// yang dag theg chen lam du zhugs// sngon gyi rgyal sras de ltar spyod// bcom ldan 'das kyis de skad ces bka' stsal pa dang / byang chub sems dpa' nyi ma rab tu snang ba dang / lha dang mir bcas pa'i 'jig rten yi rangs te/ bcom ldan 'das kyis gsungs pa la mngon par
- 10b
bstod do/ / 'phags pa shes rab kyi pha rol tu phyin pa nyi ma'i mdo theg pa chen po'i mdo rdzogs so// @/ bod skad du/ rdo rje'i ting nge 'dzin gyi chos kyi yi ge bam po bla ma'o/ / rdo rje'i ting nge 'dzin gyi chos kyi yi ge le'u gcig ste/ mgo nan gyi gleng gzhi'i le'u'o// // 'di bzhin bdag gis thos pa dus gcig na/ sangs rgyas rgyal po'i mo'i mo mkhar ri la/ dge slong gi dge 'dun chen po khri phrag gcig dang lhan cig ste/ kun kyang dgra bcom pa'i lam thob pa de'i ming lA shA ri'i bu/ dang / mo'u 'gal gyi bu dang / rab 'byor dang / de lta bu la sogs pa dang / yang dgra bcom pa dang / byang chub sems dpa' sems dpa' chen po mi nyis stong dang lhan cig ste/ de'i ming la grol thar/ byang chub sems dpa' sems kyi rgyal po dang / byang chub sems dpa' chags med dang / byang chub sems dpa' de lta bu la sogs pa'i byang chub sems dpa' dang / yang la rabs kyi mi brgyad khri yod pa dang lhan cig ste/ de'i ming la ya rabs tshangs par spyod pa dang / ya rabs tshangs par spyod pa chen po ya rabs zhu ste dang / de lta bu la sogs pa dang / yang lhan cig lnga dang / gnod sbyin dang / dri za dang / lha ma yin dang mamakha' lding dang / mi 'am ci dang / lto 'phye chen po dang / mi dang / mi ma yin pa la sogs pa 'bum khri phrag drug cu yod de/ de'i btsun
- 11a
mo phal mang pos 'khor bar bskor nas/ phal mang po rnams la theg pa chen po'i chos kyi ming ro gcig pa yang dag pa'i bden pa mtshan ma med pa/ skye ba med pa/ bden pa mi 'gyur ba'i dbyings/ phyi mo'i tshor ba phan pa spyod pa bshad do// la la zhig gis yi ge 'di thos te/ tshig bzhi le'u gcig pa yan chad mnos te/ gzungs su bzung ba/ mi des sangs rgyas kyi ye shes kyi chud ces bya'o/ / thabs spyod de sems can la bstan bslabs nas/ sems can gyi dge ba'i bshes gnyen chen po bya nus so// sangs rgyas kyi yi ge bshad zin nas/ skyil mo krung du bzhugs nas mod bzhin rdo rje'i ting nge 'dzin du bzhugs te/ lus dang sems mi g.yo/ de'i tshe phal mang po'i nang na/ dge slong ming a gasta zhes bya ba zhig yod pa 'dug pa las langs te/ thal mo sbyar/ pus mo sa la btsugs nas/ yid kyi gzhung bzlas par bya ste/ le'u tshigs su bcad pa bshad do// byams pa chen po mchog tu btsun/ / shes rab spyod pas thogs pa med// sems can rgya cher bsgral ba'i phyir// bden pa gcig gi gzhung sprad pa// spyad pa kun kyang ro gcig lam// mtha' ru theg pa chung mi spyod/ / bshad pa kun kyang gzhung ro gcig/ mi bden thams cad kun dang bral// sangs rgyas ye shes sa lo bzhugs// mi 'gyur yang dag bden pa'i dbyings// chos
- 11b
kun 'jig rten khams las byung / / ma grol mthar yong ye med// grangs med byang chub sems dpa' rnams// thams cad kun kyang sems can sgrol// phal phyir yangs shing zab pa dris/ / stong pa zhi ba'i chos mtshan rig/ mi 'gyur gnas pa'i de yi rig/ yang dag gshegs pa'i ye shes thabs// de phyir mngon bzhugs bden pa 'chang // kun kyang theg pa gcig bzhin 'brang / / go bdun rnams kyi ro bro med// dpe ru char gcig rlan gyis su// rtswa rnams thams cad kun rgyas nas// so so'i rang bzhin tha dad do// chos ro gcig gi bangs pa ni/ / thams cad kun tu khyab par gang // dpe ru char des bangs dang 'dra// kun kyang byang chub myu gu skye// rdo rje rdo 'dra de ru zhugs// yang dag bden thub chos bshad do// 'gyur dogs pa yi 'gyod pa bcad// tshogs gcig rgyas btab kun kyang 'grub// rdo rje'i ting nge 'dzin gyi chos kyi yi ge'i le'u gnyis te/ mtshan ma med pa'i chos kyi le'u'o// / de nas btsun pa ting nge 'dzin las bzhengs nas/ 'di skad ces gsungs so// sangs rgyas ye shes kyis ni yang dag pa'i chos kyi mtshan mar zhugs te/ ngo bo nyid mi 'gyur ba'i phyir ro/ / thabs kyi rdzu 'phrul kun kyang mtshan ma yang med/ phan pa yang med do// tshogs pa gcig gis gzhung rtogs pas ni shes par yang dka'/ chud par yang dka' ste/ theg pa
- 12a
gnyis mthong ba dang / shes pa'i gnas ma yin no// sangs rgyas dang / byang chub sems dpa' 'ba' zhig shes par nus so// sems can sbrul du rung ba rnams la ro gcig pu bshad do/ / de'i tshe grol thar byang chub sems dpa' 'dug pa las langs nas thal mo sbyar/ pus mo btsugs te sangs rgyas la gsol pa/ btsun pa sangs rgyas 'das te gshegs pa'i slad na/ drang po'i chos ni 'jig rten nas 'das/ gzugs kyi ni chos 'jig rten na spyod de/ bskal pa tha ma'i tshe rnyog pa lnga'i sems can ngan pa'i las rnams mang pos khams gsum la 'khor lo bzhin du bskor te/ 'byung ba'i dus ma mchis pa'i tshe/ sangs rgyas byams pa'i thugs rjes/ sems can phyi ma'i slad du mi 'gyur ba yang dag pa'i bden pa'i chos kyi ro gcig pa bshad de/ sems can de dag la sogs pa 'thun par grol thar par bgyir smon no// sangs rgyas kyis gsungs pa/ pho skye bu dge ba khyod nga la 'jig rten nas 'byung ba'i rgyu 'dri ba mkhas te/ sems can la bstan la/ sems can de dag 'jig rten las byung ba'i 'bras bu thob par bya ba don chen gcig yin te/ bsam gyis mi khyab bo// byams pa chen po spyad/ snying rje chen po spyad pa'i phyir ngas ma bshad na/ ser sna dang brkam pa'i nang du ltung ngo // khyed la sogs pa sems gcig tu brtags par nyon cig dang / khyed la sgrol cing bshad
- 12b
do skyes bu pho dge ba sems can la ston slob pa ni ston pa'i sems skye ba yang med/ mi ston pa'i sems skye ba yang med na/ de ni ston pa chen po zhes bya ste/ de ni sems can kun pa'i sems dang bral ba'o/ / nga'i sems can thams cad phyi mo nas stong pa mi g.yo ba ste/ stong pa'i sems thob nas/ sems sgyu mar sprul pa med do// sgyu ma yang med do// sprul pa yang med na/ gdod skye ba med pa thob bo// skye ba med pa'i sems ni sprul pa med pa gnas so// grol thar byang chub sems dpa' grol thar pas/ sangs rgyas la gsol pa/ btsun pa sems can gyi sems kyi ngo bo nyid phyi mo nas stong zhing mi g.yo'o/ / stong zhing mi g.yo ba'i sems ni yid la gzugs dang mtshan ma mchis na/ ji ltar spyang sbyangs na/ phyi mo'i sems stong pa thob par rung ba sangs rgyas kyi byams pa'i thugs dang bdag la dgrol cing bshad pa ston to/ / sangs rgyas kyis gsungs pa/ byang chub sems dpa' sems so cog gi mtshan ma ni phyi mo nas phyi mo med do// phyi mo nas phyi mo'i gnas med de/ stong zhing mi g.yo la skye ba med do// sems la skye ba med na/ gdod stong pa mi g.yo bar zhugs pa'o// stong pa mi g.yo ba'i sems kyis na mod bzhin sems stong pa thob bo/ / pho dge ba mtshan ma med pa'i sems la ni sems kyang mod/ nga yang med/ chos so cog gi mtshan ma ni de dang mtshungs so// grol thar byang chub sems dpa'
- 13a
grol thar pas/ sangs rgyas la gsol ba/ btsun pa sems can thams cad la nga yod pa dang / sems yod pa chos gang spyad pas tshor te/ sems can de dag bcings pa 'di las 'byung zhing 'bral bar bgyi/ sangs rgyas kyis gsungs pa/ pho dge ba nga yod pa ni rgyu rkyen bcu gnyis la brtag tu bcug na/ rgyu rkyen bcu gnyis ni thog ma rgyu dang 'bras bu las byung ngo / / rgyu dang 'bras bu'i g.yo ba ni sems kyi spyod pa las langs te/ sems kyang med na/ lus med pa lta smos kyang ci dgos/ nga yod na ni mthong ba yod pa yang zhi bar bya'o// med na ni mthong ba med pa yang zhi bar bya'o// sems skyes na ni zhi ba'i rang bzhin yang zhi bar bya'o// sems zhi na ni skye ba'i rang bzhin yang zhi bar bya'o// mthong ba'i rang bzhin de zhi na gdod yang dag pa'i dbyings su zhugs so/ / ci'i phyir zhe na/ phyi mo nas skye ba ma zhi'o// ma zhi ma skyes na mi skye mi zhi ste/ chos so cog kyang de bzhin no// grol thar byang chub sems dpas/ yang sangs rgyas la gsol ba/ btsun pa sems can la las chos skye bar mthong ba'i tshe/ mthong ba gang zhi bar bgyid/ sangs rgyas kyis bka' stsal pa/ btsun pa byang chub sems dpa' la las chos skye bar mthong ba'i tshe/ yod par mthong ba yang zhi bar bya'o// chos zhi bar bya ba mthong ba'i tshe/ yod par mthong yang zhi bar bya'o// mthong bzhin med pa yang dag pa'i chos
- 13b
thob ste/ mi 'gyur ba'i ngo bo nyid du zhugs nas/ mi 'gyur ba la skye ba med do// grol thar byang chub sems dpas/ sangs rgyas la gsol pa/ btsun pa sems can de dag gar skye ba ma mchis pa la gnas par bgyis na/ de'i skye ba ma mchis pa lags sam/ sangs rgyas kyis bka' stsal pa/ skye ba med pa gnas pa nyid ni skye ba yin no// de ci'i phyir zhe na/ gnas pa yang med/ skye ba yang med na/ gdod skye ba med de yin no// byang chub sems dpa' skye ba dang / skye ba med pa skye ba spyad pas skye ba'i sems bsal to// skye ba dang zhi bar cig tshad bsal na ngaskye ba'i phyi mo mi skye ste/ sems rtag par stong zhing mi g.yo'o// stong zhing mi g.yo ba la chag pa med na/ sems la chags pa med de/ gdod skye ba med pa yin no// grol thar byang chub sems dpas yang sangs rgyas la gsol pa/ btsun pa sems la chags pa med na bslab cing spang ba ci mchis/ 'on kyang bslab pa ci mchis sam/ sangs rgyas kyis bka' stsal pa/ byang chub sems dpa' skye ba med pa'i sems las byung ba dang / 'jug pa'i sems med de/ phyi mo yang dag par gshegs pa'i mdzod de nga ba nyid stong zhing mi g.yo bas bslab pa yod pa yang ma yin/ bslab pa med pa yang ma yin no// bslab pa yod pa dang / bslab pa med pa dang / med pa'ang med na/ de ni bslab pa yang med pa'o// bslab pa med pa yang ma yin pa de ni ming bslab pa'o//
- 14a
grol thar byang chub sems dpas/ sangs rgyas la gsol pa/ btsun pa ji lta bur na yang dag par gshegs pa'i mdzod kyi ngo bo nyid stong zhing mi g.yo zhes bgyi/ sangs rgyas kyis gsungs pa/ yang dag par gshegs pa'i mdzod ni/ ljang dub kyi sems kyi mdzod de/ ngo bo nyid stong pa ste mi g.yo ba'o// mtshan ma shes par bya na gzhung 'khyims te mi mngon no/ / yang dag par gshegs pa'i mdzod de ni ngo bo nyid stong pa ste mi g.yo'o// grol thar byang chub sems dpas/ sangs rgyas la gsol pa/ btsun pa ji lta bur na ldang dub kyi sems kyis mtshan ma shes par rung / sangs rgyas kyis bka' stsal pa/ byang chub sems dpa' gzhung la ni rung ba dang mi rung ba yang med do// rung ba dang mi rung ba yod du zin na ni/ sems so cog skyes nas stong zhing khri'i bsam pa g.yos te/ de ni ldang dub kyi gzungs yin no// byang chub dpas phyi mo'i ngo bo nyid kyi mtshan ma la brtags na/ gzhung rang gang rgyas so// / stong bsams khri ma nos kyang lam gyi gzhung la mi phan te/ g.yos shing dkrugs pas sems kyi phyi mo bdag po stor bar gyur to// bsam zhing mno ba med na/ ldang dub kyang mi skye ste/ yang dag pa'i bzhin du mi g.yo'o// rnam par shes pa'i rnams bde zhing ston na 'bab cing 'khor bar mi skye ste/ gtsang ma'i chos lnga thob bo// de ni theg pa chen po yin to//
- 14b
byang chub sems dpa'i chos gtsang ma lngar zhugs na/ sems la mi bden pa med do// mi bden pa med na gdod yang dag par gshegs pa'i rang gis tshor ba'i 'phags pa'i ye shes kyi sar chud do/ / ye shes kyi sar chud pa ni thams cad phyi mo nas mi skye bar mkhas par rig par bya ste/ phyi mo nas mi skye bar rig na/ gdod mi bden pa'i sems med do// grol thar byang chub sems dpas/ sangs rgyas la gsol pa/ btsun pa mi bden pa'i sems can ma mchis na/ gtang zhig dgag pa'i yang ma mchis pa'i rigs so// sangs rgyas kyis gsungs pa'i byang chub sems dpa' mi bden pa'i phyi mo nas mi skye na/ mi bden pa dpag tu med do// sems la sems med par rig na/ sems btang du med do// bye brag med/ dbye ba med na/ 'phral gyi rnam par shes pa skye ba med pas skye ba btang du med do// de ni btang du med pa yin te/ med pa yang med do// ci'i phyir zhe na/ btang ba dang / btang ba med pa'i phyir ro// grol bar byang chub sems dpas// sangs rgyas la gsol pa/ btsun pa btang ba med pa'i btang ba de nyid kyang skye ba lags na/ ji ltar na skye ba ma mchis zhes bgyi/ sangs rgyas kyis gsungs pa/ byang chub sems dpas skye ba de btang na/ btang zin pa dang / btang ba yang med de/ btang ba med pa la yang mi chags pa/ chags pa med pa yang mi chags na/ ji lta
- 15a
bur skye ba yin zhes bya/ grol thar byang chub sems dpas/ sangs rgyas la gsol pa/ btsun pa skye ba med pa'i sems la blang ba dang / btang ba ci mchis/ chos kyi/ mtshan ma gang lags/ sangs rgyas kyis gsungs pa/ skye ba med pa'i chos la blang ba yang med/ btang ba yang med de/ sems med pa la gnas te/ chos med pa la gnas so// grol thar byang chub sems dpas/ sangs rgyas la gsol pa/ btsun pa ji lta bur na sems ma mchis pa la gnas/ chos ma mchis pa la gnas zhes bgyi/ sangs rgyas kyis gsung pa/ sems ma skyes na/ sems med pa la gnas pa yin no// po dge ba sems kyi chos ma skyes na/ gnas shing rten pa yang med do// spyod pa'o cog la ma chags na/ sems rtag par stong zhing mi g.yo ste/ tha dad pa'i sems med do// dper na nam mkha' dang mtshungs te/ g.yo ba dang 'dug pa med/ ldang ba med/ bya ba med/ phan tshun med de/ stong pa'i sems kyi mig thob/ stong pa'i chos kyi lus thob pas lnga phung dang zhugs pa drug kun stong zhing mi g.yo ba'o// pho dge ba stong pa'i chos spyod pa ni khams gsum la yang mi rten/ tshul khrims kyi mtshan ma la yang mi chags la/ gtsang dag la sems med pas bsdu ba yang med/ btang ba yang med de/ ngo bo nyid rdo rje dang mtshungs pas/ dkon mchog gsum mi zhig ste/ stong pa'i chos
- 15b
rnams mi g.yo bas pha rol tu phyin pa drug dang ldan no/ / grol thar byang chub sems dpas/ sangs rgyas la gsol ba/ btsun pa pha rol tu phyin pa drug ni kun kyang mtshan ma mchis pa lag/ na/ mtshan ma mchis pa'i chos kyis 'jig rten las phyin par nus lags ma/ sangs rgyas kyis gsungs pa/ po dge ba ngas bshad pa'i pha rol tu phyin pa drug ni mtshan ma yang med/ bya ba yang med do// de ci'i phyir zhe na/ 'dod dang bral bar 'jug pa mkhas pas/ sems rtags par gtsang dag ste/ bden pa'i tshig gi thabs spyad pas/ bdag la yang ngan/ gzhan la yang phan te/ de ni sbyin pa'i pha rol tu phyin pa yin no// sems dag pa nas sran thub cing sems rtag par gnas pa med la/ gtsang gdang la gos pa med cing / khams gsum la ma chags na/ de ni tshul khrims kyi pha rol tu phyin pa yin no// stong pa spyad de mdud pa bcad la yod pa rnams la mi rten na las sum stong mi g.yo'i ste/ lus dang sems la yang mi chags na/ de ni bzod pa'i pha rol tu phyin pa yin no// ming gis bgrang ba yongs su bral la/ stong pa dang yod par mthong ba bcad de/ phung po'i stong par rab tu zhugs pa de ni/ brtson 'grus kyi pha rol tu phyin pa yin no// stong pa dang mi g.yo ba gnyis kha dog dang bral la/ stong pa'o cog la ma chags te/ sems 'dug pa med pa'i stong pa chen po
- 16a
la gnas pa de ni bsam gtan gyi pha rol tu phyin pa yin no/ / sems la sems kyi 'du shes med do// stong pa la mi chags/ spyod do cog la mi skye/ stong zhing zhi bar yang mi gnas/ sems la 'byung 'jug kyang med do// ngo bo nyid rtag par btang snyoms pas chos rnams kyi yang dag pa'i dbyings mi 'gyur ba'i ngo bo nyid rnams la mi gnas/ shes rab la yang mi chags pa de ni shes rab kyi pha rol tu phyin pa yin no/ / po dge ba de lta bu pha rol tu phyin pa drug ni phyi mo'i bzod pa thob ste/ yang dag par mi 'gyur ba'i ngo bo nyid du chud pas/ 'jig rten nas 'phags te byung la rtogs pa grol thar to// pho dge ba de lta bu'i grol thar chos kyi mtshan ma ni mtshan ma med par spyod pa ste/ grol ba dang ma chags pa yang med pa de'i ming grol thar pa'o/ / ji ltar zhe na/ grol thar pa'i mtshan ma la ni mtshan ma yang med/ spyod pa yang med/ g.yo ba yang med/ 'khrug pa yang med do// gtong ba mi g.yo ba'i mya ngan las 'das pa na/ mya ngan las 'das pa'i mtshan ma yang ma chags la/ grol thar byang chub sems dpas/ tshig 'di skad thos nas/ yod ma myong ba thob pas/ sems la shin tu dga' ste/ de'i yid bslab par byas nas/ tshigs su bcad pas bshad do// tshon chen gang rgyas btsun pas su// mang po phal phyir chos drangs pa// kun kyang theg pa gcig bshad
- 16b
d+he/ theg pa gsum gyi lam yang med// ro gcig mtshan med pan bsod pa// dpe dun pa chen po bzhin// ci yang mi bzhugs med shong med// so so'i rang bzhin pa dang de// kun gyis phyi mo'i gnas thob bo/ / sems dang nga ru bral bas su// chos gcig gi ni gzhung 'grub bo// 'thun dang tha dad spyod pa'i rnams// kun gyis phyi mo'i bsod nams thob/ mtshan gnyis mthong ba bgags bcad pas// stong pa mi g.yo mya ngan 'das// blangs dang rigs pa ma chags pas// gang dag thub pa'i gnas su zhugs// mtshan ma med cing sgro pa'ang med/ / stong sems mi g.yo zhi ba yis// stong pa zhi ste sems mi skye// rdo rje ngo bo nyid dang mtshungs// dkon mchog gsum ni yongs mi zhig/ pha rol phyin pa drug ldan pas// sems can thams cad rab bsgral te// khams gsum gnas su 'byung zhing 'das// kun kyang theg pa gcig mi spyod// ro gcig chos kyis rgyas btab ste// theg pa gcig po 'byor grub bo/ / de nas phal mang pos gzhung 'di bshad pa thos nas/ sems la shin tu dga' / sems dang drar bral ba thob nas/ stong pa mtshan ma med pa la zhugs te/ shin tu rgya che zhing yangs pas/ kun gyis yang dag par mdud pachod pa dang / zag pa zad pa thob bo// rdo rje'i ting nge 'dzin gyi chos kyi yi ge le'u gsum ste/ skye ba med pa spyod pa'i/
- 17a
le'u'o// // de'i tshe sems kyi rgyal po byang chub sems dpas sangs rgyas kyis khams gsum gyi phyi logs su byung ba'i chos bsam gyis mi khyab pa bshad pa thos nas 'dug pa las langs te/ sor mo bsnol/ thal mo sbyar nas/ tshigs su bcad pas dris pa/ yang dag par gshegs pas gzhung bshad pas// 'jig rten 'byung ba'i gzugs ma mchis/ / skye ba thams cad zad par gyis// bag yod zad pa thob lags sam// bdud dang stong pa sems pa 'chad// de ni skye ba ma mchis lags// ji ltar skye ba ma mchis la// skye ba med pa'i mnags pa mchis// de nas sangs rgyas kyis/ sems kyi rgyal po byang chub sems la bka' stsal pa/ pho dge ba skye ba med pa'i chos kyi ma nags pa ni chos la phyi mo nas skye ba med do/ / spyod do cog skye ba med de/ skye ba med spyad pas yang med na/ skye ba med pa'i mnags pa thob pa ni sgyu ma mi bden pa yin no// sems kyi rgyal po byang chub sems dpas gsol pa/ btsun pa skyed pa'i mnags pa thob pa sgyu ma mi bden pa lags na/ thob pa yang ma mchis/ mnags pa yang ma mchis na/ sgyu ma mi bden pa lags pa'i rigs so/ / sangs rgyas kyis gsungs pa ma yin no// ji lta zhe na/ thob pa yang med/ mnags pa yang med na/ de ni thob pa yod pa yin no// thob pa yod/ chags pa
- 17b
yod na/ de ni skye ba yod pa yin no// skye ba yod la thob pa yod na/ thob pa yod pa'i chos de kun kyang sgyu ma mi bden pa yin no// sems kyi rgyal po byang chub sems dpas gsol pa/ btsun pa ji lta bur na mnags pa ma mchis/ skye ba ma mchis pa'i sems sgyu ma mi bden pa lags zhes bgyi/ sangs rgyas kyis gsungs pa/ mnags pa med/ skye ba med pa'i sems zhes bya ba ni/ sems la gzung ba dang / mtshan ma med de/ dper na me'i rang bzhin dang mtshungs te/ shing gi nang na 'dug mod kyi// yal ga la 'dug pa'i gnas med do// rang bzhin mi 'gyur yang dag na/ / ming dang mkhan yod du zad kyi// rang bzhin btsal du mi rnyed do// de'i gzhung brjod pa'i phyir ming snyan ma bshad na/ ming rnyed par mi rung nas/ sems kyi mtshan ma yang de bzhin te/ gnas mi mthong ngo // sems de lta yin par rig na/ gdod skye ba'i sems med do// pho dge ba'i sems de'i rang bzhin gyi mtshan ma ni shing thog a ma li ga dang mtshungs te/ phyi mo rang las kyang ma skyes/ gzhan las kyang ma skyes/ spyi las kyang ma skyes/ rgyu rkyen mched las skyes pa yang ma yin// skye ba yang med/ ji lta zhe na rkyen brjes shing 'das pa'i phyir ro/ / rkyen g.yos pa yang skye ba med/ rkyen 'das pa la zhi ba med de/ mngon pa dang mi mngon pa'i mtshan ma med do// phyi mo gzhung stong zhing zhi ste/ med pa'i
- 18a
gnas na 'dug pas/ 'dug pa'i gnas su mi mthong ste/ ngo bo nyid yang dag par mi 'gyur bas/ yang dag par mi 'gyur ba'i ngo bo nyid ni gcig kyang mi gcig/ tha dad mi dang / mi rtag mi chad/ mi zhugs mi 'byung // mi skye mi shi ste/ skur ba dang zhi ba dang bral la/ smra ba'i tshig gi lam bcad do// skye ba med pa'i sems kyi ngo bo nyid kyang de dang mtshungs na/ ji lta/ bur skye ba med skye ba dang / mnags pa yod pa dang / ma nags pa med pa bshad na/ la la zhig sems la thob pa yod/ gnas dang gtong ba yod ces bshad na/ des ni bla na med pa'i g.yung drung rdzogs pa'i shes rab mi thob ste/ de ni khor por mtshan mo sems kyi ngo bo nyid mngon par bye brag phyed la/ sems kyi ngo bo nyid de ltar yin par rig na/ ngo bo nyid kyang de dang mtshungs te/ skye ba spyod pa med do// sems kyi rgyal po byang chub sems dpas gsol pa/ btsun pa sems phyi nas mi g.yon/ spyod pa skye ba ma mchis so// spyod pa rnam mi skye na/ skye ba mi spyod mi skye'o// spyod pa med pa yang mi skye na/ gdod skye ba med pa med do// sangs rgyas kyis gsungs pa/ pho dge ba khyod kyis skye ba med pa spyad na/ skye ba med pa spyad par rig gam/ sems kyi rgyal po byang chub sems dpas gsol pa/ ma lags so// ji ltar zhe na/ skye ba spyod pa ma mchis na/ ngo bo nyid kyi mtshan mo stong zhing mi g.yo
- 18b
ste mthong ba yang ma mchis/ thos pa yang ma mchis/ stor ba yang ma mchis/ btang ba yang ma mchis na/ ji lta bur rig pa blang zhes bgyi/ rig tu lags na/ de ni rtsod cing brjod pa'o// rtsod pa ma mchis/ brjod pa ma mchis na/ gdod skye ba spyod pa ma mchis so// sangs rgyas kyis gsungs pa/ khyod kyis bla na med pa'i g.yung drung rdzogs pa'i byang chub thob bam// sems kyi rgyal po byang chub sems drapas gsol pa/ bdag gis bla na med pa'i g.yung drung rdzogs pa'i byang chub ma thob bo// ci'i phyir zhes bgyi na/ byang chub kyi ngo bo nyid kyi nang na thob yang ma mchis/ stor ba yang ma mchis/ tshor ba yang ma mchis/ shes pa yang ma mchis/ rnam par brtags pa yang ma mchis te/ rnam par brtags pa ma mchis pa'i nang na gtsang dag pa'i ngo bo nyid do/ / ngo bo nyid la ni bar chad kyang ma mchis/ 'dres pa yangs mchis/ tshig gis bshad pa yang ma mchis/ yod pa yang ma mchis/ med pa yang mchis/ shes pa yang ma mchis/ mi shes pa yang ma mchis te/ spyad du rung ba'i chos rnams kyang ma mchis na/ ci'i phyir zhes bgyis na/ chos spyad do cog ni gnas mal mi mthong ngo // ngo bo nyid yang dag par mi 'gyur bas/ phyi mo nas thob pa dang / mi thob pa ma mchis na/ ji lta bur bla na med pa'i g.yung drung rdzogs pa'i byang chub thob bam zhes bgyi/ sangs rgyas kyis gsungs pa/ de yin no// de yin no// khyod zer
- 19a
ba bzhin te/ sems kyis spyad pa thams cad ni mtshan med pa las mi 'da'a'o// ngo ba nyid skyong ba ste skye ba med do// yod byar rlung ba'i rnam par shes pa rnams kyang de/ dang mtshungs so// ji lta zhe na/ mig dang mig gi rig pa kun nas stong pa mi g.yo ba ste/ rnam par shes pa yang stong zhing mo g.yo'o// mi g.yo ba'i mtshan ma yang med/ nAng logs na blangs pa gsum yang med de/ blangs pa gsum stong zhi'o// rna ba dang / sna dang / lce dang / lus dang / sems yid dang / yid dang / yid kyi rnam par shes pa dang / nga'i rnam par shes pa dang / kun gzhi'i rnam par shes pa dang / de dang mtshungs te/ stong pa zhi ba'i sems dang / skye ba med pa'i sems kun kyang mi skye'o// stong pa zhi ba'i sems dang / skye ba med pa'i sem skyes su zin na/ / de ni skye ba spyod pa yod pa yin te/ skye ba spyod pa yin te/ skye ba spyod pa med pa yin no// nang logs su blangs pas gsum dang / spyod pa gsum dang / tshul khrim gsum / skyo ba stong zhing zhi ste/ ma skyes na/ sems mi skye zhing sems rtag par stong zhing zhi ste/ don yang med/ spyod pa yang med/ sems stong zhing zhi ba'i mtshan ma yang mi rig to/ rig pa med pa la mi chags so// gnas med par 'jug ste/ mtshan ma med pa'i don mod bzung na/ gdod blangs pa gsum med de/ kun stong zhing gnas gtsang dag ste/ chags pa med nas ting nge 'dzin du yang mi 'jug
- 19b
bsam gtan la yang mi 'jug/ skye ba yang med/ spyod pa yang med do// sems kyi rgyal po byang chub sems dpas gsol pa/ bsam gtan gyis g.yo ba bsdu ba dang / sgyu ma 'khrugs pa rnams thub par nus na/ ci'i slad nas bsam gtan mi bgyid/ sangs rgyas kyis gsungs pa/ byang chub sems dpa'i bsam gtan ni g.yo ba yin no// mi g.yon bsam gtan ma yin te/ skye ba med pa'i bsam gtan yin no// bsam gtan gyi ngo bo nyid skye ba med do// bsam gtan skye ba'i mtshan ma dang bral lo// bsam gta gyi ngo bo nyid la chags pa med de/ bsam gtan g.yo ba'i chags pa dang bral na/ bsam gtan gyi ngo bo nyid la g.yo ba dang / mi g.yo ba med par rig pas skye ba thob bo// skye ba med pa'i shes rab ni/ skye ba la yang mi gnas te/ sems kyang mi g.yo'o// de lta bu'i shes rab spyad pas na/ skye ba med pa'i shes rab kyi pha rol tu phyin pa/ thob bo// sems kyi rgyal po byang chub sems dpas gsol ba/ btsun pa skye ba ma mchis pa'i shes rab ni/ gnas thams cad la chags pa yang ma mchis/ gnas thams cad dang bral ba yang ma mchis te/ sems la 'dug pa yod pa'i gnas ma mchis/ 'dug pa yang ma mchis/ sems kyang ma mchis/ sems la skye
- 20a
ba dang / 'dug pa ma mchis te/ de lta bur 'dug pa'i sems ni skye ba dang / 'dug pa ma mchis lags so// btsun pa sems la skye ba spyod pa ma mchis pa ni bsam gyis mi khyab bo/ / bsam gyis mi khyab pa'i nang ni bshad kyis mi lang ngo // sangs rgyas kyis gsungs pa/ de yin no// de yin no// sems kyi rgyal po byang chub sems dpas tshig lta thos nas yod ma myong zhes bstod de/ tshigs su bcad pa bshad pa/ ye shes chen po gang rgyas btsun// skye ba spyod chos rgya cher bshad// thos ma myong ba thos par bgyis// ma bshad pa ni da bshad do// dpe ru zil ngar gtsang ma bzhin// bar bar gdod cing lan 'ga' 'byung // phrad par dka' zhing bsam par dka'/ thos par yang ni shin tu dka'// bla na med pa'i dpal zhing gshin// nang gi mchog gi dam pa sman// sems can rnams kun bsgral ba'i phyir/ de ni kun kyang sgrol bshad do// de nas phal mang po'i nang du de skad bshad pa thos nas/ kun gyis skye ba med pa dang / ma skyes pa'i shes rab thob bo// rdo rje'i ting nge 'dzin gyi chos kyi yi ge le'u bzhi ste/ phyi mo'i tshor ba'i phan bsod kyi le'u'o// // de'i tshe chags med byang chub sems dpas sangs rgyas kyi ro gcig gi
- 20b
yang dag par bden pa bsam gyis mi khyab par bshad pa thos nas/ thag ring po nas nye bar 'ongs te/ yang dag par gshegs pa bzhugs par bsnyen te/ sems gcig tu brtags par nyan te dkar gtsang ma'i gnas su zhugs nas/ lus dang sems mi g.yo// de nas sangs rgyas kyis/ chags med byang chub sems dpa' la bka'/ stsal pa/ khyod thog ma ga las 'ongs// da gnas gar phyin/ chags med byang chub sems dpas gsol pa/ btsun pa bdag thog ma'i phyi mo ma mchis pa nas mchis so/ da phyi mo ma mchis pas gnas su phyin te/ sangs rgyas kyis gsungs pa de/ khyod phyi nas 'ongs pa yang med do// da phyin pa'i gnas kyang med de/ khyod kyis phyi mo bsod nams thob ste/ bsam gyis mi khyab bo// de nas byang chub sems dpa' sems dpa' chen po des mod bzhin 'od chen po btang ste/ khams su khyab par snang nas tshigs su bcad pa bshad do/ / shin tu che ba'i chang thub rnams// kun kyang shes rab gang zhing rgyas// rtag par phyi mo bsod nams spyad// sems can rnams la phan zhing bsod/ / cho ga rnam pa bzhi spyad de// rtag par phyi mo bsod nams gnas// mang po phal rnams kun drangs te// song zhing 'ongs pa yongs med de// de
- 21a
nas chags med byang chub sems dpas/ sangs rgyas la gsol ba/ btsun pa phan pa ci spyad de bsgyur la/ sems can gyi sems yid thams cad bsgyur te/ gtsang dag pa'i shes par chud/ sangs rgyas kyis gsungs pa/ yang dag par gshegs pa'i sangs rgyas rnams kyis ni/ rtag par tshor ba gcig spyad de/ rnam par shes pa bsgyur bas gtsang dag pa'i shes par chud do/ / ji lta zhe na/ sems can thams cad phyi mo nas tshor bas na/ rtag par tshor ba gcig spyad de/ sems can gyi rnams tshor bar byas so/ / sems can de dag phyi mo'i tshor ba thob par byas te/ sems yid rnams tshor bas stong zhing mi g.yo la skye ba med do// ji lta zhe na/ phyi mo'i ngo bo nyid yang dag par mi 'gyur bas na/ phyi mo nas g.yo ba med do// chags med byang chub sems dpas gsol pa// rnam par shes pa kun rkyen gyi khams las langs na/ gcig pu ji lta bur mi g.yo/ bar rung / sangs rgyas kyis gsungs pa/ khams gsum thams cad kyang phyi mo nas stong / rnam par shes pa thams cad kyang phyi mo nas stong pa la/ rkyen gyi rang bzhin med na/ ji lta bur rkyen las langs zhes bya// chags med byang chub sems dpas gsol pa/ khams so cog stong pa ji lta bur mthong / sangs rgyas kyis gsungs pa
- 21b
mthong ba nyid mi bden pa yin no/ / ji lta zhes bya na/ yod do cog thams cad kyang skye ba yang med/ mtshan ma yang med de/ phyi mo nas rang gi ming med pas/ kun kyang stong pa mi g.yo ste/ chos so cog gi mtshan ma yang de dang mtshungs so// sems can thams cad kyi lus kyang de dang mtshungs te/ lus kyang med na ji ltar mthong zhes bya/ chags med byang chub sems dpas gsol pa/ khams thams cad kyang stong / lus thams cad kyang stong / rnam par shes pa thams cad kyang stong na/ tshor ba yang stong pa'i rigs so// sangs rgyas kyis gsungs pa/ tshor ba gcig pu zhes bya ba ni mi zhigs mi dengs te/ yang dag par mi 'gyur ba'i ngo bo nyid ni stong pa yang ma yin// mi stong pa yang ma yin/ stong pa yang med na/ mi stong pa yang med// chags med byang chub sems dpas gsol pa/ khams kyi rnams kyang de bzhin te/ stong pa'i mtshan ma yang ma mchis/ stong pa'i mtshan ma mchis pa yang ma mchis so// sangs rgyas kyis gsungs pa/ ma yin no// khams zhes bya ba ni phyi mo'i ngo bo nyid yang dag par mi 'gyur bas/ / yang dag par mi 'gyur ba'i phyi mo'i ngo bo nyid la gnas mal med de/ chags med byang chub sems dpas gsol pa/ tshor ba yang de dang mtshungs te/ gnas mal man
- 22a
so/ / sangs rgyas kyis gsungs pa/ de yin no// de yin no// tshor ba la gnas mal med pa na/ gtsang gdang ngo // gtsang gdang ba la tshor ba yang med do// yang gnas med pas na/ gtsang gdang ste/ gtsang gdang ba la kha dog med do// chags med byang chub sems dpas gsol pa/ sems dang / mig dang / rnam par shes pa yang de dang mtshungs te/ bsam gyis mi khyab bo// sangs rgyas kyis gsungs pa/ sems dang / mig dang / rnam par shes pa yang de dang mtshungs te/ bsam gyis mi khyab bo// ji lta zhes bya na// kha dog la gnas mal shes med pas/ gtsang ga dang ste/ mthong ba med pas phyi logs su mi 'byung ngo // sems la gnas mal med pas gtsang ga dang ste/ bgag pa med de/ ldang ba'i gnas med do/ / rnam par shes pa la gnas med de/ gtsang dag pas g.yo ba med do// rkyen gyi dbye ba med na/ ngo bo nyid stong pa nyid mi g.yo ste/ ngo bo nyid la tshor ba med na/ tshor bas tshor ba med do/ / pho dge bas tshor bas tshor ba med par rig na/ rnam par shes pa'i rnams zhu'o// ci'i phyir zhe na/ rdo rje ye shes kyi sar chud do// grol thar gyi mal chad do// chad na chags pa med pa'i sar chud do// 'byung 'jug med do// sems la 'dug pa med pa la gnas nas/ yang dag par mi 'gyur ba'i ngo bo nyid kyis te/ sa ni gtsang gdang ste/
- 22b
bai DUR+Ya gtsang ma dang mtshungs so// ngo bo nyid rnam par mnyam snyoms pa ni sa chen po dang mtshungs so// ye shes der chud pa ni/ sangs rgyas kyi sar chud pa yin no// ye shes kyi sar chud na/ rnam par shes pa rnams kyi mi skye'o// chags med byang chub sems dpas gsol pa/ yang dag par gshegs pas bshad do// 'tshal ni tsher ba gcig gi 'phrul stobs te/ rgyal po chen po bzhi'i ye shes kyi sa'o/ / sems can thams cad kyi rtsa ba'i phan bsod do// ji lta zhes dgyis na/ sems can thams cad kyi lus kyi nang na phyi mo nas su gang bar rgyas so// sangs rgyas kyis gsungs pa/ de yin no// ji lta zhe na/ sems can thams cad ni phyi mo nas zag pa med de/ dge ba rnams kyis phan pa'i phyi mo ni/ 'dod pa'i phan pa yod pa ni ma khums ma thul ba'i phyir ro/ / chags med byang chub sems dpas gsol pa/ sems can la la phyi mo'i phan pa ma thob/ tshor zhing sdud pa ma mchis na/ ji ltar gdul dka' ba bas/ dbab cing gdul sangs rgyas kyis gsungs pa/ 'dug kyang rung / 'ba' zhig 'gro yang rung / rnam par rtog pa dang gos pa yang rung / yid bsgyur te phung bar 'dug na/ 'khrugs shing thul ba/ dka' ba khugs thul pa bdud kyis bcings pa las grol thar nas sang zhes byed de/ sa zang yangs pa la 'dug pa dang mtshungs nas rnam par shes pa dang / phung po mya ngan las 'das so// chags
- 23a
med byang chub sems dpa' gsol pa/ sems kyis mya ngan las 'das pa thob ste/ gcig pu grogs ma mchis na/ rtag par mya ngan 'das pa la gnas pas grol thar par rigs so/ / sangs rgyas kyis gsungs pa/ mya ngan las 'das pa las 'dug na/ mya ngan las 'das pas bcings pa yin no// ci'i phyir zhe na/ mya ngan las 'das pa ni phyir// tshetshor ba la phan pa ste/ phyi mo nas phan pa ni mya ngan las 'das pa'o// mya ngan las 'das pa'i tshor ba'i shes nyid phyi me tshor ba'i shas yin te/ tshor ba'i ngo bo nyid kyang tha dad pa med/ mya ngan las 'das pa yang tha dad pa med do/ / tshor ba'i phyi mo yang zad pa med/ mya ngan las 'das pa yang zad pa med do// mya ngan las 'das pa'i phyi mo bas na/ mya ngan las 'das pa thob pa med do// mya ngan/ las 'das pa thob pa med na/ ji lta bur 'dug pa yod ces bya/ pho dge ba'i tshor ba ni mya ngan las 'das pa yang mi chags so// ci'i phyir zhe na/ tshor ba ni phyi mo nas skye ba med de/ sems can dri ma dang bral lo/ / de lta bu'i sar 'dug pas sems la 'dug pa'i gnas med de/ 'byung 'jug med pas gtsang gdang ba'i shes par chud do// chags med byang chub sems dpas gsol pa/ gtsang dag pa'i shes pa la chud pa'i gnas mchis sam/ gnas thob pa mchis sam/ des chos thob bam/ sangs rgyas kyis gsungs pa/ de yin no// ji lta zhe na/ bu bslab dang mtshungs te/ lag pa na
- 23b
gser gyi dong tse thogs pa na yod par ma shes te/ phyogs bcu bgrod pa nas lo lnga bcu lon te/ dngul la rgyang shin tu nyon mongs nas/ slong mo 'ba' zhig gis lus gsos kyang / mi gang mi cho ga nas de'i phas de lta bu yod pa mthong nas/ bu la smras pa/ khye'u gser gyi dong tse khyer ba ci'i phyir na/ blangs te ma spyad la/ yid la ci dgos pa cog par mi bya/ bu des dran nas gser gyi dong tse rnyed des sems la shin tu dga' nas/ dong tse rnyed ces zer ro// phas bu bslab pa la smras pa/ khyod dgar mo byed cig/ gser gyi dong tse rnyed pa ni khyod nyid kyi nor yin te/ khyod kyis gud nas rnyed pa ma yin na/ ji lta bur dgar rung / pho dge ba gtsang dag pa'i shes pa yang de dang mtshungs te/ phyi mo nas 'byung ba'i mtshan ma med/ da gdod zhugs pa ma yin no// sngon pa slab pa'i phyir gyi med pa ma yin no// da tshor ba'i yon gyis gdod zhugs pa yin no// chags med byang chub sems dpas gsol pa/ pha des bu bslab par rig na/ ci bslab nas lo lnga bcu lon gyi bar du phyogs bcu bgrod de/ dbul rgyang la shin tu nyon mongs nas gdod bsgo/ sangs rgyas kyis gsungs pa/ lo lnga bcu lon zhes bya ba ni yud tsam zhig bsams pas sems g.yos pa'o/ / phyogs bcur bgrod pa ni ring por song ste khyab par chags so// chags med byang chub sems dpas gsol pa/ ji lta bur na yud tsam bsams pas sems g.yo zhes bgyi
- 24a
sangs rgyas kyis gsungs pa/ yud tsam bsams pas sems g.yos pas ni lnga phung cig car skyes so// lnga phung skyes pa'i nang na ngan pa lnga bcu tshang ngo // chags med byang chub sems dpas gsol pa/ ring por song ste khyab par chags pa dang / phyogs bcu bgrod pa dang / yud tsam bsams te sems skyes pas ngan pa lnga bcu tshang na/ ji lta bur sems can de dag yud tsam sems mi skye bar bgyi/ sangs rgyas kyis gsungs pa/ sems can de dag sems pa bden par 'dug par bya ste/ rdo rje'i sa la gnas pa dang / sems kyis g.yos te/ ldang ba med pas sems rtag par bde zhing / yangs pas yud tsam bsams pa med do// chags med byang chub sems dpas gsol pa/ bsam gyis mi khyab bo// tshor ba'i sems ma skyes na/ de'i sems bde yangs te/ phyi mo'i tshor ba'i bzod pa lags so// bsod pa g.yo ba ma mchis pas brtag par mchis te/ ma mchis pa yang mchis/ tshor ba ma mchis pa yang ma lags/ tshor bas tsher ba ma mchis par rig na/ phyi mo'i bzod pa dang / phyi mo'i tshor ba'o// tshor ba gtsang dang ba la gos pa ma mchis par rig gyur mi ldog ste/ ngo bo nyid yang dag par mi 'gyur bas na bsam gyis mi khyab bo/ / sangs rgyas kyis gsungs pa/ de yin no// chags med byang chub sems dpas tshig de skad thos pa dang / yod ma myong ba thos te tshigs su bcad pa bshad do// btsun pa/
- 24b
tshor chen btsun pa yis// bsam pa med pa'i chos skye bshad// sems skye med cing bsam pa med// sems rtag skye zhing zhi ba'i med// gcig tshor phyi mo tshor ba bsod// gser gyi dong tse rnyed dang mtshungs/ / rnyed pa nyid ni rnyed ma yin// de nas phal mang pos tshig de bshad pa thos nas/ kun gyis phyi mo'i tshor ba'i bsod pa shes rab kyi pha rol tu phyin pa thob bo// rdo rje'i ting nge 'dzin gyi chos kyi yi ge le'u lnga ste/ yang dag pa bden pa'i dbyings su 'jug pa'i le'u'o// // de nas yang dag par gshegs pas tshig 'di skad gsungs so// bskal/ du rung ba'i sems can phyin chad dus gzhan gyi tshe/ yang chos 'di bzhin bshad pa'i rigs so// dus dang bzod pa lhan mi cig go// 'gal ba dang mi 'gal bar bshad pa 'thun par yang med// tha dad pa yang med de/ mtshan ma yang de bzhin bshad pa'i rigs so// thams cad kyi yid kyis shes rab drangs la/ thams cad mkhyen pa'i ye shes kyi mtshor chud par phab ste/ rung ba'i rnams stong pa'i rlung la bslabs pa bzhin ma bya bar phal de dag kun ro gcig pa'i 'phrul gyi'o/ / ma thob par byos shig/ 'jig rten dang 'jig rten med pa la 'dug pa dang / 'dug pa'i gnas med pa stong pa lnga la 'byung bar 'jug pa dang / blang zhing btang ba med do// ji lta zhe na/ chos rnams ni mtshan ma stong pa ste/ chos kyi ngo bo nyid med pa med do// med pa med pa yang ma yin
- 25a
no/ / med pa ma yin na yod med kyang med do// yang dag pa'i mi 'gyur ba'i ngo bo nyid ni yod med la mi chags te/ yod med de yang med do// phal tha mal pa dang 'phrul gyi shes rab kyis ni phyi mo mngon par dpag nus so/ / byang chub sems dpa' rnams la sogs pas de lta bu'i bsod pa rig na/ gdod byang chub thob bo// de'i tshe phal gyi nang na/ byang chub sems dpa' ming mthu chen zhes bya ba zhig yod pa 'dug pa las langs te/ mngon du sangs rgyas la gsol pa/ btsun pa yang dag par gshegs pa la/ stong pa lnga la 'byung 'jug dang / blang ba dang btang ba ma mchis/ sangs rgyas kyis gsungs pa/ byang chub stong pa zhes bya ba ni/ yod pa gsum stong pa yin no// lam drug gi sgrib ma stong pa yin no// chos kyi mtshan ma stong pa yin no// ming gzugs stong pa yin no/ / sems kyi rnams shes pa'i gzhung stong pa yin no// byang chub sems dpa' de lta bu la sogs pa'i stong pa stong pa la mi gnas te/ stong pa la stong pa'i gzugs med do// gzugs med pa'i chos la blang ba btang ba ci yod/ blang ba med pa'i sar chud na/ gdod stong pa nyid du chud do// mthu chen byang chub sems dpas gsol pa/ ji lta bur na stong pa gsum zhes bgyi/ sangs rgyas kyis gsungs pa/ stong pa gsum zhes bya ba ni/ stong pa'i mtshan ma yang stong pa/ stong pa'i stong pa yang stong pa/ stong pa'i gnas kyang stong pa ste/ de lta bu la sogs pa'i mtshan ma gsum la mi
- 25b
chags pas na/ yang dag pa'i bden pa med pa ma yin no// yi ge dang tshig gi lam chad de bsam gyis mi khyab bo// mthu chen byang chub sems dpas gsol pa/ yang dag par bden pa ma mchis ba ma lags na/ de'i mtshan ma mchis pa'i rigs so// sangs rgyas kyis gsungs pa/ med pa ni med pa la mi chags so// med pa yang ma yin/ yod pa yang ma yin te/ yod pa ma yin pa'i chos la med pa la mi chags so/ / med pa ma yin pa'i mtshan ma ni yod pa la mi chags so// yod med la gzhung bshad pa ni thob par mi rung ngo // byang chub sems dpa' ming med pa'i gzhung gi mtshan ma ni/ bsam gyis mi khyab bo// ji lta zhe na/ ming med pa'i ming ni ming med pa yang ma yin no// gzhung med pa'i gzhung ni gzhung med pa ma yin no// mthu chen byang chub sems dpas gsol pa/ de lta bu'i ming dang gzhung yang dag pa'i bden pa mi g.yo ba'i mtshan ma lags so// yang dag par gshegs pa'i mi g.yo ba'i mtshan ma mi g.yo ba la mi chags so// mi g.yo ba la mi g.yo ba'i mtshan ma mchis so/ / mi g.yo ba la mtshan ma mchis na/ yang dag par gshegs pa'i ma lags sam/ sems can gyi sems kyi mtshan ma yang dag par gshegs pa'i mtshan ma lags te/ sems can gyi sems kyang khams tha dad pa ma mchis pa'i rigs so// sangs rgyas kyis gsungs pa/ de yin no// sems can gyi sems ni bden par khams tha dad pa med do// ji lta zhen
- 26a
sems can gyi phyi mo gtsang ngu'i phyir ro/ / g.yung drung la skye ba med na/ rdul gyis gos pa'i ming khams gsum zhes bya'o// khams sadu kyi sems ni ming tha dad pa'i khams zhes bya ste/ khams de ni sgyu ma mi bden pa'i yin te/ sems lus su gyu pas skyes so// sems las mi bden pa med na/ tha dad pa'i khams kyang med do// mthu chen byang chub sems dpas gsol pa/ sems gtsang dang na khams kyi rnams mi skye'o// sems de dang na khams gsum mchis pa'i rigs so// sangs rgyas kyis gsungs pa/ de yin no// byang chub sems dpa' sems la ni khams mi skye'o/ / khams las sems mi skye'o// ji lta zhe na/ khams mthong ngo cog ni sems 'ba' zhig mthong ste/ sems las sgyu ma ma rdzus na ci yang mthong ba med/ do// byang chub sems dpas nang logs na sems can med do// rang bzhin gsum stong zhing mi g.yo ba na/ gdod bdag cag ces bya ba yang med/ kha dog ces bya ba yang med de/ zhugs pa gnyis zhes bya ba yan chad kyi sems kyang mi skye na/ de lta bu bsod pa'i thob pas gdod khams yang med do// mthu chen byang chub sems dpas gsol pa/ ji lta bur na zhugs pa gnyis sems las ma skyes zhes bgyi/ sems kyi phyi mo nas skye na ji lta bur zhugs pa yod ces bgyi/ sangs rgyas kyis gsungs pa/ zhugs pa gnyis zhes bya ba gcig ni gzhung zhugs pa'o// gnyis ni spyod pa zhugs
- 26b
pa'o/ / gzhung zhugs zhes bya ba ni sems can rnams kyi yang dag par ngo bo nyid tha mi dad par rab tu yid ches pa'o// gcig kyang mi gcig/ 'thun yang mi mthun na/ phyi logs kyi rdul gyis bsgribs shi chod do/ / ma song ma 'ongs te tshor zhugs pa la ting nge gnas nas/ sangs rgyas kyi ngo bo nyid la rtog par brtags na/ yod pa yang med/ med pa yang med de/ bdag kyang med/ gzhan yang med/ tha mal pa dang / 'phrul rnam gnyis kyang med de/ rdo rje'i sems kyi sar bsran thub par gnas te/ mi 'gyur na stong pa mi g.yo zhing byang ba med de/ mtshan ma 'dus pa las kyang ma grub/ 'ba' zhig las kyang ma grub/ 'ba' zhig kyang ma lags/ ma 'dus ma gyis/ ma skyes ma shi/ 'ongs pa dang / song ba dang / 'dus pa'i mtshan ma yang ma mchis te/ bsam gyis mi khyab bo// sangs rgyas kyis gsungs pa/ de yin no// bsam gyis mi khyab bo// bsam gyis mi khyab pa'i sems kyang de bzhin no// ji lta zhe na/ mi g.yo ba'i sems la tha dad pa med de/ sems kyi phyi mo nas mi g.yo bas na/ sems can gyi ngo bo nyid dang / sangs rgyas kyi ngo bo nyid gcig kyang mi gcig/ tha yang mi dad de/ sems kyi ngo bo nyid phyi mo nas skye shi med do// skye shi ngo bo nyid kyi phyi mo mya ngan las 'das pa ste/ ngo bo nyid kyi mtshan ma phyi mo nas mi g.yo ste/ mi g.yo ba la g.yo ba med pas na/ chos so cog gi mtshan ma ni rkyen las langs pa med do// langs pa'i
- 27a
/ mthun myu ngo ba nyid ni migasa'o// mil mo la tshe yang gsob myed de/ rkyen gying ba nyid kyis rgyunam pa monas spyod ste na ldan dang / spyod pa'i spyod pa na ba med do/ / rkyen gyi chos so cog ni bslad pa'i sems kyis ni bden pa'i mtshan ma mthong ngo // mngon par na phyi nas mi skye'o// rkyen gyi phyi mo nas med pas na/ sems mi g.yo ba'i chos kyi gzhung ni rang gi ngo bo nyid stong pa med pa'o/ / stong pa'i rgyal po dang mtshungs te/ phyi mo nas 'dug pa'i gnas med na/ tha mal pa'i sems kyi bden pa'i rnam par brtags pas mthong ngo // yang dag pa'i mi g.yo ba'i mtshan ma la phyi mo nas yod med do// yod med kyi mtshan ma ni sems kyi rnam par shes pa 'ba' zhig gis mthong ngo // byang chub sems dpa' mi g.yo ba'i sems kyi chos ni rang gi ngo bo nyid med pa la ma yin/ rang gi ngo bo nyid yod pa yang ma yin te/ mi yod mi byed do// byang chub sems dpa' med pa dang / mi byed pa'i mtshan ma ni tshig gis bshad pa'i sa med/ do// ji lta zhe na/ yang dag pa'i mi g.yo ba'i chos ni stong pa yangs pa ste/ mtshan ma ni med pas gnyis kyis shes pa ma yin no// stong pa'i khams la ni phyi nang dpag gis mi rig ste/ drug spyod pa'i dri mas na/ gdod rig par nus so// mthu chen byang chub sems dpas gsol pa/ ji lta bur na drug spyod pa zhes bgyi/ bshad par smon no// sangs rgyas kyis gsungs pa/ gcig
- 27b
ni yid ces pa bcu spyod pa'o/ / gnyis ni gnas bcu spyod pa'o// gsum ni spyad pa bcu spyod pa'o// bzhi ni bcu bsgyur cing phyogs pa spyod pa'o// lnga ni bcus spyod pa'o// drug ni snyoms par tshor ba spyod pa ste/ skad cig bsams pas sems dang na yang dag par mi 'gyur bas na snang dkar te/ rdo rje shes rab kyi stobs kyis tshe gcig gis thogs pas sems can thar par bsgral te/ byams po dang snying rje zab pa med do// mthu chen byang chub sems dpas gsol pa/ de lta bu mis ni tshul khrims zhig kyang mi gzung ba'i rigs te/ dge slong dag yang ri mo mi gus pa'i rigs so/ / sangs rgyas kyis gsungs pa/ mi dge ba dang le lo dang / sems mtsho'i dpa' rlabs bzhin pa la ni tshul khrims bshad do// sems kyis shes pa'i mtshe ni dang gu'i shes pa'i ni/ tsang mar bab rlung gis ni g.yos par mi nus/ rlabs dang dpa' yang mi ldang bas ni tshul khrims kyi ngo bo nyid stong pa dang mtshungs pas/ 'dzin pa rnams bslad cing phyin ci log te/ de lta bu'i ming ni bdun/ dang drug ni mi skye/ 'dus pa rnams ni bgag shing thub pas/ sangs rgyas gsum las ma bral te/ byang chub g.yos nas mtshan ma med pa gsum la sems bzhin du rab tu zhugs pas dkon mtsho gsum la shin tu gus te/ cho ga ma stor bas/ dge sbyong dag la ri mo gus pa med yin no// byang chub sems dpa' dra ma de ni 'jig rten gyi g.yo mi g.yo'i chos la mi chags te/ stong pa
- 28a
gsum gyi phung por zhugs pas/ yod pa gsum gyi sems zhi'o// mthu chen byang chub sems dpas gsol pa/ dra ma des ni 'bras bu'i cog tshangs pas yang dag par gshegs pa'i sangs rgyas kyi mdzod thob ste/ sangs rgyas kyi byad dang gzugs kyis sangs rgyas dang / de lta bu'i sangs rgyas kyi gnas nas byang chub g.yos pas/ gsum 'dus pa'i tshul khrims chud de/ de'i mtshan ma la mi chags pas/ khams gsum gyi sems zhi'o// stong pa'i sa la'ang mi chags mi gnas na phal rung ba ma gtang ste/ gdul ba med pa'i sar zhugs pa bsam gyis mi khyab bo/ / de nas shA ri'i bu 'dug pa las langs te/ mdun du tshigs su bcad pa bshad do// shes rab mtsho'i ni chog cing tshang // mya ngan 'das mkhas mi chags te// dam pa'i me tog pad+mo bzhin/ / spos don las ni byung ma yin// sangs rgyas bskal pa grangs med du// mya ngan 'khrug pa kun ma btang // 'jig rten bsgral nas gdong thob ste// pad+mo rdzab las byung dang mtshungs/ / drug spyod pa yi sa de ni// byang chub sems dpa'i spyod pa'o// stong pa gsum gyi phung po de// byang chub kyi ni drang po'i lam// ngan su chags med 'khod par byas// sangs rgyas kyis su bshad pa bzhin// 'ongs pa yang ni slar yang 'ongs// chog cing gang nas gdod 'byung ngo // sems can rnam pa thams cad kyang // nga bzhin gcig ste gnyis min byas//
- 28b
slar 'ongs pa dang phyis 'ongs pa// kun+da kyang drang ba tsher 'dzeg byas// de nas sangs rgyas kyis/ shA ri'i bu la bka' stsal pa/ bsam gyis mi khyab bo// khyod kyis phyis byang chub kyi / grub na/ grangs med pa'i sems can shi ba'i sdug bsngal gyi mtshe las sgrol cig/ de nas phal mang po kun gyis byang chub tshor nas/ theg pa chung ngu rnams kyis kyang stong pa lnga'i mtshor chung ngo // rdo rje'i ting nge 'dzin gyi chos kyi yi ge le'u drug ste/ yang dag pa'i stong pa'i le'u'o// rdo rje'i ting nge 'dzin gyi tsha gyi pamapo gnyis pa// de tshe sha ri'i bus/ sangs rgyas la gsol pa/ btsun pa byang chub lam spyad de/ ming dang gzugs ma mchis/ tshul khrims gsum gyi cho ga yang ma mchis/ ji lta bur na bsdus blangs te sems can la bshad pa/ sangs rgyas byams shing thugs brtse bas bdag la bkrol bshad par smon no// sangs rgyas kyis gsungs pa/ pho dge ba rtag par nyon cig dang / khyod la bkrol bshad do// pho dge ba mi dge ba'i chos ni sems las gyur te skyes so// khams thams cad ni yid dang tshig gis bye brag phye'o// gnas gcig tu bgags rkyen mang po chod cing med de/ ji lta zhes byas na/ pho dge ba phyi mo gcig ma g.yos na spyad pa gsum spyad du med do// mi g.yo ba'i gzhung la 'dug na lam drug gi sgo bkag go/ rkyen bzhin ma lags na/
- 29a
@#tshul khrims gsum po cho ga tshang ngo // shA ri'i bus gsol pa/ ji lta bur na rkyen bzhin du ma gal nA/ tshul khrims gsum cho ga tshang zhes bgyi/ sangs rgyas kyis gsungs pa/ rkyen bzhi zhes bya ba gcig ni btams te stsal pa/ byams pa'i stobs kyi rkyen gyis/ tshul khrims kyi cho ga'i lugs bsdus so// gnyis ni phyi mo nas bzod pa'i gtsang ma rtsa ba rno ba'i bzod pa'i stobs kyis sbyangs so cog gi rkyen g.yos pas dge ba'i chos kyi tshul de lta bu spyod pas na gdod rig par nus so/ / mthu chen byang chub sems dpas gsol pa/ yang dag pa'i dbyings kyi tshor ba'i bsod pa las 'byung 'jug ma mchis na/ gang la sogs pa'i chos ni sems kyis yang dag pa'i dbyings su chud par rung / sangs rgyas kyis gsungs pa/ dbyings kyi chos ni dbyings med de/ dbyings med pa'i sems kyis na/ gdod yang dag pa'i dbyings su chud do// mthu chen byang chub sems dpas gsol pa/ dbyings med pa'i sems kyi ye shes ni 'gram med do/ / 'gram med pa'i sems kyis sems rang dbang thob ste/ rang dbang gi ye shes kyis na/ yang dag pa'i dbyings su chud par rung ngo // dper mi tha mal pa sems zhan pa de lta bu'i sems la dbugs rgyu ba mang na chos gang spyad de thul na/ bsran thub pa'i sems par bgyis la/ yang dag pa'i dbyings su chud par rung / sangs rgyas kyis gsungs pa/
- 29b
byang chub sems dpa' de'i sems kyi dbugs ni phyi nang spyad pas mngags te/ mngags pa bzhin du 'bab cing rgyu bas thigs pas mtshor langs te/ gnam gyi rlung gis dpa' skyod pas/ klu chen po sngangs 'drogs so// sngangs 'drogs pa'i sems kyis na/ dbugs rgyu ba mang bar byas so// byang chub sems dpa' sems can des gsum ma nyams shing gcig bsrung bar byas na/ yang dag par gshegs pa'i bsam gtan du chud de/ bsam gtan gyis bsam gtan thub pa spyad pas na/ sems la dbugs med do// mthu chen byang chub sems dpas gsol pa/ ji lta bur na gsum ma nyams la gcig bsrungs na/ yang dag par gshegs pa'i bsam gtan du chud ces bgyi/ sangs rgyas kyis gsungs pa/ gsum ma nyams zhes bya ba ni grol thar gsum ma nyams pa gcig bsrung ba ni/ sems mi g.yo ba gcig bsrung ngo // yang dag par gshegs pa'i bsam gtan du chud de/ bya ba ni gzhung la brtags pa de lta bu'i sems kyis ni/ yang dag pa'i dbyings su chud do// mthu chen byang chub sems dpas gsol pa/ grol thar gsum gyi chos ni gang la sogs pa'i don lags/ gzhung gis btags pa'i ting nge 'dzin ni chos gang la 'jug/ sangs rgyas kyis gsungs pa/ grol thar gsum zhes bya ba ni stong pa'i grol thar/ rdo rje'i grol thar/ shes rab kyi grol thar te// gzhung
- 30a
la brtags zhes bya ba ni/ sems gtsang na/ gzhung gtsang na/ sems med ces byar rung ngam/ mthu chen byang chub sems dpas gsol pa/ ji lta bur na ma nyams par spyad/ cig bur na brtag/ sangs rgyas kyis gsungs pa/ sems rnam gnyis su med na/ de ma nyams pa spyod pa'i nang log na spyod pa/ phyi logs su byung ba/ gnyis kyang gnyis su med par zhugs te/ gcig gi mtshan ma la yang mi chags na/ thob stong pa med de/ gcig dang gcig gis zhes bya ba med nas/ so so tha dad pa'i khrims zung ba ma ldan la/ pho shau tar ma zhugs mod kyi/ rang gi sems spyang nus/ bya ba med par rang sangs par 'phrul gyi 'bras bu thob ste/ theg pa gnyis la mi gnas nas byang chub kyi lam du chud de/ phyis gang rgyas pa'i sangs rgyas kyis byang chub grub bo// mthu chen byang chub sems dpas gsol pa/ bsam gyis mi khyab bo// de lta bu'i mi ni khyim nas byung ba yang ma lags/ ma byung ba yang ma lags so// ji lta zhes bgyis na/ mya ngan las 'das pa'i khyim du zhugs pa'o// yang dag par gshegs pa'i chos gos gyon pa'o// byang chub sems dpa'i bstan pa la 'dug rte/ de lta bu'i mi la ni dge sbyong man chad kyis kyang gus par yon dbul ba'i rigs so// sangs rgyas kyis gsungs pa/ de yin no// ji lta zhe na/ mya ngan
- 30b
las 'das pa'i khyim du zhugs pas ni/ sems khams gsum las 'das so// yang dag par gshegs pa'i gos gyon pas ni chos kyis stong pa'i gnas su chud do// byang chub kyi stan la 'dug pas drang po'i tshor ba'i sar 'dzegs so/ / de lta bu'i mi'i sems ni nga gnyis las 'das na/ dge slong gis gus par yon gsol ba lta smos kyang ci dgos/ mthu chen byang chub sems dpas gsol pa/ de'i sa gcig dang stong pa'i mtsho thag pa gnyis kyi mis mi mthong lags sam/ sangs rgyas kyis gsungs pa/ de yin no// theg pa gnyis kyi de ni/ ting nge 'dzi/ gyi lus thob ste/ stong pa'i mtsho dang sa gcig la ni chang nad rnyed pa dang mtshungs so// ra ro ste myos pa sangs kyang bskal pa bgrang gi bar du 'on kyang mi tshor ro// chang zhu na gdong tshor te/ des gdod spyod pa 'di spyad pas phyis sangs rgyas kyi lus thob bo// dper na mi des log sred btang la spyod pa drug tu zhugs te/ spyod pa'i sa nas khrims bsdu'o// gsum ni phyi mo shes rab kyi snying rje chen po'i stobs kyi rkyen gyis sems can gyi tshul khrims bsdus so/ / bzhi ni gcig tshor ba spyad pa'i shes rab kyi stobs kyi rkyen gyis de bzhin du mi g.yo bar 'dug pa ste/ de ni rkyen bzhi zhes bya'o// pho dge ba de lta bu rkyen chen po bzhi'i stobs kyis don gyi mtshan ma la mi chags na ngo so med pa ma yin te/ gnas gcig dang bral bas btsal du mi rnyed do//
- 31a
pho dge ba de lta bu'i don gcig gis ni sdud pa drug spyad par bsdus te/ sangs rgyas kyi byang chub ye shes kyi mtsho yin no// shA ri'i bus gsol pa/ don gyi mtshan ma lam// chags na/ ngo so med pa la lags te/ chos kyi yang dag pa'i rtag sbyid nga gtsang lags/ nga gnyis las 'das te mya ngan las 'das pa chen po lags pas/ sems ci la yang ma chag te// mthu chen po lags so// zhugs pa de'i tshor ba'i nang na lam gyi le'u'i chos sum cu rtsa bdun dang ldan pa'i rigs so// sangs rgyas kyis gsungs pa/ de yin no// lam gyi le'u'i chos sum cu rtsa bdun dang ldan no/ / bzhi bsam pa'i gnas dang / drang po'i 'grus pa bzhi dang / yid kyi rkang pa bzhi dang / rtsa ba lnga dang / stobs lnga dang / tshor ba bdun gyi shas dang / drang po brgyad kyi lam la sogs pa ste/ ming mang la gzhung gcig pas/ gcig kyang mi gcig/ tha yang mi dad do// ming gis bgrangs pas na/ ming dang mkhan du zad mod kyi/ chos thob par rung ngo // chos thob par mi rung ba'i chos ni gzhung gcig la yi ge med do/ / yi ge'i mtshan ma med pa'i gzhung ni/ yang dag pa'i bden pa'i stong pa'i ngo bo nyid do// stong pa'i ngo bo nyid kyi gzhung ni yang dag pa'i bden pa mi g.yo ba yin no/ / yang dag pa'i mi g.yo ba'i gzhung ni chos so cog ldan no// pho dge ba yang dag pa'i gzhung la 'dug pa ni sdug bsngal gsum gyi mtsho las 'das so// shA ri'i bus
- 31b
gsol pa/ chos so cog thams cad ni tshig kun dang yi ge lags so// tshig dang yi ge'i gzugs ni gang ma mchis pa lags so// yang dag pa'i bden pa'i gzhung ni tshig gis bshad du mi rung na/ yang dag par gshegs par ji ltar chos bshad/ sangs rgyas kyis gsungs pa/ ngas chos bshad pa ni khyed sems can gyi rnams bshad pa'i khar lus pas na/ bshad du mi rung ba bshad do// de lta bas na bshad ces bya'o// ngas bshad do cog ni gzhung gi tshig ste yi ge med do// sems can gyis bshad pa ni yi ge'i tshig ste gzhung med do// gzhung med pa'i tshig ni kun stong pa'o// med pa'i stong pa'i chos ni gzhung med pa'i tshig go// gzhung bzhin gyi tshig ni bden pa'i stong pa ste/ mi bstong pa'o// stong pa dang bden pa yang dag par med de/ mtshan ma gnyis dang bral la/ bar ma dang bar ma med pa yang de/ bar ma med pa'i chos ni/ mtshan ma gsum dang bral te/ gnas kyang mi mthong ngo // yang dag pa'i mi g.yod bzhin du bshad do/ / mi g.yo ba la yod med kyang med do// mi gso ba la yod med med de/ yod med dang yod pa dang med pa gnas med do// gnas med pa bshad pas na mi g.yo ba la gnas so// mi g.yo ba la yang mi g.yo ba med na mi g.yo ba med par ma bshad do// shA ri'i bus gsol pa/ sems can thams cad dang log sred kyi gral gang la sogs par gnas na yang dag par gshegs
- 32a
pa dang / yang dag par gshegs pa'i bden pa'i mtshan ma phyin pa thob/ sangs rgyas kyis gsungs pa/ log sred kyi sem nas/ yang dag par gshegs pa dang / yang dag par gshegs pa'i bden pa'i mtshan mar phyin pa ni gral rnam pa lnga la gnas te/ gcig ni yid ches pa'i gral yin te/ lus 'di'i nang gi yang dag pa'i mi g.yo ba'i sa bon mi bden par bsgribs par yid ches te/ mi bden pa'i sems btang bral na/ dang ba'i sems dkar gtsang ste/ khams kyi rnams yid dang tshig gis bye brag phyed par rig go/ gnyis ni bsam pa'i gral te/ bsam pa ni gral rnams las brtags na yid dang tshig 'ba' zhig ste/ yid dang tshig gis bye brag phyed nas yid bzhin mngon par snang na/ khams mthong ngo cog kun bdag gi phyi mo'i shes pa ma yin no// phyi mo'i shes pa 'di la ni chos kyang med/ gzhung yang med/ blang ngo cog blang nus pa med par rig go/ gsum ni sprod pa'i gral te/ rtag par g.yo nus par g.yos te/ g.yo ba 'thun pa'i tshe/ sngar shes rab kyis drangs te/ bsgribs pa dang bgegs kyi rnams bsal nas bkab pa dang dkris pa la byung bral lo// bzhi ni spyad pa'i gral te/ spyad pa'i sa rnams dang bral la/ sems la blang ba dang btang ba med do/ / shin tu dag pa las rtsa ba rnos te/ sems mi g.yo bas na/ yang dag par mi 'gyur ba'i bden pa'i dbyings mya ngan las 'das pa chen po ste/ ngo bo nyid stong chen po 'ba'
- 32b
zhig go/ lnga ni btang snyoms kyi gral te/ btang snyoms ni ngo bo nyid stong pa'i drang ba'i shes rab la yang mi gnas te/ snying rje chen po la 'bab cing / 'khor kyang mtshan ma mi g.ye'o// mtshan ma ni mi g.yo ba la yang ma chags te/ g.yung drung rdzogs pa'i byang chub kyi stong pa'i sems can thob pa med/ sems la mu med/ mtha' med de/ gnas kyang mi mthong ba 'di ni yang dag par shegs pa'i phyin pa'o/ / pho dge ba gral lnga ni tshor ba gcig phyi mo bsod pa nas zhugs te/ sems can bstan pa ni phyi mo'i gnas nas so// shA ri'i bus gsol pa/ ji ltar na phyi mo'i gnas zhes bgyi sangs rgyas kyis gsungs pa/ phyi mo nas phyi mo'i gnas med na gnas med pa'i phyi mo'i mu nas bde bar zhugs te/ byang chub spyod na 'phrul gyi lam gang zhig grub bo// ji lta zhes byas na po dge/ ba lag pas stong pa la bzung ba dang mtshungs pas ma thob ste/ ma khyab pa yang med do// shA ri'i bus gsol pa/ btsun pas ngo shad pa bzhin te/ don gyi sngon logs su phyi mo'i bzod pa spyad de/ blang ba stong pa zhi ba bsam pa yin no// stong bzhi pa ni mi g.yo ba yin te/ legs so cog gi mdo sdus shing bzung bas na/ chos so cog kun 'dus pas rdzogs chub ste/ gnyis su med do// bsam gyis mi khyab bo// shes par byos shig/ chos des ni shes rab chen pos pha rol tu phyin pa yin no// lha chen po'i sngags yin no// snang ba chen po'i sngags yin no// bla na
- 33a
med pa'i sngags yin no/ / bsgrub tu med pa'i sngags yin no// sangs rgyas kyis gsungs pa/ de yin no// de yin no// yang dag pa'i mi g.yo ba'i stong pa'i ngo bo nyid kyis stong pa'i shes rab kyis mes mdud pa'i rnams sregs te/ med nas mnyam snyoms so// mnyam snyoms pa'i snyoms pa tshor ba gsum dang / dam pa'i tshor ba'i lus gsum gyis dgu shes pa'i nang sang nger snang zhing gtsang zhing gtsang dag la/ grib ma'i rnams med do// pho dge ba de chos de chos ni rgyu yang med/ rkyen yang med de/ shes rab rang spyod pa'o// ga/ ba yang med/ mi g.yo ba yang med de/ spyod pa'i ngo bo nyid kyis stong pa'o// gzhung la yod med med do// stong pa'i mtshan ma yang stong pa'o// pho dge ba sems can sems can de dag gzhung de la rtogs par chud par gyis shig/ gzhung de chud na yang dag par gshegs pa'i mthong ba yin no// shA ri'i bus gsol pa/ yang dag par gshegs pa'i gzhung brtag pa ni 'ab pa'i rnams la chags te/ bsam gtan bzhi dang bral nas spyi yod las 'das so// sangs rgyas kyis gsungs pa/ de yin no// ji lta zhe na/ chos so cog gi ming gi rnam grangs te/ bsam gtan bzhi de yang de dang mtshungs so/ / yang dag par gshegs pa mthong na yang dag par gshegs pa'i sems rang dbang bas rtag par med pa zhi bar gnas so// 'byung ba yang mi 'byung //
- 33b
'jug kyang mi 'jug ste/ phyi nang mnyam snyoms so// po dge ba de bsam gtan de rnams kyis brtags na 'du shes kun thub skye/ mi g.yo ba med pas phan tshun med do// ci'i phyir/ na/ mi g.yo ba'i phyir ro// mi g.yo ba spyad de/ mi g.yo ba'i yang dag pa la brtags na/ mi g.yo ba'i mtshan ma la rtogs pa mi mthong bas mtshan ma'i rnams stong zhing zhi'o// stong zhing zhi na mi g.yo ba'i gzhung yin no/ / de lta bu'i 'du shes bsam gtan thub pa yin te/ bsam gtan nyid ma yin no// ci'i phyir zhe na/ bsam gtan gyi ngo bo nyid g.yo ba'i rnam grangs bral te/ gos pa yang med/ bsgo ba yang med/ chos kyang med/ 'grib pa yang med de/ rnam par rtog pa'i rnams dang bral bas phyi mo'i gzhung gis gzhung bzhin no// pho dge ba de lta bur rtogs te thub na gzod ming bsam gtan zhes bya'o/ / shA ri'i bus gsol pa/ bsam gyis mi khyab bo// yang dag par gshegs pas rtag par mi g.yo ba'i yang dag pa spyad de/ sems can bstan pa de lta bu'i yang dag pa'i gzhung la yi ge'i 'bru mang la gzhung gi rgya che ste/ rtsa ba rno ba'i sems can gyi gdod spyad nus kyi/ rtsa ba rtul ba'i sems can gyis yid bzhag dka' lo// ji lta bu'i thabs kyis rtsa ba rdul ba de bden pa chud par bgyir rung / sangs rgyas kyis gsungs pa/ rtsa brtul ba'i de'i tshig bzhi le'u gcig mnos te/ gzungs su 'dzin du bcug na yang
- 34a
dag pa'i bden par chud de/ sangs rgyas kyi chos so cog ni le'u gcig gi rlung du 'dus so// shA ri'i bus gsol pa/ ji lta bur na tshig bzhi le'u gcig ces bgyi ba bshad par smon to/ / de nas btsun pas le'u bshad de gsungs pa/ rgyu rkyen las skyes pa'i gzhung / gzhung de yod med skye ba med/ skye shi rnams gzhung med na/ gzhung de skye ba shi ba med/ de nas phal mang pos le'u bshad pa thos nas/ thams cad kun shin tu dga' ste/ kun skye shi med par byas pa thos nas shes rab kyis ngo bo nyid stong pa'i ye shes kyi chos skyes so// rdo rje'i ting nge 'dzin gyi chos kyi yi ge le'u bdun te/ yang dag par gshegs pa'i mdzod kyi le'u'o// // de'i ya rabs tshangs par spyod pa sngon gyi gnas nas langs te/ sangs rgyas la gsol pa/ btsun pa skye ba'i gzhung ni me bkag/ shi ba'i gzhung ni mi skye ste/ de lta bu mi g.yo ba'i gzhung ni sangs rgyas kyi byang chub lags so// byang chub kyi ngo bo nyid la ni/ rnam par rtog pa ma mchis/ rnam par rtog pa'i shes rab ma mchis so// rnam par rtog pa'i grangs ma mchis pa'i mtshan ma ni rnam par rtog pa 'ba' zhig gis bkab bo// de lta bu'i gzhung gi mtshan ma ni bsam gyis mi khyab po/ / bsam gyis mi khyab pa'i nang na rnam par rtog pa ma mchis na/ btsun pa chos so cog grangs ni dpag tu ma mchis/ mu ma mchis te/ mu ma mchis pa'i chos kyi mtshan ma ni yang dag pa gcig
- 34b
gi gzhung gi ngo bo nyid de/ ngo bo nyid gcig 'ba' zhig la gnas pa de'i don ji lta bu/ sangs rgyas kyis gsungs pa/ sa rapra bsam gyi mi khyab pa ni ngas chos rnams bshad pa la bskrad pa rnams kyi phyir thabs kyi lam spyod do/ / chos so cog ni mtshan ma ni yang dag pa gcig gi gzhung gi shes rab bo// ji lta zhe na/ dper tshong dus gcig la sgo chen po bzhi phye ba dang mtshungs te/ sgo chen po bzhi kun ni tshong dus gcig la 'dus te/ phal po de rnams yid bzhin du 'jug go// chos rnams kyi ro bro ba yang de dang mtshungs so// ya rabs tshangs par spyod pas gsol pa/ chos de lta bu lags na bdag gis chos gcig ro bro ba la gnas na/ chos so 'tshal gyi ro bro ba 'dus pa'i rigs so// sangs rgyas kyis gsungs pa/ de yin no// de yin no// ji lta zhe na/ gcig gi yang dag pa'i gzhung gi ro ni mtsho chen po gcig dang mtshungs te/ thams cad mang po 'bab pa der mi 'jug pa med do// ya rabs chos so cog gi ro bro ba yang mang po 'bab pa de dang mtshungs so// ming grangs tha dad mod kyi/ chur mi tshugs pa med do// mtsho chen po la gnas na mang po 'bab pa dus te/ ro bro ba gcig la gnas pas ni bro ba kun 'dus so// ya rabs tshangs par spyod pas gsol pa/ chos la ro/ gcig pu ni ji lta bur theg pa gcig gi las ste/ de'i shes rab mtshungs zhes bgyi/ sangs rgyas kyis gsungs pa/ ya rabs dper na chu bo kang dang / ha dang / go sa dang / mtsho dang mtshungs te/ che chung
- 35a
tha dad do/ / zab mi za ba tha dad do// ming mkhan tha dad do// chu de kong gi nang na 'dug pa na/ ming kong gi chu zhes bya'o// 'o yi nang na 'dug na 'o yi chu zhes bya'o// ha'i nang na 'dug na ga'i chu zhes bya'o/ / kun lhan cig mtsho'i nang na 'dug pa ming mtsho chu zhes bya'o// chos kyang de dang mtshungs te/ kun yang dag pa'i mi g.yo ba la 'dug ste/ ming sangs rgyas kyi lam 'ba' zhig go/ yang ya rabs sangs rgyas kyi lam gcig pu la gnas na/ spyad pa gsum spyod pa ma yin no// ya rabs tshangs par spyod pas gsol pa/ ji lta bur na spyad pa gsum zhes bgyi/ sangs rgyas kyis gsungs pa/ gcig ni don bzhin du spyod pa blangs pa'o// gsum ni mi g.yo ba bzhin du blangs te spyod pa'o// ya rabs de lta bu spyod pa gsum gyis sgo mang po'i mdo bsdus te/ chos thams cad kyi sgo mo 'dir mi 'jug pa med do/ / spyod pa 'dir zhugs pa ni stong pa'i mtshan ma mi skye'o// de lta bur zhugs pa ni yang dag par gshegs par zhugs zhes byar rung ngo // yang dag par gshegs par zhugs pa ni/ zhugs zhugs na ma zhugs so// ya rabs tshangs par spyod pas gsol pa/ bsam gyis mi khyab par yang dag par gshegs pa'i mdzod du 'jug pa ljang bu las 'bur rnyed pa dang / mtshungs te 'jug pa'i gnas med de// phyi mo rtsa ba rno ba'i grub ste/ phyi mo thob na/ phyi mo bden pa'i mu thob de'i shes rab tu mchis/ sangs rgyas kyis gsungs pa/ shes rab de la grangs med
- 35b
de/ mdo tsam zhig bshad na/ shes rab de la bzhi yod do// bzhi gang zhes byas na/ gcig ni thub pa'i shes rab ste/ 'di ni mi g.yo ba bzhin no// gnyis ni 'gyur ba'i shes rab ste/ de ni thams kyis ni bshig pa'o/ / gsum ni mya ngan las 'das pa'i shes rab ste/ de ni glog gi tshor ba bsal ba'o// bzhi ni mtha' yun gyi shes rab ste/ yang dag pa'i cho ga tshang ba'i lam du 'jug pa'o// ya rabs de lta bu'i don chen po bzhi ni/ snga ma 'das pa'i sangs rgyas rnams kyis spyad bshad pa ste/ zab mo chen po yin no// sems can bstan na shes rab 'di spyad pa'i rigs/ ya rabs tshangs par spyod pa chen po yin no/ / yang don chen po rnam gsum yod de/ ting nge 'dzin gsum phyi nang du gcig la gcig mi gnod do// gnyis ni gzhung chen po 'khor la lam bzhin du bdabs te bsal ba'o// gsum ni mi g.yo ba'i shes rab thub pas snying rje dang gnyis ka rno ba'o// de lta bu'i don gsum gyis byang chub 'byor 'grub bo// de lta bu'i don ma spyad na/ shes rab de bzhin du 'bab mi nus te/ bdud chen po rnams kyis glugs rnyed par 'ong ngo // ya rabs khyed la sogs pa mang pos/ sangs rgyas grub kyi bar du rtag par spyod pa spongs te/ skad cig kyang stong par ma byas shig/ ya rabs tshangs par spyod pas gsol pa/ ji lta bur ting nge 'dzin gsum zhes bgyi/ sangs rgyas kyis gsungs pa/ ting nge 'dzin gsum zhes bya ba de ni stong pa'i ting nge 'dzin dang / mtshan ma med
- 36a
pa'i ting nge 'dzin dang / bya ba med pa'i ting nge 'dzin dang / de lta bu'i ting nge 'dzin no// ya rabs tshangs par spyod pas gsol pa/ ji lta bur na 'khor gzhung chen po 'khor ces bgyi/ sangs rgyas kyis gsungs pa/ chen po bzhi'i gzhung ste/ phung po dang / khams dang / zhugs pa la sogs pa'i 'khor to// phyi mo'i rnam par shes pas gzhung chen po'i 'khor yin no/ / ya rabs tshangs par spyod pas gsol pa/ bsam gyis mi khyab pa'i de lta bu'i shes rab kyi don ni bdag la yang phan/ gzhan la yang phan te/ khams kyi sa las 'das nas/ mya ngan las 'das pa la yang mi chags te/ byang chub kyi lam du chud do// de lta bu'i chos kyi mtshan ma ni skye shi chos yin te/ rnam par rtog pa dang bral na chos ni ma zhi ba'o/ / de nas yang dag par gshegs pas gzhung 'di bslabs pa'i tshigs su bcad pas bshad pa/ chos ni rnam par rtog las skyes// slar yang rnam par rtog la bkag rnam par rtog pa'i chos bkag na/ / chos de skye shi zhi ba med// de nas ya rabs tshangs par spyod pas le'u bshad pa thos nas/ yid la shin tu dga' ste/ gzhung 'di bslab par tshigs su bcad pa bshad do/ / chos rnams stong pa phyi mo zhi// stong pa zhi ba skye ba med// chos gzhan skyes shing shing yin// chos 'di skye ba med pa med// dad dang 'di ni mi mthun te/
- 36b
chad dang rtag dang yod phyir ro// 'di ni gnyis dang bral ba ste// tshig gcig la yang mi 'jug go// chos gcig yod ces bshad pa ni// de'i gzugs spu'i 'khor lo bzhin// smig rgyus chu ru bslad dang mtshungs/ / sgyu ma mi bden rnams phyir ro// chos la med par mthong ba ni// chos stong par ni 'thun pa yin// dmus long gnyis med long ba bzhin// chos rnams rus spel spu dang mtshungs/ / bdag nga sangs rgyas bshad pa thos// chos la gnyis mthong med par rig/ dbu ma la yang mi chags so// de lta bas na chags blangs te// yang dag gshegs pas chos bsha pa/ / kun kyang ma chags med las byung // bdag ni chags pa med gnas nas// yang dag gshegs la phyag 'tshal lo// yang dag gshegs la gus phyag 'tshal// ye shes mi g.yo stong pa bzhin/ / gnas med pa la'ang mi chags te// chags med lus la gus phyag 'tshal// bdag ni gnas kun thams cad na// rtag par yang dag gshegs rnams mthong / / yang dag gshegs pa thams cad kyis// bdag la rtag chos bshad par smon// de nas yang dag par gshegs pas tshig 'di gsungs so// po dge ba rnams khyed la sog/ pa rtag par nyon cig/ khyed mang po la sogs pa la brtag pa'i chos bshad do// pho dge brtag pa'i chos dang / rtag pa med pa'i chos la bshad pa yang med/ yi ge 'bru yang med/
- 37a
bden pa'i yang med/ grol thur yang med/ med pa yang med/ khams kyang med/ mi bden pa'i chad pa'i mu rnams dang bral te/ chos 'di rtag pa med pa med/ de rtag pa dang / chad pa mthong ba rnams dang bral bas shes pa rtag pa yin par mngon par mthong ngo // shes pa ni rtag stong zhi ste/ stong zhi ba yang stong zhi ba'o// pho dge ba stong zhi bar rig ni ma stong // mthong ba'i sems rtag par stong zhi'o// stong zhi ba thob na sems rtag par yang dag par zhugs te/ ming dang kha dog gi rnams rig na/ gti mug gi sems 'ba' zhig yin no// gti mug gi sems kyis rnam par brtags te/ chos rnams bye brag phye na/ tha dad pa gzhan med kyi/ ming dang kha dog las byung ngo // chos de lta bu yin par rig na yi ge'i 'bru dang tshig las mi 'brangs te/ sems dang sems kyi gzhung gis nga la rnam par mi rtog go/ nga sgyu ma'i mi yin par rig na gdod stong pa zhi ba'i thob bo// stong pa zhi ba thob na gdong bla na med pa g.yung drung rdzogs pa'i byang chub thob bo// de nas tshangs pa sa rabs spyod kyis tshig de skad bshad pa thos nas/ tshigs su bcad pa bshad do// ming dang gzugs las rnam par brtags// chos kyi ming dang gsum zhes bya// yang dag mi g.yo drang shes rab/ / de dang bsdoms na lngar 'gyur ro// bdag nga chos de bshad pas su// chad dang rtag pa bcings brtags te// skye dang shi ba'i lam du zhugs// chad pa de ni rtag ma yin// yang dag gshes
- 37b
pas stong chos spyad/ / chad dang rtag pas songs bral lo// rgyu rkyen med pa'i ma ste ste// mi snru bas ni mi shrI'o// rgyu rkyen yong par 'dzin pa ni// stod pa'i me thog zung bzhin// dpe ru me b+h+yo thub bzhin/ / mtho' ru thob par yong mi rung // rgyu rkyen blangs pa rnams dang bral// gzhan las zhi ba'ang ma yin te// bdag gi gzhung yang ma yin no// mi g.yo brten pas bde ba thob// de ni yang dag bden pa'i chos/ / rtag par rang dbang mi g.yo bzhin// chos rnams zad par kun shes pa// las su 'phrul pas sprul pa yin// shes dang bral na chos nyid stong // de bas stong pa'i gnas las bshad/ / skye dang shi ba'i chos bkab ste// mya ngan las su 'dus par gnas// thugs rje chen pos bsdus pas su// mya ngan las 'das mi chags so// bsgyur bas blang bar nus pa ste/ yang dag gshegs pa'i mdzod du chud/ / de nas phal mang pos gzhung de skad bshad pa thos nas/ kun gyis dang po'i srog thob ste/ yang dag gshegs par chud de/ yang dag par gshegs pa'i mdzod kyi mchi'o// rdo rje ting nge 'dzin gyi chos kyi yi ge le'u brgyad de/ mdo 'dzin pa'i le'u'o// / de'i tshe byang chub sems dpa' sa'i snying pos mang po'i nang nas langs nas/ sangs rgyas kyi mdun du phyin nas/ thal mo sbyar ba dang / pus mo btsugs te/ sangs rgyas la gsol pa/ btsun pa bdag gis phal brtags na/ sems can la dogs pa mchis te/ da dung mthul to// yang dag par
- 38a
gshegs pas dogs pa bsal bar bgyis na/ bdag gis phal mang po'i slad du dogs pa bzhin du dri bar 'tshal na/ sangs rgyas byams pas thugs rjes gzigs te gnang bar smon to/ / sangs rgyas kyis gsungs pa/ byang chub sems dpa' sems dpa' chen po khyod kyis de lta bur sems can gyir mda' bya zhing bsgral nus na/ de lta bu'i snying rje chen po ni bsam gyis pi khyab bo// khyod kyis rgya chen por dris shig dang / khyed la dgrol bshad do// byang chub sems dpa' sa'i snying pos gsol pa/ chos so cog thams cad ji ltar na rkyen las ma skyes/ de nas yang dag par gshegs pas gzhung 'di bshad par dgongs nas tshigs su bcad pas bshad do/ / chos rkyen las su skyes na ni// chos rkyen dral na chos med dam// ji lta bus na chos nyid med// rkyen gyis su ni chos skyes sam/ / de nas byang chub sems dpa' sa'i snying pos gsol pa/ chos la skye ba ma mchis su lags na/ ji lta bur na bshad pa la sems las byung zhes bgyi/ de nas btsun pas tshigs su bcad pa 'di gsungs pa/ sems las skyes pa'i chos kyis ni// chos des blang ba blung nus te// dpe ru ra ro mig gis su// stong pa'i me tog mthong dang mtshungs// chos 'di ngo bo nyid bshad pa// de dag dang ni mtshungs ma yin/ / de nas byang chub sems dpa' sa'i snying pos gsol pa/ chos de lta lags su lags na/ chos la sdod pa ma mchis te/ sdod pa ma mchis na chos rab grub pa'i rigs so//
- 38b
de nas btsun pas tshigs su bcad pas bshad do// chos kyi phyi mo yong ye med// bdag dang gzhan yang de bzhin no// thog ma med cing tha ma'ang med// grub dang zhi la'ang mi chags so// de nas byang chub sems dpa' sa'i snying pos gsol pa/ chos so cog gi mtshan ma ni phyi mo nas mya ngan las 'das te/ mya ngan las 'das pa dang stong pa'i mtshan ma yang de bzhin no// de la sogs pa'i chos med pa ni chos mi g.yo ba'i dang 'thun no/ / sangs rgyas kyis gsungs pa/ de lta bu'i med pa/ chos de ni mi g.yo ba yin no// byang chub sems dpa' sa'i snying pos gsol pa/ bsam gyis mi khyab bo// de lta/ bu'i mi g.yo ba'i mtshan ma ni 'thun pa yang ma mchis/ mi mthun pa yang ma mchis te/ yid kyis blangs pa dang / las kyis blangs pa kun stong pa mi g.yo ba'o// stong pa mi g.yo ba'i sems kyi chos dang lhan cig pa dang / mi gcig pa blang du rung ba dang / stong pa zhi ba'i rigs so// de nas btsun pas tshigs su bcad pas bshad do// stong pa mi g.yo'i chos rnams ni// chos dang mi g.yo mi stong ngo // sems de mi g.yo ba yi tshe// des su sems ni thob pa med// byang chub sems dpa' sa'i snying pos gsol pa/ chos de la bden pa ma mchis nas/ kha dog stong pa'i sems kyang zhi'o// chos de phyi mo nas zhi bas chos de zhi ba'i legs pa'i rigs so/ / de nas zhi ba yang ma mchis na/ ji lta bur gcig ces bgyi/ de nas btsun pas tshigs su bcad pa bshad pa/ chos ni gnas mal med la 'dug/ gzugs dang
- 39a
drangs ni stong zhing med/ / ming dang bshad pa chos rnams gnyis// de ni drang ba nus ma yin// de nas byang chub sems dpa' sa'i snying pos gsol pa/ chos so cog gi mtshanam ni 'gram gnyis la mi chags te/ dbus ma 'bab pa la yang mi chags so// sems kyi rnam par shes pa yang de dang mtshungs na/ ji lta bur khams kyi rnams rnam par shes pa las skye zhes bgyi/ rnam par shes pa skye ba yong du lags na/ rnam par shes pa de yang skye ba las byung ba/ ji lta bur rnam par shes pa skye ba med la/ skye ba yod pa kun skye bar nus zhes bgyi/ de nas btsun pas tshigs su bcad pas bshad do/ / skye ba dang ni skye nus gnyis// de gnyis kyis su skyen bya nus// phyi mo nas su gnyis ka med// stong rgyu me tog len dang mtshungs// rnam par shes pa ma skyes te// khams kyang de tshe skyes ma yin/ / khams rnams ma skyes pa yi tshe// de tshe rnam shes pa zhi'o// de nas phyi mo nas mu med// yod dang med dang gnyis ka'ang med// skye ba med pa'i shes pa'ang med// ji ltar de las khams yong rung / / de nas byang chub sems dpa' sa'i snying pos gsol pa/ chos kyi mtshan ma de lta lags te/ phyi nang gnyis ka stong na/ khams dang shes rab gnyis kyang phyi mo nas stong pa zhi ba ste/ yang dag par gshegs pas bshad pa la/ bden pa'i mtshan ma ni yang dag par stong pa ste/ de lta bu'i chos ni 'dus pa ma lags so// sangs rgyas kyis gsungs pa/
- 39b
lta bu mi g.yo ba yang dag pa'i chos ni gzugs kyang med/ chags pa yang med de/ ci yang 'du ba med/ 'du nus pa yang med/ gzhung yang med/ chen po yang med/ phyi mo gcig gi 'khor gyi chos de/ legs pa'i don zab mo'i phung po'o// byang chub sems dpa' sa'i snying pos gsol pa/ bsam gyis mi khyab pa'i phung po la bdun dang lnga ni mi skye/ brgyad dang drug gi stong par zhi ste/ dgu ni/ mtshan ma yang stong pa med do// med pa'i steng pa yang med do// btsun pas bshad pa bzhin te/ chos kyi gzhung kun stong pa'o// stong par zhugs na spyad pa med de/ las kyi rnams ma stor bas nga dang nga'i gnas dang / nus pa'i gnas dang / lus kyis mthong ba dang / phyi nas mdud pas mngags te/ gtsang bar kun stong zhing mi g.yo/ de lta bu'i gzhung dag pa dang / shes rab dang / yang dag nga'i mi g.yo ba bstan par ston no/ / btsun pas rtag tu de lta bu bden pa mi g.yo ba'i stong pa'i chos bstan pa/ sman bzang po lags so// sangs rgyas kyis gsungs pa/ de yin no// de ci'i phyir zhe na/ stong pa'i phyir ro// stong pa'i ngo bo nyid la skye ba med do// sems la rtag par skye ba med do// stong pa'i ngo bo nyid la zhi ba med de/ sems la yang bya ba med do// stong pa'i las 'byung/ 'jug med de/ thob pa dang stong pa'i rnams dang bral bas phung po dang / khams dang / zhugs pa la sogs pa yang med do// sems mi g.yo mi chags pa de dang mtshungs so// byang chub sems
- 40a
dpa' sdong pa'i rnams bshad pa ni/ yod pa'i bshig pa'i phyir ro// byang chub sems dpa' sa'i snying pos gsol pa/ btsun pa yod pa btsal na bden pa ma mchis te smyig rgyu dang chu dang mtshungs/ bden par rig ste/ med pa ma lags na me'i rang bzhin dang mtshungs so// de lta bur rtog pa ni myi mdzangs pa 'gas so// sangs rgyas kyis gsungs pa/ de yin no// ji ltar mi des yang dag pa la brtags te/ stong pa zhi ba'i gcig pu'i mtshan ma la brtags na/ mtshan ma med pa dang mtshungs so// stong pa spyad de blangs nas stong pa spyad pas na/ sangs rgyas mthong ba ma ster ro/ / sangs rgyas mthong ba sprad pas na/ 'bab pa gsum dang bral te/ theg pa chen po'i chos kyi nang na/ grol thar gsum gyi lam mdo gcig ste/ ngo bo nyid med do// de'i ngo bo nyid med pas na stong ngo // stong pa sa mtshan ma med do/ / mtshan ma med pas na bya ba med do// bya ba med pas na btsal ba med do// btsal ba med pas na smon lam med do// de lta bu'i las spad pas na sems gtsang ngo // sems gtsang bas na sangs rgyas mthong ngo / / sangs rgyas mthong ba na yul gtsang mar skye'o// byang chub sems dpa' de lta bu'i zab mo'i chos bstan pas/ gsum 'grub par spyad de/ shes rab dang thub pa grub na gdod khams gsum las 'das so/ / byang chub sems dpa' sa'i snying pos gsol pa/ yang dag gshegs pas bshad pa la skye ba yang med/ zhi ba yang med na/ rtag par med pa
- 40b
yin te/ skye shi bkag na stong zhi ba bkag pa lags so// rtag pas ni mi chad de/ mi chad pa'i chos de khams gsum gyi mi g.yo ba'i chos rnams dang bral te/ bya ba yod pa'i chos la ni me'i don las yol ba dang mtshungs so/ / gang la sogs pa'i chos la rten te/ bdag gis bdag spyod pa la sgo mo de gcig pur 'jug/ sangs rgyas kyis gsungs pa/ byang chub sems dpas don chen po gsum la rang gi sems spyod de/ bden pa chen po gsum gyi spyod pa der 'jug go// byang chub sems dpa' sa'i snying pos gsol pa/ ji lta bur don gsum la bdag gi sems spyod/ ji lta bur na bden pa gsum gyi spyod pa gcig tu 'dug/ sangs rgyas kyis gsungs pa/ don chen po gsum zhes bgyi ba ni rgyu'o// gnyis ni 'bras bu'o// gsum ni rnam par shes pa'o// de lta bu'i don gsum phyi mo nas stong pa med pa ste/ nga dang yang dag pa'i nga med na/ ji lta bur de la sred cing chags pa skye/ don gsum la brtags na bcings par khyer te/ khyer bas sdug bsngal gyi tsher 'bab bo// de bas na rtag par ngadag spro/ bden pa gsum zhes bya ba ni/ gcig ni byang chub kyi lam ste/ mnyam snyoms pa'i bden pa yin gyi/ mi snyoms pa'i bden pa ma yin no// gnyis ni tshor ba chen po'i drang po'i ye shes thob pa'i bden pa yin no/ / gsum ni shes rab dang 'thun pa dang tha dad pa spang pa med pa'i zhugs pa'i bden pa ste/ go bdun spyad pas zhugs pa bden pas ma yin no// bden pa 'di gsum spyad de/ sangs rgyas kyi lam spyad na/ de
- 41a
lta bu'i chos su chud de/ drang po'i tshor ba mi thob pa med do// drang po'i tsher ba'i ye shes thod na/ shin tu byams pa chen por 'bab ste/ bdag dang gzhan gnyis ka la phan pas sangs rgyas kyi byang chub grub bo/ / byang chub sems dpa' sa'i snying pos gsol pa/ btsun pa de lta bu'i chos la rgyu rkyen med do// rkyen la rkyen med na chos kyi rgyu mi ldang // ji lta bur mi g.yo ba'i chos kyis yang dag par gshegs pas chud/ de nas yang dag par gshegs pas gzhung 'di dgrol bar dgongs te/ tshogs su bcad pa bshad do// chos rnams kun gyi mtshan ma ni// chos de'i tshe na g.yo ba med// chos la tha dad dus kyang med/ / de yi tshe na g.yo ba med// chos la tha dad dus kyang med// tha dad dus las ma langs so// chos la g.yo med mi g.yo'o// ngo bo stong pa mi g.yo zhing // ngo bo stong zhing zhi ba'i tshe// chos de de yi/ tshe na byung // mtshan ma bral bas stong par gnas// stong par gnas pas dmigs pa med// rkyen las ldang ba'i chos kyi rnams// chos de las ni rkyen mi skye// rgyu dang rkyen dang skye ba med// skye ba'i stong pa ngo bo stong / / rkyen gyi rang bzhin rkyen bya nus// rkyen de'i phyi mo rkyen las g.yos// chos g.yos pas ni rkyen kyang med// rkyen med na ni g.yo ba'ang med// rgyu rkyen las su skyes pa'i chos// chos nyid de ni rgyu rkyen yin/ / rgyu rkyen gyi ni skye shi gzugs// de la skye dang shing 'ang med// de ni yang dag bden gzugs bzhin// phyi mo nus su 'byung nus med// chos rnams de yi tshe na ni// byung zhing nus par rang las
- 41b
skyes/ / shin tu gtsang ma'i phyi mo nyid// phyi mo'i rgyu yi stobs ma yin// phyin chad de yi gnas thob pa// thob pa'i phyi mo'i gtsang ma thob// de nas byang chub sems dpa' sa'i snying pos sangs rgyas kyis bshad do cog thos nas/ sems yid tshim ste/ de'i phal mang po rnams dog pa med de/ phal mang po rnams shes zin nas/ tshigs su bcad pa bshad do// bdag gis phal gyi sems ngag rig/ de lta bas na btud par dris// yang dag gshegs pa dge byams che// bye brag phye ste lus pa med// rnam gnyis kyis ni phal mang po// kun gyis rnam zhi mngon par thob// bdag gis da ni zin nas kyis/ / sems can thams cad khyab par bstan// yang dag gshegs pas thugs rjes su// phyi mo'i smon lam yong ma btab// de bas bu gcig sa gnas su// 'jig rten mya ngan khams su gnas/ de nas yang dag par gshegs pas/ phal mang po la bka' stsal pa/ byang chub sems dpa' 'di bsam gyis mi khyab ste/ 'khor mor byams pa chen po spyad de/ sems can sdug bsngal las byung ngo // sems can la la zhig yi ge 'di chos gzungs su 'dzin cing / byang chub sems dpa' de'i ming dang gzungs su 'dzin na/ las ngan par mi ltung ste/ bsgribs pa'i dgegs thams cad kun bsal te med do// sems can la la zhig go bdun gzhan bsam pa med par mi g.yo ba'i 'od/ byang chub thob par byas so// de'i tshe byang chub sems dpas rtag par lus sprul te/ chos bshad nas mi de'i mgon skyabs
- 42a
byas te/ mthar skad cig skad cig kyang mi gtong zhing mi de la sogs pa bsgyur te/ bla na med pa gsung drung rdzogs pa'i byang chub thob par byas so// khyed la sogs pa byang chub sems dpa' sems can la ston cing slob na/ ji lta bu theg pa chen po gzhung mi 'gyur ba bye brag phyed pa kuni spyod sbyor du tshud cig/ de nas dga' bo 'dug pa stan las langs te/ mdun du sangs rgyas la gsel ba yang dag par gshegs pas theg pa chen po'i bsod nams kyi phung po yang dag par mdud pa gcod pa skye ba med po'i tshor ba bsod pa bshad pa/ bsam gyis mi khyab pa de lta bu'i chos kyi ming ci zhes bgyi/ chos kyi gzhung de mnos te gzungs su bzung na/ bsod nams ji tsam zhig thob/ sangs rgyas kyi byams pa'i thugs rjes bdag la dgrol bshad par smon to// sangs rgyas kyis gsungs pa/ pho dge ba chos kyi yi ge 'di'i ming ni bsam gyis mi khyab ste/ snga ma 'das pa'i sangs rgyas rnams kyis 'ong bar dgongs pas/ yang dag par gshegs pa'i ye shes kyi mtshor chud par gsungs so// sems can la la zhig gis chos kyi yi ge 'di gzungs su 'dzin pa gcig yod na/ chos kyi yi ge thams cad la ci yang re zhing btsal ba med/ chos kyi yi ge 'dis ni chos kun gyi mdo btus te/ chos so cog gi ces pa bsdus so// chos kyi yi ge rnams kyi phyi mo'i bsams pa ste/ chos kyi yi ge'i ming ni theg pa chen po bsdus pa'o// yang ming rdo rje'i ting nge 'dzin zhes kyang bya'o// yang ming dpag tu med pa'i gzhung gi phyi mo zhes kyang bya ste/ mi la la zhig gis chos
- 42b
kyi yi ge 'dir mnos te gzungs su 'dzin pa zhig yod na/ de brgya stong gis sangs rgyas gzungs su 'dzin pa ste/ de lta bu'i legs pa'i don ni dper nam mkha' dang mtshungs/ mu mtha' med de/ bsam gyis mi khyab pa'i chos kyi yi ge 'di gtams bcol lo/ / dga' bos gsol pa/ ji lta bu'i sems sdod pa dang / ji lta bu'i mes chos kyi yi ge 'di mnos shing gzungs su 'dzin/ sangs rgyas kyis gsungs pa/ po dge ba chos kyi yi ge 'di mnos shing gzungs su 'dzin pa'i mi de ni sems thob pa dang / stor ba med la rtag tu tshangs par spyod pa spad de/ 'gran tor brjod pa la yang rtag par mi g.yo ba'i sems la dad grong khyim du zhugs pa yang sems rtag par thub pa la 'dug go/ / khyim du 'dug na yang yod pa gsum la ma chags pa/ de lta bu'i da ltar gyi tshe'i dus la dpal yon rnam pa lnga yod do// gcig ni ngaphal gyis btsun zhing gus pa'o/ / gnyis ni lus nyi 'drog tu mi 'chi'o// gsum ni yon po chad pa yin/ myur du lan lon pa'o// bzhi ni sems can bsgral ba la sred pa'o// lnga ni 'phrul gyi lam du 'jug nus pa ste/ de lta bu'i mis ni chos kyi yi ge 'di mnos shing gzungs su 'dzin to// dga' bos gsel pa/ de lta bu'i mi ni sems can gyi rnams bsal la/ yon blang du rung ngam mi rung / sangs rgyas kyis gsungs pa/ de lta bu'i mis ni sems can rnams kyi phyir dpal zhing chen po byas nas/ rtag par shes rab chen po spyad de/ dpal gyi rang bzhin bden pa gnyis ka gnas/ dge 'dun gyi gzhi
- 43a
rten pa yin te/ yon rnams la mgo dang / mig dang / rkang pa dang / klad pa dang / de kun kyang blang du rung na/ gos dang kha zas blung du rung ba lta spros kyang ci dgros/ pho dge ba de/ lta bu'i mi ni khyod kyi dge ba'i bshes gnyen yin/ khyod kyis zab pa yin na/ mi tha mal pa lta smos kyang ci dgos na/ yon mi 'bul/ dga' bos gsol pa/ mi de la chos kyi yi ge de mnos te/ gzung / su gzung ba yon phul na/ mi des dpal yon ji tsam thob/ sangs rgyas kyis gsungs pa/ yang mi la la zhig gis mkhar gang ba'i gser dngum khye ge sbyar bar byas pas mi des chos kyi bshad zin nas/ de'i tshe dga' bo dang / byang chub sems dpa' dang / phal ba de bzhin kun shin tu dga' ste/ sems kyis yang dag pa'i mir gyur pa thob nas/ sangs rgyas kyi zhabs la spyi bos phyag 'tshal te/ dga' nas gus par byed do/ / rdo rje'i ting nge 'dzin chos kyi yi ge bam pa'o// rdzogs so// / rgya gar skad du/ Ar+ya ta thA ga ta dz+nyA na mu d+hA nA ma sa mA~M d+hi ma hA sa na sU tra/ bod skad du/ 'phags pa de bzhin gshegs pa'i ye shes kyi phyag rgya'i ting nge 'dzin ces bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ 'od ma'i tshal bya ka lan ta ka'i gnas na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa'
- 43b
bye ba phrag sum cu thams cad kyang gzungs thob pa/ spobs pa thogs pa med pa/ ting nge 'dzin thob pa/ stong pa nyid kyi ting nge 'dzin la gnas pa/ mtshan ma med pa'i spyod yul ba/ smon lam bcos pa ma yin pa/ smon pa med pa la gnas pa/ spyod lam bcos pa med pa/ sgo mtha' yas pa bsgrub pa'i gzungs thob pa/ mnyam pa nyid du bzod pa thob pa/ mnyam pa nyid thob pa/ thogs pa med pa'i gzungs thob pa/ sems can thams cad kyi dbang po mchog dang mchog ma yin pa shes pa dang / bsam pa dang / spyod pa'i tshul shin tu shes pa sha stag dang thabs cig tu bzhugs te/ de nas de'i tshe bcom ldan 'das de bzhin gshegs pa'i byin gyi rlabs sangs rgyas thams cad kyi yul la 'jug pa'i ting nge 'dzin gzugs med pa/ bstan du med pa/ gzung ba med pa/ thogs pa med pa/ snang ba med pa/ rnam par rig par med pa/ rnam par rig par bya ba ma yin pa/ sems dang / yid dang / rnam par shes pa dang bral ba/ rtsa ba med pa/ rten med pa/ dmigs su med pa/ mi mnyam pa dang mnyam pa/ mnyam pa med pa// zla ba med pa/ nga'i ba med pa/ yongs su 'dzin pa/ mi bya ba med pa/ ma byas pa/ ma song ba/ ma 'ongs pa/ 'gro ba med pa/ mi gnas pa/ rgyun chad pa med pa/ gnas pa med pa/ mtshan ma med pa/ mtshan ma thams cad dang bral ba/ blang ba med pa/ dor ba med pa/ 'dus ma byas pa/ mngon par 'du mi byed pa/ 'dru ba med pa/ dral ba med pa/ sems dang bral ba/ kun tu 'brang ba med pa/ rtsom pa med pa/ yongs su grub pa med pa/
- 44a
ma byung ba/ kun tu ma byung ba/ rab tu rgyu ba med pa/ yang dag par rgyu ba med pa/ shin tu stong pa/ 'dre ba med pa/ chos thams cad la sgo btags pa med pa 'di lta ste/ sangs rgyas thams cad kyi yul la 'jug pa'i gzungs kyi sgo de bzhin gshegs pa'i ye shes kyi phyag rgya zhes bya ba'i ting nge 'dzin la snyoms par zhugs so/ / ting nge 'dzin de la snyoms par zhugs ma thag tu/ bcom ldan 'das kyi sku yang mi snang / sku'i mtshan ma yang mi snang / sems dang sems kyi mtshan ma yang mi snang / na bza' dang na bza'i mtshan ma yang mi snang / gdan dang gdan gyi mtshan ma yang mi snang // gzims pa dang gzims pa'i mtshan ma yang mi snang / 'chag pa dang 'chag pa'i mtshan ma yang mi snang / bzhengs pa dang bzhengs pa'i mtshan ma yang mi snang / gnas pa dang gnas pa'i mtshan ma yang mi snang / grib ma'i dbyibs dang grib ma'i dbyibs kyi mtshan ma yang mi snang / bzhugs pa dang bzhugs pa'i mtshan ma yang mi snang / sgra dang sgra'i mtshan ma yang mi grag go// de nas ting nge 'dzin de'i mthu dang sangs rgyas kyi byin gyis rlabs kyis/ stong gsum gyi stong chen po'i 'jig rten gyi khams 'di snang ba chen pos khyab par gyur nas/ 'di lta bu'i 'od kyis snang bar byas te/ 'od des stong gsum gyi stong chen po'i 'jig rten gyi khams 'di na/ zla ba'i 'od kyang mi snang / nyi ma dang / skar ma dang / me dang / nor bu dang / glog gi 'od rnams kyang mi snang / dri za rnams dang / mi 'am ci rnams dang / 'dod pa na spyod pa dang / gzugs na spyod pa'i lha rnams dang / skangs
- 44b
rnams dang / lha'i gzhal med khang gi 'od kyang mi snang / brgya byin dang / tshangs pa dang / 'jig rten skyong ba rnams kyi 'od kyang mi snang ngo // sangs rgyas kyi byin gyi rlabs dang / ting nge 'dzin de'i mthus gang lha kha cig kyang lngalha'i dri mi tshor te/ stong gsum gyi stong chen po'i 'jig rten gyi khams 'di thams cad lha'i dri las shin tu 'das pa'i dris dri rab tu zhim par byas so// 'jig rten gyi bar thams cad kyang ning bar gyur/ khor yug gi ri dang / khor yug gi ri chen po yang snang bar byas/ ri rab dang / de ma yin pa'i ri'i rgyal po gzhan dag dang / ri nag po dag kyang snang bar gyur te/ phyis ni sems can gang gi mig gi dbang po yang snang bar ma gyur to// stong gsum gyi stong chen po'i 'jig rten gyi khams 'di thams cad kyang / rin po che'i dra bas kun nas bskor bar gyur to// sangs rgyas kyi zhing mi mjed 'dir thams cad du yang dar gyi lnga ldis bres shing / pog snod nas spos kyis bdugs la/ me tog sna tshogs bkram par gyur to// sangs rgyas kyi mthus 'od ma'i tshal bya ka lan ta ka'i gnas kyang / bya rgod kyi phung po'i ri dang bcas te/ de dag thams cad lag mthil bzhin du mnyam par gyur cing / shing rta'i 'phang lo tsam gyi rin po che sna tshogs kyi pad+ma chen po 'dab ma brgya stong yod pa/ dri rab tu zhim zhing yid du 'ong bas kun gang bar gyur to// steng gi bar snang las kyang rin po che'i dra ba'i gdugs kyis g.yogs shing brgyan no/ / yul ma ga d+ha thams cad kyang / gos ka tsa lin di ka ltar reg na bde bar gyur to// de nas shar phyogs su sangs rgyas kyi zhing gang+gA'i klung
- 45a
gi bye ma snyed dag na/ byang chub sems dpa' sems dpa' chen po/ bla na med pa yang dag par rdzogs pa'i byang chub tu sems skye ba gcig gis thogs pa tshad med grangs med dpag tu med pa brgya stong rnams kyang / so so'i sangs rgyas bcom ldan 'das de dag gis bskul te/ rigs kyi bu dag 'jig rten gyi khams mi mjed du deng zhig/ de na de bzhin gshegs pa dgra bcom pa yang dag par rdzogs pa'i sangs rgya shAkya thub pa zhes bya ba da ltar yang bzhugs te/ 'tsho zhing gzhes la chos kyang ston pa de sangs rgyas thams cad kyi yul la 'jug pa'i gzungs kyi sgo de bzhin gshegs pa'i ye shes kyi phyag rgya zhes bya ba'i ting nge 'dzin la snyoms par zhugs so/ / rigs kyi bu dag ting nge 'dzin de thos pa tsam gyis kyang byang chub sems dpa' rnams kyi gces sprasgras byed par 'gyur te/ thabs mkhas pa med par bskal pa brgya stong du mar pha rol tu phyin pa drug la spyad pa ni de lta ma yin gyis/ ting nge 'dzin de nyan du deng zhig/ de nas byang chub sems dpa' sems dpa' chen po de dag so so'i de bzhin gshegs pa rnams kyi ltar mnyan nas/ bcom ldan 'das de dag la phyag 'tshal te/ skad cig thang cig yud tsam zhig la/ sangs rgyas kyi zhing de dag nas mi snang bar gyur nas/ rang rang gi mngon par shes pa'i rdzu 'phrul gyi stobs bskyed pas/ mi mjed kyi 'jig rten gyi khams 'di gal ba dang / dbus kyi gling bani pa ga la ba dang / 'dzam bu'i gling ga la ba dang / rgyal po'i khab kyi grong khyer chen po ga la dang / 'od ma'i tshar bya/
- 45b
la ka gnas gal ba dang / bcom ldan 'das de bzhin gshegs pa dam bcom pa yang dag par rdzogs pa'i sangs rgyas grub pa ga la pa der 'os te lags nas/ bcom ldan 'das de bzhin pa pa dgra bcom pa yang dag par rdzogs pa'i sangs rgyas shAkya thub pa'i zhabs la mgo bos phyag 'tshal te/ bcom ldan 'das la lan gsum bskor ba byas nas/ phyogs gcig tu 'khod de/ bcom ldan 'das kyis gnang nas/ de dag thams cad rin po che rna chos kyi pad+ma chen po la skyil mo krung bcas te 'khod do// de bzhin du sbyar te/ lho phyogs dang / nub phyogs dang / byang phyogs dang / 'og gi phyogs dang / steng gi phyogs dang / de bzhin du phyogs dang / phyogs mtshams dang / phyogs mtshams dang nye ba dang / phyogs bcu kun tu sangs rgyas kyi zhing gang+gA'i klung gi bye ma snyed dag na/ byang chub sems dpa' sems dpa' chen po bla na med pa yang dag par rdzogs pa'i byang chub tu skye ba gcig gis thogs pa tshad med grangs med dpag tu med pa brgya stong de dag so so'i de bzhin gshegs pa de dag gis bkye ste/ rigs kyi bu dag khyed 'jig rten gyi khams mi mjed du de zhig/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar yang bzhugs te/ 'tsho zhing gnas la chos kyang spyod pa de/ sangs rgyas thams cad kyi yul la 'jug pa'i gzungs kyi sgo de bzhin gshegs pa'i ye shes kyi phyag rgya zhes bya ba'i ting nge 'dzin 'di la snyoms par zhugs so// rigs kyi bu dag ting nge 'dzin de'i ming/
- 46a
thos pa tsam gyis kyang / byang chub sems dpa' rnams kyi gces spras byed par 'gyur te/ thabs mkhas pa med par bskal pa brgya stong du pha rol tu phyin pa drug la spyad pa ni/ de lta ma yin gyis/ ting nge 'dzin de nyan du deng zhig/ de nas byang chub sems dpa' sems dpa' chen po de dag so so'i de bzhin gshegs pa de dag gi ltar mnyan nas/ bcom ldan 'das de dag la phyag 'tshal te/ skad cig thang cig yud tsam gcig la sangs rgyas kyi zhing de dag nas mi snang bar gyur nas/ rang rang gi mngon par shes pa'i rdzu 'phrul gyi stobs bskyed pas/ mi mjed kyi 'jig rten gyi khams 'di ga la ba dang / dbus kyi gling bzhi pa ga la ba dang / 'dzam bu'i gling ga la ba dang / rgyal po'i khab kyi grong khyer chen po ga la ba dang / 'od ma'i tshal bya ka lan ta ka'i gnas ga la ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der 'ongs te lhags nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i zhabs la mgo bos phyag 'tshal nas/ phyogs gcig tu 'khod de/ bcom ldan 'das kyis gnang nas/ de dag thams cad rin po che sna tshogs kyi pad+ma chen po la skyil mo krung bcas te 'khod do/ / stong gsum gyi stong chen po'i 'jig rten gyi khams 'di na/ dge slong gang dag nyan thos kyi theg pa pa 'am/ rang sangs rgyas kyi theg pa pa 'am/ byang chub sems dpa'i theg pa pa la gnas pa yul so sor rgyu zhing
- 46b
dong ba de dag thams cad kyang sangs rgyas kyi mthungang / sangs rgyas kyi byin gyi rlabs kyis byargod phung po'i rig la ba dang / bcom ldan 'das ga la ba der 'ongs te lhags nas/ bcom ldan 'das gang du yang ma mthong ngo / / ma mthong nas thal mo sbyar te phyag 'tshal lo// 'di ltar de bzhin gshegs pa'i ye shes kyi phyag rgya'i ting nge 'dzin 'di'i gzi brjid kyi mthus skad cig thang cig yud tsam de nyid la 'od ma'i tshal bya ka laH ka'i gnas su/ bcom ldan 'das kyi 'khor gyi dkyil 'khor du byang chub sems dpa' bye ba phrag brgyad cu 'dus par gyur te 'khod do// nyan thos 'bum phrag gsum yang 'dus par gyur te 'khod do// stong gsum gyi stong chen po'i 'jig rten gyi khams 'di'i brgya byin dang / tshangs pa dang / 'jig rten skyong ba dang / dbang phyug chen po dang / gnas gtsang ma'i ris kyi lha'i bu rnams dang / lha thams cad dang / lha'i dbang po rnams dang / klu thams cad dang / klu'i dbang po rnams dang / gnod sbyin thams cad dang / gnod sbyin gyi dbang po rnams dang / dri za thams cad dang / dri za'i dbang po rnams dang / lha ma yin thams cad dang / lha ma yin gyi dbang po rnams dang / nam mkha' lding thams cad dang / nam mkha' lding gi dbang po rnams dang / mi 'am ci thams cad dang / mi 'am ci'i dbang po rnams dang / lto 'phye chen po thams cad dang / lto 'phye chen po'i dbang po rnams dang / 'dab bzangs thams cad dang / 'dab bzangs kyi dbang po rnams dang / de dag thams cad so so'i g.yog srog chags bye ba khrag khrig brgya stong mang po dang / 'od ma'i tshal bya ka lan ta ka'i gnas
- 47a
ga la ba dang / bcom ldan 'das ga la ba der 'ongs te lhags nas/ bcom ldan 'das gang du yang ma mthong ngo // ma mthong nas thal mo sbyar te phyag 'tshal lo// de'i tshe dbang che ba dang dbang che bar grags pa'i byang chub sems dpa' sems dpa' chen po dang / nyan thos chen po dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / dge slong dang / dge slong ma dang / dge bsnyen dang / dge bsnyen ma dag gis stong gsum gyi stong chen po'i 'jig rten gyi khams 'di steng du srid pa'i rtse mo man chad sa phyogs gang yang ma gang ba med de/ tha na skra'i rtse mo'i cha bzhag pa tsam yang ma gang ba med par gyur to// de nas gnas brtan shA ra dwa ti'i du dang / mo'u 'gal gyi bu chen po dang / gnas brtan gsus po che dang / ka ta'i bu chen po dang / 'od srungs chen po dang / tshe dang ldan pa byams ma'i bu gang po dang / gnas brtan rab 'byor dang / nyan thos chen po de dag thams cad 'jam dpal gzhon nur gyur pa ga la ba der dong ste phyir nas/ 'jam dpal gzhon nur gyur pa la 'di skad ces smras so/ / 'jam dpal de bzhin gshegs pa da ltar gang na bzhugs/ de bzhin gshegs pa'i sku'i tshul 'di ci 'dra/ de bzhin gshegs pa'i bzhugs pa de ni 'dra/ de skad ces smras pa dang / 'jam dpal gzhon nur gyur pas/ nyan thos chen po de dag la 'di skad ces smras so// tshe dang ldan pa dag khyed thams cad kyang nyan thos chen po shes rab dang ldan pa/ rdzu 'phrul chen po dang
- 47b
ldan pa/ mthu che ba/ dbang che ba/ mkhas pa chen po/ ting nge 'dzin la dbang thob pa/ yun ring po nas tshangs par spyod pa spyad pa yin na/ tshe dang ldan pa dag so so nas ting nge 'dzin la snyoms par zhugs la de bzhin gshegs pa'i sku dang / de bzhin gshegs pa'i bzhugs pa yongs su tshol cig/ de bzhin gshegs pa'i sku de ga la yod pa dang / de bzhin gshegs pa'i sku de ci 'dra ba dang / de bzhin gshegs pa'i bzhugs pa ci 'dra ba yongs su tshol cig/ de nas nyan thos chen po de dag rang rang gi ting nge 'dzin la snyoms par zhugs nas/ stong gsum gyi stong chen po'i 'jig rten gyi khams 'di thams cad du brtags te/ brtags kyang de bzhin gshegs pa'i sku yang ma mthong / de bzhin gshegs pa'i bzhugs pa yang ma mthong ngo // de nas nyan thos chen po de dag gis de ltar stong gsum gyi stong chen po'i 'jig rten gyi khams 'di thams cad du brtags na/ de bzhin gshegs pa'i sku yang ma mthong / de bzhin gshegs pa'i bzhugs pa yang ma mthong nas/ rang rang gi ting nge 'dzin las langs te/ yang 'jam dpal gzhon nur gyur pa la 'di skad ces smras so// 'jam dngal kho bo cag gis ni/ de bzhin gshegs pa'i sku dang / de bzhin gshegs pa'i bzhugs pa yang ma mthong ngo // de skad ces smras pa dang / 'jam dpal gzhon nur gyur pas/ nyan thos chen por dag la 'di skad ces smras so/ / de'i phyir tshe dang ldan pa nyan thos chen po khyed cang ma smra bar thal mo sbyor la/ sems rtse gcig tu de bzhin gshegs pa yid la gyis te/ skad cig sdod cig dang / de bzhin gshegs pa'i/
- 48a
sku dang / de bzhin gshegs pa'i bzhugs pa yang mthong bar 'gyur ro// de nas bcom ldan 'das dran pa dang ldan zhing mkhyen bzhin du ting nge 'dzin de las bzhengs so// bcom ldan 'das ting nge 'dzin las bzhengs ma thag tu/ stong gsum gyi stong chen po'i 'jig rten gyi khams 'di rnam pa drug dang / ltas bco brgyad du g.yos/ rab tu g.yos/ kun tu rab tu g.yos so// 'gul/ rab tu 'gul/ kun tu rab tu 'gul to// ldeg/ rab tu ldeg/ kun tu rab tu ldeg go/ 'khrugs/ rab tu 'khrugs/ kun tu rab tu 'khrugs so// 'ur 'ur/ rab tu 'ur 'ur/ kun tu rab tu 'ur 'ur ro// cham chem/ rab tu chem chem/ kun tu rab tu chem chem mo// shin tu lam me/ shin tu thal le/ shin tu lhang nge'o// bcom ldan 'das la mchod pa'i phyir/ lha'i me tog gi char mngon par bab cing / lha'i sil snyan dang / glu dbyang kyang len to/ / de nas tshe dang ldan pa shA ra dwa ti'i bu stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das ting nge 'dzin gang la bzhugs pas/ de bzhin gshegs pa'i sku nyan thos chen po rnams kyi shes rab mig gis mi mthong ba'i ting nge 'dzin 'di ci 'dra/ bcom ldan 'das de bzhin gshegs pa'i bzhugs pa de ci 'dra/ de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa
- 48b
ti'i bu ting nge 'dzin 'di nyan thos dang / rang sangs rgyas thams cad kyis ma yin gyi/ shA ra dwa ti'i bu 'di ni de bzhin gshegs pa'i sa ste/ sangs rgyas kyi rnam par 'phrul pa dang / cho 'phrul chen po 'di ni bsam gyis mi khyab pa'o/ / 'on kyang shA ra dwa ti'i bu legs par rab tu nyon la yid la zung zhig dang / de bzhin gshegs pa'i sku'i phyogs tsam zhig ngas khyod la bshad de bstan to// bcom ldan 'das legs so zhes gsol te/ tshe dang ldan pa shA ra dwa ti'i bu bcom ldan 'das kyi ltar nyan pa dang / de la bcom ldan 'das kyis 'di skad ces bka' stsal to// shA ra dwa ti'i bu de bzhin gshegs pa'i sku yang dag pa nyid de ni mig thams cad kyi lam las yang dag par 'das pa/ nam mkha' dang mtshungs pa ste/ de ni lus med pa/ ma byas pa/ ma skyes pa/ ma 'gags pa/ ma byung ba/ yang dag par ma byung ba/ rab tu ma byung ba/ thob pa med pa/ gdags pa med pa/ ma zhugs pa/ mngon par ma grub pa/ mtha' med pa/ mu med pa/ zhi ba/ rab tu zhi ba/ nye bar zhi ba/ gnas med pa/ skye ba med pa/ tshig gi lam ma yin pa/ rnam par rig pa med pa/ kun tu 'byung ba med pa/ rgyu med pa/ rab tu rgyu ba med pa/ rgyu ba dang bral ba/ shin tu rnam par dag pa/ ci yang ma yin pa/ ci yang med pa/ len pa med pa/ blang ba med pa/ g.yo ba med pa/ spyod pa med pa/ brten pa med pa/ ma skyes pa ma byung ba/ las med pa/ rnam par smin pa med pa/ ma mthong ba/ ma thos pa/ rnam par ma shes pa/ ma chags pa/ ma bcings pa/ ma grol ba/ yod po ma yin pa/ dran pa ma yin pa/ ma bsnams pa/
- 49a
ma myangs pa/ ma mthong ba/ rnam par rig pa med pa/ rnam par rig par bya ba ma yin pa/ rnam par rig pa med pa'i mtshan nyid/ sems med pa/ bsam gyis mi khyab pa/ bsam par bya ba ma yin pa/ sems ma yin pa/ sems pa dang bral ba/ sems mnyam pa nyid dang ldan pa/ mnyam pa med pa/ sems kyi 'jug pas mi chud pa/ 'gro bar ma song ba/ 'gro ba med pa/ 'gro ba dang bral ba/ 'gro ba thams cad chad pa/ mi chod pa/ pags pa med pa/ gcad du med pa/ phrag pa med pa/ bltar med pa/ rmad du byung ba/ rdzas med pa/ rdzas ma yin pa/ dngos po med pa/ tha dad pa ma yin pa/ tha dad pa med pa/ ma byung ba/ yang dag par ma byung ba/ mi 'khrugs pa/ mi rtog pa/ rnam par mi rtog pa/ rtsom pa med pa/ ma grub pa/ kun tu ma grub pa/ ma grub pa/ khyab pa med pa/ mi g.yo ba/ mi gnas pa/ ma reg pa/ 'dod par bya ba ma yin pa/ 'od med pa/ mi snang ba/ gzung ba med pa/ snang ba med pa/ mun pa med pa/ mun pa ma yin pa/ mun pa dang bral ba/ gsal ba ma yin pa/ gnas med pa/ gnas dang bral ba ma zhi ba/ rab tu ma zhi ba/ zhi ba med pa/ zhi ba dang bral ba/ zhi ba nyams pa/ dag pa/ rnam par dag pa/ yongs su dag pa/ ci yang med pa/ len pa med pa/ nye bar len pa med pa/ mdza' ba med pa/ 'thab pa med pa/ 'thab pa dang bral ba/ mi gnas pa'i tshul gyis gnas pa/ mdud pa med pa/ mdud pa dang bral ba/ dang ba/ rnyog pa med pa/ shi 'pho med pa/ shi 'phor 'gyur ba med pa/ chos med pa/ chos ma yin pa med pa/
- 49b
zhing med pa/ zhing ma yin pa med pa/ mi zad pa/ zad par bya ba ma yin pa/ zad pa dang bral ba/ rdul med pa/ skad cig pa/ mi 'khrugs pa/ yi ge yongs su spangs pa/ sgra yongs su spangs pa/ dbyangs yongs su spangs pa/ bshad pa yongs su spangs pa/ bsgom pa yongs su spangs pa/ sems pa yongs su spangs pa/ sems yongs su sbyangs pa/ rigs pa med pa/ rigs pa med pa ma yin pa/ rig pa ma yin pa 'gas pa dang bral bayin pa/ ldan pa ma yin pa/ ldan pa med pa ma yin pa/ mi ldan pa ma yin pa/ zad pa med pa/ zad pa med pa ma yin pa/ 'chi ba med pa/ 'chi ba med pa ma yin pa/ zhi bar bya ba ma yin pa/ mtshan ma med pa/ mtshan ma med pa ma yin pa/ dpag tu med pa/ dpag tu med pa ma yin pa/ dpag par bya ba ma yin pa/ ma song ba/ ma 'ongs pa/ gnyis su med pa ma yin pa/ dmigs par bya ba ma yin pa/ tshu rol ma yin pa/ pha rol ma yin pa/ gzhi med pa/ gnas med pa/ mi dbyung gami 'jig pa/ mi 'phos pa/ mnyan du med pa/ pha rol gnon pa med pa/ len pa med pa/ 'dor ba med pa/ mtshan nyid med pa/ mtshan nyid dang bral ba/ mtshan nyid ma yin pa// tshan nyid yongs su spangs pa/ las med pa/ las med pa ma yin pa/ mtshan med pa/ mtshan med pa ma yin pa/ mtshan gyis brgyan pa/ sgo med pa/ mi chags pa/ chags pa dang bral ba/ dad par byed pa/ sbyar ba med pa/ sbyar ba dang bral ba/ bde bar byed pa/ mchog tu dga' bar byed pa/ skye mched drug las grol ba/ mi snang ba/ de bzhin nyid kyis rab tu phye ba/ de kho na nyid de bzhin nyid/ sems can
- 50a
rnams mi sgrol ba'i tshul gyis sgrol pa/ sems can rnams mi 'grol ba'i tshul gyis 'gro ba ba/ sems can rnams yongs su mi sbyong ba'i tshul gyis sbyong ba/ sems can rnams yongs su mi skyob pa'i tshul gyis skyob pa/ gnyis su med pa'i tshul gyis sems can rnams la chos kyang ston pa/ mnyam pa med pa/ mi mnyam pa dang mnyam pa/ 'dra ba med pa/ bla med pa/ mi mchi ba dang mnyam pa/ nam mkha' dang mnyam pa/ gnas med pa dang mnyam pa/ shin tu mnyam pa/ ma skyes pa/ skye ba med pa dang mnyam pa/ mi dmigs pa/ dmigs pa med pa dang mnyam pa/ ma zhi ba/ zhi ba dang bral ba/ zhi ba nyams pa/ zhi ba/ rab tu zhi ba/ nye bar zhi ba/ 'jam pa/ mnyen pa/ shin tu dri ma med pa/ shin tu dul ba/ rtag pa ma yin pa/ chad pa ma yin pa/ spyod pa las ldog pa/ ldog pa med pa nges pa/ 'jigs pa las ldogs pa/ phyir mi ldogs pa/ 'dzin pa thams cad gcod pa/ mdud pa thams cad gcod pa/ gsal ba/ tha dad pa med pa/ gnyis su med pa/ gnyis dang bral ba/ gnyis su med par yongs su bstan pa/ ma byas pa'i ngo bo nyid/ rang bzhin gyis 'od gsal ba/ shin tu kun tu 'byung ba med pa/ rnam par ma gro ba'i tshul gyis spyod pa las rnam par grol ba/ 'du ba med pa/ dral ba med pa/ ring po ma yin pa/ thung ngu ma yin pa/ zlum po ma yin pa/ gru bzhi ma yin pa/ kun tu dkyil 'khor ma yin pa/ sbom po ma yin pa/ phung pos rab tu phye ba ma yin pa/ khams kyis rab tu phye ba ma yin pa/ skye mched kyis rab tu bye ba ma yin pa/ 'dus byas
- 50b
su rnam par brtag pa ma yin pa/ 'dus byas las byung ba ma yin pa/ 'phel ba med pa/ bri ba med pa/ sogs pa med pa/ ma skyes pa/ sus kyang ma mthong ba/ ma thos pa/ rnam par ma shes pa/ yang dag pa ma yin pa/ yang dag pa ma yin pa'ang ma yin pa/ me skyes pa/ 'chi 'pho ba ma yin pa/ 'jig rten dang lhan cig pa ma yinas yang ma yin pa/ lhani cig pa ma yin pa'ang ma yin pa ste/ lus de ni g.yo ba med pa/ 'khrul pa med pa rgod pa med pa/ rgyu ba med pa/ rnam par rgyu ba med pa/ bsgom pa med pa/ bsgom pa dang bral ba ma yin pa/ 'byung ba ma yin pa/ 'jig pa ma yin pa/ ngo bo nyid med pa/ ngo bo nyid med pa'ang ma yin pa/ sems pa med ston pa med pa/ sbyor ba med pa/ mi sbyor ba/ mi sbyor ba'ang ma yin pa/ 'dod pa la 'dod chags ma yin pa/ 'dod pa la 'dod chags med pa ma yin pa/ med pa/ med pa ma yin pa/ mtshan nyid med pa/ mtshan nyid med pa ma yin pa/ ma ngan las 'da' ba med pa/ yongs su mya ngan las ma 'das pa/ gnas pa med pa/ gnas pa med pa ma yin pa ste/ shA ra dwa ti'i bu/ de bzhin gshegs pa'i sku'i gnas de lta bu ni// mtshan ma las gnas pa'i sems can lta ba gnyis su lhung ba gang gis kyang shes par nus sam/ shA ra dwa ti'i bus gsol pa/ bcom ldan 'das de ni gnas ma lags te/ skabs ma mchis so// de ci'i slad du zhen/ bcom ldan 'das de bzhin gshegs pa'i sgra ni/ mtshan ma dang / mtshan ma thams cad dang bral ba legs so// bcom ldan 'das kyis bka' stsal pa/ shA ra dwa ti'i bu de de bzhin no// de de bzhin te/ de bzhin gshes
- 51a
pa'i sku ni/ mtshan ma dang / mtshan ma thams cad dang dral ba'o// de nas bcom ldan 'das kyis de bzhin gshegs pa'i ye shes kyi phyag rgya'i ting nge 'dzin 'di rgyas par bstan pa dang / shin rgyas pa yang rgya cher yongs su rdzogs par bya ba'i phyir/ de'i tshe tshigs su bcad pa 'di dag bka' stsal pa/ lus de lus ma yin zhing lus las yongs su grol// sus kyang ma byas ma bshig rnyed par gyur da'ang ma chos rnams gang yang kun tu ldan med mi ldan med/ / bde bar gshegs pa rnams kyi sku de de ltar gdags// 'du med 'bral ba med cing gnas med rdzas kyang med// ma bzung ma grol mnyam pa med cing ring ba med/ / rtsom pa med cing thogs med ci la'ang gnas pa med// bde bar gshegs pa rnams kyi sku ni de 'drar bstan// gzung ba med cing ma byas gnas med ci yang med// gzugs med sems med gnyis ma yin zhing gcig kyang min/ / dngos med dngos med ma yin ma byung med pa ste// yang dag nyid du rgyal ba'i sku ni 'di 'dra'o// snying po de med nyam chung ma yin bcad pa'ang med// ma bcad ma byung kun tu zhig da'ang med/ / thob pa med cing rdul tsam dag kyang bshig med de// rdul med rnams kyi sku de de 'drar shes par bya// ma mthong ma thos ma bsnams reg par 'gyur ba med// rnam par rig med ma brtags mig sor khrob kye/ srog chags mthong nas rang gi 'dzin pas sems kyang rangs// 'di ni sangs rgyas dag gi sku 'grub bstan pa'o// phung po ma yin khams min mi brdzun mi bden te// dag med rnam par dag med dbang pos mi rig pa// rtog pamed
- 51b
cing rnam par mi tog chu zla 'dra/ / bde bar gshegs kyi sku de lta bar su 'dod pa// sku na rgyu dang rkyen las gyur te rang bzhin med// ma skyes pa 'gags song ba med cing 'phos pa'ang med// brtags na 'jig rten gsum ni m+b+ha ma bzhin du snang / / rgyal ba rnams kyi sku ni mi rtog de 'drar ltos// zhi med rab zhi ma yon sa sbal sbyor ba'ang med// chags med rigs med 'di na chang pa stong pa bzhin// yang na ngo bo nyid kyis nam mkha' lta bu ste// de ltar mdzo na nyin mtshan sangs rgyas mchod pa yin/ / zhing rnams bye ba phrag stong ji tsam phyogs rnams su// srid pa'i rtse mo'i bar du rin chen gang ba dag/ sangs rgyas rnams la bskal mang phyi ma'i mthar 'dul ba// sbyin pa de ni mdo sde 'di bris char mi phod/ / gad+hA'i bye ma snyed pas mang ba'i bskal par yang // 'gro la snyoms pa'i sems kyis byams pa bsgoms pa bas// gang zhig ye shes phyag rgya'i ting 'dzin mchog mos pa// tshul khrim de ni bzod pa 'di yi char mi phod/ / ji tsam sngon gyi 'khor ba dag ni mtha' yas pa// de srid bskal par srog chags kun la brtag bzod pas// rgyal ba'i phyag rgya 'di la dad pa gcig bskyed na// 'dir dad bsod nams dang ni ri bar yungs 'bru bzhin/ / ji tsam 'jig rten gsum gyi sems can rnam mang skyes// de dag mi gang bskal pa mang por mgor thogs shing // lus kyang mi ngal nam du'ang g.yo ba mi skyed pa// brtson 'grus de ni bzod pa 'di yi cher mi phong / / zhing brgya'i bye ma ji snyed de bas lhag pa yi// bskal pa mang por gang rnams bsam gtan byed pa pas// mdo sde 'di la nyin zhag gcig tsam sbyor ba yang // bsod nams de ni bzod
- 52a
pa 'di yi dper mi rung / / rdul khams ji snyed pa yi bskal pa grangs med par// shes rab mtha' gnyis spangs la mngon par brtson pa bas// gang gis ji skad bshad pa'i ye shes rtogs pa/ / bsod nams de yang rgya tsho dang ni chu thigs bzhin// rgyal ba la ni gzugs dang mtshan mar ma lnga zhig/ byis pa lta bur de ba gshegs pa sems ma ltar// gang gis rab 'byor lta bur nga ri mthong gyur/ pa// des ni stong gsum kun gyi sbyin pa thams cad spungs// de nas bcom ldan 'das kyis tshigs su bcad pa de dag gsungs nas/ yang gnas brtan shA ra dwa ti'i bu la 'di skad ces bka' stsal to// shA ra dwa ta bu/ de bzhin gshegs pa'i ye shes kyi phyag rgya'i ting nge 'dzin 'di ni/ phyogs bcu'i 'jig rten gyi kham gyi byang chub sems dpa' thams cad kyi sgrib pa med pa'i ye shes mthong ba yongs su rdzogs par 'gyur ba'o// shA ra dwa ti'i bu gang zhig sangs rgyas bcom ldan 'das rnams mthong bar 'dod na/ lhag pa'i bsam pas ting nge 'dzin 'di la rab tu sbyar bar bya'o// byang chub sems dpa' lhag pa'i bsam pas sbyor ba ni/ nyin zhag gcig kho nas de bzhin/ gshegs pa mthong bar 'gyur ro// shA ra dwa ti'i bu/ gzhan yang byang chub sems dpa' phyogs bcu'i sangs rgyas kyi zhing thams cad kyi sangs rgyas bcom ldan 'das rnams mthong bar 'dod pa de/ ting nge 'dzin 'dil nyin mtshan du sbyar bar bya ste/ lhag pa'i bsam pas 'jug pa'i byang chub sems dpa' ni phyogs bcu'i sangs rgyas kyi zhing thams cad kyi sangs rgyas bcom ldan 'das rnams mthong bar 'gyur ro// shA ra dwa ti'i bu de bzhin/
