Text

ff. 1b–385a · 768 folio sides

  1. 1b

    rgya gar skad du/ Ar+ya sA ga ra ma ti pa ri brid tshan ma ma hA yA na sU tra/ bod skad du// ni/ 'phags pa blo gros rgya mtshos zhus pa zhes bya ba theg pa chenan po'i mdo/ / // bam po dang

  2. 2a

    bya/ / po/ u0f7fsangs rgyas dang / byang chub sems dpa' thams cad la phyag ' tshal lo/ / 'di skad bdag gis thos pa dus gcig na/ bcom ldan 'das rgyal po'i khapa/ de bzhin gshegs pa'i spyod yul rin po che bkod pa'i 'khor gyi khyams/ de bzhin gshegs pa'i gnas/ bsod nams chen po'i rkyen gyi tshogs bsags pa/ sprod pa chen

  3. 2b

    po'i rgyu mthun pa/ sangs rgyas kyi chos thams cad kyi rnam par smin pas mngon par grub pa/ byang chub sems dpa' chen po'i gnas bstan pa mtha' yas pa/ de bzhin gshegs pas rnam par sprul pas byin gyis brlabs pa chags pa med pa'i spyod yul gyi ye shes la 'jug pa/ dga' ba rgya chen po skyed pa/ dran pa dang / blo gros dang / rtogs pas 'jug pa kun nas ma smad pa/ ye shes kyis rnam par dpyod pa de la ma chags par rtogs pas 'jug pa/ bskal pa mu med par mngon par bstod pa/ yon tan gyi tshogs thams cad dpag tu med pa na bzhugs te/ bcom ldan 'das chos thams cad ni mnyam pa nyid du mngon par rdzogs par sangs rgyas/ chos kyi 'khor lo ni shin tu

  4. 3a

    bskor slob ma shin tu dul ba mtha' yas pa'i tshogs ni shin tu mnga'/ chos thams cad la mnga' dbang ni shin tu brnyes/ sems can thams cad kyi bsam pa bsgrub pa ni legs par mkhyen// dbang po'i dam pa'i pha rol tu phyin pa ni brnyes/ bag chags kyi mtshams sbyor ba yang dag par 'joms pa la ni mkhas/ sangs rgyas kyi mdzad pa lhun gyis grub pa ni rgyun ma chad cing / dge slong 'bum phrag drug cu'i dge slong gi dge 'dun chen po dang thabs gcig ste/ thams cad kyang cang shes kyi sems dang ldan pa/ nyon mongs pa thams cad kyi bag chags kyi mtshams sbyor ba yang dag par 'joms pa la brtson pa/ chos kyi rgyal po de bzhin gshegs pa'i sras/ chos zab mo la gnas pa/ dmigs pa med pa'i chos kyis nges par byung ba/ spyod lam mdzes pa phun sum tshogs pa/ sbyin gnas chen por gyur pa/ de bzhin gshegs pa'i bka' la shin tu zhugs pa sha stag

  5. 3b

    go/ byang chub sems dpa'i dge 'dun chen po/ byang chub sems dpa' sems dpa' chen po dmigs pa med pa'i byang chub sems dpa'i bzod pa rab tu thob pa/ dbang bskur ba dang ldan pa'i byang chub sems dpa'i sa la zhugs pa/ mngon par 'du byed pa med pa'i byang chub sems dpa'i mngon par shes pas rnam par brtson pa/ byang chub sems dpa'i gzungs mi zad pa'i za ma tog rab tu thob pa/ byang chub sems dpa'i ting nge 'dzin dpa' bar 'gro ba la dbang thob pa/ byang chub sems dpa'i so so yang dag par rig pa sems can thams cad tshim par byed pa rjes su thob pa/ byang chub sems dpa'i spyod pa lhun gyis grub pas nges par 'byung ba bkod pa'i rgyan gyi lhag pa'i bsam pa la shin tu gnas pa/ tshad med grangs med bsam gyis mi khyab/ mtshungs pa med gzhal du med dpag tu med pa la 'di lta ste/ byang chub sems dpa' sems dpa' chen po mdzod mi zad pa zhes bya ba dang / byang chub sems dpa' sems dpa' chen po blo gros tshad med pa zhes bya ba dang / byang chub sems dpa' sems dpa' chen po spobs pa mtha' yas shes bya ba dang / byang chub sems dpa' sems dpa' chen po dmigs pa med pa'i bsam gtan pa zhes bya ba dang / byang chub sems dpa' sems dpa' chen po brtson 'grus gong ba med ces bya ba dang / byang chub sems dpa' sems

  6. 4a

    dpa' chen po brtson 'grus blo gros zhes bya ba dang / byang chub sems dpa' sems dpa' chen po blo gros rgyun mi 'chad pa zhes bya ba dang / byang chub sems dpa' sems/ dpa' chen po chags pa med pa'i mi 'jigs pa brtsegs pa zhes bya ba dang / byang chub sems dpa' sems dpa' chen po don nges par brtags te lta ba zhes bya ba dang / de la sogs pa byang chub sems dpa' sems dpa' chen po tshad med/ grangs med/ bsam gyis mi khyab pa/ mtshungs pa med/ gzhal du med dpag tu med pa dag dang yang thabs gcig go/ de nas bcom ldan 'das byang chub sems dpa'i spyod pa la 'jug pas nges par 'byung ba/ sgrib pa med pa'i sgo byang chub sems dpa'i lam bkod pa la dmigs pa stobs dang / mi 'jigs pa dang / sangs rgyas kyi chos thams cad yongs su 'grub pa'i ye shes kyi 'byung gnas/ chos thams cad la dbang sgyur ba'i gzungs kyi phyag rgya'i sgor 'jug pa/ so so yang dag par rig pas rnam par gdon mi za ba la 'jug pa'i sgo/ mngon par shes pa chen po'i ye shes la 'bab pas 'jug pa phyir mi ldog pa'i 'khor lo phyir mi ldog pa ston pa/ theg pa thams cad mnyam pa nyid du yang dag par 'du ba/ chos kyi dbyings 'dres pa med de tshul gcig pa rab tu dbye ba la 'jug pa/ sems can thams cad kyi bsam pa dang dbang po'i tshul la

  7. 4b

    'jug pa ston pa/ snying po dang ldan pa/ chos rnam par gdon mi za ba dang / bdud kyi dkyil 'khor thams cad rnam par 'joms pa/ tshul bzhin du chos kyi tshul la 'bab cing 'jug pa nyon mongs pa dang lta bar gyur pa thams cad 'dul ba/ chags pa med pa'i ye shes la 'jug pa/ kun tu bsngo ba'i thabs la mkhas pa shes pa ston da / sangs rgyas thams cad kyi mnyam pa nyid kyi ye shes la 'jug pa/ chags pa med pa'i byin gyis brlabs kyi sgo/ chos thams cad ji lta ba bzhin du rnam par gdon mi za bar ston pa mi rtog cing rnam par mi rtog ste/ mnyam pa nyid du 'jug pa/ rten cing 'brel par 'byung ba zab mo rtogs par byed pa/ bsod nams dang / ye shes kyi tshogs chen po sogs pa/ sangs rgyas kyi sku dang / gsung dang / thugs mnyam pa nyid kyi rgyan dang ldan pa/ dran pa dang / blo gros dang / rtogs pa dang / mos pa dang / shes rab mi zad pa mngon par sgrub pa/ nyan thos kyi theg pas 'dul ba'i phyir/ 'phags pa'i bden pa'i tshul la 'jug pa/ rang sangs rgyas kyi theg pas 'dul ba'i phyir lus dang / sems rab tu dben par shes pa/ theg pa chen pos 'dul ba'i phyir/ thams cad mkhyen par dbang bskur ba rab tu thob pa/ chos thams cad la dbang sgyur ba'i tshul la 'jug pa zhes bya ba'i chos kyi rnam grangs de bzhin gshegs pa'i yon tan brjod pa'i phyir gsung ngo // ston to//

  8. 5a

    rab tu 'chad do// 'dzin tu 'jug go// klog tu 'jug go/ shes par mdzad do// rnam par shes par mdzad do// rab tu shes par mdzad do// rab tu 'god do// rnam par/ 'byed do// rnam par 'grel to// gsal bar mdzad do// yang dag par rab tu ston to// de nas bcom ldan 'das kyis don shin tu rnam par nges pa/ 'dus pa chen po'i le'u chos kyi rnam grangs 'di lta bu 'di rgya cher yang dag par rab tu bstan pas/ thams cad dang ldan pa'i stong gsum gyi stong chen po'i 'jig rten gyi khams 'og tu/ sa'i steng nas bzung ba yan chad/ rin po che bkod pa'i 'khor gyi khyams kyi gzhi la thug pa'i bar dag tu/ chus yongs su gang ba'i rgya mtsho gcig ltar kun tu snang ste/ 'di lta ste dper na/ bsreg pa'i bskal pa 'das nas chags pa 'byung ba'i tshe/ stong gsum gyi stong chen po'i 'jig rten gyi khams 'di thams cad chus yongs su gang bar gyur te/ chu'i dkyil 'khor gyis yongs su 'khor ba de bzhin du/ de'i tshe stong gsum gyi stong chen po'i 'jig rten gyi khams thams cad chus yongs su gang ba'i rgya mtsho gcig lta bur gnas par kun tu snang yang / stong gsum gyi stong chen po'i 'jig rten gyi khams na/ grong dang / grong khyer dang grong rdal dang / ljongs dang / yul 'khor dang / rgyal po'i pho brang 'khor rnams la yang / sgrib pa med par kun tu snang ngo // 'dzam bu gling rnams dang / gling bzhi pa chen

  9. 5b

    po rnams dang / rgya mtsho chen po rnams dang / ri rab rnams dang / 'dod pa na spyod pa'i lha'i bu rnams la yang / sngon ji lta bar phyis kyang de bzhin du sgrib pa ci yang med par de kho na bzhin du kun tu/ snang ngo // chu'i phung po de las kyang pad+ma chu ba ni bai DUR+Ya/ lo ma gel pa ni in+d+ra rnyil/ lo ma ni 'dzam bu'i chu bo'i gser/ ze ba ni dpal gyi snying po/ snying po ni rdo'i snying po las grub pa/ mu tig gi dra bas ni khebs par byas pa/ 'dab ma bye ba khrag khrig brgya stong phrag du ma dang ldan pa/ tshad ni rgyang grags kyi khyon tsam yod pa bye ba khrag khrig brgya stong phrag mang po byung ste/ de dag rin po che bkod pa'i 'khor gyi gzhi las thal nas/ shing ta la'i srid du 'phags te/ thams cad dang ldan pa'i 'khor de yang de'i tshe/ pad+ma la 'khod par kun tu snang ngo // pad+ma de dag las kyang 'od gang dag gis phyogs bcu'i sangs rgyas kyi zhing tshad med grangs med pa dag snang ba chen pos khyab par gyur pa'i 'od de lta bu dag byung ngo / / de nas thams cad dang ldan pa'i 'khor de ngo mtshar du gyur nas/ ltar snga ltas 'di dag kun tu snang ba las na/ kye ma'o// 'di ni chos bstan pa chen por 'gyur ro zhes ched du rjod pa ched du brjod do// de nas byang chub sems dpa' sems dpa' chen po byams pas/ cho 'phrul rgya chen po de mthong nas pad+ma'i stan las langs te/ kos phrag pa gcig tu bgos nas pus mo g.yas pa'i lhang pad+ma'i snying po la btsugs te/ bcom ldan 'das ga la ba der logs

  10. 6a

    su thal mo sbyar ba btud nas/ bcom ldan 'das la 'di skad ces gsol to// bcom ldan 'das gang stong gsum gyi stong chen po'i 'jig rten gyi khams 'di chab kyis yongs su bltam pa'i rgya mtsho gcig lta bur kun tu gda' ba dang / pad+ma bye ba khrag khrig brgya stong 'di snyed cig mngon par byung ba 'di dag dang / bcom ldan 'das sngon ma mthong ma thos pa'i cho 'phrul rgya chen po 'di dag kun tu gda' ba 'di su'i snga ltas lags/ de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to// / byams pa 'og gi phyogs logs su sangs rgyas kyi zhing 'di nas stong gsum gyi stong chen po'i 'jig rten gyi khams kyi rdul phra rab kyi rdul snyed kyi sangs rgyas kyi zhing 'das pa na/ 'jig rten gyi khams yon tan rin po che dri ma dang bral ba dpag tu med pa bkod pas brgyan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rgya mtsho'i mchog mnga' ba'i blos rnam par rol pa mngon par 'phags pa'i mngon par mkhyen pa zhes bya ba bzhugs te/ 'tsho zhing gzhes la chos kyang ston pa yod de/ sangs rgyas kyi zhing de nas byang chub sems dpa' sems dpa' chen po blo gros rgya mtsho zhes bya ba/ byang chub sems dpa' sems dpa' chen po bgrang ba las 'das pa dag dang lhan cig tu nga la blta ba dang / phyag bya ba dang / bsnyen bkur bya ba dang /

  11. 6b

    chos bstan pa 'di las gtam gyi rgyud 'ga' zhig dri ba'i phyir 'jig rten gyi khams mi mjed 'dir 'ong bar 'gyur te/ 'di ni de'i snga ltas so// de nas bcom ldan 'das la tshe dang ldan ba shA ri'i bus 'di skad ces gsol to/ / bcom ldan 'das ci lags/ byang chub sems dpa' blo gros rgya mtsho thag ring por de srid cig na mchis shing chos kyi rnam grangs 'di nyan lags sam/ bcom ldan 'das kyis bka' stsal pa/ shA ri'i bu khyod ji ltar nga'i mdun na chos kyi rnam grangs 'di nyan pa de bzhin du byang chub sems dpa' blo gros rgya mtsho yang 'jig rten gyi khams de na 'dus cing chos kyi rnam grangs 'di nyan to/ / shA ri'i bu khyod kyis ji lta nga dang thams cad dang ldan pa'i 'khor 'di mthong ba de bzhin du/ byang chub sems dpa' blo gros rgya mtshos kyang nga dang thams cad dang ldan pa'i 'khor 'di mthong ngo / / gsol pa/ bcom ldan 'das kye ma'o// ji tsam du byang chub sems dpa' sems dpa' chen po rnams kyi mngon par shes pa'i ye shes kyi stobs 'di bsam gyis mi khyab ste/ 'di ltar thag ring po de srid na mchis kyang mig gis gzugs mthong ba la sgrib pa ma mchis shing / rna bas sla thos pa la sgrib pa ma mchis pa ni ngo mtshar to// bcom ldan 'das byang chub sems dpa' sems dpa' chen po rnams kyi yon tan gyi che ba nyid bsam gyis mi khyab pa 'di thos nas/ su zhig bla na med pa yang dag par rdzogs pa'i byang chub tu sems mi bskyed/ gnas

  12. 7a

    brtan shA ri'i bus bstan pa 'di bshad pa'i tshe/ lha'i bu nyi khri bzhi stong gis bla na med pa yang dag par rdzogs pa'i byang chub tu sems bskyed do// de nas byang chub sems dpa' sems dpa' chen po blo mos rgya mtsho byang chub sems dpa' sems dpa' chen po bzang ba las 'das pa dag gis kun nas bskor te/ mdun du bdar nas lhan cig tu bcom ldan 'das rgya mtsho'i mchog mnga' ba'i blos rnam par rol pa mngon par 'phags pa'i mngon par mkhyen pa'i ye shes de bzhin gshegs pa de la gsol nas/ bcom ldan 'das des gnang ste/ sangs rgyas rnam par rol pa'i rdzu 'phrul gyi rkang pa rnams dang / mngon par 'du bya ba med pa'i rdzu 'phrul dang sems gcig gis thob pa'i dran pas mig phye ba tsam gyis 'jig rten gyi khams yon tan rin po/ che'i dri ma dang bral ba dpag tu med pa bkod pas brgyan pa de nas mi snang bar gyur nas/ 'jig rten gyi khams mi mjed 'dir phyin te/ rin po che bkod pa'i 'khor gyi khyams kyi gzhi las thal nas/ shing ta la srid du mngon par 'phags te/ pad+ma'i snying po la 'dug par kun tu snang ngo // de las gzhan pa'i pad+ma'i snying po rnams la yang byang chub sems dpa' sems dpa' chen po de das 'khod par kun tu snang ngo / / 'og gi phyogs kyi sangs rgyas kyi zhing tshad med grangs med pa dag nas kyang byang chub sems dpa' sems dpa' chen po shin tu mangs med dpag tu med pa dag chos

  13. 7b

    nyan pa'i phyir/ byang chub sems dpa' sems dpa' chen po blo gros rgya mtsho'i phyi bzhin du 'brang bar gyur to// de nas phyogs bcu'i 'jig rten gyi khams nas 'dus pa'i byang chub sems dpa' sems dpa' chen po pad+ma la 'khod pa dag gis/ rin po che bkod pa'i 'khor gyi khyams shin tu rgyas pas mdzes te/ lham ma/ lhan ne/ lhang nge'o// de na thams cad dang ldan pa'i 'khor de dag ngo mtshar du gyur te/ dga' ba dang / dad pa dang / rab tu dga' ba thob nas thal mo sbyar te/ byang chub sems dpa' de la phyag 'tshal to// de nas byang chub s ems dpa' sems dpa' chen po blo gros rgya mtshos 'jig rten gyi khams yon tan rin po che dri ma dang bral ba dpag tu med pa bkod pas brgyan pa na yod pa'i me tog mya ngan med cing yid du 'ong ba mthong na dga' ba zhes bya ba 'dab ma bye ba khrag khrig brgya stong du ma dang ldan pa/ tshad rgyang grags kyi khyon tsam yod pa/ de bzhin gshegs pa la mchod par 'os pa/ byang chub sems dpa'i bsam pas rnam par dag par sngon gyi dge ba'i rtsa bas yongs su sbyangs pa rnam par bkra ba/ mig tu sdug pa 'khor thams cad tshim par byed pa kun nas 'od dang ldan pa/ kun nas shin tu yid du 'ong ba'i/ dri dang ldan pa'i me tog de 'dra ba dag/ mchod pa'i las kyi phyir bcom ldan 'das kyi spyan sngar me tog gi char chen po mngon par phab ste/ me tog gi char des rin po che bkod pa'i 'khor gyi khyams su/ mi bdun

  14. 8a

    gyi 'phang tsam gyi me tog dgram pa bkram par gyur to/ / rab tu dben pa'i bsam gtan gyi zas shes bya ba'i sil snyan yang bsgrags te/ sil snyan gyi sgra des thams cad dang ldan pa'i 'khor de bsam gtan la snyoms par zhugs pa bzhin du bdag bde bas tshim par shes so/ / de nas byang chub sems dpa' sems dpa' chen po blo gros rgya mtshos bcom ldan 'das la mchod pa 'di lta bu 'di byas nas/ bcom ldan 'das kyi zhabs la mgo bos phyag 'tshal te/ lan bdun bskor ba byas nas/ bcom ldan 'das kyi spyan sngar thal mo sbyar te 'dug nas/ bcom ldan 'das la 'di skad ces gsol to/ / bcom ldan 'das de bzhin gshegs pa rgya mtsho'i mchog mnga' ba'i blos rnam par rol pa mngon par 'phags pa'i mngon par mkhyen pas/ bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang / bde bar reg pa la gnas sam zhes spun gsol lo// byang chub sems dpa' sems dpa' chen po de dag thams cad kyis kyang bcom ldan 'das kyi zhabs la mgo bos phyag 'tshal te/ lan bdun bskor ba byas nas slar rang rang gi stan la 'khod do// de nas stong gsum gyi stong chen po'i tshangs pa snying rje chen po sems dpa' zhes bya ba/ mya ngan med pa'i gling bzhi pa chen po na gnas pa/ tshangs pa'i 'jig rten na 'dug pas/ stong gsum gyi stong chen po'i 'jig rten gyi khams chus yongs su gang ba'i rgya mtsho

  15. 8b

    gcig lta bu yang mthong / pad+ma rnam par bkra ba/ blta na sdug pa bye ba khrag khrig brgya phrag stong mngon par byung ba yang mthong // rin po che bkod pa'i 'khor gyi khyams byang chub sems dpas gang ba yang mthong ste/ mthong nas kyang de 'di snyam du sems te/ bsreg pa'i bskal pa ni ma byung na// chus 'jig pa 'di byung ste/ 'di lta bu'i cho 'phrul 'di dag kun tu snang ba 'di la rgyu ci yod/ da bdag bcom ldan 'das kyi thad du song ste/ bcom ldan 'das ngo mtshar rmad du byung ba'i chos chen po 'jig rten du byung ba'i rgyu gang lags/ rkyen gang lags zhes zhu'o snyam mo// de nas tshangs pa snying rje chen po sems pa/ tshangs pa 'bum phrag drug cu rtsa brgyad kyi yongs su bskor te/ mdun du bdar nas lhan cig du tshangs pa'i 'jig rten nas mi snang bar gyur te/ rin po che bkod pa'i 'khor gyi khyams su bcom ldan 'das kyi spyan sngar steng gi bar snang la 'dug ste/ lus btud thal mo sbyar nas/ bcom ldan 'das nyid la phyag 'tshal to// de nas bcom ldan 'das la tshangs pa snying rje chen po sems pas 'di skad ces gsol to/ / bcom ldan 'das 'di ci lags/ gang stong gsum gyi stong chen po'i 'jig rten gyi khams 'di chab kyis yongs su bltam pa'i rgyamatsha gcig lta bur kun tu gda' ba dang / pad+ma bye ba khrag khrig brgya stong phrag 'di skad cig byung ba 'di dang / de dag la yang skyes bu dam pa dag mchis pa 'di lta bu kun tu gda' yang / bcom ldan 'das stong

  16. 9a

    gsum gyi stong chen po'i 'jig rten gyi khams na grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor rnams la yang sgrib pa ma mchis par kun tu gda' ba dang / 'dzam bu'i gling rnams dang / gling bzhi pa chen po rnams dang / rgya mtsho rnams dang / ri rab rnams dang / 'dod pa na spyod pa'i lha'i bu rnams la yang sngon ji lta bar phyis kyang de bzhin du sgrib pa ci yang ma mchis par de kho na bzhin du kun tu gda' ba de la/ bcom ldan 'das 'di su'i byin gyi rlabs kyis gyur snyam du bdag ngo mtshar cher gyur na/ 'di su'i snga ltas lags/ de skad ces gsol ba dang / bcom ldan 'das kyis tshangs pa snying rje chen po sems pa la 'di skad ces bka' stsal to// tshangs pa 'di ni bcom ldan 'das de bzhin gshegs pa rgya mtsho mchog mnga' ba'i blos rnam par rol pa mngon par 'phags pa'i mngon par mkhyen pa'i sangs rgyas kyi zhing 'jig rten gyi khams yon tan rin po che dri ma dang bral ba dpag/ tu med pa bkod pas brgyan pa nas/ byang chub sems dpa' sems dpa' chen po blo gros rgya mtsho/ byang chub sems dpa' sems dpa' chen po bgrang ba las 'das pa dag dang lhan cig tu la blta ba dang / phyag bya ba dang / bsnyen bkur bya ba dang / 'dus pa chen po'i le'u'i chos kyi rnam grangs 'di las gtam gyi rgyud 'ga' zhig yongs su dri ba'i phyir 'jig rten gyi khams mi

  17. 9b

    na/ mjed 'dir 'ongs pa yin te/ gang stong gsum gyi stong chen po'i 'jig rten gyi khams 'di chus yongs su gang bar kun tu snang ba 'di lta bu 'di ni de'i rnam par sprul pa'i byin gyis brlabs so// gsol pa/ bcom ldan 'das da dung yang 'dus pa chen po'i le'u'i chos kyi rnam grangs 'chad dam/ bcom ldan 'das kyis bka' stsal pa/ tshangs pa de bzhin gshegs pa'i spobs pa la ni rgyun chad pa chung zad kyang med de/ gang gi tshe khyod kyis de bzhin gshegs pa cang mi gsung bar gyur pa mthong ba de'i tshe na yang / nga ni phyogs bcu'i 'jig rten gyi khams nas 'dus pa'i byang chub sems dpa' rnams la chos rnam par nges pa'i gtam yang dag par rab tu ston te/ tshangs pa sangs rgyas kyi yul ni de ltar bsam gyis mi khyab bo// gsol pa/ bcom ldan 'das gang 'di lta bu 'di rnam par sprul pa'i byang chub sems dpa' sems dpa' chen po blo gros rgya mtsho zhes bgyi ba de gang lags/ bcom ldan 'das kyis bka' stsal pa/ tshangs pa khyod kyis pad+ma dpag tshad bcu'i khyon tsam yod pa de'i dkyil na pad+ma'i snying po la/ rin po che bkod pa'i seng ge'i khri 'phang du shing ta la bdun tsam pa dang / srog chags bye ba phrag mang pos phyag byas pa mthong ngam gsol pa/ bcom ldan 'das mthong lags so// bcom ldan 'das kyis bka' stsal pa/ tshangs pa khyod kyis seng ge'i khri de la byang chub sems dpa' lus gser gyi kha dog tu 'dug pa lus mtshan dang

  18. 10a

    dpe byad bzang pos legs par brgyan pa 'dug ste/ gang de bzhin gshegs pa'i sku ma gtogs par gzhan byang chub sems dpa'i lus zil kyis mnan nas 'dug pa/ byang chub sems dpa' mang pos phyag byas pa mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ tshangs pa 'di ni byang chub sems dpa' sems dpa' chen po blo gros rgya mtsho zhes bya ba ste/ 'di ni de'i rnam par sprul pa'o// de nas tshangs pa snying rje chen po sems pas/ byang chub sems dpa' sems dpa' chen po blo gros rgya mtsho la phyag byas nas/ tshig 'di skad ces smras so// bcom ldan 'das sems can thams cad kyang rdzu 'phrul gyi cho 'phrul 'di lta bu dag thob par gyur cig/ gang dag byang chub sems dpa' blo gros rgya mtsho'i ming thos pa'i sems can de dag ni rnyed pa legs par rnyed pa lags so/ / bcom ldan 'das bdag gis kyang skyes bu dam pa 'di'i ming thos shing gzugs kyi lus kyang mthong bas bdag gis kyang rnyed pa legs par rnyed do/ / bcom ldan 'das 'dus pa chen po'i le'u'i chos kyi rnam grangs 'di yun ji srid cig tu 'chad// bcom ldan 'das kyis bka' stsal pa/ tshangs pa ji srid du de bzhin gshegs pa'i sku tshe'i tshad gnas pa dang / de bzhin gshegs pa yongs su mya ngan las 'das nas kyang / byang chub sems dpa' 'di dag ches

  19. 10b

    kyi rnam grangs 'di 'chang ba dang / klog pa dang / yang dag par rab tu ston pa dang / rgyas par byed kyi bar du'o// de ci'i phyir zhe na/ tshangs pa 'das pa dang / ma 'ongs pa dang / ltar byung ba'i sangs rgyas bcom ldan 'das rnams kyi byang chub sems ni 'di'i nang du 'dus pa'i phyir ro// de nas byang chub sems dpa' sems dpa' chen po blo gros rgya mtsho/ 'khor thams cad rgya cher yang dag par rab tu dga' bar bya ba dang / tshangs pa snying rje chen po sems pa'i sems dang 'thun par bya ba dang / chos kyi rnam grangs 'di brgyan par bya ba dang / bdag nyid kyi shes rab dang / spobs pa'i stobs nye bar bstan pa'i phyir pad+ma dang lhan cig/ seng ge'i khri dang lhan cig tu steng gi bar snang la shing ta la bdun srid tsam na 'dug ste/ de'i tshe tshogs su gcad pa 'di dag smras so/ / khrag khrig sangs rgyas zhing rdul snyed kyi zhing rnams 'das pa'i 'og logs na// rdzogs pa'i byang chub sems dpa' gnas zhing yon tan kun ldan rab mdzes pa/ de na 'dren pa brtan pa rgya mtsho'i blo thugs mtshungs pa med bzhugs te/ / der ni bdag gis thub pa'i chos thos gyur te thos nas de bzhin bzung // bdag ni stobs bcu ldan la blta bar bgyi dang de bzhin phyag bgyi dang / / byang chub sems dpa' khyu mchog 'di rnams phan tshun dri slad 'dir mchis te// skyob la phyag bgyi bas ni chos rgyal mtshungs med khyod la 'dir phyag 'tshal/ sangs

  20. 11a

    rgyas mchod pa gang lags rgya chen shin tu rgyas pas mchod pa 'tshal/ / gang gi gzugs la gzugs su mi rtog tshor ba 'dus bgyis ma lags shing / rnam par shes pa'ang tshor gsum bzhin du rtag par shin tu rnam dag ste/ / gang zhig 'dren la mtshan du ma lags skye dang rigs su ma lags rtogs// mig ldan des ni chos kyi rgyal po dri med yang dag don tu mthong / / bdag gam bdag med ces bya'i mtha' de gnyi ga mi len mi 'dor te// nang du gyur pa zhi zhing thugs kyang zhi ste phyi rol rgyu mi mnga'// mi rtog rnam mi rtog ci'i rtog bral thub pa'i thugs ni nam mkha' 'dra/ / des ni phyogs bcu'i bde gshegs chos kyi rgyal mtshan gsal mdzad rnams la mchod// gang blo smin pa rnams la 'di ni sgyu ma len pa stong pa nyid// g.yo ba med pa'i yid kyis nor rnams de dag rig pa med par gtong / / byang chub don tu nges kyi lta bar nges min spros la gnas ma yin// gang blo sems can nyes pa mthar 'byin de ni sbyin bdag ser sna med// de ni rab tu zhi bas zhi ste ngag med yid med lus gdung med/ / gdung ba med pas bcing ba rgya chen bral te nges pa dbang po zhe// bdag med theg par gnas nas byang chub dmigs pa med cing de mi 'dor// khrims gnas blo ldan khrims 'chal thar byed 'dod pa tshul khrims dri ma med// chos rnams skad cig par ni rtogs pa shes bya rnams la smras pa med// nam mkha' mtshungs pa'i yid kyis 'gro ba

  21. 11b

    'di dag sgyu ma ji bzhin mthong / / gang zhig lus ni dum bu dum bur bcad kyang yid ni khro mi 'gyur// gang zhig byang chub brtul zhugs gnas pa'i blo ldan mkhas te bzod pa smra// gang zhig/ chos rnams chu zla chu bur mnyam zhig sgyu ma smig sgyu 'dra// rtogs nas mi min srog ma yin zhing shes bu ldan pa ma yin mthong // byang chub dang ni sems can tshogs mi dmigs kyang byang chub gzhan don brtson/ / tshul 'dir gang zhig skrag pa med pa de ni brtson 'grus tha mar phyin// gang gi sems ni yul la chags pa med cing the tsom yod min la// sems can gzhan gyi sems kyi spyod pa dus gsum gyur pa'ang shes pa dang / / gang sems spyod par gyur pa gang yin de yi bdud kyis mi shes pa// pha rol phyin thob bsam gtan dang ni mngon par shes la blo gros gnas// gang zhig sangs rgyas rnams kyi gsung kun nyan cing de bzhin 'dzin byed pa// bskal pa dpag tu med par smras kyang spobs pa rgyun chad mi 'gyur te// sangs rgyas chos rtogs sems can mi ltung de ni gang du'ang gnas med pa/ / bcom ldan thub nyid mkhyen gter shes rab ldan zhing 'jig rten gsum na dpa'// gang zhig pha rol phyin pa'i pha rol gshegs kyang gshegs min ma gshegs min/ / gang zhig sems can spyod pa'i mthar phyin mi gnas g.yo ba mi mnga' zhing // yon tan kun mthar gang phyin yon tan rnams la rlom sems mi mnga' ba// thub pa'i dbang po shAkya sangs

  22. 12a

    rgyas khyu mchog de la mgo bos thug/ 'od zer rnam dag nyi mas srin bu me khyer 'od rnams zil gyis mnan// me lce rtse mthon bskal mtha'i me yis sa la ji snyed yod pa sreg/ ri mchog ri rab kyis ni sa la yod pa'i ri kun zil gyis mnan// shAkya khyu mchog spu 'dis 'jig rten gsum gyi 'od gzhan zil du rlag/ zhing brgya dag nas lhags pa'i byang chub sems dpa' khyu mchog ji snyed pa/ / de dag gtso bo khyod kyi mchog dang gzi brjid kyi ni tshim par gyur// gang dag smon lam ji ltar btab pa de ltar kun gyis 'thun par mthong // bdag cag gang nas ma 'ongs rang gi zhing nyid na ni 'dug par shes/ / ji ltar gang gis rang rig de ltar khyod kyi gzung ni shin tu 'jug/ srid pa gsum na skad rnams ji snyed ci mchis de dang 'thun par 'jug/ rdul gyi rdul dang mi rnams kyi ni sems kyi bsam pa bgrang nus srid/ / thub pa'i gsung dbyangs tshad med nam mkha' 'dra 'di bgrang bar nus ma lags// nam mkha'i mtha' dang mi rnams kyi ni mtha' ma bgrang bar mi nus te/ / 'khor ba'i sngon gyi mtha' ma nyid ni rnam pa kun tu bgrang mi nus// nam mkha'i mtha' dang 'khor ba'i mtha' ni mi yis bgrang bar nus kyang srid// sangs rgyas mkhyen dang ting 'dzin tshul khrims yun ni gang du'ang shes mi nus/ / gzhal yas bskal par gang gi bsngags pa brjod par sla ba ma lags pa// khyu mchog dpag yas chos kyi dbang phyug 'dren pa khyod la phyag

  23. 12b

    'tshal lo/ / skye bo gang dag shes dang mos pas sangs rgyas che ba rjes rtogs pa// de dag gis ni blo gros bsam yas rmad byung kun lhag 'dren pa mthong // de nas byang chub sems dpa' sems dpa' chen po blo gros rgya mtshos tshigs su bcad pa 'di dag smras nas/ bar snang de las babs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ / de skad ces gsol pa dang / bcom ldan 'das kyis byang chub sems dpa' sems dpa' chen po blo gros rgya mtsho la 'di skad ces bka' stsal to/ / rigs kyi bu khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / dris pa de dang dengs lung bstan pas khyod kyis sems rangs par bya'o/ / de skad ces bka' stsal pa dang / bcom ldan 'das la byang chub sems dpa' sems dpa' chen po blo zlos rgya mchos 'di skad ces gsol to// bcom ldan 'das byang chub sems dpa' sems dpa' chen po rnams kyi ting nge 'dzin shin tu dkar ba dri ma med pa'i phyag rgya zhes 'gyi ba mchis te/ ting nge 'dzin de la rab tu gnas

  24. 13a

    na/ byang chub sems dpa' sems dpa' chen po rnams bla na med pa yang dag par rdzogs pa'i byang chub mngon par rdzogs par 'tshang rgya zhes bdag gis thos na/ byang chub sems dpa' sems dpa' chen po rnams kyis shin tu dkar ba dri ma med pa'i phyag rgya'i ting nge 'dzin ji ltar thob pa dang / ci'i slad du shin tu dkar ba dri ma med pa zhes bgyi ba/ bcom ldan 'das de bzhin gshegs pas de legs par bshad du gsol/ ting nge 'dzin de la 'jug pa'i sgor 'jug pa gang thos nas/ byang chub sems dpa' sems dpa' chen po rnams ting nge 'dzin/ 'di thob cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba/ bcom ldan 'das de bzhin gshegs pas legs par bshad du gsol/ de skad ces gsol pa dang bcom ldan 'das kyis byang chub sems dpa' sems dpa' chen po blo gros rgya mtsho la 'di skad ces bka' stsal to/ / skyes bu das pa legs so legs so// kyis dri ba 'di bzang zhing dpyod pa de tshul bzhin yin te/ de'i byor rigs kyi bu legs par rab tu nyon la yid la zung gigi dang / byang chub sems dpa' sems dpa' chen po rnams kyis shin tu dkar badrim med pa'i phyag rgya'i ting nga 'dzin 'di ji ltar thob pa dang / myung du than med pa yang dag par rdzogs pa'i byang chub mngon par rdzogs par 'tshang rgya bar 'gyur bangs pasad par bya'o// bcom ldan

  25. 13b

    'das legs so legs so zhes gsol to/ / byang chub sems dpa' sems dpa' chen po blo gros rgya mtsho/ bcom ldan 'das kyis ltar mnyan pa dang / bcom ldan 'das kyis 'di skad ces bka' stsal to/ / blo gros rgya mtsho 'di la byang chub sems dpa' sems dpa' chen po ni dge ba'i rtsa bas brtan pa yin te/ dge ba'i bsam pa dang ldan pa/ nges pa'i phung po la rab tu gnas pa tshogs bsags pa/ dbang po rno ba/ dge ba'i bshes gnyen gyis yongs su zin pa/ sangs rgyas kyis byin gyis brlabs pa/ rgyu'i stobs can yin te/ de ni sangs rgyas bcom ldan 'das rnams mnyes par byed/ bsti stang du byed/ bla mar byed/ rim gror byed/ mchod par byed do// sangs rgyas bcom ldan 'das de dag gi gzugs phun sum tshogs pa mthong zhing / gsung snyan pa thos te/ 'khor phun sum tshogs pa yang mthong zhing / chags pa med pa'i mkhyen pa yang thob la/ rdzu 'phrul gyi cho 'phrul lam/ kun rjod pa'i cho 'phrul lam/ rjes su bstan pa'i tshe 'phrul gyis sems can 'dul ba mdzad pa yang mthong nas/ sems can rnams la snying rje chen po skyes te/ bla na med pa yang dag par rdzogs pa'i byang chub tu sems bskyed nas/ brtson 'grus brtsams pa yin te/ dge ba'i chos yongs su tshol ba la brtson zhing thams cad mkhyen pa'i sems brjed pa med pas/ sems yongs su dag pa la rnal 'byor du byed do// sems yongs su dag

  26. 14a

    pas ting nge 'dzin yongs su dag pa rab tu thob bo/ / blo gros rgya mtsho 'di lta ste dper na/ rigs 'phags pa'i nor bu rin po che nor bu mkhan mkhas pa'i lag tu son pa/ ji tsam na yongs su dag pa dang / shin tu dkar ba dang / mthing bu dang bral ba dang / skyon med par gyur pa de srid du yongs su sbyangs na/ skyes bu mkhas pa nor bu rin po che la mkhas pa rnams 'du bar 'gyur ro/ / blo gros rgya mtsho de bzhin du byang chub sems dpa'i rigs 'phags pas thams cad mkhyen par sems bskyed pa rin po che bskyed nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ ji tsam na mthing bu dang bral zhing / rlom sems kyi mthing bu dang bral bar 'gyur ba de srid du byang chub sems dpa' sems dpa' chen po de dge ba'i rdung ba yongs su spangs pa bya ba dang / thos pa mkhas pa yongs su spang bar bya bas/ thams cad mkhyen pa'i sems bskrad pa rin po ched yongs su spangs na/ phyogs bcu'i sangs rgyas bcom ldan 'das rnams 'du zhing / shin tu dkar ba dri ma med pa'i phyag rgya'i ting nge 'dzin 'di yang thob bo// blo gros rgya mtsho 'di lta ste dper na/ rigs 'phags pa'i nor bu rin po che de ni/ rin po che'i rigs dgu las shin tu 'das par 'byung ste/ dgu gang zhe na/ 'di lta ste/ gser gyi rigs dang / dngul gyi rigs dang / shel gyi rigs dang / bai DUR+Ya'i

  27. 14b

    rigs dang / rdo'i snying po'i rigs dang / spug gi rigs dang / mu tig dmar po'i rigs dang / ke sa ra'i rigs dang / dpal gyi snying po'i rigs te/ nor bu rin po che'i rigs dgu po 'di dag las shin tu 'das nas/ dri ma med cing rnam par dag pa'i 'od ces bya ba'i nor bu rin po che chen po'i rigs de las de rin thang med pa'i nor bu rin po cher 'gyur te/ de 'khor los sgyur ba'i rgyal po'i yongs su spyad par 'gyur gyi/ de ma yin pa sems can phal pa gzhan rnams kyi ni ma yin te/ nor bu rin po che de'i 'od gang yin pa des ni/ de ma yin pa'i nor bu rin po che gzhan rnams kyi 'od mog mog por byed do/ / blo gros rgya mtsho de bzhin du thams cad mkhyen par sems bskyed pa'i rin po che de yang rin po che'i rigs dgu las shin tu 'das par 'byung ste/ dgu gang zhe na/ 'di lta ste/ so so'i skye bo dge ba rin po che'i rigs dang / dad pa'i rjes su 'brang ba'i rin po che'i rigs dang / chos kyi rjes su 'brang ba'i rin po che'i rigs dang / mtshan ma med pa la gnas pa rin po che'i rigs dang / rgyun tu zhugs pa'i rin po che'i rigs dang / lan cig phyir 'ong ba rin po che'i rigs dang / phyir mo 'ong ba rin po che'i rigs dang / dgra bcom ba rin po che'i rigs dang / rang sangs rgyas rin po che'i rigs te/ rin po che'i rigs dgu po 'di dag las shin tu 'das nas/ bcu pa sangs rgyas kyis byin gyis brlabs pa'i lhag pa'i bsam

  28. 15a

    pa snying rje chen po'i rin po che'i rigs las thams cad mkhyen par sems bskyed pa rin po che de 'byung ste/ de yongs su sbyangs na nyan thos dang / rang sangs rgyas thams cad zil gyis non cing sems can thams cad kyi sems kyi rgyud rnams la yang snang bar byed do/ / blo gros rgya mtsho 'di lta ste/ dper na/ nor bu rin po che chen po de gang gi tshe sbyang bzod cing gnod pa bzod la phugs nas kyang nyes par ma gyur na/ nor bu rin po che chen po de ni 'di ltar sems can bsod nams byas pa/ dge ba'i rtsa ba bskyed pa rnams la phan pa byed par 'gyur ro// blo gros rgya mtsho de bzhin du thams cad mkhyen par sems bskyed pa rin po che de yang gang gi tshe sbyang bzod cing gnod pa bzod la/ phug nas kyang nyes par ma gyur na/ thams cad mkhyen par sems bskyed pa rin po che skyon thams cad dang bral ba de 'di ltar sems can thams cad la phan par byed par 'gyur ro/ / blo gros rgya mtsho de la thams cad mkhyen par sems bskyed pa rin po che de sbyang ba gang zhe na/ 'di lta ste/ sdom pa gsum gyis dge ba bcu'i las kyi lam yongs su dag pa dang / byams pa'i rjes su 'jug pas sems can thams cad la byams shing dang ba dang / snying rje'i rjes su 'jug pas sems can thams cad kyi bya ba ci yod snyam pa la brtson pa dang / dga' ba'i rjes su 'jug pas sems can thams cad chos la sbyor ba dang / btang snyoms kyi rjes su 'jug pas sems

  29. 15b

    can thams cad la mi 'tshe zhing rtag tu sems drang ba dang / g.yo dang sgyu med pas phan pa'i dngos po'i bsam par gyur pa dang / de dge ba'i rtsa ba thams cad brtsam pa la lhag pa'i bsam pa sbyor ba dang / cang shes kyi sems kyis dran pa dang / shes bzhin dang ldan pa dang / sems shin tu dul bas sems las su rung ba dang / dgang sla bas sbyangs pa'i yon tan yo byad bsrungs pa'i tshogs dang ldan pa dang / gso sla bas 'phags pa'i rigs chog shes pa dang / bla ma dang sbyin gnas rnams la 'dud cing rab tu 'dud pa dang / nga rgyal med pas kheng pa dang / rtsod pa rnam par spong ba dang / sems nges par sems pas nga rgyal las kyang nga rgyal rnam par spong ba dang / rnyog pa med pas sems gsal ba dang / bdag la mi stod pas bdag shes pa la 'jug pa dang / gzhan la mi smod pas sems can rjes su bsrung ba dang / sman gyi sems kyis chos la gus pa dang / de'i don so sor myong bas chos don tu gnyer ba dang / de la gzhol 'bab bab pas chos 'dod pa dang / nyon mongs pa med pa la gnas pas chos la dga' ba dang / chos ma yin pa rnam par spong bas chos yongs su tshol ba dang / rtag tu ngo tsha shes pas dkon mchog gsum la dad pa rgyun mi 'chad pa dang / las kyi rnam par smin pa la yid ches pas mi dge ba thams cad yid la mi byed pa'i bya ba la 'jug pa dang / drang bas spong lam sbas pa dang / khengs pa med pas mnyen pa dang / zhi gnas yongs su tshol bas rgod

  30. 16a

    pa dang bral ba dang / blo brtan pas snyoms las med pa dang / rab tu mi g.yo bas sems ri dang mtshungs pa dang / rjes su 'chags pa dang khong khro ba dang bral bas sems sa dang mtshungs pa dang / bsam pa dag pas sems chu dang mtshungs pa dang / rlom sems med pas sems me dang mtshungs pa dang / gnas med pas sems rlung dang mtshungs pa dang / shin tu dri ma med pas sems nam mkha' dang mtshungs pa dang / sangs rgyas kyi tshul khrims 'khrugs pa med pa'i phyir rab tu 'byung ba la gzhol ba dang / lus dben pa'i phyir dgon pa la dga' ba dang / sems dben pa'i phyir chos la spyod pa dang / de byed cing yang dag par sgrub pa'i phyir tshig bden pa dang / kha 'og tu lus 'khrus par byed pa'i phyir ji skad smras pa de bzhin byed pa dang / nyon mongs pas mi brdzi ba'i phyir sems dpa' ba dang / shin tu nyams pa med pa'i phyir bslab pa yang dag par 'dzin pa dang / kha na ma tho ba phra rab la yang 'jigs par lta ba'i phyir/ tshul khrims lhod pa med pa dang / skye bar smon pa med pa'i phyir tshul khrims skyon med pa dang / gcig tu dkar po spyod pa'i phyir tshul khrims thun tshags ma yin pa dang / byang chub kyi yan lag sbyang ba'i phyir/ dge ba'i bshes gnyen la bsten pa dang / mig yongs su dag pa'i phyir 'od gzer thogs pa med pa dang / rna ba yongs su dag pa'i phyir sgra la thogs pa med pa dang / sna yongs su dag pa'i phyir dri la thogs

  31. 16b

    pa med pa dang / lce yongs su dag pa'i phyir ro la thogs pa med pa dang / lus yongs su dag pa'i phyir reg bya la thogs pa med pa dang / yid yongs su dag pa'i phyir chos la thogs pa med pa'o// blo gros rgya mtsho gzhan yang byang chub sems dpa' ni mi sdug pa shin tu bsgoms pa'i phyir 'dod chags kyi gdung ba dang bral ba yin/ byams pa shin tu bsgoms pa'i phyir zhe sdang gi gdung ba dang bral ba yin/ rten cing 'brel par 'byung ba la shin tu brtags pa'i phyir gti mug gi gdung ba dang bral ba yin/ dbang po rnams la shin tu brtags pa'i phyir sgrib pa dang bral pa yin/ stobs yongs su dag pa'i phyir sgrib pa yang dag par bsal ba yin/ 'byung bar bya ba'i khams yongs su dag pa'i phyir/ kun nas ldang ba bsal ba yin/ yang dag par bsgrub pa'i phyir 'dod/ pa dang / zhe sdang dang / gti mug dang / 'jigs pa dang / nga rgyal dang bral ba yin/ chos kyi smin pa la ser sA med pa yin/ zang zing gi sbyin pa la kun tu 'dzin pa'i sems med pa yin/ theg pa dman pa la 'dod pa med pa'i phyir byang chub kyi bsam pa yin/ dbang po sbas pa'i phyir nang nye bar zhi ba yin/ skyon shin tu mthong ba'i phyir phyi rol nye bar zhi ba yin/ sdig pa thams cad mi byed pa'i phyir 'khor bas skrag pa yin/ dge ba'i rtsa ba sogs pas mi ngoms pa'i phyir yid yongs su mi skyo ba yin/ chu bo bzhi las bsgral ba'i phyir chos kyi gru chen po yang dag

  32. 17a

    par sbyar ba yin/ pha rol tu 'gro ba'i phyir stegs dang bam pa shin tu bcas pa yin// thang la shin tu gnas pa'i phyir 'das dang / 'obs las rgal ba yin te/ blo gros rgya mtsho de ltar byang chub sems dpa' sems dpa' chen po gang gi tshe chos 'di lta bu de dag gis dag pa dang / yongs su dag pa dang / sbyin pa 'phags pa dang / tshul khrims yongs su dag pa de ni rnam pa thams cad mkhyen par sems bskyed pa rin po che de sbyong ba'o/ / de nas de'i tshe bcom ldan 'das kyis tshigs su bcad pa 'di dag gsungs so// lus dang ngag rnams dang ni yid bsdams shing // rnam par dag pa'i las lam bcu la slob// byams pas sems can kun la yang dag blta// 'di ni thams cad mkhyen pa'i sems sbyong yin/ / snying rje ldan pas gzhan gyi bya bar brtson// dga' dang ldan pas chos la pha rol sbyor// btang snyoms ldan pas chos mchog 'tshe ba med// 'di ni thams cad mkhyen pa'i sems sbyong yin/ / rtag tu drang zhing g.yo ni rnam par spangs// gzhan la phan byed sdig pa rnam par spangs// lhag bsam dge ba ci yod rjes su 'jug/ 'di ni thams cad mkhyen pa'i sems spyong yin/ / shes rab rab 'jug dran dang shes bzhin can// sems rab dul bas sems ni las su rung // sbyangs pa'i yon tan rnams dang gso sla ba// 'di ni thams cad

  33. 17b

    mkhyen pa'i sems sbyong yin/ / 'phags rigs chog shes pa dang tshig mnyen dang / bla ma rnams la rtag tu 'dud byed dang // rtsod brdzun nga rgyal spangs dang stobs ldan dang // brnyas dang log pa nam yang byed ma yin/ / sems ni nges sems mngon pa'i nga rgyal bral// rnyog pa med cing rab tu dang la gsal// bdag shes pa la rim gyis 'jug par byed// gzhan la mi brnyas sems can rjes su srung / chos la gus par dga' zhing gus dang bcas// bsgrims te nyon mongs rnams ni spong bar byed// chos don gnyer zhing chos la rtog par byed// rtag tu chos don gzhol zhing 'bab par byed/ / chos la brtson zhing nyon mongs med par bsgoms// chos min spangs shing chos rnams yongs su tshol// dkon mchog gsum la dad pa mi phyed ldan// 'di ni thams cad mkhyen pa'i sems sbyong yin/ / rtag tu mdzes dang ldan zhing nyes spyod ldog/ de bzhin gshegs pa kun la ngo tshas sdom// khrel yod ldan zhing 'dir ni dbang po bsdams// 'di ni thams cad mkhyen pa'i sems sbyong yin/ / rab tu sbyor bas las kyi bya bar 'jug/ bag yod pas ni mtha' gnyis 'dzin mi byed// mkhas pa rten pa'i chos rnams rjes rtogs pa// 'di ni thams cad mkhyen pa'i sems sbyong yin/ / spyod lam gyis ni drang ba'i dngos dang ldan// khengs pa med pas rtag tu mnyen pa nyid// zhi gnas cho ga ldan pas rgod pa med// 'di ni thams cad mkhyen pa'i sems

  34. 18a

    @sbyor yin/ / blo tse rab tu brtan mas pa mang// lhag mthong la nir rgyal ji bzhin te// dam bcas brtan zhing bar skabs nyams pa med// 'don thams cad mkhyen pa'i sems sbyong yin/ / sdug bsngal bde bas mi g.yos dang mtshungs// bsam pa dag pas chu ltar dri ma 'khru// rtag tu rlom sems med pas me dang mtshungs// gnas med rgyu bas rtag tu rlung dang 'dra/ / shin tu dri ma med pas mkha' mnyam sems// rab tu 'byung bas sangs rgyas bstan pa rnyed// lus ni dben zhing zhi bas dgon par dga'// sems dben pas ni chos kyi mchog la spyod/ / dge ba bden par smra dang yang dag smra// ji skad smras pa de ni de bzhin byed// nyon mongs mi rdzi dge la dpa' bo mchog/ shin tu bslabs pas bslabs pa yang dag 'dzin// de la lhod pa nam yang yod ma yin/ / kha na ma tho chung la'ang rtag tu 'jigs// byang chub mchog rgyu'i tshul khrims nyams pa med// yon tan dkar spyod tshum khrims 'dres pa med// dge ba'i bshes gnyen bsten cing sdig pa min/ / rdzogs pa'i byang chub sems sogs bya phyir brtan// de ltar de yi mig ni dri med kyis// 'jig rten kun la 'od zer mnyam par lta// mkhas pa de ni sna tshogs sgra thes nas/ / dga' med rangs pa med cing zhums pa med// blo ldan de ni sgra yi don rtogs byed// de yi rna ba de ltar rnam dag nyid// sna yis dri dang lce yis ro/

  35. 18b

    rnapa dang // lus kyis reg dang yid kyis chos rnams la// reg nas ma khengs mdud zhum pa med// de ltar de yi dbang po dag pa nyid// chags pas mi chags sdang bas sdang ba med// gti mug ma spongs mi sdug gnas pa can// byams la dga' zhing rkyen gyis chos sems pa// 'di ni thams cad mkhyen pa'i sems sbyong yin// sgrib pa lnga po dag gis bsgribs pa med// de ltar des ni dbang po lnga yang bsgoms// de ni gang du'ang bsgrib med bcings pa'ang med// stobs rnams lnga po dag la rab tu gnas// kun nas ldang ba shes shing byung ba nyid// tshul bzhin ma yin spangs shing tshul bzhin gnas/ / dran pa nye bar gzhag pa bzhi la bsten// yang dag spong dang rdzu 'phrul rkang par ldan// byang chub yan lag sten dang rtag tu ldan// brtan pa de ni yan lag brgyad la mchog/ de ni 'dod dang sdang dang 'jigs mi 'grod// gti mug bral zhing dbang po shin tu bsdams// chos kyi sbyin la de ni ser sna med// slob dpon nam yang chos 'chab mi byed de/ / zang zing med par chos ni ston par byed// des ni de yi byang chub sems dag 'gyur// de ni zang zing rnams la kun 'dzin med// rnam smin re med 'dod dgu gtong bar byed/ / sbyin dang snyan dang don byed don 'thun pas// de ni sems can brgya dag rab tu sdud// de yi byang chub sems ni brjed mi 'gyur// theg pa dman la nam yang re ba med// jilta

  36. 19a

    ji ltar sangs rgyas yon tan mthong / / de lta de ltar de bas ri rab 'dra// nang ni rab ni sred pa'i nyes pa mthong // de ni gzhan gyi 'phrul la lta mi byed// 'dus byas nyes pa dag kyang shin tu mthong / / 'khor bas 'jigs pas sdig pa rnams mi byed// legs spyod khur khyer bas ni skyo ba med// zhing rnams sbyong bar 'dod pa nyams pa med// chos rnams yongs su bzung bas zhum pa med/ / sems can thar byed rgyu la 'jigs pa med// chu bo bzhi po dag las bsgral ba'i phyir// de ni chos gru yang dag sbyor bar byed// lus can mya ngan 'das lam gzud pa'i phyir/ de ni stegs dang zam pa 'cha' bar byed// 'dam las 'das shing 'obs las rgal nas ni// thang la gnas shing de dag 'dzegs med gnas// 'jigs pas g.yen spro rnams la 'jigs med ston/ / bdag nyid rgal nas de dag gzhan yang sgrol// gang dag chos tshul 'di dag rnam dag cing // rdzogs pa'i byang chub sems brtan kha lo sgyur// de dag byang chub sems mchog rnams dag ste/ / nyon mongs dri mas gzhar yang gos mi 'gyur// ji ste nam mkha' nyon mongs bya bar nus// de la rjes kyang bstan par nus srid kyi// rang bzhin 'od gsal rdzogs pa'i byang chub sems/ / de ni nam yang nyon mongs byar mi nus// thams cad mkhyen pa'i sems rin po che yongs su sbyang ba'i le'u ste dang po'o// // bam po

  37. 19b

    gnyis pa/ blo gros rgya mtsho thams cad mkhyen par sems bskyed cing rin po che de'i gnod pa bzod pa ni ji lta bu/ thams cad mkhyen par sems bskyed pa rin po che de'i gnod pa ni gang zhe na/ / blo gros rgya mtsho 'di la byang chub sems dpa' sems dpa' chen po thams cad mkhyen par sems bskyed pa rin po che de ltar bskyed nas/ 'phags pa ma yin pa tshul khrims 'chal pa'i sems can rnams bsam/ bdud rnams sam/ bdud kyi ris kyi lha rnams sam/ bdud kyis byin gyis brlabs pa rnams sam/ bdud kyi pho nya rnams kyis gtses sam/ rnam par gtses sam/ bskyod dam kun tu bskyod dam// dkrugs sam kun tu dkrugs sam/ bsdigs bsam/ ba regs kyang byang chub tu bsam pa'i sems bskyed pa de las mi phyed pa dang // sems can thams cad rab tu thar par bya ba'i snying rje chen pos brtson 'grus brtsams pa las mi phyed pa dang / dkon mchog gsum gyi rigs mi 'chad par bya bar brtson pa las mi phyed pa dang / sangs rgyas kyi chos thams cad yang dag par bsgrub pa'i dge ba'i rtsa ba la sbyor ba las mi phyed pa dang / mtshan dang dpe byad bzang po yongs su 'grub par 'gyur ba'i bsod nams kyi tshogs bsogs pa las mi phyed pa dang / sangs rgyas kyi zhing yongs su sbyang bar sgrub par brtson pa las mi phyed pa dang / lus dang srog 'dor zhing dam bcas pa'i chos yongs su 'dzin par mngon par

  38. 20a

    brtson pa las mi phyed pa dang / sems can thams cad yongs su smin par bya ba la mngon par brtson zhing bdag bde ba la mi chags pa las mi phyed pa ste/ de de ltar lhag pa'i bsam pa phun sum tshogs par gyur pas sems can thams cad kyis dpyad kyang bzod/ 'thing slad byas pa dang / smad pa dang / gshung pa byas kyang bzod/ sems can thams cad kyis spros sam/ bsdigs bsam/ ngan du brjod dam/ ngan du 'gro 'am/ ngan du smras pa'i tshig gi lam yang bzod/ sems can thams cad kyi gnod pa yang bzod/ sems can thams cad kyi khur yang bzod/ sgrol bas kyang skyo ba med/ zhum pa med/ kun tu zhum pa med/ sgyid lug pa med/ yid 'chad pa med kyi/ stobs nye bar ston par byed/ mthu skyed par byed cing brtson 'grus rtsom la/ rtul bas rtul bar byed de/ spro ba skyed cing rmongs pa'i sems mi 'dzin to// de spros kyang slar mi gshe/ brdegs kyang slar mi rdeg/ khros kyang slar mi khro/ 'khrugs kyang slar mi 'khrug ste/ de ltar sems bgrang ba'i go cha gyon no// 'di lta ste/ theg pa chen po 'di ni 'jig rten thams cad dang mi mthun pa'i theg pa'o// de ci'i phyir zhe na/ sems can dedag ni rgyun gyi rjes su 'gro ba dag go/ / bdag ni rgyun las ldog par rtsol bas 'dod pa'o// sems can de dag ni phan tshun mi 'thun pa dag go/ bdag ni sems can thams cad kyi mo mthun pa

  39. 20b

    spong ba'i phyir go cha bgos pa'o/ / sems can de dag ni gnod sems la dpa' ba dag go// bdag ni bzod pa dang nges pa yongs su tshol ba'o// sems can de dag ni gcig la gcig yongs su 'drid par gnas pa dag go/ / bdag ni shes rab kyis ngoms pa yongs su tshol ba'o// gal te sems can de dag phyogs bcu'i rab tu dbye bas rab tu phye ba ji snyed pa de dag thams cad ral gri dang / mdung thung dang / mda' bo che lag na thogs te/ bdag gi phyi bzhin 'brang yang sa phyogs gang du 'greng ngam/ 'dug gam/ 'chag ga ma/ nyal yang rung ste/ byang chub kyi sems skye bar 'gyur ba dang / sbyin pa'i sems sam/ tshul khrims kyi sems sam/ bzod pa'i sems sam/ brtson 'grus kyi sems sam/ bsam gtan gyi sems sam/ shes rab kyi sems sam/ thos pa'i dge ba'i rtsa ba'i sems skye bar 'gyur pa'i sa phyogs der/ de bdag lus rgya shug gi lo ma'i brgya cha tsam du gtubs sam/ rnam par gtor ram/ rnam par bcom mam/ sems can de dag thams cad las gzhan mi byed par rgyun tu gshe 'am/ bsdigs sam/ smod dam/ gshung ngam tshig ngan pa dang / ngag rtsub po smra ba de ltar gyur kyang / bdag gis sems can 'ga' la yang 'khrug pa'i sems bskyed par mi bya'o// de ci'i phyir zhe na/ sngon gyi mtha' nas 'khor ba tshad med par byas te/ gang du bdag gis lus

  40. 21a

    'di sems can dmyal bar song ngam/ dud 'gro'i skyes gnas su song ngam/ gshin rje'i 'jig rten du song ngam/ mir gyur kyang rung ste/ 'dod pa'i zas kyi dri mas/ dri ma can du gyur nas/ chos thos pa dang mi ldan zhing yang ba'i 'tsho ba'i spyod yul don med pas 'tsho ba can du gyur te/ yan lag dang nying lag brgyar gshegs shing tu bas te/ phye zhing phral la bya ba rnam pa mang po byas kyang bdag gis bzhi de las bdag gi don byas kyis gzhan gyi don ma byas pa'i/ gal te sems can de dag thams cad kyis phyi ma'i mthar bdag gi lus gshegs gtubs/ rnam par gtor rnam par bcom pa de lta bur gyur kyang bdag gis thams cad mkhyen pa nyid yongs su mi gtong ngo // sems can thams cad yongs su mi gtong ngo // dge ba'i chos la 'dun pa yongs su mi gtong ngo / / de ci'i phyir zhe na/ lus gtub pa'i lus kyi gnod pa 'di thams cad ni sems can dmyal ba'i sdug bsngal gyi brgya'i char yang nye bar mi 'gro ba nas/ rgyu'i bar du yang mi bzod do// bdag ni sems can dmyal bar gnas par spro'i/ bdag gis sangs rgyas kyi chos gtang bar ni mi bya'o// sems can thams cad rab tu thar bar bya ba la dmigs pa'i snying rje chen po mi gtong ngo / / de ci'i phyir zhe na/ de ni bcom ldan 'das kyis kyang gsungs te/ dge ba la ni bar chad mang ngo // mi dge ba'i phyogs la ni grogs byed pa

  41. 21b

    mang ngo / / dge ba'i phyogs la ni grogs byed pa nyung ngo zhes gsungs pas bdag gis mi dge ba'i phyogs kyi grogs mi bya'i/ dge ba'i phyogs kyi grogs bya'o// sems can thams cad la/ bzod par bya'i gnod sems su mi bya'o// sems can de dag la gang yod pa de ma byin yang bdag la gang yod pa de bdag gis sbyin par bya ste/ sems can de dag la gnod sems dang / khro ba dang 'khon tu 'dzin pa yod pa de dag de rnams kyis ma byin yang bdag la bzod pa dang nges pa gang yod pa de bdag gis sbyin par bya'o/ / bdag gis bzod pa'i stobs bstan par bya'i// gnod sems ni ma yin no snyam mo// blo gros rgya mtsho lus dang srog 'dor ba'i byang chub sems dpa' rnams la ni/ bla na med pa yang dag par rdzogs pa'i byang chub rnyed par dka' ba ma yin no/ / gang gi gzhi las gnod sems 'byung ba'i chos de bdag gis spangs par bya'o snyam mo// chos de gang zhe na/ 'di lta ste/ lus la dga' ba dang / lus la gnas pa dang / lus la chags pa ste/ lus btang na gnod sems kyang gtong ngo // blo gros rgya mtsho de ltar bgrang ba la zhugs pa'i byang chub sems dpa' sems dpa' chen po ni sems can thams cad kyi gnod pa bzod de/ mi skyo mi khro'o// de gnod pa gsum bzod de/ gsum gang zhe na/ lus kyi gnod pa dang / ngag gi gnod pa dang / sems kyi gnod pa'o// zo

  42. 22a

    gros rgya mtsho de la byang chub sems dpa'i lus kyi gnod pa bzod pa gang zhe na/ gang yan lag dang nying lag rnams bcad kyang chos la rton te/ gang de'i lus gcod pa'i sems can de nyid la lta ba'o/ / blo gros rgya mtsho de la thabs la mkhas pa'i byang chub sems dpa'i lus gcod pa na pha rol tu phyin pa drug bsgom pa yongs su rdzogs par 'gyur ro// blo gros rgya mtsho ji ltar na thabs la mkhas pa'i byang chub sems dpa'i lus gcod pa na pha rol tu phyin pa drug bsgoms pa yang yongs su rdzogs par 'gyur zhe na/ gang lus 'dor ba dang / lus yongs su gtong pa dang / lus la mi lta ba 'di ni de'i sbyin pa'i pha rol tu phyin pa'o// gang lus gcod pa na sems can thams cad la byams pas khyab par byed pa dang / tshor ba rnams kyis mi 'phrogs pa 'di ni de'i tshul khrims kyi pha rol tu phyin pa'o/ / gang lus yongs su gcod pa na gang dag de'i lus gcod pa de dag nyid rab tu thar par bya ba'i phyir bzod cing sems kyis rma mi byen te/ bzod pa'i stobs nye bar ston pa 'don de'i bzod pa'i pha rol tu phyin pa'o// brtson 'grus gang gis thams cad mkhyen pa nyid la 'dun pa mi 'dor zhing / sems kyi stobs bskyed pa yang rab tu 'dzin la/ 'khor ba nyid du mtshams kyang sbyor zhing dge ba'i rtsa ba btsam pa yang rtsom pa 'di ni/ de'i brtson 'grus kyi pha rol tu phyin pa'o// gang lus rnam par 'thor ban// thams cad mkhyen/

  43. 22b

    pa'i sems bskyed pa rin po che de mi brjed cing byang chub nyid la lta ba dang / zhi ba dang / rab tu zhi ba la so sor rtog pa 'di ni de'i bsam gtan gyi pha rol tu phyin pa'o// gang lus gcod pa na lus lar+N+Na dang / rtsig pa dang / shing dang / rdo dang / mig yor lta bur so sor rtog cing lus la sgyu ma'i chos nyid du 'jug pa dang / yang dag par na mi rtag pa nyid dang / yang dag par na sdug bsngal pa nyid dang / yang dag par na bdag med pa nyid dang / yang dag par na zhi ba nyid du lus la rtog pa 'di ni de'i shes rab kyi pha rol tu phyin pa'o// blo gros rgya mtsho de ltar na thabs la mkhas pa'i byang chub sems dpa'i lus gcod pa na pha rol tu phyin pa drug bsgom pa yongs su rdzogs par 'gyur zhing theg pa chen po de las nyams par mi 'gyur te/ 'di ni byang chub sems dpa'i lus kyi gnod pa bzod pa'o/ / blo gros rgya mtsho de la byang chub sems dpa'i ngag gi gnod pa yongs su bzod pa gang zhe na/ gang ngan tu brjod pa'i tshig thams cad dang du len pa dang / gshe ba dang / bsdigs pa dang / smad pa dang / bshung ba dang / sdigs mo byed pa thams cad bzod pa dang / yod pa'am/ med pas/ glengs kyang mi khro ba dang / khon du mi 'dzin pa dang / bag la nyal ba spong ba'o/ / blo gros rgya mtsho de la thabs la mkhas pa'i byang chub sems dpa' sems dpa' chen po ngan du rjod pa dang / ngan du smra ba'i tshig gi lam dang / gshe ba dang / bsdigs pa

  44. 23a

    dag pha rol las thos nas/ pha rol tu phyin pa drug bsgom pa yongs su rdzogs par 'gyur ro// blo gros rgya mtsho ji ltar na thabs la mkhas pa'i byang chub sems dpa' ngan du brjod pa dang / ngan du smras pa'i tshig gi lam dang / gshe ba dang / bsdigs pa dag pha rol las thos na/ pha rol tu phyin pa drug bsgom pa yongs su rdzogs par 'gyur zhe na/ bro gros rgya mtsho 'di la byang chub sems dpa' sems dpa' chen po ngan du brjod pa dang / ngan du smra ba'i tshig gi lam dang / gshe ba dang / bsdigs pa dag pha rol las thos na/ dran pa 'di lta bu rab tu thob ste/ sems can 'di ni sngon nas ser sna can du gyur pa 'jungs pa ste/ ser sna'i dri mas kun tu bskor ba des gang dag de'i gnod sems kyi dri ma spang ba'i phyir chos ston pa'i dge ba'i bshes gnyen rnams la ma bsten gus par ma byas/ bsnyen bkur ma byas pa'o// bdag ni gtong ba la mos shing ser sna med par bya/ dge ba'i gshes gnyen la bsten par bya// bsnyen par bya brnyen bkur bya'o snyam ste/ de ni ngag bsrung zhing gnod sems kyang spong ba 'di ni/ de'i sbyin pa'i pha rol tu phyin pa'o// gzhan yang de 'di snyam du sems te/ sems can 'di ni tshul khrims 'chal pa las ma mthong ba ste/ de ni bdag la gshe zhing bsdigs pa'o// bdag ni tshul khrims dang brtul zhugs yang dag par blangs pa las mi nyams par bya'o// gnod

  45. 23b

    sems med par bya'o/ / byang chub kyi sems yongs su bsrung bar bya'o// las kyi rnam par smin pa la brtan par bya'o// snyam pa 'di ni de'i tshul khrims kyi pha rol tu phyin pa'o// gzhan yang de 'di snyam du sems te/ sems can 'di ni zhe sdang gi shas che zhing gnod sems mang ba ste/ de ni bdag la gshe zhing bsdigs pa'o// bdag ni bzod pa'i stobs mang du byas te/ byams pa la gnas par bya'o snyam pa 'di ni de'i bzod pa'i pha rol tu phyin pa'o/ / gzhan yang de 'di snyam du sems te/ sems can 'di ni le lo can dge ba'i chos dang bral ba ste/ de ni bdag la gshe zhing bsdigs pa'o/ / ba dag ni brtson 'grus brtsam par bya/ dge ba'i rtsa ba yongs su btsal bar brtson pa la mi ngoms par bya ste/ sems can 'di byang chub kyi snying por sngar je 'jug par byas la phyis bdag bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam du de ltar go cha gyon pa 'di ni de'i brtson 'grus kyi pha rol tu phyin pa'o/ / gzhan yang de 'di snyam du sems te/ sems can 'doni brjed ngas pa/ shes bzhin med pa// nyon mongs pa nges par ma bsams pa ste/ de ni bdag la gshe zhing bsdigs pa'o// bdag ni nyon mongs pa nges par bsams par bya/ dran pa dang shes bzhin can du bya/ rtse gcig tu byang chub kyi sems mi brjed par bya ba ste/ sems can thams cad mdul ba/ ma zhi ba/ ma sbas pa/ nye bar ma zhi ba 'di lta bu dag gi don tu

  46. 24a

    bdag gis po che chen po bgos te/ 'di ltar sems nges par sems su gzhug go snyam pa 'di dag ni bsam gtan gyi pha rol tu phyin pa'o// gzhan yang de 'di snyam du sems te/ sems can 'di ni shes rab 'chal pa/ bdag tu smra ba/ sems can du lta bar dmigs pa'i spyod yul ba ste/ de ni bdag la gshe zhing bsdigs pa'o// bdag ni chos nyid la bas par bya'o snyam ste/ 'di la gshe ba dang / khro ba su yin zhes des yongs su tshol ba na gang gshe ba dang khro ba'i chos de mi dmigs so// de bdag dang gzhan mi dmigs par lta ba dang bral bar bzod pa 'di ni de'i shes rab kyi pha rol tu phyin pa'o/ / blo gros rgya mtsho de ltar na thabs la mkhas pa'i byang chub sems dpa' ngan du rjod pa dang / ngan du smras pa'i tshig gi lam dang / gshe ba dang // bsdigs pa dag pha rol las thos mas pha rol tu phyin pa drug bsgom pa yongs su rdzogs par 'gyur zhing theg pa chen po de las kyang mi nyams te/ 'di ni byang chub sems dpa'i ngag gi gnod pa bzod pa'o/ / blo gros rgya mtsho de la byang chub sems dpa'i sems kyi gnod pa bzod pa gang zhe na/ gang bdud thams cad kyis byang chub kyi sems de las phral yang mi g.yo ba dang / phas kyi rgol ba dmigs par lta ba la mngon par zhen pa thams cad kyis yang dag pa'i bsam par zhugs pa/ thams cad mkhyen pa'i sems de las mos pa bzlog kyang mi brjed pa dang / sangs rgyas

  47. 24b

    kyi bzugs su 'dub kyang mi mnyam pa dang mnyam pa'i sems de las nyams par byed mi nus te/ bdud rdzu 'phrul rab tu chen po dag gis khyod kyis theg pa chen po yang dag par bsgrub par mi nus kyis khyod kyis gces par bya ba 'di thong shig/ khyod kyis brtson 'grus 'di 'or cig/ byang chub ni rnyed par dka' ba/ sangs rgyas kyi chos rnams ni rnyed par dka' ba ste/ 'dir 'khor ba'i sdug bsngal mang du myong bar 'gyur ro/ / gang dag mya ngan las 'das pa de dag ni bde ba yin gyis/ skyes bu dam pa khyod myur du mya ngan las 'das par gyis shig ces de'i sems bskul zhing / sems dran par byed la/ blo gros rgya mtsho gal te byang chub sems dpa' sems dpa' chen po la de ltar bral bar byed/ de ltar mos pa bzlog par byed kyang / sngon gyi go cha mi 'dor zhing bsam pa rnam par 'khrugs par mi byed kyi/ de 'di snyam du sems te/ bdag gis nges par byang chub kyi snying po gnon par bya/ bdag gis nges par bdud dpung dang bcas par pham par byas te/ bla na med pa yang dag par rdzogs pa'i byang chub mngon par rdzogs par 'tshang rgya bar bya/ bdag gis nges par chos kyi 'khor lo rab tu bskor bar bya/ bdag gis nges par stong gsum gyi stong chen po'i 'jig rten gyi khams su chos kyi gtam chen po brjod par bya/ bdag gis sems can thams cad mtshon tu gnyer la chos kyi sbyin pas tshim par bya'o// sangs rgyas dang / byang chub sems dpa'

  48. 25a

    thams cad dang / bdag dang gzhan gyi sems rig pa'i lha rnams kyis byang chub tu bsam pa rig gis/ bdag gis thams cad mkhyen pa'i sems kyi gnod pa bzod par bya'o/ / sangs rgyas rnams dang / lha rnams dang / sems can thams cad dang bdag la bslu bar mi bya'o snyam pa de dag lnga du ni/ blo zos rgya mtsho byang chub sems dpa sems kyi gnod pa bzod cing theg pa chen po de las mi byed pa ste/ blo gros rgya mtsho 'di ni thams cad mkhyen par sems bskyed pa rin po che de'i gnod pa bzod pa'o// bzod pa'i pha rol tu phyin pa'i go cha gang yin pa dang / brtson 'grus kyi pha rol tu phyin pa gong ba med pa gang yin pa dang / pha rol tu phyin pa 'di gnyis yongs su rdzogs par byed pa 'di ni byang chub sems dpa'i sems kyi gnod pa bzod pa'o/ / de nas de'i tshe bcom ldan 'das kyis tshigs su bcad pa 'di dag gsungs so// byang chub lam las bsam pa mi byed cing / de ni snying rje las kyang phyed ma yin/ / bdag gis dkon mchog gsum po bsrung bar bya// sangs rgyas chos rnams yang dag bsgrub par bya// sum cu rtsa gnyis khyad 'phags mtshan dang dpe byad bzang // gang dag gis ni stobs bcu rnams kyi lus mdzes pa// de dag yongs su btsal phyir mchod sbyin bya ba byed// gnod pa shin tu rnam mang bzod cing yon tan phyug/ brgya phrag mtha' yas zhing

  49. 25b

    rnams de dag bdag gis sbyang / / rin chen chos mchog 'di ni bdag gis bsrung bar bya// brgya phrag mtha' yas sems can de dag bdag gis dkrol// des na gnod pa bzod cing bsam pa mi phyed do/ / phyogs bcu'i sems can khams ni mtha' yas ji snyed pa// thams cad 'dus par gyur nas lag na mtshon thogs te/ de dag de la 'jig byed gshe zhing sdigs byed kyang // yon tan phyir ni bsdigs dang 'phya ba bzod par byed/ / sngon mtha' bskal pa brgya phrag mtha' yas ji snyed par/ de dag rgyun mi 'chad par tshig rtsub smras kyang ni// bdag nyid chen po de bzod mi khro gshe ba med/ / de ltar rtogs pa rnams ni gnod pa dag par 'gyur// sems can de dag lag na mtshon thogs lhan cig tu// bdag gi lus kyi yan lag dum du dum bur gtubs// 'on kyang bdag gi sems yid nam yang khro bar mi bya ste/ / byang chub yid la byas na gnod 'di dag par 'gyur// 'breng ngam 'dug gam 'chag gam 'on te nyal yang rung // gang du byang chub sems mchog 'di dag sbyin pa dang / / dul ba'i sems dang gzhan yang dkar sems mi 'dor ba// der ni de'i lus dum bu dum bur rnam par gtor// sems dmyal dud 'gro'i skye gnas yi dgas 'jig rten mir// bskal pa brgya phrag mtha' yas don med lus kyang gtubs// sangs rgyas ye shes mngon par 'dod pas lus 'dor zhes// skyes bu des ni yid kyang yang dag tshim par byed// mi yi sdug

  50. 26a

    bsngal nun rnam padu ma dag/ mtshams med sdug bsngal brgya char nye bar mi 'gro ba'i// dmyal ba rnams su bskal ba brgyad ni gnas par spro/ rgyal ba dang ni chos da sems can mi gtong ngo / / bdag lus mi rtag ring du mi thub rgyu ma 'dra// khams bzhi de dag gdug pa'i sprul dang 'dra bar gsung // bdag gis lus bor byas te du ba med 'gyur bar bya// nyon mongs du gzhi nas ni rang byung sangs rgyas 'gyur/ / srid gsum 'jig rten 'di ni lus bder 'gyur ba'i gzhi// 'dod pa'i zas rgyu cung zad ji snyed 'jigs pa ste// bdag gis lus btang 'jigs pa med par 'gyur bar bya/ / bgrang ba 'di la zhugs pa de dag gnod pa bzod// nag po'i phyogs la grogs ni brgya stong phrag kyang mang // dkar po'i phyogs ni gang la'ang grogs med gcig pur 'gyur/ / bdag ni mi dge rnams dang rtsod par mi bya ste/ sangs rgyas bzod pa gsungs pas bzod pa bdag gi grogs// phyogs bcu'i sangs rgyas de dag 'dir ni bdag gi dbang ji ltar sangs rgyas sku la sems ni mi phyed de/ / sangs rgyas dang ni bdag nyid che lha bdag gi grogs// gnod pa bzod par bya yi sdang bar mi bya'o// gnod pa lus dang ngag yid rnam pa gsum du gsungs/ / gang bzod dpa' bo de ni mi phyed brjod pa yin// lus kyi sdug bsngal rnam pa mtha' yas yod pa dag/ gal te lus la bzod pa lus gnog dag par 'gyur// lus ni dum bu

  51. 26b

    dum bur gtubs te rnam gtor tshe/ / thabs ldan che ba'i bdag nyid pha rol phyin rdzogs 'gyur// sbyin dang tshul khrims bzod dang brtson 'grus bsam gtan dang / shes rab khyad 'phags dam pa skad cig tsam gyis 'dzin/ / lus dang lus la bsregs pa'i nyon mongs rnams kyang 'dor// sbyin dang rab tu ldan pa'i pha rol phyin par 'gyur// byams pas 'jig rten khyab byed tshul khrims nyams mi 'gyur/ / byang chub rjes su 'gro bas tshul khrims dag pa 'dzin// bzod pa'i stobs skyed yan lag rnams dang nying lag gcod// de yang de yi bzod pa'i pha rol phyin la sbyor/ brtson 'grus gces pa ma zhum par skabs sgyid lug med// lus ni rnam par 'thor zhing brtson 'grus pha rol 'gro// byang chub sems kyi bsam pa dran pa mi 'dor zhing // nyon mongs mun pa'i rdul rnams bsal phyir rab tu brtson/ / lus bshig nas ni bsam gtan stobs dang rnam par thob// 'di yang rdul bral bsam gtan pha rol phyin la sbyor// bdag gi lus ni// bdag med rmi lam glog dang 'dra// 'di la byed pa po med tshor ba po yang med// lus kyi gzings pas bcings pa'i sems can bdag gis dgrol// shes rab 'di ni khyad 'phags pha rol phyin pa mchog/ gang zhig 'di la sbyor zhing tshul bzhin chos sems la// lus kyi gnod pa bzod cing rab sdang mi byed cing // mi snyan pa dang smad dang gshung ba'i tshig thos kyang // de ni zhe sdang mi 'gyur

  52. 27a

    byams ldan sems kyang dul/ / thab rab tu zhe sdang por 'di sbyin pa dag/ byams pa'i yid du gyur pa 'di ni tshul khrims dag/ bzod pa'i stobs bskyed 'di ni bzod pa dag pa yin/ / sangs rgyas ye shes 'dod nas brtson 'grus phyir zhing skyed// sems dang yid rab zhi pa 'di ni bsam gtan dag/ sgra skad mi rnyed 'di ni shes rab dag pa yin// mi yi chog thos nas ni gang chos 'di sems pa/ de 'dir gnod bzod dag gi skyon la chags pa med// bdud dang mu stegs can gyi lta gyur brgya stong gis// gnas 'di sems can rnyed dkas sbyor ba 'ong brjod kyang // mi skrag zhum pa med cing phyi phyir mthu skyed de// mkhas pa de ni gnod dang sems gnod mtha' yas bzod// gang zhig bzod dang brtson 'grus rab gnas ri rab 'dra// sems can kun nang dpa' bo de 'dir gnod pa bzod/ / stobs bcu rnams kyi sbyang ba dang ni gnod shes nas// byang chub rjes su 'gro bas phyi nas lung ston to// blo gros rgya mtsho de la thams cad mkhyen par sems bskyed pa rin po che de'i 'bigs pa gang zhe na/ blo gros rgya mtsho 'di la byang chub sems dpa' sems dpa' chen po/ thams cad mkhyen par sems bskyed pa rin po che des rlom sems su mi byed de/ thams cad mkhyen pa'i sems de la rten par mi byed/ gnas par mi byed/ len par mi byed/ 'dor bar mi byed/ spros pa mi byed/ rtog par mi byed/ rnam par rtog par

  53. 27b

    mi byed kyi/ rnam par rtog pa nye bar zhi ba la gnas pa yin te/ de chos zab mo rnams la blos rnam par dpyod do// chos zab mo dag gang zhe na/ 'di lta ste/ rten cing 'brel par 'byung ba'i lugs su 'byung ba dang / rgyu la dmigs pa khong du chud pa dang / rtag pa ma yin pa dang / chad pa ma yin pa dang / mthar lta ba dang bral ba dang / rang bzhin gyis bdag med pa dang / bdag ngo bo nyid med pas chos thams cad ngo bo nyid med pa dang / gdod ma nas ma skyed pa dang / ma byung ba dang / stong pa nyid la mos pa dang / mtshan ma med pa la yid ches pa dang smon pa med pa la som nyi med pa dang / mngon par 'du byed pa med pa la de kho na'i blo dang ldan pa dang / shin tu mi rtag pa nyid dang / gzugs dbu ba dang mtshungs pa nyid dang / tshor ba chu bur dang 'dra ba nyid dang / 'du shes smig rgyu dang mtshungs pa ste/ gnyis su med pa nyid dang / 'du byed rnams la chu shing dang mtshungs par so sor rtog pa dang / rnam par shes pa sgyu ma lta bu'i chos nyid dang / khams rnams g.yo ba med pa nyid dang / skye mched rnams phan tshun du shes pa med pa nyid dang / sems gnas pa med pa dang / nga rgyal yid la mi byed pa dang / lhag par byed pa lhag par mi byed pa dang / mnyam pa nyid la mnyam pa nyid du rtogs pa dang / thams cad tha dad du bya ba med pa dang / ro gcig dang / bgrod pa gcig pu'i lam la rab tu gnas pa dang / lam gyi tshogs shes pa yongs su

  54. 28a

    tshol ba dang / nges pa'i don la rton pa dang / don gyi rjes su zhugs pa'i blo dang / skad thams cad la skad med par 'jug pa dang / sgra thams cad la sngon gyi mtha' dang phyi ma'i mtha' yongs su chad par shes pa dang / don dang tshig 'bru gnyis su med pa la 'jug pa shes pas don brjod tu med par rtogs pa dang / sdug bsngal shes pa dang / ngar 'dzin pa med pa dang / kun 'byung ba shes pa shin tu zad pa dang / 'gog pa shes pa sgro btags pa med pa dang / lam shes pa 'dus byas dang / 'dus ma byas mnyam pa nyid du 'jug pa dang / lus la zhugs pa'i dran pa sngon gyi mtha' dang / phyi ma'i mthar 'pho ba med pa dang / tsho ba la zhugs pa'i dran pa skye ba dang / 'jig par mi gnas pa dang / sems la zhugs pa'i dran pa dmigs pa la shin tu brtags pa dang / chos la zhugs pa'i dran pa/ chos kyi dbyings dbyings ma yin pa dang / yang dag pa'i spong ba mnyam pas mnyam pa dang / rdzu 'phrul gyi rkang pa sems la dbang sgyur bar gyur pa dang / dad pa'i dbang po chags pa thams cad las shin tu 'das pa dang / brtson 'grus kyi dbang po dben pas nges par 'byung ba dang / dran pa'i dbang po dran pa med pa dang / ting nge 'dzin gyi dbang po yid la byed pa med pa dang / shes rab kyi dbang po spros pa las shin tu 'das pa dang / dad pa'i stobs gzhan gyi dring mi 'jog pa dang / brtson

  55. 28b

    'grus kyi stobs dmigs pa rtogs pa med pa dang / dran pa'i stobs nyams pa med pa dang ldan pa dang / ting nge 'dzin gyi stobs sems nges par sems par gyur pa dang / shes rab kyi stobs mi 'khrugs pa'i rgyu 'thun pa dang / dran pa yang dag byang chub kyi yan lag dran pa med cing brjod pa med pa dang / chos rnam par 'byed pa yang dag byang chub kyi yan lag chos thams cad mnyam pa nyid du 'jug pa dang / brtson 'grus yang dag byang chub kyi yan lag len pa med cing 'dor ba med pa dang / dga' ba yang dag byang chub kyi yan lag dba' rlabs med pa dang / rab tu sbyangs pa yang dag byang chub kyi yan lag lus dang sems la zhugs pa dang / ting nge 'dzin yang dag byang chub kyi yan lag mnyam pa nyid khong du chud pa dang / btang snyoms yang dag byang chub kyi yan lag gnyis dang bral ba dang / yang dag pa'i lta ba lta ba thams cad spangs pa dang / yang dag pa'i rtog pa rtog pa dang / rnam par rtog pa dang / yongs su rtog pa thams cad dang bral ba dang / yang dag pa'i ngag sgra skad thams cad mnyam pa nyid la 'jug pa dang / yang dag pa'i las kyi mtha' lus dang sems kyi las dang bral ba dang / yang dag pa'i 'tsho ba tshol ba thams cad rgyun bcad pa dang / yang dag pa'i rtsol ba 'deg pa med cing 'jog pa med pa dang / yang dag pa'i dran pa dge ba dang mi dge ba'i rnam par rig pa la mi 'jug pa dang / yang dag pa'i ting nge 'dzin sems kyi dmigs pa mnyam pa nyid la

  56. 29a

    'jug pa dang / zhi ba zhi gnas kyi mthar song ba dang / lag mthong lta bas rnam par dag pa dang / skye ba med pa'i don mi rtag pa dang / gdod ma nas skye ba med pa'i don sdug bsngal gyi don dang / rgyu ba med pa'i don bdag med pa'i don dang / nye bar zhi ba'i don zhi ba'i don dang / dul bas sbyin pa dang / bsil ba'i dngos por gyur pa'i tshul khrims dang / zad pa'i chos dang ldan pa'i bzod pa dang / shin tu rnam par bya ba rnam par 'byed pa'i brtson 'grus dang / nang nye bar zhi ba'i bsam gtan dang / yang dag pa ji lta ba bzhin du rab tu shes pa'i mtshan nyid kyi shes rab dang / sems can gdod ma nas rnam par dag pa'i byams pa dang / nam mkha' dang mtshungs pa'i snying rje dang / dga' ba med pa'i dga' ba dang / rtsod pa thams cad rgyun gcod pa'i btang snyoms dang / chos thams cad 'khor gsum yongs su dag pa dang / sngon gyi mtha' nas stong pa dang / phyi ma'i mthar dben pa dang / da ltar byung ba na bdag med pa'o// blo gros rgya mtsho de ltar gang chos zab mo rgyun ma 'chang ba/ tshig 'bru dang bral ba nam mkha' dang mtshungs pa 'di lta bu 'di dag rtogs pa dang khong du chud pa dang / 'jug pa shes pa la dpyod pa dang / sems pa dang / 'jal ba dang / 'grang ba dang / nye bar rtog pa dang / nan tan byed pa 'di ni thams cad mkhyen par sems bskyed pa rin po che de 'jigs pa'o// de ltar thams cad mkhyen par

  57. 29b

    sems bskyed pa rin po che de phigs na/ chos thams cad la dbang sgyur ba ni lhun gyis grub pa nyid du thob par 'gyur ro// blo gros rgya mtsho 'di lta ste dper na/ zla ba dang / nyi ma'i/ gzhal med khang lhun gyis grub par rnam par rgyu zhing / 'dzam bu'i gling thams cad du snang bar byed kyang / lha'i bu nyi ma dang zla ba 'di snyam du bdag cag 'gro ba 'am 'on te ldog snyam du mi sems par sems can rnams kyi bsod nams kyi 'bras bu rnam par smin pas de dag 'gro'o/ / blo gros rgya mtsho de bzhin du rab tu phigs pa'i shes pa dang ldan pa'i byang chub sems dpa' sems dpa' chen po yang lhun gyis grub par sangs rgyas kyi zhing tshad med pa dag na sems can gyi don byed kyang / byang chub sems dpa' de ni yang mngon par 'du byed pa med par bya ba de dag kun tu ston to// blo gros rgya mtsho de la byang chub sems dpa'i 'bigs pa shes pa gang yin pa de ni bsam gtan gyi pha rol tu phyin pa dang / shes rab kyi pha rol tu phyin par yongs su btsal bar bya'o// de ci'i phyir zhe na/ byang chub sems dpa' mnyam par gzhag na lhag mthong gis chos rnams mthong gi/ mnyam par ma gzhag pas ni ma yin no// de'i lhag mthong gang yin pa de ni shes rab ste/ shes rab des mngon sum du 'gyur ro// gang du mngon sum du 'gyur zhe na/ chos rnams kyi yang dag pa'i mtshan nyid la mngon sum du 'gyur ro// chos rnams kyi yang dag pa'i mtshan nyid gang zhe na/ mnyam pa nyid kyi gzhi de las kur 'chi

  58. 30a

    spyod pa'o/ / chos rnams kyi mtshan nyid kyi gzhi gang zhen/ 'di lta ste/ rnam par rig pa ni chos rnams kyi mtshan nyid kyi gzhi'o// rnam par rig pa de'i/ yang dag par ji lta ba'i mtshan nyid gang yin pa de ni chos rnams kyi yang dag pa'i mtshan nyid ces bya'o// gang gi tshe tshor ba thams cad rgyun bcad par gyur pa de'i tshe snang bar yang mi byed/ mi snang bar yang mi byed do/ / de la snang ba ni gang mi snang ba ni gang zhe na/ snang ba zhes bya ba ni skye ba'o// mi snang ba zhes bya ba ni 'gag pa'o// gang gi tshe snang bar yang mi byed/ mi snang bar yang mi byed pa de'i tshe/ skye bar yang mi byed/ 'gag par yang mi byed do// gang gi tshe skye bar yang mi byed/ 'gag par yang mi byed pa de'i tshe chos nyid la gnas pa yin te/ chos kyi dbyings 'khrugs par mi byed/ de bzhin nyid las mi g.yo/ yang dag pa'i mtha' 'jig par mi byed do// de la chos kyi dbyings zhes bya ba ni rten cing 'brel par 'byung ba rjes su rtogs pa'o// de bzhin nyid ni de kho na'i mtshan nyid khong du chud pa'o/ / yang dag pa'i mtha' ni gnyis su med pa'i yang dag pa mngon par rtogs pa'o// blo gros rgya mtsho de ltar mngon sum du shes pa rig pa'i byang chub sems dpa' sems dpa' chen po ni shin tu phigs pa shes pa zhes bya'o/ / sbyangs pa dang / gnod pa dang / nges par 'bigs pa'i le'u 'di/ bcom ldan 'das kyis bshad pa'i tshe/ lha dang mi'i skye dgu'i srog

  59. 30b

    chags khrag khrig phrag bcu gnyis kyis bla na med pa yang dag par rdzogs pa'i byang chub tu sems bskyed do/ / srog chags khri drug stong gis bzod pa rab tu thob par gyur to// de nas de'i tshe bcom ldan 'das kyis tshigs su bcad pa 'di dag gsungs so/ / chos kun nges par rtogs pa yi// byang chub sems ni sgrogs par byed// de tshe nges rtogs ye shes kyis// chos rnams kun la chags pa med/ / zab mo'i chos rnams khong du chud// mkhas pa slab par 'gyur ba med// skrag med kun tu 'jigs med pas// khyad par 'phags par 'gyur ba yin// rgyu la dmigs pa'i tshul gyis ni/ / brten pa'i chos rnams khong du chud// shes rab ldan de rjes 'thun byed// mthar lta ba ni mi 'dzin to// rtag pa dang ni chad pa la// blo ni thobs pa yod ma yin// yang dag mtha' ni bsam yas pa'i/ / dbu ma'i mtha' ni rtogs par 'gyur// bdag gi mtha' yi rang bzhin gyis// chos rnams bdag med ngo bo nyid// chos kun de yi rang bzhin te// gdod nas ma skyes 'gag pa med/ / skyes pa med cing 'byung ba med// stong pa gzung med dri ma med// mtshan ma med cing spros pa med// nam mkha' dang ni mtshungs shing 'dra// de dag sems kyi mi smon par// 'dod cing chags pa med par spangs// gzugs kyi rang bzhin mngon sum du// lbu ba lta bur rab tu shes// tshor ba chu ngur 'dra' ste// 'du shes smig rgyu'i mtshan nyid do// 'du byed chu shing rnying

  60. 31a

    po 'dra/ / rnam par shes pa sgyu ma 'dra// khams bzhi g.yo ba med pa ste// nam mkha' mtshungs pa'i khams yin no// gang dag skye mched thams cad ni/ khams po phan tshun spyod yul lo/ / sems ni nang na ma yin te// phyi rol tu yang mi dmigs so// yid la'ang nga yi yod ma yin// rnam par shes pa gnas pa med// chos rnams yid la mi byed de/ lhag par byed pa rnam par spong // chos rnams thams cad mnyam nyid du// yang dag nyid du khong du chud// tha dad med cing ro gcig ste// gcig pu 'grod lam mnyam pa nyid// lam gyi shes pa rab tu rtogs/ / nges pa'i don gyi don rnams mthong // blo ni don gyi rjes su zhugs// skad ni skad med khong du chud// sgra rnams kun la sngon mtha' dang / phyi ma'i mtha' mar yongs su gcod/ / don dang tshig 'bru rnams la mkhas// chos rnams gnyis su med par rtogs// brjod du med pa'i don la ni// 'di nyid yang dag khong du chud// skye ba med par sdug bsngal shes// kun 'byung ba la mnyam pa'i blo// 'gog pa shes pa zad par bstan// lam shes pa ni 'dus ma byas// lus dang tshor ba sems dang ni// chos la chos su rjes su rtogs// dran med yid la byed med pa'i/ / dran pa nye bar gzhag pa ston// chos kyi dbyings ni dbyings min par// yang dag nyid ni mnyam pas mnyam// spong bas spang du med pa ni// yang dag spong ba rab tu brtan// sems

  61. 31b

    la dbang ni thob pa yi/ / rdzu 'phrul rkang pa rab tu bstan// chags pa kun las rab 'das pa// de ni dad pa'i dbang po yin// chos rnams thams cad rnam dben pa// de ni brtson 'grus dbang po yin/ / dran pa med pa'i dran 'jug pa// de ni dran pa'i dbang po yin// chos rnams yid la mi byed pa// de ni ting 'dzin dbang po yin// spos las shin tu rab 'das pa// de ni shes rab dbang po yin/ / yang dag nyid ni rtogs nas de// gzhan gyi dad pas 'gro ma yin// sems ni g.yo ba yod min pa// dad pa'i stobs ni 'di 'dra'o// yang dag shes las nyams pa med// dran pa'i stobs ni 'di 'dra'o/ / ting nge 'dzin gyi stobs mdzod ni// nges par sems la dga' ba yin// mi rtog rnam par mi rtog pa// shes rab stobs ni 'di 'dra'o// chos rnams rtogs pa'i don du ni/ / byang chub yan lag rab tu bstan// mnyam ste mi mnyam med pa'i chos// yang dag lta yin zhes brjod// gnyis med chos la sgom pa ni// skye ba med pa'i lam sgom yin// skye ba med pa mi rtag don// 'byung ba med pa sdug bsngal don// rgyu ba med pa bdag med don// zhi don nye bar zhi bar gnas// dul ba'i sems ni sbyin pa yin// zhi ba'i sems ni tshul khrims ldan/ / zad pa'i chos rtogs bzod pa yin// brtson 'grus rnam par phye bas rtogs// shin tu zhi ba bsam gtan de// shes rab yang dag rab shes pa// sems can gdod

  62. 32a

    nas rnam dag don/ / byams pa zhes ni brjod pa yin// snying rje nam mkha' 'dra ba ste// dga' ba skyong ba dga' ba yin// rtsom pa thams cad rgyun chad pa// btang / snyoms shes ni rab tu bstan// 'khor gsum yongs su chad par ni// chos rnams thams cad rab tu shes// chos rnams nges par 'big 'di ni// lta ba'i mdud pa gcod pa yin// bsam gtan shes rab gang yin pa/ / der ni nges par 'bigs pa bstan// tshad med pa la 'jug pa ni// chos shes pa zhes brjod pa yin// gnod pa bzod pa dang nges par 'bigs pa'i le'u ste gnyis pa'o/ / // de nas bcom ldan 'das kyis byang chub sems dpa' sems dpa' chen po blo gros rgya mtsho la bka' stsal pa/ blo gros rgya mtsho de ltar na gang gi tshe/ byang chub sems dpa' sems dpa' chen po dag pa dang / yongs su dag par 'gyur te/ bsam pa bcos ma ma yin zhing / sems can thams cad kyis gnod par byas kyang zhes 'gras pa med la shin tu nges par phigs pa'i ye shes su gyur cing shes rab rnam par gdon mi za ba thob pa de'i tshe/ shin tu dkar ba dri ma med pa'i phyag rgya'i ting nge 'dzin rtsa ba'i gnas la rab tu gnas pa yin no// de la ting nge 'dzin 'di'i rtsa ba'i gnas gang zhe na/ 'di lta ste/ sems can thams cad la zhe sdang med pa'i snying rje chen po'o// de sems can thams cad kyis bsti bstang du byas kyang khengs par mi 'gyur//

  63. 32b

    sems can thams cad kyi bsti stang du ma byas kyang btud par mi 'gyur ro// khengs pa med pa dang 'dud ba med pa de ni shes pa las nges par byung ba yin gyis/ nga rgyal las nges par byung ba ni ma yin no// khengs pa med pa dang / 'dud pa med pa de ni chos dang ldan pa yin gyi/ gti mug dang ldan pa ma yin no// chos thams cad shes pa las nges par byung bas ye shes sngon du 'gro ba'i lus kyi las dang ldan pa yin/ ye shes sngon du 'gro ba'i ngag gi las dang ldan pa yin/ ye shes sngon du 'gro ba'i yid kyi las dang ldan pa yin te/ de lus sam/ ngag gam yid kyi las gang byed kyang / de thams cad ye shes sngon du 'gro zhing / ye shes kyi rjes su 'drang ngo // de la byang chub sems dpa' lus kyi las ye shes sngon du 'gro ba gang zhe na/ gang gzugs kyi las kun tu bstan pas sems can rnams yongs su smin par byed/ 'dul bar byed do// spyod lam ji lta bus sems can rnams 'dul bar 'gyur ba de lta bu nyid du de'i spyod lam lhun gyis grub cing yongs su ma brtags pa med par kun tu gnas so/ / lus kyi skyon dang / lus la chags pa dang / lus kyi tshul 'chos pa dang / lus kyi 'khrugs pa dang / lus kyi yongs su rtog pa gang yin pa de dag byang chub sems dpa' des yang dag par bcom pa yin te/ shing ta la'i mgo bcad pa bzhin du rtsa ba nas chad nas ma 'ongs pa na mi skye ba'i chos can du 'gyur ro// de lus yongs su dag pa yin te/ lus mtshan gyis

  64. 33a

    legs par brgyan pa dang / lag pa dang / rkang pa 'jam zhing mnyen pa dang / bsod nams kyi rgyu thun pa'i lus shin tu rnam phye ba dang / dbang po ma tshang ba med pa dang / yan lag dang nying lag thams cad yongs su rdzogs pa yin yang gzugs kyis rgyags shing dregs pa med pa yin te/ lus che ba'i tshul dang ldan pa ma yin no// de chos 'dzin pa nye bar bzung nas sems can ji tsam du dman pa gzugs ma tshang ba rnams la yang 'dud do rab tu 'dud do/ / de rang gi lus kyi chos nyid kyis sems can thams cad kyi lus kyi chos mnyam pa nyid du shes pa la 'jug go// de lus la lus kyi chos nyid shes nas chos kyi lus yin gyi/ zang zing gi lus ma yin no// de la chos kyi lus gang zhe na/ gang bsam gtan gyi zas za ba yin gyi/ zang zing gi zas za ba ma yin te/ 'jig rten dang 'thun par bya ba dang / sems can la snying brtse ba'i phyir zas za'i/ lus nyam chung ba'i phyir ni ma yin no// de chos kyi lus su gyur nas/ chos kyis srog 'tsho'i/ zang zing gis srog 'tsho ba ni ma yin no/ / de la chos kyis srog 'tsho ba gang zhe na/ gang gi srog gi phyir yang bya ba ma yin pa mi byed pa dang / 'phags pa'i tshul las mi 'da' ba'o// de la 'phags pa rnams kyi tshul gang zhe na/ 'di lta ste/ chags pa med pa dang / sdang ba med pa dang / rmongs pa med pa dang / nyon mongs pa thams cad dang bral ba dang / ji ltar bslab pa bcas pa bzhin du kun tu

  65. 33b

    bsrung ba dang / sbed pa dang / rab tu gnas pa 'di ni 'phags pa rnams kyi tshul zhes bya'o// de la byang chub sems dpa' ye shes sngon du 'gro ba'i lus kyi las dang ldan pas mngon par shes pa dang / rdzu 'phrul gyi stobs thams cad dang ldan pa yin te/ de lhun gyis grub par sangs rgyas kyi zhing thams cad du snang bar byed cing sangs rgyas kyi zhing de dag na sems can de dag ni gzugs dang mtshan dang gzi brjid dang rgyan rnams ci 'dra bar byang chub sems dpa' de'i yang lhun gyis grub cing yongs su brtags pa med par de 'dra bar gnas so/ / de 'od bkod pa'i lus dang ldan pa yin te/ de gang gang gi tshe lus las 'od rab tu gtong ba de'i tshe/ sangs rgyas kyi zhing grangs med dpag tu med pa rnams snang bas khyad par byed do// de'i 'od de ni bde ba skyed pa ste/ sems can dmyal ba pa ngan song ba'i sems can thams cad bde bar byed pa'o/ / de'i 'od de ni bde ba la reg par byed pa ste nyon mongs pas gdungs pa'i sems can thams cad rab tu zhi bar byed pa'o// de'i 'od de ni rab tu sim par byed pa ste/ sems can rnams lus dang sems dga' ba skyed pa'o// de lus nyid kyi sems can rnams la sangs rgyas kyi mdzad pa byed de/ 'di ni byang chub sems dpa'i lus kyi las ye shes sngon du 'gro ba'o/ / blo gros rgya mtsho de la byang chub sems dpa'i ngag gis las ye shes sngon du 'gro ba gang zhe na/ blo gros rgya mtsho 'di la byang chub sems dpa' ni tshog 'khrul

  66. 34a

    ba'i skyon thams cad spangs par ngag gis las 'byung ngo / / blo gros rgya mtsho de la tshig 'khrul pa'i skyon de dag gang zhe na/ blo gros rgya mtsho byang chub sems dpa' ni/ tshig 'khrul pa'i skyon drug cu rtsa bzhi dang bral zhing rnam par spangs par ngag gi las 'byung ste// drug cu rtsa bzhi gang zhe na/ blo gros rgya mtsho 'di la byang chub sems dpa' ni tshig rtsub po med pa yin/ tshig rnyog pa med pa yin/ gyo mo'i sgra lta bu med pa yin/ grum pa'i sgra lta bu med pa yin/ s+tha ha cang che ba ma yin/ sgra ha cang chung ba ma yin/ s+tha ha cang drag po ma yin// tshig brlang po med pa yin/ tshig dib dib po med pa yin/ tshig cal cal po med pa yin/ tshig rtab rtab po med pa yin/ khas bub pa'i tshig med pa yin/ tshig nyams pa med pa yin// zur dbyung dgos pa'i tshig med pa yin/ tshig zhum pa med pa yin/ tshig sub su ba po med pa yin// byis pa'i tshig lta bu med pa yin/ tshig nog nog po med pa yin/ 'bar bar byed pa'i tshig med pa yin/ / co 'dri ba'i tshig med pa yin/ dus mi shes pa'i tshig med pa yin/ tshod mi shes pa'i tshig med pa yin// 'dod chags kyis rjes su chags pa'i tshig med pa yin// zhe sdang gi zhe 'gras pa'i tshig med pa yin/ gti mug gis rmongs shing lkugs pa'i tshig med pa yin/ dman pa'i tshig med pa yin/ mi mthun pa dang brnyas pa'i tshig med pa yin/ 'byed par byed

  67. 34b

    pa'i tshig med pa yin/ g.yo dang 'dres pa'i tshig med ba yin// nga rgyal gyis khengs pa'i tshig med pa yin/ khyad du gsod pa'i tshig med pa yin/ ngo za ring gi tshig med pa yin/ tshig mi snyan cing zher 'debs pa'i tshig med pa yin/ / med pas gleng ba'i tshig med pa yin/ 'khrul cing gshe ba'i tshig med pa yin/ yang dag pa ma yin pa'i tshig med pa yin/ 'phral du brdzun smra ba'i tshig med pa yin/ phra ma'i tshig med pa yin/ ngag rtsub po'i tshig med pa yin/ tshig kyal pa'i tshig med pa yin/ mdza' bo dang 'byed pa'i tshig med pa yin/ ha cang rno ba'i tshig med pa yin/ ha cang mnyen pa'i tshig med pa yin/ phal pa'i tshig med pa yin/ kun tu ma bsrungs pa'i tshig med pa yin/ dus las lhag par smra ba'i tshig med pa yin/ gnod sems 'bar ba'i tshig med pa yin/ 'thab pa dang rtsod pa dang 'gyed pa'i tshig med pa yin/ thob kyis 'jal ba'i tshig med pa yin/ tshig 'gyur ba med pa yin// tshig mi brtan pa med pa yin/ mu cor smra ba'i tshig med pa yin/ gar gyi ltad mo lta bu'i tshig med pa yin/ chos dang 'gal ba'i tshig med pa yin/ gsang 'phel ba'i tshig med pa yin/ sems can la gnod pa'i tshig med pa yin bdag la bstod pa'i tshig med pa yin/ gzhan la smod pa'i tshig med pa yin/ 'phya ba dang bsting ba'i tshig med pa yin/ sangs rgyas dang / chos dang / dge 'dun dang 'gal ba'i

  68. 35a

    tshig med pa yin/ 'phags pa la skur pa 'debs pa'i tshig med pa yin// ngo mi chod pa'i tshig med pa yin/ tshig 'khrul pa'i skyon thams cad dang bral ba'i tshig nyid ni tshig drug cu rtsa bzhi pa yin te/ blo gros rgya mtsho byang chub sems dpa'i ngag gis las ni tshig 'khrul pa'i skyon drug cu rtsa bzhi po de dag dang bral zhing yongs su dag par 'byung ngo // de'i ngag de ni byed par lung ston pa dang / yang dag par lung ston pa dang / de kho na lung ston pa dang / bden pa rnam par dgod pa lung ston pa dang / bden pa'i rjes su 'brang ba dang / sems can thams cad kyi skad la 'jug pa dang / sems can thams cad kyi bsam pa lung ston pa dang / sems can thams cad tshim par byed pa dang / sems can thams cad kyi dbang po bskul bar byed pa dang nyon mongs pa thams cad rab tu zhi bar byed pa dang / sangs rgyas kyis byin gyis brlabs pa dang / chos dang mi 'gal ba dang / bsod nams kyi klu 'thun pa shin tu rnam par bya ba dang / zla ba ltar dri ma med cing ldan pa dang / 'dod chags kun tu skyed pa ma yin pa dang / tshar bcad nas yon tan smra ba dang / zhe sdang mi skyed pa dang / zab cing gting dpag dka' ba dang / gti mug kun tu mi gyung pa dang / phyogs bcur po bar byed cing byas par bgengs pa dang / tshig don med pa ma yin pa dang / thams cad kyi rdzas su zhugs pa dang / mngon par 'du byab med pa'i

  69. 35b

    nyid du 'byung ste/ blo gros rgya mtsho 'di ni byang chub sems dpa'i ngag gi las ye shes sngon du 'gro ba'o// blo gros rgya mtsho de la byang chub sems dpa'i yid kyi las ye shes sngon du 'gro ba gang zhe na/ blo gros rgya mtsho 'di la byang chub sems dpa' sems dpa' chen po sems kyi 'jug pa gcig gis sems can thams cad kyi sems kyi spyod pa dang / g.yo ba rnams rab tu shes so// mnyam par gzhag kyang spyod lam thams cad kun tu ston cing ting nge 'dzin de las ldang ba'ang med do/ / de'i sems kyi las ni bdud thams cad kyis kyang mi shes so// de'i sems kyi 'jug pa ni nyan thos dang / rang sangs rgyas thams cad kyis kyang mi shes so/ / byang chu sems dpa' de ni bdag la gnod par bya ba dang / gzhan la gnod par bya ba dang / gnyi ga la gnod par bya bar mi sems so// de'i sems dang yid dang rnam par shes pa ni chos gang la yang thogs pa med do/ / de chos thams cad rig par ye shes mthong ba skye'o// sems dang / yid dang / rnam par shes pa des rig pa med par tshor ba yang so sor myong la/ sangs rgyas kyi chos rnams yongs su ma rdzogs kyi bar du tshor ba 'gog pa mngon sum du yang mi byed de// blo gros rgya mtsho 'di ni byang chub sems dpa'i yid kyi las ye shes sngon du 'gro ba'o/ / blo gros rgya mtsho 'di ni shin tu dkar ba dri ma med pa'i phyag rgya'i ting nge 'dzin de'i rtsa ba'i gnas te/ 'di lta ste/ ye shes sngon du 'gro ba'i lus kyi las dang / ye shes sngon du

  70. 36a

    'gro ba'i ngag gi las dang / ye shes sngon du 'gro ba'i yid kyi las so// blo gros rgya mtsho gang gi tshe byang chub sems dpa' sems dpa' chen po ye shes sngon du 'gro ba'i lus dang / ngag dang yid kyi las rnams dang ldan par 'gyur ba de'i tshe/ shin tu dkar ba dri ma med pa'i phyag rgya'i ting nge 'dzin 'di rab tu thob bo// blo gros rgya mtsho de la chos bcu po shin tu dkar ba'i phyir ting nge 'dzin 'di ni shin tu dkar ba zhes bya ste/ chos bcu po de dag gang zhe na/ 'di lta ste bsam pa dang / lhag pa'i bsam pa yongs su dag pas 'jug pa'i spyod pa shin tu dkar ba yin/ pha rol tu phyin pa drug yongs su dag pas/ byang chub sems dpa'i spyod pa shin tu dkar ba yin/ dge ba'i chos thams cad yongs su dag pas dkar po rnam par mthong ba'i spyod pa shin tu rnam pa dag pa yin/ gtan pa med pa'i mchod sbyin byed pa yongs su dag pas mtshan dang dpe byad bzang po yongs su rdzogs par byed pa'i spyod pa shin tu dkar ba yin/ ji ltar thos pa'i chos sgrub cing gzhan la go bar byed pa la mkhas pa yongs su dag pas/ gzungs dang / spobs pa rab tu thob pa'i spyod pa shin tu dkar ba yin/ 'khrul pa dang / sgrib pa dang / chod/ pa dang / kun nas ldang ba thams cad bral ba yongs su dag pas dran pa dang / ting nge 'dzin dang / g.yeng ba med pa'i shes pa shin tu dkar ba yin/ bag yod pa yongs su dag pas byang chub

  71. 36b

    kyi phyogs kyi chos shes pa shin tu dkar ba yin/ sems dang / yid dang / rnam par shes pa yongs su dag pas/ zhi gnas dang lhag mthong shes pa shin tu dkar ba yin/ phyogs dang // mi mthun pa'i phyogs dang / rgyun chad pa dang / chags pa las shin tu 'das pa yongs su dag pas sa bcu gnon pa'i ye shes shin tu dkar ba yin/ mi dge ba'i chos thams cad spang ba'i phyir dge ba'i chos thams cad yongs su dag pas/ byang chub kyi snying po'i rgyan gyi ye shes shin tu dkar ba yin te/ blo gros rgya mtsho chos bcu po de dag shin tu dkar ba yin pa'i phyir ting nge 'dzin 'di shin tu dkar ba zhes bya'o/ / // bam po gsum pa/ blo gros rgya mtsho ci'i phyir dri ma med pa'i phyag rgya zhes bya zhe na/ blo gros rgya mtsho nyi shu po 'di dag ni dri ma med pa phyag rgya'i sgo yin te/ de dag gis na ting nge 'dzin 'di dri ma med pa'i phyag rgya zhes bya'o// nyi shu po de dag gang zhe na/ 'di lta ste/ ngar 'dzin pa yongs su dag pas nang yongs su dag pa dri ma med pa'i phyag rgya dang / nga yir 'dzin pa yongs su dag pas phyi yongs su dag pa dri ma med pa'i phyag rgya dang / lta bar song ba thams cad yongs su dag pas 'jig tshogs kyi ngo bo nyid yongs su dag pa dri ma med pa'i phyag rgya dang / gdod ma nas yongs su dag pa'i phyir/ sems can thams cad bdag med pa yongs su dag pa dri ma med pa'i phyag rgya dang / ro gcig pa'i phyir chos thams cad

  72. 37a

    mnyam pa nyid du rtogs pa yongs su dag pa dri ma med pa'i phyag rgya dang / rnam par thar pa thams cad yongs su dag pa'i phyir/ stong pa nyid dang / mtshan ma med pa dang / sngon pa med pa yongs su dag pa dri ma med pa'i phyag rgya dang / shin tu yongs su dag pa'i phyir/ nam mkha' yongs su dag pa dri ma med pa'i phyag rgya dang / tha dad du bya ba med pa'i phyir sems can gyi khams dang chos kyi dbyings yongs su dag pa dri ma med pa'i phyag rgya dang / rang gi mngon par shes pa yongs su dag pa'i phyir mngon sum du legs par mthong ba yongs su dag pa dri ma med pa'i phyag rgya dang / rtag tu snang bas yongs su dag pa'i phyir nyi ma'i dkyil 'khor ltar rab tu gsal ba yongs su dag pa dri ma med pa'i phyag rgya dang / chags pa thams cad dang bral ba yongs su dag pa'i phyir dus gsum la chags pa med ba'i ye shes mthong ba yongs su dag pa dri ma med pa'i phyag rgya dang / rnam par shes pa dang ye shes gnas pa med pa'i phyir/ rnam par rig pa'i sgo yongs su dag pa dri ma med pa'i phyag rgya dang / 'dus byas kyi ngo bo nyid yongs su dag pa'i phyir/ 'dus ma byas yongs su dag pa dri ma med pa'i phyag rgya dang / rkyen shin tu btags pa'i phyir/ rten cing 'brel par 'byung ba rtogs pa yongs su dag pa dri ma med pa'i phyag rgya dang / yang dag par shes pa rdzi ba med pa yongs su dag pa'i phyir/ stobs dang / mi 'jigs pa dang / sangs rgyas kyi chos kyi rjes su 'gro ba yongs su dag pa dri ma med pa'i

  73. 37b

    phyag rgya dang / sngon yongs su sbyangs pa byas pa yongs su dag pa'i phyir/ sangs rgyas kyi chos rtogs pa'i mtshan nyid yongs su dag pa dri ma med pa'i phyag rgya dang / sems can thams cad yongs su mi gtong ba'i phyir/ byams pa chen po dang / snying rje chen po yongs su dag pa dri ma med pa'i phyag rgya dang / mtha' thams cad dang bral ba yongs su dag pa'i phyir/ bdud dang phyir rgol ba bcom pa yongs su dag pa dri ma med pa'i phyag rgya dang / chos rnams kyi rang bzhin yongs su dag pa'i phyir/ nyon mongs pa'i bag chags kyi mtshams sbyor ba thams cad yang dag par 'jom pa yongs su dag pa dri ma med pa'i phyag rgya dang / yang dag par blangs pa yongs su rdzogs par byed pa yongs su dag pa'i phyir/ sems kyi sang cig gcig gis sangs rgyas kyi chos thams cad kyi sgo rtogs pa yongs su dag pa dri ma med pa'i phyag rgya ste/ blo gros rgya mtsho dri ma med pa'i phyag rgya'i sgo nyi shu po de dag gis ting nge 'dzin 'di dri ma med pa'i phyag rgya zhes bya ste// blo gros rgya mtsho byang chub sems dpa' byang chub kyi snying po la 'dug nas/ ting nge 'dzin gang rab tu thob pa'i ting nge 'dzin 'di ni shin tu dkar ba dri ma med pa'i phyag rgya zhes bya'o// ting nge 'dzin 'di thob ma thag tu shugs chen po ma 'dres pa brgyad 'byung bar 'gyur te/ brgyad ga zhen 'di lta ste/ stong gsum gyi stong chen po'i 'jig rten gyi khams 'di thams cad rdo rjer gnas par 'gyur ba 'di ni shugs chen po ma 'dres pa 'byung

  74. 38a

    pa dang po'o/ / shing ljon pa thams cad la lo ma dang / me tog dang 'bras bu sna tshogs chags te/ byang chub kyi shing ga la ba de logs su btud cing 'dud la rab tu 'dud de mngon par rab tu 'dud par 'gyur ba dang / sems can thams cad kyang skad cig de la nyon mongs pa thams cad kyis gnod par mi 'gyur ba dang / ngan song ba'i sems can thams cad kyis byang chub kyi snying po la 'dug pa'i byang chub sems dpa' mthong ste/ mthong nas kyang bde ba thams cad kyis tshim par 'gyur ba dang / 'jig rten gyi khams thams cad du yang bar gyi 'jig rten rnams gser gyi kha dog lta bu'i 'od kyis khyab par 'gyur ba dang / sa g.yo ba chen po 'jig rten du 'byung bar 'gyur zhing sems can gang la'ang rnam par gnod par mi 'gyur ba dang / phyogs bcu na bzhugs pa'i sangs rgyas bcom ldan 'das rnams zhal ston cing mi 'jigs pas dbugs 'byin par mdzad de ded dpon chen po rgyal bar gyur cig rgyal bar gyur cig ces gsung brjod par 'gyur ba dang / sems kyi skad cig gcig la sangs rgyas kyi chos thams cad chub par 'gyur ba ste/ blo gros rgya mtsho shin tu dkar ba dri ma med pa'i phyag rgya'i ting nge 'dzin thob ma thag tu shugs chen po ma 'dres pa brgyad po de dag 'byung bar 'gyur ro/ / 'di ltar ting nge 'dzin 'di'i mthus 'dir yon tan gyi rgyu dpag tu med par yang kun tu snang ngo // de nas de'i tshe bcom ldan 'das kyis tshigs

  75. 38b

    su bcad pa 'di dag gsungs so/ / chos 'di dri med dag dge rang bzhin 'od gsal te// nam mkha' mtshungs shing mnyam la gdod nas byung ba med// ma skyes ma byung gnas pa med cing 'gags pa med/ / 'di ni rgyal ba'i phyag rgya dri med g.yo ba med// de yi rtsa ba'i gnas ni dbye ba med pa'i gzungs// byams pa dang ni snying rje bsgom pa zung du 'brel// de nas 'gro ba kun gyis bkur kyang dpa' ba med/ / bsti stang ma byas yi tshad med de mnyam pa'i blo// de ni mnyam pa'i chos las ye shes skyes gyur nas/ gti mug mun pa thams cad bcom ste rmongs pa med// ye shes ldan pa yin gyi nga rgyal ldan ma yin/ nges bsam mnyam chos shes nas shin tu rnam par dag/ mkhas pa lus ngag yid kyi las ni gang byed pa// thams cad shes pas byas te 'gro la bde ba byed// de lus rnam par dag pa sems can mang pos mthong / / rgyal ba'i ye shes rdul med bla na med la smon// de yi spyod lam rtag tu bsdams te 'khrul pa med// lhun gyis grub ste tha mar mi rtog rnam rtog med// lus/ kyi nyes pa mtha' yas ji tsam gang brjod pa// de dag de la chad de gdong nas skyes pa med// de lus mtshan gyis brgyan te shin tu rnam par bya// de yi rkang mthil 'jam zhing bsod nams rnams las byung / / dbang po thams cad yongs su rdzogs pas lus mdzes kyang // mkhas pa gzugs kyis rgyags pas rlom sems byed pa med// dman zhing dbul bas sdug bsngal sems can mang po gang //

  76. 39a

    de dag la yang gus bcas 'dud cing rab tu 'dud// bdag ni chos 'dzin gyur cig snyam ste nga rgyal med// chos mnyan des ni byang chub dam pa thob par 'gyur// de yis rang gi lus kyi chos nyid shes nas ni/ / de yis sems can kun lus de ltar rtogs pas na// de ni chos lus rdul dang bral ba thob gyur te// zang zing lus min nyon mongs rnams las shin tu grol// rtag tu ting 'dzin spyod yul bsam gtan zas can 'gyur/ / gzi brjid chen po la ni zang zing lus mi srid// sems can don du kha zas za yi stobs phyir min// 'chi med don tu de ni chos kyi srog kyang 'tsho/ / 'phags pa'i tshul ni rtag srung shin tu rab tu zhi// 'dod chags zhe sdang mun tshogs shin tu rnam par phye// bslab pa sbed par gnas shing rgod med 'thun par skyes/ mkhas pa bdag gtong byed kyi sdig pa byed ma yin/ / rdzu 'phrul gyis ni bye ba phrag mang zhing song nas// sems can lus dang 'thun par byas te chos kyang ston// 'gro ba'i gzugs dang mtshan dang rtags ni ci 'dra ba/ / de yi lus ni de lta bu dang mtshungs par 'gyur// de yi lus las shin tu rnam dag 'od byung ste// des ni phyogs bcu mtha' yas zhing rnams khyab par byed// de yi 'od de bsod nams gzi ldan reg na 'jam/ / srog chags nyon mongs gdung ba thams cad zhi bar byed// sems dmyal rnams ni sems can brgya dag sdug bsngal ba// de dag 'od kyis reg ma thag tu bde bar 'gyur/

  77. 39b

    lus dang yid kyang dga' bar 'gyur ba rab tu thob// de ni sems can dmyal las rab tu thar pa'i rgyu// 'di dag dang ni gzhan yang lus las yongs sbyang ba// mtha' las las rnams ye shes kyis ni rnam par phye/ / mkhas pa shin tu dul ba sangs rgyas mdzad pa byed// rdul bral rnams kyi lus kyi las 'di de 'dra'o// de dag tshig ni rnam dag sgra brnyan yid du 'ong // des ni lha dang lha min 'gro kun tshim par byed/ / de smra ba na 'chad pa don med mi 'gyur te// theg pa bdud rtsi 'dus byas min 'dir nges par 'byung // ngag las ngag gi nyes pa des mang gang yod pa/ de dag de yi bsod nams dag pas kun tu chad/ / skad rnams mtshungs shing sgra mtshungs gyur pas sems can rnams// sgra skad dag las ji snyed kun gyis tshim par byed// de yi ngag ni chad cing mnyam la yang ngadag nyid/ / yang dag lung ston bsgribs pa med cing mnyam par gzhag/ tshig gang smras pa de yang de bzhin 'gyur ba ste// bden pa'i rjes su 'brang ba'i shes pas shin tu dag/ tha ba med cing snyam la 'dod chags rab tu zhi/ / tshar bcad yon tan smra zhing skyon las shin tu grol// zab cing gting dpag dka' ba shin tu chad pa ste// don rnams byed cing zhing stong dag tu khyab par byed// rdog pa med par tshig 'di rab tu smra bar byed/ / rang gi ngang gis byung nas ji ltar thar 'gyur smra// rtag tu sa bzhin sems can dbang po tshim par byed// rnam par spyong deng tshig mchog 'dzin shes pas byas

  78. 40a

    de yi yid las rtag tu bsgribs med legs par byas/ / sems kyis skad cig gcig gis 'gro ba'i sems rnams shes// de ni g.yeng med ting nge 'dzin las nyams pa med// khyu mchog de yi rgyu ba bdud kyis shes ma yin// de yi sems yid rnam rtog shin tu zab pa ste// rang rgyal rnams dang nyan thos kun gyis shes par dka'// bdag dang gzhan la rnam par mi 'tshe rjes chags med/ / khong khro med cing khengs pa med de mnyam pa'i blo// mkhas pa de ni 'gro la rig bzhin shes pa 'jug/ tshor ba ma yin sems pa ma yin rnam rtog min// 'chi med don tu byang chub gnas su phyin par du/ / tshor ba 'gog la bde bar rtogs par byed ma yin// chos bcu de dag gang la rtag tu dag gyur pa// khyu mchog de la ting 'dzin 'di ni mngon tu 'gyur// gang tshe 'jug pa'i spyod pa rnam par sbyangs gyur pa/ / dkar po'i lam rnams kun gyis 'phags shing yongs su dag/ sa rnams ji bzhin pha rol phyin pa kun sbyangs te// dge ba rgya chen thams cad kyis ni mngon par 'phags/ / bsod nams 'bras bus mtshan kun shin tu rnam par dag/ spobs pas kyang ni gzungs rnams mtha' thug med par 'gyur// mkhas pa rtag tu thos pa'i chos rnams bsgrubs par gnas/ / mkhas pa rtag tu dran la mnyam gzhag 'khrul pa med// de la kun nas ldang ba rnams dang 'khrul pa ni// phra rab mthong bar mi nus sgrib kun rnam par dag/ byang chub

  79. 40b

    phyogs chos rgya chen mtha' yas gang yin pa/ thams cad de yi bag yod pa la 'du bar 'gyur// zhi gnas mthar gyur lhag mthong gis ni rtag tu shes// sa bcu pa ni gnon par 'gyur zhing chags pa med/ / byang chub snying po sbyang phyir shin tu rdzogs par smra// de ni mi dge kun spangs dgra las rgyal bar 'gyur// dge ba'i chos rnams kun gyis 'phags pa ri rang bzhin// de ni bsam yas dri med 'od 'di rab tu thob/ / ting 'dzin 'di thob mkhas de bsod nams byas nas ni// yongs su dag pa'i chos mchog nyi shu rab tu thob// de dag gis ni 'gro ba kun na'ang nyi bzhin ldang // rgyal ba'i ye shes bla na med pa'i byang chub reg/ shing gi drung du shugs brgyad bsam du med thob nas// de dag gis ni zhing brgya dag na 'gro don byed// sangs rgyas mi 'jigs byin zhing 'gro ba'i dpa' bo de/ bdud rnams btul ba byas nas byang chub mchog la reg/ rgyal ba'i phyag rgya sbyangs pa thod par gyur nas ni// yon tan 'di 'dra de kun bsam gyis mi khyab 'gyur// de lta bas na mi gang yon tan 'breng 'dod pa/ / de myur byang chub sems la brtson 'grus brtan pa skyed/ de nas b.rom kyar 'das kyis byang chub sems dpa' sems dpa' chen po blo gros rgya mtsho la bka' stsal pa/ gros rgya mtsho de lta bas na/ byang chub sems dpa' sems dpa' chen po shin tu dkar nga dri ma med pa'i phyag rgya'i ting nge 'dzin 'di thob par 'dod pas/ rnyog pa med pa'i sems dang / 'khrug pa med pa'i

  80. 41a

    sems kyis shin tu dkar zhing dri ma med pa'i blo dang ldan par bya'o/ / de la rnyog pa med pa'i sems de ni gang sems rang bzhin gyis 'od gsal ba la glo bur gyi nyon mongs pa rnams kyi skabs med pa dang / 'od gsal ba'i chos mi 'gyur ba nyid dang / yid la byed pa thams cad kun tu mi 'byung ba dang / 'dod chags dang bral te rdul med pa dang / zhe sdang dang bral te rtog pa med pa dang / gti mug dang bral te mun pa med pa dang / dag pa dang / rnam par dag pa dang / shin tu dri ma med pa dang / rnam par grol ba las byung ba dang / rnam par grol ba ji lta bur chos thams cad kyang de bzhin te/ de bzhin nyid dang mnyam pa'i rjes su zhugs pa dang / rnam par grol ba ji lta bar chos thams cad kyang de bzhin te/ chos kyi dbyings dang mnyam pa'i rjes su zhugs pa dang / rnam par grol ba ji lta bar chos thams cad kyang de bzhin te/ yang dag pa'i mtha' dang mnyam pa'i rjes su zhugs pa dang / rnam par grol ba ji lta bar chos thams cad kyang de bzhin te/ stong pa nyid du mnyam pa'i rjes su zhugs shing mtshan ma med pa dang / smon pa med pa dang / mngon par 'du bya ba med pa dang / ma skyes pa dang / skye ba med pa dang / 'gag pa med par mnyam pa'i rjes su zhugs pa dang / rnam par grol ba ji lta bar 'dus byas kyi chos rnams kyang de bzhin te/ 'dus ma byas kyi chos mnyam pa nyid kyis mnyam pa'i rjes su zhugs pa ste/ gang 'di la mnyam pa

  81. 41b

    nyid kyi rjes su 'gro ba'i ye shes gdegs pa dang bzhag pa med pa 'di ni rnyog pa med pa'i sems shes bya'o/ / gang gi tshe chos 'di dag sems can gzhan dang / gang zag gzhan dag la ston kyang bdag dang gzhan du rnam par 'khrugs pa med pa 'di ni rnyog pa med pa'i sems so/ / gang gi tshe byang chub sems dpa' sems rnyog pa med cing 'khrug pa med par gyur pa de'i tshe shin tu dkar ba dri ma med pa'i phyag rgya'i ting nge 'dzin 'di rab tu thob bo/ / blo gros rgya mtshos gsol ba/ bcom ldan 'das ting nge 'dzin 'di ni zab lags so// bcom ldan 'das kyis bka' stsal pa/ blo gros rgya mtsho ga ting mi dmigs pa'i phyir ro/ / gsol pa/ bcom ldan 'das ting nge 'dzin 'di ni blta dka' ba lags so// bka' stsal pa/ gnyis dang bral ba'i phyir ro// gsol pa bcom ldan 'das ting nge 'dzin 'di ni rtogs par dka' ba lags so/ / bcom ldan 'das kyis bka' stsal pa/ nga rgyal gyis lhag par byed pa lhag par mi byed pa'i phyir ro// gsol pa/ bcom ldan 'das ting nge 'dzin 'di ni rnam par 'tshal bar dka' ba lags so/ / bcom ldan 'das kyis bka' stsal pa/ rnam par shes pa dang / ye shes mnyam pa nyid du rtogs pa'i phyir ro// gsol pa bcom ldan 'das ting nge 'dzin 'di ni gsal ba lags so/ / bcom ldan 'das kyis bka' stsal pa/ sgrib pa med pa'i rnam par thar pa rab tu thob pa'i phyir ro// gsol pa/ bcom ldan 'das 'dzin

  82. 42a

    ting nge 'dzin shin tu phra ba lags so/ / bcom ldan 'das kyis bka' stsal pa/ dpe rnam par bzhag pa dang bral ba'i phyir ro// gsol pa/ bcom ldan 'das ting nge/ 'dzin 'di ni snying po lags so// bcom ldan 'das kyis bka' stsal pa/ rdo rje lta bu'i ye shes rab tu thob pa'i phyir ro// gsol pa/ bcom ldan 'das ting nge 'dzin 'di ni dbyer ma mchis pa lags so/ / bcom ldan 'das kyis bka' stsal pa/ sngon gyi mtha' dang phyi ma'i mtha' dbyer med pa'i phyir ro// gsol pa/ bcom ldan 'das ting nge 'dzin 'di ni chags pa ma mchis pa lags so/ / bcom ldan 'das kyis bka' stsal pa/ chags pa'i lam thams cad las shin tu 'das pa'i phyir ro// gsol pa/ bcom ldan 'das ting nge 'dzin 'di ni snang bar gyur pa/ lags so// bcom ldan 'das kyis bka' stsal pa/ gti mug gi mun pa dang bral ba'i phyir ro// gsol ba/ bcom ldan 'das ting nge 'dzin 'di ni rnam par dag pa lags so// bcom ldan 'das kyis bka' stsal pa/ shin tu kun nas nyon mongs pa med pa'i phyir ro// gsol pa/ bcom ldan 'das ting nge 'dzin 'di ni dri ma ma mchis pa lags so// bcom ldan 'das kyis bka' stsal pa/ 'dod chags kyi rdul dang bral ba'i phyir ro// gsol pa/ bcom ldan 'das ting nge 'dzin 'di ni rgyu ba ma mchis pa lags so// bcom ldan 'das kyis bka' stsal pa/ khams gsum

  83. 42b

    du mi rgyu ba'i phyir ro/ / gsol pa/ bcom ldan 'das ting nge 'dzin 'di ni spros pa ma mchis pa lags so// bcom ldan 'das kyis bka' stsal pa/ spros pa thams cad bral ba'i phyir ro// gsol pa bcom ldan 'das ting nge 'dzin 'di ni mi g.yo ba lags so/ / bcom ldan 'das kyis bka' stsal pa/ shin tu mthar thug pa'i phyir ro// gsol pa/ bcom ldan 'das ting nge 'dzin 'di na thams cad kyi rjes su zhugs pa lags so/ / bcom ldan 'das kyis bka' stsal pa/ nam mkha' dang mtshungs zhing mnyam pa'i phyir ro// blo gros rgya mtshos gsol pa/ bcom ldan 'das brtson 'grus brtsams pa ci 'dra ba zhig gis shin tu dkar ba dri ma med pa'i phyag rgya'i ting nge 'dzin 'di thob par nus bcom ldan 'das kyis bka' stsal pa/ blo gros rgya mtsho 'di lta ste/ dper na skyes bu la la zhig nam mkha' dang / g.yul 'gyed 'dod par gyur na/ des nam mkha'i go cha nyid bgo bar bya'o// blo gros rgya mtsho de bzhin du shin tu dkar ba dri ma med pa'i phyag rgya'i ting nge 'dzin thob par 'dod pas chos thams cad mnyam pa nyid kyi go cha nyid bgo bar bya'o/ / de ci'i phyir zhe na/ blo gros rgya mtsho 'god pa ci 'dra bar thob pa'ang de 'dra ba'i phyir ro// blo gros rgya mtsho de la rnam par shes pa ni 'dus byas kyi sa bon no/ / rnam par rig pa med pa ni 'dus ma byas kyi sa bon te/ ting nge 'dzin 'di ni rnam par rig pa med pa'i sa bon no// ting nge 'dzin 'di ni mig gi rnam par shes pas rnam par shes par bya ba

  84. 43a

    ma yin/ rna ba dang / sna dang / lce dang / lus dang / yid kyi rnam par shes pas rnam par shes par bya ba ma yin no// ting nge 'dzin 'di ni rnam par rig pas rtogs par bya ba ma yin no/ / tshor bas ma yin te/ ting nge 'dzin 'di ni tshor ba dang / rnam par rig pa med pa'i mtshan nyid do// chos thams cad mnyam pa nyid du rtogs pas de'i phyir yang dag par rdzogs pa'i sangs rgyas zhes bya'o/ / blo gros rgya mtsho ngas ni mtshan nyid gzhan gyis kun nas nyon mongs pa mngon par rdzogs par sangs rgyas pa ma yin/ mtshan nyid gzhan gyis rnam par byang ba mngon par rdzogs par sangs rgyas pa ma yin no/ / de ci'i phyir zhe na/ kun nas nyon mongs pa'i mtshan nyid gang yin pa de nyid rnam par byang ba'i mtshan nyid de/ 'di lta ste/ rang bzhin gyis rnam par dag pa'i mtshan nyid do/ / rang bzhin gyis rnam par dag pa'i mtshan nyid gang yin pa de mtshan nyid med pa'o// mtshan nyid med pa gang yin pa de mtshan ma med pa'o// mtshan ma med pa gang yin pa de la so sor rnam par rig pa gang yang med do/ / blo zos rgya mtsho chos thams cad ni rnam par rig par bya ba ma yin no// chos gang rnam par rig pa med cing rnam par rig par bya ba ma yin pa de la yi ge rnams kun tu mi 'byung ngo / / gang la yi ge rnams kun tu mi 'byung ba de ji lta ba bzhin no// ji lta ba bzhin gang zhe na sngon gyi ji ltar phyis kyang de bzhin par du yang de bzhin te/ de'i phyir chos

  85. 43b

    thams cad ni dus gsum du stong pa zhes bya'o/ / ci'i phyir stong pa nyid ces bya zhe na/ de ni ma byas pa/ bya bar 'gyur ba ma yin pa/ bya ba ma yin pa/ rnam par bya ba ma yin pa ste/ de'i phyir stong pa nyid ces bya'o/ / bya ba ma yin pa gang zhe na/ 'di lta ste/ mngon par 'du bya ba med pa ste/ de la ni byed pas byas pa'i chos gang yang med do// de'i phyir de ni bya bar 'gyur ba med pa zhes bya'o/ / mngon par 'du bya ba med pa gang zhe na/ gang la lus kyis mngon par 'du bya ba med pa dang / ngag gis mngon par 'du bya ba med pa dang / yid kyis mngon par 'du byad med pa ste/ 'di ni mngon par 'du bya ba med pa zhes bya'o// mngon par 'du bya ba med pa gang yin pa de 'dus ma byas te/ de la ni skye ba med/ 'jig pa med gnas pa med do// gang la skye med/ / 'jig pa med/ gnas pa med pa de dag gnas med pa'o// gang la gnas de med ce na/ mngon par 'du bya ba thams cad la gnas de med de/ de'i phyir gnas de med pa zhes bya'o// de la ni gzugs la song ba'i rnam par shes pa mi gnas pa// tshor ba la song ba dang / 'du shes la song ba dang / 'du byed la song ba dang / rnam par shes pa la song ba'i rnam par shes pa/ mi gnas so// rnam par shes pa mi gnas pa gang yin pa de ye shes dang ldan pa'o// ye shes dang ldan pa gang yin pa de ni ye shes kyi rlom sems su mi byed do// gang rlom sems su mi byed pa

  86. 44a

    de mngon par rlom sems su mi byed do/ / gang mngon par rlom sems su mi byed pa de mi rtsod do// bang mi brtsod pa de kun tu mi 'bar ro// gang kun tu mi 'bar ba de kun tu gdung ba ma yin no/ / gang kun tu gdung ba ma yin pa de rab tu 'bar ba ma yin no// gang rab tu 'bar ba ma yin pa de zhi ba'o// zhi ba gang yin pa de rab tu zhi ba'o// rab tu zhi ba gang yin pa de nye bar zhi ba'o/ / nye bar zhi ba gang yin pa de thub pa zhes bya'o// ston pa zhes bya'o// blo gros rgya mtsho chos 'di dag ni 'di ltar zab pa'o// 'di ltar blta dka' ba'o/ / 'di ltar rtogs par dka' ba'o// gang dag gis chos 'di dag thos nas mos par byed pa de dag thams cad phyin ci log pa dang / nye ba'i nyon mongs pa dang / yongs su 'dzin pa dang / / 'ching ba thams cad las rnam par grol te/ de dag ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi chos kyi mdzod 'dzin pa dag go/ / de dang de dag ni ded dpon chen po ste/ sems can thams cad la lam tshad med pa ston pa dag go// de dang de dag ni sman pa'i rgyal po ste/ nyon mongs pa gzugs can ma yin pa'i nad las rab tu thar par byed pa dag go/ / de dang de dag ni mchod pa mchog gis de bzhin gshegs pa la mchod pa byed pa dang ngag ste/ de dag ni ring po mi thogs pa shin tu dkar ba dri ma med pa'i phyag rgya'i ting

  87. 44b

    nge 'dzin 'di thob par 'gyur ro/ / de dag ni theg pa chen po 'dir nges par byas pa dag go// de dag ni chos kyi gru chen po yang dag par sbyor ba dag go// de dag ni sems can tshad med pa dag 'khor ba'i chu bo chen po las sgrol bar 'gyur ba dag go/ / de dag ni yang bdud kyi yul du brjod pa ma yin pa dag go// skyes bu dam pa de dag ni bdud dang phyir rgol ba bcom pa dag go// ting nge 'dzin bstan pa'i le'u/ ste gsum pa'o// // de nas bcom ldan 'das la byang chub sems dpa' sems dpa' chen po blo gros rgya mtshos 'di skad ces gsol to// bcom ldan 'das ji ltar na byang chub sems dpa' bdud dang phyir rgol ba bcom pa lags/ bcom ldan 'das kyis bka' stsal pa/ blo gros rgya mtsho gang gi tshe byang chub sems dpa' sems dpa' chen po yongs su 'dzin pa thams cad don tu mi gnyer ba de'i tshe bdud phyir rgol ba bcom pa yin no/ / gang gi tshe mtshan ma dang / dmigs pa thams cad don tu mi gnyer ba de'i tshe/ bdud phyir rgol ba bcom pa yin no// blo gros rgya mtsho bdud ni bzhi po 'di dag ste/ bzhi gang zhe na/ phung po'i bdud dang / nyon mongs pa'i bdud dang / 'chi ba dag gi bdud dang / lha'i bu'i bdud de/ bzhi po 'di dag ni bdud do// de la sgyu ma'i chos su so sor rtog pas phung po'i bdud 'jom mo/ / stong pa nyid nges par sems pa la so sor rtog pas nyon mongs pa'i bdud 'jom mo// skye ba med pa dang 'byung ba med par so sor rtogs pas 'chi bdag gi bdud 'jom mo// nga rgyal gyis sgo

  88. 45a

    btags pa thams cad 'gog par 'gyur ba'i lam gyis lha'i bu'i bdud 'jom mo/ / gzhan yang sdug bsngal yongs su shes pas phung po'i bdud 'jom mo// kun 'byung ba spong bas nyon mongs pa'i bdud 'jom mo/ / 'gog pa mngon sum du byed pas 'chi bdag gi bdud 'jom mo// lam bsgom pas lha'i bu'i bdud 'jom mo// gzhan yang 'du byed thams cad la sdug bsngal du so sor rtogs pas phung po'i bdud 'jom mo/ / 'du byed thams cad la mi rtag par so sor rtog pas nyon mongs pa'i bdud 'jom mo// chos thams cad la bdag med par so sor rtog pas 'chi bdag gi bdud 'jom mo/ / mya ngan las 'das pa la zhi bar so sor rtog pas lha'i bu'i bdud 'jom mo// blo gros rgya mtsho gzhan yang gang gis tshe byang chub sems dpa' nang gi nyon mongs pa'i dri ma spangs te/ byang chub kyi sems ma brjed pa sbyin pa byin nas/ thams cad mkhyen pa nyid du yongs su sngo bar byed pa de'i tshe/ phung po'i bdud tshar gcod pa yin no// gang gi tshe// lus la mi lta zhing lus la ma chags par sbyin pa byin nas/ thams cad mkhyen pa nyid du yongs su sngo bar byed pa de'i tshe/ nyon mongs pa'i bdud tshar chod pa yin no// gang gi tshe kye ma longs spyod 'di dag ni mi rtag pa thun mong ba ste/ de dag las bdag gis snying po blangs par 'gyur ro snyam ste/ sbyin pa byin nas thams cad mkhyen pa nyid du yongs su sngo bar byed pa de'i tshe/ 'chi bdag gi bdud tshar chod pa

  89. 45b

    yin no/ / gang gi tshe sems can thams cad la snying rje chen po bskyed nas/ sems can thams cad bsdu ba'i phyir/ rab tu thar par bya ba'i blos sbyin pa byin nas thams cad mkhyen pa nyid du yongs su sngo bar byed pa de'i tshe/ lha'i bu'i bdud tshar gcod pa yin no// blo gros rgya mtsho gzhan yang byang chub sems dpa' srid par 'gro ba'i skye ba la mngon par 'dod pa med par tshul khrims bsrungs pas phung po'i bdud tshar gcod do/ / bdag med par lta ba la gnas te/ tshul khrims bsrungs pas nyon mongs pa'i bdud tshar bcad do// tshul khrims yongs su dag te/ rga shi las bzla ba'i phyir tshul khrims bsrungs pas 'chi bdag gi bdud tshar gcod do/ / bdag gis tshul khrims 'chal pa'i sems can rnams 'phags pa'i tshul khrims la rab tu 'god par bya'o snyam ste/ tshul khrims bsrungs pas lha'i bu'i bdud tshar gcod do/ / blo gros rgya mtsho gzhan yang byang chub sems dpa' bdag mi dmigs par bzod pa sgom pas phung po'i bdud tshar gcod do// sems can mi dmigs par bzod pa bsgoms pas nyon mongs pa'i bdud tshar gcod do/ / 'khor ba mi dmigs par bzod pa bsgoms pas 'chi bdag gi bdud tshar gcod do// mya ngan las 'das pa mi dmigs par bzod pa bsgoms pas lha'i bu'i bdud tshar gcod do/ / blo gros rgya mtsho gzhan yang byang chub sems dpa' lus dben par brtson 'grus rtsom pas phung po'i bdud las shin tu 'da'o// sems

  90. 46a

    dben par brtson 'grus rtsom pas nyon mongs pa'i bdud las shin tu 'da'o/ / skye ba med pa dang 'byung ba med par brtson 'grus rtsom pas 'chi bdag gi bdud las shin tu 'da'o/ / 'khor bas yongs su mi skyo bar sems can yongs su smin par bya ba dang / dam pa'i chos yongs su gzung bar bya ba'i phyir brtson 'grus rtsom pas lha'i bu'i bdud las shin tu 'da'o// blo gros rgya mtsho gzhan yang byang chub sems dpa' phung po la mi gnas par bsam gtan byed pas phung po'i bdud las shin tu 'da'o// khams la mi gnas par bsam gtan byed pas nyon mongs pa'i bdud las shin tu 'da'o/ / skye mched la mi gnas par bsam gtan byed pas 'chi bdag gi bdud las shin tu 'da'o// bsam gtan gyi yan lag de dag byang chub tu yongs su sngo bar byed pa'i lha'i bu'i bdud las shin tu 'da'o/ / blo gros rgya mtsho gzhan yang byang chub sems dpa' shes rab kyi phung po la mkhas par gyur pas phung po'i bdud las rgyal lo// shes rab kyi khams la mkhas par gyur pas nyon mongs pa'i bdud las rgyal lo/ / shes rab kyi skye mched la mkhas par gyur pas 'chi bdag gi bdud las rgyal lo// shes rab kyis rten cing 'brel par 'byung ba la mkhas par gyur pas yang dag pa'i mtha' yang mngon sum du mi byed pas lha'i bu'i bdud las rgyal lo/ / blo gros rgya mtsho gzhan yang byang chub sems dpa' chos thams cad la stong par mos pas phung po'i bdud kyis skabs

  91. 46b

    mi rnyed do/ / chos thams cad mtshan ma med par yid ches pas nyon mongs pa'i bdud kyis skabs mi rnyed do// chos thams cad smon pa med par som nyi med pas 'chi bdag gi bdud kyis skabs mi rnyed do// chos thams cad la mngon par 'du bya ba med par the tsom med la/ dge ba'i rtsa ba mngon par 'du bya bas kyang mi ngoms pas lha'i bu'i bdud kyis skabs mi rnyed do// blo gros rgya mtsho gzhan yang gang gi cha byang chub sems dpa' lus la lus kyis rjes su lta ba'i dran pa nye bar gzhag pa sgom zhing lus dang lhan cig song ba'i rnam par rtog pas kyang rnam par mi rtog pa de'i tshe/ phung po'i bdud yang dag par 'jom mo/ gang gi tshe tshor ba rnams la tshor ba'i rjes su lta ba'i dran pa nye bar gzhag pa bsgom zhing tshor ba dang lhan cig song ba'i rnam par rtog pas kyang rnam par mi rtog pa de'i tshe/ nyon mongs pa'i bdud yang dag par 'jom mo/ / gang gi tshe sems la sems kyi rjes su lta ba'i dran pa nye bar gzhag pa sgom zhing sems dang lhan cig song ba'i rnam par rtog pas kyang rnam par mi rtog pa de'i tshe/ 'chi bdag gi bdud yang dag par 'jom mo/ / gang gi tshe chos rnams la chos kyi rjes su lta ba'i dran pa nye bar gzhag pa sgom zhing chos dang lhan cig song ba'i rnam par rtog pas kyang rnam par mi tog la/ byang chub kyi bsam pa yang 'khrugs par mi byed pa de'i tshe/ lha'i bu'i bdud yang dag par 'jom mo// blo gros rgya mtsho bdud kyi las 'di dag thams cad ni bdag gi kun nas ldang bas kun nas langs pa dag ste/ de las byang chub

  92. 47a

    sems dpa' ba dag gi kun nas ldang ba kun nas langs par mi byed do/ / bdag gang yin pa de ni bdag ma yin zhing bdag med pa ste/ de la chos gang gis kun nas ldang ba yang // med do// de de ltar so sor rtog pa'i ye shes kyis rig nas gang gi tshe sems can mi shes pa rnams kyi ched du theg pa chen po'i go cha gyon pa de'i tshe/ bdag tu sgro mdogs pa dang / gzhan du 'gro 'dogs pa'i phyir go cha mi gyon no/ / go cha bgos nas kyang ji ltar na/ bdag gi go cha 'di don yod par 'gyur snyam du spyod de/ de 'di snyam du bdag gi go cha 'di ni bdag rnam par gzhig pa'i phyir bgos pa ma yin/ sems can dang / srog dang / gso ba dang / skyes bu dang / gang zag rnam par gzhag pa'i phyir bgos pa ma yin gyi/ sems can dag gang la brten nas bdag dang / sems can dang srog dang / gso ba dang / skyes bu dang / gang zag tu lta ba la gnas par byed pa'i gnas de bdag gis spang bar bya'o snyam du sems so// gnas de gang zhe na/ 'di lta ste/ phyin ci log ni gnas so// phung po dang / khams dang / skye mched ni gnas so// de 'di ltar sems phyin log tu gyur te/ mi rtag pa la rtag par 'du shes pa/ sdug bsngal ba la bde bar 'du shes pa/ bdag med pa la bdag tu 'du shes pa/ mi sdug pa la sdug par 'du shes pa rnams la 'du shes yongs su shes par bya ba'i phyir chos ston te/ de la 'du shes yongs su

  93. 47b

    shes pa gang zhe na/ 'di lta ste/ 'dzin pa med pa dang / mchog tu 'dzin pa med pa'o// gang 'dzin pa med pa de mchog tu 'dzin par mi byed do// gang mchog tu 'dzin par mi byed pa de kun tu rmongs pa med do/ / de kun tu rmongs pa med pas 'du shes yongs su shes so// gsol pa/ ci lags 'das pa rnams kyi 'am/ ma 'ongs pa rnams kyi 'am/ da ltar byung ba rnams kyi 'am/ 'du shes gang yongs su 'tshal/ bka' stsal pa/ 'das pa rnams kyi yang ma yin/ ma 'ongs pa rnams kyi yang ma yin/ da ltar byung ba rnams kyi yang ma yin no/ / de ci'i phyir zhe na/ 'das pa'i 'du shes ni zad pa'o// ma 'ongs pa ni ma phyin pa'o// da ltar byung ba'i 'du shes rnams ni gnas med pa ste/ gang dus gsum du 'du shes yongs su 'du shes pa'o/ / de 'du shes yongs su shes pa dang / ldan par byang chub sems dpa' spyod pa yongs su dag pa spyod do// sems can thams cad kyi spyod pa yang rab tu shes so// blo gros rgya mtsho byang chub sems dpa' ni ji srid du sems can thams cad kyi spyod pa rab tu mi shes pa de srid du byang chub sems dpa'i spyod pa yongs su dag pa la spyod pa ma yin te/ gang gi sems can thams cad kyi spyod pa rab tu shes pa de'i tshe/ byang chub sems dpa'i spyod pa yongs su dag pa la spyod do// ji ltar de dag gi spyod pa rnams rab tu shes pa de ltar chos ston to//

  94. 48a

    sems can spyod pa ji lta ba rnams kyi spyod pa de bzlog pa'i phyir yang nye bar ston to// blo gros rgya mtsho 'dod chags kyi bsam pa can la/ zhe sdang la sbyor ba'i bsam pa can dag kyang yod/ zhe sdang gi bsam pa can la 'dod chags la sbyor ba dag kyang yod/ zhe sdang gi bsam pa can la gti mug la sbyor ba dag kyang yod/ gti mug gi bsam pa can la zhe sdang/ la sbyor ba dag kyang yod/ gti mug gi bsam pa can la 'dod chags la sbyor ba dag kyang yod/ 'dod chags kyi bsam pa can la gti mug la sbyor ba dag kyang yod/ 'dod chags dang / zhe sdang gi bsam pa can la gti mug la sbyor ba dag kyang yod/ zhe sdang dang / gti mug gi bsam pa can la 'dod chags la sbyor ba dag kyang yod/ gti mug dang / 'dod chags kyi bsam pa can la zhe sdang la sbyor ba dag kyang yod do/ / blo gros rgya mtsho 'dod chags bcos ma can la zhe sdang tshar gcad par bya ba'i sems can dag kyang yod// zhe sdang bcos ma can la 'dod chags tshar bcad par bya ba dag kyang yod/ zhe sdang bcos ma can la gti mug tshar bcad par bya ba dag kyang yod/ gti mug bcos ma can la zhe sdang tshar bcad par bya ba dag kyang yod/ gti mug bcos ma can la 'dod chags tshar gcad par bya ba dag kyang yod/ 'dod chags bcos ma can la gti mug tshar gcang bar bya ba dag kyang yod/ 'dod chags dang / zhe sdang bcos ma can la gti mug tshar gcad par bya ba dag kyang yod/ zhe sdang

  95. 48b

    dang gti mug bcos ma can la 'dod chags tshar gcad par bya ba dag kyang yod/ gti mug dang / 'dod chags bcos ma can la zhe sdang tshar bcad par bya ba dag kyang yod do// blo gros rgya mtsho sngar 'dod chags can la/ phyis zhe sdang can dang / sngar zhe sdang can la/ phyis 'dod chags can dang / sngar zhe sdang can la/ phyis gti mug can dang / sngar gti mug can la/ phyis zhe sdang can dang / sngar gti mug can la/ phyis 'dod chags can dang / sngar 'dod chags can la phyis gti mug can dang / sngar zhe sdang dang / gti mug can la phyis 'dod chags can dang / sngar gti mug dang 'dod chags can la phyis zhe sdang can gyi sems can dag kyang yod do/ / blo gros rgya mtsho gzugs la 'dod chags can la/ sgra la zhe sdang can dang / sgra la 'dod chags can la/ gzugs la zhe sdang can dang / dril 'dod chags can la/ ro la zhe sdang can dang / ro la 'dod chags can la/ dri la zhe sdang can dang / reg pa la 'dod chags can la/ chos la zhe sdang can dang / chos la 'dod chags can la/ reg pa la zhe sdang can gyi sems can dag kyang yod do// dro gros rgya mtsho gzugs las dben pas 'dul bar 'gyur gyi sgra las dben pas ni ma yin pa'i sems can dag kyang yod/ sgra las dben pas 'dul bar 'gyur gyi gzugs las dben pas ma yin pa dag kyang yod/ dri las dben pas 'dul bar 'gyur gyi/ ro las dben pas ma yin pa dag kyang yod

  96. 49a

    ro las dben pas 'dul bar 'gyur gyi/ dri las dben pas ma yin pa dag kyang yod/ reg pa las dben pas 'dul bar 'gyur gyi/ chos las dben pas ma yin pa dag kyang yod/ chos la dben pas 'dul bar 'gyur gyi/ reg pa las dben pas ma yin pa dag kyang yod do// blo gros rgya mtsho lus dben pas 'dul bar 'gyur gyi/ sems dben pas ma yin pa'i sems can dag kyang yod/ sems dben pas 'dul bar 'gyur gyi/ lus dben pas ma yin pa dag kyang yod/ lus dben pa dang sems dben pas 'dul bar 'gyur ba dag kyang yod lus dben pa dang / sems dben pas 'dul bar 'gyur ba ma yin pa dag kyang yod do// blo gros rgya mtsho mi rtag pa'i sgras 'dul bar 'gyur gyi/ sdug bsngal dang / bdag med pa dang / zhi ba'i sgra rnams kyis ma yin pa'i sems can dag kyang yod/ sdug bsngal gyi sgras 'dul bar 'gyur gyi/ mi rtag pa dang / bdag med pa dang / zhi ba'i sgra rnams kyis ma yin pa dag kyang yod/ bdag med pa'i sgras 'dul bar 'gyur gyi/ mi rtag pa dang / sdug bsngal ba dang / zhi ba'i sgra rnams kyis ma yin pa dag kyang yod/ zhi ba'i sgras 'dul bar 'gyur gyimi rtag pa dang / sdug bsngal ba dang / bdag med pa'i sgra rnams kyis ma yin pa dag kyang yod do// blo gros rgya mtsho kun brjod pa'i cho 'phrul gyi 'dul bar 'gyur gyi/ rjes su bstan pa'i

  97. 49b

    cho 'phrul gyis ma yin pa'i sems can dag kyang yod/ rjes su bstan pa'i cho 'phrul gyis 'dul bar 'gyur gyi/ kun brjod pa'i cho 'phrul gyis ma yin pa'i sems can dag kyang yod/ rdzu 'phrul/ gyi cho 'phrul gyis 'dul bar 'gyur gyi kun brjod pa dang / rjes su bstan pa'i cho 'phrul gyis ma yin pa'i sems can dag kyang yod/ kun brjod pa'i cho 'phrul gyis rnam par grol bar 'gyur ba dang / rjes su bstan pa'i cho 'phrul gyis rnam par grol bar 'gyur ba dang / rdzu 'phrul gyi cho 'phrul gyis rnam par 'grol bar 'gyur ba'i sems can dag kyang yod do// blo gros rgyu mtsho sbyor ba myur la/ rnam par grol ba bul ba'i sems can dag kyang yod/ sbyor ba bul la rnam par grol bar myur ba dag kyang yod/ sbyor ba yang dul la rnam par grol ba yang bul ba dag kyang yod/ sbyor ba yang myur la rnam par grol ba yang myur ba dag kyang yod do// blo gros rgya mtsho rgyu rnams kyis rnam par grol gyi/ rkyen rnams kyis ma yin pa'i sems can dag kyang yod/ rkyen rnams kyis rnam par grol gyi rgyu rnams kyis ma yin pa dag kyang yod/ rgyu rnams dang / rkyen rnams kyis rnam par grol ba dag kyang yod/ rgyu rnams dang / rkyen rnams kyis rnam par grol ba ma yin pa dag kyang yod do/ / blo gros rgya mtsho nang gi skyon mthong bas rnam par grol gyi/ phyi rol gyi skyon mthong bas ma yin pa'i sems can dag kyang yod/ phyi rol gyi skyon mthong bas rnam par grol