- 52b
gshegs pa'i ye shes kyi phyag rgya'i ting nge 'dzin 'di ni/ byang chub sems dpa' rnams kyi sgo mtha' yas pa bsgrub pa'i gzungs kyi chos kyi tshul sgrub par 'gyur ba'o// 'di ni gzungs kyi sgo rnams kyi gnas so// 'di las gzungs kyi sgo rnams 'byung ngo // ting nge 'dzin 'di ni byang chub sems dpa' rnams kyi skyes bu chen po'i mtshan sum cu rtsa gnyis yongs su 'grub par 'gyur ba dang / dpe byad bzang po brgyad cu yongs su rdzogs par 'gyur ba'o/ / byang chub sems dpa' ting nge 'dzin 'di la rab tu sbyor ba ni/ las kyi sgrib pa thams cad yongs su dag pa 'thob bo// bdud kyi las thams cad las kyang yang dag par 'da' 'o// 'gro ba dang bcas par de bzhin gshegs pa la bsnyen bkur byed pa ma yin/ spyod pa ma yin no// byang chub sems dpa' ting nge 'dzin 'di la sbyor ba ni/ gang ci smra ba de dag thams cad 'khrul pa med do// de'i lus kyi las gang ci yin pa de dag thams cad kyang skyon med do/ / ngag gi las gang ci yin pa de dag thams cad kyang kun tu 'byung ba med do// yid kyi las gang ci yin pa de dag thams cad kyang kun nas nyon mongs pa med do// shA ra dwa ti'i bu// byang chub sems dpa' de bzhin gshegs pa rnams kyi ldem po ngag khong du chud par 'dod pas/ ting nge 'dzin 'di la sbyar bar bya'o// chos bstan par khong du chud par 'dod pas/ ting nge 'dzin 'di la sbyar bar bya'o// chos kyi mtshams sbyar ba ston par 'dod pas/ ting nge 'dzin 'di la sbyar bar bya'o// bden pa'i tshul khong du chud par 'dod pas/ ting nge 'dzin 'di la sbyar bar bya'o// yang dag pa'i mtha' mngon du bya bar 'dod pas/ ting nge 'dzin
- 53a
'di la sbyar bar bya'o/ / rten cing 'brel par 'byung ba khong du chud par 'dod pas/ ting nge 'dzin 'di la sbyar bar bya'o// sems can gyi mos pa ji lta ba bzhin du shes par bya bar 'dod pas/ ting nge 'dzin 'di la sbyar bar bya'o/ / bsam pa ji lta ba bzhin du/ sangs rgyas kyi zhing gi yon tan bkod pa phun sum tshogs pa yongs su gzung bar 'dod pas/ ting nge 'dzin 'di la sbar bar bya'o// 'od phun sum tshogs pa bsgrub par 'dod pas/ ting nge 'dzin 'di la sbyar bar bya'o// 'khor phun sum tshogs pa yongs su rdzogs par 'dod pas/ ting nge 'dzin 'di la sbyar bar bya'o// tshe phun sum tshogs pa yongs su rdzogs par 'dod bas/ ting nge 'dzin 'di la sbyar bar bya'o// bkod po phun sum tshogs pa yongs su rdzogs par 'dod pas/ ting nge 'dzin 'di la sbyar bar bya'o// bstan pa phun sum tshogs pa yongs su rdzogs par 'dod pas/ ting nge 'dzin 'di la sbyar bar bya'o/ / byang chub sems dpa' sems dpa' chen po bdag dang gzhan gyi bsam pa thams cad yongs su rdzogs par 'dod pas/ ting nge 'dzin 'di la sbyar bar bya'o// yongs su tshol ba dang / mos pa dang / yi gor 'dri ba dang / klog pa dang / 'dzin pa dang / 'chang ba dang / bsgom pa'i phyir ting nge 'dzin 'di la sbyar bar bya'o// de ci'i phyir zhe na/ de dag thams cad de la dka' bar mi 'gyur ba'i phyir ro// shA ra da ti'i bu 'di lta ste/ dper na yid bzhin gyi nor bu rin po che chen po 'dod pa thams cad sbyin pa zhes bya ba 'am/ 'dod pa thams cad sbyin pa'i shing gis sems can rnams kyi bsam pa thams cad yongs su rdzogs par
- 53b
byed do/ / shA ra dwa ti'i bu/ de bzhin du ting nge 'dzin 'di yang byang chub sems dpa' sems dpa' chen po rnams kyi bsam pa thams cad rnam pa thams cad du yongs su rdzogs par byed do// de nas bcom ldan 'das kyis de'i tshe tshigs su bcad pa 'di dag bka' stsal to/ / ye shes mtha' yas phyag rgya mdo sde 'di// ye shes phung po ye shes khyad 'phags mchog/ ye shes 'od dang ye shes 'byor pa'i mdzod// ye shes 'byung gnas ye shes sgor 'jug pa/ / shes dbang shes rab 'byung gnas shes rab sa// shes rab sgron ma shes rab 'od mun sel// shes rab mi zad shes rab tshul rab bshad// nyi ma bzhin du 'jig rten gsum na lhan// mnyam pa 'byor pa mnyam pa nyid la gnas/ / 'dzin pa thams cad gcod dang bden pa'i tshul// ting 'dzin kun sgo ye shes phyag rgya ni// sangs rgyas so so yang dag rig pa'i rigs// zad mi shes pa'i nor mdzad pa rol 'gro// shes rab rdzu 'phrul shes rab 'byung gnas gter/ / bsam pa ji bzhin dga' ba de'i rtsa ba ste// ting 'dzin phyag rgya 'di ni bde gshegs nor// rin chen ldan pa'i yul 'khor rgyal pos bsten// rin chen dam pa rin chen mchog 'byung gnas/ / 'dod chags rdul dang zhe sdang dri ma sel// mdo bshad 'di ni rin chen rtsa ba'o// zhi zhing zhi la yid ni zhi byed pa'i// mdzes pa byed dang bdag tu lta ba skyed // sangs rgyas gzungs kyi phyag rgya 'di rnyed pas// po'i mtshon gyis bdud ni rab tu 'jom// shes bya'i srog chags ye shes shes byed pa// ye shes 'byung gnas ye shes 'byor shes rab// ye shes snang ba pha rol mtha' yas te// mdo sde 'di ni ye shes sgo 'byung gnas
- 54a
dul ba 'dul ba mdud pa gnyis gcod pa/ / blta byas drug cu gnyis kyi lte ba slong // rgyal ba'i sgo ste bdud rtsi 'thob par 'gyur// 'di ni sum gyu rtsa gnyis mtshan 'byung gnas// byang chub shin tu byang chub byang chub 'thun/ / mu stegs shes byed byang chub rgyu shes byed// byang chub 'di ni gnyid log sang byed pa// byang chub tshul 'dir mtha' yas zad mi shes// chos kyi tshul dang rigs pa rnam par sgom// mtha' yas pa yi gzungs rnams rab tu sgrub/ stobs bcu rnams kyi chos la 'jug pa ste// gzungs 'di nyid ni rgya mtsho lta bu'o// 'di ni sbyin pa'i pha rol phyin pa sgrub// 'di ni tshul khrims pha rol phyin dang bzod// brtson 'grus bsam gtan shes rab mi zad de// 'dir gnas pha rol phyin pa phun sum tshogs// las dang nyon mongs pa la 'jigs ma byed// blo gros ngan pa'i bdud kyis ma 'jigs shig/ 'di la sbyor la bar/ du gcod med de// ji ltar bsams bzhin byang chub de 'tshang rgya// mdo sde 'di ni yongs su gzung ba'i phyir// phyogs bcu gang lhags byang chub mi phyed snod// sras rnams dag ni bskal pa bzang 'di la// 'dug pa de dag dbang du gyur pa yin/ / 'di ni 'das pa'i sangs rgyas rnams kyi yum// mdo sde 'di ni ma byon rnams kyi yum// da ltar byung ba thams cad 'di las byung // de phyir rgyal ba'i spun rnams 'dir sbyor cig gang dag mdo 'di'i tshul la rab gnas pa/ / de dag de bzhin gshegs pa'i nor 'thob cing // las kyang rnam dag spyod pa'ang rdzogs par 'gyur// mi ldogs 'thob 'dam las rgal bar 'gyur// bcom ldan 'dra
- 54b
kyis chos kyi rnam grangs 'di bshad pa na/ byang chub sems dpa' khrag khrig phrag gang+gA'i klung sum cu'i bye ma snyed kyis ting nge 'dzin 'di thob bo// byang chub sems dpa' khrag khrig phrag drug cu rtsa brgyad ni/ bskal pa brgya stong nas bsags pa'i las kyi sgrib pa rnam par dag nas/ bla na med pa yang dag par rdzogs pa'i byang chub las phyir mi ldog par gyur te/ de dag thams cad kyis skad mi zad pa bsgrubs pa zhes bya ba'i gzungs thob po/ / lha dang mi'i skye dag dkrig pa phrag drug cu po gang dag sngon bla na med pa yang dag par rdzogs pa'i byang chub tu sems ma skyed pa de dag thams cad ni/ bla na med pa yang dag par rdzogs pa'i byang chub tu sems bskyed nas/ thams cad ting nge 'dzin 'di la rjes su yi rang ngo // de dag ting nge 'dzin 'di la rjes su yi rang ba dang ldan pa'i dge ba'i rtsa ba des/ bla na med pa yang dag par rdzogs pa'i byang chub las phyir mi ldog par gyur nas/ de dag thams cad bcom ldan 'das kyis bskal pa 'bum phrag sum cu na 'jigs pa med pa zhes bya ba'i de bzhin gshegs pa dgra bcom pa yang dag pa'i sangs rgyas su 'gyur ro zhes lung bstan te/ dedag las kha cig yun ring po nas smon lam btab pa dang ldan pa dag ni bzod pa thob bo// kha cig smon la gyu du debs pa 'di dag ni/ sangs rgyas kyi zhing sna tshogs su bla na med pa yang dag par rdzogs pa'i byang chub mngon par rdzogs par 'tshang rgya ste/ thams cad kyang 'di lta ste/ 'jigs pa med pa zhes bya bar ming 'thun par 'gyur ro// de nas bcom ldan 'das kyis thams cad dang ldan pa'i 'khor la rnam par gzigs nas/
- 55a
'jam dpal gzhon nur gyur pa la bka' stsal pa/ 'jam dpal de lta bas na khyod mi dmigs pa'i tshul du gnas shing / spros pa med pa la dga' bas/ mi gnas par spyad par bya'o// chos thams cad la mi gnas par/ bla na med pa yang dag par rdzogs pa'i byang chub bskal pa grangs med pa bye ba khrag khrig brgya stong du bsgrubs pa 'di kun tu bsrung bar bya'o// gzung ba dang / bshad pa dang / gzhan dag la yang rgya cher yang dag par rab tu bstan par bya'o/ / spros pa med pa la dga' bar bya'o// gnas med par spyod pa dang / chos thams cad la mi gnas pa dang / phrag dog med par bya'o// de nas 'jam dpal gzhon nur gyur pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das chos thams cad gzung du ma mchis pa'i slad du/ ngadag bla na med pa yang dag par rdzogs pa'i byang chub 'di kun tu srung zhing rab tu bsrung bar spro'o// bcom ldan 'das byang chub gang lags pa de ni/ gang gi yang ma lags/ gang nas kyang ma lags/ gang na yang ma lags/ gang gis kyang ma lags/ ci yang ma lags te/ mi snang ba/ gzung du ma mchis pa/ thob pa ma lags pa/ chud zos pa ma lags pa'o// de nas 'khor de nas byang chub sems dpa' bye ba brgya phrag sum cu stan las langs nas/ thal mo sbyar te/ bcom ldan 'das la 'di skad ces gsol to//
- 55b
bcom ldan 'das bdag cag kyang / de bzhin gshegs pa'i bla na med pa yang dag par rdzogs pa'i byang chub bskal pa grangs ma mchis pa bye ba khrag khrig brgya stong du bsgrubs pa 'di bsrung ba dang / gzung ba dang / bstan pa dang / gzhan dag la yang rgya cher yang dag par rab tu bstan par spro'o zhes gsol nas/ byang chub sems dpa' de dag thams cad kyis rang rang gi gos bcom ldan 'das kyi sku la mngon par gsel te smon lam btab bo/ / de nas bcom ldan 'das kyis/ byang chub sems dpa' sems dpa' chen po byams pa la bka' stsal pa/ byams pa phyi ma'i tshe phyi ma'i dus lnga brgya pa tha ma la dam pa'i chos yongs su gzung ba'i bsam pas soms shig/ 'di khyod kyi las yin no// de nas byang chub sems dpa' sems dpa' chen po byams pa stan las langs nas/ bla gos phrag pa gcig tu gzar nas/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das dam pa'i chos yongs su gzung ba'i bsam pas bsams lags so// de skad ces gsol pa dang / bcom ldan 'das kyis/ byang chub sems dpa' sems dpa' chen po byams pa la 'di skad ces bka' stsal to// byams pa byang chub sems dpa'abye ba brgya phrag sum cu po 'di dag gi nang na/ brgyad stong ni dam pa'i chos yongs su 'dzin pa/ dam pa'i chos yongs su 'dzin par gnas par 'gyur ro// byang chub sems dpa' lhag ma ni/ dmu rgod dmigs par 'dzin pa la mngon par zhen pa/
- 56a
dam pa'i chos 'dzin pa ma yin par 'gyur te/ de dag phyi ma'i tshe phyi ma'i dus lnga brgya pa tha ma'i tshe/ nga bla na med pa yang dag par rdzogs pa'i byang chub bskal pa grangs med pa bre ba khrag khrig brgya stong du bsgrubs pa 'di spong bar 'gyur/ 'gal bar byed par 'gyur/ mi ston par 'gyur/ mi 'dzin par 'gyur/ rab tu 'dzin par mi 'gyur ro// de ci'i phyir zhe na/ byams pa rnam pa bdun gyis byang chub sems dpa' byang chub tu sems skyed do/ / bdun gang zhe na/ 'di lta ste/ sangs rgyas bcom ldan 'das rnams kyis/ byang chub sems dpa' byang chub tu sems bskyed pa dang / dam pa'i chos rnam par 'jig pa'i dus na/ dam pa'i chos yongs su bsrung ba'i phyir/ byang chub sems dpa' byang chub tu sems bskyed pa dang / sdug bsngal sna tshogs kyis yongs su gzir ba'i sems can gyi khams mthong nas/ snying rje chen po skyes te/ byang chub sems dpa' byang chub tu sems bskyed pa dang / byang chub sems dpas byang chub sems dpa' byang chub tu sems bskyed pa dang / bsti stang du byas te/ sbyin pa bzang po yid du 'ong ba spyir nas/ byang chub sems dpa' bdag nyid byang chub tu sems bskyed pa dang / gzhan byang chub tu sems bskyed pa mthong nas/ byang chub sems dpa' byang chub tu sems bskyed pa dang / de bzhin gshegs pa'i sku mtshan dang dpe byad bzang po'i rgyan sna tshogs kyi yon tan bsngags pa yongs su rdzogs par thos nas/ byang chub sems dpa' byang chub tu sems bskyed pa ste/ byams pa rnam pa bdun po de dag gis byang
- 56b
chub sems dpa' byang chub tu sems bskyed do/ / byams pa de la gang byang chub sems dpa' sangs rgyas bcom ldan 'das rnams kyis byang chub tu sems bskyed pa gang yin pa dang / gang dam pa chos rnam par 'jig pa'i dus na/ dam pa'i chos yongs su bsrung ba'i phyir byang chub sems dpa' byang chub tu sems bskyed pa gang yin pa dang / gang sdug bsngal sna tshog kyis yang su gzir ba'i sems can gyi khams mthong nas/ sems can thams cad la snying rje chen po skyes te/ byang chub sems dpa' byang chub tu sems bskyed pa gang yin pa dang / byams pa sems bskyed pa 'di gsum ni/ sangs rgyas bcom ldan 'das rnams kyi byang chub srung ba yin te/ myur du bla na med pa yang dag par rdzogs pa'i byang chub las phyir mi ldog par 'gyur ro// byams pa sems bskyed pa de dag las lhag ma bzhin/ byang chub sems dpa' dmu rgod dam pa'i chos 'dzin pa ma yin par 'gyur ba'o/ / byams pa byang chub sems dpa' chos lnga dang ldan na/ phyir mi ldog pa'i chos su rig par bya'o// lnga gang zhe na/ 'di lta ste/ sems can thams cad la sems mnyam pa yin/ pha rol gyi rnyed pa dang bkur sti la phrag dog med pa yin/ srog gi phyir yang dam pa'i chos 'dzin pa'i dge slong rnams kyi bsngags pa ma yin pa mi smra ba yin/ shes kyi khe dang / rnyed pa dang / bkur sti dang / tshigs su bcad pa la mi chags pa yin/ chos zab mo la mos pa yin te/ 'jig rten gyi bya ba sna tshogs la mos pa ma yin gyi/ chos thams cad la chos zab mo dang ldan pa yin te/
- 57a
byams pa byang chub sems dpa' chos lnga po 'di dag dang ldan na/ phyir mi ldog pa'i chos su rig par bya'o// byams pa byang chub sems dpa' chos lnga dang ldan/ byang chub sems dpa' nga mu rgod du rig par bya'o/ / lnga gang zhe na/ 'di lta ste/ gzi brjid chung zhing bka' blo mi bde ba yin/ dman pa la mos shing thams cad la dman pa'i chos ston pa yin/ shes kyi khe dang / rnyed pa dang / bkur sti la chags shing slong ba ster ba'i khyim la ser sna byed pa yin/ sgyu dang ldan zhing g.yo byed pa yin/ stong pa nyid la ngag gi las lhar len pas mi drang ba yin te/ byams pa byang chub sems dpa' chos lnga po/ de dag dang ldan na/ de dmu rgod du rig par bya'o// byams pa byang chub sems dpa' chos lnga dang ldan na/ phyir mi ldog pa'i chos su rig par bya'o// lnga gang zhe na/ 'di lta ste/ bdag mi dmigs shing bdag la mi bstod pa dang / sems can mi dmigs pa dang / chos kyi dbyings rnam par rtog pas mi ston pa dang / byang chub mi dmigs pa dang / de bzhin gshegs pa'i sku la gzugs kyi mtshan mar mi lta ba ste/ byams pa byang chub sems dpa' chos lnga po de dag dang ldan na/ bla na med pa yang dag par rdzogs pa'i byang chub las phyir mi ldog pa'i chos su rig par bya'o// de nas bcom ldan 'das kyis de'i tshe tshigs su bcad pa 'di dag bka' stsal to/ / phrag dog can dang shes kyi khe 'dod dang // gnod pa byed dang 'chos dang zur za dang // smra ba tsam dang dman pa'i tshul can gyis// bde gshegs byang chub 'di ni bsrung mi nus// bas mthar dga'
- 57b
zhing dgon dben spyod yul ba/ / tshig tsam ma yin zab mo bzod pa dang // bse lta bu dang shes khe bde bsrings pa// de ni byang chub 'jig par 'gyur ba srung // tshogs las bsrings shing rab tu zhi la mos// ri dgas lta bur 'jogs shing gnas med rgyu/ / nam mkha' rlung bzhin rnyed la mi chags pa// de 'dra de na rgyal pa'i chos 'dzin min// lus la mi lta srog don mi gnyer na// shes kyi khe 'dod par lhag la 'gyur// sngon brtsams bdag gi ma yin ci yang min/ / de ni ma 'ongs dus na byang chub sdong // phyi ma'i dus na sems can 'byung ba ni// bdag cag byang chub la ni spyod ces 'dzer// de dag sems rgod tshul 'chos nyon mo/ bcas// de dag rnams kyis chos 'di bsrung mi nus// 'dren pa mar me mdzad kyi pha rol gyi// bskal pa dag ni stong phrag bye ba na// sangs rgyas zla ba'i tog ces bya ba byung // 'gro ba rnams la ting 'dzin 'di bshad dran/ / rgyal ba de yi 'dus pa dang po ni/ phyir mi ldog pa khrag khrig brgyad cu ste// 'dus pa gnyis pa khrag khrig brgyad cu min// 'dus pa gsum pa bdun cu rtsa gsum mo// rgyal ba'i tshe ni bskal pa bye ba mang // 'od kyang dpag tshad drug cu rtsa gsum pa// dge 'dun bye ba dgu bcu rtsa dgu ste// thams cad dgra bcom dbang ldan gyur pa'o// de yi tshe na rgyal po byung ba ni// 'khor los sgyur ba bsod nams 'phags zhes bya// 'dzam bu'i gling gi tshad du gyur pa ni/ / mtshungs par dpag tshad stong phrag nyi shu'o// gling bzhi rnams kyi tshad kyang de bzhin no// rgyal po'i sbas ni bye ba drug cu tham// bu ni stong tham pa ste nyung ba yi// rgyal po'i pho brang dga' ba 'i /
- 58a
ces bya// grong khyer dag ni bye ba brgyad cur gyur// thams cad skyed mos tshal rgyas mdzes par gnas// thams cad lo legs bde zhing dga' ba ste// sum cu rtsa gsum rnam rgyal khang gnas 'dra/ / rgyal pos rmi lam du ni zla ba'i tog/ sangs rgyas 'byung ngo zhes ni thos gyur nas// g.yog 'khor bye ba brgya phrag drug cu dang // rgyal ba de yi drung du nyer song nas// des ni ting 'dzin zab mo rgyal ba'i sku mdo sde bshad pa 'di ni thos nas su/ / stong pa ji ltar bzhed bzhin spyad gsol zhes// rgyal srid thams cad sangs rgyas de la phul// grong khyer kun tu de bzhin gshegs pa yi// gtsug lag khang ni tsan dan rgyus bsgrubs byas/ / des ni thams cad rtse rgod bcas par phul// 'chags pa'i sa ni gser gyi gyim pags g.yogs// lo ni stong phrag brgyad cur tshang bar yang // rgyal po las gzhan mi byed mchod pa byed// rgyal po nam du'ang rmugs dang gnyid mi skyed// 'dod la mi mthun rgyal srid sred ma yin// ting nge 'dzin 'di rab tu 'don pa'i phyir// de bzhin gshegs la nyi ma re re zhing // bkod pa gang dag phul bar gyur pa ni// thams cad tshig gis bshad par mi nus so// lkog tu song nas rtog pa skyes gyur pa// ting nge 'dzin ni byang chub mchog thob ste// zang zing 'dzin pas ye shes phyag rgya yi// ting 'dzin 'di ni sgrub par mi nus snyam// de ni rab byung rgyal srid thams cad spangs// sha na ka yi ras gyon bsod snyoms spyod// lo ni stong phrag brgyad cu tshang bar yang // gnyid kyis ma non ting nge 'dzin sgom mo// skabs der sangs rgyas kyis ni ji tsam
- 58b
gang / / rab tu bshad pa'i chos rnams des bzung nas// bde gshegs yongs su mya ngan 'das 'og des// mchod rten bye ba drug cu rtsa bzhi byas// rin chen bdun gyis spras shing mdzes byas paba'i/ / gdugs ni lnga brgya kun la rab tu phul// kun la sil snyan 'khrol ba brgya rnams dang // mar me stong phrag brgya yang rab tu phul// yo byad bsnyungs pa'i tshul la gnas nas su// lo ni bye ba stong phrag/ bdun cu gsum// zang zing med pa'i sems kyis gnas nas ni// ting nge 'dzin 'di 'khor la rab tu bshad// legs zhes bya ba'ang 'dod pa ma yin na// shes kyi khe 'dod par lta ga la 'gyur// de tshe chos srung ba yi bsam pa yi/ / mgron du bos pa thams cad rnam par spangs// de bzhin gshegs pa bye ba brgyad cu dang // khrag khrig bdun cu des ni mnyes par byas// de dag kun la de 'dra'i bkod pa byas// thams cad las kyang ting 'dzin 'di thob bo// gang dag byang chub 'di ni srung 'dod pa// de dag 'dod pa med cing mos pa dang // g.yo med lhag pa'i bsam pas bsgom pa yis// rgyal po de 'dra bar ni bslab par gyis/ / chos 'dod ma yin rnyed pa don gnyer la// bsdams pa min dag byang chub slob bo zhes// smra 'gyur kha cig phyi ma'i dus 'byung ste// smra la dga' zhing thams cad stong zhes smra/ stong nyid ji bzhin stong pa mi shes te// 'tshe chags tha bar bcas shing nyon mongs bcas// tshig gis 'di dag stong nyid 'dzin 'jug cing // bdag ni byang chub the tsom med ces sgra// de tshe rgyal
- 59a
mchog tshe ni dpag med 'gyur/ / bu stong dag ni bskal pa bzang 'di ga// mdun na 'dug pa'i 'khor rnams ji snyed bya// de dag thams cad de tshe rab tu byung // rgyal 'byed/ khrag khrig rnams dran te// de las nga rab byung ste de dag gis// gang ci bshad pa ngas kun sgra tsam bshad// ngas ni gnas pas stong pa nyid kyang bsgoms// de lta'i thabs kyis bskal pa mtha' yas par// ngas ni gnas pas sangs rgyas gang dag mchod// nga ni de yis byang chub ma thob kyi// gzhan du 'di la gnas te bsgrubs pa na// mar me mdzad pa mthong ma thag tu ni// som nyi spangs nas mnyam pa nyid mthong bas/ / de nas khyod ni shAkya seng ge yi// sangs rgyas 'gyur zhes 'dren pas bdag lung bstan// / 'phags pa de bzhin gshegs pa'i ye shes kyi phyag rgya'i ting nge 'dzin ces bya ba theg pa chen po'i mdo/ bam po gnyis pa ste tha ma/ de nas rgyal po gzugs can snying po'i btsun mo dam pa ma skyes dgra'i ma/ dpal bzangs zhes bya ba dang / rgyal po gzugs can snying po'i btsun mo dam pa bye ba ldan gyi bu mo gser mchog snang zhes bya ba yang 'khor de nyid du 'dus par gyur te/ khod do// de nas rgyal po'i btsun mo dpal bzangs dang / gser mchog snang gnyis stan las langs nas/ bcom ldan 'das ga la ba der nye bar song ste phyin pa dang / bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la
- 59b
ba de logs su thal mo sbyar ba btud de/ gus pa dang bcas/ zhes dang bcas par/ so so nas ras bcos ma brgya stong ri ba thugs res bcom ldan 'das kyi sku la mngon par gsol to// rin po che sna bdun gyi me tog skon bu lnga brgyas kyang / bcom ldan 'das la mngon par gtor nas 'di skad ces gsol to// bcom ldan 'das bdag cag gnyis slad ma'i dus lnga brgya pa tha ma la/ ting nge 'dzin dkon mchog 'di la mos par bgyi/ yid ches par bgyi/ gzung bar bgyi/ bcang bar bgyi/ bklag par bgyi/ kun chub par bgyi/ gzhan dag la yang rgya cher yang dag par rab tu bstan par bgyi'o// chos smra ba mdo sde 'di lta bu 'dzin pa'i gang zag de dag la yang bdag cag gis gos dang / zas dang / mal cha dang / na ba'i gsos sman dang / yo byad rnams kyis bsnyen bkur dang rim gro bgyi bar spro'o// sems can rnams kyang bla na med pa yang dag par rdzogs pa'i byang chub la yongs su smin par bgyi'o/ / stong pa nyid spang bar mi dgyi/ tshig ltar blang bar mi bgyi/ nan tan gyis bsgrub par bgyi'o// bcom ldan 'das lus dang srog la'ang blta bar mi bgyi na/ slad rol gyi dngos po rnams la yang lta smos kyang ci 'tshal/ btsun mo dam pa de gnyis 'di lta bur rjes su slob pa na/ rgyal po gzugs can snying po'i btsun mo'i 'khor bud med brgya stong stan las langs nas thal mo sbyar te/ gang dag bla na med pa yang dag par rdzogs pa'i byang chub tu yang dag par zhugs pa de dag ni ting nge 'dzin 'di la rjes su yi rang ngo // rjes su
- 60a
yi rang nas kyang tshig 'di skad ces smras so/ / bcom ldan 'das bdag cag kyang slad ma'i tshe srad ma'i dus lnga brgya pa tha ma la dam pa'i chos yongs su gzung bar spro'o// yul ma ka rA'i dge bsnyen ma yul ma ga d+han 'khod pa drug khri las gang dag bla na med pa yang dag par rdzogs pa'i byang chub tu yang dag par zhugs pa de dag ni ting nge 'dzin 'di la rjes su yi rang ngo / / rjes su yi rang nas kyang tshig 'di skad ces slad ma'i tshe slad ma'i dus lnga brgya pa tha ma la dam pa'i chos gzung bar spro'o zhes gsol to/ / de nas de'i tshe bcom ldan 'das kyis 'dzum pa mdzad do// 'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe/ bcom ldan 'das kyi zhal gyi sgo nas 'od 'phro ba kha dog du ma/ kha dog tha dad pa/ kha dog brgya stong dang ldan pa 'di lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog lta bu byung ngo // de dag zhal gyi sgo nas byung nas kyang / 'jig rten gyi khams mtha' yas mu med pa snang bar byas te/ bdu kyi gnas thams cad spa bkod nas/ tshangs pa'i 'jig rten gyi bar du mngon par 'phags te/ nyi ma dang zla ba'i 'od zil du brlag par byas nas/ sems can dmyal ba dang / dud 'gro'i skye gnas dang / gshin rje'i 'jig rten du skyes pa de dag thams cad kyi sdug bsngal gyi tshor ba thams cad zhi bar byas te/ slar log nas/ bcom ldan 'das la lan brgya stong du mar bskor ba byas te/ bcom ldan 'das kyi
- 60b
dbu'i gtsug tu nub par gyur to/ / de nas dpal bzangs dang / bye ba ldan gyi bu mo gser mchog snang gnyis stan las langs te/ tha gos phrag pa gcig tu gabar nas/ pus mo gsas pa'i lha pa sa la btsugs te/ bcom ldan 'das ga la ba de logs su thal mo sbyar ba btud nas/ tshigs su bcad pa'i dbyangs kyis bcom ldan 'das la mngon par bstod de/ 'dzum pa mdzad pa'i don zhus pa/ mi mchog yon tan mnga' ba srid pa gsum na mtshungs ma mchis// nam mkha' zla ba 'dra ba yon tan brgya rnams shin tu rgyas// rab tu bzhad pa legs par mdzes pa mchog tu snyan pa'i gsung // stobs bcu ci slad 'dzum pa mdzad pa 'di ni bka' stsal gsol/ / sems can dam pa zla ba 'dra ba'i zhal ni rab 'dzum 'jig rten mag sbyin pa// shin tu mdzes shing mchog tu dri zhim tshangs pa'i dbyangs dang 'jam pa'i sgra dang dbyangs/ / sems la snum zhing lus la sim pa bde bas sems ni rab tu tshim mdzad pa// mi yi dam pa seng ge 'dzum mdzad de yi rgyu ni 'dren pa lung bstan gsol// 'khrug pa mi mnga' ba dang ma brnyogs ma tshang ma mnga' gsungs/ / shin tu ldan zhing rab tu mnyam la mchog tu mdzes par snyan// pha rol spyod pa'i tshul ni khrag khrig brgya dag rnam par 'byed/ ci'i slad du yon tan mnga' ba 'dzum mdzad bka' stsal gsol// gsung ni brgyad dang ldan zhing yan lag drug cu rnams dang ldan/ / skad ni bdun brgya dag dang yi ge bye ba drug cu ldan// sangs rgyas gsung gi rigs pa bye ba khrag khrig bcu dang brgyad cu ste// 'dzum mdzad don gyi gleng
- 61a
gzhi dpag tu ma mchis bka' stsal gsol/ / ri bo mchog dang mtshungs 'dra pha rol tshogs kyis ma g.yos pa// tshul brgya rnam par 'byed cing yid gnyis rnam par 'thor mdzad pa/ srid pa'i sdug bsngal zhi bar mdzad pa'i 'grol bde byin pa// ri ltar sdug pa 'dzum mdzad spyod pa ji bzhin dbye bar gsol// gser gyi ri ltar gda' zhing rin chen mchod sdong 'dra ba'i sku// zhal ras padz+ra 'dab ma brgya pa rgyas 'dra blta ba'i ngos/ / ri dgas dbang po'i sgra sgrog seng ge'i rnam gnon stobs ldan pa// rab tu bshad pa bzhad pa'i don gyi rigs pa lung bstan gsol// srid pa gsum ma mtshungs pa ma mchis drigasum dri mi mngar/ / mdzes par spyod pas srid pa brgya dag nye bar zhi mdzad dgyes// khyod kyis 'dzum pa mdzad pa phyogs bcu dag tu rgya cher gsal// bdud rtsi mun pa sel ba rnam par dbye ba myur du gsungs/ / pi wang rdza rnga rgyud gcig rgyud gsum dung dang gling bu dang // mi 'am ci dang ka la bid+ma dag dang khu byug dang // ngang pa khrung khrung dag dang rnga dang rdza rnga pheg rdob rnams// dus gcig sbyar ba bgyis kyang sangs rgyas gsung gi brgya chab mi 'gyur ro/ / phyogs bcu dag nas lpags par gyur pa'i 'khor yangs 'di dag ni// mang 'dzin zo gros mang zhing blo gros ngan par lhung ba ste// ci nas 'bras bcas brdul zhugs grub nas phyogs phyogs sachi 'gyur bar/ / ji ltar 'di dag sred pa'i 'khri shing bsal ba de 'dra gsungs// bye ba'i zhing nas lpags pa 'khor gyi dam pa mtha' yas pa// phyogs bcu'i mi mchog dag gis chos
- 61b
'dod pa dag rab bkye ba/ / de nas ci nas dngos grub thos nas dga' ste mchi 'gyur bar// de dag la ni 'dzum pa'i gleng gzhi'i chos char dngab tu gser// da nas bcom ldan 'das kyis/ rgyal po'i btsun/ mo dpal bzangs dang / gser mchog snang la skar tshigs su bcad de bka' stsal pa/ dran pa bskal pa dpag tu med pa gang+gA bye snyed na// gang tshe bsod nams 'od zer zhes bya 'jig rten 'drem pa byung ston pa de yi tshe lo bye ba phrag ni bdun cu ste/ / chos kyi rgyal po de yi nyan thos dge 'dun mtha' yas gyur// 'khor los sgyur ba'i rgyal po shes rab kha lo sgyur ba byung // de yi chung ma tog gi rgyal po rang sang gnyis pa ni/ / 'od 'phro zhes bya dngos po kun la ma chags mngon par byung // chos 'dod rab tu byung nas lo ni bye bar chos tshul bsrungs// des ni 'dren pa bye ba drug cu dag dang gzhan yang ni// dkrigs phrag sum / chu'i chos tshul 'thun par mtha' dus der bsrungs te// ma 'ongs 'jig rten mgon po gang+gA'i sum cu'i bye snyed kyi// chos tshul nyams par 'gyur tshe mthun par de ni srung bar 'gyur// tshe rabs de dang der ni khyed mthun sems can dag gyur pa/ / rgyal po 'khrugs med shes rab la lo sgyur ba'i chung mar gyur// chos bsrungs pas ni phyi ma'i dus na bud med dngos spangs te// bde ba can gyi de bzhin gshegs pa mtha' yas 'od mthong 'gyur/ / phyi bzhin 'brang ba gzhan yang ji snyed de dag mthun par ni// zad 'gyur dus na byang chub srung bar bsam pa zag pas zhugs// bde ba can du pad+ma 'dab ma brgya par 'dug pa yi// rgyal ba'i sras po
- 62a
mtshan rnams sum chu dag gis brgyan par 'gyur/ / de dag der dong nas ni gus par ston pa mchod byas nas// bskal pa bkod pa'i rgyal po zhes bya dgra rnams med pa la// de dag zam/ cad der ni byang chub dam pa 'tshang rgyar 'gyur// lha mi'i skye dgu dag kyang chos sgrub phyir ni gnas par 'gyur// zhing 'di na ni bdud kyi las rnams thams cad yod med cing // de yi dus na nyan thos rnams kyang grag par mi 'gyur te/ / las skyon med cing ngan song med la srog chags mngal nas med// der ni rtag tu byang chub sems dpa' mtha' yas 'du bar 'gyur// gang zhig rgyal ba rnams kyi byang chub bsrung phyir lus bor te/ / shes kyi khe 'dod med cing srog la'ang lta bar mi 'gyur ba// de ni myur du byang chub dam pa 'tshang rgya 'dir gnas nas// bsam pa ji bzhin 'dod par sangs rgyas zhing rnams kun tu 'gro/ / de lta bas na 'thab mo chen po'i tshe yang phan tshun du// mthun byos sangs rgyas dga' skye dgus bcas phrag dog med par ni// nga yi byang chub srungs shig 'bye 'gyur phyi ma'i dus na yang // gang dag rnyed la brkam pa de dag rjes su ma slob cig/ gang don sangs rgyas chos tshol ba ni bskal pa bye bar ni// nga yis chung ma bu pho bu mo rgyal srid mgo mig btang // nga yi chos de rigs pa mi ldan de dag rnyed rgyas 'jig shes kyi// khe dang rnyed phyir phan tshun zhe sdang byed par 'gyur// zad 'gyur dus na bsam pa thag pas byang chub bsrung ba'i phyir// sreg chags bye ba brgyad cu mchi ma'i shugs kyis zhugs par gyur// stong gsum g.yos nas
- 62b
lha yis me tog char yang rab tu phab/ / gang dag mdo 'dir dga' ba de dag rnyed pa lags par rnyed// phyogs bcu'i 'dren pa ji snyed pa la'ang dga' bar 'gyur ba yin// lha rnams kyis kyang de dag bsngags 'phreng / dam parjod par 'gyur// gang dag phyi dus ye shes phyag rgya'i mdo thos sgom byed pa// de dag rnams la lha yang mchod byed gnod sbyin srung bar byed// gang zhig sangs rgyas zhing ni gang+gA'i bye ma snyed kyi rnams// gser bkang bskal pa gang+gA'i bye snyed 'dren la phul ba ni// gang zhig ye shes phyag rgya'i mdo sde 'di la bzod gyur na// 'di la gang sbyor byed pa'i bsod nams de yi grangs mi 'gro// mi 'dod pa la nan gyis byang chub su yang mi sbyin pa/ / sangs rgyas kyi ni rmad byung thos nas byang chub sems bskyed cing // ji ltar mdo sde dam pa 'di las rjes su bstan bshad pa// de ltar sbyor ba ring por mi thogs 'jig rten mgon por 'gyur// gang zhig sangs rgyas byang chub dam pa rgya chen reg 'dod pa/ / dgon par gnas nas gus dang bcas par so sor thar bsdams te// sdom pa gsum gyis sems can kun la ma bur 'du shes nas// yang dag dga' ba mdun byas pa dang ston pa'i 'du shes bskyed/ / gang zhig ye shes phyag rgya'i ting 'dzin 'di ni yi ger bris// 'chang zhing ston la klog cing gang zhig gzhan la rab 'chad pa// de yi bsod nams phung po dpag tu med cing bsam mi lang / / rgyal ba'i sras po bde ba can gyi 'jig rten khams su 'gro// de nas bcom ldan 'das la/ byang chub sems dpa' sems dpa' chen po byams pas 'di skad ces gsol
- 63a
#/ btsun pa bcom ldan 'das sems can gang dag srad ma'i chetshe mad ma'i dus lnga brgya pa pham pa la/ de bzhin gshegs pa'i ye shes kyi phrag rgya'i ting nge 'dzin 'di yongs su bzhi par 'gyur ba dang / len par 'gyur ba de dag ji snyed cig 'byung bar 'gyur/ de skad ces gsol pa dang / bcom ldan 'das kyis/ byang chub sems dpa' sems dpa' chen po byams pa la 'di skad ces bka' stsal to/ / byams pa phyi ma'o tshe phyi ma'i dus na/ sdug bsngal ba/ mchog tu sdug bsngal ba/ gzu lums can/ mchog tu gzu lums can/ bzod par dka' ba/ mos par dka' ba/ dge ba'i rtsa ba rnam par 'jig par byed pa 'byung bar 'gyuraro/ / byam pa gal te ma 'ongs pa'i tshe/ ma 'ongs pa'i dus na/ byang chub sems dpa' rnams kyi rnam par 'jig par 'gyur ba ci 'dra ba 'byung ba de thams cad khyod la bstan kyang / de dag byams pa khyod la snang bar mi 'gyur ro// de skad ces bka' stsal pa dang / bcom ldan 'das la/ byang chub sems dpa' sems dpa' chen po byams pas 'di skad ces gsol to// bdag cag thams cad la thugs brtse bar dgongs te/ bcom ldan 'das bshad du gsol/ bde bar gshegs pa bshad du gsol/ bcom ldan 'das byang chub sems dpa' gang dag ya ga par slob par 'tshal bar 'gyur ba de dag ni thos nas/ de bzhin nyid du slob par 'gyur zhing / de bzhin nyid du bslabs nas kyang / de bzhin nyid du sgrub par 'gyur te/ ci nas kyang bla na med pa yang dag par rdzogs pa'i byang chub las yongs
- 63b
su nyams par mi 'gyur ba de ltar sgrub par 'gyur ro/ / de skad ces gsol pa dang / bcom ldan 'das kyis/ byang chub sems dpa' sems dpa' chen po byams pa la 'di skad ces bka' stsal to// byams pa sems can gang dag sngon sangs rgyas brgya la byang chub kyi sems bskyed cing / dge ba'i rtsa ba bskyed par gyur pa de dag ni phyi ma'i tshe phyi ma'i dus na/ byang chub kyi sems nyams par 'gyur te/ shin tu rgyas pa la yang mi mos shing spong bar 'gyur ro// byams pa sems can gang dag sngon gyi sangs rgyas stong la byang chub tu sems bskyed cing / dge ba'i rtsa ba yang bskyed par gyur pa de dag ni/ phyi ma'i tshe phyi ma'i dus na/ byang chub kyi sems skye yang shin tu rgyas pa spong bar 'gyur gyi/ mos par mi 'gyur/ yi ger 'dri bar mi 'gyur/ 'dzin par mi 'gyur/ 'chang bar mi 'gyur/ lung nod par mi 'gyur/ dad par mi 'gyur ro// byams pa sems can gang dag sangs rgyas 'bum la byang chub tu sems bskyed cing / dge ba'i rtsa ba yang bskyed par gyur pa de dag ni phyi ma'i tshe phyi ma'i dus na byang chub kyi sems skye bar 'gyur shin tu rgyas pa la yang mos par 'gyur zhing mi spong yang / lung nod par mi 'gyur/ don go bar mi 'gyur ro// byams pa sems can gang dag sangs rgyas bye ba la byang chub tu sems bskyed cing / dge ba'i rtsa ba yang bskyed par gyur pa de dag ni/ phyi ma'i tshe phyi ma'i dus na/ byang chub kyi sems skye bar 'gyur/ shin tu rgyas pa'ang thos par 'gyur/ yi ger 'dri bar 'gyur/ 'chang bar 'gyur/ mos par 'gyur//
- 64a
lung nod par 'gyur/ don go bar 'gyur yang byang chub la bzod par mi 'gyur/ ting nge 'dzin 'di 'thob par mi 'gyur/ spobs par mi 'gyur ro// byams pa sems can gang dag sangs rgyas bye ba phrag bcu la byang chub kyi sems bskyed cing / dge ba'i rtsa ba yang bskyed par gyur pa de dag ni/ phyi ma'i tshe phyi ma'i dus na/ byang chub kyi sems skye bar 'gyur/ shin tu rgyas pa yang thos par 'gyur/ mos par 'gyur la/ yi ger 'dri bar 'gyur/ 'dzin par 'gyur/ lung nod par 'gyur/ bzod par 'gyur yang ting nge 'dzin 'di thob par mi 'gyur/ spobs par mi 'gyur ro// byams pa sems can gang dag sangs rgyas bye ba phrag sum cu la byang chub tu sems bskyed cing / dge ba'i rtsa ba yang bskyed par gyur pa de dag ni/ phyi ma'i tshe phyi ma'i dus na/ byang chub kyi sems skye bar 'gyur/ shin tu rgyas pa'ang thos par 'gyur/ mos par 'gyur zhing spong bar mi 'gyur la/ yid ches par 'gyur/ 'dod par 'gyur/ yi ger 'dri bar 'gyur/ klog par 'gyur/ kha ton byed par 'gyur/ kun chub par byed par 'gyur/ 'dzin par 'gyur/ kun 'dzin par 'gyur/ don yang rtogs par 'gyur/ gzhan dag la yang rgya cher yang dag par rab tu ston par 'gyur/ sgom par 'gyur/ byang chub la bzod pa'ang thob par 'gyur yang / de bzhin gshegs pa'i ye shes kyi phyag rgya'i ting nge 'dzin 'di thob par mi 'gyur/ spobs par mi 'gyur ro// byams pa sems can gang dag sangs rgyas bye ba phrag brgyad cul byang chub tu sems bskyed cing / dge ba'im
- 64b
ba yang bskyed par gyur pa de dag dang / sangs rgyas bye ba phrag brgyad rgyalas/ de bzhin gshegs pa'i ye shes kyi phyag rgya'i ting nge 'dzin 'di thos par gyur lams bzung bar gyur pa de dag ni/ phyi ma'i bya dus na/ byang chub tu sems skye bar 'gyur/ shin tu rgyas pa'ang thos par 'gyur/ mos par 'gyur/ yid ches par 'gyur zhing spong bar mi 'gyur la/ 'don par 'gyur/ dad par 'gyur/ kha ton byed par 'gyur/ yi ger 'dri bar 'gyur/ klog par 'gyur/ kun chub byed par 'gyur/ don yang rtogs par 'gyur/ gzhan dag la yang rgya cher yang dag par rab tu ston par 'gyur/ sgom par 'gyur/ byang chub la bzod pa'ang thob par 'gyur/ de bzhin gshegs pa'i ye shes kyi phyag rgya'i ting nge 'dzin 'di yang thob par 'gyur/ chos thams cad dbyer med cing dmigs su med pas/ sangs rgyas kyi byang chub ston par 'gyur/ bdud kyi las kyis mi 'phrog par 'gyur/ chos kyi sgrib pas mi 'phrog par 'gyur ro// de dag gis bskal pa grangs med par/ gang sdig pa'i las mngon par 'dus byas par 'gyur ba de dag gi de yang / phyi ma'i tshe phyi ma'i dus/ klad pa na ba tsam gyis thams cad byang bar 'gyur/ sems nyam nga ba tsam gyis thams cad byang bar 'gyur/ skur pa btab pa tsam gyis thams cad byang bar 'gyur/ brnyas pa tsam gyis thams cad byang bar 'gyur/ 'thing spad byas pa tsam gyis thams cad byang bar 'gyur/ cho bris pa tsam gyis thams cad byang bar 'gyur/ rnyed pa chung bas thams cad byang bar 'gyur/ skye ba gcig
- 65a
kho nas thams cad byang bar 'gyur ro/ / byams pa gang dag phyi ma'i tshe phyi ma'i dus na/ byang chub kyi sems la sgyid lug par mi 'gyur zhing / yang dag par rlangs pa brtan pa/ bsam pa thag pas byang chub la zhugs pa'i byang chub sems dpa' de dag ni/ sangs rgyas grangs med pa mang po la bsnyen bkur byas pa yin no// byams pa byang chub sems dpa' de dag gis ngan song myong bar 'gyur ba'i las gang 'dus byas pa de dag gi de yang phyi ma'i tshe phyi ma'i dus na/ mdog ngan par gyur pa tsam gyis byang bar 'gyur/ gdul dka' ba tsam gyis byang bar 'gyur/ nad mang ba tsam gyis byang bar 'gyur/ gzi brjid chung bas byang bar 'gyur/ dma' ba'i rigs su skyes pas byang bar 'gyur/ ma grags pa'i rigs su skyes pas byang bar 'gyur/ khyad du bsad pa'i rigs su skyes pas byang bar 'gyur/ dbul ba'i rigs su skyes pas byang bar 'gyur/ mtha' 'khob kyi skye bo'i rigs su skyes pas byung bar 'gyur/ ngan pa'i rigs su skyes pas byang bar 'gyur/ 'phongs pa'i rigs su skyes pas byang bar 'gyur/ log par lta ba'i rigs su skyes pas byang bar 'gyur/ bran po dang / bran mo dang / kla klo'i rigs su skyes pas byang bar 'gyur/ sems can skal ba ma mnyam pa dang phrad pas byang bar 'gyur/ 'phags pa ma yin pa'i sems can dang phrad pas byang bar 'gyur/ sems la mya ngan mang bas byang bar 'gyur/ rgyal srid 'khrug pa dang / yul 'khrug pa dang / ljongs 'khrug
- 65b
pa dang / grong dang / grong khyer dang / grong rdal dang / yul 'khor dang / rgyal po'i pho brang 'khor 'khrugs pa dang / khyim 'khrugs pa dang / sdug pa dang bral bas 'khrugs pa dang / mu ges 'khrugs pa dang / dge ba'i bshes gnyen mi mthong ba dang / rgyun du chos mnyan pa mi 'thob pa dang / gos dang / zas dang / mal cha dang / na ba'i gsos sman dang / yo byad rnams yun ring pos rnyed pa dang / ngan pas rnyed pa dang / chung ngus rnyed pa dang / skye bo phal pa dga' ba dang / skye bo ya rabs ma mos pa dang / dge ba'i rtsa ba la brtson pa'i bar chad byung ba dang / rtogs pa chung ba dang / bsam gtan la sems g.yeng ba dang / sems kyi gnas ma rnyed pa dang / byang chub kyi yan lag rnams ma rnyed pa dang / chos kyi mtshams sbyar ba khong du ma chud pas kyang / las kyi sgrib pa de byung bar 'gyur ro// tha na rmi lam na sdig pa mthong ba rmis pas kyang / de dag byang bar 'gyur ro// las kyi sgrib pa des nyen par gyur na ni/ bdud sdig can gyis zil gyis non par 'gyur ro// bdud sdig can gyis zil gyis non par gyur na ni/ bdud kyis skyon rtog par mi 'gyur ro/ / de dag bdud kyi skyon khong du ma chud pas/ de la gang dag rnyed pa dang ldan pa de dag ni ma rnyed pa dag la brnyas so// gang dag mdzes par gyur pa de dag ni/ mdzes pa ma yin pa dag la brnyas so// gang dag blta na sdug par gyur pa de dag ni/ bltan mi sdug pa dag la brnyas so// gang dag mthong na dga' bar gyur pa de dag ni/ mthong na dga' ba ba yin pa dag la brnyas so// gang dag mang du thos pa gyur sa de dag mi mang
- 66a
du thos pa ma yin pa dag la brnyas so/ / gang dag spobs pa dang ldan par gyur pa de dag ni/ spobs pa dang mi ldan pa dag la brnyas so// gang dag gtong ba la mos par gyur pa de dag na ser sna can dag la brnyas so/ / gang dag tshul khrims dang ldan par gyur pa de dag ni/ ngang tshul ngan pa can dag la brnyas so// gang dag bzod pa tsam rnyed par gyur pa de dag ni/ gnod sems can dag la brnyas so/ / gang dag brtson 'grus dang ldan par gyur pa de dag ni/ le lo can dag la brnyas so// gang dag bsam gtan la bsam gtan byed par gyur pa de dag ni/ sems rnam par g.yengs pa dag la brnyas so/ / gang dag shes rab dang ldan par gyur pa de dag ni/ 'chal pa'i shes rab can dag la brnyas so// gang dag thabs la mkhas par gyur pa de dag ni/ thabs la mi mkhas pa dag la brnyas so// de dag chos yid du'o// pa gang dang gang rnyed par gyur pa de dang de dag nyid kyis gzhan la brnyas so// byams pa gang dag 'thun par gyur nas lag gcig ste dbyer med pas/ sngon sangs rgyas brgya la dge ba'i rtsa ba bskyed par gyur pa de dag kyang / phyi ma'i tshe phyi ma'i dus na/ / 'bye bar 'gyur na/ de las gzhan pa'i sems can bsam pa ma nges pa/ dge ba'i rtsa ba ma skyed pa/ tho rgod pa rnams lta smos kyang ci dgos te/ byams pa de ltar phyis 'jig rten mi bzang ba 'byung bar 'gyur ro/ / byams pa de lta bas na/ byang chub sems dpa' khyed kyis go cha chen po sra ba shin tu bgo bar bya/ lhag pa'i bsam pas bsgrub pa dang / bzod pa'i stobs dang ldan par bya/ chos zab
- 66b
mo la 'jug pa'i ye shes la mkhas par bya/ dmigs pa med pa'i lbu ba can du 'gyur bar bya/ sems brtan par bya/ brtson 'grus brtan pa dang / brtul ba brtan pa dang / sbyor ba brtan par bya/ ma'i tshe phyi ma'i dus na/ dam pa'i chos yongs su bla ba dang / dam pa'i chos gzung ba dang / dam pa'i chos kun tu bsrung ba dang / dam pa'i chos ring du gnas par bya ba la spro bar bya/ brtson 'grus brtsam par bya/ brtson par bya/ gzhan yang gzung bar bya'o// de nas mchog tu dga' ba'i rgyal po dang / 'jam dpal la sogs pa sems dpa' dpe med drug cu dang / byams pa dang / seng ge rab snang la sogs pa bskal pa bzang po'i byang chub sems dpa' sems dpa' chen po rnams kyis/ bcom ldan 'das kyis dam pa'i chos yongs su bzung ba bstan pa 'di thos nas/ phyi ma'i tshe phyi ma'i dus de na/ dam papa'i chos bzung bar spro bar gyur te/ de dag gis bcom ldan 'das la 'di skad ces gsol to// bcom ldan 'das bdag cag lhan cig tu mthun par g.yo dang sgyu thams cad spangs shing / nga rgyal dang / rgyags pa dang / dregs pa thams cad spangs la/ dga' ba dang / mi dga' ba dang / sred pa thams cad bsal te/ zab mo mi dmigs pa la mos shing / de bzhin gshegs pa'i sangs rgyas kyi byang chub bskal pa grangs ma mchis pa bye ba khrag khrig brgya stong du bsgrubs pa 'di kun tu bsrung bar bgyi/ gzung bar bgyi/ yongs su gzung bar bgyi/ gzhan dag la yang rgya cher yang dag par rab tu bstan par bgyi zhing / bdag cag lus dang
- 67a
srag la mi lta bar sangs rgyas kyi byang chub 'di kun tu bsrung bar bgyi'o/ / de nas bcom ldan 'das kyis/ mchog tu dga' ba'i rgyal po dang / 'jam dpal la sogs pa sems dpa' dpe med drug cu dang / byams pa dang / seng ge rab snang la sogs pa bskal pa bzang po'i byang chub sems dpa' sems dpa' chen po de dag la rjes su bstan pa'i phyir tshigs su bcad pa 'di dag bka' sprul to/ / g.yo med sgyu med nga med tha ba med// dran ldan blo gros ldan zhing gnas med gnas// zab mo bzod la mi g.yeng legs gnas te// stobs bcu nor 'di rab tu sru bar gyis/ / sgyu med gcam med 'dod medang med dang // gzung med dga' dang rnam par 'dzin dang bral// nam mkha'i lam ltar mnyam nyid rab ldan par// de ltar sbyar ba'i ting 'dzin 'di thob bo// rtag tu byang chub 'dun pa bstan par gyis/ / zab mo rgyal ba dag gi tshul yang bsgoms// dga' ba kun lang 'dris la mi ldan// des ni ting 'dzin dkon mchog 'di 'thob bo// rtag tu dga' dang mi dga' sems snyoms shing / / skyes bu mchog la ston pa lta bu yi// 'du shes skyed cing dga' bya rtag dganga' ba// des ni myur du ting 'dzin 'di rtogs so// snang ba zad mi shes pa mchog gi gter// spobs pa phyag rgya tshul ni bye ba brgyas/ / nyi ma'i 'od zer rab rib sel lta bu// ye shes 'jug pa'i tshul ni 'dir brjod do// nyi ma zla ba dang ni skar ma dang // ji ltar sa dang gangs kyi ri bo dang // gling bzhi bdag
- 67b
po brgya byin tshangs pa dang / / sman pa lta bu'i mdo sde 'di zung zhig/ 'di ni sems dag 'di ni las zad byed// 'di ni bdud rtsi 'di ni bdud 'dul ba// 'din pa ral sems spying rdzu 'phrub mig/ ni sems can thams cad rtogs byed smra// 'di ni bskal pa khrag khrig dran par byed// 'di ni dra ba thams cad ma lus zad// sangs rgyas phyag rgya 'di ni bde gshegs bstod// 'di dang ldan pa'i lag tu byang chub gnas/ / ji ltar stong pa rang bzhin 'dir gnas pa// de ltar de yis stong nyid 'di rtogs te// rtog dang rnam par rtog pa'i spros pa 'di// gnyis ka yongs su spangs nas chos 'dzin yin// nga ni mya ngan 'das phyi la la zhig/ chos 'di rmi lam lta bur lta zhes 'dzer// gang chos ma byung sus kyang byas ma yin// rang gi shes pas de dag de la rtog/ stong nyid ma skyes sus kyang byas ma yin// ma mthong 'ongs pa ma yin 'pho min na/ / dmigs gnas bdag cag stong nyid legs bslabs zhes// 'dzer ba de dag chos kyi rkun po yin// gang dag las ni chos 'di thos nas su// mchi ma 'byung zhing ba spu rab g.yos nas/ / de ni byang chub phyir mi ldog ces 'dzer// phyi nas bsngags pa ma yin brgya dag smra// ma rabs khyim du nor mang zad nas ni// bde ba'i ched du de dag rab phyung ste// bstan pa 'di la bde ba kun rnyed nas/ / nga yi sras rnams la ni sdang bar byed// byang chub don gnyer kha cig 'dir rab byung // byang chub smra ste byang chub gnas ma yin// rgya mtsho tshul mtha' pha mtha' ring ba ltar// 'dir yang ma bsdams
- 68a
byang chub de bzhin no/ / rnyed dang mdza' ba'i khyim la bsten pa'i phyir// bdag cag yang dag rab tu byung ba ste// spyod lam dag ni dgon pas rnam dag cing // mkhan po dang na mdza' bos dag ces 'dzer/ / gang dag nga yi bstan 'dir rab byung nas// pad+ma chu ltar 'jig rten chos gnas te// tshul 'di ji bzhin mdo sde 'dir brtson pa// de dag nga yi byang chub yang dag srung / ma tu dga' ba'i rgyal po khyod bstan gyis/ / blo ngan de dag lta bur bslab mi bya// nan tan gyis ni sangs rgyas yon tan thob// de phyir rtog pa med pa rab tu sbyor// khrag khrig zhing gi mi rnams ji snyed pas/ gang+gA'i bye snyed blangs nas btab pa dag/ de la bye snyed sa bon ji tsam par// 'bras bu re re byung bar gyur pa yi// de lta'i thabs kyis bye ma rgya che ba// stong 'gyur du ni yongs su bsgyur byas nas// ji snyed zhing rnams mtha' yas rab 'das shing / / gcig ces bya bar mtshan ma bzhag gyur la// de lta'i tshul gyis snga na yod pa yi// bye ma dag ni thams cad zad gyur pa// de tsam tshad kyi phyogs bcu ji snyed pa// zhing rnams rgyal ba rnams kyis yongs gang la/ / sangs rgyas re re'ang de snyed dbur gyur te// dbu kun la yang de snyed ljags gyur la// de dag bskal pa gang+gA'i bye snyed du// mdo sde 'dir gnas de yi bsngags brjod kyang / / ri rab yungs 'bru na mkha' rtswa tsam dang // rgya mtsho las ni thigs gcig blangs pa bzhin// de ltar de yi yon tan brjod gyur pa// de phyir rtogs med tshul du rab tu sbyor// de nas mchog tu
- 68b
dga' ba'i rgyal po dang / / 'jam dpal gzhon nur gyur pa la sogs pa sems dpa' dpe med drug cu dang / byams pa dang / seng ge rab snang la sogs pa bskal pa bzang po'i byang chub sems dpa' sems dpa' chen po de dag gis/ bcom ldan 'das la 'di skad ces gsol to// bcom ldan 'das chos chos zhes bgyi ba'i chos de chos gang gi tshig bla dgas lags/ de skad ces gsol pa dang / bcom ldan 'das kyis/ mchog tu dga' ba'i rgyal po dang / 'jam dpal la sogs pa sems dpa' dpe med drug cu dang / byams pa dang / seng ge rab snang la sogs pa bskal bzang po'i byang chub sems dpa' sems dpa' chen po de dag la 'di skad ces bka' stsal to/ / rigs kyi bu dag chos zhes bya ba'i chos de ni/ 'gyur ba med cing rnam par rtog pa med pa'i tshig bla dgas so/ / gsol pa/ bcom ldan 'das 'gyur ba ma mchis shing rnam par rtog pa ma mchis pa de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag 'gyur ba med cing rnam par rtog pa med pa zhes bya ba de ni dmigs pa med pa'i tshig bla dgas so/ / gsol pa/ bcom ldan 'das dmigs pa ma mchis pa de yang gang gi tshig bla dgas lags/ bcom lngar 'das kyis bka' stsal pa/ rigs kyi bu dag dmigs pa med pa zhes bya ba de ni mi zad pa'i tshig bla dgas so// gsol pa/ bcom ldan 'das mi zad pa de yang gang gi tshig bla dgas lags/ bcom
- 69a
ldan 'das kyis bka' stsal pa/ rigs kyi bu dag mi zad pa zhes bya ba de ni mi skye ba'i tshig bla dgas so// gsol pa/ bcom ldan 'das mi skye ba de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag mi skye ba zhes bya ba de ni/ mi 'gog pa'i tshig bla dgas so// gsol pa/ bcom ldan 'das mi 'gog pa de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag mi 'gog pa zhes bya ba de ni/ sdud pa med pa'i tshig bla dgas so// gsol pa/ bcom ldan 'das sdud pa ma mchis pa de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag sdud pa med pa zhes bya ba de ni/ yongs su gzung ba med pa'i tshig bla dgas so// gsol pa/ bcom ldan 'das yongs su gzung ba ma mchis pa de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag yongs su gzung ba med pa zhes bya ba de ni/ gnas med pa'i tshig bla dgas so/ / gsol pa/ bcom ldan 'das gnas ma mchis pa de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag gnas med pa zhes bya ba de ni 'gyur ba med pa'i tshig bla dgas so/ / gsol pa/ bcom ldan 'das 'gyur ba ma mchis pa de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag 'gyur ba med pa zhes bya/
- 69b
pa de ni/ 'dus ma byas kyi tshig bla dgas so// gsol pa/ bcom ldan 'das 'dus ma bgyis de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag 'dus ma byas zhes bya ba de ni/ grangs dang bral ba'i tshig bla dgas so// gsol pa/ bcom ldan 'das grangs dang bral ba de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag grang dang bral ba zhes bya ba de ni sems med pa'i tshig bla dgas so// gsol pa/ bcom ldan 'das sems ma mchis pa de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag sems med pa zhes bya ba de ni/ rnam par rig pa med pa'i tshig bla dgas so// gsol pa/ bcom ldan 'das rnam par rig pa ma mchis pa de yang gang gi tshig bla dag sa lags/ bcom ldan 'das kyis bka' stsal pa/ rigs kyi bu dag rnam par rig pa med pa zhes bya ba de ni/ 'du ba med pa'i tshig bla dgas so// gsol pa/ bcom ldan 'das 'du ba ma mchis pa de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag 'du ba med pa zhes bya ba de ni/ bral ba med pa'i tshig bla dgas so// gsol pa/ bcom ldan 'das bral ba ma mchis pa de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag bral ba med pa zhes bya ba de ni/ mnyam pa nyid kyi tshig bla dgas
- 70a
so/ / gsol pa/ bcom ldan 'das mnyam pa nyid de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag mnyam pa nyid ces ba de ni/ mi mnyam pa med pa'i tshig bla dgas so// gsel ba/ bcom ldan 'das mi mnyam pa ma mchis zhes bgyi ba de yang gang gi tshig bla dgas lags/ bcom ldan 'das kyis bka' sprul pa/ rigs kyi bu dag mi mnyam pa med pa zhes bya ba de ni/ gnas med pa'i tshig bla dgas so// gsol pa/ bcom ldan 'das gnas ma mchis zhes bgyi ba de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag gnas med pa zhes bya ba de ni dngos po med pa'i tshig bla dgas so// gsol pa/ bcom ldan 'das dngos po ma mchis pa zhes bgyi ba de yang gang gi tshig bla dag sa lags/ bcom ldan 'das kyis bka' stsal pa/ rigs kyi bu dag dngos po med pa zhes bya ba de ni/ ngo bo nyid med pa'i tshig bla dgas so// bcom ldan 'das ngo bo nyid ma mchis zhes bgyi ba de yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag ngo bo nyid med pa zhes bya ba de ni/ kun gzhi med pa'i tshig bla dgas so// gsol pa/ bcom ldan 'das kun gzhi ma mchis zhes bgyi ba yang gang gi tshig bla dgas lags/ bcom ldan 'das kyis bka' stsal pa/ rigs kyi bu dag kun gzhi med pa zhes bya ba de ni/ mya ngan las 'das
- 70b
pa'i tshig bla dgas so/ / de ras mchog tu dga' ba'i rgyal po dang / 'jam dpal la sogs pa sems dpa' dpe med pa drug cu dang / byams pa dang / seng ge rab snang la sogs pa bskal pa bzang po byang chub sems dpa' sems dpa' chen po de dag gis/ bcom ldan 'das la'ang skad ces gsol to// bcom ldan 'das gal te chos de dag mtshan nyid de lta bu lags na/ bcom ldan 'das chos 'di la chos nub par 'gyur ba ni gang lags/ bdag cag gis ni gang bsrung bar bgyi/ de skad ces gsol pa dang / bcom ldan 'das kyis/ mchog tu dga' ba'i rgyal po dang / 'jam dpal la sogs pa sems dpa' dpe med drug cu dang / byams pa dang / seng ge rab snang la sogs pa bskal pa bzang po'i byang chub sems dpa' sems dpa' chen po de dag la 'di skad ces bka' stsal to// rigs kyi bu dag byis pa so so'i skye bo rnams ni/ chos su 'du shes shing chos su rtog ste/ chos spros par byed do// de dag chos su brtags/ chos su spros pas gnyis su ston to// gang dag gnyis su ston pa de dag chos dang / 'gal bar zhugs pa yin mod kyi/ rigs kyi bu dag don dam par na 'di las chos sam/ chos dang 'gal ba gang yang mi dmigs so// de nas bcom ldan 'das kyis don de dag bka' stsal nas/ de'i tshe/ tshigs su bcad pa 'di dag gsungs so// kha cig byas pas de nyid 'dus byas te// gzhan ni 'dus ma byas 'dzer kha cig gzhan// chos la dmigs pas gnyis ka'ang rnam rtog ste// spros pa de ni nga
- 71a
pa ma yin smras/ / chos ni gang gis ma byas bshig pa med// ma mthong ma shes su dang nye ba'ang min// yongs rtog spyod sul mi rigs ldan de dag/ de dag thams cad steng zhes tshig tu smras/ / gang zhig stong sems de ni rigs min te// 'di ltar de yis skye med brtags phyir ro// rnam rtog thams cad bdud kyi zhags pa ste// 'gyur med chos kyi phyag rgya zhes bya'o// med pa'i chos la yong su rtog pas na/ / byis pa gang yin g.yo ba de yis bcings// rnam par rtog pa thams cad brag cha 'dra// byis pa de dag gnyis su 'dzin pas rtog/ shes ldan rnams kyis shes pa gzhar mi rnyed// shes ldan las kyang shes pa byung ba med/ / kun rdzob dag la brten nas 'di bstan te// 'di la shes dang shes ldan mi dmigs so// gal te chos kyi ngo bo 'ga' yod na// de ni 'jig phyir chad pa mya ngan 'da'/ gal te chos rnams gnas par gyur na ni// de tshe mya ngan 'das kun rtag par 'gyur// byis pa dag gis spangs dang de bzhin thob// byis pas mya ngan 'da' byas mtshan nyid med// bdag tu dmigs pa dag ni 'dus byas thob/ / mkhas pa yod dang med par 'du shes med// rig dang ma rig gnyis ka gnyis su med// tha snyad tsam ste de la snying po med// spros pa mtshan ma spyod yul de dag ni// dngos po gzhig phyir mya ngan 'das pasgra/ / sems kyis sems kyi ngo bo nyid mi shes// ngo bo nyid kyis sems kyang mi shes te// chos rnams thams cad rmil mngo bo nyid// de ni gnyis su bden zhes khacig sgra/
- 71b
ba'i chos de bden pa ma yin te// 'gog pa yang ni cung zad bden ma yin// sangs rgyas thams cad skye ba'i chos min te// de lta'i thabs kyis bden par 'gyur ba yin// sangs rgyas ye shes cung zad sa/ rnyed de// bstan pa'i chos kyang cung zad bstan pa med// sus kyang sems can gang yang bkrol ba med// de ltar sangs rgyas mi skye sangs rgyas so// gal te 'di ni rang bzhin mya ngan 'das// rgyal ba nyan thos bcas pa de nyid 'gro/ / ther zug chos ni mya ngan 'das ma yin// spros pa med pa nams kyang mkhas mi 'gyur// gang gis sems can sems can don mi mthong // ji ltar 'jig rten kun rdzob sems can bstan/ / sems can gang dag ngo bo nyid mthong na// de ni mya ngan 'da' ba gzhi med gnas// gang dag 'di la phung po bden sgra dang // kha cig seng 'gog lam ni bden zhes 'dzer// skye ba med pa bden pa gcig yin na/ / de la kha cig bden pa bzhi zhes 'dzer// byang chub snying por 'dug nas bden gcig kyang // ma grub ma mthong gzhi lta ga la zhig/ de ltar blo gros ngan mang rab byung nas// / nga yi bstan pa rnam par 'jig par byed// dge sbyong yon tan tshol bar byed pa dang // ting 'dzin 'di la rab tu sbyar ba'i phyir// ma bsdams rnams dang 'dris par mi byed de// bse lta bur ni dgon pa gnas par bya/ / rkang gnyis dam pa bye ba brgyad cu yis// 'di la rab tu sbyor ba dgongs pa mdzad// gang dag bden pa mthong ba'i lha mang po// de dag nyin dang mtshan du de la srung // gang dag ting 'dzin palta
- 72a
@#dka' 'di bsgom la/ / sangs rgyas kyis ni de yi rmi lam du// snang ba gsal ba mtha' yas mi zad pa// bsgrub pa 'jug pa'i sgor 'jug sbyin par 'gyur// de nas bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal byang chub sems dpa' sems dpa' chen po/ sangs rgyas kyi byang chub mngon par rdzogs par 'tshang rgya bar 'dod pas/ ting nge 'di la brtson par bya'o/ / byang chub sems dpa' mtshan dang dpe byad bzang po yongs su sgrub par 'dod pas/ ting nge 'dzin 'di la brtson par bya'o// byang chub sems dpa' sangs rgyas kyi chos ma 'dres pa bco brgyad thob par 'dod pas/ ting nge 'dzin 'di la brtson par bya'o// byang chub sems dpa' stobs dang / mi 'jigs pa dang / byams pa chen po dang / snying rje chen po thob par 'dod pas/ ting nge 'dzin 'di la brtson par bya'o/ / byang chub sems dpa' sangs rgyas kyi spyan dang / rang byung nyid dang / sangs rgyas kyi zhing phun sum tshogs pa dang / tshe phun sum tshogs pa dang / bkod pa phun sum tshogs pa thob par 'dod pas/ ting nge 'dzin la brtson par bya'o// byang chub sems dpa' 'khor phun sum tshogs pa dang / gzugs phun sum tshogs pa dang / byang chub sems dpa' phun sum tshogs pa dang / nyan thos phun sum tshogs pa thob par 'dod pas/ ting nge 'dzin 'di la brtson par bya'o// byang chub sems dpa' snang ba dang / ye shes dang / gzungs dang / sems can gyi skad kyi brda dang / rigs pa dang / tshul dang / sgo thob
- 72b
par 'dod pas/ ting nge 'dzin 'di la brtson par bya'o// byang chub sems dpa' lam la 'jug pa dang / 'od phun sum tshogs pa dang / so so yang dag par rig pa'i stobs bskyed pa dang / rnam par gdon mi za ba'i stobs bskyed pa la mkhra pa thob par 'dod pas/ ting nge 'dzin 'di la brtson par bya'o// byang chub sems dpa' spobs pa phun sum tshogs pa dang / lta ba phyin ci ma log pa dang / mnyam pa nyid rtogs par khod/ du chud par 'dod pas/ ting nge 'dzin 'di la brtson par bya'o// de ci'i phyir zhe na/ 'di ltar byang chub sems dpa' ting nge 'dzin 'di la brtson pa ni/ yon tan gyi phan yon 'di thams cad 'thob bo// de ltar bya/ chub sems dpa' yon tan gyi phan yon dang ldan pa ni sangs rgyas zhes bya'o// 'dren pa zhes bya'o// rnam par 'dren pa zhes bya'o// yongs su 'dren pa zhes bya'o// ston pa zhes bya'o// thams cad mkhyen pa zhes bya'o/ / rgyal ba zhes bya'o// 'jig rten mgon po zhes bya'o// rang byung zhes bya'o// de bzhin gshegs pa zhes bya'o// ji ltar smra ba de bzhin byed pa zhes bya'o// mnyam pa med pa dang / mi mnyam pa dang mnyam ba dang / mtshungs pa med pa'is bya'o// mchog pa/ yang dag par smrab/ bden pa zla ba/ dus su b+hA ba zhes bya'o// 'dus ba zla ba~M zhes bya'o// blan med pa zhes bya'o// mi'i dam pa zhes bya'o// tsom phying 'ir/ 'jam dpal ngas ting nge 'dzin 'di la gnas nas/ bcom ldan 'das mar me mdzad de bzhin gshegs pa mthong mthag tu byang chub thob bo// 'jam dpal gyis gsol to// gal te bcom ldan
- 73a
'das de bzhin gshegs pa mar me mdzad gzigs ma thag tu byang chub brnyes na/ bcom ldan 'das ci'i slad du slar bskal pa grangs ma mchis par 'khor ba na bcom ldan 'das kyis bka' stsal pa/ 'jam dpal sad+ma rgyas kyi bya ba byed cing / sems can yongs su smin par bya ba dang / sngon gyi smon lam phun sum tshogs pa thob par bya ba'i phyir/ bskal pa grangs med par 'khor ba na 'khor mod kyi/ 'on kyang 'jam dpal dar ngas byang chub dang / de nyid du yongs su mya ngan las 'das pa bzung ngo // de nas bcom ldan 'das kyis don 'di nyid rgya cher bstan pa'i phyir/ de'i tshe tshigs su bcad pa 'di dag bka' stsal to/ / 'di dang ldan pa 'dren par 'gyur te blo gros mtha' yas mchog/ phyogs bcu'i sangs rgyas bye ba brgya phrag mang po dag gis dgongs par 'gyur// mdo sde brgya yi tshul dag shin tu rab 'bye bas ma yas dpag med de/ / mdo sde 'di la rab tu sbyor ba mi zad gzungs 'thob rnyed par 'gyur// 'di ni ye shes ting 'dzin rnam par gdon mi za ba skad kun sgo// rab tu rtogs dang rnam par grol dang chags med 'dzin pa thams cad zhi/ / mi skye ba dang 'gog dang gzhi med mya ngan 'das dang rims nad med// stobs dang mtshan dang dpe byad bzang dang rgyal ba'i yon tan kun bsgrub pa// dbyangs kyi yan lag kun dang sna tshogs mtha' yas skad rnams yongs su sbyong / / rjes su rtogs dang tshim pa dang ni longs spyod 'dzin pa thams cad bral// shin tu rnam par shes dang gdon mi za mchog nyon mongs thams cad zad//
- 73b
mdo sde 'di la rab tu sbyor ba byang chub drung du song ba yin// rtsecig yid kyis mngon sum du ni 'di la tshul bzhin rab sbyor la// gnyid dang le lo ma byed shes kyi khe bde mngon par dga' ma byed// rtag tshul khrims gnyen dang phrag dog med dang rnams pa'i yid du byos/ / dga' ba'i ngang tshul gus dang bcas pas ting 'dzin mchog 'di rnyeng par 'gyur// mnyam sems shin tu bsdams pa drang po ga d+harnam par dga' ba dang / / gnas med 'dris med shes kyi la dang bde la pad+ma chu bzhin byos// ji ltar bya bzhin nga med mos pa brgyan dang srid dang gas med pa// de ni phyi ma'i dus na gzungs mchog rnam po 'di ni thob par 'gyur/ / stong gsum dag ni rab tu g.yos nas lha brgya si la snyan dkrol bar byed// nam mkha' las ni byug pa gos dang phyem dag dang rgyal mtshan bcwa// mdzes 'bring mgul rgyan dru du gadru dogs u0f7f/ d+ho bum myu du can tsu nas ga gachogs ba / lha dang m+bu'i bram gru kyi 'as bams cag sa 9// rnamapa' mam b o dag pan dge slong brgya mang dang / / de bzhin dge slong sa dang dge sbyin ma ni mang po dag 'a gyur 'das// rang ga gos dag dang rkyen nams bral nas byang chub sems bgyud do// chos 'di shin ldan brgya chu zhugs pa dang kyi mi dag pa gyu pa gnaci dag tu la yi/ / tha cos su thal par gyu rgyas so// mapa bya lh
- 74a
ags pa de dag dga' nas dong / / bcom ldan 'das kyis chos kyi rnam grangs 'di bshad pa na/ sems can grangs med pa bla na med pa yang dag par rdzogs pa'i byang chub tu yang dag par zhugs so/ / byang chub sems dpa' khrag khrig phrag brgyad cu ni bla na med pa yang dag par rdzogs pa'i byang chub las phyir mi ldog par gyur to// byang chub sems dpa' bye ba phrag drug cu dang / 'bum phrag gsum ni de bzhin gshegs pa'i ye shes kyi phyag rgya'i ting nge 'dzin 'di thob bo/ / dge slong dang / dge slong ma dang / dge bsnyen dang / dge bsnyen ma dpag tu med pa dang / sems can tshad med pa dag gis ni dgra bcom pa nyid thob bo/ / phyogs bcu'i 'jig rten gyi khams nas 'dus pa'i byang chub sems dpa' de dag thams cad kyis ni de bzhin gshegs pa'i ye shes kyi phyag rgya'i ting nge 'dzin 'di thob bo// bcom ldan 'das kyis skad ces bka' stsal nas/ nyan thos chen po de dag dang / mchog tu dga' ba'i rgyal po dang / 'jam dpal la sogs pa byang chub sems dpa' dpe med drug cu dang / byams pa dang / seng ge rab snang dang snang byed la thug pa'i bar la sogs pa bskal pa bzang po'i byang chub sems dpa' sems dpa' chen po thams cad dang / phyogs bcu'i 'jig rten gyi khams nas 'dus pa'i byang chub sems dpa' sems dpa' chen po dang / rgyal po'i btsun mo dpal bzangs dang / gser mchog snang dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom
- 74b
ldan 'das kyis gsungs pa la mngon par bstod do/ / 'phags pa de bzhin gshegs pa'i ye shes kyi phyag rgya'i ting nge 'dzin ces bya ba dag pa chen po'i ma rdzogs so// / rgyag mkhan po dzi na mi tra dang / mu ne warma dang / dA na shI la dang / zhu chen gyi lo tsa ba ban+d+he ye shes sdes bsgyur cing zhus te/ skad gsar bcad kyis kyang bcos nas gtan la phab pa// / rgya gar skad du/ Ar+ya me tri pa ri bIts+tsha nA ma ma pA yA na sU tra/ bod skad du/ 'phags pa byams pas zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong gi dge 'dun chen po dang thabs cig tu bzhugs te/ byang chub sems dpa'i dge 'dun chen po dang yang thabs cig go/ de nas byang chub sems dpa' sems dpa' chen po byams pa stan las langs te/ bla gos phrag pa gcig tu gzar nas pubus me g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das 'di la chos sbyin pa'i rnam par smin pa gang lags/ de skad ces gsol pa dang / bcom ldan 'das kyis/ byang chub sems dpa' sems dpa' chen po byams pa la 'di skad ces bka' stsal to// byams pa sus stong
- 75a
gsum gyi stong chen po'i 'jig rten gyi khams gang+gA'i klung gi bye ma snyed rin po che sna bdun gyis yongs su bkang ste/ de bzhin gshegs pa dgra bcom pa yang dag par rdzogs pa'i sangs rgyas rnams la dbul ba phul ba pas/ gang gis snying rje bas tshigs su bcad pa gcig gzhan gyi rgyud la bzhag na/ byams pa bsod nams kyi phung po 'di la bsod nams kyi phung po snga ma des brgya'i char yang nye bar mi 'gro/ sdong gi cha dang / brgya stong gi cha dang / bye ba'i cha dang / bye ba khrag khrig brgya stong gi cha dang / grangs dang / cha dang / bgrang ba dang / dab dang / rgyur yang mi bzod do// bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to// gang gis gang+gA'i bye snyed 'jig rten khams// de dag rin chen byur bur bkang byas te/ / dga' rab sems kyis rgyal la phul ba bas// gang gis tshigs bcad cig gcig sems can byin// rin chen sbyin pa shin tu rgya chen de// snying rje bskyed nas tshigs bcad sbyin pa la/ gang gi cha dang grangs su rang mi phod na// lan gnyis lan gsum sems la ga la zhig/ bcom ldan 'das kyis de skad ces bka' stsal nas/ byang chub sems dpa' sems dpa' chen po byams po dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags
- 75b
pa byams pas zhus pa zhes bya ba theg pa chen po'i mdo rdzogs so/ / rgya gar skad du/ sad d+harma rA dza ma hA yA na sU tra/ bod skad du/ dam pa chos kyi rgyal po theg pa chen po'i mdo/ de'i tshe na sangs rgyas shing sA la gnyis kyi bar na bzhugs te/ mya ngan las 'das par gshegs kar/ sems can thams cad brgya stong khri 'bum phal mang po shrI gi ngan/ sangs rgyas paber bar 'thor tel nas/ gan par bcos ldan das / rlung za ca pas / de nas yang dag par gshegs pa phru kyis 'od chen po btang nas/ nam mkha'i khams thams cad khyab par snang ste/ 'od de'i nang nas chos kun mngon par bstan nas/ de'i tshe mang po'i nang na/ byang chub sems dpa'i ming nam mkha'i mdzod ces bya ba zhig yod pa stan las langs te/ sangs rgyas la lan gsum bskor nas/ slar ngos gcig tu 'dug ste/ lus smad yan lag lnga sa la btsugs/ dus te mchi ma blags nas/ sangs rgyas la gsol pa/ lha'i nang na btsun pa yang dag par gshegs pas/ mya ngan las 'das par gshegs pa'i dus kyang nya/ gshegs su yang sman/ gshegs kyi spyad na/ rnyog pa rnam pa lnga'i simra/ can las ngan pa mang ba bgyid cing ngan pa bcu sha stag spyod pa 'di lta bu'i sems can legs pa'i dpal kyi stobs snang ba la sangs rgyas kyis shin tu zab cing dam pa'i chos kyi mi ge sde bcu gnyis bshad pa/
- 76a
yi ge 'bru ni mangs/ gzhung ni rgya ches pas khong du chud cing 'tshal bar bgyi ba'ang dkar/ chos 'di kun blta nying rjes kyang mi chod na/ sangs rgyas kyis byams shing thugs rjes gzigs te/ theg pa chen po'i chos yang dag pa'i bden pa bye brag phyed par bshad de/ sems can rnams yang dag pa'i sman bzang po thob par bgyis te/ nad 'dug ge cog sos par bgyir smon no// sangs rgyas kyis// byang chub sems dpa' rnam mtha'am na la thog/ byam pa/ shin tu dashe'o// shA sh+'u // rigs kyi khyo kyis sems can rnams kyi phyir ba ste bu'i dzin rten po dri nus pa/ bsod nams chen po thob ste/ bsam gyis mi khyab bo// ngas khyod la yang dag pa'i bden pa theg pa chen po'i chos bye brag phyed pa/ mi 'gyur ba'i gzhung rdzogs par bshad do// ci'i phyir zhes byas na/ sems can rgya cher thar par bya ba'i phyir ro// sems can rnams mya ngan dang bral bar bya ba'i phyir ro// sems can dmyal ba'i nyon mongs pa las phyin cing yul gtsang mar skye bar bya ba'i phyir ro// yang dag par grol thar zhing skye shi las 'das par bya ba'i phyir khyed rnams kun sems rtse gcig tu soms shig dang / khyed la go bar bshad do// de nas phal mang po kun shin tu dga' gzha' ste/ kha tha dad kyis kyang tshig 'thun par cig car smras pa/ sangs rgyas kyis byams shing thugs rjes gzigs te/ bdag cag rnams la bye brag byed par bshad par smon no// sangs rgyas kyi zhal nas/ rigs kyi bu po rnams grol
- 76b
thar dang 'ad na/ 'dod pa'i yan lag bcad la sems gnyis su mi bsam par gcig tu bsam te/ yod pa bsam pa'i sems gtang ngo // sems kyi ngo bo nyid kyi tshul ni stong pa ste/ sems kyi ngo bo nyid kyi nang na 'gro ba'ang med do// gtang ba'ang med do// blang dang gtang ba med na ci'ang thob pa med do// de'i ming ni byang chub bo// ji lta zhe na/ mya ngan phal mang po kun ni sems gcig las skyes so/ / sems mi sems na mya ngan kyang mi skye ste/ 'du byed dang / shes rab rnams la blang ba dang gtang ba med do// blang ba dang gtang ba med na 'dod chags so cog dang bral lo// 'dod chags so cog dang bral na 'dod pa'i yan lag med do// byang chub sems dpa' nam mkha' mdzod kyis/ sangs rgyas la gsol pa/ bcom ldan 'das sems can kun gyi 'du mched dang shes rab kyis legs nyes skye nus shing lan bon ldang ba'i gnas lags te/ phyi nang mu gnyis kyi chos so cog gcig gi nang du gcig zhugs na/ ci'i smad nas de'i nang na blang ba dang gtang ba ma mchis zhes bgyir rung / sangs rgyas kyis/ byang chub sems dpa' nam mkha' mdzod la bka' stsal pa/ rigs kyi bu bsam gtan gcig tu 'dus pa'i nang du zhugs la kun gyi phyi nang du brtag tha mar yong med do/ / de ci'i phyir zhe na/ nang du bltas/ nang du brtags na/ yang dag pa'i ngo bo nyid la skye ba med/ phyis bltas/ phyir brtags na ma rig pa mi ldang / skye ba med/ ldang ba yang med ma/
- 77a
mya ngan las 'das pa'ang med de/ de ni gtsang gdang ba yin no// de ni mchog tu dga' ba'i sman yin no// byang chub sems dpa' nam mkha' mdzod kyis/ sangs rgyas la gsol pa/ bcom ldan 'das yang dag par gshegs pas theg pa chen po'i chos yang dag pa'i gzugs shin tu zab cing gces pa/ bla na ma mchis pa'i sman bzang po dang / theg pa gcig gi bden pa'i nang du 'jug pa bshad na slan chad kyi sems can mi gtsang ba'i las gsum gyis ngan pa bcu'i las bgyis te/ log sred las sprad pas rtsa ba dang gzhi 'phra zhing zhan te/ sems la gzungs su gzung ba'ang dka' nas/ sman dang nad kyang gal te mi mthun na/ thabs ji ltar bgyis na/ theg pa chen po'i nang du 'jug par rung / sangs rgyas kyis/ byang chub sems dpa' nam mkha' mdzod la bka' stsal pa/ ngal thabs yod kyis/ theg pa chen po la 'jug par bya'o// byang chub sems dpa' nam mkha' mdzod kyis/ sangs rgyas la gsol pa/ bcom ldan 'das bdag gis gna' sngon thos pa/ yang dag pa gshegs pas theg pa chen po rimi la ni pha rol tu phyin pa drug gi chos bshad/ theg pa bar ma'i mi la ni rgyu rkyen bcu gnyis kyi chos bshad/ theg pa chung ngu'i mi la ni bden pa bzhi'i chos bshad/ log sred can gyi mi la ni dge bcu'i chos bshad de/ kun kyang nad kyi gzugs dang sbyar nas/ chos kyi sman bzang po bshad na/ de ci'i slad nas/ theg pa gcig gi chos bshad de/ mi 'di rnam bzhi'i ramada'
- 77b
bgyi/ sangs rgyas kyis/ byang chub sems dpa' nam mkha' mdzod la bka' stsal pa/ ngas theg pa gcig gi lam gyi chos bshad pa de ni dper na sa gcig gis yod do cog bskyed cing thams cad gso nus pa dang mtshungs/ yang dper na chos kyi char pa'i rlan gyis thams cad la khyab par yog ste/ sa las skyes so cog thams cad ngoms so// dper na 'bras sna gcig gi chan bre ba la 'jig rten gyi sems can mi dang mi ma yin pa kun za'o/ / zos so cog kun lus ni ske/ srog ni 'tshe ste/ kun skye bar byas pa ni dper sman gyi rgyal po sman sgor mkhas pas sman gces pa bzang po gtan sbar te/ sems can tsha ba'i nad kyis btab pa la btang na ni grang bsil/ sems can grang ba'i nad kyis btab pa la btang na ni dro tsha'o// tshad pa na ba la btang na ni chad do// 'khyil ba la btang na ni phol te nad mi sos pa med do/ / ngas theg pa gcig bshad de/ mi de bzhi nad rnams gso ba yang de dang mtshungs so// byang chub sems dpa' nam mkha' mdzod kyis/ sangs rgyas la gsol pa/ bcom ldan 'das thabs ji lta bu spyad de ngan pa bcu dang / sems can log sred de/ theg pa gcig gi lam du 'jug par bgyi/ sangs rgyas kyis/ byang chub sems dpa' nam mkha' mdzod la bka' stsal pa/ rigs kyi bu pho nga'i theg pa gcig gi chos la theg pa gsum ldan te/ yang gud na theg pa gsum zhes bya ba bshad pa med do// khyod brtag par nyon cig/
- 78a
dang / khyod la zhib tu bshad do// rigs kyi bu po dam pa'i chos kyi lam mo cog phyi mo'i gzhi ngo bo nyid gcig ste/ gnyis su med na thabs spyad pa'i phyir theg pa gsum du bsha/ do// theg pa gsum gyi chos kun gcig tu 'dus par brtag/ sems can no cog la rnam pa bzhi yod mod kyi/ sangs rgyas kyi ngo bo nyid la ni gnyis su med do// ji lta zhes byas na/ sangs rgyas so cog dang / sems can no cog gi ngo bo nyid gcig tu 'thun te/ mdo gcig ste/ tha dad pa med na sems can rang gi sems kyis bye brag dbye ba g.yos so// yongs ni sangs rgyas kyang sems can yin/ sems can yang sangs rgyas yin te/ sems can no cog la yang sangs rgyas kyi ngo bo nyid yod do// sangs rgyas kyi ngo bo nyid dang / sems can gyi ngo bo nyid de gnyis kyang gcig ste/ ngo bo nyid gcig tu mtshungs mnyam mo// chos so cog dang yang mnyam pas na/ nga la thabs yod pas theg pa gcig la zhugs par bya'o// rigs kyi bu pho sems can de rnams sems kyi mkhar dam du bsrung du btsud de/ rkun po ma zhugs par bya'o// rnam par shes pa drug gi sgo mo chen po rdo rjes bsrungs bran la sems 'dug pa'i gnas la brtags te sems 'dug pa'i gnas shes na/ sems 'dug pa'i gnas na sems mi 'dug go// sems mi 'dug na gdod sems 'dug pa med do// ngan no cog la sems mi 'jug cing / 'du mched khams la sems mi 'jug na 'dod
- 78b
pa'i yan lag gi sems med do/ / 'dod pa'i yan lag med na sems kyis 'dod cing 'tshal ba med do// sems la btsal ba med na sems ga la yang mi 'dug go/ ga la yang mi 'dug na gdod de'i ming ni sems 'dug ces bya'o/ / rigs kyi bu pho sems can gyi sems kyi mya ngan no cog byas pa ni kun kyang rnam par shes pa la g.yos te/ mi 'dug pa'i lan no// sems 'dug na gdod mya ngan kyang med do/ / mya ngan med na gdod byang chub yin no// byang chub sems dpa' na mkha' mdzod kyis/ sangs rgyas la gsol pa/ bcom ldan 'das sems can thams cad kyis mya ngan no cog bgyis shing sems mi 'dug pa de ci zhig gi stobs kyis bslang ste/ 'dod pa'i yan lag bgyis pa sangs rgyas kyis byams shing thugs rje gzigs te/ phal mang po la dgrol zhing bshad par smon no// sangs rgyas kyis bka' stsal pa/ sems can ne cog sems kyi yan lag g.yos pas rang bzhin gyi stobs gnyis yod do// gnyis zhes bya ba gang yin zhes byas na/ gcig ni 'du mched kyi phyir g.yos te/ sems kyi yan lag rang bzhin gyi stobs kyi/ gnyis ni 'dumached kyi phyir ma langs kyi/ bdag gi sems las rang yangs te/ de ni bdag gi rang bzhin gyi stobs so// rigs kyi bu po de sems can rnams kyi rang bzhin gnyis mi g.yo bar byas na/ gdod mya ngan yang med/ byang chub kyang med do// mya ngan yang med/ byang chub kyang med na/ gdod yang dag par bden pa'i gnas su chud de/ de ni byang
- 79a
chub yang dag pa yin no/ / khyod la sogs pa byang chub sems dpas sems can zhig bstan cing drang na yang / sems 'dug par ston cig/ byang chub sems dpa' nam mkha' mdzod kyis/ sangs rgyas la gsol pa/ bcom ldan 'das semasas can bslab cing drang na/ de'i sems 'dug par bgyi na/ khams gang la 'dug na byang chub thob par rung / sangs rgyas kyis/ byang chub sems dpa' nam mkha' mdzod la bka' stsal pa/ shin tu dge'o// shin tu dge'o// rigs kyi bu po khyod 'dri re mkhas/ sems kyi phyi mo 'di lta bu 'dri ba byang chub sems dpa' sems dpa' chen po yin te/ bsam gyis mi khyab bo// khyod rtag par nyon cig dang / khyod la zhib tu bshad do// rigs kyi bu pho sems can bslabs shing drangs te/ sems 'dug par bya na/ 'dug pa ni/ nang na yang mi 'dug/ phyi rol na yang mi 'dug/ bar na yang mi 'dug go// sangs rgyas thams cad kyi theg pa chen po'i chos kyang nang na yang mi 'dug/ phyi rol na yang mi 'dug/ bar na yang mi 'dug go/ sems kyi shes pa gcig pul gnas te/ med pa'i gnas la 'dug pas na/ byang chub thob bo// byang chub thob tu zin kyang byang chub thob pa song med do// de'i ming ni yang dag pa'i mi gse ba zhes bya'o// ji lta zhes byas na/ mya ngan ni mi bden pa las skyesate/ mya ngan kyang stong pa'o// chos so cog kyang mang skyes pa med de/ chos kyang stong pa'o// sems zhes bya ba yang kyi mda' ming yod du zad kyi
- 79b
thob par mi rung ste/ sems kyang stong pa'o// rigs kyi bu po sems stong pa yin par rig na stong pa'i sems gcig gi nang nas mi bden pa thams cad la blta ba'i mi rigs so// thams cad pa/ bltas na de'i ming ni sems kyi dri ma zhes bya'o// sems la dri ma med na de'i ming ni zag pa zad pa zhes bya ste/ ming dang / kha dog dang / sems gsum char yang sbed pa ste/ rtag par gtsang ngo / byang chub sems dpa' nam mkha' mdzod kyis/ sangs rgyas la gsol pa/ bcom ldan 'das chos so cog kun kyang de bzhin lags pa lta na/ sems can thams cad kyang lus gcig/ sems gcig/ khams gcig/ sangs rgyas gcig gi khams su chud par nus pa'i rigs/ sangs rgyas gcig gi khams nas stong pa gang zhing khyab pa'i sangs rgyas thams cad kyi chos kyi khams sa 'jug nurkus pa'i rigs/ sangs rgyas kyis/ byang chub sems dpa' nam mkha' mdzod la bka' sprul pa/ rigs kyi bu pho khams thams cad kyang khams gcig tu gzhag tu ru / khams dang / pad+mo'i gdan gcig dang / yang dag par gshegs pa'i sku lus gcig gis khams thams cad kun rgyas shing gang bar rung ngo // khams thams cad mngon par bstar ra/ kun kyang stong pa'o// sangs rgyas thams cad kyi khams bzang du brgyan par yang rung ngo // byang chub sems dpa' gcig gi lus kyis khams thams cad gang rgyas par rung ngo // bsnga 'ag pa ga pa'i rang dul pas thas
- 80a
cad shong bar yang rung ngo / / khams thams cad khams gcig gi nang du gzhug pa dang / sems can gcig gi lus kyi nang du shong bar yang rung ngo // sangs rgyas kyi chos kyis gcig dang / byang chub kyi shing sdong po gcig gis khams thams cad gang bar yang rung ngo // sgra skad snyan pa gcig gis khams thams cad gang ste/ thams cad de bzhin thos shing shes te/ kun dga' gan bar yang rung ngo / / chos spyod pa rnams chos de bzhin gang bar shes na/ gzhan gyi yul khams thams cad sangs rgyas kyi lus btsal ba'i mi rigs kyi/ sems gcig dang / khams gcig gi/ gnas la sangs rgyas kyi lus btsal ba'i rigs so// lus gcig gi nang nas thams cad kyi lus 'byung bar nus so// thams cad kyi lus kyi nang nas lus gcig 'byung bar nus so// ji lta/ zhes byas na/ lus gcig ni sangs rgyas gcig gi lus yin no// lus mang po thams cad ni sems can gyi lus yin pas na kun sems gcig las skyes so// sems gcig pu dge na chos so cog zad par dge'o/ / sems gcig phyi mo mi dgen chos so cog zad par yang mi dge'o// las ngan pa byas na sems can ngan pa'i lus su skye'o// las dge ba byas na lha dang mi'i lus su skye'o/ / sems gcig po yang sems gcig gi gzugs dang bral na sems kyi gzugs kyi nang na stong pa ste/ ci la'ang thob pa med do// stong pa'i khams dang yang bral na blang ba med pa'i sa
- 80b
ni sangs rgyas kyi lus skye nus so/ / sangs rgyas kyi lus la ni lus gcig tu zad kyi/ gnyis su med do// yong sangs rgyas kyi ngo bo nyid ni gcig go// sangs rgyas kyi ngo bo nyid ni gcig gi ni se kyi ngo bo gcig tu zad do/ / sems gcig pu ma gtogs par gud du gzhan la btsal ba med do// gzhan la btsal ba byas na de ni yon po mi drang ba'o// ji lta zhes byas na/ sems kyi chos thams cad ni l ogs nas btsal ba med do/ / phyi logs kyi gnas nas btsal na de'i ming ni gzhan zhes bya'o// gzhan gyi gnas las btsal ba de ni mi bden pa'o// byang chub sems dpa' na mkha' mdzod kyis/ sangs rgyas la gsol pa/ bcom ldan 'das sems gcig gi nang nas sangs rgyas thob par 'dod na/ thams cad kyi sems kyi nang na/ kun la yang sangs rgyas kyi ngo bo nyid mchis pa lta/ sems can thams cad kun la sangs rgyas kyi ngo bo nyid mchis na/ yang dag par gshegs pa thams cad kyis sems gcig po sprad de/ sems can thams cad bskyed nus te/ sems gcig lus gcig gis 'khrug pa bsal na/ sangs rgyas kyi chos gzhan ma mchis te/ sangs rgyas kyi chos kyi sku lus su skyes lags pa lta/ sangs rgyas kyis/ byang chub sems dpa' nam mkha' mdzod pa/ bka' stsal pa/ rigs kyi bu de yin no// de yin no// khyod kyis bshad pa bzhin te/ sems can kun la yang sangs rgyas kyi ngo bo nyid yod de/ sangs rgyas yang dag par gshegs pa thams
- 81a
car kun gyis sems gcig pu'i chos spyad de/ sems can thams cad kyi sems so cog sems gcig pa'i nang du sangs rgyas kyi chos tshul du btsud pas/ sangs rgyas/ kyi lus thob bo// byang chub sems dpa' nam mkha' mdzod kyis/ sangs rgyas la gsol pa/ bcom ldan 'das sems can gyi rnams la sangs rgyas kyi ngo bo nyid mchis te/ sangs rgyas kyi ngo bo nyid kyi nang du btsal bas sangs rgyas thob na/ sems can thams cad kyi so so'i sems kyi nang na yang sangs rgyas lags te/ de thob par yang rung / mthong bar yang rung lags pa lta/ sangs rgyas kyis byang chub sems dpa' nam mkha' mdzod la bka' stsal pa/ rigs kyi bu pho sangs rgyas kyi ngo bo nyid yang dag pa'i gzugs dam par 'jug pa ni thob ces byar yang mi rung ngo // mi thob ces byar yang mi rung ngo // mthong zhes byar yang mi rung ngo // mi mthong zhes byar yang mi rung ngo // ji lta zhes byas na/ byang chub sems dpas sangs rgyas kyi ngo bo nyid yod ces bshad na/ de'i ming ni sangs rgyas la skur ro// sangs rgyas kyi ngo bo nyid med ces bshad na yang sangs rgyas la skur ro/ / sangs rgyas kyi ngo bo nyid yod pa ma yin zhes bshad na yang sangs rgyas la skur ba'o// sangs rgyas kyi ngo bo nyid med ces bshad na yang sangs rgyas la skur ba'o/ / ci zhes byas na/ byang chub sems dpa' sems can gyi sangs rgyas kyi ngo bo nyid yod pa ma yin na nam mkha' dang mtshungs/ med pa ma yin na ni ri bong gi rwa dang mtshungs te/
- 81b
ri bong gi ni yong med do// nam mkha' ni rtag par yod do// gzugs kyi tshul ni yod ma yin no// nam mkha'i tshul ni med pa ma yin no// gzugs kyi tshul kun dang bral na ci yang chags pa med do/ skye ba'i gnas la'ang mi 'dug ste/ de la skye bar mthong na dri ma'o// med pa'i gnas na mi 'dug ste/ de la ma mthong na chad pa zhes bya'o// sems can gyi sangs rgyas kyi ngo bo nyid kyi dam pa'i gzugs ni de lta bu yin no/ / sangs rgyas kyi ngo bo nyid ces bshad na skyed de skur ro// sangs rgyas kyi ngo bo nyid med ces bshad na smad de skur ro// sangs rgyas kyi ngo bo nyid yod kyang yod/ mer kyang med ces bshad na log par skur te/ sangs rgyas kyi ngo bo nyid yod pa yang ma yin/ med pa yang ma yin zhes bshad na dran thor du skur ro// byang chub sems dpa' nam mkha' mdzod kyis sangs rgyas la gsol pa/ bcom ldan 'das sems can gyi sangs rgyas kyi ngo bo nyid dam pa de bzhin du zab ste/ 'du mched kyi rnams dang bral bas cis kyang gos pa ma mchis te/ dper na nam mkha dang mtshungs shing phyi mo'i ngo bo nyid rtag par gtsang na ci'i slad nas/ sems can gyis mya ngan bslad nas/ sems can gyis mya ngan gyi rnams bgyis/ mya ngan bgyis na sems nyid dri ma lags pa lta na/ sems kyi dri ma de thog ma ga las skyes pa bcom ldan 'das kyis phal mang po la bshad de/ sems can gyi rnams kun gyis thos shing shes par bgyis te/ sems can gyi rnams kyi mya ngan ro 'tshal
- 82a
bshig ste/ sems can dri ma bkrus bsal la bkab cing dkris pa yang bral bar smon no// de nas sangs rgyas 'dzum dmul zhes bzhad de phyag g.yon pas byang chub sems dpa'i spyi bo la byis te/ 'od chen po btang nas thams cad kun tu khyab par byas so// de nas sems can pa la mang po thams cad kun tu shin tu dga' gzhi'a'o// sangs rgyas kyi zhal nas/ byang chub sems dpas sems can rnams kyi phyir/ de lta bu'i 'dri ba byas pa de'i ming ni drang po dris pa ste/ sems can thar par bya ba yin no// tshig gzhan dris na de'i ming ni yon por dris zhes bya ste/ sems can brlag pa yin no// byang chub sems dpa' khyod drang po 'dri nus pa/ sems can thar par byas pa yin no// khyed la sogs pa sems can kun sem gcig tu soms la rtag par nyon te/ 'gyes shing 'khrug pa'i sems sol la/ phyi logs kyi don med par byos te/ sems kyi yid thug par 'dug cig dang khyed la bshad do// bshad pa thos na ngan pa bcu'i sems can kun grol thar pa thob bo/ / byang chub sems dpa' nam mkha' mdzod kyis/ sangs rgyas la gsol pa/ bcom ldan 'das bdag la sogs pa sems can phal mang po thams cad kun sems gcig tu bgyis lags te/ 'khrug pa'i sems gzhan ma mchis na/ bcom ldan 'das kyis phal mang po la dgrol bshad par ston no// bcom
- 82b
ldan 'das kyis/ byang chub sems dpa' dang pal mang po rnams la bka' stsal pa/ mya ngan thams cad ni phyin ci log las skyes so// phyin ci log thams cad ni mi bden pa'i sems las skyes so/ / mi bden pa'i sems can thams cad ni nga yod pa las skyes so// nga yod pa thams cad ni phyi mo yong med lhas skyes so// phyi mo med pa thams cad ni mi 'dug pa nyid yin no// phyi me med na med pa ma yin no/ / yod pa ni dri ma'o// med pa ni gtsang ma'o// gtsang ma de'i gnas ni rtag pa pha rol tu phyin pa yin no// skyid pa pha rol tu phyin pa yin no// nga pha rol tu phyin pa yin no// gtsang pha rol tu phyin pa yin no/ / de lta bu mthong ba ni ming drang po mthong ba zhes bya'o// gzhan mthong ba ni ming yon po mthong ba zhes bya'o// de lta bu mthong ba ni mi de la shes rab yod do// gzhan mthong ba ni// mi de la shes rab med do// shes rab yod pas ni thabs kyis bkrol lo// shes rab med pas ni thabs kyis bcings so// byang chub sems dpa' nam mkha' mdzod kyis/ sangs rgyas la gsol pa/ bcom ldan 'das gtsang ma'i gnas de na sems can la la zhig sems rtag tu rtag pa'i sems g.yos so// rtag tu skyid pa'i sems g.yo'o// rtag tu nga'i sems g.yo'o// rtag tu gtsang ma'i sems g.yo'o/ / shes rab yod pa lags te/ phyir ci log ma lags so// sangs rgyas kyis/ byang chub sems dpa' la bka' stsal pa/ sems can la la zhig de ltar sems pa ni ming drang po
- 83a
sems pa ste/ ming de drang po mthong ba yin no// mi de shes rab yod pa yin no// ji lta zhes byas na/ yang dag par gshegs pa'i chos kyi sku lus rtag pa pha rol tu phyin/ skyid pa pha rol tu phyin/ dapha rol tu phyin/ gtsang ma pha rol tu phyin te/ gtsang gdang bar gnas so// sangs rgyas rnams kyi chos kyi sku lus de lta bar mthong ba'i mi de ni sangs rgyas kyi yang dag pa'i slob ma gcig pu yin te/ drang ba'i chos las skyes/ chos las 'phrul te// sangs rgyas kyi zhal nas skyes/ sangs rgyas kyi brtan pa bzhi thob bo// mi tha mal pa yin med kyi/ brtan pa bzhi byang chub sems dpa' yin no// rigs kyi bu pho nga 'das pa'i phyin lo lnga brgya yang rung / lo stong yang rung / lo stong lnga brgya yang rung / de'i phyin yang mi la la zhig gis chos kyi yi 'di gzungs su bzung ste/ kha ton dang klog nus la/ bshad pa bzhin du las sus byas te/ rtag skyid nga gtsang gi gnas la yid ches shing drang po mthong gi steng du chos 'di spyod de/ sems can bstan bslangs na/ sems can gcig bstan na de'i ming byang chub sems dpa' 'o// mi tha mal pa yin mod kyi/ yon phul blang du rung ste/ khyim nas byung ba'i mi yin no// byang chub sems dpa' nam mkha' mdzod kyis/ sangs rgyas la gsol pa/ bcom ldan 'das la yong khyim nas byung ba'i mi de skra dang kha spu bregs la chos kyi gos gyon te/ tshul khrims
- 83b
tshang ba mnos te/ tha mal pa'i chos kyis ma gos pa de'i ming ni khyim nas byung ste/ yong blang du rung ba zhes bgyi na yang dag par gshegs pas dang shad pa pa mi tha mal pa la khyim nas byung mi lags te/ yong blang du rung ba zhes bgyi ba'i de'i gzhung bye brag ma phye na/ sangs rgyas kyis byams shing thugs rjes gzigs te/ bdag la bshad par sper ro// sangs rgyas kyis byang chub sems dpa' nam mkha' mdzod la bka' stsal pa/ rigs kyi bu pho sgra dang kha spu bregs pa ni lus la nga med par 'dul ba'i phyir ro// chos gos gyen pa ni tha mal pa'i chos dang bral ba/ phyir ro// tshul khrims tshad par 'dzin pa ni thub cing mi gzhig pa'i phyir ro// ngas bshad pa de mi tha mal pa'i yin mod kyis/ lus dang sems thul bar nus te/ nga dang le le mi g.yo sems la rdul gyis ma gos te/ tha mal pa'i chos dang bral nas yun ring ste rdo rje dang mtshungs te/ tshul khrims kyi ngo bo nyid ma zhig pas/ tha mal pa yin med kyi/ yang dag par ma khyim nas bya yang dag pa yin no/ / yang theg pa chen po'i chos kyi yi ge 'di'i nang na bshad pa bzhin du las su spyad na/ sangs rgyas kyi chos la yid ches pas rtag skyi dang gtsang mthong ste/ sems can la dgrol ba shad na/ mi tha mal pa yin mod kyi/ brtan pa bzhi'i mi yin te/ byang chub sems dpa'i las spyod la yon blang rung ste/ ming ni dge bsnyen ces bya'o// shes rab kyi thabs thob
- 84a
ste/ theg pa chen po'i chos bshad do// de lta bu'i chos kyi ngo bo nyid kun sems dang ma bral te/ sems las 'phrul skyes te/ ting nge 'dzin mi g.yo/ rtag/ par gcig pu'i sems la gnyis su med do// gcig pa'i sems kyi nang na phyi nang yang med/ bar ma yang med de/ thams cad dang bral lo// thams cad dang bral na skye ba dang shi ba'ang med do/ / skye ba dang shi ba med na gdod yang dag pa'i mi g.yo ba yin no// yang dag pa'i mi g.yo ba rtag par 'dug la sangs rgyas dang / chos dang / dge 'dun ni med par mi 'gyur ro/ / khams gsum gyi sems can ni rang skyes rang shi'o// rigs kyi bu pho tshad kar sems can la nga med par bshad do// sangs rgyas dang yang dag par gshegs pa ni yang dag pa'i bden pa'ang yin te/ skye shing 'bab pa las 'das so// khyed la sogs pa sems can rnams rtag par 'dug pa tshol na/ 'dod pa'i rnams dang spongs la/ skye ba med pa'i las byos shig/ byang chub sems dpa' nam mkha' mdzod kyis/ sangs rgyas la gsol pa/ bcom ldan 'das las ji lta bu spyad na/ ming skye ba med pa'i las zhes bgyi/ sangs rgyas kyi zhal nas/ rigs kyi bu po rnams nga las gzhan ma skyes na/ gzhan las nga mi skye'o// ji lta zhes byas na/ tshul gyi ngo bo nyid ni gtsang ma stong pa ste/ yod pa yang ma yin/ rtag pa
- 84b
med pa yang ma yin no/ / yod do cog kyang yong ni stong pa gtsang ma ste/ med pa'ang ma yin na/ mthar yang yod pa lnga ma yin no// byang chub sems dpa' dang / sangs rgyas yang dag pa gshegs pa rnams kyis khor mor ngo bo nyid gcig gi spos kyi ro bro bas sems can rnams kyi sems gcig gi ngo bo nyid gtsang mang sangs na/ mdzangs pa'i rnams ni go ste/ stong par khong du chud blun po'i rnams kyis ni smad pa'i nang du zhugs te/ chags bcings so// ji lta zhes byas na/ sems can shes rab yod pa la gti mug med pas tshor ba'i ngo bo nyid yod de/ ma rig pa'o cog tsher bas tshor ba med pa mi g.yo'o/ / stong pa'ang med/ mi 'gyur ba yang med de/ gtsang gdang ba gcig pu'i nang du chud nas mya ngan no cog dang yang bral lo// sems can blun po ni gti mug yod pas tshor ba'i ngo bo nyid la ma tshor bas/ ma rig pa g.yos te/ tshor ba med pas ni rdul dang mya ngan thams cad byas so// tshor ba yod par shes na tshor ba med pa'ang med do// tshor ba med pa'ang med na gded nad kyang mi skye'o/ / nad mi skye na tshor ba yod pa'ang med do// tshor ba yod pa med na yid mi ches pa'i sems med do// ji lta zhes byas na/ yid mi ches pa'i sems gcig gi nang na yid rnam gnyis yod yid mi ches pa'i sems med na nad kyang mi skye'o/ / skye ba'i gnas yod na ni khang pa stong par zhugs so// ngo bo nyid gcig gi yang dag pa'i stong pa bya ba ri yod/ gzugs ni med@
- 85a
mched dang phrad do/ / rgyu gsos pa ni stong pa sgyu ma dang mtshungs so// byang chub sems dpas sems can no cog mid mi ches pa'i sems can ni chod par bya ba'i rigs so// bdag gis sems kyi mkhan po bya bar smon no// sems kyis bdag gi mkhan po bya bar na mi smon no// 'dod pa'i rnams dang bral la rang nyam med par byas te/ bsam pa'i gnas skyes kyang / bsam pa'i sems med do/ / snga ma'i sems dang phyi ma'i sems gcig la gcig gal bas na gzhung bzhin te/ ma rig pa mi g.yo/ tsher ba 'gyur ba yod mod kyi/ phyi mo mi g.yo ba'o// sems ga pa'i tshe snga ma g.yos pa'i sems kyis dgag go/ byang chub sems dpa' nam mkha' mdzod kyis/ sangs rgyas la gsol pa/ bcom ldan 'das sems kyi sngon logs na/ sems g.yos pa mchis na/ chos ci bgyis pas tshor zhing dgag nus/ sangs rgyas kyi zhal nas/ byang chub sems dpas las spyod pa'i rnams las khor mor sems 'dug pa'i rnams la rtog tu bcug ste/ sems 'dug pa'i gnas rig na/ gnod sems mi 'jug go/ de ltar tshor bas na tshor bas dgag go// 'dod pa'i sems mi g.yon dgag cing brtag pa yang med do// g.yo ba'i gnas yod na stong pa la bde bar bzhag go/ / ngo bo nyid kyi stong pa gcig gi nang na gos pa dang gtsang ma gnyis ka'ang med do// ngo bo nyid gtsang gdang bas na blangs pa yang med/ btang ba'ang med do// sems kyang mi skye'o//
- 85b
skye ba'ang med/ spyod pa yang med/ lus kyis spyod pa'i gnas kyang med/ tshig smra ba'i lam yang chad/ sangs rgyas kyi ngo bo nyid kyi dam pa tshor ba'i ngo bo nyid ni rtog par yod cing / dpe stong pa dang mtshungs te/ thams cad la chags so// byang chub sems dpas las 'di spyad na/ dper na dbyig ku thogs la nam mkha' la rdeg pa dang mtshungs te/ phog ni phog ste chags pa med do// de'i ming ni chos spyod pa zhes bya'o// chags pa'i gnas yod du zin na phyi nang du zhugs pa yin no// sa gtsang mar bgrod cing 'gro nas sems gcig ste gnyis su med do// bsam gtan du zhugs la ldang 'dug gi sems bkag ste/ yang dag par bden pa gcig la brtag sa la 'gyod tshangs bya'o// de'i tshe phal mang po'i nang na log sred ming 'dod mangs zhes bya ba zhig yod pa gna' thog ma med pa tshun chad log pa mang du byas te/ nyes pa bcu rtag par byas nas ldang ba dang / khro ba dang / phrag dog dang / 'gran nga ba dang / 'di rnam bzhi'i sbrul gyis ni drangs/ mi bden pa dang / phyin ci log gi sems kyi bya ba dang gnyis kyis ni sems rtsa ba bcad de/ dper na mi zhig shing gi kha mar spungs la 'og na sbrul bzhi 'dug ste/ kha gdug pa'i rlangs pas ni gyen du gtugs/ shing gi kha nas byi ba gnyis kyis ni dpyang thag gi rtsa ba la bzas te chad la thug/ sems gtsang ma gsum ni med par byas/ mig dang / kha dog dang / sems dang kun ni mi bden pa phyin ci log byed pa ste/
- 86a
mthong bas bcings nas/ sems can dmyal bar ltung la thug pa las skad cig bsam pa'i sems kyi nang na gnod bkur ba'i sems g.yos te/ yang dag par gshegs pa la 'gyod tshangs kyi chos dri'am snyam na yid la gnong zhing / ngo tsha bas 'dri ma phod na/ yang dag par gshegs pa'i 'phrul gyi thugs kyis de'i yid la sems pa mkhyen te/ mi de sdug bsngal ba las phral te/ sems can dmyal ba'i sgo nas dbyung bar thugs la dgongs nas/ byang chub sems dpa' nam mkha' mdzod la bka' stsal pa/ nga 'das te song ba'i phyir na log sred la la zhig gis las ngan pa mang du byas te/ sangs rgyas kyi dkon mchog gsum med par byed pa de lta bu'i mi ni phyi ma'i dus la sems can dmyal ba'i nang du yang dag par lhung nas/ bskal pa chen po bcu gnyis kyi bar du'ang mi thar ro/ / khyed byang chub sems dpa' rnams kyis byams shing snying rje spyod la sems can 'di lta bu'i rnams 'gyod tshangs byed du bcug la/ de'i sems kyi dri ma gtsang gdang bar byos la grol thar par byos shig/ byang chub sems dpa' nam mkha' mdzod kyis/ sangs rgyas la gsol pa/ bcom ldan 'das 'gyod tshangs kyi chos ci dgos na/ sdig bsal bar rung ba sangs rgyas kyis byams shing thugs rjes gzigs te/ bye brag phyed par bshad par smon no// sangs rgyas kyis/ byang chub sems dpa' nam mkha' mdzod la bka' stsal pa/ 'gyod tshangs byas
- 86b
dag pa'i den pa'i gzhung la stan go/ / yang dag pa'i bden pa'i gtus rtson TIg go cog thams cad bsal to// sangs rgyas kyis tshig 'di skad bshad zin nas/ de'i tshe phal mang po brgya stong khri 'bum gyi sems can gyi ming mi ma yin pa la sogs pa thams cad kun sems gcig tu yang dag pa bden pa'i gzhung gcig la brtags te/ mthong zin nas log sred 'dod mangs mod bzhin stan las langs te/ lus smad lnga sa la gtugs nas/ sangs rgyas la gsol pa/ bcom ldan 'das bdag gi sems la ma rig pa mchis pas rtag pa bslabs mod kyi/ yang dag pa'i bden pa'i gzhung ma mthong ngo // thog ma zhes bgyi ba ra mchis pa tshun chad ngan pa bcu 'ba' zhig gi las bgyis na/ da thabs ci spyad na bdag gis yang dag pa'i bden pa'i gzhung mthong zhing sdig zhu byang bar bgyir rung / sangs rgyas kyis/ 'dod mangs la bka' stsal pa/ khyed la sogs pa log sred kyi mi rnams kun sems gcig tu byos shig dang / ngas khyed la bye brag phyed par dgrol bshad do// 'dod mangs khyed la sogs pa sems can log sred can rnams// kyis lus dang sems la sangs rgyas kyi ngo bo gcig pu la brtags na/ chos kyi ngo bo nyid kyang brtag pa gcig du'o// sangs rgyas so cog la'ang ngo bo nyid gcig pu ste/ gnyis su med pas na yang dag pa'i bden pa'i gzhung yin no/ / de la gnyis su yod par mthong na/ de'i ming ni yon po zhes bya'o// yon po la blta na ni ma ngan 'khrug pa ldang ngo // yon po mthong ba med nam ngan 'khrug pa'ang mi smra'o//
- 87a
/ mya ngan 'jug patshod na de'i ming gtsang gdang zhes bya'o// khyod la sogs pa sems can kun gyis sems gcig tu sangs rgyas kyi ngo bo ng+ga gcig pu la rtogs shig sangs rgyas kyi ngo bo nyid las gzhan mthong ba ni yong med do/ / gzhan mthong ba yod du zin na kun kyang sgyu ma mi bden pa yin no// mi bden pa de lta bu byed pa ni phyin ci log ces bya'o// 'dod mangs sems gcig gtsang na ni chos so cog kun kyang gtsang ngo / / sems gcig rmen ni chos so cog kun kyang rme'o// rme ba'i dri ma ni sdig yin no// gtsang ma ni yang dag pa yin no// sems drim dang bral na sdig mi skye'o/ / 'dod mangs kyis/ sangs rgyas la gsol pa/ bcom ldan 'das bdag gis gnas nas las ngan pa'i rnams bgyis pa ni bskal pa stong phrag khri grangs ma mchis mu ma mchis pa lon na de ring sems skyed do/ / yang dag pa'i bden pa'i gzhung gcig la brtags na mu ma mchis pa'i sdig kun byang ngam mi byang ba sangs rgyas kyis dgrol bshad par smon no// sangs rgyas kyis/ 'dod mangs la bka' stsal pa/ yang dag pa'i bden pa'i gzhung rtogs na sdig to cog kun ni byang ngo // ci phyir shes bya na/ 'dod mangs sngon chad ni dri ma'i sems so// da ni gtsang ma'i sems so/ / sems gcig ste gnyis su med de/ gud na sems gzhan med do// de ring gi sems gtsang na sngon gyi gnas kyang gtsang ngo // de lta bas na bskal pa grangs med pa tshun chad kyi sdig
- 87b
rnams kun byang zhing med par mngon no/ / dper na me long lo stong lon pa'i steng na/ rdul chags pa la gos kyis thang cig phyis na me long de'i mod la bzhin snang ste/ rdul kun phyis nas lhag ma'ang ma lus pa dang mtshungs so/ / yang dag gcig tu na khang pa mun nag lo stong lon pa'i nang du mar me gcig bsregs pa dang mtshungs te/ mun pa kun med par song ngo // khyed la sogs pa sems can gyi rnams rtogs par sems gcig gis yang dag pa'i bden pa'i gzhung gcig la brtags pa'i rigs so/ / chos so cog gi nang gi las rnams spyad de/ 'jig rten gyi chos so cog thams cad dang bral bar bya ba'i rigs so/ / ci'i phyir zhes bya na/ 'dod mangs 'jig rten gyi chos ni g.yos kyang rung / ma g.yos kyang rung ste/ kun kyang mthar 'jig cing 'bral ba yin no// chos la zhig cing ral na spyod pa la'ang rtag pa med de/ chos la skye shi yod par 'gyur ro// skye shi yod pa'i chos dang bral na 'dod mangs yang dag pa'i gzhung zhes bya'o// 'dod mangs dper na rdza mkhan gyis rdzas spyad byas pa dang mtshungs te/ yid la ci 'dod pa bzhin du byas na spyad la mi 'gyur ba med de/ spyad kyi dpe gzugs dang / ming kun skyes shing dengs so// gyo mo'i rang bzhin 'ba' zhig yod de/ rang bzhin gcig pu ni rtag par yod do// dpe gzugs gzhan kun ni skyes shing dengs so// skyes shing dengs pa'i gzugs ni rang skyes pa ma yin no// rang skyes pa ma yin na yod pa ma yin no//
- 88a
'dod mangs sangs rgyas kyi ngo bo nyid ni dper gyo mo dang mtshungs so// sems kyi rang bzhin ni dper snod dang mtshungs so// skye shi'i chos yin no// las so cog dang bra na sangs rgyas kyi sku lus gcig yin te/ sangs rgyas kyi sku lus gcig la brtags na lus gzhan med do// 'dod mangs kyis/ sangs rgyas la gsol pa/ bcom ldan 'das bdag gis yang dag pa'i bden pa'i gzhung la brtags pas sdig gi rnams kun byang lags na/ yang las ci sprad na chos kyis lus skye ba rung / sangs rgyas kyis/ 'dod mangs la bka' stsal pa/ yang dag pa'i bden pa'i gzhung la brtags na nad do cog mi ldang ngo // sdig dang dri ma kun ma g.yos na sems ni rdo rje dang mtshungs te/ nam du yang mi 'jig go/ tshul khrims bsrung nus na/ sems nam mkha' dang mtshungs te/ phyi nang gnyis ka gtsang gdang ngo // bsam gtan 'dus pa'i nang du 'jug pa la mkhas na/ sems ni dper rlung dang / me dang mtshungs te/ las ngan pa'o cog kun gyis shing bsal lo// shes rab la rten pa la mkhas na/ shes rab thob par rung ste/ de'i ming ni grol thar pa zhes bya'o// grol thar pas na yang dag pashes shing mthong bar nus so/ / 'dod mangs khyod kyis 'di lta bu'i don sbyangs shing spyad nus na/ chos kyi skus lus rnam pa lnga thob par rung ngo // 'dod mangs kyis/ sangs rgyas
- 88b
la gsol pa/ bcom ldan 'das chos kyi sku lus rnam pa lnga la rgyu dang 'bras bu ci mchis/ sangs rgyas kyis/ 'dod mangs la bka' stsal pa/ sangs rgyas kyi ngo bo nyid ni rtag pa'i rgyu/ yin no// chos kyi sku lus ni rtag pa'i 'bras bu yin no// ji lta zhes byas na/ sems kyi rgyu ni sangs rgyas kyi ngo bo nyid de/ chos kyi yon tan gyis 'bras bu thob bo// rgyu dang 'bras bu/ dang bral na/ rgyu'i 'bras bu med do// rgyu dang 'bras bu med na sangs rgyas kyi lus yang dag pa yin no// 'dod mangs sems gtsang ma'i yul la sems mi g.yo/ sangs rgyas tshe dpag med babasams na/ gdod yul gtsang mar skyes te/ sems can gyi phyir mi g.yo ba'i chos bshad de/ sems yang dag pa'i stong pa'i nang du chud la g.yo zhing bshad pa'i chos rnams dang bral te/ shes pa gsum gyi ngo bo nyid gcig ste/ rdo rje dang mtshungs par mi 'jig go// de'i tshe ngal gyi nang na yang byang chub sems dpa' ming spyod med ces bya ba zhig yod pa stan las langs te/ phrag pa g.yas pa chos bzhin byas/ pus mo g.yas pa sa la btsugs te/ thal mo sbyar nas sangs rgyas la gsol pa/ bcom ldan 'das sangs rgyas 'das te gshegs pa'i skad lo lnga brgya'am/ lo stong ngam/ lo stong lnga brgyan/ sems can la chos bshad na/ sa da jag pas rgyas kyis byams shing drugs rje gzigs te/ bdag la drang zhing bshad
- 89a
par smon no/ / sangs rgyas kyis/ byang chub sems dpa' spyod med la bka' stsal pa/ rigs kyi bu po chos kyi rnams bshad pa ni mdo de bshad/ bzungs ni mi bshad do/ / gzhung ni bshad/ i ge ri ri mo no mo bshad do// de lta bur bshad pa no chos yang dag pa yin no// yi ge'i ro mo dang gzungs bshad na ni/ kha ga tses sems g.yos pa kun kyang / skur zhing dbang bzlas pa'i rigs kyi bu po sems can thams cad la chos bshad na mi g.yo ba bzhin du bshad/ mnyam snyoms par bshad pa'i rigs so// ji lta zhes byas na sems can no cog gi sems gcig la sangs rgyas kyi ngo bo nyid kyang gcig ste/ ngo bo nyid gcig tu mnyam snyoms na chos so cog kun kyang mnyam snyoms so// de la mtho dman du bshad na de'i ming yon po bshad pa ste/ de'i kha ni ral/ de'i lce ni gas te/ ci'i phyir zhes byas na/ sems thams cad kyi sems kyi dri ma yang dri ma gcig tu mthun no// sems can thams cad kyi sems gtsang ma yang gtsang ma gcig tu 'thun no/ / ci'i phyir zhes byas na/ sems can thams cad kyi sems gcig tu gtsang ste/ dge ba bcu'i chos 'thun par gtsang ngo // sems can thams cad kyi sems gcig tu dri ma yod na/ ngan pa bcu'i chos gcig tu 'thun par dri ma yod do// sems can gyi nad ni gcig tu mthun te/ sems can gyi sman dgos na sman kyang gcig
- 89b
tu dgos so/ / chos mang du bshad na de'i ming ni phyin ci log ces bya'o// ci'i phyir zhes byas na/ mi bden pas bye brag phye ste/ dge ba dang ngan pa'i chos bshig ste/ chos gcig bshig cig yod bzhin du chos bshad na/ sangs rgyas kyi chos lam bshad pa yin no// byang chub sems dpa' chos bshad pa ni mi g.yo ba bzhin du shod cig/ byang chub sems dpa' spyod med kyis/ sangs rgyas la gsol pa/ bcom ldan 'das ji ltar mi g.yo ba bzhin du bshad ces bgyi/ sangs rgyas kyis/ byang chub sems dpa' spyod med la bka' stsal pa/ rigs kyi bu pho yang dag pa'i bden pa'i chos gcig bshad pa ni mi g.yo ba bzhin du bshad pa yin no/ / sems drang po rdzogs par bshad pa ni mi g.yo ba bzhin du bshad pa yin no// mu gcig la chags pa med par bshad pa ni mi g.ye ba bzhin du bshad pa yin no/ / bye brag dbye ba med par bshad pa ni mi g.yo ba bzhin du bshad pa yin no// sems gcig tu gtsang mar gnas te bshad na mi g.yo ba bzhin du bshad pa yin no/ / bshad do cog kun bshad du med na mi g.yo ba bzhin du bshad pa yin no// de nas byang chub sems dpa' spyod med kyis/ sems can phal mang po thams cad kun gyis bye brag byed par khong du chud par bya ba'i phyir yang sangs rgyas la gsol pa/ ji lta bur bshad na bshad du med de/ mi g.yo ba bzhin du bshad ces bgyi/ sangs rgyas kyis
- 90a
byang chub sems dpa' spyod med la bka' stsal pa/ rigs kyi bu pa chos so cog gi rang bzhin gyi gzugs stong pas na bkrol zhing bshad du med do// chos so cog pa gzugs med pas na/ gzugs la bkrol zhing bshad du med de/ bshad du mi rung ngo // chos so cog la bya ba'ang med/ g.yo ba'ang med pas na bya ba med pa'i bkrol bshad pa la bshad du mi rung ngo / / rigs kyi bu pho bkrol bshad pa na de ltar bshad pa de bshad du mi rung bas mi g.yo ba bzhin bshad ces bya'o// byang chub sems dpa' spyod med kyis/ sangs rgyas la gsol pa/ bcom ldan 'das chos ni de ltar bshad lags pa lta na/ ji lta bur na sems drang por rdzogs par bshad ces bgyi/ sangs rgyas kyis/ byang chub sems dpa' skyed med la bka' stsal pa/ sems drang po zhes bya ba ni sems drang po spyad de yang dag par gshegs pa'i gzhung yid ches par bshad la/ bdag gi sems bzhin mi bshad pa'o// rdzogs zhes bya pab ni dge ba bcu'i gzhung rdzogs pa dang / bden pa bzhi'i gzhung rdzogs pa dang / rgyu rkyen bcu gnyis kyi gzhung rdzogs pa dang / pha rol tu phyin pa drug gi gzhung rdzogs pa dang / grol thar pa gzhung rdzogs pa yin te/ de lta bu'i chos rnams rdzogs na sems gcig gi nang na sangs rgyas ngo bo nyid gcig gi sar gtsang ma gcig snyoms par bshad na/ de'i ming rdzogs par bshad de/
- 90b
g.yo ba bzhin bshad ces bya'o// ci'i phyir nas zhes byas na/ chos so cog thams cad kun gcig tu rdzogs par bshad pa'i phyir ro// byang chub sems dpa' chos gcig tu gtsang mar snyoms/ dper mtsho chen po gcig gi chu'i nang na/ nor rin chen po rnam pa mang du yod pa la tshol bas yid bzhin du rnyed pa dang mtshungs so// yang dper na 'phrul gyi sman zhes bya bar sman go bdun rnam pa mang po la sa sbar te/ nad do cog gsos na sman btang ba bzhin kun sos so// snying gtsang ma gcig tu snyoms na sems gcig tu gtsang / sangs rgyas kyi ngo bo nyid gcig tu gtsang / chos kyi rnams gcig tu gtsang ste/ mnyam snyoms na chos kyi rnams snyoms te/ de lta bur bshad pa ni gtsang mar bshad pa yin no// gzhan ltar bshad pa ni rme bar bshad pa yin no// ci'i phyir zhes byas na/ sems can thams cad kun la sangs rgyas kyi ngo bo nyid yod do// sangs rgyas kyi ngo bo nyid med pa med de/ tshor ba la nye ring yod du zad do// rtsa ba'i phyi mo bzhin du theg pa chung ngu'i mi la ni theg pa chung ngu'i chos bshad/ log sred kyi mi la ni log sred kyi chos bshad de/ de'i ming ni sangs rgyas kyi chos lam yon por bshad pa zhes bya ste/ sangs rgyas kyi sku ngo bo nyid 'chan pa dang / sangs rgyas kyi sku lus med par 'chad pa'o// de lta bur chos 'chad pa'i mi ni bskal pa brgya stong khri'i bar du sems can dmyal ba rnams su lhung ste/ sangs rgyas 'jig rten du 'byung du zin
- 91a
kyang mi thar to/ / thar du zin te mi'i nang du skyes na yang yul gyi mtha' 'khob mi'i tha ma'i nang du skyes te/ mchu sho re la lce med pa de lta bu'i lan thob bo// ci'i phyir zhes byas na/ byang chub sems dpa' sems can gyi ngo bo nyid ni chos kyi ngo bo nyid yin te/ chos kyi ngo bo nyid ni rtag par gtsang la/ yang dag pa'i mtshan bzang po rnam pa kun ldan te/ phyi mo nas thob pa'ang med/ stor ba'ang med de/ byung ba'ang med/ nub pa'ang med de/ ngo bo nyid rtag cing yang dag pa'i bden pa ste/ sgyu ma mi bden pa'ang med do// mya ngan 'khrug pa'ang med do// mya ngan las 'das pa'ang med do/ / skyed 'bra'ang med la mtha' yun du gtsang ga dang ste/ ngo bo nyid gcig tu gtsang gdang ba ni byang chub nyid yin no// gtsang gdang ba'i ngo bo nyid dang / byang chub kyi ngo bo nyid ni gcig tu zad de/ gnyis su med do// gtsang gdang ba'i btang snyoms pa ste/ yi ge'i 'bru dang tshig lam yang chad do// dper na nam mkha' dang mtshungs te/ phyi nang gnyis ka gtsang gdang ngo / / gtsang gdang ba gcig pu de ni phyi nang na'ang mi gnas/ bar na'ang mi gnas/ smra ba'ang med/ bshad pa'ang med do// ji lta bur na de'i nang nas nad kyi rtsi bye brag dbye/ bye brag dbye ba med na bye brag dbye ba'i shes rab yin no// rigs kyi bu po sems gcig gtsang gdang ba gcig dang / sangs rgyas kyi ngo bo nyid gcig dang / 'di rnams dang bral na sangs
- 91b
rgyas btsal du yang med/ chos bshad du yang med/ dge 'dun thob pa'ang med do// ji lta zhes byas na/ sangs rgyas ni chos yin no// chos ni dge 'dun yin no// de lta bas nangs chos kyi yi ge 'di bshad pa sems can gyi lus sems gcig/ gtsang gdang ba gcig/ sangs rgyas kyi ngo bo nyid gcig/ sangs rgyas kyi chos kyi sa gcig/ byang chub kyi sdong po gcig/ gis khams so cog thams cad gang rgyas te sems can thams cad kyi lus kyi nang du chud do// rigs kyi bu pho sangs rgyas thams cad ni chos kyi yi ge 'di las skyes so// chos so cos kun ni chos kyi yi ge 'di las byung ngo / / dge 'dun thams cad kyang chos yi ge 'di las byung ngo // chos kyi yi ge 'di mnos shing gzungs su 'dzin pa ni ming dkon mchog gsum gzungs su 'dzin pa zhes pa'o/ / chos kyi yi ge 'di klog cing 'di'i gzhung rgya cher klog tu bcug na/ la la zhig na ba yod na'ang kun sos te 'dra gdon dang / ngan pa'i rnams nye nus pa med do// byang chub sems dpa' khyod kyis sems can la phan bsod de lta bu yod kyis/ ngas chos kyi yi ge 'di khyod la gtams te/ gtad la gcig tu na sems can lar mda' bya zhing / bsgral ba'i chos nyung ngu thos pa la mang du shes pa dang / nyung ngu mthong ba la mang du rig pa dang / yi ge'i ri mo mang du ma btsal bar gzhung gi mngon brtags thob pa yang bshad kyis/ khyed la sogs pa byang chub sems dpa'
- 92a
rnams kun sems gcig tu rtag par nyon cig dang / khyed la bkrol bshad do// sems can thams cad kun sems gcig/ sangs rgyas gcig/ ngo bo nyid gcig ste/ mya ngan 'khrug pa thams cad kun ni sems gcig las skyes so// kun kyang 'du mched dang / shes rab gnyis kyi gnas kyi rgyu las langs so// ji lta zhes byas na/ rgyu'i rang bzhin dang / bdag gi rang bzhin dang / rang bzhin gnyis kyi stobs las/ stobs rnams gnyis kyi rang bzhin g.yos te/ skad cig bsams pa las mi bden pa'i sems skyes te/ mi bden pa de la ni phyi mo'ang med do// skad cig sems g.yos pa'i tshe/ mya ngan 'khrug pa'ang mod bzhin ldang ngo // sems 'di la brtags na mi bden pa'i sems la phyi mo med do/ / phyi mo med na gnas kyang med do// de la gnas med par rtogs na tshor ba'i sems skyes te/ phyi mo tshor ba'i sems gtsang ma la bsam pa yong med do// sems la bsam pa med na sems mi g.yo'o/ / sems mi g.yon sems kyi gnas med de/ de'i ming ni gtsang gadrang ngo // gtsang gdang ba'i stong pa'i sems ni ngo bo nyid phyi mo nas gtsang gdang ste/ gtsang mas mngon brtags par yang med do/ / gtsang gdang ba'i sems dang yang bral bas na gtsang gdang zhes bshad do// byang chub sems dpa' ni gtsang gdang ba'i sems la bya ba yang med/ g.yo ba yang med/
- 92b
dri ma yang med/ gtsang ma yang med/ skye ba yang med/ 'bri ba yang med de/ mthar cis kyang gos pa med de/ gnas gcig la'ang 'dug pa med de/ de'i ming dang grangs las yong bral lo/ / rtag pa de bzhin na de bzhin zhes pa yang med de/ dper na rdo rje dang mtshungs te/ ngo bo nyid gcig pu la zhig pa'ang med do// dper na nam mkha' dang mtshungs te thams cad shong / dper me tog pad+mo dang mtshungs te sred pa'i chus mi chags so// las 'di sprad na yang dag par grol thar te/ skye shi 'bab las langs 'das te/ sems can dmyal ba'i sdug bsngal las phyin to/ / byang chub sems dpa' sems gcig gi chos 'di ming gcig ni 'gyod tshangs kyis grol thar pa zhes kyang bya ste/ yang dag pa'i bden pa'i gzhung mthong ba'i phyir ro// gnyis su na ming chos spyad pas grol thar ces kyang bya ste/ mnags gcig na 'dug pa'i phyir ro// gsum du na ming sprad pa med pas grol thar ces kyang bya ste/ 'dug cing chags pa med pa phyir ro/ / grol thar po 'di gsum ni kun kyang sems gcig las skyes te/ sems can thams cad la sems gnyis su med pa'i phyir ro// sems can thams cad kun la theg pa gcig pa yod byang chub sems dpa'i chos kyi rgyal po chos gcig shes par nus na chos gcig mi shes pa med do/ / chos gcig mi shes na chos gcig kyang shes pa med do// ji lta zhes byas na/
- 93a