  98. 50a

    gyi nang gi skyon mthong bas ma yin pa dag kyang yod do/ / nang gi skyon mthong ba dang / phyi rol gyi skyon mthong bas rnam par grol ba dag kyang yod do// nang gi skyon mthong / ba dang / phyi rol gyi skyon mthong bas rnam par grol ba ma yin pa dag kyang yod do// blo gros rgya mtsho sla ba'i lam gyis rnam par grol ba thob par 'gyur gyi/ dka' ba'i lam gyis ma yin pa'i sems can dag kyang yod/ dka' ba'i lam gyis 'gyur gyi/ sla ba'i lam gyis ma yin pa dag kyang yod/ dka' ba dang / sla bas 'gyur ba dag kyang yod/ sra ba dang dka' ba'i lam gyis rnam par grol ba thob par mi 'gyur ba dag kyang yod do/ / blo gros rgya mtsho mgur gsal ba'i sgras 'dul ba'i sems can dag kyang yod/ rab tu bstan pas 'dul ba dag kyang yod/ tshar gcad pas 'dul ba dag kyang yod/ / rab tu gzung bas 'dul ba dag kyang yod/ sdug pa'i rnam pas 'dul ba dag kyang yod/ mi sdug pa'i rnam pas 'dul ba dag kyang yod/ zhe sdang gi rnam pas 'dul ba dag kyang yod/ byams pa'i rnam pas 'dul ba dag kyang yod/ smra dbabs 'dul ba'i rnam pa dag kyang yod/ rten cing 'brel par 'byung bas 'dul ba dag kyang yod/ rjes su 'thun par rgyu bas 'dul ba dag kyang yod/ spyi'u tshugs su chubs 'dul ba dag kyang yod/ spel zhir rgyu bas 'dul ba dag kyang yod/ dran pa nye bar gzhag pa'i sbas 'dul ba dag kyang yod/ yang dag par spong ba'i sgras 'dul

  99. 50b

    bdag kyang yod/ rdzu 'phrul gyi rkang pa'i sgras 'dul ba dag kyang yod/ dbang po'i sgras 'dul ba dag kyang yod/ stobs kyi sgras 'dul ba dag kyang yod/ byang chub kyi yan lag gi spras 'dul ba/ ngag kyang yod lam gyis smras 'dul ba dag kyang yod/ zhi gnas kyi sbas 'dul ba dag kyang yod lhag mthong gi sbas 'dul ba dag kyang yod do// blo gros rgya mtsho 'phags pa'i bden pa bstan pa'i sgras 'dul ba'i sems can dag kyang yod do/ / blo gros rgya mtsho de ltar na sems can gyi spyod pa bsam gyis mi khyab/ sems can gyi bsam pa bsam gyis mi khyab/ sems can gyi spyod yul bsam gyi mi khyab bo/ / de la byang chub sems dpa' shes pa 'jug pa bsam gyis mi khyab pa la zhugs nas/ sems can bsam gyis mi khyab pa rnams kyi spyod pa 'jug pa bsam gyis mi khyab pa la 'jug par nus so/ / blo gros rgya mtsho 'di lta ste/ dper na/ kun nas zhags pa zhes bya ba'i dra ba der skyes bu zhig bcug par 'gyur la/ skyes bu des zhags pa thams cad las 'byin pa zhes bya ba'i sngags kyi rig pa'i stobs bskyed na/ dra ba der bcug ma thag tu sngags kyi rigs pa'i stobs kyis zhags pa'i bcing ba thams cad bcad nas/ gar dga' ba der 'gro'o/ / blo gros rgya mtsho de bzhin du thabs la mkhas pa'i byang chub sems dpa' yang / sems can thams cad kyi bsam pa la zhugs nas/ shes rab kyis pha rol tu phyin pa'i sngags

  100. 51a

    kyis rig pa'i stobs kyis sems can de dag thams cad kyi nyon mongs pa'i 'ching ba thams cad gcod de/ sangs rgyas kyis ye shes de la ma reg kyang sangs rgyas kyis mdzad pas/ sems can rnams la nye bar gnas pa yin no// de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das ji tsam du sems can gyi spyod pa tshad ma mchis pa dang / ji tsam du sangs rgyas kyi mkhyen pa bsam gyis mi khyab pa ngo mtshar to// bcom ldan 'das gang gi tshe/ byang chub sems dpa' las dang po pas/ sems can gyi spyod pa tshad ma mchis pa dang / sangs rgyas kyi mkhyen pa tshad ma mchis pa 'di dag thos nas ni mi skrag mi dngang dngang bar mi 'gyur ba 'di ni/ bdag la shin tu ngo mtshar du 'da'o/ / de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu 'di ji snyam du sems/ seng ge'i drug gu seng ge'i sgra thos nas skrag pa 'am/ dngang ba 'am/ kun tu dngang bar 'gyur ram/ gsol pa/ bcom ldan 'das de ni ma lags so// bcom ldan 'das kyis bka' stsal ba/ shA ra dwa ti'i bu de bzhin du byang chub sems dpa' las dang po pa yang de bzhin gshegs pa'i seng ge'i sgra thos nas/ mi skrag mi dngang dngang bar mi 'gyur ro// sems can

  101. 51b

    gyi spyod pa tshad med pa thos nas kyang 'jigs par mi 'gyur ro/ / shA ra dwa ti'i bu 'di lta ste/ dper na/ me'i snang ba chung ngu yang shing dang rtsa thams cad kyis mi skrag ste/ de 'di snyam du tshig par byed mi nus so snyam du mi sems so// shA ra dwa ti'i bu de bzhin du byang chub sems dpa' las dang po pa'i shes rab kyi snang ba chung ngu yang / sems can thams cad kyi nyon mongs pa rnams kyis mi skrag ste/ de 'di snyam du bdag gis nyon mongs pa zhi bar byed mi nus so snyam du mi sems kyi/ sems can thams cad kyi nyon mongs pa de nyid la tshul bzhin du nges par rtags nas/ shes rab kyi rgyur 'gyur ro// shA ra dwa ti'i bu/ 'di lta ste/ dper na/ yongs su brtag pa nye bar bzung ste/ me dang / rtsa dang / shing dang / lo ma dang / yal ga thams cad 'thab cing rtsod pa chen po bya bar brtsams te/ nyi ma bdun na g.yul chen po 'gyed do snyam nas/ de na rtswa dang shing de dag gis de las gzhan pa'i rtswa dang shing thams cad bsdus te/ nged kyi dpung gyis shig/ nged kyi grogs kyis shig ces byas nas de na rtswa dang shing gi phung po ri ra ba tsam bsdus par gyur la/ de nas 'ga' zhig me de'i gan du song ste/ 'di skad ces smras so// ci'i phyir khyod dpung mi sdud khyod rtswa dang shing 'di dag las gcig pus rgal bar bya snyam mam/ de nas me nges 'di skad ces smras so// 'dir bdag

  102. 52a

    gis dpung bsdu bar bya mi dgos so/ / de ci'i phyir zhe na/ rtswa dang / shing phyir rgol ba de dag nyid bdag gi grogs yin te/ ji lta ji ltar 'di dag mang por gyur pa de lta de ltar bdag stobs dang rab tu ldan par 'gyur ro/ / gal te 'di dag med par gyur na/ bdag kyang myur du 'chi'o// shA ra dwa ti'i bu de bzhin du ji lta ji ltar byang chub sems dpa' sems can thams cad kyi nyon mongs pa tshad med pa dag la/ shes rab kyi ma tshad med pa rab tu gtong ba de lta de ltar byang chub sems dpa' shin tu stobs dang ldan par 'gyur te/ de sems can thams cad kyi nyon mongs pa de dag la tshul bzhin du nye bar brtags nas/ shes rab kyi rgyur 'gyur ro// gal te byang chub sems dpa' rang gi nyon mongs pa med par bya bar 'dod cing / sems can thams cad kyi nyon mongs pa rnams la g.yel na/ de myur du nyan thos kyi sa 'am/ rang sangs rgyas sar lhung bar 'gyur ro// shA ra dwa ti'i bu khyod kyis rnam grangs 'dis 'di ltar rig par bya ste/ ji lta ji ltar byang chub sems dpa' sems can thams cad kyi nyon mongs pa la tshul bzhin yid la byed pas/ yang dag pa ji lta ba bzhin du so sor rtog pa de lta de ltar shin tu stobs dang ldan par 'gyur te/ gal te de lta bu thos nas mi skrag na/ thabs la mkhas pa'i byang chub sems dpar rig par bya'o// shA ra dwa ti'i bu/ 'di lta ste/ dper na/ sbrul gdug pa

  103. 52b

    phrug gu ni grobs mi dgos par za'o/ / shA ra dwa ti'i bu de bzhin du byang chub sems dpa' las dang po pa yang grogs mi dgos par byang chub kyi yan lag rnams yang dag par sdud de/ gcig pu gnyis su med par byang chub kyi yan lag rnams yang dag par sdud do/ / shA ra dwa ti'i bu/ 'di lta ste/ dper na/ srin bu me khyer brgya stong gis kyang / nyi ma'i 'od zil gyis gnon mi nus so/ / shA ra dwa ti'i bu de bzhin du/ nyon mongs pa thams cad kyis kyang byang chub sems dpa'i shes rab kyi 'od zil gyis gnon mi nus so// shA ra dwa ti'i bu/ 'di lta ste/ dper na/ dug gi gnyen po nad med par byed pa chung ngus kyang dug shin tu mang po zhi bar byed do/ / shA ra dwa ti'i bu de bzhin du/ byang chub sems dpa'i shes rab kyi nad med pa chung ngus kyang / nyon mongs pa'i dug mang po shin tu zhi bar byed do/ / shA ra dwa ti'i bu 'di lta ste/ dper na/ bar snang las ro gcig pa'i chu'i rgyun 'bab pa bab nas/ snod kyi bye brag gis ro dro ba tha dad du 'gyur ro// shA ra dA ti'i bu de bzhin du/ byang chub sems dpa' yang rnam par grol ba'i ye shes ro gcig pa yang dag par bsgrubs te/ sems can gyi dbang po tha dad pa rnams la chos bstan pa tha dad pa ston to// shA ra dwa ti'i bu/ 'di lta ste/ dper na/ gang du 'dzam bu'i chu bo'i gser byung ba der rin po che thams cad mog mog por 'gyur ro// shA ra dwa ti'i bu de bzhin du gang du byang chub sems

  104. 53a

    dpa' rin po che 'byung ba der nyan thos dang / rang sangs rgyas thams cad mog mog por 'gyur ro// shA ra dwa ti'i bu/ 'di ltaste/ dper na/ gang gi tshe 'khor los sgyur ba'i rgyal po 'byung ba de'i tshe/ rgyal phran thams cad de la phyag 'tshal lo// shA ra dwa ti'i bu de bzhin du gang gi tshe chos kyi rgyal po'i bu byang chub tu sems bskyed pa de'i tshe/ lha dang / mi dang / lha ma yin du bcas pa'i 'jig rten gyis phyag bya bar 'gyur ro// shA ra dwa ti'i bu/ 'di lta ste/ dper na/ bsod nams ma byas pa'i sems can rnams la dbyig gi/ char mi 'bab bo// shA ra dwa ti'i bu de bzhin du dge ba'i rtsa ba ma bskyed pa'i sems can rnams la byang chub kyi sems mi skye'o// // bam po bzhi pa// shA ra dwa ti'i bu/ 'di lta ste/ dper na/ bu ram shing gi sa bon med par sha kha ra mi 'byung ngo // shA ra dwa ti'i bu de bzhin du byang chub sems dpa' yang byang chub kyi sems kyi sa bon med par bla na med pa yang dag par rdzogs pa'i byang chub mi 'grub bo/ / shA ra dwa ti'i bu/ 'di lta ste/ dper na/ sman pa'i rgyal po mtsho byed kyis gang sman du mi mthong ba'i gzugs su snang ba de gang yang med do/ / shA ra dwa ti'i bu de bzhin du shes rab kyi pha rol tu phyin pa la spyod pa'i byang chub sems dpas kyang / byang chub tu mi mthong ba'i chos su snang ba de gang yang med do// shA ra dwa ti'i bu//

  105. 53b

    'di lta ste/ dbar na/ lha ma yin gyi dbang po sgra gcan gyis nyi ma dang / zla ba'i gzhal med khang gi lam gyi rim pa rgyun gcod par mi nus so// shA ra dwa ti'i bung bzhin du bdud thams cad kyis kyang byang chub sems dpa' brtson 'grus brtsams pa'i byang chub kyi lam kun tu gcod par mi nus so/ / shA ra dwa ti'i bu 'di lta ste/ dper na/ gzugs na spyod pa'i lha'i bu rnams ni nam mkha' la gzhal med khang na gnas so/ / shA ra dwa ti'i bu de bzhin du zab mo la spyod pa'i byang chub sems dpa' rnams la yang / chos thams cad nam mkha' dang mtshungs te/ bla na med pa yang dag par rdzogs pa'i byang chub kyang de dang 'dra ba nyid dang / shA ra dwa ti'i bu/ 'di lta ste/ dper na/ snod du byed pa ji snyed pa de snyed du nam mkha' 'jug kyang / nam mkha' ni bri ba 'am/ gang ba med do// shA ra dwa ti'i bu de bzhin du byang chub sems dpa'i yongs su sngo ba'i stobs ji snyed pa de snyed du sangs rgyas kyi chos rnams yongs su 'dzin kyang / sangs rgyas kyi chos rnams la bri ba 'am/ gang ba med do// shA ra dwa ti'i bu/ 'di lta ste/ dper na/ skyes bu'i stobs ji tsam pa de tsam du nam mkha' la mda' 'phangs pa 'gro yang / nam mkha' la mtha' thug pa gang yang med do// shA ra dwa ti'i bu de bzhin du byang chub sems dpa'i dad pa'i stobs ji tsam pa de tsam du sangs rgyas kyi chos rnams la mos kyang sangs rgyas kyis chos rnams la mtha' thug pa gang yang med do/ / shA ra dwa ti'i bu 'di lta ste/

  106. 54a

    dper na/ rnga mkhan gyis snod du ma byas pa dag snod kyi ming mi thob bo// shA ra dwa ti'i bu de bzhin du dge ba'i rtsa ba byang chub tu yongs su ma bsngos pa yang pha rol tu phyin pa'i/ ming mi thob bo// shA ra dwa ti'i bu/ 'di lta ste/ dper na/ sus 'khor los sgyur ba'i rgyal po mthong ba de/ phyis rgyal phran thams cad la re bar mi byed do// shA ra dwa ti'i bu de bzhin du sus chos kyi rgyal po de bzhin gshegs pa mthong ba de phyis nyan thos dang / rang sangs rgyas thams cad la re bar mi byed do// shA ra dwa ti'i bu 'di lta ste/ dper na/ ba lang gi rjes kyi chu las rin po che thams cad mi 'byung ngo / / shA ra dwa ti'i bu de bzhin du nyan thos kyi tshul khrims las dkon mchog gsum po dag mi 'byung ngo // shA ra dwa ti'i bu/ 'di lta ste/ dper na/ rgya mtsho chen po las rin po che thams cad 'byung ngo / / shA ra dwa ti'i bu de bzhin du byang chub sems dpa'i tshul khrims dang / thos pa'i rgya mtsho las sangs rgyas dkon mchog dang / chos dkon mchog dang / dge 'dun dkon mchog ste/ dkon mchog gsum po dag 'byung ngo // shA ra dwa ti'i bu/ 'di lta ste/ dper na/ rgyal po'i bu btsas nas ring por ma lon pa ni/ rgyal po zhe 'am/ rgyal po ma yin pa zhes kyang mi rjod do/ / shA ra dwa ti'i bu de bzhin du byang chub sems dpa' las dang po pa yang / sangs rgyas zhe 'am/ sangs rgyas ma yin pa zhes kyang mirjod do// shA ra dwa ti'i bu 'di lta ste/ dper na/

  107. 54b

    nor bu rin po che byi dor ma byas pa la ni mngon par 'du bya bar mi 'gyur ro// shA ra dwa ti'i bu de bzhin du byang chub sems dpa' las dang po pa yang chos bstan pa la 'jigs pa med pa yin no// shA ra dwa ti'i bu 'di lta ste/ dper na/ nor bu rin po che byi dor byas te/ 'od gsal ba ni dga' ba yang dag par skyed pa yin no// shA ra dwa ti'i bu de bzhin du byang chub sems dpa' yun ring du spyad pa chos bstan pa rnams la 'jigs pa med pa yang / sems can thams cad kyi dga' ba yang dag par skyed pa yin no// shA ra dwa ti'i bu/ 'di lta ste/ dper na/ nor bu rin po che ni chung ngu yang khyad du mi gsad do/ / de ci'i phyir zhe na/ de chung ngu zin kyang gnas khang ngam/ khyim 'am/ khang par bcug na/ de thams cad snang bar byed do// shA ra dwa ti'i bu de bzhin du byang chub sems dpa' las dang po pa la yang brnyas par mi bya'o/ / de ci'i phyir zhe na/ de byang chub thob nas/ sangs rgyas kyi 'od kyis sangs rgyas kyi zhing thams cad rgyas par 'gengs par 'gyur ba'i phyir ro/ / shA ra dwa ti'i bu 'di lta ste/ dper na/ nor bu rin po che gang dag rin thang med pa de dag ni yang ma dpyad pa yin no// shA ra dwa ti'i bu de bzhin du byang chub sems dpa' gang dag phyir mi ldog par 'gyur ba de dag nga rgyal med pa yin no/ / shA ra dwa ti'i bu 'di lta ste/ dper na/ lo tog yongs su rdzogs pa ni g.yur za'o// shA ra dwa ti'i bu de

  108. 55a

    bzhin du dkar po'i chos yongs su rdzogs pa'i byang chub sems dpa' yang sems can thams cad la 'dud do/ / shA ra dwa ti'i bu 'di lta ste/ dper na/ gang sa chen po 'di tshig par byed pa'i bsreg pa'i bskal pa'i me de ni gang nas kyang mi 'ong ngo / / shA ra dwa ti'i bu de bzhin du byang chub sems dpa'i ye shes kyis me gang gis bag chags kyi mtshams sbyor pabar gyur pa'i nyon mongs pa rnams bsregs nas/ bla na med pa yang dag par rdzogs pa'i byang chub mngon par rdzogs par 'tshang rgya bar de yang gang nas kyang mi 'ong ngo // shA ra dwa ti'i bu 'di lta ste/ dper na/ stong gsum gyi stong chen po'i 'jig rten gyi khams tshig pa 'am/ mchig pa yang rung ste/ nam mkha'i ngo bo nyid do// shA ra dwa ti'i bu de bzhin du byang chub sems dpa' byang chub mngon par rdzogs par 'tshang rgya yang rung / mngon par rdzogs par 'tshang mi rgya yang rung ste/ chos thams cad ni byang chub kyi ngo bo nyid do// shA ra dwa ti'i bu byang chub sems dpa' rnams bsdu ba'i phyir/ de bzhin gshegs pas dpe nye bar bkod pa bstan pa 'di dag/ byang chub sems dpa' gang dag gis thos nas mos par 'gyur ba de dag thams cad dpe 'di lta bu grub pa nyid du 'gyur ro/ / bcom ldan 'das kyis dpe'i 'phreng ba bstan pa 'di bshad pa na/ srog chags nyi khri bzhi stong gis bla na med pa yang dag par rdzogs pa'i byang chub tu

  109. 55b

    sems bskyed do/ / de nas de'i tshe bcom ldan 'das kyis tshigs su bcad pa 'di dag gsungs so// sangs rgyas byang chub mchog tu blta dka' ste// zab cing dral dri med// ci yang med// de bas mi gang rnam 'tshang rgya 'dod pa// des 'dir chos rnams la ni thogs mi bya// ye shes shin tu dag cing bcos ma yin// kun tu snang bar gyur cing 'od gsal te/ dri med phyag rgya la ni rab gnas pas// byang chub dam pa 'di la reg par nus// sngon gyi mtha' 'am phyi ma'i mtha' yang rung // sems ni dag cing rang bzhin 'od gsal lo// nyon mongs gang gis yid ni nye nyon mongs// de dag tshul bzhin gyis ni yongs su spangs// 'di la byed po med cing tshor ba med// chos rnams thams cad rje med ya ma brla/ gang zag med cing bdag gis bdag med bstan// rmi lam ngo bo nyid de nam mkha' 'dra// 'di dag lus kyi las kyis rang phye min// ngag gam sems kyis rnam par brtags ma yin/ / yang dag tu ni byas min gzhan min te// de dag ni dpe byar mi nus so// nam mkha' mtshungs shing dri med ngo bo nyid// gzugs can ma yin bstan du yod ma yin// mig gis shes bya ma yin rna snas min/ / lce dang lus dang yid rnams kyis kyang min// mtshan nyid ma yin mtshan nyid rnam par log/ zhi ba gnas med zla ba'i gzugs brnyan 'dra//

  110. 56a

    de la sems mi rgyu ste yid kyang med// rnam shes ma yin 'du shes sems pa min/ de dag ye shes las dang de bzhin du// rnam par shes pa'i las kyis shes mi nus/ / yi ge rnams kyis chos 'di bsnyad pa gang // sangs rgyas thugs rje 'di ni bla na med// sems can gang dag sngon chad byas ldan zhing // dge ba'i bshes gnyen gyis kyang longs zin pa/ / de dag 'di 'dra'i chos 'di thos nas ni// dga' ba rgya chen zang zing med pa thob// 'di ni ci sems ci zhig byed cig ces// de dag bdud kyis skyon chags mi rnyed de/ / sems dang sems kyi spyod yul mi shes na// bar du bdud las byed par ga la 'gyur// bdud bzhi 'di las shin tu 'das nas ni// rig pa dang ni blo dang bsod nams dang tshul gyi sangs rgyas spyod yul rab gnas pa/ / byang chub spyod pa dab pa 'di la spyod// gang zhig sems can kun gyi spyod shes pa// de ni byang chub spyod mchog 'di la spyod/ deyis spyod pa rnam mang 'di thos nas// de yi mtshan nyid chos kyang rab tu ston// 'gro ba'i spyod pa 'di ni sna tshogs te// phan tshun dmigs par yang dag rab tu ldan// bdag chen dag spyod yul de shes nas/ / phyad par nges par bstan pa lung yang ston// 'di na sems can chags mang chags pa yod// de dag zhe sdang ba gnyal rnam pa mang // de dag zhe wang nyon

  111. 56b

    mongs gzir bar snang / / de dag gti mug chen pos gnod par gyur// de dag 'gro ba'i spyod pa sna tshogs te// de la 'jug pa dang ni mtshan ma dang // rkyen dang dmigs pa'ang khong du chung byas la/ / de yi 'og tu de yi mtshan nyid bstan// kun nas zhags pa'i dra bar rab bcug pa// rig pa 'dzin pa'i skyes bu mkhas gsal ba// des ni zhags pa thams cad rang bcad nas/ / ji ltar 'dod pa bzhin du ma smad 'gro// de ltar byang chub sems dpa' dpa' mkhas pa// 'gro ba kun la sems kyi bsam zhugs nas// nyon mongs de dag thams cad rab bcad de/ / sgrib pa med par 'gro ba kun la spyod// nyi ma'i 'od la grogs ni bya mi dgos// sbrul gdug la yang grogs bya dgos ma yin// seng ge'i sgral grogs bya mi dgos te/ / byang chub sems dpa' la yang grogs mi dgos// de dag grogs med gcig pu gnyis med par// sangs rgyas chos mang yang dag sgrub par byed// brtson 'grus dang ni mthu dang stobs su ldan/ / 'gro ba'i nyon mongs rnams ni rab tu 'jom// ji lta ji ltar mes ni rtswa snyed pa// de lta de ltar de stobs phyir zhing 'phel// ji ltar byang chub sems dpa' nyon mongs srid/ / de lta de ltar shes rab me rab 'phel// dpe bstan pa'i le'u ste bzhi pa'o// // de nas yang bcom ldan 'das kyis byang chub sems dpa'

  112. 57a

    sems dpa' chen ngo blo gros rgya mtsho la bka' stsal ba/ blo gros rgya mtsho byang chub sems dpas brtson 'grus brtsam par bya'o// byang chub sems dpas rtag tu/ brtul ba brtan pa dang / 'dun pa che bar bya'o// gces pa mi 'dor bar bya'o// blo gros rgya mtsho brtson 'grus brtsams pa'i byang chub sems dpa' rnams la ni/ bla na med pa yang dag par rdzogs pa'i byang chub rnyed dka' ba ma yin no/ / de ci'i phyir zhe na/ blo gros rgya mtsho gang na brtson 'grus yod pa de na byang chub yod do// le lo can rnams la ni byang chub shin tu ring zhing rnam par ring ngo / / le lo can la sbyin pa med do// le lo can la tshul khrims med do// le lo can la bzod pa med do// le lo can la brtson 'grus med do// le lo can bsam gtan med do/ / le lo can la shes rab med do// le lo can la bdag gi don med do// le lo can la gzhan gyi don med do// zo gros rgya mtshon ma grangs 'dis 'di ltar ri brtson 'grus brtsams pa'i byang chub sems dpa' rnams la blan med pa yang dag par rdzogs pa'i byang rngub rnyed dka' ba ma yin pa de rig par bya'o/ / blo gros rgya ma sngon byung ba 'das pa'i dus na grangs med pa 'dun par gyur pa de'i tshe de'i dus na/ bskal pa me tog gi 'byung gnas la shin tu rnam par bltas pa'i 'jig rten gyi khams su/ bcom

  113. 57b

    ldan 'das brtson 'grus 'bar ba zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten/ mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa// sangs rgyas bcom ldan 'das 'jig rten du byung ngo // ci'i phyir bskal pa de me tog gi 'byung gnas zhes bya zhe na/ blo gros rgya mtsho stong gsum gyi stong chen po'i 'jig rten gyi khams de tshig ste/ chus 'jig pa byung ba na/ pad+ma lo ma bye ba brgya stong phrag du ma dang ldan pa/ rnam par bkra ba/ blta na sdug pa/ brgyad khri bzhi stong byung nas/ de dag thams cad kyis chu'i phung po de rgyas par bkang ste gnas so// de gnas gtsang ma'i ris kyi lha dag gis pad+ma de dag mthong nas tshim zhing mgul yid rangs shing rab tu dga' ste/ dga' ba dang / yid bde ba skyes nas/ pad+ma 'di dag byung ba ji snyed pa de snyed kyi yang dag par rdzogs pa'i sangs rgyas 'jig rten du 'byung bar 'gyur te/ kye ma bskal pa me tog gi 'byung gnas 'di ni/ sangs rgyas bcom ldan 'das rnams kyis stongs par mi 'gyur ro zhes ched du rjod pa ched du brjod do/ / de ltar na me tog gi 'byung gnas/ me tog gi 'byung gnas zhes bskal pa de'i ming chags so// blo gros rgya mtsho ci'i phyir 'jig rten gyi khams de shin tu rnam par bltas

  114. 58a

    pa zhes bya zhe na/ ji tsam du phyogs bcu'i sangs rgyas kyi zhing rnams nas/ byang chub sems dpa' grangs med dpag tu med pa gang dag/ 'jig rten gyi khams de rnam par blta ba'i phyir/ lhags pa de dag gis 'jig rten gyi khams de la rnam par bltas ma thag tu/ dga' ba'i rnam pa zhes bya ba'i ting nge 'dzin rab tu thob ste/ bde ba thams cad kyis tshim par 'gyur ba de tsam du 'jig rten gyi khams de yongs su dag par gyur te/ de'i phyir 'jig rten gyi khams de shin tu rnam par bltas pa zhes bya'o// blo gros rgya mtsho 'jig rten gyi khams de na rin po che sna bdun po phrag stong gnas par gyur to/ / rin po che'i shing ljon pa dang / rin po che'i khang pa brtsegs pa rnams kyis kyang kun tu gsal bar gyur to/ / 'jig rten gyi khams de na/ bud med kyi bag med par gyur cing mngal na gnas pa med de/ sems can de dag thams cad kyang pad+ma rnams la skyil mo krung bcas te 'khod par rdzus te/ byung ngo // 'jig rten gyi khams de na theg pa chen po ma gtogs par theg pa gzhan rnam par gzhag pa med par gyur to// lha dang mi de dag kyang yongs su spyad pa dag ni dga' ldan gyi dang 'dra ba bza' ba dang btung ba yang bsam pas 'byor pa/ mngon par shes pas rnam par rtsen pa/ nam mkha' la rgyu ba dag go// bcom ldan 'das de bzhin gshegs pa brtson 'grus 'bar

  115. 58b

    ba'i byang chub sems dpa'i dge 'dun ni/ byang chub sems dpa' sems dpa' chen po rab tu byung bar gyur pa'i byang chub sems dpa' bye ba phrag sum cu rtsa drug tu gyur to// de na khyim pa dang / rab tu byung ba tshad med pa dag kyang theg pa chen po la yang dag par zhugs par gyur pa dag go// blo gros rgya mtsho bcom ldan 'das de bzhin gshegs pa brtson 'grus 'bar ba de yang byang chub sems dpa' de dag la skyes bu dam pa khyed kyis brtson 'grus rtsoms shig/ khyed rtag tu rtul ba brtan pa dang / 'dun pa drag por gyis shig/ rtag tu gces pa ma 'dor cig ces/ brtson/ 'grus dang ldan pa'i gtam nyid rgya cher yang dag par rab tu ston to// blo gros rgya mtsho de'i tshe de'i dus na/ byang chub sems dpa' sems dpa' chen po go cha sra ba zhes bya ba byang chub sems dpa'i 'khor der 'dus par gyur pa des bcom ldan 'das la 'di skad ces gsol to/ / bcom ldan 'das ji ltar na byang chub sems dpa' brtson 'grus brtsams ba lags/ de bzhin gshegs pas byang chub sems dpa' rnams la gnang ba'i brtson 'grus ni gang lags/ blo gros rgya mtsho de skad ces gsol ba dang / bcom ldan 'das de bzhin gshegs pa brtson 'grus 'bar ba des/ byang chub sems dpa' go cha brtan pa la 'di skad ces bka' stsal to// rigs kyi bu byang chub sems dpa' rnams kyi dge ba'i chos thams

  116. 59a

    cad sdud par 'gyur ba'i brtson 'grus ni bzhi po 'di dag ste/ bzhi gang zhe na/ 'di lta ste/ rtsom pa dang / brtul ba dang / so sor rtog pa dang / bsgrub pa ste/ rigs kyi bu brtson 'grus bzhi po 'di dag ni/ byang chub sems dpa' rnams kyi dge ba'i chos thams cad sdud par 'gyur ba'o// de la rtsom pa ni gang brtul ba ni gang / so sor rtog pa ni gang / bsgrub pa ni gang zhe na/ rigs kyi bu rtsom pa zhes bya ba ni byang chub tu sems bskyed pa'o// brtul ba zhes bya ba ni dge ba'i rtsa ba thams cad yang dag pa bsgrub pa'o// so sor rtog pa zhes bya ba ni/ sems can thams cad la phan pa'i dngos po'o// bsgrub pa zhes bya ba ni/ de byed pa'i chos la bzod pa'o// gzhan yang rtsom pa ni thos pa yongs su tshol ba'o/ / brtul ba ni thos pa ston pa'o// so sor rtog pa ni tshul bzhin yid la byed pa'o// bsgrub pa ni 'phags pa'i yang dag pa'i lta ba'o// gzhan yang rtsom pa ni ser sna'i sems tshar gcad pa'o/ / brtul ba ni bdog pa thams cad yongs su gtong ba'o// so sor rtog pa ni sems can thams cad dang thun mong du byang chub tu yongs su sngo ba'o// bsgrub pa ni rnam par smin pa la mi re'o/ / gzhan yang rtsom pa ni gtong ba chen po sgrogs pa'o// brtul ba ni gang slob pa po rnams la dge ba'i bshes gnyen du 'du shes pa'o// so sor rtogs pa ni/ kye ma'o

  117. 59b

    longs spyod 'di dag mi rtag pa'o snyam pa'o/ / bsgrub pa ni byin nas 'gyod pa med pa'o// gzhan yang rtsom pa ni chos kyi longs spyod yongs su tshol ba'o// brtul ba ni tshol ba yongs su dag pa'o/ / so sor rtog pa ni bdag gis snying po blangs par 'gyur ro snyam pa'o// bsgrub pa ni sbyin pas rlom sems su mi byed pa'o// gzhan yang rtsom pa ni 'chal ba'i tshul khrims kyi dri ma sel ba'o/ / brtul ba ni tshul khrims dang brtul zhugs ma nyams pa'o// so sor rtog pa ni tshul khrims 'chal ba'i sems can yongs su smin par byed pa'o// bsgrub pa ni tshul khrims kyi yon tan gyis rlom sems su mi byed pa'o/ / gzhan yang rtsom pa ni lus yongs su dag pa'o// brtul ba ni ngag yongs su dag pa'o// so sor rtog pa ni sems yongs su dag pa'o/ / bsgrub pa ni chos yongs su dag pa'o// gzhan yang rtsom pa ni gnod sems kyi sems kyi skabs med pa'o// brtul ba ni bzod pa'i stobs rnams rnam par rig pa'o// so sor rtog pa ni bdag dang gzhan bsrung ba'o// bsgrub pa ni bzod pas rlom sems su mi byed pa'o// gzhan yang rtsom pa ni gshe ba dang sdang ba dad par byed pa'o// brtul ba ni gshe ba dang sdang ba 'dris par mi byed pa'o/ / so sor rtog pa ni nang yongs su gdung ba med par byed pa'o// bsgrub pa ni bdag dang gzhan mi dmigs pa'o// gzhan yang rtsom pa ni le

  118. 60a

    lo'i dri ma sel ba'o/ / brtul ba ni brtson 'grus kyi dri ma las dben pa'o// so sor rtog pa ni sems can le lo can yongs su smin par byed pa'o// bsgrub pa ni de bya ba byed pa'o/ / gzhan yang rtsom pa ni bya ba yang dag par bsgrub pa'o// brtul ba ni bya ba nyams 'og tu chud par byed pa'o// so sor rtog pa ni theg pa gzhan la mi re ba'o// bsgrub pa ni las kyi rnam par smin pa chud mi gzon pa'o/ / gzhan yang rtsom pa ni dran pa'o// brtul ba ni rtogs pa'o// so sor rtog pa ni blo gros so// sgrub pa ni mos pa'o// gzhan yang / rtsom pa ni rig pa'o// brtul ba ni tshul lo// so sor rtog pa ni sgo'o// bsgrub pa ni 'byung ba'o// gzhan yang rtsom pa ni tshig 'bru kun chub par byed pa'o// brdul ba ni tshig 'bru 'dzin pa'o/ / so sor rtog pa ni tshig 'bru sel ba'o// bsgrub pa ni chos rjed du med par rtogs pa'o// gzhan yang rtsom pa ni dge ba'i bshes gnyen la bsten pa'o// brtul ba ni sdig pa'i grogs po yongs su spong ba'o/ / so sor rtog pa ni mdza' ba dang mi mdza' ba rnams la sems snyoms pa'o// bsgrub pa ni ji skad smras pa'i tshi ga dang mi 'gal bar byed pa'o// gzhan yang rtsom pa ni rab tu 'byung ba'i sems so/ / brtul ba ni dga' ba dang mi dga' ba la mi lta ba'o// so sor rtog pa ni dge ba ci zhes tshol ba'o// bsgrub pa ni gzhan la rag ma las par

  119. 60b

    ye shes rab tu thob pa'o/ / gzhan yang rtsom pa ni dgon pa la gnas pa'o// brtul ba ni 'du 'dzi la mi dga' ba'o// so sor rtog pa ni dben par gnas pa la dga' ba'o// bsgrub pa ni nyon mongs pa med par gnas pa'o// gzhan yang rtsom pa ni 'dod pa chung ba'o// brtul ba ni chog shes pa'o// so sor rtog pa ni dgang slu ba'o// bsgrub pa ni rung ba la tshod shes pa'o/ / gzhan yang rtsom pa ni lhag pa'i tshul khrims la slob pa'o// brtul ba ni tshul khrims mi lhod pa'o// so sor rtog pa ni lhag pa'i sems la slob pa'o// bsgrub pa ni lhag pa'i shes rab la slob pa'o/ / gzhan yang rtsom pa ni sbyin pa'i pha rol tu phyin pa dang / tshul khrims kyi pha rol tu phyin pa'o// brtul ba ni bzod pa'i pha rol tu phyin pa dang / brtson 'grus kyi pha rol tu phyin pa'o// so sor rtog pa ni bsam gtan gyi pha rol tu phyin pa dang / shes rab kyi pha rol tu phyin pa'o// sgrub pa ni ye shes kyi pha rol tu phyin pa dang / thabs la mkhas pa'i pha rol tu phyin pa'o/ / gzhan yang rtsom pa ni sbyin pa'o// brtul ba ni snyan pa smra ba'o// so sor rtog pa ni don byed pa'o// bsgrub pa ni don 'thun pa'o// gzhan yang rtsom pa ni byams pa chen po'o/ / brtul ba ni snying rje chen po'o// so sor rtog pa ni dga' ba chen po'o// bsgrub pa ni btang snyoms chen po'o// gzhan yang rtsom pa ni zhing yongs su dag par

  120. 61a

    byed pa'o/ / brtul ba ni mtshan dang dpe byad bzang po yongs su rdzogs par byed pa'o// so sor rtog pa ni dam pa'i chos yongs su 'dzin pa'o// bsgrub pa ni sems can yongs su smin par byed pa'o/ / gzhan yang rtsom pa ni phung po'i bdud yongs su shes pa'o// brtul ba ni nyon mongs pa'i bdud las shin tu 'da' ba'o// so sor rtog pa ni 'chi bdag gi bdud rnam par spong ba'o/ / bsgrub pa ni lha'i bu'i bdud pham par byed pa'o// gzhan yang brtsom pa ni sdug bsngal yongs su shes pa'o// brtul ba ni kun 'byung ba spong ba'o// so sor rtog pa ni lam sgom pa'o// bsgrub pa ni 'gog pa mngon sum du byed pa'o// gzhan yang brtsom pa ni lus la zhugs pa'i dran pa'o// brtul ba ni tshor ba la zhugs pa'i dran pa'o/ / so sor rtog pa ni sems la zhugs pa'i dran pa'o// bsgrub pa ni chos la zhugs pa'i dran pa'o// gzhan yang rtsom pa ni dad pa'o// brtul ba ni brtson 'grus so// so sor rtog pa ni dran pa dang / ting nge 'dzin to// bsgrub pa ni shes rab bo// gzhan yang rtsom pa ni mi dge ba'i chos spong ba'o// brtul ba ni dge ba'i chos yongs su rdzogs par byed pa'o// so sor rtog pa ni lus dang sems las su rung bar byed pa'o// bsgrub pa ni mngon par 'du bya ba med pa'i rdzu 'phrul rab tu thob par byed pa'o// gzhan yang rtsom pa ni byang chub kyi yan lag

  121. 61b

    rnams la'o/ / brtul ba ni lam la'o// so sor rtog pa ni zhi gnas dang lhag mthong la'o// bsgrub pa ni rig pa dang rnam par grol ba la'o// gzhan yang rtsom pa ni 'jug pa'i spyod pa'o// brtul ba ni dkar po rnam par mthong ba'i spyod pa'o// so sor rtog pa ni sems shin tu sbyangs pa'o// bsgrub pa ni phyir mi ldog pa'i ye shes so// blo gros rgya mtsho gzhan yang bcom ldan 'das de bzhin gshegs pa brtson 'grus 'bar ba des/ byang chub sems dpa' go cha sra ba la 'di skad ces bka' stsal to// rigs kyi bu brtson 'grus de ni gang lus dang sems yongs su sbyangs pa'o/ / brtson 'grus de ni gang rgyu dang lta ba dang bral ba'o// brtson 'grus de ni gang ming dang gzugs yongs su shes pa'o// brtson 'grus de ni gang ngar 'dzin pa dang / nga yir 'dzin pa 'gog pa'o// brtson 'grus de ni gang 'dzin pa dang / 'ching ba 'dor ba'o// brtson 'grus de ni gang sgrib pa rnams dang kun nas ldang ba rnams rnam par sel ba'o/ / brtson 'grus de ni gang 'gyod pa dang the tsom spong ba'o// brtson 'grus de ni gang mdud pa rnams dang / zug rngu rnams yang dag par sel ba'o// brtson 'grus de ni gang dmigs pa dang rgyun chad pa las shin tu 'da' ba'o/ / brtson 'grus de ni gang nga rgyal dang / mngon pa'i nga rgyal rnam par spong ba'o// brtson 'grus de ni gang gzhi dang / gnas

  122. 62a

    las shin tu 'da' ba'o/ / brtson 'grus de ni gang rjes su chags pa dang khong khro ba spong ba'o// brtson 'grus de ni gang ma rig pa dang / srid pa'i sred pa rab tu sbyangs pa'o/ / brtson 'grus de ni gang chags pa dang zhe sdang kun tu mi rgyu ba'o// brtson 'grus de ni gang gti mug dang so sor mi rtog pa dang bral ba'o// brtson 'grus de ni gang nang dang phyi'i skye mched rnams yongs su shes pa'o/ / brtson 'grus de ni gang phung po dang khams rnams gdongad ma nas skye ba med pa'o// brtson 'grus de ni gang sems zhi ba dang / rab tu zhi ba dang / nye bar zhi ba'o// brtson 'grus de ni gang rnam par bsam na/ chos thams cad mi dmigs pa'o// brtson 'grus de ni gang gnyis su med cing gnyis su dbyer med pa'o// brtson 'grus de ni gang chos nyid gnas par shes pa'o// brtson 'grus de ni gang 'phro ba med cing mi 'phro ba med pa'o// brtson 'grus de ni gang len pa med cing 'dor ba med pa'o// brtson 'grus de ni gang byed pa med cing byed pa dang bral ba ma yin pa'o/ / brtson 'grus de ni gang 'deg pa med cing bzhag pa med pa'o// brtson 'grus dani gang blang ba med cing dor ba med pa'o// brtson 'grus de ni gang la bcings pa med pa dang grol ba med pa'o/ / brtson 'grus de ni gang la gnon pa med pa dang / pha rol gnod pa med pa'o// brtson 'grus de ni gang la rgyags pa med pa dang /

  123. 62b

    bag med pa ma yin pa'o// brtson 'grus de ni gang la bya ba med cing byed pa po med pa'o// brtson 'grus de ni gang lta bar mi byed pa dang / rnam par lta bar mi byed pa'o// brtson 'grus de ni/ gang zhi bar mi byed pa dang / rab tu 'bar bar mi byed pa'o// brtson 'grus de ni gang bsrung bar mi byed pa dang / bsrung ba dang bral ba ma yin pa'o// brtson 'grus de ni gang kun tu mi 'ong ba dang / 'ong ba dang bral ba ma yin pa'o// blo gros rgya mtsho de ltar bcom ldan 'das de bzhin gshegs pa brtson 'grus 'bar bas brtson 'grus dang rab tu ldan pa'i gtam 'di dag rgya cher yang dag par rab tu bshad pa na/ srog chags khris mi skye ba'i chos la bzod pa thob par gyur to// byang chub sems dpa' go cha sra bas bcom ldan 'das de las brtson 'grus bstan pa de thos nas/ dge ba'i chos yongs su btsal ba la mngon par brtson te/ brtson 'grus brtsams nas gnas par gyur to// de brtson 'grus brtsams te/ gces pa ma bo bar lo/ bye ba 'das pa dang / chung ngu'i rjes su 'thun pa'i bzod pa thob bo// de brtson 'grus brtsams te/ dge ba'i chos yongs su btsal ba la mngon par brtson pas 'dug bzhin du 'chi ba'i dus/ byas so// de shis 'phos nas/ de bzhin gshegs pa de nyid kyi spyan sngar rdzus te skyes par gyur nas/ des yang de bzhin gshegs pa de las 'dus pa chen po'i le'u'i chos kyi rnam grangs

  124. 63a

    'di thos par gyur to/ / de yang chos yongs su btsal ba la mngon par brtson pas 'dug bzhin du 'chi ba'i dus byas par gyur to// blo gros rgya mtsho byang chub sems dpa' des rnam grangs 'dis sangs rgyas brgyad khri bzhi stong de dag mnyes par byed cing / gang dag bskal pa me tog gi 'byung gnas de las byung ba thams cad las brtson 'grus brtsams te de dge ba'i chos yongs su btsal ba la mngon par brtson par gyur nas/ 'dug bzhin du 'chi ba'i dus byas par gyur to// blo gros rgya mtsho de'i tshe de'i dus na/ byang chub sems dpa' go cha sra bar gyur pa zhes bya ba de gzhan zhig yin pa snyam du khyod som nyi 'am/ yid gnyis sam/ the tsom za bar gyur na/ khyod kyis de ltar mi blta'o// de ci'i phyir zhe na/ blo gros rgya mtsho nga nyid de'i tshe de'i dus na/ byang chub sems dpa' go cha sra ba zhes bya bar gyur te/ blo gros rgya mtsho ngas brtson 'grus 'di 'dra bas/ byang chub sems dpa' brgya stong phrag mang po dag phyir bsnyil to/ / blo gros rgya mtsho ngas de tsam du brtson 'grus brtsams pa de lta bu de dang / tshigs de lta bus byang chub mngon par rdzogs par sangs rgyas pa la ltos gang dag le lo can dang brtson 'grus dman par gyur pa rnams lta smos kyang ci dgos/ de dag la byang chub yod par ga la 'gyur te/ de dag la byang chub shin tu ring shing rnam par ring ngo // blo gros rgya

  125. 63b

    bstan pa 'di la brtson 'grus brtsams pa ni dag par 'gyur gyi/ le lo can ni ma yin no// blo gros rgya mtsho rnam grangs des na/ 'di ltar gang la brtson 'grus dang / bag yod pa// de la byang chub yod par rig par bya'o// bcom ldan 'das kyis brtson 'grus dang rab tu ldan pa'i sngon byung ba 'das pa'i le'u 'di bshad pa na/ byang chub sems dpa' lnga stong gis mi skye ba'i chos la bzod pa rab tu thob par gyur to/ / lha dang mi'i skye dgu'i srog chags bdun stong gis/ bla na med pa yang dag par rdzogs pa'i byang chub tu sems bskyed do// de nas de'i tshe bcom ldan 'das kyis tshigs su bcad pa 'di dag gsungs so// ngas dran snga ma 'das pa'i dus na ni/ bskal pa me tog 'byung gnas blta sdug la// shin tu rnam bltas 'jig rten khams mchog tu// brtson 'grus 'bar ba'i bde bar gshegs pa byung // bskal pa de la rgyal ba gang byung ba// de dag brgyad khri bzhi stong tham pa'o// / 'jig rten khams ni dga' ldan gnas 'dra ste// mi yi bza' dang btung ba bsams pas 'byor// bud med yod min mngal na gnas pa med// sems can thams cad rdzus te skyes par gyur/ theg pa dman pa grag par ma gyur te// thams cad bdag nyid che ba'i theg chen zhugs// shin tu rnam pa ltas 'jig rten khams blta phyir/ byang chub sems dpa' phyogs bcu

  126. 64a

    nas lhags pa/ de dag dga' ba'i rnam pa ting nge 'dzin thob// sngon chad ma mthong ba yi bde ba myong // rkang gnyis kyi ni tshigs gyur grangs chen po// bye ba phrag ni sum cu rtsa drug yod/ / gzhan yang lha dang mi ni mang po dag/ sangs rgyas theg pa mchog la zhugs par 'gyur// yon tan ye shes rgya mtsho drang srong che// de ni brtson 'grus bsngags pa yang yang brjod/ / de nas brtson 'grus brtan pa mkhas pa de// langs nas don 'di nyid ni rgyal la zhus// byang chub sems dpa' brtson 'grus brtsams gyur pa// ji tsam gyis na brtson 'grus stobs la gnas/ / de don bcom ldan bdag la bshad du gsol// bdag ni de la rab tu nan tan bgyid// de yi bsam pa mkhyen nas chos rje des// brtson 'grus las brtsams yon tan rab gsungs pa/ / rtsom pa dang ni de bzhin brtul ba dang // rtag tu so sor rtog dang sgrub pa'o// rtsom pa de ni byang chub sems shes bya// brtul ba dge ba stong dag sgrub byed pa/ so sor rtog pa sems can phan pa'i dngos// bsgrub pa de byed chos la bzod pa yin// rtsom pa gus par byas te thos tshol ba// brtul ba brtan pa yang dag ston byed pa// so sor rtogs pa 'di ni tshul bzhin brjod/ / bsgrub pa gang tshe yang dag lta skye ba// rtsom pa ser lha'i dri ma sel ba yin// brtul ba bdog pa thams cad yongasu gtong ba// so sor rtog pa

  127. 64b

    rdzogs pa'i byang chub sems/ / bsgrub pa gang tshe rnam smin mi re ba// rtsom pa gtong ba chen po gang spogs pa// brtul ba slong ba rnams la byams byed pa// so sor rtog 'di longs spyod mi rtag snyam/ / bsgrub pa byin nas gdung ba med pa yin// rtsom pa chos kyi longs spyod gang tshol ba// brtul ba de ni 'tsho ba dag pa yin// bdag gis snying po blang snyam so sor rtog/ bsgrub pa sbyin la sbyin pas rlom sems med/ / rtsom pa 'chal pa'i tshul khrims dri ma sel// brtul ba tshul khrims rtul zhugs nyams pa med// tshul khrims 'chal pa smin byed so sor rtog/ bsgrub pa gang tshe tshul khrims rlom sems med/ / rtsom pa dag ni yongs su dag pa ste// brtul ba lus ni yongs su dag pa yin// so sor rtog pa gang yin 'di sems dag/ bsgrub pa gang yin/ chos rnams yongs su dag/ rtsom pa gnod sems go skabs med pa yin/ brtul ba bzod pa'i stobs ni nye bar ston// so sor rtog pa bdag dang gzhan srung byed// bsgrub pa gang tshe / rlom sems gang med pa// rtsom pa gshe la rtag tu dang byed pa// brtul ba de dag thag ring spong ba ste// so sor rtog pa nang ni zhi ba yin// bsgrub pa bdag dang gzhan du dmigs pa med// rtsom pa le lo'i dri ma sel ba ste// brtul ba brtson 'grus stobs dang mthu yin no// le lo can dag smin byed so sor rtog/ de byed chos la bzod pa bsgrub pa yin// rtsom pa bya ba yang

  128. 65a

    dag sgrub byed pa/ / brtul ba bya ba nyams 'og chud par byed// theg pa gzhan la mi re so sor rtog/ bsgrub pa las rnams chud mi gzon pa yin// rtsom pa de dag dran dang shes bzhin can/ / brtul ba chos rtogs pa la 'jug pa yin// blo gros kun tu bsrungs pa so sor rtog/ bsgrub pa de la mos shing 'gyur ba med// rtsom pa rigs pa brtul ba tshul yin te// so sor rtog pa de ni chos sgo yin// bsgrub pa de ni 'byung ba rab tu shes// 'di dag brtson 'grus brtsams pa'i sbyor ba yin// rtsom pa tshig 'bru kun tu 'dzin pa ste// brtul ba bstan pa yang dag ston par byed/ / so sor rtog pa smra na sel byed pa// bsgrub pa chos rnams brjod du med pa nyid// rtsom pa dge ba'i bshes gnyen bsten pa yin// brtul ba sdig pa'i grogs po rnam par spong / / thos nas chos nyid la ni so sor rtog/ bsgrub pa chos rnams dang ni 'gal mi byed// rtsom pa sangs rgyas bstan la rab tu 'byung // brtul ba dga' ba thams cad spong ba yin/ / dge la gnas pa gang yin so sor rtog/ chos rnams 'gal ba med pa bsgrubs pa yin// rtsom pa dgon par dga' ba gang thob pa// brtul ba 'du 'dzi rnam par spong ba yin/ / dben par gnas par dga' ba so sor rtog/ bsgrub pa gang yin nyon mongs med par gnas// rtsom pa 'dod pa chung zhing dga' bro de// brtul ba de ni chog shes gyur

  129. 65b

    pa yin/ / nges par gang gyur de ni so sor rtog/ bsgrub pa gang yin rung ba'i tshod shes pa// rtsom pa lhag pa'i tshul khrims slob zhes bya// brtul ba tshul khrims slob pa med pa yin/ lhag pa'i sems slob 'di ni so sor rtog/ lhag pa'i shes rab slob pa bsgrub pa mchog/ rtsom pa sbyin pa de bzhin tshul khrims yin// brtul ba bzod pa de bzhin brtson 'grus so/ / so sor rtog 'di bsam gtan shes rab ste// bsgrub pa ye shes dang ni de bzhin thabs// rtsom pa 'jig rten zang zing chos sbyin pa// nyan par smra ba de ni brtul bab yin/ / don spyod gang yin de ni so sor rtog/ bsgrub pa don 'thun pa ste snying po yin// rtsom pa gang yin byams pa yongs su dag/ brtul ba de ni snying rje ldan pa yin// dga' ba chos la so sor rtog pa ste/ / btang snyoms ye shes bsgrub par brjod pa yin// rtsom pa zhing ni rnam par sbyong ba ste// brtul ba mtshan rnams yongs su rdzogs par byed// so sor rtog pa dam chos yongs su 'dzin/ / bsgrub pa sems can yongs su smin par byed// rtsom pa gang yin phung po'i bdud sel ba// brtul ba nyon mongs bdud ni tshar gcod pa// so sor rtog pa 'chi bdag tshar gcod de/ / snying po bsgrub pa bdud kyis ji byar yod// rtsom pa sdug bsngal yongs su shes pa ste// sred pa gnas med 'di ni brtul ba yin// lam sgom gang yin de ni so sor

  130. 66a

    rtog/ 'gog pa shes pa sgrub par brjod pa yin// rtsom pa lus la dran pa bcings pa med// brtul ba tshor ba la ni lta ba med// sems la dran pa 'di ni so sor rtog chos la dran pa sgrub pa dam pa yin/ / rtsom pa dad pa'i bstobs dang de'i dbang po// brtul ba'i brtson 'grus stobs dang mthu yin te// dran dang ting 'dzin dbang po so sor rtog/ shes rab dbang por bsgrub par brjod pa yin/ / rtsom pa mi dge rnam par spong zhes brjod// brtul ba gang yin dge ba chud mi gzon// lus dang sems yang dang yin so sor rtog/ bsgrub pa rdzu 'phrul rnam par 'phrul zhes brjod/ / rtsom pa mkhas pa byang chub yan lag sgom// brtul ba gang tshe lam ni rtogs pa yin// zhi gnas lhag mthong de ni so sor rtog/ rig dang rnam grol sgrub pa snying po yin/ rtsom pa 'jug pa brtul ba spyod pa yin// so sor rtog pa sems ni rab sbyangs pa// mtshan ma'i spyod yul thams cad gang log pa// de ni bsgrub pa'i tshul du brjod pa yin// lus dang sems ni rab tu sbyangs pa dang / / rgyu dang lha las rab tu 'da' ba dang // ming dang gzugs ni yongs su gang shes pa// de ni brtson 'grus mchog ces 'phags pas bsngags// nga dang nga yi zhes pa nam 'gag pa/ / de tshe bcings pa kun las rnam par grol// kun nas ldang med slob pa lnga las grol// mkhas pa the tsom dang ni 'gyod pa spongs// mdud pa rnams dang zug rngu bsal ba gang /

  131. 66b

    sgrib pa med cing rgyun chad yod pa min// nga rgyal mngon pa'i nga rgyal gang tshe spangs// de tshe brtson 'grus stobs kyis las byas min// mtshan ma thams cad sel ba gang yin dang // spros pa thams cad 'jug pa med pa dang / / nyon mongs thams cad spong ba yin pa dang // brtson 'grus de ni mkhas pa rnams kyis bsngags// brtson 'grus 'bar bas rab tu bsngags pa'i tshe// brtson 'grus yon tan 'di dag thos nas ni/ / grags pa chen po stong phrag bcu kun gyis// mi skye'o bzod pa rab tu thob par gyur// 'di thos nas ni stong phrag lnga zhig kyang // sangs rgyas zhing 'dir bzod pa rnam par sbyangs/ / mi dang lha dang lha min mi 'am ci// bdun stong byang chub mchog la rab tu zhugs// de na gang gis brtson 'grus mchog reg pa// dge slong brtson 'grus brtan pa nga yin te// brtson 'grus brtsams nas ngas ni lus btang ste/ / 'dug bzhin de tshe 'chi ba'i dus byas gyur// brgyad khri las ni bzhi stong lhag pa la// bdag gis lus ni rab tu skams par byas// bskal pa gcig/ la 'dren pa mnyen byas te// bdag gi byang chub sems dpa' phyir bsnyil to// brtson 'grus brtsams pa'i le'u ste lnga pa'o// // de nas tshangs pa snying rje chen po sems pas// byang chub sems dpa' sems dpa' chen po blo gros rgya mtsho la 'di skad ces smras so// rigs kyi bu sangs rgyas kyi chos rnams sangs rgyas kyi chos rnams shes bya ba la// sangs rgyas kyi chos

  132. 67a

    rnams shes bya ba de gang gi tshig bla dgas lags/ de skad ces smras pa dang / byang chub sems dpa' blo gros rgya mtshos tshangs pa snying rje chen po sems pa la 'di skad ces smras so/ / tshangs pa sangs rgyas kyi chos rnams/ sangs rgyas kyi chos rnams shes bya ba la/ sangs rgyas kyi chos rnams shes bya ba de ni/ chos thams cad kyi tshig bla dgas so// de ci'i phyir zhe na/ tshangs pa de bzhin gshegs pas yongs su chad pa'i rnam pas tshad dang ldan par byang chub mngon par rdzogs par sangs rgyas pa ma yin gyi/ de bzhin gshegs pas yongs su ma chad pa'i rnam pas/ / chos thams cad mnyam pa nyid kyi rnam pas/ tshad med par byang chub mngon par rdzogs par sangs rgyas so// tshangs pa chos thams cad mnyam pa nyid du khong du chud pa ni byang chub ste/ tshangs pa de'i phyir chos thams cad ni sangs rgyas kyi chos rnams shes bya'o// tshangs pa chos thams cad ci 'dra bar sangs rgyas kyi chos rnams kyang de 'dra ba nyid do// chos thams cad kyi ngo bo nyid gang yin pa de sangs rgyas kyis chos rnams kyi ngo bo nyid do/ / chos thams cad dben pa nyid pas/ sangs rgyas kyi chos dben pa nyid khong du chud par bya'o// chos thams cad stong pas sangs rgyas kyi chos stong pa nyid du khong du chud par bya'o/ / tshangs pa chos thams cad ni rten cing 'brel par 'byung ba dag ste/ rten cing 'brel par 'byung ba khong du chud pa ni

  133. 67b

    byang chub bo/ / de bzhin gshegs pas chos thams cad ji ltar gzigs pa ltar sangs rgyas kyi chos de dag kyang da 'dra ba nyid do// tshangs pa snying rje chen po sems pas smras pa/ rigs kyi bu sangs rgyas kyis chos rnams khams gsum las shin tu 'das pa ma yin nam/ blo gros rgya mtshos smras pa/ tshangs pa khams gsum gyi ngo bo nyid kyi mtshan nyid sangs rgyas kyi chos rnams so/ / de ci'i phyir zhe na/ tshangs pa sangs rgyas kyi chos rnams khams gsum las shin tu mnyam pa nyid la tha ma 'am/ mchog gang yang med do// tshangs pa 'di lta ste dper na/ nam mkha' la tha ma 'am/ mchog gang yang med do// tshangs pa de bzhin du sangs rgyas kyi chos de dag ni nam mkha' dang mnyam ste/ de dag la yang tha ma 'am/ mchog gang yang med do// tshangs pa chos thams cad kyi rang bzhin gang yin pa de ni/ ngo bo nyid kyis stong pa nyid de/ de la yang tha ma 'am/ mchog gang yang med do// tshangs pa sangs rgyas kyi chos khong du chud par 'dod pa'i rigs kyi bu 'am/ rigs kyi bu mos rtogs pa med pa'i tshul gyis sangs rgyas kyi chos de rnams de ltar rtogs par bya'o// tshangs pa gzhan yang sangs rgyas kyi chos rnams ni yul na mi gnas pa phyogs nas mi gnas pa/ ma skyes pa/ ma 'gags pa/ sngon po ma yin pa/ ser po ma yin pa/ dmar po ma yin pa/ dkar po ma yin pa/ le brgan ma yin pa/ shel dang dngul gyi kha dog

  134. 68a

    lta bu ma yin pa dag ste/ de dag gi kha dog med pa/ dbyibs med pa/ rtags med pa dag go// de dag ni mtshan ma med pa dag go// tshangs pa mtshan ma med pa'i don ni// sangs rgyas kyi chos kyi don no// sangs rgyas kyi chos kyi don ni/ 'chi 'pho med pa'i tshig gi don no// 'chi 'pho med pa'i tshig gi don ni/ zhi ba'i don no// zhi ba'i don ni dben pa'i don no// dben pa'i don ni stong pa'i don no/ / stong pa'i don ni gnas med pa'i don no// gnas med pa'i don ni de kho na'i don no// de kho na'i don ni shin tu skye ba med pa'i don no// skye ba med pa'i don ni 'gag pa med pa'i don no/ / 'gag pa med pa'i don ni gnas med pa'i don no// de la 'di skad ces bya ste/ mtshan ma med pa'i don brjod 'di// sangs rgyas chos kyi dam pa ste// sangs rgyas chos don bstan pa ni/ / 'chi 'pho med pa'i tshig ces bya// 'chi 'pho med don zhi ba'i don// rnam par dben pa'i don du bstan// dben pa'i don ni stong pa'i don// stong pa'i don ni gnas med don// gnas med don nyid de kho na// de nyid don ni de bzhin nyid// shin tu skye dang bral ba ni// 'gag pa med pa'i don du bstan// 'gag med don ni gnas med don// gnas pa med pa chos don tshig/ chos dbyings ji ltar gnas pa ltar// chos rnams thams cad de ltar gnas// chos kun ji ltar gnas pa ltar// sangs rgyas chos rnams de ltar gnas// ji ltar sangs

  135. 68b

    rgyas chos gnas ltar/ / slob pa'i chos rnams de ltar gnas// chags med chos ni mtshungs pa'i don// de ltar de dag gzhan mi gnas// rang sangs rgyas kyi chos rnams kyang // 'dir ni mnyam pa ji bzhin gnas/ / de lta'i gnas la gnas pa'i chos// sangs rgyas chos te bla na med// sangs rgyas chos rnams de dag ni// yul dang phyogs na gnas pa med// skye ba dang ni 'jig pa yis/ / nam yang rab tu phye ba min// gang du'ang chos rnams de dag la// dbyibs dang kha dogs rnyed mi 'gyur// mtshan ma med cing rtags med par// sangs rgyas chos rnams rab tu bstan/ / chos kun rang bzhin gang yin pa// sangs rgyas chos rnams de lta'i tshul// des na de dag mnyam par bstan// khyad par med de mtshan nyid med// sangs rgyas chos rtogs 'dod pa yin/ / chos rnams kun la blta bar bya// gang tshe chung zad mi dmigs pa// de'i tshe rnam par bltas pa yin// sangs rgyas dang ni sangs rgyas chos// chos rnams kun yang thams cad du/ / byang chub snying por drang srong ches// de dag yang dag mnyam par rtogs// sangs rgyas chos gang sangs rgyas kyis// byang chub snying por gang bltas pa// sangs rgyas chos bstan de dag ni/ / rtag tu mnyam pa nyid kyi mnyam// mnyam ste mi mnyam med pa'i chos// nam mkha' lta bur dri med par// sangs rgyas kyis ni mkhyen pas rtogs// des 'dir sangs rgyas

  136. 69a

    yin zhes brjod/ / rten cing 'brel par gang byung ba// de dag gang la'ang rang bzhin med// gang dag ngo bo nyid med pa// de dag gang du'ang 'byung ba med// 'gro ba mtha' med mnyam pa ni/ / gang gi mthar 'dirang shes pa/ de yi ye shes mthar son pa// chos rnams kun la 'jug par 'gyur// chos rnams gang dag 'das pa dang // chos rnams/ gang dag ma 'ongs dang // da ltar byung ba'i chos gang dag/ de rnams sangs rgyas chos su 'dod// de ltar dus gsum rnams la yang // sangs rgyas ye shes chags pa med// gang du ye shes mi chags pa/ / de dag thub pa'i chos su bstan// stobs ni rnam pa bcu dag dang // mi 'jigs rnam bzhi gang dag dang // sangs rgyas rnams kyi ma 'dres chos// rnam pa bco brgyad gang yin dang / / gzhan yang chos gang ji yod pa// thams cad 'dir ni 'dus par gyur// des na chos rnams de dag kun// sangs rgyas chos shes brjod pa yin// / bam po lnga pa/ tshangs pa snying rje chen po sems pas// gzhan yang byang chub sems dpa' sems dpa' chen po blo gros rgya mtsho la 'di skad ces smras so// ci rigs kyi bu khyod la chos 'di dag mngon sum du gyur tam smras pa/ / tshangs pa ci sangs rgyas kyi chos rnams gzugs su bgrang ngam/ smras pa de ni ma yin no// smras pa/ tshangs pa chos gang gzugs med// bstan du med

  137. 69b

    thogs pa med/ rnam par rig pa med pa de la/ gang yang mngon sum du 'gyur ram/ smras pa/ rigs kyi bu de ni ma yin no// smras pa/ tshangs pa de ltar na chos thams cad ni mngon sum ma yin pa nyid do/ / de ci'i phyir zhe na/ de la gnyis cung zad kyang med do// tshangs pa chos thams cad ni gnyis su med pa'o// de la mngon sum gang yin pa de yang de'i mtshan nyid kho na'o// tshangs pa mngon sum yang gzhan la/ sangs rgyas kyi chos rnams kyang gzhan ma yin te/ mngon sum du gang yin pa de nyid sangs rgyas kyi chos rnams so// sangs rgyas kyi chos gang yin pa de nyid mngon su ma nyid do/ / smras pa/ rigs kyi bu de bzhin gshegs pa la sangs rgyas kyi chos rnams mngon sum ma yin nam/ smras pa/ tshangs pa gal te de bzhin gshegs pa 'am/ sangs rgyas kyi chos rnams kyang rung ste/ 'ga' zhig yang dag par yongs su grub par gyur na ni/ sangs rgyas kyi chos rnams kyang de bzhin gshegs pa la mngon sum du 'gyur ro// smras pa/ rigs kyi bu sangs rgyas kyi chos gang yang med dam/ smras pa/ tshangs pa chos gang yongs su grub pa med pa de yod pa 'am/ med par khas blang du med do// chos gang yang yod pa'am/ meng par khas blang du med pa de la mngon sum du 'gyur ba gang yang med do/ / smras pa/ 'o na nga ji ltar sangs rgyas kyi chos shes bstan/ smras pa/ tshangs pa 'di lta ste/ dper na/ nam mkha' la

  138. 70a

    nam mkha' zhes bstan kyang / nam mkha' la yang dag par yongs su grub pa gang yang med do// tshangs pa de bzhin du sangs rgyas kyi chos rnams la/ sangs rgyas kyi chos rnams shes bstan kyang / sangs rgyas kyi chos rnams la ni yang dag par yongs su grub pa gang yang med do// smras pa/ rigs kyi bu byang chub sems dpa' las dang po pas bstan pa 'di thos nas/ skrag par mi 'gyur gyi/ des sangs rgyas kyi chos rnams kyi ched du go cha gyon pa ni ngo mtshar to// smras pa/ tshangs pa sangs rgyas kyis byin gyis brlabs pa'i sems can rnams byang chub tu sems bskyed de/ de dag sangs rgyas kyi chos zab mo thos na/ skrag par mi 'gyur ro// tshangs pa 'dzin pa dang / mngon par zhen par gyur na/ skrag par 'gyur gyi/ 'dzin pa med cing mngon bar zhen pa med pa na/ skrag par mi 'gyur ro// gnas dang chags par gyur na/ skrag par 'gyur gyi/ gnas med cing chags pa med na/ skrag par mi 'gyur ro// ngar 'dzin pa dang / nga yir 'dzin par gyur na/ skrag par 'gyur gyi/ ngar 'dzin pa dang / nga yir 'dzin pa dang bral na/ skrag par mi 'gyur ro// smras pa/ stobs gang dang ldan na/ byang chub sems dpa'// sangs rgyas kyi chos zab mo dag la skrag par mi 'gyur ba'i byang chub sems dpa'i stobs gang yin/ smras pa/ tshangs pa byang chub sems dpa' rnams kyi stobs ni brgyad po 'di dag ste/ stobs//

  139. 70b

    de dag dang ldan na/ byang chub sems dpa' rnams sangs rgyas kyi chos zab mo dag la skrag par mi 'gyur ro// brgyad gang zhe na/ 'di lta ste/ sangs rgyas kyi chos thams cad la mos pas thogs pa med pa'i dad pa'i stobs dang / ston pa dang / mtshungs pa'i blos gus pa las nges par byung ba dge ba'i bshes gnyen gyi stobs dang / 'jig rten las 'das pa'i chos yongs su rdzogs par byed pas/ thos pa las nges par byung bas shes rab kyi stobs dang / bsod nams tshad med pa yongs su rdzogs par byed pas/ bsod nams las nges par byung ba bsnyen bkur bya ba'i stobs dang / bdud thams cad nges par gzhom pa'i phyir/ tshul bzhin las nges par byung ba ye shes kyi stobs dang / chos rnams bdag med pa la dogs pa med pas/ byams pa chen po las nges par byung ba snying rje chen po'i stobs dang / byang chub kyi sems brjed pa med pas nges par sems pa las nges par byung ba sems kyi stobs dang / mi skye ba'i chos la bzod pa rab tu thob pas gzhan gyi drong mi 'jog pa las nges par byung ba'i bzod pa'i stobs so/ / tshangs pa brgyad po de dag ni byang chub sems dpa' rnams kyi stobs te/ stobs de dag dang ldan na/ byang chub sems dpa' rnams sangs rgyas kyi chos zab mo dag la skrag par mi 'gyur ro/ / de nas bcom ldan 'das kyis/ byang chub sems dpa' blo gros rgya mtsho la legs so zhes bya ba

  140. 71a

    byin te/ blo gros rgya mtsho khyod kyis byang chub sems dpa' rnams kyi spobs de dag legs par bshad pa ni legs so legs so// stobs 'di lta bu dang ldan pa'i byang chub sems dpa' rnams ni gang thos nas skrag par 'gyur ba'i sangs rgyas kyi chos de dag gang yang med do/ / blo gros rgya mtsho bstan pa'i sgra de dag thams cad ni 'jig pa'o// byang chub kyi/ don dam pa gang yin pa de ni brjod par mi nus so// de ci'i phyir zhe na/ brjod du med pa de ni bsnyad du med pa ste/ de la ni yi ge rnams kun tu mi rgyu'o// de la ni sems dang sems las byung ba'i chos rnams kyang kun tu mi rgyu na/ yi ge rnams kun tu rgyu bar 'gyur ba lta smos kyang ci dgos/ 'di ltar chos zab mo yi ge med pa// bsnyad pa med pa/ rjod du med pa smrar med pa 'di lta bu mngon par rdzogs par sangs rgyas kyang yi ge'i rnam par rig pas/ sems can gzhan dang / gang zag gzhan rnams la ston te/ sems can bsam gyis mi khyab pa dag la sangs rgyas bcom ldan 'das rnams kyi thugs rje chen po ji snyed 'jug pa la ltos/ / blo gros rgya mtsho 'di lta ste/ dper na/ skyes bu la la zhig gis nam mkha' gzugs med pa/ bstan du med pa/ thog pa med pa/ rnam par rig pa med pa 'di la tshon sna tshogs kyis ri mor bris te/ rta pa dang / glang po che dang / shing rta dang / dpung bu chung dang /

  141. 71b

    gzhon pa rnams su 'dir nye bar ston tam/ lha dang klu dang / gnod sbyin dang / dri za'i gzugs rnams 'dir nye bar ston na/ blo gros rgya mtsho 'di la ji snyam du sems/ skyes bu de dka' ba/ byed pa ma yin nam/ gsol pa/ bcom ldan 'das dka' ba bgyid pa'o// bde bar gshegs pa mchog tu dka' ba bgyid pa'o// bcom ldan 'das kyis bka' stsal pa/ blo gros rgya mtsho sangs rgyas bcom ldan 'das gang dag brjod du med pa'i chos mngon par rdzogs par sangs rgyas nas kyang / sems can gzhan dag dang / gang zag gzhan rnams la bzod du med pa'i don te/ brjod pas rnam par rig par byed cing go bar byed pa ni de bas kyang ches dka' ba mdzad pa'o// gang dag sangs rgyas kyi chos zab mo 'di dag la mi skrag mi dngang dngang par mi 'gyur ba de dag ni/ de bas kyang ches shin tu dka' ba byed pa'o// blo gros rgya mtsho gang dag sangs rgyas kyi chos zab mo 'di dag la skrag par mi 'gyur ba'i sems can de dag ni dge ba'i rtsa ba bskyed pa dang / sngon gyi rgyal ba la bsnyen bkur byas pa yin no// blo gros rgya mtsho mdo sde zab mo 'jig rten thams cad dang mi 'thun pa 'di dag rig nas/ 'chang ba dang / 'dzin pa dang gzhan dag las yang rgya cher yang dag par rab tu ston pa de dang / de dag ni de bzhin gshegs pa'i chos kyi mdzod 'dzin pa dag go// sems can thams cad kyi dge ba'i phyogs 'dzin pa dag go/

  142. 72a

    blo gros rgya mtsho byang chub sems dpa' gang gis sangs rgyas kyi spyan gyis gzigs pa'i sangs rgyas kyi zhing tshad med pa thams cad rin po che thams cad kyis yongs su bkang ste de bzhin gshegs pa la mchod pa'i las kyi phyir dbul bar phul na/ blo gros rgya mtsho 'di la ji snyam du sems/ byang chub sems dpa' de gzhi de las bsod nams mang du skyed dam/ gsol pa bcom ldan 'das mang lags so/ / bde bar gshegs pa tshad ma mchis lags so// bsod nams kyi phung po de ni ji tsam du dpe bgyi bar sla ba ma lags pa de tsam du/ bsod nams kyi phung po de tshad ma mchis par 'gyur ro/ / bcom ldan 'das kyis bka' stsal pa/ blo gros rgya mtsho khyod mos par bya'o// khyod kyis khong du chud par bya'o// gang de bzhin gshegs pa'i bstan pa kun tu bsrung ba dang / dkon mchog gsum gyis rigs mi 'chad par bya ba'i phyir/ sems can thams cad la snying rje chen po bskyed nas/ mdo sde zab mo 'di lta bu 'di ni de bzhin gshegs pa'i ye shes sgrub par rig nas/ 'dzin pa dang / 'chang ba dang / kun chub par byed pa'i byang chub sems dpa' de ni de bas kyang ches bsod nams mang du skyed na/ gang de bzhin nyid du sgrub pa lta smos kyang ci dgos/ de ci'i phyir zhe na/ blo gros rgya mtsho zang zing gi sbyin pa de thams cad ni 'jig rten la bstan pa'o// chos kyi sbyin pa 'di ni 'jig rten thams cad las shin tu

  143. 72b

    'da' bar 'gyur ro/ / blo gros rgya mtsho dam pa'i chos yongs su 'dzin pa ni/ yongs su bzung ba bzhi rab tu 'thob ste/ bzhi gang zhe na/ sangs rgyas kyis yongs su bzung ba rab tu 'thob/ pa dang / lhas yongs su bzung ba dang / bsod nams kyis yongs su bzung ba dang / ye shes kyis yongs su bzung ba 'thob pa'o// blo gros rgya mtsho sangs rgyas kyis yongs su bzung ba'i byang chub sems dpa'i khyad par du 'gyur ba bzhi ste/ bzhi gang zhe na/ de bzhin gshegs pa mthong ba dang mi 'bral bar 'gyur ba dang / de la bdud thams cad kyis glags mi rnyed par 'gyur ba dang / gzungs rab tu 'thob pas mi zad par 'gyur ba dang / mngon par shes pa myur te phyir mi ldog pa'i sa thob par 'gyur ba ste/ blo gros rgya mtsho sangs rgyas kyis yongs su bzung ba'i byang chub sems dpa'i khyad par du 'gyur ba bzhi po de dag go/ blo gros rgya mtsho lhas yongs su bzung ba'i byang chub sems dpa' rnam par dag par 'gyur ba bzhi ste/ bzhi gang zhe na/ lha rnams kyis de'i 'khor gyi dkyil 'khor rnam par sbyong ba dang / chos mnyan pa la sems rtse gcig tu bya bar 'jog pa dang / de la pha rol gyi gnod pa thams cad mi 'byung bar byed pa dang / de la sems can ma dad pa thams cad kyang lha rnams kyi dbang gis dad par byed pa ste/ bro gros rgya mtsho lhas yongs su bzung ba'i byang chub sems dpa' rnam par dag par 'gyur ba bzhi po de dag go// blo gros

  144. 73a

    rgya mtsho bsod nams kyis yongs su bzung ba'i byang chub sems dpa'i rgyan du 'gyur ba bzhi ste/ bzhi gang zhe na/ mtshan dang dpe byad bzang po yongs su rdzogs pas lus kyi rgyan dang sems can thams cad mgu bar byed pas/ ngag gi rgyan dang / bya ba thams cad kun tu ston pas zhing gi rgyan dang / brgya byin dang / tshangs pa dang / 'jig rten skyong du skye ba rab tu thob pas skye ba'i rgyan te/ blo gros rgya mtsho bsod nams kyis yongs su bzung ba'i byang chub sems dpa'i rkyen du 'gyur ba bzhi po de dag go// blo gros rgya mtsho ye shes kyis yongs su bzung ba'i byang chub sems dpa'i snang bar 'gyur ba bzhi ste/ bzhi gang zhe na/ so sor ci rigs par chos ston pas/ sems can gyis dbang po snang ba dang / chos kyi sman yang dag par sbyor bas/ nyon mongs pa'i nad thams cad snang ba dang / sangs rgyas kyi zhing gzhan du 'gro bas mngon par shes pa snang ba dang / chos thams cad yang dag pa ji lta ba bzhin du yongs su shes pas/ chos kyi dbyings snang ba ste/ blo gros rgya mtsho ye shes kyis yongs su bzung ba'i byang chub sems dpa'i snang bar 'gyur ba bzhi po de dag go// blo gros rgya mtsho de lta bas na/ byang chub sems dpa' sems dpa' chen po yon tan gyi phan yon 'di dag yongs su 'dzin par 'dod pas/ dam pa'i chos yongs su bzung ba la mngon par brtson par bya'o// blo gros rgya mtsho dam pa'i chos yongs su 'dzin pa la mngon par

  145. 73b

    brtson pa'i byang chub sems dpa' rnams kyi yon tan gyi khyad par tshad med par 'gyur ro/ / de nas de'i tshe bcom ldan 'das kyis tshigs su bcad pa 'di dag gsungs so// de bzhin / gshegs pa'i dam chos gang 'dzin pa/ de dag phan yon rnam pa mang 'gyur te// de las phyogs tsam yongs su brjod par bya/ dper na rgya mtsho'i chu las thigs pa bzhin// de bzhin gshegs pa'i dam pa'i chos 'dzin pa/ / de ni de bzhin gshegs la byas gzo yin// rgyal ba rnams kyi mdzod 'dzin yid brtan cing // phyogs bcu rnams su sangs rgyas mchod pa yin// sangs rgyas spyan gyis gzigs pa'i zhing mang po/ / rin chen bkang ste de bzhin gshegs la phul// zad pa'i dus na ji ltar chos 'dzin ltar/ bsod nams phung po de tsam 'phel ma yin// 'jig rten zang zing rgyal la bsti stang byas/ / 'jig rten byed la nam yang grol mi 'gyur// 'jig rten 'das pa'i chos ni gang tshol ba/ mkhas pa de ni 'jig rten chos las 'da'// de bzhin gshegs pa'i dam pa'i chos 'dzin pa/ / rgyal ba rnams kyis yongs su bzung bar 'gyur// lha dang klu dang mi 'am ci rnams dang / bsod nams ye shes kyis ni yongs su bzung // de bzhin gshegs pa'i dam pa'i chos 'dzin pa/ / dran ldan blo gros ldan zhing blo ldan 'gyur// shes rab rgya chen kun nas ye shes ldan// mkhas pa bag chags bcad pa'i nyon mongs spong // de bzhin gshegs pa'i

  146. 74a

    dam pa'i chos 'dzin pa/ de la bdud kyi skyon chags rnyed mi 'gyur// de la 'gyod dang de bzhin dogs pa med// de la bcings med sgrib pa cung zad med// de bzhin gshegs pa'i dam pa'i chos 'dzin pa/ / zhing stong dag tu nam yang mi skye ste// skye ba kun tu de ni rgyal ba mthong // mthong nas de la dad pa rab tu 'thob// de bzhin gshegs pa'i dam pa'i chos 'dzin pa chos kyi bdag nyid chen po skye dran 'gyur/ / yang dang yang du rab tu 'byung ba 'thob// spyod pa yongs dag sgrub pa snying por byed// de bzhin gshegs pa'i dam pa'i chos 'dzin pa// tshul khrims// thos pas 'phags pa chos spyod pa// mkhas pa mngon shes lnga la myur du reg/ ma smad bsam gtan rnam par thar pa thob// de bzhin gshegs pa'i dam pa'i chos 'dzin pa// de ni zab chos rtogs par khong du chud/ / sangs rgyas spyod yul stong nyid the tsom med// sems can bdag med par yang mos par 'gyur// de bzhin gshegs pa'i dam pa'i chos 'dzin pa// de ni so so yang dag rig pa 'thob/ / 'jigs med shes rab rno zhing chags med dag/ de ni srog chags kun gyi the tsom gcod// de bzhin gshegs pa'i dam pa'i chos 'dzin pa// mkhas pa de ni gzugs rnams 'thob par 'gyur/ / bskal pa brgyar yang gang thos chud mi za// spobs dang ldan zhing chags pa med par 'gyur// de bzhin gshegs pa'i dam pa'i chos 'dzin pa// de la mkhas pa

  147. 74b

    rtag tu dga' bar 'gyur/ / lha dang lha min mi yi yid du 'ong // de la sangs rgyas bu gcig bzhin du stod// de bzhin gshegs pa'i dam pa'i chos 'dzin pa// brgya byin tshangs pa de bzhin 'jig rten skyong / / 'khor los sgyur dang mi yi rgyal por 'gyur// bde dang yid bdes byang chub de 'tshang rgya// de bzhin gshegs pa'i dam pa'i chos 'dzin pa// de'i lus sum cu rtsa gnyis mtshan ldan zhing / / mkhas pa yan lag smad pa med par 'gyur// de la lta bas ngoms par yongs mi 'gyur// de bzhin gshegs pa'i dam pa'i chos 'dzin pa// gang dag chos kyi phyag rgya 'di ston pa'i/ / dge ba'i bshes gnyen de la dkon mi 'gyur// chos mdzod zad mi shes pa nyan par byed// de bzhin gshegs pa'i dam pa'i chos 'dzin pa// lus dang ngag dang yid kyang rnam par dag/ tshul khrims ting 'dzin shes rab rnam par dag/ rnam grol ye shes shin tu rnam par dag/ de bzhin gshegs pa'i dam pa'i chos 'dzin pa// de ni byang chub sems brjed 'gyur ba med/ / pha rol phyin la spyod dang 'gal mi 'gyur// dge ba brgya rnams kyang ni rab tu bzung // de dag rnams kyi yon tan phan yon rnams// bskal par rgyun mi 'chad par rab brjod kyang dam chos 'dzin pa'i phan yon 'di dag ni/ / brjod pas tha mar byin par mi 'gyur ro// sangs rgyas kyi chos bstan pa'i le'u ste drug pa'o// de nas byang chub sems dpa'

  148. 75a

    sems dpa' chen po yon tan gyi rgyal po snang ba zhes bya ba/ 'khor de nyid du 'dus par gyur te 'dug pa des/ bcom ldan 'das la 'di skad ces gsol to// bcom ldan 'das kyis ngas rlos gang mngon par rdzogs par sangs rgyas pa de brjod du med do zhes gsungs na/ bcom ldan 'das chos brjod du ma mchis pa lags na// dam pa'i chos yongs su gzung ba ji lta bu zhig/ lags// bcom ldan 'das kyis bka' stsal pa/ rigs kyi bu de de bzhin no// ji skad smras pa de bzhin te/ chos gang ngas mngon par rdzogs par sangs rgyas pa de brjod du med do// rigs kyi bu 'on kyang yi ge'i nges pa'i tshig gang gis/ / brjod du med par 'dus ma byas kyis chos de snyed pa'i yi ge'i nges pa'i tshig de dag gang len pa dang / 'dzin pa dang / ston pa dang / rab tu shes par byed pa dang / 'jog pa dang / rnam par 'grel pa dang / rnam par 'byed pa dang / gsal bar byed pa dang / yang dag par rab tu ston par byed pa 'di ni/ dam pa'i chos yongs su 'dzin pa zhes bya'o// / rigs kyi bu gzhan yang chos smra ba gang dag mdo sde 'di lta bu 'di dag 'dzin pa dang / ston pa dang / sgrub pa'i chos smra ba de dag la gang bsnyen pa dang / bsten pa dang / bsnyen bkur byed pa dang / ldang ba dang / rim gro byed pa dang / gus par byed pa dang / zhes byed pa dang / bsti stang byed pa dang / kun tu srung ba dang / sbed pa dang / yongs su 'dzin pa dang / gos dang / zas dang /

  149. 75b

    mal cha dang / na ba'i gsos sman dang / yo byad sbyin pa dang / legs so zhes bya ba sbyin pa dang / rje bo ltar kun tu srung ba dang / dge ba kun tu srung ba dang / bsngags pa rjod pa dang / mi snyan pa 'chab pa 'di yang dam pa'i chos yongs su 'dzin pa'o/ / rigs kyi bu gzhan yang gang stong pa nyid la mos pa dang / mtshan ma med pa la yid ches pa dang / smon pa med pa la som nyi med pa dang mngon par 'du bya ba med pa la kho na nyid du nges par sems pa 'di yang dam pa'i chos yongs su 'dzin pa'o/ / rigs kyi bu gzhan yang rtsod pa med pa lhur len pa dang / chos ma yin pas rtsod pa rnams chos dang 'thun par tshar gcod pa 'di yang dam pa'i chos yongs su 'dzin pa'o/ / rigs kyi bu gzhan yang zhe sdang med pa'i rgyu dang / sems can bsdu ba dang / rab tu thar par bya ba'i blo dang / zang zing med pa'i sems kyis gzhan dag la chos sbyin pa 'di yang dam chos yongs su 'dzin pa'o// rigs kyi bu gzhan yang lus dang srog 'dor zhing / mdo sde 'di lta bu 'di dag kun tu srung ba dang / sbeng ba dang / sgrub par dgon pa na gnas pa 'di yang dam pa'i chos yongs su 'dzin pa'o// rigs kyi bu gzhan yang gang chos mnyan pa'i rgyu las byung ba'am/ chos bstan pa'i rgya las byung bas/ bran gom pa gcig 'dor ram/ than dbugs 'byin pa 'am/ rngub pa gcig kyang rung // 'di yang dam pa'i chos yongs su 'dzin pa/

  150. 76a

    rigs kyi bu gzhan yang gang chos thams cad yongs su mi 'dzin cing mi len pa 'di yang dam pa'i chos yongs su 'dzin pa zhes bya'o// yon tan gyi rgyal po snang ba khyod kyis rnam grangs 'dis kyang 'di ltar rig par bya'o/ / rigs kyi bu sngon byung ba 'das pa'i dus na/ bskal pa grangs med pa'i yang ches grangs med par gyur pa de'i tshe de'i dus na// dga' ba ' phags pa'i bskal pa la 'jig rten gyi khams 'od rnam par dag par bcom ldan 'das ye shes chen po'i stobs bsgrags pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo / / rigs kyi bu 'jig rten gyi khams 'od rnam par dag pa de ni bai rmung+ga las grub pa/ shin tu rnam par dag pa/ phyogs bcu snang bas rgyas par 'gengs pa byang chub sems dpa' sems dpa' chen po mngon par shes pa chen po'i stobs kyis rnam par rtsen pa/ chos zab mo las nges par 'byung ba nyi tshe'i gnas su gyur pa'o// de'i tshe sems can de dag gi longs spyod ni lha'i bu rab 'phrul gyi dang 'dra bar gyur cing / lha'i bu'i gzugs nyid kyis bcom ldan 'das de la chos nyan to// de na khyim pa dang / rab tu byung ba tha dad du bya ba med do// bcom ldan 'das ye shes chen

  151. 76b

    tha'i tshubs brlags pa'i nga bzhin gshegs pades rigs kyi bu ga khyed kyis lus dang srog 'dor zhing dam par chos yongs su gzung ba la mngon par brtson par bya'o zhes/ dam par cham yongs sub ma char yang dag pa tsud/ / de'i ci 'i dus / byang chubasams dpa' mam sadapa dzin panas smra ba zhes byang la thar bang ci du ngas par byung sa ma na 'dasas gabs pazugs pa'idi bzhin mamags pa de la/ zung rngu mams dpa' sem dang tshan pacas snangs 'din can tshal to// bam ma pa na ya sa sa kya ma shAs ma pa ma shes gyon pa'i rnabs bklags pa'i de bzhin gshegs pa des/ byang chub sems dpa' chos smrab la 'di ma ces bka' stsal to// rigs kyi bu kye mtsho rnams 'dam yul la rab tu 'byung ba/ de klog pa dang / yongs su srung ba dang / rtse gcig tu 'gyur ba dang / dul ba dang / TI dang / nyeb ni ba dang / 'dul ba 'dzin/ dam pa'i chos yongs su 'dzin pa zhes bya'o// tsa phyim ces mig dang / gzugs dang / mig gi rnam par shes pa zhes bya ba'i chos ma yin pa 'dzin/ chos ma yin pa'o// rna ba dang / sgra rnams dang / rna ba'i rnam par shes pa dang / sna dang / khrimams

  152. 77a

    dang sna'i rnam par shes pa dang / lce dang / ro rnams dang / lce'i rnam par shes pa dang / lus dang / reg bya rnams dang / lus kyi rnam par shes pa dang / yid dang / chos rnams dang / yid kyi rnam par shes pa chos ma yin pa de ni/ chos ma yin pa'o// gang mig dang gzugs stong par rig nas/ yid dang / gzugs la rnam par mi rtog cing / mi gi rnam par shes pa gnas pa med pa 'di ni/ dam pa'i chos yongs su 'dzin pa'o// gang yang dag pa'i ye shes kyi de li go bar byed pa la mkhas pa 'di ni/ dam pa'i chos yongs su 'dzin pa'o/ / de bzhin du rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos rnams stong par rig nas/ yid dang / chos rnams la rnam par mi rtog cing / yid kyi rnam par shes pa gnas med pa 'di ni/ dam pa'i chos yongs su 'dzin pa'o// de yang dag pa'i ye shes kyis gzhan dag la go bar byed pa la mkhas pa 'di ni dam pa'i chos yongs su 'dzin pa'o/ / rigs kyi bu gzhan yang chos gang gis chos gang byung ba'i chos de la yongs su mi 'dzin pa dang / mi len pa 'di ni/ dam pa'i chos yongs su 'dzin pa'o// lta ba gang gis log par lta ba la gnas par byed pa'i lta ba de la yongs su mi 'dzin cing mi len pa 'di ni/ dam pa'i chos yongs su 'dzin pa'o// mi shes pa gti mug gi ling tog gang gis sems

  153. 77b

    yongs su dkar bar mi 'gyur ba'i mi shes pa'i gti mug gi ling tog de la gang yongs su mi 'dzin cing / mi len pa 'di ni/ dam pa'i chos yongs su 'dzin pa zhes bya'o// rigs kyi bu gzhan yang gang bsgrubs nas spang bar bya ba de ni chos ma yin/ 'dul ba ma yin no// gang bsgrub par yang mi bya/ spang bar yang mi bya ba 'di ni chos so// 'di ni 'dul ba'o// bsgrubs nas spang bar bya ba'i chos gang zhes na/ 'dus byas kyi lam ste/ bsgrubs nas spang bar bya ba de ni chos ma yin// 'dul ba ma yin no// bsgrub par bya ba yang ma yin// spang bar bya ba yang ma yin pa gang zhe na/ gang brjod du med pa dang / skye ba med pa dang / 'byung ba med pa ste/ de ni bsgrub par bya ba yang ma yin/ spang bar bya ba yang ma yin pa'o// gang bsgrub par bya ba yang ma yin/ spang bar bya ba yang ma yin pa de chos so// de 'dul ba'o// ci'i phyir de chos yin/ de 'dul ba yin zhe na/ rang bzhin gyi ma skyes pa'i nyon mongs pa rnams skye ba mi byed pas de'i phyir de chos yin/ de 'dul ba yin zhes bya'o// chos dang 'dul ba gang yin pa de ni skye ba med// 'gag pa med do// gang skye ba med/ 'gag pa med pa de ni zad par mi 'gyur ro// de ltar zad pa med pa dang / skye ba med pa'i chos dang 'dul ba de ni/ ji ltar byung ba med pa de ltar yongs su gzung ba med do// gang yongs su gzung ba med pa de dam pa'i chos yongs su 'dzin pa'o// rigs kyi bu de ltar

  154. 78a

    bcom ldan 'das ye shes chen po'i stobs bsgrags pa'i de bzhin gshegs pa des bstan pa 'di bshad pa na/ byang chub sems dpa' sems dpa' chen po sum khri nyis stong gis mi skye ba'i chos la bzod pa skyes so/ / byang chub sems dpa' chos smra bas/ bcom ldan 'das de las bstan pa 'di thos nas/ tshim zhing mgu la yid rangs shing rab tu dga' ste/ dga' ba dang yid bde ba skyes nas/ bcom ldan 'das la 'di skad ces gsol to// bcom ldan 'das ji tsam du de bzhin gshegs pas// byang chub sems dpa' rnams kyi dam pa'i chos yongs su 'dzin pa 'di legs par gsungs pa ni ngo mtshar to/ / bcom ldan 'das ji ltar bdag gis/ bcom ldan 'das kyis gsungs pa'i don 'tshal ba ltar na bdag 'di snyam du bgyid de/ bcom ldan 'das chos thams cad ni chos ma lags so// gang chos ma lags pa de ni chos so// de ci'i slad du zhe na/ bcom ldan 'das chos thams cad ni mngon par zhen pas chos ma lags so/ / gang mngon par zhen pa ma mchis pa de ni chos so// bcom ldan 'das chos dang / chos ma lags pa gnyis kyi 'du shes dang ldan pa'i chos thams cad ni chos ma lags pa'o// bcom ldan 'das 'du shes yongs su shes pa dang ldan pa'i chos thams cad ni chos so// bcom ldan 'das don dam par bstan/ chos dang chos ma lags pa mi dmigs so// gang la chos

  155. 78b

    kyi 'du shes kyang ma mchis/ chos ma lags pa'i 'du shes kyang ma mchis pa de la chos su bgrang ba yang ma mchis so// gang la chos su bgrang ba gang yang ma mchis pa de mtha' ma lags pa'o// gang mtha' ma lags pa de yang dag pa'i mtha'o// de ci'i slad du zhe na/ nam mkha'i mtha' ni yang dag pa'i mtha' ste/ nam mkha' ni char gcad pa'i mtha' gang yang ma mchis so// ji ltar nam mkha' la char gcad ba'i mtha' gang yang ma mchis pa de bzhin du/ chos thams cad la yang char gcad pa'i mtha' gang yang ma mchis te/ de'i slad du chos thams cad ni nam mkha'i mtha' zhes bgyi'o/ / bcom ldan 'das byang chub sems dpa' gang dag gis yang dag pa'i mtha' bstan pa 'di thos nas/ de bzhin du yang dag pa nyid du khas len pa de dag ni/ chos gang la yang gnyis su dbye bar khas len pa ma lags so/ / bcom ldan 'das bdag gis ni chos gang yongs su bzung bas dam pa'i chos yongs su 'dzin par bstan pa'i chos gang yang yang dag par rjes su ma mthong ngo / / bcom ldan 'das bdag gis de ltar bstan na/ de bzhin gshegs pas gsungs pa smra ba dang / chos smra ba dang / chos kyi rjes su 'thun pa'i chos su lung ston pa lha lags sam/ yang dag pa'i lung bstan pas lung ston pa lta lags/ bcom ldan 'das des bka' stsal pa/ rigs kyi bu yang dag pa ste/ de bzhin gshegs pas gsungs pa sla ba dang /

  156. 79a

    chos kyi rjes su 'thun pa'i chos su lung ston pa yin no// yang dag pa'i lung ston pa yin no// rigs kyi bu de ltar na byang chub sems dpa' chos smra bas bstan pa 'di bshad pa na// lha'i 'khor de las lha'i bu khris rjes su 'thun pa'i chos kyi bzod pa thob par gyur to// yon tan gyi rgyal po snang ba de'i tshe de'i dus na/ byang chub sems dpa' chos smra bar gyur pa de gzhan zhig yin snyam du khyod dogs shing the tsom za 'am/ yid gnyis su gyur na/ de de ltar mi blta'o// de ci'i phyir zhe na/ yon tan gyi rgyal po snang ba khyod nyid de'i tshe de'i dus na/ chos smra ba'i byang chub sems dpa' zhes bya bar gyur to/ / de'i phyir yon tan gyi rgyal po snang ba ngas bskal pa grangs med pa bye bar bsgrubs pa/ bla na med pa yang dag par rdzogs pa'i byang chub 'di khyod la gtad do// gzung ba dang / bcang ba dang / kun chub par bya ba dang / gzhan dag la'ang rgya cher yang dag par bstan par bya ba'i phyir/ 'khor 'di'i mdun du ngas khyod la bcol to// bcom ldan 'das kyis gsung 'di gsungs ma thag tu/ de nas byang chub sems dpa' bye ba phrag drug cu langs te/ mgrin gcig tu bcom ldan 'das bdag cag gis de bzhin gshegs pa'i byang chub 'di gzung bar bgyi'o zhes smras so/ / de skad ces gsol pa dang / bcom ldan 'das kyis/ byang chub sems dpa' rnams la 'di skad ces bka' stsal to// rigs kyi bu dag khyod kyis chos

  157. 79b

    ji lta bu zhig la gnas te/ ngas bskal pa grangs med pa bye bar bsgrubs pa'i byang chub 'di 'dzin par byed// byang chub sems dpa' ri dbang rgyal po zhes bya ba der 'dus par gyur te 'dug pa des// / bcom ldan 'das la 'di skad ces gsol to// bcom ldan 'das lus dang srog la lta bas dam pa'i chos yongs su gzung bar mi nus te/ bcom ldan 'das bdag gis/ lus dang srog la mi lta bar bgyis la/ bcom ldan 'das kyi dam pa'i chos yongs su gzung bar bgyi'o// byang chub sems dpa' dpal brtsegs rgyal po zhes bya ba des 'di skad ces gsol to// bcom ldan 'das rnyed pa dang / bkur sti dang / tshogs su bcad pa la re bas dam pa'i chos yongs su gzung bar mi nus te/ bcom ldan 'das bdag gis rnyed pa dang / bkur bsti dang tshigs su bcad pa thams cad bor la/ 'phags pa ma lags pa dang bsten pa thams cad yongs su spangs te/ de bzhin gshegs pa'i dam pa'i chos yongs su gzung bar bgyi'o// byang chub sems dpa' tog chen pos gsol pa/ bcom ldan 'das chos dang / chos ma lags pa gnyis kyis 'du shes dang ldan pas/ dam pa'i chos yongs su gzung bar mi nus te/ bcom ldan 'das bdag gis chos thams cad gnyis dang bral ba mnyam pa nyid thob par bgyis te/ dam pa'i chos yongs su gzung bar bgyi'o// byang chub sems dpa' dpal sbas kyis gsol pa/

  158. 80a

    bcom ldan 'das nyon mongs pa rnams kyis zil gyis gnon pas/ dam pa'i chos yongs su gzung bar mi nus te/ bcom ldan 'das bdag gis 'phags pa'i shes rab dang ye shes kyi nyon mongs pa thams cad zil gyis mnan te/ dam pa'i chos yongs su gzung bar bgyi'o// byang chub sems dpa' sgron ma 'dzin gyis gsol pa/ bcom ldan 'das gti mug gi mun pa'i spyod yul gyis dam pa'i chos yongs su gzung bar mi nus te/ bcom ldan 'das bdag gis chags pa ma mchis pa'i ye shes kyi snang ba thob par gyis la/ chos thams cad la gti mug gi mun pa dang bral bar bgyis te/ dam pa'i chos yongs su gzung bar bgyi'o// byang chub sems dpa' klog lhas gsol pa/ bcom ldan 'das gzhan la rag las pa'i ye shes kyi dam pa'i chos yongs su gzung bar mi nus te/ bcom ldan 'das bdag gis chos thams cad la gzhan gyi dring mi 'jog par mngon sum gyi ye shes thob par bgyis la/ dam pa'i chos yongs su gzung bar bgyi'o/ / byang chub sems dpa' kun tu sbas kyis gsol pa/ bcom ldan 'das dbang po phal ba dang / 'khrul pa'i sems kyis dam pa'i chos yongs su gzung bar mi nus te/ bcom ldan 'das bdag gis dbang po thams cad dang / sgo dang / skye mched thams cad shin tu sbas shing shin tu btul la/ dam pa'i chos yongs su gzung bar bgyi'o// byang chub sems dpa' 'od drim

  159. 80b

    med pas gsol pa/ bcom ldan 'das sems can dang / chos tha dad pa'i 'du shes dang ldan pas/ dam pa'i chos yongs su gzung bar mi nus te/ bcom ldan 'das bdag gis sems can thams cad la sems snyoms pa dang / chos thams cad la mnyam pa nyid thob par bgyis te/ dam pa'i chos yongs su gzung bar bgyi'o// byang chub sems dpa' khyad par du 'gro bas gsol pa bcom ldan 'das mnyam par ma gzhag cing / g.yeng ba'i sems kyis dam pa'i chos yongs su gzung bar mi nus te/ bcom ldan 'das bdag gis mnyam par gzhag la/ mi g.yeng ba sems kyis dam pa'i chos yongs su gzung bar bgyi'o/ / byang chub sems dpa' ded dpon gyis gsol pa/ bcom ldan 'das lam shes pa'i cho ga ma 'tshal cing / lam ngan par zhugs pas dam pa'i chos yongs su gzung bar mi nus te/ bcom ldan 'das bdag gis lam shes pa'i go cha 'tshal bar bgyis la/ sems can rnams la ma ngan pa las yang dag pa'i lam la rab tu 'god cing / dam pa'i chos yongs su gzung bar bgyi'o// byang chub sems dpa' blo gros legs pas gsol pa/ bcom ldan 'das dogs pa'i sems the tsom du gyur pas/ dam pa'i chos yongs su gzung bar mi nus te/ bcom ldan 'das bdag gis dogs pa bral zhing the tsom thams cad spangs la/ dogs pa'i zug rngu thams cad bsal ba thob par bgyis te/

  160. 81a

    dam pa'i chos yongs su gzung bar bgyi'o// byang chub sems dpa' rnam par snang byed kyis gsol pa/ bcom ldan 'das chos la mi gnas shing sgrub pa nyams pas dam pa'i chos yongs su gzung bar mi nus te/ bcom ldan 'das bdag gis chos la gnas shing sgrub pa'i snying por bgyis la/ sems can rnams yang dag pa'i nan tan la rab tu 'god cing / dam pa'i chos yongs su gzung bar bgyi'o// byang chub sems dpa' snang ba mthong bas gsol pa/ bcom ldan 'das shes rab 'chal pa'i chos kyi snang ba dang bral bas dam pa'i chos yongs su gzung bar mi nus te/ bcom ldan 'das bdag gis shes rab kyi rnam par nges pa'i ye shes la mkhas shing / chos kyi snang ba dang ldan pas dam pa'i chos yongs su gzung bar bgyi'o/ / byang chub sems dpa' zhe 'gras pa med pa'i blo gros kyis gsol pa/ bcom ldan 'das zhe 'gras pa'i sems dang / sems can rjes su mi srung ba'i blos dam pa'i chos yongs su gzung bar mi nus te/ bcom ldan 'das bdag gis zhe 'bras pa med pa'i sems dang / sems can rjes su srung ba la gnas la/ dam pa'i chos yongs su gzung bar bgyi'o// byang chub sems dpa' spyod pa rnam dag blo gros kyis gsol pa/ bcom ldan 'das sems can gyi dbang po la mi mkhas shing / sems can gyi spyod pa'i cho ga ma 'tshal bas/ dam pa'i chos yongs su gzung bar

  161. 81b

    / mi nus te/ bcom ldan 'das bdag gis sems can gyi dbang po dang / spyod pa shes pa la zhugs la dam pa'i chos yongs su gzung bar bgyi'o// byang chub sems dpa' bkod pa'i rgyal pos gsol pa/ bcom ldan 'das chos la yongs su rtog pa'i 'du shes dang ldan pas/ bdag dang / sems can dang / chos la gnas pas dam pa'i chos yongs su gzung bar mi nus te/ bcom ldan 'das bdag gis rtog pa dang / rnam par rtog pa dang / yongs su rtog pa thams cad dang bral zhing / 'khor gsum yongs su dag la/ bdag dang / sems can dang / chos la mi gnas par bgyid cing / bcom ldan 'das kyi dam pa'i chos yongs su gzung bar bgyi'o// byang chub sems dpa' seng ge'i rtog gis gsol pa/ bcom ldan 'das 'jig rten 'di ni/ 'di lta ste/ chos thams cad ma skyes pa dang / ma byung ba la skrag pa'o// bcom ldan 'das bdag gis ni/ chos thams cad ma skyes pa dang / ma byung bar 'tshal nas/ skrag pa ma mchis/ kun tu skrag pa ma mchis shing chos gang la yang nye ba'am/ ring bar mi gnas par bcom ldan 'das kyi dam pa'i chos yongs su gzung bar bgyi'o// byang chub sems dpa' byams pas gsol pa/ bcom ldan 'das byang chub la ring ba'i 'du shes can gyis dam pa'i chos yongs su gzung bar mi nus te/ bcom ldan 'das byang chub sems dpa' gang 'di snyam du bdag gis bla na med pa yang dag par rdzogs pa'i byang chub

  162. 82a

    thob nas/ byang chub lus dang sems dang ldan pa yang ma yin/ mi ldan pa yang ma yin par mthong ngo snyam pa des/ de bzhin gshegs pa'i dam pa'i chos yongs su gzung / bar bgyi'o// byang chub sems dpa' yon tan gyi rgyal po snang bas gsol pa/ bcom ldan 'das yon tan la mi gnas shing / yon tan dang bral la/ de bzhin gshegs pa'i yon tan don du mi gnyer bas dam pa'i chos yongs su gzung bar mi nus te/ bcom ldan 'das bdag gis yon tan thams cad dang ma bral zhing / byang chub sems dpa'i yon tan yang dag pa la gnas te/ de bzhin gshegs pa'i yon tan yongs su btsal ba la mngon par brtson pas/ bcom ldan 'das kyi dam pa'i chos yongs su gzung bar bgyi'o// 'jam dpal gzhon nur gyur pas gsol pa/ bcom ldan 'das gang 'di skad du bdag gis dam pa'i chos yongs su gzung ngo zhes de skad mchi ba'i 'jig rten de ni rnam par smra ba lags so/ / bcom ldan 'das de ci'i slad du zhe na/ bcom ldan 'das byang chub snying po la zhugs nas/ chos gang ma rnyes shing mngon par rdzogs par sangs ma rgyas pa de la yongs su gzung ba gang yang ma mchis so// bcom ldan 'das bdag gis chos thams cad yongs su mi bzung ba dang / sems can thams cad yongs su 'dzin pa 'dor du stsal ba'i srad du/ snying rje chen po'i chos nyid 'di gzung bar bgyi'o// chos gang yang 'phros par mi brgya

  163. 82b

    'phros pa dang bral bar yang mi bgyi'o/ / de nas bcom ldan 'das kyis/ 'jam dpal gzhon nur gyur pa la legs so zhes bya ba byin te/ 'jam dpal legs so legs so// de de bzhin no// ji skad smras pa bzhin te/ ngas chos gang yang ma thob par byang chub kyi snying po la 'dug go// ma thob bzhin du byang chub kyi snying po las langs so// 'jam dpal gyis gsol pa bcom ldan 'das byang chub kyi snying po la zhugs sam/ ci na gang 'di skad du ngas ma tho ba bzhin du byang chub kyi snying po las langs shes gsung / gal te bzhugs na ni byang chub la gnyis 'jug par 'gyur te/ bcom ldan 'das kyang gzhan la/ byang chub kyi snying po yang gzhan du 'gyur ro// bcom ldan 'das byang chub ni gnyis kyis rab tu phye ba ma lags so// bcom ldan 'das kyis bka' stsal pa/ 'jam dpal nga byang chub kyi snying po'i ngo bo nyid kyi rjes su zhugs pa'i phyir/ byang chub kyi snying po la 'dug go// nga'i ngo bo nyid gang yin pa de byang chub kyi snying po'i ngo bo nyid de/ byang chub kyang de'i ngo bo nyid sems can thams cad kyang de'i ngo bo nyid/ chos thams cad kyang de'i ngo bo nyid de/ 'jam dpal byang chub kyi snying por gang ngas mngon par rdzogs par sangs rgyas pa de ni ngo bo nyid gcig pa'o// ro gcig pa'o// mngon par rdzogs par sangs rgyas nas kyang / de bzhin gshegs pas byang chub kyi snying po las rnam par grol ba'i chos gang yang ma gzigs so// byang chub mnyam pa nyid pas/ chos

  164. 83a

    thams cad mnyam pa nyid du mngon par rdzogs par sangs rgyas so/ / mnyam pa nyid ni chos gang gi grangs su 'gro ba yang ma yin te/ grangs med pa grangs dang bral ba'o// de ci'i phyir de bzhin gshegs pa 'dus ma byas pa zhes bya'o// 'jam dpal de bzhin gshegs pa ni 'dus thob pa ste/ 'dus byas thams cad la shin tu 'das so// 'jam dpal gang dag de bzhin gshegs pa'i bstan pa 'di la mos pa de dag thams cad de bzhin gshegs pa'i rnam par grol bas rnam par grol bar 'gyur ro/ / rnam par grol nas chos nyid de las 'da' bar mi 'gyur ro/ / de nas byang chub sems dpa' gang dag/ byang chub sems dpa' blo gros rgya mtsho dang lhan cig tu/ 'jig rten gyi khams mi mjed 'dir lhags pa de dag gis bstan pa 'di thos nas/ tshim zhing mgu la yid rangs shing rab tu dga' ste/ dga' ba dang / yid bde ba skyes nas/ bdag cag sangs rgyas kyi zhing 'dir legs par lhags pa dang / bcom ldan 'das dang / 'jam dpal gzhon nur gyur pa dang / skyes bu dam pa 'di dag kyang mthong ba dang / chos zab mo bstan pa 'di yang thos pa ni/ bdag cag gis rnyed pa legs par rnyed do zhes ched du rjod pa ched du brjod do/ / gang du chos kyi rnam gras 'di gnas par gyur pa der sangs rgyas byung bar blta'o// gang du chos kyi rnam grangs 'di spyod par 'gyur ba der chos kyi

  165. 83b

    'khor lo rab tu bskor bar blta'o/ / da lta 'am de bzhin gshegs pa yongs su mya ngan las 'das kyang rung ste/ gang dag chos kyi rnam grangs 'di nyan pa dang / thos nas kyang mos pa dang / 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par rab tu ston par 'gyur ba'i sems can de dag kyang rnyed pa legs par rnyed pa dag go bcom ldan 'das kyis bka' stsal pa/ rigs kyi bu dag khyed kyis ji ltar byang chub sems dpa' rnyed pa legs par rnyed pa shes sam de dag gis gsol pa/ bcom ldan 'das byang chub sems dpa' rnams kyi rnyed pa ni bcu po 'di dag ste/ rnyed pa chen po bsam gyis mi khyab par 'gyur ba dag go// bcu gang zhe na/ 'di lta ste/ sangs rgyas 'byung ba mnyes par byed pa rab tu 'thob pa dang / mthong nas kyang lhag pa'i bsam pas de la dad pa rab tu 'thob pa dang / sems dang nas kyang chos mnyan pa rab tu 'thob pa dang / chos thos nas kyang the tsom ma mchis pa rab tu 'thob pa dang / the tsom ma mchis nas kyang rab tu 'byung ba rab tu 'thob pa dang / rab tu byung nas kyang 'tsho ba yongs su dag pa rab tu 'thob pa dang / 'tsho ba yongs su dag nas kyang chos bstan pa la mkhas pa rab tu 'thob pa dang / tshe rabs tshe rabs su byang chub kyi sems rab tu 'thob pa dang / byang chub kyi sems ma brjed nas kyang / byang chub sems dpa'i sde snod//

  166. 84a

    kyi chos mnyan pa rab tu 'thob pa dang / byang chub sems dpa'i sde snod thos nas kyang sgrub pa rab tu 'thob pa ste/ bcom ldan 'das rnyed pa bcu po de dag ni/ rnyed pa chen po bsam gyis mi khyab par 'gyur ba dag go/ / de la rab tu gnas pa'i byang chub sems dpa' sems dpa' chen po dag ni rnyed pa legs par rnyed pa zhes bgyi'o// bcom ldan 'das kyis bka' stsal pa/ skyes bu dam pa dag khyed kyis byang chub sems dpa' sems dpa' chen po rnams kyi rnyed pa de dag legs par smras pa de ni legs so legs so/ / bstan pa 'di bshad pa na/ srog chags sum khri drug stong gis bla na med pa yang dag par rdzogs pa'i byang chub tu sems bskyed do/ / yongs su gtad pa'i le'u bdun pa rdzogs te/ 'phags pa blo gros rgya mtshos zhus pa phyed gong ma'o// / bam po drug pa/ de nas bcom ldan 'das la/ byang chub sems dpa' blo gros rgya mtshos 'di skad ces gsol to// bcom ldan 'das 'di lta ste/ lha dang mi'i phun sum tshogs pa myong bar bgyi ba dang / mya ngan las 'das pa'i phun sum tshogs pa bla na med pa thob par bgyi ba'i slad du/ ji tsam du theg pa chen po sems can thams cad la phan par bgyid par gyur pa ni ngo mtshar to/ / bcom ldan 'das theg pa chen po sdud par 'gyur ba'i chos rnams ni gang lags/ theg pa chen po la gces spras bgyid pa'i chos rnams ni gang lags/ theg pa chen po la dka' ba brgyad/

  167. 84b

    pa'i chos rnams ni gang lags/ theg pa chen po rten par 'gyur ba'i chos rnams ni gang lags/ bcom ldan 'das theg pa chen po'i bar chad du 'gyur ba'i chos rnams ni gang lags/ bcom ldan 'das/ ci'i slad du theg pa chen po la theg pa chen po zhes bgyi/ de skad ces gsol pa dang / bcom ldan 'das kyis/ byang chub sems dpa' blo gros rgya mtsho la 'di skad ces bka' stsal to/ / blo gros rgya mtsho de'i phyir nyon cig dang / bstan par bya'o// blo gros rgya mtsho theg pa chen po sdud par 'gyur ba'i chos gcig ste/ chos gcig po gang zhes na/ 'di lta ste/ byang chub tu sems brjed par mi byed cing bag yod pa ste/ blo gros rgya mtsho 'di ni theg pa chen po sdud par 'gyur ba'i chos gcig go// blo gros rgya mtsho gzhan yang theg pa chen po sdud par 'gyur ba'i chos gcig ste/ chos gcig po gang zhe na/ 'di lta ste/ bya bar 'jug pa la zhugs shing rnam par smin pa la yid ches pa'o// gzhan yang chos gcig ste/ 'di lta ste/ rten pa'i chos dang mi 'ga' bar yang dag pa'i lta ba'o/ / gzhan yang chos gcig ste/ sdug pa dang mi sdug pa bsal te/ sems can thams cad la sems mnyam pa nyid do// gzhan yang chos gcig ste/ thams cad bskyab pa dang ldan pa'i byams pa chen po'o/ / gzhan yang chos gcig ste/ bdag bde ba la mi chags pa'i snying rje chen po'o// gzhan yang chos gcig ste/ sangs rgyas kyi sku 'dod pa'i

  168. 85a

    sangs rgyas rjes su dran pa'o/ / gzhan yang chos gcig ste/ chos sgrub pa snying por byed pa'i chos rjes su dran pa'o// gzhan yang chos gcig ste/ phyir mi ldog pa'i dge 'dun dang ldan pa'i dge 'dun rjes su dran pa'o/ / gzhan yang chos gcig ste/ nyon mongs pa thams cad bsal ba'i gtong ba rjes su dran pa'o// gzhan yang chos gcig ste/ byang chub kyi sems ma brjed pa'i tshul khrims rjes su dran pa'o/ / gzhan yang chos gcig ste/ rnam par dag pa'i chos dang ldan pa'i lha rjes su dran pa'o// gzhan yang chos gcig ste/ phan pa dang / bde ba dang ldan pa'i phan par 'dod pa'o/ / gzhan yang chos gcig ste/ bsam pa brtan par gyur cing mos pa drag pa'o// gzhan yang chos gcig ste/ sems can thams cad rab tu thar par bya ba la mchog tu dga' ba'o/ / gzhan yang chos gcig ste/ chos zab mo las nges par 'byung ba'i dam pa'i chos yongs su tshol ba'o// gzhan yang chos gcig ste/ zang zing med pa'i sems kyis chos sbyin pa'o/ / gzhan yang chos gcig ste/ chos mnyan pa'i phyir lhags pa rnams la nad par 'du shes pa'o// gzhan yang chos gcig ste/ chos la sman du 'du shes pa'o// gzhan yang chos gcig ste/ bdag la sman par 'du shes pa'o// gzhan yang chos gcig ste/ dam pa'i chos yun ring du gnas par bya ba'i phyir kun tu srung ba'o// gzhan yang chos

  169. 85b

    gcig ste/ dkon mchog gsum gyi rigs mi gcod pa'o// gzhan yang chos gcig ste/ mi rkam zhing ngan ngon gyis chog shes pa'o// gzhan yang chos gcig ste/ bdog pa thams// cad yongs su gtong ba la zhum pa med pa'o// gzhan yang chos gcig ste/ rang gi tshul khrims kyis tshul khrims 'chal pa'i sems can yongs su smin par byed pa'o// gzhan yang chos gcig ste/ nyes par byas pa la shar mi gnyer ba'i bzod pa'o// gzhan yang chos gcig ste/ legs par byas pa la lan glan pa'i blo'o// gzhan yang chos gcig ste/ byas pa mi gzo ba rnams la snying rje ba'i blo'o/ / gzhan yang chos gcig ste/ byas pa gzo ba rnams la rim gro bya ba'i blo'o// gzhan yang chos gcig ste/ mi shes pa rnams la nga rgyal med pa'o// gzhan yang chos gcig ste/ shes pa rnams kyis rjes su slob pa'o// gzhan yang chos gcig ste/ dge ba'i rtsa ba la lhag pa'i bsam pa'i sems mi 'dor ba'o// gzhan yang chos gcig ste/ mi dge ba'i sems kyi rjes su mi 'jug pa'o/ / gzhan yang chos gcig de/ tshul 'chos pa med cing kha gsag med pas smos pa gsum yongs su dag pa'o// gzhan yang chos gcig ste/ chos smra ba rnams la ston pa dang bla ma ltar 'phangs par rim gro byed pa'o/ / gzhan yang chos gcig ste/ 'jig rten rgyang phan pa dang ma 'dres pa legs par thos pa'i chos nyan pa'o// gzhan yang chos gcig ste/

  170. 86a

    dge ba'i rtsa ba yongs su sbyang ba yongs su dag nas/ 'khor ba na yongs su mi zlo ba'o// gzhan yang chos gcig ste/ de bzhin gshegs pa bzhugs pa rnams sam/ yongs su mya ngan las 'das pa rnams la mchod pa byed pas mi ngoms pa'o/ / gzhan yang chos gcig ste/ sems can thams cad kyis gsol ba ma btab par bshes gnyen bya'o// gzhan yang chos gcig ste/ dngos po thams cad la mi gnas shing / yongs su mi 'dzin mi chags pa'o// gzhan yang chos gcig ste/ khyim na gnas pa'i skyon rig nas rtag par rgyun tu rab tu 'byung ba la gzhol ba'o/ / gzhan yang chos gcig ste/ skyes bu dam pa'i las rnams la zhugs pa'o// gzhan yang chos gcig ste/ nges par bya ba la zhugs pa'i byang chub kyi lam gyi tshogs sogs pa'o// gzhan yang chos gcig ste/ theg pa chen po mtshungs par yang dag par zhugs pa rnams la zhe mi sdang ba'o// gzhan yang chos gcig ste/ byang chub kyi sems yang dag par 'dzin tu zhugs pa la yongs su mi skyo ba'o/ / gzhan yang chos gcig ste/ gsang ba'i sngags rnams kun tu srung bas rnam par 'phros par mi byed pa'o// gzhan yang chos gcig ste/ chos dang bzo yongs su btsal ba shes pa'o// gzhan yang chos gcig ste/ bden pa'i ngag la rab tu gnas pas chos mthong ba'o// gzhan yang chos gcig ste/ kha 'og tu lus 'khrus par byed pa'o// gzhan yang chos gcig ste/ 'gyod pa med/

  171. 86b

    pa'i sems kyis sbyin pa 'gyed pa'o// gzhan yang chos gcig ste/ bdud kyi las rnams rtogs nas yongs su spong ba'o// gzhan yang chos gcig ste/ nga rgyal dang bral ba'i ye shes kyi lags so// gzhan yang chos gcig ste/ shes kyi khe dang bral bar dgon pa na gnas pa'o// gzhan yang chos gcig ste/ lhag pa'i nga rgyal dang bral zhing bdag la mi stong/ gzhan la mi smod pa'o// gzhan yang chos gcig ste/ nyon mongs pa dang bral zhing / 'jig rten gyi rjes su 'thun pa'o// gzhan yang chos gcig ste/ 'tsho ba yongs su dag ste/ dben pa la dga' ba'o// gzhan yang chos gcig ste/ tshul bzhin la brtson pas nang du yang dag 'jog pa'o// gzhan yang chos gcig ste/ mang du thos nas sems nges par sems pa'o// gzhan yang chos gcig ste/ yang dag par rab tu brtson pa'o// rnal 'byor spyod pa'i sa'o// gzhan yang chos gcig ste/ stong pa nyid kyi spyod yul gyi chos la so sor rtog pa'o// gzhan yang chos gcig ste/ rnyed pa dang ma rnyed pas khengs pa med cing gdung ba med pa'o/ / gzhan yang chos gcig ste/ 'du 'dzis 'jigs shing skrag nas gcig pu dga' ba'o// gzhan yang chos gcig ste/ chos kyi rnyed pa gzhan dag dang kun tu 'gyed pa'o// gzhan yang chos gcig ste/ 'phags pa'i bden pa shes pa la mkhas pa'o// gzhan yang chos gcig ste/ shes pa thams cad la slob dpon dpe mkhyud med pa'o// gzhan yang chos gcig ste

  172. 87a

    ma bsrabs pa rnams bslab pa la sbyor zhing mi brnyas pa'o/ / gzhan yang chos gcig ste/ rnyed pa dang ma rnyed pa rnams la las kyi rnam par smin pa la yid ches shing yongs su gdung ba med pa'o/ / gzhan yang chos gcig ste/ gus par byas te/ chos nyan pa rnams la chos ston pa'o// gzhan yang chos gcig ste/ sdug pa rnams la rjes su chags pa spangs nas/ sems can thams cad la sems mnyam pa nyid do// gzhan yang chos gcig ste/ chos smra ba rnams la g.yo med par legs so zhes bya ba sbyin pa'o// gzhan yang chos gcig ste/ cang shes kyi sems kyis sems can thams cad kyi khur khyer ba'o/ / gzhan yang chos gcig ste/ pha rol tu phyin pa rnams la sbyor ba yongs su tshol ba'o// gzhan yang chos gcig ste/ byang chub kyi lam gyi tshogs sogs pa'i brtson 'grus so/ / gzhan yang chos gcig ste/ dad pa'i rtsa ba brtan zhing mi g.yo ba'o// gzhan yang chos gcig ste/ yul 'khor gyi bsod snyoms don yod par yongs su spyod pa'o/ / gzhan yang chos gcig ste/ nor bdun yang dag par 'du bas dbul ba med pa'o// gzhan yang chos gcig ste/ snying po blangs pa'i srog gi dbang po'o// gzhan yang chos gcig ste/ thabs la mkhas pas sems can yongs su smin par byed pa'o// gzhan yang chos gcig ste/ chos kyi mchod sbyin pa'i bsdu ba'i dngos po'o// gzhan yang chos gcig ste/ rtsod pa med pa lhur

  173. 87b

    len pa'i chos kyi gtam mo/ / gzhan yang chos gcig ste/ klan ka mi tshol ba'i sems kyis chos nyan pa'o// gzhan yang chos gcig ste/ dge sbyong gi dri ma dang bral ba'i dge sbyong nyid do// gzhan yang chos gcig ste/ 'dre ba med par grong dang / grong khyer dang / grong rdal du 'jug pa'o// gzhan yang chos gcig ste/ rang gi 'khrul pa las so sor rtog pas/ sems can thams cad kun tu srung ba'o/ / gzhan yang chos gcig ste/ 'jig rten gyi sna tshogs la btang snyoms su byed pa'o// gzhan yang chos gcig ste/ dge ba'i bshes gnyen rnams la mi slu ba'o/ / gzhan yang chos gcig ste/ rang gi sems yongs su dag pa sems can thams cad kyi sems yongs su dag par shes pa'o// gzhan yang chos gcig ste/ bcos ma ma yin pas bsam pa dag pa'o/ / gzhan yang chos gcig ste/ khyad par du 'gro bas lhag pa'i bsam pa dag pa'o// gzhan yang chos gcig ste/ legs par bya ba'i las byed pas sbyor ba dag pa'o/ / gzhan yang chos gcig ste/ bsod nams yongs su dag pas mtshan yongs su dag pa'o// gzhan yang chos gcig ste/ shes pa yongs su dag pas/ nyon mongs pa yongs su dag pa'o/ / gzhan yang chos gcig ste/ sems can thams cad yongs su dag pas zhing yongs su dag pa'o// gzhan yang chos gcig ste/ mtshan ma med pa la so sor brtags te/ yongs su

  174. 88a

    bsngo ba la mkhas pa'o/ / gzhan yang chos gcig ste/ rjes su 'thun pa'i chos kyi bzod pa'o// gzhan yang chos gcig ste/ rnam par thar pa'i sgo gsum yongs su bsgoms nas nges par gyur pa la so sor rtog pa'o/ / gzhan yang chos gcig ste/ gnas med pa la gnas pas gnas bstan pa'o// gzhan yang chos gcig ste/ mngon par shes pas rnam par rtsen cing / zag pa zad pa shes pa la 'jug pa'o// gzhan yang chos gcig ste/ zhi gnas dang lhag mthong gis yongs su sbyang ba byas pa'i rig pa dang rnam par grol ba'o// gzhan yang chos gcig ste/ thabs kyis yang dag par zin pa'i shes rab bsgoms pa'o// gzhan yang chos gcig ste/ khams gsum gyi snying po thob pa byang chub kyi snying po'i rgyan no// gzhan yang chos gcig ste/ 'di lta ste/ chos thams cad mnyam pa nyid du mngon par rdzogs par khong du chud pas/ bla na med pa yang dag par rdzogs pa'i byang chub bo// blo gros rgya mtsho gzhan yang theg pa chen po sdud par 'gyur ba'i chos gcig ste/ chos gcig po gang zhe na/ 'di lta ste/ chos thams cad rang bzhin gyis ma skyes pa dang / ma byung bar rig nas/ mi skye ba'i chos la bzod pa thob pa ste/ bri gros rgya mtsho 'di ni theg pa chen po sdud par 'gyur ba'i chos gcig go// blo gros rgya mtsho chos de dag ni theg pa chen po sdud par 'gyur ba dang / 'dzin pa dang gnas pa thams cad 'dod par 'gyur ba dag go/

  175. 88b

    blo gros rgya mtsho gzhan yang theg pa chen po la gces spras byed pa'i chos gnyis te/ gnyis gang zhe na/ 'di lta ste/ sangs rgyas kyi chos rnams la mos pa dang / nyan thos dang rang sangs rgyas kyi chos na sral 'dod pa med pa ste/ blo gros rgya mtsho chos gnyis po de dag ni/ theg pa chen po la gces spras byed pa'o// blo gros rgya mtsho theg pa chen po la dka' ba byed pa'i chos gnyis te/ gnyis pa zhe na/ mos pas rnam par grol ba kun tu srung ba dang / rnam par grol ba de'i phyir chos ston pa ste/ blo gros rgya mtsho chos gnyis po de dag ni theg pa la dka' ba byed pa'o// blo gros rgya mtsho theg pa chen la gces spras byed pa'i chos gnyis te/ gnyis gang zhe na/ byang chub kyi sems las mi nyams pa dang / sems can la lta ba la brtan pa'o// dka' ba byed pa'i chos gnyis te/ byang chub kyi sems la sgyu ma lta bur so sor rtog pa dang / sems can thams cad la bdag med par so sor rtog pa'o// gces spras byed pa'i chos gnyis te/ bsam pa mi 'dor ba dang / sbyor ba bcos ma ma yin pa'o/ / dka' ba byed pa'i chos gnyis te/ rtsa ba yongs su dag pa'i bsam pa dang / byed pa med cing byed pa dang bral ba yang ma yin par bsod nams sog pa'o// gces spras byed pa'i chos gnyis te/ dge ba'i rtsa ba rnams la sbyor ba dang / sbyor ba yang nyams 'og tu chung bar byed pa'o// dka' ba byed pa'i chos gnyis te/ spros pa med par sbyor ba dang / sbyor ba nyams 'og tu chung

  176. 89a

    par byed pas dben pa'o/ / gces spras byed pa'i chos gnyis te/ lhag pa'i bsam pas khyad par du 'gro ba dang / khyad par gyi khyad par du lhag par dmigs pa'o// dka' ba byed pa'i chos gnyis te/ bdag gis nyes pa mi byed pa dang / gzhan yang nyes pa las 'byin pa'o// gces spras byed pa'i chos gnyis te/ 'dog pa thams cad yongs su gtong ba dang / rnam par smin pa la mi re ba'o/ / dka' ba byed pa'i chos gnyis te/ mnyam pa'i sems gtong ba dang / yongs su bsngo ba la mkhas pa'o// gces spras byed pa'i chos gnyis te/ bslab pa ma nyams pa dang / skye bar smon pa med pa'o// dka' ba byed pa'i chos gnyis te/ tshul khrims 'chal pa rnams la cher snying rje ba dang / bdag la mi stod pa'o// gces spras byed pa'i chos gnyis te bzod cing nges pa dang / byang chub tu yongs su sngo ba'o// dka' ba byed pa'i chos gnyis te/ rjes su chags pa 'dor ba dang / rje bo la bzod pa sgom pa'o// gces spras byed pa'i chos gnyis te/ dge ba'i chos thams cad yongs su btsal bar rtsom pa'i brtson 'grus dang / dge ba'i rtsa ba la yid rang ba'o// dka' ba byed pa'i chos gnyis te/ lus dang sems dben pa dang / sems gnas pa yongs su thar par byed pa'o/ / gces spras byed pa'i chos gnyis te/ bsam gtan gyi yan lag yang dag par sdud pa dang / sems las su rung ba'o// dka' ba byed pa'i chos gnyis te/

  177. 89b

    bsam gtan las ldog pa shes pa dang / 'dod pa'i khams la smod pa'o// gces spras byed pa'i chos gnyis te/ chos don tu gnyer ba dang / chos 'dod pa'o// dka' ba byed pa'i chos gnyis te/ chos la so sor rtog pa dang / chos nges par sems pa'o// gces spras byed pa'i chos gnyis te/ dge ba'i bshes gnyen la bsten pa dang / bla ma la gus par brtan pa'o// dka' ba byed pa'i chos gnyis te/ gus pa dang / dka' blo bde ba'o// gces spras byed pa'i chos gnyis te/ dus dang dus ma yin par yongs su 'dri ba dang / don myong bar byed pa'o/ / dka' ba byed pa'i chos gnyis te/ don shes pa dang / chos shes pa'o// gces spras byed pa'i chos gnyis te/ thos pa'i nor gyi mi ngoms pa dang / thos pa'i shes rab kyis ngoms mi myong ba'o/ / dka' ba byed pa'i chos gnyis te/ tshul bzhin du chos la so sor rtog pa dang / tshul bzhin ma yin pa'i chos rnam par spong ba'o// gces spras byed pa'i chos gnyis te/ chos ston pa dang / chos nyan pa rnams la snying rje ba'o// dka' ba byed pa'i chos gnyis te/ slob dpon dpe mkhyud med pa dang / zang zing med pa'i sems kyis chos ston pa'o// gces spras byed pa'i chos gnyis te/ rna ba brags te nyan pa dang / thams cad du sems kyis sems pa'o// dka' ba byed pa'i chos gnyis te/ sgrib pa sel ba dang / byang chub kyi yan lag sgom pa'o// gcas

  178. 90a

    spras byed pa'i chos gnyis te/ mchog tu dga' ba thob pa dang / dga' ba myong ba'o// dka' ba byed pa'i chos gnyis te/ rung ba rnams la chod shes pa dang / bdag shes pa la 'jug pa'o/ / gces spras byed pa'i chos gnyis te/ las kyi rnam par smin pa la yid ches pa dang / legs par bya ba'i las byed pa'o// dka' ba byed pa'i chos gnyis te/ las med cing rnam par smin pa med par mos pa dang / dge ba'i chos kyang rton pa'o// gces spras byed pa'i chos gnyis te/ tshig bden pa dang / 'phags pa'i skye bo la mi slu ba'o// dka' ba byed pa'i chos gnyis te/ ji skad smras pa de bzhin byed pa dang / sangs rgyas kyi tshul mi 'khrugs par byed pa'o// gces spras byed pa'i chos gnyis te/ lus yongs su dag pa dang / mi dge ba rnam gsum yongs su spong ba'o/ / dka' ba byed pa'i chos gnyis te/ lus gzugs brnyan lta bu dang / rtswa dang / rtsig pa dang / shing lta bur so sor rtog pa'o// gces spras byed pa'i chos gnyis te/ ngag yongs su dag pa dang / ngag gi skyon bzhi yongs su spong ba'o// dka' ba byed pa'i chos gnyis te/ chos brjod du med par khong du chud pa dang / sgra thams cad brag cha dang mtshungs par shes pa'o// gces sngas byed pa'i chos gnyis te/ sems yongs su dag pa dang / brnab sems dang / gnod sems dang / log par lta ba yongs su spong ba'o// dka' ba byed pa'i chos gnyis te/ nang nye bar zhi ba

  179. 90b

    dang / phyi rol tu mi rgyu ba'o// gces spras byed pa'i chos gnyis te/ byabs pa bsgom pa dang / sems can thams cad la sems mnyam pa nyid do// dka' ba byed pa'i chos gnyis te/ nam mkha' ltar rnam par dag cing / dri ma med pa'i byams pa dang / sems can thams cad yongs su bsgrub pa'i phyir yongs su bsngo ba'o// gces spras byed pa'i chos gnyis te/ snying rje chen po mi 'dor ba dang / dge paba'i rtsa ba yongs su tshol ba la yongs su mi skyo ba'o/ / dka' ba byed pa'i chos gnyis te/ skye ba med par so sor rtog pa dang / nges par gyur pa kun tu srung ba'o// gces spras byed pa'i chos gnyis te/ chos la dga' bas dga' zhing mos pa dang / mi dga' ba spong ba'o// dka' ba byed pa'i ngos gnyis te/ mi smra ba'i brtul zhugs yongs su rdzogs par byed pa dang / brtul zhugs ma yin pa spyod pa'o// gces spras byed pa'i chos gnyis te/ rjes su chags pa 'dor ba dang / khong khro ba spong ba'o// dka' ba byed pa'i chos gnyis te/ btang snyoms bsgom pa dang / sems can la lta bas yongs su spags pa'o/ / gces spras byed pa'i chos gnyis te/ sangs rgyas rjes su dran pa bsgom pa dang / dran pa de la gnas par sems bskyed pa'o// dka' ba byed pa'i chos gnyis te/ chos kyi sku sgom pa dang mtshan gyi sku yang sgrub pa'o/ / gces spras byed pa'i chos gnyis te/ chos rjes su dran pa bsgom pa dang / sems can rnams kyang chos la sbyor ba'o// dka' ba byed pa'i chos gnyis te/ 'dod chags

  180. 91a

    dang bral ba'i chos nyid la so sor rtog pa dang / 'dod chags pa la spyod pa'i sems can rnams la cher snying rje ba'o// gces sbas byed pa'i chos gnyis te/ byang chub sems dpa'i dge 'dun rjes su dran pa dang / phyir mi ldog pa'i dge 'dun la yang sten pa'o// dka' ba byed pa'i chos gnyis te/ 'dus ma byas la yang rtog pa dang / 'bras bu thob pa yang kun tu srung ba'o// gces spras byed pa'i chos gnyis te/ tshul khrims rjes su dran pa dang / byang chub kyi sems mi brjed pa'o// dka' ba byed pa'i chos gnyis te/ mngon par 'du byed pa med pa'i tshul khrims la so sor rtog pa dang / tshul khrims 'chal pa'i sems can sdud cing yongs su smin par byed pa'o// gces spras byed pa'i chos gnyis te/ gtong ba rjes su dran pa dang / 'gyod pa med par gtong ba'o// dka' ba byed pa'i chos gnyis te/ rang gi nyon mongs pa 'dor ba dang / sems can thams cad kyi nyon mongs pa spong ba ston pa'o// gces spras byed pa'i chos gnyis te/ lha rjes su dran pa dang / skye bar smon pa med pa'o/ / dka' ba byed pa'i chos gnyis te/ dran pa dang / shes bzhin dang / sems g.yeng ba rnams dran pa la 'god pa'o// gces spras byed pa'i chos gnyis te/ bsod nams kyi tshogs dang ye shes kyi tshogs so/ / dka' ba byed pa'i chos gnyis te/ mngon par 'du byed pa med pa'i ye shes dang / bsod nams kyi tshogs ma smad pa'o// gces spras byed pa'i chos gnyis te/

  181. 91b

    chags pa las shin tu 'da' ba dang / chags pas zhen pa yongs su 'grel pa'o// dka' ba byed pa'i chos gnyis te/ 'dun pa drag po dang / sgyu med cing g.yo med pa'o// gces spras byed pa'i chos gnyis te/ byas pa gzo ba dang / byas pa shes pa'o// dka' ba byed pa'i chos gnyis te/ 'dun pa'i 'dod chags pa spong ba dang / dge ba'i chos la 'dun pa mi 'dor ba'o// gces spras byed pa'i chos gnyis te/ sdig pa thams cad 'chags pa dang / sdig pa thams cad mi byed pa'o// dka' ba byed pa'i chos gnyis te/ 'gyod pa med pa dang / kun nas ldang ba med pa'o/ / gces spras byed pa'i chos gnyis te/ gzhan gyi bsod nams la rjes su yi rang ba dang / rang gi bsod nams kyis mi ngoms pa'o// dka' ba byed pa'i chos gnyis te/ sdig pa thams cad zad pa shes pa dang / bsod nams bsags pa shes pa'o// gces spras byed pa'i chos gnyis te/ sangs rgyas thams cad la gsol ba 'debs pa dang / chos thams cad yongs su 'dzin pa'o/ / dka' ba byed pa'i chos gnyis te/ chos kyi dbyings 'dres pa med pa dang / tshig rab tu dbye ba thams cad bstan pa shes pa'o// gces spras byed pa'i chos gnyis te/ yongs su bsngo ba la mkhas pa dang / sems can thams cad dang thun mong du yongs su bsngo ba'o// dka' ba byed pa'i chos gnyis te/ mtshan ma med pa 'dris par byed pa dang / mtshan ma

  182. 92a

    thams cad rnam par 'jigs pa'o/ / gces smras byeng pa'i rgyas gnyis/ stong panyidu la rtog pa dang / sems can la yang lda 'o// pa' 'a byeng pa gnyis te/ shes rab kyi sgru ba med pa dang / thabs kyis lnga ba dang bcas pa'o// gces ldam byed pa'i chos gnyis te/ dge ba'i rtsa ba 'dod pa dang / dge ba'i rgya bu thams cad la sems ca thams cad spyo ba'o/ / dka' babyed pa'i chos gnyis te/ sbyo pa med bsgom pa dang / bsams bzhin du skye ba shes pa'o// gces rgyas byed pa'i rnam gam te/ del margyags m dza'o/ / byung chos gnyisate/ dargyal med pa dang / nges par// gces ldas byeng ba'i tsham gas te/ dben pa la gnas pa dang / dben pa'i man dku babyed padza ngas gnyis/ nang sa pa ba gnas pad+mang / sems can thams cad mas b+h+yo byur/ banasu sam byud ba rnam sa'ad brdung pa 'o/ de la rnam mam pa # sa ra 'am pa ga padang / gas kya 'phrul pa tshu mam

  183. 92b

    bdag la mi stong pa dang / gzhan la mi smod pa'o// dka' ba byed pa'i chos gnyis te/ bdag la bdag med pa dang / sems can la sems can med pa'o// gces spras byed pa'i chos gnyis te/ rang gi byed pa dang / gzhan gyis skabs mi rnyed pa'o// dka' ba byed pa'i chos gnyis te/ 'khor ba las ldog pa dang / 'khor ba na sems can yongs su thar par byed pa'o// gces spras byed pa'i chos gnyis te/ pha rol tu phyin pa yongs su tshol ba dang / pha rol tu phyin pa yongs su btsal ba rnams la ji skad bstan pa bzhin du gnas pa'o// dka' ba byed pa'i chos gnyis te/ gzhan la rag ma las pa'i shes pa rab tu thob pa dang / gzhan dag kyang shes pa la rab tu sbyor ba'o// gces spras byed pa'i chos gnyis te/ thob pa dang / bkur sti dang / tshigs su bcad pa don du mi gnyer ba dang / dam pa'i chos yongs su btsal ba don tu gnyer ba'o/ / dka' ba byed pa'i chos gnyis te/ phan ma btags pa rnams la yang phan 'dogs pa dang / phan btags pa rnams la yang lhag par dga' ba med pa'o// gces spras byed pa'i chos gnyis te/ byams pa chen po thug pa med par byas pa dang / snying rje chen po yongs su chad pa med pa'o// dka' ba byed pa'i chos gnyis te/ rgal nas 'jug pa dang / ma rgal ba rnams sgrol ba'o/ / gces spras byed pa'i chos gnyis te/ sems can thams cad yon tan yang dag par 'dzin tu 'jug pa dang / yon tan med pa'i sems can rnams la cher snying rje ba'o// dka' ba

  184. 93a

    byed pa'i chos gnyis te/ slar mi byed pa rnams la phyir byed pa dang / phyir byed pa rnams la yang rlom sems med pa'o// gces spras byed pa'i chos gnyis te/ lus la zhugs/ pa'i dran pa la gnas pa dang / lus yongs su dag pa la gnas pa'o// dka' ba byed pa'i chos gnyis te/ lus la lus kyi rjes su lta ba dang / lus dang lhan cig song ba'i rnam par rtog pas rnam par mi rtog pa'o/ / gces spras byed pa'i chos gnyis te/ tshor ba la zhugs pa'i dran pa la gnas pa dang / bde ba dang / sdug bsngal gyi tshor ba gnyis kyis mi phigs pa'o// dka' ba byed pa'i chos gnyis te/ tshor ba rnams la tshor ba'i rjes su lta ba dang / tshor ba dang lhan cig song ba'i rnam par rtog pas/ rnam par mi rtog pa'o// gces spras byed pa'i chos gnyis te/ sems la zhugs pa'i dran pa la gnas pa dang / sems yongs su dag pa la gnas pa'o// dka' ba byed pa'i chos gnyis te/ sems la sems kyi rjes su lta ba dang / sems dang lhan cig song ba'i rnam par rtog pas rnam par mi rtog pa'o/ / gces spras byed pa'i chos gnyis te/ chos la zhugs pa'i dran pa la gnas pa dang / chos rab tu rnam par 'byed pa shes pa'o// dka' ba byed pa'i chos gnyis te/ chos rnams la chos kyi rjes su lta ba dang / chos dang lhan cig song ba'i rnam par rtog pas rnam par mi rtog pa'o// gces spras byed pa'i chos gnyis te/ sdig pa mi dge ba'i chos skyes pa rnams

  185. 93b

    spong ba dang / dge ba'i chos ma skyes pa rnams skyed pa'o// dka' ba byed pa'i chos gnyis te/ sdig pa mi dge ba'i chos ma skyes pa rnams mi skyed pa dang / dge ba'i chos skyes pa rnams kun tu bsrung ba'o/ / gces spras byed pa'i chos gnyis te/ 'dun pa dang / brtson 'grus dang / sems dang / dpyod pa'i rdzu 'phrul gyi rkang pa bsgoms pa dang / rdzu 'phrul gyis 'dul ba'i sems can rnams 'dul ba'o/ / dka' ba byed pa'i chos gnyis te/ mngon par 'du byed pa med pa'i rdzu 'phrul rab tu thob pa dang / chos kyi dbyings las ma g.yos par sangs rgyas kyi zhing thams cad du 'gro ba'o// gces spras byed pa'i chos gnyis te/ bdag nyid dad pa las mi g.yo ba dang / ma dad pa rnams kyang dad pa la sbyor ba'o// dka' ba byed pa'i chos gnyis te/ sems gsal ba dang / sems mi gsal ba rnams dang bar byed pa'o/ / gces spras byed pa'i chos gnyis te/ brtson 'grus kyi dbang po skyed pa dang / dran pa'i dbang mi g.yeng ba'o// dka' ba byed pa'i chos gnyis te/ shin tu rnam par phye bas rnam par 'byed pa'i brtson 'grus dang / stong pa nyid kyi rnam par shes pas mngon par bsgrubs pa'i dran pa'o// gces spras byed pa'i chos gnyis te/ ting nge 'dzin dang shes rab kyi dbang po'i tshogs yongs su tshol ba dang / tshogs yongs su tshol bas yongs su mi skyo ba'o// dka' ba byed pa'i chos gnyis te/ rgyu ba med pa shes pa dang / sems can yongs su smin par byed pa'i phyir yang rgyu ba'o//

  186. 94a

    gces sbas byed pa'i chos gnyis te/ nyon mongs pa thams cad la tshul bzhin gyis so sor rtog pa dang / nyon mongs pa skyes pa dang / ma skyes pa rnams las 'byung ba yongs su tshol ba'o/ / dka' ba byed pa'i chos gnyis te/ nyon mongs pa med pas chos thams cad mi 'dre ba dang / sems can thams cad kyi nyon mongs pa spang ba'i phyir khams gsum du yang 'dre ba'o// gces spras byed pa'i chos gnyis te/ byang chub kyi yan lag bsgom pa'i brtson 'grus dang / byang chub kyi yan lag brtan pa'i lhag pa'i bsam pa'o// dka' ba byed pa'o chos gnyis te/ zad pa shes par mi ltung ba dang / mi skye ba shes pa la bzod pa'o// gces spras byed pa'i chos gnyis te/ lam bgrod pa la mkhas pa dang / lam mi bgrod pa la mkhas pa'o// dka' ba byed pa'i chos gnyis te/ lam gyis 'gro ba shes pa dang / lam rgyun mi 'chad par shes pa'o// gces spras byed pa'i chos gnyis te/ rten cing 'brel par 'byung ba'i rjes su 'thun pa dang / mthar lta ba gnyis ka yongs su spong ba'o/ / dka' ba byed pa'i chos gnyis te/ rgyu gang dang / rkyen gang gis sems can rnams kun nas nyon mongs par 'gyur ba dang / rgyu gang dang rkyen gang gis rnam par dag par 'gyur ba de shes pa'o/ / gces spras byed pa'i chos gnyis te/ bdud kyi las rtogs pa dang / bdud kyi las rnam par spong ba'o// dka' ba byed pa'i chos gnyis te/

  187. 94b

    bdud thams cad las shin tu 'da' ba dang / bdud thams cad mi mthong ba'o// gces spras byed pa'i chos gnyis te/ ma smras pa rnams smras par mi byed pa dang / smras pa rnams la bzod cing nges pa'o/ / dka' ba byed pa'i chos gnyis te/ gdod ma nas smras pa med pa dang / skad cig tu 'jig par so sor rtog pa'o// gces spras byed pa'i chos gnyis te/ sems dang po bskyed nas byang chub kyi snying po la lta ba dang / byang chub kyi snying po la bltas nas/ theg pa dman pa mi 'dod pa'o// dka' ba byed pa'i chos gnyis te/ sems dang po bskyed pa byang chub kyi snying po'i rgyu dang / rgyu las yang dag par byung ba'i dge ba'i sems bskyed pa rnams la mngon par zhen pa med pa'o/ / gces spras byed pa'i chos gnyis te/ 'khor ba'i rgyun byed pa'i kun tu sbyor ba rnams rnam par gcod pa dang / dge ba'i rtsa ba'i rgyun byed pa'i sems bskyed pa mi 'dor ba'o/ / dka' ba byed pa'i chos gnyis te/ yul na mi gnas/ phyogs na mi gnas pa'i dge ba'i rtsa ba rnams byang chub tu yongs su sngo ba dang / byang chub tu yongs su bsngos pa'i sems bskyed pa rnams sgyu ma'i chos su so sor rtog pa'o/ / gces spras byed pa'i chos gnyis te/ byang chub sems can gyi kha na las par yang dag par rjes su mthong ba dang / sems can rab tu thar pa byang chub kyi kha na las par yang dag par rjes su mthong ba'o/ / dka' ba byed pa'i chos gnyis te/ byang chub mnyam pa nyid pas sems can mnyam pa nyid du so sor rtog pa dang / sems

  188. 95a

    can yongs su smin par bya ba'i phyir brtson 'grus mi 'dor ba'o/ / blo gros rgya mtsho theg pa chen po la gces sbas byed pa'i chos gnyis te/ gnyis gang zhe na/ dge ba'i chos thams cad bsags pa'i sems bskyed pa dang / sems can thams cad mya ngan las 'das pa'i lam la rab tu dgod pa'i phyir snying rje ba ste/ blo gros rgya mtsho chos de gnyis ni theg pa chen po la gces spras byed pa'o// blo gros rgya mtsho chos 'di gnyis ni theg pa chen po la dka' ba byed pa ste/ gnyis gang zhe na/ skye ba med pa las skye ba dang / 'byung ba med pa las 'byung ba ste/ blo gros rgya mtsho chos de gnyis ni/ theg pa chen po la dka' ba byed pa'o/ / blo gros rgya mtsho gzhan yang theg pa chen po rton par 'gyur ba'i chos gsum ste/ gsum gang zhe na/ 'di lta ste/ dge ba'i rtsa ba bstan nas byang chub tu sems bskyed pa dang / dge ba'i bshes gnyen gyis yongs su zin pas zhum pa med pa dang / snying rje chen po la rab tu gnas pas phyir mi ldog pa ste/ blo gros rgya mtsho chos gsum po de dag ni/ theg pa chen po ston par 'gyur ba'o/ / gzhan yang theg pa chen po ston par 'gyur ba'i chos gsum ste/ gsum gang zhe na/ tshogs yongs su tshol ba dang / tshogs la so sor rtog pa dang / tshogs la sems can sbyor ba ste/ gsum po de dag go/ / gzhan yang gsum ste/ gsum gang zhe na/ ser sna tshar gcod pa dang / gtong ba 'phel bar byed pa dang / byang chub tu yongs su sngo ba ste/ gsum po de dag go// gzhan yang gsum ste/ tshul

  189. 95b

    khrims yang dag par 'dzin pa dang / tshul khrims 'chal pa'i sems can yongs su smin par byed pa dang / byang chub tu yongs su sngo ba'o// gzhan yang gsum ste/ khong khro med pa'i sems dang / sems can khros pa zhi bar byed pa dang / byang chub tu yongs su sngo ba'o// gzhan yang gsum ste/ brtson 'grus ma gong ba dang / sems can le lo can yongs su smin par byed pa dang / byang chub tu yongs su sngo ba'o/ / gzhan yang gsum ste/ bsam gtan skyed pa dang / bsam gtan de la chags pa dang / byang chub tu yongs su sngo ba'o// gzhan yang gsum ste/ thos pa yongs su tshol ba dang / thos pa la so sor rtog pa dang / byang chub tu yongs su sngo ba'o// gzhan yang gsum ste/ sems can la dmigs pa'i byams pa dang / chos la dmigs pa'i byams pa dang / dmigs pa med pa'i byams pa'o/ / gzhan yang gsum ste/ rang gis byed pa'i snying rje dang / gzhan byed du 'jug pa'i snying rje dang / mtha' gnyis bsal ba'i snying rje chen po'o// gzhan yang gsum ste/ bdag pan pa'i shes pa yongs su tshol ba dang / gzhan la phan pa'i phyir shes pa yongs su tshol ba dang / gnyi ga'i don yongs su rdzogs par bya ba'i phyir brtson 'grus rtsom pa'o// gzhan yang gsum ste/ 'das ba la zad par shes pa dang / ma 'ongs pa la ma phyin par shes pa dang / da ltar byung ba la chos gnas pa med par shes pa'o// gzhan yang gsum ste/ nges pa'i sems can rnams la rab tu grol ba'i

  190. 96a

    drub ba pa dang / mangs nga'i semasas nums par btur rtsal ba'i byams pa dang / ga pa nyid dungs pa'i sems ca rnams la brgyu pa chen po'i byams pa'o// gcam dang / gsum ste/ 'grogs na bde bas lus pas su rung ba dang / pha rol kun srung bas ngagastan pa dang / drang bas sems las su rung ba'o// gzhan yang gsum b+he/ mi sdug pa la yang gnas la 'dod chags la spyod pa'i sems can dang 'grogs pa la yang mi spong ba dang / byams pa la gnas pa la zhe sdang la spyod pa'i sems can dang / 'phrogs pa la yang mi spong ba dang / rten cing 'brel bar 'byung ba la yang rnam par dz+wa la/ gti mug la spyod pa'i sems can dang 'grogs pa la yang mi spyod pa'o// gzhan yang gsum ste/ legs par spyod pa'i byor phan pa dang / chog shes pa'i phyir ran pang phyis 'gyong ba med pa'i phyir bzod pa'o/ / gzhan yang gsum ste/ thos pa yongs su 'dzin pa dang / tshig dang yi ge rnams 'dzin pa dang / skal sngon gyi mtha' dang / phyi ma'i mtha' yongs su chad par shes pa'o/ / gzhan yang gsum ste/ nor bdun yang dag par 'du bas dbul ba med pa dang / chos kyi sbyin pa rnam par 'grel pas gtong ba chen po dang / zang zing kun tu 'gyed pas longs spyod che ba'o/ / gzhan yang gsum ste/ don dam par bden pas bden pa dang / mi srubs yang dag pa dang / de bzhin nyid pas de kho na'o// gzhan yang gsum ste/ bdag ci 'dra ba zhes bdag

  191. 96b

    shes pa dang / gtam ci 'dra ba zhig bya zhes sems can shes pa dang / dus su gnas pas dus shes pa'o// gzhan yang gsum ste/ phung po rnams la chos kyi phung po dang mnyam pa nyid dang khams la chos kyi dbyings dang mnyam pa nyid dang / skye mched rnams la grong stong pa ltar so sor rtog pa'o// gzhan yang gsum ste/ rgyu'i 'bras bu chud mi gzon pa dang / rkyen rnams kyi 'phel pa la mkhas pa dang / tshogs nas phan tshun yang dag par 'du ba'o// gzhan yang gsum ste/ sangs rgyas dang mi 'gal ba dang / chos mi spong ba dang / dge 'dun la nga rgyal med cing bla mar gus par bsnyen bkur byed pa'o/ / gzhan yang gsum ste/ 'dod chags rab tu zhi ba dang / zhe sdang dang bral ba dang / gti mug yang dag par bcom pa'o// gzhan yang gsum ste/ kun rdzob gyi bden pa la 'jug pa dang / mtshan nyid kyi bden pa ston pa dang / don dam pa'i bden pa la gnas pa'o// gzhan yang gsum ste/ sems can rnams la brnyas pa med pa dang / sbyin gnas rnams rab tu 'dud pa dang / nyon mongs pa rnams su mi lhung ba'o// gzhan yang gsum ste/ 'dod pa'i khams kyis mi gos pa dang / gzugs kyi khams dang ma 'dres pa dang / gzugs med pa'i khams de la de ma chags pa'o// gzhan yang gsum ste/ ma rnyed pa dang / ma grags pa dang / smad pa dang / sdug bsngal rnams kyis sro shi ba med pa dang / rnyed pa dang /

  192. 97a

    grags pa dang / bsngags pa dang / bde ba rnams kyis khengs pa med pa dang / 'jig rten gyi chos brgyad dang ma 'dres pas ri ltar mi g.yo ba'o// gzhan yang gsum ste/ dbang po rnams shin tu sbas pa dang / mdud pa rnams las shin tu rnam par grol ba dang / sems shin tu dul ba'o// gzhan yang gsum ste/ sa'i yon tan la gnas pa shes pa dang / sa'i nyes pa bzlog pa shes pa dang / sa nas sar 'phar bshes pa'o// gzhan yang gsum ste/ bsam pa gya nom pa la gnas pa dang / lhag pa'i bsam pa'i khyad par la gnas pa dang / sbyor ba rgyun mi 'chad par gnas pa'o/ / gzhan yang gsum ste/ ting nge 'dzin yongs su dag par bya ba'i phyir/ lhag pa'i tshul khrims la slob pa dang / shes rab yongs su rdzogs par bya ba'i phyir lhag pa'i sems la slob pa dang / rnam par grol ba yongs su rdzogs par bya ba'i phyir lhag pa'i shes rab la slob pa'o// gzhan yang gsum ste/ bde ba'i tshor ba la rjes su chags pa spong ba dang / sdug bsngal gyi tshor ba la khong khro ba spong ba dang / sdug bsngal yang med/ bde ba yang med pa'i tshor ba la ma rig pa spong ba'o// gzhan yang gsum ste/ mngon par 'du bya ba med pas rgyu las ldog pa dang / yongs su mi/ rtog pas nyon mongs pa las ldog pa dang / smon pa med pas khams gsum las ldog pa'o// gzhan yang gsum ste/ stong pa nyid kyang 'dris par byed la lta ba dang yang bral ba dang / mtshan ma med

  193. 97b

    ba yang 'dris par byed la/ rnam par rtog pa yang nye bar zhi ba dang / smon pa med pa yang 'dris par byed la/ khams gsum yang 'gog pa'o// gzhan yang gsum ste/ mig stong pa nyid dang / gzugs dben pa nyid dang / mig gi rnam par shes pa gnas pa med pa'o// gzhan yang gsum ste/ rna ba stong pa nyid dang / sgra dben pa nyid dang / rna ba'i rnam par shes pa gnas pa med pa'o// gzhan yang gsum ste/ sna stong pa nyid dang / dri dben pa nyid dang / sna'i rnam par shes pa gnas pa med pa'o// gzhan yang gsum ste/ lce stong pa nyid dang / ro dben pa nyid dang / lce'i rnam par shes pa gnas pa med pa'o/ / gzhan yang gsum ste/ lus stong pa nyid dang / reg bya dben pa nyid dang / lus kyi rnam par shes pa gnas pa med pa'o// gzhan yang gsum ste/ yid stong pa nyid dang / chos dben pa nyid dang / yid kyi rnam par shes pa gnas pa med pa'o// gzhan yang gsum ste/ tshul khrims sbed pa dang / ting nge 'dzin kun tu srung ba dang / shes rab kyis rab tu rnam par 'byed pa shes pa'o/ / gzhan yang gsum ste/ dran pas dam pa'i chos kun tu 'dzin pa dang / blo gros kyi tshul bzhin du so sor rtog pa dang / rtogs pas don gyi rnam pa khong du chud pa'o/ / gzhan yang gsum ste/ nyan thos rnams la 'phags pa'i bden pa'i sgra'i rjes su zhugs pas rnam par grol ba'i tshul ston pa dang / rang sangs rgyas rnams la rten cing 'brel par