chos rnams mi gcig pa med pa'i phyir ro// byang chub sems dpa' 'di gcig pu thos na de ni nyung du thos pa yin no// chos mi shes pa med pa de'i ming ni mang du shes pa'o// ci'i phyir zhes byas na/ chos so cog gi ngo bo nyid gtsang ma gcig la 'dus pa'i phyir ro// gcig pu 'di mthong ba'i phyir ro// gcig pu 'di mthong na sangs rgyas thams cad kyi lus mthong ngo // ci'i phyir zhes byas na/ sangs rgyas so cog gi lus ni gtsang ma gcig las byung ba'i phyir ro// gtsang ma gcig gis ni sangs rgyas gcig gi lus dang / sangs rgyas kyi sa gcig dang / byang chung kyi sdong po gcig yin no/ / rigs kyi bu po chos 'di'i nang nas mya ngan 'khrug pa'i rnams bcad pa ni dper sdong po bcad pa dang mtshungs/ rtsa ba 'ba' zhig bcad kyi/ yal ga dang 'dab ma mi gcad do/ / ci'i phyir zhes byas na/ dper mi la la zhig lus la dug mda' phog ste/ lus na tsha ba la mda' phyung na ni nad kyang sos so// mda' ma phyung na ni nad kyang mi sos so// del bsdad de mda' de'i sgra ni tsi'i sgo/ gcig tu na de'i smyug rig las byung / mda' de sus 'phangs zhes 'drin de'i bar du mau de na tshabs tshe srog zad zin to// de'i 'og tu mda' byung ba na phan pa med par mngon no/ / rigs kyi bu bo sems mod bzhin khrus shig/ sems gtsang mar 'dug na de'i ming ni gtsang ga dang zhes bya'o// 'du mched kyi rnams gdang na yod pa la chags pa'i
- 93b
rnams dang bral te/ chags pa med pa'i nang du chud par nus so// ci'i phyir zhes byas na/ phyi mo sems can la bslabs te/ sman bzang po 'di bshad do// nad kyi rnams gsol la kun sos par 'tshal lo/ / yang gcig tu na chos kyi yi ge 'di'i rdo rje shes rab kyi gris sems can rnams kyi ma rig pa'i yid breg go/ yang gcig tu na chos kyi yi ge 'di gtsang gdang ba'i chos spyad de/ sems can rnams kyi gdug pa gsum gyi dri ma brdab cing bsal lo// yang gcig tu na chos kyi yi ge 'di shes rab kyi stobs po che spyad de sems can dkris pa bcus bcings pa grol thar par 'tshal lo/ / yang gcig tu na chos kyi yi ge 'di ngo bo nyid gtsang gdang bar gcig tu spyad de/ sems can rnams kun gyis lus gcig/ sems gcig/ sangs rgyas gcig/ ngo bo nyid gcig/ gtsang gdang ba gcig thob ste/ theg pa tshigs kyi nang du chud yang dag par 'tshal lo// sems can rnams sems can dmyal ba nas thar yang dag par 'tshal lo// sems can dmyal ba nas thar yang dag par 'tshal lo/ / bdag gis sems can gyi rnams bsgral ba'i ra mda' nus te/ sems can gyi rnams sems can dmyal ba rnams su lhung na/ bdag gis sangs rgyas kyi sku lus nub cing med par bgyis pa lags na/ bcom ldan 'das kyis sangs rgyas kyi chos 'di bdag la gtad cing gdams par smon no// bdag la yang sems can rgya ces
- 94a
bsgral pa bshad de/ sems can gyi rnams thos bzhung la shes pa dang / mthong ba nyung la rig pa dang / yi ge'i ri mo mang du ba 'tshal bar gzhung gi mngon brtags thob ste/ chos nyung ngus yang dag par grol thar la/ gzhan dog pa 'drib ma mchis par dmin/ sangs rgyas kyis byams shing thugs rjes gzigs te/ bdag la bkrol bshad par smon no/ / sangs rgyas kyis/ phal mang po la bka' stsal pa/ byang chub sems dpa' chos kyi rgyal po 'dis bskal pa brgya stong khri 'bum gyi sangs rgyas rnams la yon gsol myong zin pas na thabs spyod pa mkhas te/ sems can lar mda' bya zhing bsgral nus so// byang chub sems dpa' 'diraro bro ba'i rlung spyad de/ sems can rnams kyi srog 'thung nus so// khyed la sogs pa da lta ba'i dang / ma 'ongs pa'i dus kyi sems can rnams kyis byang chub sems dpa' 'di ni ming gzungs su bzung gi steng du/ dge ba'i bshes gnyen chen po gyis/ mya ngan las 'das pa'i shes rab kyi pha rol tu phyin pa'i stong par thar pa thogs pa med pa thob bo/ / de nas byang chub sems dpa' chos kyi rgyal pos sa la gtugs te/ phyag 'tshal nas langs te/ de'i gzhi nas mya ngan las 'das pa chen por zhugs nas/ stong par grol thar pa go ste/ chags pa med pa'i sa las rkang pa bteg pa dang / rkang pa bor ba kun kyang gtsang gdang pa bgrod de thal mo sbyar nas
- 94b
sangs rgyas la phyag 'tshal te song ngo / / dam pa'i chos kyi rgyal po'i mdo rdzogs so// / sngon rgya las 'gyur ba'i rnying pa skad gsar gyis ma bcos par snang / bod skad du/ 'phags pa legs nyes kyi rgyu dang 'bras bu bstan pa zhes bya ba theg pa chen po'i mdo/ sangs rgyas dang byang chub sems dpa' thams cad la phyug 'tshal lo/ / 'di skad bdag gis thos pa dus gcig na/ bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe bcom ldan 'das byang chub sems dpa' tshad med pa dang / lha dang mi'i 'khor mang pos yongs su bskor cing / sems rtse gcig tu chos nyan pa dag la chos ston par mdzad do// de nas tshe dang / ldan pa kun dga' bos sems can rnams kyi ched du/ bcom ldan 'das la 'di skad ces gsol to// bcom ldan 'das da ltar 'jig rten na rnam pa gcig tu mir skyes pa mtshungs pa la/ kha cig ni sdug cing / kha cig ni byad bzhin mi sdug pa dang / kha cig ni dpa' zhing / kha cig ni zhan pa dang / kha cig ni dbul zhing / kha cig ni phyug pa dang / kha cig ni sdug bsngal zhib kha cig ni bde ba dang ldan pa dang / kha cig ni ya rabs su gyur cing / kha cig ni ma rabs su gyur te/ sgra dbyangs mi mtshungs shing / skad tha dad par gyur pa dang / kha cig ni
- 95a
lo brgyar lon kyang 'chi bar mi 'gyur la/ kha cig ni lo sum cu lon nas sngar 'gum pa dang / kha cig ni lo bco lnga yon nas glo bur du 'chi ba dang / kha cig ni ma'i mngal nyid du 'gum pa dang / kha cig ni byad bzhin sdug cing mdzes pa dang / kha cig ni dbul zhing ma rabs su gyur la byad bzhin mi sdug pa dang / kha cig ni phyug cing ya rabs su ba dang / kha cig ni dpa' zhing dman par gyur la/ kha cig ni zhan cing rigs mthon por skyes pa dang / kha cig sdug bsngal zhing tshe ring ba/ kha cig ni bde zhing tshe thung ba dang / kha cig ni dge ba sprad kyang / nongs skyon dang bcas par 'gyur la/ kha cig ni sdig pa bgyis kyang bsod nams kyi phan yon thob pa dang / kha cig ni 'tshe zhing dkar yang mig ya yor gyur cing mi gsal lo/ kha cig ni sngo zhing gnag kyang mnga' byad dang ldan pa dang / kha cig ni thung zhing bong chung yang sems rtsal dang ldan pa dang / kha cig ni ring zhing bong che yang gzhan dag gi g.yog bgyid pa dang / kha cig ni bu tsha mang la/ kha cig ni gcig pu gnas pa dang / kha cig ni slad rol du rgyu zhing bkres pa dang grang ba dag gis nyen par 'gyur/ kha cig ni khyim na gnas kyang gos zas dag la dga' 'byor pa dang / kha cig ni gzhon pa'i tshe dbul zhing 'phongs la/ rgas pa'i tshe gdod phyug por 'gyur ba dang / kha cig ni yus ma mchis bzhin du yang / nongs pa
- 95b
ma mchis par nan gyis go rar sprul ba dang / kha cig ni pha ma yang snying rje dang ldan pa/ bu yang sri zhu che zhing mdo sde dang gtsug lag gi don gleng bar bgyid la/ kha cig ni pho nu so sor phye nas 'thab cing rtsod par bgyid pa dang / kha cig ni khang khyim dag brtsigs nas 'byor pa sna tshogs dang ldan la/ kha cig ni khang khyim ma mchis pas gzhan dag la rten pa dang / kha cig ni bya 'dab chags bzhin du shing dang thang la gnas pa dang / kha cig ni gcan gzan gyi rnam pa dang mtshungs shing spu'i gos dang ldan pa zas su rtswa 'tshal zhing khrag 'thung ba dang / kha cig ni yi ge ma 'tshal ba dang / kha cig ni ci yang ma bgyis par bden par rnam par smin pa myong bar 'gyur la/ kha cig ni sla bar bgyid pa'i gnas kyang mi rnyed pa dang / kha cig ni dbang po gsal bas shes pa dang ldan la/ kha cig ni dbang po mi gsal bas shes pa dang mi ldan pa dang / kha cig ni btsal na gdod thob par 'gyur la/ kha cig ni ma btsal bar yang rnyed par 'gyur ba dang / kha cig ni phyag kyang ser sna che la/ kha cig ni dbul por gyur kyang gtong ba la dga' ba dang / kha cig ni tshig smras pa rnams mnyen zhing des la/ kha cig ni tshig smras pa rnams gtum zhing brlang ba dang / kha cig ni mang po kun gyis bkur zhing snying du sdug par 'gyur la/ kha cig ni mang po kun gyis thag ring du spong bar bgyid pa dang / kha cig ni byams pa'i sems kyis
- 96a
srog chags gso bar bgyid la/ kha cig ni srog chags dpag tu ma mchis pa dag gsod par bgyid pa dang / kha cig ni yangs pa mang po kun gyis yid du mchis par 'gyur la/ kha cig ni gzhan dag gis spong bar bgyid pa dang / kha cig ni chung ma dang gyos skyug la sogs pas sdang bar 'gyur la/ kha cig ni gnyen pashes kun dga' bar 'gyur ba dang / kha cig ni chos kyi tshig mnyan par dga' ba dang / kha cig ni mdo sde thos nas gnyid log bgyid pa dang / kha cig ni dpa' zhing rtsal dang ldan yang zhes ma mchis la/ kha cig ni tshig 'bru dang don dag la slob par mos pa dang / kha cig ni dud 'gro'i dbyibs tha dad pa sna tshogs bgyis pa dag gda' na/ bcom ldan 'das de dag gi 'bras bu gang lags pa rgya cher bkas bshad du gsol/ 'khor mang po rnams kyis thos shing rtogs par 'gyur la/ sems rtse gcig tu dge ba la gzhol bar 'gyur ba lags so// bcom ldan 'das kyis bka' stsal pa/ kun dga' bo khyod kyis ji skad dris pa de de bzhin te/ rnam par smin pa myong bar mi mtshungs par gyur pa de dag thams cad ni/ tshe rabs snga ma dag la sems can spyod pa mi mnyam pa'i dbang bgyis na/ tha dad pa'i bye brag brgya stong mang po myong bar gyur pa yin te/ tshe 'di la byad bzhin sdug pa gang yin pa de ni/ bzod pa dang du blangs pa las
- 96b
da'ongs pa yin no/ / byad mi sdug pa gang yin pa de ni/ khong khro ba las 'ongs pa yin no// mir gyur kyang dbul por gyur pa gang yin pa de ni/ ser sna byas pa las 'ongs pa yin no/ / mir gyur kyang phyug por gyur pa gang yin pa de ni/ sbyin pa btang ba las 'ongs pa yin no// ya rabs mthon por gyur pa gang yin pa de ni/ gzhan dag la gus par phyag byas pa las 'ongs pa yin no/ / ma rabs su gyur pa gang yin pa de ni/ nga rgyal byas pa las 'ongs pa yin no// mir gyur kyang lus ring zhing bong che ba gang yin pa de ni/ gus pas bkur sti byas pa las 'ongs pa yin no/ / lus thung ngu gang yin pa de ni/ chos la brnyas pa las 'ongs pa yin no// mir gyur kyang bka' blo mi bde ba gang yin pa de ni/ sngon lug byas pa las 'ongs pa yin no/ / mir gyur kyang mnag cing ring ba gang yin pa de ni/ de bzhin gshegs pa'i snang ba bsgribs pa las 'ongs pa yin no// mir gyur kyang mchu mi sdug pa gang yin pa de ni/ / mchod rten gyi zas myangs pa las 'ongs pa yin no// mir gyur kyang mig dmar ba gang yin pa de ni/ me'i ser sna byas pa las 'ongs pa yin no// mir gyur kyang mig mi gsal ba gang yin pa de ni/ khwa'i mig brus pa las 'ongs pa yin no// mir gyur kyang lkugs pa gang yin pa de ni/ chos la skur pa btab pa las 'ongs pa yin no// mir
- 97a
gyur kyang 'on pa gang yin pa de ni/ chos thos par mi dga' ba las 'ongs pa yin no// mir gyur kyang sa rnon por gyur pa gang yin pa de ni/ nya'i rus pa 'cha' zhing sha za bar mngon par dga' ba las 'ongs pa yin no/ / mir gyur kyang sna dgye bor gyur pa gang yin pa de ni/ dri mi zhim pa dag gis de bzhin gshegs pa la mchod pa byas pa las 'ongs pa yin no/ / mir gyur kyang mchu sho rer gyur pa gang yin pa de ni/ nya'i 'gram pa phug pa dag las gyur pa yin no// mir gyur kyang skra ser por gyur pa gang yin pa de ni/ phag gi spu btogs pa las 'ongs pa yin no// mir gyur kyang rna ba ral ba gang yin pa de ni/ gzhan dag gi rna ba phug pa las gyur pa yin no// mir gyur kyang lus kyi sha bAr lta bur gyur pa gang yin pa de ni/ gos yang zhing srab pa dag bgos nas/ de nas de bzhin gshegs pa'i sku gzugs kyi spyan sngar 'ongs pa las gyur pa yin no// mir gyur kyang mdog gnag pa gang yin pa de ni/ de bzhin gshegs pa'i sku gzugs khyams dag gi 'og tu bzhag nas dud pas bdug pa las gyur pa yin no// mir gyur kyang rkang lag zha bor gyur pa gang yin pa de ni mkhan po dang bla ma rnams mthong yang ldang ba med pa las gyur pa yin no/ / mir gyur kyang sgur por gyur pa gang yin pa de ni/ gos yang zhing srab pa dag bgos nas/ phan tshun du 'gro/
- 97b
ba'i tshe/ de bzhin gshegs pa'i sku gzugs la rgyab kyis phyogs pa las gyur pa yin no// mir gyur kyang dpral ba mi sdug pa gang yin pa de ni/ de bzhin gshegs pa mthong ba'i tshe phyag kyang mi byed la/ lag pas dpral bar gdabs po las gyur pa yin no// mir gyur kyang gnya' ba thung ba gang yin pa de ni/ bla ma dag mthong nas mgo sbas te bros nas 'byol ba las gyur pa yin no/ / mir gyur kyang rtag par snying na pa gang yin pa de ni/ sems can gyi lus kyi yan lag bcad cing gtubs pa las gyur pa yin no// mir gyur kyang mdze can du gyur pa gang yin pa de ni/ nyes pa med par gzhan dag gi nor blangs pa las gyur pa yin no// mir gyur kyang dbugs thung ba gang yin pa de ni/ dgun grang ba'i dus kyi tshe// gzhan dag la zas grang mo dag byin pa las gyur pa yin no// mir gyur kyang bu khye'u dang bu mo med par gyur pa gang yin pa de ni/ bya mang po dag gi phrug gu bsad pa las gyur pa yin no// mir gyur nas bu tsha mang ba gang yin pa de ni/ sems can gso bar dga' ba las 'ongs pa yin no// mir gyur kyang tshe ring ba gang yin pa de ni/ byams pa'i sems dang ldan pa las 'ongs pa yin no/ / mir gyur nas tshe thung ba gang yin pa de ni/ srog chags mang po bsad pa las gyur pa yin no// mir gyur nas phyug por gyur pa gang yin pa de ni/ sbyin pa btang ba las
- 98a
gyur pa yin no/ / mir gyur nas nya dang shing rta dang ldan pa gang yin pa de ni/ dkon mchog gsum la ta dang shing rta phul ba las gyur pa yin no// mir gyur nas dbang pogs ba gang yin pa de ni/ mdo sde 'dri zhing kha ton 'don pa las gyur pa yin no// mir gyur kyang dbang po mi gsal ba gang yin pa de ni/ dud 'gro'i gnas nas 'ong ba yin no// mir gyur kyang gzhan gyi bran dang bran mo byed pa gang yin pa de ni/ bu lon chags pa las 'ongs pa yin no// mir gyur kyang mi brtan zhing yangs pa gang yin pa de ni/ sngon gyi spre'u byas pa las 'ongs pa yin no/ / mir gyur kyang mdzend kyis btab pa gang yin pa de ni/ dkon mchog gsum rnam par bshig pa las gyur pa yin no// mir gyur kyang rkang lag 'jas 'grus su gyur pa gang yin pa de ni/ sems can gyi rkang lag dam du bcings pa las 'ongs pa yin no// mir gyur kyang lus la rma dang shu ba 'byung zhing yun ring por sman dang dpyad byas kyang sos su mi btub pa gang yin pa de ni/ sems can la brdeg bcog byas pa las 'ongs pa yin no// mir gyur kyang rang bzhin mi bsrun pa gang yin pa de ni/ sdig sbrul byas pa las 'ongs pa yin no// mir gyur kyang dbang po drug tshang ba gang yin pa de ni/ tshul khrims bsrungs pa las 'ongs pa yin no// mir gyur kyang dbang po rnams mtshang ba gang yin pa de ni/ tshul khrims 'chal pa las 'ongs
- 98b
pa yin no/ / mir gyur kyang gtsang sbra med pa gang yin pa de ni/ phag byas pa las 'ongs pa yin no// mir gyur nas glu gar la dga' ba gang yin pa de ni/ rol mo mkhan byas pa las 'ongs pa yin no/ / mir gyur kyang 'dod chen po gang yin pa de ni/ khyi byas pa las 'ongs pa yin no// mir gyur kyang gnya' bar lba ba yod pa gang yin pa de ni/ gcig pu brnogs pa las 'ongs pa yin no/ / mir gyur nas kha'i dri mnam pa gang yin pa de ni/ tshig ngan gyis gzhan la spyos pa las 'ongs pa yin no// mir gyur kyang pho mtshan dang mi ldan pa gang yin pa de ni/ khyi dang phag rnams kyi rlig pa bcad pa las gyur pa yin no/ / mir gyur nas lce thung ba gang yin pa de ni/ dben pa dag tu bla ma dag la tshig mi snyan pa brjod pa las 'ongs pa yin no// mir gyur kyang gzhan gyi chung ma la g.yem par mngon par dga' ba de ni/ shi 'phos nas bya ngang pa dag tu lhung bar 'gyur ro// mir gyur kyang bdag dang nye zhing gnyen du 'brel pa dag la g.yem par mngon/ par dga' ba gang yin pa de ni/ shi 'phos nas bye'u mchil pa dag tu ltung bar 'gyur ro// mir gyur nas mdo sde dang bstan bcos dag la ser sna byed cing shes pa sbas nas gzhan dag la mi ston pa gang yin pa de ni/ shi 'phos nas shing srin dag tu skye bar 'gyur ro// mir gyur nas mda' gzhu thogs shing gzhom pa la mngon par dga' ba gang yin pa de ni/ shi 'phos nas kla rmo
- 99a
can du ltung bar 'gyur ro/ / rngon pa byed cing srog chags gsod pa la mngon par dka' ba gang yin pa de ni/ shi 'phos nas 'phar sbyang dag tu ltung bar 'gyur ro/ / mgo rgyan dang me tog thogs pa la mngon par dga' ba gang yin pa de ni/ shi 'phos nas gcin rdug gi srin bu byed par 'gyur ro// gos ring po gyon par dga' ba de ni 'phos nas srin bu mjug rings byed par 'gyur ro/ / nyal zhing za bar mngon par dga' ba de ni/ shi 'phos nas phag tu skye bar 'gyur ro// gos tshon can gyon pa la mngon par dga' ba gang yin pa de ni/ shi 'phos nas bye'u khra'u byed par 'gyur ro// gzhan gyi tshig zlos shing ku re byed par mngon par dga' ba de ni/ shi 'phos nas bya ne co byed par 'gyur ro// phra ma byed pa la mngon par dga' ba gang yin pa de ni/ shi 'phos nas sbrul lus po che dag tu skye bar 'gyur ro// nyes pa med par dgral rnam par 'tshe ba gang yin pa de ni/ shi 'phos nas srin bu khon du 'dzin pa'i sems dang bcas pa dag tu skye bar 'gyur ro/ / gzhan gyi dbyen byed par dga' ba gang yin pa de ni/ shi 'phos nas srin bya dag tu skye bar 'gyur ro// dmod mo'i tshig smra ba la mngon par dga' ba gang yin pa de ni/ shi 'phos nas wa dag tu skye bar 'gyur ro// gzhan dag skrod cing mngon par dga' ba gang yin pa de ni/ shi 'phos nas ri dgas sha ba'i rigs
- 99b
su skye bar 'gyur ro/ / tshe snga ma la shing gi lAm gon nas dri gtsang khang du zhugs pa gang yin pa de ni/ tshe 'di la rta'i rigs su skye bar 'gyur ro// tshe snga ma phyen gtong ba la mngon par dga' ba gang yin pa de ni/ srin gnam po'i rigs su skye bar 'gyur ro// tshe snga ma la dge 'dun gyi gtun dang rang thag yongs su spyod pa gang yin pa de ni/ tshe 'di la srog chags srin bu mgo rdebs pa dag tu skye bar 'gyur ro/ / tshe snga ma la gzhan dag gi zas kyi bgegs byas na/ tshe 'di la shing srin byed par 'gyur ro// dge 'dun gyi chu brkus nas yongs su spyad pa gang yin pa de ni/ tshe 'di la nya dang chu srin dag tu skye bar 'gyur ro// dge 'dun gyi sa gzhi dag la mi gtsang ba 'dor ba gang yin pa de ni/ bshang gci'i nang du srin bu dag tu skye bar 'gyur ro// dge 'dun gyi shing thog brkus pa gang yin pa de ni/ 'jim rdzab za ba'i srin bu byed par 'gyur ro// dge 'dun gyi dkor brkus pa gang yin pa de ni/ rang thag 'dri ba'i glang dang bong bu byed par 'gyur ro/ / dge 'dun gyi dkor la nan gyis slong zhing snga sbyin byed na phug ron dkar po byed par 'gyur ro// dge 'dun la 'phya zhing smod par byed na glang gi gnya' ba'i srin bur skye bar 'gyur ro/ / dge 'dun gyi tshed ldum zos na tshod ma'i srin bur skye bar 'gyur ro// dge 'dun gyi khri stan la 'dug na sa'i srin bu mjug rings su skye bar 'gyur ro// dge 'dun gyi yo byad sna
- 100a
tshogs dag la yongs su spyod par byed na phye ma leb tu skye bar 'gyur ro/ / rus pa dag thogs nas gtsug lag khang du 'jug par byed na bya mchu rings su skye bar 'gyur ro// dmar rtsi dang dkar rtsi dag mchu la brkus nas gtsug lag khang du 'jug par byed na bya mchu dmar dag tu skye bar 'gyur ro// gos tshon can bgos te gtsug lag khang du 'gro bar byed na bya kha dog ser po dag tu skye bar 'gyur ro/ / khyo shug gtsug lag khang du gnas nas nyal po byas na bya mgo sngon dag tu skye bar 'gyur ro// de bzhin gshegs pa'i mchod rten la brdzis rnga mo'i lus byed par 'gyur ro/ / lham bgos te de bzhin gshegs pa'i dri gtsang khang du 'gro bar byed na/ sbal par skye bar 'gyur ro// chos nyan pa'i tshe klag cor zer na ni bya lce brgya pa dag tu skye bar 'gyur ro// dge slong ma gtsangs sun par byed na/ shi 'phos nas sems can dmyal ba'i gnas ljags kyi thig phug tu ltung zhing ral gri'i 'khor lo brgya stong du ma gcig tu babs nas lus gcod par 'gyur ro/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das kyis 'di skad gsungs pa ltar dge 'dun gyi rdzas yongs su spyod pa gang lam pa de dag la yang dag par shin tu lci ba zhig lags par gyur na/ sbyin bdag bzhi po ji ltar gtsug lag khang du mchi zhing bkur sti dang / phyag 'tshal bar bgyid pa lags/ bcom ldan 'das
- 100b
kyis bka' stsal pa/ dge 'dun gyi gtsug lag khang du 'gro ba la sems rnam pa gnyis yod de/ dge ba'i sems dang / mi dge sems gang yin pa'o// dge ba'i sems zhes bya ba ni ji lta bu zhe na/ gang gis gtsug lag khang du phyin nas/ de bzhin gshegs pa mthong na phyag byed pa dang / dge 'dun mthong na gus par bkur sti byas nas/ mdo sde'i don 'dri bar byed pa dang / sdom par yang dag par blangs nas nyes pa 'chags par byed pa dang / nor rdzas dag yongs su btang nas dkon mchog gsum gyi zhal ta byed pa dang / lus dang srog la 'phangs pa med par chos chen po yongs su bsrung zhing yang dag par 'dzin par byed pa'i gang zag de lta bu dag ni gom pa gcig 'dor bar byed na yang lha'i gzhal med khang drung du 'ong zhing / ma 'ongs pa na khyim/ bdag shug de ka bzhin du rnam par smin pa'i 'bras bu myong bar 'gyur ba gang yin pa de ni/ skyes bu mchog tu dge ba zhes bya'o// mi dge ba'i sems dang ldan pa ji lta bu zhe na/ sems can gang la la zhig gtsug lag khang du 'jug pa'i tshe/ dge 'dun la slongs mo dang / gsar po dang / snga sbyin 'ba' zhig bya bar sems pa dang / dge 'dun gyi skyon tshol zhing rtse gcig tu rnam par bshig/ pa 'ba' zhig tu 'dod pa dang / dge slong dang / dge 'dun gyi zas zos na yang sems la gnod pa ci yang med cing / 'khur ba dang / shing thog dang / ldam ldum dag khyer nas/ rang gi khyim
- 101a
du 'gro bar byed pa'i gang zag de lta bu dag shi 'phos ma thag tu lcags kyi thu lum za ba'i sems can dmyal bar ltung zhing / zangs kyi nang du btso ba dang / sbar ba'i mes bsregs pa dang / ral gri lta bu'i ri lo ma can gyi ljon shing la 'dzeg pa la sogs pa'i sdug bsngal gang yang mi myong ba med par 'gyur te/ 'di ni skyes bu mchog mi dge ba zhes bya'o// bcom ldan 'das kyis bka' stsal pa/ kun dga' bo 'di ni nges ma 'ongs pa'i dus na slob ma rnams la rjes su bstan pa yin gyis/ bag yod par bsgrims te/ dkon mchog gsum po dag la nyes pa mi byed pa dang / nur ba'i sems skye ba med par de bzhin gshegs pa'i bka' stsal pa bzhin byed na/ de bzhin gshegs pa byams pa 'jig rten du byung ba'i tshe/ yongs su mya ngan las 'da' bar 'gyur ba the tsom med do/ / bcom ldan 'das kyis bka' stsal pa/ tshe 'di la gzhan gyi lus las gos pa shus te 'phrog par byed na/ shi 'phos nas grang ba'i sems can dmyal bar ltung ba dang / gzhan yang dar gyi srin bur skyes nas 'tshod par 'gyur ro// tshe 'di la sku gzugs dang / mdo sde'i spyan sngar mar me sbar ba mngon par mi dga' na/ shi 'phos nas ri khor yug gi bar na sems can dmyal ba'i gnas mun nag yod pa dag tu ltung bar 'gyur ro/ / tshe 'di la sems can gyi srog bcad pos dmyal zhing gtub par byed na/ shi 'phos nas
- 101b
bcad nas log pa'i lha la mchod sbyin byas pa gang yin pa de ni/ shi 'phos nas lcags kyi gtun gyis brdungs pa'i sems can dmyal bar ltung bar 'gyur ro// tshe 'di la bon po byas nas 'dre 'don gyi tshig 'don cing gzhan dag bslus te nor blangs pa gang yin pa de ni/ shi 'phos nas sha'i ri lta bu'i sems can dmyal bar ltung bar 'gyur ro// tshe 'di la bon mo byas nas mig btsums te/ sa la nyal nas gzhan dag la mtho ris su skye bar 'gyur ro zhes drang po ma yin pa'i 'dre gdon dag gis len pa gang yin pa de ni/ shi 'phos nas rked pa gtub pa'i sems can dmyal bar ltung bar 'gyur ro/ / tshe 'di la bon po byas nas gzhan dag gi srog bcad de/ lha 'dre dang / lam lnga'i sa'i bdag po dang / srin mo la sogs pa la mchod pa btsugs pa gang yin pa 'di/ lta bu la sogs pa de dag thams cad ni skyes bu blun po rnams 'drid pa yin pas/ shi phos nas sta res gcod pa'i sems dmyal bar ltung bar 'gyur ro// sems can dmyal ba'i srungs ma rnams kyis yan lag bcad cing gtub pa dang / bya lcags kyi mchu can rnams kyis mig gi 'bras bu gnyis la 'thog par 'gyur ro// tshe 'di la bon po byas nas/ mi shi ba'i ro rnams sbed pa dang / khang khyim rnams kyi bzang ngan dang / rigs lnga po rnams kyis khe thob pa dang / mi thob pa lta ba dang / klu rnams bde bar 'god pa dang / dar gyi srin bu dag la gtang rag gtong ba dang /
- 102a
can gyi lus kyi yan lag bcad cing gtubs pa gang yin pa de ni/ shi 'phos nas lcags kyi 'khor lo dang ldan pa'i sems can dmyal bar ltung bar 'gyur ro// tshe 'di la dge 'dun gyi shing theg brkus pa gang yin pa de ni/ shi 'phos nas lcags kyi thu lum za ba'i sems can dmyal bar ltung bar 'gyur ro// tshe 'di la phag gi rgyu dang sha zos pa gang yin pa de ni/ shi 'phos nus ldan ljin gyis gang ba'i sems can dmyal bar ltung bar 'gyur ro// tshe 'di la nya gson por zos pa gang yin pa de ni/ shi 'phos nas mtshon cha dang dbyig pa dang / ral gri so can gyi ljon shing dang ldan pa'i sems can dmyal bar ltung bar 'gyur ro// tshe 'di la ma yar mor gyur nas chung ma sngan ma'i bu dag la ner ba byas pa gang yin pa de ni/ shi 'phos nas ma rab tu 'bar ba'i shing rta dang ldan pa'i sems can dmyal bar ltung bar 'gyur ro// tshe 'di la phra ma byas nas dkrugs ma byas pa gang yin pa de ni/ shi 'phos nas lcags kyi thong gshol gyis rmo ba'i sems can dmyal bar ltung bar 'gyur ro/ / tshe 'di la mi snyan pas gzhan dag la spyo ba gang yin pa de ni/ shi 'phos nas lce rab tu 'byin pa'i sems can dmyal bar ltung bar 'gyur ro/ / tshe 'di la brdzun mang du smras pa gang yin pa de ni/ shi 'phos nas lce lcags kyi gzer gyis 'debs pa'i sems can dmyal bar ltung bar 'gyur ro// tshe 'di la srog
- 102b
bcad nas log pa'i lha la mchod sbyin byas pa gang yin pa de ni/ shi 'phos nas lcags kyi gtun gyis brdungs pa'i sems can dmyal bar ltung bar 'gyur ro// tshe 'di la bon po byas nas 'dre 'don gyi tshig 'don cing gzhan dog bslus te nor blangs pa gang yin pa de ni/ shi 'phos nas sha'i ri lta bu'i sems can dmyal bar ltung bar 'gyur ro// tshe 'di la bon mo byas nas mig btsums te/ sa la nyal nas gzhan dag la mtho ris su skye bar 'gyur ro zhes drang po ma yin pa'i 'dre gdon dag gis len pa gang yin pa de ni/ shi 'phos nas rked pa gtub pa'i sems can dmyal bar ltung bar 'gyur ro/ / tshe 'di la bon po byas nas gzhan dag gi srog bcad de/ lha 'dre dang / lam lnga'i sa'i bdag po dang / srin mo la sogs pa la mchod pa btsugs pa gang yin pa 'di/ lta bu la sogs pa de dag thams cad ni skyes bu blun po rnams 'drid pa yin pas/ shi 'phos nas sta res gcod pa'i sems dmyal bar ltung bar 'gyur ro// sems can dmyal ba'i srungs ma rnams kyis yan lag bcad cing gtub pa dang / bya lcags kyi mchu can rnams kyis mig gi 'bras bu gnyis la 'thog par 'gyur ro// tshe 'di la bon po byas nas/ mi shi ba'i ro rnams sbed pa dang khang khyim rnams kyi bzang ngan dang / rigs lnga po rnams kyis khe thob pa dang / mi thob pa lta ba dang / klu rnams bde bar 'god pa dang / dar gyi srin bu dag la gtang rag gtong ba dang
- 103a
sri mnan nas/ skyes bu blun po dag bslus te/ nor mang po blangs pa dang / brdzun tshig gi bzang ngan ston pa gang yin pa de dag ni/ shi 'phos nas lcags kyi dra ba can gyi sems can dmyal bar ltung bar 'gyur bas/ bya 'dab chags ma rungs pa tshad med pa sred de'i lus la 'du ste/ sha rnams ma lus par zos nas rus pa dang / rgyus pa rnams kyang 'thob/ par byed pas/ sdug bsngal dpag tu med pa dag myong bar 'gyur ro// tshe 'di la sman pa byas te/ nad gso bar mi nus bzhin du gzhan dag la ba slus te nor blangs pa gang yin pa de ni/ shi 'dra/ nas gtar ba dang / me btsas bsregs pa'i sems can dmyal bar ltung bar 'gyur bas/ lus la kun tu me rab tu 'bar bar 'gyur ro// tshe 'di la mchod rten dang / gtsug lag khang bshig pa dang / mkhan po dang / slob dpon gyis bsgo ba mnyan pa dang / pha ma la sri zhu med pa gang yin pa de dag ni/ shi 'phos nas mnar med pa'i sems can dmyal ba chen po dang / sems can dmyal ba chen po brgyad po dag tu sdug bsngal sna tshogs myong ba dang / gzhan yang sems can dmyal ba chung ngu brgya sum cu rtsa drug po kun tu 'jug cing / bskal pa gcig gam/ bskal pa gnyis sam/ bskal pa lnga brgya'i bar du sdug bsngal myong nas/ de'i 'og tu gdod thar par 'gyur te/ dge ba'i bshes gnyen dang phrad na ni/ byang chub tu sems skyed par 'gyur la/ gal
- 103b
phrad par ma gyur na ni/ slar yang sems can dmyal bar ltung bar 'gyur ro// bcom ldan 'das kyis bka' stsal pa/ mir gyur kyang lus kyi mngo che zhing shin tu mnam pa dang / khro sbyin zhing dgrol dka' ba gang yin pa de ni/ sngon gyi rnga mo byas pa las 'ongs pa yin no// sir gyur kyang 'gro ba la dga' zhing / zan za ba 'grus pa dang / nyam nga ba dag la 'byor pa med pa gang yin pa de ni// sngon ta byas pa las 'ongs pa yin no// mir gyur kyang grang ba dang tsha ba dag bzod cing sems la 'dzin pa med pa gang yin pa de ni/ sngon klung byas pa las 'ongs pa yin no// mir gyur kyang sgra skad che ba dang / ngo tsha med cing khrel med pa dang / sred pa dang / drang ba mang zhing legs nyes kyi bye brag mi phyed pa gang yin pa de ni/ sngon gyi bong bu byas pa las 'ongs pa yin no// mir gyur kyang rtag par sha la brkam zhing / bya ba dag la 'jigs pa med pa gang yin pa de ni/ sngon seng ge byas pa las 'ongs pa yin no// mir gyur kyang lus ring zhing mig zlum pa dang / 'brog dgon pa na mang du rgyu ba dang / bu dang chung ma sdang ba gang yin pa de ni/ sngon stag byas pa las 'ongs pa yin no// mir gyur kyang thun zhing mig chung ba dang / gnas gcig tu gnas par mos pa med pa gang yin pa de ni/ sngon bu 'dab chags byas pa las 'ongs pa yin no// mir gyur kyang rang bzhin mi brtan zhing srog chags phra mo gsod pa la dga' ba gang yin pa de ni/ sngon gyi tha byas pa las 'ongs
- 104a
pa yin no/ / mir gyur kyang dpa' zhing bshor ba dang / 'dod chag rlung zhing chung ma la sred pa med pa gang yin pa de ni/ sngon spyang ki byas pa las 'ongs pa yin no// mir gyur kyang gos bzang po la mi dga' ba dang / ma yin pa byas pa dag la rtog pa dang / gnyid chung zhing zhe sdang mang ba gang yin pa de ni/ sngon khyi byas pa las 'ongs pa yin no// mir gyur kyang lus kyi bong chung zhing g.yem pa la dga' zhing skye bo mang po'i yid du 'ong ba'i gtam brjod pa la mngon par dga' ba gang yin pa de ni/ sngon ne tse byas pa las 'ongs pa yin no// mir gyur/ kyang lus kyi bong chung zhing g.yem pa la dga' ba dang / sems rtse gcig tu mi gnas pa dang / gzugs mthong ma thag tu mngon par zhen pa'i sems 'byung ba de ni/ sngon bye'u mchil pa byas pa las 'ongs pa yin no/ / mir gyur kyang mig dmar zhing so thung ba dang / smra ba'i tshe lbu ba 'byung zhing / nyal na gos kyis lus dkri bar byed pa gang yin pa da ni/ sngon gyi sbrul dang rtsangs pa byas pa las 'ongs pa yin no/ / mir gyur kyang smras ma thag tu khong khro zhing / pha rol gyi don la so sor mi rtog pa dag gi gdug pa 'byin pa gang yin pa de ni/ sngon sdig pa byas pa las 'ongs pa yin no// mir gyur kyang gcig pu dben par gnas shing zas la brkam pa dang / mtshan mo gnyid chung ba gang yin pa de ni/ sngon byi la byas pa las 'ongs pa yin no// mir gyur kyang rtsig pa phug nas rkun
- 104b
po byed pa dang / nor la brkam zhing 'khon 'byung sla ba dang / nye ring gi mtshan ma med pa gang yin pa de ni/ sngon bri ba byas pa las 'ongs pa yin no// bcom ldan 'das kyis bka' stsal pa// mir gyur kyang mchod rten dang / gtsug lag khang bshig pa dang / dkon mchog gsum gyi dkor sbas nas/ bdag nyid kyir yongs su spyod pa gang yin pa de ni/ shi 'phos mas sems can dmyal ba chen por mnar med par ltung bar 'gyur ro/ / sems can dmyal ba las thar par gyur na yang / dud 'gro'i skye gnas kyi lus 'di lta ste/ phug ron dang / mchil pa dang / dur pa dang / ne tse dang / byi'u sngon po dang / nya dang / rus sba la dang / spre'u dang / ri dgas kyi lus len par 'gyur ro// brgya la man ma'i lus thob par gyur na yang / ma ning dang / bud med dang / mtshan gnyis pa dang / dbang po med pa dang / smad 'tsheng ma dag tu 'gyur ro// mir gyur kyang khong khro ba dag la mngon par dga' ba de ni/ shi 'phos nas sbrul gdug pa dang / stag dang / seng ge dang / dom dang / dred dang / byi la dang / bya khra'i rnam pa dag tu ltung bar 'gyur ro// brgya lam brgya lam na mi'i lus thob par gyur na yang / khyim bya dang / phag gsod pa dang / gshan pa dang / rngon pa dang / byag shor ba dang / btson srungs byed pa la mngon par dga' bar 'gyur ro// mir gyur kyang glen zhing gti mug pa dang / rigs pa'i tshul gang yin
- 105a
pa mi shes pa de ni/ shi 'phos nas glang po che dang / phag dang / ba glang dang / chu glang dang / sro shig dang / sbrang ma dang / sbrang bu mchu rings dang / grog mo la sogs pa'i lus len par 'gyur te/ gal te mi'i lus thob par gyur na yang / 'on pa dang / long ba dang / lkugs pa dang / lus kyi yan lag ma tshang ba dang / rgyab skur ba dang / dbang po ma tshang ba dag tu 'gyur ro/ / mir gyur kyang khengs shing nga rgyal che ba gang yin pa de ni/ shi 'phos nas mi gtsang ba'i gnas kyi srin bu dang / rnga mo dang / bong bu dang / rta dang / khyi dag tu ltung bar 'gyur ro// gal te mir skyes na yang / bran mo'i lus len cing dbul 'phongs pas slongs mo byed pa dang / mang po kun gyis brnyas shing smad pa dag tu tul bar 'gyur ro// mir gyur kyang bla ma'i mthu bsnyen pa'i rgyus gzhan gyi nor len pa gang yin pa de ni/ shi 'phos nas sha ri lta bu'i sems can dmyal bar ltung bar 'gyur zhing / skye bo brgya stong mang pos lus kyi sha bcad nas za bar 'gyur ro/ / tshe 'di la gzhan dag bgrang du gzhug pa la mngon par dga' ba gang yin pa de ni/ tshe 'phos nas glang po che dag tu skye zhing / rkang lag drang bas nyal du med pa dag tu ltung bar 'gyur ro// 'di la mchod ston dral nas nub mo zan zos pa gang yin pa de ni/ tshe 'phos nas yi dgas 'dre bkren dag tu ltung bas/ lo brgya mang por bza' ba dang btung ba thob par mi 'gyur ro// 'gro ba'i tshe
- 105b
lha tshogs kun tu me rab tu 'bar bar 'gyur ro/ / tshe 'di la sgren mor 'dug pa la mngon par dga' ba gang yin pa de ni/ tshe 'phos nas grangs pas sbrebs pa'i srin bu dag tu skye bar 'gyur / / tshe 'dol mchod ston gyi zas lhag ma khyer ba gang yin pa de ni/ shi 'phos nas sa gzhi rab tu tsha ba'i sems can dmyal bar ltung bar 'gyur ro// brgyal mir skyes par gyur na yang / lkog ma nad kyis btab pa dang / tshe thung bar 'gyur ro// tshe 'di la de bzhin gshegs pa'i sku gzugs la phyag byed na yang mgo bo sa la mi gtug pa gang yin pa de ni/ shau 'phos nas mgo thur du dpyang ba'i sems can dmyal bar ltung bar 'gyur te/ brgya lam na mi'i nang du skyes na yang / gzhan dag gis mang du slu bar 'gyur ro// tshe 'di la de bzhin gshegs pa'i sku gzugs la phyag byas pa na/ thal mo mi sbyor bar byed pa gang yin pa de ni/ shi 'phos nas yul mtha' 'khob dag tu skye bar 'gyur zhing / 'bad pa mang po btsal yang ci yang 'thob par mi 'gyur ro// tshe 'di la dril chen sgra thos kyang mi ldang po gang yin pa de ni/ shi 'phos nas sbrul lus chen po dag tu ltung bar 'gyur zhing / lus ring la che bas srog chags phra mo mang po rnams kyis bza' bar 'gyur ro// tshe 'di la lag pa rgyab tu bstan te/ de bzhin gshegs pa la phyag byas pa gang yin pa de ni/ shi 'phos nas phying ka log tu bcings pa'i sems can dmyal bar ltung bar 'gyur te/ gal te mar skyes
- 106a
par gyur na/ / nyes pa med par gyod 'byung bar 'gyur ro// tshe 'di la thal mo sbyar nas yan lag lnga sa la gtugs te/ phyag byas pa gang yin pa de ni/ rtag par cho rigs btsun par 'gyur zhing / rgyun du bde ba myong bar 'gyur ro// tshe 'di la khro skyen zhing lto la 'khong pa gang yin pa de ni/ sngon smyon pa byas pa la 'ongs pa yin no// tshe 'di la mig ya yor gyur pa gang yin pa de ni/ sngon log pa'i sems kyis gzhan gyi chung ma la bltas pa las gyur pa yin no// tshe 'di la chung ma'i don byas nas pha ma la spros pa gang yin pa de ni/ shi 'phos nas lce thong gshol gyis rmod pa'i sems can dmyal bar ltung bar 'gyur ro/ / tshe 'di la chang gi nang du bsnan te/ gzhan dag la sbyin pa gang yin pa de ni/ shi 'phos na sa chu'i nang du srin bu dag tu skye bar 'gyur te/ brgya la mi'i nang du skyes par gyur na yang / lus spang zhing dbugs thung bas 'chi ba'i dus byed par 'gyur ro// bcom ldan 'das kyis bka' stsal pa/ ji skad du bstan pa'i sdug bsngal sna tshogs mang po de dag thams cad ni/ sdig pa mi dge ba'i las rnam pa bcu'i dbang las gyur pa yin pas/ rab gang yin pa de ni sems can dmyal ba'i rgyu dang rkyen byed par 'gyur ro/ / 'bring gang yin pa de ni dud 'gro'i skye gnas kyi rgyu dang rkyen byed par 'gyur ro// tha ma gang yin pa de ni yi dgas kyi rgyu dang rkyen byed par 'gyur ro// srog gcod pa'i
- 106b
kha na ma tho ba de ni/ sems can dmyal ba dang / dud 'gro skye gnas dang / gshin rje'i 'jig rten dag tu ltung bar 'gyur ro// ga ba tre mir skyes par gyur na yang / rnam par tshu/ pa'i 'bras bu rnam pa gnyis 'thob par 'gyur te/ tshe thung ba dang nad mang ba gang yin pa'o// ma byin par len pa'i kha na ma tho ba gang yin pa de ni/ sems can dmyal ba dang / dud 'gro'i/ skye gnas dang / gshin rje'i 'jig rten dag tu ltung bar byed do// gal te mir skyes par gyur na yang / rnam par smin pa'i 'bras bu rnam pa gnyis 'thob par 'gyur te/ dbul zhing 'phongs pa dang / nor thun mong du 'gyur zhing rang dbang med pa gang yin pa'o// 'dod pas log par g.yem pa'i kha na ma tho ba gang yin pa de ni/ sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do// gal te mir skyes par gyur na yang / rnam par smin pa'i 'bras bu rnam pa gnyis thob par 'gyur te/ chung ma gzhan gyis byi ba byed pa dang / chung ma dang phan tshun rtsod cing bdag gi sems kyis bsams bzhin du mi 'gyur ba gang yin pa'o// brdzun du smra ba'i kha na ma tho ba gang yin pa de ni/ sems can rnams sems can dmyal ba dang dud 'gro'i skye gnas dang / gshin rje'i 'jig rten dag tu ltung bar byed do// gal te mir skyes par gyur na yang / rnam par smin pa'i 'bras bu rnam pa gnyis 'thob par 'gyur te/ skur pa mang ba dang /
- 107a
rtag par gzhan gyis nang du smras par 'gyur ba gang yin pa'o// bra ma byas pa'i kha na mtho ba gang yin pa de ni/ sems can rnams sems can dmyal ba dang / dung 'gro'i skye gnas dang / ka shIn rje'i 'jig rten dag tu byung bar byed do// gas te nair skyes par gyur na yang / rnam par smin pa'i 'bras bu rnam pa gnyis 'thob par 'gyur te/ rtag par sgra ma ldan pa/ bos par 'gyur ba dang / kang cisgras kyang rung ste/ rgyun du rjod pa can du 'gyur ba gang min pa'o// chog 'khrul ba smra ba'i kha na ma tho ba gang yin pa des ni/ sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu byung bar byed do// gal te mir skyes par gyur na yang / rnam par smin pa'i 'bras bu rnam pa gnyis 'thob par 'gyur te/ ba bzhig smras na sang gzhan dag midi ches par mi 'gyur ba dang / tshig smras pa rnams gnan gyis go bar mi 'gyur ba gang yin pa'o// brdab sems bskyed pa'i khan ma tho ba gang yin pa des ni sems can rnams sems can dAmyal ba dang / rgyud 'gro'i skye gnas dang / klu shin rje'i 'jig rtenA dag tu snang bar byed do// grul te mir skyes na yang rnam par sbyin pa'i 'bras bu rnam pa gnyis 'thob par 'gyur te/ nor la brkam zhing chog shes pa med pa dang / mang du tshal zhing rtag par yid bzhin du mngon par grub par mi 'gyur ba gang yin pa'o// gnod sems kyi kha na ma tho ba gang yin pa
- 107b
des ni/ sems can rnams sems can dgul pa dang / dud 'gro kyi gnas dang / ga shin rje'i 'dag rten dkun smyung bar byed do// gal te sir skyes par gyu na sad+ma/ rnam par sa pa'i 'bras bu rnam pa gnyis myong bar 'gyur te/ rtag par gzhan gyis glags tshol par 'gyur ba dang / rtag par gzhan gyis gnod pa byed par 'gyur ba gang yin pa'o// log par lta ba'i kha batho ba gang smin pa des ni/ sems can rnams sems can dmyal ba dang / dud 'gro'i skye gnas dang / ka shin rje'i 'jig rten dag tu ltung bar byed do// gal te mir skyes par gyur na yang / rnam pabapar sbyin pa'i 'bras bu rnam pa gnyis 'thob par 'gyur te/ rtag par log par lta ba'i khyim dag tu skye bar 'gyur ba dang / sems gso sgyu dang bcas par 'gyur ba gang yin pa'o// kye sangs rgyas kyi sras rnams de ltar na/ sdig pa mi dge ba'i las kyi lam bcu po rnams ni sdug bsngal mang po sna tshogs kyis phung po chen po'i rgyu dang rkyen du gyur pa yin no// de nas de'i tshe 'khor 'dus pa chen po de nyid du sdig pa mi dge ba'i las bcu po dag byas pa gang yin pa de dag bcom ldan 'das kyis sems can dmyal ba'i sdug bsngal gyi rnam par smin pa bkas bshad pa thos pa dang / de dag thams cad gad cher phyung ste ngus nas/ bcom ldan 'das la 'di skad ces gso to// bcom ldan 'das bdag cag dge baji lta bu zhig spyad na/ sdug bsngal 'di dag las thar par 'gyur lags/
- 108a
#bcom ldan 'das kyis bka' stsal pa/ sems can thams cad bsod nams kyi las la gzung par bya ste/ ji ltar bsod nams mngon par bsgrub par bya zhe na/ sems can gang la la zhig tshe 'di la yongs su bskul ba'i bdag po chen po byas te/ de bzhin gshegs pa'i mchod rten dang / dri gtsang khang dang / gtsug lag khang brtsigs na/ ma 'ongs pa na gdon mi za bar rgyal po byed cing / skye bo mang po la dbang byed par 'gyur bas/ gang yang ngag mi nyan pa med par 'gyur ro// tshe 'di la grong dang / grong gi gtso bor gyur kyang drang nan cha zhing chos bzhin du skyong bar byed pa gang yin pa de ni/ ma 'ongs pa na gdon mi za bar rgyal po'i blon po byed par 'gyur zhing / gos zas dang / rta phun sum tshogs pa dang / ci dang ci 'dod pa 'byor par 'gyur ro// tshe 'di la skye bo mang po bsod nams byed par bskul zhing gzud pa gang yin pa de ni/ ma 'ongs pa na gdon mi za bar cho rigs btsun zhing shin tu phyug pa'i khyim bdag tu 'gyur bar skye'o// mang po kun gyis bkur ba dang / phyogs bcu po dag tu don gnyer ba dag kyang 'grub par 'gyur ro// tshe 'di la mar me gzugs nas mchod pa byed pa la mngon par dga' ba gang yin pa da ni/ nyi zla ltar skye bar 'gyur bas/ 'od zer gyis bdag nyid gsal bar byed par 'gyur ro// tshe 'di la sbyin pa gtong ba la dga' ba dang / byams pa'i sems kyis srog chags gso bar dga' ba gang yin pa de ni/
- 108b
skye ba thams cad du phyug por 'gyur bas gos zas dag rang 'byung bar 'gyur ro// tshe 'di la skye bo mang po rnams la bza' ba dang / btung ba la mngon par dga' ba gang yin pa de ni/ skye ba thams cad du lha'i zas rang 'byung bar 'gyur ba dang / gzugs dang stobs phun sum tshogs pa dang / dbang po rno zhing spobs pa dang ldan pa dang / tshe ring bar 'gyur ro// gang gis dud 'gror skye gnas su song ba'i rnams la sbyin pa yongs su btang na/ rnam par smin pa'i 'bras bu brgya 'gyur snyed 'thob par 'gyur ro// 'dod chen pa dag la sbyin pa yongs su btang na/ rnam par smin pa stong 'gyur snyed 'thob par 'gyur ro/ / tshul khrims dang ldan pa'i dge slong la sbyin pa yongs su btang na/ rnam par smin pa khri 'gyur snyed 'thob par 'gyur ro// gang gis theg pa chen po de bzhin gshegs pa'i gsang ba'i snying po 'khor mang po la yang dag par bsgrags nas/ sems kyi mig 'byed pa'i chos smra ba gang dag la sbyin pa yongs su btang na/ rnam par smin pa'i 'bras bu tshad med pa snyed 'thob par 'gyur ro/ / gang gis sangs rgyas dang byang chub sems dpa' rnams la sbyin pa yongs su btang na/ rnam par smin pa'i 'bras bu mthar thug pa med pa snyed la longs spyod par 'gyur ro// gzhan yang gang zag rnam pa gsum la sbyin pa yongs su btang na/ rnam par smin pa'i 'bras bu yongs su gtugs par mi 'gyur te/ de bzhin gshegs pa rnams dang / pha ma dang / nad pa rnams so// zas za/
- 109a
gcig tsam yongs su btang bas kyang / rnam par smin pa'i 'bras bu tshad med pa snyed 'thob par 'gyur ro// rtag par yongs su btang bas/ yongs su gtugs par mi 'gyur ba la/ lta smos kyang ci dgos/ tshe 'di la dge 'dun mang po'i sku bsil ba gang yin pa de ni/ skye ba thams cad du byad bzhin sdug cing mdzes pa dang / rang bzhin gos zas dang ldan pa dang / skye bo mang po kun gyis bkur bar 'gyur ro/ / tshe 'di la bsngags pa brjod pa dang / mdo sde'i chos klog cing kha ton du 'don par dga' ba gang yin pa de ni/ skye ba'i gnas thams cad du sgra dbyangs snyan cing thos pa rnams rab tu dga' bar 'gyur ro/ / tshe 'di la tshul khrims bsrung bar mngon par dga' ba gang yin pa de ni/ skye ba thams cad du byad bzhin sdug cing / mi'i nang na mchog tu 'gyur ro// tshe 'di la lam kar khron pa brkos nas skye shing btsugs nas grib ma mang po kun la bsgribs par mngon par dga' ba gang yin pa de ni/ skye ba thams cad du mi'i rgyal po byed cing / ro brgya dang ldan pa'i bza' ba dang / btung ba bsams pa tsam gyis 'byor par 'gyur ro// tshe 'di la mdo sde bris te gzhan dag la byin nas/ klog tu bcug pa la mngon par dga' ba gang yin pa de ni/ skye ba thams cad dubadag gi spobs pa mang po dang ldan pa dang / chos bslab pa la lan cig thos pa tsam gyis go bar 'gyur ba dang / sangs rgyas dang byang chub sems dpa' rnams kyis byin gyis rlob cing yongs
- 109b
su bsrung ba dang / rtag par mi'i nang na mchog dam pa gtso bo byed par 'gyur ro// tshe 'di la zam pa dang gru gzings bcas nas skye bo mang po zlos par mngon par dga' ba gang yin pa de ni/ skye ba thams cad du rin po che sna bdun phun sum tshogs pa dang / skye bo mang po kun gyis bkur zhing bsngags pa brjod nas mngon par dga' ba dang / phan tshun 'gro zhing 'ongs pa'i tshe mang po kun gyis bsnyen bkur dang rim gro byed par 'gyur ro/ / bcom ldan 'das kyis bka' stsal pa/ kun dga' bo ngas ji skad du mdo sde de dang de dag tu rgyu dang 'bras bu bstan nas/ sems can mang po rnam klog pa dang / kha ton du 'don pa dang / mngon par bsgrub par bskul nas sdug bsngal gyi bgegs las yongs su bzlas pa de bzhin du/ 'dir yang de ltar bstan pa yin pas/ gang la la zhig gis chos kyi rnam grangs 'di thos nas/ skur pa 'debs par byed pa de ni tshe 'di nyid la lce'i dbang po ltung bar 'gyur ro// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ ji ltar yongs su gzung bar bgyi/ bcom ldan 'das kyis bka' stsal pa/ kun dga' bo chos kyi rnam grangs 'di ni legs nyes kyi rgyu dang 'bras bu bstan pa zhes bya ste/ byang chub sems dpa'i spyod pa mngon par bsgrub par smon lam btab pa zhes bya bar yang zung zhig/ bcom ldan 'das kyis chos kyi rnam grangs 'di bstan pa na/ lha dang mi stong
- 110a
phrag brgyad cu bla na med pa yang dag par rdzogs pa'i byang chub tu sems bskyed par gyur to/ / dge ba spyod pa'i bud med brgya stong du mtshe 'di nyid la bud med kyi dbang po gyur nas/ skyes pa'i lus mngon par grub par gyur to// sdig pa spyod pa'i skye dgu stong nyis brgya ni gdug pa'i sems spangs nas/ bdag gi tshe rabs dran par gyur to// dge ba spyod pa'i skye bo tshad med pa dag ni mi skye ba'i bzod pa thob nas/ rtag par bde ba myong bar gyur to// tshe 'pho bar 'gyur ba tshad med pa snyad ni sangs rgyas kyi zhing yongs su dag par skyes nas/ byang chub sems dpa' rnams dang mnyam zhing mtshungs pa'i grogs su gyur to/ / bcom ldan 'das kyis de skad ces bka' stsal nas/ 'khor 'dus pa thams cad rang gi gnas su dong ste/ bsod nams mngon par 'du byed cing rab tu dka' bas dga' bzhin du spyod par gyur to/ / 'phags pa legs nyes kyi rgyu dang 'bras bu bstan pa zhes bya ba'i mdo rdzogs so// / zhu chen gyi lo tsA ba banad+ha chos grub kyis rgya gar dang rgyu'i dpe las bsgyur cing zhus te gtan la phab pa/ / rgya gar skad du/ shak+Shi tra ya nA ma sU tra/ bod skad du/ bslab pa gsum gyi mdo zhes bya ba/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul spong
- 110b
byed na/ ljongs rgyu zhing gshegs pa dang / grong spyil bu can du byon te/ grong spyil bu can gyi grong gi byang phyogs kyi shing sA la'i tshal na/ dge slong gi dge 'dun chen po dang thabs cig/ tu bzhugs so// de nas bcom ldan 'das kyis/ dge slong rnams la bka' stsal pa/ dge slong dag 'di dag ni tshul khrims yin no// 'di ni ting nge 'dzin yin no// 'di ni shes rab yin no// dge slong dag tshul khrims la goms par byas na/ ting nge 'dzin la yun ring du gnas par 'gyur ro// ting nge 'dzin la goms par byas na/ shes rab thob par 'gyur ro// shes rab la goms par byas na/ 'di lta ste/ 'dod chags dang / zhe sdang dang / gti mug dag las/ sems yang dag pa kho nar rnam par grol bar 'gyur ro// de ltar sems yang dag pa kho nar rnam par grol ba'i 'phags pa'i nyan thos kyis ni/ bdag gi zag pa 'di zad do// tshangs par spyod pa ni bsten to// bya ba ni byas so// 'di las srid pa gzhan mi shes so zhes yang dag pa kho nar shes par 'gyur ro/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// bslab pa gsum gyi mdo rdzogs so/ / / rgya gar skad du/ Ar+ya kA ya tri nA ma ma hA yA na sU tra/ bod skad du/ 'phags pa sku gsum pa zhes
- 111a
bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das/ rgyal po'i khab bya rgod phung po'i ri la bzhugs so// byang chub sems dpa' tshad med grangs med pa dang / lha dang / klu dang / 'khor thams cad dang thabs cig tu bzhugs te/ bcom ldan 'das la bkur stir bgyid cing mchod do/ / de'i tshe 'khor der byang chub sems dpa' sa'i snying po 'dug pa stan las langs nas/ bcom ldan 'das la 'di skad ces gsol to// bcom ldan 'das la sku du mnga'/ bcom ldan 'das kyis bka' stsal pa/ sa'i snying po bcom ldan 'das de bzhin gshegs pa la sku gsum mnga' ste/ chos kyi sku dang / longs spyod rdzogs pa'i sku dang / sprul pa'i sku'o// rigs kyi bu de bzhin gshegs pa'i sku gsum ni/ rang bzhin rnam par dag pa ni chos kyi sku'o// ting nge 'dzin rnam par dag pa ni longs spyod rdzogs pa'i sku'o// spyod pa rnam par dag pa ni sangs rgyas thams cad kyi sprul pa'i sku'o/ / rigs kyi bu de bzhin gshegs pa'i chos kyi sku ni nam mkha' ltar rang bzhin med pa'i don no// longs spyod rdzogs pa'i sku ni sprin ltar 'byung ba'i don no/ / sprul pa'i sku ni sangs rgyas thams cad kyi 'phrin las te/ char pa lta bu ste thams cad bangs pa'i don to// bcom ldan 'das la/ byang chub sems dpa'
- 111b
sa'i snying pos 'di skad ces gsol to/ / bcom ldan 'das kyi sku gsum gyi bshad pa ji ltar blta bar bgyi/ bcom ldan 'das kyis/ byang chub sems dpa' sa'i snying po la bka' stsal pa/ rigs kyi bu de bzhin gshegs pa'i sku gsum ni 'di ltar blta bar bya'o// chos kyi sku ni de bzhin gshegs pa'i ngo bo gang la blta bar bya'o// longs spyod rdzogs pa'i sku ni/ byang chub sems dpa'i ngo bo gang la blta bar bya'o/ / sprul pa'i sku ni mos par spyod pa'i so so skye bo'i ngo bo gang la blta bar bya'o// rigs kyi bu chos sku ni sangs rgyas thams cad dang rang bzhin mthun par gnas so/ / longs spyod rdzogs pa'i sku ni sangs rgyas thams cad dang ting nge 'dzin mthun par gnas so// sprul pa'i sku ni sangs rgyas thams cad dang 'phrin las mthun par gnas so// rigs kyi bu kun gzhi gnas su dag pa ni me long lta bu'i ye shes te/ chos kyi sku'o// nyon mongs pa'i yid gnas su dag pa ni mnyam pa nyid kyi ye shes so// yid kyi rnam par shes pa gnas su dag pa ni so sor kun tu rtog pa'i ye shes te/ longs spyod rdzogs pa'i sku'o// sgo lnga'i rnam par shes pa gnas su dag pa ni bya ba sgrub pa'i ye shes te/ sprul pa'i sku'o// de nas byang chub sems dpa' sa'i snying pos/ bcom ldan 'das la 'di skad ces gsol to// bcom ldan 'das bdag gis bcom ldan 'das las dam po'i chos thos pa ni rab tu legs so// bde bar gshegs pa rab
- 112a
tu legs so/ / bcom ldan 'das kyis bka' stsal pa/ rigs kyi bu bcom ldan 'das las chos kyi rnam grangs 'di gang gis rab tu 'dzin pa des/ bcom ldan 'das tshad med cing dpag tu med pa thob bo/ / bcom ldan 'das kyis de skad ces bka' stsal pa dang / byang chub sems dpa' sa'i snying po dang / lha dang / klu dang / gnod sbyin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa sku gsum pa zhes bya ba theg pa chen po'i mdo rdzogs so// / rgya gar skad du/ sad d+harma rA dza ma hA yA na sU tra/ bod skad du/ dam pa'i chos kyi rgyal po theg pa chen po'i mdo// de'i tshe srangs rgyas shing sA la gnyis kyi bar na bzhugs te/ mya ngan las 'das par gshegs kar/ sems can thams cad brgya stong khri 'bum phal mang po kun shing gi drung na/ sangs rgyas 'khor bar bskor te/ 'khod nas mig ni yar bcom ldan 'das kyi zhal du lta ste/ cung zad kyang mi g.yengs/ de nas yang dag par gshegs pas/ 'phrul gyi stobs kyis 'od chen po btang nas/ nam mkha'i khams thams cad khyab par snang ste/ 'od de'i nang nas chos kun mngon par bstan nas/ de'i tshe mang po'i nang na byang chub sems dpa'i ming ni nam mkha' mdzod ces bya ba zhig yod pa stan las langs te/
- 112b
sangs rgyas la lan gsum bskor nas/ slar ngos gcig tu 'dug ste/ lus smad lnga sa la gtugs te mchi ma blags nas/ sangs rgyas la gsol pa/ lha'i nang na btsun pa yang dag/ par gshegs pas/ mya ngan las 'das par gshegs pa'i dus kyang nye/ gshegs su yang slad na/ rnyog pa rnam pa lnga'i sems can las ngan pa mang bgyid cing / ngan pa bcu sha stag spyod pa 'di lta bu'i sems can legs pa'i dpal gyi stobs bsgrubs pa la sangs rgyas kyis shin tu zab cing dam pa'i chos kyi yi ge sde bcu gnyis bshad pa/ yi ge'i 'bru ni mangs/ gzhung ni rgyu ches pas khong du chud cing 'tshal bar bgyi ba'ang dka'/ chos 'di kun blta zhing rjes kyang mi chod na/ sangs rgyas kyis byams shing thugs rjes gzigs te/ theg pa chen po'i chos kyi yi s de pa'i bden pa bye brag phyed par bshad de/ sems can rnams yang dag pa'i sman bzang po thob par bgyis te/ nad sdug go cog sos par bgyir sgron no// sangs rgyas kyis/ byang chub sem dpa' nam mkha' mdzod la bka' stsal pa/ shin tu dge'o// shin tu dka'o// rigs kyi bu po khyod kyis sems can rnams kyi phyir 'di lta bu'i don chen po 'dri nus pa/ bsod nams chen po thob ste/ bsam gyi mi khyab bo// ngas khyod la yang dag pa'i bden pa theg pa chen po'i chos bye brag phyed pa/ mi 'gyur ba'i gzhung rdzogs par bshad do// ci'i phyir zhes byas na/ sems can rgya cher thar
- 113a
par bya ba'i phyir ro/ / sems can rnams mya ngan dang bral bar bya ba'i phyir ro// sems can dmyal ba'i nyon mongs pa las byin cing yul gtsang mar skye bar bya ba phyir ro/ / yang dag par grol thar cing skye shi las 'das par bya ba'i phyir/ khyed rnams kun sems gcig tu soms shig dang / khyed la go bar bshad do// de nas phal mang po kun tu dga' gzha' ste/ kha tha dad kyis kyang tshig 'thun par cig car smras pa/ sangs rgyas kyis byams shing thugs rjes gzigs te/ bdag cag rnams la bye brag phyed par bshad par smon no// sangs rgyas kyi zhal nas/ rigs kyi bu pa rnams grol thar par 'dod na/ 'dod pa'i yan lag brgyad la sems gnyis su bsam par gcig tu bsams te/ yod pa bsams pa'i sems btang ngo // sems kyi ngo bo nyid kyi tshul ni stong pa ste/ sems kyi ngo bo nyid kyi nang na'ang med do// gtang ba'ang med do// blang ba dang gtang ba med na ci yang thob pa med do// de'i ming byang chub bo// ji lta zhe na/ mya ngan pa la mang po kun ni sems gcig las skyes so// sems mi sems na mya ngan kyang mi skye ste/ 'du mched dang / shes rab rnams la blang ba dang btang ba med do// blang ba dang gtang ba med na 'dod chags so cog dang bral lo/ / 'dod chags so cog dang bral na 'dod pa'i yan lag med do// byang chub sems dpa' nam mkha' mdzod kyis/ sangs rgyas la gsol pa/
- 113b
sems can gyi 'du mched dang / shes rab kyi legs nyes skye nus shing lan bon ldang ba'i gnas lags te/ phyi nang mu gnyis kyi chos so cog gcig gi nang du gcig zhugs na/ ci'i skad nas de'i nang na blang ba dang gtang ba ma mchis zhes bgyir rung / sangs rgyas kyis/ byang chub sems dpa' nam mkha' mdzod la bka' stsal pa/ rigs kyi bu pho bsam gtan gcig tu 'dug pa'i nang du zhugs la/ kun gyi phyi nang du brtags na tha mar yong med do// de ci'i phyir zhe na/ nang du bltas/ nang du brtags na/ yang dag pa'i ngo bo nyid la skye ba med/ phyir bltas/ phyir brtags la/ ma rig pa mi ldan skye ba'ang med pa'ang med na/ mya ngan las 'das pa'ang med de/ de ni gtsang gdang ba yin no// de ni mchog tu dga' ba'i sman yin no// byang chub sems dpa' nam mkha' mdzad kyis/ sangs rgyas la gsol pa/ bcom ldan 'das yang dag par gshegs pas theg pa chen po'i chos yang dag pa'i gzugs shin tu zab cing gces pa/ bla na ma mchis pa'i sman bzang po dang / theg pa gcig gi bden pa'i nang du 'jug pa bshad na/ slan chad kyi sems can mi gtsang ba'i las gsum gyis ngan pa bcu'i las bgyis te/ log sred kyi las spyad pas rtsa ba dang gzhi phra zhing zhan te/ sems la gzungs su bzung ba 'am dga' nas/ sman dang nad kyang gal te mi mthun na/ thabs ji ltar bgyis na/ theg pa chen po'i nang du 'jug par rung / sangs rgyas kyis/ byang chub sems dpa' nam mkha' mdzod la bka' stsal pa/ ngal thabs
- 114a
yod kyis/ theg pa chen po la 'jug par bya'o// byang chub sems dpa' nam mkha' mdzod kyis/ sangs rgyas la gsol pa/ bcom ldan 'das bdag gis gna' sngon thos pa/ yang dag par gshegs pas theg pa chen po'i mi la ni pha rol tu phyin pa drug gi chos bshad/ theg pa bar ma'i mi la ni rgyu rkyen bcu gnyis kyi chos bshad/ theg pa chung ngu'i mi la ni bden pa bzhi'i chos bshad log sred kyi mi la ni dge ba bcu'i chos bshad de/ kun kyang nad kyi gzugs dang sbar nas/ chos kyi sman bzang po bshad na/ de'i slad nas theg pa gcig gi chos bshad de/ mi 'di rnam bzhi'i ra mda' bgyi/ sangs rgyas kyis/ byang chub sems dpa' nam mkha'i mdzod la bka' stsal pa/ ngas theg pa gcig gi lam gyi chos bshad pa ni dper na sa gcig gis yod do cog bskyed ces thams cad gso nus pa dang mtshungs/ yang dper na chos kyi char pa'i rlan gyis thams cad la khyab par yog ste/ sa las skye bo cog thams cad ngoms so// dper na 'bras sna gcig gi chan bro ba la 'jig rten gyi sems can mi dad / mi ma yin pa kun za'o// zos so cog kun lus ni skye/ srog ni 'tsho ste/ kun skye bar byas pa ni dper sman gyi rgyal po sman sbyor mkhas pas sman gces pa bzang po gtan sbyar te/ sems can tsha ba'i nad kyis btab pa la btang na grang bsil/ sems can grang ba'i nad kyis btab pa la btang na ni dro tsha'o// tshad pa na ba la btang na ni chad do// 'khyil ba la btab na ni rol te nad mi sos pa med do//
- 114b
ngas theg pa gcig bshad de mi bzhi'i nad rnams gso ba yang de dang mtshungs so// byang chub sems dpa' nam mkha' mdzod kyis/ sangs rgyas la gsol pa/ bcom ldan 'das thabs ji lta bu spyad de ngan pa bcu dang sems can log sred de theg pa gcig gi lam la 'jug par bgyi/ sangs rgyas kyis/ byang chub sems dpa' nam mkha' mdzod la bka' stsal pa/ rigs kyi bu phong theg pa gcig gi chos la theg pa gsum ldan te/ yang gud na theg pa gsum zhes bya ba bshad pa med do// khyod rtag par nyon cig dang / khyod la zhib tu bshad do// rigs kyi lam pa'i chos kyi lam mo/ / phyi mo'i gzhi ngo bo nyid gcig ste/ gnyis su med na thams cad spyad pa'i phyir theg pa gsum du bshad do// theg pa gsum gyi chos kun gcig tu 'dus par brtag/ sems can no/ cog la rnam pa bzhi yin mod kyi/ sangs rgyas kyi ngo bo nyid la ni gnyis su med do// ji lta zhes bya na/ sangs rgyas so cog dang / sems can no cog gi ngo bo nyid gcig tu 'thun te/ mdo gcig ste tha dad pa med na sems can rang gi sems kyis bye brag dbye ba g.yos so/ / yong ni sangs rgyas kyang sems can yang sangs rgyas yin te/ sems can no cog la yang sangs rgyas kyi ngo bo nyid yod do/ / sangs rgyas kyi ngo bo nyid dang / sems can gyi ngo bo nyid de gnyis kyang gcig ste/ ngo bo nyid gcig tu mtshungs mnyam mo// chos so cog dang yang mnyam pas na/ nga la thams cad
- 115a
yod pas theg pa gcig la zhugs par bya'o/ / rigs kyi bu pho sems can de rnams kyi sems kyi mkhar dam du bsrung du bcud de/ rkun po ma zhugs par bya'o// rnam par shes pa drug gi sgo mo chen po rdo rjes bsrungs/ bran la sems 'dug pa'i gnas la brtags te/ sems 'dug pa'i gnas shes na sems 'dug pa'i gnas na sems mi 'dug go/ sems mi 'dug na gdod sems 'dug pa med do/ / ngan no cog la sems mi 'dug cing 'du mched khams la sems mi 'dug na/ 'dod pa'i yan lag gi sems med do// 'dod pa'i yan lag med na sems kyis 'dod cing btsal ba med do/ / sems la btsal ba med na sems ga la yang mi 'dug go// gdod de'i ming ni sems 'dug ces bya'o// rigs kyi bu pho sems can gyi sems kyis mya ngan no cog byas pa ni kun kyang rnam par shes pa las g.yos te/ mi 'dug pa'i lan no// sems 'dug na gdod mya ngan kyang med do// mya ngan med na gdod byang chub yin no// byang chub sems dpa' nam mkha' mdzod kyis/ sangs rgyas la gsol pa/ bcom ldan 'das sems can thams cad kyis mya ngan no cog bgyis shing sems mi 'dug pa de ci zhig gi stobs kyis baspang ste/ 'dod pa'i yan lag bgyis pa/ sangs rgyas kyis byams shing thugs rjes gzigs te/ phal mang po la dgrol zhing bshad par smon no// sangs rgyas kyis bka' stsal pa/
- 115b
sems nu drug sa sems kyi man lakhrugasas pas rang bzhin ma thogs gnyis pa // gnyis zhes bya ba kang shin b+h+yan/ gAcig dus na gas te/ sems kyi ldan pa rang bzhin gyi stobs so/ / gnyis ni 'du mched kyi phyir ma lags kyi/ bdag gi sems las rang langs te/ de ni bdag gi rang bzhin gyi stobs so// rigs kyi bu bo de sems can rnams kyi rang bzhin gnyis mi g.yo bar byas na/ gdod mya ngan kyang med/ byang chub kyang med do// mya ngan kyang med/ byang chub kyang med na/ gdod yang dag par bden pa'i gnas su chud de/ de ni bya chub yang dag pa yin no/ / khyed la sogs pa byang chub sems dpa' sems can zhig bstan cing drang na yang sems 'dug par ston cig/ byang chub sems dpa' nam mkha' mdzod kyis/ sangs rgyas la gsol pa/ bcom ldan 'das sems can bslab cing drang na de'i sems 'dug par bgyi na/ khams gang la 'dug na byang chub thob par rung / sangs rgyas kyis/ byang chub sems dpa' nam mkha' mdzod la bka' stsal pa/ shin tu dge'o// shin tu dge'o// rigs kyi bu pho khyod de 'drir mkhas/ sems kyi phyi mo 'di lta bu 'dri ba byang chub sems dpa' sems dpa' chen po yin bsam gyis mi khyab bo/ / khyed brtag par nyon cig dang / khyed la zhib tu bshad do// rigs kyi bu pho sems can bslabs shing drangs te/ sems 'dug par bya na/ 'dug pa ni nang na yang
- 116a
mi 'dug/ phyi rol na yang mi 'dug/ bar na yang mi 'dug go/ sangs rgyas thams cad kyi theg pa chen po'i chos kyang nang na yang mi 'jug/ phyi rol na yang mi 'dug bar na yang mi 'dug go/ / sems kyi shes pa gcig pu la gnas te/ med pa'i gnas la 'dug pa na byang chub thob bo// byang chub thob tu zin kyang byang chub thob pa yong med de/ de'i ming ni yang dag pa'i mi g.yo ba zhes bya'o/ / ji lta zhes byas na/ mya ngan ni bden pa las skyes te/ mya ngan kyang stong pa'o// chos so cog kyang rang skyes pa med de/ chos kyang stong pa'o// sems zhes bya/ ba yang mi 'da' ming yod du zad kyi/ thob par mi rung ste/ sems kyang stong pa'o// rigs kyi bu pho sems stong pa yin par rig na/ stong pa'i sems gcig gi nang nas mi bden pa thams cad la blta ba'i mi rigs so/ / thams cad la bltas na de'i ming ni sems kyi dri ma zhes bya'o// sems la dri ma med na de'i ming ni zag pa zad pa zhes bya ba ste/ mig dang / kha dog dod dang / sems gsum char sang stong ba ste/ rtag par gtsang ngo // byang chub sems dpa' nam mkhar mdzod kyis/ sangs rgyas lags pa pa/ bcom ldan 'odas ches ga tsog sun kyang das lags pa ldan/ sems can thams cad kyang lus gcig/ sems gcig/ khams gcig/ sangs rgyas gcig gi khams su chud par nus pa'i rigs/ sangs rgyas gcig gi khams nas stong pa
- 116b
gang zhing khyab pa'i sangs rgyas thams cad kyi chos kyi khams su 'jug nus pa'i rigs/ sangs rgyas kyis/ byang chub sems dpa' nam mkha' mdzod la bka' stsal pa/ rigs kyi bu po khams thams cad kyang khams gcig tu gzhug tu rung ngo / / khams gcig dang / pad+mo'i gdan gcig dang / yang dag par gshegs pa'i sku lus gcig gis khams thams cad kun rgyas shing gang bar rung ngo / / khams thams cad mngon par bstan na/ kun kyang stong pa'o// sangs rgyas thams cad kyi khams bzang du brgyan par yang rung ngo // byang chub sems dpa' gcig gi lus kyis khams thams cad gang rgyas par yang rung ngo / / ba spu nyag ma gcig gi bu ga'i nang du khams thams cad shong bar yang rung ngo // khams thams cad khams gcig gi nang du gzhug pa dang / sems can gcig gi lus kyi nang du shong bar yang rung ngo / / sangs rgyas kyi chos kyi sa gcig dang / byang chub kyi shing sdong po gcig gis khams thams cad gang bar yang rung ngo // sgra skad snyan pa gcig gis khams thams cad gang ste thams cad de bzhin thos shing shes te/ kun dga' gzha' bar yang rung ngo // chos spyod pa rnams chos de bzhin gang bar shes na/ gzhan gyi yul khams thams cad du sangs rgyas kyi lus tsham pa'i mi rigs kyi/ sems gcig dang khams gcig gi gnas pa rang sa rgyas kyi lus bkyil ba'i rigs so// lus gcig gi nang nas thams cad kyi lus 'byung bar nus so// khams kyi
- 117a
lus nang nas lus gcig 'byung bar nus so/ / ji lta zhes bya na/ lus gcig ni sangs rgyas gcig gi lus yin no// lus mang po thams cad ni sems can gyi lus yin pas na/ kun sems gcig las skyes so// sems gcig las skyes so// sems gcig pu dge na chos so cog zad par dge'o// sems gcig phyi mo mi dge na chos so cog zad par yang mi dge'o// las ngan pa byas na sems can ngan pa'i lus skye'o/ / las dge ba byas na lha dang mi'i lus su skye'o// sems gcig po yang sems gcig gi gzugs dang bral na sems kyi gzugs kyi nang na stong pa ste/ ci la'ang thob pa med do/ / stong pa'i khams dang yang bral na blang ba med pa'i sa ni sangs rgyas kyi lus skye nus so// sangs rgyas kyi lus la ni lus gcig tu zad kyi/ gnyis su med do// yang sangs rgyas kyi ngo bo nyid ni gcig go/ / sangs rgyas kyi ngo bo nyid gcig gi nang na sems kyi ngo bo nyid gcig tu zad do// sems gcig pa ma gtogs par gud du gzhan la btsal ba med do// gzhan la btsal ba byas na de ni yon po mi drang ba'o/ / ji lta zhes byas na/ sems kyi chos thams cad ni phyi logs nas btsal ba med do// phyi logs kyi gnas nas btsal na de'i ming ni gzhan zhes bya'o// gzhan gyi gnas nas btsal na de ni mi bden pa'o/ / byang chub sems dpa' nam mkha' mdzod kyis/ sangs rgyas la gsol pa/ bcom ldan 'das sems gcig gi nang nas sangs rgyas thob par rung na/ thams cad kyi sems kyi nang na/
- 117b
la yang sangs rgyas kyi ngo ba ny-id mchis pa// sems can thams cadan kun la sangs rgyas kying tha nyid mchis na yang dag par gshegs pa thams cad kyis sems gcig po spyad de/ sems thams cad bskyed nus te/ sems gcig lus gcig gis 'khrug pa bsal na/ sangs rgyas chos gzhan ma mchis na/ sangs rgyas kyi chos kyi gru lus su skyes lags pa b+h+yo/ sangs rgyas kyi byang chub sems dpa' nam mkha' mdzod la bka' stsal pa/ rim kyi bu po de yin no// de yin no// khyod kyis bshad pa bzhin te/ sems can kun la yang sangs rgyas kyi ngo bo nyid yod de/ sangs rgyas yang dag par gshegs pa thams cad kun gyis sems gcig pu'i chos spyad de/ sems can thams cad kyi sems so cog sems gcig pu'i nang du sangs rgyas kyi chos tshol du btsud pas sangs rgyas kyi lus thob bo/ / byang chub sems dpa' nam mkha' mdzod kyis/ sangs rgyas la gsol pa/ bcom ldan 'das sems can rnams la sangs rgyas kyi ngo bo nyid mchis te/ sangs rgyas kyi ngo bo nyid kyi nang du btsal bas sangs rgyas theb na/ sems can thams cad so so'i sems kyi nang na yang sangs rgyas lags te/ de thob par yang rung / de mthong bar yang rung mthong bar yang rung lags pa lta/ sangs rgyas kyis/ byang chub sems dpa' nam mkha' mdzod la bka' stsal pa/ rigs kyi bu po sangs rgyas kyi ngo bo nyid yang dag pa'i gzugs dam par
- 118a
'jug pa ni thob ces byar yang mi rung ngo / / mi thob ces byar yang mi rung ngo // mthong zhes byar yang mi rung / mi mthong zhes byar yang mi rung ngo // ji lta zhes byas na/ byang chub sems dpa' sangs rgyas kyi ngo bo nyid yod ces bshad na/ de'i ming ni sangs rgyas la skur ro// sangs rgyas kyi ngo bo nyid med ces bshad na yang sangs rgyas la skur ro// sangs rgyas kyi ngo bo nyid yod pa ma yin zhes bshad na yang sangs rgyas la skur ro/ / sangs rgyas kyi ngo bo nyid med ces bshad na yang sangs rgyas la skur ro// ji lta zhes byas na/ byang chub sems dpa' sems can gyi sangs rgyas kyi ngo bo nyid yod pa ma yin na ni nam mkha' dang mtshungs med pa ma yin na ni ri bong gi rwa dang mtshungs te/ ri bong gi rA ni yong med do// nam mkha' ni rtag par yod do// gzugs kyi tshul ni yod pa ma yin no// nam mkha'i tshul ni med pa ma yin no/ / gzugs kyi tshul kun dang bral na ni ci la'ang chags pa med do// skye ba'i gnas la mi 'dug ste/ de la skye bar mthong na dri ma'o// med pa gnas na mi 'dug ste/ de la ma mthong na chad pa zhes bya'o/ / sems can gyi sangs rgyas kyi ngo bo nyid kyi dam pa'i gzugs ni de lta bu yin no// sangs rgyas kyi ngo bo nyid yod ces bshad na bstod de skur ro// sangs rgyas kyi ngo bo nyid med ces bsha na smad de skur ro/ / sangs rgyas kyi ngo bo nyid yod kyang yod/ med kyang med ces bshad na log par skur ro// sangs rgyas kyi ngo bo nyid yod pa'ang ma yin/ med pa'ang ma yin zhes bshad na 'gran thor
- 118b
dusmram/ byang chub sems nam ma 'a'ams cas/ nga rgyas pa gas pa/ bcas na 'das sem kyisangs rnam sa pa ga nA te/ 'a dang bral pas cis kyang gos pa ma mchis te/ dper na nam mkha' dang mtshungs shing phyim rang brtan rtag par brgyad nas ci'i slad nas/ sems can gyis m+b+ha ngan ba kyi rnams bgyis/ mya ngan pa rjes na sems nyid dri ma lags pa lta na/ sems kyi dri ma de thog ma ka las skyes pa bcom ldan 'das kyis phal mang po la bshad de/ sems can gyi rnams kun gyis thos shing shes par bgyis te/ sems can gyi rnams kyi mya ngan no 'tshal ba zhig ste/ sems kyi dri ma bkrus bsal la bkab cing dkris pa yong bral bar smon no// de nas sangs rgyas 'dzum dmul zhes bzhad de/ phyag g.yon pas byang chub sems dpa'i spyi bo la phyis te/ 'od chen po btang nas thams cad kun tu khyab par byas so// de nas sems can phal mang po thams cad kun shin tu dga' gzha' 'o// sangs rgyas kyi zhal nas/ byang chub sems dpa' sems can rnams kyi phyir de lta bu'i 'dri ba byas pa de'i ming ni drang po dris pa ste/ sems can thar par bya ba yin no// tshig gzhan dris na de'i ming ni yon por dris zhes bya ste/ sems can brlag pa yin no/ / byang chub sems dpa' khyod drang po 'dri nus pa/ sems can thar par byas pa yin no// khyed la sogs pa sems can kun sems gcig tu soms la rtag par nyon te/ 'gyes shing
- 119a
'khrug pa'i sems sol la/ phyi logs kyi don med par byos te/ sems kyi yid thub par 'dug cig dang khyod la bshad do// bshad pa thos na ngan pa bcu'i sems kun grol thar pa thob bo/ / byang chub sems dpa' nam mkha' mdzod kyis/ sangs rgyas la gsol pa/ bcom ldan 'das bdag la sogs pa sems can phal mang po thams cad kun sems gcig tu bgyis lags te/ 'khrug pa'i sems gzhan ma mchis na/ bcom ldan 'das kyis phal mang po la dgrol bshad par smon no// bcom ldan 'das kyis/ byang chub sems dpa' dang phal mang po rnams la bka' stsal pa/ mya ngan thams cad ni phyin ci log las skyes so// phyin ci log thams cad ni mi bden pa'i sems las skyes so// mi bden pa'i sems thams cad ni nga yod pa las skyes so/ / nga yod pa thams cad ni phyi mo yong med pa las skyes so// phyi mo med pa thams cad ni mi 'dug pa yin no// phyi mo med na yod pa ma yin no// yod pa ni dri ma'o// med pa ni gtsang ma'o/ / gtsang ma de'i gnas ni rtag pa pha rol tu phyin pa yin no// skyid pa pha rol tu phyin pa yin no// ngapha rol tu phyin pa yin no// gtsang ma pha rol tu phyin pa yin no// da lta bu mthong ba da ni/ ming drang po mthong ba zhes bya'o// gzhan mthong ba ni ming yon po mthong ba zhes bya'o// de lta bu mthong ba ni mi de la shes rab yod do// gzhan mthong ba de ni de la shes rab med do// shes rab yod
- 119b
pas ni thabs kyis bkrol lo/ / shes rab sad pas ni thabs kyis bcings so// byang chub sems dpa' nam mkha' mdzod kyis/ sangs rgyas la gsol pa/ bcom ldan 'das gtsang ma'i gnas de na sems can la la zhig sems rtag tu rtag pa'i sems g.yos so/ / rtag tu skyed pa'i sems g.yo'o// rtag tu nga'i sems g.yo'o// rtag tu gtsang ma'i sems g.yo'o// shes rab yod pa lags te/ phyin ci log ma lags so// sangs rgyas kyis/ byang chub sems dpa' la bka' stsal pa/ sems can la la zhig de ltar sems pa ni mi drang po sems pa ste/ mi de drang po mthong ba yin no// mi de shes rab yod pa yin no// ji lta zhes byas na/ yang dag par gshegs pa'i chos kyis sku lus rtag pa pha rol tu phyin/ skyid pa pha rol tu phyin// ngapha rol tu phyin/ gtsang ma pha logs su phyin te/ gtsang gdang bar gnas so// sangs rgyas rnams kyi chos kyi sku lus de lta bur mthong ba'i mi de ni sangs rgyas kyi yang dag pa'i slob ma gcig pu yin te/ drang po'i chos las skyes/ chos pas 'phrul te skyes/ sangs rgyas kyi zhal nas skyes/ sangs rgyas kyi brtan pa bzhi thob bo// mi tha mal pa yin mod kyi/ brtan pa bzhi byang chub sems dpa' yin no/ / rigs kyi bu pho 'das pa'i phyin la lnga brgya yang rung / lo stong yang rung / lo stong lnga brgya yang rung / de'i nang na yang mi la la zhig gis chos kyi yi ge 'di gzungs su bzung ste/
- 120a
ton dang klog nus bshad pa bzhin du las su byas te/ rtag skyid nga gtsang gi gnas la yid ches shing drang po mthong gi stong du chos 'di spyad de sems can bstan bslabs na/ sems can gcig bstan de'i ming byang chub sems dpa' 'o// mi tha mal pa yin mod kyi/ yon phul ba blang du rung ste/ khyim nas byung ba'i mi yin no// byang chub sems dpa' nam mkha' mdzod kyis/ sangs rgyas la gsol pa/ bcom ldan 'das yong khyim nas byung ba'i mi de skra dang kha spu bregs la/ chos kyi gos gyon te/ tshul khrims tshang ba mnos te/ tha mal pa'i chos kyis ma gos pa de'i ming ni khyim nas byung ste/ yong blang du rung ba zhes bgyi na yang dag par gshegs pa sa da bshad pa mi tha mal pa la khyim nas byung ba'i mi lags te/ yong blang du rung zhes bgyi ba de'i gzhung bye brag ma phyed na/ sangs rgyas kyis byams shing thugs rjes gzigs te/ bdag la bshad par smon no// sangs rgyas kyis/ byang chub sems dpa' nam mkha' mdzod la bka' stsal pa/ rigs kyi bu pho skra dang kha spu bregs pa ni lus lang med par gdul ba'i phyir ro/ / chos kyi gos gyon pa ni thamal pa'i chos dang dpral ba'i phyir ro// tshul khrim tshang bar 'dzin pa ni thub cing mi gzhig pa'i phyir ro// ngas bshad pa de mi tha mal pa'i yin mod kyi/ lus dang sems thul bar nus te/ nga dang le lo mi g.yo/ sems la rdul gyis mi gos te/ tha mal pa'i chos dang bral nas yun rings te rdo rje dang mtshungs
- 120b
tshul khrims kyi ngo ba nyid ma zhig pas/ tha mam pa yin mod kyi/ yang dag par na khyim nas byung ba yang dag pa yin no// yang theg pa chen po'i chos kyi yi ge 'di'i nang na bshad pa bzhin du mas su spyad na/ sangs rgyas kyi chos la yid ches pas rtag skyi nga gtsang mthong ste/ sems can la dgrol bshad na/ mi tha mal pa yin mod kyi/ brtan pa bzhi'i mi yin te/ byang chub sems dpa'i las spyod la yon blang du med pa ste/ ming ni dge bsnyen ces bya'o// shes rab kyis thabs thob ste/ theg pa chen po'i chos bshad do// de lta bu'i chos kyi ngo bo nyid kun sems dang ma bral te/ sems los 'phrul/ skyes te/ ting nge 'dzin mi g.yo/ rtag par gcig pu gcig pu'i sems la gnyis su med do// gcig pu'i sems kyi ning na phyi nang yang med/ bar ma yang med de thams cad dang yang bral lo// thams cad dang bral na skye ba dang shi ba'ang med do// skye ba dang shi ba med na/ gdod yang dag pa'i mi g.yo ba yin no// yang dag pa'i mi g.yo ba rtag par 'dug la/ chos dang dge 'dun ni med par mi 'gyur ro/ / khams gsum gyi sems can rang skyes rang shi'o// rigs kyi bu pho ched kar sems can la nga med par bshad do// sangs rgyas dang yang dag par gshegs pa ni yang dag pa'i bden pa'i nga yin te/ skye shir 'bab pa las 'das so// khyed la sogs pa sems can rnams rtag par 'dug pa tshol na 'dod pa'i rnams dang spongs la/ skye ba med pa'i las byos shig/ byang chub sems dpa'
- 121a
nam mkha' mdzod kyis/ sangs rgyas la gsol pa// bcom ldan 'das las ji lta bu spyad de/ ming rtse ba med pa'i las zhes bgyi/ sangs rgyas kyi zhal nas/ rigs kyi bu po rnams nga las gzhan ma skyes na/ gzhan pas nga mi skye'o// ji lta zhes byas na/ tshul gyi ngo bo nyid ni gtsang ma stong pa ste/ yod pa'ang ma yin/ rtag pa med pa yang ma yin no// yod do/ cog kyang yong ni stong pa gtsang ma ste/ med pa'ang ma yin na/ mthar yang yod pa'ang ma yin no// byang chub sems dpa' dang / sangs rgyas yang dag par gshegs pa rnams kyis khor mor ngo bo nyid gcig gi spos kyi ro bro bas/ sems can rnams kyi sems gcig gi ngo bo nyid gtsang mar bsangs na/ mdzangs pa'i rnams ni go ste/ stong par khong du chud/ blun po'i rnams kyis ni bslad ma'i nang zhugs te/ chags bcings so// ji lta zhes byas na/ sems can shes rab yod pa la gti mug med pas tshor ba'i ngo bo nyid yod de/ ma rig pa'o cog tshor ba'i tshor ba med pa mi g.yo/ stong pa'ang med/ mi 'gyur ba'ang med de/ gtsang gdang ba gcig pu'i nang du chud nas mya ngan no cog dang bral lo// sems can blun po ni gti mug yod pas tsher ba'i ngo bo nyid la mtshor bas/ ma rig pa g.yos te tshor ba med pas ni rdub dang mya ngan thams cad byas so/ / tshor ba yod par shes na tshor ba med pa'ang med do// tshor ba med pa'ang med na gdod nad kyang mi skye'o// nad mi skye na tshor ba yod
- 121b
pa'ang med do/ / tshor ba yod pa med na yid mi ches pa'i sems med do// ji lta zhes byas na/ yid mi ches pa'i sems gcig gi nang na yid nam gnyis yod do// yid mi ches pa'i sems med na nad kyang mi skye'o/ / skye ba'i gnas yod na ni khang pa stong par zhugs so// ngo bo nyid gcig gi yang dag pa'i stong pa ni bya ni yod/ gzugs ni med/ 'du byed dang phrad do// rgyu mos pa ni stong ba sgyum dang mtshungs so// byang chub sems dpa' sems canan cig yid marnam pa'i sems ni tshi par bya ba'i rigs so// bdag gis sems kyim pan po bya bar ston to// sems kyis bdag gi mkhan po bya bar ni mi smon no// 'dod pa'i rnams dang bral la rang nyam med par byas te/ bsam pa'i gnas skyes kyang / bsam pa'i sems med do// snga ma'i sems dang phyi ma'i sems gcig la gcig gal bas na gzhung bzhin te/ ma rig pa mi g.yo/ tshor ba 'gyur ba g.yo mod kyi/ phyi mo mi g.yo'o// sems g.yo ba'i tshe snga ma g.yos pa'i sems kyis dgag go/ / byang chub sems dpa' nam mkha' mdzod kyis/ sangs rgyas la gsol pa/ bcom ldan 'das sems sngon logs na/ sems g.yos pa mchis na chos ci bgyis pas tshor zhing dgag nus/ sangs rgyas kyi zhal nas/ byang chub sems dpas las spyod pa'i rnams las khor mor sems 'dug pa'i rnam pa rtog tu bcug ste/ sems 'dug pa'i gnas
- 122a
rig na/ gdod sems mi 'dug go/ de ltar tshol bas na tshor bas dgag go/ 'dod pa'i sems mi g.yon dgag cing brtag pa yang med do// g.yo ba'i gnas yod na stong pa la bde bar bzhag go/ / ngo bo nyid stong pa nyid gcig gi nang na gos pa dang / gtsang ma gnyis ka yang med do// ngo bo nyid gtsang ka dang bas na blangs pa'ang med/ btang ba'ang med do// sems kyang mi skye'o/ / skye ba'ang med/ spyod pa'ang med/ lus kyis spyad pa'i gnas kyang med/ tshig smra ba'i lam yang chad/ sangs rgyas kyi ngo bo nyid kyi dam pa tshor ba'i ngo bo nyid ni rtag par yod cing dpe stong pa dang mtshungs te/ thams cad la ma chags so// byang chub sems dpas las 'di sprad na/ dper dbyig gu thogs la nam mkha' la rdeg pa dang mtshungs te/ phog ni phog ste chags pa med do/ / de'i ming ni chos spyod pa zhes bya'o// chags pa'i gnas yod du zin na phyi nang du zhugs pa yin no// sa gtsang mar bgrod cing 'gro na sems gcig ste gnyis su med do// bsam gtan du zhugs la ldang 'dug gi sems bkag ste/ yang dag pa'i bden pa gcig la brtags la 'gyod tshangs bya'o// de'i tshe phal mang po'i nang na log sred ming 'dod mangs zhes bya ba zhig yod pa gan thog ma med pa tshun chad log pa mang du byas te/ nyes pa rtag par byas nas/ ldang ba dang / khro ba dang / phrag dog dang / 'gran nga ba dang / 'di rnam bzhi'i sbrul gyis ni drangs/ mi bden pa dang //
- 122b
byin ci log gi sems kyi byi ba gnyis kyis ni sems kyi rtsa ba bcad de/ dper na mi zhig shing gi kha na mar sbyangs la 'og na sbrul bzhi 'dug ste/ kha gdug pa'i rlangs pas ni gyen du gdugs shing gi kha nas byi ba gnyis kyi ni dpyad thag gi rtsal bzas te chad la thug/ sems gtsang ma gsum ni med par byas/ mig dang / kha dog dang / sems dang kun ni mi bden pa phyin ci log byed pa ste/ mthong bas bcings nas sems can dmyal bar lhung la thug pa la skad cig bsam pa'i sems kyi nang na/ gnod bkur ba'i sems g.yos te/ yang dag par gshegs pa la 'gyod tshangs kyi chos dri'am snyam na yid la gnod zhing ngo tsha bas 'drim po na/ yang dag par gshegs pa'i 'phrul gyi thugs kyis de'i yid la sems pa mkhyen te/ mi de sdug bsngal ba las phral te/ sems can dmyal ba'i sgo nas dbyung bar thugs la dgongs nas/ byang chub sems dpa' nam mkha' mdzod la bka' stsal pa/ nga 'das te song ba'i phyin log sred pa la la zhig gis las ngan pa mang du byas te/ sangs rgya kyi dkon mchog gsum med par byed pa de lta bu'i mi ni phyi ma'i dus la sems can dmyal ba'i nang du yang dag par lhung nas/ bskal pa chen po bcu gnyis kyi bar du'ang mi thar ro/ / khyed byang chub sems dpa' rnams kyis byams shing snying rje spyod la/ sems can 'di lta bu'i rnams 'gyod tshangs byed du chug la/ de'i sems kyi dri ma gtsang gdang bar byos la grol thar
- 123a
par byos shig/ byang chub sems dpa' nam mkha' mdzod kyis/ sangs rgyas la gsol pa/ bcom ldan 'das 'gyod tshangs kyi chos ci bgyis na/ sdig pas bar rung ba sangs rgyas kyis byams shing thugs rjes gzigs te/ bye brag phyed par bshad par smon to// sangs rgyas kyis/ byang chub sems dpa' la bka' stsal pa/ 'gyod tshangs byas na yang dag pa'i bden pa'i gzhung la brtag go/ yang dag pa'i bden pa'i gzhung mthong na sdig go cog thams cad bsal to// sangs rgyas kyis tshig 'di skad bshad zin nas/ de'i tshe phal mang po brgya stong khri 'bum gyi sems can mi dang mi ma yin pa la sogs pa thams cad kun sems gcig tu yang dag pa'i bden pa'i gcig la brtags te/ mthong zin nas log sred 'dod mangs mod bzhin stan las langs te/ lus smad lnga sa la gtugs nas/ sangs rgyas la gsol pa/ bcom ldan 'das bdag gi sems la ma rig pa mchis/ brtag pa bslangs mod kyi/ yang dag pa'i bden pa'i gzhung ma mthong ngo / / thog ma zhes bgyi ba ma mchis pa tshun chad ngan pa bcu 'ba' zhig gi las bgyis na/ da thabs ci spyad na bdag gis yang dag pa'i bden pa'i gzhung mthong zhing / sdig zhu byang bar bgyir rung / sangs rgyas kyis/ 'dod mangs la bka' stsal pa/ khyed la sogs pa log sred kyi rnams kun sems gcig tu byos shig dang / ngas khyed la bye brag
- 123b
byed par dkrol bshad do/ / 'dod mangs khyed la sogs pa sems can gyi rnams kyis lus sems pa sangs rgyas kyang ba gcig phul btugs na chos kyang za byung brtag pa gcig pu'o/ / sangs rgyas so cog la'ang ngo bo nyid gcig pu ste/ gnyis su med pas na yang dag pa'i bden pa'i gzhung yin no// de la gnyis su yod pa mthong na de'i ming ni yon po zhes bya'o/ / yon po la ltan ni mya ngan 'khrug pa ldang ngo // yon po mthong ba med na mya ngan 'khrug pa'ang mi skye'o// mya ngan 'khrug pa chod na de'i ming gtsang gdang zhes bya'o// khyed la sogs pa sems can kun gyis sems gcig tu sangs rgyas kyi ngo bo nyid gcig pu la rtog cig/ sangs rgyas kyi ngo bo nyid las gzhan mthong ba ni yong med do// gzhan mthong ba yod du zin na kun kyang sgyu ma mi bden pa yin no/ / mi bden pa de lta bu byed pa ni phyin ci log ces bya'o// 'dod mangs sems gcig gtsang na ni chos so cog kun kyang gtsang ngo // sems gcig sden ni chos so cog kun kyang sde'o// sme ba'i dri ma ni sdig yin no// gtsang ma ni yang dag pa yin no// sems dri ma dang bral na ni sdika mi skye'o// 'dod mangs kyis sangs rgyas la gsol pa/ bcom ldan 'das bdag gis gna' nas las ngan pa'i rnams bgyis pa ni bskal pa stong khri grangs ma mchis mu ma mchis pa len na de ring sems bskyed do//
- 124a
/ yang dag pa'i bden pa'i gzhung gcig sa brtags na sam sa sa sa pan kyang ngas kyang bsang brgyas kyis pa rol pa ba sgron/ n+d+ha g yis/ 'dod mangs la bka' stsal pa/ yang dag pa'i bden pa'i gzhung rtogs na sdig to cog kunan byung ngo // ji m+b+ha phyinas zhes byas na/ 'dod mangs sngon chad ni dri ma'i sems pa// da ni gtsang ma'i sems so// sems gcig ste gnyis su med de gud na sems gzhan med do// de ring gi sems gnang na sngon gyi sems kyang gtsang ngo // de lta bas na bskal pa grangs med pa tshun tshachad kyi sdig rnams kyang kun byang zhing med par mngon no/ / dper na me long lo stong lon pa'i nang du mar me gcig bsregs pa dang mtshungs ste/ de'i mod bzhin snang ste/ rdul kun phyis nas lhag ma'ang ma lus pa dang mtshungs so/ / yang gcig tu na khang pa mun nag lo stong lon pa'i nang du mar me gcig bsregs pa dang mtshungs te/ mun pa kun med par song ngo // khyed la sogs pa sems kyi rnams rtag par sems gcig gis yang dag pa'i bden pa'i gzhung gcig la brtags pa'i rigs so/ / chos so cog gi nang gi las rnams spyad de/ 'jig rten gyi chos so cog thams cad dang 'bral bar bya ba'i rigs so/ / ci'i phyi nas zhes byas na/ 'dod mangs 'jig rten gyi chos ni g.yos kyang rung / ma g.yos kyang rung ngo // kun kyang mthar
- 124b
stsal / ma pa sa la / gas / ma/ da pa sa du la g+sas nga na kA .ung zhes bya'o/ / 'dos seM ngam byung pa ma smras te/ zhi maci 'ad pa bzhin du byas na spyad pa smre bsur ba maud / spyad cing khrig zugs ni rdzus dngas so/ gyo mo'i rang bzhin 'ba' zhig yod do// rang bzhin gcig pu ni rtag par yod do// dpe gzugs gzhan kun ni skyes shing dengs so// skyes shing dengs pa'i gzugs ni rang skyes pa yin no/ / rang skyes pa yin na yod pa ma yin no// 'dod mangs sangs rgyas kyi ngo bo nyid ni dpar gyo mo dang mtshungs so// sems can gyi rang bzhin ni dper snod dang mtshungs te/ skye shi chos yin no/ / las so cog dang bral na sangs rgyas kyi sku lus gcig yin te/ sangs rgyas kyi sku lus gcig la brtags na lus gzhan med do// 'dod mangs kyis/ sangs rgyas la gsol pa bcom ldan 'das bdag gis yang dag pa'i bden pa'i gzhung la brtags pas sdig gi rnams kun byang lags na/ yang las ci spyad na chos kyi lus skye bar rung / sangs rgyas kyis/ 'dod mangs la bka' stsal pa/ yang dag pa'i bden pa'i gzhung la brtags na nad de cog mi ldang ngo // sdig pa dang dri ma kun ma g.yos na/ sems ni rdo rje dang mtshungs te/ nam du'ang mi
- 125a
'dzag / tshul tshams rna sa// sa nams pa shAng chus / kyi nang gnyis ka gtsang ga nga / khas gtan 'phru la DU dru phyug mkhas na sems ni dab rlung dang / me dang mtshungs te/ las ngan pa'o cog kun gyis shing bsal to// shes rab brten pa la mkhas nA shes rab thob par rlung ste/ de'i ming ni bral tharas zhes bya'o/ / grol thar pas na yang dag par shes shing mthong bar nus so// 'dod sangs khyod kyis 'di lta bu'i don sbyangs shing spyad nus na/ chos kyi su lus rnam pa lnga thob par rung ngo // 'dod mangs kyis/ sangs rgyas la gsol pa/ bcom ldan 'das chos kyi sku lus rnam lnga la rgyu dang 'bras bu ci mchis/ sangs rgyas kyis/ 'dod mangs la bka' stsal pa/ sangs rgyas kyi ngo bo nyid ni rtag pa'i rgyu yin no/ / chos kyi sku lus ni rtag pa'i 'bras bu yin no// ji lta zhes byas na/ sems kyi rgyu ni sangs rgyas kyi ngo bo nyid de/ chos kyi yon gyis 'bras bu thob bo// rgyu dang 'bras bu dang bral na chu'i 'bras bu med do/ / rgyu dang 'bras bu med na sangs rgyas kyi lus yang dag pa yin no// 'dod mangs sems gtsang ma'i yul la sems mi g.yo bar sangs rgyas che dpag med bsams na/ gdod yul gtsang mar skyes te/ sems can gyi phyir mi g.yo'i chos bshad de/ sems yang dag pa'i stong pa'i nang du chud la g.yo zhing bshad pa'i rnams dang bral te/
- 125b
bsngu/ san / ma mas dpa byung sa gyu kA sa bra phrag pa g.yas pa chos bzhin byas/ pus mo g.yas pa sa la btsugs te/ thal mo sbyar nas sangs rgyas la gsol pa/ bcom ldan 'das sangs rgyas 'das te gshegs pa'i srad na/ lo lnga brgya'am/ lo stong ngam/ lo stong lnga brgyan sems can la chos bshad na/ chos gang bshad pa'i rigs pa sangs rgyas kyis byams shing thugs rjes gzigs te/ bdag la drang zhing bshad par smon no// sangs rgyas kyis/ byang chub sems dpa' spyod med la bka' stsal pa/ rigs kyi bu pho chos kyi rnams bshad pa ni mdo ni bshad/ gzungs/ ni mi bshad do// gzhung ni bshad/ yi ge'i ri mo ni mi bshad do// de lta bur bshad pa ni chos yang dag pa yin no// yi ge'i ri mo dang bshad na kha g.yos sems g.yos pa kun bkur cing dbang ba zas pa'i rigs kyi bu po sems can thams cad la chos bshad mi g.yo ba bzhin du bshad/ mnyam snyoms par bshad pa'i rigs so// ji lta zhes byas na/ sems can no cog gi sems gcig la sangs rgyas kyi ngo bo nyid kyang gcig ste/ ngo bo nyid du gcig tu mnyam snyoms na chos so cog kun kyang mnyam snyoms so// de la mtho dman du bshad na
- 126a
de'i ming yon po bshad pa ste/ de'i Sha niras/ de'i lce nI kAs te/ ci'i byin pa zhes byas na/ sems can thams cad kyi sems kyi drim yang dri ma gcig tu mthun no// sems can thams cad kyi sems gtsang ma yang gtsang ma gcig tu mthun no// ci'i phyi nas zhes byas na/ sems can thams cad kyi sems gcig tu gtsang ste/ dge ba bcu'i chos mthun par gtsang ngo / / sems can thams cad kyi sems gcig tu dri ma yod na ngan pa bcu'i chos gcig tu mthun par dri ma yod do// sems can gyi nad ni gcig tu mthun te/ sems can gyi sman dgos na sman kyang gcig tu dgos so/ / chos mang du bshad na de'i ming ni phyin ci log ces bya'o// ci'i phyi nas zhes byas na/ mi bden pas bye brag phye ste/ dge ba dang ngan pa'i chos ba shig ste/ chos gcig pa shig cing yod bzhin du chos bshad na/ sangs rgyas kyi chos las bshad pa yin no// byang chub sems dpa' chos bshad pa ni mi g.yo ba bzhin du shod cig/ byang chub sems dpa' spyod med kyis/ sangs rgyas la ga sob pa/ bcom ldan 'das ji ltar mi gso bzhin du bshad ces bgyi/ sangs rgyas kyis/ byang chub sems dpa' spyod med la bka' stsal pa/ rigs kyi bu po yang dag pa'i bden pa'i chos gcig bshad pa ni mi g.yo ba bzhin du bshad pa yin no/ / sems drang po rdzogs par bshad pa ni mi gso ba bzhin du bshad pa yin no// mu gcig la chags pa med
- 126b
shad panas ga shAtsun ga sa na/ / mas lnga pa me par ba sha pa rnam gas bzhin nu sha pa yin// sam drug tu gtung ma gan ga gso ba bzhin du bshad pa yin no/ / bshad do cog kun pa shad du med na mi gso ba bzhin du bshad pa yin/ de nas byang chub sems dpa' spyod med kyis sems can pal mang po thams kun gyis bye brag phrad par khong du chud par bya ba'i phyir yang sangs rgyas la gsol pa/ ji ltar bshad na bshad pa med de mi gso pa bzhin du shod ces bgyi/ sangs rgyas kyis/ byang chub sems dpa' spyod med la bka' stsal pa/ rigs kyi bu bo chos so cog gi rang bzhin gyi gzugs stong pa bas na dgrol zhing bshad du med do// chos so cog la gzugs med pas na gzugs la dgrol bshad du med de/ bshad du mi rung ngo // chos so cog la bya ba med/ g.yo ba'ang med pas na bya ba med pa'i dgrol bshad pa la bshad du mi rung ngo // rigs kyi bu po dgrom bshad pa ni de ltar bshad de/ bshad pa de dang shad du mi rung bas mi g.yo ba bzhin bshad ces bya'o// byang chub sems dpa' spyod med kyis/ sangs rgyas la gsol pa/ bcom ldan 'das chos ni de ltar bshad pa lags pa lta na/ ji lta bur na sems drang por rdzogs par bshad ces bgyi/ sangs rgyas kyis/ byang chub sems dpa' spyod med la bka' stsal pa
- 127a
sems pa zhes bya ba ni sems drang par spyod de yang dag par gshegs pa'i gzhung rdzogs pa dang / bshad pa bdag gi sems bzhin mi bshad pa'o// rdzogs zhes bya ba ni dge ba bcu'i gzhung rdzogs pa dang / bden pa bzhi'i gzhung rdzogs pa dang / rgyu rkyen bcu gnyis kyi gzhung rdzogs pa dang / pha rol tu phyin pa drug gi gzhung rdzogs pa dang / grol thar pa'i gzhung rdzogs pa yin te/ de lta bu'i chos rnams rdzogs na/ sems gcig gi nang na sangs rgyas ngo bo nyid gcig gi sar gtsang ma gcig snyoms par bshad na/ de'i ming rdzogs par bshad de/ mi g.yo ba bzhin bshad ces bya'o// ci'i phyi nas zhes byas na/ chos so cog thams cad kun gcig tu rdzogs par bshad pa'i phyir ro// byang chub sems dpas chos gcig tu gtsang mar snyoms/ dper mtsho chen po gcig gi chu'i nang na nor bu rin po che rnam pa mang du yod pa la tshol bas yid bzhin du rnyed pa dang mtshungs so// yang dper na 'phrul gyi sman tan zhes bya ba sman go bdun rnam pa mang po las sbyar te/ nad do cog gsos na sman btang ba bzhin kun sos so// snying gtsang ma gcig tu snyoms na sems gcig tu gtsang / sangs rgyas kyi ngo bo nyid gcig mu gtsang / chos kyi rnams gcig tu gtsang ste/ mnyam snyoms na chos kyi rnams snyoms te/ de lta bur bshad pa ni gtsang mar bshad pa yin no// gzhan ltar bshad pa ni sme bar bshad pa yin
- 127b
no/ / ci'i phyi nas zhes byas na/ sems can thams cad kun la sangs rgyas kyi ngo bo nyid yod do// sangs rgyas kyi ngo bo nyid med pa med do// tshor ba la nye ring yod du zad do// rtsa ba'i rtsa mo bzhin du theg pa chung ngu'i mi la ni theg pa chung ngu'i chos bshad/ log sred kyi mi la ni log sred kyi tshes bshad na de'i ming ni sangs rgyas kyi chos lam yon por bshad pa zhes bya ste/ sangs rgyas kyi ngo bo nyid 'chad pa dang / sangs rgyas kyi sku lus med par 'chad pa'o// de lta bur chos 'chad pa'i mi ni bskal pa brgyad stong khri'i bar du sems can dmyal ba rnams su lhung ste// sangs rgyas 'jig rten du 'byung du zin kyang mi thar to// thar du zin te mi'i nang du skyes na yang yul gyi mtha' 'khob mi'i tha ma'i nang du skyes te/ mchu shor la lce med pa de lta bu'i lan thob bo/ / ci'i phyi nas zhes byas na/ byang chub sems dpa' sems can gyi ngo bo nyid ni chos kyi ngo bo nyid yin te/ chos kyi ngo bo nyid ni rtag par gtsang la yang dag pa'i mtshan bzang po rnam pa kun ldan te/ phyi mo nas thob pa'ang med/ sbyor ba'ang med de/ byung ba'ang med/ nub pa'ang med do// ngo bo nyid rtag cing yang dag pa'i bden pa ste/ sgyu ma mi bden pa'ang med do// mya 'jug pa pa zang po gre 'drang med pa/ mtha cun du yang gang ste/ ngab nyid cig tugs bying chu ma no// gtsang sa dang ba'i ngo bo nyid dang / byang chub kying ba nyin dang ni gcig su bad de/
- 128a
su med do// gtsang gdang ba'i btang stobs pa ste/ yi ge'i 'bru dang tshig gi lam yang chad do// dper na nam mkha' dang mtshungs te/ sbyinang gnyis ka gtsang gdang / ngo// gtsang ga dang ba gcig po de ni phyi nang na'ang mi gnas/ bar na'ang mi gnas/ zla ba'ang med/ bshad pa'ang med do// ji lta bur na de'i nang nas nad kyi rtsi bye brag dbye/ bye brag dbye ba med na/ bye brag dbye ba'i shes rangab yin no// rigs kyi bu po sems gcig dang / gtsang gdang ba gcig dang / sangs rgyas kyi ngo bo nyid gcig dang / 'di rnams dang bral na sangs rgyas btsal du yang med/ chos bshad du yang med/ dge 'dun thob pa'ang med do// ji lta zhes byas na/ sangs rgyas ni chos yin no// chos ni dge 'dun no// de lta bas na ngas chos kyi yi ge/ 'di bshad pa sems can gyi lus gcig/ sems gcig/ gtsang ga dang ba gcig/ sangs rgyas kyi ngo bo nyid gcig/ sangs rgyas kyi chos kyis gcig/ byang chub kyi sdong po gcig gis/ khams so cog thams cad gang rgyas te sems can thams cad kyi lus kyi nang du chud do// rigs kyi bu po sangs rgyas thams cad ni chos kyi yi ge 'di las skyes so// chos so cog kun ni chos kyi sa ge 'di las byung ngo / / dge 'dun thams cad kyang chos kyi mi ge 'di las snang ngo // chos kyi yi ge 'di mnos shing gzungs su 'dzin pa ni ming dkon mchog gsum gzungs su 'dzin pa zhes bya'o//
- 128b
chos kyi yi ge 'di klog cing 'di'i gzhung rgya cher klog tu bcug na la la zhig na ba yod na'ang kun sos te/ 'dre gdon dang ngan pa'i rnams nye nus pa med do// byang chub sems dpa' khyod kyis sems can la phan bsod de lta bu yod kyis/ ngas chos kyi yi ge 'di khyod la gdams te gtad la/ gcig tu na sems can la ra mda' bya zhing bsgral ba'i chos nyung ngu thos la mang du shes pa dang / nyung ngu mthong ba la mang du rig pa dang / yi ge'i ri mo mang du ma btsal bar gzhung gi mngon brtags thob pa yang ngas bshad kyis/ khyed la sogs pa byang chub sems dpa'i rnams kun sems gcig tu rtag par nyon cig dang / khyed la dgrol bshad do// sems can thams cad kun sems gcig/ sangs rgyas gcig/ ngo bo nyid gcig ste/ mya ngan 'khrug pa thams cad kun ni sems gcig las skyes so/ / kun kyang 'du mched dang / shes rab gnyis kyi gnas kyi rgyu las langs so// ji lta zhes byas na/ rgyu rang bzhin dang / bdag gi rang bzhin dang / rang bzhin gnyis kyi stobs las stobs rnam gnyis kyi rang bzhin g.yos te/ skad cig bsams pa las mi bden pa'i sems skyes te/ mi bden pa de la ni phyi mo'ang med do// skad cig sems g.yos pa'i tshe/ mya ngan 'khrug pa'ang mod bzhin ldang ngo // sems 'di la brtags na mi bden pa'i sems la phyi mo med do// phyi mo med na gnas kyang med do// de la
- 129a
gnas med par rtogs na tshor ba'i sems skyes te/ phyi mo'i tshor ba sems gtsang ma la bsas pa yod med do// sems la bsam pa med nu sems mi gso'o// sems mi g.yon sems kyi gnas kyang med de/ de'i ming ni gtsang gdang ngo // gtsang gdang ba'i stong pa'i sems ni ngo bo nyid phyi mo nas gtsang ga dang ste/ gtsang mas mngon brtags par yang med do// gtsang gdang ba'i sems dang bral bas na gtsang gdang zhes bshad do// byang chub sems dpa' ni gtsang gdang ba'i sems la bya ba yang med/ g.yo ba yang med/ dri ma yang med/ gtsang ma yang med/ skye ba yang med/ 'bri ba yang med/ mthar cis kyang gos pa med de/ gnas gcig la'ang 'dug pa med de/ de'i ming dang grangs las yong bral lo// rtag pa de bzhin na de bzhin zhes bya bab yang med de/ dper rdo rje dang mtshungs te/ ngo bo nyid gcig pu la zhig pa'ang med do// dper nam mkha' dang mtshungs te thams cad shong / dper me tog pad+mo dang mtshungs te/ srid pa'i chu mi chags so/ / las 'di skad na yang dag par grol thar te/ smre shi 'bab las 'das te/ sems can dmyal ba'i sdug bsngal las phyin no// byang chub sems dpa' sems gcig gi chos 'di'i ming gcig ni 'gyod tshangs kyis grol thar pa zhes kyang bya ste/ yang dag pa'i bden pa'i gzhung mthong ba'i phyir ro// gnyis su med na ming chos spyad pas grol thar ces kyang bya
- 129b
ste/ man gcig na 'dug pa'i phyir ro// gsum du na ming spyad pa med pas grol thar ces kyang bya ste/ 'dug cing chags pa med pa'i phyir ro// grol thar pa 'di gsum ni kun byung sems gcig las skyes te/ sems can thams cad la sems gnyis su med pa'i phyir ro// sems can thams cad kun la theg pa gcig pu yod do// byang chub sems dpa'i chos kyi rgyal po chos gcig shes par nus na chos gcig mi shes pa med do/ / chos gcig mi shes na chos gcig kyang shes pa med do// ji lta zhes byas na/ chos kyi rnams mi gcig pa med pa'i phyir ro/ / byang chub sems dpa' 'di gcig pu thos na de ni nyung ngu thos pa yin no// chos mi shes pa de'i ming ni mang du shes pa'o// ci'i phyir zhes byas na/ chos so cog gongango bo nyid gtsang ma gcig pa'i 'dus pa'i phyir ro// gcig pu 'di mthong ba'i phyir ro// gcig pu 'di mthong na sangs rgyas thams cad kyi lus mthong ngo // phyir zhes byas na/ sangs rgyas so cog gi lus ni gtsang ma gcig las byung ba'i phyir ro// gtsang ma gcig gis ni sangs rgyas gcig gi lus dang / sangs rgyas kyis gcig dang byang chub kyi sdong po gcig yin no/ / rigs kyi bu po chos 'di'i nang nas mya ngan 'khrug pa'i rnams bcad ni/ dper sdong po bcad pa dang mtshungs/ rtsa ba 'ba' zhig gcod kyi/ yal sa
- 130a
dang 'dab ma mi gcod do/ / ci'i phyir zhes byas nA/ dper mi ya la zhig lus la dug mdas phog ste/ lus na tsha ba la mda' phyung na ni nad kyang smos so// mda' ma byung na ni nad kyang mi sos so// de la bsdad de mda' de'i spyoni ci'i sgo/ gcig tu na de'i sgrag ri gang las byung / mad de sus 'phangs zhes 'dri na/ de'i bar du mi de tshabs tsheche srog zad zin no/ / de'i 'og tu mda' phyung ba ni phan pa med par mngon no// rigs kyi bu pho sems mod bzhin khrus shig/ sems gtsang mar 'dug na de'i ming ni gtsang gAdang zhes bya'o/ / 'du mched kyi rnams gtsang gdang na yod pa la chags pa'i rnams dang bral te/ chags pa med pa'i nang du chud par nus so// ci'i phyir zhes byas na/ phyi mo sems can la bslabs te/ sman bzang po 'di bshad de nad kyi rnams gsos la kun gsos par 'tshal lo// yang gcig tu na chos kyi yi ge 'di'i rdo rje shes rab kyi gris sems can rnams kyi ma rig pa'i yid breg go/ / yang gcig tu na chos kyi yi ge 'di gtsang gdang ba'i chos spyad de/ sems can rnams kyi gdug pa gsum gyi dri ma brdab cing bsal lo// yang gcig tun chos kyi yi ge 'di shes rab kyi stobs po che spyad de/ sems can dkris pa bcus bcings pa grol thar pa 'tshal lo// yang gcig tun chos kyi yi ge 'di ba nyid gtsang gdang bar
- 130b
gcig tu skud de/ sems can gyi rnams kun gyis lus gcig na sems gcig/ sangs rgyas gcig/ ngo bo nyid gcig/ gtsang gdang ba gcig thob ste/ theg pa chags nang du chud yang dag par 'tshal lo/ / sems sems can dmyal ba nas thar yang dag pa 'tshal lo// bdag gi sems can gyi rnams bsgral ba'i ra mda' nus te/ sems kyi rnams sems can dmyal ba rnams su lhung na bdag gis sangs rgyas kyi sku lus nub cing med par bgyis pa lags na/ bcom ldan 'das sangs rgyas kyi chos 'di bdag la gtad cing gdams par smon no/ / bdag la yang sems can rgya cher bsgral pa bshad de/ sems can gyi rnams thos pa nyung la shes pa mang / mthong ba nyung la rig pa mang / yi ge'i ri mo mang du ma 'tshal bar gzhung gi mngon brtags thob ste chos nyung ngus yang dag par grol thar la/ gzhan dogs pa 'dri ba ma mchis par bgyi na/ sangs rgyas kyis byams shing thugs rjes gzigs te/ bdag la dgrol bshad par smon no// sangs rgyas kyis/ phal mang po la bka' stsal pa/ byang chub sems dpa' chos kyi rgyal po 'dis bskal pa brgya stong khri 'bum gyi sangs rgyas rnams la yon gsol myong zin pas na/ thabs spyod pa mkhas te/ sems can la ra mda' bya zhing bsgral nus so// byang chub sems dpa' 'dis ro bro ba'i rlung spyad de/ sems can
- 131a
rnams kyi srog 'thung nus so/ / khyed la sogs par lta dang / ma 'ongs pa'i dus kyi sems can rnams kyis byang chub sems dpa' 'di'i ming gzungs su bzlag/ gi steng du dge ba'i bshes gnyen chen po gyis/ mya ngan las 'das pa'i shes rab kyi pha logs su phyin pa'i stong par thar pa thogs pa med pa thob bo// de nas byang chub sems dpa' chos kyi rgyal pos sa la gtugs te phyag 'tshal nas langs te/ de'i gzhi nas mya ngan las 'das pa chen por zhugs nas/ stong pa krol thar pa go ste/ chags pa med pa'i sa las rkang pa bteg pa dang / rkang pa bor ba kun kyang gtsang ga dang ba bgrod de thal mo sbyar nas/ sangs rgyas la phyag 'tshal te song ngo // chos kyi rgyal po'i yi ge bam po gcig ste rdzogs so// / rgya gar skad du/ Ar+ya bar+Na pA ra mi tA nir de sha nA ma mu hA mA na sU tra/ bod skad du/ 'phags pa pha rol tu phyin pa lnga bstan pa zhes bya ba theg pa chen po'i mdo/ / bam po dang po/ sangs rgyas dang byang chub sems dpa'i thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po thams cad kyang dgra bcom
- 131b
pa/ zug pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin turnam par gro bA/ cang shes pa/ glang chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid pa kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems can thams cad la dbang dam pa'i pha rol tu son pa sha stag dang / byang chub sems dpa' sems dpa' chen po phal cher gzhon nur gyur pa/ skye ba gcig gis thogs pa/ sems can gyi bsam pa ji lta ba bzhin du sred pa las grol ba/ srid par skye ba yongs su 'dzin pa/ thams cad kyang bla na med pa yang dag par rdzogs pa'i byang chub las phyir mi ldog pa sha stag dang thabs cig tu bzhugs so/ / gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dag gis bcom ldan 'das la bkur sti byas/ bla mar byas/ ri mor byas/ mchod pa byas nas/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das kyis 'di lta ste/ pha rol tu phyin pa drug po 'di dag nyid las brtsams nas/ 'khor bzhi po dag la chos ston no// de nas bcom ldan 'das kyis/
- 132a
tshe dang ldan pa shA ra dwa ti'i bu la bka' stsal pa/ shA ra dwa ti'i bu 'di la byang chub sems dpa' sems dpa' chen pos sbyin pa'i pha rol tu phyin pa la spyod pa na/ mngon par 'du byed pa med par sbyin pa sbyin par bya'o/ / de skad ces bka' stsal pa dang / tshe dang ldan pa shA ra dwa ti'i bus/ bcom ldan 'das la 'di skad ces gsol to// bcom ldan 'das bcom ldan 'das ni chos thams cad kyi rtsa bar gyur pa lags/ bcom ldan 'das ni chos thams cad kyi gtso bor gyur pa lags/ bcom ldan 'das ni chos thams cad kyi rton par gyur pa lags te/ de'i slad du bcom ldan 'das las gang thos na/ dge slong rnams 'dzin par 'gyur ba de/ bcom ldan 'das nyid kyis dge slong rnams la bshad du gsol/ de skad ces gsol pa dang / bcom ldan 'das cang mi gsung bar gyur te/ lan gnyis kyi bar du gsol nas/ bcom ldan 'das kyis bka' stsal pa/ shA ra dwa ti'i bu ngas khyod la bcol gyis/ byang chub sems dpa' sems dpa' chen po rnams kyi sbyin pa'i pha rol tu phyin pa las brtsams te/ khyod spobs par gyis shig/ de nas tshe dang ldan pa shA ra dwa ti'i bus bcom ldan 'das kyis go skabs gnang ba thob nas/ bcom ldan 'das kyi mthus thog ma nyid du byang chub sems dpa' sems dpa' chen po rnams kyi sbyin pa'i pha rol tu phyin pa la 'doms shing rjes su ston te/ bcom ldan 'das 'di la byang chub sems dpa' sems dpa' chen po/ sbyin pa'i pha
- 132b
rab tu dran pa la spyad pas/ zag sa nyid du rnam pa thams cad mkhyen pa nyid la dmigs par bgyi zhing sbyin pa sbyin par bgyi'o// gal byang chub sems dpa' sems dpa' chen po nam pa thams cad mkhyen pa nyid la dmigs par bgyis nas sbyin pa sbyin na/ byang chub sems dpa' sems dpa' chen po de ni sbyin pa'i pha rol tu phyin pa yongs su 'dzin pa lags so// byung chub sems dpa' lta bar lhung bas sbyin pa sbyin pa ni mo sngo'i/ nyan thos kyi sa 'am/ rang sangs rgyas kyi sar bsngos pa ni da lta ma lags so// de ci'i slad du zhe na/ de'i 'jigs pa ni de lag par 'tshal bar bgyi ba'i slad du'o/ / de nas tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so// tshe dang ldan pa ci'i phyir na/ de byang chub sems dpa' sems dpa' chen po'i 'jigs pa yin par shes par bya/ smras pa/ nyan thos rnams dang 'bras bu mnyam par 'gyur du 'ong bas na/ de'i phyir de'i 'jigs pa yin par shes par bya'o/ / de nas tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so// tshe dang ldan pa shA ra dwa ti'i bu byang chub sems dpa' sbyin pa sbyin pa gang yin pa dang / nyan thos dgra bcom pa mngon sum du bya bar 'dod pa/ sbyin pa sbyin pa gang yin pa 'di la bye brag ni ci yod/ tha dad du dbye ba ni gang yin/ smras pa/ tshe dang ldan po gang po tha dad du dbye ba ni
- 133a
'di nyid yin te/ gcig ni gang nyan thos kyi sar yongs su sngo bar byed la// gcig shos ni rnam pa thams cad mkhyen pa nyid du yongs su sngo bar byed pa yin no// de rtsa phyir zhe na/ tshe dang ldan pa dper na skyes bu la la zhig bdag rgyal por gyur kyang ci ma rung sum du rgyal po'i sa la dmigs nas sbyin pa sbyin la/ skyes bu cig shos ni bdag rgyal po de'i sul na gnas kyang ci ma rung snyam du mngag gzhug par khas len par 'dod de/ sbyin pa sbyin zhing de ltar yongs su bsngon skyes bu des/ skyes bu snga ma des dmigs pa'i rgyal po'i sa gang yin pa de nyid non par nus sam/ tshe dang ldan pa gang po de bzhin du byang chub sems dpa' sems dpa' chen po ni rnam pa thams cad mkhyen pa nyid la dmigs nas/ sbyin pa sbyin zhing yongs su bsngo la/ nyan thos kyi theg pa pa ni sbyin pa gang sbyin pa de nyan thos kyi sa la dgra bcom pa nyid du yongs su sngo bar byed do// de ltar 'phags pa nyan thos byang chub sems dpa'i nye gnas su 'gyur bar 'dod na/ skyes bu des sbyin pa de nyid rnam pa thams cad mkhyen pa nyid du yongs su sngo bar byed pa'i mthu dang nus pa yod dam/ yang tshe dang ldan pa gang po mos pa gang dang ldan pas sbyin pa de rnam pa thams cad mkhyen pa nyid du yongs su bsngo ba'i mos pa de ni med kyi/ sbyin pa de nyan thos su yongs su bsngo ba 'di ni/ byang chub sems dpa'i theg pa pa dang /
- 133b
nyan thos kyi theg pa pa dgra bcom pa'i sa la gnas pa'i tha dad du dbye ba yin no// tshe dang ldan pa gang po dper na skyes bu la la zhig sbyin pa 'dis bdag tsheng dpon nam/ khyim bdag gam/ tshangs par gyur cig ces sbyin pa sbyin pa de bzhin du/ nyan thos kyi theg pa pa'i sbyin par blta'o// de nas tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad/ ces smras so// tshe dang ldan pa 'di ni ngo mtshar che ste/ shA ra dwa ti'i bus shin tu legs par smras so// tshe dang ldan pa shA ra dwa ti'i bu dper na skyes bu la la zhig kar sha pa Na 'bum khyer te/ khyim bdag phyug po gang yang rung ba zhig gi drung du song nas/ 'di skad du kar sha pa Na 'bum 'di dag ljod la 'bul te/ bdag kyang khyod kyi thad na 'dug cing bya ba dang sbyor ba rnams la g.yog bgyid do zhes zer ba de bzhin du/ tshe dang ldan pa nyan thos kyi theg pa pa'i gang zag rnams sbyin pa sbyin zhing / de bzhin gshegs pa'i zham ring du khas len no// byang chub sems dpa' sems dpa' chen po ni de ltar sbyin pa sbyin par mi byed de/ 'di ni byang chub sems dpa'i spyod pa dang / nyan thos kyi sbyin pa sbyin pa'i khyad par du dbye ba yin no// tshe dang ldan pa shA ra dwa ti'i bu dper na rgyal po'i btsun mo'i 'khor gyi bud med gcig gis gser 'bum khyer te/ tshong dpon nam// ded dpon gang yang rung ba'i drung du song nas nas 'di skad du/ gser 'bum 'di dag kyang khyod la 'bul/ bdag
- 134a
kyang khyod kyi g.yog bgyid cing / sngar ldang ba dang / phyis nyal ba dang / khyod ci dgyes pa bzhin spyod par bgyid do zhes zer ba de bzhin du/ tshe dang ldan pa nyan thos kyi theg pa pa gang zag sbyin pa yang sbyin zhing / de bzhin gshegs pa'i nyan thos nyid du khas len to// de skad ces smras pa dang / tshe dang ldan pa shA ra dwa ti'i bus/ tshe dang ldan pa byams ma'i bu gang po la 'di skad ces smras so/ / tshe dang ldan pa sbyin pa de nyid yongs su btang du 'dra na/ gcig ni nyan thos kyi sa yongs su 'dzin par gyur la/ gcig ni rnam pa thams cad mkhyen pa nyid yongs su 'dzin par gyur pa 'di ni ngo mtshar che ste/ tshe dang ldan pas legs par smras so// tshe dang ldan pa gang po byang chub sems dpa' ni thams cad du thabs la mkhas par blta bar bya'o/ / gzhan yang tshe dang ldan pa shA ra dwa ti'i bus/ tshe dang ldan pa byams ma'i bu gang po la 'di skad ces smras so// tshe dang ldan pa gang po 'di la byang chub sems dpa' sbyin pa sbyin par 'dod cing / bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ sbyin pa yongs su gtong ba na/ thog ma kho nar 'di skad du/ sbyin pa 'di las byung ba/ bsod nams mngon par 'du byed pa dang / dge ba mngon par 'du byed pa gang yin pa des/ 'jig rten gyi khams mtha' yas mu med pa dag na/ theg pa la gsar du zhugs pa'i byang chub sems
- 134b
dpa' gang dag gnas pa de dag ni phyir mi ldog pa nyid du gyur cig/ phyir mi ldog pa gang dag gnas pa de dag ni/ sbur du rnam pa thams cad mkhyen pa nyid yongs su rdzogs par gyur cig ces/ brjod par bya ste/ de ltar bdag nyid kyang de'i khongs su gtogs par byed cing / byang chub sems dpa' de dag kyang dge ba'i rtsa ba rnams kyis yongs su 'dzin par byed do// ji lta ji ltar byang chub sems dpa' dge ba'i rtsa ba yongs su 'dzin cing rjes su bsrung ba de lta de ltar rnam pa thams cad mkhyen pa nyid dang nye bar 'gyur ro/ / ji lta ji ltar dge ba'i rtsa ba yongs su bsngo ba de lta de ltar bla na med pa yang dag par rdzogs pa'i byang chub dang yang nye bar 'gyur ro/ / tshe dang ldan pa gang po gzhan yang byang chub sems dpa' sems dpa' chen po sbyin pa sbyin pa na/ sbyin pa de 'di ltar/ bdag gi kha zas kyi sbyin pa 'di las/ sems can gang dag mig lam na snang ba dang / gang dag mi snang ba thams cad las sems can gang dag za ba dang / cung zad za bar gyur pa'i sbyin pa de/ las gang bdag gis dge ba'i rtsa ba yongs su bzung bar gyur pa'i dge ba'i rtsa ba des/ 'jig rten gyi khams mtha' yas mu med pa dag na/ theg pa la gsar du zhugs pa'i byang chub sems dpa' sems dpa' chen po gang dag gnas pa de dag ni phyir mi ldog pa nyid du gyur cig/ phyir mi ldog pa gang dag gnas pa de dag ni myur du rnam pa thams cad mkhyen pa nyid yongs su rdzogs par gyur
- 135a
cig ces yongs su bsngo bar bya'o/ / ji lta ji ltar byang chub sems dpa' dge ba'i rtsa ba yongs su sngo bar byed pa de lta de ltar pha rol tu phyin pa rnams yongs su 'dzin cing / rnam pa thams cad mkhyen pa nyid dang nye bar 'gyur te/ gang gi tshe sbyin pa chung ngu yang dpag tu med pa byed pa 'di ni/ byang chub sems dpa' sems dpa' chen po'i thabs la mkhas pa yin par rig par bya'o/ / de ci'i phyir zhe na/ rnam pa thams cad mkhyen pa nyid dpag tu med pa'i phyir ro// tshe dang ldan pa gang po gzhan yang byang chub sems dpa' sems dpa' chen po'i sprin pa sbyin pa na/ bdag gi sbyin pa 'di bla na med pa yang dag par rdzogs pa'i byang chub ma gtogs pa gzhan du rnam par smin par ma gyur cig ces de ltar sems bskyed par bya'o// gal te yongs su sngo bar byed na/ sbyin pa'i pha rol tu phyin pa zhes bya ba'i grangs su 'gro'o// ci ste phyis yun ring mo zhig lon nas yongs su sngo bar byed cing / rnam pa thams cad mkhyen pa nyid yid la byed na yang / de bzhin du pha rol tu phyin pa'i grangs su 'gro'o// tshe dang ldan pa gang po gzhan yang byang chub sems dpa'i sbyin pa ni nyung ngu zin kyang mang bar rig par bya'o// de ci'i phyir zhe na/ rnam pa thams cad mkhyen pa nyid du songasu bsngos pa'i phyir ro// sbyin pa mang po yang nyung ngur 'gyur ba yod par rig par bya ste/ de ci'i phyir zhe na/ 'di ltar
- 135b
rnam pa thams cad mkhyen pa nyid du yongs su ma bsngos pa'i phyir ro/ / tshe dang ldan pa de yang gal te phyis yun ring mo zhig lon nas/ yongs su sngo bar byed na yang sbyin pa'i sgra bor te/ sbyin pa'i pha rol tu phyin pa'i sgra thob par 'gyur ro// tshe dang ldan pa gang po byang chub sems dpa' sems dpa' chen pos 'khor ba'i thog ma med pa nas 'khor ba na/ rnam pa thams cad mkhyen pa nyid yang dag par ma brjod par sbyin pa sbyin pa gang yin pa de yang byang chub sems dpas thabs la mkhas pa la brten nas pha rol tu phyin par yongs su bsngo zhing / rnam pa thams cad mkhyen pa nyid la dmigs par byed na/ byang chub sems dpa'i sbyin pa'i pha rol tu phyin pa yin par rig par bya'o// de nas tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so/ / tshe dang ldan pa ci 'di khyod nyid kyi spobs pa yin nam/ 'on te bcom ldan 'das kyi byin gyi rlabs yin/ smras pa/ tshe dang ldan pa bdag gi spobs pa gang yin/ pa 'di ni/ de bzhin gshegs pa'i byin gyi rlabs yin no// tshe dang ldan pa gang po 'di la 'jig rten gyi khams dpag tu med/ grangs med/ tshad med pa dag na/ sems can gang dag gnas pa de dag dgra bcom pa'i 'bras bu mngon sum du bya bar 'dod pa'i phyir/ bskal pa gang+gA'i klung gi bye ma snyed du so so'i skye bo rnams sam/ nyan thos rnams sam/ rang sangs rgyas rnams la sbyin pa byin
- 136a
la/ sbyin pa de yang byang chub sems dpas bsams te/ bsams nas kyang 'di skad du/ sbyin pa 'di la rjes su yi rang ngo zhes zer zhing / de ltar yongs su gtong ba rnams kyi de la byang chub sems dpa'i rjes su yi rang ba dang ldan pa'i bsod nams bya ba'i dngos po yod la/ rjes su yi rang nas dge ba'i rtsa ba de 'di ltar yongs su sngo bar byed de/ rjes su yi rang ba dang ldan pa'i/ dge ba'i rtsa ba 'dis 'jig rten gyi khams mtha' yas mu med pa dag na/ theg pa la gsar du zhugs pa'i byang chub sems dpa' gang dag gnas pa de dag ni phyir mi ldog pa nyid du gyur cig/ phyir mi ldog pa gang dag gnas pa de dag ni myur du rnam pa thams cad mkhyen pa nyid yongs su rdzogs par gyur cig ce na/ rjes su yi rang ba dang ldan pa'i dge ba'i rtsa ba de de ltar yongs su sngo bar byed pa'i byang chub sems dpa' ni myur du rnam pa thams cad mkhyen pa nyid yongs su rdzogs par 'gyur te/ de la sems can yongs su gtong ba byed pa de dag gi bsod nams mngon par 'du byed pa gang yin pa dge ba'i rtsa ba snga ma des ni byang chub sems dpa'i rjes su yi rang ba dang ldan pa'i sems la/ brgya'i char yang nye bar mi 'gro'o// stong gi cha dang / 'bum gyi cha dang / bye ba'i cha dang / bye ba 'bum gyi cha dang grangs dang / cha dang / bgrang ba dang / dpe dang / rgyur yang nye bar mi 'gro'o// de ci'i phyir zhe na/ 'di ltar byang chub sems dpa'i rjes su yi rang ba dang ldan pa'i sems bskyed pa des/ thams cad
- 136b
zil gyis gnon pa'i phyir ro/ / tshe dang ldan pa gang po sangs rgyas bcom ldan 'das 'di nyid kyis 'dir thabs la mkhas pa nyid brtson par mdzad do// tshe dang ldan pa gang po gzhan yang gal te sems can de dag thams cad bskal pa gang+gA'i klung gi bye ma snyed du gnas shing / sangs rgyas la sogs pa dge slong gi dge 'dun la sbyin pa dag kyang sbyin zhing / bsod nams dag kyang byed la/ de la byang chub sems dpa' rjes su yi rang ste/ kyem sbyin pa 'di ni legs par sbyin no// legs par byin par byed do// bsti stang du byas te sbyin par byed do// zhe sar byas te sbyin par byed do// skad pa med pa sbyin par byed do/ / sbyin pa 'di la rjes su yi rang ngo zhe na/ byang chub sems dpa' de'i rjes su yi rang ba dang ldan pa'i sems la/ snga ma'i sbyin pa dang ldan pa'i bsod nams mngon par 'du byed pa des brgya'i char yang nye bar mi 'gro'o/ / stong gi cha dang / 'bum gyi cha dang / bye ba'i cha dang / bye ba 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// de ci'i phyir zhe na/ 'di ltar byang chub sems dpa' ni rjes su yi rang ba'i sems kyi zil gyis gnon par byed par rig par bya'o// tshe dang ldan pa gang po dper na zla ba'i dkyil 'khor 'char ba na/ skar ma'i gzugs gang ji snyedan yod pa de dag thams cad kyi 'od med par byed do// tshe dang ldan pa gang po dper na nyi ma'i dkyil 'khor 'char
- 137a
@#ba na/ 'dzam bu'i gling 'dir srog chags kyi rigs srin bu me khyer gyis gang bar gyur pa thams cad zil gyis mnan ta 'od med par byed do// tshe dang ldan pa gang po dper na mching bu'i nor bu brgya 'am/ stong ngam/ bye ba 'am/ bye ba stong phung po chen por gyur la/ de'i nang du be DUR+Ya'i nor bu gcig bzhag na/ mching bu'i nor bu de thams cad no// bupu rin chen bai DUR+Ya gcig pu'i kha dog dang / 'od kyis zil gyis non par 'gyur te/ 'od mi snang zhing mi sba bar 'gyur ro// tshe dang ldan pa de bzhin du sems can de dag thams cad bskal pa dpag tu med pa gang+gA'i klung gi bye ma snyed du gnas pa'i sbyin pa las byung ba'i bsod nams bya ba'i dngos po ni/ byang chub sems dpa' de'i rjes su yi rang ba dang ldan pa'i sems kyi brgya'i char yang nye bar mi 'gro ba nas/ rgyu'i bar du yang nye bar mi 'gro'o// tshe dang ldan pa gang po dper na rta rin po che rta stong gi nang du zhugs na/ rta phal de dag thams cad gsal ba ma yin zhing / sba ba ma yin la/ rta rgod pa'i bag kyang ston par mi byed de/ de dag thams cad rta rin po che des zil gyis non par 'gyur ro// tshe dang ldan pa gang po de bzhin du bskal pa gang+gA'i klung gi skye ma snyed du gnas pa'i sems can de dag thams cad kyi sbyin pa las byung ba'i bsod nams bya ba'i dngos po gang yin pa de/ byang chub sems dpa'i rjes su yi ring ba dang ldan pa'i sems
- 137b
kyi brgya'i char yang nye bar mi 'gro ba nas/ rgyu'i bar du yang nye bar mi 'gro ste/ de dag thams cad byang chub sems dpas rjes su yi rang ba'i sems kyis zil gyis non par 'gyur/ ro// tshe dang ldan pa gang po gzhan yang byang chub sems dpa' sems dpa' chen po des kyang rjes su yi rang ba dang ldan pa'i bsod nams bya ba'i dngos po 'jig rten gyi khams dpag tu med pa/ grangs med pa dag na theg pa la gsar du zhugs pa'i byang chub sems dpa' gang dag gnas pa de dag ni phyir mi ldog par gyur cig/ phyir mi ldog pa'i byang chub sems dpa' gang dag gnas pa de dag ni/ myur du rnam pa thams cad mkhyen pa nyid yongs su rdzogs par gyur cig ces yongs su bsngo bar bya'o// ji lta ji ltar byang chub sems dpa' dge ba'i rtsa ba de yongs su gtong ba de lta de ltar snang bar 'gyur zhing / rnam pa thams cad mkhyen pa nyid dang yang nye bar 'gyur ro// ji lta ji ltar dge ba'i rtsa ba de dag bdag gir mi byed cing / dge ba'i rtsa ba 'dis sems can thams cad bde bar gyur cig ces sems bskyed pa de lta de ltar dge ba'i rtsa ba rnams kyis 'bogs par 'gyur ro// ji lta ji ltar dge ba'i rtsa ba rnams kyis 'bogs pa de lta de ltar rnam pa thams cad mkhyen pa nyid dang nye bar 'gyur ro/ / ji lta ji ltar dge ba'i rtsa ba de dag las bdag gi bar sems mi skyed pa
- 138a
de lta de ltar dge ba'i rtsa ba dpag tu med pa 'dzin to/ / de ci'i phyir zhe na/ rnam pa thams cad mkhyen pa nyid dpag tu med pa'i phyir ro// tshe dang ldan pa gang po de bzhin du byang chub sems dpa' sems dpa' chen po'i rjes su yi rang ba'i sems thabs la mkhas pas yongs su bsngos nas/ theg pa la gsar du zhugs pa'i byang chub sems dpa' rnams pa phan 'dogs par byed do/ / rjes su 'dzin cing phyir mi ldog pa'i byang chub sems dpa' rnams kyang mngon par shes pa myur bar yongs su bsngo'o// des de dag la yang phan btags nas/ bdag nyid kyang rnam pa thams cad mkhyen pa nyid yongs su 'dzin par byed pa 'di ni/ tshe dang ldan pa gang po byang chub sems dpa'i thabs la mkhas pa yin par rig par bya'o// de ci'i phyir/ zhe na/ 'di ltar rnam pa thams cad mkhyen pa nyid du yongs su bsngos pa'i phyir te/ bdag dang de las gzhan pa'i byang chub sems dpa' sems dpa' chen po rnams kyang don che bar byed do// sbyin pa'i pha rol tu phyin pa las rjes su yi rang ba'i le'u ste dang po'o/ / / tshe dang ldan pa gang po gzhan yang bskal pa gang+gA'i klung gi bye ma snyed du gnas pa'i sems can de dag thams cad kyis sangs rgyas la sogs pa dge slong gi dge 'dun la sbyin pa sbyin pa dang / bsod nams ngag kyang byed pa gang yin pa dang / byang chub sems dpa' sems dpa' chen pos sangs rgyas
- 138b
la sogs pa dge slong gi dge 'dun la bsod snyoms lan cig tsam 'bul na yang / bsod snyoms 'dul ba gang yin pa 'di la dge ba'i rtsa ba snga mas brgya'i char yang nye bar mi 'gro ba nas/ rgyu'i bar du yang mi bzod do// de ci'i phyir zhe na/ yongs su bsngos pa'i phyir ro// tshe dang ldan pa gang po byang chub sems dpa' dang / sems can de dag gi len pa po ni mtshungs te/ 9 pa po mi mtshungs pa ma yin mod kyi/ bsngo ba dang bral ba'i phyir/ sems can de dag gi sbyin pa de/ byang chub sems dpa'i sbyin pa'i brgya'i char yang nye bar mi 'gro ba nas/ rgyu'i bar du yang mi bzod do/ / tshe dang ldan pa gang po gzhan yang byang chub sems dpa' sems dpa' chen po sbyin pa sbyin pa na/ 'di ltar bdag gis sbyin pa 'di ltar byin zhing / 'di ltar yongs su btang ba las bsod nams mngon par 'du byed pa gang yin pa dang / dge ba mngon par 'du byed pa gang yin pa'i dge ba mngon par 'du byed pa des/ sems can dmyal ba'i sems can rnams sems can dmyal ba nas 'don par gyur cig/ dud 'gro'i skye gnas su skyes pa'i sems can rnams dud 'gro'i skye gnas nas 'don par gyur cig/ ka shin rje'i 'jig rten gyi sems can rnams gshin rje'i 'jig rten nas 'don par gyur cig/ 'jig rten gyi khams mtha' yas mu med pa dag na/ theg pa la gsar du zhugs pa'i byang chub sems dpa' sems
- 139a
dpa' chen po gang dag gnas pa de dag ni phyir mi ldog pa nyid du gyur cig/ phyir mi ldog pa'i byang chub sems dpa' gang dag gnas pa de dag ni myun du rnam pa thams cad mkhyen pa nyid yongs su rdzogs par gyur cig ces sems bskyed par bya ste/ ji lta ji ltar byang chub sems dpa' dge ba'i rtsa ba de dag bskyed pa de lta de ltar sbyin pa'i pha rol tu phyin pa yongs su rdzogs par byed de/ dge ba'i rtsa ba dpag tu med pa yang rnam par 'phel bar byed cing / rnam pa thams cad mkhyen pa nyid dang yang nye bar 'gyur te/ 'di yang byang chub sems dpa'i thabs la mkhas pa yin par rig par bya'o/ / ji lta ji ltar dge ba'i rtsa ba rnams la bdag gi bar 'du shes mi byed pa de lta de ltar bsod nams dpag tu med par mngon par 'du byed pa yongs su 'dzin no/ / de ci'i phyir zhe na/ rnam pa thams cad mkhyen pa nyid dpag tu med pa'i phyir ro// tshe dang ldan pa gang po de ltar na byang chub sems dpa' sems dpa' chen po bdog pa thams cad yongs su gtong ba yin no/ / dge ba'i rtsa ba gzugs med pa gang yin pa yang yongs su gtong na/ gzugs yod pa'i dngos po lta ci smos te/ de ltar na byang chub sems dpa' sems dpa' chen po gzugs yod pa dang / gzugs med pa'i dngos po thams cad yongs su gtong ba yin te/ thams cad yongs su gtong bas na/
- 139b
de thams cad mkhyen par 'gyur ro// 'di skad du nang gi 'am/ phyi rol gyi 'am/ gzugs yod pa 'am/ gzugs med pa yang rung ste/ gang bdag gis yongs su ma btang ba 'am/ ma byin pa 'am/ mchod sbyin ma byas pa'i chos de yang dag par rjes su mi mthong / dngos po de yang dag par rjes su mi mthong ngo zhes kyang seng ge'i sgra sgrog cing / de ltar dga' ba bskyed do// tshe dang ldan pa gang po byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ rnam pa thams cad mkhyen pa nyid kyi ye shes kyis gzigs te/ 'di skad du nang gi 'am/ phyi rol gyi 'am/ gzugs yod pa 'am/ gzugs med pa yang rung ste/ gang bdag gis yongs su ma btang ba 'am/ ma byin pa 'am/ mchod sbyin ma byas pa'i chos de yang dag par rjes su mi mthong ste/ gang gi phyir bdag gis dngos po de yang dag par rjes su mi mthong ba de'i phyir/ bdag bla na/ med pa yang dag par rdzogs pa'i byang chub mngon par rdzogs par sangs rgyas nas/ gang bdag gis mngon par rdzogs par sangs rgyas pa 'am/ yongs su ma shes pa chos de yang dag par rjes su mi mthong ngo / / ji ltar chos de yang dag par rjes su mi mthong ba de ltar bdag bla na med pa yang dag par rdzogs pa'i byang chub mngon par rdzogs par sangs
- 140a
rgyas nas/ chos thams cad la pha rol tu phyin pa dam pa thob ste/ gang bdag gis mngon par rdzogs par sangs ma rgyas pa'am/ yongs su ma shes pa de ci yang med do/ / ji ltar bdag gis yongs su ma btang ba 'am/ ma byin pa de ci yang med pa de ltar bdag gis chos gang mngon par rdzogs par sangs rgyas pa 'am/ yongs su ma shes pa'i chos de yang dag par rjes su mi mthong ngo zhes seng ge'i sgra sgrog go/ tshe dang ldan pa gang po byang chub sems dpa' sems dpa' chen pos de ltar nang dang phyi rol gyi dngos po rnams yongs su btang bas ni/ nang dang byi'i chos rnams la chos gang mngon par rdzogs par sangs ma rgyas pa 'am/ yongs su ma shes pa'i chos ci'ang yang dag par rjes su mi mthong ste/ tshe dang ldan pa gang bo byang chub sems dpa' sems dpa' chen pos sbyin pa'i pha rol tu phyin pa la de ltar bslab par bya'o/ / byang chub sems dpa' de ltar slob na/ byang chub sems dpa' zhes bya ba'i ming thob cing / rnam pa thams cad mkhyen pa nyid kyi sems dang yang mi 'bral bar 'gyur ro// gang gi tshe byang chub sems dpa' sems dpa' chen po/ rnam pa thams cad mkhyen pa nyid sems dang mi 'bral ba de'i tshe/ byang chub sems dpa' la bdud sdig can gyis kyang grags mi rnyed na/ gnod sbyin nam/ sha zas klags rnyed pa gci smos te/ 'di ni gnas med do/
- 140b
tshe dang ldan pa gang po phyogs gang du byang chub sems dpa' thams cad mkhyen pa nyid kyi chos sems shing 'gro ba'i phyogs der mi 'am/ mi ma yin pa rnams kyis glags mi rnyed do// de ci'i phyir zhe na/ yid la byed pa de dag ni de ltar stobs dang ldan pa'i phyir ro// 'di ltar thams cad mkhyen pa nyid yid la byed pa rnams ni de ltar bsam gyis mi khyab cing de ltar rgya che'o// tshe dang ldan pa gang po byang chub sems dpa' sems dpa' chen po byang chub kyi phyir spyod pa ni de ltar sems can rnams la phan 'dogs pa yang yin la/ nye bar 'tsho ba yang yin no// tshe dang ldan pa gang po rnam grangs 'dis kyang byang chub sems dpa' sems dpa' chen po ni byis pa so so'i skye bo thams cad dang / nyan thos dang / rang sangs rgyas thams cad zil gyis gnon no// blan/ med pa yang dag par rdzogs pa'i byang chub mngon par rdzogs par sangs rgyas nas kyang phan 'dogs par gyur pa dang / nye bar 'tsho ba yin no// sems can rnams kyis nyon mongs pa spang ba'i phyir chos kyang ston no/ / sems can dpag tu med pa yang phung po gsum du yongs su mya ngan las 'da' bar byed do// tshe dang ldan pa gang po rnam grangs 'dis kyang / byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ byis pa so so'i skye bo thams cad dang / nyan thos dang / rang
- 141a
sangs rgyas thams cad kyi mchog ces bya/ gtso bo dang / phul dang / rab dang / rab mchog dang / bla na med pa dang / gong na med pa zhes bya'o// yongs sum/ ngan las 'das nas kyang / sems can rnams kyi phan 'dogs par gyur pa dang / nye bar 'tsho ba yin te/ gang drag de bzhin gshegs pa'i mchod rten la spos dang / me tog 'phreng dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis bkur sti byed/ bla mar byed/ ri mor byed/ mchod par byed de/ de ltar dge ba'i// / rtsa ba bskyed nas/ yongs su mya ngan las 'da' ba'i chos can du 'gyur ro// gang dag 'dod chags dang bral ba'i bsam pas de bzhin gshegs pa'i mchod rten la me tog gcig tsam 'bul ba de dag thams cad kyang / bcom ldan 'das kyis mya ngan las 'da' ba'i chos can du lung bstan to// tshe dang ldan pa gang po de ltar byang chub sems dpa' sems dpa' chen po ni 'dug na yang / sems can rnams kyi phan 'dogs par gyur pa dang / nye bar 'tsho ba yin la/ bla na med pa yang dag par rdzogs pa'i byang chub mngon par rdzogs par sangs rgyas pa dang / yongs su mya ngan las 'das na yang / sems can rnams kyi phan 'dogs pa dang / nye bar 'tsho ba yin te/ byang chub sems dpa' sems dpa' chen po ni nams kyang sems
- 141b
can rnams kyi nye bar 'tsho bar mi 'gyur ba ma yin no/ / de bzhin gshegs pa ma gtogs par sems can gyi ris na/ byang chub sems dpa'i yon tan 'di lta bu dgra dang ldan pa'i sems can de gang yang mi dmigs te/ yod ces bya ba ni gnas med do// tshe dang ldan pa gang po dper na gser ni bsregs kyang rung // ma bsregs kyang rung ste/ sem can rnams kyi nye bar 'tsho ba yin/ bzhu yang rung / ma bzhu yang rung / brdungs su byas kyang rung / ma byas kyang rung ste/ sems can rnams kyi nye bar 'tsho ba yin no// tshe dang ldan pa gang po de bzhin du byang chub sems dpa' sems dpa' chen po byang chub kyi phyir spyod pa yang / sems can rnams kyi nye bar 'tsho ba yin la/ bla na med pa yang dag par rdzogs pa'i byang chub mngon par rdzogs par sangs rgyas pa dang / yongs su mya ngan las 'das na yang / sems can rnams kyi nye bar 'tsho ba yin no// tshe dang ldan pa gang po dper na zla ba dang nyi ma gnyis ni// gling bzhi po dag tu sems can rnams kyi bya ba byed cing / gling bzhi po dag gi nye bar 'tsho ba yin te/ 'di ltar zla ba dang nyi ma 'di gnyis yod na/ snang zhing gsal la/ nyin mtshan dang / zla ba phyed dang / dus tshigs dang / lo rnams shes par 'gyur ro// tshe dang ldan pa gang po de bzhin du byang chub sems dpa' sems dpa' chen po ni 'dug na yang / sems can
- 142a
rnams kyi nye bar 'tshe ba yin la/ bla na med pa yang dag par rdzogs pa'i byang chub mngon par rdzogs par sangs rgyas pa dang / yongs su mya ngan las 'das na/ yang / sems can rnams kyi nye bar 'tsho ba yin no// tshe dang ldan pa gang po byang chub sems dpa' sems dpa' chen po ni/ de ltar chos rgya chen po dang ldan pas na/ nams kyang sems can rnams kyi nye bar 'tsho bar mi 'gyur ba ma yin no/ / tshe dang ldan pa gang po dper na ded dpon gser 'bum dag gis nyo tshong byed na/ sems can tshad med dpag tu med pa dag bde bar 'gyur te/ des nor gyi phung po bsdus pa la de dag yongs su spyod do// tshe dang ldan pa gang po de bzhin du byang chub sems dpa' sems dpa' chen po ni 'dug gam/ sdod kyang rung ste/ sems can du ma bde bar 'gyur na/ bla na med pa yang dag par rdzogs pa'i byang chub mngon par rdzogs par sangs rgyas pa dang / yongs su mya ngan las 'das pa nyid kyi mthus nyan thos rnams bde bar 'gyur ba lta ci smos/ tshe dang ldan pa gang po de ltar na byang chub sems dpa' sems dpa' chen po ni spyod pa'i tshe 'am/ mngon par rdzogs bar sangs rgyas pa 'am/ yongs su mya ngan las 'das pa na yang rung ste/ nams kyang nye bar 'tsho bar mi 'gyur ba ma yin no// gang gi tshe bdag kyang bde la/ sems
- 142b
can gzhan rnams kyang bde bar byed pa 'di ni skyes bu dam pa'i mtshan nyid do/ / tshe dang ldan pa gang po dper na rgyal po rgyal rigs spyi bo nas dbang bskur ba ni 'dug pa'i tshe yang bram ze dang khyim bdag rnams bde bar byed shi na yang sngon gyi gzi byin drag po des/ yul de'i phyogs su rkun po dang chom po rnams kyis glags mi rnyed do// tshe dang ldan pa gang po de bzhin du byang chub sems dpa' sems dpa' chen po ni 'dug na yang sems can rnams bde bar 'gyur la/ mngon par rdzogs par sangs rgyas pa dang / yongs su mya ngan las 'das na yang sems can dpag tu med pa dag bde bar 'gyur zhing / gang dag de'i tshul khrims dran par byed pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dran par byed pa'i sems can de dag kyang bde bar 'gyur te/ sems can de dag la mi dang / mi ma yin pa'i 'jigs pas dogs par mi bya'o// de nas bcom ldan 'das kyis/ tshe dang ldan pa shA ra dA ti'i bu la 'di skad ces bka' stsal to/ / shA ra dwa ti'i bu legs so legs so// shA ra dwa ti'i bu de de bzhin te/ sems can de dag la 'jigs pa gang gis kyang dogs par mi bya ste/ gang dag b zhin gshegs pa la tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba las dran par byed na/ de dag la 'jigs pa gang gis kyang /
- 143a
dogs par mi bya'o// de nas tshe dang ldan pa shA ra dwa ti'i bus/ bcom ldan 'das la 'di skad ces gsol to// bcom ldan 'das 'di ltar sangs rgyas bcom ldan 'das chos rgya chen po dang ldan pa ni ngo mtshar lags so/ / bcom ldan 'das kyis bka' stsal pa/ shA ra dwa ti'i bu byang chub sems dpa' rnams kyang chos rgya chen po dang ldan par blta'o// gsol pa/ bcom ldan 'das byang chub sems dpa' sems dpa' chen po rnams kyi rgya che ba gang lags/ bcom ldan gyis bka' stsal pa/ shA ra dwa ti'i bu bla na med pa yang dag par rdzogs pa'i byang chub tu/ sems bskyed pa gang yin pa 'di nyid rgya che ba yin no// de ci'i phyir zhe na/ 'di lta ste/ de bzhin gshegs pa nyid sangs rgyas nyid 'di ni rgya che ba'i gnas yin pa'i phyir ro// sbyin pa'i pha rol tu phyin pa las sbyin pa'i thabs la mkhas pa'i le'u ste gnyis pa'o/ / / de nas tshe dang ldan pa shA ra dwa ti'i bus/ tshe dang ldan pa byams ma'i bu gang po la 'di skad ces smras so// tshe dang ldan pa gang po 'di la byang chub sems dpa' sems dpa' chen pos 'di ltar sems bskyed par bya ste/ gal te bdag la slong ba 'ga' zhig 'ongs na phyis sbyin no zhe 'am/ bdag la med do snyam du sems bskyed par mi bya'o/ / bdag ni sbyin mi phod do snyam du sems bskyed par mi bya'o// gzhan sbyin pa byed pa dag la yang rjes su yi rang bar bya/ yang dag par 'dzin du gzhug par bya/ yang dag
- 143b
par dga' bar bya'o/ / tshe dang ldan pa gang po de ltar byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po thams cad mkhyen pa nyid du yongs su bsngo bar bya'o/ / byang chub sems dpas ji ltar byas na/ sems can 'di dag sbyin pa gtang zhing / bsod nams dag kyang byed par 'gyur snyam pa'i rjes su yi rang ba'i dge ba'i sems thams cad mkhyen pa nyid du yongs su bsngos pa des ni/ de dag gi sbyin pa dang ldan pa'i sems zil gyis gnon te/ sems can de dag gi bsod nams mngon par 'du byed pa dang / dge ba mngon par 'du byed pa gang yin pa de'i sbyin pa'i sems snga ma des ni rjes su yi rang ba'i sems thams cad mkhyen pa nyid du yongs su bsngos pa de'i brgya'i char yang nye bar mi 'gro'o/ / stong gi cha dang / 'bum gyi cha dang / bye ba'i cha dang / bye ba 'bum gyi cha dang / grangs dang / cha dang / bgrang ba dang / dpe dang / rgyu'i bar du yang mi bzod cing / byang chub sems dpas rjes su yi rang ba dang ldan pa'i sems gcig bskyed pas zil gyis gnon te/ 'di ltar bla na med pa yang dag par rdzogs pa'i byang chub tu yongs su bsngos pa'i phyir ro// tshe dang ldan pa gang po gzhan yang byang chub sems dpa' sems dpa' chen pos sbyin pa'i pha rol tu phyin pa la spyod pa na/ thabs la mkhas par bya ste/ de gang dang gang sbyin pa de rnam pa thams cad mkhyen pa nyid du yongs su bsngo'o// tshe dang ldan pa gang po de ltar byang chub sems dpa' sems dpa'
- 144a
chen pos thabs la mkhas par bya'o/ / gal te byang chub sems dpa' thabs la mi mkhas pa bskal pa gad+hA'i klung gi bye ma snyed du gnas te sbyin pa sbyin la/ rnam pa thams cad mkhyen pa nyid du yongs su sngo bar mi byed pa'i byang chub sems dpa' ni sbyin pa'i pha rol tu phyin pa yongs su 'dzin pa ma yin no/ / tshe dang ldan pa gang po gang na yang skabs 'ga' dag tu snod 'dzam bu'i gling gi tshad tsam thogs pa'i sems can dag 'ongs te/ 'di'i nang du byin cig ce na/ der byang chub sems dpa' sems dpa' chen pos nges par sbyin par bya'i/ med do snyam du sems bskyed par mi bya'o// snod 'di dag ni ha cang ches so snyam du sems bskyed par mi bya'o// snod pa di dag ji ltar yang dgang bar bya snyam du sems bskyed par bya'o// ji ltar sems bskyed par bya zhe na/ sbyin no// snod pa'i dkang bar spro bar bya'o/ / ji ltar snod 'di dag dgang bar bya ba de lta de ltar 'bad do// de lta de ltar brtsal lo snyam du sems bskyed par bya'o// gal te byang chub sems dpa' sems dpa' chen po ltar 'chad cing rtsol la/ brtson 'grus rtsom ste/ yongs su gtong na sbyin pa'i pha rol tu phyin pa yongs su 'dzin pa yin no// tshe dang ldan pa gang po da ltar byang chub sems dpa' sems dpa' chen pos sbyin pa'i pha rol tu phyin pa la bslab par bya'o/ / tshe dang ldan pa gang po gzhan yang byang chub sems dpa' sems dpa' chen pos sems can la snying brtse bas sbyin pa sbyin par bya'o// byams
- 144b
pa dang snying rje la gnas par bya ste/ sems can rnams la sbyin pa sbyin par bya'o// sbyin pa sbyin pa na/ 'di ltar gang 'di las bsod nams mngon par 'du byed pa dang / dge ba mngon par 'du byed pa gang yin pa'i bsod nams dang / dge ba mngon par 'du byed pa des/ 'jig rten gyi khams mtha' yas mu med pa dka na/ theg pa la gsar du zhugs pa'i byang chub sems dpa' gang dag gnas pa de dag ni phyir mi ldog pa nyid du gyur cig/ phyir mi ldog pa gang dag gnas pa de dag ni/ myur du rnam pa thams cad mkhyen pa nyid yongs su rdzogs par gyur cig ces sems bskyed par bya'o/ / ji lta ji ltar byang chub sems dpa' sems dpa' chen po dge ba'i rtsa ba de dag yongs su gtong ba de lta de ltar byang chub sems dpa' sems dpa' chen po thams cad mkhyen pa nyid du 'bogs par 'gyur ro/ / tshe dang ldan pa gang po dper na gser ni ji lta ji ltar bsregs pa dang / bzhu ba dang / bskol ba dang / tshos par byas pa de lta de ltar shin tu gsal bar 'gyur ro// tshe dang ldan pa gang po de bzhin du byang chub sems dpa' sems dpa' chen po yang ji lta ji ltar bsod nams mngon par 'du byed pa dang / dge ba mngon par 'du byed pa rnam pa thams cad mkhyen pa nyid du yongs su bsngo ba de lta de ltar dge ba'i rtsa ba rnams kyis 'bogs so/ / ji lta ji ltar dge ba'i rtsa ba rnams kyis 'bogs pa de lta de ltar sems can rnams kyis bsnyen pa'i 'os su 'gyur zhing / kha dog dang / 'od dang / gzi brjid kyis
- 145a
/ kyang shin tug zi che bar 'gyur ro// tshe dang ldan pa gang po dper na bud med me long gi byi dor byed pa na/ ji lta ji ltar me long byi dor byed pa de lta de ltar shin tu 'od gsal bar 'gyur la/ jilta ji ltar shin tu 'od gsal bar gyur pa de lta de ltar bzhin gsal bar rab tu snang ngo // tshe dang ldan pa gang po de bzhin du byang chub sems dpa' sems dpa' chen po yang ji lta ji ltar sbyin pa las byung ba'i bsod nams bya ba'i dngos po rnam pa thams cad mkhyen pa nyid du yongs su bsngo zhing / de las gzhan pa'i byang chub sems dpa' rnams la yang yongs su gtong ste/ gang dag theg pa la gsar du zhugs pa de dag ni phyir mi ldog pa nyid du gyur cig/ phyir mi ldog pa gang dag yin pa de dag ni myur du rnam pa thams cad mkhyen pa nyid yongs su rdzogs par gyur cig ces ji lta ji ltar yongs su gtong zhing / sbyin pa de lta de ltar dge ba'i rtsa ba shin tu rgya che bar 'gyur ro// ji lta ji ltar dge ba'i rtsa ba shin tu rgya che bar 'gyur ba de lta de ltar rnam pa thams cad mkhyen pa nyid dang nye bar 'gyur te/ byang chub sems dpa' de ltar yongs su bsngo ba ni thabs la mkhas pa yin par rig par bya'o// ji ltar byang chub sems dpa' sems dpa' chen po sbyin pa chung ngu byin na/ bsod nams mang po skyed par 'gyur zhe na/ gal te sbyin pa de rnam pa thams cad mkhyen pa nyid du yongs su bsngon/ de ltar byang chub sems dpa'i sbyin pa chung ngu byin na/ bsod nams mang po skyed do// ji nye sbyin pa de
- 145b
rnam pa thams cad mkhyen pa nyid du yongs su sngo bar mi byed na/ de ltar sbyin pa mang po byin la/ bsod nams nyung ngu skyed par 'gyur ro// gal te byang chub sems dpa' bskal pa gang+gA'i klung gi byem snyed du gnas te/ bde bar sbyar ba'i yo byad mang po yongs su gtong la/ sbyin pa de'ang rnam pa thams cad mkhyen pa nyid du yongs su sngo bar byed na/ de ltar byang chub sems dpa' sems dpa' chen po sbyin pa mang po sbyin zhing / bsod nams mang po skyed do// de lta bas na byang chub sems dpa' sems dpa' chen pos sbyin pa sbyin pa na/ rnam pa thams cad mkhyen pa nyid yid la byed pa dang ma dral bar bya'o/ / byang chub sems dpa' sems dpa' chen po gang rnam pa thams cad mkhyen pa nyid yid la byed pa dang ma bral ba'i byang chub sems dpa' sems dpa' chen po de ni byang chub dang nye ba yin te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de ci'i phyir zhe na/ byang chub sems dpa' sems dpa' chen po rnam pa thams cad mkhyen po nyid la dmigs par byed pa ni thabs la mkhas pa yin par rig par bya ba'i phyir ro/ / tshe dang ldan pa gang po gzhan yang byang chub sems dpa' sems dpa' chen pos thog ma nyid du sbyin pa'i pha rol tu phyin pa la bslab par bya'o/ / de ci'i phyir zhe na/ tshe dang ldan pa gang po gang gi phyir/ des 'khor ba thog ma med pa nas ser sna bsten te/ de sbyin pa de yongs su gtong na/ ser sna rgyang ring
- 146a
bar byed cing / rnam pa thams cad mkhyen pa nyid dang nye bar byed do// ji lta ji ltar rnam pa thams cad mkhyen pa nyid dang nye bar byed pa de lta de ltar nyan thos kyi sa dang / rang sangs rgyas kyi sa las ldog par byed do/ / ji lta ji ltar nyan thos kyi sa dang / rang sangs rgyas kyi sa las ldog pa de lta de ltar thams cad mkhyen pa nyid dang nye bar 'gyur ro// tshe dang ldan pa gang po dper na char 'bab pa'i tshe/ bla gab med par bum pa bzhag pa de/ rim gyis thigs pa bab pas gang bar gyur na/ dang por thigs pa bab pa gang yin pa dang / tha mar thigs pa bab pa gang yin pa nyi tshes bum pa de gang bar gyur pa ma yin gyi/ de'i bar gyi chu'i thigs pa rgyun ma chad par rim gyis bab pa'i chu'i thigs pa rnams kyis bum pa de gang ba yin no// tshe dang ldan pa gang de/ de bzhin du byang chub sems dpa' sems dpa' chen pos dang po sems bskyed pas/ thams cad mkhyen pa nyid thob pa yang ma yin/ byang chub kyi snying po la 'dug pas kyang ma yin gyi/ dang po sems bskyed pa gang yin pa dang / byang chub kyi snying po la 'dug pa'i sems bskyed pa phyi ma de'i bar gyi rnam pa thams cad mkhyen pa nyid dang ldan pa'i sems kyi khyad par bskyed pa/ phan par gyur pa bsags pa gang dag yin pa de dag thams cad kyis/ bla na med pa yang dag par rdzogs pa'i byang chub tu rim gyis 'bras bu bskyed pa yin te/ tshe dang ldan pa gang po de ltar na 'dir byang chub sem
- 146b
dpa' sems dpa' chen pos mu 'dres pa'i sems kyis rnam pa thams cad mkhyen pa nyid la dmigs par bya'o/ / de nas tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so/ / tshe dang ldan pa shA ra dwa ti'i bu ji tsam gyis na byang chub sems dpa' sems ma 'dres pa yin/ smras pa/ tshe dang ldan pa gang po gang gi tshe/ byang chub sems dpa' tshul bzhin ma yin pa yid la byed pa byung na/ de'ang rnam pa thams cad mkhyen pa nyid la phan par gyur par mthong zhing / gal te 'di dag las bdag gis lus grub pas na/ tshul bzhin ma yin pa yid la byed pa 'di ni/ bdag gi pha rol tu phyin pa'i don yin te/ skyed par 'gyur ba'o zhes shes pa gang yin pa de ni sems ma 'dres pa zhes bya'o// tshe dang ldan pa gang po gzhan yang gang dag byang chub sems dpa' sems dpa' chen po la phan 'dogs pa dang / gnod pa byed pa gang yin pa de dag thams cad rnam pa thams cad mkhyen pa nyid kyi rgyu yin par mthong ste/ de ltar tshe dang ldan pa gang po byang chub sems dpa' sems dpa' chen pos sems ma 'dres par bya'o/ / tshe dang ldan pa gang po dper na gsod par chad pa'i mi gsod pa'i sar khrid pa na/ bdag ni bsad do snyam pa'i yid la byed pa 'ba' zhig 'byung bar 'gyur te/ dpe de dang 'dra bar byang chub sems dpa' sems dpa' chen pos/ rnam pa thams cad mkhyen pa nyid 'ba' zhig yid la byed pa
- 147a
'di ni/ tshe dang ldan pa gang po byang chub sems dpa' sems dpa' chen po'i sems ma 'dres pa yin par rig par bya'o// tshe dang ldan pa gang po dper na rin po che khyer ba'i mi 'jigs sa 'am/ 'brog khong stong yang bar zhugs nas/ de 'jigs sa dang / 'brog khong stong yang bar 'gro ba na/ rtag tu rgyun mi 'chad par yid la byed pa 'byung ste/ ba nam 'brog khong stong yang ba 'dri las 'da' bar 'gyur zhing / 'jigs sa 'di las 'da' bar 'gyur zhig gu snyam pa 'ba' zhig yid la byed do// tshe dang ldan pa gang po de bzhin du byang chub sems dpa' sems dpa' chen pos rnam pa thams cad mkhyen pa nyid yid la bya'i/ yid la byed pa gzhan dag gi skabs dbye bar mi bya ba 'di ni/ byang chub sems dpa' sems dpa' chen po sems ma 'dres pa zhes bya'o/ / tshe dang ldan pa gang po dper na mi g.yon can gyi rang bzhin can tshod dus kyi nang du zhugs te/ rku zhing chings ma gcod pa na/ 'di ltar bdag rku zhing chings ma gcod pa sus kyang ma mthong gang snyam du sems shing / de yid la byed pa de 'ba' zhig kun tu 'byung ste/ de'i yid la byed pa gzhan mi 'byung ngo // tshe dang ldan pa gang po de bzhin du byang chub sems dpa' sems dpa' chen po bla na med pa yang dag par rdzogs pa'i byang chub 'di mngon par rdzogs par 'tshang rgya bar 'dod pas/ yid la byed pa gzhan dag gi skabs dbye bar mi bya'o// tshe dang ldan pa
- 147b
gang po de ltar na byang chub sems dpa' sems dpa' chen po sems ma 'dres par rig par bya'o/ / tshe dang ldan pa gang po dper na skyes bu gser mgar zhig yod pa de'i lag tu gser gtad la/ gser de'ang rgyal po'i yin te/ de la 'di skad du kye mi khyod kyis gser 'di las rgyun gyi rnam pa dag byos la/ gang khyod kyis lo gcig gis zin pa'i las de khyod kyis zla ba gcig gis zin par gyis shig/ gal te zla ba gcig gis zin par ma byas na/ de'i phyir khyod kyi mgo gcad do zhes bsgo na/ de skad du bsgo ba'i mi de ni gser de bsregs pa dang / bzhu ba dang / rgyan dag tu bya ba las yid la byed pa gzhan mi 'byung ste/ gzhan du na rgyan 'di rnams ji ltar zin par 'gyur zhig gu snyam ste/ de zan za ba'i tshe yang kha zas yid la byed pa mi 'byung gi/ gser dang ldan pa'i yid la byed pa 'ba' zhig dang / rgyan gyi rnam pa 'ba' zhig yid la byed de/ sems dang sems las byung ba rnams de la gnas so// de ci'i phyir zhe na/ de srog 'phangs pa'i shas che ba'i phyir ro// de nas mi des lha rgyan de dag ni 'di rnams lags so zhes/ rgyan byas pa de dag rgyal po la phul lo// de nas rgyal po de dga' zhing mgu ste rangs nas/ 'di skad du gang khyod kyis zla ba bcu gnyis kyi las byas pa de ni khyod bya dga' chen po dbang ngo zhes smras so/ / tshe dang ldan pa gang po de bzhin du byang chub sems dpa' sems dpa' chen pos dang po sems bskyed pa nas/ phyi ma'i sems bskyed pa de'i
- 148a
bar du sems ma 'dres par bya'o/ / ji ltar skyes bu gser mgar de'i yid la byed pa gzhan dang ma 'dres par rgyan de dag byed de/ de ci'i phyir zhe na/ srog 'phangs pa'i shas che ba'i phyir yin pa de bzhin du/ tshe dang ldan pa gang po byang chub sems dpa' sems dpa' chen pos/ rnam pa thams cad mkhyen pa nyid yid la byed pa ma 'dres par bya ste/ yid la byed pa gzhan dag gi skabs dbye bar mi bya'o/ / gal te rnam pa thams cad mkhyen pa nyid du lhur len pa'i stobs chen/ de nyid sems ma 'dres pa la gnas te/ byang chub sems dpa' gzhan gang bskal pa grangs med pas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de/ byang chub sems dpa' sems dpa' chen po des bskal pa brgyar yang mi thogs par 'gyur ro/ / de ci'i phyir zhe na/ gang gi phyir des yid la byed pa gzhan dag gi skabs ma phye ba'i phyir te/ de'i phyir byang chub sems dpa' sems dpa' chen po sems ma 'dres pa la gnas pa de bskal pa brgyar yang mi thogs par yongs su rdzogs par byed do/ / tshe dang ldan pa gang po de ltar byang chub sems dpa' sems dpa' chen pos sems ma 'dres par bya'o// de ltar na bdag kyang don de la sbyor zhing / sems can dag kyang don de la sbyor te/ 'di ltar sangs rgyas kyi ye shes bla na med pa'i don la sbyor ro// sbyin pa'i pha rol tu phyin pa las dpe'i le'u ste gsum pa'o// /
- 148b
/ de skad ces smras pa dang / tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so// tshe dang ldan pa gal te yid la byed pade dag par ma dor 'dres pa zhig na/ de'i ngo bo nyid ni gang yin/ gang dang ldan/ de skad ces smras pa dang / tshe dang ldan pa shA ra dwa ti'i bus 'di skad ces smras so// tshe dang ldan pa gang po ga gi tshe nyan thos kyi sa dang ldan zhing / rang sangs rgyas kyi sa dang ldan pa'i yid la byed pa 'byung ba de'i tshe/ byang chub sems dpa' sems ma 'dres pa yin par rig par bya ste/ 'di ni byang chub sems dpa' sems dpa' chen po'i tshul bzhin ma yin pa yid la byed pa dag yin no/ / de ci'i phyir zhe na/ byang chub la ni ngo bo nyid med pa'i phyir ro// gal te byang chub sems dpa' sems dpa' chen po'i yid la byed pa 'dod chags dang ldan pa 'am/ zhe sdang dang ldan pa 'am/ gti mug dang ldan pa 'byung na/ 'byung ba des byang chub sems dpa' 'dres par rig par bya ba ma yin no/ / de ci'i phyir zhe na/ rnam par rtog pa 'di dag ni byang chub sems dpa'i srid pa mngon par grub pa ste/ phan 'dogs par gyur pa/ rgyur gyur pa/ grogs su gyur pa yin pa'i phyir ro// 'di dag ni thams cad mkhyen pa nyid du 'gyur bar byed pa'o// 'di dag gis ni lus yongs su 'dzin to// thabs la mkhas pas ji ltar pha rol tu phyin pa drug po rnams kyis yongs su
- 149a
sngo bar byed pa de bzhin du/ nyon mongs pa grogs su 'gyur ba rnams kyis kyang / byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya ste/ tshe dang ldan pa gang po de lta bas na thams cad mkhyen pa nyid la bar chad byed par 'gyur ba'i yid la byed pa gang dag yin pa de dag 'byung bas byang chub sems dpa' sems dpa' chen po sems 'dres pa zhes bya bar rig par bya'o/ / de dag gang zhe na/ 'di lta ste/ nyan thos dang ldan pa dang / rang sangs rgyas dang ldan par 'byung ba de dag gis sems 'dres par rig par bya'o/ / de las gzhan pa'i yid la byed pa srid pa'i rjes su 'thun pa gang dag yin pa de dag 'byung bas na/ byang chub sems dpa' sems dpa' chen po sems ma 'dres par gnas pa ma yin no/ / yid la byed pa de dag ci'i phyir 'dod par bya zhe na/ 'di ltar byang chub sems dpa' sems dpa' chen po des 'khor bas yongs su mi skyo ba'i go cha bgos pa'i phyir te/ de dag 'byung na skye ba'i gnas rnams yongs su 'dzin la/ skye ba'i gnas rnams yongs su bzung bas/ yang sbyin pa'i pha rol tu phyin pa yang dag par blangs te gnas par 'gyur ro// de bzhin du tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa yongs su 'dzin te/ yang shes rab kyi pha rol tu phyin/
- 149b
pabasgom mo// de ltar na yid la byed pa gang dag gis srid pa mngon par 'grub par 'gyur ba de dag ni byang chub sems dpa' sems dpa' chen pos byang chub kyi snying po la 'dug par ma gyur gyi bar du 'dod par bya'o/ / tshe dang ldan pa gang po de ltar na/ nyon mongs pa rnams la yang byang chub sems dpa' sems dpa' chen pos yongs su skyo ba'i sems bskyed par mi bya'o// byang chub sems dpa' ci'i phyir 'dod par bya zhe na/ 'di dag ni bdag la phan 'dogs par gyur pa ste/ gal te 'di dag gzugs can zhig yin du zin na/ bdag gis bsti stang chen pos ri mo bya ba zhig ste/ de ci'i phyir zhe na/ 'di ltar de dag la de'i phan yon rnams nye bar gnas pa'i phyir ro// gal te thabs la mkhas pa gzugs can zhig yin du zin na ni/ de la yang de bzhin gshegs pa bzhin du bdag gis bsti stang chen bos ri mo bya ba zhig ste/ de ci'i phyir zhe na/ 'di ltar bdag gi thabs la mkhas pa 'di ni srid par kun tu sbyor ba mi gcod la/ pha rol tu phyin pa drug 'phel ba dang / yongs su rdzogs par byed kyi thams cad mkhyen pa nyid kyang sgrub pa yin pa'i phyir ro/ / ji lta ji ltar pha rol tu phyin pa drug 'phel ba dang / yongs su rdzogs par byed cing / thams cad mkhyen pa nyid sgrub par byed pa de lta de ltar srid par kun tu sbyor ba rnams srab par 'gyur/ nyams dmas par 'gyur/ zhan par 'gyur ro// tshe dang ldan pa gang po dper na shing rta khal chen po bkal ba ni/ ji lta ji ltar shing rta 'gro ba de
- 150a
lta de ltar de'i srog shing yongs su zad par 'gyur te/ srog shing de yang khal de nyid kyis shin tu non pa dang / khal khyer bas yongs su zad par 'gyur zhing / zhan par 'gyur mod kyi/ srog shing de grong gi nang du zhugs te/ bya ba byas nas chag par 'gyur ro// tshe dang ldan pa gang po de bzhin du byang chub sems dpa' sems dpa' chen po'i srid pa 'thob par byed pa'i kun tu sbyor ba gang dag yin pa 'di dag ni/ gang dag gis srid pa yongs su 'dzin par byed pa dag ste/ ji lta ji ltar byang chub sems dpa'i skye ba'i gnas rnams mngon par sgrub par byed pa de lta de ltar pha rol tu phyin pa drug yongs su rdzogs par 'gyur ro/ / ji lta ji ltar pha rol tu phyin pa yongs su rdzogs par 'gyur ba de lta de ltar srid par kun sbyor ba rnams srab par 'gyur ro// ji lta ji ltar srid par kun tu sbyor ba rnams srab par 'gyur ba de lta de ltar thams cad mkhyen pa nyid dang nye bar 'gyur te/ gang gi tshe byang chub sems dpa' sems dpa' chen po byang chub kyi snying po la 'dug pa'i thams cad mkhyen pa'i ye shes skyes pa de'i tshe/ kun tu sbyor ba bya ba byas pa de dag phyis de dag gis bya ba med de/ ji ltar srog shing de grong khyer du zhugs nas/ bya ba byas te chag nas/ phyis des bya ba med pa de bzhin du/ kun tu sbyor ba bya ba byas pa de dag gis/ byang chub sems dpa' sems dpa' chen po rnam pa thams cad mkhyen pa nyid thob par gyur pa la/ kun tu sbyor ba de dag gis phyis bya ba
- 150b
med do/ / de ci'i phyir zhe na/ 'di ltar byang chub sems dpa' de ni bya ba byas pa yin pa'i phyir ro// sems cad gang dag byang chub sems dpa' sems dpa' chen po la gshe zhing brgyad bkag la/ gshe zhing brgyad bkag nas/ byang chub sems dpa' de nyid la/ 'di bdag la dgos so zhes slong ste/ de dag la sbyin par byed pa de dag kyang byang chub sems dpa' sems dpa' chen po la phan 'dogs par gyur pa yin no/ / dmigs pa des kyang thams cad mkhyen pa nyid du sems skyed par byed de/ dmigs pa de thams cad kyang thams cad mkhyen pa nyid la phan 'dogs par gyur pa yin par shes so/ / tshe dang ldan pa gang po de ltar 'dir yang nyan thos kyi sa 'am/ rang sangs rgyas kyi sa ma gtogs pa/ de las gzhan pa'i yid la byed pa gang dag yin pa de dag thams cad ni/ byang chub sems dpa' sems dpa' chen po la phan 'dogs par gyur pa yin par rig par bya'o/ / de nas tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so// tshe dang ldan pa shA radwa ti'i bu nyan thos rnams kyang de la phan 'dogs par gyur cing / rang sangs rgyas rnams kyang de la phan 'dogs par rig par bya ste/ nyan thos rnams pha rol tu phyir drug gis rjes su ston la/ des kyang pha rol tu phyin pa rnams la sbyar bar bya dgos pas/ de dag kyang byang chub sems dpa' sems dpa' chen po'i sbyin pa'i gnas yin pa'i phyir/ de dag kyang thams cad mkhyen pa nyid la phan 'dogs par
- 151a
gyur pa yin no/ / rang sangs rgyas rnams kyang de'i sbyin gnas yin pa'i phyir/ phan 'dogs par gyur pa yin no// de skad ces smras pa dang / tshe dang ldan pa shA ra dwa ti'i bus tshe dang ldan pa byams ma'i bu gang po la 'di skad ces smras so/ / tshe dang ldan pa gang po de de bzhin te/ gang dag de la pha rol tu phyin pa rnams kyis 'doms shing rjes su ston pa de dag kyang de'i sbyin gnas yin pa'i phyir/ nyan thos rnams kyang byang chub sems dpa' la phan 'dogs par gyur pa yin no// rang sangs rgyas rnams kyang sbyin gnas yin pa'i phyir/ de dag kyang de'i thams cad mkhyen pa nyid la phan 'dogs par gyur pa yin no/ / gzhan yang gang dag dmigs par bya ste/ sbyin pa sbyin pa de yang rnam pa thams cad mkhyen pa nyid du yongs su bsngo na/ de dag thams cad kyang de la phan 'dogs par gyur pa yin te/ tshe dang ldan pa gang po 'on kyang nyan thos dang ldan pa'i yid la byed pa gang yin pa de dag ni/ des bskyed par mi bya'o// de'i sa la yang 'dod par mi bya'o// de ci'i phyir zhe na/ de las byang chub sems dpa' ldog par bya ba yin pa'i phyir ro// rang sangs rgyas dang ldan pa'i yid la byed pa gang yin pa de dag kyang des bskyed par mi bya'o// de'i sa la yang 'dod/ par mi bya'o// de ci'i phyir zhe na/ de las byang chub sems dpa' ldog par bya ba yin pa'i phyir te/ tshe dang ldan pa gang po 'on kyang nyan thos rnams dang / rang sangs rgyas rnams ni phan 'dogs par
- 151b
gyur pa yin no/ / tshe dang ldan pa gang po de ltar na byang chub sems dpa' sems dpa' chen po thabs la mkhas pa ni/ thams cad mkhyen pa nyid la phan par mi 'gyur ba'i chos de gang yang mi dmigs so/ / dgra bcom pa'i sems de dang / shes pa gang yin pa de yang byang chub sems dpa' la phan 'dogs par gyur pa yin te/ gal te de med na de las ldog pa med pa'i phyir ro// 'di lta bur dgra bcom pa'i sems bskyed par mi bya'i/ shes pa gcig pa zhes bya bar ni ma yin te/ des de spangs nas thams cad mkhyen pa nyid du 'gyur ba gang yin pa der sems bskyed par bya'o/ / de bzhin du rang sangs rgyas kyi sems dang / rang sangs rgyas kyi shes pa yang byang chub sems dpa' sems dpa' chen po'i thams cad mkhyen pa nyid la phan 'dogs par gyur pa yin no/ / gal te dgra bcom pa gang yin pa dang / rang sangs rgyas gang yin pa'i sems dang / shes pa zhes bya ba de med du zin na phan 'dogs par yang mi 'gyur ro// de ci'i phyir zhe na/ 'di lta ste/ byang chub sems dpa' sems dpa' chen po'i sems ni zag pa dang bcas pa dang / zag pa med pa'i sems dang thun mong ma yin pa ste/ de las gzhan pa'i sems rnams las/ de bzhin gshegs pa'i sems ma gtogs par/ byang chub sems dpa'i sems nyid de ltar de dag gis mchog ces bya ba nas/ gong na med pa zhes bya ba'i bar dang / mi mnyam pa dang mnyam pa
- 152a
zhes bya ba'i bar du brjod do/ / tshe dang ldan pa gang po de lta bas na/ sa 'di gnyis ni byang chub sems dpa' sems dpa' chen po'i thams cad mkhyen pa nyid la phan 'dogs par gyur pa yin te/ de ltar na 'di la byang chub sems dpa' thabs la mkhas pa thams cad mkhyen pa nyid la phan par ma gyur pa'i chos de gang yang mi dmigs so// // bam po gnyis pa/ tshe dang ldan pa gang po gzhan yang byang chub sems dpa' sems dpa' chen pos sbyin pa'i pha rol tu phyin pa la spyod pa na/ dngos po gang yongs su gtong ba'i dngos po de la mtshan ma'i 'du shes su mi bya'o/ / de ltar mtshan ma med par yongs su gtong zhing / thams cad mkhyen pa nyid du yongs su bsngo na/ phan 'dogs par gyur pa yin no// mtshan ma ma spangs par bla na med pa yang dag par rdzogs pa'i byang chub thob par mi 'gyur te/ 'di lta ste/ thams cad mkhyen pa nyid rnyed pa 'di ni rnyed pa che ba yin no// bya ba dag gis gser bye ba 'am/ rin po che'i bye ba 'du ba gang yin pa de ni rnyed pa che ba ma yin gyi/ gang mtshan ma med par dngos po yongs su btang nas/ bla na med pa yang dag par rdzogs pa'i byang chub mngon par rdzogs par 'tshang rgya ba 'di rnyed pa khyad par du 'phags pa yin no// gang mtshan ma yongs su ma spangs par gling chen po bzhir 'khor los sgyur ba'i rgyal srid thob par gyur tu zin kyang / de ni rnyed pa che ba ma yin la/ mtshan ma ma spangs par 'dod pa'i khams su bdag po'i bye ba byed du 'jug pa 'di yang rnyed pa chen por 'gyur/
- 152b
pa ma yin no// gal te mtshan ma yongs su spangs pas/ rgyun du zhugs pa'i 'bras bu thob pa 'am/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par gyur na/ 'di ni rnyed pa shin tu che ba yin par rig par bya'o// gang mtshan ma yongs su spangs nas/ bla na med pa yang dag par rdzogs pa'i byang chub thob pa 'di yang rnyed pa che ba yin/ te/ 'di ni rnyed pa snga ma de bas rnyed pa shin tu che ba ste/ byang chub sems dpa' sems dpa' chen po'i rnyed pa 'di ni mnyam pa'i zla med de/ 'di lta ste/ de bzhin gshegs pa rnyed pa yin no// gang gos dang / kha zas dang / mal cha dang / stan dang / na ba'i gsos sman dang / yo byad mtshan mar yongs su bzung ba'i dngos po ni bskyed par mi bya'o// de ci'i phyir zhe na/ de ni mtshan ma'i grangs su gtogs pa'i phyir ro/ / gang yang gos dang / kha zas dang / mal cha dang / stan dang / na ba'i gsos sman dang / yo byad de yang yongs su btang la/ thabs la mkhas pas yongs su bsngos na/ thams cad mkhyen pa nyid 'thob bo/ / de lta bas na 'di ni byang chub sems dpa' sems dpa' chen po rnams kyi rnyed pa mchog yin par rig par bya'o// byang chub sems dpa' la 'di skad du/ khyod kyis thams cad mkhyen pa nyid kyi na thob par 'gyur ro/ / de ci'i phyir zhe na/ khyod kyis gang la mtshan mar bzung ba'i dngos po de ni rnyed par dka' ba ste/ nang dang phyi rol gyi dngos po thams cad ni rang bzhin gyis dben pa'i phyir ro//
- 153a
de ltar na khyod kyi thams cad mkhyen pa nyid kyi na thob par 'gyur ro// gang dag gis thob pa dang / gang dag 'thob pa dang / thob par 'gyur ba de dag thams cad kyis kyang thams cad mkhyen pa nyid kyi na thob bo/ / 'thob bo// thob par 'gyur ro zhes smra bar bya'o// de skad ces smras pa dang / tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so/ / tshe dang ldan pa bgrang ba 'di byang chub sems dpa' gang gi yin/ smras pa/ 'di ni byang chub sems dpa' thabs la mkhas pa'i bgrang ba yin no// de ci'i phyir zhe na/ sems can// 'di dag gis thams cad mkhyen pa nyid kyi na thob par de ltar shes su zin na ni/ sems can thams cad kyis thams cad mkhyen pa nyid thob par 'gyur ba zhig na/ gang gi phyir 'di ltar de ltar thams cad mkhyen pa nyid la ma mos shing sems mi skyed pa'i phyir te/ gang dag thams cad mkhyen pa nyid du sems mi skyed pa de dag ni/ thams cad mkhyen pa nyid thob par mi 'gyur ro// gang dag 'di ltar thams cad mkhyen pa nyid la mos shing sems bskyed pa dag ni/ thams cad mkhyen pa nyid thob par 'gyur te/ sems de bskyed nas dngos po gang dang gang yongs su gtong ba de dang de dngos po med par mthong ngo // dngos po gang dang gang shes pa la/ 'di dag ni sgyu ma lta bu ste/ 'di ni ji ltar bdag gis mtshan mar bzung ba ltar ma yin no sam nas/ de gtong ba'i blo shas che bar 'gyur zhing / sbyin pa'i blo dang ldan par 'gyur te/ 'dzin
- 153b
pa'i sems mi skyed do/ / 'di ltar dngos po 'di ni sgyu ma lta bur sems can rnams kyis de ltar mi shes pas/ dngos po de dag la shas cher mngon par zhan par gyur te/ yongs su mi gtong ba'i blor 'gyur ro/ / yongs su mi gtong bas ser sna yongs su 'dzin to// ser sna des kyang ngan song rnams su skye bar 'gyur la/ dngos po dang de yang bral bar 'gyur ro// de ltar dngos po de yang yongs su mi gtong zhing yongs su ma spyad la/ dngos po de las brten nas ser sna bskyed de/ ngan song rnams su yang skye bar 'gyur ro// gang gi tshe byang chub sems dpa' sems dpa' chen po thabs la mkhas pas 'di ltar shes te/ dngos po 'di ni sgyu ma lta bu ste/ yongs su gtong ba yang sgyu ma lta bu yin pas na/ sgyu ma lta bu gang yin pa de ni bdag gi yang ma yin/ yongs su gtong ba yang ma yin no// de ci'i phyir zhe na/ 'di ltar de sgyu ma lta bu yin pa'i phyir/ de dngos po de rgya cher yongs su gtang ngo snyam du sems so// de de ltar yongs su gtong bas/ sangs rgyas bcom ldan 'das rnams la 'dod spyod de/ bcom ldan 'das sangs rgyas bcom ldan 'das rnams ni legs par gsung ba/ phyin ci ma log par gsung ba kho na ste/ sgyu ma lta bu'i dngos po yongs su btang bas/ yod pa'i mtshan nyid bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba 'di ni ngo mtshar ro/ / de la byang chub sems dpa' sems dpa' chen pos 'di ltar sangs rgyas bcom ldan 'das
- 154a
gang dag ji ltar byas na/ byang chub sems dpa' dngos po de dag la mngon par zhen pa mi skyed cing / 'di ltar de yongs su gtong ba'i blor 'gyur snyam ste/ byang chub sems dpa' sems dpa' chen po rnams kyi dngos po de dag dang / rkyen de dag mtshan nyid med par ston pa 'di dag ni dka' ba mdzad pa'o snyam du rig par bya'o// tshe dang ldan pa gang po de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ thams cad mkhyen pa nyid kyi na thob par 'gyur ro zhes de ltar rig par bya'o// tshe dang ldan pa gang po gal te 'di ni shA ra dwa ti'i bu'i spobs pa yin no snyam du khyod kyis shes na de ltar mi blta'i/ 'di ni de bzhin gshegs pa'i byin gyi rlabs kyis/ shA ra dwa ti'i bu smra bar zad do/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis gnas brtan shA ra dwa ti'i bus ji skad smras pa bzhin du zung zhig/ chongs shig/ lhogs shig/ kun chub par gyis shig/ sbyin pa'i pha rol tu phyin pa las mtshan ma med pa'i le'u ste bzhi pa'o// / de nas bcom ldan 'das la/ tshe dang ldan pa byams ma'i bu gang pos 'di skad ces gsol to/ / bcom ldan 'das byang chub sems dpa' sems dpa' chen po da ltar yongs su gtong ba des/ ci zhig yongs su btang ba lags/ bcom ldan
- 154b
'das kyis bka' stsal pa/ gang po byang chub sems dpa' sems dpa' chen po de ltar yongs su gtong ba des/ ci yang yongs su btang ba med do// ji ltar yongs su btang ba med pa de bzhin/ du chos ci yang thob pa med do// bcom ldan 'das kyis bka' stsal pa/ gang po ji ltar byang chub sems dpa' sems dpa' chen pos dngos po ci yang yongs su btang ba med pa de bzhin du bla na med pa yang dag par rdzogs pa'i byang chub mngon par rdzogs par sangs rgyas pas kyang / chos ci yang thob pa med do// gang po byang chub sems dpa' sems dpa' chen po'i 'god pa ci 'dra ba de bzhin du/ chos kyi 'du ba'i sgo yang de kho na dang 'dra bar 'gyur ro// gal te byang chub sems dpa' sems dpa' chen pos chos 'ga' zhig yongs su btang bar gyur na ni/ byang chub sems dpa' bla na med pa yang dag par rdzogs pa'i byang chub mngon par rdzogs par sangs rgyas pa'i chos kyang yod pa zhig thob par 'gyur na/ gang po gang gi phyir byang chub sems dpa' sems dpa' chen po yongs su gtong ba byed pas na/ dngos po yod pa ci yang yongs su btang ba med pas/ de'i phyir byang chub sems dpa' sems dpa' chen pos bla na med pa yang dag par rdzogs pa'i byang chub mngon par rdzogs par sangs rgyas nas/ yod pa'i chos ci yang thob pa med do// gang po dper na sgyu ma mkhan nam/ sgyu ma mkhan gyi slob mas/ sgyu ma mkhan gyi lag tu la du zhig btsongs la/ de la sgyu ma
- 155a
mkhan gyis kar sha pa Na dag gcig mngon par sprul te byin na/ gang po de ltar na rin ji lta ba de bzhin dul du yang de dang 'dra'o// de bzhin du byang chub sems dpa' sems dpa' chen pos sbyin pa ji lta bu yongs su btang ba de bzhin du/ bla na med pa yang dag par rdzogs pa'i byang chub mngon par rdzogs par sangs rgyas pa yang de kho na dang 'dra'o// gang por lta bas na 'du ba ci 'dra ba de bzhin du/ 'god pa yang de kho na dang 'dra ste/ de ltar na byang chub sems dpa'i rin ci 'dra ba de bzhin du rnyed pa yang de kho na dang 'dra ba yin no// gang po dper na skyes bu sgyu ma mkhan gyis shing ljon pa zhig mngon par sprul la/ shing ljon pa de'i drung du yang srog chags 'bum sprul te/ srog chags de dag kyang shing ljon pa de'i 'bras bu rnams za na/ gang po de ni 'bras bu ji lta ba bzhin du za ba po rnams kyang de kho na dang 'dra'o/ / de bzhin du byang chub sems dpa' sems dpa' chen po'i yongs su gtong ba ji lta ba bzhin du/ chos kyi 'du ba'i sgo yang de kho na dang 'dra'o/ / gang po de ltar na byang chub sems dpa' sems dpa' chen po yongs su gtong ba na/ rin dang / rnyed pa dang / rnyed pa dang rin du mnyam par 'gyur ro// gang po 'di lta ste/ dper na sgyu ma mkhan nam/ sgyu ma mkhan gyi slob ma mkhas pa zhig gis lam gyi bzhi mdo chen por skye bo phal po che'i mdun du/ bud med cig mngon par sprul la/ bud med de yang
- 155b
sbrum mur mngon par sprul te bu byung bar bstan nas/ bud med de'i bu btsas pa las khye'u zhig tu btsas/ khye'u de yang shi bar bstan na/ gang po 'di ji snyam du sems/ ci khye'u shi po de'i tshe na/ bud med de la bdag gi bu shi'o snyam pa'i sems skye 'am/ gsol pa/ bcom ldan 'das de ni ma lags so// bcom ldan 'das kyis bka' stsal pa/ gang po de ltar na ma ji lta ba bzhin du bu yang de kho na dang 'dra ste/ de bzhin du byang chub sems dpa' sems dpa' chen po'i sbyin pa ji lta ba bzhin du thams cad mkhyen pa yang de kho na dang 'dra'o// gang po de ltar na 'dir yang chos de dag gi 'du ba'i sgo gnyis ka med do// gang po 'di ji ltar du sems ci khyod kyis nga chos 'ga' zhig la 'dod pa che bar mthong ngam/ gsol pa/ bcom ldan 'das de ni ma lags so/ / de ci'i slad du zhe na/ bcom ldan 'das de bzhin gshegs pas ni chos de dag stong par mngon par rdzogs par sangs rgyas pa'i slad du lags so// bcom ldan 'das kyis bka' stsal pa/ gang po de bzhin du 'di ltar de bzhin gshegs pa chos gang la yang 'dod pa che ba med pa de bzhin du/ nga byang chub sems dpar gyur pa'i tshe/ chos gang la la zhig yong su ma btang ba de med do/ / de bas na sangs rgyas bcom ldan 'das rnams la ni chags pa 'am/ khong khro ba 'ga' yang mi skye'o// de ci'i phyir zhe na/ 'di ltar sangs rgyas
- 156a
bcom ldan 'das ni chags pa dang khong khro ba spangs pa yin pa'i phyir ro/ / gang pos gsol pa/ bcom ldan 'das byang chub sems dpa' sems dpa' chen/ po dngos po gang dang gang yongs su gtong ba de dang de nyid stong pa 'am/ ya ma brla'am/ gso ba 'am/ gsog tu mthong ba ni ngo mtshar lags so// bcom ldan 'das kyis bka' stsal pa'i don bdag gis 'tshal ba ltar na/ gal te byang chub sems dpas 'jig rten gyi khams gang+gA'i klung gi bye ma snyed dbyig dang gser gyis bkang ste slong ba rnams la stsal kyang / byang chub sems dpa' ji ltar yongs su btang ba'i thabs ma 'tshal na/ de ltar na de'i ni sbyin pa 'i tsher 'gyur gyi/ sbyin pa'i pha rol tu phyin pa ni ma lags so// byang chub sems dpa' sems dpa' chen po yongs su gtong ba na/ 'di ltar yang bdag gis bdog pa thams cad yongs su gtang bar bya'o snyam du yang sems bskyed par mi bgyi'o// bcom ldan 'das kyis/ tshe dang ldan pa shA ra dwa ti'i bu la bka' stsal pa/ bstan pa 'di'i don bshad pa'i phyir spobs par gyis shig/ ngas bshad pa'i dus la bab pa na yang bshad par bya'o// de nas tshe dang ldan pa shA ra dwa ti'i bus/ tshe dang ldan pa byams ma'i bu gang po la 'di skad ces smras so/ / tshe dang ldan pa gang po 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ chos
- 156b
thams cad stong par yid la byed cing sbyin pa sbyin par bya'o/ / thams cad mkhyen pa nyid la dmigs par byas nas/ bdog pa thams cad yongs su gtang bar bya'o// zin pa dang ma zin pa'i dngos po rnams yongs su ma btang ba 'am/ ma byin pa 'am/ mchod sbyin ma byas pa ci yang med par bya'o// tshe dang ldan pa gang po de ltar byang chub sems dpa' sems dpa' chen pos/ thams cad mkhyen pa nyid kyi sems kyis sbyin pa sbyin par bya'o/ / sbyin pa'i pha rol tu phyin pa las sgyu ma lta bur bstan pa'i le'u ste lnga pa'o// // de nas bcom ldan 'das kyis/ tshe dang ldan pa shA ra dwa ti'i bu la bka' stsal pa/ shA ra dwa ti'i bu legs so// shA ra dwa ti'i bu de de bzhin te/ byang chub sems dpa' sems dpa' chen pos thams cad mkhyen pa nyid la dmigs pa byas la sbyin pa sbyin par bya'o/ / shA ra dwa ti'i bu khyod shar phyogs kyi 'jig rten gyi khams thams cad na/ byang chub sems dpa' sems dpa' chen po dag sbyin pa sbyin par byed pa mthong bar 'dod dam/ gsol pa/ bcom ldan 'das shar phyogs kyi 'jig rten gyi khams thams cad na byang chub sems dpa' sems dpa' chen po dag ji ltar sbyin pa sbyin par bgyid pa mthong bar 'tshal lo// de nas sangs rgyas kyi mthus tshe dang ldan pa shwa ra dwa ti'i bu dang / de las gzhan pa'i nyan thos chen po rnams dang / thams cad dang ldan pa'i 'khor gyis 'di nas zad ka'i phyogs su 'jig rten gyi khams sgyus
- 157a
zhes bya ba na/ de bzhin gshegs pa dgra bcom pa yang dag par rdzogs pa'i sangs rgyas phung po chen po zhes bya ba nyan thos rnams la chos ston te/ de na byang chub sems dpa' thogs pa med pa zhes bya ba khyim na 'dug cing / khyim na 'dug bzhin du dbyig dang gser gyi phung po ri tsam sbyin pa sbyin zhing yongs su gtong ste/ 'di las khyer ba'i sems can de dag la sbyin pa sbyin par gyur cig ces sgrogs so/ / gos kyi phung po ri tsam dag sbyin par byed do// bza' ba dang btsa' ba'i phung po ri tsam dag sbyin pa sbyin par byed de/ sems can gang dag gis pha bi las khyer ba de dag la sbyin pa sbyin par gyur cig ces sgrogs so/ / gzhan yang bcom ldan 'das kyis/ tshe dang ldan pa shA ra dwa ti'i bu la bka' stsal pa/ byang chub sems dpa' thogs pa med pas/ rin po che sna bdun gyi shing rta 'bum phrag mang po bkram ste/ shing rta re re la yang bud med kha dog stong gis brgyan pa dag zhon nas/ tshong dus kyi srang du sbyin pa sbyin par byed/ tshig 'di skad du gang shing rta 'di dag dang / bud med 'di dag 'dod pa des khyer cig ces kyang zer ro// bud med de dag re re yang bud med brgya brgya'i 'khor dang ldan to/ shing rta dbyig dang bcas pa/ bud med kyi 'khor dang bcas pa bud med de de dag la sbyin par byed cing yongs su gtong ngo // shA ra dwa ti'i bu khyod kyis byang chub sems dpa' thogs pa med pa sbyin
- 157b
pa sbyin par mthong ngam/ gsol pa/ bcom ldan 'das mthong lags so// bde bar gshegs pa mthong lags so// bcom ldan 'das kyis bka' sprul pa/ shA ra dwa ti'i bu byang chub sems dpa' sems dpa' chen pos de ltar sbyin pa sbyin par bya'o/ / de nas nyan thos chen po de dag gis kyang sangs rgyas kyi mthus sbyin pa sbyin pa de mthong ngo // de nas bcom ldan 'das kyis/ tshe dang ldan pa shA ra dwa ti'i bu la bka' stsal pa/ shA ra dwa ti'i bu 'di ji snyam du sems/ sbyin pa 'di rgya che ba yin nam/ gsol pa/ a la la bcom ldan 'das rgya che ba lags so// bcom ldan 'das kyis bka' stsal pa/ shA ra dwa ti'i bu sbyin pa 'di ltar byin zhing yongs su btang ba 'di la de las gzhan pa'i sbyin pa rnams ni brgya'i char yang nye bar mi 'gro ba nas/ rgyu'i bar du yang mi bzod do/ / de nas sangs rgyas kyi mthus tshe dang ldan pa shA ra dwa ti'i bus sbyin pa de byin nas 'di skad du dge ba'i rtsa ba 'dis theg pa la gsar du zhugs pa'i byang chub sems dpa' thams cad ni phyir mi ldog pa nyid du gyur cig/ phyir mi ldog pa'i byang chub sems dpa' sems dpa' chen po gang dag yin pa de dag ni/ myur du thams cad mkhyen pa nyid yongs su rdzogs par gyur cig ces yongs su rdzo bar byed pa yang mthong ngo / / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das 'di la theg pa la gsar du zhugs pa'i byang chub sems
- 158a
dpa' gang la bgyi/ bcom ldan 'das kyis bka' stsal pa/ shA ra dwa ti'i bu 'di la byang chub sems dpa' sems dpa' chen po sems dang po bskyed pa/ sems/ dang po bskyed pa la gnas pa ni/ dgra bcom pa'i sems las 'da' // sems gnyis pa bskyed pa ni rang sangs rgyas kyi sems las 'da' 'o// phyir mi ldog pa'i sems la gnas pa ni byang chub sems dpa' ma nges shing lung ma bstan pa las 'da' 'o/ / byang chub sems dpa' byang chub kyi snying po la 'dug pa ni/ thams cad mkhyen pa zhes bya'o// shA ra dwa ti'i bu gang byung chub kyi snying po la 'dug la/ thams cad mkhyen pa ma thob par de las ldang ba 'di ni mi srid de/ go skabs ma yin zhing gnas med de/ ma byung 'byung bar mi 'gyur ro// shA ra dwa ti'i bu gang gi tshe/ byang chub sems dpa' sems dpa' chen po byang chub kyi snying po la 'dug pa de'i tshe/ lha dang bcas pa'i 'jig rten dang / bdud dang bcas/ tshangs pa dang bcas/ lha dang / mi dang / lha ma yin/ dang bcas pa'i 'jig rten gyis 'di ltar de bzhin gshegs pa byang chub kyi snying po la bzhugs so zhes rig par bya'o// de ci'i phyir zhe na/ 'di ltar de'i tshe byang chub sems dpa' sems dpa' chen po brnag pa yongs su rdzogs pa/ bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba can du gyur pa'i phyir ro// de nas sangs rgyas kyi mthus tshe dang ldan
- 158b
pa shA ra dwa ti'i bu dang / nyan thos de dag gis shar phyogs kyi 'jig rten gyi khams thams cad na/ byang chub sems dpa' sems dpa' chen po grangs med pa gang dag byang chub kyi snying po la 'dug/ cing / bla na med pa yang dag par rdzogs pa'i byang chub mngon par rdzogs par 'tshang rgya ba de dag kyang mthong ngo // byang chub sems dpa' grangs med pa gang dag rab tu 'byung ba'i phyir mngon par 'byung ba dag kyang mthong ngo / / byang chub sems dpa' grangs med pa gang dag khyim na gnas shing / sbyin pa gtong ba dag kyang mthong ngo // byang chub sems dpa' grangs med pa gang dag slong ba rnams slong ba na/ mgo yongs su gtong ba dag kyang mthong ngo // byang chub sems dpa' grangs med pa gang dge slong ba rnams slong ba na/ lus 'bigs su bcug ste/ khrag sbyin pa dag kyang mthong ngo // byang chub sems dpa' grangs med pa gang dag bu dang chung ma yongs su gtong ba dang / khyim gyi dngos po dang / zhing gi dngos po dang / rta dang / baglang dang / bran dang / bran mo dang / las byed pa dang / shes 'tshe ba rnams yongs su gtong ba dag kyang mthong ngo // byang chub sems dpa' grangs med pa gang dag lha rnams kyi dbang po brgya byin byed pa dag kyang mthong ngo // byang chub sems dpa' grangs med pa gang dag dga' ldan gyi lha'i ris su skye ba dag kyang mthong ngo / / byang chub sems dpa' grangs med pa gang dag dga' ldan gyi gnas nas shi 'phos te/ ma'i mngal du skye ba dag kyang mthong ngo // byang
- 159a
chub sems dpa' grangs med pa gang dag btsa' ba dang / chos ston pa dag kyang mthong ngo // byang chub sems dpa' grangs med pa gang dag sems can rnams kyi ched du sdug bsngal rnams yang dang yang myong ba dag kyang mthong ngo / / byang chub sems dpa' grangs med pa gang dag sems can rnams kyi ched du dpag tshad brgyar yang 'gro zhing / nyis brgya 'am/ sum brgya 'am/ bzhi brgya 'am/ lnga brgya 'am/ dpag tshad stong ngam/ de las lhag par yang 'gro ba dang / sems can rnams kyi ched du ji ltar byas na/ sems can 'ga' yang dge ba bcu'i las kyi lam dag la gnas par 'gyur bar yang dag par 'dzin du 'jug pa dang / yang na gsum la skyabs su 'gro bar 'gyur bar 'di la yang dag par 'dzin du 'jug par bya ba dang / yang na bslab pa'i gzhi gcig 'dzin par 'gyur ba 'am/ yang na bslab pa'i gzhi gnyis sam/ gsum mam/ bzhi 'am/ lnga 'dzin par 'gyur ba 'am/ yang na sems can 'ga' yang byang chub la gnas par 'gyur bar yang dag par 'dzin du 'jug par bya ba'i phyir/ 'jig rten gyi khams grangs med pa dag tu 'gro ba yang mthong ngo // byang chub sems dpa' grangs med pa gang dag gzhan mu stegs can kun tu rgyu dag/ gi nang du rab tu byung nas/ pha rol tu phyin pa rnams ni mi thos mi mthong ba dag la byang chub sems dpa' 'di dag ni pha rol tu phyin pa rnams mi thos shing mi mthong bas/ bskal pa 'bum dag tu 'khyam
- 159b
zhing 'khor te/ yun ring pos thams cad mkhyen pa nyid thob pa dag kyang mthong ngo // byang chub sems dpa' grangs med pa gang dag byang chub sems dpa' rnams la pha rol tu phyin pa rnams ston/ pa yang mthong ngo // byang chub sems dpa' grangs med pa gang dag pha rol tu phyin pa rnams tshol na yang mi rnyed pa dag kyang mthong ngo // byang chub sems dpa' grangs med pa gang dag pha rol tu phyin pa rnams chol zhing de dag gis rnyed pa yang mthong ngo / / byang chub sems dpa' grangs med pa gang dag bla na med pa yang dag par rdzogs pa'i byang chub mngon par rdzogs par 'tshang rgya ba dag kyang mthong ngo // sangs rgyas bcom ldan 'das grangs med pa chos ston pa dag kyang mthong ngo // sangs rgyas bcom ldan 'das grangs med pa gang dag byang chub sems dpa' rnams kyi ched du/ bskal pa bye ba khrag khrig 'bum phrag mang por byang chub tu sems bskyed du 'jug par mdzad pa dag kyang mthong ngo / / sangs rgyas bcom ldan 'das grangs med pa gang dag sems can rnams yongs su smin par mdzad pa dang / gang dag byang chub tu sems bskyed du 'jug par mdzad pa dag kyang mthong ngo // sangs rgyas bcom ldan 'das grangs med pa gang dag sems can gang+gA'i klung gi bye ma snyed yongs su smin par mdzad pa dag kyang mthong ngo / / sangs rgyas bcom ldan 'das grangs med pa gang dag 'jig rten gyi khams grangs med pa dag tu gshegs nas/ sems can rnams kyi ched du chos ston pa dag kyang
- 160a
mthong ngo / / de ltar na sangs rgyas bcom ldan 'das rnams ni dka' ba mdzad pa'o// de nas sangs rgyas kyi mthus tshe dang ldan pa shA ra dwa ti'i bu dang / dge slong gi dge 'dun gyis shar phyogs kyi 'jig rten gyi khams gang+gA'i klung gi bye ma snyed de dag na/ byang chub sems dpa' gang dag gnas pa de dag kyang mthong ngo // shar phyogs kyi 'jig rten gyi khams de dag thams cad na/ sangs rgyas bcom ldan 'das gang dag bzhugs pa de dag kyang mthong / lho phyogs dang / nub dang / byang dang / phyogs mtshams dang / 'og dang / steng du yang de bzhin du sbyar te/ de ltar kho ra khor yug tu phyogs bcu'i bar du byang chub sems dpa' sems dpa' chen po dag dang / sangs rgyas bcom ldan 'das gang dag bzhugs pa de dag mthong ngo // de nas tshe dang ldan pa shA ra dwa ti'i bus/ bcom ldan 'das la 'di skad ces gsol to// bcom ldan 'das 'di ltar sangs rgyas bcom ldan 'das rnams chos rgya chen po dang ldan te/ ji lta zhe na/ shar phyogs kyi 'jig rten gyi khams dpag tu ma mchis pa dag na/ byang chub sems dpa' grangs ma mchis pa dag dang / sangs rgyas bcom ldan 'das grangs ma mchis pa dag mthong ba dang / de bzhin du lho dang / nub dang / byang dang / 'og dang / snying dang / phyogs mtshams kyi 'jig rten gyi khams grangs ma mchis pa dag tu/ byang chub sems dpa' dpag tu ma mchis pa dang / sangs rgyas bcom ldan 'das dpag tus
- 160b
mchis pa dag mthong ba ni ngo mtshar lags so/ / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das 'di ltar sangs rgyas bcom ldan 'das rnam dang / byang chub sems dpa' rnams chos rgya chen po dang ldan te/ gang dag gis rgya chen po'i gnas bla na med pa'i byang chub tu sems bskyed pa ni ngo mtshar che lags so// bcom ldan 'das kyis bka' stsal pa/ shA ra dwa ti'i bu de de bzhin te/ byang chub sems dpa' sems dpa' chen po rnams kyis 'di ltar bla na med pa yang dag par rdzogs pa'i byang chub tu sems rgya chen po bskyed par bya'o// gsol pa/ bcom ldan 'das mir 'gyur bar 'tshal bas ni/ dper na 'khor los sgyur ba'i rgyal po ltar bgyi'o// lhar 'gyur bar 'tshal bas ni/ dper na lha rnams kyi dbang po brgya byin ltar bgyi'o// tshe ring ba yongs su 'dzin par 'tshal bas ni/ dper na 'du shes med 'du shes med min skye mched du nye bar 'gro ba'i lha rnams ltar bgyi'o// bcom ldan 'das de bzhin du 'jig rten gyi sbyin gnas su 'gyur// papar 'tshal ba dang / stong gsum gyi stong chen po'i 'jig rten gyi khams su 'phel ba'i chos kyi gtam bgyi bar 'tshal ba dang / sangs rgyas 'tshal bas ni thams cad mkhyen pa nyid du sems bskyed par bgyi'o// de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu de de bzhin no// de de bzhin te/ 'jig rten gyi sbyin gnas kyi
- 161a
mchog tu 'gyur bar 'dod pas/ thams cad mkhyen pa nyid du sems bskyed par bya'o// de skad ces bka' stsal pa dang / tshe dang ldan pa shA ra dwa ti'i bus/ bcom ldan 'das la 'di skad ces gsol to/ / bcom ldan 'das dang po sems bskyed pa 'di las gud na/ byang chub sems dpa' sems dpa' chen po'i sems bskyed pa ches bzang ba 'am/ ches rgya che ba 'ga' lta mchis lags sam/ / bcom ldan 'das kyis bka' stsal pa/ shA ra dwa ti'i bu khyod de bzhin gshegs pa dgra bcom pa yang dag par rdzogs pa'i sangs rgyas la yongs su 'dri bar sems pa legs so legs so/ / shA ra dwa ti'i bu dgra bcom pa'i zag pa med pa'i sems gang yin pa de ni spong ba'i sems kyis rang gi rgyud dang ldan pa'i nyon mongs pa rnams spang bar zad kyi/ sems de sems can dpag tu med pa rnams kyi ched du bskyed pa ma yin no/ / shA ra dwa ti'i bu byang chub kyi sems ni sems can dpag tu med pa'i ched du bskyed pa yin gyi/ nyi tshe'i sems can rnams kyi phyir ni ma yin no/ / shA ra dwa ti'i bu rang sangs rgyas kyi sems kyang rang gi rgyud dang ldan pa'i nyon mongs pa rnams pazlog par zad kyi/ byang chub kyi sems ni sems can dpag tu med pa'i nyon mongs pa rnams zlos pa yin no/ / shA ra dwa ti'i bu yang byang chub kyi sems ni bsten cing bsnyen te bsgoms la mang du byas na/ pha rol tu phyin pa drug po rnams kyis thams cad mkhyen pa nyid thob bo// thams cad mkhyen pa'i ye shes
- 161b
mapa na/ des ldanapas rnams dang / rang sa brgyan rnamasas tu byas// gang dag 'di la dge ba'i rtsab bskyed de/ 'di ste/ rang byang chub la sems shing sanA/ de dag las sangs rgyas bcom na 'das rnams khyed ni rang sangs rgyas su 'gyur te/ bskal pa 'di snyed cig na lha rnams dang / si rnams kyi nang du mtshams gyur te/ 'khor nas rang sangs rgyas thob par 'gyur ro zhes lung ston gyi/ shA ra ti'i sku rang sangs rgyas rnams ni byang chub sems dpa' lam 'ongs pa'i dus na/ khyod de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung mi ston to/ nyan thos rnams kyang byang chub sems dpa' la lung mi ston to// gal te nyan thos lung ston na yang / de bzhin gshegs pa las thos nas lung ston to// shA ra dwa ti'i bu gang gis sems can thams cad dgra bcom pa nyid la bkod kyang / des ni thams cad mkhyen pa nyid yongs su bzung ba ma yin gyi/ shA ra dwa ti'i bu gang byang chub sems dpa' la pha rol tu phyin pa drug po rnams kyis 'doms shing rjes su ston na/ 'di ltar des ni thams cad mkhyen pa nyid yongs su bzung ba yin no// de ci'i phyir zhe na/ shA ra dwa ti'i bu nyan thos las ni sangs rgyas bcom ldan 'das rnams kyi byang chub byung ba ma yin gyi/ byang chub sems dpa' las de bzhin gshegs pa rnams kyi byang chub byung ba'i phyir ro// sbyin pa'i pha rol tu phyin pa las 'jig rten gyi khams grangs med par byang chub sems dpa'i spyod pa
- 162a
dang / sangs rgyas bstan pa zhes bya ba'i le'u ste drug pa'o// / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das ji ltar na byang chub sems dpar rig par bgyi/ bcom ldan 'das kyis bka' stsal pa/ shA ra dwa ti'i bu byang chub sems dpa' gang pha rol tu phyin pa drug po dag la spyod pa'i byang chub sems dpa' bdi ni byang chub sems dpa' zhes bya ba'i ming 'thob bo/ / gsol pa/ bcom ldan 'das zag pa ma mchis pa'i sems las/ byang chub kyi sems khyad par du 'phags par bshad pa 'di'i don ji ltar 'tshal bar bgyi/ bcom ldan 'das kyis ji ltar lung bstan pa bzhin du yang dag par gzung bar 'tshal lo// bcom ldan 'das kyis bka' stsal pa/ shA ra dwa ti'i bu 'di ji snyam du sems/ byang chub sems dpa'i sems 'dod chags dang bcas pa/ zhe sdang dang bcas pa/ gti mug dang bcas pa yin nam/ gsol pa/ bcom ldan 'das 'dod chags dang bcas pa/ zhe sdang dang bcas pa/ gti mug dang bcas pa lags so// bcom ldan 'das kyis bka' stsal pa/ shA ra dwa ti'i bu 'di ji snyam du sems/ dgra bcom pa'i sems 'dod chags dang bral ba/ zhe sdang dang bral ba/ gti mug dang bral ba yin nam/ gsol pa/ bcom ldan 'das de de ltar lags te/ dgra bcom pa'i sems 'dod chags dang bral ba/ zhe sdang dang dang bral ba/ gti mug dang
- 162b
dang bral ba lags so/ / bcom ldan 'das kyis bka' stsal pa/ shA ra dwa ti'i bu 'di ji snyam du sems/ gal te dgra bcom pa zag pa zad pas sems can dpag tu med pa rnams la byams pa dang snying rjes khyab par byas kyang / de'i tshe sems can de dag bde bas tshim par 'gyur ram/ gsol pa/ bcom ldan 'das de ltar dgra bcom pa ni thabs la mkhas pa ma mchis na/ sems can dpag tu ma mchis pa rnams la byams pas ji ltar khyab par bgyi/ bcom ldan 'das 'di ltar ji srid du mnyam par gzhag pa de srid kyi bar der byams pa des kha cig ni bde bar 'gyur/ kha cig ni sdug bsngal bar 'gyur lags so/ / bcom ldan 'das gang gi tshe byang chub sems dpa' thams cad mkhyen pa nyid thob pa de'i sems kyi skad cig la/ byams pa la gnas shing byams pa mngon par sgrub pa ma lags mod kyi/ bcom ldan 'das gnas ma mchis pa nan gyis dper bgyis te bshad par bgyi na/ bcom ldan 'das gal te 'dzam bu'i gling 'dir bdag dang 'dra bar rnam par thar pa brgyad la bsam gtan pa sha stag gis gang bar gyur la/ de dag kyang byams pa la snyoms par zhugs sam/ gal te snyoms par 'jug par 'tshal na yang snyoms par 'jug pa'i 'os ma lags so// bcom ldan 'das kyis bka' stsal pa/ shA ra dwa ti'i bu rnam grangs 'dis kyang zag pa med pa'i sems las/ byang chub sems dpa'i sems mchog ces bya ba nas/ gong na med pa zhes bya
- 163a
pa'i bar du'o/ / shA ra dwa ti'i bu gzhan yang gal te sems can thams cad dgra bcom pa mngon par shes pa drug dang ldan pa sha stag tu gyur la/ dgra bcom pa re res kyang bdud kyi sde 'khrugs med 'khrugs med snyed mngon par sprul na/ shA ra dwa ti'i bu 'di ji snyam du sems/ 'khrugs med de dag mang ba yin nam/ gsol pa/ bcom ldan 'das mang lags so/ / bde bar gshegs pa mang lags so// bcom ldan 'das kyis bka' stsal pa/ shA ra dwa ti'i bu 'di ji snyam du sems/ dgra bcom pa de dag dang / dpung de dag gis phyir mi ldog pa'i byang chub sems dpa'i byang chub kyi sems de bzlog par nus sam/ gsol pa/ bcom ldan 'das de ni ma lags so// bcom ldan 'das kyis bka' stsal pa/ shA ra dwa ti'i bu 'di ji snyam du sems sems de gnyis kyi nang na gang mthu che/ sems can thams cad zag pa zad par gyur pa rnams kyi zag pa med pa'i sems gang yin pa mthu che'am/ phyir mi ldog pa'i byang chub sems dpa'i/ sems mthu che/ gsol pa/ bcom ldan 'das byang chub sems dpa'i sems ches mthu che lags so// bcom ldan 'das kyis bka' stsal pa/ phyir mi ldog pa'i byang chub sems dpa'i byang chub kyi sems ches mthu che ba yin te/ shA ra dwa ti'i bu zag pa med pa'i sems kyis bdud kyi sde 'khrugs med dpag tu med pa rdzu 'phrul gyis mngon par sprul na yang / 'dod chags dang bral ba'i
- 163b
sems kyis 'dod chags dang bcas/ zhe sdang dang bcas pa/ gti mug dang bcas pa'i sems yongs su gtags par mi nus so// shA ra dwa ti'i khung di ji snyam du sems/ sems 'di dag gi na dun/ sems gang mchog ces bya ba nas/ kong na med pa zhes bya ba'i bar du gang yin/ gsol pa/ bcom ldan 'das phyir mi ldog pa'i byang chub sems dpa'i sems mchog ces bgyi ba nas/ gong na ma mchis pa zhes bgyi ba'i bar du lags so/ / de ci'i slad du ne na/ 'di ltar zag pa ma mchis pa'i sems kyis gtugs par bgyir rngo mi thog pa'i slad du'o// shA ra dwa ti'i bu gzhan yang khyod nyid la yongs su dri bar byas/ khyod kyis ji ltar bzod pa de bzhin du lan thob cig/ shA ra dwa ti'i bu 'di ji snyam du sems/ gal te mching bu'i nor bu dag gi nang du nor bu rin po che bai DUR+Ya bzhag na/ ci'i mching bu'i nor bu de dag gis nor bu rin po che bai DUR+Ya la gsal ba dang / rin thang gis thub bam/ gsol pa/ bcom ldan 'das de ni ma lags so// mching bu'i nor bu dag gi phung po chen pos/ nor bu rin po che bai DUR+Ya gcig kyang zil gyis mnan par rngos thog lags so// bcom ldan 'das kyis bka' stsal pa/ de ci'i phyir/ gsol pa/ bcom ldan 'das mching bu'i nor bu de dag ni yongs su dag pa yang ma lags/ kha dog bzang ba yang ma lags/ rin thang yang chung la/ brjod par yang nus pa lags te/ bcom ldan 'das mching bu'i nor bu ni gnas rgya chen po nas byung ba yang ma lags
- 164a
so/ / bcom ldan 'das nor bu rin po che bai DUR+Ya ni rigs kyis 'phags pa lags te/ sems can rnams kyi las kyi rnam par smin pas/ rgya mtsho chen po'i nang nas byung ba lags/ te/ de ni mching bu'i nor bu mang pos zil gyis gnon par rngo mi thog go/ bcom ldan 'das kyis bka' stsal pa/ shA ra dwa ti'i bu de de bzhin te/ phyir mi ldog pa'i byang chub sems dpa' sems dpa' chen po'i sems ni nyan thos thams cad kyis sems zil gyis non par 'dug ste/ de bzhin gshegs pas don gyi dbang 'di yang dag par gzigs nas/ phyir mi ldog pa'i byang chub sems dpa' sems dpa' chen po'i sems mchog nyid du bzhag pa nas/ gong na med pa nyid kyi bar du bzhag pa yin no// nyan thos dgra bcom pa thams cad kyis ni byang chub sems dpa'i sems gang byams pa dang ldan pa dang / snying rje dang ldan pa yang zad par byed mi nus so// shA ra dwa ti'i bu dgra bcom pa zag pa zad pa mngon par shes pa drug dang ldan pa de dag gis kyang / 'jig rten gyi khams 'di 'jig rten gyi khams gzhan du rdzu 'phrul gyis 'phang bar nus mod kyi/ phyir mi ldog pa'i byang chub sems dpa'i sems ni zad par mi nus so// shA ra dwa ti'i bu dgra bcom pa zag pa zad pa mngon par shes pa drug dang ldan pa/ de dag gis kyang / rgya mtsho chen po kha'i dbugs kyis bskam par nus med kyi/ phyir mi ldog pa'i byang chub sems dpa' sems dpa' chen po'i sems ni zil gyis mnan pa 'am/ zad par byed ma
- 164b
nus so/ / shA ra dwa ti'i bu dgra bcom pa zag pa zad pa mngon par shes pa drug dang ldan pa de dag gis kyang 'jig rten gyi khams gang+gA'i klung gi bye ma snyed sreg pa'i me'i phung po chen po de yang kha'i dbugs kyis gsod par nus mod kyi/ phyir mi ldog pa'i byang chub sems dpa' sems dpa' chen po'i sems ni zil gyis mnan pa 'am/ zad par byed mi nus so// shA ra dwa ti'i bu rnam grangs 'dis ni/ phyir mi ldog pa'i byang chub sems dpa' sems dpa' chen po'i sems mchog ces bya/ gtso bo dang / phul dang / rab dang / rab mchog dang / bla na med pa nas/ gong na med pa zhes bya ba'i bar du brjod de skad ces bka' stsal pa dang / tshe dang ldan pa shA ra dwa ti'i bus/ bcom ldan 'das la 'di skad ces gsol to// bcom ldan 'das ji tsam du phyir mi ldog pa'i byang chub sems dpa' sems dpa' chen po'i sems rgya che zhing zad par bgyi ba 'am/ bzlog par mi nus pa ngo mtshar lags so// bcom ldan 'das kyis bka' stsal pa/ shA ra dwa ti'i bu de de bzhin no// de ci'i phyir zhe na/ shA ra dwa ti'i bu sangs rgyas bcom ldan 'das rnams ni gnyis su mi gsung ste/ de bzhin gshegs pa rnams ni gnyis su med par gsung zhing / de bzhin kho na ste/ gzhan du ma yin no// shA ra dwa ti'i bu gal te 'jig rten gyi khams mtha' yas mu med pa gang+gA'i klung gi bye ma snyed kyi sems can gzhan dag byung bar gyur la/ sa'i khams ji snyed pa dang / chu'i khams ji snyed pa dang / me'i khams ji snyed pa dang /
- 165a
rlung gi khams ji snyed pa de snyed kyi sems can gzhan dag byung bar gyur na/ shA ra dwa ti'i bu 'di ji snyam du sems/ sems can de dag mang ba yin nam/ gsol pa/ bcom ldan 'das mang lags so/ / bde bar gshegs pa mang lags so// bcom ldan 'das kyis bka' stsal pa/ shA ra dwa ti'i bu sems can de dag kyang mngon par shes pa drug dang ldan par gyur te/ re re zhing 'di ltar mo'u 'gal gyi bu chen po lta bu rdzu 'phrul dang ldan par gyur la/ rdzu 'phrul can de dag gis 'di ltar sems can de dag ji snyed pa de snyed kyi bdud sdig can mngon par sprul te/ sdig can re re la yang sems can de dag ji snyed pa de snyed kyi glang po che'i tshogs yod pa dang / rtswa'i tshogs dang / shing rta'i tshogs dang / dpung bu chung gi tshogs yod par gyur te/ bgrang ba 'di lta bu'i tshul gyis dgra bcom pa rdzu 'phrul can de dag re ras sprul pa byed pa'i sprul pa de dag re res kyang de bzhin du sprul pa mngon par sprul na/ shA ra dwa ti'i bu 'di ji snyam du sems/ de dag bgrang ba las 'jug par nus sam/ gsol pa/ bcom ldan 'das de ni ma lags so// bcom ldan 'das kyis bka' stsal pa/ sems can de dag gis phyir mi ldog pa'i rigs kyi bu 'am/ rigs kyi bu mo de dag gang na gnas pa'i stong gsum gyi stong chen po'i 'jig rten gyi khams bsreg par mngon par sprul pa byed na/ shwa ra da ti'i bu 'di ji snyam du sems/ ci sems can de dag rdzu 'phrul/
- 165b
chen po rnam par ston pa yin nas/ gsol pa/ bcom ldan 'das de dag ni rdzu 'phrul che ba lags so// rdzu 'phrul chen po dang ldan zhing 'jigs pa chen po'i tshul gyis nye bar gnas pa lags so/ / bcom ldan 'das kyis bka' stsal pa/ shA ra dwa ti'i bu gal te de dag 'jig rten gyi khams mtha' yas mu med pa'i gang+gA'i klung gi bye ma snyed kyi bskal par gnas la/ de ltar 'jigs pa drag po kun nas ston kyang / phyir mi ldog pa'i byang chub sems dpa' sems dpa' chen po de dag gi sems zad par bya ba 'am/ zil gyis mnan pa 'am/ bzlog nus pa'i skal ba med do// shA ra dwa ti'i bu 'di ji snyam du sems/ sems can dpag tu med pa de dag dang / bdud sdig can de dag gi rdzu 'phrul gang yin pa dang / phyir mi ldog pa'i byang chub sems dpa'i rdzu 'phrul gang yin pa 'di gnyis la/ gang ches mthu dang ldan pa yin/ gsol pa/ bcom ldan 'das rdzu 'phrul dang ldan pa 'di dag gi nang na/ phyir mi ldog pa'i byang chub sems dpa' sems dpa' chen po'i rdzu 'phrul dang / sems 'di ni ches mthu dang ldan pa lags so// bcom ldan 'das kyis bka' stsal pa/ shA ra dwa ti'i bu 'di ji snyam du sems/ 'di lta bu'i rdzu 'phrul dang stobs gang yin pa de mchog byed pa 'am/ mchog tu 'byung bar 'os pa yin nam/ gsol pa/ bcom ldan 'das kyis bka' stsal pa'i don bdag gis 'tshal ba ltar na/ rnam grangs 'dis
- 166a
na thams cad mkhyen pa nyid kyi sems ma gtogs par/ byang chub sems dpa'i sems mchog ces bgyi ba nas/ kong nam mchis pa zhes bgyi ba'i bar du ste/ de ci'i slad du zhe na/ phyir mi ldog pa'i byang chub sems dpa'i sems ni zad par bgyir rngo mi thog pa'i slad du lags so// de nas bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu de de bzhin no// de de bzhin te/ phyir mi ldog pa'i byang chub sems dpa'i sems ni zad par byar mi nus so// sbyin pa'i pha rol tu phyin pa las phyir mi ldog pa'i sa'i le'u ste bdun pa'o/ / // de nas tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so// tshe dang ldan pa shA ra dwa ti'i bu rnams grangs gang gis na/ phyir mi ldog pa'i byang chub sems dpa' sems dpa' chen po'i sems zad par byar mi nus/ smras pa/ tshe dang ldan pa gang gi phyir byang chub sems dpa' sems dpa' chen po sbyin pa gang dang gang sbyin pa na/ de thams cad thams cad mkhyen pa nyid la dmigs nas sbyin par byed de/ de bas na byang chub sems dpa' sems dpa' chen po'i sems zad par bya ba 'am/ zil gyis mnan par mi nus so/ / tshe dang ldan pa gang po dper na skyes bu tshong pa zhig zong 'bum phrag mang po spyod cing de tshong byed la/ tshong pa des tshong dpon nam/ ded dpon gang yang rung ba las/ lo 'bum phrag
- 166b
mang po zhig nas basbyin po blangs pa las/ de'i tshong ma rung bar gyur nas/ des rgyal po la bskor te/ rgyal po'i kan du song ngo // de rgyal po'i dpung des na/ rgyal pos yongs su bzung ba'i mi de la/ tshong dpon de dang / ded dpon des tshugs par mi 'gyur ro// de ci'i phyir zhe na/ de ltar de dpung dang ldan pa'i phyogs 'di lta ste/ rgyal po'i phyogs dpung dang ldan pa'i phyogs de la brten pa'i phyir ro// tshe dang ldan pa gang po de bzhin du/ dang po byang chub tu sems bskyed pa'i byang chub sems dpa' sems dpa' chen po'i sems dang / phyir mi ldog pa'i byang chub sems dpa'i sems ni dpung dang ldan pa'i phyogs la rten to/ / de ci'i phyir zhe na/ 'di lta ste/ thams cad mkhyen pa nyid kyi phyogs dpung dang ldan pa'i phyogs de la brten pas na/ de nyan thos thams cad kyis zil gyis gnon par ma nus so/ / tshe dang ldan pa gang po dper na skyes bu rgyal po la brten pa ni longs spyod zad par gyur kyang / 'on kyang tshugs par mi nus pa de bzhin du/ byang chub sems dpa' sems dpa' chen po thams cad mkhyen pa nyid kyi phyogs la brten pa yang / 'di ltar nyan thos thams cad dang / bdud thams cad kyis mi tshugs so// smras pa/ tshe dang dang ldan pa shA ra dwa ti'i bu ji ltar na byang chub sems dpa' nyan thos thams cad kyis tshugs par 'gyur/ smras pa/ tshe dang ldan pa gang po gal te nyan thos kyi sa 'am/ rang sangs rgyas kyis sgrogs shing 'chad pa na/ de'i sems bskyed cing bdag kyang de ltar
- 167a
mur cig ces sems bskyed na/ nyan thos rnams kyis tshugs pa yin no// gang de'i gtam gyi ro myang bar byed pa dang / de la yang dga' bar byed pa'i byang chub sems dpa' ni tshul bzhin ma yin pa yid la byed pa bskyed pa des na tshugs par 'gyur ro/ / smras pa/ tshe dang ldan pa shA ra dwa ti'i bu/ de ci'i phyir na/ de dag la tshul bzhin ma yin pa yid la byed pa zhes bya/ smras pa/ 'di dag byang chub sems dpa' sems dpa' chen po'i thams cad mkhyen pa nyid la bgegs byed pa yin te/ 'di dag skyed par byed pa ma yin la/ 'di dag ni thams cad mkhyen pa ring bar byed pa yin te/ de bas na 'di dag ni byang chub sems dpa'i tshul bzhin ma yin pa yid la byed pa zhes bya'o// tshe dang ldan pa gang po dper na rnal 'byor pa rnal 'byor spyod pa yang dag pa'i mtha' mngon sum du bya/ bar 'dod cing / yang dag pa la nges par 'jug par 'dod pa'i 'dod mgra dang / zhe sdang dang / gti mug kun tu 'byung ba ni dgra bcom pa nyid ring bar byed pa yin te/ de dag de'i tshul bzhin ma yin pa yid la byed pa zhes bya'o/ / tshe dang ldan pa gang po de bzhin du byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa'i thams cad mkhyen pa nyid la yang nyan thos dang ldan pa 'am/ rang sangs rgyas dang ldan pa'i yid la byed pa rnams bgegs byed pa yin te/ yid la byed pa de dag bskyed na/ 'di ltar byang chub sems dpa' sems dpa' chen
- 167b
po nyan thos rnams kyis zil gyis non pa yin no/ / smras pa/ tshe dang ldan pa shA dwa ti'i bu deb+ha na byang chub sems dpa p+nanyan thos rnams kyis zil gyis rlon pa yin te/ gang nyan thos dang ldan pa 'am/ rang sangs rgyas dang ldan pa'i yid la byed pa bskyed pa de ni/ byang chub sems dpa' zhes mi bya'o// de ci'i phyir zhe na/ yid la byed pa de dag gis byang chub sems dpa' zhes bya ba'i grangs su mi chud pa'i phyir ro/ / tshe dang ldan pa shA ra dwa ti'i bu dper na rgyun du zhugs pa nyon mongs pa kun tu spyod na/ sbyin gnas su mi 'gyur te/ gal te gang gis de'i nyon mongs pa rnams spong ba'i shes pa thob na/ des de'i rgyun du zhugs pa zhes bya bar rab tu phye ba yin gyi/ nyon mongs pa rnams kyis rab tu phye ba ni ma yin te/ de ltar na shes pa yongs su shes pa dang / spong ba la 'dris pas/ de rgyun du zhugs pa zhes bya'o// tshe dang ldan pa shA ra dwa ti'i bu de bzhin du byang chub sems dpa' nyan thos dang ldan pa 'am/ rang sangs rgyas dang ldan pa'i sems kun tu spyod cing skye bas// byang chub sems dpa' zhes rab tu phye ba ma yin gyi/ thams cad mkhyen pa nyid las brtsams pa'i sems dang sems las byung ba'i gang dag yin pa de dag skye bas/ 'di lta ste/ de byang chub sems dpa' zhes bya bar rab tu phye ba yin te/ byang chub sems dpa' byang chub kyi sems la gnas na tshugs par mi nus so// tshe dang ldan pa dper na 'phong gi slob dpon ni gnas na 'dug kyang rung
- 168a
'gro yang rung / dgra rnams kyis tshugs par dka' ba yin te/ gzhan gyi mda' yang gcod cing bdag kyang bsrung ngo // tshe dang ldan pa shA ra dwa ti'i bu de bzhin du byang chub sem dpa'i byang chub kyi sems la gnas pa yang tshugs par dka' 'o/ / nyan thos kyi spyod pa 'am/ rang sangs rgyas kyi spyod pa thos na yang / 'di ltar bdag kyang myur ba nyid du bla na med pa yang dag par rdzogs pa'i byang chub mngon par rdzogs par sangs rgyas nas/ 'di lta ste/ dper na de bzhin gshegs pa dgra bcom pa yang dag par rdzogs pa'i sangs rgyas shAkya thub pa de ltar nyan thos rnams la chos ston pa de bzhin du/ bdag kyang nyan thos rnams la chos ston par gyur cig ces yongs su sngo bar byed do// tshe dang ldan pa de ltar na thabs la mkhas pa'i byang chub sems dpa' byang chub kyi sems la gnas pa ni tshugs par mi nus te/ nyan thos kyi gtam man/ rang sangs rgyas kyi gtam thos na yang / chos kyi gtam 'di ni de bzhin gshegs pa las byung ngo zhes/ de bzhin gshegs pa dran par byed de/ nyan thos rnams la chags pa mi skyed do// tshe dang ldan pa shA ra dwa ti'i bu de ltar na byang chub sems dpa' byang chub kyi sems la gnas pa ni thub par dka' ba yin no// tshe dang ldan pa dper na rnal 'byor pa rnal 'byor spyod pa dmigs pa thob cing ting nge 'dzin legs par bsgoms pa'i phyir/ rnam par rtog pa rnams kyis mi tshugs so// de ci'i phyir zhe na/ 'di ltar dmigs pa de la rab tu goms pa'i phyir ro//
- 168b
de bzhin du byang chub sems dpa' byang chub kyi sems la gnas pa yang thub par dka' 'o// de ci'i phyir zhe na/ 'di ltar thams cad mkhyen pa nyid kyi sems dang mi 'bral ba'i phyir ro// smras pa/ dang ldan pa gang po gal te byang chub sems dpa' thub par dka' bar rig par bya na/ theg pa la gsar du zhugs pa gang dag yin pa rnams dang / phyir mi ldog pa gang dag yin pa rnams dang / byang chub kyi snying po la 'dug pa gang dag yin pa thams cad dam/ smras pa/ tshe dang ldan pa shA ra dwa ti'i bu byang chub sems dpa' de dag kyang thub par dka' ba yin no// de ci'i phyir zhe na/ byang chub sems dpa' de dag dam bcas pa las bskyod mi nus te/ de ltar na byang chub sems dpa' dam bcas pa la gnas pa dang / byang chub kyi sems la gnas pa de dag ni thams cad kyang thub par dka' ba yin no/ / tshe dang ldan pa shA ra dwa ti'i bu dper na byang chub sems dpa' da ltar mngon par rdzogs par sangs rgyas pa gang yin pa dang / de bzhin gshegs pa lo bye ba brgya phrag mang po nas mngon par rdzogs par sangs rgyas te/ bzhugs shing gzhes pa gang yin pa de gnyis ka yang thams cad mkhyen pa nyid do// tshe dang ldan pa shA ra dwa ti'i bu de bzhin du theg pa la gsar du zhugs pa'i byang chub sems dpa' gang yin pa dang / phyir mi ldog pa'i byang chub sems dpa' gang yin pa dang / byang chub kyi snying po la 'dug pa'i byang chub sems dpa' tha ma'i sems thob pa gang yin pa de dag thams cad ni 'di lta ste/
- 169a
thams cad mkhyen pa nyid medi la byed pa rnams kyis mnyam so// smras pa/ tshe dang ldan pa gang po 'di dag ji ltar khyad par med/ smras pa/ tshe dang ldan pa shA ra dwa ti'i bu/ byang chub kyi sems la ni khyad par med de/ 'on kyang mgyogs dul gyis ni khyad par yod do// sems de gnyis ka ni mnyam ste/ gang zhe na/ byang chub tu mngon par sgrub pa gang dag yin pa rnams so/ / tshe dang ldan pa shA ra dwa ti'i bu byang chub sems dpa'i sems la gnas pa ni mi ldog go/ dgra bcom pa gang dgra bcom pa nyid las ldog la/ zag pa med pa'i sems las kyang ldog na/ de dgra bcom pa nyid du rig par bya 'am/ smras pa/ tshe dang ldan pa gang po de ni ma yin te/ de ni lhag pa'i nga rgyal can yin par rig par bya'o// smras pa/ tshe dang ldan pa shA ra dwa ti'i bu de bzhin du byang chub sems dpa' byang chub sems dpa'i sems las phyir mi ldog pa gang yin pa de ni byang chub tu khas 'che bar zad de/ de na byang chub sems dpa' ma yin gyi/ de ni byang chub sems dpa' sun 'byin pa yin te/ de ni byang chub sems dpa' zhe bya bar rig par bya ba ma yin no// smras pa/ tshe dang ldan pa gang po de de bzhin no// de de bzhin te/ tshe dang ldan pa gang po dper na mi zhig po mtshan dang ldan par gyur te dbang po ma tshang ba ma yin pa las/ phyis de'i pho mtshan med par gyur la/ mo mtshan gyi bya ba byed mi nus na/ de ni ma ning zhes bya ba'i grangs su 'gro'o// tshe dang ldan pa gang
- 169b
po de bzhin du byang chub sems dpa'i sems rmugs pa ni byang chub sems dpa' zhes bya ba'i grangs su mi 'abla na/ / sbyin pa'i pha rol tu phyin pa las byang chub sems dpa' yongs su sbyang bar bya ba 'i le'u ste brgyad pa'o/ / / de nas tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so// tshe dang ldan pa shA ra dwa ti'i bu 'di la byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ yid la byed pa ji lta bu bskyed par bya/ smras pa/ thams cad mkhyen pa nyid dang ldan pa'i yid la byed pa bskyed par bya'o/ / de ltar na byang chub sems dpa' byang chub sems dpa'i chos rnams la gnas pa yin no// de ltar gnas pa'i byang chub sems dpa' ni sbyin pa gang dang gang sbyin pa de thams cad thams cad mkhyen pa nyid du yongs su sngo bar byed do/ / thams cad mkhyen pa nyid du yongs su sngon/ sbyin pa'i pha rol tu phyin pa yongs su 'dzin no// gal te de ltar yongs su sngo bar mi byed na/ de'i ni sbyin pa yin gyi/ sbyin pa'i pha rol tu phyin pa ma yin no// tshe dang ldan pa gang po gzhan yang byang chub sems dpa' gang sbyin pa sbyin pa na rnam par rtog ste/ bdag gis cung zad ni yongs su ba la/ cung zad ni yongs su mi gtong ngo zhes rnam par rtog par byed cing / 'di ni bdag gis sbyin par bya/ 'di ni sbyin par mi bya'o// 'dol ni sbyin/ 'di la ni mi sbyin no zhes rnam par rtog par byed de/
- 170a
/ ngan pa 'i sbyin par bya/ bzang pa na sbyin par tsik+Sha/ rdul khrims can la ni sbyin par bya/ rdum khrims mam pa lani sbyin par mi tha zhes rnam par rtog par byed na/ par rtog pa 'di dag ni byang chub sems dpa'i thams cad mkhyen pa nyid la bar chad byed pa yin no// de ltar rnam par rtog pa ni sun ring mo zhig gis thams cad mkhyen pa nyid thob par 'gyur ro// bdag yun ring mo zhig gis thams cad mkhyen pa nyid thob par mi 'gyur grang zhes rnam par rtog par mi bya'o// thams cad la mnyam par gtong zhing sems mnyam pa ni myur du thams cad mkhyen pa nyid thob par 'gyur ro/ / tshe dang ldan pa gang po byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ de ltar sbyin pa'i pha rol tu phyin pa la gnas par bya'o/ / sbyin pa zil gyis mnan te/ sbyin pa'i pha rol tu phyin pa yongs su rdzogs par byed pa ni/ gal te byang chub sems dpa' snga dro'i dus kyi tshe/ sems can gang+gA'i klu gi bye ma snyed la zan byin la/ zan zos pa'i 'og tu sems can de dag la/ gser gyi dong tse dang / ras bcos bu zung dang / gser thams cad kyi ras byin la/ de bzhin du nyi ma krung dang / phyi ma red dang / de bzhin du mtshan mo nam gyi cha stod dang / de bzhin du nam gyi gung dang / de bzhin du nam gyi cha smad kyi thun la/ sems can gang+gA'i klung gi bye ma snyed la zan byin la/ de bzhin du sbyin
- 170b
pa yang byin te/ bskal pa gang+gA'i klung gi bye ma snyed du gnas shing / de bzhin du yongs su gtong yang / ji ltar thams cad mkhyen pa nyid du yongs su bsngo bar bya ba mi shes na/ de'i ni sbyin pa yin gyi/ sbyin pa'i pha rol tu phyin pa ma yin no// ji ste yongs su bsngo ba shes na/ byang chub sems dpa' sbyin pa'i pha rol tu phyin pa yongs su 'dzin pa yin no// de ni byang chub sems dpa'i thad na mang du yongs su gtong ba ma yin no/ / de ci'i phyir zhe na/ 'di ltar de tshad med pa'i chos thob par 'dod cing / byang chub sems dpa'i chos kyang thob par 'dod na/ tshad dang ldan pa'i yongs su gtong pabs thams cad mkhyen pa nyid thob par mi nus pa'i phyir ro/ / gal te sbyin pa de tshad nges par gyur na/ sbyin pa'i pha rol tu phyin pa ma yin gyi/ gang gi phyir sbyin pa de tshad nges pa ma yin pa de'i phyir/ sbyin pa'i pha rol tu phyin par 'gyur ro// tshe dang ldan pa gang po de ltar byang chub sems dpa' sems dpa' chen pos tshad nges pa ma yin pa'i sbyin pa sbyin par bya'o// de nas phyis kyang yongs su gtang bar bya'o zhes de ltar yongs su gtang bar bya ste/ byang chub sems dpa' de ni thabs des na/ ser sna tshar gcod cing / thams cad mkhyen pa nyid yongs su 'dzin no// de yang 'di ltar bdag gis sbyin pa dpag tu med pa sbyin par bya ste/ gang gi tshe bla na med pa yang dag par rdzogs pa'i byang chub mngon par rdzogs par sangs rgyas par gyur kyi bar du sbyin par bya'o// bla na med pa yang dag par rdzogs pa'i byang chub
- 171a
mngon par rdzogs par sangs rgyas nas kyang / zang zing med pa'i chos kyi sbyin pas sems can rnams la phan gdags par bya'o// de ltar na ji srid du byang chub tu spyod pa'i bar du zang zing gis phan gdags par bya'o/ / bla na med pa yang dag par rdzogs pa'i byang chub mngon par rdzogs par sangs rgyas pa na ni/ zang zing med pa'i chos kyi sbyin pas sems can rnams la phan gdagra par bya'o snyam du sems bskyed do/ / tshe dang ldan pa gang po dper na mi zhig rgyal po la bsten te/ de rgyal po la bsten cing 'khor la/ bsnyen bkur byas pas/ rgyal po des de la zan sbyin zhing / des zang zing gi sbyin pas phan 'dogs te/ des bsten cing bskor te/ bsnyen bkur byas pas/ rgyal po mnyes shing dgyes par gyur nas/ rin po che brgya stong du ma bskon pa de bzhin du/ tshe dang ldan pa gang po byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas kyang / byang chub tu spyod pa na/ sems can dpag tu med pa la zang zing gi sbyin pas phan 'dogs shing / bla na med pa yang dag par rdzogs pa'i byang chub mngon par rdzogs par sangs rgyas nas kyang / zang zing med pa'i chos kyi sbyin pas sems can rnams la 'doms shing rjes su ston te/ sems can dpag tu med pa dag 'khor ba'i sdug bsngal rnams las grol bar byed do// tshe dang ldan pa gang po dper na rgyal po'i bu zhig yod la/ mi mang po gang dag
- 171b
gis rgyal po'i bu de la bsnyen cing bskor te/ bsnyen bkur byed na/ rgyal po'i bu des bsten pa'i mi de dag thams cad la kha zas g.yos pas phan 'dogs par byed do// ji tsam na rgyal po'i bu de rgyal srid la gnas pa'i dus la bab ste/ rgyal srid kyi dbang bskur zhing / rgyal srid kyi dbang bskur ba thob pa'i tshe/ de'i mi zhabs 'bring rnying du gyur pa gang yin pa de dag la 'di dag ni bdag gzhon nu'i sa pa gnas pa na/ bdag gis sbyangs shing / bdag gir byas pa yin/ bdag kyang 'di dag gis spangs shing / bdag gir byas pa yin gyis/ bdag gis mi 'di dag longs spyod la ci rigs par dgod do/ snyam ste/ des bdag gis 'khor rnams kha cig ni grong khyer dag tu sna bor bcug/ kha cig ni las kyi sna dag tu/ kha cig ni tshong dus dag tu/ kha cig ni 'or gyi grong dag tu bskos/ kha cig la ni grong dam pa longs spyod du byin no/ / tshe dang ldan pa gang po de bzhin du byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas kyang / byang chub kyi phyir spyod pa na/ sems can dpag tu med pa dag la phan 'dogs te/ zang zing gi sbyin pa gos dang / zas dang / mal cha dang / stan dang / nad gsos dang / sman zong dag gis phan 'dogs te/ ji ltar rgyal po gzhon nu des/ 'khor de dag kha zas g.yos pa/ bza' ba dang bca' ba ci 'byor pa dag gis phan 'dogs pa de bzhin du/ tshe dang ldan pa gang po byang chub sems
- 172a
dpa' byang chub sems dpa'i smad pa spyod pas kyang / sems can rnams la zang zing gi sbyin pas phan 'dogs shing / gang gi tshe de bla na med pa yang dag par rdzogs pa'i byang chub mngon par rdzogs par sangs rgyas par gyur te/ bdud rtsi'i dbang bskur ba thob pa na/ blo ji lta ba dang / shes rab ji lta ba bzhin du zang zing med pa'i chos kyi sbyin pas 'doms shing rjes su ston to// brang bring med pa'i chos kyis 'doms shing rjes su ston pa na kha cig ni dgra bcom pa nyid la 'god/ kha cig ni phyir mi ldog pa'i 'bras bu la/ kha cig ni lan cig phyir 'ong ba'i 'bras bu la// kha cig ni rgyun du zhugs pa'i 'bras bu la/ kha cig ni bzod pa'i sa la 'god/ kha cig ni mthong ba'i sa la/ kha cig ni dge ba bcu'i las kyi lam la 'god par byed do// tshe dang ldan pa gang po ji ltar rgyal po'i bu de gang gi tshe rgyal srid kyi dbang bskur ba thob par gyur pa de'i tshe/ bsten pa'i mi de dag ci rigs par longs spyod la dgod pa de bzhin du/ byang chub sems dpa' sems dpa' chen po yang bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams ji ltar mos pa bzhin du 'god par byed de/ de ltar byang chub sems dpa' sems dpa' chen po byang chub kyi spyad pa spyod pa na/ sems can rnams kyi nye bar 'tsho ba yin zhing / bla na med pa yang dag par rdzogs pa'i byang chub mngon par rdzogs par
- 172b
sangs rgyas nas kyang / sems can rnams mos pa ji lta ba bzhin du 'god par byed do// de ltar na byang chub sems dpa' sems dpa' chen po byang chub sems dpa'i spyad pa spyod pa/ sems can rnams kyi nye bar 'tshe ba yin zhing / bla na med pa yang dag par rdzogs pa'i byang chub mngon par rdzogs par sangs rgyas nas kyang / sems can rnams kyi nye bar 'tsho bar 'gyur la/ yongs su mya ngan las 'das nas kyang / sems can rnams kyi nye bar 'tshe bar 'gyur ro// tshe dang ldan pa gang po dper na mi zhig rgyal po la bsten te bsnyen bkur byed na/ de'i tshe rgyal po des zas dang gos kyi bgo skal byin nas/ gang gi tshe mi des rgyal po de la shas cher bsten pa de'i tshe/ rgyal po de mnyes shing dgyes par 'gyur te/ de thugs rangs par gyur nas/ gos dang rgyan brgya stong du ma bskon te/ longs spyod kyis rgyas par byed do// tshe dang ldan pa gang po de bzhin du byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas kyang / byang chub kyi phyir spyod pa na/ sems can dpag tu med pa rnams la sbyin pas phan 'dogs par byed cing / de bla na med pa yang dag par rdzogs pa'i byang chub mngon par rdzogs par sangs rgyas nas kyang / zang zing med pa'i chos kyi sbyin pas sems can rnams la 'doms shing rjes su ston te/ 'khor ba las sgrol bar byed do// de skad ces smras pa dang / tshe dang
- 173a
ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so// tshe dang ldan pa shA ra dwa ti'i bus ji ltar bshad pa de de bzhin te/ tshe dang ldan pa dper na mi/ gang dag gser gyi 'byung khung de'i nyen kor na gnas pa'i sems can rnams ni gser gyi 'byung khung des nams kyang nye bar mi 'tsho bar mi 'gyur te/ gang gi tshe gsar du brkos shing phyung nas ring po ma lon pa de'i tshe yang sems can rnams kyi nye bar 'tsho bar 'gyur ro/ / gang gi tshe shin tu dri ma med par byas shing / shin tu sbyangs nas snying por byas te/ phyung ba de'i tshe yang sems can rnams kyi nye bar 'tsho ba yin no/ / gang gi tshe byang khung de nas bton nas banas te/ de nas sum rma'am/ bzhi rla gser du gyur pa de'i tshe yang sems can rnams kyi nye bar 'tsho ba yin no// tshe dang ldan pa// shA ra dwa ti'i bu de bzhin du byang chub sems dpa' sems dpa' chen po yang nams kyang sems can rnams kyi nye bar 'tshe ba ma yin par mi 'gyur te/ byang chub kyi phyir spyod pa na yang nye bar 'tsho ba yin/ byang chub kyi snying po la 'dug par 'dod na yang / sems can rnams kyi nye bar 'tshe ba yin/ byang chub sems dpa' bla na med pa yang dag par rdzogs pa'i byang chub mngon par rdzogs par sangs rgyas pa na yang / sems can rnams kyi nye bar 'tsho ba yin/ yongs su mya ngan las 'das pa na yang / sems can rnams kyi nye bar 'tsho ba yin te/ rgyu 'di dag ni nyan thos
- 173b
dang rang sangs rgyas thams cad pa med do/ / rgyu des na byang chub sems dpa' sems dpa' chen po ni mchog ces bya/ gtso bo dang / phul dang / rab dang / rab mchog dang / gya nom pa dang / bla na med pa dang / gong na med pa zhes bya'o// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis byang chub sems dpa' sems dpa' chen po go cha chen po bgos pa dang / theg pa chen po la zhugs pa dang / lhag pa'i bsam pa rdzogs pa dang / bdog pa thams cad yongs su gtong ba rnams kyi sbyin pa'i pha rol tu phyin pa 'di gnas brtan shA ra dwa ti'i bus ji skad bshad pa bzhin du zung zhig/ chongs shig/ kun chub par gyis shig/ bcom ldan 'das kyis de skad ces bka' stsal nas/ tshe dang ldan pa shwa ra ti'i bu dang / tshe dang ldan pa byams ma'i bu gang po dang / tshe dang ldan pa kun dga' bo dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// sbyin pa'i pha rol tu phyin pa'i le'u ste dgu pa'o// // sbyin pa'i pha rol tu phyin pa rdzogs so/ / // bam po gsum pa// // 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal
- 174a
byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems can thams cad la dbang dam pa'i pha rol tu phyin pa sha stag dang / phyogs bcu'i sangs rgyas kyi zhing nas 'dus pa'i byang chub sems dpa' sems dpa' chen po rnams dang thabs cig tu bzhugs te/ gzhan yang gzi brjid che ba gzi brjid che ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa rnams kyis yongs su bskor cing mdun gyis bltas nas/ bcom ldan 'das 'di lta ste/ pha rol tu phyin pa drug po 'di dag nyid pas brtsams nas 'khor bzhi pa dag la chos ston no// de nas bcom ldan 'das kyis/ tshe dang ldan pa shA ra dwa ti'i bu la bka' stsal pa/ shA ra dwa ti'i bu byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa
- 174b
rnams kyis tshul khrims kyi pha rol tu phyin pa las brtsams te/ khyod spobs par gyis shig/ de nas tshe dang ldan pa shA ra dwa ti'i bus/ bcom ldan 'das las skabs phye ba thob nas/ sangs rgyas kyi mthus byang chub sems dpa' sems dpa' chen po rnams kyi tshul khrims kyi pha rol tu phyin pa la 'doms shing rjes su ston no/ / de nas tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so/ / tshe dang ldan pa shA ra dwa ti'i bu ji ltar byang chub sems dpa' tshul khrims dang ldan par rig par bya/ ji ltar byang chub sems dpa' tshul khrims 'chal par rig par bya/ byang chub sems dpa' rnams kyi spyod yul ni gang yin/ spyod yul ma yin pa ni gang yin/ de skad ces smras pa dang / tshe dang ldan pa shA ra dwa ti'i bus// tshe dang ldan pa byams ma'i bu gang po la 'di skad ces smras so// tshe dang ldan pa gang po 'di la gal te byang chub sems dpa' nyan thos dang / rang sangs rgyas dang ldan pa'i yid la byed pa rnams kyi gnas na/ 'di ni byang chub sems dpa'i spyod yul ma yin pa'o// de ltar spyod pa'i byang chub sems dpa' ni tshul khrims 'chal pa yin par rig par bya ste/ 'di ni byang chub sem/ dpa'i spyod yul ma yin pa la spyod pa'o// 'di ni byang nub sem dnga' tshul khrims kyi pha rol tu phyin pa yongs su mi 'dzin pa'o// tshul khrims kyi pha rol tu phyin pa yongs su mi 'dzin na/ byang chub sems
- 175a
dpa'i dam bcas pa spong ngo / / byang chub sems dpa'i dam bcas pa spong na/ tshul khrims 'chal pa yin par rig par bya'o// tshe dang ldan pa gang po gzhan yang gal byang chub sems dpa' sbyin pa sbyin pa ni/ nyan thos kyi sa dang / rang sangs rgyas kyi sar yongs su sngo na/ spyod yul ma yin pa la spyod do// spyod yul ma yin pa la spyod na/ de tsam gyis na tshul khrims 'chal par rig par bya'o/ / gal te byang chub sems dpa' khyim na gnas shing / 'dod pa'i yon tan lnga la longs spyod pa tsam gyis ni/ de tshul khrims 'chal par rig par bya// ba ma yin gyi/ gang sbyin pa sbyin zhing / nyan thos kyi sa dang / rang sangs rgyas kyi sar yongs su bsngo na/ de tsam gyis na tshul khrims 'chal pa yin par rig par bya'o// tshe dang ldan pa gang po dpa na rgyal po'i bu rgyal pos gdoms pa'i tshim bzhin du byed pa zhig yod la/ rgyal rigs rnams kyi rgyal po'i bus bslab par bya ba bzo'i gnas 'di ltar glang po che'i gnya' bar bzhon pa 'am/ bzhon pa 'am/ shing rta bzhon pa 'am/ ral gri'i thabs sam/ 'phong ngam/ mda' bo che 'phang ba'i thabs sam/ brgyug pa 'am/ 'gom pa 'am/ mchod pa 'am/ stobs 'gyed pa 'am/ dgra thabs sam/ de la sogs pa'i bzo de dag la slob na/ rgyal po la dben pa yin te/ rgyal po yang sla dbab par mi sems so// tshe dang ldan pa gang po de bzhin du byang chub sems dpa' khyim na gnas te/
- 175b
'dod pa'i yon tan lnga rnams kyis rtse zhing dga' la dga' dgur spyod du zin kyang / byang chub sems dpa' de ni thams cad mkhyen pa nyid la phan 'dogs pa nyid du gyur pa yin no// gal te yang spyan pa sbyin pa ni/ nyan thos sam/ rang sangs rgyas kyi sar yongs su bsngo na/ de tsam gyis na spyod yul ma yin pa la spyod pa yin te/ bdag nyid thams cad mkhyen pa nyid kyi zhing du mi rung bar byed do/ / ji lta ji ltar bdag nyid zhing du mi rung bar byed pa de lta de ltar tshul khrims kyi pha rol tu phyin pa yongs su mi 'dzin no// ji lta ji ltar tshul khrims kyi pha rol tu phyin pa yongs su mi 'dzin pa de lta de ltar thams cad mkhyen pa nyid du mi byed de/ de ni byang chub sems dpa'i spyod yul ma yin pa la spyod pa yin no// de'i spyod yul ma yin pa gang yin pa de nyid ni/ de'i tshul khrims 'chal pa yin no/ / tshe dang ldan pa gang po gzhan yang byang chub sems dpa' gal te khyim dang khyim gyi gnas nas byung bar gyur te/ de yang tshul khrims gang dang gang yang dag par bzung nas/ gnas pa de yang thams cad mkhyen pa nyid du yongs su mi bsngon/ byang chub sems dpa' de ni byang chub sems dpa'i tshul khrims dang ldan pa ma yin no// gang byang chub sems dpa'i tshul khrims dang mi ldan pa de ni byang chub sems dpa' zhes mi bya'o/ / gal te byang chub sems dpa' khyim na gnas shing / gsum la skyabs su song bar gyur la/ de yang thams cad mkhyen pa
- 176a
nyid du yongs su bsngon/ de 'dod pa lnga'i yon tan rnams la longs spyod du zin kyang / de tsam gyis na de byang chub sems dpa'i tshul khrims la gnas/ tshul khrims dang ldan pa zhes bya'o/ / byang chub sems dpa' gang byang chub sems dpa'i tshul khrims la gnas pa de ni/ tshul khrims kyi pha rol tu phyin pa dang ma bral ba yin no// gang tshul khrims kyi pha rol tu phyin pa dang bral pa de ni/ thams cad mkhyen pa nyid dang ma bral ba zhes bya'o// gzhan yang byang chub sems dpa'i 'dod pa dang ldan pa'i tshul bzhin ma yin pa'i yid la byed pa rnams 'byung du zin kyang / de dag thams cad mkhyen pa yid la byed pa'i sems gcig gis zil gyis non par 'gyur ro// tshe dang ldan pa gang po gzhan yang nor bu rin po che btsun ni mtshang bu'i nor bu 'brim dag dang lhan cig tu bsres te bzhag na/ nor bu rin po che bai DUn+da'i rin thang med pa dang / kha dog bzang po dang / 'od kyis mching bu'i nor bu de dag thams cad zil gyis gnon na// dang ldan pa gang po de bzhin du byang chub sems dpa'i tshul bzhin ma yin pa yid la byed pa de dag thams cad kyang / thams cad mkhyen pa dang ldan pa'i dge ba'i rtsa ba dang ldan pa'i sems gcig bskyed pas zil gyis non par rig par bya ste/ ji ltar mching bu'i nor bu de dag nor bu rin po che bai DUR+Ya gcig gis zil gyis gnon cing lam mer ma gyur pa bzhin no// tshe dang ldan pa
- 176b
/ gang po gzhan sang gal te byang chub sems dpas mtshan rnams 'dod cing sbyin pa sbyin na/ spyod mul ma yin pa la spyod pa'o// gang de'i spyod yul ma yin pa thams cad ni 'chal pa'i rnam khrims min par rig par bya'o/ / tshe dang ldan pa gang po byang chub sems dpas mtshan rnams 'dod pas sbyin pa sbyin par mi bya'i/ thams cad mkhyen pa nyid 'dod pas sbyin pa sbyin par bya'o// de ci'i phyir zhe na/ gang ba thams cad mkhyen pa nyid yod pa de la ni mtshan rnams yod do// de la ni mi 'jigs pa rnams yod do// de la ni sangs rgyas kyi chos ma 'dres pa bco brgyad rnams yod pa nas/ sangs rgyas kyi chos thams cad kyi bar du yod de/ de ltar na de'i sbyin pa ni mchog tu bzung ba ma yin no// gang gi tshe mchog tu ma bzung ba de'i tshe/ tshul khrims kyi pha rol tu phyin pa yongs su 'dzin no/ / smras pa/ tshe dang ldan pa shA ra dwa ti'i bu byang chub sems dpa' gang thams cad mkhyen pa nyid 'dod pas sbyin pa sbyin par byed na/ thams cad mkhyen pa nyid la mchog tu 'dzin pa ma yin nam/ gang dang gang la mchog tu 'dzin pa de nyid de'i tshul khrims dang brtul zhugs mchog tu 'dzin pa yin no// smras pa/ tshe dang ldan pa gang po thams cad mkhyen pa nyid 'di ni yul na gnas pa 'am/ phyogs na gnas pa ma yin no// thams cad mkhyen pa nyid 'di ni gzugs sam/ tshor ba bam/ 'du shes sam/ 'du byed rnams sam/ rnam par shes pa yang ma
- 177a
yin no/ / 'dus byas kyang ma yin no// 'dus ma byas pa'ang ma yin/ tshad yod pa'ang ma yin te/ de ni mchog tu bzung bar mi nus so// chos gang yang dmigs su med de/ gang dmigs su med pa de ni yod pa dang ma yin/ med pa yang ma yin te/ gang yod pa yang ma yin/ med pa yang ma yin pa ni mchog tu bzung bar mi nus so// tshe dang ldan pa gang po de lta bas na byang chub sems dpa' sems dpa' chen po sbyin pa sbyin nam/ tshul khrims bsrung zhing thams cad mkhyen pa nyid du yongs su bsngo na/ tshul khrims dang / brtul zhugs mchog tu 'dzin pa ma yin no/ / gal te yang tshul khrims de nyan thos kyi sa 'am/ rang sangs rgyas kyi sar yongs su bsngo na/ tshul khrims mchog tu 'dzin pa ma yin te/ byang chub sems dpa' byang chub sems dpa'i tshul khrims las nyams pa yin no/ / smras pa/ tshe dang ldan pa shA ra dwa ti'i bu byang chub sems dpa' de ltar nyam pa phyir bslang bar nus sam/ smras pa/ gal te yang dag pa'i mtha' mngon sum du ma byas la/ gal te bden pa rnams ma mthong na/ phyir yang bslang bar nus so// yang smras pa/ 'di la tshe dang ldan pa byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ yang dag pa'i mtha' mngon sum du mi bya'o// smras pa/ ci'i phyir/ klas
- 177b
pa/ nyan thos kyi sa 'am/ rang sangs rgyas kyi sar ltung bar 'gyur du 'ong ba'i phyir te/ nyan thos dang rang sangs rgyas kyi sa la gnas pa ni thams cad mkhyen pa nyid du sems bskyed pa'i skal ba med pa'i phyir ro/ / gal te de chos nub par gyur pa'i tshe/ byung na ni thams cad mkhyen pa nyid ma thob par rang byang chub mngon sum du byed par 'gyur ro// tshe dang ldan pa gang po rgyu 'dis/ kyang byang chub sems dpa' byang chub kyi snying po la 'dug par ma gyur gyi bar du yang dag pa'i mtha' mngon sum du byar ma gnang ngo // tshe dang ldan pa gang po gzhan yang gal te byang chub sems dpa' tshul khrims kyi pha rol tu phyin pa la spyod pa na/ tshul khrims de sems can thams cad la phan gdags pa'i phyir mngon par mi sgrub na/ byang chub sems dpa' tshul khrims kyi pha rol tu phyin pa yongs su 'dzin pa ma yin no/ / tshe dang ldan pa gang po gzhan yang gal te byang chub sems dpa' sems dpa' chen po tshad yod pa rnams kyi ched du sbyin pa sbyin nam/ tshul khrims bsrung na/ tshul khrims kyi pha rol tu phyin pa yongs su 'dzin pa ma yin no// de ci'i phyir zhe na/ tshul khrims kyi pha rol tu phyin pa ni tshad yod pa ma yin pa'i phyir ro// smras pa/ byang chub sems dpa'i byang chub sems dpa'i tshul khrims gang yin/ smras pa/ sbyin pa gang dang gang sbyin pa dang / tshul khrims bsrung ba de thams cad thams cad mkhyen pa nyid du yongs su sngo bar byed na/