  194. 98a

    'byung ba la rtse gcig tu bya bas/ rnam par grol ba'i tshul ston pa dang / byang chub sems dpa' rnams la pha rol tu phyin pa drug la spyad pas/ rnam par grol ba'i tshul ston/ pa'o// gzhan yang gsum ste/ gtong ba dang / gtong ba chen po dang / shin tu gtong ba'o// de la gtong ba ni rin po che thams cad yongs su gtong ba'o// gtong ba chen po ni chung ma dang bu dang / bu mo yongs su gtong ba'o// shin tu gtong ba ni lag pa dang / rkang pa dang / mig dang / mgo yongs su gtong ba'o// gzhan yang gsum ste/ dam pa'i chos yongs su 'dzin pa dang / chos smra ba yongs su 'dzin pa dang / theg pa chen po yongs su 'dzin pa'o// gzhan yang gsum ste/ 'khor ba rgyun mi gcod pa dang / 'khor ba'i skyon khong du chud pa dang / 'khor ba'i skyon yongs su spong ba'o// gzhan yang gsum ste/ sgrib pa dang bral ba'i sems kyis chos nyan pa dang / kun nas ldang ba med pa'i sems kyis nang du yang dag 'jog pa dang / 'byung ba'i sems kyis yang dag par bsgrub pa'o/ / gzhan yang gsum ste/ don la rton pa'i thos pa dang / ye shes la rton pa'i so sor rtog pa dang / chos la rton pa'i rnam par grol ba'o// gzhan yang gsum ste/ mang du thos te dgon pa na gnas pa dang / dgon pa na gnas te tshul bzhin yid la byed pa dang / tshul bzhin yid la byed pa la rab tu brtson te/ chos thams cad rjes su rtogs

  195. 98b

    pa'o/ / gzhan yang gsum ste/ mkhas pa rnams la bsnyen bkur byed pa dang / mang du thos pa rnams la 'dri ba dang / bsam gtan pa rnams kun tu srung ba'o// gzhan yang gsum ste/ zang zing // med pa'i sems kyis chos sbyin pa dang / chos nyan pa rnams la byams pa nye bar sgrub pa dang / thams cad mkhyen pa'i sems mngon du byed pa'i las so// gzhan yang gsum ste/ sems mnyam pa nyid pas sems can mnyam pa nyid dang / tha dad pa med pa nyid pas chos mnyam pa nyid dang / ye shes mnyam pa nyid pas sangs rgyas mnyam pa nyid do// gzhan yang gsum ste/ ye shes kyi/ dus gsum mnyam pa nyid dang / blos rnam par thar pa gsum mnyam pa nyid dang / yongs su shes pas khams gsum mnyam pa nyid do// gzhan yang gsum ste/ 'du byed thams cad la mi rtag pa dang / sdug bsngal bar so sor rtog pa dang / chos thams cad la bdag med par so sor rtog pa dang / mya ngan las 'das pa la zhi bar rtog pa'o// gzhan yang gsum ste/ nyams 'og tu chud par byed pas dam bcas pa snying po nyid dang / nan tan byed pas thos pa snying po nyid dang / shes rab kyis ting nge 'dzin snying po nyid do// gzhan yang gsum ste/ ltung ba mi 'chab pa dang / sdig pa rnam par 'byed pa dang / phyin chad sdom par byed pa'o// gzhan yang gsum ste/ 'gyod pa dang bral ba dang / kun nas ldang ba dang bral ba dang / the tsom dang bral

  196. 99a

    pa'o/ / gzhan yang gsum ste/ dgon pa la gnas pa dang / rab tu dben pa la dga' ba dang / dge ba'i chos 'dod pa'o// gzhan yang gsum ste/ zab mo'i chos la bzod pa dang / chos sna tshogs ston pa dang / spobs pa kun tu 'gro ba'o// gzhan yang gsum ste/ thos pa rnam par nges pa'i gzungs dang / sangs rgyas kyis byin gyis brlabs pa'i spobs pa dang / lhas yongs su bzung ba'i chos kyi gtam mo// gzhan yang gsum ste/ sa lta bu'i sems dang po skyed pa dang / spyod pa thams cad nyams 'og tu chud par byed pa'i dpyod pa dang / 'brel pa dang 'du shes thams cad log pa'i phyir ldog pa'i sa'o// gzhan yang gsum ste/ sgra'i rjes su 'gro ba'i bzod pa yongs su rdzogs pa byed pa dang / bsam pa las byung ba'i bzod pa 'phro ba med pa dang / mi skye ba'i chos la bzod pa thob pa'o// blo gros rgya mtsho gzhan yang theg pa chen po rton par 'gyur ba'i chos gsum ste/ gsum gang zhe na/ thabs dang shes rab dang rab tu ldan pa'i lam bsgom pa dang / byams pa chen po dang / snying rje chen po dang rab tu ldan par sems can yongs su smin par byed pa dang / brtson 'grus dang bag yod pa dang rab tu ldan par dam pa'i chos yongs su 'dzin pa ste/ blo gros rgya mtsho chos gsum po de dag ni/ theg pa chen po rton par 'gyur ba'o// bam po bdun pa/

  197. 99b

    blo gros rgya mtsho gzhan yang theg pa chen po'i bar chad du 'gyur ba'i chos bzhi ste/ bzhi gang zhe na/ nyes par thos pa nyan pa ste/ 'di ltar 'jig rten rgyang phan pa'i gsang tshig yongs su tshol ba dang // pha rol tu phyin pa drug dang / byang chub sems dpa'i sde snod kyi chos kyi rnam grangs mi nyan pa dang / bdud kyi las kun nas langs pas mngon pa'i nga rgyal byed pa dang / chos kyi sgrib pa kun nas langs nas chos spong ba ste/ / dro gros rgya mtsho chos bzhi po de dag ni theg pa chen po'i bar chad du 'gyur ba'o// gzhan yang bzhi ste/ chags pa dang / zhe sdang dang / gti mug dang / nyon mongs pa rgyas nas chos kyi yon tan don tu mi gnyer ba'o/ / gzhan yang bzhi ste/ pha rol gyi rnyed pa rnams la phrag dog byed pa dang / chos ston pa rnams la g.yos sten pa dang / gzings pa'i blo sgyus nye bar spyod pa dang / slu bas sems mi brtan pa'o// gzhan yang bzhi ste/ dge ba'i bshes gnyen la sdig pa'i grogs por 'du shes pa dang / sdig pa'i grogs po la dge ba'i bshes gnyen du 'du shes pa dang chos ma yin pa la chos su 'du shes pa dang / chos la chos ma yin par 'du shes pa'o// gzhan yang bzhi ste/ ser sna'i dri ma can gyi sems dang / slong ba rnams la gnod pa dang / tha ba can gyi sems dang / byin nas 'gyod pa'i sems dang / thams cad mkhyen pa'i sems la mi phyogs pa'o// gzhan yang bzhi ste/ 'dun pas sbyin pa dang / zhe sdang gis sbyin pa dang / gti mug

  198. 100a

    gis sbyin pa dang / 'jigs pas sbyin pa'o// gzhan yang bzhi ste/ brjod pas sbyin pa dang / grags pas sbyin pa dang / sgras sbyin pa dang / tshigs su bcad pas sbyin pa'o/ / gzhan yang bzhi ste/ ngor lta ba'i sbyin pa dang / skabs cung zad kyi phyir sbyin pa dang / brnyas thabs su sbyin pa dang / rang gi lag nas sbyin pa ma yin pa'o// gzhan yang bzhi stengan pa sbyin pa dang / mi bsod pa sbyin pa dang / gus par ma byas pas sbyin pa dang / mngon pa'i nga rgyal gyis sbyin pa'o// gzhan yang bzhi ste/ mtshon cha sbyin pa dang / dug sbyin pa dang / rung ba ma yin pa sbyin pa dang / mi chog par sbyin pa'o// gzhan yang bzhi ste/ tshul khrims dang ldan pa rnams la zhe sdang ba dang / tshul khrims 'chal ba rnams la gnod pa dang / tha ba'i sems dang ldan pa dang / bdag nyid lhod pa dang / tshul khrims sdom pa'i gtam la gsad pa lta bur 'du shes pa'o// gzhan yang bzhi ste/ yang ba'i rnyed pa yongs su tshol ba dang / chos kyi rnyed pa kun du 'gyed par mi byed pa dang / gzhan gyi 'thob pa gcod pa dang / rang gi 'thob pas chog mi shes pa'o// gzhan yang bzhi ste/ spyod lam gyis lus tshul 'chos pa dang / log par smra bas ngag tshul 'chos pa dang / sdig pa 'chos pa dang / sdig pa 'dod pas sems tshul 'chos pa dang / 'tsho ba yongs su ma dag pas thams cad tshul 'chos pa'o// gzhan yang

  199. 100b

    bzhi ste/ theg pa mtshungs pa la yang dag par zhugs pa rnams la zhe sdang ba dang / bdud kyi las khong du ma chud pas mngon pa'i nga rgyal can dang / de dag gi bsngags pa ma yin pa brjod pa dang / de dag gi bsngags pa dang / yon tan gyis yid mi bde bar 'gyur ba'o// gzhan yang bzhi ste/ nga rgyal gyis khengs nas chos rnams la rim gro med pa dang / chos smra ba rnams la mi gus pa dang pha ma dang / slob dpon dang / mkhan po rnams la mi 'dud pa dang / lus dang / sems rtsub pas rtag par rgyun mi mthun par gnas pa'o// gzhan yang bzhi ste/ bdag gi yon tan brjod pa dang / gzhan gyi yon tan log par brjod pa dang / nga'o snyam pa'i nga rgyal 'bar ba dang / khro ba brtan pa'o// gzhan yang bzhi ste/ le lo dang / snyoms las dang / bka' blo mi bde ba dang / 'thun par mi 'dzin pa'o// gzhan yang bzhi ste/ ma dul ba dang / ma zhi ba dang / ma sbas pa dang / ma btul ba'o// gzhan yang bzhi ste/ thos pa nyung ngus grong dang / grong khyer dang / grong rdal du 'jug pa dang / tshul khrims kyi phung po la mi gnas par rnyed pa dang / bkur sti dang / tshigs su bcad pa 'dod pa dang / dbang po rnams kyi sgo ma srungs par bud med la lta ba dang / mnyam par ma gzhag pa'i sems kyis sems can gyi dbang po la 'jug pa'o/ / gzhan yang bzhi ste/ bsdu ba'i dngos dngos po la mi brtson pa dang / sems can yongs su smin par bya ba la g.yel ba dang /

  200. 101a

    chos spong gi las kun tu mi srung ba dang / chos smra ba'i gang zag rnams la gnod par byed pa'o// gzhan yang bzhi ste/ gti mug gis 'dod pa che ba dang / zhe sdang // gis sdig pa 'dod pa dang / 'dod chags kyis mchog mi shes pa dang / chags pas ngoms mi myong ba'o// gzhan yang bzhi ste/ ma dad pa mi mthun pa dang / sdig pa'i grogs po dang sten pas sdig pa la mi smod pa dang / le los dge ba'i chos yongs su 'grib pa dang / bag med pas dge ba'i rtsa ba byas pa rab tu 'jig pa'o// gzhan yang bzhi ste/ nang du so sor mi rtog pas ngo tsha med pa dang / sangs rgyas la mi rtog pas khrel med pa dang / mtshams med pa dang mtshungs pas byas pa mi gzo ba dang / re bas byas nas mi 'jigs pa'o// gzhan yang bzhi ste/ gnod sems dang / khong khro ba dang / khon tu 'dzin pa dang / rnam par 'tshe ba'o// gzhan yang bzhi ste/ 'phags pa rnams la slu ba dang / 'phags pa ma yin pa rnams rjes su mi srung ba dang / sbyin pa po rnams la brnyas pa dang / sbyin gnas rnams la khyad du gsod pa'o// gzhan yang bzhi ste/ lus kyi las yongs su ma dag pa dang / ngag gi las kun tu mi srung ba dang / sems kyi las zhum pa dang / theg pa chen po la sgyid lug pa'o// gzhan yang bzhi ste/ 'dum pa rnams la dben byed pa dang / slob dpon dang / mkhan po rnams la tshig brlang ba dang / dgos pa don tu gnyer ba rnams la chog kyal

  201. 101b

    pa smra ba dang / lha dang mi rnams la slu ba'o// gzhan yang bzhi ste/ tshul khrims kyi phung po kun tu mi srung ba dang / 'jig rten pha rol la log par brjod pa dang / dge ba'i rtsa ba rnams 'jig pa dang tshogs bsags pa rab tu 'jig pa'o/ / gzhan yang bzhi ste/ rgod pa'i 'khor dang / khengs shing 'dus pa la chags pa dang / mu tshor smra bas lhung bar shin tu 'da' ba dang / tshol ba'i tshig gis 'jig rten pa'i gsang tshig brjod pa'o/ / gzhan yang bzhi ste/ mi brtson par dgon pa la gnas pa dang / khong khro ba mang la 'dre zhing gnas pa dang / dge ba'i rtsa ba ma bskyed par bsod nams// dang ldan par 'du shes pa dang / byang chub sems dpa'i ming gis thob pas 'tsho ba'o// gzhan yang bzhi ste/ cang shes med pa'i sems dang / chu rgod kyi sems dang / ma dul ba'i sems dang / sems can rnams la mi snyoms pa'i sems so// gzhan yang bzhi ste/ tshul khrims kyis dregs pa dang / mang du thos pas dregs pa dang / dgon pa la gnas pas dregs pa dang / sbyangs pa'i yon tan yo byad baspungs pas dregs pa'o/ / gzhan yang bzhi ste/ bdag la brnyas pa dang / chos la brnyas pa dang / dge ba'i rtsa ba chung ngu la brnyas te/ byang chub tu yongs su mi sngo ba dang / skabs skabs su nyan thos dang / rang sangs rgyas kyi theg pa 'dod pa'o// gzhan yang bzhi ste/ lus de la chags pa dang / sems de la chags pa dang / tshul khrims dang / thos pa de la chags pa dang /

  202. 102a

    khyad par du mi 'gro ba'o// gzhan yang bzhi ste/ mdza' bo'i khyim dang / slong ba ster ba'i khyim yongs su 'dzin pa dang / rnyed pa dang bkur bsti yongs su btsal bar bya ba'i phyir/ 'chal ba'i tshul khrims yongs su 'dzin pa dang / gnas yongs su 'dzin pa dang / tshul khrims dang ldan pa la zhe sdang bas yang ba'i bya bas bcings pa'o// gzhan yang bzhi ste/ bya ba mang ba dang / rnyed pa mang ba dang / smra ba mang ba dang / bshes pa mang ba'o// gzhan yang bzhi ste/ bdag la mngon par zhen pas bdag tu lta ba dang / sems can la mngon par zhen pas sems can du lta ba dang / bya ba ma yin pa la mngon par zhen pas chad par lta ba dang / srog de dang / lus de la mngon par zhen pas rtag par lta ba'o// gzhan yang bzhi ste/ rtsom pa rgyun gcod pa dang / rgyun chad pas yang dag par rab tu mi 'dzin pa dang / yang dag par rab tu ma bzung bas yongs su skyo ba dang / yongs su skyo bas ldog cing 'jig pa'o// gzhan yang bzhi ste/ sa nas sar 'phar ba la brnyas pa dang / bsam gtan las bzlog pa la mi mkhas pa dang / sems can la mi lta bar shes rab kyis rnam par dpyod pa dang / dmigs pa can du gyur la thabs la khas 'che ba'o// blo gros rgya mtsho gzhan yang theg pa chen po'i bar chad du 'gyur ba'i chos bzhi ste/ bzhi gang zhe na/ chos kyi slob pa kun nas langs pas dman pa dang / las kyi sgrib pa kun nas langs pas dge ba'i rtsa ba rnams la mi brtson pa dang /

  203. 102b

    nyon mongs pa'i sgribs pa kun nas langs pas/ phung po gsum gyi rjes su mi 'jug pa dang / bdud kyi las kun nas langs pas/ byang chub kyi sems brjed pa ste/ blo gros rgya mtsho chos bzhi po de dag ni/ theg pa chen po'i bar chad du 'gyur ba'o// bcom ldan 'das kyis theg pa chen po sdud pa 'di bshad pa na/ lha dang mi'i skye dgu'i srog chags bzhi khri bzhi stong gis/ bla na med pa yang dag par rdzogs pa'i byang chub tu sems bskyed do/ / byang chub sems dpa' nyi khri brgyad stong gis mi skye ba'i chos la bzod pa thob par gyur to// stong gsum gyi stong chen po'i 'jig rten gyi khams 'di yang rnam pa drug tu g.yos te/ snang ba chen pos kyang 'jig rten gsal bar gyur to// steng gi bar snang la 'khod pa'i lha'i bu brgyad stong dag kyang a la la zhes ca co dang gzha'i sgra phyung ste/ me tog dag gi char yang rab tu phab/ sil snyan dang / klu dbyangs kyang byas te/ kye ma'o 'di ni chos kyi gter chen po ste/ de bzhin gshegs pas phya ba thugs rje chen po la gnas/ sems can thams cad la yang dag par rab tu bstan pa'o/ / bcom ldan 'das de la chos rin po che'i gter chen po 'di las gang gis tha na chung zad tsam zhig yongs su 'dzin pa de dag thams cad kyang ngan 'gro rnam par ltung ba'i 'jigs pa rnams las yongs su thar bar 'gyur/ rim gyis chos kyi 'khor lo rin po che dran med pa rab tu bskor bar 'gyur ro// 'di lta ste dper na/ bcom ldan 'das skyes bu gang la la zhig

  204. 103a

    gis grong ngam/ grong khyer ram/ grong rdal dang ha cang yang mi ring bzhig na/ gter chen po rin po che thams cad kyis yongs su bltams pa bas mtshal ba zhig mthong / ste/ skyes bu de yang phan pa'i dngos po phun sum tshogs par 'gyur la/ des gter chen po de mthong nas kyang grong ngam/ grong khyer ram/ grong rdal du mchis te/ skye bo'i tshogs phal po che la bsgo'o/ / snyam du bsams nas/ skyes bu khyed tshur sheg/ khyed kyi nang nas su la rin po che dgos pa ngas gter chen po zad mi shes pa de bstan par bya'o zhes bgyis pa dang / bcom ldan 'das de'i nang nas kha cig ni de la dad par gyur/ kha cig ni dad par ma gyur la/ de'i nang nas gang dag dad par gyur pa de dag gter chen po'i gan du mchis te/ kha cig ni stobs ji tsam pa de snyed kyi rin po che rnams 'tshal te mchis/ kha cig ni ji ltar rtogs pa de 'dra ba'i rin po che 'tshal te mchis kyang / gter chen po de bas par mi 'gyur zhing / 'di dag la ni stsal to// 'di dag la ni mi stsal to// 'di dag ni 'tshal kyang rung / 'di dag ni 'tshal du mi rung ngo snyam du yongs su mi rtog go// de ci'i slad du zhe na/ bcom ldan 'das gter chen po de rnams par mi rtog pa'i slad du'o/ / de bzhin du bcom ldan 'das kyis bskal pa bye ba khrag khrig brgya stong phrag grangs ma mchis par/ chos rin po che'i gter chen po bla na ma mchis pa 'di bsgrubs so//

  205. 103b

    bsgrubs nas kyang byang chub kyi snying por mngon par rdzogs par sangs rgyas so// mngon par rdzogs par sangs rgyas nas kyang / grong khyer wA ra NA si drang srong lhung bar chos kyi 'khor lo rin po cheche po rab tu bskor to/ / da ltar yang bcom ldan 'das kyis 'dir 'dus pa chen po'i le'u'i chos kyi rnam grangs chos rin po che'i gter chen po bla na ma mchis pa 'di phye ste/ bcom ldan 'das kyis bsri ba mi mnga' ba'i thugs kyis/ sems can thams cad la thugs rje chen po'i thugs bskyed de/ phan pa'i dngos po yang dag par bskyed nas/ tshangs pa'i sgra dbyangs kyis go bar mdzad pa'i gsung gis lha dang mi dang lha ma yin du bcas pa'i 'jig rten la tshur sheg/ chos rin po che'i gter bla na med pa skye ba dang / rga ba dang / na ba dang / 'chi ba mthar 'byin pa zad mi shes pa bde ba thams cad sbyin pa 'di long shig ces go bar mdzad pa de la/ bcom ldan 'das skyes bu gti mug can ma dad pa kha cig ni ma mos/ blo ba mi ches mi rtog cing dang bar mi bgyid do// dad pa rtog pa'i rang bzhin can kha cig ni mos shing gro ba ches rtog cing dad par bgyid de/ / de dag gos de bzhin gshegs pa'i chos rin po che'i gter chen po las ci nus ci 'os su chos rin po che len cing / theg pa la ji ltar mos pa bzhin du rnam par 'grel te/ kha cig ni nyan thos nyid kyi slad du/ kha cig ni rang sangs rgyas nyid kyi slad du/ kha cig gi ni bla na med pa yang dag par rdzogs pa'i byang chub kyi slad du zhugs kyang /

  206. 104a

    de bzhin gshegs pa'i chos rin po che'i gter chen po 'phye dran ma mchis pa ni yongs su bas par mi 'gyur zhing yongs su mi rtog go// bcom ldan 'das de la gang gis de bzhin gshegs pa'i chos rin po che'i gter chen po 'di ltar rab tu btang ba'i da ltar rnam par phye ba 'di las/ tha na gang cung zad tsam yang mi 'dzin pa de dag rin po che las yongs su nyams shing / rin po che las slang rol tu gyur te/ yun ring por ngan song gsum po dag la dga' bar 'gyur ro// bcom ldan 'das gang dag chos rin po che'i gter chen po 'di las tha na tshig bzhi pa'i tshogs su bcad pa tsam 'dzin pa de dag kyang 'phags pa'i nor dang ldan te/ dbul po ma lags na/ gang 'dus pa chen po'i le'u'i chos kyi rnam grangs 'di las tha na le'u gcig tsam 'dzin tam/ gnyis sam/ gsum mam/ bzhi'am/ lnga 'am/ bcu 'am/ nyi shu'am/ sum cu 'am/ bzhi bcu 'am/ lnga bcu'am/ drug cu 'am/ bdun cu 'am/ mtha' dag rdzogs par 'dzin pa lta smos kyang ci 'tshal te/ skyes bu dam pa de dag gi bsod nams kyi mtha' rtogs par mi nus so/ / bcom ldan 'das byang chub kyi sems dang ma bral ba/ sems can thams cad la snying rje chen pos rab tu non pa gang dag chos kyi sgo'i le'u 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la yang rgya cher yang dag par rab tu ston pa de dag bla na med pa yang dag par rdzogs pa'i byang chub tu lung

  207. 104b

    bstan pa dang / de dag bdud choms pa dang / de dag theg pa chen po 'di la mngon par shes pa thob par rig par bgyi'o// zhes ched du rjod pa ched du brjod do// de nas bcom ldan 'das kyis lha'i bu de dag la legs so zhes bya ba byin te/ lha'i bu dag tshig 'di legs par smras pa legs so legs so// gang dag chos kyi sgo'i le'u 'di nyan pa dang / thos nas kyang mos pa dang / mos nas kyang len pa dang / 'dzin pa dang / klog pa dang / kun chub par byed pa dang / de bzhin nyid du sgrub pa'i skyes bu dam pa de dag byang chub kyi snying po la gzhol bar lta/ de dag yon tan thams cad la gnas par blta/ de dag thams cad mkhyen pa'i gtsug tu phyin pa dang / 'jig rten gnas pa long ba la shes rab kyi smon pa byed pa dag tu blta ste/ de dag ring por mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de ci'i phyir zhe na/ 'di lta ste/ de dag theg pa chen po'i theg pa la zhon pa'i phyir ro// de nas de'i tshe bcom ldan 'das kyis tshigs su bcad pa 'di dag gsungs so/ / sangs rgyas theg pa chen po'i theg 'di khyad par 'phags// nam mkha'i dkyil dang 'dra ste 'jig rten kun las 'das// srid pa gsum las 'das nas byang chub snying por 'gro/ / chags pa med de chags pa kun las shin tu 'das// sprin dang dul dang zhi dang tshul bzhin bsam pa yis// bskal pa bye bar rgya chen las byung bsags par

  208. 105a

    brjod/ / tshul khrims kyis ni sdig bsal lus dang ngag sems dag/ srid pa thams cad bor nas byang chub snying por 'gro// mnyam zhing rjes su mnyam sems sems/ can kun skabs 'byed// de las gzhan pa'i theg dman ji snyed zil gyis gnon// gang dag rdzu 'phrul rkang gis ri ra ba rgyal mtshan mtho// theg pa chen por 'gro zhing sems can tshim par byed// thos dang 'dul bar ldan zhing bsam gtan tshul khrims ldan// bzod stobs rab tu thob cing shes rab dbang bskur ba// pha rol tshogs rnams bcom zhing bdud kyi sde spangs nas// chags med theg pa che dang byang chub snying por 'gro/ / byams pa'i go cha'i chos kyis dgra yis thub par dka'// chos dang ldan nas snying rje chen por rim gyis 'gro// bsam gtan rdzu 'phrul rkang dang tshad med bzhon pa ste/ lam de mi 'dor kha lo sgyur ba byang chub sems// phyogs bcu mtha' yas sems can khams rnams ji snyed pa// theg pa chen po 'di la skyon pa thams cad ni// gnod pa med cing 'grib pa med la gang ba med/ / bde bar gshegs kyi theg pa'i cho 'phrul 'di 'dra'o// dran gnas yang dag sbyor dang spong ba bzhi dag dang / rdzu 'phrul rkang pa bzhi dang dbang po stobs rnams dang / rgyal bas bsngags pa'i byang chub yan lag rin chen bdun// lam gyis 'gro bar ldan pa byang chub snying por 'gro// zhi gnas nyon mongs zhi zhing chos la snang bar

  209. 105b

    gyur/ rdul dang mun pa bsal nas srid pa gsum na mdzes// brgya byin dang ni tshangs pas spyi bos phyag byas te// legs so mtshungs med theg 'dir kun gyis gzhon par bgyi// pha rol phyin pa gang dag sbyin tshul bzod pa dang / / brtson 'grus bsam gtan shes rab ye shes mngon par shes// de bzhin thabs dang bsdu ba pa snying po ldan pa ste// bdud rnams brgya stong gis kyang gdul phyir thub pa med/ / sems can gang dag tshul ngan sdig las brtson pa dang / byang chub sems dpa' gang dag yon tan brgyas 'phags dang / gang dag byang chub sems kyi sems rgya cher gyur pa/ kun kyang theg pa mchog la zhugs nas mnyam par mthong / gang dag sna tshogs bsngags dang 'jig rten don ldan dang / gang dag dge chos yang dag 'jig rten 'das gyur pa// slob dang mi slob gang dag rang rgyal rnams kyi dang / sgo der sangs rgyas theg pa chen po'i bdag nyid zhugs// gang dag nyon mongs rnam mang sna tshogs sems ldan dang / sdug bsngal sems can gang dag 'dus byas 'khor gyur pa/ de dag shin tu rab tu zhi bar byed cing 'gro// byang chub sems dpa' theg pa mchog la gnas nas ston// le lo can gyi mi gang nyam nyung mthu zhan la/ sems can sdug bsngal zad par bya phyir sems mi skyed/ / bdag bde tshol gyi sems can don la mi brtson pa// de dag theg pa mchog thos nas ni sems skrag 'gyur// byang chub sems dpa' mkhas gsal

  210. 106a

    bdag nyid chen po gang / / brtson 'grus stobs ldan rtag tu sems can don brtson la// snying rje che dang ldan zhing bsam pa dag gyur pa// de dag rab tu dga' ba'i sems kyis theg mchog zhon/ / theg pa mchog rab gya nom gtso bo 'dir gnas te// 'jig rten kun gyi spyod pa mtha' yas ji snyed dang // dbang po tha ma 'bring dang rab dang bsam pa rnams// spyod kun byang chub sems dpa' skad cig tsam la shes/ / rlabs po che mi theg pa mchog 'dir gnas nas ni// de yi lus kyi yan lag mtshan gyis brgyan par 'gyur// tshig snyan yid du 'ong zhing 'jog rten kun tshim byed/ / sems yid rnam dag bsam gtan mngon shes ldan par 'gyur// 'di las rgyal ba rnams kyis sangs rgyas tshul mi 'chad// 'di las chos tshul gya nom tshul yang rab tu 'bar// 'di las 'gro ba'i sbyin gnas dge 'dun 'byung bar 'gyur// des na sangs rgyas theg 'di 'jig rten gsum du grags// theg pa 'di ni stong pa'i zhing du mi 'gro ste// rgyal ba rnams kyis 'di ni skad cig mi snang 'gro/ / phyogs bcur song yang yongs su mi skyo 'grib pa med// mtshungs pa med pa'i theg pa'i cho 'phrul ci 'dra ltos// 'jig rten kun tu bskor kyang gang zhig de 'dra 'am// de las lhag/ par 'gyur ba'i sems can de mi rnyed// byang chub sems dpa' che nyid 'gro ba'i dpa' bo gcig/ theg pa mchog la gnas nas bdud sde skrag par byed// theg pa mchog la gnas nas gzugs dang

  211. 106b

    stobs mthu dang / / longs spyod dbang phyug thob cing brgya byin tshangs pa dang // 'khor los sgyur dang srong dang gang yang srid gsum na// lha dang mi yi bde skyid skyid pa thams cad 'job// theg pa mchog la gnas nas sems zhum brgya lam med/ / gong ba med la 'phangs shing 'phangs pa rnams kyang gtong // byin nas zhum pa med cing mig dang mgo btang nas// dga' zhing byams pa'i sems su 'gyur te byang chub 'gro/ / theg pa mchog la gnas nas de ni skyabs 'gyur te/ tshul khrims ldan zhing tshangs par spyod pas yongs su dag/ tshul khrims brtul zhugs dka' thub kyis ni nyi zla 'gog/ srid pa dang ni gzugs dang longs spyod 'dod mi 'gyur// mi snyan tshig rnams thos kyang mi khro 'khrug mi 'gyur// lus ni rnam par gtor kyang sems can rjes su srung // bdag lus rnyed sla chos kyi rgyal srid rnyed dka' snyam/ / theg pa mchog la gnas nas bzod pa dag pa 'di 'dra'o// bskal pa brgya phrag mtha' yas ji snyed 'khor gyur pa/ de srid du yang ngan song rnams su 'khor byed cing // sems can bsgral ba'i phyir ni brtson 'grus stobs bskyed de/ / theb pa mchog la gnas pa'i brtson 'grus mthu 'di 'dra// shin tu rab tu zhi mnyen des bsam gtan cho ga shes// 'gro ba rnams kyi don phyir byams pa'i bsam gangan pa/ / bsam gtan bde ba de la nam yang mi chags te/ dran dang ldan pa 'dren pa rnams la lta bar 'dod// chos rnams thams cad rgyu las 'byung zhing stong par shes//

  212. 107a

    de ni bdag dang sems can chos rnams mi dmigs te/ lta ba yongs dag shes rab ldan zhing sems kyang 'dul// theg pa mchog gnas shes rab dag pa 'di 'dra'o// gang yang / bden dang tshad med pa dang bsam gtan bzhi// mngon shes lnga dang sangs rgyas kyi ni yang dag rig/ rton pa bzhi dang chos kyi sbyin pa dam pa rnams// thams cad sangs rgyas theg pa dam pa 'di las byung / gang gis mi dbang sangs rgyas seng ge'i sgra sgrog pa/ stobs bcu'i sangs rgyas chos rnams mtha' yas gang yin dang // smin mtshams spu dang spyi gtsug bltar ni mi mthong ba// theg pa mchog la gnas pas rnyed par dka' ma yin/ / gang gis 'gro ba 'dul zhing bsam pa tshim byed pa// rgyal ba rnams kyi cho 'phrul khyad 'phags gsum gang dang // thub pa'i bstan pa gzhar yang don med mi 'gyur ba/ / de dag theg pa mchog la gnas nas myur du 'thob// 'jig rten kun na skad cig rnam pa ji snyed pa// thams cad stobs bcu'i gsung ni 'khrul pa med pa dang // mnyen 'jam yid 'od don ldan khan ma tho med/ / tshangs dang mi tso'i dbyangs gsung rgya chen po yis tshim// de 'dra'i sangs rgyas gsung ni mi ring thob 'gyur te// nam mkha'i dkyil tshad sangs rgyas zhing rnams go bar byed/ ji skad cig gis chos don ldan pa'i chog thos pa// kun gyis nyon mongs thams cad bsal nas bde bar 'gyur// rdzu 'phrul stobs kyis nam mkha'i mtha' mar bgrod par nus// phyogs bcu rnams kyi

  213. 107b

    / rgya mtsho'i chu ni tshad byar nus// sems gcig gis ni sems can spyod pa mtha' yas shes// sangs rgyas theg pa'i yon tan brjod pas zad mi 'gyur// le'u brgyad pa'o// de nas yang bcom ldan 'das kyis// byang chub sems dpa' blo gros rgya mtsho la bka' stsal pa// blo gros rgya mtsho de lta bas na byang chub sems dpas chos kyi rnam grangs 'di kun tu bsrung ba dang snga ba dang / yun ring du gnas par bya ba dang / bdag gi sems yongs su dkar bar bya ba dang / sems can gzhan dag dang / gang zag gzhan rnams kyi dbang po mchog dang / mchog ma yin pa shes par bya ba'i phyir/ sgo'i tshig dang / phyag rgya'i tshig dang / rdo rje'i tshig 'di dag gzung bar bya'o bzung nas kyang brtag par bya'o// shes rab dang rab tu ldan pa'i sbyor bas nges par bsam par bya'o/ / blo gros rgya mtsho sgo'i chog rnams gang zhe na/ 'di lta ste/ rnam par rig pa ni chos thams cad kyi sgo'i chog ste/ chos rnams dben pa'i don du ston to// a zhes bya ba ni chos thams cad kyi sgo ste/ chos rnams skye ba med pa'i don tu ston to// pa zhes bya ba ni chos thams cad kyi sgo ste/ chos rnams don dam pa'i don tu ston to// na zhes bya ba ni chos thams cad kyi sgo ste/ / chos rnams kyi ming dang gzugs yongs su shes pa ston to// nga zhes bya ba ni chos thams cad kyi sgo ste/ chos rnams dul ba dang / zhi ba nyid du ston to// sa zhes bya ba ni chos thams cad kyi

  214. 108a

    sgo ste/ chos rnams chags pa las shin tu 'das par ston to// tA zhes bya ba ni chos thams cad kyis sgo ste/ chos rnams de bzhin nyid kyi rjes su 'gro bar ston ste// ka zhes bya ba ni chos thams cad kyi sgo ste/ chos rnams las kyi rnam par smin pa dang bral bar ston to// sa zhes bya ba ni chos thams cad kyi sgo ste/ chos rnams mnyam zhing khyad par med par ston to// ma zhes bya ba ni chos thams cad kyi sgo ste/ chos rnams kyi snying rje chen po ston to// ga zhes bya ba ni chos thams cad kyi sgo ste/ chos rnams kyi zab cing gting dpag dka' ba nyid ston to// dza zhes bya ba ni chos thams cad kyi sgo ste/ chos rnams rga shi las shin tu 'das par ston to// d+ha zhes bya ba ni chos thams cad kyi sgo ste/ chos rnams kyi chos kyi dbyings 'dres pa med par ston to// sha zhes bya ba ni chos thams cad kyi sgo ste/ chos rnams la zhi gnas yongs su rdzogs par bya bar ston to// kha zhes bya ba ni chos thams cad kyi sgo ste/ chos rnams ye nam mkha' dang mtshungs par ston to// k+Sha zhes bya ba ni chos thams cad kyi sgo ste/ chos rnams zad pa dang mi skye bar ston to// ta zhes bya ba ni chos thams cad kyi sgo ste/ chos rnams la ye shes chags pa med pa nyid du ston to// sA zhes bya ba ni chos thams cad kyi sgo ste/ chos rnams kyi gnas dang / gnas ma yin pa la mkhas pa ston to// skra zhes bya ba ni chos thams cad kyi sgo ste/ chos rnams kyi phung po yongs su shes pa ston te/

  215. 108b

    pra zhes bya ba ni chos thams cad kyi sgo ste/ chos rnams mthar thug pa nyid du skor to// lus dben pa ni chos thams cad kyi sgo ste/ chos rnams 'dod chags dang bral ba'i mthar ston to// sems dben pa ni chos thams cad kyi sgo ste/ chos rnams kyi zhe sdang dang gti mug 'dul ba ston to// nye bar zhi ba ni chos thams cad kyi sgo ste/ chos rnams chags pa med pa la rton pa nyid du ston to/ / tshul bzhin ni chos thams cad kyi sgo ste/ chos rnams kyi 'byung ba'i mtha' ston to// gnas pa nyid ni chos thams cad kyi sgo ste/ chos rnams kyi chos kyi dbyings gnas par ston to// len pa med pa ni chos thams cad kyi sgo ste/ chos thams cad rnam par grol ba'i mtshan nyid du ston to// yongs su mi 'dzin pa ni chos thams cad kyi sgo ste/ chos rnams la 'thab pa dang / rtsod pa 'dor bar ston to/ / kun nas nyon mongs pa med pa ni chos thams cad kyi sgo ste/ chos rnams rnam par dag pa'i mtshan nyid du ston to// rang bzhin ni chos thams cad kyi sgo ste/ chos rnams 'od gsal ba nyid du ston to/ / snang ba ni chos thams cad kyi sgo ste/ chos thams cad gsal ba nyid du ston to// bsgom pa ni chos thams cad kyi sgo ste/ chos rnams kyi 'bral ba ston to// gzhi med pa ni chos thams cad kyi sgo ste/ chos rnams 'dres pa med pa nyid du ston to// byang chub ni chos thams cad kyi sgo ste/ chos rnams dang mnyam pa nyid du ston to// mya ngan las 'das pa ni chos thams cad kyi sgo ste/

  216. 109a

    chos rnams kyi phung po thams cad so sor 'dor bston to// blo gros rgya mtsho sgo'i tshig 'di dag ni/ rang gi sems yongs su dag par 'gyur ba'o// sems can gzhan dag dang gang zag gzhan rnams kyi dbang po mchog dang mchog ma yin pa shes par 'gyur ba'o/ / blo gros rgya mtsho phyag rgya'i cho ga de dag gang zhe na/ 'di lta ste/ blo gros rgya mtsho chos thams cad ni rnam par grol ba'i phyag rgyas btab pa ste/ gnyis su med cing gnyis yongs su dag pa'o// blo gros rgya mtsho chos thams cad ni mtha' dang / mtha' yas pa dang / mtha' med pa las rnam par grol ba'i phyag rgyas btab pa ste/ chad pa dang rtag pa yongs su dag pa'o// blo gros rgya mtsho chos thams cad ni zad pa dang / 'dod chags dang bral ba'i phyag rgyas btab pa ste/ zad paba'i sgo zad pa'i mtha'/ zad pa'i mur thug pa'o// blo gros rgya mtsho chos thams cad ni// gdeg pa med cing gzhag pa med pa'i phyag rgyas btab pa ste/ mnyam pa nyid kyi mtha' yongs su dag pa'o/ / blo gros rgya mtsho chos thams cad ni nam mkha'i phyag rgyas btab pa ste/ mi lnga'i lam las shin tu 'das pa'o// blo gros rgya mtsho chos thams cad ni chos kyi dbyings dang / nam mkha'i dbyings kyi phyir/ nam mkha'i dkyil phyag rgyas btang ba'o// bre gros rgya mtsho chos thams cad ni chos kyi dbyings su yang dag par 'du ba'i phyir/ 'dres pa med pa'i phyag rgyas btab pa'o//

  217. 109b

    blo gros rgya mtsho chos thams cad ni 'dres pa med pa'i mtshan nyid kyi phyir/ chos kyi dbyings kyi phyag rgyas btab pa'o// blo gros rgya mtsho chos thams cad ni sngon gyi mtha' dang / phyi ma'i mtha' de bzhin nyid kyi phyir/ de bzhin nyid kyi phyag rgyas btab pa'o// blo gros rgya mtsho chos thams cad ni gdod ma nas shin tu yongs su dag pa'i phyir yang dag pa'i mtha'i phyag rgyas btab pa'o// blo gros rgya mtsho chos thams cad ni 'dus byas dang 'dus ma byas mnyam zhing mtshungs pa'i phyir/ stong pa nyid kyi phyag rgyas btab pa'o// blo gros rgya mtsho chos thams cad ni dmigs pa tha dad pa dang bral ba'i phyir/ mtshan ma med pa'i phyag rgyas btab pa'o/ / blo gros rgya mtsho chos thams cad ni smon lam thams cad dang bral ba'i phyir/ smon pa med pa'i phyag rgyas btab pa'o// blo gros rgya mtsho chos thams cad ni ngo bo nyid med pa'i mtshan nyid kyi phyir/ mi rtag pa'i phyag rgyas btab pa'o// blo gros rgya mtsho chos thams cad ni phung po lngar yongs su bsdu ba'i mtshan nyid kyi phyir/ sdug bsngal gyi phyag rgyas btab pa'o// blo gros rgya mtsho chos thams cad ni rang bzhin gyis bdag med pa'i phyir/ bdag med pa'i phyag rgyas btab pa'o// blo gro rgya mtsho chos thams cad ni shin tu mi g.yo ba'i phyir/ zhi ba'i phyag rgyas btab pa'o/ / blo gros rgya mtsho chos thams cad na don dam pa'i bden par yang dag par 'du ba'i phyir/ bden pa'i phyag rgyas btab pa'o// blo gros rgya mtsho chos thams cad ni sa bon mi gnas pa'i phyir dri ma

  218. 110a

    med pa'i phyag rgyas btab pa'o/ / blo gros rgya mtsho chos thams cad ni shin tu thug pa'i phyir/ mi 'khrug pa'i phyag rgyas btab pa'o// blo gros rgya mtsho chos thams cad ni sngon gyi mtha' dang phyi ma'i mtha' yongs su chad pa'i phyir/ ji lta ba bzhin gyis phyag rgyas btab pa'o// blo gros rgya mtsho chos thams cad ni khams gsum thams cad ro gcig pa'i phyir/ dus gsum mnyam ba nyid kyi phyag rgyas btab pa'o/ / blo gros rgya mtsho chos thams cad ni rang bzhin gyis 'byung ba med pa'i phyir/ mi 'byung ba'i phyag rgyas btab pa'o// blo gros rgya mtsho chos thams cad ni rang bzhin gyis skye ba med pa'i phyir/ 'gog pa med pa'i phyag rgyas btab pa'o// blo gros rgya mtsho chos thams cad ni nga rgyal gyis lhag par byed pa lhag par mi byed pa'i phyir/ sgro 'dogs pa med pa'i phyag rgyas btab pa'o/ / blo gros rgya mtsho chos thams cad ni rnam par rtog pa thams cad kun tu rgyu ba med pa'i phyir/ spros pa med pa'i phyag rgyas btab pa'o// blo gros rgya mtsho chos thams cad ni gzugs med cing bstan du med pa'i phyir/ mtshan gyis mtshan btab pa med pa'i phyag rgyas btab pa'o// blo gros rgya mtsho chos thams cad ni gzhi yang dag par rab tu chad pa'i phyir/ gos pa med pa'i phyag rgyas btab pa'o/ / blo gros rgya mtsho chos thams cad ni gnyen po mi dmigs pa'i phyir/ skyon tu bya ba med pa'i phyag rgyas btab pa'o// blo gros rgya mtsho chos thams cad

  219. 110b

    ni mngon par 'du bya ba thams cad med pa'i phyir/ las med cing rnam par smin pa med pa'i phyag rgyas btab pa'o// blo gros rgya mtsho chos thams cad ni skye ba dang / gnas pa dang bral ba'i phyir 'dus ma byas kyi phyag rgyas btab pa'o/ / blo gros rgya mtsho chos thams cad ni/ chos thams cad nam mkha'i dkyil dang bye brag med pa'i phyir/ chos thams cad mnyam pa nyid kyi phyag rgyas btab pa'o/ / blo gros rgya mtsho phyag rgya'i tshig de dag ni/ phyag rgya'i tshig gang dag gis 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi/ byang chub phyag rgyas btang ba ste/ phyag rgya'i tshig de dag gis chos kyi phung po brgyad khri bzhi stong phyag rgyas btab pa'o// blo gros rgya mtsho byang chub sems dpa' phyag rgya de lta bus btab na/ de bzhin/ gshegs pa'i ye shes kyi phyag rgyar yang dag par 'du ste/ myur du mi skye ba'i chos la bzod pa thob bo// blo gros rgya mtsho phyag rgya'i cho ga de dag ni dge ba'i rtsa ba ma bskyed pa'i sems can rnams kyi rna lam du grags par mi 'gyur ro/ / 'dir bdud kyi las thams cad tshar bcad do// blo gros rgya mtsho chos thams cad yang dag par 'du ba mi zad pa'i za ma tog gi gzungs gang yin pa de yang phyag rgya'i tshig 'di nyid du 'dus te rjes su zhugs so/ / blo gros rgya mtsho ting nge 'dzin brgyad khri bzhi stong dang / sems can gyi spyod pa la 'jug pa'i pha rol tu phyin pa brgyad khri bzhi stong gang yin pa de dag kyang

  220. 111a

    phyag rgya'i tshig 'di nyid du 'dus te rjes su zhugs so/ / blo gros rgya mtsho de la rdo rje'i chog de dag gang zhen/ 'di lta ste/ rang bzhin gyis 'dres pa med pa'i/ phyir/ 'jig tshogs ni rdo rje'i tshig ste/ rdo rje'i cho ga 'di ni lta ba thams cad nges par rtog par 'gyur ro// rig pa la 'jug pa'i phyir/ ma rig pa ni rdo rje'i tshi ga ste/ rdo rje'i tshig 'di ni lhag par dmigs pa'i dngos po yongs su shes par 'gyur ro/ / mngon par 'du bya ba med pa dang / mnyam pa nyid kyi phyir mtshams med pa'i mtha' ni rdo rje'i tshig ste/ rdo rje'i tshig 'di ni mngon par/ 'du byed pa thams cad yongs su shes par 'gyur ba'o// 'dod chags dang bral ba'i mtha' dang mnyam pa nyid kyi phyir/ 'dod chags kyi mtha' ni rdo rje'i chog ste/ rdo rje'i tshig 'di ni 'dod chags dang bral bar 'gyur ba'o/ / byams pa'i mtha' dang mnyam pa nyid kyi phyir/ zhe sdang gi mtha' ni rdo rje'i tshig ste/ rdo rje'i tshig 'di ni zhe sdang thams cad yang dag par 'joms par 'gyur ba'o// shes rab kyi snang ba dang mnyam pa nyid kyi phyir/ gti mug gi mtha' ni rdo rje'i cho ga ste/ rdo rje'i tshig 'di ni mun pa med cing snang bar 'gyur ba'o// sems can thams cad mnyam pa nyid la 'jug pa'i phyir/ sems can thams cad sems can gcig pa 'di ni rdo rje'i tshig ste/ rdo rje'i tshig 'di ni sems can thams cad kyi ngo bo nyid kyi rjes su rtogs par 'gyur ba'o// sems can thams cad kyi sems

  221. 111b

    mnyam pa nyid la 'jug pa'i phyir/ sems can thams cad kyi sems rnams sems gcig pa 'di ni rdo rje'i tshig ste/ rdo rje'i tshig 'dini sems rang bzhin gyis 'od gsal bar rjes su rtogs par 'gyur ro/ / de bzhin nyid mnyam pa nyid la 'jug pa'i phyir/ sangs rgyas thams cad sangs rgyas gcig pa 'di ni rdo rje'i tshig ste/ rdo rje'i cho ga 'di ni mnyam pa nyid kyi ye shes kyi rjes su rtogs par 'gyur ba'o/ / zhing mi zad pa la 'jug pa'i phyir/ zhing thams cad zhing gcig pa 'di ni rdo rje'i tshig ste/ rdo rje'i tshig 'di ni nam mkha' dang mnyam pa nyid rjes su rtog par 'gyur ro/ / chos thams cad mnyam pa nyid la 'jug pa'i phyir/ chos thams cad chos gcig pa 'di ni rdo rje'i tshig ste/ rdo rje'i cho ga 'di ni gnyis su med pa'i chos kyi sgo rjes su rtogs par 'gyur ro// thams cad du ye shes kyi rjes su 'gro ba la 'jug pa'i phyir/ chos thams cad sangs rgyas kyi chos 'di ni rdo rje'i tshig ste/ rdo rje'i tshig 'di ni/ rdo rje lta bu'i ting nge 'dzin rjes su rtogs par 'gyur ba'o/ / bdud kyi las rjes su rtogs pa la 'jug pa'i phyir/ las thams cad sangs rgyas kyi 'phrin las 'di ni rdo rje tshig ste/ rdo rje'i tshig 'di ni bdud kyi las thams cad las shin tu 'da' bar 'gyur ba'o/ / skad thams cad rjes su rtog pa la 'jug pa'i phyir/ tshig thams cad de bzhin gshegs pa'i gsung 'dini rdo rje'i tshigs/ rdo rje'i cho ga 'di ni chos brjod du med par

  222. 112a

    rtogs par 'gyur ba'o/ / 'chi 'pho med pa la 'jug pa'i phyir// chos thams cad ma skyes pa 'di ni rdo rje'i tshig ste/ rdo rje'i tshig 'di ni skye ba dang / rga ba dang / na ba dang 'chi ba'i lam las shin tu 'da' bar 'gyur ba'o/ / 'gog pa med pa la 'jug pa'i phyir/ chos thams cad ma byung ba 'di ni rdo rje'i tshig ste/ rdo rje'i tshig 'di ni chos thams cad skye ba med pa dang / 'gag pa med par 'gyur ba'o// blo gros rgya mtsho rdo rje'i tshig de dag ni mi byed pa'i tshig/ snying po'i tshig/ mnyam pa'i chog/ bden pa'i tshig/ brtan pa'i chog/ tha dad pa med pa'i tshig rjes su 'gro ba'i tshig rgyun chad pa med tshig zhi ba dang / rab tu zhi ba dang / nye bar zhi ba'i tshig/ skyon tu bya ba med pa'i tshig/ sgro btags pa med pa'i tshig 'gro ba med pa rtogs pa la 'jug pa'i tshig 'gro ba med pa'i tshig/ de kho na'i tshig/ yang dag pa'i tshig/ sangs rgyas dang mi 'gal ba'i tshig/ chos mi spong ba'i tshig/ dge 'dun yongs su sdud pa'i tshig/ ji lta ba bzhin gyi tshig/ 'khor gsum yongs su dag pa'i tshig/ dpa' ba'i tshig/ tshangs pa'i tshig/ g.yo ba med pa'i cho ga/ nam mkha' dang mnyam pa'i chog/ byang chub kyi rjes su 'gro ba'i cho ga/ mtshan ma med pa'i cho ga/ chos kyi mtshan nyid mtshan nyid med pa'i chog/ sems dang yid dang rnam par shes pa la mi gnas pa'i tshig/ bdud dang phyir rgol ba bcom pa'i chog/ dag cing dri ma

  223. 112b

    med pa la 'od gsal ba'i tshig/ byang chub la rnam par lta ba'i tshig/ shes rab kyi snang ba'i tshig/ mun pa med cing gsal ba'i tshig/ shin tu skye ba med cing 'gag pa med pa'i tshig rang gi yul yongs su dag pa'i tshig/ sangs rgyas kyi yul la 'jug pa'i tshig/ mi rtog cing rnam par mi rtog la yongs su mi rtog pa'i tshig/ chos kyi dbyings 'dres pa med pa'i tshig gnas pa med pa'i gnas la 'jug pa'i tshig rnams so/ / blo gros rgya mtsho rdo rje'i tshig de dag byang chub sems dpa' gang gis nges par rtogs pa'i don du khong du chud pa de/ byang chub kyi snying por gnas te/ seng ge'o khril 'dug pa'o zhes nga smra'o// bcom ldan 'das kyis sgo'i chog dang / phyag brgya'i cho ga dang / rdo rje'i tshig 'di dag bshad pa na/ byang chub sems dpa' brgyad stong gis chos thams cad kyi phyag rgya'i sgo la 'jug pa'i gzungs thob par gyur to/ / sems can thams cad kyi bsam pa mnyam pa nyid la 'jug pa zhes bya ba'i ting nge 'dzin kyang thob pa'o// de nas phyogs bcu'i 'jig rten gyi khams nas 'dus pa'i byang chub sems dpa' sems dpa' chen po de dag gis bstan pa 'di thos nas tshim zhing mgu ste/ yi rengs nas/ mngon par shes pa'i rdzu 'phrul gyi stobs kyis/ sangs rgyas kyi zhing gang dang gang nas lhags pa de dag 'di lta ste/ bcom ldan 'das la mchod pa dang / chos kyi rnam grangs 'di yang yun ring du gnas par bya ba'i phyir/ sangs

  224. 113a

    rgyas kyi zhing de dag na/ me tog dang spos dang / phreng ba dang / byug pa ci 'dra ba yod pa de 'dra ba'i me tog dang / spos dang / phreng ba dang / byug pa dag gi char chen po mngon par phab bo/ / de dag gis bcom ldan 'das la mchod pa byas nas/ sgra skad dang / nga ro gcig gis bcom ldan 'das la mngon par bstod pa/ gzugs kyis mtshan nyid mtshan gzhi med gzigs pa/ mtshan nyid gcig gis mtshan bzhi bral ston pa// mtshan kun mtshan gzhi ma mchis mtshan gzhi mnyam// yang dag mtshan gnas khyod la phyag 'tshal lo// sems can kun gyi skad dang sgra la zhugs/ / skad la zhugs pa'i ye shes de la'ang zhugs// sgra skad dbyangs rnams kun las rnam par grol// sems gol mnyam pa'i sems la phyag 'tshal lo// sems kyi rgyu brgya chen ci mchis pa/ / sgyu ma'i sems dang mnyam nyid thugs su chud// rab tu mi rgyu rgyu mnyam rgyu mi mnga'// mkha' 'dra'i thug dang ldan la phyag 'tshal lo// mchis dang ma mchis mtha' dang mtha' ma lags/ / chos dang chos min yongs rtog rnam rtog mnyam// sems dang yid rnams thams cad nye bar zhi/ sems yid zhi bar gyur la phyag 'tshal lo// rgyu dang rkyen dang bya ba rnams kyang mkhyen/ / rgyu las 'byung ba'i rim pa'ang gsung ba mdzad// rgyu dang rkyen ni rnam grol mtha' ba ste// yang dag mtha' dang mnyam par rab tu mkhyen// 'dir ni thams cad mnyam pa'i gzugs

  225. 113b

    su zhugs/ / bde gshegs su ni sgyu ma lags par mthong // khyod kyi thugs ni nim rtog mi 'gyur bar// khyod ni rgya chen gzugs ston gzugs ma mchis// phyogs na rgyal ba'i zhing rnams snyed pa/ / zhing rnams thams cad zhing 'dir rab zhugs kyang // zhing 'dir rnam par 'phel ba ma mchis la// de nas ma g.yos 'phos pa'ang ma mchis lags// sems kun sems ma mchis pa mnyam pa'i sems/ / sems ni sgyu ma 'gyur dang rtog ma mchis// byang chub sems ni mnyam nyid thugs su chud// de nas sangs rgyas mnyam pa'i chos la gnas// chos dbyings mnyam pa'i dbyings la rab tu zhugs/ / chos rnams thams cad dngos por 'jug ma mchis// dngos dang dngos med chags bral chags mnyam pa// 'gro ba'i don mdzad khyod la phyag 'tshal lo// gdugs dang dgung zla dog sar lhung yang gda'// gser ma zhags pas gzung du ru yang gda'// ri rgyal kha yi dbugs kyis gtor du rung // rgyal ba'i gsung ni log par gsung mi mnga'/ / yang dag kho na gsung can yongs su dag/ thugs dag nam mkha' 'dra ba'i thugs mnga' ba// 'jig rten chos dang rnyed dang sred pa gsal// pad+ma lta bur srid gsum chags mi mnga'/ / bsngags pa'i 'breng ba gsan kyang dgyes mi 'gyur// smad pa gsan kyang zhe sdang yong mi mnga'// ri rab lta bur yongs su rtog las grol// 'gro ba bde sol khyod la phyag 'tshal

  226. 114a

    lo/ / de nas byang chub sems dpa' sems dpa' chen po de dag gis// bcom ldan 'das la tshigs su bcad pa de dag gis mngon par bstod nas/ bcom ldan 'das la 'di skad ces gsol to// bcom ldan 'das sangs rgyas byung ba ni rin po che byung ba'o// bcom ldan 'das sangs rgyas byung ba ni bde ba byung ba'o// dran pa byung ba'o// blo gros byung ba'o// rtogs pa byung ba'o// ngo tsha shes pa byung ba'o// mos pa byung ba'o// sbyin pa byung ba'o// tshul khrims byung ba'o// bzod pa byung ba'o// brtson 'grus byung ba'o/ / bsam gtan byung ba'o// shes rab byung ba'o// bcom ldan 'das sangs rgyas byung ba ni byams pabyung ba'o// rnying rje byung ba'o// dga' ba byung ba'o// btang snyoms byung bzo/ / don byung ba'o// bden pa byung ba'o// chos byung ba'o// bcom ldan 'das sangs rgyas byung ba ni/ yang dag par dga' bar 'gyur ba'i chos byung ba'o// dran pa nye bar gzhag pa byung ba'o/ / yang dag par spong ba byung ba'o// rdzu 'phrul gyi rkang pa byung ba'o// dbang po byung ba'o// stobs byung ba'o// byang chub kyi yan lag byung ba'o// lam byung ba'o// zhi gnas byung ba'o/ / lhag mthong byung ba'o// mngon par shes pa byung ba'o// rig pa byung ba'o// rnam par grol ba byung ba'o// bcom ldan 'das sangs rgyas byung ba ni mi dge ba'i chos thams cad

  227. 114b

    spong ba dang / dge ba'i chos thams cad byung ba'o// de nas byang chub sems dpa' sems dpa' chen po shes rab brtsegs shes bya ba 'khor de nyid du 'dus te 'dug pa des/ bcom ldan 'das/ la 'di skad ces gsol to// bcom ldan 'das kyis gsungs pa'i don ji ltar bdag gis 'tshal ba ltar na bdag 'di snyam bgyid de/ bcom ldan 'das 'di ltar sangs rgyas byung ba ni 'jig tshogs la lta ba byung ba'o/ / bcom ldan 'das sangs rgyas byung ba ni me rige pa dang / srid pa dang / sred pa byung ba'o// bcom ldan 'das sangs rgyas byung ba ni/ 'dod chag sa dang / zhe sdang dang / gti mug byung ba'o// bcom ldan 'das sangs rgyas byung ba ni phyin ci log bzhi byung ba'o// bcom ldan 'das sangs rgyas byung ba ni/ sgrib pa lnga byung ba'o// bcom ldan 'das sangs rgyas byung ba ni skye mched drug byung ba'o/ / bcom ldan 'das sangs rgyas byung ba ni/ rnam par shes pa'i gnas bdun byung ba'o// log pa nyid brgyad byung ba'o// gnod pa'i dngos po dgu byung ba'o// bcom ldan 'das sangs rgyas byung ba ni mi dge ba bcu'i las kyi lam byung ba'o// de ci'i slad du zhe na/ bcom ldan 'das sdig pa mi dge ba'i chos de dag spang ba'i slad du/ sangs rgyas byung ba lags kyi/ bcom ldan 'das sangs rgyas byung ba gnyen pos rab tu phye ba ni ma lags te/ bcom ldan 'das sangs rgyas byung ba ni gnyen po ma mchis pa gnyen po dang bral ba'o// bcom ldan

  228. 115a

    'das sangs rgyas byung ba'i rjes su mchi bar 'tshal ba'i byang chub sems dpas rjes su 'gro ba ma mchis pa'i tshul gyis/ de ltar sangs rgyas byung ba'i rjes su mchi bar bgyi'o// bcom ldan 'das kyis bka' stsal pa/ rigs kyi bu de de bzhin no// ji skad smras pa bzhin te/ rjes su 'gro ba med pa'i tshul gyis sangs rgyas byung ba rjes su 'gro bar bya ste/ sangs rgyas byung bab la ji lta ba de bzhin du chos thams cad byung ba'i rjes su 'gro bar bya'o/ / de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das las dang po pa'i byang chub sems dpa' rnams kyis ni/ sangs rgyas 'byung ba 'di lta bu 'di ma 'tshal na/ bcom ldan 'das de dag la sangs rgyas 'byung ba lta mchis sam/ bcom ldan 'das kyis bka' stsal pa/ blo gros rgya mtsho ji ltar sems yongs su dag pa bzhin du de dag la'ang sangs rgyas 'byung ngo // de ci'i phyir zhe na/ blo gros rgya mtsho byang chub sems dpa' ni bzhi po 'di dag ste/ bzhi gang zhe na/ 'di lta ste/ sems dang po bskyed pa'i byang chub sems dpa' dang / spyod pa la zhugs pa dang / phyir mi ldog pa dang / skye ba gcig gis thogs pa'i byang chub sems dpa' ste/ blo gros rgya mtsho byang chub sems dpa' bzhi po de dag go// blo gros rgya mtsho de la sems dang po bskyed pa'i byang chub sems dpa' gang yin pa des ni/ de bzhin gshegs pa la

  229. 115b

    gzugs dang mtshan du mthong ngo / / spyod pa la zhugs pa'i byang chub sems dpa' gang yin pa des ni/ de bzhin gshegs pa la yon tan yongs su grub mthong ngo // phyir mi ldog pa'i byang chub sems/ dpa' gang yin pa des ni/ de bzhin gshegs pa la chos kyi skus rab tu phye bar mthong ngo // blo gros rgya mtsho skye ba gcig gis thogs pa'i byang chub sems dpa' gang yin pa des ni/ de bzhin gshegs pa la gzugs dang / mtshan dang yon tan yongs su grub pa dang / skye ba dang / rigs dang / rus dang / chos nyid du khas mi len to// de ci'i phyir zhe na/ de'i mig ni shes rab kyis rnam par lta ba'o/ / shes rab la gnas pa'o// shes rab tu yang dag par 'du ba'o// shes rab kyang rgyu ba med pa/ spros pa med pa ste/ de ni mthong ba ma yin/ mi mthong ba yang ma yin no// de ci'i phyir zhe na/ mthong ba dang / mi mthong ba de gnyis ga yang mtha' ste/ mthong ba dang / mi mthong ba'i mtha' gnyis dang bral ba ni/ sangs rgyas mthong ba'o// gang sangs rgyas mthong ba de bdag mthong ba ste/ bdag mthong ba rnam par dag pas/ sangs rgyas mthong ba rnam par dag/ sangs rgyas mthong ba rnam par dag pas/ chos thams cad mthong ba rnam par dag par khong du chud par bya'o/ / gang mthong ba rnam par dag pa de la ye shes mthong 'di ni/ sangs rgyas mthong ba zhes bya'o// blo gros rgya mtsho ngas kyang de bzhin gshegs pa mar me mdzad de ltar

  230. 116a

    mthong ste/ mthong ma thag tu ngas thob pa med pa dang / mi dmigs pa'i tshul gyis mi skye ba'i chos la bzod pa thob bo// bzod pa thob ma thag tu ngas las shing rta la bdun tsam du 'phags te/ nga nam mkha'i dkyil de la gnas nas/ thams cad mkhyen pa'i ye shes kyi 'byor pa la rnam par brtags/ lta bar gyur pa thams cad yang dag par chad/ rtog pa dang rnam par rtog pa dang / yongs su rtog pa thams cad las shin tu 'das shing / rnam par shes pa yul thams cad la mi gnas te/ ting nge 'dzin drug khri mngon sum du gyur nas/ bcom ldan 'das de bzhin gshegs pa mar me mdzad des/ nga la bram ze'i khye'u khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur zhes lung bstan to/ / lung bstan pa'i bstan pa de yang nga'i rna ba'i dbang po la grag par yang ma gyur ye shes bzhin du rig par yang ma gyur/ nga kun tu rmongs par yang ma gyur/ dmigs par lta ba la gnas pa yang med/ nga sangs rgyas la sangs rgyas su 'du shes yang med/ bdag la bdag tu 'du shes pa yang med/ lung bstan pa'i bstan pa la yang lung bstan pa'i bstan par 'du shes pa yang med par gyur to/ / blo gros rgya mtsho 'di ni byang chub sems dpa'i 'khor gsum yongs su dag pa'i lung bstan pa ste/ gang la sangs rgyas su 'du shes pa yang med pa dang /

  231. 116b

    bdag tu 'du shes pa med pa dang / lung bstan pa'i bstan par 'du shes pa med par 'di ni/ 'khor gsum yongs su dag pa zhes bya'o// blo gros rgya mtsho gzhan yang 'khor gsum yongs su dag pa/ gang zhe na/ gang la bdag tu 'dzin pa med pa dang / sems can du 'dzin pa med pa dang / chos su 'dzin pa med pa'o// gzhan yang 'khor gsum yongs su dag pa ni gang la ming du 'dzin pa med pa dang / gzugs su 'dzin pa med pa dang / dmigs par 'dzin pa med pa'o// gzhan yang 'khor gsum yongs su dag pa ni/ 'das pa la zad par shes pa dang / ma 'ongs pa la ma phyin par shes pa dang / da ltar byung ba la gnas pa med par shes pa'o// gzhan yang 'khor gsum yongs su dag pa ni/ lus la gzugs bsnyen lta bur shes pa dang / ngag la brag cha lta bur shes pa dang / sems la sgyu ma lta bur shes pa'o// gzhan yang 'khor gsum yongs su dag pa ni/ phung po rnams la chos kyi phung po dang mnyam pa nyid dang / khams rnams la chos kyi dbyings dang mnyam pa nyid dang / skye mched rnams la grong stong lta bur so sor rtog pa'o// gzhan yang 'khor gsum yongs su dag pa ni/ stong pa nyid la mos pa dang // mtshan ma med pa la yid ches pa dang / smon pa med pa la som nyid med pa ste/ blo gros rgya mtsho 'khor gsum yongs su dag pa 'di ni/ chos thams cad yongs su dag par 'gyur ba'o// blo gros rgya mtsho

  232. 117a

    gte/ A bi sU re/ A shu pra dz+nyA/ pradz+nyA mu le/ mul ba ti/ sha shi pra b+he/ sUr+ya ba ti dz+yo tiSh+Tha b+h+re/ su bi ma le/ a ma le/ sarba ta mo bi sho d+hanA bud+d+ha a d+hiSh+Thi te/ sarba de ba tA pa ri gr-i hI taM/ sarba b+hU twe nan sA t+ya ya ne/ a nud ny+dza tsu brah+ma nA/ prad tid tshi tA sha gre na/ pA li tA lo ka pA le'i/ pa ri gri hI tA ar+ye'i/ sang gri hI tA ri bi gau tran yug tA nAn/ mok+Sho ban d+ha nAn/ sang gra ho ba ma nu shU NA na/ ni gra ha kle shA nAn/ nargi tA nAn ma rA Na na/ hi ra Sha Na na/ tIn+di kA NAn/ ni gra ha sarba pa ra pra bA dI nAn/ ts+tshed nas b+ha mA ni ka nA na/ a nu pakra mo d+harma b+ha Na kA Na na/ A bar+dz+dza nAn pa ri Sha da san to Sha nAn/ d+harma kA mA nAn/ pa ri rak+Sha d+harma ko Sha s+ya/ a nu pad tshe da s+thi rat+na bad sha s+ya/ me'i tI sarba sad t+ya nAn/ sU tA sarba gu NAR+ShA ke/ klu'i bdag po 'di ni/ mi zad pa'i za ma tog gi gzungs kyi kun tu bsrungs pa dang / yongs su bsrung ba'i cho ga yin te/ de dag brjod na/ chos smra ba des mi 'jigs pa sum cu rtsa gnyis thob par 'gyur te/ sum cu rtsa gnyis gang zhe na/ gzhan yang dag par dga' bar 'gyur ba'i phyir/ thob pa mi 'jigs pa thob par 'gyur ba dang / tshig 'khrul pa med pa'i phyir/ bstan pa mi 'jigs pa thob par 'gyur ba dang / tshig zlos bu med pa'i phyir/ nges pa'i tshig mi 'jigs pa thob par 'gyur ba dang / sgra ji lta ba bzhin du 'jug pa'i phyir/ brtag pa

  233. 117b

    mi 'jigs pa thob par 'gyur ba dang / byin gyis brlabs ston pa'i phyir/ spobs pa mi 'jigs pa thob par 'gyur ba dang / 'dzin pa'i blo dang ldan pa'i phyir/ dran pa mi 'jigs pa thob par 'gyur ba dang / gzhan gyi blo gros yang dag par mgu bar byed pa'i phyir/ blo gros mi 'jigs pa thob par 'gyur ba dang / som nyi myur du gcod pa'i phyir/ rtogs pa mi 'jigs pa thob par 'gyur ba dang / gzhan gyi ngor mi blta ba'i phyir/ blo mi 'jigs pa thob par 'gyur ba dang / tshig ji skad smras pa bzhin du 'gyur ba'i phyir/ 'khrul pa med pa'i mi 'jigs pa thob par 'gyur ba dang tshul khrims yongs su dag pa'i phyir/ spa gong ba med pa mi 'jigs pa thob par 'gyur ba dang / bzod pa yongs su dag pa'i phyir/ 'dzum pa'i bzhin mi 'jigs pa thob par 'gyur ba dang yang dag par dam bcas pa las mi nyams pa'i phyir/ brtan pa mi 'jigs pa thob par 'gyur ba dang / klan ka mi tshol ba'i sems dang ldan pa'i phyir/ tshig bzung bar 'os pa mi 'jigs pa thob par 'gyur ba dang / 'khor mngon par mgu bar byed pa'i phyir/ tshig btsan pa mi 'jigs pa thob par 'gyur ba dang / zab mo'i chos gleng ba'i phyir/ shes rab mi 'jigs pa thob par 'gyur ba dang / khengs pa med pa'i phyir/ dpyod pa mi 'jigs pa thob par 'gyur ba dang / phas kyi rgol ba thams cad tshar gcod pa'i phyir/ seng ge'i sgra mi 'jigs pa thob par 'gyur

  234. 118a

    ba dang / zang zing med par chos ston pa'i phyir/ skur pa med pa mi 'jigs pa thob par 'gyur ba dang / nyams su len pa gtam la 'bebs pa'i phyir/ bstan pa la nam tho ba med pa mi 'jigs pa thob par 'gyur ba dang / mkhas pas ma smad pa'i phyir/ smad tu med pa mi 'jigs pa thob par 'gyur ba dang / mdo sde dang mi 'gal ba'i phyir/ sbyor 'byor mi 'jigs pa thob par 'gyur ba dang / dus su yang dag par skul ba'i phyir/ yang dag par skul ba mi 'jigs pa thob par 'gyur ba dang / ji skad smras pa de bzhin du byed pa'i phyir/ phyin ci ma log pa mi 'jigs pa thob par 'gyur ba dang / sems can rnams la 'dud pa'i phyir/ nga rgyal med pa mi 'jigs pa thob par 'gyur ba dang / sngon thos pa legs par gzung ba'i phyir/ tshig dang yi ge/ zad mi shes pa mi 'jigs pa thob par 'gyur ba dang / chos tshad med pa rtogs pa'i phyir/ thams cad kyi dri ba skabs 'byed pa mi 'jigs pa thob par 'gyur ba dang / bdag nyid yongs su dag par byed pa'i phyir/ 'khor thams cad mngon par mgu bar byed pa mi 'jigs pa thob par 'gyur ba dang / nyon mongs pa thams cad yongs su shes pa'i phyir/ bdud dang phyir rgol ba bcom pa/ mi 'jigs pa thob par 'gyur ba dang / zhes 'gras pa med pa'i sems dang ldan pa'i phyir/ byams pa chen po mi 'jigs pa thob par 'gyur ba dang / sems can thams cad rjes su bsrung

  235. 118b

    ba'i phyir/ snying rje chen po mi 'jigs pa thob par 'gyur ba dang / chos kyi rgyal po byed pa'i phyir/ sangs rgyas kyi ye shes mi 'jigs pa thob par 'gyur ba ste/ klu'i bdag po de ltar na byang chub sems dpa' sems dpa' chen po ni/ mi zad pa'i za ma tog gi gzungs nyan pa dang / mos pa dang / sgrub pa na mi 'jigs pa sum cu rtsa gnyis po de dag thob par 'gyur ro// mi 'jigs pa sum cu rtsa gnyis po de dag rgyun ma chad pas na/ des na mthar gyis de bzhin gshegs pa'i mi 'jigs pa bzhi thob par 'gyur te/ mi 'jigs pa de dag dang ldan pas/ lha dang bcas pa'i 'jig rten gyi mdun du de bzhin gshegs pa seng ge'i sgra sgrogs so/ / sems can thams cad kyi dri ba lung bstan pa'i phyir yang skabs 'byed do// sems can gyi ris na/ gang de bzhin gshegs pa la chos dang 'thun par rgol nus pa/ de bzhin gshegs pa'i chos gsung ba mdzad pa la gcod nus pa de lta bu'i sems can ni gang yang med do// klu'i bdag po de lta bas na/ byang chub sems dpas mi zad pa'i za ma tog gi gzungs 'di la sbyar bar bya'o/ / klu'i bdag po mi zad pa'i za ma tog gi gzungs 'di la sbyor ba gang zhe na/ gang la mig tu sbyor ba yang med/ gzugs su sbyor ba yang med// mig gi rnam par shes par sbyor ba yang med pa dang / rna bar sbyor ba yang med/ sgrar sbyor ba yang med/ rna ba'i rnam par shes par sbyor ba yang med pa dang / snar sbyor ba yang med/ drir sbyor ba yang med//

  236. 119a

    sna'i rnam par shes par sbyor ba yang med pa dang / lcer sbyor ba yang med/ ror sbyor ba yang med/ lce'i rnam par shes par sbyor ba yang med pa dang / lus su sbyor ba yang med// reg byar sbyor ba yang med/ lus kyi rnam par shes par sbyor ba yang med pa dang / yid du sbyor ba yang med/ chos su sbyor ba yang med/ yid kyi rnam par shes par sbyor ba yang med pa de ni gzungs 'di la sbyor ba yin no/ / klu'i bdag po gzhan yang gang la gzugs su sbyor ba yang med/ gzugs skye bar sbyor ba yang med/ gzugs gnas par sbyor ba yang med/ gzugs 'gag par sbyor ba yang med pa de ni/ gzungs 'di la sbyor ba yin no// de bzhin du tshor ba dang / 'du shes dang / 'du byed dang / rnam par shes pa sbyor ba yang med/ rnam par shes pa skye bar sbyor ba yang med/ rnam par shes pa gnas par sbyor yang med/ rnam par shes pa 'gag par sbyor ba yang med pa de ni/ gzungs 'di la sbyor ba yin no// klu'i bdag po gzhan yang gzugs stong pa nyid du sbyor ba dang / gzugs stong pa nyid du yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// de bzhin du tshor ba dang 'du shes dang / 'du byed dang / rnam par shes pa stong pa nyid du sbyor ba dang / rnam par shes pa stong pa nyid du yang rlom sems mi byed pa'i sbyor ba de ni/ gzungs 'di la sbyor ba yin no//

  237. 119b

    klu'i bdag po gzhan yang gzugs mtshan med par sbyor ba dang / gzugs mtshan med par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// de bzhin du tshor ba dang / 'du shes dang / 'du byed dang / rnam par shes pa mtshan ma med par sbyor ba dang / rnam par shes pa mtshan med par yang rlom sems mi byed pa'i sbyor ba gang yin pa de ni gzungs 'di la sbyor ba yin no/ / klu'i bdag po gzhan yang gzugs smon pa med par sbyor ba dang / gzugs smon pa med par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no/ / de bzhin du tshor ba dang / 'du shes dang / 'du byed dang / rnam par shes pa smon pa med par sbyor ba dang / rnam par shes pa smon pa med par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// gzugs mngon par 'du byed pa med par sbyor ba dang / gzugs mngon par 'du byed pa med par yang rlom sems mi byed pa'i sbyor ba gang yin pa dang / tshor ba dang / 'du shes dang / 'du byed dang / rnam par shes pa mngon par 'du byed pa med par sbyor ba dang / rnam par shes pa mngon par 'du byed pa med pa yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// gzugs ma skyes pa dang / ma byung bar sbyor ba dang / gzugs ma skyes pa dang / ma byung bar

  238. 120a

    yang rlom sems mi byed pa'i sbyor ba gang yin pa dang / tshor ba dang / 'du shes dang / 'du byed dang / rnam par shes pa ma skyes pa dang / ma byung bar sbyor ba dang / rnam par shes pa ma skyes pa dang / ma byung bar yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// gzugs dben par sbyor ba dang / gzugs dben par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// tshor ba dang / 'du shes dang / 'du byed dang / rnam par shes pa dben par sbyor ba dang rnam par shes pa dben par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// gzugs rang bzhin gyis rnam par dag par sbyor ba dang / gzugs rang bzhin gyis rnam par dag par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// de bzhin du tshor ba dang / 'du shes dang / 'du byed dang / rnam par shes pa rang bzhin gyis rnam par dag par sbyor ba dang / rnam par shes pa rang bzhin gyis rnam par dag par yang rlom sems mi byed pa'i sbyor ba gang yin pa 'di ni/ gzungs 'di la sbyor ba yin no// klu'i bdag po gzhan yang khams rnams la chos kyi dbyings su sbyor ba dang / chos kyi dbyings la yang rlom sems mi byed pa'i sbyor ba gang yin pa dang / skye mched rnams la rang bzhin gyis stong pa nyid du sbyor ba dang /

  239. 120b

    rang bzhin gyis stong pa nyid la yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// chos thams cad la rten cing 'brel par sbyor ba dang / rten cing 'brel par 'byung ba yongs su brtag pa la yang rlom sems mi byed pa'i sbyor ba gang yin pa dang / chos thams cad la gnas med par sbyor ba dang / gnas med par yang mngon par zhen pa med pa'i sbyor ba gang yin pa dang chos thams cad de bzhin nyid du sbyor ba dang / de bzhin nyid du yang mngon par zhen pa med pa'i sbyor ba gang yin pa dang / chos thams cad yang dag pa'i mtha' la gnas par sbyor ba dang / yang dag pa'i mtha' la gnas par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// klu'i bdag po gzhan yang sems can 'dod chags spyod pa rnams kyi 'dod chags kyi spyod pa yongs su shes pa'i sbyor ba dang / chos kyi dbyings 'dod chags kyi spyod pa dang / kun tu sbyor ba yang med pa'i sbyor ba gang yin pa de ni/ gzungs 'di la sbyor ba yin no// de bzhin du sems can zhe sdang spyod pa rnams kyi zhe sdang gi spyod pa yongs su shes pa'i sbyor ba dang / chos kyi dbyings zhe sdang gi spyod pa dang / kun tu sbyor ba yang med pa'i sbyor ba gang yin pa de ni/ gzungs 'di la sbyor ba yin no/ / sems can gti mug spyod pa rnams kyi gti mug gi spyod pa yongs su shes pa'i sbyor ba dang / chos kyi dbyings gti mug gi spyod pa dang / kun tu sbyor ba yang med pa'i sbyor ba

  240. 121a

    snyoms par zhugs kyang / bsam gtan dang / rnam par thar pa dang / ting nge 'dzin dang / snyoms par 'jug pa rnams kyis 'khrul par mi 'gyur te/ thabs mkhas pa des bgyi ba thams cad kyang ston la/ bgyi bar ltung bar yang mi 'gyur/ chos mnyam pa nyid la yang gnas la/ sems can log pa nyid du mchis pa rnams la yang dag pa nyid kyi nges par gyur pa'i slad du/ chos kyang ston cing bsam pa yongs su ma rdzogs kyi bar du/ bdag nges par gyur pa der yang mi lhung ngo // de skad ces gsol pa dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ / blo gros rgya mtsho de de bzhin no// ji skad smras pa bzhin te/ byang chub sems dpas thams cad du thabs la mkhas pa 'dod par bya'o/ / de ci'i phyir zhe na/ dro gros rgya mtsho thabs la mkhas pa'i byang chub sems dpa' la byang chub yod kyi/ thabs la mi mkhas pa la ni byang chub med do// blo gros rgya mtsho 'di lta ste/ dper na/ snod gcig gis nang du tshon sna gsum ste/ sna gcig ni kha dog sngon po/ sna gcig ni kha dog dmar po/ sna gcig ni gser gyi kha dog lta bur ser po drugs la tshon gyi snod cig du der ras kha 'gyur ba gsum te/ gcig ni res shog ri yug sngon po la bsgyur ba/ gcig ni ris phran mug dmar por kha bsgyur ba/ gcig ni ris bcos bu rin zang

  241. 121b

    med pa/ ser po gser gyi khadog lta bur kha sgyur ba/ zung gcig bcug la/ de dag snod cig gi nang du bcug ste/ bsdubs na/ ji ltar kha bsgyur ba'i bye brag bzhin du tshon 'dzin te/ gang tshon sngon pos kha bsgyur ba de ni/ kha dog sngon por 'gyur/ gang tshon dmar pos kha bsgyur ba de ni/ kha dog dmar por 'gyur/ gang tshon ser po gser lta bus kha bsgyur ba de ni kha dog ser po gser lta bur 'gyur yang / snod de la ni rnam par rtog par 'gyur ba yang med do// blo gros rgya mtsho de bzhin du stong pa nyid dang / mtshan ma med pa dang / smon pa med pa'i snod gcig la gang zag gsum ste/ gcig ni nyan thos kyi theg pa/ gcig ni rang sangs rgyas kyi theg pa/ gcig ni theg pa chen po la yang dag par zhugs pa btsud la/ de dag btsud pa dang gang gis ci 'dra ba'i bsam pa dang / sems kyi tshon bsags pa de 'dra bar de ye shes kyi tshon yongs su 'dzin kyang / stong pa nyid dang / mtshan ma med pa dang / smon pa med pa'i snod la ni// rnam par rtog pa gang yang med do// de la ras shog po'i yug lta bur ni/ nyan thos kyi theg pa blta'o// ras phran gyi yug lta bur ni/ rang sangs rgyas kyi theg pa blta'o// rin thang med pa'i ras bcos bu'i zung lta bur ni/ theg pa chen po la yang dag par zhugs pa blta'o// blo gros rgya mtsho chos rnams ni snying po med pa/ byed pa po med pa/ bdag med pa/ sems can

  242. 122a

    med pa/ srog med pa/ gang zag med pa/ bdag po med pa ste/ 'di ltar ji ltar 'dod pa de ltar rnam par sgrub ste/ rnam par bsgrubs kyang sems pa ma yin/ rab tu rtog pa ma yin pa la ltos/ blo gros rgya mtsho chos rnam par bsgrub pa 'di la mos pa'i byang chub sems dpa' ni/ chos gang la yang yongs su skyo ba mi skyed do// de ltar ye shes mthong ba shin tu rnam par dag pa yin te/ 'dir gang la yang phan pa 'am/ gnod pa mi byed do// de ltar chos rnams kyi chos nyid yang dag pa ji lta ba bzhin du rab tu shes pa ni snying rje chen po'i go cha de yang mi 'dor ro/ / blo gros rgya mtsho 'di lta ste/ dper na/ nor bu rin po che bai DUrA rin thang med pa shin tu byang ba/ shin tu rnam par dag pa/ shin tu dri ma med pa rdzab kyi nang du bcug nas lo stong lon pa/ de lo stong 'das nas rdzab de nas phyung ste/ bkrus shing yongs su sbyangs te/ byi dor byas na shin tu dag cing shin tu yongs su dag la shin tu sbyangs nas/ de nyid dag pa dri ma med pa'i nor bu rin po che'i rang bzhin mi 'dor ro// blo gros rgya mtsho de bzhin du byang chub sems dpa' yang sems can thams cad kyi sems rang bzhin gyis 'od gsal bar rab tu shes la/ de yang bro bur gyi nye ba'i nyon mongs pas/ nyon mongs pa can du byas par mthong ngo // de la byang chub sems dpa' 'di snyam du sems te/ nyon mongs

  243. 122b

    pa 'di dag ni sems can rnams kyi sems rang bzhin gyis 'od gsal ba la zhugs med kyi/ nyon mongs pa de dag ni yang dag pa ma yin pa kun brtags pa las byung du zad pas/ bdag gis// sems can de dag gi blo bur gyi nyon mongs pa spang ba'i phyir chos bstan mi nus so snyam nas/ de zhum pa'i sems mi skyed kyi de de bas kyang shas cher sems can thams cad rab tu thar par bya ba'i sems bskyed pa bskyed do/ / de yang 'di snyam du sems te/ nyon mongs pa de dag la ni stobs dang mthu chung zad kyang med de/ nyon mongs pa de dag ni stobs med pa nyam chung ba dag go// de dag ni yang dag pa la chung zad kyang mi gnas kyis/ nyon mongs pa de dag ni yang dag pa ma yin pa kun brtags pa dag ste/ de dag la yang dag pa ji lta ba bzhin du tshul bzhin yid la byed pas brtags na 'khrugs par mi 'gyur bas/ bdag gis de dag la ci nas kyang yang 'dre bar mi 'gyur ba de lta de ltar brtags par bya'o// nyon mongs pa rnams dang mi 'dre ba ni legs pa yin gyi 'dre ba ni ma yin no/ / gal te bdag nyon mongs pa rnams dang 'dre bar gyur na/ nyon mongs pa'i bcing bas bcings pa'i sems can rnams kyi nyon mongs pa'i bcing ba spang ba'i phyir/ ji ltar chos bstan gyis bdag nyon mongs pa rnams dang mi 'dre bar byas la/ nyon mongs pa'i bcing ba spang ba'i phyir/ sems can rnams la chos bstan par bya'o// bdag sems can yongs su smin par bya ba'i phyir/ gang dag

  244. 123a

    'khor ba'i rgyun byed la/ dge ba'i rtsa ba dang mtshungs par ldan pa'i nyon mongs pa de dag dang ni 'dre bar bya'o snyam mo// 'khor ba'i rgyun byed la dge ba'i rtsa ba dang mtshungs par ldan pa'i nyon mongs pa de dag gang zhe na/ 'di lta ste/ bsod nams kyi tshogs yongs su btsal bas mi ngoms pa dang / bsams bzhin du srid par skye ba yongs su 'dzin pa dang / sangs rgyas dang phrad par smon pa dang / sems can yongs su smin par bya ba la yongs su mi skyo ba dang / dam pa'i chos yongs su 'dzin pa la brtson pa dang / sems can gyi bya ba ci yod snyam pa la spro ba dang / chos 'dod pa'i bag la nyal mi 'dor ba dang / pha rol tu phyin pa la sbyor ba rnams yongs su mi gtong ba'o// blo gros rgya mtsho de dag ni dge ba'i rtsa ba dang mtshungs par ldan pa'i nyon mongs pa rnams te/ byang chub sems dpa' de dag gis 'dre yang / nyon mongs pa'i skyon rnams kyis mi gos so// blo gros rgya mtshos gsol pa/ bcom ldan 'das dge ba'i rtsa ba lags na/ ci'i slad du nyon mongs pa rnams shes bgyi/ bcom ldan 'das kyis bka' stsal pa/ blo gros rgya mtsho 'di ltar nyon mongs pa de lta bu de dag gis/ byang chub sems dpa' khams gsum dang 'dre zhing khams gsum pa ni nyon mongs pa las byung ba yin pas/ de la byang chub sems dpa' ni thabs la mkhas pa dang / dge ba'i rtsa ba'i stobs bskyed pas

  245. 123b

    bsams bzhin du khams gsum dang 'dre'o/ / de'i phyir dge ba'i rtsa ba dang mtshungs par ldan pa'i nyon mongs pa zhes bya ste/ khams gsum du 'dre bas de skad bya'i/ sems nye bar nyon mongs/ bas ni ma yin no// blo gros rgya mtsho 'di lta ste/ dper na/ tshong dpon khyim bdag cig la bu sdug pa phangs pa/ yid du 'ong ba blta ba dang 'thun pa gcig pu zhig yod par gyur la khye'u de yang byis par gyur pas gar byed bzhin du khron pa phyi sa khung rtsog pa zhig tu lhung ba dang / de nas khye'u de'i ma dang / mdza' bshes dang / nye du dag gis khye'u de khron pa brtsog par lhung bar mthong la/ mthong nas kyang sgra cher phyung ste/ mya ngan byed cing smre sngags 'don gyi/ khron pa brtsog pa der zhugs te/ bu gcig pa de mi 'byin la/ de nas khye'u de'i pha 'ongs tedes bu gcig khron pa brtsog par lhung ba de mthong la/ mthong nas kyang bu gcig pa la bsam pa thag pa nas byams shing rjes su chags pas mi smod par myur du skyen par la gor du khron pa btsog pa der zhugs te/ bu gcig pa byung ba 'di lta bu 'di na/ blo gros rgya mtsho ji tsam du don shes par bya ba'i phyir/ dper byas pa yin no// 'dir don du blta ba gang zhe na/ blo gros rgya mtsha khron pa bcog pa zhes bya ba ni/ khams gsum gyi tshig bla dgas so// bu gcig pa zhes bya ba ni/ sems can thams cad kyi chog bla dgas te/ de dag la byang chub sems dpa' bu gcig pa

  246. 124a

    ltar 'du shes so/ / ma dang / mdza' bshes dang / nye du zhes bya ba de ni/ nyan thos dang / rang sangs rgyas kyi theg pa pa'i gang zag rnams kyi tshig bla dgas te/ de dag ni 'khor bar lhung pa'i sems can rnams mthong na/ mya ngan byed cing smre sngags 'don gyi 'byin ni mi nus so// tshong dpon khyim bdag ces bya ba de ni/ byang chub sems dpa' tshig bla/ dgas te/ de ni sems dag cing dri ma med cing / dri ma dang bral la 'dus ma byas kyi chos mngon sum du gyur kyang / sems can yongs su smin par bya ba'i phyir/ bsams bzhin du khams gsum du mtshams sbyor ro/ / blo gros rgya mtsho 'di ni byang chub sems dpa' rnams kyi snying rje chen po ste/ gang nyon mongs pa'i bcing ba thams cad las shin tu yongs su grol yang thabs mkhas pas srid par skye ba nye bar len pa la/ shes rab kyis yongs su zin pas rang gi nyon mongs pa rnams kyis kyang gnod pa med cing nyon mongs pa'i bcing ba thams cad spang ba'i phyir/ sems can rnams la chos kyang ston pa'o/ / byang chub sems dpa' blo gros rgya mtshos gsol pa/ bcom ldan 'das byang chub sems dpa' sems dri ma ma mchis shing dri ma dang bral te/ de dag kyang 'khor ba la mi smod cing / chos zab mo la ji lta ba bzhin du rtogs pas kyang / 'dus ma byas su mi lhung zhing 'bras bu yang thob par mi bgyid pa ni/ bgyi dka' ba bgyid pa'o//

  247. 124b

    bcom ldan 'das kyis bka' stsal pa blo gros rgya mtsho 'di ni byang chub sems dpa' rnams kyi yan lag gnyis dang rab tu ldan pa'i lam te/ 'di ltar shes rab kyi pha rol tu phyin pa dang thabs la mkhas pa'o/ / blo gros rgya mtsho gang gi tshe byang chub sems dpa' sems dri ma med cing dri ma dang bral te/ dag par gyur pa 'di ni de'i shes rab kyi pha rol tu phyin pa'o// blo gros rgya mtsho gang gi tshe byang chub sems dpa' 'khor ba la mi smod cing / sems can yongs su smin par bya ba'i phyir/ skye ba yang 'dzin pa 'di ni de'i thabs la mkhas pa'o// blo gros rgya mtsho gzhan yang gang gi tshe/ byang chub sems dpa' 'du byed thams cad la stong pa nyid dang / mtshan ma med pa dang / smon pa med pa dang / mngon par 'du bya ba med pa dang / ma skyes pa dang / ma byung bar so sor rtog pa 'di ni/ de'i shes rab kyi pha rol tu phyin pa'o// gang gi tshe snying rje chen po sngon du btang ba'i sems kyis/ 'dus ma byas su mi ltung 'bras bu thob par yang mi byed pa 'di ni/ de'i thabs la mkhas pa'o// blo gros rgya mtsho gzhan yang gang gi tshe/ byang chub sems dpas dus gsum mnyam pa nyid kyi phyir/ tha dad du bya ba'i chos gang yang mi mthong ste/ chos kyi dbyings kyi mnyam pa nyid gang yin pa de sems can gyi khams kyi mnyam pa/ sems can gyi khams kyi mnyam pa gang yin pa de//

  248. 125a

    mya ngan las 'das pa'i dbyings kyi mnyam pa/ mya ngan las 'das pa'i dbyings kyi mnyam pa gang yin pa de chos kyi dbyings kyi mnyam pa ste/ chos kyi dbyings la 'jug pas/ mnyam pa nyid la 'jug pa 'di ni/ de'i shes rab kyi pha rol tu phyin pa'o// gang gi tshe sems can gyi khams khams gcig tu rab tu shes shing / mya ngan las 'das pa'i dbyings kyang / mngon sum du mi byed la/ sems can gyi khams la lta bas/ chos kyi dbyings la mi lta bar yang mi 'gyur ba 'di ni de'i thabs la mkhas pa'o// rigs kyi bu gzhan yang sbyin pa dag pa ni/ shes rab bo// yongs su bsngo ba dag pa ni thabs so// tshul khrims dang / bzod pa dang / brtson 'grus dang / bsam gtan dag pa ni shes rab bo// yongs su bsngo ba dag pa ni thabs so// mdor bsdu na dge ba'i rtsa ba thams cad dag pa ni shes rab bo// yongs su bsngo ba dag pa ni thabs so// blo gros rgya mtshos gsol pa/ bcom ldan 'das byang chub sems dpa'i dge ba'i rtsa ba yongs su dag pa ni gang lags/ yongs su bsngo ba dag pa ni gang lags/ shes rab dag pa ni gang lags/ thabs dag pa ni gang lags/ bcom ldan 'das kyis bka' stsal pa/ blo gros rgya mtsho dge ba'i rtsa ba dag pa ni gang bdag dang / sems can dang / srog dang / gso ba dang / skyes bu dang / gang zag tu lta ba dang bral bar dge

  249. 125b

    ba'i rtsa ba de dag sogs pa'o/ / yongs su bsngo ba dag pa ni gang stong pa nyid dang / mtshan ma med pa dang / smon pa med pa yongs su 'dris par dge ba'i rtsa ba de dag byang chub tu yongs su bsngo ba'o// shes rab dag pa ni gang sems can thams cad kyi dbang po mchog dang / mchog ma yin pa shes pa'i ye shes so// thabs dag pa ni gang sems can thams cad la so so ci rigs par chos ston pa la mkhas pa'o/ / blo gros rgya mtsho gzhan yang dge ba'i rtsa ba dag pa ni gang srid par 'gro ba'i skye ba thams cad la mi gnas par dge ba'i rtsa ba de dag sogs pa'o// yongs su bsngo ba dag pa ni gang theg pa thams cad la yang dag par gzhol bas/ nyan thos dang / rang sangs rgyas thams cad kyi yid la byed pa dang bral bar dge ba'i rtsa ba de dag theg pa chen por yongs su bsngo ba'o// shes rab dag pa ni gang / bag chags kyi mtshams sbyor bar gyur pa'i nyon mongs pa thams cad yang dag par 'joms pa'o// thabs dag pa ni sems can gang dag yongs su smin par byed pa de dag don 'thun pas theg pa chen po yang dag par 'dzin tu 'jug pa'o/ / gzhan yang dge ba'i rtsa ba dag pa ni/ 'di lta ste/ longs spyod mi zad pa dang / lag na rin po che'o// yongs su bsngo ba dag pa ni gang sems can thams cad dang / thob pa dang / mi slob pa dang / rang sangs rgyas thams cad dang / byang chub sems dpa' thams cad dang / sangs rgyas thams cad kyi dge ba'i rtsa ba

  250. 126a

    rnams yongs su bsngo ba des yongs su 'dzin cing / yang dag par 'jug pa'o// shes rab dag pa ni gang / gzungs kyi phyag rgyas btab nas/ sangs rgyas thams cad kyis gsungs pa kun tu 'dzin cing chud mi za bar byed pa'o/ / thabs dag pa ni gang spobs pa rgyun mi 'chad pa dang / spobs pa chags pa med pa dang / chos bstan pa don yod pas legs par bshad pas sems can thams cad yang dag par tshim par byed pa'o/ / blo gros rgya mtsho gzhan yang dge ba'i rtsa ba dag pa ni gang / tshe rabs tshe rabs dag tu byang chub kyi sems mi brjed pa'o// yongs su bsngo ba dag pa ni gang byang chub kyi sems ma brjed par/ dge ba'i rtsa ba thams cad mkhyen pa nyid du yongs su bsngo'o// shes rab dag pa ni gang / mi gnas pa'i dge ba'i rtsa ba de byang chub kyi sems su shes pa'o/ / thabs dag pa ni byang chub kyi sems mnyam pa nyid pha rol khong du chud par bya ba'i phyir yang dag par 'dzin tu 'jug pa'o// de nas bcom ldan 'das la byang chub sems dpa' blo gros rgya mtshos 'di skad ces gsol to/ / bcom ldan 'das kyis gsungs pa'i don ji ltar bdag gis 'tshal ba ltar na/ bcom ldan 'das ba dag 'di snyam du bgyid do// byang chub sems dpa' thabs la mkhas pa dang / shes rab kyi pha rol tu phyin pa yongs su dag pa rnams kyi byang chub ni kun tu 'gro ba ste/ bcom ldan 'das de dag gi byang chub ma lags pa'i

  251. 126b

    chos gang yang ma mchis so/ / de ci'i slad du zhe na/ bcom ldan 'das chos thams cad mnyam pa nyid du rtogs pa ni byang chub bo// bcom ldan 'das de lta bas na byang chub sems dpas byang chub la ring ba'i 'du shes mi bgyi'o/ / yul drug po dag gi nang nas chos gang de la snang bar 'gyur ba de nyid yang dag pa ji lta ba bzhin du rtogs pa ni byang chub bo// bcom ldan 'das de ltar mos pa'i byang chub sems dpa' ni thabs mkhas pa dag pa dang / shes rab kyi pha rol tu phyin pa dag pa thob par 'gyur ro// de nas bcom ldan 'das kyis byang chub sems dpa' blo gros rgya mtsho la legs so zhes bya ba byin te/ blo gros rgya mtsho legs so legs so// de de bzhin no// ji skad smras pa bzhin te/ yul drug po dag gi nang nas chos gang byang chub sems dpa' thabs la mkhas pa dang / shes rab kyi pha rol tu phyin pa yongs su dag pa rnams la snang bar 'gyur ba de nyid yang dag pa ji lta ba bzhin du rtogs pa ni byang chub ste/ blo gros rgya mtsho khyod kyis rnam grangs 'dis kyang de ltar rig par bya'o/ / blo gros rgya mtsho sngon byung ba 'das pa'i dus na/ bskal pa grangs med pa'i yang ches grangs med pa shin tu rgyas pa tshad med pa/ bsam gyis mi khyab pa mtshungs pa med par gyur pa/ de'i tshe de'i dus na/ skar mdog gi bskal pa la shin tu sprul pa'i 'jig rten gyi khams su bcom ldan 'das de bzhin gshegs pa dgra bcom pa yang dag

  252. 127a

    par rdzogs pa'i sangs rgyas 'od gzer snang ba mtha' yas shes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo // ci'i phyir de bzhin gshegs pa de 'od zer snang ba mtha' yas shes bya zhe na/ bcom ldan 'das de thams cad mkhyen pa ma thob cing / byang chub sems dpar gyur bzhin du byang chub kyi snying po la 'dug nas/ lus las 'od 'di lta bu phyung ste/ 'od rab tu phyung ba des phyogs bcu'i sangs rgyas kyi zhing tshad med grangs med bgrang ba las shin tu 'das pa dag snang ba chen pos gsal bar gyur to/ / sangs rgyas kyi zhing de dag na/ byang chub sems dpa' gang dag phyir mi ldog pa dang / skye ba gcig gis thogs pa 'khod pa de dag gis/ byang chub sems dpa' byang chub kyi snying po la 'dug pa de mthong ngo // mthong nas kyang byang chub sems dpa' de ga la ba de logs su me tog dag gtor to/ / gtor ba dang / sangs rgyas kyi mthus 'ongs nas/ byang chub sems dpa' de'i lus la bab bo// me tog de dag gis 'jig rten gyi khams shin tu sprul pa der mi bdun gyi 'phang tsam gyi me tog bkram pa gcig pu gnas par gyur to/ / 'jig rten gyi khams de na dbang che ba/ dbang che bar grags pa'i lha gang dag dang / byang chub sems dpa'

  253. 127b

    gang dag 'khod pa de dag gis/ 'od de mthong nas/ gang 'di lta bu rnam par dag pa'i 'od byung ba las na/ kye ma 'di ni de bzhin gshegs pa 'od gzer snang ba mtha' yas su 'gyur ro zhes/ ched du rjod pa ched du brjod de/ de ltar na/ de bzhin gshegs pa de'i mtshan 'od gzer snang ba mtha' yas 'od gzer snang ba mtha' yas shes bya bar gyur to// ci'i phyir 'jig rten gyi khams de shin tu sprul pa zhes bya zhe na/ 'jig rten gyi khams de na 'khod pa'i mi de dag gi longs spyod dang yongs su spyad pa ni/ gzhan 'phrul dbang byed kyi lha'i bu rnams kyi longs spyod dang / yongs su spyad pa ci 'dra ba de 'dra bar gyur pas/ de'i phyir 'jig rten gyi khams de shin tu sprul pa zhes bya'o// ci'i phyir bskal pa de skar mdog ces bya zhe na/ blo gros rgya mtsho bskal pa khri 'das nas bskal pa de la sangs rgyas byung bar gyur te/ de bzhin gshegs pa skar ma la dga' ba zhes bya ba byung ngo // gang gis 'og tu bcom ldan 'das de bzhin gshegs pa 'od gzer snang ba mtha' las des byang chub thob pa'i de bzhin gshegs pa de'i mtshan gyis/ bskal pa de skar mdog ces bya'o// blo gros rgya mtsho bskal pa de la de bzhin gshegs pa bye ba phrag bcu bzhi byung ngo // blo gros rgya mtsho 'jig rten gyi khams shin tu sprul pa de ni 'byor pa/ rgyas bzhi ba/ lo legs pa/ lha dang mis gang pa yangs shing tha gru che bar gyur te/ gling byi ba brgya stong phrag dgu cu rtsa drug

  254. 128a

    yod do/ / gling re re'i tshad kyang dpag tshad brgya stong phrag bcu rtsa bzhi yod do// dpag tshad brgya stong phrag brgyad bcu rtsa bzhi re re la yang grong khyer brgyad khri bzhi stong yod par gyur to// grong khyer re re yang grong dang / tshong dus dang / 'or gyi grong brgyad khri bzhi stong gis kun nas bskor bar gyur to// grong khyer de dag thams cad na yang srog chags bye ba khrag khrig brgya stong phrag bcu bcu yod par gyur to/ / grong dang / tshong 'dus dang / 'or gyi grong de dag thams cad na yang mi'i skye dgu'i srog chags bye ba phrag brgyad brgyad gnas par gyur to// dbang che ba dbang che bar grags pa'i mi rnams lta smos kyang ci dgos te/ de ltar 'jig rten gyi khams de rgyas par gyur to// 'jig rten gyi khams de ni gser dang dngul dang / shel dang / bai DUR+Ya dang / rin po che sna bzhi las grub par gyur to/ / de na bza' ba dang / btung ba dang / gos dang / rgyan dang / yongs su spyad pa dag bsams pa tsam gyis 'byor to// lha dang mi de dag kyang nga'i ba med cing yongs su 'dzin pa med par gyur to/ / bcom ldan 'das de bzhin gshegs pa 'od gzer snang ba mtha' yas de'i tshe'i tshad ni bar gyi bskal pa bcu thub par gyur to// de'i nyan thos kyi dge 'dun chen po ni/ nyan thos bye ba brgya stong phrag sum cu rtsa drug yod do/ / byang chub sems dpa'i 'dus pa chen po ni byang chub sems dpa' bye ba brgya phrag bcu gnyis su yod do// rgyal po'i pho brang grong khyer shin tu rnam par dag pa

  255. 128b

    zhes bya ba ni/ bcom ldan 'das de'i sku skye ba'i sar gyur to// bcom ldan 'das de de nas mngon par byung nas/ bcom ldan 'das de grong khyer chen po dga' ba 'byung ba zhes bya bar gnas te bzhugs so/ / blo gros rgya mtsho de'i tshe de'i dus na/ grong khyer chen po dga' ba 'byung ba der 'khor los sgyur ba'i rgyal po yul shin tu rnam par dag pa zhes bya ba/ stong gsum gyi stong chen po'i 'jig rten gyi khams kyi dbang phyug rin po che sna bdun dang ldan pa zhig byung ngo / / de'i rin po che sna bdun ni 'di lta ste/ 'di ltar 'khor lo rin po che dang / glang po rin po che dang / rta rin/ po che dang / bud med rin po che dang / nor bu rin po che dang / khyim bdag rin po che dang / blon po rin po che dang bdun no// rgyal po yul shin tu rnam par dag pa de yang bla na med pa yang dag par rdzogs pa'i byang chub la yang dag par zhugs par gyur to/ / lhag pa'i bsam pa phun sum tshogs pa/ sems can thams cad la sems zhe 'gras pa med pa'o// rgyal po yul shin tu rnam par dag pa de'i btsun mo'i 'khor gyi bud med ni bye ba phrag bzhi yod de/ gzugs bzang ba/ mdzes pa blta na sdug pa/ lha'i bu mo'i gzugs dang 'dra ba/ bla na med pa yang dag par rdzogs pa'i byang chub la yang dag par zhugs pa sha stag go/ / de la bu stong yod de/ dpa' ba/ rtul phod pa/ yan lag bzang po mchog gi gzugs dang ldan pa/ pha rol gyi sde rab tu

  256. 129a

    'joms pa/ sred med kyi bu'i stobs kyis shugs phyed bdog pa/ skyes bu chen po'i mtshan nyi shu rtsa brgyad kyis yan lag rnam par spras pa/ bla na med pa yang dag par rdzogs pa'i byang chub la yang dag par zhugs pa sha stag go/ / de la bu mo brgyad 'bum yod de/ gzugs bzang ba mdzes pa/ blta na sdug pa/ lha'i bu mo'i gzugs 'dra ba/ bla na med pa yang dag par rdzogs pa'i byang chub la yang dag par zhugs pa sha stag go/ / blo gros rgya mtsho rgyal po yul shin tu rnam par dag pas/ bcom ldan 'das de bzhin gshegs pa 'od gzer snang ba mtha' yas pa de 'khor dang bcas pa la bar gyi bskal pa gnyis kyi bar du rung ba kha na ma tho ba med pa/ dge sbyong dang 'thun pa yid du 'ong ba'i gos dang / zas dang mal cha dang / na ba'i gsos sman dang yo byad rnams kyis spyan drangs par gyur to/ / rgyal po des bcom ldan 'das de la mchod pa'i phyir/ 'khor gyi khyams yangs shing thag gru che ba/ chu zheng dpag tshad lnga 'bum yod pa sa phyogs nor bu rin po che bai rAR+Ya sa spras pa/ rin po che sna bdun gyis phyir bskor ba/ tsa na dan dmar po dang / tsan dan sbrul gyi snying po gshibs te sbyar ba sna tshogs blta na sdug pa/ lha'i gzhal med khang 'dra bar byas so/ / gzhan yang dge slong gi dge 'dun gyis yongs su spyad pa'i khang pa brtsegs pa sa ya byas so// blo gros rgya mtsho de ltar rgyal po yul shin tu rnam par dag pas gzhan mi

  257. 129b

    byed par rgyun tu tshangs par spyad pa yang dag par blangs/ bslab pa'i gnas lnga yongs su bzung ste/ btsun mo'i 'khor dang bcas/ rang gi skye bo dang bcas/ g.yog 'khor dang bcas pas bar gyi bskal pa gnyis su bcom ldan 'das de la bsnyen bkur byas nas/ bar gyi bskal pa de gnyis 'das pa dang bcom ldan 'das de bzhin gshegs pa 'od gzer snang ba mtha' yas pa de ga la ba der song ste phyin nas/ bcom ldan 'das de'i zhabs la mgo bos phyag 'tshal te/ lan bdun du bskor ba byas nas/ phyogs gcig tu 'dug go// phyogs gcig tu 'dug nas kyang rgyal po yul shin tu rnam par dag pas/ bcom ldan 'das de bzhin gshegs pa 'od gzer snang ba mtha' yas de la 'di skad ces gsol to// bcom ldan 'das ji ltar na byang chub sems dpa' theg pa chen po la gzhan gyi dring mi 'jog pa rnams lags/ bcom ldan 'das ji ltar na byang chub sems dpa' khyad par du mchi bas de la ma chags pa rnams lags/ bcom ldan 'das ji ltar na byang chub sems dpa' blo mi g.yo mi 'gyur zhing shin tu brtan pa rnams lags/ bcom ldan 'das ji ltar na byang chub sems dpa' thabs dang shes rab yongs su dag pa rnams lags/ bcom ldan 'das ji ltar na/ byang chub sems dpa' rgyang ring du yang lha la rtsa ba yang ma chad pa rnams lags/ bcom ldan 'das ji ltar na byang chub sems dpa' yul yang 'byor la bag mchis pa yang mi

  258. 130a

    'dor ba rnams lags/ bcom ldan 'das ji ltar na byang chub sems dpa' don zab mo'i tshul la mi skrag pa rnams lags/ bcom ldan 'das ji ltar na byang chub sems dpa' la byang chub sems dpa' yang dag pa rnams shes bgyi/ blos gros rgya mtshos de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od gzer snang ba mtha' yas des/ rgyal po yul shin tu rnam par dag pa la 'di skad ces bka' stsal to// rgyal po chen po de'i phyir legs par rab tu nyon la yid la zung shig dang bshad do/ / rgyal po chen po byang chub sems dpa' sems dpa' chen po chos bzhi dang ldan na/ theg pa chen po la gzhan gyi dring mi 'jog pa rnams yin no// bzhi gang zhe na/ mos pa las nges par byung ba'i dad pa 'phags pa/ 'jig rten las 'das pa dang / phyir mi ldog pa'i brtson 'grus 'bar bas sems can yongs su smin par bya ba la brtson pa dang / shin tu rnam par brtags pa'i blos/ mngon par shes pa'i ye shes kyis rnam par brtson pa dang / so so rang gis shes pa dang ldan pa'i shes rab kyis chos thams cad nges par rtogs pa'i mtshan nyid de/ rgyal po chen po byang chub sems dpa' sems dpa' chen po chos bzhi po de dag dang ldan na/ theg pa chen po la gzhan gyi dring mi 'jog pa rnams yin no// rgyal po chen po byang chub sems dpa'

  259. 130b

    sems dpa' chen po chos bzhi dang ldan na/ khyad par du 'gro bas de la ma chags pa rnams yin no// bzhi gang zhe na/ sems las su rung bas bsam gtan las ldog pa la mkhas pa rnams yin/ gzhan la bde ba rab tu sbyin pas bdag bde ba la mi chags pa rnams yin/ snying rje chen po la rab tu gnas shing byams pa chen po la gnas pa rnams yin/ gong nas gong ma'i khyad par 'dod pas rgya chen po la mos pa rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na// khyad par du 'gro bas de la ma chags pa rnams yin no/ / rgyal po chen po byang chub sems dpa' sems dpa' chen po chos bzhi dang ldan na/ blo mi g.yo mi 'gyur zhing shin tu brtan pa rnams yin no// bzhi gang zhe na/ sgyu dang g.yo med pa'i bsam pa dang / bsam pa yongs su dag pa'i sbyor ba dang / sbyor ba las mi ldog pa'i lhag pa'i bsam pa dang / lhag pa'i bsam pa ma bor bar bsgrub pa ste/ rgyal po chen po byang chub sems dpa' sems dpa' chen po chos bzhi po de dag dang ldan na/ blo mi g.yo mi 'gyur zhing shin tu brtan pa rnams yin no// rgyal po chen po byang chub sems dpa' sems dpa' chen po chos bzhi dang ldan na thabs dang shes rab yongs su dag pa rnams yin no/ / bzhi gang zhe na/ sems can thams cad la bdag med par yang mthong la/ bsdu ba'i dngos po bzhis sems can rnams kyang

  260. 131a

    yongs su smin par byed pa dang chos thams cad brjod du med par yang rab tu shes la/ yi ge dang nges pa'i tshigs gis sems can rnams la chos kyang ston cing dam pa'i chos kyang yongs su 'dzin pa dang / sangs rgyas thams cad chos kyi skus rab tu phye bar yang mos la/ mtshan dang dpe byad bzang po yongs su bsgrub pa'i phyir/ brtson 'grus kyang nyams pa mi byed pa dang / sangs rgyas kyi zhing thams cad la nam mkha'i ngo bo nyid du yang rtog la/ sangs rgyas kyi zhing yongs su dag par bya ba'i phyir rtsol ba'i rgyun kyang mi gcod pa ste/ rgyal po chen po byang chub sems dpa' sems dpa' chen po chos bzhi po de dag dang ldan na/ thabs dang shes rab yongs su dag pa rnams yin no// rgyal po chen po byang chub sems dpa' sems dpa' chen po chos bzhi dang ldan na/ rgyang ring du yang lta la/ rtsa ba yang ma chad pa rnams yin no// bzhi gang zhe na/ byang chub kyi snying po la yang lha la/ byang chub kyi sems kyang mi 'dor ba rnams yin/ sangs rgyas kyi ye shes la yang lta la/ rang gi shes pas kyang zhum pa med pa rnams yin/ chos kyi 'khor lo rab tu bskor ba la yang lta la/ ji ltar thos pa'i chos bstan pas kyang yongs su mi skyo ba rnams yin/ yongs su mya ngan las 'das pa chen po la yang lha la/ tshe dang 'chi 'pho dang skye ba la mi smod pa rnams yin te/ rgyal po chen po byang chub sems

  261. 131b

    dpa' sems dpa' chen po chos bzhi po de dag dang ldan na/ rgyang ring du yang lta zhing rtsa ba yang ma chad pa rnams yin no// rgyal po chen po byang chub sems dpa' sems dpa' chen po chos bzhi dang ldan na/ yul yang 'byor la/ bag yod pa yang mi 'dor ba rnams yin no// bzhi gang zhe na/ mi yongs su smin par bya ba'i phyir/ 'khor los sgyur ba'i rgyal por yang 'gyur la/ 'dra byed la mi rtag par so sor rtog pas yul 'byor kyang bag med par mi 'gyur ba rnams yin/ lha yongs su smin par bya ba'i phyir/ lha rnams kyi dbang po brgya byin du yang 'gyur la/ 'du byed la sdug bsngal bar so sor rtog pas yul 'byor kyang bag med par mi 'gyur ba rnams yin/ bdud kyi ris kyis lha yongs su smin par bya ba'i phyir/ bdud nyid du nye bar ston la/ chos la bdag med par so sor rtog pas yul 'byor kyang / bag yod par mi 'gyur ba rnams yin/ tshangs ris kyi lha yongs su smin par bya ba'i phyir/ tshangs pa dbang sgyur du yang gyur la/ mya ngan las 'das pa la zhi bar rtog pas/ yul 'byor kyang / bag med par mi 'gyur ba rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na/ yul yang 'byor la/ bag yod pa yang mi 'dor ba rnams yin no// rgyal po chen po byang chub sems dpa' sems dpa' chen po chos bzhi dang ldan na/ don zab mo'i tshul la mi skrag pa rnams

  262. 132a

    yin no/ / bzhi gang zhe na/ yang dag pa'i dge ba'i bshes gnyen gang dag phyi rol du mi byed par rgyun tu sangs rgyas kyi byang chub zab mo 'di yang dag par rab tu ston pa la sten pa dang / mdo sde zab mo tshul 'di lta bu de dag mnyan pa'i phyir/ dpag tshad brgyar yang 'gro ba dang / ji ltar thos pa'i chos rnams kyi don la tshul bzhin du dpyod pa dang / don la rton pa yin/ gyi tshig 'bru la rton pa ma yin pa ste/ rgyal po chen po byang chub sems dpa' sems dpa' chen po chos bzhi po de dag dang ldan na/ don zab mo'i tshul la mi skrag pa rnams yin no// rgyal po chen po byang chub sems dpa' sems dpa' chen po chos bzhi dang ldan na/ byang chub sems dpa' yang dag pa rnams shes bya'o// bzhi gang zhe na/ pha rol tu phyin pa thams cad yongs su tshol ba la brtson pa'i brtson 'grus dang / sems can thams cad yongs su smin par bya ba la brtson pa'i snying rje chen po dang / sangs rgyas kyi chos thams cad yongs su rdzogs par byed pa la brtson 'grus pa'i stobs kyis rnam par gnon pa dang / 'khor ba dpag tu med pa yongs su 'dzin pa la yongs su mi skyo bar brtson pas bsod nams dang / ye shes kyi tsho gas sogs pa ste/ rgyal po chen po byang chub sems dpa' sems dpa' chen po chos bzhi po de dag dang ldan na/ byang chub sems dpa' yang dag pa rnams shes bya'o// blo gros rgya mtsho de ltar na bcom ldan 'das de bzhin

  263. 132b

    gshegs pa 'od gzer snang ba mtha' yas des bzhi pa bsgrub pa bstan pa 'di bshad pa na/ srog chags bye ba khrag khrig phrag bcus bla na med pa yang dag par rdzogs pa'i byang chub tu sems bskyed do// dge slong bye ba phrag brgyad len pa med par zag pa rnams las sems rnam par grol lo// rgyal po gzhon nu de dag dang / rgyal po'i bu mo rnams dang / rgyal po'i btsun mo'i 'khor ni chung ngu'i rjes su 'thun pa'i chos la bzod pa skyes so/ / rgyal po yul shin tu rnam par dag pa ni rno ba'i rjes su 'thun pa'i chos la bzod pa skyes so// de nas rgyal po yul shin tu rnam par dag pa tshom zhing mgu kha yi rangs shing rab tu dga' ste/ dga' ba dang / yid bde ba skyes nas rgyal srid thams cad bcom ldan 'das de la yongs su spyad pa'i phyir phul lo// // bam po dgu pa/ blo gros rgya mtsho de nas bcom ldan 'das de bzhin gshegs pa 'od gzer snang ba mtha' yas des rgyal po yul shin tu rnam par dag pa la 'di skad ces bka' stsal to// rgyal po chen po khyod kyis yongs su spyad pa'i phyir/ rgyal srid thams cad de bzhin gshegs pa la phul zin na/ rgyal po chen po khyod dad pas legs par gsung pa'i chos 'dul ba la khyim nas khyim med par rab tu byung shig/ de ci'i phyir zhe na/ rgyal po chen po legs par gsungs pa'i chos 'dul ba la rab tu byung ba ni don che ba/ phan yon che ba/ rgya che ba'o// rgyal po chen po rab tu byung

  264. 133a

    bar gtogs pa'i byang chub sems dpa'i thob pa chen dzan nyi shu po 'di lta/ thams cad mkhyen pa blan med pa'i 'thob pa yongs su rdzogs par 'gyur ba dag go/ / nyi shu po gang zhe na/ 'di lta ste/ rgyal srid dang / longs spyod dang / g.yog 'khor dang / dbang phyug 'dor bas nga'i ba med cing yongs su 'dzin pa med pa thob pa dang khyim nas 'byung ba la gzhol bas nyon mongs pa las 'byung ba thob pa dang / drar smrig 'dzin pas rnyog pa med pa'i sems thob pa dang / 'phags pa'i rigs chog shes pas dgang za ba dang gso sra ba thob pa dang / sbyangs pa'i yon tan yo byad bsrungs pa yang dag par len pas 'dod pa che ba dang sdig pa 'dod pa spong ba thob pa dang / tshul khrims kyi phung po yongs su dag pas lha dang ming skye ba thob pa dang / byang chub kyi sems mi 'dor bas pha rol tu phyin pa drug thob pa dang / dgon pa dben pa na gnas pas 'du 'dzi dang mi 'dre ba thob pa dang / gnod pa med pas chos sems pa'i bde ba thob pa dang / bsam gtan gyi yan lag yang dag par bsgrubs pas sems las su rung ba thob pa dang / thos pa yongs su tshol bas shes rab chen po thob pa dang / nga rgyal med pas shes chen po thob pa dang / don drung zhing byed pa nyung bas chos rab tu rnam par 'byed pa thob pa dang / sems can thams cad la sems mnyam pa nyid pas byams pa chen po thob pa dang / sems can

  265. 133b

    thams cad rab tu thar par byed pa'i sems kyis snying rje chen po thob pa dang / lus dang srog la mi lta bas dam pa'i chos yongs su 'dzin par thob pa dang / sems rab tu sbyangs pas mngon par shes pa chen po thob pa dang / sangs rgyas rjes su dran pas sangs rgyas mthong ba thob pa dang / tshul bzhin gyi chos la so sor rtog pas mi skye ba'i chos la bzod pa thob pa thob pa dang / yon tan thams cad yang dag par 'dzin pa'i spyod pas myur du thams cad mkhyen pa thob pa thob pa ste/ rgyal po chen po rab tu byung bar gtogs pa'i byang chub sems dpa' la thob pa chen po nyi shu po 'di dag rnyed par dka' bar mi 'gyur ro/ / rgyal po chen po de lta bas na khyod legs par gsungs pa'i chos 'dul ba la rab tu byung shig/ blo gros rgya mtsho de nas bcom ldan 'das des rgyal po yul shin tu rnam par dag pa rab tu 'byung ba yang dag par 'dzin tu bcug pas rgyal srid thams cad spangs rgyal srid kyi dpal yang spangs te/ khyim na gnas pas yid byung bas sgra dang kha spu bregs te/ gos ngur smrig bgos nas/ bcom ldan 'das de'i bstan pa la dad pas khyim nas khyim med par rab tu byung ngo // de rab tu byung bar rig nas rgyal po'i btsun mo'i 'khor kyang rab tu byung ngo / / de dag rab tu byung bar rig nas rgyal du gzhon nu rnams kyang rab tu byung ngo // de dag rab tu byung bar rig nas rgyal po'i bu mo gzhon nu ma rnams kyang rab tu byung ngo // de dag rab tu

  266. 134a

    byung bar rig nas/ rgyal po'i yul na gnas pa'i srog chags bye ba khrag khrig brgya stong phrag dgu bcu rtsa dgu yang rab tu byung ngo // de ltar de dag rab tu byung nas/ dgra ba'i chos yongs su tshol ba la brtson pas brtson 'grus brtsams te gnas so/ / blo gros rgya mtsho sems can bsod nams byas pa thams cad kyi gnas su gyur pas ji tsam du bcom ldan 'das de'i gsung rab mdzes par gyur pa la ltos blo gros rgya mtsho de nas rgyal po yul shin tu rnam par dag pa de ltar rab tu byung na/ bcom ldan 'das de bzhin gshegs pa 'od gzer snang pa mtha' yas de ga la ba der song song ste phyin nas bcom ldan 'das de la 'di skad ces gsol to/ / bcom ldan 'das bdag gang la sgrub pa snying por bgyid par gnas shing don mchis par yul 'khor gyi bsod snyoms yongs su 'tshal bar 'gyur ba'i gdams ngag dang rjes su bstan pa bdag la stsal du gsol/ blo gros rgya mtsho de skad ces gsol ba dang / bcom ldan 'das des dge slong yul shin tu rnam par dag pa la 'di skad ces bka' stsal to/ / dge slong khyod kyi ming ni yul shin tu rnam par dag pa zhes bya'o// khyod song la rang gi yul rnam par dag par bya ba'i phyir brtson par gyis shig/ rang gi yul la tshul bzhin gyis so sor rtogs shig ci nas kyang yul drug po dag gi nang nas chos gang khyod la snang bar 'gyur ba de nyid yang dag pa ji lta ba bzhin du yang dag par rdzogs

  267. 134b

    par khong du chud pas byang chub mthong bar 'gyur ba de ltar so sor rtogs shig/ byang chub la ring ba'i 'du shes ma byed cig/ nye ba'i 'du shes kyang ma byed cig/ blo gros rgya mtsho de nas bcom ldan 'das des dge slong yul shin tu rnam par dag pa la gdams ngag 'dis gdams pa dang / gcig pu dben par rtun cing shes bzhin dang ldan la bag yod par gnas te/ rang gi yul la yang dag pa ji lta ba bzhin du so sor rtog go/ / de'i tshul bzhin gyis so sor rtog pa gang zhe na/ 'di lta ste/ mig gi yul ni stong pa nyid kyi yul lo// stong pa nyid kyi yul ni sems can thams cad kyi yul lo/ / sems can thams cad kyang stong pa nyid kyi yul te/ sangs rgyas kyi yul lo// rna ba'i yul ni stong pa nyid kyi yul lo// stong pa nyid kyi yul ni sems can thams cad kyi yul lo/ / sems can thams cad kyang stong pa nyid kyi yul te/ sangs rgyas kyi yul lo// de bzhin du sna dang / lce dang / lus dang / yid kyi yul ni stong pa nyid kyi yul lo/ / stong pa nyid kyi yul ni sems can thams cad kyi yul lo// sems can thams cad kyang stong pa nyid kyi yul te/ sangs rgyas kyi yul lo// mig gi yul ni mtshan ma med pa'i yul lo/ / mtshan ma med pa'i yul ni sems can thams cad kyi yul lo// sems can thams cad kyang mtshan ma med pa'i yul te/ sangs rgyas kyi yul lo// yid kyi bar gyi yul ni mtshan ma

  268. 135a

    med pa'i yul lo/ / mtshan ma med pa'i yul ni// sems can thams cad kyi yul lo// sems can thams cad kyang mtshan ma med pa'i yul te/ sangs rgyas kyi yul lo/ / de bzhin du mig gi yul ni smon pa med pa'i yul lo// mngon par 'du bya ba med pa'i yul lo// ma skyes pa dang / ma byung ba'i yul lo// ma byung ba'i yul ni sems can thams cad kyi/ yul lo// sems can thams cad kyang ma byung ba'i yul te/ sangs rgyas kyi yul lo// de bzhin du yid kyi bar gyi yul dang sbyar ro// blo gros rgya mtsho de ltar dge slong yul shin tu rnam par dag pa yul la 'jug pa 'dis/ lus dang sems las su rung ste/ 'dun pa dang / brtson 'grus dang / sems dang spyod pa'i rdzu 'phrul gyi rkang pa bsgoms pas ring po ma thogs par mngon par shes pa lnga bskyed par gyur to/ / bag yod pa'i spyod pa des kyang don dang / nges pa'i tshig thams cad sdud pa zhes bya ba'i gzungs rab tu thob bo// blo gros rgya mtsho de'i tshe de'i dus na/ gang 'khor los sgyur ba'i rgyal srid 'byor pa spangs te/ bcom ldan 'das de'i bstan pa la rab tu byung nas yul shin tu rnam par dag pa zhes bya ba'i dge slong du gyur pa de gzhan zhig yin pa snyam du khyod dogs shing yid gnyis su gyur tam/ the tsom zan khyod kyis de ltar mi blta'o// de ci'i phyir zhe na/ blo gros rgya mtsho khyod nyid de'i tshe de'i dus na dge slong yul shin tu rnam par dag pa zhes bya bar gyur to// blo gros

  269. 135b

    r gya mtsho de'i tshe de'i dus na gang dag dge slong rab tu byung ba de'i rjes su rab tu byung ba'i srog chags bye ba khrag khrig brgya stong mang por gyur pa de dag gzhan dag cig yin pa snyam du khyod sems na de de ltar mi blta ste/ chos mnyan pa'i phyir gang dag khyod kyi phyi bzhin 'brang ba'i byang chub sems dpa' 'di dag go// bcom ldan 'das kyis sngon byung ba'i le'u 'di bshad pa na/ srog chags khri brgyad stong/ gis bla na med pa yang dag par rdzogs pa'i byang chub tu sems bskyed do// byang chub sems dpa' brgyad stong ni mi skye ba'i chos la bzod pa thob par gyur to// sngon byung ba'i le'u ste bcu pa'o// / de nas bcom ldan 'das kyis byang chub sems dpa' blo gros rgya mtsho la bka' stsal pa/ blo gros rgya mtsho de lta bas na bla na med pa yang dag par rdzogs pa'i byang chub myur du mngon par rdzogs par 'tshang rgya bar 'dod pa'i byang chub sems dpa' sems dpa' chen pos/ skyes bu dam pa khyod kyi rjes su bslab par bya ste/ byang chub sems dpas tshig tu byas shing tshig lhur blang bar mi bya'i byang chub sems dpa' ji skad smras pa de bzhin du bya bar bya'o/ / ji ltar na byang chub sems dpa' ji skad smras pa de bzhin du byed pa yin zhe na/ blo gros rgya mtsho sangs rgyas su 'gyur bar bya'o zhes bya ba'i cho ga 'di ni brjod par sla'i/ dge ba byang chub kyi phyogs kyi chos rnams bsgrub pa ni dka'o snyam pa'o// blo gros rgya mtsho byang chub sems dpa' gang la las chos kyi

  270. 136a

    sbyin pas sems can thams cad mgron du gnyer te/ kho bos sems can khyod chos kyi sbyin pas tshim par bya'o zhes byas la/ mang du thos pa dang / de las gzhan pa dge ba byang chub kyi phyogs kyi chos rnams la yang brtson par mi byed na/ de sems can de dag la slu ba yin te/ de ji skad smras pa de bzhin byed pa ma yin no// blo gros rgya mtsho gang gi tshe byang chub sems dpas chos kyi sbyin pas sems can thams cad 'gron tu gnyer te/ kho bos sems can khyed chos kyi sbyin pas tshim par bya'o// zhes byas la mang du thos pa dang / de las gzhan pa dge ba byang chub kyi phyogs kyi chos rnams la yang brtson par byed pa 'di ni byang chub sems dpas ji skad smras pa de bzhin byed pa yin no/ / blo gros rgya mtsho 'di lta ste/ dper na/ rgyal po 'am rgyal po'i blon pos grong khyer gyi skye bo thams cad sang zan sbyin no zhes mgron tu bos la yal bar bor te/ bza' ba dang btung ba ma sbyar na/ des skye bo tshogs de thams cad bslus pa yin te/ de dag kyang bza' ba dang btung ba'i zas ma thob pas 'phya zhing slar 'dong pa de bzhin du blo gros rgya mtsho byang chub sems dpas ma rgal ba bsgral ba dang / ma grol ba dgrol ba dang / dbugs ma phyin pa dbugs dbyung ba dang / yongs su mya ngan las ma 'das pa yongs su mya ngan las bzla ba'i phyir/ sems can thams cad dbugs phyung la mang du thos pa dang / de las gzhan pa dge ba

  271. 136b

    byang chub kyi phyogs kyi chos rnams la yang brtson par mi byed na/ byang chub sems dpa' de ni ji skad smras pa de bzhin byed pa ma yin te/ lha dang bcas pa'i 'jig rten la slu ba yin no// de lta bu sdom sangs rgyas mthong ba'i lha rnams kyis mthong na/ 'phya zhing gzhogs 'phyas byed la rnam par smod de/ gang dag mchod sbyin bya bar dam bcas pa nyams 'og tu chud par byed pa'i mchod sbyin gyi bdag po de dag ni dkon no/ / de bas kyang gang dag mchod sbyin chen po de brtsams nas/ bla na med pa'i theg pa chen po la yongs su skyo bar mi 'gyur ba dag ni ches dkon no// blo gros rgya mtsho byang chub sems dpas gang gis lha dang / mi dang / lha ma yin du bcas pa'i 'jig rten la slu bar 'gyur ba'i tshig brjod par mi bya'o// blo gros rgya mtsho gzhan yang la la zhig gis byang chub sems dpa' gang la chos kyi don bya bar gsol ba btab la/ de la byang chub sems dpas kho bos khyod kyi chos kyi don 'di yongs su thob par bya'o zhes tshig smras par gyur na/ byang chub sems dpas de la lus ni yongs su gtang bar bya'i/ sems can slu bar ni mi bya'o// blo gros rgya mtsho khyod kyis rnam grangs 'dis kyang 'di ltar rig par bya'o// blo gros rgya mtsho sngon byung ba 'das pa'i dus na bskal pa grangs med pa'i yang ches grangs med dpag tu med par gyur pa de'i tshe de'i dus na/ seng ge'i rgyal po dang dkar lta bu'i ral pa can yan lag ma smad pa zhes bya ba sems can thams cad la byams pa'i rjes

  272. 137a

    su zhugs pa/ rtswa dang / lo ma dang / me tog dang 'bras bul mos pa zhig ri'i zug grod dka' bzhin na gnas so// ri'i drug bgrod dka' bden spre'u 'amag shig kyang gnas so/ / de nas dus gzhan zhig na spre'u mo de la bu 'brangs nas/ de las phrug gu gnyis byung ngo // de nas spre'u de dang / spre'u mo des/ phrug gu de gnyis ri dgas kyi rgyal po seng ge la gtams te spyod yul du dong ngo / / de nas bya rgod kyi rgyal po spu gri pa zhes bya ba steng gi bar snang las babs te/ spre'u'i phrug gu de gnyis blangs nas/ steng gi bar snang la gnas par gyur pa dang / ri dgas kyi rgyal po seng ges bya rgod kyi rgyal po spu gri pas spre'u'i drug gu de gnyis khyer ba mthong ngo // mthong nas kyang tshigs su bcad de smras pa/ rgya rgong rgyal po khyod la bdag gsol pa/ bdag gi spre'u phrug de gnyis khyod kyis mthong / bdag ni de dag 'jigs med bya phyir gnas// skyabs su dong ba ma gsad khyod kyis thong // de nas bya rgod kyi rgyal pos ri dgas kyi rgyal po seng ge de la tshigs su bcad de smras pa/ ri dgas rgyal po gal te khyod ni bdag 'dor na// de lta na ni 'di gnyis mi gsad gtang bar bya// kho bos 'di gnyis zos nas kho bo mkha' la gnas/ / khyod ni khros par gyur kyang bdag la ci byar yod// ri dgas kyi rgyal pos yang smras pa// bdag ni gtang gis yongs su bza' bar gyis// bdag gis spre'u phrug gnyis ni btang bar gsol//

  273. 137b

    byang chub zhugs pa dam bcas srung bar byed// mkhas pa dag ni brdzun du smra ba med// bdag brdzun gyur tu 'ong ste lhag bsams pas/ de nas drang srong chen po lus 'dor te// de nas lhag pa'i bsam pas dgar gyur nas/ / sems can rnams kyi ched du lus btang ngo // de nas bya rgod rgyal po des rmad du byung ba mthong nas/ nam mkhar gnas te ched rjod ched du brjod// gang dag gzhan phyir rang gi lus 'dor ba// de dag 'tsho ba'i 'jig rten 'dir bder 'tsho// kho bos spre'u phrug 'di gnyis gtang bar bya// khyod kyang 'tsho zhing ring du chos spyod cig/ blo gros rgya mtsho de'i tshe de'i dus na/ ri dgas kyi rgyal po seng ger gyur pa de gzhan zhig yin pa snyam du khyod sems na de ltar mi blta'o// de ci'i phyir zhe na/ blo gros rgya mtsho nga nyid de'i tshe de'i dus na/ ri dgas kyi rgyal po seng ger gyur to/ / 'od srung chen po ni spre'u ru gyur to// ser skya bzang mo ni spre'u mor gyur to// sgra gcan zin dang kun dga' bo ni spre phrug tu gyur to// dge slong 'phreng ba bzang po ni de'i tshe de'i dus na/ bya rgod kyi rgyal po spu gri pa zhes bya bar gyur to// blo gros rgya mtsho de ltar na/ byang chub sems dpa' rnams kyis lus ni yongs su btang bar bya'i/ skyabs su dong ba dag ni yongs su btang bar mi byaste/ ji skad smras pa de bzhin du bsgrub par bya'o// de la ji skad smras pa de bzhin byed pa gang zhe na/ blo gros rgya mtsho byang chub sems dpa' sbyin pa smra ba ni ji skad smra ba ste/ gang gi tshe 'dog

  274. 138a

    pa thams cad yongs su gtong bar snang ba 'di ni de'i de bzhin byed pa'o/ / de ltar na ji skad smras pa de bzhin byed pa yin no// byang chub sems dpa' tshul khrims smra ba ni ji skad smra ba ste/ gang gi tshe tshul khrims dang bslab pa dang sbyangs pa'i yon tan thams cad yang dag par 'dzin cing spyod par kun tu snang ba 'di ni de'i de bzhin byed pa'o// byang chub sems dpa' bzod pa smra ba ni ji skad smra ba ste/ gang gi tshe gnod sems dang tha ba dang / zhe sdang spong bar snang ba 'di ni de'i de bzhin byed pa'o// byang chub sems dpa' brtson 'grus smra ba ni ji skad smra ba ste/ gang gi tshe dge ba'i chos thams cad yongs su tshol ba la brtson par snang ba 'di ni de'i de bzhin byed pa'o// byang chub sems dpa' bsam gtan smra ba ni ji skad smra ba ste/ gang gi tshe bsam gtan dang rnam par thar pa dang / ting nge 'dzin dang snyoms par 'jug pa rnams la snang ba 'di ni de'i de bzhin byed pa'o// byang chub sems dpa' shes rab smra ba ni ji skad smra ba ste/ gang gi tshe tshig rab tu dbye ba'i spobs pa rnam par nges pa'i ye shes la mkhas par snang ba 'di ni de'i de bzhin byed pa'o/ / de bzhin du mi dge ba'i chos thams cad kyi bar dag spang bar smra ba dang / dge ba'i chos thams cad yongs su rdzogs par bya ba smra ba ni/ byang chub sems dpa' ji skad smra ba'o// gang gi tshe mi dge ba'i chos thams cad spong ba dang / dge ba'i chos thams cad yongs su tshol ba la brtson par snang ba 'di na

  275. 138b

    de'i de bzhin byed pa'o/ / gzhan yang bsam pa ni ji skad smra ba'o// g.yo med cing sgyu med pa ni de bzhin byed pa'o// sbyor ba ni ji skad smra ba'o// sbyor ba nyams 'og tu chud par byed pa ni de bzhin byed pa'o/ / rtsom pa ni ji skad smra ba'o// rtsom pa la zhum pa med pa ni de bzhin byed pa'i// lhag pa'i bsam pa ni ji skad smra ba'o// de la ma chags par khyad par du 'gro ba ni de bzhin byed pa'o// dam bcas pa ni ji skad smra ba'o/ / dam bcas pa nyams 'og tu chud par byed pa ni de bzhin byed pa'o// thos pa kun tu 'dzin pa ni ji skad smra ba'o// thos pa sgrub pa ni de bzhin byed pa'o// tshig gis yang dag par blangs pa ni ji skad smra ba'o/ / lus dang sems zhum pa med pa ni de bzhin byed pa'o// nga rgyal med pa ni ji skad smra ba'o// ye shes yongs su rdzogs par byed pa ni de bzhin byed pa'o// bslab pa yang dag par blangs pa ni ji skad smra ba'o// bslab pa ma nyams pa ni de bzhin byed pa'o// sems dang po bskyed pa ni ji skad smra ba'o// byang chub sems dpa'i spyod pa bsgrubs pa ni de bzhin byed pa'o/ / mi skye ba'i chos la bzod pa ni ji skad smra ba'o// phyir mi ldog pa'i sa ni de bzhin byed pa'o// skye ba gcig gis thogs pa ni ji skad smra ba'o// byang chub kyi snying por 'dug pa ni de bzhi/ byed pa'o// yang dag par blangs pa brtan pa ni ji skad smra ba'o// thams cad mkhyen pa nyid mngon par rdzogs par byang chub pa ni de bzhin byed pa'o// chos kyi 'khor lo rab tu bskor ba ni ji skad smra bas//

  276. 139a

    dkon mchog gsum gyi rigs mi 'chad par byed pa ni de bzhin byed pa'o// blo gros rgya mtsho byang chub sems dpa' sems dpa' chen po de lta bu ni ji skad smras pa de bzhin byed pa yin no// bcom ldan 'das kyis ji skad smras pa de bzhin byed pa bstan pa 'di bshad pa na/ byang chub sems dpa' lnga stong gi mi skye ba'i chos la bzod pa thob par gyur to// de nas bcom ldan 'das la byang chub sems dpa' sems dpa' chen po pad+ma bkod pas 'di skad ces gsol to/ / bcom ldan 'das ji tsam du de bzhin gshegs pas ji skad smras pa de bzhin bgyid pas/ sangs rgyas kyis chos 'di thams cad bstan pa ni ngo mtshar to/ / bcom ldan 'das 'di la 'di lta ste/ de bzhin gshegs pa'i gsung bsgrub pa 'di yang ji skad smras pa de bzhin bgyid pa lags so// bcom ldan 'das kyis bka' stsal pa/ rigs kyi bu khyod bsgrub pa shes sam/ gsol pa/ bcom ldan 'das 'tshal to// bcom ldan 'das kyis bka' stsal pa/ rigs kyi bu khyod bsgrub pa las rtsoms la spobs par gyis shig/ gsol pa/ bcom ldan 'das bsgrub pa zhes bgyi ba ni gang / chos thams cad mnyam pa nyid kyis mnyam pa nyid du 'tshal nas yang dag pa nyid kyi nges par gyur pa la 'jug pa shes pa la mkhas kyang mngon sum du yang mi bgyid pa 'di ni/ byang chub sems dpa'i bsgrub pa yang dag pa'o// bcom ldan 'das la byang chub sems dpa' ri dbang rgyal pos 'di skad ces gsol to// bcom ldan

  277. 139b

    'das bdag kyang bsgrub pa las brtsams te spobs lags so/ / bcom ldan 'das kyis bka' stsal pa/ rigs kyis bu khyod spobs par gyis shig/ gsol pa/ bcom ldan 'das bsgrub pa ni bsgrub pa ma mchis pa'o/ / de ci'i slad du zhe na/ bcom ldan 'das byang chub sems dpa' gang gis chos thams cad ma dmigs te/ gang bsgrub pa dang / gang la bsgrub pa'i chos de yang dag par rjes su mi mthong ba 'di ni de'i sgrub pa yang dag pa lags so/ / byang chub sems dpa' yon tan gyi rgyal po snang bas gsol pa/ bcom ldan 'das gang la sems kyi rjes su 'brang ba'i rnam par shes pa 'jug pa de la sgrub pa ga la mchis/ bcom ldan 'das byang chub sems dpa' gang chos thams cad la rnam par shes pa mi gnas pa de chos gang la yang mi gnas pa lags so// gang chos gang la yang mi gnas pa de nyid de'i bsgrub pa yang dag pa lags so/ / byang chub sems dpa' lhun po'i sgron ma'i rgyal pos gsol pa/ bcom ldan 'das lta ba ma mchis pa ni bsgrub pa lags te/ lta ba dang bcas pa la bsgrub pa ma mchis so/ / bcom ldan 'das byang chub sems dpa' gang chos thams cad gdeg pa ma mchis pa dang bzhag pa ma mchis pas chos gang la yang mi lta ba 'di ni de'i sgrub pa yang dag pa lags so/ / byang chub sems dpa' nyi ma'i snying pos gsol pa/ bcom ldan 'das gnas pa ni g.yo ba lags te/ mi gnas pa la g.yo ba ma mchis so// bcom ldan 'das byang chub

  278. 140a

    sems dpa' gang gnas par mi bgyid pa de mi g.yo'o/ / gang mi g.yo ba de chos thams cad kyis mi 'khrug ste/ 'di ni de'i bsgrub pa yang dag pa lags so// byang chub sems dpa' sems dpa' chen pos gsol pa/ bcom ldan 'das 'jig rten ni sems kyis spyod do// bcom ldan 'das 'jig rten ni sems kyis rgyug go// rjes su rgyug go// bcom ldan 'das byang chub sems dpa' gang sems can thams cad sems ma mchis par gyur pa de mi sems mi rtog ste/ 'di ni de'i bsgrub pa yang dag pa lags so// byang chub sems dpa' mthong dgas gsol pa/ bcom ldan 'das tshor ba thams cad ni de bzhin gshegs pas sdug bsngal du gsungs te/ bcom ldan 'das byang chub sems dpa' gang tshor ba thams cad kyi rgyun bkum nas tsher ba ma mchis shing len pa ma mchis kyang / tshor ba 'gog pa la yang reg par mi bgyid la/ snying rje chen pos sems can thams cad kyang yongs su mi gtong ba 'di ni de'i bsgrub pa yang dag pa lags so// byang chub sems dpa' glang chen spos kyi ba blang gis gsol pa/ bcom ldan 'das byis pa so so'i skye bo dag ni phung po lnga la lta bas grags par gyur pas khur gyis non pa lags/ bcom ldan 'das byang chub sems dpa' gang phung po lnga yongs su 'tshal ba dang ldan te/ khur myur du 'dor ba de byis pa so so'i skye bo phung po lnga la lta bas glags par gyur pas khur gyis gnon pa rnams kyi khur spang ba'i phyir

  279. 140b

    chos ston kyang / chos thams cad ma skyes shing mngon par grub pa ma mchis pas/ chos gang la yang yang dag pa'i 'du shes su mi 'gyur ba 'di ni de'i bsgrub pa yang dag pa lags so// byang chub sems dpa' 'gro ba 'dzin gyis gsol pa/ bcom ldan 'das yang dag par sbyor ba'i sgrub pa lags kyi/ yang dag pa'i sbyor ba'i ma lags te/ bcom ldan 'das byang chub sems dpas yang dag pa'i sbyor ba la brtson par bgyi'o/ / de la yang dag pa'i sbyor ba gang zhe na/ 'di lta ste// nam mkha' dang mnyam pa nyid pas gang chos thams cad mnyam pa nyid du 'tshal ba 'di ni de'i bsgrub pa yang dag pa lags so/ / byang chub sems dpa' blo gros brtan pas gsol pa/ bcom ldan 'das byang chub sems dpa' gang thabs dang shes rab kyi ye shes kyis ma skyes pa las kyang skye/ ma byung ba las kyang 'byung yang / skye ba dang / 'jig pa dang / gnas pa la mi gnas pa 'di ni de'i bsgrub pa yang dag pa lags so// byang chub sems dpa' dpal brtsegs rgyal pos gsol pa/ bcom ldan 'das byang chub sems dpa' gang sems can thams cad rang bzhin gyis yongs su mya ngan las 'das par yang mthong la/ snying rje chen po'i go cha de yang mi 'dor zhing rtsol ba yang don mchis par mthong ba 'di ni de'i sgrub pa yang dag pa lags so/ / byang chub sems dpa' 'od gzer thogs pa med pas gsol pa/ bcom ldan 'das rgyu ba'i gnas ji tsam pa de tsam du bdud rtsi

  280. 141a

    las so/ / ji tsam du bdud kyi las lags pa de tsam du bsgrub pa ma mchis te/ bcom ldan 'das rgyu ba ma mchis pa'i gnas la gnas pa la ni bdud kyis glags mi rnyed de/ bdud kyi lam las shin tu 'das pa'i byang chub sems dpa' ni bsgrub pa yang dag pa la gnas pa zhes bgyi'o// byang chub sems dpa' brtson 'grus 'bar gyis gsol pa/ bcom ldan 'das gang dag chos 'ga' zhig yongs su 'grub par 'tshal ba de dag gis ni 'bad pa don ma mchis pa lags so/ / bcom ldan 'das chos thams cad yongs su grub pa ma mchis par yang 'dir 'tshal la/ 'tshal ba gang lags pas kyang rlom sems su mi bgyid pa 'di ni de'i sgrub pa yang dag pa lags so/ / byang chub sems dpa' ngan song spong gis gsol pa/ bcom ldan 'das gang dag 'gyur ba dang / rnam par rtog pa la spyod pa de dag la bsgrub pa ga la mchis/ bcom ldan 'das 'gyur ba ma mchis pa dang / rtog pa ma mchis pa ni bsgrub pa ste/ gang 'gyur ba ma mchis pa dang / rnam par rtog pa ma mchis pa ni sems kyi rang bzhin lags so/ / sems kyi rang bzhin yongs su 'tshal ba dang ldan pa ni sgrub pa yang dag pa la gnas pa zhes bgyi'o// byang chub sems dpa' bsam pa legs par sems kyis gsol pa/ bcom ldan 'das byang chub sems dpas ni sems can thams cad kyi sems kyi rjes su 'jug pa'i rjes su 'jug par bgyi ste/ gang 'dir sems can thams cad kyi sems

  281. 141b

    rnams kyang sems ma lags par sems 'tshal ba la 'jug pa 'di ni de'i sgrub pa yang dag pa lags so/ / byang chub sems dpa' zhi ba'i blo gros kyis gsol pa/ bcom ldan 'das nye bar zhi ba ni/ sgrub pa lags te/ ma zhi ba la ni sgrub pa ma mchis so// bcom ldan 'das byang chub sems dpa' gang sems kyi dmigs pa thams cad las zhi ba dang rab tu zhi ba dang / nye bar zhi ba de rtog pa dang spong bar mi bgyid de/ rtog pa dang spong ba dang bral ba mnyam pa nyid du rtogs pa 'di ni de'i bsgrub pa yang dag par lags so// byang chub sems dpa' ded dpon bzang pos gsol pa/ bcom ldan 'das byang chub sems dpa' dge ba'i rtsa bas brtan pa ni bsgrub pa thob par bgyid pa lags te/ dge ba'i rtsa bas ma brtan pa ni ma lags so// bcom ldan 'das byang chub sems dpa' gang bsod nams kyi tshogs kyis kyang brtan/ ye shes kyi tshogs kyis kyang brtan te/ bsod nams mnyam pa nyid pas ye shes mnyam pa nyid/ ye shes mnyam pa nyid pas bsod nams mnyam pa nyid// bsod nams dang ye shes mnyam pa nyid pas byang chub mnyam pa nyid/ byang chub mnyam pa nyid pas chos thams cad mnyam pa nyid du khong du chud pa 'di ni de'i bsgrub pa yang dag pa lags so// byang chub sems dpa' dus dpog gi rgyal pos gsol pa/ bcom ldan 'das chos thams cad dbyer ma mchis pa ni bsgrub pa lags te/ bcom ldan 'das byang chub sems dpa' gang chos

  282. 142a

    thams cad chos kyi dbyings su yang dag par 'du bar 'tshal nas/ chos gang yang 'byed par yang mi bgyid sbyor bar yang mi bgyid pa 'di ni de'i bsgrub pa yang dag pa lags so// byang chub sems dpa' don legs par sems kyis gsol pa/ bcom ldan 'das don la brtan pa lags kyi/ tshig 'bru la ma lags te/ bcom ldan 'das byang chub sems dpa' gang don gyi rjes su zhugs pa'i blos/ chos kyi phung po brgyad khri bzhi stong kun tu 'dzin pa dang / ston par bgyid kyang yang dag pa'i don brjod du ma mchis pa de las kyang mi g.yo ba 'di ni de'i sgrub pa yang dag pa lags so// byang chub sems dpa' blo gros rnam par dag pas gsol pa/ bcom ldan 'das lhag pa'i bsam pa ni sgrub pa lags te/ bcom ldan 'das byang chub sems dpa' gang lhag pa'i bsam pa la zhugs pa de ni skad dang / tshig dang brjod pa lhur len pa ma lags kyi/ de ni yang dag pa'i sgrub pa tshol ba lags te/ ji ltar 'gro ba dang 'ong ba yang dag par rjes su mi mthong ba de ltar tshol ba 'di ni/ de'i sgrub pa yang dag pa lags so/ / byang chub sems dpa' shin tu dri med sems pas gsol pa/ bcom ldan 'das 'di lta ste/ dper na/ gos dri ma can bkru bar bgyi'o// dri ma ma mchis pa ni ma lags so/ / bcom ldan 'das de bzhin du sems yongs su ma dag pa ni/ yang dag pa ji lta ba bzhin du so sor rtogs pas yongs su sbyang bar bgyi'o// bcom ldan 'das byang chub sems

  283. 142b

    dpa' gang gi sems dang yid la nyon mongs pa dang / nye ba'i nyon mongs pa thams cad mi 'jug pa de dag pa'o// dag pa gang lags pa de sgrub pa yang dag pa la gnas pa zhes bgyi'o// byang chub sems dpa' blo gros rgya mtshos gsol pa/ bcom ldan 'das byang chub sems dpa' dge ba'i bshes gnyen gyis yongs su zin pa ni tshogs chung ngus sgrub pa yang dag pa 'phags pa thob par 'gyur ro// de ci'i slad du zhe na/ bcom ldan 'das byang chub sems dpa' gang la la dag gnas shing bdud kyi lcags kyu las mi 'da' ba de dag thams cad ni sdig pa'i grogs pos yongs su zin pa lags so// gang dag bdud kyi lcags kyu las shin tu 'da' ba de dag thams cad ni dge ba'i bshes gnyen gyis yongs su zin pa lags so// bcom ldan 'das de lta bas na/ byang chub sems dpa' 'dud kyi lcags kyu las shin tu 'da' bar 'tshal bas dge ba'i bshes gnyen rnams la bsnyen par bgyi/ bsten par bgyi/ bsnyen bkur bgyid/ dge ba'i bshes gnyen gyis yongs su zin pa'i byang chub sems dpa' ni tshigs chung ngus sgrub pa yang dag par 'phags pa thob par 'gyur ro/ / de nas bcom ldan 'das kyis byang chub sems dpa' blo gros rgya mtsho la 'di skad ces bka' stsal to// blo gros rgya mtsho khyod kyis bdud kyis lcags kyu rnams shes sam/ gsol pa/ bcom ldan 'das bdag gis bdud kyi lcags kyu rnams 'tshal to// bcom ldan 'das kyis bka' stsal pa/

  284. 143a

    blo gros rgya mtsho gang thos pas/ byang chub sems dpa' rnams shin tu 'da' bar 'gyur zhing / bdud dang phyir rgol ba bcom te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar khyod bdud kyi lcags kyu bstan pa la rtsom ste/ spobs par gyis shig/ blo gros rgya mtshos gsol pa/ bcom ldan 'das 'di lta ste/ sangs rgyas kyi mthus bdag gis bdud kyis lcags kyu bshad par bgyi'o/ / bdud kyi lcags kyu rnams gang zhe na/ bcom ldan 'das bdud kyi lcags kyu ni bcu gnyis po 'di dag ste/ bcu gnyis gang zhe na bcom ldan 'das 'di la byang chub sems dpa' sbyin pa'i pha rol tu phyin pa la spyod pa ni mi phangs pa'i dngos po yongs su gtang ba'i sems 'jug gi/ phangs pa'i dngos po yongs su btang ba'i sems mi 'jug pa dang / sems can gang dag de la dga' bar gyur pa de dag la ni sbyin par bgyid/ sems can gang dag dga' bar ma gyur pa de dag la ni sbyin par mi bgyid cing de dngos po tha dad du bgyid/ sems tha dad du bgyid na/ bcom ldan 'das 'di ni byang chub sems dpa'i sbyin pa dang rab tu ldan pa'i bdud kyi lcags kyu ste dang po'o// bcom ldan 'das gzhan yang byang chub sems dpa' tshul khrims dang ldan zhing / dge ba'i chos can du gyur te/ so sor thar pa'i sdom pas bsdams/ cho ga dang spyod yul phun sum tshogs/ kha na ma tho ba phra rags la yang 'jigs par lta/ 'tsho ba

  285. 143b

    yongs su dag pa/ bslab pa'i gnas yang dag par blangs pa rnams la slob ste/ de tshul khrims dang ldan pa'i dge sbyong dang bram ze la bsnyen cing bsten la bsnyen bkur bgyid de/ tshul khrims 'chal pa'i sems can rnams la khro ba dang sdang ba dang / zhe 'bras par bgyid cing / tshul khrims de nyid kyis bdag la bstod de/ gzhan la spod na/ bcom ldan 'das 'don byang chub sems dpa' tshul khrims dang rab tu ldan pa'i bdud kyi lcags kyu ste gnyis pa'o/ / bcom ldan 'das gzhan yang byang chub sems dpa' bzod pa sgrub pa ste de lus kyis kyang bzod dag gis kyang bzod na sems kyis gnod pa bgyid de sems can stobs dang ldan pa rnams la ni bzod/ sems can nyam chung ba rnams la ni mi bzod/ sems can stobs dang ldan pa rnams la ni bzod pa'i stobs nye bar ston/ sems can nyam chung pa rnams la ni gnod sems kyi stobs nye bar ston te/ de re shig ni bzod/ re shig ni mi bzod/ kha cig la ni bzod/ kha cig la ni mi bzod la/ de gang gi tshe bzod pa de'i tshe bzod pas rgyags rlom sems su bgyid/ gang gi ci mi bzod pa de'i tsheni myur du so sor mi 'chags na/ bcom ldan 'das 'din byang chub sems dpa'i bzod padang rab tu ldan pa'i bdud kyi lcags kyu ste gsum pa'o// bcom ldan 'das gzhan yang byang chub sems dpa' brtson 'grus brtsams par gyur la/ de brtson 'grus brtsams par gnas kyang nyan thos dang rang sangs rgyas kyi theg pa la sems can rnams yongs su

  286. 144a

    smin par bgyid kyi/ theg pa chen po la sems can rnams yongs su smin par mi bgyid/ nyan thos dang / rang sangs rgyas kyis gtam rgyun tu ston gyi/ theg pa chen po'i gtam 'cha/ par bgyid// 'jig rten pa'i bgyi ba la zhal ta bgyid par brtson gyis/ 'jig rten las 'das pa'i chos yongs su mi tshol/ de bzhin gshegs pa la mchod pas dga' ba thob ste/ 'di ltar me tog dang spos dang / 'phreng ba dang / bdug pa dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis de bzhin gshegs pa rnams la mchod par bgyid de/ de la gzhol de la 'a'ang de la bab par gyur kyang thos pa yongs su btsal ba dang / thos pa bstan pa dang / thos pa la so sor brtag pa dang / thos pa sgrub par brtson 'grus mi rtsom na/ bcom ldan 'das 'dis ni byang chub sems dpa'i brtson 'grus dang rab tu ldan pa'i bdud kyi lcags kyu ste bzhi pa'o// bcom ldan 'das gzhan yang byang chub sems dpa' bsam gtan bzhi skyed/ gzugs ma mchis pa'i snyoms par 'jug pa bzhi skyed cing sgrub ste/ de dag la rgyun tu mang du gnas par gyur la/ de zhi ba'i snyoms par 'jug pa de dag la gnas shing / sems can yongs su smin par bgyi ba la smod/ chos bstan pa la smod/ sems can dang 'dre ba la smod/ bsod nams kyi 'du byed rnams la smod cing mi g.yo ba'i 'du byed kyi ro myang bar bgyid/ gcig pur

  287. 144b

    dga' bas dga' ba thob ste/ 'bang pa chung ngur gnas par gyur nas/ bsam gtan las ldog par yongs su mi tshol gyis/ 'dod pa'i khams dang / gzugs kyi khams la gsad par 'du shes shing gzugs ma mchis pa'i khams kyi ro myang bar bgyid la/ de lus dman pas gzugs ma mchis pa'i khams rnams su skyed par bgyid cing / lha tshe ring po rnams dang skal ba mnyam par skye ste/ de der skyes nas kyang gang sangs rgyas mang po dang / sangs rgyas rgya phrag mang po dang / sangs rgyas stong phrag mang po mnyes par mi bgyid pa de'i gnas mchis so// sangs rgyas mthong ba dang / chos mnyan pa dang / dge 'dun la bsnyen bkur bgyid pa dang bral bar 'gyur/ sems can yongs su smin par bgyid pa dang / dam pa'i chos yongs su gzung ba dang / bsod nams kyi tshogs sogs pa dang bral bar 'gyur/ de'i dbang po rnams blun zhing rtul ba'i rang bzhin can du 'gyur/ de nas shi 'phos nas gang dang gang du skyes pa de dang der yang rtul ba'i rgyud can du 'gyur zhing rmugs pa dang / gnyid che bar 'gyur ba 'di ni/ bcom ldan 'das byang chub sems dpa'i bsam gtan dang rab tu ldan pa'i bdud kyi lcags kyu ste lnga pa'o// bcom ldan 'das gzhan yang byang chub sems dpa' shes rab dang ldan par gyur te/ rkyen shin tu mthong ba'i slad du rgyu ba yongs su shes pa dang ldan par gyur/ rgyu ba ma mchis pa dang / rgyu ba dang bral ba dang / mngon