- 178a
'di ni byang chub sems dpa'i byang chub sems dpa'i tshul khrims so// gal te yang byang chub sems dpa' bskal pa gang+gA'i klung bye ma snyed du tshul khrims bsgom pa'i phyir spyod la/ thams cad mkhyen pa nyid du yongs su mi gyon/ tshul khrims kyi pha rol tu phyin pa yongs su 'dzin pa ma yin no// gal te nyan thos nyid dam/ rang sangs rgyas nyid du yang yongs su mi sngon/ de ltar na yang tshul khrims kyi pha rol tu phyin pa yongs su 'dzin pa ma yin te/ des tshul khrims 'chal par yang mi brtsi'o// gal te nyan thos kyi sa 'am/ rang sangs rgyas kyi sar yongs su bsngon/ de tsam gyis na de tshul khrims 'chal pa zhes bya ba'o// de ci'i phyir zhe na/ 'di lta ste/ byang chub sems dpa'i spyod yul ma yin pa'i phyir ro// smras pa/ dang ldan pa shA ra dwa ti'i bu byang chub sems dpa'i spyod yul gang yin/ smras pa/ 'di lta ste/ pha rol tu phyin pa drug dang / thams cad mkhyen pa nyid dang ldan pa'i yid la byed pa rnams te/ 'di ni byang chub sems dpa' sems dpa' chen po'i spyod yul lo/ / gal te byang chub sems dpa' bskal pa gang+gA'i klung gi bye ma snyed du khyim na gnas te/ 'dod pa'i yon tan lnga rnams la bsten cing longs spyod la/ nyan thos kyi sa 'am/ rang sangs rgyas kyi sar yang sems mi skyed na/ de tsam gyis ni byang chub sems dpa' tshul khrims 'chal pa zhes mi brjod do// de ci'i phyir zhe na/
- 178b
de ltar 'dis 'di lta ste/ thams cad mkhyen pa nyid kyi lhag pa'i bsam pa ma dkrugs pa'i phyir ro// tshe dang ldan pa gang po dper na mi la la zhig nyes pa med par btson rar bcug ste/ de btson ra der lo mang po/ lo brgya phrag mang po/ lo 'bum phrag mang por btson rar bcug pa/ de'i lhag pa'i bsam pa yang 'khrugs par ma gyur/ des rkun po'i sems kyang ma bskyed du zin kyang / de btson rar bcug na/ de tsam gyis ni de rkun po zhes brjod pa ma yin no// tshe dang ldan pa de bzhin du byang chub sems dpa' de yang khyim na gnas shing 'dod pa'i yon tan lnga rnams la longs spyod pa des/ tshul khrims 'chal pa zhes bya bar mi brjod do// gal te bskal pa gang+gA'i klung gi bye ma snyed du tshangs par spyad pa spyod la/ de yang nyan thos kyi sa 'am/ rang sangs rgyas kyi sar yongs su bsngo zhing / thams cad mkhyen pa nyid kyi lhag pa'i bsam pa yang 'khrugs na/ de tsam gyis na de tshul khrims dang ldan pa zhes mi bya'o// gang gi tshul khrims kyi pha rol tu phyin pa nyan thos kyi tshul khrims la gnas na/ de byang chub sems dpa' zhes mi brjod do// de ci'i phyir zhe na/ 'di ltar de ni tshul khrims kyi pha rol tu phyin pa dang 'gal ba'i phyir ro// tshul khrims kyi pha rol tu phyin pa las le'u dang po'o// / tshe dang ldan pa gang po gzhan yang byang chub sems dpa' 'di ltar bskal pa mtha' yas par mtshams sbyar cing 'khor/
- 179a
bar byas la/ thams cad mkhyen pa nyid kyi sems bskyed de/ thams cad mkhyen pa nyid thob par bya'o gam du sems bskyed bar bya'o// de nas tshe dang ldan pa byams man bu gang pos/ tshe dang ldan pa shA ra dwa ti'i bu la 'di skad ces smras so// tshe dang ldan pa shA ra dwa ti'i bu gal te 'di ltar bskal pa 'di snyed kyis thams cad mkhyen pa nyid thob par bya'o zhes tshad nges par byed par gyur na/ 'di la nyes pa ci yod/ smras pa/ tshe dang ldan pa gang po 'di la byang chub sems dpa' gang 'khor bas skrag cing rings te/ de rings pas dge ba'i rtsa ba yongs su smin par yang tshad yod pa nyid du 'gyur te/ de ni nyan thos kyi theg pa 'am/ rang sangs rgyas kyi theg pa gnyis su 'gyur bar shes par bya ste/ tshad yod pas ni sems can tshad med pa rnams kyi don bya bar mi nus so/ / tshe dang ldan pa gang po sbyin pa'i pha rol tu phyin pa ni tshad med grangs med pa nas/ sbyin pa'i pha rol tu phyin pa ni thams cad mkhyen pa nyid thob pa ma gtogs par yongs su rdzogs par 'gyur ba med do/ / gal te bskal pa gang+gA'i klung gi bye ma snyed du sbyin pa'i pha rol tu phyin pa la spyod kyang / dadung sbyin pa'i pha rol tu phyin pa yongs su rdzogs par mi 'gyur mtha' yas pa'i phyir na/ de'i tshe thams cad mkhyen pa nyid thob par 'gyur ro// tshe dang ldan pa gang po de lta bas na byang chub sems dpa' bla na med pa yang dag par rdzogs pa'i byang chub mngon par
- 179b
rdzogs par 'tshang rgya bar 'dod pas/ ji lta ji ltar shin tu yun ring por mtshams sbyor zhing 'khor ba de lta de ltar sbyin pa'i pha rol tu phyin pa legs par yongs su sgoms par 'gyur ro// tshe dang ldan/ pa gang po dper na snod gsar pa sman gyi khu ba'i chus bkang ste bzhag nA/ ji lta ji ltar bzhag pa de lta de ltar shin tu bsgos pa dang / shin tu sra bar 'gyur ro// tshe dang ldan pa gang por bzhin du byang chub sems dpa' sems dpa' chen po yang ji lta ji ltar shin tu yun ring por mtshams sbyor zhing 'khor ba de lta de ltar sbyin pa'i pha rol tu phyin pa legs par bsgoms shing / ches brtan par 'gyur ba dang / ljing bzod par 'gyur ro// tshe dang ldan pa gang po dper na bum pa gsar pa'i nang du mar ram/ til mar bzhag na/ de ji lta ji ltar shin tu yun ring du bzhag pa de lta de ltar bum pa de snum dang ldan par 'gyur te/ bum pa de snum gyis khyab par ma gyur pa cung zad kyang med do// tshe dang ldan pa gang po de bzhin du byang chub sems dpa' sems dpa' chen po yang ji lta ji ltar shin tu yun ring por mtshams sbyor zhing / 'khor ba de lta de ltar sangs rgyas rnams dang / 'phags pa nyan thos rnams dang phrad pa thob par 'gyur ro// ji lta ji ltar sangs rgyas rnams dang / 'phags pa nyan thos rnams dang phrad pa thob pa de lta de ltar pha rol tu phyin pa thos so// ji lta ji ltar pha rol tu phyin pa thos pa de lta de ltar pha rol tu phyin pa bsgom mo// ji lta ji ltar pha rol tu phyin pa
- 180a
bsgom pa de lta de lta thams cad mkhyen pa nyid dang nye bar 'gyur ro/ / tshe dang ldan pa gang po ji lta ji ltar byang chub sems dpa' sems dpa' chen po sems gang dang gang bskye pa de thams cad thams cad mkhyen pa nyid dang ldan pa bskyed de/ sems gzhan dag bskyed pa'i go skabs mi 'byed do// gang gi tshe sems gzhan bskyed pa'i go skabs mi rnyed pa de'i tshe/ byang chub sems dpa' sems dpa' chen po 'di ltar pha rol tu phyin pa drug po rnams kyis sems kyi rgyud yongs su bsgos pa zhes bya'o/ / tshe dang ldan pa gang po dper na mar gyi bum pa ni gang dang gang nas bzung yang / de dang de mar gyi dri dang ldan pa nyid du 'gyur ro/ / de bzhin du byang chub sems dpa' sems dpa' chen po'i sems gang dang gang skye ba de dag thams cad kyang / thams cad mkhyen pa nyid dang ldan pa nyid skye bar 'gyur ro/ / byang chub sems dpa' sems dpa' chen po de la ni bdud sdig can gyis glags btsal kyang glags mi rnyed de/ de ni dmigs pa gang las glags tshol ba'i dmigs pa de thams cad mkhyen pa nyid du sgom par byed pa'i phyir te/ de bzhin du bdud kyi ris rnams kyis glags mi rnyed do// tshe dang ldan pa gang po de ltar na byang chub sems dpa' sems dpa' chen po ji lta ji ltar shin tu yun ring por mtshams sbyor ba de lta de ltar sangs rgyas rnams dang / 'phags pa nyan thos rnams dang phrad pa thob par 'gyur ro// ji lta ji ltar sangs rgyas rnams dang / 'phags pa nyan thos rnams dang phrad par thob pa de lta de ltar
- 180b
pha rol tu phyin pa rnams thos par 'gyur ro/ / ji lta ji ltar pha rol tu phyin pa rnams thos pa de lta de ltar de bzhin nyid du nan tan byed cing sgom mo// ji lta ji ltar nan tan byed cing sgom pa de lta de ltar thams cad mkhyen pa nyid dang nye bar 'gyur ro/ / tshe dang ldan pa gang po gzhan yang byang chub sems dpa' ni pha rol/ tshul khrims yang dag par 'dzin du 'jug pa na/ thog ma kho nar sems dang sama? las byung ba'i chos rnams 'byung ba/ tshul khrims dang ldan par gyur la/ de nas de'i 'og tu pha rol/ tshul khrims yang dag par 'dzin du 'jug go// de ltar yang dag par 'dzin du bcug nas/ sems bskyed pa de dag thams cad mkhyen pa nyid du yongs su bsngo na/ rigs kyi bu dang / rigs kyi bu mo tshul khrims yang dag par 'dzin du 'jug pa gang yin pa de/ byang chub sems dpas zil gyis non par 'gyur ro/ / gal te nyan thos kyi theg pa pa'i gang zag gis/ byang chub sems dpa'i theg pa pa'i gang zag tshul khrims kyi pha rol tu phyin pa la rab tu 'doms la/ gtams pa'i sems bskyed pa de dag thams cad mkhyen pa nyid du yongs su bsngo na/ nyan thos kyi theg pa pa'i gang zag de la 'doms pa de/ byang chub sems dpas zil gyis non par 'gyur ro// de ci'i phyir zhe na/ 'di lta ste/ thams cad mkhyen pa nyid du yongs su bsngos pa'i phyir ro/ / tshe dang ldan pa gang po dper na mi la la gser gyi mi khyer te 'gro na khyer ba gang yin pa de nyid gser gyi mis kha dog dang / dbyibs dang / 'od kyis zil gyis non par
- 181a
'gyur ro/ / tshe dang ldan pa gang po de bzhin du gal te nyan thos gang+gA'i klung gi bye ma snyed kyis byang chub sems dpa' tshul khrims kyi pha rol tu phyin pa la 'doms na/ nyan thos de dag thams cad byang chub sems dpas zil gyis non par 'gyur ro/ / de ci'i phyir zhe na/ 'di lta ste/ pha rol tu phyin pa rnam pa thams cad mkhyen pa nyid du yongs su bsngo ba'i phyir ro// tshe dang ldan pa gang po dper na mi zhig gis shel gyi mi pang par thogs te 'gro na/ khyer ba gang yin pa de nyid shel gyi mis kha dog dang / dbyibs dang / 'od kyis zil gyis non par 'gyur ro// tshe dang ldan pa gang po de bzhin du stong gsum gyi stong chen po'i 'jig rten gyi khams kyi gang+gA'i klung gang dag yin pa de dag gi bye ma snyed kyi nyan thos yod par gyur la/ de dag byang chub sems dpa' 'di lta ste/ tshul khrims kyi pha rol tu phyin pa la 'doms shing rjes su ston na/ de dag thams cad des/ tshul khrims kyi pha rol tu phyin pa thams cad mkhyen pa nyid du yongs su bsngo bas zil gyis non par 'gyur ro// ji lta ji ltar de dag 'dos pa de lta de ltar nyan thos rnams zil gyis non par 'gyur ro/ / gal te bskal pa gang+gA'i klung gi bye ma snyed du 'dug ste/ nyan thos de dag byang chub sems dpa' la 'doms shing rjes su ston na/ de tsam du byang chub sems dpa' ni tshul khrims kyi pha rol tu phyin pas 'bogs la/ 'di lta ste/ thams cad mkhyen pa nyid du yongs su bsngo bas/ nyan thos rnams ni zil gyis non par 'gyur ro// tshe dang
- 181b
ldan pa gang po dper na gser ni ji lta ji ltar bzhu zhing bskol ba de lta de ltar ches 'od gsal zhing / ches kha dog bzang por 'gyur ro// tshe dang ldan pa gang po de bzhin du ji lta ji ltar nyan thos kyi theg pa pa'i gang zag gis byang chub sems dpa' tshul khrims kyi pha rol tu phyin pa la 'doms shing rjes su ston pa de lta de ltar byang chub sems dpa'i tshul khrims shin tu yongs su dag par 'gyur ro/ / ji lta ji ltar tshul khrims yongs su dag par 'gyur ba de lta de ltar byang chub sems dpas 'di lta ste/ tshul khrims kyi pha rol tu phyin pa thams cad mkhyen pa nyid du yongs su bsngo bas/ nyan thos kyi theg/ pa pa'i gang zag zil gyis non par 'gyur ro// tshe dang ldan pa gang po dper na nor bu rin po che bai DUR+Ya ni ji lta ji ltar nor bu'i byi dor mkhan 'chang ba de lta de ltar ches 'od gsal ba dang / shin tu yongs su dag par 'gyur ro/ / de bzhin du nyan thos kyi theg pa pa'i gang zag gis ji lta ji ltar byang chub sems dpa' tshul khrims kyi pha rol tu phyin pa la 'doms shing rjes su ston pa de lta de ltar byang chub sems dpa'i tshul khrims kyi pha rol tu phyin pa shin tu yongs su dag par 'gyur ro/ / ji lta ji ltar shin tu yongs su dag par 'gyur ba de lta de ltar byang chub sems dpas 'di lta ste/ tshul khrims kyi pha rol tu phyin pa thams cad mkhyen pa nyid du yongs su bsngos pa'i phyir ro/ / nyan thos rnams zil gyis non par 'gyur ro// tshe dang ldan pa gang po dper na ri mo mkhan nam/ ri mo mkhan gyi slob ma shin tu lobs pas/ kha dog
- 182a
@sna lnga'i tshon gyis ji lta ji ltar kha dog dang / dbyibs su gzugs 'dri zhing tshon bkye ste rdzogs par byed cing sha tshon byed pa de lta de ltar yid du 'ong zhing chags par byed par 'gyur te/ gang gis gzugs rnams bris pa de nyid kha dog dang / dbyibs kyis zil gyis non par 'gyur ro// tshe dang ldan pa gang po de bzhin du gal te nyan thos dpag tu med pas byang chub sems dpa' tshul khrims kyi pha rol tu phyin pa la 'doms shing rjes su ston pa de lta de ltar byang chub sems dpa'i tshul khrims kyi pha rol tu phyin pa shin tu yongs su dag par 'gyur te/ de lta de ltar byang chub sems dpas ni nyan thos rnams zil gyis gnon cing snang bar byed de/ 'di lta ste/ tshul khrims kyi pha rol tu phyin pa thams cad mkhyen pa nyid du yongs su bsngo bas/ de dag thams cad zil gyis gnon te/ byang chub sems dpa'i tshul khrims kyi pha rol tu phyin pa ni nyin gcig bzhin du rnam par 'phel lo// de dag ni tshul khrims de tsam nyi tshe dang ldan pa yin no// tshe dang ldan pa gang po dper na mi zhig gis shing bskyed na/ shing bskyed nas/ dus dus su byi dor byed cing chus bran na/ ji lta ji ltar byi dor byed cing chus bran pa de lta de ltar chu zheng dang 'phang du skye bar 'gyur ro// tshe dang ldan pa gang po de bzhin du gal te nyan thos dpag tu med pa rnams kyis byang chub sems dpa'i tshul khrims kyi pha rol tu phyin pa la 'doms shing rjes su ston na/ ji lta ji ltar nyan thos dpag tu med pa rnams byang chub
- 182b
sems dpa' la 'doms shing rjes su ston pa de na de ltar byang chub sems dpa'i tshul khrims kyi pha rol tu phyin pa rnam par 'phel lo/ / jiste ji ltar byang chub sems dpa'i tshul khrims kyis/ rol tu phyin pa rnam par 'phel ba de lta de ltar byang chub sems dpas 'di lta ste/ tshul khrims kyi pha rol tu phyin pa thams cad mkhyen pa nyid du yongs su sngo bas/ nyan thos thams cad zil gyis gnon cing snang bar byas nas/ tshul khrims kyi pha rol tu phyin pa la gnas te/ 'di lta ste/ tshul khrims kyi pha rol tu phyin pa rnam pa thams cad mkhyen pa nyid du yongs su bsngo bas/ gang dag de la 'doms shing rjes su ston pa de dag kyang zil gyis gnon no/ / tshe dang ldan pa gang po dper na mi la la me chung ngu'i nang du/ rtswa dang / shing dang / lci ba rnams 'jug na/ de ji lta ji ltar 'jug pa de lta de ltar de'i rgyu las me de mched par 'gyur ro/ / ji lta ji ltar me de mched pa de lta de ltar me'i phung po de shin tu che bar 'gyur te/ des dpag tshad mang po dpag tshad brgya phrag mang po dang / dpag tshad stong phrag mang po rnams sreg cing snang bar byed do// tshe dang ldan pa gang po de bzhin du gal te nyan thos dpag tu med pas byang chub sems dpa' tshul khrims kyi pha rol tu phyin pa la 'doms shing rjes su ston na/ ji lta ji ltar nyan thos dpag tu med pas byang chub sems dpa' tshul khrims kyi pha rol tu phyin pa la 'doms shing rjes su ston pa de lta de ltar/ 'di lta ste/ thams cad
- 183a
mkhyen pa nyid du yongs su bsngo ba'i phyir/ tshul khrims kyi rol tu phyin pa la byang chub sems dpa'i snang ba dpag tu med par 'gyur ro// ji lta ji ltar tshul khrim gyi pha rol tu phyin pa la snang ba dpag tu med pa de lta de ltar byang chub sem dpa' la tshul khrims kyi pha rol tu phyin pas 'doms pa'i nyan thos gzhan gang yin pa dag gis zil gyis gnon par mi 'gyur te/ thams cad mkhyen pa nyid du yongs su bsngo ba'i phyir ro/ / tshe dang ldan pa gang po dper na mi zhig gis gser gyi 'byung khungs nas gser blangs te/ des gser de blangs nas/ bdag nyid kyang btsongs la gser de yang btsongs na/ des gser de btsongs pa'i rin ni ches che ba yin gyi/ gang gis gser blangs pa'i mi de'i ni ma yin no// tshe dang ldan pa gang po de bzhin du ji lta ji ltar nyan thos dpag tu med pa d ag gis byang chub sems dpa' tshul khrims kyi pha rol tu phyin pa la 'doms shing rjes su ston pa de lta de ltar byang chub sems dpa'i tshul khrims kyi pha rol tu phyin pa dpag tu med cing ches rin thang med par 'gyur te/ byang chub sems dpa' de la nyan thos de dag gis tshul khrims kyis kyang zil gyis non par mi 'gyur la/ byang chub sems dpas ni nyan thos de dag tshul khrims kyis zil gyis gnon par 'gyur te/ 'di ltar thams cad mkhyen pa nyid du yongs su bsngo ba'i phyir ro// smras pa/ tshe dang ldan pa shA ra dwa ti'i bu 'di ltar nyan thos kyi theg pa pa'am/ rang sangs rgyas kyi
- 183b
theg pa pa'i gang zag 'doms shing rjes su ston pa gang yin pa de nyid byang chub sems dpa' sems dpa' chen pos zil gyis gnon pa ni/ byang chub sems dpa' sems dpa' chen po rnams chos rgya chen po dang ldan pa yin te/ 'di lta ste/ tshul khrims kyi pha rol tu phyin pa rnam pa thams cad mkhyen pa nyid du yongs su bsngo ba'i phyir ro// de nas tshe dang ldan pa shA ra dwa ti'i bu/ tshe dang ldan pa gang pos bshad pa la mngon par rjes su yi rang nas/ tshe dang ldan pa de de bzhin te/ byang chub sems dpa' sems dpa' chen po rnams ni chos rgya chen po dang ldan pa yin no zhes smras so/ / tshul khrims kyi pha rol tu phyin pa las le'u gnyis pa'o// // tshe dang ldan pa shA ra dwa ti'i bus/ gzhan yang tshe dang ldan pa byams ma'i bu gang po la smras pa/ tshe dang ldan pa gang po 'di la byang chub sems dpa' sems dpa' chen po/ tshul khrims kyi pha rol tu phyin pa la spyod pa na/ gal te byed pa po'i chos 'ga' zhig yang dag par rjes su mthong na// debyang chub sems dpa'i chos la gnas par rig par bya ba ma yin te/ byang chub sems dpa'i chos spong zhing tshul bzhin ma yin pa yid la byed pas spyod do// de'i tshul bzhin ma yin pa maud la byed pa gang yin pa ra ni/ de'i 'chal pa'i tshul khrimapa zhes bya'o// sbas pa/ tshe dang ldan pa shwa ra dwa ti'i bu byang chub sems dpa' gang byed pa po'i chos 'ga' yang yang dag
- 184a
par rjes su mi mthong zhing / de tshul khrims kyi pha rol tu phyin pa yang dag par blangs nas 'dug na/ chos gang la tshul khrims kyi pha rol tu phyin pa phan 'dogs pa 'am/ gnod par byed par 'gyur/ smras pa/ tshe dang ldan pa gang po tshul khrims kyi pha rol tu phyin pa ni chos gang la yang phan 'dogs pa 'am/ gnod par byed pa ma yin no// gal te chos 'ga' zhig la phan 'dogs pa'am/ gnod par byed par yang dag par rjes su mthong na/ byang chub sems dpa' tshul khrims mchog tu 'dzin pa yin par rig par bya'o// gal te byang chub sems dpas tshul khrims kyi pha rol tu phyin pa 'di chos gang la yang phan pa 'am/ gnod par 'gyur ba'i chos 'ga' zhig yang dag par rjes su mthong na/ byang chub sems dpa' tshul khrim kyi pha rol tu phyin pa yongs su 'dzin pa ma yin no/ / byed pa po yang dag par rjes su mi mthong na/ byang chub sems dpa'i tshul khrims kyi pha rol tu phyin pa zhes bya ste/ tshul khrims de yang thams cad mkhyen pa nyid du yongs su bsngo ba'i phyir/ tshul khrims kyi pha rol tu phyin pa zhes bya'o// tshe dang ldan pa gang po gzhan yang byang chub sems dpa' sbyin pa gang dang gang yongs su btang nas/ thams cad mkhyen pa nyid du yongs su bsngo na/ byang chub sems dpa' tshul khrims dang ldan pa yin par rig par bya'o// tshe dang ldan pa gang po gzhan yang byang chub sems dpa'
- 184b
tshul khrims gang dang gang bsrung ba de yang thams cad mkhyen pa nyid du yongs su bsngon/ byang chub sems dpa' tshul khrims dang ldan pa yin par rig par bya'o// tshe dang ldan pa gang po gzhan yang byang chub sems dpa' pha rol gyis spyos sam/ brgyad bkag kyang rung ste/ bzod par byed cing / bzod pa de yang thams cad mkhyen pa nyid du yongs su bsngo na/ byang chub sems dpa' tshul khrims dang ldan pa yin par rig par bya'o/ / tshe dang ldan pa gang po gzhan yang byang chub sems dpa' sems can gzhan dag dang gang zag gzhan rnams ched du rtsol bar byed la/ brtson 'grus de yang thams cad mkhyen pa nyid du yongs su bsngo na/ byang chub sems dpa' tshul khrims dang ldan pa zhes bya'o// tshe dang ldan pa gang po gzhan yang byang chub sems dpa' bsam gtan gang dang gang bskyed pa de bzhin du/ bsam gtan 'di dag bskyed nas/ rdzu 'phrul mngon par bsgrub par bya'o// rdzu 'phrul des kyang sems can rnams kyi sems kyi spyod pa la 'jug cing shes par bya'o/ / de nas snod du gyur par bya'o snyam ste/ sems kyi khyad par de dag thams cad kyang thams cad mkhyen pa nyid du yongs su bsngo na/ byang chub sems dpa' tshul khrims dang ldan pa yin par rig par bya'o/ / tshe dang ldan pa gang po gzhan yang byang chub sems dpang shes rab gang dang gang la spyod cing / phung po la mkhas pa 'am/ khams la mkhas pa
- 185a
'am/ skye mched pa mkhas pa 'am/ rten cing 'brel par rab byung ba la mkhas pa tham/ gnas dang gnas ma yin pa la mkhas pa 'am/ mnyam pa nyid du 'ang shes nas/ 'du shes thams cad spang ba'i phyir chos bstan par bya'o snyam ste/ sems po skyed pa gang yin pa de dag thams cad mkhyen pa nyid du yongs su bsngo na/ byang chub sems dpa' tshul khrims dang ldan pa yin par rig par bya'o/ / bla na med pa'i tshul khrims dang ldan par rig par bya'o// gal te byang chub sems dpa' pha rol tu phyin pa drug thams cad mkhyen pa nyid du yongs su bsngo ba'i byang chub sems dpa' de la ni nyan thos gang gis kyang tshul khrims zil gyis gnon nus pa gang yang med do/ / tshe dang ldan pa gang po gzhan yang gal te sems can thams cad dge ba bcu'i las kyi lam dang ldan par gyur na/ de dag gi tshul khrims gang yin pa de ni theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro/ ba nas/ rgyu'i bar du yang nye bar mi 'gro'o// tshe dang ldan pa gang po gzhan yang gal te sems can thams cad mngon par shes pa lnga dang ldan par gyur na/ de dag gi tshul khrims gang yin pa de ni/ theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas/ rgyu'i bar du yang nye bar mi 'gro'o// tshe dang
- 185b
/ ldan pa gang po gzhan yang gal te sems can thams cad byams pa la gnas par gyur/ snying rje dang / dga' ba dang / btang snyoms la gnas par gyur na/ de dag gi tshul khrims gang yin pa de yang theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas/ rgyu'i bar du yang nye bar mi 'gro'o// tshe dang ldan pa gang po gzhan yang gal te sems can thams cad stong pa nyid kyi rjes su 'thun pa'i bzod pa dang ldan par gyur na/ de dag gi tshul khrims gang yin pa de ni/ theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas/ rgyu'i bar du yang nye bar mi 'gro'o// tshe dang ldan pa gang po gzhan yang gal te sems can thams cad mtshan ma med pa'i rjes su mthun pa'i bzod pa dang ldan par gyur na/ de dag gi tshul khrimam sa yin pa de ni/ theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba na sa/ rgyu'i bar du yang nye bar mi 'gro'o// tshe dang ldan pa gang po gzhan yang gal te sems can thams cad smon pa med pa'i rjes su mthun pa'i bzod pa dang ldan par gyur na/ de dag gi tshul khrims gang yin pa de ni theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro
- 186a
pa nas/ rgyu'i bar du yang nye bar mi 'gro'o// tshe dang ldan pa gang po gzhan yang gal te sems can thams cad brgyad par gyur na/ de dag gi tshul khrims gang yin pa de ni theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas/ rgyu'i bar du yang nye bar mi 'gro'o// de nas tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so// gal te tshe dang ldan pa shA ra dwa ti'i bus/ bdag gi dri ba dris pa lan gdab pa 'i skabs phe na tshe sa la bdag phyogs 'ga' zhig 'dri'o/ / smras pa/ tshe dang ldan pa gang po dris shig dang / thos pa'i don brda sprad par bya'o// smras pa/ tshe dang lda pa shA ra dwa ti'i bu ci gzugs brgyad pa yin par 'dod dam/ smras pa/ tshe dang ldan pa gang po de ni ma yin no// smras pa/ tshor ba dang / 'du shes dang / 'du byed rnams dang / rnam par shes pa brgyad pa yin par 'dod dam/ smras pa/ de dang ldan pa gang po de ni ma yin no/ / smras pa/ de las gzhan pa'i chos rnams la brgyad par 'dod dam/ smras pa/ tshe dang ldan pa gang po de ni ma yin no// smras pa/ tshe dang ldan pa shA ra dwa ti bu'o na brgyad pa de gang yin par 'dod/ bdag gis tshe dang ldan pa shA ra dwa ti'i bus bshad pa'i don de ji lta bur shes par bya/ smras pa/ tshe dang ldan pa gang po chos 'di rnams kyi mnyam pa nyid sems
- 186b
can thams cad kyis mi shes pa de la/ shes pa gang gis mnyam pa nyid de mngon sum du byed pa'i shes pa de ni/ bya ba byas pa'i phyir thob pa yin te/ de la brgyad pa ni yang dag par rjes su mi mthong ngodo/ / gal te gnas 'di rnyed na ni mnyam pa nyid shes pa 'di la brtag cing brkab par med do// smras pa/ 'di skad du brgyad pa'i tshul khrims gang yin pa de ni/ byang chub sems dpa'i tshul khrims kyi brgya'i char yang nye bar mi 'gro ba nas/ rgyu'i bar du yang nye bar mi 'gro'o zhes kyang zer na/ tshe dang ldan pa shA ra dwa ti'i bu 'di la snga ma dang / phyi ma dang / snga ma ji ltar mthun par 'gyur/ smras pa/ tshe dang ldan pa gang po brgyad pa'i tshul khrims gang yin pa de byang chub sems dpa'i tshul khrims kyi brgya'i cha re yang nye bar mi 'gro ba nas/ rgyu'i bar du yang nye bar mi 'gro'o zhes bya ba de ni ji ltar las dang po la bshad pa de ltar bstan to/ / ci nas sems can rnams 'jug par 'gyur ba de ltar bstan to// ci nas skye bo mang pos go bar 'gyur ba de ltar bstan to// ci nas theg pa chen po dang sangs rgyas kyi theg pa 'bar bar 'gyur ba de ltar bstan to/ / brgyad pa'i tshul khrims gang yin pa de ni theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas/ rgyu'i bar du yang nye bar mi 'gro'o// tshe dang ldan pa gang po gzhan yang rgyun du zhugs pa thams cad dang / lan cig phyir 'ong ba thams cad dang
- 187a
phyir mi 'ong ba thams cad dang / dgra bcom pa thams cad dang / rang sangs rgyas thams cad kyi tshul khrims gang yin pa de ni/ theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas/ rgyu'i bar du yang nye bar mi 'gro'o// tshe dang ldan pa gang po gzhan yang nyan thos gang byang chub sems dpa'i tshul khrims zil gyis gnon par sems pa de ni/ de bzhin gshegs pa'i tshul khrims zil gyis gnon par 'dod par zad de/ de ni de bzhin gshegs pa dang rtsod par sems su zad do/ / tshe dang ldan pa gang po dper na gang rgyal po'i bu dang rtsod par sems pa de ni/ rgyal po dang rtsod par sems par zad do// tshe dang ldan pa gang po de bzhin du byang chub sems dpa'i tshul khrims zil gyis gnon par sems pa gang yin pa de ni/ de bzhin gshegs pa'i tshul khrims zil gyis gnon par sems par zad do// de ci'i phyir zhe na/ 'di ltar byang chub sems pa'i sems dpa' chen po rnams ni thub par dka' ba yin pa'i phyir ro/ / tshe dang ldan pa gang po dper na mi la la zhig rkang lag med par gyur la/ 'di skad du bdag 'di nas rgya mtsho chen po'i pha rol gyi 'gram du mchod par bya'o zhes zer na/ de skad zer ba de la/ mi de ni mngon pa'i nga rgyal gyis nga rgyal byed de/ zla bar rig par bya'o// tshe dang ldan pa gang po de bzhin du nyan thos sam/ rang sangs rgyas gang
- 187b
/ 'di skad du/ bdag gis byang chub sems dpa'i tshul khrims zil gyis gnon par bya'o zhes zer na/ tshe dang ldan pa gang po 'di ltar de ni dra bar rig par bya'o// de ci'i phyir zhe na/ byang chub sems dpal sems dpa' chen po rnams ni rgya mtsho dug can pa dang 'dra ba yin pa'i phyir ro/ / ji ltar mi de rkang lag rnams med bzhin du rgya mtsho la mchod par 'dod pa de bzhin du/ nyan thos kyi theg pa pa 'am/ rang sangs rgyas kyi theg pa pa'i gang zag byang chub sems dpa'i chos rnams med bzhin du byang chub sems dpa'i tshul khrims zil gyis gnon par 'gyur ba de ni gnas med do// de ci'i phyir zhe na/ byang chub sems dpa' sems dpa' chen po rnams ni/ tshul khrims dpag tu med pa dang ldan pa yin pa'i phyir ro// smras pa/ tshe dang ldan pa shA ra dwa ti'i bu ci'i phyir na/ byang chub sems dpa' rnams tshul khrims dpag tu med pa dang ldan pa yin/ smras pa/ tshe dang ldan pa gang po sems can tshul khrims 'chal pa dpag tu med pa dag 'chal pa'i tshul khrims las yongs su dgrol bar 'dod pa dang / tshul khrims la dgod par 'dod pa'i phyir ro// smras pa/ tshe dang ldan pa shA ra dwa ti'i bu/ 'di lta ste/ 'chal pa'i tshul khrims zhes bya ba de gang gi tshig bla dgas// smras pa// 'di lta ste/ 'chal pa'i tshul khrims zhes bya ba ni ngar 'dzin pa dang / nga yir 'dzin pa dang / dmigs pa'i 'du shes dang / sems can du 'du shes pa dang / srog tu 'du shes
- 188a
pa dang / gang zag tu du shes pa dang / yod par 'du shes pa dang / med par 'du shes pa'i tshig bla dgas te/ nyon mongs pa de dag dang / gzhan rnams yod na 'chal pa'i tshul khrims zhes bya bar rab tu phye'o/ / de bas na byang chub sems dpa' sems dpa' chen po sems can dpag tu med pa rnams tshul khrims la dgod par 'dod cing / theg pa 'di la zhugs te/ tshul khrims dpag tu med pa dang ldan pa de ni/ nyan thos rnams sam/ rang sangs rgyas rnams kyis zil gyis gnon par sla ba ma yin no// byang chub sems dpas ni 'di lta ste/ tshul khrims kyi pha rol tu phyin pa thams cad mkhyen pa nyid du yongs su bsngo ba'i phyir/ ming tsam gyis kyang / nyan thos rnams sam/ rang sangs rgyas rnams zil gyis gnon no// smras pa// tshe dang ldan pa shA ra dwa ti'i bu zag pa dang bcas pa'i tshul khrims kyis zag pa med pa'i tshul khrims ji ltar zil gyis gnon par 'gyur/ smras pa/ tshe dang ldan pa gang po 'di la zag pa med pa'i tshul khrims ni bdag nyid la phan pa'i phyir bskyed pa yin la/ byang chub sems dpa'i tshul khrims ni sems can dpag tu med pa rnams kyi ched du yongs su bsngos pa yin te/ de ltar na byang chub sems dpa'i tshul khrims kyis zag pa med pa'i tshul khrims zil gyis gnon no/ / tshe dang ldan pa gang po gzhan yang gal te byang chub sems dpa'i tshul khrims tshad nges pa zhig sgrub
- 188b
tu zin na ni/ zag pa med pa'i tshul khrims kyang zil gyis non par mi 'gyur la/ de'i tshul khrims kyang pha rol tu phyin par mi 'gyur ba zhig na/ gang gi phyir sems can dpag tu med pa rnams kyi ched du yongs su bsngo ba de'i phyir/ byang chub sems dpa'i tshul khrims des zag pa med pa'i tshul khrims zil gyis non par 'gyur ro// tshe dang ldan pa gang po dper na nyi ma'i dkyil 'khor 'char ba na/ srog chags kyi rigs srin bu me khyer thams cad kyi 'od zil gyis gnon no// tshe dang ldan pa gang po de bzhin du byang chub sems dpa'i tshul khrims thams cad mkhyen pa nyid du yongs su bsngos pas kyang / gzhan mu stegs can spyod pa pa dang / kun tu rgyu dang / gcer bu pa la sogs pa nas/ 'phags pa nyan thos dang rang sangs rgyas kyi bar rnams kyi tshul khrims kyi 'od kyang zil gyis gnon no/ / tshe dang ldan pa gang po dper na zla ba'i dkyil 'khor 'char ba na/ skar ma'i gzugs thams cad kyi 'od zil gyis gnon no// tshe dang ldan pa gang po de bzhin du byang chub sems dpa'i tshul khrims thams cad mkhyen pa nyid du yongs su bsngos pas kyang / nyan thos dang rang sangs rgyas thams cad kyi tshul khrims zil gyis gnon / / tshe dang ldan pa gang po gang gi tshe byang chub sems dpa' sems dpa' chen po de bzhin gshegs pa'i rjes su dran zhing / thams cad mkhyen pa nyid dang ldan pa'i sems kyi khyad
- 189a
par yang bskyed na/ rang gi spyod yul la spyod pas de'i tshe byang chub sems dpa'i tshul khrims kyi pha rol tu phyin pa thob pa yin par rig par bya'o// smras pa tshe dang ldan pa gang po gang gi tshe/ byang chub sems dpa' thams cad mkhyen pa nyid kyi sems mi skyed pa de'i tshe/ byang chub sems dpa' la ji skad bya/ smras pa/ tshe dang ldan pa gang po de'i tshe/ byang chub sems dpa' sems dpa' chen po sems kyi rgyud lung ma bstan pa la gnas pa'i tshul khrims dang ldan pa zhes bya'o// gal te nyan thos nyid dam/ rang sangs rgyas nyid du yongs su bsngo na ni/ de'i tshe byang chub sems dpa' rang gi spyod yul spong ba yin no// gal te lhag pa'i bsam pa nyan thos kyi sa 'am/ rang sangs rgyas kyi sar yongs su bsngos pa zhig yin na ni/ de tsam gyis na byang chub sems dpa' ro dang 'dra bar rig par bya'o// tshe dang ldan pa gang po dper na sgyu ma mkhan nam/ sgyu ma mkhan gyi slob ma mkhas pas byis pa zhig bzung la/ sdong po la gshon te/ gshon nas/ dum dum bur brlags te sa la gtor na/ byis pa de'i mdza' pa dang / nye du dang / snag gi gnyen mtshams gang dag yin pa de dag byis pa 'di ni shi ste/ phyin chad mi mthong ngo snyam nas/ sdug bsngal bar 'gyur te/ sdug bsngal gyi phung po chen po dang ldan par 'gyur ro// tshe dang ldan pa gang po de ltar byis pa ma shi ba de
- 189b
la shi ba'i 'du shes bskyed pa de bzhin du/ tshe dang ldan pa gang po byang chub sems dpa' thams cad mkhyen pa nyid kyi rin po che las nyams te/ nyan thos kyi sa 'am/ rang sangs rgyas kyis la gnas pa yang / shi ba ji lta ba bzhin du rig par bya'o// de nas tshe dang ldan pa gang pos/ tshe dang ldan pa shA ra dwa ti'i bu la 'di skad ces smras so// ci byang chub sems dpa'i tshul khrims gang yin pa dang / nyan thos kyi tshul khrims gang yin pa dang / rang sangs rgyas kyi tshul khrims gang yin pa'i tshul khrims 'di dag la tha dad du dbye bar 'dod dam/ smras pa/ tshe dang ldan pa gang po chos nyid dang / de bzhin nyid ji lta ba bzhin du na ni tha dad du dbye bar cung zad kyang mi 'dod do// smras pa/ 'o na ji ltar tha dad du dbye bar 'dod/ smras pa/ ji ltar byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de ltar byang chub sems dpa'i tshul khrims tha dad du dbye bar 'dod do/ / de ltar na byang chub sems dpa'i tshul khrims kyis byis pa so so'i skye bo thams cad dang / nyan thos thams cad dang / rang sangs rgyas thams cad kyi tshul khrims zil gyis mnan te/ 'di ltar thams cad mkhyen pa nyid du yongs su bsngo ba'i phyir ro/ / de ci'i phyir zhe na/ tshe dang ldan pa gang po byang chub sems dpa'i tshul khrims gang yin pa des/ stong gsum gyi stong chen po'i 'jig rten gyi
- 190a
khams zil gyis mnan cing skra bkod nas gnas pa'i phyir ro/ / de ci'i phyir zhe na/ 'di ltar des 'dir sems can rnams gdul bar bya ba'i phyir te/ tshe dang ldan pa gang po de'i phyir byang chub sems dpa'i tshul khrims ni mchog ces bya/ gtso bo dang / rab mchog dang / gya nom pa dang / bla na med pa dang / gong na med pa zhes bya'o// tshe dang ldan pa glang po dper na ri'i rgyal po gang sa ri la/ ri'i rgyal po'i yon tan gang dag yod pa de ni ri gzhan dag la med de/ des na ri rnams kyi nang na/ ri'i rgyal po zhes bya ba'i ming thob ste/ ri'i rgyal po gangs ri ni ri'i rgyal po gangs ri zhes bya ba'i ming thob bo// tshe dang ldan pa gang po de bzhin du nyan thos kyi tshul khrims dang / rang sangs rgyas kyi tshul khrims ni thams cad mkhyen pa nyid du yongs su bsngo ba dang bral ba yin la/ byang chub sems dpa'i tshul khrims ni thams cad mkhyen pa nyid du yongs su bsngo ba dang ma bral te/ de'i phyir byang chub sems dpa'i tshul khrims ni tshul khrims kyi pha rol tu phyin pa zhes bya ba'i ming thob bo/ / tshe dang ldan pa gang po gzhan yang byang chub sems dpa'i tshul khrims kyis ni/ nyan thos kyi tshul khrims dang / rang sangs rgyas kyi tshul khrims zil gyis gnon to/ / smras pa/ tshe dang ldan pa shA ra dwa ti'i bu ci'i phyir zil gyis gnon/ smras pa/ tshe dang ldan pa gang po 'di ltar gang gi phyir byang chub
- 190b
sems dpas tshul khrims thams cad mkhyen pa nyid du yongs bsngos pa de'i phyir/ byang chub sems dpa'i tshul khrims kyis nyan thos rnams kyi tshul khrims dang / rang sangs rgyas rnams kyi tshul khrims zil gyis gnon no/ / de nas bcom ldan 'das kyis/ tshe dang ldan pa shA ra dwa ti'i bu la bka' stsal pa/ shA ra dwa ti'i bu legs so legs so// de bzhin gshegs pa kho na'i mthus shA ra dwa ti'i bu khyod byang chub sem dpa' rnams la bsngags pa byed pa dang / spro ba smras pa ni legs te/ shA ra dwa ti'i bu de de bzhin no// shwa ra da ti'i bu de de bzhin te byang chub sems dpa'i tshul khrims kyis nyan thos kyi tshul khrims dang / rang sangs rgyas kyi tshul khrims zil gyis gnon to// de nas bcom ldan 'das kyis/ tshe dang ldan pa kun dganga' bo la bka' stsal pa/ kun dga' bo byang chub sems dpa' rnams la tshul khrims kyi pha rol tu phyin pa bstan pa/ gnas brtan shA ra dwa ti'i bus ji skad bshad pa bzhin du khyod kyis long zhig/ kun chub par gyis shig/ zung zhig/ kun dga' bo gal te bden pa dang / bden pa'i tshig gis byang chub sems dpa'i tshul khrims kyis/ gzhan mu stegs can dang / byis pa so so'i skye bo rnams dang / nyan thos dang / rang sangs rgyas kyi bar gyi tshul khrims zil gyis gnon pa'i bden pa dang / bden pa'i tshig des gal
- 191a
ri'i rgyal po ri rab tshangs pa'i 'jig rten du 'phangs te/ bar der 'dug par byed na/ bden pa'i tshig gis 'dug go// de ci'i phyir zhe na/ kun dga' bo byung chub sems dpa'i tshul khrims ni de bzhin gshegs pa ma gtogs par/ zag pa dang bcas pa dang / zag pa med pa'i tshul khris de dag thams cad kyi mchog ces brjod pa yin zhing / gong na med pa zhes bya ba'i bar du brjod pa yin pa'i phyir ro// tshul khrims kyi pha rol tu phyin pa las le'u gsum pa'o// // bam po bzhi pa/ de nas sangs rgyas kyi mthus tshe dang ldan pa shA ra dwa ti'i bus 'di dang nye ba'i 'bum gyi 'jig rten gyi khams na/ sangs rgyas bcom ldan 'das chos ston cing bzhugs pa zhig mthong ngo // nas bcom ldan 'das kyis/ tshe dang ldan pa shA ra dwa ti'i bu la bka' stsal pa/ shA ra dwa ti'i bu 'di dang nye ba'i 'bum gyi 'jig rten gyi khams na/ de bzhin gshegs pa zhig chos ston pa khyod kyis mthong ngam/ gsol pa/ bcom ldan 'das mthong lags na/ bcom ldan 'das de ni gang lags/ 'jig tan gyi khams sangs rgyas kyi zhing de'i ming ni ci zhes bgyi/ bcom ldan 'das kyis bka' stsal pa/ shA ra dwa ti'i bu 'jig rten gyi khams de'i ming ni sgron ma zhes bya'o// sangs rgyas bcom ldan 'das chos ston pa de'i mtshan ni zla 'od ces bya'o// de'i
- 191b
nyan thos rdzu 'phrul dang ldan pa mgo zhes bya ba zhig yod de/ des rdzu 'phrul gyis ri'i rgyal po ri rab 'jig rten gyi khams gzhan nas lag pas blangs te/ tshangs pa'i 'jig rten du thug pa 'phangs nas/ de'i bar skabs su byang chub sems dpas tshig 'di skad ces byang chub sems dpa'i tshul khrims de bzhin gshegs pa'i tshul khrims ma gtogs par/ de las gzhan pa zag pa dang bcas pa 'am/ zag pa med pa'i tshul khrims gang dag yin pa rnams kyi mchog tu brjod pa yin zhe na/ ji ltar de bzhin gshegs pa bden pa gsung ba ltar/ bden pa dang / bden pa'i tshig dang / bden pa'i byin gyi rlabs des/ ri'i rgyal po ri rab 'di nam mkha' bar snang de nyid du 'dug cig ces smras pa dang / de nas ri'i rgyal po ri rib de nam mkha' bar snang de nyid du 'dug go/ de nas bcom ldan 'das kyis/ tshe dang ldan pa shA ra dwa ti'i bu la bka' stsal pa/ shA ra dwa ti'i bu khyod kyis ri'i rgyal po ri rab nam mkha' bar snang go 'byed na 'dug pa ni mthong ngam/ gsol pa/ bcom ldan 'das mthong lags so// bka' stsal pa/ shA ra dwa ti'i bu ri'i rgyal po ri rib sa la ma ltung zhig/ ga' nas 'ongs pa de nyid du 'gro bar gyur cig ces/ byang chub sems dpas ri'i rgyal po ri rib 'di bden pa'i byin gyi rlabs pa byas so/ / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das gang byang chub sems
- 192a
dpa'i tshul khrims la zil gyis gnon par sems pa de ni/ de bzhin gshegs pa'i tshul khrims spong bar bgyi bar sems pa lags so// de ci'i slad du zhe na/ byang chub sems dpa' sems dpa' chen po rnams kyi tshul khrims ni zil gyis mi non pa lags pa'i slad du'o// de nas tshe dang ldan pa byams ma'i bu gang pos/ tshe dang ldan pa shA ra dwa tin bu la 'di skad ces smras so/ / tshe dang ldan pa shA ra dwa ti'i bu byang chub sems dpa' gang ldog pa de'i tshul khrims kyang zil gyis mi non pa yin nam/ smras pa/ tshe dang ldan pa gang po byang chub sems dpa' byang chub sems dpa'i sems la gnas pa ni phyir ldog par mi 'gyur te/ gang phyir ldog pa de ni byang chub sems dpa' zhes kyang mi bya'o// tshe dang ldan pa gang po dper na gal te 'phong gi slob dpon gyi mda' gzas pa bzhin mi 'gro na/ de 'phong gi slob dpon zhes mi bya'o// tshe dang ldan pa gang po de bzhin du gal te byang chub sems dpa'i sems dang sems las byung baba'i rnam pa thams cad mkhyen pa nyid dang mi ldan pa 'byung ngam/ yang na sbyin pa sbyin nam/ tshul khrims srung ngam/ bzod pa sgrub bam/ brtson 'grus rtsom mam/ bsam gtan rnams la mnyam par 'jog gam/ shes rab sgom yang rung ste/ rnam pa thams cad mkhyen pa nyid du yongs su mi sngo na/ byang chub sems dpa' de tshul khrims dang ldan pa zhes mi bya'o//
- 192b
dang ldan pa gang po gal te byang chub sems dpa' thams cad mkhyen pa nyid du ji ltar yongs su sngo ba yang mi shes la/ nyan thos kyi sa 'am/ rang sangs rgyas kyi sar yongs su sngo bar mi byed na/ yongs su bsngo ba med du zin kyang tshul khrims dang ldan pa zhes bya'o// yongs su sngo bar byed na ni/ byang chub sems dpa' sems dpa' chen po yang dag pa'i tshul khrims kyi pha rol tu phyin pa yongs su 'dzin pa yin te/ 'on kyang tshe dang ldan pa gang po gcig ni yun ring mo zhig nas mngon par rdzogs par 'tshang rgya bar 'gyur la/ cig shos ni 'di lta ste/ thabs la mkhas pas myur du mngon par rdzogs par 'tshang rgya bar 'gyur te/ tshe dang ldan pa gang po byang chub sems dpa' thabs la mkhas pa yun ring mo zhig nas mngon par rdzogs par 'tshang rgya bar 'gyur ba ni bla'i/ nyan thos kyi sa 'am/ rang sangs rgyas kyi sar ltung ba ni de lta ma yin no// mi zhig chom rkun gyi yang ba nas 'phyis te 'ongs pa ni bla'i/ bcom ste myur du 'ongs pa ni de lta ma yin no/ / tshe dang ldan pa gang po de bzhin du ring mo zhig nas mngon par rdzogs par 'tshang rgya ba ni bla'i/ nyan thos kyi sa 'am/ rang sangs rgyas kyi sar ltung ba ni de lta ma yin no// / thabs la mkhas pa'i byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas ni/ rnam pa gnyis su 'gyur par shes par
- 193a
bya ste/ yang na ni yang dag pa'i mtha' mngon sum du byed par 'gyur ro// yang na ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / tshe dang ldan pa gang po dper na khyim zhig tshig la khyim tshig pa de'i nang na rin po che'i phung po 'dug ste/ rin po che 'dod pa'i mi la la zhig khyim der zhugs nas/ des rnam pa gnyis su 'gyur bar shes par bya ste/ yang na ni khyim de'i nang du tshig par 'gyur/ yang na ni rin po che de dag khyer te 'byung bar 'gyur ro// tshe dang ldan pa gang po de bzhin du thabs la mkhas pa'i byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa yang / rnam pa gnyis su 'gyur bar shes par bya ste/ yang na ni yang dag pa'i mtha' mngon sum du byed par 'gyur/ yang na ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / smras pa/ tshe dang ldan pa shA ra dwa ti'i bu byang chub sems dpa' gang yang dag pa'i mtha' mngon sum du byed pa de/ thabs la mkhas pa zhes bya 'am/ smras pa/ tshe dang ldan pa gang po byang chub sems dpa' gang yang dag pa'i mtha' mngon sum du byed pa de mi/ thabs la mkhas pa zhes mi bya'o// de ci'i phyir zhe na/ nyan
- 193b
thos kyi sa 'am/ rang sangs rgyas kyi sar lhung ba gang yin pa de ni/ byang chub sems dpa'i thabs la mkhas pa'i rgyu mthun pa ma yin gyi/ de ni thabs la mi mkhas pa'i rgyu mthun pa yin// pa'i phyir ro// tshe dang ldan pa gang po gzhan yang gal te byang chub sems dpa' byang chub tu spyod pa na/ bdag ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur gyi/ byang chub sems dpa' gzhan dag ni ma yin no snyam du rnam par rtog na/ de spyod yum mi yin pa la spyod de/ gang spyod yul ma yin pa de ni/ de'i tshul khrims kyi skyon yin no/ / tshe dang ldan pa gang po gzhan yang gal te byang chub sems dpa' 'di snyam du bdag ni sbyin pa ches mang ba sbyin pa yin na// bdag ni tshul khrims srung ba'o// bdag ni bzod pa/ sgrub pa'o// bdag ni brtson 'grus brtsams pa'o// bdag ni bsam gtan la mnyam par 'jog pa'o// bdag ni shes rab kyi pha rol tu phyin pa la spyod pa yin gyi/ byang chub sems dpa' gzhan dag ni ma yin no snyam du de ltar rnam par rtog na yang / skyod yul ma yin pa la spyod de/ spod yul ma yin pa gang yin pa de ni de'i tshul khrims kyi skyon yin no// tshe dang ldan pa gang po gzhan yang gal te byang chub sems dpas 'di snyam du bdag ni ji ltar yongs su bsngo bar bya ba'i yongs su bsngo ba'i thabs shes kyi/ byang chub sems dpa'
- 194a
gzhan dag ni de ltar mi shes so snyam du sems na yang spyod yul ma yin pa la spyod de/ spyod yul ma yin pa gang yin pa de ni de'i tshul khrims kyi skyon yin no// ched ldan pa gang po gzhan yang byang chub sems dpa' 'di snyam du bdag gis byang chub sems dpa' gzhan dag bsal pa kad+ha'i klung gi bye ma snyed du 'dug la/ 'khar la sbyar ba 'i kha zas zhing yongs su gtong ba yang bsod snyoms gcig dang / sems bskyed pa gcig gis zil gyis gnon par byaro snyam du sems na/ spyod yul ma yin pa la spyod de/ spyod yul ma yin pa gang yin pa de ni de'i tshul khrims kyi skyon yin te/ byang chub sems dpa' de ni thabs la mkhas pa yin du zin kyang / rnam par rtog pa 'di dag ltar rnam par rtog na de thabs la mkhas pa zhes mi bya'o/ / de ci'i phyir zhe na/ byang chub sems dpas ni byang chub sems dpa' dang mi mthun par mi bya/ byang chub sems dpas ni byang chub sems dpa' la khyad du gsad par mi bya/ byang chub sems dpas ni byang chub sems dpa' la brnyas par mi bya'i/ de bzhin gshegs pa la gus par rim gro bya ba bzhin du byang chub sems dpas byang chub sems dpa' la gus pa bskyed par bya ba'i phyir ro/ / smras pa/ tshe dang ldan pa shA ra dwa ti'i bu ci byang chub sems dpa' 'ba' zhig la gus par rim gro bya'i/ sems can gzhan dag la ni
- 194b
gus par rim gro mi bya 'am/ smras pa/ tshe dang ldan pa gang po sems can thams cad la yang ji ltar de bzhin gshegs pa la gus par rim gro bya ba bzhin du gus pa bskyed par bya'o// de bzhin du byang chub sems dpas byang chub sems dpa' mthong na gus par rim gro bya'o// de bzhin du tshangs pa mtshungs par spyod pa rnams mthong na yang gus par rim gro bya'o// de bzhin du sems can gzhan dag la yang gus par rim gro bya'o/ / de bzhin du byang chub sems dpas dma' ba'i sems dang / gus pa dang bcas pa dang / zhe sa dang bcas par bya/ ste/ nga rgyal spangs pas gus par rim gro bya'o// 'di ltar yang bdag bla na med pa yang dag par rdzogs pa'i byang chub mngon par rdzogs par sangs rgya sa nas/ sems can 'di dag yongs su mya ngan las bzla bar bya'o/ / sems can rnams kyi nyon mongs pa spang ba'i phyir chos kyang bstan par bya'o snyam du sems bskyed par bya zhing de ltar bsam par bya'o// tshe dang ldan pa gang po 'di ltar byang chub sems dpa' sems dpa' chen pos/ sems can rnams la dma' ba'i sems su bya'o// byams pa'i sems su bya'o// sems can de dag ni mchog tu 'gyur bar bya'o/ / mchog kyang byed du gzhug par bya'o// de ci'i phyir zhe na/ mchog nyid ni 'di lta ste/ sangs rgyas nyid yin pa'i phyir ro// 'di ltar 'di la byang chub sems
- 195a
dpas sems can thams cad la yang byams pa bskyed par bya'o/ / sems can thams cad kyang chos kyi bdag po la bdag po byed du gzhugs par bya'o// tshul khrims kyi pha rol tu phyin pa las le'u bzhi pa'o/ / // de nas tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so// tshe dang ldan pa shA ra dwa ti'i bu byang chub sems dpa' bla na med pa yang dag par rdzogs pa'i byang chub mngon par rdzogs par sangs rgyas nas/ sems can thams cad kyang chos kyi bdag po'i mchog byed du 'jug ste/ 'doms shing rjes su ston par 'gyur ram/ tshe dang ldan pa shA ra dwa ti'i bu dper na sgyu ma mkhan nam/ sgyu ma mkhan gyi slob ma mkhas pas dpung gi tshogs yan lag bzhi ba mngon par sprul te/ rgyal po dang bcas pa'i sde mngon par sprul na/ ci sgyu ma'i mi de dag 'di snyam du gang bdag cag la dbang byed pa'i rgyal po ni yod do snyam du sems sam/ smras pa/ tshe dang ldan pa de ni ma yin no// smras pa/ ci rgyal po de 'di snyam du bdag gi dpung gi tshogs yan lag bzhi pa 'di dag ni yod do snyam du sems sam/ smras pa/ tshe dang ldan pa de ni ma yin no/ / smras pa// dpung gi tshogs yan lag bzhi pa de dag thams cad ni rdzas su gtogs pa ma yin/ dngos por gtogs pa ma yin te/ rdzas ma yin par gtogs pa/ dngos po
- 195b
ma yin par gtogs pa yin pas/ de de dag la bdag po byed du 'jug par mi 'gyur la/ chos thams cad ni sgyu ma lta bu'o zhes bcom ldan 'das kyis gsungs na/ ji ltar na de dag mchog tu byed du 'jug par 'gyur/ byang chub sems dpas gang dag mchog byed du gzhug par bya ba'i chos rnams ni gang yin/ gang mchog byed du 'jug pa'i chos de dag ni gang yin/ smras pa tshe dang ldan pa gang po gal te byang chub sems dpa' chos gang zhig yang dag par rjes su mthong na/ byang chub sems dpa' shes rab kyi pha rol tu phyin pa la spyod pa ma yin no// gang gi tshe chos ci yang yang dag par rjes su mi mthong ba de'i tshe/ byang chub sems dpa' shes rab kyi pha rol tu phyin pa dang ma bral ba yin te/ de ni byang chub sems dpa'i thabs la mkhas pa yin no// chos gang mchog byed du 'jug pa'i chos ci yang yang dag par rjes su ma mthong la/ de las kyang phyir mi ldog pa de nyid ni de'i brtson 'grus kyi pha rol tu phyin pa'o// gang sgyu ma lta bu'i chos rnams kyi bdag por nye bar gnas la/ de las kyang phyir mi ldog pa dang / btsal bar yang 'bras bu dang bcas par mthong la/ chos ci yang yang dag par rjes su ma mthong ba bzhin du/ de las kyang phyir mi ldog/ pa gang yin pa de ni byang chub sems dpa' brtson 'grus kyi go cha chen po bgos pa zhes bya'o// de ltar 'dir lha dang / mi dang / lha ma yin du bcas pa'i 'jig rten rab tu 'jig la/ 'dir 'arjin/
- 196a
pa'ang gang yang med de/ de lta bur bdag nyid mngon par rdzogs par sangs rgyas te/ bla na med pa yang dag par rdzogs pa'i byang chub thob nas/ 'di ltar ming gi tshogs dang / tshig gi tshogs dang / yi ge'i tshogs rnams kyis zhi ba'i chos nyid bshad par bya'o// chos thams cad kyi rang bzhin gang yin pa de ni brjod par mi nus te/ tshe dang ldan pa gang po 'on kyang chos thams cad ni rab tu gsal ba yin la/ de dag ni bstan par yang mi nus so// de la byang chub sems dpa' bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams la 'di skad du/ chos nyid 'di ni rab tu gsal ba ste/ 'di dag ni nga mngon par rdzogs par sangs rgyas nas bstan pa ma yin mod kyi/ ngas ji ltar mngon par rdzogs par sangs rgyas pa de bzhin du bstan to/ / 'on kyang su la'ang bstan pa med cing / su la'ang bstan par mi 'gyur ro zhes gsung ngo // de bas na 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa'i sems phyir mi ldog cing zhum par mi 'gyur te/ brtson 'grus 'ba' zhig yang dag par 'dzin la/ brtson 'grus kyi pha rol tu phyin pa de thams cad mkhyen pa nyid du yongs su bsngos na/ 'di ni de'i tshul khrims kyi pha rol tu phyin pa yin no// de'i brtson
- 196b
'grus kyi pha rol tu phyin pa thams cad mkhyen pa nyid du yongs su bsngos pa/ tshul khrims kyi pha rol tu phyin pa gang yin pa de ni yongs su dag pa'i tshul khrims yin te/ ji ltar thams cad mkhyen pa nyid du yongs su bsngo ba de tsam gyis na/ byang chub sems dpa'i tshul khrims yongs su dag pa yin no// smras pa/ tshe dang ldan pa shA ra dwa ti'i bu sgyu ma lta bu'i chos rnams thams cad mkhyen pa nyid du ji ltar yongs su bsngo bar bya/ smras pa/ tshe dang ldan pa gang po gal te chos 'di dag sgyu ma lta bu ma yin du zin na ni/ thams cad mkhyen pa nyid du yongs su bsngo bar yang shin tu mi nus te/ gang gi phyir chos 'di dag sgyu ma lta bur gyur pa de'i tshe/ chos 'di dag thams cad mkhyen pa nyid du yongs su bsngo bar nus so// de ltar na byang chub sems dpa'i rtsol ba yang mthu dang ldan pa yin zhing / brtson 'grus kyang shin tu rdzogs pa yin no// smras pa/ rtsol ba mthu dang ldan pa gang yin pa 'di gang gi las yin/ smras pa/ 'di ni thabs la mkhas pa'i gnas yin te/ thabs la mkhas pa la brten nas/ 'di ltar chos 'di dag ni de ltar thabs la mkhas pa la gnas so snyam du shes te/ de la goms par yang mi byed/ yang dag pa'i mthar yang mi lhung ngo / / 'di lta ste/ dper na mi zhig brag gi rtse mor 'dug la/ lag pa gnyis ni gdugs thogs te/ dam du bzung nas brag de'i khar brten la/ rkang pa ya gcig gis nur te/
- 197a
g.yangs mi bzad pa la lha na gsung sar gzhag kyang / gdugs kyis rlung thogs par byas pa'i gdugs de dag dang / rlung de'i stobs kyi shugs des der ltung bar yang / mi 'gyur ro// de ltar brag gi kha na 'dug pa'i mi des/ bdag gnyis g.yang sar bzhag tu zin kyang gdugs de dag gis rlung thogs par byas pa'i 'du byed kyis brten pas/ de gsang sa de la yang lta zhing / der ltung bar yang mi 'gyur ro// tshe dang ldan pa gang po de bzhin du thabs la mkhas pa'i byang chub sems dpa' sems dpa' chen po yang thabs la mkhas pa la yang brten cing / snying rje chen pos kyang sgyu ma lta bu'i chos rnams yang dag par ji lta ba bzhin du shes la/ rnam par lta ste/ thabs la mkhas pa des yongs su zin pas/ chos de dag la goms par yang mi ltung la/ de'i sems kyang zhum par mi 'gyur/ chos de dag kyang mngon sum du mi byed do// de ci'i phyir zhe na/ g.yang sa chen po mi zad pa de ni 'di lta ste/ chos thams cad stong pa nyid mngon sum du byed pa'o/ / de ltar na byang chub sems dpa' sems dpa' chen po go cha chen po bgos shing / thabs la mkhas pas yongs su zin pa ni/ tshul khrims kyi pha rol tu phyin pa'i phung po dam pa dang ldan pa yin par rig par bya'o/ / gang mngon par 'du bya ba dang / gang mngon par rdzogs par byang chub par bya ba'i chos ci yang yang dag par rjes su
- 197b
mi mthong ba de nyid byang chub sems dpa'i tshul khrims yin te/ 'di nyid byang chub sems dpa'i tshul khrims kyi pha rol tu phyin pa yin par rig par bya'o// thabs la mkhas pa'i pha rol/ tu phyin pas yongs su zin pa'i byang chub sems dpa' sems dpa' chen po ni pha rol tu phyin pa thams cad kyis yongs su zin par rig par bya'o// byang chub sems dpa' sems dpa' chen po pha rol tu phyin pa thams cad dang ma bral ba de ni thams cad mkhyen pa nyid kyi sgo na gnas pa yin par rig par bya ste/ nyan thos dang rang sangs rgyas thams cad zil gyis mnan nas 'gro'o/ / de ci'i phyir zhe na/ 'di ltar de ni thams cad mkhyen pa'i rin po che 'dod pa'i phyir ro// tshe dang ldan pa gang po dper na mi zhig brag phug tu zhugs te der 'gro ba na ngos gsu g.yon na dbyig dang / gser dang / dngul dag mthong ste/ de ji lta ji ltar nang du 'gro ba de lta de ltar ngos g.yas g.yon na dbyig dang / gser dang / dngum gyis yongs su gang bar mthong zhing / mu tig gi chun pos kyang yongs su gang bar mthong ngo // de gal te de la chags pa skyed na/ de'i nang gi rin po che rin thang med pa gang dag yin pa de dag las de yongs su nyams par 'gyur ro// de gal te der dbyig dang / gser dang / dngul dang / mu tig gi chun po de dag la chags pa mi skyed na ni/ de de las 'das nas rin po che rin thang med pa rnams gang na yod pa'i phyogs der phyin nas mthong bar 'gyur zhing
- 198a
der rin po che rin thang med pa de dag dang ldan par 'gyur ro/ / tshe dang ldan pa gang po de bzhin du thabs la mi mkhas pa'i byang chub sems dpa' nyan thos kyi sa 'am/ rang sangs rgyas kyi sa'i bsngags pa 'am/ cho 'phrul lam/ rdzu 'phrul brjod pa na/ der 'ongs shing 'dug la chags par byed na/ de ltar de thams cad mkhyen pa nyid kyi rin po che las nyams par 'gyur ro/ / tshe dang ldan pa gang po thabs la mkhas pa'i byang chub sems dpa' de ni nyan thos kyi sa 'am/ rang sangs rgyas kyi sa'i bsngags pa brjod pa na/ de dag yid la mi byed cing zil gyis mnan te 'gro'o/ / de la chags pa yang mi skyed/ zhen par yang mi 'gyur/ sred par yang mi byed de/ de la sred par mi byed cing yid la mi byed pa des ni/ zil gyis mnan te 'gro de ci'i phyir zhe na/ nyan thos kyi sa dang / rang sangs rgyas kyi sa dang / sa 'di gnyis ni thams cad mkhyen pa nyid la bar chad byed pa ste/ 'di dag las 'das nas/ rims kyis thams can mkhyen pa nyid kyi rin po che 'thob par 'gyur ro/ / tshe dang ldan pa gang po dper na mi dbyig dang / gser dang / dngul dang / mu tig gi chun po rnams las 'das te/ de dag la chags pa mi skyed par nang du zhugs nas/ rin po che rin thang med pa de dag dang ldan par gyur na bdag nyid kyang sprod la/ sems can rnams la yang yang dag par 'gyed pa'i ngang tshul
- 198b
can du 'gyur ro/ / tshe dang ldan pa gang po de bzhin du byang chub sems dpa' sems dpa' chen po thabs la mkhas pa ang / sa 'di gnyis la ro mi myang bar 'das nas/ rims kyis thams cad mkhyen pa nyid kyi rin po che dang ldan par 'gyur ro/ / gal te byang chub sems dpa' sems dpa' chen po sa de gnyis la rab tu chags na/ de ni thabs la mi mkhas par rig par bya'o/ / de bas na thabs la mkhas pas yongs su zin pas/ de la yid brtan par mi bya ste/ ji srid du bla na med pa yang dag par rdzogs pa'i byang chub mngon par rdzogs par sangs ma rgyas pa de srid du/ byang chub sems dpas yid brtan par mi bya'o// smras pa/ tshe dang ldan po shA ra dwa ti'i bu phyir mi ldog pa'i byang chub sems dpa' sems dpa' chen po'i yid mi brta par bya ba gang yin/ smras pa/ pha rol tu phyin pa drug la ni yid mi brtan par mi bya'o// pha rol tu phyin pa drug la 'dres par spyod pa ni ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ des 'di ltar bdag yun ring po zhig gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur du 'ong gis/ bdag gis pha rol tu phyin pa drug la mgo dang gos la me 'bar ba bzhin du spyad par bya'o snyam du sems bskyed par bya'o// tshe dang ldan pa gang po gzhan yang
- 199a
gal te byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa de/ bdag tshul khrims 'dis mtshan rnams yongs su 'dzin par gyur cig ces kun tu spyod pa 'di lta bu 'di dag 'byung bar gyur na/ byang chub sems dpa' de rnam par rtog pa la zhugs pa yin no// rnam par rtog pa gang yin pa de ni/ byang chub sems dpa' de'i chal pa'i tshul khrims yin par rig par bya ste/ byang chub sems dpa' sems dpa' chen pos ni/ mtshan rnams kyi ched du bla na med pa yang dag par rdzogs pa'i byang chub la 'jug par mi bya'o/ / gal te mtshan rnams la mchog tu 'dzin na byang chub sems dpa' tshul khrims mchog tu 'dzin pa yin par rig par bya'o// tshul khrims kyi pha rol tu phyin pa las le'u lnga pa'o// // de nas bcom ldan 'das kyis/ tshe dang ldan pa shA ra dwa ti'i bu la bka' stsal pa/ shA ra dwa ti'i bu khyod la byang chub sems dpa' 'di ni tshul khrims mchog tu 'dzin pa'o/ / 'di ni tshul khrims mchog tu 'dzin pa ma yin no zhes bya ba'i shes pa yod dem/ gsol pa/ bdag ji ltar bcom ldan 'das la glo ba ches shing / bcom ldan 'das kyis bka' stsal pa'i don 'chal ba ltar na/ gal te byang chub sems dpa' nyan thos dang / rang sangs rgyas kyi sar sems bskyed na tshul khrims
- 199b
mchog tu 'dzin par rig par bgyi'o/ / de ci'i slad du zhe na/ 'di ltar nyan thos kyi sa 'am/ rang sangs rgyas kyi sar sems bskyed na/ 'di ni byang chub sems dpa'i spyod yub ma lags te/ byang chub sems dpa' tshul khrims mchog tu 'dzin pa lags par rig par bgyi'o// gal te byang chub sems dpa' gzugs la dmigs pa 'am/ sgra la dmigs pa 'am/ dril dmigs pa 'am/ rol dmigs pa 'am/ reg la dmigs pa'i sems bskyed na/ de ni byang chub sems dpa'i tshul bzhin ma yin pa yid la bgyid pa legs par rig par bgyi'o/ / de ci'i slad du zhe na/ 'di ltar tshul bzhin ma yin pa yid la bgyid pa de ni nyon mongs pa'i grangs su gtogs la/ nyon mongs pa'i grangs su gtogs pa de ni/ skye ba de dang de dag lus yongasu 'dzin par 'gyur ro/ / ji lta ji ltar lus yongs su 'dzin par 'gyur ba de lta de ltar pha rol tu phyin pa drug yang dag par blangs te gnas par 'gyur ro// ji lta ji ltar pha rol tu phyin pa drug yang dag par blangs te gnas par 'gyur ba de lta de ltar thams cad mkhyen pa nyid dang nye bar 'gyur ro/ / bcom ldan 'das bdag ni 'di la 'di ltar 'tshal te/ bcom ldan 'das ji ltar nyon mongs pa rnams kyang thams cad mkhyen pa nyid kyi slad du/ byang chub sems dpa' sems dpa' chen po rnams la phan 'dogs pa lags te/ bcom ldan 'das gang gi tshe byang chub sems dpa'
- 200a
nyon mongs pa rnams kyang phan 'dogs par gyur par mthong na/ byang chub sems dpa' sems dpa' chen po de ni/ thabs la mkhas pa lags par rig par bgyi'o// ltar na yang byang chub sems dpa' tshul khrims la gnas pa lags te/ de ltar na tshul khrims mchog tu 'dzin pa ma lags par rig par bgyi'o// de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la legs so zhes bya ba byin te/ shA ra dwa ti'i bu legs so legs so// shA ra dwa ti'i bu khyod de ltar ston pa ni de bzhin gsheg pas gsung pa smra ba dang / chos smra ba yin te/ chos kyis rjes su mthun pa'i chos kyang lan 'debs pa yin no// shA ra dwa ti'i bu 'di la byang chub sems dpa' sems dpa' chen po tshul khrims kyi pha rol tu phyin pa la gnas pas/ 'di ltar bdag gi tshul khrims kyi pha rol tu phyin pa 'dis 'jig rten gyi khams grangs med dpag tu med pa dag gi sems can tshul khrims 'chal pa gang dag yin pa de dag/ bdag gi tshul khrims kyi pha rol tu phyin pa las/ tshul khrims so sor thob par gyur cig/ 'chal pa'i tshul khrims rnam par spong bar gyur cig/ bdag gi tshul khrims 'dis sems can de dag la phan yang gdags par bya'o snyam du rig par byed na/ byang chub sems dpa' de ni thabs la mkhas pa yin par rig par bya'o// de ji lta ji ltar tshul khrims yongs su sngo bar byed pa de lta de ltar tshul khrims kyi pha rol tu phyin pa rnam par
- 200b
'phel bar 'gyur ro/ / ji lta ji ltar tshul khrims kyi pha rol tu phyin pa rnam par 'phel ba de lta de ltar byang chub sems dpa' chos dpag tu med pa yongs su 'dzin no// tshul khrims kyi tshad nges par ma bcad pas/ chos dpag tu med pa yongs su 'dzin no// 'jig rten gyi khams dpag tu med pa'o sems can byang chub sems dpa'i theg pa la gsar du zhugs pa gang dag yin pa de dag kyang / bdag gi tshul khrims kyi pha rol tu phyin pa 'dis phyir mi ldog par gyur cig/ phyir mi ldog pa gang dag yin pa de dag kyang / myur du thams cad mkhyen pa nyid yongs su rdzogs par gyur cig ces/ byang chub sems dpa' la dmigs nas/ byang chub sems dpa' tshul khrims yongs su sngo bar byed do// ji lta ji ltar yongs su sngo bar byed pa de lta de ltar thams cad mkhyen pa nyid kyi sems mi spong zhing / de lta de ltar thams cad mkhyen pa nyid dang nye bar 'gyur te/ byang chub sems dpa' de'i tshul khrims kyi pha rol tu phyin pa dpag tu med pa ni ches dpag tu med par 'gyur ro/ / byang chub sems dpas byang chub sems dpa' gcig la tshul khrims kyi pha rol tu phyin pa yongs su bsngo ba gang yin pa dang / 'jig rten gyi khams kang+gA'i klung gi bye ma snyed dag na/ sems can tshul khrims 'chal pa gang dag yod pa de dag tshul khrims kyi pha rol tu phyin pa yongs su rdzogs par gyur cig ces yongs su bsngon/ byang chub sems dpas
- 201a
b yang chub sems dpa' gcig la tshul khrims kyi pha rol tu phyin pa yongs su bsngo ba gang yin pa'i tshul khrims kyi pha rol tu phyin pa yongs su bsngo ba de sa yongs su bsngo bsdu mas brgya'i char yang nye bar mi 'gro'o/ / stong gi cha dang / 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// de ci'i phyir zhe na/ shA ra dwa ti'i bu byang chub sems dpa' des ni/ thams cad mkhyen pa nyid yongs su bzung ba yin zhing / nye bar brtan pa yin pa'i phyir ro// byang chub sems dpa' gang thams cad mkhyen pa nyid kyi rnal 'byor yongs su 'dzin cing nye bar rton pa des ni/ sems can dpag tu med grangs med pa rnams la phan btags shing nye bar brtan par 'gyur ro// shA ra dwa ti'i bu dper na ka ba gcig pa'i khang bzangs shig la 'dug sa bcung ma/ nyi shu yod la/ khang bzangs de'i nang gi grib ma la srog chags brgya phrag mang po rnams dang / srog chags stong phrag mang po rnams dang / srog chags 'bum phrag mang po dag 'dus par gyur la/ mi la la zhig khang bzangs kyi ka ba de gcod par 'dod la/ de la mi la la zhig 'di skad du/ kye skyes bu khang bzangs kyi ka ba 'di bcad na/ srog chags brgya phrag mang po srog dang bral bar 'gyur ro zhes smra la/ de la don 'a dod cing grub pa dang / bde bar 'dod pa'i mi des khang bzangs kyi ka ba gcod pa'i mi bkag la/ de la yang mi
- 201b
la la zhig 'di skad du kye ma khyod kyis srog chags mang po/ srog chags brgya phrag mang po/ srog chags stong phrag mang po/ srog chags 'bum phrag mang po rnams kyi srog byin no// zhes zer ba de bzhin du/ shA ra dwa ti'i bu byang chub sems dpa' gang bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ pha rol tu phyin pa drug la 'doms par mi byed/ rjes su ston par mi byed par/ nyan thos kyi sa 'am/ rang sangs rgyas kyi sar 'doms shing rjes su ston na/ des sems can dpag tu med pa rnams kyi dgra bcom pa nyid kyi bar chad byas pa yin no/ / shA ra dwa ti'i bu gang bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ pha rol tu phyin pa drug la 'doms shing rjes su ston to/ thams cad mkhyen pa nyid du nye bar ston par byed pa des ni/ sems can rnams la dgra bcom pa nyid byin pa yin no// shA ra dwa ti'i bu de ltar na byang chub sems dpa' gang nga'i bstan pa mthong nas/ byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa pha rol tu phyin pa drug la 'doms shing rjes su ston pa des ni/ sems can dpag tu med pa rnams la phan pa dang / bde ba'i phyir zhugs pa yin no// shA ra dwa ti'i bu 'di ltar 'di la byang chub sems dpa' sems dpa' chen po tshul khrims kyi pha rol tu phyin pa la
- 202a
gnas pa ni/ 'di snyam du tshul khrims 'dis car rnams thams cad tshul khrims dang ldan par gyur cig snyam du sems te/ de ltar yongs su bsngo zhing sems can thams cad la s ems par gyur la/ sems can gang bde ba 'am/ dga' ba yang skye zhing sgra de thos nas/ sems can de dag gi sems gnod sems med cing tshul khrims kyi grangs su 'gro ba de dag ni byang chub sems dpa' tshul khrims kyi pha rol tu phyin pa la gnas pa'i sems gcig bskyed pa la/ rdza ma'i bsod nams kyi rgyun des brgya'i char yang nye bar mi 'gro'o// stong gi cha dang / 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// ji lta ji ltar byang chub sems dpa' sems can thams cad kyi ched du tshul khrims yongs su bsngo ba de lta de ltar byang chub sems dpa' sems dpa' chen po tshul khrims kyi pha rol tu phyin pas 'bogs te/ de ltar na byang chub sems dpa' tshul khrims kyi pha rol tu phyin pa la gnas pa yin no// tshul khrims kyi pha rol tu phyin pa las le'u drug pa'o/ / / de nas tshe dang ldan pa shA ra dwa ti'i bus bcom ldan 'das la 'di skad ces gsol to// bcom ldan 'das byang chub sems dpar rig par bgyi ba gang lags byang chub sems dpas ji srid kyi bar du spyad na/ de byang chub sems dpar rig par bgyi/ gang sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson
- 202b
'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la sems can rnams 'doms shing rjes su ston te/ sbyin pa'i pha rol tu phyin pa nas/ shes rab kyi pha rol tu phyin pa'i bar dag sems can rnams kyi phyir thams cad mkhyen pa nyid du yongs su bsngo zhing / tshig 'di skad du bdag gi sbyin pa 'dis sems can ser sna can rnams gtong ba thob par gyur cig/ bdag gi tshul khrims kyi pha rol tu phyin pa 'dis/ sems can tshul khrims 'chal pa rnams tshul khrims thob par gyur cig/ bdag gi bzod pa'i pha rol tu phyin pa 'dis sems can/ gnod sems kyi sems dang ldan pa dang / khro ba'i sems dang ldan pa rnams bzod pa thob par gyur cig/ bdag gi brtson 'grus kyi pha rol tu phyin pa 'dis sems can le lo can rnams brtson 'grus thob par gyur cig/ bdag gi bsam gtan gyi pha rol tu phyin pa 'dis sems can rnam par rtog pa spyod pa rnams dang / sems rnam par g.yengs pa rnams bsam gtan thob par gyur cig/ bdag gi shes rab kyi pha rol tu phyin pa 'dis/ sems can shes rab 'chal pa can rnams dang / rmongs pa rnams shes rab thob par gyur cig ces zer zhing / sa nas sa ji/ lta ba bzhin du de ltar yongs su bsngo na/ bcom ldan 'das byang chub sems dpa' sems dpa' chen po de bskal pa dus 'byung bar rig par bgyi lags/ de skad ces gsol pa dang / bcom ldan
- 203a
'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu byang chub sems dpa' sems dpa' chen po de ltar yongs su bsngo ba de ni/ bzhar ba lnga brgyas 'byung bar rig par bya'o/ / gal te byang chub sems dpa' thabs la mkhas pa 'di dang ldan pas/ bskal pa bzang po 'di'i sangs rgyas stong gi nang du bla na med pa yang dag par rdzogs pa'i byang chub mngon par rdzogs par 'tshang rgya bar 'dod cing / 'di skad du ci byas na ngan song rnams stongs par 'gyur snyam pa dang / bdag gi nyan thos 'dus pa dang po la yang dgra bcom pa bye ba phrag 'bum yod par gyur cig ces smon lam 'debs na/ shA ra dwa ti'i bu byang chub sems dpa' de'i byang chub ni bskal pa stong gis 'grub par nga smra'o// gal te de ltar yongs su bsngo ba la dga' na/ rnam pa de dag dang / rtags dedag dang / mtshan ma de dag ni byang chub sems dpa' bskal pa lnga brgyas 'byung ba yin par rig par bya ste/ de ni phyir mi ldog pa'i byang chub sems dpa' yin par rig par bya'o// gsol pa/ bcom ldan 'das byang chub sems dpa' sems dpa' chen pos ni/ pha rol tu phyin pa bstan pa 'di thos na dga' bar bgyi'o// de ci'i slad du zhe na/ byang chub sems dpa' rnams ni sangs rgyas bcom ldan 'das rnams kyis yongs su sa btang ba'i slad du lags so/ / gal te byang chub sems dpa' sems dpa' chen pos pha rol tu phyin pa bstan pa 'di thos nas/ nyi ma nag gcig tsam yang dga' ba dang /
- 203b
/ mchog tu dka' bas khyab cing gnas na/ byang chub sems dpa' de ni theg pa la zhugs nas yun ring po lags par rig par bgyi'o// gal te nyin zhag gnyis kyi bar du khyab cing gnas na/ byang chub/ sems dpa' de ni zhugs nas/ shin tu yun ring ba lags par rig par bgyi'o// gal te nyin zhag bdun du yid dga' bzhin du gnas na/ byang chub sems dpa' de ni theg pa la zhugs nas/ yun ring du lon pa dag gi nang na yang / theg pa la zhugs nas ches yun ring du lon pa lags par rig par bgyi'o// de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das bcom ldan 'das kyis bka' stsal pa'i don bdag gis 'tshal ba ltar na/ byang chub sems dpa' sems dpa' chen po de ni gang tshun chad de'i dge ba'i rtsa ba cher 'phel zhing / de thabs la mkhas par gyur pas pha rol tu phyin pa rnams nyan nas slan chad bskal pa bdun gyis byung bar rig par bgyi ste/ bcom ldan 'das rnams kyi pha rol tu phyin pa bstan pa 'di ni/ de bzhin gshegs pa'i byin gyi rlabs kyis bdag gis spobs pa lags so/ / bcom ldan 'das kyis bka' stsal pa/ shA ra dwa ti'i bu de de bzhin no// de de bzhin te/ rnam pa 'di dag dang / rtags 'di dag byang chub sems dpa' sems dpa' chen po theg pa la zhugs nas/ yun ring du lon pa'i yin par rig par bya'o// de ltar na byang chub sems dpa' de ni phyir mi ldog pa yin par rig
- 204a
par bya'o/ / gal te byang chub sems dpa' pha rol tu phyin pa rnams 'chad pa na/ mchog tu dga' ba mi thob na/ byang chub sems dpa' de ni theg pa la gsar du zhugs pa yin par rig par bya'o/ / shA ra dwa ti'i bu byang chub sems dpa' theg pa la gsar du zhugs pa la pha rol tu phyin pa nyan cing / pha rol tu phyin pa rnams la slob pa de yang rims kyis thams cad mkhyen pa nyid du 'gyur bar nga smra'o/ / gsol pa/ bcom ldan 'das ji tsam du sangs rgyas bcom ldan 'das rnams kyis byang chub sems dpa' rnams yongs su ma btang ba ni ngo mtshar lags so// bcom ldan 'das kyis bka' stsal pa/ shA ra dwa ti'i bu 'di ji snyam du sems/ byang chub sems dpa' 'ba' zhig sangs rgyas bcom ldan 'das rnams kyis yongs su ma btang snyam du sems na/ shA ra dwa ti'i bu khyod kyis de ltar ni blta bar mi bya'o/ / de ci'i slad du zhe na/ sangs rgyas bcom ldan 'das rnams kyis ni sems can thams cad kyang yongs su ma btang ste/ sems can thams cad la yang 'di ltar sems can 'di dag thams cad 'khor ba na spyod pa'i sdug bsngal rnams las ji ltar yongs su dgrol bar bya snyam pa'i thugs nye bar gnas pa'i phyir ro/ / shA ra dwa ti'i bu de bzhin gshegs pa ni ji ltar de bzhin gshegs pa rnams thugs nye bar gnas pa de bzhin du/ sems can thams cad la yang thugs nye bar gnas so// shA ra dwa ti'i bu gal te de bzhin gshegs pa'i thugs de bzhin gshegs pa
- 204b
/ rnams la yang gzhan du gyur la/ byang chub sems dpa' rnams la yang gzhan/ rang sangs rgyas rnams la yang gzhan/ dgra bcom pa rnams la yang gzhan/ phyir mi 'ong ba rnams la yang gzhan/ lan cig phyir 'ong ba rnams la yang gzhan/ rgyun du zhugs pa rnams la yang gzhan/ chos kyi rjes su 'brang ba rnams la yang gzhan/ dad pas rjes su 'brang ba rnams la yang gzhan/ phyi rol gyi mngon par shes pa lnga dang ldan pa rnams la yang gzhan/ dge ba bcu'i las kyi lam dang ldan pa rnams la yang gzhan/ gshed ma rnams la yang gzhan/ gdol pa rnams la yang thugs gzhan nye bar gnas par gyur na ni/ shA ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas 'dun pas 'gro bar 'gyur ro// shA ra dwa ti'i bu gang gi phyir de bzhin gshegs pa ni/ ji ltar de bzhin gshegs pa rnams la thugs nye bar gnas pa de bzhin du/ sems can thams cad la yang thugs nye bar gnas/ de'i phyir sangs rgyas bcom ldan 'das rnams ni chos thams cad mnyam pa nyid la gnas pa'o/ / shA ra dwa ti'i bu gang la de bzhin gshegs pa'i rjes su chags pa dang / khong khro ba 'byung de'i dngos po 'am/ dmigs pa ngas yang dag par rjes su ma mthong ste/ 'di ni gnas med do// de ci'i phyir zhe na/ sangs rgyas bcom ldan 'das rnams kyis ni rjes su chags pa dang / khong khro ba spangs pa'i phyir ro// shA ra dwa ti'i bu 'on kyang byang chub sems dpa' rnams
- 205a
ni de bzhin gshegs pas yongs su ma btang ngo / / de ci'i phyir zhe na/ 'di lta ste/ de bzhin gshegs pa 'das pa'i 'og tu byang chub sems dpa' sems dpa' chen po rnams pha rol tu phyin pa drug la slob cing / rim gyis 'jig rten du chos kyi snang ba 'byung bar 'gyur ba'i phyir ro// shA ra dwa ti'i bu sangs rgyas bcom ldan 'das rnams kyis ni don gyi dbang 'di yang dag par gzigs nas/ byang chub sems dpa' rnams la 'doms shing rjes su bstan par dgongs so// de ltar na de bzhin gshegs pa 'das nas/ byang chub sems dpa' rims kyis bla na med pa yang dag par rdzogs pa'i byang chub mngon par rdzogs par sangs rgyas nas/ yang 'jig rten du chos kyi snang ba 'di 'byung bar 'gyur ro// de skad ces bka' stsal pa dang / tshe dang ldan pa shA ra dwa ti'i bus/ bcom ldan 'das la 'di skad ces gsol to// bcom ldan 'das de de ltar lags so// bde bar gshegs pa de de ltar lags te/ de bzhin gshegs pa 'das pa'i 'og tu byang chub sems dpa' rims kyis bla na med pa yang dag par rdzogs pa'i byang chub mngon par rdzogs par sangs rgyas pa na yang chos kyi snang ba 'jig rten du 'byung bar 'gyur ba lags so/ / bcom ldan 'das kyis bka' stsal pa/ shA ra dwa ti'i bu dper na shing ljon pa la la zhig sdong po med par gyur la/ de nyid las byung ba'i sa bon shing de'i kho ra khor yag nas sre zhing skyes pa de rnam par 'phel zhing /
- 205b
rims kyis sa phyogs der grib ma chen po byed de/ der srog chags brgya phrag mang po dang / srog chags stong phrag mang po dang / srog chags 'bum phrag mang po dag tshabs gdungs shing / rlung dang / nyi ma dang / ser bas nyen pa rnams grib ma de la gnas nas/ bde ba dang ldan par 'gyur zhing / lus dang yid bag yongs su gnas par 'gyur ro// grib ma de yang yid chags par byed pa yin te/ snying nas grib ma de las phyir 'gro ba'i blo mi 'byung ngo / / shing ljon pa'i sdong po snga ma de bya ba gang gis nye bar gnas par gyur pa'i bya ba de nyid kyis/ shing ljon pa'i sdong po phyi ma de yang nye bar gnas pa de bzhin du// shA ra dwa ti'i bu byang chub sems dpa' sems dpa' chen po rims kyis pha rol tu phyin pa drug la slob cing / sangs rgyas kyi zhing de nyid du bla na med pa yang dag par rdzogs pa'i byang chub mngon par rdzogs par sangs rgyas pa na/ de bzhin gshegs pa dgra bcom pa yang dag par rdzogs pa'i sangs rgyas rnams bya ba gang gis nye bar gnas par gyur pa'i bya ba de nyid byed par 'gyur te/ sems can dpag tu med pa rnams kyi nyon mongs pa spang ba'i phyir yang chos ston par 'gyur zhing / de la sems can gang dag blo dang ldan pa rnams ni chos 'dul ba de nyams su myong bar byed cing / de dag chos 'dul ba de yongs su btang bar mi sems so/ / shA ra dwa ti'i bu ji ltar mi de dag tsha bas gdungs shing / rlung dang / nyi ma dang / ser bas nyen te/ ngal ba rnams shing ljon pa'i grib ma de nyams su myong ba na/ phyir yongs su btang bar mi sems
- 206a
pa de bzhin du/ shA ra dwa ti'i bu sems can blo dang ldan pa gang dag yin pa de dag de bzhin gshegs pas bstan pa'i chos 'dul ba thos nas/ bdud rtsi'i ro nyams su myong ba na/ gzhar mu stegs can rnams kyi gnas su 'gro bar mi sems so/ / don gyi dbang 'di yang dag par gzigs nas/ sangs rgyas bcom ldan 'das rnams byang chub sems dpa' la 'doms shing rjes su bstan par dgongs so/ de ltar na byang chub sems dpa' sems dpa' chen po de de bzhin gshegs pa 'das shing / de bzhin gshegs pa mi bzhugs par gyur na/ bla na med pa yang dag par rdzogs pa'i byang chub mngon par rdzogs par sangs/ rgyas nas/ 'jig rten gnas pa la grib ma bzhin du 'gyur ro// de nas bcom ldan 'das/ tshe dang ldan pa shA ra dwa ti'i bus 'di skad ces gsol to// bcom ldan 'das bcom ldan 'das kyis bka' stsal pa'i don bdag gis 'tshal ba ltar na/ nyan thos kyi theg pa pa'i gang zag brgya 'am/ stong ngam/ bye ba phrag 'bum mam/ de las lhag pa yang rung ba la 'doms shing rjes su ston te/ dgra bcom pa nyid la bkod pa gang lags pa dang / byang chub sems dpa' pha rol tu phyin pa 'di dag bsgom pa'i slad du/ thams cad mkhyen pa nyid dang ldan pa'i sems gcig bskyed pa gang lags pa de la/ sems bskyed/ pa 'di ni chos bstan pa snga ma las mchog ces bgyi ba nas/ gong na ma mchis pa zhes bgyi ba'i bar du ste/ sems bskyed pa 'di nyid de las dam par gyur pa lags so// de skad ces gsol pa dang
- 206b
bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu legs so legs so// 'di ltar khyod ni ston pa'i nyan thos mkhas shing gsal la/ dul zhing 'jigs pa med pa ste/ yid gzhungs la gdams ngag dang tshig bzhin du byed pa'o// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo byang chub sems dpa' rnams kyi tshul khrims kyi pha rol tu phyin pa gnas brtan shA ra dwa ti'i bus ji skad bshad pa bzhin du khyod kyis long zhig/ kun chub par gyis shig/ zung zhig/ de skad ces bka' stsal pa dang / tshe dang ldan pa kun dga' bos/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po rnams kyi tshul khrims kyi pha rol tu phyin pa 'di bdag gis blangs lags te/ theg pa la gsar du zhugs pa rnams dang / phyir mi ldog pa rnam pa thams cad mkhyen pa nyid yongs su rdzogs par bgyi ba'i slad du/ bde bar gshegs pa kun chub par bgyi'o// gzung bar bgyi'o// bcom ldan 'das kyis de skad ces bka' stsal nas/ tshe dang ldan pa shA ra dwa ti'i bu dang / tshe dang ldan pa byams ma'i bu gang po dang / tshe dang ldan pa kun dga' bo dang / nyan thos chen po de dag dang / byang chub sems dpa' sems dpa' chen po phyogs bcu nas 'dus pa de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis
- 207a
gsungs pa la mngon par bstod do/ / tshul khrims kyi pha rol tu phyin pa las le'u bdun pa ste rdzogs so// // bam po lnga pa'o// 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ de nas bcom ldan 'das kyis/ tshe dang ldan pa byams ma'i bu gang po la bka' stsal pa/ gang po khyod byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams kyis bzod pa'i pha rol tu phyin pa las brtsams te spobs par gyis shig/ de nas bcom ldan 'das kyis skabs phye nas tshe dang ldan pa byams ma'i bu gang pos/ bcom ldan 'das la 'di skad ces gsol to// btsun pa bcom ldan 'das 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ pha rol ngan du brjod pa ngan pa 'ongs pa'i tshig gi lam dang du blang bar bgyi zhing / de la gnod sems mi bgyi ste/ de la byams pa nye bar bsgrub par bgyi'o/ / de ltar na byang chub sems dpa' sems dpa' chen pos bzod pa'i pha rol tu phyin pa yongs su gzung bar bgyi zhing / byams pa'i yid la bgyid pa byung ngo 'tshal kyang thams cad mkhyen
- 207b
pa nyid du yongs su bsngo bar bgyis na/ byang chub sems dpa' bzod pa'i pha rol tu phyin pa la gnas pa lags so// de nas tshe dang ldan pa shA ra dwa ti'i bus/ tshe dang ldan pa byams ma'i bu gang po la 'di skad ces smras so/ / tshe dang ldan pa gang po byang chub sems dpa'i bzod pa gang yin pa dang / nyan thos kyi bzod pa gang yin pa 'di gnyis la khyad par ni ci yod/ tha dad du dbye ba ni gang yin/ de skad ces smras pa dang / dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so// tshe dang ldan pa shA ra dwa ti'i bu nyan thos kyi bzod pa ni nyi tshe ba yin la/ byang chub sems dpa'i bzod pa ni dpag tu med de/ gang gi phyir sems can dpag tu med pa rnams kyi don dang / phan pa dang / bde ba'i phyir go cha bgos shing / sems can dpag tu med pa/ grangs med pa rnams yongs su mya ngan las zlo bar byed pa de'i phyir/ byang chub sems dpa'i bzod pa ni dpag tu med pa yin no// nyan thos kyi ni rang gi rgyud kyi nyon mongs pa rnams spangs par 'dod par zad pas na/ tshe dang ldan pa de'i phyir nyan thos ni nyi che ba'i bzod pa yin la/ byang chub sems dpa'i bzod pa ni dpag tu med do// gang dag byang chub sems dpa'i bzod pa'i pha rol tu phyin pa la gnod sems sam ma dad pa skyed cing mi bzod pa skyed na/ de dag ni bsod nams ma yin pa mang du skyed par 'gyur ro/ / tshe dang ldan pa shA ra dwa ti'i bu gzhan yang byang chub sems dpa' sems dpa' chen po la ni de bzhin gshegs pas gshung ba mdzad kyang / gnod sems mi 'byung ste/ de bzhin du sems can gang
- 208a
dag gdol pa 'am/ smig ma mkhan nam/ gsung po de dag thams cad kyis spyos sam/ brgyad bkag na de dag la yang gnod sems mi bya/ sdang bar mi bya'o// gnod sems su mi byed cing sdang bar mi byed na/ byang chub sems dpa' sems dpa' chen po bzod pa'i pha rol tu phyin pa yongs su 'dzin pa yin te/ rims kyis bzod pa'i pha rol tu phyin pa bslabs shing / bzod pa'i pha rol tu phyin pa mngon par bsgrub par bya'o/ / bzod pa'i pha rol tu phyin pa la gnas nas/ ngan pa 'ongs pa'i tshig gi lam dang du len nus par 'gyur ro// de nas tshe dang ldan pa shA ra dwa ti'i bus/ tshe dang ldan pa byams ma'i bu gang po la 'di skad ces smras so/ / tshe dang ldan pa gang po 'di la gal te byang chub sems dpa' sems dpa' chen po la mi la las ni tsan dan gyi lde gus lus la skud la/ la las ni lus la me gtor na/ mi gnyis la sems ji ltar bskyed par bya/ smras pa/ tshe dang ldan pa shA ra dwa ti'i bu 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ mi gang lus la tsan dan gyi lde gus skud pa de la yang rjes su chags pa bskyed par mi bya/ mi gang lus la me gtor ba de la yang gnod sems bskyed par mi bya'i/ gnyis ka ya yang mnyam pa'i sems bskyed par bya ste/ de ltar spyod cing / de ltar gnas pa'i byang chub sems dpa' sems dpa' chen po ni bzod pa'i pha rol tu phyin pa la sgom pa yin no// bzod pa'i pha rol tu phyin pa la
- 208b
spyod pa'i byang chub sems dpa' sems dpa' chen po ni spyod yul la spyod do/ / de ltar gnas pa'i byang chub sems dpa' sems dpa' chen po ni byang chub sems dpa'i zhing la gnas so// byang chub sems dpa' sems dpa' chen pos gnod sems mang bar mi bya ste/ bzod pa phun sum tshogs par bya'o// dran pa dang ldan pa dang / bsam pa dang ldan pa dang / sdug pa'i bsam pa dang ldan pa dang / mi khro ba dang / khon du mi 'dzin pa dang / thams cad la byams pa'i sems su bya zhing / 'khor gnod sems kyi sems dang ldan par gnas pa 'thab pa'i rang bzhin can/ mtshang 'dru ba'i rang bzhin can/ rtsod pa'i rang bzhin can du gnas pa rnams la bsdums bya zhing / sdums gnad byed du gzhug par bya ste/ 'di ltar nga ni khyed cag mi 'thab pa dang / mtshang mi 'dru ba dang / mi rtsod pa dang / mi 'gyed par bya ba'i phyir gnas te/ bla na med pa yang dag par rdzogs pa'i byang chub mngon par rdzogs par 'tshang rgyas nas kyang / chos bstan par bya'o snyam du sems bskyed par bya'o// las de'i rnam par smin pas byang chub sems dpa' sems dpa' chen po'i so thags bzang ba dang / so dam pa dang / so mnyam pa skyes bu chen po'i mtshan lus la mngon par 'grub par 'gyur ro// bzod pa'i pha rol tu phyin pa las le'u dang po'o/ / / de nas tshe dang ldan pa shA ra dwa ti'i bus/ tshe dang ldan pa byams ma'i bu gang po la 'di skad ces smras so// tshe dang ldan pa gang po byang chub
- 209a
sems dpa' sems dpa' chen po'i bzod pa gang yin pa dang / nyan thos kyi bzod pa gang yin pa 'di gnyis la/ gang ches rgya che ba dang / ches bzang ba dang / ches rang bzhin gyis 'od gsal ba dang / ches stobs dang ldan par rig par bya/ smras pa/ tshe dang ldan pa de'i phyir 'di khyod nyid la dri bar byas/ khyod ji ltar bzod pa de bzhin du lan thob cig/ tshe dang ldan pa shA ra dwa ti'i bu dper na 'dzam bu chu bo'i gser gang yin pa dang / ra ga na gang yin pa 'di gnyis la/ gang ches rgya che ba dang / ches bzang ba dang / ches 'od gsal ba dang / ches rin thang che ba yin smras pa/ tshe dang ldan pa gang po 'dzam bu chu bo'i geser ches rgya che ba dang / ches bzang ba dang / ches 'od gsal ba dang / ches rin che ba yin no// smras pa/ tshe dang ldan pa shA ra dwa ti'i bu nyan thos kyi bzod pa ni ra gan gyi 'od ji lta ba bzhin du blta'o/ / byang chub sems dpa'i bzod pa ni 'dzam bu chu bo'i gser gyi 'od ji lta ba bzhin du blta'o// tshe dang ldan pa shA ra dwa ti'i bu gnan yang gal te 'di ltar la la zhig byang chub sems dpa' sems dpa' chen po'i yan lag dang / nying lag rnams gcod na/ de la 'di ltar gang+gA'i klung chen po'i bye ma'i tshad ni bzung bar nus kyis/ lus 'di dag gi tshang bzung ba ni ma yin no/ / bdag gi lus kyi yan lag dang / nying lag bcang ba gang yin pa de dag ni ri rab tsam 'das pa'i phyir ro snyam du sems bskyed par bya'o// don gyi dbang 'di yang
- 209b
dag par mthong ba'i byang chub sems dpa' sems dpa' chen pos ni lus la gcod dam/ 'bigs na yang gnod sems bskyed par mi bya'i/ byams pa dang ldan pa'i sems skyes so cog kyang thams cad mkhyen pa nyid du yongs su bsngo bar bya'o/ / de ltar na byang chub sems dpa' bzod pa'i pha rol tu phyin pa dang ma bral ba yin par rig par bya'o// tshe dang ldan pa shA ra dwa ti'i bu gzhan yang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas ni/ sems sa dang 'dra ba dang / sems chu dang 'dra ba dang / sems me dang 'dra ba dang / sems rlung dang 'dra ba dang / sems nam mkha' dang 'dra bar bya'o// smras pa/ tshe dang ldan pa gang po ji ltar na byang chub sems dpa' sems dpa' chen po sems sa dang 'dra ba yin zhing sems chu dang 'dra ba dang / sems me dang 'dra ba dang / sems rlung dang 'dra ba dang / sems nam mkha' dang 'dra ba yin/ smras pa/ tshe dang ldan pa shA ra dwa ti'i bu dper na sa ni yid du 'ong ba'i byug pa rnams kyis byugs na yang rjes su chags pa med la/ de las gzhan pa'i yid du mi 'ong bas byugs na/ khong khro bar 'gyur ba med do// de bzhin du byang chub sems dpa' yang yid du 'ong ba'i gzugs dang / sgra dang / dri dang / ro dang / reg pa rnams kyis rjes su chags pa bskyed par mi bya/ yid du mi 'ong ba'i gzugs dang / sgra dang / dri dang / ro dang / reg pa rnams kyis kyang khong khro bar mi bya/ mi bzod pa dang / dang ba chung
- 210a
ba bskyed par mi bya'o/ / gnod sems bskyed par mi bya ste/ de ltar na byang chub sems dpa' sems sa dang 'dra ba yin zhing / de ltar na sems chu dang / me dang / rlung dang 'dra ba yin no// ji ltar na sems nam mkha' dang 'dra ba yin zhe na/ nam mkha' ji ltar yid du 'ong ba'i byug pa rnams kyis byugs kyang rjes su chags par mi 'gyur la/ de las gzhan ba'i yid du mi 'ong ba bshang gci rnams yod pas kyang khong khro bar mi 'gyur ro/ / de bzhin du byang chub sems dpa' sems dpa' chen po yang yid du 'ong ba'i gzugs rnams kyis kyang rjes su chags par bskyed par mi bya/ yid du mi 'ong ba rnams kyis kyang khong khro bar mi bya'o// de bzhin du sgra dang / dri dang / ro dang / reg pa yang yid 'a'ong ba rnams kyis kyang rjes su chags pa bskyed par mi bya'o/ / yid du mi 'ong ba'i reka pa'i bar dag gis kyang khong khro bar mi bya zhing / mi bzod pa dang / dang bachung ba bskrad par mi bya// byang chub sems dpar sems dpa' chen po sems nam mkha' dang 'dra bar rig par bya'o/ / tshe dang ldan pa shA ra dwa ti'i bu de ltar na byang chub sems dpa' sems dpa' chen po sems sa dang 'dra ba yin zhing / sems chu dang 'dra ba dang / sems me dang 'dra ba dang / sems rlung dang 'dra ba dang / sems nam mkha' dang 'dra ba yin no// smras pa/ tshe dang ldan pa gang po nam mkha' dang 'dra ba ni bgrang du med na/ ci byang chub sems
- 210b
dpa' yang bgrang du med pa zhig gam/ smras pa/ tshe dang ldan pa shA ra dwa ti'i bu 'di la byang chub sems dpas lus kyi yid 'di nam mkha' dang 'dra bar rnam par brtag par bya ste/ de ltar dpyad cing rtog na/ byang chub sems dpa' sems dpa' chen po'i dbyug pa'i reg pa rnams dang / bong ba'i reg pa rnams dang / mtshon cha'i reg pa rnams dang du len pa la mthu yod cing mkhas pa yin no// de bzhin du shes rab kyi pha rol tu phyin pa la brten nas lus kun la so sor brtags te/ bzod pa'i pha rol tu phyin pa yang yongs su 'dzin cing / sems can dmyal ba'i sdug bsngal gang dag yin pa dang / sems can dmyal ba pa'i me gang dag yin pa dang / sems can dmyal ba pa'i mtshon cha dang / dbyug pa'i reg pa gang dag yin pa de rnams kyang byang chub sems dpa' shes rab kyi pha rol tu phyin pas yongs su zin bal dang du len pa'i mthu yod pa yin te/ dang du len pa'i gang yin pa de ni/ bzod pa'i pha rol tu phyin pa yin no// de ci'i phyir zhe na/ 'khor ba thog ma med pa nas sdug bsngal de dag so sor myong la/ sdug bsngal rnams myong nas kyang / rgyun du zhugs pa'i 'bras bu yang mthob la/ lan cig phyir 'ong ba'i 'bras bu yang ma yin/ phyir mi 'ong ba'i 'bras bu yang ma yin/ dgra bcom pa nyid kyang ma yin rang byang chub kyang ma thob ste/ byang chub sems dpa' sems dpa' chen pos don gyi dbang 'di yang yang dag par rjes su mthong nas/ sdug bsngal de dag dang du blang bar bya'o// dper na mi la la kha zas
- 211a
ro brgya pa za na/ tshim pa dang / mos pa dang / yi rangs pa dang / mgu bar 'gyur zhing / dga' ba dang yid bde ba sbya te/ rab tu dga' bar gyur pa de bzhin du/ byang chub sems dpas slong ba thong na/ gang de la lus sdug bsngal bar bya bar 'dod pa zhig yin du zin kyang / ji ltar dgra bcom pa zag pa zad pas de bzhin gshegs pa mthong na/ dga' ba dang / dang ba dang / gus pa bskyed pa de bzhin du/ byang chub sems dpas slong ba'i gang zag de la sems bskyed par bya'o// sems bskyed pa skyes so cog kyang bams cad mkhyen pa nyid du yongs su bsngo bar bya su bsngon byang chub sems dpa' sems dpa' chen po bzod pa'i pha rol tu phyin pa la gnas par rig par bya'o/ / bzod pa'i pha ral tu phyin pa las le'u gnyis pa'o// tshe dang ldan pa shA ra dwa ti'i bu gzhan yang byang chub sems dpa' sems dpa' chen po ni gshe yang phyir mi ga shi ste/ bzod pa 'ba' zhig byed do// de ci'i phyir zhe na/ 'di lta ste/ des cad mkhyen pa nyid yongs su ma btang ba'i phyir/ / rdegs kyang phyir mi rdeg/ khros kyang phyir mi khro/ bsdigs kyang phyir sdigs par ma smos kyang phyir spyo bar mi byed de/ bzad pa 'ba' ni do/ / de ci'i phyir zhe na/ 'di lta ste/ des thams cad mkhyen pa nyid yongs su ma btang ba'i phyir ro// gal te de la mdung thung dang / mnga' stong gis lus la phog kyang / de la sems spang bar mi bya/
- 211b
de la mi bzod pa dang / dang ba med pa dang / ngang thung ba bskyed par mi bya'o// de ltar spyod na byang chub sems dpa' bzod pa'i pha rol tu phyin pa la spyod pa yin te/ lus la yang gser gyi kha dog yongs su 'dzin par 'gyur ro/ / tshe dang ldan pa shA ra dwa ti'i bu de lta bas na byang chub sems dpa' sems dpa' chen pos bzod pa'i stobs dang ldan pa dang / dang du len pa'i rang bzhin can du bya'o// de ci'i phyir zhe na/ 'di lta ste/ bzod cing dang du len pa ni bzod ba'i pha rol tu phyin pa yongs su 'dzin pa yin te/ thams cad mkhyen pa nyid dang nye bar 'gyur la/ 'khor ba'i sdug bsngal rnams kyang ring bar byed do/ / gal te byang chub sems dpa' nyan thos kyi sa 'am/ rang sangs rgyas kyi sa la 'dod par byed na/ byang chub sems dpa' bzod pa'i pha rol tu phyin pa las nyams pa yin no// de ci'i phyir zhe na/ lus la sdug bsngal de snyed byung ba dang du blangs kyang / nyan thos kyi sa 'am/ rang sangs rgyas kyi sa la 'dod par byed na/ byang chub sems dpas rang gi spyod yul bor te/ gzhan gyi spyod yul la gnas pa yin par yang rig par bya'o/ / smras pa/ tshe dang ldan pa gang po ji tsam gyis na byang chub sems dpa' gzhan gyi spyod yul la spyod pa zhes bya/ smras pa/ tshe dang ldan pa shA ra dwa ti'i bu byang chub sems dpa' nyan thos kyi sa'am/ rang sangs rgyas kyi sa 'am/ nyan thos kyi yid la byed pa rnams sam/ rang sangs rgyas kyi yid la byed pa rnams sam/ nyan thos kyi lam mam/ rang sangs rgyas kyi lam la
- 212a
'dod pa gang yin pa de ni de tsam gyis na byang chub sems dpa' gzhan gyi spyod yul la spyod pa yin no/ / smras pa/ tshe dang ldan pa gang po byang chub sems dpa'i rang ga spyod yul gang yin/ smras pa/ 'di lta ste/ pha rol tu phyin pa drug thams cad mkhyen pa nyid dang ldan par yid la byed pa ste/ 'di ltar sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa 'di dag ni byang chub sems dpa'i spyod yul te/ 'di dag la spyod na byang chub sems dpa' rang gi spyod yul la spyod pa yin no/ / de la ni bdud sdig can gyis kyang glags mi rnyed de/ dper na rus sbal la was glags mi rnyed do/ / de glags mi rnyed nas skyo ste phyir 'gro ba de bzhin du/ tshe dang ldan pa shA ra dwa ti'i bu byang chub sems dpa' pha rol tu phyin pa drug la spyod pa la/ bdud sdig can gyis glags mi rnyed de/ glags mi rnyed nas skyo ste phyir 'gro'o// tshe dang ldan pa shA ra rA ti'i bu gal te bdud sdig can gyis stong gsum gyi stong chen po'i 'jig rten gyi khams na/ sems can ji snyed yod pa de snyed kyi bdud sdig can mngon par sprul la/ bdud re re yang de snyed kyi 'khor gyis bskor bar gyur kyang / de dag byang chub sems dpa' sems dpa' chen po pha rol tu phyin pa drug la spyod pa la/ glags rnyed pa'i skal ba med de/
- 212b
glags mi rnyed pas skyo nas phyir 'gro bar 'gyur te/ rus sbal dang wa bzhin no// tshe dang ldan pa shA ra dwa ti'i bu de lta bas na byang chub sems dpa' sems dpa' chen pos 'di ltar ji ltar byas na/ bdag pha rol tu phyin pa drug dang mi 'bral ba'i sems su 'gyur la/ de ltar gyur na bdag la bdud sdig can gyis glags mi rnyed do snyam du yang sems bskyed par mi bya'o// smras pa/ tshe dang ldan pa glang po ji tsam gyis na byang chub sems dpa'i bdud kyi las su rig par bya/ smras pa/ tshe dang ldan pa shA ra dwa ti'i bu pha rol tu phyin pa rnams mi nyan pa ni/ byang chub sems dpa' sems dpa' chen po'i bdud kyi las su rig par bya'o/ / pha rol tu phyin pa rnams la mi sgrub pa ni/ byang chub sems dpa'i bdud kyi las su rig par bya'o// bdud sdig can ni bdag gi thams cad mkhyen pa nyid kyi bar chad bya ba'i phyir nye bar gnas so zhes kyang / byang chub sems dpa' de las gnod sems sam/ mi bzod pa bskyed par mi bya'o// de ltar spyod na byang chub sems dpa' sems dpa chen po bzod pa'i pha rol tu phyin pa la spyod pa ma yin no/ / byang chub sems dpas 'di ltar bdag bla na med pa yang dag par rdzogs pa'i byang chub mngon par rdzogs par sangs rgyas nas// sems can rnams kyi 'dod chags dang / zhe sdang dang / gti mug spang ba'i phyir chos bshad par bya'o snyam du sems bskyed par bya'o// gal te byang chub sems dpa' sems dpa' chen pos de'i
- 213a
tshe dran pa rnyed na/ bdud sdig can zil gyis non pa yin no// gang gi tshe byang chub sems dpa' thams cad mkhyen pa nyid yid la byed pa dag dang bral bar gyur na/ bdag spyod yul ma yin par lhung bar ma gyur grang zhes rig par bya'o/ / de ci'i phyir zhe na/ 'di ltar bdag thams cad mkhyen pa nyid dang mi ldan pa'i phyir ro zhes bdag nyid kyi sems la brgyad bkag par bya'o/ / smras pa/ tshe dang ldan pa gang po ji tsam gyis na byang chub sems dpa' nyin mo chud zos par byed pa yin/ smras pa/ tshe dang ldan pa shA ra dwa ti'i bu gal te byang chub sems dpa' pha rol tu phyin pa drug po 'di rnams las gang yang rung ba spyod pa na/ thams cad mkhyen pa nyid la mi sems sam/ der yongs su sngo bar mi byed na/ byang chub sems dpa'i nyin mo chud zos pa yin te/ nyin mo de ni zhen pa dang / rmugs pa yin par rig par bya'o// gal te byang chub sems dpa' phyir nyin nam/ yang phyi'i nyin par ram/ nyi ma bzhi'i nyan par sems par gyur te/ sbyin pa'am/ tshul khrims sam/ bzod pa'am/ brtson 'grus sam/ bsam gtan rnams sam/ shes rab la sems par gyur la/ bsams nas kyang bla na med pa yang dag par rdzogs pa'i byang chub tu yongs su bsngo na/ de ltar de'i nyin mo na don yod pa yin te/ sbyin pa de'ang 'bras bu dang bcas pa yin no// tshul khrims sam/ bzod pa'am/ brtson 'grus sam/ bsam gtan rnams sam/ shes rab gang yang bsgoms pa de yang 'bras
- 213b
bu dang bcas pa yin no/ / smras pa/ tshe dang ldan pa gang po byang chub sems dpa'i bzod pa gang yin pa dang / dgra bcom pa zag pa zad pa'i bzod pa gang yin pa'i bzod pa 'di gnyis la khyad par ni ci yod/ tha dad du dbye ba gang yin/ smras pa/ tshe dang ldan pa shA ra dwa ti'i bu ri rab dang yungs 'bru la 'di lta ste/ che chung dang / mtho dman dang / lI yang gi khyad par ni ci yod/ tha dad du dbye ba ni gang yin/ smras pa/ tshe dang ldan pa gang po ri'i rgyal po ri rab dang yungs 'bru ni 'di lta ste/ che chung dang / mtho dman dang / lci yang gi khyad par dpag tu med do// tha dad du dbye ba ni dpag tu med do// smras pa/ tshe dang ldan pa shA ra dwa ti'i bu de de bzhin te/ byang chub sems dpa'i bzod pa dang / nyan thos kyi bzod pa ni khyad par dpag tu med cing / tha dad du dbye ba dpag tu med do// tshe dang ldan pa shA ra dwa ti'i bu dper na rgya mtsho chen po'i chu dang / rgya mtsho chen po'i lis skra'i rtse mo'i khyon gyis chu'i theg pa gcig blangs pa gang yin pa de la/ ches mang ba 'am/ ches dpag tu med pa gang yin/ smras pa rgya mtsho chen po'i chu la ni skra'i rtse mo'i khyon gyis blangs pa'i chu'i thig pa gcig gis brgya'i char yang nye bar mi 'gro ba nas/ rgyu'i bar du yang nye bar mi 'gro'o// smras pa/ tshe dang ldan pa shA ra dwa ti'i bu de bzhin du byang chub sems dpa'i bzod ba la nyan thos kyi bzod pas brgya'i char yang nye bar mi 'gro'o/ / stong gi cha dang / 'bum gyi cha dang / bye ba 'bum gyi cha dang / grangs dang / cha dang / bgrang ba dang /
- 214a
@dpe dang / rgyur yang nye bar mi 'gro'o// de nas bcom ldan 'das kyis/ tshe dang ldan pa byams ma'i bu gang po la bka' stsal pa/ gang po 'di ltar khyod sangs rgyas kyi mthus byung chub sems dpa' sems dpa' chen po rnams kyi bzod pa'i pha rol tu phyin pa 'di la spobs par byas pa legs so legs so/ / gang po byang chu sems dpa' sems dpa' chen po'i bzod pa'i tshad 'dzin par 'dod pa gang yin pa de ni/ de bzhin gshegs pa'i bzod pa la tshad 'dzin par 'dod cing / rab tu rnam par 'byed par sems su zad do// de ci'i phyir zhe na/ gang po 'di ltar byang chub sems dpa' sems dpa' chen po rnams ni bzod pa dpag tu med pa dang ldan pa yin pa'i phyir ro/ / bcom ldan 'das kyis de skad ces bka' stsal nas/ tshe dang ldan pa shA ra dwa ti'i bu dang / byams ma'i bu gang po dang / nyan thos chen po de dag dang / byang chub sems dpa' sems dpa' chen po phyogs bcu nas lhags pa de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// bzod pa'i pha rol tu phyin pa las le'u gsum pa ste rdzogs so// // 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang thabs cig tu
- 214b
bzhugs te/ de nas bcom ldan 'das la/ tshe dang ldan pa byams ma'i bu gang pos 'di skad ces gsol to// bcom ldan 'das byang chub sems dpa' sems dpa' chen po bla na med pa yang dag par rdzog pa'i byang chub mngon par rdzogs par 'tshang rgya bar 'tshal bas/ ji tsam gyis na brtson 'grus kyi pha rol tu phyin pa la gnas pa lags/ de skad ces gsol ba dang / bcom ldan 'das kyis/ tshe dang ldan pa byams ma'i bu gang po la 'di skad ces bka' stsal to/ / gang po 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa theg pa la gsar du zhugs pas/ dang po sems bskyed pa nas bzung ste/ 'di ltar bdag gi lus 'di dang / bdag gi khog pa 'dis gzhan gyi bya ba rnams dang / gzhan gyi yo byad rnams la thog mar 'gro bar bya'o// bdag gis sems can de dag gi bsam pa yongs su rdzogs par bya ste/ dper na bran mo chu chun bzhin du bdag gis bya'o// dper na bran mo chu chun ni 'di ltar bdag ni reng dgar 'dug pa 'am nyal bar mi bya'o/ / gal te bdag khyim nas tshong dus su 'gro ba na/ rje bo dang rje mo de nyid la zhus te 'gro bar bya'o// bza' ba 'am/ bca' ba de yang gang gi tshe bdag la gnang bar gyur na/ de'i tshe bdag gis phyis bza' bar bya ste/ bdag gis rje bo'i dbang du gnas par bya'o snyam pa de bzhin du/ gang po byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs
- 215a
par 'tshang rgya bar 'dod pas 'di ltar bdag gi lus la bdag mi dbang ste/ gzhan gyi bya ba rnams dang / gzhan gyi yo byad rnams la bdag gis phan thogs par bya'o snyam du sems bskyed par bya ste/ gang po de ltar byang chub sems dpa' sems dpa' chen pos brtson 'grus kyi pha rol tu phyin pa dang mi 'bral bar bya'o// de ltar brtson 'grus kyi pha rol tu phyin pa la gnas par yang bya'o// gang po dper na la la zhig la rta rin po che yod de/ mi la la zhig gis zhon la/ de nas rta rin po che de 'di snyam du bdag gis mi 'di'i yan lag gang yang rung ba g.yo ba'am/ snad par mi 'gyur bar bya'o snyam ste/ de'i rta de dag gi sems kyi rang dgar mi 'gro bar mi 'di bdag gi lan gyis nyes pa ci yang 'byung bar mi bya'o snyam du zhon pa'i mi de nyid srung bar byed do// gang po de bzhin du byang chub sems dpa' brtson 'grus kyi pha rol tu phyin pa la lhag par dmigs par 'dod pas/ bdag gi sems kyi dbang du 'gro bar mi bya ste/ sems can gzhan dag dang / gang zag gzhan rnams su yang rung / bdag la dmigs pas nyes pa 'byung bar mi 'gyur bar bya'o snyam ste/ yon tan 'di dag ni byang chub sems dpa' sems dpa' chen po de la yod do// gang po de ltar byang chub sems dpas pha rol rjes su bsrung bar bya zhing / mthun par gnas par bya'o// mthun par gnas shing rjes su bsrung na/ brtson 'grus kyi pha rol tu phyin pa yongs su 'dzin no// byang chub sems dpa' thams cad mkhyen pa nyid las phyir ldog pa
- 215b
gang yin pa 'di yang byang chub sems dpa' sems dpa' chen po'i brtson 'grus pha rol tu phyin pa yin no/ / byang chub sems dpa' gal te bdag gi sangs rgyas kyi zhing shin tu yongs su dag par ji ltar bya zhes shin tu yun ring por mtshams sbyor zhing 'khor ba 'di yang byang chub sems dpa'i brtson 'grus kyi pha rol tu phyin pa yin no/ / byang chub sems dpa' sems dpa' chen po gal te stong gsum gyi stong chen po'i 'jig rten gyi khams 'di na/ skye ba gcig gis thogs pa'am/ skye ba gnyis kyis thogs pa 'am/ skye ba gsum gyis thogs pa 'am/ theg pa la gsar du zhugs pa'i byang chub sems dpa' la 'di skad du/ khyod thog ma kho nar bla na med pa yang dag par rdzogs pa'i byang chub mngon par rdzogs par 'tshang rgya bar gyis shig/ kho bo ni phyis mngon par rdzogs par 'tshang rgya bar bya'o zhes zer ba 'di yang byang chub sems dpa'i brtson 'grus kyi pha rol tu phyin pa yin no/ / byang chub sems dpa' gal te slong ba mthong na/ gud du phyogs par mi byed cing / dbang po rnams kyang g.yeng bar mi byed de/ sems can 'di ni bdag gi thams cad mkhyen pa nyid la phan 'dogs pa yin no snyam pa 'di yang byang chub sems dpa'i brtson 'grus kyi pha rol tu phyin pa yin no// byang chub sems dpa' gal te/ sems can gcig gi ched du yang bskal pa'am/ bskal pa las lhag par sems can dmyal ba chen por bdag btso bar spro bar byed cing / sems can 'di ni bde bar gyur cig snyam pa 'di yang byang
- 216a
chub sems dpa' sems dpa' chen po'i brtson 'grus kyi pha rol tu phyin pa yin no/ / gal te yang nyi ma bskal pa'i tshad tsam du gyur la/ nyi ma'i tshad de dag gi bskal pa gad+hA klung gi bye ma snyed du sems can dmyal ba chen por bdag btso zhing / sems can dmyal ba pa'i sems can gang yin pa de dag ni/ de las byung bar gyur cig snyam ste/ gal te de dag gis 'thob pa'i chos shig yod na/ byang chub sems dpas khas blang bar bya'o// gal te khas len na 'di yang byang chub sems dpa'i brtson 'grus kyi pha rol tu phyin pa yin no// gal te zhum zhing mi dga' na byang chub sems dpa' le lo can yin par rig par bya'o/ / gal te sems dang sems su mnyam na/ byang chub sems dpa' sems dpa' chen po brtson 'grus brtsams pa yin par rig par bya'o// gal te byang chub sems dpa' 'dzam bu gling 'di kho ra khor yug 'phyag cing 'ongs te/ phyogs de nyid du 'ongs nas/ 'di skad du bdag 'ongs nas shin tu yun ring ngo snyam du sems na/ byang chub sems dpa' le lo can yin par rig par bya'o/ / gal te de 'di snyam du bdag myur du 'ongs so snyam du sems na ni/ byang chub sems dpa' brtson 'grus brtsams pa yin par rig par bya ste/ 'di yang byang chub sems dpa' sems dpa' chen po'i brtson 'grus kyi pha rol tu phyin pa yin no/ / gal te byang chub sems dpa' sems dpa' chen po mchod rten nam/ dge 'dun gyi zhal ta byed cing nyin mo
- 216b
'gro ba na/ 'di snyam du kye ma nyi ma 'di re ring / 'di re bul du 'gro snyam du sems na/ byang chub sems dpa' le lo can yin par rig par bya'o// gal te 'di snyam du nyi ma 'di se gol gtogs pa tsam gyis song ngo snyam du sems na ni/ byang chub sems dpa' sems dpa' chen po brtson 'grus brtsams pa yin par rig par bya ste/ byang chub sems dpa' brtson 'grus kyi pha rol tu phyin pa la brtson pa yin no/ / yang de'i las lo gcig gis bya ba gang yin pa'i las de nyi ma gcig gis las 'dra bar bsam zhing / lo gcig gis bya ba'i las de nyi ma gcig gis zin par bya'o// bskal pa las lhag pa'i tshad gang yin pa de yang nyi ma gcig tsam du brtsi zhing 'jug par bya'o/ / bskal pa gang yin pa de yang nyi ma gcig tsam du brtsi bar bya'o// gal te de ltar mi brtsi zhing de ltar mi rtog na/ byang chu sems dpa' le lo can yin par rig par bya'o/ / ji ste de ltar brtsi zhing de ltar rtog na ni/ byang chub sems dpa' sems dpa' chen po brtson 'grus brtsams pa yin par rig par bya'o// byang chub sems dpa' byang chub kyi phyir spyod pas/ bskal pa 'di snyed kyis na/ rang gi mngon par shes pas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes kyang / bskal pa rnams kyi grangs brjod par mi bya'o/ / gal te bskal pa rnams kyi tshad brjod na byang chub sems dpa' le lo can yin par rig par bya'o// gal te de 'di snyam du bskal pa dpag tu med pa dag gis bla na med pa
- 217a
yang dag par rdzogs pa'i byang chub mngon par rdzogs par 'tshang rgya bar 'gyur du zin kyang / phyir phyogs par ni ye mi bya'o snyam du sems na/ byang chub sems dpa' sems dpa' chen po brtson 'grus brtsams pa yin par rig par bya ste/ byang chub sems dpa' sems dpa' chen po brtson 'grus kyi pha rol tu phyin pa la spyod pa yin no// brtson 'grus kyi pha rol tu phyin pa la yang dag par gnas pa yin no/ / thams cad mkhyen pa nyid dang nye bar 'gyur ro// 'khor ba ring bar byed do// gal te byang chub sems dpa' la ri'i rgyal po ra rib 'di khyod kyis nyi ma gcig gis phigs par gyis shig ces bsgo la/ gal te ri'i rgyal por rab kyi tshad ji tsam pa 'dri na/ byang chub sems dpa' le lo can yin par rig par bya'o// gal te ri'i rgyal po ra rib la yungs 'bru tsam zhig 'bigs par nus su zin kyang ri'i rgyal po ri rab 'di lta bu zhig la dbug tu ci yod de/ 'di'i phyogs zin pa dang 'dra'o snyam du mthong zhing / nyin gcig kyang yun rings kyis/ se gol gtogs pa tsam gyis dbug go snyam ste/ de ltar brtsi bar 'jug na/ byang chub sems dpa' sems dpa' chen po brtson 'grus brtsams pa yin par rig par bya'o// gang+gA'i klung gi bye ma ji snyed kyi bskal pa nyin zhag gcig tu gyur tu zin la/ nyin mtshan gyi tshad de dag gi bskal pa dpag tu med pa dag gis bla na med pa yang dag par rdzogs pa'i byang chub mngon par rdzogs par 'tshang rgya bar bya dgos su zin na yang / mngon par rdzogs par sangs rgyas zin
- 217b
pa dang 'dra bar mthong na/ byang chub sems dpa' sems dpa' chen po de yang brtson 'grus brtsams pa yin par rig par bya'o// gal te brtson 'grus rtsom pa 'di'i bsngags pa brjod pa na/ zhum zhing skrag/ par 'gyur na ni/ byang chub sems dpa' le lo can yin par rig par bya ste/ thams cad mkhyen pa nyid kyi zhing la 'jug par mi 'gyur ro// gal te byang chub sems dpa' brtson 'grus kyi pha rol tu phyin pa'i bsngags pa brjod pa na/ 'di ltar bdag yon tan 'di lta bu 'di dag dang nam zhig ldan par 'gyur zhig gu snyam pa'i sems 'byung na/ byang chub sems dpa' le lo can yin par rig par bya'o/ / gal te yon tan 'di dag ni bdag la yod snyam du bdag nyid kyis shes te/ bdag brtson 'grus kyi yon tan 'di dag gis pha rol tu 'gro bar bya'o snyam na/ byang chub sems dpa' sems dpa' chen po brtson 'grus brtsams pa yin par rig par bya'o/ / gal te byang chub sems dpa' 'di snyam du/ lag pa 'am/ rkang pa 'am/ mgo slong ba na/ gal te byin na ni/ lag pa med pa dang / rkang pa med pa dang / mgo med pa snyam du sems na/ byang chub sems dpa' le lo can yin par rig par bya'o// gal te 'di snyam du lag pa 'am/ rkang pa 'am/ mgo bo yongs su btang na bdag lha dang mi dang / lha ma yin du bcas pa'i 'jig rten gyi bla na med pa'i lag pa dang / bla na med pa'i rkang pa dang / bla na med pa'i mgo dang ldan par 'gyur ro snyam du sems te/ de ltar brtsibs 'jug na/ byang chub sems
- 218a
dpa' brtson 'grus brtsams pa yin par rig par bya'o/ / gal te byang chub sems dpa'i mig slong ba na 'di snyam du gal te mig byin na ni mig med par 'gyur ro snyam du sems na/ byang chub sems dpa' le lo can yin par rig par bya'o// gal te byang chub sems dpa'i mig slong ba na/ 'di snyam ru mig yongs su btang bas/ bdag lha dang / mi dang / lha ma yin du bcas pa'i 'jig rten gyi bla na med pa'i mig dang ldan zhing / bla na med pa'i ye shes kyi mig tu 'gyur bar bya'o snyam du sems na ni/ byang chub sems dpa' sems dpa' chen po brtson 'grus brtsams pa yin par rig par bya ste/ nyan thos kyi sa dang / rang sangs rgyas kyi sa ring bar byed cing / thams cad mkhyen pa nyid dang nye bar 'gyur ro// gal te byang chub sems dpa'i yan lag dang / nying lag slong ba na 'di snyam du gal te bdag gis yan lag dang nying lag byin na ni/ yan lag med par 'gyur ro snyam du sems na/ byang chub sems dpa' le lo can yin par rig par bya'o// gal te byang chub sems dpa'i yan lag dang / nying lag yongs su gtong ba na/ 'di snyam du sangs rgyas kyi chos rnams dang / lha dang / mi dang / lha ma yin du bcas pa'i 'jig rten gyi yan lag gi mchog tu 'gyur ro snyam du sems shing / de ltar brtsi bas 'jug na/ byang chub sems dpa' sems dpa' chen po brtson 'grus brtsams pa yin par rig par bya'o// gal te byang chub sems dpa' la slong ba dag slong ba na/ 'di snyam du bdag la slong ba
- 218b
mang ches na slong ba 'di dag gi bsam pa yongs su rdzogs par byed sus nus/ slong ba 'di dag gi bsam pa yongs su rdzogs par ga la 'gyur snyam du de ltar sems na/ byang chub sems dpa' le lo can/ yin par rig par bya'o// gal te 'di snyam du slong ba 'di dag ni mang ba ma yin te/ 'jig rten gyi khams gang+gA'i klung gi bye ma snyed dag na slong ba yod pa de dag thams cad nyi ma gcig la 'ongs su zin kyang / de ltar na yang mang ba ma yin no snyam du sems te/ 'di ltar yang de'i shes rab nye bar gnas par 'gyur zhing / 'di dag ni nyung ste/ gzhan dag la yang yang dag par kun 'gyed par spro'o zhes de snyam du sems shing / de ltar brtsi bas 'jug na/ byang chub sems dpa' sems dpa' chen po brtson 'grus brtsams pa yin par rig par bya'o// de ci'i phyir zhe na/ 'di ltar byang chub sems dpas ni sangs rgyas kyi chos dpag tu med pa mngon par bsgrub par bya dgos te/ brtson 'grus dang sbyin pa yongs su gtong ba grangs chad pas ni/ sangs rgyas kyi chos dpag tu med pa rnams thob par mi nus kyi go cha dpag tu med pa bgos pas/ sangs rgyas kyi chos dpag tu med pa rnams thob par nus pa'i phyir ro// dper na mi zhig rgya mtsho chen po brgal bar 'dod par gyur na/ des dpag tshad gzhan dang / gzhan stong phrag mang por go cha bgo bar bya dgos pa de bzhin du/ byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ bskal pa bye ba
- 219a
khrag khri bum phrag dpag tu med par go cha bgo bar bya dgos so/ / gal te byang chub sems dpa' 'di snyam du bskal pa grangs chad pas/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam du sems na/ byang chub sems dpa' le lo can yin par rig par bya'o// gal te 'di snyam du bskal pa dpag tu med pa dag gis bla na med pa ya dag par rdzogs pa'i byang chub mngon par rdzogs par 'tshang rgya bar bya'o snyam du sems na/ byang chub sems dpa' sems dpa' chen po brtson 'grus brtsams shing go cha chen po bgos pa yin par rig par bya'o/ / de nas bcom ldan 'das la/ tshe dang ldan pa bya ma sa ma'i bu gang po sa 'di skad ces gsol to// bcom ldan 'das ci byang chub sems dpa' dka' ba bgyid pa lags sam/ bka' stsal pa/ gang po 'di ji snyam du sems/ byang chub sems dpa' bka' ba ci yang mi byed dam/ gsol pa/ bcom ldan 'das byang chub sems dpa' ni dka' ba ci yang mi bgyid do// de ci'i slad du zhe na/ chos thams cad ni sgyu ma lta bur bcom ldan 'das kyis bka' stsal te/ bde bar tshor ba gang lags pa dang / sdug bsngal bar tshor ba gang lags pa'i chos 'di gnyis ni sgyu ma'i chos nyid las 'das pa ma lags ba'i slad du'o/ / bcom ldan 'das kyis bka' stsal pa/ gang po rnam grangs 'dis kyang / byang chub sems dpa' sems dpa' chen po dka' ba byed par rig par bya ste/ sgyu ma lta bur chos rnams kyis
- 219b
spro zhing / lus sam/ sems kyis kyang le lo ma byed de/ mngon par spro bar byed pa 'di yang byang chub sems dpa' sems dpa' chen po'i brtson 'grus kyi pha rol tu phyin par rig par bya'o// de nas bcom ldan 'das la/ tshe dang ldan pa byams ma'i bu gang pos 'di skad ces gsol to// bcom ldan 'das ji tsam du byang chub sems dpa' sems dpa' chen po dka' ba bgyid pa lags par rig par bgyi ba ni ngo mtshar lags so/ / 'di ni bcom ldan 'das kyis legs par gsungs te/ gang bla na med pa yang dag par rdzogs pa'i byang chub mngon par rdzogs par sangs rgyas nas/ sems can dpag tu ma mchis shing / grangs ma mchis pa rnams kyi mi shes pa spang ba'i slad du chos ston la/ mi shes pa de yang su'i yang ma lags te/ bdag ces bgyi ba 'am/ bdag gi zhes bgyi ba ni rang gi sems kyis mi shes pa'i bdag tu 'dzin pas zin pa'i sems can rnams de ltar sems par bsams so/ / mi shes pa de ni rten cing 'brel par 'byung ba lags te/ sus kyang ma skyed lags so/ / rgyu tshogs shing 'dus pa las 'byung la/ rgyu ma mchis par gyur pas ni 'gag par 'gyur ro// chos rnams ni rang gi ngang gis 'gag pas na sus kyang bkag pa ma mchis so// bka' stsal pa/ gal te byang chub sems dpa' sems dpa' chen po de ltar brtsi bas 'jug cing // de las sems phyir mi ldog na/ de nyid byang chub sems dpa' brtson 'grus kyi pha rol tu phyin pa yin te/
- 220a
de bas na byang chub sems dpa' sems dpa' chen po brtson 'grus brtsams pa yin par rig par bya'o// gal te byang chub sems dpa' 'di snyam du/ gal te chos 'di dag stong pa yin na ni/ bdag gis brtson 'grus brtsams pa la mthu med par 'gyur ro snyam du sems na/ byang chub sems dpa' le lo can yin par rig par bya'o// gal te byang chub sems dpa' 'di snyam du/ gang gi phyir chos 'di dag stong pa de'i phyir stong pas/ bla na med pa yang dag par rdzogs pa'i byang chub mngon par rdzogs par 'tshang rgya bar nus so// de ci'i phyir zhe na/ 'gro ba lnga'i sems can 'di dag ni stong pa nyid kyis bcings pas 'khor ba las mi 'da' ste/ bdag bla na med pa yang dag par rdzogs pa'i byang chub mngon par rdzogs par sangs rgyas pa na/ 'gro ba lnga'i sems can 'di dag 'khor ba las rab tu rnam par thar par bya ba'i phyir chos bshad par bya'o/ / rgyas par rab tu bstan par bya'o snyam ru sems na/ 'di yang byang chub sems dpa' sems dpa' chen po'i brtson 'grus kyi pha rol tu phyin pa yin par rig par bya'o/ / gal te de 'di snyam du 'khor ba thog ma dang tha ma med pa 'dir su zhig 'khor zhing 'dug ste/ bdag ni spro ba med kyis/ bdag ni 'di nyid du yongs su mya ngan las 'da' bar bya'o snyam du sems na/ byang chub sems dpa' sems dpa' chen po le lo can yin par rig par bya'o// gal te de 'di snyam du bdag ji srid du mtshams sbyar zhing 'khor ba de srid du
- 220b
gzhan du yang mtshams sbyar zhing 'khor bar 'gyur te/ de yang mtshams sbyar zhing 'khor bar bya dgos la/ 'on kyang bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur gyis/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam du sems la/ yang de 'di snyam du ji ltar sems bskyed pa 'di ltar 'gro ba bzhin du/ nyi ma yang sems bskyed pa tsam du snang ngo snyam du sems shing / de'i yid la byed pa rnams kyang thams cad mkhyen pa nyid dang ldan te/ dus tshigs dang / lo dang / zla ba dang / zla ba phyed pa thams cad 'da' yang mi tshor mi shes te/ 'di ltar sbyin pa'i pha rol tu phyin pas sems yongs su dag par byas pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan pha rol tu phyin pa dang / shes rab kyi pha rol tu phyin pas sems yongs su dag par byas pas/ de'i phyir dus tshigs dang / lo dang / zla ba dang / zla ba phyed pa rnams yid la mi sems so/ / dper na tshong dpon zhig gis 'bum phrag mang po ri ba'i rin po che de thob na/ de'i khyim gyi bya ba rnams dang / de las gzhan pa bun pasbyin gtang ba dang / 'du ba gang ci yang rung ba rnams kyang yid la mi sems so/ / gal te 'bum phrag mang po ri ba'i rin po che de gdod thob par 'gyur du re ba zhig yod na ni/ kha zas bza' ba'ang yid la med do// de bzhin
- 221a
du byang chub sems dpa' pha rol tu phyin pa rnams kyis sems yongs su dag par gyur pa yang dus tshigs dang / lo dang / zla ba dang / zla ba phyed pa rnams yid la mi byed de/ nam zhig thams cad mkhyen pa nyid kyi rin po che thob par 'gyur snyam pa 'ba' zhig yid la byed do// gsol pa/ bcom ldan 'das byang chub sems dpa' gang dag yon tan 'di dag yongs su sgrog pa ni/ brtson 'grus kyi go cha chen po bgos pa lags so// bcom ldan 'das kyis bka' stsal pa/ gang po de de bzhin te/ byang chub sems dpa' sems dpa' chen po gang dag yon tan 'di dag yongs su sgrogs pa ni/ brtson 'grus kyi go cha chen po bgos pa yin no// gang po lha dang / mi dang / lha ma yin du bcas pa'i 'jig rten gyi nang na/ de bzhin gshegs pa ma gtogs par byang chub sems dpa'i yon tan 'di dag dang ldan pa gang yin pa dang / gang la yon tan 'di dag yod pa ngas yang dag par rjes su ma mthong ngo // de nas tshe dang ldan pa byams ma'i bu gang po stan las langs te/ chos gos phrag pa gcig tu bgos nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas tshig tu smras pa/ shar phyogs kyi 'jig rten gyi khams dpag tu med pa dag na/ theg pa la gsar du zhugs pa'i byang chub sems dpa' sems dpa' chen po gang dag gnas pa de dag phyir mi ldog par gyur cig/ phyir mi ldog pa
- 221b
gang dag yin pa dag ni myur du thams cad mkhyen pa nyid du yongs su rdzogs par gyur cig/ de bzhin du lho phyogs dang / nub dang / byang dang / 'og dang / steng gi phyogs dang / de bzhin du phyogs mtshams dang / phyogs bcu dag na/ theg pa la gsar du zhugs pa'i byang chub sems dpa' sems dpa' chen po gang dag gnas pa de dag phyir mi ldog par gyur cig/ phyir mi ldog pa gang dag yin pa de dag ni myur du thams cad mkhyen pa nyid yongs su rdzogs par gyur cig ces tshig tu smras so/ / de skad ces smras pa dang / bcom ldan 'das kyis/ tshe dang ldan pa byams ma'i bu gang po la 'di skad ces bka' stsal to/ / gang po khyod kyis don gyi dbang gang yang dag par mthong bas/ tshig 'di skad du byang chub sems dpa' de dag myur du thams cad mkhyen pa nyid yongs su rdzogs par gyur cig ces smras/ gsol pa/ btsun pa bcom ldan 'das gal te byang chub sems dpa' ma mchis na/ 'jig rten du sangs rgyas bcom ldan 'das rnams 'byung bar mi 'gyur la/ sangs rgyas 'byung ba ma mchis na/ bcom ldan 'das kyi nyan thos kyi dge 'dun dang / byang chub sems dpa' yang ma mchis te/ bcom ldan 'das de'i slad du byang chub sems dpa'i spyod pa mchis na/ 'di ltar 'jig rten du sangs rgyas 'byung ba mchis la/ sangs rgyas 'byung ba mchis na/ bcom ldan 'das kyi nyan thos rnams dang / byang chub sems dpa' rnams mchis so// bcom ldan pa das dper bgyi
- 222a
na/ shing chen po sdong po dang ldan zhing snying po dang ldan na/ me tog rnams mchis na/ me tog las 'bras bu rnams mchis par 'gyur te/ 'bras bu las kyang shing chen po 'byung bar 'gyur lags so/ / bcom ldan 'das de bzhin du sangs rgyas bzhugs na/ nyan thos rnams dang / byang chub sems dpa'i spyod pa mchis te/ de las kyang de bzhin gshegs pa dgra bcom pa yang dag par rdzogs pa'i sangs rgyas rnams 'byung bar 'gyur ba lags so/ / de nas bcom ldan 'das kyis tshe dang ldan pa byams mo'i bu gang pos bshad pa la mngon par bstod de/ gang po legs so// legs so// legs so zhes bya ba byin no// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis byang chub sems dpa' sems dpa' chen po brtson 'grus kyi go cha chen po bgos pa rnams kyi brtson 'grus kyi pha rol tu phyin pa zung zhig/ kun chub par gyis shig/ bcom ldan 'das kyis de skad ces bka' stsal nas/ tshe dang ldan pa byams ma'i bu gang po dang / tshe dang ldan pa shA ra dwa ti'i bu dang / tshe dang ldan pa kun dga' bo dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// brtson 'grus kyi pha rol tu phyin pa rdzogs so// / bam po drug pa ste tham/
- 222b
'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ bsam gtan gyi pha rol tu phyin pa la ji ltar bslab par bgyi/ bcom ldan 'das ji ltar bsam gtan gyi pha rol tu phyin par bsgom par bgyi/ de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par 'tshang rgya bar 'dod pas/ bsam gtan dang po la mnyam par 'jog pa na/ 'di ltar bsam gtan 'di la bdag gis sngon yang snyoms par zhugs te/ bsam gtan dang po 'di la sngon 'khor ba thog ma dang tha ma med pa'i skye bar snyoms par zhugs so snyam du mnyam par gzhag par mi bya'i/ bla na med pa yang dag par rdzogs pa'i byang chub mngon par rdzogs par 'tshang rgya ba'i rten du 'gyur ro/ / de bzhin du bsam gtan gnyis pa dang / gsum pa dang / bzhi pa la mnyam par 'jog pa ma/ 'di ltar bsam gtan bzhi
- 223a
pa 'di la bdag gis sngon yang snyoms par zhugs te/ bsam gtan bzhi pa 'di la sngon 'khor ba thog ma dang tha ma med pa'i skye bar snyoms par zhugs te/ sngon yang bdag gis bsam gtan 'di dag bskyed do snyam du mnyam par gzhag par mi bya'i/ / bla na med pa yang dag par rdzogs pa'i byang chub mngon par rdzogs par 'tshang rgya ba la phan 'dogs par 'gyur zhing / bsam gtan bzhi pa la rten nas mngon par shes pa lnga la mngon par bsgrub par bya dgos te/ byang chub sems dpa' snga ma rnams kyis kyang 'di ltar bsam gtan gyi pha rol tu phyin pa la mnyam par gzhag cing bsgoms te/ de bas na bdag gis kyang 'di la bslab par bya'o/ / byang chub sems dpa' bsam gtan gyi pha rol tu phyin pa la gnas na/ 'dod na shes rab kyi pha rol tu phyin pa yang mngon par bsgrub par bya'o// shA ra dwa ti'i bu byang chub sems dpa' sems dpa' chen po bsam gtan bzhi pa la gnas pas/ zag pa zad pa mngon sum du bya ba'i phyir ni mnyam par gzhag par mi bya'i/ 'di ni bdag bla na med pa yang dag par rdzogs pa'i byang chub pa'i brten yin no/ / des bsam gtan bzhi pa la mnyam par 'jog pa na/ bsam gtan rnams dang / bsam gtan gyi bde ba dang / bsam gtan gyi rgyu mthun pa'i ro myang bar mi byed de/ 'on kyang gnas pa des gnas par byed do/ / de bsam gtan bzhi pa la gnas nas/ nam mkha' mtha' yas skye mched kyi snyoms par 'jug pa la mnyam par gzhog cing mngon par sgrub bo// rnam shes mtha' yas
- 223b
skye mched kyi snyoms par 'jug pa la mnyam par gzhog cing mngon par sgrub bo/ / ci yang med pa'i skye mched kyi snyoms par 'jug pa la mnyam par gzhog cing mngon par sgrub bo// 'du shes med 'du shes med min skye mched kyi snyoms par 'jug pa la mnyam par gzhog cing mngon par sgrub bo/ / de gzugs med pa'i snyoms par 'jug pa bzhi po 'di dag gis gnas la/ de dag gi re yang myong bar mi byed do/ / de skad ces bka' stsal pa dang bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das byang chub sems dpa' sems dpa' chen pos don gyi dbang gang yang dag par mthong bas/ 'gog pa'i snyoms par 'jug pa la mnyam par gzhog par mi bgyid/ bcom ldan 'das kyis bka' stsal pa/ shA ra dwa ti'i bu 'di la byang chub sems dpa' sems dpa' chen po nyan thos kyi sa 'am/ rang sangs rgyas sar lhung du dogs pa'i phyir/ 'du shes dang / tshor ba 'gog pa'i snyoms par 'jug pa'i bde ba la mnyam par mi gzhog ste/ 'du shes dang / tshor ba 'gog pa'i snyoms par 'jug pa la mnyam par bzhag na ni/ dgra bcom pa'i 'bras bu mngon sum du byed par 'gyur ba shes par bya ste/ shA ra dwa ti'i bu don gyi dbang 'di yang dag par mthong nas/ byang chub sems dpa' sems dpa' chen po 'du shes dang / tshor ba 'gog pa'i snyoms par 'jug pa la mnyam par mi gzhog go// gsol pa/ bcom ldan 'das byang
- 224a
chub sems dpa' sems dpa' chen po rnams 'di ltar snyoms par 'jug pa 'di dag nyid kyis gnas la/ snyoms par 'jug pa'i ro yang myong bar mi bgyid cing / snyoms bar 'jug pa 'di dag la/ 'dod chags dang yang ma bral ba ni ngo mtshar bgyid pa lags so// bka' stsal pa/ shA ra dwa ti'i bu de de bzhin no// de de bzhin te/ byang chub sems dpa' rnams 'di ltar snyoms par 'jug pa 'di dag nyid kyis gnas la/ snyoms par 'jug pa 'di dag gi ro myong bar mi byed cing / snyoms par 'jug pa 'di dag la 'dod chags dang yang ma bral ba ni ngo mtshar byed pa yin te/ shin tu ngo mtshar to// shA ra dwa ti'i bu de bas na don 'di yang rgyas par bya ba dang / rdzogs par bya ba'i phyir khyod la dpe bstan par bya'o// shA ra dwa ti'i bu dper na 'dzam bu'i gling gi/ mi 'dod chags dang ma bral/ 'dun pa dang ma bral ba byang gi sgra mi snyan gyi gling du song ste/ de dag byang gi sgra mi snyan gyi gling du song nas/ byang gi sgra mi snyan gyi mi rnams kyi bdag gi ba med cing yongs su ma bzung ba'i bud med rnams dang / dpag bsam gyi shing las byung ba'i gos rnams dang / ma rmos ma btab pa'i 'bras bu rnams dang / rgyan dang ldan pa'i shing de dag dang nye bar spyad pa dang / longs spyod pa de dag dang / yongs su ma bzung ba'i gser dang / rin po che de dag mthong ste/ shA ra dwa ti'i bu de ltar mi des byang gi sgra mi snyan gyi gling de'i kho ra khor yug mthong nas
- 224b
phyir 'khor te 'ongs na/ de la chags pa 'am/ 'ching ba yang med do// de nas mi de byang gi sgra mi snyan gyi mi rnams kyi nye bar spyad pa dang / longs spyod pa kun mthong nas/ phyir 'dza/ bu gling du 'ong ba de bzhin du/ shA ra dwa ti'i bu byang chub sems dpa' sems dpa' chen po bsam gtan bzhi po 'di dag dang / gzugs med pa'i snyoms par 'jug pa bzhi rnams kyis gnas kyang de dag gi ro yang myong bar mi byed do/ / byang chub sems dpa' sems dpa' chen po bsam gtan bzhi dang / gzugs med pa'i snyoms par 'jug pa bzhi rnams la gnas pa de dag gis 'dris par byas nas/ yang de 'dod pa na spyod pa'i chos rnams la dmigs te/ de'i lus zhig pa na/ phyir yang 'dod pa'i khams su lus mngon par sgrub bo// shA ra dwa ti'i bu de ltar byang chub sems dpa'i phyir yang pha rol tu phyin pa drug yang dag par blangs te gnas so/ / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// btsun pa bcom ldan 'das ci'i slad du/ byang chub sems dpa' sems dpa' chen po gnas khyad par can dang / sa khyad par can bor te/ slar yang 'dod pa'i khams su skye bar gnang bar mdzad/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po ni/ lha tshe ring po'i nang du skye bar ma gnang ngo // de ci'i phyir zhe na/ pha rol tu phyin pa'i phyogs ring bar byed du
- 225a
'ong ba dang / yun ring mo zhig gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur du dogs pa'i phyir ro// gsol pa/ bcom ldan 'das byang chub sems dpa' gang gnas gya nom pa bor te/ slar yang sa tha chad la dmigs pa ni dka' ba bgyid pa lags so// btsun pa bcom ldan 'das dper bgyi na/ mi 'dod chags dang ma bral ba/ 'dun pa dang ma bral ba la la zhig gis bud med rin po che rgyan thams cad kyis brgyan pa/ gcer bur mchis pa zhig mthong na/ des de kun tu brtags ste/ yan lag dang / nyiti lag gi mtshan ma thams cad kyang bzung mod kyi/ de la bag ma mchis pa yang mi bgyid do// de dus gzhan na bud med ngan pa bran mo 'am/ las bgyid pa 'ga' zhig phyogs stong par mthong nas de la lta ste/ shin tu blta na sdug pa yang ma lags/ shin tu gzugs bzang ba yang ma lags mod kyi/ de de la bag ma mchis par bgyid ngo // bcom ldan 'das bdag ni byang chub sems dpa' sems dpa' chen po gang dag bsam gtan bzhi dang / gzugs ma mchis pa'i snyoms par 'jug pa bzhi rnams la ci bde ci dgar gnas nas/ gnas de dag bor te slar yang 'dod pa'i khams la lhag par dmigs pa rnams dpe de dang 'dra ba snyam bgyid do/ / bka' stsal pa/ shA ra dwa ti'i bu byang chub sems dpa' sems dpa' chen po gang gnas pa 'di
- 225b
dag gis gnas pa/ phyir yang 'dod pa'i khams la dmigs pa 'di ni/ shA ra dwa ti'i bu byang chub sems dpa'i thabs la mkhas pa yin par rig par bya'o// de ci'i phyir zhe na/ 'di ltar des thams cad mkhyen pa nyid yongs su ma spangs pa'i phyir ro/ / bsam gtan gyi pha rol tu phyin pa las le'u dang po'o// // de nas tshe dang ldan pa byams ma'i bu gang bos/ tshe dang ldan pa shA ra dwa ti'i bu la 'di skad ces smras so// tshe dang ldan pa shA ra dwa ti'i bu ci'i phyir/ byang chub sems dpa' sems dpa' chen po bsam gtan dang po la mnyam par gzhag par gnang ba mdzad cing / bsam gtan gnyis pa dang / gsum pa dang / bzhi pa las brtsams te mnyam par gzhag par gnang bar mdzad la/ de la gnas par ni gnang bar ma mdzad/ de skad ces smras pa dang / tshe dang ldan pa shA ra dwa ti'i bus/ tshe dang ldan pa byams ma'i bu gang po la 'di skad ces smras so// tshe dang ldan pa gang po lus zhig nas lha tshe ring po'i nang du skye bar 'gyur du dogs pa'i phyir te/ tshe dang ldan pa gang po de bzhin gshegs pa dgra bcom pa yang dag par rdzogs pa'i sangs rgyas kyis don gyi dbang 'di yang dag par gzigs nas/ lha tshe ring po'i nang du skye bar ma gnang ngo / / de ci'i phyir zhe na/ 'dod pa'i khams su skyes na ches myur du thams cad mkhyen pa nyid yongs su rdzogs par 'gyur ba'i phyir ro// smras pa/ tshe dang ldan pa shA ra dwa ti'i
- 226a
bu ji tsam du byang chub sems dpa' sems dpa' chen po gang dag gnas pa de dag gis gnas nas/ phyir yang gnas pa de dag bor te/ 'og ma'i chos 'di la dmigs pa ni dka' ba byed pa ste ngo mtshar ro/ / tshe dang ldan pa shwa ra dwa ti'i bu dper na mi la la zhig gis rin po che thams cad kyi gter mthong nas/ bgrangs te bsnams song la/ dus gzhan zhig tu ka ka ni 'am/ kar sha pa Na mthong na de la lag pas bstabs te blangs nas 'gro ba de bzhin du/ tshe dang ldan pa byang chub sems dpa' sems dpa' chen po bsam gtan bzhi dang / gzugs med pa'i snyoms par 'jug pa bzhi po 'di dag la cing gar gnas nas bgrangs te bcal la mnyam par bzhag nas/ phyir yang 'dod pa dang ldan pa'i chos rnams la dmigs shing / de'i lus zhig nas/ phyir yang 'dod pa'i khams su skye ste/ de ltar na byang chub sems dpa' sems dpa' chen po phyir yang pha rol tu phyin pa drug yang dag par blangs nas gnas par gyur te/ tshe dang ldan pa shA ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas kyis don gyi dbang 'di yang dag par gzigs nas/ byang chub sems dpa' sems dpa' chen po lha tshe ring po'i nang du skye bar gnang bar mi mdzad do/ / de nas bcom ldan 'das la/ tshe dang ldan pa byams ma'i bu gang pos 'di skad ces gsol to// bcom ldan 'das bdag 'di
- 226b
skad du ston cing 'chad pa/ de bzhin gshegs pas gsungs pa smra ba dang / chos smra ba lags sam/ chos kyi rjes su 'thun pa'i chos lung ston pa lags sam/ bka' stsal pa/ gang po khyod de skad ston cing de skad 'chad na/ khyod de bzhin gshegs pas gsungs pa smra ba yin/ chos smra ba yin/ chos kyi rjes su 'thun pa'i chos lung ston pa yin no// gang po 'di la byang chub sems dpa' sems dpa' chen po gal te bsam gtan dang po la mnyam par gzhog cing / bsam gtan gnyis pa dang / gsum pa dang / bzhi pa la mnyam par gzhog pa na/ byang chub sems dpa' 'di snyam du bsam gtan 'di dag skyed de/ gzugs kyi khams sam/ gzugs med pa'i khams su skye bar bya'o snyam du mi sems so// gzugs kyi khams dang gzugs med pa'i khams las 'da' bar bya'o snyam du yang mi sems so/ / gsol pa/ btsun pa bcom ldan 'das ci de bzhin gshegs pa'i thams cad mkhyen pa nyid 'dod pa'i khams dang / gzugs kyi khams dang / gzugs ma mchis pa'i khams las 'das te/ khongs su ma gtogs pa zhig lags sam/ bcom ldan 'das kyis bka' stsal pa/ gang po de de bzhin no// de de bzhin te/ de bzhin gshegs pa'i khams las 'das te/ khongs su ma gtogs pa zhig lags sam/ bcom ldan 'das kyis bka' stsal pa/ gang po de de bzhin no// de de bzhin
- 227a
te/ de bzhin gshegs pa dgra bcom pa yang dag par rdzogs pa'i sangs rgyas kyi thams cad mkhyen pa nyid ni 'dod pa'i khams las 'das/ gzugs kyi khams las 'das/ gzugs med pa'i khams las 'das shing / khams gsum las 'das te/ khongs su ma gtogs pa yin no// gsol pa/ bcom ldan 'das gal te de bzhin gshegs pa'i thams cad mkhyen pa nyid khams gsum gyi khongs su ma gtogs na/ de bzhin gshegs pa dgra bcom pa yang dag par rdzogs pa'i sangs rgyas kyis don gyi dbang gang yang dag par gzigs nas/ byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'tshal zhing / bsam gtan gyi pha rol tu phyin pa la gnas pa la/ 'dod pa'i khams dang gzugs kyi khams dang / gzugs med pa'i khams las yang dag par 'da' bar gnang bar mi mdzad/ bcom ldan 'das kyis bka' stsal pa/ gang po gal te byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod cing / bsam gtan gyi pha rol tu phyin pa la gnas pa la 'dod pa'i khams dang / gzugs kyi khams dang / gzugs med pa'i khams las yang dag par 'da' bar gnang du zin na/ byang chub sems pa'i dam bcas pa spong bar 'gyur te/ nyan thos kyi sa 'am/ rang sangs rgyas kyi sa la gnas par 'gyur ro//
- 227b
gang po byang chub sems dpa' sems dpa' chen po gang gi tshe byang chub kyi snying po la 'jug pa na/ 'di ltar byang chub sems dpa' sems dpa' chen po 'dod pa'i khams dang / gzugs kyi kham spong ba'i dus de dang skabs de yod do/ / gang po gang gi tshe byang chub sems dpa' sems skye ba skyes shing / byung ngo cog thams cad mkhyen pa nyid du yongs su sngon/ de'i phyir byang chub sems dpa' khams gsum pa ring bar byed cing / thams cad mkhyen pa nyid dang nye bar 'gyur ro// gsol pa/ btsun pa bcom ldan 'das ji ltar na byang chub sems dpa' bsam gtan gyi pha rol tu phyin pa la gnas shing / shes rab kyi pha rol tu phyin pa yongs su 'dzin pa na/ de bsam gtan de dag dang / bsam gtan gyi yan lag de dag gi ro yang myang bar mi bgyid la/ 'bral bar yang mi bgyid pa lags/ bcom ldan 'das kyis bka' stsal pa/ gang po 'di la byang chub sems dpa' bsam gtan gyi pha rol tu phyin pa la gnas pa/ bsam gtan dang / bsam gtan gyi yan lag de dag la/ bdag med pa'i 'du shes kyis nye bar gnas pa yin te/ de dang ldan pa'i dge ba'i rtsa ba rnams kyang / thams cad mkhyen pa nyid du yongs su sngo bar byed do// gang po de ltar na byang chub sems dpa' sems dpa' chen po bsam gtan gyi pha rol tu phyin pa la gnas shing / shes rab kyi pha rol tu phyin pa yongs su 'dzin pa yin te/ bsam gtan dang / bsam gtan gyi
- 228a
yan lag de dag gi ro yang myong bar mi byed la/ 'bral bar yang mi byed do// gsol pa/ btsun pa bcom ldan 'das ji ltar na byang chub sems dpa' bsam gtan gyi pha rol tu phyin pa la gnas shing / brtson 'grus kyi pha rol tu phyin pa yongs su 'dzin pa lags/ bcom ldan 'das kyis bka' stsal pa/ gang po gang gi tshe byang chub sems dpa' bsam gtan gyi pha rol tu phyin pa la gnas shing / 'dod pa'i khams las 'das nas/ bsam gtan de dag kyang spangs la/ phyir yang 'dod pa'i khams la dmigs pa ste/ gang po de ltar na byang chub sems dpa' sems dpa' chen po bsam gtan gyi pha rol tu phyin pa la gnas shing / brtson 'grus kyi pha rol tu phyin pa yongs su 'dzin pa yin no// gsol pa/ btsun pa bcom ldan 'das ji ltar na byang chub sems dpa' bsam gtan gyi pha rol tu phyin pa la gnas shing / bzod pa'i pha rol tu phyin pa yongs su 'dzin pa lags/ bcom ldan 'das kyis bka' stsal pa gang po gang gi tshe byang chub sems dpa' sems dpa' chen po byams pa chen po dang / snying rje chen po dang ldan zhing / de bsam gtan de nyid la gnas pa na/ sems gnod sems med par gnas so/ / gang po de ltar na byang chub sems dpa' sems dpa' chen po bsam gtan gyi pha rol tu phyin pa la gnas shing / bzod pa'i pha rol tu phyin pa yongs su 'dzin pa yin no//
- 228b
gsol pa/ btsun pa bcom ldan 'das ji ltar na byang chub sems dpa' bsam gtan gyi pha rol tu phyin pa la gnas shing / tshul khrims kyi pha rol tu phyin pa yongs su 'dzin pa lags bcom ldan 'das kyis bka' stsal pa/ gang po gang gi tshe byang chub sems dpa' bsam gtan gyi pha rol tu phyin pa la gnas pa na/ nyan thos kyi sa 'am/ rang sangs rgyas kyi sa mchog tu 'dzin par mi byed de/ gang po de ltar na byang chub sems dpa' sems dpa' chen po bsam gtan gyi pha rol tu phyin pa la gnas shing / tshul khrims kyi pha rol tu phyin pa yongs su 'dzin pa yin no/ / gsol pa/ btsun pa bcom ldan 'das ji ltar na byang chub sems dpa' bsam gtan gyi pha rol tu phyin pa la gnas shing / sbyin pa'i pha rol tu phyin pa yongs su 'dzin pa lags/ bcom ldan 'das kyis bka' stsal pa/ gang po gang gi tshe byang chub sems dpa' sems dpa' chen po bsam gtan gyi pha rol tu phyin pa la gnas pa na/ sems can thams cad la snying rje skyed de/ sems can 'di dag ni 'khor ba na spyod pa'i sdug bsngal rnams las yongs su ma grol gyis/ bdag na ma bla na med pa yang dag par rdzogs pa'i byang chub mngon par rdzogs par sangs rgyas nas/ sems can 'di dag la chos kyi sbyin pos phan gdags shing / nyon mongs pa thams cad spangs pa'i phyir chos kyang bshad do snyam ste/ gang po de ltar na byang chub sems dpa' sems dpa' chen po
- 229a
bsam gtan gyi pha rol tu phyin pa la gnas shing / sbyin pa'i pha rol tu phyin pa yongs su 'dzin pa yin no// gsol pa/ btsun pa bcom ldan 'das thabs la mkhas pa 'di dang ldan pa'i byang chub sems dpa' chen po de gang lags par rig par bgyi/ bcom ldan 'das kyis bka' stsal pa/ gang po de ni phyir mi ldog pa'i byang chub sems dpa' yin par rig par bya'o/ / gsol pa/ btsun pa bcom ldan 'das ji tsam du byang chub sems dpa' sems dpa' chen po rnams sems can dpag tu ma mchis pa'i slad du go cha chen po bgos te/ bdag gis sems can dpag tu med pa yongs su mya ngan las bzla bar bya'o/ / bdag gis sangs rgyas kyi tshul rgyun mi 'chad par bya ba'i phyir 'bad par bya'o snyam ste/ 'on kyang 'di la yongs su mya ngan las zlo ba gang lags pa dang / yongs su mya ngan las bzla ba dang / bla na med pa yang dag par rdzogs pa'i byang chub mngon par rdzogs par 'tshang rgya bar yang ma mchis pa ni dka' ba bgyid pa ste/ ngo mtshar che bar rig par bgyi ba lags so// bka' stsal pa/ gang po de lta mod kyi/ sdug bsngal skye bar 'gyur ba nyid ni skye/ sdug bsngal 'gag par 'gyur ba ni 'gag ste/ gang po de'i phyir rnam grangs 'dis de ltar byang chub sems dpa' sems dpa' chen po rnams dka' ba byed par rig par bya'o// gang pos gsol pa/ btsun pa bcom ldan 'das de de lta lags so//
- 229b
de de lta lags te/ byang chub sems dpa' rnams ni dka' ba bgyid pa lags par rig par bgyid pa lags so// de ci'i slad du zhe na/ 'di ltar mya ngan las zlo ba gang lags pa 'am mya ngan las bzla bar 'gyur ba 'am/ bla na med pa yang dag par rdzogs pa'i byang chub mngon par rdzogs par 'tshang rgya ba'i chos 'ga' yang mi dmigs la/ sems can dpag tu ma mchis pa rnams kyi ched du/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can de dag gis 'dod chags spang ba dang / zhe sdang spang ba dang / gti mug spang ba'i slad du chos kyang ston pa'i slad du lags so/ / bcom ldan 'das kyis bka' stsal pa/ gang po gal te byang chub sems dpa' 'di ltar rnam par mi ga yeng bar gnas shing / thams cad mkhyen pa nyid dang ldan pa'i yid la byed pa 'byung ba ni/ de'i bsam gtan dang ldan par rig par bya'o// gang po gal te byang chub sems dpa' nyan thos kyi sa dang ldan pa'am/ rang sangs rgyas kyi sa dang ldan pa'i yid la byed pa 'byung na/ byang chub sems dpa' sems rnam par g.yeng ba yin par rig par bya'o// de ci'i phyir zhe na/ 'di ltar de ni de'i 'jigs par bya/ ba yin pa'i phyir ro// gang po gzhan yang byang chub sems dpa' sems dpa' chen po gzugs la dmigs pa'am/ sgra la dmigs pa 'am/ dri la dmigs pa 'am/ ro la dmigs
- 230a
pa'am/ reg pa la dmigs pa yid la byed pa 'byung na/ gzhi de las kyang byang chub sems dpa' sems rnam par g.yeng bar 'gyur mod kyi/ chos 'di dag ni thams cad mkhyen pa nyid la bar chad byed par nye bar gnas pa ma yin no/ / chos gang dag thams cad mkhyen pa nyid kyi bar chad byed par nye bar gnas pa ma yin pa de nyid byang chub sems dpa' sems dpa' chen po'i ting nge 'dzin gyi sa yin par rig par bya'o/ / bsam gtan gyi pha rol tu phyin pa las le'u gnyis pa'o// // de nas bcom ldan 'das la tshe dang ldan pa byams ma'i bu gang pos 'di skad ces gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis don gyi dbang ci zhig gzigs na/ 'di ltar byang chub sems dpa' rnams kyis spang bar bgyi ba bsngags pa mdzad la/ nyan thos rnams kyi ni ma lags/ bcom ldan 'das kyis bka' stsal pa/ gang po de'i phyir 'dir khyod nyid la dri bar byas/ khyod ji ltar bzod pa bzhin du khan thob cig/ gang po 'di ji snyam du sems/ nyi ma'i dkyil 'khor 'dzam bu gling gi mi rnams la bya ba gang gis nye bar gnas pa bzhin du srog chags kyi rigs srin bu me khyer yang bya ba de nyid kyis nye bar gnas sam/ gsol pa/ bcom ldan 'das de ni ma lags so// bcom ldan 'das kyis bkas
- 230b
sprul pa/ gang po de bzhin du byang chub sems dpa' sems dpa' chen po bya ba gang gis nye bar gnas pa des nyan thos nye bar gnas pa ma yin no// gang po 'di ji snyam du sems byang chub sems dpa' sems dpa' chen po bya ba gang gis nye bar gnas snyam/ gsol pa/ bcom ldan 'das byang chub sems dpa' sems dpa' chen po ni 'di lta bus ga nas te/ bdag gis sems can grangs med dpag tu med pa dag yongs su mya ngan las bzla bar bya'o// bdag gis sangs rgyas kyi gdung rgyan mi 'chad par bya bar bsgrub par bya'o snyam pa'i bya ba des nye bar gnas pa lags te/ nyan thos rnams kyis ni de lta ma lags so// bcom ldan 'das kyis bka' stsal pa/ gang po 'di ji snyam du sems/ nyan thos kyi dge 'dun 'di'i nang na/ dge slong gcig tsam yang byang chub sems dpa' bya ba gang gis nye bar gnas pa'i bya ba des nye bar gnas pa khyod kyis yang dag par rjes su mthong ngam/ gsol pa/ bcom ldan 'das de ni ma mchis so/ / bcom ldan 'das kyis bka' stsal pa/ gang po de bzhin gshegs pa dgra bcom pa yang dag par rdzogs pa'i sangs rgyas kyis don gyi dbang 'di yang dag par gzigs nas/ byang chub sems dpa' sems dpa' chen po rnams 'ba' zhig gis spang bar bya ba bsngags kyi/ nyan thos rnams kyis ni de lta ma yin no// gang po dper na nyi ma'i dkyil 'khor ni 'dzam bu
- 231a
gling gi mi rnams la snang ba dpag tu med pas nye bar gnas pa yin la/ srog chags kyi rigs srin bu me khyer ni 'di ltar rang gi rgyud nyi tshe snang bar nye bar gnas par zad do// gang po de bzhin du nyan thos kyi theg pa pa'i gang zag ni 'di ltar rang gi rgyud nyi tshe'i nyon mongs pa bzlog pa'i phyir nye bar gnas par zad kyi/ gang po byang chub sems dpa' ni bdag dang / gzhan mya ngan las bzla ba'i phyir dang / sems can dpag tu med cing grangs med pa rnams kyi don gyi phyir dang / nyon mongs pa bzlog pa'i phyir nye bar gnas pa yin no// gang po dper na 'phong gi slob dpon mtshon chal goms shing mkhas par gyur pa ni/ lo gcig tu yang rgyal po'i kar sha pa Na brgya stong za zhing / gang gi tshe rgyal po g.yul 'gyed pa'i dus la bab pa de'i tshe/ ji ltar 'phong gi slob dpon de ral gri 'debs sam/ mda' 'phen pa na thams cad du de gdon mi za bar byed pa ltar glang po che dang / rta ba dang / mi gzhan gyis bya ba de mi byed do// gang po de bzhin du byang chub sems dpa' sems dpa' chen po ni sems can 'dod chags spyod pa dang / zhe sdang spyod pa dang / gti mug spyod pa rnams kyi ched du gon gyon te/ sems can de dag gi phyir bla na med pa yang dag par rdzogs pa'i byang chub tu mngon par rdzogs par sangs rgyas nas/ 'dod chags spang ba'i phyir dang / zhe sdang spang ba'i phyir dang / gti mug spang ba'i phyir chos kyang ston no// gang po des na byang chub sems
- 231b
dpa' sems dpa' chen po go cha chen po bgos pa yin no/ / gsol pa/ bcom ldan 'das kyis bka' stsal ba'i don bdag gis 'tshal ba ltar nA/ byang chub sems dpa' sems dpa chen po ni/ nam yang mnyam par ma gzhag pa ma mchis par rig par bgyi'o// byang chub sems dpa' sems dpa' chen po ni/ sbyin pa'i pha rol tu phyin pa la gnas pa na yang mnyam par gzhag par rig par bgyi'o/ / byang chub sems dpa' sems dpa' chen po ni/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la gnas pa na yang mnyam par gzhag par rig par bgyi'o// bcom ldan 'das dper bgyi na/ nor bu rin po che bai DUR+Ya ni gser gyi snod du bzhag na yang rin po che'i rang bzhin mi 'dor la/ de bzhin du dngul gyi snod dang / shel gyi snod dang / lcags kyi snod du bzhag na yang rin po che'i rang bzhin mi 'dor te/ de bzhin du kham pa'i snod dang / sa la bzhag na yang rin po che'i rang bzhin mi 'dor lags so// bcom ldan 'das de bzhin du byang chub sems dpa' sems dpa' chen po ni/ sbyin pa'i pha rol tu phyin pa la gnas pa na yang mnyam par gzhag par rig par bgyi'o// tshul khrims kyi pha rol tu phyin pa dang / bzod pa'i pha rol tu phyin pa dang /
- 232a
brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la gnas pa na yang mnyam par gzhag par rig par bgyi ste/ de ltar bcom ldan 'das kyis bka' stsal pa'i don bdag gis 'tshal lo// de skad ces gsol pa dang / bcom ldan 'das kyis/ tshe dang ldan pa byams ma'i bu gang po la 'di skad ces bka' stsal to/ / gang po legs so legs so// gang po de de bzhin no// gal te byang chub sems dpa' sems dpa' chen po 'dod pa rnams las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrub te gnas shing / bsam gtan dang po la gnas pa na/ nyan thos kyi sa 'am/ rang sangs rgyas kyi sa la 'dod par byed na/ byang chub sems dpa' sems dpa' chen po sems rnam par g.yengs pa yin par rig par bya ste/ byang chub sems dpa' sems dpa' chen po mnyam par ma gzhag pa'i sa la gnas pa yin par rig par bya'o/ / gang po gzhan yang gal te byang chub sems dpa' sems dpa' chen po rtog pa dang / dpyod pa rnams dang bral zhing / nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa
- 232b
bsgrubs te gnas shing / bsam gtan gnyis pa la gnas pa na/ nyan thos kyi sa 'am/ rang sangs rgyas kyi sa la 'dod par byed na/ byang chub sems dpa' sems rnam par g.yengs pa yin par rig par bya ste/ byang chub sems dpa' sems dpa' chen po mnyam par ma gzhag pa'i sa la gnas pa yin par rig par bya'o// gang po gzhan yang byang chub sems dpa' sems dpa' chen po dga' ba'i 'dod chags dang bral bas btang snyoms la gnas shing / dran pa dang shes bzhin can yin te/ bde ba lus kyis myong la/ 'phags pa rnams kyis gang de dran pa dang ldan pa/ bde ba la gnas pa/ btang snyoms pa'o zhes brjod pa ste/ dga' ba med pa'i bsam gtan gsum pa bsgrubs te gnas shing / bsam gtan gsum pa la gnas pa na/ nyan thos kyi sa 'am/ rang sangs rgyas kyi sa la 'dod par byed na/ byang chub sems dpa' sems dpa' chen po sems rnam par g.yengs pa yin par rig par bya ste/ mnyam par ma gzhag pa'i sa la gnas pa yin par rig par bya'o/ / gang po gzhan yang gal te byang chub sems dpa' bde ba yang spangs/ sdug bsngal ba yang spangs shing / snga nas yid bde ba dang / yid mi bde ba yang nub pas/ bde ba yang ma yin/ sdug bsngal ba yang ma yin pa/ btang snyoms dang dran pa yongs su dag pa/ bsam gtan bzhi pa bsgrubs te gnas shing /
- 233a
bsam gtan bani pa la gnas pa na/ nyan thos kyi sa 'am/ rang sangs rgyas kyi sa la 'dod par byed na/ byang chub sems dpa' sems rnam par g.yengs pa yin par rig par bya ste/ mnyam par ma gzhag pa'i sa la gnas pa yin par rig par bya'o// gsol pa/ bcom ldan 'das ji tsam gyis na byang chub sems dpar mnyam par gzhag par rig par bgyi/ bcom ldan 'das kyis bka' stsal pa/ gang po gal te byang chub sems dpa' sems dpa' chen po sems can gang dang gang mthong ba de dang de la 'di ltar sems can 'di dag ni bdag bla na med pa yang dag par rdzogs pa'i byang chub mngon par rdzogs par sangs rgyas nas/ gdul bar bya ba yin no snyam du sems bskyed na/ byang chub sems dpa' mnyam par gzhag pa yin par rig par bya'o/ / gang po gzhan yang gal te byang chub sems dpa' pha rol skyabs su 'gro ba gsum la bkod la/ bkod nas kyang dge ba'i rtsa ba de thams cad mkhyen panyid du yongs su ston/ byang chub sems dpa' mnyam par gzhag pa yin par rig par bya'o// gang po gzhan yang gal te byang chub sems dpa' pha rol bslab pa gzhi lnga la bkod la bkod nas kyang dge ba'i rtsa ba de bla na med pa yang dag par rdzogs pa'i byang chub tu yongs su sngo na/ byang chub sems dpa' mnyam par gzhag pa yin par rig par bya'o// gang po gzhan yang
- 233b
gal te byang chub sems dpa' pha rol dge ba bcu'i las kyi lam la bkod la/ bkod nas kyang dge ba'i rtsa ba de bla na med pa yang dag par rdzogs pa'i byang chub tu yongs su sngon/ byang chub sems dpa' mnyam par gzhag pa yin par rig par bya'o/ / gang po gzhan yang gal te byang chub sems dpa' rigs kyi bu 'am/ rigs kyi bu mo gzhan sbyin pa yang dag par 'dzin du 'jug par byed/ gnas par byed/ 'god par byed/ tshul khrims dang / bzod pa dang / brtson 'grus dang / bsam gtan dang / shes rab yang dag par 'dzin du 'jug par byed// gnas par byed/ 'god par byed la/ bkod nas kyang / dge ba'i rtsa ba de thams cad mkhyen pa nyid du yongs su sngon/ byang chub sems dpa' mnyam par gzhag pa yin par rig par bya'o/ / gang po gzhan yang gal te byang chub sems dpa' tha na pha rol sbyin pa byed pa rnams la yang rjes su yi rang bar byed la/ rjes su yi rang ba'i bsod nams de yang thams cad mkhye pa nyid du yongs su sngon/ byang chub sems dpa' mnyam par gzhag pa yin par rig par bya ste/ byang chub sems dpa' bsam gtan gyi pha rol tu phyin pa la gnas pa yin par rig par bya'o/ / de ci'i phyir zhe na/ 'di ltar des thams cad mkhyen pa nyid yid la byed pa yongs su ma spangs pa'i phyir ro// gang gi tshe thams cad mkhyen pa nyid yid la byed pa dang ma bral na
- 234a
de nyid byang chub sems dpa' sems dpa' chen po'i bsam gtan gyi pha rol tu phyin par rig par bya'o/ / de ltar na byang chub sems dpa' bsam gtan gyi pha rol tu phyin pa/ la yang gnas pa yin no// byang chub sems dpa' sems dpa' chen po bsam gtan gyi pha rol tu phyin pa la gnas pa/ bsam gtan la brten pas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de bzhin gshegs pa yang mi g.yo ba'i gnas la gnas nas/ tshe'i 'du byed 'dor bar mdzad de/ len pa med par yongs surgya ngan las 'da' bar yang mdzad do/ / gang po de ltar na bsam gtan gyi pha rol tu phyin pa ni/ byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa la phan 'dogs par gyur pa yin no/ / gang po byang chub sems dpa'i bsam gtan ni de bzhin gshegs pa'i bsam gtan ma gtogs par/ de las gzhan pa'i bsam gtan rnams kyi mchog ces bya'o/ / gtso bo dang / phul dang / rab dang / rab mchog dang / gya nom pa dang / bla na med pa dang / gong na med pa zhes bya'o// de ci'i phyir na na/ gang po 'di ltar byang chub sems dpa'i bsam gtan ni thams cad mkhyen pa nyid dang ldan pa'i yid la byed pa rnams dang ma bral ba yin la/ nyan thos kyi bsam gtan la ni thams cad mkhyen
- 234b
pa nyid dang ldan pa'i yid la byed pa rnams med pa'i phyir ro/ / de skad ces bka' stsal pa dang / tshe dang ldan pa byams ma'i bu gang pos/ bcom ldan 'das la 'di skad ces gsol to// bcom ldan 'das nyan thos bsam gtan la gnas pas kyang sangs rgyas bcom ldan 'das chos nyid gang dang ldan pa'i chos nyid de mngon sum du bgyid na/ bcom ldan 'das ci'i slang du nyan thos kyi bsam gtan thams cad mkhyen pa nyid dang ldan pa'i yid la bgyid pa rnams dang bral ba lags/ bcom ldan 'das kyis bka' stsal pa/ gang po de'i phyir 'dir khyod nyid la dri bar byas/ khyod ji ltar bzod pa de bzhin du lan thob cig/ gang po 'di ji snyam du sems/ gal te nyan thos bsam gtan la gnas pa yang / sangs rgyas bcom ldan 'das chos nyid gang dang ldan pa'i chos nyid de mngon sum du byed na/ nyan thos de yang de bzhin gshegs pa zhes bya 'am/ gsol pa/ bcom ldan 'das de ni ma lags so// bcom ldan 'das kyis bka' stsal pa/ gang po de'i phyir khyod la dper bya ba bstan te/ 'di na mi mdzangs pa kha cig ni bshad pa'i don dpes rtogs par 'gyur bas/ khyod la dpe bstan par bya'o// gang po dper na mi la la zhig rgyal po'i stan la 'dug na gang po 'di ji snyam du sems/ de tsam gyis na mi de yang rgyal po zhes bya 'am/ gsol pa/ bcom ldan 'das de ni ma lags so// de ci'i slad du zhe na/ bcom
- 235a
ldan 'das 'di ltar mi de ni rgyal po'i mtshan ma rnams dang bral ba'i slad ngu'o/ / bcom ldan 'das kyis bka' stsal pa/ gang po de de bzhin te/ nyan thos bsam gtan dang po la mnyam par 'jog cing / bsam gtan gnyis pa dang / gsum pa dang / bzhi pa la mnyam par 'jog gam/ gzugs med pa'i snyoms par 'jug pa bzhi la mnyam par bzhag ste/ sangs rgyas bcom ldan 'das chos nyid gang dang ldan pa'i chos nyid de mngon sum du byed du zin kyang / gang po nyan thos la ni sangs rgyas kyi yon tan stobs bcu dang / mi 'jigs pa rnams med la/ thams cad mkhyen pa nyid kyi ye shes dang bral te/ ji ltar de bzhin gshegs pa dgra bcom pa yang dag par rdzogs pa'i sangs rgyas yon tan gang dang ldan pa'i yon tan de dag dang bral bas na/ de bzhin gshegs pa'i nyan thos zhes bya ba'i ming 'thob bo// bsam gtan de dag kyang 'di ltar yon tan de rnams dang bral ba yin te/ bsam gtan de dag ni byang chub sems dpa'i bsam gtan rnams kyi brgya'i char yang nye bar mi 'gro'o/ / stong gi cha dang / 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// de ci'i phyir zhe na/ gang po 'di ltar byang chub sems dpa' sems dpa' chen po bsam gtan gyi pha rol tu phyin pa la gnas pa ni/ thams cad mkhyen pa nyid kyang yongs su ma spangs pa yin la/
- 235b
sangs rgyas kyi zhing yang yongs su dag par byed pa'i phyir ro// gnas pa 'dis gnas pa'i snyoms par 'jug pa 'di la/ byang chub sems dpa' gnas pa gang gis gnas pa dang / snyoms par 'jug pa gang gis gnas pa yang nyan thos dang rang sangs rgyas thams cad kyis mi shes so/ / gsol pa/ bcom ldan 'das byang chub sems dpa' sems dpa' chen po'i gnas pa 'di'i ming ci zhes bgyi/ bcom ldan 'das kyis bka' stsal pa/ gang po byang chub sems dpa'i gnas pa 'di'i ming ni gnas pa bsam gyis mi khyab pa zhes bya'o// de ci'i phyir zhe na/ gang po 'di ltar gnas pa 'di ni thams cad mkhyen pa nyid kyi chos 'thob pa'i phyir yang dag par 'jug pa yin no/ / gang po de lta bas na gnas pa de'i ming ni 'jig rten thams cad la phan par 'dod pa'i gnas pa zhes bya'o/ / de ci'i phyir zhe na/ gang po 'di ltar byang chub sems dpa' sems dpa' chen po ni sems can dpag tu med pa rnams kyi ched du gnas pa 'di la mnyam par 'jog ste/ gnas pa 'di dag gis gnas pa gang yin pa de ni// bla na med pa yang dag par rdzogs pa'i byang chub mngon par rdzogs par sangs rgyas pa na/ sems can dpag tu med cing grangs med pa rnams la zag pa med pa'i bsam gtan rnams kyis 'doms shing rjes su ston te 'dul bar 'gyur ro/ / gang po rnam grangs 'dis na/ byang chub sems dpa' sems dpa' chen po gnas pa gang
- 236a
gis gnas pa'i gnas pa 'di'i ming 'jig rten thams cad la phan par 'dod pa zhes bya ste/ gang po de ltar byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas bsam gtan gyi pha rol tu phyin pa la bslab par bya'o/ / 'di ltar bsam gtan gyi pha rol tu phyin pa mngon par bsgrub par yang bya'o/ / bsam gtan gyi pha rol tu phyin pa las le'u gsum pa'o// // de nas bcom ldan 'das la/ tshe dang ldan pa byams ma'i bu gang pos 'di skad ces gsol to/ / bcom ldan 'das nyan thos ni byang chub sems dpa'i snyoms par 'jug pa rnams las khyad par du 'phags pa lags so// de ci'i slad du zhe na/ bcom ldan 'das 'di ltar nyan thos ni mthar gyis gnas pa'i snyoms par 'jug pa dgu la mnyam par 'jog la/ byang chub sems dpa' ni snyoms par 'jug pa brgyad la mnyam par 'jog ste/ des na nyan thos kyi ting nge 'dzin ni gcig gis lhag ste/ de ltar na byang chub sems dpa' las nyan thos snyoms par 'jug pas khyad zhugs pa lags so// de skad ces gsol pa dang / bcom ldan 'das kyis/ tshe dang ldan pa byams ma'i bu gang po la 'di skad ces bka' stsal to// gang po byang chub sems dpa' la yang 'gog pa'i snyoms par 'jug pa yod de/ gang po byang chub sems
- 236b
dpas bgog pa'i snyoms par 'jug pa la dbang thob mod kyi/ mnyam par gzhog par ni mi byed do// de ci'i phyir zhe na/ nyan thos kyi sa 'am/ rang sangs rgyas kyi sar lhung du dogs pa'i phyir/ de bzhin gshegs pa dgra bcom pa yang dag par rdzogs pa'i sangs rgyas kyis gnang bar ma mdzad do// gang po de'i phyir khyod la dpes bstan par bya ste/ 'di na mi mdzangs pa la dpe bstan pas bshad pa'i don rtogs par 'gyur ro/ / gang po dper na 'khor los sgyur ba'i rgyal po yang yul mtha' 'khob phyogs kyi rgyal phran mang po dag pas che la/ 'khor los sgyur ba'i rgyal po de bdag nyid der mi 'gro zhing / sa phyogs der gnas par yang mi byed mod kyi/ 'on kyang yul phyogs de dag na/ 'khor los sgyur ba'i rgyal po de shes shing / yul gyi mi de dag 'khor los sgyur ba'i rgyal po de nyid kyi bka' nyan te/ 'khor los sgyur ba'i rgyal po de'i yul na 'khod do// gang po de bzhin du 'di ltar byang chub sems dpa' sems dpa' chen po ni 'du shes dang / tshor ba 'gog pa'i snyoms par 'jug pa la mnyam par yang mi 'jog la/ byang chub sems dpas snyoms par 'jug pa de la dbang yang nges par thob ste/ byang chub sems dpa' ni nam byang chub kyi snying po la 'dug par ma gyur kyi bar du ting nge 'dzin de la mnyam par gzhag pa'i dus ma yin no// de ci'i phyir zhe na/ nyan thos nyid du gnas
- 237a
par 'gyur du 'ong ba dang / nyan thos kyi sa gnon par 'gyur du 'ong ba dang / nyan thos rnams dang mnyam par 'gyur du dogs pa'i phyir ro// gang po dper na rgyal po rgyal rigs spyi bo nas dbang bskur ba tshong dus su song ste/ chang gi btung ba 'thung 'dod par gyur na/ de'i blon po mkhas pa'i rang bzhin can dag 'di skad du/ lha skyems gsol ba'i dus 'di ma lags so/ / skabs 'di ma lags te/ gang gi tshe lnga btsun mo'i 'khor du gshegs pa de'i tshe skye mas gsol ba'i dus lags so zhes zer ro// gang po 'di ji snyam du sems/ chang gi btung ba de rgyal po la med dam/ gsol pa/ bcom ldan 'das mchis so// bcom ldan 'das kyis bka' stsal pa/ rgyal po la chang gi btung ba yod mog kyi/ blon po rnams kyis 'thung ngu mi ster ro// de ci'i phyir zhe na/ de ni grong khyer mang po dang / grong khyer brgya phrag mang po dang / yul mang po dang / mi 'bum phrag mang po dag gi rje yin pas na/ de tshong dus kyi nang du chang 'thung ba'i mi rigs pa'i phyir ro// gang po de bzhin du byang chub sems dpa' sems dpa' chen po la shes pa gang dang ldan na/ 'du shes dang tshor ba 'gog pa'i snyoms par 'jug pa la mnyam par 'jog pa'i shes pa yod mod kyi/ sangs rgyas bcom ldan 'das rnams kyis de la gnang bar mi mdzad do// de ci'i phyir zhe na/ re zhig
- 237b
'du shes dang / tshor ba 'gog pa'i snyoms par 'jug pa la mnyam par gzhag pa'i dus ma yin zhing / skabs ma yin pa'i phyir ro// gang po gang byang chub sems dpa' sems dpa' chen po 'du shes thams cad dang / mtshan ma thams cad spang ba'i phyir ro// bdud rtsi'i dbyings mngon sum du byas nas/ 'du shes dang tshor ba 'gog pa'i snyoms par 'jug pa la mnyam par bzhag ste gnas par 'gyur ba'i dus de dang / skabs de ni phyis 'ong bar 'gyur te/ gang gi tshe byang chub kyi snying po la 'dug par 'gyur ba de ni/ de'i dus dang / de'i skabs yin no// 'du shes thams cad las yang dag par 'da' bar bya ba'i phyir/ 'du shes dang tshor ba 'gog pa'i snyoms par 'jug pa bsgrub ste/ bla na med pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo rnam pa bcu gnyis po skor bar 'gyur ro// de skad ces bka' stsal pa dang / tshe dang ldan pa byams ma'i bu gang pos/ bcom ldan 'das la 'di skad ces gsol to/ / bcom ldan 'das ji tsam du byang chub sems dpa' sems dpa' chen po 'di ltar zag pa zad pa mngon sum du bgyi ba la mthu mchis shing stobs dang ldan la mngon sum du yang mi bgyid pa ni dka' ba bgyid pa lags te/ ngo mtshar lags so// de ci'i slad du zhe na/ bcom ldan 'das 'di ltar byang chub sems dpa' ni sems can rnams la
- 238a
yun ring por phan pa dang / lhag pa'i bsam pas nye bar gnas pa'i slad du'o// bcom ldan 'das kyis bka' stsal pa/ gang po de de bzhin no// de de bzhin byang chub sems dpa' sems dpa' chen pos don gyi dbang 'di yang dag par mthong nas/ mthar gyis gnas pa'i snyoms par 'jug pa 'di dag la mnyam par mi 'jog go// de ci'i phyir zhe na/ gang po snyom par 'jug pa 'di dag la dbang yang thob la/ mnyam par yang mi 'jog pa gang yin pa de nyid byang chub sems dpa' sems dpa' chen po'i thabs la mkhas pa yin par rig par bya'o/ / gang po byang chub sems dpa' theg pa la gsar du zhugs pa'am/ phyir mi ldog pa yang rung ste/ gang la la dag gis bsam gtan gyi pha rol tu phyin pa la 'di ltar gnas par byas na/ byang chub sems dpa' zhes bya'o// de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das byang chub sems dpa' sems/ dpa' chen pos bsam gtan gyi pha rol tu phyin pa la ji ltar gnas par bgyi/ ji ltar bsam gtan la mnyam par gzhag par bgyi/ bcom ldan 'das kyis bka' stsal pa/ shA ra dwa ti'i bu 'di la byang chub sems dpa' 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga'
- 238b
ba dang bde ba can bsam gtan dang po bsgrubs te gnas/ de bzhin du bsam gtan gnyis pa dang / gsum pa dang / bzhi pa bsgrubs te gnas/ nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / ci yang med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa bsgrubs te gnas shing / de gzugs na spyod pa dang / gzugs med pa na spyod pa'i bsam gtan dang / snyoms par 'jug pa la mnyam par bzhag ste de la 'dris par byas shing / de la brtse ba byas nas/ phyir yang 'dod pa'i khams su sems glon par byed do// de ci'i phyir zhe na/ gzugs na spyod pa dang / gzugs med pa na spyod pa'i lha rnams kyi nang du skye bar 'gyur du dogs pa'i phyir te/ gzugs dang / gzugs med pa na spyod pa'i bsam gtan rnams la mnyam par gzhog na/ der nying mtshams sbyor bar byed pas na// de las sems srung bar byed de/ der skye ba las phyir zlog par byed do// gzugs na spyod pa dang / gzugs med pa na spyod pa'i lha rnams kyi nang du skyes na/ skye bo stong phrag mang po de dag mgu bar mi 'gyur zhing / sangs rgyas mthong ba dang / sangs rgyas su sbyor ba las shin tu phyi rol du 'gyur du dogs pa dang / glen pa'i gnas dag tu skyes te/ glon pa'i skye ba yongs su 'dzin
- 239a
par 'gyur du 'ong ngo snyam nas/ byang chub sems dpa' thabs la mkhas pas/ gzugs dang / gzugs med pa na spyod pa'i snyoms par 'jug pa de dag thob nas/ la 'dris par byas te/ phyir yang thabs la mkhas pas 'dod pa'i khams su nying mtshams sbyor bar byed do// shA ra dwa ti'i bu dper na mi zhig rgyal po'i btsun mo dang lhan cig gnas par 'dod pa de 'di snyam du thabs ji ltar byas na/ rgyal po'i btsun mo dam pa dang lhan cig gnas par byed/ rgyal pos kyang mi tshor la/ rgyal po'i mi dag gis kyang mi tshor zhing / nye zho med par phyir 'gro bar bya snyam du sems te/ de thabs mkhas pas sman gang gis mi de'i pho mtshon med par 'gyur ba de lta bu btsal nas/ de pho mtshan med par rgyal po de dang 'dris par byas te// rgyal po de la yang 'di skad du/ lha mkhyen par mdzad du gsol/ bdag gi pho mtshan ma mchis par gyur te/ bdag ma rung bar gyur kyis/ lha'i btsun mo'o 'khor bsrung bar 'tshal lo zhes gsol nas/ / de rgyal po des brtags te/ btsun mo'i 'khor du gnang ngo // btang nas kyang mi des sman gang gis pho mtshan 'byung bar 'gyur ba de zos nas/ de rgyal po'i btsun mo dam pa dang zla ba gcig gam/ gnyis sam/ gsum gyi bar du lhan cig gnas nas/ de 'di snyam du gal te bdag rgyal pos tshor na/ gdon mi za bar srog dang bral bar byed kyis
- 239b
bdag phyir yang rgyal po'i pho brang 'di nas nye zho med pa dang / bde bar 'gro bar bya'o snyam du sems te/ des rgyal po de la lha mkhyen par mdzad du gsol/ bdag gi pho mtshan yang slar byung gis/ lha'i btsun mo'i 'khor nas bdag slar mchi'o zhes gsol to// de nas rgyal po de 'di snyam du kye ma 'di 'di ltar 'ongs nas/ g.yo med par nga'i btsun mo'i 'khor dang lhan cig 'dug pa gang yin pa ni dge ba zhig yin no snyam sems te/ rgyal pos de la lus la bgo ba byin zhing sbyin pa byin nas gtang ngo // de ltar thabs la mkhas pa dang / sman la mkhas pas/ rgyal po'i btsun mo'i 'khor sun phyung nas/ phyir yang 'di ltar sman gyi yon tan dang / 'di ltar thabs la mkhas pa'i phyir/ de thabs la mkhas pas/ nye zho med par phyir song ngo // shA ra dwa ti'i bu de bzhin du byang chub sems dpa' sems dpa' chen po thabs la mkhas pa ni/ bsam gtan dang po thob nas mnyam par gzhog go// bsam gtan gnyis pa dang / gsum pa dang / bzhi pa thob nas mnyam par gzhog go// nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / ci yang meng pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa thob nas/ mnyam par gzhog ste/ de la 'dris par byas nas thabs la mangs
- 240a
pas/ phyir yang 'dod pa'i khams su babs te/ 'dod pa'i khams la dmigs shing / de sangs rgyas mthong ba dang / sangs rgyas la bsnyen bkur bya ba dang yang 'bral bar mi 'gyur la/ yang dag pa'i mtha' yang mngon sum du mi byed do// de ci'i phyir zhe na/ 'di ltar thams cad mkhyen pa nyid yongs su ma spangs pa dang / sems can thams cad yongs su ma spangs pa'i phyir ro/ / shA ra dwa ti'i bu de ltar na byang chub sems dpa' sems dpa' chen po thabs la mkhas pa ni/ bsam gtan gyi pha rol tu phyin pa la gnas shing / yang dag papa'i mtha' yang mngon sum du mi byed la/ 'gog pa'i snyoms par 'jug par mi ltung ngo // bcom ldan 'das kyis de skad ces bka' stsal nas/ tshe dang ldan pa shA ra dwa ti'i bu dang / tshe dang ldan pa byams ma'i bu gang po dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / bsam gtan gyi pha rol tu phyin pa lngas le'u bzhi pa ste rdzogs so// / 'phags pa pha rol tu phyin pa snga bstan pa zhes bya ba theg pa chen po'i mdo rdzogs so/ / / rgya gar gyi mkhan po dzi na mi tra dang / zhu chen gyi lo tsa ba ban d+he ye shes sde la sogs pas bsgyur cing zhus te gtan la phab pa//
- 240b
/ rgya gar skad du/ Ar+ya dAn bA ra mi ta nA ma mahA yAn sU tra/ bod skad du/ 'phags pa sbyin pa'i pha rol tu phyin pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das nyid kyi rtsa lag dang / yul gyi mi rnams la phan gdags pa'i phyir/ ser skya'i gnas kyi grong khyer chen po na/ rgyal po zas gtsang gi kun dga' ra ba shing sA la dang / ta la dang / ta ma la dang / dong ka'i shing dang / rgya shug dang / star ka'i shing / 'bra go dang / shing ba ta dang / ka tam pa dang / a mra dang / nyo ta ding / skyu ru ra'i shing dang / bil ba dang / bal po se'u dang / ka bid tha dang / chu shing dang / n+ya gro d+ha dang / u dum wa ra dang / ba ru sha ka dang / ba ru ra'i shing dang / a shwad tha dang / bar shi ka dang / sna ma dang / d+ha nu ska ri dang / a ti mug ta dang / tsam pa kA dang / mya ngan 'tshang dang / ta ra ni dang / skya snar dang / shi ri sha dang / ardzu na dang / shing ljon pa brgya stong du mas brgyan pa phu chu dang / 'bab chu'i dang dang / mtshe'u dang / lteng ka dang / rdzing bu dang / khron pa dri zhim po dang ldan pa dag gis mdzes par byas pa/ me tog ut+pal dang / pad+ma dang / ku mud dang / pad+ma dkar po dag gis gang ba/ ngang pa dang / rma bya dang / khrung khrung dang / ngur pa dang / khu byug dang / chun lag dang / ne tso dang /
- 241a
/ ri skegs dang / shang shang te'u dang / tsa gor dang / 'dzin mo dang / ka ra nang ba rnams skad 'byin pa/ bung ba brgya stong dag gis mdzes par byas pa/ chu yan lag brgyad dang ldan pa/ gsal zhing dri zhim la shin tu bsil ba dang / rnyog pa med cing rnam par dang bas yongs su gang ba/ gsing ma sngo zhing 'jam la gzhon pa/ dar dang / bal dang / srin bal dang / mon dar dang / ka tsa lin di ke dang / zar ma'i gos ltar reg na bde ba/ yid du 'ong zhing gtsang la/ rdo dang / gseg ma dang // gyo mo dang / bkr-i me shis pa dang / 'dam rdzab dang / stag snyig med pa'i sa phyogs bzang po/ / ri dgas sna tshogs/ ldang sko ska dang / sha bkra dang / spre'u dang / byi la dang / sre mo dang / ri bong dang / dom dang / dred dang / bya'i tshogs kyis bsten pa/ mtshan mo'i lha dang / lha'i bu mo dang / 'jig rten skyong ba dang / chu zla dang / zhi ba dang / gshin rje dang / 'phags skyes po dang / lus ngan po dang / brgya byin dang mig mi bzang dang / yul 'khor srung dang / lha ma yin dang / nam mkha' lding dang / dri za dang / mi 'am ci dang / lto phye chen po 'bum dag gnas pa na rten cing bzhugs te/ dge slong gi dge 'dun chen po dge slong bdun khri bdun stong la 'di lta ste/ tshe dang ldan pa shA ra dwa ti'i bu dang / tshe dang ldan pa mo'u 'gal gyi bu chen po dang / tshe dang ldan pa rab 'byor
- 241b
dang / tshe dang ldan pa ka pi na dang / tshe dang ldan pa ba lang bdag dang / tshe dang ldan pa gsus po che dang / tshe dang ldan pa b+ha ra dra tsa dang / tshe dang ldan pa kun shes ko'u di n+ya dang / tshe dang ldan pa bzang ldan dang / tshe dang ldan pa gang po dang / tshe dang ldan pa rab tu bzang po dang / tshe dang ldan pa lam phran bstan dang / tshe dang ldan pa ba ku la dang / tshe dang ldan pa sgra gcan 'dzin dang / rma dang ldan pa nye dga' bo dang / tshe dang ldan pa dga' bo dang / tshe dang ldan pa kun dga' bo dang / de dag la sogs pa dge slong bdun khri bdun stong la 'di lta ste/ tshe dang ldan pa kun dga' bo gang zag gcig ma gtogs par thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po// bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems thams cad kyang dbang dam pa'i pha rol tu son pa sha stag dang thabs cig go// byang chub sems dpa'i tshogs chen po/ byang chub sems dpa bye ba 'bum phrag du ma la 'di lta ste/ byang chub sems dpa' sems dpa' chen po byams pa dang / 'jam dpal gzhon nur gyur pa dang / spyan ras gzigs dbang phyug dang / mthu chen thob
- 242a
dang / kun tu bzang po dang / nam mkha'i snying po dang / lha'i cod pan dang / rin chen cod pan dang / lag na rin chen dang / rin chen 'od dang / rin chen snying po dang / rin chen gtsug phud dang / rin chen seng ge dang / rin chen dra ba can dang / dra ba can gyi 'od dang / nyi 'od dang / zla 'od dang / mthu brtan dang / blo gros brtan dang / brtson 'grus brtan dang / mthu rtsal brtan dang / spro ba brtan pa dang / spro ba che ba dang / mchog tu dga' ba'i rgyal po dang / sman gyi rgyal po dang / sman yang dag 'phags dang / dge ba dri ma med pa rnam dag rin chen zla 'od rgyal po dang / pad+ma'i 'dab ma ltar dri ma med pa rgyu skar rgyal po mngon par shes pa'i me tog shin tu rgyas pa dang / bung ba dang / sngags dang / rma bya dang / 'dzin mo dang / mugs gsal ral pa'i thor tsugs can dang / pad+ma dang / zla ba ltar bzhin 'dzum zhing brjid la mdangs gsal ba dang / rin po che mthon kha ltar mig shin tu mdzes pa/ yon tan rin po che'i tog dang / so mnyam zhing thags bzang la dkar ba/ dngul dang / dung dang / zla ba dang / ku mu da dang / 'o ma ltar dkar ba dang / lce chu shing gi lo ma dang / ta la'i 'dab ma ltar yangs shing zangs kyi glegs ma lta bu dang / khu byug dang / ne tso dang / ri skegs dang / kun la dang / ka la bdeg skang 'byin pa lta bur yid du 'ong ba'i nga ro'i gdangs nges par sgrogs pa dang / lusa?
- 242b
zla ba dang / nyi ma 'char ka dang / dong ka'i shing dang / sa ha ka ra dang / me tog 'byung ba'i ka dam pa lta bu dang / byang chub sems dpa' sems dpa' chen po rkang lag phra zhing mnyen la gzhon sha chags shing / srab la 'jam zhing / me tog ltar shin tu gzhon la/ rkang lag gi sen mo bzangs kyi mdog 'dra ba dang / de dag la sogs pa byang chub sems dpa' dgu khri dgu stong thams cad kyang phyir mi ldog pa/ phyir mi ldog pa'i chos kyi 'khor lo bskor ba/ bdud dang phyir rgol ba nges par bcom pa/ bdud kyi las thams cad las yang dag par 'das pa/ de bzhin gshegs pa thams cad kyi yul la 'jug pa shes pa la mkhas pa mngon par shes pa/ mngon par shes pa dpa' bar 'gro ba'i ting nge 'dzin gyi mtha'i sgo bsgrub pa'i gzungs thob pa/ pha rol tu phyin pa thams cad la thabs la mkhas partogs par khong du chud pa/ 'jig rten gyi khams tha dad pa ston pa/ go cha chen po bgos pa/ sangs rgyas kyi yon tan la the tshom med pa/ nyon mongs pa dang nye ba'i nyon mongs pa'i bag chags thams cad la sems pas bag chags dang / mtshams sbyor ba dang bcas par mngon pa'i nga rgyal yang dag par bcom nas/ dul ba dang nges pa dang ldan pa/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam la zhugs pa/ byams pa dang /
- 243a
snying rje dang / dga' ba dang / btang snyoms dang / bzod pa dang / bsam pa dang / bag la nyal phun sum tshogs pa/ nga rgyal dang / rgyags pa dang / dregs pa dang / nyes rtsom dang / khengs pa dang / ser sna dang / ngar 'dzin pa dang / nga yir 'dzin pa dang / lhag par zhen pa dang / chags pa dang / zhen pa dang / rgyal ba dang / sred pa dang / mngon par zhen pa dang bral ba/ bskal pa bye ba khrag khrig 'bum phrag grangs med par bdag la phan pa dang / gzhan la phan pa dang / bde bar sbyor ba la brtson pa/ dge ba'i rtsa ba shin tu bsags shing / tshogs rdzogs par byas pa'i rgyud can sgyu dang / g.yo dang / brdzun dang / phra ma dang / ngag rtsub po dang / gsod pa dang / gnod par byed pa dang / 'ching ba dang / lta ba ngan pas gzings pa dang / sdig pa dang / rtsod pa dang / 'thab pa dang / 'bregs pa dang / 'khrug long dang / 'gyed pa dang / nye ba'i nyon mongs pa dang bral ba sha stag dang / 'jig rten skyong ba bzhi po 'di lta ste/ rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal chen po mig mi bzang rang rang gi g.yog 'khor gyis bskor ba rnams dang / gnod sbyin gyi sde dpon chen po lngas rtsen rang gi bu'i 'khor dang bcas pa dang / gnod sbyin gyi sde dpon chen po lag na rdo rje rang gi gnod sbyin gyi 'khor dang bcas pa dang / 'byung po chen po'i mi 'phrog ma rang gi gnod
- 243b
sbyin mo'i 'khor dang bcas pa dang / dung can ma dang / mdung thogs ma dang / ser mo dang / bka' bzlog ma dang / dpal gyi lha mo chen mo dang / dbyangs can ma dang / 'jigs byed ma dang / zla ba ma dang / lha'i dbang po brgya byin dang / lha'i bu dbang phyug chen po dang / mi mjed kyi bdag po tshangs pa rang gi lha'i bu'i 'khor dang bcas pa dag dang / klu'i rgyal po ma dros pa dang / klu'i rgyal po rgya mtsho rang rang gi klu'i 'khor dang bcas pa dag dang / nam mkha' lding gi dbang po gzi chen dang / nam mkha' lding gi dbang po lus chen rang rang gi nam mkha' lding gi 'khor dang bcas pa dag dang / lha ma yin gyi dbang po stobs can dang / lha ma yin gyi dbang po sgra gcan rang rang gi tshogs kyi 'khor dang bcas pa dag dang / mi 'am ci'i rgyal po ljon pa rang gi mi 'am ci'i 'khor dang bcas ba dang / dri za'i bu zur phud lnga pa rang gi 'khor dang bcas pa dang / de las gzhan pa lha dang / klu dang / gnod sbyin dang / dI za dang / lha ma yin dang / nam mkha' lding dang / mi 'am ci dang / lto'aphye chen po dang / mi dang / mi ma yin pa gzi brjid che dpag tu med grangs med pa dag dang yang thabs cig ste/ rigs bzhi po bram ze dang / rgyal rigs dang / rje rigs dang / dmangs rigs rnams dang / 'khor bzhi po dge slong dang / dge slong ma dang / dge bsnyen dang / dge bsnyen ma rnams dang / shAkya bye ba khrag khrig phrag 'bum dag dang / rgyal
- 244a
po rnams dang / blon po chen po rnams dang / grong rdal gyi mi rnams dang / yul gyi mi rnams dang / khyim bdag dang / blon po dang / pho brang 'khor gyi mi dang / sgo dpon gyi 'khor rnams kyis bskor cing mdun gyis bltas nas/ bkur sti byas/ bla mar byas/ ri mo byas/ mchod pa byas te/ bcom ldan 'das kyis na bza' dang / zhal zas dang / gzims cha dang / gdan dang / spun gsos sman dang / yo byad mang po gya nom pa dag brnyes shing / phyogs bcu'i 'jig rten gyi khams rab 'byams dpag tu med pa grangs med pa dag tu / yang / bcom ldan 'das kyi grags pa dang / sgra dang / tshigs su bcad ba rgya cher mngon par grags so// rdo rje'i snying po'i sa phyogs mnyam zhing yid du 'ong la/ rgya che zhing yangs pa/ chag chag legs par btab pa/ phyag bdar legs par byas pa/ legs par rnam par phye ba/ po ga snod nas bdugs pa/ me tog ut+pa la dang / pad+ma dang / ku mu da dang / pad+ma dkar po dang / a ti mug ta ka dang / ka dam pa dang / bar shi kra dang / ta ra ni dang / skya snar dang / mya ngan 'tshang dang / ko ran+da ka dang / sna ma dang / yu ti ka'i me tog dag bkram pa/ rin po che sna tshogs kyi shing ljon pas mdzes par byas pa na/ seng ge'i khri rin po che'i snying po dang / rin po che'i ras bcos bu 'bum dag bting ba dang / rin po che'i bla re bres pa/ rin po che'i dril bu g.yer ka dra ba
- 244b
bres pa/ rin po che'i lda ldi spyangs pa/ rin po che sna tshogs kyis smras pa/ nor bu dang / gser dang / rdo rje dang / bai DUrA dang / mu tig dang / dung dang / man shel dang / byi ru dang / an da rnyil dang / rdo'i snying po dang / margang dang / spug dang / shel dang / rin po che bye ba khrag khrig 'bum dag gis brgyan pa la bzhugs te/ dbang po zhi ba/ thugs zhi ba/ dul ba dang zhi gnas dam pa brnyes pa/ dul ba dang zhi gnas mchog brnyes pa/ bsrungs pa/ gtso bor gyur pa/ dbang po thul ba/ mtsho ltar dang zhing gsal la rnyog pa med pa/ rin po che'i mchod sdong ltar mngon par 'phags pa/ dpal 'bar zhing lham me lhan ner bzhugs pa/ sku skyes bu chen po'i mtshan sum cu rtsa gnyis kyis legs par brgyan pa/ sku dpe byang bzang po brgyad cus mdzes par byas pa/ rgya mtsho chen po ltar dam pa'i chos kyi chus yongs su gang ba/ ri rab ltar mi bskyod pa/ sa ltar sems can thams cad kyi nye bar 'tsho ba/ chu ltar dge ba'i rtsa ba rab tu bskyed pa/ tha snyad ltar thugs mnyam pa/ nam mkha' ltar gos pa med pa/ nyi ma ltar mi shes pa'i mun pa sel ba/ zla ba ltar dkar po'i chos yongs su rdzogs pa/ yid bzhin gyi nor bu ltar bsam pa thams cad yongs su rdzogs par mdzad pa/ nyi ma ltar shar ba/ nyi ma ltar gzi brjid kyis lam me ba/ zla ba ltar bsil zhing sim par mdzad pa/ rgya mtsho ltar rin po che'i 'byung gnas su
- 245a
gyur pa/ rgya mtsho ltar ba' pa/ me'i phung po ltar snang ba/ lus mi bskyod pa/ sems mi g.yo ba/ zhi zhing rab tu zhi bA/ dbang po 'khrul pa mi mnga' ba dang / ma je/ shing mi rgod pa/ dran pa legs par nye bar bzhag pa/ spyod lam mdzes pa/ legs par mnyam par bzhag pa/ rtag tu mnyam par bzhag pa/ phyi ma'i mtha'i bskal pa bye ba phrag 'bum du dge ba'i rtsa ba thams cad yang dag par bsgrubs pa/ bsod nams kyi tshogs thams cad bsags pa/ pha rol tu phyin pa thams cad la thabs mkhas pa/ rtogs par thugs su chung ba sangs rgyas dang byang chub sems dpa'i sa thams cad la rnam par rol pa/ byang chub sems dpa'i spyod pa thams cad thugs kyis spyad pa/ sems can thams cad kyis phan pa dang bde ba thob par bya ba'i phyir brtson pa de chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ dri ma med pa/ 'od gsal ba/ yid du 'ong ba/ yid du 'thad pa/ yid sim par byed pa/ yid shin tu dga' bar byed pa/ yid skul bar byed pa/ yid 'gul zhing rgyas par byed pa/ rnam par dag pa/ 'jigs pa med pa/ mi rtsub pa/ brtan pa/ zab pa/ mi g.yo ba/ mi 'gyur ba/ rtag tu med pa/ rtog ge'i spyod yul ma yin pa/ bsam gyis
- 245b
mi khyab pa/ rmad du byung ba/ brjod du med pa'i yang brjod du med pa ston cing / 'chad de rnam par 'byed la/ 'grel cing gsal bar mdzad do// de'i tshe byang chub sems dpa' sems dpa' chen po ri'i phug dang / zom dang / ri sul dang / gseb dang / sman ljongs na seng ge'i mchog rnam par bsgyings shing / nga ro rnam par sgrogs pa lta bu'i mi'i dbang po'i gtsug gi nor bu zhes bya ba gzugs bzang ba/ mdzes pa/ blta na sdug pa/ kha dog bzang po/ rgyas pa/ mchog dang ldan pa/ sngon gyi rgyal ba rnams la lhag par bya ba byas pa/ dge ba'i rtsa ba bskyed pa/ sangs rgyas bye ba khrag khrig 'bum phrag mang po la bsnyen bkur byas pa/ dkon mchog gsum gyi gdung 'tsho ba pa/ snying rje can/ spobs pa thogs pa med pa/ skye dgu la mnyes gshin pa/ dang pa bzang ba bsam pa dge ba/ brtan pa/ zab pa/ snying brtse ba can/ snying rje dang ldan pa/ nges pa/ 'grogs na bde ba/ mkhas pa/ mdzangs pa/ gsal ba/ yid gzhungs pa/ bshes gnyen dang ldan pa/ le lo med pa/ shin tu dul ba/ dge des che ba/ sgyu can ma yin pa/ g.yo med pa/ mi rtsub pa/ mi brlang ba/ drang ba/ nga rgyal dang / rgyags pa dang / dregs pa dang / tha ba dang / khro ba dang / phrag dog dang / ser sna dang / ngar 'dzin pa dang / nga yir 'dzin pa dang / lhag par zhen pa dang / sdug bsngal ba dang / yid mi bde ba dang / ma rig pa dang
- 246a
bral ba/ bsod nams dang ldan pa zhig 'khor de nyid du 'dus par gyur te 'dug go/ de nas byang chub sems dpa' sems dpa' chen po ri'i 'ug dpa thom dag yul dang / gseb dang / sman ljongs nA seng ge'i mchog rnam par bsgyings shing / nga ro rnam par sgrogs pa lta bu'i mi'i dbang po'i gtsug gi nor bu stan las langs te/ bla gos phrag pa gcig tu gzar nas/ pus mo g.yas pa'i lhang pad+ma'i snying po la btsugs te/ bcom ldan 'das ga la ba de logs su thal mo sbyar ba btung nas/ bcom ldan 'das la 'di skad ces gsol to// gal te/ bdag gis zhus nas zhus pa'i len gdab pa'i slad du/ bcom ldan 'das kyis skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu bar 'tshal lo/ / de skad ces gsol pa dang / bcom ldan 'das kyis/ byang chub sems dpa' sems dpa' chen po ri'i phug dang / zom dang / ri sul dang / gseb dang / sman ljongs na seng ge'i mchog rnam par bsgyings shing / dA ro rnam par spogs pa lta bu'i ma'i dbang po'i gtsug gi nor bu la 'di skad ces bka' stsal to// rigs kyi bu khyod la sangs rgyas dang byang chub sems dpa' thams cad rtag tu skabs 'byed kyis/ rigs kyi bu khyod kyis de bzhin gshegs pa dgra bcom pa yang dag par rdzogs pa'i sangs rgyas la ci dang
- 246b
'dod pa dris shig dang / ngas dris pa de dang de'i lan btab pas khyod kyi sems rangs par bya'o// de skad ces bka' stsal pa dang / bcom ldan 'das la/ byung chub sems dpa' sems dpa' chen po ri'i phug dang / zom dang / ri sul dang / gseb dang / sman ljongs na seng ge'i mchog rnam par bsgyings shing / nga ro rnam par sgrogs pa lta bu'i me'i dbang po'i gtsug gi nor bus 'di skad ces gsol to/ / bcom ldan 'das rigs kyi bu 'am/ rigs kyi bu mo dang po sems bskyed pas gang la brtson par bgyi lags/ de skad ces gsol pa dang / bcom ldan 'das kyis byang chub sems dpa' sems dpa' chen po ri'i phug dang / zom dang / ri sul dang / gseb dang / sman ljongs na seng ge'i mchog rnam par bsgyings shing / nga ro rnam par sgrogs pa lta bu'i mi'i dbang po'i gtsug gyi nor bu la legs so zhes bya ba byin te/ rigs kyi bu legs so legs so// rigs kyi bu khyod de bzhin gshegs pa la don 'di yongs su dri bar sems pa ni khyod yang legs so/ / de'i phyir rigs kyi bu khyod legs par rab tu nyon la yid la zung zhig dang ngas bshad do// byang chub sems dpa' sems dpa' chen po ri'i phug dang / zom dang / ri sul dang / gseb dang / sman ljongs na seng ge'i mchog rnam par bsgyings shing nga ro rnam par sgrogs pa lta bu'i mi'i dbang po'i gtsug gi nor bus/ bcom ldan 'das la legs so zhes gsol nas/ bcom
- 247a
ldan 'das kyi ltar nyan pa dang / bcom ldan 'das kyis de la bka' stsal pa/ rigs kyi bu byang chub sems dpa' sems dpa' chen po dang po sems bskyed pas/ dge ba bcu'i las kyi lam dag la mngon par brtson par bya'o/ / rigs kyi bu de la byang chub sems dpa' sems dpa' chen po dge ba bcu'i las kyi lam dag la ji ltar mngon par brtson par byed ce na/ rigs kyi bu 'di la byang chub sems dpa' sems dpa' chen po ni srog gcod pa spangs pa yin/ log par lta ba'i bar dag spangs pa yin no// rigs kyi bu de la byang chub sems dpa' sems dpa' chen po srog gcod pa spangs pa ji lta bu yin zhe na/ rigs kyi bu 'di la byang chub sems dpa' de 'di snyam du sems te/ srog ces bya ba ni tha na srog chags grog sbur yan chad la yang sdug cing 'phangs la dga' zhing yid du 'ong ba yin te/ bdag la yang srog 'di sdug cing 'phangs la dga' zhing yid du 'ong ba yin gyis/ su yang bdag la gsod pa 'am// gsod dru 'jug pa 'am/ bsang pal rjes su yi rang bar ma gyur cig/ bdag gis kyang yul yang gsad par mi bya/ bsang du gzug par mi bya/ bas pal rjes su yi rang bar mi bya'o snyam mo// rigs kyi bu de ltar na byang chub sems dpa' sems dpa' chen po srog gcod pa spangs pa yin no// de la 'di skad ces bya ste/ mngal na gnas pa yan chad kyang / kun la srog ni sdug pa'i
- 247b
phyir/ bdag gi srog 'phangs gang yin pa/ de ni srog chags gsod mi byed// de la ma byin par len pa spangs pa ji lta bu yin zhe na/ rigs kyi bu 'di la byang chub sems dpa' de 'di snyam du sems te/ nor zhes bya ba ni tha na rigs ngan dang / g.yung po yan chad la yang sdug cing 'phangs la dga' zhing yid du 'ong ba yin te/ bdag la yang nor 'di sdug cing 'phangs la dga' zhing yid du 'ong ba yin gyis/ su yang bdag la 'phrog pa 'am/ 'phrog tu 'jug pa'am/ phrogs pa la rjes su yi rang bar ma gyur cig/ bdag gis kyang su la yang 'phrog par mi bya/ 'phrog tu gzhug par mi bya/ phrogs pa'i rjes su yi rang bar mi bya'o snyam mo// rigs kyi bu de ltar na byang chub sems dpa' sems dpa' chen po ma byin par len pa spangs pa yin no// de la 'di skad ces bya ste/ shing dang bong ba yan chad la/ gzhan gyi bong bar gyur pa yang // gang la pa yi nor sdug pa/ de ni nor la 'phrog mi byed// de la 'dod pa la log bar g.yem pa spangs pa ji lta bu yin zhe na/ rigs kyi bu 'di la byang chub sems dpa' de 'di snyam du sems te/ chung ma zhes bya ba ni tha na dung 'gro'i skye gnas su gyur pa rnams la yang sdug cing 'phangs la dga' zhing yid du 'ong ba yin te/ bdag la yang chung ma 'di sdug cing 'phangs la dga' zhing yid du 'ong ba yin gyis/ su yang bdag la 'phrog pa 'am/ 'phrog tu 'jug pa
- 248a
'am/ phrogs pa la rjes su yi rang ba'am/ nan gyis mnan te dga' dgur yongs su longs spyod par ma gyur cig/ bdag gis kyang sul yang dbrog par mi bya// 'brog tu gzhug par mi bya/ phrogs pa la rjes su yi rang bar mi bya/ nan gyis mnan te dga' dgur longs spyod par mi bya'o snyam mo// rigs kyi bu de ltar na byang chub sems dpa' sems dpa' chen po 'dod pa la log par g.yem pa spangs pa yin no/ / de la 'di skad ces bya ste/ bran mor gyur pa yan chad kyang // gzhan gyis bzhag par gyur pa la// gang la rang / gi chung ma sdug/ de ni chung ma 'phrog mi byed// de la brdzun du smra ba spangs pa ji lta bu yin zhe na/ rigs kyi bu 'di la byang chub sems dpa' de 'di snyam du sems te/ bden pa zhes bya ba de ni tha na gnod sbyin dang / 'byung po dang / sha za rnams la yang sdug cing 'phangs la dga' zhing yid du 'ong ba yin te/ bdag la yang bden pa 'di sdug cing 'phangs la dga' zhing yid du'ong ba yin gyis/ su yang bdag la brdzun du smra bas sun 'byin pa 'am/ sun 'byin du 'jug pa'am/ sun byung ba la rjes su yi rang bar ma gyur cig/ bdag gis kyang su la yang brdzun du smra bas sun dbyung bar mi bya/ sun 'byin du gzhug par mi bya/ sun phyung ba la rjes su yi rang bar mi bya'o snyam mo// rigs kyi bu de ltar na byang chub sems dpa' sems dpa' chen po brdzun du
- 248b
smra ba spangs pa yin no/ / de la 'di skad ces bya ste/ gnod sbyin 'byung po yan chad kyang / gang la bden pa smra ba sdug/ shes rab can de brdzun tshig gis/ lus can rnams la sun mi 'byin de la phra ma'i tshig spangs pa ji lta bu yin zhe na/ rigs kyi bu 'di la byang chub sems dpa' de 'di snyam du sems te/ phra ma'i tshig ces bya ba ni tha na gang zag phra ma can rnams la yang yid mi sdug cing mi 'dod la/ mi dga' zhing yid du mi 'ong ba yin te/ bdag la yang phra ma'i tshig 'di mi sdug cing mi 'dod la mi dga' zhing yid du mi 'ong ba yin gyis/ su la yang bdag la phram zer bas gleng ba 'am/ gleng du 'jug pa'am/ glengs pa la rjes su yi rang bar ma gyur cig/ bdag gis kyang stsa la yang phra ma zer bas gleng bar mi bya/ gleng du gzhugs par mi bya/ glengs pa la rjes su yi rang bar mi bya'o snyam mo/ / rigs kyi bu de ltar na byang chub sems dpa' sems dpa' chen po phra ma'i tshig spangs pa yin no// de la ngag rtsub po smra ba spangs ba ji lta bu yin zhe na/ rigs kyi bu 'di la byang chub sems dpa' de 'di snyam du sems te/ ngag rtsub po zhes bya ba ni tha na gang zag dag rtsub po dang ldan pa rnams la yang mi sdug cing mi 'dod la/ mi dga' zhing yid du mi 'ong ba yin te/ bdag la yang ngag rtsub po 'di mi sdug cing mi 'dod la/ mi dga' zhing yid du mi 'ong ba yin gyis/ su yang bdag la ngag rtsub po smra ba dang /
- 249a
gtum pa'i tshig dang / brlang ba'i tshig dang / mi bden pa'i tshig gis mtho 'tsham pa'am/ mtho 'tsham du 'jug pa'am/ tho btsams pa la rjes su yi rang bar ma gyur cig/ bdag gis kyang su la yang ngag rtsub po smra ba dang / gtum pa'i tshig dang / brlang ba'i tshig dang / mi bden pa'i tshig gis mtho ba tsam par mi bya'o// mtho ba tsam du gzhug par mi bya// mtho btsams pa la rjes su yi rang bar mi bya'o snyam mo// rigs kyi bu de ltar na byang chub sems dpa' sems dpa' chen po ngag rtsub po spangs pa yin no// de la 'di skad ces bya ste/ gang / dag su yang rung ba la// phra ma dag rtsub mi sdug pa// de ni phra ma mi zer te/ rtsub pa'i tshig kyang srung bar byed/ de la tshig bkyil pa spangs paji lta bu yin zhe na/ rigs kyi bu 'di/ la byang chub sems dpa' de 'di snyam du sems te/ tshig bkyil pa zhes bya ba ni tha na gang zag tshig bkyal ba can dag la yang mi sdug cing mi 'dod la/ mi dga' zhing yid du mi 'ong ba yin te/ bdag la yang tshig bkul pa 'di mi sdug cing mi 'dod pa/ mingaga'ading yid du mi 'ong du yin gyis/ su yang bdag la tshig bkyil ba smra bas dran par byed pa'am/ dran par byed du 'jug pa rnam/ nan+d+ha par byas pa la rjes su mi rang bar ma gyur cig/ bdag gis kyang yul yang tshig bkyil ba slabs dran par mi u0f7f/ dran par byed du mi gzug/ dran par byas pa la rjes su mi rang bar b
- 249b
ya'o snyam mo/ / rigs kyi bu de ltar na byang chub sems dpa' sems dpa' chen po tshig bkyal pa spangs pa yin no// de la byang chub sems dpa' sems dpa' chen po brnab sems spangs pa ji lta bu yin zhe na/ rigs kyi bu 'di la byang chub sems dpa' de 'di snyam du sems te/ brnab sems zhes bya ba ni tha na gang zag brnab sems can rnams la yang mi sdug cing mi 'dod la/ mi dga' zhing yid du mi 'ong ba yin te/ bdag la yang brnab sems 'di mi sdug cing mi 'dod la/ mi dga' zhing yid du mi 'ong ba yin gyis/ su yang bdag la brnab sems kyi tshig gis rjod pa'am/ brjod du 'jug pa'am/ brjod pa la rjes su yi rang bar ma gyur cig/ bdag gis kyang su la yang brnang sems kyi tshig gis brjod par mi bya// brjod du gzhug par mi bya/ brjod pa la rjes su yi rang bar mi bya'o snyam mo// rigs kyi bu de ltar na byang chub sems dpa' sems dpa' chen po brnab sems spangs pa yin no// de la 'di skad ces bya ste/ bkyal pa'i tshig dang brnab sems gnyis// gang zhig bdag nyid mi 'dod pa/ de ni bkyal pa'i tshig mi smra// brnab sems kyang ni srung bar byed// de la gnod sems spangs pa ji lta bu yin zhe na/ rigs kyi bu 'di la byang chub sems dpa' de 'di snyam du sems te/ gnod sems zhes bya ba ni tha na gang zag gnod sems su gyur
- 250a
pa'i sems dang ldan pa rnams la yang mi sdug cing mi 'dod sa mi dga' zhing yid du mi 'ong ba yin te/ bdag la yang gnod sems 'di mi sdug cing mi 'dod la/ mi dga' zhing yid du mi 'ong ba yin gyis/ su yang bdag la gnod sems kyi tshig gis 'chang pa 'am/ 'chang du 'jug pa 'am/ bshad pa la rjes su yi rang bar ma gyur cig/ bdag gis kyang sul yang gnod sems kyi tshig gis bshad par mi bya/ 'chang du gzhug par mi bya/ bshad pa la rjes su yi rang bar mi bya'o snyam mo// rigs kyi bu de ltar na byang chub sems dpa' sems dpa' chen po gnod sems spangs pa yin no/ / de la log par lta ba spangs pa ji lta bu yin zhe na/ rigs kyi bu 'di la byang chub sems dpa' de 'di snyam du sems te/ log par lta ba zhes bya ba ni tha na gang zag log par zhugs pa rnams la yang mi sdug cing mi 'dod lnga/ mi dga' zhing yid du mi 'ong ba yin te/ bdag la yang log par lta ba 'di mi sdug cing mi 'dod la/ mi dga' zhing yid du mi 'ong ba yin gyis/ su yang bdag la log par lta ba'i tshig gis ston pa 'am/ ston du 'jug pa 'am/ bstan pa la rjes su yi rang bar ma gyur cig/ bdag gis kyang su la yang log par lta ba'i tshig gis bstan par mi bya/ ston du gzhug par mi bya/ bstan pa la rjes su yi rang bar mi bya'o snyam mo// rigs kyi bu de ltar na
- 250b
byang chub sems dpa' sems dpa' chen po log par lta ba spangs pa yin no/ / de la 'di skad ces bya ste/ gnod sems log par lta ba gnyis// yong gis mi 'dong gang yin pa/ gnod sems mi byed de/ gang la'ang log par mi 'jug go// rigs kyi bu de ltar na byang chub sems dpa' sems dpa' chen po ni dge ba bcu'i las kyi lam 'di dag la mngon par brtson par byed do/ / dge ba bcu'i las kyi lam bstan pa 'di bshad pa na/ sems can dpag tu med grangs med pa dag bla na med pa yang dag par rdzogs pa'i byang chub tu sems skyes so/ / sangs rgyas kyi chos thams cad kyi rgyan dang / spud pa dang / lhab lhub bkod pa zhes bya ba theg pa chen po'i mdo las le'u dang po// // rigs kyi / zlagazhan yang byang chub sems dpa' sems dpa' chen po dang po sems bskyed pas ni/ pha rol tu phyin pa bcu la mngon par brtson par bya'o// bcu gang zhe na/ 'di lta ste/ sbyin pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / thabs dang / smon lam dang / stobs dang / ye shes kyi pha rol tu phyin pa'o// rigs kyi bu de la byang chub sems dpa' sems dpa' chen po pha rol tu phyin pa
- 251a
bcu po de dag la ji ltar mngon par brtson par byed ce na/ rigs kyi bu 'di la byang chub sems dpa' sems dpa' chen po ni sbyin pa sbyin par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam gtan la bsam gtan du byed/ shes rab 'bar bar byed/ thabs la mkhas par byed/ smon lam 'debs par byed/ stobs la 'jug par byed/ ye shes la 'jug par byed do// rigs kyi bu de la byang chub sems dpa' sems dpa' chen po sbyin pa'i pha rol tu phyin pa la ji ltar mngon par brtson par byed ce na/ rigs kyi bu 'di la byang chub sems dpa' sems dpa' chen po zas dang / skom dang / bzhon pa dang / gos dang / rgyan sbyin pa la mngon par brtson par byed pa nas/ rkang sbyin pa'i bar dag la mngon par brtson par byed do// rigs kyi bu de la byang chub sems dpa' zas sbyin pa dag la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ zas sbyin pa zhes bya ba de ni tshe dang / kha dog dang / stobs dang / bde ba 'grub par 'gyur ba'i tshig bla dgas yin no// derelta bas na bdag gis zas sbyin pa la mngon par brtson par bya dgos te/ bdag gis zas kyi sbyin pa sbyin par bya gor ma chag snyam mo// de zas kyi sbyin bde sbyin pas tshe byin pa dang / bde
- 251b
ba sbyin par 'gyur ro/ / de nas de'i tshe bcom ldan 'das kyis tshigs su bcang pa 'di dag bka' stsal to// kha zas sbyin pa byim na ni// des nA tshe dang kha dog dang // stobs nga bde ba mnga' ba stobs/ shes rab can gyis byin pa yin// kha zas byin pas dga' ba dang // tshe ring stobs ldan bde skying 'gyur// skyid cing brtan pa de dag ni// thobs med spobs dang ldan par 'gyur/ / phyug cing nor mang dpal dang ldan// mi ni nges shing blo ldan la// bsod nams ldan zhing mkhas la zhi// kha zas byin byas de ltar 'gyur// de la skom sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ skom sbyin pa zhes bya ba de ni nyon mongs pa'i sred pa thams cad sel bar 'gyur ba'i tshig bla dgas yin te/ de lta bas na bdag gis skom gyi sbyin pa sbyin par bya gor ma chag snyam mo// de skom gyi sbyin pa de sbyin pa na/ sangs rgyas kyis bsngags ba'i smon lam bzhin du skom gyi sbyin pa 'dis na/ bdag sems can thams cad kyi nyon mongs pa'i sred pa'i rgya mtsho thams cad skems par byed par gyur cig/ rnam par grol ba'i ro'i skom gyis kyang tshim par byed par gyur cig ces smon lam 'debs so/ / 'di la tshig phyi ma'ang yod de/ rga shi'i chu srin gyis dkrugs pa'i// nyon mongs sred pa'i mtsho bskams nas/
- 252a
rnam grol ro yi sgom gyis ni// mi rnams bdag gis tshim par bya// skom byin pas ni mkhas pa de// kun tu 'bar zhing rab 'bar ba'i// yi dgas nyam dar mi skye zhing / / skom pa'i gnod pa 'byung mi 'gyur/ de la bzhon pa'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ bzhon pa'i sbyin pa zhes bya ba de ni bde ba dang / rdzu 'phrul gyi gzhi thams cad sdud pa'i tshig bla dgas yin gyis/ bdag gis bzhon pa'i sbyin pa sbyin par bya ste/ bzhon pa shing rta 'am/ babyon pa khyogs sam/ bzhon pa rta'am/ bzhon pa glang po che'am/ lham sbyin par bya gor ma chag snyam mo// de bzhon pa'i sbyin pa de dag sbyin pa na/ sangs rgyas kyis bsngags pa'i smon lam bzhin du bzhon pa'i sbyin pa 'dis na bdag sems can thams cad kyi bde ba dang / rdzu 'phrul gyi gzhi thams cad sdud par gyur cig ces smon lam 'debs so// de la 'di skad ces bya ste/ bzhon pa shing rta byin pa yis/ / rtag tu sems can thams cad kyis/ theg pa chen po thob gyur cing // rdzu 'phrul rkang pa thob par shog/ bzhon pa sbyin pas drang srong che// sangs rgyas zhing nas zhing dag tu/ blo ldan bya yi shugs 'dra bar// rdzu 'phrul gyis ni mkha' las 'gro// de la gos sbyin pa la ji ltar mngon par brtson par byed ce na/ rigs kyi bu 'di la byang chub sems
- 252b
de 'di sam du se mas te/ gos sbyin pa zhes bya ba de ni rnga ma shes pa dang / khrel song pa dang / mdog yongs su dag par byed pa'i tshig bla dgas yin gyis/ bdag gis gos kyi sbyin pa spyir par bya gor ma chag snyam mo/ / de gos kyi sbyin bde byin pa na/ sangs rgyas kyis gnang ba'i smon lam bzhin du gos kyi sbyin pa 'dis na/ bdag sems can thams cad kyi ngo tsha shes pa dang / khrel yod pa dang / mdog yongs su dag par byed par gyur cig ces smon lam 'debs so// 'di la tshig phyi ma'ang yodagos kyi sbyin pa 'dis na bdag/ sems can kun gyi ngo tsha shes/ khrel yod pa ni sbyong ba dang // mdog kyang dag par byed gyur cig/ gos sbyin shin tu dpal dang ldan// rtag tu rigs ldan gzugs bzang zhing // mi de ngo tsha shes par 'gyur/ / mi ni grags ldan skal dang ldan// de la rgyan sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ rgyun sbyin pa zhes bya ba ni skyes bu chen po'i mtshan sum cu rtsa gnyis dang / dpe byang bzang po brgyad cu yongs su rdzogs par 'gyur ba'i tshig bla dgas yin gyis/ bdag gis rgyan gyi sbyin pa gser gyi rgyan ninam/ nor bu 'am/ mu tig gam/ bai DUrA 'am/ dung ngam/ man shel lam/ byu ru'i rgyan byin par bya gor ma chag snyam mo// de rgyan gyi sbyin pa de sbyin pa na/ sangs rgyas kyis gsungs
- 253a
pa'i smon lam bzhin du rgyan gyi sbyin pa 'dis na/ bdag gis sems can thams cad kyi lus mtshan dang dpe byad bzang po dag gis brgyan pa mthong bar gyur cig ces smon lam 'debs so/ / de la tshig phyi ma'ang yod de/ gser gyi rgyan ni byin pa yis// mtshan rnams kyis ni brgyan pa yi// sems can thams cad mthong gyur cing // bdag kyang byang chub tshol bar shog/ nor bu mu tig byin pas ni// gang dang gang du de skye ba// skye gnas de dang de dag tu// rin chen char ni 'bab par 'gyur// de la mar me sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'dri snyam du sems te/ mar me sbyin pa zhes bya ba de ni lha'i mig yongs su dag par 'gyur ba'i tshig bla dgas yin gyis bdag gis mar me'i sbyin pa sbyin par bya gor ma chag snyam mo/ / de mar me'i sbyin pa de sbyin pa na/ sangs rgyas kyis bstan pa'i smon lam bzhin du mar me sbyin pa 'dis na/ bdag sems can thams cad kyi lha'i mig yongs su dag par 'gyur ba'i don byed par gyur cig ces smon lam 'debs so/ / de la tshig phyi ma'ang yod de/ kun mkhyen ye shes 'gyur ba yi// mar me'i sbyin pa des na bdag/ sems can kun gyis lha yi mig/ rnam par dag par byed gyur cig/ mi de mar me sbyin pa yis// 'jig rten dag na dus kun tu// sangs rgyas rnams kyi spyan lnga dang // rims kyis su
- 253b
ni ldan par 'gyur/ / de la rol mo'i sgra'i sbyin pa la ji ltar mngon par brtson par byed ce na/ rigs kyi bu 'di la byang chub sems dbang de 'di snyam du sems te/ rol mo'i sgra'i sbyin pa zhes bya ba de ni/ lha'i rna ba yongs su rdzogs par 'gyur ba'i tshig bla dgas yin gyis/ bdag gis rol mori sgra'i sbyin pa sbyin par bya gor ma chagasasnyam mo// de rol mo'i sgra'i sbyin pa de sbyin pa na/ sangs rgyas rnam par rol pa'i smon lam bzhin du rol mo'i sgo'i sbyin pa 'dis na/ bdag sems can thams cad kyi lha'i rna ba yongs su rdzogs par gyur cig ces smon lam 'debs so// de la tshig phyi ma'ang yod de/ rol mo'i sgra 'byin des ma bdag/ sems can kun la lha rna dang // sangs rgyas byang chub 'gro phan pa// rab tu rdzogs par byed gyur cig/ rol mo'i sgra ni byin pas ra/ rdzogs pa'i sangs rgyas grags ldan pa/ dpa' ba rnams kyi lha yi snyan// gang du skyes par de yis 'thob// de la spos dang / phye ma dang / byug pa sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ spos dang / phye ma dang / byug pa'i sbyin pa zhes bya ba de ni tshul khrims dang / thos pa dang / ting nge 'dzin gyi spos dang / phye ma dang / byug par 'gyur ba'i tshig bla dgas yin gyis/ bdag gis spos dang / phye ma dang / byug pa'i sbyin pa sbyin par bya gor ma chag snyam mo// de spol dang / phye ma dang / byug pa'i sbyin pa de sbyin pa na/ sangs rgyas kyis dgongs pa'i smon lam bzhin
- 254a
du spos dang / phye ma dang / byug pa'i sbyin pa 'dris na/ bdag gis sems can thams cad tshul khrims dang / thos pa dang / ting nge 'dzin gyi spos kyis byug par gyur cig ces smon lam 'debs so/ / de la 'di skad ces bya ste/ spos dang phye ma byin pa dang / byug pa dag ni byin pa yis// tshul khrims thos dang ting nge 'dzin// lus can rnams kyis thob gyur cig spos dang phye ma byin pa dang / / byug pa byin pas spyob rnams kyi// lA yi shangs dang lha yi sku// skyon med de yis thob par 'gyur// de la me tog sbyin pa la ji ltar mngon par brtson par byed cen/ rigs kyi bu 'di la byang chub sems dpa' de 'di snyam du sems te/ me tog dang / me tog 'phreng gi sbyin pa zhes bya ba de ni/ gzungs dang / spobs pa dang / byang chub kyi yan lag rin po che'i me tog thob par 'gyur ba'i tshig bla dgas yin gyis/ bdag gis me tog dang / me tog 'phreng gi sbyin pa sbyin par bya gor ma chagasam mo// me tog dang / me tog 'phreng gi sbyin pa de sbyin pa na/ sangs rgyas kyis gsungs pa'i smon lam bzhin du me tog dang / me tog 'phreng gi sbyin pa 'dis na/ bdag gis sems can thams cad kyi lus gzungs dang / stobs dang / byang chub kyi yan lag rin po che'i me tog gis rgyan par byed par gyur cig ces smon lam 'debs so/ / del tshig phyi ma'ang yod de/ me tog me tog 'phreng byin pas/ myur bar rnam pa thams cad du/
- 254b
byang chub yan lag me tog gis// lus can kun la rgyan par shog/ me tog me tog 'phreng byin pas// gang dang gang du skyes pa der/ rgyal po blon po zhang lon gyis// rtag tu mchod cing rim gro byed/ / de la ro bro ba sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ ro bro ba sbyin pa zhes bya ba de ni/ ro bro ba'i mchog tu 'gyur ba'i skyes bu chen po'i mtshan du 'gyur ba'i tshig bla dgas yin gyis/ bdag gis ro zo ba'i sbyin pa kun gyi ro 'am/ bu ram shing gi ro 'am/ sbrang rtsi'i ro 'am/ mar gyi ro 'am/ 'bru mar gyi ro 'am/ lan tshwa'i ro'i sbyin pa sbyin par bya gor ma chag snyam mo// de ro bro ba'i sbyin pa de sbyin pa na/ sangs rgyas kyis bsngags pa'i smon lam bzhin du ro'i sbyin pa 'dis na/ bdag gis sems can thams cad ro bro ba'i mchog tu 'gyur ba'i skyes bu chen po'i mtshan yongs su rdzogs par byed par gyur cig ces smon lam 'debs so/ / de la 'di skad ces bya ste/ ro yi sbyin pas sems can kun/ / kun mkhyen ro yi snying po yis// rdzogs sangs rgyas pa'i byang chub kyis// spyod pa yongs su rdzogs gyur cig/ ro yi sbyin pas yid gzhungs shing // dran ldan blo gros rgya mtsho bzhin/ / des ni ro yi sna grangs 'thob// lhun gyis grub par longs spyod ldan// de la gnas sbyin pa la ji ltar mngon par brtson par byed ce na/ rigs kyi bu 'di la byang chub sems dpa'
- 255a
de 'di snyam du sems te/ gnas sbyin pa zhes bya ba de ni sems can thams cad kyi gnas dang / skyob pa dang / gling dang / skyabs dang / dpung gnyen du 'gyur ba'i tshig bla dag sa yin gyis/ bdag gis gnas kyi sbyin pa sbyin par bya gor ma chag snyam mo// de gnas kyi sbyin pa de sbyin pa na/ sangs rgyas kyis dmigs pa'i smon lam bzhin du gnas kyi sbyin pa 'di na/ bdag sems can thams cad kyi gnas dang / skyob pa dang / gling dang / skyabs dang / dpung gnyen du gyur cig ces smon lam 'debs so// de la 'di skad ces bya ste/ gzhal med khang gnas sbyin pa yis/ bdag ni 'dzam bu'i gling dag tu/ / lus can rnams kyi skyob dang gling // skyabs dang dpung gnyen gyur par shog/ gzhal med khang gnas sbyin pa yin// gang dang gang du skyes pa na/ khyim dang gnas dang yul 'khor gyi/ bdag po dang ni gtso bor 'gyur// de la mal dang sngas kyi sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ mal dang sngas sbyin pa zhes bya ba deni sgrib pa thams cad gtan spong ba'i 'phags pa dang / lha'i tshangs pa'i gnas de bzhin gshegs pa'i gzims mal dang / phangs sbyin pa'i tshig bla dgas yin gyis/ bdag gis mal dang sngas kyi sbyin pa sbyin par bya gor ma chag snyam mo/ / de mal dang sngas kyi sbyin pade sbyin pa na/ sangs rgyas kyis bstan pa'i smon lam bzhin du mal dang sngas kyi sbyin pa 'dis na/ bdag sems can thams cad kyi sgrib pa tham
- 255b
cad gtan spong ba'i 'phags pa dang / lha'i tshangs gnas de bzhin gshegs pa'i gzims mal dang / phangs sbyin par gyur cig ces smon lam 'debs so// de la tshig phyi ma'ang yod de/ mal dang sngas rnams byin pas bdag la ni/ / bsod nams tshogs ni cung zad ci yod pa// des na bdag gis skye bo'i sgrib pa dag/ sdig pa'i blo gros dran pa 'joms par shog/ lus can rnams kyi lta ba ngan pa yi/ dra ba shes rab mtshon gyis gcod par shog/ bde bar gshegs pa rnams la 'os pa yi// mal mchog tshangs gnas bstan pa sbyin par shog/ mal dang sngas rnams sbyin par byed pa'i mi// bstan bcos dag la mkhas par skye bar 'gyur// zhi gnas 'thob cing rgya cher sbyin pa dang // pad+ma las byung gzi can gzhon nur 'gyur// de la stan sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ stan sbyin pa zhes bya ba de ni stong gsum gyi stong chen po'i 'jig rten khams thams cad kyi sa gzhi la/ byang chub kyi snying po rdo rje'i gdan thob par 'gyur ba'i tshig bla dgas yin gyi/ bdag gis stan gyi sbyin pa sbyin par bya gor ma chag snyam mo// de stan gyi sbyin pa de sbyin pa na/ de bzhin gshegs pa dang mthun pa'i smon lam bzhin du stan gyi sbyin pa 'dis na/ bdag gis sems can thams cad kyis stongag sum gyi stong chen po'i 'jig rten gyi khama' thams cad kyis gsil/ byang chub kyi snying po rdo rje'i gang nathob par byed par gyur ci
- 256a
ces smon lam 'debs so/ / de la 'di skad ces bya ste/ stan gyi sbyin pa 'di yis na/ byang chub snying po rdo rje'i gdan// bzang zhing sral brtan pa dag/ lus can rnams la 'byung bar shog/ sna tshogs rin chen bdun las byas// 'phang du dpag tshad gnyis yod la// kho ra khor yug dpag tshad gcig/ ri rab bzhin du smra ba dang // rin chen ljon shing brgyas bskor cing / / gzhal med khang gis legs par brgyan// dril bu ga yer ka'i dra bas bkab// nor bu rin chen spras gsal ba// tshangs pa mtshungs par spyod rnams la// khri'u dang stan dang stegs byin pas/ / 'khor ba dag na 'khor ba'i tshe/ de 'dra'i stan ni thob par 'gyur// de la yo byad kyi sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ yo byad sbyin pa zhes bya ba de ni/ byang chub kyi yo byad yongs su rdzogs par 'gyur ba'i tshig bla dgas yin gyis/ bdag gis yo byad kyi sbyin pa sbyin par bya gor ma chag snyam mo// yo byad kyi sbyin pa de sbyin pa na/ de bzhin gshegs pa la 'os pa'i smon lam bzhin du yo byad sbyin pa 'dis na/ bdag sems can thams cad kyi byang chub kyi yo byad yongs su rdzogs par byed par gyur cig ces smon lam 'debs so/ / de la tshig phyi ma'ang yod de/ yo byad yongs su btang ba des/ bdag gis kyang ni lus can gyi/ byang chub yo byad btsal ba dag/ yongs su rdzogs par
- 256b
byed gyur cig/ yo byad rab tu byin pa yis// gang dang gang du skyes pa der// rnam pa kun gyi mchog ldan pa'i// yan lag thams cad rdzogs par 'gyur// de la sman sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ sman gyi sbyin pa zhes bya ba de ni sems can thams cad kyi rga ba dang 'chi ba med pa'i bdud rtsi'i bde ba yongs su rdzogs par 'gyur ba'i tshig bla dgas yin gyis/ bdag gis sman gyi sbyin pa sbyin par bya gor ma chag snyam mo// de sman gyi sbyin pa de sbyin pa na/ de bzhin gshegs pas byin gyis brlabs pa'i smon lam bzhin du sman byin pa 'dis na/ bdag sems can thams cad kyi rga ba dang 'chi ba med pa'i bdud rtsi'i bde ba yongs su rdzogs par byed par gyur cig ces smon lam 'debs so// de la 'di skad ces bya ste/ rtsi dang sman gyi sbyin pa yis// sems can thams cad tshe dpag med// thams cad mkhyen pa'i bdud rtsi yang // myur ba nyid du thob gyur cig/ rtsi dang sman gyi sbyin pa yis// zla ba nya ltar nad med cing // gnod chung skyid cing bde bar gnas// mi rnams tshe ni ring bar 'gyur// de la bran dang / bran mo dang / las byed pa dang / zho shas 'tsho ba yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ bran dang / bran mo dang / las byed pa dang / zho shas 'tsho ba yongs su gtong ba'i sbyin pa zhes bya ba de ni/ byang chub sems dpa'
- 257a
rnams kyi rang dga' dang / rang dbang dang / rang byung gi ye shes yongs su rdzogs par 'gyur ba'i tshig bla dgas yin gyis/ bdag gis bran dang / bran mo dang / las byed pa dang / na shas 'tsho ba yongs su gtang ba'i sbyin pa sbyin par bya gor ma chag snyam mo/ / de bran dang / bran mo dang / las byed pa dang / zho shas 'tsho ba yongs su gtong ba'i sbyin pa de sbyin pa na/ de bzhin gshegs pas gsungs shing bstan pa'i smon lam bzhin du bran dang / bran mo dang / las byed pa dang / zho shas 'tsho ba yongs su gtong ba'i sbyin pa 'dis ni/ bdag sems can thams cad kyis rang dga' dang rang dbang dang / rang byung gi ye shes yongs su rdzogs par byed par gyur cig ces smon lam 'debs so// de la 'di skad ces bya ste/ bran dang bran mo btang ba yin// mdor na lus can thams cad kyi/ / rang byung gi ni ye shes kyi// snying po yongs su rdzogs gyur cig/ bran dang bran mo btang ba yis// mi ni bran du mi skye zhing // brtan po rang dbang yod pas mtsho// zhum pa med cing 'jigs pa med/ / de la gser dang / dngul dang / nor bu dang / mu tig dang / bai DUR+Ya dang / dung dang / man shel dang / byu ru dang / rin po che thams cad yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ gser dang / dngul dang / nor bu dang / mu tig dang / bai DUR+Ya dang / dung dang / man shel dang / byA
- 257b
ru dang / rin po che thams cad yongs su gtong ba zhes bya ba de ni/ byang chub sems dpa' rnams kyi sangs rgyas kyi zhing bye ba khrag khrig 'bum phrag mtha' yas mu med pa dag tu 'od zer sngon po dang / ser po dang / dmar po dang / dkar po dang / btsod kha dang / shel dang / dngul gyi kha dog lta bu snang bar 'gyur ba'i tshig bla dgas yin gyis/ bdag gis gser dang / dngul dang / nor bu dang / mu tig dang / baiDUR+Ya dang / dung dang / man shel dang / byu ru dang / rin po che thams cad yongs su gtong ba'i sbyin pa sbyin par bya gor ma chag skam mo// de gser dang / dngul dang / nor bu dang / mu tig dang bai DUR+Ya dang / dung dang / man shel dang / byu ru dang / rin po che thams cad yongs su gtong ba'i sbyin pa de sbyin pa na/ de bzhin gshegs pas ji ltar mkhyen cing bshad de/ gser bar mdzad pa'i smon lam bzhin du gser dang / dngul dang / nor bu dang / mu tig dang / bai DUR+Ya dang / dung dang / man shel dang / b+hu ru dang / rin po che thams cad byin pa des na/ bdag sangs rgyas kyi zhing bye ba khrag khrig phrag 'bum mtha' yas mu med pa dag tu 'od zer sngon po dang / ser po dang / dmar po dang / dkar po dang / btsod kha dang / shel dang / dngul gyi kha dog lta bu snang bar byed par gyur cig ces smon lam 'debs so/ / de la tshig phyi ma'ang yod de/ rin chen byin pa des na bdag/ 'od zer sna tshogs snang ba yis// sangs rgyas drang srong che rnams kyi/ zhing rnams thams cad snang byed shog/ rin chen sna tshogs
- 258a
@byin pa yis/ / des pa gang dang gar skyes pa// 'jig rten mtshams med yan chad du// des ni 'od zer snang bar byed// de la rta dang / glang po che dang / shing rta'i banonapa yongs su gtong ba sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ rta dang / glang po che dang / shing rta'i bzhon pa yongs su gtong ba'i sbyin pa zhes bya ba de ni/ byang chub sems dpa' rnams kyi theg pa chen po dang / theg pa mchog dang / theg pa mi mnyam pa dang mnyam pa dang / sangs rgyas kyi theg pa bla na med pa/ gtso bo dam pa/ rab mchog sdud pa'i tshig bla dgas yin gyis/ / bdag gis rta dang / glang po che dang / shing rta'i bzhon pa yongs su gtong ba'i sbyin pa sbyin par bya gor ma chag snyam mo// de rta dang / glang po che dang / shing rta'i bzhon pa yongs su gtong ba'i sbyin pa de sbyin pa na/ de bzhin gshegs pas gsungs shing bsgoms pa'i smon lam bzhin du rta dang / glang po che dang / shing rta'i bzhon pa yongs su gtong ba'i sbyin pa 'dis na/ bdag gis sems can thams cad theg pa chen po dang / theg pa mchog dang / theg pa mi mnyam pa dang mnyam pa dang / sangs rgyas kyi theg pa bla na med pa/ gtso bo dam pa/ rab mchog gis sdud par byed par gyur cig ces smon lam 'debs so// de la tshig phyi ma'ang yod de/ bdag gis glang chen byin pa yis/ sangs rgyas theg pa theg pa che// theg pa mchog
- 258b
gis lus can rnams/ / myur du sdud par byed par shog/ glang chen byin zhing rta byin byas// gsal zhing mkhas la shes rten can// theg pa che la mos pa dang // mi de skal ba can du 'gyur/ / de la skyed mos 'tshal dang / dka' thub kyi nags tshal dang / gtsug lag khang yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ skyed mos tshal dang / dka' thub kyi nags tshal dang / gtsug lag khang yongs su gtong ba'i sbyin pa zhes bya ba de ni/ byang chub sems dpa' rnams kyi bsam gtan gyi yan lag yongs su rdzogs par 'gyur ba'i tshig bla dgas yin gyis/ / bdag gis skyed mos tshal dang / dka' thub kyi nags tshal dang / gtsug lag khang yongs su gtong ba'i sbyin pa sbyin par bya gor ma chag skam mo/ / de skyed mos tshal dang / dka' thub kyi nags tshal dang / gtsug lag khang yongs su gtong ba'i sbyin pa sbyin pa na/ sangs rgyas kyis bstod cing bsngags pa'i smon lam bzhin du skyed mos tshal dang / dka' thub kyi nags tshal dang / gtsug lag khang yongs su gtong ba'i sbyin pa 'dis na/ bdag sems can thams cad kyi bsam gtan gyi yan lag yongs su rdzogs par byed par gyur cig ces smon lam 'debs so/ / de la tshig phyi ma'ang yod de/ lha gang skyed mos tshal byin pas/ bdag gis sems can thams cad kyi// bsam gtan yan lag rims bzhin du/
- 259a
yongs su rdzogs par byed par shog/ lha gang skyed mos tshal byin pas// rnal 'byor can gyi mi de ni// bsam gtan yan lag yongs rdzogs shing // rnal 'byor spyod la dka' thub che/ / de la chung ma dang / bu dang / bu mo yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te// chung ma dang / bu dang / bu mo yongs su gtong ba'i sbyin pa zhes bya ba de ni/ byang chub sems dpa' rnams kyi bla na med pa yang dag par rdzogs pa'i byang chub sdud pa mngon par rdzogs par 'tshang rgya bar 'gyu ba'i tshig bla dgas yin gyis/ bdag gis chung ma dang / bu dang / bu mo yongs su gtong ba'i sbyin pa sbyin par bya gor ma chag snyam mo// de chung ma dang / bu dang / bu mo yongs su gtong ba'i sbyin pa de sbyin pa na/ de bzhin gshegs pas bsnyen bkur mdzad pa'i smon lam bzhin du chung ma dang / bu dang / bu mo yongs su gtong ba'i sbyin pa 'dis na/ bdag sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar byed par gyur cig ces smon lam 'debs so/ / de la tshig phyi ma'ang yod de/ bu yi sbyin pa des ni myur bar yang // sems can rnams ni re re'i don gyi phyir// sems can thams cad bla na med pa yi// byang chub dam pa 'tshang rgya byed par shog/ chung mabu dang bu mo gtong byed pa// de la byang chub zag med
- 259b
dka' ba med/ / brtson 'grus ldan pa'i mi ni gang la yang // dka' ba ci yang med par blta bar bya// de la nor dang / 'bru dang / bang mdzod yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ nor dang / 'bru dang / bang mdzod yongs su gtong ba'i sbyin pa zhes bya ba de na/ byang chub sems dpa' rnams kyi dam pa'i chos kyi mdzod yongs su rdzogs par 'gyur ba'i tshig bla dgas yin gyis/ bdag gis nor dang / 'bru dang / bang mdzod yongs su gtong ba'i sbyin pa sbyin par bya gor ma chag snyam mo/ / re nor dang / 'bru dang / bang mdzod yongs su gtong ba'i sbyin pa de sbyin pa na/ de bzhin gshegs pas gsungs pa'i smon lam bzhin du nor dang / 'bru dang / mdzod dang / bang mdzod yongs su gtong ba'i sbyin pa 'dis na/ bdag sems can thams cad kyi dam pa'i chos kyi mdzod yongs su rdzogs par byed par gyur cig ces smon lam 'debs so// de la 'di skad ces bya ste/ nor dang dbyig rnams gtong ba'i bsod nams ni// mkha' las pa bdag la ci yod pas// mi rnams rgyud ni dam pa'i chos mdzod kyi// rgyal po'i mdzod ltar myur du rgyas gyur cig/ nor dang 'bru dang bang mdzod bud med rnams// gtong ba'i bsod nams bdag la ci yod pa// des na bdag gis byang chub myur 'thob cing // dam pa'i chos kyi mdzod ni tho
- 260a
par shog/ de la gling bzhi dang / 'dzam bu'i gling dang / rgyal sring dbang phyug thams cad yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ gling bzhi dang / 'dzam bu'i gling dang / rgyal srid kyi dbang phyug thams cad yongs su gtong ba'i sbyin pa zhes bya ba de ni/ byang chub sems dpa' rnams kyi dam pa'i chos kyi rgyal srid kyi dbang phyug 'thob par 'gyur ba'i tshig bla dgas yin gyis/ bdag gis gling bzhi dang / 'dzam bu'i gling dang / rgyal srid kyi dbang phyug thams cad yongs su gtong ba'i sbyin pa sbyin par bya gor ma chag snyam mo/ / de gling bzhi dang / 'dzam bu'i gling dang / rgyal srid kyi dbang phyug thams cad yongs su gtong ba'i sbyin pa de sbyin pa na/ de bzhin gshegs pas bstan pa'i smon lam bzhin du gling bzhi dang / 'dzam bu'i gling dang / rgyal srid kyi dbang phyug thams cad yongs su gtong ba'i sbyin pa 'dis na/ bdag sems can thams cad dam pa'i chos kyi rgyal srid kyi dbang phyug 'thob pa thob par gyur cig ces smon kham 'debs so/ / de la 'di skad ces bya ste/ gling bzhi ril gyis btang ba 'di dag las// bdag gis bsod nams cung zad ci bsgrubs pa/ / nges na mi rnams 'di dag dam chos kyi// rgyal srid 'thob pa'i mtha' ni thob gyur cig/ 'dzam bu'i gling ni byin pa yis// rigs kyi rin chen sna bdun ldan pa yis//
- 260b
rgyal po gling bzhi dbang byed pa// dbang phyug rnam par rgyal bar 'gyur// de la gtsug gi nor bu dang cod pan yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ gtsug gi nor bu dang cod pan yongs su gtong ba'i sbyin pa zhes bya ba de ni/ byang chub sems dpa' rnams kyi spyi gtsug bltar mi mthong pabar 'gyur ba'i tshig bla dgas yin gyis/ bdag gis gtsug gi nor bu dang cod pan yongs su gtong ba'i sbyin pa sbyin par bya gor ma chag snyam mo// de gtsug gi nor bu dang / cod pan yongs su gtong ba'i sbyin pa de sbyin pa na/ de bzhin gshegs pas gsungs pa'i smon lam bzhin du gtsug gi nor bu dang / cod pan yongs su gtong ba'i sbyin pa 'dis na/ bdag sems can thams cad kyis/ spyi gtsug bltar mi mthong ba thob par byed par gyur cig ces smon lam 'debs so// de la 'di skad ces bya ste/ mgo bo'i nor bu'i cong pan byin pa yi// bsod nams tshogs ni bdag la ci yod pa/ / des ni 'dir ni sems can thams cad kyis// spyi gtsug bltar med rtag tu thob gyur cig/ gtsug gi nor bu byin des bdag/ n+ya gro d+ha ltar chu zheng gang// gser dang nor bu byas pa yi/ / gtsug tor phun sum tshogs par shog/ de la rkang pa sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/
- 261a
rkang pa sbyin pa zhes bya ba de ni/ byang chub sems dpa' rnams kyi chos kyi rkang pa byang chub kyi snying por 'gro ba'i tshig bla dgas yin gyis/ bdag gis rkang pa sbyin pa sbyin par bya/ gor ma chag snyam mo// de rkang pa sbyin pa de sbyin pa na/ de bzhin gshegs pas brnyes pa'i smon lam bzhin du rkang pa byin pa 'dis na/ mi rnams dang sems can thams cad rtag tu myur bar khyim nas mngon par byung nas/ skye ba dang / rga ba dang / na ba dang / 'chi ba'i gnod pa zhi bar bya ba'i don gyi phyir 'dod bzhin du bag brkyang nas rab tu dga' zhing dbang po zhi la/ skyabs su 'o ba zla ba'i 'od ltar gzugs zhi ba/ snang byed nyi ma sna tshogs kyi gzi brjid ltar snying rje las byung ba'i 'od zer 'phro bas/ mtshams med pa yan chad mun par zhugs pas nyam thag pa'i mi rnams kyi mun pa snang bar byas nas/ lus rab tu tsha ba'i sdug bsngal rnams sel cing / pad+ma'i rkang pa la 'khor lo rtsibs stong dang ldan pa'i mtshan gyis spras la mnyam zhing 'jam pa dang / sor mo ring zhing dang pa'i rkang pa ltar drabs 'brel ba dang / sen mo me long bzang po dag par phyis pa lta bus brgyan te/ me tog kun da ltar 'dug pa dang / long bu mi mngon pa dang / rje dar smig ma dang ri dgas e n+ya ya'i byin pa 'dra ba'i ya mtshan gyi stabs kyis dal bus ngal nas/ byang chub kyi snying po'i gang na/ rdo rje'i sngags bu'i gdan/ chos kyi seng ge'i khri la 'dud rnam par gzhom pa'i phyir shin tu gnon par gyur cig
- 261b
de la chog phyi ma'ang yod de/ rkang pa byin pa 'di yis na/ rkang mthil 'khor lo'i mtshan can gyis// byang chub snying po'i gdan bzangs la// rten pos shin tu gnon par shog/ rkang pa sbyin pa 'dis na bdag/ byang chub snying po'i gdan mchog la// 'dug nas bdud rnams sde dang dpung // bzhon dang bcas par 'dul bar shog/ de la lag mthil sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ lag mthil sbyin pa zhes bya ba de ni/ byang chub sems dpa' rnams kyis sems can thams cad la chos kyi lag pa sbyin pa'i tshig bla dwags yin gyis/ bdag gis lag mthil sbyin pa sbyin par bya gor ma chag snyam mo// de lag mthil gyi sbyin pa de sbyin pa na/ de bzhin gshegs pas rnam par mkhyen pa'i smon lam bzhin du lag mthil sbyin pa 'dis na/ bdag sems can dman pa dang / long ba dang / bkren pa dang / mgon med pa dang / sdug bsngal ba dang / dbul po dang / gnas med pa dang / skyabs med pa dang / dpung gnyen med pa rnams dang / sems can dmyal ba dang / dud 'gro'i skye gnas dang / gshin rje'i 'jig rten dang / ngan song ngan 'gro log par ltung ba dang / mi khom par skye ba rnams la chos kyi lag pa sbyin par byed par gyur cig ces smon lam 'de bas so// de la tshig phyi ma'ang yod de/ lag mthil sbyin pas myur du bdag/ rnam 'dren
- 262a
lag na rin chen dang / / lag pa ring zhing gser mdog ldan// 'jig rten mchod gnas gyur par shog/ snying rjes non par gyur nas ni// chos kyi lag pa bstod byas la// ngan song kun las lus can rnams// bdag gis rtag tu byin par shog/ de la rna ba dang sna yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ rna ba dang sna yongs su gtong ba'i sbyin pa zhes bya ba de ni/ byang chub sems dpa' rnams kyi dbang po tshang ba yongs su rdzogs par 'gyur ba'i tshig bla dgas yin gyis/ bdag gis rna ba dang sna yongs su gtong ba'i sbyin pa sbyin par bya gor ma chag snyam mo// de rna ba dang sna yongs su gtong ba'i sbyin pa de sbyin pa na/ de bzhin gshegs pas rnam par bzhag pa'i smon lam bzhin du rna ba dang sna yongs su gtong ba'i sbyin pa 'dis na/ bdag sems can thams cad dbang po thams cad dang ldan par byed par gyur cig ces smon lam 'debs so// de la 'di skad ces bya ste/ rna ba dang ni sna btang bas// srog chags dang ni thams cad kyang // dbang po kun dang ldan gyur te// yan lag thams cad rdzogs par shog/ rna ba dang ni sna btang bas// gang dang gang du skyes pa der/ / blta na sdug cing gzugs bzang la// mi ni de bzhin mdzes par 'gyur// de la mig gi sbyin pa la ji ltar mngon par brtson par byed ce na/ rigs kyi bu 'di la byang chub sems dpa'
- 262b
de 'di snyam du sems te/ mig sbyin pa zhes bya ba de ni/ byang chub sems dpang rnams kyi chos kyi mig sgrib pa med pa yongs su dag pa'i tshig bla dgas yin gyis// bdag gis mig gi sbyin pa sbyin par bya gor ma chag snyam mo/ / de mig gi sbyin pa de sbyin pa na/ de bzhin gshegs pas dag par mdzad pa'i smon lam bzhin du mig gi sbyin pa 'dis na/ bdag sems can thams cad kyi chos kyi mig sgrib pa med pa yongs su dag par byed par gyur cig ces smon lam 'debs so/ / de la tshig phyi ma'ang yod de/ mig gi sbyin pa 'dis na bdag/ bla med byang chub sangs rgyas nas// sem can kun gyis chos kyi mig/ rnam par dag par byed gyur cig/ mig byin brtul zhugs bzang po des// dri ma med cing skyon med la// dag cing yangs la mdzes bzang dang // zhi ba'i mig ni thob par 'gyur/ / u t+pal sngon po'i 'dab 'dra dang // bye'u kun la'i mig 'dra zhing // mig gi rdzi ma pa yi 'dra// de 'dra'i mig ni de yis 'thob// de la mgo bo yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' des 'di snyam du sems te/ mgo bo yongs su gtong ba'i sbyin pa zhes bya ba de ni/ byang chub sems dpa' rnams kyi khams gsum thams cad las khyad par du 'phags pa'i mchog thams cad mkhyen pa'i ye shes 'thob pa'i tshig bla dgas yin gyis/ bdag gis mgo bo yongs su gtong ba'i sbyin pa sbyin par bya
- 263a
gor ma chag snyam mo/ / de mgo bo yongs su gtong ba'i sbyin pa de sbyin pa na/ de bzhin gshegs pa'i rkyen du bab pa'i smon la ma bzhin du mgo na yongs su gtong ba'i sbyin pa des na// bdag sems can thams cad 'jig rten gsum las khyad par du 'phags pa'i mchog thams cad mkhyen pa'i ye shes thob par gyur cig ces smon lam 'debs so// de la tshig phyi ma'ang yod de/ mgo bo yongs su gtong ba yis/ / bsod nams bdag la ci yod pa// des na sems can kun mkhyen gyi// go 'phang mi g.yo thob gyur cig/ de la lpags shun yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ lpags shun yongs su gtong ba'i sbyin pa zhes bya ba de ni/ byang chub sems dpa' rnams kyi pags pa 'jam zhing srab la gser gyi mdog lta bu yongs su rdzogs par 'gyur ba'i tshig bla dgas yin gyi/ bdag gis lpags shun yongs su gtong ba'i sbyin pa sbyin par bya gor ma chag snyam mo// de lpags shun yongs su gtong ba'i sbyin pa de sbyin pa na/ de bzhin gshegs pa'i smon lam bzhin du lpags shun yongs su gtong ba'i sbyin pa 'dis na/ bdag sems can thams cad kyi pags pa 'jam zhing sra ba la/ gser gyi kha dog lta bu yongs su rdzogs par byed par gyur cig ces smon lam 'debs so/ / de la tshig phyi ma'ang yod de/ lpags shun yongs su gtong ba yis// bdag gis su ni lus can rnams//
- 263b
lpag sa shun lus las skyes pa dag/ 'jam srab gser gyi mdog sgyur shog/ de la sha dang khrag yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ sha dang khrag yongs su gtong ba'i sbyin pa zhes bya ba de ni/ byang chub sems dpa' rnams kyi snying po med pa thams cad las snying po blang ba'i tshig bla dgas yin gyis/ bdag gis sha dang khrag yongs su gtong ba'i sbyin pa sbyin par bya gor ma chag snyam mo// de sha dang khrag yongs su gtong ba'i sbyin pa de sbyin pa na/ de bzhin gshegs pas bskyed pa'i smon lam bzhin du sha dang khrag yongs su gtong ba'i sbyin pa 'dis na/ bdag gis sems can thams cad snying po med pa thams cad la snying po len du 'jug par byed par gyur cig ces smon lam 'debs so/ / de la tshig phyi ma'ang yod de/ sha dang khrag gi sbyin pa yis// rnam smin bdag la ci yod de// snying po med pa ma lus las// 'gro kun snying por thob gyur cig/ de la rkang sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ rkang sbyin pa zhes bya ba de ni/ byang chub sems dpa' rnams kyi lus rdo rje ltar mi shigs pa yongs su rdzogs par 'gyur ba'i tshig bla dgas yin gyis/ bdag gis rkang gi sbyin pa sbyin par bya gor ma chag snyam mo// de rkang gi sbyin pa de sbyin pa na/ de bzhin gshegs pas bskyed
- 264a