  288. 145a

    par 'du bgyid pa ma mchis par gyur te/ bsod nams kyi 'du byed rnams la smod/ thabs dang bral/ sbyin pa'i pha rol tu phyin pa la brtson par mi bgyid/ tshul khrims dang bzod pa dang / brtson 'grus dang / bsam gtan gyi pha rol tu phyin pa rnams la brtson par mi bgyid la de 'di snyam du sems te/ shes rab kyi pha rol tu phyin pa ni mchog/ shes rab kyi pha rol tu phyin pa ni khyad par du 'phags pa ste/ de las gzhan pa'i pha rol tu phyin pa rnams ni dman pa'o snyam na/ de'i dbang po yongs su ma yin pa btang snyoms su ltung ba ste/ bsdu ba'i dngos po bzhis sems can rnams mi sdud cing / spros pa ma mchis pa mngon par 'du bgyi ba ma mchis pa de nyid kyi ro myang bar bgyid pa 'di ni/ bcom ldan 'das byang chub sems dpa'i shes rab dang rab tu ldan pa'i bdud kyi lcags kyu ste drug pa'o/ / bcom ldan 'das gzhan yang byang chub sems dpa' dgon pa par gyur te/ bas mtha'i gnas mal la mngon par dga' zhing 'dod pa chung la chog shes te/ rab tu dben khyim pa dang rab tu byung ba rnams dang mi 'dre la/ de don nyung ba dang bgyi ba nyung bas/ bde bar gnas te g.yo ba ma mchis kyang mang du thos pa yongs su btsal ba dang / sems can yongs su smin par bgyi ba dang / chos mnyan pa la brtson par mi gnas/ chos kyi 'brel ba'i bka' mchid dang don rnam par nges pa'i bka' mchid bgyi ba la rgyun

  289. 145b

    dbum par sems te/ yongs su 'dri ba'i rang bzhin can ma lags/ dge ba cims tshal ba la mi brtson pa dgon pa la gnas pa dang / gcig bung dka' bas nyon mongs rnams panA du rgyas de kun nas ldang ba gnod pa tsam gyis dga' ba thob cing bag la nyal ba yang dag par gzhom pa'i slad du lam sgom par mi bgyi/ de de na bdag gi don dang gzhan gyi don gyi slad du brtsom par mi 'gyur ba 'di dag ni/ bcom ldan 'das byang chub sems dpa'i dgon pa la gnas pa dang rab tu ldan pa'i bdud kyi lcags kyu ste bdun pa'o// bcom ldan 'das gzhan yang byang chub sems dpa' mang du thos par gyur te/ chos kyi gtam can ni tshig mnyan par 'os pa/ tshig gzung bar 'os pa/ snyan pa sna tshogs kyi gtam can dang / spobs pa phun sum tshogs par gyur kyang / de zang zing gi slad du chos ston te/ zang zing ma mchis pa'i sems kyis ma lags/ gang las de'i gos dang / zas dang / mal cha dang / na ba'i gsos sman dang / yo byad rnams mchi bar 'gyur ba de dag la chos ston gyi/ sems can gang dag dad pa dang ldan zhing dang ba mang ba legs par bshad pa'i don 'tshal bar nus shing stobs dang ldan pa zang zing gis de rjes su 'dzin par mi bgyid pa de dag la chos mi ston pa dang / gang dag de la 'gyed par bgyid pa ni dman pa dman par gyur pa/ gti mug gi rang bzhin can/ chos rgya chen po'i snod du ma gyur pa de dag la chos ston pa dang / de zang zing gis sngags

  290. 146a

    pa'i rgyud des/ gang dag chos bstan par bgyi ba ma lags pa/ snod du ma gyur pa de dag la chos ston pa dang / gang dag bstan par bgyi ba de dag la mi ston pa 'di ni/ bcom ldan 'das byang chub sems dpa'i chos bstan pa dang rab tu mi ldan pa'i bdud kyi lcags kyu ste brgyad pa'o/ / bcom ldan 'das gzhan yang byang chub sems dpa' 'jig rten rgyang 'phen pa yongs su tshol te/ de gzhan dag la zab mo'i bka' mchid kyi rgyun bkum nas/ 'jig rten rgyang 'phen pa'i bka' mchid sna tshogs ston te/ 'jig rten rgyang 'phen pa'i bka' mchid ston pas/ 'jig rten dga' zhing mngon par dga' ba'i tshig dang / lan gyi tshig la mkhas pas/ sems can rnams dga' bar 'gyur te/ de la legs so legs so zhes bgyi ba yang gsol bar 'gyur la/ des kyang byang chub sems dpa' yi rangs par 'gyur ba dang / lha'i bu gang dag sngon sangs rgyas mthong ba/ chos zab mo la mos pa/ chos mnyan pa'i phyir der 'dus par gyur pa de dag sdug bsngal zhing yid mi bde ste/ yi ma rangs nas gang 'jig rten gyi dga' pas mngon par dga' ba'i sems can de dag la zab mo'i gtam gyi rgyun bcad de/ 'jig rten rgyang 'phen pa'i gtam sna tshogs ston pa'i rigs kyi bu 'di ni dam pa'i chos nub par byed pa yin gyi/ dam pa'i chos yongs su 'dzin pa ma yin no/ / de ci'i phyir zhe na/ don zab mo'i phyir sangs rgyas bcom ldan 'das rnams 'byung gi/ 'jig rten rgyang 'phen pa'i gtam sna tshogs kyi phyir ma yin no zhes mchi zhing

  291. 146b

    'khor de nas mchi ngar 'gyur ba de lta bu'i cho ga smra'o/ / bcom ldan 'das de lta bas na byang chub sems dpa' gang 'jig rten rgyang 'phen pa'i bka' mchid sna tshogs bgyid kyi/ zab mo'i bka' mchid/ 'chab pa de ni/ sangs rgyas 'byung ba nub par bgyi ba'i slad du zhugs pa lags te/ bcom ldan 'das 'di ni byang chub sems dpa'i bka' mchid zab mo 'chab cing 'jig rten rgyang 'phen pa dang rab tu ldan pa'i bdud kyi lcags kyu ste dgu pa'o/ / bcom ldan 'das gzhan yang byang chub sems dpa' dge ba'i bshes gnyen ltar bcos pa/ sdig pa'i grogs po gang dag de la bsdu ba'i dngos po rnams las 'dun pa zlog pa dang / sems can yongs su smin par bgyid pa las 'dun pa zlog pa dang / dam pa'i chos yongs su bzung ba las 'dun pa zlog pa dang / bsod nams kyi tshogs las 'dun pa zlog pa dang / rab tu dben pa la sbyor ba dang / don nyung zhing bgyid pa nyung ba la sbyor ba dang / nyan thos dang / rang sangs rgyas dang ldan pa'i bka' mchid de la rgyun tu mang du ston pa dang / theg pa chen po dang ldan pa'i bka' mchid de la mi ston pa dag la bsnyen cing rten/ bsten te bsnyen bkur bgyid pa dang / gang gi tshe byang chub sems dpa' dben par gnas pas theg pa chen po las ldang ba de'i tshe/ byang chub sems dpa' gdon mi za bar zhal ta byed par bya'o zhes byang chub sems dpa' zhal ta bgyid pa'i dri ma la sbyor la/ gang gi tshe byang chub sems dpa' zhal ta bgyid pa'i dri ma la sbyor ba de'i tshe/

  292. 147a

    dben pa la sbyor zhing mtshan ma dang bcas pa dang / rgyu ba dang bcas pa'i bzod pa'i sa nye bar ston/ byang chub sems dpa'i las yang dag par/ yang dag phul gang lags pa de dag de la mi ston to/ / byang chub sems dpa'i las yang dag par yang dag phul de dag gang lags she na/ bcom ldan 'das bcu po 'di dag ni byang chub sems dpa'i las yang dag pa yang dag phul lags so/ / bcu po de dag gang zhe na/ 'di lta ste/ dad pa'i rtsa ba la rab tu gnas te/ dge ba'i bshes gnyen rnams la bsnyen cing bsten te/ bsnyen bkur bgyid pa dang / mgo dang gos la zhugs 'bar ba bzhin du dge ba'i chos ci zhes yongs su tshol ba dang / dge ba'i chos la 'dun pa la gnas te yang dag pa'i brtson pa mi 'dor ba dang / bag mchis par las bgyis pa chung mi gzon pa dang / bdag bde ba la mi chags par rtag par rgyun tu sems can yongs su smin par bgyid pa dang / lus dang srog la mi lta bar dam pa'i chos yongs su 'dzin pa dang // mtshan dang dpe byad bzang po dang / sangs rgyas kyi zhing yongs su sbyangs pa'i slad du/ bsod nams kyi tshogs yongs su tshol bas mi ngoms pa dang / gzungs dang spobs pa rab tu thob par bgyi ba'i slad du/ ye shes kyi tshogs yongs su tshol ba dang / so so'i skye bo thams cad kyi sas mi gos par bgyi ba'i slad du/ shes rab kyi pha rol tu phyin pa bsgom pa dang / nyan thos dang / rang sangs

  293. 147b

    rgyas thams cad kyi sa las shin tu bzla ba'i slad du/ thabs la mkhas pa yongs su tshol ba ste/ bcom ldan 'das chos bcu po de dag ni/ byang chub sems dpa' las yang dag pa yang dag phul lags te/ gang dag la byang chub sems dpas bslab par bgyi ba de de dag de la mi ston pa dang / de la 'di skad du byang chub ni/ byang chub sems dpa' brtson 'grus brtsams pa'i yin gyi le lo can gyi ma yin no/ / gal te khyod bskal pa brgyad dam bcus/ bla na med pa yang dag par rdzogs pa'i byang chub mngon par rdzogs par sangs ma rgyas na/ phyis khyod bla na med pa yang dag par rdzogs pa'i byang chub mngon par rdzogs par 'tshang rgya bar mi nus so zhes mchi la/ bcom ldan 'das de la byang chub sems dpa' gang sgyid lug nas 'bras bu thob par bgyid pa'i gnas mchis na/ bcom ldan 'das 'di ni byang chub sems dpa' dge ba'i bshes gnyen ltar bcos pa'i bdud kyi lcags kyu ste bcu pa'o// bcom ldan 'das gzhan yang byang chub sems dpa' nga rgyal gyis khengs shing nga rgyal gyis rengs par gyur te/ de nga rgyal des bla ma rnams dang / sbyin gnas rnams dang / pha ma dang slob dpon dang / mkhan po rnams dang / de las gzhan pa bla ma lta bu'i gang zag rnams la kun tu bdud pa dang / 'dud pa dang / rab tu 'dud par mi bgyid cing / de la ma gus par gyur pa dang / gang dag byang chub sems dpa'i spyod pa rnams la mkhas pa khyad par thob pa/ gzungs dang spob

  294. 148a

    phun sum tshogs pa/ byang chub sems dpa'i bgyi ba thams cad tshar phyin pa de dag gi gan du mi mchi/ mi bsnyen mi bsten/ bsnyen bkur mi bgyid/ yongs su mi 'dri/ yongs su 'dri bar mi stsol cing / de ma thos pa'i chos nyan par mi bgyid/ thos pa'i chos rnams kyang yongs su dkar bar mi bgyid/ de las gzhan pa'i byang chub sems dpa'i theg pa pa'i gang zag gang dag bdud kyi lcags kyus zin pa/ chos ngan pa la spyod pa de dag la dga' ba rnyed pa dang / de dag kyang de bzhin du de'i rjes su 'jug par 'gyur ba dang / de dman pa la sten cing khyad par dang bral ba 'di lta ste/ zhan pa'i 'gro ba/ blun pa/ 'on pa/ lkugs pa'i 'gro ba/ 'gro ba dman pa nyid du mchi bar 'gyur ro// bcom ldan 'das 'di lta ste/ dper na/ skyes bu la la zhig gis gram pa'i sa phyogs su shing tsam pa ka bskrun bskrun la/ chab stsol bar mi bgyid kyi/ gang nas chab mchi bar mthong ba'i phyogs de yang gor ma dang / gyo mo dag gis bkum na bcom ldan 'das de ltar na zhugs shing tsam ka chab dang bral ba de la yal ga dang / lo ma dang yal ga phre'u ma chags pa rnams kyang chags par mi 'gyur/ yal ga dang / lo ma dang / yal ga phre'u chags pa rnams kyang skams ste/ dog sa la ltung bar 'gyur ro// bcom ldan 'das de bzhin du byang chub sems dpa' gang byang chub kyi sems bskyed la/ nga rgyal gyis khengs shing nga rgyal gyi rengs par gyur na/ de dge

  295. 148b

    ba'i bshes gnyen dang / chos mnyan pa dang bral te/ ma thos pa'i chos rnams kyang mo nyan thos pa'i chos rnams kyang yongs su dkar bar mi bgyid do// bcom ldan 'das 'di lta ste dper na/ gang gi tshe rgya mtsho chen po mchi bar gyur pa de'i tshe/ gzhol ba'i phyogs na 'chi bar 'gyur ro// de gzhol ba'i slad du/ chu klung thams cad dang / chab mig dang / 'bab chu thams cad tshegs chung ngus der 'bab bo/ / bcom ldan 'das de bzhin du byang chub sems dpa' nga rgyal ma mchis pa bla ma dang / sbyin gnas la gus pa yang tshegs chung ngus chos zab mo'i sgo rnams rna ba'i dbang po la grags par 'gyur ro/ / de dran pa la yang gnas par 'gyur ro// bcom ldan 'das de lta bas na byang chub sems dpa' nga rgyal gyis khengs/ nga rgyal gyis rengs par gyur te/ bla ma dang sbyin gnas rnams la kun tu mi 'dud cing / 'dud par mi bgyid la rab tu mi 'dud na/ bcom ldan 'das kye ma'o byang chub sems dpa' 'di ni bdud kyi lcags kyus zin par rig par bgyi ste/ bcom ldan 'das 'di ni byang chub sems dpa'i nga rgyal dang rab tu ldan pa'i bdud kyi lcags kyu ste bcu gcig pa'o// bcom ldan 'das gzhan yang byang chub sems dpa' gzugs bzang zhing / mdzes la phyug cing nor che ba dang / longs spyod che zhing nor mang la/ mdzod dang bang ba mang po phun sum tshogs par gyur te/ gzugs dang longs spyod dang / rus dang / rigs dang /

  296. 149a

    g.yog 'khor dang bsod nams kyi tshogs kyis brtan par gyur/ ye shes kyi tshogs yongs su btsal ba la mngon par brtson zhing de gzugs dang / longs spyod dang / g.yog 'khor dang / dbang phyug gi stobs kyis rgyags shing bag ma mchis par gyur te/ byang chub sems dpa' gang dag rab tu byung bar gtogs pa khyim gyi gnas nas mngon par byung ba/ ye shes kyi tshogs yongs su tshol ba la brtson pa/ gdugs dang bser mas sha dang khrag bskams pa/ skem pa nyam chung ba/ lus rtsas yog pa/ mgo dang gos la zhugs 'bar nga bzhin du gdugs mtshan du brtson 'grus brtsams pa/ dge ba'i chos yongs su btsal ba la rtag tu brtson pa dang ldan pa de dag la skems shing nyam chung la/ mdog ngan cing mi sdug par rig nas/ brnyas par bya'o snyam du sems shing de dag las legs par bshad pa nyan mi 'tshal gyi/ de de bas shas cher dman zhing ches rmugs par 'gyur ba 'di ni/ bcom ldan 'das byang chub sems dpa'i rgyags pa dang / bag ma mchis pa dang rab tu ldan pa'i bdud kyi lcags kyu ste bcu gnyis pa'o// bcom ldan 'das bcu gnyis po de dag ni/ byang chub sems dpa' rnams kyi bdud kyi lcags kyu ste/ byang chub sems dpa' de dag las shin tu ma 'das na/ tha na rjes su 'thun pa'i bzod pa yang mi mthong na/ bla na med pa yang dag par rdzogs pa'i byang

  297. 149b

    chub mngon par rdzogs par 'tshang rgya ba lta smos kyang mi 'tshal te/ de ni gnas ma mchis so// bcom ldan 'das de lta bas na/ byang chub sems dpa' blan med pa yang dag par rdzogs pa'i/ byang chub mngon par rdzogs par 'tshang rgya bar 'tshal bas/ bdud kyi lcags kyu 'di dag las shin tu 'da' bar bgyi'o// // bam po bcu pa ste tha ma'o// de nas bcom ldan 'das kyis byang chub sems dpa' blo gros rgya mtsho la legs so zhes bya ba byin te/ blo gros rgya mtsho khyod kyis byang chub sems dpa' rnams kyi bdud kyi lcags kyu 'di dag legs par bshad pa legs so legs so/ / blo gros rgya mtsho de'i phyir legs par rab tu nyon la yid la zung shig dang / byang chub sems dpa' dag gang la gnas na/ bdud kyi lcags kyu thams cad las shin tu 'da' bar 'gyur ba bdud kyi lcags kyu rab tu gcod pa'i chos kyi sgo khyod la bshad do/ / blo gros rgya mtsho bdud kyi lcags kyu rab tu gcod pa'i chos kyi sgo de dag gang zhe na/ blo gros rgya mtsho bcu po 'di dag ni bdud kyi lcags kyu rab tu gcod pa'i chos kyi sgo yin no/ / bcu gang zhe na/ 'di lta ste/ blo gros rgya mtsho chos thams cad ni stong pa nyid kyi rang bzhin pas/ stong pa nyid kyi rnam par zhugs kyang bdag nyid skyabs byed pas/ sems can thams cad la cher byams pa 'di ni/ bdud kyi lcags kyu rab tu gcod pa'i chos kyi sgo dang po'o// blo gros rgya mtsho chos

  298. 150a

    thams cad ni mtshan ma med pa'i rang bzhin pas/ mtshan ma med pa'i rnam par zhugs kyang yongs su thar bar byed pas/ sems can thams cad la cher snying rje ba 'di ni/ bdud kyi lcags kyu rab tu gcod pa'i chos kyi sgo gnyis pa'o/ / blo gros rgya mtsho chos thams cad ni smon pa med pa'i rang bzhin pas/ smon pa med pa'i rnam par zhugs kyang sems can thams cad yongs su smin par bya ba'i phyir bsams bzhin du skye ba 'di ni/ bdud kyi lcags kyu rab tu gcod pa'i chos kyi sgo gsum pa'o// blo gros rgya mtsho chos thams cad ni 'dod chags dang bral ba'i rang bzhin pas/ 'dod chags dang bral ba'i rnam par zhugs kyang / 'dod chags la spyod pa'i sems can yongs su smin par byed pa 'di ni/ bdud kyi lcags kyu rab tu gcod pa'i chos kyi sgo bzhi pa'o// blo gros rgya mtsho chos thams cad ni zhe sdang dang bral ba'i rang bzhin pas/ zhe sdang dang bral ba'i rnam par zhugs kyang zhe sdang la spyod pa'i sems can yongs su smin par byed pa 'di ni/ bdud kyi lcags kyu rab tu gcod pa'i chos kyi sgo lnga pa'o/ / blo gros rgya mtsho chos thams cad ni gti mug dang bral ba'i rang bzhin pas/ gti mug dang bral ba'i rnam par zhugs kyang / gti mug la spyod pa'i sems can yongs su smin par byed pa 'di ni/ bdud kyi lcags kyu rab tu gcod pa'i chos kyi sgo drug pa'o// blo gros rgya mtsho chos thams cad ni kun nas nyon mongs pa med pa'i rang bzhin pas/ kun nas nyon mongs pa

  299. 150b

    med pa'i rnam par zhugs kyang kun nas nyon mongs pa can gyi sems can yongs su smin par byed pa 'di ni/ bdud kyi lcags kyu rab tu gcod pa'i chos kyi sgo bdun pa'o// blo gros rgya mtsho chos thams cad ni skye ba med cing 'byung ba med pa'i rang bzhin pas/ skye ba med cing 'byung ba med pa'i rnam par zhugs kyang skye ba dang / rga ba dang / na ba dang / 'chi ba spangs pa'i phyir/ sems can rnams la chos ston pa 'di ni/ bdud kyi lcags kyu rab tu gcod pa'i chos kyi sgo brgyad pa'o// blo gros rgya mtsho chos thams cad ni ngang mnyam zhing bye brag med pa'i rang bzhin pas/ dang mnyam zhing bye brag med pa'i rnam par zhugs kyang / theg pa chen po'i bsam pa yongs su mi 'dor bar sems can rnams la theg pa gsum rnam pa dgod pa'i chos ston pa 'di ni/ bdud kyi lcags kyu rab tu gcod pa'i chos kyi sgo dgu pa'o/ / blo gros rgya mtsho gzhan yang byang chub sems dpa' sems dang yid dang / rnam par shes pa la yang mi gnas la/ byang chub kyi sems kyang mi brjed/ rtsom pa thams cad dang yang bral la/ sems can rab tu thar par bya ba'i rtsom pa yang mi 'dor/ spyod pa thams cad las kyang shin tu 'das la/ byang chub sems dpa'i spyod pa las kyang mi ldog pa 'di ni gros rgya mtsho byang chub sems dpa'i bdud kyi lcags kyu rab tu gcod pa'i chos kyi sgo bcu pa'o/ / blo gros rgya mtsho bcu po 'di dag ni bdud kyi lcags kyu rab tu gcod pa'i chos kyi sgo ste/ byang chub

  300. 151a

    sems dpa' de dag la rab tu sbyor na/ bdud kyi lcags kyu thams cad las shin tu 'das par 'gyur ro// bdud kyi lcags kyu rab tu gcod pa'i chos kyi rnam grangs 'di bshad pa na/ bdud kyi gnas thams cad mog mog por gyur te/ rnam pa drug tu g.yos so// 'di lta ste/ dper na/ byang chub kyi snying po la 'dug pa'i byang chub sems dpa'i mdzod spu nas 'od rab tu byung bas bdud kyi gnas thams cad mog mog por gyur pa de bzhin du de'i tshe/ bdud kyi gnas thams cad mog mog por gyur to// de nas bdud sdig can gyis ltas rgya chen po 'di mthong nas rings shing myur bar la gor du dpung gi tshogs yan lag bzhi pa bsdus te/ bkod pa ci 'dra bas byang chub kyi snying po la 'dug pa'i byang chub sems dpa'i gan du 'gro ba'i bkod pa de 'dra bas dpag tshad sum cu rtsa drug tshun chad bdud kyi sdes bkang nas/ bcom ldan 'das kyi 'khor dkyil 'khor gyi khyams ga la ba der dong ba dang / sangs rgyas kyi mthus der de bsgribs par gyur te/ 'ongs kyang de bzhin gshegs pa dang / gang dag phyir mi ldog pa'i byang chub sems dpa' rnams dang / 'khor de las sems can gang dag 'dul bar gyur pa rnams dang / gang dag srid par kun tu sbyor ba spangs pa'i dgra bcom pa lta ba phun sum tshogs pa'i gang zag rnams ma gtogs par gang gis kyang de ma mthong ngo // de nas bcom ldan 'das kyis

  301. 151b

    byang chub sems dpa' blo gros rgya mtsho la bka' stsal pa/ blo gros rgya mtsho khyod kyis bdud sdig can bkod pa ji lta bu dag 'ong ba mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ blo gros rgya mtsho bdud sdig can 'di ni chos kyis rnam grangs 'di la bar chad bya ba'i phyir 'ongs nad ci zhig bya/ gsol pa/ bcom ldan 'das deng 'di bde ba thams cad kyis brgyan pa'i 'jig rten gyi khams su 'phang bar bgyi'o/ / de nas tshe dang ldan pa shA ra dwa ti'i bus/ byang chub sems dpa' blo gros rgya mtsho la 'di skad ces smras so// rigs kyi bu bde ba thams cad kyis brgyan pa'i 'jig rten gyi khams de ni ga la yod/ de na chos ston pa'i de bzhin gshegs pa'i mtshan ni ci zhes bya/ blo gros rgya mtshos smras pa/ btsun pa shA ri'i bu shar phyogs logs su sangs rgyas kyi zhing 'di nas gang gA'i klung bcu gnyis kyi bye ma snyed kyi sangs rgyas kyi zhing 'das pa na bde ba thams cad kyis brgyan pa zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas bdud rab tu 'joms pa zhes bya ba chos ston to/ / de ci'i phyir 'jig rten gyi khams de bde ba thams cad kyis brgyan pa zhes bya zhe na/ btsun pa shA ra dwa ti'i bu/ bde ba thams cad kyis brgyan pa'i 'jig rten gyi khams de na bde ba'i rgyu dang yon tan gyi rgyu dang / bkod pa'i rgyu bskal par brjod kyang zad par mi nus te/

  302. 152a

    de'i phyir 'jig rten gyi khams de bde ba thams cad kyis brgyan pa zhes bya'o// gang gi tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bdud rab tu 'joms pa des byang chub thob pa de'i tshe/ de byang chub kyi snying po la 'dug ste/ thams cad mkhyen pa nyid ma thob par lus las bdud kun tu bskul ba zhes bya ba'i 'od zer byung nas/ 'od zer des bskul bas/ 'jig rten gyi khams de na bdud bye ba phrag brgya 'khod pa/ bdud re re zhing yang g.yog 'khor bya ba brgya phrag bcu yod pa de dag thams cad byang chub kyi snying po ga la ba der song ste phyin nas/ byang chub sems dpa' la bar chad bya bar bsams pa dang / byang chub sems dpa' la bar chad byed ma nus te/ de dag ngo mtshar du gyur nas bcom ldan 'das de'i zhabs gnyis la gtugs so// des kyang ji ltar de dag bsam pa thag pa nas bla na med pa yang dag par rdzogs pa'i byang chub tu sems bskyed par 'gyur ba de lta de ltar bdud de dag la chos bstan nas/ bcom ldan 'das de phyis byang chub thob ste/ de'i phyir de bzhin gshegs pa de bdud rab tu 'joms pa zhes bya'o// de byang chub thob pa'i mchog gi phrugs dang / bzang po'i phrugs kyang bdud las btul ba'i byang chub sems dpa' rnams so/ / rim gro pa yang bdud las brtul ba'i byang chub sems dpa' rnams so// bcom ldan 'das de de bzhin gshegs pa bdud rab tu 'joms pa de ni byang chub sems dpa'i gtam 'ba' shig yang dag

  303. 152b

    par rab tu ston te/ de na theg pa gzhan gyi ming yang med de/ btsun pa shA ri'i bu bde ba thams cad kyis brgyan pa'i 'jig rten gyi khams de ni de 'dra ste/ der 'phangs na phyis bdud kyi las byed par mi 'gyur gyi/ bdud las brtul ba'i byang chub sems dpa' de dag dang lhan cig tu byang chub tu sems bskyed nas/ byang chub kyi phyogs kyi chos rnams yongs su rdzogs par 'gyur ro// de nas bdud sdig can sngangs skrag 'jigs te/ spu zing zhes byed nas 'khor de nas 'gro bar 'dod na/ 'gro ma nus te/ mi snang bar ma gyur nas/ de de bas kyang cher sngangs shing skrag ste/ bcom ldan 'das kyi zhabs gnyis la gtugs nas 'di skad ces gsol to/ / byang chub sems dpa' blo gros rgya mtshos 'jig rten gyi khams der 'phang bar mi 'gyur bas/ bcom ldan 'das bdag la skyab tu gsol/ bde bar gshegs la bdag la bskyab tu gsol/ bcom ldan 'das kyis bka' stsal pa/ sdig can ma 'jigs shig/ skyes bu dam pa 'di lta bu dag ni/ sems can la rnam par 'tshe ba'i phyir gnas pa ma yin no/ / sdig can khyod byang chub sems dpa' blo gros rgya mtsho 'di la bzod pa gsol cig dang / 'di nyid khyod la skyob par 'gyur ro// de nas bdud sdig can gyis thal mo sbyar te/ byang chub sems dpa' blo gros rgya mtsho la phyag 'tshal nas 'di skad ces smras so// skyes bu dam pa khyod bdag la bzod pa mdzad du gsol// bdag bde ba thams cad kyis brgyan

  304. 153a

    pa'i 'jig rten gyi khams der mi 'phangs par gsol/ ji ltar gang na skyes bu dam pa khyod lta bu chos ston par 'gyur ba'i 'khor der bar chad bgyi ba'i slad du/ lan 'ga' yang mchi bar mi 'gyur ba de ltar bgyi'o/ / blo gros rgya mtshos smras pa/ sdig can kho bo lta bu dag la gzod pa gsol mi dgos so// byang chub sems dpa' rnams ni/ sems can thams cad la shin tu bzod pa nyid do/ / sdig can khyod bde ba thams cad kyis brgyan pa'i 'dzin rten gyi khams der song la/ 'jig rten gyi khams kyi bkod pa de dag dang / bcom ldan 'das de bzhin gshegs pa bdud rab tu 'joms pa de la ltos shig dang / khyod la 'tshe bar mi 'gyur ro// de nas byang chub sems dpa' blo gros rgya mtshos lag pa g.yas pa gser gyi kha dog can brkyang ste/ bdud sdig can gyi spyi bor bzhag nas/ bden pa dang bden pa'i tshig gang gis byang chub sems dpa' rnams la chos kyi ser sna dang / slob dpon chos kyi dadepe mkhyud med pa'i bden pa dang / bden pa'i tshi ga des bdag gis rdzu 'phrul gyi rkang pa ci 'dra bar bdud sdig can gyi yang de 'dra bar gyur cig ces de lta bu'i bden pa'i byin gyis rlabs byas so// byang chub sems dpa' blo gros rgya mtshos tshig de skad ces spras ma thag tu de nas bdud sdig can rdzu 'phrul gyi stobs mchog dang ldan par gyur te/ des stong gsum gyi stong chen

  305. 153b

    po'i 'jig rten gyi khams 'di rnam par drug tu g.yos par byas nas/ sangs rgyas kyi zhing 'di nas mi snang bar gyur te/ 'di ltar byang chub sems dpa' blo gros rgya mtsho'i byin gyis rlabs kyis skad cig thang cig yud tsam de la bde ba thams cad kyis brgyan pa'i 'jig rten gyi khams der gnas par gyur to/ / de nas bdud sdig can bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bdud rab tu 'jom pa ga la ba der song ste byin nas/ bcom ldan 'das kyi zhabs la mgo bos phyag 'tshal te/ lan bdun bskor ba byas nas phyogs gcig tu 'dug go/ / de nas bcom ldan 'das de bzhin gshegs pa bdud rab tu 'joms pa de'i sangs rgyas kyi zhing de na bdud las btul ba'i byang chub sems dpa' gang dag 'khod pa de dag gis bdud sdig can de mthong nas/ bcom ldan 'das de bzhin gshegs pa bdud rab tu 'joms pa de la 'di skad ces gsol to// bcom ldan 'das sems can dbang chung zhing mdog ngan la mi sdug pa 'di lta bu 'di gang nas mchis bcom ldan 'das des bka' stsal pa/ rigs kyi bu nub phyogs logs su sangs rgyas kyi zhing 'di nas/ gang gA'i klung bcu gnyis kyi bye ma snyed kyi sangs rgyas kyi zhing 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba

  306. 154a

    bzhugs so/ / 'tsho'o// gzhes so// de 'dus pa chen po'i le'u chos kyi rnam grangs rgya cher ston to// yang dag par rab tu 'chad do// der phyogs bcu nas byang chub sems dpa' tshad med grangs med cing bgrang ba las shin tu 'das pa dag/ chos kyi rnam grangs 'di mnyan pa'i phyir 'dus so// byang chub sems dpa'i 'khor der byang chub sems dpa' sems dpa' chen po blo gros rgya mtsho zhes bya ba go cha bsam gyis mi khyab pa bgos pa/ bcom ldan 'das de la yongs su 'dri zhing yongs su 'drir 'jug pa yang 'dus par gyur to// chos kyi rnam grangs de'i tha ma bshad pa'i tshe/ bdud sdig can mig gis mi rtsol bar bya ba'i las kyi phyir 'ongs pa dang / skyes bu dam pa de'i 'dul ba'i dbang nye bar gzung ste/ bdud sdig can de 'jig rten gyi khams 'dir 'phangs so/ / de nas bdud las btul ba'i byang chub sems dpa' de dag gis bdud sdig can la 'di skad ces smras so// kho bo cag kyang khyod kyi grogs yin gyis/ sdig can khyod bla na med pa yang dag par rdzogs pa'i byang chub tu sems bskyed cig/ de ci'i phyir zhe na/ kho bo cag kyang bdud du gyur te/ sems can rnams kyi dge ba'i rtsa ba'i bar chad bya ba'i phyir zhugs pa las/ kho bo cag de bzhin gshegs pas bla na med pa yang dag par rdzogs pa'i byang chub tu sems bskyed do// de lta bas na sdig can khyod bla na med pa yang dag par rdzogs pa'i byang chub tu sems

  307. 154b

    bskyed cig/ de nas bdud sdig can gyi lhag pa'i bsam pas/ bla na med pa yang dag par rdzogs pa'i byang chub tu sems bskyed nas/ tshig 'di skad ces bdag gis/ bla na med pa yang dag par rdzogs pa'i byang chub tu sems bskyed de/ phyin chad bdud kyi las mi bya'o zhes smras so// de nas byang chub sems dpa' de dag gis bdud sdig can rin po che bkod pa seng ge'i khri la bzhag ste/ / de nas 'dus pa chen po'i le'u chos kyi rnam grangs kyi gtam rgyud ci 'dra ba la rigs kyi bu khyod spobs par gyis shig ces gsol ba btab bo// de nas byang chub sems dpa' blo gros rgya mtshos gang bdud sdig can seng ge'i khri la 'dug pa'i kha'i sgo dang / ba spu'i khung thams cad nas ji ltar bcom ldan 'das shAkya thub pas/ 'dus pa chen po'i le'u rab tu bshad pa lta bu'i gtam byung ste/ yi ge de dag dang tshig dang / yi ge'i 'bru de dag dang mnyam zhing mi nyung mi mang ma lhag par 'gyur ba de lta bu'i byin gyis brlabs byas so// de nas byang chub sems dpa' de dag gis bdud sdig can de las 'dus pa chen po'i le'u gtam thos nas ngo mtshar du gyur te/ bcom ldan 'das de la 'di skad ces gsol to// bcom ldan 'das bdag cag 'jig rten gyi khams mi mjed de dang / bcom ldan 'das de bzhin gshegs pa shAkya thub pa de dang / byang chub sems dpa' blo gros rgya mtsho de dang / phyogs bcu'i 'jig rten gyi khams nas

  308. 155a

    'dus pa'i byang chub sems dpa' de dag blta bar bgyi'o/ / de nas bcom ldan 'das de bzhin gshegs pa bdud rab tu 'joms pas mdzod spu nas/ gzugs thams cad ston pa zhes bya ba'i 'od zer byung ste/ 'od zer phyung ba des sangs rgyas kyi zhing gang gA'i klung bcu gnyis kyi bye ma snyed de dag las 'das te/ 'jig rten gyi khams mi mjed 'di snang ba chen pos khyab par gyur to/ / der byang chub sems dpa' de dag gis bcom ldan 'das de bzhin gshegs pa shAkya thub pa rin po che bkod pa'i 'khor gyi khyams na bskal pa brgyar yang bsngags pa'i mthar mi phyin/ pa'i seng ge'i khri chen po la bzhugs te phyogs bcu'i 'jig rten gyi khams nas 'dus pa'i byang chub sems dpa' rnams la/ 'dus pa chen po'i le'u chos kyi rnam grangs rgya cher yang dag par rab tu ston pa dang / byang chub sems dpa' blo gros rgya mtsho yang mthong ngo // 'jig rten gyi khams mi mjed chus yongs su gang ba'i rgya mtsho gcig lta bur gnas pa 'di yang mthong ngo // de na sgrib pa ci yang med par mthong ngo / / phyogs bcu'i 'jig rten gyi khams nas 'dus pa'i byang chub sems dpa'i rgyang grags kyi tshad tsam gyi rin po che'i pad+ma dag la 'khod cing chos nyan pa de dag kyang mthong ngo // mthong nas kyang tshim zhing mgu la yi rangs shing rab tu dga' ste/ dga' ba dang yid bde ba skyes nas/ bcom ldan 'das de bzhin gshegs pa shAkya thub pa ga la ba der logs su me tog gtor to// gtor ma

  309. 155b

    / thag tu sangs rgyas kyi mthus 'ongs nas/ bcom ldan 'das shAkya thub pa'i spyi gtsug gi mtshams su me tog gi gdugs chen por gyur to// der thams cad dang ldan pa'i 'khor des/ me tog gi gdugs de mthong nas/ ngo mtshar du gyur te/ bcom ldan 'das la 'di skad ces gsol to// bcom ldan 'das gang me tog gi gdugs 'di lta bur gyur pa'i me tog 'di dag gang nas mchis bcom ldan 'das kyis bka' stsal pa/ grogs po dag me tog 'di dag ni bde ba thams cad kyis brgyan pa'i 'jig rten gyi khams de nas 'ongs te/ byang chub sems dpa' de dag gis nga la mchod pa'i las kyi phyir gtor to/ / gsol pa/ bcom ldan 'das bdag cag gis bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'joms pa de dang / bdud sdig can 'jig rten gyi khams de na ci bgyid pa blta bar bgyi'o// de nas bcom ldan 'das kyi 'khor des gsol ba btab pa mkhyen nas/ byang chub sems dpa' blo gros rgya mtsho la bka' stsal pa/ rigs kyi bu khyod kyis bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'joms pa de dang / bdud sdig can de 'khor 'di la ston cig/ de nas bcom ldan 'das kyis skabs phye bas/ byang chub sems dpa' blo gros rgya mtshos sor mo bcu las 'od

  310. 156a

    gzer stong phrag bcu phyung nas/ 'od gzer de dag gis sangs rgyas kyi zhing gang gA'i klung bcu gnyis kyi bye ma snyed po de dag las 'das nas bde ba thams cad kyis brgyan pa'i 'jig rten gyi khams snang ba chen pos khyab par gyur to/ / der thams cad dang ldan pa'i 'khor de dang / bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'joms pa de dang / bdud sdig can chos kyi khri chen po la 'dug ste/ 'dus pa chen po'i le'u'i gtam rgya cher yang dag par rab tu ston pa yang mthong ngo // mthong nas kyang thams cad dang ldan pa'i 'khor de ngo mtshar du gyur nas/ rang rang gi pad+ma'i stan las langs te/ bcom ldan 'das de bzhin gshegs pa bdud rab tu 'joms pa de la phyag 'tshal nas/ de dag gis mu tig dang me tog gis gtor to// gtor ma thag tu sangs rgyas kyi mthus 'ongs nas/ bcom ldan 'das kyi spyi gtsug gi mtshams su me tog gi khang pa brtsegs pa chen por gnas par kun tu snang ngo / / de nas bdud sdig can gyis bcom ldan 'das de bzhin gshegs pa bdud rab tu 'joms pa de la 'di skad ces gsol to// bcom ldan 'das bdag mi mjed kyi 'jig rten gyi khams su bcom ldan 'das shAkya thub pa'i gan du mchi'o/ / bcom ldan 'das kyis bka' stsal pa/ rigs kyi bu de'i dus la bab par shes na khyod song shig/ de nas

  311. 156b

    bdud sdig can gyis bcom ldan 'das de'i zhabs la mgo bos phyag 'tshal te/ lan bdun bskor ba byas nas/ sangs rgyas kyi zhing de nas mi snang bar gyur te/ byang chub sems dpa' bro gros rgya/ mtsho'i byin gyi rlabs dang / rdzu 'phrul gyis skad cig thang cig yul tsam de las mi mjed kyi 'jig rten gyi khams 'dir gnas par gyur to// de nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ lan bdun bskor ba byas nas/ bcom ldan 'das la phyag 'tshal te/ phyogs gcig tu 'dug go// de nas tshe dang ldan pa shA ra dwa ti'i bus bdud sdig can la 'di skad ces smras so/ / grogs po khyod kyis 'jig rten gyi khams bde ba thams cad kyis brgyan pa de mthong ngam/ smras pa/ btsun pa shA ra dwa ti'i bu bdag gis 'jig rten gyi khams ji tsam du yongs su dag pa de mthong ste/ ji ltar dag cing dri ma med pa'i sems can mchog byang chub sems dpa' rnams kyi gnas de ngo mtshar to// bdag gis de mthong nas kyang bla na med pa yang dag par rdzogs pa'i byang chub tu sems bskyed do/ / smras pa/ grogs po khyod kyis bla na med pa yang dag par rdzogs pa'i byang chub tu sems bskyed na/ khyod ci yang bdud kyi las blta byed dam/ smras pa/ btsun pa shA ra dwa ti'i bu lhag pa'i bsam pa la yang dag par zhugs pa'i byang chub sems dpa' rnams la gang gis kyang bdud kyi las byed mi nus so// de ci'i phyir zhe na/

  312. 157a

    lhag pa'i bsam pa la yang dag par zhugs pa'i byang chub sems dpa' rnams la ji lta ji ltar bdud las byed pa de lta de ltar byang chub sems dpa' rnams chos stongs dang ldan zhing brtson 'grus rtsom mo/ / btsun pa shA ra dwa ti'i bu khyod kyi rnam grangs 'dis kyang gang dag byang chub sems dpa' rnams la bdud kyi las byed pa de nyid/ sangs rgyas kyi 'phrin las su brjod kyi bdud kyi las ma yin pa de ltar rig par bya'o/ / sangs rgyas kyi zhing kun tu bstan pa dang / bdud kyi cho 'phrul bstan pa 'di bshad pa na/ 'khor de las srog chags nyi khris bla na med pa yang dag par rdzogs pa'i byang chub tu sems bskyed do/ / bdud kyi 'khor de las kyang bdud kyi bu khris bla na med pa yang dag par rdzogs pa'i byang chub tu sems bskyed nas/ mgrin gcig tu bcom ldan 'das bdag cag 'jig rten gyi khams bde ba thams cad kyis brgyan pa der skye bar gyur cig ces tshig de skad smras pa dang / bcom ldan 'das kyis kyang de dag sangs rgyas kyi zhing der skye bar lung bstan to// sangs rgyas kyi zhing kun tu bstan pa'i le'u ste bcu gcig pa'o/ / / de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das de bzhin gshegs pab rnams kyi byang chub 'di ni bar chad mang ba/ phyir rgol ba mang ba lags na/ gang 'di lta bu'i mdo sde 'di dag de bzhin gshegs pa'i byin gyi rlabs kyis nub par mi 'gyur zhing rgyas par 'gyur ba dang

  313. 157b

    gang dag 'dzin pa dang / klog pa dang / ston pa de dag la yang bdud dam bdud kyi ris kyi lha rnams kyis glags rnyed par mi 'gyur ba dang / dam pa'i chos yun ring du gnas pa dang / mdo sde 'di lta bu 'di dag kyang kun tu bsrung ba dang / sba ba dang / yongs su gzung ba'i slad du bcom ldan 'das de bzhin gshegs pas legs par byin gyis brlab tu gsol/ de skad ces gsol pa dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ / blo gros rgya mtsho sems can gang dag mdo sde 'di lta bu 'di dag 'dzin pa dang / ston par 'gyur zhing 'don pa/ brtson 'grus brtsams pa/ dge ba'i rtsa ba skyed pa de dag 'dul ba'i dbang nye bar bzung ste/ chos kyi rnam grangs 'di byin gyis brlabs zin to// blo gros rgya mtsho de'i phyir legs par rab tu nyon la yid la zung shig dang / tshig gang dag gis rgyal po chen po bzhi dag bkug nas chos kyi rnam grangs 'di kun tu bsrung ba dang / chos smra ba de dag kyang yongs su gzung ba'i phyir nan tan byed par 'gyur bar rgyal po chen po bzhi dgugs pa'i tshig rnams brjod par bya'o/ / blo gros rgya mtsho dgug pa'i chog de dag gang zhe na/ 'di lta ste/ sa me sa ma san d+hi/ sa ra ne/ sa ra pa ti/ d+ha ne/ d+ha na/ ba ti/ d+hu d+hu me/ d+hu d+hu ma ti/ A ba te/ a ma le/ bi ma le/ dir dze/ ka ka re/ kA ru Ne/ hu hu/ hu hu ba ti/ hu hu san d+hi/ nir g+ha ta ni/ a ba rdza

  314. 158a

    bI ba Te/ mad+hu ma ti/ ma ri dzi ti/ bi shud d+he/ bi shud d+ha pa ti/ mi so le/ ma nor ha re/ blo gros rgya mtsho 'di dag ni/ dgug pa'i tshig rnams yin te tshig de dag gis rgyal po chen po bzhi bkug nas/ chos kyi rnam grangs 'di kun tu bsrung ba dang / chos smra ba de yang yongs su bzung ba'i phyir nan tan byed par 'gyur ro// sngags kyi tshig 'di rnams chos smra ba des legs par kha ton tu byas te/ phyogs bzhir byams pas khyab par byas la/ rgyal po chen po bzhi bsams na sngags kyi chog 'di dag gis/ rgyal po chen po bzhi bkug nas 'ong bar 'gyur ro/ / de nas rgyal po chen po bzhi 'khor de nyid du 'dus par gyur te/ 'dug pa de dag stan las langs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das rgyal po chen po bzhi po bdag cag lhan cig tu 'thun par gang na yang dag pa dang ldan pa'i rgyud kyi chos kyi rnam grangs 'di 'chad par 'gyur ba der/ chos kyi rnam grangs 'di yang kun tu bsrung ba dang / chos smra ba de yang yongs su gzung ba dang / ci nas gang gis kyang ma bsgribs pa 'am/ gnod pa bgyid par mi 'gyur bar bgyi ba'i slad du mchi bar bgyi'o/ / blo gros rgya mtsho gzhan yang lha'i dbang po brgya byin dgugs pa'i tshig brjod par bya ste/ tshig de dag gis lha'i dbang po brgya byin dgug par 'gyur ro//

  315. 158b

    lha'i dbang po brgya byin dgug par 'gyur ba'i tshig de dag gang zhe na/ 'di lta ste/ dza ye/ dza ya ma ti/ ad Te/ mad Te/ mang ku re/ sid+d+ha ma ti/ shu b+h+re/ shAn ti ka re/ na da ne/ dAn te/ dAn tam ti/ tad ka re/ k+Sha 9/ k+Sha ya mu khe/ a bad Ta ni/ bi bad Ta ni/ ba ri bad Ta ni/ ba ri tshi de d+h+ri ti/ hr-i ti san d+hi/ a gats+tsha ko ru shi ka/ ni dzi tra/ a su ra/ dza yan ti ba/ sa ma ya ste/ a rab d+ho/ d+harma ni dzi to/ ra ma hi/ swa s+ye ya na ma/ b+hU tA nA ma/ a rak+Sha d+harma tsa ri na ma/ blo gros rgya mtsho 'di dag ni lha'i dbang po brgya byin dgug pa'i tshig ste de dag gis lha'i dbang po brgya byin dgug par 'gyur ro/ / der chos smra ba des sngags kyi tshig 'di dag legs par kha ton du byas la gtsang ba dang / gtsang sbra'i cho gas khrus legs par byas te/ gos bzang po bgos la shar phyogs su me tog gtor te/ sangs rgyas thams cad bsams pa'i dran pa dang / sems can thams cad la snying rje chen po dang rab tu ldan pas/ seng ge'i khri la 'dug ste/ lha'i dbang po brgya byin bsams la/ ko'u shi ka 'khor legs par yongs su bzhag pa'i phyir tshur shog/ sngags grub pa mngon sum du gyis/ de'i bsam pa shin tu rnam par dag cing yongs su dag la tshul khrims yongs su dag pas bsams ma thag tu lha'i dbang po brgya byin 'ongs nas/ 'khor yongs su 'jog par 'gyur/ sngags kyi grub pa yang nye bar sgrub par 'gyur ro// de nas lha'i dbang po brgya byin

  316. 159a

    'khor de nyid du 'dus par gyur te 'dug pa des/ bcom ldan 'das la 'di skad ces gsol to// bcom ldan 'das chos kyi rnam grangs 'di yongs su bzung ba dang / yun ring du gnas par bgyi ba'i slad du bdag chos smra ba de'i drung du mchi bar bgyi/ de'i 'khor kyang yongs su bzhag par bgyi/ sngags kyi grub pa yang nye bar bsgrub par bgyi'o// bcom ldan 'das bdag gis chos kyi rnam grangs 'di sum cu rtsa gsum gyi lha rnams la rgya cher yang dag par rab tu bshad par bgyi'o/ / de ci'i slad du zhe na/ bcom ldan 'das 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub sems dpa'i spyod pa 'di las bstan pa'i slad du'o/ / bcom ldan 'das bdag gis 'das pa dang / ma byon pa dang / da ltar byung ba'i sangs rgyas bcom ldan 'das rnams kyi chos la gus par bgyis te/ chos kyi rnams grangs 'di rgya cher yang dag par rab tu bstan par bgyi'o// de nas bcom ldan 'das kyis lha'i dbang po brgya byin la legs so zhes bya ba byin te/ ko'u shi ka khyod kyis dam pa'i chos yongs su bzung ba'i phyir/ seng ge'i sgra bsgrags pa legs so legs so// de lta bu ni khyod kyi bya ba'o// lha'i dbang po brgya byin khyod kyis chos kyi rnam grangs 'di bsams na/ lha rnams ni rgyal zhing / lha ma yin rnams ni pham par 'gyur bar shes par bya'o// blo gros rgya mtsho gzhan yang bdud dang bdud kyi ris kyi lha rnams tshar gcad

  317. 159b

    pa'i sngags kyi tshig 'di rnams brjod par bya ste/ sngags kyi cho ga de dag gis bdud dang bdud kyi ris kyi lha rnams tshar gcod par 'gyur ro// sngags kyi chog de dag gang zhe na/ 'di lta ste/ sham sha ma ba ti/ sha mi ta sha tru/ ang ku re/ mang ku re/ mA ra dzi te/ ku ra Di yu/ ke yu re/ te dzo ba ti/ o lo ya ni/ bi sha tha nirma le/ ma lA ba na ye/ khu khu re/ kha ge gra se/ gra sa ne/ o mu khi/ pa rA nga mu khI/ A mu khI/ sha mi ta ni/ sarba gra ha ba na d+ha nA ni/ gri hi tA/ sarba mA ra pra bArdi ni/ bi mug tI mA ra bA shA/ s+thA bi ta bud+d+ha mu dra/ a nu da ga ti/ ta sarba mA re pu tsa ri te/ pa da pa ri shud d+h+ya/ bi gats+tshan tu sarba mA ra karma Ni/ blo gros rgya mtsho tshig 'di dag ni bdud tshar gcad pa'i chog/ nyon mongs pa bsal ba'i tshig ste/ de dag chos smra ba des legs par kha don tu byas la chos kyi khri la 'dug ste/ byang chub kyi rnam pas mngon par bsgrubs pa'i byams pas/ 'khor thams cad la khyab par byas la bdag la sman par 'du shes bskyed de/ chos la sman gyi 'du shes dang / chos nyan pa la nad pa'i 'du shes dang / de bzhin gshegs pa la skyes bu dam pa'i 'du shes dang / chos kyi tshul la yun ring du gnas pa'i 'du shes bskyed la/ sngags kyi tshig 'di dag mngon du byas te/ chos kyi gtam byed na/ de'i 'khor yug dpag tshad brgya tshun chad du bdud dang bdud kyi ris kyi lha rnams mig gis mi rtsol bar

  318. 160a

    bya ba'i las kyi phyir 'ong bar mi 'gyur ro/ / gang dag 'ong ba de dag kyang bar chad byed par mi nus so// de nas bcom ldan 'das la 'dud sdig can gyis 'di skad ces gsol to/ / bcom ldan 'das gang bdag byang chub sems dpa' blo gros rgya mtshos 'jig rten gyi khams bde ba thams cad kyis brgyan par 'phangs pa/ skyes bu dam pa de dag gis byin gyi rlabs dang / rdzu 'phrul dang cho 'phrul 'di dag la mngon sum du gyur to// bcom ldan 'das bdag deng slan chad bdud kyi sug las thams cad 'dor ro// gang na chos kyi rnam grangs 'di ston pa dang / yang dag par rab tu ston par 'gyur ba'i grong ngam/ grong khyer ram/ grong rdal lam/ gtsug lag khang der chos mnyan pa'i slad du bdag nga rgyal ma mchis pa dang / gus pa dang bcas shing zhe sa dang bcas pas mchi bar bgyi'o/ / bcom ldan 'das kyis bka' stsal pa/ sdig can legs so legs so// khyod chos la gus pa'i rnam par smin pa 'dis rim gyis bdud kyi las thams cad las shin tu 'das te/ gang skyes bu dam pa de dag gis thob pa'i chos de dag rjes su thob par 'gyur ro// blo gros rgya mtsho gzhan yang mi mjed kyi bdag po tshangs pa dgug pa'i sngags kyi tshig rnams brjod par bya ste/ dgug pa'i sngags kyi cho ga de dag gis tshangs pa bkug nas chos smra ba'i gan du 'ong bar 'gyur ro// sngags kyi tshig de dag gang zhe na/ 'di lta ste/ me tra

  319. 160b

    ka re/ ka ru d+hA ka re/ mug ti ta kA re/ u be gak+Sha ka re/ dud+d+ha ka re/ d+ha mA ka re/ sad g+hA ka re/ su kri ta badzi / ma hA bi tA ne/ niwe re/ dAg+he mo dzo da ti/ o jo ga me d+harman da ni/ br-i ti thA ni/ su ba bad ti/ bi shud+d+he/ gI tsid to pa sha me/ bya ba lo ka ya pra mAn/ b+hud tiSh+Tha/ sa mi d+hi/ a be k+Sha swa d+harmarba rA NAn/ ku ru sad d+harma pa ri gra ha na/ kr-i ta ma nu pA lA ya/ bud+d+ha netwe ma ma bya ba tshe/ bA sI/ sma ra ta/ d+harma tsakra pra bar+d+ha nAn/ ku ru sa twa bi sho d+hA nAn/ pra ti gr-i d+ha na d+hArmAn+da/ ga ra mA la tan/ bud+d+ha a d+hiSh+Te na ma mA bi ko pa ya/ blo gros rgya mtsho mi mjed kyi bdag po tshangs pa dgug pa'i tshig 'di dag chos smra ba des legs par kha don du byas la/ tshangs pa'i lam la shin tu gnas te/ zhe 'gras pa med pa'i sems kyi rgyud dang / dbang po shin tu sbas pa dang shin tu bsrungs pa'i dran pa dang / shin tu dkar ba'i phyag rgya dang / shin tu yongs su dag pa'i lus kyi las dang / shin tu bden pas zin pa'i ngag gi las dang / shin tu brtan pa'i blo dang / legs par byas pa'i bzod pa'i las dang / shin tu yongs su sbyangs pa'i tshul khrims kyi phung po dang / legs par brtsams pa'i brtson 'grus kyi stobs dang / shin tu bstan pa'i mang du thos pa dang / shin tu yongs su bsgoms pa'i sems las su rung ba dang / shin tu rno ba'i shes rab kyi dbang po dang / shin tu brtson pa'i yang dag pa'i sbyor ba dang / byang chub kyi sems kyis legs par zin pa dang /

  320. 161a

    shin tu yongs su bsgoms pa'i byams pa dang / shin tu brtan pa'i snying rje chen pos sems can thams cad kyi bde ba yang dag par bskyed pa dang / sems can thams cad sdug bsngal las shin tu yongs su dgrol ba'i phyir/ seng ge'i khri la 'dug ste/ mi mjed kyi bdag po tshangs pa bsams la/ chos kyi gtam yang dag par rab tu brjod na/ des bsams ma thag tu tshangs pa tshangs ris kyi lha'i bu rnams dang lhan cig tu 'ong bar 'gyur ro/ / blo gros rgya mtsho de la tshangs pa 'ong bar 'gyur ba'i ltas ni 'di lta bu 'di dag 'byung bar 'gyur te/ 'di lta ste/ 'khor thams cad byams pa'i sems su 'gyur ba dang / dbang po nyams pa med pa dang / gcig la gcig mi gnod par gnas pa dang / chos dang chos smra ba la ston pa dang / bla ma ltar phangs par sems pa dang / thal mo sbyor ba dang sems rtse gcig pa dang / mi g.yeng bar yid la byed pa dang / rus shing ltar byed pa dang / yid la byed pa dang / sems can thams cad kyis sems dang / rna ba blags te nyan par 'gyur ba'o// chos smra ba de la yang sngon lung ma mnos pa dang / sngon ma thos pa'i chos rnams kyang mngon du 'gyur ba ste/ 'khor der mi mjed kyi bdag po tshangs pa 'ongs par rig par bya'o/ / de nas mi mjed kyi bdag po tshangs pa 'khor de nyid du 'dus par gyur te 'dug pa des/ bcom ldan 'dal 'di skad ces gsol to// bcom ldan

  321. 161b

    'das bdag tshangs pa'i 'jig rten du gnas te/ bsam gtan dang / tshad med pa'i bde ba la gnas pa bor la/ gang na chos kyi rnam grangs 'di ston pa'i 'khor der mchi bar bgyi'o// chos smra ba de la yang chos brgyad bsgrub par bgyi'o// brgyad gang zhe na/ ji ltar thos pa'i chos mi bskyud par bgyi ba'i slad du/ de la dran pa bsgrub par bgyi/ chos zab mo rtogs par bgyi ba'i slad du de la blo gros bsgrub par bgyi/ / don gyi rnam pa rtog par bgyi ba'i slad du de la rtogs par bsgrub par bgyi/ the tsom thams cad gcad pa'i slad du de la spobs pa bsgrub par bgyi/ skad dang nges pa'i tshig thams cad kyis yongs su tshim par bgyi ba'i slad du/ de la lung bstan pa phun sum tshogs par bsgrub par bgyi/ 'khor thams cad zil gyi mi non par bgyi ba'i slad du/ de la 'dul bar bsrung ba bsgrub par bgyi/ mi dman par lung bstan par bya ba'i slad du/ de la chos kyi snang ba sgrub par bgyi/ de bgyi cing chos bsgrub pa'i slad du/ / de la nges 'byung ba'i sgo bsgrub par bgyi ste/ bcom ldan 'das chos smra ba de la chos brgyad po 'di dag bsgrub par bgyi'o// chos smra ba de la bsrung zhing sba ba dang / dam pa'i chos kyang yun ring du gnas par bgyi ba'i slad du/ 'di lta ste/ de bzhin gshegs pa nyid kyi byin gyis brlabs kyis ji ltar chos kyi rnam grangs 'di rgyas par 'gyur ba ltar bdud thams cad dang / phas kyi

  322. 162a

    rgol ba thams cad shin tu tshar gcad par bgyi'o/ / de nas bcom ldan 'das la byang chub sems dpa' blo gros rgya mtshos 'di skad ces gsol to// de bzhin gshegs pa yongs su mya ngan las 'das te/ tha ma'i dus kyi tshe ci nas dge ba'i rtsa ba bskrun pa'i sems can rnams kyi sug par mchi ba dang / khong du chud pa dang / glegs bam du 'gyur zhing nub par mi 'gyur bar bcom ldan 'das nyid kyis chos kyi rnam grangs 'di byin gyis brlab tu gsol/ de nas bcom ldan 'das kyis byang chub sems dpa' blo gros rgya mtshos gsol ba btab pa mkhyen nas mdzod spu nas 'di lta bu'i 'od phyung ste/ 'od des stong gsum gyi stong chen po'i 'jig rten gyi khams 'di snang ba chen pos khyab par gyur nas/ stong gsum gyi stong chen po'i 'jig rten gyi khams 'di na/ rtsa dang / shing gel ba dang / sman dang / nags tshal dang / rdo dang / gyo mo dang / gzugs su snang ba gang dag ji snyed yod pa de dag thams cad de bzhin gshegs pa'i gzugs su snang ngo / / rin po che bkod pa'i 'khor gyi khyams na mchod pa'i las byin gyis brlab pa'i gzugs kyi rnam pa gang dag yod pa de dag kyang / de bzhin gshegs pa'i gzugs nyid du gnas par kun tu snang ngo / / de bzhin gshegs pa'i gzugs de dag gis gsung gcig tu kye ma'o chos kyi rnams grangs 'di ni/ bcom ldan 'das shAkya thub pas byin gyis brlabs so// gang

  323. 162b

    bcom ldan 'das kyis byin gyis brlabs pa de phyogs bcu'i sangs rgyas bcom ldan 'das thams cad kyis byin gyis brlabs pa'o/ / gang sangs rgyas bcom ldan 'das thams cad kyis byin gyis brlabs pa de la bdud thams cad kyis bar chad bya bar mi nus so/ / bcom ldan 'das gal te gang gA'i klung gi bye ma snyed kyi bdud dpung dang bcas/ g.yog 'khor dang bcas te chos kyi rnam grangs 'di la bar chad bya bar brtun kyang / de dag gis chos kyi rnam grangs 'di la bar chad bya bar mi nus so// de ci'i phyir zhe na/ sa ni 'gas kyang srid/ rgya mtsho thams cad ni skam yang srid/ rir thams cad ni rnam par 'thor yang srid/ rlung ni zhags pas bcing du rung yang srid/ nyi ma dang zla ba ni sa'i steng du lhung yang srid/ nam mkha' ni gzugs kyi rnam par bstan du rung yang srid/ me ni chung 'gyur yang srid/ chu ni mar 'gyur yang srid/ 'byung ba chen po bzhi ni gzhan du 'gyur yang srid/ sems can thams cad kyi sems ni gcig tu byar rung yang srid/ nam mkha' dang sa ni 'byar yang srid kyi/ de bzhin gshegs pa'i byin gyis rlabs ni sus kyang bskyod pa 'am/ g.yo ba 'am 'khrugs par byed mi nus so zhes gsungs so// de nas bcom ldan 'das kyis tshe dang ldan pa kun dga' bo'i spyi bor phyag bzhag ste/ tshe dang ldan pa kun dga' bo la 'di skad ces bka' stsal to// kun dga' bo khyod kyis dam pa'i chos yun ring du gnas par bya ba nye bar gzung ste/ chos kyi

  324. 163a

    rnam grangs 'di zung shig/ chongs shig/ lhogs shig/ kun chub par gyis shig/ gzhan dag la yang rgya cher yang dag par rab tu ston cig/ de nas/ bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das kyis don gyi dbang gang gzigs na de lta ma lags pa/ rgya mtsho dang rgya mtsho chen po ltar gting dpag dka' ba'i dran pa dang / blo rab tu thob pa'i byang chub sems dpa' gzhan dag mchis bzhin du/ dge slong kun dga' bo nyi tshe ba'i 'tshal ba dang ldan pa la/ chos kyi le'u 'di lta bu 'di yongs su gtad/ bcom ldan 'das kyis bka' stsal pa/ blo gros rgya mtsho dge slong kun dga' bo rang gi blo'i stobs bskyed pas/ mdo sde 'di lta bu 'di 'dzin pa ma yin gyi de bzhin gshegs pa'i byin gyis brlabs kyis 'dzin to/ / blo gros rgya mtsho sems can gang dag dge slong kun dga' bo las chos kyi rnam grangs 'di thos na/ dga' ba dang / dad pa dang / mchog tu dga' ba thob par 'gyur ba yod de/ de dag 'di snyam du/ 'di lta ste/ de bzhin gshegs pa'i byin gyis brlabs kyi 'di ltar nyan thos kyang 'di lta bu'i mdo sde 'di 'dzin cing ston pa ni de bzhin gshegs pa'i byin gyis brlabs ji tsam du bsam gyis mi khyab pa ngo mtshar to snyam du sems par 'gyur ro/ / de nas 'khor de nas lha dang mi kha cig 'di snyam du sems te/

  325. 163b

    ci byang chub sems dpa' blo gros rgya mtsho 'di dran pa dang rab tu ldan pa yin gyi/ gang bcom ldan 'das kyis mang du thos pa'i mchog tu bstan po tshe dang ldan pa kun dga' bo ni de lta ma yin no// snyam mo// de nas tshe dang ldan pa 'od srungs chen pos 'khor de'i sems kyi rnam par rtog pa sems kyis shes nas/ 'khor gyi sems can rnams la rnam par bltas te/ bcom ldan 'das la 'di skad ces gsol to// bcom ldan 'das byang chub sems dpa' blo gros rgya mtsho 'di rab tu dran pa dang ldan pa lags kyi/ gang bcom ldan 'das kyis mang du thos pa rnams kyi mchog tu bstan pa/ tshe dang ldan pa kun dga' bo ni ma lags sam/ bcom ldan 'das kyis bka' stsal pa/ 'od srungs gang gA'i klung gi bye ma snyed kyi sangs rgyas kyi zhing dag na/ sems can ji tsam sems can du bsdu bar bsdus pa'i sems can gyi khams ni reb tu mang gi/ sa'i khams ni de lta ma yin no zhes gang de skad du/ bya ba de la ji snyam du sems// 'od srungs sems can gyi khams de mang ngam/ 'od srungs kyis gsol pa/ bcom ldan 'das mang lags so// bde bar gshegs pa tshad ma mchis so// bcom ldan 'das kyis bka' stsal pa/ 'od srungs yongs su brtag pa nye bar gzung ste/ sems can de dag thams cad snga phyi med par mi'i lus thob par gyur la/ de bzhin du ji ltar dge slong kun dga' bo ltar

  326. 164a

    dran pa dang gzungs kyi stobs dang yang ldan par gyur kyang / kun dga' bo lta bu'i sems can de dag gi dran pa dang gzungs kyi stobs de ni/ byang chub sems dpa' blo gros rgya mtsho'i dran pa dang / gzungs kyi stobs bskyed pa'i brgya'i char yang nye bar mi 'gro ba nas/ dpe'i bar du yang mi bzod do// 'od srungs byang chub sems dpa' blo gros rgya mtsho ni phyogs bcu'i sangs rgyas bcom ldan 'das thams cad kyis gsungs pa 'dzin te/ de bzhin gshegs pa gcig gis chos bstan pas/ de bzhin gshegs pa gnyis kyis chos bstan pa la kun nas ldang ba'i bya ba mi byed do/ / 'od srungs 'di lta ste/ dper na/ rgya mtsho chen por shing rta'i srog shing tsam gyi char pa'i rgyun 'bab pa'i chu'i rgyun gcig gis chu'i rgyun gnyis pa la sgrib pa 'am/ kun nas ldang ba'i bya ba mi byed de/ chu'i rgyun thams cad kyang rgya mtsho chen pos blangs nas/ de la 'grib pa 'am gang ba yang med do// 'od srungs de bzhin du byang chub sems dpa' blo gros rgya mtsho sangs rgyas bcom ldan 'das thams cad kyis chos bstan pa kun tu 'dzin kyang / de bzhin gshegs pa gcig gis chos bstan pas/ de bzhin gshegs pa gnyis kyis chos bstan pa la sgrib pa 'am/ kun nas ldang ba'i bya ba mi byed de/ de'i dran pa'i stobs bskyed pa la bri ba 'am gang ba yang med do// bstan pa 'di bshad pa na/ srog chags brgyad stong gis/

  327. 164b

    bla na med pa yang dag par rdzogs pa'i byang chub tu sems bskyed de/ tshig 'di skad ces bdag cag kyang byang chub sems dpa' blo gros rgya mtsho'i dran pa'i stobs bskyed pa ci 'dra ba de 'dra bar gyur cig ces smras so/ / thams cad dang ldan pa'i 'khor gyis lha dang / mi'i me tog gis bcom ldan 'das dang byang chub sems dpa' blo gros rgya mtsho la gtor/ mngon par gtor to// de nas bcom ldan 'das la byang chub sems dpa' pad+ma bkod pas 'di skad ces gsol to// bcom ldan 'das rigs kyi bu 'am/ rigs kyi bu mo gang chos kyi sgo'i le'u 'di thos nas mos pa dang / mos nas kyang 'dzin pa dang / 'chang ba dang / klog pa dang / 'don pa dang / rtog pa dang / de bzhin nyid du nan tan bgyis pa de bsod nams ji tsam zhig bskyed par 'gyur de nas bcom ldan 'das kyis byang chub sems dpa' pad+ma bkod pa la tshigs su bcad de bka' stsal pa/ stong chen po yi 'jig rten khams 'di ni// gser gyis bkang ste bde gshegs phul ba bas/ / gang gis chos kyi mdzod 'di thos nas ni// mos pa'i bsod nams 'di ni khyad par 'phags// gang gis 'jig rten khams khri rin chen bkang // de bzhin gshegs ba rnams la phul ba bas/ / gang gis mdo sde 'di la 'jug byas pa// bsod nams de la snga mas spyad du med// gang gis 'jig rten khams ni stong phrag bcu// rin chen bkang ste sbyin pa byin

  328. 165a

    pa bas/ / gang gis mdo 'di bton nas ston pa yi// bsod nams de yi chang ni snga ma min// zhing ni bye ba khrag khrig stong gi rnams// rin chen bkang ste 'jig rten slob dpon// skyobasangs rgyas rnams la dbul bar phul ba bas// gang gis tshul 'dire rab tu sbyor ba dang // phyogs bcu rnams su gang gA'i bye snyed zhing // ri ni chen bkang ste rgyal la phul ba bas// ji ltar bstan pa bzhin du gang gnas pa'i// bsod nams de la mnyam pa yod ma yin// rdzogs pa'i byang chub sems dang chos 'dzin dang / chos bsgrub pa dang srog chags snying rje ba/ chos bzhi 'di dag bsod nams mtha' yas te// de dag mtha' ni bde gshegs mi gsung ngo // nam mkha'i khams dang de bzhin sems can khams// sangs rgyas ye shes dang ni byang chub sems/ / chos bzhi 'di dag dpag tu med pa ste// mkhas pa rnams kyis de thos dogs mi bya// dkon mchog chos 'di rab tu bshad pa na// phyogs bcu'i zhing ni bye ba g.yos bapar gyur/ / snang ba byung zhing me tog char kyang bab// sil snyan brgya dag ma dkrol sgra yang byung // byang chub sems dpa' mkhas pa de dag kun// mgu nas ched du rjod pa ched du brjod// chos bstan 'di 'dra 'di thos bdag cag rnams// 'tsho ba don yod rnyed pa legs par rnyed// gang dag 'di 'dra 'di ni thos gyur pa// sems can de dag rnyed pa legs par rnyed//

  329. 165b

    gang dag byang chub sems ni mi brjod pa// de dag de bzhin gshegs pas shin tu bzung // phyogs bcu'i sangs rgyas stong phrag bye ba rnams// phyag ni g.yas pa rab tu brkyang mdzad de/ yon tan rgya mtsho'i spyi bor bzhag nas ni// shAkya seng ges bskul ba legs shes gsung // lha dang klu dang lha min mi 'am ci// dri za gnod sbyin mkha' lding lto 'phye che// brgya byin tshangs pa 'jig rten skyong ba rnams/ / nam mkhar gnas te ched du rjod pa brjod// shAkya seng ge 'di dang dge 'dun dang / mdo sde 'di 'dra ba ni 'dzin byed pa// byang chub sems dpa' dpa' bo ring gnas gyur/ / legs gsungs chos ni gzhar yang nub ma gyur// gang dag chos kyi tshul ni 'di 'dzin pa// de dag la ni bdag cag bsnyen bkur bgyi// bdag cag thams cad gus dang bcas par ni/ / kun tu srung zhing sba ba spro bar bgyi/ de nas bcom ldan 'das kyis byang chub sems dpa' blo gros rgya mtsho la bka' stsal pa/ blo gros rgya mtsho chos kyi tshul chos kyi phyag rgya chos btus pa/ chos rab tu rnam par 'byed pa chos rab tu dbye ba 'di ni/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyis bshad pa'achang pa 'chad par 'gyur ba ste/ blo gros rgya mtsho khyod kyis de la gus pa dang bcas pa dang / zhe sa dang bcas pa dang / sgrub pa snying por bya'o// bcom ldan 'das kyis de skad ces

  330. 166a

    bka' stsal nas/ byang chub sems dpa' sems dpa' chen po blo gros rgya mtsho dang / thams cad dang ldan pa'i byang chub sems dpa'i tsho gas de dag dang / dge slong gi dge 'dun dang / lha dang mi dang / lha ma yin dang / dri za bcas pa'i 'jig rten yi rangs te/ bcom ldan 'das kyis gsungs pa la mngon par bstod do// byin gyis brlabs kyi le'u ste bcu gnyis pa'o/ / // 'dus pa chen po'i le'u'i chos kyi rnam grangs las/ 'phags pa blo gros rgya mtshos zhus pa zhes bya ba'i le'u ste lnga pa rdzogs s+ho// rgya gar gyi mkhan po dzi na mi tra dang / dA na shI la dang / bud+d+ha pra b+ha dang / zhu chen gyi lo ts+tsha ba ban d+he ye shes sdes bsgyur cing zhus te/ skad gsar chad kyis kyang bcos nas gtan la phab pa/ / / rgya gar skad du/ Ar+ya sA ga ra nA ga rA dza pa ri brid tsha nA ma ma hA yA na sU tra/ bod skad du/ 'phags paklu'i rgyal po rgya mtshos zhus pa zhes bya ba theg pa chen po'i mdo/ bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la/ dge slong brgyad stong gi dge slong gi dge 'dun chen po dang thabs cig tu bzhugs te/ byang chub sems

  331. 166b

    dpa' mngon par shes pas mngon par shes pa/ phyogs bcu'i 'jig rten gyi khams nas 'dus pa/ rnam pa'i mchog thams cad dang ldan pa/ gzungs dang mdo sde rtogs par khong du chud pa sems can thams cad spobs pas mgu bar byed pa/ mngon par shes pa'i ye shes ston pa la mkhas pa/ pha rol tu phyin pa thams cad kyi dam pa'i pha rol tu son pa/ byang chub sems dpa' ting nge 'dzin dang / snyoms par 'jug pa dang ldang ba shes pa la mkhas pa/ sangs rgyas thams cad kyis bstod cing bsngags pa la snyan par brjod pa/ sangs rgyas kyi zhing thams cad du rdzu 'phrul gyis 'gro ba shes pa la mkhas pa/ bdud thams cad skrag par bya ba shes pa la mkhas pa/ chos thams cad ji lta ba bzhin du shes pa la mkhas pa/ sems can thams cad kyi dbang po mchog dang mchog ma yin pa shes pa la mkhas pa/ byang chub kyi phyogs kyi chos thams cad yang dag par bsgrub pa shes pa la mkhas pa/ sangs rgyas thams cad kyi mchod pa'i las yang dag par bsgrub pa'i shes pa la mkhas pa/ 'jig rten gyi chos thams cad kyis ma gos pa lus dang / ngag dang / sems kyi rgyan thams cad kyis brgyan pa/ byams pa chen po dang / snying rje chen po kha spro ba'i go cha bgos pa/ bskal pa grangs med par brtson 'grus chen pos yid yongs su mi skyo ba/ seng ge'i sgra chen po bsgrags pa/ phas kyi rgol ba thams cad kyis zil gyis mi non pa/

  332. 167a

    phyir mi ldog pa'i chos kyi phyag rgyas btab pa/ sangs rgyas kyi chos thams cad kyis dbang bskur ba thob pa khri nyis stong pa la 'di lta ste/ byang chub sems dpa' sems dpa' chen po lhun po dang / ri rab dang / lhun po chen po dang / lhun po chen po rtse 'dzin dang / lhun po mar me'i rgyal po dang / lhun po brtsegs dang / lhun po'i rgyal mtshan dang / spun po'i rgyal po dang / lhun po'i rtse mo rdob pa'i rgyal po dang / 'brug sgra dang / rnga sgra dang / rin chen 'byung gnas dang / rin chen tog dang / rin chen rtse mo dang / rin chen dpal dang / rin chen 'byung dang / rin chen 'od dang / rin chen khar ba can dang / rin chen rtse mo dang / lag na rin chen phyag rgya dang / rin chen dra ba dang / rin chen bkod pa dang / rin chen 'od 'phro dang rin chen gling dang / rin chen sgron ma dang / lag na rin chen dang / dga' byed dang / chos la dga' ba bkod pa dang / bkod pa'i rgyal po dang / mtshan gyis yang dag par brgyan pa dang / tshig bkod pa'i 'od dang / tshig rnam par dag pa'i 'od dang / gtsug na rin po che dang / lha brtsegs dang / rin chen brtsegs dang / 'od gzer stong ldan dang / me lce dang / skar ma la dga' ba dang zla 'od dang / sems bskyed ma thag tu chos kyi 'khor lo bskor ba dang / gser bzangs rnam dag 'od dang / byang chub sems dpa' sems dpa' chen po rtag tu rgyun mi 'chad par mi

  333. 167b

    'jigs pa sbyin pa dang / byams pa la sogs pa/ bskal pa bzang po'i byang chub sems dpa' sems dpa' chen po thams cad dang / 'jam dpal la sogs pa sems dpa' dpe med drug cu dang / bzang skyong la sogs pa skyes bu dam pa bcu drug dang / rgyal po chen po bzhi la sogs pa rgyal chen bzhi'i ris kyi lha rnams dang / lha'i dbang po brgya byin la sogs pa sum cu rtsa gsum pa'i lha rnams dang / lha'i rgyal po rab 'thab bral la sogs pa 'thab bral ba'i lha rnams dang / lha'i rgyal po yongs su dga' ldan la sogs pa dga' ldan gyi ris kyi lha rnams dang lha'i rgyal po rab 'phrul dga' la sogs pa 'phrul dga'i lha rnams dang / lha'i rgyal po dbang byed la sogs pa gzhan 'phrul dbang byed kyi lha rnams dang / lha'i bu ded dpon la sogs pa bdud kyi ris kyi lha'i bu dkar po'i phyogs thams cad dang / ra ba tshangs pa la sogs pa tshangs pa'i 'dun na 'don pa'i lha rnams dang / mi mjed kyi bdag po tshangs pa la sogs pa tshangs chen gyi ris kyi lha rnams dang / lha'i rgyal po 'od gsal la sogs pa 'od gsal gyi lha rnams dang / lha'i rgyal po dge rgyas la sogs pa dge rgyas kyi lha rnams dang / lha'i rgyal po 'bras bu che la sogs pa 'bras bu che ba'i lha rnams dang / lha'i rgyal po dbang phyug chen po la sogs pa ga nas gtsang ma'i ris kyi lha'i bu rnams dang / lha'i rgyal po dri med 'od la sogs pa 'og min

  334. 168a

    gyi lha'i bu rnams dang / lha ma yin gyi dbang po sgra gcan la sogs pa lha ma yin gyi dbang po drug khri dang / mi 'am ci'i rgyal po ljon pa la sogs pa mi 'am ci bzhi khri nyis stong dang / dri za'i rgyal po phreng ba thogs pa la sogs pa dri za sum khri nyis stong dang / klu'i rgyal po ma dros pa la sogs pa klu'i rgyal po bdun khri nyis stong dang / bya'i rgyal po nam mkha' lding bzhi stong dang / de ma yin pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gzi brjid che ba gzi brjid che ba stong dag dang thabs cig tu bzhugs so/ / de nas bcom ldan 'das 'khor stong phrag du mas yongs su bskor cing mdun gyis bltas te chos ston cing / lha thams cad kyi bkod pas legs par brgyan pa'i seng ge'i khri la/ ri'i rgyal po'i ri rab rgya mtsho'i nang nas gyen tu 'phags pa bzhin du bzhugs te/ bcom ldan 'das kyis lha dang bcas pa'i 'jig rten zil gyis mnan nas/ dge slong gi tshogs kyis yongs su bskor te/ lham me/ lhan ne/ lhang nge zhing bzhugs so// de nas de ltar 'dus pa'i 'khor gyi nang na/ de bzhin gshegs pa de ltar bzhugs pa'i steng gi bar snang la rin po che'i gdugs rin po che thams cad kyi 'od dang ldan zhing / rin po che thams cad kyis legs par brgyan pa zhig byung ste/ rin po che'i gdugs

  335. 168b

    des thams cad dang ldan pa'i gling bzhi pa chen po'i 'jig rten 'di kun tu khebs par gyur to/ / rin po che'i gdugs de las kyang mu tig kha dog du ma'i rgyan 'phreng 'bum phrag du ma 'di lta ste/ mu tig dkar po dang / mu tig dmar po dang / mu tig dri ma med pa dang / gser lta bu'i mu tig dang / zla ba lta bu'i mu tig dang / pad+ma lta bu'i mu tig dang / nam mkha' lta bu'i mdog can gyi mu tig rnams 'phyang ngo / / mu tig gi rgyan 'phreng de dag las kyang 'od gzer dag kyang byung ngo // 'od gzer de dag las kyang / me tog kha dog sna tshogs pa/ kha dog 'bum phrag du ma/ dri zhim pa/ blta na sdug pa/ yid du 'ong ba dag gi char mngon par bab bo// me tog de dag gis kyang 'khor gyi khyams thams cad pus mo nub pa tsam du gang bar gyur to/ / bar snang la yang 'brug sgra chen po grags par gyur to// a ga ru dang tsan dan gyi phye ma dag dang / tsan dan dus kyi rjes su 'brang ba'i phye ma dag gi char yang bab bo// de nas sangs rgyas kyi mthus tshe dang ldan pa mo'u 'gal gyi bu chen po stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das sngon ma mthong ma thos pa'i cho 'phrul 'di lta bu

  336. 169a

    gda' ba 'di dag su'i snga ltas lags/ de skad ces gsol pa dang / bcom ldan 'das kyis tshe dang ldan pa mo'u 'gal gyi bu chen po la 'di skad ces bka' stsal to/ / mo'u 'gal gyi bu 'di ni klu'i rgyal po rgya mtsho de bzhin gshegs pa la ltar 'ong ba de'i snga ltas yin no// bcom ldan 'das kyis tshig de skad ces bka' stsal nas/ ring po ma lon par klu'i rgyal po rgya mtshos klu bye ba phrag brgyad cu rtsa bzhi dang / klu'i bu mo bye ba phrag bdun cu rtsa gnyis kyis bskor cing mdun du bdar te/ me tog dang / bdug pa dang / spos dang / me tog 'phreng dang / byug pa dang / phye ma dang / gos dang / gdugs dang / rgyal mtshan dang / ba dan thams cad dang / sil snyan dang / pheg rdob pa dang / glu dbyangs brgya stong dag len cing / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ ji ltar thogs pa'i me tog dang / bdug pa dang / spos dang / me tog 'phreng dang / byug pa la sogs pa dang / gdugs dang / rgyal mtshan dang / ba dan la sogs pa dang / sil snyan dang / pheg rdob pa dang / klu dbyangs rnams kyis bcom ldan 'das la mchod pa byas nas/ btsun mo'i 'khor dang bcas pa dang / gnyen 'dab kyi 'khor dang bcas pas/ de'i tshe bcom ldan 'das la tshul dang 'thun pa'i tshogs su bcad pa

  337. 169b

    'di dag gis mngon par bstod do/ / 'jig rten dag na 'jig rten phan par bzhed pa 'jig rten gyis mchod 'jig rten mig sbyin pa// 'jig rten du skyes 'jig rten dri ma rnams kyis ma gos pad+ma chus mi chags pa bzhin/ / 'jig rten snal rnam par gzigs pa spyan gsum mnga' ba 'jig rten bde ba sbyin mdzad pa// 'jig rten nyi ma rkyen la mkhas pa 'jig rten gtso bo khyod la de ring bdag phyag 'tshal/ / dul zhing dul bas yongs bskor stobs bcu mnga' ba sbyin pa rnams dang dul ba rnams kyis 'phags// 'dren pa nyon mongs rdul dang mun pa dang ni dri ma tha ba bsregs shing myu gu bsregs/ / snying rjes nor gyi gtso bo bdun po sbyin par mdzad cing sems can rnams la byams pas 'phags// bsod nams zhing ste 'jig rten rtsa lag brtan po khyod la bdag ni mgo bos phyag 'tshal lo/ / khyod kyi zhal gyi smon mtshams mdzod spu 'bar ba me tog kun da zla ba dung mdog 'dra// 'di na tshangs pa'i gnas na 'khod pa'i lha rnams kyis kyang khyod kyi spyi gtsug mthong mi 'gyur/ / zla ba lta bu'i zhal nas byung rmad byung 'od kyis 'gro ba ma lus snang bar mdzad// de yis reg par gyur pa'i dbang gis mtshams med sems can rnams kyang bded/ nyid du 'gyur// khyod kyi gsung ni shin tu yid 'ong tshig ste zla ba bzhin du yid kyang tshim par bgyid// lha dang mi yi sgra skad zil gyis gnon cing gcig tu nges par dag la gtsang ba ste// 'dod

  338. 170a

    chags zhe sdang mun pa rdul rnams rab tu zhi bar bgyid cing shes rab gsal bar bgyid/ / dga' dang mgu bgyi bde ba shin tu skyed par bgyid rtsi thar pa yang dag ston pa lags/ / khyod kyi ye shes dus gsum gtogs pa thogs pa ma mchis gar yang chags pa ma mchis te// khyod kyis sems can rnams kyi spyod pa chung dang 'bring dang dam pa ma lus thugs su chud/ / gang dag gi ni dbang po bsam pa dag dang 'gro dang thar pa tha dad ci 'dra ba// thams cad khyod kyis skad cig tsam gyis thugs su chud pas de slad khyod la phyag 'tshal lo// rdzogs pa'i byang chub shing rgyal drung du glags lha'i phyir brtson bdud rnams bye ba brgya phrag snyed// khyod kyi thad du lhags par gyur kyang gnas las ma g.yos thugs brtser ldan pa'i blo mnga' ba/ mnga' bdag khyod kyis bden dang brtul zhugs dpal dang yon tan rnams dang byams pas pham par mdzad// de slad mi rnams su zhig deng 'dir khyod la mchod pa'i slad du khyod la ngoms par 'dzin/ / mnga' bdag khyod kyis chos rnams byed pa med dang ya ma brla dang zla ba 'dra ba dang // dbu ba grog sprin chu yi chu bur 'dra zhing sbru ma smig rgyu lta bur thugs su chud// gang la rgyu med/ rtog pa mi 'byung khyod kyi chos de dag ni rtag tu bdag med de// de ltar 'gro ba'i 'dod pa lnga skyed mdzad pas mnga' bdag khyod ni thar pa lags par 'os// gang gi don tu bskal pa bye ba khrag

  339. 170b

    khrig mang por dka' ba rnams ni bsten pa dang / / gang gi don du rtag tu 'gro la phan mdzad 'dren pa rnams la mchod pa mdzad pa dang // gang gi don tu sbyin dang yang dag sdom dang dul dang bzod pa rtag tu bsten pa yi/ / rnam 'dren khyod kyi smon lam chen po shin tu rmad du byung ba de ni rdzogs par gyur/ de nas klu'i rgyal po rgya mtshos bcom ldan 'das la tshul dang 'thun pa'i tshigs su bcad pa 'di dag gis mngon par bstod nas/ / bcom ldan 'das la 'di skad ces gsol to// gal te zhus ma zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu bar 'tshal lo// de skad ces gsol pa dang / bcom ldan 'das kyis klu'i rgyal po rgya mtsho la 'di skad ces bka' stsal to// klu'i bdag po khyod ci dang ci 'dod pa de bzhin gshegs pa la dris shig dang / ngas dri ba dris pa de dang de lung bstan pas khyod kyi sems rangs par bya'o/ / de nas bcom ldan 'das kyis dri ba lung bstan pa'i skabs phye nas/ bcom ldan 'das la klu'i rgyal po rgya mtshos 'di skad ces gsol to/ / bcom ldan 'das ji ltar na byang chub sems dpa' rnams ngan 'gro dang / ngan song thams cad yang dag par chad pa dang / mi khom pa brgyad

  340. 171a

    las 'das pa dang / lha dang mi'i skye bar 'gro ba lags/ bcom ldan 'das ji ltar na byang chub sems dpa' rnams rtag tu rgyun mi 'chad par/ sangs rgyas mthong ba thob pa dang / dge ba'i bshes gnyen dang phrad pa dang / 'tsham pa'i yul du gnas 'thob pa lags/ bcom ldan 'das ji ltar na/ byang chub sems dpa' rnams dad pa dang dang ba'i shas che ba dang / las kyi rnam par smin pa la rton pa dang / mi dge ba'i chos thams cad spangs nas/ dge ba'i chos thams cad kyis 'bogs pa lags/ bcom ldan 'das ji ltar na/ byang chub sems dpa' rnams chos don du gnyer ba dang / chos 'tshal ba dang / chos kyi kun dga' la dga' bas dga' ba dang / thos pa tshol bas chog ma 'tshal ba dang / thos pa bsgrub pas mngon par 'phags pa lags/ bcom ldan 'das ji ltar na/ byang chub sems dpa' rnams rab tu 'byung ba la mos pa dang / nags dang nags 'dab na rgyu ba dang / 'phags pa'i rigs dang sbyangs pa'i yon tan dang yo byad bsnyungs pa la mngon par dga' ba dang / rab tu byung ba'i yon tan rnams yongs su rdzogs par bgyid pa lags/ bcom ldan 'das ji ltar na/ byang chub sems dpa' rnams chos zab mo'i tshul la gnas pa dang / chad pa dang rtag par lta ba yongs su spangs pa dang / rgyu dang rkyen gyi chos rnams la zhugs pa dang /

  341. 171b

    lta ba'i rnam pa thams cad bral ba lags/ bcom ldan 'das ji ltar na byang chub sems dpa' rnams mngon par shes pa'i ye shes kyis rnam par rtse ba dang / sgring pa ma mchis pa'i ye shes mthong ba lags/ bcom ldan 'das ji ltar na/ byang chub sems dpa' rnams sems can gyi spyod pa dang / bsam pa dang / cho ga 'tshal ba lags/ bcom ldan 'das rdza ltar na/ byang chub sems dpa' rnams yongs su smin par bgyi ba dang / gzung ba dang / klog pa dang / brda sprod pa la mkhas pa lags/ bcom ldan 'das ji ltar na/ byang chub sems dpa' rnams bdud phyir rgol ba bcom pa dang / skrag pa dang / 'jigs pa thams cad dang bral nas/ byang chub sems dpa'i spyad pa spyod pa lags/ bcom ldan 'das ji ltar na byang chub sems dpa' rnams phyir mi ldog pa'i chos la yang dag par gzhol ba dang / bzod pa thob pa dang / lung bstan pa thob pa lags/ de skad ces gsol pa dang / bcom ldan 'das kyi klu'i rgyal po rgya mtsho la 'di skad ces bka' stsal to/ / klu'i bdag po legs so legs so// khyod de bzhin gshegs pa la don 'di dri bar sems pa ni/ klu'i bdag po khyod legs so// klu'i bdag po de'i phyir legs par rab tu nyon la yid la zung shig dang / ngas khyod la bshad do// bcom ldan 'das legs so zhes gsol te/ klu'i rgyal po rgya mtsho bcom ldan 'das kyis

  342. 172a

    ltar nyan pa dang / bcom ldan 'das kyis de la 'di skad ces bka' stsal to// klu'i bdag po chos bzhi dang ldan na/ byang chub sems dpa' rnams ngan 'gro dang / ngan song thams cad yang dag par chad par 'gyur te/ bzhi gang zhe na/ 'di lta ste/ sems can thams cad la khong khro ba'i sems med pa dang / dge ba bcu'i las kyi lam yang dag par blangs nas thams cad srung ba dang / gzhan gyi nyes pa mi gleng zhing brnyas par mi byed pa dang / bdag gi 'khrul pa la rtog par byed kyi/ gzhan gyi 'khrul pa la mi rtog ste/ klu'i bdag po chos bzhi po de dag dang ldan na/ byang chub sems dpa' rnams ngan 'gro dang / ngan song thams cad yang dag par chad par 'gyur ro// klu'i bdag po chos bzhi dang ldan na/ byang chub sems dpa' rnams mi khom pa thams cad spong bar 'gyur te/ bzhi gang zhe na/ 'di lta ste/ dkon mchog gsum po 'di lta ste/ sangs rgyas dkon mchog dang / chos dkon mchog dang / dge 'dun dkon mchog gi bsngags pa rgyun tu brjod pa dang / chos 'dod pa rnams g.yengs par mi byed pa dang / gzhan dag gi 'gyod pa mi skyed pa dang / sems can 'gyod cing 'dug pa rnams kyi 'gyod pa sel ba ste/ klu'i bdag po chos bzhi po de dag dang ldan na/ byang chub sems dpa' rnams mi khom pa thams cad spong bar 'gyur ro// klu'i bdag po chos bzhi dang ldan na/ byang chub sems dpa' rnams lha dang mi'i skye bar

  343. 172b

    'gro bar 'gyur te/ bzhi gang zhe na/ 'di lta ste/ byang chub kyi sems mi gtong zhing gzhan dag la yang sgrogs pa dang / tshul khrims yang dag par blangs pa mi gtong zhing nyams par mi byed pa dang smon lam la bsam pa rnam par dag pa dang / sems can yongs su smin par bya ba'i phyir de dag la snying rje chen po skyed pa ste/ klu'i bdag po chos bzhi po de dag dang ldan na/ byang chub sems dpa' rnams lha dang mi'i skye bar 'gro bar 'gyur ro/ / klu'i bdag po chos brgyad dang ldan na/ byang chub sems dpa' rnams sangs rgyas mthong ba dang mi 'bral bar 'gyur te/ brgyad gang zhe na/ 'di lta ste/ sangs rgyas rjes su dran pa yid la byed pa dang / de bzhin gshegs pa la bsnyen bkur dang / mchod pa byed pa dang / de bzhin gshegs pa'i bsngags pa rgyun tu brjod pa dang / de bzhin gshegs pa'i sku gzugs byed du 'jug pa dang / de bzhin gshegs pa blta ba la sems can rnams yang dag par 'dzud pa dang / sangs rgyas kyi zhing gang na de bzhin gshegs pa bzhugs pa thos pa der skye bar smon lam 'debs pa dang / rgyud zhum pa med cing rgya chen po la mos pa dang / sangs rgyas kyi ye shes 'dod pa ste/ klu'i bdag po chos brgyad po de dag dang ldan na/ byang chub sems dpa' rnams sangs rgyas mthong ba dang 'bral bar mi 'gyur ro/ / klu'i bdag po chos bzhi dang ldan na/ byang chub sems dpa' rnams dge ba'i bshes gnyen rnyed par 'gyur te/ bzhi

  344. 173a

    gang zhe na/ 'di lta ste/ dge ba'i bshes gnyen la sgyu med pa dang / g.yo med par bsnyen bkur byed pa dang / chos la gces pa dang / gus pa dang / ri mo byed pa dang dka' blo bde zhing gso sla la nges pa dang / nga rgyal med cing sri zhu byed pa ste/ klu'i bdag po chos bzhi po de dag dang ldan na/ byang chub sems dpa' rnams dge ba'i bshes gnyen rnyed par 'gyur/ ro// klu'i bdag po chos gsum dang ldan na/ byang chub sems dpa' rnams 'tsham pa'i yul du gnas pa thob par 'gyur te/ gsum gang zhe na/ 'di lta ste/ mi brlang zhing gya gyu med pa'i sems dang ldan pa dang / phrag dog dang / ser sna bsal ba dang / gzhan dag gi rnyed pa dang / bkur sti dang / bde bar sbyar ba la dga' ba ste/ klu'i bdag po chos gsum po// de dag dang ldan na/ byang chub sems dpa' rnams 'tsham pa'i yul du gnas pa thob par 'gyur ro// klu'i bdag po chos lnga dang ldan na/ byang chub sems dpa' rnams dad pa dang ldan par 'gyur te/ lnga po gang zhe na/ 'di lta ste/ mos pa'i stobs dang / bsod nams kyi tshogs kyi stobs dang / las kyi rnam par smin pa la 'jug pa'i stobs dang / byang chub kyi sems mi gtong ba'i stobs dang / chos nyid la rton pa'i stobs te/ klu'i bdag po chos lnga po de dag dang ldan na/ byang chub sems dpa' rnams dad pa dang ldan par 'gyur ro// klu'i

  345. 173b

    bdag po chos gnyis dang ldan na/ dga' ba'i shas che bar 'gyur te/ gnyis gang zhe na/ 'di lta ste/ rgyu'i stobs dang / yang dag par sbyor ba'i stobs te/ klu'i bdag po chos de gnyis dang ldan na/ byang chub sems dpa' rnams dga' ba'i shas che bar 'gyur ro// klu'i bdag po chos gsum dang ldan na/ byang chub sems dpa' rnams las kyi rnam par smin pa la rton par 'gyur te/ gsum po gang zhe na/ 'di lta ste/ bdag med pa la mos pa dang / bzod pa'i stobs dang / yang dag pa'o las legs par rtsom pa ste/ klu'i bdag po chos gsum po de dag dang ldan na/ byang chub sems dpa' rnams las kyi rnam par smin pa la rton par 'gyur ro// klu'i bdag po chos gnyis dang ldan na/ byang chub sems dpa' rnams mi dge ba'i chos thams cad spangs nas/ dge ba'i chos thams cad kyis 'bogs par 'gyur te/ gnyis gang zhe na/ 'di lta ste/ phung po gsum gyi yongs su bsngo ba dang ldan pa dang bag yod par gnas pa ste/ de gnyis so// gzhan yang gnyis te/ 'di lta ste/ dge ba'i rang bzhin du gyur pa dang / rnam par smin pa la mi re ba ste/ klu'i bdag po chos de gnyis dang ldan na/ byang chub sems dpa' rnams mi dge ba'i chos thams cad spangs nas/ dge ba'i chos thams cad kyis 'bogs par 'gyur/ klu'i bdag po chos lnga dang ldan na/

  346. 174a

    byang chub sems dpa' rnams chos don du gnyer ba yin te/ lnga gang zhe na/ 'di lta ste/ gzugs don du gnyer ba ma yin pa dang / sgra don du gnyer ba ma yin pa dang dri don du gnyer ba ma yin pa dang / ro don du gnyer ba ma yin pa dang / reg bya don du gnyer ba ma yin pa ste/ lnga po ni de dag yin no// klu'i bdag po gzhan yang chos lnga dang ldan na/ byang chub sems dpa' rnams chos don du gnyer ba yin te/ lnga gang zhe na/ 'di lta ste/ chos don du gnyer ba yin gyi/ lus don du gnyer ba ma yin pa dang / yon tan don du gnyer ba yin gyi// srog don du gnyer ba ma yin pa dang / shes rab don du gnyer ba yin gyi/ reg pa don du gnyer ba ma yin pa dang / dge ba don du gnyer ba yin gyi/ tshor ba don du gnyer ba ma yin pa dang / sems can yongs su bskyab pa don du gnyer ba yin gyi/ bdag gi bde bdon du gnyer ba ma yin pa ste/ klu'i bdag po chos lnga po de dag dang ldan na/ byang chub sems dpa' rnams chos don du gnyer ba yin no/ / klu'i bdag po chos drug dang ldan na/ byang chub sems dpa' rnams chos 'dod pa yin te/ drug po gang zhe na/ 'di lta ste/ rab tu byung ba'i yon tan 'dod kyi/ gos tshon can gyi rtags 'dzin pa tsam 'dod pa ma yin pa dang / chos nyan pa 'dod kyi/ 'jig rten rgyang 'phen pa'i gsang tshig nyan 'dod pa ma yin pa dang / chos bstan pa 'dod kyi/ 'jig rten gyi

  347. 174b

    zang zing 'dod pa ma yin pa dang / chos la so sor rtog pa 'dod kyi/ tshul bzhin ma yin pa yid la byed par 'dod pa ma yin pa dang / chos sgrub pa 'dod kyi/ yi ge dang / nges pa'i tshig dang/ brda yongs su tshol ba 'dod pa ma yin pa dang / sangs rgyas kyi chos nyan pa 'dod kyi/ nyan thos dang / rang sangs rgyas kyi chos 'dod pa ma yin pa ste/ klu'i bdag po chos drug po de dag dang ldan na/ byang chub sems dpa' rnams chos 'dod pa yin no// klu'i bdag po chos brgyad dang ldan na/ byang chub sems dpa' rnams chos kyi kun dga' la dga' bas dga' ba yin te/ brgyad gang zhe na/ 'di lta ste/ byang chub kyi sems kyi gtam la dga'i theg pa dman pa'i gtam la ma yin pa dang / bsdu ba'i dngos po'i gtam la dga'i phyin ci log gi gtam la ma yin pa dang / chos kyi lugs kyi gtam la dga'i 'jig rten rgyang 'phen pa'i gtam la ma yin pa dang / sangs rgyas kyi che ba nyid kyi gtam la dga'i 'khor ba bcad pa'i gtam la ma yin pa dang / zab cing gting dpag dka' ba'i rten cing 'brel par 'byung ba'i gtam la dga'i bdag tu lta ba 'dzin pa'i gtam la ma yin pa dang / chos bdag med pa'i rang bzhin dang / rkyen rnam par dag pa'i gtam la dga'i chad pa dang / rtag pa dang / bdag dang / sems can dang / srog dang / skyes bu dang / gang zag tu 'dzin pa'i gtam/

  348. 175a

    lam yin pa dang / stong pa nyid dang / mtshan ma med pa dang / smon pa med pa'i gtam yang dag pa ji lta ba la dga'i dmigs par lta ba'i gtam la ma yin pa dang / rab tu byung ba la dmigs pa dang / sangs rgyas kyi zhing gi rgyan bkod pa'i gtam la dga'i zhi ba la btang snyoms su byed pa'i gtam la ma yin pa ste/ klu'i bdag po brgyad po de dag dang ldan na/ byang chub sems dpa' rnams chos kyi kun dga' la dga' bas dga' ba yin no// klu'i bdag po byang chub sems dpa' rnams ni/ don gyi dbang rnam pa lnga mthong ba'i phyir/ thos pa yongs su tshol ba na chog mi shes te/ lnga gang zhe na/ byang chub sems dpa' rnams thos pa las shes rab 'byung bar yang dag par mthong ba'i phyir thos pa yongs su tshol ba na chog mi shes pa dang / byang chub sems dpa' rnams thos pas 'gyod pa dang / the tsom med par 'gyur bar yang dag par mthong ba'i phyir/ thos pa yongs su tshol ba na chog mi shes pa dang / byang chub sems dpa' rnams thos pas kun nas nyon mongs pa dang / rnam par byang ba rtogs par 'gyur bar yang dag par mthong ba'i phyir/ thos pa yongs su tshol ba na chog mi shes pa dang / byang chub sems dpa' rnams thos pas sems can thams cad kyi nyon mongs pa spang ba'i phyir/ nyon mongs pa spong bar 'gyur bar yang dag par mthong ba'i phyir/ thos pa

  349. 175b

    yongs su tshol ba na chog mi shes pa dang / byang chub sems dpa' rnams thos pas mi 'jigs par 'gyur la/ mi 'jigs pa las sems can thams cad kyi the tsom chad par 'gyur bar yang dag par mthong ba'i phyir/ thos pa yongs su tshol ba na chog mi shes pa ste/ lnga po de dag go// gzhan yang byang chub sems dpa' rnams ni don gyi dbang rnam pa gnyis mthong ba'i phyir/ thos pa yongs su tshol ba na chog mi shes te/ gnyis gang zhe na/ 'phags pa'i yang dag pa'i lta ba skye ba dang / chags pa med pa'i gzungs thob pa ste/ de gnyis so// klu'i bdag po chos bcu dang ldan na/ byang chub sems dpa' rnams thos pa bsgrub pas mngon par 'phags pas 'gyur te/ bcu gang zhe na/ rnyed pa dang / bkur sti rnams la 'dod pa nyung zhing chog shes pa dang / yongs su tshol ba rnams la lus dang srog la mi lta ba dang / spyod lam rnams la dran pa dang / shes bzhin dang / ji skad thos pa la shas cher yongs su rtog pa dang / 'du 'dzi med pas bya ba nyung ba dang / sbyor ba la brtson pa'i brtson 'grus kyis nam gyi cha bstod dang / nam gyi cha smad la mi nyal ba dang / bla ma la gus pa dang / ri mo byed pa dang ngo tsha shes pa dang / khrel yod pa phun sum tshogs pas dge ba'i bshes gnyen la bsten pa dang / snying rje chen pos sems can la blta ba dang / yon tan yongs su rdzogs

  350. 176a

    par bya ba'i phyir 'phags pa'i skye bo la rim gro byed pa dang / shes pas lnga dang bcas pa'i 'jig rten yongs su bskyab pa ste/ klu'i bdag po chos bcu po de dag dang ldan na/ byang chub sems dpa' rnams thos pa sgrub pas mngon par 'phags par 'gyur ro// klu'i bdag po byang chub sems dpa' rnams ni phan yon rnam pa lnga po 'di dag yang dag par mthong nas/ rab tu 'byung ba la mos par 'gyur te/ lnga gang zhe na/ bdag gis las byas pa chud za bar mi 'gyur ba dang / bdag gis byas pa'i bag chags kyis bsgo pabar 'gyur ba dang / yongs su 'dzin pa thams cad las bdag gi sems gtong bar 'gyur ba dang / sangs rgyas bcom ldan 'das rnams kyis bdag smad par mi 'gyur ba dang bdag grol zin nas kyang nyon mongs pa'i bcing ba rnams kyis bcings pa'i sems can rnams 'ching ba de las rab tu thar par bya ba'i phyir chos ston par 'gyur ro snyam pa ste/ lnga po de dag go/ gzhan yang rnam pa lnga ste/ lnga gang zhe na/ rab tu byung ba ni tshul khrims 'chal ba'i sems can yongs su smin par bya ba'i phyir/ tshul khrims dang 'thun pa yin no// rab tu 'byung ba ni thos pa nyung ba'i sems can yongs su smin par bya ba'i phyir/ thos pa dang 'thun pa yin no// rab tu 'byung ba ni sems rnam par g.yeng ba'i sems can yongs su smin par bya ba'i phyir//

  351. 176b

    ting nge 'dzin dang 'thun pa yin no// rab tu 'byung ba ni shes rab 'chal pa'i sems can yongs su smin par bya ba'i phyir/ shes rab dang 'thun pa yin no// rab tu 'byung ba ni mya ngan las 'das pa'i bde ba'i lam la sems can dgod par bya ba'i phyir/ rnam par grol ba'i ye shes dang 'thun pa yin te/ lnga po de dag go// gzhan yang rnam pa lnga ste/ lnga gang zhe na/ rab tu 'byung ba ni phung po lnga yongs su shes par bya ba'i phyir/ nga rgyal bcom pa'o// rab tu 'byung ba ni kun 'byung ba spang ba'i phyir/ sred pa'i bag la nyal spong ba'o// rab tu 'byung ba ni 'gog pa mngon sum du bya ba'i phyir/ zhi ba dang / rab tu zhi ba dang / nye bar zhi bar byed pa'o// rab tu 'byung ba ni 'phags pa'i lam yan lag brgyad pa bsgom pa'i phyir/ lam la 'jug pa'o/ / rab tu 'byung ba ni 'phags pa'i bden pa rnams la sems can dgod pa'i phyir/ bden pa la 'jug pa ste/ lnga po de dag go// klu'i bdag po chos bzhi dang ldan na/ byang chub sems dpa' rnams nags dang / nags 'dab na rgyu zhing bas mtha'i gnas mal dag la gnas pa yin te/ bzhi gang zhe na/ lus dang srog la mi lta ba dang / dge ba'i chos thams cad la lta ba dang / mngon par shes pa'i shes pa skyed par 'dod pa dang / spyod lam rab tu zhi bas lha dang mi rnams mgu bar byed pa ste/ klu'i bdag po chos bzhi po de dag dang ldan na/

  352. 177a

    byang chub sems dpa' rnams nags dang / nags 'dab na rgyu zhing / bas mtha'i gnas mal dag na gnas pa yin no// klu'i bdag po gzhan yang byang chub sems dpa' ni don gyi dbang rnam pa bzhi mthong nas/ nags dang nags 'dab na rgyu zhing bas mtha'i gnas mal dag na gnas pa yin te/ bzhi gang zhe na/ dgon pa dang / rab tu dgon pa 'di dag ni/ sangs rgyas kyis bsngags pa yin te/ dgon pa na gnas na snying rje chen pos sems can thams cad rab tu thar par bya ba la dmigs pa ni/ bdag gi bre mo gtam zer ba yin gyi/ phyogs gcig tu gyur pa ni ma yin no snyam pa dang / bdag gis ni byang chub kyi snying po'i rgyan bsags kyi/ nyon mongs pa rnams ni ma yin no snyam pa dang / bdag gis ni yongs su sbyangs pa byas pa'i byang chub sems dpa' du ma dag gi rjes su bslab dgos so snyam pa dang / bdag dgon pa na gnas te/ chos thams cad yang dag par bsgrubs nas// grong dang / grong khyer dang / grong rdal dang / ljongs dang / yul 'khor dang / pho brang 'khor dag tu song ste/ sems can rnams la chos bstan par bya'o snyam pa ste/ klu'i bdag po chos bzhi po de dag dang ldan na/ nags dang nags 'dab na rgyu zhing / bas mtha'i gnas mal dag na gnas pa yin no// klu'i bdag po chos gsum po 'di dag ni/ 'phags pa'i rigs dang /

  353. 177b

    sbyangs pa'i yon tan dang / yo byad bsnyungs pa la gnas pa'i byang chub sems dpa'i yon tan dang / phan yon phul dang rab mchog yin te/ gsum gang zhe na/ dga' ba dang / mi dga' ba rnams la mi lta ba'i phyir/ 'du 'dzi'i bya ba med pa dang / sems rag las pa med cing gang du 'dod par 'gror yod pa'i phyir/ rang nyam dang / rang dbang dang / tha mal par gnas pa dang / sems can thams cad mnyam pa nyid du sems pa'i phyir/ de'i ting nge 'dzin myur du skye bar 'gyur ba ste/ gsum po dag go// gzhan yang gsum ste/ de la tshul 'chos ba dang / kha gsag mi 'byung ba dang / de la rjes su chags pa dang / khro khro ba'i sems mi skye ba dang / sgrub cing 'dug pa na khyim la rjes su lta bar mi 'gyur ba ste/ klu'i bdag po gsum po de dag ni 'phags pa'i rigs dang / sbyangs pa'i yon tan dang / yo byad bsnyungs pa la gnas pa'i byang chub sems dpa'i yon tan dang / phan yon phul dang rab mchog yin no// klu'i bdag po chos brgyad dang ldan na/ byang chub sems dpa'i rab tu 'byung ba'i yon tan yongs su rdzogs par 'gyur te/ brgyad gang zhe na/ 'phags pa'i rigs kyis chog par 'dzin pa dang / sbyangs pa'i yon tan dang / yo byad bsnyungs pa la gnas pa dang / mang du thos pa dang / sems nges par sems pa la dga' ba dang / byang chub pa'i bsam pa la kun tu rmongs pa

  354. 178a

    med pa dang / dran pa nye bar gzhag pas gnas pa dang / ting nge 'dzin dang / shes rab sgom pa'i sbyor ba la brtson pa dang / brtsams pa thams cad sgrub pa'i snying por byed pa ste/ klu'i bdag po chos brgyad po de dag dang ldan na/ byang chub sems dpa'i rab tu 'byung ba'i yon tan yongs su rdzogs par 'gyur ro// klu'i bdag po chos bcu dang ldan na/ byang chub sems dpa' rnams chos zab mo'i tshul la gnas pa yin te/ bcu gang zhe na/ bdag gi ngo bo nyid kyis chos thams cad kyi ngo bo nyid kyi rjes su 'gro ba dang / bdag dag pas chos thams cad dag pa'i rjes su 'jug pa dang / bdag bdag med pas chos thams cad bdag med pa la mos pa dang / bdag stong pas chos thams cad stong pas som nyi med pa dang / bdag dben pas chos thams cad dben pa la 'jug pa dang / bdag zhi bas chos thams cad zhi bar so sor rtog pa dang / bdag ji lta ba bzhin pas chos thams cad ji lta ba bzhin du khong du chud pa dang / bdag zab pas chos thams cad zab par nges par sems pa dang / bdag bems po yin pas/ chos thams cad bems po yin par nges par rtog pa dang bdag gzung du med pas chos thams cad gzung du med par rab tu shes pa ste/ bcu po de dag go// klu'i bdag po gzhan yang chos bcu dang ldan na/ byang chub sems dpa' rnams

  355. 178b

    chos zab mo'i tshul la gnas pa yin te/ bcu gang zhe na/ rnam par bsgrub pas gnas pa'i mtshan nyid kyi phyir/ chos thams cad rgyu ma lta bur rab tu shes pa dang / phyin ci log las byung bar mthong bas/ chos thams cad rmi lam lta bur rab tu shes pa dang / phyin ci log tu 'du shes pas chos thams cad smig rgyu lta bur rab tu shes pa dang / rgyu'i bya ba dang / rkyen la dmigs te skye bas chos thams cad mig yor lta bur rab tu shes pa dang / 'pho ba med pa'i mtshan nyid las phyir ma log pas/ chos thams cad chu zla lta bur rab tu shes pa dang / yul na mi gnas shing phyogs na mi gnas te/ ngo bo nyid med pas chos thams cad brag cha lta bur rab tu shes pa dang / skad cig kyang mi sdod pas chos thams cad sprin dang klog snang ba lta bur rab tu shes pa dang / 'dod chags dang / zhe sdang dang / gti mug gis chags par mi 'gyur bas/ chos thams cad 'ja' tshon lta bur rab tu shes pa dang / glo bur gyi nye ba'i nyon mongs pas nyon mongs pa can du mi 'gyur bas/ chos thams cad rang bzhin gyis rab tu dag par shes pa dang / skye ba dang / 'jig pa dang / gnas pa dang bral bas chos thams cad nam mkha' lta bur rab tu shes pa ste/ klu'i bdag po chos bcu po de dag dang ldan na/ byang chub sems

  356. 179a

    dpa' rnams chos zab mo'i tshul la gnas pa yin no/ / klu'i bdag po chos gnyis dang ldan na/ byang chub sems dpa' rnams chad par lta bar ltung bar mi 'gyur te/ gnyis gang zhe na/ las kyi bya ba la 'jug pa shes pa dang / sangs rgyas kyi chos thams cad rnam par bsgrub pa shes pa ste/ klu'i bdag po chos de gnyis dang ldan na byang chub sems dpa' rnams chad par lta bar lhung bar mi 'gyur ro/ / klu'i bdag po chos gnyis dang ldan na/ byang chub sems dpa' rnams rtag par lta bar ltung bar mi 'gyur te/ gnyis gang zhe na/ mi rtag pa'i chos la 'jug pa shes pa dang / skyes nas zhig cing zhu ste mi gnas par rab tu rnam par dbye ba shes pa ste/ klu'i bdag po chos de gnyis dang ldan na/ byang chub sems dpa' rnams rtag par lta bar ltung bar mi 'gyur ro/ / klu'i bdag po chos bzhi dang ldan na/ byang chub sems dpa' rnams brten te 'byung ba la 'jug pa la mkhas pa yin te/ ma rig pa kun 'byung ba nas rga shi kun 'byung ba'i bar la 'jug pa dang / ma rig pa 'gag pa nas/ rga shi 'gag pa'i bar la 'jug pa dang / chad par lta bar yang mi lhung ba dang / rtag par lta bar yang mi gnas pa ste/ klu'i bdag po chos bzhi po de dag dang ldan na/ byang chub sems dpa' rnams brten te 'byung ba la 'jug pa la mkhas pa yin no// klu'i bdag po chos

  357. 179b

    bzhi dang ldan na/ byang chub sems dpa' rnams lta bar gyur pa thams cad du lta bar mi 'gyur te/ bzhi gang zhe na/ stong pa nyid kyi shes pas bdag dang / sems can du lta bar mi 'gyur ba dang / mtshan ma med pa'i shes pas srog dang gang zag tu lta bar mi 'gyur ba dang / smon pa med pa'i shes pas 'byung ba dang / 'jig par lta bar mi 'gyur ba dang // rten cing 'brel par 'byung ba'i shes pas chad pa dang / rtag par lta bar mi 'gyur ba ste/ chos bzhi po 'di dag dang ldan na/ byang chub sems dpa' rnams lta bar gyur pa thams cad lta bar mi 'gyur ro/ / klu'i bdag po chos drug dang ldan na/ byang chub sems dpa' rnams mngon par shes pa'i shes pas rnam par rtse bar 'gyur te/ drug gang zhe na/ sems can thams cad la khong khro ba med pa'i lta bas/ de'i lha'i mig rnam par dag par 'gyur ba dang / ngan tu smras pa'i chog dang du len pas/ lha'i rna ba rnam par dag par 'gyur ba dang / sems kun nas nyon mongs pa med pas/ gzhan gyi sems shes pa rnam par dag par 'gyur ba dang / sngon byas pa'i dge ba'i rtsa ba sems can thams cad la gtong bas/ sngon gyi gnas rjes su dran pa shes pa rnam par dag par 'gyur ba dang / 'thun par byed pa dang / bka' blo bde ba dang / ji skad smras pa bzhin byed pas/ rdzu 'phrul bya ba shes pa rnam par dag

  358. 180a

    par 'gyur ba dang / chos rnams la slob dpon dpe mkhyud med pas/ zag pa zad pa shes pa rnam par dag par 'gyur ba ste/ drug po de dag go// klu'i bdag po gzhan yang mar me byin pas ni/ lha'i mig rnam par dag par 'gyur ro// sil snyan dang / pheg rdob pa dang / klu dbyangs thams cad byin pas ni/ lha'i rna ba rnam par dag par 'gyur ro/ / kun nas nyon mongs pa med par byin pas ni/ gzhan gyi sems shes pa rnam par dag par 'gyur ro// dge ba'i chos dran par byed cing bskul bas ni/ sngon gyi gnas rjes su dran pa shes pa rnam par dag par 'gyur ro/ / sgrib pa dang / 'gyod pa bsal bas ni/ rdzu 'phrul bya ba shes pa rnam par dag par 'gyur ro// chos byin pas ni zag pa zad pa shes pa rnam par dag par 'gyur ro/ / klu'i bdag po gzhan yang de bzhin gshegs pa la lta bas ni/ lha'i mig rnam par dag par 'gyur ro// dam pa'i chos mnyan pas ni/ lha'i rna ba rnam par dag par 'gyur ro/ / sems kyis nges par brtags pas ni/ gzhan gyi sems shes pa rnam par dag par 'gyur ro// dge 'dun rjes su dran pas ni/ sngon gyi gnas rjes su dran pa shes pa rnam par dag par 'gyur ro/ / 'dun pa drag pos ni/ rdzu 'phrul bya ba shes pa rnam par dag par 'gyur ro// chos sgrub pas ni zag pa zad pa shes pa rnam par dag

  359. 180b

    par 'gyur ro/ / de la mngon par shes pas rnam par rtse ba gang zhe na/ klu'i bdag po 'di la nyan thos dang / rang sangs rgyas rnams kyi lha'i mig gang yin pa dang / phyi rol gyi drang srong mngon par shes pa lnga dang ldan pa rnams kyi lha'i mig gang yin pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang lto 'phye chen po dang / mi dang mi ma yin pa rnams kyi lha'i mig gang yin pa de bas ni/ byang chub sems dpa'i lha'i mig de ches 'das pa dang / ches gsal ba dang / ches khyad par du 'phags pa dang / ches mchog tu gyur pa dang / ches rnam par dag pa ste/ de'i lha'i mig des ni/ de bzhin gshegs pa'i spyan gyi yul ma gtogs par/ sems can du snang ba 'am/ gzugs su snang ba 'am/ chos su snang ba gang yang mi rtogs pa dang / mi mthong ba dang / mi shes pa ci yang med do// klu'i bdag po de la nyan thos dang / rang sangs rgyas rnams kyi lha'i rna ba gang yin pa nas/ mi dang mi ma yin pa'i bar rnams kyi lha'i rna ba gang yin pa de bas ni/ byang chub sems dpa'i lha'i rna ba de ches 'das pa dang / ches gsal ba dang / ches khyad par du 'phags pa dang / ches mchog tu gyur pa dang / ches rnam par dag pa ste/ de'i lha'i rna ba'i dbang po des ni/ de bzhin gshegs pa'i

  360. 181a

    snyan gyi yul ma gtogs par sgyur grag par gang yang thos par mi 'gyur ba ci yang med de/ des ni sgra thams cad kyi sngon gyi mtha' dang / phyi ma'i mtha' yongs su spyod pa rab tu shes so/ / klu'ibadag po de la byang chub sems dpas ni/ sems can thams cad kyi sems kyi rgyu ba dang / sems kyi dmigs pa dang / sems kyi mtshan ma dang / sems kyi dpyod pa dang / sems kyi rgyu dang / sems kyi bsam pa dang / sems kyi 'bras bu dang / sems kyi nges pa dang / sems kyi brtag pa dang / sems kyi rnam pa sna tshogs pa dang / sems kyi rjes su chags pa dang / sems kyi khong khro ba dang / sems rnam par g.yeng ba dang / sems bsdu ba dang / sems bral bar g.yo ba dang / sems lhag par g.yo ba dang / sems bskul ba dang / sems gnas pa dang / sems kyi sngon gyi mtha' dang / sems kyi phyi ma'i mtha' dang / sems kyi de ltar byung ba dang / sems kyi gnas dang / sems gnas pa thams cad yang dag pa ji lta ba bzhin du rab tu shes te/ shes nas kyang de bzhin du des sems can de dag la chos dang ldan pa'i gtam 'jug par byed do/ / des sngon gyi gnas rjes su dran pas/ bdag dang gzhan rnams kyi sngon gyi mtha'i mur thug pa'i bar gyi 'chi 'pho yang dag pa ji lta ba bzhin du

  361. 181b

    rab tu shes shing dran te/ rnam pa dang bcas/ yul phyogs dang bcas par yang dag pa ji lta ba bzhin du de kho na nyid dang gzhan ma yin par rjod par byed do// rdzu 'phrul bya ba rnams la yang mngon par 'du byed pa med pa thob ste/ bya ba thams cad ston to// klu'i bdag po 'di dag ni byang chub sems dpa'i mngon par shes pa ste/ de la rang gi sems la dbang byed pas/ don thams cad yongs su rdzogs par byed pa 'di ni/ de'i rnam par rtse ba ste/ sangs rgyas yongs su mya ngan las 'das pa yang kun tu ston la/ gtan du yongs su mya ngan las 'da' bas yongs su mya ngan las 'da' bar yang mi byed pa lta bu'o/ / de la byang chub sems dpa'i zag pa za ba shes pa mngon sum du byed pa'i mngon par shes pa gang zhe na/ nyan thos dang / rang sangs rgyas kyi rnam par grol ba la ma chags te/ sangs rgyas kyi ye shes kyi rnam par grol ba la lhag par dmigs shing / rang bzhin gyi zag pa zang pa shes kyi/ shes pa de mngon sum du byed pa ni ma yin la/ sems can thams cad kyi zag pa zad par bya ba kho na'i phyir/ yang 'khor ba'i rgyun la gnas pa 'di ni/ byang chub sems dpa'i mngon par shes pa drug pa'o/ / klu'i bdag po chos bzhi dang ldan na/ byang chub sems dpa' sgrib pa med pa'i ye shes mthong ba la 'jug pa yin te/ bzhi gang zhe na/ thams

  362. 182a

    cad mkhyen pa'i ye shes kyis yongs su bsgos pa'i mngon par shes pa lnga dang / byams pa chen po dang / snying rje chen pos yongs su bsgos pa'i so so yang dag par rig pa bzhi dang / thabs dang / shes rab kyis yongs su bsgos pa'i gzugs med pa'i snyoms par 'jug pa bzhi dang / stong pa nyid dang / mtshan ma med pa dang smon pa med pas yongs su bsgos pa'i byang chub kyi phyogs kyi chos sum cu rtsa bdun te/ klu'i bdag po chos bzhi po de dag dang ldan na/ byang chub sems dpa' sgrib pa med pa'i ye shes mthong ba la 'jug pa yin no/ / klu'i bdag po de la sgrib pa med pa'i ye shes mthong ba gang zhe na/ nyon mongs pa thams cad kyang ma mthong la/ bag chags kyi mtshams sbyor ba'i rnam pa'i nyon mongs pa thams cad kyang yang dag par bcom pa gang yin pa dang / 'khor ba yang ma mthong la/ mya ngan las 'das pa la yang dag par gzhol ba dang nyan thos dang / rang sangs rgyas kyi sa yang ma mthong la/ byang chub kyi snying po la yang dag par gzhol ba dang / sems can gyi spyod pa'i rjes su yang 'jug la/ sems can gyi spyod pa dben par yang shes pa ste/ 'di ni sgrib pa med pa'i ye shes mthong ba zhes bya'o// gzhan yang sgrib pa med pa'i ye shes mthong ba ni/ 'dus byas kyi bya ba thams cad

  363. 182b

    kyi rjes su yang 'jug la/ 'dus ma byas pa yang thob pa gang yin pa dang / 'dus byas thams cad kyi nye bar zhi ba yang mthong la/ 'dus ma byas kyang thob pa'o// klu'i bdag po byang chub sems dpa' ni/ 'dus byas la spyod pa na yang / 'dus ma byas shes pas sgrib pa med la/ 'dus ma byas pa thob pa la yang 'dus byas kyi chos rnams kyis sgrib pa med de/ der sgrib pa med pa'i ye shes gang yin pa de ni/ byang chub sems dpa'i sgrib pa med pa'i ye shes mthong ba zhes bya'o// klu'i bdag po chos bzhi dang ldan na/ byang chub sems dpa' sems can gyi spyod pa dang / bsam pa dang / cho ga shes pa yin te/ bzhi gang zhe na/ 'jig rten gyi rjes su 'jug pa'i shes pa dang / snyoms par 'jug pa la mkhas pa'i shes pa dang / bsam pa las su rung ba'i bsam pa dang / sems la dbang byed pa'i thabs te/ klu'i bdag po chos bzhi po de dag dang ldan na/ byang chub sems dpa' sems can gyi spyod pa dang / bsam pa dang / cho ga shes pa yin no// klu'i bdag po chos lnga dang ldan na/ byang chub sems dpa' sems can rnams yongs su smin par byed pa yin te/ lnga gang zhe na/ bdag gi bde ba la mi lta bas yid yongs su mi skyo ba dang / brtson pa brtan pas sems can la bde ba sbyin pa dang / snying rje chen po dang / sems can rnams kyi spyod pa ji lta ba de

  364. 183a

    lta bu'i spyod pa la rjes su 'jug pa dang / gong du yang yon tan khyad par can la yang 'god par byed pa ste/ klu'i bdag po chos lnga po de dag dang ldan na/ byang chub sems/ dpa' sems can yongs su smin par byed pa yin no// klu'i bdag po chos drug dang ldan na/ byang chub sems dpa' 'dzin pa dang / klog pa dang / brda sprod pa la mkhas pa yin te/ drug gang zhe na/ gzungs thob pa dang / dran pa dang / shes bzhin gyis sgrub pa dang / yang dag pa la tshul bzhin du 'jug pa dang / sems kyi rjes su 'jug pa shes pa dang / thogs pa med pa'i spobs pa thob pa dang / dgongs pa'i tshig ston pa'i shes pa la mkhas pa ste/ klu'i bdag po chos drug po de dag dang ldan na/ byang chub sems dpa' 'dzin pa dang klog pa dang / brda sprod pa la mkhas pa yin no// klu'i bdag po chos brgyad dang ldan na/ byang chub sems dpa' bdud phyir rgol ba bcom pa yin te/ brgyad gang zhe na/ sgyu ma'i chos nyid du phung po lnga yongs su shes pa dang yang ldan la/ 'jigs tshogs la lta ba'i nyon mongs pa dang bral te/ stong pa nyid la spyod yul ba yang yin pa dang / 'du byed thams cad kyi skye ba med pa yang rab tu shes la/ sems can yongs su smin par bya ba'i phyir/ bsams bzhin du skye bar yang byed pa dang / brtson 'grus brtan pas byang chub kyi bsam pa yang yongs su mi

  365. 183b

    gtong la/ khams gsum pas kyang yid rtag tu thug pa dang / mngon par 'du byed par yang mi lhung la/ thams cad mkhyen pa chiye shes kyang yongs su tshul ba dang / sems canas/ la yang lta la/ bsod nams kyi tshogs kyang sogs pa dang / mi rtag pa'i mtshan nyid la yang yid ches la/ ye shes kyi tshogs kyang sogs pa dang / nyan thos dang / rang sangs rgyas kyi shes pa la yang ma chags pa ste/ klu'i bdag po chos brgyad po de dag dang ldan na/ byang chub sems dpa' bdud phyir rgol ba bcom pa yin no// klu'i bdag po chos bcu dang ldan na byang chub sems dpa' sgrags pa dang 'jigs pa thams cad dang bral te/ byang chub sems dpa'i spyad pa spyod pa yin te/ bcu gang zhe na/ sbyin pas brtan pa yin te/ mtshan gyis legs par brgyan pa dang / tshul khrims la gnas pa yin te/ ngan song thams cad yang dag par gcad pa dang / bzod pa'i go cha bgos pa yin te/ dbang po ma nyams pa dang / brtson 'grus brtan pa yin te/ dge ba'i tshogs rnams kyis chos ni shes pa dang / bsam gtan la gnas pa yin te/ cang shes kyi sems dang ldan pa dang / shes rab dang ldan pa yin te/ nyon mongs pa dang bral ba dang / thabs la mkhas pa yin te/ kun tu yongs su bsngo ba shes pa la mkhas pa dang / so so yang dag pa'i rig pa thob pa yin te/ don dang chos dang / nges pa'i cis

  366. 184a

    spobs pa la mkhas pa dang / gzungs thob pa yin te/ sems can thams cad kyi the tsom gcod pa la mkhas pa dang / sangs rgyas kyis byin gyi brlabs pa yin te/ dam pa'i chos yongs su 'dzin pa ste/ klu'i bdag po chos bcu po de dag dang ldan na/ byang chub sems dpa' skrag pa dang / 'jigs pa thams cad dang bral te/ byang chub sems dpa'i spyad pa la spyod pa yin no/ / klu'i bdag po chos brgyad dang ldan na/ byang chub sems dpa' phyir mi ldog pa'i chos la yang dag par gzhol ba yin te/ brgyad gang zhe na/ ji skad smras pa de bzhin du byed pa dang / bdag gi 'khrul pa la so sor rtog par byed kyi/ gzhan gyi 'khrul pa la mi rtog pa dang / srog kyi phyir yang gzhan dag la brnyas par mi byed pa dang / rnyed pa dang / bkur sti thob pas kyang mtho bar mi 'dzin la/ ma thob pas kyang dma' bar mi 'dzin pa dang / sems can thams cad la yon gnas kyi sems bskyed de/ sbyin pa sbyin pa dang / bgo bsha'i ngang tshul can yin te/ chos la slob dpon dpe mkhyud mi byed pa dang / gzhan dag gi bde bas dga' ba yin te/ phrag dog dang / ser sna dang bral ba dang / sdug pa dang / mi sdug pa thams cad yongs su gtong la 'gyod pa med pa ste/ klu'i bdag po chos brgyad po de dag dang ldan na/ byang chub sems dpa' phyir mi ldog pa'i chos la yang dag par gzhol ba yin no//

  367. 184b

    klu'i bdas bcas lda dang ldan/ byang chub sems dpa' thun med pa yang dag par rdzogs pa'i byang chubu las byed mi thog pa yin/ lhag ben/ b.rol tu na pa thams na/ yongs su rdzogs pa yin te/ thabs la mkhas pa dang / chos thams cad ji lta ba la mkhas pa yin te/ chos zab mo'i tshul la gnas pa dang / mngon par shes pa ma nyams pa yin te/ sems can thams cad kyi dbang po rig pa'i cho ga shes pa dang / legs par khong du chud pa shes pa yin te/ chags pa med par spyod pa dang / zad mi shes pa mngon par bsgrub pas kyang rten cing 'brel par 'byung ba la dpyod par byed la/ zag pa thams cad kyang zad par mi byed pa ste/ klu'i bdag po chos lnga po de dag dang ldan na/ byang chub sems dpa' bla na med pa yang dag par rdzogs pa'i byang chub las phyir mi ldog pa yin no/ / klu'i bdag po chos gsum dang ldan na/ byang chub sems dpa' bzod pa thob pa yin te/ gsum gang zhe na/ sems can yongs su dag par bya ba'i phyir bdag med pa dang / chos yongs su dag par bya ba'i phyir dben pa dang / ye shes yongs su dag par bya ba'i phyir chags pa med pa ste/ gsum po de dag go// gzhan yang gsum ste/ sngon gyi mtha' rnams dag par bya ba'i phyir mi zad pa'i chos nyid dang / phyi ma'i mtha' rnam par dag par bya ba'i phyir mi

  368. 185a

    skye ba'i chos nyid dang / da ltar byung ba'i chos rnam par dag par bya ba'i phyir legs par gnas pa'i chos nyid de/ gsum po de dag go// klu'i bdag po gzhan yang chos gsum dang ldan na/ byang chub sems dpa' bzod pa thob pa yin te/ gsum gang zhe na/ lus yongs su dag par bya ba'i phyir bsod nams kyi nye bar brtan pa dang ngag yongs su dag par bya ba'i phyir ye shes mtha' yas pa dang / sems yongs su dag par bya ba'i phyir ting nge 'dzin la dmigs pa ste/ klu'i bdag po chos gsum po de dag ldan na/ byang chub sems dpa' bzod pa thob pa yin no// klu'i bdag po chos bzhi dang ldan na/ byang chub sems dpa' sangs rgyas bcom ldan 'das rnams kyi lung ston par mdzad de/ bzhi gang zhe na/ chos rnams la lhag pa'i bsam pas bsgrub pa dang / dkar po rnam par mthong bas spyad pa la spyod pa yongs su rdzogs pa dang / sems can gyi bsam pa rnams la ye shes kyi stobs bskyed pa thob pa dang / shin tu med pa'i phyir rang bzhin gyis ma skyes ma byung ba'i chos rnams rab tu shes pa ste/ klu'i bdag po chos bzhi po de dag dang ldan na/ byang chub sems dpa' sangs rgyas bcom ldan 'das rnams kyi lung ston par mdzad do/ / bstan pa 'di bshad pa na/ lha dang / klu dang / gnod sbyin dang / dri za dang / lha ma yin dang / nam mkha'

  369. 185b

    lding dang / mi 'am ci dang / lto 'phye chen po dang / mi dang mi ma yin pa khrag khrig phrag bcu gnyis bla na med pa yang dag par rdzogs pa'i byang chub sems skyes so// byang chub sems dpa' bdun khri nyis stong gis ni/ mi skye ba'i chos rnams la bzod pa thob bo// dge slong khri bzhi stong ni chos rnams la chos kyi mig rdul med cing dri ma dang bral ba rnam par dag go// dge slong ma brgyad stong ni len pa med par zag pa rnams las sems rnam par grol lo/ / lha'i bu lnga stong gis ni 'dod chags dang bral ba thob bo// stong gsum gyi stong chen po'i 'jig rten gyi khams 'di yang de'i tshe rnam pa drug tu g.yos so/ / 'jig rten yang snang ba chen pos khyab par gyur to// me tog gyi char chen po yang bab bo// lha'i bu rnams kyis kyang bar snang las sil snyan brgya stong dag dkrol te/ ched du rjod pa 'di skad yang ched du brjod de/ a la la de bzhin gshegs pas ni chos kyi 'khor lo gnyis pa bskor ba 'di chos kyi rnam grangs 'di las bskor to// yul wA ra NA ser drang srong smra ba ri dgas kyi nags su/ chos kyi 'khor lo bskor ba gang yin pa dang / chos kyi rnam grangs 'di las bskor ba gang yin pa 'di ni mtshungs so// de ci'i phyir zhe na 'di ltar chos kyi rnam grangs 'di las sems can dpag tu med grangs med pa'i don mdzad pa'i phyir ro/ / gzhan yang sems can gang chos kyi rnam grangs 'di thos pa de dag ni/ dge ba'i rtsa ba

  370. 186a

    ngan ngon ma yin pa dang ldan pa yin na/ sems can gang dag thos nas kyang 'chang bar byed pa lta ci smos te/ de dag gis ni mir skyes pa snyed pa legs par rnyed do// de dag gis ni de bzhin gshegs pa legs par mthong ngo / / de dag gi ni chos kyi rnam grangs 'di legs par thos so// chos kyi tshul gyi rnam pa 'di thos nas blang nas/ bla na med pa yang dag par rdzogs pa'i byang chub tu sems bskyed pa gang yin pa de dag gi ngan song thams cad ni bkag par gyur to/ / de dag gi lha dang mir skye ba'i sgo rnams ni bye bar gyur to// de dag ni yongs su mya ngan las 'das zin par rig par bya'o zhes brjod do/ / de nas bcom ldan 'das kyis lha'i bu de dag la legs so zhes bya ba byin te/ grogs po dag legs so legs so// khyed kyis tshig 'di legs par smras so// mdo sde'i tshig bstan pa 'di lta bu dag la dga' ba thob pa'i sems can gang yin pa de dag ni sangs rgyas kyis byin gyis brlabs pa dang theg pa chen pos 'dul ba yin no/ / sems can de dag ni sangs rgyas kyi ye shes kyi thugs su chud pa dang / phyir mi ldog pa'i phyag rgyas btab pa yin no// chos kyi rnam grangs 'di la dga' ba thob pa gang yin pa'i sems can de dag ni/ de bzhin gshegs pa'i ye shes 'ba' shig la yang dag par gzhol ba ma gtogs par de dag 'gro ba gzhan du 'tsho bar mi 'gyur na/ gang dag bsngags pa thos nas

  371. 186b

    'dzin par byed pa dang / de bzhin nyid du rtsu pa rnam lda ci smos/ klu'i rgyal po rgya mtshos nus pa las gleng gzhi'i le'u ste dang po'o// bam po gnyis pa/ de nas klu'i rgyal po rgya mtsho bshad pa 'di thos nas/ tshim zhing mgu la yi rangs te/ rab tu dga' zhing dga' ba dang yid bde ba skyes nas/ rgya mtsho'i gnas rnam par dag par byed pa'i rin po che bkod pa kun tu 'od zer 'byung ba'i 'od can zhes bya ba'i nor bu rin po che chen po stong gsum gyi stong chen po'i 'jig rten gyi khams ri ba gang yin pa de/ bcom ldan 'das la chos kyi dgab par phul lo/ / nor bu rin po che de'i 'od kyis kyang nyi ma dang / zla ba gnyis kyi 'od mog mog por byas so// 'khor thams cad kyang ngo mtshar du gyur nas/ bcom ldan 'das la phyag 'tshal zhing tshig 'di skad du/ a la la sangs rgyas byung ba ni ngo mtshar che ste/ de byung bas 'di ltar ya mtshan du rung zhing / rmad du byung ba'i chos dag kyang snang ngo zhes smras so// de nas klu'i rgyal po rgya mtshos bcom ldan 'das la mngon par dgab par byas nas/ 'di skad ces gsol to// bcom ldan 'das dge ba'i rtsa ba 'dis ni/ bdag sangs rgyas kyi sku'i 'od dri ma ma mchis pa thob par gyur cig/ 'od des kyang phyogs bcu'i sangs rgyas kyi zhing thams cad snang bar gyur cig/ sems can gang 'od des phog pa de dag kyang /

  372. 187a

    mongs pa thams cad kyis gnod par ma gyur cig/ de bzhin gshegs pa'i smin mtshams kyi mdzod spu ci 'dra ba de lta bu yang bdag gis thob par gyur cig/ byang chub kyi lam shes pa sgrib pa ma mchis pa yang thob par gyur cig/ lam shes pa des kyang sems can lam log pa la zhugs pa rnams yang dag pa'i lam la 'god par gyur cig/ bcom ldan 'das gzhan yang ji ltar na/ byang chub sems dpa' mun pa mun nag dang bral te/ lam gyis ye shes thob par 'gyur lags/ de skad ces gsol pa dang / bcom ldan 'das kyis klu'i rgyal po rgya mtsho la 'di skad ces bka' stsal to/ / klu'i bdag po 'di la byang chub sems dpa' shes rab kyi dbang gis byung ba/ shes rab kyi sgron ma lag na thogs pa/ shes rab kyi shes pa can/ shes rab sngon du 'gro ba/ shes rab kyi mtshon cha can/ shes rab kyis bya ba byed pa de ni shes rab kyi gnas la gnas nas/ sbyin pa sbyin par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam gtan la snyoms par 'jug par byed/ chos rnams lhag par mthong bar byed/ sems can rnams yongs su smin par byed do// klu'i bdag po de la ji ltar na byang chub sems dpa' shes rab kyi gnas la gnas nas/ sbyin pa sbyin par byed ce na

  373. 187b

    klu'i bdag po 'di la sbyin pa mnyam pa nyid kyis bdag mnyam pa nyid do/ / bdag mnyam pa nyid kyi sems can mnyam pa nyid do// sems can mnyam pa nyid kyis chos mnyam pa nyid do// / chos mnyam pa nyid kyis byang chub mnyam pa nyid de/ mnyam pa nyid 'di dag kyang mi spongs la/ sbyin pa yang sbyin par byed de/ sbyin pa de yang nyon mongs pa'i dbang gis sbyin par mi byed do/ / des de ji lta ji ltar yongs su 'jal ba de kho na bzhin du nyon mongs pa thams cad yongs su gtong bar byed de/ nyon mongs pa thams cad yongs su gtong ba dang / lta ba'i rnam pa thams cad nye bar zhi ba dang / rtsod pa thams cad 'dor ba gang yin pa de ni gtong ba'i mchog yin te/ klu'i bdag po ni byang chub sems dpa' shes rab kyi gnas la gnas pa'i sbyin pa yongs su gtong ba'o/ / de la byang chub sems dpa' shes rab kyi gnas la gnas pa'i tshul khrims gang zhe na/ lus dang / ngag dang / sems dben par mthong ba gang yin pa de ni/ tshul khrims yongs su srung ba ste/ lus dang / ngag dang / sems la yang mi rten/ 'jig rten 'di la yang mi rten/ 'jig rten pha rol la yang mi rten/ nang na yang mi rten/ phyi rol la yang mi rten/ phung po la yang mi rten/ khams la yang mi rten/ skye mched la yang mi rten/ byang chub la yang mi rten/ mya ngan las 'das pa la yang mi rten

  374. 188a

    chos thams cad la yang mi rten par tshul khrims srung bar byed la/ tshul khrims des kyang rlom sems su mi byed cing / shin tu rlom sems su mi byed pa 'di ni/ byang chub sems dpa' shes rab kyi gnas la gnas pa'i tshul khrims shes bya'o/ / de la byang chub sems dpa' shes rab kyis gnas la gnas pa'i bzod pa gang zhe na/ bzod pa gang bsgom pa ni/ bdag dang sems can dang / srog dang / gang zag tu mi dmigs shing / ngar 'dzin pa dang / nga yir 'dzin pa la yang mi gnas pa de ni/ nang dag pa dang / sems can dag pa dang / chos thams cad dag pas bzod pa bsgom pa yin te/ de ni bzod pa yang sgom la/ chos gang yang sgom par yang mi byed/ mi sgom par mi byed/ chos gang yang bskyed pa'i phyir ram/ dgag pa'i phyir yang sgom par mi byed/ chos gang yang zad par bya ba'i phyir ram/ nye bar zhi bar bya ba'i phyir yang sgom par mi byed/ sems can bdag med pa dang / sems can dben pas kyang mi skrag mi dngang dngang bar yang mi 'gyur la/ bzod pa de yang lus la dmigs pa dang / ngag la dmigs pa dang / sems la dmigs pas bzod par mi byed pa dang / de lus bshig pa 'am/ yan lag dang / nying lag rnams gcod pa na/ rtswa dang / shing dang / rtsig pa dang 'dra bar so sor rtog cing

  375. 188b

    bzod pa dang / de gzhan gyis ngan du smras pa thos na/ ngag ya ma brla dang / ngag gsob dang / ngag gsog dang / ngag gzung du med pa dang / ngag zhi ba dang / ngag mi gnas/ par shes nas bzod pa dang / de sems rnyog pa med pa dang / sems gsar ma yin pa dang / sems rnying ma yin pa dang / gcig la gcig mtshams sbyor ba med pa dang / skad cig gis 'jig pa med par 'gyur bar so sor rtog cing bzod la/ mtshams sbyor ba med par mthong ba 'di ni/ byang chub sems dpa' shes rab kyi gnas la gnas pa'i bzod pa zhes bya'o/ / de la byang chub sems dpa' shes rab kyi gnas la gnas pa'i brtson 'grus gang zhe na/ byang chub sems dpa' dge ba'i rtsa ba thams cad rnam par 'phel bar bya ba'i phyir/ brtson 'grus kyang rtsom la/ brtson 'grus rnam par 'phel ba des kyang / chos kyi dbyings rnam par 'phel ba dang / yongs su 'grib par yang dag par rjes su mi mthong ba gang yin pa dang / des chos thams cad chos kyi dbyings su yang dag par 'du bar rig nas/ chos gang yang bden par yongs su grub par yang dag par rjes su mi mthong la// mi bden pa phyin ci log la/ 'jig rten gnas pa yang mthong ba dang / des de ltar shes rab rnam par dag pa'i sgo nas/ chos thams cad la yang dag par lta ba na/ chos rnams

  376. 189a

    'phel bar yang mi byed/ 'grib par yang mi byed pa dang / chos thams cad spungs pa'i rang bzhin ma yin pa dang / yul na mi gnas pa dang / phyogs na/ mi gnas pa dang / gang nas kyang mi 'ong ba dang / gang du yang mi 'gro bar rab tu shes te/ de de lta bu'i chos dang ldan pas/ phyin ci log pa yang dag pa ji lta ba bzhin du yongs su shes par bya ba'i phyir/ sems can rnams la chos ston pa'i brtson 'grus rtsom la/ sems can de dag kyang yang dag par mi dmigs te/ sems can mi dmigs pa gang yin pa de nyid/ de'i chos thams cad mi dmigs pa'o// de ci'i phyir zhe na/ sems can la ma gtogs pa'i chos gang yang med la/ chos la ma gtogs pa'i sems can rnams kyang med mod kyi/ 'on kyang chos kyi ngo bo nyid gang yin pa de ni bdag gi ngo bo nyid do// bdag gi ngo bo nyid gang yin pa de ni/ chos thams cad kyi ngo bo nyid do// chos thams cad kyi ngo bo nyid gang yin pa de ni/ sangs rgyas kyi chos thams cad kyi ngo bo nyid do// ngo bo nyid mnyam pa nyid 'dis/ sangs rgyas kyi chos thams cad tshol ba gang yin pa dang / btsal nas kyang chos mi dmigs chos ma yin pa yang mi dmigs pa dang / tshol ba na yang gang gis btsal ba dang / gang btsal ba dang / sus btsal ba de dag thams cad mi dmigs

  377. 189b

    pa 'di ni/ byang chub sems dpa' shes rab kyi gnas la gnas pa'i brtson 'grus shes bya'o// de la byang chub sems dpa' shes rab kyi gnas la gnas pa'i bsam gtan gang zhen bsam gtan rnams la yang snyoms par 'jug la/ mnyam pa nyid las kyang nyams par mi 'gyur/ phun sum tshogs par yang mi 'gyur ba gang yin pa dang / de bsam gtan rnams kyang bsam gtan du byed la/ chos gang yang skyed par yang mi byed/ 'bri bar yang mi byed pa dang / yul thams cad la yang mi rten par bsam gtan byed la/ chos thams cad dang 'thun pa dang / mi mthun pa med par yang bsam gtan byed pa dang lus dang sems kyis kyang bsam gtan gyi yan lag dang / bsam gtan gyi bsam pa dang / bsam gtan gyi sbyor ba de dag mngon par sgrub par mi byed pa dang / de snyoms par 'jug pa na/ ci nas de bzhin nyid dang yang dag pa'i mtha' dang / chos kyi dbyings kyis snyoms par 'jug pa de lta bus snyoms par 'jug pa dang / de sems can thams cad mnyam pa nyid dang / chos thams cad la sgro mi 'dogs pas snyoms par 'jug pa ste/ de de ltar ting nge 'dzin bsgom pa'i sbyor ba la brtson pa na/ nang dang phyi rol gyi lus dang / sems la yang mi gnas la/ phyi rol gyi yul la yang sems mi gnas pa de ni/ mi gnas pa'i rnam par shes pa ste/ dmigs pa can gyi

  378. 190a

    rang bzhin gyis snyoms par 'jug pa thams cad kyang zil gyis gnon la/ phyi rol gyi drang srong mngon par shes pa lnga dang ldan pa rnams dang / nyan thos dang / rang sangs rgyas thams cad dang / bsam gtan dang / bsam gtan la snyoms par 'jug pa thams cad kyang zil gyis gnon to// de'i dge ba'i rtsa ba rnams dang / bsam gtan de dag kyang shes rab kyi shas che ba dang / lta ba'i nyon mongs pa dang bral ba yin la/ byang chub tu yongs su bsngos pa gang yang yin pa dang / sems can yongs su smin par byed pa yang sgrub pa yin te/ de lta bas na de bzhin gshegs pa ni/ snyoms par 'jug pa gcig gis yongs su mya ngan las 'da' ba'i mtha'i bar du thug par mdzad de/ 'di ni byang chub sems dpa' shes rab kyi gnas la gnas pa'i bsam gtan no/ / de la byang chub sems dpa' shes rab kyi gnas la gnas pa'i chos lhag par mthong ba gang zhe na/ des chos gang lhag par mthong ba de dag shes rab kyi mig kho nas lhag par mthong gi/ sha'i mig dang / lha'i mig gis chos de dag lhag par mthong ba ma yin no// de dag zhi ba kho nar lhag par mthong gi/ ma zhi bar lhag par mthong ba ma yin no// de bzhi du chos rnams rgyu ba med pa dang / gnas pa med pa dang / dben pa dang / yongs su grub pa med par lhag par mthong ngo // de ltar mthong ba gang yin pa de ni chos thams cad lhag par

  379. 190b

    mthong ba'o/ / des chos thams cad lhag par mthong ba na/ gal te chos 'ga' zhig mthong na ni/ lhag mthong ma yin te/ de ci'i phyir zhe na/ chos mthong bas ni lhag mthong skyes pa ma yin la shes pa ni mi shes pa yin pa'i phyir ro/ / ma mthong ba ni chos lhag par mthong ba yin la/ bdag ma mthong ba dang / sems can ma mthong ba dang / srog dang / gso ba dang skyes bu dang / gang zag ma mthong ba ni/ chos lhag par mthong ba yin te/ de ltar na byang chub sems dpas ni chos de dag kyang ji lta ba bzhin du mthong la/ sems can rnams kyang byin gyi log tu gyur par mthong nas/ de'i tshe byang chub sems dpa' de/ kye mchos 'di dag ni 'di ltar dag na/ sems can 'di dag ni kun nas nyon mongs so snyam nas/ sems can rnams la ches brtan par snying rje chen po skye'o/ / de bas na de sems can rnams rab tu grol bar bya ba'i phyir/ snying brtse ba chen po bskyed do// sems can de dag kyang rtag tu sems can med pa kho na ste/ 'di ni byang chub sems dpa' shes rab kyi gnas la gnas pa'i chos lhag par mthong ba'o// de la byang chub sems dpa' shes rab kyi gnas la gnas pa'i sems can yongs su smin par bya ba gang zhe na/ klu'i bdag po 'di la byang chub sems dpa' ni sems can med pa'i phyir/ sems can rnams yongs su smin par byed do// sems can bdag med pa dang // sems

  380. 191a

    can la sems can med pa dang / sems can dben pa dang / sems can rang bzhin gyis sems can du brjod pa tsam du zad pa dang / sems can du gdags pa tsam du zad pa dang sems can stong pa dang / sems can mtshan ma med pa dang / sems can smon pa med pa dang / sems can mngon par 'du byed pa med pa dang / sems can ji ltar bzhin ma yin pa dang / sems can ma skyes pa dang / sems can ma byung ba dang / sems can rnam par dag pa'i phyir/ sems can rnams yongs su smin par byed de/ de yang bdag gzhig pa'i phyir ma yin/ sems can gzhig pa'i phyir ma yin/ srog dang / gso ba dang / skyes bu dang / gang zag gzhig pa'i phyir ma yin/ dngos po gzhig pa'i phyir ma yin/ rdzas gzhig pa'i phyir ma yin gyi/ klu'i bdag po sems can de dag gi ngo bo nyid ji lta ba de kho na bzhin du yongs su smin par byed do// sems can rnams kyi ngo bo nyid ji lta bu zhe na/ 'di lta ste/ rang bzhin gyis bdag med pa'i ngo bo nyid/ ngo bo nyid med pa ni sems can rnams kyi ngo bo nyid do// sems can rnams kyi ngo bo nyid gang yin pa'i ngo bo nyid de nyid ni/ chos thams cad kyi ngo bo nyid do// chos thams cad kyi ngo bo nyid gang yin pa de ni/ sangs rgyas kyi chos thams cad kyi ngo bo nyid de/ de bas na chos thams cad ni sangs rgyas kyi chos shes

  381. 191b

    bya'o/ / klu'i bdag po chos thams cad ces bya ba ni ming tsam du zad de/ ming de yang ming du mi dmigs so// klu'i bdag po chos thams cad ces bya ba bstan pa ni/ chos ma yin pa bstan pa yin no/ / de ci'i phyir zhe na/ ji tsam du chos tha snyad du byed pa de tsam du chos ma yin pa'i phyir ro// de la chos gang brjod pa de dag thams cad ni chos ma yin pa kho na'o// klu'i bdag po ches nyid dang / chos kyi dbyings ni rang bzhin gyis brjod pa 'am/ smra bar mi nus te/ 'di ltar chos kyi dbyings kyi rang bzhin brjod du med pa dang / chos thams cad chos kyi dbyings kyi rang bzhin can yin te/ de lta bas na chos thams cad brjod par mi nus so// klu'i bdag po sangs rgyas kyi chos 'di dag ni rnam grangs 'di dang tshul 'dis bstan mod kyi/ 'on kyang sangs rgyas kyi chos de dag ni/ sgra'i rnam par rig byed kyis/ rnam par rig par bya ba ma yin no// klu'i bdag po sangs rgyas kyi chos rnams ni/ 'dus byas dang / 'dus ma byas kyi chos rnams kyis rnams par rig par bya ba ma yin/ gdags par bya ba ma yin no// de ci'i phyir zhe na/ klu'i bdag po 'dus byas dang / 'dus ma byas ma gtogs par gang gzhan du bgrang du rung ba'i chos ci yang med do/ / gsol pa/ bcom ldan 'das 'o na sangs rgyas kyi chos rnams 'dus ma bgyid pa lags sam/ de bzhin gshegs pa

  382. 192a

    yang de lta bu lags sam/ bcom ldan 'das kyis bka' stsal pa/ klu'i bdag po de de bzhin no// de de bzhin te sangs rgyas kyi chos rnams kyang 'dus ma byas pa'o/ / de bzhin gshegs pa yang 'dus ma byas pa'o// klu'i bdag po de la ji snyam du sems/ 'dus ma byas pa la gdags pa ci yang yod dam/ gsol pa/ bcom ldan 'das de ni ma lags so/ / bcom ldan 'das kyis bka' stsal pa/ klu'i bdag po rnam grangs 'dis kyang khyod kyis ji ltar sangs rgyas kyi chos rnams rnam par rig par bya ba ma yin pa dang gdags par bya ba ma yin pa de ltar rig par bya'o/ / sangs rgyas kyi chos rnams ji lta ba bzhin du/ chos thams cad kyang de dang 'dra'o// klu'i bdag po sems can rnams la de bzhin gshegs pa'i thugs rje chen po ji tsam du brtan pa la ltos/ 'di ltar rnam par rig par bya ba ma yin pa dang / gdags par bya ba ma yin pa'i chos rnams ming dang brdas 'dogs par mdzad de chos 'di dag ni zag pa dang bcas pa'o/ / chos 'di dag ni zag pa med pa'o// de bzhin du 'jig rten pa rnams dang / 'jig rten las 'das pa rnams dang / kha na ma tho ba dang bcas pa rnams dang / kha na ma tho ba med pa rnams dang / 'dus byas rnams dang / 'dus ma byas rnams dang / kun nas nyon mongs pa'i phyogs dang 'thun pa rnams dang / rnam par byang ba'i

  383. 192b

    phyogs dang 'thun pa rnams dang / bsten par bya ba rnams dang / yongs su spangs par bya ba rnams dang / gdag par bya ba rnams dang gzhig par bya ba rnams dang / so so'i skye bo'i chos rnams dang / slob pa'i chos rnams dang / mi slob pa'i chos rnams dang / rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams 'dogs par mdzad de/ klu'i bdag po de ltar na/ de bzhin gshegs pa ni de ltar chos rnam par gzhag pa bstan pa yang ston par mdzad la chos gang la yang mtshan mar yang dag par rjes su mi gzigs so/ / klu'i bdag po dper na/ mi la la zhig skyes la/ des nam mkha'i khams gzugs med cing bstan du med pa 'di la/ tshon rtsi thams cad kyis ri mo bris te/ lha'i gzugs rnams kyang der bstan mi'i gzugs rnams dang / rta dang / glang po che dang / shing rta dang / dpung bu chung dang / gzhon pa rnams kyang der bstan na/ klu'i bdag po 'di// ji snyam du sems/ ci mi de dka' ba byed pa yin nam/ gsol pa/ bcom ldan 'das dka' ba bgyid pa lags so// bde bar gshegs pa dka' ba bgyid pa lags so// bcom ldan 'das kyis bka' stsal pa/ klu'i bdag po de bas ni gang gzugs med cing bstan du med pa gzung du med pa yi ge med pa/ brjod du med pa'i chos 'di sems can gzhan rnams dang

  384. 193a

    gang zag gzhan rnams la brda sprad cing yi ge rnams kyis mtshon te/ thabs sna tshogs kyis go bar byas pa de/ de bzhin gshegs pas ches dka' ba mdzad pa yin no// klu'i bdag po de bas kyang gang dag 'di ltar bstan pa'i chos 'di dag la mos par 'gyur ba 'am/ 'jug par 'gyur ba de dag ni ches ngo mtshar che ba byed pa yin no// klu'i bdag po gzhan yang zab mo'i tshul 'di la 'jug pa'i sems can gang yin pa de dag ni/ sngon gyi de bzhin gshegs pa rnams la yongs su sbyang ba byas pa yin te/ de dag la ni bdud sdig can gyis kyang glags mi rnyed do/ / klu'i bdag po ngas mngon par shes pa 'das pa'i dus na/ sangs rgyas bcom ldan 'das tshad med pa ngas mnyes par byas te/ mchod pa yang byas/ de dag gi bstan pa la yang nga rab tu byung ste/ tshangs par spyod pa yang spyad na/ 'on kyang de bzhin gshegs pa de dag gis nga la 'di ltar zab cing / 'di ltar rgyu ba chad pa'i chos ma bstan te/ gzhan du na sbyor ba'i gtam nyi tshe dang / sbyin pa dang / dul ba dang / legs par sdom pa dang / nges pa'i gtam nyi tshe dang / tshul khrims dang / thos pa dang gtong ba dang / bzod pa dang / brtson 'grus dang bag yod pa'i gtam nyi tshe dang / tshangs par spyad pa dang / sbyangs pa'i yon tan dang / yo byad sbyangs pa'i gtam nyi tshe bstan to// de ci'i phyir zhe na/ 'di ltar yongs su sbyang ba

  385. 193b

    ma byas pa'i phyir ro/ / klu'i bdag po gang gi tshe nga yongs su sbyangs pa byas par gyur pa de'i tshe ni ngas de bzhin gshegs pa mar me mdzad chen po las zab mo'i chos kyi tshul 'di thos so// thos nas kyang nga 'thun pa'i chos rnams la bzod pa skyes so// klu'i bdag po de lta bas na/ rnam grangs 'dis kyang khyod kyis 'di ltar zad cing / nga'o snyam pa'i nga rgyal las rnam par grol ba/ yongs su rtog pas byas pas rgyu dang rkyen las byung ba/ sems can dang / srog dang / gso ba dang / gang zag tu rtog pa med pa'i chos rnams la mos pa dang / dad pa dang / 'dzin / pa dang / gzhan dag la yang brda sprod par byed pa'i sems can de dag/ ji ltar sngon gyi de bzhin gshegs pa rnams la yongs su sbyang ba byas pa yin pa dang / de dag la ni bsod nams kyang mang du 'phel bar 'gyur ba de ltar rig par bya'o/ / klu'i bdag po byang chub sems dpa' sems can rnams kyi phan pa dang / bde ba'i don la zhugs pa gang gis/ stong gsum gyi stong chen po'i 'jig rten gyi khams na/ sems can lha rnams dang / mi rnams kyi bde ba'i yo byad ji snyed yod pa'i bde ba'i yo byad de snyed/ sems can re re la byin na/ klu'i bdag po 'di ji snyam du sems/ ci byang chub sems dpa' des sems can de dag la bde ba'i yo byad mang po byin pa yin nam/ gsol pa/ bcom ldan 'das mang lags so// bde bar

  386. 194a

    gshegs pa mang lags so/ / bcom ldan 'das kyis bka' stsal pa/ klu'i bdag po byang chub sems dpas sems can de dag la bde ba'i yo byad de snyed byin pa gang yin pa dang / de dag la mi rtag pa dang ldan pa/ tshig cig tsam bstan tam/ sdug bsngal ba dang ldan pa 'am/ bdag med pa dang ldan pa 'am/ zhi ba dang ldan pa 'am/ stong pa nyid dang ldan pa 'am/ mtshan ma med pa dang ldan pa 'am/ smon pa med pa dang ldan pa 'am/ sems can med pa dang / srog med pa dang / gso ba med pa dang / gang zag med pa dang ldan pa 'am/ ma skyes pa ma byung ba dang ldan pa tshig gcig tsam bstan/ de nyid des bde ba'i yo byad de bas ches mang du byin pa yin te/ bsod nams kyang ches mang du 'phel bar 'gyur ro/ / de ci'i phyir zhe na/ klu'i bdag po 'dus byas kyi bde ba'i yo byad thams cad ni/ sems can rnams kyis sngon myong zin gyi/ 'dus ma byas kyi bde ba'i yo byad ni/ sems can rnams kyis sngon ma myong ba'i phyir ro/ / klu'i bdag po de la 'di ltar zab pa'i chos 'di dag thos pa gang yin pa 'di ni/ 'dus ma byas kyi bde ba'i yo byad 'dren pa yin te/ de bas na klu'i bdag po byang chub sems dpa' bdag gi don dang / gzhan gyi don yongs su rdzogs par byed 'dod pa rnams kyis ni/ chos zab mo rnams la brtson par bya'o// klu'i nga dag 'o byang chub

  387. 194b

    sems dpa' 'khor gyi nang du 'ongs la/ 'khor gyi nang du 'dug nas/ zab mo'i gtam gyi bar gcad de/ gtam sna tshogs gleng ba gang yin pa de ni dam pa'i chos nub par bya ba'i phyir brtson pa yin no/ / de ci'i phyir zhe na/ 'dzam bu'i gling 'dir ji srid du zab mo'i chos grags pa de srid du/ dam pa'i chos nub par mi 'gyur ba'i phyir ro// klu'i bdag po gzhan yang mo chos 'dod de/ chos nyan pa ni nyung la/ mi ma yin pa chos nyan pa ni mang ste/ der dam pa'i chos smra ba po gang gis zab mo'i gtam ni 'chab par byed la/ gtam sna tshogs ni gleng bar byed na/ der zab mo la mos pa'i lha rnams yi ma rangs par 'gyur te/ 'di skad du rigs kyi bu 'di ni gang kho na la 'jig rten pa/ nyon mongs pa spyod pa de nyid kyi 'jig rten pa'i gtam gleng zhing 'dug ste/ kye re ngan 'di na sangs rgyas kyi gsung mi grag go zhes tshig ngan mthon nas/ de dag 'khor de dag la mi dga' ste 'dong bar byed do// smon lam gyis le'u ste gnyis pa'o/ / // de nas bcom ldan 'das la klu'i rgyal po rgya mtshos 'di skad ces gsol to// bcom ldan 'das ci 'jig rten pa'i sbyin pa dang / dul ba dang / legs par sdom pa dang / nges pa'i gtam dang / rab tu 'byung ba dang / nges par 'byung ba'i gtam dang / tshangs par spyod pa dang / tshul khrims dang

  388. 195a

    thos pa dang / bag yod pa dang / sbyangs pa'i yon tan dang / yo byad bsnyungs pa'i gtam sangs rgyas kyi gsung ma lags sam/ bcom ldan 'das kyis bka' stsal pa/ 'i bdag po chos gang sangs rgyas bcom ldan 'das rnams 'byung bar 'gyur ba dang / 'gog par 'gyur ba'i phyir skye ba ma yin pa/ khams gsum na spyod pa/ nges par 'byung bar 'gyung ba ma yin pa de dag thams cad ni/ 'jig rten pa'i yin gyi/ de dag ni sangs rgyas kyi gsung ma yin no// de dag kyang gang zhe na/ 'di lta ste/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / dge ba bcu'i las kyi lam dang / 'jig rten pa'i sbyin pa dang / tshul khrims dang bzod pa dang / brtson 'grus dang / bsam gtan dang / shes rab shes pa dang / yi ge dang / grangs dang / bgrang ba dang / lag rtsis shes pa dang / 'byung khung shes pa dang / sngags dang / sman dang / gso ba shes pa dang / las dang / bzo'i gnas shes pa dang / mtshan ma dang bcas pa dang / ched du bya ba dang bcas pa dang / zang zing dang bcas pa dang / rgyu ba dang bcas pa dang / rdzas dang bcas pa shes pa dang / 'jig rten pa dang khams gsum na spyod pa gang yin pa de dag ni/ sangs rgyas kyi gsungs ma yin no//

  389. 195b

    klu'i bdag po sangs rgyas bcom ldan 'das rnams 'byung bar 'gyur ba'i chos sngon ma thos pa las thos pa gang dag yin pa 'di lta ste/ mi rtag pa'i don dang / sdug bsngal ba'i don dang / bdag med pa'i don dang / zhi ba'i don dang / sdug bsngal yongs su shes pa'i don dang / kun 'byung ba spang ba'i don dang / 'gog pa mngon sum du bya ba'i don dang / lam sgom pa'i don dang / stong pa nyid sgom pa'i don dang / mtshan ma med pas nges par rgal ba'i don dang / smon pa med pas nges par 'byung ba'i don dang / mngon par 'du byed pa med pa dang / ma skyes pa dang / ma byung ba'i don dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang lam dang / zhi gnas dang / lhag mthong gi don dang / ji lta ba bzhin du rang bzhin gyis ma skyes pa'i don dang / phung po dang / khams dang / skye mched dben pa'i don dang / chos gang rjes su rtogs nas/ chos rnams dang / chos ma yin pa rnams gnyis su mi 'byed pa dang / chos thams cad kyang gtam tu mngon par mi 'grub par rab tu shes pa dang / skye ba med pa dang chad pa med pa dang / rtag pa med pa dang / rten cing 'brel par 'byung ba thob pa rnams dang / rang bzhin gyis 'dod chags dang bral ba thob pa rnams dang / de ltar 'dus ma byas

  390. 196a

    pa'i chos mthong bas yang dag par nges pa la 'jug la/ chos rnams kyi nges pa la yang mi rtog/ rtog pa dang / rnam par rtog pa dang / yongs su rtog pa thams cad dang yang bral ba dang / phri ba yang med/ bsnan pa yang med pa dang / mun pa yang med/ snang ba yang med pa dang / nam mkha'i ngo bo nyid dang / mnyam pa nyid thob pa dang rang bzhin gyi mtshan nyid dang / mnyam pa'i mtshan nyid dang / mtshan nyid med pa dang / mtshan nyid med pa ma yin pa dang / mtshan nyid med par mtshan nyid cig pa dang / 'du shes thams cad dang bral ba dang rig pa med pa dang / tshor ba thams cad rgyun bcad pa dang / phyin ci log mnyam pa nyid du mthong ba ni/ tha snyad kyi sgo nas 'bras bu thob pa zhes bya ste/ don dam par ni ma yin pa dang / des ci yang thob pa med la/ ma thob pa yang med pa dang / blangs pa yang med/ bor ba yang med pa ste klu'i bdag po de ltar na nges par 'byung ba'i chos gang dag yin pa rnams ston cing 'chad pa gang gis/ nyan thos rnams kyis nyan thos kyi shes pa thob pa dang / rang sangs rgyas rnams kyis rang sangs rgyas rnams kyi shes pa thob pa dang // byang chub sems dpa' rnams kyis mi skye ba'i chos rnams la bzod pa thob pa dang / de bzhin gshegs pa rnams kyis/ bla na med pa yang dag par rdzogs pa'i byang chub mngon par

  391. 196b

    rdzogs par 'tshang rgya bar 'gyur ba 'di ni/ sangs rgyas kyi gsung zhes bya'o// de yang kun rdzob kyi gzhi'i gnas las brten pa yin gyi/ don dam par ni ji ltar yang sangs rgyas kyi gsung tha snyad du gnas par mi nus te/ sangs rgyas kyi gsung ni chog med pa'o// sangs rgyas kyi gsung ni ngag med pa/ sgra med pa/ tshig gi lam med pa/ brjod du med pa rnam par rig par byed pa med pa/ gdags pa med pa/ ming med pa/ mtshan ma med pa/ bye brag phyed pa med pa/ rnam par shes pa med pa/ bsam du med pa/ bsam gyis mi khyab pa la 'jug pa ste/ rab tu dbye ba dang / brda sprad pa dang / nye bar bstan par mi nus so// klu'i bdag po sangs rgyas kyi gsung ni de lta bu yin no// de ci'i phyir zhe na/ klu'i bdag po nga ni yi ge 'dod pa'i sems can rnams la chos mi ston mod kyi/ 'on kyang yi ge yongs su shes par bya ba'i phyir chos ston te/ de bas na sangs rgyas kyi gsung ni yi ge med pa'o// klu'i bdag po nga ni brjod pa 'dod pa la chos mi ston mod kyi/ 'on kyang brjod pa thams cad gsal ba'i phyir chos ston te/ de bas na sangs rgyas kyi gsung ni brjod du med pa'o// klu'i bdag po nga ni rnam par rig par byed pa la mngon par zhen par bya ba'i phyir chos mi ston mod kyi/ 'on kyang rnam par rig par byed pa dang yongs su rtog pa thams cad nye bar zhi bar bya ba

  392. 197a

    phyir chos ston te/ de lta bas na sangs rgyas kyi gsung ni rnam par rig par byed pa ma yin no// klu'i bdag po nga ni chos gzung bar bya ba'i phyir dang / chos la mngon/ par zhen pa bya ba'i phyir dang / chos spros par bya ba'i phyir dang / chos yongs su rtag par bya ba'i phyir dang / chos bskyed par bya ba'i phyir dang / chos 'gag par bya ba'i phyir dang / chos rnam par 'jig par bya ba'i phyir dang / chos gnas par bya ba'i phyir dang / chos dmigs par bya ba'i phyir dang / chos rlom sems su bya ba'i phyir dang / chos kyi ngo bo nyid kyi phyir dang chos brtag par bya ba'i phyir dang / chos mtshan mar bya ba'i phyir dang / chos la bsgrim par bya ba'i phyir dang / chos 'chad par bya ba'i phyir chos mi ston to// klu'i bdag po nga ni chos gang yang spang bar bya ba 'am/ 'gag par bya ba'i phyir chos mi ston mod kyi/ 'on kyang nga ni chos thams cad rang bzhin gyis sgro btags pa med pa'i phyir chos ston te/ klu'i bdag po de lta bas na chos thams cad rang bzhin gyis sgro btags pa med pa gang yin pa 'di ni/ sangs rgyas kyi gsungs zhes bya'o// ci'i phyir de la sangs rgyas kyi gsung zhes bya zhe na/ tshig thams cad kyi tshul ni sangs rgyas yin te/ des na sangs rgyas kyi gsung zhes bya'o// tshig thams cad kyi sngon gyi mtha' dang phyi ma'i mtha' yongs su gcod pa ni sangs rgyas yin te/ des

  393. 197b

    na sangs rgyas kyi gsung zhes bya'o/ / tshig thams cad kyi ldem por dgongs pa ston pa ni sangs rgyas yin te/ des na sangs rgyas kyi gsung zhes bya'o// tshig thams cad kyi lan mkhyen pa ni/ sangs rgyas yin te/ des na sangs rgyas kyi gsung zhes bya'o// tshig thams cad kyi rgyu dang / dmigs pa dang / tha snyad ni sangs rgyas yin te/ des na sangs rgyas kyi gsung zhes bya'o// tshotshig thams cad brag cha dang 'dra ba yang dag par gzhol bar mkhyen pa ni sangs rgyas yin te/ des na sangs rgyas kyi gsung zhes bya'o// klu'i bdag po gzhan yang yi ge ci yang rung ba dang tshig ci yang rung ba de dag ni sangs rgyas kyi gsung ma yin pa med do/ / de ci'i phyir zhe na/ yi ge de dag nyid ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs pa dang / gsung ba dang / gsung bar 'gyur pa'i phyir ro// de lta bas na yi ge thams cad dang tshig thams cad ni sangs rgyas kyi gsung yin te/ de lta bu'i tshig gi don de la 'jug pa gang yin pa 'di ni/ byang chub sems dpa'i don so so yang dag par rig pa zhes bya'o// yi ge thams cad dang tshig thams cad ni sangs rgyas kyi gsung yin te/ de la chos kyi dbyings dbyer med cing ro gcig par shes pa gang yin pa 'di ni/ byang chub sems dpa'i chos so so yang dag par rig pa zhes bya'o// yi ge thams cad dang tshig thams cad ni sangs rgyas kyi

  394. 198a

    gsung yin te/ de la ci rigs par chos la dpyod pa shes pa gang yin pa 'di ni/ byang chub sems dpa'i nges pa'i tshig so so yang dag par rig pa zhes bya'o// yi ge thams cad dang tshig thams cad ni sangs rgyas kyi gsung yin te/ de la ci rigs pa'i gnas las chags pa med par ston pa shes pa gang yin pa 'di ni/ byang chub sems dpa'i spobs pa so so yang dag par rig pa zhes bya'o/ / klu'i bdag po de ltar na so so yang dag par rig pa bzhis ma bsdus pa'i chos gang yang med la/ so so yang dag par rig pa thob pa'i byang chub sems dpa' yang yi ge ci yang rung ba de dang / tshig ci yang rung ba de dang / nges pa'i tshig ci yang rung ba gang yin pa de ni/ sangs rgyas kyi gsung yin no zhes bya ba la 'jug ste/ des na de ni chags pa med cing thogs pa med par bskal pa stong gi bar du yang ston cing 'chad de/ thogs pa yang med do// de ci'i phyir zhe na/ klu'i bdag po 'di ni mi bzad pa'i za ma tog ces bya ba'i gzungs yin te/ gzungs de thob pa'i byang chub sems dpa' ni/ tshig dang yi ge mi zad pa'i mos pa'i tshig legs par byas pa rnams dang / sngon gyi mtha' dang / phyi ma'i mtha'i phan tshun gyis nyes pa spangs pa rnams dang / thogs pa med pa rnams dang / 'thad pa rnams dang / kun rdzob kyi bden pas brgyan pa rnams dang / don dam pa dang ldan pa

  395. 198b

    rnams dang / rten rnam par dag pa rnams dang / drang ba'i don dang / nges pa'i don mnyam par rtag pa rnams dang / kun nas nyon mongs pa dang / rnam par byang ba'i gzhi ji lta ba bzhin du bstan pa rnams dang / sems can thams cad kyi spyod pa la 'jug pa rtogs pa'i bstan pa 'chad pa rnams dang / dbang po brgyad khri bzhi stong rkyen ji lta ba bzhin du rab tu rnam par 'byed pa rnams dang / yi ge rnams kyis kyang chos de dag gleng bar byed la/ 'on kyang de'i yi ge zad pa 'am/ chos brjod pa zad pa 'am/ dper bya ba bkod pa zad pa'am dus bstan pa zad pa 'am/ rgyu dang 'bras bu bstan pa zad pa 'am/ tshod dang / gnas dang / mtshams zad pa 'am/ sems kyi 'jug pa zad pa 'am/ a zhes bya ba'i sgo'i/ tshig zad pa'am/ a zhes bya ba'i mtshams sbyor ba zad pa 'am/ de bzhin du sbyar te/ pa zhes bya ba zad pa nas/ la zhes bya ba'i bar du zad pa 'am/ rnam par byang ba rnam par gzhag pa'i bar du zad pa 'am/ chos kyi nges pa'i chog gi tam zad pa 'am/ sna tshogs dang zab mo'i gtam zad pa 'am/ snrel zhi'i rgyud ston pa'i gtam zad pa'am spri'u tshugs dang 'thun pa'i gtam zad pa 'am/ 'thun pa dang mi mthun pa'i gtam zad pa 'am/ nges pa'i tshig med pa'i gtam zad pa 'am/ sangs rgyas dang chos dang

  396. 199a

    dge 'dun gyi yon tan bsngags pa brjod pa 'am/ bden pa bstan pa'i gtam zad pa 'am/ byang chub kyi phyogs kyi chos bstan pa'i gtam zad pa 'am/ las kyi rnam par smin pa bstan pa'i gtam zad pa 'am/ pha rol tu phyin pa bstan pa'i gtam zad pa med do// klu'i bdag po de ltar na yi ge thams cad bstan pa la zad pa med pa gang yin pa 'di ni/ mi zad pa'i za ma tog ces bya ba'i gzungs shes bya'o// klu'i bdag po mi zad pa'i za ma tog gi gzungs 'di ni mi zad pa nyid bzhis rtogs par bya ste/ bzhi gang zhe na/ so so yang dag par rig pa mi zad pa nyid dang / ye shes mi zad pa nyid dang / shes rab mi zad pa nyid dang / gzungs kyi spobs pa mi zad pa nyid de/ gzhi po de dag go// klu'i bdag po mi zad pa'i za ma tog gi gzungs ni gting dpag dka' ba bzhis rtogs par bya ba ste/ bzhi gang zhe na/ bsam pa'i gting dpag dka' ba dang / blo gting dpag dka' ba dang / chos la 'jug pa gting dpag dka' ba dang / sems can gyi spyod pa la 'jug pa gting dpag dka' ba ste/ bzhi po de dag go// klu'i bdag po bzhi po 'di dag ni/ mi zad pa'i za ma tog gi gzungs kyi snying po dang / yi ge yin par rtogs par bya ste/ bzhi gang zhe na/ shes rab snying por byed pa dang / sgrub pa snying por byed pa dang / bzod pa la gnas pa snying por byed

  397. 199b

    pa dang / brtsams pa nyams 'og tu chud par byed pa snying por byed pa ste/ bzhi po de dag go// klu'i bdag po bzhi po 'di dag ni/ mi zad pa'i za ma tog gi gzungs kyi nges par 'byed pa ste/ bzhi gang zhe na/ bden pa nges par 'byed pa dang / rten cing 'brel par 'byung ba nges par 'byed pa dang / sems can thams cad kyi spyod pa nges par 'byed pa dang / theg pa thams cad nges par 'byed pa ste/ bzhi po de dag go// klu'i bdag po bzhi po 'di dag ni/ mi zad pa'i za ma tog gi gzungs kyi snang ba yin te/ bzhi gang zhe na/ 'di lta ste/ sems cad thams cad kyi snang ba dang / shes rab kyi snang ba dang / shes rab kyi mig gi snang ba dang / so so ci rigs par chos ston pa'i snang ba ste/ bzhi po de dag go// klu'i bdag po bzhi po 'di dag ni/ mi zad pa'i za ma tog gi gzungs kyi rtun pa yin te/ bzhi gang zhe na/ brtson 'grus rtun pa dang / tshul khrims rtun pa dang / bsod nams kyi tshogs yongs su tshol ba rdzun pa dang / ye shes kyi tshogs yongs su tshol brtun pa ste/ bzhi po de dag go// klu'i bdag po bzhi po 'di dag ni/ mi zad pa'i za ma tog gi gzungs kyi chos yongs su tshol ba mthar thug pa med pa ste/ bzhi gang zhe na/ pha rol tu phyin pa yongs su tshol ba mthar phyin pa med pa dang / 'khor bas yongs su mi skyo ba yongs su tshol ba mthar phyin pa med pa dang / sems can yongs su smin

  398. 200a

    par bya ba yongs su tshol ba mthar phyin pa med pa dang / thams cad mkhyen pa'i ye shes yongs su tshol ba mthar phyin pa med pa ste/ bzhi po de dag go// klu'i bdag po bzhi po 'di dag ni/ mi zad pa'i za ma tog gi gzungs la chog mi shes pa ste/ bzhi gang zhe na/ sangs rgyas bcom ldan 'das rnams la mngon sum du chos mnyan pas chog mi shes pa dang / sems can rnams la chos bstan pas chog mi shes pa dang / dge ba'i rtsa ba yongs su tshol bas chog mi shes pa dang / de bzhin gshegs pa la mchod pa dang / bkur sti bya bas chog mi shes pa ste/ bzhi po de dag go// klu'i bdag po bzhi po 'di dag ni/ mi zad pa'i za ma tog gi gzungs la tshugs par dka' ba yin te/ bzhi gang zhe na/ 'di lta ste/ nyon mongs pa thams cad kyis tshugs par dka' ba dang / bdud thams cad kyis tshugs par dka' ba dang / phas kyis rgol ba thams cad kyis tshugs par dka' ba dang / gzhan gyis byas pa thams cad kyis tshugs par dka' ba ste/ bzhi po de dag go/ klu'i bdag po bzhi po 'di dag ni/ mi zad pa'i za ma tog gi gzungs kyi ma 'dres pa ste/ bzhi gang zhe na/ nyan thos dang / rang sangs rgyas rnams dang ma 'dres pa dang / rnyed pa dang / bku ri sti dang / tshigs su bcang ba thams cad kyis ma 'dres pa dang / bag chags kyi mtshams sbyor ba thams cad dang ma 'dres pa dang / so so'i skye 'o

  399. 200b

    nyes pa thams cad dang ma 'dres pa ste/ bzhi po de dag ni ma 'dres pa yin no// klu'i bdag po bzhi po 'di dag ni/ mi zad pa'i za ma tog gi gzungs la smad du med pa ste/ bzhi gang zhe na/ skye ba smad du med pa dang / tshul khrims 'chal pa'i sems can yongs su smin par bya ba smad du med pa dang / chos bstan pa'i bre mo gtam gcig pu la smad du med pa dang / theg pa chen pos sgrol ba'i phyir/ slong ba po smad du med pa ste/ bzhi po de dag ni smad du med pa yin no// klu'i bdag po bzhi po 'di dag ni/ mi zad pa'i za ma tog gi gzungs kyi stobs yin te/ bzhi gang zhe na/ sems can thams cad kyi nyes pa byas pa bzod pa'i phyir/ bzod pa'i stobs dang / sems can thams cad kyi som nyi gcod pa'i phyir/ ye shes kyi stobs dang / sems can thams cad kyi sems dang spyod pa yongs su shes pa'i phyir/ mngon par shes pa'i stobs dang / so so ci rigs par chos ston pa'i phyir/ thabs kyi stobs te/ bzhi po de dag ni stobs yin no/ / klu'i bdag po bzhi po 'di dag ni/ mi zad pa'i za ma tog gi gzungs kyi gter chen po mi zad pa yin te/ bzhi gang zhe na/ 'di lta ste/ dkon mchog gsum gyi gdung mi 'chad pa'i gter chen po mi zad pa dang / chos rtogs pa tshad med pa'i gter chen po mi zad pa dang / sems can thams cad mgu bar bya ba'i gter chen po mi zad pa dang / nam mkha' dang

  400. 201a

    mnyam pa'i ye shes kyi gter chen po mi zad pa ste/ bzhi po de dag ni gter chen po mi zad pa yin no// klu'i bdag po bzhi po 'di dag ni/ mi zad pa'i za ma tog gi gzungs kyi tshad med pa nyid de/ bzhi gang zhe na/ 'di lta ste/ thos pa tshad med pa nyid dang / shes rab tshad med pa nyid dang / yongs su bsngo ba tshad med pa nyid dang / nges pa'i tshigs bstan pa rnams la sgra tshad med pa nyid de/ bzhi po de dag go// klu'i bdag po bzhi po 'di dag ni/ mi zad pa'i za ma tog gi gzungs kyi don yod pa nyid de/ bzhi gang zhe na/ chos bstan pa don yod pa nyid dang / bden pa'i tshig bstan pa don yod pa nyid dang / chos la sbyor ba rnam par dbye ba don yod pa nyid dang / byang chub kyi snying por 'gro ba don yod pa nyid de/ bzhi po de dag go klu'i bdag po bzhi po 'di dag ni/ mi zad pa'i za ma tog gi gzungs la mi 'jigs pa thob pa ste/ bzhi gang zhe na/ 'di lta ste/ gang ngan 'gro thams cad kyis mi 'jigs pa thob pa dang / 'khor rnams kyi nang du zil gyis gnon pas mi 'jigs pa thob pa dang / sems can thams cad kyi som nyi gcod pa la mi 'jigs pa thob pa dang / sangs rgyas kyi sa la 'jug pa la mi 'jigs pa thob pa ste/ bzhi po 'di dag ni/ mi zad pa'i za ma tog gi gzungs la mi 'jigs pa thob pa yin par rig par bya ste/ klu'i bdag po de ltar na/ mi zad pa'i za ma tog

  401. 201b

    gi gzungs ni/ yon tan bstan pa tshad med pa dang / ye shes la 'jug pa tshad med pa'o// klu'i bdag po byang chub sems dpa'i spyod pa rnams dang / byang chub sems dpa'i ye shes rnams dang / byang chub sems dpa'i rnam par brtse ba rnams dang / byang chub sems dpa'i rgya cher rtse ba rnams dang / byang chub sems dpa'i yon tan gyi rgyan bkod pa rnams dang byang chub sems dpa'i lam rnams dang / byang chub sems dpa'i snod rnams dang / byang chub sems dpa'i sde snod rnams dang / sde snod de la 'jug pa rnams dang / gzungs kyi sgo'i phyag rgya la 'jug pa rnams dang / bsgre ba dang / bsgre ba ma yin pa la mkhas pa dang / lus dang / ngag dang / sems kyi rgyan bkod pa rnams dang / sangs rgyas kyi zhing gi yon tan bkod pa yongs su 'dzin pa dang / byang chub kyi snying po'i tshogs bsags pa rnams dang / sems can yongs su sbyangs pa'i ye shes la 'jug pa rnams dang / dam pa'i chos yongs su 'dzin pa dang 'thun pa dang / stobs dang / brtson 'grus dang / pha rol tu phyin pa thams cad nye bar brtan pa shes pa dang / byang chub kyi snying po'i rgyan bkod pa rnams dang sangs rgyas kyi chos thams cad ji snyed pa zhes tshig tu smra ba na/ mi zad pa'i za ma tog gi gzungs yang dag par smra bas smra bar bya'o// klu'i bdag po sems can gyi brda'i

  402. 202a

    rjes su 'jug pa 'am/ chos kyi brda'i rjes su 'jug pa'i yi ge gang yin pa de dag thams cad ni// mi zad pa'i za ma tog gi gzungs kyi rjes su 'jug pa'i tshul/ gyis/ byang chub sems dpas yi ge de dang / de rnams kyi tshul gyi dgongs pa rab tu shes te/ 'di lta ste/ chos thams cad gzod ma nas dag pas na/ chos thams cad kyi rang bzhin la slu bar mi byed do/ / chos thams cad la dga' bas na/ chos kyi kun dga' la dga' ba slu bar mi byed do// chos thams cad don dam pa yin pas na/ chos thams cad kyi nges pa'i don la slu bar mi byed do/ / chos thams cad mig yin pas na/ chos thams cad kyi snang ba la slu bar mi byed do// chos thams cad ming tsam du zad pas na/ chos thams cad kyi brda la slu bar mi byed do// chos thams cad thob pa yin pas na/ chos thams cad kyi dgongs pa sbyor ba la slu bar mi byed do// chos thams cad dul bas na/ chos thams cad kyi cang shes nyid la slu bar mi byed do/ / chos thams cad zhi bas na/ chos thams cad kyi snang bar nyid la slu bar mi byed do// chos thams cad stobs dang bral bas na chos thams cad kyi stobs med pa nyid la slu bar mi byed do/ / chos thams cad tshig pa yin pas na/ chos thams cad kyi mi skye ba nyid la slu bar mi byed do// chos thams cad dang pa

  403. 202b

    dang ldan pas na/ chos thams cad kyi mos pa la slu bar mi byed do// chos thams cad tshig gi lam yin pas na// chos thams cad kyi brjod pa la slu bar mi byed do// chos thams cad de bzhin nyid yin pas na/ chos thams cad kyi de bzhin nyid kyi rjes su 'gro ba la slu bar mi byed do// chos thams cad ji lta ba bzhin pas na/ chos thams kyi dus gsum mnyam pa nyid la slu bar mi byed do/ / chos thams cad gnas na gnas pas na/ chos thams cad kyi mi g.yo ba nyid la slu bar mi byed do// chos thams cad lag mthil na 'dug pas na/ chos thams cad kyi bya ba yod pa la slu bar mi byed do/ / chos thams cad mnyam pas na/ chos thams cad kyi khyad par med pa nyid la slu bar mi byed do// chos thams cad la ma yin pas na/ chos thams cad kyi kun nas 'jug pa ston to/ / chos thams cad nam mkha' yin pas na/ chos thams cad kyi nam mkha' lta bu nyid ston to// chos thams cad nan gyis byas pas na/ chos thams cad kyi sgrol ba nyid ston to/ / chos thams cad bslang du med pas na/ chos thams cad kyi bdag po med pa nyid ston to// chos thams cad dran pa yin pas na/ chos thams cad kyi brjed pa med pa ston to/ / chos thams cad gzungs yin pas na/ chos thams cad kyi mi zad pa nyid ston to// chos thams cad zhi ba yin pas na/ chos thams cad kyi nye bar zhi ba ston to//

  404. 203a

    chos thams cad nam mkha' dang mnyam pas na/ chos thams cad kyi yangs pa nyid ston to// chos thams cad zad pa'i sgo yin pas na/ chos thams cad kyi zad pa'i mtha'i sgo ston to/ / chos thams cad gnas na gnas pas na/ chos thams cad kyi gnas pa'i chos nyid ston to// chos thams cad ye shes la 'jug pas na/ chos thams cad kyi gti mug dang bral ba nyid ston to/ / chos thams cad khongs su 'dus pas na/ chos thams cad kyi snrel zhi nyid ston to// chos thams cad dngos po dang bral bas na/ chos thams cad kyi dngos pa med pa nyid ston to/ / chos thams cad g.yo ba dang ldan pas na/ chos thams cad kyi tshul bzhin ma yin pa yongs su 'dzin pa ston to// chos thams cad dran par byed pa yin pas na chos thams cad kyi sngon gyi gnas rjes su dran pa ston to/ / chos thams cad yo byad mang ba yin pas na/ chos thams cad kyi srid pa nyid ston to// chos thams cad sa zhes bya ba la 'jug bas na/ chos thams cad kyi ma ning gi tshig bla dgas ston to// chos thams cad ha zhes bya ba dang / na zhes bya ba la 'jug pas na/ chos thams cad kyi mi 'dra ba nyid ston to// chos thams cad rgya mtsho la 'jug pas na/ chos thams cad kyi dgongs pa'i tshig rgya chen po ston to// chos thams cad lhun sdug pas na/ chos thams cad kyi bskyod du med pa nyid ston to//

  405. 203b

    chos thams cad gnas na gnas pas na/ chos thams cad kyi chos kyi dbyings gnas pa nyid ston to// chos thams cad 'dren pa yin pas na/ chos thams cad kyi yang dag pa'i 'dul ba ston to/ / chos thams cad 'bras bu thob pa yin pas na/ chos thams cad kyi yid la byed pa medo nyid ston to// chos thams cad phung po tsam du zad pas na/ chos thams cad kyi sdug bsnga yongs su shes pa ston to/ / chos thams cad chom rkum yin pas na/ chos thams cad kyi glo bur gyi nye ba'i nyon mongs pa nyid ston to// chos thams cad spangs pa yin pas na/ chos thams cad kyi mngon par zhen pa med pa nyid ston to/ / chos thams cad da zhes bya ba yin pas na/ chos thams cad kyi lam chad pa nyid ston to// chos thams cad d+ha zhes bya ba yin pas na/ chos thams cad kyi mtha' yas pa dang / yongs su chad pa med pa nyid ston to// klu'i bdag po 'di ni yi ge'i brda la 'jug pa zhes bya ba mi zad pa'i za ma tog gis gzungs la/ byang chub sems dpas gzungs thob nas/ yi ge thams cad kyi nges pa'i cho ga gi dgongs pa rtogs par 'gyur ba'o// klu'i bdag po dper na/ yi ge rnams mi zad pa de bzhin du/ chos thams cad kyi bstan pa mi zad do/ / dper na/ yi ge rnams ni lus sam/ sems gang nas kyang mi 'byung ba de bzhin du chos thams cad kyang gang nas kyang mi 'byung ste/ lus la yang mi gnas/

  406. 204a

    sems la yang mi gnas so// dper na/ yi ge rnams ni kun nas nyon mongs par yang mi 'gyur la/ kun nas nyon mongs pa yang brjod do// rnam par byed/ bar yang mi 'gyur la/ rnam par byang ba yang rjod do// de bzhin du mi zad pa'i za ma tog gi gzungs thob pa'i byang chub sems dpa' rnams kyang kun nas nyon mongs pa yang brjod la kun nas nyon mongs pa'i chos kyis kyang / kun nas nyon mongs par mi 'gyur ro// rnam par byang ba'i chos kyang rjod la/ rnam par byang ba'i chos kyis kyang rnam par dag par mi 'gyur te/ shin tu rnam par dag pa'i phyir ro// dper na/ yi ge rnams ni gang nas kyang ma 'phos la/ go bar yang byed pa de bzhin du/ chos thams cad kyang gang nas kyang ma 'phos/ la/ go bar yang byed de/ gzhan gyi sems kyang rnam par dag par byed do// dper na/ yi ge brjod pa rnams kyang / phyogs dang phyogs mtshams su 'gro ba med la/ ma brjod pa rnams kyang nang du sogs pa med pa de bzhin du/ chos brjod pa 'am/ bstan pa thams cad kyang phyogs dang phyogs mtshams su 'gro ba med la/ ma bstan pa rnams kyang nang du sogs pa med do/ / dper na/ yi ge rnams ni gzugs med cing bstan du med par 'byung ba de bzhin du/ chos thams cad kyang gzugs med cing bstan du med par sems kyi dmigs pa rnams las

  407. 204b

    'byung ngo / / dper na/ yi ge rnams ni skad cig pa dang / ya ma brla dang / gso ba dang / gsog yin la/ de rnams kyi byed pa po 'ga' yang med pa de bzhin du/ chos thams cad kyang skad cig pa dang / ya ma brla dang / gsob dang / gsog yin la/ de rnams kyi byed pa po 'ga' yang med de// dper na/ yi ge rnams ni chags pa yang med/ sdang ba yang med/ rmongs pa yang med par 'gyur la yi ge rnam par rig byed des kyang byis pa rnams rjes su chags pa'am/ khong khro ba 'am/ rmongs par 'gyur ba de bzhin du/ chos thams cad kyang chags pa'ang med/ sdang ba'ang med rmongs pa'ang med par yongs su rtogs la mngon par zhen pas/ 'dod chags dang / zhe sdang dang / gti mug skye bar 'gyur ro// dper na yi ge'i brdas ni 'bras bu thob pa yang bstan la/ yi ge rnams kyis thob pa yang me da mngon sum du bya ba yang med pa de bzhin du/ chos rnam par bzhag pas 'bras bu thob pa bstan mod kyi 'di la chos 'ga'i thob pa 'am/ mngon sum du bya ba yang med do// dper na/ chos gang yang yi ge rnams kyis ma bsdus pa med pa de bzhin du/ chos gang yang byang chub kyis ma bsdus pa med de/ klu'i bdag po de ltar na/ mi zad pa'i za ma tog gi gzungs la gnas pa'i byang chub sems dpa' ni yi ge rnams kho nas byang chub tshol bar byed do// yi ge rnams kho nas

  408. 205a

    byang chub ston par byed do/ / yi ge rnams kho nas byang chub gleng bar byed do// yi ge rnams kho nas byang chub la reg par byed do// / bam po gsum pa/ / klu'i bdag po byang chub sems dpa' ni mi zad pa'i za ma tog gi gzungs thob pas/ stobs bcu thob par 'gyur ro// mi 'jigs pa bzhi dang / ma 'dres pa bco brgyad dang / sangs rgyas kyi chos rnams dang / skyes bu chen po'i mtshan sum cu rtsa gnyis dang / dpe byad bzang po brgyad cu dang / bla na med pa'i shes rab thob par 'gyur ro// de'i shes rab de yang sems can thams cad gzugs med par sgrol ba'o/ / nyon mongs pa thams cad sreg pa'o// sems can thams cad yongs su smin par byed pa'o// chu bo bzhi las sgrol ba'o/ / bdud bzhi rnam par 'jom pa'o// sems can thams cad la 'dzum pa'i bzhin ston pa'o// sems can thams cad mgu bar byed pa'o// shes rab rin po che'i sems yang dag par skyed pa'o/ / dkon mchog gsum gyi gdung mi 'chad par byed pa'o// phas kyi rgol ba thams cad yang dag par 'jom pa'o// nyon mongs pa'i che ba phye mar rlog pa'o// gsang ba gsum gyi gsang sngags kyis kun tu srung ba'i gzungs so// chos thams cad la rnam par lta ba'o// nyon mongs pa'i khur las sgrol ba'o// 'jigs pa dang skrag pa thams cad

  409. 205b

    dang bral ba'o/ / rgya che zhing zab pa'i chos la lta ba'o// seng ge'i rtsa la spyod pa'o// sems can thams cad kyi nye bar 'tsho ba'o// mya ngan las 'das pa'i lam du 'gro ba'o// g.yon phyogs kyi lam yongs su spong ba'o/ / g.yas phyogs kyi lam du 'dzud pa'o// de ltar ye shes rin po che dang ldan pa de ni/ sems can thams cad kyi spyod pa dang / bsam pa dang / cho ga shes pa'o/ / mngon par shes pa lnga rtogs par khong du chud pa'o// bsam gtan rtse gcig pa la dga' ba'o// 'phags pa'i bden pa bzhi'i kha dang ldan pa'o// spyan lnga'i mig bzang po dang ldan pa'o/ / mkha'i dkyil mtha' dag gi lus dang ldan pa'o// chos kyi dbyings dang mnyam pa'i dpral ba dang ldan pa'o// de bzhin nyid kyi mgrin pa dang ldan pa'o// mi skye ba'i lce dang ldan pa'o/ / mnyam pa nyid dang ro gcig pa'o// chos thams cad la thos pa 'dzin pa'o// sgra thams cad rtogs pa'i thos pa dang ldan pa'o// dri la rjes su chags pa med pa'o// dri la khong khro ba med pa'o// dri thams cad rig pa'o// dran pa nye bar gzhag pa bzhi'i mgo bo dang ldan pa'o// tshangs pa'i gnas pa bzhi'i skra dri zhim po dang ldan pa'o// rnam par thar pa gsum gyi gtsug phud dang ldan pa'o/ / yang dag par spong ba bzhi'i thal gong shin tu rgyas pa dang ldan pa'o// rdzu 'phrul gyi rkang pa bzhi'i dpung mgo dang ldan pa'o// stobs lnga'i thong ka

  410. 206a

    shin tu yangs pa dang ldan pa'o/ / dbang po lnga'i lte ba shin tu zab pa dang ldan pa'o// byang chub kyi yan lag bdun gyi lto ba dang ldan pa'o// lam yan lag brgyud pa'i/ sta zur dang ldan pa'o// ye shes mtha' yas pa'i spu'i khung bu dang ldan pa'o// dge ba'i rtsa ba'i phun sum tshogs pa thams cad 'dren pa'i yan lag dang ldan pa'o// dge ba bcu'i las kyi/ lam legs par srung ba'i sor mo dang ldan pa'o// ngo bo nyid kyis rnam par dag pa'i chos nyid mthong ba dang bsgom pa'i sor mo dang ldan pa'o// chos thams cad la som nyi med pa'i rtsi logs dang ldan pa'o/ / sa'i rim pa'i tshul thob pa'i skal tshigs dang ldan pa'o// dus las mi 'da' bar chos ston pa'i stobs dang ldan pa'o// bsam gtan dang / rnam par thar pa dang ting nge 'dzin dang / snyoms par 'jug pa thams cad la yongs su sbyangs pa legs par byas pa'i zhi gnas dang / lhag mthong gi brla dang ldan pa'o// chos kyi nges pa la 'jug pa'i pus mo dang ldan pa'o/ / chos ji lta ba bzhin du ston pa'i rje ngar dang ldan pa'o// chos rtogs pas gsungs pa'i rnam par dran pa dang ldan pa'o// nyon mongs thams cad las rnam par rgyal ba'i long mo dang ldan pa'o/ / phyogs bcur 'gro ba'i rkang pa dang ldan pa'o// bstan pa mtshams 'byor par 'gro zhing 'ong ba dang ldan pa'o// ngo tsha shes pa dang khrel yod pa'i

  411. 206b

    gos gyon pa'o/ / byang chub kyi yan lag gi chos kyi me tog gi phreng bas brgyan pa'o// shin tu rnam par spel ba'i tshig gis chos ston pa'o// 'thun pa dang mi mthun pa dang bral ba'o// 'chi 'pho ba dang / 'gro ba dang / skye ba'i shes rab dang / ye shes dang / mngon par shes pa zab mo'i phye ma'i bsgo bas bsgos pa'o// tshul khrims kyi phung po mtha' yas pa'i byug pa dang ldan pa'o/ / tshangs pa'i g.yog 'khor dang ldan pa'o// tshangs pa'i lam mya ngan las 'das pa'i lam dang ldan pa'o// lam bzang po ston pa'o// thar pa'i lam du khrid pa'o/ / 'grogs na bde ba'i mdza' bshes dang mdza' bo'i mchog dang ldan pa'o// sems can thams cad kyi rtsa lag go// snying rje chen po dang ldan pa'o// sems can thams cad kyi phan pa tshol ba'o/ / skyes bu mchog go// skyes bu chen po'o// skyes bu dam pa'o// skyes bu khyu mchog go// skyes bu seng ge'o// skyes bu pad+ma'o// skyes bu pad+ma dkar ba'o/ / skyes bu gces pa 'dzin pa'o// skyes bu gtso bo'o// skyes bu cang shes so// sems can thams cad phongs pa dang sdug bsngal ba las thar par byed pa'o// sems can thams cad la snying brtse ba'o// sems can thams cad nges par sgrol ba'o// sems can thams cad kyi nyon mongs pa'i bag chags gcod pa'o// bdud rtsi'i chos

  412. 207a

    kyi mchog ston pa'o/ / byang chub sems dpa'i theg pa chen po yang dag par 'dzin pa'o// chos thams cad la dbang byed pa thob pa'o// sems can thams cad kyi bdag po'o/ / pha ma dang nye dur gyur pa'o// 'jig rten gyi chos brgyad las yang dag par 'das pa'o// 'jig rten thams cad kyi rjes su 'thun pa'o// chos kyi dbang phyug go// sems la dbang byed pa'o// bstan bcos dang yi ge thams cad kyi dam pa'i pha rol tu phyin pa'o// byang chub dang thams cad mkhyen pa nyid ni de'i sems kyi grogs byed pa'o// sbyin pa'i pha rol tu phyin pa ni de'i gos dang / zas dang / skom dang / bza' ba'i bya ba byed pa'o// tshul khrims kyi pha rol tu phyin pa ni/ de'i dus tshogs kyi bde ba byed pa'o// bzod pa'i pha rol tu phyin pa ni/ de'i thams cad las mi 'jigs par byed pa'o// brtson 'grus kyi pha rol tu phyin pa ni/ de'i legs par bya ba'i las byed pa'o// bsam gtan gyi pha rol tu phyin pa ni/ de'i 'gyod pa med par byed pa dang nye bar zhi bar byed pa'o// shes rab kyi pha rol tu phyin pa ni/ de chos thams cad yongs su dag par byed pa'o// thabs la mkhas pa'i pha rol tu phyin pa ni/ de'i gnyis ka'i don byed pa'o// smon lam gyi pha rol tu phyin pa ni/ de'i ci 'dod pa'i don yang dag par thob par byed pa'o// stobs kyi pha rol tu phyin pa ni//

  413. 207b

    de'i nyon mongs pa thams cad rnam par 'joms par byed pa'o// ye shes kyi pha rol tu phyin pa ni/ de'i dus gsum la ye shes thogs pa med par byed pa'o// byams pa ni de'i sems can/ thams cad kyi phan pa grub par byed pa'o// snying rje ni de'i sems can thams cad la sdug bsngal sel bar byed pa'o// dga' ba ni de'i rangs pa dang / dga' bar byed pa'o// btang snyoms ni de'i rjes su 'chags pa dang / khong khro ba spong bar byed pa'o// bden pa'i gtam na de'i 'jig rten thams cad la mi slu bar byed pa ste/ klu'i bdag po 'di dag ni/ mi zad pa'i za ma tog gi gzungs kyi kha dog gi lus yin no/ / byang chub sems dpa' gang gzungs 'dis chos kyi kun dga' la dga' ba de la/ rgyal po btsun mo'i 'khor gyi nang na mgo bor gyur pa lta bu yin no// brgya byin ri rab kyi zom na/ bdag por gyur pa lta bu yin no// tshangs pa lta bur tshangs par gyur pa yang yin no// lha ma yin gyi dbang po sgra gcan lta bur/ lus khyad par du 'phags pa yang yin no/ / rgya mtsho gting dpag dka' zhing mu med pa lta bu yang yin no// ri rab lta bur bsod nams dag gis mngon par 'phags pa yang yin no// lha rnams kyi snying du sdug pa dang / yid du 'ong ba yang yin no/ / pha ma'i bu gcig pa lta bu yang yin no// nam mkha'i dkyil na zla ba nya ba 'dug pa lta bur blta na sdug pa yang yin no// ston pa lta bur lha dang mi rnams kyis phyag bya ba'i

  414. 208a

    gnas kyang yin no/ / nyi ma shar ba lta bur snang ba byed pa yang yin no// nags na 'dug pa'i rma bya lta bur gad snyan pa yang yin no// ri'i 'ug na 'dug pa'i seng ge lta bu chos kyi sgra chen po sgrogs pa yang yin no/ / sems shin tu dul ba'i glang po che lta bur cang shes kyi zas la longs spyod pa yang yin no// chos kyi rgyal po 'khor los sgyur ba lta bur chos kyi rgyal srid ston pa yang yin no/ / klu'i tshogs rtse ba lta bur chos kyi sprin 'gyed pa yang yin no// klu'i bdag po char chen po 'bebs pa lta bur chos kyi 'brug sgra mngon par spogs pa yang yin no// brgya byin lha bur dus su chos kyi char chen po 'bebs pa yang yin no/ / dpa' bos gzhan gyi dmag la bya ba lta bur mu stegs can thams cad skrag par byed pa yang yin no// chu'i rgyun gyis me la bya ba lta bur nyon mongs pa thams cad rab tu zhi bar byed pa yang yin no/ / rlung gis phub ma spar gang la bya ba lta bur bdud thams cad zil gyis gnon pa yang yin no// ma mas byis pa la bya ba lta bur sems can thams cad dang 'thun par byed pa yang yin no/ / sa gzhi rdzas rnams kyis ming spyod pa lta bur bde ba dang / sdug bsngal rnams kyis mi bskyod pa yang yin no// rlung gis shing gi lo ma rnams la bya ba lta bur phas kyi rgol ba thams cad g.yo bar byed pa yang yin no/ / rnam thos kyi bu rin po che thams cad 'byor pa lta bur chos kyi nor 'thun par sbyin pa yang yin no// 'gro ba

  415. 208b

    thams cad kyi bkod pa'i snying po zhes bya ba'i yid bzhin gyi nor bu rin po che lta bur sems can thams cad kyi bsam pa yongs su rdzogs par byed pa yang yin te/ klu'i bdag po de ltar na/ mi zad pa'i za ma tog gi gzungs la gnas pa'i byang chub sems dpa' ni/ byang chub kyi snying po la gnas pa zhes bya ba'o// klu'i bdag po dper na/ rgya mtsho chen po ni rin po che chen po thams cad kyi 'byung gnas dang / rin po che thams cad kyi za ma tog yin pa de bzhin du/ mi zad pa'i za ma tog gzungs la gnas pa'i byang chub sems dpa' ni/ chos thams cad kyi 'byung gnas dang / chos thams cad kyi za ma tog yin no/ / klu'i bdag po dper na/ spos brgya phrag du ma yod pa'i spos kyi za ma tog ni/ sems can thams cad spos kyis yongs su mgu bar byed pa de bzhin du/ mi zad pa'i za ma tog gi gzungs la gnas pa'i byang chub sems dpa' ni/ sems can thams cad legs par smra bas/ yang dag par mgu bar byed do// klu'i bdag po gzhan yang gzungs 'di ni// sgra thams cad la 'jug pa ste/ 'di na byang chub kyi sems shes bya ba gang yin pa de ni/ de bzhin gshegs pa rin chen gdugs gcig pa'i sangs rgyas kyi zhing mi zad pa dang ldan pa'i 'jig rten gyi khams na mnyam par gzhag pa zhes bya'o/ / 'di na thams cad mkhyen pa nyid ces bya ba gang yin pa de ni/ de bzhin gshegs pa sred med kyi bu'i sangs rgyas kyi zhing khyad par bsdus pa'i/

  416. 209a

    'jig rten gyi khams na thams cad dang ldan pa zhes bya'o// 'di ni sbyin pa'i pha rol tu phyin pa zhes bya ba gang yin pa de ni/ de bzhin gshegs pa grub par gshegs/ pa'i sangs rgyas kyi zhing zhi ba'i 'jig rten gyi khams na gzi byin can zhes bya'o// 'di na tshul khrims kyi pha rol tu phyin pa zhes bya ba gang yin pa de ni/ de bzhin gshegs pa mya ngan dang bral ba'i sangs rgyas kyi zhing mya ngan med pa'i 'jig rten gyi khams na legs so zhes bya ba'i tshul zhes bya'o/ / 'di na bzod pa'i pha rol tu phyin pa zhes bya ba gang yin pa de ni/ de bzhin gshegs pa dri ma med pa'i zhal gyi sangs rgyas kyi zhing dri ma med pa'i 'jig rten gyi khams na/ rgya chen po mi zad pa dang ldan pa zhes bya'o// 'di na brtson 'grus kyi pha rol tu phyin pa zhes bya ba gang yin pa de ni// de bzhin gshegs pa dri med 'od kyi sangs rgyas kyi zhing kun tu snang ba'i 'jig rten gyi khams na sgrol bar byed pa zhes bya'o// 'di na bsam gtan gyi pha rol tu phyin pa zhes bya ba gang yin pa de ni/ de bzhin gshegs pa brtan pa'i snying po zhes bya ba'i sangs rgyas kyi zhing snying po can gyi 'jig rten khams na nye bar zhi bar spyod pa zhes bya'o// 'di na shes rab kyi pha rol tu phyin pa zhes bya ba gang yin/ pa de ni/ de bzhin gshegs pa sprin gyi rgyal po zhes bya ba'i sangs rgyas kyi zhing sprin ldan zhes bya ba'i 'jig rten gyi khams na/ yongs su dag pa zhes bya'o// 'di na thabs la mkhas pa zhes

  417. 209b

    bya ba gang yin pa de ni/ de bzhin gshegs pa phyag dri ma med pa'i sangs rgyas kyi zhing mchog dam pa'i 'jig rten gyi khams na/ 'jig rten dang 'thun pa zhes bya'o// 'di na byams pa dang snying rje dang / dga' ba dang / btang snyoms shes bya ba gang yin pa de dag ni/ de bzhin gshegs pa don grub kyi sangs rgyas kyi zhing legs pa'i 'jig rten gyi khams na/ phan pa dang / yid du 'ong ba dang / thub pa dang / gnyis ka las zhi ba zhes bya'o// 'di na sdug bsngal dang / kun 'byung ba dang / 'gog pa dang / lam zhes bya ba gang yin pa de dag ni/ de bzhin gshegs pa dpal srung gi sangs rgyas kyi zhing smad du med pa'i 'jig rten gyi khams na/ rtsa ba dang / rtsa ba'i rjes su 'gro ba dang / rtsa ba zad pa dang / rtsa ba zhi bar 'gyur ba zhes bya'o// / 'di ni dran pa nye bar gzhag pa rnams shes bya ba gang yin pa de dag ni/ gzhan dag na gnas pa rnams shes bya'o// 'di na yang dag par spong ba rnams shes bya ba gang yin pa de dag ni/ gzhan dag na khyad par du grol ba rnams shes bya'o// 'di na rdzu 'phrul gyi rkang pa rnams shes bya ba gang yin pa de dag ni/ gzhan dag na phyogs su 'gro ba rnams shes bya'o// 'di na dbang po rnams shes bya ba gang yin pa de dag ni/ gzhan dag na rab tu shes pa rnams shes bya'o// 'di na stobs rnams shes bya ba gang yin pa de dag ni/ gzhan dag na brtan pa rnams

  418. 210a

    shes bya'o/ / 'di na byang chub kyi yan lag rnams shes bya ba gang yin pa de dag ni/ gzhan dag na rjes su 'gro ba rnams shes bya'o// 'di na lam zhes bya ba gang yin pa de ni/ gzhan dag na sgrol ba zhes bya'o// 'di na so so yang dag par rig pa zhes bya ba gang yin pa de ni/ gzhan dag na mngon sum gyi sgo zhes bya'o// 'di ni chos kyi sbyin pa zhes bya ba gang yin pa de dag ni/ gzhan dag na legs par bsdus pa zhes bya'o// 'di na zhi gnas dang lhag mthong zhes bya ba gang yin pa de ni/ gzhan dag na nye bar zhi ba dang / rnam par lta bar zhes bya'o/ / 'di na rnam par thar pa zhes bya ba gang yin pa de dag ni/ gzhan dag na don yod pa zhes bya'o// 'di na bsod nams shes bya ba gang yin pa de ni/ gzhan dag na// phan pa zhes bya'o// 'di na ye shes zhes bya ba gang yin pa de ni/ gzhan dag na rtogs med ces bya'o// 'di ni rab tu 'byung ba zhes bya ba gang yin pa de ni/ gzhan dag na lam gyi rjes su 'gro ba zhes bya'o/ / 'di na bsnyen par rdzogs pa zhes bya ba gang yin pa de ni/ gzhan dag na 'da' bar mi bya ba zhes bya'o// 'di na mya ngan las 'das pa zhes bya ba gang yin pa de ni gzhan dag na nye bar zhi ba zhes bya'o/ / 'di na sangs rgyas bcom ldan 'das rnams ni bsngags pa mtha' yas pa dang ldan pa'o zhes bya ba gang yin pa de ni/ 'jig rten gyi khams

  419. 210b

    / gzhan dag na/ sangs rgyas bcom ldan 'das rnams ni bgegs med pa'i tshul can no zhes bya'o// klu'i bdag po nges pa'i tshig gi cho ga dang / brda'i tshig gi tshi ga 'di dag ni/ sangs rgyas kyi zhing gzhan dang gzhan dag tu 'byung ste/ mi zad pa'i za ma tog gi gzungs la gnas pa'i byang chub sems dpa' ni/ sangs rgyas kyi zhing thams cad kyi de dag gi nges pa'i tshig shes so// klu'i bdag po nges pa'i tshig gi tshig dang / brda'i tshig gi tshig bstan pa phyogs bcu dag tu 'byung ba gang yin pa de dag ni/ bskal pa 'am bskal pa las lhag par ngas bstan kyang / sangs rgyas kyi zhing gi nges pa'i tshig gi tshig dang / brda'i tshig gi tshig bstan pa rnams mthar thug pa gang yang med do// mi zad pa'i za ma tog gi gzungs 'di bstan pa na/ byang chub sems dpa' drug khris gzungs thob par gyur to/ / byang chub sems dpa' brgyad stong gis ni/ mi skye ba'i chos rnams la bzod pa thob par gyur to// mi sum khri nyis stong gis ni/ bla na med pa yang dag par rdzogs pa'i byang chub tu sems bskyed do/ / de nas bcom ldan 'das kyis yang / klu'i rgyal po rgya mtsho la bka' stsal pa/ klu'i bdag po byang chub sems dpa' rnams ni mun pa mun nag dang bral ba'i lam 'dis thams cad mkhyen pa nyid yang dag par sgrub par byed do/ / mi zad pa'i za ma tog gi gzungs kyi le'u ste gsum pa'o// klu'i bdas

  420. 211a

    po sngon byung ba 'das pa'i dus na/ bskal ba grangs med pa bas kyang ches grangs med pa/ yun ring po dpag tu med bsam gyi mo khyab par sngon rol tu gyur pa de'i tshe dus na/ bskal pa rnam par sbyong ba zhes bya ba la 'jig rten gyi khams khyad par gyi yon tan bkod pa bsdus pa zhes bya bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das tshangs pa'i dpal lha'i rgyal po zhes bya ba 'jig rten du 'byung ngo / / de'i tshe de'i dus na/ 'jig rten gyi khams khyad par gyi yon tan bkod pa bsdus pa de 'byor pa dang / rgyas pa dang / bde ba dang / lo legs pa dang / nyams dga' ba dang / skye bo mang po dang / lha dang mi rnams kyi gang bar gyur to// sangs rgyas kyi zhing 'di na gling bzhi pa'i 'jig rten gyi khams bye ba phrag brgya pa ji tsam pa de tsam gyi gling bzhi par gyur la/ de lta bu'i gling bzhi pa'i 'jig rten gyi khams bye ba phrag brgya ni/ bcom ldan 'das de bzhin gshegs pa tshangs pa'i dpal lha'i rgyal po de'i 'jig rten gyi khams khyad par gyi yon tan bkod pa bsdus par gyur te/ de ltar tha gru che zhing yangs la de ltar tshad med do// 'jig rten gyi khams de nor bu rin po che rdo rje'i 'od 'dra bar gyur te/

  421. 211b

    de nyid kyi snang bas rtag tu snang bar gyur to// 'jig rten gyi khams de rin po che'i dra bas kun tu khebs shing / dar gyi lda ldi mang po ni btags/ gdugs dang / rgyal mtshan dang / ba dan bsgreng bas ni legs par brgyan/ bla re chen po rnams ni bres mtshan mo bar snang las kyang sil snyan brgya stong dag ma brdungs ma dkrol bar sgra rang byung ste/ sil snyan dang / klu'i dbyangs kyi sgra des stong gsum gyi stong chen po'i 'jig rten gyis khams thams cad mngon par go bar byas te/ sil snyan dang / glu dbyangs kyi sgra de dag la 'dod pa dang ldan pa dang / 'dod chags dang zhe sdang dang / gti mug dang / nyon mongs pa rab tu 'bar ba'i sgra ni mi 'byung gi/ zhi ba dang rab tu zhi ba dang / chos kyi dga' ba dang / mgu ba dang ldan pa'i sgra de dga' ba' shig 'byung bar gyur te/ de thos pa tsam gyis lha dang mi de dag thams cad kyis dran pa dang / nye bar zhi ba dang / dga' ba dang / bde ba thob la/ nyon mongs pa thams cad kyi kyang de dag la gnod par ma gyur to/ / 'jig rten gyi khams de yang lag mthil ltar mnyam la/ ka tsa lin nga'i gos ltar 'jam zhing reg na bde bar gyur to// 'jig rten gyi khams de na/ ngan song ngan 'gror gdags pa med de/ lha dang mi de dag kyang dga' ba 'ba' shig tu gyur to// de dag ni phal cher rgya chen po la mos pa dang / theg pa chen po la zhugs pa dang sha stag go/ nyan thos dang

  422. 212a

    rang sangs rgyas kyi theg pa pa ni nyung ngo / / de dag gi longs spyod thams cad kyang yid la bsams pas 'byung la/ lha dang mi de dag bde zhing longs spyod dang ldan par gyur to/ / de na su'ang sdug pa dang / dbul po med de/ dper na/ dga' ldan gyi lha rnams kyi longs spyod dang / nye bar spyad pa ji lta ba bzhin du/ de na 'khod pa'i mi rnams kyang de dang 'dra bar gyur to/ / de bzhin gshegs pa de'i sku tshe'i tshad kyang lo 'bum phrag brgyad cu rtsa bzhi phrag brgyad du bsgres pa snyed du gyur to// mi de dag gi tshe'i tshad kyang de nyid de/ de na tshe'i mthar ma phyin par su yang 'chi ba med do/ / de bzhin gshegs pa de'i byang chub sems dpa'i 'khor yang khrag khrig phrag bdun bcu rtsa gnyis yod par gyur to// de'i nyan thos kyi dge 'dun ni tshad med do/ / klu'i bdag po de'i tshe de'i dus na/ der 'khor los sgyur ba'i rgyal po gling chen po bzhi'i dbang phyug gis rgyal po bsod nams mi zad pa zhes bya ba zhig byung ste/ rgyal po bsod nams mi zad pa de'i btsun mo bud med lha mo dang 'dra ba khrag khrig brgya phrag brgyad bcu rtsa bzhi yod de/ de dag gi nang na de'i btsun mo'i dam pa ni bzhi yod par gyur to// 'di lta ste/ dri ma med pa zhes bya ba dang / dri ma med pa'i 'od ces bya ba dang / dag pa zhes bya ba dang / dag ldan ma zhes bya'o// de'i bu yang brgyad khri ba ni

  423. 212b

    stong yod de/ tshan po che'i stobs dang ldan la/ mtshan nyi shu rtsa brgyad kyi gzugs dang ldan pa/ theg pa chen po la zhugs pa sha stag go// klu'i bdag po rgyal po bsod nams mi/ zad pa de yang grong khyer chen po dga' 'byung zhes bya ba na gnas so// grong khyer chen po de yang / shar dang / nub dang / byang dang / lho'i ngos re la dpag tshad drug cu rtsa bzhi yod par gyur to/ / bcom ldan 'das de bzhin gshegs pa tshangs pa'i dpal lha'i rgyal po yang grong khyer chen po dga' 'byung de nyid du sku bltam mo// grong khyer chen po de'i nang du/ rgyal po bsod nams mi zad pa'i pho brang rin po che sna bdun las byas par gyur to// grong khyer chen po de'i nang na/ lam chen po dang / srang gi sgo 'bum phrag brgyad cu rtsa bzhi yod par gyur to/ / lam po che dang / srang gi sgo thams cad na yang khyim bye ba 'bum phrag brgyad cu rtsa bzhi gnas so// grong khyer chen po de yang ra ba chen po rim bdun dang lan kan rim bdun dang / ta la'i phreng rim bdun dang / dril bu g.yer ka'i dra ba rim bdun gyi bskor to// skyes mos tshal khris kyang bskor to// 'obs bdun rim gyis kyang bskor te/ 'obs de dag kyang yan lag brgyad dang ldan pa'i chus yongs su gang la/ me tog ut+pal dang / pad+ma dang / ku mu dA dang / pad+ma dkar po dang / dri mchog gis khebs pa/ ngang ngur

  424. 213a

    la sogs pa rtag tu zad 'byin par gyur te/ de ltar grong khyer chen po de bsam gyis mi khyab pa na yon tan gyi rgyan bkod pa dang ldan par gyur to// bcom ldan 'das de bzhin gshegs pa tshangs pa'i dpal lha'i rgyal po de yang / grong khyer chen po dga' 'byung de nyid na nag tshal spos mchog 'od ces bya ba gang du rgyal po bsod nams mi zad pas/ bcom ldan 'das de'i gdug lag khang byas pa na bzhugs so/ / rgyal po bsod nams mi zad pa bu dang bcas/ btsun mo dang bcas/ gnyen 'dab dang tshal za'i 'khor dang bcas pas/ bskal pa 'bum tham pa'i bar du/ de bzhin gshegs pa de la yid du 'ong ba'i bde ba'i yo byad dang / longs spyod thams cad kyis bsnyen bkur byas so// klu'i bdag po de nas rgyal po bsod nams mi zad pa de 'khor de dag dang / lhan cig tu bcom ldan 'das de bzhin gshegs pa tshangs pa'i dpal lha'i rgyal po ga la ba der song nas/ bcom ldan 'das de'i zhabs la mgo bos phyag 'tshal te/ phyogs gcig tu 'dug go// de 'ongs par thugs su chud nas/ de bzhin gshegs pa des 'di skad ces bka' stsal to// rgyal po chen po chos bzhi dang ldan na// rgyal rigs spyi bo nas dbang bskur ba'i rgyal pos chos kyi dbang phyug thob par 'gyur la/ dge ba'i chos rnams kyis kyang khyad par du 'gro bar 'gyur te/ bzhi gang zhe na/ dad pa la gnas te/

  425. 213b

    dge ba gang yin pa tshol zhing / nga rgyal med par 'phags pa dag gi thad du 'gro ba dang / chos don du gnyer te/ chos 'dod cing chos kyi kun dga' la dga' bas dga' ste/ rtag tu don gyi/ rjes su blta ba dang / mi rtag pa'i chos nyid la so sor rtog pa dang / 'dus byas kyi nyes pa rtogs pa dang / yongs su 'dzin pa thams cad la rnam par 'gyur ba'i chos can yin no snyam du dran pas nye bar gnas par byed pa dang / bag yod par byed de/ 'dod pa'i yon tan thams cad la lhag par zhen pa med cing / dge ba'i rtsa ba thams cad kyang zad par mi byed la/ gong du yang rnam par 'phel bar byed pa dang / byang chub kyi sems kyi bsam pa yang rnam par mi spong ba ste/ rgyal po chen po chos bzhi po de dag dang ldan na/ rgyal rigs spyi bo nas dbang bskur pa'i rgyal bos/ chos kyi dbang phyug thob par 'gyur la/ dge ba'i chos rnams kyis kyang khyad par du 'gro bar 'gyur ro// de skad ces bka' stsal pa dang / de bzhin gshegs pa tshangs pa'i dpal lha'i rgyal po la rgyal po bsod nams mi zad pas 'di skad ces gsol to/ / bcom ldan 'das chos gang dag dang ldan na/ byang chub sems dpas chos la dbang phyug thob par 'gyur lags bcom ldan 'das des bka' stsal pa/ rgyal po chen po chos brgyad dang ldan na/ byang chub sems dpas chos la dbang phyug thob par 'gyur te/ brgyad gang zhe na/ rnam par rtse zhing

  426. 214a

    mi nyams par 'gro ba'i mngon par shes pa lnga dang ldan pa yin/ chags pa med pa dang / thogs pa med pa dang / bskyod du med pa'i shes rab dang ldan pa yin ye shes kyis bsdus pa dang / yongs su sbyangs pa byas pa dang / mngon par 'du byed pa med pa'i rdzu 'phrul gyi rkang pa bzhi dang ldan pa yin/ shes rab dang / ye shes nges pa dang / lta ba dang / nyon mongs pa thams cad dang bral ba'i so so yang dag par rig pa bzhi dang ldan pa yin/ sangs rgyas kyi byin gyis brlabs kyis byin gyis brlabs pa dang / chags pa med pa'i byin gyis brlabs dang / byin gyis brlabs kyi stobs dang ldan pa yin/ bsod nams mi zad pa'i rgya mtsho'i phyag rgya'i ting nge 'dzin dang ldan pa yin/ sems can thams cad mgu bar bya ba dang / sangs rgyas kyi chos thams cad la yang dag par gzhol ba dang / brjed ngas pa med pa yongs su dag pa'i gzungs dang ldan pa yin/ chos ji lta ba bzhin rjes su 'gro ba dang / tshul gcig pa'i chos kyi rjes su 'gro ba dang / gnyis su med pa'i yang dag pa'i mtha' la gnas pa dang / mi skye ba'i chos la bzod pa thob pa dang ldan pa yin te/ rgyal po chen po chos brgyad po de dag dang ldan pa'i byang chub sems dpa' ni chos kyi dbang phyug thob par 'gyur ro/ / rgyal po chen po gzhan yang rin po che'i za ma tog ces bya ba'i gzungs yod de/ de thob na byang chub

  427. 214b

    sems dpas chos kyi dbang phyug thob par 'gyur te/ de ltar na de bzhin gshegs pas rin po che'i za ma tog gi gzungs las brtsams nas/ lo 'bum gyi bar du rgyas par rnam par dbye/ bas de la yang dag par bstan to// rgyal po bsod nams mi zad pa de yang / rgyal po'i bya ba thams cad btang ste/ las gzhan mi byed la/ sems kyi rgyud rnam par g.yengs pa med par dpung dang bcas/ 'khor dang bcas pas chos mnyan te/ des lo 'bum po de'i bar du 'dod pa'i rtog pa 'am/ gnod sems kyi rtog pa'am/ rnam par 'tshe ba'i rtog pa 'am/ bu dang / chung ma dang / rgyal srid dang / yongs su 'dzin pa dang / sdug pa thams cad la nges pa'i rtog pa rnams la rtag par ma bsams te/ chos la sdug par nges par yid la byed pa dang / byang chub kyi sems kyi bsam pa la gnas par gyur pa dang / byams pa chen pos sems can thams cad la sems snyoms pa dang / snying rje chen po'i go cha dgos nas chos 'ba' shig mnyan to/ / des bcom ldan 'das de las lo 'bum tham pa'i bar du/ dam pa'i chos mnyan te/ thos nas kyang rin po che'i za ma tog gi gzungs 'di nyid kyi rtsa ba yongs su sbyangs pa byas so/ / de bskal pa sa ya phrag bdun gyi 'khor ba phyir bsnyil bar gyur to// bskal pa khri'i bar du las kyi sgrib pa bsags pa ni rnam par dag par gyur to//

  428. 215a

    sangs rgyas 'bum ni de'i mig lam du snang bar gyur to// sangs rgyas bye ba phrag 'bum mngon sum du mthong bar 'gyur ba'i dge ba'i rtsa ba yang des yongs su gzung ngo // gang gA'i klung gi bye ma snyed kyi brgya byin dang / tshangs pa dang / 'jig rten skyong du 'gyur ba dang / 'khor lo sgyur ba'i rgyal srid thob pa'i dge ba'i rtsa ba yang bskyed do// dran pa dag pa zhes bya ba'i thos pa'i gzungs kyang thob ste/ thos pa'i gzungs des na/ sangs rgyas brgyas gsungs pa yang dag par 'dzin par byed do// gzhon nu de dag dang / de dag gis ma de rnams kyis kyang rjes su 'thun pa'i chos kyi bzod pa thob bo/ / btsun mo de dag gi nang nas kyang bud med brgyad khri bzhi stong gis ni/ byang chub tu sems bskyed do// bud med brgyad khri bzhi stong gis ni bzod pa thob par gyur to/ / lha dang mi khrag khrig phrag dgu bcus ni byang chub tu sems bskyed do// lha dang mi brgyad khri bzhi stong gis ni bzod pa thob par gyur to// nyan thos kyi theg pa pa khrag khrig phrag sum cu rtsa gnyis ni chos rnams la chos kyi mig rnam par dag go/ / dge slong khri drug stong ni len pa med par zag pa rnams las sems rnam par grol lo// rgyal po bsod nams mi zad pa yang rgyal srid thams cad spangs nas/ lha dang mi'i 'dod pa rnams la don tu gnyer ba med par/ bla na med pa yang dag par rdzogs pa'i byang chub 'di nyid la rten bcas te/ dad pas khyim

  429. 215b

    nas khyim med par rab tu byung ngo / / rab tu byung ba de thos nas/ rgyal po'i bu de dag thams cad kyang rab tu byung ngo // de dag kyang rab tu byung bar shes nas/ yul gyi mi dang 'khor drug 'bum rab tu byung ngo / / rgyal po'i btsun mo'i nang nas kyang btsun mo dam pa bzhi rab tu byung ste/ klu'i bdag po de ltar na dag pa'i sems can dge ba'i rtsa ba bskyed pa/ yongs su sbyang ba byas pa rnams kyi gnas su gyur pa'i gsung rab de dga' dga' ltar 'dug par gyur to/ / klu'i bdag po de'i tshe de'i dus na/ 'khor los sgyur ba'i rgyal po bsod nams mi zad pa de gzhan zhig yin pa snyam du khyod som nyi 'am/ yid gnyis sam/ the tsom za bar gyur na/ de ltar mi blta'o// de ci'i phyir zhe na/ klu'i bdag po de'i tshe de'i dus nakhyod nyid 'khor los sgyur ba'i rgyal po bsod nams mi zad pa zhes bya bar gyur to/ / klu'i bdag po khyod rgyal po'i bu dang / rgyal po'i bu'i ma de dag gzhan cig yin pa snyam du sems nade ltar mi blta'o/ / de ci'i phyir zhe na/ 'khor 'dir 'dus shing 'khod pa'i byang chub sems dpa' sems dpa' chen po 'di dag nyid yin no// klu'i bdag po 'di ji snyam du sems rin po che'i za ma tog ces bya ba'i gzungs gang / de bzhin gshegs pa tshangs pa'i dpal lha'i rgyal po des/ rgyal po bsod nams mi zad pa de la bstan pa de gzhan zhig yin pa snyam

  430. 216a

    sems na/ khyod kyis de ltar mi blta'o// de ci'i phyir zhe na/ mi zad pa'i za ma tog gi gzungs 'di nyid de'i tshe/ rin po che'i za ma tog ces bya'o// klu'i bdag po de ltar na de bzhin gshegs pa ni/ sangs rgyas kyi spyan chags pa med pas rnam par gzigs nas/ sems can rnams la sngon gyi rgyu las byung ba'i chos kyi gtam brjod par mdzad do// klu'i bdag po khyod kyis de bzhin gshegs pa mang po las mi zad pa'i za ma tog gi gzungs 'di thos so// khyod kyis sangs rgyas 'bum phrag mang po las gzungs 'di'i don yang dang yang du thos te/ des na da ltar khyod 'di ltar dran pa dang ldan pa dang / 'di ltar blo gros dang ldan pa dang / 'di ltar rtogs pa dang ldan pa dang / 'di ltar spobs pa phun sum tshogs pa dang / 'di ltar shes rab dang ye shes dang ldan pa yin no/ / klu'i bdag po gang dag mi zad pa'i za ma tog gi gzungs 'di'i ming tsam 'am/ bstan pa'i phyogs tsam thos pa de dag thams cad kyang spobs pa mi zad par nges par 'byung bar 'gyur ro/ / de ci'i phyir zhe na/ gzungs 'di'i rgyu dang 'thun pa ni de yin pa'i phyir ro// klu'i bdag po gzungs kyi nges par 'byung ba'i bsrung ba 'di phyi ma'i dus phyi ma'i tshe/ spyod par 'gyur ba gang yin pa de dag thams cad kyang / de bzhin gshegs pa'i byin gyis brlabs kho na las gyur par blta bar bya'o// klu'i bdag po de la

  431. 216b

    gzungs 'di ni/ chos kyi phung po brgyad khri bzhi stong gi sgo yin no// spyod pa brgyad khri bzhi stong la 'jug pa yin no// ting nge 'dzin brgyad khri bzhi stong gi rjes su 'gro ba yin no// gzungs brgyad khri bzhi stong gi rtsa ba ni mi zad pa'i za ma tog gi gzungs 'di nyid yin no/ / klu'i bdag po byang chub sems dpa' phyogs bcur chags pa med cing thogs pa meng par so so yang dag par rig pa bzhis chos kyi char chen po rab tu 'bebs pa gang yin pa de yang mi zad pa'i za ma tog gi gzungs 'ba' shig gi rgyu dang 'thun pa las gyur pa yin no/ / klu'i bdag po de la mi zad pa'i za ma tog gi gzungs 'di la 'jug pa'i tshig rnams dang / mtshams sbyor ba'i tshig rnams dang / lha dang / klu dang / gnod sbyin dang / dri za dang / lha ma yin dang / nAm / mkha' lding gi bsrung ba'i tshig rnams ngas bstan par bya'o// tad+ya thA/ he tu ma ti/ shA ma ma ti/ pra sA da ma ti/ ud dzu ma ti/ ud ta ra Na ma ti/ ak+Sha ya ma ti/ a nu san d+hI/ u la kA mu khe/ pra b+hU mug te/ pra b+hA ke tu/ pra tsA ra ke tu/ s+thi ti ka ra NI/ ma ti bi sho d+hA ne/ ga ti pra be she/ shU ra ba le/ ta mo nu te/ san d+hA ra Ni/ ud tA ra Ni/ shAn ta mu khai/ shAn ta pra d+hi ha~M/ shAn ta ga shai/ bA sa na a pa ga te/ ku sha le bA sa ni/ a mu san d+hi/ bi san d+hi/ piM ga te swe te/ a bas+thi te/ sprin a nub te/ a bstan/

  432. 217a

    de lta bas na byang chub sems dpa' 'khor gsum yongs su dag pa'i ye shes la mkhas par bya'o// // bam po brgyad pa/ de nas bcom ldan 'das la/ byang chub sems dpa' blo gros rgya mtshos 'di skad ces gsol to// bcom ldan 'das ji tsam du/ slar mi ldog pa'i byang chub sems dpa' chos zab mo 'tshal ba dang ldan pa ni ngo mtshar to/ / bcom ldan 'das chos 'tshal ba 'di lta bu dang ldan pa'i byang chub sems dpa' yongs su bsngo ba la mkhas pa ci 'dra lags/ de skad ces gsol pa dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ / blo gros rgya mtsho sa 'di la gnas pa'i byang chub sems dpa' rnams sngon gyi shugs kyis bya ba byed de/ de dag gang gi tshe mnyam par ma gzhag par gnas pa de'i tshe na yang / sngon 'phangs pa'i yongs su bsngo ba 'di brgya lam na yang chud za bar mi 'gyur ro// blo gros rgya mtsho de'i phyir skyes bu mkhas pa la cig dpe bstan pas bshad pa'i don shes par 'gyur bas khyod la dpe bya'o/ / blo gros rgya mtsho 'di lta ste/ dper na/ gang gi tshe bu ram shing gi zhing ngam/ 'bras sA lu'i zhing ngam rgun gyi zhing nang sgal byas par gyur pa de la/ mi zhig gis rnang thams cad la yur ba ci rigs par btod nas/ rka nas chu phab ste/ yal bar bor nas nyal ba dang / de nas mi de nyal

  433. 217b

    yang yur ba ji ltar btong ba bzhin du chu 'bab ste/ de la mi de brtson par bya mi dgos shing bsgrim mi dgos par rnang thams cad du chus gang bar 'gyur ro// blo gros rgya mtsho de bzhin du byang chub sems dpa' mnyam par ma gzhag kyang / dge ba'i rtsa ba de dag sems can thams cad kyi rgyud rnams la yongs su sngo bar byed de// thabs kyi dngos po ji lta ba bzhin du dge ba'i rtsa ba de dag sangs rgyas kyi chos thams cad kyi phyir yongs su sngo'o/ / de bsam pa shin tu yongs su dag cing / tshul khrims kyi phung po kun tu bsrungs pa'i phyir mnyam par gzhag par gnas kyang / dge ba'i rtsa ba de dag sangs rgyas kyi chos thams cad kyi phyir yongs su sngo zhing sngon smon lam legs par btab pa'i phyir/ sems can thams cad kyi rgyud rnams rlan par byed do// blo gros rgya mtsho khyod kyis rnam grangs 'dis kyang ji ltar byang chub sems dpa' mnyam par gzhag pa las langs kyang rung ste/ dge ba'i rtsa ba rnams sngon shin tu 'phangs pa dang sems las su rung ba dang / dran pa mi g.yeng ba dang / theg pa dman pa dang bral ba dang / theg pa chen por smon lam btab pa'i phyir/ dge ba'i rtsa ba rnams brgya lam na yang thams cad mkhyen par yongs su mi sngo mi srid par 'di ltar rig par bya'o/ / blo gros rgya mtsho 'di lta ste/ dper na/ ri sul chen po zhig na shing zhig skyes par gyur la/ de mi zhig gis rtsa ba nas bcad par brtsams nas

  434. 218a

    de tshod ma thag tu gang yo ba dang / gang du phyogs pa der 'gyel lo// blo gros rgya mtsho de bzhin du byang chub sems dpa' yang rgyun ring po nas/ thams cad mkhyen pa nyid/ la gzhol/ thams cad mkhyen pa nyid la 'bab pas/ dge ba'i rtsa ba thams cad sogs te/ bsags nas kyang thams cad mkhyen pa nyid du yongs su sngo bar byed/ sems can thams cad yongs su bskyab pa'i phyir/ yongs su sngo bar byed/ dkon mchog gsum gyi rigs mi 'chad par bya ba'i phyir/ yongs su sngo bar byed/ lus kyi rkyen dang / mtshan dang / dpe byad bzang po yongs su rdzogs par bya ba'i phyir yongs su sngo bar byed/ tshig gi rgyan dang / chos bstan pa don yod par bya ba'i phyir/ yongs su sngo bar byed/ sems kyi rgyan dang / sangs rgyas rjes su dran pa'i ting nge 'dzin las mi g.yo bar bya ba'i phyir yongs su sngo bar byed de/ de sgrim pa med cing lhun gyis grub par dge ba'i rtsa ba thams cad mkhyen pa nyid du yongs su sngo'o// sngon thabs la mkhas pas yongs su bsngos pa des theg pa gzhan du mi lhung zhing mnyam par gzhag kyang rung / langs kyang rung ste/ brgya lam na yang byang chub kyi phyogs kyi chos rnams bsgom pa yongs su rdzogs par mi 'gyur mi srid do/ / blo gros rgya mtsho 'di lta ste/ dper na/ dge slong 'gog pa la snyoms par 'jug pa'i tshe/ gaN Da'i sgra la gnas par byas te snyoms par

  435. 218b

    zhugs na/ gaN ra'i sgra de de'i 'gog pa la yang mi gnas ma 'brel mod kyi gaN ra'i sgra des 'gog pa las ldang ngo // blo gros rgya mtsho de bzhin du byang chub sems dpa' yang sems can thams cad rab tu thar par bya ba'i phyir/ snying rje chen po la gnas par byas te/ bdag gis sems can thams cad yongs su bskyab par bya/ yongs su dgrol bar bya'o zhes byang chub kyi rnams pas mngon par bsgrubs pa'i byams pas/ sems can thams cad la khyab par byas nas/ zab pa zab mor snang ba sems dang yid dang rnam par shes pa mi rgyu ba'i ting nge 'dzin la snyoms par zhugs kyang / de sngon sems can rab tu thar par bya ba'i snying rje chen po la gnas pa de dang ldan pas/ nyan thos kyi sar mi ltung / rang sangs rgyas kyi sar mi ltung ste/ dran pa dang shes bzhin gyis ting nge 'dzin de las langs nas yang / byang chub kyi phyogs kyi chos rnams yang dag par bsgrub cing / sems can rnams kyang yongs su smin par byed do// blo gros rgya mtsho 'di ltar zhi ba'i ting nge 'dzin la snyoms par zhugs kyang / nyan thos kyi rnam par grol ba 'am/ rang sangs rgyas kyi rnam par grol bar mi lhung ba/ byang chub sems dpa' rnams kyis yongs su sbyang ba byed pa'i khyad par la ltos/ / blo gros rgya mtsho 'di lta ste/ dper na/ mi gnyis shig yod la/ de la mi gcig ni bdag rdo rje'i go cha bgos nas/ me 'bar

  436. 219a

    ba'i nang du mchongs/ mi cig shos ni bdag rtswa dang sog ma'i go cha bgos nas/ me 'bar ba'i nang du mchongs na/ blo gros rgya mtsho 'di ji snyam du sems/ mi de gnyis las gang tshig par 'gyur/ gang tshig par mi 'gyur/ gsol pa/ bcom ldan 'das mi gang rdo rje'i go cha 'tshal nas zhugs 'bar ba'i nang du mchongs pa de ni/ rdo rje'i go cha des yongs su bsrungs pas/ zhugs kyi nang du mchis kyang mi tshig go// bcom ldan 'das mi gang rtswa dang sog ma'i go cha 'tshal nas zhugs 'bar ba'i nang du mchongs pa de ni/ der mchongs ma thag tu tshig par 'gyur ro/ / de ci'i slad du zhe na/ bcom ldan 'das ran dang sog ma ni 'tshig pa'i bdag nyid lags te/ zhugs kyi 'tshog pa bsrung mi bzod do// bcom ldan 'das kyis bka' stsal pa/ blo gros rgya mtsho ji ltar rdo rje'i go cha bgos pa'i mi de me'i nang du song yang mi 'tshig pa de bzhin du/ byang chub sems dpa' byams pa chen po dang / snying rje'i go cha dang / lhag/ pa'i bsam pa sra ba'i rdo rje'i go cha bgos nas/ sems can rab tu thar par bya bar dmigs pa la gnas te/ chos thams cad stong pa nyid dang / mtshan ma med pa dang / smon pa med pa dang / mngon par 'du mi byed pa dang / ma skyes pa dang / ma byung ba rtog pa yang btang la/ zhi ba'i ting nge 'dzin de la yang snyoms par 'jug cing / nyan thos dang / rang sangs rgyas kyi nges

  437. 219b

    par gyur pa la yang mi 'jug/ 'bras bu 'thob par yang mi byed par/ ting nge 'dzin de la yang myong zhing zil gyis mnan te/ yang ma nyams ma snang bar ldang ngo // langs nas kyang sangs rgyas/ kyi zhing yongs su sbyong // sangs rgyas kyi ye shes yongs su rdzogs par byed do// blo gros rgya mtsho ji ltar rtswa dang srog ma'i go cha bgos pa'i mi de mchongs ma thag tu mas tshig par 'gyur ba de bzhin du blo gros rgya mtsho nyan thos kyi theg pa'i gang zag 'khor bas 'jigs skrag pa srid pa la kun tu 'bar bar lta ste/ sems can rnams yal bar bor nas/ snying rje chen po dang bral te/ zhi ba zhi// ba'i ting nge 'dzin la reg nas gnas ma yin zhing go skabs med de/ gang brgyad pa 'bras bu ma thob par ldang ba de ni gnas med do// de ci'i phyir zhe na/ nyan thos ni bsod nams dang ye shes kyi tshogs ma bsags pa'i phyir ro/ / byang chub sems dpa' ni bsod nams dang / ye shes kyi tshogs tshad med pa bsags pa ste/ de ni sangs rgyas kyi chos thams cad yongs su ma rdzogs kyi bar du/ bar skabs su yang dag pa'i mtha' mngon sum du mi byed do// blo gros rgya mtsho de lta bas na/ byang chub sems dpas stong pa nyid dang / mtshan ma med pa dang / smon pa med pa dang / mngon par 'du bya ba med pa dang / ma skyes pa dang / ma byung ba'i chos thams cad la me 'bar ba lta bu'i 'du shes bskyed la chos de dag la yang so sor brtag par bya/ chos de dag

  438. 220a

    shes pa la rnam par dpyad par bya/ zhing yang dag pa'i mtha' yang mngon du mi bya'o// blo gros rgya mtsho de lta bas na/ byang chub sems dpas yongs su bsngo la mkhas par bya'o/ / blo gros rgya mtsho yongs su bsngo ba la mkhas pa'i byang chub sems dpa' ni chos zab mo rnams la yang spyod la/ bar skabs su yang dag pa'i mtha' mngon du mi byed do/ / blo gros rgya mtsho yongs su bsngo ba zhes bya ba ci la bya zhe na/ 'di lta ste/ theg pa chen po de nyid la sems gzhol ba dang / 'dun pa dang / mngon par phyogs pa dang / yongs su phyogs pa ste/ theg pa gzhan du ma yin pa'o// de'i phyir yongs su bsngo ba zhes bya'o// blo gros rgya mtsho 'di lta ste/ dper na/ rdza mkhan gyis 'jim pa'i// gong bu 'khor lo'i steng du bzhag kyang ma bskor na snod kyi ming mi 'thob ste/ 'jim pa'i gong bu nyid kyi grangs su 'gro'o// gang gi tshe bskor bar gyur pa de'i tshe/ snod kyi ming 'thob bo// blo gros rgya mtsho de bzhin du/ byang chub sems dpas dge ba'i rtsa ba shin tu mang po bsags pa yang thams cad mkhyen pa nyid du yongs su ma bsngos na/ pha rol tu phyin pa'i ming mi 'thob kyi/ gang gi tshe thams cad mkhyen pa nyid du yongs su bsngos par gyur pa de'i tshe/ pha rol tu phyin pa'i ming 'thob bo// blo gros rgya mtsho 'di lta ste/ dper na/ gser dul ma'i gar du

  439. 220b

    yongs su ma bsgyur na rgyan gyi ming mi thob ste/ gser gyi gar bu nyid kyi grangs su 'gro'o// de nyid yongs su bsgyur na rgyan gyi mong 'thob bo// blo gros rgya mtsho de bzhin du byang chub sems dpa'i dan/ ba'i rtsa ba yang yongs su ma bsngos na/ pha rol tu phyin pa'i ming mi 'thob kyi/ de nyid yongs su bsngos na/ pha rol tu phyin pa'i ming 'thob bo// blo gros rgya mtsho de lta bas na byang chub sems dpas rtag par rgyun tu 'dres pa med pa'i yid kyis/ dge ba'i rtsa ba bsags shing bsags pa rnams thams cad mkhyen pa nyid du yongs su bsngo bar bya'o// thams cad mkhyen pa nyid du yongs su bsngos pa'i byang chub sems dpa' ni chos zab mo rnams la yang spyod la/ bar skabs su yang dag pa'i mtha' mngon sum du mi byed do// yongs su bsngo ba'i le'u zhes bya ste dgu pa'o// / / de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das byang chub sems dpa' gang 'khrul pa 'di snyed cig srung yang 'khrul par mi 'gyur ba ni dgyi dka' ba bgyid pa'o/ / bcom ldan 'das de lta lags kyis kyang / byang chub sems dpas thams cad du yongs su bsngo ba la mkhas pa dang / thabs la mkhas pa 'tshal bar bgyi'o/ / de ci'i slad du zhe na/ bcom ldan 'das thabs kyis ni/ byang chub sems dpa' bsam gtan dang / rnam par thar pa dang / ting nge 'dzin dang / snyoms par 'jug pa la

  440. 221a

    gang yin pa de ni/ gzungs 'di la sbyor ba yin no// sems can cha mnyam par spyod pa rnams kyi cha mnyam pa'i spyod pa yongs su shes pa'i sbyor ba dang / chos kyi dbyings la cha mnyam pa chad pa yang med pa'i sbyor ba gang yin pa de ni/ gzungs 'di la sbyor ba yin no// klu'i bdag po mdor bsdun/ spyod pa brgyad khri bzhi stong yongs su shes pa'i sbyor ba dang / chos kyi dbyings la sbyor ba yang med pa gang yin pa de ni/ gzungs 'di la sbyor ba yin no// klu'i bdag po gzhan yang sbyor ba gang yin pa dang / mi sbyor ba gang yin pa'i chos gang yang de la sbyor ba yang med/ mi sbyor ba yang med do/ / de ci'i phyir zhe na/ sbyor ba de ni snang ba yang ma yin/ brtags pa yang ma yin/ mtshan mar byas pa yang ma yin pa'i phyir te/ de bas na sbyor ba de ni yang dag pa'i sbyor ba yin no/ / yang dag pa'i sbyor ba yang chos gang yang 'dren par yang mi byed/ mi 'dren par yang mi byed/ 'dzin par yang mi byed/ gtong bar yang mi byed/ gnas par yang mi byed/ 'gro bar yang mi byed de/ de bas na sbyor ba de ni yang dag pa'i sbyor ba zhes bya'o// klu'i bdag po byang chub sems dpa'i de ltar sbyor ba ni/ mi zad pa'i za ma tog gi gzungs 'di thob par 'gyur ro// de nas de'i tshe bcom ldan 'das kyis tshogs su bcad pa 'di dag bka' stsal to// gang tshe de yis gzungs 'di thob gyur na/ de yi dran dang blo gros yongs su dag/ mdo sde rtogs pa

  441. 221b

    kun gyi pha rol phyin/ 'gro ba'i skad dang sgra yang rab tu shes// 'gro ba'i sems dang spyod pa ngan pa dang / bzang dang 'bring gi rgyu ba gang yin shes// spyod dang sems kyi rgyud rnams shes nas kyang / / ji ltar 'tsham par chos kyi tshig rnams ston// gang tshe de ni gzungs la rab mkhas na// de ni rgyu dang byed dang rkyen la mkhas// rtag dang chad par lta bar mi 'gyur te/ mthar 'dzin/ thams cad rnam par spangs pa yin// gang tshe de yis gzungs ni thob gyur na/ yi ge dang ni tshig rnams 'byed la mkhas// skad rnams mang po du ma tha dad shes// don dang yi ge la yang mkhas par 'gyur/ / de yi lha yi mig kyang dri med 'gyur// de yi lha yi rna ba'ang rnam par dag/ shes rab mtha' yas pha rol sems la mkhas// 'das pa dang ni ma 'ongs bskal pa dran// de bzhin rdzu 'phrul rkang pa thob gyur nas// zhing rnams bye ba mtha' yas skad cig 'gro// 'jig rten 'dren rnams la ni mchod pa byed// de bzhin gzungs la thos pas chos kyang 'dzin// bdud rnams 'bum phrag ji snyed yod pa yis// de yis 'gro ba'i yul rnams mi shes la/ mun bsal sems can dag pa nyon mongs med/ mdo sde stong phrag tshad med ston par byed// chu yi nang na pad+ma ma gos bzhin// de ni 'jig rten chos rnams gos med spyod// rjes chags khong khro rnams las rtag tu grol// 'jig rten kun la sems ni mkha' ltar snyoms// mtshan gyi dam

  442. 222a

    pa gzugs 'chang dag pa ste/ / de la lta bas skye bo chog mi shes// spyod lam dang ni spyod pa shes bzhin rgyu// 'gro la phan don byed cing 'jig rten rgyu// gang tshe gzungs 'di thob par gyur pa na/ / brgya byin de bzhin tshangs pa 'jig rten skyong // de yi rkang mthil du ni gus par 'dud// 'on kyang de yid gang du'ang khengs pa med// de ni skad snyan tshangs pa'i dbyangs dang ldan/ / skye bo'i yid ni rnam sbyong mgu bar byed// skyon med snyan cing dag la dus su smra// de yi bstan pa don med yod mi 'gyur// gang tshe de yis gzungs ni thob gyur na// de ni 'khor gyi nang du 'jigs pa med/ / seng ge'i sgra chen mi 'jigs sgrogs par byed// pha rol tshogs rnams thams cad rab tu 'joms// sems can g.yon can gdul dka' nga rgyal khengs// mngon pa'i nga rgyal skyon ldan gang yin pa/ / de dag mkhas pa'i chos ni thob gyur na// nga rgyal spangs nas rkang mthil 'dud par byed// chos kyi dbyings ni rang bzhin zhi ba dang // don rtogs dang ni chos nyid nges par shes/ / de phyir chos ni gtan la 'bebs pa dang // yi ge 'byed la de yi chog mi zad// sems can rang bzhin rnam dag chos kyi dbyings// de bzhin bdag nyid rnam dag de yis shes// de ltar sems can de bzhin nyid shes pas// de yi chos rnams brtan pa thogs pa med// zad pa nam yang zad par mi nus la// mi zad pa yang nams kyang zad mi 'gyur// chos nyid ra bzhi

  443. 222b

    'don rtogs nas kyang / / der ni mdo sde bye ba mtha' yas ston// yi ge 'di dag lus la mi gnas shing // yid la mi gnas sems las ma byung ste// ji ltar brag cha'i sgra ni thos pa bzhin yi ge rnams kyi rang bzhin stong zhing dben/ / gzungs 'di yi ge rnams dang sgra la med// tshig gi lam dang lus dang ngag la'ang med// de ltar yi ge'i tshul rnams rtogs pa na// smras kyang de yi tshe ni thogs med pa/ / de ni ston kyang yid la rnam rtog med// sems la'ang rlom sems byed pa yong med de// 'on kyang chos 'di rtogs par bya ba'i phyir// chos nyid rab tu 'thad pa'i chos kyang ston/ / gang tshe de yis gzungs 'di thob gyur na// so so yang dag rig pa zhi rjes su rtogs// don la rab bsrabs chos nyid cho ga shes// sgra dang skad dang nges pa'i tshig la mkhas de bzhin spobs pa thogs med tshad kyang med/ / de ni kun rdzob don dam shes pa ste// de bzhin sna tshogs zab mo bstan pa shes// de ni lugs 'byung lugs las bzlog pa'ang shes// mtho dman 'gro ba rnams la'ang pha mthar phyin/ / sems zhum pa na rab tu 'dzin la mkhas// de bzhin khengs rnams tshar gcod shes la mkhas// bstan pa dag la bya ba'i tshul kun shes// lus dang ngag dang sems kyi las rnams la// shes pa thogs med rnam par nges par 'jug/ gzungs dang ldan pa tshig la 'khrul pa med// nyes pa spangs shing bstan por gyur pa yin//

  444. 223a

    sems can 'dul gzungs yid dang dran pa la// zhugs par gyur na chos shes zhugs pa ste// thos pa gang yin nams kyang chud mi za// ji skad thos pa mtshungs par ril/ gyis 'dzin// gzungs ni chos nyid 'gal ba ma yin la// de ni chos la zhi ba'ang ma yin te// chos dang shin tu mi mtshungs mi mnyam mnyam// chos nyid sbyor dang ldan phyir bzod nas zhi// mi zad pa'i za ma tog gi gzungs kyi sbyor ba 'di bstan pa dang / tshigs su bcad pa mngon par bsgrub pa 'di bstan pa na/ klu'i rgyal po rgya mtsho'i 'khor gyi nang nas/ klu khri nyes stong gis bla na med pa yang dag par rdzogs pa'i byang chub tu sems bskyed de/ de dag gis tshig 'di skad du/ bcom ldan 'das padag cag kyang ma 'ongs pa'i dus na/ mi zad pa'i za ma tog gi gzungs 'di thob nas/ ji ltar da ltar na de bzhin gshegs pa chos ston pa de kho na bzhin du/ sems can thams cad la chos ston par gyur cig ces kyang smras so// mi zad pa'i za ma tog gi gzungs kyi phan yon gyi le'u ste bzhi pa'o/ / // bam po bzhi pa/ de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das klu'i skye gnas su skyes pa dag kyang / 'di ltar bla na med pa yang dag par rdzogs pa'i byang chub tu sems bskyed par bgyid la/ 'di na mir gyur pa kha cig ni/ byang chub tu sems

  445. 223b

    bskyed pa'i rngo mi thog pa ni ngo mtshar lags so/ / bcom ldan 'das kyis bka' stsal pa/ shA ri'i bu kru khri nyis stong po 'di dag ni/ de bzhin gshegs pa 'od srung gi gsung rab la rab tu byung bar gyur te/ 'di dag gis de bzhin gshegs pa de las byang chub kyi sems dang ldan pa'i gtam gcig thos so// thos nas kyang de bzhin gshegs pa de la legs so zhes bya ba gsol totheg pa chen po ni bsam gyis mi khyab ste/ legs so legs so zhes tshig tu smras so// mi dge ba'i 'du 'dzi 'di lta ste/ mdza' bshes kyi khyim dang / slong mo ster ba'i khyim yongs su gzung ba'i phyir/ tshul khrims rnams nyams su ma spangs par gyur te/ tshul khrims nyams par byas pa des na/ 'di dag de nas shi 'phos nas/ klu'i skye gnas su skyes par gyur to/ / 'di dag gis theg pa chen po'i gtam de thos la/ bcom ldan 'das de la yang legs so zhes gsol ba'i rgyu de dang / rkyen de dang / dge ba'i rtsa ba des ni/ da ltar nga las theg pa chen po'i gtam thos te/ mi zad pa'i za ma tog gi gzungs bstan pa thob nas/ bla na med pa yang dag par rdzogs pa'i byang chub tu sems skyes so// shA ri'i bu lhag pa'i bsam pa'i khyad par la ltos/ ngas 'di dag bla na med pa yang dag par rdzogs pa'i byang chub tu lung bstan te/ bskal pa bgrang ba las 'das pa dag na/ de bzhin gshegs pa yang bgrang ba las 'das pa dag la

  446. 224a

    mchod pa byas nas/ byang chub kyi phyogs dang 'thun pa'i chos rnams yang dag par bsgrubs te/ bskal pa mngon par dga' ba zhes bya ba la/ 'jig rten gyi khams dri ma med pa'i snying por bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ ye shes bla ma zhes bya ba dang / bsod nams bla ma zhes bya ba dang / chos bla ma zhes bya ba dang / shes rab bla ma zhes bya ba'i mtshan 'di bzhir 'thun pa sha stag gi de bzhin gshegs par 'gyur ro// de dag thams cad kyang bskal pa de gcig de kho na la 'byung bar 'gyur te/ dper na bskal pa bzang po 'di la sangs rgyas stong 'byung bar 'gyur ba bzhin no// de nas bcom ldan 'das la klu'i rgyal po rgya mtshos 'di skad ces gsol to// bcom ldan 'das gang gi tshe/ bdag bskal pa'i dang por rgya mtsho chen po'i nang na gnas pa dang / gang gi tshe bcom ldan 'das de bzhin gshegs pa 'khor ba 'jig 'jig rten du byung ba de'i tshe/ rgya mtsho chen po'i nang na klu dang / klu'i bu dang / klu'i bu mo dag nyung bar gyur te/ bdag kyang 'khor nyung bar gyur bcom ldan 'das da ni rgya mtsho chen po'i nang na klu dang / klu'i bu dang / klu'i bu mo dag kyang 'di ltar tshad ma mchis te/ grangs kyis mtha' rtogs par mi nus lags na/ bcom ldan 'das 'di la rgyu ni gang lags/ rkyen gang lags/ bcom ldan 'das kyis

  447. 224b

    bka' stsal pa/ klu'i bdag po gang dag legs par gsungs pa'i chos 'dul ba la rab tu byung nas/ tshul khrims dag pa yongs su rdzogs par ma byas te/ cho ga nyams pa dang / 'tsho ba nyams pa dang / tshul khrims nyams pa ni yongs su rdzogs par ma byas la/ de dag gi lta ba yang drang por gyur te/ des na sems can dmyal ba rnams su mi skye'i// shi 'phos nas klu'i skye gnas rnams su skye bar 'gyur te/ klu'i bdag po de bzhin gshegs pa 'khor ba 'jig gi gsung rab las ni srog chags khyim pa dang / rab tu byung ba bye ba phrag dgu bcu rtsa brgyad cho ga dang / 'tsho ba dang / tshul khrims nyams te shi 'phos nas klu'i skye gnas rnams su skyes so// de bzhin gshegs pa gser thub kyi gsung ra ba las ni/ srog chags khyim pa dang / rab tu byung ba bye ba phrag drug cu rtsa bzhi rab tu byung ba las tshul khrims 'chal par gyur pas shi 'phos te/ klu'i skye gnas rnams su skyes so// de bzhin gshegs pa 'od srungs kyi gsung rab las na/ srogs chags khyim pa dang / rab tu byung ba bye phrag brgyad cu cho ga dang / 'tsho ba dang / tshul khrims nyams te shi 'phos nas/ klu'i skye gnas rnams su skyes so// klu'i bdag po da ltar nga'i gsung rab 'di las ni/ srog chags khyim pa dang / rab tu byung ba bye ba phrag dgu bcu rtsa dgu rab tu byung ba las/ rtsod pa sna tshogs dang / 'thab pa sna tshogs dang / 'du 'dzi

  448. 225a

    sna tshogs kyis cho ga dang / 'tsho ba dang / tshul khrims nyams te/ shi 'phos nas/ klu'i skye gnas rnams su skye zhing skye bar 'gyur te/ klu'i bdag po rgyu ni de yin no/ / rkyen ni de yin te/ des na da ltar klu dang / klu'i bu dang / klu'i bu mo rnams de ltar tshad med do// klu'i bdag po da dung yang nga yongs su mya ngan las 'das pa'i 'og/ phyi ma'i dus phyi ma'i tshe na dge slong sdig can rnams dang / dge slong ma sdig can rnams dang / dge bsnyen sdig can rnams dang / dge bsnyen ma sdig can rnams tshul khrims nyams pas klu'i skye gnas rnams su skye bar 'gyur ro/ / de'i nang nas kha cig ni sems can dmyal ba rnams su lhung bar 'gyur ro// gsol pa/ bcom ldan 'das rab tu byung bar gtogs la/ tshul khrims nyams pa klu'i skye gnas rnams su skyes pa dang / skye bar 'gyur ba gang lags pa de dag gi las rnams la khyad par ci mchis lags/ bcom ldan 'das kyis bka' stsal pa klu'i bdag po rab tu byung bar gtogs la/ tshul khrims nyams pa/ klu'i skye gnas rnams su skyes pa dang / skye bar 'gyur ba gang yin pa de dag gi sbyor ba ni yongs su ma dag la/ de bzhin gshegs pa'i bstan pa la yid ches pa'i phyir/ de dag gi bsam pa ni yod de/ de dag ni klu'i skye gnas de nas shi 'phos nas/ lhag pa'i bsam pa de'i stobs kyis/ lha dang

  449. 225b

    mi rnams kyi nang du skye bar 'gyur te/ bskal pa bzang po 'di la sangs rgyas su 'gyur ba gang yin pa'i de bzhin gshegs pa de dag gi bstan pa la theg pa ji lta ba bzhin du mos par 'gyur te/ theg pa chen po la zhugs pa rnams ma gtogs par thams cad kyang bskal pa bzang po 'di nyid la yongs su mya ngan las 'da' bar 'gyur ro/ / klu'i bdag po de bzhin gshegs pa'i bstan pa'i che ba nyid dang / rab tu 'byung ba'i yon tan gyi rgyu'i khyad par la ltos/ 'di ltar sems can de dag mi dge ba'i chos thams cad spangs nas khyad par du 'gro bar 'gyur ro// de nas bcom ldan 'das la klu'i rgyal po rgya mtsho'i bu dpal gyi gzi brjid kyis 'di skad ces gsol to// bcom ldan 'das sangs rgyas bcom ldan 'das rnams ni mthong ba dang / thos pa don mchis pa lags te/ ngo mtshar lags so// 'di ltar rmad du mchis pa'i las can rnams kyis sangs rgyas la dmigs pa'i sems gcig tsam pa skyes pa yang chab 'tshal bar mi 'gyur te/ de ni de dag gi yongs su mya ngan las 'da' ba'i bar du rgyur 'gyur ba lags so// bcom ldan 'das bdag kyang bla na med pa yang dag par rdzogs pa'i byang chub 'di lta ste/ mthong ba dang thos pa don mchis par sems bskyed par 'tshal lo/ / byang chub kyi snying po la thug gi bar du bdag gi byang chub sems dpa'i spyod pa don mchis par gyur cig/ bdag sems rmongs par

  450. 226a

    ma gyur cig/ dge ba la rmongs pa dang / byams pa chen po dang / snying rje chen po la rmongs par ma gyur cig/ bdag tshe rabs thams cad du sangs rgyas mthong ba dang / chos thos pa dang / 'phags pa'i dge 'dun la bsnyen bkur bgyid pa dang / sems can yongs su smin par bgyid pa dang 'bral bar ma gyur cig/ de nas bcom ldan 'das kyis klu'i bdag po rgya mtsho'i bu dpal gyi gzi brjid la legs so zhes bya ba byin te/ bzhin bzangs khyod kyis sems can thams cad kyi rten gyi sems bskyed pa legs so legs so// 'di lta bu'i lhag pa'i bsam pa dang / 'di lta bu'i snying rje chen pos byang chub tu sems bskyed pa 'di'i dge ba'i rtsa ba'i rnam par smin pa de ni de bzhin gshegs pas lo bdun dang / zla ba bdun dang zhag bdun du bshad kyang mthar phyin par bshad par mi spyod de/ khyod kyis dge ba'i tshogs de tsam du tshad med pa 'di yongs su bzung ngo // de nas bcom ldan 'das kyis klu'i rgyal po rgya mtsho'i bu dpal gyi gzi brjid kyi lhag pa'i bsam pa thugs su chud nas/ de'i tshe 'dzum pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de nas de'i mod la bcom ldan 'das kyi zhal gyi sgo nas 'od gzer 'di lta ste/ sngon po dang / ser po dang / dmar po dang / dkar po dang / btsod ka dang / shel dang

  451. 226b

    ngul gyi kha dog lnga bu dag byung ngo / / 'od zer de dag gis 'jig rten gyi khams mtha' yas mu med pa snang ba chen pos khyab par byas nas/ nangs pa'i 'jig rten gyi bar du mngon par 'pham nyi ma dang zla ba gnyis kyi gzi brjid dang / 'od kyang mog mog por byas nas phyir log ste/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu nub par gyur to/ / de nas tshe dang ldan pa kun dga' bo stan las langs te/ bla gos phrag pa gcig tu bzar nas/ pus mo g.yas pa'i lha nga sa la btsugs te// bcom ldan 'das ga la ba der logs su thal mo sbyar ba btud nas/ bcom ldan 'das la 'dzum pa mdzad pa'i don tshigs su bcad pas zhus pa/ bde gshegs bsod nams brgyas sbas sku mnga' ba/ mtshan mchog sum cu rtsa gnyis ldan pa'i sku// zla ba lta bur dri med dag pa'i zhal/ ci yi slad du 'dzum pa ston pa mdzad// bcom ldan dri med dri ma gsum bral ba// tha ba mi mnga' rnam dag pad+ma'i spyan/ / lha dang lha ma yin dang klus mchod pa// ci yi slad du 'dzum pa ston par mdzad// bcom ldan tshems snyoms thag sa bzangs dkar bar ldan// stobs bcu mnga' zhing dri bsung bda' ba'i zhal/ / rga dang 'chi ba mthar thug mdzad pa po// ci yi slad du 'dzum pa ston par mdzad// nam mkha'i dkyil ltar dri ma med pa'i thugs// mgon po thugs kyi dgra thun

  452. 227a

    mnyam snyoms pa/ / thugs ni ri bo lta bur mi g.yo ba// bcom ldan 'dzum pa'i don 'dir bka' stsal gsol// bcom ldan tshangs pa'i sgra skad sgrogs pa po// mi 'am ci dang ka la bing ka dang / rnga sgra lta bur snyan cing dga' ba dang / mnyen por gsungs pa 'dzum pa'i thabs gsungs shig/ 'dren pa thogs pa med pa'i blo mnga' ba// dus gsum 'gro ba'i spyod dang mos pa dang / / dbang po rnams kyang rab tu mkhyen pa po// ci yi slad du 'dzum pa ston par mdzad// bcom ldan sman pa'i rgyal po mi rnams dang // lha klu rnams kyi nad ni zhi mdzad/ pa/ bcom ldan gtan du bde ba ston pa po// ci yi slad du 'dzum pa ston par mdzad// yon tan mnga' ba bdag la bka' stsol cig/ lha dang mi rnams khrag khrig nyan cing mchis/ thos// na yid ni rab tu dga' 'gyur zhing // thams cad mkhyen pa'i dgongs pa bgyid par 'gyur// de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to/ / kun dga' bo khyod kyis klu'i rgyal po'i bu dpal gyi gzi brjid nga'i mdun na 'dug nas/ lhag pa'i bsam pas bla na med pa yang dag par rdzogs pa'i byang chub tu sems bskyed pa 'di mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ kun dga' bo dpal gyi gzi brjid 'di ni// bskal pa grangs

  453. 227b

    med pa phrag brgyad brgya na/ bskal pa kun tu lta ba la/ 'jig rten gyi khams yongs su dag cing brtan par de bzhin gshegs pa mthong ba don yod ces bya bar 'gyur te/ 'jig rten du 'byung bar 'gyur ro/ / kun dga' bo dpal gyi gzi brjid 'di ni/ byang chub sems dpa'i spyod pa don yod par spyod cing / sangs rgyas bcom ldan 'das tshad med pa mnyes par byas te mchod par byas nas/ rab tu 'byung ste/ tshangs par spyod par 'gyur ro// sems can tshad med pa yang theg pa gsum gyis yongs su smin par byed do// kun dga' bo de bzhin gshegs pa mthong ba don yod kyi 'jig rten gyi khams yongs su dag cing brtan pa de yang 'byor pa dang / rgyas pa dang / bde ba dang / lo legs pa dang / nyams dga' bar 'gyur la/ skye bo mang po dang lha dang mi rnams kyis gang bar 'gyur te/ dper na 'thab bral gyi lha rnams kyis nye bar spyad pa dang / longs spyod pa ji lta ba bzhin du/ de na mi rnams kyi yang de dang 'dra bar 'gyur ro// de bzhin gshegs pa de'i tshe'i tshad kyang lo khri thub par 'gyur ro// de'i nyan thos kyi dge 'dun ni bye ba phrag drug cu yod do// byang chub sems dpa'i dge 'dun ni 'bum phrag bcu gnyis 'du bar 'gyur ro/ / kun dga' bo de bzhin gshegs pa mthong ba don yod de sems can gang dag gi mig sngar snang ba de dag kyang mthong ba'i mod la/ byams pa'i rnam pa'i ting nge 'dzin thob par 'gyur ro//

  454. 228a

    kun dga' bo de bzhin gshegs pa mthong ba don yod ni/ mthong ba'i mod la sems can rnams 'dul bar 'gyur ro// de la nyan thos kyi theg pa par 'gyur ba gang dag yin pa de dag ni/ dang po mthong bas rgyun tu zhugs par 'gyur ro// lan gnyis mthong bas ni lan cig phyir 'ongs pa'i 'bras bu thob par 'gyur ro// lan gsum mthong bas ni phyir mi 'ong ba'i 'bras bu thob par 'gyur ro/ / lan bzhi mthong bas ni dgra bcom pa nyid thob par 'gyur ro// byang chub sems dpa'i theg pa par 'gyur ba gang dag yin pa de dag ni/ de bzhin gshegs pa mthong ba don yod de mthong ba'i mod kho na la mi skye ba'i chos rnams la bzod pa thob par 'gyur ro/ / kun dga' bo 'jig rten gyi khams yongs su dag cing brtan pa na/ sems can su yang tshul khrims nyams pa'am/ lta ba nyams pa'am/ cho ga nyams pa 'am/ 'tsho ba nyams par mi 'gyur te/ de dag thams cad yang dag pa nyid du nges par 'gyur ro// sems can de nas shi 'phos pa su yang ngan 'gror 'gro bar mi 'gyur te/ de dag thams cad lha dang mi rnams kyi nang du skye bar 'gyur ro// sangs rgyas kyi zhing yongs su dag pa dag tu yang skye bar 'gyur ro// de nas klu'i rgyal po rgya mtsho'i bu dpal gyi gzi brjid kyis/ bdag nyid lung bstan pa thob nas/ tshim zhing mgu la yi rangs te/ rab tu dga' nas dga' ba dang yid

  455. 228b

    bde ba skyes te/ / mu tig gi dri ba nor bu rin po che 'bum gyis sbas pa/ de bzhin gshegs pa'i sku la gsol nas/ sor mo bcu'i thal mo sbyar te/ mngon sum du bcom ldan 'das la rdu dang 'thun pa'i tshigs su bcad pa 'di dag gis mngon par bstod pa/ mi dbang zla ba dri med 'od kyi zhal/ gzi brjid mtha' yas lha dang mis mchod pa/ mtshungs med stobs ldan mtha' yas shugs mnga' ba/ / ye shes tshad ma mchis la mgos phyag 'tshal// phan par mdzad pa'i ye shes tshad ma mchis// de bzhin shes rab 'od kyang bsam mi khyab// tshul khrims dri med rab brtan rnam par dag/ mi dbang mkha' dkyil 'dra la phyag 'tshal lo// bskal pa dpag tu med pa mtha' yas par/ spyod pa sbyang nas sangs rgyas ye shes brnyes/ des na 'gro ba'i spyod pa rab tu mkhyen/ / de bzhin de dag dbang po bsam pa mkhyen// 'jig rten bcom ldan gzugs dang mtshungs ma mchis// de phyir 'gro bas lta ba chog ma 'tshal// de yi nyon mongs skye bar mi 'gyur zhing / / de tshe nyon mongs thams cad rab tu zhi// ka la bing+ga khu byug mi 'am ci// de bzhin tshangs pa'i sgra dang lha min sgra// phyogs bcu dag na yid 'ong sgra de dag/ bde gshegs gsung gcig gis ni zil gyis mnan/ mkha' las zla ba sa la ltung yang gda'/ rgya mtsho bskams shing ri rab brnyi la yang gda'// sa la gnam lhung dum bu brgyar 'gyur gda'/

  456. 229a

    rgyal ba'i bka' ni gzhan du yongs mi 'gyur/ bden pa'i brtul zhugs rab 'brel ston pas 'dir// sangs rgyas ye shes gtso bos bdag lung bstan// bdag ni rgyal/ bar rang byung yon gnas 'gyur// bdag la yid gnyis som nyi dogs ma mchis// phyogs bcu dag tu rin chen legs smras pa// bye ba mtha' yas 'dren pa rnams la phul// byang chub sems gcig bskyed pa gang lags la/ / bsod nams snga mas 'di yi char mi phod// gang zhig byang chub sems mchog bskyed par bgyid// de ni sangs rgyas mchod pa mchog tu 'phags// gang zhig 'dren rnams tshul 'di mi gcod pa// de ni stobs bcu kun gyi bka' drin bzo// klu'i rgya mtsho'i bu dpal gyi gzi brjid des// tshigs su bcad pa mngon par bsgrub pa 'di smras pa na/ srog chags khris bla na med pa yang dag par rdzogs pa'i byang chub tu sems bskyed de/ de dag gis tshig 'di skad du gang gi tshe bcom ldan 'das de bzhin gshegs pa mthong ba don yod des byang chub brnyes pa de'i tshe/ bdag cag kyang bcom ldan 'das de dang phrad de/ 'jig rten gyi khams yongs su dag cing brtan pa der skye bar gyur cig/ de bzhin gshes pa de'i dam pa'i chos yongs su 'dzin cing mchod pa dang / bsnyen bkur yang bgyid par gyur cig/ bcom ldan 'das de'i 'og tu bdag cag kyang byang chub mngon par rdzogs par 'tshang rgya bar gyur cig ces kyang smras so// /

  457. 229b

    bcom ldan 'das kyis kyang de dag thams cad 'jig rten gyi khams de bzhin gshegs pa mthong ba don yod kyi sangs rgyas kyi zhing der skye bar lung bstan to// lung bstan pa'i le'u ste lnga pa'o// / / de nas bcom ldan 'das la klu'i rgyal po rgya mtshos 'di skad ces gsol to// bcom ldan 'das bdag la thugs brtse ba dang / skye bo mang po la sman pa dang / skye bo mang po la bde ba dang / 'jig rten la thugs brtse ba'i slad du/ rgya mtsho chen por sang gdugs tshod gsol bar gnang ba mdzad du gsol/ de ci'i slad du zhe na bcom ldan 'das rgya mtsho/ chen po'i nang na lha dang / klu dang / gnod sbyin dang / dri za dang / lha ma yin dang / de ma lags pa yang dud 'gro'i skye gnas su skyes pa'i sems can tshad ma mchis pa dag mchis te/ de dag gis de bzhin gshegs pa mthong ba na/ dge ba'i rtsa ba dag skyed par 'gyur la dam pa'i chos thos pas kyang 'khor ba thog ma ma mchis pa'i mtha' rtogs par 'gyur ba dang / bdag gi klu'i rgyal po'i gnas kyang yongs su longs spyod par 'gyur te/ lha dang bcas pa'i 'jig rten gyis brnyas par mi 'gyur la/ de bzhin gshegs pas kyang / sangs rgyas kyi che ba nyid bstan par 'gyur ba dang / bdag gis byang chub kyi phyogs dang ldan pa'i chos nye bar brtan pa bgyis par 'gyur ba'i slad du'o// bcom ldan 'das kyis kyang klu'i rgyal po rgya mtsho la

  458. 230a

    thugs brtse ba dang / sems can tshad med pa dag gis dge ba'i rtsa ba 'phel bar bya ba'i phyir gnang ngo // de nas klu'i rgyal po rgya mtsho bcom ldan 'das kyis gnang bar rig nas/ tshim zhing mgu la yi rangs te/ rab tu dga' zhing dga' ba dang yid bde ba skyes te/ bcom ldan 'das kyi zhabs la mgo bos phyag 'tshal nas lan bdun du bskor ba byas te/ dpung dang bcas/ 'khor dang bcas par bcom ldan 'das kyi thad nas mi snang bar gyur te/ rgya mtsho chen po'i nang du phyir song ngo // de nas der skye bo'i tshogs 'dus pa thams cad la 'di skad ces smras so/ / bdag gis de bzhin gshegs pa sang gdugs tshod gsol bar spyan drangs te/ des kyang bdag la thugs brtse ba'i phyir gnang gis der khyed kun gyi kyang lhan cig tu 'thun pa dang / yang dag par dga' ba dang / de bzhin gshegs pa la mchod pa dang / bsnyen bkur la brtson pa gyis shig de nas klu'i rgyal po rgya mtshos/ / lha ma yin gyi dbang po sgra gcan dang / lha ma yin gyi dbang po bde mchog dang / sim byed dang thag bzangs ris la smras pa/ grogs po dag shes par gyis shig/ de bzhin gshegs pa rgya mtsho chen po 'dir gshegs kyis/ der khyed 'khor dang bcas pa thams cad bcom ldan 'das la mchod pa'i las bya ba'i phyir bdag gis skabs

  459. 230b

    phye ba lags kyis/ bdag gi gnas su spyon cig/ de nas klu'i rgyal po rgya mtshos/ klu'i rgyal po 'jog po dang / kha dog mtha' yas pa dang / dri ma med pa dang / 'od can dang / rnam par rtse ba dang / bkod pa dang / lag na rdo rje dang / brjod bya dang / kha dog thams cad ston pa dang / tsan dan gyi rnam pa dang / de la sogs pa'i klu'i rgyal po 'bum phrag du ma la smras pa/ grogs po dag khyed cag thams cad kyang de bzhin gshegs pa la blta ba dang / phyag bya ba dang bsnyen bkur bya ba'i phyir/ bdag gi gnas su spyon cig/ de nas klu'i rgyal po rgya mtshos gzhon nu dpal gyi gzi brjid la bsgo ba/ bzhin bzangs khyod song la klu'i rgyal po ma dros pa'i rkang pa la mgo bos phyag tshol la/ nga'i 'phrin 'di skad gyis shig/ bdag gi pha'i mchid nas/ bcom ldan 'das yang dag par rdzogs pa'i sangs rgyas bshos gsol gyis/ rgya mtsho chen por spyon cig/ ces bgyis shig/ legs so/ zhes byas te/ mnyan nas ji skad bsgo ba bzhin du/ klu'i rgyal po rgya mtsho'i bu dpal gyi gzi brjid kyis byas so// de nas klu'i rgyal po rgya mtshos/ klu'i rgyal po shugs drag la smras pa/ shugs drag khyod song la/ ri rab kyi steng du song ste/ klu'i rgyal po dga' bo dang / nye dga' gnyis kyang bos shig/ lha rnams kyi dbang po brgya byin la yang de bzhin gshegs

  460. 231a

    pa la mchod pa dang / bsnyen bkur bgyi yis rgya mtsho chen por bdag gi gnas su spyon cig ces gyis shig/ de nas klu'i rgyal po rgya mtshos ji skad bsgo ba bzhin du klu'i shugs drag/ klu'i rgyal po dga' bo dang / nye dga' gnyis dang / lha rnams kyi dbang po brgya byin gyi thad du song nas/ ji skad bsgo ba bzhin du bos so// de nas klu'i rgyal po rgya mtsho sa rang gi gnas su 'khor gyi khyams bkod pa/ bai rUR+Ya sngon po dag pa dang / 'dzam bu chu bo'i gser las byas pa bshams te/ rin po che du mas ni spras rin po che'i dra bas ni khebs par byas/ dril bu g.yer ka'i dra ba ni dpyangs/ dar gyi lda lding mang po ni btags bla re ni bres/ rgyal mtshan dang ba dan ni bsgreng / rgya mtsho'i spos kyi mchog gis ni bdugs/ me tog sna tshogs ni bkram ste/ 'khor gyi khyams yangs shing rgya che ba de'i nang du/ bcom ldan 'das kyi seng ge'i khri 'phang du dpag tshad bcu gnyis pa/ rin po che thams cad kyis spras pa/ lha rdzas kyi ras bcos bu rnam pa sna tshogs du ma mang po bting ba/ bla re bres pa/ rin po che sna bdun gyi stegs bus bskor ba/ rin po che'i dra bas khebs pa/ dril bu g.yer ka'i dra ba dbyangs pa/ dar gyi lnga ldi btags pas brgyan pa/ rnam pa thams cad kyi mchog dang ldan pa zhig bshams so// dge slong gi dge 'dun thams cad kyi gdan

  461. 231b

    yang ji ltar 'tshal ba bzhin du bshams so/ / ro brgyas bsgos pa'i zhal zas dag kyang bshams te/ thams cad legs par zin par rigs nas/ bu dang / gnyen 'dab dang // 'khor dang bcas te/ ri'i rgyal po ri rab kyi pang rim la 'khod nas/ bcom ldan 'das la gdugs tshod dbab pa'i tshogs su bcad pa 'di dag gsol to// chos kyi dbang phyug ye shes rgya chen khyad par brnyes/ / ye shes 'byung gnas mkha' 'dra ye shes mtha' yas pa/ 'jig rten 'das pa spyan yangs dag pa'i spyan dang ldan/ phan pa mdzad pa gdugs tshod bab kyi gshegs su gsol/ tshangs pa'i gsung dang rnam par dag ldan dbyangs snyan pa// ka la bing+ga rnga sgra bdud rtsi'i don ston pa// sman pa'i mchog ste nyon mongs sna tshogs mun sel ba/ / sems can rin chen gdugs tshor bab kyis gshegs su gsol// zhi zhing ra ba zhi thugs mnga' rtag tu zhi bar spyod// rgyal ba grol ba lha dang mi rnams rab grol mdzad/ chu bo bzhi las brgal ba 'gro ba sgrol ba po// pha rol gshegs pa bde sbyin gdugs tshod dus la bab// sbyin du la yang dag sdom dgyes tshul khrims yongs su dag/ bzod pa'i stobs dang ldan zhing brtson 'grus chen po brnyes/ / bsam gtan rnam thar dgyes pa shes rab yongs su rdzogs// zhal ras zla 'dra gdugs tshod bab kyis gshegs su gsol/

  462. 232a

    lam mkhyen lam la mkhas shing ngan pa'i lam srang ngan pa spangs// byang chub yan lag dbang stobs bden pa bani ston pa// yang dag spong dang rdzu 'phrul bzhi dang dran dang ldan/ / thams cad zil gnon yon tan mnga' ba gdugs tshod bab// sum cu rtsa gnyis mtshan mnga' bsod nams 'tshal rnams bsod nams zhing chen bcom ldan 'das// mchod sbyin dam pa bzhes pa'i 'os lags yon gyi gnas/ / byams la dgyes pa gdugs tshod bab kyis gshegs su gsol// lhun po 'dra zhing sa dang mtshungs la sbyor ba snyoms// byams sdang mi mnga' nam mkha'i ngo bo nyid dang mtshungs/ / mi yi dbang po khengs pa mi mnga' dman mi mnga'// stong dang rnam par thar la dgyes pa gdugs tshod pa ba// kun mkhyen kun la mkhas pa dus dang cho ga mkhyen/ chos rnams 'byed la mkhas pa rtag tu dus bzhin ston// sems can bsam pa rab mkhyen don rig mkhyen par ldan// chos kyi ngo bo nyid mkhyen gdugs tshod dus la bang / / de nas bcom ldan 'das kyis klu'i rgyal po rgya mtshos gdugs tshod phab pa de thugs su chud nas/ dge slong rnams la bka' stsal pa/ dge slong dag klu'i rgyal po rgya mtshos gdugs tshod phab kyis lhung bzed dang chos gos long la sems can yongs su smin par bya ba dang / klu'i rgyal po rgya mtsho'i gnas su yongs su longs spyad pa'i phyir/ rgya mtsho chen por

  463. 232b

    'dong ngo / / de nas bcom ldan 'das byang chub sems dpa'i tshogs kyis yongs su bskor// nyan thos kyis dge 'dun gyis ni mdun du bdar// lha'i tshogs kyis ni phyag byas lha ma yin gyi tshogs kyis ni bstod de/ ngang pa'i rgyal po bzhin du steng gi bar snang la 'phags te gshegs nas/ 'od zer ni 'gyed/ sangs rgyas kyi zhing rnams ni snang bar mdzad/ pad+ma'i char ni 'bebs/ sil snyan 'bum ni sgrogs/ klu'i dbyangs 'bum ni grags par mdzad de/ rgya mtsho'i 'gram ga la ba der gshegs te byon nas/ rgya mtsho'i 'gram na dga' ba'i tshal ltar nyams dga' ba zhes bya ba'i tsam pa ka'i tshal ga la ba der gzhes so/ / de nas klu'i rgyal po rgya mtsho/ bcom ldan 'das ga la ba der song ste phyin nas/ bcom ldan 'das kyi zhabs mgo bos phyag 'tshal te/ bcom ldan 'das la mchod pa byas so// mchod pa byas nas gdugs tshod bab bo// de nas klu'i rgyal po rgya mtsho 'di snyam du sems te/ bcom ldan 'das kyi rdzu 'phrul gyis bdag gi gnas su gshegs pa de ni/ bdag gi rigs pa ma yin/ cha ma yin gyis/ bdag gis bcom ldan 'das la mchod pa'i las bya ba'i phyir/ themags ji lta bu dag gis bcom ldan 'das sum cu rtsa gsum gyi gnas nas/ 'dzam bu'i gling du gshegs pa de kho na lta bu'i themasas dag byin gyis brlabs la/ them skas de dag las bcom ldan

  464. 233a

    'das rgya mtsho chen por gshegs par bya gor ma chag snyam mo/ / de nas klu'i rgyal po rgya mtshos rgya mtsho chen po'i 'gram nas// rang gi gnas kyi bar du them skas kyi rim pa gsum bshams te/ gcig ni gser las byas/ gcig ni bai DUR+Ya las byas/ gcig ni mu tig dmar po las byas te/ rin po che thams cad kyis spras pa/ bkra ba/ blta na sdug pa dag bshams so// de nas bcom ldan 'das kyis ci nas rgya mtsho chen po'i chu'i phung po sus kyang mig gis mi mthong ba dang / sus kyang sems can dag la gnod par mi 'gyur ba de lta bu'i byin gyis brlabs kyis byin gyis brlabs so/ / bcom ldan 'das kyi sku las kyang 'od gang gis rgya mtsho chen po snang bar gyur nas/ stong gsum gyi stong chen po'i 'jig rten gyi khams snang bar 'gyur ba de lta bu'i 'od 'gyed par mdzad do/ / rgya mtsho chen po na sems can gnas pa gang yin pa de dag kyang 'od des reg pa tsam gyis/ byams pa'i sems dang / phan pa'i sems dang / mnyen pa'i sems dang / bde ba'i sems su gyur te/ phyin chad su yang phan tshun rnam par 'tshe ba med cing gnod pa byed pa med de// de dag thams cad cig la gcig pha mar 'du shes par gyur to/ / 'dod pa na spyod pa dang / gzugs na spyod pa'i lha'i bu rnams kyang / chos mnyan pa dang / klu'i rgyal po rgya mtsho'i gnas kyi bkod pa

  465. 233b

    blta bar 'dod pa'i phyir/ bcom ldan 'das kyi phyi bzhin 'brang ngo // de nas bcom ldan 'das byang chub sems dpa' rnams dang / nyan thos chen po rnams dang / ngargya byin dang tshangs pa dang / 'jig rten skyong ba la sogs pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams dang / mi dang mi ma yin pa rnams/ dga' ba'i tshal ltar nyams dga' ba'i tsam pa ka'i tshal nas yangs te/ klu'i rgyal po rgya mtshos them skas kyi rim pa bshams pa ga la ba der dong ste lhags nas/ them skas dbus ma la ni bcom ldan 'das bzhugs so// g.yas rol na ni byang chub sems dpa' rnams 'khod do// g.yon rol na ni nyan thos chen po rnams 'khod do/ / mdun logs na ni brgya byin bye ba phrag drug cu lag pa g.yas pas lam mtshon par byed do// tshangs pa bye ba drug cu ni nam mkha'i dkyil na 'khod de/ bcom ldan 'das la rin po che'i gdugs rnams 'dzin to/ / lha bye ba phrag drug cu ni bcom ldan 'das kyi snam logs na 'khod de/ me tog gi char 'bebs so// 'dod pa na spyod pa'i lha'i bu rnams ni/ bcom ldan 'das la mchod pa'i las bya ba'i phyir/ sil snyan bye ba phrag drag ca dkol bar byed // lnga'i ba mo be pa phrag drag ca ni bcom ldan 'das kyi shul spos chu'i chag chag 'debs so//

  466. 234a

    klu'i bu mo bye ba phrag cu ni nam mkha'i dkyil na 'khod de/ ro stong khebs pa'i mu tig gi 'phreng ba dag 'phyang bar byed do// mi 'am ci bye ba phrag drug cu ni bcom ldan 'das la tshigs su bcad pa brjod pas stod par byed do/ / dri za bye ba phrag drug cu ni bcom ldan 'das kyi spyan snga na/ me tog gyi 'phreng ba rnams 'byang bar byed do// lha ma yin bye ba phrag drug cu ni ras bcos bu kha dog sna tshogs stong gis/ bcom ldan 'das la 'gebs par byed do// klu'i rgyal po ma dros pa yang 'khor bye ba phrag rgya dang nam mkha'i dkyil na 'khod deme tog dang / spos dang / phye ma dang / byug pa dang / gos dang / gdugs dang / rgyal mtshan dang / ba dan thams cad dang / sil snyan dang / glu dbyangs dang / pheg rdob pa dang / lha'i bkod pa thams cad kyis bcom ldan 'das la mchod par byed de/ de la sogs pa klu'i rgyal po drug khri bcom ldan 'das la mchod pa'i las byed pa la zhugs so// de bzhin gshegs pa tshe dpag tu med pa'i sangs rgyas kyi zhing 'jig rten gyi khams bde ba can nas kyang / byang chub sems dpa' spyan ras gzigs dbang phyug dang / byang chub sems dpa' mthu chen thob dang / byang chub sems dpa'i 'khor mang po bye ba khrag khri phrag 'bum klu'i rgyal po rgya mtsho dga' bar bya ba dang / bcom ldan 'das la mchod pa'i las bya ba'i phyir

  467. 234b

    lpags so/ / de dag gis kyang bcom ldan 'das la mchod pa'i bkod pa snga ma gang yin pa de mog mog po byed cing / mi mngon par byed pa de lta bu'i mchod pa byas so// de bzhin du bcom ldan// 'das de bzhin gshegs pa bzod dka' sangs rgyas kyi zhing 'jig rten gyi khams 'od gzer can nas kyang / byang chub sems dpa' 'od kyi tog dang / 'od kyi dpal gnyis 'ongs so// / bcom ldan 'das de bzhin gshegs pa mi 'khrugs pa'i sangs rgyas kyi zhing 'jig rten gyi khams mngon dga' nas kyang / byang chub sems dpa' spos kyi glang po dang // glang chen spos kyi glang po gnyis 'ongs so/ / bcom ldan 'das de bzhin gshegs pa nyi zla'i sangs rgyas kyi zhing 'jig rten gyi khams rnam par snang byed nas kyang / byang chub sems dpa' seng ge dang / seng ge'i blo gros gnyis 'ongs so// bcom ldan 'das de bzhin gshegs pa spyan bzangs kyi sangs rgyas kyi zhing 'jig rten gyi khams mig mi 'dzum pa nas kyang / byang chub sems dpa'i kha lo sgyur ba dang / chos thams cad la dbang byed pa gnyis 'ongs so// bcom ldan 'das de bzhin gshegs pa kun tu snang ba'i sangs rgyas kyi zhing 'jig rten gyi khams snang ba can nas kyang byang chub sems dpa'i rin chen dkyil 'khor can dang / rin chen ta la la gnyis 'ongs so// bcom ldan 'das de bzhin gshegs pa rin chen dpal gyi sangs rgyas kyi zhing 'jig rten gyi

  468. 235a

    khams dga' ba'i snying po nas kyang / byang chub sems dpa' mthong ba don yod dang / rnam par gnon pa don yod gnyis 'ongs so// bcom ldan 'das de bzhin gshegs pa kun tu rnam par gzigs kyi sangs rgyas kyi zhing 'jig rten gyi khams kun tu lta ba nas kyang / byang chub sems dpa' sprin gyi rgyal po dang / chos kyi rgyal po gnyis 'ongs so// bcom ldan 'das de bzhin gshegs pa 'jig rten dbang phyug rgyal po'i sangs rgyas kyi zhing 'jig rten gyi khams mthong na dga' ba nas kyang / byang chub sems dpa' bdud rab tu 'joms pa dang / brag 'joms rgyal po gnyis 'ongs so/ / bcom ldan 'das de bzhin gshegs pa rin chen tog gi sangs rgyas kyi zhing 'jig rten gyi khams rin chen ldan nas/ byang chub sems dpa' blo gros rab gnas dang sgrib pa thams cad rnam par sel ba gnyis 'ongs so/ / de ltar phyogs bcu nas kyang byang chub sems dpa' bye ba phrag khrig 'bum phrag bye ba mang po klu'i rgyal po rgya mtsho dga' bar bya ba dang / de bzhin gshegs pa la mchod pa'i las bya ba'i phyir lhags so// de nas bcom ldan 'das kyi sangs rgyas kyi mthu chen po dang / sangs rgyas kyi cho 'phrul chen po dang / sangs rgyas kyi rnam par 'phrul pa chen po dang / sangs rgyas kyi bkod pa chen po dang / sangs rgyas kyi bdag nyid che ba chen po dang / sangs rgyas kyi rnam par rol pa chen po dang / sangs rgyas kyi mchod pa

  469. 235b

    chen po dang / sangs rgyas kyisang ge ba sgra chen pos/ phyogs bcur sangs rgyas kyi zhing dpag tu med bdag tha~Md kyis khyab par mdzadade/ sangs rgyas kyi gsung gis go bar mdzan nas/ nA 'dram gyis simastan dang / klu'i dbyangs len cing / me tog gi cher 'bebs la/ ngan song thams cad kyi 'chi 'pho dang skye ba rab tu ni bar byas te/ sems can thams cad kyi bde ba dang / yid rde/ pab bsgrubs nas/ snying rje chen po brtan pa zhes bya ba'i sangs rgyas kyi ting nge 'dzin la snyoms par zhugs so// bkod pa bsam gyis mi khyab pa de lta bus/ rin po che'i them skas de dag las rgya mtsho chen por gshegs te/ de lta bu'i klu dbyangs len pa na/ phyogs bcu'i sangs rgyas kyi zhing dpag tu med par gsung gis go bar mdzad nas/ sangs rgyas kyi mthu dang / de bzhin gshes pa'i byin gyis brlabs kyis/ 'jig rten gyi khams gzhan dang gzhan dag na gnas pa'i byang chub sems dpa' rnams dang / brgya byin dang / tshangs pa dang / 'jig rten skyong ba rnams dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams kyis kyang / bcom ldan 'das debazhin gshegs pa shAkya thub pa rgya mtsho chen por gshegs pa mthong ngo / / de nas lha'i bu mo dang / klu'i bu mo dang / gnod sbyin gyi bu mo dang / lha ma yin gyi bu mo dang

  470. 236a

    nam mkha' lding gi bu mo dang / dri za'i bu mo dang / mi 'am ci'i bu mo dang / lto 'phye chen po'i bu mo bye ba phrag 'bum dag gis sil snyan dang / glu'i dbyangs len cing bcom ldan 'das mdun nas bsu nas/ de'i tshe rgyud kyi sgra skad las 'byung ba'i tshigs su bcad pa khyad par du 'phags pa 'di dag gis bcom ldan 'das la mngon par bstod pa/ sbyin pa las byung tshul khrims mdzes dang ldan/ bzod pa'i stobs las byung ba byams pa bsgoms// brtson 'grus las byung don gyi rgya mtsho lags/ bsam gtan rnam thar dgyes pa khyod phyag 'tshal shes rab 'od ldan dgongs pa rnam par dag/ 'od dang gzi brjid dpal gyi mngon par brgyan/ rnam par grol ba mngon sum ston mdzad pa/ thub pa nyon mongs bsal la phyag 'tshal lo// brtul zhugs shin tu rdzogs pa brtul zhugs mchog/ dka' thub mthar phyin rtogs par thugs su chud// mig ni sbyin par mdzad cing mig sbyong ba// 'gro ba kun tu rgyu ba 'gro ba'i mchog don dam zab mo shin tu ston pa po/ / gzhan la phan pa zla med thugs su chud// chags pa med par tshig gi don ston pa// gzhan la phan pa zla med bong mdzad pa// dus skabs mkhyen pa kun tu ston pa po/ / rgol ba ngan pa'i tshogs kun rab 'joms pa// brtul zhugs yongs su rdzogs pa brtul zhugs mchog/ bdud rtsi'i bde skyid bde ba sbyin

  471. 236b

    mdzad pa/ / nam mkha' 'dra zhing dgongs pa dag pa ste/ dri ma kun sel rnam par 'dren pa po// yon tan rgya mtsho bsod nams mi zad pa// rgya mtshor 'jug pa ye shes rgya mtshor ldan/ chos kyi dbang phyug nyon mongs sel mdzad pa/ / chos kyi sbyin bdag ser sna mi mnga' ba// chos kyi rin chen nor mchog sbyin mdzad pa// chos mchog ye shes de nyid ston pa po// dga' ba ston pa bde ba ston mdzad pa/ bag la nyal gyi nyes pa spong ba ston// ri yi dbang po bzhin du mi g.yo ba// de bzhin gshegs pa khyod la mgos phyag 'tshal// mi dang lha dang mkha' lding gsang ba pa/ lha min srin po mi 'am ci yi bdag/ klu rnams dang ni grul bum gnod sbyin rnams// khyod kyi zhabs la mgo bos phyag kyang 'tshal// mtshan mchog sum cu rtsa gnyis ldan pa ste/ rab mdzes dpe med shin tu ston mdzad pa/ / gser gyi mdog can dpal ldan mdog sdug pa/ sen mo zangs 'dra mdog sdug phyag mthil ma nyam// ka la bing+ka'i gdangs can ya mtshan gsung / tshangs pa lnga dbang gdangs can gdangs kyi mchog/ gsung gis stong gsum so sor 'gengs par mdzad// 'jam mnyen gsung ldan khyod la phyag 'tshal lo// dbang po dul zhing thugs kyang dul ba stezhal ras zla ba 'dra zhing spyan legs pa/ rtag tu bden pa gsung zhing mnyam par gzhag/ rtag tu chos 'dzin khyod la phyag 'tshal lo// rga nad sdug bsngal rab tu grol mdzad pa/

  472. 237a

    'gro ba'i don mdzad nyon mongs spong mdzad pa/ rgyal bar 'os pa bdud 'joms rgyal ba po// skye ba zad pa de nyid ston mdzad pa// dgra bcom dgra yi tshogs rnams 'jom pa po/ / lha las 'das pa lha mang rnams kyis mchod// khyod ni rtag tu bzhes pa'i 'os kyi mchog/ skye dgu kun mchog 'dren pa bzangs po lags// de nas lha'i bu mo dang / klu'i bu mo dang / lha ma yin dang / mi 'am ci dang / nam mkha' lding dang / lto 'phye chen po dang / dri za'i bu mo de dag gis/ bcom ldan 'das la tshigs su bcad pa 'di rnams kyis mngon par bstod nas/ / thams cad cig tu 'thun par gyur pas bla na med par yang dag par rdzogs pa'i byang chub tu sems bskyed nas/ rang rang gi rgyan rnams bcom ldan 'das kyi sku la gsol to/ / de nas bcom ldan 'das mthar gyi rgya mtsho chen po gshegs te/ rgya mtsho chen po'i gting gi dkyil gyi gnas/ klu'i rgyal po rgya mtsho'i 'khor gyi khyams bkod pa ga la ba der gshegs nas/ seng ge'i khri de la bzhugs so// dge slong gi dge 'dun rnams dang / byang chub sems dpa' rnams kyang stan ji ltar bshams pa de dag la 'khod do/ / de nas klu'i rgyal po rgya mtshos/ bcom ldan 'das dang / dge slong gi dge 'dun dang / byang chub sems dpa' rnams bzhugs par rig

  473. 237b

    nas bu dang bcas/ chung ma dang bcas/ gnyen 'dab dang 'khor dang bcas pas/ rang gi lag gi zhal zas ro brgya dang ldan pa bsod pa mang pos tshim par byed cing / ci bzhed pa stobs par byed do/ / tshim par byas shing ci bzhes pa stabs nas/ bshos gsol lags te/ sang sder gyu ba dang / phyag bcabs par rig nas/ chos mnyan pa'i phyir klu'i rgyal po rgya mtsho'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams dang / brgya byin dang / tshangs pa dang / 'jig rten skyong ba rnams dang / phyogs bcu nas 'dus pa'i byang chub sems dpa' sems dpa' chen po de dag dang lhan cig tu/ bcom ldan 'das kyi spyan sngar 'khod do// de nas bcom ldan 'das kyis thams cad dang ldan pa'i 'khor de tshogs te/ 'khod par thugs su chud nas/ bde ba dang dga' ba dang / mchog tu dga' ba'i chos mnyan pa zhes bya ba'i 'od gzer sku las 'gyed par mdzad do/ / 'od gzer de dag gis rgya mtsho chen po'i nang na/ srog chags rab dang 'bring dang / tha ma ji snyed gnas pa de dag thams cad kyis/ bcom ldan 'das mdun na bzhugs par mthong bar gyur te/ bde ba dang / dga' ba dang / mchog tu dga' ba skyes nas/ chos mnyan pa la brod cing / gus pa dang bcas pas thal mo sbyar te/ bcom ldan 'das

  474. 238a

    la 'dud cing 'khod par gyur to/ / de nas bcom ldan 'das kyis/ klu'i rgyal po rgya mtsho la bka' stsal pa/ klu'i bdag po 'jig rten gnas pa 'di ni las sna tshogs kyis bskyod nas/ sems kyi dmigs pa sna tshogs kyis/ las rnam pa sna tshogs mngon par 'du bya ba mngon par 'du byed de/ de'i 'gro ba yang rnam pa sna tshogs su gyur to// klu'i bdag po rgya mtsho chen po 'di na/ gzugs rnam pa sna tshogs ji snyed pa dang / tha mal pa ji snyed snang ba la ltos/ klu'i bdag po 'di dag thams cad ni rang rang gi sems dang // dge ba dang / mi dge ba'i rtsa ba'i lus dang ngag dang yid kyi las sna tshogs kyis sna tshogs su byas pa dag go// sems ni gzugs med pa bstan tu med pa ste// klu'i bdag po de ltar na/ chos thams cad ni/ bcos ma rnam par bsgrubs pas nye bar gnas pa'i mtshan nyid de/ bdag po med pa/ bdag gi med pa/ yongs su 'dzin pa med pa'o// de dag ni las ji ltar bsags pa bzhin du bsgrubs pa sna tshogs su byas pa dag ste/ 'di la byed pa po gang yang med do// de ltar na/ chos 'di dag ni bsam gyis mi khyab pa/ sgyu ma'i mtshan nyid kyi ngo bo nyid do// klu'i bdag po de la mkhas pas chos thams cad rnam par bsgrubs pas nye bar gnas pa'i mtshan nyid du shes nas/ dge ba mngon par 'du bya ba dag kho na mngon par 'du bya ste/ dge ba mngon par 'du bya ba dag mngon

  475. 238b

    par 'du byed pa de'i phung po dang / skye mched rnam par bsgrubs nas nye bar gnas pa'i mtshan nyid mngon par bsgrubs pa gang yin pa de dag mdzes shing gzugs bzang la blta na sdug pa mngon par 'grub par 'gyur ro/ / klu'i bdag po de bzhin gshegs pa'i sku bsod nams bye ba phrag 'bum gyis/ ji ltar brgyan pa dang / ji ltar rnam par bsgrubs pa dang / gang gis lha dang bcas pa'i 'jig rten zil gyis mnan cing / non par 'dug pa dang / gang gis 'bum phrag bcu la dbang sgyur ba'i tshangs pa 'di dag kyang mog mog po byed pa dang / de bzhin gshegs pa'i sku la blta ba na yang / mig khral khrul du gyur pa la bltos/ byang chub sems dpa' sems dpa' chen po 'di dag gi lus kyi rgyan gzugs kyi mtshan rnams la bltos/ 'di dag thams cad ni/ dge ba mngon par 'du byed pas mngon par 'du byas pas brgyan pa/ rnam par bsgrubs pa dag go// klu'i bdag po khyod kyi bkod pa 'di yang bsod nams las byung ba yin no// brgya byin dang // tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha'i lding dang / mi 'am ci dang / lto 'phye chen po 'di rnams kyi bkod pa 'di dag thams cad kyang bsod nams las byung ba dag go/ klu'i bdag po rgya mtsho chen po 'di na gang dag lus sna tshogs gzugs mi sdug cing dbyibs ma legs pa dang / lus rags

  476. 239a

    shing che ba rnams dang / gang dag lus phra zhing chung ba de dag thams cad kyang / rang rang gi sems dang / dge ba dang / mi dge ba'i rtsa ba'i lus dang / ngag dang / yid kyi/ las sna tshogs kyi sna tshogs su byas pa dag ste/ klu'i bdag po de lta bas na khyod kyis las bdag gir bya ba dang / las kyi rnam par smin pa la rten par 'gyur ba de ltar slobs shig dang / las bdag gir bya ba dang / las kyi rnam par smin pa la rton pa khyed dge ba'i las mngon par 'du bya ba dag la blo 'jug par 'gyur ro// lta ba chud gzon par byed par mi 'gyur ro// chad pa dang / rtag par lta ba la gnas par yang mi 'gyur ro/ / khyed kyis sbyin pa'i gnas mnyes par gyis shig/ mnyes par byas nas kyang thugs dbyung bar ma byed cig/ bkur sti'i rgyu las byung ba'i dge ba mngon par 'du byed pas kyang lha dang bcas pa'i 'jig rten gyi bkur sti'i gnas su 'gyur bar gyis shig/ / bam po lnga pa/ klu'i bdag po byang chub sems dpa' rnams kyi chos gcig gis ngan song ngan 'gro log par lhung bar skye ba yang dag par gcod do/ / chos gcig po de gang zhe na/ 'di lta ste/ bdag ji ltar gyur cing nyin mtshan rnams 'da' zhing 'dug snyam du/ / dge ba'i chos rnams la so sor rtog pa ste/ de dge ba'i chos la so sor rtog pa mang bas mi dge ba'i sems dang sems las byung ba'i chos rnams kyi go skabs mi 'byed do// de

  477. 239b

    dge ba'i chos spang te/ dge ba'i chos dang ldan pas/ bsam pa dge ba'i sems can 'di lta ste/ sangs rgyas rnams dang / byang chub sems dpa' rnams dang / 'grogs pa rnyed par 'gyur ro// klu'i bdag po de la dge ba'i chos de dag gang zhe na/ dge ba'i chos rnams shes bya ba ni/ lha dang mi'i skye dgu'i phun sum tshogs pa'i rtsa ba'i rten to// nyan thos dang / rang sangs rgyas kyi byang chub kyi rtsa ba'i rten to/ / bla na med par yang dag par rdzogs pa'i byang chub kyi rtsa ba'i rten to// rtsa ba'i rten kyang gang zhe na/ 'di lta ste/ dge ba bcu'i las kyi lam rnams te/ bcu gang zhe na/ 'di lta ste/ srog gcod pa spong ba dang / ma byin par len pa spong ba dang / 'dod pas log par g.yem pa spong ba dang / brdzun du smra ba spong ba dang / phra ma spong ba dang / ngag rtsub po spong ba dang / tshig khyal pa spong ba dang / bsnab sems spong ba dang / gnod sems spong ba dang / log par lta ba spong ba ste/ de ni rtsa ba'i rten ces bya'o// klu'i bdag po de la srog gcod pa spangs pa'i skyes bu gang zag ni/ rab tu zhi bar byed pa'i chos bcu thob ste/ bcu gang zhe na/ 'di lta ste/ des sems can thams cad la mi 'jigs pa byin pa yin/ de'i sems byams par dmigs pa la nye bar gnas pa yin/ de'i zhe sdang gi bag chags yang dag par chad pa yin/ des nad nyung bar 'gyur ba'i lam yongs su bzung ba yin/ des tshe ring bar 'gyur ba'i sa bon btab pa yin/ de la mi ma yin pa rnams kyang /

  478. 240a

    srung ba dang / sgrub pa dang / sbed par byed pa yin/ bde bar nyal zhing bde bar sad pa dang / sdig pa'i rmi lam mi rmi ba yin/ gnyid log pa na yang de la lha rnams bsru ba yin/ de la shar gnyer ba med pa yin te/ de la shar gnyer ba'i bag la nyal ba med pa yin/ ngan 'gro thams cad kyis mi 'jigs pa dang / shi 'phos nas kyang bde 'gro mtho ris kyi 'jig rten du skye ba yin te/ rab tu zhi bar byed pa'i chos bcu po de dag thob bo// srog gcod pa spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ des de byang chub thob pa na/ tshe'i tshad sems kyi dbang du 'gyur ro// klu'i bdag po ma byin par len pa spangs pa'i skyes bu gang zag ni yid brtan pa'i chos lnga thob ste/ lnga gang zhe na/ longs spyod che bar yang 'gyur la/ de'i longs spod de dag kyang rgyal po dang / chom rkun dang / chu dang me dang / bgo skal la spyod pa mi mdza' ba rnams kyis mi 'phrogs pa yin/ skye bo mang po'i yid du 'ong zhing dga' ba yin/ dogs pa med pa yin/ phyogs dang phyogs mtshams su de'i bsngags pa brjod cing / de la pha rol gyi gnod pas 'jigs pa med pa yin/ de'i sems sbyin pa'i bgo bsha' la 'jig pa yin te/ lnga po de dag go// ma byin par len pa spangs pa'i dge ba'i rtsa ba de/ gal te bla na med pa yang dag par rdzogs pa'i byang chub tu yongs su ston/ des de bzhin

  479. 240b

    gshegs pa nye ba'i nyon mongs pa can ma yin pa'i ye shes can du rang gis mngon par rtogs nas/ bla na med pa yang dag par rdzogs pa'i byang chub mngon par rdzogs par 'tshang rgya'o// klu'i bdag po 'dod pa la log par g.yem pa spangs pa'i skyes bu gang zag ni/ mkhas pas bsngags pa'i chos bzhi thob ste/ bzhi gang zhe na/ dbang po bsdams pa dang / rgod pa las yang dag par 'das pa dang / 'jig rten thams cad kyis bsngags pa dang / chung ma mi 'phrog pa ste/ bzhi po de dag go// 'dod pas log par g.yem pa spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de skyes bu chen po'i mtshan mdoms kyi snga ba sbubs su nub pa thob bo// klu'i bdag po brdzun du smra ba spangs pa'i skyes bu gang zag ni/ lha dang mis bsngags pa'i chos brgyad thob ste/ brgyad gang zhe na/ ut+pa la'i dri 'byung bas kha yongs su dag pa thob pa dang / 'jig rten thams cad kyi tshad mar 'gyur ba dang / lha dang mi dga' bas dbang gcig pur 'gyur ba dang / yang dag pa'i bsam pa dang ldan pas dogs pa med par 'gyur ba dang / lhag pa'i bsam pa phun sum tshogs pas/ lus dang ngag dang / sems yongs su dag par 'gyur ba dang / tshig 'khrul pa med pas mchog tu dga' ba mang bar 'gyur ba dang / tshig bzung bar 'os pas ngag snyan par 'gyur ba dang / shes rab thob pas lha dang mir skyes na

  480. 241a

    dbang gcig pur 'gyur ba yin te/ brgyad po de dag go// brdzun du smra ba spangs pa'i dge ba'i rtsa ba de gal te/ bla na med pa yang dag par rdzogs pa'i byang chub tu yongs su sngo na/ des de bden pa'i rjes su 'jug pa'i tshig tu 'gyur ro// klu'i bdag po'i phra ma spangs pa'i skyes bu gang zag ni/ mi phyed pa lnga thob ste/ lnga gang zhe na/ gzhan gyis gnod par bya ba dang bral bas lus mi phyed pa thob pa dang / gzhan dag gi la chags pa med pas g.yog 'khor mi phyed pa thob pa dang / las kyi rnam par smin pa mthong bas dad pa mi phyed pa thob pa dang / bsgrub pa snying por byed pas chos las mi phyed pa thob pa dang / mi slu bas mdza' bshes mi phyed pa thob pa ste/ lnga po de dag go// dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de g.yog 'khor mi phyed pa'i de bzhin gshegs pa dgra bcom pa yang dag par rdzogs pa'i sangs rgyas su 'gyur te/ de'i 'khor bdud dang phas kyi rgol ba thams cad kyis dbye bar mi nus so/ / klu'i bdag po ngag rtsub po spangs pa'i skyes bu gang zag ni/ ngag yongs su dag pa brgyad thob la/ shi 'phos na yang lha dang mi rnams kyi nang du skye bar 'gyur te/ brgyad gang zhe na/ 'di lta ste/ ran pa'i tshig dang / phan pa'i tshig dang / rigs pa'i tshig dang / 'jam pa'i tshig dang / gzung ba'i tshig dang / mnyan pa'i tshig dang / skye bo mang po dga'

  481. 241b

    ba'i tshig dang / mi smad pa'i tshig ste/ brgyad po de dag go// dge ba'i rtsa ba de gal te/ bla na med pa yang dag par rdzogs pa'i byang chub tu yongs su sngo na/ des de tshangs pa'i sgra skad kyi gdangs can gyi de bzhin gshegs par 'gyur ro/ / klu'i bdag po tshig khyal pa spangs pa'i skyes bu gang zag ni/ gcig tu nges pa gsum thob ste/ gsum gang zhe na/ mkhas pa rnams gcig tu nges par dga' ba dang / lan legs par glon pas gcig tu nges par de'i blo bden pa la 'gro ba dang / bcos ma ma yin pas gcig tu nges par lha dang mi'i bdag nyid chen po thob pa ste/ gsum po de dag go// dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de khyad par lung ston cing gzhan du mi gsung ba'i de bzhin gshegs par 'gyur ro/ / klu'i bdag po bsnab sems spangs pa'i skyes bu gang zag ni/ bdag po'i chos lnga thob ste/ lnga gang zhe na/ dbang po ma tshang ba med pas/ lus dang ngag dang / sems kyi bdag po thob pa dang / dgra thams cad kyis mi brdzi bas longs spyod dang / dbang phyug rgya chen po'i bdag po thob pa dang / bsod nams la dbang byed pas/ de'i sems nye bar spyod pa dang longs spyod rgya chen po rnams la 'jug pa dang / phyis bkrab pa thob pas rgyal po bdag pos mchod pa dang / sngon phrag dog med pas longs spyod ji ltar smon pa rnams 'bum 'gyur

  482. 242a

    du khyad par du 'gyur ba thob pa ste/ lnga po de dag go// dge ba'i rtsa ba de gal te bla na med pa yang dag par rdzogs pa'i byang chub tu yongs su sngon/ des de 'jig rten gsum gyi mchod pa'i de bzhin gshegs pa ston pa gcig pur 'gyur ro/ / klu'i bdag po gnod sems spangs pa'i skyes bu gang zag ni/ yid bde bar byed pa'i chos brgyad thob ste/ brgyad gang zhe na/ de'i sems rnam par mi 'tshe ba la 'jug pa dang / de'i sems gnod sems rab tu zhi bar 'jug pa dang / de'i sems rtsod pa med cing / 'thab pa med pa la 'jug pa dang / de'i sems 'jam pa dang / mnyen pa dang / nges pa la 'jug pa dang / byams pa'i sems dang ldan pa'i phyir/ 'phags pa'i skye bos bkur ba dang / sems can thams cad kyi bde ba la mngon par dga' ba'i phyir/ phan pa'i dngos po mang ba dang / skye bo mang pos bkur sti bya ba'i phyir mdzes pa dang / sems 'jam zhing las su rung ba'i phyir/ de tshangs pa'i 'jig rten du skye bar dka' ba med pa ste/ brgyad po de dag go// dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de sems thogs pa med pa'i de bzhin gshegs pa lta bas chog mi shes par 'gyur ro/ / klu'i bdag po log par lta ba spangs pa'i skyes bu gang zag ni/ yon tan gyi chos bcu thob ste/ bcu gang zhe na/ bsam pa dge

  483. 242b

    bar 'gyur zhing grogs po dge ba rnyed pa dang / las kyi rnam par smin pa la yid ches te/ srog gi phyir yang sdig pa'i las mi byed pa dang / lhar sangs rgyas 'dzin te/ gzhan lhar mi 'dzin pa dang / dge mtshan dang / bkra shis su 'dzin pa med pas lta ba drang ba dang / grogs lha dang mi yin te/ dud 'gro'i skye gnas dang / gshin rje'i 'jig rten grogs ma yin pa dang / bsod nams 'bar bas khyab par du 'gro ba dang / log pa thams cad med pas/ 'phags pa'i lam du zhugs pa dang / 'jig tshogs la blta ba las bskyod de sdig pa'i lta ba thams cad dang bral ba dang / bsgribs pa med par mthong ba yin te/ yang dag par song / yang dag par zhugs pa dang / lha dang mi rnams kyi nang na mi khom pa dang bral ba yin te/ bcu po de dag go// log par lta ba spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de byang chub thob pa na/ sangs rgyas kyi chos thams cad la mngon sum du 'gyur zhing mngon par shes pa myur ba'i de gal te bla na med pa de bzhin gshegs par 'gyur ro/ / klu'i bdag po de la srog gcod pa spangs pa'i byang chub sems pas sbyin pa byin na/ longs spyod che bar 'gyur zhing tshe ring bar yang 'gyur ro/ / byang chub sems dpa'i spyad pa spyod na yang / gzhan gyis gnod par bya ba thams cad las yang dag par 'da' bar 'gyur ro// ma byin par len