/ pa'i smon lam bzhin du nang gi sbyin pa 'dis na/ bdag sems can thams cad kyi khrus rdo rje ltar mi shigs pa yongs su rdzogs par byed par gyur cig ces smon lam 'debs so// de la tshig phyi ma'ang yod de/ rkang gi sbyin pa 'di yis na/ bdag gis sems can thams cad kyi// rang gi lus ni za ma tog/ rdo rje mi shigs rdzogs byed shog/ gzhan yang byang chub sems dpa' de 'di snyam du sems te/ kha dog phun sum tshogs pa byin pa nas/ kha dog dang ldan par 'gyur gyis/ bdag gis kha dog phun sum tshogs pa sbyin par ma chagasnyam sems shing / dri phun sum tshogs pa byin pas ni grags pa'i dri dang ldan par 'gyur/ ro tho ba phun sum tshogs pa byin pas ni/ yo byad gya nom pa rnams thob par 'gyur/ reg pa phun sum tshogs pa byin pas ni/ rkang lag 'jam zhing gzhon sha chags par 'gyur/ rang gi la gnas byin pas ni bzhin bkur byed pa 'thob par 'gyur/ gus par byas te byin pas ni/ gnyen la sogs pa'i rlung du gzhan gyis bkur gyi bya bar 'gyur/ dus su byin pas ni de'i nor rnams dus su 'grub cing rgyas par 'gyur/ mthun pa dang yid du 'ong ba byin pas ni mal dang gos la sogs pa longs spyod yid du 'ong ba rnams la sems 'jug par 'gyur/ gzhan la mi gnod pa byin pas ni// longs spyod brtan pa dag 'thob par 'gyur// mi dga' ba dang du len pa'i sbyin pas na 'khor snying nye bar 'gyur/ zas byin
- 264b
pas ni stobs dang ldan par 'gyur/ skom byin pas ni skom pa med par 'gyur/ gos byin pas ni kha dog dang ldan par 'gyur/ mar me byin pas ni mig dang ldan par 'gyur/ rol mo'i sgra byin pas ni rna ba nyams pa med par 'gyur/ bzhon pa byin pas ni bde ba dang ldan par 'gyur/ sman byin pas ni nad nyung bar 'gyur/ me tog byin pas ni gzhan gyis mchod par 'gyur/ me tog 'phreng byin pas ni gzhan gyis rim gro bya bar 'gyur/ bstod pa byin pas ni tshangs pa'i dbyangs dang ldan par 'gyur/ stan byin pas ni bla ma'i gnas thob par 'gyur/ bzhon pa byin pas ni rdzu 'phrul dang ldan par 'gyur/ byug pa byin pas ni rma med par 'gyur/ phyag dar bya ba byin pas ni rdul dang bral bar 'gyur/ dril bu byin pas ni tshe rabs dran par 'gyur/ gnas byin pas ni thams cad byin par 'gyur/ chos byin pas ni bdung rtsi byin par 'gyur gyis/ bdag gis chos kyi sbyin pa sbyin par bya gor ma chag snyam mo// de sbyin pa de lta bu sbyin pa na/ chags pas sbyin par mi byed/ sdang bas sbyin par mi byed/ rmongs pas sbyin par mi byed/ tshig pa za zhing sbyin par mi byed/ brnyas bzhin du sbyin par mi byed/ rdeg cing sbyin par mi byed/ tshar gcad de sbyin par mi byed/ khyang du gsod cing sbyin/ par mi byed/ smad de sbyin par mi byed/ nga rgyal gyis khengs bzhin du sbyin par mi byed/ 'gying bzhin du sbyin par mi byed/ lhag mar gyur pa sbyin par mi byed/ rul cing myags pa sbyin par mi byed kyi/
- 265a
phyin pa pang dadagang sbyin pa de thus par byas te sbyin par byed/ bla mar byas/ ri mor byus/ mchod pa byas shing rje nas sbyin par byed/ mang du sbyin par byed/ bzang po sbyim par byed/ rab tu dga' bas sbyin par byed/ dga' zhing mgu bas sbyin par byed/ gtsang ba dang rgya cher sbyin par byed/ rang gi lag nas sbyin par byed/ gus pa dang bcas pa dang / zhe sar bcas pas sbyin par byed/ bsam pa dag cing bzang la dge bas sbyin par byed/ ser sna med par sbyin par byed/ brkam pa med par sbyin par byed/ zhum pa med par sbyin par byed/ 'jigs pa med par sbyin par byed/ rgya che zhing yangs par sbyin par byed do// de byin pa de lta bu sbyin pa ni/ 'di snyam du 'di ni tshul khrims dang ldan pa yin gyis/ bdag gis sbyin par bya'o// 'di ni tshul khrims 'chal pa yin// no// 'di ni dge ba'i chos dang ldan pa yin no// 'di ni dge ba'i chos ma yin pa dang ldan pa yin no// 'di la byin na ni 'bras du che ba dang / phan yon che ba dang / mthu che bar 'gyur ro// 'di la byin na ni 'bras bu mi che ba dang / phan yon mi che ba dang / mthu mi che bar 'gyur ro snyam du mi sems so// gzhan yang yang dag pa'i blo dang ldan gyi/ yang dag pa ma yin pa'i phyir de sbyin pa de sbyin pa na 'di snyam du sbyin pa 'di dang / dge ba'i rtsa ba dang / chos kyi phyir sbyin pa yongs su gtong ba 'dis na/ bdag rgyal por gyur cig ce'am/ rgyal po gzhan nam/ blon po chen po'am/ lha 'am/ lha'i bu 'am/ lha gzhan gang yang
- 265b
rung ba zhig tu gyur cig ces sems skyed par mi byed do/ / 'o na gang du zhe na/ gzhan du na bla na med pa yang dag par rdzogs pa'i byang chub tu yongs su sngo bar byed de/ dge ba'i rtsa ba 'di dang / chos kyi phyir yongs su gtong ba 'dis na/ bdag sems can ma rgal ba rnams sgrol ba dang / ma grol ba rnams grol bar byed pa dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las zlo bar byed pa dang / 'jig rten long ba 'dren pa med pa dang / skyob pa med pa dang / skyabs med pa dang / gnas med pa dang / gling med pa dang / dpung gnyen med pa rnams kyi 'dren ba dang / yongs su 'dren pa dang / sgrol ba dang / skyabs dang / gnas dang / gling dang / dpung gnyen du gyur cig ces yongs su sngo bar byed do// de la 'di skad ces bya ste/ chos phyir sbyin pa 'di sa na bdag 'khor ba yi ni rgya mtsho las/ gzhan min theg pa chen po yis/ sems can rnams ni grol gyur cig/ skye bo thams cad nyon mongs pa'i// 'ching ba dag las 'grol bar shog/ dbugs ma phyin pa dbugs 'byin cing / / mya ngan 'das lam ston gyur cig/ 'jig rten long ba 'dren med pa'i// yongs su 'dren par bdag gyur cig/ lus can rnams la skyob pa dang // dpung gnyen gling dang skyabs gyur cig/ rigs kyi bu de ltar na byang chub sems dpa' sems dpa' chen po sbyin pa'i pha rol tu phyin pa la mngon par brtson par byed pa yin no// de nas byang chub sems
- 266a
dpa' sems dpa' chen po ri'i phug dang / zom dang / ri sul dang / gseb dang / sman ljongs na seng ge'i mchog rnam par bsgyings shing / nga ro rnam par sgrogs pa lta bu'i mi'i dbang po'i gtsug gi nor bus/ bcom ldan 'das las sbyin pa'i pha rol tu phyin pa'i rnam par dbye ba bshad pa thos nas/ tshim zhing mgu la yi rangs te/ rab tu dga' zhing bde ba dang yid bde ba skyes nas/ stan las langs te/ bla gos phrag pa gcig tu gzar nas/ pus mo g.yas pa'i lha nga pad+ma'i snying po la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la tshigs su bcad pa'i dbyangs kyis legs so zhes bya ba gsol to/ / sbyin mdzad legs so rtag tu yab 'dra khyod legs so// sprin mdzad legs so gsung mdzad bde gshegs khyod legs so// gnyen gyur legs so mdza' bo ston par gyur pa khyod lags so/ / gcig pu 'di na dmyal ba skyob pa khyod legs so// thu bo legs so lha mi rnams nang bkres pa legs// mchod gnas legs so mi rnams nang na dpa' bo legs gsung ba legs so bdag nyid chen po rab dul legs/ / mi rnams nyon mongs dug sel sman pa'i rgyal po legs// grol ba legs so srid pa gsum las rnam grol legs// sman pa legs so/ phan bzhed dam pa sbyin mdzad legs// dpal yon can legs bkra shis snyoms pa'i thugs mnga' legs// skal ldan zla ba nya 'dra dri med zhal mnga' legs// blo ldan mthon mthing spyan yangs
- 266b
ring ba legs/ / dpal ldan shangs 'tsham cha byad rmad du byung ba legs// smra mkhas snyan shal gser gyi 'phyang thag 'dra ba legs// mche ba kha ba dung 'dra legs la phyag 'tshal lo// gtso bo 'gres pa mgon po khyod kyis de ring du/ / mi rnams sbyin pa dbye ba legs par gsungs pa legs// slar zhing tshul khrims bzod pa stobs dang ye shes dang // thabs dang bsam gtan rdzu 'phrul smon lam mnyan par 'tshal/ bcom ldan 'das kyis de skad ces bka' stsal nas/ byang chub sems dpa' 'jam dpal gzhon nur gyur pa dang / byang chub sems dpa' spyan ras gzigs dpa phyug dang / ri'i phug dang / zo ma dang / ri sul dang / gseb dang / sman ljongs na seng ge'i mchog rnam par bsgyings shing / nga ro rnam par sgrogs pa lta bu'i mi'i dbang po'i gtsug gi nor bu la sogs pa byang chub sems dpa' de dag dang / lha'i bu de dag dang / rgyal po chen po bzhi po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis p hyu sa ga ci thag pa na pa ma drug ni d+hA lo tsa ba ban d+he ye shes sde la sogs pas bsgyur cing zhus te gtan la phab pa/ / rgya gar skad du/ Ar+ya adz+nyA ta/ sha tra ko kr-i u0f7fdz+dza b
- 267a
i no da nA ma mahA yA na sU tra/ bod skad du/ 'phags pa ma skyes dgra'i 'gyod pa bsal ba zhes bya ba theg pa chen po'i mdo// // bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab kyi ri'i bya rgod phung po la dge slong brgya phrag byed dang bcu gsum gyi dge slong gi dge 'dun chen po dang / byang chub sems dpa' sangs rgyas kyi zhing sna tshogs nas lhags pa brgyad khri bzhi stong / byang chub sems dpa' sems dpa' chen po mngon par shes pa mngon par shes pa gzungs thob pa/ spobs pa thogs pa med pa/ ma skyes pa'i chos la bzod pa thob pa/ ting nge 'dzin dang gzungs grub pa/ shes shing mkhas pa/ sems can thams cad kyi sems kyi bsam pa ji ltar mos pa bzhin du chos ston pa rnams dang / rgyal po chen po bzhi dang / brgya byin lha'i dbang po dang / tshangs pa mi mjed kyi bdag po dang / de ma yin pa gzhan lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po brgya stong mang po dang thabs cig tu bzhugs so// yang de'i tshe de'i dus na/ 'jam dpal gzhon nur gyur pa ri zhig gi bang rim gyi ngos la skyes bu dam pa nyi shu rtsa lnga dang lhan cig tu gnas pa 'di lta ste/ byang chub sems dpa' klu dpal dang / klus byin dang / dpal 'byung dang / dpal gyi snying po dang / pad+ma
- 267b
bla ma'i dpal dang / pad+ma dpal 'byung dang / skye bo 'dzin pa dang / sa 'dzin dang / lag na rin chen dang / lag na rin chen phyag rgya dang / seng ge'i blo gros dang / seng ge'i 'gros bsgrags dbyangs dang / nam mkha' mdzod dang / sems bskyed ma thag tu chos kyi 'khor lo sgyur ba dang / tshig gi rab tu tha dad pa thams cad la spobs pa dang / spobs pa'i phung po dang / blo gros rgya mtsho dang / lhun po chen po dang / mthong na dga' ba dang / rab tu dga' ba'i rgyal po dang / mtha' yas mthong ba dang / mtha' yas dmigs par gnas pa dang / bdud kyi lta ba yang dag par 'joms pa dang / mya ngan med sbyin dang / don thams cad grub pa'i byang chub sems dpa' sems dpa' chen po dang / skyes bu dam pa nyi shu rtsa lnga po de dag dang lhan cig tu gnas so// dga' ldan ris kyi lha'i bu bzhi yang chos nyan pa'i phyir 'jam dpal gzhon nur gyur pa'i phyi bzhin du 'brang bar gyur te/ lha'i bu kun nas me tog ces bya ba dang / lha'i bu me tog 'od zer can zhes bya ba dang / lha'i bu me tog ma nA ra ba'i dri zhes bya ba dang / lha'i bu chos la gnas pa rtag tu brtson pa zhes bya ba de dag dang / lha'i bu mang po gzhan dag kyang 'di lta ste/ chos rgan pa'i phyir 'jam dpal gzhon nur gyur pa'i phyi bzhin du 'brang bar gyur to// 'di lta ste/ skyes bu dam pa de dag dang / lha'i bu de dag tshogs shing 'khod pa las/ bar skabs su kye grogs po dag sangs rgyas kyi ye shes ni rgya che ba/ dpag tu med pa/ tshad med pa dang / bsam gyis mi
- 268a
khyab pa/ mnyam pa med pa/ gzhal du med pa/ mi rtogs pa/ mi mnyam pa dang mnyam pa/ bla na med pa yin te/ de ni go cha dam pa ma yin pas rtogs par mi nus na/ go cha ji tsam zhig bgos na thams cad mkhyen pa'i ye shes/ ye shes chen po de rtogs par nus zhes de lta bu'i gtam brjod par gyur pa dang / byang chub sems dpa' klu dpal gyis smras pa/ dge ba'i rtsa ba'i tshogs bsags pa/ bsngo ba la chog mi shes pa'i dge ba'i rtsa ba la gzhog par gnas shing mi brjed pa'i go cha bgos pas/ ye shes chen pode rtogs par nus so// byang chub sems dpa' klus byin gyis smras pa/ sems snyoms pa dang / sems dul ba dang / sems 'jam pa dang / sems drang ba dang / sems mnyen pa dang / sems cad shes pa'i phyir thams cad mkhyen pa'i ye shes kyi yi dam brtan po snying po la gnas pa'i go cha dgos pas thams cad mkhyen pa'i ye shes/ ye shes chen po rtogs par nus so// byang chub sems dpa' dpal 'byung gis spras pa/ kye grogs so dag bskal pa'i grangs kyis ye shes chen po de rtogs par mi nus kyi/ bskal pa dpag tu med par go cha bgos pas/ thams cad mkhyen pa'i ye shes rtogs par nus so// byang chub sems dpa' dpal gyi snying pos smras pa/ rigs kyi bu byang chub sems dpa' bdag gis bde ba la chags shing gnas pas/ ye shes chen po de rtogs par mi nus kyi/ bdag gi bde ba la ma chags pas thams cad
- 268b
mkhyen pa'i ye shes rtogs par nus te/ gang zang zing med pa la lan du bya ba ma yin pa'i bde ba de sems can thams cad la bstabs so zhes sems can thams cad bde zhing bde ba dang ldan pa la gzhog par byed pa des/ thams cad mkhyen pa'i ye shes de rtogs par nus so// byang chub sems dpa' pad+ma bla ma'i dpal gyis smras pa/ bdag nyid ma dul/ ma bsrungs/ ma byang ba des/ pha rol ma dul/ ma bsrungs/ ma byang ba dul bar bya ba dang / zhi bar bya ba'i gnas de ni med kyi/ bdag nyid shin tu dul/ shin tu bsrungs/ shin tu byang ba des/ pha rol ma dul/ ma bsrungs/ ma byang ba dul bar bya ba dang / zhi bar bya ba'i gnas de yod do zhes bcom ldan 'das kyis kyang de skad gsungs te/ de bas na dul ba dang / zhi gnas kyi rnal 'byor la zhugs shing / pha rol dul ba dang / zhi gnas dang 'thun pas bya ba la mkhas pas/ ye shes chen po de rtogs par nus so/ / byang chub sems dpa' pad+ma dpal 'byung gis smras pa/ kye grogs po dag 'jig rten gyi chos dang 'dres pas/ 'jig rten las 'das par mi nus kyi/ gang 'jig rten gyi chos dang ma 'dres pa de ni 'jig rten las 'da' bar 'gyur ro/ / de bas na byang chub sems dpa' gang rnyed pa dang / ma rnyed pa dang / grags pa dang / ma grags pa dang / bstod pa dang / smad pa dang / bde ba dang / sdug bsngal bas mi 'phrogs shing / byang chub sems dpa' sems dpa' chen po ma khengs pa/ mdud pa des ni ye shes chen po de rtogs par sla'o//
- 269a
byang chub sems dpa' skye bo 'dzin gyis smras pa/ kye grogs po dag gzhan la klan ka tshol bas ni/ thams cad mkhyen pa'i ye shes chen po rtogs par mi nus kyi/ gcig pu gnyis su med la/ bdag gis sems can thams cad kyi phyir go cha chen po bgos pas/ sems can thams cad kyi gang ci'ang rung yongs su thob par bya ba de dag thams cad bdag gis yongs su thob par bya'o zhes dge ba'i rtsa ba bskyed pa dang / sems can thams cad yongs su smin par bya ba'i phyir/ de sems can thams cad dang thun mong du sems bskyed de/ yud tsam du'ang brtson 'grus mi gtong zhing / de ltar brtson 'grus la gnas pa'i byang chub sems dpas ye shes chen po de rtogs par nus so// byang chub sems dpa' sa 'dzin gyis smras pa/ kye grogs po dag 'di lta ste dper na sa ni rtswa dang / shing gel ba dang / sman dang / nags tshal thams cad kyi gnas yin te/ de la gnas shing / rtswa dang / shing gel ba dang / sman dang / nags kyi sa bon thams cad skye bar 'gyur mod kyi/ sa chen po de ni lan re ba'ang med do/ / sems can thams cad kyang sa chen po las 'tsho mod kyi/ sa chen po ni skyo bar yang mi byed do// rigs kyi bu de bzhin du byang chub sems dpa' chags pa dang / zhe sdang ba'i sems dang thal ba dang / sems can thams cad kyi nye bar 'tsho ba dang / lan re ba med pa'i phyir sa dang 'dra bar sems bskyed na/ ye shes chen po de rtogs par nus so// byang chub sems dpa' lag na
- 269b
rin chen gyis smras pa/ kye grogs po dag 'di ni go cha chen po yan te/ dman pa la mos pas ni ye shes chen po de rtogs par mi nus kyi/ gang gnyid kyis log pa'i rmi lam na yang theg pa gnyis la sems mi 'jug cing / rin po che'i sems can thams cad mkhyen pa'i sems de pha rol dag kyang 'dod par byed du 'jug la/ rin po che'i sems de la ser sna mi byed kyi/ sems can thams cad kyang theg pa chen po'i go cha de skon par byed cing / sems mnyam pa med pa la'ang gang ba 'am/ bri bar yang mi mthong zhing / de ltar ser sna med pa'i sems kyis ye shes chen po de rtogs par nus so// byang chub sems dpa' lag na rin chen phyag rgyas smras pa/ kye ma'o sems can 'di dgra 'gro ba drug tu lhung gis/ de dang de dag tu snying rje chen po bskyed de/ sems can thams cad la chos kyi phyag rgyu rin po che'i phyag rgya gsum gyis btab pa sbyin par bya ste/ sems can thos pa tung ba rnams la ni thos pa'i lag pa sbyin par bya'o// sems can ser sna can rnams la ni gtong ba'i lag pa sbyin par bya'o// sems can dang tshul ngan pa can rnams la ni tshul khrims kyi lag pa sbyin par bya'o/ / sems can gnod sems can rnams la ni bzod pa'i lag pa sbyin par bya'o// sems can le lo can rnams la ni brtson 'grus kyi lag pa sbyin par bya'o/ / sems can dran pa nyams pa rnams la ni bsam gtan thob pa'i lag pa sbyin par bya'o// sems can shes rab 'chal pa rnams la ni shes rab kyi lag pa sbyin par bya'o//
- 270a
sems can dag chos dkar po gang dang gang dag las bral bar gyur pa'i de dang de dag nyid yongs su rdzogs par bya ba'i phyir lag pa sbyin par bya ste/ byang chub sems dpa' de'i dge ba'i rtsa ba'i lag pa'ang rin po che'i phyag rgya gsum gyis btab par bya'o/ / gsum gang dag yin zhe na/ 'di lta ste/ sems can thams cad sangs rgyas kyi ye shes yongs su rdzogs par sngo ba'i rin po che'i phyag rgyas gdab par bya ba dang / bdag gi dge ba'i rtsa ba yongs su 'grub pa rin po che'i phyag rgyas gdab par bya ba dang / sems can thams cad nam mkha'i rang bzhin gyi phyag rgyas gdab par bya ba ste/ rigs kyi bu de 'dra ba'i gnas la gnas pas ni thams cad mkhyen pa'i ye shes chen po de rtogs par nus so/ / byang chub sems dpa' seng ge'i blo gros kyis smras pa/ kye ma'o grogs po dag 'di ni mi 'jigs pa'i go na'o/ / 'di ni mi skrag pa'i go cha'o// 'di ni ma zhum pa'i go cha'o// 'di ni le lo med pa'i go cha'o// kye grogs po dag de bas na mi 'jigs pa dang / sems mi skrag pa dang ma zhum pa dang / le lo med pa dang / 'jigs shing spyi bung zhes byed pa dang bral ba dang / 'khor ba'i nyes pa mi skyed pa dang / mya ngan las 'da' ba'i yon tan yang dag par mthong ba dang / bang ba dang sdug bsngal ba'i chos la snyoms par gnas pa dang / mi gnyis pa la gnas pa dang ldan pas thams cad mkhyen pa rtogs par sla'o// byang chub sems dpa' seng ge'i 'gros bsgrags dbyangs
- 270b
kyis smras pa/ kye grogs po dag 'gros de ni skyes bu ngan pa'i ma yin gyis/ de ni skyes bu dam pa'i 'gros yin no// de ci'i phyir zhe na/ skyes bu dam pa dag ni sdig pa'i lta ba dang bral bas yang dag pa la zhugs pa yin no/ / skyes bu dam pa dag ni rtag par drang ba'i rang bzhin dang ldan pas g.yo med pa yin no// skyes bu dam pa dag ni bla ma la rim gro skyes pas dgra bcom pa yin no// skyes bu dam pa dag ni bstan na mthun len pas tshig bzang ba yin no/ / skyes bu dam pa dag ni yang dag pa'i 'tsho ba la gnas pas las kyi mtha' grags pa yin no// skyes bu dam pa dag ni skyo ba dang bral bas 'dod chags dang bral ba yin no/ / skyes bu dam pa dag ni khong khro ba dang bral bas zhe sdang dang bral ba yin no// skyes bu dam pa dag ni zhi ba/ rab tu zhi ba nye bar zhi bas mun pa mun nag dang bral ba yin no// skyes bu dam pa dag ni sdug bsngal ba dang / dbul po la snying rje bar gyur pas 'jam pa rnams yin no// skyes bu dam pa dag ni lus dang / ngag dang / yid kyi las kyi mtha' yongs su dag pas 'dzem pa dang bcas pa yin no/ / skyes bu dam pa dag ni de dag bya ba la yang dag par zhugs pas ji skad smras pa bzhin du byed pa yin no// skyes bu dam pa dag ni rtag tu brtul ba brtan pas lhag pa'i bsam pa dang ldan pa yin no// skyes bu dam pa dag ni log pa'i chos dang bral bas bden pa la gnas pa yin no/ / skyes bu dam pa dag ni chos kyi dga' bas dga' zhing mgu bas chos 'dod pa yin no// skyes bu dam pa dag ni lus dang srog gtong bas
- 271a
dam pa'i chos yongs su 'dzin pa yin no/ / skyes bu dam pa dag ni sems can thams cad dang 'brel bas mi gtong ba yin no// skyes bu dam pa dag ni don dam pa'i rjes su 'jug pas nges pa mthong ba yin no/ / skyes bu dam pa dag ni sdig pa'i chos rnams spangs pas dge ba'i chos la zhugs pa yin no// skyes bu dam pa dag ni dbul po rnams kyi gter yin no// skyes bu dam pa dag ni nang pa rnams kyi sman pa yin no/ / skyes bu dam pa dag ni 'jig rten pa rnams kyi mgon yin no// skyes bu dam pa dag ni dpung gnyen med pa rnams kyi skyabs yin no// skyes bu dam pa dag ni 'khor ba'i rgya mtshor zhugs pa rnams kyi gnas yin no/ / skyes bu dam pa dag ni rten med pa rnams kyi rten to// skyes bu dam pa dag ni mun pa mun nag tu zhugs pa rnams kyi snang bar byed pa yin no// skyes bu dam pa dag ni lam ngan par zhugs pa rnams kyi 'dren pa yin no/ / skyes bu dam pa dag ni chos smra ba rnams kyi yongs su 'dren pa yin no// skyes bu dam pa dag ni bzod pa dang dul ba'i rnal 'byor dang ldan pas tha ba'i nyes pa dang / gnod sems dang / gnod 'chab pa dang / khro ba'i yongs su gdung ba thams cad dang bral ba yin te/ de lta bas na skyes bu dam pa dag de 'dra ba'i chos la gnas pas ni ye shes chen po de rtogs par nus so// byang chub sems dpa' nam mkha' mdzod kyis smras pa/ nam mkha' dpag tu med pa bzhin du byams bsgom pa'i rnal 'byor dang ldan pas snying rje chen po la gnas pa rgyan mi 'chad pa/ dbang po chag tu dga'
- 271b
zhing 'god pa 'dod pa'i dga' ba thams cad la btang snyoms su gtong ba/ sbyin pa nam mkha' dang mtshungs pa/ tshul khrims nam mkha' dang mtshungs pa/ bzod pa nam mkha' dang mtshungs pa/ brtson 'grus nam mkha' dang mtshungs pa/ bsam gtan nam mkha' dang mtshungs pa/ shes rab nam mkha' dang mtshungs pas thams cad mkhyen pa rtogs par nus so// byang chub sems dpa' sems bskyed ma thag tu chos kyi 'khor lo sgyur bas smras pa/ sems bskyed pa gang las bdud sdig can gyis glags rnyed par 'gyur ba dang / de bzhin gshegs pa mnyes par mi 'gyur ba dang / lha mi dga' bar 'gyur ba dang / bdag gi dge ba'i phyogs yongs su 'bri bar 'gyur ba'i sems bskyed pa de dag ni/ byang chub sems dpas mi bskyed par bya'i/ sems bskyed pa gang las bdud sdig can gyis glags rnyed par mi 'gyur ba dang / de bzhin gshegs pa mnyes par 'gyur ba dang / lha dag dga' bar 'gyur ba dang / bdag gi dge ba'i phyogs yongs su 'bri bar mi 'gyur ba'i sems bskyed pa de dag ni bskyed par bya ste/ de ltar zhugs na sems bskyed ma thag tu chos kyi 'khor lo sgyur bar 'gyur ro// de ci'i phyir zhe na/ de ltar byang chub sems dpa' des sems bskyed ma thag tu rgyu dang dmigs pa'i skyen ma skyes pa'i phyir/ chos thams cad ma skyes pa dang / de bzhin gshegs pa'i byang chub kyang ma skyes pa las rtogs par 'gyur la/ byang chub ji lta bar chos kyi 'khor lo sgyur ba'ang de bzhin du shes te/ sems kyi bsam
- 272a
pa'i go cha de dag gis thams cad mkhyen pa rtogs par nus so/ / byang chub sems dpa' tshig gi rab tu tha dad pa thams cad la spobs pas smras pa skyes bu dam pa dag byang chub ni thams cad kyi rjes su song ba ste/ kun nas nyon mongs pa'i rjes su song ba/ rnam par byang ba'i rjes su song ba/ 'dus byas kyi rjes su song ba 'dus ma byas kyi rjes su song ba/ zag pa dang bcas pa'i rjes su song ba/ zag pa med pa'i rjes su song ba/ kha na ma tho ba dang bcas pa'i rjes su song ba/ kha na ma tho ba med pa'i rjes su song ba/ dge ba'i rtsa ba'i rjes su song ba/ mi dge ba'i rtsa ba'i rjes su song ba/ 'jig rten gyi chos kyi rjes su song ba/ 'jig rten las 'das pa'i chos kyi rjes su song ba/ 'khor ba'i rjes su song ba/ mya ngan las 'das pa'i rjes su song ba/ chad pa dang rtag pa'i rjes su song ba/ phung po dang / khams dang / skye mched kyi rjes su song ba ste/ skyes bu dam pa dag byang chub ni sa dang / chu dang / me dang / rlung dang // nam mkha'i rjes su song ba'o// de ci'i phyir zhe na/ chos thams cad ni 'di lta bu'i rang bzhin te/ rang bzhin stong pa nyid do// de dag ni brjod pa gang dang gang gis brjod par bya ba'i rnam pa de thams cad stong pa nyid smod par byed pa'o/ / 'di lta ste/ dper na nam mkha'i dbyings ni thams cad kyi rjes su song ngo // de bzhin du byang chub kyang thams cad kyi rjes su song ste/ skyes bu dam pa dag byang chub
- 272b
sems dpa' de lta bu'i ye shes la mos pa ni/ dmigs pa thams cad la spobs par 'byung zhing / de ni tshig gi rab tu tha dad pa shes pa thams cad kyang thob par 'gyur te/ tshul gcig la 'jug pa nges thams cad mkhyen pa rtogs so/ / byang chub sems dpa' spobs pa'i phung pos smras pa/ kye grogs po dag brjod pa thams cad ni brjod du med pa ste/ sgra thams cad bsnyen du med pa'o/ / byang chub sems dpa' ye shes de la mos pa ni sems mi g.yo bar 'dug pa yin te/ snyan par smras pa dang / mi snyan par smras pa la dga' ba dang / zhum pa med do// 'di lta ste/ dper na ri lhun po'i phung po la rlung bab pa las slar log ma/ ri lhun po ni g.yo ba'ang med/ rab tu g.yo ba med do// rigs kyi bu de bzhin du byang chub sems dpa' de 'dra ba'i ye shes rtogs pas thams cad kyi sgra dang / brjod pa kun bzod de/ g.yo bar mi byed/ rab tu g.yo bar mi byed cing / pha rol mu stegs can gyi smra ba gang la'ang chags par mi 'gyur/ de bzhin gshegs pa'i bka' dang / mu stegs can gyi tshig kyang chos mnyam pa nyid du mthong / mnyam pa nyid la'ang 'gal bar mi byed/ mu stegs can thams cad kyi spobs pa thams cad kyang zad pa'i chos su mthong / zad pa'i chos kyis chos la nga rgyal chen por yang mi byed de/ skyes bu dam pa dag byang chub sems dpa' de lta bu'i ye shes la mos pa ni/ myur du thams cad mkhyen pa'i ye shes skye bar 'gyur ro// byang chub sems dpa' blo
- 273a
gros rgya mtshos smras pa/ skyes bu dam pa dag byang chub sems dpas thos pa thams cad gzung ba'i phyir/ blo rgya mtsho la sems 'jug pa rtogs par bya'o// chos nyid la sna tshogs med pa'i phyir/ des chos ro gcig pa la mos par bya'o// rten cing 'brel par 'byung ba med/ mi 'gal ba'i phyir/ des chos nyid la brtag par bya'o// thog ma nas skyes pa'i phyir/ chos gang yang ma bri ba dang ma 'phel bar bya'o/ / bsod nams mi zad pa'i phyir/ sems can thams cad nye bar 'tsho ba'i dge ba'i rtsa ba bskyed par bya'o// chad pa dang rtag pa las dben pa'i phyir/ des mtha' gnyis rtogs par bya'o// sems kyi sgom pa tshad med pa'i phyir/ des chos thams cad la brtag par bya'o// chos yang dag mi 'byed pa'i phyir/ bdag gi dran pa'i stobs bskyed pa yang dag par gzhag par bya'o// sems can thams cad la snyoms par chos 'chang ba'i phyir/ des sems pa thams cad yang dag par bcom pa dran pa'i yongs su rdzogs par bya'o// sangs rgyas kyi chos ma 'dres pa lhur byed pa'i phyir/ mi dge ba'i chos thams cad dang mi 'grogs par bya'o/ / skyes bu dam pa dag dran pa'i ye shes kyi go cha des ni thams cad mkhyen pa rtogs par nus so// byang chub sems dpa' lhun po chen pos smras pa/ 'di lta ste/ sangs rgyas kyi ye shes de ni 'jig rten thams cad las mngon par 'phags pa'i ye shes te/ de ni tshad yong ba'i spyod pas rtogs par mi nus so// de bas
- 273b
na bsam pa 'jig rten thams cad las mngon par 'phags pa dang / thos pa 'jig rten thams cad las mngon par 'phags pa dang / dad pa 'jig rten thams cad las mngon par 'phags pa dang / sbyin pa 'jig rten thams cad las mngon par 'phags pa dang / de bzhin du tshul khrims dang / bzod pa dang / brtson 'grus dang / bsam gtan dang / shes rab 'jig rten thams cad las mngon par 'phags pa dang / bsod nams ri rab lhun po bzhin du mngon par 'phags pas thams cad mkhyen pa rtogs par nus so// byang chub sems dpa' mthong na dag bas smras pa/ skyes bu dam pa dag gang gi tshe byang chub sems dpa' bdag gi gzugs kyi sems yongs su dag pas gzugs su snang ba yid du mi 'ong ba gang yang mig gis mthong zhing snang bar mi 'gyur/ bdag gi rna ba'i sems yongs su dag pas sgra yid du mi 'ong ba gang yang rna bas thos shing grags par mi 'gyur/ de bzhin du dri'ang ma yin/ ro'ang ma yin/ reg kyang ma yin// rang gi spyod yul gyi sems yongs su dag pas chos yid du mi 'ong ba gang yang yid la snang bar mi 'gyur/ rang gi sems yongs su dag pas yid dga' ba dang / mi dga' ba dang / ma 'brel cing sems can gang yang sangs rgyas kyi chos kyi snod ma yin par ma mthong ste/ gang log par nges pa de dag kyang sangs rgyas kyi chos kyi snod du gyur par mthong zhing / gang bdag shin tu dga' bar 'gyur ba'i dngos
- 274a
po de dga' zhing yongs su gtong la/ byin nas kyang mi 'gyod pa yin te/ de ltar spyod pa'i byang chub sems dpa' ni thams cad mkhyen pa rtogs par nus so// byang chub sems dpa' rab tu dga' ba'i rgyal pos smras pa/ gang gi tshe na spros pa dang / brgyad pa dang / smad pa dang / brnyas pa dang / brdegs pa dang / tshar bcang na/ byang chub sems dpa' rab tu dga' ba skyed cing gang zag la'ang dge ba'i bshes gnyen du 'du shes bskyed la bzod par byed/ bzod pa'i mthu ston cing rab tu dga' ba skyes nas/ spro bar byed pa 'di su/ gang la spro bar byed ces// de chos nyid kyi rjes su 'jug par byed/ nang gi stong pa nyid la mos shing / phyi'i stong pa nyid la the tshom med pas bdag tu lta ba'ang mi skyed cing bzod la/ rkang pa dang lag pa yongs su gtong ba dang / mig dang mgo yongs su gtong ba dang / chung ma dang / bu pho dang / bu mo yongs su gtong / rgyal srid yongs su gtong bas rab tu dga' ba yin/ lus dang srog yongs su gtong bas dga' ba yin te/ 'khor los sgyur ba'i rgyal srid thob pas dga' ba ma yin gyi/ legs par bshad pa tshigs su bcad pa gcig thos pas shin tu dga' ba yin/ brgya byin thob pas dga' ba ma yin gyi// gzhan chos 'chad pal shin tu dga' ba yin/ tshangs pa thob pas dga' ma yin gyi/ sems can gcig kyang bla na med pa yang dag par rdzogs pa'i byang chub la gzhag na rab tu dga' ba yin/ stong gsum rin po ches bkang
- 274b
bas dga' ba ma yin gyi/ de bzhin gshegs pa mthong bas rab tu dga' ba yin te/ de ni gzhan yang dbang po nyams par mi 'gyur zhing / dga' bar gyur nas byang chub kyi phyogs kyi chos rnams dga' zhing mgu ba'i spyod pa 'dis sgrub par byed pa ni/ thams cad mkhyen pa rtogs par nus so// byang chub sems dpa' mtha' yas mthong bas smras pa/ skyes bu dam pa gang gi tshe na byang chub sems dpa' chos thams cad mthong mod kyi/ bdag tu lta bar yang mi ltung / sangs rgyas kyi chos thams cad shes mod kyi/ rnam par rtog pa spyod pa'ang ma yin/ sangs rgyas thams cad ma mthong mod kyi/ gzug la dmigs pa'i 'du shes kyang mi skyed/ sems can thams cad mthong mod kyi/ sems can du 'du shes kyang mi skyed/ las kyi rnam par smin pa yongs su dag pa'i phyir/ sha'i mig gsal bar gyur pa yin/ mngon par shes pa thob pas lha'i mig dang ldan pa yin/ nyon mongs pa thams cad bral bas/ shes rab kyi mig rtogs par khong du chud pa yin/ sangs rgyas kyi chos ma 'dres pa sgrub pas/ sangs rgyas kyi spyan la mos pa yin/ stobs bcu yongs su rdzogs pas/ chos kyi spyan snang ba thob pa yin te/ rigs kyi bu de 'dra ba'i ye shes mthong ba yongs su rdzogs pas thams cad mkhyen pa rtogs par nus so// byang chub sems dpa' mtha' yas dmigs par gnas pas smras pa/ byang chub ni thams cad dmigs pa ste/ thams cad mkhyen pa'i ye shes sgrub par 'gyur ro// de ci'i phyir na
- 275a
na/ dmigs pa thams cad ni nang du'ang mi gnas/ phyi rol na'ang mi gnas/ dbus na'ang mi gnas par brtags par bya'o// byang chub sems dpa' dmigs pa la mi gnas pa ni nyon mongs pa la dmigs pa dang / las la dmigs pa dang / bdud la dmigs pas nyams par mi 'gyur te/ las dang / nyon mongs pa dang / bdud la dmigs pa las 'das pa'i byang chub sems dpas thams cad mkhyen pa rtogs so/ / byang chub sems dpa' bdud kyi lta ba yang dag par bcom pas smras pa/ rigs kyi bu bdag tu lta ba ni/ bdag tu lta ba las ldang zhing byung ba yin/ bdud kyi las ni lta ba las ldang zhing byung ba ste/ bdag tu lta ba yongs su shes na/ lta ba byung bar mi byed do// lta ba yongs su shes na/ phung po 'byung bar mi byed do// phung po yongs su shes na bdud mi mthong ngo / / bdud kyi yul las 'da' bar bya ba'i phyir/ sgrib pa med pa'i rnam par thar pa la reg par 'gyur ro// byang chub sems dpa' sgrib pa med pa'i rnam par thar pa thob na/ thams cad mkhyen pa rtogs so// byang chub sems dpa' mya ngan med sbyin gyis smras pa/ las nyes pa byed pa ni phyis 'gyod par 'gyur/ las legs pa byed pa ni byis mya ngan byed par mi 'gyur ro/ / de bas na byang chub sems dpas las legs par byed pa/ las mi spang ba byed pa/ las mi 'gyod pa byed pa/ las kha na ma tho ba med par byed par bya'o// sems can mya ngan gyi zug rngus drug pa'i
- 275b
rnams kyang mya ngan zhi bar bya ba dang / zug rngu dang bral bar bya ba'i phyir chos bshad par bya ste/ de ltar spyod pa'i byang chub sems dpa' ni/ thams cad mkhyen pa rtogs so// byang chub sems dpa' don thams cad grub pas smras pa/ rigs kyi bu dag skyes bu gang zag tshul khrims dang ldan pa'i sems kyi smon pa 'grub/ smon lam 'grub par 'gyur la/ tshul khrims kyi rtsa ba la'ang bag byed pa rten/ bag byed pa'i rtsa ba la'ang byang chub kyi phyogs kyi chos rnams rten/ byang chub kyi phyogs kyi chos kyi rtsa ba la'ang thams cad mkhyen pa rten to// de bas na byang chub sems dpa' bag byed pa dang / byang chub kyi phyogs kyi chos la rten pa ni/ thams cad mkhyen pa rtogs so// lha'i bu kun nas me tog gis smras pa/ rigs kyi bu dag 'di lta ste/ dper na shing me tog gis brgyan pa ni 'gro ba mang po'i nye bar 'tsho ba yin no/ / rigs kyi bu de bzhin du byang chub sems dpa' sems dpa' chen po rnam par thar pa'i chos kyi me tog rgyas pa ni 'gro ba mang po nye bar 'tsho ba yin no// rigs kyi bu dag 'di lta ste/ dper na lha rnams kyi shing pa ri ya tra ka ko bidir me tog rgyas na/ sum cu rtsa gsum gyi lha'i bu rnams mngon par 'du bar 'gyur ro// rigs kyi bu de bzhin du byang chub sems dpa' sems dpa' chen po rnam par thar pa'i chos kyi me tog rgyas nas/ lha dang bcas pa'i 'jig rten mngon par 'du bar 'gyur ro// rigs kyi bu dag 'di lta ste/ dper na lha'i nor bu rin po che skyon thams cad dang bral la/
- 276a
yon tan thams cad dang ldan pa de bzhin du/ rigs kyi bu byang chub sems dpa' bsam pa yongs su dag pa/ skyon thams cad dang bral ba/ yon tan thams cad dang ldan pas thams cad mkhyen pa rtogs so/ / lha'i bu me tog 'od zer can gyis smras pa/ rigs kyi bu dag 'di lta ste/ dper na nyi ma'i 'od zer gtang na/ mun pa bsal cing gzugs kyi rnam pa thams cad snang bar 'gyur ro/ / rigs kyi bu dag de bzhin du byang chub sems dpa' ye shes kyi snang ba'i 'od zer dang ldan pa gang gi tshe na/ chos kyi snang ba gtong ba de'i tshe/ ma rigs pa dang ldan pa'i mun pas bsgribs pa'i sems can rnams la snang ba chen po byed cing chos kyi rang bzhin yang ston te/ mun pas ni snang ba zil gyis non par mi 'gyur gyi/ snang bas ni lam rtogs par nus pas/ byang chub sems dpa' lam la gnas na/ sems can lam ngan par zhugs pa rnams la yang dag pa'i lam ston te/ byang chub sems dpa' lam la gnas na// thams cad mkhyen pa rtogs so// k+ta'i bu ma tog man+da ra'i dris smras pa rigs kyi bu dag 'di lta ste/ dper na me tog man+dA ra ba'i khor khor yug dpag tshad gcig tu dris khyab par byed de/ ni nga'ang rnam par rtog pa med do// rigs kyi bu dag de bzhin du byang chub sems dpa' gtong sa dang / tshul khrims dang / thos pa dang / ting nge 'dzin dang / shes rab la gnas pa'ang stong gsum gyi stong chen po'i 'jig rten gyi khams chos kyi dris khyab par byed de/ dri nges nyon mongs pa'i nang thams cad sel
- 276b
par byed do/ / de bas na byang chub sems dpa' chos kyi dri dang ldan na/ thams cad mkhyen pa rtogs so// lha'i bu chos la gnas pa rtag tu brtson pas smras pa/ kye grogs po dag byang chub sems dpa' brtson pas byang chub par 'gyur gyi/ mi brtson pas ni ma yin no// de bas na byang chub sems dpa' rtag par brtson zhing dge ba'i rtsa ba la chog mi shes par bya'o// des chos brgyad la brtson par bya'o// brgyad po gang zhe na/ 'di lta ste/ pha rol tu phyin pa drug gi sbyor ba la brtson par bya ba dang / tshangs pa'i gnas bzhi bsgrub pa la mngon par shes pa lnga shes shing rtogs par khong du chud pa'i ye shes dang / bsdu ba'i dngos po bzhis sems can yongs su smin par byed pa ste/ bzhi po gang zhe na/ sbyin pa dang / tshig 'jam po dang / don spyad pa dang / don mtshungs par bya ba dag dang / rnam par thar pa'i sgo gsum la bzod pa dang / gzhan sangs rgyas kyi chos la gzhog pa dang / bdag byang chub kyi sems mi gtong ba dang / thabs mkhas pas sngo bar byed pa dang / gus par byas shing dam pa'i chos yongs su 'dzin pa ste/ chos brgyad po de dag la brtson pa'i byang chub sems dpas thams cad mkhyen pa rtogs so// de nas 'jam dpal gzhon nur gyur pas/ skyes bu dam pa de dag dang / lha'i bu de dag la 'di skad ces smras so/ / kye grogs po dag byang chub sems dpa' gang ma 'brel ba dang / mi brtson pa des thams cad mkhyen pa rtogs so// de ci'i phyir zhe na/ ma 'brel ces bya ba ni/ khams gsum dang ngo // mi
- 277a
brtson nye bya ba ni rtag pa dang / rnam par rtog pa dang / yongs su rtog pa thams cad la'o// ma 'brel ces bya ba ni nang dang ngo // mi brtson zhes bya ba ni phyi la'o// ma 'brel ces bya ba ni nyan thos kyi dang ngo / / mi brtson pa zhes bya ba ni rang sangs rgyas kyi sa la'o// ma 'brel ces bya ni 'khor ba na spyod pa'i nyon mongs pa dang / nye ba'i nyon mongs pa rnams dang ngo // mi brtson zhes bya ba ni byis pa lta bu so so'i skye bo'i chos thams cad la'o/ / ma 'brel ces bya ba ni ming dang ngo // mi brtson zhes bya ba ni gzugs la'o// ma 'brel ces bya ba ni rgyu dang ngo // mi brtson zhes bya ba ni 'bras bu la'o// ma 'brel ces bya ba ni lta ba'i rnam pa dang ngo // mi brtson zhes bya ba ni lta ba dang bral ba la'o// ma 'brel ces bya ba ni chags pa dang ngo // mi brtson zhes bya ba ni khong khro ba la'o// ma 'brel ces bya ba ni ngar 'dzin pa dang ngo / / mi brtson zhes bya ba ni bdag gir 'dzin pa la'o// ma 'brel ces bya ba ni ser sna dang ngo // mi brtson zhes bya ba ni sbyin pa'i skems pa la'o// ma 'brel ces bya ba ni ngang tshul ngan pa dang ngo / / mi brtson zhes bya ba ni tshul khrims sems pa la'o// ma 'brel ces bya ba ni gnod sems dang ngo // mi brtson zhes bya ba ni bzod pa'i skems pa la'o// ma 'brel ces bya ba ni le lo dang ngo / / mi brtson zhes bya ba ni brtson 'grus snyems pa la'o// ma 'brel ces bya ba ni dran pa nyams pa dang ngo // mi brtson zhes bya ba ni bsam gtan snyems pa la'o//
- 277b
ma 'brel ces bya ba ni shes rab 'chal pa dang ngo // mi brtson zhes bya ba ni shes rab sems pa la'o// ma 'brel ces bya ba ni mi dge ba dang ngo // mi brtson zhes bya ba ni dge ba'i rtsa ba sgro 'dogs pa la'o// ma 'brel ces bya ba ni 'jig rten gyi chos dang ngo // mi brtson zhes bya ba ni 'jig rten las 'das pa'i chos mngon par bya bar chags pa la'o// ma 'brel ces bya ba ni 'dus byas dang ngo // mi brtson zhes bya ba ni 'dus ma byas pa'i chos la yongs su rtogs pa la'o/ / ma 'brel ces bya ba ni kha na ma tho ba dang bcas pa dang ngo // mi brtson zhes bya ba ni kha na ma tho ba med pa'i chos sgro 'dogs pa la'o// ma 'brel ces bya ba ni zag pa dang bcas pa dang ngo / / mi brtson zhes bya ba ni zag pa med pa zad pa'i chos su snyems pa la'o// kye grogs po dag de lta bas na/ byang chub sems dpa' sems dpa' chen po gang 'brel ba / dang ma 'brel bar lta ba dang bral bas thams cad mkhyen pa rtogs mod kyi/ yang kye grogs po dag thams cad mkhyen pa ni mi rtogs so// de ci'i phyir zhe na/ byed pas thams cad mkhyen pa rtogs par mi 'gyur ro// de ci'i phyir zhe na/ byed pa dang bral ba ni thams cad mkhyen pa yin te/ thams cad mkhyen pa la rtogs par byed pa su'ang med do// thams cad mkhyen pa ni gzugs kyis kyang mi rtogs/ tshor bas ma yin 'du shes kyis ma yin/ 'du byed kyis ma yin/ rnam par shes pas mi rtogs so// thams cad mkhyen pa ni chos kyis kyang mi rtogs/ chos ma yin pas kyang mi rtogs so// thams cad mkhyen pa ni sbyin pas kyang mi
- 278a
rtogs so/ / de ci'i phyir zhe na/ sbyin pa nyid thams cad mkhyen pa'o// thams cad mkhyen pa ni tshul khrims dang / bzod pa dang / brtson 'grus dang / bsam gtan dang / shes rab kyis kyang mi rtogs so/ / de ci'i phyir zhe na/ shes rab nyid thams cad mkhyen pa'o// yang kye grogs po dag thams cad mkhyen pa ni 'das pa ma yin/ ma 'ongs pa ma yin/ da ltar ma yin no// de ci'i phyir zhe na/ kye grogs po dag thams cad mkhyen pa ni dus gsum las 'das pa'i phyir ro// yang kye grogs po dag thams cad mkhyen pa ni mig gi rnam par shes pas rnam par shes par bya ba ma yin no// kye grogs po dag thams cad mkhyen pa ni rna ba dang / sna dang / lce dang / lus dang / yid kyi rnam par shes pas rnam par shes par bya ba ma yin no// de ci'i phyir zhe na/ kye grogs po dag thams cad mkhyen pa ni yul thams cad las 'das pa'o/ / kye grogs po dag thams cad mkhyen pa rtogs par 'dod pas/ thams cad mkhyen pa ji lta bar gnas pa de bzhin du gnas par bya'o// smras pa/ thams cad mkhyen pa ji ltar gnas pa lags/ smras pa/ gang chos thams cad la mi gnas pa de ni thams cad mkhyen pa'o// chos thams cad la mnyam pa nyid de ni thams cad mkhyen pa ste/ so so'i skye bo'i sa mnyam pa nyid dang / sangs rgyas kyi chos su mnyam zhing / de ltar chos thams cad mnyam pa de ni thams cad mkhyen pa'o// byang chub sems dpa' 'byung ba chen po bzhi las byung ba'i lus de nyid ma gtogs
- 278b
par/ gzhan du thams cad mkhyen pa btsal bar mi bya'o// de ci'i phyir zhe na/ lus de ni dngos po med pa'o// lus zhes bya ba de ni dge ba dang mi dge ba'i chos la lhun gyis grub pa'o// lus zhes bya ba de ni/ bdag ma yin pa dang bdag med ba'o// lus zhes bya ba de ni ma byung ba/ yang dag par ma byung ba ste/ de gdags pa med do// gang de la gdags pa de'ang ma byung ba'o// gang de mthong ba de'ang ma byung ba'o// gang ma byung ba de ni yang dag par ma byung ba'o// gang yang dag par ma byung ba de ni/ mi shes pa dang mi rtogs pa'o// gang mi shes pa dang mi rtogs pa de ni thams cad mkhyen pa'o// bstan pa 'di bstan pa'i tshe/ lha'i bu nyis stong gis mi skye ba'i chos la bzod pa thob par gyur to// lha'i bu khri nyis stong ni bla na meng ba yang dag par rdzogs pa'i byang chub tu sems skyes so// de nas byang chub sems dpa' sems dpa' chen po spobs pa'i phung pos/ 'jam dpal gzhon nur gyur pa la 'di skad ces smras so// 'jam dpal tshur spyon/ de bzhin gshegs pa'i spyan sngar dong la/ byang chub sems dpa' ji lta bur bya ba de bzhin gshegs pa la mngon sum du zhu'o// de nas 'jam dpal gzhon nur gyur pas/ sa'i phyogs de nyid du bcom ldan 'das shAkya thub pa'i kha dog dang / dbyibs dang / chu zheng dang 'dra ba'i de bzhin gshegs pa zhig mngon par sprul to// de nas 'jam dpal gzhon nur gyur pas/ byang chub sems dpa' sems dpa' chen po spongs pa'i phung po la 'di
- 279a
skad ces smras so/ / rigs kyi bu byang chu sems dpa' ji lta bur bya ba de bzhin gshegs pa mngon du bzhugs pa 'di la zhus shig/ de nas sprul pa'i de bzhin gshegs pa de la/ byang chub sems dpa' sems dpa' chen po spobs pa'i phung pos/ bcom ldan 'das byang chub sems dpa' ji lta bur bgyi zhes de skad ces gsol pa dang / des bka' stsal pa ngaci 'dra ba ltar byang chub sems dpas kyang de bzhin du bya'o/ / bcom ldan 'das ci 'dra/ bcom ldan 'das nges bka' stsal pa/ sbyin pa ma spyad/ tshul khrims ma spyad/ bzod pa ma spyad brtson 'grus ma spyad/ bsam gtan ma spyad/ shes rab ma spyad/ 'dod pa'i khams su ma spyad/ gzugs kyi khams su ma spyad/ gzugs med pa'i khams su ma spyad/ lus kyis ma spyad/ ngag gis ma spyad/ yid kyis ma spyad pa ste/ thams cad du ma spyad cing ma zhugs pa'o// rigs kyi bu de ji snyam du sems/ ci sprul pas spyad dam/ gsol pa/ bcom ldan 'das sprul pas ma spyad do// bka' stsal pa/ rigs kyi bu byang chub sems dpas de ltar bya'o// de nas byang chub sems dpa' sems dpa' chen po spobs pa'i phung pos/ 'jam dpal gzhon nur gyur pa la 'di skad ces smras so// 'jam dpal de bzhin gshegs pa 'di sprul pa ma yin grang / nges spras pa/ rigs kyi bu chos thams cad ni sprul pa'i rang bzhin du nges te/ sgyu ma'i mtshan nyid las mi ldog go// smras pa/ 'jam dpal
- 279b
de bzhin no/ / chos thams cad ni sprul pa'i rang bzhin can te/ sgyu ma'i mtshan nyid las mi ldog go// smras pa/ chos thams cad ni sprul pa'i rang bzhin can yin nam/ khyod ci'i phyir de bzhin gshegs pa 'di sprul pa ma yin grangasnyam du byed par gyur/ smras pa/ sus sprul/ smras pa/ bdag gi las kyi rnam par smin pa yongs su dag pas sprul gyi/ 'di la rang bzhin gyis bdag gam/ sems can nam/ srog gam/ gang zag dag sangs rgyas su gnas pa'am/ so so'i skye bor gnas pa ni ma yin no// de nas de bzhin gshegs pa'i sku de la/ byang chub sems dpa' sems dpa' chen po spobs pa'i phung pos 'di skad ces gsol to/ / bcom ldan 'das kyis gang la bslabs na/ byang chub thob par gyur/ bka' stsal pa/ rigs kyi bu mi slob pa ni byang chub sems dpa'i slob ba'o/ / mi sdom pa ni byang chub sems dpa'i sdom pa'o// mi 'jigs pa ni byang chub sems dpa'i slob pa'o// mi rtogs pa ni byang chub sems dpa'i slob pa'o// mi dpyod pa ni byang chub sems dpa'i slob pa'o// rigs kyi bu gnas med pa dang / mi skems pa dang / ma spros pa dang / mi len pa dang / mi gtong ba dang / mi rgyu ba dang / yi ge med pa dang / mi skye ba dang / mi 'gag pa dang / ma 'ongs pa dang / ma song pa dang / mi gnas pa dang / mtshan ma med pa dang / dngos po med pa dang / mi dmigs pa dang / 'du shes thams cad dang bral ba ni/ byang chub sems dpa' sems dpa' chen po rnams kyi
- 280a
slob pa ste/ gang de ltar slob pa de yang dag par slob pa'o// gang de ltar slob pa de dag ni gang la'ang zhe sdang ba med do// gang de ltar slob pa de dag ni gang du'ang chags pa med do// gang de ltar slob pa de dag ni gang du'ang zhen pa med do// gang las kyang grol ba med do// gang de ltar slob pa de dag ni gang bu rang 'dod chags pa meng ngo // gang nas kyang 'dod chags pa dang bral ba med do// zhe sdang med do// gti mug med do// gang de ltar slob pa de dag ni slob 'dod pa zhes bya'o// gang slob 'dod pa de dag ni/ 'gro ba gang du'ang mi 'gro'o// mi 'ong ngo // de bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ da ji lta ba bzhin du 'khor ba'ang med/ mya ngan las 'das pa'ang med/ gtong ba'ang med/ len pa'ang med/ tshul khrims kyang med/ ngang tshul ngan pa'ang med/ bzod pa'ang med/ gnod sems kyang med/ brtson 'grus kyang med/ le lo'ang med/ bsam gtan yang med/ g.yeng ba'ang med// shes rab kyang med/ shes rab 'chal pa'ang med/ slob pa'ang med/ mi slob pa'ang med/ spyod pa'ang med/ mi spyod pa'ang med cing / nga ji lta ba bzhin du thob pa'ang med/ ma thob pa'ang med/ mngon par bya ba'ang med/ byang chub kyang med/ sangs rgyas kyi chos rnams kyang med/ bdag tu 'du shes pa'ang med/ sems can du 'du shes pa'ang med/ srog tu 'du shes pa'ang med/ gang
- 280b
zag tu 'du shes pa'ang med/ chos su 'du shes pa'ang med/ 'du shes pa nyid kyang med/ 'du shes pa'ang ma yin par nga'i rjes su bsgrub par bya'o// de ci'i phyir zhe na/ rigs kyi bu chos thams cad ni sgyu ma'i mtshan nyid kyi rang bzhin pa dang tha dad par gyur pa med pas mi 'gyur ba'o/ / rigs kyi bu chos thams cad ni/ so so tha dad pa med pas gnyis su med pa'o// rigs kyi bu chos thams cad ni mig gi lam las 'das pas bltar mi snang ba'o/ / rigs kyi bu chos thams cad ni khyad par med pa'i phyir mnyam pa'o// rigs kyi bu chos thams cad ni g.yo ba med cing byed pa med pa'i phyir glen pa ste/ de dag la gdags pa med do// gdags pa med pa'i chos rnams ni shin tu ma skyes pa'o// gang de ltar mos pa de dag ni grol bas mi sems/ spyod pas mi skems byang chub kyi mi snyems so/ / rigs kyi bu de bas na byang chub sems dpa' sems dpa' chen po de ni 'di 'dra ba'i bslob pa dang spyod pa bshad pa'i tshe/ mi 'jigs/ mi sdang / skrag par mi 'gyur te/ de ni byang chub sems dpa' zhes bya'o// rigs kyi bu 'di lta ste/ dper na nam mkha'i dbyings ni mes mi 'jigs/ rlung gis mi 'jigs/ char pas mi 'jigs/ tha na pas mi 'jigs/ rdul gyis mi 'jigs/ du ba sa mi 'jigs/ sprin gyi phung pos mi 'jigs/ glog gis mi 'jigs so// de ci'i phyir zhe na/ nam mkha'i dbyings ni gzung du med pa'i phyir ro//
- 281a
rigs kyi bu de bzhin du byang chub sems dpas kyang chos thams cad kyis kyang mi 'jigs par bya'o// bde ba dang sdug bsngal thams cad la mi bsam par bya ste/ byang chub sems dpa' sems nam mkha' dang mtshungs pas bdud kyi sde las rgyal bar nus so/ / bla na med pa yang dag par rdzogs pa'i byang chub mngon par rdzogs par 'tshang rgya bar nus so// sems can rnams kyi don byed nus so/ / de nas de bzhin gshegs pa sprul pa de de skad gsungs nas/ de nyid du mi snang bar gyur to// de nas byang chub sems dpa' spobs pa'i phung pos/ 'jam dpal gzhon nur gyur pa la 'di skad ces smras so/ / 'jam dpal de bzhin gshegs pa gar gshegs/ smras pa/ gang nas gshegs par ro// smras pa/ 'o na de gang nas gshegs/ smras pa/ gang du gshegs pa nas so/ / smras pa/ 'jam dpal sprul pa ni song ba'ang med/ 'ong ba'ang med do// rigs kyi bu ji ltar sprul pa song ba'ang med/ 'ong ba'ang med pa de bzhin du/ chos thams cad kyang de'i 'gros can nyid do/ / sems can thams cad kyang de'i 'gros nyid do// smras pa/ 'jam dpal chos thams cad ji lta bu'i 'gros can lags/ smras pa/ rang bzhin gnas pa'i 'gros can no// smras pa/ yang sems can thams cad ji lta bu'i 'gros can lags/ smras pa/ las kyi rnam par smin pa ji lta bu'i 'gros can pa de bzhin no// smras pa/ 'jam dpal 'o na chos thams cad las kyi rnam
- 281b
par smin pa ma mchis pa ma lags sam/ smras pa/ rigs kyi bu chos nyid la ni las kyi rnam par smin pa med do// de ci'i phyir zhe na/ chos thams cad ni chos nyid kyi rjes su 'jug pa'i phyir ro// smras pa/ 'o na ji ltar na las kyi rnam par smin pa ji lta bu'i 'gros can pa de bzhin pa lags/ smras pa/ las de ji lta ba rnam par smin pa'ang de bzhin/ de'i 'gro ba'ang de bzhin no// smras pa/ 'jam dpal las ji lta bu lags/ rnam par smin pa ji lta bu lags/ 'gro ba ji lta bu lags/ smras pa/ de bzhin nyid ji lta ba las kyang de bzhin/ rnam par smin pa'ang de bzhin/ 'gro ba'ang de bzhin no// smras pa/ 'jam dpal de bzhin nyid la ni las kyang ma mchis/ rnam par smin pa'ang ma mchis/ 'gro ba ma mchis so// smras pa/ rigs kyi bu ji ltar de bzhin nyid la las kyang med/ rnam par smin pa'ang med/ 'gro ba'ang med pa ltar las kyi rnam par smin pa'i 'gro ba'ang de bzhin du shes par bya'o// las kyi rnam par smin pa'i 'gro ba ni 'ong ba med pa can/ 'gro ba med ba can yin te/ de ni de bzhin nyid kyi 'gros las 'da' bar mi 'gyur ro// bstan pa 'di bstan pa'i tshe/ sangs rgyas kyi mthus tshe dang ldan pa shA ri'i bu dang / tshe dang ldan pa dga' bo dang / nyan thos chen po gzhan dag kyang bcom ldan 'das shAkya thub pa'i spyan snga na bstan pa 'di la nyan to/ / // bam po gnyis pa/ de nas bcom ldan 'das la/
- 282a
tshe dang ldan pa shA ri'i bus 'di skad ces gsol to// bcom ldan 'das chos nyid ni gcig pa kho na lags na/ skyes bu dam pa skyes bu chen po de dag brjod pa sna tshogs kyis ston kyang chos nyid dang yang mi 'gal bar bgyid pa ngo mtshar ro/ / bcom ldan 'das su zhig bla na med pa yang dag par rdzogs pa'i byang chub tu sems mi skyod par 'gyur/ bcom ldan 'das kyis bka' stsal pa shA ri'i bu byang chub sems dpa' dag ni de ltar ma chags pa'i slob pa la slob cing / mi chags bzhin du ston te/ shA ri'i bu sa bon ji lta ba bzhin du 'bras bu'ang de bzhin no// shA ri'i bu de dang 'dra bar byang chub sems dpa' rnams kyi bslab pa ji lta ba de bzhin du de dag gi ye shes so/ / de bzhin du de dag gi ston pa'o// shA ri'i bu khyod kyis bslab pa ji lta bu la slob pa khyod kyi ye shes kyang de bzhin no/ / spobs pa'ang de 'dra bar khyod kyis thob bo// byang chub sems dpa' 'od dkod pas gsol pa/ bcom ldan 'das nyan thos kyi bslab pa ji la bu lags/ byang chub sems dpa'i bslab pa ji lta bu lags/ bcom ldan 'das kyis bka' stsal pa/ rigs kyi bu nyan thos kyi bslab pa ni tshad yod pa/ byang chub sems dpa'i bsgrub pa ni tshad med pa ste/ rigs kyi bu ji ltar nyan thos kyi bslab pa tshad yod la/ chags pa dang bcas pa de bzhin du de'i ye shes kyang tshad yod la chags pa dang bcas pa'o// rigs kyi bu ji ltar
- 282b
byang chub sems dpa'i bslab pa tshad med la/ chags pa med pa de bzhin du// de'i ye shes kyang tshad med la chags pa med pa'o// de nas bcom ldan 'das la/ byang chub sems dpa' sems dpa' chen po 'od bkod pas 'di skad ces gsol to/ / bcom ldan 'das 'khor 'di nas su'ang chos nyan pa mi spong bar dgyi na/ skyes bu dam pa de dag 'dir mchis par mtshan ma nig mdzad du gsol/ / de ci'i phyir zhe na/ 'jam dpal gzhon nur gyur pa ni zab mo la mos pas/ de'i chos bshad pa'ang zab mo lags so// de nas bcom ldan 'das kyis 'jam dpal gzhon nur gyur pa 'ong bar bya ba'i phyir mtshan ma mdzad do/ / de nas 'jam dpal gzhon nur gyur pa skyes bu dam pa nyi shu rtsa lnga po de dag dang 'grogs/ lha'i 'khor de dang 'grogs te/ bcom ldan 'das ga la ba der dong nas phyin pa/ dang / bcom ldan 'das kyi zhabs la mgo bos phyag 'tshal nas/ phyogs gcig tu 'khod do// de nas byang chub sems dpa' sems dpa' chen po 'od bkod pas/ 'jam dpal gzhon nur gyur pa la 'di skad ces smras so/ / 'jam dpal khyod ci'i phyir de bzhin gshegs pa'i 'khor nas byung la/ phyogs gcig tu song ste chos ston/ smras pa/ rigs kyi bu sangs rgyas bcom ldan 'das ngag ni mnyes par dka' ste/ gtam thams cad kyis mnyes par mi nus so// smras pa/ 'jam dpal gtam ji lta bus de bzhin gshegs pa mnyes par 'gyur/ smras pa/ b.rol
- 283a
ldan 'das nyid mkhyen te/ thugs su chud mod kyi/ bdag ji ltar spobs pa de bzhin du ston no// rigs kyi bu gtam gang chos kyi dbyings dang yang mi 'gal/ de bzhin nyid dang yang mi 'gal/ yang dag pa'i mtha' dang yang mi 'gal ba de 'dra ba'i gtam gyis de bzhin gshegs pa mnyes par 'gyur ro// gtam gang 'thab pa med pa/ rtsod pa med pa/ rtsom pa med pa/ klan ka med pa/ sgro 'dogs pa med pa/ de 'dra ba'i gtam gyis de bzhin gshegs pa mnyes par 'gyur ro// gtam gang bdag la sgro mi 'dogs/ gzhan la sgro mi 'dogs/ chos la sgro mi 'dogs/ chos ma yin pa la sgo mi 'dogs/ 'khor ba la sgro mi 'dogs/ mya ngan las 'da' ba la sgro mi 'dogs pa de 'dra ba'i gtam gyis de bzhin gshegs pa mnyes par 'gyur ro// de nas bcom ldan 'das kyis 'jam dpal gzhon nur gyur pa la legs so zhes bya ba byin nas/ legs so legs so// 'jam dpal khyod kyis tshig 'di legs par bshad pa yin te/ de 'dra ba'i gtan gyis de bzhin gshegs pa mnyes par 'gyur mod kyi/ 'jam dpal gtam gang spros pa thams cad las 'das pa/ ha cang yang mi zhib pa/ ha cang yang mi rtsing bA/ mtshan ma med pa'i gtam de brjod na/ ting nge 'dzin kyang mi gtong / rtag tu shin tu sems mnyam par yang gzhog cing ston par byed la/ chos gang yang 'phel ba'am/ 'bri bar yang mi mthong ba de 'dra ba'i gtam gyis de bzhin gshegs
- 283b
pa mnyes par 'gyur ro/ / bstan pa 'di bstan pa'i tshe/ byang chub sems dpa' brgyad stong mi skye ba'i chos la bzod pa thob par gyur to// 'khor de nas lha'i bu sngon spyod pa dang ldan pa byang chub kyi sems rab tu stor ba nyis brgya 'di snyam du gyur te/ sangs rgyas kyi chos kyang de ltar tshad med pa/ byang chub sems dpa'i bslab pa'ang de ltar shin tu bslab dka' ba/ bla na med pa yang dag par rdzogs pa'i byang chub kyang de tsam du bsgrub dka' ba yin na/ bdag cag gis slob pa 'di bslab mi nus kyis/ gang bdag cag ni nyan thos kyi theg pa'am/ rang sangs rgyas kyi theg pas yongs su mya ngan las 'da' bar bya'o// snyam mo// de nas bcom ldan 'das kyis lha'i bu de dag gi sems kyi yongs su rtog pa thugs kyis mkhyen nas/ kye ma'o lha'i bu 'di dag ni bla na med pa yang dag par rdzogs pa'i byang chub tu 'tshang rgya ba'i skal ba yod do zhes/ lha'i bu de dag gi gdul ba'i dbang gi phyir 'khor gyi phyi rol tu khyim bdag cig mngon par sprul nas/ khyim bdag des lhung bzed kha zas ro brgyas gang ba zhig lag pa g.yas pa na thogs par gyur to/ / de nas khyim bdag de bcom ldan 'das ga la ba der song nas/ bcom ldan 'das kyi zhabs la mgo bos phyag 'tshal te/ lhung bzed kha zas kyis bkang ba de bcom ldan 'das la phul nas bcom ldan 'das bdag la thugs brtse ba'i slad du zhal zas 'di bzhes par gsol zhes de skad smras pa dang / bcom ldan 'das kyis lhung bzed zas kyis bkang ba de bzhes so// de nas 'jam dpal gzhon
- 284a
nur gyur pa stan las langs te/ bla gos phrag pa gcig la gzar nas thal mo sbyar te/ bcom ldan 'das la 'di skad ces gsol to// bcom ldan 'das zhal zas 'di las bdag lam sbal bar gsol na ni/ bcom ldan 'das bya ba gzo bar mi mdzad par 'gyur ro// de nas tshe dang ldan pa shA ri'i bu 'di snyam du gyur te/ kye ma'o 'jam dpal gzhon nur gyur pas/ sngon bcom ldan 'das la ji lta ba zhig tu phan btags na/ de'i phyir de byas pa gzo ba med pas rgol snyam mo// de nas bcom ldan 'das kyis tshe dang ldan pa shA ri'i bu'i sems kyi rtog pa mkhyen nas/ tshe dang ldan pa shA ri'i bu la 'di skad ces bka' stsal to/ / shA ri'i bu de bzhin gshegs pas dus mkhyen te/ khyod la bka' stsol gyis sdod cig/ de nas bcom ldan 'das kyis lhung bzed des chen po'i nang du btang ba dang / btang ma thag tu 'og gi phyogs kyi sangs rgyas kyi zhing gang dang gang dag na/ sangs rgyas bcom ldan 'das rnams bzhugs pa 'tsho ba gzhes pa'i yang dag par rdzogs pa'i sangs rgyas de dag gi spyan sngar lhung bzed de song ngo / / de nas lhung bzed de 'og gi phyogs kyi cha sangs rgyas kyi zhing gang+gA'i klung gi bye ma snyed 'das nas/ 'jig rten gyi khams snang ba dang ldan pa zhes bya ba na d e bzhin gshegs pa dgra bcom pa yang dag par rdzogs pa'i sangs rgyas 'od zer gyi rgyal po zhes bya ba bzhugs pa'i sangs rgyas kyi zhing de na lhung bzed de ma bzung bar bar snang la 'dug par
- 284b
gyur to/ / sangs rgyas bcom ldan 'das de dag la'ang bdag bdag gi bsnyen bkur byed pa dag gis/ bcom ldan 'das lhung bzed 'di ga las mchis zhes zhus nas/ sangs rgyas bcom ldan 'das de dag gis kyang steng gi phyogs kyi cha 'jig rten gyi khams mi mjed ces bya ba nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i drung nas 'ongs te/ byang chub sems dpa' gzhan dag gdul ba'i phyir btang ba yin no zhes bstan to// de nas bcom ldan 'das kyis/ tshe dang ldan pa shA ri'i bu la bka' stsal pa/ shA ri'i bu lhung bzed de phyung zhig/ gang na 'dug/ ga la na 'dug pa de'ang tshol cig/ de nas tshe dang ldan pa shA ri'i bus ting nge 'dzin stong phrag bcu la zhugs nas/ bdag gi shes rab kyi stobs dang / sangs rgyas kyi mthus sangs rgyas kyi zhing stong phrag bcur song yang / lhung bzed de'i gnas sam/ gzhi'ang ma mthong nas/ de slar bcom ldan 'das kyi spyan sngar 'dug go/ 'dug nas bcom ldan 'das la 'di skad ces gsol / bcom ldan 'das bdag gis lhung bzed de'i gnas sam/ gzhi'ang ma mthong ngo // de nas bcom ldan 'das kyis/ tshe dang ldan pa mo'u 'gal gyi bu chen po la 'di skad ces bka' stsal to// mo'u 'gal gyi bu khyod kyis lhung bzed de tshol cig/ de nas tshe dang ldan pa mo'u 'gal gyi bu chen pos ting nge 'dzin stong phrag bcu la zhugs nas/ sangs rgyas kyi mthu dang / bdag gi rdzu 'phrul gyi stobs kyis 'og gi phyogs kyi cha sangs rgyas
- 285a
kyi zhing stong zag bcur song yang / lhung bzed de'i gnas sam/ gzhi'angam mthong nas/ de slar yang bcom ldan 'das kyi spyan sngar 'jug go/ 'dug nas bcom ldan 'das la 'ja skad ces gsol to/ / bcom ldan 'das bdag gis lhung bzed de'i gnas sam/ gzhi'ang ma mthong ngo // de nas bcom ldan 'das kyis/ tshe dang ldan pa rab 'byor la bka' stsal pa/ rab 'byor / khyod kyis lhung bzed de tshol cig/ de nas tshe dang ldan pa rab 'byor gyis ting nge 'dzin stong phrag bcu gnyis la zhugs nas/ sangs rgyas kyi mthu dang / bdag gi rdzu 'phrul gyi stobs kyis 'og gi phyogs kyi cha sangs rgyas kyi zhing stong phrag bcu gnyis su song yang / lhung bzed de ma mthong nas/ de slar bcom ldan 'das kyi spyan sngar 'dug go/ 'dug nas bcom ldan 'das la 'di skad ces gsol to// bcom ldan 'das bdag gis lhung bzed de'i gnas sam/ gzhi'ang ma mthong ngo // de bzhin du nyan thos chen po lnga brgya tsam bdag bdag gi rdzu 'phrul gyi stobs dang / lha'i mig gis lhung bzed de brtsal kyang ma rnyed do/ / de nas tshe dang ldan pa rab 'byor gyis/ byang chub sems dpa' byams pa la 'di skad ces smras so// byams pa khyod ni bcom ldan 'das kyis bla na med pa yang dag par rdzogs pa'i byang chub tu skye ba gcig gis thogs par lung bstan na/ lhung bzed de gang na 'jug/ ga la 'dug tshol cig ces de skad smras pa dang / byang chub sems dpa' sems dpa' chen po byams pas/ tshe dang ldan pa
- 285b
rab 'byor la 'di skad ces smras so/ / btsun pa rab 'byor bdag ni de bzhin gshegs pas bla na med pa yang dag par rdzogs pa'i byang chub tu skye ba gcig gis thogs par lung bstan mod kyi/ bdag ni// ting nge 'dzin de dag gi mi yang ma 'tshal te/ 'jam dpal gzhon nur gyur pa ni ting nge 'dzin de dag la mnyam par yang gzhog/ ldang bar yang bgyid do// yang btsun pa rab 'byor bdag gis byang chub thob pa na/ 'jam dpal gzhon nur gyur pa de 'dra ba'i byang chub sems dpa' sems dpa' chen po de dag de bzhin gshegs pa ji ltar gom pa 'dor/ ji ltar 'jog par mdzad ces gom pa gcig 'dor zhing 'jog pa yang mi shes pa'i dus dang tshe'ang mchis par 'gyur ro/ / de bas na btsun pa rab 'byor 'jam dpal nyid la gsol cig dang / des ni lhung bzed de tshol ba dang 'byin par nus so// de nas bcom ldan 'das la/ gnas brtan rab 'byor gyis 'di skad ces gsol to// bcom ldan 'das 'jam dpal gzhon nur gyur pa ci nas kyang lhung bzed de phyung ste/ bcom ldan 'das kyi spyan sngar 'bul bar bsgor gsol/ de nas bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal lhung bzed de phyung zhig/ lhung bzed de gang na 'dug pa dang ga la 'dug pa'ang shes par gyis shig/ de nas 'jam dpal gzhon nur gyur pa 'di snyam du gyur te/ gang bdag ni stan las kyang mi ldang zhing / 'khor 'di nas mi snang bar yang ma gyur par
- 286a
lhung bzed de dbyung ngo snyam mo/ / de nas 'jam dpal gzhon nur gyur pa kun gyi rjes su song ba zhes bya ba'i ting nge 'dzin la mnyam par gzhog ste/ 'og gis chen po la lag pa g.yas pa brkyang ngo / / de nas 'jam dpal gzhon nur gyur pa'i lag pa des/ sangs rgyas kyi zhing gang dang gang dag na sangs rgyas bcom ldan 'das mngon du gyur pa de dang de dag tu lag pa de bcom ldan 'das de dag la phyag 'tshal zhing song nas/ lag pa de las bcom ldan 'das la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa spung ba ma mchis sam 'o ma brgyal tam/ bzhengs pa yang ngam/ so bzhin nam/ mthu mnga' 'am/ bde ba la reg par gnas sam zhes gsung ngo zer ba'i sgra byung ngo // de nas lag pa'i ba spu'i khung bu thams cad nas 'od zer bye ba brgya stong byung ste/ 'od zer thams cad khas me tog pad+ma brgya stong byung zhing / pad+ma de dag thams cad kyi snying po dag la de bzhin gshegs pa'i sku dag bzhugs par snang ngo // de bzhin gshes pa'i sku de dag thams cad kyang bcom ldan 'das de bzhin gshegs pa shAkya thub pa'i bsngags pa brjod do/ / lag pa de sangs rgyas kyi zhing gang dang gang du 'gro ba'i sangs rgyas kyi zhing de dag thams cad kyang rnam pa drug tu rab tu g.yos so/ / sangs rgyas kyi zhing de dag thams cad snang ba chen pos kyang khyab par gyur to// sangs rgyas kyi zhing de dag thams cad su 'dug dang / rgyal mtshan
- 286b
dang / ba dan gyis kyang brgyan par gyur to// de nas 'jam dpal gzhon nur gyur pa'i lag pa g.yas pa sangs rgyas kyi zhing gang+gA'i klung gi bye ma snyed bdun cu rtsa gnyis thams cad las 'das nas sangs rgyas bcom ldan 'das de dag thams cad kyi zhabs la phyag 'tshal zhing / spung ba chung ngam pa'i sgra 'byin bzhin du/ bcom ldan 'das de bzhin gshegs pa 'od zer gyi rgyal po de'i sangs rgyas kyi zhing snang ba dang ldan pa'i 'jig rten gyi khams su phyin par gyur nas/ bcom ldan 'das de bzhin gshegs pa 'od zer gyi rgyal po de'i zhabs la phyag 'tshal nas/ bcom ldan 'das la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa snang ba ma mchis sam/ 'o ma brgyal tam/ bzhengs pa yang ngam/ so bzhin nam/ mthu mnga' 'am/ bde ba la reg par gnas sam zhes gsung ngo zhes sgra phyung ngo // lag bde las kyang 'od zer brgya stong byung ngo // me tog pad+ma brgya stong yang byung bar gyur te/ 'od zer de dag de bzhin gshegs pa'i 'od zer de dag dang yang ma 'dres par gyur to/ / de nas de bzhin gshegs pa 'od zer gyi rgyal po de dag la bsnyen bkur byed pa byang chub sems dpa' sems dpa' chen bopo 'od kyi dpal zhes bya ba des/ de bzhin gshegs pa de la 'di skad ces gsol to// bcom ldan 'das lag pa de las 'od zer bye ba brgya stong 'di dag kyang byung zhing / me tog
- 287a
pad+ma brgya stong yang byung bar gyur la/ pad+ma thams cad la de bzhin gshegs pa'i sku dag bzhugs shing bcom ldan 'das shAkya thub pa'i bsngags pa brjod par gyur pa'i lag pa 'di ltar blta na sdug pa/ 'di ltar dga' bar bgyid pa de su'i lags/ de skad ces gsol pa dang / bcom ldan 'das kyis/ byang chub sems dpa' 'od kyi dpal la 'di skad ces bka' stsal to// 'od kyi dpal steng gi phyogs kyi cha sangs rgyas kyi zhing 'di nas sangs rgyas kyi zhing gang+gA'i klung gi bye ma snyed bdun cu rtsa gnyis 'das pa na/ 'jig rten gyi khams mi mjed ces bya ba de na/ de bzhin gshe pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs so/ / 'tsho'o// gzhes so// de nas byang chub sems dpa' sems dpa' chen po 'jam dpal gzhon nur gyur pa zhes bya ba bsam gyis mi khyab pa'i go cha bgos pa mngon par shes pa dang / stobs dang / pha rol tu phyin pa thams cad thob pa zhig yod de/ 'jam dpal gzhon nur gyur pa des lhung bzed 'di blang ba'i phyir/ stan las ma langs bzhin du lag pa 'di btang ngo // de nas de bzhin gshegs pa 'od zer gyi rgyal po'i sangs rgyas kyi zhing de na/ byang chub sems dpa' de dag yongs su sgom par gyur nas/ bcom ldan 'das bdag cag ni 'jig rten gyi khams mi mjed de dang / de bzhin gshegs pa shAkya thub pa de dang / 'jam dpal gzhon nur gyur pa de blta bar 'tshal lo zhes de skad ces smras so//
- 287b
nas de bzhin gshegs pa 'od zer gyi rgyal pos smin mtshams kyi mdzod spu nas 'od phyung nas/ 'od des sangs rgyas kyi zhing gang+gA'i klung gi bye ma snyed bdun cu rtsa gnyis po de dag thams cad brtol te thams cad yod pa'i 'jig rten gyi khams snang ba chen pos khyab par gyur to/ / sems can gang dag gi lus la 'od des phog par gyur pa de dag thams cad ni 'khor los sgyur ba'i bde ba dang ldan par gyur / / rnal 'byor spyod pa gang dag gi lus la 'od des phog par gyur pa de dag thams cad ni 'bras bu thob par gyur to// slob pa gang dag gi lus la 'od des phog par gyur pa de dag thams cad ni rnam par thar pa brgyad la bsam gtan byed pa'i dgra bcom par gyur to/ / byang chub sems dpa' gang dag gi lus la 'od des phog par gyur pa de dag thams cad ni ting nge 'dzin nyi ma lta bu'i sgron ma zhes bya ba thob par gyur to// 'di lta ste/ de bzhin gshegs pa 'od zer gyi rgyal po de'i sangs rgyas kyi zhing de nas byang chub sems dpa' de dag gis 'jig rten gyi khams mi mjed pa 'di dang / bcom ldan 'das shAkya thub pa dang 'jam dpal gzhon nur gyur pa dang / nyan thos kyi dge 'dun thams cad mthong bar gyur to// de nas byang chub sems dpa' sems dpa' chen po 'od kyi dpal gyis/ 'jig rten gyi khams mi mjed pa 'di mthong nas/ ngu zhing mchi ma phyung ste/ 'di skad kyi tshig smras so// bcom ldan 'das 'di lta ste/ dper na rin thang ma mchis pa'i nor bu rin po che bai DUr+ya 'dam gyi nang du
- 288a
stsal bar gyur pa de bzhin du/ bcom ldan 'das byang chub sems dpa' sems dpa' chen po 'jig rten gyi khams mi mjed par skyes pa de dag la blta bar bgyi'o// de bzhin gshegs pa 'od zer gyi rgyal pos bka' stsal pa/ rigs kyi bu khyod de skad ma zer cig/ de ci'i phyir zhe na/ gang 'jig rten gyi khams 'dir bskal pa bcur bsam gtan la gnas shing spyod pa bas gang 'jig rten gyi khams mi mjed par snga dro gcig sems can thams cad la byams pa'i sems skyed na/ de bas 'di bsod nams shin tu mang du 'phel lo// de ci'i phyir zhe na/ rigs kyi bu byang chub sems dpa' sems dpa' chen po gang mi mjed kyi 'jig rten gyi khams na/ dam pa'i chos bsrung ba de dag ni las kyi sgrib pa dang / nyon mongs pa thams cad byang bar 'gyur ro/ / de nas 'jig rten gyi khams mi mjed pa 'di na byang chub sems dpa' gang dag 'od des reg par gyur pa de dag gis/ bcom ldan 'das la 'di skad ces gsol to// bcom ldan 'das 'di ltar dga' zhing rab tu mgu bar bgyid pa/ nyon mongs pa thams cad rab tu spong bar bgyid pa'i 'od zer 'di su'i lags/ de skad ces gsol pa dang / bcom ldan 'das kyi/ byang chub sems dpa' de dag la 'di skad ces bka' stsal to// rigs kyi bu 'og gi phyogs kyi cha 'di na sangs rgyas kyi zhing gang+gA'i klung gi bye ma snyed bdun cu rtsa gnyis 'das pa dang / 'jig
- 288b
rten gyi khams snang ba dang ldan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas 'od bzer gyi rgyal po zhes bya ba da ltar bzhugs pa 'tsho ba gzhes pa zhig yod de/ de bzhin gshegs pa des smin mtshams kyi mdzod spu nas 'od btang ba dang / 'od des 'jig rten gyi khams mi mjed pa 'di snang bar byas so// de nas bcom ldan 'das la/ byang chub sems dpa' de ngag gis 'di skad ces gsol to/ / bcom ldan 'das 'jig rten gyi khams snang ba dang ldan pa de dang / de bzhin gshegs pa 'od zer gyi rgyal po de blta bar 'tshal lo// de nas bcom ldan 'das de b zhin gshegs pa shAkya thub pas zhabs kyi mthil 'khor lo'i rtsibs stong yod pa gnyis las 'od zer gang gis sangs rgyas kyi zhing gang+gA'i klung gi bye ma snyed bdun cu rtsa gnyis po de dag thams cad las 'das shing brtol nas/ 'jig rten gyi khams snang ba dang ldan pa de thams cad 'od zer de dag gis khyab par gyur pa de 'dra ba'i 'od zer 'og tu btang nas/ byang chub sems dpa' gang dag gi lus la 'od zer des phog par gyur pa thams cad ting nge 'dzin ri rab lhun po lta bu'i sgron ma zhes bya ba thob par gyur to/ / sangs rgyas kyi zhing de'ang sangs rgyas kyi zhing 'di nas snang bar gyur to// sangs rgyas kyi zhing 'di'ang sangs rgyas kyi zhing de nas snang bar gyur to/ / 'di lta ste/ dper na 'dzam bu'i gling 'di nas nyi ma dang zla ba snang ba de bzhin du/ byang chub sems dpa' de dag gis kyang de bzhin
- 289a
gshegs pa shAkya thub pa mthong bar gyur to/ / byang chub sems dpa' 'di dag gis kyang bcom ldan 'das de bzhin gshegs pa 'od zer gyi rgyal po de mthong bar gyur to// 'di lta ste/ dper na lha'i bu dag ri rab lhun po'i spyi bo la gnas shing 'dzam bu'i gling du blta ba de bzhin du/ byang chub sems dpa' dag 'jig rten gyi khams 'di nas bcom ldan 'das de bzhin gshegs pa 'od zer gyi rgyal po dang / byang chub sems dpa' sems dpa' chen po go cha chen po bgos pa de dag mthong bar gyur to// de nas 'jam dpal gzhon nur gyur pa'i lag pa g.yas pa des de bzhin gshegs pa 'od zer gyi rgyal po'i sangs rgyas kyi zhing 'jig rten gyi khams snang ba dang ldan pa de nas/ nam mkha'i steng gi lam las lhung bzed de bzung nas/ byang chub sems dpa' bye ba khrag khrig brgya stong du mas bskor cing mdun du bdar te/ steng du phyung bar gyur to// gang dang gang dag nas lag pa de phyung bar gyur pa'i sangs rgyas kyi zhing de dang de dag tu 'od zer de dag nub par gyur to// me tog pad+ma de dag kyang mi snang bar gyur to/ / 'di lta ste/ 'jam dpal gzhon nur gyur pa'i lag pa g.yas pa des lhung bzed de blangs nas/ 'jig rten gyi khams mi mjed pa 'dir phyin par gyur te/ bcom ldan 'das shAkya thub pa'i spyan sngar lhung bzed de nam mkha' la 'phangs nas/ bcom ldan 'das kyi zhabs la 'jam dpal gzhon nur gyur pas mgo bos phyag 'tshal te/ bcom ldan 'das la 'di skad ces gsol to//
- 289b
bcom ldan 'das lhung bzed blangs pa de lags kyis/ de bzhin gshegs pas bzhes su gsol/ bcom ldan 'das kyis kyang lhung bzed de bzhes so// de nas byang chub sems dpa' gang 'jam dpal gzhon nur gyur pa'i lag pa dang lhan cig tu 'jig rten gyi khams mi mjed pa 'dir 'ongs pa de dag gis bcom ldan 'das kyi zhabs la mgo bos phyag 'tshal nas/ bdag bdag gi de bzhin gshegs pa'i mtshan nas brjod do/ / bcom ldan 'das de bzhin gshegs pa che ge mo zhig bcom ldan 'das la srung ba ma mchis sam/ 'o ma brgyal tam/ bzhengs pa yang ngam/ so bzhin nam/ mthu mnga' 'am/ bde ba la reg par gnas sam zhes gsung ngo zhes de skad gsol te/ sangs rgyas kyis gnang nas/ bdag bdag gi stan la 'khod do// de nas bcom ldan 'das kyis/ tshe dang ldan pa shA ri'i bu la bka' stsal pa/ de bas na shA ri'i bu nga la sngon 'jam dpal gzhon nur gyur pas gang phan btags pa de'i phyir byas pa mi gzo bas rgol bar gyur pa bshad kyi nyon cig/ shA ri'i bu sngon 'das pa'i dus bskal pa bye ba khrag khrig brgya stong grangs med pa de'i pha rol gyi yang pha rol tu gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas mi thub pa'i rgyal mtshan zhes bya ba 'jig rten gyi khams mi smod pa dang ldan pa zhes bya ba'i 'jig rten du skyes par gyur te/ shA ri'i bu de bzhin gshegs pa de'i nyan thos kyi tshogs ni brgyad khri bzhi stong / byang chub sems dpa' ni l+li/
- 290a
nyis stong du gyur te/ de bzhin gshegs pa de theg pa gsum po de nyid las brtsams te chos 'chad cing / theg pa gsum bshad pa dang / pha rol tu phyin pa drug dang / thabs mkhas pa bshad pa'i phyir de bzhin gshegs pa de skyes par gyur to/ / shA ri'i bu yang de'i tshe de'i dus na/ dge slong chos smra ba ye shes rgyal po zhes bya ba zhig byung ste/ de nang par sham thabs bgos/ chos gos dang lhung bzed khyer te/ bsod snyoms kyi phyir rgyal po'i pho brang rgya chen po dang ldan pa zhes bya bar song ba las/ de de nas zas ro brgya dang ldan pa'i bza' ba mang po khyer te byung bar gyur to// yang de'i tshe na tshong dpon gyi bu dri ma med pa'i dpung pa zhes bya ba ma ma'i phang pa na 'dug par gyur pa las/ khye'u des dge slong de rgyang ma nas 'ong ba mthong ngo // mthong nas ma ma'i phang pa nas babs te/ de dge slong de ga la ba der brgyugs nas bza' ba bslangs pa las/ dge slong des de la mo dka cig byin pa dang / de bza' ba des brnyogs nas dge slong de'i phyi bzhin du 'brang bar gyur pa las/ de rim gyis de bzhin gshegs pa mi thub pa'i rgyal mtshan ga la ba der song ste phyin nas/ de bzhin gshegs pa de'i zhabs la mgo bos phyag 'tshal te spyan sngar 'dug go// de nas dge slong ye shes rgyal pos bsod snyoms ci rnyed pa khye'u de la byin nas/ kye khye'u bsod snyoms 'di de bzhin gshegs pa la gsol cig ces byas so// de nas khye'u des bsod snyoms de blangs te/ bcom ldan 'das de'i lhung bzed bkang yang
- 290b
/ bsod snyoms de yongs su zad par ma gyur to// shA ri'i bu 'di lta ste/ bsod snyoms gcig pu de las khye'u des nyan thos brgyad khri bzhi stong de dag dang / byang chub sems dpa' khri nyis stong por dag dang / bcom ldan 'das de bzhin gshegs pa mi thub pa'i rgyal mtshan de zhos par byas shing bstabs kyang / bsod snyoms de yongs su zad par ma gyur to// de nas khye'u de dga' mgu rangs// rab tu dga' zhing / dga' ba dang yid bde ba skyes nas/ bcom ldan 'das kyi spyan sngar 'dug ste/ tshigs su bcad pa 'di dag smras so// dge slong dge 'dun zhes byas kyang / lhung bzed nam yang ma zad pas// / sbyin gnas bsod nams zhing gyur pas/ bdag gis nges par mchod par gyur// 'jig rte mgon po zhes byas kyang // 'bras chan zad par ma gyur pas// sangs rgyas la ni phul gyur na// sbyin pa mi zad the tshom med// ji ltar 'bras chan mi zad cing // phyi phyir 'phel bar 'gyur ba ltar// sangs rgyas dag la gang gus pa'i// dge ba dag ni de bzhin 'phel// shA ri'i bu de lta ste/ khye'u des bsod snyoms gcig po de las/ de bzhin gshegs pa dge slong gi dge 'dun dang bcas pa nyi ma bdun du zhos par gsol na/ sangs rgyas kyi mthu dang / khye'u de'i sems kyi bsam pa dag pas zas de yongs su zad par ma gyur to/ / de nas dge slong ye shes rgyal pos khye'u de sangs rgyas la skyabs su btang / chos la skyabs su btang / dge 'dun la skyabs su btang ngo // khrims
- 291a
kyang phog go/ / nyes pa'ang mthol du bcug go// rjes su yi rang bar bya ba dag kyang rjes su yi rang bar byed du bcug go// gsol ba gdab par bya ba dag kyang gsol ba 'debs su bcug nas/ phyis bla na med pa yang dag par rdzogs pa'i byang chub tu sems skyed bcug go/ shA ri'i bu de lta ste/ khye'u de'i pha dang ma khye'u de tshol zhing / de bzhin gshegs pa mi thub pa'i rgyal mtshan ga la ba der song ste phyin nas/ bcom ldan 'das kyi zhabs la mgo bos phyag 'tshal te spyan sngar 'dug go/ de nas khye'u des pha ma de dag gi rkang pa la phyag 'tshal nas/ tshigs su bcad pa 'di dag smras so/ / lus can kun la bde ba'i phyir// bdag ni byang chub rab zhugs kyis// khyed kyang legs par gnas par gyis// dal 'byor shin tu dkon pa'o// sangs rgyas sku ni 'bar ba dang mtshan dag gis kyang brgyan la ltos/ / ye shes kyis ni pha rol phyin// byang chub de la su mi smon// de bzhin gshegs pa shin tu dkon// bdag ni khyim nas khyim med par// 'di nyid du ni rab tu 'byung / / khyed cag gnyis kyis gnang bar mdzod// pha dang mas smras pa/ bdag cag gnyis ni khyod 'dod kyis// byang chub rab la smon par bgyid// rab tu 'byung bar bgyi ba'i phyir// bu khyod kyis ni rjes su slob/ / shA ri'i bu de lta ste/ khye'u de dang / khye'u de'i pha ma dang / gang byang chub tu sems bskyed pa'i srog chags lnga brgya tsam po de dag thams cad rab tu byung ngo // shA ri'i bu r-i'i
- 291b
tshe de'i dus na dge slong chos smra ba ye shes rgyal po zhes bya ba de gzhan zhig yin pa snyam du shA ri'i bu khyod de ltar ma lta zhig/ de ci'i phyir zhe na/ 'jam dpal gzhon nur gyur pa 'di de'i tshe de'i dus na dge/ slong chos smra ba ye shes rgyal po zhes bya bar gyur to// shA ri'i bu de'i tshe de'i dus na tshong dpon gyi bu dri ma med pa'i dpung pa zhes bya ba de gzhan yin pa snyam du the tshom mam/ yid gnyis sam/ som nyir zan shA ri'i bu khyod de ltar ma lta zhig/ de ci'i phyir zhe na/ da ni de'i tshe de'i dus na tshong dpon gyi bu dri ma med pa'i dpung pa zhes pa der gyur te/ shA ri'i bu 'jam dpal gzhon nur gyur pas nga la bsod snyoms byin nas/ byang chub tu sems bskyed du bcug ste/ de ni ngas byang chub kyi phyir thog ma sems bskyed pa yin te/ shA ri'i bu rnam grangs des kyang 'di ltar shes par bya'o// de bzhin gshegs pa'i sangs rgyas kyi che ba nyid dang / stobs bcu dang / mi 'jigs pa dang / ye shes chags pa med pa dang ci'ang rung ste/ de thams cad 'jam dpal gzhon nur gyur pas byed du bcug pa las gyur par blta'o// de ci'i phyir zhe na/ sems bskyed pa de la thams cad mkhyen pa thob pa'i phyir ro// shA ri'i bu ngas ni phyogs bcu nang bdag ji lta ba de dang 'dra ba'i de bzhin gshegs pa gang 'jam dpal gzhon nur gyur pas byang chub la gzhag pa shAkya thub pa zhes bya ba dpag tu med grangs med pa dang / de bzhin du ti sha zhes bya ba dang / rgyal ba zhes bya ba dang / gtsug ldan zhes bya ba dang / mar me mdzad ces bya ba dag
- 292a
mthong ste/ gang 'jam dpal gzhon nur gyur pas byang chub la bzhag nas/ de ltar chos kyi 'khor lo bskor ba'i de bzhin gshegs pa de dag gis mtshan kyang bskal pa 'am bskal pa'i lhag ma lus pas brjod kyang zad par mi 'gyur na/ gang dag byang chub sems dpa'i spyad pa spyod pa dag lta ci smos/ gang dga' ldan gyi gnas na gnas pa dag lta ci smos/ gang skye ba dag lta ci smos/ gang khyim nas 'byung ba dag lta ci smos/ gang dka' ba spyod pa dag lta ci smos/ gang byang chub kyi snying po la 'dug pa dag lta ci smos te/ shA ri'i bu rnam grangs des kyang 'di ltar rig par bya ste/ gang dag byang chub sems dpa' rnams kyi ma'o// skyed pa'o// thugs rje ba'o// byed du 'jug pa'o zhes yang dag par smra zhing ston pa ni 'jam dpal gzhon nur gyur pa nyid la de dag smra zhing ston te// shA ri'i bu rgyu de dang rkyen de yin te/ sngon phan btags pa'i phyir 'jam dpal gzhon nur gyur pa nga la byas pa mi gzo bas rgol lo// de nas lha'i bu nyis brgya po dag 'di snyam du gyur te/ chos thams cad ni rgyu'i rjes su 'gro ba'o/ / rkyen la rag las pa'o// sred pa'i rtsa ba can no// smon lam gyis thog drangs pa can yin te/ bcom ldan 'das 'di'ang gzhan gyis byed du bcug pa yin na/ de bzhin gshegs pa mngon par bzhugs bzhin du bdag cag dman pa la sems pa de ni mi rigs so snyam mo/ / de nas lha'i bu nyis brgya po de dag lhag pa'i bsam pas bla na med pa yang dag par rdzogs pa'i byang chub tu sems
- 292b
sems bskyed do/ / 'dir lag pa brkyang zhing rdzu 'phrul bstan pa'i tshe 'phrul 'jam dpal gzhon nur gyur pas bstan cing / lhung bzed blangs pa dang / 'di la sngon byung ba'i chos bstan pa'i cha/ 'og gi/ sangs rgyas kyi zhing dang / 'di nas sems can grangs las 'das pas byang chub tu sems bskyed do// phyogs bcu'i sangs rgyas kyi zhing dpag tu med pa nas kyang 'jam dpal gzhon nur gyur pa la mchod pa'i las bya ba dang / chos kyi g.yog bya ba'i phyir/ sangs rgyas bcom ldan 'das rnams kyis rin po che'i gdugs bskur bar gyur te/ rin po che'i gdugs de dag gis kyang 'jig rten gyi khams 'di khebs par gyur to/ / rin po che'i gdugs de las kyang de bzhin no// ji ltar de de bzhin gshegs pa shAkya thub pas gsungs pa bzhin te/ bdag cag thams cad kyang 'jam dpal gzhon nur gyur pas byang chub la bkod do zhes de skad zer ba'i sgra byung ngo / / de nas bcom ldan 'das kyis/ tshe dang ldan pa shwa ri'i bu la bka' stsal pa/ shA ri'i bu myur du mya ngan las 'da' bar 'dod pas/ bla na med pa yang dag par rdzogs pa'i byang chub tu sems bskyed par bya'o/ / de ci'i phyir zhe na/ shA ri'i bu sems can gang 'khor bas skrag nas/ bla na med pa yang dag par rdzogs pa'i byang chub tu sems mi skyed cing nyan thos kyi theg pa la gnas la/ nyan thos su 'gyur bar bya'o snyam du sems pa de dag ni/ da rung du'ang 'khor ba na 'khor bar 'gyur la/ byang chub sems dpa' gzhan brtson 'grus dang ldan pa
- 293a
yang dag par rdzogs pa'i byang chub la gnas pa dag gis ni thams cad mkhyen pa thob par ngas mthong ngo / / de ci'i phyir zhe na/ shA ri'i bu sngon 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas thams cad zil gyis gnon pa zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi'i ston pa sangs rgyas bcom ldan 'das 'jig rten du byung bar gyur te/ shA ri'i bu de bzhin gshegs pa de'i nyan thos ni bye ba phrag brgya yod par gyur to/ / tshe'i tshad ni lo 'bum thub par gyur to// shA ri'i bu de bzhin gshegs pa'i nyan thos kyi mchog shes rab dang ldan pa ni dge slong mngon par 'phags pa zhes bya ba zhig byung ngo // nyan thos kyi mchog gnyis pa rdzu 'phrul dang ldan pa'i mchog na ribugs chen po zhes bya ba zhig byung ngo / / 'di lta ste/ shA ri'i bu de bzhin gshegs pa de snga dro'i dus kyi tshe/ sham thabs mnapas/ chos gos dang lhung bzed bsnams te/ dge slong gi dge 'dun gyis mdun du bdar nas/ rgyal po'i pho brang grags ldan zhes bya bar bsod snyoms kyi phyir gshegs so// de'i tshe na de bzhin gshegs pa'i g.yas phyogs nas ni nyan thos shes rab dang ldan pa'i mchog 'gro'o/ / g.yon phyogs nas ni nyan thos rdzu 'phrul dang ldan pa'i mchog 'gro'o// rgyab nas ni mang du thos pa 'gro'o// mdun nas ni byang chub sems dpa' brkyang stong
- 293b
'gro ste/ la la ni tshangs pa'i gzugs/ la la ni brgya byin gyi gzugs/ la la ni rgyal po chen po bzhi'i gzugs/ la la ni lha'i gzugs kyis lam gyi byi dor byed cing 'gro ste/ shA ri'i bu de'i tshe na de bzhin gshegs/ pa de rgyal po'i pho brang der gshegs pa dang / byis pa rgyan bzang po sa brgyan pa gsum zhig lam gyi bar na rtse zhing 'dug pa las/ byis pa de dag gis de bzhin gshegs pa bzang ba/ sems dad par gyur pa/ dbang po zhi ba/ yid zhi ba/ dul ba dang / zhi gnas mchog dam pa'i pha rol tu son pa/ skyon med pa/ dbang po thub pa/ rdzing bzhin du dngas la gsal zhing rnyog pa med pa/ mchod sbyin gyi shing gser las byas pa ltar mngon par 'phags pa/ 'bar ba/ mdzes pa/ lham me lhan ner bzhugs pa/ skyes bu chen po'i mtshan sum cu rtsa gnyis kyis kun nas brgyan pa de rgyang ma nas gshegs pa mthong ngo / / mthong nas khye'u gcig gis/ khye'u gnyis la 'di skad ces smras so// khye'u khyed cag gis de bzhin gshegs pa sems can thams cad kyi mchog bsod nams kyi zhing bla na med pa/ lha dang / mi'i 'jig rten du bcas pa'i sbyin pa'i gnas de bzhin gshegs pa mthong ngam/ tshur shog/ de la mchod pa bya'o// 'di la phul na 'bras bu chen por 'gyur ro// de nas de'i tshe khye'u des tshigs su bcad pa 'di smras so/ / 'di ni sems can kun gyi mchog/ sbyin gnas bla na med pa ste// de bas 'di la mchod pa bya// bdi mchod 'bras bu chen por 'gyur// khye'u gnyis pos smras pa/ bdag cag la ni me
- 294a
tog dang / / dri dang phye ma byug ma mchis// 'jig rten gang zag zla med pa// 'di la cis ni mchod par bgyi// de nas khye'u des mu tig gis mo dor ni brgya stong ri ba lag pa g.yas pas mgul nas bkrol te/ tshigs su bcad pa 'di smras so// bsod nams zhing ni bla na med// de bas 'dis ni mchod par bgyi// 'di mthong na ni mkhas pa dag/ dngos po dag la su zhig chags/ de nas shA ri'i bu khye'u gnyis po de dag khye'u de'i rjes su slob par gyur nas/ bdag bdag gi mgul nas mu tig gi se mo do bkrol te/ tshigs su bcad pa 'di smras so// yang dag rdzogs pa 'od pa brgal/ mya ngan spangs pa sems grol ba// sdig med yang dag chos gnas la// bdag cag gnyis ni mchod par bgyid// de nas khye'u des/ khye'u gnyis po de dag la 'di skad ces smras so// khye'u khyed gnyis sbyin pa'i chos 'dis cir smon/ de nas khye'u gcig gis smras pa/ bdag ni bcom ldan 'das 'di'i g.yas phyogs na shes rab dang ldan pa'i mchog de ji lta ba bzhin du gyur cig/ khye'u gnyis pas smras pa/ bdag ni bcom ldan 'das 'di'i g.yon phyogs na rdzu 'phrul dang ldan pa'i mchog de ji lta ba bzhin du gyur cig/ de nas khye'u des smras pa/ bdag ni de bzhin gshegs pa dgra bcom pa yang dag par rdzogs pa'i sangs rgyas thams cad mkhyen pa/ thams cad gzigs pa/ phyogs thams cad du snang bar mdzad pa/ seng ge'i 'gres su gshegs pa 'di ji lta ba
- 294b
de bzhin du gyur cig ces/ shA ri'i bu khye'u des tshig 'di skad smras ma thag tu/ bar snang las lha'i bu brgyad stong gis legs so zhes bya ba byin te/ legs so legs so// skyes bu dam pa khyod kyis tshig de legs par smras so/ / lha dang 'jig rten du bcas pa'i 'jig rten du sems bskyed do// de nas shA ri'i bu de bzhin gshegs pa thams cad zil gyis gnon pas/ bsnyen bkur byed pa blo gros rgya mtsho zhes bya ba la bka' stsal pa/ dge slong khyod kyis khye'u mu tig gi se mo do thogs te 'ong ba 'di gsum mthong ngam/ gsol ba/ bcom ldan 'das mthong ngo // bcom ldan 'das kyis bka' stsa la ba/ dge slong khye'u bar ma tshur 'ong ba 'di ni 'di 'dra ba'i bsam pas 'ong ste/ gom pa 'dor ba dang 'jog pa thams cad la 'khor los sgyur ba'i rgyal srid brgya stong gi dge ba'i rtse ba yongs su len to/ / de bzhin du brgya byin 'thob pa dang / tshangs pa 'thob pa brgya stong yongs su len to// gom pa thams cad la sangs rgyas brgya stong mngon par mthong ba'i dge ba'i rtsa ba yongs su len to/ / shA ri'i bu de nas khye'u gsum po bcom ldan 'das de bzhin gshegs pa thams cad zil gyis gnon pa ga la ba der 'ong ste phyin pa dang / bcom ldan 'das kyi zhabs la mgo bos phyag 'tshal nas/ mu tig gi se mo do de bcom ldan 'das kyi sku la gtor ro// shA ri'i bu de'i tshe gang nyan thos kyi sems kyis mu tig gi se mo do gtor bar gyur pa de dag ni de bzhin gshegs
- 295a
kha de'i phrag pa gnyis la 'jug par gyur to/ / gang khye'u des thams cad mkhyen pa'i sems kyis mu tig gi se mo do gtor bar gyur pa de ni/ de bzhin gshegs pa de'i dbu'i gtsug gi steng na/ mu tig gi se mo do'i ling ba rtseg ma rnam pa sna tshogs blta na sdug pa/ gru bzhi ka ba bzhi zug pa kun nas rnam par phye bar gyur cing / khang pa rtseg ma de na de bzhin gshegs pa'i sku'i skyil mo krung bcas shing bzhugs par yang snang ngo / / de nas de bzhin gshegs pa de 'dzum pa mdzad de/ chos nyid kyis sangs rgyas bcom ldan 'das rnams nam 'dzum pa mdzad pa de'i tshe 'od zer kha dog rnam pa sna / tshogs pa du ma de bzhin gshegs pa'i zhal nas byung ste/ 'di lta ste/ sngon po dang / ser po dang / dmar po dang / dkar po dang / dza gong dang / shel dang / dngul gyi kha dog go// de dag gi snang bas 'jig rten gyi khams mtha' yas mu med par khyab par byas nas/ tshangs pa'i 'jig rten gyi bar du song ste/ nyi ma dang zla ba'i 'od zil gyis mnan nas slar log ste/ bcom ldan 'das la lan gsum bskor nas/ bcom ldan 'das kyi spyi bor mi snang bar song ngo // de nas bcom ldan 'das de la/ bcom ldan 'das kyi bsnyen bkur byed pa dge slong blo gros rgya mtshos zhus pa/ de bzhin gshegs pa rgyu ma mchis rkyen ma mchis par ni 'dzum pa mi mdzad na/ bcom ldan 'das ci'i rgyu ci'i rkyen gyis 'dzum pa mdzad ces 'di skad gsol pa dang / bcom ldan 'das kyis/ bsnyen bkur byed pa de la 'di
- 295b
skad ces bka' stsal to/ / dge slong khye'u 'di gnyis kyis nyan thos kyi sems kyis de bzhin gshegs pa la mu tig gi se mo do gnyis gtor 'khyod kyis mthong ngam/ gsol pa/ bcom ldan 'das mthong ngo / / bcom ldan 'das kyis bka' stsal pa/ dge slong khye'u 'di gnyis 'khor bas 'jigs skrag nas/ byang chub tu smon lam mi 'debs par bdag cag ni myur du mya ngan las 'da' bar bya'o snyam du de ltar sems so/ / dge slong khyod la bsgo'o// khong du chud par bya'o// gang gi tshe na khye'u gsum po 'di bla na med pa yang dag par rdzogs pa'i byang chub mngon par rdzogs par sangs rgyas par 'gyur ba de'i tshe / khye'u 'di gnyis ni de'i nyan thos kyi mchog tu 'gyur te/ gcig ni shes rab dang ldan pa'i mchog/ gnyis pa ni rdzu 'phrul dang ldan pa'i mchog tu 'gyur ro// shA ri'i bu de'i tshe de'i dus na khye'u bar ma gyur cing / thams cad mkhyen pa'i sems bskyed pa de ni gzhan no snyam du the tshom mam/ yid gnyis su gyur par shA ri'i bu de ltar ma lta zhig/ de ci'i phyir zhe na/ nga nyid de'i tshe de'i dus na khye'u bar ma der gyur to/ / shA ri'i bu de'i tshe de'i dus na ga yas phyogs kyi khye'ur gyur pa de gzhan yin pa snyam du de ltar ma lta zhig/ de ci'i phyir zhe na/ shA ri'i bu khyod nyid de'i tshe de'i dus na khye'u der gyur to// dge slong mo'u 'gal gyi bu ni khye'u g.yon phyogs par gyur to// shA ri'i bu ltos/ dge ba'i rtsa ba mnyam pa las/ khyed gnyis 'khor bas 'jigs skrag nas/ byang chub tu sems ma bskyed de
- 296a
sems zhum pas ci nas kyang bdag cag gis myur du mya ngan las 'da' bar bya'o snyam byed mod kyi/ khyed gnyis kyis nga las thal bar mi nus so// shA ri'i bu ltos/ ngas thams// cad mkhyen pa rtogs nas/ khyed gnyis ni nges chos bstan pas rnam par grol lo// shA ri'i bu rnam grangs des kyang 'di ltar shes par bya'o// ci nas kyang myur du mya ngan las 'da' bar 'dod na// thams cad mkhyen par sems bskyed par bya'o// de ci'i phyir zhe na/ shA ri'i bu myur ba'i theg pa zhe bya ba ni/ thams cad mkhyen pa'i tshig bla dgas so// mi bslu ba'i theg pa zhes bya ba/ sems can thams cad la phan pa dang bde ba'i theg pa zhe bya ba/ 'bar ba'i theg pa zhes bya ba/ theg pa'i mchog ces bya ba/ theg pa'i gtso bo zhes bya ba/ theg pa rab mchog ces bya ba/ bla na med pa'i theg pa zhes bya ba/ ma chags pa'i theg pa zhes bya ba/ nyan thos dang rang sangs rgyas thams cad zil gyis gnon pa'i theg pa zhes bya ba ni/ shA ri'i bu thams cad mkhyen pa'i tshig bla dgas so// sngon byung baba'i gtam 'di dang / thams cad mkhyen pa ston pa 'di bstan pa'i tshe/ srog chags khris bla na med pa yang dag par rdzogs pa'i byang chub tu sems bskyed do// shA ri'i bu dang / mo'u 'gal gyi bu chen po dang / 'od srungs chen po dang / rib ti dang / ma 'gags pa dang / ud li dang / byams ma'i bu gang po la sogs pa nyan thos chen po de dag thams cad kyis bcom ldan 'das kyi zhabs
- 296b
la phyag 'tshal nas/ mgrin gcig tu tshig smras pa/ bcom ldan 'das rigs kyi bu dang / rigs kyi bu mos gus par bgyis te/ dge ba'i rtsa ba bskyed par bgyi'o// rgya chen po la'ang mos par bgyi'o/ / smon lam rgya chen po'ang gdab par bgyi'o// de ci'i slad du zhe na/ bcom ldan 'das bdag cag la sangs rgyas brgya stong gis thams cad mkhyen pa dang ldan pa'i gtam brjod cing bdag cag la chos bstan kyang / bcom ldan 'das bdag cag ni ma chags pa'i ye shes rtogs par 'gyur ba'i skal ba ma mchis so// bcom ldan 'das bdag cag ni mtshams mchis pa lnga dang ldan na ni legs kyi/ / bla na med pa yang dag par rdzogs pa'i byang chub las ldog par 'gyur ba de lta ma lags so// de ci'i slad du zhe na/ bcom ldan 'das bdag cag mtshams ma mchis pa lnga dang ldan na ni/ sems can dmyal bar sdug bsngal sbyangs te/ thams cad mkhyen pa'i ye shes ma chags pa 'di dang mi 'bral bar gyur na/ bcom ldan 'das bdag cag ni bsam pa'i rgyud gcig la/ dbang po nyams pa/ thams cad mkhyen pa'i ye shes kyi snod ma lags par gyur na/ de ji ltar bgyi/ bcom ldan 'das 'di lta ste/ dper na skyes bu gum ste dus las 'das par gyur na/ gnyen rnams kyis nye bar 'tsho bar mi 'gyur ba de bzhin du/ bcom ldan 'das nyan thos kyi theg pa la mos na/ lha dang 'jig rten du bcas pa la sman mi thogs so// bcom ldan 'das 'di lta ste/ dper na sa chen
- 297a
po 'di rkang gnyis pa dang rkang bzhi pa rnams la sman 'dogs par 'gyur ba de bzhin du/ bcom ldan 'das gang dag gis bla na med pa yang dag par rdzogs pa'i byang chub tu sems bskyed par gyur pa de dag ni lha dang bcas pa'i 'jig rten la sman 'dogs par gyur pa'o/ / / bam po gsum pa/ gtam 'di brjod pa'i rjes la rgyal po ma skyes dgra dpung gi tshogs yan lag bzhi pa dang bcas te/ bcom ldan 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te/ lan gsum bskor nas phyogs gcig tu 'dug go/ phyogs gcig tu 'dug nas/ rgyal po ma skyes dgras bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das sems can rnams ci la gnas/ ci'i mthus na sdig pa'i las la mngon par rtsom zhing bgyid par 'gyur/ de skad ces gsol pa dang / bcom ldan 'das kyis/ rgyal pom skyes dgral 'di skad ces bka' stsal to/ / rgyal po chen po sems can rnams ni bdag dang / sems can dang / srog dang / gang zag la gnas so// rgyal po chen po sems can rnams ni 'jig tshogs su lta ba la rten cing / phyin ci log tu mngon du gyur pa la gnas nas/ sdig pa'i las mngon par rtsom zhing byed par 'gyur ro// gsol pa/ bcom ldan 'das
- 297b
'jig tshegs su lta ba'i rtsa ba gang lags/ bka' stsal pa/ rgya bo chen po 'jig tshogs su lta ba ni ma rig pa'i rtsa ba las byung ngo // gsol pa/ bcom ldan 'das ma rig pa'i rtsa ba gang lags/ bka' stsal pa/ rgyal po chen po ma rig pa ni tshul bzhin du yid la mi byed pa las byung ngo // gsol pa/ bcom ldan 'das tshul bzhin yid la mi bgyid pa'i rtsa ba gang lags/ bka' stsal pa/ rgyal po chen po tshul bzhin yid la mi byed pa ni/ med pa la sgro bdogs pa'i rtsa ba las byung ngo // gsol pa/ bcom ldan 'das ma mchis pa la sgro 'dogs pa zhes bgyi ba ci lags/ bka' stsal pa/ rgyal po chen po med pa la sgro 'dogs pa zhes bya ba ni/ ma byung ba la yongs su rtog pa'i tshig bla dgas so// gsol pa/ bcom ldan 'das ma byung ba la yongs su rtog pa zhes bya ba'i rtsa ba gang lags/ bka' stsal pa/ rgyal po chen po ma byung ba la yongs su rtog pa zhes bya ba ni 'dus te ma byung ba'i tshig bla dgas so// gsol pa/ bcom ldan 'das 'dus te ma byung ba zhes bgyi ba ci lags/ bka' stsal pa/ rgyal po chen po 'dus te ma byung ba zhes bya ba ni/ gang phyir ma skyes ma byung bas/ de'i phyir 'dus te ma byung ba zhes bya'o// gsol pa/ bcom ldan 'das gang mi 'byung ba de ci zhig bgrangs 'tshal/ bka' stsal pa/ gang mi 'byung ba de la bgrang ba cung zad kyang med do// gsol pa/ bcom ldan 'das 'gyod pa ci la dmigs pa lags//
- 298a
bka' stsal pa/ rgyal po chen po 'gyod pa ni the tshom la dmigs so// gsol pa/ bcom ldan 'das the tshom zhes bgyi ba ci lags/ bka' stsal pa/ rgyal po chen po the tshom zhes bya ba ni gang 'phags pa yang dag par smra ba dag gis bshad pa la the tshom za ba ste/ de ni the tshom zhes bya'o// gsol pa/ bcom ldan 'das 'phags pa gang lags/ yang/ dag par smra ba gang lags/ bcom ldan 'das kyis bka' stsal pa/ rgyal po chen po rdul dang lta ba thams cad dang bral ba'i phyir 'phags pa zhes bya'o// rgyal po chen po gang dag gis chos thams cad 'dus te byung ba ma yin par rtogs pa ni/ yang dag par smra ba zhes bya ba'o// de skad ces bka' stsal pa dang / bcom ldan 'das la/ rgyal po ma skyes dgras 'di skad ces gsol to/ / bcom ldan 'das 'jig rten gnas pa ni bdag gis bsam pa'i rgyud kyis nyon mongs pas bsgribs pa ste/ de ni 'phags pa yang dag par smra ba dag gis bshad pa la yid mchis nas/ sdig pa'i las rnam pa du ma dag rtsol zhing bgyid pa de ni/ bcom ldan 'das ngo mtshar to// de ni bde bar gshegs pa rmad du byung ba'o// bcom ldan 'das bdag gis kyang sdig pa'i grogs po'i dbang du mchis pa dang / rgyal srid dang / longs spyod dang / dbang dang / nor gyis rgyags shing dregs pas/ phas ma nongs par srog bkum nas/ bcom ldan 'das bdag ni the tshom
- 298b
de bsal mi nus te/ zas 'tshal ba dang / skom 'tshal ba dang / rtse ba dang / dga' bar bgyid pa dang / yongs su spyod pa dang / don sgrub cing mchis pa dang / slas kyi nang du mchis pa dang / gcig pu mchis pa dang / 'gro ba mang po'i nang du mchis pa dang / nub mo dang gdugs la'ang the tshom de bsal ma nus nas/ bcom ldan 'das bdag ni gA yar zas kyi ro'ang mi bro/ bcom ldan 'das bdag ni chab la skom par yang mi 'gyur/ bcom ldan 'das bdag ni gnyid kyang mi mchis/ bcom ldan 'das bdag ni mdang gsal ba'ang ma mchis/ bcom ldan 'das bdag ni rtag tu rgyun mi 'chang bar skrag pa 'byung zhing / mjug tu bdag sems can dmyal bar 'gyur yang sems te/ bcom ldan 'das khyod ni 'jig rten long bar gyur pa'i ni mig/ chab kyis dad pa rnams kyi ni 'dren pa/ brgal 'tshal ba rnams kyi ni zam pa/ sdug bsngal ba rnams la ni bde ba stsol ba/ dbul po rnams kyi ni gter/ lam par zhugs pa rnams la ni lam ston pa/ thugs rje che ba/ thugs mi skyo ba/ sems can thams cad la snyoms par dgongs pa shin tu byams pa/ brtag pa/ bde ba dang sdug bsngal bas mi bskyod pa lags te/ bcom ldan 'das kyis ni sems can gang yang ma btang na/ bcom ldan 'das bdag 'jigs pa la mi 'jigs pa stsal cig/ mgon ma mchis pa'i mgon du gyur cig/ skyabs ma mchis pa'i skyabs su gyur cig/ long ba'i ni mig tu gyur
- 299a
cig/ bdag chad kyis 'tshal ba la ni phyag gis drang bar mdzod cig/ bcom ldan 'das bdag mnar ma mchis pa'i 'jigs pa dang skrag pa chen por lhung ba la cis kyang the tshom de bsal nas/ kun tu dkris pa ma mchis par 'gum pa'i dus bgyid pa dang / bdag gis sug las de'ang myong ba chung ngu 'gyur ba de lta de ltar chos bshad du gsol/ de nas bcom ldan 'das 'di snyam du dgongs te/ kye ma'o rgyal po ma skyes dgra 'di ni sred pa la spyod pa chos zab mo la dad pa yin gyis/ 'jam dpal gzhon nur gyur pa ma gtogs par/ gzhan sus kyang 'di'i the tshom lhag ma ma lus par sel mi nus snyam dgongs so/ / de nas sangs rgyas kyi mthus tshe dang ldan pa shA ri'i bus/ rgyal po ma skyes dgra la 'di skad ces smras so// rgyal po chen po 'jam dpal gzhon nur gyur pa sang bshos la spyan drongs shig dang / des khyod kyi the tshom ngan pa de'ang bsal bar 'gyur/ khyim yang spyad par 'gyur/ khyod kyi nang gi 'gro ba de thams cad kyis kyang dge ba'i rtsa bskyed par 'gyur/ rgyal po'i khab kyi grong khyer chen por yang sems can tshad med pa dag gis don byas par 'gyur ro// de nas 'jam dpal gzhon nur gyur pa la/ rgyal po ma skyes dgras 'di skad ces gsol to/ / 'jam dpal gzhon nur gyur pa bdag la thugs brtse ba'i slad du/ sang bshos la gshegs par dgongs shig/ de skad ces gsol pa dang / 'jam dpal gzhon nur gyur pas/
- 299b
rgyal po ma skyes dgra la 'di skad ces smras so// rgyal po chen po byas pa dang mchod pas chog gis/ 'di lta ste/ legs par gsungs pa'i chos 'dul ba la gos len pa 'am/ lhung bzed len pa 'am/ zas len pa de ni thugs brtse ba ma yin gyi/ rgyal po chen po khyod gang gi tshe zab mo don dam pa bdag med pa la the tshom med pa'am/ nem nur med par gyur pa na/ de lta bu'i ni khyod la thugs brtse bar byas pa yin no/ / rgyal po chen po gang gi tshe na/ khyod chos gang la'ang rtog par yang ma gyur/ rnam par rtog par yang ma gyur na/ de lta bu ni khyod la thugs brtse bar byas pa yin no// rgyal po chen po gang gi tshe na/ khyod sems 'das pa dang / ma 'ongs pa dang / da ltar du rtog pa'ang med/ rnam par rtog pa'ang med na/ de lta bu ni khyod la thugs brtse bar byas pa yin no// rgyal po chen po gang gi tshe na/ khyod lta ba chung ngu'ang skyed par yang mi byed/ 'gog par yang mi byed na/ de lta bu ni khyod la thugs brtse bar byas pa yin no// de skad ces smras pa dang / 'jam dpal gzhon nur gyur pa la/ rgyal po ma skyes dgras 'di skad ces gsol to// 'jam dpal chos kyi chos nyid ni de lta lags mod kyi/ 'on kyang bdag la thugs brtse ba'i slad du/ sang 'khor dang bcas te/ bdag gi mchis 'brang du bshos la gshegs shig/ de skad ces gsol pa dang / 'jam dpal gzhon nur gyur pas/ rgyal po ma skyes dgra la 'di skad smra so// rgyal po chen po 'di lta ste/ legs
- 300a
bar gsungs pa'i chos 'dul ba la ni gos len bya 'am/ lhung bzed len pa 'am/ zas len pa de thugs brtse ba ma yin gyi/ rgyal po chen po gang gi tshe na/ khyod bdag tu mi 'dzin/ sems can du mi 'dzin/ srog tu mi 'dzin/ gang zag tu mi 'dzin pa de'i tshe khyod la thugs brtse bar byas pa yin no// rgyal po chen po gang gi tshin/ khyod bdag tu bzung ba dang / gzhan du bzung ba mi 'dzin par gyur na/ de lta bu ni khyod la thugs brtse bar byas pa yin no// rgyal po chen po gang gi tshe na/ khyod sems su mi 'dzin/ dmigs par mi 'dzin/ phung por mi 'dzin/ khams su mi 'dzin/ skye mched du mi 'dzin/ nang du mi 'dzin/ phyir mi 'dzin/ khams gsum du mi 'dzin/ khams gsum las 'das par mi 'dzin/ dge bar mi 'dzin/ mi dge pabar mi 'dzin/ / kha na ma tho bo dang bcas par mi 'dzin/ kha na ma tho ba med par mi 'dzin/ 'jig rten par mi 'dzin/ 'jig rten las 'das par mi 'dzin/ zag pa dang bcas par mi 'dzin/ zag pa med par mi 'dzin/ 'dus byas su mi 'dzin/ 'dus ma byas su mi 'dzin/ nyon mongs par mi 'dzin/ rnam par byang bar mi 'dzin/ 'khor bar mi 'dzin/ mya ngan las 'das par mi 'dzin na/ de lta bu ni khyod la thugs brtse bar byas pa yin no// de nas 'jam dpal gzhon nur gyur pa la/ rgyal po ma skyes dgras 'di skad ces gsol to// 'jam
- 300b
dpal bdag la thugs brtse ba'i slang du dgongs su gsol/ 'jam dpal gyis smras pa/ rgyal po chen po 'di lta ste/ chos gang la'ang mngon par chags pa 'am/ yongs su len pa de ni phan pa 'am bde ba ma yin no/ / rgyal po chen po gang du'ang g.yo ba sems pa ni phan pa 'am bde ba ma yin gyi/ gang gAyo ba dang sems yongs su mi 'dzin cing / mngon par chabs pa spong ba de ni phan pa bde ba'o/ / rgyal po chen po gang mi 'khrug pa de ni phan pa dang bde ba'o// rgyal po chen po gang slar 'khrug pa de ni phan pa dang bde ba ma yin no// rgyal po chen po gang mthar gtugs pa de ni phan pa dang bde ba'o/ / gang slar yang bya bar 'gyur ba de ni phan pa dang bde ba ma yin no// de skad ces smras pa dang / 'jam dpal gzhon nur gyur pa la/ rgyal po ma skyes dgras 'di skad ces gsol to/ / 'jam dpal gang 'gyur ba ma mchis pa'i chos de gang lags/ smras pa/ rgyal po chen po stong pa nyid ni bya ba'ang med/ 'gyur ba'ang med do// de bzhin du mtshan ma med pa dang / smon pa med pa dang / mngon par 'du mi byed pa ni bya ba'ang med/ 'gyur ba'ang med do// rgyal po chen po ji srid du lus dang / ngag dang / yid kyis mngon par 'du bya ba med pa de srid du/ bya ba'ang med/ 'gyur ba'ang med do// rgyal po chen po gang gi tshe/ lus dang / ngag dang / yid kyis mi bya/ mngon par mi bya ba de la ni/ bya ba'ang med/ 'gyur ba'ang med do//
- 301a
rgyal po chen po de bas na chos thams cad ni mngon par 'du mi byed pa'i mtshan nyid de/ gang mngon par 'du mi byed pa de'ang de'i mtshan nyid ma yin no// gsol pa 'jam dpal ji ltar na mngon par 'dus byas pa la mngon par 'dus ma byas par mos pa lags/ smras pa/ rgyal po chen po gang gi tshe// 'das pa la zad par mi sems/ ma 'ongs pa la byin par mi 'dod/ da ltar la mi rtag pa'i phyir thog ma nas ma skyes par mos shing / lhag par yang mi byed/ bri bar yang mi byed pa de tsam gyis na/ rgyal po chen po mngon par 'du byed pa la mngon par 'du mi byed par mos pa yin no/ / gsol pa/ 'jam dpal ji ltar na nyon mongs pa dang lam 'grogs par 'gyur/ smras pa/ rgyal po chen po de ji snyam du sems/ nyi ma'i 'od zer mun pa dang lhan cig tu gnas sam/ gsol pa/ 'jam dpal de ni ma lags so// de ci'i slad du zhe na/ mun pa ni gdugs kyi 'od zer gyis gsal bar 'gyur ro// smras pa/ rgyal po chen po 'o na ci mun pa de phung po 'am/ phyogs su 'gro bar 'gyur ram/ gsol pa/ 'jam dpal de ma lags so// smras pa/ rgyal po chen po de bzhin du lam gyi ye shes skyes na/ nyon mongs pa rnams mi 'byung bar 'gyur gyi/ nyon mongs pa rnams phung por yang mi 'gyur/ yul na'ang mi gnas/ phyogs na'ang mi gnas te/ rgyal po chen po nyon mongs pa mnyam pa nyid kyi
- 301b
phyir lam mnyam pa nyid ngo / / lam mnyam pa nyid kyi phyir nyon mongs pa mnyam pa nyid do// nyon mongs pa mnyam pa nyid kyi phyir thams cad mnyam pa nyid de/ rgyal po chen po gang dag gis de ltar rtogs pa ni nyon mongs pa nyid de dag gi lam yin no/ / de ci'i phyir zhe na/ de ltar nyon mongs pa tshol ba'i phyir nyon mongs pa mi 'byung bar 'gyur ro// gang yang nyon mongs pa tshol ba de ni lam yin no/ / rgyal pos gsol pa/ 'jam dpal ji lta bu ni nyon mongs pa btsal na/ nyon mongs pa nyid lam lags/ 'jam dpal gyis smras pa/ rgyal po chen po gang gi tshe na/ nyon mongs pa tshol bas gnyis su sems mi 'gro ba de lta bu ni nyon mongs pa dag btsal na/ nyon mongs pa nyid lam yin te/ rgyal po chen po de ltar na nyon mongs pa nyid lam yin no// gsol pa/ 'jam dpal ji ltar na lam bsgom pa lags/ smras pa/ rgyal po chen po chos thams cad sgom pa ni lam sgom pa yin no// gsol pa/ 'jam dpal de ltar lam bsgoms na/ gar mchi bar 'gyur/ smras pa/ rgyal po chen po de ltar lam bsgoms na/ gar yang mi 'gro bar 'gyur ro// rgyal pos gsol pa/ 'jam dpal lam ni mya ngan las 'da' bar mchi ba ma lags sam/ 'jam dpal gyis smras pa/ rgyal po chen kho ci mya ngan las 'da' ba la chos gang gi yang kham yong ngam/ gsol pa/ 'jam dpal de ma lags so// 'jam dpal gyis smras pa/ rgyal po chen po de lta bas na 'phags pa rnams kyi lam bsgom pa ni
- 302a
'gro bas 'gro bar bya ba ma yin no/ / gsol pa/ 'jam dpal gang la gnas na/ 'phags pa dag lam bsgom pa lags/ smras pa/ rgyal po chen po gnas med pa la gnas na/ 'phags pa dag kham bsgom pa yin no// gsol pa/ 'jam dpal tshul khrims drang / shes rab dang / ting nge 'dzin gnas na/ 'phags pa drag lam bsgom pa ma lags sa ma/ smras pa/ rgyal po chen po 'phags pa rnams kyi tshul khrims ni mngon par 'du mi byed pa'i mtshan nyid do// rgyal po chen po 'phags pa rnams kyi ting nge 'dzin ni rnam par mi rtog pa'i mtshan nyid do/ / rgyal po chen po 'phags pa rnams kyi shes rab ni ma spros pa'i mtshan nyid do// rgyal po chen po de ji snyam du sems mngon par 'du mi byed pa 'am/ ma spros pa la gnas nus sam/ gsol pa/ 'jam dpal de ma lags so// 'jam dpal gyis smras pa/ rgyal po chen po rnam grangs des kyang 'di ltar rig par bya ste/ 'phags pa dag ni gnas med pa la gnas te lam bsgom mo/ / gsol pa/ 'jam dpal ji ltar na rigs kyi bu 'am/ rigs kyi bu mo la ma la zhugs pa lags/ smras pa/ rgyal po chen po lam tshol ba na chos gang yang ma dmigs te/ rtag pa'am/ mi rtag pa 'am/ chos gang yang sdug pa 'am/ mi sdug pa 'am/ bde ba 'am/ sdug bsngal ba 'am/ bdag yod pa 'am/ bdag med pa 'am/ yang gang 'khor ba 'am/
- 302b
mya ngan las 'da' ba'i chos gang yang ma dmigs te/ de ltar zhugs na rgyal po chen po la ma la zhugs pa zhes bya'o// de nas 'jam dpal gzhon nur gyur pa la/ rgyal po ma skyes dgras 'di skad ces gsol to/ / 'jam dpal bdag gi 'gyod pa ngan pa sbyang ba'i slad du sang 'khor dang bcas te bshos la gshegs na legs so// 'jam dpal gyis smras pa/ rgyal po chen po gang med pa de ni/ gzhan yang med do// med pas na yongs su grol ba'ang med do// gang yongs su grol ba de dag kyang med pas yongs su grol lo// med pa de'ang gang las yongs su grol bar mi 'gyur ro/ / de ci'i phyir zhe na/ rgyal po chen po chos thams cad ni rang bzhin gyis yongs su grol ba'i phyir ro// de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to/ / 'jam dpal khyod rgyal po ma skyes dgra'i der zan la song zhig/ de na 'di la sogs te 'gro ba mang po'i drin du 'gyur ro// de skad ces bka' stsal pa dang / bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das bka' bzhin 'tshal/ bdag ni de bzhin gshegs pa'i bka' mi gcog go de nas 'ja kha dpal gzhon nur gyur pas gnang bar rgyal po ma skyes dgras shes nas/ dga' mgu rangs/ rab tu dga' zhing dga' ba dang yid bde ba skyes nas/ bcom ldan 'das kyi zhabs
- 303a
la mgo bos phyag 'tshal/ 'jam dpal gzhon nur gyur pa dang / dge slong gi dge 'dun thams cad kyi zhabs la'ang mgo bos phyag 'tshal te song ngo // de nas dang ldan pa shA ri'i bu la/ rgyal po ma skyes dgras 'di skad ces smras so// btsun pa shA ri'i bu 'jam dpal gzhon nur gyur pa'i g.yog ji snyed cig mchis/ shA ri'i bus smras pa/ rgyal po chen po byang chub sems dpa' lnga brgya tsam dag dang thabs cig tu bshos gsol lo// de nas rgyal po ma skyes dgras rgyal po'i khab kyi grong khyer ga la ba dang / bdag gi khang pa ga la ba der song ste/ de nyid kyi nub mo bza' ba dang / bca' ba dang / myang ba dang / bldag pa bzang zhing mang ba sbyor du bcug go// zas ro brgya pa'ang sbyor du bcug/ bdag gnas pa'i khang par yang dar gyi lda ldi bres shing / gdugs dang / rgyal mtshan dang / ba dan gyis kun tu brgyan to// dar gyi bla re'ang bres/ spos shin tu snying por gyur pas kyang dadug tu bcug go// gnas khang der khri gos du mas g.yogs pa/ rin po che rnam pa sna tshogs du mas spras pa lnga brgya yang btsugs so// de'i phyogs thams cad byi dor legs par byas// zhal zhal legs par blugs shing bdugs pas bdugs nas/ me tog sil mas kyang gang bar gtor du bcug go// rgyal po'i khab kyi grong khyer chen po'i 'phongs dang / lam gyi sum mdo dang / 'phreng dang /
- 303b
tshong dus thams cad du'ang chag chag legs par btab/ zhal zhal legs par byas/ bdug pas bdugs shing / me tog gi sil mas gang bar gtor du bcug go/ rgyal po'i khab kyi grong khyer chen po'i 'gro ba thams cad kyang 'jam dpal gzhon nur gyur pa la mchod pa'i las byed par bskos so/ / de nas 'jam dpal gzhon nur gyur pa bdag gi gtsug lag khang na gnas pa las nub mo thun dang po la 'di snyam du gyur te/ gang bdag ni 'khor nyung ngu dang rgyal po ma skyes dgra'i khab tu zas bza' bar mi rigs kyi/ gang bdag gis sangs rgyas kyi zhing gzhan nas byang chub sems dpa' dag gnyer la/ de dag the tshom gcod pa'i chos kyang nyan/ rgyal po ma skyes dgra'i zas kyang bza' bar bya'o snyam mo// de nas 'jam dpal gzhon nur gyur bas/ 'di lta ste/ skyes bu stobs po che'i lag pa bskum pa las brkyang ba'am/ brkyang ba las bskum pa tsam du de'i skad cig thang cig yud tsam la bdag gi gtsug lag khang du mi snang bar gyur nas/ shar phyogs su sangs rgyas kyi zhing brgya stong phrag brgyad cu 'das nas/ 'jig rten gyi khams rtag tu sgra sgrogs zhes bya bar phyin par gyur te/ de na de bzhin gshegs pa dgra bcom pa yang dag par rdzogs pa'i sangs rgyas bsgrags pa'i dpal zhes bya ba bzhugs so/ / 'tsho'o// byang chub sems dpa' 'ba' zhig la chos kyang ston to//
- 304a
de na phyir mi ldog pa'i chos kyi 'khor lo gcig kyang ston to// yang 'jig rten gyi khams de na rgyu rin po che sna bdun las byas pa'i shing me tog dang 'bras bu swA tshegs dang ldan pa dag yod de/ rin po che'i shing de dag rlung gis btab pa las/ sangs rgyas kyi sgra skad 'byung / chos kyi sgra skad 'byung / byang chub sems dpa' phyir mi ldog pa'i dge 'dun gyi sgra skad 'byung / 'di lta ste/ 'jig rten gyi khams rtag tu sgra sgrogs zhes bya ba ni 'jig rten gyi khams der dkon mchog gsum gyi sgra dang mi 'bral bas/ rtag tu sla sgrogs zhes bya'o/ / de nas bcom ldan 'das de bzhin gshegs pa bsgrags pa'i dpal de'i zhabs la/ 'jam dpal gzhon nur gyur pas mgo bos phyag 'tshal nas/ bcom ldan 'das de bzhin gshegs pa bsgrags pa'i dpal la 'di skad ces gsol to/ / bcom ldan 'das de bzhin gshegs pas sangs rgyas kyi zhing nas/ byang chub sems dpa' sems dpa' chen po ngag mi mjed kyi 'jig rten gyi khams rgyal po ma skyes dgra'i khab tu bdag dang lhan cig tu mchod ston 'tshal bar bka' stsal du gsol/ de nas de bzhin gshegs pa bsgrags pa'i dpal gyis/ byang chub sems dpa' sems dpa' chen po dag la bka' stsal pa/ rigs kyi bu dag khyed las gang 'dod pa'i rnams 'jam dpal gzhon nur gyur pa dang 'grog te/
- 304b
mi mjed kyi 'jig rten gyi khams su deng zhig/ de nas byang chub sems dpa'i 'khor de dag nas/ byang chub sems dpa' sems dpa' chen po brgyad khri nyis stong gis mgrin gcig tu tshig smras pa bcom ldan 'das bdag cag ni mi mjed kyi 'jig rten gyi kham sa de na rgyal po ma skyes dgra'i khab tu 'jam dpal gzhon nur gyur pa dang mchod ston 'tshal du mchi'o/ / / de nas 'jam dpal gzhon nur gyur pas de nyid kyi skad cig thang cig yung tsam la byang chub sems dpa' brkyang khri nyis stong po de dag dang 'grogs te/ 'jig rten gyi khams rtag tu sgra sgrogs nas mi snang bar gyur te/ bdag gi gtsug lag khang du 'dug go/ de nas 'jam dpal gzhon nur gyur pas de ltar tshogs pa'i byang chub sems dpa' de dag la gzungs zhes bya ba'i chos kyi rnam grangs rgya cher bshad pa de la gzungs gang zhe na/ gzungs zhes bya ba ni 'di lta ste/ dran pa mnyam pa/ rtogs pa ma yengs pa/ blo gros ma rmongs pa/ shes rab mngon du byed pa/ chos thams cad la de bzhin nyid bstan pas shes pa/ 'bras bu thob nas srung bar byed pa/ lam skyon med pa la 'jug shes pa/ chos thams cad kyi tshig rab tu tha dad pa shes pa gzungs kyis 'phags pa'i rigs mi gcod pa/ sangs rgyas kyi rigs 'dzin pa/ chos kyi rigs sdud pa/ dge 'dun gyi rigs chos kyi rjes su shes pa/ dri ba lung bstan pa la ma
- 305a
rmongs pa/ 'khor thams cad du ma zhum pa/ 'khor thams cad du mi 'jigs pa/ lha'i skad du ston pa shes pa/ klu'i skad du ston pa shes pa/ gnod sbyin gyi skad dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / brgya byini dang / tshangs pa'i skad du ston pa shes pa/ skad yang dag pa dang / dbang po shes pa/ log par lta ba yongs su shes pa/ sems cad thams cad kyi dbang po la rtog pa sems dang mtshungs par gzhog pa 'jig rten gyi chos brgyad kyis mi bskyod pa/ chos dkar po thams cad yongs su smin par byed pa/ las kyi rnam par smin pa'i 'bras bu ji lta ba bzhin du ston pa/ sems can thams cad kyi nye bar 'tsho bar rtsol ba/ tshul khrims kyi gzhi sems can thams cad la gnas pa/ ye shes thams cad kyi rjes su song ba/ sems can thams cad kyi sdug bsngal gyi khur khyer yang sems skyo zhing mus byung ba med pa/ chos kyi rang bzhin shes pa/ rang bzhin ston cing brjod pa/ chos kyi sbyin par spro bar byed kyi/ sems skyo bar mi byed pa dge nga'i rtsa ba'i tshogs bsags pa thams cad la rnam par smin par mi 'dod pa/ thams cad mkhyen pa'i sems kyi rtsa ba dang tha mi dad pa/ de'i rtsa ba la 'jog pa'i brtson