  484. 243a

    pa spangs pa'i byang chub sems dpas sbyin pa byin na/ longs spyod che bar 'gyur zhing / longs spyod mi 'phrogs par yang 'gyur ro// byang chub sems dpa'i spyad pa spyod pa na dge ba'i rtsa ba thams cad yang dag bsgrub pas/ bla na med pa thob par 'gyur ro// 'dod pas log par g.yem pa spangs pa'i byang chub sems dpas sbyin pa byin na/ longs spyod che bar 'gyur zhing / chung ma mi g.yem par yang 'gyur ro// byang chub sems dpa'i spyad pa spyod pa na yang / de'i ma dang / bu dang chung ma la su yang chags pa'i sems kyis blta bar mi 'gyur ro// brdzun du smra ba spangs pa'i byang chub sems dpas sbyin pa byin na/ longs spyod che bar yang 'gyur zhing longs spyod mi 'phrogs pa dang / skur pa 'debs pa med par 'gyur ba'i lam yongs su 'dzin par 'gyur ro/ / byang chub sems dpa'i spyad pa spyod pa na yang / ji skad smras pa de bzhin du byed de/ dam bcas pa brtan par 'gyur ro// phra ma spangs pa'i byang chub sems dpas sbyin pa/ byin na/ longs spyod che bar 'gyur zhing / g.yog 'khor mi phyed par yang 'gyur ro// byang chub sems dpa'i spyad pa spyod pa na yang / bsam pa 'thun pas byang chub sems dpa'i g.yog 'khor thob bo/ / ngag rtsub po spangs pa'i byang chub sems dpas sbyin pa byin na/ longs spyod che bar 'gyur zhing / tshig btsun par 'gyur la/ tshig sun dbyung du med par yang 'gyur ro// byang chub sems

  485. 243b

    dpa'i spyad pa spyod pa na yang / 'khor ma mgu bar su yang mi 'gro'o// tshigs khyal pa spangs pa'i byang chub sems dpas sbyin pa byin na/ longs spyod che bar 'gyur zhing / tshig mnyan par yang 'gyur ro/ / byang chub sems dpa'i spyad pa spyod pa na yang / the tsom thams cad gcod pa la mkhas par 'gyur ro// brnab sems spangs pa'i byang chub sems dpas sbyin pa byin na/ longs spyod che bar 'gyur zhing / longs spyod dang yongs su spyod pa rgya chen po dag la/ de'i sems 'jug par 'gyur ro// byang chub sems dpa'i spyad pa spyod pa na yang / rgya chen po la mos shing / dbang che bar grags par 'gyur ro/ / gnod sems spangs pa'i byang chub sems dpas sbyin pa byin na/ longs spyod che bar 'gyur zhing / mdzes pa dang / skye bo mang po dga' zhing yid du 'ong bar yang 'gyur ro/ / byang chub sems dpa'i spyad pa spyod pa na yang / blo thogs pa med cing / sems thogs pa med la dbang po ma tshang ba med par 'gyur ro// log par lta ba spangs pa'i byang chub sems dpas sbyin pa byin na/ longs spyod che bar 'gyur zhing / sangs rgyas la dad pa dang yang dag par lta ba'i khyim du skye'o// byang chub sems dpa'i spyad pa spyod pa na yang / sangs rgyas la lta ba dang / chos nyan pa dang / dge 'dun la bsnyen bkur byed pa dang / byang chub tu sems bskyed pa dang 'bral bar mi 'gyur ro// klu'i bdag po dge ba bcu'i las kyi lam 'di dag sbyin pas

  486. 244a

    brgyan na/ de ltar mthu che zhing phan yon che la/ byin che zhing rgya che bar 'gyur ro// dge ba bcu'i las kyi lam 'di dag nyid tshul khrims kyis brgyan na/ sangs rgyas kyi chos thams cad la/ smon pa yongs su rdzogs par byed do// bzod pas brgyan na mtshan dang / dpe byad bzang po dang / sangs rgyas kyi gsung gi gdangs yongs su rdzogs par 'gyur ro// brtson 'grus kyis brgyan na/ bdud phyir rgol ba 'joms pa dang / sangs rgyas kyi chos thams cad mthar phyin par 'gyur ro// bsam gtan gyis brgyan na/ dran pa dang blo gros dang / rtogs pa dang ngo tsha shes pa dang / brtan pa yongs su dag par 'gyur ro// shes rab kyi brgyan na/ lta ba thams cad yang dag par 'joms par 'gyur ro// byams pas brgyan na/ sems can thams cad dang zhe 'gras pa med par 'gyur ro/ / snying rjes brgyan na/ sems can thams cad yongs su mi gtong bar 'gyur ro// dga' bas brgyan na/ sems zhum pa med par 'gyur ro// btang snyoms kyis brgyan na/ / rjes su chags pa dang / khong khro ba spongs par 'gyur ro// bsdu ba'i dngos pos brgyan na/ sems can thams cad yongs su smin par byed par 'gyur ro// dran pa nye bar gzhag pas brgyan na/ lus dang / tshor ba dang sems dang / chos la mkhas par 'gyur ro// yang dag par spong bas brgyan na/ mi dge ba'i chos thams cad spong ba dang / dge ba'i

  487. 244b

    chos thams cad yongs su rdzogs par 'gyur ro/ / rdzu 'phrul gyi rkang pas brgyan na/ lus dang sems yang bar 'gyur ro// dbang po lngas brgyan na/ dad pa brtan pa dang / brtson 'grus brtan pa dang / rmongs pa med pa dang / sems las su rung ba dang / nyon mongs pa thams cad spong bar 'gyur ro// stobs kyis brgyan na/ rdzi ba med pa dang / dgra dang 'khu ba thams cad nges par 'joms par 'gyur ro/ / byang chub kyi yan lag gis brgyan na/ chos thams cad yang dag pa ji lta ba bzhin du khong du chud par 'gyur ro// lam gyis brgyan na/ yang dag pa'i ye shes 'dren par 'gyur ro/ / zhi gnas kyis brgyan na/ nyon mongs pa thams cad tshar gcod par 'gyur ro// lhag mthong gis brgyan na/ chos thams cad yang dag pa ji lta ba bzhin du yongs su shes par 'gyur ro// thabs kyis brgyan na/ 'dus byas dang / 'dus ma byas kyis bde ba yongs su rdzogs par 'gyur ro// klu'i bdag po mdor na/ dge ba bcu'i las kyi lam 'di dag kho nas/ de bzhin gshegs pa'i stobs bcu yongs su rdzogs pa dang / mi 'jigs pa bzhi yongs su rdzogs pa dang / sangs rgyas kyi chos thams cad yongs su rdzogs par 'gyur te/ klu'i bdag po de lta bas na/ dge ba bcu'i las kyi lam 'di dag rgyas par rnam par dag par dbye ba dang / brgyan par brtson par bya'o// klu'i bdag po dper na/ grong dang grong khyer dang / grong rdal dang / ljongs dang / yul 'khor dang /

  488. 245a

    rgyal po'i pho brang thams cad dang / rtsa dang shing gel ba dang / sman dang / shing thams cad dang / las kyi mtha' thams cad dang / sa bon gyi tshogs thams cad dang lo tog thams cad skye zhing rmo ba dang / shal bas bshal ba dang / 'byung ba rnams ni sa la gnas te/ de dag gi gnas ni sa yin no// klu'i bdag po de bzhin du dge ba bcu'i las kyi lam 'di dag ni lha dang mir skye ba dang / slob pa dang mi slob pa'i dge sbyong gi 'bras bu thob pa dang / rang sangs rgyas kyi byang chub dang / byang chub sems dpa'i spyod pa thams cad dang / sangs rgyas kyi chos thams cad kyi gnas yin no/ / dge ba bcu'i las kyi lam la gnas pa zhes bya ba'i le'u ste drug pa'o// / de nas bcom ldan 'das la klu'i rgyal po rgya mtshos 'di skad ces gsol to// bcom ldan 'das chos kyi sgor 'jug pa gang dang ldan na/ byang chub sems dpa' sngon gyi sgrib pa'i nongs pa rnams spong zhing / las kyi sgrib pa thams cad spangs nas kyang / khyad par gyi gnas su mchi bar 'gyur ba'i chos kyi sgor 'jug pa gang lags/ bcom ldan 'das kyis bka' stsal pa/ klu'i bdag po chos gcig gis las kyi sgrib pa thams cad rgyun chad par 'gyur te/ chos gcig po gang zhe na/ 'di lta ste/ sdom pa la gnas pa nyes pa byung ba 'chags pa ste/ gcig ni de yin no// klu'i bdag po chos gnyis kyis las kyi sgrib pa rgyun chad par 'gyur te// gnyis gang zhe na/ 'di lta ste/ tshul bzhin du/

  489. 245b

    chos la so sor rtog pa dang / da ltar byung ba mngon par 'du mi byed pa ste/ de gnyis so// klu'i bdag po chos gsum gyis las kyi sgrib pa rgyun chad par 'gyur te/ gsum gang zhe na/ 'di lta ste/ rkyen gyi chos la 'jug pa'i shes pa la so sor rtog pa dang / mi gsar mi rnying pa'i chos la so sor rtog pa dang / rang bzhin gyis kun nas nyon mongs pa med pa'i chos rnams la so sor rtog pa ste/ gsum po dag go// klu'i bdag po chos bzhis las kyi sgrib pa rgyun chad par 'gyur te/ bzhi gang zhe na/ 'di lta ste/ stong pa nyid la nges par sems pa dang / mtshan ma med pa la gnas pa dang / smon pa dang bral ba dang / mngon par 'du byed pa med pa shes pa ste/ bzhi po de dag go// klu'i bdag po chos lngas las kyi sgrib pa rgyun chad par 'gyur te/ lnga gang zhe na/ 'di lta ste/ bdag med pa nyid dang / sems can med pa nyid dang / srog med pa nyid dang / gang zag med pa nyid dang / gso ba med pa nyid de/ lnga po de dag go/ klu'i bdag po chos drug gis las kyi sgrib pa rgyun chad par 'gyur te/ drug gang zhe na/ 'di lta ste/ mos pa dang / yid ches pa dang / gcig tu nges pa dang / the tsom med pa dang / yang dag pa la so sor rtog pa dang / lhag pa'i bsam pas las bya ba la 'jug pa ste/ chos drug po de dag gis las kyi sgrib pa rgyun chad par 'gyur ro// de skad ces bka' stsal pa dang / bcom ldan 'das la klu'i rgyal po rgya mtshos 'di skad ces gsol to// bcom ldan 'das

  490. 246a

    ji ltar na byang chub sems dpa' khyad par du mchi ba lags/ bcom ldan 'das kyis bka' stsal pa/ klu'i bdag po chos bcu dang ldan na/ byang chub sems dpa' khyad par du 'gro bar 'gyur te/ bcu gang zhe na/ 'di lta ste/ de la ma chags pa dang / lhag pa'i bsam pa yongs su dag pa dang / thabs la mkhas pas brtson 'grus brtan pa dang / sems can la lta zhing snying rje che ba dang / bsod nams la chog mi shes pa dang // thos pa btsal ba la chog mi shes pa dang / bag yod pa dang / byang chub kyi snying po rjes su dran pa dang / sangs rgyas kyi ye shes mngon sum du 'thob pa dang / byang chub kyi sems kyi mi gtong ba ste/ chos bcu po de dag dang ldan na/ byang chub sems dpa' khyad par du 'gro bar 'gyur ro// de nas bcom ldan 'das la lha ma yin gyi dbang po sgra gcan gyis 'di skad ces gsol to/ / bcom ldan 'das ji ltar na byang chub sems dpa' yon tan thams cad kyis mngon par 'phags par 'gyur ba lags/ bcom ldan 'das kyis bka' stsal pa/ lha ma yin gyi dbang po chos brgyad dang ldan na/ byang chub sems dpa' yon tan thams cad kyis mngon par 'phags par 'gyur te/ brgyad gang zhe na/ 'di lta ste/ sgra gcan theg pa chen po 'di la byang chub sems dpa' ni nga rgyal med pa yin te/ sems can thams cad la 'dud cing / mngon par 'dud pa dang / bka' blo bde ba yin te/ 'thun par 'dzin pa

  491. 246b

    dang ji skad smras pa bzhin byed pa dang / bla ma rnams la bus pa skyes pa dang / dge ba spyod pa thams cad la sngon du 'gro ba dang / dge ba'i chos rnams la dam bcas pa brtan pa dang / rgya chen po la mos pa yin te/ sbyin pa rnam pa sna tshogs sbyin pa dang / srog gi phyir yang gzhan 'khrug par mi byed pa dang / gang du yang sems can 'jigs pa rnams la mi 'jigs pa sbyin zhing skyabs su 'ongs pa'i sems can rnams yongs su mi gtong ba dang / bsod nams dang / ye shes thams cad yongs su tshol ba na/ cho ga mi shes pa ste/ chos brgyad po de dag dang ldan na/ byang chub sems dpa' yon tan thams cad kyi mngon par 'phags par 'gyur ro// de nas bcom ldan 'das la lha ma yin gyi dbang po sgra gcan gyis yang 'di skad ces gsol to// / bcom ldan 'das chos du dang ldan na/ byang chub sems dpas lus che ba dang / gzugs che ba nyid dang / 'khor che ba nyid dang / sems che ba nyid thob par 'gyur lags/ bcom ldan 'das kyis bka' stsal pa/ sgra gcan chos bzhi dang ldan na/ byang chub sems dpas lus che ba nyid thob par 'gyur te/ bzhi gang zhe na/ 'di lta ste/ gzhan dag gi spyod lam la mi 'phya ba dang / de bzhin gshegs pa'i sku rnam pa thams cad yongs su rdzogs par byed du 'jug pa dang / sems can bye ba dang 'thab pa rnams bsdums shing 'thun par bkod nas/

  492. 247a

    bla na med pa yang dag par rdzogs pa'i byang chub la gzud pa dang / sems can thams cad la dbang po zhe 'gras pa med pa ste/ chos bzhi po de dag dang ldan na/ byang chub sems dpa' lus che ba nyid thob par 'gyur ro/ / chos bzhi dang ldan na/ byang chub sems pas gzugs che ba nyid thob par 'gyur ro// bzhi gang zhe na/ 'di lta ste/ rgyan rnam pa sna tshogs sbyin pa dang / phangs pa'i dngos po thams cad yongs su gtong ba dang / de bzhin gshegs pa la byams pa'i mig gis blta ba dang / gzhan byed bzhin bzang po dag la/ phrag dog dang / gser sna mi byed pa ste/ chos bzhi po de dag dang ldan na/ byang chub sems dpas gzugs che ba nyid thob par 'gyur ro// chos bzhi dang ldan/ byang chub sems dpas 'khor che ba nyid thob par 'gyur te/ bzhi gang zhe na/ 'di lta ste/ phra ma'i tshig spong zhing gzhan gyi 'khor mi 'byed pa dang / gzhan gyi 'khor la dga' ba dang / byang chub kyi sems shin tu brtan pa dang / gzhan dag byang chub la 'dzud pa ste/ lha ma yin gyi dbang po chos bzhi po de dag dang ldan na/ byang chub sems dpas 'khor che ba nyid thob par 'gyur ro// chos bzhi dang ldan na byang chub sems dpas sems che ba nyid thob par 'gyur te/ bzhi/ gang zhe na/ 'di lta ste/ bsam pa dag pa ste g.yo med pa dang / sgyu can ma yin pa dang / 'dun pa drag po dang ldan pa dang / bar ma dor skye ba med pa dang / rgya chen po la mos shing theg pa dman pa mi 'dod pa dang /

  493. 247b

    chos thams cad rang bzhin gyis stong pa nyid la 'jug pas/ chos zab mo'i tshul la 'jug pa ste/ sgra gcan chos bzhi po de dag dang ldan na/ byang chub sems dpas sems che ba nyid thob par 'gyur ro// de nas lha ma yin gyi dbang po sgra gcan 'khor sum khri nyis stong dang bcas pa tshim zhing mgu la yi rangs te/ rab tu dga' zhing dga' ba dang yid bde ba skyes nas/ rin po che'i me tog rin po che thams cad kyis spras pa khal bcu tshad nga rgyas bcom ldan 'das la gtor te/ bla na med pa yang dag par rdzogs pa'i byang chub tu sems bskyed nas/ de'i tshe bcom ldan 'das la tshigs su bcad pas mngon par bstod pa/ / phyogs bcu dag na sems can khams rnams mtha' yas gang su dag/ skad cig thang cig yud tsam cag la rgyal ba mchod byed dang // phyogs bcu dag na sems can gang dag bskal pa 'bum du yang / / mchod la brtson pa'i sems can dag ni phan pa byed pa dang // byams dang bsod nams 'phags pa'i rang bzhin las byung mchod pa rnams/ ji 'dra ba dang mtshungs shing mnyam pa ma lags khyod la 'os/ / mtshungs med sems kyis yang dag gnas nas bskyed pa gang lags pa// de ni stobs bcu ldan pa rnams la rjed dang mchod pa lags// bdag ni byang chub reg 'gyur snyam ste de la sgrim gnas nas/ / bdag ni g.yo med byang chub mtshungs ma mchis la zhugs pa lags// mi dbang las gzhan srid gsum su yang bdag gi dbang ma mchis//

  494. 248a

    bdag gi bsam pa ci 'dra'i dbang na stobs bcu ldan pa lags// bdag ni kun la shin tu sdug cing nga rgyal bsal ba dang // sbyin dang dul dang ldan zhing tshul khrims ldan la bzod/ ldan dang // brtson 'grus dran pa ting 'dzin shes rab rnam dag gnas pa dang // byams dang snying rjer ldan zhing bden pa'i chos la spyod gyur cig/ phan bzhed rgyal ba gal te bdag la lung ston mi mdzad/ kyang / mi yi dbang po bdag ni rang gis rang la lung yang bstan// bdag ni rang byung mi 'gyur snyam du yid gnyis dogs ma mchis// de ltar bdag ni bsam pa thag pas byang chub nyid sems nges// mi dbang 'dzum pa mdzad nas zla ba'i tog gis zhus pa ni// rang byung 'dzum pa mdzad pa 'di ni ci lags lung bstan gsol// gang gi phyir na ngas ni dag pa'i 'od rnams bstan mdzad pa// zla ba'i tog khyod mnyan par gyis shes ston pas de la gsungs/ / lha min sgra gcan bdag nyid chen po byang chub mchog la zhugs// g.yog 'khor sum khri nyis stong gang lags rnams kyang de bzhin te// bskal pa stong phrag brgyar ni byang chub spyod spyad nas// thams cad rjes su 'thun par byang chub gtso bo thob par 'gyur// rgyal ba gang+gA'i bye ma snyed rnams la ni mchod bgyid de// des na sems can shin tu mang po byang chub bkod nas kyang / / de yi 'og tu bskal pa dge ba bkod pa mdzes pa la// byang chub rdul bral zhi ba mya ngan med par 'tshang yang rgya// sgra gcan bdag nyid chen po 'di ni chos kyi

  495. 248b

    rgyal por 'gyur/ / brtson 'grus stobs dang ldan te dbang po'i rgyal mtshan zhes kyang bgyi// 'jig rten khams kyang dga' ba skyed pa'i bkod pa zhes bgyi ste// dga' ldan gnas dang 'dra bar 'byor cing rgyas la lo yang legs/ / stobs bcu ldan gyi tshe ni lo grangs bye ba bdun cu ste// dge slong 'phags pa'i dge 'dun khrag khrig drug bcu tham par 'gyur// byang chub sems dpa'i dge 'dun khrag khrig phrag bcu brgyad cu ste/ / thos pa dang ni 'dul ba 'dzin pa gzungs la shin tu gnas// bskal pa dge ba bkod pa zhes bgyi mdzes pa de dag tu// sems can brgya stong dag ni byang chub bkod pa bgyis nas kyang // 'di/ dag thams cad rim gyis byang chub mchog tu 'tshang yang rgya// byang chub sems mchog gi ni yon tan khyad par dag la ltos// der sgra gcan bzang pos lung bstan thos par gyur nas kyang // srog chags 'bum phrag bzhi dag byang chub mchog la zhugs par gyur/ / legs par yon tan 'chang ba rnams kyi bsam pa'i khyad par gyis// stong gsum rab g.yos lhas kyang me tog char ni rab tu phab/ de nas bcom ldan 'das la klu'i rgyal po ma dros pas 'di skad ces gsol// bcom ldan 'das chos thams cad ni bdag ma mchis pa byed pa po ma mchis pa lags na/ lung bstan pa ni gang lags// de bzhin gshegs pa ni gang lags/ byang chub mngon par rdzogs par 'tshang rgya ba ni gang lags/ bcom ldan 'das kyis bka' stsal pa/ klu'i bdag po de de bzhin te/ chos thams cad ni bdag med pa

  496. 249a

    byed pa po med pa yin te/ de ni chos rnams kyi chos nyid yin mod kyi/ 'on kyang byis pa so so'i skye bo phyin ci log dang ldan pa dang / ngar 'dzin pa dang / nga yir 'dzin pa gnas pa rnams sems can med pa dag la sems can du 'du shes skyed par byed de/ de la byang chub sems dpa' rnams kyis snying rje chen po bskyed nas/ phyin ci log gi 'du shes spong du gzhug pa dang / ngar 'dzin pa dang / nga yir 'dzin pa yongs su shes par bya ba'i phyir// byang chub tu go cha gyon par zad kyi/ skyes bu dam pa de dag gis sems can med pa dang / gang zag med pa mi shes pa ni ma yin te/ bdag dang // sems can dang / srog dang gso ba dang / skyes bu dang gang zag tu lta ba'i sems can de dag yongs su grol bar byed do// klu'i bdag po khyod 'di skad du 'di la lung bstan pa gang lags shes zer ba gang yin pa de la mngon sum du chos khong du chud pa ni lung bstan pa'o/ / sems can med pa dang / gso ba med pa dang / gang zag med pa la nges par sems pa'i sems dang ldan pa ni lung bstan pa'o// ma byung ba dang / ma skyes pa dang / rtsa ba med pa dang / gnas med pa la gnas pa ni lung bstan pa'o// sems can thams cad mtshungs par bdag med pa la mos pa ni lung bstan pa'o// chos thams cad mtshungs par chos dben par mthong ba ni lung bstan pa'o/ / zhing thams cad zhing du mtshungs par nam mkha' bzhin du dag cing dri ma med pa'i sems dang ldan pa ni lung bstan pa'o// chos thams cad

  497. 249b

    sangs rgyas kyi chos dang / chos kyi dbyings dang dbyer med pa'i ye shes mthong ba ni lung bstan pa'o// bdud thams cad dang mtshungs par bdud kyi nyon mongs pas kun nas nyon mongs pa can du mi 'gyur te/ rang bzhin gyis yongs su dag pa'i sems dang ldan pa ni lung bstan pa'o// stong pa nyid dang / mtshan ma med pa la mi rtog rnam par mi rtog la/ mi len mi 'dor ba ni lung bstan pa'o// klu'i bdag po de ltar na sems dang yid dang / rnam par shes pa mi gnas pa lung bstan pa ji lta ba bzhin du chos thams cad kyang de dang 'dra ste/ dmigs su med do// chos thams cad mnyam pa nyid ji lta ba bzhin du khong du chud pa ni byang chub yin te/ de la ni don dam par na gang gis lung bstan pa 'am// gang gis byang chub bam gang lung bstan par bya ba 'am/ gang gis lung bstan pa 'am/ cis lung bstan pa ci yang mi dmigs so/ / klu'i bdag po de ci'i phyir zhe na/ chos thams cad ni dngos po med pa ste/ rtsa ba nas yongs su chad pa'i phyir ro// chos thams cad ni bdag po med pa ste/ rgyu dang rkyen rnams las 'byung ba'i phyir ro/ / chos thams cad ni gzung du med pa ste/ ngo bo nyid med pa'i mtshan nyid yin pa'i phyir ro// chos thams cad ni ngo bo nyid med pa ste/ bral ba med pa'i mtshan nyid yin pa'i phyir ro// chos thams cad ni ma 'ongs pa ste/ sngon gyi mtha' nas ma 'phos pa'i phyir ro// chos thams cad ni med par gyur pa ste/ phyi ma'i mthar mi 'byung ba'i phyir ro// chos thams cad ni mi gnas pa ste/

  498. 250a

    gnas mi dmigs pa'i phyir ro// chos thams cad ni mi dmigs pa ste/ byed pa med pa'i phyir ro// chos thams cad ni byed pa med pa ste/ lus med pa'i phyir ro// chos thams cad ni lus med pa ste/ gnas med pa'i phyir ro// chos thams cad ni gnas med pa ste/ rten med pa'i phyir ro// chos thams cad ni rten med pa ste/ mi g.yo ba'i phyir ro// chos thams cad ni mi g.yo ba ste/ mi gnas pa'i phyir ro// chos thams cad ni mi gnas pa ste/ bems po yin pa'i phyir ro// chos thams cad ni bems po yin te/ ngo bo nyid med pa'i phyir ro// chos thams cad ni ngo bo nyid med pa ste/ rnam par rig par mi byed pa'i phyir ro// chos thams cad ni rnam par rig par mi byed pa ste/ sgro btags pa med pa'i phyir ro// chos thams cad ni sgro btags pa med pa ste/ yid la byed pa med pa'i phyir ro// / chos thams cad ni yid la byed pa med pa ste/ dmigs su med pa'i phyir ro// chos thams cad ni dmigs su med pa ste/ 'gyur ba med pa'i phyir ro// chos thams cad ni 'gyur ba med pa ste/ rtogs pa med cing dpyod pa med pa'i phyir ro/ / chos thams cad ni rtog pa med cing dpyod pa med pa ste/ zhi ba'i phyir ro// chos thams cad ni zhi zhing rab tu zhi la nye bar zhi ba ste/ rgyu las byung ba ma yin pa'i phyir ro// chos thams cad ni rgyu las byung ba ma yin pa ste/ rang bzhin gyis rnam par grol ba'i phyir ro// chos thams cad ni rang bzhin gyis rnam par grol ba ste/ rnam par grol ba'i mtshan nyid yin pa'i phyir ro// chos

  499. 250b

    thams cad ni rnam par grol ba'i mtshan nyid de/ gnyis dang bral ba'i phyir ro// chos thams cad ni gnyis dang bral ba ste/ bgrod pa gcig pa'i phyir ro// chos thams cad ni bgrod pa gcig pa ste/ so so tha dad pa dang bral ba'i phyir ro/ / chos thams cad ni so so tha dad pa dang bral ba ste/ bye brag med pa'i phyir ro// chos thams cad ni bye brag med pa ste/ mnyam pa nyid khong du chud pa'i phyir ro// klu'i bdag po/ de ltar na chos thams cad kyi mnyam pa nyid gang yin pa de la ni lung bstan par bya ba dang / mngon par rdzogs par 'tshang rgya ba ci yang med do// klu'i bdag po de bzhin gshegs pa rnams kyi snying rje chen po dang / byang chub sems dpa' rnams kyis mos pa'i stobs la ltos// gang chos 'di lta bu dag la ming dang brdas rnam par phye nas/ sems can dag la go bar byed la/ sems can la ma gtogs pa'i chos rnams kyang ma mthong / chos ma gtogs pa'i sems can rnams kyang ma mthong ngo // sems can rnams ji lta ba bzhin du chos rnams kyang de dang 'dra'o// byang chub kyang de dang 'dra'o// sangs rgyas kyang de dang 'dra'o/ / lung bstan pa yang de dang 'dra'o// chos thams cad kyi dbyings kyang de dang 'dra ste/ des na de bzhin gshegs pa zhes bya'o// de bzhin nyid rtogs pa'i don dang / de bzhin nyid la gnas pa'i don gyis na/ de bzhin nyid do// de bzhin nyid ma bsgribs pa'i don dang / de bzhin nyid dbyer med pa'i don dang / de bzhin nyid khong du chud pa'i don des na/ de bzhin gshegs pa

  500. 251a

    zhes bya'o/ / ji ltar de bzhin gshegs pa dang / de bzhin nyid mtshungs par rab tu phye ba de bzhin du/ chos thams cad kyang de bzhin nyid dang mtshungs par rab tu phye ba yin te/ klu'i bdag po 'di ni de bzhin gshegs pa'i mnyam pa nyid kyis yin te/ byang chub sems dpa' rnams sa de la gnas na/ mi skrag mi dngang zhing dngang bar mi 'gyur la/ de bzhin gshegs pa'i sa mnya pa nyid 'di yang sems can rnams la go bar byed do/ / bstan pa 'di bshad pa na byang chub sems dpa' sum stong nyis brgyas mi skye ba'i chos rnams la bzod pa thob par gyur to// klu'i bdag po ma dros pa yang tshim zhing mgu la yi rangs te/ rab tu dga' zhing dga' ba dang / yid bde ba skyes nas/ 'dzam bu'i gling ri ba'i mu tig gi 'phreng ba de bzhin gshegs pa'i sku la gsol to// de nas klu'i rgyal po rgya mtsho'i bu mo// lha ma yin gyi dbang po thags bzang ris kyi tsha mo rin chen sna tshogs can zhes bya ba des/ klu'i bu mo khri dang lhan cig tu/ lag pa g.yas pas mu/ tig gi 'phreng ba blangs nas/ bcom ldan 'das la mig mi 'dzum par bltas ste/ phyag 'tshal zhing 'dug par gyur to// de nas bu mo rin chen sna tshogs can dang / klu'i bu mo khri bo de dag gis bcom ldan 'das kyi sku la mu tig gi 'phreng ba de dag gsol nas tshig 'di skad ces gsol to/ / bcom ldan 'das bdag cag rnams lhan cig tu 'thun zhing / yang dag par dga' bzhin du

  501. 251b

    bla na med pa yang dag par rdzogs pa'i byang chub tu sems bskyed do/ / bdag cag kyang ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su gyur cig/ da ltar/ gyi de bzhin gshegs pa ji lta ba bzhin du/ 'di 'dra bar chos kyang ston par gyur cig/ dge 'dun yang srung bar gyur cig/ de nas tshe dang ldan pa 'od srungs chen pos/ klu'i bu mo de la 'di skad ces smras so/ / bu mo bla na med pa yang dag par rdzogs pa'i byang chub ni/ bud med kyi lus kyi mngon par rdzogs par 'tshang rgya bar mi nus te 'grub par dka'o// de nas bu mo rin chen sna tshogs can gyis/ tshe dang ldan pa 'od srungs chen po la 'di skad ces smras so// btsun pa 'od srungs chen po bud med kyi lus kyis kyang / bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur la/ lhag pa'i bsam pa la zhugs pa la yang byang chub 'grub par dka' ba ma mchis so// byang chub sems dpa'i byang chub ni sems bskyed pa la rag las te/ byang chub tu sems bskyed ma thag tu/ sangs rgyas kyi chos thams cad bzung bar 'gyur ro// btsun pas gang 'di skad du/ bud med kyi lus kyis byang chub mngon par rdzogs par 'tshang rgya bar mi nus so// zhes gsungs pa de ni/ skyes pa'i lus kyis kyang mngon par rdzogs par 'tshang rgya bar mi nus so// de ci'i slad du zhe na/ de bzhin gshegs pas 'di skad du/ mig ni skyes pa yang ma yin/ bud med kyang ma yin no// de bzhin

  502. 252a

    rna ba dang / sna dang / lce dang / lus dang / yid ni bud med kyang ma yin/ skyes pa yang ma yin no// zhes gsungs pa'i phyir ro// btsun pa 'od srungs chen po de ci'i slad du zhe na/ mig ni stong pa ste/ stong pa gang lags pa de la ni/ bud med kyang ma mchis/ skyes pa yang ma mchis pa'i slad du'o// btsun pa 'od srungs chen po de bzhin du/ rna ba dang / sna dang / lce dang / lus dang / yid ni/ stong pa ste/ stong pa gang lags pa de la ni/ bud med kyang ma mchis/ skyes pa yang ma mchis pa'i slad du'o// btsun pa de la ni mig khong du chud pa gang lags pa de ni/ byang chub lags so// rna ba dang / sna dang / lce dang / lus dang / yid khong du chud pa gang lags pa de ni byang chub lags so// byang chub gang lags pa de la ni/ bud med kyi chos rnams sam/ skyes pa'i chos rnams ma mchis so// btsun pa 'od srungs chen po de lta bas na/ byang chub kyi ngo bo nyid gang lags pa de ni/ bdag gi ngo bo nyid kyang de lags so// smras pa/ bu mo ci khyod byang chub yin nam/ smras pa/ gnas brtan dang bdag cag gnyis ka yang byang chub lags so/ / smras pa/ bu mo kho bo ni byang chub ma yin gyi/ kho bo ni nyan thos yin no// smras pa/ btsun pa 'od srungs chen po khyod sus btul/ smras pa/ bu mo kho bo ni de bzhin gshegs pas btul to/ / smras pa/ gnas brtan gal te/ de bzhin gshegs pas btul na/ gal te de bzhin gshegs pa mngon par rdzogs par sangs rgyas su zin na/ de bzhin gshegs

  503. 252b

    pas gnas brtan gdul bar spyod dam/ bu mo de ni ma yin no// smras pa/ btsun pa 'od srungs chen po de lta bas na khyod nyid byang chub lags te/ byang chub ma lags pa'i chos ci yang ma mchis so// smras pa/ bu mo ci mtshams med pa rnams kyang byang chub yin nam/ smras pa/ btsun pa de de bzhin te/ mtshams med pa rnams kyang byang chub lags so// de ci'i slad du zhe na/ byang chub ni mtshams med pa'i rang bzhin can lags te/ mtshams med pa'i chos kyi stong pa nyid kyi rang bzhin gang lags pa de ni byang chub lags la/ stong pa nyid kyi chos kyi rang bzhin gang lags pa de ni/ byang chub lags pa'i slad du'o// btsun pa de ltar na mtshams med pa khong du chud pa las byang chub 'byung ngo // btsun pa byang chub ma lags pa gang lags pa de ni ma mchis te/ gal te chos 'ga' zhig dang mi ldan na ma lags kyi// chos thams cad mnyam pa nyid dang ldan pa de ni byang chub lags so// smras pa/ bu mo khyod kyi spobs pa 'di sus byin/ smras pa/ gnas brtan gyis stsal to// de ci'i slad du zhe na/ gal te gnas brtan gyis ma rmas na/ bdag gi spobs pa 'di skye bar mi 'gyur du slad du'o// btsun pa dper na/ gal te ma smras na/ brag cha'i sgra 'byung bar mi 'gyur ba de bzhin du/ btsun pa 'od srungs chen po byang chub sems dpa' rnams ni ma dris kyi bar du spongs pa skye bar mi 'gyur ro/ / smras pa/ bu mo khyod kyis de bzhin gshegs pa ji snyed la bsnyen bkur byas/ smras pa/ gnas brtan gyis nyon mongs pa

  504. 253a

    ji snyed spangs pa snyed la'o/ / smras pa/ bu mo kho bo'i nyon mongs pa rnams ni spangs pa med do// smras pa/ btsun pa nyon mongs pa dang bcas pa lags sam/ smras pa/ kho bo// ni nyon mongs pa dang bcas pa yang ma yin/ nyon mongs pa rnams spangs pa yang ma yin no// smras pa/ ci btsun pa khyod kyis nyon mongs rnams bzhag gam/ smras pa/ bskyed pa yang med/ 'gag par byas pa yang med/ bzhag pa yang med de/ de bzhin nyid ji lta ba de bzhin du shes so// smras pa/ ci de bzhin nyid shes par bgyi ba zhig lags sam/ smras pa/ de ni ma yin no// smras pa/ 'o na ci'i slad du/ de bzhin nyid ji lta ba de bzhin du nyon mongs pa shes so// zhes gsungs gal te mkhyen na ni de bzhin nyid ma lags so// ci ste mi mkhyen na ni de ltar na btsun pa byis pa so so'i skye bo thams cad dang mi shes pa can du mtshungs so/ / smras pa/ bu mo khyod kyi tshig thams cad ni gzhan gyi tshig gcod par byed pa'o// smras pa/ bdag ni su'i tshig kyang gcod par yang mi bgyid/ bsgrub par yang mi bgyid do/ / de ci'i slad du zhe na/ chos kyi dbyings ni gcad du ma mchis pa lags la/ tshig thams cad ni chos kyi dbyings su yang dag par 'du ba'i slad du'o// smras pa/ gang khyod kyis bdag byis pa so so'i skye bo thams cad dang bsnyams te/ bzhag pa de khyod 'gyod par ma 'gyur ram// smras pa/ btsun pa 'od srungs chen po gal te bdag gis gnas brtan yang tha dad la

  505. 253b

    byis pa so so'i skye bo thams cad kyang / / tha dad par bzhag na ni de lta na bdag 'gyod par 'gyur ba zhig na// gang gi slad du bdag gis gnas brtan byis pa so so'i skye bo thams cad dang tha mi dad par bzhag pa des na/ bdag 'gyod par mi 'gyur ro// btsun pa mtshungs shes bgyi ba de ni/ chos thams cad tha dad pa ma mchis pa dang / nam mkha' dang mtshungs pa nyid kyi tshig bla dgas so// smras pa/ bu mo ci khyod so so'i skye bo rnams dang mtshungs sam/ 'on te 'phags pa rnams dang mtshungs/ smras pa/ btsun pa bdag ni so so'i skye bo rnams dang mtshungs pa yang ma lags/ 'phags pa rnams dang mtshungs pa yang ma lags so/ / de ci'i slad du zhe na/ gal te bdag so so'i skye bo rnams dang mtshungs na ni bdag gi byang chub sems dpa'i spyod pa don ma mchis par 'gyur ro// ci ste 'phags pa rnams dang mtshungs na ni nyan thos rnams dang mtshungs par 'gyur te/ de lta na ni bdag sangs rgyas kyi chos rnams las yongs su nyams par 'gyur ro// smras pa/ bu mo gal te khyod so so'i skye bo rnams dang yang mi mtshungs/ 'phags pa rnams dang yang mi mtshungs na/ ci khyod sangs rgyas kyi chos rnams dang mtshungs sam/ smras pa/ btsun pa 'od srungs chen po bdag ni da gzod sangs rgyas kyi chos rnams dang mtshungs pa ma lags so/ / de ci'i slad du zhe na/ bdag ni thog ma nas kyang sangs rgyas kyi chos rnams dang mtshungs so// smras pa/ bu mo gal te khyod sangs rgyas kyi chos rnams dang mtshungs na/ ci sangs

  506. 254a

    rgyas kyi chos de dag khyod la yod dam/ smras pa/ gnas brtan ci sangs rgyas kyi chos su gdags pa 'das pa 'am/ ma 'ongs pa 'am/ da ltar byung ba 'am/ yul na gnas pa 'am/ phyogs na gnas pa 'am/ sngon po 'am/ ser po 'am/ dmar po 'am/ dkar po 'am/ btsod ka 'am/ shel gyi kha dog gam/ dngul gyi kha dog lta bu lags sam/ smras pa/ bu mo sangs rgyas kyi chos rnams gdags pa ni/ kha dog dang dbyibs kyi go nas bstan par mi nus s+ho// smras pa/ btsun pa gal te sangs rgyas kyi chos rnams gdags su ma mchis pa dang / gdags su mi rung ba lags na/ de ci'i srad du bdag la tshol bar mdzad/ smras pa/ bu mo 'o na sangs rgyas kyi chos gang las btsal bar bya/ smras pa/ lta ba'i rnam pa drug cu rtsa gnyis las btsal bar bgyi'o// smras pa/ lta ba'i rnam pa drug cu rtsa/ gnyis kyang gang las btsal bar bya// smras pa/ de bzhin gshegs pa'i rnam par grol ba las btsal bar bgyi'o// smras pa/ de bzhin gshegs pa'i rnam par grol ba yang gang las btsal bar bya// smras pa mtshams med pa lnga las btsal bar bgyi'o/ / smras pa/ mtshams med pa lnga yang gang las btsal bar bya/ smras pa/ gnas brtan 'od srungs chen po'i rnam par grol ba ye shes mthong ba las btsal bar bgyi'o/ / smras pa/ bu mo khyod kyi gtam 'di 'dra ba de ji lta bu zhig/ smras pa/ btsun pa gtam 'di ni ma bcings ma grol ba'i gtam lags so// brang du ma mchis shing dor du ma mchis te/ rang bzhin gyis

  507. 254b

    yongs su dag pa'i gtam lags so/ / chos thams cad tha dad pa ma mchis pa'i gtam lags so// smras pa/ bu mo 'di ni de bzhin gshegs pa rnams kyi byang chub dang 'thun pa ma yin no// smras pa/ btsun pa 'od srungs chen po de ni med de/ 'di ni de bzhin gshegs pa rnams kyi byang chub dang 'thun pa ma lags so// de ci'i slad du zhe na/ 'di ltar de bzhin gshegs pa rnams kyi byang chub ni brjod du ma mchis pa bsnyad du ma mchis pa lags pa'i slad du'o/ / btsun pa 'od srungs chen po bshad pa'i dngos po gang lags pa de dag thams cad ni sgras rnam par dbye ba lags la/ byang chub gang lags pa de ni don dam par smras brda sprad par mi nus lags so/ / btsun pa byang chub ces bgyi ba 'di ni nye bar zhi ba'i gzhi lags so// 'di ni yi ge ma mchis pa'i gzhi lags so// 'di ni ji lte ba bzhin gyis gzhi lags so// 'di ni gzhi ma mchis pa'i gzhi lags so/ / smras pa/ bu mo gal te byang chub kyi mtshan nyid de lta bu yin na/ de ji ltar mngon par rdzogs par 'tshang rgya bar 'gyur/ smras pa/ btsun pa 'od srungs chen po lus dang sems kyis mngon par rdzogs par 'tshang rgya bar mi 'gyur ro/ / de ci'i slad du zhe na/ byang chub ni lus dang sems kyi ngo bo nyid kho na lags te ngo bo nyid kyis ngo bo nyid mngon par rdzogs par 'tshang rgya bar mi 'gyur ro// smras pa/ bu mo ci khyod byang chub mngon par rdzogs par 'tshang rgya bar 'gyur ram/ smras pa/ bdag nyid byang chub lags te/ byang chub kyi byang chub mngon par rdzogs par 'tshang rgya bar mi 'gyur lags so// smras pa/ bu mo gal te khyod nyid

  508. 255a

    byang chub yin na/ ci chos kyi 'khor lo bskor ram/ smras pa/ bdag ni chos kyi 'khor lo bskor la gnas so// smras pa/ khyod kyis chos kyi 'khor lo bskor ba de ji lta bu zhig/ smras pa/ 'khor lo de ni rten thams cad dang bral ba'i slad du mi g.yo ba lags so// 'khor lo de ni chos kyi dbyings la gnas pa'i tshul gyis gnas pa ma mchis pa lags so// 'khor lo de ni bral ba ma mchis pa'i tshul gyis de bzhin nyid lags so/ / 'khor lo de ni yang dag pa'i mtha' la gnas pas mi gnas pa lags so// 'khor lo de ni gnas thams cad las byung ba ma lags pas gnas ma mchis pa lags so// 'khor lo de ni chos thams cad kyi mnyam pa nyid kyi rjes su song bas/ gnyis su ma mchis pa lags so// 'khor lo de ni gcig dang tha dad par mi dmigs pas/ tha dad pa ma lags so// 'khor lo de ni sgra dang / skad dang / tshig gi lam thams cad ro gcig pas/ brjod du ma mchis pa lags so// 'khor lo de ni shin tu kun nas nyon mongs pa can ma lags pas/ rnam par dag pa lags so// 'khor lo de ni chad pa dang rtag pa mi dmigs pas yod pa yongs su chad pa ma lags so/ / 'khor lo de ni rgyu dang rkyen shin tu brtags pas 'gal ba ma mchis pa lags so// 'khor lo de ni bden pa lags so// 'khor lo de ni mi skye mi 'gag pa lags so/ 'khor lo de ni stong pa nyid dang / mtshan ma med pa dang / smon pa med pa lags so// btsun pa 'od srungs chen po 'khor lo de 'dra ba gang lags pa de'i bskor ba ji 'dra ba zhig lags smras pa/ bu mo khyod kyis bstan

  509. 255b

    pa 'di 'dra ba las na/ khyod ni ring por mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// smras pa/ gang gi tshe gnas brtan byang chub mngon par rdzogs par 'tshang rgya bar 'gyur ba de'i tshe/ bdag kyang mngon par rdzogs par 'tshang rgya bar 'gyur lags so// smras pa/ kho bo byang chub mngon par rdzogs par 'tshang rgya bar 'gyur ba de ni gnas med/ skabs med do// smras pa/ de de lta lags te/ byang chub ni gnas ma mchis pa la gnas pa ste/ de ni sus kyang mngon par rdzogs par 'tshang rgya bar mi nus lags so// bu mo des bstan pa 'di bshad pa na// byang chub sems dpa' lnga brgyas mi skye ba'i chos la bzod pa thob par gyur to/ / bcom ldan 'das kyis kyang bu mo de la legs so// zhes bya ba byin te/ bu mo legs so legs so// khyod kyis chos bstan pa 'di legs par smras so// / / bam po drug pa// de nas 'khor de'i nang nas/ lha dang / klu dang / gnod sbyin dang / dri za kha cig 'di snyam du sems te/ bu mo 'di yun ji srid cig na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur snyam pa dang / bcom ldan 'das kyis de dag gi bsam pa thugs su chud nas/ dge slong dag la bka' stsal pa/ dge slong dag bu mo rin chen sna tshogs can 'di ni bskal pa grangs med pa sum brgya na/ / bskal pa rnam par sbyong ba zhes bya ba la/ 'jig rten gyi khams snang ba can du de bzhin gshegs pa dgra bcom pa yang dag par rdzogs pa'i

  510. 256a

    sangs rgyas kun tu rnam par gzigs shes bya bar 'gyur ro/ / 'jig rten gyi khams snang ba can de yang / de bzhin gshegs pa de'i 'od kyis rtag tu snang bar 'gyur ro// zham ring ba byang chub sems dpa' ni bye ba phrag dgu bcu rtsa gnyis su 'gyur ro/ / de'i tshe'i tshad ni bar gyi bskal pa bcur 'gyur ro// de nas klu'i bu mo khri bo de dag gis kyang / bcom ldan 'das la 'di skad ces gsol to/ / bcom ldan 'das gang gi tshe de bzhin gshegs pa kun tu rnam par gzigs des byang chub brnyes pa de'i tshe/ bdag cag 'jig rten gyi khams der skye bar gyur cig gsol nas/ de dag kyang bcom ldan 'das kyis/ 'jig rten gyi khams der skye bar lung bstan to// de nas bcom ldan 'das la/ lha'i dbang po brgya byin gyis 'di skad ces gsol to// bcom ldan 'das sum cu rtsa gsum pa'i lha 'di dag ni/ lha ma yin gyi 'jigs pas/ rtag tu skrag bzhin du gnas la/ lha dang / lha ma yin g.yul 'gyed pa na yang / phan tshun 'gyed cing rtsod par 'gyed de/ de bas na bcom ldan 'das de bzhin gshegs pas/ ci nas sems can thams cad sems 'thun par 'gyur ba de lta bur chos bstan na legaso lags so// 'khor 'dir lha dang / lha ma yin 'dus pa 'di dag thams cad kyang / ci nas gcig la gcig 'thun par bgyid pa dang / byams par sems pa dang / ngan par sems pa dang / gnod par sems par mi 'gyur ba de lta bur sems dad par bcom ldan 'das kyis mdzad du gsol/ de nas

  511. 256b

    bcom ldan 'das kyis/ lha ma yin gyi dbang po sgra gcan dang / lha ma yin gyi dbang po bde mchog dang / thags bzangs ri sa dang / lag bzangs dang / sim byed rnams la bka' stsal pa/ grogs po dag byams pa ni/ sangs rgyas thams cad kyis bsngags so// byams pa'i rjes su 'jug pa'i skyes bu gang zag gis ni/ tshe 'di dang tshe phyi ma'i don thob par 'gyur ro// grogs po dag tshe 'di ni yun thung ngo tshe phyi/ mar ni 'gro dgos so// 'byor pa thams cad kyi mtha' ni rgud pa'o// rgyal po'i longs spyod dang / dbang phyug rnams ni mi rtag gis/ khyod lhan cig 'thun pa dang / gnod sems med pa dang / 'jig rten pha rol la lta ba dang / las kyi rnam par smin pa la rton pas gnas par gyis shig/ bcom ldan 'das kyis de ltar ci nas sum cu rtsa gsum pa'i lha rnams dang / lha ma yin de dag 'thun par gnas par 'gyur ba de lta bu'i skyo ba'i gtam mdzad do/ / de nas tshig 'di skad ces gsol to// bcom ldan 'das bdag cag deng slan chad mnyen pa'i tshul du bgyid cing gcig la gcig byams pa'i sems dang / gnod sems ma mchis pas gnas par 'tshal lo// bcom ldan 'das kyis bka' stsal pa/ grogs po dag legs so legs so// byams pa'i rnam pa'i sems gang yin pa de ni/ de bzhin gshegs pa rnams kyi mchod pa'i mchog yin no/ / rdzas las byung ba'i bsod nams bya'i dngos po rnam pas ni/ 'di lta ste/ byams pa'i sems kyi ting nge 'dzin mchog yin te/ ngas de las dgongs nas de skad bstan to//

  512. 257a

    grogs po dag gzhan yang bzhi po 'di dag ni/ de bzhin gshegs pa la mchod pa khyad par du 'phags pa yin te/ bzhi gang zhe na/ bslab pa las 'gal bar mi byed pa dang / byams pa'i lus dang / ngag dang / yid kyi las dang / dkon mchog gsum gyi gdung mi 'chad par bya ba'i byang chub kyi sems dang / ji lta thos pa'i chos la so sor rtog pa'i chos kyi nan tan te/ bzhi po de dag ni de bzhin gshegs pa la mchod pa khyad par du 'phags pa'o/ / bstan pa 'di thos nas lha'i 'khor dang / lha ma yin gyi 'khor de dag gi nang nas bzhi khris byang chub tu sems bskyed do// de nas bcom ldan 'das la/ klu'i rgyal po dbugs can dang / klu'i rgyal po dbugs can chen po dang / 'jog po dang / kha dog mtha' yas kyis 'di skad ces gsol to// bcom ldan 'das rgya mtsho chen po 'di'i nang na/ klu'i rigs tshad ma mchis pa las kyi rnam par smin pa sna tshogs las skyes pa dag mchis te/ de la kha cig ni dbang che bar grags/ kha cig ni lus nyam chung zhing chung bar grags la lus chung ba dag kyang mchis te/ bcom ldan 'das bya'i rgyal po nam mkha' lding bzhi der babs nas/ klu'i gzhon nu dang / klu'i bu mo lus nyam chung ba rnams bton te/ 'tshal bar bgyid la/ rgya mtsho'i nang gi klu'i rigs thams cad kyang skrag par bgyid lags na/ ci nas rgya mtsho chen po'i klu de dag thams cad kyang / 'jigs pa ma mchis pa dang / skrag pa ma mchis par gnas par 'gyur ba de lta bur/ bcom ldan 'das kyis bsrung ba dang / bskyabs pa dang /

  513. 257b

    sba ba mdzad du gsol/ de skad ces gsol pa dang / bcom ldan 'das kyis ras phrag zar phrag pa las phab nas/ klu'i rgyal po rgya mtsho la bka' stsal pa/ kye klu'i bdag po ras phrag zar 'di long la/ klu'i rigs thams cad dang / klu'i gnas thams cad du/ dum bu dum bur gshogs te/ byin cig dang / ji srid du ras phrag zar 'di las tha na/ nyag ma gcig tsam gnas pa de srid du yang rgya mtsho chen po nam mkha' lding thams cad rgyu bar mi 'gyur ro/ / de ci'i phyir zhe na/ klu'i bdag po de bzhin gshegs pa tshul khrims dang ldan pa'i mchog gi thugs kyi smon pa ni 'grub pa'i phyir ro// de nas klu'i rgyal po de dag thams cad/ ras phrag zar 'di ltar chung ba 'di rgya mtsho chen po'i klu thams cad kyis ji ltar thob par 'gyur snyam ste/ zhum par gyur to// de nas bcom ldan 'das kyis/ klu'i rgyal po de rnams kyi sems kyi yongs su rtog pa thugs kyis mkhyen nas/ klu'i rgyal po rgya mtsho la bka' stsal pa/ klu'i bdag po gal te/ stong gsum gyi stong chen po'i 'jig rten gyi khams kyi sems can gang yin pa de dag thams cad kyis/ ras phrag zar 'di las dum bu dum bur khyer du zin kyang / ras phrag zar 'di yongs su zad par mi 'gyur te/ de dag gis gos ji tsam gyi tshad du 'gyur bar 'dod na yang / delas de dag gi gos de tsam du 'gyur te/ klu'i bdag po de bzhin gshegs pa'i byin gyis rlabs ni de ltar bsam gyis mi khyab bo// de nas klu'i rgyal po rgya mtshos/ ras phrag zar

  514. 258a

    de blangs te/ dum bu 'bum phrag du mar byas nas/ klu thams cad dang / klu gzhon nu thams cad la so sor byin no// der su ji tsam du 'dod pa de la de tsam gyis gos su mngon par 'grub par 'gyur te/ yangs shing rgya che bar 'gyur la/ ras phrag zar de yang yongs su zad par mi 'gyur ro// de nas klu'i rgyal po rgya mtshos/ klu'i rgyal po de dag thams cad la smras pa grogs po dag ras phrag zar de la ston pa'i 'du shes dang / mchod rten gyi 'du shes skyed cig/ de ci'i phyir zhe na/ ras phrag zar 'di ni/ de bzhin gshegs pas longs spyad pa yin te/ sems can thams cad kyi mchod rten du gyur pa yin no/ / grogs po dag de bzhin gshegs pa la mchod pa byed pa gang yin pa dang / ras phrag zar 'di la mchod pa byed pa gang yin pa de la ni/ bye brag gam/ tha dad du bya ba cung zad kyang med do/ / de nas bcom ldan 'das kyis/ klu'i rgyal po rgya mtsho la legs so// zhes bya ba byin te/ klu'i bdag po legs so legs so// khyod kyis ji skad smras pa bzhin te/ ras phrag zar de la mchod pa byed pa gang yin pa de dag gis ni/ de bzhin gshegs pa la mchod pa byas pa yin no// klu'i bdag po klu dang / klu'i gzhon nu dang / klu'i bu mo ji snyed kyis ras phrag zar de las dum bu dum bur khyer ba mthong ngam gsol pa/ bcom ldan 'das mthong lags so// bcom ldan 'das kyis bka' stsal pa/ 'di dag thams cad ni bskal pa bzang po 'di kho na la yongs su mya ngan

  515. 258b

    las 'da' bar ngas lung bstan te/ theg pa chen po la zhugs pa rnams ni ma gtogs so// klu'i bdag po de bzhin gshegs pa ni/ de ltar 'jig rten na yon gnas yin te/ de la sems gcig bskyed pa tsam yang chud za bar mi 'gyur ro/ / de nas rgya mtsho chen po'i nang na klu dang / klu gzhon nu dang / klu'i bu mo ji snyed gnas pa de dag thams cad tshim zhing mgu la yi rangs te rab tu dga' zhing dga' ba dang / yid bde ba skyes nas/ bcom ldan 'das kyi zhabs gnyis la gtugs te/ tshig 'di skad ces kyang smras so// de bzhin gshegs pa ni gnyis su mi gsung ba'o// de bzhin gshegs pa ni bde ba gsung ba'o/ / yang dag pa gsung ba'o// phyin ci ma log pa gsung ba ste/ des bdag cag thams cad yongs su mya ngan las 'da' bar lung bstan no// bcom ldan 'das bdag cag ni sangs rgyas dang / chos dang / dge 'dun la shin tu skyabs su mchi'o// slab pa'i gzhi rnams kyang gzung bar 'tshal lo// de bzhin gshegs pa la yang bka' drin du gzo bar 'tshal te/ de bzhin gshegs pa bzhugs pa na yang blta ba dang / phyag 'tshal ba dang / bsnyen bkur bgyi ba dang / chos mnyan pa'i slad du rgyun mi 'chad par thad du mchi'o// de bzhin gshegs pa yongs su mya ngan las 'das pa na yang sku gdung 'chang ba rnams la mchod pa bgyi'o/ / bkur sti dang / rim gro thams cad kyang bgyi'o// klu yongs su bskyab pa zhes bya ba'i le'u ste bdun pa'o// de nas bya'i rgyal po nam mkha' lding bzhis/ de bzhin

  516. 259a

    gshegs pa'i byin gyis brlabs 'di thos nas/ mi dga' zhing rings pa'i tshul gyis/ bcom ldan 'das ga la ba der song ste lhags nas/ bcom ldan 'das kyis zhabs la mgo bos phyag 'tshal te/ lan gsum bskor ba byas nas/ bcom ldan 'das la 'di skad ces gsol to// bcom ldan 'das kyis bdag cag gi 'tshal ma bkum ste ci bgyi lags bcom ldan 'das kyis bka' stsal pa/ grogs po dag zas bzhi po 'di dag ni sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ba yin te/ bzhi gang zhe na/ grogs po dag zas gang srog chags gzhan gsad pa dang / srog chags gzhan la rnam par 'tshe ba dang / gzhan gyi srog gcad pas 'tsho ba 'di ni/ sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ba'i zas dang po'o/ / grogs po dag gzhan yang zas gang ma byin par len cing 'phrog pa dang / gzhan gyi longs spyod 'jig par byed pa dang / dbyug pa dang / ral gri dang / mtshon cha dang / lag chas 'tsho ba 'di ni sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ba'i zas gnyis pa'o// grogs po dag gzhan yang zas gang tshul 'chos pa dang / kha gsag dang pha rol la gnod pa byed pa dang / spyod lam yang dag par ston pa dang / cho ga nyams pa dang / tshul khrims nyams pa dang / lta ba nyams pa dang / 'tsho ba nyams pa dang / log pa dang / yang dag pa

  517. 259b

    ma yin pa'i yon tan gyis 'tsho ba 'di ni/ sems can dmyal ba dang / dud 'gro'i skye gnas dang / gshin rje'i 'jig rten du 'gro ba'i zas gsum pa'o// grogs po dag gzhan yang zas gang / ston pa ma yin pa la ston par khas 'che ba dang / yang dag par song ba ma yin par yang dag par song bar khas 'che ba dang / dge slong ma yin par dge slong du khas 'che ba dang / tshangs par spyod pa ma yin par tshangs par spyod par khas 'che bas 'tsho ba 'di ni/ sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ba'i zas bzhi pa ste/ grogs po dag nga ni zas bzhi po 'di dag yang dag par gcad pa'i phyir chos ston te/ grogs po dag lus gso ba'i phyir gzhan gyi srog gcad par mi bya'o// de ci'i phyir zhe na/ sems can thams cad la ni/ srog gces shing phangs pa'i phyir te/ grogs po dag de lta bas na/ bdag nyid bsrung ba'i phyir dang / 'jig rten pha rol bsrung ba'i phyir dang / sems can thams cad la bde ba sbyin pa'i phyir/ mkhas pas srog gi phyir yang gzhan gyi srog mi gcad cing / bya ba ma yin pa thams cad mi bya'o// de skad ces bka' stsal pa dang / bya'i rgyal po nam mkha' lding bzhi g.yog 'khor sa ya sa ya dang ldan pas bcom ldan 'das la 'di skad ces gsol to/ / bcom ldan 'das bdag cag de bzhin gshegs pa dang / chos dang / dge slong gi dge 'dun la skyabs su mchi'o// sngon gyi sdig pa'i las bgyis pa yang

  518. 260a

    so sor bshags so/ / slan chad kyang sdom par 'tshal lo// klu'i rigs thams cad la yang mi 'jig pa stsal to// bcom ldan 'das kyi dam pa'i chos yun ji srid gnas pa de srid du yang rtag tu rgyun mi 'chad par/ de bzhin gshegs pa la mchod pa'i las la brtson par bgyi'o// de nas bcom ldan 'das kyis/ bya'i rgyal po nam mkha' lding bzhi po de dag la bka' stsal pa/ grogs po dag khyed ni/ de bzhin gshegs pa gser thub kyi gsung ra ba la dge slong bzhir gyur te/ dga' byed dang / dga' byed chen po dang / bla ma dang / bla ma'i bshes gnyen zhes bya bar gyur to/ / dge slong bzhi po de dag rnyed pa dang / bkur sti dang / tshigs su bcad pa'i rgyags pas myos shing / mdza' bshes kyi khyim dang / slongs mo ster ba'i khyim gyi rgyags pas myos la/ bdag nyid ni tshul khrims dang / cho ga dang / lta ba nyams/ tshul khrims dang ldan pa'i dge slong rnams la ni 'khrug pa dang / gnod pa byas te/ lus dang ngag dang / yid ma bsdams shing sdig pa mang po byas par gyur to/ / de bzhin gshegs pa gser thub de la yang de dag gis mchod pa mang po byas so// des na khyed sems can dmyal bar ma song ste/ dud 'gro'i skye gnas 'dir skyes nas 'di ltar sdom pas ma bsdams pa'i phyir/ khyed kyis srog gcod pa mang du byas shing / sdig pa'i las mang du byas la/ mang po dag kyang 'jigs par byas so// de nas bcom ldan

  519. 260b

    'das kyis de'i tshe/ bya'i rgyal po nam mkha' lding bzhi po de dag gis ci nas tshe rabs dran par 'gyur ba dang / de bzhin gshegs pa gser thub de dang / der dge slong du gyur nas las mngon par 'du byed pa/ mngon par 'dus byas pa de dag thams cad rjes su dran par 'gyur ba/ de lta bu'i rdzu 'phrul mngon par 'du byed pa mdzad do// de dag gis kyang mngon sum du bcom ldan 'das la 'di skad ces gsol to/ / bcom ldan 'das sems ni dmu rgod gdul dka' zhing / srung dka' ba lags te/ der bdag gi sems brkam chags can du gyur pas/ bcom ldan 'das de bzhin gshegs pa gser thub de ma mnyes par bgyis so/ / bcom ldan 'das bdag cag gis/ da slan chad rang gi srog kyang yongs su gtang bar 'tshal gyi/ sdig pa'i las ni mi bgyid do// bcom ldan 'das kyis de dag chos kyi gtam gyis dga' ba bskyed nas/ 'di skad ces bka' stsal to// grogs po dag khyed de bzhin gshegs pa byams pa'i 'dus pa dang po'i grangs su gtogs par 'gyur ro// de nas bcom ldan 'das kyis/ rgya mtsho chen por sems can gyi don ji snyed bya dgos pa de dag thams cad mdzad nas/ klu'i rgyal po rgya mtsho la bka' stsal pa/ klu'i bdag po tshur shog/ da rang gi mal cha dang stan rnams sdus shig/ nga ni rang gi gnas su 'gro'o// de nas bcom ldan 'das zham ring ba dang bcas par gdan las bzhengs nas/ rgya mtsho chen po'i nang nas/ phyir yang

  520. 261a

    rin po che'i rjem skas rnams las bkod pa chen po dang / mchod pa chen po dang / sangs rgyas kyi che ba nyid chen pos gshegs nas/ mgur bsal te/ rgya mtsho'i 'gram du bzhes so// de nas rgya mtsho chen po'i lha mo 'od ldan mas/ bcom ldan 'das la tshigs su bcad pa 'di dag gis mngon par bstod pa/ sum cu rtsa gnyis mtshan mnga' lha dang mis mchod pa/ lha mi/ dbang pos bsnyen bkur mi mchog deng phyag 'tshal// pad+ma lta bu'i spyan mnga' zhal ras zla ba 'dra// dge ba'i chos kyis 'phags pa bde sbyin deng phyag 'tshal// gzugs mchog ston pa bsod nams brgya yi mtshan dang ldan/ / yon tan ye shes bsags pa rnam 'dren deng phyag 'tshal// sbyin dang dul bas 'phags pa tshul khrims bzang po brtsegs// bzod pa'i stobs kyis 'phags pa mi mchog deng phyag 'tshal/ / brtson 'grus stobs kyis byung ba bsam gtan blo gros sbyangs// shes rab mkha' mtshungs khyod la de ring mgos phyag 'tshal// byams pas snyoms pa'i thugs ldan thugs rjes 'gro la gzigs/ / 'dren pa thugs dgyes rtag tu pha rol gshegs// ka la bing+ka lta bur gsung snyan tshangs skad ston// gsung snyan ston pa khyod la de ring mgos phyag 'tshal// bdud dpung 'joms pa bdud stobs nges par 'joms mdzad pa/ / byang chub brtul zhugs sgrub pa srid gsum srid pas mchod// dri gsum dri ma sbyong ba rnam thar gsum ston pa// 'jig rten gsum grags khyod la de ring

  521. 261b

    mgos phyag 'tshal/ / bden pa'i brtul zhugs bzang po rtag tu chos kyis 'phags// rtag tu dgon pa spyod yul rtag tu ye shes skyong // nyon mongs dgra 'joms gzi brjid lhag pas gzi bskyed pa// pad+mas/ bu'i spyan mnga' deng khyod mgos phyag 'tshal// lhun po'i rtse 'dra dgongs pa rdo rje lta bur brtan// dgongs pa sa 'dra'i yon tan rgya mtsho phyag 'tshal lo// 'gro la stong pa ston pa zhi gnas pha rol phyin// rab tu zhi ba'i thugs ldan khyod la skyabs su mchi/ / bdud rtsi dam pa ston pa 'gro min 'gro ba gcod// lha dang mis mchod khyod la de ri nga mgos phyag 'tshal// sa steng lha yul grags pa snyan dang grags pa 'phags yon tan rgya chen mi zad yon tan 'byung gnas 'dud/ / ji skad gsungs bzhin mdzad cing ci skad mdzad bzhin gsung // ji skad spyod bzhin skul ba deng khyod mgos phyag 'tshal// rga shi grol mdzad sman pa 'gro bas bsnyen bkur ba/ / thar pa'i lam ston khyod la de ring mgos phyag 'tshal// rgyu yi byed pa rab ston lta ba'i mun pa sel// lam mchog ston pa rgyal ba khyod la skyabs su mchi// rin chen sbyin pa gcig bu chos kyi dga' ba gsung / / sa 'dra'i thugs ldan khyod la bdag ni skyabs su mchi// 'dren pa yon tan rgya mtsho yon tan las bstod pa'i// bdag gi bsod nams gang lags des ni khyod 'drar shogade nas rgya mtsho chen po'i lha mo 'od ldan mas/ bcom ldan 'das la de skad bstod nas 'di skad ces gsol to// bcom ldan 'das/ bcom ldan 'das slar byung ste gshegs

  522. 262a

    pas/ de ni rgya mtsho chen po mi mdzes lags na/ ci nas bdag rgya mtsho mdzes par bgyid pa de lta bur/ bcom ldan 'das kyis rjes su bsten na legs so legs so// de skad ces gsol ba dang / bcom ldan 'das kyis rgya mtsho chen po'i lha mo 'od ldan ma la 'di skad ces bka' stsal to// 'od ldan ma chos bcu po 'di dag ni rgyan tu 'gyur ba yin te/ bcu gang zhe na/ 'di lta ste/ dge ba bcu'i las kyi lam yongs su rdzogs par bya ba'i phyir/ byams pa'i rjes su 'jug pa'i sems bskyed pa dang / sems can thams cad la rnam par mi 'tshe bar bya ba'i phyir snying rje chen po la gnas pa dang / bsam pa'i sbyor ba bla na med pa yang dag par rdzogs pa'i byang chub tu yongs su bsngo ba'i sems bskyed pas dga' bar gnas pa dang / sbyin pa thams cad yongs su gtong pa dang / rnam pa sna tshogs kyi rgyan gyi smon lam la brtson 'grus kyi brten pa dang / dge ba'i rtsa ba'i chos thams cad yongs su rdzogs par bya ba'i phyir dran pa dang shes bzhin du gnas pa dang / sngon gyi dge ba chud mi za ba'i phyir dang / shes rab yongs su rdzogs par bya ba'i phyir chos dang ldan zhing chos 'dod pa dang / phan pa'i dngos pos sems can thams cad la yon tan thams cad skyed pa dang / gnyis su med pas gong du khyad par rtogs pa dang / sangs rgyas kyi thugs su chud pa la yang dag par gzhol bas/ sangs rgyas rjes su dran pa thob pa ste/ 'od ldan ma chos bcu po de dag ni rgyan tu 'gyur

  523. 262b

    pa yin no/ / de skad ces bka' stsal pa dang rgya mtsho chen po'i lha mo 'od ldan ma lha mo khri dang lhan cig du/ bla na med pa yang dag par rdzogs pa'i byang chub tu sems bskyed nas/ bcom ldan 'das la 'di skad ces gsol to/ / bcom ldan 'das rgya mtsho chen po brgyan lags so// de ci'i slad du zhe na/ bcom ldan 'das byang chub kyi sems ni stong gsum gyi stong chen po'i 'jig rten gyi khams thams cad kyi rgyan lags na/ rgya mtsho chen po'i lta smos kyang ci 'tshal te/ byang chub kyi sems de ni/ sangs rgyas kyi zhing thams cad brgyan pa'i slad du/ bdag cag gis bskyed lags so// bcom ldan 'das de bzhin gshegs pa bzhugs kyang rung / yongs su mya ngan las 'das kyang rung ste/ bdag ni rgya mtsho chen po'i nang na gnas bzhin du/ dam pa'i chos yongs su bsrung ba'i slad du/ rtag tu brtson pa kho nar 'tshal lo/ / bcom ldan 'das grong khyer du gshegs pa na yang / bkod pa thams cad nye bar bstan par 'tshal lo// chos kyi 'bel ba'i gtam mdzad pa na yang / 'khor gyi khyams kyi bkod pa bsgrub par 'tshal lo/ / bcom ldan 'das kyis bka' stsal pa/ 'od ldan ma 'di ltar khyod kyis ni sangs rgyas khri la mchod pa byas so// 'khor gyi khyams kyi bkod pa yang bstan to// dam pa'i chos kyang yongs su bsrungs so/ / bod ldan ma khyod ni bskal pa bzang po'i de bzhin gshegs pa thams cad la yang mchod pa byed par 'gyur ro// dam pa'i chos kyang yongs su srung bar 'gyur ro// khyod ni

  524. 263a

    bskal pa bzang po 'di 'das pa'i 'og tu de bzhin gshegs pa mi 'khrugs pa'i sangs rgyas kyi zhing / 'jig rten gyi khams mngon dgar skye bar 'gyur te/ bud med kyi dngos po brjes nas/ skyes pa'i dngos po thob par 'gyur ro// khyod ni de bzhin gshegs pa mi 'khrugs pas bla na med pa yang dag par rdzogs pa'i byang chub tu lung bstan par 'gyur ro// de nas rgya mtsho chen po'i lha mo 'od ldan mas/ bcom ldan 'das las bdag nyid kyi lung bstan pa thos nas/ tshim zhing mgu la yi rangs te/ rab tu dga' zhing dga' ba dang / yid bde ba skyes te/ rgya mtsho'i rin po che dang / rin thang mnyam pa'i rin po che'i phreng ba bcom ldan 'das kyi sku la gsol nas sor mo bcu'i thal mo sbyar te/ de'i tshe bcom ldan 'das la tshigs su bcad pa 'di dag smras so// bdag ni thub pa ye shes yon tan kun gyi 'byung gnas de yis lung bstan te/ / bdag ni 'dren par 'gyur bar bdag la yid gnyis the tsom ci yang yod ma mchis// stong gsum sa gzhi thams cad rnam par zhugs shing zla ba sa la ltung yang gda'// lha las lhag pa'i lhas mchod sangs rgyas phyin ci log gi tshig gsung yongs mi gda'// bsam pa byams pa brtson 'grus yul la thugs ni 'khrugs par 'gyur ba mi mnga' ltos// bdag ni stong pa'i ye shes yul gyi chos rnams dag la gus par bgyid la ltos/ / bde bar gshegs pa'i yang dag spyod pa rnams dang ye shes thogs pa mi mnga' ltos// de yis 'dir ni bdag gi sems kyi yul bden

  525. 263b

    mkhyen nas de bzhin lung yang bstan/ / sman pa rab mchog bde sbyin sdug bsngal kun las grol bar mdzad la phyag 'tshal lo// gnas dang skyabs dang dpung gnyen skyob pa 'jigs pa rnams la 'jigs// med sbyin mdzad pa'i// rgyal ba lam mchog dam pa ston mdzad lam ngan yongs su sbyong la phyag 'tshal lo// 'jig rten rnam par gzigs la mkhas pa 'jig rten 'das pa'i 'dren la phyag 'tshal lo// 'dir na lha dang mi rnams gang dag sangs rgyas chos dang tshogs rnams thos pa dang // byang chub spyod cing byang chub bsam pa sems pa de dag brnyed pa legs par rnyed// de dag la ni ngan song ngan 'gro'i 'jigs ba med de mi khom brgyad las yongs su grol/ / de dang de dag lha dang mi yi bde ba nges shing zhi ba'i go 'phang thob// de nas bcom ldan 'das la/ klu'i rgyal po rgya mtsho'i bu mthong dgas 'di skad ces gsol to/ / bcom ldan 'das lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma lags pa mang po dag gis ni/ de bzhin gshegs pa la mchod pa bgyis lags na/ gal te bcom ldan 'das kyis bdag la gnang ba mdzad na/ bdag gis kyang / de bzhin gshegs pa la/ mchod pa'i las cung zad tsam 'tshal te/ bdag gis bcom ldan 'das zham ring ba dang bcas par rnam par rgyal byed dang 'dra ba'i bkod pa chen po'i khang bzangs kyi nang du bzhugs par gsol la/ bya rgod kyi phung

  526. 264a

    po'i ri la bskyal bar 'tshal lo/ / bcom ldan 'das kyis bka' stsal pa/ rigs kyi bu da de'i dus la bab par shes na stsol cig/ de nas klu'i rgyal po rgya mtshon bu mthong dgas/ sangs rgyas kyi mthu dang / rang gi rdzu 'phrul gyi stobs kyis/ rnam par rgyal byed dang 'dra ba'i khang bzangs byin gyis brlabs nas/ der bcom ldan 'das zham ring ba dang bcas par bzhugs par gsol nas/ steng gi bar snang las gshegs te/ klu'i bu mo brgyad khri bzhi stong yang sil snyan byed/ pheg rdob/ glu dbyangs len cing me tog gi char chen po 'bebs la lha'i spos dang / phye ma sna tshogs kyi char 'bebs bzhin du mthar gyis/ bcom ldan 'das bya rgod kyi phung po'i ri la bskyal to// de nas klu'i rgyal po rgya mtsho bu dang bcas/ chung ma dang g.yog 'khor dang bcas pas bcom ldan 'das kyi zhabs gnyis la gtugs nas/ bcom ldan 'das la bzod pa gsol te/ bcom ldan 'das bdag cag gis ma 'byor par gyur pa gang lags pa rnams bdag cag bzod pa mdzad du gsol/ / de ci'i slad du zhe na/ bcom ldan 'das rin po che ji lta ba bzhin du/ de dang mtsham pa'i mchod pa'i 'os lags la/ bcom ldan 'das ni sems can thams cad kyi bla na ma mchis pa'i bsod nams kyi zhing rin po che lags te/ mchod pa'i 'os lags na/ des na stong gsum gyi stong chen po'i 'jig rten gyi khams thams cad du gtogs pa'i

  527. 264b

    sems can thams cad kyis kyang 'byor pa 'am/ yongs su rdzogs par bgyid pa'i rngo mi thog ste/ de bzhin gshegs pa ni de tsam du tshad ma mchis pa'i mchod pa'i 'os lags pa'i slad du'o// bcom ldan/ 'das gzhan yang byang chub sems dpa' ji ltar de bzhin gshegs pa la mchod pa bgyid lags/ bcom ldan 'das kyis bka' stsal pa/ klu'i bdag po byang chub sems dpa' nan tan byed pas/ de bzhin gshegs pa ji ltar mchod pa nyon cig/ bsam pa rnam par dag pa ni de bzhin gshegs pa la mchod pa yin te/ bcos ma ma yin pa dang / g.yo med pa'i phyir ro// lhag pa'i bsam pa yongs su dag pa ni de bzhin gshegs pa la mchod pa yin te/ dge ba'i rtsa ba thams cad la lhag par dmigs pa'i phyir ro// zhe 'gras pa med pa'i sems ni de bzhin gshegs pa la mchod pa yin te/ sems can thams cad la 'od snyoms pa'i phyir ro// tshul 'chos pa dang / kha gsag thams cad rnam par spangs pa ni de bzhin gshegs pa la mchod pa yin te/ spyod lam yongs su dag pa'i phyir ro/ / ji skad smras pa de bzhin byed pa ni de bzhin gshegs pa la mchod pa yin te/ 'jig rten thams cad la mi slu ba'i phyir ro// 'phags pa'i rigs kyis chog par 'dzin cing / sbyangs pa'i yon ta na thams cad yang dag par blangs pa mi 'dor ba ni de bzhin gshegs pa la mchod pa yin te/ dam bcas pa la brtan pa'i phyir ro// dben pa la dga' zhing bre mo gtam yongs su spong ba ni/ de bzhin

  528. 265a

    gshegs pa la mchod pa yin te/ sems yongs su 'dul ba'i phyir ro// ji skad thos pa'i chos la tshul bzhin du so sor rtog pa ni/ de bzhin gshegs pa la mchod pa yin te/ yang dag pa ji lta ba bzhin du yongs su shes pa'i phyir ro// bdag med pa dang / sems can med pa dang / gso ba med pa dang / gang zag med par nye bar rtogs pa ni/ de bzhin gshegs pa la mchod pa yin te/ gzod ma nas ma byung ba'i phyir ro// stong pa'i chos la 'jug pa dang / mtshan ma med pa la nges par rtog pa dang / smon pa dang bral ba ni de bzhin gshegs pa la mchod pa yin te/ rnam par thar pa'i sgo mngon sum du byed pa'i phyir ro/ / rkyen 'di pa nyid la 'jug cing mthar lta ba sel ba ni/ de bzhin gshegs pa la mchod pa yin te/ rtag pa dang / chad par lta ba yongs su spangs pa'i phyir ro// ma byung ba dang / ma skyes par bzod pa ni/ de bzhin gshegs pa la mchod pa yin te/ rang bzhin gyis ma byung ba'i phyir ro// klu'i bdag po de ltar lus dang ngag dang / sems kyi rtsom pa gang yin pa de dag ni de bzhin gshegs pa la mchod pa yongs su dag pa ma yin gyi/ gang na lus dang ngag dang / sems kyi rtsom pa med pa de ni/ de bzhin gshegs pa la mchod pa yongs su dag pa yin no// mngon par 'du byed pa med pa dang / brang ba med pa dang / dor ba med pa dang / 'khor gsum yongs su dag pa dang / dus gsum mnyam pa nyid dang / dri ma gsum gyi dri ma sel ba dang / khams gsum pa

  529. 265b

    la mi rten pa dang / rnam par thar pa'i sgo gsum la 'jug pa dang / rig pa gsum gyi rig pa shes pa de ni/ de bzhin gshegs pa la mchod pa yin no// de skad ces bka' stsal pa dang / bcom ldan 'das/ la klu'i rgyal po rgya mtshos 'di skad ces gsol to// bcom ldan 'das me tog dang / bdug pa dang spos dang me tog 'phreng pa dang / phye ma dang / gdugs dang / rgyal mtshan dang / ba dan dang / na bza' dang / bshos dang / gzims cha dang / gdan dang / snyun gsos sman dang / yo byad dang / sil snyan dang / pheg rdob pa dag gis/ de bzhin gshegs pa la mchod pa bgyid pa gang lags pa de dag kyang / ci de bzhin gshegs pa la mchod pa bgyid pa lags sam/ bcom ldan 'das kyis bka' stsal pa/ klu'i bdag po de ni bla na med pa'i mchod pa de nyid kyis yongs su sbyangs pa yin gyis/ mchod pa de ni shin tu mthar thug pa dang / shin tu dri ma med pa dang / shin tu tshangs par spyod pa'i mthar thug pa ma yin no// klu'i bdag po dge ba'i rtsa ba bskyed pa'i slob pa de dag ni/ 'phags/ pa'i rnam par grol ba la sems gnas kyi/ dge ba'i rtsa ba ma bskyed pa rnams ni de lta ma yin no// klu'i bdag po gzhan yang chos bzhi dang ldan pa'i byang chub sems dpa' ni/ de bzhin gshegs pa la mchod pa byed pa yin te/ bzhi gang zhe na/ byang chub kyi sems mi brjed pas/ bsod nams kyi tshogs gsogs pa dang / snying rje chen po la gnas pa'i sems kyis ye shes kyi tshogs gsogs

  530. 266a

    pa dang / brtson 'grus chen po shin tu brtsams pa'i sems kyis/ sangs rgyas kyi zhing yongs su dag par byed pa dang / chos zab mo rgya chen po la sems bskyed pas/ bzod pa bskyed ba thob pa ste/ klu'i bdag po chos 'di bzhi dang ldan pa'i byang chub sems dpa' de ni/ de bzhin gshegs pa la mchod pa byed pa yin no// de nas rgyal po'i khab na gnas pa'i bram ze dang rgyal rigs dang / khyim bdag rnams dang / grong rdal pa dang / yul gyi mi rnams dang / rgyal po ma skyes dgra dang / blon po dang / nang 'khor dang / sgo dpon dang / 'khor dang / tshong dpon rnams kyis/ de bzhin gshegs pa klu'i rgyal po rgya mtsho'i gnas su bshos gsol nas/ bya rgod kyi phung po'i ro la gshegs so zhes thos nas der srog chags bdun khri nyis stong dang / rgyal po ma skyes dgra g.yog 'khor sum khri nyis stong dang lhan cig tu/ rgyal po'i khab kyi grong khyer nas byung nas/ bya rgod kyi phung po'i rig la ba der dong ste lhags nas/ bcom ldan 'das kyi zhabs la mgo bo sa phyag 'tshal te/ lan gsum bskor ba byas nas phyogs gcig tu 'khod do// de nas bcom ldan 'das la rgyal po ma skyes dgras 'di skad ces gsol to// bcom ldan 'das de bzhin gshegs pa rgya mtsho chen por gshegs na/ chab kyi tshogs de na mchis pa de gang du mchis lags/ bcom ldan 'das kyis bka' stsal pa/ rgyal po chen po gang gi tshe/ dge slong me'i

  531. 266b

    khams kyi ting nge 'dzin la snyoms par 'jug pa de'i tshe/ stong gsum gyi stong chen po'i 'jig rten gyi khams mes yongs su gang bar mthong na/ der chu'i phung po de gang du song / gsol pa/ bcom ldan 'das/ de ni ting nge 'dzin la dbang thob pa'i sems de lta bur las su rung ba las gyur pa lags so// bka' stsal pa/ rgyal po chen po khyod kyis/ de nyan thos kyi ting nge 'dzin dang / snyoms par 'jug pa la dbang thob pa'i sems las su rung ba las gyur par 'dod na/ de bzhin gshegs pa la rtag tu mnyam par gzhag pa ting nge 'dzin dang / snyoms par 'jug pa thams cad la mkhas pa/ sems la dbang yod pa/ chos thams cad kyi dbang phyug/ chos rnams la dbang yod pa ni de ltar mi 'dod dam/ rgyal po chen po gang gi tshe nga rgya mtsho chen por zhugs pa de'i tshe/ chu de'i nang na gnas pa'i sems can rnams ni/ bdag nyid chu'i nang na gnas so snyam du 'dzin to/ / skams na gnas pa'i sems can rnams kyis ni rgya mtsho bskams par mthong ngo // ji ltar gzhan 'phrul dbang byed pa'i lha rnams kyi gnas bkod pa rnams rgyan thams cad kyis brgyan pa de bzhin du/ klu dang / dri za dang / lha ma yin gyi gnas thams cad kyang / de bzhin gshegs pa'i 'od kyis khyab par gyur to// rgya mtsho chen po'i nang gi sems can thams cad kyang / gcig la gcig byams pa'i sems dang phan pa'i sems dang / gnod pa'i sems med pa dang / rnam par 'tshe ba med pas gnas par gyur to// de nas bcom ldan 'das la/ rgyal po ma skyes dgras

  532. 267a

    'di skad ces gsol to/ / bcom ldan 'das sangs rgyas bcom ldan 'das rnams kyi sangs rgyas kyi che ba nyid dang / byang chub sems dpa' rnams kyi thabs la mkhas pa de tsam du bsam gyis mi khyab pa ni ngo mtshar lags te/ 'di ltar klu'i rgyal po rgya mtshos de bzhin gshegs pa spyan drangs te/ de ltar sems can gyi don tshad ma mchis pa bgyis na/ bcom ldan 'das/ klu'i rgyal po rgya mtshos yun ji srid cig nas ni/ bla na med pa yang dag par rdzogs pa'i byang chub tu sems bskyed lags/ de bzhin gshegs pa ji snyed cig la ni mchod pa bgyis/ yun ji srid cig na ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ de mngon par rdzogs par sangs rgyas pa'i mtshan ni ci zhes bgyi bar 'gyur/ de'i sangs rgyas kyi zhing ni ci 'dra bar 'gyur lags/ bcom ldan 'das kyis bka' stsal pa/ rgyal po chen po sngon byung ba 'das pa'i dus bskal pa grangs med pa bas kyang ches grangs med pa/ bsam gyi mi khyab pa/ yun ring ba tshad med pa'i snga rol/ de'i tshe de'i dus nabaskal pa yid du 'ong zhing zhi ba zhes bya ba la/ shar phyogs kyi 'jig rten gyi khams yongs su dag pa zhes bya bar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od rnam par

  533. 267b

    dag pa'i 'od gzer gyi rgyal po zhes bya ba/ 'jig rten du byung ste/ rgyal po chen po 'jig rten gyi khams lta ba yongs su dag pa de'i bkod pa byung ba de dag ni/ nga'i tshe'i tshad bskal par gnas su zin kyang rgyas par bstan par nus par sla ba ma yin no/ / rgyal po chen po de'i tshe de'i dus na/ 'khor los sgyur ba'i rgyal po lhas btsa' zhes bya ba zhig byung ste/ des bcom ldan 'das de bzhin gshegs pa 'od rnam par dag pa'i 'od gzer rgyal po de la/ lo bzhi khri nyis stong gi bar du mchod pa byas te/ dge ba'i rtsa bas nye bar brtan pa de gnyid log pa'i rmi lam du/ tshigs su bcad pa 'di gnyis thos so// skyes bu khyu/ mchog la ni mchod chen mang // dpag med rgya chen bsam yas byas zin gyis// 'gro ba dag la snying brtse bskyed nas kyang // rab mchog byang chub sems ni bskyed par gyis// byang chub sems ni yang dag sgrub byed gang / / de ni mchod mchog dam pa khyad par 'phags// de ni de bzhin gshegs rnams bkur sti yin// de ni phyi ma'i bsod nams gzi byin yin// / bam po bdun pa ste tha ma'o/ / rgyal po chen po de nas 'khor los sgyur ba'i rgyal po// lhas btsa' des tshigs su bcad pa 'di gnyis thos te/ de'i mtshan mo 'das nas g.yog 'khor dang bcas te/ bcom ldan 'das de bzhin gshegs pa 'od rnam par dag pa'i 'od gzer rgyal po ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ lan gsum bskor ba byas nas/ srog chags

  534. 268a

    brgyad khri bzhi stong dang lhan cig tu bcom ldan 'das de'i spyan sngar 'khod de/ thal mo sbyar nas/ lhag pa'i bsam pas bla na med pa yang dag par rdzogs pa'i byang chub tu sems bskyed/ de'i tshe tshigs su bcad pa 'di dag smras so// gzugs la brkam dang sgra la rten pa dang // dri dang ro dang reg la gnas pa dang // 'dod la brkam dang bde la dga' ba yis// byang chub mchog 'di rtogs bar mi nus so/ / le lo can dang dma' la brtson pa dang // ser sna can dang tshul khrims ma bsdams dang / sdang ba'i sems dang blo ni 'khrul pa yis// byang chub mchog 'di rtogs par mi nus so// / rang gi bde ba thams cad spangs pa dang / 'gro ba'i sdug bsngal thams cad bzod pa dang // brtson 'grus brtsams shing rtag tu chos 'dod gang // de ni 'jig rten de 'dra'i sangs rgyas 'gyur// sangs rgyas byang chub la ni bdag zhugs pa/ / sangs rgyas rnams dang lha rnams dbang btsugs te// ci nas bdag tshig log par mi 'gyur ba// de ltar sman slad spyod pa spyad pa bgyi// byang chub sems ni bdag gis rmi lam thos/ / thos nas bdag ni byang chub mchog la zhugs// de yi slad du sangs rgyas mi yi mchog/ ye shes ldan pa de 'dra ba dag gis bgyi// rgyal po chen po de'i tshe de'i dus na// 'khor los sgyur ba'i rgyal po lhas btsang zhes bya bar gyur pa de gzhan zhig yin snyam du khyod som nyi'am/ yid gnyis sam/ the tsom za na/ rgyal po chen po khyod kyis de ltar mi blta'o// de ci'i phyir zhe na/

  535. 268b

    klu'i rgyal po rgya mtsho 'di nyid de'i tshe/ 'khor los sgyur ba'i rgyal po lhas btsa' zhes bya bar gyur to// de yang de'i dang po byang chub tu sems bskyed pa yin no// rgyal po chen po khyod 'di skad du/ klu'i rgyal po rgya mtsho 'di yun ji srid cig na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhes zer ba de nyon cig/ rgyal po chen po klu'i rgyal po rgya mtsho 'di ni/ bskal pa grangs med pa nyis brgya na/ bskal pa dpal gyi me tog ces bya ba la/ 'jig rten gyi khams chos kyi sgra grag pa zhes bya bar/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha los sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das shin tu dri ma med cing yongs su dag la/ yon tan gyi tshogs mtha' yas pa las byung ba'i rgyal po zhes bya bar 'gyur ro// rgyal po chen po 'jig rten gyi khams chos kyi sgra grag pa de ni rin po che sa yas spras par 'gyur te/ 'dzam bu chu bo'i gser las grub pa rin po che sna tshogs du mas bris shing mig mangs ris su rnam par phye la/ lag mthil bzhin du mnyam ste/ ka tsa lin di ka'i gos bzhin du 'jam zhing reg na bde la/ yangs shing thag gru che ste/ gling bye ba phrag 'bum dang ldan la/ 'byor pa dang / rgyas pa dang / bde ba dang yid du 'ong ba ste/ lha dang mi mang po dag gis gang la/ gzhan

  536. 269a

    'phrul dbang byed pa'i lha rnams kyi nye bar spyad pa dang / longs spyod ji lta ba bzhin du mi de dag gi yang de dang 'dra bar 'gyur to// 'jig rten gyi khams chos kyi sgra grag pa zhes bya ba de na rin po che thams cad las grub pa'i shing ta la'i phreng ba dag 'byung bar 'byung bar 'gyur te/ shing ta la de dag gi lo ma dang / me tog dang 'bras bu thams cad las/ chos kyi sgo khrag khrig phrag 'bum mang po dag 'byung ngo / / 'jig rten gyi khams de na/ sgra ji snyed 'byung ba 'di lta ste/ lha'i sgra 'am/ mi'i sgra 'am/ mi ma yin pa'i sgra 'am/ sprul pa'i sgra 'am/ bya'i sgra 'am/ rlung gi sgra yang rung ste/ sgra de dag thams cad chos dang ldan par 'byung bar 'gyur ro// de bzhin du zhi ba dang ldan pa dang / rab tu zhi ba dang ldan pa dang / nye bar zhi ba dang ldan pa dang / dga' ba dang dben pa dang ldan pa dang / sangs rgyas kyi chos dang ldan pa dang / pha rol tu phyin pa dang ldan pa dang / bsdu ba'i dngos po dang ldan pa dang / thabs la mkhas pa dang ldan pa dang / skyo ba dang 'dod chags dang bral ba'i lta ba dang ldan pa dang / stong pa nyid dang / mtshan ma med pa dang / smon pa med pa dang / mngon par 'du byed pa med pa dang ldan pa'i sgra dag 'byung bar 'gyur te/ des na 'jig rten gyi khams de'i ming chos kyi sgra grags pa zhes bya bar 'gyur ro/ / 'jig rten gyi khams der lha dang / mi gang dag skye ba de dag thams cad kyang chos kyi dga' ba'i zas kho na dang ldan par 'gyur zhing / mngon par shes pa'i shes pa la mkhas pa

  537. 269b

    dang bla na med pa yang dag par rdzogs pa'i byang chub la the tshom med pa sha stag go/ / bcom ldan 'das de bzhin gshegs pa shin tu dri ma med cing yongs su dag la/ yon tan gyi tshogs mtha' yas pa las byung ba'i rgyal po de yang gang gi tshe chos ston par bzhed pa de'i tshe/ nyid kyi sku las 'od 'gyed par mdzad de/ 'od des sangs rgyas kyi zhing thams cad snang bar 'gyur ro// de bzhin gshegs pa'i 'od de las kyang / sangs rgyas bye ba phrag stong gsung ba'i chos ston pa 'byung bar 'gyur ro// de na lha dang mi rnams kyis de bzhin gshegs pa'i 'od de yang mthong la/ chos bstan pa de yang thos nas dga' ba dang / mchog tu dga' ba chen po rgya cher skyes te/ bcom ldan 'das de bzhin gshegs pa shin tu dri ma med cing yongs su dag pa la/ yon tan gyi tshogs mtha' yas pa las byung ba'i rgyal po de ga la ba der dong ste lhags nas/ de bzhin gshegs pa de la mchod pa tshad med pa byas te/ rdzu 'phrul dang / mngon par shes pa'i stobs kyis// nam mkha'i dkyil na rin po che'i bkod pa chen po dang ldan pa'i pad+ma dag la skyil mo krung bcas te 'khod par 'gyur ro// de bzhin gshegs pa de yang nam mkha'i dkyil nyid na/ seng ge'i khri la bzhugs te/ lha dang mi de dag la chos ston to// de chos ston pa na/ phyogs bcu nas byang chub sems dpa' tshad med grangs med pa brgya stong dag chos mnyan pa'i phyir 'ong bar 'gyur ro//

  538. 270a

    'jig rten gyi khams de na sems can su yang chos la zhe 'gras pa med do// de na bdud sdig can dag dang / gzhan mu stegs can dag gi sgrar gdags pa yang med do// de bzhin gshegs pa de'i sku tshe'i tshad ni bskal pa bcur 'gyur ro/ / de'i byang chub sems dpa' ni bgrang ba las 'das par 'gyur ro// rgyal po chen po de ltar na sangs rgyas kyi zhing de'i bkod pa ni bsam gyis mi khyab bo/ / chos bstan pa yang bsam gyis mi khyab bo// zham 'bring ba 'khor byang chub sems dpa' yang bsam gyis mi khyab bo// klu'i rgyal po rgya mtsho lung bstan pa'i le'u ste brgyad pa'o// / de nas bcom ldan 'das la/ rgyal po ma skyes dgras 'di skad ces gsol to// bcom ldan 'das chos thams cad ni rgyu'i rjes su 'brang ba dang / rnam par bsgrubs na 'byung ba'i mtshan nyid lags te/ de dag ni ji lta ji ltar 'dod pa de lta de ltar rnam par 'grub pa lags so// bcom ldan 'das byang chub kyi spyod pa ni mtha' yas pa lags so// de la byang chub sems dpas ni ji srid du rnam pa thams cad kyi mchog dang ldan pa'i sangs rgyas kyi zhing yongs su ma bzung ba de srid du/ byang chub sems dpa'i spyod pa spyad par bgyi'o// bcom ldan 'das byang chub sems dpa' thams cad kyis ni/ klu'i rgyal po rgya mtsho ji lta ba de bzhin du/ sangs rgyas kyi zhing yongs su sbyang bar bgyi'o// bcom ldan 'das kyis bka' stsal pa/ rgyal po chen po khyod ji skad zer ba bzhin te/

  539. 270b

    chos thams cad ni yid la byed pa las 'byung ste/ chos thams cad byed pa med pa'i phyir/ de dag ni ji ltar 'dod pa bzhin du rnam par 'grub bo// de nas rgyal po ma skyes dgras/ klu'i rgyal po rgya mtsho la 'di skad ces smras so/ / klu'i bdag po gang khyod de bzhin gshegs pas/ 'di ltar sangs rgyas kyi zhing gi yon tan gyi rgyan bkod pa bsam gyis mi khyab par bla na med pa yang dag par rdzogs pa'i byang chub tu lung bstan pa ni/ khyod kyis rnyed pa legs par rnyed do// de skad ces smras pa dang / klu'i rgyal po rgya mtshos/ rgyal po ma skyes dgra la 'di skad ces smras so// rgyal po chen po chos gang yang lung bstan du med do/ / de ci'i phyir zhe na/ chos thams cad ni gzod ma nas rnam par dag pa'i phyir ro// rgyal pos smras pa/ klu'i bdag po sngon dge ba'i rtsa ba bskyed pa rnams kyang lung bstan tu med dam/ klu'i rgyal po rgya mtshos smras pa/ rgyal po chen po sems can du gdags pa ni/ phung po dang / khams dang / skye mched rnams su zad la/ phung po dang / khams dang / skye mched rnams ni lung bstan tu med do/ / rgyal po chen po ming dang gzugs la sems can du gdags par zad la/ ming dang gzugs ni lung bstan tu med do// rgyu dang lta ba dang / 'du shes dang / yid la byed ba la sems can du gdags par zad na/ rgyu dang lta ba dang / 'du shes dang / yid la byed pa de de la yang lung bstan tu med do// dge ba'i rtsa ba gang dag gis byang chub sems dpa' thams

  540. 271a

    cad mkhyen pa nyid du yang dag par 'grub pa'i dge ba'i rtsa ba de dag kyang lung bstan tu med do/ / rgyal po chen po chos thams cad ni stong pa nyid kyi mtshan nyid yin la/ stong pa nyid ni lung bstan du med do/ / rgyal po chen po chos thams cad ni/ mtshan ma med pa dang / smon pa med pa dang / mngon par 'du byed pa med pa'i mtshan nyid yin la/ mtshan ma med pa dang / smon pa med pa dang / mngon par 'du byed pa med pa'i mtshan nyid ni lung bstan du med do// rgyal po chen po gzhan yang sangs rgyas rnams kyi snying rje chen po 'di ni bsam gyis mi khyab ste/ ming med pa dang mtshan ma med pa'i chos thams cad ming dang mtshan mas ston par mdzad la/ sangs rgyas bcom ldan 'das rnams ni/ ming dang mtshan ma'i rjes su 'brang ba'i rnam par shes pa can yang ma yin no/ / rgyal po chen po lung bstan pa 'di ni 'jig rten brda sprad par zad de/ 'di la gang lung bstan par bya ba'i ming chos gang yang / nang ngam phyi rol na mi dmigs so// rgyal pos smras pa/ klu'i bdag po bzod pa thob pa'i byang chub sems dpa' sems dpa' chen po lung bstan pa med dam/ smras pa/ rgyal po chen po bzod pa de yang skad cig pa/ zad pa'i mtshan nyid/ mi zad pa'i mtha' can/ yang dag pa'i mthar nges pa/ mnyam pa'i mtha' can/ gnyis su med pa'i mthar nges pa ste/ gnyis su med pa'i mtha' ni yang dag pa'i mtha'o// yang dag pa'i

  541. 271b

    mtha' ni gtan du mi 'byung ba'i mtha'o/ / mtha' can gang yin pa de ni/ 'dod chags dang zhe sdang dang / gti mug rnams so// de'i mtha' can ni rnam par grol ba'i mtha'o// gang mtha' de'i sgor zhugs ba ni gang du yang mngon par zhen pa med do/ / gang mngon par zhen pa med pa de ni tha snyad kyis brda la chags pa med do// ma chags na grol bar 'gyur ro// grol na phyin chad mi rgyu rab tu mi rgyu'o// mi rgyu rab tu mi rgyu na/ gang du yang nyams par mi 'gyur ro// blo ma nyams na thams cad las nges par 'byung bar mthong ste/ ji ltar rnam par mi mthong ba de ltar yang mthong ngo // gang gi tshe rnam par mi mthong ba de'i tshe// gnyis su mi 'byed do// gnyis su med pa la gnas na/ mnyam pa nyid la 'jug go// mnyam pa nyid la zhugs na/ mtho bar yang mi 'gyur/ dma' bar mi 'gyur ro// mtho ba yang med/ dma' ba yang med na/ mnyam pa nyid kyi chos kyis rab tu phye ba'i bzod pa thob par 'gyur te/ de la bzod pa gang yin pa dang / lung bstan pa gang yin pa dang / gang lung bstan par bya ba dang / sus lung bstan pa dang / ci'i phyir lung bstan pa'i chos de dag thams cad chos mnyam pa dang / chos med pa'i chos kyi dbyings su nges pa dang / brda med pa dang / 'byung ba med pa dang / dngos po dang / dngos po med pa dang bral ba dang / gnyis su med pa'i mtha' can de dag gi don yongs su gzhal nas/ chos gang yang bgrang bar mi byed do// dper na/ nam mkha' ni bgrang du med cing bgrang ba las

  542. 272a

    yang dag par 'das pa ste/ de bzhin du chos thams cad kyang de dang 'dra bar blta bya'o// klu'i rgyal po rgya mtsho'i bstan pa 'di bshad pa na/ byang chub sems dpa' nyis brgyas mi skye ba'i chos la bzod pa thob par gyur to/ / dge slong nyis brgya ni len pa med par zag pa rnams las sems rnam par grol lo// de nas bcom ldan 'das la/ rgyal po ma skyes dgras 'di skad ces gsol to/ / bcom ldan 'das klu'i rgyal po rgya mtsho'i spobs pa ni ngo mtshar lags so// bcom ldan 'das kyis bka' stsal pa/ rgyal po chen po 'di'i spobs pa ni ngo mtshar yang mi che la/ dka' ba yang ma yin gyi/ las dang po pa gang dag gis bstan pa 'di thos na/ mi skrag mi dngang dngang bar mi 'gyur ba 'di ni de dag gi ches ngo mtshar ba dang / ches dka' ba yin no// de ci'i phyir zhe na/ sangs rgyas bcom ldan 'das rnams kyi byang chub ni de ltar mos par dka' ba ste/ de la ni lha dang bcas pa'i 'jig rten 'jug par mi 'gyur/ 'gro bar mi 'gyur/ mos par mi 'gyur/ yid ches par mi 'gyur ba'i phyir te/ rgyal po chen po rnam grangs 'dis kyang gang dag chos zab mo bstan pa 'di la mi skrag mi dngang zhing dngang bar mi 'gyur ba'i sems can de dag ni/ sangs rgyas mang po la bsnyen bkur byas pa yin par de ltar rig par bya'o// rgyal po chen po gzhan yang 'di ji snyam du sems skyes bu gang gis nam mkha' gzugs can ma yin pa bstan du med pa 'di ni/ gzugs can du ston par byed na/ ci de dka' bar byed pa yin nam/ gsol pa/

  543. 272b

    bcom ldan 'das mchog tu dka' lags so// bde bar gshegs pa mchog tu dka' lags so// bka' stsal pa/ chos 'di lta bur zab pa zab par snang ba/ tshor ba thams cad rgyun chad pa/ bdag med pa/ sems can med pa/ srog med pa/ gso ba med pa/ gang zag med pa/ rgyu ba med pa 'di la mos la mos nas kyang de kho na bzhin du sgrub pa gang yin pa de dag ni de bas kyang ches dka' ba byed pa yin te/ de dag ni de bzhin gshegs pa rnams kyi 'thun pa'i dge ba dang grogs dang mdza' bshes yin no/ / de dag gis ni sems can rnams kyi phyin ci log spang ba'i phyir/ chos ston nus so// de dag gis ni byang chub kyi snying po mchog dam pa la 'dug nas/ bdud kyi dpung bye ba phrag brgya byams pa dang / shes rab dang / ye shes dang / brtson 'grus kyis gzhom par nus so// de dag gis chos thams cad la dbang byed pa dang sems dpa' ba dang / thams cad mkhyen pa'i ye shes mngon sum du byed pa dang / sems kyi skad cig gcig dang ldan pas/ thams cad mkhyen pa'i ye shes mngon par rdzogs par 'tshang rgya bar nus so/ / de dag gis ni sems can thams cad brda sprad pa dang / sems can thams cad kyi sems ji lta ba bzhin du shes pa dang / sems can thams cad kyi dbang po mchog dang / mchog ma yin pa ji lta ba bzhin du shes pas chos kyi 'khor lo bla na med pa bskor bar nus so/ / de dag gis ni phas kyi rgol ba rnams tshar bcad pa dang / mu stegs can thams cad zil gyis mnan pa dang / dgra

  544. 273a

    thams cad tshar gcad pa'i phyir/ chos kyi drung 'dud nus so// de nas klu'i rgyal po rgya mtsho bsam pa grub cing brnag pa dang / yid la bsam pa yongs su rdzogs te/ rang gi lung bstan pa thos nas/ bar snang la mngon par 'phags te/ bcom ldan 'das la tshigs su bcad pa 'di dag gsol to// bdud rnams sde bcas dpung bcas des bcom zhing lta ba ngan pa'i phyogs kun bshig nas ni/ thub pa chen pos chos kyi char phab ste/ 'jig rten thams cad bdud rtsis tshim par mdzad/ khyod ni chos rgyal mi 'jigs stsol ba lags// 'dam/ las rgal te 'jigs med 'gram na bzhugs// 'jig rten mig ste lam mchog ston pa po// skye bo skyabs ma mchis pa'i mgon po lags// sman pa'i rgyal khyod zug rngu 'byin pa yi// sman parga shi med pa'i sman tshol ba/ / ci nas phyin chad nang rnams mi 'byung bar// nad dang rgabs gzer rnams gso mdzad pa// khyod ni ston skyabs bla ma gcig pu lags// gtan du bde ba sbyin pa khyod nyag cig/ khyod ni ru skya 'dzin pa don dam mkhyen pa lags// 'khor ba'i sdug bsngal las ni zlog mdzad pa// lha yi lha ste 'gro ba rnams kyi gtso// 'jig rten kun gyi sgron mar gyur pa lags/ khyod dang 'jal na 'jig rten chen brgal/ / mi rnams kyi ni mog mchog khyod nyagacig/ ye shes gzugs dang pha rol gnon pa yis// thub dbang khyod 'dra su yang ma mchis te// khyod ni lha rab

  545. 273b

    'jig rten thams cad kyi/ / ston pa po skye thar pa'i lam mtshon lags// khyod ni thams cad zil gnon kun mkhyen mchog/ 'jig rten chos rnams kyis ni khyod mgos// kun mkhyen sred bral/ rnam grol dpa' ba dang / ye shes mchog brnyes khyod la bdag phyag 'tshal// ji ltar bar snang nam mkha' rnam par dag/ gzugs med gzung du ma mchis 'dus ma bgyis// de bzhin chos rnams dri med rnam par dag/ 'jig rten rnam par 'dren pas rab tu bstan// yod dang med par lta ba spangs nas kyang // rnam dag chos rnams bde bar gshegs pas gsungs// rkyen dang bcas shing rgyu dang bcas pa ste/ / sems can ma mchis gang zag srog ma mchis// gzod nas rnam dag nam mkha'i ngo bo nyid// sgyu ma sma gi rgyu chu zla 'dra ba ste// shin tu dag pa nam mkha'i ngo bo nyid// gnas pa ma mchis klog dang 'dra ba'i tshul/ / sngon gyi mtha' stong phyi ma'i mtha' yang stong // skye dang 'jig dang gnas pa'i ngo bo stong // 'dir ni de dag dngos med dngos med min// 'di dag thams cad rang bzhin ma mchis stong / / chos dbyings rang bzhin ngo bo gang lags de// sems can khams kyi rang bzhin ngo bo lags// sems can khams kyi rang bzhin ngo bo gang // sangs rgyas chos kyi rang bzhin ngo bo de/ / sangs rgyas chos kyi rang bzhin ngo bo gang // de ni chos kun rang bzhin ngo bo nyid// chos kun rang bzhin ngo bo gang lags pa// sangs rgyas zhing gi ngo bo rang bzhin de// sangs rgyas

  546. 274a

    zhing gi rang bzhin ngo bo gang / sangs rgyas byang chub rang bzhin ngo bo de// sangs rgyas byang chub rang bzhin ngo bo gang // de ni chos dbyings rang bzhin ngo bo nyid/ chos rnams kun/ la rnam par dag pa 'di// gang tshe byang chub sems dpas de ltar mthong // de nas rgyal rnams ye shes dam pa yid// byang chub mchog tu de ni lung ston mdzad// chos rnams brda dang ming dang tha snyad tsam/ mnyam pa lags te mi bden ming du btags/ de dag sngan chad lus kyang ma thob ste// de dag gi ni ming rnams kun tu brjod// ming ma mchis par ming ni rnam par brtags/ / chos rnams stong ste rang bzhin rnam par dag/ 'jig rten 'du shes mkhas par rig nas ni// tha snyad tsam la kun tu spyod par bgyi// chos kun sgyu ma bzhin du rig nas kyang // mi bden snying po ma mchis rmi lam 'dra/ rnam smin sgyu dang nying mtshams sbyor ba tsam/ de la bden pa'i 'du shes yong mi bgyi// chos kun slu bar bgyid cing 'jig pa lags// sgyu ma smig rgyu 'dra ste mi bden pa/ mgal me'i 'khor lo gzugs brnyan 'dra ba lags// rtag tu byis pa'i skye bo rmongs par bgyid// byis pas bdag dang bdag gir 'dir brtags nas// blun po sred pas gzir ba 'dir rmongasate 'khor ba'i 'khor lor yongs su 'khor ba na/ / sdug bsngal gyis non zhi ba thob mi 'gyur// 'gro ba'i 'jug pa 'di ni yang dag min// gang gi 'jug pa de ni ma mchis te// 'arlo ba'i 'jig rten lta ba

  547. 274b

    gti mug mdongs/ / rgyun tu yang dang yang du sdug bsngal rnyed// lha rnams sdug bsngal 'chi 'pho'i chos gcig pa/ mi rnams kyi ni sdug bsngal tshol khro lags// dmyal ba dag gi sdug bsngal gnod pa rnams/ / gcig la gcig 'tshal dud 'gro rnams kyi lags// yi dgas sdug bsngal 'di na bkres dang skom// 'jig rten thams cad sdug bsngal rnams su nub// skyabs med gyur dang rten med gyur pa yi/ / 'jig rten sdug bsngal thams cad gzigs nas ni// drang srong chen po thugs brtse thugs rje can// sdug bsngal rnam par dgrol phyir 'byung bar mdzad// byang chub sems dpa' bskal mang bye bar yang / / rtul zhugs brtan zhing pha rol phyin la brtson// srid ni mchis pa de 'dra mkhyen nas ni// 'dam las rgal te sems can rnams kyang 'dul// gang tshe chos rnams gsog dang gsob tu gzigs/ / nam mkha' chang stong 'dra zhing snying po med// de dag bdag gi ngo bo ma mchis pas// bdag med dngos med dngos po med ma lags// mtha' rnams kun tu lta ba kun spang na/ / byang chub rdul med rnam dag thob par 'gyur// skye dang rga dang gnod par bgyi ba gang // 'chi dang gnas pa gang lags su yang med// gang 'dir skye dang rga dang na dang 'chi// shed las skyes dang shed bu de ma mchis/ / 'di na bdag dang bdag gi ma mchis te// gang zag shed skyes shed bu yong ma mchis// 'di brdzun bdag po ma mchis dbang ma mchis// 'tsho ba'i 'jin/

  548. 275a

    rten sgyu ma lta bur 'jug/ byed pa ma mchis tshor ba po ma mchis// 'on kyang las mchis 'bras bu'i don yang mchis// 'gro ba'i las kyis rkyen gyis rang bzhin 'byung phan tshun du ni rgyu las rten par 'dus/ / dge dang mi dge'i las gang bgyid pa dang // gang zhig bsgoms dang gang du bgyis// yul na ma mchis phyogs na ma mchis te/ ngo bo nyid stong 'on kyang rnam par smin/ / nang dang slad rol par ni mi gnas te// chos rnams gang du'ang 'phangs pa yongs ma mchis// de dag gang la'ang rten pa ma mchis la// rnam par smin pa slu bar yong mi bgyid// skyes pa mi mnga' 'gag pa mnga' ma lags// mkhas pa rnams ni go bar bgyi slad du// nyan pa la ni smra bas tshig kyang bstan// lta ba rnam par sbyang ba'i slad du bstan// gang gi 'du shes 'du shes can ma mchis/ / mya ngan 'das mchis su yang zhi ma mchis// skye ba ma mchis mtha' gang mtha' de lags// bdag gi bdag med mtha' ni nam mkha'i mtha'// kun gyi mtha' ni mnyam par thob pa des// sangs rgyas bsam gyis mi khyab dam pa thob// sngon gyi mtha' dang phyi ma'i mtha' dang ni// skye ba'i mtha' dang skye ba ma mchis mtha'// mtha' kun de ltar mnyam par mthong ba dang // chags med mtha' yi sgo shes ldan pa dang / / dus gsum mtha' rnams la ni ma chags des// rgyal ba rnams kyi rigs mchog thob par 'gyur// 'gro ba bcings las rnam par grol mdzad nas// zhi mchog mya ngan

  549. 275b

    'das pa rnyes par 'gyur/ / 'gro kun rmi lam lta bur des gzigs nas// 'dir ni ming dang gzugs la sems ma chags// chos kun la ni rnam par dag pa'i mig/ zhi ba dang ni mig g.yo mi 'gul thob/ / chos rnams thams cad sgra med skang me dag gzung du med cing dngos med rnam par dag/ de bzhin rgyal ba dam pa rnams kyi gdung // zhi ba'i ngo bo nyid de smon pa spangs// skyon med rims nad cing mya ngan bral/ / spros ku nye bar zhi zhing bsam mi khyab// rgyal ba marlog rnams kyi ni chos 'di dag/ gzung bral rang bzhin sgra dang skad ma mchis// 'gro la sman slad skyes bu dam pa yis// de yang yi ge rnams kyi gleng gzhi bstan/ / gang gis 'jig rten bla ma rang 'byung mthong // mthong nas kyang ni yid la dang bgyid dang // khyad par 'gro ba'i chos kyang nyan pa yi// lha dang mi rnams rnyed pa legs par rnyed/ / phyogs dang phyogs mtshams rnams su chos 'di ni// 'jig rten rnam par 'dren pas rab tu bstan// gang dag ma 'ongs sangs rgyas 'gyur ba rnams// thams cad kyang ni mnyam pa'i chos su 'gyur/ / sgra rnams thams cad brag cha tsam du byas// de ni brjod na rna bar grag par 'gyur// de ni tshul bzhin lam gyi rgyur 'gyur te// chos so 'tshal gyi slad du btags pa tsam// chos kun sgyu ma 'dra zhing g.yog lags te/ / de dag sems can slad du rnam mang phye// de dag dang bzhin ngo bo gang yin pa// de ni rnams kyang rnam par dbyer mi rung // 'jig rten na ni sangs rgyas chos rgyal mchog

  550. 276a

    chos kyi dbang phyug sun rig kun mkhyen pa/ / ston pa de la slob na de bzhin du// 'phags pa kun gyis de nyid don kyang rtogs// byung ba gang lags pa dang da ltar dang // ma 'ongs pa na byung gang lags pa/ / thams cad la yang thub pa skyes mchog gi/ ye shes 'jug ste thogs pa yong mi mnga'// skyes bu dam pa de yis de ring bdag/ dog ma mchis par byang chub mchog lung bstan bdag ni 'gro la phan phyir sangs rgyas 'gyur/ / bdag la som nyis ma mchis dogs ma mchis// chos thams cad rang bzhin gyis yongs su dag pa'i le'u ste dgu pa'o// de nas sangs rgyas bcom ldan 'das kyis/ byang chub sems dpa' de dag thams cad la bka' stsal pa skyes bu dam pa khyed kyis de bzhin gshegs pa'i byang chub/ ci nas yun ring du gnas par bya ba'i phyir zung shig/ khyed kyi nang nas su dag mdo sde 'di lta bu 'di dag gzung bar spro/ de nas der byang chub sems dpa' nyi khri dang lha'i bu khri stan las langs tebacom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag cag gis mdo sde 'di lta bu 'di dag gzung bar 'tshal lo/ / rgyas par yang bgyi'o// bcom ldan 'das kyis bka' stsal ba/ rigs kyi bu khyed kyis chos bsgrub pa ji lta bus/ de bzhin gshegs pa'i byang chub 'di 'dzin

  551. 276b

    par byed/ / de nas der byang chub sems dpa' ye shes rgyal mtshan tog ces bya ba des/ bcom ldan 'das la 'di skad ces gsol to// bcom ldan 'das bdag gis dam pa'i chos/ gzung bar 'tshal na/ ci bdag de bzhin gshegs pa'i byang chub 'dzin pa lags sam/ bcom ldan 'das kyis bka' stsal pa/ rigs kyi bu khyod de ltar sgrub na/ de bzhin gshegs pa'i byang chub 'dzin pa yang dag pa yin no/ / byang chub sems dpa' mnyam par ltas gsol pa/ bcom ldan 'das bdag gis mtshams ma mchis pa mnyam pa nyid kyis/ byang chub mnyam pa nyid du mthong na/ ci bdag de bzhin gshegs pa'i byang chub 'dzin pa lags sam/ bka' stsal pa/ rigs kyi bu khyod de ltar sgrub na/ nga'i byang chub 'dzin pa yang dag pa yin no// byang chub sems dpa' lta ba med kyis gsol pa/ bcom ldan 'das bdag gis so so'i skye bo'i chos rnams kyang ma mthong na/ slob pa'i chos dang / mi slob pa'i chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos rnams kyang ma mthong na/ ci bdag de bzhin gshegs pa'i byang chub 'dzin pa lags sam/ bka' stsal pa/ rigs kyi bu de ni de bzhin no// byang chub sems dpa' chos thams cad la khas 'che ba med par shin tu gnas pas gsol pa/ bcom ldan 'das bdag gis chos kyi rang bzhin ci yang 'tshal cing mi 'dzin na/ ci bdag dam pa'i chos 'dzin pa lag sa ma/ bka' stsal pa/

  552. 277a

    rigs kyi bu de ni de bzhin no// byang chub sems dpa' mig mi 'dzums kyis gsol pa/ bcom ldan 'das bdag mig gis mi lta/ sems kyis mi gtod/ dran pa mi skyed na/ ci bdag dam pa'i chos 'dzin pa lags sam/ bka' stsal pa/ rigs kyi bu de ni de bzhin no// byang chub sems dpa'i brjod du med pas gsol pa/ bcom ldan 'das bdag chos kyang mi ston/ chos ma lag pa yang mi ston/ bdag la chos kyi sgra yang mi 'byung / chos kyi 'du shes la yang rtog par mi bgyid na/ ci bdag dam pa'i chos 'dzin pa lags sam/ bka' stsal pa rigs kyi bu de ni de bzhi no// / byang chub sems dpa' ming med kyis gsol pa/ bcom ldan 'das pa dag gang gis ming dang / mtshan ma yang mi tan lags na/ ci bdag dam pa'i chos 'dzin pa lags sam/ rigs kyi bu de ni re bzhin no/ / byang chub sems dpa' nam mkha' mdzod kyi gsol pa/ bcom ldan 'das bdag gis chos thams cad nam mkha'i ngo bo nyid du rig nas/ gang la 'dzin pa'i chos rnams dang chos ma lags pa rnams mi mthong na/ ci bdag dam pa'i chos 'dzin lags sam/ bka' stsal pa/ rigs kyi bu de ni de bzhin no// byang chub sems dpa' mi g.yo ba'i stabs kyis 'gro bas gsol pa/ bcom ldan 'das bdag chos thams cad la/ mi dmigs mi g.yo mngon par zhen pa ma mchis na/ tso bdag dam pa'i chos 'dzin pa lags sam/ bka' stsal pa/ rigs kyi bu de

  553. 277b

    bzhin no/ / byang chub sems dpa' bdud 'joms kyis gsol pa/ bcom ldan 'das bdag sangs rgyas kyi yul la/ bdud kyi gul gyi rjes su mchis la bdud kyi yul la yang sangs rgyas kyi rjes su mchis na/ ci bdag dam pa'i chos 'dzin pa lag sam/ bka' stsal pa/ rigs kyi bu de ni de bzhin no// byang chub sems dpa' rdo rje'i stabs kyis 'gro bas gsol pa/ bcom ldan 'das gang chos kyi dbyings kyang 'byed par mi bgyid/ sems can gyi khams la ma gtogs par yang / chos kyi dbyings la 'jug par mi bgyid na/ ci de dam pa'i chos 'dzin pa lags sam/ bka' stsal pa/ rigs kyi bu de ni de bzhin no/ / byang chub sems dpa' mi dmigs pas gsol pa/ bcom ldan 'das gang chos ci yang mi dmigs la/ ba spu'i khung bu thams cad nas kyang chos kyi sgra yang byung na/ ci de dam pa'i chos 'dzin pa lags sam/ bka' stsal pa/ rigs kyi bu de ni de bzhin no// byang chub sems dpa' kun nas bsrungs pas gsol pa/ bcom ldan 'das gang bdud kyi zhags pas kyang ma bcings la/ byang chub sem dpa'i spyad pa yang spyod ma/ ci de dam pa'i chos 'dzin pa lags sam/ bka' stsal pa/ rigs kyi bu de ni de bzhin no// byang chub sems dpa' blo gros rgya mtshos gsol pa/ bcom ldan 'das gang chos tham cad rgya mtsho'i phyag rgyar yang dag par 'du ba dang / rnam par grol ba'i ngo bo nyid ro gcig par 'tshal na/ ci de dam pa'i chos 'dzin pa lag sam/ bka' stsal pa/ rigs kyi bu de ni de bzhin no// lha'i bu mtshan bzang

  554. 278a

    gis gsol pa/ bcom ldan 'das gang skye yang skye la/ phung po dang / khams dang / skye mched rnams 'byung ba yang mi 'dzin/ 'byung yang 'byung la/ de sems dang yid du dogs par yang mi bgyid na/ ci de dam pa'i chos 'dzin pa lags sam/ bka' stsal pa/ lha'i bu de ni de bzhin no// lha'i bu dri ma med pas gsol pa bcom ldan 'das gang chos thams cad dri ma ma mchis pa dang / snyigs ma ma mchis pa dang / 'dod chags kyi rdul dang bral bar rig nas/ rgyu las byung ba las rnam par grol bar mi bgyid na/ ci de dam pa'i chos 'dzin pa lags sam/ bka' stsal pa/ lha'i bu de ni de bzhin no// lha'i bu sems can sgrol gyis gsol pa/ bcom ldan 'das gang sems can rnams kyang sgrol bar bgyid la/ bdag ma mchis pa yang 'tshal/ bsgral nas kyang 'dzud par bgyid la/ tshul rol dang pha rol gyi 'gram na yang mi gnas na/ ci de dam pa'i chos 'dzin pa lags sam/ bka' stsal pa/ lha'i bu de ni de bzhin no// lha'i bu dbang byed kyis gsol pa/ bcom ldan 'das gang chos thams cad la dbang yang thob la/ chos gang yang skyed par yang mi bgyid/ 'gag par yang mi bgyid na/ ci de dam pa'i chos 'dzin pa lags sam/ bka' stsal pa/ lha'i bu de ni de bzhin no// lha'i bu rgyal po bzang gis gsol pa/ bcom ldan 'das gang sems can thams cad sems can mnyam pa dang / chos thams cad chos mnyam pa dang / zhing thams cad zhing mnyam pa dang / sangs rgyas thams

  555. 278b

    cad sangs rgyas mnyam par rjes su song na/ de dam pa'i chos 'dzin pa lags sam/ bka' stsal pa/ lha'i bu de ni de bzhin no// lha'i bu legs par sems kyis gsol pa/ bcom ldan 'das bdag chos ci yang mi sem shing spros par mi bgyid de/ mtshan mar bgyid na/ ci bdag dam pa'i chos 'dzin pa lags sam/ bka' stsal pa/ lha'i bu de ni de bzhin te/ de ni de bzhin no// sring mo ut+pa las gsol pa/ bcom ldan 'das bdag chos thams cad sangs rgyas kyi chos rnams lags par 'tshal/ 'on kyang bdag mngon par rdzogs par 'tshang mi rgyan/ ci bdag dam pa'i chos 'dzin pa lags sam bka' stsal pa/ sring mo de ni de bzhin no// bu mo mu tig 'phreng gis gsol pa/ bcom ldan 'das bdag gis bud med kyi chos rnams kyang ma dmigs/ skyes pa'i chos rnams kyang ma dmigs te/ sangs rgyas kyi chos rnams kyi mtshan nyid gang lags pa de/ bud med dang / skyes pa'i chos rnams kyi mtshan nyid lags la/ ci chos de dag kyang chos kyang ma lag/ chos ma lags pa yang ma lag te de'i slad du 'di ltar bdag ni skyed par mi bgyid/ khas len par yang mi bgyid na/ ci bdag dam pa'i chos 'dzin pa lags sam/ bka' stsal pa/ bu mo de ni de bzhin no// bu mo rin chen gyis gsol pa bcom ldan 'das bdag gis byang chub dang / byang chub sems dpa'i spyod pa yang ma mthong la/ sems can thams cad kyi go ca yang bdag gis bgos/ de dag kyang gtan du bdag gis

  556. 279a

    ma mthong na/ ci bdag dam pa'i chos 'dzin pa lags sam/ dka' stsal pa/ bu mo de ni de bzhin no// bu mo dri ma med pa'i 'od kyis gsol pa/ bcom ldan 'das bdag chos thams cad la yang / chos kyi 'du shes mi skyed la/ sems can thams cad la yang sems can gyi 'du shes mi skyed/ chos thams cad kyis kyang sangs rgyas kyi chos rnams la rnam par mi rtog ste/ sangs rgyas kyi chos rnams kyi khongs su yang chos thams cad 'dus par yang dag par mthong la/ de dag gis khongasu yang ma zhen par yang dag par mthong na/ bcom ldan 'das bdag de ltar brtson na/ ci dam pa'i chos 'dzin pa lags sam/ bcom ldan 'das kyis bka' stsal pa/ bu mo khyod de ltar bsgrub na/ dam pa'i chos 'dzin pa yang dag pa yin no// de nas bcom ldan 'dra la lha'i dbang po brgya byin gyis 'di skad ces gsol to// bcom ldan 'das 'di ltar bsam mi khyab pa'i chos rnam par nges pa'i spobs pa dang ldan pa'i bu mo rnams kyis 'dir rnam pa dang / sgra dang / brda sna tshogs kyis chos nyid de kho na glengs te/ chos gang la yang 'gal bar mi bgyid la/ chos thams cad kyang byang chub dang mnyam pa nyid du ston pa ni ngo mtshar lags so/ / bcom ldan 'das kyis bka' stsal pa/ ko'u shi ka de bzhin te/ bu mo 'di dag ni bsam gyis mi khyab pa'i chos rnam par nges pa ston pa la mkhas pa/ sangs rgyas

  557. 279b

    mang po la bsnyen bkur byas pa/ bzod pa thob pa sha stag go/ ko'u shi ka gzhan yang chos kyi rnam grangs 'di gzung ba dang / gzhan dag la yang rgyas par bstan pa dang / de bzhin gshegs pa mya ngan las 'das pa'i 'og tu yang / ma 'ongs pa'i sems can chen po dam pa'i chos kyi grong khyer srung ba de dag la bstabs pa'i phyir khyod la gtad do// de ltar byas na khyod kyis de bzhin gshegs pa la mchod pa'i mchog byas par 'gyur ro/ / brgya byin gyis gsol pa/ bcom ldan 'das chos kyi rnams grangs 'di bdag gis gzung lags so// 'di ni bdag gis de bzhin gshegs pa'i byin gyis brlabs kho nas rgyas par bgyi'o/ / ma 'ongs pa'i sems can chen po de dag la yang bstabs par 'tshal lo// de ci'i slad du zhe na/ bcom ldan 'das bdag gis de ni de bzhin gshegs pa la/ bka' drin bsab pa'i rngo mo thog ste/ 'di ltar bdag ni de bzhin gshegs pas chos kyi phan gdags pas/ phan btags pa'i slad du'o// bcom ldan 'das gzhan yang ci nas bdag bdud dang / phyir rgol ba nges par bcom nas/ 'di 'dzam bu'i gling du spyod par 'gyur ba de lta bur chos kyi rnam grangs 'di de bzhin gshegs pas byin gyis brlab du gsol/ bcom ldan 'das kyis bka' stsal pa/ ko'u shi ka de'i phyir legs par rab tu nyon la yid la zung shig dang / bar du gcod pa thams cad rnam par sbyong ba zhes bya ba'i rig sngags dang / gsang sngags kyi gzhi

  558. 280a

    byin gyis brlabs ngas bstan par bya ste/ rigs sngags dang / gsang sngags kyi gzhi de dag gis bdud thams cad dang / phas kyi rgol ba thams cad kyang shin tu tshar gargyad par 'gyur la/ de sazhin gshegs pa'i chos kyi sgron ma 'di yang yun ring du gnas par 'gyur ro// tad+ya thA/ a b+ha ye/ b+ha ya bi gi te/ b+hA ya bi sho d+ha ne/ a b+ha ya dA de/ ni ru pad dra be/ a nA ku le/ a ku la sang sho d+ha ne/ a gra he/ a bi b+ha dre/ a ka la pe/ ad ts+tshata/ shu b+ha te dzi/ te dzo ba ti/ me hA te dze/ u pa shA me/ me t+yu ga ta/ sho Sha ya mA ne/ sad ta dar sha ne/ a bi rud d+he sa hi ta aR+She/ an+ma sid+d+hi/ a mri ta pa te/ sA ga re/ sA ga ra ba ti/ a b+hi de/ badz+ra san d+hi/ ak+Sha ye/ ak+Sha ta/ pra b+he/ dzA ti bi sho d+ha ne/ shu d+he shu b+he/ a ba b+ha sa ba ti/ sa ma pra yo ge/ sa ma tsad te/ a nud ta re/ bud+d+ha a d+hiSh+ThA ne/ shi la bi sho d+ha ne/ a na ti kra ma Ne/ a sang hA r+ye/ ni gr-i hI tim/ mA ra ba lam/ pa rA dza yo d+hiSh+To ga tA nAn/ dzA lA nAn/ d+ha ra mo wA nAn/ sang gr-ihI tAn/ d+harmA tA nAn/ ud gA Ti tAn/ d+harma nid+ha nAn// ko'u shi ka rig sngags dang / gsang sngags kyi gzhi ni 'di dag yin te/ 'das pa dang / ma 'ongs pa dang / de ltar byung ba'i sangs rgyas rnams kyis dam pa'i chos yongs su gzung ba'i phyir gsungs so/ / rig sngags dang / gsang sngags kyi gzhi 'di dag gis ni/ rtsod pa'i bdag po bdud thams cad tshar gcod par 'gyur ro// de nas

  559. 280b

    bcom ldan 'das la/ tshangs pa kun tu snang ba zhes bya bas 'di skad ces gsol to// bcom ldan 'das bdag gis kyang rnam grangs 'di gzung bar bgyi/ bcang bar bgyi/ rgyas par bgyi'o// de ci'i slad du zhe na/ bcom ldan 'das byas pa gzo ba dang / byas pa tshor ba ni/ dkar po'i chos legs par gsungs pa'i chos 'dul ba las bsngags pa'i slad du'o// bcom ldan 'das bdag ni/ de bzhin gshegs pa la byas pa gzo ba dang / byas pa tshor ba rjes su dran zhing rjes su srung ste/ de bzhin gshegs pa'i chos kyi tshul 'di gzung bar bgyi/ yongs su bsrung bar bgyi/ de nas bcom ldan 'das la/ lha'i bu bsod rnams 'phags kyis gsol pa/ bcom ldan 'das rigs kyi bu 'am/ rigs kyi bu mos de bzhin gshegs pa'i chos bzung na/ bsod nams ji snyed tsam zhig skyed par 'gyur lags/ / de nas bcom ldan 'das kyis/ lha'i bu de la tshigs su bcad de bka' stsal pa// sangs rgyas spyan gyis phyogs bcu yi// zhing rnams ji snyed ngas mthong ba/ / de kun rin chen gang byas nas// mi gang sbyin pa sbyin byed la// gang zhig 'jig rten mgon po'i chos// snying nas yongs su 'dzin byed no// de bas mi yi bsod nams ni// shin tu mang du 'phel bar 'gyur// bskal pa'i bar du bzhugs nas ni// dpe rnams bstan pas bshad na yang // dam pa'i chos ni 'dzin pa yi// bsod nams zad par yong mi 'gyur// chos kyi

  560. 281a

    rnams grangs 'di bstan pa na/ / sku khrag khrig bdun cu rtsa drug gis/ bla na med pa yang dag par rdzogs pa'i byang chub tu sems bskyed do// byang chub sems dpa' drug bri nimi skye ba'i chos rnams la bzod pa skyes so/ / stong gsum gyi stong chen po'i 'jig rten gyi khams 'di yang rnam pa drug dang / mtshan ma chen po bco brgyad du rab tu g.yos par 'gyur te/ 'di lta ste/ shar phyogs mtho na/ nub phyogs dma'/ nub phyogs mthon/ shar phyogs dma'// lho phyogs mtho na/ byang phyogs dma'/ byang phyogs mtho na/ lho phyogs dma'/ dbus mtho na/ mtha' dma'/ mtha' mtho na/ dbus dma' bar gyur te/ g.yos rab tu g.yos/ kun tu rab tu g.yog/ 'gul rab tu 'gul/ kun tu rab tu 'gul/ ldeg rab tu ldeg/ kun tu rab tu ldeg/ 'khrugs rab tu 'khrugs/ kun tu rab tu 'khrugs/ 'ur 'ur/ rab tu 'ur 'ur/ kun tu rab tu'ur 'ur/ chem chem/ rab tu chem chem/ kun tu rab tu chem chem mo// snang ba chen pos kyang 'jig rten khyab par gyur to// me tog gi char chen po yang bab bo/ / sil snyan dag kyang ma bkrol bar rang 'khrol zhing / sil snyan dang / klu dbyangs de dag las kyang sgra 'di lta du byung ste/ bcom ldan 'das kyis chos kyi rnam grangs 'di pas kyi rgol ba thams cad kyis mi tshugs par byin gyis brlabs so/ / chos kyi rnam grangs 'di rnam par dkrug tu med pa'i tshul du/ chos kyi dbyings kyi phyag rgyas legs par btab bo zhes sgra byung ngo // klu'i

  561. 281b

    rgyal po rgya mtshos kyang stong gsum gyi stong chen po'i 'jig rten gyi khams thams cad khyab par mu tig gi char chen po phab bo/ / de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di bzung la/ gzhan dag la yang rgyas par yang dag par ston cig/ gsol pa/ bcom ldan 'das chos kyi rnam grangs 'di bdag gis bzung lags na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ de'i phyir chos kyi rnam grangs 'di/ klu'i rgyal po rgya mtsho zhus pa zhes bya bar zung shig/ klu'i bdag po'i gzungs kyi le'u zhes bya bar yang zung shig/ rin po che kun nas btus pa'i chos kyi sgo yongs su dag pa'i le'u zhes bya bar yang zung shig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / klu'i rgyal po rgya mtsho dang / klu'i rgyab po ma dros dang / klu'i rgyal po rgya mtsho'i bu dpal gyi gzi brjid dang / rgyal po ma skyes dgra dang / phyogs bcu nas 'dus pa'i byang chub sems dpa' sems dpa' chen po de dag thams cad dang / 'khor de dag thams cad dang / lha dang mi dang / lha ma yin dang / dri zar bcas pa'i 'jig rten mi rangs te/ bcom ldan 'das kyis gsungs pa la mngon par bstod do// 'phags pa klu'i rgyal po rgya mchos zhus pa zhes bya ba theg pa chen po'i mdo rdzogs so// /

  562. 282a

    rgya gar gyi mkhan po dzi ni mi tra dang / pra dz+nyA bar ma dang / zhu chen gyi lo tsA ba ban d+he ye shes sde la sogs pas/ bsgyur cing zhus te gtan la phab pa/ rgya gar skad du/ Ar+ya sA ga ra nA ga rA dza pe ri brid tsha nA ma ma hA yA na sU traM/ bod skad du/ 'phags pa klu'i rgyal po rgya mtshos zhus pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgya mtsho chen po na/ klu'i rgyal po rgya mtsho'i gnas/ klu'i rgyal po rgya mtsho'i 'khor gyi khyams bkod pa na/ dge slong brgyad stong gi dge 'dun chen po dang / byang chub sems dpa' sems dpa' chen po// phyogs bcu'i 'jig rten gyi khams nas 'dus pa mngon par shes pa/ mngon par shes pa mang po dang / brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha'i lding dang / mi 'am ci dang / lto 'phye chen po bye ba khrag khrig brgya stong mang po dang thabs gcig tu bzhugs te/ de nas bcom ldan 'das kyis thams cad dang ldan pa'i 'khor de 'dus par mkhyen nas/ klu'i rgyal po rgya mtsho la bka' stsal pa/ / klu'i bdag po kye ma 'jig rten gnas pa 'di ni las rnam pa sna tshogs kyis bskyod nas/ sems kyi dmigs pa sna tshogs kyis// las rnam pa sna tshogs mngon par 'du bya ba

  563. 282b

    mngon par 'du byed de/ de'i 'gro ba yang sna tshogs su gyur to// klu'i bdag po 'khor 'di dang / rgya mtsho chen po 'dzin rnam pa sna tshogs ji snyed pa dang / gzugs tha mal pa ji snyed snang ba la ltos/ klu'i bar/ po 'di dag thams cad ni rang rang gi sems dang / lus dang ngag dang / yid kyi las dge ba dang / mi dge ba sna tshogs su byas pas/ sna tshogs su gyur pa dag go// sems ni gzugs med pas/ bstan du med pa/ gzung du med pa'o// klu'i bdag po 'di ltar chos thams cad ni ma bcos/ ma bsgrubs par gnas pa'i mtshan nyid de/ bdag po med pa bdag gi med pa// yongs su 'dzin pa med pa'o// de dag ni las ji ltar bsags pas/ bsgrubs pa sna tshogs su byas pa dag ste/ 'di la byed pa po gang yang med do// klu'i bdag po 'di ltar chos 'di dag thams cad ni bsam gyis mi khyab pa/ sgyu ma'i mtshan nyid kyi ngo bo nyid do// klu'i bdag po de la byang chub sems dpa' mkhas pas/ chos thams cad bsgrubs pas gnas pa'i mtshan nyid du shes nas/ dge ba'i las mngon par 'du bya ba dag mngon par 'du bya'o// de dge ba'i las mngon par 'du bya ba dag mngon par 'du byed na/ bsgrubs pas gnas pa'i mtshan nyid kyi chos rnams kyi phung po dang / khams dang / skye mched gang dge mngon par 'grub pa de dag mdzes shing blta na sdug la gzugs bzang ba dag tu mngon par 'grub bo/ / klu'i bdag po de bzhin gshegs pa'i sku bsod nams bye ba khrag khrig brgya stong las skyes pa/ mtshan rnams kyis ji ltar brgyan pa dang / ji ltar

  564. 283a

    bsgrubs pa dang / dpal gyis lha dang mir bcas pa'i 'jig rten zil gyis mnan nas/ ma chags par bzhugs te/ gang na brgya stong phrag bcu la dbang sgyur ba'i tshangs pa chen po 'di dag mog mog por gyur nas/ de bzhin gshegs pa'i sku la lta na'ang mig zi zi bor gyur pa la ltos/ klu'i bdag po byang chub sems dpa' 'di dag gzugs dang / mtshan dang / lus dang / rgyan rnams la ltos/ klu'i bdag po de dag thams cad ni dge ba'i las mngon par 'du bya ba rnams kyis mngon par 'dus byas pa brgyan par bsgrubs pa'o/ / klu'i bdag po khyod kyi bkod pa 'di yang bsod nams thams cad las byung ba'o// klu'i bdag po brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma ye ni dang / nam mkha' lding dang / mi 'am ci dang / lto 'phye chen po dang / mi dang mi ma yin pa 'di dag gi bkod/ pa gang yin pa de dag thams cad kyang bsod nams las byung ba'o// klu'i bdag po 'di na gang dag las sna tshogs gzugs mi sdug cing dbyibs mi legs pa dang / dbyibs legs pa dang / lus rags shing che ba rnams dang / gang dag lus phra zhing chung ba de dag thams cad kyang / rang rang gi sems dang lus dang ngag dang / yid kyi las dge ba dang / mi dge ba sna tshogs su byas pas sna tshogs su gyur pa dag go// klu'i bdag po de bas na las bdag gir bya ba las kyi bgo skal la spyod pa/ las kyi skye gnas pa/ las kyi rnam par smin pa la rton par bya'o// zhes klu'i bdag po khyod kyis de ltar slobs shig dang / las bdag gir bya ba dang / las kyi bgo skal la spyod pa

  565. 283b

    las kyi rnam par smin pa la rton pa/ khyod dge ba'i chos mngon par 'du bya ba blo 'jug par 'gyur ro// lta ba chud gson par byed par mi 'gyur ro// chad pa dang / rtog par lta ba la gnas par mi 'gyur ro// khyed kyis sbyin pa'i gnas rnams mgu bar byed par 'gyur ro// mgu bar byas nas kyang bsti stang byed par 'gyur ro// bsti stang byas pa'i rgyu las byung bas/ lha dang bcas pa'i 'jig rten gyis bsti stang bya bar 'gyur ro/ / klu'i bdag po chos gcig gis sems can thams cad kyi ngan 'gro ngan song mi khom pa'i las thams cad yang dag par gcod do// chos gcig po gang zhe na/ 'di lta ste/ bdag ji ltar gyur cing nyin zhag rnams 'gro zhig gu snyam du dge ba'i chos rnams la rab tu rtog pa'o/ / de de ltar dge ba'i chos la rab tu rtog pa mang bas mi dge ba'i sems las byung ba'i chos rnams kyi go skabs mi 'byed do// de mi dge ba'i chos spangs te dge ba'i chos dang ldan pas/ bsam pa dge ba'i sems can/ 'di lta ste/ sangs rgyas dang / byang chub sems dpa' dang / 'phags pa nyan thos dang / rang sangs rgyas rnams kyi grogs dang 'grogs pa rnyed par 'gyur ro// klu'i bdag po de la dge ba'i chos rnams gang zhe na/ dge ba'i chos rnams shes bya ba ni lha dang / mi'i phun sum tshogs pa'i rtsa ba dang rten to// nyan thos dang / rang sangs rgyas kyi byang chub kyi rtsa ba dang rten to/ / bla na med pa yang dag par rdzogs pa'i byang chub kyi rtsa ba dang rten to// de la rtsa ba dang / rten gang zhe na/ gang 'di dge ba bcu'i las kyi lam rnams so// dge ba bcu'i las kyi lamad

  566. 284a

    dag kyang gang zhe na/ 'di lta ste/ srog bcod pa spong ba dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig bkyal ba dang / brnab sems dang / gnod sems dang / log par lta ba spong ba'o// 'di dag ni dge ba bcu'i las kyi lam zhes bya ste/ 'jig rten pa dang / 'jig rten las 'das pa'i phun sum tshogs ba rnams kyi rtsa ba dang rten to/ / klu'i bdag po de la srog gcod pa spangs pa'i skyes bu gang zag ni rab tu zhi bar byed pa'i chos bcu 'thob bo// bcu gang zhe na/ 'di lta ste/ 'dis sems can thams cad la mi 'jigs pa byin pa yin no/ / de'i sems sems can thams cad la byams par dmigs pa la gnas pa yin no// de'i zhe sdang gi bag chags yang dag par chad pa yin no// des nad nyung bar 'gyur ba'i bsgrub pa yongs su bzung ba yin no/ / des tshe ring bar 'gyur ba'i sa bon btab pa yin no// de la mi ma yin pa rnams kyang bsrung ba dang / bskyab pa dang / sbed par byed do// bde bar nyal zhing bde bar sad pa dang / sdig pa'i rmi lam mi mthong ba yin no// de nyal ba na yang lha rnams srung bar byed do// de la shar gnyer ba med pa yin te/ shar gnyer ba'i bag la nyal med pa yin no// ngan 'gro thams cad kyis mi 'jigs pa dang / shi 'phos nas kyang bde 'gro mtho ris kyi 'jig rten du lha rnams kyi nang du skye bar 'gyur te/ klu'i bdag po srog gcod pa spangs pa'i skyes bu gang zag ni rab tu zhi bar byed pa'i chos bcu po de dag

  567. 284b

    thob bo/ / srog gcod pa spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngon/ de dge ba'i rtsa ba des byang chub thob na sems kyi dbang gis tshe tshad med par 'gyur ro// klu'i bdag po ma byin par len pa spangs pa'i skyes bu gang zag ni yid brtan pa'i chos bcu thob bo// bcu gang zhe na/ 'di lta ste/ longs spyod che zhing / de'i longs spyod de dag rgyal po dang / rkun po dang / ma dang / chu dang / mi mdza' ba dang / nye mtshams kyis mi 'phrogs pa yin no// skye bo mang po'i yid du 'ongs pas skye bo mang po dga' ba yin no// nye ba'i nyon mongs pa yin no// nor 'brel pa rnams la yid brtan tu rung ba yin no// phyogs dang / phyogs mtshams rnams su de'i bsngags pa brjod cing de la pha rol gyi gnod pa'i 'jigs pa thams cad med pa yin no// de'i dge ba brjod pa'i sgra dang / tshigs su bcad pa mngon par 'phags par 'gyur ro// bag tsha ba med par 'khor gyi nang du 'jug ste/ zhum zhum po med par 'gyur ro// tshe dang stobs dang / kha dog dang bde ba dang / spobs pa dang / longs spyod dang / phyug pa phun sum tshogs pa rab tu 'dzin par 'gyur ro// de'i sems sbyin pa yang dag par 'gyed pa la 'gro bar 'gyur ro// lus dang bral nas kyang bde 'gro mtho ris kyi 'jig rten du lha rnams kyi nang du skyo bar 'gyur te/ klu'i bdag po de ltar ma byin par len pa spangs pa'i skyes bu gang zag ni yid brtan pa'i chos bcu po de dag thob bo// ma byin par len pa spangs pa'i

  568. 285a

    bya/ dge ba'i rtsa ba de gal te bla na med pa yang dag par rdzogs pa'i byang chub du yongs su sngon/ de dge ba'i rtsa ba des/ de bzhin gshegs pa nyon mongs pa can ma yin pa'i ye shes can du rang gi mngon par shes pas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ / klu'i bdag po 'dod pa la log par g.yem pa spangs pa'i skyes bu gang zag ni/ mkhas pas bsngags pa'i chos bani thob bo/ / bzhi gang zhe na/ 'di lta ste/ dbang po sdom pa dang / rgod pa las yang dag par 'da' ba dang / 'jig rten thams cad kyis bsngags pa dang / chung ma mi 'phrog pa ste/ klu'i bdag po 'dod pa la log par g.yem pa spangs pa'i skyes bu gang zag ni mkhas pas bsngags pa'i chos pa ni po de dag 'thob bo// 'dod pa la log par g.yem pa spangs pa'i dge ba'i rtsa ba de gal te/ yang dag par rdzogs pa'i byang chub yongs su sngo na/ de dag ba'i rtsa ba des/ skyes bu chen po'i mtshan mdoms kyi sba ba sbubs su nub pa 'thob bo// klu'i bdag po brdzun du smra ba spangs pa'i skyes bu gang zag ni/ lha dang / mis bsngags pa'i chos brgyad thob po// brgyad gang zhe na/ 'di lta ste/ ut+pa la'i dri 'byung bas kha yongs su dag pa thob par 'gyur ba dang / 'jig rten thams cad kyi tshad mar 'gyur ba dang / lha dang mi dga' bas dbang gcig por 'gyur ba dang / dbugs 'byin pas 'thung po rnams dogs pa med par 'gyur ba dang / lhag pa'i bsam pa phun sum tshogs pas

  569. 285b

    / lus dang / ngag dang / sems yongs su dag par 'gyur ba dang / tshig 'khrul pa med pas mchog tu dga' ba mang bar 'gyur ba dang / tshigs gzung bar 'os pas ngaganyan par 'gyur ba dang / shes rab thob pas lha dang mi rnams kyi nang na kha na ma tho ba med par 'gyur ba yin te/ klu'i bdag po brdzun du smra ba spangs pa'i skyes bu gang zag lha dang mis bsngags pa'i chos brgyad po de dag thob bo// brdzun du smra ba spangs pa'i dge pa'i rtsa ba de gal te bla na med pa yang dag par rdzogs pa'i byang chub tu yongs su sngon/ de dge ba'i rtsa ba des bden pa'i rjes su 'jug pa'i tshig tu 'gyur ro// glu'i bdag po phra ma'i tshig spangs pa'i skyes bu gang zag ni mi phyed pa lnga thob bo/ / lnga gang zhe na/ 'di lta ste/ gzhan gyi gnod pa'i 'jigs pa thams cad las shin tu 'da' bas lus mi phyed pa thob pa dang / gzhan dag gi la chags pa med pas g.yog mi byed pa thob pa dang / las kyi rnam par sbyin pa la yid ches pas dad pa mi byed pa thob pa dang / sgrub pa snying por byed pas chos las mi byed pa thob pa dang / mi sbubs mdza' bo mo byed pa thob pa ste/ rmu bdag po phra ma'i tshig spangs pa'i skyes bu gang zag ni mo phyed pa lnga po de dag thob bo/ / phra ma'i tshig spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ de dag ba'i rtsa ba des g.yog mi phyed pa'i de bzhin gshegs par 'gyur te/ bdud dang phas kyi rgol ba thams cad gyis kyang de bzhin gshegs pa de'i 'khor dbye bar mi nus so// klu'i bdag po tshi ga rtsub po spangs

  570. 286a

    pa'i skyes bu gang zag ni/ ngag gi las yongs su dag pa brgyad thob bo// brgyad gang zhe na/ 'di lta ste/ tshig ran pa dang / phan pa'i tshig dang / rigs pa'i tshig dang / 'jam pa'i tshig dang / gzung ba'i tshig dang / mnyan pa'i tshig dang / skye bo mang po dga' ba'i tshig dang / mi smad pa'i tshig yin te/ klu'i bdag po tshig rtsub po spangs pa'i skyes bu gang zag ni ngag gi las yongs su dag pa brgyad po de dag thob bo/ / tshig rtsub po spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su ston/ de dge ba'i rtsa ba des de bzhin gshegs pa tshangs pa'i sgra skad bsgrags pa'i dbyangs su 'gyur ro/ / klu'i bdag po tshig bkyal pa spangs pa'i skyes bu gang zag ni gcig tu nges pa gsum thob bo// gsum gang zhe na/ 'di lta ste/ tshig ran pas mkhas pa rnams gcig tu nges par dga' ba dang / lan legs par glon pas gcig tu nges par de'i blo bden pa la 'gro ba dang / bcos ma ma yin par mdza' bas gcig tu nges par lha dang / mi'i che ba nyid thob pa/ yin te/ klu'i bdag po tshig bkyil pa spangs pa'i skyes bu gang zag ni gcig tu nges pa gsum po de dag thob bo// tshig bkyal pa spangs pa'i dge ba'i rtsa ba de gal te bla na med pa yang dag par rdzogs pa'i byang chub du yongs su sngon/ de dge ba'i rtsa ba des khyad par lung ston cing / gzhan du mi gsung ba'i de bzhin gshegs par 'gyur ro// klu'i bdag po brnab sems spangs pa'i skyes bu gang zag ni/ dbang po lnga thob bo// lnga gang zhe na/ 'dra

  571. 286b

    lnga ste/ dbang po ma tshang sab med pas/ lus dang ngag dang / sems la dbang ba thob pa dang / dgra thams cad kyis mi brdzi bas longs spyod dang / dbang phyug la dbang brgya chen po thob pa dang / bsod nams kyi dbang gis de'i sems longs spyod pa dang / yongs su ston pa rgya chen po thams cad la 'gro ba dang / dga' ba mchog thob pas/ rgyal po dang / dbang pos mchod pa dang / sngon phrag dog med pas long spyod ji ltar smon pa rnams de las stong phrag brgya 'gyur du khyad par 'gyur ba thob pa ste/ klu'i bdag po brnab sems spangs pa'i skyes bu gang zag ni dbang po lnga po de dag thob bo// brnab sems spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ de dge ba'i rtsa ba des 'jig rten gsum gyis mchod pa'i de bzhin gshegs pa ston pa gcig pur 'gyur ro// klu'i bdag po gnod sems spangs pa'i skyes bu gang zag ni/ yid bde bar byed pa'i chos brgyad thob bo// brgyad gang zhe na/ 'di lta ste/ de'i sems rnam par mi 'tshe ba la 'gro bar 'gyur ba dang / de'i sems gnod sems rab tu zhi ba la 'gyur ba dang / de'i sems rtsod pa med cing / 'thab pa med pa la 'gro bar 'gyur ba dang / de'i sems drang zhing mnyen la nges pa la 'gro bar 'gyur ba dang / 'phags pa'i skye bor grags par 'gyur ba dang / sems cad thams cad la bde bar dga' zhing / byams pa'i sems phan pa'i dngos po la dga' bar 'gyur ba dang / bde ba la mngon par dga' zhing dang ba mang la/ skye bo mang pos bsti stang bya bar

  572. 287a

    'gyu ra ba dang / sems sbrum ning las su rung bas// tshangs pa'i 'jig rten du srub thob pa mi dkon par 'gyur ba ste/ klu'i bdag po gnod sems spangs pa'i skyes bu gang zag ni/ li bde bar byed pa'i chos brgyad po de dag thob bo/ / gnod sems spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngon/ de dge ba'i rtsa ba des sems thogs pa med pa'i de bzhin gshegs pa blta bas mi ngoms par 'gyur ro/ / klu'i bdag po log par lta ba spangs pa'i skyes bu gang zag ni/ yon tan gyi chos bcu thob bo// bcu gang zhe na/ 'di lta ste/ bsam pa dag par 'gyur zhing grogs po dag pa rnyed par 'gyur ba yin/ las kyi rnam par smin pa la yid ches pas/ srog gi phyir yang sdig pa'i las mi byed pa yin/ lhar sangs rgyas 'dzin gyi/ gzhan lhar mi 'dzin pa yin/ ngo mtshar dang bkra shis dang bral bas lta ba drang ba yin/ grogs lha dang mi yin gyi dud 'gro'i skye gnas dang / gshin rje'i 'jig rten pa grogs su mi 'gyur ba yin/ bsod nams sbyangs pas khyad par 'gro ba yin log pa thams cad med pas/ 'phags pa'i lam du zhugs pa yin/ 'jig tshogs la lta ba dang bral zhing sdig pa thams cad yongs su spangs pa yin/ yang dag par song zhing yang dag par zhugs pas sgrib pa med par mthong ba yin/ lha dang mi rnams kyi nang du mi khom pa dang bral ba yin te/ klu'i bdag po log par lta ba spangs pa'i skyes bu gang zag ni/ yon

  573. 287b

    tan gyi chos bcu po de dag thob bo/ / log par lta ba spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngon/ dge ba'i rtsa ba des de la sangs rgyas kyi chos thams cad mngon du 'gyur te/ mngon par shes pa myur ba'i de bzhi ni gshegs par 'gyur ro// klu'i bdag po dge ba bcu'i las kyi lam 'di dag ni 'jig rten pa dang / 'jig rten las 'das pa'i phun sum tshogs pa nas// blan med pa yang dag par rdzogs pa'i byang chub kyi bar gyi rtsa ba dang rten to/ / bzlog na mi dge ba bcu'i las kyi lam rnams te/ de dag shas cher bstan cing bsgoms te/ mang du byas na sems can dmyal ba'i rgyu'o// 'bring ni dud 'gro'i skye gnas kyi rgyu'o// chung ngu ni gshin rje'i 'jig rten gyi rgyu'o// klu'i bdag po de la srog gcod pa bstan cing bsgoms te mang du byas na/ sems can dmyal bar khrid do// dud 'gro'i skye gan su khrid do/ / gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ tshe thung ba dang nad mang bar 'gyur ba'o// ma byin len pas ni sems can dmyal bar khrid do/ / dud 'gro'i skye gnas su khrid do// gshin rje'i 'jig rten du khrid do// de nas kal te mi rnams kyi nang du skyes na yang / rnam par smin pa gnyis mngon par sgrub ste longs spyod chung ba dang / thun mong gi longs spyod du 'gyur ba'o// 'dod pa la log par g.yem pas ni/ sems can dmyal bar khrid do// dud 'gro'i skye gnas su khrid do//

  574. 288a

    gshin rje'i 'jig rten du khrid do// de nas gal te mi rnams kyi nang du skyes na yang / rnam par smin pa gnyis mngon par sgrub ste/ g.yog 'khor brtan du mi rung ba dang / 'granar+tha dang bcas pa'i chung mar 'gyur ba'o/ / brdzun du smra bas ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skye na yang / rnam par smin pa gnyis mngon par sgrub ste/ skur pa mang ba dang / gzhan gyis bslu bar 'gyur ba'o// phra mas ni sems can dmyal bar khrid do// dud 'gro'i skye gnas su khrid do// gshin/ rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ g.yog 'khor mi 'dum pa dang / g.yog 'khor ngan par 'gyur ba'o// tshig rtsub pos ni sems can dmyal bar khrid do/ / dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du smras na yang / rnam par smin pa gnyis mngon par sgrub ste/ yid du mi 'ong ba thos pa dang / 'thab mo'i tshig tu 'gyur ba'o// tshig bkyil pas ni sems can dmyal bar khrid do// dud 'gro'i skye gnas su khrid do// kashin rje'i 'jig rten du khrid do// de nas gal te mi rnams tsamang du rgyas na yang / nam mar smin pa gnyis mngon par gyur ste/ gzung bar 'os pa'i tshogs yin pa dang / mdzes pa'i spobs par 'gyur ba'o// 'anab sems kyis ni sems can rgyal bar brid do//

  575. 288b

    dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang / rnam par smin pa gnyis mngon par sgrub ste/ cho ga mi shes pa dang / 'dod pa che bar 'gyur ba'o/ / gnod sems kyi ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang / rnam par smin par gnyis mngon par sgrub ste/ mi phan par 'dod pa dang / gzhan gyis gnod par bya bar 'gyur ba'o// log par lta bas ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang / rnam par smin pa gnyis mngon par sgrub ste/ lta ba ngan par ltung ba dang / g.yo sgyu can du 'gyur ba'o// klu'i bdag po de ltar na mi dge ba bcu po 'di dag gi bsdug bsngal gyi phung po chen po tshad med pa yang dag par bsgrub par 'gyur ro/ / klu'i bdag po de la srog gcod pa spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / tshe ring bar 'gyur ro// byang chub sems pa'i spyad pa spyod pa na yang gzhan gyis gnod pa bya ba'i 'jigs pa las yang dag par 'das par 'gyur ro// klu'i bdag po ma byin par len pa spangs pa'i byang chub sems dpas sbyin pa sbyin na/ longs spyod che bar 'gyur/ longs spyod mi 'phrogs pa dang / dngos po thams cad la mi lta bar/ yongs su gtong ba can du 'gyur ro// byang chub sems

  576. 289a

    dpa'i spyad pa spyod pa na yang / sangs rgyas kyi chos thams cad yang dag par bsgrubs pas/ bla na med pa'i chos rnyed par 'gyur ro// klu'i bdag po 'dod pa la log par g.yem pa spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / chung ma mi g.yem par 'gyur ro// byang chub sems dpa'i spyad pa spyod pa ni yang ma dang / bu dang chung ma la su yang sdang ba'i sems kyis lta bar mi 'gyur ro/ / klu'i bdag po brdzun du smra ba spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / skur pa 'debs pa med par 'gyur ba'i nan tan srung bar 'gyur ro// byang chubs mas dpa'i spyad pa spyod pa na yang ji skad smras pa de bzhin byed de/ yid dam la brtan par 'gyur ro// klu'i bdag po phra ma'i tshig spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / g.yog 'khor mi phyed par 'gyur ro// byang chub sems dpa'i spyad pa spyod pa na yang bsam pa 'thun pas byang chub sems dpa'i g.yog 'khor 'thob bo/ / klu'i bdag po tshig rtsub po spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / gzung ba'i tshig tu 'gyur/ btsun pa'i tshig tu 'gyur ro// byang chub sems dpa'i spyad pa spyod pa na yang / 'khor mi mgu bar su yang mi 'gro'o// klu'i bdag po tshig 'akyil pa spangs pa'i byang chub sems dpas

  577. 289b

    sbyin pa byin na/ longs spyod che bar 'gyur/ longs spyod mi 'phrogs pa dang / mnyam par 'os pa'i tshig tu 'gyur/ yid ches nga'i tshig du 'gyur ro// byang chub sems dpa'i spyad pa spyod pa na/ the tshom thams cad gcod pa la mkhas par 'gyur ro/ / klu'i bdag po brnab sems spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / longs spyod dang yongs su spyod pa rgya chen po la de'i sems 'gro bar 'gyur ro/ / byang chub sems dpa'i spyad pa spyod pa na yang / rgya chen po la mos shing dbang che bar grags par 'gyur ro// klu'i bdag po gnod sems spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / mdzes pa dang / skye bo mang po dga' zhing yid du 'ong bar 'gyur ro// byang chub sems dpa'i spyad pa spyod pa na yang / thogs pa med pa'i blo dang / thogs pa med pa'o sems dang / dbang po ma tshang ba med par 'gyur ro// klu'i bdag po log par lta ba spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / sangs rgyas la dad cing yang dag par lta ba'i khyim du skye'o// byang chub sems dpa'i spyad pa spyod pa na yang sangs rgyas la lta ba dang / chos nyan pa dang / dge 'dun la bsnyen bkur byed pa dang / byang chub sems bskyed pa dang / mi 'bral bar 'gyur ro// klu'i bdag po de ltar dge ba bcu'i las

  578. 290a

    kyi lam 'di dag sbyin pas brgyan na/ 'byor pa chen por 'gyur ro// dge ba bcu'i las kyi lam 'di dag nyid tshul khrims kyis brgyan na// sangs rgyas kyi chos bam cad kyi don tu smom pa yongs su rdzogs par 'gyur ro/ / dge ba bcu'i las kyi lam 'di dag nyid bzod pas brgyan na/ mtshan dang / dpe byad bzang po dang / sangs rgyas kyi dbyangs yongs su rdzogs par 'gyur ro// de bzhin du sbyar te/ brtson 'grus kyis brgyan na bdud phyir rgol ba bcom pa dang / sangs rgyas kyi chos thams cad rdzogs par 'gyur ro// bsam gtan gyi brgyan na/ dran pa dang / blo gros dang / rtogs pa dang / ngo tsha shes pa dang / dga' ba yongs su dag par 'gyur ro// shes rab kyis brgyan na/ lta ba ngan pa thams cad yang dag par 'joms par 'gyur ro// byams pas brgyan na/ sem can thams cad la khong khro ba med pa'i sems su 'gyur ro/ / snying rjes brgyan na/ sems can thams cad yongs su mi gtong bar 'gyur ro// dga' bas brgyan na/ zhum pa med pa'i sems su 'gyur ro// btang snyoms kyis brgyan na/ rjes su chags pa dang / khong khro ba spong bar 'gyur ro// bsdu ba'i dngos pos brgyan na/ sems can thams cad yongs su smin par byed par 'gyur ro// dran pa nye bar gzhag pas brgyan na/ lus dang / tshor ba dang / sems dang / chos la mkhas par 'gyur ro// yang dag par spong bas brgyan na/ mi dge ba'i chos thams cad spong ba dang / dag

  579. 290b

    ba'i chos thams cad yongs su rdzogs par 'gyur ro/ / rdzu 'phrul gyi rkang pas brgyan na/ lus dang sems yang bar 'gyur ro// dbang po lngas brgyan na/ dad pa brtan pa dang / brtson 'grus 'bar ba dang rmongs pa med pa dang / sems las su rung ba la mkhas pa dang / nyon mongs pa thams cad spong ba la mkhas par 'gyur ro// stobs kyis brgyan na/ rdzi ba med cing dngul ba dang / nyes pa thams cad 'joms par 'gyur ro/ / byang chub kyi yan lag gis brgyan na/ chos thams cad yang dag pa ji lta ba bzhin du khong du chud par 'gyur ro// lam gyis brgyan na/ yang dag pa'i ye shes 'grub par 'gyur ro// / zhi gnas kyis brgyan na/ nyon mongs pa thams cad 'joms par 'gyur ro// lhag mthong gis brgyan na// chos thams cad yang dag pa ji lta ba bzhin du khong du chud pa'i rishes rab dang ye shes su 'gyur ro// thabs brgyan na/ 'a dus byas dang / 'dus ma byas kyi chos bde ba thob par 'gyur ro// klu'i bdag po mdor na/ dge ba bcu'i las kyi lam 'di dag gis stobs bcu yongs su rdzogs par 'gyur ro// mi 'jigs pa ba ni thob pa dang / sangs rgyas chos ma 'dres pa bco brgyad thob pa nas/ sangs rgyas kyi chos thams cad kyi bar dag thob pa yongs su rdzogs par 'gyur ro// klu'i bdag po de bas na dge ba bcu'i las kyi lam 'di dag rgya cher rnam par dbye bos brgyan pa'i phyir brtson par gyis shig/ klu'i bdag po 'di lta ste/ dper na/ sa la gnas pa'i grong dang / grong khyer dang / grong rdal dang / ljongs dang

  580. 291a

    @#yul 'khor dang / rgyal po'i ngo zang 'khor thams cad dang / tsA dang shing gel ba dang / sman dang nags tshal thams cad dang / las kyi mtha' thams cad dang / sa bon gyi tshogs thams cad dang / 'byung po'i tshogs thams cad dang / lo tog thams cad skyed pa dang / rmo brko ba bya ba 'byung ba de dag gi gnas ni sa yin no// klu'i bdag po de bzhin du dge ba bcu'i las kyi lam rnams kyang lha dang / mir skye ba'i rten to// slob pa dang mi slob pa'i 'bras bu brnyed pa dang / nyan thos dang / rang sangs rgyas kyi byang chub dang / rang sangs rgyas dang / byang chub sems dpa'i spyod pa thams cad kyi rten yin pa nas/ sangs rgyas kyi chos thams cad kyi bar gyi rten yin no// bcom ldan 'das kyis de skad ces bka' stsal nas/ klu'i rgyal po rgya mtsho dang / dge slong de dag dang / byang chub sems dpa' de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'a lags pa klu'i rgyal po rgya mtshos zhus pa zhes bya ba theg pa chen po'i mdo rdzogs s+ho// mdo che ba'i nang nas bkrol bar snang ngo / / rgya gar gyi mkhan po 'dzin mi rba dang dA na shI la dang / mun par ma dang / zhu chen gyi lo tsab ban d+he ye shes sde la sogs pas bskur cing nus te/ skad gsar gcad kyis kyang

  581. 291b

    bcos nas gtan la phab pa/ rgya gar gad du/ Ar+ya sA kar na ga nga ba'i brid nA nA ma ma hA m+b+ha na swaH/ bod skad du/ 'phags pa lnga'i rgyal lo/ rgya mtshos nus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das klu'i rgyal po rgya mtsho'i gnas na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs gcig tu bcun de nas bcom ldan 'das kyis klu'i rgyal po rgya mtsho la bka' stsal pa/ klu'i bdag po chos kyi mdo bzhi po chos kyi mdo 'di dag brjod na/ gang dag brjod pas chos kyi phung po brgyad khro ba ni/ stong brjod par 'gyur ba rnams yin no// bzhi gang zhe na/ 'di lta ste/ 'du byed thams cad mi rtag par byang chub sems dpa' sems dpa' chen po rnams kyis bstan pa mi zad pa'i shes pa rab tu 'jug pa dang / zag pa dang bcas pa'i chos thams cad sdug bsngal bar byang chub sems dpa' sems dpa' chen po rnams kyis bstan pa mi zad pa'i shes pa rab tu 'jug pa dang / chos thams cad bdag med par byang chub sems dpa' sems dpa' chen po rnams kyis bstan pa mi zad pa'i shes pa rab tu 'jug pa dang / mya ngan las 'das pa'i zhi bar byang chub sems dpa' sems dpa' chen po rnams kyi bstan pa mi zad pa'i shes pa rab tu

  582. 292a

    'jug pa ste/ klu'i bdag po chos kyi mdo bzhi po 'di dag brjod pas chos kyi phung po brgyad khri bzhi stong brjod par 'gyur ba rnams yin no// bcom ldan 'das kyis de skad ces bka' sprul nas/ dge slong de dag dang / byang chub sems dpa' de dag yi rangs te/ bcom ldan 'das kyis gsungs pa la mngon par bstod do// 'phags pa klu'i rgyal po rgya mtshos zhus pa zhes bya ba thegs pa chen po'i mdo rdzogs s+ho/ / / rgya gar gyi mkhan po su ren dra bo d+he dang / zhu chen gyi lo tsab pan d+hes ye shes sdes bsgyur cing zhus te gtan la phab pa// rgya kar skad du/ Ar+ya tsan dro d+ha rA dA ri ka bya kar/ na ma ma hA mA na sUH/ bod skad du/ 'phags pa bu mo zla mchog lung bstan pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das yangs pa can na tshal chen po'i khang pa brtsegs pa'i gnas na/ dgra bco mang lnga brgya tsam gyi dge slong gi dge 'dun chen po thams cad kyang cang shes kyi sems dang ldan pa bya ba byas pa/ byed pa byas pa/ khur bor ba/ bdag gi don rjes su thob pa srid par kun tu sbyor ba yongs su zad pa yang dag pa'i shes pas sems shin tu rnam par gro ba/ sems can thams cad kyi dbang gi dam pa'i pha rol tu son pa sha stag dang thabs gcig tu bzhugs so//

  583. 292b

    byang chub sems dpa' brgyad stong thams cad kyang mngon par shes pas mngon par shes pa/ gzungs thob pa/ spobs pa thogs pa med pa/ ting nge 'dzin thob pa/ mi skye ba'i chos la bzod pa thob pa mngon par shes pa lnga dang ldan pa/ tshig thogs pa med pa/ tshul 'chos pa med pa/ kha gsag med pa shes kyi khe 'dod pa'i sems dang bral ba/ zang zing med par chos ston pa chos zab mo la bzod pa dam pa'i pha rol tu son pa/ mi 'jigs pa dang ldan pa/ bdud kyi las las yang dag par 'das pa/ las kyi sgrib pa spangs pa/ chos kyi rang bzhin la the tsom med pa/ bskal pa bye ba khrag khrig 'bum phrag grangs med par smon lam shin tu brtsams pa bzhin 'dzum pa/ khro gnyer med pa/ tshigs su bcad pa'i dbyangs kyis smra ba la mkhas pa/ sems yongs su ma gtugs pa/ spobs pa rgyun mi 'chad pa/ chos mnyam pa nyid la bzod pa thob pa/ mi 'jigs pa chen pos 'khor mtha' yas pa zil gyis gnon pa/ tshig gcig gis bskal pa bye ba khrag khrig 'bum phrag gcig tu ston pa'i ye shes la mkhas pa/ 'das pa dang ma 'ongs pa dang / da ltar byung ba'i chos thams cad sgyu ma dang / smig rgyu dang / chu zla dang / rmi lam dang / mig yor dang brag cha dang / stong pa nyid dang / mtshan ma med pa dang / smon pa med pa dang / dben pa dang / g.yo ba med pa dang / gzung ba med pa dang / nam mkha'i ngo bo nyid lta bur mos pa/

  584. 293a

    rab dang ye shes tshad med pa la mkhas pa/ sems can thams cad kyi sems kyi spyod pa shes pa la mkhas pa/ sems can gyi mos pa ji lta ba bzhin du chos ston pa/ sems thogs pa med pa/ chos la sred pa dang bral ba/ nye ba'i nyon mongs pa med pa'i bzod pa dang ldan pa/ chos ji lta ba bzhin du shes pa la mkhas pa/ sangs rgyas kyi zhing mtha' yas pa'i yon tan bkod pa yongs su zin pa/ sangs rgyas rjes su dran pa'i ting nge 'dzin rtag par rgyun tu mngon tu gyur pa/ sangs rgyas dpag tu med pa la gsol ba 'debs pa shes pa la mkhas pa/ kun nas ldang ba dang / lta ba dang // nyon mongs pa dang / bag la nyal sna tshogs spong ba la mkhas pa/ ting nge 'dzin dang snyoms par 'jug pa thams cad kyis rnam par rtse ba'i mngon par shes pa'i shes pa la mkhas pa sha stag la 'di lta ste/ byang chub sems dpa' sems dpa' chen po 'jam dpal gzhon nur gyur pa dang / spyan ras gzigs dbang phyug dang / mthu chen thob dang / 'byung dka' dang / spos kyi glang po che dang / brtson pa mi gtong dang / nyi ma'i snying po dang / gzungs kyi dbang phyug rgyal po dang / spos kyi 'od gzer rab tu gtong ba dang / 'brug sgra dang / 'od gzer rnam par nges pa'i rgyal po dang / sred med kyi bu dang / lag na rin po che dang / lag na phyag rgya rin po che dang / nam mkha' mdzod dang / snang ba'i rgyal po dang / mthong dga' dang / sems can sgrol dang / rtag tu brtson dang / rtag tu dgod dga' dbang po

  585. 293b

    dang / ngan song spong dang / rdo rje'i gnas rnam par gnon pa dang / 'jig rten gsum gyi gnas rnam par gnon pa dang / mi g.yo ba'i gnas rnam par gnon pa dang / mthong ba don yod dang / dpal gyi snying po dang / pad+ma'i dpal dang / baglang spos kyi glang po che dang / spobs pa zab mo dang / spobs pa chen po dang / chos 'phags dang / chos kyi rang bzhin the tsom med gyur dang / seng ge'i stabs su 'gro ba dang / 'jigs pa kun sel dang / sgrib pa thams cad rnam par sel ba dang / seng ge chen po mngon par sgrogs pa'i sgra dang / brjod med dang / spobs pa brtsegs pa dang / byang chub sems dpa' sems dpa' chen po byams pa dang / de dag la sogs pa byang chub sems dpa' brgyad stong dang yang thabs cig go// de nas bcom ldan 'das rgyal po rnams dang / sna chen po la gtogs pa rnams dang grong khyer dang / ljongs kyi mi rnams dang / zhabs 'bring gnyug ma rnams dang / bram ze dang / rgyal rigs dang / khyim bdag rnams kyis bkur stir byas/ bla mar byas/ ri mor byas mchod par byas te/ yangs pa can gyi grong khyer chen po na tshal chen po'i khang pa brtsegs pa'i gnas na bzhugs so// de'i tshe yangs pa can gyi grong khyer chen po na li tsa byi dri ma med par grags pa zhes bya ba phyug pa nor mang ba/ longs spyod che ba longs spyod mang ba/ mdzod dang bang ba mang zhig gnas te/ de la chung ma dri med ma zhes bya ba mdzes pa blta na sdug pa/ kha dog bzang po rgyas

  586. 294a

    pa mchog dang ldan pa zhig yod de/ zla ba dgu 'das pa dang / de las bu mo gzugs bzang ba/ mdzes pa blta na sdug pa yan lag dang nying lag thams cad legs par rdzogs pa zhig btsas so/ / bu mo de btsas ma thag tu khyim de thams cad snang ba chen pos khyab par gyur cing / sa chen po yang rab tu g.yos par gyur phyi rol gyi sgo khang gi wa dag las kyang mar khu dang 'bru mar dag rab du 'dzag cing / zhan pa dang mgon med pa dang / bkren pa dang sdug phongs pa gang yin pa dag ci bder yongs su spyod do// yangs pa can gyi grong khyer chen po na rnga bo che dang rdza rnga dang / khar rnga dang / sil snyan dang / pheg rdob pa gang yin pa de thams cad kyang ma brdungs par sgra 'byin par gyur cing / me tog gi char chen po dag kyang rab tu bab par gyur khyim gyi grwa bzhir yang rin po che sna tshogs kyis rab tugang ba'i gter chen po bzhi byung shing kha bye ste/ kun tu snang bar gyur to// bu mo de btsas ma thag tu ngu skad mi 'byin cing mchim mi glog la/ lhag par yang sor mo bcu thal mo sbyar te/ de'i tshe tshis su bcad pa 'di dag smras so/ / sdig las byas pas 'dir ni gtsang ma yi// lus su mi skye yid du 'ong bar min// sdig las byas pas 'dir ni longs spyod dag/ 'byor pa'i khyim rnams su yang mi skye'o// skyoskyon du la yang dag sdom dang bag yod cing // gus dang bcas par bla ma bsnyen bkur ba'i// gya nom rang bzhin las kyis rtag tu ni// longs spyod bdag nyid chen po'i khyim du 'grub// 'dren pa

  587. 294b

    rgyal ba 'od srungs bsod snyoms phyir/ / yangs pa can gyi grong du zhugs pa na// bdag gis khang bzangs steng nas mthong gyur cing // mthong nas der ni bdag yid dang ba dran// de tshe bdag yid rab du dang 'gyur na/ / bdag la me tog med cing byug pa med// phye ma spros med zas dang skom med pas// ston pa 'di la cis mchod bya snyam sems// de nas bdag gis sgra thos sangs rgyas ni// 'grol ba dgrol phyir zang zing med spyod cing / / 'jig rten brtse phyir thugs rje bskyed nas ni// sangs rgyas bsod snyoms slad du 'jig rten brgyan// gal te rgyal ba de dag mchod 'dod na// sangs rgyas nyid phyir khyod kyis smon lam thob/ / byang chub sems bskyed brtan gyur gang yin pa/ de las lhag mchod srid pa gsum na med// bar snang sgra thos de nas bdag gis ni// mtshan mchog spras pa'i sangs rgyas mthong ba dang // byang chub phyir ni mi g.yo yid skyes nas// khang pa de nas rang gi lus mchongs te// bar snang ta la srid la 'dug nas ni// phyogs bcu dag na bzhugs pa'i sangs rgyas dang // de bzhini rgyal ba 'od srungs/ de yi sku// rin chen ri dang lhun po 'dra ba mthong // rgyal ba'i mthus ni bdag gi lag mthol du// man da ra ba'i phur ma che byung zhing // de dag bdag gis 'od srungs gtor ba dang // me tog gdugs su gyur nas mkha' la gnas/ / gang dag phyogs bcu'i sangs rgyas mtha' yas pa// mtshan gyis sku brgyan de dag bltas na yang // ji ltar 'od srungs steng na 'dug pa ltar// de dag la yang me tog

  588. 295a

    gdugs nyid snang / / mkha' la gnas bzhin bdag gis tshig smras pa// bskal pa chu rdul snyed du spyad bya zhing // byang chub mthob bdag phyir mi ldog gis// bdag ni sangs rgyas rkang gnyis gtsor gyur cig/ bdag gi seng ge'i nga ro de thos nas// de tshe stong phrag bcu gnyis tshang ba yi// lha mi lha min gnod sbyin srin po rnams// sangs rgyas byang chub mchog la yang dag zhugs// thos nas sum cu rtsa gsum lhar skyes shing / / las bzang byas pa chud zar ma gyur pas// de nas shi 'phos 'dzam gling 'dir 'ongs kyis// de phyir skye bo rnams kyis bsod nams byos// gang tshe sum cu rtsa gsum gnas gyur pa// de tshe bdag gis rgyal ba shAka thub mchod// bdag ni 'dod dang longs spyod lus mi gnyer// rgyal ba yang dang yang du mchod par bya// bdag gis bsod nams rnam smin de mthong zhing // nyin gcig 'dra bar tshe rabs brgya yang dran/ / bdag 'dir skyes pa'i dpal yang 'di 'dra na// mkhas pa su zhig rgyal la gus mi skyed// de nas bu mo des tshigs su bcad pa de dag smras nas/ cang mi zer bar 'dug par gyur to/ / de'i sngon gyi dge ba'i rtsa ba'i 'bras bu'i rgyu 'thun pas lus la lha'i gos rin po che dag gon bzhin du byung bar gyur nas/ de'i lus las zla ba las shin tu khyad par du 'phags pa'i 'od gzer gser gyi mdog du snang ba dag kyang byung ngo / / de nas pa ma dag gis de'i ming bla mchog ces bya bar btags so// de nas bu mo zla mchog de skad cig dang thang cig dang

  589. 295b

    yud tsam gcig gis 'di lta ste dper na/ bu mo lo brgyad lon pa lta bu'i na tshod du kun tu snang ngo // des sa'i phyogs gang dang gang dag tu 'greng ba dang / 'chag pa dang / 'dug pa dang / mal bcas/ par gyur pa de dang de dag tu 'od gzer gser gyi mdog lta bu dag snang bar gyur to// de'i spu'i khung bu thams cad nas tsan dan sa mchog dri dag dang / kha nas kyang ut+pal sngon po'i dri dag byung bar gyur de nas yangs pa can gyi tshong dpon dang / khyim bdag dang / rgyal bu rnams dang / de las gzhan pa rigs che ba dang / rigs mtho ba dag gis/ bu mo zla mchog gi lus kyi gzugs dang / kha dog yongs su rdzogs pa thos so// thos nas kyang 'dod pa'i 'dod chags kyis sems shin tu dkris par gyur cing / so so nas 'di snyam du sems te de bdag gi chung mar gyur na ci ma rung snyam mo// de na skye bo phal po che rnams de thob par bya ba'i phyir sems brtson par gyur te/ de dag las kha cig ni li tsa byi dri ma med par grags pa la sten par byed bsten par byed cing / bsnyen bkur byed par gyur to// kha cig ni nor bu dang / gser dang / dngul dang / rdo rje dang / bai DAR+Ya dang / sdug dang / an da rnyil dang / dung dang / man shel dang / zho shas byir bye ma snyed dag sbyin zhing 'dod pa skyed par byed do/ kha cig ni nor dang / 'bru dang / khyim dang / longs spyod dang / kha zas dag ston par byed do// kha cig ni bran dang bran mo dang / las mi dang / zho shas 'tsho ba dag la gsad pa dang bcing

  590. 296a

    ba dang brdeg pa la sogs pa dag gis 'jigs pa ston par byed do/ / kha cig ni li tsa byi dri ma med par grags la 'di skad ces zer te/ gal te khyod kho bo cag la bu mo zla mchog 'dul bar mi byed na/ de phyir khyod la des sdug bsngal 'byung bar bya zhing / khyod la gnod pa chen po yang bya'o zhes zer ro// de nas li tsa byaM dri ma med par grags pa 'di snyam du/ ma la dpung dag lhags nas bdag bzung zhing bcom ste/ bu mo yang phrogs la bdag kyang srog dang phral bar mi 'gyur grang snyam nas/ skrag cing sngangs la sgyid lug cing / spu zing zhes byed par gyur nas/ de dran pa nyams shing bzhin gyi sro shi la/ rab tu ngu zhing mchi ma blags te/ mig mi 'dzums par bu mo zla mchog la lta'o// bu mo zla mchog gis rang gi pha ngu zhing yi shi la/ gdong mchi mas yog cing yul yul por gyur pa mthong ngo / / mthong nas kyang de la 'di skad ces smras so// yab ci'i slad du 'di ltar bshums shing bshums mo dag rab tu glog par mdzad lags/ de nas litsa byi dri ma med par grags pas/ bu mo zla mchog la 'di skad ces smras so// bu mo 'di ltar khyod dbrog cing khyod kyi phyir grong khyer thams cad du thab mo dang / rtsod pa dag kun tu byung bar khyod kyis mi shes sam de'i phyir dpung dag lhags shing bcom ste/ khyod phrogs par mi 'gyur grang snyam nas de nas mchi ma byung ba yin mod/ de nas bu mo zla mchog gis rang gi pha la tshigs su bcad de

  591. 296b

    smras pa/ gal te 'dzam gling sems can thams cad dag/ sred med bu 'dra'i brtson 'grus thob gyur cing // de dag mtshon thogs bdag slad rgyug gyur kyang // de dag rnams kyis bdag gzhom rngo mi thog byams sems ldan la dug dang mtshon mi tshugs/ / ro langs dang ni 'jigs pa gzhan mi 'byung / byams sems thab zhe sdang ma mchis pas/ byams pa'i sems la gzhan gyis gnod mi 'gyur// yang bdag 'jig rten dag la byams pa che/ / ngan bu bdag bzhin 'gro la dga' bar gnas// nam yang gzhan la sdug bsngal ma bgyis pas// de phyir ngan bu sdug bsngal mi 'gyur yab// chags bral nam yang 'dod chags ma mchis shing / / byams pa yongs bsgoms zhe sdang mchis ma lags// bdag la chags sdang gti mug ma mchis te// de phyir ngan bu gzhan gyis mi thub yab// yab dang yum la byams pa mchis pa ltar/ / 'gro ba kun la rgyun tu bdag de bzhin// yab gang 'jig rten dag la de 'drar byams// de ni nams kyang gzhan gyis gnod mi 'gyur// nam mkhas dogs 'dzin par mi 'gyur cing / / lhun po yungs 'bru'i nang du gnas gyur tam// rgya mtsho chen po gnag rjes zhugs gyur kyang // bdag 'joms bgyid par rngo thog ma mchis yab/ de nas dum zla mchog gis tshigs su bcad pa de dag smras nas rang gi pha ma la 'di skad ces smras so/ / yab yum de'i slad du/ 'di ltar deng nas dgung bdun na/ bu mo zla mchog phyir 'byung bar 'gyur zhing byung nas

  592. 297a

    kyang rang gang 'dod pa'i khyim thab 'dam par 'gyur gyi/ de khyed cag gis bsgrim par bya zhing / lam srang dang bzhi mdo dang sum mdo'i phyogs thams cad kyang rgyan dag gis brgyan par bya zhing / me tog dang / bdug spos dang / spos dang me tog 'phreng dang / byug pa'i mchog dag gis kyang byi dor gyis shig ces shul po che dang / bzhi mdo dang / sum mdo thams cad du dril dkrol zhing sgra bsgrag tu gsol/ de nas bu mo zla mchog gi pha ma gnyis rang gi khyim nas byung ste/ bdi skad du deng nas zhag bdun na/ bu mo zla mchog phyir 'byung bar 'gyur zhing byung nas kyang mo ni gang 'dod pa'i phyir khyim thab 'dam par 'gyur gyis/ der khyed cag gis bsgrim par bya zhing / lam srang dang ba ni mdo dang / sum mdo'i phyogs thams cad rgyan dag gis brgyan par bya zhing / me tog dang / bdug spos dang / spos dang / me tog 'phreng dang / byug pa'i cho ga dag gis kyang byi dor gyis shig ces rang bzhin de dag kun tu bsgrags so// de skad so sor thos pa dang / yangs pa can gyi skye bo phal po che rnams 'di ltar rang rang gi lam srang dang bzhi mdo dang / sum mdo'i phyogs dag brgyan par bya ba la brtson par gyur cing / sems la 'di snyam du cis kyang bu mo zla mchog ni bdag la 'dzin gyi/ gzhan dag la ni ma yin grang snyam du sems te/ de dag phan tshun 'gran pas rang rang rgyan par byed de/ 'di lta ste/ tshong dpon dang / khyim bdag dang / zhang lon dang / bram ze dang /

  593. 297b

    rgyal bu rnams dang / las mi'o bar dag kyang shin tu khrus byas shing lus legs par byugs te/ gos bzang po bgos shing / rgyan sna tshogs kyis lus brgyan nas/ rang rang gi g.yog 'khor rnams la khyed cag sgrims shig/ gal te bu mo zla mcho ga 'o bu cag gi gan du rang mi 'ong bltan/ de'i phyir mthus drongs la phrogs shig ces skul bar byed do// de ltar zhag bdun 'das pa dang / skye bo phal po che dad ngo mtshar du 'dzin par gyur nas/ bu mo zla mchog blta ba'i phyir 'dus par gyur to// de nas bu mo zla mchog nyi ma drug pa la zlang nya ba'i tshe/ gso sbyong yan lag brgyad pa yang blangs te mtshan mo minyal tsam na steng gi khang bzangs kyi thog na 'chag cing 'dug go/ de nas sangs rgyas kyi mthus bu mo zla mchog gi lag pa g.yas par pad+ma sdong bu ni gser/ 'dab ma ni dngul zeb ni bai d+huR+Ya/ snying po na rdo'i snying po las byas pa'adab ma 'gram phrag du ma yod pa/ bltan sdug pa 'od gsal bzhig byung bar gyur to// pad+ma de'i snying po'i dbus na de bzhin gshegs pa'i srasa? mdog gser 'dra la/ gzi brjid 'bar ba/ 'od kyis snang bar mdzad pa/ skyes bu chen po'i mtshan sum cu rtsa gnyis kyis sku legs par brgyan pa/ dpe byad bzang po brgyad cus gzugs mdzes par/ byas pa/ skyil mo krung gis bzhugs pa zhig kyang byung bar gyur te/ de bzhin gshegs pa'i sku de'i 'od kyis khyim de thams cad snang bas gsal bar gyur to// de nas bu mo zla mchog gis pad+ma

  594. 298a

    de mthong zhing de bzhin gshegs pa'i sku yang mthong ba dang / dga' zhing mgul yi rangs te/ rab tu dga' ba dang yid bde ba skyes nas/ de bzhin gshegs pa'i sku de la tshigs su bcad de/ gsol pa// 'di 'dra'i dpal dang ldan pa rjod// tsa lags lha' mngon te kla// b+ha min gsang ba mings ci// su lags dris pa nges par gsungs// khyod srugaser mdog 'o dgasal ba'i/ 6 dmigs su ma mchis te/ / skad cig mdog gser bcod ka dang / mur bar shel 'od 'dra bar gdag// ngan bu slan chad lus gyon// 'du shes ma mchis sems migayo// mgon po khyod kyi sku mthong nas/ bdag ni dga' ba yangs pa skyes// khyod sru dpal 'bar me 'dra zhing // ri las ri bzhin mdzes 'phags pa// ji ltar gzung zhing rab tu gnas// gang nas 'dir byon gang du gshegs// de nas de bzhin gshegs pa'i sku des// bu mo zla mchog la phyir tshigs su bcad de bkara' stsal pa/ ngani lha min klu yang min// mi 'am ci min gnod sbyin min// sangs rgyas dashas seng ge yis// ngan gan du gtang / / nga ni lha man gnod skyosbyin mon// mu men ma 'am tsam min// chos byung ba deng khyod kyi phyir// sgra mi 'dul bas bka' stsal to// de nas de bzhin ga shegs pa'i sku de la dum sna mchog gis tshigs su bcad de gsol ba/ sangs rgyas sangs rgyas zhes bgyib// de mdo ga tso 'dra 'dir gsung la// de yi rtags dang dbyibs gsungs dang / de thos bdag gis rtogs par 'gyur/

  595. 298b

    khyod 'dir sangs rgyas mtshan gsungs na// de'i mdog rtags dang dbyibs mi gsung // sangs rgyas rung spyod gang dang mthu// mi mnyam mdzad spobs 'dir gsungs shig/ de nas de bzhin gshegs pa'i sku des/ / bu mo zla mchog la phyir tshigs su bcad de bka' stsal pa/ de ni sku mdog gser 'dra zhing // mtshan mchog sum cu rtsa gnyis mnga'// sems can kun gyi mchod rten te// de phyir sangs rgyas zhes brjod do// byed ldan sems can rnams kyi ni// spyod pa mchog dang dman pa dag/ thugs gcig gis ni rtogs mdzad de// de phyir sangs rgyas zhes brjod do// chos kun rnam pa thams cad du/ / des ni mi mkhyen cung zad med// ye shes kun gyi pha rol byon// de phyir sangs rgyas zhes brjod do// des ni sems can kun gyi sems// thugs gcig gis ni rtogs gyur kyang / / kun gyi sems la nam du yang // rlom pa mi mnga' gzhan du na// sangs rgyas spyod pa sbyin pas 'phags// tshul khrims spyod pas mthor 'phags shing // bzod dang brtson pas// mngon 'phags la// bsam gtan shes rab yang dga' phags// bzo rnams thams cad legs bslabs pas// des ni mi mkhyen cung zad med// byams dang thugs rje phun sum tshogs// de phyir sangs rgyas zhes brjod do/ / gang gis bla med 'khor lo yi// chos kyi 'khor lo rab bskor cing // zhing rnams bye ba rnam rig la// bdag med rab tu bstan mdzad cing // gang gis sangs rgyas

  596. 299a

    zhing stong dang / / brgya dang khrag khrig snyed rnams dag/ ljags kyis rab tu khyab mdzad pa// de phyir sangs rgyas zhes brjod do// ning rnams bye ba stong phrag ni// kang+ka'i bye ma snyed dag tu/ / dbyangs kyis go bar mdzad pas na// de phyir sangs rgyas zhes brjod do// 'dren pas phyag ni laya cig gis// zhing rnams bye snyed blangs mdzad cing // bskal pa bye bar de bzhugs pas/ de phyir sangs rgyas zhes brjod do// zhing rnams stong phrag bye snyed na// ri bo lhun po ji snyed pa// skra nyag gcig gis de snga mas shing // zhing rnams bye bar 'phan mdzad la// chos rnams kun la rang byung zhing / / gsan nas go 'phang mchog brnyes la// sems can bcings pa rnam 'grel pas// de phyir sangs rgyas zhes brjod do// dbang ldan gyur cing stobs bcu lnga// mi bsnyengs rtogs par thugs su chud/ / sangs rgyas chos la nam nur med// de phyir sangs rgyas zhes brjod do// dbu yi gtsug tor bltar mi mthong // spyan lnga dag dang ldan pa dang // stobs dang dbang po lnga mapar zhing / / byang chub yan lag lam la gnas// ngang tshul bzang zhing 'grogs na bde// zhi zhing dul la bla na med// g.yo med drang po gsal ba ste// de byar sangs rgyas zhes brjod do// de ni rtag dumanyam pan gtsang / khrel ga meng ba mim pa la// sems can don gyis dus su gsung // dpyir sangs rgyas zhes brjod do// yon pa na dang 'ogs ldan nong // don 'gro ba'i mchod rten te//

  597. 299b

    thams cad mkhyen cing thams cad gzigs// de phyir sangs rgyas zhes brjod do// nga yis bskal pa 'am yang na ni// bskal pa bye ba phrag brgyar yang // gang phyir sangs rgyas de don brjod// de phyir sangs rgyas zhes brjod do/ / de nas bu mo zla mchog dga' zhing mgul yi rangs te// rab tu dga' zhing dga' ba dang yid bde ba skyes nas// de bzhin gshegs pa blta bas yongs su sgom par gyur te/ de bzhin gshegs pa'i sku de la phyir tshigs su bcad de gsol pa/ gang gi yon tan de 'dra ba'i// rdzogs sangs de ltar rngo thog gam// chos 'di thos na mkhas pa ni// su zhig skad 'ga' 'ang khyim la dga'// ji srid bde gshegs ma mthong bar// bdag ni rmugs dang gnyid spong zhing // zas dang skom yang mi 'tshal la// stan la'ang mchis par mi bgyid do// bdag gis khyod mthong shin tu rangs gyur cing / / yon tan bdag nyid thos nas bdag rab dang // mngon sum sangs rgyas de ni mthong 'gyur la// slar zhing mtshungs med dga' bar 'gyur lags grangs// bskal pa stong phrag bye bar 'jig rten na// skyes bu mchog rnams mthong ba shin tu dkon// dgra bcom de'i mtshan deng thos bdag gis ni// rnyed pa legs rnyed bdag gis rgyal ba blta// sprul pa de yis de la 'di skad smras/ / sems can mchog de tshal chen nang na bzhugs// de yi dge 'dun stong phrag brgyad po dag/ dpa' bo sdig med mi gtsang spangs pa yin// de dag re re'ang lag pa yi cig kri/

  598. 300a

    bskal pa mang por stong gsum zhing 'deg cing // ting 'dzin mngon shes spobs pa rab thobs la// thos pas mi 'khrugs rgya mtsho 'dra ba yin// de dag rgyal ba mchod phyir rdzu 'phrul gyis/ / bye ba dpag med zhing du skad 'gas 'dong // dong nas sangs rgyas bye snyed mngon mchod cing // brtan rnams phyir yang skad 'gas ldog par byed// bdag tu 'du shes sangs rgyas 'du shes med/ / ning du 'du shes sems can 'du shes med// smos pa sna tshogs kun gyis mgos shing // sems can tshogs chen rnams kyi don kyang byed// dgra thu de dang byang chub sems dpa' dang / de bzhin dge slong dge 'dun lta 'dod cing // thub dbang drung nas chos mchog nyan 'dod na// tshal chen gang na ston te bzhugs par song // de nas bu mo zla mchog pad+ma de nyid dang // de bzhin gshegs pa'i sku ji ltar bzhugs pa de nyid thogs bzhin du// khang bzangs kyi steng de nas babs nas/ rang gi pha ma ga la ba der song ste phyin pa dang / rang gi pha ma la tshigs su bcad de smras pa/ yang gzigs ngan du'i sug pa lag pa na// pad+ma gser sdong mdzes pa yid du mchi// skyes bu dam pa'i skul gzigs shig yum// mthong na su zhig de la skyabs mi mchi// rang gi gnas kun gser mdog 'dra ba 'i/ / 'od kyis gsal bar bdag gis mthong lags yum// skad tsog la yang du mar mdog 'thur bas// sku yi tshad ni gzung bar rngo ma thog/ de slad rgyal ba'i spyan sngar

  599. 300b

    tshal chen du/ / rgyal ba go'u tam gzigs su gshegs so yum// me tog rnams dang spos mchog bsnams nas su// de bzhin gshegs pa la ni mchod par bgyi// zla ba mchog gi pha dang ma dag gis// yid du 'ong ba'i tshig thos legs so zhes// gos rnams dang ni bdug spos spos dag dang // me tog rnams dang 'phreng ba byug pa'ang blangs// rnga chen rdza rnga ha ba shang gdugs rnams dang // dung dang rgyal mtshan gling bu pi wang dang / / rin chen sil snyan yid 'ong thogs nas ni// de dag khang pa de nas nges par 'byung // de'i tshe na nyi ma bdun pa de la srog chags 'bum phrag du ma dag/ bu mo bla mchog blta ba'i phyir 'dus par gyur nas/ de dag las kha cig ni 'dod pa'i 'dod chags kyis sems kun nas dkris par gyur// kha cig ni lta 'dod par gyur// kha cig ni rtog pa skyes par gyur nas// thams cad dang ldan pa'i yangs pa can gyi grong khyer chen po rgyan gyis brgyan to// de nas khye'u dang bu mo dag kyang stegs bu dang sgo khang dang rta 'bas dang / skar khung dang / du shu dang / khang pa brtsegs pa dang / khang bzangs kyi steng dag tu dong ste 'khod par gyur to// de nas bu mo zla mchog de bzhin gshegs pa'i sku pad+ma la bzhugs pa de nyid kyang thogs bzhin du pha ma dang 'khor mang po rnams dang lhan cig tu/ me tog dang / bdug spos dang / spos dang / me tog 'phreng dang / byug pa dang / phye ma dang / na bza' dang / gdugs dang / rgyal mtshan dang ba dan dag thogs te/ sil snyan dang / beg

  600. 301a

    rdob pa sna tshogs bye ba de dag gis yongs su bskor cing mdun du bdar te/ rang gi gnas nas byung ngo // de nas srogs chags 'bum phrag du ma dag gis de grong bar dbus su byung ba mthong ba dang / bdag gis 'di gzung bar bya'o// bdag gis 'di gzungs par bya'o snyam du sems shing rab tu rgyug go// de'i tshen yangs pa can gyi grong khyer chen po ni skye bo phal po che de dag lhan cig du rgyug pa'i tshe/ ha ha tshur shog/ tshur shog ces bya ba'i sgra chen po byung bar gyur to// de nas bu mo zla mchog gis de'i mod la skye bo phal po che rgyug pa de dag mthong nas/ de'i tshe de bzhin gshegs pa'i sku pad+ma la bzhugs pa de nyid kyang thogs bzhin du bar snang gi nam mkha' la shing ta la'i srid du mngon par 'phags te 'dug par gyur to// 'dug nas kyang skye bo phal po de dag la tshigs su bcad de smras pa/ bzod ldan bdag gi mdzes pa'i lus 'di ni// chags pa'i sems las byung ba ma yin te// kha dog gser mdog me lce 'bar 'dra ba// shin tu yid 'ong kho mo'i lus 'di ltos/ / gang dag yul rnams la ni brkam med nas// me mdag 'obs 'dra rab 'bar 'dod spong zhing // dbang po drug rnams sdom pas bsdams pa dang / gang dag tshangs spyod rnam spyod dag pa dang // gang dag gzhan gyi bu sbed rnams mthong na// ma sring snyam du 'du shes skyed byed na// de dag mdzes shing shin tu blta sdug la// rtag tu mchog tu yid du 'ong bar 'gyur// gang gis sa 'di kun tu khyab byed pa//

  601. 301b

    bdag gi spu yis khung nas byung ba'i dri// 'dod chags sems kyis bdag gis de ma bsgrubs// de ni sbyin dang dul ba'i 'bras bu yin// kho mo 'dod chags ldan pa'i sems mi skyed// 'dod chags bral la chags pa ma skyed cig/ ji ltar smras bden nam yang brdzun min te// mdun gyi thub dbang 'di ni bdag gi dbang // sngan chad khyed cag kho mo'i phar gyur la// kho mo'ang khyed kyi ma dang phu nu dang // sring mo'am par yang yang dang yang gyur pas/ / su zhig ma la 'dod chags sems skyed byed// sngan chad kho mos khyed cag bas dgyur cing // khyed kyis kho mo 'ang sngan chad bsad gyur pas// thams cad phan tshun dgra bogashed yin na/ / khyod cag ji ltar 'dod chags sems skyed byed// chags pas gzugs dang ldan par mi 'gyur zhing // chags sems can dag bde 'gror 'gro mi 'gyur// chags pa'i sems ldan mya ngan mi 'da' bas/ / de phyir 'dod chags yongs su spang bar bya// 'dod pa'i gzhi las dmyal bar 'gro 'gyur zhing // 'dod chags las ni yi dgas dud 'gror 'gyur// gang dag 'dod chags/ dkris pa'i sems ldan pa// grul bum lha mon gnod sbyin sha zar 'gyur// 'dod chags las ni zhar ba theng po dang // rtse med gzugs mi sdug pa dag tu 'gyur// gang dag 'dod chags ngan pa'i spyad spyod pa// rnam pa sna tshogs skyon gyi snod du 'gyur// 'khor los sgyur ba'i rgyal srid thob pa dang // sum cu gsum pa'i dbang phyug brgya byin dang // tshangs pa dbang ldan dbang sgyur gang yin pa/ de yi tshangs spyod yangs

  602. 302a

    pa spyad pa yin/ / rtag tu 'dod pa dag la brkam pa rnams// dmus long 'on pa glen pa khyimag dang // rnga mo bong bu spreT dang grang po dang // stag dang gnag ta phye le ba sbrang bur 'gyur// 8 dag tshangs spyod yangs pa spyod byed pa/ / sa yi dbang phyug dga' ba rnams dang ni// tshong dpon khyim bdag blon por gyur nas ni// bde zhing yid bde zhi bar 'gro bar 'gyur// rang rgyal rnams dang bde bzhin dgra bcom dang / / sangs rgyas mtshan gyis spras pa gsal gyur cing // bla med byang chub zhi ba rtogs gyur nas// sems can tshogs chen rnams kyi don mdzad 'gyur// 'dod pas 'khol ba dag ni pabasreg pa dang / / yang na du bas bdug cing gsad pa'am// cing dang de bzhin brdeg bsdigs mgo dang ni// rna mig sna dang rkang pa bcad par 'gyur// 'dod spyod nyes pa gcig tu ma zad de// 'dod rnams mi mthun nyes pa mtha' yang med// gal te myur du de las thar 'dod na// tshur sheg rgyal ba de yi spyan sngar 'deng // lha mis mchod pa'i sangs rgyas ma gtogs par// rten dang / dpung gnyen gzhan dag yod min zhing // rgyal ba 'byung ba bskal pa brgyar dkon gyis// thams cad lhan cig 'grogs te 'dong bar bya// bu mo zla mchog gis tshigs su bcad pa de dag smras mthag tu de nas de'i mod la sa chen po rab tu g.yos par gyur cing nam mkha'i dkyil na 'khod pa'i lha'i bu rnams kyis kyang a la la zhes ca co dang / gzha'i sgra chen po 'bum phrag du ma dag rab tu phyung ste/ me tog gi char dag kyang rab

  603. 302b

    tu phab/ sil snyan bye ba khrag khrig 'bum phrag du ma dag kyang rab tu bsil to// skye bo phal po che de dag kyang shin tu yid byung zhing spu zing zhes byed la ngo mtshar du 'dzin par gyur nas/ 'ga' yang phyin chad 'dod chan dang / zhe sdang dang / gti mu dang / khro ba dang / za ba dang / 'chab pa gnod sems dang / rnam par gnod pa med cing thams cad kyang sems kyi sgrib pa dang bral la/ lus rab tu sim zhing nyon mong pa thams cad dang bral ba gyur na/ bu mo zla mchog de la mdang sring mo dang / ston pa lta bur sdug par gyur cing phyag byas te/ ji ltar thogs pa'i me tog dang / bdug spos dang / spos dang / me tog 'phreng dang / byug pa de dag gis kyang mngon par gtor ro/ / gtor ma thag tu sangs rgyas kyi mthus de nas de'i mod la me tog de dag me tog gi gdugs dpag tshad phyed tsam pa zhig tu gyur te// de bzhin gshegs pa'i sku de'i dbu'i gtsug gi drang zad kyi steng na 'dug par gyur to/ / de nas bu mo zla mchog par snang de las babs te/ sor bzhi tsam gyis sa la ma reg par nam mkha' la 'chag bzhin du yangs pa can gyi grong khyer chen po nas byung ngo / / de'i rkang pa bzhag pa dang / bteg pa thams cad du sa chen po rab tu g.yos pa dang / yangs pa can gyi grong khyer chen po'i srog chags brgyad khri bzhi stong tham pa yang bu mo zla mchog song ba'i phyir bzhin 'brang bar gyur to/ / de nas tshe dang ldan pa shA ra dwa ti'i bu dge slong lnga brgya tsam dang lhan cig tu snga dro'i dus kyi tshe/ sham thabs dang chos gos bgos te/ lhung bzed thogs nas bsod snyoms

  604. 303a

    kyi phyir/ yangs pa can gyi grong khyer chen por zhugs pa dang / nyan thos chen po de dag gis bu mo zla mchog skye bo phal po ches yongs su bskor cing rgyang ring po nas 'ong ba mthong ngo // mthong nas kyang tshe dang ldan pa shA ra dwa ti'i bus tshe dang ldan pa 'od srungs chen po la 'di skad ces smras so// tshe dang ldan pa 'od srungs chen po bu mo zla mchog 'di ni bcom ldan 'das kyi spyan sngar 'gro na/ bdag cag g-i 'di ci bzod pa thob pa zhig gam/ 'o na te ma yin zhes shes par byas/ dri ba 'aka' zhig yongs su dri bar bya 'am zhes// de nas tshe dang ldan pa shA ra dwa ti'i bu dge slong de dag dang lhan cig tu bu mo zla mchog ga la ba der song ste phyin nas/ bu mo zla mchog la 'di skad ces smras so// bu mo khyod kar 'gro/ bu mos smras pa/ btsun pa shA ra dwa ti'i bu gang 'di skad du bu khyod gar 'gro zhes gsung ba ni gnas brtan/ gang du bzhud pa de nyid du bdag kyang mchi lags so// shA ra dwa ti'i bus smras pa/ bu mo kho bo ni yangs pa can du 'jug la/ khyod ni yangs pa can nas 'byung na/ 'o na khyod 'di skad du gnas brtan gang du bzhud pa de nyid du bdag kyang mchi lags so/ / zhes zer ba de ji ltar rigs par 'gyur/ bu mos smras pa/ btsun pa shA ra dwa ti'i bu khyed zhabs gang nas 'deg cing gang du 'jog par mdzad lags shA ra dwa ti'i bus smras pa/ bu mo kho bo ni rkang pa nam mkha' las 'deg cing / nam mkha' nyid la 'jog par byed do// bu mos smras pa/ btsun pa shA ra dwa ti'i bu bdag kyang suM pa nam mkha' las

  605. 303b

    zhe' de gcing / nam mkha' nyid la 'jog par bgyid de/ nam mkha'i khams la ni tha dad pa cung zad kyang ma mchis pas/ btsun pa shA ra dwa ti'i bu/ de'i slad du bdag gis 'di skad ces khyod gang du bzhud pa/ bdag kyang mchi lags so// zhes smras so// btsun pa shA ra dwa ti'i bu khyod gar gshegs/ shA ra dwa ti'i bus smras pa/ bu mo kho bo ni mya ngan las 'das par 'gro'o// bu mos smras pa/ btsun pa shA ra dwa ti'i bu chos thams cad mya ngan las 'das pa mchi ba lags pas/ bdag kyang der mchi ba lags sam/ shA ra dwa ti'i bus smras pa/ bu mo gal te chos thams cad yongs su mya ngan las 'das par 'gro ba yin na/ 'o na khyod ci'i phyir yongs su mya ngan las 'das par mi 'gro/ bu mos smras pa/ btsun pa shA ra dwa ti'i bu yongs su mya ngan las 'das par mchi ba yongs su mya ngan las mi 'da' zhing // yongs su mya/ ngan las 'das par mchi ba la ni skye ba dang / 'jig pa yang ma mchis la yongs su mya ngan las 'das par mchi ba la ma gtogs par gang yang yongs su mya ngan las 'da' bar 'gyur ba 'gar yang ma mchis lags so/ / de ci'i slad du zhe na/ yongs su mya ngan las 'das par mchi ba nyid yongs su mya ngan las 'das pa lags pa'i slad du'o// de skad ces smras pa dang / tshe dang ldan pa shA ra dwa ti'i bus bu mo zla mchog la 'di skad ces smras so/ / bu mo 'o na ci khyod nyan thos kyi theg pa la yang dag par zhugs pa yin nam 'on te rang sangs rgyas kyi theg pa la yang dag par zhugs pa yin nam// 'on te theg

  606. 304a

    pa chen po la yang dag par zhugs pa yin nam/ bu mos smras pa/ bdun pa shA ra dwa ti'i bu gang 'di skad du/ khyod thegs gang la yang dag par zhugs pa yin zhes gsung ba ni/ btsun pa shA ra dwa ti'i bu de'i slad du de khyod nyid la zhus/ khyod kyis ji ltar bzod pa de bzhin du lan gdab tu gsel/ btsun pa shA ra dwa ti'i bu khyod kyis rtogs pa'i chos gang lags pa'i chos de ci nyan thos kyi theg pa la yang dag par zhugs pa zhig lags sam/ rang sangs rgyas kyi theg pa la yang dag par zhugs pa zhig lags sam/ theg pa chen po la yang dag par zhugs pa zhig lags/ shA ra dwa ti'i bus smras pa/ bu mo de ni ma yin no// de ci'i phyir zhe na/ chos de la ni rnam par rtog pa'am/ spros pa 'ga' yang med la/ tha dad pa nyid kyang ma yin/ gcig pa nyid kyang ma yin sna tshog nyid kyang ma yin pa'i phyir ro/ / bu mos smras pa/ btsun pa shA ra dwa ti'i bu de'i slad du rnam par rtog pa ma mchis pa dang / spros pa ma mchis pa'i chos thams cad dang // tha dad du dbyer ma mchis pa'i chos thams cad la ni gang gnas par 'gyur ba'am yongs su mya ngan las 'das par 'gyur ba'i chos de dmigs su ma mchis lags so/ / shA ra dwa ti'i bus smras pa/ bu mo khyod kyi spobs pa ni ngo mtshar na/ gzhan yang khyod kyis de bzhin gshegs pa ji snyed cig la bsnyen bkur byas/ bu mos smras pa/ btsun pa shA ra dwa ti'i bu gang 'di skad ces khyod kyis de bzhin gshegs pa ji snyed cig la bsnyen bkur byas

  607. 304b

    shes gsung ba ni/ de bzhin nyid dang chos kyi dbyings ji snyed pa la'o// shA ra dwa ti'i bus smras pa/ bu mo de bzhin nyid dang chos kyi dbyings kyang ji snyed cig yin// bu mos smras pa// btsun pa shwa ra dwa ti'i bum rig pa dang srid pa'i sred pa ji snyed pa'o/ / shA ra dwa ti'i bus smras pa/ bu mo ma rig pa dang srid pa'i sred pa yang ji snyed cig yin/ bu mos smras pa/ btsun pa shA ra dwa ti'i bu sems can gyi khams ji snyed pa'o// shA ra dwa ti'i bus smras pa/ bu mo sems can gyi khams kyang ji snyed cig yin/ bu mos smras pa/ btsun pa shA ra dwa ti'i bu 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi yul ji snyed pa'o/ / shA ra dwa ti'i bu'i smras pa/ bu mo khyod kyi/ ci zhig lan brtag pa yin/ bu mos smras pa/ btsun pa shA ra dwa ti'i bu gnas brtan gyis gang yongs su dris pa de nyid kyi lan bdag gri btab lags so/ / shA ra dwa ti'i bus smras pa/ bu mo kho bos ci zhig yongs su dris/ bu mos smras pa/ btsun pa shA ra dwa ti'i bu yi ge gang dag yongs su dris pa de dag nyid nges par bstan lags so/ / shA ra dwa ti'i bus smras pa/ bu mo yi ge rnams ni rang bzhin gyis 'gags pa ste/ gdags su med pa yin pas de dag ni nges par bstan par mi nus so// bu mos smras pa btsun pa shA ra dwa ti'i bu de bzhin du skye ba ma mchis pa dang / 'gag pa ma mchis pa dang / mtshan nyid ma mchis pa'i chos thams cad la yang gang gis yongs su dris pa dang / gang gis lan btab pa de gnyis

  608. 305a

    ka yang dmigs su ma mchis lags so/ / shA ra dwa ti'i bus smras pa/ bu mo 'di ltar khyod ni bzod pa thob cing / byang chub sems dpa'i rnam par dag par yod pa kho na yin pas/ khyod ni ring por mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / bu mos smras pa// btsun pa shA ra dwa ti'i bu byang chub ces bgyi ba de yang spros pa lag so/ / mngon par rdzogs par 'tshang rgya bar 'gyur ro// zhes bgyi ba de yang spros pa lags so// nye ba zhes bgyi ba 'am/ ring ba zhes bgyi ba de yang spros pa lags so// btsun pa shA ra dwa ti'i bu/ gang 'di skad ces khyod ni ring por mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes gsungs pa ni/ btsun pa shA ra dwa ti'i bu bla na med pa yang dag par rdzogs pa'i byang chub ni/ skye ba ma mchis pa/ 'gag pa ma mchis pa/ chad pa ma mchis pa/ rtag pa ma mchis pa/ don cig pa ma lags pa/ don tha dad pa ma lags pa/ 'ong ba ma mchis pa/ 'gro ba ma mchis pa/ brjod du ma mchis pa/ 'byung ba ma mchis pa/ rang bzhin ma mchis pa lags pas/ de la ni gang mngon par rdzogs par 'tshang rgya bar 'gyur ba 'ga' yang dmigs su ma mchis lags so// de ci'i slad du zhe na/ byang chub ni gnyis kyi mtshan nyid ma lags pa/ ste/ byang chub ni gnyis su ma mchis shing / gnyis dang bral ba lags pa'i slad du'o// de nas tshe dang ldan pa shA ra dwa ti'i bus/ bu mo zla mchog la 'di skad ces smras so// bu mo khyod de bzhin gshegs

  609. 305b

    pa'i spyan sngar song shig dang / kho bo cag kyang chos mnyan pa'i phyir der 'dong ngo // de nas gnas brtan shA ra dwa ti'i bu la/ bu mo zla mchog gis 'di skad ces smras so// btsun pa sha ra dwa ti'i bu de bzhin gshegs pa ni nyan mtshal ba/ rnams la chos ston par mi mdzad lags so// shA ra dwa ti'i bus smras pa/ bu mo bo na de bzhin gshegs pa su dgal chos ston par mdzad/ bu mos smras pa/ btsun pa shA ra dwa ti'i bu gang dag nyan par bgyid kyang / das bar mi bgyid/ mngon par dga' bar mi bgyid pa rnams la'o// shA ra dwa ti'i bus smras pa/ bu mo sems can mang po dag chos mnyan pa'i phyir de bzhin gshegs pa'i spyan sngar 'dong zhing / de bzhin gshegs pa yang de dag la chos ston par mi mdzad dam/ bu mos smras pa/ btsun pa shA ra dwa ti'i bu de bzhin gshegs par 'du shes shing chos la ngar 'dzin pa la gnas pa'i sems can rnams ni 'di snyam du 'di ni de bzhin gshegs ba steDabadag cag la chos ston par mdzad pa'o/ / 'di ni chos bstan par bgyi ba'o snyam du sems lags kyi/ chos kyi dbyings rtogs pa rnams ni 'di ltar de bzhin gshegs pa'am/ chos sam/ bstan pa zhes bgyi bar sems pa ma mchis lags so/ / de nas gnas brtan 'od srungs chen pos gnas brtan shA ra dwa ti'i bu la 'di skad ces smras so// tshe dang ldan pa shA ra dwa ti'i bu 'di lta bu'i spobs pa dang ldan pa'i bu mo 'di de bzhin gshegs pa'i spyan sngar 'gro bas na/ der ni chos bstan pa chen po yang 'byung bar 'gyur bas/ bdag cag zan bcad de phyir log na ni'o bu cag la legs kyi/ bdag cag chos mnyan pa de lta bu las

  610. 306a

    phyir rol tu gyur na ni ma yin no/ / de nas nyan thos chen po de dag phyir phyogs te/ de nyid nas phyir log par gyur to// de nas bu mo zla mchog tshal chen po'i khang pa bcom ldan 'das gal ba der song ste/ phyin nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ ji ltar thogs pa'i me tog dang / bdug spos dang / spos dang / me tog 'phreng dang / byug pa dang / phye ma dang / na bza' dang / gdugs dang rgyal mtshan dang / 'dan dag gis bcom ldan 'das la mngon par gtor to// mngon par rab tu gtor to// skye bo phal po che de dag gis kyang ji ltar thogs pa'i me tog dang / bdug spos dang / spos dang / me tog 'phreng dang / byug pa dag gis bcom ldan 'das la mngon par gtor to// gtor ma thag tu de nas de'i mod la me tog de dag me tog gi gdugs rgyar dpag tshad bcu tsam pa zhig tu gyur te/ bcom ldan 'das kyi dbu'i gtsug gi drang zad kyi steng na 'dug par gyur to// de nas 'jam dpal gzhon nur gyur pas/ bu mo zla mchog la 'di skad ces smras so// bu mo khyod gang nas shi 'phos te 'dir 'ongs/ 'di nas sho 'phos nas ni gang du 'gro bar 'gyur/ bra mos smras pa/ 'jam dpal 'di ji snyam du dgos gang bdag gi sug pa g.yas pa na/ de bzhin gshegs pa'i sku pad+ma la bzhugs pa 'di gang nas shi 'phos te 'dir byon la/ 'di nas shi 'phos nas ni/ gang du skye bar 'gyur snyam/ 'jam

  611. 306b

    dpal gyis smras pa/ bu mo 'di ni sprul pa ste/ sprul pa la ni 'chi ba po yang med la skye ba yang med do// bu mos smras pa/ 'jam dpal bdag gis kyang de bzhin du sprul pa'i rang bzhin gyi chos thams cad/ la gang 'chi 'pho ba 'am/ skye ba de ma mthong lags so// de nas byang chub sems dpa' mthong ba don yod kyis bu mo zla mchog la 'di skad ces smras so// bu mo bud med kyi lus kyis ni byang chub mngon par rdzogs par 'tshang rgya bar mi nus na/ khyod ci'i phyir bud med kyi lus sbyar bar mi byed/ bu mos smras pa/ rigs kyi bu chos thams cad ni stong pa nyid kyi mtshan nyid lags pas/ stong pa nyid la ni ldog pa dang 'gyur ba ma mchis lags so/ / de nas byang chub sems dpa' sa 'dzin gyis bu mo zla mchog la 'di skad ces smras so// bu mo khyod kyis de bzhin gshegs pa mthong ngam/ bu mos smras pa/ rigs kyi bu ji ltar de bzhin gshegs pa'i sku 'dis gzigs pa ltar bdag gis kyang de bzhin gshegs pa mthong lags so// byang chub sems dpa' spobs pa brtsegs kyis smras pa/ bu mo khyod chos kyi gtam la spobs par gyis shig/ bu mo smras pa/ rigs kyi bu chos kyi dbyings la ni brjod par bgyi ba dang / rab tu brjod par bgyi ba ma mchis la/ chos kyi dbyings ni yi ger bgrang ba yang ma lags so// byang chub sems dpa' spobs pa thogs pa med pas smras pa/ bu mo khyod kyis sngon gyi de bzhin gshegs pa rnams kyi spyan sngar chos ji lta bu zos/ bu mos smras pa/ rigs kyi bu de'i slad du steng du gzigs shig/

  612. 307a

    dang bar snang ci dra bar de bzhin gshegs pa yang de 'dra la/ de bzhin gshegs pa ci 'dra bar chos bstan pa da kyang de 'dra/ nyan pa nyid kyang de 'dra ste/ rigs kyi bu chos thams cad ni nam mkha'i mtshan nyid de lta bu lags so/ / byang chub sems dpa' nam mkha' mdzod kyis smras pa/ bu mo khyod kyis sngon gyi de bzhin gshegs pa dag la ji ltar sbyin pa byin zhing / ji ltar yongs su bsngos/ bu mos smras pa/ rigs kyi bu 'di lta ste dper bgyi na/ de bzhin gshegs pa'i sprul pa zhig gis sangs rgyas la sogs pa dge slong gi dge 'dun la sbyin pa zhig phul bar gyur na/ de la rgyu ba ji lta bu zhig 'byung bar 'gyur lags/ smras pa bu mo sprul pa la ni rgyu ba 'ga' yang 'byung ba med do// bu mos smras pa/ rigs kyi bur dag gis kyang sngon gyi de bzhin gshegs pa dag la de ltar sbyin pa byin zhing yongs su bsngo ba lags so/ / byang chub sems dpa' thogs med sems kyis smras pa/ bu mo khyod sems can rnams la ji ltar byams pas khyab par byed/ bu mos smras pa/ rigs kyi bu sems can de dag ji lta ba kho na bzhin du'o/ / smras pa/ bu mo sems can de dag kyang ji lta bu yin/ smras pa/ rigs kyi bu 'das pa yang ma lags/ ma 'ongs pa yang ma lags/ da ltar byung ba yang ma lags la/ sems de yang 'das pa yang ma lags/ ma 'ongs pa yang ma lags/ da ltar byung ba yang ma lags pas/ byams pasgom pa de ni 'di 'dra'o zhes gdags par rngo ma thog lags so// byang chub sems dpa' mchog tu

  613. 307b

    dga' ba'i rgyal pos smras pa bu mo khyod kyis chos kyi mig thob 'am/ bu mos smras pa/ rigs kyi bu bdag gis sha'i mig kyang ma thob lags na/ chos kyi mig lta thob par ga la 'gyur/ byang chub sems dpa' blo gros brtan pas smras pa/ bu mo khyod yun ji srid cig nas bla na med pa yang dag par rdzogs pa'i byang chub la yang dag par zhugs/ bu mos smras pa/ rigs kyi bu yun ji srid cig nas/ smig rgyu la chu yang dag par zhugs pa'i yun de srid nas/ bdag kyang byang chub la yang dag par zhugs lags so// de nas byang chub sems dpa' byams pas/ bu mo zla mchog la 'di skad ces smras so// bu mo khyod yun ji srid cig gis bla na med pa yang dag par rdzogasa'i byang chub mngon par rdzogs par 'tshang rgya bar 'gyur// bu mos smras pa/ yun ji srid cig gis byang chub sems dang 'byams pa so so'i skye bo'i sa las 'da' bar 'gyur zhing / sangs rgyas kyi sa las kyang 'da' bar 'gyur ba de srid kyis lags so// de nas bcom ldan 'das la tshe dang ldan pa shA ra dwa ti'i bus 'di skad ces gsol to// bcom ldan 'das 'di/ ltar sring mo 'di gtso bo chen po/ go cha chen po bgos pa/ 'di ltar dag dang lhan cig yang dag pa smras yang 'jigs par mi bgyid/ dman par mi bgyid pa ni bu mo 'di'i spobs pa ngo mtshar lags so// de nas tshe dang ldan pa shA ra dwa ti'i bral bu mo zla mchog gis 'di skad ces smras so// btsun pa shA ra dwa ti'i bu 'di lta ste dper bgyin/ zhugs ni ji tsam du chung yang sreg pa'i ngo bo nyid lags pas/

  614. 308a

    ji tsam du nye bar len pa rnyed pa de tsam du sreg par bgyid lags so// btsun pa shA ra dwa ti'i bu de bzhin du/ byang chub sems dpa' rnams kyang de bzhin gshegs pa thams cad kyi bgrod pa tha dad du dbye ba cung zad kyang ma mchis pas/ de dag thams cad bdag dang gzhan dag gi nyon mongs pa thams cad sreg pa'i slad du nye bar gnas pa lags so// shA ra dwa ti'i bus smras pa/ bu mo byang chub thob na khyod kyi sangs rgyas kyi zhing ci 'dra bar 'gyur/ bu mos smras pa/ btsun pa shA ra dwa ti'i bu bdag gi sangs rgyas kyi zhing ni/ sangs rgyas kyi zhing gang gnas brtan shA ra dwa ti'i bu ci 'dra ba de 'dra ba'i sems can dman pa lamos pa/ shes rab chung ba gzhan gyi don la mi lta ba/ nyan thos kyi theg pa la yang dag par zhugs pa dag gi ming yang grag par mi 'gyur ba de lta bur 'gyur lags so// shA ra dwa ti'i bus smras pa bu mo gang khyod 'di skad ces chos kyi dbyings ni gcig go/ / de bzhin nyid ni gcig go// zhes zer na 'o na ci khyod kyis nyan thos rnams ni dman pa nyid yin la/ ci sangs rgyas rnams ni lhag pa yin par yang dag par rjes su mthong ngam/ bu mos smras pa/ btsun pa shA ra dwa ti'i bu 'di lta ste/ dper bgyin pa glang gi rjes kyi chab gang lags pa dang / rgya mtsho chen po gang lags pa'i chab de dag la ni bye brag cung zad kyang ma mchis lags mod kyi/ 'on kyang ba glang gi rjes la ni rgya mtsho chen po ltar sems can tshad ma mchis padag gi go skabs ma mchis pa lags so// btsun pa shA ra dwa ti'i bu de bzhin du de bzhin gshes

  615. 308b

    pa rnams dang / nyan thos rnams kyang chos kyi dbyings gcig las nges par 'byung ba lags mod kyi/ 'on kyang nyan thos rnams kyis ni de bzhin gshegs pa dag ltar sems can tshad ma mchis grang ma mchis/ pabadag gi don bgyid par rngo mi thog lags so// btsun pa shA ra dwa ti'i bu 'di lta ste dper bgyin/ yungs 'bru'i khongs su chud pa'i nam mkha'i khams gang lags pa dang / phyogs bcu'i 'jig rten gyi khams thams cad kyi khongs su chud pa'i nam mkha'i khams gang lags pa'i nam mkha'i khams de dag la ni bye brag cung zad kyang ma mchis lags mod kyi/ 'on kyang yungs 'bru'i khongs su chud pa'i nam mkha' la ni phyogs khongs su chud pa'i nam mkha' ltar grong khyer dang / yul 'khor dang rgyal po'i pho brang dag rab tu mi gnas shing kun tu mi gnas la/ ri'i rgyal po ri rab dag kyang ma mchis rgya mtsho chen po dag kyang ma mchis lags so/ / btsun pa shA ra dwa ti'i bu de bzhin du/ de bzhin gshegs pa rnams dang / nyan thos rnams kyang stong pa nyid dang / mtshan ma ma mchis pa dang // smon pa ma mchis pa gcig las nges par byung pa lags mod kyi/ 'on kyang nyan thos rnams kyi ni de bzhin gshegs pa dgra bcom pa yang dag par rdzogs pa'i sangs rgyas dag ltar sems can tshad ma mchis grangs ma mchis pa dag gi don bgyid par rngo mi thog lags so/ / shA ra dwa ti'i bus smras pa/ bu mo sangs rgyas rnams dang / nyan thos rnams kyi rnam par grol ba gcig pa ma yin nam/ bu mos smras pa/ btsun pa shA ra dwa ti'i bu gang 'di skad ces sangs r+b+barnam+ba dang

  616. 309a

    nyan thos rnams kyi rnam par grol ba gcig go zhes gsung ba ni skur pa 'debs pa lags so/ / shA ra dwa ti'i bus smras pa/ bu mo ci'i phyir/ bu mos smras pa/ btsun pa shA ra dwa ti'i bu de'i slad du de khyod nyid la yongs su zhus/ khyod kyis ji ltar brjod pa de bzhin du lan gdab tu gsol/ gang gi tshe btsun pa shA ra dwa ti'i bu'i sems rnam par grol ba de'i tshe/ ji ga stong gsum gyi stong chen po'i 'jig rten gyi khams lag mthil ltar mnyam par kun tu gnas par gyur lags sam/ jig shing ljon pa dang ri thams cad kyis khyod logs su mngon par phyogs te btud mngon par btud/ mngon par rab btud lags sam/ ji gangan song thams cad rab tu zhi bar gyur lags sam/ ji ga sems can thams cad nyon mongs pa dang bral bar 'gyur lags sam/ ji ga stong gsum gyi stong chen po'i 'jig rten gyi khams 'og tu mnar ma mchis pa la thug pa yan chad dang / steng du 'og min gyi gnas kyi mthar thug pa'i bar dag 'od gzer gyi kha dog lta bus snang bar gyur lags sam/ ji ga lha thams cad kyis phyag bgyis lags sam/ dzi ga bdud kyis sa dang nam mkha' dpag tshad sum cu tshun chad dpung gis khyab par bgyis te mchis par gyur lags sam/ jig sems kyi skad cig gcig dang ldan pa'i shes rab kyi rnam par grol lags sam/ ji ga khyod byang chub pa dang dus gcig kho nar bdud thams cad nges par bcom lags sam/ shA ra dwa ti'i bus smras pa/ bu mo khyod kyis kho bo la ji skad

  617. 309b

    smras pa de dag las de'i rgyu gcig tsam yang ma byung ngo / / bu mos smras pa/ btsun pa shA ra dwa ti'i bu byang chub sems dpa' byang chub kyi snying po dam pa la gnas pa la ni yon tan gyi khyad par de dag dang gzhan yang dpag tu ma mchis pa dag byung bar gyur pas na/ btsun pa shA ra dwa ti'i bu de bzhin gshegs pa'i rnam par grol ba dang / nyan thos kyi rnam par grol ba'i khyad par ni de lags so// de nas bcom ldan 'das kyis bu mo zla mchog la legs shes bya ba byin te/ bu mo legs so legs so// bu mo khyod de skad ston pa ni yang khyod legs so// de nas sangs rgyas kyi mthus bu mo zla mchog gi lag pa g.yas par de bzhin gshegs pa'i sku pad+ma la bzhugs pa byung bar gyur pa gang yin pa de/ pad+ma'i gdan de las mngon par 'phags te/ bcom ldan 'das la lan gsum bskor ba byas nas/ bcom ldan 'das nyid kyi sku lte ba'i khung du zhugs so// de nas de'i mod la sangs rgyas kyi mthus sa chen po rab tu g.yos par gyur cing / bcom ldan 'das kyi spu'i khung bu thams cad nas pad+ma gser gyi mdog tu snang ba/ sdong bu rnams ni gser/ 'dab ma rnams ni dngul/ snying po rnams ni rin po che dpal gyi snying po las grub pa dag byang bar gyur to// pad+ma de dag la yang de bzhin gshegs pa'i sku mtshan gyis legs par brgyan pa/ pad+ma bzhugs pa dag kun tu snang bar gyur cing / de bzhin gshegs pa'i sku de dag kyang phyogs bcu'i 'jig rten gyi khams mtha' yas

  618. 310a

    mu med pa dag tu gshegs te sangs rgyas med pa'i 'jig rten gyi khams dag na chos ston par kun tu snang zhing / 'di lta ste/ sangs rgyas kyi mthus chos bstan pa de dag kyang 'dir kun tu grag go/ de nas bu mo zla mchog gis de lta bu'i cho 'phrul chen po mthong nas dga' zhing mgu la yi rangs te/ rab tu dga' zhing dga' ba dang / yid bde ba skyes nas/ des lag pa kas pa na thogs par gyur pa'i pad+ma gang yin pa de/ bcom ldan 'das ga la ba de logs su 'phangs so// 'phangs ma thag tu pad+ma de me tog gi khang pa brtsegs pa kru ba ni lham pa/ kab+da ni zug pa/ cha mnyam pa shin tu rnam par bya ba zhig tu gyur te/ bcom ldan 'das kyi dbu'i gtsug gi drang thad kyi steng gi nam mkha' la 'dug par gyur to// khang pa brtsegs pa der yang khri gdan rkang pa rin po ches smras pa lha'i ras bcos bu 'bum phrag du ma gting ba zhig byung bar gyur to/ / khri gdan de la bcom ldan 'das de bzhin gshegs pa shAkya thub pa ci 'dra ba de 'dra ba'i de bzhin gshegs pa'i sku zhig bzhugs par yang kun tu snang ngo / / des pad+ma de 'phangs nas bcom ldan 'das la 'di skad ces gsol to// bcom ldan 'das bdag dge ba'i rtsa ba 'dis ngar 'dzin pa dang / nga yir 'dzin pa la gnas pa'i sems can rnams lang ra 'dzin pa dang / nga yir 'dzin pa spang ba'i slad du chos ston par gyur cig/ yang sangs rgyas kyi mthus/ de'i lag par pad+ma gnyis pa zhig byung bar gyur pa dang / des de yang bcom ldan

  619. 310b

    'das ga la ba de logs su 'phangs so/ / 'phangs ma thag tu pad+ma de yang bcom ldan 'das kyi steng du pad+ma'i khang pa brtsegs pa gnyis pa zhig tu gyur pa dang / des tshig 'di skad ces kyang gsol to// bcom ldan 'das bdag dge ba'i rtsa ba 'dis 'jig tshogs la lta ba dang 'bral ba'i sems can rnams la/ 'jig tshogs la lta ba spangs pa'i slad du chos ston par gyur cig/ yang sangs rgyas kyi mthus de'i lag pa pad+ma gsum pa zhig byung bar gyur pa dang / des de yang bcom ldan 'das ga la bde logs su 'phangs so// 'phangs ma thag tu pad+ma de yang bcom ldan 'das kyi steng du pad+ma'i khang pa brtsegs pa gsum pa zhig tu gyur pa dang / tshig 'di skad ces kyang gsol to// bcom ldan 'das bdag dge ba'i rtsa ba 'dis rtog pa dang / rnam par rtog pa dang / yongs su rtog pa dang / 'dod chags dang / zhe sdang dang gti mug spang ba'i slad du sems can rnams la chos ston par gyur cig/ yang sangs rgyas kyi mthus de'i lag par pad+ma bzhi pa zhig byung bar gyur pa dang / des de yang bcom ldan 'das ga la ba de logs su'aphangs so/ / 'phangs ma thag tu pad+ma de yang bcom ldan 'das kyi steng du pad+ma'i khang pa brtsegs pa bzhi pa zhig tu gyur pa dang / tshig 'di skad ces kyang gsol to// bcom ldan 'das bdag dge ba'i rtsa ba 'dis byon tse log pazhi spang ba'i slad du/ sems can rnams la chos ston par gyur cig/ yang sangs rgyas kyi mthus de'i lag par pad+ma lnga pa zhig byung bar gyur pa dang / des de yang bcom

  620. 311a

    ldan 'das ga la bde logs su 'phangs so/ / 'phangs ma thag tu pad+ma de yang bcom ldan 'das kyi steng du pad+ma'i khang pa brtsegs pa lnga pa zhig tu gyur pa dang / tshig 'di skad ces kyang gsol to/ / bcom ldan 'das bdag dge ba'i rtsa ba 'dis sgrib pa lnga dang ldan pa'i sems can rnams la sgrib pa lnga spang ba'i slad du chos ston par gyur cig/ yang sangs rgyas kyi mthus de'i lag par pad+ma drug pa zhig byung bar gyur pa dang / des de yang bcom ldan 'das ga la ba de logs su 'phangs so// 'phangs ma thag tu pad+ma de yang bcom ldan 'das kyi steng du pad+ma'i khang pa brtsegs pa drug pa zhig du gyur pa dang / tshig 'di skad ces gsol to// bcom ldan 'das bdag dge ba'i rtsa ba 'dis skye mched drug la rten pa'i sems can rnams la sems can rnams// skye mched drug yongs su 'tshal bar bgyi ba'i slad du chos ston par gyur cig/ yang sangs rgyas kyi mthus de'i lag par pad+ma bdun pa zhig byung bar gyur pa dang / des de yang bcom ldan 'das ga la bde logs su 'phangs so// ra phangs ma thag tu pad+ma de yang bcom ldan 'das kyi steng du pad+ma'i khang pa brtsegs pa bdun pa zhig tu gyur pa dang / tshig 'di skad ces gsol to// bcom ldan 'das bdag dge ba'i rtsa ba 'dis rnam par shes pa gnas pa bdun dang ldan pa'i sems can rnams la rnam par shes pa gnas pa bdun yongs su 'tshal bar bgyi ba'i slad du chos ston par gyur cig/ yang sangs rgyas kyi mthus// de'i lag par pad+ma brgyad pa zhig byung bar

  621. 311b

    gyur pa dang / des de yang bcom ldan 'das ga la ba de logs su 'phangs so// 'phangs ma thag tu pad+ma de yang bcom ldan 'das kyi steng du pad+ma'i khang pa brtsegs pa brgyad pa zhig tu gyur pa dang / tshig 'di skad ces kyang gsol to/ / bcom ldan 'das bdag dge ba'i rtsa ba 'dis log pa nyid brgyad la nges pa'i sems can rnams la log pa nyid brgyad nges par spang ba'i slad du chos ston par gyur cig/ yang sangs rgyas kyi mthus de'i lag par pad+ma dgu pa zhig byung bar gyur pa dang / des de yang bcom ldan 'das ga la bde logs su 'phangs so// 'phangs ma thag tu pad+ma de yang bcom ldan 'das kyi steng du pad+ma'i pa brtsegs pa dgu pa zhig tu gyur pa dang / tshig 'di skad ces kyang gsol to// bcom ldan 'das bdag dge ba'i rtsa ba 'dis kun nas mnar sems kyi dngos po dgu la gnas pa'i sems can rnams la// kun nas mnar sems kyi dngos po dku spang ba'i slad du chos ston par gyur cig/ yang sangs rgyas kyi mthus de'i lag par pad+ma bcu pa zhig byung bar gyur pa dang / des de yang bcom ldan 'das ga la ba de logs su 'phangs so/ / 'phangs ma thag tu pad+ma de yang bcom ldan 'das kyi dngu'i btsug gi drang zad kyi steng du pad+ma'i khang pa brtsegs pa bcu pa zhig tu gyur pa dang / tshig 'di skad ces kyang gsol to// bcom ldan 'das bdag dge ba'i rtsa ba 'dis ji ltar dkar bcom ldan 'dra phyogs bcur snang bas khyab par mdzad pa ltar stobs bcu dang ldan pa'i sangs rgyas su gyur cig/ de nas pad+ma'i khang pa brtsegs pa de

  622. 312a

    dag gong nas gong du brtsegs pa'i phang gis tshangs pa'i 'jig rten gyi mthar thug par gyur to/ / de'i tshe nas bla ba'i lha yan chad nas tshangs ris kyi bar gyi lha rnams la pad+ma'i khang pa brtsegs pa de dag gis yang dag par bskul nas/ lha bye ba phrag dpag tu med pa dga'adus par gyur to// de nas de'i tshe bcom ldan 'das 'dzum pa mdzad do// 'di ni sangs rgyas bcom ldan 'das rnams kyi chos nyid de gang gi tshe 'dzum pa mdzad pa de'i tshe/ bcom ldan 'das kyi zhal gyi sgo nas 'od gzer kha dog dum/ kha dog sna tshogs kha dog 'bum phrag du ma 'di lta ste sngon po dang ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung ste/ de dag gis 'jig rten gyi khams mtha' yas mu med pa dag snang bas khyab par byas nas tshangs pa'i 'jig rten gyi bar du mngon par 'phags te/ 'od kyi nyi ma dang zla ba'i 'od zil gyis mnan nas phyir log ste/ bcom ldan 'das kyi dbu'i gtsug tu nub bo// de nas tshe/ dang ldan pa kun dga' bo stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsug te/ bcom ldan 'das ga la ba de logs su thal mo sbyar ba btud nas bcom ldan 'das la tshigs su bcad pa'i dbyangs kyis 'dzum pa'i don yongs su nus pa/ mkhyen pa kun la mngon sum spyan mnga' zhing / chos rnams kun la nem nur rnam dag la// 'jig rten

  623. 312b

    / kun dang mi mnyam thugs mnga' ba// rgyal dbang ci slad 'dzum pa rab tu mdzad// khyod kyis mtha' yas dus nas sbyin pa byin// khyod khrims rnam dag nor bu rin chen 'dra// khyod kyis bzod pa'ang mi g.yos lhun po bzhin/ / drang srong chen po ci slad 'dzum pa mdzad// bsam gtan bsnyes shing brtson 'grus stobs ldan pa// gnod bral na dang rga las rnam par grol// rgya mtsho 'dra bar shin tu zab pa'i blo/ thub chen ci slad 'dzum pa rab tu mdzad// byams la gnas shing thugs rjer gnas pa'o// thub pa btang snyoms dang ni dga' la gnas// 'dod chags la sogs 'jigs bsal rab tu ni// thub dbang ci slad 'dzum pa rab tu mdzad/ / khyod spu gcig nas byung ba'i 'od gzer des// phyogs bcu'i 'jig rten mtha' yas khams rnams su// nyi zla myur du mog mog rab mdzad de// gzi brjid zil gyis gnon cing mig kyang rtsol/ / 'gro ba'i mgon gcig khyod gsung rnam par dag/ snyan cing yid 'ong yan lag drug tu ldan// gang dag nyan pa de dag mi ngoms shing // nyon mongs thams cad ma lus zhi bar bgyid// phyogs bcu mtha' yas sems can gang mchis pa'i/ / sems kyi spyod pa du ma gang lags pa// de mkhyen de dag som nyi gcod pa po// rang byung ci slad 'dzum pa rab tu mdzad// deng su'i sems ni byang chub slad du nges/ su zhig sangs rgyas theg pa yangs par zhugs// khyab bdag gang gi yid bsams rab tu grub// thub dbang ci slad 'dzum pa rab tu mdzad// gang gi de ring bdud bzhi pha ma bgyis shing //

  624. 313a

    nyon mongs bdud dang 'chi bdag bdud chen dang // gang gis phung po lha bu mang po'i bdud// pham par bgyis sam ci slad khyod 'dzum mdzad// de ring su zhig don chen yangs 'gyur zhing // su zhig chos lo legs bgyid mi seng ge/ de ring su zhig sgra ni phyogs rnams mchi// thub dbang ci slad 'dzum par rab tu mdzad// kun mkhyen mi dge thams cad rab spangs pa// sems can kun la mtshungs par byams pa po/ / g.yo ba kun dang rtog pa rnam spangs pa// drang srong chen po ci slad 'dzum pa mdzad// de ring su zhig yangs pa chen po 'thob// deng su'i sems kyi smon pa legs 'grub cing / / deng su stobs bcu rnams dang ldan par 'gyur// dgra thul ci slad 'dzum pa rab tu mdzad// mkha' la gnas pa lha klu bye ba dang // gnod sbyin mkha' lding lto 'phye cher bcas dang / / sa la thal sbyar skyes pa bu med rnams// dga' zhing lha mi dbang po zla ba ltar// rdzogs pa'i byang chub sems dpa' mang po no// dam chos 'tshal ba rgya mtsho lta bu dag/ phyogs bcu dag nas lhags pa dgra thul pa// yongs dag thugs mnga' 'dzum don bshad du gsol/ de nas bcom ldan 'das kyis tshe dang ldan pa kun dga' bo la phyir tshigs su bcad da bka' stsal pa/ rang gis rgyal ba'i tshe 'phrul mchog mthong nas// byang chub phyir ni ni chen sems bskyed cing // nga yi mdun na 'al sbyar gang 'dug pa// mdun gyi bu mo mthong ngam kun dga' bo// 'dis

  625. 313b

    ni sngon gyi srid par rtag tu yang / / rgyal ba sum brgya legs par mchod byas shing // ji ltar bdag ni byang chub mchog reg ces// rgyal ba de dag kun la mngon sum zhus/ nam yang lan 'ga' ngan 'gror ma song zhing // 'di ni rtag tu lha mi'i 'jig rten skyes// nam yang byang chub sems ni ma brjed cing // 'chi dus byas kyang rtag tu tshe rabs dran// rgyal ba 'od srungs zhes bya mthong nas ni// khang bzangs steng nas mdzes pa'i lus mchod te/ rgya chen sems kyis 'od srungs de mchod nas// de nas rjes 'thun bzod pa thob par gyur// sangs rgyas 'khor ba 'jig ces mtshan gsol po// de lan bza' dam pa phrug phul bas// de phyir/ 'di yi lus mdog gser 'dra la// mdzes shing dag la zla ba 'dra ba yin// ston pa gser thub ces bya gang yin pa// de la bdug pa spos mchog phul bas na// de'i phyir 'di yi kha dang spu khung nas// ut+pal tsan dan dri dang rab tu byung // gtsug tor zhes bya rkang gnyis mchog de la// 'dis ni mtshan bdun nges par brtags gyur pas// de phyir 'di yi mig mdog mthon thing la// 'gro ba rtog par byed pa ngoms mi 'gyur/ / tshe rab lnga brgya dag tu 'dod spangs shing // tshangs spyod rnam par spyod pa dag byas pas// de phyir chags pas gdungs pas 'di mthong na// de tshe 'dod chags can dag chags bral 'gyur/ / sum cu rtsa gsum gnas nas 'di 'phos te// 'dir lid tse byi khyim ni yangs par skyes// skye dku kun tu tshe rabs dran gyur cing // tshigs bcad dbyangs kyis smra ba'i bya ba shes//

  626. 314a

    pha ma yongs su smin par bya ba dang / de bzhin sems can gnan don byed 'dod cing // la la byang chub phyir ni sems bskyed phyir// de phyir yangs pa'i khyim 'dir rab tu skyes// dud med skyes pa nyid du mdza' bshes dang / / gzhon nu gzhon nu ma dag gdul ba'i phyir// de dag stong phrag drug cu'adi yos ni// sangs rgyas theg pa mchog la yongs smin byas// 'di ni ring po mi thogs bu med kyi/ / lus bsgyur nga yi bstan la rab byung zhing // tshangs spyod dam pa rgya chen spyad byas nas// shi 'phos lha yi 'jig rten 'gro bar 'gyur// lha gnas de nas shi 'phos phyir yang ni// dus mdza'i tshe na chos 'di srungs 'gyur zhing / 'dir yang skye dgu'i don chen byas nas ni// 'di nas phyir yang dga' ldan 'gro bar 'gyur// gang tshe mi 'pham dgra las rgyal ba po// dung gi sras su gyur te 'byung ba'i tshe// de ni bzo don sgyu rtsal bya ba kun/ / shes shing mdzes la yon tan kun ldan 'gyur// srog chags brgya phrag du mas mdun bdar cing // zla ba gsum du rgyal ba de mchod nas// de ni srog chags drug stong sum brgya dang // lhan cig khyim gyi gnas nas 'byung 'gyur zhing / / rgyal ba mi 'pham bzhugs dang 'das pa yin// chos kyi tshul yang kun tu 'dzin par 'gyur// de 'dra'i dbang po de nas shis 'phos nas// bde ba can gyi 'jig rten khams su 'gro/ / blo ldan des ni 'od dpag med pa dang // gzhan yang phyogs bcu mtha' yas bzhugs pa yi// sangs rgyas bye mang kang+gA'i klung gi ni/ bye snyed mthong zhing bsnyen bkur byed par

  627. 314b

    'gyur/ / ting 'dzin mngon shes brtson 'grus stobs thob cing // bskal pa bzangs la gang dag phyis 'byung ba'i// rang byung 'jig rten rnams la phan brtson pa// 'jig rten dgon de dag la'ang bsnyen/ bkur byed// bye mang bskal par de dag mchod byas te// sems can bye mang yongs su smin byas shing // bskal pa bye ba stong phrag brgyad cu na// rgyal ba zla mchog ces ni bya bar 'gyur// zla mchog kang gnyis gtso bo'i mdzod spu nas/ / 'od gzer gser mdog shin tu yid 'ong ba// gang dag 'byung bar 'gyur ba de dag gis// 'jig rten khams de kun tu gsal bar 'gyur// gang phyir 'od kyis 'jig rten de khyab pas/ / nyi zla me dang nor bu'i 'od rnams ni// snang bar mi 'gyur rgyu skar tshogs min zhing // nyin dang mtshan yang bgrang du yod ma yin// de tshe rang sangs rgyas dag yod min zhing // nyan thos rnams med mu stegs can tshogs med/ / mnyam med de yi dge 'dun rnam dag cing // bud med rnam par spangs pa nyid du 'gyur// mi rnams thams cad gser gyi mdog 'dra zhing // bsod nams brgya yi mtshan can bltan sdug/ mngal ni mi gnas 'dod pa mi sten cing // pad+ma'i nang nas rdzus te skye zhing 'byung // rgyal sras rnams kyi tshogs 'byung gang yin pa// de ni bgrang bas rtogs par mi nus shing // thams cad mngon shes thob pa dal spyod dang / / mi skye bzod cing mnyam med chags pa med// de na bdud med dmigs can yod min zhing // bslab pa 'dral med phyogs 'dzin yod ma yin// 'jig rten khams de

  628. 315a

    dag cing dkar ldan gyi/ / nye bar spyod pa'i rnam pa 'dra bar 'gyur// gser dngul mu ti ga dam pa'i dri ma chog gis// spras shing gtsang la dri med langs pa yin// 6 pa de yi sku tshe lo grangs ni/ / stong phrag bye ba bdun cu gsum du 'gyur// ston pa de ni zhi bar gshegs gyur nas// de tshe dam chos bskal pa gcig gnas shing // bzhugs bzhin mya ngan 'das na'ang de yi ni/ / dam chos mdzod la nyams par 'gyur ba med// gal te rgyal ba dang ni zhing de yi// phun sum tshogs pa bskal par brjod byas kyang // rgya mtsho dag las chu thigs gcig bzhin du// dpe yang brjod par 'gyur ba ma yin no// de nas bu mo zla mchog gis/ bcom ldan 'das kyi spyan sngar bdag nyid mngon sum du lung bstan pa thos nas dga' ba dang mchog tu dga' ba de nyid kyis shing ta la bdun srid tsam du nam mkha' la mngon par 'phags so/ / mngon par 'phags ma thag tu bu mo de'i bud med kyi lus 'gyur cing // skyes pa'i lus mngon par grub par gyur pa dang 'jig rten du sa chen po yang rab tu g.yos par 'gyur/ me tog gi char dag kyang rab tu bab// lha dang mi'i sil snyan 'bum phrag du ma dag kyang sgra 'khrol bar 'gyur to// 'jig rten kun tu snang ba chen pos khyab par yang gyur to/ / de nas byang chub sems dpa' zla mchog gis bar snang de nyid la 'dug bzhin du// bcom ldan 'das la tshigs su bcad pa dag gis mngon

  629. 315b

    par bstod pa/ / ri rab g.yo zhing nam mkha' sar lhung la// lhu nas skad cig tsam la 'jig 'gyur zhing // rgya mtsho mig yo dgung zla lhung yang gda'// de bzhin gshegs pa sho be'i tshig mi gsung / / phyogs bcu'i sems can lus rnams gcig 'gyur zhing // zhugs ni chab 'gyur chab ni zhugs 'gyur gda'// mnyam med thub dbang yon tan 'byung ba'i gnas// 'gro la phan bzhed log pa'i tshig mi gsung / bar snang dog sa kun tu 'dzin 'gyur zhing // yungs 'bru'i nang du zhing rgya chud 'gyur la// gser ma zhags pas gzung bar rngo thog gda'// rgyal ba log pa'i tshig ni gsung mi 'gyur/ / de 'drar yang dag de bzhin nyid gsung ba'i// rgyal ba des bdagra byang chub nges bstan cing // gang phyir dog sa kun tu rab g.yos pas// byang chub dam pa thob 'gyur gor ma kum/ / sangs rgyas theg mchog bdag lung bstan pas na// rang 'byung gis ni ji skad gsungs de dang // sngon chad skal brgyar bdag gis gang btsal ba// de ltar bdag gis chos mchog 'khor lo bskor/ / lha mi lha min gnod sbyin dge slong dang // dge bsnyen rnams dang byang chub sems dpa' dag/ thams cad mnyam med mthu stobs ldan pa yi// bde gshegs 'gyur gyis som nyi ma byed cig/ chos 'di thams cad sgyu ma lta bu ste// rgyal ba rnams kyis longs spyod rmi 'dra zhing // bdag med gso ba shed bu 'ga' yang med// sems can srog med gang zag med par gsung/

  630. 316a

    gzod nas ngon nyid kyis chos rnams kun// rang bzhin dag cing ngo ba nyid med de// bdag sngon bud med rang bzhin gyur pa gang // de ni dngos med sog stongs ya sa brla/ / phyi ma'i dngos de'ang stong zhing skad cig ste// dngos med mi g.yo srog dang ya ma brla// rtog dang rnam par rtog pa bral gyur cing // rtog gyur de yang mkha' la bya rjes bzhin// gang zhig mnyam med byang chub 'tshang rgya zhing // thul dka' bdud kyang rab tu gzhom pa dang // stong gsum chen po'i 'jig rten khams su ni// chos kyi 'khor lo dam pa bskor 'dod pa/ des ni brtan par byang chub sems bskyed la// de bzhin gshegs pa rab tu mchod kyis dang // de ni myur du yon tan 'byung ba'i gnas// ston pa rgyal ba sdig med lam rtogs 'gyur// skyes bu'i rtsa la 'phags gsung stan mthar byon pa/ / rgyal ba'i mi mchog gtso la phyag 'tshal lo// dga' mdzad rab dga'i dngos po stsol mdzad pa// thub pa chos dbyig 'byung gnas dbang byuphyag bstod/ / bde ba'i 'byung gnas bde kun rab stsol pa// de bzhin pa gsheg pa bdud kyi tsher ma bkrugs// bstod 'os rnams kyis bstod pa gang zag mchog/ rang byung dbang ldan sred bral bstod par bgyi/ / bdag gis phyogs su bltas na de dag tu// sdig med sangs rgyas brgya grags ma yas mthong // shAkya seng ge ji lta de lta bu// phyogs bcu 'i sangs

  631. 316b

    rgyas de dag bdag lung bstan/ / rgyal ba thams cad chos nyid sangs rgyas gcig/ de bzhin chos kyang de bzhin nyid kyis gcig/ sems can rnams kyang yang dag mthar nges par// gru la bzod 'di mchis pa rgyal bar 'gyur/ de nas byang chub sems dpa' zla mchog gis tshigs su bcad pa de dag smras nas/ bar snang de las babs te/ bcom ldan 'das kyi zhabs gnyis la rab tu gtugs so/ / des rab tu gtugs ma thag tu sangs rgyas 'bum phrag mang po dag kyang snang bar gyur to// sangs rgyas bcom ldan 'das de dag gis kyang de bla na med pa yang dag par rdzogs pa'i byang chub tu lung bstan to/ / des sangs rgyas bcom ldan 'das de dag mngon sum du mthong zhing // bdag nyid lung bstan pa yang thos nas/ dga' zhing mgu la yi rangs ste/ rab tu dga' zhing dga' ba dang / yid bde ba skyes nas/ bcom ldan 'das kyis spyan sngar rab tu 'byung bar gsol ba btab ste/ bcom ldan 'das kyis bdag legs par gsungs pa'i chos 'dul ba rab tu 'byung bar gsol/ bcom ldan 'das kyis bka' stsal pa/ khye'u de'i phyir pha ma dag gnang bar byed du chug shig/ de nas khye'u de'i pha ma dag gis cho 'phrul chen po de mthong zhing / de mngon sum du lung bstan pa yang thos nas 'di skad ces gsol to// bcom ldan 'das bdag cag gis khye'u 'di rab tu 'byung bar gnang

  632. 317a

    lags so/ / bdag cag gis kyang chos de dag slad kyis thob par bgyi lags so// zhes gsol pa dang bcom ldan 'das kyi khye'u de rab tu phyung ngo // de nas khye'u rab tu byung ba dang / srog chags khris kyang bla na med pa yang dag par rdzogs pa'i byang chub tu sems bskyed do// chos kyi rnam grangs 'di bshad pa na lha dang mi khrag khrig phrag bdun chos rnams la chos kyi mig rdul med cing dri ma dang bral ba rnam par dag go/ / dge slong lnga ni len pa med par zag pa rnams las sems rnam par grol lo// sngon byang chub tu sems ma skyed pa'i dge/ slong ma nyis brgya dang / srog chags nyis khris ni bla na med pa yang dag par rdzogs pa'i byang chub tu sems bskyed do// bcom ldan 'das kyis de skad ces bka' stsal nas/ byang chub sems dpa' zla mchog dang / tshe dang ldan pa kun dga' bo dang / byang chub sems dpa' de dag dang / nyan thos chen po de dag dang / thams cad dang ldan pa'i 'khor de dag dang / lha dang / mi dang lha ma yin dang dri zar bcas pa'i 'jig rten yi rangs ste/ bcom ldan 'das kyis gsungs pa la mngon par stod do// 'phags pa bu mo zla mchog lung bstan pa zhes bya ba theg pa chen po'i mdo rdzogs so/ / / rgya gar gyi mkhan po 'dzin mi tra dang / zhu chen gyi lo tsa ba ban d+he ye shes sdes zhus te gtan la phab pa//

  633. 317b

    rgya gar skad du/ Ar+ya bi kur ba rA dza pa ri prid tsha nA ma ma hA yA na sU tra/ bod skad du/ 'phags pa rnam par 'phrul pa'i rgyal pos zhus pa zhes bya ba theg pa chen po'i mdo/ bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong nyi khri'i dge 'dun chen po dang / byang chub sems dpa' byams pa dang / spyan ras gzigs dbang phyug dang / mthu chen thob dang / seng ge'i// blo gros dang / seng ge'i tog dang / seng ge'i rtsal gyis 'gro la sogs pa thams cad kyang skye ba gcig gis thogs pa khri dang yang thabs gcig tu bzhugs te/ byang chub sems dpa' sems dpa' chen po rnam par 'phrul pa'i rgyal po yang de nyid du 'dus par gyur te 'dug go/ / yang de'i bcom ldan 'das 'khor 'bum phrag du ma'i nang na 'di lta ste/ theg pa chen po la yang dag par zhugs pa nyid las brtsams te chos ston to/ / de nas byang chub sems dpa' sems dpa' chen po rnam par 'phral pa'i rgyal po stan las langs te/ bla gos phrag pa gcig tu bzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus

  634. 318a

    nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ / de skad ces gsol pa dang / bcom ldan 'das kyis byang chub sems dpa' rnam par 'phrul pa'i rgyal po la 'di skad ces bka' stsal to// rnam par 'phrul pa'i rgyal po la dri ba lan gdab pa'i phyir/ de bzhin gshegs pas khyod la skabs phyes// rnam par 'phrul pa'i rgyal po khyod ci dang ci 'dod pa dris shig dang / dAs khyod kyi dri ba de dang de'i lung bstan pas/ khyod kyis sems rangs par bya'o// de ltar bcom ldan 'das kyis byang chub sems dpa' rnam par 'phral pa'i rgyal po la skabs phye ba dang / tshim zhing mgu la yi rangs te dga' ba dang / bde ba dang / yid bde ba skyes nas/ bcom ldan 'das la 'di skad ces gsol to// bcom ldan 'das ji ltar na byang chub sems dpa' sems dpa' chen po rnams theg pa chen po la rnam par 'phrul pa dang / theg pa chen po 'di sems can gzhan dag dang / gang zag gzhan dag 'tshal bar bgyid pa dang / rnam par 'phrul pa des kyang bdud thams cad dang / lhag pa'i nga rgyal can thams cad dang phas kyis rgol ba thams cad dang / dmigs par lta ba la mngon babazhen pa tha ma cad tshar bkum na/ theg pa chen po 'di la 'god par bgyid pa dang / smon lam phun sum tshog par 'gyur ba dang / 'di lta ste/ bla na med pa yang dag par rdzog pa'i byang chub la brtul zhug grub pa yongs rdzog par 'gyur ba lagra/ de skad ces gsol pa dang / bcom

  635. 318b

    ldan 'das kyis byang chub sems dpa' rnam par 'phrul pa'i rgyal po la 'di skad ces bka' stsal to/ / rnam par 'phrul pa'i rgyal po legs so legs so// rnam par 'phrul pa'i rgyal po khyod de bzhin gshegs pa la don de lta bu 'dri bar sems pa yang legs so/ / rnam par 'phrul pa'i rgyal po de'i phyir legs par rab tu nyon la yid la zung shig dang / ji ltar na byang chub sems dpa' rnams theg pa chen po 'di la rnam par 'phrul pa dang / theg pa chen po 'di la sems can gzhan dag dang / gang zag dag 'dod par byed pa dang / rnam par 'phrul pa des kyang bdud thams cad dang / lhag pa'i nga rgyal can thams cad dang / phas kyi rgol ba thams cad dang / dmigs par lta ba la mngon par zhen pa thams cad tshar bcad nas/ theg pa chen po 'di la 'god par byed pa dang / smon lam phun sum tshogs par 'gyur ba dang / 'di lta ste/ bla na med pa yang dag par rdzogs pa'i byang chub la brtul zhugs grub par 'gyur ba ngas bshad do// bcom ldan 'das legs so zhes gsol nas/ byang chub sems dpa' rnam par 'phrul pa'i rgyal po bcom ldan 'das kyi lhar nyan pa dang / bcom ldan 'das kyis 'di skad ces bka' stsal to// rnam par 'phrul pa'i rgyal po bzhi po 'di dag ni byang chub sems dpa' rnams kyi rnam par 'phrul pa ste/ bzhi gang zhe na/ 'di lta ste/ tshul khrims kyi rnam par 'phrul pa dang / mngon par shes pa'i rnam

  636. 319a

    par 'phrul pa dang / shes pa'i rnam par 'phrul pa dang / shes rab kyi rnam par 'phrul pa ste/ rnam par 'phrul pa'i rgyal po de bzhi po de dag ni/ byang chub sem dpa' rnams kyi rnam par 'phrul pa'o/ / rnam par 'phrul pa'i rgyal po de la tshul khrims kyi rnam par 'phrul pa gang zhe na/ rnam par 'phrul pa'i rgyal po 'di la byang chub sems dpa' tshul khrims phun sum tshogs pa yin te/ ma ral ba'i tshul khrims dang / ma zhig pa'i tshul khrims dang / ma 'dres pa'i tshul khrims dang / rnyog pa med pa'i tshul khrims dang / dmigs pa med pa'i tshul khrims dang / gnod pa med pa'i tshul khrims dang / ma smad pa'i tshul khrims dang / mi gdung ba'i tshul khrims dang / legs par yongs su bsrung ba'i tshul khrims dang / mkhas pas bsnga pa'i tshul khrims dang / sems can yongs su smin par byed pa'i tshul khrims dang / dam pa'i chos yongs su bsrung ba'i tshul khrims dang / pha rol bde ba dang / mchog tu dga' ba dang / mgu ba'i tshul khrims dang / srid pa'i 'gro ba thams cad du skye ba la mi gnas pa'i tshul khrims dang / zhi gnas la gnas pa'i tshul khrims dang / lhag mthong gi rjes su 'gro ba'i tshul khrims dang / chos zab mo la mos pa'i tshul khrims dang / mngon par shes pa nyams pa med pa'i tshul khrims dang / stong pa nyid dang / mtshan ma med pa dang / smon pa med pa sgom pa'i tshul khrims

  637. 319b

    dang / zhi ba dang / rab tu zhi ba dang / nye bar zhi ba'i tshul khrims dang / sangs rgyas kyi chos sdud cing yang dag par ston pa'i tshul khrims dang / sems can thams cad yongs su mi gtong ba'i tshul khrims dang / byams pas rjes su bsrung ba'i tshul khrims dang / snying rje chen po rtsa bar 'gyur ba'i tshul khrims dang / dag cing dang ba'i tshul khrims dang / spyod lam ma brtags pa'i tshul khrims dang / sbyangs pa'i yon tan dang / yo byad bsnyungs pa la gnas pa'i tshul khrims dang / bsod nams kyi sbyin gnas su gyur pa'i tshul khrims dang / shin tu rnam par dag pa'i tshul khrims dang / de bzhin gshegs pa'i rigs rgyun mi 'chad pa'i tshul khrims dang / chos kyi rigs yongs su srung ba'i tshul khrims dang / 'phags pa'i dge 'dun 'gugs pa'i tshul khrims dang byang chub kyis sems la rab tu gnas pa'i'i tshul khrims dang / pha rol tu phyin pa drug gis nye bar bstan pa'i tshul khrims dang / dran pa nye bar gzhag pa dang / yang dag par spong ba dang rdzu 'phrul gyi rkang pa dang / dbang po dang / stobs dang / byang chub kyi yan lag dang / lam bsgom pa'i tshul khrims dang / byang chub kyi phyogs dang 'thun pa'i chos thams cad yang dag pa sgrub pa'i tshul khrims te/ rnam par 'phrul pa'i rgyal po da ltar tshul khrims phun sum tshogs pa'i byang chub sems dpa' gang smon pa de grub par 'gyur ro// ci zhig smon ce na/ de ltar tshul/

  638. 320a

    @khrims phun sum tshogs pa'i byang chub sems dpa' ni stong gsum gyi stong chen po sreg pa'i bskal pa chen po'i mes rab tu gang zhing 'dug pa la/ gal te byang chub sems dpas me de rab tu zhi bar gyur cig ces smon lam de skad btab na/ me de rab tu zhi zhing med par 'gyur ro// de 'dod na stong gsum po 'di mas yongs su gang bar byin gyis rlob bo// de 'dod na me tog/ gis kun tu bkram par byin gyis rlob bo// de 'dod na thams cad rin po che rang bzhin du byin gyis rlob bo// de 'dod na 'jig rten gyi khams gang+gA'i klung gi bre rnyed dag gi ri'i rgyal po rabade dag thams cad ri rab gcig tu byin gyis rlob bo/ / rnam par 'phrul pa'i rgyal po de ltar tshul khrims phun sum tshogs pa'i byang chub sems dpa' 'did na/ 'jig rten gyi khams gang+gA'i/ klung gi bye ma dag gi rgya mtsho chen po de dag thams cad rgya mtsho chen po gcig tu byin gyis slob bo// de tshul khrims la gnas pa de dang ldan na/ gang smon pa de 'grub cing / gang byin gyis brlabs pade de bzhin du 'gyur ro/ / rnam par 'phrul pa'i rgyal po tshul khrims la gnas pa'i byang chub sems dpa' de ni rnam par 'phrul pa bzhi po 'di dag dang ldan par 'gyur ro// tshul khrims dang ldan pa de bla na med pa yang dag par rdzogs pa'i byang chub tu sems kyis smon pa de yang 'grub par 'gyur ro// rnam par 'phrul pa'i rgyal po sngon byung ba 'das pa'i dus bskal pa

  639. 320b

    grangs med pa/ shin tu grangs med pa/ rgya che ba tshad med pa dang / bsam gyis mi khyab pa na// de bzhin gshegs pa 'od dri ma med pa'i 'od zer gyi rgyal po zhes bya ba rigs pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung bar gyur te/ rnam par 'phrul pa'i rgyal po de bzhin gshegs pa/ 'od dri ma med pa'i 'od zer gyi rgyal po de'i gsung rab la byang chub sems dpa' rdo rje'i lte ba zhes bya ba/ tshul khrims la gnas pa'i stobs dang ldan pa/ tshul khrims shin tu yongs su dag pa zhig byung ste/ rnam par 'phrul pa'i rgyal po byang chub sems dpa' rje rje'i lte ba dgon pa'i gnas na 'chag pa na/ 'di lta ste/ chos 'dul ba la 'phags pa la 'grus shing brtson par gyur te/ sangs rgyas kyi chos la gnas pa na/ tshul bzhin du sbyor ba 'di lta bu byung ste/ gang chos thams cad la mi dmigs pa de ni tshul khrims so// gang dngos po thams cad la mngon par ma zhan pa de ni tshul khrims so// gang nyon mongs pa thams cad rab tu zhi ba de ni tshul khrims so/ / gang lus gzugs brnyan dang 'dra bar shes pa de ni tshul khrims so// gang dag brag cha lta bur shes pa 'di ni tshul khrims so// gang sems la sgyu ma'i chos lta bur so sor rtog pa de ni

  640. 321a

    tshul khrims so/ / gang dge ba dang mi dge ba'i chos rnams la gnyis su mi byed pa de ni tshul khrims so// gang 'dod chags la mi sdug par so sor rtog pa de ni tshul khrims so// gang zhe sdang la byams pa sgom pa de ni tshul khrims so// gang shes rab kyis gti mug gi dra ba rnam par 'joms pa de ni tshul khrims so// gang 'dod chags dang / zhe sdang dang / gti mug gi dbye/ po rnams mi dmigs pa de ni tshul khrims so// gang chos thams cad la mi rtog pa dang / rnam par mi rtog pa dang / mi sems pa dang / mi lta ba de ni tshul khrims so// gang dag tu lta ba med pa dang / sems can du lta ba med pa dang / srog tu lta ba med pa dang / gang zag tu lta ba med pa dang / chad par lta ba med pa dang / rtag par lta ba med pa de ni tshul khrims so// gang chos thams cad la mngon par 'du mi byed pa de ni tshul khrims so// gang sems skrag pa med pa de ni tshul khrims so// gang khams gsum la mi gnas pa de ni tshul khrims so// gang chos mi skye ba la/ yid ches pa de ni tshul khrims so// gang mi skye ba'i chos la bzod pa la mos pa de ni tshul khrims so// gang rnyed pa dang bkur sti don du mi gnyer ba de ni tshul khrims so// gang stong pa nyid kyis mi skrag pa de ni tshul khrims so/ / gang mtshan ma med pa bsgom pa de ni tshul khrims so// gang smon pa dang bral ba de ni tshul khrims so// gang tshul khrims kyi phung po de nyid kyis rlom sems su mi byed pa

  641. 321b

    de ni tshul khrims so/ / gang tshul khrims des bdag la mi stod pa dang / gzhan la mi smod pa de ni tshul khrims so// gang skye mched rnams la mngon par dga' ba med pa de ni tshul khrims so// gang yul la mi 'phro ba de ni tshul khrims so// gang phung po rnams chos kyi phung po dang mnyam pa nyid de ni tshul khrims so// gang khams rnams chos kyi dbyings dang / mnyam pa nyid de ni tshul khrims so/ / gang rtsod pa dang 'thab pa med pa gtso bor gyur pa de ni tshul khrims so// gang dge ba'i chos rnam la brtson pa mi gtong ba 'di ni tshul khrims so// gang chos thams cad shin tu zhi ba dedang / rab tu zhi bar shes shing rab tu shes te/ lus kyi bsgrubs nas gnas pa de ni tshul khrims so snyams so// rnam par 'phrul pa'i rgyal po de ltar na byang chub sems dpa' rdo rje lte ba tshul khrims la rab tu gnas pa de lta bu dang ldan zhing / chos 'phags pa li sbyor ba 'di dang phyin ci ma log par tshul bzhin yid la byed pa 'dis gnas shing/ dge slong de tshul khrims la gnas pa de dang / chos 'phags pa la sbyor ba de dang / tshul bzhin du yid la byed pa de rtsom zhing 'chags na 'chag pa na/ bdud kyi bu rnam par gnon pa zhes bya ba 'khor dang bcas pa/ bdud brgyad khri bzhi stong thams cad kyang dpung dang / g.yog 'khor du bcas pa thams cad kyang go mtshon dang bcas pa sha stag dang lhan cig tu bgegs kyi las byed par 'ongs lus phra mor byin gyis brlabs

  642. 322a

    nas lus mi snang bar byas te/ dge slong de'i sems kyi spyod pa la glags lta zhing lo stong du rjes su 'brang bar gyur to// des lo stong du yang dge slong de'i sems rnam par g.yengs pa gang gis dngang bar 'gyur ba dang / 'tshe bar 'gyur ba de lta bu'i semos rnam par g.yengs pa'i sems skye ba gcig kyang ma mthong ngo // de nas bdud kyi bu rnam par gnon pa po stong 'das nas g.yog 'khor dang bcas te/ lus chen po mngon par bstan nas/ ral gri dang / mda' dang / gzhu dang / mdung thung dang / mda' bo che lag na thogs pa rnams kyi dge slong de'i mdun du 'jigs pa ston par gyur to/ / dge slong rdo rje lte bas bdud kyi 'khor chen po ral gri dang / mda' gzhu dang / mdung thung dang / mda' bo tshe thogs pa rnams kyis 'jig pa ston par mthong ngo / / mthong nas kyang tshig 'di skad smras so// bdag gis bden pa'i tshig gang gis/ bdag chos 'phags pa 'di la sbyor ba na tshul khrims kyi phung po dang / tshul bzhin du sbyor ba shin tu yongs su drug pa lta na/ bden pa dang / bden pa'i tshig des bdud rnams dang / bdud kyi 'khor rnams kyis ral gri dang / mda' gzhu dang / mdung thung dang / mda' bo che la sogs pa ji snyed lag na thogs pa 'di dag me tog ut+pal dang / pad+ma dang / ku mu dA dang / pad+ma dkar po dang / tsam pa ka dang

  643. 322b

    sna ma'i me tog dang / par shi ka dang / mkhan pa'i 'phreng ba rnams su gyur cig/ bdud rnams dang / bdud kyi lha de rnams kyang bdag gi gzugs dang / lus dang / kha dog dang smon lam ci 'dra ba de 'dra ba kho nar gyur cig ces smras so/ / rnam par 'phrul pa'i rgyal po byang chub sems dpa' rdo rje'i lte bas tshig de skad smras ma thag tu bdud rnams dang / bdud kyi 'khor de rnams kyi ral gri dang / mdung thung dang / mda' bo che la sogs pa lag na thogs pa ji snyed yod pa/ me tog kha dog sna tshogs pa'i phreng ba bsung zhim pa/ yid du 'ong ba/ blta na sdug pa de snyed du gnas par gyur to/ / bdud de dag rnams kyang dge slong gi gzugs de lta bu nyid du gyur te/ de dag thams cad rab tu byung ba'i khong su gtogs shing gos ngur smrig bgos la/ skra dang / kha spu bregs par snang bar gyur to// rnam par 'phrul pa'i rgyal po de nas bdud rnam par gnon pas dge slong de'i cho 'phrul rgya chen po mthong nas/ ngo mtshar du gyur te/ g.yog 'khor dang bcas par dge slong de'i rkang pa la gtugs nas 'di skad ces smras so/ / dge slong khyod kyis chos gang dag thob pas khyod la 'di lta bu'i byin gyi rlabs yod par gyur/ de skad ces smras pa dang / rnam par 'phrul pa'i rgyal po dge slong rdo rje'i lte bas bdud rnam par gnon pa la 'di skad ces smras so// grogs po byin gyis brlabs 'di ni rnyed pa las gyur pa ma yin gyi

  644. 323a

    chos thams cad dmigs su med pa las byin gyis brlabs 'di yod par gyur to/ / grogs po byin gyis brlabs 'di ni rnyed pa las ma 'gyur gyi chos thams cad ma rnyes pa las byin gyis brlabs 'di yod par gyur to/ / grogs po byin gyis brlabs 'di ni lus dang ngag dang / sems la gnas pa las gyur pa ma yin gyis chos thams cad la mi gnas pa las/ byin gyis brlabs 'di yod par gyur to// grogs po byin gyis brlabs 'di ni mtshan mar 'dzin pa las gyur pa ma yin gyi/ mtshan ma med pa las byin gyis brlabs 'di yod par 'gyur to/ / byin gyis brlabs 'di ni chos gang la yang gnas pa ma yin gyi/ mi gnas shing gnas pa med pa las byin gyis brlabs 'di yod par gyur to// de nas byang chub sems dpa' rdo rje'i lte ba la bdud rnam par gnon pas 'di skad ces smras so// dge slong khyod kyi sems la kho bos lo ldong du bltas na khyod kyi sems kyi rgyu ba ma mthong ngo // de nas dge slong rdo rje'i lte bas 'di skad ces smras so// gal te grogs po khyod kyis bskal pa gang+gA'i klung gi bye ma snyed du spyod cing / sems yongs su bltas su zin kyang rnyed par mi 'gyur ro/ / de'i ci'i phyir zhe na/ 'di ltar sems ni nang nas kyang mi rnyed/ phyi rol nas kyang mi rnyed/ gnyis ka med par yang mi rnyed pa'i phyir ro// grogs po khyod kyis

  645. 323b

    sgyu ma mkhan gyis sprul pa la sems kyi rgyu ba rnyed dam/ smras pa dge slong de ni mi rnyed do// sgyu ma mkhan gyis sprul pa la sems kyang / sems pa yang med na de na ga la rnyed/ smras grogs po chos thams cad ni sgyu mar sprul pa'i ngo bo nyid du de bzhin gshegs pas bshad de/ de'i phyir de la sems dang / sems dpa' mi rnyed do// smras pa gal te dge slong khyod sems dang sems pa mi rnyed na/ khyod ji ltar 'gro ba 'am/ 'ong ba dang / tshig tu smra ba byed/ smras pa 'di lta ste/ dper na/ sgyu ma mkhan gyis sprul pa'i mi 'ong ba dang / 'gro ba dang / tshig smra bar byed pa de ltar kho bos 'ong ba dang / 'gro ba dang / tshig smra ba yang de dang 'dra'o// smras pa/ dge slong khyod brtson 'grus rtsom pa 'di dang / tshul khrims la gnas pa 'di dang / chos 'phags pa la sbyor ba 'di dang / 'jug pa 'dis ci zhig 'dod/ smras pa gnas med pa 'dod do// smras pa gnas med pa ji ltar 'dod/ smras pa de la 'gro ba med pas 'gro ba 'am/ 'gro bar 'gyur ba gang yang med de grog po gnas med pa zhes bya ba de ni smon pa med pa'i tshig bla dgas so// yang brtson 'grus brtsom pa 'di dang / tshul khrims la gnas pa 'di dang / chos 'phags pa la sbyor ba 'di dang 'jug pa 'dis ci zhig 'dod ces rnam par gnon pa khyod kyis

  646. 324a

    smras pa de gdugs skye bar mi 'dod/ 'gag par mi 'dod/ gnas par mi 'dod/ tshor ba dang / 'du shes dang / 'du byed rnams dang // rnam par shes pa skye bar mi 'dod/ 'gag par mi 'dod/ gnas par mi 'dod/ chos thams cad kyang skye bar mi 'dod/ 'gag par mi 'dod/ gnas par mi 'dod/ rnam par gnon pa 'jug pa gang gzugs so sor mi 'dzin pa dang / tshor ba dang / 'du shes dang / 'du byed rnams dang / rnam par shes pa yongs su mi 'dzin pa de 'dod cing de la blta 'o/ / rnam par gnon pa 'phags pa rnams kyi 'jug pa gang yin pa de/ kho bo'i 'jug pa'o// smras pa/ dge slong ji ltar 'jug/ smras pa/ rnam par gnon pa so so'i skye bo'i chos gang dag yin pa dang / sangs rgyas kyi chos gang dag yin pa de dag thams cad mnyam zhing gnyis su med pa dang / slob pa'i chos gang dag yin pa de dngasangs rgyas kyi chos gang dag yin pa de dag thams cad mnyam zhing gnyis su med pa dang / mi slob pa'i chos gang dag yin pa de dang / sangs rgyas kyis chos gang dag yin pa de dag mnyam zhing gnyis su med pa dang / rang sangs rgyas kyi chos gang dag yin pa dang / sangs rgyas kyi chos gang dag yin pa de dag mnyam zhing gnyis su med pa dang / 'das pa'i chos gang dag yin pa dang / ma 'ongs pa'i chos

  647. 324b

    gang dag yin pa dang / da ltar 'byung ba'i chos gang dag yin pa de dag mnyam zhing gnyis su med pa ni/ skye ba med pa mnyam pa nyid kyis mnyam pa dang / 'byung ba med pa mnyam pa nyis kyis mnyam pa dang / 'gag pa med par mnyam pa nyid kyis mnyam pa te mnyam pa nyid 'asgrims mi spong ba gang yin pa'i mnyam pa nyid de/ bstan pa'i phyir sems can rnams la chos 'char par 'dod do/ / grogs po yang dag par 'jug pa 'di ni 'dod pa'i khams su 'jug pa ma yin/ gzugs kyi khams su 'jug pa ma yin/ gzugs med pa'i khams su 'jug pa ma yinano/ gang dag mnyam pa nyid la gnas pa dag ni chos nyid las mig so// rnam par mi ga sa 'gro ba mi byed/ mi 'gro bar ni byed/ grogs po 'di ni yang dag par jug pa bya'o/ / de bzhin nyid 'jug pa gang yin pa chos thams cad kyi 'jug pa yang de yin no// chos kyi dbyings kyi 'jug pa gang yin pa chos thams cad kyi 'jug pa yang de yin no// yang dag pa'i mtha'i 'jug pa gang yin pa chos thams cad kyi 'jug pa yang de yinano// 'jug pa de lta bu 'dod pa gang yin pa de ni 'dod pa yang med/ 'jug pa yang med la par rjes su mthong ni / mngon par zhen par mi byed do// grogs pa 'di ni ma 'dag par 'jug pa zhes bya'o// de nas byang chub sems dpa' den rjeb 'dud rnam par

  648. 325a

    gnon pas 'di skad ces smras so/ / dge slong khyod yang dag pa'i sbyor ba 'dis chos gang zhig rtogs smras pa/ grogs po yang dag pa'i spyod pa 'dis ni kho bos rnam pa med pa'i chos rtogs so/ / lhag par byed pa med pa dang / rlom sems med pas kyang mnyam pa nyid rdzogs par byas so// yang khyod kyis chos gang rtog so shes gang de skad smras pa yang dag pa'i sbyor ba 'di ni rtogs pas rab tu phye ba ma yin gyi/ yang dag pa'i spor ba 'di ni lhag pa'i nga rgyal med pa'o// yang dag pa'i spor ba 'di ni thob par rab tu phye ba ma yin gyi/ yang dag pa'i sbyor ba 'di ni thob par rab tu phye ba dang bral ba ste/ yang dag pa'i sgor po 'dis chos gang yang rtogs pa med do yang dag pa'i sbyor ba zhes bya ba 'dis ni sbyor ba med pa'i tshig bla dgas so/ / de nas byang chub sems dpa' rdo rje'i lte ba la bdud rnam par gonon pas 'di skad ces smras so// dge slong khyod chu bo khrims yang dag par blangs pa 'dis ci zhig thob par 'gyur/ smras pa/ rnam par gnon pa kho bos tshul khrims yang dag par blangs pa 'dis/ chos thams cad 'gag pa med pa dang / skye ba med par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / smras pa/ byang chub mngon par rdzogs par byang chub pa gang / smras pa/ gzugs

  649. 325b

    mnyam pa nyid du mngon par rdzogs par byang chub pa ni/ byang chub mngon par rdzogs par byang chub pa'o// tshor ba dang / 'du shes dang / 'du byed rnams dang / rnam/ pabar shes pa mnyam pa nyid du mngon par rdzogs par byang chub pa ni/ byang chub mngon par rdzogs par byang chub pa'o// bdud rnam par gnon pas smras pa/ dge slong byang chub gang du btsal bar bya/ byang chub sems dpa' rdo rje'i lte bas smras pa/ grogs po byang chub ni 'jigs tshogs la lta ba'i ngo bo nyid las btsal bar bya'o// smras pa/ ji ltar btsal bAr byA/ smras pa ci nas kyang byang chub dang/ byang chub tu lta ba kun nas mi ldang ba de ltar btsal bar bya'o// de nas bdud rnam pa gnon pas/ dge slong ba la 'di skad ces smras so/ / dge slong khyod kyi ston pa su yin/ sus rjes su bstan pas khyod kyi spobs pa 'di lta bur 'gyur/ smras pa/ grogs po gang 'jigs tshogs ma shig par byang chub thob pa de ni kho bo'i ston pa'o/ / gang nyon mongs pa dang rnam par byang ba la mi gnas pa de ni kho bo'o ston pa'o// glang 'dus byas dang / 'dus ma bas la rnam par shes pa mi gnas pa de ni kho bo'i ston pa'o/ / gang gzhan las ma mnyan par blang ba med pa'i chu bo mi gnas pa brgal ba de ni kho bo'i ston pa'o// gang chos thams cad la rnam

  650. 326a

    par shes pa mi 'jug cing chos rnams la shes pa mi 'pho ba de ni kho bo'i ston pa'o/ / gang sgra thams cad la 'jug pa nye bar sgrub cing brjod du med pa'i chos nyid las kyang mi g.yo ba de ni kho bo'i ston pa'o/ / gang chos thams cad mi skyed pa dang / skye ba thams cad mi 'byung ba'i phyir/ chos kyi 'khor lto ba slong ba de ni kho bo'i ston pa'o// gang tshu rol dang / pha rol dang / dbus na mi gnas pa de ni 'bo'i ston pa'o// gang chos thams cad mi skye ba'i phyir/ skyes pa de ni kho bo'i ston pa'o// gang chos thams cad 'gog pa med pa'i phyir yongs su mya ngan las 'da' ba de ni kho bo'i ston pa ste/ des rjes su bstan pa las kho bo'i spobs pa 'di lta bur gyur to// bdud rnam par gnon pas smras pa de bzhin gshegs pa de chos kyi 'khor lo ji ltar bskor/ byang chub sems dpa' rdo rje'i lte bas smras pa/ gzug par yang mi byed/ ldog par yang mi byed// gzugs kyi de bzhin nyid dang gzugs kyi chos nyid dang / gzugs stong pa nyid dang / gzugs mtshan ma med pa nyid dang / gzugs smyon pa med pa nyid dang / gzugs zhi ba nyid dang / gzugs dben pa nyid dang / gzugs skye ba med pa dang / gzugs kyi rang bzhin dang / gzugs kyi ngo bo nyid 'jug par mi byed

  651. 326b

    ldog par mi byed/ de bzhin du tshor ba dang / 'du shes dang / 'du byed rnams dang / rnam par shes pa 'jug par mi byed/ ldog par mi byed rnam par shes pa'i de bzhin nyid dang / rnam par shes pa'i chos nyid dang / rnam par shes pa'i stong pa nyid dang / rnam par shes pa'i mtshan ma med pa nyid dang / rnam par shes pa'i smon pa med pa nyid dang / rnam par shes pa'i zhi ba nyid dang / rnam par shes pa'i dben pa nyid dang / rnam par shes pa'i skye ba med pa dang / rnam par shes pa'i rang bzhin dang / rnam par shes pa'i ngo bo nyid 'jug par mi byed/ ldog par mi byed de/ de bzhin gshegs pa de ni chos kyi 'khor mo de ltar bskor ro// chos thams cad 'jug pa med par bya ba'i chos kyi 'khor lo bskor ro/ / chos kyi 'khor lo de bskod kyang rung / ma bskor kyang rung / chos kyi dbyings mtha' tshad med pa de nyid spong bar yang mi byed do/ / chos kyi 'khor lo bskor ba de gang dag gis shes par gyur pa de dag thams cad kyang de bskor ba nyid du 'gyur ro// de nas bdud rnam par gnon pa g.yog 'khor dang bcas pa/ dge slong rdo rje'i lte ba de'i slob mar khas blangs nas 'di skad ces smras so// bdag ni dge slong khyod la skyabs su mchi'o// des de la 'di skad ces smras so//

  652. 327a

    khyod kho bo la skyabs su ma 'gro bar de bzhin gshegs pa 'od dri ma med pa'i 'od zer gyi rgyal po gang gis chos 'di lta bu bstan pas khyod de nyid la skyabs su song shig des de la 'di skad ces smras so/ / kyed de bzhin gshegs pa de'i thad du bzhud kyis tshur spyon/ de nas dge slong rdo rje'i lte ba bdud rnam par gnon pa dang / bdud brgyad khri bzhi stong po de dag dang 'grogs te/ bcom ldan 'das 'od dri ma med pa 'od zer gyi rgyal po de bzhin gshegs pa ga la ba der dong nas lhags pa dang / bcom ldan 'das kyi zhabs la mgo bos phyag/ 'tshal te/ thal mo sbyar nas spyan sngar 'khod pa dang / de bzhin gshegs pa des/ de dag la tshul khrims la gnas pa de nyid dang / chos 'phags pa la sbyor ba de nyid las brtsams te/ ci nas kyang de dag thams cad bla na med pa yang dag par rdzogs pa'i byang chub las phyir mi ldog par gyur pa de lta de lta bar chos bstan to// rnam par 'phral pa'i rgyal po de'i tshe de'i dus na/ dge slong rdo rje'i lte ba zhes bya ba de gzhan zhig yin pa snyam na/ khyod kyis de ltar mi blta'o// de'i ci'i phyir zhe na/ rnam par 'phrul pa'i rgyal po khyod nyid de'i tshe de'i dus na dge slong rdo rje'i lte ba zhes bya bar gyur to/ / byang chub sems dpa' sa 'dzin ni de'i tshe des dus na bdud rnam par gnon ces bya bar gyur to// rnam par 'phrul

  653. 327b

    pa'i rgyal po 'di ni/ byang chub sems dpa' rnams kyi tshul khrims kyi rnam par 'phrul pa ste/ rnam par 'phrul pa de la brten nas/ smon lam gyi bye brag bsam gyis mi khyab pa rnams byang chub sems dpa' rnams la ston cing sems can tshad med pa rnams kyang byang chub tu yongs su smin par byed/ bdud phyir rgol ba rnams kyang bcom nas/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / rnam par 'phrul pa'i rgyal po de la byang chub sems dpa' rnams kyi mngon par shes pa'i rnam par 'phrul pa gang zhe nA/ mngon par shes pa'i rnam par 'phrul pa zhes bya ba ni rnam pa lnga ste/ 'di lta ste/ lha'i mig dang / lha'i rlu ba dang / pha rol gyi sems dang 'ashes pa dang / sngon gyi gnas rjes su dran pa dag/ rdzu 'phrul bya ba'o// rnam par 'phrul pa'i rgyal po de la byang chub sems dpa' rnams kyi lha'i mig gi rnam par 'phrul pa'i mngon par shes pa ji lta bu zhe na mig gi rnam par 'phrul pa'i mngon pa dgos pa gang gis byang chub sems dpa'i mig gi dbang po rtsig pa rnams kyis mi sgrib/ shing rnams kyi mi sgrib ri rnams kyis mi sgrib/ nag tshal rnams kyis mi sgrib/ khor yug dang / khor yug chen po'i ri rnams kyis mi sgrib/ ri rab kyis mi sgrib/ 'jig rten gyi bar rnams kyis mi sgrib ste/ de sgrib pa med pa'i

  654. 328a

    mig gis phyogs bcu sangs rgyas kyi zhing dpag tu med/ grangs med pa rnams mthong zhing / de dag thams cad kyang sangs rgyas kyi zhing gcig tu rab tu shes te 'di lta ste/ nam mkha' la tha dad pa med pa'i phyir ro// zhing la zhing spor bar yang mi byed/ tha dad par yang mi byed do// sangs rgyas kyi zhing de dag na/ sangs rgyas bcom ldan 'das nyan thos kyi tshogs dang bcas pa gang bzhugs pa de dag thams cad kyang mthong zhing / chos kyi dbyings dbyer med pa'i tshul gyis sangs rgyas thams cad kyang mthong zhing / chos kyi dbyings da byed med pa'i tshul gyis sangs rgyas thams cad sangs rgyas gcig tu mos so/ / sangs rgyas gcig mthong bas kyang sangs rgyas thams cad mthong ba rnam par spong bar byed do/ / sangs rgyas thams cad mthong bas kyang / sangs rgyas gcig mthong ba rnam par sbyong bar byed do// sangs rgyas mthong ba rnam par dag pa des kyang / bdag mthong ba ma par dag pa la 'jug go/ rnam par dag pa de nyid kyis chos thams cad mthong ba/ rnam par dag pa la 'jug ste/ bdag mthong ba rnam par dag pa 'am/ chos mthong ba rnam par dag pa la 'du shes gnyis su yang mi 'gyur ro/ / sangs rgyas bcom ldan 'das de dag gi nyan thos gang dag mthong ba de dag kyang sangs rgyas mthong ba rnam par dag pa las gzhan

  655. 328b

    ma yin par rab tu shes so/ / de nyan thos mthong bas sangs rgyas mthong la sangs rgyas mthong bas kyang nyan thos mthong ste/ yang dag par mthong bas mnyam par mthong ngo // 'jig rten gyi khams mtha' yas mu med pa dag na 'khod pa'i sems can gang dag sems can du bsgrubs bsdus pa'i sems can dmyal ba pa 'am/ dud 'gro 'am/ yi dgas sam/ lha ma yin nam/ lha 'am/ mi yang rung ste/ gzugs med pa na spyod pa ma gtogs par de dag thams cad kyi 'chi 'pho dang / skye ba dang / kha dog bzang po dang / kha dog ngan pa dang / bde 'gro dang / ngan 'gro dang / ngan pa dang / bzang po rnams mthong zhing sems can de dag gi las kyi rnam par smin pa thams cad kyang rab tu shes shing khong du chud do// de sems can rnams mthong zhing las kyi rnam par smin pa rab tu shes kyang bdag med pa'i mtha' tshad mar byas nas sems can rnams la sems can gyi 'du shes su mi 'gyur ro/ / de lha'i mig/ des gzugs su gtogs pa thams cad mthong ste/ dngos po med pa nyid kyi phyir gzugs su snang ba de dag thams cad kyang snang ba tsam du rab tu shes so// gzugs su snang ba de dag thams cad kyang sngon gyi mtha' skye ba med pa'i phyir yang dag pa ma yin par rab tu shes la/ lha'i mi/ sgrib pa med pa de mngon par mi sgrub pa yang ma yin no// de shes rab kyi

  656. 329a

    stobs dang ldan pas 'dod na/ gzugs nye 'khor du gyur pa dang mtshungs par yang mthong bar 'gyur/ 'dod na mi mthong bar yang 'gyur/ de 'dod na gcu cung zad kyang yong ye mig sngar snang bar mi 'gyur ro/ / de srog chags 'bum phrag du ma'i nang na 'dug kyang / bsam gtan dang / rnam par thar pa dang ting nge 'dzin dang snyoms par 'jug pa rnams kyis gnas te/ sems can gang yang de'i mig lam du snang bar mi 'gyur ro// de ci'i phyir zhe na/ 'di ltar byang chub sems dpa' des bdag med pa'i de kho na shes pa'i phyir ro// / 'dod na gzugs na spyod pa'i lha'i lus phra ba/ lus bzang ba/ lus 'od gsal ba lus mi snang ba/ gang dag yin pa'i lha de dag gi mdun na yang byang chub sems dpa' rang gi lus nye bar bstan to/ / lha'i bu de dag gis kyang de'i lus mthong / des kyang de dag gi lus mthong ngo // 'dod na de'i lus lha rnams kyi mthong la/ rang gi lus mi mthong ngo // de 'dod na lha'i bu de dag rang gi lus mthong la/ de'i lus mi mthong ste/ de lha'i mig de lta bu dang ldan par 'gyur ro// de lha'i rna ba dang ldan par gyur te/ 'di la 'jig rten gyi khams mtha' yas mu med pa dag na sgra ji snyed yod pa lha'i sgra 'am/ klu dang / gnod sbyin dang / dri za'i sgra'am/ lha ma yin nam/ nam mkha' lding dang / mi 'am ci dang /

  657. 329b

    lho'i bye chen po'i sgra 'am/ mi dang mi ma yin pa'i sgra de dag thams cad de'i sgra'i dbang ba da la grag par 'gyur ro// de sna de dag thams cad thos kyang sgyu tha dad par mi byed pa sgra thams cad kyang smrar med par mos so/ / brjod du med par mos so// de sgra de dag thos kyang bdag tu 'du shes sam/ sems can du 'du shes sam/ sgrar 'du shes mi 'jug la sgra thams cad kyang thog ma'i mtha' dang / tha ma'i mtha'i sgrar brjod pa med par rab tu rtogs shingachos thams cad brjod du med par yid ches so// de'i rna ba'i dbang po'i rnam par shes pa'i las sgrib pa med par 'gyur te/ sgra de dag thos nas kyang / sgra de dag gi don gang yin pa de rab tu shes so// sgra rnams kyi don gang zhe na/ sgra thams cad kyi don ni brjod du med pa'i don to/ / smar med pa'i don to// sgra thams cad kyis don ni nye bar zhi ba'i don to// don des don la rton par 'gyur/ sgra thams cad kyang thos la/ chos thams cad ma skyes pa'i phyir/ gang la yang gnas par mo byed do// phyogs bcur 'jig rten gyi khams grangs med pa dag na/ sangs rgyas bcom ldan 'das gang dag bzhugs la 'tsho zhing zhes te/ chos kyang ston pa de dag gis chos bstan pa de dag thams cad kyang de'i rna bas thos par 'gyur ro// de la sgrib pa 'am/ kun nas dkris te 'dug par yang

  658. 330a

    mi 'gyur la/ chos bstan pa de dag thams cad thog+sa gling / ji ltar thos pa yang 'dzin to// zin nas kyang chos gang yang mi byed do// ji ltar na gang mi brjed ce na/ de ni tshig 'ga' yang ma rtogs par 'gag par mi 'gyur bas de ltar na mi brjed do// chos gang dag zag pa dang cas pa dang / zag pa med pa 'am/ 'dus byas dang 'dus ma byas sam/ 'jig rten pa dang / 'jig rten las 'das pa 'am dag pa dang mi dge ba 'am/ kha na ma tho ba dang bcas pa dang / kha na ma tho ba med pa rnams sam/ nyan thos kyi theg pa dang ldan pa 'am/ rang sangs rgyas kyi theg pa dang ldan pa rnams thos sam/ theg pa chen po dang ldan pa rnams thos nA/ 'di lta ste/ dben pa'i dbyings ro gcig nyid kyi phyir/ chos de dag thams cad chos gcig gi ngo bo nyid kyi ro yin par 'jug go// de chos nyan cing 'chad kyang yul thams cad la mi chags so// chos kyang nyan mod kyi/ mtshan ma thams cad dang yang lhan gcig tu mi gnas so/ / de chos la rten pa yin gyi chos ma yin pa la mi rten to// de la chos gang zhe na/ chos shes bya ba ni 'dod chags dang bral ba'o// chos shes bya ba ni mtshan ma med pa'o// chos shes bya ba ni 'dus ma byas pa'o// chos shes bya ba ni mtha' yas pa/ dpe med pa mi 'gyur ba/ dmigs su med pa mi skye ba

  659. 330b

    ma skyes pa ste/ gang chos de lta bu la rlom sems med pa dang / rtog pa med pa dang / 'du shes dang / yid kyi 'du byed spros pa med pa dang / blang ba med pa dang / dor ba med pa de ni chos shes bya'o/ / de don la rton pa yin gyi/ tshig 'bru la rton pa ma yin te/ tshig 'dra spong bas don la rton pa yang ma yin no// de don la 'bab pa'i blos rlos nyan te/ ji ltar mdon la 'bab pa'i blo yin zhe na/ gang stong pa nyid kyis don gyis lta bar mi lhung ba dang / gang mtshan ma med pa'i don gyi mtshan mar mi ltung ba dang / gAng smon pa med pa'i don gyi smon par mi ltung ba ste/ de ltar na don la 'bab pa'i blo yin no// gang las chos nyan pa 'am/ gang las don la rton pa de yang don tu mi dmigs te/ de dmigs su med pa layang dmigs par mi 'gyur ro/ / de sangs rgyas bcom ldan 'das de dag la chos kyang nyan te/ nges pa'i don gyi mdo sde la rton pa yin gyi/ drang ba'i don gyi mdo sde la rton pa ma yin / nges pa'i don gyi mdo sde gang zhe na/ brjod du med pa'i phyir mdo sde thams cad ni nges pa'i don te/ de ltar na nges pa'i don gyi mdo sde la rton pa yin no// nges pa'i don gyi mdos 'di dag la gang dag mi rten pa de dag ni drang ba zhes bya ste/ ci'i phyir drang ba zhes bya zhe na/ 'di ltar nges pa'i don las 'gal ba'i chos la gnas pa yin te/ de dag ni drang ba'i dgra

  660. 331a

    pa yin no/ / gang gis drang zhe na/ sgras drang ngo // nges pa'i don gyi mdo sde la dzin pa dag ni smra ra yin no// de ci'i phyir zhe na/ de dag gis don dam pa brjod du med pa rtogs shing de dag gis 'das pa dang / ma 'ongs pa dang / da ltar byung ba'i chos thams cad la lhag tshad med par shes pa'i phyir te/ rnam par 'phrul pa'i rgyal po don gyi rnam pa 'di la de ltar chos nyid 'di la rton na/ mdo sde thams cad nges pa'i don du 'gyur ro// de de ltar mi ton na mdo sde thams cad dang pa'i don tu 'gyur ro// rnam par 'phrul pa'i rgyal po gzhan yang byang chub sems dpa' sangs rgyas bcom ldan 'das de dag las chos nyan pa na/ ye shes la rton pa yin gyi/ rnam pashes pa la mi rton to// de'i ci'i phyir zhe na/ des rnam par shes pa sgyu ma lta bu dang / dben pa dang / ngo bo nyid med pa dang / gzugs med pa dang / bstan tu med pa dang / thogs pa med pa dang / rnam par rig par ma yin par shes pa'i phyir te/ gang rnam par shes pa de ltar rtogs pa de ni ye shes yin no// de ye shes la rton pa yin gyi rnam par shes pa rjes su mi rgyug kyang / gzhan dag la rnam par shes pa de ston te/ de la mtshan mar yang mi 'dzin cing / de rnam par shes pa la ye shes so zhes kun tu skyed de/ rnam par shes pa 'am/ ye shes la mngon par zhen par yang mi 'gyur

  661. 331b

    ro/ / rnam par shes pa'i de kho na la mngon par zhen pas ye shes kyi de kho na mi brjod do// rnam par 'phrul pa'i rgyal po byang chub sems dpa' gang ye shes la rngon pa de ni/ rnam par shes pa dang lhan cig mi gnas so/ / sems can gzhan dag la rnam par shes pa ma yin par yang chos mi 'chad do// rnam par 'phral pa'i rgyal po 'di ni byang chub sems dpa'i mngon par shes pa'i rnam par 'phral pa yin te/ lha'i rna ba thob pa des ye shes kyi dbyings 'di rtogs par 'gyur ro// rnam par 'phrul pa'i rgyal po byang chub sems dpa' de gang zag gi tshig bla dgas dang / ldan pa'i chos kyang nyan cing / chos nyid la rton gyi gang zag la mi rton to// de ci'i phyir zhe na/ rnam par 'phrul pa'i rgyal po gal te/ legs par gsungs pa'i chos 'dul ba 'di la gang zag yod par 'gyur na/ sems can gang yang shin tu dag pa dang / thar par mi 'gyur ba'i phyir ro// rnam par 'phral ba'i rgyal po de lta bas na chos thams cad gang zag med mod kyi/ de bzhin gshegs pa ni 'jig rten gyi tha snyad du gang zag ces gsungs so// de bas na byang chub sems dpa' chos la ston pa yin gyi/ gang zag la rton pa ma yin no// rnam par 'phrul pa'i rgyal po chos shes bya ba de ni chos kyi dbyings kyi tshig bla dgas so/ / rnam par 'phrul pa'i rgyal po chos kyi dbyings shes bya ba de ni/ skye ba med pa'i dbyings kyi tshig bla dgas so// rnam par

  662. 332a

    'phrul pa'i rgyal po skye ba med pa zhes bya ba de ni/ 'byung ba med pa'i tshig bla dgas so// rnam par 'phrul pa'i rgyal po 'byung ba med pa zhes bya ba de ni brjod du med pa'i tshig bla dgas so/ / de'i ci'i phyir zhe na/ tshig gang gis chos gang dang gang brjod pa'i chos de gang de tshig de la yod pa ma yin la/ gang yod pa ma yin pa de bla dgas yin pa de'i phyir te/ de'i phyir tshig bla dag sa shes bya'o/ / tshig thams cad ni tshig med pa tshig tu brjod pa med pa'o// de la pas tshig brjod pa gang yin pa de ni tshig med pa ste/ brjod pa ma skyes shing yang dag pa ma yin pa'i phyir brjod/ pa med pa'o// de'i ci'i phyir zhe na/ gang brjod pa'i mtshan nyid de ni sangs rgyas kyi tshig ma yin te/ brjod du med pa ni sangs rgyas kyi tshig yin pa'i phyir ro// de bas na de sangs rgyas kyi tshig ces bya'o/ / gang sangs rgyas kyi tshig la 'jug pa de ni tshig med pa la 'jug pa'o// gal te tshig la 'jug na sangs rgyas kyi tshig la 'jug pa ma yin no// rnam par 'phrul pa'i rgyal po sangs rgyas kyi tshig la 'jug par 'dod pas/ rlig gang gis gang zag ces bya ba 'am/ chos shes bstan par gyur pa de tshig tu blta bar mi bya'o// de ci'i phyir zhe na/ gang la gnyis yod pa de sangs rgyas kyi tshig ma yin pa'i phyir te/ sangs rgyas kyi tshig ni gnyis su med pa'o// gang la sgra yod pa de ni sangs rgyas kyi tshig ma yin te/ sangs rgyas kyi tshig ni sgra med pa'o// gang la

  663. 332b

    / brjod pa yod pa de sangs rgyas kyi tshig ma yin to// sangs rgyas kyi tshig ni brjod pa med pa'o// rnam par 'phrul pa'i rgyal po de lta bas na/ byang chub sems dpa' gang sangs rgyas kyi tshig la zhugs pa de ni mngon par shes pa thob pa zhes bya ste/ de la rna ba de sgra thams cad chos nyid dang 'thun par sangs rgyas kyi byang chub rtogs par byed do// rnam par 'phrul pa'i rgyal po 'di lta ste/ lha'i rna ba 'di ni byang chub sems dpa'i mngon par shes pa gnyis pa'o// // bam po gnyis pa// // rnam par 'phrug pa'i rgyal po gzhan yang byang chub sems dpa' pha rol gyi sems shes pa'i mngon par shes pa 'thob cing / sems can gzhan dag dang / gang zag gzhan rnams kyi sems rab tu shes te / 'khor gang dang gang du chos 'chang du 'gro bar/ de dang po nyid du sems can gang gi bsam pa ji lta bu/ sbyor ba ji lta bu rgyu ji lta bu/ mtshan nyid ji lta bu yin snyam du 'khor gyi sems can rnams la rnam par lta ste/ bltas nas kyang de bzhin du chos ston to// de rang gi sems yongs su dag pas 'khor gyi sems yongs su dag pa rjes su 'jug ste/ rnam par 'phrul pa'i rgyal po 'di lta ste/ dper na/ me long gi dkyil 'khor yongs su dag pa'i phyir/ me long gi dkyil 'khor yongs su dag pa la/ gzugs su snang ba ji lta bu bsnyen pa'i kha dog dang / rtags dang

  664. 333a

    dbyibs ji lta bu yin pa de lta bu nyid kyi gzugs brnyan lhag chad med par snang ste/ me long gi dkyil 'khor de ni rnam par mi rtog mi sems kyang de dag snang ngo // rnam par 'phrul pa'i rgyal po de bzhin du byang chub sems dpa' yang rang gi sems yongs su dag pa dang / chos kyi dbyings kyi dkyil 'khor yongs su dag pa'i phyir/ sems can rnams kyi sems kyi spyod pa ji lta bur 'byung ba de dag thams cad rab tu shes te/ byang chub sems dpa' rang gi sems la sgrib pa yang med/ gzhan gyi sems la sgrib pa yang med do// de na gal te 'khor 'dod chags la spyod pa yin na yang de'i sems rab tu shes so/ / 'dod chags dang bral ba'i sems kyang yang dag par mthong ngo // de ci'i phyir zhe na/ sems kyi rang bzhin chags pa med pa'i phyir ro// gal te 'khor zhe sdang la spyod pa yin na yang de'i sems rab tu shes so/ / zhe sdang dang bral ba'i sems kyang yang dag par mthong ngo // de ci'i phyir zhe na/ sems kyi rang bzhin zhe sdang ma yin pa'i phyir ro// gal te 'khor gti mug la spyod pa yin na yang de'i sems rab tu shes so// gti mug dang / bral ba'i sems kyang yang dag par mthong ngo // de ci'i phyir zhe na/ sems kyi rang bzhin gti mug ma yin pa'i phyir ro/ / gal te 'khor nyan thos kyi theg pa la mos pa yin na yang spyod pa de kho na bzhin du shes te/ chos kyi dbyings chung bar yang mi byed do// gal te 'khor rang sangs rgyas kyi theg pa

  665. 333b

    la mos pa yin na yang spyod pa de kho na gzhin du shes te/ chos kyi dbyings 'bring du yang mi byed do// gal te 'khor theg pa chen po la mos pa yin na yang spyod pa de kho na bzhin du shes te/ chos kyi dbyings mchog tu yang mi byed do/ / de sems can thams cad kyi sems kyi khams kyi spyod pa shes pas kyang chos sngon la/ sems kyi rang bzhin la rnam par rtogs par yang mi byed do// theg pa thams cad rnam par 'jog pas kyang chos ston to/ / chos kyi dbyings tha dad par yang mi byed do// chos kyi dbyings tha dad pa med pas kyang sems can thams cad kyi spyod pa rab tu shes so// de sems kyis sems la rnam par lta la/ sems kyis sems la sbyor bar yang mi byed cing / mi mthun par yang mi byed do// sems can thams cad kyi sems kyi dbyings de dag kyang rab tu shes te/ chos kyi dbyings gang yin pa de sems kyi dbyings yin par rab tu shes so// rnam par 'phral pa'i rgyal po de ltar na// byang chub sems dpa' pha rol gyis sems shes pa'i mngon par shes pa thob ste/ mngon par shes pa des lha dang bcas pa'i 'jig rten gyi khams mngon par shes so// rnam par 'phrul pa'i rgyal po gzhan yang byang chub sems dpa' sngon gyi gnas shes pa mngon sum du byed pa'i mngon par shes pa thob cing / de brjed pa med la/ dbang po mnyam par gzhag pas/ sngon gyi gnas rjes su dran te/

  666. 334a

    de dag dang gzhan dag gi sngon gyi gnas la bskal pa gang+gA'i klung gi bye ma snyed nas brtsams nas chos ston te/ che ge mo zhig na bdag gi ming ni 'di zhes bya bar 'gyur/ rigs ni 'di zhes bya/ tshe'i tshad ni 'di tsam zhig thub/ bde ba dang / sdug bsngal ni 'di lta bu zhig myong zhes bya ba dang / sems can gzhan rnams kyis yang de bzhin du rab tu shes so/ / de sems can rnams sngon gyi dge ba'i tsA ba rgya la byung ba rab tu shes te/ sems can 'di dag ni rgyu'i stobs can 'di dag na rkyen gyi stobs can / desra can di dag gi rmyi thob kyi thegapa// de drug gi rgyu ni rang sangs rgyas kyi theg pa/ sems can 'di dag gi rgyu ni theg pa chen po'o zhes de sems can rnams kyi sngon gyi shes nas de dag la de bzhin du chos ston to/ / de sngon gyi gnas mngon du byed pas sngon gyis sbyor ba phun sums tshogs pa thob bo// de sangs rgyas rnams la sngon dge ba'i rtsa ba ji snyed bskyed pa byang chub tu yongs su ma bsngos pa de dag rjes su dran par byas nas/ bla na med pa yang dag par rdzogs pa'i byang chub tu yongs su sngo'o// de sngon gyis gnas kyang rjes su dran la chos thams cad sngon gyi mthar 'pho ba med par yang rab tu shes/ gang yang sngon gyi mtha' nas phyi ma'i mthar 'gro ba med par mthong / phyi ma'i mtha' nas sngon gyi mthar 'gro ba med par mthong ngo // chos thams

  667. 334b

    cad gang du yang 'gro ba dang / 'ong ba med par yang rab tu shes so// de sngon gyi mtha' rjes su dran pa na/ sngon gyi mthar lta bar mi 'gyur/ dbyim ni mtha' rjes su dran pa na/ byi ma mthar lta bar mi 'gyur te/ chos thams cad mtha' dang / dpung med par yang rab tu shes so// de sems can thams cad kyi sngon gyi gnas kyang rjes su dran la/ gzugs sngon rgya mthas dben pa nyid du yang rab tu shes/ nor ba dang / 'du shes dang / 'du byed rnams dang rnam par shes pa sngon gyi mthas dben pa nyid du yang rab tu shes twa/ de phung po lnga nar sngon gyi mthas dben pa nyid dang / phyi ma'i mthas dben pa nyid dang / da ltar 'byung ba'i dben pa nyid du rab tu shes so// de chos thams cad sngon gyi mthas stong pa'i ngo bo nyid dang / da ltar byung bas stong pa'i ngo bo nyid dang / phyi ma'i mthas stong pa'i ngo bo nyid du rab tu shes so// rnam par 'phrul pa'i rgyal po byang chub sems dpa' sngon gyi gnas rjes su dran pa ni/ sngon gyi dge ba'i rtsa ba yongs su nyam par yang mi 'gyur la/ las mngon par 'du bya ba sngon byas pa yang yongs su zad par 'gyur ro// de ci'i phyir zhe na/ de chos thams cad skur pa ma yin pa dang / rnying pa ma yin par shes pa'i phyir ro// de shes pa de bya bu dang ldan po'i 'dra byed du gtogs pa rnams rmel ma lta bur mos par byed de/ 'di lta ste/ dperan/ rmig

  668. 335a

    @/ lam na skye ba dang / 'chi ba dang / bde ba dang / sdug snga la rmib de bzhin du 'du byed thams cad la mos par byed do// de de ltar mos pas 'khor bas skyong / bapar mi 'gyur la/ sems can thams cad la yang snying rje bar 'gyur ro// chos thams cad la bcos mar 'du shes su 'gyur te/ de 'di snyam du bdag skal pa stong phrag 'di snyed/ gcig tu 'khor bar gyur pa de yang dag par ma yin zhing med pa'o// 'byung ba chen po rnams ni med pas/ gang na 'byung ba chen po rnams mi srid pa'i sems can thams cad kyi 'khor ba yang de/ bzhin te/ yang drag pa ma yin zhing med pa'o snyams du sems so// rnam par 'phrul pa'i rgyal po byang chub sems dpa'i de sngon gyi gnas rjes su dran pa de 'byung ba rnams dang / 'du byed rnams mi rtag pa nyid du mthong ste/ de ci'i phyir zhe na/ de ni 'khor los sgyur ba'i bde ba rjes su dran la/ de yang mi rtag pa dang / 'gyur ba'i chos can yin/ brgya byin gyi bde ba rjes su dran la/ de yang mi rtag pa dang / 'gyur ba'i chos can yin no// tshangs pa'i bde ba rjes su dran la/ de srung mi rtag pa dang 'gyur ba'i chos can yin no// spro gyi sangs rgyas bcom ldan 'das rnams kyi zhing gi yon tan bkod pa dang / nyan thos kyi yon tan bkod pa dang / byang chub sems dpa'i yon tan bkod pa nye bar spyod pa dang / yongs su spyod

  669. 335b

    pa rjes su dran zhing sangs rgyas bcom ldan 'das de dag gi gzugs kyi sku phun sum tshogs pa dang / chos kyi 'khor lo skor ba phun sum tshogs pa yang rjes su dran no// da de ltar rjes su dran pa na/ 'dus byas kyi dngos po thams cad dang / yongs su 'dzin pa thams cad la/ mi lta ba'i 'du shes pa yin no// de ci'i phyir zhe na/ 'di ltar de 'di snyam du spangs rgyas kyi zhing rgya chen po dang / sangs rgyas kyi gzugs kyi sku de dag kyang zad pa'i chos nyid kyis zad pa yin te/ de bas na bdag gis yongs su gzung ba 'di yang mi rtag go snyam du sems shing / / de dag gi yongs su bzung ba mi rtag pa nyid la yang rton/ 'gyur ba la yang ston to// de 'di snyam du yang sems te/ e ma'o 'du byed thams cad shin tu mi rtag na/ sems can rnams ni rtag par 'du shes so snyam du sems can rnams la de snying rje chen po skye zhing / dngos po thams cad la mi lta bar 'gyur ro// rnam par 'phrul pa'i rgyal po 'di ni byang chub sems dpa'i mngon par shes pa'i rnam par 'phrul pa bzhi pa ste/ dngos po thams cad mi rtag par yang rtogs la/ sems can yongs su smin par bya ba'i phyir/ srid pa rnams su bsams bzhin du skye ba dang / yongs su 'dzin pa med par bya ba'i phyir yongs su gzung ba yongs su 'dzin cing sems can rnams yongs su smin par bya ba 'di nyid kyi phyir/ nye bar len

  670. 336a

    pa med par nye bar len to/ / rnam par 'phrul pa'i rgyal po de la byang chub sems dpa' rnams kyi rdzu 'phrul gyi rnam par 'phrul pa gang zhe na/ rnam par 'phrul pa'i rgyal po 'di la byang chub sems dpa' 'dun pa dang / brtson 'grus dang / sems dang da pyod pa las sems la dbang ba'i rnam pa mngon par bsgrubs pa'i rdzu 'phrul gyi rkang pa thob ste/ de shin tu cher mngon par 'dus byas pa med par/ rdzu 'phrul mngon du thob po// de 'dod na sems bskyed pa gcig gis 'jig rten gyi khams gang+gA'i klung gi bye ma snyed dag tu 'gro zhing der song bar yang shes la/ 'di nas kyang mi g.yo'o// de na chos ston par yang snang la/ 'di ni gtam brjod pa'i rgyun yang mi 'chad do// rnam par 'phral pa'i rgyal po 'di ni byang chub sems dpa'i rdzu 'phrul gyi rnam par 'phral pa ste rnam par 'phrul pa des rdzu 'phrul gyis cho 'phrul gyis gdul ba'i sems can rnams 'dul bar byed de/ lha yang rung / mi yang rung / sems can gang dag rtag par 'du shes pa de dag la sreg pa'i bskal pa nye bar ston te/ de na stong sum gyis 'jig rten gyi khams chag par de dag gis mthong la/ 'jig rten gyi khams de zhig par yang mi 'gyur ro// sems can gang dag lhag pa'i/ nga rgyal can de dag la ni gnod sbyin lag na rdo rje'i gzugs su nye bar ston te/ de rdo rje 'bar la kun tu rab tu mched cing 'bar ba rab tu 'jigs par byed pas de dag 'jig par byas nas

  671. 336b

    de dag nga rgyal med par gyur te/ de la phyag 'tshal lo// gang dag 'khor los sgyur ba'i kha dog la mos pa de dag sa ni/ 'khor los sgyur ba'i kha dog dang / gzugs kyis chos ston gang dag rgya byin gyi kha dog la mos pa de dag la ni brgya byin gyi kha dog dang gzugs kyis rmis ston/ gang dag bdud kyi kha dog la mos pa de dag la ni bdud kyi kha dog dang / gzugs kyis chos ston// sems can gang dag tshangs pa'i kha dog la mos pa de dag la ni tshangs pa'i kha dog dang / gzugs kyis chos ston/ gang dag nyan thos dag dang / rang sangs rgyas kyi kha dog la mos pa de dag la ni de lta bu'i kha dog dang / gzugs nyid kyis chos ston/ sems can gang dag sangs rgyas kyi kha dog la mos pa de dag la ni sangs rgyas kyi kha dog dang / gzugs kyis chos ston te/ de sems can kha gcig la ni nam mkha' la skyil mo krung du 'dug nas/ 'od rnams las 'od gzer phyung ste chos ston to// de sems can rgya chen po la mos pa rnams la ni stod sum gyi stong chen po'i 'jig rten gyi khams thams cad bA re bres/ dar gyi chun kor gyi 'phreng ba sbyangs/ gdugs dang / rgyal mtshan dang / ba dan gyis brtan/ dril bu'i dra bas bskyod/ me tog sna tshogs bkram bdug pas bdugs/ sil snyan 'bum phrag du ma gsil ba stan nas chos ston/ sems can kha cig la ni stong sum gyi 'jig rten gyi khams thams cad rgya mtsho gcig tu byin gyis brlabs te/