- 305b
'grus can sbyin pas chog mi shes la/ de'ang thams cad mkhyen pa'i sems kyis sngo ba/ tshul khrims kyis chog mi shes la/ de'ang sems can thams cad la sngo ba/ bzod pas chog mi shes la/ de'ang sangs rgyas kyi gzugs tshol ba/ brtson 'grus kyis chog mi shes la/ de'ang dge ba'i rtsa ba sdud par byed pa/ bsam gtan gyis chog mi shes la/ de'ang mi dmigs pa'i tshul du byed pa// shes rab kyis chog mi shes la/ de'ang thams cad du dpyod par byed pa/ chos kyi longs spyod kyis tshel la/ de'ang thams cad du kha na ma zlo ba med pa ste/ rigs kyi du gzungs gzungs zhes bya ba ni chos de dag la chos kyi rjes su song ba'i nan tan yin te/ de bas na gzung sro zhes bya'o// rigs kyi bu gzhan yang gzung ni chos thams cad 'dzin par byed do/ / ji ltar na gzungs chos thams cad 'dzin par byed ce na/ stong pa nyid kyis chos thams cad 'dzin par byed/ mtshan ma med pa dang / smon pa med pas chos thams cad 'dzin par byed pa/ 'dod chags dang bral ba/ dben pa dang dngos pos med pa/ tha mi dad pa/ gnas med pa/ ma skyes pa/ mi skye ba/ mi 'ongs pa/ mi 'gro ba/ mi gnas pa/ yang dag par ma byung ba/ ma 'phos pa/ mi 'jig pa/ mi blang ba/ mi dor ba/ rang bzhin med pa/ dngos po med pa/ rtog pa med pa/ rnam
- 306a
par rtog pa med pa/ sgrub pa med pa/ bdag med pa/ sems can med pa/ sgrog med pa/ gang zas med pa/ spros pa s+yAd+d+haSh+Ta/ gzu ba dahA/ ba med pa/ ma byung ba/ ma mthong ba/ ma thos pa/ ma bsnams pa/ ma myangs pa/ ma reg pa/ mi dmigs pas chos thams cad 'dzin pas na/ de'i phyir gzungs zhes bya'o// rigs kyi bu dag gzhan yang gzungs kyi sgyu ma'i rang bzhin gyis chos thams cad 'dzin to// rmi lam gyi rang bzhin dang / dbu ba'i rang bzhin gyis chos thams cad 'dzin to// smig/ rgyu'i rang bzhin dang / gzugs brnyan gyi rang bzhin dang / sgra brnyan gyi rang bzhin dang / nam mkha'i rang bzhin gyis chos thams cad 'dzin te/ de bas na gzungs zhes bya'o// rig kyi bu dag gzhan yang gzungs ni mi rtag pas chos thams cad 'dzin to/ / de bzhin du sdug bsngal ba dang / bdag med pa dang / rang bzhin gyis mi rgyu ba dang / kun nas nyon mongs pa med pa dang / rnam par byang ba med pa dang / thob pa med pa dang / mngon par byas pa med pas chos thams cad 'dzin te/ de bas na gzungs zhes bya'o// rigs kyi bu dag 'di lta ste/ dper na sa 'di ni skye bo thams cad 'dzin mod kyi/ 'gas par yang mi 'gyur/ skyo bar yang mi 'gyur ro// rigs kyi bu dag de bzhin du byang chub sems dpa' sems
- 306b
dpa' chen po gzungs thob pa'ang sems can thams cad kyi phyir bskal pa grangs med par thams cad mkhyen par sems bskyed pa'i dge ba'i rtsa ba bsdus pas 'dzin kyang / / 'gas pa'ang med/ skyo ba'ang med do// rigs kyi bu dag 'di lta ste/ dper na sa 'di ni sems can thams cad kyi nye bar 'tsho ba yin no// rigs kyi bu dag de bzhin du byang chub sems dpa' gzungs thob pa'ang sems can thams cad kyi nye bar 'tsho ba yin no/ / rigs kyi bu 'di lta ste/ dper na sa la gnas na r+dz+dza dang / shing gel ba dang / sman dang / nu gas tshal thams cad skye bar 'gyur ro/ / rigs kyi bu dag de bzhin du byang chub sems dpa' gzungs la gnas pa'i dge ba'i chos thams cad skye bar 'gyur ro// rigs kyi bu dag 'di lta ste/ dper nas ni chags par yang mi byed/ zhe sdang bar yang mi byed/ khengs par mi byed/ dud par yang mi byed do// rigs kyi bu dag de bzhin du byang chub sems dpa' gzungs la gnas pa'ang chags par mi byed/ zhe sdang bar yang mi byed/ khengs par mi byed/ dud par yang mi byed do// rigs kyi bu dag 'di lta ste/ dper na sa ni char pa'i rgyun thams cad len te/ cho ga mi shes par byed do// rigs kyi bu de bzhin du byang chub sems dpa' gzungs la gnas pa'ang sangs rgyas rnams dang / byang chub sems
- 307a
dpa' dag dang / yang dag par song ba dag dang / yang dag par zhugs pa dag la/ chos thams cad nyan na'ang chog mi shes/ 'chad na'ang chog mi shes so/ / rigs kyi bu dag 'di lta ste/ dper na sa ni sa bon thams cad 'dzin mod kyi/ dus la ma bra ba/ drod la ma bab par ljang bu mi skyed do// rigs kyi bu dag de bzhin du byang chub sems dpa' sems dpa' chen po gzungs thob pa'ang dge ba'i rtsa ba'i sa bon thams cad 'dzin mod kyi/ dus ma yin/ tshad ma yin zhing / sangs rgyas kyi chos yongs su ma rdzogs par byang chub kyi snying po la mi 'jug go/ / rigs kyi bu dag 'di lta ste/ dper na dpa' bo ni sa la gnas na/ pha rol gyi sde thams cad las rgyal bar byed do// rigs kyi bu dag de bzhin du byang chub sems dpa' sems dpa' chen po gzungs thob pa'ang byang chub kyi snying po la 'dug na/ bdud kyi sde thams cad las rgyal bar byed do// rigs kyi bu/ dag 'di lta ste/ dper na sa ni nam mkha' la rtag pa 'am/ mi rtag pa'am/ bde ba'am/ sdug bsngal ba 'am/ sdug pa 'am/ mi sdug pa 'am/ bdag gam/ bdag med pa 'am/ sems can nam/ sems can med pa'am/ srog gam/ srog med pa'am/ gang zag gam/ gang zag med par mi 'dzin to// rigs kyi bu dag de bzhin nga gzang
- 307b
chos thams cad mi 'dzin to/ / de ci'i phyir zhe na/ rigs kyi bu gzungs ni gnyis dang bral ba'i phyir ro// rigs kyi bu dag 'di lta ste/ dper na sa ni nam mkha' mi 'dzin te/ / rigs kyi bu dag de bzhin du gzungs kyang chos thams cad mi 'dzin to// rigs kyi bu dag 'di lta ste/ dper na stong pa nyid ni lta ba'i rnam pa thams cad mi 'dzin to// rigs kyi bu dag de bzhin du gzungs kyang chos thams cad mi 'dzin to// rigs kyi bu dag 'di lta ste/ dper na rang bzhin ni nye ba'i nyon mongs pa thams cad mi 'dzin to// rigs kyi bu dag de bzhin du gzungs kyang chos thams cad mi 'dzin to/ / rigs kyi bu dag 'di lta ste/ dper na lam skyon med par gyur pa ni chos thams cad la byed pa med pa 'dzin pa med do// rigs kyi bu dag de bzhin du gzungs kyang chos thams cad mi 'dzin to/ / de lta bas nA rigs kyi bu dag gang gzungs de ni mi zad pa'o// gang mi zad pa de ni tshad med pa'o// gang tshad med pa/ de ni kun gyi rjes su song ba'o// gang kun gyi rjes su song ba de ni nam mkha'i dbyings so// de lta ste/ rigs kyi bu dag nam mkha'i dbyings dang gzungs de gnyis ni rnam pa gnyis su med do/ / 'jam dpal gzhon nur gyur pas gzungs 'di ston pa bstan pa'i tshe/ 'khor de na byang chub sems dpa' lnga brgyas gzungs thob par gyur to// gzhan yang thun
- 308a
dbu ma la 'jam dpal gzhon nur gyur pas byang chub sems dpa' lnga brgya po de dag la byang chub sems dpa'i sde snod ces bya ba'i chos kyi rnam grangs rgya cher bshad/ de la byang chub sems dpa'i snga snod gang zhe na/ chos gang 'jig rten pa dang / gang 'jig rten las 'das pa dang / chos gang 'dus byas pa dang / gang 'dus ma byas pa dang / chos gang dge ba dang / gang mi dge ba dang / gang kha na ma tho ba dang bcas pa dang / gang kha na ma tho ba med pa dang / gang zag pa dang bcas pa dang / gang zag pa med pa'i chos gang yang byang chub sems dpa'i sde snod kyi chos su ma zhugs pa med de/ de dag thams cad ni byang chub sems dpa'i sde snod kyi rjes su zhugs so// de ci'i phyir zhe na/ rigs kyi bu dag byang chub sems dpa'i sde snod ni chos thams cad rtogs pa yin no/ / rigs kyi bu dag 'di lta ste/ dper na stong gsum gyi stong chen po'i 'jig rten gyi khams 'di ni/ gli bzhi pa'i 'jig rten gyi kham bye ba phrag brgya dang / nyi ma dang zla ba bye ba phrag brgya dang / ri rab ri'i rgyal po bye ba phrag brgya dang / rgya mtsho mching rnam chen po bye ba phrag brgya yod pa de dag thams cad ni/ stong gsum gyi stong chen po'i 'jig rten gyi khams 'dir 'dus shing 'ub bo/ / rigs kyi bu dag de bzhin du gang so so'i skye bo'i chos rnams dang / gang slob pa'i chos rnams dang / gang slob pa
- 308b
med pa'i chos rnams dang / gang nyan thos kyi chos rnams dang / gang rang sangs rgyas kyi chos rnams dang / gang byang chub sems dpa'i chos rnams dang / gang sangs rgyas kyi chos/ rnams dang / de dag thams cad byang chub sems dpa'i sde snod kyi chos kyi rnam grangs kyi nang du 'dus shing thub bo// de ci'i phyir zhe na/ rigs kyi bu dag nyan thos kyi theg par bsdu ba dang / rang sangs rgyas kyi theg par bsdu ba dang / theg pa chen po bsdu ba dang / theg pa thams cad du 'dus pa ni/ byang chub sems dpa'i sde snod kyi chos kyi rnam grangs so// rigs kyi bu/ dag 'di lta ste/ dper na shing gi rtsa ba bzung na/ lo ma dang / me tog dang / 'bras bu thams cad 'dus par 'gyur ro// rigs kyi bu dag de bzhin du byung chub sems dpa' sem dpa' chen po'ang byang chub sems dpa'i sde snong bzung na/ theg pa thams cad 'dus par 'gyur ro// rigs kyi bu dag de la byang chub sems dpa'i snga snod gang zhe na/ rigs kyi bu dgra byang chub sems dpa'i sde snod ces bya ba ni/ snod tshad med pa yin no// rigs kyi bu dag pa di lta ste/ dper na rgya mtsho mching rnam chen po tshad med pa'i chu ni/ klu dang / lha ma yin dang / gnod sbyin dang / byol song gi skye gnas su gtogs pa'i sems can tshad med pa dag gi snod yin no// rigs kyi bu dag de bzhin du byang chub sems dpa'i sde
- 309a
snod kyi chos kyi rnam grangs kyang thos pa dang / tshul khrims dang / ting nge 'dzin dang / shes rab dang / ye shes mthong ba tshad med pa'i snong yin no// rigs kyi bu dag 'di lta ste/ dper na sems can gang dag rgya mtsho mching rnam chen po'i nang du skyes pa ni/ rgya mtsho mching rnam chen po ma gtogs par chos gzhan gyi ro mi 'thung ngo // rigs kyi bu dag de bzhin du gang byang chub sems dpa'i snga snod kyi chos kyi rnam grangs la spyod pa de dag ni/ thams cad mkhyen pa'i ro ma gtogs par chos gzhan gyi ro mi 'thung ste/ de bas na byang chub sems dpa'i sde snod ces bya'o// yang rigs kyi bu dag 'di gsum ni snga snod yin no// gsum gang zhe na/ 'di lta ste/ nyan thos kyi sde snod dang / ra sangs rgyas kyi sde snod dang / byang chub sems dpa'i sde snod ngo // rigs kyi bu dag de la nyan thos kyi sde snod ni pha rol gyi sgra'i rjes su 'brangs pas thob pa'o// rang sangs rgyas kyi sde snod ni rten cing 'brel par 'byung ba rtogs pa'i phyir/ rgyu zin par rtogs pa'o// rigs kyi bu dag byang chub sems dpa'i sde snod ni chos tshad med pa rtogs shing / rang byung ba'i ye shes dang 'thun pa'o/ / yang rigs kyi bu dag nyan thos sam/ rang sangs rgyas dag ni gang yang sde snod gsum pa ma yin gyi/ rigs kyi bu dag gang gi chos bshad pa las/
- 309b
sems can dag nyan thos kyi theg pa dang / rang sangs rgyas kyi theg pa dang / bla na med pa yang dag par rdzogs pa'i byang chub kyi phyir theg pa gsum gyis 'byung ba de la ni sde stong gsum pa'o// zhes bdag smra'o// rigs kyi bu dag byang chub sems dpa' ni chos 'chad na/ sems can theg pa gsum gyis 'byung bas na/ de'i phyir byang chub sems dpa' de la sde snod gsum pa zhes bya'o/ / rigs kyi bu dag gzhan yang bslab pa ni gsum mo// gsum gang zhe na/ nyan thos kyi bslab pa dang / rang sangs rgyas kyi bslab pa dang / byang chub sem dpa'i bslab pa'o/ / rigs kyi bu dag de la nyan thos kyi bslab pa ni/ phyogs gcig pa/ bdag gi bsam pa'i rgyud snang ba'i mtshan nyid do// rang sangs rgyas kyi bslab pa ni/ rgan tan bar ma dang ldan zhing snying rjes chen po dang bral ba'o// rigs kyi bu dag byang chub sems dpa'i bslab pa ni tshad med pa'i rjes su song ba/ snying rje chen pos zin pa'o// nyan thos kyi theg pa la gnas pa ni rang sangs rgyas kyi bslab pa la mi slob cing mi shes so/ / rang sangs rgyas kyi theg pa la gnas pa ni byang chub sems dpa'i bslab pa la mi slob cing mi shes so/ / rigs kyi bu dag byang chub sems dpa' ni nyan thos kyi bslab pa la'ang slob cing shes mod kyi/ nyan thos kyi theg pa 'dod par yang mi byed/ theg pa nges 'byung bar
- 310a
yang mi byed/ rang sangs rgyas kyi bslab pa la'ang slob cing shes mod kyi/ rang sangs rgyas kyi theg pa 'dod par yang mi byed/ theg pa des 'byung bar yang mi byed de/ byang chub sems dpa'i bslab pa la slob cing shes la/ theg pa chen po des 'byung bar byed de/ byung nas kyang nyan thos kyi rnam par grol ba'ang ston/ rang sangs rgyas kyi rnam par grol ba'ang ston/ byang chub sems dpa'i rnam par grol ba'ang ston to// rigs kyi bu dag byang chub sems dpa'i bslab pa ni tshad med pa'i rjes su song ba/ snying rjes chen pos zin pa'o/ / nyan thos kyi theg pa la gnas pa ni rang sangs rgyas kyi bslab pa la mi slob cing mi shes so// rang sangs rgyas kyi theg pa la gnas pa ni/ byang chub semam dpa'i bslab pa la mi slob cing mi shes so/ / rigs kyi bu dag 'di lta ste/ gang byang chub sems dpa'i bslab pa la spyod pa de lta bu yongs su rdzogs pa de ni/ byang chub sems dpa'i sde snod ces bya'o/ / rigs kyi bu dag 'di lta ste/ dper na nor bu bai DUR+Ya'i snod kyi nang du ci dang ci bcug pa de thams cad de'i rang bzhin nyid du 'gyur ro// rigs kyi bu dag de bzhin du byang chub sem dpa'i sde snod kyi rjes su zhugs pa'i byang chub sems dpa' sems dpa' chen po chos gang dang gang 'chad pa de thams cad sangs rgyas kyi chos kyi rang bzhin nyid rjod par byed do/ / rigs kyi bu dag byang
- 310b
chub sems dpa'i sde snod kyi rjes su zhugs pa'i byang chub sems dpa' sems dpa' chen po ni gang sangs rgyas kyi chos ma yin pa de dag mi mthong ngo / / gang byang chub sems dpa' bslab pa ma yin pa de dag mi mthong ngo / / gang dag gi byang chub sems dpa'i bslab pa la slob par bya ba ma yin pa'i chos de dag mi mthong ngo // gang tshul bzhin ma yin pa'i chos de dag kyang mi mthong ste/ chos thams cad tshul bzhin du mthong bas gang yang sangs rgyas kyi chos su mi brjod pa med do// rigs kyi bu dag byang chub sems dpa'i sde snod ni/ yi ges bshad pa mtha' yas te/ yi ge'i 'bru gzhag pa tshad med pa yin no// snang bas gsal ba bsam gyis mi khyab pa yin no// de ltar mos pa'i sems can rnams la mnyam pa nyid du gzhug pa'i phyir/ thams cad mkhyen pa'i ye shes thob par byed pa'o// gang dag bslab pa de la slob cing slob par 'gyur ba de dag thams cad kyang / byang chub sems dpa'i sde snod 'di nyid kyi rjes su zhugs pas/ theg pa chen po de rtogs par 'gyur te/ de'ang byed pa med par rtogs so// de lta ste/ 'jam dpal gzhon nur gyur pas mtshan mo thun par ma'i tshe// byang chub sems dpa' de dag la byang chub sems dpa'i sde snod kyi chos kyi rnam grangs 'di rgya cher bshad do/ / de nas 'jam dpal gzhon nur gyur pas mtshan mo thun tha ma'i tshe/ byang chub sems
- 311a
dpa' de dag la phyir mi ldog pa'i 'khor lo rdo rje'i tshig la 'jug pa'i don rgya cher bshad pa/ rigs kyi bu dag phyir mi ldog pa'i 'khor lo zhes bya ba ni/ byang chub sems dpa' de chos 'chad pa las/ sems can gang dag gis chos 'chad pa de mnyan nas/ de dag thams cad kyis phyir mi ldog pa'i chos nyid rtogs shing / phyir mi ldog pa'i 'khor lo bshad pa las slar mi ldog pa'o// rigs kyi bu dag phyir mi ldog pa'i 'khor lo la mos pa'i byang chub sems dpa' sems dpa' chen po ni/ sems can sna tshogs su mi spyod/ chos sna tshogs su mi spyod/ theg pa sna tshogs su mi spyod/ sangs rgyas kyi zhing sna tshogs su mi spyod/ sangs rgyas sna tshogs su mi spyod cing / chos thams cad kyi 'khor lo skor ba ni thams cad kyi rjes su zhugs par mthong ste/ chos kyi dbyings tha dad par yang chos kyi 'khor lo de mi skor te/ de bas na phyir mi ldog pa'i 'khor lo zhes bya ba/ 'khor lo de ni yongs su ma chung pa'i 'khor lo'o// gnyis su med pa'i 'khor lo'o/ / ji lta ba bzhin du brjod pa'i 'khor lo'o// rang byung ba'i ye shes rtogs pa'i 'khor lo'o// 'khor lo de ni chos kyi dbyings kyi dkyil 'khor gyi 'khor lo'o// rigs kyi bu dag byang chub sems dpa' sems dpa' chen po gang dag mtshan ma thams cad kyi phyir mi ldog pa'i 'khor lo 'di la mos par gyur pa dang / mos par byed pa dang / mos par 'gyur ba
- 311b
de thams cad ni de bzhin gshegs pa'i rnam par grol bas rnam par grol bar 'gyur te/ rnam par grol ba ni gnyis su'ang mi ston no// de bzhin gshegs pa'i rnam par grol ba'i mtshan nyid gang yin pa chos thams cad kyi mtshan nyid kyang yin/ de bzhin gshegs pa'i rnam par grol ba ni mtshan nyid med pa'o// chos thams cad kyang rnam par grol ba'i mtshan nyid dang bral ba yin te/ chos gang mtshan nyid med pa de ni rnam par grol ba'ang med mod kyi/ gnyis su med pa sems dang lus dang bral ba de ni rnam par grol ba'o// gang sems dang / gang lus de ni rnam par grol bar mi 'gyur ro/ / de ci'i phyir zhe na/ rnam par grol ba de sems dang lus kyi rang bzhin yin pa'i phyir ro// de lta bas na ye shes de gzhan la rag ma las pa'i phyir/ phyir mi ldog pa'i 'khor lo zhes bya'o// rigs kyi bu dag gzhan yang phyir mi ldog pa'i 'khor lo ni slar mi ldog go/ de ci'i phyir zhe na/ gzugs ni gzugs kyi rang bzhin las mi ldog go/ de bzhin du tshor ba dang / 'dus shes dang / 'du byed dang / rnam par shes pa ni rnam par shes pa'i rang bzhin las mi ldog go// rigs kyi bu dag chos thams cad ni/ chos kyi dbyings de las mi ldog ste/ chos kyi dbyings de ni ji lta ba bzhin yin pas na/ phyir mi ldog pa'i 'khor lo zhes bya'o// 'khor lo de ni dbus su 'jug pa'ang med de/ 'khor lo de ni
- 312a
chad pa med pa/ rtag pa med pa'o// de la ni sgo cung zad kyang med do// de ni gnyis su med pa'i sgro'i 'khor lo'o// 'khor lo de ni skor ba med mi skor ba'i 'khor lo'o/ / 'khor lo de ni ston pa cung zad kyang med de/ mi rjod pa'i 'khor lo'o// 'khor lo de ni sgrogs pa cung zad kyang med de/ brjod du med pa'i 'khor lo'o/ / yang phyir mi ldog pa'i 'khor lo de ni stong pa nyid kyi sgo la gnas pas mtshan ma med pa'o// rnam par grol ba'i sgo la gnas pas mtshan nyid med pa'o// thams cad kyi rjes su song ba'i nam mkha'i mtshan nyid do/ / de'ang de'i rjes su yang dag par song ba'i rang bzhin gyi mtshan nyid de/ de bas na phyir mi ldog pa'i 'khor lo zhes bya ba'o// rigs kyi bu dag rdo rje'i tshig ni/ gang chos thams cad nges par rtogs pa'o// yang chos thams cad nges par rtogs pa gang zhe na/ rigs kyi bu dag stong pa nyid ni rdo rje'i tshig ste/ lta ba'i rnam pa thams cad nges par rtogs par 'gyur ro/ / rigs kyi bu dag mtshan med pa ni rdo rje'i tshig ste/ rnam par rtog pa thams cad las 'da' bar 'gyur ro// rigs kyi bu dag smon pa med pa ni rdo rje'i tshig ste/ 'gro ba thams cad las 'da' bar 'gyur ro// rigs kyi bu dag chos kyi dbyings ni rdo rje'i tshig ste/ sna tshogs las 'da' bar 'gyur ro// rigs
- 312b
kyi bu de dag de bzhin nyid ni rdo rje'i tshig ste/ bdag med par 'gyur ro// rigs kyi bu dag 'dod chags dang bral ba ni rdo rje'i tshig ste/ 'dod chags kyi rang bzhin med par 'gyur ro// rigs kyi bu dag mya ngan las 'das pa ni rdo rje'i tshig ste/ chos rnams de'i rang bzhin du ston to zhes 'jam dpal gzhon nur gyur pas byang chub sems dpa' de dag la mtshan thog thag tu chos rgya cher bshad pa dang / de nas byang chub sems dpa' kha cig ting nge 'dzin 'od zer gyi me tog ces bya ba mngon par grub par gyur te/ byang chub sems dpa'i ting nge 'dzin de la gnas nas/ ba spu'i khung bu'i 'od zer re re las kyang sangs rgyas brgya stong ston cing / sangs rgyas bcom ldan 'das de dag kyang phyogs bcu'i sangs rgyas kyi zhing na sems can thams cad sangs rgyas kyi bya ba byed par mngon du zhugs so/ / de nas rgyal po ma skyes dgras 'jam dpal gzhon nur gyur pa la 'jam dpal dus la bab bo// 'jam dpal man la bab bo// bshos lags kyis/ de'i dus la bab par mkhyen par mdzod cig ces pho nya gdugs tshod la smra na 'dren du bcug go/ de nas gnas brtan 'od srungs chen po snga dro'i dus kyi tshe sham thabs bgos/ chos gos dang lhung bzed khyer te/ dge slong lnga brgya dang 'grogs nas/ bsod snyoms kyi phyir rgyal po'i khab kyi grong khyer chen por song ba las/ de lam gyi tshigs su phyin pa dang / 'di snyam du
- 313a
gyur te/ grong khyer chen por 'gro ba ha cang snga ches kyis/ gang bdag ni 'jam dpal gzhon nur gyur pa'i gtsug lag khang ga la ba der song ba dang / de na gtam gyi rgyun cig yod par 'gyur ro snyam mo/ / de nas gnas brtan 'od srungs chen po dge slong lnga brgya tsam po de dag dang / 'jam dpal gzhon nur gyur pa'i gtsug lag khang ga la ba der song ste phyin nas/ 'jam dpal gzhon nur gyur pa dang dga' ba dang mgu ba'i gtam rnam pa sna tshogs byas te phyogs gcig tu 'dug go// de nas 'jam dpal gzhon nur gyur pas/ gnas brtan 'od srungs chen po phyogs gcig tu 'dug pa la 'di skad ces smras so/ / tshe dang ldan pa 'od srungs chen po ci'i phyir na nang par sngar sham thabs bgos/ chos gos dang lhung bzed khyer te 'gro// smras pa/ 'jam dpal bdag ni bsod snyoms kyi slad du rgyal po'i khab tu mchi bar 'tshal lo// 'jam dpal gyis smras pa/ tshe dang ldan pa 'od srungs chen po 'khor dang bcas pa la bdag gis bshos gsol gyis dgongs shig/ smras pa/ 'jam dpal bgyis shing mchod pas 'tshal te/ bdag ni chos 'tshal gyi/ zang zing 'tshal ba ma lags so// smras pa/ tshe dang ldan pa 'od srungs chen po bdag la dgongs shig/ zang zing gi bsdu ba dang / chos kyi bsdu ba gnyis ka khyod la 'du bar mchi'o// 'od srungs chen pos smras pa/ 'jam dpal
- 313b
bdag ni 'tshal ma chad kyang khyod kyi slad bzhin du 'brang 'tshal lo/ / de ci'i slad du zhe na/ chos ston pa de ni ji lta ba khyod kyi drung nas thos pa 'dra bar gzhan las mi thos so// de 'jam dpal de ring sems can chen po de dag dang gang du bshos gsol/ 'dzum dpal gyis smras pa/ tshe dang ldan pa 'od srungs chen po gang gis bdag cag la sbyin pa sbyin nas/ 'khor ba las kyang mi skyod/ mya ngan las 'das pa'ang rtogs par mi byed/ so so'i skye bo'i sa las kyang mi 'da'/ 'phags pa'i chos mngon par yang mi byed pa de'i zas de ring 'tshal lo// tshe dang ldan pa 'od srungs chen po gang gis bdag cag la sbyin pa byin na/ 'bri bar yang mi 'gyur/ 'phel bar yang mi 'gyur/ chos gang yang skyed par mi bgyid/ 'gag par yang mi bgyid/ chos gang yang gtong bar mi bgyid/ thob par yang mi bgyid pa de'i zas de ring 'tshal lo// gnas brtan gyis smras pa/ 'jam dpal de ltar sbyin par bgyid pa de dang de dag ni sbyin bdag chen/ po lags kyi mchi'o// de nas 'jam dpal gzhon nur pa 'di snyam du gyur te/ bdag ni sangs rgyas kyi rnam par rol pas rgyal po'i khab kyi grong khyer chen por 'gro'o snyam mo// yang de'i tshe na ting nge 'dzin rdzu 'phrul thams cad rnam par 'phrul pa zhes bya ba la mnyam par gzhag go/ 'jam dpal gzhon nur gyur pa rdzu 'phrul thams cad rnam par 'phrul pa'i ting nge 'dzin la
- 314a
mnyam par bzhag ma thag tu/ de nas mi mjed kyi 'jig rten gyi khams 'di thams cad lag mthil bzhin du mnyam par gyur to// stong gsum gyi stong chen po'i 'jig rten gyi khams thams cad kyang snang ba chen pos snang bar gyur to/ / sems can dmyal ba pa'i sems can rnams kyi sdug bsngal yang rgyun chad do// byol song gi skye gnas pa dang / shin rje'i 'jig rten pa'i sems can rnams kyi sdug bsngal yang rgyun chad do// sems can gang yang 'dod chags sam/ zhe sdang ngam/ gti mug gam/ nga'am/ g.yo'am// khro ba 'am/ gnod 'chab par gyur pa med do// de'i tshe sems can thams cad gcig la gcig pa dang mar 'du shes shing byams pa la gnas par gyur to// stong gsum gyi stong chen po'i 'jig rten gyi khams 'di'ang rnam par g.yos so/ / 'dod pa na spyod pa dang / gzugs na spyod pa'i lha'i bu rnams kyang 'jam dpal gzhin nur gyur pa la mchod par byaba'i las la brtson par gyur to/ / sil snyan brgya stong yang dkrol bar gyur to// me tog zi zhim po'i char yang mngon par phab bo// lam gyi byi dor yang byas so// 'jam dpal gzhon nur gyur pas ting nge 'dzin de la snyoms par zhugs ma thag tu/ de nas gtsug lag khang de'i sgo mas bzung ste/ grong khyer gyi sgo'i bar du/ de'i bar gyi lam thams cad
- 314b
lag zil bzhin du mnyam par gyur to/ / rin po che du ma ni bsags/ rin po che du mas ni spras/ rin po che stegs bus ni bskor/ zheng du ni shing rta bdun tsam du me tog pad+mo par po dang / ku mu da dang / puN+Da ri kas ni gang / steng nas ni rin po che'i dra bas g.yogs/ dar gyi lda ldi mang po ni dres/ gdugs dang / rgyal mtshan dang / ba dan dang / ru mtshon ni bsgreng bar gyur to/ / rin po'i che'i stegs bu gnyis kyi ka yas g.yon du mda' rgyang re re tsam na/ rin po che'i shing yod par gyur to// rin po che'i shing thams cad las/ rin po che shing gnyis pa/ rin po che'i srad bus sbrel bar gyur to// rin po che'i shing re re las kyang gang dri byung bar gyur pa'i dI des ni dpag tshad gcig khor khor yug tu khyab par gyur to/ / rin po che'i shing gnyis kyi bar ni rdzing bu sprul par gyur to// gser gyi bye ma ni bkram/ rin po che'i stegs bus ni bskor/ nor bu bai DUR+Ya'i skad ni zug/ me tog ut+pa la dang / pad+ma dang / ku mu da dang / puN+Da ri kas ni bkab/ bya ngur pas ni skad 'byin/ chu yan lag brgyad dang ldan pas ni yongs su gang bar gyur to// shing thams cad kha rin po che dang gser gyi dra bas ni zos par gyur to/ / rin po che'i shing thams cad kyi bar na rin po che'i pog bor nas spos kyis ni bdugs par gyur to// rin po che'i
- 315a
shing thams cad kyi drung na/ lha'i bu mo nyi shu rtsa lnga lnga sprul yod pa nas byung ba'i tsan dan gyi snying po phye ma thogs te 'dug par gyur to// 'jam dpal gzhon nur gyur pas ting nge 'dzin de la snyoms par zhugs ma thag tu/ de nas de'i tshe ngo mtshar dang / rmad du byung ba 'di dag dang / gzhan dag kyang snang ngo // de nas 'jam dpal gzhon nur gyur pas sham thabs bgos te/ gnas brtan 'od srungs chen po la 'di skad ces smras so// tshe dang ldan pa 'od srungs chen po khyod ni mdun du bzhud cig/ bdag ni khyod kyi slad bzhin du mchi'o/ / de ci'i phyir zhe na/ gnas brtan 'od srungs chen po ni bgres la rab tu byung nas kyang yun ring ste/ de bzhin gshegs pa ma mthong bar rab tu byung zhing gang 'jig rten na dgra bcom pa de'i rjes su rab tu byung bas/ de bas na tshe dang ldan pa 'od srungs chen po khyod ni mdun du bzhud cig/ de skad ces smras pa dang / 'od srungs chen bos/ 'jam dpal gzhon nur gyur pa la 'di skad ces smras so// 'jam dpal legs par gsungs pa'i chos 'dul ba las ni/ su yang nas rgan pa dang / lo grangs kyis rgan pa zhes mi bgyiri/ 'jam dpal legs par gsungs pa'i chos 'dul ba las/ shes rab kyi rgan pa dang / thos pas rgan pa dang / spobs pas rgan pa dang / dbang po shin tu rnam par
- 315b
phye ba la rgan pa zhes bgyi la/ 'jam dpal khyod kyang shes rab kyis bkres/ gsan pas bkres/ spobs pas bgres/ dbang po dam pa dang / dam pa ma lags par mkhyen pa la mkhas pas/ de'i slad du khyod nyid thu bo bkres pa lags kyis mdun du bzhud cig/ bdag ni khyod kyi slad bzhin mchi'o// yang 'jam dpal don 'di nyid shin tu bshad pa'i slang du/ skabs 'dir ba dag gis dpa tsam zhig bshad par spobs so// 'dra ma dpal 'di lta ste/ dper na seng ge 'phrug gu byung nas ring po ma lon pa na/ bdag gi stobs kyi shugs ma rdzogs mod kyi/ seng ge'i phrug gu de'i dri rlung gis gang dang gang du khyer ba de dang de dag tu ri dgas thams cad dri de mi bzod nas 'bros par bgyid de/ bal glang glang po che chen po lo drug cu lon pa/ lag ri sra bas dam du bcings pa de dag kyang seng ge'i phrug gu de'i dris phog pa dang / 'jigs skrag nas lig ris bcings pa de dag bcad de/ phyogs phyogs su 'bros so/ / phug na gnas pa ni phug tu/ khung na gnas pa ni khung du 'jug/ chu na gnas pa ni chur 'jug/ bya ni nam mkha' la 'phur ro// 'jam dpal de bzhin du byang chub sems dpa' sems thog ma skyed pa'ang shes rab dang ye shes kyi stobs bskyed pa ma thob mod kyi/ sems bskyed ma thag tu nyan thos dang rang sangs rgyas thams cad zil gyis gnon
- 316a
par gyur/ bdud thams cad 'jigs par gyur zhing / skrag nas bdag gi khang pa ni mi dga' bar 'gyur ro// yang 'jam dpal seng ge'i phrug gu des seng ge'i stobs dang shugs thob pa gzhan dag seng ge'i sgra skad 'byin pa'i sgra thos na'ang / 'jigs sngangs skrag par mi 'gyur gyi steng du/ bdag kyang ring po mi thogs par seng ge'i skad 'byin to snyam du sems par 'gyur ro/ / 'jam dpal de bzhin du byang chub sems dpa' sems dpa' chen po'ang sangs rgyas kyi seng ge'i skad thos nas/ mi 'jigs/ mi da dang skrag par ma 'gyur gyi steng du/ bdag kyang ring po mi thogs par de bzhin du byang chub thob nas de dang 'dra bar seng ge'i skad yang dag par 'byin par bya'o snyam du sems par 'gyur ro// 'jam dpal de lta bas na gang dag nyan thos kyi nang na gang bgres/ rang sangs rgyas kyi nang na gang bgres/ de bzhin gshegs pa'i nang na gang bgres zhes smra zhing / yang dag par brjod pa'i dag ni 'jam dpal byang chub kyi sems la smra zhing yang dag par brjod pa lags so/ / de ci'i slad du zhe na/ 'jam dpal dge ba'i chos de dag thams cad ni de las byung ngo // de'i slad du yang 'jam dpal khyod ni thu bo/ / 'gres pa lags kyis sngon du bzhud cig/ bdag ni khyod kyi slad bzhin du mchi'o// de nas 'jam dpal gzhon nur gyur pa mdun du song ba dang /
- 316b
byang chub sems dpa' sems dpa' chen po de dag dang / nyan thos chen po de dag kyang de'i phyi bzhin du dong ngo // 'jam dpal gzhon nur gyur pa rin po che'i lam der song ma thag tu/ de nas de'i tshe steng gi bar snang las me tog gi char chen po'ang mngon par bab bo// sil snyan brgya stong gi sgra yang byung ngo // sa chen po'ang rnam pa drug tu g.yos so// 'jig rten yang snang ba chen pos khyab par gyur to// de nas 'jam dpal gzhon nur gyur pa de 'dra ba'i bkod pa dang ldan nas/ lus las 'od zer brgya stong ni byung / me tog pad+ma'i char ni 'bab bzhin du/ grong khyer chen por song ba dang / rgyal po ma skyes dgras 'jam dpal gzhon nur gyur pa byang chub sems dpa' brgyad khri nyis stong dang / nyan thos lnga/ brgya tsam gyis bskor cing mdun du bdar te 'ong ngo zhes thos nas/ 'di snyam du gyur to// 'dir ni lnga brgya'i bshos sbyar la/ de 'di snyed kyi mang po zhig gshegs par gyur na gang du bzhugs/ ci gsol snyam ste/ de ltar bdag ni 'jam dpal gzhon nur gyur pas bslus so snyam du rgyal po ma skyes dgras de ltar sems skyes ma thag tu/ de nas de'i/ mod la rgyal po chen po ngal bso po dang gnod sbyin gyi bdag po kum d+hi ras/ bdag cag gi lus che ba bstan nas/ rgyal po ma skyes dgra la 'di skad ces smras so// rgyal po
- 317a
chen po mi dgar ma byed cig/ 'jam dpal gzhon nur gyur pa ni shes rab che ba/ shes rab kyi gzi brjid dang ldan pa/ rdzu 'phrul gyi byin gyis rlob pa la mkhas pa yin te/ de ni 'dod na zan chang gcig gis kyang stong gsum gyi stong chen po'i 'jig rten gyi khams su gtogs pa'i sems can thams cad 'grangs par byed mkhas na// brgyad khri nyis stong lha la ci smos te/ rgyal po chen po mi dgar ma byed cig/ thams cad la khyed par 'ong ngo // de ci'i phyir zhe na/ rgyal po chen po 'jam dpal gzhon nur gyur pa'i sbyin pa'i thabs ni zad mi shes so/ / de nas rgyal po ma skyes dgras chog de thos pa dang / dga' mgu rabs/ rab tu dga' zhing / dga' ba dang yid bde ba skyes nas yang shin tu 'jam dpal gzhon nur gyur pa la smon pa'i 'du shes kyis bkur sti byed par gyur to/ / de nas rgyal po ma skyes dgras bdag gi skye bo 'khor dang bcas te// me tog dang / dri dang / 'phreng ba dang / byug pa dang / phye ma thogs nas/ gra yog dang bcas pas 'jam dpal gzhon nur gyur pa bsu ba'i phyir phyi rol tu byung nas/ de nas 'jam dpal gzhon nur gyur pa la mchod pa byas te/ slar bdag gi khyim du so ngo // de nas 'jam dpal gzhon nur gyur pa 'khor dang bcas te/ rgyal
- 317b
ma skyes dgra'i khang ba ga lwa ba der dong ste sbyin pa dang / rlung du dong ngo // rang byin pa dang / zong khyer na gnas pa thams da kyang mtshang pa'i las la bson par gyur to/ yang de'i tshe na byang chub sems dpa'i 'khor der byang chub sems dpa' sems dpa' chen po kun du gzigs pa zhes bya ba zhig 'dus par b+hUtA/ de nas 'jam dpal gzhon nur gyur pas/ byang chub sems dpa' sems dpa' chen po kun tu gzigs pa la 'di skad ces smras so// rigs kyi bu khyod kyi 'khor gyi gnas bkod pa bya'o/ / de'i dus la bab par shes par gyis shig/ de nas byang chub sems dpa' sems dpa' chen po kun tu gzigs pas/ rgyal po ma skyes dgra'i khab kyi g.yas g.yon su bltas pa dang / bltas ma thag tu rgyal po ma skyes dgra'i khab tu 'khor gyi gnas byung ste/ dar gyi lda ldi mang po ni btags/ b+hA ra bris/ gzugs dang / rgyal mnan dang / ba da na ni bsgred/ me tog sil mos ni bkang zhing / lag mthil bzhin du mnyam pa dang / yangs shing rgyu che gyur te/ yang de'i tshen byang chub sems 'apa' sems dpa' chen po chos las mngon par 'phags pa zhes bya ba zhig byang chub sems dpa'i 'khor
- 318a
der 'dus par gyur to/ / de nas 'jam dpal gzhon nur gyur pas/ byang chub sems dpa' sems dpa' chen po chos las mngon par 'phags pa pos te 'di skad ces smras so/ / rigs kyi bu khyod kyis stan gding bar gyis shig/ de nas byang chub sems dpa' sems dpa' chen po chos las mngon par 'phags pas/ de'i tshes gol gyi sgra byas pa dang / de nas de'i tshe 'khor gyi gnas de nas stan rnam pa sna tshogs pa bstan sdug pa/ gos du mas g.yogs pa bzhi khri nyis stong mngon par byung bar gyur to// de nas 'jam dpal gzhon nur gyur pa stan bting ba de la 'dug pa dang / byang chub sems dpa' sems dpa' chen po de dgra dang / nyan thos chen po de dag kyang stan de dag la ci rigs par 'khod do/ / de nas rgyal po ma skyes dgras 'jam dpal gzhon nur gyur pa stan la 'dug par shes nas/ 'di skad ces gsol to// 'jam dpal 'bras chan slad ma sgrol gyi bar du cung zad cig gzhes shig/ 'jam dpal gyis smras pa/ rgyal po chen po thams cad la chog par 'gyur gyis/ bya ba nyung ngu gyis shig/ de nas rgyal po chen po bzhi dpung dang bcas/ / 'khor dang bcas te/ 'jam dpal gzhon nur gyur pa la mchod pa'i las la brtson par gyur to// brgya byin lha'i dbang po'ang chung ma dang /
- 318b
lha'i bu mo dang / de ma yin pa'i lha dang / lha ma yin gyi bu mo de dag dang bcas te/ a ka ru dang tsan dan gyi phye mas byang chub sems dpa' thams cad dang / nyan thos thams cad la gtor kyang / skyes bu dam pa de dag ni spos kyi 'du shes dang / lha'i bu mo'i 'du shes su skyes pa med do// tshangs pa mi mjed kyi bdag po'ang khye'u'i gzugs su bsgyur te/ ga yag rnga'i rdul ga yab thogs nas/ 'jam dpal gzhon nur gyur pa'i gau yas logs na g.yob cing 'dug par gyur to// tshangs pa'i ris kyi lha'i bu rnams kyang byang chub sems dpa' thams cad kyi ga yas phyogs na 'dug cing / g.yag rnga'i rdul ga yab thogs te g.yob par gyur to// klu'i rgyal po ma dros pa'ang bdag gi lus mi snang bar byas te/ steng gi bar snang las me tog gi se mo do 'phyang bar byas so// me tog gi se mo do de las kyang chu yan lag brgyad dang ldan pa byung bar byed de/ chu des kyang chu'i bya ba byas so// de bzhin du byang chub sems dpa' thams cad so so dang / de bzhin du nyan+da thos rnams kyi mdun durang mu tig gi se mo de 'phyang du bcug ste/ de dag gi chu'i bya ba byas so// de nas rgyal po ma skyes dgra ba'i snyam du gyur te/ byang chub sems dpa' 'di dag la lhung bzed mi mnga' ma/ de dag ci las
- 319a
gsol bar 'gyur snyam mo/ / de nas 'jam dpal gzhon nur gyur pa'i sems kyis rgyal po ma skye rims skyes dgra la 'di skad ces smras so/ / kye rgyal po chen po rigs kyi bu 'di dag ni lhung bzed khyer te mi 'ong gi/ sangs rgyas kyi zhing gang dang gang dag tu zas za ba de dang de dag 'di dag 'khod ma thag tu/ sngon gyi byin gyi rlabs kyis zas kyi la logs su bdag bdag gi sangs rgyas kyi zhing nas nga rnams par snga byed do/ / rgyal pos gsol pa/ 'jam dpal po na skyes bu dam pa 'di dag sangs rgyas kyi zhing gang nas mchis de na de bzhin gshegs pa'i mtshan ca lags dpal gyis smras pa/ rgyal po chen po 'jig rten gyi khams ni rtag tu smra bsgrags zhes bgyi'o// de na de bzhin gshegs pa dgra bcom pa yang dag par rdzogs pa'i rgyas bsgrags pa'i dpal zhes bya ba da ltar bzhugs so/ / 'tsho'o// gzhes so// sangs rgyas kyi zhing de nas chu sems dpa' sems da chen po kyi bshes gsol ba dang / khyod kyi 'gyod pa ngan pa de mnyam pa'i phyir 'dir lhags so// de nas byang chub sems dpa' de dag gis sems skyed ma thag tu 'jig cher po kham
- 319b
rtag tu sgra bsgrags de nas lhung bzed de dag byang chub sems dpa' de dag gi byin gyi rlabs dang / de bzhin gshegs pa de'i sngon gyi smon lam gyis steng gi bar snang las song ste/ mtsho ma dros pa chen por babs te/ de dag chu yan lag brgyad dang ldan pa sa bkrus nas/ me tog pad+ma'i 'arang ma'i steng du bzhag ste klu'i bu mo brgyad khri nyis stong gis khyer nas byang chub sems dpa' de dag la phul lo/ / de nas rgyal po ma skyes dgra shin tu cher dga' mgu rangs/ rab tu dga' zhing / dga' ba dang yid bde ba skyes nas/ 'jam dpal gzhon nur gyur pa la phyag 'tshal zhing 'dug par gyur pa dang / 'jam dpal gyis smras pa/ rgyal po chen po mchod ston drongs shig/ de'i dus la bab par shes par gyis shig/ de nas rgyal po ma skyes dgras mchod ston ji ltar sbyar ba'i rnam grangs te/ bza' ba 'am/ bca' ba 'am/ bldag pa gang dang gang drangs pa de dang de gzhon pa'i mtha'i bar du zad mi shes par gyur to/ / de lta ste/ rgyal po ma skyes dgras lnga brgya'i mchod ston sbyar ba de las/ byang chub sems dpa' brgyad khri nyis stong po de dag dang / nyan thos lnga brgya tsam po de dag chog par byas kyang / mchod ston de yongs su zad cing gtugs par ma gyur to// de nas rgyal po ma skyes dgras gsol pa/ 'jam dpal
- 320a
mchod sngon 'di ma bas pa ngo mtshar to/ / 'jam dpal gyis smras pa/ rgyal po chen po ji ltar 'gyod pa ngan pa de mi zad pa de bzhin du mchod ston 'di ma zad do/ / de nas byang chub sems dpa' sems dpa' chen po de dag gis zas zos nas/ lhung bzed rnams nam mkha' la 'phangs pa dang / de dag ma bzung bzhin/ du bar snang la 'dug par gyur te ma lhung ngo // de nas rgyal pos gsol pa/ 'jam dpal lhung bzed 'di dag ci la gnas/ smras pa/ rgyal po chen po khyod kyi 'gyod pa ngan pa de ci la gnas pa de nyid la lhung bzed 'di dag gnaso/ / rgyal pos gsol pa/ 'jam dpal lhu bzed 'di dag ni mri gnas so// 'jam dpal gyis smras pa/ rgyal po chen po khyod kyi 'gyod pa ngan pa de'ang mi gnas so// rgyal po chen po 'di lta ste/ dper na lhung bzed 'di dag mi gnas kyang mi lhung ba/ de ba du rgyal po chen po chos thams cad kyang mi chags mi gnas shing / chos gang la'ang mo ltung ngo // de nas rgyal po ma skyes dgras byang chub sems dpa' de dag dang / nyan thos chen po de dag lag pa dang lhung bzed bkrus par shes te/ chos mnyan pa'i phyir 'jam dpal gzhon nur gyur pa'i mdun du 'dug nas/ 'phag
- 320b
pa 'jam dpal bdag gi 'gyod pa de bsal du gsol zhes byas pa dang / 'jam dpal gyis smras pa/ rgyal po chen po khyod kyi 'gyod pa de ni/ yang dag par rdzogs pa'i sangs rgyas gang+gA'i klung gi bye ma snyed kyis kyang bsal mi nus so/ / de nas rgyal po ma skyes dgras bdag mgon med par shes nas/ shing bcad pa bzhin du sa chen po 'di la 'gyel bar gyur to/ / de nas gnas brtan 'od srungs chen pos/ rgyal po ma skyes dgra la 'di skad ces smras so// rgyal po chen po ma 'jigs ma skrag cig/ 'jam dpal gzhon nur gyur pa ni dgongs pa'i 'chad pa la mkhas pa yin gyi 'di nyid la khyod kyis ci las dgongs te/ khyod kyi 'gyod pa ngan pa de gang+gA'i klung gi bye ma sed kyi sangs rgyas bcom ldan 'das kyis kyang bsal bar mi nus so zhes de skad du ston ces zhus shig/ de nas rgyal po ma skyes dgras sa'i steng nas slar langs tite/ 'jam dpal gzhon rgur gyur pa la 'di skad ces gsol to// 'jam dpal ci la dgongs te/ khyod kyi 'gyod pa gAng+gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang bsal bar mi nus zhes de skad du ston/ 'jam dpal gyis smras pa/ rgyal po chen po de ji snyam du sems//
- 321a
sangs rgyas bcom ldan 'das sems kyi dmigs pas bskyed pa yin nam/ gsol pa/ 'jam dpal de ma lags so// smras pa/ sems bskyed/ pas bskyed pa yin nam/ gsol pa/ 'jam dpal de ma lags so// smras pa/ sems 'gags pas bskyed pa yin nam/ gsol pa/ 'jam dpal de ma lags so// smras pa/ 'dus ma byas kyis bskyed pa yin nam/ gsol pa/ 'jam dpal de ma lags so// smras pa/ 'dus byas kyis bskyed pa yin nam/ gsol pa/ 'jam dpel de ma lags so/ / smras pa/ rgyal po chen po de ji snyam du sems/ chos gang chos gang gis kyang skyed par mi 'gyur ba'i chos des chos gang yang bsal bar nus sam gsol pa/ 'jam dpal de ma lags so// 'jam dpal gyis smras pa/ rgyal po chen po ngas de la dgongs te/ sangs rgyas bcom ldan 'das gang+gA'i klung gi bye ma snyed kyis kyang khyod kyi 'gyod pa de bsal bar mi nus so zhes de skad smras so/ / rgyal po chen po gzhan yang bar snang gi nam mkha' 'di la gang la la zhig rdul tam/ du ba'am mun pas kun nas nyon mongs par byed 'dod na/ rgyal po chen po de ji snyam du sems/ bar snang gi nam mkha' kun nas nyon mongs par bya nus sam/ gsol pa
- 321b
'jam dpal de ma lags so/ / smras pa/ rgyal po chen po gang la la zhig ngas par snang gis nam mkha' rnam par sbyang ngo zhes de skad zer na/ bar snang gi nam mkha' rnam par sbyang bar nus sam/ gsol pa/ 'jam dpal de ma lags so// smras pa/ de bzhin du de bzhin gshegs pas chos thams cad nam mkha' dang mtshungs pa/ rang bzhin gyis kun nas nyon mongs pa med par mngon par rdzogs par sangs rgyas te/ chos gang yang nyon mongs pa'am/ byang bar ma gzigs na/ de dag gis ci zhig bsal bar mdzad/ rgyal po chen po ngas de las yang dgongs te/ sangs rgyas bcom ldan 'das gang+gA'i bye ma snyed kyis kyang khyod kyi 'gyod pa de bsal mi nus so zhes de skad smra'o// rgyal po chen po gzhan yang sangs rgyas bcom ldan 'das rnams kyis ni gang sems ldang ba de nang du'ang ma dmigs/ gang sems ldang ba de phyi rol du'ang ma dmigs so// de bas na rgyal po chen po chos thams/ cad ni rang bzhin gyis mi ldang te/ rang bzhin gang yin pa de ni mi ldang ba'o// gang mi ldang ba de ni ldang ba'i gnas dang skabs med do// de ci'i phyir zhe na/ rgyal po chen po chos thams cad ni rang bzhin dben pa'i phyir te/ rgyal po chen po chos thams cad ni yongs su ma rdzogs pa'i phyir rang bzhin med pa'o// rgyal po chen po ches
- 322a
thams cad ni ma 'dres pa'i phyir yongs su ma rdzogs pa'o/ / rgyal po chen po chos thams cang ni ma byung ba'i phyir ma 'dres pa'o// rgyal po chen po chos thams cad ni dngos po dang bral ba'i phyir ma byung ba'o/ / rgyal po chen po chos thams cad ni byed mi nus pa'i phyir dngos po med pa'o// rgyal po chen po chos thams cad ni glen pa'i phyir byed mi nus pa'o/ / rgyal po chen po chos thams cad ni mi 'gyur ba'i phyir glen pa'o// rgyal po chen po chos thams cad ni mi skye ba'i phyir mi 'gyur ba'o// rgyal po chen po chos thams cad ni 'brel ba med pa'i phyir mi skye ba'o/ / rgyal po chen po chos thams cad ni rang bzhin gyis 'od gsal ba'i phyir 'bres pa med pa'o// rgyal po chen po chos thams cad ni drug pa'i phyir rang bzhin gyis 'od gsal ba'o/ / rgyal po chen po chos thams cad ni bla gab med pa dang 'dra ba'i phyir dag pa'o// rgyal po chen po chos thams cad ni gnyen po med pa'i phyir bla gab med pa dang 'dra ba'o/ / rgyal po chen po chos thams cad ni gnyis su med pa'i phyir gnyen po med pa'o// rgyal po chen po chos thams cad ni mtha' spangs pa'i phyir gnyis su med pa'o/ / rgyal po chen po chos thams cad ni mtha' yas pa'i phyir mtha' spangs pa'o// rgyal po chen po chos thams cad ni mu med pa'i phyir mtha' yas pa'o//
- 322b
rgyal po chen po chos thams cad ni mthara' ma med pa'i phyir mu med pa'o// rgyal po chen po chos thams cad ni dmigs pa med pa'i phyir mtha' med pa'o// rgyal po chen po chos thams cad ni phyin ci log la mngon du gnas pa'i phyir dmigs pa med pa'o/ / rgyal po chen po chos thams cad ni rtag pa dang / sdug pa dang / bde ba dang / bdag mi dmigs pa'i phyir phyin ci// ma log pa'o// rgyal po chen po chos thams cad ni 'gro ba med pa'i tshul gyis rtag pa'o// rgyal po chen po chos thams cad ni rang bzhin gyis 'od gsal ba'i phyir sdug pa'o// rgyal po chen po chos thams cad ni rnam par mi rtog pa'i phyir bde ba'o// rgyal po chen po chos thams cad ni bdag med pa bstan pa'i tshul gyis bdag gi rang bzhin no// rgyal po chen po chos thams cad ni nang zhi ba'i phyir 'gyod pa med pa'o/ / rgyal po chen po chos thams cad ni don dam pa'i bden pa la gnas pas brdzun pa'o// rgyal po chen po chos thams cad ni rab tu zhi ba'i mtshan nyid pas zhi ba'o/ / rgyal po chen po chos thams cad ni bdag gir bya ba dang bral bas bdag gir bya ba med pa'o// rgyal po chen po chos thams cad ni rnam par grol ba'i mtshan nyid yin pas ro med pa'o/ / rgyal po chen po chos thams cad ni ngar byed pa med pas skyon med pa'i lam dang bral ba'o// rgyal po chen po chos thams cad ni rnam pa sna tshogs dang bral bas tha mi
- 323a
dad pa'o/ / rgyal po chen po chos thams cad ni rnam par grol ba'i rjes su 'jug pas ro gcig pa'o// rgyal po chen po chos thams cad ni mtshan ma med pa'i mtha' yin pas dben pa'i mtshan nyid do/ / rgyal po chen po chos thams cad ni lta ba'i rnam pa thams cad dang bral bas stong pa'o// rgyal po chen po chos thams cad ni 'jug pa med cing dmigs pa rnam par dag pas mtshan ma med pa'o/ / rgyal po chen po chos thams cad ni dus gsum las 'das pa'i phyir smon pa med pa'o// rgyal po chen po chos tham cad ni 'das pa dang / ma 'ongs pa dang / da ltar dang ma 'brel ba'i phyir dus gsum yongs su chad pa'o// rgyal po chen po chos thams cad ni shin tu ma skyes pa'i phyir mya ngan las 'das pa'i rjes su 'brang ba'o/ / rgyal po chen po de ji snyam du sems/ chos gang ma skyes ma byung ba de nyon mongs par bya nus sam/ gsol pa/ 'jam dpal de ma lags so/ / 'jam dpal gyis smras pa/ ci de bsal bar nus sam/ gsol pa/ 'jam dpal de ma lags so// 'jam dpal gyis smras pa/ rgyal po chen po de lta bas na de bzhin gshegs pas chos thams cad mya ngan las 'das pa dang mtshungs par mkhyen no/ / de bas na khyod kyi 'gyod pa de ni bsal mi nus te/ de'i phyir rgyal po chen
- 323b
po khyod ni sems phyin ci ma log pa dang / tshul bzhin dang ldan par gyis shig/ yang khyod kyis yang dag par brtag par bya ste/ ji ltar rtog pa de chos gang yang mi len pa dang / mi gtong ba dang / chos gang dang yang mi 'grogs pa de ltar khyod kyis brtag par bya'o// chos gang thams cad dang mi 'grogs pa de ni sbyangs pa'o// gang sbyangs pa de ni rab tu zhi ba'o/ / gang rab tu zhi ba de ni rang bzhin no// rang bzhin gang yin pa de ni ma byas pa'o// rgyal po chen po chos thams cad bdag po med pa'i phyir ma byas pa'o// de la khyod kyis bzod par gyis shig/ chos gang yang ma bya zhig/ rgyal po chen po de bas na mi bya ba ni mya ngan las 'das pa ste/ de na ni chos gang yang bubya ba'am bsgyur ba med de/ gang bya ba dang bsgyur ba med pa de ni mya ngan las 'das pa zhes bya'o/ / rgyal po chen po gang de ltar mos pa de dag ni yang dag par grol ba'o// gang yang dag par grol ba de drag gis ni chos gang yang mi gtogs te/ rgyal po chen po ches thams cad kyi de bzhin nyid ni byed pa med pa'o// chos thams cad kyi de bzhin nyid gang yin pa de ni gzhar yang de bzhin nyid ma yin par mi 'gyur ro// de bzhin nyid de'i de bzhin nyid ma yin no// gzhan yang ma yin no// de bas na gzhan ma yin pa de bzhin nyid ces bya'o// rgyal po chen po de bzhin nyid la mos na 'gyod pa thams cad
- 324a
med par 'gyur mod kyi/ rgyal po chen po mig ni kun nas nyon mongs par yang mi 'gyur/ rnam par dag par yang mi 'gyur te/ mig gi rang bzhin yang de bzhin nyid yin no/ / de bzhin nyid kyi rang bzhin yang mig yin no// rgyal po chen po de bzhin du rna ba dang / sna dang / lce dang / lus dang / yid ni kun nas nyon mongs par yang mi 'gyur/ rnam par dag par yang mi 'gyur te/ yid kyi rang bzhin yang de bzhin nyid yin no// de bzhin nyid kyi rang bzhin yang yid yin no// rgyal po chen po gzugs kyang kun nas nyon mongs par yang mi 'gyur/ rnam par dag par yang mi 'gyur te/ gzugs kyi rang bzhin yang de bzhin nyid yin no// de bzhin nyid kyi rang bzhin yang gzugs yin no// rgyal po chen po de bzhin du tshor ba dang / 'du shes dang / 'du byed dang / rnam par shes pa'ang kun nas nyon mongs par mi 'gyur/ rnam par dag par mi 'gyur te/ rnam par shes pa'i rang bzhin yang de bzhin nyid yin no/ / de bzhin nyid kyi rang bzhin yang rnam par shes pa yin no// rgyal po chen po ches thams can ni kun nas nyon mongs par yang mi 'gyur/ rnam par dag par yang mi 'gyur// 'dod chags par yang mi 'gyur// zhe sdang bar yang mi 'gyur/ gti mug par yang mi 'gyur/ chags par yang mi 'gyur/ khong khro bar yang mi 'gyur ba yin gyis/ de la khyod
- 324b
kyis rtog pa ngan pa mi bya'o/ / rgyal po chen po byis pa lta bu so so skye bo rnams ni/ med pa la yongs su rtog pas nyon mongs pa byung gis/ de la khyod kyis med pa la 'du shes bskyed par mi bya'o/ / gang ma byung ba de ni gzhar yang byung ba ma yin te/ rgyal po chen po chos thams cad med pa las byung bas med pa'o// de la khyod kyis yod par yang 'du shes ma byed cig/ rgyal po chen po 'di lta ste/ dper na nam mkha' na gzugs med pa/ bltar mi snang ba/ gzung du med pa/ mi dmigs pa yin te/ skyes bu la la zhig bdag gi nam mkha' gzugs med pa/ bltar mi snang ba/ gzung du med pa/ mi dmigs pa 'di rdul phran nam/ rdul ta ma/ du ba 'am/ stug po 'am/ sprin gyis kun nas nyon mongs par bya'o zhes de skad zer na/ rgyal po chen po des dzi ga nam mkha' gzugs med pa/ bltar mi snang / gzung du med pa/ mi dmigs pa 'di la// rdul phran nam// rdul tam/ du ba 'am/ sdug po 'am sprin gyis kun nas nyon mongs par bya nus sam/ gsol pa/ 'jam dpal de ma lags so// 'jam dpal gyis smras pa/ rgyal po chen de bzhin du chos thams cad ni// chos nyid kyi rjes su brtags na/ 'gyod pa thams cad dang bral bar 'gyur mod kyi/ chos nyid ni chos gang dang yang bral ba ma yin te/ gang 'gyod pa dang bral ba de'ang chos nyid dang
- 325a
mnyam pa nyid yin no/ / de bas na chos thams cad chos kyi dbyings kyi rjes su 'bral ba zhes bya mod kyi/ chos nyid la ni chos gang yang rjes su 'tha pa med do// ci'i phyir zhe na/ chos thams cad nyid chos kyi dbyings yin te/ chos kyi dbyings gang dang mnyam pa chos thams cad kyang de dang mnyam mo// de bas na chos thams cad ni chos kyi dbyings kyi rjes su 'brang zhes bya'o/ / bstan po 'di bstan pa'i tshe/ rgyal po ma skyes dgra stong pa nyid kyi rjes su 'thun pa'i bzod pa thob par gyur nas/ de dga' mgu rangs/ rab tu dag/ zhing / dga' ba dang yid bde ba skyes nas/ thal mo sbyar te tshig 'di skad gsol to// 'jam dpal khyod kyis legs par gsungs so// bdag gi 'gyod pa de bsal to// 'jam dpal gyis smras pa/ rgyal po chen po chos thams cadu shin tu mya ngan las 'das pa yin na/ bdag gi 'gyod pa bsal to zhes gang khyod de skad zer ba de nyid dmigs pa chen po yin no/ / rgyal bas gsol pa/ 'jam dpal bdag gi sgrib pa thams cad byang lags so// de ci'i slad du zhe na/ gang sems rang bzhin gyis dang pa de ni 'dod chags sam// zhe sdang ngam/ gti mug gis kun nas nyon mongs par bgyi mi nus so// smras pa/ rgyal po chen po 'di lta ste/ dper na nam mkha' la rdul phran nam/ rdul tam
- 325b
du ba 'am/ mun pa'am/ stug po 'am/ sprin dag snang mod kyi/ nam mkha'i ni de dag gis kun nas nyon mongs par byas pa med do// rgyal po chen po de bzhin du bdag dang bdag gir b+hA ba'i lta ba'i bag la nyal ba dang / 'dod chags dang / zla sdang dang / kati mus dag zung med kyi/ sems kyi chos nyid kun nas nyon mongs par mi byed do// po chen po khyod kyis de la 'gyod par mi bya ste/ rgyal po chen po sems ni theg ma'i mtha' nas kyang ma 'phos so// rgyal po chen po sems ni tha ma'i mthar yang ming pho'o// rgyal po chen po sems ni da ltar yang mi gnas so// de la mkhas pa dag ni chos thams cad ma 'phos pa/ mi 'pho ba/ mi gnas par rtog ste/ des de ltar shes nas/ lta ba la mngon par chags par yang mi byed do/ / rgyal po chen po mngon par ma chags na dag pa'o// rgyal po chen po chos thams cad ni rnam par dag pa'i mtshan nyid dang ldan pa/ dri ma med pa kun tu snang ba yin te/ rgyal po chen po chos med na gdags pa'ang med de/ gdags pa med par yang bcom ldan 'das kyis bka' stsal to// gang la skyon med pa de la'ang chos gang yang gdags pa med do/ / rgyal po chen po gang 'dogs pa'i rjes su 'brang ba de dag ni/ sgrib pa dang bcas pa/ rdul dang bcas pa yin
- 326a
no/ / gsol pa/ 'jam dpal bdag gi sgrib pa thams cad byang lags te/ gal te 'di'i bar skabs shig tu 'gum pa'i dus bgyis su lags na/ bdag nirtag tu mtshams sbyor bar mi 'gyur ro/ / 'jas dpal gyis smras pa/ rgyal po chen po chos thams cad shin tu mya ngan las 'das pa la mya ngan las 'da' bar rtog pa de nyid khyod kyis dmigs pa chen po yin no/ / de ci'i phyir zhe na/ rgyal po chen po chos thams cad ni shin tu mya ngan las 'das pa/ rang bzhin gyis ma skyes pa'o// de nas rgyal po ma skyes dgras rin brgya stong ri ba'i ras zung gcig/ khyer te stan las langs nas/ 'jam dpal gzhon nur gyur pa la ras zung gcig po de phul lo// 'jam dpal gzhon nur gyur pa'i lus la ras zung gcig po de phul ma thag tu/ de nas de'i tshe 'jam dpal gzhon nur gyur pas bdag gi lus mi snang bar byas pa dang / rgyal po ma skyes dgras slar 'jam / dpal gzhon nur gyur pa ma mthong nas/ steng gi bar snang las rgyal po chen po ji ltar 'jam dpal gzhon nur gyur pa'i lus ma mthong ba de bzhin du 'gyod pa de la ltos shig 'gyod pa de ji ltar mthong ba de bzhin du chos thams cad la ltos shig/ chos thams cad ji ltar mthong ba de bzhin du ras de la ltos shig/ gang gis ma mthong ba de
- 326b
la'ang de bzhin du blta bar bya mod kyi/ rgyal po chen po gang gi lus mthong ba de la ras zung gcig po 'di phul cig ces zer ba'i sgra thos nas/ de'i tshe 'jam dpal gzhon nur gyur pa'i drung na byang chub sems dpa' sems dpa' chen po ye shes dpal gyi rgyal mtshan zhes bya ba zhig 'dug par gyur nas/ rgyal po chen po ma skyes dgras byang chub sem dpa' ye shes dpal gyi rgyal mtshan la ras zung gcig po de phul ba dang / des ma blangs nas 'di skad ces smras so// rgyal po chen po bdag ni thur par 'dod pa las kyang mi len/ yongs su mya ngan las 'da' bar 'dod pa las kyang mi len to// rgyal po chen po bdag ni so so'i skye bo las kyang mi len/ so so'i skye bo'i chos dang ldan pa las kyang mi len/ slob pa las kyang mi len/ slob pa'i chos dang ldan pa las kyang mi len/ dgra bcom pa las kyang mi len/ dgra bcom pa'i chos dang ldan pa las kyang mi len rang sangs rgyas las kyang mi len/ rang sangs rgyas kyi chos dang ldan pa las kyang mi len to// rgyal po chen po bdag ni de bzhin gshegs pa las kyang mi len/ de bzhin gshegs pa'i chos dang ldan pa las kyang mi len te/ rgyal po chen po bdag ni gang chos 'di dag dang ldan pa'ang ma yin la/ de dag las log pa'ang ma yin pa de dag las
- 327a
len cing / de dag ji ltar sbyin par byed pa de bzhin du len te/ rgyal po chen po sbyin pa 'di ni gnyis las yongs su dag pa'o// de nas rgyal po chen po ma skyes dgras byang chub sems dpa' ye shes dpal gyi rgyal mtshan gyi lus la ras zung gcig po de phul ba dang / de nas stan de la de'i lus kyang ma mthong bar gyur nas bar snang las rgyal po chen po gang gi lus mthong ba de la phul cig ces zer ba'i sgra thos nas/ de nas byang chub sems dpa' ye shes dpal gyi rgyal mtshan gyi drung na byang chub sems dpa' sems dpa' chen po rab tu zhi ba la mos pa zhes bya ba zhig 'dug par gyur pa de la'ang rgyal pos ras zung gcig po phul ba dang / des smras pa/ rgyal po chen po bdag ni bdag tu lta ba las kyang mi len/ gzhan du lta ba las kyang mi len to// rgyal po chen po bdag ni nyon mongs pa dang bcas pa las kyang mi len/ nyon mongs pa med pa las kyang mi len to/ / rgyal po chen po bdag ni sems rtse gcig pa las kyang mi len/ sems g.yengs pa las kyang mi len/ ye shes dang ldan pa las kyang mi len/ ye shes dang mi ldan pa las kyang mi len to/ / zhes de skad smras pa dang / rgyal po chen pos de'i lus la'ang gos de phul ba dang / stan de la de'i lus kyang ma mthong nas/ bar snang
- 327b
las rgyal po chen po gang gi lus mthong ba de la gos phul cig ces zer ba'i sgra thos nas/ de'i tshe byang chub sems dpa' sems dpa' chen po rab tu zhi ba la mos pa'i drung na byang chub sems dpa' sems dpa' chen po mi g.yo ba yid la byed ces bya ba zhig 'dug par gyur pa de la rgyal po sa gos de phul ba dang / des kyang smras pa/ rgyal po chen po bdag ni lus la gnas pa las kyang mi len/ ngag la gnas pa las kyang mi len/ sems la gnas pa las kyang mi len/ don la gnas pa las kyang mi len/ phung po la gnas pa las kyang mi len/ khams la gnas pa las kyang mi len/ skye mched la gnas pa las kyang mi len/ sems la gnas pa las kyang mi len/ sangs rgyas kyi yon tan la gnas pa las kyang mi len to/ / de ci'i phyir zhe na/ rgyal po chen po chos thams cad ni rab tu mi g.yo ba'i tshul gyis mi gnas pa'o// de'i lus la'ang rgyal pos gos de phul ba dang / de'i lus kyang mi snang bar gyur nas/ bar snang las rgyal po chen po gang gi lus snang ba de la phul cig ces de skad zer ba'i sgra thos nas/ de'i tshe byang chub sems dpa' mi g.yo ba yid la byed pa'i drung na byang chub sems dpa' sems dpa' chen po blo gros mchog ces bya ba zhig 'dug par gyur pa de la rgyal pos gos de phul ba dang / des kyang smras pa/ rgyal
- 328a
po chen po bdag ni dman pa la mos pa las mi len te/ gal te rgyal po chen po khyod bla na med pa yang dag par rdzogs pa'i byang chub tu sems bskyed cing / sems mnyam pa nyid kyi phyir byang chub mnyam pa nyid dang / byang chub mnyam pa nyid kyi phyir sems mnyam pa nyid dang / sems mnyam pa nyid kyi phyir chos mnyam pa nyid du mos par byed cing / de bzhin du chos thams cad mnyam pa nyid do zhes len par mi byed/ gtong bar mi byed/ chos gang la'ang mnyam par yang mi byed/ chos thams cad bdag gir bya ba med par shes nas bdag gir mi 'dzin te/ de ltar byed na bdag ni khyod las len to zhes smras nas/ de'ang med par gyur te mi snang nas/ de'i tshe byang chub sems dpa' sems dpa' chen po blo gros mchog gi drung na byang chub sems dpa' sems dpa' chen po ting nge 'dzin gyis dri meng tog ces bya ba 'dug par gyur pa de la rgyal pos gos de phul ba dang / des kyang smras pa/ rgyal po chen po gal te khyod ting nge 'dzin thams cad kyis kyang spyod la/ ting nge 'dzin tha dad par yang mi byed cing / ches thams cad rang bzhin gyis mnyam par gzhog par mos par byed na/ bdag khyod las len mod kyi/ rgyal po chen po gang gi lus mthong ba de la ras zung gcig po de phul cig ces de skad smras nas/ de'ang med de mi snang bar gyur pa
- 328b
dang / de'i drung na byang chub sems dpa' sems dpa' chen po brjod du med pa zhes bya ba zhig 'dug par gyur pa de la rgyal pos ras zung gcig po de phul ba dang / des kyang smras pa rgyal po chen po gal te khyod yi ge'i sgra mnyam pa nyid kyi phyir skad thams cad kyi blos brjod pa thams cad brjod du med par shes nas/ brjod du med pa'i don la rten gyi/ yi ge'i 'bru la ni mi rten na/ bdag khyod las ras zung gcig po len mod kyi/ rgyal po chen po gang gi lus snang ba de la phul cig ces smras nas/ de'ang med de mi snang bar gyur pa dang / de'i drung na byang chub sems dpa' sems dpa' chen po 'khor gsum yongs su sbyong ba zhes bya ba zhig 'dug par gyur pa de la rgyal pos ras zung gcig po de phul ba dang des kyang smras pa/ rgyal po chen po gal te khyod bdag tu'ang mi dmigs/ len pa'ang mi dmigs/ rnam par smin par mi 'dod na/ bdag khyod las len mod kyi/ rgyal po chen po gang gi lus snang ba de la ras zung gcig po de phul cig ces de skad smras nas/ de'ang med de mi snang bar gyur pa dang / de'i drung na byang chub sems dpa' sems dpa' chen po chos rnam par 'phrul pa'i rgyal po zhes bya ba zhig 'dug par gyur pa de la/ rgyal pos ras zung gcig po de phul ba dang / des kyang smras pa/ rgyal po chen po gal te khyod nyan
- 329a
thos kyi mya ngan las 'da' ba'ang ston la/ yongs su mya ngan las 'da' bar yang mi byed/ rang sangs rgyas kyi mya ngan las 'da' bar yang ston la/ yongs su mya ngan las 'da' bar yang mi byed/ bla na med pa yang dag par rdzogs pa'i mya ngan las 'da' ba'ang ston la/ yongs su mya ngan las 'da' bar yang mi byed/ 'khor ba'i chos can yang ma yin/ mya ngan las 'da' ba'i chos can yang ma yin na/ bdag gis khyod las blang ngo zhes de skad smras nas/ de'ang med de mi snang bar gyur to// rgyal po chen po gang gis lus snang ba de la ras zung gcig po de phul cig ces de skad kyi sgra'ang thos so// de lta ste/ rgyal po chen po ma skyes dgras byang chub sems dpa' thams cad la ras zung gcig po de phul na/ thams cad kyis kyang bdag bdag gi bstan par bya ba bstan nas med cing mi snang bar gyur to// stan thams cad kyang stong par snang ngo // rgyal po chen po gang gi lus snang ba de la ras zung gcig po de phul cig ces de skad kyi sgra'ang thos par gyur to// de nas rgyal po ma skyes dgras/ gnas brtan 'od srungs chen po la 'di skad smras so/ / btsun pa 'od srungs chen po btsun pa ni bcom ldan 'das kyis sbyangs pa'i yon tan smra ba'i nang na mchog tu bka' stsal gyis/ ras zung gcig po
- 329b
'di bzhes shig/ 'od srungs chen pos kyang smras pa/ rgyal po chen po bdag ni 'dod chag ma spangs/ zhe sdang ma spangs/ gti mug ma spangs te/ bdag gis 'di blang ba'i mi rigs so/ / rgyal po chen po bdag gis ni ma rig pa ma spangs so// srid pa'i sred pa'ang ma spangs so// rgyal po chen po bdag gis ni sdug bsngal yang yongs su ma shes so/ / bdag gis ni 'dus byas pa'ang ma spangs/ bdag gis ni 'gog pa'ang mngon du ma bgyis/ bdag gis ni lam yang ma sgoms/ rgyal po chen po bdag gis ni de bzhin gshegs pa ma mthong ngo / / chos ma thos/ dge 'dun gyi rjes su ma zhugs so// rgyal po chen po bdag gis ni nyon mongs pa rnams ma spangs so// rgyal po chen po bdag giso ye shes mngon du ma bgyis so// rgyal po chen po bdag ni mig rnam par dag pa ma lags so// bdag ni ye shes kyi bya ba'ang cung zad kyang mi byed do/ / bdag la sbyin pa byin pas 'bras bu chen por yang mi 'gyur/ 'bras bu chung ngur yang mi 'gyur ro// bdag ni 'khor ba'i chos can yang ma lags// mya ngan las 'da' ba'i chos can yang ma lags so/ / bdag la sbyin pa byin pas dag par yang mi 'gyur ro// rgyal po chen po khyod gal te de 'dra ba'i chos dang ldan par gyur na/
- 330a
bdag khyod las ras zung gcig po len to zhes de skad smras nas/ gos de lus la phul ma thag tu de'ang med de slar mi snang bar gyur to// rgyal po chen po gang gi/ lus snang ba de la ras zung gcig po phul cig ces de skad kyi sgra'ang thos par gyur to// de lta ste/ dge slong lnga brgya po de dag kyang med de mi snang bar gyur to// rgyal po chen po gang gi lus snang ba de la ras zung gcig po de phul cig ces de skad kyi sgra'ang thos par gyur nas/ de 'di snyam du sems te/ gang bdag gi ras zung gcig po 'di btsun mo dam pa la sbyin nos ma ste de song ba dang / de'ang ma mthong nas de 'di snyam du sems te/ bdag gi bud med gzhan dag la'ang sbyin no snyam pa dang / des bud med kyi g.yog thams cad ma mthong bar gyur te/ de la 'di 'dra ba'i ting nge 'dzin mngon du gyur nas/ de ltar de mig gis kyang gzugs cung zad kyang ma mthong zhing snang ba med de/ skyes pa mi mthong / bud med mi mthong / khye'u mi mthong / bu mo mi mthong / rtsig po mi mthong / shing mi mthong ste/ gzhan du na bdag gi lus kyi 'du shes 'bra' zhig 'jug go// rgyal po chen po grang gi lus mthong ba de la ras zung gcig po phul cig ces de skad kyi sgra'ang thos par gyur na/ de 'di snyam du sems te/ bdag rang nyid bgo'o snyam pa dang / de nas bdag gi lus
- 330b
kyang ma mthong ste/ de gzugs kyi 'du shes thams cad dang bral nas/ rgyal po chen po ji ltar rags pa'ang rung / phra mo'ang rung / gzugs cung zad kyang ma mthong ba de bzhin du khyod kyi 'gyod pa la ltos shig/ khyod kyis 'gyod pa ji ltar mthong ba de bzhin du chos thams cad la ltos shig/ gang gis mthong ba de la'ang de bzhin du ltos shig/ ji ltar ga mthong ba dang / gang gis mthong ba de mi mthong ba dang / rnam par mi mthong ba de ltar ltos shig/ rgyal po chen po de ni chos thams cad la yang dag par mthong ba ste/ rgyal po chen po ma mthong ba ni yang dag par mthong ba'o/ / // bam po bzhi pa// de nas rgyal po ma skyes dgras 'du shes dang / sems pa'i rnam par rtog pa thams cad dang bral nas/ ting nge 'dzin de las langs ma thag tu/ 'khor de dang / bdag gi lus dang / bdag gi khang pa dang / bdag gi g.yog snga mkho bzhin du mthong nas/ baja ma dpal gzhon nur gyur pa la 'di skad ces gsol to// 'jam dpal bdag gis 'khor 'di sngar ma mthong na/ gar mchis par gyur/ 'jam dpal gyis smras pa/ rgyal po chen po khyod kyi 'gyod pa de/ gang na bar gyur pa 'khor 'di'ang der song bar gyur to// yang rgyal po chen po 'khor 'di dag mthong ngam/ gsol pa/ 'jam dpal mthong ngo //
- 331a
smras pa/ ji ltar mthong / gsol pa/ 'gyod pa de ji ltar mthong ba de bzhin du 'khor 'di mthong ngo // smras pa/ rgyal po chen po 'gyod pa de ji ltar mthong / gsol pa/ ji ltar 'khor 'di sngar mig gis ma mthong ba de bzhin du/ 'gyod pa de nang du ma mthong / phyi rol du dang ma mthong / gnyis ka ma gtogs par ma mthong ngo / / 'jam dpal gyis smras pa/ rgyal po chen po de bzhin gshegs pas mtshams med pa byed pa ni de ma thag tu sems can dmyal bar 'gro'o zhes gsungs na/ ci rgyal po chen po khyod sems can dmyal bar 'gro 'am/ de skad ces smras pa dang / 'jam dpal gzhon nur gyur pa la/ rgyal po ma skyes dgras 'di skad ces gsol to// 'jam dpal ci de bzhin gshegs pas 'di ni ngan song du 'gro ba'o/ / 'di ni mtho ris su 'gro ba'o// 'di ni mya ngan las 'da' bar 'gro ba'o zhes/ chos gang yang mngon par rdzogs par sangs rgyas sam/ smras pa/ rgyal po chen po de ma yin no// gsol pa/ 'jam dpal chos thams cad de bzhin du mngon par rdzogs par sangs rgyas nas/ chos grang sems can dmyal bar mchi ba 'am/ lhar mchi ba 'am/ mya ngan las 'da' bar 'gyur ba'i chos de bdag gis ma mthong ste/ 'jam dpal chos thams cad ni stong pa nyid du mchi ba las kyang ma
- 331b
'das la/ stong pa nyid ni ngan song du mchi ba yang ma lags/ mtho ris su mchi ba'ang ma lags/ mya ngan las 'da' bar mchi ba'ang ma lags so// 'jam dpal chos kyi dbyings ni ma 'dres pa'o/ / chos thams cad kyang chos kyi dbyings kyi rang bzhin can te/ chos kyi dbyings ni ngan song du'ang ma mchis/ mtho ris su'ang mi mchis/ mya ngan las 'da' bar mi mchi'o/ / 'jam dpal mtshams med pa zhes bgyi ba ni/ chos kyi dbyings su mtshams ma mchis pa'i tshig bla dgas so// 'jam dpal mtshams ma mchis pa ni chos kyi dbyings kyi rang bzhin can te/ mtshams ma mchis pa gang gi rang bzhin pa chos thams cad kyang de'i rang bzhin no// 'jam dpal de bas na chos thams cad ni 'gro ba mchis pa te/ de'i slad du bdag ni ngan song du'ang mi mchi/ mtho ris su'ang mi mchi/ mya ngan las 'da' bar yang mi mchi'o// 'jam dpal gyis smras pa/ rgyal po chen po khyod de skad smra na/ ston pa'i bka' dang 'gal bar byed dam/ gsol pa/ 'jam dpal bdag ni ston pa'i bka' dang 'gal bar mi bgyid do// de ci'i slad du zhe na/ bcom ldan 'das kyis bdag med pa'i mtha' ni yang dag pa'i mthar gsungs te/ gang bdag med pa'i mtha' de la ni sems can gang yang ma mchis so// sems can ma mchis na/ gang de ni
- 332a
mngon par 'du byed pa gang yang ma mchis so/ / gang tshor bar bgyid pa yang gang yang ma mchis so// smras pa/ rgyal po chen po 'gyod pa de bsal tam gsol pa/ chos thams cad rab tu bsal ba'i slad du'o// 'jam dpal gyis smras pa/ rgyal po chen po khyod the tshom spangs sam/ gsol pa/ chos thams cad shin tu spangs pa'i slad du'o/ / 'jam dpal gyis smras pa/ rgyal po chen po khyod la 'khor 'di dag mtshams med pa byed pa 'am/ 'on te ma yin par ram/ ji ltar 'dzin par 'gyur/ gsol pa/ 'jam dpal mtshams ma mchis pa gang gis/ mi bskyod pa'i rnam par grol ba rtogs par gyur pa'i mtshams ma mchis pa de la bdag gnas par 'dzin par 'gyur ro/ / mtshams ma mchis pa gang gis byang chub sems dpa' bzod pa thob par bgyis pa'i mtshams ma mchis pa de la bdag gnas par 'gyur ro// mtshams ma mchis pa zhes bgyi ba ni gang na mtha' yang ma mchis/ dbus kyang ma mchis pa ste/ gang na mtha' yang ma mchis/ dbus kyang ma mchis pa de la bdag gnas par 'dzin par 'gyur ro/ / de nas byang chub sems dpa' sems dpa' chen po ye shes dpal gyi rgyal mtshan gyis smras pa/ kye ma'o rgyal po chen po 'dis ni/ shes rab dang ye shes kyi lam
- 332b
sbyangs so/ / de bas na 'di 'dra ba'i bzod pa thob par gyur to// rgyal pos gsol pa/ rigs kyis bu chos thams cad ni shin tu rnam par dag pa/ shin tu ma 'dres pa// shin tu nyon mongs pa ste/ de dag ni kun nas nyon mongs par bgyi mi nus so// kun nas nyon mongs pa'i las ni lam lags te/ lam de'ang 'khor bar yang mi mchi/ mya ngan las 'da' bar yang mi mchi/ lam de ni gang du'ang mi 'dren te/ kham de ni mi 'dren pa'o// bstan pa 'di bstan pa'i tshe/ rgyal po ma skyes dgras mthun pa'i chos la bzod pa thob par gyur to/ / bud med sum khri nyis stong gis ni 'jam dpal gzhon nur gyur pa'i rdzu 'phrul mngon par 'phrul pa mthong nas/ bla na med pa yang dag par rdzogs pa'i byang chub tu sems bskyed do/ / nang gi skye bo srog chags lnga brgya ni chos la chos kyi mig rnam par dag go// rgyal po'i khab kyi grong khyer chen po nas kyang chos nyan par 'dod pa srog chags stong phrag mang po dag byung ste/ rgyal po ma skyes dgra'i khab kyi sgo na 'jam dpal gzhon nur gyur pa la mchod par bya ba'i phyir 'dug par gyur to// de nas de'i tshe 'jam dpal gzhon nur gyur pas rkang pa'i mthe bos sa chen po 'di la bsnun no// bsnun ma thag tu'ang sa chen po 'di thams cad rgyu baithun las byas par
- 333a
gyur to/ / de nas rgyal po'i khab kyi skyes pa dang / bud med dang / khye'u dang / bu mo thams cad kyis 'jam dpal gzhon nur gyur pa dang / byang chub sems dpa' de dag dang / nyan thos chen po de dag mthong ba ni 'di lta ste/ dper na me long shin tu gsal ba'i nang du bzhin mthong ba de bzhin du/ de dag gis 'jam dpal gzhon nur gyur pa 'khor dang bcas par mthong ngo / / de nas 'jam dpal gzhon nur gyur pas ci nas kyang srog chags brgyad khri bzhi stong gi chos la chos kyi mig rnam par dag pa dang / srog chags lnga brgyas bla na med pa yang dag par rdzogs pa'i byang chub tu sems skyed par 'gyur ba de lta de ltar chos bshad do// de nas 'jam dpal gzhon nur gyur pa stan las langs te/ dge slong gi dge 'dun dang 'khor dang bcas te rgyal po ma skyes dgra'i khab nas byung ngo // rgyal po ma skyes dgra yang 'khor dang bcas te/ 'jam dpal gzhon nur gyur pa'i phyi bzhin 'brangs pa las/ 'jam dpal gzhon nur gyur pa lam du zhugs pas phyogs gzhan zhig na/ mi zhig gis ma'i srog bcad nas/ de shing drung na ngu zhing mya ngan byed la/ bdag gis sdig pa'i las byas kyis/ bdag ni nges par sems can dmyal bar 'gro'o zhes zer zhing 'jug pa mthong ste/ mi de'ang 'jam dpal gzhon nur gyur
- 333b
pas gdul bar gyur pa zhig go/ / de nas 'jam dpal gzhon nur gyur pas/ skyes bu de gdul ba'i phyir/ skyes bu gzhan zhig mngon par sprul to// skyes bu de'i pha ma'ang mngon par sprul to/ / de nas skyes bu sprul pa de pha ma dang 'grogs te/ skyes bu ma gsod pa de gal ba der song nas/ ha cang yang rgyang mi ring ba zhig nas/ ci nas kyang skyes bu yang dag pa des mthong bar 'gyur ba de ltar brtson par gyur te/ bus smras pa/ lam ni 'di yin no// pha dang mas smras pa/ bu la ma 'di ma yin no zhes de dag 'thab par gyur pa las/ skyes bu sprul pa des/ pha dang ma'i srog bcad par gyur pa dang / skyes bu yang dag pas skyes bu de'i pha dang ma'i srog bcad pa mthong ngo // de nas sprul pa'i skyes bu nges pa dang ma'i srog bcad nas skyes bu yang dag pa de ga la ba der song ste/ ngu zhing mchi mas brnangs nas/ bdag gis sdig pa'i las byas te/ bdag gi pha dang ma'i srog bcad pas/ bdag ni nges par sems can dmyal bar mchi'o/ / zhes de skad smras pa dang / skyes bu yang dag pas de thos nas 'di snyam du gyur to// bdag gis ni ma 'ba' zhig gi srog bcad du zad kyi/ skyes bu 'dis ni pha ma gnyis ka'i srog bcad pas/ skyes bu 'dis sdig pa'i las cher byas kyis/ 'di gar 'gro ba bdag kyang der 'gro bar 'gyur ro snyam pa dang / kye sprul
- 334a
pa'i skyes bu de ngu zhing / kye skyes bu bdag ni bcom ldan 'das shAkya thub pa'i drung du mchi'o// de ci'i phyir zhe na/ bcom ldan 'das de ni sems can mgon med pa rnams kyi mgon/ sems can 'jigs pa rnams la mi 'jigs pa sbyin pa mdzad pa yin gyi/ bcom ldan 'das de ci gsungs pa bzhin du nan tan bya'o zhes de skad smras te/ de nas sprul pa'i skyes bu de song ba dang / skyes bu yang dag pa de'ang skyes bu gar 'gro bar bdag kyang der 'gro bar 'gyur gyis/ bdag kyang der 'gro'o zhes de'i phyi bzhin du 'brangs so// de nas sprul pa'i skyes bu des/ bcom ldan 'das ga la ba der song ste phyin pa dang / bcom ldan 'das kyis zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das bdag gi pha ma'i srog bcad na/ bcom ldan 'das bdag la skyabs mdzad par gsol/ bdag gis ji ltar bgyi/ de nas bcom ldan 'das kyis sprul pa'i skyes bu 'di la legs so zhes bya ba byin nas/ legs so legs so// kye skyes bu khyod ni bden par smra/ yang dag par smra/ ji ltar byas pa de bzhin du smra'o// gang khyod ni de bzhin gshegs pa'i spyan sngar bden pa'i tshig smra ste/ mi bslu ba yin mod kyi/ skyes bu khyod kyis sems kyi rgyud la rtogs shig/ khyod kyi 'das pas sam/ ma 'ongs pas sam/
- 334b
da ltar gyis sam/ sems gang gis pha ma'i srog bcad/ 'das pa'i sems ni zad pa/ bral ba/ 'gags pa/ gzhan du gyur pa ste/ yul na'ang mi gnas// phyogs/ na'ang mi gnas pas/ de'ang gdags su mi nus so// ma 'ongs pa ni ma phyin pa ste/ de ni ma skyes ma byung ba/ yang dag par ma byung ba/ ma gyur pa/ rnam par ma gyur pa/ mtshan ma med pa ma byung ba ste/ de'ang gdags su mi nus so// da ltar gyi sems ni gnas pa med pa ste/ skyes nas zhig cing dengs par 'gyur ba/ phung por ma gyur pa/ bsags par ma gyur pa'o// de ni 'gro ba dang 'ong bar gdags pa'ang med do// kye skyes bu sems ni nang gi lus la'ang mi 'jug/ phyi rol gyi yul du'ang mi rgyu/ gnyis ka med par yang mi dmigs so// kye skyes bu sems ni sngon po ma yin/ ser po ma yin// dmar po ma yin/ dkar po ma yin/ rnga gong ma yin/ shel gyi kha dog ma yin no/ / kye skyes bu sems ni gzugs med/ bstan du med/ gzung du med pa/ thogs pa med pa/ sgyu ma lta bu dpe med pa ste/ de'ang gdags su mi nus so// kye skyes bu sems ni zhe mi sdang / gti mi mug go// kye skyes bu sems ni mngon par 'du mi byed/ byed pa med/ tshor ba med/ sems pa med/ myong bar byed pa med do// kye skyes
- 335a
bu sems ni rang bzhin gyis dang ba yin te/ de ni kun nas nyon mongs par mi 'gyur/ rnam par dag par mi 'gyur ro// kye skyes bu sems ni tshe 'di la'ang med/ tshe rabs gzhan la'ang med/ gnyis ka med par yang med de/ de na'ang med/ gzhan na yang med pa/ nam mkha' dang mtshungs pa/ mi mnyam pa dang mnyam pa/ mi 'dra ba/ rnam par rig par mi 'gyur ba ste/ de la mkhas pas mngon par chags par mi bya'o// bdag gir mi bya'o// brten par mi bya'o// gnas par mi bya'o/ / bdag tu bsam par mi bya'o// bdag gir bsam par mi bya'o// kye skyes bu dag chos thams cad ni rang bzhin gyis nus pa med pas/ g.yo ba med pa'o// kye skyes bu dag da ni de ltar mos pa la kun nas nyon mongs pa 'am/ rnam par byang ba 'am/ ngan song du 'gro ba'am/ mtho ris su 'gro bar mi smra'o// de ci'i phyir zhe na/ gang sems kyi chos nyid de ni kun nas nyon mongs par mi 'gyur/ rnam par dag par mi 'gyur/ gang du'ang 'gro bar mi 'gyur/ 'ong bar mi 'gyur/ 'dug par mi 'gyur ro// de nas bcom ldan 'das la/ skyes bu sprul pa des 'di skad ces gsol to// bcom ldan 'das de bzhin gshegs pas chos kyi dbyings yongs su dag pa/ las ma mchis
- 335b
pa/ rnam par smin pa ma mchis pa/ ma skyes pa/ ma grub pa/ mngon par rdzogs par sangs rgyas pa ngo mtshar ro// bcom ldan 'das bdag rab tu 'byung bar 'tshal na/ bde bar gshegs pa rab tu 'byung bar gsol/ dge slong tshur shog/ tshangs par spyad pa spyod cig ces/ bcom ldan 'das kyis de la de skad gsungs pa dang / de'i mod la de rab tu byung bar snang ste/ bcom ldan 'das bdag gis mngon par bgyi bar thob kyis/ mya ngan las 'da' bar 'tshal lo zhes de skad kyang smras so// de lta ste/ dge slong de sangs rgyas kyi mthus steng gi bar snang la shing ta la gang tsam du 'phags nas/ bdag gis me'i khams kyis lus bsregs pa dang / skyes bu yang dag pa des chos bstan pa 'di dag thos so/ / thos nas kyang 'di snyam du gyur te/ skyes bu des ni pha ma gnyis ka'i srog bcad kyang de yongs su mya ngan las 'das na bdag gis ni ma 'ba' zhig gi srog bcad du zad pas/ ci'i phyir bdag yongs su mya ngan las mi 'da' snyam nas/ de de'i tshe bcom ldan 'das kyi drung du song ste/ bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to// bcom ldan 'das bdag gis kyang ma'i srog bkum mo// de nas bcom ldan 'das kyis skyes bu de la legs so zhes bya ba
- 336a
byin te/ legs so legs so// skyes bu khyod kyis de bzhin gshegs pa ma bsdus mod kyi/ kye skyes bu khyod sems gang gis ma'i srog bcad pa sems kyi rgyud la rtogs shig ces rgya cher bka' stsal te/ zhib tu sprul pa'i skyes bu ji lta ba bzhin du bya'o// de nas de'i tshe skyes bu de'i ba spu'i khung bu thams cad nas sems can dmyal ba'i me byung bar gyur te/ de tshig cing mgon med pa dang / bcom ldan 'das la 'di skad ces gsol to// bcom ldan 'das bdag ni tshig par gyur na/ bde bar gshegs pa mgon mdzad du gsol/ bcom ldan 'das la skyabs su mchi'o// de nas bcom ldan 'das kyis phyag g.yas pa gser gyi kha dog lta bu de'i spyi bor bzhag go// phyag bzhag ma thag tu de nas de'i tshe skyes bu de'i tshor ba de thams cad rgyun chad par gyur to// de lus bag yangs shing bde bar gyur nas/ de bzhin gshegs pa la shin tu gus par gyur te/ bcom ldan 'das la 'di skad ces gsol to// bcom ldan 'das bdag ni rab tu 'byung bar 'tshal nu/ bde bar gshegs pas rab tu 'byung bar gsol/ bcom ldan 'das kyis de la dge slong tshur shog/ tshangs par spyad pa spyod cig ces de skad bka' stsal pa dang / de'i tshe de nyid du de mgo bregs/ chos gos sbyar ma bgos/ skra
- 336b
dang kha spu bregs nas zhag bdun lon pa tsam du gyur te/ dge slong bsnyen par rdzogs nas lo brgya lon pa'i spyod lam du gnas par gyur to// de bzhin gshegs pas tshur shog ces gsungs nas/ / mgo bregs lus ni chos gos sbyar mar ldan// de ma thag tu dbang po rab zhi zhing // sangs rgyas dgongs pa'i cha lugs gnas par gyur// de nas bcom ldan 'das kyis dge slong de la 'phags pa'i bden pa bzhi dang ldan pa'i gtam bshad pa dang / des de thos nas chos la rdul med cing dri ma dang bral ba'i chos kyi mig rnam par dag pa'i steng du'ang lam bsgoms nas/ dgra bcom par gyur te/ des bcom ldan 'das la 'di skad ces gsol to// bcom ldan 'das bdag ni yongs su mya ngan las 'da' bar 'tshal lo/ / bde bar gshegs pa bdag ni yongs su mya ngan las 'da' ba'i dus dang man la bab bo// bcom ldan 'das kyis bka' stsal pa/ dge slong khyod de'i dus la bab par shes par gyis shig/ des de'i tshe steng gi bar snang la shing ta la bdun tsam na 'dug ste/ bdag gis me'i khams kyis lus bsregs so/ / bsregs pa'i de'i tshe sol ba dang thal ba'ang med par gyur nas/ lha brgya stong dag kyang de la phyag 'tshal bar gyur to// de nas tshe dang ldan pa shA ri'i bus skyes
- 337a
de'i gdul ba mthong nas/ ngo mtshar du gyur te/ bcom ldan 'das la 'di skad ces gsol to// de bzhin gshegs pa'i chos 'dul ba ni legs par gsungs pa ste/ de la ni mtshams ma mchis pa dang ldan pa dag kyang gdul bar 'gyur ba bcom ldan 'das ngo mtshar ro// bde bar gshegs pa ngo mtshar ro// bcom ldan 'das sems can rnams kyi dbang po rnam pa sna tshogs 'tshal ba de ni/ de bzhin gshegs pa dgra bcom pa yang dag par rdzogs pa'i sangs rgyas dang / 'jam dpal gzhon nur/ gyur pa dang / byang chub sems dpa' sems dpa' chen po gzhan yang de 'dra ba'i go cha dag bgros par ma gtogs par gzhan su'i yul lags/ nyan thos dang rang sangs rgyas thams cad kyi ni yul ma lags so/ / bcom ldan 'das kyis bka' stsal pa/ shA ri'i bud+d+he de bzhin no// ji skad smras pa de de bzhin te/ de nas sangs rgyas bcom ldan 'das rnams dang / byang chub sems dpa' sems dpa' chen po bzod pa la gnas pa rnams kyi yul yin te/ shA ri'i bu gang zag gang khyod kyis sems can dmyal bar shes la/ de dag langs mya ngan las 'da' ba'i chos can du mthong ba'ang yod do// shA ri'i bu khyod kyis gang zag gang sbyangs pa'i yon tan dang / chog shes pa dang
- 337b
tshul khrims dang / thos pa dang / ting nge 'dzin tsam dang ldan pa ste/ de la khyod kyis mya ngan las 'da' ba'i chos can du shes mod kyi/ de la de bzhin gshegs pas sems can dmyal pabapar gzigs pa'ang yod kyis/ shA ri'i bu khyod ni sems can gyi spyod pa la bsam pa dang bral bar gyis shig/ de ci'i phyir zhe na/ shA ri'i bu sems can gyi spyod pa ni bsam gyis mi khyab pa'i phyir ro/ / shA ri'i bu gang gis ma bsad nas/ chos bstan pa 'di la gnas te/ yongs su mya ngan las 'das par gyur pa'i skyes bu de khyod kyis mthong ngam gsol pa/ bcom ldan 'das bdag gis mthong ngo // bcom ldan 'das kyis bka' stsal pa/ shA ri'i bu skyes bu des ni sangs rgyas lnga brgya la dge ba'i rtsa ba bskyed par gyur cing 'di lta ste/ sems rang bzhin gyis dang ba'i chos bshad pa 'di 'ang thos so// shA ri'i bu skyes bu des chos bstan pa 'di thos nas/ chos thams cad yang dag pa ji lta ba bzhin du mthong ba'i phyir rnam par grol bar gyur to/ / de bas na shA ri'i bu rnam grangs 'dis kyang 'di ltar rig par bya ste/ gang su'ang rung ste/ da ltar ram/ da mya ngan las 'das pa na'ang zab mo chags pa med pa/ 'gro ba med pa 'di lta bu'i chos bstan pa la nyan la/ thos nas kyang mos par byed na/ sems la kun nas nyon mongs pa 'am/ sdig pa'i grogs po'i dbang
- 338a
gis mi dge ba'i 'du byed dag mngon par byed kyang / ma lus par rnam par grol bar ma gyur kyi bar du/ chos la rtogs pa de gtong bar mi 'gyur ro// shA ri bu gang dag chos 'di 'dra ba la mos par gyur pa de dag ni 'gro ba ngan par 'gro bar nga mi smra'o/ / shA ri'i bu de bas na gang gis chos kyi rnam grangs 'di las chung ngu na rtsa ba bzhi pa'i tshigs su bcad pa gcig gam/ tshig gcig len pa dang / gzhan la ston pa'i sems can de dag nges par thams cad 'gyur bar blta na/ gang dag thos nas tshul bzhin du byed pa lta ci smos/ de nas 'jam dpal gzhon nur gyur pa byang chub sems dpa' de dag dang / 'od srungs chen po la sogs pa nyan thos dag dang / rgyal po ma skyes dgra dang / gzhan yang skye bo'i tshogs chen po dang 'grogs nas/ bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas/ phyogs gcig tu 'khod do// de nas tshe dang ldan pa shA ri'i bus/ rgyal po ma skyes dgra la 'di skad ces smras so// rgyal po chen po khyod kyi 'gyod pa de bsal tam/ smras pa/ btsun pa shA ri'i bu bsal to// shA ri'i bus smras pa/ ji ltar bsal/ smras pa/ ci nas kyang mi len pa dang / mi gtong ba de ltar bsal lo// ci nas kyang slan chad shin tu nyon mongs par mi 'gyur
- 338b
ba dang / ci nas kyang thob pa'ang med pa/ phrogs pa'ang med pa de ltar bsal to// de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das rgyal po ma skyes dgra'i las kyi lhag ma ji tsam zhig ni lus/ ji tsam zhig ni lhag ma lus par byang zhing slan chad mi skye ba'i chos can du gyur/ bcom ldan 'das kyis bka' stsal pa/ shA ri'i bu rgyal po ma skyes dgra'i lus kyi lhag ma yungs kar gyi 'brum bu tsam ni lus so// ri ra ba ri'i rgyal po tsam ni chos zab mo 'di bstan pa 'di lo/ du chud pas lhag ma ma lus par byang ste/ phyin chad mi skye ba'i chos can du gyur to// gsol pa/ ci bcom ldan 'das rgyal po ma skyes dgra sems can dmyal bar mtsho 'am/ bcom ldan 'das kyi sku bka' stsal pa/ shA ri'i bu 'di lta ste/ dper na lha'i bu rin po che'i khang pa rtseg sun 'dug pa las/ sum cu rtsa gsum gyi gnas nus 'dzam bu'i gling du 'bab cing / 'dzam bu'i gling du babs nas/ slar yang sum cu rtsa gsum gyi gnas su 'dzeg pa de bzhin du/ rgyal po ma skyes dgra yang so so'i sems can dmyal ba me tog puN+Da ri ka zhes bya bar babs nas de bzhin du 'dzegs te/ de lus la sdug bsngal ba'i tshor ba reg par yang mi 'gyur ro// shA riH
- 339a
bus gsol pa/ bcom ldan 'das rgyal po ma skyes dgras ni dbang po rno ste/ des las kyi sgrib pa myong bar 'gyur ba 'di tsam zhig tu bgyis pa de mtshar to/ / bcom ldan 'das kyis bka' stsal pa/ shA ri'i bu rgyal po ma skyes dgra 'dis sangs rgyas bye ba phrag bdun cu rtsa gnyis las dge ba'i rtsa ba bskyed de/ yang dag par rdzogs pa'i sangs rgyas de dag la 'dis bsnyen bkur yang byas par gyur to/ / de dag las chos kyang thos par gyur to// dge ba'i rtsa ba de'ang bla na med pa yang dag par rdzogs pa'i byang chub tu bsngos par gyur to/ / shA ri'i bu 'jam dpal gzhon nur gyur pa 'di mthong ngam/ gsol ba/ mthong ngo // bcom ldan 'das kyis bka' sprul pa/ shA ri'i bu 'jam dpal gzhon nur gyur pa 'dis rgyal po ma skyes dgra 'di bskal pa dri ma med pa zhes bya ba lnga/ bcom ldan 'das de bzhin gshegs pa phyag bzangs zhes bya ba'i gsung rab las/ bla na med pa yang dag par rdzogs pa'i byang chub tu sems skyed du bcug go// yang shA ri'i bu bskal pa dri mu med pa la sangs rgyas bye ba phrag gsum byung ste/ de thams cad kyang 'jam dpal gzhon nur gyur pas chos kyi 'khor lo bskor ba na tshe ring bar gsol bar gyur te/ / shA ri'i bu rgyal po ma skyes dgra 'di ni 'jam dpal gzhon nur gyur pa
- 339b
ma gtogs par/ sangs rgyas stong gis kyang chos bshad de 'gyod pa de bsal bar bya ba'i gnas dang go skabs med do// de ci'i phyir zhe na/ 'di nyid kyis gdul ba yin te/ phyi phyir zhing 'dis chos zab mo bstan pa 'di nyid las thos par gyur to// de bas na shA ri'i bu rnam grangs des kyang 'di ltar rig par bya ste/ gang dang gang dag byang chub sems dpa' gang dang gang gis las 'dul bar 'gyur ba de dang de nyid kyi chos bstan pa shes par 'gyur ro/ / shA ri'i bu rgyal po ma skyes dgra 'di yang / so so'i sems can dmyal pab me tog puN+Da ri ka ltar gas pa de nas byung nas rma med cing ma smas par steng gi phyogs kyi cha sangs rgyas kyi zhing 'di nas sangs rgyas kyi zhing bzhi stong bzhi brgya 'das pa na/ 'jig rten gyi khams brgyan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rin po che'i phung po zhes bya ba bzhugs/ 'a gzhes la/ chos kyang ston pa'i sangs rgyas kyi zhing der skye bar 'gyur ro// de der skyes ma thag tu slar yang 'jam dpal gzhon nur gyur pa'ang mthong bar 'gyur ro// tshes zab mo bstan pa 'di'ang thos par 'gyur ro/ / thos nas kyang de nyid du mi skye ba'i chos la bzod pa thob par 'gyur/ gang gi tshe na byang chub sems dpa' sems dpa' chen po
- 340a
byams pa byang chub mngon par rdzogs par 'tshang rgya bar 'gyur ba de'i tshe'ang slar 'jam dpal gzhon nur gyur pa mthong bar gyur te/ byang chub sems dpa' sem/ dpa' chen po mi g.yo ba zhes bya bar 'gyur ro// dri na'ang byams pa de bzhin gshegs pas byang chub sems dpa' migayo ba la sogs pa la sngon byung ba dang ldan pa'i chos kyi gtam rjod par 'gyur te/ chos kyi rnam grangs 'di'ang ma lhag ma bri bar rjod par 'gyur ro// yang byang chub sems dpa' sems dpa' chen po mi g.yo ba 'di bcom ldan 'das de bzhin gshegs pa shAkya thub pa'i gsung rab khas/ rgyal po ma skyes dgra zhes bya bar gyur te/ des pa'i srog bcad nas/ des chos kyi rnam grangs 'di 'jam dpal gzhon nur gyur pa las thos te/ mthun pa'i chos la bzod pa thob bo// de'i las kyi slob pa'ang ma lus par byang bar gyur to zhes de skad du rjod par 'gyur ro// shA ri'i bu de lta ste/ byams pa de bzhin gshegs pa ni/ byang chub sems dpa' sems dpa' chen po mi g.yo ba la sogs pa la ci nas kyang / byang chub sems dpa' brgyad stong gis mi skye ba'i chos la bzod pa thob par 'gyur ba de lta de ltar chos kyi rnam grangs 'di ston par 'gyur ro/ / de na byang chub sems dpa' nyi khri nyis stong gi las kyi sgrib pa bskal pa grangs med pa nas
- 340b
bsags pa'ang rab tu zhi bar 'gyur ro/ / rgyal po ma skyes dgra 'di phan chad bskal pa grangs med pa phrag brgyad brgya'i bar du sems can yongs su smin par byed/ sangs rgyas kyi zhing yongs su sbyong bar byed cing / byang chub sems dpa'i spyad pa spyod do// shA ri'i bu sems can gang dag des nyan thos kyi theg pas sam/ rang sangs rgyas kyi theg bas sam/ theg pa chen pos yongs su smin par 'gyur ba'i sems can de dag ni las kyi sgrib pa 'am/ nyon mongs pa'i sgrib pa med par 'gyur te/ de dag thams cad dbang po rno bar 'gyur/ 'gyod pa dang the tshom med par 'gyur ro// shA ri'i bu rgyal po ma skyes dgra 'di bskal pa grangs med pa phrag brgyad brgya na/ bla na med pa yang dag par rdzogs ba'i byang chub mngon par rdzogs par 'tshang rgya bar 'gyur te/ bskal pa mthong na dga' ba zhes bya ba la/ 'jig rten gyi khams 'dam gyi rnyog ma med par de bzhin gshegs pa dgra bcom pa yang dag par rdzogs pa'i sangs rgyas yul shin tu rnam par dag pa zhes bya bar 'gyur te/ de'i tshe'i tshad ni bskal pa bar ma bzhir 'gyur ro// de'i nyan thos kyi tshogs ni bdun 'bum du 'gyur te/ thams cad kyang shes rab kyis mos pa/ rnam par thar pa brgyad la bsam gtan byed pa sha stag go// de'i byang chub sems dpa' sems dpa' chen po ni bye ba
- 341a
zag bcu gnyis su 'gyur te/ thams cad kyang thabs drang shes rab las byung ba shu stug go// de bzhin gshegs pa yongs su mya ngan las 'das nasmra/ dam pa'i chos ni lo bye bar gnas par 'gyur ro/ / 'dam gyi dri ma med pa'i 'jig rten gyi khams de na/ sems can gang yang 'gyod pa la gnas shing 'chi ba'i dus byed par mi 'gyur ro// de nas shi ba phos nas kyang 'gro ba ngan pa gsum du skye bar 'gyur ba gang yang med do// shA ri'i bu de bzhin gshegs pa yul shin tu rnam par dag pa de la sems can gang dag chos nyan pa de dag kun nas nyon mongs pa thams cad rnam par dag par 'gyur ro/ / de bas na shA ri'i bu gang zag gis gang zag la drod ma gzung zhig/ gang zag gis gang zag la rjod bzung na nyams par 'gyur ro/ / de ci'i phyir zhe na/ de bzhin gshegs pa 'am/ gang nga 'dra bas ni gang zag la drod zin no// de nas tshe dang ldan pa shA ri'i bu dang / thams cad yod pa'i 'khor dengo mtshar thob nas/ / ched du brjod pa ched du brjod cing / bcom ldan 'das bdag cag ni deng phan chad sems can gang la'ang sems can dmyal bar mchi bar mthus lung mi ston to// de ci'i slad du zhe na/ bcom ldan 'das sems can gyi spyod pa ni bsam gyis mi khyab bo zhes de skad kyang smra'o// rgyal po ma skyes dgra la lung ston pa'i bstan pa 'di bstan pa'i cha/
- 341b
lha'i bu sum khri nyis stong gis bla na med pa yang dag par rdzogs pa'i byang chub tu sems bskyed par gyur to// gang gi tshe na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yul shin tu rnam par dag pas byang chub thob par gyur pa de'i tshe/ bdag cag kyang 'jig rten gyi khams 'dam gyi dri ma med pa'i sangs rgyas kyi zhing der skye bar shog cig ces/ sangs rgyas kyi zhing der skye bar smon lam yang btab bo// de dag thams cad sangs rgyas kyi zhing der skye bar yang bcom ldan 'das kyis kyang lung bstan to// de nas rgyal po ma skyes dgra'i bu na tshod kyi lo brgyad lon pa'i khye'u zla ba'i dpal zhes bya ba des mgul pa nas rgyan bkrol te/ bcom ldan 'das ga la ba der gtor nas/ 'di skad kyi tshig kyang smras so/ / bcom ldan 'das bdag dge ba'i rtsa ba 'di bla na med pa yang dag par rdzogs pa'i byang chub tu bsngo'o// bcom ldan 'das bdag gi dge ba'i rtsa ba 'dis na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yul shin tu rnam par dag pas byang chub thob par gyur pa de'i tshe/ bdag sangs rgyas kyi zhing der 'khor los sgyur ba'i rgyal por gyur la/ bdag gis nam 'tshe'i bar du de bzhin gshegs pa dgra bcom pa yang dag par rdzogs pa'i sangs rgyas de dge slong gi dge 'dun dang
- 342a
bcas pa la bsnyen bkur bgyi ba dang / de bzhin gshegs pa de yongs su mya ngan las 'das pa'i sku gdung la'ang bdag mchod pa bgyid par gyur cig/ bcom ldan 'das de mya ngan las 'das nas kyang / 'jig rten gyi khams de nyid du bla na med pa yang dag par rdzogs pa'i byang chub tu mngon par rdzogs par sangs rgyas par gyur cig ces rgyan de dag gtor ma thag tu de nas sangs rgyas kyi mthus de'i tshe steng gi bar snang la rin po che sna bdun las byas pa'i khang pa rtseg ma/ cha mnyam pa/ shin tu phye ba zhig 'dug par gyur te/ khang pa rtseg ma de ni khri rin po ches smras pa'i rtsa ba btsugs pa/ gos bkram pa zhig byung bar gyur te/ khri de la'ang de bzhin gshegs pa'i sku mtshan gyis kun tu brgyan pa zhig bzhugs par snang ngo / / de nas de'i tshe bcom ldan 'das kyis 'dzum pa mdzad pa dang / chos nyid kyis sangs rgyas bcom ldan 'das rnams 'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog du ma sna tshogs 'byung ba 'di lta ste/ sngon po dang / ser po dang / dmar po dang / dkar po dang / dza gong dang / shel gyi kha dog dang / dngul gyi kha dog dag 'byung ba de dag gis 'jig rten gyi khams mtha' yang mu med par khyab par byas nas/ tshangs pa'i 'jig rten gyi bar du song ste/ nyi ma dang zla ba'i 'od zil gyis
- 342b
mnan nas slar ldog ste/ bcom ldan 'das la lan gsum bskor te/ bcom ldan 'das kyi spyi bor mi snang bar song ngo // de nas tshe dang ldan pa dga' bo stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la tshigs su bcad pa 'di dag gsol to/ / ye shes khyad par thams cad pha rol phyin pa thub pa chags med 'od gtong ba// sems can pha rol gyi ni sems kyi spyod pa gang gi ci 'dra ba yang mkhyen/ / dbang po sna tshogs mkhyen nas khyod kyang chos rnams de bzhin du ni 'chad mdzad pa/ khyod kyis ci phyir bdag la 'dzum pa bstan pa 'gro ba kun gyi mchog srungs shig/ sems can phyogs bcu dag na gnas pa kun kyang khyod kyi mdun du 'dug 'gyur te/ thub pa la ni re re zhing yang zhu ba bye ba khrag khrig zhu bgyid kyang / khyod kyis skad cig nyid du de dag gi ni the tshom ma lus gcod par mdzad/ / 'jig rten mgon po khyod kyis 'dzum pa bstan pa de yi rgyu ni bdag la gsungs// sangs rgyas gang dag 'das dang stobs bcu ldan pa'i rgyal ba gang dag bzhugs pa dang / gang dag rgyal ba mang po ma byon rnams dang sems can rnams ni dpag med pa/ thams cad pha rol phyin pa khyod kyis de dag mkhyen cing gang la'ang chags
- 343a
pa med/ / ci yi slad du 'dzum pa bstan pa rdul dang bral bas bdag gi the tshomachod// khyod kyi 'od kyis tshangs pa'i dbang po nyi ma zla ba lha rnams zil gyis man na/ ri dang khor yug rtse mo dag las thal nas khyod kyi 'od kyang gsal bar gda'/ reg nas sems can brgya dag bde bas dga' zhing nyon mongs par yang ltung mi 'gyur/ nyon mongs pa dag thams cad grol ba khyod kyis 'dzum 'di ci phyir mdzad pa bdag la gsungs// de skad ces gsol pa dang / bcom ldan 'das kyis/ tshe dang ldan pa dga' bo la 'di skad ces bka' stsal to/ / dga' bo khyod kyis khye'u zla ba'i dpal 'di mthong ngam// gsol pa/ bcom ldan 'das bdag gis mthong ngo // bcom ldan 'das kyis bka' stsal pa/ dga' bo khye'u zla ba'i dpal 'dis nga'i drung du dge ba'i rtsa ba bskyed nas/ bla na med pa yang dag par rdzogs pa'i byang chub tu smon lam btab ste/ dga' bo khye'u 'dis rims kyis byang chub sems dpa'i spyod pa spyad nas/ nam de bzhin gshegs pa yul shin tu rnam par dag pas byang chub thob par gyur pa de'i tshe/ khye'u zla ba'i dpal 'di'ang 'jig rten gyi khams der 'khor los sgyur ba'i rgyal por 'gyur te/ des de bzhin gshegs pa yul shin tu rnam par dag pa dge slong gi dge 'dun dang bcas pa de la/ nam 'tsho'i bar du bkur sti byed par 'gyur/
- 343b
bsti stang byed par 'gyur/ rim gro byed par 'gyur/ mchod pa byed par 'gyur ro// de bzhin gshegs pa yongs su mya ngan las 'das nas kyang / sku gdung la mchod pa byed par 'gyur ro// de ni der de bzhin gshegs pa yongs su mya ngan las 'das/ de na bstan pa'ang nub nas/ dga' ldan du tshe zad par byas te/ bskal pa de nyid la bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas zla ba'i dpal zhes bya bar 'gyur ro// sangs rgyas kyi zhing yang de dang 'dra ba/ tshe'i tshad kyang de dang mnyam pa/ nyan thos kyi dge 'dun yang de dang mnyam pa/ byang chub sems dpa'i dge 'dun yang de dang mnyam par 'gyur ro// de nas gang 'jam dpal gzhon nur gyur pa dang 'grogs pa'i 'jig rten gyi khams gzhan nas 'jig rten gyi khams 'dir phyin pa'i byang chub sems dpa' de dag gis bstan pa 'di thos nas/ bcom ldan 'das la 'di skad ces gsol to// bcom ldan 'das sa phyogs gang na 'jam dpal gzhon nur gyur pa gnas pa de na/ de bzhin gshegs pas stong pa ma lags te/ der ni bcom ldan 'das kyis dgongs par bgyi mi 'tshal lo// de ci'i slad du zhe na/ bcom ldan 'das 'jam dpal gzhon nur gyur pas yongs su zin
- 344a
pa'i sems can rnams ni 'gro ba ngan pa'i 'jigs pa 'am/ mi khom pa'i 'jigs pa 'am/ bdud kyi las kyi 'jigs pa 'am/ nyon mongs pa'i 'jigs pa ma mchis so/ / bcom ldan 'das gro ngam/ grong khyer ram/ grong 'dab 'am/ gzhongs sam/ gzhongs kyi phyogs sam/ gtsug lag khang ngam/ dgon pa gang na chos kyi rnam grangs 'di spyod par 'gyur ba'i sa phyogs de'ang / bcom ldan 'das de bzhin gshegs pas stong pa ma lags so// de ci'i slad du zhe na/ gang na chos kyis rnam grangs 'di spyod par 'gyur ba de na/ de bzhin gshegs pa nyid brtson par blta bar bgyi'o// gang na chos kyi rnam grangs 'di spyod pa'i sa phyogs de ni/ de bzhin gshegs pas yongs su spyad par blta bar bgyi'o/ / de skad ces gsol pa dang / bcom ldan 'das kyis/ byang chub sems dpa' de dag la 'di skad ces bka' stsal to// de bzhin no/ / rigs kyi bu ji skad smras pa de bzhin te/ gang na chos kyi rnam grangs 'di spyod par 'gyur ba'i sa phyogs de ni/ de bzhin gshegs pas spyad pa yin no// de ci'i phyir zhe na/ rigs kyi bu dag sngon 'das pa'i dus na/ de bzhin gshegs pa mar me mdzad kyis nga lung bstan par gyur nas/ sa'i phyogs gang du ngas ral pa bting zhing
- 344b
ngas bzod pa thob par gyur pa de na/ de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis nga bzod pa thob par mkhyen nas/ khye'u 'di bskal pa grangs med pa na/ shAkya thub pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes/ bla na med pa yang dag par rdzogs pa'i byang chub tu lung bstan to/ / de nas de bzhin gshegs pa mar me mdzad des dge slong gi dge 'dun la/ dge slong dag khyed sus kyang sa'i phyogs 'di rkang pas ma bcag cig/ de ci'i phyir zhe na/ gang du khye'u 'dis ral pa bting zhing bzod pa thob pa de ni lha dang 'jig rten du bcas pa'i mchod rten yin no// yang sa'i phyogs 'dir mchod rten byed par su spro zhes de skad bka' stsal pa dang / rigs kyi bu dag de na lha bye ba phrag brgyad cus/ bcom ldan 'das sa phyogs 'dir mchod rten bgyi bar bdag cag spro'o zhes mgrin gcig tu tshig smras so/ / de na khyim bdag lha bzang zhes bya ba zhig 'khor der 'dus par gyur pa des kyang / bcom ldan 'das bdag gis sa phyogs 'dir mchod rten gyi bar spro zhes smras te/ rigs kyi bu dag sa phyogs der khyim bdag lha bzang zhes bya ba des/ mchod rten rgyan thams cad kyis brgyan pa zhig byas so// byas nas bcom ldan 'das ga lab
- 345a
der song ste phyin pa dang / bcom ldan 'das la 'di skad ces gsol to// bcom ldan 'das bdag gis sa phyogs der rin po che bdun las mchod rten bgyis na/ bcom ldan 'das bdag gis bsod nams ji tsam zhig bgyis par gyur/ de skad ces gsol pa dang / de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis khyim bdag lnga bzang la/ sa'i phyogs gang du byang chub sems dpa' bzod pa thob pa'i sa phyogs de na/ shing rta'i 'khor lo tsam gyis ji snyed ba/ 'og tu chu'i phung po la thug gi bar du sa chen po de sems can thams cad kyi mchod rten du gyur pa yin te/ khyim bdag gang gis chu'i phung po nas 'khor ba'i rtse mo'i bar du rin po che sna bdun gyis bkang ste/ de bzhin gshegs pa la phul ba bas/ gang khyod kyis mchod rten du byas pa 'di de bas bsod nams shin tu mang mod kyi/ khyim bdag dge ba'i rtsa ba 'dis ni/ ji ltar khye'u 'dri ngas da ltar lung bstan pa de bzhin du/ 'di byang chub thob nas khyod la lung ston par 'gyur ro zhes de skad bka' stsal to// rigs kyi bu dag ji snyam du sems/ de'i tshe de'i dus na khyim bdag lha bzang zhes bya ba de gzhan du gyur pa snyam du de ltar ma lta zhig/ de ci'i phyir zhe na/ khyim bdag gi bu dga' ba spyod pa zhes bya ba 'di nyid de'i tshe de'i dus na khyim bdag
- 345b
lha bzang zhes bya bar gyur te/ 'di'ang ngas bla na med pa yang dag par rdzogs pa'i byang chub tu lung bstan pa ste/ ma 'ongs pa'i dus na de bzhin gshegs pa dgra bcom yang dag bapar rdzogs pa'i sangs rgyas bstan bzang ba zhes bya bar 'gyur ro/ / de bas na rigs kyi bu dge slong ngam/ dge slong ma 'am/ dge bsnyen nam/ dge bsnyen ma 'dug kyang rung 'greng yang rung ste/ chos kyi rnam grangs 'di 'dri 'am/ klog gam/ kha ton byed dam/ kha ton zhu 'am/ 'chad na 'og gi chu'i phung po nas sa'i phyogs de'i bar gyi rdul de thams cad sems can thams cad kyi mchod rten du gyur par blta'o/ / de ci'i phyir zhe na/ chos 'di dag nyid byang chub sems dpa' sems dpa' chen po rnams kyi bzod pa thob bapar 'gyur ba'o/ / rigs kyi bu dag khyed la bsgo'o// khyed kyi khong du chud bar bya'o// rigs kyi bu 'am/ rigs kyi bu mo gang gis 'di stong gsum gyi stong chen po'i 'jig rten gyi khams rin po che sna bdun gyis bkang ste/ de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa rnams la rgyun ma chad cing las gzhan mi byed par nyin lan gsum/ mtshan lan gsum 'bul ba bas/ gang gis rgyal po ma skyes dgra'i le'u the tshom thams cad gcod par byed pa/ 'gyod
- 346a
pa thams cad sel bar byed pa/ las kyi sgrib pa thams cad rnam par sbyong bar byed pa/ chos thams cad mnyam pa nyid du ston pa'i chos kyi rnam grangs 'di 'dzin tam/ len tam/ klog gam/ kun chub par byed dam/ 'chad dam/ nyan tam/ mos par byed dam/ chung ngu dam pa'i chos yun ring du gnas par byed pa'i phyir glegs bam du bris te/ 'chang na 'di ni de bas shin tu bsod nams mang du 'phel lo// rigs kyi bu dag gang gis bskal pa 'am/ bskal pa'i lhag ma lus kyi bar du tshul khrims bsrung zhing sbyangs pa'i yon tan dang / chog shes pa thams cad la dga' bar gyur pa bas/ gang gis chos kyi rnam grangs 'di thos ma thag tu mos par byed na/ 'di ni de bas bsod nams shin tu mang du 'phel lo// rigs kyi bu dag gang gis bskal pa 'am/ bskal pa'i lhag ma lus kyi bar du bzod pas sgrub cing / sems can thams cad kyi ngan du smra ba dang / rdeg par byed pa bzod pa bas/ gang chos kyi rnam grangs 'di la chos la bzod pa de ni/ bzod pa de ni bzod de bas bsod nams kyi phung po shin tu mchog tu 'phel bar 'gyur ro/ / rigs kyi bu dag gang gis bskal pa 'am/ bskal pa'i lhag ma lus kyi bar du
- 346b
sems can thams cad la/ nyon mongs shing luswA dang srog la mi blta bar bsnyen bkur byed pa pas/ gang gis chos kyi rnam grangs 'di la yid ches shing the tshom mi sbed na/ brtson 'grus 'di ni de bas khyad zhugs pa yin no// rigs kyi bu dag gang gis bskal pa'am/ bskul pa'i lhag ma lus kyi bar du bsam gtan dang / ting denge 'dzin dang / mnyam par bzhag pa la gnas pa bas/ gang chos kyi rnam grangs 'di la rtog cing sems ma zhum pa 'di ni de bas khyad zhugs pa yin no// rigs kyi bu gang bskal pa 'am/ bskal pa'i lhag ma lus kyi bar du shes rab kyis rtog cing / de'i tshul gyi rtog pa dang ldan par gyur pa bas/ gang gis shin tu dben pa rang bzhin rnam par dag pa'i chos kyi rnam grangs 'di la nyan par byed/ mos par byed/ len par byed/ klog par byed/ kun chub par byed/ kha ton du byed/ gzhan la rgya cher ston par byed na/ de bas 'di nyid bsod nams shin tu mang du 'phel lo// myur du thams cad mkhyen par 'byung bar yang 'gyur ro// de nas bcom ldan 'das la/ byang chub sems dpa' sems dpa' chen po de dag gis 'di skad ces gsol to/ / bcom ldan 'das bdag cag gis chos kyi rnam grangs 'di blangs lags te/ bcom ldan 'das bdag cag
- 347a
sangs rgyas kyi zhing gang dang gang du spyod pa'i sangs rgyas kyi zhing de dang de dag tu chos kyi rnam grangs 'di bshad par bya'o/ / bcom ldan 'das kyis bka' stsal pa/ rigs kyi bu dag de'i phyir khyed sangs rgyas kyi zhing gang dang gang du chos kyi rnam grangs 'di 'chad pa de dang de dag tu sangs rgyas kyi bya ba byed do// de ci'i phyir zhe na/ rigs kyi bu dag chos kyi rnam grangs 'di ni sangs rgyas kyi bya ba la mngon par gnas pa yin no/ / de nas byang chub sems dpa' sems dpa' chen po de dag gis 'di stong gsum gyi stong chen po'i 'jig rten gyi khams me tog gis gang bar byas te ched du brjod pa ched du rjod cing 'di skad kyang smras so/ / kye ma'o chos kyi rnam grangs 'di ni yun ring du 'dzam bu'i gling du gnas par gyur cig/ kye ma'o bcom ldan 'das shAkya thub pa'i chos kyi sgron ma yun ring du 'bar bar gyur cig/ 'jam dpal gzhon nur gyur pa'ang yun ring du gnas par gyur cig/ de la gnas nas 'di lta bu'i chos kyi tshul gyi rnam pa 'chad par 'gyur ro/ / bcom ldan 'das bdag cag gis ni sha dang khrag gis kyang 'jam dpal gzhon nur gyur pa la sman yon thogs par mi nus na/ mchod pa gzhan gyis lta smos kyang ci 'tshal/ chos kyi rnam grangs 'di gang dag gi lag tu mchis pa'i rigs kyi bu 'am/ rigs kyi bu mo de dag la'ang sha dang khrag gis kyang sman yon mi thogs so// bcom
- 347b
ldan 'das de bzhin gshegs pa la blta bar 'tshal ba'i rigs kyi bu dang / rigs kyi bu mos de dag nyid la blta bar bgyi'o// de bzhin gshegs pa la mchod par 'tshal bas/ de dag nyid la mchod par bgyi'o/ / bcom ldan 'das dad pa'i rigs kyi bu 'am/ rigs kyi bu mos de dag la ston par 'du shes bskyed par bgyi'o// de skad ces gsol nas/ byang chub sems dpa' sems dpa' chen po de dag gis bcom ldan 'das kyi zhabs gnyis la mgo bos phyag 'tshal nas/ bcom ldan 'das la lan gsum bskor te/ 'jam dpal gzhon nur gyur pa la'ang mchod nas sangs rgyas kyi zhing 'di nas mi snang bar gyur te/ bdag bdag gi sangs rgyas kyi zhing du 'khod nas/ bdag bdag gi yang dag par rdzogs pa'i sangs rgyas rnams kyi spyan sngar de dag thams cad kyis chos kyi rnam grangs 'di ji ltar blangs pa bzhin du rgya cher bshad pa dang / der yang sems can dpag tu med pa dag bla na med pa yang dag par rdzogs pa'i byang chub tu nges par gyur de nas bcom ldan 'das kyis/ byang chub sems dpa' sems dpa' chen po byams pa la bka' stsal pa/ byams pa khyod kyis chos kyi rnam grangs 'di 'gro ba mang po la phan pa dang / 'gro ba mang po la bde ba dang / 'jig rten la snying brtse ba dang / lha dang mi rnams kyi don gyi phyir/ phan pa'i phyir/ bde ba'i phyir/ chos kyi rnam grangs 'di leng zhig/ zung zhig/
- 348a
lhogs shig/ shod cig/ de skad ces bka' stsal ba dang / bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das bdag gis chos kyi rnam grangs 'di sngon gyi yang dag par rdzogs pa'i sangs rgyas rnams las kyang blangs lags te/ de yang bcom ldan 'das las mngon sum du thos te/ bcom ldan 'das bdag gis chos kyi rnam grangs 'di ni/ da ltar de bzhin gshegs pa bzhugs bzhin du'ang rgyas par bgyi'o// bcom ldan 'das yongs su mya ngan las 'das nas kyang / bdag dga' ldan gyi gnas na gnas bzhin du chos kyi rnam grangs 'di dge ba'i rtse ba 'bar zhing / theg pa chen po la gnas pa'i rigs kyi bu 'am/ rigs kyi bu mo dag la bstabs par bgyi'o/ / bcom ldan 'das phyi ma'i dus phyi ma'i tshe na/ chos kyi rnam grangs 'di gang dag gi rna lam du grag par 'gyur ba de nyid nges par byang chub sems dpa' byams pa'i byin gyi rlabs lags par rtogs par bgyi'o/ / bdud sdig can dag chos kyi rnam grangs 'di lta bu mi gda' bar bgyi ba'i slad du brtul du lags kyis kyang / bcom ldan 'das bdag gis ni/ sangs rgyas kyi mthu dang / sangs rgyas kyi byin gyi rlabs kyi chos kyi rnam grangs 'di lta bu yongs su gzung bar bgyi'o// de nas bcom ldan 'das kyis/ brgya byin
- 348b
lha'i dbang po la dka' stsal pa/ ko'u shi ka rgyal po ma skyes dgra'i le'u the tshom thams cad gcod par byed pa/ 'gyod pa thams cad sel bar byed pa/ las kyi sgrib pa thams cad sbyong bar byed pa/ chos thams cad kyi mnyam pa nyid ston pa'i chos kyi rnam grangs 'di zung zhig/ de ci'i phyir zhe na/ ko'u shi ka de ltar khyod gang gi tshe nA lha dang lha ma yin gyi g.yul du 'jug pade'i tshe/ chos kyi rnam grangs 'di la soms shig/ ko'u shi ka khyod kyis chos kyi rnam grangs 'di la bsams na/ lha rnams ni rgyal/ lha ma yin rnams ni pham par 'gyur bar re bar bya'o/ / ko'u shi ka khyod la bsgo'o// khyod kyis khong du chud par bya'o// grong dam/ grong khyer ram/ grong 'dab bam/ gzhongs sa ma/ yul lam/ rgyal po'i pho brang 'khor gang du'ang chos kyi rnam grangs 'di spyod pa de na/ phyir rgol ba 'am/ dgra klan ka tshol zhing glags lta bas glags mi rnyed par 'gyur ro// de bas na ko'u shi ka rgyal po'i pho brang du song yang rung / rkun po'i nang du song yang rung / gtum po'i nang du song yang rung / dgra'i nang du song yang rung / phyir rgol ba'i nang du song yang rung / me dang / dug dang / mtshon dang / chu'i nang du song yang rung ste/ chos kyi rnam grangs 'di la bsam par bya'o// de ltar byas na klan ka tshol ba gang gis kyang glags mi rnyed par 'gyur ro//
- 349a
de nas bcom ldan 'das kyis/ tshe dang ldan pa dga' bo la bka' stsal pa/ dga' bo khyod kyis chos kyi rnam grangs 'di zung zhig/ long zhig/ lhogs shig/ shod cig/ de ci'i phyir zhe na/ dga' bo de ltar rigs kyi bu 'am/ rigs kyi bu mo dag gis chos kyi rnam grangs 'di khyod las thos nas the tshom thams cad gcod par 'gyur ro// de dag nem nur thams cad byang bar 'gyur ro// 'gyod pa thams cad bsal bar 'gyur ro// las kyi sgrib pa 'am/ nyon mongs pa'i sgrib pas brlag par bya mi nus par 'gyur te/ gang dag gis chos kyi rnam grangs 'di nges par mnyan par bya ba de dag ni/ chos kyi rnam grangs 'di ma thos par 'chi ba'i dus byed par mi 'gyur ro// de ci'i phyir zhe na/ dga' bo 'di ni ma 'dres pa'i chos kyi rnam grangs kyi chos yin te/ 'di thos ma thag tu the tshom thams cad med par 'gyur ro// dga' bo khyod la bsgo'o// khyod kyis khong du chud par bya'o/ / gang mtshams med pa byed pas kyang chos kyi rnam grangs 'di la 'jug cing mos par byed na/ las de'i las kyi sgrib pa yod par nga mi smra'o// de nas bcom ldan 'das la/ gnas brtan 'od srungs chen pos 'di skad ces gsol to// bcom ldan 'das chos kyi rnam grangs 'di la bdag mngon sum du
- 349b
mchi ste/ gang gi tshe na 'jam dpal gzhon nur gyur pas rgyal po ma skyes dgra'i khab tu zlas 'tshul cing / mtshams ma mchis pa'i mnyam pa nyid bstan pa'i chos kyi rnam grangs 'di bshad pa de nA/ rgyal po ma skyes dgras mthun pa'i chos la bzod pa thob cing / de'i 'gyod pa byang bar gyur pa de'i tshe/ bcom ldan 'das bdag 'di snyam du gyur mtshams ma mchis pa bgyid pa thams cad chos nyid ni/ gang rgyal po ma skyes dgras rtogs pa de nyid lags na/ bcom ldan 'das byis pa lta bu'i so so'i skye bo dag ni ltar chos rang bzhin gyis zhi ba la/ ngag dang bdag gir rnam par brtags nas lta ba 'byung bar bgyid cing / ji ltar rgyal po ma skyes dgras rtogs pa bzhin du/ mtshams med pa bgyid pa thams cad kyi rang bzhin de 'dra ba lags par ni ma 'tshal te/ phyin ci log gis phyin ci log tu gyur cing ma mchis pa la yongs su rtog par btab pa'i rnams ni/ ma mchis bzhin du sems can dmyal ba dang // byol song gi skye gnas dang / gshin rje'i 'jig rten du sdug bsngal bar 'gyur te/ bcom ldan 'das bdag ni gang chos kyi rnam grangs 'di la mos pa de dag la ltung ba ma mchis/ ltung ba'i chos can ma lags so snyam bgyid do// bcom ldan 'das
- 350a
kyis bka' stsal pa/ legs so legs so// 'od srungs de bzhin no// ji skad smras pa de bzhin / sangs rgyas bcom ldan 'das rnams kyi byang chub ni kun nas nyon mongs pa med do/ / de nas bcom ldan 'das la// tshe dang ldan pa dga' bos 'di skad ces gsol to// bcom ldan ' das de bzhin gshegs pa dgra bcom pa yang dag par rdzogs pa'i sangs rgyas kyis ci nas kyang phyi ma'i dus phyi ma'i tshe la chos kyi rnam grangs 'di yod par 'gyur bar byin gyis brlab tu gsol/ de nas de'i tshe bcom ldan 'das kyis 'od gang gis 'jig rten gyi khams thams cad snang bar 'gyur ba'i 'od de lta bu ga yas phyogs dang / g.yon/ phyogs nas btang nas// sangs rgyas kyi zhing thams cad nas// de bzhin gshegs pa dgra bcom pa yang dag par rdzogs pa'i sangs rgyas kyis chos kyi rnam grangs 'di byin gyis brlabs so zhes de skad kyi sgra byung ngo / / gang dag gis chos kyi rnam grangs 'di mnyan par 'gyur ba de dag ni// gal te rgya mtsho mching rnam chen po'i nang du mchis par gyur kyang rung bsreg pa'i bskal pa'i nang du mchis kyang rung ste/ sems can de dag ni chos kyi rnam grangs 'di ma thos par 'gum pa'i dus
- 350b
bgyid par mi 'gyur ro/ / bco ldan 'das kyis bka' stsal pa dga' bro de bzhin no// ji ltar smra byung ba bzhin te/ skyes bu dam pa dge ba'i rtsa ba bskyed pa de dag gi phyir/ chos kyi rnam grangs 'di phyi ma'i dus phyi ma'i tshe la spyod par 'gyur ro// chos kyi rnam grangs 'di bshad pa'i tshe lha dang mi'i skye dgu'i srog chags 'bum phrag dgu bcu rtsa drug ni chos la chos kyi mig rdul med cing dri ma dang bral ba rnam par dag go/ / srog chags 'bum phrag bdun cu rtsa bdun ni bla na med pa yang dag par rdzogs pa'i byang chub tu sems skyes so/ / byang chub sems dpa' 'bum phrag sum cu rtsa gsum ni mi skye ba'i chos la bzod pa skyes so/ / srog chags brgyad stong gis ni 'dod chags dang bral ba thob par gyur to// stong gsum gyi stong chen po'i 'jig rten gyi khams 'di'ang rnam pa drug tu g.yos so// lha dang bcas pa'i 'jig rten yang chos kyi rnam grangs 'di'i mchod pa'i las la brtson par gyur te/ sil snyan brgya stong dkrol bar byed cing / gang de bzhin gshegs pas 'dir chos kyi rnam grangs bstan pa de ni chos kyi 'khor lo bskor ba'i mchog yin no/ / chos kyi rnam grangs 'di las ni mu stegs can gzhan klan
- 351a
@##/ ka la spyod pa/ bdud kyi yul la gnas pa thams cad tshar ga cad do// yang dag pa'i chos la mos pa'i rigs kyi bu dang rigs kyi bu mo de dag gi phyir de bzhin gshegs pa dgra bcom pa yang dag par rdzogs pa'i sangs rgyas kyis phyag rgya 'di bzhag ste/ gang dag gis phyag rgya 'di shes pa de dag ni yang dag par rdzogs pa'i byang chub tu nges par 'gyur ro zhes de skad kyang smra'o/ / bcom ldan 'das dgyes shing de skad bka' skul pa dang / rgyal po ma skyes dgra dang / 'jam dpal gzhon nur gyur pa la sogs pa byang chub sems dpa' sems dpa' chen po de dag dang / 'od srungs chen po dang / dga' bo dang / shA ri'i bu dang / mo'u 'gal gyi bu la sogs pa nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis bka' stsal pa la mngon par dga' 'o// rgyal po ma skyes dgra'i 'gyon