  672. 337a

    me tog ut+pal dang / ku mu dA dang / pad+ma dkar pos khebs par byas nas/ de'i dbus su seng ge'i khri mngon par sprul te/ de la bdag 'dug nas chos ston// sem+ba can kha cig la ni ri rab kyi rtse mor bdag 'dug par bstan nas tshangs pa'i sgrar smra ba'i dbyangs kyis chos ston/ sems can kha cig la ni lus mi snang bar sgra snyan par grag pa'i rnam par rig byed kyi chos ston/ sems can kha cig la ni dri za'i gzugs kyis glu dang / rol mo'i dbyangs sgra dga' ba'i sbyor bas chos ston/ sems can kha cig la ni klu'i dkyil 'khor gyi sbyor bas sprin dang / 'brug sgra dang / klog dang char gyi rgyun 'bab pa bstan nas chos ston/ bkres pa dang / skom pas nyan pa kha cig la ni lha'i bza' ba dang / btung ba sbyin nas bde bar gyur pa la chos ston// sems can dmyal ba pa'i sam+ba can gang dag sdug sngal gyis shin tu gzir ba de dag la ni/ rdzu 'phrul gyi mthus sems can dmyal ba'i me zhi bar byas nas/ spyi'i bu ga thams cad du gzi byin bcug ste/ bde ba thob par gyur pa rnams la chos ston/ sems can long ba rnams la ni rdzu 'phrul gyi mthus mig byin te/ mig dang ldan par gyur pa la chos ston/ sems can gang dko rna ba da bral zhing 'on par gyur pa de dag la ni/ rdzu 'phrul gyi mthus rna ba dang ldan par byas te/ de dag la chos ston/ sems can gang dag nad sna tshogs kyis gzir ba de dag la ni nad med par byas

  673. 337b

    nas/ nad dang bral ba rnams la chos ston/ sems can gang dag gsad du khrid cing srog gi bar chad can du gyur pa de dag gi phyir ni/ rdzu 'phrul gyi mthus de dang 'dra ba gzhan dag sprul te/ bsam nas de dag thar par byas te/ srog gi dbugs byin par gyur pa rnams la chos ston sems can yan lag dang / nying lag nyams shing dbang po drang bral ba/ mi sdug pa/ mi 'jigs pa med pa/ sems rang gi lus la zhum pa de dag la yang rdzu 'phrul gyis mthus yan lag dang / nying lag thams cad dang ldan par byas pa'i 'og tu gzugs bzang po can la chos ston/ sems can mngal gyi gnas na 'khod pa blan zhing mi gtsang ba'i snying pos 'tsho ba de dag kyang rdzu 'phral gyi mthus btul te/ mngal nyid du rin po che bkod pa'i khang pa brtsegs par 'dug nas de dag gi yid kyi blo bskyed de/ de dag la chos ston/ btsas te dbang po yongs su ma smin pa rnams kyang rdzu 'phrul gyi mthus ngag gi las kyi rnam par rigs byed kyis byis pa rnams la chos ston to// rnam par 'phrul pa'i rgyal po byang chub sems dpa' de rdzu 'phrul de lta bu dang ldan pas/ cho 'phrul bsam gyis ma khyab pa gzhan dag gis kyang chos ston/ de zla ba dang nyi ma la mos pa'i sems can rnams 'dul ba'i phyir/ zla ba dang nyi ma'i gzhal med khang rnams ni zla ba dang / nyi ma ltar snang zhing rdzu 'phrul gyi mthus kyang zla ba dang nyi ma'i dkyil 'khor dang / stod sum gyi stong chen

  674. 338a

    po'i 'jig rten gyi khams lag mthil du bzhag ste/ 'jig rten gyi khams mtha' yas par 'gro'o// de 'gro bar yang snang la/ gzhi nas gsos pa yang med do// 'dod na sangs rgyas kyi zhing gang+gA'i klung gi bye ma snyed dag spu'i dra ba gcig tu bcug nas/ tshangs pa'i 'jig rten du 'dug cing / 'jig rten gyi khams mtha' yas par 'phen kyang / sems can gang la yang gnod par yang mi 'gyur la/ slar yang gnas ji lta bu nyid du 'jog kyang sems can rnams kyis bdag cag khyer ba 'am/ slar blangs par mi shes so// kha'i dbugs gcig gis kyang sreg pa'i bskal pa gang+gA'i klung gi bye ma snyed dag zhi bar byed do/ / skyil mo krung gcig tu 'dug pas kyang sangs rgyas kyi zhing gang+gA'i klung gi bye ma snyed dag tu 'gro'o// lag pa gnyis kyi nyi ma dang zla ba bsgribs te/ sangs rgyas kyi zhing de dag kyang snang bar byas nas chos ston to// rnam par 'phrul pa'i rgyal po byang chub sems dpa' de/ gal te de bzhin gshegs pa'i spyan snga na 'dug par 'gyur la/ 'dod na de bzhin gshegs pa la mchod pa'i las bya ba'i phyir/ me tog gi phur ma ri rab lta bu dag de bzhin gshegs pa'i sku la 'thor zhing / me tog gi phur ma de dag kyang gtor ma thag tu de bzhin gshegs ba'i sku'i nang na snang ngo / / stong sum gyi stong chen po'i 'jig rten gyi khams 'din shing ngam/ rtswa gang dag yod pa de dag thams cad de bzhin gshegs pa la mchod pa'i las bya ba'i phyir

  675. 338b

    mar me dang / yon chab du byin gyis rlob ste/ de dag kyang 'bar zhing me dang / yon chab kyi char bab par snang ngo // sems can thams cad kyi mdun du yang bdag gi lus nye bar ston ste/ brgya byin du ston pa 'am/ tshangs par ston pa 'am/ nyan thos su ston pa 'am/ rang sangs rgyas su ston pa 'am/ sangs rgyas su ston pa ji ltar mos pa'i gzugs su ston to// rnam par 'phrul pa'i rgyal po de ni/ byang chub sems dpa' rnams kyi mngon par shes pa'i rnam par 'phrul pa ste/ 'di lta ste/ lha'i mig gzugs lta ba la thogs pa med pa dang / b+ha'i rna ba swA nyan pa la sgrib pa med pa dang / sems can thams cad kyi sems kyi spyod pa shes pa la thogs pa med pa'i shes pa nyid dang / bskal pa grangs med pa rjes su dran zhing bskal pa grangs med par gnas pa la thogs pa med/ sgrib pa med pa dang / thams cad nye bar ston cing len pa med pa dang / dor ba med par byed pa 'di ni mngon par shes pa'i rnam par 'phrul pa zhes bya ste/ rnam par 'phrul pa'i rgyal po sangs rgyas thams cad bstan par bya ba'i mngon par ston shes pa gang yin pa dang / sems can thams cad kyi dbang po mchog dang / mchog ma yin pa shes pa'i mngon par shes pa gang yin pa dang / nyan thos kyi theg pas 'dul ba'i mngon par shes pa gang yin pa dang / rang sangs rgyas

  676. 339a

    kyi theg pas 'dul ba'i mngon par shes pa gang yin pa dang / theg pa chen pos 'dul ba'i mngon par shes pa gang yin pa dang / 'chi 'pho dang / skye ba dang // mdo par shes pa gang yin pa dang / sems can yongs su smin par bya ba shes pa'i mngon par shes pa gang yin pa dang / mngon par 'byung ba yang dag par shes pa spyod pa dag mngon par shes pa gang yin pa dang / thabs la mkhas pa mngon par shes pa gang yin pa dang / sbyin pa yongs su bsngo ba'i mngon par shes pa gang yin pa dang / tshul khrims dang / bzod pa dang / brtson 'grus dang / bsam gtan dang / shes rab yongs su bsngo ba dang / bdud tshar gcad pa dang / dge ba'i rtsa ba la sbyor ba mngon par shes pa gang yin pa de ni mngon par shes pa zhes bya'o/ / rnam par 'phrul pa'i rgyal po gzhan yang byang chub sems dpa' mngon par shes pa thob pa ni gzugs dang / kha dog dang / gzi brjid dang / snyan pa dang / grags pa dang / stobs dang / rigs dang / rus dang / nor dang / g.yo/ 'khor rnams kyis mngon par shes par 'gyur te/ de'i phyir mngon par shes pa zhes bya'o// rnam par 'phrul pa'i rgyal po gzhan yang mngon par shes pa thob pa'i byang chub sems dpa' lha dang / klu dang / gnod sbyin dang / dri za dang / lha ma yin dang / nam mkha' lding dang / me 'am ci dang / lto 'phye

  677. 339b

    / chen po dang / mi dang mi ma yin pa rnams dang / brgya byin dang / tshangs pa dang / 'jig rten skyong ba rnams dang / de bzhin gshegs pa dgra bcom pa yang dag par rdzogs pa'i sangs rgyas rnams kyis mngon par shes par 'gyur te/ de bas na mngon par shes pa zhes bya'o// rnam par 'phrul pa'i rgyal po de ni mngon par shes pa zhes bya ste/ mngon par pa des byang chub sems dpa' sngon dam bcas pa las kyang mi 'gyur la bya ba thams cad kyang ston to/ / rnam par 'phrul pa'i rgyal po de la shes pa'i rnam par 'phrul ba gang zhe na/ 'di lta/ ste/ phung po shes pa dang / khams shes pa dang / skye mched shes pa dang / rten cing 'brel par 'byung ba shes pa dang / bden pa shes pa'o// rnam par 'phrul pa'i rgyal po de la phung po shes pa gang zhe na gzugs stong pa dang / gzugs kyi sngon gyi mtha' stong pa dang / gzugs kyi phyi ma'i mtha' stong pa dang / gzugs kyi dbus stong pa dang / rnam par 'phrul pa'i rgyal po de bzhin du/ tshor ba dang / 'du shes dang / 'du byed rnams dang / rnam par shes pa stong pa dang / rnam par shes pa'i sngon gyi mtha' stong pa dang / rnam par shes pa'i phyi ma'i mtha' stong pa dang / rnam par shes pa'i dbus stong pa yin te/ nye bar len pa'i phung po lnga po de dag stong zhing shin tu stong par shes pa de ni phung po shes pa zhes bya'o//

  678. 340a

    rnam par 'phrul pa'i rgyal po de la khams shes pa gang zhe na/ sa'i khams chos kyi dbyings/ chu'i khams chos kyi dbyings/ me'i khams chos kyi dbyings/ rlung gi khams chos kyi dbyings te/ de ci'i phyir zhe na/ khams bzhi po de dag thams cad chos kyi dbyings su khams gcig ste/ 'di lta ste/ nam mkha'i khams yin la/ nam mkha'i khams de dang / chos kyi dbyings de ni dbyings ma yin te/ de ni sa'i khams ma yin/ chu'i khams ma yin/ me'i khams ma yin/ rlung gi khams ma yin pa'i phyir ro// de ci'i phyir zhe na/ 'gyur pa med pa'i dbyings ni chos kyi dbyangs/ gnyis su med pa'i dbyings ni chos kyi dbyings/ skye ba med pa'i dbyings ni chos kyi dbyings kun nas nyon mongs pa med pa'i dbyings ni chos kyi dbyings/ shin tu rnam par dag pa'i dbyings ni chos kyi dbyings yin pa'i phyir te/ chos kyi dbyings ci 'dra bar dag gi dbyings kyang de bzhin sems kyi dbyings kyang de bzhin/ srog gi dbyings kyang de bzhin/ gang zag gi dbyings kyang de bzhin/ 'khor ba'i dbyings kyang de bzhin// mya ngan las 'dra ba'i dbyings kyang de bzhin te/ mya ngan las 'das pa'i dbyings ji lta ba de bzhin du 'dod pa'i khams kyang de'i khams/ gzugs kyi khams kyang de'i khams/ gzugs med pa'i khams kyang de'i khams/ 'dus byas kyi

  679. 340b

    khams kyang de'i khams/ 'dus ma byas kyi khams kyang de'i khams te/ de bas na mya ngan las 'das pa'i dbyings shes bya'o// rnam par 'phrul pa'i rgyal po khams rnams la de ltar gzhan dring la mi 'jog par shes pa gang yin pa de ni khrims shes pa zhes bya'o/ / rnam par 'brub pa'i rgyal po de la skye mched shes pa ga n+tu/ mig ni dang bzhisas ma skyes zhing ma byung ba/ de la byed pa po gang yang med do// rnam par 'phrul pa'i rgyal po de bzhin du rna ba dang / sna dang / lce dang / lus dang / yid kyang rang bzhin las ma skyes shing ma byung ba ste/ la byed pa po gang yang med do// rnam par 'phrul pa'i rgyal po mig ni bdag po med pa ste/ de la lta ba po gang yang med de// rna ba ni bdag po med pa ste/ de la nyan pa po gang yang med do// sna ni bdag po med pa ste/ de la snom pa po yang med do// lce ni bdag po med pa ste/ de la myong ba po gang yang med do// lus ni bdag po med pa ste/ de la reg pa po gang yang med do// yid ni bdag po med pa ste/ de la shes pa po gang yang med do// rnam par 'phrul pa'i rgyal po mig gi rang bzhin gzugs mi mthong / rna ba'i rang bzhin sgra mi nyan/ sna'i rang bzhin dri mi snom lce'i rang bzhin ro myong bar mi byed/ lus kyi rang bzhin reg bya la reg par mi byed/ yid kyi rang bzhin chos shes par mi byed do// de ci'i phyir zhe na/ mig ni byed pa med pa ste/

  680. 341a

    dang / shing dang / rtsig pa dang gyo mo lta bu yin pa dang / de bzhin du na pa dang / sna dang / lce dang / lus dang / yid byed pa med pa ste/ rtswa dang / shing dang / rtsig pa dang // gyo mo lta bu yin pa'i phyir ro// rnam par 'phrul pa'i rgyal po mig ni tshigs pa yang ma yin/ chags pa med pa yang ma yin no// de ci'i phyir zhe na/ mig ni rang bzhin gyis chags pa med pa'i phyir ro// rnam par 'phrul pa'i rgyal po rna ba dang / sna dang // lce dang / lus dang / yid ni chags pa yang ma yin/ chags pa med pa yang ma yin no// de ci'i phyir zhe na/ yid ni rang bzhin gyis chags pa med pa'i phyir ro/ / rnam par 'phrul pa'i rgyal po skye mched thams cad la gang de ltar rab tu shes shing / shes nas kyang chags pa med pa de ni skye mched shes pa zhes bya'o// gang phung po dang // khams dang / skye mched rnams la de ltar shes nas skye ba med pa dang / 'byung ba med pa dang / shin tu mya ngan las 'da' bar mya ngan las 'das par gyur kyang skye zhing 'byung la/ phung po dang / khams dang / skye mched rnams kyang yongs su 'dzin cing / phung po dang / khams dang / skye mchod rnams kyang mi spong ba de ni/ de'i shes pa'i rnam par 'phrul pa'o// gang phung po dang / khams dang / skye mched de dag gi mtshan nyid gang yin pa dang / ngo bo nyid gang yin pa de dag rab tu shes la/ de rnams spong bar yang mi byed cing / khams gsum na yang snang la

  681. 341b

    nyon mongs pa dang yang lhan cig tu mi gnas shing / skye ba dang / 'byung ba dag kyang ston la/ skye bar yang mi 'gyur/ 'chi 'pho bar yang mi 'gyur ba de ni/ de'i shes pa'i rnam par 'phrul// pa'o// de la rten cing 'brel par 'byung ba shes pa gang zhe na/ ma rig pa ni 'du byed rnams kyi rkyen yin mod kyi/ ma rig pa yang 'di snyam du/ bdag ni 'du byed rnams skyed do snyam du mi sems/ 'du byed rnams ni rnam par shes pa'i rkyen yin mod kyi/ 'du byed rnams kyang 'di snyam du bdag cag ni rnam par shes pa skyed do snyam du mi sems/ rnam par shes pa ni ming dang gzugs kyi rkyen yin mod kyi/ rnam par shes pa yang 'di snyam du bdag ni ming dang gzugs skyed do snyam du mi sems/ ming dang gzugs ni skye mched drug gi rkyen yin mod kyi/ ming dang gzugs kyang 'di snyam du bdag ni skye mched drug skyed do/ / snyam du mi sems/ skye mched drug ni rig pa'i rkyen yin mod kyi/ skye mched drug kyang 'di snyam du/ bdag ni reg pa skyed do snyam du mi sems/ reg pa ni tshor ba'i rkyen yin mod kyi/ reg pa yang 'di snyam du bdag ni tshor ba skyed do// snyam du mi sems/ tshor ba ni sred pa'i rkyen yin mod kyi/ tshor ba yang 'di snyam du bdag ni sred pa skyed do snyam du mi sems/ sred pa ni len pa'i rkyen yin mod kyi/ sred pa yang 'di snyam du bdag ni len pa skyed do snyam du mi sems/ len pa ni srid pa'i rkyen yin mod kyi/

  682. 342a

    len pa yang 'di snyam du bdag ni srid pa skyed do snyam du mi sems/ srid pa ni skye ba'i rkyen yin mod kyi/ srid pa yang 'di snyam du bdag ni skye ba skyed do snyam du mi sems/ rtse ba ni rga shi'i rkyen yin mod kyi/ skye ba yang 'di snyam du bdag ni rga shi skyed do snyam du mi sems te/ rnam par 'phrul pa'i rgyal po gang gi tshe/ byang chub sems dpa' de ltar rten cing 'brel par 'byung ba la so sor rtog pa na/ de las chad par lta ba 'am/ rtag par lta ba'i lta ba gnyis la gnas par mi 'gyur ro// de 'di snyam du chos 'di dag thams cad ni rgyu dang rkyen la rag las pa'o snyam du sems shing de rgyu dang rkyen de dag tshol te/ btsal na yang mi rnyed do// de nas de rten cing 'brel par 'byung ba la mnyam par shes pa 'jug go/ shes pa ji lta bu zhig 'jug ce na/ rten cing brel par 'byung ba dang / skye ba med par mnyam pa ste/ stong pa nyid gang dang mnyam pa rten cing 'brel par 'byung ba yang de dang mnyam tshan ma med pa gang dang mnyam pa rten cing 'brel par 'byung ba yang di dang mnyam/ smon pa med pa gang dang mnyam pa rten cing 'brel par 'byung ba yang de dang mnyam mo// mnyam pa de nyid gang gis de bzhin gshegs pas chos thams cad mngon par rdzogs par sangs rgyas pa de/ rten cing 'brel par 'byung ba dang mnyam mo// rten cing 'brel par 'byung ba gang dang mnyam pa de la bdag skye ba med/ sems can skye ba med/ srog skye

  683. 342b

    ba med/ gang zag skye ba med/ de la chos gang yang skye ba med de/ de bas na rten cing 'brel par 'byung ba zhes bya'o// rten cing 'brel par 'byung ba ni/ 'byung ba med par blta bar bya ste/ gang 'byung ba med par shes pa de ni/ rten cing 'brel par 'byung ba shes pa yin mod kyi/ yang ma rig pa dang / rig pa de gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o/ / 'du byed dang / 'du byed ma yin pa de dag gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o// rnam par shes pa dang / rnam par shes pa ma yin pa de ni/ gnyis su med cing gnyis su dbyed med de/ gang de shes pa de ni rten cing 'brel par 'byung ba shes pa'o// ming dang gzugs dang / ming dang gzugs med pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o// skye mched drug dang skye mched drug med pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o// reg pa dang / reg pa med pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o/ / tshor ba dang / tshor ba med pa de ni gnyis su med cing gnyis su dbyer med da / gang de shes pa de ni rten cing 'brel par 'byung ba shes pa'o// sred pa dang // sred

  684. 343a

    pa med pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o// len pa dang / len pa de med pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o// srid pa dang nying mtshams mi sbyor ba de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o/ / skye ba dang / skye ba med pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o// rga shi dang // rmi lam de ni gnyis su med cing gnyis su dbyer med do/ gang de shes pa de ni rten cing 'brel par 'byung ba shes pa'o// gang rten pa de ni mi gnas pa/ gang rten pa de ni snying po med pa/ gang rten pa de ni mi rtag pa/ gang rten pa de ni stong pa/ gang rten pa de ni song ba med pa dang / 'ong ba med pa/ gang rten pa de ni ma byung ba/ gang rten pa de la ni ril por 'dzin pa med pa/ gang rten pa de ni 'jug pa med pa ste/ gang de shes pa de ni rten cing 'brel par 'byung ba shes pa'o// gang rten cing 'brel par 'byung ba mthong ba de ni ma rig pa mi mthong / 'du byed rnams mi mthong / rnam par shes pa mi mthong / ming dang gzugs mi mthong / skye mched drug mi mthong / reg pa mi mthong / tshor ba mi mthong / sred pa mi mthong / len pa mi mthong / srid pa mi mthong

  685. 343b

    skye ba mi mthong / rga shi mi mthong ste/ de ltar gang chos la tshul bzhin du mthong ba des ni/ rten cing 'brel par 'byung ba mthong ngo // gang rten cing 'brel par 'byung ba des ni chos mthong ngo // chos gang mthong zhe na/ 'dod chags dang bral ba'i chos mthong ngo // ci'i phyir 'dod chags dang bral ba zhes bya zhe na/ 'di ltar de las chos thams cad chags pa'i lta ba dang bral bas de'i phyir 'dod chags dang bral ba'i chos mtho ba zhes bya'o/ / ci nas kyang lhag par yang mi byed/ bri bar yang mi byed pa de ltar mthong / ci nas kyang de kho na las mi g.yo zhing mi chags pa de ltar mthong / ci nas kyang chos kyi dbyings tha dad par mi 'gyur ba de ltar mthong / ci nas kyang yang dag pa'i mtha' skyon med pa de ltar mthong / ci nas kyang mthong bas mthong ba yang mi mthong ba de ltar mthong ci nas kyang sha'i mig gis mthong ba ma yin pa dang / lha'i mig gis mthong ba ma yin pa dang / shes rab kyi mig gis mthong ba ma yin pa de ltar mthong ngo // de ci'i phyir zhe na/ sha'i mig/ ni byed pa med pa ste/ rnam par byed pa med pa'i phyir mi mthong / lha'i mig ni mngon par 'dus byas pa yin pas/ des 'dus ma byas pa mthong bar sla ba ma yin/ shes rab kyi mig ni// rnam par mi rtog pa ste/ rnam par mi rtog pas mthong ba'i phyir ro// rnam par 'phrul pa'i rgyal po byang chub sems dpa' gang chos rnams la de ltar mthong ba des de bzhin gshegs pa mthong

  686. 344a

    ste/ gzugs su mthong ba ma yin/ tshor ba ma yin/ 'du shes su ma yin/ 'du byed rnams su ma yin/ rnam par shes par mthong ba ma yin/ mtshan dang / dpe byad bzang por ma yin/ chos kyi dbyings su ma yin/ tshul khrims su mthong ba ma yin/ ting nge 'dzin du ma yin/ shes rab tu ma yin/ rnam par grol bar ma yin/ rnam par 'grol ba'i ye shes mthong bar mthong ba ma yin/ 'das par ma yin/ ma 'ongs par ma yin/ da ltar byung bar mthong ba ma yin te/ gang de ltar mthong ba de ni de bzhin gshegs pa mthong ba'o/ / de nas bcom ldan 'das la byang chub sems dpa' rnam par 'phrul pa'i rgyal pos 'di skad ces gsol to// bcom ldan 'das gang chos 'di rnams mthong ba des de bzhin gshegs pa mthong bar 'gyur pa'i rnam grangs mchis lags sam/ bcom ldan 'das kyis bka' stsal pa/ rnam par 'phrul pa'i rgyal po yod do// de ci'i phyir zhe na/ gzugs ni zad pa'i mtshan nyid skye ba med pa'i rang bzhin can te/ gang gzugs de ltar mthong ba de ni de bzhin gshegs pa mthong ba'o// tshor ba dang / 'du shes dang / 'du byed rnams dang / rnam par shes pa ni zad pa'i mtshan nyid/ skye ba med pa'i rang bzhin can te/ gang rnam par shes pa de ltar mthong ba de ni de bzhin gshegs pa mthong ba'o// tshul khrims ni mngon par

  687. 344b

    'du mi byed pa'i mtshan nyid 'dus ma byas pa ste/ gang tshul khrims de ltar mthong ba de ni de bzhin gshegs pa mthong ba'o// ting nge 'dzin ni mnyam par mthong ba rnam par dag pa'o// de ltar ngas de bzhin gshegs pa mar me mdzad kyi tshe mthong ba rnam par dag go/ / der ngas rten cing 'brel par 'byung ba mthong bas kyang de bzhin gshegs pa mthong bar gyur to// byang chub sems dpa' rnam par 'phrul pa'i rgyal pos gsol pa/ bcom ldan 'das kyis mar me mdzad kyi pha rol tu de bzhin gshegs pa dag gzigs pa de dag ji ltar gzigs/ bcom ldan 'das kyis bka' stsal pa/ gzugs kyi mtshan nyid yongs su rtog par mthong bas mthong gi/ chos kyi sku gnyis su med par mthong bas ni ma yin no// rnam par 'phrul pa'i rgyal po khyod mos par bya'o/ / khyod kyi khong du chud par bya'o// ngas byang chub kyi sems bskyed tshun chad de bzhin gshegs pa mar me mdzad ma gtogs par nam yang de bzhin gshegs pa ma mthong ngo/ / de ci'i phyir zhe na/ gzugs kyi mtshan nyid mthong bas de bzhin gshegs pa mthong ba rnam par dag pa ma yin pa'i phyir ro// rnam par 'phrul pa'i rgyal po de bas na// de bzhin gshegs pa mthong bar 'dod pas/ ji ltar ngas chos nyid gcig pa dang / chos nyid gnyis su med par mar me mdzad mthong ba de ltar lta bar bya'o// ji ltar chos nyid gcig pa yin

  688. 345a

    zhe na/ nga'i lus ji lta ba mar me mdzad kyi sku yang de bzhin/ mar me mdzad kyi sku ji lta ba sems can thams cad kyi lus kyang de bzhin te/ de bas na lus gcig pa dang / gnyis su med pa dang / gnyis su dbyer med pa ste/ 'di lta ste/ mtshan nyid med pa'i phyir chos nyid cig pa shes par bya'o// rnam par brtags pas shes par mi bya'o// rnam par 'phrul pa'i rgyal po 'di ni/ rten cing 'brel par 'byung ba mthong ba zhes bya ste/ rten cing 'brel par 'byung ba mthong bas chos mthong / chos mthong bas kyang sangs rgyas mthong ngo // gang yang sems bskyed pa thams cad la 'gog pa mngon du byed kyang / yongs su mya ngan las mi 'da' zhing mi skye ba dang / dmigs su med pa'i phyir thabs shes pas 'khor ba ston pa 'di ni de'i shes pa'i/ rnam par 'phrul pa'o// de la bden pa shes pa gang zhe na/ bden pa mngon par rtogs pa gang gis nyan thos kyi rnam par grol ba la reg par byed cing / bden pa mngon par rtogs pa de nyid byang chub sems dpa'i mngon par rtogs par byas nas/ rnam par grol ba la yang reg par mi byed pa 'di ni/ de'i shes pa'i rnam par 'phrul pa'o// bden pa mngon par rtogs pa gang gis rang sangs rgyas kyi rnam par grol ba la reg par byed cing / bden pa mngon par rtogs pa de nyid byang chub sems dpas mngon par rtogs par byas nas rnam par grol ba la reg par yang mi byed pa 'di ni

  689. 345b

    de'i skye ba med pa'i rnam par 'phrul pa yin mod kyi/ bden pa shes pa zhes bya ba ni gang yang dag pa ma yin pa med pa sdug bsngal yongs su shes pa'o// de'i yongs su shes pa gang zhe na phyin ci log tu skye ba'i phyir/ de yod pa ma yin zhing med la de dngos po yod pa ma yin gyi dngos po med par shes pa ste/ gang gi tshe sdug bsngal skye ba ci/ 'byung ba med par shes pa de ni sdug bsngal yongs su shes pa'o/ / de la kun 'byung ba yongs su shes pa gang zhe na/ chos rnams ji ltar kun tu 'byung ba de bzhin du spong ba'o// ji ltar kun tu 'byung zhe na/ kun tu 'byung ba zhes bya ba ni/ kun tu 'byung ma thag tu 'ong ba med pas spong ba dang / kun tu 'byung ba la 'gro ba med pas spong ba 'di ni chos rnams kyi tshul te/ 'di la spong bar 'gyur ba'i chos gang yang 'byung ba med de/ sred pa'i bag la nyal gang gis sred pa 'byung ba'i sred pa bag la nyal de spangs na/ de ni kun 'byung ba spangs pa zhes bya'o// de la sdug bsngal 'gog pa gang zhe na/ gang sdug bsngal dang / kun 'byung ba gnyis shin tu 'gag cing chos gang yang 'jig pa med pa de ni 'gog pa zhes bya'o// 'gog pa zhes bya ba ni gang mtshan mar dmigs pa thams cad 'gog pa ste/ de ltar chos rnams kyi ngo bo nyid 'gog pas/ skye bar yang mi byed/ 'gog par yang mi byed pa 'di ni 'gog pa zhes bya'o// de la lam gang zhe na/ lam gang gis chos

  690. 346a

    thams cad btsal na/ dge ba dang / mi dge ba 'am/ zag pa dang bcas pa dang / zag pa med pa 'am/ kha na ma tho ba dang bcas pa dang / kha na ma tho ba med pa 'am/ 'dus byas dang / 'dus ma byas sam/ 'jig rten pa dang / 'jig rten las 'das pa dag mi dmigs pa de ni lam zhes bya'o// chos thams cad tha dad pa med pa'i phyir lam mnyam pa nyid do/ / nyon mongs pa thams cad kyi yongs su gdung ba med pa'i phyir/ lam rab tu zhi ba'o// ngan 'gro thams cad dang bral ba'i phyir/ lam nye bar zhi ba'o// zag pa thams cad yongs su zad pa'i phyir/ lam zag pa med pa'o// lam de ni dmigs par lta ba thams cad kyis bgrod par bya ba ma yin pa'o// lam de ni rnal 'byor spyod pa yang dag par zhugs pa rnams kyis rtog par sla ba'o/ / lam de ni sngon gyi de bzhin gshegs pa rnams bzhud cing rjes su bzhud pa'o// lam de ni mtshan mar rnam par rtog pa thams cad spangs pa'i phyir mtshan ma med pa'o/ / lam gang gi sa gnyis dang mtshan mar mi ltung ba de ni lam zhes bya ste/ gang gi tshe byang chub sems dpa' bden pa bzhi po dag la tshul 'dis rtogs pa de ni bden pa shes ba zhes bya'o/ / bden pa bzhi po 'di rnams nyan thos kyi theg pa pa rnams dang // rang sangs rgyas kyi theg pa pa rnams la ston la/ theg pa de dag la yang 'dod par mi byed pa de ni/ bden pa shes

  691. 346b

    pa'i rnam par 'phrul pa zhes bya'o/ / rnam par 'phrul pa'i rgyal po gzhan yang shes pa'i rnam par 'phrul pa ni gang nyan thos kyi theg pa yang shes la/ de la gnas par shes pa yang ma yin pa dang rang sangs rgyas kyi theg pa pa yang shes la/ de la gnas par shes pa yang ma yin pa dang / sangs rgyas kyi theg pa pa yang shes la/ de la gnas par shes pa'i rnam par 'phrul pa zhes bya'o/ / gzhan yang shes pa'i rnam par 'phrul pa ni gang shes pa gcig gis sems can thams cad kyi sems shes pa dang / sems kyi ngo bo nyid gcig gis sem can thams cad kyi sems kyi ngo bo nyid shes la/ / sems dang shes pa la gnyis su yang mi 'jug pa'o// gzhan yang shes pa'i rnam par 'phrul pa ni gang 'das pa la shes pa dang // mthong ba thogs pa med la/ 'das pa la// ma 'ongs pa'i sems 'pho ba yang med pa dang / ma 'ongs pa la shes pa dang / mthong ba thogs pa med la/ ma 'ongs pa la 'das pa'i sems 'pho ba yang med pa dang / da ltar byung ba la shes pa dang / mthong ba thogs pa med la/ 'das pa dang / ma 'ongs pa dang / da ltar byung ba la yang sems spros pa med pa'o/ / gzhan yang shes pa'i rnam par 'phrul pa ni gang zad pa shes pa'ang shes la/ dge ba'i rtsa ba mngon par 'du byed pa la'ang yongs su mi zad par shes pa

  692. 347a

    dang / skye ba med pa yang shes la/ bsdu ba'i dngos po la yang thabs shes pa 'di ni shes pa'i rnam par 'phrul pa'o// gzhan yang shes pa'i rnam par 'phral ba ni gang shin tu yongs su mya ngan las 'das pa'i chos rnams la gzhan gyis dring la mi 'jog par shes/ shes pa'i stobs des kyang 'di lta ste/ sems can thams cad yongs su smin par bya ba'i phyir/ yongs su mya ngan las 'da' ba 'di ni shes pa'i rnam par 'phrul pa zhes bya'o// rnam par 'phrul ba'i rgyal po de la byang chub sems dpa' shes pa'i rnam par 'phrul pa byed par 'dod pas/ ye shes kyis byas pa'i bya ba rnams bya'i/ nga rgyal gyis byas pa rnams ni mi bya'o// nga rgyal gyi las gang zhe na/ ji tsam du yid rgyu ba de tsam du nga rgyal gyis las so/ / ji tsam du rnam par shes pa rgyu ba de tsam du nga rgyal gyis las so// ji tsam du sems rgyu ba de tsam du nga rgyal gyis las so// ji tsam du dge ba'i tsa ba mngon par 'du byed pa la/ mngon par zhen pa de tsam du nga rgyal gyi las so// ji tsam du lta bar lhung ba'i sbyin pa de tsam du nga rgyal gyis las so// ji tsam du 'du shes su lhung ba'i tshul khrims su gyur pa de tsam du nga rgyal gyi las so/ / ji tsam du bdag dang gzhan la gnas pa'i bzod par gyur pa de tsam du nga rgyal gyi las so// ji tsam du lus dang sems la dmigs

  693. 347b

    pa'i brtson 'grus su gyur pa de tsam du nga rgyal gyis las so/ / ji tsam du rtog pa dang / rnam par rtog pa dang / yongs su rtog pa'i bsam gtan du gyur pa de tsam du nga rgyal gyi las so// ji tsam du bdag dang bdag gir byed pas bskyed pa'i shes rab tu gyur pa de tsam du nga rgyal gyis las so// bdag ni byang chub sems dpa'o snyam pa de ni nga rgyal gyi las so// bdag ni byang chub tu zhugs so snyam pa de ni nga rgyal gyi las so/ / bdag ni sangs rgyas dang / chos dang / dge 'dun gyi tshul mi gcod do// snum pa de ni nga rgyal gyis las so// bdag ni sems can gyi don la yang dag par zhugs so snyam pa de ni nga rgyal gyi las so/ / bdag gis sems can ma rgal ba bsgral lo snyam pa dang / ma grol ba dgrol lo snyam pa dang / dbugs ma phyin pa dbugs dbyung ngo snyan pa dang / yongs su mya ngan las ma 'dra ba yongs su mya ngan las bzla'o snyam pa de ni nga rgyal gyis las so// bdag ni sbyin pa'i bdag po'o// bdag ni tshul khrims dang / bzod pa dang / brtson 'grus dang / bsam gtan dang / shes rab dang ldan no snyam pa de ni nga rgyal gyis las so// bdag ni byams pa dang snying rje dang dga' ba dang / gtang snyoms la gnas so snyam pa de ni nga rgyal gyis las so// bdag ni 'dod pa chung ba/ chog shes pa/ rab tu dben pa la dga' ba'o snyam pa de ni nga

  694. 348a

    rgyal gyis las so/ / bdag ni sbyangs pa smra ba/ bdag ni dgon pa po yo byad bsnyungs pa'o snyam du rlom sems su byed cing / rnam par rtog pa de ni rgyal gyi las so/ / bdag ni stong pa nyid dang // mtshan ma med pa dang // smon pa med pa la gnas pa'o snyam pa de ni nga rgyal gyi las so// bdag ni bden par smra ba'o// yang dag par smra pa'o/ / ji ltar smras pa de ltar smra ba byed pa'o snyam pa de ni nga rgyal gyi las so// bdag ni bdud kyi las las yang dag par 'das la/ bdud bzhi dang lta ba thams cad dang bral zhing / skye ba med pa la bzod pa nyams su blang ngo snyam pa de ni nga rgyal gyi las so// bdag gis byang chub rtogs nas chos kyi 'khor lo bskor te/ sems can rnams thar par byas nas/ phung po lhag ma med pa'i mya ngan las 'das pa'i dbyings su yongs su mya ngan las 'da'o snyam du gang rloms sems su byed cing / rnam par rtog pa de dag thams cad nga rgyal gyi lnga te/ rnam par 'phrul pa'i rgyal po ji tsam du yid nye bar spyod pa dang / sems mtho ba dang / dma' ba dang / rnam par shes pa brtags pa de tsam du nga rgyal gyi las so// rnam par 'phrul pa'i rgyal po de la ye shes kyi las gang zhe no// gang la yid kyi nye bar spyod pa med sems kyi med/ rnam par shes pa'i med de ni ye shes kyi las te/ de ye shes

  695. 348b

    kyis byas pa'i las rnams kyang byed do/ / byang chub sems dpa'i las kyang gang zhe na/ gang byang chub sems dpas bya ba ste/ byang chub sems dpa'i las ni rnam pa gnyis so/ / gnyis gang zhe na/ 'di lta ste/ sems can thams cad yongs su smin par bya ba dang / dam pa'i chos yongs su gzung ba'o// de dag ji ltar shes pa de bzhin du sems can rnams yongs su smin par byed de/ bdag kyang ji ltar shes zhe na/ bdag ni gnas med par shes te/ gang dag gnas med par shes pa de la yid med/ rnam par shes pa med/ sems med/ de de ltar sems can rnams yongs su smin par byed do// dam pa'i chos kyang ji ltar yongs su 'dzin ce na/ gang chos thams cad yongs su 'dzin pa med pa ste/ 'di ni dam pa'i chos yongs su 'dzin pa'o// gzugs yongs su 'dzin pa ni dam pa'i chos yongs su 'dzin bla ma yin/ tshor ba dang / 'du shes dang 'du byed dang rnam par shes pa yongs su 'dzin pa ni dam pa'i chos yongs su 'dzin pa ma yin/ de bzhin du khams yongs su 'dzin pa dang / skye mched yongs su 'dzin pa dang / ming dang gzugs yongs su 'dzin pa ni dam pa'i chos yongs su 'dzin pa ma yin/ dge ba dang / mi dge ba'i chos yongs su 'dzin pa ni/ dam pa'i chos yongs su 'dzin pa ma yin//

  696. 349a

    kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa'i chos yongs su 'dzin pa ni dam pa'i chos yongs su 'dzin pa ma yin sbyin pa'i mtshan ma yongs su 'dzin pa ni dam pa'i chos yongs su 'dzin pa ma yin/ tshul khrims dang bzod pa dang / brtson 'grus dang / bsam gtan dang / shes rab kyi mtshan ma yongs su 'dzin pa ni/ dam pa'i chos yongs su 'dzin pa ma yin no// de ci'i phyir zhe na/ ji tsam du mtshan ma dang / dmigs pa 'byung ba de tsam du chos ma yin/ 'dul ba ma yin pa'i phyir te/ gang 'dzin pa thams cad gtong zhing 'jug pa dang / mi 'jug pa dang / smon pa dang / mtshan ma dang / dmigs pa yongs su mi 'dzin pa 'di ni dam pa'i chos yongs su 'dzin pa'o// de ci'i phyir zhe na/ de bzhin gshegs pas chos rnams mtshan ma med pa dang / dmigs pa med par mngon par rdzogs pa sangs rgyas pa'i phyir te/ de mtshan ma dang / dmigs pa dag gis yongs su bzung bar mi nus so// gang de ltar byang chub sems dpa'i las shes pa de ni ye shes so// ye shes des byang chub sems pa'i bya ba thams cad kyang byed la/ gang zad par yang mi 'gyur ba de ni ye shes

  697. 349b

    pa'i rnam par 'phrul pa zhes bya'o/ / // bam po gsum pa ste tha ma'o// rnam par 'phrul pa'i rgyal po de la shes rab kyi rnam par 'phral/ ba gang zhe na/ chos rnams rnam par 'byed pa tshig rab tu dbye ba dang / so so yang dag par rig pa bzhi po// 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rigs pa nye bar len cing sbron pa'o// de la don so so yang dag par nyid rig pa gang zhe na/ tshig 'bru bshad pa thams cad don nyid la rton pa yin gyi/ tshig 'bru la rton pa ma yin pa ste/ don ces bya ba ni chos thams cad yang dag pa nyid du 'du shes pa'o/ / don ces bya ba ni'adi l+la ste/ brjod du med pa'i don dang / brjed ngas pa med cing tshig 'bru tha dad pa med pa nyid dang / sngon gyi mtha' dang / phyi ma'i mtha' sgra las dben pa nyid de/ de ni don ces bya'o// tshig 'bru bsal ba'i don la ni rten par mi bya'i/ gang tshig 'bru mnyam pa nyid de ni don yin te/ de ni so so yang dag par rig pa zhes bya'o/ / don thams cad yang dag par rig pa ni/ don so so yang dag par rig pa zhes bya'o// de la chos so so yang dag par rig pa gang zhe na/ de chos la rton pa yin gyi//

  698. 350a

    de chos ma yin pa mi rton te/ chos la rton pa la chos ma yin pa snang bar yang mi 'gyur ro// de ci'i phyir zhe na/ des ni chos thams cad ming du brjod pa las dben par shes pa'i phyir ro/ / chos so so yang dag par rig pa zhes bya ba ni theg pa tha dad pa dang / chos tha dad par yang 'chad la/ chos kyi dbyings kyi mtshan nyid tha dad par yang mi byed pa gang yin pa'o/ / de ci'i phyir zhe na/ 'di lta ste/ chos kyi dbyings ni mtshan nyid med par mtshan nyid gcig pa'i phyir ro// de brjod pa gang gis chos rnams brjod/ pa'i brjod pa brag cha'i sgra dang mtshungs pa nyid du 'jug go/ chos gang dag yongs su brjod pa de dag kyang chos kyi dbyings dang mnyam par shes la// shes pa dang tha snyad la thogs pa med pa de ni/ chos so so yang dag par rig pa zhes bya'o// de la nges pa'i tshig so so yang dag par rig pa gang zhe na/ grang lha'i gdags pa shes pa dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / me dang mi ma yin pa'i gdags pa shes pa dang brgya byin dang tshangs pa dang / 'jig rten skyong ba'i gdags pa shes pa dang / tshig gcig dang / gnyis dang / tshig mang po rnams dang / mdor bsdus pa'i

  699. 350b

    tshig bla dgas dang / spoza pa'i tshig bla dgas dang / skyes pa dang / bud med dang / ma ni gri bla dgas dang / 'das pa dang / ma 'ongs pa dang / da ltar byung ba'i tshig bla dgas shes pa dang / chos rnams ji ltar gdags par byas pa dang / gdags pa gang gis sems can gang gis sems kyi rgyud la gdags pa de bzhin du rtogs shing 'dogs so/ / rang gi nges pa'i tshig gis gzhan gyi nges pa'i tshig 'khrug par yang mi byed cing rlom sems su yang mi byed do// de ci'i phyir zhe na/ des chos thams cad nges pa'i tshig med par shes pa'i phyir ro/ / de 'di snyam du gdags pa gang gis chos gang gdags pa'i chos de/ bdags pa de la yod pa ma yin/ gang gis gdags pa'i gdags pa de yang chos de la yod pa ma yin no/ / snyam du sem pa 'di ni nges pa'i tshig ces bya'o// nges pa'i tshig gi sgra 'di gal te yang dag pa'i nges pa'i tshig yin du zin na/ dge ba'i chos kyi nges pa'i tshig la mi dge ba'i chos kyi nges pa'i tshig tu mi'i 'gyur ro/ / de bas na nges pa'i tshig 'di nges par 'byung ba yin par shes par bya'o// nges pa'i tshig so so yang dag par rig pa zhe bya ba ni/ gang gdags pa'i tshig thams cad la chos rtogs pa'o// de ci'i phyir zhe na/ chos thams cad shin tu rtogs pa'i phyir chos rnams mi rtogs so// gang de ltar rtogs

  700. 351a

    pa'i rtogs pa de'i gdags pa dang / bshad pa de ni nges pa'i tshig so so yang dag par rig pa zhes bya'o// de la spobs pa so so yang dag par rig pa gang zhen/ gang gi phyir de la yi ge thams cad so sor snang ba dang / sgra thams cad so sor snang ba dang / ming bstan pa thams cad so sor snang ba'o// ji ltar so sor snang zhe na gsal ba nyid du so sor snang / chos su so sor snang / 'dul bar so sor snang / yang dag par so sor snang ngo // mdo'i sgra dbyangs la mos pa rnams la mdo'i sgra dbyangs so sor snang ngo / / de bzhin du dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / rtogs pa rjod pa dang / de lta bu byung ba dang / skyes pa'i ra ba dang / sha ni tu rgyas pa dang / smad du byung ba dang / chos gtan la phab par bstan pa la mos pa rnams la de bzhin du so sor snang ngo // / sngon gyi sbyor ba la mos pa rnams la sngon gyi sbyor ba rnams so sor snang / sems can thams cad kyi dbang po rnams so sor snang ste/ dad pa rnams la dad pa'i dbang po// brtson 'grus brtsams pa rnams la/ brtson 'grus kyi dbang po/ dran pa dang ldan pa rnams la dran pa'i dbang po// ting nge 'dzin dang ldan pa rnams la ting nge 'dzin gyi dbang ngo po//

  701. 351b

    shes rab can rnams la shes rab kyi dbang po so sor snang ngo // 'dod chags spyod pa nyi khri chig stong yod pa de dag gi dbang po// brgyad khri bzhi stong de bzhin gshegs pa'i ye shes kyi mkhyen te/ de la de bzhin gshegs pa la ni dbang po thams cad so sor snang ngo // de'i rjes su 'brel pa la ni byang chub sems dpa' la so sor snang / zhe sdang spyod pa nyi khri chog stong yod pa de dag gi dbang po brgyad khri bzhi stong de bzhin gshegs pa'i ye shes kyis mkhyen te/ de la de bzhin gshegs pa la ni dbang po thams cad so sor snang ngo / / de'i rjes su 'brel pa ni byang chub sems dpa' la so sor snang ngo // gti mug spyod pa nyi khri chig sbyong yod pa de dag gi dbang po brgyad khri bzhi stong de bzhin gshegs pa'i ye shes kyis mkhyen te/ de la de bzhin gshegs pa la ni dbang po thams cad so sor snang ngo // de'i rjes su 'brel pa ni byang chub sems dpa' la so sor snang ngo // cha mnyam pa la spyod pa nyi khri chig spong yod pa de dag gi dbang po brgyad khri bzhi stong de bzhin gshegs pa'i ye shes kyis mkhyen te/ de la de bzhin gshegs pa la ni dbang po thams cad so sor snang ngo / / de'i rjes su 'brel pa'i byang chub sems dpa' la so song snang ste/ de ni spobs pa so sor yang dag par rig pa zhes bya'o// rnam par 'phrul pa'i/

  702. 352a

    rgyal po de la don so so yang dag par rig pa gang yin pa dang / chos so so yang dag par rig pa gang yin pa dang / nges pa'i tshig so so yang dag par rig pa gang yin pa dang / spobs pa so so yang dag par rig pa gang yin pa dang / byang chub sems dpa'i so so yang dag par rig pa de dag thams cad ni rtsa ba shes rab yin/ gzhi shes rab yin/ shes rab tu yang dag par 'du ba yin te/ byang chub sems dpa' shes rab can na rnam par 'phrul ba 'di dag dang / gzhan dag kyang rnam par byed/ bcom ldan 'das shes rab kyi rtsa ba gang lags/ gzhi gang lags yang dag par 'du ba gang lags/ rnam par 'phrul pa'i rgyal po shes rab ni rtsa ba thos pas/ gzhi thos par yang dag par 'du ba'o/ / thos pa'i rtsa ba gang lags gzhi lags/ yang drag par 'du ba gang lags/ yang rnam par 'phrul pa'i rgyal po thos pa ni rtsa ba dge ba'i bshes gnyen yin/ gzhi dge ba'i shes gnyen yin/ yang dag par 'du ba dge ba'i bshes gnyen yin no// dge ba'i bshes gnyen gyi rtsa ba gang lags/ gzhi gang lags yang dag par 'du ba gang lags/ rnam par 'phrul pa'i rgyal po dge ba'i bshes gnyen gyi rtsa ba ni gus pa yin/ gzhi ni gus pa yin/ yang dag par 'du ba yang gus pa yin no// gus

  703. 352b

    pa'i rtsa ba gang lags/ gzhi gang lags/ yang dag par 'du ba gang lags/ rnam par 'phrul pa'i rgyal po gus pa'i rtsa ba ni lhag pa'i bsam pa yin/ gzhini lhag pa'i bsam/ ba yin/ yang dag par 'du ba yang lhag pa'i bsam pa yin no// lhag pa'i bsam pa'i rtsa ba gang lags/ ka ni gang lags/ yang dag par 'du ba gang lags/ rnam par 'phrul pa'i rgyal po lhag pa'i bsam pa'i rtsa ba ni rgyu med pa yin gzhi ni rgyu med pa yin/ yang dag par 'du ba yang rgyu med pa yin no// rgyu ma mchis pa'i rtsa ba gang lag gzhi gang lags/ yang dag par 'du ba gang lags rnam par 'phrul pa'i rgyal po rgyu med pa'i rtsa ba ni snying rje chen po yin/ gzhi ni snying rje chen po yin yang dag par 'du ba yang snying rje chen po yin no/ / snying rje chen po'i rtsa ba ni gang lags/ gzhi ni gang lags/ yang dag par 'du ba gang lags/ rnam par 'phrul pa'i rgyal po snying rje chen po'i rtsa ba ni sems can thams cad yin gzhi ni sems can thams cad yin/ yang drag par 'du ba yang sems can thams cad yin no// de ci'i phyir zhe na/ rnam par 'phrul pa'i rgyal po thams cad rab tu dgrol ba'i phyir/ byang chub sems dpa'i snying rje chen po las thams cad mkhyen pa nyid kyi sems skye ba'i phyir te/ rnam par 'phrul pa'i

  704. 353a

    rgyal po 'di yang byang chub sems dpa'i shes rab kyi rnam par 'phrul pa'o/ / rnam par 'phrub pa'i rgyal po gzhan yang byang chub sems dpa'i shes rab kyi rnam par 'phrul pa ni/ gang chos kyi sgo gcig la sra brtsams nas/ bskal pa 'am/ bskal pa las lhag par bshad pa gzhan dang / gzhan dag gis 'chad cing 'dug pa na/ chos gang yang chos nyid dang 'gal bar mi byed de/ de 'dod na lus mi snang bas sems can rnams la chos ston to// spu'i khung bu thams cad nas kyang chos ston pa 'byin/ sems can gyi bsams pa dang / sbyor ba ji lta ba bzhin du de chos ston pa spobs par byed/ de yid kyi tshul ston pas kyang sems can rnams la chos ston te/ phas kyi rgol ba thams cad kyi mi thub pa yin no// phyi rol gyi mngon par shes pa lnga dang ldan pa rnams kyi bstan bcos sam/ nyi ma dang zla ba dang gza' dang / skar ma shes pa'am/ rmi lam dang / mtshan ma shes pa 'am/ rig byed dam/ sngags sam/ rig sngags sam/ sgra 'am/ mngon par shes pa la 'jug pa 'am/ sa g.yo ba med pa'am/ 'gro lding ba'i sngags kyi sbyor ba 'am/ bya rog gi sgra 'am/ ri dgas kyi khyu 'am/ lha dang / klu dang / gnod sprin dang /

  705. 353b

    dri za dbab pa'am/ rgyal po'i rtags dang mtshan nyid dang / mtshan ma 'am/ lo legs pa dang / lo nyes pa'i mtshan ma 'am/ gdon rnam par rtse ba shes pa 'am/ de las gzhan pa 'jig rten gyi gzo shes pa'am/ las shes pa 'am/ yi ge dang / lag brda dang / grangs dang / brtsi ba dang / ri mo bri ba dang / glu dang / gar dang / pi wang dang / rnga dang / 'khar dkrol dang / rol mo la 'jug pa'i shes pa gang dag yin pa de dag thams cad byang chub sems dpa' de tshe brjes na se/ ma bstan par mngon du 'gyur zhing / de dag la de'i shes pa rab tu 'jug go/ shes rab dang ldan pa rnams la yang de dag thams cad ston cing / thams cad la mthar phyin par 'gyur te/ de bstan bcos dang / sngags dang / rig sngags kyi gnas de dag thams cad kyang rab tu shes la sems can thams cad la yang mi gnod par gnas shing / de dag gis dag par yang mi sems so// rnam par 'phrul pa'i rgyal po byang chub sems dpa' de shes rab ma nyams par tshadra pa 'bum phrag bcu dang lhan cig tu gnas shing 'dug la smra'o/ / lta bas kyang lta ba ston la kha dog ston/ smra bas kyang smra ba ston kha dog dang / 'od dang / gzi brjid kyis kyang kha dog dang / 'od dang / gzi

  706. 354a

    brjid ston pa/ tshangs pa de dag la chags par yang mi 'gyur/ tshangs pa de dag kyang byang chub sems dpa' de bsur 'ong zhing / de la gus pa skyed do// de bzhin du lha'i gnas thams cad du yang badrag po yin par ston la/ de la chags pa yang med/ dga' ba yang mi skyed kyis mi rtag pa'i 'du shes nyid skyed/ sdug bsngal gyi 'du nyid skyed/ / bdag med pa'i 'du shes nyid skyed/ nye bar zhi ba nyid la rton/ sems can thams cad grol bar byed panyid la ston/ byang chub kyi snying po nyid la ston te/ rnam par 'phrul pa'i rgyal po 'di yang shes rab kyi rnam par 'phral ba'o// rnam par 'phrul pa'i rgyal po gzhan yang byang chub sems dpa' shes rab kyi rnam par 'phrul ba ni/ bdud kyi gnas bkod pa ci 'dra ba de dag lus bye ba khrag khrig phrag 'bum gyur gyi bkod pa'i khyad par gyis bdud de rnams btul te 'dod par byas nas/ nga rgyal bcag ste/ de dag yang dag par rdzogs pa'i byang chub kyi sems la bkod nas de'i 'og tu chos ston to// rnam par 'phrul pa'i rgyal po byang chub sems dpa'i shes rab kyi ni kun tu 'gro/ bar shes par bya ste/ sbyin pa sbyin nam/ len tam/ yongs su sngo yang rung shes rab ni kun tu 'gro bar shes par bya'o// tshul khrims srung ngam/ gzhan dag kyang

  707. 354b

    der yang dag par 'dzud dam/ yongs su sngo yang rung / shes rab nyid yin par shes par bya'o// bzod pa sgom mam/ bzod pa la yang dag par 'dzud dam/ bzod pa de byang chub tu yongs su sngo yang rung / shes rab nyid yin par shes par bya'o// brtson 'grus rtsom mam/ gzhan dag kyang brtson 'grus la yang dag par 'dzud dam/ brtson 'grus de byang chub tu yongs su sngo yang rung / shes rab nyid yin par bya'o// pas me gtan la snyoms par 'jug gam/ gzhan dag kyang yang dag par 'dzud dam/ bsam gtan de byang chub tu yongs su sngo yang rung / shes rapa nyid yin par shes par bya'o// chos rnams 'dzin tam/ gzhan la ston tam/ ji ltar thos pa'i chos rnams la so sor rtog kyang rung / shes rab nyid yin par shes par bya'o// thams cad 'gro ba dang / 'ong ba dang / sprod lam thams cad du gom pa 'dor zhing 'jog pa na/ shes rab nyid yin par shes par bya'o// byang chub sems dpa'i shes rab kyi stobs can ni thams cad du dge ba'i stobs can du 'gyur ro// byang chub sems dpa'i shes rab kyi dbang por 'gyur ba ni thams cad la dbang phyug gi dbang thob par 'gyur ro/ / byang chub sems dpa' shes rab kyis rnam par 'phral pa ni/

  708. 355a

    thams cad du/ chos thams cad kyi rnam par 'phrul pa rjes su thob bo// byang chub sems dpa' shes rab kyi mtshon thogs pa ni nyon mongs pa thams cad gcod cing rab tu 'dral lo/ / byang chub sems dpa' shes rab la gnas pa ni chos thaman kyi gnas yongs su 'dzin to// byang chub sems dpa' shes rab 'od byed pa ni sangs rgyas kyi 'od kyi bkod pa thob bo/ / byang chub sems dpa' shes rab dang ldan pa ni dge pa'i chos thams cad lhun gyis grub par rjes su rtogs te/ rnam par 'phrul pa'i rgyal po 'di lta ste/ dper na steng gi bar snang la mda' 'phangs na/ 'phen pa'i stobs ji tsam pa de srid du song nas btsal mi dgos pa kho nar slar sa la lhung ngo // rnam par 'phral pa'i rgyal po de bzhin du byang chub sems dpa'i ye shes shes rab kyi stobs rnam par dag pa de yang btsal mi dgos pa kho nar dge ba'i chos thams cad la yang 'a bab/ stobs gang gis skad cig gcig la sangs rgyas kyi zhing gang+gA'i klung bye ma snyed dag g.yo bar byed pa dang / bdud kyi sde chen po de dag pham par byed pa'i stobs kyang byang chub kyi snying po kun tu ston/ byang chub thob nas kyang stobs gang dag gi lha dang / mi dang / lha ma yin du bcas pa'i 'jig rten gyis mi brdzi ba'i stobs bcu po dag kyang thob ste/ rnam

  709. 355b

    par 'phrul pa'i rgyal po tshul khrims dang / mngon par shes pa dang / shes rab kyi rnam par 'phrul pa 'di dag ni/ byang chub sems dpa' sems dpa' chen po dge ba'i rtsa ba bskyed pa rnams kyi rna lam du grags par 'gyur ro/ / gang dag gis chos kyi rnam grangs 'di thos nas dga' bar gyur pa de dag thams cad kyang rnam par 'phrul pa'i bzhi po 'di dag lhag par byed par 'gyur ro/ / de ci'i phyir zhe na/ 'di dag ni nyan thos dang / rang sangs rgyas thams cad la med pa'i phyir ro// de nas byang chub sems dpa' rnam par 'phrul pa'i rgyal po zhus pa'i lan thos pa dga' mgu rangs/ / yid bde/ rab tu dga' tshim zhing yi rangs par gyur nas/ de bzhin gshegs pa la thal mos sbyar te/ mig mi 'dzum par lta zhing tshig 'di skad ces smras so/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ji ltar rnam par 'phrul pa de bzhin du/ sems can thams cad kyang rnam par 'phrul pa de dag gis rnam par 'phrul par gyur cig/ de nas byang chub sems dpa' sems dpa' chen po rnam par 'phrul pa'i rgyal pos lha dang / mi'i me tog rab tu dri zhim pa/ kha dog rnam pa du ma can rnam kyi phung po byin gyis brlabs nas/ me tog de dag gis de bzhin gshegs

  710. 356a

    pa dang / byang chub sems dpa' thams cad dang / 'khor thams cad la kun tu gtor to// me tog de dag gtor ma thag tu/ gang dag gis lus la phog pa de dag thams cad gser gyi kha dog 'dra la/ mtshan dang dpe byad bzang pos brgyan par snang ngo // bar snang las kyang lha 'bum dag tshig tu smras pa/ bcom ldan 'das sems can gang dag rnam par 'phrul pa'adi la mos nas/ bla na med pa yang dag par rdzogs pa'i byang chub tu sems bskyed par 'gyur ba de dag ni/ sangs rgyas kyi rgyan gyis brgyan pa lags so/ / de ci'i slad du zhe na/ rnam par 'phrul pa 'di dag thams cad ni thams cad mkhyen pa'i sems kyi khengs su gtogs pa lags pa'i slad du'o// gal te bcom ldan 'das kyi sngon byang chub kyi sems ma skyed du lags na/ chos rnam par 'phrul pa bsam gyis mi khyab pa 'di dag 'di ltar thos par ga la 'gyur lags de nas bcom ldan 'das kyis lha'i bu de dag la legs so/ / zhes bya ba byin no// byin nas kyang byang chub sems dpa' rnam par 'phrul pa'i rgyal po la bka' stsal pa/ rnam par 'phrul pa'i rgyal po ngas mngon par dran te/ de bzhin gshegs pa mar me mdzad kyi pha rol na de bzhin gshegs pa bdun cu pa kun nas 'od zer gzi

  711. 356b

    brjid rgya chen zhes bya ba byung ste/ de bzhin gshegs pa des kyang rnam par 'phrul pa bzhi po 'di kho na dag ston pa'i chos kyi sgo'i leru rgya cher rab tu bstan par gyur to// byang chub sems dpa' yul phun sum tshogs pa zhes bya ba zhig kyang yod par gyur te/ des de la zhus pa dang / de bzhin gshegs pa des chos kyi rnam grang+ga 'di bshad pa na/ byang chub/ sems dpa' brgyad stong gis rnam par 'phrul pa 'di dag thob par gyur mi skye ba'i cho sru la yang bzod pa thob par gyur to// srog chags sum khri nyis stong gis kyang bla na med pa yang dag par rdzogs pa'i byang chub tu sems skyed do/ / de dag las kyang rnam par 'phrul pa'i de dag ngas thos te// thos nas kyang bzung ngo // de bzhin gshegs pa mar me mdzad las ngas bzod pa thob nas kyang / / de dag yongs su rdzogs par byas so// rnam par 'phrul pa'i rgyal po de lta bas na/ da ltar yang rung / yongs su mya ngan las 'das nas kyang rung ste/ byang chub sems dpa' gang dgu chos kyi rnam grangs 'di nyan cing thos kyang 'dzin pa dang / 'chang ba dang / klog pa dang / kun chub par byed pa dang / gzhan la yang rgya cher yang dag par rab tu ston pa de dag mi skye ba'i chos la bzod pa myur du thob par 'gyur ro/ / bstan pa 'di bshad pa'i tshe lha dang mi'i srog chags sum khri nyis stong bla na med pa

  712. 357a

    / yang dag par rdzogs pa'i byang chub tu sems bskyed cing lha'i bu de dag gis kyang / bcom ldan 'das la mchod pa'i las bya ba'i phyir/ me tog gi sa nar chen po mas/ bar bab/ si ba stan rnams kyang rab tu dkrol ba dang / sangs rgyas kyi mthus sil stan dengs las chos kyi nas grangs 'di thos nas myos shing 'dzin par byed/ 'chang bar byed klog par byed/ kun chub par byed/ gzhan la yang rgya cher yang dag par rab tu ston par byed pa'i sems can de dag ni mos pa rgya che ba// dbang po rno ba/ sangs kyi chos la mos pa/ shes rab spyod pa dge ba'i bshes gnyen gyis yongs su zin pa/ sngon dge ba'i rtsa ba bsags pa/ sems can thams cad la snying rje chen po dang ldan pa yin no zhes de skad kyi sgra byung ngo / / de nas bcom ldan 'das la byang chub sems dpa' rnam par 'phrul pa'i rgyal pos 'di skad ces gsol to/ / bcom ldan 'das de bzhin gshegs pa la stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad gang dag mnga' ba de dag lta bu/ bcom ldan 'das byang chub sems dpa' rnams la yang / byang chub sems dpa'i stobs cu dang / byang chub sems dpa'i mi 'jigs pa bzhi dang / byang chub sems dpa'i chos ma 'dres pa bco brgyad kyang mchis lags sam/ bcom

  713. 357b

    ldan 'das kyis bka' stsal pa/ rnam par 'phrul pa'i rgyal po byang chub sems dpa' gang yongs su sbyang ba byas shing / phyir mi ldog pa bzod pa thob pa/ sa brgyad pa la gnas shing / sa dgu la 'phar ba/ shes rab kyi pha rol tu phyin pa dang thabs mkhas pas yongs su zin pa de dag la yod do// rnam par 'phrul pa'i rgyal po byang chub sems dpa' de dag ni stobs bcu dang ldan pa/ mi 'jigs pa bzhi dang ldan pa dang / chos ma 'dres pa bco brgyad dang ldan pa ste/ rnam par 'phrul pa'i rgyal po de la byang chub sems dpa'i stobs bcu po dag gang zhe na/ 'di lta ste/ thams cad mkhyen pa nyid du sems bskyed pa lhag pa'i bsam pa brtan pa'i stobs dang / byams pa yongs su rdzogs pas thams cad gtong ba'i stobs dang / rnyed pa dang / bkur sti dang / tshigs su bcad pa don tu mi gnyer zhing / 'jigs rten thams cad dang 'dre ba la mi lhu bas/ snying rje chen po yongs su rdzogs pa'i stobs dang / sangs rgyas kyi chos thams cad la dad pa bskyed cing / de yongs su rdzogs par bya ba'i phyir/ sems ma zhum pas brtson 'grus chen po yongs su rdzogs pa'i stobs dang / dran pa dang / shes bzhin du spyod cing / spyod lam ma 'khrugs

  714. 358a

    pas ting nge 'dzin gyi sa la gnas pa'i stobs dang / mtha' gnyis rnam par sbyangs shing / rten cing 'brel bar 'byung ba dang / 'thun pas lta ba thams cad spang ba dang / rtog pa dang rnam par rtog pa dang / yongs su rtog pa dang / spros pa dang / yongs su dpyod pa thams cad spang ba'i phyir/ shes rab kyi pha rol tu phyin pa yongs su rdzogs pa'i stobs dang / sems can thams cad yongs su smin par bya ba dang / 'khor ba tshad med pa yongs su bzung zhing / dge ba'i rtsa ba'i tshogs bsags pas ngoms par bya ba'i phyir/ 'du byed thams cad rmi lam lta bur mos te// 'khor bas yongs su mi skyo ba'i stobs dang / chos kyi rang bzhin la so sor rtog pas/ bdag med pa dang / sems can med pa dang / srog med pa dang / gso ba med pa dang / gang zag med pa dang / skye ba med pa dang / 'byung ba med pa'i chos la mos pas mi skye ba'i chos la bzod pa thob pa'i stobs dang / stong pa dang / mtshan med pa dang / smon pa med pa'i chos la 'jug cing rnam par thar pa'i sgo stong pa nyid la lta ba dang / nyan thos dang / rang sangs rgyas kyi theg pa'i rnam par grol ba shes pa las mi reg pas rnam par thar pa thob pa'i stobs dang / chos zab mo la gzhan la rag ma las

  715. 358b

    pa'i shes pa dang / sems can thams cad kyi sems kyi spyod pa la lta ba thogs pa med pa'i ye shes yongs su rdzogs pa'i stobs te/ rnam par 'phrul pa'i rgyal po de dag ni/ byang chub sems dpa'i stobs bcu po dag go/ / rnam par 'phrul pa'i rgyal po de la byang chub sems dpa' rnams kyi mi 'jigs pa bzhi po dag gang zhe na/ thos pa thams cad 'dzin pas gzungs thob ste/ brjed pa med pas byang chub sems dpa' 'jigs pa med par 'khor rnams la chos ston pa dang / chos thams cad rab tu dbye ba dang / spobs pa thogs pa med pa dang spobs pa bar chad med pa dang / sgra thams cad shes pas/ byang chub sems dpa' 'jigs pa med par 'khor rnams la chos ston pa dang / gnas thams cad la mos pa rnam par grol bsam pa ji lta ba bzhin du sman sbyor shes pa dang / sems can thams cad kyi dbang po yongs su shes pa dang / ji ltar so sor 'os par chos 'chad pas/ byang chub sems dpa' 'jigs pa med par 'khor rnams la chos ston pa dang / de 'khor gyi 'jigs pa dang bral ba yin te/ 'ga' zhig shar dang / lho dang / nub dang / byang gi phyogs rnams nas 'ongs shing / bdag la dri ba mi 'dri grang / bdag gis ni de bstan mi nus so snyam pa'i mtshan ma yang byang chub sems dpa' yang dag par rjes su mi mthong //

  716. 359a

    zhing / sems can thams cad thams cad 'dri ba'i skabs kyang 'byed de dri ba ji skad dris pa'i lan kyang 'debs shing / de 'jigs pa dang bral la/ the tsom thams cad gcod pa la mkhas pa yin zhing 'jigs pa med par yang 'khor rnams la chos ston pa ste/ rnam par 'phrul pa'i rgyal po de dag ni/ byang chub sems dpa'i mi 'jigs pa bzhi po dag go/ / rnam par 'phrul pa'i rgyal po de la byang chub sems dpa' rnams kyi chos ma 'dres pa bco brgyad po dag gang zhe na// byang chub sems dpa' ni ma bstan pa'i sbyin pa can yin te/ / sbyin pa byin cig ces sus kyang bsku la mi dgos kyi/ skyes ma thag tu sbyin pa la sems 'jug pa yin te/ gal te 'dud/ rang gi gzugs kyis 'ongs nas de la 'di skad du khyod sbyin pa de byin pas ci zhig bya/ gang sbyin pa byin par byed pa de ni sems can dmyal ba rnams su skye'o zhes zer yang / byang chub sems dpa' de ser sna byed pa'i gnas skabs med kyi/ de bdog pa thams cad yongs su gtong ba la sems 'jug cing / de sbyin pa rnam par 'gyeng pa nyid la sems 'jug la/ de'i sbyin pa de thams cad kyang byang chub la gzhol zhing rnam par smin pa la mi re ba dang / sems can thams cad la yongs su bsngo ba yin to// 'di ni byang chub sems dpa'i chos ma 'dres pa

  717. 359b

    dang po'o/ / byang chub sems dpa' ni ma bstan pa'i tshul khrims can yin te/ de bzhin gshegs pa rnam ma byung ba na yang su las kyang bslab pa dang / so sor thar pa mi nod la/ so sor thar pa'i sdom pas kyang bsdams pa yin// bslab pa la dga' ba yin/ byang chub sems dpa' khyim na gnas pas kyang ji lta ji lta bur bcas pa'i bslab pa srung la/ mngon par byung nas kyang ji ltar bcas pa'i so sor thar pa'i sdom pa la bstan mi dgos par slob pa ste/ 'di ni byang chub sems dpa'i chos ma 'dres pa'o// srog gi phyir yang de bslab pa'i gzhi mi gtong zhing tshul khrims thams cad byang chub tu gzhol la/ sems can thams cad kyi 'chal pa'i tshul khrims spang ba'i phyir yongs su sngo ba 'di ni/ byang chub sems dpa'i chos ma 'dres pa gnyis pa'o// de sems can thams cad kyis brgyad bkag cing spyos la/ yan lag dang / nying lag rnams kyang bcad/ / rab tu dbul ba dang gdol pa dang / rigs ngan dang / smig ma mkhan dag gis spyos kyang / byang chub sems dpa' sems mi 'khrug gi de dag la byams pa nyid kyis khyab par byed la/ slar lan glan nus shing mthu yod kyang lan mi ljon par chos nyid la rton/ sangs rgyas kyis chos kho na la rton cing / sems can

  718. 360a

    ngag nyid dad pa bskyed pa'i phyir go cha bgos pa 'di ni byang chub sems dpa'i chos ma 'dres pa gsum pa'o/ / byang chub sems dpa' de rab tu nyam thag pas kyang brtson 'grus mi gtong zhing / nams kyang zhum par mi 'gyur la/ de gang gi tshe nyan thos rnams yongs su mya ngan las 'das pa mthong ba de'i tshe/ 'khor ba na spyod pa sdug bsngal bar mthong yang / nyan thos kyi yongs su mya ngan las 'da' ba de la sems mi 'jug/ gang gi tshe rang sangs rgyas rnams yongs su mya ngan las 'da' ba mthong ba de'i tshe// 'khor ba na spyod pa sdug bsngal bar mthong yang de rang sangs rgyas kyi yongs su mya ngan las 'da' ba de la sems mi 'jug/ gang gi tshe sangs rgyas bcom ldan 'das don thams cad grub cing / sangs rgyas kyi bya ba thams cad byas pa rnams yongs su mya ngan las 'da' ba mthong ste/ bdag kyang mi nus shing sangs rgyas kyi chos yongs su ma rdzogs pa de'i tshe yang de sems zhum par mi 'gyur gyi/ bsam pa shin tu yongs su rdzogs nas/ 'di 'dra ba'i yongs myang na sras pa/ yongs su mya ngan las 'da' bar bya'o zhes brtson 'grus skyed pa 'di ni byang chub sems dpa'i chos ma 'dres pa bzhi pa'o/ / gang gi tshe 'khor los sgyur ba'i rgyal po 'am// lha'i dbang po brgya byin nam/ bdud dbang bsgyur bar gyur pa de na// de lho'i bu mo gang mang pos bskor

  719. 360b

    / cing lha'i sil snyan dang // gar dang / klu blangs pas bde ba dang / ldan par gyur pa na yang / bsam gtan nyid mngon du 'gyur/ tshad med pa rnams mngon du 'gyur/ de'i sem dben pa nyid la 'jug par 'gyur/ de'i sems 'du 'dzi dag la 'jug par mi 'gyur/ de 'khor bas cher 'jigs par 'gyur/ de 'dod pa la yang mi sdug pa'i 'du shes che po skye bar 'gyur/ de phung po rnams la gshed por 'du shes skye bar 'gyur/ khams rnams la dug gdug par 'du shes pa dang / skye mched rnams grong stong par 'du shes pa bdag gi g.yog 'khor de la bdud kyi g.yog 'khor du 'du shes pa dang / de bud med kyi 'khor de la dur khrod du 'du shes skye bar 'gyur/ de chos kyi g.yog 'khor nyid 'dod cing / sangs rgyas mthong ba dang ldan pa nyid 'dod pa dang / sems can thams cad thar pa nyid la mngon par dga' ba yin te/ de'i sil snyan dang / rgyud can dang / glu'i sgra de dag las kyang bsam gtan gyi yan lag gi sgra 'byung la/ gal te de la bdud sgra de med par byed na yang de'i sngon gyi dge ba'i rtsa ba'i mthus nam mkha' las sangs rgyas kyi sgra dang / chos kyi sgra dang / dge 'dun gyi sgra dang / byang chub sems dpa'i spyod pa'i sgra 'byung ste/ des byang chub sems dpa' rgyal srid de dang / dbang phyug de bor nas

  720. 361a

    nag tshal du gnas par 'gyur te/ rnam par 'phrul pa'i rgyal po'i ni byang chub sems dpa'i chos ma 'dres pa lnga pa'o// de 'jig rten pa'i shes pa rnams la snying/ po med pa'i 'du shes su 'gyur// de shes rab rnam par 'byed pa la mkhas pa yin/ bag la nyal dang / lta ba dang bral ba yin/ don dang chos la rton pa yin te/ byung chub sems dpa' de rmi lam na yang dag tu lta ba dang / gzhan du lta ba mi 'byung / de la bag la nyal dang / lta ba dang / kun tu dkris te 'dug pa thams cad med cing 'gyod pa dang bral ba yin/ de la bdud sdig can 'gyod pa gang gis bsgribs na/ chos dang bral ba 'gyur ba'i 'gyed pa skyed mi nus dgal te sems can yongs su smin par bya ba'i phyir sbyor ba'i tshul khrims las 'das kyang / / de 'gyod par mi 'gyur te/ rnam par 'phrul pa'i rgyal po de ni byang chub sems dpa'i chos ma 'dres pa drug pa'o// de'i tshe/ rjes nas kyang lhun gyis grub pa nyid du lus kyi las yongs su dag par 'gyur te/ de srog gcod pa spangs pa yin/ lag pa 'am/ bong ba 'am/ dbyig pa 'am/ mtshon gyis sems can gang la yang gnod pa mi byed do/ / de mtshon dang dbyig pa bor ba yin/ bdag gi longs spyod kyis chog shes pa yin te/ de tha na rtswa spar gang tsam yang gzhan dag

  721. 361b

    gis mabyin par mi len/ sa gzhi rin po ches gang chags pa mi skyed/ de shin tu nyam thag cing 'chi bar 'gyur ba dang / gos ngan cing rnyings na yang gzhar yang 'tsho ba mi mthun pas 'tsho bar mi byed cing tshangs par spyod pa yin/ / de tha na rmi lam na yang 'dod pa rnams yongs su mi spyod de de 'dod pa dang / 'thab mo dang / nyon mongs pa mong ba yin/ 'dod pa'i phyir las mi mthun pa mi spyod do// de ni byang chub sems dpa'i chos ma 'dres pa ste/ de ye shes sngon du 'gro ba'i lus kyi las de dang ldan pa yin te// rnam par 'phrul pa'i rgyal po de ni/ byang chub sems dpa' chos ma 'dres pa bdun pa'o/ / de dag yongs su dag pa yin te// bden par smra ba yin yang dag par smra ba yin ji skad smras pa de bzhin byed pa yin bdag dang de bzhin gshegs pa rnam dang / lha dang / klu dang/ gnod sbyin dang // dri za dang / mi dang mi ma yin pa rnams mi slu ba yin// phra ma'i chog med cing 'khor mi phyed pa yin/ bdag gi 'khor la rjes su chags shing tshig rtsub po med pa yin// dga' bar smra ba yin// 'jam por smra ba yin/ tshig mi bslang ba yin/ tshig skyon med pa yin/ rig par smra ba yin/ tshig nyung ba yin// gsong por smra ba yin// bzhin 'dzum pa yin te/ gang tshig mi gsal ba dang / gtum pa dang / brlang ba dang chub pa dang / 'jigs par byed pa dang / pha rol po mi dga' bar 'gyur ba dang / bdag dang gzhan la gnod par 'gyur ba'i tshig de dag mi smra/ tshig bkyil par mi smra ba yin te/ gang med pa la ni mang

  722. 362a

    ces smras/ gang yod pa la ni yod ces smra ste// de tshig gang bsal ba dang / lhag pa'i bsam pa yongs su dag pa des ma 'dres pa'i chos 'di rab tu thob bo// tshig smras pa gang gis mad/ parnams dad par 'gyur/ dad pa rnams kyang gong du mchod pa byed par 'gyur/ zhing skye ba thams cad du// 'di lta bu'i chos kyi tshul smra ba'i tshig thob par 'gyur/ lhag pa'i bsam pa ma 'dres pa des kyang bden pa'i rjes su 'jug pa'i tshig thob par 'gyur te/ smra ba gang smras pa de bzhin du 'gyur gyi// gzhan du mi 'gyur te/ rnam par 'phral pa'i rgyal po de ni byang chub sems dpa'i chos ma 'dres pa brgyad pa'o// de bdag gi/ sems la dbang du 'gyur ba yin te/ brnab sems med cing / gnod sems kyi sems med pa yin/ yang dag par lta ba yin// byang chub kyi sems mi mnyam pa dang / mnyam pa'i sems de las nams kyang nyams pa mi 'gyur te/ de sems kyi gya gru thams cad dang / sems kyi g.yo thams cad dang / sems kyi dmu rgod thams cad yongs su dag cing / byams pa'i rjes su 'brang ba'i sems kyis nyin mtshan 'das par byed de/ rnam par 'phrul pa'i rgyal po de ni byang chub sems dpa'i chos ma 'dres pa dgu pa'o/ / de skyes ma thag tu bstan bcos dang // gsang sngags dang / rig sngags dang / sman dang / rtsis shes pa dang / yi ge dang / lag rtsis dang / grangs dang / rtsis rnams ma thos shing // slob dpon dang yang mngon du 'gyur te// de bstan bcos dang / bzo thams cad la mkhwa shing 'jig rten pa dang / 'jig rten las 'das pa'i tshe rnams la gzhan gyi dring la mi 'jo//

  723. 362b

    ba'i shes pa dang ldan la/ gzhan gyi ngor lta ba ma yin gyi/ lha dang bcas pa'i 'jig rten 'di zhig 'chang bdag cag gis mnyan te/ bslab bo snyam nas/ de nyid kyi ngor lta bar 'gyur te/ rnam par 'phrul pa'i rgyal po de ni byang chub sems dpa'i chos ma 'dres pa bcu pa'o/ / gang gi tshe sems can gzhan dag dang / gang zag gzhan rnams la 'jig rten pa'i gso ba sbyor ba de'i tshe/ rnyed pa dang / bkur sti dang / grags pa la mi re bar sbyor zhing / snying rje chen po sngon du 'gro ba'i sems kyis 'jig rten las 'das pa'i chos nyid rjes su dran zhing 'jig rten pa'i gso ba sbyor ba na/ byang chub sems dpa' ni bdag gis nam zhig na/ khams mi mthun pa'i nad 'di las sems can rnams thar par bya ba zhig gu thar par byas nas kyang nyon mongs pa'i nad shin tu spong zhing / sdug bsngal thams cad nye bar zhi ba'i mya ngan las 'das pa la dgod par bya'o snyam pa de lta bu'i dran pa thob par gyur te/ rnam par 'phrul pa'i rgyal po de ni byang chub sem dpa'i tshe ma 'dres pa bcu gcig pa'o// de smon lam ma btab cing re ba med pa nyid du brgya byin nyid dang / tshang pa nyid dang / 'khor los sbyar ba'i rgyal srid kyang mngon par grub cing / byang chub sems dpa' de brgya byin nyid dang / tshang ba nyid don du gnyer ba ma yin/ 'khor lo sgyur ba'i rgyal srid kyang don tu gnyer ba ma yin mod kyi de'i de dag sgrim mi dgos sing / spyan gyis grub pa nyid du mngon par 'grub pa nyid du 'gyur zhing // byang chub sems dpa' de gzugs 'dod pa'i phyir/ tshangs par spyad pa mi spyod/ long spyod 'dod pa'i phyir ma yin/ rgyal srid 'dod pa'i phyir ma yin/ g.yon

  724. 363a

    'khor 'dod pa'i phyir ma yin/ grags pa dang / brjod pa dang / sgra 'dod pa'i phyir/ tshangs par spyad pa spyod pa yang ma yin la// de'i don kyang lhun gyis grub cing btsal mi dgos pa dang / re ba med par 'grub par 'gyur te/ rnam par 'phrul pa'i rgyal po de ni byang chub sems dpa'i chos ma 'dres pa bcu gnyis pa'o// de rgyal srid kyi dbang phyug la gnas pa na yang / gang snga na sangs rgyas mthong ba'i lha de dag byang chub sems dpa' de'i drung du lhags nas/ dran par byed/ skal ma 'debs te/ de la 'di skad ston to// 'di ni bya ba yin/ 'di ni bya ba ma yin/ las 'dis ni byang chub tu 'gyur/ 'dis ni yongasu nyams par 'gyur ro/ / khyod de ltar spyod cing de ltar gnas na/ dbang po rnams bla na med pa yang dag par rdzogs pa'i byang chub dang 'thun par 'gyur ro zhes lha de dag kyang de la skul la/ de yang rang bzhin gyis byang chub sems dpa'i lam las mi g.yo ste/ / rnam par 'phrul pa'i rgyalo de ni byang chub sems dpa'i chos ma 'dres pa bcu gsum pa'o// ji tsam du khros shing rab tu sdang ba dang / tha ba dang // zhe sdang dang / gnod sems mang ba rang bzhin gyis mi srun pa'i rigs can gyis sems can rnams kyis kyang / / byang chub sems dpa' de la lus dang / ngag dang yid kyis gnod par bya mi nus te/ khros shing tha ba dang / zhe sdang dang / gnod sems mang ba'i sems can de dag kyang de mthong ba tsam gyis dad par 'gyur ro/ / gang dag de la log par byed kyi/ slar yang de dag chos la sbyar ba'i phyir yang dag par dad par byed do// de la log par byed pa'i sems can

  725. 363b

    rnams ngan 'gro log par ltung bar yang mi 'gro'o/ / de ci'i phyir zhe na/ 'di ltar sems can gang dag lus sam/ ngag gam yid kyis bdag la log par byed pa'i sems can de dag gzhi des ngan 'gror ltung bar ma gyur cig ces/ byang chub sems dpa' des thog ma nyid du tshul khrims ma 'dres pa'i chos yongs su dag pa/ yongs su rdzogs par byas pa'i phyir te/ tshul khrims dang ldan pa de'i sems kyis smon lam btab pa yang 'grub par 'gyur te/ rnam par 'phrul pa'i rgyal po de ni byang chub sems dpa'i smon lam las byung ba'i chos ma 'dres pa bcu bzhi pa'o// sems can gang dag ma dad pa/ 'jungs pa/ log par lta ba/ las la mi lta ga las kyi rnam par smin pa la mi rton pa/ / sangs rgyas dang / chos dang / dge 'dun la rgyab kyis phyogs pa/ dge sbyong dang / bram ze gzhan dag lam dad cing / ma gus la/ bsti stang mi byed zhes mi byed/ rim mi byed pa de dag byang chub sems dpa' de mthong ba dang / spyod lam mthong ba 'am/ thos pa nyid kyi dad cing gus par 'gyur/ bsti stang byed// zhes byed/ ri mo byed de/ rnam par 'phrul pa'i rgyal po de ni/ byang chub sems dpa'i chos ma 'dres pa bco lnga pa'o/ / lha 'am/ klu 'am/ gnod sbyin nam/ dri za 'am/ drang srong rnams sam/ tshangs pa 'am/ bdag cag nyid ston par 'du shes shing 'jig rten na ston par grags pa gang dag yin pa de dag gi nang na de nyid rab tu grags par 'gyur zhing / lha 'am klu 'am/ gnod sbyin nam/ dri za 'am drang srong ngam/ tshangs pa ston par 'du shes pa gang dag yin pa de dag byang chub sems

  726. 364a

    dang 'di 'dud rab tu 'dud de/ de la rim gro byed/ bsnyen bkur byed/ de dag sngon bdag gis ston pa yin snyam pa'i 'du shes su mthong nas bsur 'ong gus par byed/ 'di nyid gtso bo// 'di nyid mchog yin no/ / snyam nas/ dad pa thob par 'gyur te/ rnam par 'phrul pa'i rgyal po de ni byang chub sems pa'i chos ma 'dres pa bcu drug pa'o// khyim 'am/ grong khyer gang dag na dge ba'i chos rnams 'phel zhing mi dge ba'i chos rnams spong la/ sems can yongs su smin pa dang / dam pa'i chos yongs su 'dzin par 'gyur ba der/ de lhun gyis grub pa nyid du skye bar 'gyur te/ de der yang dag par song zhing yang dag par zhugs pa'i pha ma dang ldan par 'gyur ro/ / yul lam/ ljongs gang du byang chub sems dpas de skyes pa der ston pa gcig tu 'gyur te/ rjed cing mchod par 'gyur ro// ljongs kyis phyogs de nas sems can gang yang ngan 'gror 'gro bar mi 'gyur ro/ / de ci'i phyir zhe na/ 'di ltar byang chub sems dpa' de'i dge ba'i rtsa bas de dag yongs su zin pa'i phyir te/ de dag shi 'phos nas kyang lha dang / mi rnams su skye bar 'gyur te/ rnam par 'phrul pa'i rgyal po de ni byang chub sems dpa'i chos ma 'dres pa bcu bdun pa'o// de mngon par shes pa dang / rig pa yongs su rdzogs par bya ba'i phyir/ byang chub kyi phyogs dang 'thun pa'i chos thams cad dang 'thun par 'gyur zhing / bdud thams cad kyis kyang de la glags rnyed par mi 'gyur te/ rnam par 'phrul pa'i rgyal po de ni/ byang chub sems pa'i chos ma 'dres pa bco brgyad pa'o// rnam par 'phrul pa'i rgyal po ma 'dres pa rna

  727. 364b

    shes bya ba/ ci'i phyir ma 'dres pa rnams shes bya zhe na/ sangs rgyas kyi chos thams cad yang dag par 'du ba'i phyir ma 'dres pa rnams shes bya'o// de nas bcom ldan 'das la byang chub sems dpa'// rnam par 'phrul pa'i rgyal pos 'di skad ces gsol to// bcom ldan 'das de bzhin gshegs pas/ byang chub sems dpa' sems dpa' chen po rnams la chos kyi snang ba chen po stsal cing / snang ba tshad ma mchis pa mdzad pa ngo mtshar lags so/ / de ltar bcom ldan 'das kyis bshad pa'i don bdag gis 'tshal pa ltar na/ chos kyi rnam grangs 'di byang chub sems dpa' gang gi rna lam du grags pa de phyis gzhan thos na/ de lta bu'i dad pa'i dngos po thob par mi 'gyur lags so// gang gis chos kyi rnam grangs 'di thos nas/ 'dzin pa dang / 'chang ba dang / klog pa dang / kun chub par byed pa des/ sangs rgyas kyi chos thams cad bzung bar 'gyur lags so/ / bzung nas kyang gang gzhan dag la 'chad pa des sangs rgyas kyi chos la yongs su smin par bgyis par 'gyur lags so// gang chos kyi rnam grangs 'di la tshul bzhin du sbyor ba des sangs rgyas kyi chos thams cad la zhugs par 'gyur lags so/ / gang 'di la bzod pa de ni rjes su 'thun pa'i bzod pa lags so// gang 'di la nan tan bgyid pa de ni sangs rgyas kyi chos thams cad la nan tan bgyid pa lags par blta bar bgyi'o/ / bcom ldan 'das gang chos kyi rnam grangs 'di dang ma bral ba'i byang chub sems dpa' de ni/ mngon par shes pa thob cing / byang chub kyi snying po la gnas pa lags par blta bar bgyi'o//

  728. 365a

    bcom ldan 'das kyis bka' stsal pa/ rnam par 'phrul pa'i rgyal po khyod zer ba de bzhin te/ gang chos kyi rnam grangs 'di dang ma bral ba'i byang chub sems dpa' de ni mngon par shes pa thob cing / byang chub kyi snying po la gnas pa yin par blta'o// rnam par 'phrul pa'i rgyal po sngon byung ba 'das pa'i dus na/ de bzhin gshegs pa mar me mdzad kyi pha rol/ de bzhin gshegs pa rab tu gdung ba'i yang pha rol/ de bzhin gshegs pa skar rgyal gyi yang pha rol/ de bzhin gshegs pa rgyal gyi yang pha rol/ de bzhin gshegs pa rab gsal gyi pha rol na/ de bzhin gshegs pa lha'i rgyal po zhes bya ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung bar gyur te/ rnam par 'phrul pa'i rgyal po de bzhin gshegs pa lha'i rgyal po de'i sangs rgyas kyi zhing de 'byor pa dang / rgyas pa dang / bde ba dang / lo legs pa dang / nyams dga' ba dang lha dang mi rnams kyis gang bar gyur cing / lag mthil bzhin du mnyam pa/ bai DUrma dag pa la 'dzam bu'i chu bo'i gser gyi pad+mas smras pa/ gos ka tsa lin+di ka ltar reg na bde ba 'jam pa yin no// de'i tshe mi rnams kyi longs spyod ni dga' ldan gyi lha rnams kyi longs spyod pa dang / yongs su spyod pa ci 'dra ba de 'dra bar gyur te/ bza' ba dang / gtung ba rnams kyang yid la bsams pa tsam gyis byung ngo // mi de dag gi kha dog dang

  729. 365b

    gzugs dang / dbyibs dang skyed mos tshal dang / gzhal med khang dag kyang lha rnams kyi dadabye brag med par gyur te/ ming du brjod pa 'ba' shig tha dad du zad do// stong gsum gyi stong chen po'i 'jig rten gyi khams de na/ de bzhin gshegs pa de ma gtogs pa rgyal po gang yang med de/ de'i phyir de bzhin gshegs pa de lha'i rgyal po zhes bya'o// 'di lta ste dper na/ 'khor los sgyur ba'i rgyal po chos kyi 'dun sar 'dug nas chos kho na ston gyi/ chos ma yin pa mi ston to// de bzhin du de bzhin gshegs pa lha'i rgyal po de yang chos kyi stan seng ge'i khri la bzhugs nas/ 'jig rten pa rnams la chos ston par gyur to// de chos ston pa na mdun dang / rgyab na 'khor gyi dkyil 'khor dpag tshad brgyad khri bzhi stong dang / g.yas g.yon na yang dpa' tshad brgyad khri bzhi stong gang bar 'khod te/ de bzhin gshegs pa de chos ston pan/ stong gi 'jig rten gyi khams sgras mngon par khyab par mdzad do// de bzhin gshegs pa de yang lha dang mi de rnams kyis 'di lta ste/ bla na med pa'i sangs rgyas kyi chos nan tan du byed pa'i mchod pas mchod/ rjed bsti stang byas/ bla mar byas par gyur to// de na sems can dman pa la mos pa gang yang med kyi/ de dag thams cad rgya chen po la mos par gyur te/ 'di lta ste/ sangs rgyas kyi chos la mos pa sha stag go// de na nyan thos dang / rang sangs rgyas rnams kyi ming yang mi grag na/ 'jug pa dang / spyod pa lta smos kyang ci dgos te/ bcom ldan 'das de'i g.yog 'khor ni byang chub sems dpa' 'ba' shig tu gyur to// de na bud med du gangag

  730. 366a

    pa yang med/ 'khrig pa'i chos spyod pa'i sgra yang med de/ sems can de dag thams cad pad+ma la skyil mo krung du rdzus te/ skye bar gyur to// lha dang mi de rnams kyang de bzhin gshegs pa mthong ba mgu ba'i dga' ba dang / chos nyan pa'i dga' ba dang / chos so sor rtog cing 'byed pa'i dga' ba dang / dga' ba gsum dang ldan par gyur to// lha dang / mi de dag kyang rtag tu bag yod par gnas par gyur to// phan tshun chos bgro ba la brtson no/ / lha dang mi de rnams tshe dpag tu med de/ shi 'phos na yang / gang na sangs rgyas bcom ldan 'das bzhugs pa'i sangs rgyas kyi zhing rnams su bsams bzhin du skye bar byed do// byang chub sems dpa' gang de nas 'chi 'pho ba de shing ta la bdun tsam du bar snang la 'phags nas/ kye grogs po dag ni sangs rgyas kyi zhing 'di nas 'chi 'pho'o zhes/ 'chi 'pho ba'i sgra 'byin to// sgra des kyang byang chub sems dpa' du ma zhig 'dug 'dus nas/ byang chub sems dpa' de'i chos kyi bzod pa la dpyod cing / de la gang 'chi 'pho ba dang / gang skye ba'i chos gang yin zhes de skad kyang smra'o// byang chub sems dpa' des byang chub sems dpa' rnams la/ 'di skad ces smras te/ grogs po dag chos gang yang 'chi ba dang / skye ba med de/ de bzhin gshegs pas chos thams cad 'chi ba dang / skye ba med par mngon par rdzogs par sangs rgyas so/ / gzugs mi 'chi mi skye'o// tshor ba dang / 'du shes dang / 'du byed rnams dang / rnam par shes pa mi 'chi mi skye'o// de la don dam par bdag gam/ sems can nam/ srog gam/ gang zag gam/

  731. 366b

    shed las skyes sam/ shed bu 'chi ba 'am/ skye bar 'gyur ba gang yang med do// bcom ldan 'das kyis chos thams cad stong pa nyid dang / mtshan ma med pa dang / smon pa med par mngon par rdzogs par sangs rgyas te stong pa nyid dang / mtshan ma med pa dang / smon pa med pa ni 'chi ba 'am/ skye bar mi 'gyur ro// bcom ldan 'das kyis 'dod chags dang bral ba'i mtha' mngon du mdzad/ bcom ldan 'das kyis mngon par 'du bya ba med pa'i mtha' dang / skye ba med pa'i mtha' dang / 'byung ba med pa'i mtha' mngon tu mdzad de/ 'dod chags dang bral ba'i mtha' nas 'byung ba med pa'i mtha'i bar du 'chi ba dang skye ba yang med do// gang 'chi 'pho ba la 'chi 'pho zhes bya ba de ni/ de'i rkyen rnams dang mi ldan pa'o// gang skye ba zhes bya ba yang rkyen rnams la ni 'chi 'pho 'am/ skye ba med do zhes byang chub sems dpa' des/ byang chub sems dpa'i 'khor der chos kyi gtam de lta bu byas te/ shi 'phos nas kyang thal ba'am/ du ba tsam yang med par gyur to// shi 'phos nas de bzhin gshegs pa mngon tu bzhugs pa'i sangs rgyas kyi zhing gzhan du song ngo // de bzhin gshegs pa de dang / byang chub sems dpa' de rnams gos ngur smrig gyon gyi/ thams cad kyang lha'i gos gtsang ma rnams gyon no// de na bslab pa bcas pa yang med de/ de dag thams cad cang shes pa skye ba med pa la bzod pa'i chos can du gyur to/ / de dag la gtam rgyas par bya yang mi dgos te/ de dag ni zur tsam gyis go zhing dbang po rno ba sha stag go// gang gi tshe de bzhin gshegs pa byang chub sems dpa' rnams

  732. 367a

    la chos ston pa de'i tshe/ sangs rgyas kyi zhing de ni lha dang mi ji skad 'khor ba de dag thams cad kyis bshad pa de kun shes par gyur te/ de la kha cig gis ni bzod pa thob/ kha cig gis ni gzungs kha cig gis ni spobs pa/ kha cig gis ni ting 'dzin thob bo// de bzhin gshegs pa de'i mtshan kyang phyogs bcur grags par gyur to// rnam par 'phrul pa'i rgyal po de ltar de'i tshe/ de'i dus na/ de bzhin gshegs pa lha'i rgyal po de lha dang bcas pa'i 'jig rten gyi mdun na/ chos kyi rnam grangs 'di nyid rgyas par 'chad de/ de nas byang chub sems dpa' bdun khri nyis stong yang dag par rdzogs pa'i byang chub tu lung bstan par gyur to/ / de'i tshe de'i dus na/ byang chub sems dpa' dri meng rnam dag 'od ces bya ba zhig kyang yong par 'gyur ro// de bzhin gshegs pa des/ byang chub sems dpa' de lung yang ma bstan pa dang / de 'di snyam du sems te/ byang chub sems dpa' gang dag lung bstan pa de dag spyod lam 'am/ spyod pa 'am/ nan tan nam/ dran pa 'am/ blo gros sam/ rtogs pa 'am/ shes rab bam/ mngon par shes pa 'am/ gzungs sam/ ting nge 'dzin thob pas bdag las lhag pa 'am/ mchog tu gyur pa ni ma na/ ci'i phyir 'di dag ni lung bstan la/ bdag ni lung ma bstan snyam mo// de nas de bzhin gshegs pa lha'i rgyal po de'i thugs kyis/ byang chub sems dpa' de'i sems mkhyen nas/ byang chub sems dpa' de la 'di skad ces bka' stsal to// rigs kyi bu ma 'ongs pa'i dus na/ de bzhin gshegs pa mar me mdza

  733. 367b

    ces bya ba zhig 'byung ste/ des khyod la lung ston par 'gyur ro// de nas byang chub sems dpa' ji meng rnam ngag 'od kyis tshig de thos nas rab tu dga' zhing mgu bar gyur te/ nam mkha' la 'phags nas gal te bskal pa gang+gA'i klung gi bye ma snyed cig na/ de bzhin gshegs pa mar me mdzad de 'byung du zin kyang / bdag gis thams cad mkhyen pa nyid thob par 'gyur ro// de bzhin gshegs pa rnams ni sho bi mi gsung ste/ de bzhin gshegs pa rnams ni yang dag par gsung ba bden par gsung ba'o zhes tshig de skad smras so// rnam par 'phrul pa'i rgyal po 'di ji snyam du sems/ de'i tshe byang chub sems dpa' dri med rnam dag 'od ces bya bar gyur pa de gzhan zhig yin pa snyam na de ltar mi blta'o/ / de ci'i phyir zhe na/ nga nyid de'i tshe de'i dus na/ byang chub sems dpa' dri med rnam dag 'od ces bya bar gyur to// rnam par 'phrul pa'i rgyal po de'i tshur rol na/ de bzhin gshegs pa rab gsal zhes bya ba ngas mnyes par byas te/ de las kyang chos kyi rnam grangs 'di thos so// thos nas kyang bzung ngo // snang ba'i phyag rgya zhes bya ba'i ting nge 'dzin kyang thob bo// de'i tshul rol na de bzhin gshegs pa rgyal zhes bya ba mnyes par byas te/ de las kyang chos kyi rnam grangs 'di thos so// thos nas kyang bzung ngo // snang ldan zhes bya ba'i ting nge 'dzin kyang thob bo// de'i tshu rol na de bzhin gshegs pa skar rgyal zhes bya ba mnyes par byas te/ de las kyang chos kyi rnam grangs 'di thos so// thos nas kyang bzung ngo // rnam par snang byed ces bya ba'i ting nge 'dzin kyang thob bo//

  734. 368a

    de'i tshu rol mde bzhin gshegs pa rab tu gdung ba zhes bya ba mnyes par byas nas/ de las kyang chos kyi rnam grangs 'di thos te/ thos nas kyang bzung ngo // rjes su 'thun pa'i bzod pa yang thob bo// de'i tshu rol na de bzhin gshegs pa mar me mdzad ces bya ba mnyes par byas nas/ de las kyang mi skye ba'i chos la bzod pa thob ste/ tshul khrims kyi rnam par 'phrul pa dang / mngon par shes pa'i rnam par 'phrul pa dang / shes pa'i rnam par 'phrul pa dang / shes rab kyi rnam par 'phrul pa zhes bya ba/ rnam par 'phrul pa bzhi po de dag kyang mngon sum du byas so// rnam par 'phrul pa'i rgyal po rnam grangs des 'di ltar rig par bya ste/ da ltar ram nga 'das pa'i 'og tu'ang rung / byang chub sems dpa'i theg pa pa'i rigs kyi bu 'am/ rigs kyi bu mo gang su ga chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par rab tu ston pa de dag thams cad yang dag par rdzogs pa'i byang chub kyi phyir/ mngon par shes pa myur ba dang ldan par 'gyur/ chos kyi rnam par 'phrul pa 'di rnams kyi kyang thob par 'gyur/ thob nas kyang chos kyi rnam par 'phrul pa 'di dag gis chos kyi 'khor lo rjes su bskor bar 'gyur/ thams cad mkhyen pa'i ye shes bla na med pa 'di la rjes su 'thun pa'i bzod pa yang thob par 'gyur ro//

  735. 368b

    bcom ldan 'das kyis chos kyi rnam grangs 'di bshad pa na/ byang chub sems dpa' khri drug stong gis bzod pa thob bo// srog chags 'bum phrag bcu gnyis kyis ni byang chub tu sems bskyed do// stong gsum gyi stong chen po'i 'jig rten gyi khams de'ang rab tu g.yos par gyur to/ / lha dang / klu 'bum dag kyang gang na chos kyi rnam grangs 'di spyod pa de na sangs rgyas 'byung bar shes par bya'o// gang dag chos kyi rnam grangs 'di nyan pa'i sems can de dag kyang / dge ba'i rtsa ba ma bsags ma yin na/ gang dag gis bzung ba nas/ kun chub par byed pa'i bar tu gyur pa lta smos kyang ci dgos te/ de dag ni ring por mi thogs par 'phrul pa 'di dag thob par 'gyur ro/ / zhes ched du rjod pa ched du brjod do// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ rnam par 'phrul pa'i cho 'phrul bstan pa zhes bya bar zung shig/ bcom ldan 'das kyis de skad ces bka' stsal nas// byang chub sems dpa' sems dpa' chen po rnam par 'phrul pa'i rgyal po dang / tshe dang ldan pa kun dga' bo dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rang ste/ bcom ldan 'das kyis gsungs pa la mngon par stod do// 'phags pa rnam par 'phrul pa'i rgyal pos zhus pa zhes bya ba theg pa chen po'i mdo rdzogs s+ho//

  736. 369a

    rgya gar gyi mkhan po pradz+nyA bar ma dang / nu chen gyi lo tsA ba ban d+he e shes sdes nus te gtan la phab pa'o// #skad du/ Ar+ya brah+ma dang ta ba ri pring tsha nA ma ma hA yA na sU tra/ bod skad du/ 'phags pa tshangs pas byin gyis zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ / 'di skad gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' rab na/ dge slong steng nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po thams cad kyang mngon par shes pa/ mngon par shes pa'i byang chub sems dpa' mngon par shes pa thob pa/ gzungs thob pa/ ting nge 'dzin thob pa/ chags pa med pa'i gzungs thob pa/ sgo mtha' yas pa'i phyag rgya bsgrub pa'i gzungs la mkhas pa/ stong pa nyid la gnas pa/ mtshan ma med pa'i spyod yul ba/ ma rtag pa'i smon lam can mi skye ba'i chos la bzod pa thob pa sha stag dang thabs gcig tu bzhugs so/ / de nas byang chub sems dpa' mthong ba don yod/ byang chub sems dpa' lnga brgya tsam dang lhan cig tu/ bcom ldan/ 'das kyi zhabs la phyag 'tshal te/ bcom ldan 'das la bskor ba byas nas/ mthar gyis ljongs rgyu zhing song ba las lnga 'dzin ljongs su phyin to// de nas rgyal po tshangs pas byin gyis byang chub sems

  737. 369b

    dpa' mthong ba don yod bdag gi yul 'dir phyin to zhes thos nas/ de tshim zhing mgu la yi rangs te rab tu dga' zhing dga' ba dang / yid bde ba skyes nas/ skye bo'i tshogs mang pos yongs su bskor cing mdun du bdar nas/ byang chub sems dpa' mthong ba don yod ga la der song ste phyin nas byang chub sems dpa' mthong ba don yod kyi rkang pa la mgo bos phyag 'tshal te/ phyogs gcig tu 'dug go/ skye bo phal po che de dag kyang byang chub sems dpa' mthong ba don yod kyi rkang pa la mgo bos phyag 'tshal nas phyogs gcig tu 'khod do/ / de nas byang chub sems dpa' sems dpa' chen po mthong ba don yod kyis rgyal po tshangs pas byin g.yog 'khor dang bcas pa 'khod par rig nas/ rgyal po tshangs pas byin la 'di skad ces smras so// rgyal po chen po rgyal rigs spyi bo nas dbang bskur ba'i rgyal po chos lnga dang ldan pa ni/ 'khor ba na 'khor ba'i tshe/ rtag tu khyad par du 'gro bar 'gyur la/ mi khom pa rnams su yang skye bar mi 'gyur ro// de bzhin gshegs pa dang yang phrad cing mnyes par byed par 'gyur ro// sangs rgyas bcom ldan 'das rnams chos ston pa na yang ldem po ngag la mkhas par 'gyur ro/ / dran pa mi chod pa dang ldan par 'gyur/ mdzes par yang 'gyur/ dbang po ma tshang bar mi 'gyur/ sangs rgyas bcom ldan 'das rnams kyis kyang don dam pa dang ldan pa'i gtam 'di lta ste/ bden pa bzhi bstan pa dang ldan pas bong par 'gyur te/ lnga gang zhe na/ rgyal po chen po 'di la/ rgyal rigs spyi bo nas dbang bskur ba'i rgyal ni dad pa can yin te/ dang pa'i shes

  738. 370a

    che zhing zhe 'gras pa med pa'i yid dang ldan no/ / de'i dad pa de yang nges pa dang / rtsa zug tu brtan pa yin no// dad pa de yang rnam pa bcur blta bar bya ste/ bcu gang zhe na 'di lta ste/ g.yo med par sbyin pa dang / bdog pa thams cad yongs su gtong ba dang / lhag pa'i nga rgyal med pa dang / dang ba'i shas che ba dang / 'phags pa'i bstan pa la skyon du mi 'dzin pa dang / dge slong rab 'bring tha ma rnams la 'ju pa mi tshol ba dang / stong pa nyid la mos pa dang / lus kyi las yongs su dag pa dang / ngag gi las yongs su dag pa dang / yid kyi las yongs su dag pa ste/ bcu po de dag yin no// rgyal po chen po chos dang po 'di dang len pa'i rgyal rigs spyi bo nas dbang bskur ba'i rgyal po ni ji skad smos pa'i yon tan de dag thob par 'gyur ro/ / rgyal po gzhan yang rgyal rigs spyi bo nas dbang bskur ba'i rgyal po ni chos 'dod pa yin te/ rgyun mi 'chad par 'phags pa rnams mthong bar 'dod pa dang / thos pa tshol ba la chog mi shes so// de'i mang du thos pa de yang sems kyis shin tu brtags pa dang / mthong bas shin tu rtogs pa yin no// rgyal po chen po yan lag bcu dang ldan na/ chos dang ldan pa'i rgyal por rig par bya ste/ bcu gang zhe na/ 'di lta ste/ chos 'dod pas lus la mi lta zhing srog la mi lta ba dang / 'khor ba la skyo ba'i yid dang ldan pa dang / khyim na gnas pa la skyon mang bar sems pa dang / dngos po thams cad la mi lta ba'i yid dang ldan pa dang / sngon mthong bar 'dus byas pa'i las kyi nang nas sdig pa'i las la smod cing / ma 'ongs pa mngon par 'du mi byed pa dang / sdun

  739. 370b

    pa dang mi sdug pa rnams las nges par sems pa'i yid dang ldan pa dang / bsam pa thag pa nas bsgrubs pas byang chub sems dpa'i spyod pa rdzogs par byed de/ tshig lhur len par mi byed pa dang / ye shes yongs su// tshol bas dam bcas pa la brtan pa dang / rang gi g.yog 'khor byang chub yang dag par 'dzin du 'jug cing rgyun mi 'chad par de dag chos kyi sbyin pas yongs su smin par byed la/ de dag gi zang zing yang sdud par byed pa ste/ bcu po de dag yin no// rgyal po chos gnyis pa 'di dang ldan pa'i rgyal rigs spyi bo nas dbang bskur ba'i rgyal po ni ji skad smos pa'i yon tan de dag thob par 'gyur ro// rgyal po chen po gzhan yang rgyal rigs spyi bo nas dbang bskur ba'i rgyal po ni/ chos zab mo'i bzod pa la mos shing / stong pa nyid kyi ting nge 'dzin bsgrub pa thob pa yin no// de'i zab mo la mos pa de yang rnam pa bcur rig par bya ste/ bcu gang zhe na/ 'di lta ste/ ji skad smras pa de bzhin du byed pa dang / dge ba'i chos spyad pa thams cad yongs su rdzogs par bya ba la shas tshor gus pa drag po dang ldan zhing / yang ba'i las mngon par 'du byed pa yang yongs su spong ba dang / mngon par du byed pa yid du 'ong ba yang mngon par 'du byed pa dang / skye bo dbang phyug dang ldan pa rnams la yang gzu lums su nan gyis gnan par mi byed pa dang / yid du 'ong ba'i sbyin pa yang gzhan dag la stobs par byed de/ yid du mi 'ong ba yongs su spong ba dang / chos thams cad la yang stong ngo snyam du nges par 'byung bar byed pa dang / byed pa med pa'i lta bas yang dag pa'i mtha' la/ mtshan nyid gcig tu mos par yang mi byed la/ tha dad pa'i 'du shes can yang ma

  740. 371a

    yin pa dang / rang gi yon tan gyis kyang / gzhan gyi yon tan khyad du gsod par mi byed pa dang / chad nges par 'dzin par yang mi byed pa dang / gang zag sbyor ba med pa rnams la yang chos dbyings bsam gyis mi khyab pa dang 'thun par byed pa ste/ bcu po de dag yin no// rgyal po chen po chos gsum po 'di dang ldan pa'i rgyal rigs spyi bo nas dbang bskur ba'i rgyal po ni/ ji skad smos pa'i yon tan de dag tho par 'gyur ro/ / rgyal po chen po gzhan yang rgyal rigs spyi bo nas dbang bskur ba'i rgyal po ni/ 'jig rten gnas pa'i gnod pas sbags pas spags par yang dag par mthong ba na/ bla na med pa yang dag par rdzogs pa'i byang chub bsgrub pa'i phyir bstan pa yongs su 'dzin pa la 'jug ste/ pha rol tu phyin pa drug gi stobs bskyed pa la brtson zhing / sems can yongs su smin par bya ba la yongs su mi skyo'o// de'i bstan pa yongs su 'dzin pa de yang rnam pa bcur rig par bya ste/ bcu gang zhe na 'di lta ste/ 'jig rten gyi chos brgyad kyis mi tshugs pa'i ting nge 'dzin bsgrub pa'i rtson pa dang / gzungs yongs su tshol ba la brtson pa dang / dam pa'i chos yongs su gzung ba'i phyir rnam par nges pa la mkhas pa dang / gang zag gang dag mngon par brtson pa de dag gis gos dang / zas dang / mal cha dang / stan dang nad kyi gsos sman dang / yo byad rnams bstabs pas yongs su mi skyo ba dang / byang chub yang dag par 'dzin du 'jug pa la brtson pa dang / legs par bsams pa sems pa dang / legs par smra ba smra ba dang / legs pa'i las byed pa dang / rab tu 'byung bar sems pa

  741. 371b

    dang / rgyal po la dga' ba la skyon tu rtog pa dang / gzugs sdug cing gzugs bzang ba thams cad la mi lta ba'i yid dang ldan pa dang / tha na rgyal po gcig pur sred pas bsgrub pa la yang mi lta ba'i yid dang ldan pa ste/ bcu po de dag yin no/ / rgyal po chen po chos bzhi po 'di dag dang ldan pa'i rgyal rigs spyi bo nas dbang bskur ba'i rgyal po ni/ ji skad smon pa'i yon tan de dag thob par 'gyur ro// rgyal po chen po gzhan yang rgyal rigs spyi bo nas dbang bskur ba'i rgyal po ni gang zag gang dag bla na med pa yang dag par rdzogs pa'i byang chub bskal pa grangs med pa bye ba khrag khrig phrag 'bum gyis yang dag par bsgrubs pa 'di 'dzin pa dang / klog pa dang / ston pa de dag la chos bzhin du srung ba dang / skyob pa dang / sbed par byed pa la/ sems can gang dag gang zag de lta bu dag la gnod pa byed pa'i rang bzhin can gang zag de lta bu de dag la ni/ 'di ltar chos kyi longs spyod 'di la spyod pa yongs su bsrung ba'i phyir chad pas gcod par byed do/ / de'i dam pa'i chos yongs su 'dzin pa de yang rnam pa bcur rig par bya ste/ bcu gang zhe na 'di lta ste/ yang dag pa'i bsgrub pa dang / nges par phangs par byed pa dang / chos la mos pa dang / 'khrul pa med par kun tu spyod pa dang / ye shes 'dod cing yon tan gyi khyad par la yid ches pa dang / de bzhin gshegs pa'i pho nya dang nye bar spyod pa dang / sangs rgyas kyi snod du rung ba dang / dkon mchog gsum gyi gdung sdud pa dang / dam pa'i chos 'bar bar byed pa dang / skye bo mang po yongs su smin par byed pa ste/ bcu po de dag yin no// rgyal po chen po chos lnga po de dag dang ldan pa'i rgyal rigs spyi bo nas dbang bskur ba'i rgyal po ni ji skad smos pa'i yon tan 'di dag thob par 'gyu ro//

  742. 372a

    de nas byang chub sems dpa' mthong ba don yod kyis de'i tshe tshigs su bcad pa 'di dag smras so// rgyal po sangs rgyas chos dang dge 'dun la// rtag tu lhag pa'i bsam pa g.yo med pas// dad pa dang ni dang ba mi phyed pas/ / de la yon tan 'di dag dkon pa med// bcos ma ma yin shes nas dad pa skyes// de la dngos po ci yod srib med// byin nas kyang ni de la 'gyod pa med// 'dir ni yon tan de dag dad pa'i mtshan/ / de dag bsam pa rtag tu rnyog pa med// mi phyed ri rab bzhin du bskyod du med// bum pa gang ba legs gnas mi g.yo ltar// de dag dad pa shin tu g.yo ba med// mthong la ma mthong thos la ma thos pas// gang dag ri bzhin du ni g.yo ba med// de dag lta bu dad pa'i mtshan nyid de// gnas rnams kun tu rnanams kyang 'gyur ba med// zhi ba 'dod phyir chos 'dod gang yin pa// mkhas pa des ni chos don kun spongs shig de spangs nas kyang de la sems pa med/ / de dag chos rnams kyi ni mtshan nyid do// skye bo'i bdag po gang zhig chos 'dod pa// gang tshe legs par gsungs pa mi nyan pa// sa bon rul ba bzhin ngan btab pa ltar// 'dren pa'i bstan pa dag la skye mi 'gyur/ / thos kyang 'di la bdag ni mkhas snyam sems// chos rnams rang bzhin ci 'dra rtogs snyam te// lhag pa'i bsam pa spyod pa ma dag la// gnyis sems ldan la dag pa ga las 'ong // chos 'dod gang dag dran pa'i sgo dang ldan/ / gus bcas g.yo med lug ltar lkugs med pa// rgya mtsho chen po bzhin du 'bab pa med// de 'dra de dag byang chub mchog gi snod// chos 'dod pa ni nang dang phyi rol gyi// dngos po

  743. 372b

    kun la sdug 'dzin ci yang med/ / shes pa rnams la 'phangs shing byis pas smad// 'dis ni chos 'dod gang yin shes par bya// de yi phyir na rgyal po chos 'dod pa// 'di thos nas ni bsgrub pa dag pa yis// smras pa tsam dang thos la gnas ma byed// bsam pa nyams pa la ni shes rab med// zab mo bzod la mos pa gang yin te// sdug dang mi sdug rnams la chags pa med// de dag rlung ltar chags pa med par yang // bskal pa brgya bgrangs mtha' yas spyod par 'gyur// rgyal po gal te byang chub khyod 'dod na// lhag pa'i bsams pas bsam pa sbyang bar gyis// bdag dang bdag gi mnyam pa'i nga rgyal gyis// gnas 'dir phyin ci log tu gnas ma byed/ / khyod kyis nyes pa rtag tu bshags par gyis// khyod ni 'thun pa'i sdom la gnas par gyis// dbang phyug dang ni gnyen la mi rtag soms// rten pa med pa 'di ni yang dag stong // stong pa'i chos rnam mang po ji snyed smra// stong nyid ji bzhin de la gnas pa min// chos nyid las ni gang gis 'gal byas pa// de ni zab mo'i tshul lo bzod pa min// de phyir stong pa 'di ni kun tu dag la// stong nyid ji bzhin de ni gang gis shes/ / de ni ngang pa'i rgyal pos rdzab spangs bzhin// khams las des byung byang chub mchog la reg/ de bzhin gshegs la gus par byas nas kyang // rgyal po khyod kyis bstan pa brtag par gyis// rgyal po lus ni rab tu 'jig pa'i phyir/ / byang chub theg pa la ni yi ma 'chad// ston pa'i bstan bcos spyod yul chog shes// mkhas pa de dag la nisas tu bsrungs// smra ba tsam gyis dbang du ma 'gro shig/ nad pa rgyun ni rings

  744. 373a

    por gyur ta re/ / gang gis bstan pa 'di ni legs rtags pa// de yi don du bsrung ba'i rgyul bsgrims// las dang nyon mongs sna tshogs spangs pa de// khyad par du ni byang chub mchog tu 'gyur/ / pha rol phyin drug 'di la legs par slobs// de la bslabs na byang chub thob par 'gyur// ji snyed bstan pa 'di ni bsgrub par gyis// kun mkhyen chos rnams ring po mi thogs thob// me tog khu bar bung ba mi chags dang / / nam mkha' la ni bya rjes med pa ltar// yul rnams la ni gang sems de 'dra ba// de 'dra de ni rgyal po sangs rgyas 'gyur// zab mo'i bzod dang spobs pa thob nas 'dir// sangs rgyas rnams kyi mdzod 'dzin gang yin pa/ / de dag khyod kyis chos bzhin bsrung bar gyis// mkhas pa de 'dra srog phyir ma btang shig/ mkhas pa de dag la ni gnod byed mi// chos dang mi ldan brtson pa mang po rnams// de dag rtag tu khyod kyis chad pas chod/ / chos kyi tshul 'di myur du nyams sa re// gang phyir 'jig rten mgon po mi 'byung na// mkhas pa de dag 'jig rten ston par 'gyur// srog chags phan phyir chos sgron 'bar bar byed// de phyir de ngan don tu rtag tu bsgrims/ / byang chub sems dpa' mang po bye ba stong // snying nas sems can don ni spyod mi byed// de dag lhag sems med cing tshul khrims med// deng galung bstan rgyal ba gsung mi 'gyur// ji skad smras pa de bzhin byed pa rnams/ / de ltar de dag skye med spyod yul can// rgyal khyod yang dag spyod pa 'di thos kyi// ji skad bstan pa'i stan der gnas par gyis/ de ras rgyal po tshangs pas byin gyis// byang chub sems dpa' sem

  745. 373b

    dpa' chen po mthong ba don yod la 'di skad ces smras so/ / mthong ba dor yod skyon 'di dag thams cad ni bdag la mchis par gda' la/ yon tan rnams ni mi gda'o// mthong ba don yod bdag ni gnod pa'i spags pas spags pa'o// mthong ba don yod pa dag ni gzu lums kyi las la lhag par zhen pa'i shas che ba dang / nor yongs su tshol ba dang / 'khor yongs su bsdu bas kun nas mnar sems kyi sems skyes pa bsal bar rngo mi thog go// gzhan yang bdag ni gzhan dag la/ dbyug pas bsnun pa dang / mtshon gyis bsnun pas bsnun par bgyid de/ mthong ba don yod des na/ bdag gis byang chub tu sems ma bskyed do// bdag ni tha na rmi lam du yang gzhan dag la kun nas mnar sems kyis sems bskyed par bgyid do/ / mthong ba don yod da ni bdag gis lhag pa'i bsam pas bla na med pa yang dag par rdzogs pa'i byang chub tu sems bskyed par bgyi'o// mthong ba don yod bdag gis ji ltar bcas pa'i byang chub sems dpa'i bslab pa dag la ma bslabs na/ bdag gis phyogs bcu'i 'jig rten gyi khams dag na bzhugs pa'i sangs rgyas bcom ldan 'das rnams bslus par gyur cig/ bdag bla na med pa yang dag par rdzogs pa'i byang chub yongs su bsgrub pa'i slad du/ ji skad smras pa de bzhin du bgyid par 'gyur bar bgyi'o// de nas rgyal po tshangs pas byin gyis rjes su slob pa'i srog chags brgyad khris sngon ma skyed par bla na med pa yang dag par rdzogs pa'i byang chub tu sems bskyed de/ de dag gis kyang ji skad bstan pa'i byang chub sems dpa'i spyod pa dag la smon lam btab bo// srog chags nyis khri ni chos rnams la chos kyi mig rdul

  746. 374a

    med cing dri ma dang bral ba rnam par dag go/ de nas rgyal po tshangs pas byin gyis byang chub sems dpa' sems dpa' chen po mthong ba don yod la 'di skad ces smras so// mthong ba don yod bdag la thug rtse ba dang / skye bo phal po che 'di dag la phan gdags pa'i slad du bdag gi 'di nyid du dbyar gnas par gnang bar mdzod cig/ mthong ba don yod 'di ltar snod kyi rkyen du mi 'bab cing / spyod yul gyi rkyen du mi 'bab la/ skye bo dang / skal ba mnyam pa ma lags shing / de bzhin gshegs pa yang mi mthong la/ chos kyang rgyun tu mi thos te/ dge ba'i rtsa ba'i tshogs kyang mi mang la/ sems can mang po yongs su smin par bgyid/ yang ma mchis mod kyi// 'on kyang bdag cag la phan btags par 'gyur ro// de nas byang chub sems dpa' sems dpa' chen po mthong ba don yod/ byang chub sems dpa' lnga brgya tsam dang lhan cig tu/ rgyal po tshangs pas byin la snying brtse ba'i phyir khas blangs so/ / de'i tshe rgyal po tshangs pas byin gyis byang chub sems dpa' mthong ba don yod dang / 'khor lnga brgya'i mal cha dang / stan dang / gding ba dang / bgo ba dang / bza' ba thams cad kyi yo lang yang bshams so/ / byang chub sems dpa' sems dpa' chen po mthong ba don yod la yang chos kyi mchod pa ci rigs pa byas so// de'i tshe gnas de na dge slong drug cu gnas par gyur te/ de dag mi brtson pa dang / thos pa nyung ba dang / kun nas mnar sems mang ba dang / gzhan mchod pa dag la sems sdug bsngal dang / byang chub sems dpar khas 'che ba dang / byang chub sems dpa' dmu rgod dang /

  747. 374b

    cang shes ma yin pa dang / dbang po khu ru chung ba dang / rgod pa dang / khengs pa dang / rgod bag can dang / mu cor smra ba dang / khwa ltar bsgrub dang / 'jig rten pha rol la mi lta ba dang / las kyis mi 'jigs pa dang / bre mo gtam la dga' ba dang / gnyid che ba dang / chos ma yin pa 'dod pa dang / lus dang / ngag dang / yid kyi las kyi mtha' ma sngams pa dang / rtsod pa mang dang / tshul khrims dang ldan pa la sdang ba dang / gzhan gyi shes pa la shas cher ma mos pa dang / tha na ston pa blta bar yang mngon par mi dga' na/ tshangs pa mtshungs par spyod pa gzhan dag lta smos kyang ci dgos pa sha stag ste/ de dag byang chub sems dpa' mthong ba don yod la chos bzhin ma yin par skur pa 'debs so/ / de yang dad pa chu ngu'i bram ze dang / khyim bdag rnams kyi khyim du songs nas sgrogs par byed de/ de thos nas bskal pa bye ba phrag brgyad cur sems can dmyal ba chen por skye ba yongs su 'dzin par gyur to/ / de nas byang chub sems dpa' mthong ba don yod kyis sems can de dag nyid la snying brtse ba'i phyir/ rgyal po tshangs pas byin lam bsnyad do// de'i tshe rgyal po tshangs pas byin gyi 'dun na 'don pa bram zer rab tu dmugs byed ces bya ba zhig byung ste/ des de na gnas pa'i dge slong rnams/ byang chub sems dpa' mthong ba don yod dang bye bar bya ste/ chos ma yin pas kyang skur pa btab bo// rgyal po tshangs pas byin yang mi smon pa'i thabs kyis byang chub sems dpa' mthong ba don yong dang bye bar byas so/ / chos kyi mchog tu dga' ba byung ngo cog kyang 'gag par byed de/ ci nas byang chub sems dpa' sems dpa' mthong ba

  748. 375a

    da maud pa sgyu shA byed / / kyis sun nas/ byed zu pa / cad / cis cang cang chu dngasu spyod rnams kyi cu byed do/ / de chos pani dang ldatsun/ cung chub sems dang blangs dang yin+na te/ bzhi ga zhe no// 3ny+dza hwA dang / s+yAts+tsha dang / zhan gyi d+hI o M sbyor ba yin/ gas bstod pa dang / gzhan la spyod pa yin/ ma 'di'i tshad cher 'dzin pa dang / sdig pa'i bsam pa can min// 'dzin pa byed po'i sa che sa yin te/ chom pani pa'i dag dang stanan/ rlung chub sems dpya du rgod zin no// byang chub sams dpar mthong bdon yong gis// rnye de ba dang / sdug bsgyur ba dang / bde ba dang / yid 'dabs dbyar gnas pa rgyas so/ / de tso'i byor zhe na/ 'di ltar mo btsun pa dang / sbyin cig gnas pa ni sdug sngal ba di d+hir ro// de nas byang chub sems dpa' sems dpa' chen po ma bdon mod kyis dbyar gnas pa byas pa byas te/ dbyangar tha gsum 'angs na/ chos gos byas shing chos gos bsgrungs te/ ltung babed dang / chos gos zin nas mthar gyis sul rgyu'i mnyan du med pa'i rgyal bu rgyal byed kyi tshal/ / mgon med pas sbyin pa'i kun dga' ra bgal ba dang / bcom ldan 'das ga' ba dang song ste phyin nas/ bcom ldan 'das kyi nangam la mams phyi/

  749. 375b

    'tshal te/ phyogs gcig tu 'dug go/ de nas rgyal po tshangs pas byin gyis/ byang chub sems mthong ba don yod/ dge slong gnas pa rnams kyis gnod pa byas/ bcom ldan 'das kyi thad du song ngo zhes thos so/ / de nas rgyal po tshangs pas byin srog chags khri dang lhan cig tu/ lnga 'dzin gyi ljongs nas/ ko sa'i ljongs ga la ba dang / bcom ldan 'das ga la ba der song ste phyin nas/ bcom ldan 'das kyi zhangs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ bcom ldan 'das la rgyal po tshangs pras byin gyis 'di skad ces gsol to/ / bcom ldan 'das byang chub sems dpa' mthong ba don yod ni/ bdag gi yul nas ha cang sngar mchis lags so/ bcom ldan 'das kyis bka' stsal pa/ rgyal po chen po gang zag phrag dog can dang / mngon par mi rtson pa dang / smra ba la dga' ba dang / bre mo gtam byed pa mang ba dang / tshul bzhin las brag ring ba dang / sbyong ba dang bral ba rnams gang na gnas pa der/ de bzhin gshegs pa dang / de bzhini gshegs pa'i nyan thos mi gnas so// / rgyal po chen po rgyu bcus na gang zag mngon par mi brtson pa yin par rig par bya ste/ bcu gang zhe na/ kanyid che ba dang / mkhas so snyam du mngon pa'i nga rgyal byed pa dang / bdag

  750. 376a

    la bstod pa dang / gzhan la smod pa dang / bre mo'i gtam la dka' ba dang / smra ba la dga' ba dang / tshogs la dga' ba dang / rnyed pa ched cher 'dzin pa dang // bkur sti ched cher 'dzin pa dang / tshul 'chos pa ste/ rgyal po chen po rgyu bcu po de dag dang ldan na/ gang zag mngon par mi brtson pa yin par rig par bya'o// de nas bcom ldan 'das kyis de'i tshe tshigs su bcad pa 'di dag bka' stsal to/ / mi rigs ldan pa rtag tu mi mthun te/ ji ltar rgya mtsho chen po mi ro dang / ji ltar skye bo bya dang phrad pa bzhin// de ni mkhas pa rnams dang shin tu ring // dad med de ni 'khrul pa tshol bar byed// bre mo gtam smra spyod yul tshogs la dga'// rgyal ba rnams kyis bstan la mo gus pa// 'di nas sha 'phos myur du ngan 'gro 'gro/ / mi ldan pa la dran med shes rab med// mya ngan mi 'da' mi 'gro tshul khrims med// de ni dmus long lam dang ji bzhin du/ 'phags pa'i lam dang shin tu ring bas ring / / gang zag mi ldan de ni smra ba mang // dgod la dga'o zhing rtag tu dbang po g.yengs// da ni bstan la chu ra'i chu bos min// de ni grong zas lcags kyi thu lum za// sbyin pa po yi dad pas byin pa ni// ldan dang grol la nga yis kan nga ba yin// mi ldan pas ni kham cig zos na yang // de lon ri rab tsam yang bya ba yin// bstan la yul 'khor zas ni

  751. 376b

    spang bar dka'/ / ldan pa gang yin rnams kyang 'di la 'dzem// mi ldan de yis dgod bzhin zos na ni// glang chen rta dang ba glang bong bur skye// de dag des zos brnyas pa'i gzugs su 'ogyur/ / de dag rid cing nyam chung sprad par 'gyur// zas blangs zos pas mi gtsang dri ngar 'gyur// de dag dbyigs pas bsnun pas sbyong por 'gyur// sems kyang g.yangs shing dran pa rnam par nyams/ / slongs mo byed cing smon pa dag tu 'gyur// bstan pa bsod nams stegs 'di thob na yang // bag med gyur na ngan 'gror ltung bar 'gyur// lo ni bye ba khrag khrig mtha' yas par/ / ngan song sdug bsngal mang po des myong nas// mi yi 'jig rten khom pa thob par 'gyur// sdig byas phyir yang ngan 'gror ltung bar 'gyur// lcags kyi thu lum rgya mtsho chen po yi/ / nang du lhung bar gyur na gnas med du// lo ni bye ba phrag stong snyed du yang // rgya mtsho che las slar ni dbyung mi nus// de bzhin byis pa ngan 'gror lhung ba yang / bskal pa bya ba khrag khrig brgya snyed du/ / de dag mir skye ba yang the tsom bcas// de dag mtho ris byang chub ga la thob// bsam pa dag cing rtag tu brtson pa dang // legs par bsdams shing g.yo rgyu med pa dang / / mnyam pa'i sems kyis byang chub thob 'gyur te// de la thams cad mkhyen nyid dka' ba me // rgyal po chen po bcu drug po 'di dag ni gang zag phrag dog can gyi mtshan ma yin

  752. 377a

    par bya ste/ bcu drug gang zhe na/ khwa ltar bsgrub dang / mu cor smra ba dang / legs par ma bsngags pa dang / gzhan gyi bsngags pa ma yin pas bde bar 'dzin pa dang / gzhan gyi yon tan dag la yid mi ches pa dang / bsam pa mang ba dang / mya ngan mang ba dang / yid mi bde ba mang ba dang / mig ser ba dang / kha dog dbyibs nyams pa dang / da rgyal gyis non pa dang / dge slong la mi dga' ba dang / blo bur du 'ongs pa la bsting pa'i ngang tshul can dang / brtsad du rung ba'i 'khrul pa tshol ba dang / gnas la ser sna byed pa dang / chos nyan du mi 'gro la rna blugs te mi nyan/ sems rnam par g.yangs shing gzhan dang / gzhan du gtam rlung skur bar byed cing / chos gautam la mi dga' ste/ 'di skad du 'di zer ba dra mi shes so/ / 'di ni blun po yin te/ 'jig rten gyi tha snyad kyi chos ston to zhes kyang zer te/ gang 'phags pa rnams kyis thugs su chud pa'i chos 'dul ba la ma gus pa 'di nyid mi blun/ po de dag mi shes pa yin no// bdag gis ni byang chub thob nas gdod byang chub kyi shing drung du chos la gus par klanas par bya'o// zhes zer zhing / dge slong rnams la chos ston pa n+da yang / phyi sgo na 'greng zhing 'dug la chos nyan par byed de/ stan la 'dug mi 'dod na yang dge slong dag la tshol bar byed de/ brgyad sde'i byang chub kyi yan lag gi gtam ston pa na yang bdag gis

  753. 377b

    mA nyan par bya'o/ / de thos na bdag gi nad de 'byung bar 'gyur ro snyam mo// de bas ni mi blun po de dag cho snga ma yin pa 'dod pas byang chub yongs su btsal bar sems pa dag ni dper na/ ma'i mig gnyis phyung nas lta bar 'dod pa 'am/ nor thams cad med par byas nas/ 'dron pa mang po dang mi mthun par 'dod pa 'am/ rkang pa bcad nas lam du 'gro bar 'dod pa dang 'dra stergyal po chen po de ltar 'dod pa'i mi blun po de dag gi byang chub ni de 'dra ba snyam byed do/ / rgyal po chen po chos nyi shu rtsa lnga dang ldan na/ gang zag byang chub las nyams par rig par bya ste/ nyi shu rtsa lnga gang zhe na gnas la sar sna byed pa dang / khyim la ser sna byed pa dang / bsngags pa la ser sna byed pa dang / phrag dog can dang / ma dad pa dang / ngo tsha mi shes pa dang / khrel med pa dang / sdig pa'i bsam pa can dang / g.yo ba'i bsam pa can dang / gzhan la gnod pa dang ldan pa dang / spyod la ma kho re chung ba dang / tshul 'chos pa dang / kho na dam du 'dzin pa dang / sogs 'jog gi shas che ba dang / de bzhin gshegs pas gsungs pa la skrag nas ldog par brda spyod cing sgro 'dogs te/ chos spong bar byed pa dang / lhag pa'i nga rgyal can yin te/ mi 'dra ba'i ngang tshul can dang / chos la slu ba byas kyang 'gyod pa med pa dang / snying mi 'bebs shing dgra zla mang ba dang / 'khor gyi nang du song na

  754. 378a

    mthong ma thag tu gzhan gyi mos pa zlog pa'i phyir ro/ / gzhan dag gi mtshang 'dru ba dang / gsang ba'i gnas la yid brtan pa las 'khu ba dang / sngon mthong yang rung ma mthong yang rung ba'i dge slong dag la 'di rnams la su yang dga' bar mi 'gyur bar bya'o snyam ste/ gnod pa bya ba'i phyir/ bsngags pa ma yin pa brjod pa dang / gzhan gyi bsngags pa ma yin pa brjod par bya ba'i phyir gzhan sbed pa dang / rnyed pa'i bsam pas bdag gi bsnyen par rdzogs pa de nyams par gyur ni mi rung ngo snyam ste/ so sor ba rtags nas tshul khrims srung ba'o/ / rgyal po chen po gang zag de 'dra ba de dag ni bstan pa las/ tshabs cher nyams par 'gyur ba 'am/ khyim gyi gnas su 'gro bar 'gyur ro// de nas de'i tshe bcom ldan 'das kyis tshig su bcad pa 'di dag bka' stsal to// khwa ltar bsku zhing mi bsdams mu cor smra// 'jig rten mkhyen rnams bstan la gus pa med/ ldongs dang khrel med rtag tu mi mthun pa// phrag dog zil gnon rtags ni 'di rnams yin// gzhan du gA ki ni bsngags pa ma yin la// mi dkar mi byed dbul pos gter rnyed bzhin// snying por 'dzin cing thams cad rnam par spangs// gnod sems can la byang chub ga la yod// snga ma de yis kun nas mnar sems brtas// de yi rnam smin gyis ni ngan 'gro myong

  755. 378b

    'dir ni mi lus thob na mig kyang ser/ / de yi mdog kyang gsal zhing mdzes mi 'gyur// de ni sa labang gcam pa mang yod do// kun tu de yi zhe ni 'gras par 'gyur// la la'i shes ba'i khyad par mthong na yang / / phrag dog skyes nas chos ni spong bar byed// dgod cing snying la thogs pa med pa yis// gzhan dang lhan cig sdig pa mang po smra// gal te gzhan gyi tam ngan ma smu kyang / / 'khrug pa'i sems kyis mtshan mo 'da' bar byed// de ni grong du spyod lam gzhan du bsnur// gtsug lag khang du dmu rtod te bzhin byed/ gzhan gyi skyon 'dzin bdag gis 'dzin mi byed/ / phrag dog can rnams chos ni de 'dra'o// 'di ni ci nas phyogs 'dir mi gnas par// 'di yi khyim du 'di dang 'di skad du// sang ni bdag gis ngan du brjod snyam ste/ / de ni sdang ba'i yid kyis mang du sems// de ni mya ngan mang zhing yid mi bde// gzhan gyis shes phyir bkur ba rnams mthong na// de ni las kyi rnam smin yid mi ches/ / nyes pas non nas bsngags pa ma yin smra// mkhas pa de dag sman rnams khong du chud // de phyir de yi bsnyen bkur 'phel 'gyur na// de ni sbyin mchog bla med sbyin byed dang / / chos mchog 'dzin pa yin par yong mi shes// dge slong bya ba dag la nges pa yin// blo bur ba dag 'ong ba mthong na gnong // shin tu sdug bsngal gnas 'dir

  756. 379a

    ci 'dod ces/ / klas pa med par ma dang chos rnams smra// gtsug lag khang 'di rtag tu las mang la// rnyed pa'ang med de spyong yul rnams mi bzang // gal te des bskul da ni mi 'gro na// lags par ma bsda mas 'thab mo byed par 'gyur// 'di 'dra ba dag gi gnas 'dir gang yang med// yul zhig tu ni ci byas dran par gyis// gnas pa'i dge slong dag gis khyod bskrad na// yul 'di sun dbyung phyir ni 'ongs sam khyod// dge bsnyen blun po rnams ni 'di mi shes// 'di dag khrims 'chal tshul khrims ldan mi shes/ / dge slong dka' dang mi dgas myur du song // mi sdug pa dang drag pos song nga re// sangs rgyas la ni slob pa'i chos smra ba// des ni dam brtan dag gis mthong na ni// blun dang mi mthun 'gyur na mi rung zhes// de dgag las 'ongs par phyir kyang 'gro/ kye ma bdag gi 'dren pa'i bstan pa'o// rgyal ba bdag gi chos 'di 'gag par byed// dge slong sdig can 'di dag rab tu 'phel/ / chos smra gang yin rnams ni nyung bar 'gyur// gang tshe mang du thos pa blo bur 'ongs// skye bo mang po dga' byed ston pa na// blo gros chung ngu 'di lta ci shes shes/ / mi rigs de dag gzhan la ston par byed// des ni lung yang ma mnos chos ma dris// 'di yi ma'an po ci 'dra slob dpon gang // rang skye shing ltar chos gos

  757. 379b

    bgos nas ni/ / bde ba'i don tu rnyed pa tshol bar byed// de 'dir mdo sde de la mi mkhas te// de yi shes pa bdag cag shes so snyam// de dag blun zhing bstan pa sun 'byin pa// ting 'dzin ma tho ba byis pa'i bsam pa sems// rgyal po nga ni 'das pa'i dus dran pa// sangs rgyas ye shes 'od ces bya ba byung // lo ni brgyad khri tham pa'i bar dag tu// chos rnams bstan nas rgyal ba mya ngan 'das/ / rgyal ba de ni 'das pa'i dus kyi 'og/ dam pa'i chos ni nyams shing thug pa na// dge slong dran pa'i bro can zhes bya byung // gzungs thob ma yin spobs pa thob par 'gyur/ / mdzes shing des la bka' blo bde ba dang // rtag tu ngan ngon tsam gyis chog shes pa// skye dgu sprin gyi chus ni tshim bye ltar// lhar bcas 'gro ba chos kyis tshim par byed/ / de yi dus kyi tshe nas steng du// bkod pa'i rgyal po zhes bya grong khyer byung // khor khor yug dpag tshad brgyud du gyur// mi rnams de dag blo ldan lo/ legs bde// chos smra dran pa'i dro can de 'ongs nas// srog chags rnams la phan phyir chos kyang bstan// srog chags bya ba phrag ni nyi shu gsum// bla med byang chub la ni dkod par gyur/ / me tog rnams dang spos dang gos rnams dang // bca' ba thug pa dang ni 'tsham pa yi// glu dbyangs rol mo'i sgra rnams rab mchog gis// de dag de la sangs rgyas bzhin

  758. 380a

    du mchod/ / dge slong lnga brgya shin tu mi mthun gyur// grong khyer du ni de yi sngags min bsgrogs// tshul khrims ldan rnams nyes pa ded shes zhes// re re nas ni khyim pa'i mdun du brjod/ / zla ba na yi gso sbyong dab pa na// gal te do nub myur du ma song na// gnad rnams gtu cing srog kyang bcad do zhes// smra ba'i dge slong sdig can langs par gyur/ / dge slong de dag nyid la snying rje nas// sems can dag pa de ni ma zhum song // sangs rgyas sras la ni phyir brnyas byed ces// lha rnams stong dag mi dga' du bar byed// na dge slong lnga brgya de dag kun// dgod cing mgu bas mtshan mo 'da' bar byed// kye ma bdag cag de las legs par thar// khur lci bor ba snyam du nyams la sems// dag slong lnga brgya dus las 'das gyur nas/ / bskal pa brgyad cur dmyal bar gnas par gyur// bskal pa bye stong bdun cu rtsa drug tu// yi dgas 'jig rten der ni dge slong gnas// sems can de dag tshe rab rtag tu mdongs// de dag sprul ka dug skyes te sa rdul za// byis pa rnams kyis mthong nas dong bas brgyag/ skabs kyang med cing pung gnyen med par gyur// tsherabs bye ba stong phrag bco brgyad du// mi yi nang de skyes nas dbul por gyur// spro zhing mdongs la rtag tu lus kyang rul// mdog ngan smad par gyur te mthu yang chung // de ltar byed

  759. 380b

    pa nga rgyal zil gyis non/ / bdag nyid rtag tu mi sdug mang po byed// gzhan gyi sbyin pa la ni skyon yang 'dogs// g.yang sa chen por bdag nyid 'dor bar byed// ma 'ongs dus na bskal pa drug cu pa/ / grags chen zhes bya ba skal pa 'byung bar 'gyur// der ni skyob pa 'jig rten don mdzad pa// bde gshegs stong phrag bcu dag 'byung bar 'gyur// de dag nang na sangs rgyas tha ma'i tshe/ / der ni de dag mi lus thob gyur te// sangs rgyas de mthong nas ni bzod pa thob// sangs rgyas gang+gA'i bye snyed mthong bar 'gyur// sngon ni lhan cig de dag thams cad kyis// thams cad mkhyen pa'i sems su smon lam bta // der ni de dag byang chub sems ma nyams// bA sam pa'i bye brag gis ni ngan 'gror lhung // da ni de tshe chos smra rgyal ba'i bu// dran pa'i blo can zhes bya der yang gyur/ / sun 'byin de ni ston la sun 'byin 'gyur// de phyir nga rgyal spangs shing bor nas ni// tshul min spangs te ye shes sbyor ba gyis// gang zhig bdag nyid bsnyag par mi 'dod pa/ / des ni mi shes tshig rnams spangs nas kyang // me yi phung po bzhin du phrag dog slongs// mthong dang ma mthong thos dang mu thos drang // bden dang mi bden pas ni gzhan mi gleng / / byang chub mchog tu 'tshang rgya 'dod pa yi// dge slong des ni bdag gis nyes pa bsal// nges pa rnams ni nang dang phyi rol gyi// dngos po de dag thams cad gtong

  760. 381a

    bar byed/ / gang zhig nga yi byang chub mchog la 'dun// de dag ci phyir gzhan la khro ba skyed// phyi ma'i dus na nga yi bstan pa la// dmu rgod mang po byang chub sun yang 'byin/ / de dag gcong rong ka yang sa chen por 'gro// bsam pa nyams la byang chub ci byar yod// nga yi byang chub mchog 'dod gang yin pas// rigs ngan bu 'drar nga rgya spangs byas la/ / sems can kun la byams pa'i sems bskyed nas// thob dang ma thob mi dga' yongs mi bya// rgyal po chen po gzhan yang / gang na gus pa med pa dang / mang pa dang / gzhan dag la sdang ba dang / glags lta ba dag yod pa der ni/ de bzhin gshegs pa rnams dang / de bzhin gshegs pa'i nyan thos rnams yun ring du mngon par dga' bar mi 'gyur te/ myur ba kho nar 'dong bar 'gyur// rgyal po chen po chos bcu drug po 'di dag ni ma dad pa'i gang zag ston pa ste/ bcu drug po gang zhe na/ mi mthun par 'dzin tu 'jug pa dang / sdig pa'i bstan pa la 'thad par lta ba dang / chos kyi gtam la mi 'thad par lta ba dang / sdig pa'i bsam pa can dang / sems khengs pa dang / glags lta ba dang / khong g.yo can dang / 'tsho ba yongs su ma dag pa dang / bkur sti 'dod pa dang / sems kyi rgyud mi dge ba dang / sbyor ba med pa dang / gzhan bskur pa 'deb pa dang / gcig tu nges par skyon

  761. 381b

    'dzin pa dang / bstan pa ma nges pa dang / log pAr lta bu dang / las kyi rnam par smin pa la the tsom za ba ste/ rgyal po chen po chos bcu drug po de dag ni ma dad pa'i gang zag dang ston pa'o/ / de nas bcom ldan 'das kyis de'i tshe tshigs su bcad pa 'di dag bka' stsal to// rjes su bstan la 'thun par mi 'dzin pa// khron pa rnying pa bzhin du yongs su spangs/ thar dang mi 'thun rgyun bzhin 'gro ba de// sdang sems mu stegs can dang khyad par med// las kyi rnam par smin la yid mi ches// yid mi ches pas gzhan la 'debs mi byed/ / bdag nyid ri rab zom ltar mthor 'dzin te// nga rgyal mos pa de ni de bzhin byed// lags par gsungs pa'i chos ni ston pa na// sdig pa'i spyod yul can de mi 'thad 'dzin// dang med chos la som nyi bskyed nas ni// bskal pa bye ba mang po smon par 'gyur// ma dad pa yi bsam pas sdig can 'gyur// blo sdang gang gi yid kyang slob mi byed// snying po can kun rnam par spangs nas ni/ / dad pa med pas snyigs ma 'dzin par byed// 'gying bar byed cing rtag tu khengs pa ste// ma dang de ni gzhan la 'dud mi byed// shi nas rigs dmar skye ba 'dzin par 'gyur/ / dbul por 'gyur zhing gzhan la 'khu bar byed// gang zag ma dang bdag nyid gleng mi byed// klan ka tshol zhing gzhan gyis nyes par 'dzin// nags kyi sa ran da yi shing lta bur//

  762. 382a

    de ni khyim pa ma yin dge sbyong min// rnam par ma dag rang bzhin khong kA yo can// su yi bstan pa la yang 'jug mi byed// gzhan gyi yid brtan na yang 'du bar byed// bskal par gsos/ kyang mdza' bor yongs mi 'gyur// de dga'atsho ba rnams kyang dag pa med// ma dang rab tu byung ba'i dge slong rnams// de dag thar pa'i chos mang spangs pas na// ring por mi thogs par ni ltung bar 'gyur// dad pa med pa bsnyen bkur 'don pa'i phyir/ / mi bden chos rnams gzhan la ko bAr byed// g.yo byed rang bzhin rnam par sbed byed cing // de ni gzhogs slong lags ga byed pa yin// de yi sems rgyud rtag tu g.yan/ yang spro// gzhan dag gtam brjod pa ni thos na yang // gtam 'di bdag gi phyir ni gtam byed snyam// dad pa med pa khu 'phrig za bar 'gyur// de ni gzhan gyi gtam dag brjod byas nas// bdag nyid ma dag de bzhin gzhan yang mthong / / ma dad pa ni rI dwags sdug pa bzhin// su la'ang mi 'bebs yid kyang rton mi byed// sbyor ba nyams shing gzhan yid mi srung ba// tshogs kyi nang du yid kyang zhum par 'gyur/ / lag pas tsham par byed cing 'thab par byed// 'ong ba dag la tshar yang gcod byed cing // gzhung med par ni 'jugs shing gleng bar byed// phra ma'i rang bzhin sdigs pa mang po ca na/ / 'thun dang bral la 'thab cing sdang ba rnams// ma dang rang bzhin mtshan ma 'di dag yin// de dag dang me dbab tu byung nas ni// 'dren pa'i bstan la de dag sun yang 'byin// 'thun pa gang yin dge 'dun ma be dang / rlo min

  763. 382b

    tshig gis 'gal bar byed/ / rgyal ba rnams kyi bstan la de ma nges// mu stegs can ltar som nyi the tsom bcas// dAs na chos la glags gdod 'gal byas nas// dad med de na chos kyang spong bar// byed// de yis log dang rna ma spangs te// phyi rol mu stegs can gyi nang du sdod// des ni bstan pa 'di la gting mi tshugs// chos gos 'chang ba tsam gyis dge slong brjod// bdag med rdo rje shin tu bsgoms pa ste/ / 'jig tshogs lta ba 'di dang bral ba yin// dge slong de ni bstan 'dir ye shes la// spyod yul rlung ltar 'dus byas chags pa med// dad pa med pa las la yid mi ches// sdig pa'i sems kyi dbang du song nas ni/ / de ni ji ltar gzhan la gtses pa bzhin// ring por mi thogs ngan song gnas par 'gyur// rgya mtsho che la ji ltar chu gnas bzhin// bstan pa 'di la dad pa bzhi yin te/ / gang zag ga zhig bstan la ma dang de// nga yi ma yin nga yang de'i ma yin// bgrod pa phun sum tshogs bzhi dad pa yin// bdud rtsi thob pa'i lam dang snang ba yin// ji ltar 'dzam bu'i gling pa'i rgyal po bzhin/ / 'di ni yon tan kun gyi thog mar 'gro/ rgyal po chen po khyod kyi gtsug lag khang gi dge slong de dag ni/ yon tan de lta bu de dag dang ldan pas na/ de'i phyir dar byang chub sems dpa' mthong ba don yod kyis/ / so sor brtags nas ma 'dug par myur ba kho nar song ngo // rgyal po chen po dge slong drug cu po de dag thams cad ni de nas shi 'phos nas bskal pa gsum gyi bar du ngan song rnams

  764. 383a

    su 'khor 'khor nas/ tshe rabs brgyad khri'i bar du rigs ngan du skye bar 'gyur te/ dman pa dang / gzhan gyi zas kyi 'tsho ba dang / 'jig rten gyis smad par 'gyur ba dang / lus rid pa dang / mdog ngan pa dang / chung bar grags pa dang / byang ngan pa dang / tshe rabs thams cad du shas cher nad rgyun rings dang / khams ma snyoms te 'khrugs par dang / nyam thag pa'i skad kyis cho nge 'don pa dang / gshis ngan du 'chi bar 'gyur ro de nas tshe rabs kyi tha ma las shi 'phos nas/ 'jig rten gyi khams bde ba can du skye bar 'gyur te/ lo brgyad khri'i bar du de dag gis de bzhin gshegs pa tshe dpag med chos ston pa chos la shes par ni mi 'gyur ro// de bzhin gshegs pa de'i 'od mthong la/ de bzhin gshegs pa de ni mi mthong ngo // de dag gis lus la 'od kyis 'phos par yang mi 'gyur ro// de dag gis gtan tu rnam par dag par bya ba'i phyir/ nyin lan gsum mtshan lan gsum du/ byang chub sems dpa' 'dus pa la yan lag lngas gtugs te/ nyes pa bshags nas gdod de'i 'og tu las de rnam par dag par 'gyur ro// de nas de bzhin gshegs pa yang mthong ngo // chos kyang shes par 'gyur la/ byang chub tu lung bstan pa yang thob par 'gyur ro/ / de nas bcom ldan 'das la rgyal po tshangs pas byin gyis 'di skad ces gsol to// bcom ldan 'das dge slong de dag btsal du stsal bar bgyi'o// dge slong sdig can de lta bu dag chab 'og thams cad tu grag par yang mi spron/ mthong ba lha mos kyang ci 'tshal de nas rgyal po tshang pas byin gyis zho shwa 'tsho bdag btang ste/ dge slong de dag btsal du bcug nas/ chab 'og thams cad du de dag mi 'dug par byaso// bcom ldan 'das 'din/

  765. 383b

    de dag gis tshe 'di'i rnam par smin pa lags so// de dag ni ni phyi ma la yang bdag nyid kyis bdag nyid rdegs pa lags so// de skad ces gsol pa dang / bcom ldan 'das kyis rgyal po tshangs byin la 'di skad ces bka' stsal to// rgyal po chen po bzhi po 'di dag ni bstan pa 'di la rab tu byung ba'i g.yang sa yin te/ bzhi gang zhe na/ sangs rgyas la mgus pa dang / dam pa'i chos spong ba dang / chos smra ba la sdang ba dang / mngon par brtson pa med par dad pas byin pa len pa ste/ rgyal po chen po bzhi po de dag ni/ bstan pa 'di la rab tu byung ba'i g.yang sa yin no// de nas bcom ldan 'das kyis de'i tshe tshigs su bcad pa 'di dag bka' stsal to// sangs rgyas som nyi za ba g.yang sa'i mchog/ 'jig rten kun gyis skyabs byed mi nus te// blo chung de ni bstan las nyams gyur pas// mgon med de ni ngan 'gror 'gro bar 'gyur// des ni chos kyang spangs nas ngan song 'gro// lo ni stong las mi nyung bar du yang // dmus long dbang po dman zhing sems kyang nyams// sdug bsngal chen po 'di ni g.yang sa gnyis// sangs rgyas chos 'dzin mi 'jigs gang yin pa// thams cad mkhyen pa'i ye shes skyong byed pa/ / de dag skur 'debs g.yangs chen po gsum// bskal pa bye ba mang por myong bar 'gyur// de ni dad pas byin pa mi rigs spyod// de ni g.yang sa chen po bzhi pa yim de ni 'jig rten sus kyang bskyab mi nus/ / sdig pa'i las can ngan song kun tu rgyug/ bsam pa dag pa 'phags pa'i dag pa yin// byang chub g.yo med de ni sems

  766. 384a

    kyi gzhi/ / smras pa tsam gyis byang chub mi thob kyi// sems kyang dag par bya zhes bde gshegs gsungs// bcom ldan 'das kyis chos kyi rnam grangs 'di bshad pa na/ srog chags lnga stong gis sngon ma bskyed pa las bla na med pa yang dag par rdzogs pa'i byang chub tu sems bskyed de mi skye ba'i chos rnams la yang bzod pa thob par gyur to/ / rgyal po tshangs pas byin yang bla na med pa yang dag par rdzogaso pa'i byang chub las phyir mi ldog par gyur to/ / srog chags 'bum ni chos rnams la chos kyi mig rdul med cing dri ma dang bral ba rnam par dag go/ lha dung phyur gyis ni sngon mu bskyed pa las byang chub tu sems bskyed do/ / de nas bcom ldan 'das kyis de'i tshe 'dzum pa mdzad do// 'di ni sangs rgyas bcom ldan 'das rnams kyis chos nyid de/ gang gi tshe 'dzum pa mdzad pa de'i mod la/ bcom ldan 'das kyis zhal gyi sgo nas 'od gzer kha dog sna tshogs pa/ 'di lta ste/ sngon po dang / ser po dang / dmar po dang / dkar po dang / gcod ka dang / shel gyi kha dog dang / dngul gyi kha dog lta bu dag byung ste/ de dag gis 'jig rten gyi khams mtha' yas mu med pa snang bas khyab par byas nas yang / stang du yang tshangs pa'i/ 'jig rten gyi bar du song ste/ nyi ma dang zla ba rnams kyi gzi brjid kyang med pa byas nas phyir log ste/ bcom ldan 'das la lan gsum bskor ba byas nas/ bcom ldan 'das kyi spyi bo'i gtsug

  767. 384b

    tu mi snang bar gyur to/ / de nas byang chub sems dpa' mthong ba don yod kyis/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / bcom ldan 'das 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ mthong ba don yod/ rgyal po tshangs pas byin 'di ni skal pa sum cu'i bar du logs par ltung bar mi 'gyur te/ lha dang mi'i phun sum tshogs pa myong nas/ sangs rgyas dung phyur phrag brgyad mnyes par byed par 'gyur ro// thams cad du yang 'khor los sgyur ba'i rgyal por 'gyur te/ gling bzhi yongs su btang nas/ sangs rgyas bcom ldan 'das de dag thams cad la zhe 'gras pa med pa'i sems kyis dgongs bzhin du bsnyen bkur byed par 'gyur ro/ / de de'i 'og tu bde ba can gyi bkod pa dang 'dra ba'i sangs rgyas kyi zhing du/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas bkod pa dpag tu med pa'i rgyal po zhes bya bar 'gyur ro/ / / de nas rgyal po tshangs pas byin/ tshim zhing mgu la yi rang te/ rab tu dga' zhing / dka' ba dang yid bde ba skyes te/ byang chub sems dpa' mthong ba don yod kyi rkang pa la yan lag lngas gtugs nas/ bcom ldan 'das mthong ba don yod la gang gi

  768. 385a

    @#phyir bdag gi slad du/ dge sbyong gi dge 'dun de dag dang ldan cig 'o brgyal ring bzhugs par gyur pa/ bdag gis lhag pa'i bsam pas bzod par gsol lo zhes byas so/ / byang chub sems dpa' mthong ba don med kyis kyang rgyal po tshangs bris byin la stong brtse ba'i phyir bzod par byas so// bcom ldan 'das kyis de skad ces bka' stsal nas/ rgyal po tshangs pas byin pa dang / s+thA dang / mi dang / lA ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon pa bsod do/ / 'phags parnangs das byin gyis zhus pa zhes byang theg pa chen po'i mdo rdzogs s+ho// / rgya gar gyi na po sa rinan po d+hA dang / rba pA dam+b+ha dkri/ zhu chen ni lo ts+tsha ba ban d+he ye shes sde la sogs pas bsgyur cing zhus te gtan la bab pa'o// / sho lo ka sum brgya mchis so// oM rna a d+hI b+hU ga na rgyal dete/ rna kyi ni dri ma la pA drim tha mas cam swAH/ glegs pam rnam la gtugs sa pas dag ce rnas pa